Bible

Bible Text: The English Unlocked Literal Bible (ULB)
©2017 Wycliffe Associates
Available at https://bibleineverylanguage.org/translations
The English Unlocked Literal Bible is based on the unfoldingWord® Literal Text, CC BY-SA 4.0. The original work of the unfoldingWord® Literal Text is available at https://unfoldingword.bible/ult/.
The ULB is licensed under the Creative Commons Attribution-ShareAlike 4.0 International License.

Notes: English ULB Translation Notes
©2017 Wycliffe Associates
Available at https://bibleineverylanguage.org/translations
The English ULB Translation Notes is based on the unfoldingWord translationNotes, under CC BY-SA 4.0. The original unfoldingWord work is available at https://unfoldingword.bible/utn.
The ULB Notes is licensed under the Creative Commons Attribution-ShareAlike 4.0 International License.

To view a copy of the CC BY-SA 4.0 license visit http://creativecommons.org/licenses/by-sa/4.0/

Below is a human-readable summary of (and not a substitute for) the license.
You are free to:

Share — copy and redistribute the material in any medium or format.
Adapt — remix, transform, and build upon the material for any purpose, even commercially.

The licensor cannot revoke these freedoms as long as you follow the license terms.
Under the following conditions:

Attribution — You must attribute the work as follows: "Original work available at https://BibleInEveryLanguage.org." Attribution statements in derivative works should not in any way suggest that we endorse you or your use of this work.
ShareAlike — If you remix, transform, or build upon the material, you must distribute your contributions under the same license as the original.
No additional restrictions — You may not apply legal terms or technological measures that legally restrict others from doing anything the license permits.

Notices:
You do not have to comply with the license for elements of the material in the public domain or where your use is permitted by an applicable exception or limitation.
No warranties are given. The license may not give you all of the permissions necessary for your intended use. For example, other rights such as publicity, privacy, or moral rights may limit how you use the material.

Matthew

Chapter 1

¹Mani avoke, Yesu aginogo famo naga-i avoke. Yesu-a Devit-i fane, inagi Deviti-a Abraham fane. ²Abraham-a Aisaki afo-amo ai, inagi Aisaki-a Jekopu afo-amo ai, inagi Jekopu-a Juda afo-amo ai-kogana amogi-ene. ³Juda-a Peresi afo-amo ai Sera-ene. Ita-ainmo Tema ai. Peresi-a Hesron-i afo-amo ai, inagi Hesroni-a Ram afo-amo ai.⁴Ram-a Aminadap-u afo-amo ai, inagi Aminadapu-a Nason-i afo-amo ai, inagi Nasoni-a Salmon-i afo-amo ai. ⁵Salmoni-a Boas-i afo-amo ai. Ita-amo Rehab-u ai, inagi Boasi-a Obet-i afo-amo ai. Ita-amo Rut-i ai. Inagi Obeti-a Jesi afo-amo ai. ⁶Jesi-a King Devit-i afo-amo ai, inagi Deviti-a Solomon-i Afo-amo ai, ita-amo Juraiya hogote a-ai.⁷Solomoni-a Reoboam afo-amo ai, inagi Reoboam-a Abisa afo-amo ai, inagi Abisa-a Asa afo-amo ai. ⁸Asa-a Jehosafet-i afo-amo ai, inagi Jehosafeti-a Joram-u afo-amo ai, inagi Joramu-a Usia afo-amo ai.⁹Usia-a Jotem afo-amo ai, inagi Jotemu-a Ahas-i afo-amo ai, inagi Ahasi-a Hesekaia afo-amo ai. ¹⁰Hesekaia-a Manase afo-amo ai, inagi Manase-a Amon-i afo-amo ai, inagi Amoni-a Josaia afo-amo ai. ¹¹Josaia-a Jekonaia afo-amo ai, kogana-amogi-ene. Inani kana-laga Babiloni pavele u-a kalabus-i hu-patenai.¹²Babilon-i kalabusi mai-a hano ha kanalaga, Jekonaia-a Sieltel ail-teni-e. Inagi Sielteli-a Serubabel afo-amo ai. ¹³Serubabeli-a Abiud-i afo-amo ai, inagi Abiudi-a Eliakim afi-amo ai, inagi Eliakim-a Asor afo-amo ai. ¹⁴Asor-a Sadok-i afo-amo ai, inagi Sadoki-a Akim afo-amo ai, inagi Akimi-a Eliud-i afo-amo ai.¹⁵Eliudi-a Eleasa afo-amo ai, inagi Eleasa-a Matan-i afo-amo ai, inagi Matani-a Jekop-u afo-amo ai. ¹⁶Jekopu-a Josepe afo-amo ai, inagi Josepe-a Maria nau-amo ai, inagi Maria-a Jesu-na ail-teni-e, nalamo Mesaia ai hutapa agi ne-ai vekai. ¹⁷Mani muki aginogo naga famo-Abraham teti eno Deviti-tena 14 naga famo-ne, inagi Deviti-teti eno Babilon u-a kalabusi hu-na kanale-na 14 naga famo-ne, inagi Babilon-i kalabusi hu-na kana-leti eno Yesu fole-aini kanale-na 14 naga famo-ne.¹⁸Yesu Mesia-a Maria ailteni ke maun haneni-e. Maria, Yesu ita-amo, Josepe-te maigi-e hu-a ago lekanapai atena ane, mamfao wamu-mo-a Maria aipa-fi fane ateya ya Josepe ago age. ¹⁹Maria nau-amo Josepe-fotogo veka-geno Maria-na ailno awagege ya aim-yafe o-hai-e.²⁰Mani-yafe ages-fifi nehi-geno, Anutu Agelo-amo lagamuna-tagati eno hama huno hapaini-e, ''Josepe, Deviti fane mai-nane, Maria-na ailka aka ya husana-yafe kamoya o-aino, nayafene Maria aipafi maini fane mona Fotogo Wamu-mo ateni-e.²¹Mogo ve fane ailtegi-e, agi-amo Yesu-ai huka agi aigane, nayafene, faip ve-alve faip-ya-apiti eteno pavelegi-e.²²Mani muki-fole aiya yana Anutu ke akame nehi-e, keyavinaga aune waya-ipi male-nigepa ago hu-naya ke, mage hu-nai, ''²³Afio, mogo venemo ah ve-e o-havainesi-a amo aipugu-ya huteno mogo ve-fane ailtegi-e, inagi agi-amo Emanuel-ai hu-a agi aigai. Mani agi-mo aipa-amo mage hu-ni-e, ''Anutu lagai-e maini-e.²⁴Josepe-a havaini-yapiti hetimeleno hu-ni-e Anutu ageli-mo huvo huno hapaini-ya, inagi Maria-na ailno a-a ya hu-ni-e. ²⁵Manfao, mani a-e o-havaino te-nigeno mani ve-fane ailte. Inagi agi-amo Yesu-ai huno agi ai-ni-e

Chapter 2

¹Yesu-a ago fole-ai-e Judia-ka_Betlihem kuma-te, Herot-i king maini kana-lene. Inagi afifya ailna waya yage haine-e katagati e-a Jerusalem waya-na mage pafigai. ²''Mani saufa fole-aiya fane, Juda waya-i king-pi hanate maini-e? Kanefi-a age-teta o-ne yage haine-e katagati mono huta ategefe.'' ³Mani ke king Herot-i afi-yana, aulsi ages-alap huni-e, Jerusalem waya-ena pagesa alap hu-nai.⁴Inagi king Heroti-a amuki monopi agenop-ya hu-na waya nigi, kase ke-le afifiya ailna waya-nigi ailno alu-ain petenen maun pagenoka ke pafige, ''Hana nokuma-tole Mesia, ve-alve eteno pavelesi veka eno fole-aigi-e?'' ⁵Inagi nona ke mage hapinai, ''Betlihem kumate eno fole aigi-e, Judia mopale. Anutu aune waya amogi mage hu-a kaina. ⁶''Kaga Betlihem-ga, Judia-i mopafi-ne, kaga aise lesen kuma kagi o-hane kuma ala paki-e lesen kuma folga-api Judia-ka o-mainane. Ha-aove. Nayafene, kagai-te mogo agenop veka eno fole-aigi-e, inagi eno nagai waya-Israeli-ite kawa veka maigi-e.''⁷Herot-i mani ke afiteno kesi-to ke-huno pafige, yage haine-e katagati aya afifi-a waya-ife, nakana-tole mani kanefi eno fole-ainifi-ya. ⁸Inagi mage hun-o hapapaiten ailno patelegepa u-nai Betlihem, ''Utapa kauya hut lagep-hio mani aise fane -to hanate maini-fiya. Inagi ago kauya hut-paimo, kanalene, nagai-taga ke ailt-telegen eno inagi nagai-e ena mono huna tegu-e.⁹King Heroti hia ke afite u-nai. yage haine-e katagati agaya kanefi-mo uno hogote-gepa age-a u-nai, mani kanefi-na fane fole aini no-kotomu-laga eno len haleni-e. ¹⁰Inagi mani kanefi agaya-na aulsi amuse-kase-yamo paipafi havite-ni-e.¹¹Inagi nopaga hai-a age-nai mani fane-e ita-amo-Maria. Paleya fai-a paugosa ail laim mono hu-a te-nai. Aulsi-yate lagepya hanen-i bokisi-toto yaki aim-nai mone logo neha yafa-gi, lagepa atu ne-ai ya aimte, inagi pagufa-laga ne-ai alegepa atu-ake hailna aim-nai. ¹²Anutu lagamuna katagati papino-aimo Herot-i mai-ni kataga o-usai. Inani ke afite aul kate u-a kopilaga u-nai.¹³Afifiya waya-na ago u-tamo, inagi Anutu agelo-mo lagamuna-tagati eno Josepe-na mage huno hapaini-e, ''Heti-ka fane-e ita-amo-e naveleka lapaune-hetapa wi-o Isip-i kuma-te. Inani laga utapa mainegen ke ailna telesugeka egane, nawafene , Heroti fane hai kitegefe kauya ne-hie. ¹⁴Inani haninaga Josepe hetino fane-e ita-amo-e nevelen uni-e Igipi. ¹⁵Inani laga maina-geno King Heroti fail-ya emi-e. Mani-ya fole-aiyana, ago Anutu aune veka amo awayafi huni-e ke, ''Naga ve fane-ni Isipi ke-augen eni-e.''¹⁶Inagi, King Herot yage katagati aya afifiya waya aigofe aim-a aul kataga wa ya-a afino haleteno aulsi yate hai-vaini-e. Inagi kaveta fane-amogife ailno hupagepa amoki ve-fane-ake amigit-kio mani Betlihem kopi, tole-e kafu-mo folaga-pi fole-aina fane. Inagi Heroti afifiya ailna waya-aife pafige nakana-tole mani kanefi eno fole-ainifiya, nayafene, aga agesfino hain kipetegefesi-e mani kana-mo folaga-afaga fole aina ve fanenaga.¹⁷Mani yako fole aiya-mo, aune veka-Jeremaia ago hu-ni ke eno fole-ai-e, ¹⁸''Mogo avike e Rama-gati. Resel avite fane-alefe, o-hau-ni-e mogo veka-o amo-ao aipa ailno faul-husi-yafe, nayafene, fane-amogi ago fail-nai.¹⁹Inagi King Herot ago fail-temo, Anutu agelo lagamuna-tagati eno Josepe Isipi maini-geno mage hapai-nie, ²⁰''Hetika fane-e ita-amo-e naveleka uvo Israel, Fane hai-a kitegefe ha waya-na ago fail-nai.'' ²¹Inagi Josepe hetino fane-e ita-amo-e naveleno o-ni-e Israel.²²Inagi Akilaus-i a afo-amo kuma ailno Judia waya-i king-pi mai-e, mani ke Josepe afiyana, aulsi amoya ai-e ani-laga u-yafena. Henaga-a Anutu lagamuna-tagati Josepe hapai-geno, inagi Galili u-a mai-nai ²³inagi u-a mai-nai aise lesen kuma -Nasaret. Inani-yana Anutut aune waya-mogi ago mage hu-na ayne, Nasaret-i vekai hu-a agi aigai.

Chapter 3

¹Inani kanale, Jon-baitasi-a eno mono hu-nie waya o-maina kote, mage-huno, ²''Kaip-ailk felo, kokuna kuma-na ago ne-egi'' ³Mani weka egi-e huno Aisaia huni wekai. ''Mogo keyake e-nie waya o-maina kopi-ti; Ala-timo ka ailno hao hi-e, inagi mani ka ailno fotogo-hi-e.''⁴Jon-i kukena-a kemel afu-mo agufa-leti humalef kukena wai-nie, inagi afafa nofi-a afu-mo agufa-leti hu-nai. Inagi nesaya-a folona-e afela hanibi-mo ain-ai. ⁵Inagi amuki Jerusalem ve-alve-gi, Judia waya-gi, inagi Joden kopi maina waya amuki-to u-nai agaite. ⁶Faip-yapi hu-a hala-geno mono ain fale-pete Joden Ain-pi.⁷Mamfao, ageyana kase ke-le agenop-ya hu-na waya-gi mono-te agenop-ya hu-na waya-gi aulsi-yate e-nai agaite mono ain falegefe, inagi mage papaini-e, ''Lapaka poisini sata-mo fane-nagai, nala lapaune-he-o hu-no lapapai-e kanaya Anutu-tagati esi kanaya-pi? ⁸Inya-hunigi lapaka faip-ya ailta hama-te tesa kava-gi kaipa fele-nesana nesaya-a ailto. ⁹Lapaka mage husa lapegesa o-fio, ''Abraham lagai laginogo maini-e. Tamage maun lapapauve, Anutu-a, agai-tena agana yafa-gokoleti ailno Abrahamu fane-goko af-a hugi-e.¹⁰Kone ago hane-nie yosa aipa-fi. Inmofe, lagepa nesaya o-aisi yosa-a hatagau atafi yaga-hugai. ¹¹Naga ani-teti mono ain fale-lapotovamo inamona lapevelino-aimo lama-a lapaipa feleta faip-yatipi talai. Mamfao henaga ne-e veka aulsi lokia-e ne-e, naga nagase-nie inagi kanale o-sunove agai aiya-fiya sagisu-aya. Aga Fotogo Wamu-leti-e ata-leti-e mono ani fale-lapetegi-e. ¹²Aga kau punekai kayo ail-ni-e aya-pi inagi havi kau ail-no tale-teno alegepa nesaya ake alu-aigi-e nesaya no-afi. Manfagi havi kau-a ailno kagi-e asuno-he atafi.¹³Yesu-a Galili koa aten nagi uno Joden anifi Joni mono ani faletegi-e huten. ¹⁴ Manfagi Joni ha-au ke huni-e agaife,nagi mage huni-e,'' Naga kagai kayafi ani faleguve, naya higeka nagaite ane?'' ¹⁵Yesu-a ke nonale mage hun hapeini-e,'' Ategen wayu hino inya muki ya Godi hauniya.''Nagi Joni-a huni-e naya hi-ke.¹⁶Yesu ago ani faleten nagi malge hetini-e anifi nagi kokuna kuma yikin nagi Godi Wamu-a mogo nama gufya elmen agotofo ale feimeni-e. ¹⁷Mogo keyamo kokuna-te elmeni-ke inke huni-e,'' Mona aga Ve Faneni-e, aga naga lusiyan hauve. Neipamo lusiyan amuse huve agaite.''

Chapter 4

¹Inani kana-le Anutu Wamu-mo aveleno u-ni-e Yesu-an waya o-maina kau-faga Sata veka-mo ami-o huno atesi-yafe. ²Inagi 40 yage-e 40 hani-naga-e nesaya mosini-mo, aulsi aga-teni-e. ³Inagi ami-o huno-atesi veka eno vayu-hun-no mage hapaini-e, ''Anutu fane mai-nekaimo, kanalene yafa-fe hapai-geno nesaya ail-no hamele-no.'' ⁴Manfao, Yesu nona ke amge hapaini-e, ''Anutu avota ke-mo mage hu-ni-e, 'Mogo-veka-moga nesaya letike kaimo ailka o-maigane; ha-aove, manfao amuki ke Anutu awaya-fiti enesi ke-leti kaimu ailga-ne.'''⁵Inagi Sata veka-mo Yesu-na Jerusale sene hu-ni kuma-pi avelen-uno mono no-mo amotu-afi ateni-e, ⁶inagi mage huno hapaini-e, ''Anutu fane mainekai-mo, mafiti lako huka laumvo, mage huno Anutu avota ke-mo hu-ni-e; 'Aga agelo-amogi ailno patelesige e-a yagai-a kategai' inagi e-a vaseto hu-a kavele laim-a kategai wayafiku mogo yafa-mo kaiyafi faisigi.''⁷Yesu mage hapaini-e, ''God i kaini ke-mo mogo-e mage hu-ni-e, 'Amiyo huka o God i-Alaka.'' ⁸Aul Sata-a Yesu-na aveleno haini-e mogo hain-agaseni agoyale, inagi ave-aile-ni-e mopafi amuki agi-e kuma-e amuki alege-ya-a-e. ⁹Inagi Sata Yesu-na mage hapaini-e, ''Mani muki-agana-ya kamigu-e nagaite kaleya faika mono huka natesa-namomo.,¹⁰Inagi Yesu mage hapai-ni-e, ''Sata, maik halenoto! Anutu avota ke-mo mage hu-ni-e, 'Anutu-Alaka agaiteke mono-huka a-teteka agai ke aiyaka vaiyo. ¹¹Inagi Sata ateleno uni-e, inagi Anutut agelo-mogi e-a Yesu-na hamai-nai.¹²Jon kalabusi nopi atafau-a atenai haya ke Yesu afi-nimo, Galili kumate u-ni-e. ¹³Yesu Nasaret-ti kuma ateleno Kapenium kumate u-no maini-e. Kapenium-ga Galili ain-kotu-mo haigi-le hane-ni-e Sebuleni waya-e Naftali waya-ai mopa-fi.¹⁴Inani-moan Aisaya-aune weka ago hu-ni ke eno wayu hu-ni-e. ¹⁵Sebulani-gi mopafi-e Naftali-gi mopa-fi-ene, Galili ain-kotu-te u-ni ka-teti uno Joden u-ni ka-tetine. Galili-na aul kote waya-ai mopai. ¹⁶Nalagi-pamo hani-pi mai-naya waya aulsi haleya agai, inagi nalagipamo awamu-taga ago fail-a Anutu-taga fagite mai-na, pagaite mani halaya ailno hale¹⁷Inani kanale Yesu mage huno Anutu mono-ke hapapai-e, ''Havi aipnapa-tipi tale-o, nayafene, Anutu kumana ago eno aupa-nehi-e.''¹⁸Inagi Yesu Gaili aini kote-te ka aino u-nimo, tole koganala aneke-ni-e, Saimoni-a, Pita-ai hu-a agi ne-ai veka, inagi kogana-amo Endru-e, fisi ne-atafa ku anipi atete maina ai. Paka fisi neatafa waya-ne. ¹⁹Yesu eteno maun hanapaini-e, '' Etana nawagi hi-ao, waya pavelesa-a kawa ailna tanaya hugugi. ²⁰Magele-yate-a fisi ataufu ailya atete-an Yesu-na awagi huna-ai.²¹Inagi Yesu mani kuma ateno mogo kumate u-ni-e, inagi mogo konaga-la aneke-ni-e, Joni-Jebedi fane, kogana-amo Jemsi-e. Sipi-fi maina ai afo ainmo-Jebedi-e, fisi ne-atafa ku ail lagepa-nehai. Inagi Yesu ke-ainimo, tole koganala-ife, ²²magale-to Yesu-na awgi hu-na ai, afo-ainmo sipi-fi ate-a.²³Yesu-a Galili kumapi u-nen-uno ve-alve-aipi afifi-ya apaya huni-e Juda waya-i mono nopi, iangi Nutu ke mono hapapai-nie, inagi aulsi waya ke-okepa havi kail folaga-pifi ailte maina waya huno kaya-mai-peteni-e. ²⁴Mani yasi ke Yesu Galili kuma-pi kail waya huno kayamai-peteni ke u-nie Siria ko-te. Inagi Siria waya mani ke afite-a pavele e-nai ke-okepa kail ailna waya-e, havi wamu ailna waya-e, manani kail ailna waya-e, inagi paiya paya havi-a huni waya-e, inagi Yesu ailno kayamai-peteni-e. ²⁵Aulsi ve-alve Yesu-na avagi hu-nai, inamona Galili waya-e, Dekapolis-i waya-e, Jerusalem waya-e, Judia waya-e inagi u-ma Joden-i maina waya-ene.

Chapter 5

¹Inagi Yesu age-yana aulsi waya e-nai, inagi mogo agoya-le hai-ni-e, haino faimini-momo, akame fane-naga-a e-nai agaite. ²Inagi afifiya ailno apaya huno mage hu-ni-e, ³''Nalagam Anutu yateti fenoyaka o-hane-simo, kanalene amuse hu-sai, nayafene kokuna kuma-na pagai kuma-ne. ⁴Nalagamo kau-yapi mainesana-na, amuse husai, nayafene Anutu lagepa kawa hu-pategi-e.⁵Nalagamo kagufa ailka o-haika ne-mainesana ve-alve-moga amuse husai, nayafene, apaka saufa mopa ailgai. ⁶Nalagamo kagateno, ain-fe kauno, Anutu fotogo kawa-a akame hana-taga kausimo, amuse hu-o, nayafene, anutu ailno kaumpai kategi-e. ⁷Nalagamo negefu-fe kaipa faul-faul ya hu-ka ne-tesanamo, amuse husai, Anutu aip-faul hu-kategi-e. ⁸Nalagamo kaipa-mo fotogo hu-nesimo, amuse husai, Anutu-na age-gai.⁹Nagamo folaga-pi maineka kanaya ailka yogo-yogo nehu-sana moga, amuse husai, nayafene Anutu fane hu-a paki ai-gai. ¹⁰Nalagamo Anutu fotogo kawa-a akame hanataga kanaya ailsanamo-mo, amuse hu-sai, nayafene Anutu kuma-na pakai kumai.¹¹Inagi waya-mogi havi ke lapaute, havi kawa hu-a lapetete, ke-okepa havi ke-e aigofe ke nakeme haya-yateti ke-lapausa-mo, amuse hu-o. ¹²Lapaka amuse lama-a hi-o, nayafene, aulsi mia kokuna-tagati lapimigi-e Anutu-a. Mogeke wamete keyavinaga maina waya-mogi mani kawa hu-a patenai naune waya-nile.¹³Lapaka mani mopamo hage ai, mamafao mani hage-mo haga-a atele-simo, hanayahuno haga-a eteno halateke ailgi-e? Kanale o-sugi-e, inagi ail-yagau hu-a paiya-leti ai-a hapa-tigai. ¹⁴Lapaka mopa-mo haleya ai, mogo kuma agoya-le hanenesi kuma -na fala-o-kigi-e.¹⁵Mogo veka-mo kainya kaino ku-paga fala-noki-e, ailno hamate nete, inagi mani kaiya-mo no-paga ain-hanele amuki waya-aite. ¹⁶Kain-ka ategeno amuki waya-aite len hale-sigeka [age-sai] lagepa kau-wayaka age-tea ala agi amisai kokuna-taga maini Afo-kamo.¹⁷''Naga o-wa-yana kase ke e aune waya-i ke-e ailna havi-a husu kate o-we, maut lapegesa o-fi-o. Naga ailna havi-a husu kate o-meno-fa, aina hayo husu kate eno-e. ¹⁸Lamage ke-to lapapauve, kokuna e mopa e mogo kanale hano huga-ai, mamafao, kase ke-mo mogo avo-to hano o-suno amuki yato eno hama hugi-e.¹⁹Inaniya huni-yafemo, nalagamo kase ke kanale-huka akame o-suka, mogo negefu-gi mogoke wamete ailka paya husana mo-mo, kaga kagi ala o-hane-gie Anutu kumate-na. Inagi nalagamo kase ke kanale huka akame huteka negefu-gi mogoke wamete ailka paya husana mo-mo, kagi ala hane-ketegi-e Anutu kumate-na. ²⁰Tama-ge ke lapapauve fotogo kawa-tipimo kase ke-mo apaya waya-e agenopa waya-mogi fotogo kawa aga-osenesimo, lagi tamage Anutu kumate o-haigai.²¹Ogo afinai lapiginogo-mogi kanalalga mage hu-na ke, 'Mogo negefuna haika ki-oto,' 'Inagi nalagamo mogo negefuna haika kitesana kawa waya-i paulga-le hetigane.' ²²Manfao lapapauve nalagamo koganakamofe kaipa kanaya huka atesanana, kawa waya-i paulga-le hetigane; inagi nalagamo kogana-kamofe 'havi kano mainane' huka agi aisana-sanamo ke ail lagepa hu-a nepata waya-ite hetigane, inagi mogo veka-mo mage huno 'kaga aifo vekai' husimo aga ata kumapi ugi-e.²³Inaniya huni-yafemo lapaka ofa Anutu-taga hugefemo inagi lapegesa afi-o kogana-tipimogi-e la-paipa kanaya hane-nesimo, ²⁴kana-lene ofaka anile ateka uvo-uka kogana-kamogi-e lapau ke huteka, inagi henaga-a eka ofa-ka huvo.

²⁶Naga lama aike lapapauwe, lapaka ati nopiti elmomesanege muki mone nonale miya osusana momo.²⁷Lapaka inya ago afinai, lapaka mariti we-ale-we kumeiya osiyo. ²⁸Manfagi naga lapapauwe mogo akono ageta lapaye husa momo, lapaipa fiti ani akono e ago kumeiya hunai.²⁹Kaya lama te mogo kaulaga mo kawelen faipaya te usi momo, kanalegi hatagau ka yagau tro. Fiko muki kagufa e ata kuma fi usi momo, aga mogo e kanale huniye mogo ke kagufa aike lageso husi momo. ³⁰Lapaya lama a faipaya te husi momo, kanalegi hatagauta yagau tro. Fiko muki kagufa ka ata fi ugiye, aga mogo e kanale huniye mogo ke kagufa aike lageso husi momo.³¹Ke magen haneni-e, mogo weka mo akono a hafei simomo, aga mariti loaisa awo kaina amisi-e. ³²Manfagi mogo weka akono a kumeiya osunigen nau amo hafei simomo, aga ani akono kumeiya akono yan humelegi-e. Nau amo ago hafeini akono mogo weka awelesi momo ani weka mo kumeiya huniye.³³Lapaka inyata keyawaga ago afinai, kaigofe osuwo nagi lama ke mo agotofu le, manfagi Ala te ailta viyo. ³⁴Manfagi naga lapapauwe, kokuna kuma mo agi e oaiyo lapakai tipi ke ailta lokiya hugefe, namofene kokuna kuma mo God i sauwe siya ai.³⁵Mopa mo agi oaiyo lapakai tipi ke ailta lokiya hugefe mo, namofene mopa mo God i aiya a ateni-e, inagi Jerusalem e oaiyo lapakai tipi ke ailta lokiya hugefe, namofene aga Ala-a kuma ai.³⁶Inagi lapekenopa fi lapaya oateyo lapakai tipi ke ailta lokiya hugefem, nayafene lapekenopa fi mogo agolefa huta hainhain o yaweyawe osugai. ³⁷Ke tipi he husi momo kanalegi he ke aike hiyo o ifi ke tipi ha-au husimomo kanalegi ha-au ke aike hiyo. Lapaka mogo e ke sata te eni ke agotofule malesa momo.³⁸ Lapaka ago afinai ha ke, ' Mogo mo lapaulaga ailna haviya husi momo kanalegi lapakai e ailta haviya hutreyo, inagi aga lapawe ailna loaisi momo, lapakai e awe a ailta loaiteyo.' ³⁹ Manfagi naga lapapauwe, lapakai te mogo weka haviya hulapetesi momo agai te nonale haviya osiyo. Mogo weka mo lapawaya ailna loaisi momo kanalegi mogo kaga kawaya e amigen ailna loaino.⁴⁰Mogo weka saketipi hausigen nagi koti fi lapawelen uge husi momo, kanalegi sioti tipi e ategen ailno. ⁴¹Mogo weka lokiya ke huten nagi nagai e mogo yatra fafa le ugune husi momo, lapaka tule yatra fafa agai e viyo. ⁴²Nalagi kafeisi momo, nagi lapaka ha-au ke osiyo mogo weka lapakai te mogo ya ailgefem.⁴³Lapaka inyata ago afinai,' lapaka waya tipi geke kaita inagi kame waya tipi haviya hupateyo.' ⁴⁴Manfagi nagi lapapauwe, kame waya tipi hapauneta nagi lapakai te haviya husa waya ite nonum pateyo, ⁴⁵Kokuna te maini Afo tipimo fane humalegai. Nayafene aga yage ailna tegen algepa ale-we e faipaya neha ale-we e agotofule hale pateten inagi ko ailna tegen elmeni-e fotogo ale-we ite nagi havi ale-we ite.⁴⁶Lapaka nelahi waya mogike lapeisa momo, hanaguf miya ailga? Apaka kakisi ne-ailya waya mogi e mogoke kawa nehai? ⁴⁷Waya tipimogi teke algepa aipa malesa momo, lapaka alu waya apakase none, hi? Apaka haiden waya mogi e mogo ke kawa nehai. ⁴⁸Kokuna te Afo tipimo aga fotogo huniye, inya hunigi lapakai e fotogo aipa husai.

Chapter 6

¹Kanale ka yagaiyo inyan kaga algapa aipa we-ale-we i paulagale husa apaka kagete a inagi fiko Afo kamo nala kokuna kuma te maini te amuseya agai te oailgane. ²Kaga mone e kagemya ka e lavisi waya ite pamisa momo, ufe ke ka fu osuyo aigofe we-ale-we Juda we i mono nopi e kuma haleni yapaga nehagufya. Apaka we-ale-we i paulaga le agi ala ailge fene. Naga magen lama lapapauwe apaka amuse ya api ailnai.³Manfagi mone e kagemya e lavisi waya ite pamisa momo, kaya hoga ka ategen ogeno naya lama kaya huniya. ⁴Inya hunya nigi amuseya tipi falkine tapa pamiyo. Henaga Afo tipimo falkini yapagati ageten amuseya lapamgiye.⁵Inagi nunum husana momo, tole pawaya hane pateni gufa waya o-maiyo, apaka hetine nunum nehai Juda we i mono nopi e kuma han le waya mogi lagesai hute a, Naga lama geto lapapauwe apaka amuseya api ago ailnai. ⁶Manfagi lapaka nunum hugefem, rum tipile uta haineta nagi kita kainta Afo tipile nunum hiyo nala falkini yapaga maini te. Inagi henaga Afo tipimo nala falkini yapagati ageten miya kamgi-e. ⁷Nunum hugefem hailaga ke osuwo keyawaga nehana yaka, apaka Juda we i gufya omaina te, nayafene pakesfi momo hailaga ke husuna momo God i apakai nunum afigiye.⁸Inya hunigi apakai gufyata omeiyo, nayafene Afo tipimo ago agen haleniye naya afigefem. ⁹Inya hunigi lapaka mageta nunum husai, Afo timo kaga kokuna kuma te mainane, kagi ka ategen fotogo hino. ¹⁰Kokuna kuma ka atengen eno, Inagi laiki ka ategen mopa fi wayu hino kokuna te wayu huniyana.¹¹Menito nesaya lamiyo. ¹²Lagai ti faipaya atro alu waya i faipaya netro nayaka. ¹³ Akatatupasa yate laweleka o-uyo, manfagi havi yate teti haulateke lawelesane.¹⁴Alu waya i faipaya atresa momo, kanalegi kokuna kuma te Afo tipimo lapakai faipaya atregiye. ¹⁵Alu waya i faipaya o-atresa momo, Afo tipimo faipaya tipi o-tregiye.¹⁶Naga mogo e magen huwe,nesaya o-neka nunum husana momo, hauhi agosa o-suyo paigofe ale-we nehaguya. Paugosa api senisim hute a nagi inya waya apake halesai nesaya o-ne nunum nehune ya. Lama ge aike lapapauwe apaka amuseya api ago ailnai. ¹⁷Manafa lapaka, nesaya o-neta nunum hugefem, lapekenopa fi kalsi tene inagi lapaugosa sese huyo. ¹⁸inya hunige alu we-ale-we lapeke hao legai nesaya o-ne nunum nehai-ya. Manfagi Afo tipimo te falki yapagi ti meiten, nagi Afo tipimo nala falkini yapaga ti ageten amuseya kamgiye.¹⁹Muki algepa yako tipi mopa fi luweika o-ato kafa goko nene a nagi rosi mo ail a havi husaya. Inagi kumaya waya e ene kumaya ali ugai. ²⁰Inya huniya nigi kagemya tipi kokuna kuma te ailta luwei yo, inagi kafa mogi e rosi e ail a haviya osugai, nagi kumaya waya e ea kumaya osugai. ²¹Nayafene mogo yapaga algepa yaka hanenisi momo, anfi kaipa e hanegi-e.²²Aulaga aga lagufa mo haleya ai, inya higen kaulaga mo kanale husi momo, inagi kagufamo hale yapi hanegiye. ²³ Manfagi kaulaga haviya husi momo, inagi kagufa mo hain hain yapi hawei teniye. Aga inya huniya nigi kagai fi haneni hale ailna hain hain husi momo, ani haniya ala haniya gefai? ²⁴Mogo weka mo tole oyafa le ailya osugiye. Namofene, mogo mo hauten mogo a o-haugiye, mogo mote algepa kawa huten mogo mote havi kawa hugiye. Kaga God i ailya huteka inagi ani mopa fi yako e osugane.²⁵Inya higen lapapeiye, laifi tipi hapau osiyo, naya neneta na ani negune. Inagi na kukena lagufafi ategune. Inya hunigi laifi tipi nesaya an kaseniye nagi lapukufa mo kukena an kaseniye? ²⁶Pako kokuna faga maina nama, nesaya no kalye nagi nesaya ail a luwei nosa o no apifi ail a no-atai, manfagi kokuna te Afo tipimo nesaya nepauwe. Kaga kokuna faga nama pakasenane.²⁷Lapakai teti nala a lusiyan wari husi momo aga mogo legenya laifu afi ateniye mani mopa fi maigefe? ²⁸Nayafe lapaka kukena lefe lusiyata wari nehai, flawa goko le lapekesfiyo kau gopaga hagena flawa. Apaka ailya hute a kukena sese nosai. ²⁹Inagi naga mogo e lapapauwe, Solomon muki algepa ya ae, aga flawa gufyana kukena o-ateniye.³⁰God i ani flawa kukena weinepatesi momo, nagi meni e ega e nemei nagi ata fi yagau netrai. Kaga naya haulateke huten kukena weikatesi-e, kaga aise ametiti to ailnane? ³¹Inya huniya nigi lapaka wari huteta mage osiyo, ' Laga naya negune?' o Na ani negune?', o Naga hana kukena weiguwe?'³²Apaka Juda o-maina waya mogi ani yako kauya nehai. Kokuna te Afo tipimo agen haleniye naya lapauniya. ³³Manfagi God i kuma ae fotogo aipa ae hogoteta kauya hutesagen, inagi henaga ani yako lapamgiye. ³⁴Inya huniya nigi, nagi ega yafe wari osiyo, ega a aute wari a haneniye. Mogo mogo kana aga aute wari ae haneniye.

Chapter 7

¹Alu waya i aipanapa foko osuyo, inagi God i aipanapa ka foko osugiye. ²Alu waya foko husa aipa le, mogo ke wame aleke, God i a mogo gufa aipa le foko hugiye.³Nayafe kaga aise pipiya to kagona kamogi aulaga fi hanenige ka agana manfagi, kagai ka age ka ha-olenane ala lalap yosa kaulaga fi ana kani yafe. ⁴Nayafe kagona ka mage ka hapeigane, 'Nategen aise fipiya kaulaga fi ailna treno, ' manfagi kagai ka aulaga fi ala lalap yosa akaini geka ailka o-trenane? ⁵Kaga aigofe wekai! Kagai ka aulaga fi haneni lalap yosa hogoteya ailka trene kaikem, inagi kanale ka agene ka, kagona kamo aulaga fi haneni fipiya ailka tregane.⁶Fotogo huni ya kala ite yagau hu-otro nagi mogo e algepa huni yafa afu mogi paugosa le yagau hu-otro. Fiko apaiya aite loai aise aise husagi.⁷Kaga hapeigen kamigiye. Kaga kauya huteka ailgane. Kaga kita amigigen yiki kategiye. ⁸Muki waya mogi nala a afigesi momo, aga nealiye, inagi nala weka kauya nehusi momo, aga neage, nagi nala kita amigisi momo, kita mo yiki kategiye. ⁹Nala tipimo, fane ka breti namiyo kafigesi momo, kaga yafa amiga fio? ¹⁰O ifi neyame namiyo kafigesi momo, kaga sata ailka amiga fio?¹¹Inya higetapa, inagi lapaka havi aipa nehai, manfagi, fanenaga tipi ailgeya aike ne-apeimye, mogo kawana kokuna kuma te maini Afo tipimo algepaya lapamgiye nala-a afigesi momo? ¹² Huniya manfagi, naya we-ale-we nagaite hugai kagesfisana momo, kagai e mogoke kawa hupato, mona God i agai lo e aune we i ke ene.¹³Lapaka aise ka-ato kipate unitete aiyakaweisai. Ala kamo a kipate unitete aga kawelen havi yapi ugiye, inagi lusi we-ale-we ani gapi aiyakaneweiye. ¹⁴Manfagi maigemaige kuma mo kipa-a aiseto hunige, nagi aiyakaweisaya lusiyan hat-hunige a, aise we-ale-we geke kauya nehai.¹⁵Aigofe aune we ite maita halowe hiyo, nala sipsip mo kokena malaga api ne-atai, manfagi lama ainaga pimo afe kalagefa mainiye. ¹⁶Kawa apimo te ageka halegane. Manfagi apaka we-ale-we nesaya ailsai waini yosa aufe yofi a-e hanenite o ifi fiki yosa agasoya a-ene? ¹⁷Mogo wame ale, muki algepa yosa mo algepa nesaya ne-ai, manfagi havi yosa mo havi nesaya ne-ai.¹⁸Apaka algepa yosa mo havi nesaya o-aigiye, mogo keya hunige, havi yosa mo algepa nesaya o-aigiye. ¹⁹Muki yosa algepa nesaya o-aisi momo, aga hatagau a atafi nekai. ²⁰Inya hunige inagi henaga a, agegane nesaya a aisi teti.²¹Muki we-ale-we omene nagai agi aite a, Alai,Alai hute a, apaka kokuna kuma te haigai,ha-au-ai. Manfagi apaka nala we-ale-we Afo nimo laiki aiyakaweisa momo paka kokuna kuma te ugai. ²²Lusi we-ale-we ani kanale mage a napeigai, ' Alai, Alai, laga kagai agi le mono nehune, inagi kagai kagile havi wamu hanefaune, nagi kagai kagi leke muki ya nehune?' ²³Ani kanale naga magen pakai te hun haleguwe, naga o-lapekanowe! Nagai te maita holowe hiyo, lapaka havi aipa neha we!'²⁴Inya hunige nagi muki waya nala nagai ke afiten aiyakaweisi momo aga algepa fifiya a hanenigen nagi yafapi agotofu le no-a kiniye. ²⁵Ko elmeten nagi ani hesi momo, nagi yasimo mani nopi egiya manfagi, no sagau o-aigiye, nayafene yafa agotofu le no haneniye.²⁶Manfagi waya mogi nagai ke afite a aiyaka o-weisa momo, aga algepa afifiya a o-haneni gufa weka nala no-a wasan agotofule kiniye. ²⁷Ani e yasimo e elmeten nagi ani hesi momo aga mani no ailna loaiten nagi lusiyan haviya hutregiye.''²⁸Ani kana fafale enigen Yesu a muki ke a hun wayaini-e, hailaga we-ale-we agai monoke le lusiya pakesfifi hunai, ²⁹Aga mogo ala agi-a haneni gufa weka yana, nagi lokiya-ae ke huniye lo-a save waya yana osuniye.

Chapter 8

¹Yesu na awoyafi elmeni momo, lusi we-ale-we akame hunai. ²Inagi, mogo weka lepa kail ailni weka agai te eten alefein mage huniye, '' Ala, kausi momo, kanalegi sese hun tegane.'' ³Yesu aya alna sagaun tafauten, Naga inya huguwe, meni kanare huwo,'' Malgeto ani lepa kail atrenigen nagi aga kanare huniye.⁴Yesu na magen hapeini-e, '' Kaga mogo waya ite mogo ke osuwo. Kagai ka pristi waya ite uka pawe-alteka ofa-ka pamiyo Mosesi a ke hunite, testamoni gufya pakai te ugiye.⁵Yesu a kapanami faga un heini momo, ami we mogi komenda api eten aga afigeniye, ⁶magen huniye, '' Alai, mogo ailya weka-ni aga aiya aya loaitegen nopaga hawain mainiye.'' ⁷Yesu magen hapeini-e, ''Naga eten nagi kail afiti kanare huteguwe.''⁸Ami we mogi komenda api nonale mage huniye, ''Alai, naga algepa weka o-maino yafe nonifi egesane, kaga ke aike hugen ailya weka ni kanale hino.'' ⁹Nayafene, nagai-ni nagi la hanenigen nagi, soldiya waya-ni yagai nepatowe. Naga ani soldiya weka uwo hapaugen neviye, inagi alumo eno hapaugen ne-e nagi ailya weka-nile, inya huwo hapaugen aga nehiye.'' ¹⁰Yesu ani ge afini momo, lusiyan amuse huten mage huniye muki ale-we ite nala awagi hute a, '' Lama ge, naga lapapauwe, naga moguf ametiti weka Israil fi kauya osunowe.¹¹Naga lapapauwe, hailaga we-ale-we yage haine-e apulga e yage nelami apulga ete a nagi Abrahamu e Aiski e Jekopu e kokuna kuma fi mai-a ful hugai. ¹²Manfagi apaka kuma mo fane naga a moge-e hainhaini kuma fi yagau patesage, inagi avinete a pakaipi pawe negai.'' ¹³ Yesu ami we komenda api hapeiniye, '' Kaga uvo! Naya kaga kametiti hanaya, ani ya kagai te wayu husiye.'' Inagi ani ailya weka ani kanato le kanale huniye.¹⁴Yesu a Pita nopi una haini momo, Pita ita amo kail mo haigen megen mainigen ageniye, amuko mo haigen hawain mainiye. ¹⁵Yesu mani akomo aya tafaugen ani kail mo atreniye. Inagi hetinen Yesu nesaya kainiye.¹⁶Unetige, apaka we-ale-we mogi havi wamu hanepateni ale-we pawel Yesu te enai. Aga ke aletike muki havi wamu hafeiten nagi kail api haneni waya kanale hupateni-e. ¹⁷Ani ka tole, aga aune weka Aisaya ke hun wayaini-e nagi mage huniye, '' Agai a kail ti ailten inagi muki kanaya ti hafei treniye.''¹⁸Yesu agenimo hailaga we-ale-we mai-a wego hagen, aga ani fafa aten Galili yage ani mo megaga a uniye. ¹⁹Inagi lo mo mogo save weka eten mage hiye, '' Tisa, kaga haite ugefem naga kawagiguewe.'' ²⁰Yesu magen hapeiniye, ''Paka kala mogi yafa ka-api haneniye nagi hiyapi nama mogi hawaisa no api haneniya manfagi, We gano-mo Fane hawaisa no a o-haneniye.''²¹Kamme fanenaga mogo api hetinen mage huniye, '' Ala nategen uno afo nimo ailna kiteten nagi ena kawagiguwe.'' ²²Manfagi Yesu magen hapeiniye,'' Nawagi huteka nagi fail waya patege fail waya kitegai.''²³Yesu sipi fi un hainige, apak a kamme fanenaga a awagi ua hainai. ²⁴Inagi malgetoa, lusi yasi e komo e yage annimo agotofule hetin enige nagi ani sipi ailna hetiteniye. Manfagi Yesu a hawain mainiye. ²⁵Apaka kamme fanenaga ea haunete mage hunai, '' Ala, lamao, laga meni feilgesunigi!''²⁶Yesu hapapeini-e, '' Nayafe lapaka lapomoya ainai, ametiti tipimo aise to hunifi-o?'' Inagi yage ani e yasi e papeige fase to meinagen. Inagi muki ya halateke kanare huniye. ²⁷Inagi mani waya amuse hute mage hunai, '' Aga mona nagufa weka gea ani moe yasi moe agai ke afinai?''²⁸Gadarin taun mo alu haopalaga Yesu ena wayu huni momo, havi wamu mo haneni tole wekala ea Yesu foto huna-ai. Matmati faga elme-a hanegekeya hute-a havi ge mai-a neha-ai, mogo mo mani kate eka o-ugane. ²⁹Inagi, keya hute a mage huna-ai, '' La-aga kagai te naya huno-ai, God i Fane? Kaga ailka la-aga haviya hultegefe ano, la-agai kana wayu osunige ka?''³⁰Ani yapaga, apakai te fagite omane, hailaga afu nesaya nea mainai. ³¹Apaka havi wamu mogi mage hua Yesu hapeinai, '' Kaga lafeigefe mo, lafeigeta mani afu le uta haino.'' ³²Yesu mage hniye, '' Eta viyo! ''Apaka havi wamu mogi tole ganola te ea aut hutea inagi afu fi ua hainai, inagi muki afu waltite ua yage ani te lamte a nagi muki a anipi failnai.³³Apaka ani afu yagai nemei waya mogi taun faga apaune uhaine a nagi mukiyako wayu huniya hua halenai, namofene havi wamu mo haweiteni wekalate wayu huniye. ³⁴Inagi muki we-ale-we mani taun atre nagi Yesu ea foto hunai. Inagi apaka agete a, afigenai mani kona atren usiya yafe.

Chapter 9

¹Nagi Yesu mogo sipifi un-heiniye, nagi Aga ani kotufi mugaga apulga uniye,nagi agai kote uno wayu hiye. ²Nagi afiyo mogo veka ayanfafi kali alni veka avele enai Yesu-te,nagi mani veka mogo nomale hawaini-e.Nagi Yesu apakai pametiti agete n,Aga hapeini-e mani kali veka,'' Fane gano,kaga amuse huo muki faipaya ka tro we.''³Nagi afiyo,mogo lo-le algepa afifiya-api haneni waya pakaipi folagapi ke hunai, Mani veka Godi-te kaya ke nehiye.⁴Nagi Yesu apakai aguagesa ageten nagi Aga mage huniye, Nayafe lapaka lapaipafi havi pakupakesa alnai? ⁵Nayafene,na-kemo husaya mogo-e fese huniye ? Naga muki faipayaka trove o Naga inke hugu, kaga hetika nagi ka-au. ⁶Manfagi lapaka ageta halegai Godi fane-amo mani mopafi lokiya-a hanen nagi muki faipaya tregiye, Aga papeiniye mani ayanfafi kali alni veka, kaga hetika nagi nomaka aliteka halateke nokale uvo.⁷Nagi aga hetin nagi no-ale uniye. ⁸Manfagi hailaga ale-ve mani ya agenamo, apaka lusiya pakesfite nagi Godi agi al-a sagaunai, Nala muguf lokiya waya-ite pamnai. ⁹Nagi Yesu mani fafalaga agasen nagi uniye. Aga mogo veka ageniye, agi-am Matiyu,mone ne-alya kumate feimini-e. Nagi Yesu hapeiniye, kaga nakame huvo. Nagi Matiyu hetin Yesu akame huniye.¹⁰Nagi inya huniye, Yesu feimini-e nopi nesaya negefe, afiyo hailaga waya takisi ne-alya waya-e faipa waya-e,apaka e-a nagi Yesu-e kame fanenaga-ae feimei-nai. ¹¹Nagi apaka Farisi-ve mani-ya agenamoYesu kame fanenaga-a papeinai, Nayafe Tisa veka-tipi takisi nealya ve-e faipa ve-e apakai-e nesaya nene.¹² Manfagi Yesu mani ke afinimo, Aga papeiniye, Apaka ve-ale-ve kali o-alnai,alnai aipa dokta vekale usaya. Apaka kali waya-aike ugai. ¹³Manfagi lapaka uta alegepa afifiya aliyo mani aipamo ke. Naga nahuya-ke nenhiye, nagi Naga salamana nonhiye. Namofene Naga alegepa waya-ite keya o-sunove, ha-au. Manfagi Naga faipa ale-ve-ite ena keya hunove paku eifelesai.¹⁴Mani kanale,apaka Joni kame fanenaga-a Yesu -te ae nagi kehunai. Nayafe lagai-e paka Farisi waya hailaga nesaya mosinone muki kanale, Manfagi apaka kame fanenaga-ka nesaya mosi nosai. ¹⁵Nagi Yesu papeiniye. Apaka veganomo waya aupate mareti hugesai, apaka paipa kanayapi maine-a mareti husi veka apakai-e meigifi-o? Manfagi mogo kana wayu husige Godi ani mareti husi veka avelen uno, nagi Aga pategai. Nagi ani kanale apaka nesaya mosigai.¹⁶Mogo veka saufa atupa lavolavo alno atafa kukena-le agotofule o-tegiye, nayafene lavolavo atupamo loaisige nagi mani kukena mogo-e loaigiye.¹⁷Nagi mogo veka ena saufa waini liki o-tegiye atafa meme agufafi. Inya husimo meme agufa loai-ain nagi havi huno nagi waini tugufaigi-e. Manfagi apaka netai saufa waini saufa meme agufafi inya hige toleya -ae yatra kanare hanegiye.¹⁸Nagi Yesu mani yako apaka hapapeiniye, mogo agenopa veka ena nagi Yesu-te alefeina.Nagi aga mage huniye,''Nagai anfane aga menito felnigen,kauke huve eka kaka-ka agai-te ategen halate hetisi-e. ¹⁹ Nagi Yesu hetin aga aiya-kaviniye, kame fanenaga-ae .²⁰Ani haupalaga,mogo akono aga kola netre kali alnen 12-fi kafu meiniye. Nagi aga Yesu kame-lagati ena nagi kukena tupa-a ame-aliniye. ²¹Nayafe ani akono agai-afi magen huniye,''Naga Yesu kukena aike ame-alsumo, kanare huguve.''

²³Yesu una heinimo ani agenopa vekamo nopi,ageniye keleti musiki hua nagi ve-ale-ve lusi higulge hunai. ²⁴Aga mage-a papeinye,'' Agai-te maita holove hiyo mani anfane gano o-felnifa aga afa-a hawai meiniye.'' Manfagi lusiya kigi agai-te hunai.²⁵Nagi muki ale-ve ua nokuma taga mainamo, Yesu una heiten nagi mani anfane-mo ayapi alnigen hetiniye. ²⁶Mani monoke muki yapaga uniye mani kote.²⁷Yesu mani kuma aten nagi unimo tole vekala aulaga akaine vekala Yesu kame huna-ai .Keya hute-a nagi huna-ai.''Deviti fane, hau-hunto.'' ²⁸Yesu nopi una heinimo,mani vekala akame ena-ai nagi Yesu magen papeiniye, ''Latraka ametiti huna-afi naga inya alna kanalekausaya? Nagi ke mage nonale huna-ai, ''He Alati.''²⁹Nagi Yesu aya ateniye tole vekala aulagapi nagi mage huniye,'' Ategen aga inyawayo hino atraka ametiti ha-a ya.'' ³⁰Nagi tole vekala aulaga ayakeniye. Henaga Yesu tole vekala mage papeiniye,''Latraka mogo veka hao-peiau mani-ya .'' ³¹Manfagi ua nagi muki waya papeina-ai mani haupalaga naya atrakaite wayo huniya.³²Tole vekala kumataga ua-amo ,mogo awaya kani veka havi wamu agaite mainige Yesu-te avele enai. ³³Havi wamu mani awaya kani veka-le ena hama hunen aga ke huniye,muki waya lusiya-a pakesfifi-te nagi ke hunai,''Laga mani ya keyawaga Israi-fi wayu huno no-agonayane.'' ³⁴Manfagi apaka Farisi vemogi ke hunai, Aga havi wamu-mo hafeiniye agenopa maina havi wamu-mo lokiya-leti.³⁵Nagi Yesu-a ka ainiye muki kote-e kuma-e,nagi apaka ve-ale-ve ke huna katekate hulpateni-e Juda waya-i mono nopi. Nagi Aga ke papeinye kokuna algepa ke-ale.Nagi kanare hupateniye keo-ke kalifi,nagi muki naya agufa alna lokiya no-vei ya ve-ale-ve folagapi haneni ya. ³⁶Manfagi,Aga ageni-mo hailaga ve-ane aipa-afiti haupateniye. Nayafene apaka aise-to feilnai nagi apaka sipsip-ya u-e hunai.³⁷Mani kanale kame fanenaga-a hapapeinye, hailaga nesaya hoyafi ago afulenaya manfagi hailaga alya-ve o-meinai. ³⁸Inya higeta nagi lapaka nunum husai Ala veka-le ena nesaya-a akaigiye.

Chapter 10

¹Nagi Aga keya hunige enai 12-fu kame fanenaga-a, Aga lokiya pamniye havi wamu-mo kasesaya inya hu apaka hafisaya. Nagi Aga lokiya pamniye keoke agufa alna lokiya no-veiya.²Meni 12-fu kame fanenaga-a apaki-a inya-a. Hogoteya aga Saimon-ai apaka nehai Pita ,nagi Endru-ai kagona-amo,nagi Jemisi Sebedi fane, nagi Joni-ai asa-amo. ³Nagi Filipi, Bataiomiyo,Tumasi-ai nagi Matiyu aga takisi ne-ali veka,nagi Jemisi-ai Alfiasi fane,nagi Lebaisai-a mogo agi-a Tadiasi-ai. ⁴Nagi Saimon aga Kenan vekai,nagi Judas Iskariot,Yesu kame ve-i ayapi alna pamni vekai.⁵Yesu-a mani 12-fi ve lokia ke maun papaiteno ail-petelegepa u-nai, lapaka Juda waya o-maina kate o-vio, inagi lapaka Samaria waya-i mogo taun-pile ut-ohai-o. ⁶Mamfao, lakpakak vi-o sipi sipi afu Israil-i waya-ipi legeso hu-ni sipi sipi naga-ipi. ⁷Inagi lapakak usamo, mage hutapa mono ke papai-o, kokuna kuma ago eno aupa nehi-e.+⁸Lapaka kali waya alta kanale hiyo nagi lepra kali ve fotogota pateyo. Lapaka alta hetiyo ago feilna waya nagi havi wamu alna waya hafeiyo. Naya lapaka alnaya lapaka afa-a alnai. kanalegi lapaka inyata ve-ale-veite fri pamyo. ⁹Lapaka goli yafa alta luvei o-teyo,o silwa-e o mone-e lapakai kupi. ¹⁰Lapaka ka-aisamo,lapaka na nesaya gufya-e o-aliyo, nagi-e lapaka tole sioti-e su-e o-aliyo,nagi ka-aisa kayo-e . Nayafene mogo vekamo alya hunimo aga alya-aleti nesaya algiye.¹¹Nagi ala taun-fi kote-e uta heigai,lapaka pafigesai na ve mani kote kanalen feimini-fi.Nagi lapaka uta mani veka-e maita nagi meiyo kana mani ko-telegai. ¹²Nagi lapaka mogo nopi uta heisamo, algepa ke hiyo mani nopi meina ale-veite. ¹³Nagi mani nopi ve-ale-ve algepa aipa husamo,lapaka paipa fulya-tipi ategen mani nopi haneno. Manfagi apaka ve-ale-ve algepa aipa o-susamo lapaka lapaipa fulya-tipi ategen lapakai-te halate eno.¹⁴Nagi na ale-ve lapaka o-lapevelesamo o lapakai ke o-afisamo kanalegi lapaka mani no-e kote-e ateta usamo,atupa mopa lapeiyafi hafeita teyo. ¹⁵Naga lapakai-te lama ke huve, koti kanale, haviya-a meya-a mani koti havi meya-a kasai-giye Sodom-e Komora-e.¹⁶Afiyo,Naga lapaka salim lapotive uta inya-a apaka sipsipi yata afel kala folagapi meisai. Inya nagi lapaka sata-yata lama afifiya alsai, nagi mogo-ya havi-ya o-sunai balusi nama-mo hehigufya. ¹⁷ Manfagi e-he hiyo waya-ite. Naya-fene apaka agenopa meina waya-ite lapevele pamgai. Nagi kanda kayo lapaka algai Juda-i waya mono nopi. ¹⁸Nagi nagai nagile lapaka hogote gavman apaulagapi hetigai nagi Kin-ve-ie mani-ya inyana mogo-kemo gufya kotim hun nagi Juda o-meina waya kotim paugi-e.¹⁹Manfagi apaka al-a lapaka apakaite pamsamo, lapaka pakesa fifi o-siyo hanayata meita na-ke hugune. Naya-fene mani kanatofi lapaka algai na-ke husaya-ke. ²⁰Naya-fene lapakai-tipi o-sugai mani ke.Ha-au,manfagi Afo-tipimo Awamu-a lapakai lapawafi ke alna lapeimgi-e.²¹Nagi kagona alna kagona amisagen aga amigin kitegiye . Nagi afo-amo fane-ale inya hugiye.Nagi apaka fanenaga heti-a nagi kame hulpategai eta-afo pimote nagi pamigi kitesa-ya aipa-a meigai. ²²Nagi muki ale-ve paipa kanaya hulpategai lapakai-te, namofene lapaka Nagai-te kamaita meinai, Manfagi mogo veka kanaya alnen una hono-husimo,Godi halate avelegi-e.²³Manfagi apaka haviya hulpatesamo mani kote, lapaka aune huta alu kote viyo. Nayafene Naga lapakai-te lama ke huve , lapaka Israil-fi muki kote-a o-usagen hogoteya Veganomo ve- fane-a egiye²⁴Kame fane tisa-amo uno o-kasaigi-e,nagi-e aliya fane ala veka-a uno o-kasaigi-e.²⁵Inya huno kame fane agai tisa veka-ya meisai,nagi alya fane-ya ala veka-ale. Apaka Belsebapi agi aminai no-mo afo-amo, inya havi agi amigai mogo-e apaka no haupale waya-a.²⁶Inya higeta lapaka pamo o-aiyo apakai-te, Namofene mogo-yamo atio-kaini-e, alna folete o-teniye. Mogo-yamo fla o-kiniye,managi waya-mogi aga age-a halesai.²⁷Nayamo hani kote-ti Naga lapapauve,lapaka ke huta halesai yage-fi.Nagi naya lapekesamo afisimo, lapaka huta haleyo nomo anaga-ale.²⁸Nagi pamoi o-siyo mani agufa amigi kitesa ve-ite, manfagi apaka lokiya-api o-haneni-e agu-veka hiya kitesa. Manfagimogo-e pamo-aiyo Aga nala lokiya-ale alna agu veka-e lagufa-e atafi haviya hultresiya.²⁹Ifi apaka salim nosai tole aise nama mogo aise tupa monele-i? Afotipimo he-ke o-susimo.³⁰Godi-a muki agolefa lekana-peini-e lapakai agenupale.³¹Inya-higeta lapaka lapomo o-aiyo. Lapaka mogo-e alaya meinai muki aise aise nama-le.

³³Manfagi nala veka huno aga o-nageni-e vw-ale-vei paulagapi husimo,Nagai-e huguve o-kagenove Afo-nimo aulagafi Kokunate meiniyte.³⁴Fiku lapaka lapekes-fisamo Naga ena mani mopamo eipa fulya alna atove. Naga ovamo eipa fulya alna o-teguve, manfagi Naga ena hagina alna atove.³⁵Namofene Naga ena kame aipa huna wayu-ve afo-ae neneve fane-ae nagi anfane ganomo ita-amo-te kame hutegi-e nagi a-nofero kame hutegi-e ita-amo nofero-te. ³⁶Nagi mogo-ke nopi maina waya mogo veka-api kame hutegi-e.³⁷Mogo veka ala-ale afo-amo-e ita-amo-e mogo-e hausimo Nagai-te aga mogo-e kanare o-suni-e Nagai-e meiyafe. Nagi nala-a neneve fana-ae anfane-ae lusiya hausimo Nagai-te, aga mogo-e kanare o-suni-e Nagai-e meiyafe. ³⁸Nagi nala maripu yosa-a alnen nawagi o-susimo, aga kanare o-suni-e Nagai-e meiyafe.³⁹Nala veka laifi-a ago kauya-husimo,aga laifi-a tregi-e.Nagi nala veka Nagai nagi-le laifi-a teresimo,aga ago kauya-huni-e laifi.⁴⁰Nala lapevelesimo,aga Naga neveleni-e.Nagi nala veka nevelesimo,aga Naga alna nategen owa veka alni-e.⁴¹Nala-a mogo aune veka avelesimo aune veka-mo agi-le, aga aune vei miya-a algi-e.Nagi nala mogo fotogo veka avelesimo, fotogo veka-mo agi-le aga miya-a algi-e.⁴²Mogo veka mogo kapufi yasi ani aike afa-a amisimo mogo-api kame fanenaga-i agi-le. Naga lama ke lapapauve, aga miya-a fafogapi o-ugi-e.

Chapter 11

¹Nagi inya-huniye, Yesu-a 12-fu kame fanenaga lokiya-ke ago pamten,Aga mani kona atreni-e, Aga ve-ale-veite alna [apeiten] nagi mono-ke papeisaya apakai kote-le. ²Meni Joni-a kalabusifi meinen ke afini-e muki naya Mesiya huniya, Joni-a tole kame fanenaga alna patege va-ai. ³Nagi tole vekala afiga-ai Aga, kaga ani veka fafi-egiye-ya,ifi laga alu veka kauya husune.⁴Yesu magen nonale tole vekala-te huniye,Latraka uta nagi haulateke Joni hapei-au naya afiteta nagi agena-aya. ⁵Apaka paulaga akani waya halate agenai,nagi apeiya havuya huni ale-ve ka-ainai, lepra kali alna waya kanare hunai ,nagi pakesa akani waya ke afinai, nagi apaka algepa ke papeinai rabisi waya -ite. ⁶Inagi nala veka Nagai ke-mo hunigen-no sagau o-aisimo,aga amuse hino.⁷Inagi aga tole vekala ate-a usamo,Yesu mage huno mani hailalga ale-ve papeini-e Joni-te, lapaka kau-yosanasa o-haneni kote unai naya agegefe? Ifi lapaka unai agegefe mogo hopa yasimo alna unen huno nehiya-a? ⁸Manfagi lapaka naya agegefe unai? Ifi mogo vekamo algepa kukena neatefi-o? Afiyo,apaka ve algepa algepa kukena nevei ve apaka Kin-vekamo nopi nemei-e.⁹Manfagi lapaka naya agegefe unai? Ifi mogo aune veka agegefe unai-i? Lama lapapauve, Joni akasenai aune-ve. ¹⁰Nayafe, mani-ya aga wayai, ke ago haneni-yane agaite, Afiyo Naga awaya vekani alna trogen hogoten uni-e lapakai-te,Aga kagai ka alna alegepa hugi-e kaga hogote-ya.¹¹Nagi lama lapakai-te huve, mogo o-meinai apaka ve-ale-vei folagapi ea fole hunai apaka ane nala Joni akasenai. Manfagi waya,natin waya meisimo kokuna kuma-te anakaseni-e. ¹²Manfagi Joni kana keyawaga-ti ena meni,kokuna kuma kaveta kanaya alni-e. Nagi kaveta neha ve lokiya vei-a velenai.¹³Namofene muki aune ve-e lo ve-e apaka aune ke Joni kanafi hul-enai.¹⁴Nagi lapaka mani ke aligefe-mo, Joni aga mani veka Ilaisa-a egiye. ¹⁵Nala afini agesa hanenisi-mo, aga afino mani ke.¹⁶Manfagi naga apaka ve-ale-ve mei gai mani kanafi hanagufya pamele hulpateguve? Apaka aise faneya-a maketi kuma-fi feimeine-a apaka afalu pimote keya ke hunai.¹⁷Nagi apaka hunai, Laga ago kea fu hunone lapakai-te nagi lapaka yoke o-sunai. Laga lapakai-te hau-u yoke ago hunona-manfa lapaka avi o-tai.¹⁸Nayafene Joni eniye nagi aga nesaya-e ani-e o-neniye.Nagi hunai aga mogo havi wamu alni-e. ¹⁹Ve-fanemo gano eniye nagi Aga neya nenen ani neni-e. Nagi mage hunai,Ageyo,Agalusi nesaya nene vekai nagi aga hailaga waini nene. Aga takisi ne-ali waya-e faipa waya-e nemei vekai. Manfagi lama afifiya ali-a neha kawa hama huni-e ve-ale-vei paulagafi agai fanenaga-i kawa-le.²⁰Mani kanafi Aga ve-ale-ve ena ke pamni-e kote-le, Aga lusi lokiya aliya ago huniye. Namofene apaka paku o-felenai.²¹Korasin ehe! Kaga Betsaida ehe! Namofene Naga lokiya aliya alisumo Taiyati-e Saidon-te inya Naga lapakai-te huwaya , ago en-uni kanale apaka atupa beki lawolawo gufya kinai nagi feimeinai atamo lanefa-ale inya hige ago paku-eifelenai. ²²Manfagi Naga lapapauve, koti kanale, havi miya-tin tole kona ana-kasaigi-e Taiyati-e Saidon havi miya-ain.²³Nagi Kapaneam-ai Naga kasagauna kokuna kuma-te uve, Godi-a ata kumafi kavelen una laumsiya. Namofene Naga lokiya aliya hunove Sodom-fi inyana kagai-te huwaya, kanare Sodom maina uno meni maigi-e. ²⁴Manfagi Naga lapapauve, koti kanale esimo,havi miya-ka Sodom havi miya-a ana kasaigi-e.²⁵Mani kanale Yesu ke nonale mage huniye, Naga amuse huve, Afo-a,kokuna kuma-e mopa-e Ala-api. Namofene kaga mani yako save waya-e foko neha afifiya hanepateni waya-e, nagi kaga mani yako pavelinane paka aise aise fanenaga ite. ²⁶Hi, aga Afo gufya meini-e, Nayafene mani ya kagai kaulagafi aligep huniye. ²⁷Afoni-mo muki-ya namini-e. Nagi mogo veka Ve-fane o-ageniye , Afo aike ageniye, Nagi-en, mogo veka Afo agen ha-oleniye. Ve-Fane aike agen haleniye. Nagi Ve-Fane paveleni waya, apakai-ke Afo age-a halenai.²⁸Muki waya payafei-a nagi ala kanaya alnai, apaka Nagai-te esagen nagi Naga lapamguve meita fulya. ²⁹Lapaka alta esai lapakai-te,mani yosa bulmakau nugo-ale aitegen mogo yako wayu nehiya, nagi lapaka Nagai kanaya alsai. Nayafene Naga soko aipale nemauve nagi Nagai-ni neipa afepi ne-atove. Nagi laipatipi mei-a fulya ago kauya huniye. ³⁰Nayafene mani yosa Nagai kanaya alnimo lusi alya o-haneniye nagi mani ya lapaumve alisaya, aga kana o-suniye.

Chapter 12

¹Mani kanale Yesu ka-ain uniye mogo sabati kanafi kile hoyamo folagapi, nagi kame fanenaga-a pakategepa nagi apaka kile mei-a loai neme unai. ²Manfagi paka Farisi vemogi mani ya agene, Agaite inke hunai, Ago kame fanenaga-ka o-hanini kawa hunai sabati kanafi.³Manfagi Aga hapapeini-e, Ifi lapaka Deviti agai-e mena ve-i monoke o-afinafi apaka pakategepa hunaya lekanapei-fio? ⁴Inyan Godi no-afi un hainen, nagi mani breti neniye Godi ko-ale levelite ateya. Lo-mo ha-au ke apakai-te huniya lapaka o-no mani breti. Pristi vemogi-ke negai.⁵Lapaka lo wukomo lekana-nopei-e, inya sabati kanafi apaka mono nopi pristi vemogi sabati-mo lo loaina manfagi apaka faipaya-api o-haneniye-i ? ⁶Manfagi Naga magen lapapauve, Mogo veka mono no anakasaini veka mani maini-e .⁷Manfagi lapaka mani yamo aipa-a ageta halesamo, Naga hau aipa nenheiye nagi Naga non-heiye salamana neha-gufa aipa, kanale lapaka koti o-peiyo havi ya neha ale-vete. ⁸Nayafene vegano-mo Ve fane-a Aga sabati kana Ala-a maini-e .⁹Nagi mani kona ateniye, Aga una heiniye apakai mono-nopi. ¹⁰Nagi afiyo mogo veka meiniye, aya-a ago hauteni-e. Nagi mage aga afigenai, aga lo-mo kali veka sabati kanafi alka kanare huwa-hifi o-suniye ? Apaka mage hua aigofe ke agai-te hugefe.¹¹Manfagi Aga hapapeini-e, Nala veka lapakai folagapi mainen mogo sipsip-a hanenigen, nagi mani sipsip mogo kakefafi sagau-nisimo sabati kanafi aga mani sipsipi haomaigifi. ¹²Mogo-e amuseya waya sipsip anakaisenai ? Inya himo nagi lo mo kanare hifi algepa aliya sabati kanafi husaya.¹³Nagi mani veka hapeiniye , kaga hapeigen eno . Nagi aga aya alna algepa hunigen aya-a lokia huniye mogo aya-a hiya-yan .¹⁴Farisi we mogi mani kona atre-a nagi ke hayainai kame hua amigigefe.¹⁵Manfagi Yesu agen haleten mani ya ,Agai-a mani ko atreniye . Nagi hailaga ale-ve awagi hunagen muki ale-ve algep hupateni-e . ¹⁶Aga magen pakaite lokia ke pamniye apaka alu ale-veite agi-a huta hama o-siyo . ¹⁷Aga mani hunimo Aisaya veka-mo kasege ke aipafein huniye. Aga ke huniye .¹⁸Ageyo Aliya fane-ni nala naga lekanapauve .Aga Nagai neipamo ametole meiniye , nagi ainaga vekani lusiyan Agai-te amuse hiye . Nagai wamu agai-te atesugen ugiye , nagi aga ke hun halegiye fotogo kotifi apaka Juda waya-a o-mainate .¹⁹Aga ke oveigiye ala ke osugiye .Nagi en mogo weka-mo agai ke ofigai yatra kate. ²⁰Hopa mo lokiya oweinigen lo-aigesiye, muki lo-oaigiye, Inagi aga haoleni lamu ailna asu osugiye. Aga ailya maina nehusigen aga fotogo aipa hun akasegiye. ²¹Inagi alu waya i we-ale-we mogi agai te ametiti hute-a akawa maigai.''²²Ani kanale mogo weka havi wamu agai te maini weka awele Yesu te enai. Ani aga awaya e aulaga e akaini weka. Inagi Yesu algep huteten, nagi ani weka ke lagauten aulheniye. ²³Inagi muki we-ale-we lusiya-a funugu hute-a ke hunai, ''Ani weka aga Deviti fane fio?''²⁴Manfagi Farisi we-mogi ani ge afite-a, mage hunai, '' Ani weka mo Belsebol agi leke havi wamu hanefeiye, havi wamu mogi agenop weka-apie.'' ²⁵ Manfagi Yesu apakai pagupagesa agen sauten, nagi magen papeiniye, '' Mogo kantri fi we-ale-we tole fafa le utea kaweta husa momo, inagi ani kantri mo haviya hugiye. Inagi mogo taun o mogo no apaka tole taun fafa le waya o tole no fafa le waya loai maisa momo lokiyawein ohanegiye.²⁶Inya hunigeno, Sata weka mo Sata hafeisi momo, laga aget halegune waya amogi ago trenai. Naya hunigeno aga moki yate yagainisi lokiya-a haneniye? ²⁷Inagi lama Belsebol aga hamain havi wamu hafeisi momo, nagi nala lapakai waya hapamaige apaka havi wamu hanefeiye? Waya tipimogi inya lapewelgai ke tipimo fotogo osuniye.²⁸Manfagi God i wamu amo namaigen havi wamu hafeisu momo, kanaregi lapaka aget halesai, God i kuma-a lapakai te ago eniye. ²⁹'' Hanaya higeno mogo weka lokiya gano mo nopi un haiten kagem ya-a ailgiye? Ani lokiya gano hogoteya baklain yofi fiti ain teten. Inya husi momo, inagi ani weka mo nopi haneniya-a ailgiye ³⁰Nagai weka omainisi momo, aga nagai te kame hugiye, Inagi mogo weka namain we-ale-we pawelen mogoke osusi momo, aga welagain nepate.³¹Inya higen naga lapapauwe, God i muki faipaya e muki havi ge e neha we-ale-we faipaya atregiya manfagi, mogo weka Fotogo Wamu te havi ge husi momo, God i ani weka mo faipaya otregiye. ³²Mogo weka mo We gano Fane le havi ge husi momo, God i ani weka mo faipaya atregifa. Mogo weka mo Fotogo Awamu te havi ge husi momo, God i mani weka mo faipaya meni e henaga e otregiye.''³³Yesu mogo e mage huniye, '' Yosa mo algep husi momo, inagi nesasya ae algep hugiye. Inagi havi yosa hagesi momo nagi havi nesasya ailtegiye. Waya momo nesaya aleti agete a, nagi age halenai, yosa mo havi yosa fi algep yosa fiya-a. ³⁴Lapaka havi waya, lapaka havi sata gufyata omainai. Naya hunigetapa nagi lapaka algep ge husai? Waya eipa fiti haweiteni fifiya-a hun hanele. ³⁵Algep weka mo lusiyan algep fifiya-a eipa afiti hanegiye. Inya higeno aga algep aipanapa nehiye . Havi gano mo eipa fiti havi fifiya hanenigen. Nagi aga havi aipanapa nehiye.³⁶Mamfao lapapauve, atupa kanale Yesu aulgale hetitapa hut hama hugai, amuki aigofe ke nehusa ke. ³⁷Nayafene, kagaika nehusana kemo ailno Yesu aulgale eno kanale hugie, inagi kagaika nehusana kemo ailno Yesu aulgale eno havia hugie.³⁸Anikanale, inagi monopi agenop maina waya-e Farasi waya-e kenona-a mage hu-a Yesuna hapinai, agegesune mogoya hugeta. ³⁹Manfagi, Yesu kenona mage hun papainie. '' Inani kanale maina we-ale-we apaka havi ale-we maitea nagi God-i te ametiti nosai. Apaka muki kana legenya aike agegefe keya neha manfagi. Apaka mogo legenya oagegai. Ha-au, Mogo legenya aike agesa ya-am, aga Jona aune weka legeya agega. ⁴⁰Jona aga tole'e mogo yage-e hane-e mainiye neyame eipa faga, nagi inya hugen We gano mo Fane aga tole-e mogo yage-e hani-e mopafaga maigiye.⁴¹God-i lekanapein kana we-ale-we koti hupategie, apaka Niniwe waya hetinea ani kanale maina ale-we haviya api hua halegai. Namofene, Niniwe waya apaka Jona huni ge afitea paku ai-a felenai. Manfagi mogo folaga tipile maini weka, aga mogoe Jona akesenie.⁴² God-i we-ale-we koti hupatesi momo, sauti le nemai kwin akono koti le hetinen nagi ani kana muki ale-we havi aipa api hun halegiye. Namofene, kwin aga mani mopa mo atupa ale maiya manfagi, Solomon algep afifiya-a en afinie . Manfagi mafi mogo maini weka aga Solomon ankesenie.''⁴³Yesu mogoe mage huniye, '' Havi wamu mo mogo weka ago atresi momo, inagi ani wamu aga ani ohaneni koafaga mentata nehiye, maina faul husiya. Manfagi mogo algep kuma ogesi momo, ⁴⁴aga mage hugiye, ' Keyawaga nemauwa nopi halateke uguwe.' Inagi mogoya ohaneni no en ageya momo, ago sese hua bilasim hunagen en agenie. ⁴⁵Inya higen alu 7 havi wamu haviyate aga akasena wamu un pawelen eniye. Inagi apaka inani nopi hai-a maigai. Keyawaga ani weka haviya nemaifa, meni aga mogoe haviyan maigiye. Mogoke guf kawa apaka we-ale-we ite wayu hugiye.''⁴⁶Yesu we-ale-we ite ke nepamgea, nagi ita amo e kagona amogi e ea kumataga mainai. Agai-e ke hugefe. ⁴⁷Inagi mogo weka un hapeinie, '' Afiyo, Ita kamo e kagona kamogi e kumataga maine, nagi kagai e ke hugesai.⁴⁸Manfagi Yesu ani weka ke nona ale mage huniye, '' Aga nala ita nimo? Nala aga kagona nimo-ai?'' ⁴⁹Inagi kamme fanenaga ite aya aten inge huniye, '' Ago ita nimo e kagona nimoe mainai. ⁵⁰Nayafene, apaka we o akono kokuna te maini Afo nimo agu-agesa aiyakaneweisa waya, apaka kagona nimo e asa nimo e ita nimo e mainai.''

Chapter 13

¹Ani kanale Yesu-a no-aten-uno hage animo haigi-le faimini-ye. ²Hailaga ve-al-ve e-a Yesu na wego hunai , inya higeno inagi aga uno sipifi loko huno faimini-ge inagi ve-ale-ve ani haigilaga heti-a mai- nae.³ Inagi Yesu-a hailga meto ke ail-teno ve-al-ve pi monoke huni-e. Megeno hu-ni-e,'' Afio! Mogo hoya veka-mo hoya-afi avinya kail-gefe u-ni-e. ⁴Mani avinya mopa-fi yaga-hiya na, mogo avinya-a ka-mo haigi-laga sagaun-aini geno nama-mo en neni-e mani avinya-na. ⁵Mogo avinya-a yafa mopafi sagau-ainai, mageleto ago hagai, nayafene,hailga mopa ohane-ni-e yafa mopa-fina. ⁶Mamfao yage kana-le na, magale-to waite sagau-aiye, nayafene, hafuya-pimo amega-to haneni-geno ain lagepa-ya huno no ailye.⁷Mogo avinya aufe-aufe kau-le sagau-ai-nai, inagi hagaya-na, aufe-aufe kau-mo hageno alna haviya hi-e. ⁸Mogo avinya legepa mopafi sagau-ainai, inagi nesaya altenai, mogo-a 100-ti-nesaya ailtai, inagi mogo-a 60 nesaya aitai, inagi mogo-a 30 nesaya ailtai. ⁹Nala-amo agesa hanene-simo, aga afin kanale-huno ailsi-e mani-ke.¹⁰Inagi henaga-a Yesu akame fanenaga-mogi mahu-a Yesu-na loka-ke afigai. ''Naya-higeka meto-ke ailka ve-al-ve-aite mono-ke nehane? ''¹¹Yesu anonale maun hapapeini-e, ''Lapaka amuse- husai, naya-fene, kokuna-te muki flakini-ke ago ena hamate haneniye lapakai-te. Manfagi mani ve-ale-ve Anutu kuma age ha-olenai. ¹²Inaniya hunia-femo, kaga nalaga-mo nagai-ke alegepa ya huk-ailka kaip-kagu-kasa ate-sanamo, Godi-a mogo-e pami-sigepa apaka havite-petegi-e. Manfagi apaka nala-gitapamo nagai ke afitapa hama osu-samo, apegesa kain gi-e amuki hu-a ke-a inagi mogo-e apegesa kaingi-e muki naya keya-winaga age-halenaya.¹³ Inaniya-higeno naga meto ke ailna nehuve ve-al-ve-ite ke-hugefe. Naya-fene , apaka agenai naguf-ya huwaya-na, manfagi, kanale-ya hu-a age-afi-a hama o-sunai mani ke-mo aip-ya-a. Inagi nagai ke afina-ya, manfagi age-a ha-olenai ke-mo aipa-a.¹⁴Aisaya aune-ke-a apaka mangufa ve-alv-aite ena fole-ne-ai-ye, maun hunie, ''Nagai ke afi-gana mamfagi, afika hama osugane ke-mo aipa-a. Agegane na-ufya huwa yana, mamfao, ageka hama osugane mani huwa yakona aip-ya-a.¹⁵Inagi mogo-e ma-ge huni-e, mani aipa-leti ve-alve-i paipa huna mogo-e lokivai-geno apaka God-i ke afiyafe lagito o-paugi-e, inagi apaka apaulaga akani-geno mogoya o-agena-kawa huni-e o mogo ke o-afina-kawa huni-e, huge lama-a apaipa-fiti age ha-olenai, kanale hupategi-e faipaya-na pakame-laga ail-tesa-yana naga ailna kanale hupategu-ve¹⁶Manfagi lapaka amuse husai nayafene ago ageta hama hunai naya huwaya-na, inagi kanale-tapa afita halai mani huwa-ke. ¹⁷Lamage-ke lapapauve, hailaga paune-waya-e fotogo-waya keyavinaga maina-yana aulsi yate pauni-e mani hemeni agana yana agegefe-na, mamfagi o-agenai, inagi aulsi-yate hapauni-e afigefe mani ke hemeni afina ke, mamfagi o-afi-nai.¹⁸Afitpa lagepa hi-o meto ke mogo hoya veka-mo avinya yaga-hia meto-ke K aipa-a. ¹⁹Mogo veka-moga God-i kuma-amo-ke afina kanalen aipafi-e agu-agesafi alna o-tesimo, inagi aga ka haigi-le sagaun-aini-ya avinya gana gana hun-o maini-e, ina havi weka-Sata-a malgeya-amo mani ke paipafiti ailna teleni-e.²⁰Nalagamo malge-ya-amo God-i ke amus-yapiti ailsimo, aga yafa mopafi sagaun aini-a avinya gana-gana huni-e. ²¹Aga God-i ke ailno aupa kana-to-afi ametiti huteno, inagi aip-aguagesa-afi ailno tama-a o-teni-e. Maniguf wayana pametiti-ya-a malegeto telegai. Aga hageya avinya agifu-amo mopafaga o-laimno amegato hane-niya hu-a mainai.²²Nalagamo God-i ke afika kagukagesa-fi male-gana, mamfagi mone-e mopafi fenoya lu-aisi yafeke agesa-fifi huteno God-i fe agesa o-afino kava-a-e osusimo. Kanalene aga aufe kaumo folagapi sagaun aini avinya ganagana hu-ni-e. ²³Nalagamo God-i ke ailk-legep-huka kagu-kegesa-fi maleka akame husanamo. Kanalene aga lagepa mopafi avinya sagaun-aino lagepa nes-ya-a ailteni-a huni-e. Mogo-a 100-ti nesaya ailtai, inagi mogo-a 60-ti nesaya-a ailtai, inagi mogo-a 30-ti nesaya ail-ye.²⁴Yesu-a mogo meto ke aul huniye ve-ale-ve-ite . Mage huni-e , ''God-i kuma-na mogo veka-mo alegepa avinya witi kana gana yako-na hoya-afi kail-maleni ya ganagana hu-ni-e. ²⁵Manfagi hoya kawa veka-mogi hawai-tageta, inagi hoya-mo afo-amo kame veka-amo eno havi kau-mo avina-a eno yagau-ni-e mani hoyafi. ²⁶Inagi viti avinya hage-no nesaya ailte-mo,havi kau-e aniya huno hageni-e.²⁷Hoya-mo afo-amo-a ailya fane-amogi e-a mage hu-a hapai-nai, ''Alati-e, kaga hoyakafi alegepa avinya-a ke kail-nane, manfagi havi kau hanaya-hun fole-aino hage?'' ²⁸Inagi hoya-mo afo-amo mage huni-e, kame veka-nimo ena kalni-e mani havi kau. Inagi ailya fane-amogi mage hu-a afigai, ''Uta wakai-suno mani havi Kau-na?''²⁹Inagi hoya-mo afo-amo mage huni-e, ''Ha-auwe lapaka o-wakai-yo, fiko alegepa avinya-viti-e wakaisagi''. ³⁰Apate-gepa havi kau-e viti-e mogopi hage-a nesaya ailta lu-aisuna kana wayu-no. Hoyafi nesaya ailta lu-aisuna kana esimo, inagi nesaya ail-a alu-ne-ai waya-ife maun hapapai-gu-e, ''Havi kau-ake hogote-ya wakaita manu-aiyo ata-fi kai-sunaya. Inagi henaga-a viti-mo nesaya-a ailt-lu-aita nagai nesaya nopi nateyo.³¹Henaga Yesu mogo-e metoke huniye ve-alveite. Mage huniye,'' Kokuna kuma aga inya masteti yosamo nesaya nagi mogo weka alna nagi kalniye hoya-afi. ³²Mani masteti yosamo awinya aise-huniye muki alu yosa winya aga folaga-api hanenige waya al-a nekeilye . Manfagi loain hagen alahusimo , aga muki winya hoyafi apakasen hagegiye . Aga yosamo gufya nehage ,ina namawe-e mani yosamo akopale mo-api kisaya.³³Yesu mogo-e we-ale-we-ite mage huniye ,''Kokuna kuma aga yesti gufya nagi mogo akono aise-aisen alna tole-e mogo-e kapu sikoni-e atenigen ana pafuleniye .''³⁴Muki kana Yesu ve-ale-ve-ite ke hugefem ,aga meto-ke aike alna nehiye pakaite. ³⁵''Aga inya-hunimo nagi mogo aune wekamo keyawinaga kaini-ke aiya kawin nehiye. Mani aune wekamo huniye ,''Naga ke-huguve meto-ke aike alna we-ale-we papeiguwe naya falkiniya , hogote kana naga kokuna-e mopa-e hunowe.''³⁶''Yesu-a we-ale-we paten nagi haulateke notaga viye , apaka kame fanenaga-a e-a agaite mage hunai ,''kaga kanakeka lapeino mani meto-ke aipa-a havi kau-mo viti hoyafi hageniya .³⁷Nagi Yesu mage hapapeini-e ,''Nala wekw algepa awinya kalsimo aga Godi lekanapini-e .³⁸Hoyamo mani mopamo gufya haneniye ,nagi algepa awinyamo apaka we-a gufya Godi ke -a aiyakaveinai ,nagi havi kau-a apaka we nala sata wekamo havi aipa aiyakaveina we gufya meinai.³⁹Nagi mani kame gano nala havi kau-a kalniya , sata-ya gufya meini-e .Mogo kana leni nesaya luweigune hoyafi ,ago lekanapeini-e mani mopafi . Nagi nala we nesaya al-a luweisa we apaka Godi algelo we gufya meinai .⁴⁰Mogoke-guf aipa le apaka havi kau-a lowietene kainai atafi ,Godi-a yasi weka meinen magi muki we-ale-we fotogon nani mopa hono-husi kanafi. ⁴¹Ala wekwmo fane agelo-we alna- patesige ugai nagi apaka mukiya al-a telegai nayamo waya havi aipafi sagaunai, nagi muki ale-we nala Godi ke al-a loaina-we. ⁴²Apaka agelo-we mani ale-we pawele ala atafi yagauoate-gai ,ina pakupagafu-e avitegai nani pakaipi pawe negai. ⁴³Manfagi apaka fotogo ale-we yagemo haleya gufya-ahalegai Godi kuma-afi.Agesa hanesi weka ,aga afin nagi kanalen alno mani ke naga hu-amo.

⁵¹Nagi henaga Yesu mage loka-ke huniye kame fanenaga-ite .''Lapaka kanaleta alnafi meto-ke aipa lapakai-te huniwaya-i .Nagi kame fanwnaga-a he-hunai.⁵²Yesu mage papeini-e apaka waya nala kanalen mani meto-ke afin nagi kokuna kuma-a kame fanenaga humelegai,apaka nomo afo-amoya-a.Nomo afo-amo mogo-e algepaya alneno hamate alniye saufaya-e atafaya-e.⁵³Nagi inya wayo huniye,Yesu mani meto ke hun hono honen. Mani kona aten uni-e.⁵⁴Nagi Aga agai kote enimo Aga we-ale-we skulem pateniye Juda waya-i mono nopi, apaipa lama hetin nagi inke hunai, Mani weka mani kawa haite alni-e mani lokia alya-e. ⁵⁵Aga mani weka lama-a kapenta ganomo fane fi-e.Lama ita-amo aga Mariyafi nagi agana-amo apaka ,Jemsi-e Josep-e ,Saimoni-e Juda-epi .⁵⁶Nagi asa-amogi muki mafi lagai-e mainafi-e, Inyan mani weka mani muki yako haite alniye.⁵⁷Apaka apaipa kanaya hunai Yesu mani yako huniya, manfagi Yesu-a mage papeini-e,''Apaka alu ale-we-e alu kote ale-we mgo aune weka kanale o-tafunai , manfagi apaka waya-amo-e agai kote apaka o-alnai .⁵⁸Nagi agai lokia alya o-suni-e mani kote nayafene apaka agaite pametiti o-sunai.

Chapter 14

¹Ani kanale Heroti-a kavana meini tene , Yesu nehiyako ke afinie . v/ 2 Heroti aliya fanenaga-a magen papeini-e , '' Mani veka aga Joni Baptisi-ai , fiku aga matimati -fi halateke hetinifi , inya higeno aga lokia hanenigeno mirakol nehifi ''.³Herodiasi aguagesa alno kanere hugefe , Filipi-a agana amo akono-e , Heroti-a Joni alna tafauno eiya aya kina nagi kalavusifi ateni-e . ⁴Nayafene , Joni -a magen hapeini-e , Godi ke ha-au huniye Herodiasi kagai akono yaka avelesana yafe . ⁵Heroti-a Joni ago amigin kitegefe hiya manfagi aga ve-ale-veite amoya-hiye ,nayafene apaka Joni agenamo mogoguf aune veka meiniye .⁶Manfagi Heroti ita-amo alteni kana wayu higeno , paka nesaya nene-a amuse hunai ani taulfi Herodiasi anfane-amo eno ve-ale-vei folagapi danisi higeno nagi Heroti lusiyan amuse huni-e . ⁷Nagi ani anfane nonale amuseya hun amisiyafe ,Heroti lokia kasege ke huniye Godi-e mogo ve-i paulagafi Herodiasi anfane naya aga hauniya amigefe .⁸Ita-amo Herodiasi ago hapeini-e anfane-a na ke husiya , inya higeno nagi aga in-ke huniye ,'' Mogo uyapafi Jon Baptisi agenopa namiyo''. ⁹Kin veka-mo ala eipa kanaya hiye mani akono afigeni ke lefe , manfagi kasege ke-a atafauno nagi mogo ve agai nesaya-ale meina-te , aga he huniye Joni agenopa amsiyafe .¹⁰Nagi soldia ve alna patege u-a kalavusi nopi Joni agenopa hatagau-nai . ¹¹Joni lugo hatagaute nagi agenopa uyapafi tete-a al-ea Herodiasi anfane amnagen nagi ita-amote al-un amni-e . ¹²Nagi henaga kamme fanenaga-a ene agufa-a al-ua kitenai , kitete nagi henaga u-a Yesu hapeinai Jon Baptisi-te naya wayu huniya .¹³Yesu mani ke ago afiten, mani kona aten nagi kamme fanenaga-ae sipifi loko hune nagi unai mogo waya o-maina haupalaga . Apaka ve-ale-ve Yesu eniye ke afite-a apaka ala taun-api atre-a nagi Yesu akame hu-a nagi ka-ai mani haupalaga unai . ¹⁴Nagi Yesu mani haupalaga wayu hunimo ageni-e hailaga ve-ale-ve mainai , Eipa-a lusiyan liaitegen nagi haupateten nagi kanare huna pateni-e kali alna waya mani ve-ala-vei folagapi .¹⁵Yaye-mo un-lamnige, apaka kamme fanenaga ua Yesu mage hapeinai ,'' Mani kona waya o-maina kone , nagi yage ago un lamnigi . Alka patege mani ve-ale-ve ute nagi nesaya-api miya husai aupate haneni kote .''¹⁶Manfagi Yesu kamme fanenaga-ite mage huniye ,'' Apaka nesaya ua kauya o-sugai , patege maine-sagetapa lapakai tipi nesaya pamyo .'' ¹⁷Nagi kamme fanenaga mage Yesu hapeinai faifu breti-e tole neyame aike haneni-e . ¹⁸Nagi Yesu ke hunige mani nesaya agai-te al-enai .¹⁹Inagi henaga Yesu muki ve-ale-ve huno papige kau-fi faimenai . Nagi faifu breti-e tole neyame-e ala sagauni-e , aga kokuna-te aulaga sagaun agenen , nagi amuseya huniye mani nesaya-te . Henaga alna breti loain nagi kamme fanenaga-a pamni-e mani ve-ale-ve al-ua apamsaya . ²⁰Muki ale-ve ne-a nagi lusia pamu hute atupa atupa nesaya al-ea luveitene nagi 12-fu uyapa mele havitenai . ²¹Faif tausen ve mani nesaya nenai . Ane fane leka o-painai .²² Nete paimo , Yesu malge kamme fanenaga-a alna patege nagi sipifi loko hu nagi ua hogotai megaga apulga . Kamme fanenaga utamo , Yesu agai-a ve-ale-ve alna pagtege halateke unai ko-apile . ²³Ve-ala-ve alna patege ago utamo , Yesu agaito unheini-e avoyale nunumm hugefe . Nagi yagemo un laumnigen ko hanimo hiye , Yesu agai-a mani yapaga maiye . ²⁴Manfagi kamme fanenaga una sipiago yage animo folagapi ute .Ugefe ha haupalaga-ti saunamo hetin eniye . Nagi saunamo ani alno hetitegeno nagi sipi al uten eten hiye .²⁵Tri kiloki-e sis kiloki gufya , kotiti fafa . Yesu avoya atren nagi kamme fanenaga-ite ka-ain uniye animo agotofule .²⁶Kamme fanenaga Yesu animo agotofole ka-ain nagi enige agene-a , pamoya-aite nagi lusiya pakesfifi hute-a nagi mogo afe-mo ne-e pakesfinai . ²⁷Manfagi malge Yesu magen hun papeini-e, '' lokia veita hetinet nagi pamoya o-siyo , mona nagai kene .''²⁸Nagi Pita ke nonale magen huniye .'' Ala , lama-a aga kagai kene napeigen ka-ain eno kagai-te animo agotofule .'' ²⁹Yesu-a eno huniye .Nagi Pita sipifi loko lamno nagi ka-ain Yesu-te uniye animo agotofule . ³⁰Manfagi Pita negi sauna ne-egen ageten , amoya aino nagi anipi un-lamni-e . Animo atigaigen , Pita lusiyan keya-aini-e ,'' Ala namau !''³¹Malge toa Yesu aya yagaun tren lamnigen Pita tafaunngen , nagi hapeini-e . Ametiti yaka aise-to huniye , namofene nagai-te ametiti o-sunane ?'' ³²Nagi Yesu-e Pita-e sipifaga ua haina-amo sauna-mo hono hiye . ³³Sipifi maina kemma fanenaga Yesu agi la amite-a nagi inke hunai ,'' Lama-ai kaga Godi Fane mainane .³⁴ Nagi ua Genesareti kote wayu hunai animo gegaga-a . ³⁵Mani kote waya Yesu age-a sau hunai , aupate haneni ko-afi ke ali ute nagi kali api haneni ale-ve pavele enai Yesu-te . ³⁶Pakaipi tregen lamnige nagi Yesu-te afigenai kukena tupa kale tafaugune , apaka hailaga ale-ve nala Yesu kukena tupale ame-alte haulateke kanare hunai .

Chapter 15

¹Henaga paka Farisi ve-e Lo nekaiya ve-e Jerusalem-ti maine-a ea Yesu-e ke hunai. ²Naya higeka kamme fanenaga-ka laginogo mogi Lo aiyaka no wai ye ? ³Nagi Yesu ke nona-a hapapaini-e '' Nayafe lapaka Godi Lo-a loaiteta nagi lapakinogo-mogi aipa aiyaka-nevei-ye ?⁴Godi-a mage huniye , Lapaka ita afo tipi eiya-fi lamta maiyo . Nagi mogo-e mage hiyo , Mogo veka ita-amo fio afo-amo-te havi ge husimo aga falsino . ⁵Manfagi lapaka hunai , Mogo veka ita-amo fio afo-amo mage papeino . ''Naya naya lapamsuguf-ya , Godi-te salamana yana amuve '', ⁶Mugufa veka afo-amote aiya-te lamno o-maino . Lapakinogo mogi Lo aike aiyakavei sai , aga Godi-ke a alnie wafa ke gufya huniye .⁷Lapaka paigofe ve . Asaiya ke-mo ena haleni-e , aga mani aune ke lapakai-te hunimo . ⁸Apaka mani waya pawaya apiletike nagai-te mono neha manfagi, apaipa-mo nagai te fagite haneni-e . ⁹Apaka nagai-te paigofe mono hunai , namofene apaka waya mogi malena Lo alne-a nagi mono aipa gufya humerene nagi mogo ve-ale-ve apaya hute nagai te mono hunai .¹⁰Henaga Yesu mani ale-ve ke hige agaite ea aupa hunagen nagi magen papeini-e , '' Afita kanare-ta aliyo ani ke . ¹¹Naya waya mogi nene pawayafi un-neheiyamo ani ya waya alna haviya no-trefa waya mogi pawaya-le eni ke moke waya alna haviya hunetre .''¹²Henaga kamme fanenaga ea Yesu mage hapinai , ''Kagai-e ageka halenano hana ke mo Farisi waya paipa kanaya pamge-a kagai-te hapeivei-nai . ¹³Yesu magen nonale papeini-e , '' Muki yosa-a kokuna-te Afo nimo okalniye , apaka muki hafuya ae akainai . ¹⁴Patege-yo , apaka Farisi waya paulaga akanigi . Mogo aulaga akani veka eno mogo aulaga akani veka ka avelsimo-mo , nagi tole ae mulfaga sagau ei-ga-ai .''¹⁵Pita mani ke afiten nagi magen Yesu-te ke afige , '' Kanare-ka lapeiyo mani meto ke aipa-a , Naya waya mogi pawayafi nene un-neheiya waya haviya huno pate .''¹⁶Nagi Yesu ke huniye , '' Lapakai-e ani meto ke aipa-a ofina fio ? ¹⁷Lapaka inya ageta halesai , naya-mo awayafi un-neheimo , eipafi laumten nagi henaga haviya huniya amo en aut nehiye .¹⁸Manfagi havi ke-mo awayafi elmesimo waya-e eipafaga heine-e . Mugufa ke-mo waya huno haviya nehiye . ¹⁹Eipa mo mugufa havi aipa nehiye , havi aguagesa , waya amigi -kisa aipa nagi mariti ale-ve kumiya husa aipa .Keoke kumiya aipa nagi kotifi aigofe ke husa aipa , nagi havi ke-le ve-ale-ve al-a haviya husa aipa . ²⁰Mona ani yako waya alna haviya nehiya . Manfagi , aya ani o-fele nesaya namo waya alna haviya nosiye .²¹Henaga Yesu mani kona aten niye tole ala taun mo distriki-afi Taitya-e Saidon-e . ²²Mani kote , mogo akono Kenan waya-iteti Yesu-te eno , nagi lokiya veino keyan mage huniye , '' Alai Deviti fane , nagaite nahauto , Havi wamu-mo agufa-agafu anfane-ni ne-amgi .'' ²³Manfagi Yesu mogo ke ale nonale o-suniye . Apaka kamme fanenaga mage Yesu hapeinai ,'' Mani akono-mo keya keya huten lahafigi , kaga hapeigen latren fagi ale vino .''²⁴Manfagi Yesu ke nonale mage hiye ,'' Godi alna netregen owa mo-mo Israili waya aike halateke pavelegefe owe . Apaka sipsipi gufya legeso hunagen . ²⁵ Manfagi ani akono eno Yesu aiya fi alefeino mage huniye , '' Alai namau .'' ²⁶Nagi Yesu ke nonale magen hapeini-e , '' Kanare o-sugiye fane-mogi breti alna nagi aise aise kala ite yagaun pamsaya .''²⁷Inagi mani akono mage huniye ,'' Alai mona lama ke hana manfagi apaka aise aise kala mogi-e nenai afopimo hitalum-fi sagaun neiya atupa tapa nesaya .'' ²⁸Yesu mani akono ke nonale mage hapeiye , ''Akono kaga lokia kametit-ka ailnane, inya higeno nagi anfane-kamo halateke kanare hugiye. '' Ani kanato-le havi wamumo mani akono anfane-a tregen inagi mani kanare huniye .²⁹Yesu mani kuma atreno Golili ain kotupi uno aupa hie. Aga aupate haneni aise agoyafi haino faimini-e. ³⁰Iangi aulsi ve-alve agaite enai. Paiya lo-aini waya pavele enai, paulaga havia huni waya-e pawaya akaini waya-e, inagi pagufa-pi ailna mage-huni waya-e inagi keokepa kail hanepateni waya enai. Pavele Yesu-te enageno inagi ailna kanare hupateni-e. ³¹Ve-alvemogi pagenai pawaya akaini waya kelagage, inagi pagufa ailna mage huni waya kanale hunige, inagi paiya loaini waya ka-ainai, inagi paulga akaini waya halateke agenai. Israili waya-i Godi agi-la aiminai.³² Yesu ke hige kamme fanenaga agen magen papeini-e, '' Naga lusiyana haupatove mani ale-ve, nayafene apaka tole-e mogo-e kana nagai-e mainai-ge inagi nesaya onenagi .Naga ailna patege usaya onehie nayafene nesaya onenai. Fiko pakatesige kataga sagau eigai.'' ³³Kamme fanenaga mage Yesu hapeinai, '' Mugufa yapaga waya aupate omeinai, laga feseya osuniye nesaya kauya huta nagi mani ale-ve paumsaya.'' ³⁴Inagi Yesu pafige namigi breti ailnai, nagi kamme fanenaga hunai, seven breti e mogo aise aise neyame-ene . ³⁵Henaga Yesu mani ve-ale-ve papeige mopafi feiminai.³⁶ Aga ani breti-e neyame-e ailna Godi-te amuse ke huten inagi henaga breti loain kamme fanenaga pamnige nagi ail ue hua ve-ale-ve pamnai. ³⁷Muki ale-ve nete-a lusiya pamu hunai. Inagi henaga atupa tupa nesaya hanenige nagi seven ala uyapa male have-tenai. ³⁸Mani nesaya nena ve-i napa-mo 4-tausen ve, manfagi ane fane-e lekana opeinai. ³⁹Henaga Yesu ve-ale-ve ailna patege kopi-le unagen nagi sipifi loko hun megaga Makadan distriki-fi uniye.

Chapter 16

¹Farisi waya-e Saidusi waya-e Yesu amyo hugefe agaite enai. Apaka mogo mirakol huwo hapeinai apaka God-i ailya ne-ailye ya age halegefe. ²Manfagi aga ke nona pile magen papeiniye, '' Unepi lapaka mage nehai, hiya-mo haisa husi-momo meni algep kana wayu hugiye nehai.''³Inagi natepi mage nehai, ' hiyo-mo hainhain huten haisa huniye. Inya higen nagi meni sauna-e ko-e eigiye, He, lapaka hiya-mo huniya ageta foko nehafa. Lapaka meni kanale yako ageta foko nosai. ⁴Inani kanale maina wa-ale-we apaka havi ale-we maite-a nagi God-i te no-apeiye. Muki kanale keya hua legenaya agegesai. Manfagi apaka mogo legenya o-agegai. Ha-ao, mogoke legenya agesaya-am, aga Jona aune wekai .'' Inagi Yesu apateten uniye.⁵Yesu-e kamme fanenaga ae ani-mo megaga a ua wayu hunai, manfagi apaka kamme fanenaga apakes kainte breti ail o-menagen. ⁶Inagi Yesu magen papeiniye, '' Lapaka aulyata yagaita maiyo. Lapaka Farisi-e Saidusi waya-i yisti-le maita holowe hiyo. ⁷Inagi kamme fanenaga pakaipi folagapi mage ke hunai, '' Aga ani ge huni momo, nayafene, laga breti ailta o-menonegen huniye.'' ⁸Apaka haya ge Yesu agen haleten, inagi aga magen papeiniye, '' Lapaka lapametiti-tipi aise huniye. Nayafene lapaka mage maita nehai, ' Laga breti-ti o-haneniye.⁹Ifi lapaka ageta ha-olenai? Ifi lapekes o-finai 5-fu breti 5,000 waya nete, nagi namagi basketi uyapa maleta haweitenai? ¹⁰Inagi lapaka lapekes o-finai 7-breti 4,000 waya nete, nagi namagi basketi uyapa maleta haweitenai?¹¹Nayafe lapaka inyata ageta ha-olenai, naga breti-te nages o-fin nagi naga ke nelepaumwe? Naga inke huwe lapaka Farisi-e Saidusi waya-i yisti-fi maita holowe hiyo.'' ¹²Apaka inani ge afite-a nagi age-a halenai, aga breti logo neha yisti-le ageta haleyo o-sunifa. Ha-ao. Aga Farisi-e Saidusi waya-i ke-le maita holowe hiyo ge huniye.¹³Yesu Filipai-te Sisariya kopaga uniye, nagi ani kanale kamme fanenaga-a magen apafige, '' We-ale-we mogi mage hua We gano-mo Fane neha momo aga lama nala-ai?'' ¹⁴Inagi inke hunai, ''Mogo api mage nehai, kaga Joni Baptisi-ai. Nagi mogo api mage nehai, kaga Ilaisa-ai. Nagi mogo api mage nehai, kaga Yeremaiya-ai o mogo aune weka nehai.'' ¹⁵Inagi Yesu apafige, '' Nagi lapakai-tipi ke hiyo naga nala-ai?'' ¹⁶Saimon Pita ge nonale mage huniye, '' Kaga ani weka God-i lekanapeiniye agai we-ale-we halateke pawelesaya. Laifu-a haneni God-i Fane mainane.''¹⁷Inagi Yesu ge nona ale mage huniye, Saimon Joni fane, kaga amuse hugane. Mani mopa-fi mogo weka ani ge kawe o-ailniye. Ha-ao. Kokuna kuma-te maini Afo nimo agai-a kawelniye. ¹⁸Inagi naga magen kapauwe. Kaga Pita, nagi naga siosi-ni inani yafa agotofule kiguwe. Inagi Failsa lokiya-mo mani siosi ailna haviya osugiye.¹⁹Naga kokuna kuma ki-a kamiguwe. Mopa-fi hayaisana ya-a aga God-i kokuna-tee hayaigiye. Inagi mogoya mopa-fi tresanaya, aga God-i kokuna-te tregiye.'' ²⁰Inagi Yesu kamme fanenaga-ale lokiya ge magen papeiniye mogo waya inya hapa-opeisai aga ani weka God-i huniye ailna tresugen en agai we-ale-we halateke pawelesiya.²¹Ani kanale Yesu kamme fanenaga ife magen papeiniye aga Jerusalem-fi uten, nagi agenop maina waya-e pristi waya-e lo-mo sawe waya-e payapi hailaga aguf agafu ailguwe. Nagi amige-a failtesagen, nagi tole-e mogo kanafi halateke hetigiye. ²²Pita ani ge afiten nagi Yesu haigilaga awelen un magen ke hauniye, '' Ala, ha-ao. Ani ya kagai-te wayu o-sugiye.'' ²³Inagi maina felen Pita-fe magen hapeiniye, '' Sata-ga kamelaga- nifi uwo. Kaga nagai ka ailka nekainigi. Kaga God-i agu agesa aiyaka noweine. Waya-i agu agesa geke aiyaka neweinigi.''²⁴Inagi Yesu kamme fanenaga-ife magen papeiniye, '' Mogo weka-mo nawagi hugefem, kanaregi agai eipa agu agesa atesigen, nagi aga yofo yosa-a sagauten nawagigiye. ²⁵Nayafene, mogo weka-mo agai laifu tafaun aligi husi momo, aga laifu-a legesogi-e. Manfagi mogo weka-mo nagai-fe agesfiten nagi laifu-a atresi momo, aga laifu ailgiye. ²⁶Mogo weka mopafi muki yako ailgiya manfagi, agai laifu legeso simomo, mani muki yako-a hanayan hamaigiye? Waya mogi nonale naya-leti laifu-a halateke miya hugai?²⁷We gano-mo Fane Afo amo ala haleya-afi maiten nagi agelo we-ae egiye. Inani kanale muki we-ale-we ite miya pamigiye na aipanapa neha wame ale. ²⁸Naga lapakai-te lama ge huwe, mogo waya mafi maina waya o-failsagen, nagi We gano-mo Fane kin gufyan esige agegai.

Chapter 17

¹Tole-e mogo-e, tole-e mogo-e haninaga en utegeno, Yesu-a Pita-e, Jemsi-e, Johane-e - Jemsi kogana-amo-a, apagaipi-ge mogo hain-agasenia agoya-le hai-nai. ²Yesu agufa-mo ailno aul-wamete afole aigeno, inagi augosa-fiti yage-mo hanele ya huno haleni-e, inagi kukena-alagati kani-mo hanele ya huno ain haleni-e.³Inagi magele-yamo Mosesi-e Elaisa-e e-ana Yesu-e mono-ke ha-ai. ⁴Pita-a mani ya ageteno Yesu-na maun hapaini-e,''Alani-e, kanale hunie male mai-sunana. Kaga kaune-simo, inagi tole-e mogo-e yasi no kiguve, kagai no mogo kitena, Mosesi no mogo kitena, inagi mogoke wamete huna Elaisa no kiguve.⁵Pita-a mani ke laga-nehigeno, mogo hiya-mo tusi haleya-e hiya mo eno apitikai-ni-e, inagi mani hiya-fagati mogo keya-ke maun eni-e, ''Mona nagai-ni fane, naga naun-failni-e, aga nagai nagunegesa akame nehi-e. Inyahuni-yafemo, lapaka agai ke-geke afita-pa aiyaka wai-o. ⁶Mani ke akame fane-amogi afi-yana, aulsi-yate pamoya aite-gepa apaugosa ail laim ape hu-nai. ⁷Inagi Yesu en-ailno heti-peteno mage huni-e, ''Lapaka koli o-siyo. ⁸Inagi ail heti-pa aul-haya manfagi, mogo waya o-pagenai. Yesu-na agai ake age-nai.⁹Inagi agoya-tele ail-mele nelimpai-mo, Yesu mage huno lokia ke hapapai-ni-e, ''Mogo veka hapa-opai-sai naya agaya ya, kana egi-e Vemo Fane fail waya-i kuma-piti hetisi-mo inagi mani aga-ya yana hapapai-gai.'' ¹⁰Inagi Yesu ailya fane-amogi mau-a loka ke afigai, ''Naya-higepa kase ke-le afifiya ailna waya-mogi Elaisa hogote-na etesigekai hu-a nehai?''¹¹Yesu ke nona-a maun hapapai-ni-e, ''Elaisa-a eno amuki-ya ailno aul-halateke lagep-hugi-e. ¹²Manfagi maun mogo-e lapapauve, Elaisa-a ago e-ni-e, manfa-o mono-te agenopa waya-mogi age-fi-a hama osunai. Ha-aove. Apaka havi kawa agai-te hu-atenai. Mogoke wamete Vemo Fane yagaul-negi-e apagai paya-piti.'' ¹³ Inagi Yesu akame fane-amogi ago afi-a hala-e Johana Baptaisi-fe nehi-ya-a¹⁴Inagi hailga waya maina yapi e-a wayu hamo, mogo veka-mo eno Yesu aiya-fi aleya faino mage hi-e, ¹⁵Alani-e kau-huto ve faneni, manani kail ail-no lusi kanaya ne-ailye. Hailaga kanale atafi-e anipi sagaune-aiye. ¹⁶Ka-kame fanenaga-kale avelen uwa manfagi apaka ail kanale hu o-tai.¹⁷Inagi Yesu ke nona-a mage huno hapapaini-e, ''Lapaka havi aipa napa hutetapa lapemetit nosai, namagi kanale lapakai-e nemauve? Namagi kanale lapapai-su-e? Mani fane avelet eyo nagaite.¹⁸Inagi Yesu mani fane-pi maini havi wamu ke haun-o ail-teleni-e, inani kana-tole mani fane manani kail-amo hano huni-e.¹⁹Inagi henaga-a Yesu akame fane-amogi kesi-to Yesu-te u-a mage hu-nai. Naya-higetagi laga mani havi vamu-na ailta o-tolone? ²⁰Inagi Yesu hapapaini-e, nayafene lapaka lapametiti-yatipimo aise huni-e, lama ke lapapauve, lapametiti-yamo masteti alaga-mo wamete aise hunesi-mo, agoyafe hapaigane, ''Umale loko-huvo husana-na loko hugi-e, inagi lapakai-tena mogo -yamo kana hu-olapetegi-e.Nagi mogo ya lapaka o-sugai. ²¹.²²Inagi Gali kuma-te maina kanale, Yesu akame fane-amogi-fe mage huno hapapaini-e, ''Kana egi-e Vemo Fane haisa waya-i payapi ail paim-gai, ²³inagi hai-a kitegai, iangi tole-e mogo-e kana mai-teno hetigi-e.''Akame fane-amogi aulsi pau-hutepa pagesa alap-hu-nai²⁴Inagi Kapanium a-ya na, mone ne-ail veka-mo eno Pita-fe mage hi-e, ''Tisa-tipimo mone mia nehifi nosi-e?'' ²⁵Pita-a nonale mage huni-e, ''He, mia nehi-e.'' Mamfao Pita no-paga hai-yana, Yesu mage huno afige, ''Saimon-i, na-kagesa afine? Mopafi king-e hu-a maina waya-na hanaguf waya-ite mone ne-ail-e? Pagaipi waya-i mone ne-ailpi mogo waya-i mone ne-ail-e?²⁶Inagi Pita mage hi-e, mogo waya-i mone ne-ail-e, ''Yesu mage huno hapai-e, ''Inya hunesimo, kanalene pagaipi waya-na mone mia osu-sai. ²⁷Mamfau, mone ne-ail waya-i paipa ailta havi-a o-susune. Uvo hage ain-pi uka huku yagau-huka noyame atafau-vo. Hogoteka atafau-nesana noyame ailka awaya-a aka huka ago silva mone hane-negi-e. Mani mone ailka nagai mia-e kagai mia-e paimyo mone ne-ailya waya-na.''

Chapter 18

¹Ani kanale apka kame fanenaga ea Yesu mage hu-a afigenai,''Nala ala agi alni-e Godi kuma-ale.

⁴Inya-higen nagi nala agai-a alna afe pisimo mani faneya-a ,muguf wekamo aga ala agi algi-e Godi kuma-afi.⁷Pauhuto mani mopafi ale-ve wogoro husa kana,kanalen wogoro husa kana wayuhiye, manfagi pauhuve nala mani wogoroya huni veka nagi huno alu waya faipayate sagaunai,aga haviya hugiye.⁸Kayamo ao kaiyamo ao faipayapi asagaunisimo hatagauka atalo, kanareka maige maige ya alisayana,mogoke kayateti-e mogoke kaiyaleti kanare o-suniye ata kumapi usayana tole kayateti tole kaiyateti.⁹Inagi kaulga-mo faip-yapi ail nekatesi-mo, kanalene ailk-pukaika yagau-tolo. Lagep-ya hugi-e mogoke kaulga-leti maige maige maiya ail-sanana. Manfao kanale osugi-e tole kaulga-e maineka atafi usana-mo.¹⁰Lagep-huka yagai-teka aisa-yato-e huka mani fanenag-ife o-su-o. Lamage lapapau-ve, kokuna kuma-tena agelo-pimo Afonimo aulgale hene-ti-e. ¹¹¹²Nayane huka kages-fine? Inagi mogo veka-mo 100-ti sipi sipi afu hane nesi-yapiti mogoketo folaga-apiti lageso husimo, aga 99 sipi sipi afu-a agoya-faga pateleno mani mogoke legeso hi-a afuto uno kauya-hugifi osugi-e? ¹³Lamage-to lapa-pauve, mani afu kauya-husi-ana, amuse hugi-e muki 99 afu-alefe, mamfao aulsi-yate amuse hugi-e mani lageso higeno kauya-hi afu-tolefe. ¹⁴Mogoke wamete, kokuna-te Afo-tipimo o-hauni-e mani aise aise fane-aipiti mogo-pimo lageso husiyafe-na.¹⁵Mogo kogana-kamogi faipya hu-katesa-mo, inagi avelek uk-a haigi-tolaga hapaiyo faipya kagaitaga hunesi-ya, tanakaitini. ¹⁶Inagi kagai ke o-afisi-mo, kanalene mogoke o tole-lau kogana-kamogi pavelenek-eno, pagai-e age-fi-a lagep-hugai mani kanaya.¹⁷Inagi pagai ke afi-yafe o-afisimo, kanalene mani ke ailtapa mono no-pi vi-o. Inagi mono waya-i ke-e fisi-yafe o-hausimo, kanalene, Juda vekai hut o-ageyo, mamfau mone ne-ail waya gana gana hut ageyo.¹⁸Lama-ke Naga lapapauve lapaka,naya mopafi huta hayaisamo Godi-a mogoke kava kokuna-te huno hayaigi-e, Nagufa ya mani mopafi yikisamo Godi kokuna kumate-e yikigiye.¹⁹Nagi Naga haulateke lapapauve,mani mopafi tole veka mogke eipale meite nagi naya afigesamo,kanare Afonimo pamgiye naya afigenaya.²⁰Mopafi hana haupalaga Nagai nagile tole no tolt-e mogo-e waya atul meisamo,Naga folaga-api meiguve.²¹Henaga Pita eno Yesu na afigeniye,'' Alani, namigi kanale naga kagona-nimo faipaya tereguve aga nagaite faipaya husimo? Uno 7-kanale-fi?''²²Yesu mage hapeini-e,Naga mage 7-kanale ka-opeinove, ha-ao kaga 77-kanale faipayapi apotro.²³Inyana nagi Godi Kuma-a mogoke ya hun mogo saove veka aliya fanenaga-a miya-api alna legipaugi-e .²⁴Aga miya-api alna legepni-himo,apaka mogo aliya fane avele ea 10 000 silva mone ku alniya ena saove vekale amni-e. ²⁵Manfagi aga nonale amsi mone o-hanenisimo saove veka-a lokia ke huno mani aliya fanemo anigi fane-ae nagi muki ya-a salim huta,mani miya nonale alsunaya.²⁶Inyana mani aliya fane augosa aten laumnigen nagi sauve veka-ale ale fein nagi mage huniye, ''Oyafa, nahu hugena nagi naga nonale muki miya miyana hano huguve.''²⁷Inya hegeno nagi oyafa gano mani aliya veka hahu higen,nagi kanaya-a tregen nagi uniye.²⁸Manfagi mani aliya veka uno nagi al u aliya veka nala agaite 100-kina miya huni veka.Nagi aga vuyu-huten avele ena lugo-ale tafunen mage huniye,''Kaga nagai -te alna miya nonale namigane.''²⁹Manfagi mani alya veka augosa atenigen aiya-afi lamni-e nagi agai-a atren lamnigen nagi in-ke huniye,''Nau hugen nagi miya-ka nonale kamiguve kagai-te alnowa-ya.''³⁰Manfagi mani hugote alya veka agai ke o-afini-e. Aga mani alya veka kalawus huteniye nagi aga inya nonale miya-a amsiya. ³¹Apaka alia fanenaga-a mani-ya agenamo, apaka amuse o-sunai. Apaka ea nagi oyafa veka-api muki-ya wayu hiya hapeinai.³²Henaga-a mani alya vekamo oyafa ke-higen ena nagi mage huniye,''Kaga havi alya veka, kagaika atren lamnigeka nagi nafigane nahu kausaya nagi naga kayaka katrogeka afa-aike unane.'' ³³Nayafe kaga hahu otane kagai veka naga hahu kaunowa-yaka?³⁴ Oyafa veka-amo haiwi higen mani alay veka pamni-e agufa agafu nepam waya-ite inya higen aga muki miya nonale amsiya. ³⁵Inya manfagi kokunate Afonimo e mogo ke kawa hugiye lapakaite, lapaka kagonatipi faipaya-api o-tereneta nagi faipaya-api mogo-e pakesfita nehamo.

Chapter 19

¹Ani kanele, Yesu-a muki ke-a huno hano huno aga Galili kona aten uniye, nagi aga ena Judia distriki Joden animo mogo apulga.²Ala ve-ale-ve Yesu-a awagi hua unai nagi aga kali api alna legepa-hulpateni-e.³Nagi apaka Farisi-ve enai Yesu-te, afigefe nagi mage hapinai, ''Lama-a lomo kanalen hunifi ve-ite mogo haita awo kaite nagi ane-api pamne-a nagi apakai-pi pakesale hapafei-gesafio?''⁴Yesu ke-api mage nonale papeini-e,''Lapaka awo kaite agenai, Hogote kana Godi-a waya hulpateni-e, aga mogo veka-e mogo ane ake.''⁵Nagi Godi mage huni-e,' Mani aipa letike waya atesi-e afo e ita-amo nagi kamain meino agai ate,nagi mogoke agufa aike meisa.⁶Nagi apaka mogo-e inya tole o-meinai, ha-au, apaka mogo-ke agufa ake meinai. Inya-a nagi naya Godi hayaisimo, mogo vekamo maniya alna lo-o-aigiye.⁷Apaka Yesu hapeinai, '' Naya higen nagi Mosesi laga lapeini-e, awo pam-a mareti lo-aita nagi ane hafeigen uno.''⁸Yesu mage papeini-e,''Namo-fene lapeipamo mogo-e lokiaweni-e, inyana Mosesi kanale-ke hulpate-getapa awo kainai mareti loaiteta nagi ane hapafeina-ge unai,manfagi hogote kana inya o-haneni-e.⁹Naga lapapauve,'' Ane kumeiya o-sunigen nagi ve-a awo kai-na mareti alna loaiten nagi ane-a hafeini-e, nagi aul-a alsimo, mani veka aga kumeiya huniye. Nagi mogo veka nala mani ana alsimo inya nau-amo awo amten hafeini ana, aga ena kumeiya huniye.''¹⁰Kame fanenaga mage Yesu hapeinai,'' Inya husimo, mogo-e kanale huni-e waya-mogi mareti o-susai.'' ¹¹Manfagi Yesu papeini-e,'' Mani ke muki waya-i ke o-mane, mona mogoke mogoke waya-aike ke nala mani ke alisi vekamo.'' ¹²Mogo waya meinai mareti o-su nagi fane o-altegai . Mogo-api ita-apimo eipafi inya fole hunai. Mogo-api, aga pakaipi pagufa hatagaunage inya wayu hunage nagi mareti o-sugai. Nagi mogo-api pakaipi al-a inya hu-a meinage mareti o-sunai namofene apaka Godi Kuma-ale aliya hapaunip-e hugefe. Nala mani mareti kemo kanalen alisimo, ategen mani ke alino.''¹³Henaga apaka ve-ale-ve aise aise mafane pavele enai Yesu-te aga aya-a paten nagi nunum paugi-e, manfagi kame fanenaga-a ke hapaunai. ¹⁴Manfagi Yesu mage papeini-e,''Ke o-hepeiyo, patege aise aise mafane nagai-te eyo, kokuna kuma aga muguf ve nala agai-a atren lamnisi aipa nagi aise aise mafane-ya ametiti huni-e.'' ¹⁵Nagi Yesu mafane pakotofule aya aten nunum patenen nagi mani kona atren uni-e.¹⁶Yesu-a ka neaigen mogo neya veka ena agai-te ena mage huniye,'' Tisa, naga na algepaya husumo algepa maige maige meiya aliguve?'' ¹⁷Yesu magen hapeini-e,''Nayafe kaga algepa yatefe nafigane? Godi-a mogoke aike algepa huniye. Manfagi kaga maige maige meiya algefemo, kaga Godi muki ke-a aiyakaveiyo.''¹⁸Mani veka nagufa ke-le loka ke husimo aga aiya kaveino. Yesu magen hapeini-e, '' Mogo veka amigika kioto, kumeiya o-suo, kumaya o-suo nagi kotifi aigofe-ke o-suo, ¹⁹kaga afo-e itakamo aiyafi meiyo,nagi alu waya kaino kagaika nekei gufayaka.''²⁰Mani neya vekamo magen Yesu-te hapeini-e,''Naga Godi muki lo-a aiyakauve, naga mogo-e husumo algepa maige maige meiya alguve?''

²²Manfagi Yesu huni ke mani neya veka afinimo,eipa-a loainigen nagi eipa kanaya-e uniye, namofene aga hailaga mone-e kagoya-a haneni-e.²³Yesu kame fanenaga magen papeini-e,''Lamage lapapauve, nala vekamo hailaga ya hanenisimo Godi Kuma-ale una haiyafe hati hugiye.''²⁴Naga haulateke lapakai-te huve,aga faseya o-suni-e kemoli uno haisiya nindol aise ka-ale,inya higen aga nala hailaga ya hanesi veka hati hugi-e Godi Kuma-afi uno heisiya.''²⁵Kame fanenaga mani ke afinamo,havigu hetine nagi mage hunai, ''Nala mani faifu lama aligi-e?'' ²⁶Yesu-a pakenen nagi inke huniye,'' Apaka ve-ale-ve pakaipi hapa-omaigai laifu alisaya, Godi agaike laifu pamgi-e ve-ale-veite, namofene Godi-a muki ya hugiye.''²⁷Nagi henaga Pita-a Yesu ke nonale mage huniye ,''Kaga ageka halenane laga muki yati ateta kaga aiyaka newune. Laga naya aligune kaga aiyaka newuna yatefe?''²⁸Yesu hapapeini-e, '' Lama naga lapapauve, Godi mani saufa mopa logohuni kanale, Vemo Fane feimini-e kin siya-ale-e haleya-ae,lapaka naiyaka veisave lapaka 12-fu kin siya-le feimite-tapa nagi 12-fu gufa ve-ale-ve Israil-fi foko hugai.²⁹Muki waya noapi,nagi apakana pimo-e apasa pimo-e ita afo pimo-e nagi fane pimo au mopa pimo nagai nagile atresamo, Godi-a mogo-e 100-ti kana topeina algepa maige maige laifu pamigi-e naya api trena yatefe. ³⁰Manfagi hailaga waya nala uno hogotesimo ena henaga hugiye,nagi henaga ena waya ua hogotegai.

Chapter 20

¹Kokuna koma mogo-keya huniye waini hoya-afo-amo netepi hetin lamno ailya fanenaga kauya huno pavele eni-e agai waini hoyafi ailya hugai huten.²Henaga aga ke hun hayaiten apaka ve la-a ailya ailsayafe, mogo ke kanale miyatefe, aga ailna patege waini hoya-fi unai.³Aga 9-kiloki-fi uno nagi mogo ailiya fanenaga maketi koma-fi afa-aike hetimaina-gen apakeni-e.

⁶Alu mogo kanale 5-kiloki en utegen unepi, aga una lamno inagi ageni-momo mogo waya afa-aike mainai. Aga magen papeini-e, naya higetapa ailya o-ailta hetita mainai mafi ani kana-afi ? ⁷Inagi paka mage hapeinai, mogo weka ailya-te o-lavelni-e. Inagi magen papeini-e, Lapakai-e nagai wain hoya-fi uta heita nagi ailya ailyo.⁸Inagi une fafa-fi hoya-mo afo-amo ala weka mage huno hapeini-e, Muki ailya waya ke papeige esage-ka miya api pamyo. Henaga ailya huna waya-teti uno hogoteya huna waya-ite apamvo. ⁹Inagi ailya waya ena-momo, nala hogoteya 5-kiloki unepi ailya huna waya muki mogo ke-gufya miya ailnai ani kanale. ¹⁰Inagi hogoteya ailya ailna waya ena-momo, apaka pakesfinai ala miya ailgune hayamanfa-gi apakai-e mogo-ke miya ailnai ani kana-afi.¹¹Inagi miya api ago ailte-a, apaka waini hoya-mo afo-amo kegumge hunai. ¹²Mage hunai, ''Mani waya nala henaga ailya ailna waya,mogoke awa aike ailya ailna manfagi kaga mogoke gufa miya aike lamnane. Laga ala ailya hunone ani kanale yage-mo amuko-ae.¹³Manfagi hoya-mo afo-amo mogo-api magen hapeini-e, Konaga, naga mogo faipaya osunove kagai-te.Kaga amuse osunane inyaka kaga ailya miya-a ailgane mogo-ke kana-ale yatefe. ¹⁴Naya kagai ya ailnek nagi uvo. Nagai-nifi hunove miya pamguve apaka ailya waya nala henaga ena-te kaga hanaya-a.¹⁵Ifi naga lokiya-ni ohaneni laikini-fi ke huna naya naya huya? Ifi lapaka lapeipa fulya osunai ailgepa aipa huwaya,namofene nagai-ni neipa-le mukiya nepamve? ¹⁷Inagi Yesu Jerusalem-fi ka-aino un haini-mo, 12-fu kamme fanenaga-e pawelen uno nagi papeini-e. ¹⁸Ageyo laga Jerusalem-ti ka-aita uta hainone, inagi apaka Ve ganomo Fane awele pristi waya-e Lo-mo save waya-e payate pamgai. Aga koti hua amigi-kitegefe. ¹⁹Inagi apaka awele ugai Juda waya-iya omaina waya-i payate nagi ke gumge hute nagi hai-a saigai. Manfagi tole-e mogo kana en utesigen halateke hetigige.²⁰Henaga, Yebedi ve fanenaga ita-apimo pawelen eniye Yesu-te. Yesu eiya-te alefeino nagi mogo yafe afige. ²¹Yesu hapeini-e, '' Kaga naya-fe kauniye?'' nagi mage huniye, '' Kaga tole ve fane-ni lekanapei-tege-a kagai Kuma-te feimai-sai, mogo-mo kaya lama-te feimisige nagi mogo-a kaya hoga-te maigiye.''²²Manfagi Yesu mage hun hapeini-e, '' Kaga afigenana yamo ageka haolenane. Naga ani nesua kapufi lapaka negafi?'' Apaka mage hunai, ''Laga inya hugune.'' ²³Yesu magen papeini-e, '' Lama nagai kapufi negai. Manfagi naya lama-afi e hoga naya afi feimisaya nagai ailya omane, manafagi aniya Afo-nimo ailna maleniye nalagi pamsaya.'' ²⁴Mogo 10-ni kamme fanenaga mani ke afite-a, tole kagonala-te lusi eipa ganaya hunai.²⁵Manfagi Yesu papeige-a agai-te ea aupa hunagen ke huniye, '' Lapaka ago ageta halenai apaka alu waya agenopa maina waya yageine-patai, nagi ala agi hanepateni waya apaka-e yageine-patai. ²⁶Manfagi mugufa aipa-mo lapakai folagapi wayu osino. Kanare-gi nala tipimo agenopa waka maiguve husimo, aga ailya fane maino, ²⁷Inagi nala tipimo hogoten yana maiguve husimo aga lapakai ailya fane maino, ²⁹Inagi Yeriko atre-a nagi ua aut hunamo hailaga ve-ale-ve hafeinai. ³⁰Ani yapaga, tole aulaga akaini vekala kataga feimaina-ai. Yesu eni ke afite, keya hua nagi huna-ai, ''Alai, Deviti Fane kaga lahu-huto.'' ³¹Apaka ve-ale-ve mogi kepaute nagi fakinta mei-au hunai, manfagi mogo-e lokia vei-a keya hute-a ke huna-ai, '' Ala Deviti Fane, kaga lahuto.''³²Henaga, Yesu hetinen inagi tole wekala-te ke huniye, '' Latrakai-te naya naga husuve?'' ³³Mage huna-ai, '' La-aga laulaga aya kesiya-fe hauno-ai.'' ³⁴Inagi Yesu haupateten nagi laulaga-afi aya atenige, malgetoa laulaga-a ayakenige nagi Yesu awagina-ai.

Chapter 21

¹Yesu-e kamme fanenag-ae Jerusalem komate ua aupa hutea, nagi ua Betfage kote Oliveti awoyale wayu hunai. Inagi Yesu tole kamme fanela ailna trege wa-agen ²inagi aga magen tole wekala hapapeiniye, '' Naga meni aul-howa kote latraka vi-au. Inagi mogo donki yofi-te aitagen mainisigetaim agega-ai, inagi fane-ae maiga-ai. Nofi hatumaita naga-te awelet e-au. ³Inagi mogo gano-mo latrakai-te mogo ge husi momo, kanaregi mageta papei-au, ' Ala aga ani donki late ailya-a haneniye. Inagi malgeto ail-a latresageta ega-ai.''⁴Inani ya wayu huni momo, keyawaga aune ge aipa feiniye. ⁵Ani ge Saiyon we-ale-we ite huta papeiyo, Ageyo, Kin weka tipi meni eniye. Aga agi o-haneni guf weka yan eniye, inagi aga mogo donki-le feimaiten. Aga saufa donki-le feimaiten eniye.'''⁶Inagi tole kamme fanela Yesu papei ge-to huna-ai.⁷Donki afu ita-amo e fane-ae awele ete, inagi yatra lawolawo inani donki late nama yakeite. Inagi agotofu-ale Yesu feimainie. ⁸Inagi hailaga waya yatra kukena-api sigite ue-newa kate yakai malenage. Inagi mogo-api yosa kopa hatagau kate yakainai.⁹Inagi Yesu-te ua hogoteya we-ale-we-e henaga aya we-ale-we, muki mage keya hunai, '' Deviti Fane-le amuse husune. Ala agi-le eni weka God-i algepya hutegi-e. God-i agi mog-e ailta sagausune. ¹⁰Yesu Jerusalem kote un haiten, nagi muki we-ale-we lusiya funugu hute-a inagi mage ue-ua pafigenai. ''Ani weka aga lama nala-ai? ¹¹Inagi kataga ue-una we-ale-we mogi inge hunai, '' Aga Yesu-ai, aga aune weka Nasareti-fi Galili kopaga eniye.¹²Yesu mono no kegiyale un haiten nagi maketi mai-a neha waya hapafeiniye ani yapi. Mone senisim mai neha waya-i hitalaum ailna tugufain, nagi nama salim neha waya-i siya-e loainiye. ¹³Inagi magen papeiniye, '' God-i wuku-mo mage huniye, ' God-i no aga nunum husa no haneno hiya manfagi. Lapaka kumaya waya flaki kuma api yata nehai.'' ¹⁴Yesu mono nopi mainige, nagi apaulaga akaini waya-e apaya loaini waya-e agai-te agen, nagi kanale hupateniye.¹⁵Manfagi pristi we-e lo-mo sawe we-e aga mirakol hunige agete-a, nagi fane mogi mono no kegiyale maine maga keya hage-a afinai, '' Deviti Fane-le amuse hiyo.'' Inya hunige apaka lusiya eipa kanaya hunai. ¹⁶Inagi mage Yesu afigenai, ''Apaka haya ge kaga afinane? '' Inagi Yesu ke nona pile mage huniye, '' He, afinowe. Manfagi lapaka ani ge lekana o-peinai, ' Apaka aise fane mogi kagai agi ail-a sagaunai.'' ¹⁷Nagi aga pateten ani ko aten uniye, nagi ani haniyapaga Betani kopaga un mainiye.¹⁸Natepiti Yesu halateke ani kumate uten, nagi agateniye. ¹⁹Mogo fiki yosa ka haigile hanenigen ageten, nagi haupale viya manfagi, Mogo nesaya-a o-ageniye ani yosa-fi. Ha-ao, haita-a geke hanenigen. Inagi aga magen fiki yosa hapeiniye, '' Kaga mogo-e nesaya o-ailto. Ha-ao-ai, '' Inagi malgeto-a ani yosa fulteniye.²⁰Kamme fanenaga ani ya agete-a, nagi lusiya funugu hutea mage hunai, '' Naya mo higeno ani yosa malge toa fulte?'' ²¹Yesu ke nona pile magen papeiniye, '' Lama ge naga lapapauwe, ametiti hutetapa inagi tole agu-agesa le o-ailsa momo, ani fiki yosa le wayu huni ya-ae osugafa, lapaka maya ko hugai, mogo awoya hapeisagen, ' Hitika yage ani haneni aupulga uka laumyo husa momo, ' nagi ani ya wayu hugiye. ²²Naya fe nunum huta ailgefem, lapametiti huteta, ailgai.''²³Yesu mono nopi haiten nagi we-ale-we ite mono ke-le apaya nehige, apaka pristi we-e we-ale-we ite agenop maina we-e agai te etea, nagi afigai, ''Kaga hanaguf lokiya ka hanenigeka inani yako nehane nagi nala-a huwo ge kapeigeka ani ya nehane?'' ²⁴Inagi Yesu ke nona pili magen papeiniye, '' Mogo loka ke-e lapafiguwe. Lapaka nagai loka ke kanareta napeisa momo, nagi lapapeiguwe hana lokiya le ani yako nehufiya.²⁵Joni aga we-ale-we ani fale pateni momo, aga lokiya-a haite ailniye? Kokuna te fi o mani mopafi ailniye?'' Inagi apakaipi folagapi ke hute mogo ke osunai, '' Kokuna te ailniye husuna momo,' aga lapeigiye, ' Nayafe lapaka Joni ke-le ametiti nosai?' ²⁶Manfagi laga inke huta-a, ' Inani ya aga waya ite eniye,' ala ale-we ite lamoya aiye nayafene muki ale-we Joni aga aune weka ya-a agenai.'' ²⁷Henaga Yesu ke nonale mage hunai, '' Ageta haolenone,''Inagi Yesu mage papeiniye, ''Nagai-e lapa-opeiguwe hana lokiya ailna ani yako nehufiya.²⁸Manfagi lapaka na pakes finai? Mogo weka tole we fane-a haneniye. Aga hogote fane ale uten nagi hapeiniye, ' Fane kaga meni uka wain huyafi ailya ailyo.' ²⁹Hogote fane mo nonale mage huniye, Naga ailya ail yafe oneiye.' manfagi hanaga agu agesa senisim huten nagi uno waini huyafi ailya ailye. ³⁰Ani weka henaga fane ale uten nagi mogoke guf ge hapeinigen. Inagi henaga fane nonale mage huniye, ' Ala weka, una ailya ailguwe,' manfagi aga hoyafaga un ailya o-ailniye.³¹Tole we fanela folagapi, nala-a afo ain mo ke aiyakaweiye?'' Apaka ke nonale mage hunai, ''Hogote fane,'' Inagi Yesu papeiniye,'' Lama lapapauwe, apaka takisi ne-ail waya e kumeiya neha ane e apaka God-i kumate lapakese hogote ua haigai.'' ³²Nayafene Joni-a fotogo aipanapa-le lapakai-te eya manfagi aga te ametiti osunai. Manfagi apaka takisi ne-aila waya e kumei ane e aga-te ametiti hunai. Manfagi inani ya agena momo, lapaka lapuku ailta feleta agai-te ametiti osunai.³³Alu mogo meto ke afiyo. Mogo mopa haneniye nagi ani mopa mo afo amo hoyafaga waini kail teniye. Kegiya logohuten, inagi waini vilvilim husa kuma logohuten nagi, yagai maisa no yatra no kiten. Inagi wain-le neyagai waya-ite huya-a pakaite salim huten nagi aga atren alu kantri faga uniye. ³⁴Nesaya leni kana enigeno, inagi aga ailya fanenaga ailna patege wain hoyafi neyagai waya ite ute-a mogo nesaya ail enai.³⁵Manfagi apaka wain hoyafi yagaina waya mogi ailya waya-a patafaute, nagi mogo weka amigite, nagi mogo weka-e amigi kitete nagi, yafa kayo yagau amigie. ³⁶Haulateke mopa-mo afo amo alu mogo ailya waya, ailna patege unai, nagi hailaga api hogote una waya iteti ankaseniye. Manfagi wain hoyafi yagaina waya mogi mogoke kawa ageke pakaite hunai.³⁷Anile henaga, mopa-mo afo amo we fane-a ailna tregen apakaite uten, nagi ke huniye,' Apaka we fane nile mogo-e age halegai.'³⁸Manfagi wain hoyafi yagaina waya mogi we fane eniyeya agen paimo, apakai-pi folagapi mage ke hunai, 'Mona we fane-a aga afo amo kagemya aga ailgiye. Inagi, amigiteta afo amo muki kagemya ailsune.' ³⁹Inya hunige nagi awele ua wain hoya fifale amigi kitenai.⁴⁰Inagi wain hoya afo amo esi momo, aga naya hupategiye wain hoyafi yagaina waya ite?'' ⁴¹Inagi mage hapeinai, '' Aga wain hoyafi yagaina waya haviya hunpateten nagi wain hoya alu yagaisa waya ite salim hugiye, apaka nesaya lesi momo ail-a salim husagen hoya mo afo amo ite ugiye.''⁴²Yesu papeinai, '' Ifi lapaka God-i ke lekana opeinai. ' Inani yafa mo kapenta we-i paulagale aga haviya hunige nagi ani yafa opauniye aga apaka alu waya no lokiya posi gufya hunai. Mona Ala agai-a eipale wayu hunigen nagi lagai laulagale aitoya hiye?'⁴³Inya hegen naga lapapauwe, God-i kuma-a lapakai-te hafein nagi alu waya nalagi nesaya logohusa waya ite pamgiye. ⁴⁴Hana we-ale-we ani yafa agotofule sagau aisa momo loai aise aise hugai. Manfagi, inani yafa mo we-ale-we i agotofule aga sagau aisi momo ani we-ale-we lusiya haviya hugai.⁴⁵Inagi pristi we-e Farisi we-e Yesu huni meto ge afina momo, aga pakaite huniyeya age halenai. ⁴⁶Apaka Yesu tafausa ka kauya haya manfagi, hailaga we-ale-we mainage pamoya ainai, nayafene we-ale-we mogi Yesu aga aune wekaya agenai.

Chapter 22

¹Yesu halateke meto ke-leti papeiten, nagi inke huniye, ²'' Kokuna kuma aga mogo kin weka gufyan we fane ale mareti nesaya-a lola huten.'' ³Inagi ailya waya-a ailna patege ua nagi ke papeina we-ale-we ife uta mareti nesaya-le pawelet eyo hiya, manfagi o'menai.⁴Kin weka haulateke ailya waya-a ailna patege unai, uta ke pafigeyo apaka eyo huten inge-e papeinowa waya ife, '' Ageyo, Naga mareti nesaya ago lola hunowe, Naga fati bulmakau heten nagi fati saufa bulmakau heten, nagi muki ya ago hanetenigi nagi ani mareti nesaya le esai.''⁵Manfagi ke o'afia ue-unai, Mogo api hoya pile wage nagi mogo api mone ailya pile unai. ⁶Apaka mogo api kin ailya waya patafau pawagageya pamte-a nagi pamigi kipatenai. ⁷Sauwe weka haivigen ati waya ailna patege ua ailya waya-a pamigina ale-we pamigite nagi nokuma api e ala taun pi-e kai-a saga ailnai.⁸Henaga ailya waya-a magen papeiniye, ' Mareti kawe ago lola hunigi, mani ale-we ke papeinowa momo omagi, namofene apaka algep waya omanai. ⁹Inya huniya-nigi lapaka ka late uta nagi kauya husana hailaga we-ale-we, inagi pawelet mareti nesaya le eyo. ¹⁰Apaka ailya waya ka late ute nagi algep ale-we e havi ale-we e kauya hua luwei patene inagi pawele unai mareti nesaya le. Inani aipa leti, we-ale-we mogi ani kuma male haivitenai.¹¹Manfagi sauwe weka we-ale-we nesaya negefe luwei mainagen en aulhain ageya momo, aga mogo weka mareti kukena oweinigen agen wateten. ¹²Inagi sauwe weka ani weka efe magen hapeiniye, '' Wenimo, kaga mareti kukena oweinanigi nagi hanayaka hai-enana?'' Manfagi mani weka nonale mogo ke osuniye.¹³Inaya higen nagi sauwe ailya waya-a papeige ani weka mo aiya aya yofi kite nagi hainka wako kumafi yagautresai, aga ani kumate pagafumo huten nagi avinetea nagi pawe-api negai. ¹⁴Nayafane, hailaga we-ale-we ite keya ge ne-efa, God-i mogoke ale-we aike agai-a agu-agesa hua aikanewei-e.¹⁵Henaga, apaka Farisi we utea ke alia kayaite Yesu haviya-ae ke ale kauya hute ati nopi awele ate gefe hunai. ¹⁶Inya hige nagi mogo kamme fanenaga api ail-a patege Heroti waya e unai agaite. Ani waya Yesu fe mage hapeinai, '' Tisa, laga ageta halenone kaga lama ge aike nehane, inagi kaga God-i ke leti lama gate waya ailka apaya nehane. Kaga alu waya i pakupakesa aiyaka noweine, nagi waya ailka foko nosane, muki waya ite mogoke aipanapa aike nehane. ¹⁷Kaga kanare-ka lapeisane kagai-ka agu-agesa, lagai loka ge le? Sisa te laga takisi amisaya kanare hifi osugie.¹⁸Manfagi Yesu havi pakugesa api ago agen halete nagi inke huniye, ''Lakapa kapolo ge neha wayai, nayafe lapaka naga ailta nawatagau nehai? ¹⁹Nawe-ailyo mogo takisi miya husa mone, Nagi denarius aga 20t gufa mone agai te ail enai.²⁰Inagi Yesu pafige, '' Nala agi e augosa e ani mone le hanenie,?'' ²¹Apaka mage hapeinai, '' Sisa agi e augosa e ene''. Inagi Yesu magen papeinie, ''Kanaregi Sisa ya-am Sisa te haulateke amiyo, nagi God-i ya-am hanesi momo nagi God-i te haulateke amiyo.'' ²²Apaka ani ge afi-tepaim, funugu hute Yesu-na atre unai.²³Inani kana tofi, mogo Saidusi waya, paka failna waya mogi haulateke he-otigai hua pametiti neha waya Yesu te ea afigenai. ²⁴haiya huniye, '' Tisa, Mosesi lo mo mage huniye, ' Mogo mareti weka fane o-ailno failsi momo, inagi agana amo mani akono ailten nagi failni weka mo faneya hugiye.'²⁵Inagi, aga 7 kagona mainateti. Hogote kagona pimo mogo a ailya momo fane o-ailno nagi failnie. Aga akono-a agana amote atren failnie. ²⁶Inagi hogote fane kamelagati fane mo ani akono ailya manfagi agai e fane o-ailno failnie. Mogokeya wayu huniye namba teil fane le-e inagi inya hul un mani 7 kagona anya hunai. Apaka fane o-ail-a nagi failnai. ²⁷Ani muki 7 kagona mogi ago failtagen nagi ani akono e henaga failnie. ²⁸Haulateke hetisa kana esige hetisa momo, aga 7 kagona folaga fiti nala akono yan maigi? Nayafene, muki kagona ani akono ailnai.''²⁹Manfagi Yesu ke pile nonale mage huniye, ''Lapaka ke tipile ago haviya hunai, namofene lapaka God-i ke le agetea ha-olenai, lokiya ae. ³⁰Haulateke hetisa kana esi momo, apaka mareti osugai, o we-e a-e pami mareti husiya aipanapa o-hanegiye, nayefene apaka agelo we-i gufya maigai kokuna kumate.³¹Manfagi failna teti haulateke hetisa kawa mo, fiko lapaka lekana o-peinai naya God-i ke huniya. Aga mage huniye., ³²Naga Abraham God-i e Aisaki God-i e Yekopu God-i e mainowe'? God-i aga failna waya i God-i omane, ha-ao, aga faifu maina waya i God-i e. ³³We-ale-we Yesu apaya huni ke le afite paimo, lusiya funugu hute nagi lusiya pakes fifi hunai.³⁴Manfagi, apaka Farisi we mogi Yesu aga Saidusi we-i pawaya fakin pateni ge afi tepaimo, paka mogo haupalaga luwei maite nagi mogo ke hayainai. ³⁵Farisi we-i fiti mogo lo mo sawe weka api Yesu aina awatagau gefe nagi inke huniye, ³⁶'' Tisa, ten lo fiti hana lo mo ala huten nagi muki lo ankasenie?''³⁷Inagi Yesu magen hapeiniye, '' Kaga God-i Ala ka muki kaipa e haute ka, nagi muki lokiya ka e, nagi muki agu-agesa ka ene.'' ³⁸Inani lo aga hogote huten nagi muki lo ankasenie.³⁹Inagi henaga lo mo aga inya huniye, 'Kagai ka nekai wamete nagi alu waya ife kauno. ⁴⁰Muki lo e aune we-i ke e aga mani tole lo mo afe ale haneniye.⁴¹Farisi we mogi luwei maina momo, Yesu mogo loka ke pafigeniye. ⁴²Aga mage huniye, '' Lapaka Mesiya te na pakes nefie? Aga nala fane mainiye hunige?'' Nagi inke hunai, '' Aga Deviti fane.''⁴³Yesu pafige, '' God-i wamu mo Deviti e mainesi momo, nagi nayafe agaite mage huniye. ' Ala. ⁴⁴Ala aga nagai Ala te magen huniye, '' Naya hoga le faimeiyo, nagi kame waya ka kaiya le afepi pateguwe?''⁴⁵Deviti aga magen keya hun, ' Ala hunisi momo, ' inagi, naya higen aga haulateke Deviti fane meiniye?'' ⁴⁶Mani loka ke pafigeya momo mogo api nonale ke osunai, nagi mogo api ani kanale alu agai te loka ke afi-okenai nagi egae.

Chapter 23

¹Inagi Yesu hailaga ve-ale-ve-ite-e kamme fanenaga-ae ke huniye. ²Aga magen huniye, '' Lo-mo save waya-e Farisi waya-e Mosesi siyale feimainai. ³Inya higeno nagi, naya hiyo husaya lapaka ani ya huteta aiya kaveiyo.⁴He, apaka osagaufagafa kagoya kiye, nagi ve-ale-ve hapapeige agotofupile sagaunai. Manfagi pakaipi aise pekinogo-pile osagaugai ani kagoya. ⁵Apaka muki ailya nehai ve-ale-ve agegai hute. Apaka kukena-mo atupa hua yatra hune-a inagi mogo kukena atupa ail-a bilas hunai kukena-api agotofule.⁶Apaka agenopa maina waya-i kuma-le feimei yafe hapauni-e ala nesaya nesa kana, inagi hogote siya-le feimeigai Juda waya-i mono nopi. ⁷Inagi apaka maketi kumafi ve-ale-ve mogi algepa ke husayafe hapauni-e nagi apakai algepa ke husai , inagi ' Rabai' hupatesa yafe.⁸Manfagi paka Rabai lapakai-te osugai nayafene, lapaka mogoke tisa weka tipi meilapateni-e, inagi lapaka muki toa kagona gufyata maiyo. ⁹Mani mopafi mogo weka-le afo agi o-aiyo, nayafene, lapaka mogoke Afo tipi moke aga kokuna kuma-te meini-e.

¹¹Manfagi nala aga folagatipi-le ala weka humelesimo-mo, aga ailya fane tipi gufyana maigi-e.¹²Nala weka agai agi ailna sagausimo-mo, Godi ailno afepi pategi-e inagi nala agai-a ailno afepi tregen lamsimo-mo, Godi-a ailna sagaugi-e.¹³Eheyo, lapaka lo save waya e Faresi waya e, lapaka tole lapawaya ve! Lapaka kokuna kuma kipa-a ve-ale-ve ite kanetrai, manfagi lapakai tipi uta ohaigai. Inagi lapaka alu aleve ailta patege ohaiyo.¹⁴Apaka lo save waya e Farisi waya, lapaka tole lapawaya-e wayai, ehe-hiyo. Nayafene lapaka nau pimo ago failni anemogi no ne-ailye. Inagi waya ite kapolo ke nehai,lapaka waya-i paulagale yatra nunum nehai. Inya higeno lapakai havi miya alu ale-ve i miya ailna kasaigi-e. ¹⁵ Ehe hiyo, apaka lo save waya e Farisi waya e lapaka tole lapawaya ve! Lapaka yage ani lakaita nagi megaga-a unai hailaga mopa-le mogo weka-mo eipa ailta felegefe, inagi mogo weka agu ailna felesimo, lapaka ata kuma-mo fane yata hupatege lapakai gufya mainie.¹⁶Ehe, lapaka aulaga akaini waya gufyata maiteta alu waya ite ka pavene-ilta nagi lapaka ke nehai, 'Nala weka Godi nopi kasege ke huniye, aga mogoya omane.' Manfagi mogo weka Godi nopi gol yafa kasege ke husomo-mo aga mani kasege ke tafaun aligi husiye.' ¹⁷Lapaka lapaulaga akani waya lapaka algepa apaku-pakesa tipi ohaneni-e! Naya mogo e ala ya haneni-e? Gol yafa mo ala ya haneni fi mani mono no ani gol yafa ailna fotogo nehiye?¹⁸Inagi, Nala weka salamana ago tofule kasege ke husimo, ani weka tafaun aligi hino mani kasege ke a. ¹⁹Lapaka lapaulaga akaini waya! Mani amuseya aga mogo e ala hunifi ifi salamana mo ani amuseya ailno fotogo huniyate fe?²⁰Inya higeno nala weka mo kasege ke salamana te kasege ke huno inagi ani ya kasege ke agotofu le huten nagi muki ya e agotofu-lene. ²¹Inagi nala weka God i nopi kasege ke husimo, aga kasege ke agotofu ale huten inagi apaka God i nopi maina waya ite-e huniye. ²²Inagi nala weka kokuna kuma te kasege ke huniye, aga God i saowe siya agotofule kasege ke huten nagi ani siyale feinemaiya waya ite e.²³Ehe, lapaka lo mo save waya e Farisi waya e,tole lapawaya we! Lapaka 10 mogo aise atufei siti mint pamnai, sid dil e sid kumin aike lapaka alaya aiyaka nowei e lo aga fotogo aipa a, inagi hau aipa e ametiti e.Inagi lapaka ani ya husagufya manfagi lapaka mogomo ateneta nagi alu hunai. ²⁴Lapaka lapaulaga akani waya alu waya ite ka pavene eilye, lapaka aise lan to hafeita netraya manfagi lapaka kamel afu ailta afenaga neatai!²⁵Ehe, lapaka lo mo save waya e Farisi waya e, lapaka tole lapawaya e we! Lapaka kapumo ainaga aike sese hutetapa nagi uyapa ainaga aike sese nehaya manfagi agu ainaga tipi lapakai tipi pakesfisa yake haveiteni getapa nagi lapakai tipi amuse nehai. ²⁶Lapaka Farisi waya lapaulaga akaini e, lapaka kapumo e uyapa ainaga aike hogote sese nehai, nagi amega ya-ae kanale husai.²⁷Ehe, lo mo save waya e Farisi waya e, lapaka tole lapawaya e we! Lapaka matmati mo yawe yawe penti gufya humarenai amega pakufatipi le manfagi agu ainaga feilna waya i payanfa e havi hawa yako haweiteni-e. ²⁸Mogo keya hunigi, lapaka we-ale-we i paulagale fotogo we gufyata maina ya manfagi ainaga tipi mo hailaga kapoloya haveipateni getapa nagi lo aiyaka novei-e.²⁹Ehe, lapaka lo mo save waya e Farisi waya e, lapaka tole lapawaya e we! Lapaka aune we i matmati hutetapa nagi fotogo waya i matmati ailta bilasim nehai. ³⁰Lapaka ke hunai,laga keyawaga afo timo kanale meisuna momo, laga aya lateta aune we kola ailta olakigune. ³¹Inya hunigetapa lapkai tipi mage huta halenai, lapaka aune waya amigi kitena naga i fanenagai mainai.³²Lapakai e afo tipimo havi kawa api huta hama hunai. ³³Lapaka satai mainai nagi havi sata mo fanenaga meinai, hana kate ata mo koti ka-a kasegai?³⁴Inya higi naga nageyo, naga aune waya ailna patege enai, inagi algep fifiya hanepateni waya e lo save waya ie. Mogo api, lapaka amigita nagi saigai nagi mogo api Juda waya i mono nopi heita pamigita hapafeita ala kuma fi ua laum a mogo ala kuma te ugai. ³⁵Ani aipa moke, fotogo waya muki kola api likin laumni-e mani mopafi, Hogoten Abol kola afiti uno Sekaraiya kola Balakaiya fane, nala lapaka folagapi God i nopi amigita nagi salamana lapakai te un heiye giye. ³⁶Lama naga lapapauwe, ani mukiya wayu hugiye mani mopafi ale-we kanafi.³⁷Yerusalem, Yerusalem, nala lapakai-te ail a patege aya aune we lapaka yafa kayo teti pamigita neha nagai! Hailaga kanale naga fane-tipi pawelen luwei pategefe a kokole mo fane pawelen ahuko afaga afi nepate gufyan hua manfao, lapaka olapei-e! ³⁸Ageyo lapakai nomo fafo gapi haneni. ³⁹Inya higeno inagi naga lapapauwe, lapaka meni o nageta uno lapaka mani ke hugai, ''Amuseya ugiye nala weka mo Ala agile enimomo. ''

Chapter 24

¹Yesu nomo nopi elmeten nagi ka-ain kataga uniye. Apaka kamme fanenaga-a ene-a nagi nomo no awe-ailnai. ²Manfagi Yesu ke nona pile magi ke papeiniye, ''Lapaka ani muki yako-e o-agenai? Lama ge lapapauwe, mogo yafa mo alu yafa agotofule feio-meigiye inya husigen lo-oaina sagaun aigiye.''³Yesu a Olivi awoyale feiminige, apaka kamme fanenaga-a flaki ato agai te ete nagi hapeinai, '' Hanaguf wameya wayu hugiye atupa kanale? Inagi nagufa legena mo lawelgiye inya esi kana ka-e mani mopa mo-e atupa kana-ale eniye. '' ⁴Yesu ke nona pile magen papeiniye, '' L apaka ehe hiyo, lapaka alu waya o-patege kapolo ke lapapeite inagi havi kate lapawele o-usai.'' ⁵Nayafene, hailaga waya mogi nagai nagile ene-a. Mage hunai, Kaga Mesaiyai' hute, inagi hailaga we-ale-we fail kate pawel ugai.⁶Kaweta nehai ha ke afiteta nagi ala kame hunai ha ke afigai. Manfagi lapaka lapekesfifi osiyo, nayafene ani yako mo wayu hugiya manfagi. Mopa mo atupa kana-a wayu osuniye. ⁷Mogo kantri mo mogo kantri e kame ya ail-a wayu huga-ai. Inagi kindom mogi mogo kindom e kame hugai. Lusi yate pakayamo hute-a nagi mopa mo funugu-giye mogo ko-afaga. ⁸Manfagi ani muki yako aga agafumo hogotegufya ane mo fane ail pategefe nehagufya hugiye.⁹Henaga apaka ala kanayapi lapewele ua lapamigi failgai. Apaka kantri mogi havi kawa hulpate nagi lapafeigai nagai nagi letefe. ¹⁰Inagi henaga-a lusi ale-we apametiti api trete-a nagi, mogo waya ite pamte-a nagi nalagi havi kawa hupategesaya mogo pamte alu waya ite eniye. ¹¹Hailaga kapolo aune we mogi ea hetine-a nagi lusi we-ale-we pawele faili kate ugai.¹²Namofene havi aipa mo lusiyan wayu husigi hailaga ale-we pametiti api yasi hugiye. ¹³Manfagi nala weka lokia wein heti mein uno atupa kanale husi-momo. God i halateke awelegiye. ¹⁴Ani algepa kuma ke-a pametiti we-ale-we mogi mani mopa muki ko-afaga une hu halesai lama yate muki kantri afaga.¹⁵Inya hige inagi lapaka havi aipa e haviya waya ailna haviya husaya agene-tapaimo,Deniol aune weka keyawaga huni ke, Fotogo kumapi hetinen. Nala weka mani ge lekanapein haleno. ¹⁶Patege nalagi Judiya kote maina waya malge awoyafi welti ua heisai, ¹⁷Patege nalagi no agotofule maina teti elme-a mogo yako api nopiti ail-a kumataga o-usai. ¹⁸ Patege nalagi hoyafaga maina teti halateke nopaga kukena api o-ua ailsai.¹⁹Manfagi nahu hupatowe apaka aipugu e maina ane e nagi fane nu neapim ane ani kanale! ²⁰Inyata nunum hiyo lapaka usa kana tipi yasi kanafi o sabati kanafi wayu osino. ²¹Nayafene lusi kanaya e agafuya e ani kanafi hanegiye, mopamo hogote kana-afi wayu osuni gufa kanaya eno meni-e, ha-au, nagi henaga e wayu osugiye. ²²God i ani kana ailna aupa osusimomo, mogo weka laifu omaigiye. Manfagi apaka God i ago lekanapeini-e waya, God i ani kana ailna aupa huniye hapamai gefe.²³Inagi henaga, mogo waya mogi kapeite a. ' Ago Mesiya mafi mainiye! O Mesiya megafi mainiye!' husamomo, Kaga ani waya i ke ametiti osuwo. ²⁴Nayafene paka aigofe Mesiya e apaka aigofe aune waya ete-a nagi lusi legenya e mirakol e hute a we-ale-we havi gate pawele ugai, inagi God i lekanapeini waya e. ²⁵Ageyo, naga ani kanale ago lapapeinowe.²⁶Inya hunige, apaka lapapeite, Ageyo, Mesiya-a mogoya ohaneni kuma te mainigi lapaka uta olamyo ani kuma te. O, ageyo, aga rum faga hein mainigi, lapaka ani ge lapametiti osiyo. ²⁷Mogoke gufyan hafosa mo yage heine-e kate ailna haleten nagi una nelami haupalaga, Mogokeya aike hugiye We gano mo Fane egefe husi kanafi. ²⁸Hana ko-ale mogo feilni afu mainisi momo, mani yapaga apaka hakiki mogi ea luweigai.²⁹Malgeto ani kanafi kanaya e agafu e henaga-a, yage mo hani ailna atikain nagi kaimo haleya-a o-amgiye, kanefi mo kokuna paga sagau aisage nagi kokuna paga muki yamo kanegegiye.³⁰Inagi henaga We gano mo Fane legenya kokuna paga esige nagi mani mopafi muki waya hau-a avitegai. We gano mo Fane a haleya-ae lokiya -ae kokuna hiyapaga esige a agegai. ³¹Aga agelo fanenaga a ailna patesige egai ala kaya e mogo fu kepi e, inagi apaka we-ale-we ail-a luveipategai mopa mo tole-e tole-e fafa-agfi inya God i ago lekanapeini-e kokuna mogo haupalaga-ti uno megaga-a.³²Lapaka fiki yosate afifiya ailyo. Fiki yosa saufa akopa ain nagi haita-a aisi momo, lapaka ageta halesai yage mo kana en aupa huniye. ³³Inya hunigi nagi lapaka ani muki yako agetapaim, lapaka ageta halesai We gano mo Fane aupa kanato egiye. Kegiya mo kipa to-ale.³⁴Lama aike lapapauwe ani kanafi we-ale-we o-falisage ani mukiya wayu hugiye. ³⁵Kokuna e mopa e hano hugifa, ke nimo hano o-sugiye.³⁶Manfagi ani kana e felgu e mogo weka mo agen ha-o leniye, apaka agelo we-e o-agenai, inagi We gano mo Fane ae agen ha-o leniye. Afo geke ageniye.³⁷Nowa kanale mogo ke- gufya, mogo keya wayu hugiye. We gano mo Fane a eno agai-a we-ale-we halateke pawelen usi yafe. ³⁸Mogoke gufyan ani kanafi animo mopa malen ati o-kainige a apaka we-ale-we nesaya nene-a nagi ani nea aifoya hunai, mareti hute nagi apakaipi apeimnai mareti aipanapa-fi inya hul ua Nowa-a sipi-fi un heiniye, ³⁹Inagi mogoya agea haolenige nagi ala ani mo eno mopa atikainige inagi ani mo en muki toa pawelen uniye. Mogo keya hugiye We gano mo Fane a egefe husi kana.⁴⁰Inagi tole wekala hoyafaga maisa teti, nagi mogo weka utesigen nagi mogo weka maigiye. ⁴¹Tole atara witi mai-a kai-ateti, nagi mogo a ago utesigeno nagi mogo a maigiye. ⁴²Inya huniya nigi lapaka lohalata maiyo, nayafene lapaka Ala tipimo esi kana ageta ha-olenai.⁴³Manfagi aniya ageta halesai, nomo afo amo na hanitapaga kumaya waya egai ya-a agen sausi momo, aga yagain maiten kumaya waya o-patesige u-o hai-a no lo-oaigai. ⁴⁴Inya hunigi kagai-e lohala huka maiyo, nayafene We gano mo Fane egiye kages ofisana kana Aga egiye.⁴⁵''Inya higen nagi nala algepa fifiya-a hanenisi weka ke afiten aiyaka weisi momo, oyafa weka a agai no atesigen yagai-giye, nayafene ani ailya fane kana aleke nesaya neapeimye? ⁴⁶Kaipa fulya mani ailya fane le huwo oyafa weka amo halateke esi momo, inagi aga huni yako-a agegiye. ⁴⁷Naga lama ge lapapauwe, Oyafa weka a mukiyako-le atesigen yageigi-e.⁴⁸Manfagi mogo havi ailya fane aipa-afiti mage husimo, ' Oyafa nimo hifi omegiye,' ⁴⁹Inagi ailya fane mogo teke ailya neha-a we pamigiten, inagi nesaya nenen spaki we-i ani eten spaki huniye, ⁵⁰Inagi mani ailya fane ages ofini kanafi oyafa weka amo egiye, inagi mogo awa to agena ha-olenigen. ⁵¹Ani ailya fane oyafa weka a agufa hatagaun aise aise huten nagi aga mogoke kawa hugiye tole pawaya ai we hunepata gufya, nagi mani kote pawe hatagau avitegai.

Chapter 25

¹Ani kanale kokuna kuma inyan teni ane mogi we-e ohawaina ane. Apaka lam api alne-a ua mareti hugefe huni weka te fotu hugefe unai. ²Inagi faifu api afifiya api hanenige, nagi faifu api apaka aifo ane ai. ³Apaka aifoya hapauni ane a, lam api ailna manfagi, kalsi api ail-omenai. ⁴Manfagi apaka afifiya api hane pateni ane mogi, apaka potole fi kalsi api-e lam pi-e ailne enai.⁵Manfagi aga mareti hugefe hi gano hifi omenige, muki paukalage hawai aligi hunai. ⁶Inagi hain folugu mogo keya eniye, Afiyo, mareti husi gano enigi! Lapaka uteta agai e fotu hiyo.⁷Ani kanafi we-e ohawaina ane mogi , apaka hitine-a lam api wiki hatagaunai. ⁸Inagi aifoya hapauni ane-a hitine afifiya api haneni ane hapapeinai, Lapaka kalsi tipi mogo lamsai. Nayafene lam timo ago asu-hegi. ⁹Manfagi apaka afifiya api haneni ane mogi, mage nonale hapapeina, Ha-au-ai. Fiku lapakai e lagai e kalsi kanale osugiye. Manfagi kalsi salim neha waya ite uteta nagi mogo tipi miya hiyo.¹⁰Inagi miya miya hugefe newa momo, mareti hugefe huni gano ago enige-a. Nagi apaka lohala maina ane a, agai e mareti nesaya te u haine a nagi kita kain-nai. ¹¹Henaga mogo ane we-e ohawaina ane a, ete ke hunai, Ala-o Ala-o kita yakilto. ¹²Manfagi magen aga hapapeini-e, Naga lama lapapauwe, naga lapeken ha-olenowe. ¹³Inya huniya nigi lapaka yagaita algepa hiyo, nayafene lapaka ageta ha-olenai na kanafi o yage felgufi We gano mo Fane a esiya.¹⁴Nayafene kokuna kuma mogo weka mo fagite kopaga ka-ain nevi gufyan huniye. Inagi ailya fanenaga ke hige a nagi mogo yako payapi apeteni-e. ¹⁵Inagi mogo api le faifu ala fafa mone amten alu mote tole fafa mone amten, nagi alu weka le mogo aikene. Inagi aga apamniye mogo mogo api yagaisa gufya-a. Inagi malge toa ka-ain uniye. ¹⁶Inagi faifu ala mone ailni weka, aga uten nagi ani mone leti maketi huten, nagi halateke faifu ala mone logo huniye.¹⁷Inagi nala tole mone ailni weka mogo keya huten, nagi agai e aul mogo tole mone logo huniye. ¹⁸Manfagi mogo aike ailni weka uten nagi sauwe weka-a mone mopa kafin falkin teniye.¹⁹Yatra kanale en utegen, nagi henaga ailya fanenaga ala weka api eniye, inagi ani mone apakai e ailna kanale hugefe. ²⁰Inagi faifu ala mone ailni weka mo, aga mogo e faifu ala mone ail eten nagi mage huniye, Ala weka, kaga faifu ala mone naminane. Ago, naga alu mogo-e faifu mone ailnen owe. ²¹Ala weka-a hapeiniye, kaga algepa ailya hane, kaga kanale ailya fane, nagi naga kagai te kametiti husaya, kaga aise yale kanale ka yagainane. Inya higen inagi naga ailna katesugeka muki yate agenop weka maigane. Kaga haiyeno ala weka mo amuse kuma ale.²²Tole ala mone ailni weka mo-e aga eten mage huniye. Ala weka, kaga ala mone namnane, Ago, naga alu tole mone logohuwe. ²³Ala weka a hapeiniye, kaga algepa ailya hunane. Kaga algepa ailya fane kagai te naga kametiti huguwe. Kaga kanare ka aise yale yagainane. Inya higen inagi naga ailna katesugeka muki yate agenopa weka maigane. Kaga haiyeno Ala ka amuse kuma ale.²⁴Inagi mogo aike mone ailni weka, aga eten nagi mage huniye, Ala wekai, kagen halenowe kaga hati weka mainane. Inagi mogo kuma nesaya ne-akaine . Inagi awinya o-kailnana kuma te ailka luweinane. ²⁵Inagi namoya aigen, uten ani mone mopa kafin falkinowe. Ago, kagai ka ya geke ailnane.²⁶Ala weka-a ke nona ale mage huniye, kaga nageka halenane nesaya o-kailna kuma fi nesaya an-neakauwe. Inagi yagau otrenowa yapagati ailna luneauwe. ²⁷Inya higeka nagi mone-ni beng faga atenane. Inagi esu kanale, mone-nie mogo logo hana mone-e ailguwe.²⁸Inya hunigi lapaka mani weka-mo aya piti mogo mone ailta hafaita nagi ten ala mone ailni weka-le amiyo. ²⁹Nayafene naga mogo yako api ago hane pateni waya mukito pamisuge-a nagi mogo-e male haweitegai. Manfagi naga muki ya ailna treguwe mogo ya-a ohaneni weka le. ³⁰Inagi mani ailya fane maisaya-a ohanenigi, lapaka ailta yagautregen un laumno hain hain kumapi. Ani kumapi lusiya avinete a pawe nena kumapi.³¹We gano mo Fane haleya-ae, nagi agelo we agai-e egai, ani kanale Aga kin siyale haleya-ae faimigie. ³²Inagi muki we-ale-we agai aulagale ea luweisagen. Nagi mogo te foko huno alumote hugiye, sipsip kawa fane nehigufya sipsip mogo kaga pateten nagi meme mogo kaga pategiye. ³³Inagi sipsip naga aya lama ale pategiya manfagi, meme naga aya hoga ale pategiye.³⁴Ani kanale kin weka mo lama aya afi maina waya patpeigiye, Lapaka nalagi Afon-imo amuseya lapeisi waya, lapaka eyo. Lapaka ani kuma ailnai Afo-nimo henaga lamsi gufya. Laga mani ya lapakai te lohalata malenone mani mopa mo wayu osunige ena meni-e. ³⁵Nayafene nagamo higen mainogeka, nagi lapaka nesaya namnai. Naga anife nehigen maino getapa, lapaka ani namnai. Naga alu kataga weka maino getapa nagi notipi fi nawelet unai. ³⁶Naga nagufa laga-aike maino getapa, nagi lapaka kukena namnai. Naga kail fi maino gepata, nagi eta namainai. Naga ati nopi maino getapa eta nagenai.³⁷Ani fotogo waya mogi ke nonale mage hugai, Ala, laga haite kaganete geta nesaya kaminone? O nafina ani haigeka, nagi laga ani kaminone? ³⁸Alu kotaga maina negeta kageta, nagi lagai nopi nafina kaweleta unone? O kagufa laga-aike maina negeta, inagi kukena kamnone? ³⁹O kail fi maina negetafi, o ati nopi maina negeta, inagi laga nafina eta kagone? ⁴⁰Ani sauwe weka ke nonapile mage hugiye, Naga lama ge magen lapapauwe, lapaka apaki ohane kagona nimogi te husa momo, lapaka nagai te hunai.⁴¹Ani kanale-e aya hoga ale maina waya papeigiye, Lapaka failsa we, naga natreta muki kana maige maige ata kuma fi viyo. Ani ata Sata e agelo waya ae apakai kuma logo hunone. ⁴²Nayafene nagamo naigen maino momo nesaya onamnai, Naga anife nahei getapa onamnai. ⁴³Naga alu kotaga weka maino getapa naweleta no tipifi o-unai. Nagufa laga-aike maino getapa nagi kukena onamnai. Kail ailna main nagi ati nopi e maino momo, lapaka et onagenai.⁴⁴Ani kanale-e apakai e ke nona ale ke hugai, Ala, laga nafina kagate geta o anife kaigeka, o alu kotaga weka maina negeta, o kagufa laga-aike maina negeta, o kail ailka, o ati nopi maina negeta, inagi laga ailya huta ka-omainone? ⁴⁵Ani kanale ke nona pile ke hugiye, Naga lamage lapapauwe, lapaka apiki ohane kagona folaga apifiti osusana momo, lapaka nagai te osunai. ⁴⁶Inagi muki waya ua maige maige havi miya ailgafa. Apaka fotogo waya maige maige algepa maiya ailgai.

Chapter 26

¹Inagi Yesu mani muki ke hun honohuten, inagi magen papeiniye kamme fanenaga-a, ²'' Lapaka ageta halenai, tole kana aike haneniye, inagi Ala Kana Lagesfisune God i Israil waya kanalen apatenige maina, aga wayu hugiye. Inagi apaka We gano mo Fane kame waya i payapi awele-a atesagen nagi yofo yosa le hai-a saigai.''³ Ani kanale apaka ala pristi waya e Israil fi agenopaya maina waya ea agenopyan meini pristi weka mo nopi luweinai, agi a Kayafas. ⁴Inagi apaka ke hua hayaite ka kauya hunai Yesu atafao amigi saisa yafe. ⁵Manfagi apaka mage hunai, '' Laga ani ya osugune mono kana afi. Fiko we-ale-we agete a nagi ke lau-a kaweta lagai.''⁶Yseu na Betani kopaga Saimon nopi mainiye, aga kewaga lepla kail ailni weka. ⁷Inagi mogo akono algepa potole yafa sanda algepa atutu hanenigen ani nopi ail eniye. Yesu hitalaum te feimainigen nagi ani akono ani sanda Yesu agenopa le likitenie. ⁸Kamme fanenaga ani ya agete a nagi peipa kanaya hunai. Apaka mage hunai, '' Nayafe ani sanda likin huno nehiye? ⁹Waya ite patesunige miya husa momo, ala mone ailta lavisi waya ite pamgune.''¹⁰Yesu ke api agen haleten, inagi magen papeiniye, '' Nayafe lapaka kanaya ne-amye mani akono? Aga algepa aipa nagai te huniye. ¹¹Apaka lavisi waya lapakai e muki kana maiga fa, naga lapakai e muki kana maige maige omaiguwe.¹²Akono mani sanda Yesu agufafi likinteni-e, aga anya huni momo Yesu agufa lohala huniye matmat fi usiya. ¹³Naga lama ge lapapauwe, mopa muki haupalaga agaite ute inagi ani algepa ke hua halenai, akono mo huniya, inagi apaka agaite pakes figai.''¹⁴Ani kanale kamme fanenaga iteti mogo api, agi-a Judas Iskariot, aga ala pristi we-ite uten. ¹⁵Inagi aga magen pafige, '' Naga Yesu awelen lapakai payafi lapamsu momo, lapaka naya namgai?'' Inagi 30 mone silewa amnai. ¹⁶Inagi Judasi Yesu awelen payapi pamsi ka kauya huniye.¹⁷Yisti ohanine Breti Ala Kana hogote kana-a, kamme fanenaga Yesu te etea mage hunai, '' Kaga hana yapaga nesaya lohala husune kaga ani nesaya neneka God i Israil waya Algepyan Patenige Maina Kana kagesfisane?'' ¹⁸Inagi Yesu mogo le papeiten inagi aga inke huniye, '' Lapaka taun faga uta haiteta nagi ani weka le uta mage hapeiyo, ' Tisa mage huniye kana-a ago en aupa huniye. Nagai e kamme fanenaga nie kagai nopi eta nesaya neta God i Israil Waya Algepyan Pateni Kana lagesfigune.'','' ¹⁹Inagi kamme fanenaga Yesu papeini ke hua aiya kaweite nagi ani nesaya lohala hunai.²⁰Inagi upaga Yesu na kamme fanenaga ae hitalaum feimaini-e. ²¹Nesaya mai-a nenagen inagi aga inge huniye, '' Naga lapakai te lama ge lapapauwe, mogo tipi nawelen nagai te kame neha waya i payate pamgiye.'' ²² Apaka kamme fanenaga ani ge afite-a lusiya peipa ganaya hute nagi apaka afigai , '' Ala, nagai fe hano?''²³Inagi ke nona pile mage huniye, '' Nawelen kame waya i payate natesi weka mo, aga mogo atipi nagai e nesaya uyapa-fi aya waigiye. ²⁴We gano Fane failgie, God i wuko mo aga huni gate inyan failgie. Manfagi mogo e nahau huwe Wegano mo Fane awelen kame we-i payate apamni weka. Nayafe ita amo al-otesenene ani weka. ²⁵Judasi, agai kene Yesu awelen kame waya i payapi pamgefe, aga magen Yesu te afige, ''Tisa, fiku nagai fesapi o?'' Inagi Yesu mage huniye ago ke hutane.''²⁶Nesaya mai-a nenagen, inagi Yesu mogo breti ailten, nagi God i-teamuse ke huno lo-ain, nagi kamme fanenaga pamten. Inagi mage huniye, ''Lapaka ailta neyo. Mona nagai nagufai.''²⁷Inagi mogo kapufi waini ailten, nagi God i-te amuse ke hun pamten, nagi mage huniye, '' Lapaka muki ani waini neyo. ²⁸Mona aga nagai kolai kontraki husaya.Naga likin hailaga we-ale-we i faipaya hafeitreguwe. ²⁹Naga lapapauwe, naga waini mogo-e onena main uno nagi saufa waini lapakai e neguwe Afo nimo kuma te.³⁰Inagi mogo yake hute-a nagi taun atre-a Olivi awoyale unai. ³¹Yesu kamme fananega ite magen papeiniye, '' Lapaka haniyapaga nagai te waku huni yako agete inagi lapametiti mo sagaun-aigie, nayafene God i wuku mo magen huniye, ''Naga yagaini weka amiginogen nagi sipsipi mogi a welti ue unai. ³²Manfagi halateke hetiten, inagi lapakai te un hogoteguwe Galili.''³³Pita-a ke nona ale mage huniye, '' Ha-ao apaka alu waya mogi kagai te wayu huniya agesa momo inagi apametiti mo muki sagaun aisagea nagi apaka katregai, naga o-katreguwe.'' ³⁴ Inagi Yesu magen hapeiniye, '' Naga lama ge kapauwe, meni haniyapaga, kokore keya osunisi geka, tole-e mogo kana mage hugane nageka ha-olenane.'' ³⁵Inagi Pita-a hapeiniye, '' Ha-ao kagai-e failsu momo kagen ha-olenowe magen osuguwe. Ha-ao-ai, ''Inagi muki kamme fanenaga mogoke guf ge hunai.³⁶Mogo aupaulga Getsemeni unai kamme fanenaga ae. Inagi aga magen papeiniye, '' Lapaka mafi feimeiyo, naga megaga-a un nunum huguwe.'' ³⁷Inagi Pita e Sebedi tole fane-a pawelen agai-e unai. Inagi lusiyan eipa kana huten nagi havi aguf agafu ainiye. ³⁸Inagi magen papeiniye, '' Neipa mo lusiyan kana naigen, nagi failsa toa hugi, Lapaka mafi maineta nagai e yagaiyo.''³⁹Inagi aga megaga to uten, nagi augosa afiti mopa faga sagaun aiten magen nunum hiye, '' Afo nimo, inya husi momo, kanaregi kaga ani kapu nagai te hafeisanaya neiye manfagi. Kaga nagai nagunagesa le osuwo. Ha-ao. Kagai-ka aguagesa geke aiyakaweiyo.'' ⁴⁰Inagi Yesu tole-e mogo kamme fanenaga ale uni momo hawai mainagen paketen. Inagi Yesu Pita te magen afigeniye,''Naya hunigetapa? Lapaka mogo nagai-e yagaita maisai fi-o? ⁴¹Lapaka yagaita nunum huta maiyo. Fiku aina tagausiya esige tapa sagauta aisagi. Lama, eipa ani ya hugefe hiya manfagi, agufa mo lokiya-a ohane.''⁴²Aga mogo-e halate uten, magen nunum hun, '' Afo nimo, mani kapu o-nakesesi momo, inagi nesuwe. Kanaregi kagai eipa geke aiya kaweiyo.'' ⁴³Inagi halate kamme fanenaga ite eni momo, hawai mainagen pakenie, nayafe, lapaulaga kana nehuye. ⁴⁴Inagi apeten tole-e mogo kana un nunum hun, nagi aga hogote huni gufa nunum huniye.⁴⁵Henaga kamme fanenaga ite eten magen papeiniye, '' Lapaka hawai tetaike maina fio? Afi o. Kana ago wayu hunige nagi meni apaka We gano mo Fane ail-a faipya neha waya i payate pamnai.⁴⁶Lapaka hetigeta vino. Ageyo apakai payate nawele pamsa weka mo, aga aupato eniye.''⁴⁷Yesu ke maina nehigen, inagi Judasi 12-fu kamme fanenaga iteti mogo api aga eniye. Hailaga waya e agai e enai, nagi naipe e kayo e ailne enai. Apaka pristi we-e we-ale we ite agenop maina we ail-a patege enai. ⁴⁸Ani weka Yesu apakai ayapi awelen pamgefe, aga mogo wame ya magen papeiniye, '' Yesu hain nesu momo lapaka hakita tafeiyo.''⁴⁹Inagi malge toaYesu te eten ke hun, ''Hainagai, Tisa.'' Inagi hain neniye. ⁵⁰Inagi Yesu-a magen hapeiniye, '' Nagai wekai, hugefe hana ya huwo, '' Inagi waya mogi ea Yesu te apaya ate-a nagi atafaunai.⁵¹Inagi Yesu-e maina weka mo naipe wuyu hun. Inagi pristi ailya fane-a amigin nagi naipa leti agesa hatagaunigen agesa sagaun ainiye. ⁵²Manfagi Yesu magen hapeiniye, '' Naipe ka ku-afi ategen haneno. Muki waya naipe fiti kaweta husa momo, naipe mo haviya hupategie ⁵³Ifi ageka ha-olenane, naga Afo nimo afigesugen, inagi hailaga agelo we ailna patesige, 12-fu ami naga pakase nagi ea namaigai? ⁵⁴Manfagi inya husu momo, nagi God i wuku fi haneni ge mo aga lama wayu osugiye, God i wuko huniye, ani yako nagai te wayu hino.''⁵⁵Ani kanale Yesu ani waya magen papeiniye, '' Lapaka naipe e kayo e ailneta natafau gefe enai, mogo kame weka-o kumaya weka patafau gefe-o? Muki kana mono nopi kegiyale feiminen we-ale-we ite apaya nehuwe. Lapaka ani kanale natafausaya? ⁵⁶Manfagi ani muki ya wayu huni momo aune we mogi kaina ge aipafeiniye.'' Inagi muki kamme fanenaga Yesu atea ue unai.⁵⁷Apaka Yesu tafauna we pristi weka Kayafasi nopi awele ua. Inagi apaka sawe waya e ageno waya e luwei mainai. ⁵⁸Pita-a Yesu awagin viya manfagi, aga aise to fagi ale mainiye. Aga pristi weka mo no kegiyale un heiten note weya e faimenie. Aga Yesu te naya wayu hiya agegefe.⁵⁹Apaka pristi we-e muki kansole waya mogo aigofe ke hage ea Yesu nehi aipanapa te aigofe ge hunai. Amigi fail gefe apaka haviya-a kauya hunai. ⁶⁰Inagi hailaga waya ea agai te aigofe ge hunai. Amigi fail gefe haya manfagim mogo haviya huniya ke hua ha-olenai. Manfagi henaga-a tole wekala ea ⁶¹inagi mage huna-ai, '' Mani weka mo mage huniye, '' Naga God-i mono no karateten nagi tole-e mogo kana tofi halateke ailna hetiteguwe.''⁶²Inagi agenop pristi weka mo hetiten Yesu te mage afigeniye, '' Kaga mogo ke-le nonale osugano, a? Haiya hugiye kagai te haya ke?'' ⁶³Manfagi Yesu mogo ke osuniye. Inagi agenop pristi weka hapeiniye, '' Naga kafiguwe laifu-a haneni God-i te, nagi kaga lama ge agotofu-le huwo meni. Kaga ani weka God-i lekanapeige-ka agai we-ale-we halateke pawelegano? Kaga God-i Fane maina-pi o God-i Fane o-mainane?'' ⁶⁴Inagi Yesu magen nonale hapeiniye, '' Kagai-ka ago hutane. Manfagi naga lapapauwe, henaga agegai We gano mo Fane God-i ala lokiya-ale aya lama-afi feimaiten, Inagi aga kokuna hiya-mo agotofule maiten egiye.''⁶⁵Inagi pristi weka ani ge-le lusiyan funugu huten nagi agai-a kukena hatata hun mage huniye, '' Aga God-i taga bilasi ge huniye. Agai aipanapa-le ke husa waya mogo-e keya o-sigetao. Ha-ao. Menito afinagen God-i te bilasi ge huniye. ⁶⁶Lapaka na pakesfinai agai-te naya husaya? '' Inagi apaka ke nonale mage hunai, '' Aga hanegekeya-a haneniya-negeno aga failsiye.''⁶⁷Inagi Yesu agosa awetuna haite-a nagi amiginai. Nagi mogo api Yesu solapim hute-a, ⁶⁸inagi ke hunai, '' Kaga God-i lekanapeini weka-gi, kaga aune ge huwo meni, Ani weka kamigi momo, aga nala-ai?''⁶⁹Pita kumataga feimainiye, no-mo kegiya-le insaiti faga. Inagi mogo ailya akono agai haupale eten ke huniye, '' Kagai-e Galili te Yesu-e nemeine.'' ⁷⁰Manfagi Pita ha-ao huten muki waya-i paulagale mage huniye, '' Naga afin ha-olenowa ke hane.''⁷¹Inagi henaga-a kegiya-mo kipa atupale haneni nopi uni momo nagi alu mogo ailya akono ageten aupate maina we-ale-we ite magen papeiniye, '' Mani weka Nasareti Yesu-e nemei wekai.'' ⁷²Inagi Pita halateke ha-ao huniye, ''Anafaga lama ge huwe ani weka agen ha-olenowe.''⁷³Henaga-a aupate heti maina waya, ea Pita mage hapeinai, ''Lama kaga apakai te mogo api mainane. Ke kamo ago hamate kateniye. ⁷⁴Inagi Pita mogo-e lokiya ke mage huniye, '' Anagale naga lama ge huwe ani weka agen ha-olenowe. Naga aigofe husu momo nagi God-i haviya huntegiye.'' Ago ke hutegen, nagi kokole-mo keya huniye. ⁷⁵Inagi Pita halateke agesfiniye Yesu huni ke ale, '' Kokore mo avi o-tesigeka, kaga tole-e mogo kana mage hugane kagen ha-olenowe.'' Inagi Pita kumataga laumten lusiyan aviteniye.

Chapter 27

¹Kotinige, nagi muki pristi-e we-ale-we ite agenop maina we Yesu amigi-a failsa ge hunai. ²Inagi henaga baklain nofite kitete-a, nagi awele ua hogote gawman Paileti ayapi tenai.³Judasi, aga ani wekai kame waya-i payapi Yesu awelen pamniye. Kotifi Yesu havi ge haunagen nagi kanaya-e amnagen ageten. Inagi saufa agu-agesa ailten nagi ani 30 silwa mone pristi-e agenop waya-e amniya, inagi pakai te halateke ail uniye. ⁴Inagi magen papeiniye , '' Naga faipaya hunowe. Lapayapi lapeimno weka, aga kanaya-a o-haneniye. Inagi amigita failgai,'' Manfagi ke nona-ale mage hunai, '' Aga lagai-ya o-mane. Kagai-ka kanayai.'' ⁵Inagi Judasi ani silwa mone mono no kegiyale yagauntreten, nagi agai-a un nemu-ain failniye.⁶Pristi we mogi ani silwa mone ailte-a nagi mage hunai, '' Ani mone mona kutulmone-gi.Mono no mone-e o-tegune.'' ⁷Inagi mogo ke hu hayaite, nagi ani mone leti mopafi kuyi logo neha waya-i aise mopa-api miya hunai. Ani mopa fagite waya-i matmati hanegiye hutea. ⁸Inya higen ani mopa agi-mo, Kola Mopai huge-a nagi waya mogi anya agi ne-ai.⁹Inya hige nagi God-i keyawaga mogo aune weka Yeremaiya awaya-fi huni ke aipafeinye. Aga mage huniye, '' Apaka ani 30 silwa mone ailnai. Apaka Israil we mogi ani mone lekanapei tenai ani weka miya hugefe. ¹⁰Inagi ani mone-leti mopa-fi kuyi logoneha waya-i mopa miya hunai, inyan Ala napeini ke.''¹¹Yesu hogote gawman Paileti weka mo aulagale hetin mainigen, nagi Paileti Yesu magen afige, '' Kaga Juda we-i sauwe weka fio?'' Inagi Yesu ke huniye, '' Kagai-ka ke hunane.'' ¹²Inagi ala pristi we-e agenop we mogi-e Yesu-te lusi ge haya manfagi, Aga ke pile nonale o-suniye. ¹³Inya higen inagi Paileti halateke magen afigeniye, '' Kagai-te haya ke fiko o-afinane?'' ¹⁴Inagi Yesu Paileti ke nonale-ale mogo ke o-sunigen. Inagi Paileti lusiyan ages fifi huniye.¹⁵Ani kafu-le muki ala mono kana, hogote gawman mo mogo ati no-piti maini weka hafeinetrai. We-ale-we mogi pakai-pi ati nopi maina weka agi aitagen, nagi Paileti ani weka ailna ategen pakai-te neviye. ¹⁶Inagi ani kanale mogo havi weka ati nopi mainiye, agi-a Barabasi-ai.¹⁷We-ale-we mogi ago ea tul hutagen, nagi Paileti magen pafige, '' Lapaka hana weka lapauniye ailna tresugen lapakai-te usiyafe? Naga Barabasi ailna tresufi, ifi Yesu-a God-i awelen tenigen eniye neha weka ailna tresugen ugiye?'' ¹⁸Paileti mage huniye, nayafene, ago agen haleniye, apaka Yesu teke peipa kanaya hute, nagi koti-fi awele enai. ¹⁹Inagi Paileti aga jasi siya-ale feimaini momo, akono-a ke ailna tregen magen agai-te eniye, '' Kaga mogoya ani fotogo weka-le o-suwo. Haniyapaga mogo lagam nifiti ageten, nagi lusi kanaya nagufa nifiti ainigi.''²⁰Pristi we-e agenop we-e we-ale-we-i peipa ail-a hetite, apaka Paileti-te mogo-e ke husagen nagi Barabasi hafeiten nagi Yesu amigin kitesi yafe. ²¹Inagi hogote gawman mo halateke magen pafige, '' Ani weka-la fiti nala-a awelen tresuwe? Inagi we-ale-we mogi mage keya hunai, '' Barabasi-ai.'' ²²Inagi Paileti pafige, ''Lapaka naya lapaunai ani Yesu-te God-i awelen tregen eniye ha weka naya hutesuwe. Muki mage hunai yofo yosa-le haita saiyo.²³Inagi Paileti pafige, '' Nayafene? Aga na hanegekeya huniye? '' Manfagi apaka lusiya hegaweite, '' Yofo yosale haita saiyo hunai.'' ²⁴Paileti ageni momo, agai ke o-afigai, nagi lusi kaweta hugefe hagen. Inya higen we-ale-we-i paulaga-le ani hefinoaya-a sese huten nagi, Aga mage huniye, '' Inagi mani weka failsi momo nagai kanaya o-mane. Aga lapakai-tipi yane.''²⁵Inagi muki we-ale-we mogi ke nonale mage hunai, '' Ani kanaya lagai-e fane-tile hanegiye.'' ²⁶Inya hunigen Paileti Barabasi ategen apakai-te uniye. Soldiya we papeige Yesu sefu amte. Inagi henaga Yesu awelen sodiya we-i paya-pi pamniye²⁷Inagi hogote gawman mo soldiya pimo Yesu awelen gawman nopi ua heite-a, nagi agai augosa-le muki watul hunai. ²⁸Inagi kukena-a sigi trene nagi haisa kukena ail-a wei-atenai. ²⁹Inagi aufe yofi ail-a sauwe hati gufya hute-a, nagi agenopa-le atene, Nagi mogo kayo aya lama-afi tete. Nagi agai-te ale feine, nagi aga-te bilasi ke hua mage hunai, '' Felgai, Juda we-i sauwe weka.''³⁰Inagi awetuna haite-a, nagi ani kayo Yesu ayapi atena kayo ail-a agenop-ale amiginai. ³¹Apaka ani muki aipanapa hua haviwa ge agai-te hute-a, nagi weitena kukena ail-a sigi, nagi halateke agai-a kukena weitenai. Inagi awele unai amigi yofo yosa-le saigefe.³²Apaka ka newage, nagi soldiya we mogi Saireni kopaga weka agenai, agi-am Saimon. Inagi awalagen Yesu yofo yosa sagaun hamainiye. ³³Inagi mogo haopalaga ua wayu hunai, agi-am Golgota. Ani agi-mo aipa-am inya huniye, Ageno yafa-e koe. Inagi ani yapaga ³⁴atu nehi marasini waini-fi atenai, aga negiye hute-a. Inagi nena afigeniya manfagi, aga o-neniye.³⁵Soldiya we mogi Yesu yofo yosa-le hai-a saitete paimo, nagi pakai-pi folagapi kukena-a lo-ai nagi satu yokolo lenai. ³⁶Inagi ani yapaga feimaine, nagi yagainai agai-te. ³⁷Agai agenop agotofule mogo ke mage kainai kotifi hutena ke. Mage hunai, '' Mona Yesu-ai Juda we sauwe weka-api.''³⁸Yesu haupale tole kaweta-e kumaya wekala hai-a seitenai. Mogo weka Yesu aya lama afi seitete nagi mogo weka aya hoga-alene. ³⁹Inagi we-ale-we mogi e-ute agai-te bilasi ge hunai, Algep agenopa-kai hunai ⁴⁰nagi mage hunai, kaga mono no karatete-ka nagi tole-e mogo kanafi halateke ail-ka hetitegane hanigi, Kagai-ka kamau. Lama kaga God-i Fane maisana momo, nagi yofo yosa ateka elmeno.''⁴¹Apaka pristi we-e afifiya api haneni waya-e agenop waya mogi-e mage bilasi ge agai-te hunai. ⁴²'' Aga alu waya aike hapamainiya manfagi, agai-a ha-omaigiye. Aga Israil waya sauwe weka-api. Nagi yofo yosa atren elmesigeta nagi agai-te ametiti husune.⁴³God-i te ametiti huten mage huniye, ''Naga God-i Fane mainowe.' Kanaregi, God-i hausi momo, God-i hamaisiye.'' ⁴⁴Yesu haupale seimalena kumaya wekala mogo guf ke geke Yesu-te huna-ai.⁴⁵Yage folagapi 12-kiloki, hain-mo muki mopa-afaga atikainigen, uno 3-kiloki une paga-ene. ⁴⁶Inagi 3-kiloki gufya, Yesu lokiyawein magen keya huniye, ''Eli, Eli, lema sabaktani?'' Ani ke mo aipa-am mage huniye, ''God-i niye, God-i niye nayafe natrane? ⁴⁷Mogo waya haupa-le maina-te, apaka ani ge afite-a, mage hunai, '' Ani weka-mo Elaisa-te keya huniye. ''⁴⁸Inagi mogo weka-api malge weltin un mogo spansi ailten nagi waini-fi atenige. Inagi waini ani yapi malen haweiteni momo, mogo kayo-le kiteten ail-un Yesu amniye nesiya. ⁴⁹Manfagi mogo-api in-ke hunai, '' Tafeiyo, age-teta. Elaisa en hamaisi-fi o-susifi?'' ⁵⁰Yesu mogo-e lokiyawein halateke keya huten, nagi awamu-a ategen unigen nagi failniye.⁵¹Ani kana-tofi ala lawolawo mono nopi saimalenagen nehane ya anaga-ale li-ain un atopa-ale lo-ainigen, nagi tole fafa-le lo-ainiye. Inagi mopa-mo kanege huten ala yafa goko lo-ainiye. ⁵²Inagi matmati kuma mo yititen, nagi God-i lusi we-ale-we-a keyawaga ago failna-te, hetinai. ⁵³Apaka matmati atete-a, nagi Yesu henaga hetini momo, apaka God-i kuma-te ua heinage, Inagi hailaga waya mogi apakenai.⁵⁴Kepten weka-e soldiya we-e Yesu-te yagai mainage, mopa-mo kanege huten nagi ani yako wayu huniye, inagi lusiya pamo-aite-a. Inagi mage hunai, '' Lama-ai ani weka God-i- Fane.'' ⁵⁵Hailaga ane-e mainai, apaka Yesu awagi hute-a nagi Galili ate ea hamai gefe. Mani ane fagi-ale heti maine aul hai-a mainai. ⁵⁶Folaga-apifiti mogo-api aga Mariya-a Makdala kote a. Inagi mogo akono aga Mariya, Jemsi-e Josepi- e ita-ainmo. Inagi mogo akono aga Sebedi tole fane-a ita-ainmo.⁵⁷Une-paga mogo mone weka Arimatiya koye weka, agi-am Josepi-e, aga eniye. Agai-e Yesu kamme fane-ai. ⁵⁸Aga Paileti taga uten afigeniye Yesu agfa ailgefe. Inagi Paileti soldiya we papeige nagi Yesu agufa ail-a Josepi amnai.⁵⁹Inagi Josepi Yesu agufa ailten nagi yaweyawe lawolawo-te hayain ateniye. ⁶⁰Inagi aga Yesu agufa ail un agai-a saufa matmati-fi ateniye. Ani matmati-mo ago mogo yafa kapi Josepi waya papeige logo hunai. Inagi Josepi yafa ail-ena ani yafa kipa-a kainiye. Inya huten nagi uniye. ⁶¹Makdala kote akono Mariya-e alu Mariya-e maina-ai. Matmati aupa-te feimaite, nagi aul hai-a mai-ai.⁶²Sabati kana en utege, nagi henaga, apaka pristi-e Farisi waya-e ua Paileti agenai. ⁶³Apaka mage hapeinai, ' Ala weka, laga mogo ke lagesfune ani aigofe gano-mo o-failnigen huni ke. Aga inke huniye, ' Tole-e mogo kana en utesigen halateke hetiguwe hunigi. ⁶⁴Laga papeisunege nagi ani matmati kipa lokiyawei male kainsai, ani tole-e mogo kana-afi. Fiku kamme fanenaga-a ea Yesu agufa kumaya hute-a we-ale-we ite mage papeisage, Aga matmati-fi ago halateke hetiniye. ' Inagi ani aigofe ge-pimo Yesu agai-a keyawaga huni aigofe ge-a ankasesigi.''⁶⁵Paileti papeiniye, Lapaka wasi weka tipi maini fio. Lapaka ka tipile uteta, nagi lokiya weitapa nofi aiteyo. ⁶⁶Inya hige matmat kaintetea. Inagi mogo legenya malenai yafa akainsa. Nagi yagaisa waya mogo patenai.

Chapter 28

¹Sabati kana ago honohigen, nagi viki hogote kanafi yage mo un laumsi kana en aupa higeno, inagi Makdala Mariya e alu mogo Mariya e matmati age gefe a-ai. ²Malgetoa lusi funugu wayu honiye. God-i agelo weka-a kokuna kuma atren elmeten, nagi yafa kapi kipa-ale male kaina yafa ailna helewen treten nagi mani yafa agotofule feimainie.³Agelo weka mo augosa fiti hiya mo nehigufyan haleten, nagi kukena aleti aisi gufyan yaweyawe aike huniye. ⁴Apaka ati we mogi agai-te pamoya aitea, lusiya funugu hua nagi failna we i gufya hute mainai.⁵Manfagi agelo weka magen tole atra ife huniye, '' Latraka amoya osi-au. Naga agen halenowe, latraka Yesu kauyate a-ai, aga ani weka yofo yosale hai-a saimerena weka. ⁶Aga mafi omainiye. Ago hetiniye, aga kewaga ago huni ke-le. Eta maini ya-afaga. ⁷Inagi malgetoa utea kamme fanega mage papeinai, aga matmati atren ago hetitenie. Afiyo, Aga lagai tefe Galili kote un hogotenigi, nagi lapaka ani yapaga uta agegai. Naga mani ge lapapei gefe owe.⁸Tole atra lusiya kol ha-a manfagi, mogo amuse hutea, nagi matmati atrea ail-a welti-ai kamme fanenaga-a papeigefe. ⁹Inagi Yesu ka fafale fotu hu pateten, nagi inke huniye, '' Natene,'' Inagi haupale ua aiya tafau te, nagi agai-te mono ha-ai. ¹⁰Inagi tole atra ife Yesu magen huniye, '' Latraka kol osi-au. Latraka uta kagona nimo papeige nagi apaka Galili kopaga usai. Apaka ani yapaga nagegai.''¹¹Tole atala newage, nagi mogo ati we matmati fi yagai maina te taun faga ua heitea, nagi naya wayu huniya pristi we ite hapapeinai. ¹²Inagi pristi we apaka agenop we-e mainea, nagi mogo ge hunai. Ati we-ite ala mone pamtea, ¹³inagi mage hunai, '' Lapaka mage husai, ' Haniyapaga hawainonege kamme fanenaga-a ea agufa-a kumaya ail unai.¹⁴Inagi hogote gavman mani ge afisi momo, kanaregi laga agai-e ke husunege tapa lapaka kanaya oailgai.'' ¹⁵Inagi ati we ani mone ailtea nagi papeina ge-le aiyakaweinai. Inagi ani gemo Juda waya-i folagapi une uno, nagi Juda waya ani ge hul ea hemeni e nehai.¹⁶Apaka 11 kamme fanenaga Galili kopaga utea, nagi Yesu viyo hun hapanepei awole wayu hunai. ¹⁷Inagi Yesu agetea agai-te mono haya manfagi, mogo api tole pakupakesa ailnai¹⁸Inagi Yesu aupate eten magen papeinie, '' God-i ala agi e lokiya e namniye kokuna e mopafi e muki ya yagaisaya. ¹⁹Inya hunigi lapaka uta muki we-ale-we nagai kamme waya hupatetea. Inagi lapaka God-i e Fane e Fotogo Wamu agi-le ani falepateyo.²⁰Inagi muki lapamnowa ge-le waya ailta apaya husage aiyakaweisai. Afiyo naga muki kana lapakai e maina un hono husi kana e maiguwe.''

Luke

Chapter 1

¹Lagai folagapi alagepa aliya afole ainiya ke hailaga wayamogi kamalenae ke. ²Hogote kanale afole aini yamo apaulagafiti akenae inani wayana Goti aliya wayane. Inani awage lapaipaiye. ³ Inaya higanae aliya alina afole auwe, Inani kemo aepae naga avo kanae fotogo huwe, Hogote kanare afole animofe naga kagitega alina kamuwe, Tiofilas, apagae alegepa wayane. ⁴Tamage huga-a naga alina gaya huwaya afiya aliyo.⁵ Judia Herodi-a sauwe mainiya kanale mago pris wega mainiye Sekaraia Abaisa anagapaiti-ae. Aganoamo agi-amo Elisabeti-a, aga Eron anaga paiti-e. ⁶Anaga mugi ke aepa aiyaga newai-ae,inaya higae anaga Goti aulagale maia fatogo huana maina-ae. ⁷Elisabeti anamo tega ana mafane ani omaige ana anu-anegalo la-ae.⁸Mago afina Sekaraia mugi u-a mono aliya aliye Sekaraia-e uno Goti aulagale mono aliya aliniye. ⁹Apaga satu yogolo lea la-a Goti nopi haino mono aliya aligifi hua agea afole aina, alagepa salamana atafi kaesafe, inani kawateti' Sekaraia na lekana paitae.¹⁰Sekaraia alagepa atu salamana kae ,mugi ve aleve Goti mon nomo malaga maine-a nunumu hunae.¹¹Ala vegamo agelo eno aya tamaga efute hetiniye aga alagepa salamana ata kaegefe. ¹²Sekaraia agelo wega ageteno fanugu huteno ala amoya aiye.¹³Inaya higeno agelo vegamo hapaiye,; Sekaraia, kaga koli osuwo, nayafene Goti-a nunumu kega aga ago afiye ,agamo Elisabeti mago nenewe mafane alitegaiye ,agia Joni-ae huga huwo.

¹⁵Nayafene aga Goti aulagale ala agi aligiye aga logiya ani bia oneno ,ato aipafi maineno awamumo faino hawai tetegaiye.¹⁸Sekaraia agelo wega hapaiye ,haiya huna kegae lamake huguwe? naganie ani a-e ago anu anegalo loae . ¹⁹Agelo moa ke anona-a hapaye ,naga Goti aulagale hetina nemauwe. ²⁰Kapau ke Goti legana paimaleniya kanale afole aigiye , inaya hikega naga gapauwa kele kametiti osane, inagi kawaya laugisi kega ke osuga ani auga mainekeno mafanega afole aigiye.²¹Ve alave yatala kana agawa hae Sekaraia ala vegamo nopiti hati lami siyafe, apagu apakesa afiye haiya higeno-ae yatala kana maiye nopinaga. ²²Henaga-a Sekaraia hatilaminoa apagai-e magoe keke osiye nayafene ,awaya laugae ,ayateti keke hiye naya agitega afole aiya ya, ve alavemogi apakesa afi aemo aga alagamuna nopinaga maineno age. ²³Sekaraia alamo nopi pris aliya alisa kana hano higeno-a no alega atigineno viye.²⁴ Henaga-a inani ya afole aite kenoa aganoamoe Elisabeti aibae faefu kaifi falakino maiye, Elisabetia hiye.²⁵Alamo aipa falu yateti naibae mauwe, aga inani yateti nawagege ya ve-alave ai apaulaga leti alino atale.²⁶Sikisia kaifi Elisabetia aibae maiye, Nasaleti Kotia agelo wega kebrieli na atalegeno viye, inani ala galili taunifi. ²⁷ Aga uno wenemo afene-e keke huniye Josepete legana paimalenakeno, sauwe Deviti anagapaitia aga wenemo amo agiamo mariya-ae.²⁸Inagi Agalo vega Mariya-te awayu hunoa mage hiye '', alegepa feluga-e, Koti-a kagai-e maineno asumi huga teteno alino alagepaya huga tegaiye. ²⁹Inaya huteno Mariya hailaga agu akesa afiye, mani ke na-agufa ke afuwe.³⁰Agelo vega hapaiye, kaga koli osuwo,MariyaKoti-aipa kamiye. ³¹Kaga kaipaguya hutega neneve mafane alitegane kaga agiamo Jesu-ae huwo. ³²Aga ala vega maigiye, Koti-a anale vegamo mafane hua agi agae, Koti-a alino sauwe Deviti aginagomo awamete alino awayu hutegaiye. ³³Jekopu anagate sauwe maige maige hugiye, Inaya husikeno hano hunofanene osugiye.³⁴Mariya Agelo vega ma-auno hapaiye',' inani yana haiya huno awayu hukiye , naga venemo ane ve-e ohawa nowe. ³⁵Agelo vegamo-a ke anona-a hiye,afate avumo-a kagaite ekaiye, Koti logiya amo gaga kati kagaiye.³⁶Afiyo negafo kamoa Elisabeti-a ago anekalo lete, inaya huni yanagi aga mafane 6 kai ago akase, inani afemo ve-alewe mogi mafene ali o-ategaiye hua apagesa afinae. ³⁷Goti-a muki ya-a hukiye.³⁸Mariya hiye; inagi naga ala vegamo kayo kayo ane, hana ke nagaite afole aigiye; Agelo vega ataleno viye.³⁹Inani kanamo-a henaga- a, Mariya-a hetinomagale uniye Judia agoya tauni kumate. ⁴⁰Ala tauni Judia awayu hiye, eno Sekaraiya note awayu hiye,Elisabetina felugae huno ke amae. ⁴¹Inamu mafane moa Elisabeti aipafi logo hiye, Mariya-a feluga-e hutegeno-ae avamumo-a Elisabeti-na faino hawaitete, inagi Koti agi alinoasagaiye.⁴²Ala kefiti ke-ano Goti-a alagepa ya hugate kaga kamiya asumi mago ane apagaseno kamiye, mafane alite sana mafane Koti-a asumu hute. ⁴³Naga lanageno-ae alanimo ita-amo eno naga negegefe hiye. ⁴⁴Afiyo, mafane naipafi mainiya mafane-mo logo hiye, amuse yae felugae kega ne-afu geno-a. ⁴⁵Kaga amuse huwo nayafene, kaga kametiti hana awamete yana tamage afole aigiye.⁴⁶Mariya huno aemo,naipamo-a ala vegamo agi alino asagaiye. ⁴⁷Ina naune namemo-a aga amuse hiye Goti-a nama-e yafe.⁴⁹Nayafene, Goti-a mugi logiya aleti aga alaya alagepa ya hunate, aga agia sene huniye.⁵⁰Goti-a apaga wayamo apagai api afepi atalageno lamina wayamo hau huno apate,agi aiyafi nemai wayamo, meni ve-ane hau huno apate henaga ve-ane `aite-e hau hupategaiye. ⁵¹Ayamo aga logiya-a haneniye, aga alino apatelegaiye apagai api apagi alia neasagaya wayamo.⁵²Aga sauwe kini wayana sia abileti alino ne abatale, inagi aga ala apagi omale waya-a alino alagepa hune apate.⁵³Inagi aga alagepa neya neapamiye neyafe apaga-teya ve-alave, ina aga mone waya alino neapatale, inagi aga alagi magoya noapa-miye.⁵⁴Aga Isarali waya hapa nema-e, apaga agai-a aliya ve-alave-ae.⁵⁵Alufina kanale, aga ke aepa aino atafino ae-mo apaga alina alagepa hupate gauwe,inaya higeno-ae ago ke-aepa-a aiyaga waiye. Abrahamu-na hau hute, ina mafane aipaifi meni afole ai mafane-e ina henaga kanale-e.⁵⁶Mariya 3-a kai Elisabeti-a ago maite no-a,inagi aga ago ataleno noguma alega wiye. ⁵⁷Elisabeti-a mafane alitesa kana egeno, inagi aga neneve mafane alite. ⁵⁸Elisabeti waya amogi-e negafo amogi-e ma-au-a afiye. Alamoa alakepa ya hute, inagi apaga Elisabeti-e amuse kose hae.⁵⁹8ti-a kanale mafane agufa hatagu kefe awale-a wae apaga inani kanale atalu ainaya ve-aleve mogi,apaga Sekaraiya-ae hua agi amigefe mafane hae, magoge agufa agi afo-amo-e. ⁶⁰Ha-ao-ae mafane-mo-a ita-amo hiye, agi Joni-ae ⁶¹Inagi apaga haipaiye,inani Joni-ae agi anaga kafi oma leniye.⁶²Afo amo-e apayateti keke ha, inagi afigae na-agufa agi mafane gae amigane. ⁶³Inagi aga hapapaiye mago avo kaesu ya namiyo agoto fule amikeno aemo avo ma-auno kae, mafane agi-amo Joni-ae mugiamogi inani ya agete-a fanagu hute-a hetiye.⁶⁴Magale atoa Sekarai-a awaya aga higeno-a alu ke lagauno Goti aiya alino asakaiye. ⁶⁵Haute mainaya wayamo, ina ala fanagu hae naya Goti-a Sekarai-a na huteya yafe, apaga u-a mago waya hapa paiye naya aga yafe, inagi mani ke awagemo-a viye agoya Judia kumatega.⁶⁶La-a mani awake afiya, apai pale atafutea inani wayamogi inagi make hae naya mani mafanele afole ai-gie alopa hesiya momo? nafene Goti-a ayamo agai-e hane.⁶⁷Afate awamumo-a Sekaraia-pi havai tete kenoa, aune kemo huno hama hiye.⁶⁸Ala vegamo aiya alita asagaiyo,Isareli Goti-a aga enoa ve-aleve kalabusi fiti hatu malete.⁶⁹Aga sauwe Deviti anaga paiti mago api atalegeno lagai tega eniye, aga alino alagepahule-tesiya logiya-a haneniye. ⁷⁰Goti abaune wayamogi abaune ke ma-aua hunae, inani yana afole aigiye. ⁷¹Aga kame wayatimo apaya paiti lawalegaiye, inagi laga alia haviya hune lataya waya-ai abaya paiti.⁷²Inani-ya himomo nayafene, aga hau laginogomogi hupateniye aga, inani kasa ke akesa afiniye. ⁷³Aga afotimo-a Abrahamu-e huniye.⁷⁴Goti-a logiya ke huniye, kame waya tapimogi logiya apaya paiti lapawale kauwe, inagi goli osuta agaitega lapaleya faita mono afiyo. ⁷⁵ Ina maita fatago aepa-e maita pai aipae mugi afina nomai ya tafipi aiyaga waiyo.⁷⁶Inagi gaga mafane niye, henaga-a apaga kogunate Goti kaune vega hua kagi aegae gaga ala vega uga hogotega ka waligane, ve-aleve atigene-a agaitega esayafe. ⁷⁷Gaga ve-aleve ma-auga hapa paigane,Goti-a faipaya apimo alino ataleteno alu apawale gaiye.

Chapter 2

¹Ani kanale sisa Ogustassia mago alo male mugi Romu kamanifi mainaya ve-alave lapagi bukufi maleyo. ²Inagi hogote kanale mugi ve-alave amogi apagi legana paiga-e inaniya afole aiye Kuirinusi-a aga agenopa gamani huno Siria wanisile maini kanalene. ³Inaya husigea magoke magoke waya u-a apagi maleyo mopa apa apile.⁴Josepe-a sauwe Deviti anaga paiti wegae, inaya higeno-a Nasaleti tauniGalili ataleno viye Judia, Deviti tauni-nifi agia Betlihemu -e.⁵Aga Mariya-e gavo huana anagi malegefe wa-ae, Mariya-a mafane aipa -ene, inani agano Josepete maiyo hua legana paitena.⁶Betlihemu awayu hute ana, Mariya mafane alitesa kana eno aupa hiye. ⁷Mugi-a wafa noa hawaite geno-a no mai saya yana omale,inaya hige-ana anaga u-a na fulu magamo nopi maia hawa ne-ana malu mafane alite teno lavolavo fi alino haya teteno fulumagamo uyapafi hawaete.⁸Inani hani inaga sipsip kawa waya sipsip apile Betlihemu taun gumatega hani inaga yagaina. ⁹Mago agalo vegaapagaite eno awayu hiye, inaya higeno Goti hale kani yamo-a aeno halepate gea ina apaga koli hae.¹⁰Agelo moa hapa paino aimo lapaga koli osiyo, naga amuse kase ke lapa gaitega alina owe, mani amuse kemo mugi ve-aleve amuse kase ya apami guwe. ¹¹Meni kanalemo Deviti taunifi , mago amoa mafane alite, inani mafane moa mugi waya apawale gaiye agai-a Jesu-a alane. ¹²Lapaga ma-auta ageta afole aigae, mago mafane lavolavo kenafi hayae tete-a fulumakamo uyapafi hawae atena-e.¹³Magale-a koguna tegati ala ami agelo waya awayu hua ani agelo wegae maiye,hute-a Goti agi awage alia asaga-e. ¹⁴Agi-a aliga asagauwo Goti-a agi-a kogunate nehane mopafi wayana apaipa faluya-e maigae Goti-a aipa faluya apamiye.¹⁵Agelo anagamo ago atale-a koguna tega haita geno sipsipi kawa wayamogi mage hae, magale-a meni Betlihemu uta maniya afole aiya ya agegaune ala anumayamo-a lapapaini yane. ¹⁶Magale-a u-a Mariya-e Josepe-e u-a anawa tena-e inaya higea u-a fulumakamo neya uyapa fimo agenae mafane hawete nagea.¹⁷Ago agetea, apaga ke hua hama hunae nake agelo vegamo-a hapa paini ke mafane.¹⁸Mugi ve-aleve mogi nake, kawa waya mogi haya ke afite-a amuse gose hai. ¹⁹Mariya-a mugi kea aipafi maleneno agesa afifi nehiye. ²⁰Sipsip kawa waya atakine-a u-a, Goti agi alia asaga-e naya akete-a afite-a ha yafe, hapa-pai- awamete.Ato alitegeno 8-kanamo agamelaga, agufa hataga-e agi-a Jesu-ae hae ani agi agelo vegamo-a aminiya agiye ita amo-a aipaguya osu nigeno-ae.²² Goti aula gale alia fatago husa kana ago hano hiye, Mosese ke ae-pamo huniye, Mariya-e Josepe-e mafane awale-a yagame notega Jerusalemu ala anumaya lega u-a amina-e.²³Ala vegamo ke ae-pa haneniya awamete anaga aiyaga waina-ae,mugi malu mafane ita amo alitesiya ,apaga ala anumaya amiyo.²⁴Apaga atu samana kae, ala anumayamo ke ae-pamo huni awamete, tole saufa namalaoffa amiye.²⁵Inani kanale mago vega Jerusalemu mainiye, gai amo Simioni-ae, inani vegamo aga fatago aepa nemale Goti tega aga mono neafiye, aga agawahiye Goti-a legana painiye Issaleli waya apaipa alino alagepa hugefe ina awamu agai-e mai niye. ²⁶Awamumo-a ma-auno ago hapaniye, aga magalea ofaligiye, ha-ao ae ala Jesuna maineno agegaiye.²⁷Awamumo-a Simioni-na laino hetite genoa yagame nopi naga falena hauwe,tole ita afo amogani awale una-ae Mosese alo-mo huni aepale. ²⁸Inagi Simioni-a awaleno ayapi atafuniye, ina God-ti- agi alino asagau niye, mage hiye. ²⁹Alane gagaiga kawa vegaga ategeno aipa faluya-e vino, kegamo huni awamete.

³⁶Mago aune agano agiamo Ana-e mainiye, aga Panuel afane aga Asa anaga ai paiti-ae, ago anegalo le aga ve aliteno 7-veni gawu mainiye. ³⁷Aga ani Ana vea fali tegeno 84-a kafu mainiye, Ana-a yagame nona no atale neya mosineno nunumu nehiye felu gae hani inigae ³⁸Inani kanale Ana-a mafanemo haute eno aupa huteno God-titiga amuse hiye, aga mono ke huno hama mani mafane God-tia apawelesi yafe Jerusalem agawa maiye.39Inani mugi gawa-a hutea, alamo ke aepamo huni kawa Galiliga atagine wae, apagai api tauni Nasareti unae.40 Mafane alopa heno logiya aliye aga alagepa afi-afi ya aliye God-ti aipa faluya agai-e maiye.

Chapter 3

¹Sisa Tiberiasi-a 15-a kafufi sauwe gawa mainiye Judi-a nogumate, Pontias Paileti-a aga ala gawa mainiye, ina Herodi-a aga galili gawa alino yagainiye, ina kogana amo-a Filipi-a Ituri-yae Tragonitisi-gae aga gawa maiye, Inagi Lisaniasi-a aga Abelene gawa mainiye. ²Ani kanale Anasi-e kaiafasi-e hetprisi maina-ae God-ti ke amo-a Sekaraia mafane Joni tega tusi gote eniye.³Inaya higeno, Jodeni ani hao'palega uno mono huno mage hiye mugi wayana lapaipa aita afeleyo faipa yatapi fiti ina lapau ke huteta mono ani faleyo ina God-tia faipa yatapi ate lela pategaiye.⁴Inaya higeno mani ke aune vega Asaiya wugufi hane niye, mago awaya keya ke waya omai hao pafi ke-ae,alamo ka aliga lalo laya huto, ka aliga fatago fataga huto.⁵Otu fina faino hawai teyo, agoyawe gafi tapa otu waiyo, lage lowalo kana ai tapa api aiyo, ina haviya huni yapi alagepa ka waliyo.⁶Mugi ve-ane mogi God-tia lawaleni aliya akega-e.⁷Hailaga ve-ane mono ani fale gefe Joni tega-ae, ina mauno hapa paiye, lapaga havi satamo mafane anagane' la-a ina agufa ke huno lapa paiye, God-tia alino haviya hulapa tegaiye,ina haiya hutapa lapaune hetapa mani kanaya ata agesega-e.⁸Lapaga faipa yatapiye huta hama huteta lapau ke faipa yata piye hiyo,ina lapaga make osiyo, Abrahamu laga afotimo-ae; lama kea lapa pauwe God-tia aga logiya-a hane niye ma yafafe hapai sigeno Abrahamu mafane hamale gaiye.⁹Kone ago yosa aepale haneniye mago yosamo-a alagepa neya-a ali-o atesi momo, inagi apaga mani yosa hata gau-a atafi yaga autega-e.¹⁰Waya mogi Joni-a nake hiya ke afiye, ina agai-a afigae laga naya hugune ¹¹Aga ke anona api hapa paiye ina mage hiye, inagi mago vegamo tole kena ali nesi momo,inagi aga kena-a oma lenesi vega aga fago huteno,ina neya-a hanete nesiyavegamo-a aga neya-a hane o-ateniya vega neya fago huteno.¹²Gamani tagesi ne aliya waya mogi Joni teti mono ani falegefe enae, ina afigae, Tisa-o laga naya hugune? ¹³Joni-a hapa paiye, lapaga hailaga mone ali yo apateyo, Sisa-a legana bai lapa teniya ato-a aliyo.¹⁴

¹⁵Ve-alave mogi animo afite-a apagesa alapa aiye figu Joni-a inani ala vega egaiye hua agawa huna vegafi. ¹⁷Aga savolu speti ayapi alineno egaiye witi hoyafi inoya hugefe ina witi neya nopi alino alu aigefe, nopi alino alu aigefe, inaya husigeno alagepa osu witimo haleti ya-a hano osu atafi gae tegaiye.¹⁸ Joni-a ve-ane lega alagepa ke- e hailaga ke-e huno hama huno hapa painiye. Ani kanale Joni-a Herotina ke haiye, gamani le agenopa vega apiye,nayafene aga kogana amo agano Herodia-sina alino agame hiye, ina Heroti mago-e havi apa male. ²⁰Heroti-a mago-e havi aepa male, Joni-na kalabu-si hute.²¹Ina ago mugi ve-ane mono ani faleta gea, Jesu-e mono ani fale. Ago mono ani faleteno nunumu nehigeno koguna kipa yagiye ²²Afate avamumo-a alino Hakiki kana huno alino hamale teno.ina eno agaite eno hagale.Ina mago keya ke kokuna kumateti ma-auno e,Kaga mafaneni nahuge nahuge nehuve.naipamo-a gagaife amuse hiye.²³jesu-a misini aliya-a alino hetiye aga 30-ti a kawu huteno ae.ve-nae mogi apaga apagesa afi aemo aga Josepe mafane hae. Josepe-a aga Heli mafane. ²⁴Heli-a aga Matati mafane. Matati-a aga Livai mafane. Livai-a aga Melki mafane.Melki-a aga Janai mafane. Janai-a aga Josepe mafane.²⁵Josepe-a aga Matataiasi mafane. Matataiasi-a aga Amosi mafane. Emosi-a aga Nahamu mafane, Nahamu-a aga esli mafane. Esli-a aga Nagai mafane.²⁶Nagai-a aga Mati mafane. Ina Mati-a aga Matataiasi mafane. Mtataiasi-a aga Semeni mafane. Ina Semeni-a aga Joseki mafane. Joseki-a aga Joda mafane.²⁷Joda-a aga Joanani mafane. Ina Joanani-a aga Resa mafane. Resa-a aga Serubabeli mafane. Ina Sarubabeli-a aga Salatieli mafane. Salatieli-a aga Neri mafane. ²⁸Neri-a aga Melki mafane. Melki-a aga Adi mafane. Ina Adi-a aga Kosamu mafane. Kosamu-a aga Elmadamu mafane. Elmadamu-a aga Eri mafane. Ina Eri-a aga Josua mafane. ²⁹Josua-a aga Eliasa mafane. Eliasa-a aga Jorimi mafane.Jorimi-a aga Matati mafane. Matati-a aga Livai mafane.³⁰Livai-a aga Simioni mafane. Ina Simioni-a aga Juda mafane. Juda-a aga Josepe mafane. Josepe-a aga Jonamu mafane.Jonamu-a aga Eliakimi mafane. ³¹Eliakimi-a aga Meliya mafane. Meliaya-a aga Mena mafane. Mena-a aga Matata mafane.Ina Matata-a aga Natani mafane. Natani-a aga Deviti mafane. ³²Ina Deviti-a aga Jesi mafane. Jesi-a aga Obeti mafane. Ina Obeti-a aga Boasi mafane.Boasi-a aga Salmoni mafane.Ina Salmoni-a aga Nasoni mafane.³³Nasoni-a aga Aminadapu mafane. Ina Amidapu-a aga Edmini mafane.Edmini-a aga Ani mafane. Ani-a aga Hesroni mafane. Hesroni-a aga Peresi mafane. Peresi-a aga Juda mafane. ³⁴ Juda-a aga Jekopu mafane. Ina Jekopu-a aga Aisake mafane. Aisake-a aga Abrahamu mafane. Abrahamu-a aga Tera mafane.Ina Tera-a aga Naho mafane. ³⁵ Naho-a aga serugu mafane. Serugu-a aga Reu mafane.Reu-a aga Peregu mafane. Perugu-a aga Ebe mafane. Ebe-a aga Sila mafane.³⁶Ina Sila-a aga Kainani mafane. Kainani-a aga Afaksadi mafane. Afaksadi-a aga Semi mafane.Ina Semi-a aga Noa mafane. Noa-a aga Lameki mafane. ³⁷Lameki-a aga Metusela mafane. Metusela-a aga Inoku mafane. Inoku-a aga Jaredi mafane. Ina Jaredi-a aga Mahalaleli mafane. Mahalaleli-a aga Kenani mafane. ³⁸Kenani-a aga Enosi mafane. Enosi-a aga Seti mafane. Seti-a aga Adamu mafane. Ina Adamu-a aga God-ti mafane.

Chapter 4

¹Avamumo-a Yesu-pi havaite, inagi aga Joden ani ataleno eniya kumataga alu niye, inagi Avamumo-a avalelino hau- haunie kumate mago vaya omai naya kumate avalelino uniye. ²Yesu-a 40 ti-a kana maiteno hau kumapi Sata-a aeno avatagau niye, inani kanare aga neya onegeno aga agate.³Sata-a aga hapaiye, "inagi kaga Goti mafane, kaga ke hugeno mani yafamo-a ainafeleno breti hamale siyafe", ⁴Inagi Yesu-a ke nona-a maya huno hapaiye, Goti vukumo-a mage huniye, "mago vekamo-a neya teti laefi no-aliye,"⁵Henaga Yesu-na avalelino analaga hainiye mago aupilaga haino kasaeniaupilaga, magale-to-a aga muki ala kuma-a aveliniye. ⁶Inagi Sata-a Yesu-na hapai-niye, inagi naga muki lokia kamisu kega kaga mani ala kuma ale yagai gane, lokaeka yole muki afeno ya-a yagai gane, mani muki yana nagai yane, inagi naga amiguve la-a naga amigefena, ⁷Inagi, kaga kaiya aiga lo-aeka nagaite mono afisanana, "inagi kaga mani muki ya-a aligane."⁸Inagi Yesu-na ke-nona-a hapino aemo mage huniye. Goti vukumo-a mage hiye. "kaga ala Goti taga mono afito kagaiga magoke atolaga."⁹Inagi Sata-a Yesu-na avalelino uniye Jerusalem inagi aga avaleno mono nomo agotofulega ateniye, inagi aga hapaiye, inagi kaga Goti mafane mainesana-na, inagi lago huga lamiyo, ¹⁰Nayafene Goti vukumo-a mage hiye, aga Agelo anaga-a hapai sigea kaga alagepu-a yagaiga tega-e. ¹¹Inagi apaga apaya teti katafau lisageno inagi yafamo-a kaga kaiyafi haino ofale gaiye.

Chapter 71Jesu a ve ane-aite mono hute-no Kepanauni gumate uniye.

²Mago Ati waya-aite agenopa ya huno maini vega -moa aliya mafane a ala kari ali-teno falige sie. ³Ati waya aite kawa vega-moa Jesu a mainiye ke afi-teno,Ju waya-mogi alopa-api alino apatale-gea unae,Jesu fe ega kari a aliga alagepa huto a afi-gege unae. ⁴Jesu te e-a wayu hute a apagai-api atala-geno lamini-ge-a ma-ke hua afi-gae, Mani Kawa nena alagepa vega-e. ⁵Aga tagai gofena nehai-ye, agai-age mono noti kine-late.⁶Inagi Jesu a apagai-e uniye. Jesu eno note aupa higeno,Ati kawa vega-moa afalu amogi-na alino apatale-ge-a u-a Jesu na ma-ke hua hapai-nae, "Ala-ne gaga yatala ka ane, naga alagepa vega omai-nogi nonifi omo". ⁷Inani yafe gagai-te ome-nowe,gaga ke-galeti hugeno aliya mafane-ni kanale hino. ⁸Mani ke hu mona nayafene mago anale maina waya-mogi apaiya-fi mai-nowe,mago ati waya-na nagai naiya-fi maina-e.Mago ati vega-e,'Uwo' hugeno neviye,inagi mago ati vega-e,'Eno',hugeno ne-e,aliya mafane-niye,'Maya huwo, hugeno nehiye.⁹Inagi Jesu ani ke afi- teno fanagu hiye,Jesu maino afele-no hailaga agame haya ve ane hapapai no aemo,Naga lama-ke lapapau-we,Islael naga oapageno-we mani agufa apametiti-e waya-na. ¹⁰Ati waya-aite kawa nemo-a,Jesu fe ageyo huno alino apatale-gea una waya-mogi halate notega ua agaya-na ani aliya mafane kari-a hano huteniye.¹¹Aise gana maige-no,Jesu mago kumate uniye,ani kuma-mo agi-a Naini-ye.Jesu agame mafane nagae mago hailaga waya-e unae. ¹²Ani kuma-mo kipate Jesu eno aupa hige-a,mago falini vega awale enae.Ita-amoa mago-gage mafane-to-ae.Mani amo anau-amo-a ago falini-ye.Hailaga ve ane mogi ani gogu agano-e mainae ¹³Jesu mani agano age-teno,hau hute-teno ma-ke huno hapai-niye,"Gaga avi oato", huniye. ¹⁴Jesu haino mani waya alina vogisi-le ameali-ye,mani vogisi alina waya-mogi heti-a maiye.Jesu ma-ke hiye,"Neya mafane,gagai-fe huwe,hetiyo." ¹⁵Mani falini vega-moa heti-no ke lagai-ye,Jesu mani vega alino ita-a-mona amini-ye.¹⁶Ve ane mogi mani ya age-te-a tusi koli hute a Godi agi ali-asagau te-a ma-ke hae,"Mago ala aune vega tagai folagapi eno afole aiye."Ma-ke hae,Godi agai-a waya-ai-taga aipa falu-ya hupate. ¹⁷Mani ya Jesu hiya agi awage moa mugi Judia aupaliga ne-uno no haopa kote-e viye.¹⁸Jon Baptist agame mafane mogi ya afole ai ke hapapai-nae. ¹⁹Jon a tole agame mafane ala ma-ke huno hanapai-ye,utana Jesu na ma-ke huta afige-ao."Inagi gaga ani vega Godi kasa ke huno ae-mo atale sugeno egai-ye huni vega-fi mago vegae agawa husune?" ²⁰Jesu amete ete-ana,ma-ke ha-ae,"Jon Baptist ma-ke huta hapai ao huno gagai-fe alino la-atale geta o-ae,Ani vega egai-yehuni vega-fi,mago-fe hauya husune?"²¹Ani afina hailaga waya ai kari alino alagepa nehuno havi awamu-go-e alino ataleniye,inagi hailaga apaulaga faligani waya-e alino ayage-pateniye. ²²Jesu ke anona-a ma-ke huno hapapai-niye,male ataleta utapae-mo,Jon na hapaiyo mani aga yanagi afi ke-gi.Apaulaga apogae-ni waya-mogi neagae,apaiya haviya huni waya na heti newae,leprosi waya na alagepa hae,apagesa agani-ni wayana neafiye,falina waya na heti a nemaiye,hapauni waya na ke alagepa nealiye. ²³Mago vega moa maino haga-oleno nagai taga ametiti husi yana, mani ya hu yatefe aga asumi ya-e maigiye.<<<<<<< HEAD²⁴Jon ke ali a-a vega-la uta ageno,Jesu hailaga waya aife Jon fe ma-ke huno hapapai-ye,"Mumusopa kuma-taga naya agege wae? Yasi moa hopa alino ganage hiya ya age-ge wafi? ²⁵Inagi naya agege wae? Mago vega moa kugena alagepa humale-no maini ya agege wae?Age-yo,ala mone-le kugena hute-a alagepa no mai-yate maina waya-na kin mo kumate mainae. ²⁶Tapaga naya agege wae? Aune vega-fi? He, naga ma-ke lapapau-we,Jon mugi paune waya ano apagase-niye.=======²⁴Jon ke ali a-a vega-la uta ageno, Jesu hailaga waya aife Jon fe ma-ke huno hapapai-ye,"Mumusopa kuma-taga naya agege wae? Yasi moa hopa alino ganage hiya ya age-ge wafi? ²⁵Inagi naya agege wae? Mago vega moa kugena alagepa humale-no maini ya agege wae?Age-yo,ala mone-le kugena hute-a alagepa no mai-yate maina waya-na kin mo kumate mainae. ²⁶Tapaga naya agege wae? Aune vega-fi? He, naga ma-ke lapapau-we,Jon mugi paune waya ano apagase-niye.>>>>>>> 5a1765547d46403fbacce276ff090447906d2be2²⁷Mani vegae mono vugu-fi gae-male nae, Age yo,Naga nawaya ke alino usi vega lapagai-taga uno hogote gaiye,Aga uno hogote-no gagai ka alino alo-ala hugiye. ²⁸Naga ma-ke lapapau-we, ane-mogi ali-patena waya-ai pati Jon na agase omai-nae. Inagi mago mo-a aise mafane Godi gumate maisi-yana, aga Jon na ano agase-niye.²⁹Inagi mugi waya-nagi tagis neali waya-e afi-te-a,apaga ke hu-hale ae mo Godi fatago vega mainiye hae,naya-fene apaga Jon aya-pati ani fale-nae. ³⁰Hiyana apaga Farisi waya nagi apaga kasa-kele u-a hogote-na waya mogi mani Godi ke apagameya aminae,naya-fene apaga Jon aya-pati ani ofale-nae.³¹Jesu mago-e Joni Baptaisi-fe ma-ke huniye,Naga meni maina ve ane alina fago hune-lapatowe,hana ya huta maina-fi ya-a? ³²Apaga maya hunae,aise mafane-mogi maketi kumapi yogalo lea apagai apifi ma-ke nehae,laga fepula ke huna-na lapaga lapaiya yaga oa-e.Laga avi yoge huna-na avi-ya osa-e.³³Jon Baptaisi eni yana breti-maya -e waini ani-e nege omeniye,inagi tapaga ma-ke nehae,Mani vega havi awamu moa yagai teniye. ³⁴Ve-mo mafane moa nesaya-e waini ani-e nene,waya mogi haya ya huno,higeta tapaga ma-ke nehae,Ageyo,mani vega moa hailaga nesaya-e lusi waini ani neno spaki vegae,Aga takisi neali waya nagi faipa waya-e gogana api-moae. ³⁵Inagi alagepa apagu apagesa-gi fatago aepa ya nagi Godi aepa-ya eno afole ne-aiye,aiyaga wai waya aite.³⁶Inagi mago Farisi vega moa Jesu fe nesaya negau-ae huno ke-ae.Jesu mani Farisi vega mo nopi haino nesaya neg faimiye. ³⁷Afiyo,mago ala gumate nemai agano faipa ya nehi ane.Inagi aga age no aemo Jesu Farisi vega mo nopi nesaya-te mai niye ya-a age-teno,sanda masawe alabasta kesi-fi alino viye. ³⁸Mani amoa Jesu agame-laga hetino maine no aviya hiye.Jesu aiya mani amoa aunu leti sese huteno agolagefa leti ano galopae no aiya hae no ne-teno masawe aiya-late falete.³⁹Inagi Farisi vega,Jesu na ke higeno uni vega-moa mani ya age-teno,agai-a agesa afiye,"Mani vega aune kano maine no aemo,aga ageno hale gaiye, hai agufa amo name-neali-fi ya-a,aga faipa ane. ⁴⁰Jesu ke anona-a ma-ke huno hapaiye,"Saimon,naga mago ke hapai-ge suwe."Saimon-nia huwo hiye,Oyafa.⁴¹Jesu ma-ke hiye,Mago mone maketi nehi vega-leti tole vega-la mogani dina huna-ae.Mago moa K500 ali-geno,mago moa K50 ali-niye. ⁴²Mani mone-le begim osa ageno,faipa ya ani atale-nate.Ina yafe,hai vega moa ala yate aipa fati hau-giye ⁴³Saimon ke anona-a ma-ke hiye,Naga nagesa afu-wana ala mone ali-ni vega mo-ae.Jesus ma-ke huno hapai ye,gaga alagepa ya huga fago hane.⁴⁴Jesu ma-a taga maino afele-no,Saimon fe ma-ke hiye,"Gaga ma-a gano ago.Naga no-gafi hau-wana,gaiya sese huwo-ga ani onami-nane,hiyana ma-a moa aunu-leti naiya sese hute-no agenopa agolagefa-leti ano halu-pae. ⁴⁵Gaga mago nahae-ga onane,eno-teti ma-a moa maino haga-oleno naiya hae no nene.⁴⁶Gaga nagenopa-fi masawe olagi nane,hiyana a moa haga atu ne-ai masawe naiya-le fale. ⁴⁷Higena ma-ke hapauwe,mani a-mo faipa yamo hailaga huniye,God-ti mugi faipa ya-a atale-te,naya-fene aga ala yate haiye.Inagi mago mona aise faipa ya atle-te-siyana,aga aise-ato hau-giye.⁴⁸Jesu mani agano hapaiye,"Faipa yaga atale gato-we." ⁴⁹Magopi nesaya nea mai ve-mogi apagai apifi ma-ke hae,Aga nala ageno-ae mugi faipa yana alino atale? ⁵⁰Jesu ma-a-ganowe ma-ke hiye,"Gametiti moa hamae.Kaipa falu yae uwo."

Chapter 8

¹Henaga Jesu ala taun-fi-e aise guma-taga-e unena huno God-ti kuma-mo mono nehuno hapapai-niye,12 agame mafane-naga-e logae umeni-tata hunae. ²Mago ane naga-e agame hunae.Ani ane-fati Jesu hai awamu alino atale-teno kari api alino alagepa hupateniye.Mago api Meri Magdala ae,agai-pati 7 havi awamu alino atale-niye. ³Mago Agano,Joana ae Kusa ane,Herodi note agenopa aliya vegae,Susana agi hailaga ane,mone kagemi ya-api ali-a hamae-nae.4Hailaga waya e-a alu aiye,mani ena waya-na alu kuma-te alu kumate enae.Jesu mago awame ke huno hapapai-niye.5Mago hoya vega-moa awina ya hoya-afi layu huge vie.Layu nehi-geno,mago awina yana kapi asagau-no ai-gea waya mogi apaiya ae-a u-ea hageno nama moa mugi awina ya-a neno hano hiye.6Mago awina yana yafapi asagau-no aiye,hageno hai yana ago falute,ani omale neno.⁷Mago awina yana aufe haufi asagauno aiye,aufe hau-e magopi hai-te-ana aufe hau moa ano atigae. ⁸Hiyana mago awina yana alagepa mopa-fi asagau-no ai-teno hageno nesaya alite,handreti ano agase-no.Jesu mani ke hute-no,ala yate ke ae,"Nalaga kagesa hane si-yana, afiyo."/v9 Jesu agame mafane-mogi afigenae meto kemo aepa-a nayafe huni-fi ya-a./v10 Jesu ma-ke huno hapapai-niye ,God-ti ago lapamini-ye,alagepa lapagu lapagesa,lapaga ageta hale-gae God-ti kuma-taga falagini yana.Inagi mago waya na meto ke-fati hapane-pauwe,husi-gea age gayana agea haole-gae.Apaga afi-gayana,ani ke-mo aepa-a afi-a haole-gae./v11 Jesu awame ke huni ke-mo aepa-a aliya mafane a hapapai-niye.Witi awina ya-na God-ti ke. /v12 Witi awina ya kapi asagau-no aini mona,magawa huniye,waya mogi God-ti ke afi-yana henaga sata moa ani ke apaipa-fati alino atale-niye.Sata-a agasa afi no ae-mo,havigu waya mogi apametiti husageno God-ti apawale-gaiye huniye. /v13 Witi awina yana yafa haneni mopa-fi asagau-no aini-yana,magawa huniye,waya-mogi God-ti ke amuse hua aliye.Hiyana hafuya oae-nae,aise gana-a apametiti hunae,ano apawata-gauge ya e momo asagau ai-nae./v14 Awina ya aufe gau-fi asagau-no aini-yana waya-mogi ke-a afi-nae,inagi ka ae-a newae.Huni-yana apagai-api no-mai ya-api yege hute-a mone kagemi ali-a meni amuse husa ya-fege nehae,inani ya-moa agani-pate-gea nesaya alino atae. /v15 Inagi awina ya alagepa mopa-fi asagau-no ainiye,ina mona waya mogi apaipa alagepa-lagati amuse hua mono ke afi-nae,ani ke atafau alaki hute-a ano apawata-gauge yate logiya wai mai-nea nesaya aline-atae./v16 Mago vega moa lamu kani ae-no baketi fi-no sipa kapaga nomale.Mani lamu moa ano hale sifi yate male nagea mugi waya-mogi hai a neagae. /v117 Mago yana fala-ogigiye.Mago vega-moa fala-gisi yana mago afina eno afole ai-giye. /v18 Meni afita alagepa hiyo.Mago vega-moa hane-tene-si-yana,aga mago-e ali-giye,inagi mago vega-moa hane-oate-nesi-yana,inagi hane nesi-ya-a God-ti ali-no atale-gaiye.¹⁹ Ani afina Jesu ita-amo-e gogana amogi agai-taga enae,hiyana agai-te ua aupa osunae naya-fene hailaga ve ane agai-e mai-nage-aene. ²⁰ Henaga mago waya mogi Jesu na hapai-ye,Ita gogana gamogi gagege kuma-taga mainae. ²¹ Jesu ke anona-a hapapai-ye,Ita-ni gogana-nimogi,apaga God-ti ke afi-tea aiyaga newai we ane.²² Mago afina Jesu-e agame mafane naga-e boudi-fi hai nae.Ma-ke huno Jesu a hapapai niye.Mani kotu moa mago gaga aupaliga ugune.Higea unae. ²³Newa geno Jesu boutifi hawai-nie. Lusi yasi ani agotofu-leti ailye, boutifi ani heigepa lusi kanaya alinae.²⁴Jesu akame mafanenaga u-a haunae, mage hae, oyafa! oyafa! Laga fali-sunaya hune!''Inagi Jesu hetino yasi-e ani-efe ke higeno uno kanare hiye. ²⁵Higeno Jesu akame mafanenga apafige niye, '' Lapametitit yana haete haneniye?'' Apaka pamoya aete-a nagi pakaipi fiti ke hul ue hunai, '' Aga nala-ai, nagi yasi e ani-efe ke higeno-a agai ke aiyakaweina-ai?''²⁶ Henaga Jesu-e akame mafanenaga Gerasenes kumate u-a wayu hunai. Ani koma-na Galili ani kotumo-a mago keke haupalega haneniye. ²⁷Jesu-a boutifi eno malaga huteno, inagi ani kumafi mago weka havi wamumo agaifi hanenigeno fotu huna-ae. Yatra kanale kukena o-wein nemae weka, inagi nopi no-mae fa matmati fike nemaiye.²⁸Mani weka-moa Jesu-na age tenoa, nagi lusiyan avineten Jesu aiya-fi asagaun aino ala ke fiti huniye, '' Naya huntegesane, Jesu, Mogoe Anagale nemae God-i Fane-a? Naga kage huve, haviya hu-onto.'' ²⁹Nayafene Jesu lokiya ke huno havi awamu mani veka le atregen vino huno ae-ne. Waya mogi aiya aya-te sen yofi teti gitete-a nemai-ye. Inagi havi awamu moa agai-pi hai momo mani sen yofi aino gapulu ain natre. Havi awamu moa mani veka awaleno waya omaina gote neviye.³⁰Inagi Jesu afige,"kagiga nalagae?"Make hiye,nagi-ni tausen nae."Mani ke hiyana,naya fene hailaga havi Awamu moa mani vega fi hawaite te nigeno aene. ³¹Mani havi awamu mogi Jesu na afi genae,tawalega ayoa omale keli-fi olato hua.³²Ani aupa-te mago afu naga aise agoya mo hugeya-le imu nea maiye.Higea mani havi awamu mogi Jesu na afigae,aliga latale geta mani afu nagapi hai no hua.Jesu havi awamu aife huno aemo inagi mani afu aipi haiyo huniye. ³³Inagi havi awamu mogi mani vega atale a afu nagapi haite -a nagu nagu hua ani kotu-pi asagau-a ainae.³⁴Afu kawa waya mogi mani ya afole ai-gea age-tea nagu aea ua mugi taun-fi ve ane-e notegae hapapai nae. ³⁵Ve ane mogi mani ke afitea mani ya agege unae.Ea Jesu na age tea mani havi awamu moa ataleno uni vega-e agae.Mani vega waya hamale-teno kugena humaleno Jesu aiya-fi mainigea agae.

³⁷Distrik Gerasenes ve ane mogi tusi-a koli hutea latalega uwo hua hapai nae,inagi Jesu bouti-fi hai gea unae.³⁸ Inagi Jesu havi awamu alino atale vega moa Jesu-fe ugu-ae huno afige,hiyana Jesu ma-ke huno hapai-teno alino atale-geno vie, ³⁹Atega no-guma-ga lega uga mugi God-ti hamae ke hapapai-yo.Mani vega ateno neuno ala guma-te maina waya Jesu alino alagepa hute ke hapapai-niye.⁴⁰Halate Jesu egea hailaga waya mogi amuse hua awale-nae,mugi ve ane mogi agesa yafe yagai- a mainae. ⁴¹Jairus ae agi-e vega aga mono nopi agenopa ya huno maini vegae,eno Jesu aiya-fi aleya faiye,Jesu-fe kanaye huno noni-laga ugu-ae huno afige ⁴²naya-fene magoge afane-a 12 kafu hune-no fali-gesiye.Jesu-a nevi-gea hailaga waya-mogi faia gu-aitae.⁴³Mago a-gano maineno 12 kafu kola atale-me ne-e no mugi mone-a hamae-si yate atale,hiyana mago waya mogi mani kana ya-a alia alagepa huoatae. ⁴⁴Mani a-moa Jesu agamelaga eno aise kugena atupa-toale amealiye,malage ya-a moa mani a-mo kola ne-e ya-a hano hute.⁴⁵Jesu ma-ke hiye,"nala-a name-aliye?"Inagi mugi amogi oage-none hae,Pita-a ma-ke hiye,"Oyafae,hai-laga waya mogi faia guai-gatene-a agalo hunae." ⁴⁶Hiyana Jesu ma-ke hiye,"Mago waya-mogi name-aliye,naga ago-wana nagai-pati logiya-ni vie.⁴⁷Mani a-moa age no-aemo nagaya nagena fala-ogiguwe hiye,higeno atete huteno Jesu aiya-fi aleya fai ye.Mugi waya ai apaulaga-le huno hale naya-tefe Jesu na ameali-geno kari-a malage hano hute ke. ⁴⁸Jesu ma-ke huno hapai-ye,Afane kametiti ya-moa alino kanale hugate."Meni kaipa falu yae uwo".⁴⁹Mono-ke nehigeno mago mono nopi agenopa ya huno maini vega-mo no-pati aliya vega eno ma-ke hiye,"Afanega ago fali- gi mago-e Tisa-na kanaya oamiyo." ⁵¹Jesu-a jairusi note uno wayu huteno,waya-aife nagaie nopi hai-omeyo huniye.Inagi Pita agi Jon agi Jems-e mani afane-mo ita-afo-amo gani-e nopi hai-nae. ⁵²Mugi waya mogi mani afane hapau hua awiya hune atae,Jesu ma-ke hiye,"Awi oate-yo; afane ofali-niye,hawano mainiye." ⁵⁴Jesu mani afane mo ayate ali-no ke- ae,"Afane heti-yo!" ⁵⁵Mani afane halate awamu ali-teno malagea heti-ye.Jesu huno-aemo nesaya ali-teta amiyo hiye. ⁵⁶Afane-mo ita-afo ala-mogani tusi-a kori ha-ae,inagi Jesu logiya ke hapapai-no-aemo mani aga ke mago waya hapa-opai-yo hiye.

Chapter 9

¹Jesu a 12 agame mafane naga ke hige-a ea atalu ai-geno ala logiya-e apagi ala apami-teno utapa mugi havi awamu hafai-ta kari alinesa waya alita alagepa hupayeo. ²Jesu-a agame mafane-naga alino apatale-teno uta God-ti kuma-mo mono nehuta kari waya alita alagepa hupa-teyo.³Jesu ma-ke huno agame mafane-naga hapaiye,"Mago ya lapagufa-le alita owiyo,mone pausi,nesaya,mone,kugena oaliyo." ⁴Mago nopi uta hai tapae-mo,ani nopi maineta viyo.⁵Mago usa kuma-teti olapawale-sage tapae-mo,ani kuma atale-tapae-mo,mumusopa lapaiya-lagati aita fobo hiyo,husa yamoa apaga age ae-mo laga kana yati hane hugae." ⁶Higea atalea aise no-kuma-te uea hua mugi aupa-liga mono nehua kari waya alia alagepa hupa-tenae.⁷Heroti -a agenopa ya huno Gavana Galili distriki-le mainiye,Jesu mugi ya hiya yamo ke afi-teno hailaga agesa afiye,naya-fene waya-mogi hu-ae-mo Joni Baptaisi-a falini ya-patia heti ye hage noae. ⁸Mago amogi hu-aemo Ilaisa eno afole aiye hai,mago amogi hu-aemo age-yawaga apaune waya falina-pati heti ae hae. ⁹Inagi Heroti-a ma-ke hiye,"Naga Joni lugo hatagau-nowe,inani vega nala-ae,keoge ya nehiye agi-awage neafuwe?"Higeno Heroti-a ani vega agegauwe hiye.¹⁰Jesu aliya waya atagine ete-a,mugi ya haya ke hapaiye.Inagi Jesu apawale-no wie,Jesu falagi-no kesi-kate aliya waya-a apawaleno Betsaida kumate wie. ¹¹Hailaga waya-mogi waya ke afi-tea apaiyaga waiye.Jesu mani waya alino note apate-teno, God-ti no-kuma-mo mono hapa-nepaino mago kari alina waya alino alagepa hupate.¹²Ani gana eno une hati-geno,12 akame mafane-mogi Jesu-fe ma-ke hae,"Ma waya aliga apatale-gea aupa kumate-e afagi kumate-e hawae-sa no -e nesaya kauya hiyo,naya-fene waya omai kote mainone". ¹³Inagi Jesu ma-ke huno agame mafane naga hapa-paiye,"Tapaga nesaya apamiyo."Ma-ke hae,"Laga nesaya hogaeta oalino-ne,5 bredi haya-le tole fisi-la alino-nana mani waya-pi kanale osugiye, mago nesaya ageta miya hugune." ¹⁴ [Faif tausen agufa ve mainae.] Jesu agame mafane-naga ma-ke huno hapa-paiye, "Alita fifti-fifti-ta alu aipate-gea fai-maiyo."¹⁵Ani ya hutea,waya alia mopale apatae.

¹⁸Maya afole aine,Jesu agai-age nunamu nehigea agame mafane naga-e logae-a mainae.Jesu ma-ke huno apafige-niye,"Ve ane mogi Nagai-fe nala-ae nehae?" ¹⁹Agame mafane-mogi ke anona-a ma-ke hua hapaiye,Gaga Joni Baptaisi gae nehae,inagi mago amogi hu aemo Ilaija gae nehae,mago amogi hu aemo ageyawaga mago aune vega falini yapati heti-ye nehae."²⁰Inagi Aga ma-ke huno hapapaiye,"Tapaga hu tapae-mo Nagai-fena nala-ae nehae?" Pita ke anona-a hapaiye,"Gaga Kraisti God-ti gae." ²¹Aga logiya ke hapapai-teno mani ke mago waya hapa-opaiyo hiye. ²²Jesu ma-ke hiye,"Ve-mo Mafane-moa hailaga ganaya ali-giye.Agenopa ya hua maina waya nagi,ala Pristi waya nagi lo-te afi waya nagi agameya ami-tea amagi-a kite-gae.Tole-e mago-e gana ute-sigeno God-ti fali yapati alino hetite gaiye."²³ Inagi Jesu mugi aliya mafane-naga-a hapapaiye," Mago vega-moa nawagi hugemo,agai-a alino afepi ateno agai-a yofo yosa-a alino naiyaga waino. ²⁴ Naya-fene mago vega-moa agai-a atafauno alagi husiyana,aga halawa-negaiye.Inagi mago vega-moa agai-agufa Nagai nagile atale-si-yana,inani vega mai-giye. ²⁵Naya fene,inagi mago vega moa mopa-fi mugi ya-a ali-teno agai-a fali-sio kana ya ali -siyana, hai-ya huno mani ya moa hama-gaiye.²⁶ Inagi mago vega moa Nagai-e ke-nilefe awagage husiyana,Ve mo Mafane moa agai fena awagage hugiye,ani afina Agaia hale-yate-e Afo-amo hale-yate nagi agelo waya ai-te-ene. ²⁸ Jesu mani ke huni teti, aiti-a agufa gana eno ute-geno,Pita agi Jon-e Jems apawale-no ago-laga nunamu huge haiye. ²⁹Jesu nunamu nehi-geno,augosa moa alino alu gawa hiye,inagi kugena-a moa alino yawe yawe agege hiye.³⁰Afiyo, tole vega-la mogani Agai-e kege neha-ae,Moses-e Elaija-e. ³¹Anaga God-ti hale yae-eana afole ai-na-ae,inagi Jesu fari-si ke hapai na-ae.Ani yana Jerusalem afole aigiye.³² Inagi Pita agi Jesu-e logae a maina ve nagana na tusi apau galae,apau-laga agea ayage te ae-mo,inagi Jesu hale ya-ae tole vega-lae heti-a maina-gea apagae. ³³ Tole vega-la Jesu-na atale newa ageno,Pita a Jesu-fe ma-ke hiye,"Oyafae,algepa ya huta male mainone.Tari[3]no kige-tao,Jesu-ga nonagi Moses nonagi Ilaisa nonagi."[Pita-a afino haole ke hiye.]³⁴ Pita-a mani ya-fe monoge nehigeno,mago hiya moa eno ana apatigae.Mani hiya-pi neua kori hae. ³⁵ Mago keya ke hiya pati e ke-moa,ma-ke hiye,"Mona nagaini naipa-fi nenave mafane-niye,tapaga kea afiyo." ³⁶ Mani ke hute-geno,Jesu agai-age maiye.Mani aga yamo ke mago waya ani afina hapa-opaia apagai-apifi hane.³⁷ Inagi ega amo,apaga agoya-lagati emia-geno,hailaga waya mogi Jesu na fotu hutae. ³⁸ Afiyo,mago vega moa waya folaga-pagati ke-ae no ma-ke hiye,"Tisa,naga logiya ke huna gafi-gowe,mafane-ni ago hunae,naya-fene aga magogemafane-niye. ³⁹ Gaga afiyo,havi awamu moa aga yagai-teni-geno malagea ai-neae.Mani havi awamu moa alino atete hai-geno awaya-fati yawe-yawe awetuna emi-ne-e.Havi awamu moa mani mafane otaleno alino havi ya nehiye. ⁴⁰ Naga logiya ke huna gagame mafane naga apafi-gowe,mani havi awamu alita atale-yo huna,hiyana ani ya osae."⁴¹ Jesu ke anona-a hiye,"Tapaga lapametiti omale waya-ne,tapaga fatago ka ata-atagae-ta havi ya neha wayane,namagi afina tapa-gai -e mai-nena alina lapaya husuwe? Mafane-ga male awalega eno. ⁴² Mani mafane ne-e geno,havi awamu moa alino atete hau teno mopafi alino hawae-te.Jesu mani havi awamu ke hau-teno mani mafane alino alagepa hute-teno afo-amona amiye.⁴³ Inagi mugi amogi apagesa alapa aiye God-ti logiya-ae.Mugi amogi Jesu keoge ya hiya yafe apagesa alapa ne-ai-geno,Aga agame mafane naga-fe ma-ke hiye, ⁴⁴ "Ate-geno ma-ke moa lapagesa-fi hai-no:Naya fene mago vega moa Ve mo Mafane awaleno waya mogi aya-pi ate gaiye." ⁴⁵ Apaga mani ke hiya ke afia haolae.Mani ke moa apagai-te falagiye,higea ke aepa-a afia haolae.Apaga kori hutea ke aepa-a Jesu fe afiogae.⁴⁶ Ani afina apagai-apifi ke huge afige hu aemo folaga apifati nala-a ala maigiye hae.⁴⁷ Inagi Jesu a apagu apagesa-fi haneni yana ageno hale teno,mago aise mafane awaleno amete ate. ⁴⁸ Inagi Jesu ma-ke huno hapapaiye,mago vega moa Nagai nagile aise mafane-to awale-siyana,inagi Naga nawale.Inagi mago vega moa Naga nawale-siyana,inagi Naga alino natale-gena eno Vega awale-gaiye.Naya fene folaga tapifi agi ohane-nesi vega,ani vega ala mai-giye.⁴⁹ Jon ke nona-a hiye,"Oyafae,laga ago ageno-nageno mago vega moa Gagai kagile havi awamu-go alino atale geta laga ha-ao hutone naya fene aga lagame nosiye. ⁵⁰ Inagi Jesu ma-ke huno hapaiye,"Tapaga ha-ao huo-ateyo.Naya fene mago moa kame huo-latesi-yana aga waya-tiye.⁵¹ God-ti a Jesu-na awale-no hai-si gana eno aupa higeno,Agai-a aipa alino logiya waino Jerusalem ugesiye. ⁵² Jesu awaya ke waya alino apatale gea ua hogotae.Ua Sameria no-kumate wayu hutea mugi Agai ya alia alo-ala hae. ⁵³ Ani kumate waya mogi oawalae naya fene Aga aipa moa Jerusalem haneniye.⁵⁴Inagi agame mafane naga,Jems-e Jon-e mani ya agete ana,ma-ke ha-ae,"Ala-ne,Gaga hugeta-a koguna tagati atae ke ae su-ageno emi-eno mugi a apaleno?" ⁵⁶Higea apaga mago no-kumate wae.⁵⁷Jesu agame mafane naga-e katega newa-geno,mago vega moa Jesu fe ma-ke hiye, "Naga kagame huguwe Kaga uga ega husana taga." ⁵⁸Jesu ma-ke hapaiye,"Afera kara mogi mopa geli api haneniye,nama mogi apailamu haneniye,hiyana Vemo Mafane agenopa ate-siya ohane-niye."⁵⁹Inagi mago vegae Jesu nagame huwo hiye,hiyana aga ma-ke hiye,"Ala-ne,nate-gena afo-nimona alina kite-tena-ao." ⁶⁰Inagi Aga ma-ke huno hapaiye,"Ate-geno fari waya moa fari -ni waya agai-a alino gite-no.Inagi kaga uga God-ti kuma mo mono huwo."⁶¹Inagi mago vega moa ma-ke hiye,"Ala-ne,naga kagame huguwe,hiyana nate gena-a una nonifi waya uwe ke hapapai-tena-ao."⁶²Jesu ke anona-a hapaiye,Mago vega moa mopa-fi aya ateno aiyu ne-aino halate mano afele siyana,aga God-ti kumate kanale osuniye."

Chapter 10

¹Henaga-a ala gavamo-a aga 70-tia ve-anaga. Aga tole tole huno alino apatege-a u-a hogo tae. Aga mugi Tauni mugi noguma ale ugefe hiya kote alino apata legea wae. ²Ina mau auno hapa paiye, hoyafina hailaga neyamo-a afule,inani neya alisa ve-ne aife kafu hune, inaya husigeta lapaga ala vegae afi gege noa hai laga aliya waya neya ali-a alu aisaya yafe alino apataleno.³Lapaga uta afiyo, naga lapaga sipisipi afu gana huna afela kalamo folagapi alina lapato geta wae. ⁴Inaya husige tapa lapaga mone lapagu fale ali oliyo, ina ku-e ali oliyo, o su-e. Ina katega ne usa gea, mago waya-e fotu hutamo ke o-apa maeyo.⁵

⁶Inagi mago aipa falu vega maineno ae-mo,ani alagepa ke tapi aga aligiye, ina agufa vega mago omai nesi momo. inagi lapaga alagepa ke tapi ateno lapaga tapilega egaiye. ⁷ Ina lapaga inani no atofige maiyo, lapaga na neya ani lapamisa ya ato agege neyo, naya fene. apaga aliya wayamo miya api aliyo, lapaga mugi nopi naga oviyo.⁸Inagi lapaga mago Tauni-fi uta awayu husa ge aemo, ina apaga lapa vale samomo, inagi lapaga no agu ainaga faleta haita no apifi apagai-e neya neyo. ⁹Ina lapaga gali ve-ane inani Taunifi alita awaya aepateyo, lapaga ma-autapa hapa paiyo, God-ti no kumana ago ene aupa huteniye.Mago taunifi uta awayu husa ge- aemo ina ani taunifi ve-ane mogi olapa walesamomo, inagi lapaga ani tauni-mo atupale hetine tapa ina ma autapa hapa paiyo. ¹¹Lapa gai hapa mopamo ai-ae lagai laiya agusale eno kamae, meni laga aeta kalo paone, ina laga lavelino-aemo na aepa mala aepa momo aga hanege geyane. Inaya huniya nagi lapaga ma-auta afiya aliyo, God-ti no kumana ago eno aupa hute niye; ¹²Naga lapa pauwe God-tia ve-ane alino fago hupa tesi kana lemo, mani taunifi awayu husi kanamo Sodom faole aini kana agese gaiye.'¹³Jesu-a mago-e mage hiye, ''Ala nahuwe Kerosini taunifi maina ve-ane aife-e ina Betsaida-e. awame yago naga lapagai tega huwa ya, ina Taia taunifi inani aweme ya afole aisi momo ina Saidoni-e apaga Taia-e Saidoni-e. Apaga Taia-e Saidoni- e apaga faipa ya apiyefe hapau ke hae sinene, kogu kugena hae sinene, mopale maine-a lanefa ali-a apagu fale fala sinene. ¹⁴Ina huniya nagi inani kana God-ti ve-ane alino fago hupatesi kana legana paima leniye kana lapagaite afole aisi kana Taia-e Saidoni-e agase gaiye. ¹⁵Lapaga Kapenu-emu, lapaga lapagesa afita paemo apaga laiya ali-a asagu-a anaga koguna te atega, ? ha-ao-ae. lapaga afetega falina waya mogi no kuma tega lamigae.Ina Jesu-a agame mafane anaga-a ma-auno hapa paiye,ve-ane mogi apaga ketapi afisa momo veiane mogi, apaga nagai ke afiye, ina ve-ane mogi lapaga aba kameya lapami samomo, apaga naga aba kameya namiye.Ina ve-ane mogi apaga naga aba kameya nami momo, apaga naga alino nata legena eno vega aba kameya amiye.¹⁷Henaga-a apaga 70-tia waya Jesu-a alino apatale gea unae,apaga ala amuse yapiti ata ginea a-e, ina ma-aua Jesuna hapaye.Alane.'' laga gagai gagi aona keno-a ina apaga havi avumoa lagai ke afiye,'' ¹⁸Jesu-a hapa paiye, naga akeno kenoa sata-a koguna kuma ataleno alave yagana huno asa gauno ainiye. ¹⁹Afiyo, naga logiya lapa mitena he huna apaga sata mogi apa kenopa ata lata paiyo. ina waya alino haviya nehiya havi kafa, ina lapaga sata vega alitapa lapai yafi ate gae. ina mago yamo-a lapaga alino haviya huo lapate gaiye. ²⁰Lapaga havi avumo-a keti afiye huta amuse osuyo,ha-ao, lapaga amuse huta paemo God-tia kogunate lagi kae maleniye.''²¹Inani kanale, Jesuna ala amuse yamo-a faino havai tete ava mupi, ina make hiye,'' naga kaiya alina asa gauwe, afo, gaga kogunate alane ina mopale-e. nayafene, gaga ala afiya alina waya aite inani yana alino fala negine ina lagepa afiafi yate-e, ina gaga aliga afole hama nehane afiya api omaleni waya aite, apaga mafane awamete maina. He, afo, gaga maniyana neha momo gagaiga kagu kagesa aiyaga newaine.''Jesu-a mago-e mage hiye, afonimo-a mugi ya-a naminiye. Mago vegamo-a aga mafane-a o-a geniye, afo amoge ageniye. Ina mago vegamo afo amona o-a geniye. Mafane -a-e apaga waya mafane amoa aga apa welia waya, apagai api gege afona age nae.²³Ina Jesu-a agai a agame mafane anaga a-ae maineno, aga maino afeleno ina apake teno ina ma-auno hapa paiye,'' lapaga naya agaya ya apaga waya mogi naya agae, apaga amuse hugae. ²⁴Naga lapa pauwe, hailaga apune wayae ina sauwe wayae lapaga agaya awame ya akekefe huna, inaya hiya nagi apaga o-agenae. Apaga lapaga afiya ke apaga afi gefe hunae, inaya hiyana apaga o-afinae,''²⁵Mago afina Jesu-a ve-ane afiya alino apaya huno mainiye, mago kasa kele afiya vegamo-a Jesuna aeno awa tagau kesiye, ma auno afige,'' Aliga afiya apaya husa vegae, naga naya husu wafe maige maige ya ali guwe? ²⁶Ina Jesu-a ma-auno ke anona-a hapaye,'' apaga kasa kefina nake gae malenae ina gaga apaliyo?'' ²⁷Kasa kele alino apaya husa vegamo-a ke anona-a ma auno hiye,'' Gaga gaipa fiti ala God-ti fena ghaga gahino, ina gaga gai pafi awamu tetie, ina gaga mugi logiya gale tie. Ina gaga mago wayana gagai gae nehai awamete gahino.'' ²⁸Ina Jesu-a ma-auno hapaiye,'' gaga ke anona-a kanale fatago huga hane. Gaga aniya huwo ina gaga maige maige huga mai gane,''²⁹Inaya hiya nagi aga kasake alino apaya nehi vega, aga Jesuna ave ligesie aga mago afiya vegae huno, ina Jesuna ma auno afige,'' kasake kemo-a wayaniye hiyana lagife hiye.? ³⁰Jesu-a ke anona-a aga ma auno hapaiye,'' Mago wega Jerusalemu ataleno ina Jeriko viye. apaga kumaya waya mogi fotu hutete-a ina apaga kukena-a a-a hatata hutea ina mugiya-a aliye, apaga havi kayo hua amagi tea ina falisa-a atae.³¹Ina inani kanale, mago pristi vega e ina mani vega age teno ina agaseno viye.³²Agame laga-a mago Livai vega e ina agai-e mani vega ageteno agaseno viye.³³Inagi mago Sameriya vega, aga ani vega maini yate eno awayu hiye, ani vega ageteno ala ale hau hiye. ³⁴Sameriya vegamo-a ame ale uno aupa huno ina masave-e waini-e amupi ateno hayate. Aga agai-a donki afufi awaleno ateteno ina wafa waya nehawaya nopi awale lino uno yagaite. ³⁵Ina ega-a aga tole mone alaga wafa note neya gaiya gava vega amiteno, ina ma-auno hapaiye, 'Gaga alagepa huga yagaito. inagi gaga magoe mone atalega yagai tesanamo, ina ena-emo mone galefe anona aga gami guwe,'³⁶Ina Jesu-a kasake afiya vega mauno afige,'' Gaga la-ae huga kagesa afine mani 3-a waya aipiti aga kanapa vegae mani kumaya waya mogi amagi haviya hunaya?'' ³⁷Ina kasake afiya vegamo mage hiye,'' inani la-a hau hute vega.'' Jesu-a hapaiye,'' Gaga uga magoge aepa malo,''³⁸Jesu-e agame mafane anaga-e ka wae, ina Jesu-a mago kumate uno awayu hiye, ina mago ane agi-a Mata ae aga Jesuna awalelino noafi haiye. ³⁹Mata-a aga mago nugana amo agi Mariya-a mai niye. Mariya-a aga Jesu aiyafi eno aupa huno maiye, ina aga mono ke hiya ke afiye.⁴⁰Ina Mata-a aga hause wase huno neya gae. mata-a Jesu-te eno ina ke hiye,'' Alane, gaga nage nane gena nagai toni gege neya negao-we, ina nugana nimo-a aga aliya ya nao-mae? inaya higi aga hapai geno eno namae-no.'' ⁴¹Hiyanagi Alamo ke anona ma-auno hapaiye,'' Mata-o Mata-o gaga hailaga yafe gagesa ne-afine, ⁴²Hiyanagi magoke ya ato gege alagepa huniye. naya Mariya-a ali guwe huno hi yamo, aga alisi ka oa-agani sune.

Chapter 11

¹Mago afina Jesu-a maineno-a nunumu hiye, ina mago agame mafane amo-a make hiye,'' Alane,kanale nunumu aliga laya hugano Joni-a aga agame mafane anaga-a alino apaya huni awamete.''²Ina Jesu-a ke anona ma-auno hapaye,'' Nunumu huge femo, lapaga ma-auta nunumu hiyo,'' Afo gaga hafate gagi hane siye. Gaga nogu maga lagai tega esiye.³Mugi afinana inani kanale neya lamiyo. ⁴Gaga havi aepati ata lelato, naya fene laga mago mogi lagai tega hulatena hana gege yana laga ate lene apatone. Gaga ae-no lawa tagauge yana lagatega ategeno omeno,''⁵Ina Jesu-a apagai tega mage hiye,'' Mago lapaga folaga tapifi waya kanapa tapi mai nesimomo, ina agaitega hani inaga usimomo ina ma-auno afige, 'Kanapa niye breti maya namiyo. ⁶Naya fene mago gana pani menito nagai tega e ina neya amisa ya omale. ⁷Mago kanapa-a nopi maisi momo, ina ke anona-a ma-auno hiye,'' gaga aliya kana onamiyo. No kipana ago aganiye, laga mafane anaga-e ago lau hawao-ne naga hetina breti maya alina ogami guwe.'' ⁸Naga lapa pauwe, nomo afo amo-a aga heti yafe kasalo hae gaiye, ina hetino kanapa-a breti maya aga o-amiye. Inaya higeno kanapa amo-a magoe keya ke huno afike, inaya husi geno-a aga hetino hailaga breti maya alino amigiye.⁹Inaya higena naga lapaga lapa pauwe, 'lapaga nunumu huta God-tina afi gegeno-a lapaga lapauni yana lapami no. ina lapaga lapami giye, lapaga ani yafe gauya husa momo ina lapaga agegae. Lapaga no kipate amagiyo ina God-tia lapaga kita yagi lepate gaiye. ¹⁰Mugi waya-a nunumu hae ina God-tina afiga momo magoya ne aliye ina gauya ha waya-a ayana ne aga-e ina apaga kipate amagi waya-a kipa apa gaite yagigiye yagi giye.¹¹Inagi lapa gai tapi fiti mago vegamo mafane, aga noyame afige afo amofe, ina aga kanale sata ami gifi? ¹²Inagi mafanemo aga afo amofe mago kokole amufe afige, figu fao mao-a aga havi kafa amigifi-e? ¹³Lapaga faipa ve-ane, inaya huniyanagi lapaga mafane tapi alagepa ya ne apamiye, inaya huniyanagi lapa kogunate maini afo tapimo-a ,' aga amuse nehiye aga afigaya waya afate avamu ne apamiye.''

¹⁵Inaya hiyagagi mago ve-ane mogi mage hae,'' Aga Belesebulu logi yaleti aga havi awamu hane faiye, aga havi awamumo-a agenopa vega-e.''¹⁶Mogo amogi Jesu-na afigae mago awame ya huga lawe liyo, lamage koguna tega yane. ¹⁷Inaya higeno Jesu-a apapa gai apagu apagesa ago agete, ina higeno ma-auno hapa paiye, ''mago no ve-ane tole wayamo a-a fago hua gaveta apagai api folagapi husa momo inani no waya haviya hugae.Ina apaga mago nopi ve-ane folaga apifi gaveta husaya momo, anaga ali-a haviya huga.¹⁸Ina sata-e anaga a-e tole a-a fago hua kaveta husa ya momo inagi aga haiya hune yagai patesi logiya hane gaiye? Mage huwa momo naya fene lapa mage neha-e Belsepele logiya leti havi afamu hane waiyo. ¹⁹inagi lama gea naga Belsebulu logi yaleti havi awamu hane fai sumomo, inagi lapa gai anaga mogi apaga la logi yaleti havi awamu hane faiye? ²⁰Inagi naga God-ti logiya leti havi awamu hane fai sumomo, ina lapaga mauta afitapa haleyo God-ti no kumana lapagati ago e.²¹Jesu-a magoe mage hiye,''Mago logiya vegamo aga mugi kaveta yago aline no, ina aga no ale maino yagai nesi momo, agai yana afa-a kanale hane gaiye. ²²Inagi mogo-e logiya vega awayu huneno kaweta agai-e huno aeno agase si momo, ina aga ani wegamo ati-keve bainati hagina ali giye. Ina aga no afi yago aeno kasegeno aligiye ²³Mago vega nagai anagapi omai nesi momo, inagi aga nagai kame vegani. Ina ve-ane Alino atalu aino aga na-omae si momo, aga hapafaino alino fuye feye hune apatale.²⁴Jesu-a magoe mage hiye,'' Inagi mago havi awamu moa mago vegamo ago atale leteno, inagi aga uno waya omai kopi naga uneno hiye, aga mago maino hagalesi afafa-ae gauya hiye. Mago gauya osuno ae-mo, inagi make nehiye,' naga ata ginena una nemau vega-e maiguwe.' ²⁵Inagi aga havi awamu mo-a eno no ageya momo nomoa yave yave huno fatago huno haneniye, ina afa-a haneniye waya omai nae. ²⁶ Inagi aga uno magoe 7-nia havi awamu apawale, aga agese-a havi aepa nema lae. Ina u-a ani nopi maigae. Alufina ani vega haviya huno mainiye, inagi meni havi nomai ya maigiye.''²⁷Ani ke Jesu-a huno hama hiye, mago agano hai laga ve-ane-ai folaga paiti alopa keyake ae-no ina mage hiye,'' aga ani amo-a alino afole aiga teteno inagi gaga nutage hugate nesiya amo-a, aga amuse hugiye. ²⁸Inaya higeno Jesu-a mage hiye,''Alagepa ke mage huta hugune, apaga ve-ane ke-a afite-a aiyaga newaiya amogi amuse huga-e.''²⁹Mago hailaga ve-ane e-a atalu hae, ina Jesu-a ke hiye,''Apaga meni kanale ve-ane havi ve-ane. Apaga mago awame afi ke-a agegefe neha-e, ina aga apavelino ae-mo God-ti alino natale gena enowe. inaya hige-a apaga mago awameya o-agae. Apaga Jona awameya magoge agega-e. ³⁰Alufina Jona-a awame yagana huno alino awayu huniye, God-tia ve-ane Ninive apave liniye. Inaya hunigeno vemo mafanemo-a aga God-ti awame yagana meni kanale ve-ane aite hiye.³¹God-tia mago kana ve-ane alino fago hupa tesia gana legana pai maleniye, Yage haine-e mago kaga aupaliga sauwe agano kotile hetigiye, ina huno hama hugiye meni kanale ve-ane-ai havi hawa aepa apiye, Nayafene aga afagi goteti alagepa afi-afi yae agu agesa-e afigefe eniye Solomoni tega-e. Inaya hiyanagi meni mago moa Solomo-nina aeno ageseni moa mainiye, inaya hiyanagi lapaga kea o-afiye.³²Apaga Ninive ve-ane God-ti koti ale hetigae, ina havi aepa api meni kanale ve-ane ai aepa napa yafe hua hama hugae. Nayafene apaga ago faipa ya apiye ago hapau ke hunae Jona-a mono hige-a. Jonana aga seni vega mafi mago mai nifi, inaya huni yanagi lapaga agai ke o-afi nae.³³Jesu-a mago-e mage hiye, waya mogi apaga lamu kani ae-a falagi yapinaga nomalae o baketifi ali-a fala nogiye. Ha ao-ae apaga hama yate nemala-e ina ve-ane nopinaga hai e-ae' apaga ani ata kani ageyo. ³⁴Kaulaga gagu famo-a lamu kani-ae. Inagi gaga kaula gamo-a kanale hunesi momo, ina gaga haleyapi mai kane. Inagi gaga kaula gamo-a alagepa osu nesi momo, inagi gaga haniyapi maigane. ³⁵Inayafe gaga maiga yagaiyo, figu gagaipi haneni haleya asu hesigi. ³⁶Inagi mugi kagufa amo kani ane hale sigeno gagaipi mago hani ya omalesi momo. inagi mugi kagufa amo-a lamu kani kana huno ae-no hae leno hale ya apa veligiye.''³⁷Jesu-a mono huno hano higeno-a, mogo farisi vegamo-a afige ega nagai-e nonifi neya negau ae. Ina Jesu-a agai-e uno neya ne.³⁸Ani ferisi vegamo-a aga agesa lapa aiye ma-auno age yafe, Jesu-a aga aya sese osiye apagai api aepale ina mopale maineno neya ne.³⁹Inaya hiyanagi ala gawamo-a ma-auno hapaiye,''Lapaga farisi waya mogitapa kapu uyapa tapi agotofu alega alitapa yaveyave nehae, inaya hiyanagi lapaga lapagu ainaga havaite lapagai tapi yege lapagesa afisa aepa yamo e ina havi aepa yamo-e. ⁴⁰Lapaga aifo wayane.' Mago vegamo malaga-a aliya ali teno agu ainaga-a aliya o-ali nifi? ⁴¹lapaga naya agu ainaga hanenesi ya apamiyo gagemuya api omale nesi waya, ina mugi yatapimo-a yaveyave hugiye.⁴²Inagi lapaga farisi wayana, lapaga halowe hiyo. Lapaga hagomupa agufa ya age ina hoya neya ato agege offa tiye huta nehae, afa-a God-ti fena nola paiye ina ago fatogo aepa ago atalenae. Alagepa ya hugiye lapaga mago-e alagepa aepa malesa momo ina God-tife lapausi ya aepa hanesi momo, ina mago ke aepa o-ataleyo.⁴³Lapaga ferisi wayana, lapaga maita halowe hiyo. Lapaga hogote sia yagame nopi alisa yafe ala-ale lapaga nela paiye, ina lapaga mugi ve-ane mogi ala lapagi lapa misayafe nelapaiye. ⁴⁴Lapaga mai tapa halowe hiyo. Lapaga matmat falagino haneniya awa metene, apaga ve-ane mogi afia ha-olenae, ina agoto fuale apaga u-ea nehae.⁴⁵Mago kasa kele afiya vegamoa mani ke afiteno ina jesu-na mau auno hapaiye,''Afiya aliga apaya hu vegae,na agufa ke hana kemoa laga alino hafiya hiye.'' ⁴⁶Ina Jesu-a make hiye,''Lapaga mai tapa halowe hiyo, lapaga afiya alitapa apaya husa wayana.' Lapaga ve-ane ala kanaya aliyo huta nehae, inaya hige tapa lapaga mogoya hutapa apaga hapa nomae.⁴⁷Lapaga maitapa halowe hiyo,naya fene lapaga lapaginogo mogi apaune waya hapa-a kipa tenaya matimati ali lalo hae. ⁴⁸,Inani aepa yamo ve-ane ma- uno apawe liye, lapagi nago mogie lapai pamo alino magoge hiye. Nayafene, apaga apaune wayana apama gia gipate nae higta lapaga gipatenae.⁴⁹God-tia ala kepa fatago afiafi ya-aleti mage hiye,' Naga apaune wayae nagame mafane anaga alina kayo apate gauwe, ina hugiyanagi apaga alia hawiya hupa tete-a hapae mogo a-api kipa tegae. ⁵⁰Apaune waya ai kola asagauno ainiye God-tia kokuna-e mopae lalo huniteti eno meniye, apaga meni kanale mainaya ve-ane hanagege ya ali gae apaga apaune waya hapae naya mofe. ⁵¹Eboli kanaleti aepa faino eno meni sekaraiyana hae-a kite nae. Inani aune vega yagame nomo agu ainaga hae-a kite nae, efu-e God-ti nomomo folagapi. He, naga lapa pauwe meni mainaya ve-ane meni apaune waya hapae kipatenaya kanaya alitapa kofi gae.⁵²Lapaga mai tapa halowe hiyo, kasa kele afiya wayana. afiafi yate ki ago alitapa atalenae. Lapa gai tapi fale tapa ohainae, inaya huni getapa ina lapaga mago waya fale-a hai gefe haya ka ne aganiye.⁵³Jesu-a ago mono ke huno hano hulino-a ina ani no ataleno ina viye. Ina apaga afiya wayae farisi wayae Jesuna havi apaipa kali tae JEsuna hai laga faloga kekofe faloga hutae. ⁵⁴Apaga Jesu ke afiti hane gege ya-a gauya hua agege hunae.

Chapter 12

¹Lusi hailaga ve-ane e-a alu aiye. apaga lusi wayane ina gumana sisipa hae mago mona aeno latapai tegeno aeno latapai tegeno hae. Ina Jesu-a aga ago agame mafane-a hapa painiye.''Lapaga farisi waya ai yisiye maita yagaiyo. Naga lapa pauwe aigofe aepa tapiye.²Inaya huni yanagi na agufa ya fala gino haneni yana eno hama hugiye ina naya falagini ya wayamogi o-a gegae. ³Inaya husi gega nake hani yapi husana ke ve-ane mogi hale yate afigae. Ina nake mago ve-ane apa gesafi no agu ainaga falagiga hapa pai nesana ke no agoto fule eno hama hugiye.⁴Naga ne nafu nagana gitapa lapa pauwe, lapaga koli osuyo amega lapagufa haeno faline ateya wegae, inagi apaga magoe henaga-a magoya osugae. ⁵Inagi naga maitapa halowe hiyo ke lapami gesuwe lafe koli husa vegae.Lapaga God-ti ke lapami kesuwe. Lapaga God-tifege koli hiyo,aga heno fali kate gaiye aga logiya haneni aga atafi lapaga alino yaga aulapa te siya logiya-a haneniye. He, naga lapa pauwe, lapaga agai fege koli hiyo.v

⁷Inagi God-tia aga mago apiye agegani noapate. Inani awamete God-tia mugi lapagenopa lapayogana legana nepaiye. Lapaga koli osiyo. Lapaga inani aise namato aeta agaseta waya maina.⁸Jesu-a magoe mage hiye,'Mago vegamo-a nagai nagi huno mago waya aite huno hama husimomo, inagi nagai mafanemo-a aga agelo waya aite agai agi God- tite huno hama hugiye. ⁹Inagi mago wegamo-a nagai nagi mago waya aite alino fala gisi momo, nagai-e agai agi god-ti agelo-le alina fala giguwe. ¹⁰Wayamo-a wemo mafane huno agaya hae simomo, God-tia aga faipa ya-a atalete gaiye. Inaya huni yanagi aga avamufe huno agaya hae simomo, God-tia inani faipa ya-a atale o-ate gaiye.¹¹Ani kanale wayamogi gamanimo aulakale lapawale-a heti lapatesa geta paemo yagame no apifi ina agenopa waya aite, lapaga koli huteta ma lapageas o-afiyo, laga nayane ke ke anona hugune o nayane hugune. ¹²Inani kanale awamumo nake husaya ke lapa paigiye.¹³Mago vega hailaga wayai folaga paiti Jesu-na ma-auno hapaiye,''Afiya apamisa vegae, ina kanale gogana nimofe hapai keno afonimo kagemu ya fago hunateno.'' ¹⁴Jesu-a afige,''haiya hiye? La-a naga jasi vega legana pai nateniye lanagai gagemuya fago huwo hu-a? ¹⁵Ina Jesu-a ve-ane ma-auno hapa paiye,''Lapaga maitapa halowe huta yagaiyo; figu lapaga ageta lapayo husagi, ina figu hailaga yafe lapau sigi.¹⁶Jesu-a ve-ane mago awame ke hapa paiye,''Mago mone vegamo hoya moa lusi-a neya afole aiye. ¹⁷Aga hai laga agu agesa afiye ina agai-e mage hiye,'Naga meni naya huguwe, naga mugi neyani alina alu aisuwa noni omale niye?' ¹⁸Ina mage hiye,' aise noa halagape wai guwe ina ala no giguwe, ina mugi neya-a alina alu aiguwe ina mago ya a-e alina nopi naga alu aigowe ina mage huguwe, ¹⁹Meni hailaga neya magoge kawufi neya alina alu auwe inaya husi gena maina haga legauwe. Fase huna mai nena negauwe neya, ani nenena amuse gose huguwe.²⁰Inagi god-tia ani vega ma-auno hapaiye,'gaga aifo vegae, meni hani inagagaga faligane. Ina gaga gagaiga ya aliga alu aina yana. Aga la-a aligiye? ²²Ina Jesu-a agame mafane anaga-a ma-auno hapa hapa paiye,''naga lapa pauwe, lapaga lapagu fae afitapa kana osiyo, Lapaga lapagesa o-afiyo naneya nesa yafe, Lapagu fae afitapa kana osiyo, nagugena huguwe. ²³Lapagu famo-a neya ae-no agase niye, ina lapa gufamo-a, neyana aise yane lapagufa gege ala yane.²⁴Jesu-a mago-e mage hiye,'' Lapaga nama anaga apageyo, apaga hoya wai-a neya ali-a alu no-aiye, inaya hiyanagi God-tia neya ne-apiye. Lapaga waya mogita nama ae-ta agaseta ala ya mai nae. ²⁵Lapaga mago tapimo-a la-a kana-a alino yatala huno maigiye, aga hailaga agesa afisi momo. ²⁶Lapaga mani aise ya atomo osusaya momo lapaga nayafe lapaipa kanaya nehae.²⁷Lapaga vilasi yafe lapagesa afiyo, haiya hua alopa nehae. Apaga mone aliya no aliye, ina gugena api nofa ganiye. Inaya higena lapa pauwe, alufina sauwe Deviti-a aga alagepa kugena nehiye, inaya huniya nagi apaga vilasiya mogi konalimo apaga aeno apagaseni. ²⁸Meni God-tia huno vilasiya alagepa konali alipa teniye ina gahu agufa ya aupa kanato ale. Hena-a wayamogi hatagau-a atafi yaga autegae. Lapaga aise lapa metiti toe wayane.²⁹Lapaga lapagesa afitapa na neya negaune inagi laga na ani negaune. lapaga ala-ale inayafe afitapa kana osiyo. ³⁰Mopafi mugi ve-ane mogi afi-a kana hua kahau ya nehae. Inaya huniya nagi kogunate afo tapimo-a lapaga afine hale lapate niye, afo gamo-a kageno hale niye nayafe gauni yana.³¹Inagi God-tina ategeno lapaga sauwe tapi maila pateno.Ina aga ani yae lapa migiye. ³²Lapaga aise sipisipiye,lapaga koli osiyo, nayafene afotapimoa aga Ala tapi mai guwe huno huniye ina aga agai-a no kuma lapamiguwe huniye.³³Inaya husigeta lapaga mone-le apamiyo lapagai tapi ya, ina mone apamiyo apaga mago yafe kawu huna waya. Lapaga mone pausi hatata osusi pausi aliyo. ina lapaga mugi alagepa ya-a koguna tega alita alu aiyo.Koguna tega mago ya lageso osugiye, ina gumaya waya omai nae, ina havi kafamo kagemu yatapi alino haviya osu giye. ³⁴Alagepa yatapi hane niya gote inani gote lapausa yatapi e afiafi yatapi haneniye.³⁵Mugi afina god-ti aliya alisa yafe maita noneta maiyo,inani ve-ane aliya kugena neha awamete ina lamu kani tapimo mugi afina ae-no haleno. ³⁶Lapaga laiya ve-ane gagana huta maitapa none tapa yagaiyo oyafa api mariti neya teti esi mofe. Apaga mai-a yagai sae aga eno kipate amagisi gea magalea kita yagi sayafe.³⁷Ala gawa vega awayu huno ina aliya ve-anea agawa hua mai nae, apaga amuse hugae. Lama ge-ae lapapau we, ala gava apimo-a kena api alino aupa huno ina leti api-e alino aupa huno ae pate gaiye. Ina teivolile maiyo huno hapa paigiye ina agai agege neya apami giye. ³⁸Inagi figu mago ala gawa vega tole-e tole-e magoe hani inaga ina apage sigea apau ohawae nesamomo ina apaga mai-a yagai-a agawa hua mai nesamo, inagi inani aliya kayogayo mafane-a amuse hugae.³⁹Lapaga mayafe lapagesa afiyo,inagi aga nomo afoamoa nagale kumaya wayamogi no-a ae-a yagigae, aga no-a oatale gaiye. ⁴⁰Inaya husigetapa lapagai-e maitapa yagaiyo nayafene lapaga o-afinae vemo mafane esi kana-a.''⁴¹Ina Pita-a jesuna mauno afige,''Alane, figu mani falogake lagaige lamipi, o mugi waya ene?'' ⁴²Inani aliya vegamo amuse hugiye ala gavane-a esi ganalemo ina eno agesi geno aga aliya ne-alisi momo. ⁴³Inani agufa aliya vegamo amuse hugiye aga ala gava vega amo-a aga aliya ne alisa geno apagesi momo. ⁴⁴Lama ke ae naga lapa pauwe ala gava vegamo-a aga ani aliya vega-a legana paite gaiye mugi yate yagaiyo hugiye.⁴⁵Inaya husigeno ani aliya vegamo'a aipa agu agesafi ma agu agesa afisi momo,'Ala vegani magale ome gaiye,'ina aga mago aliya ve-ane apamagiye, aga neya neneno ani neno aifo hiye. ⁴⁶Inagi ani vegamo ala vega'a e aga maino oyagaini kanale, ina aga mago kanale aga afino hao'leni afinamo. Ina ala vegamo inani aliya vega alino haviya hutegaiye ina ke ali'a ne'atagaya waya;e magoge kuma apamigiye.⁴⁷Mani aliya vega, aga na aliya ala vega'amo hauni aliya ago ageniye inaya hiyanagi aga ani aliyana o'aliye ala vega'amo hauni awamete, inagi hailaga ganale sefu kayo ami'gae. ⁴⁸Inaya higeno mago aliya vega'o ano aga gawa vegamo naya husi yafe hau'niye ina aga aliya alino fatago huno o'aliye, inagi apaga awame hua sefu amiga'e. Inagi mago aliya vegamo, apaga hailaga ya alina wayamo, alu ae'a atagine hailaga ya apamiyo. Inagi mago aliya vega, gawa vega amo'a hailaga ya amiye yagaiyo huno, inagi aga mago'e hailaga ya amigiye.⁴⁹Jesu'a mago'e mage hiye, ''naga mopafi ata kani aena ategefe enowe, ina naga ani atamo;a magale'a lesi yafe nauniye. ⁵⁰Aupa afina ala nagafu yateti mono ani fale gauwe, inagi ani nagafu yana ali ogenowe ina naipamo kana lafa hiye.⁵¹Figu lapaga lapage afi tapaemo naga enomomo mamo pafi kaveta alina falite gefe omenowe. Ha'ao-ae, naga lapa pauwe, naga ve-ane alina fago hugefe enowe. ⁵²Meni aepa faiteno uno henaga kanalemo 5-fu'a anagatapi mago anaga paiti fago huga'e, 3- amogi tolela kame hunatega'e i na tolela mogani 3-a'e apaipa ali'a magoge hu'a o,maigae. ⁵³Apaga mai'a apa hega;e, afo'a aga nenewe mafane game hute, nenewe mafanemo'a afona game hute, ato'a afane'a game hute, afanemo'a atona game hute. Ina anofelo ita amo'a a anofelona game hute, a anofelo'a a anofelona game hutegaiye.''⁵⁴Jesu'a mago'e hailaga waya aipi mage hiye, kana afinamo agegeno ae'mo hiyamo yage nelamiya tetagi hai enageta paemo. magale'a mage hiyo.'Go aigesiye, lamage'ae go neaiye. ⁵⁵Inagi ani kanalemo sauti aupaligati ala yasi agegeno esigeta pa'emo, lapaga mage neha'e.'Ata yage legaiye,' ina lamage'a aniya afole ne'aiye. ⁵⁶Lapaga aigofe wayana, lapaga mopafi afole aiya yana kanale huta fago hiyo ina kogunate'e, haiya husige tapa lapaga meni kanale afole ne'aiya yana fago osuga'e?⁵⁷Naya higeta'e lapaga na a'epa alagepa a'epa huta fago nosa'e? ⁵⁸Inagi gaga katega aga koti hugate gefe husi vega'e ne utana'e, gaga magale'a havi hanagege yaga aliga alagepa huwo. Figu jasi vegale kawalelino usigi, ina jasi vegamo'a gaga ati ofisa vega laga amigiye, ina ati ofisa vegamo'a kalavu sifi kate gaiye. ⁵⁹Naga lapa pauwe, lapaga kalavusi nona o'atale ga'e mone miya hute tae kene.

Chapter 13

¹Ani afina mago waya mogi Jesu na Galili waya-ai ke hapaiye.Paileti-a kora api alino agaia salamana-fi hawigu hiya ke. ²Jesu ke anona-a ma-ke huno hapapaiye,"Tapaga lapagesa afi tapae-mo mani Galili waya mogi ala faipa ya hua apagase-a mago Galili waya hunafiye,naya fene apaga mani ganaya alinae? ³Naga lapa-pauwe,ha-ao-ae.Gaga kagua aiga afe ole saya-na,mugi amogita ani ya huta haviya hugae.⁴Ani aitin[18]Siloam waya yatala no moa lagu-aino apamagi niye,lapagesa afi tapae mo apaga ala faipa ya hua apgase a Jerusalem waya neha-fiye? ⁵Naga lapa-pauwe,ha-ao-ae.Inagi tapaga lapagua aita afe-ole-sayana,mugi amogita ani-ya huta haviya hugae."⁶Jesu awame ke hapa-paiye,Mago vega moa figi yosa vaini hoya-afi faiye.Ani vega mo eno yosa alaga-ae hauya hiyana ohane.⁷Mani vega moa hoya kawa vegae ma-ke hiye,'Ago,tri[3] gafu-fi mani figi yosa mo nesaya ae ena hauya huwana oagowe.Aiga lagu-aito.Naya-fe ate-nageno mopamo agusa nea-liye?'⁸Hoya kawa vega moa ma-ke huno hapaiye,Ate geno meni gafu hane-ni-nagena aepa-fi kafina nama-mo aifa ateno.⁹Inagi alaga anaga gafu ae-siyana,kanale-ne;alaga oae-siyana,aiga lagu aito!"¹⁰Inagi Jesu Sabati-le Juda waya ai mono nopi ve ane alino apaya hiye. ¹¹Afiyo,mago maini agano mago awamu moa alino logiya-a ohane aitin[18]gafufi.Aga agmeya ano galagegi geno aino henotiye.¹²Jesu mani agano age teno,Aga ke ae geno egeno ma-ke huno hapaiye,"Ane Naga kari ga alina atalowe."¹³Jesu mani amo agufale aya ate geno malage ya-amo aino heti-teno God-ti agi alino asagaiye. ¹⁴Inagi Juda waya-ai mono note agenopa ya huno maini vega moa Jesu na havi agesa afite, naya fene Sabati-le mani agano alino hetite geno aene.Agenopa vega moa ve ane ma-ke huno hapa-paiye,Six[6] gana-fi tapaga aliya aliyo.Ani gana afi egea alia alagepa hulapate-yo,inani ya Sabati-le osiyo."¹⁵Jesu ke anona-a ma-ke huno agenopa vega hapaiye,"Gaga tole kawaya-e vegae! Inagi tapaga magoge magoge mogita sabati-le kau,donki tapi agaru heta apawale-ta uta ani no apami-fiye? ¹⁶Inagi ma-ana,Abraham afane.Satani-a aitin[18] kafu-fi alino haviya hute,sabati-le mani a-gano mo ganaya-a hano husi-fi hane-tesiye?"¹⁷Jesu mani ke higea,kame huta waya mogi apawa-gage hae.Mugi ve ane mogi Aga alagepa ya hiya yafe ala yate amuse hae.¹⁸Inagi Jesu ma-ke hiye,"God-ti kumana haiya huniye,nayate alina malena husuve? ¹⁹Mago mastat awina yamo huni ya huno haneni geno mago vega moa hoya afi alino layu niye.Ani awina yamo alopa heno ala yosa hamale-niye,koguna-taga nama-mogi agopa-le no-api ginae."²⁰Halate Jesu ma-ke hiye,"Nayate alina malena God-ti kuma-mo ke husuwe? ²¹Yis mago amo-a alino 3 a flawa kapu atagu-fae no yugu huteno aise-a ateni-geno apafuleni ya huniye.²²Inagi Jesu a tauni-faga e no-tega-e umeni-tata huno ve ane alino apaya huniye.Aga ina-ya hume Jerusalem uniye. ²³Inagi mago vega moa ma-ke huno hapaiye,"Ala-ne,aise waya ato God-ti apawale gai fiye?" Inagi Aga ma-ke huno hapa-paiye, ²⁴Tapaga tusi aliya alita aise kipa-pi faleyo,naya fene, Naga lapa-pauwe,hailaga waya mogi hai-sa ka-fe hauya huga-yana ua ohai gae.²⁵Ani afina no-mo afo-amoa hetino kita gisiyana,tapaga maraga mai-neta kita-le neamagi-ta ma-ke hugae,Alane,Alane,kita yagi-lato,inagi Aga na-ke huno lapapai-giye,'Naga olapa-genowe,hai-kotega wayane.'²⁶Husigeta tapaga ma-ke hugae,Laga nesaya ani Gagai-e nenone,nemauna no-kate hetiga mai-nega ve ane aliga apaya nehane.' ²⁷Inagi Aga ma-ke hugiye,Naga lapa-pauwe,Naga olapa-genowe,hai kotega wayane,Nateta viyo,tapaga faipa aliya wayane!'²⁸Ani kuma-tena tapaga awiya nehuta lapawe hani-gae,ina: Abraham,Aisak,Jecob-e mugi apaune waya God-ti kumate apage-tapae-mo,inagi tapagai-tapi lapafai-gae. ²⁹Inagi apaga yage hai-ne-e tagati,yage nelami tagati,noti-ti agi sauti-ti agi apaga God-ti kumate hai-a faimi-gae.³⁰Afiyo,hogote-nesa waya ea henaga hugae,inagi henaga hunesa waya ea hogote-gae."³¹Ani afina mago Farisi waya ea Jesu na hapaiye,Gaga ma-go atalega uwo.Naya-fene Heroti-a kamagi-no kigate-ge siye.³²Inagi Aga hapa-paiye,tapaga uta aise afela kara hapaiyo,Afiyo, Naga havi awamu hae-na hane-fauwe,Naga kari waya alina alagepa nehuwe meni-e ega-e,inagi tole-e mago-e gana usi gena aliya alina hano huguwe.³³Inani yafe Naga meni-gi ega-gi olaga-gi umeni-tata huguwe.Naya-fene mago aune vega Jerusalem kuma-mo malaga ofali-giye.³⁴Jerusalem,Jerusalem,gaga apaune waya apamagi-ga kine-apatega God-ti alino apatale-gea lapagai-taga aya waya-na yafa-gayo ne-apama-giye.Namagi afina mafane-ga alina alu-neauwe,a kokole moa ana-au hagu-fi neate ya huna.Ina yafe tapaga olapai-ye. ³⁵Afiyo,no tapi atalae.Naga lama-ke lapa-pauwe,tapaga Naga onage-ta uno mago afina ma-ke hugae,Amuse ya Ala vega-mo agi-le e vega-fi hane-niye."

Chapter 14

¹Mago sabati-le Jesu uno mago Farisi waya aite agenopa vega-mo nopi nesaya ne.Hige-a yagai-a alagepa hutae. ²Mago aiya aya apafule-ni vega Jesu haopa-le maiye. ³Jesu ma-ke huno apafige,lo-te afi waya-e Farisi waya-e."Sabati-le kanale kari waya alita alagepa hugupi osugune?"⁴Hiyana apaga ke anona-a mago ke osae.Higeno Jesu awaleno aga kari-a alino alagepa hute-teno atale geno viye.⁵Jesu ma-ke huno hapa-paiye,"Mago tapi-moa mafane-ao pulmakau-a ani keri-fi Sabati-le asagau-no aisiyana,malage-a apawale-ta malaga osuga-fiye?"⁶Apaga mani ke-le ke anona-a haopaiye.⁷Jesu apage-gea mani nesaya-te ae,apaga ala waya-ai sia-le mai-gesa.Jesu ma-ke huno alino apaya hiye, ⁸Inagi mago vega moa ve a apaya alia hapai-sa nesaya-te eno hinage-gaemo,gaga ala waya-ai sia-le omaiyo.Naya fene hawigu mago ala vega-e ani nesaya-te ke nehu yae-nagi. ⁹Ani vega moa lanaga ke hinageta eta-nae-mo,aga ma-ke huno hapai-giye,'Gaga hogote sia ma-vega amiyo.Gaga kawagage husi gega apamelaga faimi-gane.¹⁰Inagi mago vega moa nesaya negau ae huno apa-aisi gegae-mo,gaga uga agame-laga maiyo.Aga gage-teno,ma-ke huno hapai-giye,'Waya-niye,gaga heti-ga uga hogote sia-le faimiyo.Inagi gagai-e nesaya nesa waya-mogi gagi ala kamigae.¹¹Apagi alia haisa waya-na,God-ti apawa-leno afaga hugiye.Hiyana afaga haya wayana God-ti apawale-no anaga nehiye."¹²Jesu na nesaya-te ke higeno e vega ma-ke huno hapaiye,Inagi gaga nesaya talo humale gae-mo,waya-gagi gogana gamogi,kola-ga,ku-gagemi ya hane-tenesi vega ke hugea omeyo,hawigu gaga ani ya hua ke hua nesaya-gale anona-a kami-gae.¹³Inagi ala nesaya lalo hugae-mo,kagemi ya-api ohane-nesi waya apa aiyo,apiya apaya haviya hunesi ve ane apa aiyo,ke olagau-a apau-laga fali-gae nesi ve ane ke huwo.¹⁴Inani agufa ve ane mogi nesaya anona-a ogami-gae.Hiyana God-ti asumi hugate-gaiye.God-ti ani nesaya anona-a kami-giye,fatago ve ane matmat-ti fati hetisa afina."¹⁵Mago-apimo-a Jesu-e fai-mino nesaya ne vega moa mani ke afi-teno,Jesu na ma-ke huno hapaiye,"Hai ve ane mogi God-ti kumate nesaya ne aemo apaga amuse hugae." ¹⁶Inagi Jesu ma-ke huno hapaiye,Mago vega moa ala nesaya lalo huma-leno hailaga ve ane ani nesaya-te apa-aiye. ¹⁷Nesaya ne ya higeno,aliya waya-a alino apate ke huni waya-aitaga apatale-gea wae.Hapa-paino-aemo nesaya ne ya higi eyo hiye.¹⁸Mani aliya vega moa uno apa-aiya na mugi amogi ome-gaune hae.Mago vega moa ma-ke hiye,Naga mago mopa miya huwana-gena una agege-suwe.Ome-gauwe,nahu huwe. ¹⁹Mago vega moa ma-ke hiye,Naga faif[5]aliya bulmakau miya huwana-gena,una aliya alina apamina agegauwe.Nahu huwe,omegauwe. ²⁰Inagi mago vega moa ma-ke hiye,Meni-to a alu-wana gena omegauwe.²¹"Ani aliya vega moa eno Oyafa-a mugi ke hapaiye.No-mo afo-amoa haivai-teno aliya vega-a ma-ke huno hapaiye,Malage uga taun kate kagemi ya api ohane-nesi waya,apaiya apaya haviya hunesi waya,apau-laga apogae nesi waya-e ke nosa waya apawa-lega eno." Aliya vega-a uno oyafa-amo hapai ya hiye.Henaga eno ma-ke²² huno hapaiye,Oyafae,aliya namina yamo ago ali-malowe.Hiyana nona hawai-oteniye."²³Oyafa moa aliya vega-a ma-ke huno hapaiye,"Gaga ala kate nagi ala guma mo malaga ke logiya ke hapapai-gea hai-eyo,ea noni fai-hawai teyo.²⁴Naga lama-ke hapauwe,Naga nesaya neyo huna ke hu waya-na nagai nesaya moa nea afio-gegae."²⁵Hailaga ve ane Jesu e wae.Jesu maino hanaga-lino ma-ke huno hapa-paiye,²⁶Inagi mago vega moa nagai taga eno ae mo,ita afo amogi, ane mafane agi,gogana asa amogi,agai a-e kame huwo apatesi mona,inagi aga nagame mafane omai-giye.²⁷Inagi mago vega moa yofo yosa-a alino nagame osu-siyana,aga nagame mafane omai-giye.²⁸Mago tapi moa kawa yagai-a mai no gige huno aemo,hogote ya-a aga maineno namagi mone moa mani no gina hano hugufi ya-a agetafo hugiye.²⁹Hawigu ina ya osu neno simeni hute-no ani no kino hano osu-sigi,mugi waya mogi mani no age-tea agame-laga ke hugae.³⁰Ma-ke hugae,'vega moa no ayamufa ya hiyana gino hano osiye.'³¹Inagi mago sauwe wega moa mago sauwe vega-e kame hugemo,inagi mai-neno agetafo hino.Ten tausen kaweta waya agai-taga mai-nageno mago sauwe vega laga twenti tausen kaweta waya kame huno apagase gai-fi oapagase gai-fi ya-a agetafo hino. ³²Inagi kanale osunesi yana,mani kame waya afagite maine-sa-ae,mago waya alino apatale nagea ua kege hute-a kame osua apaipa falu ya alia eyo. ³³Ani ya huno,inagi mago tapi moa mugi ya-a alino oatale siyana,aga nagame mafane omai giye.³⁴Jesu ke mago-e hiye,"sole alagepa yane,inagi ani sole moa haga-a atale siyana,halate hai ya huno haga-a ali giye? ³⁵Inani agufa sole mopafi alagepa osuniye,inagi kao mo aifa-e alia magopi hu yate.Apaga mani sole alia yaga au-taleyo.Agesa hane-nesi vega moa mani ke afino."

Chapter 15

¹Mugi takis neali waya-nagi faipa waya,mugi ea Jesu ke afige sae.²Farisi waya-e lo-te afiya alina waya mogi ma-ke hua ke nae,Ma vega moa faipa waya e maino nesaya nene.³Jesu awame ke ma-ke huno hapapaiye,⁴"Inagi mago tapi moa 100 sipsipi hane-te nesigeno magoke api alageso husi yana,aga 99 sipsipi apateno uno magoke alageso huni sipsipi hau ya huno awaleno omegai fiye?⁵Ani sipsipi ageno wate no aemo,alusi-a amuse yapati awaleno haifiya-le ate.⁶No ale wayu huteno,mugi afalu amogi e ko ale waya e ke hige ageno ma-ke huno hapapaiye,"Tapaga eta nagaie amuse hiyo.Naga sipsipi-ni alageso huni gena agena afole auwe.⁷Naga lama ke lapapauwe,ala amuse kase ya kogunate afole ai-giye mago faipa vega agua aino afele-siyana.Ani amuse kase ya moa 99 fatago ve ane-ai amuse yana agase gaiye."⁸Mago a-gano 10 silva mone a hane-niye,inagi makoge silva mone a alageso husi-yana,aga lamu kani aeno no-afi vulim ya nehu teno ani mone ageno oaligi-fiye?⁹Aga ageno afole ai-teno,afalu amgi e ko ale waya e ke hige ea alu-ai nageno ma-ke huno hapapai-ye,Tapaga eta nagai-e amuse hiyo.Naga ago akena afole auwe,makoge silva mone-ni alageso huni mone.¹⁰Ina yafe,naga lama ke lapapauwe,koguna taga God-ti agelo waya mogi ala yate amuse nehae mago faipa vega agu-a aino afele mona."¹¹Jesu ke mago-e hiye,Mago vega moa tole nenave mafane ala mainiye.¹²Inagi henaga mafane moa afo amona ma-ke huno hapaiye,"Afo,mugi hane-gate nesi kagemi ya fago huga la-amiyo.Kami-suwe husana ya'a naga namiyo."Afo animo a kagemi ya'a tole mafane alate alino fago hunate.¹³Hailaga kana omai neno,henaga mafane moa mugi fago hute ya'a alino afagi kote viye.Ani kotaga kagemi ya'a alino uno keoge havi yate ataleno hano hiye.¹⁴Mugi kagemi ya'a ataleno hano hute geno,ani kumate ala apagate ya egeno,aga mago ya agufale ohane.¹⁵Higeno ani kotaga mago vega'le aliya-fe afige.Ani vega moa afu'ale yagai aliya amiye.¹⁶Afu'le neyagai-no,agate geno afu neami aligogo alino ne.Naya fene mago vega moa nesaya oamiye.¹⁷Inagi aga alagepa agu akesa e,higeno ma-ke hiye,'Afonimo nopi aliya waya a omgi hailaga nesaya api haneniye,naga male mainena naga fe nefaruwe!¹⁸Naga mani kuma atale'tena afo'nimo taga uguwe.Una ma-ke huna hapai-guwe."Afo,naga God-ti taga e kagai taga e faipa ya huwe.¹⁹Naga alagepa vega omainogi mafane niye osuwo,gaga aliya vega niye huwo."²⁰Inagi aga hetino afo amo taga viye.Aga afagite ne-egeno,afo amo'a hau huno ate.Afo amoa nagu aeno uno mafane'a anugi-no hae no neniye.²¹Mafane amoa ma-ke huno hapaiye,'Afo,naga God-ti taga e kagai tagae faipa ya huwe.Naga alagepa vega omai-nogi mafane niye osuwo.'²²Hiyana afo amo'a aliya waya ma-ke huno hapa-paiye,Tapaga malage uta hogote-nesi yatala kugena'ni alita eta huteo.Inagi rin aliteta akinago'fi huteyo,inagi aiya'le su wai teyo.²³Inagi tapaga uta agusa kae nesi bulumaka ana'au heyo.Laga musa kaeta amuse kase hugune.²⁴Naya fene,mani mafaneni ago falini yapati halate aulaga age.Ago uno afela heniye,hiyana meni halate awalone.'Higea apaga ala yate amuse hae.²⁵Ani afina hogote mafane'a hoya-faga mai-geno viye.Eno note aupa huteno,yoge-ke neafino ve'ane mogi apaiya aya ke afiye.²⁶Inagi aga mago aliya vega ke huno afige,mega mona naya nehae.²⁷Mani aliya vega moa ma-ke huno hapaiye,Kogana kamoa kanale huno note wayu hiye. Higeno afo'kamoa agusa kaeni bulmakau ana'au amagiye naya fene mafane'a alagepa ya huno eya yafe amuse hiye.²⁸Hogote mafane moa hai witeno nopi hai yafe na ohaiye.Higeno afo'amo eno aipa falu husi ke hiye.²⁹Hiyana hogote mafane moa afo'amona ma-ke huno hapaiye,"Afiyo,hailaga kafu kagai aliya vega maime owe.Naga mago afina kagai ke oamagi nowe.Inagi kaga mago afina meme aigeli nami nagena kogana nimo-gie amuse osu'nowe.³⁰Hiyana,mugi yaga alin uno kumai ane aite asole huni mafane egeka agusa'e bulmakau hane.'³¹Afo'amoa ma-ke huno hapaiye,'Mafane niye,mugi afina nagai'e nemaine,mugi nagai ya'a kagai yane.³²Laga amuse higetao,naya fene kogana kamo a falini yapati meni hetiye.Ago uno alageso huniye,meni halate awalone.'

Chapter 16

¹Jesu'a ma'auno ageme mafane anaga'a hapa paiye,''mago mone vegamo'a aga gawa vega'a mainiye. Ina mago waya mogi e'a ma'aua hapaiye,'Gawa vega gamo'a afeno yaga afa fogapi alino fatali nehiye.' ²Ina mone vegamo gawa vega'a kehuno ina ma'auno afike,'Inamona na agufa kagi kawage afuwe? Gaga mugi ya'ale yagai nana yamo ke aepa'a napaiyo, meni gaga gawa mago'e omai gane. '³Inagi ani gawa vegamo'a agai'a ma'auno hapaiye,'Naga haiya huguwe, ani kanale ala veganimo'a gawa aliya teti nafai momo haiya huguwe? Naga mopa gafisa logiyani omaleniye, inaya higena afigesa yafe nawagege hiye. ⁴Naga afina halenowe naya husu yana, Alanimo'a gawa aliya nileti nafaisi momo, ve-anemogi no apifi nawale'a natega'e.'⁵Inaya higeno'a aga gawa vega alagati nofi huna wayafe kenehiye. Ina aga hogoteno eya vega ma'auno afige.'Ina gaga namagi'a nofi hunane kawa vega nilagati?' ⁶ina ma'auno hiye 100-tia olivi masawene.' Ina gawa vegamo hapaiye.' Gaga nofi gagi gaemale naya pepa aliyo, ina magale'a mopale mainega 50-lita'e huga avo wagagiyo.' ⁷Ina henaga'a mago vega egeno, ina kawa vegamo afige,'Gaga namagi'a nofi hunane? Ina mage hiye, 100-tia witi kune.'Kawa vegamo hapaiye.' Nofi gagi gae'malenaya pepa aliga 80-kune huga awo wagagiyo.'⁸Ala vegamo'a gawa vega'amo naya hiya 'ke afiteno, aga mani havi gawa vega'amo aiya alino asagaiye, aga alagepa afiafi'ya alino leli hiye aliya atalegefe. Apaga mopafi'ya aiyaga newaiya wayana apaga aote'aote aliya alisa afiyana agena'e. Apaga apaga sena'e apaga haleya aiyaga newaiya ve-ane. ⁹Naga lapa pauwe, lapaga mone fatago osu kateti aliye, lapaga mago waya 'waya gaitapa apamita hapa ma'eyo. Inani gawa husaya momo, apaga wayamogi lapagai'e kanapa huga'e monetapi omalesi afina. Inagi apaga no'apifi lapa waleli'a uga'e, ina lagapa maige'maige huta maiga'e.¹⁰Inagi mago vegamo aga aise yatemo neya gaisi vegamo, inagi aga alaya hailaga yate yagai'giye. Ina mago vega aga aise yate noya'gaisi vega, aga aise ala yate oya'gaigiye. ¹¹Inaya husigeta lapaga oani'a monele oyagaisana momo' la'a mone lapa migeye? ¹²Inagi lapaga mago waya ai mone lemo oyagai samomo inagi la'a mone lapami giye?¹³Mago aliya vegamo'a aga tole gawa vegalate anagame huno aliya no'aliye. Aga mago vega'e hauteno'a mago vega havi aipa galite gaiye, ina aga magomo afiteno magomo ke aeno ataga gaiye, God-ti kayo'kayo nehuga monemo kayo kayo osugane.¹⁴Apaga farisi wayana apaga mone nehapa'i waya nege'a Jesu'a mono hige'a apaga gigi huta'e. ¹⁵Ina jesu'a ma'auno hapa paiye, ''Lapaga ve'ane ai apau lagale alagepa aepa maletapa age nega'e, inaya huni yanagi God-tia aga lapaipa ageniye. Apaga ve'anemogi apagesa afi'aemo alagepa yane neha yamo, God-ti aulagale inani yana afa'a afayane nehiye.¹⁶Kasa ke aepa'e apaune waya ai ke'e, haneno logiya waino mono ani Joni kanale eniye. Joni kanaleti aepa fainiye, God-ti no kumamo amuse ke mugi aupaliga uneno huniye. Hailaga ve-ane agaso ali'a fale'a haigefe neha'e. ¹⁷Koguna'e mopa'e uno awaya a'e gaiye. Inaya hugiyana God-ti atana'a mago uno awaya o'ae gaiye.¹⁸Inagi mago vegamo'a ve-alave alino apa heteno ina agano'a hafaino atalesi geno vigeno, ina aga mago agano aliye. Ani vegamo aga gumai a'epa male. Ina mago vegamo'a aga ani agano alisi momo, anau amo atale agano, anagi aga ani vegamo'a gumai'ya alino afole aiye.¹⁹Jesu'a mago'e mage hiye,''Alufina mago mone vega mainiye, mugi kanale aga alagepa hetofa gugena nehiye. Mugi kanale aga alagepa neya agege nene. ²⁰Ina mago gu'afeno ya'a omale vega'e, mugi afina aga mone vegamo no'kipate aga hawano nemaiye. ina aga sogale amumo'a agufa alino haya'e, aga ani gu'afeno ya'a omale vega agi'amo Lasarusi'ae. ²¹Aga mone vegamo teibolileti asagauno aisiya neya atupa ya negefe agesa afiniye. Apaga kala mogi e'a Lasarusi amu piti apavena funaleti sagani hu'a nena'e.²²Mago afina gu'afeno ya'a omale vega falige'a, ina agelo wayamogi e'a awaleli'a ina u'a Abrahamu ame haute maiye. Ina mone vega'e falige'a ina mopafi gi'a ata'e. ²³Ina awamu'a aga fali waya'ai nogumapi lamiye, ina aga ala agufa agafu ya aliye. Analega aulaga aligeno haigeno, aga Abrahamuna agegeno aga afagite maiye ina aga Lasarusi'e agegeno Abrahamu haopa ale mainiye.²⁴Ina mone vegamo'a logiya geya a'eno ina mage hiye,'Abrahamu afo, atamo'a nena legena ala nagafuya nealu'e. Gaga gahu huna tetega ina lasarusina aliga gayo ategeno, aga aya aginagofi anipi ateteno ina eno navena funafi ata nale eno alino falu hunateno.²⁵Inaya hiyanagi Abrahamu'a ma'auno hapai'ye, mafane,gaulaga agega mainana kanalemo, gaga mugi alagepa yago alinane, ina Lasarusi'a aga gahu vega mainiye. Inaya hiyanagi Lasarusi'a meni alagepa huno maiye ina gaga ala kagufa gagafu yapi maine. ²⁶Ina mago yamo, God-tia ala gagomu kefa lapagai'e lagai'e folagapi maleniye. Inaya huni yanageno ina mago vega lagai tegati lapagai tega o'ugiye ina mago vega lapagai tegati lagaitega ome gaiye.²⁷Ina mone vegamo ke hiye, Abrahamu afo, kanale Lasarusina aliga kayo ategeno afonimo notega vino. ²⁸Naga 5-afu'a kogana nimogi apaulaga age'a maina'e. Ina ma'auga hapa paiyo, apaga omeyo naga maino'a nogumatena, ala lagufa lagafuya haneni kumane.²⁹Inaya higeno'a Abrahamu'a mage huno hapa paiye, 'Apaga Mosese'e apa'une waya'e apaga maina'e, apaga apaga'i ke afiga'e.³⁰Ina mone vegamo'a ke anona'a ma'auno hapa paiye,'naoga'e, Abrahamu afo, Inagi mago fali waya'ai kuma pati u'a hapa paisage'a, apaga abagua ai'a afele gafiye.' ³¹Inaya higeno Abrahamu'a ma'auno hapaiye, 'Inagi apaga Mosese ke o'afisa momo ina apaune waya'ai ke'e haiya husige'a apaga fali waya'ai ke afiga'e.

Chapter 17

¹Jesu'a agame mafane anaga'a ma'auno hapa paiye,'Ve-alawe alino hupatesige'a asa gau'a aisa yana awayu hugiye. Inaya hinagi ala lahu yane inani vega la'a inaniya alino afole ai wega. ²Figu aga mago aise mafane anaga husi yamo asa gau'a aisaya momo. Inagi alagepa yamo apaga tugo afi yafa nofi aetete'a hake anipi awale u'a yaga auteyo.³Inaya husigeta lapaga lapa gai tapile maita yagaiyo. ina kogana tapimo'a aga faipa ya husi momo, lapaga hapa'i geno aga a'epa napa ya'a alino fatago hino. Inagi aga maleya a'epa huno hahu husi momo, lapaga havi aepa'a atale teyo. ⁴Inagi magoge afina aga 7-veni'a afina gaga'i tega alino haviya hugate sige ga'emo, inagi aga 7-veni'a kanale aga atagi neno eno hau'ge gaga'i tega husi momo, inagi apaga haviya api atale pato,''⁵Apaga agame mafane mogi ala api hapa'ie,''Gaga lame titiya aliga mago'e alopa helato. ⁶Ina ala vegamo hiye,''inagi lapaga ma'auta lapame titi huta'emo masteti yosamo alaga, lapaga ani yosa hapai ga'e, gaga gagai'ga aliga wagaiga uga hage anipi hetiyo,'inagi aga gaga'i ke afigiye.⁷Jesu'a mago'e mage hiye, ''latapimo'a, aliya vega'a hoyafi aliya ne alisi geno a'o sipi'sipi afule yaga'ia usa'o ina aga esiyamo. ma'auno hapai giye,'Gaga magale'a ega mopale mai nega neya no'? ⁸Naoga'ae, Ala vegamo'a ma'auno hapai giye,gaga neyani aliga'a lalo hunato,ina aliya kugena hutega, ina neya lalo humale nana neya namiyo, ina naga negau'we ina ani'e neya nena hano huguwe. Henaga gaga ani neya negane.⁹Inagi aga gawa vega amo'a aliya vega'a huno amuse hute gai fiye aga ke'a aiyaga wai sigeno a'emo? ¹⁰Inaya higeno lapa gai ena , ina lapa gai ena God-ti'a lapa pai kele mugu ya'a hiyo, lapaga make hiyo,'Laga God-ti aliya vega'e, laga aga'i ke gege aiyaga newa'une.'''¹¹Jesu'a ga a'eno Jerusalemu viye, aga ga'aeno Sameri'ae Galili fola gapi uniye. ¹²Jesu'a mago kumate awayu hiye, 10-ni'a sogle lepalosi waya agaite a'e inaya hige'a apaga e'a afagi hu'a jesu-te maiye, ¹³ina ma'aua ke a'e,'' Jesu-wo gaga alane gahu hulato.¹⁴Jesu'a apageteno ina mage hiye, ''Lapaga utapa prisi waya lapagufa apawe liyo,''Inagi apaga newa geno apagufa hai'lato hiye. ¹⁵Mago apimo ageyana agufamo ago kanale hiye, ina aga maino atagi neno ''e, Ala'' ke faiti aga God-ti agi alino asagaiye. ¹⁶Aga Jesu aiyafi eno aleya lo'aeno, Jesu-tega amuse hute. Ani vega aga Sameria vega'e.¹⁷Jesu'a ani vega ageteno mage hiye,''Naga nagesa afina na'emo 10-ni'a sogle waya kanale huna'e. 9-ni'a haite maina'e? ¹⁸Mago'a kanale e'a apaga God-ti aiya ali'a o'asagau gafiye, ina aga mago nofi vega moge aniya hugifiye? ¹⁹Ina Jesu'a ani vega hapaiye,''Gaga hetiga uwo. Kametiti yamo gaga alino kanale hugate.²⁰Mago afina farisi waya mogi Jesu'e gege huna'e ina ma'au 'a afigena'e 'na''kanale God-ti noguma e'gaiye. Ina Jesu'a ke anona api ma'auno hapa paiye,''God-ti no kumana mago lagena ya'e ome gaiya nage'a wayamogi apaula gafiti o'agega. ²¹Inagi apaga mage huga'e, ageyo ma'mainiye 'o''muga mainiye, God-ti nogumana gaga'i gagupi haneniye.''²²Jesu'a agame mafane anaga'a ma'auno alino apaya hiye, mago kana awayu husi getapa ina lapaga vemo mafane agege fena lusiyate lapau giye, inaya hugiya nagi lapaga o'agega'e. ²³Ina mage huga'e,'Ageyo mugalega maini fiyo ageyo male mai'nifi,'Inagi lapaga uta apai yaga owaiyo. ²⁴Lapaga hiya tega alawe hiyana 'ne'aga'e, inani magoge awamete vemo mafane egai'ye, inaya husi gea mugi ve-ane mogi age ga'e.²⁵Inaya husigeno hogote ya'a mago agufa agafuya aga alisige'a, ina wayamogi aga abagameya amiga'e. ²⁶Noa kanale afole aini awamete, magoge awamete 'ya' afole aigiye vemo mafane e'si kanale. ²⁷Noa kanale anina neyana nena'e, ina apaga mariti nehu'a apaga mariti fago hu'a apamili u'a e'a neha geno Noa sipifi hai'niye. Ina ala ani heneno mugi waya a'eno apati ga'eniye.²⁸Apaga ve-ane mogi apaga Loti kanale a'epa napa a'u awaya 'ya' ha'e. Apaga anina neyana nena'e, ina miya 'ya nehu'a gagemu yana monele salimi hu'a ne'apa mi'a, ina hoya newai'a ina nona negi'a. ²⁹Loti'a inani kanele sodom ataleno viye,inani kanale ata'e yafa ata'e go' kogana gana huno asa gauno aino ina alino haviya huno mugiya atamo leniye.³⁰Magoge awamete'ya afole aigiye vemo mafane egefe husi kanale. ³¹Inani kana lemo, lapaga 'no agotofule mainesa wayana apatege'a lami'a gagemu ya'a 'no afiti o'alino. Ina lapaga hoyalega maini vega atigineno 'notega omeno.³²Lapaga Loti afe lapage afiyo.

³⁴Naga lapa pauwe, hani inaga kanale vemo mafane esi momo,tole vegala sipale hawa'ea mai nesa ageno. Ina God-ti'a mago vega awale teno mago vega ate gaiye. ³⁵Tole atala anaga aliya ne'alisa ageno ina God-ti'a mago agano awale lino hai'teno mago agano atale. ³⁶Ina agame mafane amogi ma'aua afiga'e ''alane, inani yana haite afole aigiye?'' Jesu'a hapa paiye,''Haite fali waya'ai apagufa hane nesi kuma tege hagigi mogi e'a atalu ne'aiye.³⁷Inagi apaga afiga-e, "hanatene, Ala-na?" aga apagaite mage hiye, hanate apagufa nehane, "inani aupilaga namanaga mogi ali-a atalu neaiye."

Chapter 18

¹Jesu'a mago awame 'ke a'epa hapa painiye, nunumu mugi afina husa a'epa napa yafe, inagi mai'a haga olesa, ina mage hiye,''Mago ala ta'uni kumate, mago jasi vega mai niye, ina aga God-ti fena koli nosi'e, ina aga ve-ane aitega kanale gawa nosi vega'e.³Mago agano, ana'u amo'a ago fali tegeno aga ani ta'unifi mainiye. Ina mugi afina aga eno mani jasi vega ma'auno ina hane paiye,'gaga kotifi'na nama'o game nimo aga naga alino haviya hunatege siye.' ⁴Hogoteno jasi vegamo aga ha'omage siye, inaya hiyanagi henaga'a jasi vegamo'a agesa afiye,'Naga God-tifeno 'o, wayafe nagesa no'afu'e, ⁵Inani anu amo falini agano, mugi afina aga kanaya nena miye. Inagena aga koti afi hama gauwe, inaya husigeno aga mugi afina eno ganaya onamisi'e.⁶Ina ala vegamo hiye, ''lapaga afita alagepa hiyo 'ma havi jasi vegamo hiya yafe. ⁷Figu God-ti'a ve-ane'a fatago koti'a huwo apate gaifi, ina mugi afina agai tega nunumu neha yana?Figu God-ti'a hapa'e megefe yatala kanale apagawa hehifi? ⁸Naga lapa pauwe, God-ti'a aga magale'a hapane ma'e. Inaya higeno vemo mafane esi momo, agai tega apame titi neha nosa'o waya apage gaiye?''⁹Jesu'a apagai apiye apagesa ne'afi ve-ane aife hapa paiye, ina mago waya ai'fena afayane neha'e. ¹⁰Tole vegala yagame nopi nunumu hugefe hai'ae,mago vega farisi vega;e ina mago vega gamani lagesi ne'aliya vega'e.¹¹Ani farisi vegamo'a aga uno heti neno agai'ae ma'auno nunumu hiye,'God,naga amuse huwe naga mago ve-ane'ai gawa osunowe. Apaga kumaya wayane, ina apaga faipa waya apaga kuma'i wayano 'o tagesi ne'ali agufa vega'o. ¹²Mugi wiki'e, naga neya mosina ina tole kanale nunumu nehuwe. Ina mugi yani fago huna 10-nia 'ya negamuwe.'¹³Inaya higeno'a aga tagesi ne'ali vega afagite maiye, ina aga alipaino kogu natega aulu ose. aga haifi yale ne'amagino'a make hiye,'God-ti'o gaga gau hunato,naga faipa vega'e.¹⁴Naga lapa pauwe, God-ti'a aga takesi ne'aliya vega alino fatago hute, inagi no alega viye, inagi mago vega gaegae nomane. Nayafene, apaga apaiya ali'a nehai'ya wayana, God-ti'a alino mopale ne'apate, ina apagai api ali'a mopafi neat wayana aga God-ti'a apiya alino ne'asa gaiye.''¹⁵Mago ve-ane mogi apaga nunenaya mafane toto apawaleli'a Jesu-tega ena'e aga apageno pale aya ateno asumi hupate si'e hu'ae, hiyanagi apaga agame mafane anaga amogi aniya agete'a apaga ke hapauna'e.

¹⁷Lama ke'ae naga lapa nepauwe figu mago vegamo'a aga God-ti noguma aise mafane mogi ne'aliya awete o'alisigi, aga aniif faleno ohai giye naoga'ae.''¹⁸ Mago agenopa vegamo'a Jesuna ma'auno afige,''Alagepa afiya lamisa vega'e, naga haiya husu wafe maige maige 'ya aliguwe?'' ¹⁹Ina Jesu'a ke anona'a ma'auno hapaiye,''Na'aigega'e nagaife alagepa hunane huga hane? Mago vega aga alagepa osuniye, naoga'ae, God-tige aga magoge alagepa huniye.²⁰Gaga God-ti'a 10-nia ke ae'pa'a afiga halenane, kumai ya osuwo, wayana hega kio'ato, gumaya yana osuwo, mago vega laga aigofe ke osuwo,gaga afogamogi itagamogi aliga kanale hupato.''²¹Ani agenopa vegamo'a hiye,''Aise kananileti mugi ke ae'pa aiyaga waina enowe.²²Ina Jesu'a mani ke afiteno ina ma'auno hapaiye, ina mago yafe aupa hunane uga muki yaga monele apamitega ina mone aliyo, ina gahu anaga faog hupato,Ina koguna tega gaga alagepa yaga hane gaiye ina ega nagame huwo. ²³Inaya higeno agenopa vegamo afiteno'a aga amuse osiye nayafene aga hailaga ya'a haneteni yafene.²⁴Jesu'a ageyana ani agenopa vegamo'a aipa kanaya hiye, aga hahu hute, ina mage hiye,''Tusi'a howe huniye aga mone vegamo'a God-ti noguma alisa ya'afimo. ²⁵Aga kana osuniye aga kameli afumo'a nofi negayamo kapi faleno haisa yapi, Inaya huniya nagi aga mone vegamo'a aga hove huniye God-ti noguma alisa ya'afi.''²⁶Apaga mani ke afiya wayamogi, Apaga Jesu-na mage hu'a afigena'e,''Inagi magawa hunesi momo, la'a aga maige maige yana aligiye?'' ²⁷Ina Jesu'a ke apile ke anona'a hapa paiye ,''Naya wayamo osusi yana,aga God-ti'a hugiye.''²⁸Ina Pita'a mage hiye,''Laga mugi yati hanelateni 'yana ataleta kaiyaga newaune,'' ²⁹Jesu'a ma'auno hapa paiye, ''Lamage'ae naga lapa pauwe, Inagi mago vegamo'a God-ti noguma femo agesa afisi momo, aga noguma atale gaiye ina agano'agi kogana amo'agi ita'afo amogi ina mafane anaga'a. ³⁰apaga mopafi alagepa ya'a aliga'e ina henaga kanale'ene ina maige,maige ya'ene.³¹Jeus'a 12-fua agame mafane anaga'a apawaleno ina ma'auno hapa paiye,''Afiyo, meni Jerusalemu ugune ina alufina apaune wayamogi vemo mafane awo kaimalena'e, lamage'a afole aigiye. ³²Apaga mago waya'ai apayapi awale apamiga'e ina apaga ke hu'a atalaga tologo hutega'e, ina haviya hutega'e, ina apavina hetega'e. ³³Apaga amagi'a falite ga'e ina tole'e mago'e kanale alu hetigiye ,''³⁴Inaya hige'a apaga agame mafane anaga amogi ani ke ae'pa afi'a ha'olae.Mani ke ae'pa apagai tena haneno falagino hane, ina apaga afi'a nake Jesu'a hike afi'a haola'e.³⁵Jesu'a Jeriko uno aupa hiye, mago aulaga fali gaini vega 'ga haigile mainiye,ina ve-ane aife mone au'gayu hune apate, ³⁶ina aga afiyana hailaga ve-ane ga'ae keno'ae ina apafike naya afole ai'ye. ³⁷Ina mage hu'a hapaiye, Nasareti Jesu'a e.³⁸Inagi mani aulaga fali gaini vegamo ke aeniye ina mage hiye, ''Jesu-o, Deviti mafane, kaga gau hunato.'' ³⁹Hailaga ve-ane aite u'a hogotaya wayamogi aga ke ha'e,ina hapaiye kawaya falamugiyo. Hayanagi mago'e keya a'e Deviti mafane gahu hunato.⁴⁰Jesu'a eno hetiye,inagi we anaga hapa paino a'emo ani vega awale lita nagai tega eyo.Aulaga faligaini vega Jesu ametega 'e, Jesu'a ma'auno afige, ''⁴¹Kaga naya hugatesu yafe gauniye?''Ina aga make hiye, Alane, naga naulaga ayagesi yafe nauniye inaya husi kena naulaga akeke suwe.''⁴²Ina Jeus'a hapaiye,''Kaga akega ayake gane. Kame titi yamo'a gaga alino kanale hugate.⁴³Una ali ena ali hiyana magale aulaga ayake. inagi Jesu'na awaki hiye, inayafe God-ti aiya alino asagaiye. Mugi ve-ane mogi agete'a inagi God-ti aiya ali'a asaga'e.

Chapter 19

¹Jesu'a Jeriko taunifi uno'a hai teno ina kate uno ina Jeriko atale gefe hiye. ²Mago vega agi amo Sakiasi'ae aga Jeriko mainiye. Aga takesi ne aliya waya aite akenopa ya huno yagai niye ina aga hailaga kakemuya'a hane teniye.³Aga Jesu'a hai agufa vegafi huno akekefe hiye. Inaya hinagi hailaga ve-ane maiye, ina Jesuna o'ake nayafene aga aupa vega keno'ae. ⁴Inagi aga ve-ane aite nagu'aeno uno hogo tepate,ina uno'a mago fiki yosafi haiye aga Jesuna akekefe. Inagi aga kate ne'esigeno.⁵Jesu'a inani hao'pa lega awayu hiye,aga aulu hekeno inani yosafi hai keno ina make hiye,''Sakias, gaga magale 'a emi'eno, ma meni feluga naga gagai nopi mai gu'ae.'' ⁶Inagi magale'a Sakiasi'a ataleno emi 'eno ina aga amuse hutaleno Jesuna awalelino no'alega viye. ⁷Muki waya mogi aniya akete'a, apaga kene'a ina mage ha'e,''Aga mago faipa,ya nehi vegamo nopi faleno hai'ye.''⁸Ina nopi mai'nea Sakiasi'a hetino'a ina Alafe make hiye, ''afiyo, Alane, naga muki yani tole'ya huna fago huguwe,ina mago haopa'a gakemu ya'api omale kafuna waya apami guwe. Inagi magomona aigofe hutetena ina mago ya'a guma yaya hunesu momo, Inagi aga 4-a kanale anona'a amiguwe. ⁹Ina Jesu'a ma'auno hapaiye,''Meni yake folaga God-ti'a manopi ve-ane apawale. Nayafene agai'e aga Abrahamu mafane. ¹⁰Vemo mafane aga lakeso huna waya gauya huno apawale kefe eniye.¹¹Apaga ve-anemogi Jesu'a hiya ke afi'a maiye, ina aga mago awame ke hapa paiye, nayafene aga ago Jerusalemu ago eno aupa hute yafene. Ina apaga ve-anemogi apakesa afi'aemo God-ti nogumana ago eno hama hukiye. ¹²Inayafe jesu'a hiye,''mago alopa vega afagi kotega viye apaga sauwe kini legana aga paite sayafe, inaya husigeno aga no kuma alega alu egaiye.¹³Aga ukefe huno'aemo , aga 10-ni'a aliya waya'a ke huno, inagi aga 50 kina apamete apamete apamiye, ina ma'auno hapa paiye, lapaga uta mani moneleti agame mone a'eta awayu hiyo, inaya nehigena naga ataki nena eno.' ¹⁴Inaya hiyanagi aga anaga amogi agai'fena oha pauye¹⁶Mago vega eno hogoteno ina make hiye, Ala vega'e, naga ago 50-kina namina moteti 500-kina agame mone lalo huwe.' ¹⁷Ina sauwe kini'a ma'auno hapaiye,'kaga alagepa aliya vega'e ina gaga alagepa aliya aline, gaga alagepa fatago aliya aise yateti aline, inaya hiyana gega gaga 10-nia ala tauni yagai kane.¹⁸Ina henaga'a mago vega 'e, ina ke hiye, Ala vega'e, naga 50-ti,a namina pati 250-ti'a talo huwe. ¹⁹Ina sauwe moa ma,auno hapaiye,'Gaga 5-fu'a ala tauni no kuma yagai kane.²⁰Mago aliya vegamo eno hiye,'Alane, mae 50-ti kina kamo. Naga lavo lavofi yokeke huna haya'na male nowe, ²¹nayafene gaga himamu vega kena'e naga koliga huwe. Kaga waya ai 'ya ne aline, ina mago wayamogi hoya fiti neya ne'aline.'²²Ina sauwe kini'a ma'auno hapaiye, 'kaga alakepa aliya vega omai nane, kagaiga kemo'a kapauwe kaga afiga ake ga'emo naga himamu logiya vega'e, naga mago mogi 'ya ne aluwe, naga'ini ogalino neya ne'aluwe. ²³Naya hikega'e mone nopi moneni omalane, ina esu afinamo ani mone'e agotofu mone'e alugufi?'²⁴Ina sauwe kini'a hao'pale maiya waya hapa paiye, lapaga 50-kina agai tegati hafa letapa ina amiyo la'a 50-kina agotofu aino lalo hi' vega.' ²⁵Ina ma'aua hapaiye,'kini, ma' aliya vegamo'a mago'e 500-kina aliye.''²⁶Ina sauwe kini'a ma-auno ke anona'a hiye, 'Naga lapa pauwe, apaga mago waya'a mago ya'api hanepa tenesi wayana magoe apamiguwe. Inayafe mago waya'a mago ya-api haneo apatenesi momo, naga alina atale gauwe na aise ya hanetenesi ya. ²⁷Apaga ani kame waya nimogi naga yagai patesu yafe ohapaiye, lapaga male apawalelita etapa ina hetapa falipateyo naga lapa kena mainesuke tapa."²⁸Jesu'a inani awame ke huteno'a, aga alu'e aepa faino Jerusalemu uno haiye.²⁹Jesu'a aga Betfake uno aupa hiye ina Betani'e, oliviye hua agi ne'aya agoyale, ina tole agame mafanela alino gayo anate. ³⁰ina ma'auno hapa paiye,''lanaga uma aupa huno haneniya kumate vi-ao.Haita faleta paemo, lanaga venemo donki afu nofi aete nesa getana ageka ae. Mago vegamo'a ago tofule fai'omainiye. Nofi agalu hetalega awaleliga ina nagai tega eno. ³¹figu mago vegamo'a ma'auno kafigesi gega'aemo,'Nayafe mani doki afumo nofi akalu neha'e?' Ma'auga hapaiyo, 'Alamo'a aga aliya'a ani donki afu hane.³²Jesu'a tolela alino kayo anategea,ina tole wa'ae, ina mani donki afu Jesu'a hanapai ya awamete aga'ae. ³³Anaga mani donki afu nofi agalu hene ata ageno, donkimo afumo amo'a awayu hiye, ina mage huno apafige, nayafe donki afumo nofi agalu neha'ae?'' ³⁴Inagi anaga ma'auana ke anona'a hapai ae,''Alamo'a mani donki afumo aliya'a haneniye." ³⁵Ina tole agame mafane alamogani mani donki afu awaleli'ana Jesu-te wa'ae. ''Ina apaga yatala kugena api hatu mae apa ina donki afumo kate ama yagaiye, ina Jesu'a agotofule haino faimiye. ³⁶Aga donki afule fai mino ina viye, ina apaga ve-ane mogi yatala kugena api hatowa hu'a kate ama yagaiye.³⁷Jesu'a olivi agoyamo lamini kate eno aupa hiye, ina ala mugi agame mafane anaga amogi amuse hae ina keya'ae ina God-ti aiya ali'a asaga'e aga Jesu'a ala aliya ali yafe. ³⁸Ina mage ha'e,''God-tia ani sauwe wega asumi hute gaiye alamo agile eniye.' Anaga God-tina agi aliga asagauwo, ina kogunatega laipa faluya hane gaiye.'''³⁹Mago apaga farisi waya hailaga ve-ane mogi folagapi mai ne'apa Jesu-na hapaiye,''Afiya aliga apaya hu vega'e, kaga kagame mafanega hapa pai kea apawaya akaniyo.'' ⁴⁰Ina Jesu'a ke anona'a ma;auno hiye.''Naga lapa pauwe, inagi apawaya ali'a akani patesa momo, inagi apaga ma yafamogi keya aega'e.''⁴¹Jeus'a Jerusalemu awayu huteno, aga ani tauni kumafe aviya hiye ⁴²ina mage hiye, "Mani kanale, inaya husi keta lapaga afita hama hutapa nayamo'a maita alakepa huga'e.⁴³ Mago kana awayu hugiye, ina kame tapi mogi ai'a vego hua a'a akani lapatega'e, ina kaveta taunimo'a mugi haopa afiti ali'a ega'e, ⁴⁴Apaga ai'a atala gau'a katesa kega mopafi asa gauga aigane ina kagai ga'e mafane ga'e ali'a hafiya hugate ga'e. Ina apaga mago yafa mago yafamo agotofule o'ate ga'e, nayafene gaga God-tia kae mae yana o-agane."⁴⁵Jesu'a yakame nopi haino ina ve-ane yakame nopinaga monele malaya yana hapa faiye. ⁴⁶Ina ma'auno hapaiye, "God-tia awo tape amo'a make huniye,'noni mamona nunu none, ' inaya huniya nagi lapaga kumaya wayai no alitapa hamale tae.''⁴⁷Mugi afina Jesu'a yakame nopi mono nehiye. Ina akenopa prisi'e kasa kele afiya waya'e ina apaga hae'a kitekefe haya ve-ane mogi akenopa wayane.⁴⁸inaya hiyanagi apaga mago ka age'a awa ota'e. Nayafene mugi ve-anemo apaga ke hiya ke afiyafe amuse kose hae.

Chapter 20

¹Mago afina Jesu'a ve-ane alino apaya hiye ina yakame nopi alakepa ke huno hama hiye, ina ala prisi 'e kasa kele afiya waya'e akenopa waya'e ali'a mago hua a'e. ²Apaga ma'aua afiga'e, "Lapaiyo, la lokiya leti kaga mani yago nehane? O la'a he hukate kega a'e maniya nehane?''³Ina jesu'a ke anona a'api ma'auno hapa paiye,''Nagai'e mago ke lapafi kegauwe, ina lapaga napaiyo. ⁴Joni mono anifale yana, kogunate yapiyo o waya aitagate eniye?"⁵Apaga folaga apifi ma-aua ke huke afike ha'e.''Figu make husuna momo, 'God-ti tegati eniye, 'aga make hugiye, 'Ina nayafe lapaga lapame titi noha'e?' ⁶Figu make husuna momo ,'Waya aitegati eniye huta husunamo,' Inagi hute'a apaga ve-ane mogi yafa kayo lama kiga'e, nayafene apaga ago afi'a ake'a hale a'emo mono ani falene apateya Joni'a aga aune vega'e hua akena'e.''⁷Ina apaga Jesuna ke anona ma'aua hapaiye,''apaga afita aketa hao'lone lategati eniye ya'afi,'' ⁸Jesu'a hapa paiye,''Inai kawa husiyana nagai'e lapa opai kuwe la lokiyamo eno mani yago nehi yana.''⁹ Ina Jesu'a mago awame ke ma auno hiye,''mago vegamo'a aga mago waeni hoya waiye, ina mani waeni hoya aga yagaisa vegamo ayapi male teno, ina aga mago kotega viye ina yatala kana ani hapalega maiye. ¹⁰Waeni lagisa kana ago awayu hiye inagi aga mago aliya vega'a alino atele keno ani waeni hoyale yagaini vegale kanale waenimo alaga'a amigafi. Atagi neno aga ani vegamo'a aliya vega'a amagiye, ina magoya o'ali ka alino ataki nete keno viye.¹¹Ina waeni hoyamo afo amo'a mago aliya vega'a alino kayo ate keno viya nagi, apaga amaki 'a ali'a haviya huta'e ina ku'afi magoya omale ya ali'a ataki ne ta'e. ¹²Inagi aga '3 aliya vega'a alino kayo ategene viya nagi agi'ena amakiye, ina avale lia malega waeni hoyafi a'e.¹³Inaya higeno waeni hoyamo afo amo'a mage hiye,'naga naya huguwe? Naga mafaneni alina kayo ate gauwe, naga nauge nauge nehiye. Figu apaga agai ke afisa efe. ¹⁴Meni inani waya mogi agakeno eke apae'mo, apaga folaga apifi ma'aua ke huke afike ha'e Mamona ma waeni hoyamo afo amo'a mafane aga ma waeni hoya aligiye. Laga amikita kite gaune, ina laga waeni hoyamo'a afo'amo ya hugune.¹⁵Inaya hige'a apaga waeni hoyafiti hafai'a malaga atalete'a ina he'a kita'e. ina gawa higi lapaga waeni hoyamo afo amo'a naya mani waya hupate gaiye huta lapakesa afiye? ¹⁶Aga eno mani wayana alino hafiya hupate teno ina waeni hoya'a alino mago waya apami giye.''Ve-ane mogi mani ke awame ke afite'a apaga make ha'e,'' Ina agufa ya huno afole o'aigiye.''¹⁷Afa'a Jesu;a aulu hapa neno mage hiye,''Naya ani ke aepa bukufi kae'malenae.'kamuta waya mogi ani yafa ali'a atalena'e ani yafana amuya yosa kana huno no atafau gifi?

¹⁹ Apaga kasa kele afiya waya'e ina akenopa pris si'e apaga afi aemo Jesu'a mani keke himomo lagai tega alino maleno hiye. Inaya hige apa inani kanale apaga a'a atafau kefe ha'e. Inaya hiyanagi apaga ve-ane aife koli ha'e. ²⁰Inagi apaga kasa kele afiya waya'e akenopa prisi'e apaga Jesu-te yagai'a alegepa ha'e. Kawa kawa lagau'a agesa waya lamake waya kanakana hua ali'a kayo apata'e, apaga Jesuna hua amiyo husa keno aga havi ke husiyafe. inaya husi gea apaga awaleli'a gananimo aula kale u'a koti hute sayafe.²¹Apaga Jesuna apasu wayamogi ,Jesuna ma'aua afiga'e,''Afiya apamisa vaga'e,laga afita hale none gaga lamake keke nehane ina ve-ane aliga fatago huga'a aliga'a apaya nehane. Ina kaga agi haneni vega akega haiga no atane. Lamake keleti kaga ve-ane aliga apaya God-ti aepa napa ya nehane. ²²Kaga nayane kagesa afine, aga sisana takesi amisuna yana kanale hunifi osuniye?''²³Inaya hiyanagi aga Jesu'a apagai apagu apakesa ago apageno hale, ina ma auno hapa paiye, ²⁴Lapaga mago mone naweliyo. Mona la ame'e la agi'e haneniye? ''Ina apaga make ha'e, ''Sisa'e.''²⁵Ina Jesu'a ma'auno hapa paiye, lapaga sisana amiyo naya sisa ya hanene simomo, ina God-tie amiyo, naya God-tiya hanenesi momo,''²⁶Apaga mani Jesu'a ke afiti mago haviya akea awa ota'e. Apaga atali hae Jesu'a ke anona'a hapa pai yafe ina apawaya alia fakaniye.Aga ve-ane'e mai nike aemo apaga hua amiyo husa ka api omale.²⁷Hena ga'a apaga mago satuyusi waya Jesu tega ena'e. Inani waya mogi apaga hu'aemo falina wayana apaga alu'e he'otigae hua neha'e, ²⁹Inagi apaga alufina 7-nia kogana maina. Hogote vegamo'a aga 'a' aliye ina a'amoa aga mafane ali o'ateno faliye. ³⁰Alu'e akamelaga vegamo'a ani 'a' aliye inaya hiya nagi anaga mafane ali o'ateno ina agai'e faliye. ³¹Ina alu'e 3-kogana amo'a ani agano alino ate, inaya hiyanagi agi'e mafane ali o'ateno faliye, Mugi'a 7-nia kogana mogi ani 'a' ali'a atena'e apaga mago mafane ali'a o'atea mugi'a faliye. ³²Henaga'a ani agano agai'e faliye. ³³Inani falina waya hetisa afinamo, inani ana la 'a' hamale gaiye? nayafene apaga mugi 7-nia koganamogi ani agano ali'a atege nayafene.''³⁴Jesu'a ke anona ma auno hapa paiye,''ma mopafi ina vemogi ina anemogi 'a' ali kea 've' ali ke'a neha'e, apaga waya mogi afane api vele fai'a u-ea nehae. ³⁵Inaya hiya nagi apaga alakepa ve-ane God-tia apaga matimati fiti alino heti pate, apaga ve o'alia 'a' oali'a hugae. ³⁶Apaga alu'e ofaliga'e, apaga akelo gana gana hua maiga'e, nayafene aga God-tia mati mati fiti alino heti pateni yafene ina apaga God-ti mafane mai sayafene.³⁷Inaya higeno Mosese'a ma auno laweliye apaga falina wayana mati mati fiti hetiga'e. Meni awake atamo'a aise gahu leniye, aga ke huno aemo kaga Abrahamu God-ti gae, ina kaga Aisake God-ti gae, ina kaga Jekopu God-ti gae. ³⁸Mayamo 'a lawelino aemo, aga fali waya ai God-ti a'omane, aga hegafa maina waya ai God-ti ae. God-ti au lagalemo mugia hegafa maina'e."³⁹Mago kasa kele afiya waya mogi Jesuna ma au'a ke anona'a ma au'a hae, ''Aliga apaya husa vega'a, kaga mani kele alagepa huga ke anona hane.'' ⁴⁰Ina apaga mago'e faloga ke afikesa yafe apagesa o'afiye.⁴¹Ina Jesu'a ma auno hapa paiye, ''Haiya hua apaga ve-ane mogi hu aemo Kraisi'a aga Deviti mafane hua nehae? ⁴²Deviti'a agai'a yoke wugufi ma'auno hiye, alamo'a alaniye hiye, Kaga naya tamaka fai maiyo, ⁴³ina naga kame wayaga naiya atesu sia kana huna alina hama lepate gauwe.' ⁴⁴Deviti'a krai-sina agi ae.'Alane'ina haiya higeno ae aga Deviti mafane?''⁴⁵Apaga ve-ane mai nea ina afiye Jesu'a akame mafane anaga'a ma'auno hapa paiye, ⁴⁶Lapaga aluya huta kasa kele afiya waya aife maita yagai'yo apaga yatala kugena nehae, apaga neha paiye wayamogi a'ote agufa ya hua ve-ane ai apau lagale ke apa maesa yafe, ina apaga hogote sia yagame nopi , ina hogote no kuma ala neya kanale. ⁴⁷Apaga aigofe hua ina anau apimogi falina ane ai no kumaya 'ya' nehae,ina apaga mago waya mogi lake sae nehae, inaya higeno ina apaga yatala nunumu kefa neha'e. Apaga inani agufa'e waya mogi apaga ala kanaya magoe aliga'e,''

Chapter 21

¹Jesu'a mone waya apa keni gea ofa api yakame nomo wogisivi mone api ata la'e. ²Ina aga mago agano ake, anu'amoa ago faliniyeina aga kafuna huno mai'niye inaya huniya nagi aga tole mone ategeno mone wogisifi lamiye.Ina Jesu'a hiye, ³''Naga lamake lapa pauwe, ma kagemuya'a omaleni agano ago anu'amoa faliniye, aga ala mone magoa ae'no apa gaseno male. ⁴Mugi mago'a apaga ala mone api hane pateni gea ina apaga amiye. Hiyanagi mani agano anu'amoa ago faliniye, kagemuya'a omale no maiye, ina aga mugi mone haneteni'a amiye.⁵Mago waya'a yakame no aga'e, apaga alagepa yafa teti konali ali tenae ina ani wilasiyana salamana gana hua God-tina amina'e. Ina Jesu'a hiye. ⁶''Meni lapaga agaya yagona mago kana afole aigiye ina mago yafamoa mago yafamo agoto fule ohane gaiye. Apaga muki'a ai'a anagupae'a ina apaga yaga au tekea asa gau'a aiyo.''⁷Kanalene ve-ane mogi Jesuna ma'aua afiga'e,'' Afiya apamisa vega'e, Nakanale inani ya afole aigiye? Laga na lakena ya akegaune ina ma'auta afita hale gaune meni kana'a afole aiye inaniya afole aiye?" ⁸Ina Jesu'a ke anona'a hapa paiye, ''Lapaga maitapa halowe hiyo, figu wayamogi hua lapamiyo husagi. Apaga hailaga wayamogi e'a ina nagai nagi a'egae, ina make huga'e,'Naga ani vega'e,ina, kana ago eno aupa hiye. 'Lapaga uta ina agufa wayago apai yaga owaiyo. ⁹Ina lapaga ala kaveta ya afole aiye ke afita paemo ina apaga wayamogi apagai api mago mona hae nageno hae nageno husa momo, lapaga koli osiyo. Nayafene inani yana afa'a afole aite sigeno'a, inaya hiya nagi mopa hano husi kana'a magale'a awayu osugiye.''¹⁰Ina Jeus'a mago'e make hiye,''Apaga mago no wayamogi ali' hetia mago no waya'e kaveta huga'e, ina apaga kini mogi mago kini'e kaveta hugae. ¹¹Ala imima ya awayu hugiye, ina ala laka tesi ya awayu hugiye ina havi gali mago kuma alega awayu hugiye. Hailaga yago awayu hugiye ina ve ane alino goli note ae pate gaiye, ina lapaga aote aote lakena ya koguna tega afole aisi geta ake gae.¹²Inaya hugi yanagi aniya awayu osu nesigea , apaga ae'a lapata fau' a alia haviya hulapate gae. Yagame nopi kotile alia hetila patega'e ina kala wusifi lapate gae. Ina kini mogi kotile lapa walelia ugae ina apaga gamani le'e, nayafene lapaga nagai nagile lapa metiti nehaya fene. ¹³Meni alagepa kanae lapaga alagepa ke apaga hapa paisa kanae.

Chapter 22

¹Ala kana breti mo yis omale kana eno aupa hiye,ani kana pasovae hua agi neae.²Hetpris waya'e lo-te afiya alina waya'e alu ai'tea Jesu na amagi a kitesa kafe kege hae.Naya fene ve ane apamoya aiye.³Inagi sata'a Judas Iskariot'i aipafi haiye,aga 12 agame mafane'fati mago apiye.⁴Judas'i a uno hetpris waya nagi ati kawa waya nagi uno kege hua hayae a,haiya huno Jesu na awaleno apaya-pi ate-sufi ke hiye.⁵Apaga tusi amuse hutea,apaipa alia magoke hua mone kamigune hae, mani aliya ali sana yate fena.⁶Judas'i a kanale huteno Jesu waya e omainesi afina awalena lapaya-pi ate-gauwe hiye.⁷Breti'mo yis omale kana eno afole aiye,ani kanale pasova sipsip hea salamana neka kanae. ⁸ Jesu'a Pita'e Jon'e alino anatale teno ma-ke hiye,"Tanaga utana pasova nesaya alita alo'ala hiageta neno.⁹Anaga Jesu na ma-ke hua afi-ka ae,"La-aga haite uta'a nesaya alita alo-ala husu ae?"¹⁰Jesu ke anona'a ma-ke huno hapapaiye,"Afiyo,ala taun'fi hai sayana,mago vega baketi ani hefilino ne-e no fotu hulapate gaiye.Tapaga ani vega aiyaga wai'ta neuta hai nopi haino faresi nopi tapagai'e haiyo.¹¹Nomo afo'amona ma-ke huta afigeo,'Tisa'a kagai'fe ma-ke hiye,"Wafa nona haite haneniye,nagame mafane nagae pasova nege-sugi?"¹²No'mo afo amo'a anaga ala rum tanaweli-giye.Ani rum ali'tana alagepa hi'ao."¹³U'ana aga-ana, mugi ya Jesu hiya kate hane nige ana aga ae.Hige ana pasova nesaya alia alo'ala ha-ae.¹⁴Pasova nesaya ne kana eno afole aigeno,Jesu a agame mafane naga'e faimai ye.¹⁵Jesu ma-ke huno hapa-paiye,"Naga ala yate nahu-huwe, mani pasova lapagai'e nesu yafe,inagi henaga tusi nagufa nagafu ya aligue.¹⁶Ma-ke lapa-pauwe,naga halate mani nesaya one gauwe,mugi ke huni ke God'i kumate afole ai-giye."¹⁷Inagi Jesu a wain kapu alino God'i taga takiyo huteno, ma-ke hiye,"Ma kapu alita lapagai-tapifi fago hiyo.¹⁸Naga ma-ke lapa-pauwe,henaga halate wain'mo kora one-na,maime uno God'i kuma egaiye."¹⁹Inagi Jesu breti aliteno,God'i taga takiyo hute no lo aeno apami ye.Ma-ke hiye,"Mona nagufae,naga lapa-muwe.Tapaga mani ya nehuta nagai'fe lapagesa afiyo."²⁰Nesaya nete a waini kapu alino huni ya huno,ma-ke hiye,"Mona saufa kontrak'i tapagai'e kola nileti talo huwe,lapagai-te asagau'no aiye.²¹Hiyana tapaga afiyo. Nawaleno kame waya aina apami'si vega meni nagai'e nesaya nene.²²Ani yana Ve mo Mafane'le afole aino huno God'i huniye.Hiyana tusi nahu huwe,kame waya'ai apaya'pi awaleno atesi vegae na."²³ Higea agame mafane mogi apagai apifi huge afige hua folaga'ti fati nala ani ya huge ye hae.²⁴Inagi henaga,aposol ve mogi ke wai'a nala'a folaga ti'fati ala mai-giye hae.²⁵Inagi Jesu a ma-ke huno hapa-paiye,Mago waya aite sauwe moa aga ala api mainiye.Higea apaga logiya api hane-niye,apaga alagepa aepa napa ya waya apilaga nehae.²⁶Ani agufa yana lapagai'te afole o'aino.Mago folaga tapi fati ala mai'si vega,aga aise mafane nemai ya huno maino.Inagi agi ala folaga tapi'fi hane-nesi vega,aga aliya vega nemai ya huno maino.²⁷Nala agi ala hane'si yana,ani vega meni mai-neno nesaya nene yo,ani vega moa nesaya alino ne-e fi?Hiyana naga folaga tapi'fi lapagai aliya vega mai nowe.²⁸ Hiyana,nagai kana yapi tapaga nagai'e mai'nae.²⁹Ina yafe naga alagepa kuma lapa-muwe,ani ya huno afo'ni moa alagepa kuma nami-niye.³⁰Tapaga nagai efu'taga maita alagepa kuma'nile ani-nesaya negae.Tapaga sauwe efute faimi-neta Israel 12 nofi waya alita fako hupate-gae.³¹"Saimon,Saimon,kaga yagaika alagepa huwo,Satani 'a ana kawata-gau kuwe huno God'i na afige,witi alia afelo falo neha ya huno.³²Hiyana naga nunamu huna hamao-we,kaga kametiti ya oatale'sane huna.Henaga halate egae'mo,kogana gamo-kina aliga lokiya wai'pato.³³Inagi Pita hapaiye,"Ala'ne,naga kalabusi'fi-e fali yate-e kagai-e u yate alo ala huna mai-nowe."³⁴Inagi Jesu a ke anona'a ma-ke huno hapaiye,"Naga lama ke hapauwe,Pita-ka,kokore mo age o'ai nesi-gake ma-ke hugane,tole-e mago-e afina ogageno'we hugane."³⁵Inagi Jesu agame mafane naga ma-ke huno apafige,"Naga no'kuma taga alina kayo lapato geta waya'na,tapaga han pausi,kuna,su o'alita una- yana tapaga mago yafe kafu huna,fi?Apaga hu'aemo, kafu osu none hae.³⁶Inagi Jesu ma-ke huno hapa-paiye,Meni mago tapi'moa mone a hane'te nesiya yana ali-lino,inagi mago tapi'moa nesaya hane'te nesi yana ali-lino.Inagi mago tapi'moa naipe a ohane'ne siyana kugena a salim huno mone alino mago miya hino.³⁷Naga ma-ke lapa-pauwe,Paune waya mogi nagai'fe God'i vugu'fi kae malena ke afole aigiye.Ali a apagi ohaneni waya aipi magoge ya hua ate nae.Na kemo nagai'fe kae malena ke afole lama ai'giye.³⁸Inagi agame mafane mogi ma-ke hae,"Ala'ne,kaga ago!Tole naipe'la hane-niye."Inagi Jesu ma-ke huno hapa-paiye,"Ina mona haine."³⁹Jesu a oliv agoya laga hai ye,mugi afina nehi ya huno hai gea agame mafane mogi ai'yaga wai ye.⁴⁰Ani kote ua wayu hute a,Jesu ma-ke huno hapa-paiye,Tapaga faipa yapi asagau'ta oaigune huta nunamu hiyo.⁴¹Inagi Jesu apatale-no aise afagi, yafa yaga nea afafa ale une'no aleya fai'no ma-ke huno nunamu hiye,⁴²"Afo,kaga hau nesi-yana,mani kapu nagai taga'ti aliga ataro.Hiyana nagai afi ya aiyaga owai'yo,ha'ao,kagaiga afi yate aiyaga waiyo."⁴³Inagi mago agelo vega'mo koguna teti eno logiya amiye.⁴⁴Jesu a tusi agufa agafu yapi maineno logiya wai'no nunamu hiye,higeno haise moa kola kana ya huno mopafi asagauno aiye.⁴⁵Nanamu huno hano hulino,Jesu agame fanane naga aitaga viye,apage yana mugi amogi hawa'nae,naya fene hapau ya ege aene.⁴⁶Jesu apafige,"Nayafe hawae'ta mainae?Tapaga hetita nunamu hiyo,husi geta faipa yapi asagauta o'aigae.⁴⁷Jesu mono ke nehi geno,hailaga waya Judasi e ae wayu hae,aga 12 agame mafane fati mago api moa apawale'no e.Judasi a Jesu amete eno kis hutege siye,⁴⁸hiyana Jesu ma-ke huno hapaiye,"Judasi-yo,kaga mani kisi'leti Ve mo Mafane awalega kame waya-ai apayapi ne-apamino?"⁴⁹Agame mafane mogi mani afole ai ya age tea,ma-ke hae,"Ala-ne,naipe leti apagai'e laga kaweta husu-piyo?"⁵⁰Inagi mago agame mafane moa naipe leti alopa pristi vega mo aliya mafane lamaga akesa hatagai'ye.⁵¹Jesu ma-ke hiye,"Haine!"Inagi Jesu mani aliya vega mo agesa'le ameali geno ena ana hagani ye.⁵²Inagi Jesu ma-ke huno agenopa ya hua maina pristi-gi,mono note yagai na vegi,alopa ve,atafau'ge ageno,"Tapaga kumaya vega awale-ge naipe kayo alita kaweta'le afiye?⁵³Mugi afina naga mono nopi nemau wana,tapaga nona-tafae.Hiyana meni tapagai kana e,inagi hani yamo a yagai lapate."⁵⁴Jesu na atafau tea awale a ala pristi mo nopi wae.Hiyana Pita afagite ne-eno apaiyaga waiye.⁵⁵Kegiya noguma folaga'pi ata kae-tea ve ane maiye,inagi Pita uno folaga apifi faimiye.⁵⁶Mago aliya agano moa Pita faimi-nigeno ata kanite age-teno,aulu hae-neno ma-ke hiye,"Ma vega ena agaie mainiye."⁵⁷Hiyana Pita huno falagi'no,"Ane,naga mani vega oage-nowe."⁵⁸Aise kana'a mai-gea mago vega moa Pita na age-teno,ma-ke hiye,"Kagai'ena mago apiye."Hiyana Pita ma-ke hiye,"Naga mago api omai-nowe."⁵⁹Magoge awa agufa ya mai'tea mago vega moa Pita na age'teno lokiya waino ma-ke hiye,"Lama'a ma-vega moa agai'e nemaiye,naya fene aga Galili vegae."⁶⁰Hiyana Pita ma-ke hiye,"Naga agena afina osuno ke nehane."Ke nehi geno,kokole age aiye.⁶¹Inagi Jesu maino afele'no Pita na aulu hae,Pita akesa afiye Jesu hapai-niya ke,"Kaga ma-ke hugane,naga vega oagenowe huga tole-e mago-e kanale hugane, kokole'mo age o'ai-nesigeka."⁶²Pita kuma-taga emi'eno tusi awiya hiye.⁶³Inagi Jesu'te yagaina waya mogi alia agunu agene hua Jesu na amagiye.⁶⁴Jesu augosa-fi lawolawo leti aia atigae tenea,ma-ke hae,"Kaga kaune ke lapaiyo!Nala'a kamagi-fi ya'a?"⁶⁵Hailaga kanale osuni ke Jesu na hua haviya hutae.⁶⁶Go alino hale gea,ve ane aite agenopa waya nagi hetpris waya nagi lo-te afiya alina waya alia alu ai-tea,Jesu na awale'a ala kansole-le wae.⁶⁷Inagi ma-ke afigae,"Kaga Kristo'ga maine-gaemo,laga lapaiyo."Hiyana aga ma-ke huno hapapai'ye,"Naga lapapai-suwana,naga husu ke-le lapame-titi osugae,⁶⁸inagi naga mago ke lapafige-suwana,tapaga ke anona'a naopai-gae.⁶⁹Inagi meni aepa faino,Ve'mo Mafane God'i aya lamaga-a mugi lokiya'a-e fai-migiye."⁷⁰Mugi amogi ma-ke hae,"Inagi kaga God'i mafane-fiyo?"Jesu ma-ke huno hapa-paiye,Lapagai-tapi hu tapae mo,Naga mani vegae hae."⁷¹Apaga ma-ke hae,"Nayafe taga waya apawale sunage a hua hale gae?Taga ago afune,agai'a awaya-fati hiya ke."

Chapter 23

¹Mugi amogi heti a Jesu na awale a Pailat-tite wae.²Apaga ke hu'ate aemo,ma-ke hae,"Taga age'tae mo vega moa kantri-ti alino hawiya huge-siye,ve ane hapapai'no ae mo Sisa'taga takis oseo nehiye.Aga huno ae mo,agai'a Kristo,kin'ne nehiye."³Pailat Jesu na ma-ke huno afige,"Kaga mani vega Juda waya-ai kin-piyo?"Inagi Jesu ke anona'a ma-ke huno hapa-paiye,"Kaga ke alakepa hane."⁴Pailat ma-ke huno hetpris-sigi mugi ve ane hapa-paiye,"Naga mago havi ya'a vega fi oagowe."⁵Hiyana apaga ke oafia,mago ege hu-aemo,"Ma vega moa ve ane ai apaipa'fi nefaiye,mugi Judia aupaliga mono nehiye,Galili-ti aepa faiteno ma-kumate ne-e."⁶Pailat mani ke afi teno,mani vega Galili vega fiye huno apafige.⁷Aga afino hale no aemo Jesu Galili vega'e ya'a ake-teno,Jesu na alino atale-geno Herod'ti taga viye.Ani afina Herod'ti a galili alino yagai niye.Ani afina Herod'ti a Jerusalem mai-niye.⁸Herod'ti a Jesu na age-teno tusi amuse hiye,naya fene aga Jesu na age yafe yatala ganale hiye.Aga Jesu agi wake afi teno Jesu mago mirakel husi gena age gauwe huniye.⁹Herod'ti a Jesu na hailaga ke afige,hiyana Jesu ke ale ke anona'a osiye.¹⁰Hetpris'si e lo'te afi ya api haneni waya e hetia logiya waia Jesu na ke hutae.¹¹Herod'ti e ati waya a-e alia havi ya hute tea ke leti igri ogre atae.Inagi apaga alagepa kugena hute-tea halate Pailat'ti taga alia atala geno viye.¹²Anaga Pailat'ti e Herod'ti ani afina alia kanapa ya ha'ae,anaga mani yamo agame laga kame maime ena ae.¹³Mugi hetpris-si gi gavman waya nagi ve ane Pailat'ti ke higea ea alia atalu hae,¹⁴ma-ke huno hapa-paiye,"Tapaga nagaite ma vega awaleta aya vega,waya havi yate alino apaya nehi vega ganaya huta awaleta ae,akeyo,naga tapagai tapau'lagale akenoga howe,naga mago havi aepa napa ya'a oagowe,mani mugi ke huta ataya ke moa.¹⁵Ha'ao ae,Herod'ti ena mago havi ya agai'pi oage,higeno aga lagai taga alino atale geno e.Aga mago ya hune sige tae amagita kite gau'no.¹⁶Naga amagi tena atale sugeno ugiye."¹⁷Ani agufa amuse afina mago kalabusi vega hatu mae no malaga ne-apatae.¹⁸Hiyana mugi ve ane mogi ma-ke hua ke ae,"Ma vega amagita kite-teta Banabas-si na awaleta malaga hiyo!"¹⁹Ani afina Banabas-si a kalabus-sifi mainiye,aga taun alino haviya nehuno waya heno kipate-niye.²⁰Pailat-ti a halate ve ane agenopa ve hapa-paiye,naya fene aga Jesu na afa atege huno aene.²¹Hiyana apaga ke aea,ma-ke hae,"Amagika kito,amagika kito."²²Tole-e mago-e ganale halate Pailat-ti apafige,"Naya tefe laga amagita kite gaune,na havi ya vega moa huniye?Naga vega heta kite suna yafe hau ya huwa na, agai-pi mago haviya oagowe.Ina yafe naga amagi tena atale sugeno ugiye."²³Apaga ala ke-leti ke ae a Jesu na yofo yosa'le hega asaiyo hae.Mani kea kemoa Pailat-ti agu agesa alino afele.²⁴Higeno Pailat-tia apaga haya ke-le aiyaga waiye.²⁵ Pailat-tia apaga haya ke-le havi ya nehuno waya heno kine apate vega kalabus-si fati hatu mae no apamiye.Inagi apaga haya kate Jesu na awaleno apami teno tapaga husune husa ya hute'yo hiye.²⁶Ami ati waya mogi Jesu na awale neua,mago vega Saimon na agae,aga Sairini taun'fi vega.Aga taun mo malaga mai-neno Jerusalem viye.Inagi ami ati waya mogi yofo yosa Jesu agina-leti hafale a Saimon na kofi'ta geno alino Jesu na agame huno viye.²⁷Hailaga ve ane mogi Jesu na agame hua wae.Mago ane amogi awiate'a Jesu na agame hua wae.²⁸Inagi Jesu maino hanaga-rino apage-teno ma-ke huno hapa- paiye,"Tapaga Jerusalem ane-nagane,tapaga nagai-fe awiya osiyo,tapaga lapagai-tapiye awiya nehuta mafane tapiye awiya hiyo."²⁹Afiyo,mago kana afole aisi gea ve ane mogi ma-ke hugae,'Anamo ane mafane alia nutage nosusa ane mogi amuse hugae.'³⁰Inagi ve ane mogi hai-ni agoya eka latigao hugae,inagi aise aulafi ye eka latigao hugae.³¹Apaga mani ya hae yosa haigafa hane neno haita'a hane-nigea,hiyana naya afole ai-giye mani yosa farute-siyana?³²Tole kumaya vega-la'e Jesu na apawale a hea kipatesa kumate wae.³³Ani kumate ea wayu hae,ani kuma mo agi "Agenopa Ayamufae,"Ani kumate Jesu na yofo yosa'le nili hea asaiye.Ani ya hua tole kumaya vega-la'e hoga lamaga hua nili hea asai'natae.³⁴Inagi Jesu ma-ke hiye,"Afo kaga faipa ya api atale-pato,naya fene apaga mani ya haya yana afi'age haole nae."Ami ati ve mogi Jesu kugena satu yogalo lea fago hua aliye.³⁵Ve ane mogi heti'nea aulu neha geno mago gavman laga agenopa ya hua maina ve mogi agame-laga ke hua ma-ke hae,"Aga mago waya hapamae,meni agai'a hamae-no,inagi aga lama'a ani vega God'ti legana pai'no aemo ve ane apawalo hune siyana."³⁶Ami ati ve mogi agame'laga ke hutea,ua aupa hae,Jesu na atu nehe viniga aiye.³⁷Apaga ma-ke hae,"Inagi kaga Juda waya'ai kin maine gaemo,kagaiga hamao."³⁸Mago ke yofo yosa mo agenopa'le malae,ani kemo huno aemo,"Ma vega Juda waya ai kin'ne."³⁹Tole kumaya vega'la yosa'le hea asai malena'pati mago animo Jesu na huno haviya huno ma-ke hiye,"Kaga ani vega ve ane oapawale sana vega fiye?"Kagaiga hane-maega la-agaie la-hamao."⁴⁰Hiyana mago kumaya vega moa ma-ke huno ke haiye,"Kaga God'ti fe kamoya no'ai fiye,mugi amogita magoke agufa lagafu ya nealune.⁴¹La-aga kanaya'ti ale-fe mani la'agafu ya nealu ae.Hiyana ma vega mago havi ya osuni'ye."⁴²Inagi halate Jesu fe ma-ke hiye,"Jesu'wo,naga kagesa afinato sauwe kindom gale mai gaemo."⁴³Inagi Jesu ma-ke huno hapaiye,"Naga lama ke hapauwe,meni nagai'e flawa'e kumate mai'gane."⁴⁴Six agufa awa Jesu yofo yosa'le mai-geno,tusi a hani hume uno tri kilok une hatiye.⁴⁵Yage leno haole.Ani afina mono nopi ala lawolawo aea rum holi fago huma'lena lawolawo folaga- pati apakena aiye.⁴⁶Jesu ai'aeno ala ke fati,ma-ke hiye,"Afo,kagai kayapi awamu-ni atowe."Ani ke huteno Jesu faliye.⁴⁷Rom ami ati waya aite yagai-ni vega moa mani ya afole ai geno age teno,inagi aga God'ti agi alino asagau'no ma-ke hiye,"Lama ke aga fatago vegae."⁴⁸Mugi ve ane mogi ea alia atalu'aia mugi ya afole ai ya age-tea,tusi ya hua hapau hutea hapai-fiya'le amagi tea no'kuma api'laga wae. ⁴⁹Jesu waya'agi,mago ane Jesu na aiyaga waia Galili atale ena ane,aise afagi'toale mainea mani ya afole'ai ya agae.⁵⁰Mago vega mai-niye,agia Josep ae.Aga alagepa fatago vegae,aga kansol waya'aipi mago apiye.⁵¹Mani vega moa mago kansol waya mogi apagu apakesa kawa ya api'yena ohau-niye.Aga mago Juda taun Arimatia vegae,aga God'ti alagepa kuma ae yagai'no nemaiye.⁵²Ani vega'mo uno Pailat'ti na afige'no Jesu agufa aliguwe hiye.Higeno Pailat'tia kanale-ne hute.⁵³Inagi Jesu agufa alino emie,mago lawolawo leti alino hayae teno,alina uno mago waya kiyo'apatena matmat'tifi atae.Ani matmat'ti yafa-pi hatagau male-nae.⁵⁴Ani afina sabat wayu huge sigea alia aloala neha ganale-ne.⁵⁵Galili atalea Jesu e aya ane mogi Josep-pena aiyaga wai ua matmat'ti age tea haiya huno Jesu na kite'fi ya'a agae.⁵⁶Mani ane mogi age'tea,no apilaga ua haga atu ne'ai lanefa'gi masawe nagi alia alo-ala hae.Hiyana sabat'ti le nagea atea maiye,lo'mo huni kate.

Chapter 24

¹Nate alapati,wiki moa hogote afina,ane mogi alia alo'ala haga atu neai lanefa-gi masawe nagi huma'la ya alia wae.²Apaga aga yana,matmat-tile a'a agani-malena yafa alia helawe huta lenae,³inagi apaga ua hai yana Ala Jesu agufa oagae.⁴Maya afole aiye,ane mogi apagesa alapa ne'ai geno,malage ya'amo tole vega'la yatala kugena moa anoa haleni kugena wai'te ana folaga apifi heti ae.⁵Ane mogi anage-tea,tusi a gori hua apaleya fai tea mopafi apaugosa ata geno lamiye,inagi tole vega'la mogani ane aife ma-ke ha'ae,"Nayafe tapaga afa maini vegae falina waya'ai folaga'pi hau ya nehae?⁶Tapaga hau ya haya vega mafi omai-niye.Aga ago heti niye!Tapaga lapage'tafo hiyo,aga ago lapapai-niye Galili lapagai'e maine'no,⁷Ke ma-ke huno hane-niye,apaga Vemo Mafane awale a faipa waya'ai apaya'pi ate sagea yofo yosa,'le hea kite gae,hiyana tole-e mago-e gana mai-teno heti giye."⁸Inagi ane mogi Jesu huni ke apagesa afi'tea,⁹apaga matmat atale ua ileven(11) agame mafane-e mago waya-e hapa-paiye,afi age haya ke.¹⁰Inagi Maria Megdala,Joana,Maria aga Jems ita'amo agi mago ane apaga magopi una ane mogi mani ke alia aliya mafane'aite wae.¹¹Hiyana mani ke moa karo-gara ke aposol waya aite hamale gea,ane ai ke-le apame-titi osae.¹²Inagi Pita'a heti no nagu aeno matmati laga viye.Matmati'le Pita wayu hute no keli'fi aulu he yana,kena age hane niye.Pita atale'no no-alaga uteno naya afole aifi ya'a agesa alapa aiye.¹³Ani afina Jesu tole agame mafane'la Emausi newa kataga wa'ae.Emausi guma na Jerusalem tia ten kilo mita hane niye.¹⁴Mani tole vega'la neu ana mugi ya afole ai ke huge afige hume wa-ae.¹⁵Anaga kege hume newa ageno,Jesu eno afole ai teno anagai'e viye.¹⁶Hiyana anaga Jesu na age haola'ae,naya fene God'ti anaulaga le alino falagi nate-ge anaga oaga ae.¹⁷Inagi Jesu anafige,"Lanaga nayafe kege hume newa ae?"Anile heti maina ageno hanau ya e.¹⁸Mago vega agia Kliopas ma-ke hiye,"Kaga magoge moga fafi Jerusalem ti oafinane,meni gana afi afole ai yana?"¹⁹Inagi Jesu halate apafige,"Ani yana naya afole aiye?"Apaga ke ale ma-ke hua hapaiye,Ani yana Nasareti Jesu'te afole aiye,aga mago aune vegae,aga logiya awame ya nehu no alagepa mono God'ti aulaga le-e ve ane ai apaulaga le nehi vegae.²⁰Hai ya higea hetpris waya e agenopa ya hua maina waya timogi awale a kame waya mogi apayapi ata gea amagi a yofo yosa le hea kitae.²¹Laga lametiti hutae'mo mani vega,aga Jerusalem ve ane kame waya ai apaya pati apawale gai ye,meni tole-e mago-e kana eno viye,ani ya afole aite geno.²²Mago lagaiti fati ane mogi alia fanagu yate latae meni nate-pi matmati fi mago ya afole ai ke moa,²³inagi Jesu agufa matmati fi oagea,atagine ea ma-ke hua lapai aemo apaga agelo waya apaga gea agelo waya mogi ma-ke hua hapapaiye,Jesu ofalino afa'a mainiye.²⁴Inagi mago timogi nagu aea matmati laga wae,ua aga yana ane mogi huna kate agae.Apaga Jesu na oagae.²⁵Jesu apagai'fe mage hiye,"Apaga apagu apagesa omale wayane,Apaipa moa kari-fae teno apaune waya ai ke-le apametiti nosae!²⁶Tapaga oafina-fiye,Jesu agufa agafu ya ali teno,henaga hale ya'ale hai giye?"²⁷Moses teti aepa fai teno mago apaune waya aite lami niye,mani ke agai ae huna kemo a God'ti vugu-fi hane niye.²⁸Apaga neua,u'gefe haya kumate ea aupa hageno,Jesu a mago uno afagi husa ya hiye.²⁹Hiyana anaga atafau ate-te ana ma-ke ha'ae,"Lagai e maiyo,ago une hati no hani huge sigi."Higeno Jesu tole vega'la mogani no taga uno apagai e maiye.³⁰Inagi henaga apagai e nesaya nege faimiye,bred alino God'ti taga takiyo huteno lo aeno apamiye.³¹Inagi apaga apaulaga age yage tea,Jesu ae ya'a age halae.Aga malage ya'amo alageso higea halate mago oagae.³²Anagai ani ma-ke ha'ae,"Aga la'agai e kataga ne-eno God'ti wugu fati mono hiyana,la'aga la-aipa'mo alino hetiye."³³Anaga heti ana malage ya-amo Jerusalem wa'ae.Ileven aliya waya e mago waya e alu aia maina taga.³⁴Inagi anaga hapapaiye,"Lama ke,Ala na ago heti niye,aga ago uno afole aiye,Saimon'te."³⁵Tole vega'la mogani hapapaiye,kataga anagai'te wayu huteno bred lo aeno apami gea Jesu na age hala ya ke.³⁶Inagi ani ke neha geno,Jesu agaia folaga apifi eno heti neno,ma-ke huno hapapaiye,"God'ti aipa falu yamo lapagai e haneno."³⁷Hiyana apaga tusi kori hae naya fene apaga apagesa afi aemo afe neagone hae.³⁸Jesu apaga hapapaiye,"Nayafe tapaga kori nehae?Nayafe hailaga lapagu lapagesa neafiye?³⁹Nagai naiya naya ageyo,tapaga name-alita ageyo,mona nagae.Afe mogi apagufa apayamufa omale-niye,naga haneni ya huno."⁴⁰Jesu mani ke huteno,aiya aya apaga apa-werie.⁴¹Apaga apamo-gaga aite a apametiti osua apagesa alapa aiye.Jesu ma-ke huno apafige,"Mago nesa ya hane- nifiyo?"⁴²Apaga mago samo kae malefa fisi amiye,⁴³inagi aga alino apaulaga'le ne.⁴⁴Inagi Jesu ma-ke huno hapapaiye,"Tapagai e maine-nae mo,naga ma-ke huna lapapai-nowe,mugi ke a Moses Lo-pi e mago apaune waya-nagi yoge vuku'fi ke,nagai'fe huniye."⁴⁵Inagi aga apagu apagesa alino hale ya moa God'ti vugu fi haneni ke afi a hale gae.⁴⁶Jesu ma-ke huno hapapaiye,"Ma-ke hua ago kae male-nae,Kristo a agufa agafu ya ali teno fali-giye, inagi tole-e mago-e kana mai teno heti giye.⁴⁷Ani yafe apagu aia afele aliya e Jesu agi'le ve ane ai faipa ya atale pate aliya moa Jerusalem'ti aepa fai teno mugi kote uneno hugiye.⁴⁸Inagi lapagai-ge mani yamo ke huta hale gae.⁴⁹Age-yo,naga Afo kasa-ke lapagai'te ato geno ne-e.Tapaga Jerusalem agawa maineta anaga'ti logiya aliyo.⁵⁰Inagi Jesu apawale-no taun mo malaga ua Betani kuma'te aupa hae.Inagi aga aya alino asagau-no apaga asumi apamiye.⁵¹Aga asumi neapami-no,apaga apatale-no koguna taga haiye.⁵²Apaga mono agaite afi tea,tusi amuse yapati Jerusalem wae.⁵³Inagi apaga mugi afina mono nopi mai-nea God'ti agi alia asagae.

Acts

Chapter 1

¹Tiofulusi'a wukufi alufina kae'maleniye naga keke hunowe mugi ya;a Jesu'a aepa faino aliya aliteno ina waya alino apaya huteno huniye. ²eno inani kanale God-tia awalelino hainiye. Inani ya henaga awayu hiye ina logiya ke'e awamute logiya aposolo aite viye aga ago legana paima lenite.³Henaga kanele faliya paiti hetiye, aga eno hama huniye ina aga agai;a eno hama huno ani anagaite hama huno apawe liniye. 40-tia kanafi, aga apagaite eno hama hiye, ina God-ti nokumamo keke apagai tega hiye.⁴Aga apagai'emo eno fotu huno ae'mo aga hapa paiye Jerusalemu o'ateleyo, inagi apaga afo kasa ke agawa hiyo, inani yafe, aga mage huniye, ''lapaga nagai pati afina'e.⁵Inaya higeno Joni'a aniteti mono ani fale pateniye, inaya huniya nagi lapaga mago kana amo akame laga awamuteti mono ani falega'e.''⁶Apaga afiga'e e'a magopi atalu huna'a,'' Alane, meni kana amafiye Isaleli noguma aliga'a alu hetisana kana fi'e?' ⁷ Inagi ma'auno hapa paiye,''Lapaga afo'a legana pai maleni kana'a afisa yana lapa gai yanomane. Agai akeke afiniye. ⁸Inaya hiya nagi lapaga logiya aliga'e, awamu lapa gaite emi esia kanale, ina lapaga nagai nawake hugae Jerusalemu, mugi haopa alega Judia ina Sameria ina uno mopa atupale hano hugiye⁹Jesu'a inani ke humale teno'amo aga uno haiye, mugi amogi alu hae ina mago hiyamo'a atigae kea ina alu'e magoe o'agae. ¹⁰Apaga muga viya aupaliga alu'alu nehageno,ina tole yave yave gukena'e vegala e'a apamete hetiye. ¹¹Anaga ke ha'ae,''Lapaga kalili wayana, na'aigeta afa'a hetitapa mai'netapa aulu'aulu kokuna tega nehae? Ani Jesuna God-tia lapagai tegati ago awale ina aga kokuna tega viye. Lapaga aga keno viya awamete atagineno kokuna tegati egaiye.''¹²Inagi apaga mago yake feluga kana ali'a olivi agoya atale'a Jerusalemu ena'e, Olivi agoya aga Jerusalemu aupate haneniye. ¹³E'a awayu hute'a,apaga nemai nomo agu'ainaga haiye. Apaki api Pita'ae, Joni'ae, Jemisi'ae, Andru'ae, Filipi'ae, Tomasi'ae, Batalomuyu'ae, Matyu'ae, Alfiasi mafane Jemisi'ae,ina Saimoni'ae saloti anaga paiti vega'e ina Judasi'ae aga Jemisi mafane. Mugia e'a magopi atalu aiye ina magopi nunumu ha'e,apaga ane ina Mariya'a aga Jesu'a ita'amo-e apaga kokana amogi'e.¹⁵Inani kanale Pita'a aga apame titi waya ai folagapi hetiye' namba api ma aiye 120-ti'ae ina make hiye, ¹⁶lapaga kokana'o, eno ma'auno kanale hiye God-ti wugufi haneni ke eno hama hugiye, alufina awamumo'a Deviti awayale huno hama huniye ina mago ke Judasife huno hama huniye, make hiye, mani vegamo'a aga waya apaweli sige'a Jesuna ae'a ata fauga'e.¹⁷Aga la'a magoti lagaiti anagane aga lagai-e magoge agufa aliya nealiye. ¹⁸Meni mani vegamo'a mopa miya hiye havi aepa leti alino, henaga amo aga akenopa legati mopafi asa'gauno aiye, ina aipa lagu faeno ina asagauno aiye. ¹⁹Jerusalemu mugi ve-ane mogi mani yana agena'e, ina ke'apifiti mani mopa'emo Alkeldama hu'a agi a'e mani kemo aepa amo kola mopa'e.²⁰Inayab higeno God-ti ke'a yoke wugufi haneniye, ategeno mugi ya'a hano hino, mago vega ategeno omaino. Ina ago aote vegamo'a agai no'e aliya a'e aligiye.²¹Ma'auno alagepa hiye, mago vega mugi afinana lagai'e nemaiye, aga Jesu'a lagai'e nemaiye, ²²inani kanale Joni'a mono ani fale pateno eno inani kanale God-tia awalelino hainiye, aga alu hetisi ya yafe huno hama hugiye. ²³Apaga tole vegala legana paiye, Josepe'a aga Basabasi'ae hua agi ne'ae ina mago agi'a Jastusi'ae ina Matiasi'ae.²⁴Ina nunumu hua mage hae, kaga alane, ''mugi ve-ane'ai apaipa akega halenane,kaga tolela ani paiti aliga hama huwo lana legana pai napi. ²⁵Apaga aliya api aposolo aliya ali gaeina Judasi no aligae. aga ataleno uno maiguwe hiya kumapi maiye.'' ²⁶Inagi apaga daisi yaga au'a tolela ani'paiti la'a ani aliya aligiye ina apaga Matiasi-na legana paiye ina aga 11-nia aposolo apagame hiye.

Chapter 2

¹Pentikosi kana eno awayu hige'a, mugi'a atalu nehaya kumate atalu ha'e, ²Apaga fanagu ha'e yasimo ake kana mago ala ke ege'ae ina kokuna tegati ina faino hawaite mugi haopa'a finaga maina nopi. ³Apaga mago aise aise ya ata kana ya aga'e ina mugi ve-ane aite uneno hiye ina uno hane. ⁴Mugi amogi awamumo'a faino hawai tepateina aepa fai'a aote aote ke faiti ke laga'e. Awamumo'a inani ke apamiye.⁵Meni mugi Juda waya'a Jerusalemu maina waya'a, apaga mono anagane, ina mugi waya'a mamopafi mugi haopa afi maina waya. ⁶Mani ke afite aemo, hailaga ve-ane e'a alu aiye ina hailaga apagu apakesa afiye naya fene, apamete apamete ke apifiti fatago hua ke laga'e. ⁷Apaga afite'a ina fanagu note ali'a hetiye, ina apaga ke ha'e;''Lama ke a'e, apaga mani wayana Galili keto afiti ke nosa'e?⁸Haiya husi kea afine sunekea lagaite kefiti monoke hae mugi magopi afole ainona? ⁹Apaga Patia, Midia, Elamu, ina apaga Mesopotamia, Judia, Kapadosia, Pontusi, ina Esia. ¹⁰Ina apaga Frigia, Pamfilia , Isipi, Libia Sairini hao'palene ina Romu ve-ane'e, ¹¹Apaga Juda waya'e apaga magoa apagai mono aepa aiyaga newai'ye apaga Kriti'e ina Alebiya'e laga afunegea apaga ketifiti God-tia logiya aliya'a hua hama hua lapaiye.''¹²Apaga atli hua hetimale'a ina hailaga apakesa alapa aiye; apaga gai apifi keke ha'e,''Mamona nayane?''¹³Ina hiyanagi mago amogi kikiyo galo ke ha'aina make ha'e, Apaga hegafa waeni ani hailaga nae.''¹⁴Inaya higeno Pita'a 11-nia aposolo'e hetiye, ina aga logiya waino ke'ano ina hapa paiye .''Lapaga Judiya wayana ina mugi Jerusalemu maina ve-ane, lapaga afiyo, naga naya afole ai yafe lapa pai guwe! ¹⁵Lapaga haya kele waeni ani onena'emenito nate 9-kiloku hiye.¹⁶Make aune vegamo'a Joeli'a ago huno hama huni ke. ¹⁷Atupa kanale God-tia make hiye, naga awamuni ve-ane aite aina lagau fagauwe . Neneve mafane tapimogi'e ina venemo afane tapimogi'e apaune ke huga'e, ina neya mafane mogi alagamuna kana kana ya akega'e ina kosunamogi alagamuna akega'e.¹⁸Inani kanale naga awamuni aliya veganile'e aliya anile'e aina atagu fagauwe ina apaga apaune ke hu'a hama huga'e. ¹⁹Naga anaga kokuna tega aote ya lapaweli guwe ina naga mopafi awame ya huguwe, kolane, ata, ina ala hiya kana'kana halina'e.²⁰Yagemo'a aino atagineno uno hani hugiye, ina kai'moa halate aino atagineno kola hamale gaiye, henaga'a inani kanale ala vega egaiye. ²¹Ma'auniye mugi waya'a apaga ala vegamo agile ke husaya momo apaga no mai ya ali ga'e.²²Lapaga Isareli ve-ane, lapaga make afiyo; Anikale Nasareti Jesu'a lapa gai'e mai'niye, God-tia alino afole hama huno a'emo agai'a alino kayo ategeno eniye,ina agi'a aya pati'a, God-tia logiya aliya aliye ina awame ya lapagai folagapi, lapagai tapi ago afita halena'e.²³God-tia lapagai lapayapi ani vega ateniye, aga ago akesa afiniye ina ke aino atafaino aya huguwe hiye, Apaga havi wayamogi hae'a fali tae ina apaga malipu yoyale nili heta'e. ²⁴Inaya hiyanagi God-tia aga faliya pati alino hetite aga ategeno faliyamo agufu agafu yapi omaiye naya fene faliyamo aga atafau'oligiye.²⁵Deviti'a agaife keke huniye, Naga ago keno'a ala vega nagai nahopale aino gawo huno maiye, nayafene aga naya tamaga maiye ina naga maina atameme huna koli osu guwe. ²⁶Inaya higeno'a naipamo'a kanale hiye ina nawaya mo'a God-ti alakepa ya'ae huno hama hiye. Ina nagufamo'e logiya waino hane.v

²⁸Kaga alegepa nomai yate uni ga nawelio; Kaga amuse ya nami gane kagaiga kaugo sale.²⁹Ne kogana, naga lapa pai kesuwe lagina gomo'a Deviti'a: Aga faligea gitena'e, ina kanolu'a lagai'e haneme eno meni hane. ³⁰Inaya hiyanagi aga aune vega'e ina aga God-tia kasake huno ae'mo mago mafane aginagomo paiti agai no alino sauwe kini maigiye. ³¹Aga maya ake ina kraisi hetiyafe keke hiye aga mago'e kanolufi omaiye ina agufa'a haviya osugiye.³²God-tia alino hetiteni Jesumo, ina mugi amogita ago akenone ina afita halenone. ³³Inaya higeno hetino ina God-tina aya tamaga faimiye ina awamumo kasa ke aliye afotagati, ina aga naya aino atagu fa'e ya'amo ago aketega afitega hane.³⁴Deviti'a aga kokuna tega ohai'niye, inaya huniya'nagi aga mage huniye,''Alamo'a alani hapainiye, naya tamaga faimiyo. ³⁵Kanale kame wayaga alina apate suge'a kaiyafi maiga'e,''³⁶Inaya husigeta ina, apatege'a mugi Isarali wayana ma'aua akeyo God-tia Jesuna alino ala ateniye kraisi'a, inani Jesuna lapaga yofo yosale nili hae malena'e,''³⁷Ve-ane mogi mani ke afikeno'a , apagai apaipafi kemo'a hayo ae gea ina Pita ki ina mago aposolo laga,''Kokana kita, meni haiya hugune? ³⁸Ina Pita'a hapa paiye,''Lapagu'a aita afeleta ina mono ani faleyo, lapaga lapamete lapamete, Jesu kristo akile, faipa yatapi atale lapate gaiye, ina lapaga awamumo asumi aliga'e. ³⁹Ma kasake lapa gai tega'e mafane tapi mogita laga'e ina afagite maina anaga'e, ina hailaga waya God-tia ke hiye,''⁴⁰Mago hai laga keke, maita haiowe hiyo ke hapa paiye; ina make hiye,''Lapa gai tapile yagaiyo apagu'a ai'a afe olena anaga aife.''⁴¹Inagi apaga ke'a afite'a, ina mono ani fala'e, inani kanale lekana paimomo 3-tauseni'a ve-ane hai e'a fala'e ⁴²Maina ke'a aposolo mogi ina alia apaya ha'e apa gai'e mono afiye ina nunumu hu'a ina breti maya agaya ha'e.⁴³Koli yamo'a mugi ve-ane aipi hawaite, nayafene hailaga awame ya'e ina ala aliya aposolo mogi apaya paiti afole aiye. ⁴⁴Mugi ve-ane ago apametiti haya'a apaga magopi atalu hua ina mugi ya'a magopi fago ha'e, ⁴⁵ina mugi ya'api monele apamite'a ina hane o'apateni anaga waya apamiye.⁴⁶Mugi kanale apaga atalu ne aiye yagame nopi magoge apagu apakesa leti, ina no'apifi breti maya agaya ha'e, ina amuse ya'e neya fago ha;e afe paisa aepa'e ina alagepa apaipa'e. ⁴⁷Apaga God-ti agi ali'a asagau'a ina mago ve-ane apaipa amuseya hupata'e. Ina ala vegamo'a mugi kanale waya alino agotofu aigeno mugi kanale apagu'a ai'a afela'e.

Chapter 3Joni'e Pita'e nunumu kanale yagame notega wa'ae.

²Ina mago vega aiya aya falini kefo leni vega awalelia u'a yakame no konali kipane hua agi nea kipate ata'ae, atenesa geno aga mone waya aitega augayu husiyafe yakame nopi hai'a falesa anagai tega. ³Joni'e Pita'e anakeke ana yakame nopi hai kesa'a, aga mone anafige.⁴Pita'e Joni'e lokiya aulu haili ne'ana make ha'ae,''alu la'ao.''⁵Inani vega aiya aya haviya huni vega Pita kani Joni kani tega aulu hana'e ina akesa afino aemo mago ya namiga'ae. ⁶Inaya hinanagi Pita'a huno a'emo,''Silva goli o'a linowe inagi nagaitega naya haneni ya kamiguwe. Nasareti Jesu kristo agile hetiga ga'aega uwo.''⁷Pita'a aya tamaga atafauno alino hetite keno Ina magale ya'amoa mugi aiya ayamufa alino logiya waiye. ⁸Ani aiya aya falini vega magale alino hetino ina ka ae'no viye; ina Pita kani Joni kani'e yakame nopi faleno haiye, ina aga lagotago huno ka ae'no viye ina God-ti aiya alino asagaiye.⁹ Mugi ve-ane mogi mani vega ka aeno viya aga'e ina God-ti aiya ali'a asaga'e. ¹⁰Apaga ma'aua aga'e afole aiye mani vega aga alekepa yakame no'kipate maineno mone agufa yafe apafineke vega'e; Ina apaga lusi'a fanagu ha'e naya ma vegale afole aiya yafe.¹¹Pita kani Joni kani'e maini gea mugi ve-ane mogi havi fanagu ha'e ina nagu ae'a wa'e nemai varendare ka wa'e ina ma'aua agi ne'ae Solomoni amuse yane. ¹²Pita'a maniya aketeno, ve-ane ma'auno hapa paiye,''Lapaga Isareli ve-ane, nayafe havi fanagu ha'e? Naya higetapa'e logiya aulu nela a'e ina hu'ageno aga ina ka logiya waino viyafe ina la'aga mono aepa aiyaga wai yafepi?¹³Abrahamu God-tia,Aisaki'a ina Jekopu'a ina afoti mogi God-ti'ae, aga aliya vega'a agi ala amiye, aga Jesu'ae. Agai gemo labaka laba gameya amina'e ina awalelita pailetite augesale uta awayu huna'e, aga agesa afiteno atale sigeno ugefe nehigeta. ¹⁴Lapagai tapikeke ma fatago api hanegege ya'a omale vega laba kameya amiye, ina lapaga apafiga'e atale geno waya heno kine apate vega vino.¹⁵Lapaga la'a maiya nelapami vega haeta kitena'e, God-tia faliya pati alino hetite niye, ina inani yafe laulaga yagita'a huneno. ¹⁶Inaya higenoina agai agile ametiti yamo'a inani vega logiya aliye ina meni lapaga aga'e ina afita hala'e. Lama ke'ae Jesu-pi ametiti yamo'a agufa alino kanale mani vega lapaga mugi amogita lapaula kale alagepa hiye.¹⁷Inaya hikeno ne kokana, naga afina hale noew lapaga afita ha'olena'e, ina lapaga mani aepa mala'e. Lapaga agenopa waya tapimogi'e mani a'epa mala'e, ¹⁸Inaya higeno mugi ya'a God-tiA apaune waya aite huno hama alufina huniye, inayafe kristo'a agufa agafuya aligiye inani ya meni awayu hiye.¹⁹Inaya husi keta lapaga faipa ya lapa gameya amiteta lapagu'a aita afele yo, 'ina God-tia faipa yatapi alino atale gaiye. Inayafe ala kawa lapagaite egaiye ina logiya lapa migiye. ²⁰Ina aga kristo-na alino kayo ate gaiye, lapa kai fene huno'a legana pai lapate niye, aga Jesu'ae.²¹Aga lamo anaga kokunamo alu awale gaiye ina God-tia atafau lineno ani kanale mugi ya'a alino hekafa higiye. Mani yafe, God-tia ago ke huniye alufina fatago apaune waya;ai apawayale. ²²Mosese'a make ago huniye, 'Ala God-tia nagaini agufa awamete aune wega alina awayu huguwe lapaga kokanamo gita folaga paiti'a. Lapaga afita alegepa huga'e mugi ya'a lapa paisi ya'a.'²³Aga folagate vega tapi mailapate gaiye. La'a mani aune vegamo ke'amo o'afisi momo ina aga henaga'a hanekeke ya aligiye.²⁴Lama ke'ae , mugi apaune waya Samueli kanaleti eno meni atupale, ina lagi agai akemelaga enesa'a, apaga magoke agufa ke ma'aua hae, ina mugi amogi meni naya afole aisi yafe keke ha'e.'²⁵Lapa gaige apaune waya ai mafaneina God-tia lapa gai'e keke huno aino atafaiye lapagai lapakinago mogite, aga Ebrahamu'te huniye. 'kagai mafane aipati ke mopafi waya mugi'a asumi yana aliga'e.'²⁶Henaga'a God-tia aliya vega'a alino hetite, lapagai tega hogoteno alino kayo ategene eniye aga asumi hulapate gaiye ina lapaga lapagu'a aita afelega'e ina mugi havi aepa tapi aeno kalopa'eno atalela pate gaiye.''

Chapter 4

¹Pita'e Joni'e ve-ane'e keke neha ageno, apaga yakame note pristi'e kepteni'e ina apaga sadusi apagai tega a'e. ²Apaga ala kanaya aliye nayafene, Pit'e ina Joni'e ve-ane ali'a apaya ha'aeina hu'a hama ha'ae Jesu'a faliteno hetini yafe. ³Apaga ae'a anata fau'a ina apaga kalabusi nopi apata ge'a mai'a mago kanale awayu hiye, nayafene aga ago hani huge sige ae'ne. ⁴Inaya hige'a hailaga ve-ane lagi mani ke afite'a, apaga apametiti ha'e: ina apametiti haya ve-ane legana pai keno 5,000 nile awayu hiye.⁵Alu mago kanale, mugi kawa waya'e akenopa waya'e ina kasake neka afiya waya'e Jerusalemu e'a atalu ha'e. ⁶Hetprisi Anasi'e maiye, ina Kaiapasi'e Joni'e, ina Aleksenda'e, ina mugi hetprisi vegamo anaga'e maiye. ⁷Inagi apaga Pita'e Joni'e folaga apifi anawale'a anata'e, apaga anafi ga'e,''na logiya leti, ina la agileti mani yana neha'ae?''⁸Ina Pita-na awamumo'a faino hawai tete, aga ma'auno hapa paiye,''Lapaga kawa waya'e ina ve-ane aite akenopa waya'e, ⁹figu inani kanale, apaga lafi kesamomo na alekepa aliya mani gali vegale afole aiye, ina na ae'paleti aga kanale hiye? ¹⁰Lapaga mugi'a Isareli ve-ane afita haleyo Nasareti Jesu kristo agile, agamo malipu yosale hae'ta asai'nae, inaya higeno'a God-tia kano alu fiti alino hetite niye. Inani akile, mani lapau lagale hetini vega alino kanale hiye.¹¹Jesu kristo'a aga ani yafane lapaga no kisa wayamo gita lapaga meya amina'e, inaya hiyanagi aga no kisa logiya amuya yosa'e. ¹²Alu mago agi omaleniye God-tia ve-ane apawalesa agi: nayafene, alu mago agi kokunamo aiyafi omaleniye God-tia folaga tifi lamiye waya alu apawale gaiye.''¹³Inagi apaga Pita'e Joni'e logiya ani akete'a, apaga anaga anake'a afole ai'aemo anaga waya tafa talane, ina anaga afiya nopi o'una ae ina apaga fanagu note ali'a hetiye, ina apaga ake'a hale ae'mo Pita'e Joni'e alufina anaga Jesu'e maina ae. ¹⁴Ina apaga mago'e keke mani yafe osa'e naya fene, apaga mani vega aga'e alamo'a ago alino kanale huteni vega apagai'e hetino maiye.¹⁵Inaya hige'a henaga'a tole aposolo-la hanapai ae'mo kanisole atalu atale tana vi'ao apaga apagai api folagapi keke ha'e. ¹⁶Apga ke ha'e, ''Laga haiya hunate gaune ma tole vega lana? Anaga avameya ha'age ana mugi Jerusalemu maina waya mogi ago aketaya yana laga maniya'na alita fala okigune. ¹⁷Inaya husige tapa lapaga alita alugawa higeno mani kemo'a ve-ane aite ovino, laga logiya ke maita halowe hiyo husu nage'a mani agile hu'a hama osusa'e.''¹⁸Apaga Joni'e Pita'e ke hage'a hai'ae, ina logiya ke hu'aemo lanaga mago'e ve-ane aite keke osi'ao ina ve-ane Jesu agile alita apaya osi'ao.¹⁹Inaya hige ana Pita'e Joni'e ke anona'a ha'ae,''Lapagai tapi fago hiyo. Aga kanale hunifiye God-ti aulagale lapagai kele aiyaga waisupi God-ti ke aiyaga wai sune. ²⁰Laga lawaya lena o'agani gune naya agona yafe keke hugune, ina laga ago afinone.²¹Alu'e mai'a halowe ke Pita'e joni tega'e hana pai tea apaga anatala kea wa'ae. Apaga mago apagafu ya apamisa hanekeke ya ake'a awa'otae, nayafene apaga mugi ve-ane mogi God-it aiya ali'a asaga'e na agufa ya aga yafe. ²²Aga inani vega aga alino kanale hi vega, aga 40-tia kafu'a agase niye.²³Joni'e Pita'e apaga anatala ke'ana wa'ae. Anaga atagi ne'ana anagai ani ve-ane aitega wa ae ina u'ana mugi ya'a alopa pristi hapa paiye ina agenopa wayamogi hana paina ke hapa paiye. ²⁴Mani ke afite'a, God-titega apawaya ali'a makopi atene'a ke 'ae,''Alane, kaga kakaiga keke kokuna mopa hage ani-lalo humale nane ina mugi ya'a haneni ya'a. ²⁵Awamumo logiya leti, kaga aliya vegamo Deviti awayale keke hunane aga afotimo'ae ,'nayafe mono o'afi wayamogi hapai waiye, ina ve-ane mogi havi yafe hapai waiye?'²⁶Kaga make hunane, ''apaga mopafi sauwe kini wayana apagai api e'a atalu aiye ina agenopa wayae e'a atalu aiye ina ala vegalega ke kaweta ha'e ina kristo tega unae.''²⁷Lama ke , Heroti'e ina Pontias paileti'e apaga mono o'afi waya'e ina Isareli waya'e, apaga ala taunifi e'a atalu ha'e apaga Jesu-na kame huta'e, kagai fatago aliya vega'e, kaga kagaiga legana pai malenane. ²⁸Apaga e'a magopi atalu aiye alufina mugiya'a legana pai male nana ya hugefe, kagai kagu kakesale.²⁹Inagi, alane, kaga maita halowe hiyo ke api agane, ina aliya wayaga kanalene ke apamine kagai mugi logiya galeti ke hu'a hama huga'e. ³⁰Kaya aiga hayo hukeno vinakega gali waya aliga kale hupato ina a'ote lakena ya apawe lio ina a'ote awamete aliya fatago vegamo agile Jesu a'e. ³¹Nunumu hu'a hano hute'a, inani atalu aina kumate ina nunumu hageno atete ha'e ina mugi'a awamumo'a faino hawai tepate, ina God-ti ke lokiya aleti hu'a hama ha'e.³²Hailaga'a legana paiya ve-anr lagi apaga apametiti ha'a apai'pa alia magoke apai pafiti ha'e. Magomo'a huno aemo aga haneteni yafe huno a'emo nagaini yane osa'e, inaya hute'a mugi ya'amagopi fago hu'a aliye. ³³Ala logiya'e, apaga aposolo mogi ke hu'a hama mugi ya'a akena alu ala Jesu'a hetiniye. ina ala hau ya'a mugi'a apagai te hane gaiye.³⁴Folaga apifiti mago vega'o mago amo'a maog yafe kafu osiye, nayafene, mugi waya'a na aise ya hanepateni ina mopao o no monele apamiyo ina ani mone alia a'e ³⁵ina ali e'a aposolo mogi apaiyafi mala'e, inagi apaga mani mone fago hua u'ea apametiti ve-anele kafu huna awete apamiye.³⁶Josepe'a aga mago saiprusi vega'e Livai anaga paiti a'e, lagi apaga aposolo mogi Banabasi a'e hu'a agi ne'ae. (Mani agimo aepa'a ma kawa huniye, apaipa alino logiya waisa mafane.), ³⁷Aga mago mopa atupa monele apami teno ina mone alino uno aposolo waya ai apaiyafi male.

Chapter 5

¹Mago vega agi'a Ananiasi a'e, agano a'e Sapira a'e, anaga atupa mopa monele apamiye. ²monele mopa apami teno'a atupa mone atafauli'e (agano amo'a ago afino halete) ina mago mone atupa'a ali u'a aposolo waya ai apaiyafi mala'e.³Inaya hiyanagi Pita'a ke hiye,''Ananiasi, na'aigeno a'e ina sata'a kagai kaipafi haino hawaite kaga awamu tega aigofe hane, mopale atupa mone ata fauline? ⁴Monele o'apamine gae'mo, kagai ya omale nifi? henaga'a monele apamine, kagai kayapi omale nifi, naya hikega a'e inani yafe kagesa afine ina gaipafi aliga fala gine? kaga wayafe aigofe osane ina hiyanagi God-ti tega aigofe hane. ⁵Ananiasi'a aga ani ke ne afino ae,mo asagauno aiye ina alagana awu aiteno'a ina faliye. Ala koli yamo apata faiye lagi mani ke afiya ve-ane. ⁶Apaga neya mafane anaga mogi e'a lavolavofi ali'a haya'e, ina ali u'a kita'e.⁷Henaga 3-awa utekeno'a, agano'a faleno hai'e aga ageno ha'oleniye naya afole aiyana. ⁸Pita'a hapaiye, ''Ma'auta napaiye, lapaga ina agufa monele mopa apaminafi o'apamina'e.''Ina aga mage hiye.''He, ina agufa monelene.''Ina Pita'a hapaiye,''na'aigetanae ke alitana haya'ae ina ala vegamo awamu aeta awataga'ae? Ago, apaiya lagi anugamo kitete aya waya, ago e'a kipate hetiye, ina kaga gawaleli'a malaga uga'e. ¹⁰Magale ya amo'a aiyafi asagauno aiyeina alagana awamu aiye, ina neya mafane anaga hai'ea fala'e ina falinige'a aga; ina ali u'a anu'amo hao'pale kita'e. ¹¹Ala koliya mugi siosi afi e, ina mugi'a lagi maniya afiya te.¹²Hai'laga aweme ya'e ao'te agufa yago ve-ane ai folagapi aposolo wayai apaya paiti afole aiye. Mugi'a atlu ha;e yakame no wanisivi Solomoni no agupi. ¹³Inaya hiyanagi mago apimo'a logiya agu agesa apiyaga wai yapi omale;inaya hiyanagi apaga ve-ane mogi alakepa aepa ya apawe neliye.¹⁴Ina hailaga apame titi waya apaga ala vega laga eke'eke mai'a ha'e, hailaga ve'e ane'ene, ¹⁵inaya hige'a apa kali waya apawaleli'a u'a tauni fi kate hawae pata'e ina sipa apile ina kapi hailaga matile Pita'a esi yate, ame'amo'a mugi ya'apile alino hale yafe. ¹⁶Mago ala ve-ane Jerusalemu tauni hao'apale e'a atlu ha'e, ina kali ve-ane apawa leli'a a'e apaga havi awamumo'a alino haviya hupateni waya'e, mugi'a ai'a heti'a kanale ha'e.¹⁷Inaya higeno;a heti prisi hetiye, ina apaga agai'e maina anaga'e apaga sadusi anaga a'i apai pafi havi apagu apake samo hawaite, ¹⁸Ina apolosolo anaga ae;a apatafa'e, ina mugi waya a'i kalawusi fi apata'e.¹⁹Inaya higeno'a hani inaga mago ala vegamo agelo vegamo'a kalawusi nomo kita yagino ina apawale lino mala viye, ina ke hiye, ²⁰Uga yakame nopi hetiyo, ina mono mugi ve-ane aipi huga hama huwo meni mai nana laipi mo ke,''²¹Mani mo afite'a yakame nopi haiye goitit afafa ina ali'a apaya ha'e. Inaya higeno heti prisi 'e ina lagi agai'e maina anaga amo, ina la waya'a ke hage'a e'a atlu ha'e, ina mugi Isareli ve-ane ai agenopa waya'e apaga ali'a kayo apata'e kalawusi no paiti aposolo waya apawale li'a eyo hua.²²Inaya hige'a aliya waya wa'e, apaga kalawu sifi maina kea o'apagae, ina atagine'a a'e ina apaga ma au'a e'a ke hapa paiye, ²³''Laga ma'auta aketa afole aune kalawusi nona kita gino alagi huniye ina kipatena ati waya heti'a maina'e, inaya higeta kita yagune, laga mago api agu ainaga maina keta o'apagone.''²⁴Ina yakame note kawa'e ina akenopa prisi'e mani ke afite'a, apaga hailaga apu apakesa afiye naya apagai apagu fale awayu husi yafe. ²⁵Ina mago vegamo'a eno ina ma'auno hapa paiye,''kaga kalabusi nopi apate nana wayana apaga mono nopi maine'a ve-ane ali'a apaya neha'e.''²⁶Inaya higeno ina kepeteni vega aliya waya'e viye, ina alu apawale lino 'e, inaya hike'a apaga ali'a haviya hu'opata'e, nayafene, yafa kayo ve-ane mogi apamiki gayane ge'ae koli ha'e. ²⁷Apaga apaweli'a age a'emo, apaga kansole mogi apau lagale hetiye. Ina het prisimo'a apaga apafike,²⁸ina ke hiye,'' Laga ha'ao hulapa tone inani agi huta hama huyafe, inayana higeno'a, lapaga Jerusalemu skulu ketapi leti hapa paitapa kanale ha'e ina agai kola alita lagai lagufale ekesa'e.''²⁹Inaya hige'a Pita'e aposolo anaga'e ke, ma'aua ha'e,''Laga God-tina aiyaga waigune ina apaga waya nomane.'' ³⁰Laga afoti mogi lagina gomogi God-ti'a Jesuna alino hetite niye, aga lana lapaga hae'naya, malipu yosale hae'ta asaiya kanale.

³²Laga inani yamo aulaga'a maune,ina awamu'e, ina lagi aga God-tina aiyaga waiya anaga'a apamiye.''³³Apaga kaunsel waya atlu hute'a, inani keke afiye, apaga hapai viyeina apaga aposolo waya hapae kesa'e. ³⁴aianaya higeno'a mago farisi vega agi'a Gamalieli'ae, aga kasake alino'a apaya nehi vega'e' ina mugi ve-ane agai agame nehae, aga hetino logiya ke aposolo anaga apa miye aise kanato'a malaga viyo.³⁵Ina aga ke hapaiye,''lapaga Israli wayana, afita alagepa hiyo naya ma ve-ane aite hugefe lapagu lapagesa aita ne'ata faiya ke. ³⁶Mago kana'a ago uteke no'a, Tiodasi'a hetino ina ke hiye naga mago agufa vega'e, ina namba api apaga aiyaga newaiya waya'a, 400- hadreti'a agufa amogi agai'e ai'a kawo ha'e Apaga ha'ea faliye, ina apaga lagi aiyaga waiya waya, apaune hea u'ea ha'e ina mago agufa ya afole o'aiye.³⁷Ani vegamo agame laga, Galili Judasi'a aino hetino waya gamani wugufi apagi ne'ali kanale ina mago waya'a apawa leno agame hiye. Agai'e ago faliye, ina mugi agame haya anaga'a ate'a apaune he'a u'ea ha'e.³⁸Lapa gaitega meni ke huwe, ina maita afagi huta inani waya'e maiyo ina apatale'o, Lama ke'ae, figu mani apagu apagesa o aliya waya aitegati ne'esi momo, aga asa gauno ai'no haviya hugiye. ³⁹Inaya higeno'a, figu God-ti tegati ne'esi momo, lapaga alita tapa apagoya ofaiga'e; lapaga aketa afole aisa yamo God-ti'e kaweta huga'e.''inaya hige'a ina mugi amogi apaipa alia magotega ha'e.⁴⁰Inaya hige'a apaga aposolo anaga aife ke hake'a wanisi finaga hai'a kea ina apama giye,ina hapa pai ae'mo Jesu akile mono osiyo, hu'a hapa paite'a apatala ge'a wae. ⁴¹Apaga mani atlu amuse ya paiti atale'a wa'e inaya higeno mani agileti apaga apagufa apagafu ya alisa apagi ali na'e. ⁴²Inani henaga'a, mugi afina, yakame nopi ian nopi'nopi, apaga ali'a apaya huke'huke ha'e ina ma au'a hu'a hama ha'e, Jesu'a aga kristo'ae.

Chapter 6

¹Meni inani kanamo agu ainaga, disaipeli ai'a atagu fa'ea ala ha'e ina Grisi-ti gati ena juda waya mogi Hibru waya aitega ke wai pata'e naya fene apaga neya fago hu'aemo, Hibru waya mogi neya fago huwo apata'e apaga anau'apimo ago falina ane'aitega.²Apaga aposolo mogi hailaga ala'a agame waya ke hagea a'e ina male ha'e,''Aga kanale osugiye laga God-ti mono husa ae'pa atale suna momo ve-ane aitega ina apaga gai tega neya fago huta ne'apimi suna momo. ³ Lapaga ne kokana gitapa, kanale lapagai tapi fola gapai'ti 7-nia waya lekana paiyo, apaga alakepa apagi hanene ve-anaga'a awamumo'a apa gaipi faino hawai tenesi ina alake avi ya'e, aga ani vega inani aliyate legana paite gune. ⁴Ina laga, mugi amogita nunumute mai gune ina God-ti ke huta hama husa a'epale.''⁵Mugi anaga amogi ke haya ke amuse ha'e.Inaya hige'a apaga Stiveni-na legana paiye, logiya ametiti'e vega'e ina awamumo'a agaipi faino hawai teteniye ina Filipi'e, Prokorusi'e, Nikano'e, Timoni'e, Pamenasi'e ina Nikolasi'a, mago vega Antio'kuti agu'a aino afeleni vega'e. ⁶Apaga apametiti waya mogi apaga ani waya apawaleli'a aposolo waya aite a'e, apaga apagaite apaya ate'a nunumu hupa tesa hua'e ina lekana pai patesa gea ani aliya alisa hu'ae.⁷Inaya higeno ina God-ti kemo'a uno ala hiye; ina disaipeli mogi namba mo'a uno ala hiye ina uno mago'e ala hiye Jerusalemu wanisivi ina hailaga prisi waya e'a apametiti ka aiyaga waiye.⁸Inaya higeno Stiveni'a hauyamo'a hawaite ina logiya'e ina aga a'ote aliya aliye ina awame ya ve-ane ai folakapi. ⁹Inaya higeno apaga mago lagi Juda wayamogi ala yakame note ve-ane, apagai api apagi apami a'emo kalawusi osune Juda mogi ala yakame noteala Sairini taunifi ina Aleksandria, ina mago'a Silisia ina Esia apaga ali' hetiye.Inani apaga ani waya mogi Stiveni'e ke kaveta ha'e.¹⁰Inaya hiyanagi apaga heti'a Stiveni-na ke kaveta ohae ga'e alagepa afiafi ya awamumo'a ke huwo huno amiye. ¹¹Inaya hige'a apaga fala giye ina viyo hua waya hapa paiye ina mage ha'e,''Laga afi nona kenoa Stiveni-na ke huno haviya hute Mosese-na ina God-ti tega'e.''¹²Ina apaga ve-ane hapai ya apamiye ina apaga ala waya'e ina apaga kasa kele afiya alina waya'e apaga Stiveni-na a'ea atafa'e ina apaga awaleli'a kansole waya'ai apayapi wae. ¹³Ina apaga aikofe vega awaleli'a wa'e ina aga ke hiye, ''Mani vegamo'a ke wai yate awaya o'aganiye mani fatago kumafe ina kasa ke efe. ¹⁴Lama ke'ae laga ago afi none keno'a aga mage huniye, Nasareti Jesu'a ma kuma alino haviya hugiye ina lagai lakinago moa Mosese ae'pa ya senisimi huguwe lamini ya.'' ¹⁵mugi anaga'a lagi apaga inani kaunsole mogi nopi maina apaga apaulaga atakeno augosafi viye, ina apaulaga agamomo augosamo'a enisolemo augosa kana kana hiye.

Chapter 7

¹Agenopa prisi moa ma'auno afike,''mani yana aga lamakefi?''Stiveni'a ma'auno hapa paiye,''ne kokana kita afo kita, kenile lapakesa ateta afiyo, God-ti haleya ago afokitale eno hama hiye Abrahamu kanale Mesapotomiya mainiye harani o'uneno'e, ³God-ti'a ma'auno hapainiye ,'koga'e anaga ga'e apata lega kavelu suwa kote uwo.⁴Ina aga kaldia mogi mopa ataleno ina harani uno maiye; inani ha'opa lega afo amo'a falite geno'a, aga lapaga meni maina mopale eniye. ⁵God-ti'a mopa atupa o'ami niye ha'ao, ina aga mago aiya atesiya ha'opa'a omale. Inaya hiyanagi, aga agai tega ke aino atafai niye Abrahamu'a mafane'a omaini yanagi, inaya huno God-ti'a Abrahamu'na mopa agi'a amigiye ina aga aginago mogi'e.

⁶God-ti'a agai'e ma'auno keke hiye,akinago mogi apaga waya ai mopale aupa kana'a maiga'e ina apaga ani kote waya mogi apaga kalawusi aliya ali'a apamiga'e ina apaga ali'a haviya tafa hupa ta'e 400-tia kafufi. ⁷Inaya hiyanagi, naga koti hupa te'kauwe apaga isarali mogi mai'a aliya api ne'aliya kantri, 'God-ti'a make hiye,'henaga'a apaga atale e'a nagai tega mono afi ga'e mani kote. ⁸Hena ga'a agufa lagausa ke Aino atafaiye Abrahamu'e, inaya higeno'a ina Abrahamu'a aga Aisake afo amo maiye ina 8-ti kanale Aisake agufa lagaiye. Ina Aisake'a aga Jekopu afo amo maiye ina Jekopu'a aga apaga 12-fua akenopa waya mogi afo apimo a'e.⁹Inaya higeno,a inani akenopa waya mogi Josepe'fe hapai wai ta'e ina apaga Isipi ali'a atala geno viye, inaya hiya nagi God-tia agai'e maiye ¹⁰ina aga mugi kanaya afi ha'mae. Aga Josepe'fe hai'ye ina aga alagepa agu agesa Fero aula gale Josepena amaiye, aga Josepe'na Isipi sauwe kawa alino hetite ina mugi Fero ana gaite.¹¹Meni mago ala apaga'ya afole aiye mugi ha'opa alega Isipi'e Kenani'e, ina ala kanaya afole aiye, inaya higeno'a laga afo timogi apaga neya kahuya husa ka'api omale. ¹²Inaya hiyanagi, Isipi neya haneniye huno Jekopu'a afiteno a'emo' aga afoti mogi hogote kanale neya gahu yate alino kayo apate. ¹³Alu'e namba 2-kana apile afoti mogi u'a neya gahuya ha'e, Josepe'a agai'a kokana amogi'te alino hama hiye ina Fero'e aga Josepe anaga apageno hama hiye.¹⁴Josepu'a kogana amogi alu alino kayo apatege'a ua afo amona Jekopu'na hapai sageno Isipi esi yafe, mukli anaga ae, muki'a 75fua anagane, ¹⁵Inaya higeno Jekopu'a Isipi lamiye, agai'e afo timogi'e faliye. ¹⁶Apaga Jekopu agufa'e mafane ae ali'a Sekemu wa'e ina Abraham'a siluva yafateti hamo mafane leti miya humaleni-ye sekemu matimati na.

Romans

Chapter 1

¹Naga Pol nae,naga Jesu Kristo aliya vegae,aga ke huno aposol aliya nami teno God'ti mono huwo huno aliya naminiye.²Ani mono na age yawaga apaune waya aite kasa-ke hapa-pai teno God'ti vugu-fi hane-niye.³Ani mono na,nenawe mafane amo ke,Devit kola yofi pati egai-ye.⁴Ani afina God'ti a Jesu na fali na waya ai kote-ti alino heti-na ateno,apaga ke hua hale aemo,aga God'ti logiya mafane ae awamu mo logiya leti,aga Jesu Kristo Ala tiye.⁵Agai teti laga ago ali-none hau ya e aposol aliya e,husi gea mugi mopa fi ve ane mogi Jesu te apame-titi hutea agai ke aiyaga wai gae.⁶Mopa fi ve ane ai folaga pati,lapagai ena God'ti ke huno Jesu Kristo taga lapate niye.⁷Ma awo na mugi Rom maina waya mogi talaga viye.God'ti aipa lapami teno ago tapaga ke huniye,agaia waya mai gae huno.Hau ya mo e aipa falu ya mo e God'ti Afo taga'ti agi Jesu Kristo taga'ti lapagai-e hane gaiye.⁸Hogote ya'a,naga huna takiyo God'ti nimo taga huwe, Jesu Kristo agi ale mugi amogi talaga,naya fene,lapagai lapame-titi yamo ke moa mugi hao palaga viye. ⁹Naya fene,God'ti naha-mae gena naga awamu nileti Mafane amo mono nehuwe.Naga mugi afina lapagai'fe God'ti taga ke nehuwe.¹⁰Mugi afina naga nunamu nifi ma-ke huna afine gowe,inagi God'ti aipa falu yamo mago ka yagi siyana,naga ena lapage gauwe.¹¹Naga ena lapage yafe tusi ya huno nahau niye,husi gena naga awamu te amuse ya lapami sugeno tapaga lapame-titi ya alino logiya wai giye.¹²Naga nahu no aemo,lapagai lapame-titi yamo a naga logiya nami-giye,inagi nagai name-titi yamo ena tapaga logiya lapami-giye.¹³Meni tapaga kogana nimogita lapa-getafo hutapae mo nagai-fe eno lage-gaiye osiyo(mago yamo kani agani-nate-me e meni),mago nesa ya lapagai teti alisa ya huniye,mago waya ai-teti nehu ya huna.¹⁴Naga Grik waya aite nagi mago waya aite nagi dina-ni hane niye,inagi afi ya api haneni waya e afi ya api ohane-ni waya e-ne.¹⁵Inagi naga alo ala huna mai-nowe,Rom maina waya mono lapapai yate.¹⁶Naga mani mono fe nawa-kage osu nowe,mani mono na God'ti lokiya geno apame-titi husa ve ane apawale gaiye,Juda waya aite uteno Grik waya aite ugiye.¹⁷Mani God'ti fatago aepa afi eno afole aiye apame-titi hume usa ya,ago ke haneni kate."Fatago waya na apame-titi yamo mai gae."¹⁸Naya fene,aigofe god'ti mo aepa male tea havi aepa le mai waya na God'ti hai ya-a mo apagaite eno afole aiye.Havi yamo aepa fati,apaga ke alagepa atafau neliye.¹⁹Ani yamo magawa huniye,God'ti yamo apagaite eno afole ai niye.Naya fene,God'ti apagai apagu apagesa alino hale-tale.²⁰Ani yafe,agai-pi falagi-no alagepa aepa napa ya-a haneni ya eno afole aiye,magufa aepae,agai-pi hane-hane logiya-agi,God'ti aepa-napa ya-agi,apaga ago age nae ma-mopa laro higea,inagi agu afi mugi ya laro huno ate niye.Ani yafe apaga mago ke osu gae koti le.²¹Naya fene,apaga God'ti na ago age nae,hiyana apaga God'ti na agi ali a oasagau a aga takiyo huno atae.Hiyana apaga havi apagu apagesa moa aifo waya nemaiye,inagi alagepa apagu apagesa omale no hani yamo hawai teniye.²²Apaga hu aemo, alagepa afi ya nagi lagu lagesa hane niye nehae,hiyana apaga ago aifo hamale tae.²³Apaga God'ti hale ya-a leti maige-maige aepa atale a, waya laro huma-lena apame ale nagi,nama gi,aiya aya haneni afu naga-nagi aiya aya omale kafa apaga alia ala ya atae.²⁴Inani ya hageno God'ti apagai api havi yate age hapaye hu apaipa le apate,inagi apaga apawa-gage ya apagai api apagufa-fi hugae.²⁵Apaga God'ti ke alagepa-a ali afele a havi ke hamale-ge kana ya hiye.Inagi apaga mono neafi a aliya nealiye, God'ti laro huma-leni yate,inagi apaga mani ya laro huma-leni vega le mono noafi ye,aga God'ti ae,aga agi ala mugi afina ali giye.Lama ke.²⁶Inani aepa leti,God'ti agameya apaga apami gea apagai api apaipa-le apawa-gage aepa nemalae,ma ya hua a-gano moa ve atale no apagai apifi ane aite marit'ti nehae.²⁷Ani ya hua ve mogi ane neali aepa atale a apaipa alino hetino hapaye ya egea,apagai apifi marit'ti nehae.Ani apawa-kage aepa nemala ve mogi,apaga ago koti fi mai nae,mani havi aepa api leti.²⁸Naya fene,God'ti folaga apifi maini yana apaga agea haolae,hiya nagea apaga havi aepa napa male gae.²⁹Apagai-pi fatago osu aepa napa yamo hawai teniye,inagi havi aepae,mago waya ai yate agea hapaye hu aepae,mago waya apage sagea apagufa apagafu ya ali yate.Apagai-pi magufa aepa mo hawai teniye,mago waya ai yate tusi ya huno hapaye higea,hea kine apatae,mago waya-e ke waia kaweta hua kagemi ya-api nealia,havi ya hu yafe-ge apagesa neafiye.³⁰Apaga apagame-laga ke nehae,mago waya ai apagi alia haviya nehae,apaga God'ti fe no-hapaiye.Apaga logiya api apawe neliye,apaga mago waya alia fipiya hamale pate-tea apagai-api apagi alia nehai ye.Apaga keoge havi aepa napa ya alia afole aitea ita-afo apimogi ke ne-amagiye.³¹Apaga apagu apagesa omale niye,apaga apame-titi yana omale niye,apaga waya-fe hapau ya omale niye,inagi hapau yae na omale niye.³²Apaga God'ti ke amo ma-ke huniye ya-a agea hale aemo,mago waya mogi mani aepa napa male sayana fali gae huniye.Apaga mani aepa ge nomala-fa,apaga ani ya neha waya e apaipa alia makoge hua age hale nage a mani ya nehae.

Chapter 2

¹Ina yafe tapaga koti le ke osu gae,tapaga mago waya alita fago neha waya.Mago mona aliga fago hutana-na kagai-ga koti hune atane.Naya fene,nala-kamo mago mona aliga fago husa na mona,tapagai ena ani ya hugae.²Inagi lagai ena age none,God'ti koti moa lama-ke hugiye,ani aepa nemala waya aite.³Inagi kagetafo huwo,nala kamo mago mogina ani agufa aepa apile aliga fago hupate sana-na,tapaga haiya huta God'ti koti ata-agase gae?⁴Tapaga lapagesa afi tapae-mo,alagepa ya huno miya anona-a malage a osuno fase nehi yana mona aise yapiye?Tapaga afita haole nao,aga alagepa aepa ya-amo huno aemo tapaga lapagu a aita afele-o hiye.⁵Hiyana tapaga lapaipa alita logiya waita lapagu aita afe-nolae,ani mona tapaga havi miya tapi alita alu neaiye,ani afina havi miya alisa ya.Ani afina God'ti fatago koti amo'a eno afole ai giye.⁶Apagai api apamete aepa napa yate aga anona'a miya apami-giye.⁷Nala-mo alagepa ya huno amuse aepa maleno fatago huno mai-siyana,aga maige maige no-mai ya ami-giye.⁸Inagi apagai-api yege hute a,ke alagepa aiyaga owaia havi aepa aiyaga wai sayana,hai yae havi miyae egaiye.⁹God'ti ala kana ya nagi alino haviya hu ya nagi atale sigeno havi ya neha ve ane aite egai ye,Juda waya aite nagi inagi Grik waya aite -ene.¹⁰Inagi amuse ya-nagi, alagepa no mai ya-nagi,aipa falu ya-nagi egaiye alagepa aepa nemale-sa waya aite,hogo-teno Juda waya aite uteno Grik waya aite ugiye.¹¹Naya fene God'ti a magoge aepa male-no mugi waya a nehai ye.¹²Inagi hailaga amogi faipa ya hageno lo omale ne-siyana,apaga havi ya hugae,ha-ao huno lo omale ne-siyana waya mogi lo mo aiya-fi faipa ya nehae,apaga ani lo moa alino fago hupate gaiye.¹³Inagi mago vega moa lo mo ke afi-siya ya teti fatago vega God'ti aulaga'le omai-giye,hiyana apaga hai waya mogi lo aiyaga wai-sayana apaga fatago waya maiye.¹⁴Naya fene mago waya mogi apagai-pi lo omale-nigea,apagai-api apagu apagesa fati lo aiyaga newai-ye,apagai apifi lo hane-niye,apagai-pi mago lo ohane-niyana.¹⁵Ani aepa ya moa,apaga apaweli no'aemo lo mo huni ke apaga ago apaipa'fi kae malenae.Apaga apagu apagesa mo hapane-paiye,inagi apagu apagesa moa koti hupate-siyo hapamae siyo ¹⁶inagi God'ti taga-ene.Ani yana afole ai giye,kana ale waya mogi falagi aepa api God'ti alino fago hugiye,naga Jesu mono nehu mono'te aiyaga waino.¹⁷Inagi tapaga hutapae'mo Juda waya mainone huteta lo'te hetita lapagi ala God'ti tagati nealiye,¹⁸inagi agai aipa ageta haleta naya-mo hogote-nifi ya-a agenae,naya fene tapaga lo'te afiya alinae,¹⁹inagi tapaga logiya lapagesa afi tapae'mo,apaulaga fali'gaeni waya ka apawe-liteta inagi hani yapi maina waya hale ya neapa-mune nehae.²⁰inagi tapaga aifo waya alita fatago nehune nehae,aise mafane ai tisa mai teta lo'pi ke lama'a alinae,hai ya huno mani yamo no'mai ya tapi alagepa nosiye?²¹Tapaga mago waya alita apaya nehae,tapagai-tapi alita lapaya nosa'fi?Tapaga kumaya ya osiyo huta mono nehae,tapagai ena kumaya ya nosa'fi?²²Tapaga mago waya hapapai-tapae'mo kumai ya osiyo nehae,tapagai ena kumai ya nosa'fi?Tapaga aigofe god'ti fe olapau'no,mono no-pati kumaya ya nosa-fiye?²³Tapaga lo'pi lapagi alita neasa-gae,tapaga lo fe afa yane huteta God'ti agi alita havi ya nosa fiye?²⁴Tapaga haya yamo mago waya mogi God'ti agi alia igari ogare neatae,ani ke ago vugu-fi hane-niye.²⁵Lapagufa lagau aepa mo lapane-mae lo aiyaga wai sayana,inagi tapaga lo ata-agase sayana,lapagufa lagau yamo alino lapagufa olagau nege kana ya hugiye.²⁶Inagi mago vega moa agufa olagau neno lo aiyaga wai siyana,ani yamo aweli-no aemo aga ago agufa lagau-nifi?²⁷Inagi mago vega mo agufa lagau ya oage-neno lo aiyaga wai siyana,inagi aga koti hu-lapate gai fiye?Ani yamo maya huniye,tapaga lo aline'ta lapagufa nelagae,hiyana tapaga lo ata ne-agasae.²⁸Naya fene aga amega agufale Juda vega omai-niye,apagufa lagau aepa amega apagufa'le ya omale niye.²⁹Hiyana Juda waya mogi apagu'pi yane,inagi apagufa lagau yana apaipa'fi yane,apagu'pi awamu'ne,awo'pi nomane.Amuse ke ani agufa vega'le hua ate yana waya teti omeniye,God'ti tagati eniye.

Chapter 3

¹Inagi na alagepa ya Juda waya mogi ali-gae?Inagi na alagepa nesaya apagufa lagau'sa ya pati ali gae?²Ani yamo mugi kate ala huniye.Ago alu fina,Juda waya mogi God'ti falagi kea alinae.³Hai ya hugiye,mago Juda waya amogi apame-titi ya ohane siyana?Apaga apame-titi ya ohane aepa api moa God'ti lama ke a alia afaya hamale tega'fi?⁴Inani ya afole oai giye.Ha-ao ae,apaga hau ya hua age aemo God'ti lama ae hugae,inagi ve ane mogi aigofe waya mai gae.Ma-ke hua ago awo kae male nae,"Kaga ke galeti alagepa aepa male tega koti le win hugane."⁵Inagi havi aepa timo a God'ti fatago aepa a laweli giye,laga nayane hugune?Laga ma-ke huta God'ti havi ya huno hai ya-a lagai'te atale geno efi?[Naga mani agufa ke huwana waya mogita aepa napae huwe]⁶Inani ya osino!Inagi hai ya huno God'ti mopa-fi ve ane koti hupate gaiye?⁷Inagi God'ti lama ke amo a nagai aigofe ke-fi ala amuse ke God'ti taga une si-yana,na aepa leti naga faipa waya mogi neha ya huna koti nehuwe?⁸Laga ma-ke huta husune,ani ya hua lagai'fe agofe ke mago waya ai-taga nehae,mago amogi hu aemo lagai fe ma-ke nehae hae,"Laga late geta havi aepa male nageno,ani kate-ti alagepa ya egai'fi?"Mani waya aite koti moa fatago huniye.⁹Meni nayane?Lagai'ti ka hau ya huta ata agase gau'pi?Ha-ao ae. Naya fene,laga mugi waya ago koti hupate none,Juda waya e Grik waya e mugi a faipa yapi mai nae huta.¹⁰Mani ke God'ti vugu'fi hane no aemo ma-ke huniye,Mago moa fatago osuniye,lama ke omai nae.¹¹Mago moa afiya hane'oate niye.Mago moa God'ti na hauya nosiye.¹²Mugi amogi ago apaga-meya aminae.Mugi amogi afa ya hamale nae.Mago moa alagepa aepa nomale,ha-ao ae."¹³"Lugo api moa kano[matmat] keri halo ai niye.Apawe-nafuna'fi aigofe ke hane-niye.Apawaya'fi sata mo anarisa hane-niye."¹⁴"Apawaya'fi atuofa ke moa hawai teni-gea mago mona hua haviya nehae."¹⁵"Apaiya moa malage uno waya ai kola heno nelagiye.¹⁶Alia haviya hua kana ya alia esa aepa apagai kate hane-niye.¹⁷Mani waya mogi apaipa alia magoge hua mai kana oage nae.""18 Apagai apau laga'lena God'ti taga kori ya api ohane niye."¹⁹Meni laga age tae-mo,nayafe lo'mo huni yana,apaga lo'mo aiya'fi maina waya aife huniye.Mani mona maya afole aiye,mugi apawaya fagani tea,inagi mopafi mugi ve ane God'ti koti'le heti gae.²⁰Mani mona maya huniye,mago ve'o amo'a God'ti aulaga lena fatago osu giye lo'mo aliya-pati.Naya fene,lo pati faipa yamo afiya eno afole aiye.²¹Hiyana meni,lo'mo malaga God'ti fatago aepa amo'a eno afole aiye.Mani mona,Lo'mo e Apaune waya mogi e age nae,²²Maya huniye,God'ti fatago aepa amo Jesu'te nalagi'mo apametiti nehae.Alita fago huya ohane-niye.²³Naya fene,mugi ve ane mogi ago faipa ya huna yana gea God'ti hale ya-ale ea aupa osu gae.²⁴Inagi apaga ago koti a-agase nae,mago aliya oalina yateti ae.Apaga God'ti aipa falu ya-a leti fatago hae.Jesu Kristo fali ya amo miya huno hatu mae lapate.²⁵Naya fene,God'ti Jesu na lami-niye,lawale'si vega,kola ale lametiti husuna aepa ya teti.God'ti Jesu Kristo na ofa lami-niye,laga fatago koti a laweli'ge,ina ya huno God'ti age-yawaga faipa ya atale-ge.²⁶Fase hua mai aepa napa yapi.Mani mugi ya-a afole aini yana aga fatago aepa a laweli ye meni mai nona ganale.Ani yana maya huniye,aga afole fatago aepa a lawe-liye,aga lawe-lino aemo Jesu'te apametiti haya waya na alino fatago hune apate.²⁷Inagi agaia agi alino neasagai aepae?Alagi ohane niye.Na aepa leti ae?Aliya teti-pi?Ha-ao ae,hiyana apametiti aepa leti ae.²⁸Laga meni ma-ke huta hano hugune,apametiti yamo ve ane God'ti taga fatago nehae,lo mo aliya teti aomane.²⁹O mani God'ti a Juda waya ai God'ti pi?Aga mago waya ai God'ti omai nifi?He, agai ena mago waya ai God'ti ene.³⁰Inagi God'ti aga magoge maine siyana,aga apawale gaiye, apagufa lagau nesa waya e apagufa olagau nesa waya e apametiti ya teti.³¹Husi geta laga lametiti ya teti lo alita atale gaupi?Inani ya afole osugiye!Ha-ao ae,hiyana lo e atafauli gune.

Chapter 4

¹Abraham fe nayane hugune,amega lagufa'le afo-timo ae,ageno'pi?²Inagi Abraham a aliya ali ya teti fatago vega mai nesi yana,inagi aga ani aepa a leti agaia agi alino asagau giye,hiyana God'ti aulaga lenomane.³God'ti ke moa nayane huniye?"Abraham a God'ti taga ametiti higeno ani ya teti aga fatago vega mainiye."⁴Mago vega moa aliya ali siyana,aga miya ali giye,ina mona amuse ya nomane,ha-ao,ina mona aga aliya ali yamo miya ae.⁵Inagi mago vega moa mago aliya oali noa aga ametiti mani vega le husi yana,God'ti na oagena waya mogi fatago hugae.⁶David ena asumi ya ani vega ami niye,alino God'ti te fatago vega hamale teni ya tefe,aga aliya alini yate feno-mane.⁷Aga ma-ke huniye,"Nala'mo havi ya agi faipa ya-amo atale tene siyana,aga amuse hino.⁸Nala mo Jesu a faipa ya-a atafau oli siyana,aga amuse hino."⁹Higeno mani asumi ya apagufa lagau na waya aite-ge eni fi apagufa olagau-na waya aite ene?Laga ma-ke nehune,"Ametiti ya moa Abraham alino fatago vega hamale teniye."¹⁰Mani yana hai ya huno afole ai niye?Inagi Abraham agufa lagai fi olagau nigeno aene?Aga agufa lagau-ni afina nomane,aga agufa olagau-ni afinane!¹¹Abraham a apagufa nelaga alagena ya ali niye.Inani mona fatago huno ametiti ya teti ali niye,aga agufa olagau neno.Mani yamo aepa amo,aga mugi apametiti waya aite afo api moae,apagufa olagau na waya aite ene.Mani yamo alino fatago waya hamale pate.¹²Abraham ena apagufa lagau na waya aite afo api moae,apagufa age olagau nafa apaga apametiti aepa le aiyaga wai nae,afo timo a Abraham agufa olagau neno huni ya hua.¹³Kasa ke Abraham fe nagi aginago mogi fe huni ke moa ma ya huniye,mugi mopa laga atafau giye,mani yana lo aiyaga wai ya teti ome-gaiye,hiyana fatago apametiti ya teti ae.¹⁴Inagi lo aiyaga newai sa waya mogi mugi ya ali sayana,apametiti yana afaya hamale sigeno kasa ke afole o'ai giye.¹⁵Lo moa hai ya awale'no e,inagi lo ohane nesi yana,faipa ya ohane gaiye.¹⁶Ani aepa moa ametiti ya teti ae,hau yamo agupi,kasa ke moa Abraham aginago mogite ugiye,lo mo aiya'fi maina waya aite-ge ougiye,ha-ao,Abraham ametiti huno mani ya hua maina waya ai ya-ene.Aga mugi amogita afo-timo ae,¹⁷ago ke kae male nae,"Naga alina kaga hailaga waya ai afo apimo ya hugato'we."Abraham a nalate ametiti huni vega e maino aupa huno mainiye,aga God'ti ae,aga falina waya alino heti pate teno afole oaini ya ke higeno afole neaiye.¹⁸Abraham ago kosuna le yana,aga ala ametiti ya God'ti taga henaga afole aisi yate hane niye.Higeno aga hailaga waya ai afo apimo ae ago ke afini kate,"Husi geno kaginago mogi afole ai gae."¹⁹Aga ametiti yate alaga ohae niye.Abraham ageno hale no aemo,agufa moa mafane oali giye[naya fene,aga 100 kafu mai sa ya hiye].Aga ageno hale no aemo,Sera ku pati mafane afole oai giye.²⁰God'ti kasa ke huni kele Abraham tole agesa afi teno ametiti osuniye.Hiyana aga ametiti yate logiya wai neno God'ti agi alino asagau niye.²¹Aga logiya agu agesa maya huno ali niye,na kasa ke God'ti huni yana,aga ani ya hugiye.²²Higeno ani yamo aga alino fatago vega hamale'te.²³Mani ke kae na yana,aga alagepa ya-aleti aomane,ha-ao,aga fatago aepa aleti ae.²⁴Mani ke lagai ke ene nala ametiti huno fatago God'ti te aga Jesu na alino heti teniye,Ala ti fali ya pati.²⁵Mani vega awale a fali ya lagai faipa yate-fe ami geno inagi hetino laga alino fatago waya hamale-late.

Chapter 5

¹Laga lametiti ya teti fatago hunone,laga God'ti tagati laipa falu ya ali none Jesu Kristo'pi.²Agai te laga usuna ya huniye lametiti ya teti,aga aipa falu ya-a leti agai-pi laga heti none.Laga amuse huta agawa nehune God'ti lami-si yafe,mani agawa nehuna yana maya huniye,laga God'ti hale ya ale amuse huta mai gune.³Inani ya geno mane,hiyana ala yate amuse nehune kana aluna yafe.Laga age taemo kana ya ali yamo a alino logiya wai nelate kana yapi.⁴Kana yapi logiya wai mai yamo a alagepa afiya ne-e,inagi alagepa afi ya moa alagepa yafe ne'yagaune,⁵inagi maita yagauna ya moa laipa kana ya nolamiye,naya fene God'ti hau ya amo laipa'fi ate geno hane niye Awamu mo aliya teti,God'ti lami-niye.⁶Laga logiya'ti omale waya mai nona'geno,agai a kana ale Kristo a fali niye God'ti na oagena waya aite-fe.⁷Naya fene mago moa fatago vega awale'ge ofali giye.Maya huniye,inagi mago moa fali gi-fiye alagepa vega awale'ge.⁸Inagi God'ti lagai'fe hauni ya-a laweli niye,naya fene,laga faipa waya mai nona'geno,Kristo lagai tefe fali niye.⁹Inagi maya huniye,meni laga fatago waya maune Jesu kola aleti.Mani kola teti laga God'ti hai ya-a ata agase gaune.¹⁰Maya huniye,laga God'ti kame a mai nona geno,Aga alino lagai laipa magoge agai e hiye Nenawe mafane amo fali ya teti,inagi mago e,Aga alino laga God'ti e laipa magote ate,higeno Jesu teti laga tawale.¹¹Inani ya geno mane,laga amuse hugune God'ti taga ala'ti Jesu Kristo'pi.Agai teti meni God'ti e laipa alita magoge hunone.¹²Inagi,magoge vega leti faipa yamo mopa'fi eniye,inani kate'ti fali ya eniye faipa yamo.Fali yamo mugi waya aite uniye naya fene,mugi ve ane mogi faipa ya hunae.¹³Lo haneni afina,mopafi faipa ya hane niye,hiyana faipa yamo ke ohane-niye,lo omaleni ganale.¹⁴Ani ya huno,Adam teti fali yamo alino yagai'me Moses te eniye,inagi mani faipa ya moa apatigae niye faipa ya Adam huni ya hua osuna waya aite,ma ya huno Adam God'ti ke alino atagae niye,ina mona henaga esi yamo ame ae.¹⁵Hiyana maya huniye,mani God'ti amuse ya amo a faipa yae magoge ya osune.Inagi magoge vega mo faipa yamo fali ya alino hailaga waya aite e,amuse mago e God'ti hau ya'amo lamini hau ya'amo magoge vega lene,aga Jesu hai laga waya aina hawai'te pate gaiye.

2 Corinthians

Chapter 1

¹Poli-nae, mago akame veka mesia Yesu agai aipale Goti-a agai-a naga lekana paite niye, inagi Timoti-a laga kogana timo-e, aga avo kaeno talegeno viye Goti mono vaya-aipi viye korin lega, ina viye muki apametiti vealave wefi muki akaia noku ma-ale. ²Hauya aipa falu-ya Goti Afoti-mo- na ala veka Yesu Mesia lapagai-e mailapa tegaiye.³Laga Goti agai agi alita asaga- hugune, aga ala veka timo-ae Yesu Mesia Afo- amo-e. aga Afo-amo-e muki hauya-a ina aga Goti muki aipanapa ya hugiye aipa faluya-e. ⁴Goti aipa faluya laga nalamiye, muki kanaya lagai tega fole hiya ya, inai yana falagiye hugune faipa fluya apa migune mmago nagai tega nala muki kanaya apagaite-ga fole hiya ya. lagai-e hu gune apaipa faluya apamisa ya mago vealave magoke aipale paipa faluya ne- apamiye ina Anutu aga aipa faluya nelamiye na kanaya lagaite eya yana.⁵ALa kanaya-e agafu-e aliniye Mesia laga lavalegefe. inaiya nafa laipa faluyati Mesia tegati ne-e. ⁶Inaiya nafa laga kanaya alunana, agai yane Anutu lapa-e maigiye lapaipa faluya lapaga Anutu-a lapaga lapa veligiye, ina Anutu laipa faluya lamisia-na, lapaga lapaipa faluya-tipiye. ina lapaga lapaipa faluya-e aliya alageputa ne aliye lapaga wase huta maitapa lokia waitapa kanaya aliyo ina lagai-e nealune. ⁷Laga lokia lametiti nehune, lapaga hetitapa lokia vaitapa ani kanaya aliya ya, Anutu lalapaipa faluy lapamigiye ina lagai-e nelami ya huno-a.⁸Nayafene lapagi-e ageta haleyo, lapaga kogana, laga ala kanaya nealune esiya lagaiti. laga ala kanaya alino-e, ina laya kefa-e laga aluve-e o-oluusuna kanaya-ne, ina alusiatene ina laga lagesa afunana laga aluve-e laulaga ageta omaigune. ⁹Inani yamo aguafi ina magoke yake huniye Jasi nemo laga lega paili- teniye laga faligune huniye, ina-aiyana falaga lametiti ya lagaitifi o-ategune, ina-iya nafa laga lametiti ya Goti aguafi atesune, aga fali waya alino heti-neapate. ¹⁰Laga Goti-a alu laga lavale-niye havi yapi laga laeno falisa yapi, ina-aga alu ve-e lawale gaiye mago-e. laga Goti-tega lametiti ya atenone ina aga alu lawaleno maige maige ya laminiye¹¹Goti-a alu lavale-gaiye laga lapagai nunumu teti. henaga-a tusi vealave mogi amuse ke hugai Goti-tega ina aga laminiye ala hauya-ae ina ageno halena aga lama-gaiye laga, nayafene tusi vealave vemogi lagaite-ga nunumu hunae¹²La-aga tusi amuse nehue inani mago yatefe, laga ageta halenone laipaleti-e ina afifi yatileti-e, laga alagepa aipa-e lama aipa-e huno-e muki vealave ve aitaga laga umenitata huno-e alagepa aipamo aguafi ina alagepa aipa eniye Goti taga ina lagamo mopafi vealave kawa huta omainone. laga alagepa aipa huno-e lapagai tega inamo mopafi afifi ya-e ohane, inaya higeno Goti-a hauya eniye. ¹³Laga ke ogauguve lapaga lekapai-tapa alagepu-tapa o-agegae. naga inaya huna agenove. ¹⁴Mago afinalapaga ageta hanela-e mani ke kauwa ke, inaya higena naga alageputa aipa-a ageta halesae ina muki ke kawa ke, ina Yesu ala timo kanale laga fole hugu-e amuse kase aipa-a lagagai tega tegaie, inaya nafa lapaga la-agaite-ga amuse yamo aepa-e,¹⁵Nayafene naga lokia nagesa maya huna neafuve, naga inani aipale naga lapagai-tega agesune, ina alagepa ya fole hugiye lapagai-tega ina tole kanare ena lapa kove. ¹⁶Naga ke huna hayawe ena lapage-tena Masedonia ugefe, henaga-a naga Masedonia atalesuvana, naga ena alu-e lapa gege sue, henaga-a lapaga alita neatalesa gena uguve Judia.¹⁷Naga afifi ya nealuve inani ke huna haya uwa ke, lapaga afita paina naga naho-otegeo? naga mopale waya afifi yate naga akame nosuve mago ke huna haya gefe, naga mage huna ''he he'' inagi ha-ao ha-ao huve magoke kanale? ¹⁸Inaya hiya-nafa magoke avamete God-ti akame nehiye agai muki ke ale, laga mago tole ke osugune ''hene inagi ha-ao-e''.²⁰¹⁹Mani God-ti mafane-mo ke, aga Yesu Mesia ae, inagi aga Silvanus ae, Timoti

Chapter 4

¹Ina-aigeta, laga aliati hane niye God-ti lamini aliya laga husa ya, magoke avamete laga God-ti hauya alinone, laga afita kanaosune ani aliya husa yafe. ²Ina-aigeta , laga ha-ao hunone inani yamo lavagege ya lamino laga falakisa yafe. laga aigofe aepanapa-le omai-none, laga alita haviya nosune God-ti ke alita felesa yana. iana laga ke huta hama teta ke lama-a foleteta, apaga vealave mogi age-a halegae laga alagepa aipa ne malone God-ti aulaga-le.³Ina-aiyana, inani alagepa ke-mo laga ke nehune-mo falakino haneniye apaga anaga vayapi nela hanagege ya ali-a ina fagi alog maigae. ⁴Ina apagai-te mo, mopale aigofe kotimo aeno-tigae niye apaguapagesa apaga alagepa ke Yesu Mesia tega apametiti husa ya. inani aepamo. apaga o-agegae hale yana Mesia alagepa ke, aga God-ti piksa-e.⁵Laga ke huta hane lone lagai-tifi, ina-aiyana laga ke huta hane lone Mesia Yesu-e, aga lawekae, laga lapagai aliya mafane Yesu agile. ⁶God-ti-a ke ke huniye, "hale yamo e ye malaga hani kovagoya-pi" Inani hale yamo lagai pina hanele lagai lapafi, ina hale ya apimo agea hale gae God-ti na Yesu Mesia hau yapi.⁷ Ina-aiyana inani alagepa yana lagaipi haneniye, ina mopa sospeni-fi haneni kawa huno-e. inagi eno hamate fole hugiye inani lokia yana, inagi God-ti yane lagaiya omaleniye. ⁸Laga kanaya nealune muki kago taga, ina-aiyana inani yamo laga afepi alino oatale gaiye. laga lagulagesa-mo inani yafe ageta hao-lenone nayafene, laga havai otenone afita kana kana husayana. ⁹Apaga havi aipanapa lagaitega hulita yanafa laga God-ti agame ya olaminiye. apaga lamake yanafa laga kanaya oalune. ¹⁰Muki afina, laga Yesu fali yana laga laguafi alinone, ina-aigeno Yesu mai yamo lagaipi eno hama hugiye lagai laguafi.¹¹Laga meni maino mogita muki afina ali'a neapamiye Yesu agile fali sunafe, inaya husigeno Yesu aepanapa yamo'a lagai lagufale eno afole aisiyafe. ¹²Inaya higeno fali yamo'a lagaipi aliya nealiye, inagi laefi alisa yamo'a lapagaipi aliya nealiye.¹³Inagi laga magoke avamute lametiti alinone, inagi God-ti apaune vayamogi kaena'e. "naga nametiti huve, inagi mage huve." lagai ena lametiti hune, inagi laga ena magoke kava huta ke hune, ¹⁴Laga agenone la'a Yesu ala veka alino hetiniya veka lagai'e hetilate gaiye Yesu'e. laga ageta halenone aga lavale gaiye lagai'e lapagai'e lavalelino ugiye hauyamo aguafi. ¹⁵Muki yana lapagai lapagile yane, inagi hauyamo mago'e ala husi yana, amuse ke ali'a asagau-ga'e God-ti hale ya'alefe.¹⁶Inaya husi yana laga laipamo asagauno oagiye. lamake, laga amega lagufamo haviya husi yana, laga laipamo muki kana'e kana'e haigafa nehiye. ¹⁷Meni aupa kanale, ise kanaya mo'a ka alino fatago hunelate maige maige hale ya-ale uno atupa omale yate. ¹⁸Nayafene laga aulu nosone laulaga-mo agesi yatefe, inagi muki ya lagaulamo agesi yatefene. nayafene meni agona yana ise kana'a hanesi yane, inagi muki ya'a oagenona ya'a hanege hanege hugiye.

Chapter 5

¹Laga ageta hale taemo meni mopale mainona laguffa haviya husi yana, laga mago noti God-ti-a lamigiye, waya apaya teti ogina none, ani no-moa maige maige huno hane gaiye, ani yana koguna lagupi hane-niye. ²Mani amega nomo aguainaga mainona-na, laga lagufa lagafu negiye, higeta laga ala yate God-ti-a saufa koguna taga lagufa lamisi yafe lahau-niye. ³Laga ala yate koguna taga lagufa lahau-niye, nayafene kugena owaita lai-agu alu-ga age omaigune.⁴Nayafene laga mani amega nopi mainone, laga lagufa negiye, kana nealune. laga mani kugena alita otale yafena nolahai-ye. inaya hunigeta laga koguna tega kugena alita lagufa husuna-fe mainone. inaya-fe mopafi ya haviya hugiye. ⁵Ani ya alino talo tala hulaloesi gamo God-ti-ae aga Avamu lami teno naya afole aisi yafe huniye.⁶Ina yafe muki kanale logiya waita hetiyo. lapaga ageta haleyo, mopafi amega lagufa-le mainone, laga God-ti taga maita afagi huta mainone. ⁷Laga lametiti fi kane-aone, laga ani ya o-agenone. ⁸Ina yafe logiya waita heti-sune. kanale nageta meni lagufa-le afagite maineta henaga koguna-te lagufa-le maigune.⁹Higeta God-ti-a amuse hute suna yafe hauya nehune, mani mopafi mai-suno kogunate mai-suno. ¹⁰Nayafene mugi amogita Jesu koti-le eta heti gune, magoke kamete naya hune-sana yate miya aligane. lagepa miya no havi miya alisano.¹¹Ina yafe Gog-ti taga koli huwo. ve ane aitega laga logiya waita ke nehune. na kate maino-namona God-ti ageno hale-niye. nagqa nametiti huwana lapagaite-e alagepa hugiye.¹²Nayafene laga aliya-tiye lapagai taga logiya wai ta ke nosune, lapahau ya-e lageyo laga God-ti aliya waya mainone. inaya higeta, laga ke aepa huta amuse husa yafe nehune. amega lagufale yafe amuse osigeta,lapaipa-fi haneni yafe-ge amuse higetao.¹³Laga apagu apagesa omale vaya mogi nehaya nehuna aga God-ti aliya-ne, inagi laga alagepa apagu-apagesa haneni vaya mogi ke husanana tapaga lapami-giye. ¹⁴Yesu lapagi-fe hauni yamo-a mani aliya nealune, nayafene laga maya huta lametiti nehune, magoke vega moa hailaga ve ane agai-e falinae. ¹⁵Aga muki ve ane aitefe fali-niye, ina yafe apaulaga age-a maina ve ane apagai-apige omai-gae, apaga apaulaga age-a mai-gae mmani apagai-tefe fali-teno hetini vega fi.¹⁶Inani aepa leti, meni-e maime usu na taga, laga vaya apagu-apagesa fago osiyo, amega apagufa-le ageta, mani ya huta age-yawaga Jesu na koti hute none. inagi laga meni aniya huta waya ami awamete koti huwo apate-yo. ¹⁷Inagi, mago vega-mo-a Yesu-pi maine siysns, aga saufa vegae. Atafa aepa ya-api hanohiye. meni saufa vaya hamalae.¹⁸Mani muki yana God-ti tagati ne-e. Aga tavaleno agai Yesu taga nehiye. aga mani aliya Yesu taga vaya apavaleta eyo aliya laminiye. ¹⁹Ma-gava huniye, Yesu-pi God-ti mopafi muki vaya-te aliya. alino agai alaga apavaleno ne-e. aga havi ya apiye agesa no-afiye. God-ti agai alaga vaya apavale lita eyo aliya laga laminiye.²⁰Ina yafe God-ti alino mopafi Yesu note aliya -a aliyo huno heti late niye. ani ya huno God-ti lagai-pi aliya nealye.. laga lapagai taga mage huta laga hune, Yesu agi ale. lapaga hulate God-ti taga eyo. ²¹ Aga Yesu-pi alino faipa yati ategeno aliniye. Yesu mago afina faipa ya osuniye. aga ani ya huni mona laga God-ti-e fatago huta Yesu-pi mai sune huno ae huniye.

Chapter 6

¹Laga agai-e magopi aliya aluna-na, laga lapafi gone God-ti hau ya-a afa yane huta o-aliyo. ²Nayafene God-ti huniye, naga mago gona legana pai malenove, ani kanale ago lapamae-nowe. ina waya apawole kanale, naga ago lapawale-nowe. ageyo, meni apawale-sa kana. ³Laga mago waya asagau-aisaya omale- none, nayafene waya mogi apagame-laga ke hulate yafena olahau-niye, aliya tilefe.⁴Ina yafe, muki ya hunana, lavelino aemo laga God-ti aliya mafane. laga God-ti aliya mafane mainone, nayafene, llagamuki gana yana ata-agase none, lagafu yana gi ka uteta husuna geno agani siya yae. ⁵Apaga lamagi- nae, apaga kalavusi hulate nae, hailaga ke, hailaga aguinaga hawae-ta alagepa osunone, laga-te niye. ⁶Fatago aepamo aguafi nagi alagepa apagu apagesa, e vase hua maiaepa ya-e, mago waya hapau hua Awamu-te alagepa aepa ya hu yane. ⁷Laga God-ti aliya mafane ke alagepa afi, God-ti logiya-le. laga ke waita kaweta nehune fatago aepalefe, laya lamaga ti-e laya hoga ti-e.⁸Laga lagi alo-e lagi omale yae aliya nealune, ani yamo aguinaga havi ke hune late-a alagepa ke-e hune lata-e. lapagai-fe kapalo waya-ne nehae, hiyana laga alagepa aepa yateti aliya nealune. ⁹Laga olage-nege gana hageta aliya nealune hiyana muki waya mogi laga lagea alagepa hunae. laga fali nege gana ya huta aliya nealune, inagi ha-ao-ae, ageyo, o-falita mainone. laga kalavusi aliya waya ganaya huta mani aliya nealune, hiyana laga ali-a haviya hua fali olate gae. ¹⁰Laga ala lahau ya haneni ya huta aliya nealune, hiyana muki afina amuse nehune, laga aguya waya mogi nehaya huta aliya nealune, inagi aliya tena, llaga hailaga waya alita muki yate ala hune apatone. mago ya api ohaneni waya mogi neha ya huta aliya nealune, hiyana muki yana lagai-ti yane.¹¹Laga ke alagepa korin-i waya-na ago lapapai-none, laipa mo-a afole hane niye. ¹²Laga lapagai lapaipa alita oatafai none, ha-ao, lapagai tapi lapaipa keoke lapagu lapagesa leti atafai male nae. ¹³Inagi fatago aepa mo kate saufa aepanapa yane, naga lapagai taga ke huwana aise mafane aite gawa ya huna nehuve, husigeta lapaipa alita yagai tegae.¹⁴Tapaga lapametiti nosusa waya-e maita hapaita omaiyo. hai ke huno ae-mo fatago aepa ya-moa lo ali-a atagae aepa ya-e alino magopi hugiye. ¹⁵Hai-ya hu-ana Yesu kristo-e Belia-e anaipa ali-ana magoge huga ae? na alagepa ya apametiti ve ane mogi ali na ya apametiti osu waya aipi hane niye? ¹⁶Inagi haiya huno God-ti no-e mopafi aigofe god-ti-e ali anaipa magoge huga ae? meni maino-na waya-na God-ti mage huniye. naga folaga apifi maine-na apagai-e unena huna maiguve. naga apagai God-ti mainage-a apaga nagai ve ane maiga-e.¹⁷Ina yafe, tapaga apagai pati maita halove hiyo, Ala nemo mage hiye. tapaga havi yatena o-ata faiyo, husigena nagaina tapagai ke agauve. ¹⁸Naga afo tapimona maiguve, inagi tapaga nagai ve ane mai-gae.

Chapter 8

¹Laga nelaiye lapaga nenafugi tapa-e ageta haleyo God-ti hauya-a apaminiye Masedoni-a mono vealave taga. ²Inani agu-afi la ana-lawata-ga ya kana yae ina lagufa ene, La amuse yae ina apagate yae alino fole huno alagepa aepanapa apami-a hapa maesa yane.³Nagaini ke huna halove nayafene, apaga tusi mone apagesa apaminiye inani apagesa apamisa ya-ale apamigiye. ⁴Ina muki lifi kege apalifi kai-e laga apagaiye aliya atupale ali-a ugesa-e Jerusaelm apametiti vealave. ⁵Laga lagesa o-afinone inani ya afole hugiye, ina-aiyana-nafa, apagai-api hogote ya-a apagai-api amiye lawega laga, ina henega-a apagai-api lamiga-e lagaitega God-ti aipale.⁶Inaya higeta laga Taitas si tega, nela aipafia alia lapaga lapa mae alagepua hano hua alagepa aipale mone apami-a hapa mae-a Jerusalem apametiti vealave. ⁷Inagi lapaga ago apagasena mago anaga-a muki yate inani apametiti yamo agu-afi, ke hua, age hale-a, muki lokia ale, ina lapaga nelapaiye lagaife. inaya husigeta lapaga maita falu osiyo apamisa yate aipae.⁸Naga mage osuve inani ke kase ke omane. inagi naga inani ke lapa-wataka huna lapaga nelahapai ya lama-a mago ke avamete vealave nelapaifi nolapaifi ya. ⁹Nayafene lapaga ageta halena-e, ala veka timo Yesu Mesia hauya-a. aga muki yago hane teniye, ina lapagai-te aguya veka mainiye, aga aguya veka tiye laga muki yago hanele tegaiye, inani aipale lapaga muki kege mai yago hanele pate gaiye.¹⁰Inani, Naga alagepa afifiya lamini yana, lapaga lapamigiye. ina mago kafu uno hano hutegeno, lapaga aepa o-afinai-e aniya husa alaga. ha-ao-e. lapaga nelapa miye lapaipale aniya husa alaga. ¹¹Meni lapaga inani aliya alitapa hano hiyo. magoke kava huno lapagai-e tusi lapa kateno lapaipa hetino huniye alufina, lapagai-e mmeni inani aliya alitapa hano hiyo. ¹²Lapagai-e inani aliya alisa yafe tusi lapa nete siyana aga mago alagepa yane. lapaga apamige husa kanale, apamiyo lapaga naya alinisa ya-a, inani ya lapaga ohaneni yano mane pa.¹³Inani aliya mo mago amogi kanaya o-alisa getapa ina lapagai ke ani kanaya alisa-e. ina-ai yanafa, magoke kava husi ye muki vealave aitega. ¹⁴Ina muki alagepa yatapi haneni siyana lapaga meni apamiga-e mago anaga mago ya-api ohane nisia. nayafene, apga muki alagepa ya-api hanenisi yana, apaka lapamiga-e mago ya-atapi ohanenisi yana ina mago ke avamete muki folaga tapile hane gaiye. ¹⁵Ina magoke kana kana huniye Apaune vaya mogi kaina ya ke. Inani veka nela muki kege miya hanenisi yana henaga-a mago kege miya o-hane gaiye, "Inani veka meni muki kege miya ohanenisi-a, henaga-a mago kukege alaga soti osugiye"¹⁶Inaya hiya nageta-e God-ti tega, nala-a hiya-ya Taitas, aipale ate, magoke ya huno naga lapagai-fe naiye. ¹⁷nayafene aga lapagai ke afiye omege apa, ina agai--a lapa kaitega esi-a aipa kaligeno eye agai-a.¹⁸Laga mago koganati alita atalo- nageno nala muki mono vealave mogi agi ali-a asaga nehaya ali-a alefe alagepa ke Taitasi tegati eya ke ke huno hama nehiye. ¹⁹Inani yake nomane, ina muki siosi mogi legapai tena-e lagai-e umenino aliya alino asagau huno alagepa aiple apami yane. inani yana lavegamo agi lane agi-a lagaiti lagateno hapa maesa yane.²⁰Laga vealave mogi lagame laga ke osu saitane hune ani aliya aluna aliya. ²¹Laga maita halove nehuta alagepa aipa nemalone, ina Ala vekamo aulagale omnepa, ina vealave mogi apaulaga-le enae²²Ina laga mago koganati alita atalesu-nageno Taitasi na agame hugiye. laga muki kanale aeta wataga huta agonana aga aganete ani aliya alisi yafe. aga meni tusi aganete nayafene aga la-a ametiti nehiye lapagai feke. ²³Ina Taitasi-a nafalu magoke aliya veka nimo-e ina lapaga aliya mafane tapiye. ina anaga tole kogana timo-e, Apaga siosi mogi anaga ali atala-gepa Taitasi-na agame hae, anaga vealave hua Mesia agi la amiga-e. ²⁴Ina-aisi yana, lapaga apaveliyo lapai yaya, anaga siosi mogi agea halegae nayafene, laga lapagai lapagi alita asga nehune alagepa aepa tapile.

Chapter 10

¹Naga Pol li nae, naga lapagai-fe lokia ke huve, maina afaga huna Yesu-pi vase nuna mainove. nnaga lokia-ni ohane lapagai-e maino wana, huyana naga agenove, lapagai tagati maina afagi huno wana lokia waina mainove. Mage huna lapafigove, lapagai-e maine naemo, lokia ni-e ala nametiti ya nohane. hiyana nagesa afi naemo naga lokia waina hetina mainena ke anona-a hapapai-guve nala-a aoesa afi noaemo amega lagufa-leya aiyaga ne waune husa yana.³Nayafene, ha-ao, amega lagufa-le gane-aonana, amega lagufa-le neha kawa hutao mane. ⁴Mani kaweta nehuna yana amega lagufa-le kaweta-o maune. Ani ya huno, mani kaweta hu yana ala lokia-a hane-neno mopafi lokia ya alino haviya nehiye. aga mago-e lokia-a hane-neno mopafi aigofe ke alino afaya hamale ne-ate.⁵Mago-e laga muki anaga alaya haneni ya God-ti afi yateti alita haviya nehune laga lagaiti afiya alita kalavusi huteta Yesu tagati eya ke neafune. ⁶Laga talotala huta muki ke ali-a atagae aepa ya kalavusi hute gaune, lapaga ke alagepa-a afi-sayana.⁷Lapaga ageyo naya lapau-lagale, afole haneni-ya . inagi mago vegamo-a ametiti huno aemo naga Yesu-e mainove husi yana, aga halate amiya huno agesa afino Yesu-e mainove ya-a. ⁸Naga nagaini nagi mago-e alina asagauna waya mogita lokia ana agaseno, Yesu-a laminiye tapaga lapama-sune noae, tapaga alino haviya osugiye, ina yafe naga nawagage osuguve.⁹Naga mani lapagai taga avo kao avo moa alino koli yate olapateno. ¹⁰Nayafene, mago ve ane mogi hu aemo, Aposol Pol li avo moa ala lokia-a hane niye nehae, hiyana lamake Poli-a agufafi lokia-a ohane niye. ke amo afisuna aepa-a ohane niye.¹¹Apate gea inani ve ane mogi age-a haleyo, laga nayafene avopi kaeta apagai taga neatalo-pina ya-a, apagai-e omaineta, inani yana laga hugune lapagai tagati maita afagi huta mainetae-mo. ¹²Laga alita mago kaga atalu aisuna yafena olau-niye, o lagai-e alita fago huta apagai-api apagi ali-a neasaga vaya olateyo. inagi apagai apifi alia fago hua inaya nehane maya nehane hayana, alagepa apagu-apagesa ohane niye.¹³Hiyana lagaiti lagi alita asagauta makia ata no-agasone. aniya huta laga aliya aligune God-ti lamini maki-le, ani maki lagaite eno awaya agaiye. ¹⁴Laga mago-e alita yatala hu yafena olai haiye, lapagai-te eta wayu hususana mona. laga hailaga afina nomone, laga Yesu ke alagepa-a alita lapagaite eta hogote none.¹⁵Laga mago waya mogi ala aliya alina yatefe lagi alita no-asagaune. ani ya huta, laga maya huta lametiti nehune, tapaga lapametiti yamo-a uno ala husi-yana, lagai aliya mo-a mago-e uno ala hugiye, huteno fatago huno hane gaiye. ¹⁶Laga ani yatefe lametiti nehune, husigeta laga mono ke alagepa hugune, mani ke uno aeno lapagaseno afagi gote ugiye, laga ke hailaga osugune mago waya ai kotega afole aine-si yafe.

¹⁸Nayafene, waya mogi agi ala o-aminae aga God-ti agai-a lagana pai-maleniye. aniya huno, aga ani vega God-ti agai-a legana-painiye.

Chapter 11

¹Naga nagesa afinaemo natesagena mago aifonafo kava huguve. inagi lapaga natagena naga tusi kana ale mani kava huve! ²Nayafene, naga naipa haviya hulapato'e lapaga lokaena alagepa naipa havi God-ti tagati. hogote kanale-ti naga huna lokia waina kaga mago vegale mariti huvo huna. naga huna lokia waina kaga amuve Yesu-na maya huno mago amo'a ve'e lokaeno ohavaeni ve.³Inagi maya huna namoya auve, havigu magoke agufa kateti, mani satamo'a Ivi-na kapaloke hapainiye muki havi ya-a aleti, inagi aga alino afifi yatapi afagite alino atalegaiye, mani alagepa fifipi'a omale lapagai mono Mesia aguafinaga. ⁴Nayafene, inagi mago vemogi ea hua hale'a alu Yesu-te, inagi mani Yesu laga mono nehuna.

Galatians

Chapter 1

¹Poli-a, aga mago aposol mago vemogi apaguagesale nomane. mago vemogi aliyateti nomane, Yesu Mesia lokiyale Anutu afo-a aga la-a alino heti teniye falini geno. ²Lokaeta muki kogana lagi nagai-e mainae haneni mono nopi.³Hauyamo aipa falu yamoa Anutu afo Yesu Mesia tagati lapagaitaga e-e, ⁴La-a agai-a aminiye lagai fapayatile falisiyafe, aga laga lavalegaiye muki havi kava meni mopafi haneniya, Anutu agai-a aipale. ⁵Inagi ala agi agaitaga ugiye kanae kanae, lamake.⁶Naga maya huna fanagu huve, lapaga magalea aitafeleta lapagameya amiye lapagaife ke huni veka Mesia hauyateti, naga fanagu huve lapaga aitafeleta alu monote vae, ⁷Naga mage huna osuve mago alu mono haneniye, inagi mago ve lagi kanaya lapaga lapamitea Mesia mono kea alia aia afelofalo hugae.⁸Inagi laga, o mago kogunate Agelomo-a huno haleno alu mono ke magoke kava huno laga mono lapanepauna ya huno inagi mani veka halage aila migiye, ⁹Ago alufina, laga ago lapapainone, inagi meni aluege lapaga lapapauve, inagi mago vemogi mono hageno magoke kava osunesiyana lapaga ago alufina alina yahuno, inagi mani veka halage aila migiye.¹⁰Inagi meni vaya mogi aipa kauya nehufi Anutu ae? naga kauya huva kana mago vaya amuse ya apamigefepi? inagi naga kauya huva kana vaya amuseya amisaya hunesiyana, naga Mesia aliya veka omainove.¹¹Nayafene naga naipamo-a lapaga afisayafene, muki nafunagana mono lapagaite hua monona aga mago vekamo mono keyomane, ¹²Naga oalinove mani mono kea mago veka leti, o mago vekamo-a alino naya huniye, Yesu Mesia ke naveliniye.¹³Lapaga nagai aepanapa yamo ke ago afinae alufina, Juda vaya-ai mono aepanapa ya aiyaka vaino ya-a, naga Anutu mono vaya kanaya apaminove, afafa-a ainogaseno alino haviya husa avamete, ¹⁴Naga ala afiya alinove Juda vaya-ai mono aepanapa ya-api, aina agasena nagaini nofi vaya, nagaini vealave ai folaga-apifati, naga nagesa afuve afotimogi mono aepanapa ya-apiye hutena naga tusi yate naiye.¹⁵Inagi Anutu mago kanare la-a hanimo aipafinaga nategena mainove, mani Anutu-a naga ke huniye agai-a hauyamo kateti, ¹⁶Inagi aga amuse huno ve mafane-a naga naveligena naga agi huna hale gauve faipa vealave ai folagapina, inagi naga magale huna mani mopafi veai afifiya oalinove, ¹⁷Naga una ohainove anlaga Jerusalem apaga lagi hogotea aposel apagi alia ua hogotena veai taga, naga Arabia unove inagi henaga naga aluege Damaskas si uve.¹⁸Henaga tole-e mago-e kafu eno utegena naga Jerusalem kumataga hainove Sifasi na agetena inagi agai-e mauve 15 kana-a, ¹⁹Naga mago aposel ve oapagove, naga Jemsi ke agove aga ala veka kogana-amo-e, ²⁰Mani avopi naga kaina lapagaitaga atalogeno egena naga lapagaitaga lokia ke huve Anutu aulagale maya huna naga havi ke osuve.²¹Inagi henaga naga mago Siria kumate utena Silisia-e, ²²Judia mono Yesupina maina vealave mogi naga nagea haolena-e naga lana-e, ²³Apaga maya hua afinae, vega la-a alufina Anutu mago vaya kanaya apamini vega, meni mani ke nehiye apaga maya hua afinae, mani vegamo-a Anutu mono vaya kanaya apaminiye, meni mani monomo apametiti ke huno hale alufina naga alina haviya huno, ²⁴Inagi apaga Anutu agi alia asagaunae na-agufa kava hua yateti

Chapter 2

¹Inagi henaga 14-a kafu eno utegena, naga aluege Banabas si-e lokaeta Jerusalem kumate hau-ae, Taitasi na avalelina nagai-e uno-ae, ²Naga Jerusalem kumataga una hauve, nayafene, naga falagi ke alitena naga huna alagepa mono ke hapapainove apaga, mago alu vealave ai folagapi huno mono, naga falagina agenopa vaya-e keke huve, apaga maya huna apaveluve, naga afagapi nagunagu osunove.³Inagi Taitas si-a aga griki vekae, la-a nagai-e mainigea apaga lokia ke hunae agufa lagausiye hua, ⁴Apaga kapalo lafulaganagi falagi-a haienae agea halegefe laga hanaya huta Mesia Yesupi agupinaga fri huta mainona ya-a apaga apagu apagesamoa laga kalabusi aliya alisune, ⁵Inagi mago kanare laga apagai apagafe kapinaga lamita omainone, manaya hunana ke alagepamo monomo lapagai-e hanesiyafe.⁶Inagi apaga lagi naga nagesa afinaemo ua hogotenae, ha-ao apaga hana agufa vekae, Anutu kavamo-a magoke vaya aite hamalagino nomaiye, apaga lagi naga hunaemo apaga alave apaga nagaitena magoya osunae, ⁷Mago alu aupilaga kumate, apaga maya hua agenae Anutu-a mono husa aliya apaga apgufa laga nosaya vayaaite magoke kava huno apagai-e, Anutu-a Pita na aliya aminiye,apagufa laga nehaya vaya-aipi mono huno halesiyafe, ⁸Anutu-a aga Pita agupinaga aliya aliye Aposel aliya alisiyafe, apagufa hatagauna vaya-aipi, aga mani Anutu ke magoke kava huno aliya aliye mago alu vaya-aipi aposel aliya a;lisuvafe.⁹Mago kanare Jemsi-a, Sifasi-a Joni-e apaga vealave mogi lagi maya hua agea halae, apaga mono alia hetinae. agea halae Anutu-a hauya-a naga naminiya, inagi apaga lokia Banabasi-e aino lokaeno la-aminiye mono nopi aliya alisunafe, apaga maniya hulategeta mago alu vaya-aite usuagea apaga apagai-api ugae apagufa hataga nehaya vaya-aite. ¹⁰Apaga lafigenae, laga apagaifemo afa vayane huta lagesa afisunana, aga mani yaato agege husa naipa haneniye,¹¹Inagi Sifasi-a Antiok eniya kanaremo, naga augosasafi ke haunove, nayafene,apaga hua aemo aga faipaya huniye. ¹²Ago mago kanare na aise amogi omenae Jemsi tena, Sifasi-a uno neya ne Juda apagi omaleni vayae, inagi mani kanare veka e-e, aga eno hetino afagite mainiye mago alu ve Juda veyo mane, ago goli hiye apaga mani ve apagufa hatagausa ke haya veaina.¹³Inagi apaga mago alu Juda mogi mani kapalo aguagesa aiyaka vaiye, inagi Banabasi-a mani ka aino agase kapalo aguagesamo afifiya aiyaka vaisa ya-api, ¹⁴Inagi naga maya huna agogeno aepanapa apimoa lamake kea aiyaka ovaiye, naga Sifasi na muki veai apagosale maya huna ke hapauve, inagi kaga Juda vekae, inagi kaga Juda veka kanagana huga omainane, hanaya huka kaga lokia ke apaga Juda ve omaina ve hapapaisa nagea alu Juda ve maigae?¹⁵Itatimo-a laga alilategeta lagaiti maya huta Juda ve mainone laga faipa veyo mane, maya hua apaga alu ve lagi Juda veyo mane. ¹⁶Inagi laga maya huta afune, ha-ao mago vekamo kase kemo aliya alisiyateti alagepa veka eno ohamale gaiye, Mesia Yesupi ametiti husi kateti kene, laga Mesia Yesute lametiti hune laga Mesia Yesu aguafinaga alagepa veka afole husunafe, lametitimo kateti ne kase kemo aliya tetinomane, kase kemo aliya tetina, mago alagepa veka afole osugiye ha-ao.¹⁷Inagi mago kanare laga ka kauya hune alagepa ve hamale sunafe Mesia agupinaga, lagai ena faipa ve kanagana huta mainone, inagi lapaga afiyamo Mesia faipaya nehaya kava lokia amigefepi a? ha-ao! ¹⁸Inagi naga alina heti suvana naga ago alina haviya huno yana, inagi naga kase ke ainolone ao vekae. ¹⁹Kase ke aiyaka vaisakana, fali veka kanagana huna mainove, inagi mani kateti naga Anutu agupinaga lafi alina mainove.²⁰Apaga yofo yosale nagai-e Mesia-e hea aisi malenae higena lafi alina omainove, Mesia ke nagai nagupi lafi alina mainiye, menima nagufave mainova lafi, aga naga lafi meni mainovana nametiti kavamo ae Anutu mafanemo aguafi nametiti yama ae, aga la-a nagaife nauteno agai-a amiteno mita huno navaleniye naga, ²¹Naga Anutu hauya-a alina atupalaga omalove, inagi naga fatago kavana kase ke aiyaka vaina alinesuvana, inagi Mesia aga afa kapi faliniye.

Chapter 3

¹Apaga nofi Galesia, lapaga aifonafo osiyo, la-a lapaga hani ke lapate? lapaga lapagaulagale Mesia Yesu-a yofo yosale foleyate hea aisinae, ²Mani magoke ya-ato lapagaiteti agena aiyaka vaigesuve, inagi lapaga Avamumo aliyate lametiti hafi o kase kelepi o ke lapaga ago afina, ³Inagi lapaga aifo nenafi? lapaga Avamu-e aitalokaeta mani aliya aepafainae inagi meni lapaga lapagufamo lokealeti aliya alita hano hugesafi?⁴Inagi lapaga tusiyate tapagufa kanaya aliye afa kanaya, aga kanare huniye afa kanaye alitetapa lapagufa kana alisayana? ⁵Inagi lapaga Aramu lapamiteno mirakel kava huni veka lapagai folagapi kase kemo aliyapi, o lapametitimo ke afiya yamoae.⁶Magoke ya huno, Abraham mua Anutu taga ametiti higeno aga alagepa agi aliniye.⁷Magoke kate, lapaga ageta haleyo, maya huta, apaga nofi apametiti hayana Abraham mafane nehamalae. ⁸Anutu kemoa, huno haleno ago alufina maya hiye Anutu apametiti yate apaveligiye, mago alu nofi fatago huna vealave aite.mani kemo-a ago Abraham mute haneni yane inagi mage hiye, kaga kagaiteti, muki mopafi vealave mogi amuse hugae. ⁹Inaya higeno apaga nofi apametiti hae apaga Abraham mue lokaea amuse hugae, aga ametiti vekae.¹⁰Kase ke aliyate muki apaga lagi apaipa apaguapagesa malesa yana, apaga kanayamo agusafi maigae, Anutu kemo huniya huno, kanayamoa muki-a ve kauya huno apagegaiye muki ya-a kase ke vukufi kai malenisaya aiyaka ovaisayana. ¹¹Meni ena hale maya huno mago veka eno ohamalegaiye Anutu aulagale lo aiyaka vaisa kavatetina, nayafene, apaga fatago vemogi apametiti kavateti maigae, ¹²Kase ke aga kametiti kavanomane, ha-ao, mago veka muki lomo aliya aligefena apagai-e maino,¹³Mesia lomo kanaya apati lavaleniye aga lagai kanaya alini kanare na, Anutu kemoa huniye, kanayamo-a kauya huno apagegaiye muki ve la-a yosale hea asinesa. ¹⁴Inaya husigeno Abraham mu amuse ya mago nofi vealave aite egaiye Mesia Yesu agupinaga, inagi lametiti moa Avamumo lokia aligune,¹⁵Lapaga koganani mogita, nategena naga vemogi kavamo ke hino, kontrak alisa kavana, mago vekamoa alino oatalegaiye o mago aisea omalegaiye agai-a ke lomo-a mani kontraki le lokia aminesi yatena, ¹⁶Meni lokia Abraham mutagati e-e agai-a tumbuna-amoa aga mage hiye, lapaga tumbuna, tusi vayafe hiyana afa-a magoke vekae kagai tumbunae, Mesia-a aga la-ae.¹⁷Naga huva ke maya huno ae, lomoa 430 ti-a kafu omenigeno, kontraki alino 0atalegaiye Anutu-a hogoteno alino afole humalenisi ya. ¹⁸Inagi afo muki yana mafane aminesi yana lo aiyaka vaisa kateti enisiyana,inagi mani aga ke humaleni mono mane. Anutu agai-a kele aiyaka vaino Abraham muna aminiye.¹⁹Nayafene, meni lomo aguagesamo aepa ae, keoafi kavate lo ateniye Abraham mu tumbuna ke huno lokia vai maleni kele eno afole aisiyafe, lomo-a eno lokia vaiye Agelo anaga vaya ai aliyateti mago folaga vekale. ²⁰Meni folagate vekamo-a mago-e folagate veka lekanapai maleniye, agai-a Anutu magoke ne.²¹Inagi lomo-a Anutu lokia keale aipamo-a kanare osifi? lamake keae ha-ao, inagi lo ago alufina haneniye lafi maisaya apaminesi yana, inagi alageputa maisa yana lamake lo aiyaka vaisa yapati afole aiye sine. ²²Anutu kemo muki ya-a faipa yamo afepinaga nofi hute-e, Anutu-a mani yana alino maya lavelesi ke humaleni lametiti kavamo Mesia Yesu agupinaga, ametiti husa vealave aite usiyafe.²³Meni henaga lametiti kavamo eno afole aisiya, laga ago lomo agupinaga kalavusi huta mainone, lametiti yamo eno halesiyafe. ²⁴Inaya higeno lomo-a yagailateniye laga Yesu eniyamo Anutu-a laga lagi aeno fatago ve lametiti kavateti. ²⁵Inagi meni lametiti yana eno afole ainiye, laga aju magoke yagailatesa vekamo afepi omainone. ²⁶Inaya higeno lapaga muki-a Anutu mafane lapametiti kavatetiti Mesia Yesu agupinaga.²⁷Inagi maya huno tusi amogita lapaga ago mono ani falenae Mesia agai pinaga lapaga Mesiana ago avalenae, ²⁸Omainae apaga Juda vayano o apaga Griki, omainae aliya ve o afa ve, omainae veyo o ano, nayafene laga muki amogita alita magoke huta mainone Mesia Yesupi, ²⁹Inagi lapaga Mesia yae mainesa yana, lapaga Abraham mu tumbunae, inagi lapaga aligae muki afo ya-a lokia ke humaleni kele aiyaka vaino.

Chapter 4

¹Naga mage huve, muki afo yana mafane amo yane, inagi mafane-amo-a aise mafane maini mona, aga aliya vaya maina ya huno mainiye, he-e aga muki gagemi ya-ale yagai niyane. ²Inagi aga muki ya-ale yagai-a ne-ata vele kawa vaya-ai apaiyafi maino, aniya huno uno Afo-a leganapai-maleni kana egaiye.³Ina mofe, aise mafane maino-nageno, taga aise ase gava timo kalavusi -e mopafi tagu tagesa haneniye. ⁴Inagi, Goti-a leganapai-maleni kana eno afole aigeno, Goti-a neneve mafane-a mopafi atale geno elami-eno mago amo Maria-a lomo aiyafi aliteniye, ⁵Goti-a aniya huni yamo lomo aiyafi maina vaya-aina miya huno apavalege huniye, inaya huno agai-a mafane ganaya huno tawale gaiye.⁶Meni nenave mafane-a ya huta mainone. inani aepa-mofe Goti-a neneve mafane-amo Avamu atalegeno taipafi haneneno mage huno kene-ae, "afo afo"? ⁷Ina mofe kaga aliya vega mago-e omainane. ha-ao, kaga neneve mafane mainane. inagi kaga neneve mafane maine sanana, inagi muki afo yana-gagai yane, Goti aiyafi haneni yana.⁸Inagi ani kanalena Goti-na agega haolenane. apaga mopafi apagi haneni waya mogi apaga kawale-a afa aliya vega-api kolenae hiyana ani vayana apaga Goti-gi amaina-e. ⁹Higeta meni Goti-na agena-e, ina mage husuve Goti-a tapaga ago tapage-niye, naya hi aepamefe tapaga ataleta mopafi aise tagu gawa yate nevae, inani yamo-a logiya-a ohaneno nesaya-a ohaneni yane. halete lopage kalavusi-fi nehafiye?¹⁰Tapaga tusiya huta ageta haleteta aiyaga gana-e saufa gai-e muki ya afole neai gana-e gafu-ene. ¹¹Naga apagaife magava huna koli nehuve, naga aliya lapagai-e nealu yana mago yahuta agegaune naga aliya afa folagapi nealuve,nesaya-a omaleniye.¹²Naga koganani mogita lapafi negove, naga maino ya huta mainae nayafene nagai- ena lapaga maina ya huna mainove. lapaga nagai-tega mago kanaya osunae. ¹³Inagi lapaga mago-e huta agenae, mago kalimo-a nagufafi haneni geno mono lapane-pauve hogote kanale. ¹⁴Ha-ao mani nagufafi haneni kalimo-a kanaya nelapami yana, lapaga mago alita haviya no lapaga meya onamina-e. tapaga Agelo huta navare-teta Yesu Mesia ga-a ya huta navare-nae.¹⁵Amuse yatapi haite meni hane-niye? naga ke alagepa lapane-pauve, mago ga hane-ne siyana, tapaga lapau-laga ani yateti alita ataleta nagai-taga ageyo. ¹⁶Inaya higena naga tapagai kame mainove, nayafene naga ke alagepa lapane-pauve?¹⁷Apaga logiya apagu-apagesa-mo-a apagai apilaga lapavaleli-a ugesae, inagi alagepa aepaya omaleniye. Apaga yofi gi-a kumataga lapatalete-a tapaga logiya lapagu-lapagesa ali-a apagai-api apaipa aiyaka waigae. ¹⁸Mago-e alagepa ya huno alu lagulagesa alagepa yate haneno. Ani aepa ala lagulagesa alagepa aepamo-a tapagai-e hane lapatene-sigeta nagai-e omai nesu kanale-e hiyo.¹⁹Tapaga aise mafane nimogitae tapagaife lusi naipa nagafu ane mogi mafane alitege haya awamete. Ani yamo-a Yesu-na avaleta lapaga lapagesafi huna geta ani ya lapagai-pi afole haneno. ²⁰Naga lusi-ya huna tapagai-e maiyafe neaina mago nehu ke alina atagine gauve, nayafene, naga lapagai-fe lusi ya huno nahau niye.²¹Meni naga napaiyo, kaga nalaga kase kemo aiyafi mai yafe ala yate negaiye, kaga kase no-afipi? ²²Nayafene, ke mage huno haneniye, Abraham mu-a tole nenave mafane ala mainiye. Mago nenave mafane aliya amo mafane inagi mago nenave agufale amo mafane. ²³Inagi, aliya ateti afole ani mafane moa amega agufa-mo aepale maigeno ina agufale a-amo mafane moa ago kase ke haneni ke aiyaga nevaiye.²⁴Ani agufa yamo avame ya agesune. Tole atra lavelini yamo tole kontrak-ke. mago kontrak-i sinai agoya legati eniye ani mafane alipateni yana afa folagapi mafane afole ainae. ani Anana haga ae. ²⁵Aniya higeno, haga-a Sainai agoya Arobia haneni agoy-e Jerusalem avametene, nayafene, agai-e mafane nagai-e, apaga afa aliya vaya ganaya hua mainae.²⁶Inagi, anaga haneni Jerusalem fri huteno muki vaya mogita itati moa-e. ²⁷Ke mage huno haneniye, mago-e amuse huvo mafane o-alinesana Ana. Alayate ke-aega amuse huvo. nayafene ani amoga mafane o-alinae, kaga mafane neali kagafu yana o-alinane. vemo-a ataleni amo mafane mogi hailaga vemo agufale maini amo mafane mainae.²⁸Inagi lapaga kogana-gitae, lapaga Aisaki-e magoke yahuta mainae. tapaga kase ke mafane anagane. ²⁹Ani gana-lena amega agufa leti afole aini mafane moa haviya huteniye, Avamu teti afole aini mafane laga. Ani aepa yana meni-e wayi-e nehiye.³⁰Inagi Goti ke afi nayane huniye? Hafaiyo aliya ana-gi neanve mafane agi. nayafene, aliya amo mafane-moa kagemi yana alino fago huno fri amo mafane o-amigiye. ³¹Inagi kogana-gitae, Laga aliya amo mafane omainone , laga fri amo mafane mainone.

Chapter 5

¹Fri hugemo, Yesu-a alino falila teniye. hetita logiya waita maineta magoe faipa ya osuta faipa yamo aliya vaya omaiyo. ²Ageyo, naga Poli-na. naga lapane pauve. Inagi tapaga lapagufa lagau-sayana, inagi Yesu-a mago yate lapa omagaiye.³Naga huna halena muki apagufa lagauna vaya-ai taga huna-emo, tapaga logiya waita kase ke aiyaga waiyo. ⁴Lapaga Yesu taga maita afagita maina vayane,tapaga kase ke ageta haolena vayana, tapaga Goti-a aipa falu yana ageta haolegae.⁵Ina alagepa Avamu-mo logiya-e lametiti yae, alageputa maineta fatago aepa malesune, ⁶Jesu Mesia tena, mago vegamo-a agufa lagau-niyo olagau-niyo mago ya ohaneniye inagi aga hauni yamo laga lametiti ya atafauta Goti-fe lausiye. ⁷Tapaga alagepa ya huta mainae.Nala-a he-e hugate ke alagepa aiyaga novaiye? ⁸Ani aepa gaipafi fai ke Jesu teti omeniye aga ke huno lapavelinye.⁹Mago aise yisi-mo-a breti alino ala nehiye. ¹⁰Naga nametiti hunae-mo kaga magoe mago ya osugane, hai vega-o amo-a faipa yate gawayu husi yana, aga havi miya aligiye.¹¹Tapaga kogana gitae, naga hunae-mo lapaga lapagufa lagaiyo husu- wana, inagi naga nomai yatapi alina haviya huna ani yamoa yofo yosa aiyaga vaisa ga ne-aganuve. ¹²Inaya hinageno mago vegamo-a logiya ke tapaga lapapai-siyana, naga apagai-api apagayamo afaisa yafe nahuniye.¹³Kogana gitae, kaga fri maige-mo, inagi kaga faipa yamo ke hauya osuwo, lapaga mago- mofena hai-nageno nahai nageno huta alagepa hupate-o. ¹⁴Muki Mosese kase ke mo-a alino manu-aeno huno haleno mago gage kasa ke-fi haneniye, ina-mona magawa huniye, kaga mago mofena kagaiga negai kawa huno haino. ¹⁵Inagi kaga amagiga haviya mago waya-aitaga husanana, kaga yagaiyo amagi-gi falite yafe.¹⁶Lapaga mage huna lapane pauve , lapaga uteta yatapi afate Avamu-mo aguinaga ateta lapaga Goti aulagale faipa ya huyafe olapau giye. ¹⁷Atafa kaipa ato nehaiya -mo-a afate Avamu-fe nohaiye inagi afate Avamu-mo-a atafa laipa-e na nohaiye, inaya husana kame hu-a yamo-a mago ya huge huge husana ya osugane. ¹⁸Inagi lapaga hamate Avamu-mo aguinaga mai-sanana, lomo kalavusi-fi omaiga-e.¹⁹Ina yafe atafa aipa-mo aliya eno afole aiye, havi kumai aguagesa hanege nove ane ai nomai ya ali-a haviya hua apagu apagesa-fi haviya husaya moge hane niye. ²⁰Aigofe goi-te mono afi yae havi avamute nagi kaweta ya nagi lagame laga ke hua vaya ali-a haviya hu ke-gi hapaivai-amago mona ate-a apagai-api yege hute-a havi ke hua kogana fago huyane. ²¹Analisa ya-e hailaga via neta-a negi hamale-a mago waya-ai ya wayu nehae, naga ago ke lapapainove, hai ve amo-a ani aepanapa ya husi yana Goti kumate o-ugiye²²Inagi fatago Avamu-mo nesaya-amo magawa huniye, wayafe hautega, amuse ya, kaipa falu ya, fase huga maiya, alagepa kaipa gi, alagepa aepa-e gametiti ya aliga logiya vaiyane. ²³Alagepa aepa-ya mago ve ane-ai taga apavelio gagaige afoga atalegeno lamino,inani aepamoa kanaya-a ohaniye, ²⁴Mago ve amo-a Yesu Mesia-e maisi-yana, faipa ya-api Yesu -e yofo yosale faliniye.²⁵Inagi taga afate Avamu-mo aguinaga maisunana, laga afate Avamu-te ka ateta higetao. ²⁶Laga kapaloke osuta mago vaya-e laipa kanaya huta ke owai getao.

Chapter 6

¹Lapaga kogana gitae, mago tapimo-a faipa yapi asagau-no aisi yana, inaga lapaga kogana-gita logiya vaita mono kawate maineta, lapaga halete awaleta eta Goti kegiya-fi alagepa lapaipa-leti ateyo. lapagai-ena logiya vaita maineta nunumu hiyo, husigeta lapaga ana apavatagau-ge yate-na asagauta o-aigae. ²Lapaga muki kogana-amogita kanaya tapi ihamae i hamae husa yamo-a Yesu Kristo lo alita logiya vaigae.³Inagi mago vegamo-a agetafo huno aemo aga kanale hunove husi yana, halate agai-a havino maiya alino masi yana, ani vega-mo-a aigofe nehiye. ⁴Muki ve ane apamete aliya-api alige asagauge hua ani aliya-mo aepa-a lefe ala apagi aligae, ani apagi ala-na mago waya mogi alina aliya teti ao-mane. ⁵Inaya hinageno ve ane apameta kana yana aligae.⁶Mago vega-mo-a mono nehusi siyana aga alino fago huno alagepa ya huno hamae-no monote apaya nehusi vega. ⁷Lapaga aigofe osiyo nayafene, Goti-a aigofe nosiye. nayafene naya lapaga kali sayana, ani yage kafi gae. ⁸Mago vega-moa havi nesaya awina ya kali siyana, ani awamete aga yagalu negaiye. mago vega-mo-a aga alagepa Avamute awina ya husi yana, inani alagepa kava mago maige maige nomai ya aligiye.⁹Laga alagepa kava fena alaga olaeno, nayafene laga alaga olhae-ta alagepa kava ya hisina-na, mmago afinate ani yyamo nesaya-a kafi gune. ¹⁰Ani yafe mago gage alagepa kamo, muki vve ane alita alagepa huta apateyo, apametiti waya aite- e ani ya huta alagepa hupateyo.¹¹Ageyo ala avo lapagai taga atro-geno unigi, ani avo na nagaini naya-pati kaeno ve. 12 Mani waya mogi alu waya ai apaulagale alagepa huta mainone neha yana, apaga logiya ke hua lapagufa lagaiyo nehae, ¹³Mani apagai-api apagufa lagauna vayana, apaga kasuke aiyaga novaiye. Apagai apaipa-moa lapaga lapagufa lagai geta laga ala lagi lapagai lapagufa-leti alino-e nehae.¹⁴Inagi naga nagai-ni alina ohai-guve, nayafene mopafi aepanapa yafena nagai nagunagesa fina hano huniye Jesu Kristo yofo yosale, husigena mopafi aepanapa yana aiyaga ovai-guve. ¹⁵Mago vega-moa agufa lagau-niyo olagau-niyo ina mona alaya ohane niye, inagi alagepa yamo magava

Ephesians

Chapter 1

¹Pol, Yesu Mesia ailya wekamo, Anutu agagesareti, Awokaino Efesais wayamo Yesu Mesiate tokia pametiti neha wayafe . ²Suwe Yesu Mesia, Anumya Afomo aipa fluyamo-e hau yamo hanege tesiye.³Numya Afo suwe Yesu Mesia timo agila arisi-e, muki awamu asumina kokuna kokotine. ⁴Manipa epfinia kanaret. Numayamo ago lekana pino amo, fatogu hutetpa fipa yatipi ohaneno Mesia auprega.⁵Nayafene Anutu alarereno agia mafane huno taginimo Yesu Mesia agu wate tine, lagepa agu waya retetine. ⁶Taga treweno tagani epamo agilaga himamu aipa fruyate miya-a ohaini yateti taminiyane agi-a hauno wayane.⁷Yesu Mesia a-ipa fruyateti e-agia korateti kefoyati tamaino alitre-e, hiraga aipa fruyatetine. ⁸Agia heiraga aipa fruyatetigi muki lagepa agu gesaretetingi afino huma huni fafareti-e.⁹Afo-a faraki agugesa arino fore mareni-e Yesu te, amuse hiya fafareti. ¹⁰Manum aino mukiya-a arineno fore huni kana-e, mukiya-a kokunapinegi manopifinigi agi-ageke uno hogo tesiye, Mesia¹¹Efu fina Yesu -a rekanapino, agia agugesare fore-huteno muki ariya ayakawai-gi-e. ¹²Afo taga rekanapino agi-ahogote amuseya-a Mesia-a hareya agi la-amiyo.¹³Mesia ke tamage ke afinane, ani legepa kemo aipamo fluke , hafika kakamehiti hanamo lekanapa-i merefa Fatogo Awamumo ai, ¹⁴ani awamumo-a muki yana ari no forete marete-no taverino a-imo rakamo la-agi amisune.¹⁵Inani epareti, kametiti kemo finomo suwe yesufe kauni kauni awmeliti Afo fatogo wayaite uniye yamo Yesu himamu-a fita sagauro. ¹⁶Naga meno huga-o renowe Afo taga agi-ana nunum huno kanarena.¹⁷Naga nunum kefiti unututaga suwe Yesu Mesia, Afo himamu, kamisi yega awmamu hareya tategi fifiyategi agi reka asagau-o. ¹⁸Naga nunum hunomo kaukayamopa kau lagemo ano halesiye, kaga fit ka haresane amuse yamo ke-ani-mo Anutumo fatago wayamo gi hareya kagemu.¹⁹Nunum kenifagamo emani fra kini amuseya Unutute ti arisune, naragimo pametiti husamo, umani himamu tokia areyamo Jesu-e. ²⁰Ani lokia agia Mesiyepi ariya rino friyapiti arino hetiteno afo ramaga ayate fimeniye kokuna Kumatega. ²¹Afa-a Jesuna moki kawa wayana, lokiya apagipi ano apakasemi himamu amiteno hemenio kanatofino me-e henega esi kana ene.²²Numaya mo-a moki yana Mesiya eyafi ateteno mowo nona agenopa-e mokiya tena. ²³Mono nona agi-a agufai nogeno mokiyamo havi-e teteni-e.

Chapter 2

¹Ageya minaga faipa yatimoa higeta friwaya mainone. ²Faipa yamo-a hige ta mamopa fiya hafanone havi avamumo a koguna te ka eno mamopa yakai nie no Anumaya ve-ane arino havia nehiye. ³Ake ya minaga ke noafi vayae mainone, amega tagufa mo hayahya, Anutu na haiya amo alune sine ne.⁴Hiya na fagi Anutu aipa faru yamo lamini ye. ⁵Ago farino nagi moa Jesu aipa falu yateti tuare nie. ⁶Anumaya moa Jesu na arino hetite nie, ina niya hiya moa tave re-no kokuna kegiya vegofi tateni-e. ⁷Inani ya ve a humo taveri a nakame hiyo, inani aipa falu yamo lakai tefe huni ye Jesu e tave vino eno lokae tatenie.⁸Anumaya mo aipa faru yateti, Anumaya mo tega tapa metiti hiyo. Ina mona rapagai tapiome, ha-ao, Anutu amu se ya ne. ⁹Aga ara ari ya ari nie, kaga kagufa ariga ohai yo. ¹⁰Namo fene Anutu a ariya arino tavere no Jesu e togae late nie, a lagepa kava husu na fene huno. Anutu a teve re rino-a Jesu loga e ta maiyo ve-a. Ake yami naga ina ya hugi ye hute mi ke.¹¹Inagi kage sa afi yo ageya mina kaga alu kano mai na ne, Ju vaya mogi apa gufa laga ne hae, lapaga tapa gufa taga no saya vayane, huniagi vayamo ke agufa laga nehiye. ¹²Ina ni kanare mo, afa gite Jesu e na oma none aguya kana huta Israel vaya e na omai none, Anutu kase ke moa lave reno e-no Israel vaya kana hura tenie, alagepa ya huka ariga hafai kane, mamo pafi mo Anutu haute eta omai none.¹³Anutu e oma nona gi, Anutu a Jesu kora teti tava reno Jesu teka tate nie. ¹⁴Jesu a aipa fru yamo a. Taka tole-le mai nona gi no a, Jesu agu fare ti ari no haya eno mago ke tagu fa hunie. ¹⁵Ina nimo moa, Ju vaya ai kase ke ari no ata re nie, tole anaga a maiyo, mako ke famo saufa vaya maio gae. Ina ni ke moa lave reno magopi latenie. ¹⁶Tole vaya Jesu a tave reno Anumaya Anutu teka tave reno mago ke tagufa late nie, Jesu a Maripo Josa re fari riya yamo ae.¹⁷Jesu a moke hunie tapagu tapagesa noteka hane nisi yayana ta a eno aupa te mai nie. ¹⁸Jesu a hunia yamoa Anutu e Avamu teka tava reno late nie.¹⁹Ina kava husi keta alu ve-a na, lapa ka alu kote ka vaya o mai nae, taba ka Anutu ve-a mai nae Anu maya moa leka pai no na gaini vaya ne hunie ye. ²⁰Aka Anutu a akai a no tapa kaipi kinie, Ina ni no na aliya vaya a mogi ne, aune kanomoa ke hapa painie, Jesu a no mona atu pare togia weilsi Josae. ²¹Akaite ke, muki no amoa tokia vai kie ala kepa hukie, a riya moa alo paheno mono no moa a lopa heno mono no kana hukie. ²²Ani ya hikeno aka alino fle hunie Anutu Avamu mo mai sia none.

Chapter 3

¹Mani aipaleti a, naga Pol nai, Yesu Mesia ailya weka lapaka mono - ofi naga - ite awe- nopi nopi ail netenai. ²Maut ago afinegai Anutu a aipful ya-a eno hama lapagaite husi ailya ago namimi- e.³Mani ke kaina lapanepue, flaki ke Anutu a naga i te ailno hamate te a ke mona tamage ke flakino haneni ke ailno aise hun lapanepue. ⁴Mani ke lekanapisayana, nagai nagunege safaga Yesu ke, heneni ke, agetfit hama hugai. ⁵Keavinaga kanalaga, Anutu a, mani tamage ke a ailno hama osunie, wealwe pina. Mamfao hemeni foto go Wamu moa mani ke ailno hamate te antu leka napini ailya waya a mogite.⁶Mani ke-mo aipa a maun hanenie, aul waya mogi Wamu mo a legepamuse ya a ailga. Juda waya mogi neailsa ya hu-a. Inagi paka Yesu Mesia- e moge ke pagufa gana- gana hu- a mai gai, antu keafi henet leni a ke. ⁷Inagi Anuta - a haneteni aipfulya-alety keamo ailya fane a mauwe. Inagi mani ailya na lokia a e nmini e.⁸Nagaini, Anutu fotogo nagamogi paiya faga ailya fane mamfao, antu legepa auwaya e aipa fulya amoe mani ailya namnie. Mona Yesu kefaga lagepa ya flakin haneni ya huno hama husanafe. ⁹Inagi Anutu afifiya ailna hama hue wealwe fina. Mani afifiya antu a ailn flakinie keyavinaga- amukiya logo huni kanalaga.¹⁰Mami afifiamo eno hama hie mono nopi higeno kokuna paga ala paki hanate waya e lokia e agero mogi afi hama hugai Anutu amuki lagepa afifiya a. ¹¹Mona Yesu Mesia keyavinaga maleno hanetenia ke eno Yesu Mesia alatile ailno hama hie.¹²Nayafene Yesu e lokia weiteta lamoya o ainone inagi Anutu taga afa-a ugune Yesu te lametiti huna yamo. ¹³Inmofemo lapifigowe lapauya osio, mani kanaya lapagaite aulwayafemo. Nayafene, mona lapiki la ialsa ya yane.¹⁴Antu a lapagaite maniya hia yamo a, naleya nefau-e, Anutu afo taga. ¹⁵Agaike alatie, agaiteke amukia kokunatagaiti eno mopale ya pagipi ailnai. ¹⁶Mauna nunumu hue, Anutu a hailga lagepya lapim gefem lapikile malepenia femo inagi Wamumo lokia kuailape tesigetapa lokia wait hetigai.¹⁷Mauna nunumu hue; lapemetiti yamo ige o Yesu a lapa gaipi maisi getapa agaite lokia wait hetigai yosamo agifu a mopa lokia hun atufuna heneti huf ya hutetapa. ¹⁸Lokia tipi hanesigetapa Anutu wealwe mogi afifiya lapagaipi hane lapetesigetapa ageka hama huga Yesu kawa a, Nenfuna kaunfil kawa a inagi mani Yesu aguwaya a aulsi yate yatla huteno, aulsi yate hai teno, aulsi yate lamini ye. ¹⁹Mauna nunumu hue, lapaga Yesu hau ya a gesai. Mani hau ya lagai laguleges agas enie. Inagi Anutu a lagepa auwaya- amo a lapagaipi maleno hawitelepetegie.²⁰Inagi, Anutu a nayafe lapegesfita afigesna ya mogo e lapimagie. ²¹Inagi mono weal- we moagi Anutu agi ailta sagaiyo Yesu Mesia agiwageleti, amuki kanale- ene tamage.

Chapter 4

¹Inaniyafe Sauwemo ailyaweka , naga lokia vina lapaga kanale-huta kene-ai kele ka-aiyo. ² Lapaka kanalehuta wayamo pa-iyafaga maiyo, Anutu lagaite ke-aini-e aiyaka wa-eyo. ³ Lapaka lokiyawita Awamu-e vegofi aipa fulya-e maiyo.⁴Mogoke lagufa-e mogoke Awamu, inyahemo lapaka ke-aine ke-aimo mogoke laipalene. ⁵Inagi mogoke Anutu-e, mogoke lametiti-e, mogoke mono-anifelyane, ⁶ mogoke Anutu-a Afotimo-a, agi-ageke moki yamo agi-e aiyafi haneniye.⁷ Mogoke-amogitale laipa fulya laminimo lagaiti mainone ayameti Masia mago amuseya lamini-e . ⁸Inani yamo mono wukumo huniye: Agia ana-ale haisimo, "Agi-a awenofi-tipi-a apawelno eno agi-a mogo-ufa museya apamigi-e wako"⁹Nayane-huniye magemo-a "aga uno hisemo," lagetofo husune emega-iye afepi manopale?

¹¹Mesia mogo-a ailya mafane-koko-a apaniye, mogo-a paunewane wayakone, mogo-a mono nehawayakone, mogo-a mono kawa-wayakone, afiya-nepami wayakone. ¹² Agi-a mani awokaisa nokopi yaga-a Anutu api-e waya ailya ail-a hapamai, Mesiaya agufa kil hisa waya lakanapiniye. ¹³ Agi-a agufa nona kilno neuteno ailno moki-amogita Anutu Mafanemo lokiye tametiti haleyana ailnone, inaneyamo-a laga lokiya ailteta Mesia-a moki himamufine.¹⁵¹⁶¹⁴Mesia levelen sagaui-e inya hiyamo laga fane yata ome-igune nala-a halteke sagaunisi o usi-o, muki yasimo enokatena ailnugogiye aigofe kemo-e kapolo kawa nehave¹⁷Inya-higen, naga mogo-e lapapaove alati agiale nagi laga mogoe ka o-aisune havi waya-i aipafi . Pakupakesa ka-ale o-haneniye. ¹⁸Nayafene , haniyamo afifiyapi atikaini-e , nagi Anutu-a haleya-ae ke loaisa aipanapa-mo pakai-e haneniye ,nayafene eipapimo akaini-e. ¹⁹Awagage api hane-opatenige nagi pakaipi pamnai muki ke-o-ke kawa lugufa apai lehini, nagi peipafi hetige keoke havi aipanapa hunai²⁰Manfagi , mani aipa o-mene lapaka alnai Mesia aiyakaveisaya . ²¹Naga inya negesfumo, lapaka Mesia-ke neafi-e, nagi lapaka agaite afifiya alnai, inya Jesu-fi lama haneni-ke. ²²Apaka ago alnai algepa afifiya-ke hanaya-a muki atafa kawa teresaya-e, mani atafa veka hafisaya-e. Aga mani atafa gano aga haviya-huniye , nayafene , aga aigofe aipa-a haveteniye.²³Lapa mani atafa-veka hafita nagi saufa lapolapekesa humeleke-e . ²⁴Nagi lapaka saufa ve-ale-ve humelenet , mani ve-ale-ve Anutu agai huna wa-u-hun saufa lama fotogo aipa-ale.²⁵Inya-a muki aigofe-ke hafiteta nagi lapaka mogoke-amogitale fotogo-ke hanino alu lametiti-ve , nayafeni muki-amogita mogoke fafa lugufa maune . ²⁶Lapaka lapeivisimo , kanaregi lapaka ehe-hiyo . Fiku lapaka faipaya husa.Lapaka meita heive –ta osio nagi yegemo una-laumsimo. ²⁷Fiku lapaka sata-vekamo kita jikitesagen haviya hulpategiye.²⁸Nala-veka naya kumaya-husimo , haulateke aga kumaya-osino . Agai ayale ayafein alya –alino , nagi aga naya –a hanenisigen hapamai-giye . ²⁹Lapaka havi-ke alta oteyo lapawaya-tipile. Lapaka algepa –ke aike husage lokia pamgeye waya .Mugufa –ke afina waya hapane-mai. ³⁰Nagi Anutu-a awamu aipaganaya o-amsune. Nayafene Anutu-a lapamni-e fotogo awamu legenya agai ve-ale-ve meisai nagi agai kana lekanapeini-e halate lapevelen –usiya .³¹Lapaka telegesai muki havi-laipa kawa –e heivi-e kaveta-ke-e kapoloke –e hailaga-guf havi aipa. ³²Manfagi lapaka fotogo aipa hiyo mogo ve-ale-veite, nagi lapaipa pamyo nagi faipa-api toro Anutu nehegufya-a Mesia agi-ale faipayatipi ateni.

Chapter 5

¹Inaya husigeta, lapaga Anutu aipanapa ario anutu hauniya mafane anagana-a, ²Lapaga mopafi ukeka nehuka-emo,mago weka kaipa-amio p-o agai-a aipa lamiteno,muki agufa-a yofo yosale slamana anutu taka aminiye,e³Lapaga havi kagukagesa omaleno we-e - a-e havai-sayana, mago haviya-hunesiya-e amulesi-e, kagaika kagetofo husyana.Inani aipyana muki wayamogi Anutu wayana hu-a havia hutegai. ⁴Aipapi ailta hetio, havi kelenigi afoyako husakele-nigi. Kanale-osunesi yokalo-ma kaniaipamo kanale-osuni-e.⁵Ageka halesna-na, kumaiya husi wekagi havi agu-agesa aipa-amo kanaleosusi weka, Yesu Mesia-a kipapi faleno-ohaigi-e. ⁶Mogo weka ategeno havi ke ka-opino. Inani ke-le Anutu-a haiya talegeno egai-e ke aiyaka owei wayate. ⁷Ani aipa malesa waya-ena, ut-lokaita omai-o.⁸Aulfina hainiyapi mainane,mani la-waka mo haleyate maineta lapaiya ai-yo. ⁹Haleyamo-a Alegepa ya-ale ailno folene-ai-e Yesu haleya-ale main-a wayamogi, alegepa aipa malete-a, ke legepa nehai. ¹⁰Lapaka ala weka nayafe hunifi kauya hut-a age-o. ¹¹Lapaka lokaita o-maiyo ,hawi-aipa malesaya waya-e o-maiyo, huta-ailta folete apateyo. ¹²Falakia hunesa-yana hawagege hugi-gi o-suo.¹³Falakini-yana haleyamo-a ailno hamate-ate. ¹⁴kanimoa kain-aina mukia-a hanele. Inaniya higeno ke-moa haneni-e,hawains-na mo ailka heti-o, kelifiti-o Yesu haleya-moa kagaite halegi-e.¹⁵Lagepuka kagu-fane yagaiga-teka havi-veka omaiyo kagugesa yagaika- teka alepa weka mai-o. ¹⁶Muki kana-a lapaka yagaita legep-hio afagapi o-atelegeno u-no-hano-osino.Havi kanamo havi-tenia kanalene. ¹⁷Lapaga aifo huta o-maito, la weka-moa nayane huno hune-si kel-e¹⁸Lapaka via ain one-o ,maiyaka ailno hawiya hugi-e Awamu lapaka lapaipafi ailta tegeno maino. ¹⁹Lapaka muki yoke-a tafepi yoke ha-mono yoke, awamu-mo yoke.Lapaka lapaifiti Yesu-taga hio. ²⁰Lapaka amuki-fina amuse hio muki yatenigi Yesu Ala Anutu Afo agile-fe. ²¹Lapaka ailt afepai mai-o. In-aipamo-a Yesu na ala agi aimi-gai.²²Anemogitapa, wemogi apaipa-finaga mai-o. Yesu-e mogoke kawa huta aiyafinaga maiyo. ²³Wemogi a-apile agenopa ya hunai inani wamete Yesu-a mono waya-ite agenopa ya huni-e. ²⁴Mono waya mogi Yesu aiya-finaga mainaya-ya hu-a ane-mogi naupimogi paipafinaga mai-sai muki yate-na .²⁵Wemogitapa anetipi lapaino lapaipa-fiti, Yesu-a aniwamete aipa-a amuki amini-e. ²⁶Yesu-a agai a agufa aimteno ke-a leti sese huno apeteni-e. Ke-a leti aini ya huno sese hupateni-e. ²⁷Agai-a ailno mono waya kanale huno agai aulafi peteni-e. Faiya omeleno,hau-osuya omeleno,pakimo-a kanale hanegi-e.²⁸Mgoke kawate, wemogi anepi-ena phaino mogoke kawate male-a agai a nehai-a awamete. ²⁹Mogo weka-moa agai agufa huno akaya o-suni-e, agufai-ka neya aimteka yagaika-ato. Yesu mogoke wamete maleno, mono waya-a neya paimno yagaino nepete. ³⁰Inya-hunigeta mogoke waya kanagana huta agai haupi mai sune.³¹Inani aipa lefe, wemo a ita-afo amo ateleno uno a-e maigi-e, tole ala mogoke nakufa hane-gie. ³²Mani ke falakino hanenia ke, ala ke Yesu-e mono waya efe hu-e. ³³Muki, mogoke-mogita,ane-tipi lapaipa fiti lapaino, inagi ane-mogitapa wetipi-mopgi afe pifinaga maiyo

Chapter 6

¹Mafane nagai,Sauve monaga mainagi,itat-afo- tapimogi ke afita ayaka waiyo.Mona alegepa aipai. ²Itat-afo-tapimogi paiyafi maiyo,mona Anutu-a hogote kase ke-ai. ³Inaniya husanamo,ma-mopale yatla kana maigane.⁴Afogita,mafane-i paipa ailta havia osio.Ha-aove,lapaka Numya-mo ke ailka paya huk-a kate pato.⁵ Lapaka ailya waya-na kawa waya tipimo-gi ke lapomoya-e afita aiyaka wei-o.Inagi,lapaipa fiti ailya-ailyo.Ke-pi akeme hio,Yesu ke akeme nehusa wamete.⁶ Kawa wayamogi paulgale amuse husafi huka ailya o-ailyo,ha-aowe .Yesu ailya fane-a gana hut-maiteta,Anutu ke lapaipa-fiti akam husune. ⁷Amuki lapulape-gesa-e mani ailya ailyo.Mona Anutu ailya ne-ailne,waya-mo ailya omne. ⁸Ma-ut afita hama -hunone; ailya weka-o,afa-a maina-na weka-o, lagepa kauwayale Yesu-a eno mia kaugyi-e, mogoke-mogoke mogita-le.⁹Inagi, kawa wayane,ailya waya-tipilaga yagai-peteyo.Pamoya husafi-ya osio.afinao, kawa weka-o,ailya fane-o, amuki-a mogoke ya hunai,kokunate Afotimoke alti maini-e. Amuki waya-na mogokeya huno foko-hugie; haite-laite osugi-e.¹⁰ Atupa ke, Alatimo-te lokia wait-hetisune,agai lokiate. ¹¹Lapaka Anutu kame kukena-a ailta huteta, afe weka -mo flaki agu-egesa ata agase-gai.¹²Nayafene,mopafi waya-e kaveta nosune, ha-aowe.Mona havi wamu-mo agenopa-e, haviate agenopa-ya huna wamugi-e, hia-taga maina wamugi-e kavetanekune. ¹³Anani-ya hunigi, Anutu kame kukena-a waiyo , havi kana esi-amo inani yateti lokia weit hetigai. Inani-ya husayana hetita lokia-weigai.¹⁴ Lokia-e hetitapa tamage ke ailka mapul-ya lapafale ki-o, inagi aguwaya-a ailta lapaifita kukena-ya huk-weiyo. ¹⁵Inagi,kaipafaul-yamo ke amuki kanale huteka mani ke ailka kaiyafiya-kana-gana huka weiltata hu-o. ¹⁶Ke-okepa kanaya esiana kametiti-ya ailk-a halegu-ya huka keve kate kainka uvo; havi vekamo keve.¹⁷Anutu ago lapeveleni-a ya ailta kame hati ya hi-o, inagi Anutu ke atafauka ligi-yo mona wamu-mo kaveta hagina-ai. ¹⁸Amuki kana-e nunumu husana-na, Wamu-mo lokia-fe afigao. Amuki kanale yagaita e-he husai Anutu we-alwe-taga nunumu husa-yana.¹⁹Inagi, nagaife-e nunumu hunte-o Anutu-taga, higeno Anutu ke-a ailno nawayale husigeno lokia wain-a hetinen alegep ke-a huna hama hugu-e. ²⁰Naga,Yesu mono ailya wekai. Inani yateti nawele-a lawe nopi nete-nai. Nayafene, Alatimo ke lokia-e mono nehu-e , mani-mona husu-a yane.²¹Lagepa kogana-nimoai, Taikikusi-a aga Anutu ailyate main-o lokia waini-e, lapapaigi-e amuki ya. Inagi lapaka afitapa halegai hanaya huno maino ya. ²²Lapagaite unesimo,mani aipa leti ailna tologeno uni-e. Lapaka afitapa halegai hanaya huna mainofi-ya. Eteno lapakai lapemetiti-ya ailnolokia weigi-e.²³Lapaipa faulya hanesi-e konaga-nimogitapale. Negefugi lapau-lapemetiti Anutu Afo-tagati-e Yesu Mesia-tagati-e esie. ²⁴Anutu-a aipa faul-ya-amo hanelepetegi-e nalagitapa Yesu Mesia-na hano-osu hauyaleti nehau-sana.

Philippians

Chapter 1

¹Inaga Pol-nai Timoti ene, la-aga Yesu Mesia ailya wekala mani avo kaita trogen Filipai wiye Yesu Mesia te lapametiti ve-ale-veite e, mono pi agenop maina waya e tiken waya ene. ²Godi Afo timo e Yesu Mesia Ala timo hauya e aipa faulya e lapakai e haneno.³Naga, God i nile muki kana amuse nehuve lapekeno momo. ⁴Muki kana lapakai te nunum hu momo, amuseya e nunumu nehuve. ⁵ Naga amuse ke hulapatove mono tipilefe algep mono kemo hogote kanafi inagi uno meniye. ⁶Naga lokia nagunagesa inyan mogo huwe, nala weka algep ailya lapakai te aipafein husi momo aga mogo e hul uno nagi Yesu Mesiya kana-ale hun atup hughie.⁷Naga amuse nehuwe lapaka mukito nayafene muki totipi mogo e nehein nagi neipa faga mainai. Lapaka muki mogoke ailya waya ni mainai hauya-afi ati nopi haina mainowa kanale e aut saiti faga mainen algep mono huwe. ⁸God i aga nagen haleniye, nayafene naga lapaka lama nenheiye, Yesu Mesiya eipa fulya ae.⁹Naga inyan lapakai te nunum nehuwe, alu waya ite laiya tipimo mogo e mogo e muki afifiyale alopesai. ¹⁰Ani yate nunum humomo nayafene lapaka fotogo huni yate he huteta algepa aipanapa le Mesiya kana-ale lapaka faipaya tipi ohanegiye. ¹¹Inyan mogo e nunum huna lapaka mogo e fotogo aipa nesaya a Yesu Mesiya te maleta haweitesai, God i agi la-ae haleya ae.¹²Kagona nimogi nenhei momo ageta haleyo naya nagai te wayu huniya, aga hamainigen algep ge mogo e al-uno nagi hailaga we-ale-we afinai. ¹³Ani yamo, muki soldiy e Rom te maina we-ale-we naga mogo kalawusi gano ya-a nagea halenai inyana Yesu Mesiya algep ge ale hun hama nehuwe-ya. ¹⁴Muki kagona Ala ite mogo e lokiya alnai namofene naga kalawusi fi mainogepa lokiya api ohanenigepa inagi lama ge hua halesa yafe pamoya ainai.¹⁵Mogo api Mesiya te hua halenai naya te apaipa kanaya hute nagi haivite nagi alu waya Mesiya te algep eipa e hua halenai. ¹⁶Nalagi algep eipa le hu halena momo apaka henaga waya inya-a age halenai, Pol a aga algep ge mo kegiya-a nehiye. ¹⁷Manfagi hugote kanale Mesiya te ke hu halena momo kalegi aipanapa e hunai inagi algep eipa e omane. Apaka pakesfi momo Pol hua amuse osugai kalawusi fi maini teti.¹⁸Nayafene? Ani aigofe kate fi lama kate fi, apaka Mesiya te ke hua halenagen naga amuse huwe. He naga amuse huguwe, ¹⁹ani yate agen halowe lapakai nunum te fri hun haiten nagi Yesu Mesiya Wamu a hamaiya afi maiguwe.²⁰Aga inyan nagunagesa mo aipa-ai nagi mogo yako naga nawagage osuguwe, inagi muki lokiya e muki kana ene, Mesiya mogo e un nagufa agotofule haigiye, laifu maisu-o failsu-o. ²¹Naga laifu maisu momo aga Mesiya gekene inagi naga failsu momo amuseya ailguwe.²²Manfagi amega nagufale maisu momo, inagi mona kanare ailya niye. Manfagi na kate agen foko huguwe? Agen ha-olenowe. ²³Manfagi failya e laifu e folagapi mainowe. Ala nagunagesa ni naga una Mesiya e maiguwe, mona kanare huniye, ²⁴manfagi nagufa e maisa yamo aga kanare huniye, kanare yakai.²⁵Ani yate lokiya ametiti e, agen halowe lapakai e mainen ailya hul un amuse ametit fi maiguwe. ²⁶Inya hunigetapa nagai fiti lapaka Yesu Mesiya te ala aguagesa tipi amuse hugai naga lapakai te halateke esu momo. ²⁷Lapakai tipi huta Yesu algap ge-a aiyaka weisai, inya hunigen en kagesuo o omaisuo, naga mono ke afiguwe inyaka mogo ke awamu te maita, inagi mogoke aguagesa e lokiya weita algep ge ailya-a hunai.²⁸Lapakai e kame neha waya ite pamoya o-aiyo. Mona apaka haviya hugefe neha manfagi, kaga God i halateke kaweleni-e, inagi aga God i te eniye. ²⁹Aga Mesiya agi ale kagai te kanare ge huniye, agai te aigofe ametitiya ohaneniya manfagi, agai agi le ala aguf agafu e kanaya e uka heisane. ³⁰nagai te mogoke gufa keweiya e kaweta e agane, nagi nagai teti afinane.

Chapter 2

¹Mesiya te lokiya lapamsi ge hanenigen, inagi agai hauya afi maine tapaim nagi Awamu te mono aipanapa haneten, inagi hauya e eipa hau e lapakai folagapi hanenisi momo, ²kanaregi, lapaka amuse hugai mogoke aguagesa tipi hanenisi momo, nagi mogoke hauya aipa hugai, nagi Wamu te mogoke eipa e maigai, inagi mogoke aguagesa le mainetapa mogo yako hiyo.³ Kagaika le mogoya husa kages mo ohaneno, o agi la ailsa te. Ha-ao, lapakai tipi trengen afaga laumsi aipa ene, alu waya ite lapekes fiyo lapakai tipile osuta. ⁴Mogomogo tipile lapekes ofiyo, alu waya i hauya e kanaya e lapekes fiyo.⁵Yesu Mesiya te haneni guf aipa lapakai e alu waya ite hiyo. ⁶Yesu agai-a God i mainiya manfagi, ani aguagesa ofiniye, God i maini gufya maiyo. ⁷Manfagi aga muki agi la e kin siya ae atreniye. Aga mopafi weka gufya mainiye. Aga ailya fane gufya huniye. ⁸Agai atregen laumtegen inagi God i ke-a aiyakawein hul un failsa kate wayu higen, inagi yofo yosa le failniye!⁹Inya higeno God i mogo e awelen asagaun ateniye. Inagi ani agi amniye mogo e muki agi te akeseniye. ¹⁰God i maya huni momo, nayafene Yesu agi ale, kokuna anagale nagi mopa faga e mopa mo afenaga-a muki we-ale-we agai te alefeigai. ¹¹God i inya huni momo muki ke neha we-ale-we mage a hu halesai, Yesu Mesiya aga Ala-ai, inagi God i Afo agi ail-a sagaugai.¹²Inya higeno, apaka nagai naga lama-a, inyata nagai ge aiyaka neweisa momo, aga lapakai e omainowaya aike, aniya mogo e wayu hino lapakai e omaisu kanafi e. Amoya e, lapaka mayata lokiya weita pawe-ailyo God i naga ago halateke laweleniye. ¹³Namofene, aga God i agai-a lapeipa fiti ailya hunige tapa inagi hauta nagi agai amuse ale ailya-a hunai.¹⁴Muki ya lakapa hugefem, lapeipa kanaya o kaweta ge osiyo. ¹⁵Inya hunige tapa nagi kanaya a ohaneni guf weka yata fotogo ta maigai, God i fane legenya api ohaneni gufya . Inya hute tapa lapaka haleya gufyata koafaga e ani mopa fi havi we-ale-we i folagapi maigai. ¹⁶God i laifu a haneni ge-a lokiyaweita tafaute tapa inagi ani yate naga amuse huguwe Mesiya kana ale. Inagi agen haleguwe naga wafa te weilti osunowe o wafa ailya osunowe.¹⁷Manfagi laifu ni salamana gufyana tugufain lapametiti tipi lokiya hun husu ailyai, lapakai e amuse huwe. ¹⁸Mogoke gufa aipa le nagai e amuse hiyo.¹⁹Manfagi Yesu Ala te nametiti huwe aupa kanale Timoti ailna atesugen lapakai te egiye, nayafene naga algep yako hunaya lapakai te afisuwe nae, inya mo nagai e lokiya namgiye. ²⁰Nayafene, nagaini mogo wekamo agai guf aipa o-ailnai, nalagi lapakai te lusiya haulapatete nehaya. ²¹Nayafe, alu muki waya pakaipi ailya aike hutea inagi Yesu Mesiya yako te pakes kainai.²²Manfagi algep ailya-a ageta halenai, mogoke gufyan fane afo amo ge afin aiyakaneweiya, Timoti aga nagai e algep ge ailya-a huno-ai. ²³Naga hogoten ageten, mogo yako nagai e kanaren usi momo inagi Timoti malge ailna tresugen egiye. ²⁴Manfagi nagaini inyan Ala te lokiya nametiti hu momo nagaini aupa kanale eguwe.²⁵Nagesfu momo aga kanale huniye Epaflodaitusi ailta tresunegen lapakai te haulateke ugiye. Aga kagona nimo e ailya falu weka nie inagi la-agai e kaweta nehu-ai, inagi lapakai ge ailten inagi nagai ailya wekai. ²⁶Nayafe, aga lusiyan hau huniye lapakai e mai yafe, namofene, aga kail ailniye ge afinai. ²⁷Lama-ai aga lusi kail ailten nagi failsa toa hiya manfagi. God i hauhute, agai te omane, God i nagai te-e hauhuniye, nayafene aga naga hailaga kanaya e hau e o-ailguwe huten.²⁸Inya higen naga ala nagunasa mo ailna tresugen, inagi lapaka haulateke ageteta amuse husagen nagi nagai e amuse huten neipa fulya e maiguwe. ²⁹Ala te Epaflodaitusi lapeipa fiti kanare tota awelet inagi muguf weka le kanare ya hiyo. ³⁰Mesiya ailya letike failsaya hunigi. Agai-a laifu kauke osuno inagi nagai te en ailya ailniye, aga lapakai ailya nonale ailten en ani ailya huniye.

Chapter 3

¹Kagona nimogi, ke hua hono husate, naga magen lapapeigesuwe lapaka Ala te amuse hiyo, Naga kasolonai osunowe lapakai te halateke awo kaisaya, nayafene ani yamo kamaisigeka kanare ka maigaine. ²Lapaka halowe hiyo kala waya ya maina waya ite, apaka havi aipa mai-a nehagi, maita holowe hiyo pagufa ail-a haviya hunetra waya ite. ³Laga lagufa hatagaunona waya a, Laga GOd i Awamu ale mono nehune. Aga laga Yesu Mesiya le amuse nehune, amega agufa leya hauke nosune.⁴Nagai ni nagesfino momo naga amega agufa ya-ale kanare hunowe, mogo waka mo amega agufa ya-ale kanare hunowe husi momo, naga aga anakasenowe. ⁵Nagai agufa nampa 8- kanale hatagaunai, Juda waya mogo api mainowe, Besenmeni naga iteti, naga Hibru waya mogo api mainen lo aiyakanewauwe, Farisi naga mogo api mainowe.⁶Naga God i ailya huge nagesnefuwe, siosi te haviya hunowe, apaka lo te pakesfite nagai aipa napa foko husa momo, kanare naga kanaya ni ohaneniye. ⁷Manfagi muki algep yako agen haye osuna inagi Mesiya aiyakawauwe.⁸Inya higen mani Yesu Mesiya Ala nile mani mopafi muki yako wafayan agowe. Naga mukiya trenowe, pipiya gufya ageten inagi Mesiya aweleguwe ⁹inagi agai te maiguwe, Lo nagai ni aiyakawau wateti naga fotogo weka wayu osunowe. Ha-ao, Mesiya ametiti husa kateti fotogo hunowe, inagi God i te eniye aga ametiti aipa-ai. ¹⁰Inya higen meni lokiya hemamu ailna hetiteni ya naga agen haleten inagi agai e maina agafuya ailgesuwe. Inagi nefail kawa te naga senis huguwe. ¹¹Inya higen mogo kateti, naga ani kate uten failya aleti halateke hetiguwe.¹²Naga ani yako oailnowe nagesfuwe, o wayu hunowe. Manfagi naga lokiyawein Yesu Mesiya aipanapa tafauwe natafauni gufyana. ¹³Lapaka kagona, naga nagesfu momo ani aipa oailnowe. Manfagi mogo nagunagesa aga: Naga keyawaga yako nages kainten nagi henaga wayu husi yafe lokiyawein ailguwe. ¹⁴Naga algep miya neail maki le lokiyawein feiltuwe Yesu Mesiya te inyan God i nagai fe keya huniye.¹⁵Laga muki ago alop hetone, inyata lagesfisune, mogo yako pi alu aguagesa hanenisi momo, God i lapakai te folete ategiye. ¹⁶Manfagi naya ago ailsuna te, aga lokiyaweita tafausune.¹⁷Lapaka kagona nagai aipanapa aiyakaweiyo. Inagi ageta algep hiyo apaka nalagi lagai aipanapa aiyakanewei waya. ¹⁸Hailaga apaka ka neai, apakai te naga muki kana lapapaiten inaigi meni halateke nau e likin tegen lapapauwe. ¹⁹Ani waya henaga haviya hugai. Nayafene agufa mo kapolo god i gufya hanepateten inagi awagage aipa husa yafe amuse nehai. Apaka mopa fi yako geke pakesfinai.²⁰Manfagi kokuna kuma we-ale-we huteta inagi Ala Yesu Mesiya akawa maita nagi kokuna kuma atreten en lawelegi.²¹Ala lokiya ae, Mesiya lagai lagufa senisim hun agai agufa gufyan huten inagi muki ya agai anini tifi hanegiye.

Chapter 4

¹Inya hunigi nagi kagona nimo-gitapa, naga lapakai fe nauten nagi lapekegefe nauniye. Lapaka aga nagai museya e algep miya ni haina ailnowe. Ani kate lapaka Ala ite lokiyaweita hitisai, lapaka algap kagona. ²Kaga Iodiya e Siniteki e kapauwe Ala te mogoke aguagesa le hiti au. ³Lama-ai, lapaka nagai naga lama mani akono hamaiyo. Apaka nagai e kanaya ail-a Ala-a ailya-a mogo e hunai. Inagi Klemen e alu waya mogoke ailya neha waya nala apaki maige maige Wuki fi hanege.⁴Ala ite muki kana amuse hiyo. Inagi naga Ala te halateke amuse ge huwe. ⁵Waya patege inya-a algep aipanapa ka agesai nayafene Ala aupa-a mainiye. ⁶Mogo yafe pakesfifi osiyo. Muki yate, nunum huka amuse ge e God i te huwo. God i ategen kagai ge le agen haleno. ⁷Inagi God i eipa fulya a waya i pagupagesa akeseni, inagi lapaipa e lapagupagesa e Yesu Mesiya te ailna yagai lapetegiye.⁸Ke hu hono husate, lapaka kagona, naya mo aga lamaya huniye, naya mo agi la ailsiye, naya mo fotogo huniye, naya mo haviya-a ohaneniye, naya mo algap huniye, naya mo algep aulaga agen saugiye, mogo ya lama kanale husi momo, mogoya agi la ailsiya hanenisi momo kanalegi lapaka ani yako te lapekes fiyo. ⁹Ani yako ageta haleneta ailna ya, nagi nagai te afi teta agena ya, lapaka ani higeno nagi eipa ful nehi God i mo lapakai maigiye.¹⁰Naga Ala te amuse huwe, meni lapaka nagai te halateke pakesfinai. Lama-a, lapaka namai gefe haya manfagi lapaka namaisa ka ohaneniye. ¹¹Naga magen mogo yani ohaneni olapapeinofa. Naga ailna apa hunowe muki kana-a amuse huguwe nagai ni yako te. ¹²Naga agen halenowew hailaga ya-a ohaneni weka gufya maiten nagi hailaga ya-a haneni guf weka ya maiguwe. ¹³Naga Mesiya te muki ya huguwe nala lokiya neneim te.¹⁴Manfagi, lapaka algepya hute nagai kana e ailnai. ¹⁵Lapaka Filipai waya inyata algep ge hogoteta ageta halenai, Mesedoniya atren uwa momo, mogo Siosi mogo yate nanomai pamte ailsa aipa le, lapakai ke nahai. ¹⁶Inagi naga Tesaloniya fi maino momo, nauni yako lapaka nanemai muki kanale. ¹⁷Inyan hailaga yako ailsa ka kauya osunowe, ha-au. Inya husana momo God i kagai e kamsi yako te naga age yafe nauniye.¹⁸Naga muki ya ailten nagi hailga ya e aulwe. Epaproditasi fi nagai te ailta tagen eni yako naga ailnowe. Mani yako mo aga algep atutuya e salamana gifyan God i hauno nagi amuse huniye. ¹⁹God i nimo nelapei yako muki lapeimgiye, muki algep ya ae, Yesu Mesiya Ala agi ale. ²⁰Meni God i te aga Afo timo ai, Aga maige maige agi la ailsiye. Lama ge.²¹Yesu Mesiya te muki ametiti we-ale-we ite algep ge hiyo. Apaka kagona nalagi nagai e maina te lapakai te-e amuse ke ail-a tregen viye. ²²Mafi muki ametiti we-ale-we amuse ge lapakai te hunai. inagi Sisa no naga e lapakai te amuse ge hunai. ²³Yesu Mesiya Ala hauya-amo awamu tipi ategen haneno

Colossians

Chapter 1

¹Pol-ai, naga Yesu Mesiya ailya weka God-i agai-a Timoti mogo lagai kagona awelen teniye, ²la-aga mani ge kaino-ai lapaka God-i we-ale-we Kolosia kote maina te. laga kanoga e asa God-i Mesiya afo te ametiti huteta laga lapau huteta lapeipa ailta yasi hugune. ³Laga muki kanae God-i afo e Ala ti Yesu Mesiya le amuseya amita nagi muki kanale lapakai te nunum nehune.⁴Yesu Mesiya le ametiti nehaya afita nagi God-i lekanapeini muki we-ale-we ife hapaunai hage afune. ⁵Inyamo higetapa nagi lapaka lokiya agu-agesa ailnai naya God-i kokuna te hulapeteniya. Lapaka ago afinai hugote kana lokiya agu-agesa ailta God-i hau aipanapa ale apaya huta lama ge ale mainie , ⁶aga lapakai te eniye, ani algep ge mopa mo muki haupalaga nesaya ailten nagi alop hul uniye, mogokeya lapakai e hunai, ani kanale afita nagi God-i hauya-a ageta halenai nagi ani lama ge letie.⁷Mona algep ge lapaka Epaflasi te apaya hunai, aga algep ailya weka tie, aga Mesiya mogo ametiti weka-ai. Aga lapamaiten nagi lapakai te Mesiya ailya kanalen nehiye. ⁸Epaflasi lapeinie inani hapauya awamu te we-ale-we hapausaya.⁹Lapakai fe lapausa ge ani kanale afuna momo, laga maita hanolone nunum huta God-i afinekone lapamaisa getapa agai-a agu-agesa le lapaka ageta halegai. Inagi Fotogo Awamu algep afifiya le malen havitesi getapa nagi inani yamo lapakai fi havitesie. ¹⁰Inagi laga mageta nunum nehune God-i lama ale-we-a aipanapa ka aita nagi aga muki algep aipanapa tipi hauno nagi lapaka algep ailya hugai. Inagi God-i ageta haleteta nagi muki kana inani afifiya mo mogoe alop nehe.¹¹God-i muguf lokiya lapamsie-tai laga nunum hune, lapaka lokiya weita hetita nagi kanaya ailta, inagi faseto maineta kanaya hono husi yafe yagaika maineka amuse hugane. ¹²Laga nunum huno momo mani ya wayu hugiye tai hunona-nigi nagi lapaka Afo te amuse huta amuse ge hiyo, aga hulepete-nigetepa mani algep aipanapa aiyakaweita nagi lekana lapateni yako ailgai. God-i we-ale-we e ailgai apaka nalagi agai haleya-afi maina te.¹³Haiyapi lokiyale mainonegen nagi halateke lawelen fane amo naga ifiti lateninei, aga ani fane lusiyan hauniye. ¹⁴God-i Fane aga halateke miya lauten nagi faipaya ti trenie.¹⁵Fane gano aga God-i ame-ai laga laulaga fiti oagegune. Muki ya God-i logo huniya aga hogoteya fane-ai.¹⁶Agai teke mukiya wayu huniye, aga kokuna te-e mopafaga e, ageneta oagesuna yako e. Aga mukiya logo huniya agai ya-aikene. Kin weka fio agenop weka fio gavman fi apaka agi la hanepateni waya. ¹⁷Aga muki yakote hogoten maiten, nagi muki ya kanalen ankain haneniye.¹⁸Siosi aga Mesiya agufai nagi Mesiya aga siosi mo agenopai. Aga siosi mo aipa-ai nagi fail fapi aga hogote weka halateke hitinie inya higen nagi muki yate aga hogoten mainiye. ¹⁹Mani ya wayu huni momo God-i amuse huten nagi muki laifu agai ya-aikene, Mesiya te maigai, ²⁰inagi fane aletie, aga husige muki ya agai-e mogoke eipa le maigai. God-i ani kana logo huten eipa fulya huniye fane amo kola leti malipu yosa le, kokuna te haneni yako fio mopafaga haneni yakoe.²¹Inagi lapakai en, mogo kanale lapaka God-i te fagiale maita nagi havi aipanapa e agu-agesa tipie agai-e kame hunai. ²²Manfagi meni God-i hulepeteni getapa Mesiya-a failni agufa fiti mogoke eipa-e mainai, aga inya huni momo lapaka faipaya tipi ohanesi, kanaya tipile nagi mogo waya mogi God-i aulagale haviya hul-opategai, ²³lapametiti le mogoe ka-aita nagi no tipi lokiya mopa agotofule kita nagi lokiyaweita hetisai, lapametiti le nagi inani lokiya agu-agesa God-i ke-le ailna ya otreyo, inyata afinai nagi God-i kokuna afete muki ya logohuni ke mo lapapeinie, ani algep ge, naga Pol, God-i ailya weka mainowe.²⁴Naga Pol-ai, lapakai agafuya ailna nagufafi haveitisuwe Mesiya e hanenigen neail kanaya agufa afi hono-osugiye nagi inani agufa aga siosie. ²⁵Naga siosi ailya weka maina nagi God-i namni ke hun lapamain nagi God-i ke ailna aipa fauwe. ²⁶Flakin haneni ke, ani ke keyawaga flakin haneni ke-ai, nagi meni pakinogo mogi fane aikene, inani ke en hamate haneniye aga waya ite nalagi apaka agai alagale fotogo mainate. ²⁷Inagi inani waya ife God-i ageta halesai na algep ya-a nagi muki yapaga e muki we-ale-we leti, inyan Mesiya lapakai e mainen nagi lapupakesa ailna lokiya weinen inyan Mesiya aga Ala nagi lapaka algep yako kokunate ailgai.²⁸Aga inani weka nala inyata huta haleyo tai, muki ale-we ife hut hanelone nagi hailaga waya e apaya huta nagi mukito inya age halenai laga muki ale-we God-i augosa le pawele one inya hige apaka Mesiya le kanaya api ohanegie. ²⁹Naga lusiyan ailya ailna lokiya ailya aulwe nayafene Mesiya agai-a lokiya namnie.

Chapter 2

¹Naga inani lokiya ailya hun lapamainoa yam ageta halesa yafe nahie, Laodisiya we-ale-we e nalagi laugosa le noagaya ale-we e. ²Apakai eipa fi ailya aulwa momo apaka lokiya ail-a nagi ea luvei alu waya nehepei aipanapa le lokiya wei hetisage nagi God-i flakini ya-a age halesai, aga Mesiya. ³Agai teke muki algep afifiya e algep agu-agesa e haneniye.⁴Ani ge lapapau momo namofene mogo weka mo lapeigofe ke lapa-opeigie nagi aigofe ke pileti e. ⁵Agufa le lapakai e omaiguwa manfa, awamu te lapakai e mauwe. Inya higen naga amuse hun lapekegesuwe Mesiya te kanale maita lokiyaweita ametiti husaya.⁶ Mesiya Ala ka awelesana momo, agai te ka-auwo. ⁷Agai te lapakai tipi kailta nagi agai te alop heta ametiti le lokiyaweika hetiyo, apaya hulopototwa yata nagi amuse ge e maita haveitesai.⁸Holowe hiyo, fiku mogo weka kapolo afifiya e agu-agesa e ge letie waya mogi kawa letie lapatafau-sigi. Inagi mani ya husigetapa nagi mopafi havi aipanapa te ametiti hutetapa nagi Mesiya te ametiti osugai. ⁹Nayafene God-i muki aipanapa-a agai-a agufale haneniye.¹⁰Inagi agaite lapaka mogoe maita haweitenai, aga nala muki lokiyae agi lae agenop weka. ¹¹Agufa hatagausa kawa lapaka agai te ailnai, waya mogi paya le agufa nehatagaiya kawa omene. Mesiya agai-a muki faipaya tipi ago hafein treniye. Aniya aga agufa nehatagausa kawa. ¹²Agai e lapewele kilapetenai mono ani falaya kanalem, nagi Mesiya e hetinai ametiti le God-i lokiya aleti haulateke matmati fi awelen hetintenie.¹³Faipaya tipile failna waya yata maita nagi lapakufa ohatagaunagen, aga hunigetapa nagi agai e laifu ailta nagi muki faipaya tipi treniye. ¹⁴Aga muki miya ka wuku fi awokainaya hafein tregie lo ae. Inagi muki faipaya ti ankaropaiten nagi yofo yosa le ansaigie. ¹⁵Aga lokiya e agi lae ailna treten nagi rabisi hun pateten hamaye pawelen pateten nagi yofo yosa le agotofole kame vinim huniye.¹⁶Inya hunigi alu waya o-patege fokolapetete nagi ke osusai, nesaya e ani e lo-a aiyaka oweita nagi lo mo mono kana-a nagi saufa kai-fi amuse neha kana e nagi sabati kana ene. ¹⁷Inani yako aga henaga wayu husiya mona wameya-ai manfa, aga lamaya-a aga Mesiya agai kene.¹⁸Inagi mogo weka nala agelo weka le agai-a tregen lamnigen mono nehi weka ailka otegen fokolapaten algep miya ailsa yafe nagi lapafeisie. Inguf weka aga mogo ya ageten un neheiye nagi amega agufa agu-agesa e pafuleniye.¹⁹Agenopale akain nomeiye nagi aga muki agufale nesaya no-amye nagi muki ayanfa e yofi e nesaya amten nagi mogoken tafausiye, aga God-i lokiya le nehege.²⁰Lapaka Mesiya e failta nagi mani mopafi muki ya atresa momo, kanalegi lapaka nayafe apakai te ametiti huteta nagi apakai afenagale mainai? ²¹Aga inya huniye, '' Kaga o-tafauo, o-no nagi ame o-ailyo''? ²²Mani lo aga waya mogi pakaipi logo hutea nagi apaya launai aiyakaweisa yafe nagi aga hono hugiye. ²³Inani lo aga mono husa lo haneniye, aga waya mogi logo hutea nagi aga kapolo lo ne haviya hulpatesa, inagi agufa ailna haviya hunetre-fa muki havi eipa aipanapa-a lapamain haofeigie.

Chapter 3

¹God-i aga Mesiya e kawelen hetisi momo, kanaregi anaga yako teke aulho, Mesiya aga God-i aya lama-afi faimainie. ²Anaga yako teke kagesfiteka nagi mani mopale yako kages ofiyo. ³Kaga ago failnanegen laifu ka God-i ailna Mesiya te falkin teniye. ⁴Mesiya kagai fi mainisi momo, laifu ka en hamate hugiye, haleya ae ala lokiya ae.⁵Lapaka mani mopafi aipanapa goko amegita feiltesai, kumei aipa e, havi aipa e lokiya eipa wageilten havi aipanapa hugefe nehiya nagi waya okai aipanapa e, aga mona aigofe godi mo aipanapai. ⁶Inani guf aipanapa letike nagi God-i haiya-a agai ke ail-a tagauna we-ale-we ite egiye. ⁷Lapakai e inani guf aipanapa le keyawaga ka-ainai. ⁸Manfagi meni lapaka muguf aipanapa atreyo, kevei aipanapa, haivi aipanapa, havi aipanapa hugefe eipa wegeil nehiya, eipa ail-a haviya husa aipanpa e lapawaya fiti havi ge nehaya atreyo.⁹Alu waya ite aigofe ge osiyo, namofene, ataf eipa mo nehi aipanapa lapaka ago hafeitrenai, ¹⁰meni lapaka saufa aipanapa a ailta nagi agai-a afifiya le-e ame ale-e aga saufa waya hulepetenie. ¹¹Inani aipale, Griki wekao Juda wekao agufa hatagauni fi ohatagauni weka e nagi Babaria waya e, Sintia e ailya fane o afa-aike maini weka, manfagi Mesiya aga muki yate agenop weka maiten nagi muki yate mainiye.¹²Inya hunigen nagi God-i lekanapain lapetenie lapaka fotogota maine tapa nagi alu waya lapauta hau-hupateteka nagi algep kawa hupato, kagai ka afete lamneka nagi alu waya ite aise ge hutek nagi, fasetok maiyo. ¹³Alu waya e mogoteke ailya ailyo. Faipaya api atrek nagi algep kawa hupato. Mogo weka mo alu mogo weka e eipa kanaya husi momo, kanaregi agai faipaya atro aga Mesiya faipaya tipi netre gufya. ¹⁴Inani muki aipa agotofulem, nehepei aipanapa hanelepatesie, aga muki algep aipanapa ailna lokiya neweiye.¹⁵Mesiya eipa fulya a ategen lapeipafi malen haveiteno. Inani eipa leke mogoke agufa le mainai. Inagi lapaka amuse husai. ¹⁶God-i ge ategen lapakai fi haveiteno. Muki algep agu-agesa e afifiya e yoke wuko e mono yoke e alu waya ailta apaya huta nagi amuseya e yoke huta God-i te amuse hiyo. ¹⁷Inagi naya husanaya-am, ke fitio kawa fio, Yesu Ala agi ale muki kawa huteka nagi God-i Afo te amuse ge huwo.¹⁸Lapaka ane nau-tipimo afete maisa momo nagi God-i aulagale kanare hugiye. ¹⁹Inagi lapaka we, ane tipi hapauta nagi lokiya ge apakai te osiyo. ²⁰Fane, lapaka ita afo tipimo ge muki yate afiyo, nayafene God-i aga inguf aipanapa lefe amuse nehiye. ²¹Lapaka afo gitapa fane hapeiviya opamyo, apaka pakesfi age paimo mogoya osugai.²²Lapaka ailya fanenaga, Bosi weka tipi ge afiteta nagi muki ya husai, kagesigeka ani ya huka amuse oamgafa, algep eipa e ailya ailka nagi God-i te kamoya aino. ²³ Naya lapaka hugefem, lapaipa e God-i te hulta uta aga waya te omane. ²⁴Lapaka ago ageta halenai lapaka God-i te miya tipi ailgai aga ago inyan lapapeinie. Lapaka Yesu Ala agai ailya ailta aga aiyakaweinai. ²⁵Inagi havi aipanapa nehusi wekam aga miya am ailgie, namofene aga huni aipanapam nagi hau aipanapa ohanegie

Chapter 4

¹Lapaka bosi we, ailya fanenaga tipi le na algep huten fotogo huniya pamsai. Inagi inyata ageta halesai, lapakai e bosi weka tipi kokuna maini yeya-a. Muki kana nunum hutetapa nagi nunum hut God-i te amuse ge husaya alaga olapeino.²Lapaka bosi we, ailya fanenaga tipile naya kanare huten fotogo huniya pamyo. Inagi lapakai e inyata ageta halesai bosi weka tipi aga kokuna te maineya. Lapaka muki kanae nunum huta nagi God-i te nunum huta amuse ge hiyo. ³Inagi lagai tee nunum higeta, nagi God-i aga lagai kita jikitesigeta nagi Mesiya ge huta halegune, inani ge-le aga keyawaga falkin mainiye. Inani ge letike, aga ati nopi mainiye. ⁴Inagi mageta nunum husagen naga nehuwayan mani ge hun haleguwe.⁵Apaka kristen ya-a omaina we-ale-we ite algep kawa huka pawe-ailteka nagi kana kam kanare kato usim huwo. ⁶Inagi ke kae aga kanare hino. Inagi huka haga huteka nagi waya i ge-le nonale husaya ageka halesane⁷Tikikusi aga muki ya nagaite hun fole aigiye. Aga algep kagona e God-i algep ailya fane ai Mesiya teti. ⁸Naga ailna trogen eya momo lagaite naya wayu huniya ageta halete nagi lapakai peipae ailna lokiya veigiye. ⁹Naga Tikikusi e Onesimusi e ailna troge una-ai, aga nala algep ailay weka e kagona tipi. Apaka lapapeigai male lagaite muki yako wayu huniya.¹⁰Aga Aristakus lapakai fe felgai hulpate, aga naga e Maki e kalawusi mainiye, Banabasi awu-amoai lana ago lapapeinie, awereyo ago lapakai e ena mainesi momo, ¹¹inagi Yesu fe ago agi-ai-a Jastusi-ai hunai. Anmofe hua Juda wekai nagi anmofeke hua negafu nimoa aga kokuna kuma ailna hetiteggye God-i kuma-a. Apaka lusiya-a hua namainai.¹²Epafrasi ke huniye lapakai fe felugai, aga mogo tipiye Yesu Mesiya ailya fane ai. Aga nunum taga lapakai fe lokiyaveita lapametiti God-i aipanapa huta akame hiyo. ¹³Inagi naga agesuwe, aga lapakai fe lusi ailya neailten nagi Laodisia lesen le nemeiye inagi lesen fi waya mogi Hierapolis. Luki aga lusa weka aulsiyate neleiye agai e Demasi e lapakai fe felugai hulpate.¹⁵Inagi lapaka felugai hutapa huteyo kagona nimo Laodisia e Nifa-e, nagi mono no hanentenie. ¹⁶Lapaka awo apeilte tapaimo lapakai tipi folagapi afio, inagi lapakae apatege mono nopi apeil afiyo Laodisia waya e lapakai e Laodisia maine tapa apeilta afio. ¹⁷Hapeiyo Akipasi, ''Kawa yagaiyo God-i amniya ailya nagi ani ailya legepyan huno ailsiye. Algep kanare Pol na nayapiti kaimelenowe. Nagai fe kagesfika nunum huwo naga kalawusi fi mainiwe. God-i hauya lapakai e maino.''¹⁸Ani feluga naga Polna naya fiti kaimerenowe. Nagai fe kagesa afika nunum huwo, kalawusi fi mainowe God-i hauya a lapakai e haneno.

1 Thessalonians

Chapter 1

¹Naga Pol mani awo kauwe, inagi Silwanus eTimoti e nagai e mai-a inagi laga ani awo ailta trogen viye Teselonika siosi le nalagi God i Afo e Yesu Mesiya Ala te mai-a kaina waya ite. Hauya e eipa fulya e lapakai e hanegiye.²Inagi laga God i te amuse aumne nunum fiti lapakai agi auna momo. ³Inagi laga inyata lagesnefune lapaka God i ailya ametiti e nehai, aga Afo timo ai, lapaka hauya aipa e ailya hunai, nagi lapaka lokiya aguagesa tafaunai Yesu Mesiya Ala timo agai te henaga naya wayu husiya.⁴God i lapauniye lapaka kagona, laga ageta halone aga lekana lepateniye. ⁵Nayafene, algep ge lapakai te hunona ge aga wafa ge omane manfagi, Fotogo Wamu e eniye ani ge aga lamage ke ya-a. Ani kate kaga ageka halenane laga heiguf we waya mogi lagai folagapi maina teti, inagi laga hapamaisune.⁶Laga aiyakaweinona gufa aipanapa lapakai e aiyakaweiteta inagi Ala agai aipanapa e aiyakaweinai. Lapaka ala kanaya fiti e Fotogo Wamu te eni amuseya ke ailnai. ⁷Ani kate, lapaka algep wameya mainai Masedoniya e Akaiya kote muki we-ale-we nala ametiti hua maina te.⁸Lapakai teke Ala agai ke mo uniye, inagi Masedoniya e Akaiya e omane. Ha-au, muki haupalaga inya afinai lapaka God i te lama ametiti nehai nagi inya higeta mogo ke osugune. ⁹Inagi pakai pi inya ripoti pamnai nayafe lapakai te egune. Inagi apaka mage lapakai te-e hu halenai aigofe god i ateta nagi eta lama laifu-a haneni God i te aiyakaweinai. ¹⁰Inagi mage e hunai lapaka kokuna te God i Fane akawamainai, mogo kana aike aga matmati fagati hauneniye. Aga Yesu ai nala esi heiya fiti fri lawelen lateniye.

Chapter 2

¹Lapaka kagona nimogi tapai, lapakai tipi inyata ageta halenai,lapakai te esuna yamo aga mogo e kanare huniye. ²Lapakai tipi lageta halenai inyata laga Filipai te lusi hanaya e lawagage e ailnone. Manfagi God i lokiya lamgeta nagi lapakai te God i algep ge-a huta halone mani kanaya fiti.³Lokiya ge lapakai te huna momo aga mogo feipaya a ohaneniye, inagi fotogo osuni aipanapa e aigofe kate omane. ⁴God i lekanapeini-geta nagi mayata lametiti huta lapakai te ani algep ge hut halegune, inya higeta hut halone. Laga mani ge huna momo waya ite huta amuse nosune, ha-au, laga God i amuseya huta aumne. Nayafene agaike leipa lagulagesa ageniye.⁵Lapaka ago ageta halenai, mogo kana laga aigofe hut lapakai agi ailta no-sagaune mogo ya ailgefe, inagi laga algep ge leti huta haye aipanapa ti ailta falnokune lapakai mone ailge. Ha-au, laga muki ya hunona ya God i ageniye. ⁶Waya ite-e lapakai te-e laga agi la ail yafe olauniye. Laga Mesiya ailya we mageta inyata lapakai teti mogo yako ailgune⁷Manfagi laga folaga tipifi faseta mainone akono mo fane a neyagei guf wamete. ⁸Ani kate, laga lapakai fe lauta nagi amuse hune God i algep ge-a huta halesayafe, manfagi laifu tie amnone. Nayafene, lagai te lapaka mogo-e laya mainai. ⁹Kagona nimo tapai, lapaka pakesfiyo lusi ailya ti. Laga yage kana fi-e haniyapaga ailya nehune, nayafene laga kana olapeimsune-tai hune. Ani kanale, God i algep ge-a lapakai te huta lapapaune.¹⁰Lapakai e God i e ageta halenai, laga fotogo e kanare aipanapa aiyakawaune inyata lapaka mogo haviya ti kauya osugai. ¹¹Mogoke kate lapakai tipi ageta sau hunai mogo mogo tipile nehunaya inyan afo apaka fanenaga ale nehi gufya. ¹²Laga lokiya hulapeteta nagi lapeipa ailta hetita God i hauni aipanapa te aiyakaweisai, nayafene, aga ke hunigetapa agai kuma te-e haleya ale heiyenai.¹³Inya higeta ani aipa le laga muki kana God i te amuse hugune, nayafene, laga God i ke hunona ke ailsa momo, waya i ke gufyata o-ailyo. Ha-au, God i agai-a ke gufyata ailyo, nayafene, mani ge mo lapaka ametiti we-ale-we i folagapi ailya nehiye.¹⁴Inya hunigetapa lapaka kagona God i siosi aipanapa-a aiyakaweinai we humalenai Yesu Mesiya te Judiya fiti. Nayafene, lapakai e agafu ailnai lapakai waya ite apaka Juda we mogi waya apile huna gufya. ¹⁵Apakai kene Juda waya apaka Yesu Mesiya amigite nagi God i aune waya-a pamiginai. Pakaike lafeinageta uta lamnone. Apaka God i te amuse no-amye, ha-au, nayafene, apaka we-ale-we ite kanaya nepamye. ¹⁶Apaka alu we-ale-we e laga ke lagausa yafe ha-au hultenai, namofene, fiko apakai e laifu ailgai, inya hunigepa feipaya pimo havi aipa nesaya-a wamete haweitenie. Feipaya pimo nesaya-a mogo e haweitenige nagi God i haiya-a atupa kana fi apakai agotofule egiye.¹⁷ Lapaka kagona fiti laga fagi ale mauna manfagi, laipa timo lapakai e haneniye. Laipa timo lusiyan fegeil hunigeta nagi lapakai augosa age yafe launiye. ¹⁸Laga lusiyata laune lapakai te esuna yafe, Nagai ni Pol-ai, lapakai te haulateke e yafe neiya manfagi Sata weka mo nagai ka anekaine. ¹⁹Nayako laga henaga ailgune, aga amuseya, o agi la ailsa sauwe hati ailgune Yesu Ala esi kanale? Aga lapakai e alu ametiti we-ale-we ene? ²⁰Lapakai teke naga amuse huten inagi agi la aulwe.

Chapter 3

¹Laga lusiyata lapakai fe lau huta nagi ani ya yatra kanale lagai e maleta omaigune, inya hunigeta inagi lagesfuna momo, mogo e kanare huniye, laga halateke Atensi kote maisune. ²Laga Timoti God i ailya weka aga ailya falu weka tie kagona timo ailta trogen uno Mesiya algep ge-a huno lokiya lapeimno nagi lapametiti tipile lapamaigiye. ³Laga maya hunona momo mogo weka mo ani kanaya fi e agafu e sagaun o-aigiye. Lapaka ago ageta halenai inyana God i agai-a ani yate ago laga lekana-peiletenie.⁴Lama-ai, lapakai e mainona momo, laga ago mageta lapapeinone kanaya ailgune, meni ani ya wayu huniye inyata ago ageta halenaya. ⁵Mani aipa leke, naga Timoti ailna trogen lapakai te uniye. Namofene, agen halesuwena-e lapaka lapametiti aipanapa lokiyaweita tafauna fiya-a? Fiku aina watagausi weka ago lapaka watagauni getapa sagau aitsa momo nagi ailya-ti wafa gapi ugiye.⁶Manfagi Timoti ago lapeketen nagi algep ge-e halateke eniye lapametiti-tipi-e eipa ne-apeim aipanapa lapakai-te lokiyawein haneniye. Inagi aga magen lapeiniye, lapaka lagai-te lapekesfifi hutetapa nagi lagesa yafe lapauniye, mogokeyata, lagai-e lapekegesune. ⁷Inya hunigi lapaka kagona, inani aipa letike, lusi kanaya maita ne-aulna-te lapemetiti tipi eipa fulya lamniye.⁸Ala-te lokiya lapemetiti-tipi hunigeta nagi laga lametiti-te lokiya ailta laifu maune. ⁹Lapakai-te lagesfiteta inagi God-i te lusiyata amuse huteta, nagi mayata agona momo God-i te amuse husuna-yamo ano-kaseniye aga lamni amuseya-a. ¹⁰Yage felgu-e haniyapaga-e lokiyawei-ta nunum nehune haulateke lapeke-ta nagi lapemetiti-tipi ailta lokiya weigefe.¹¹God-i Afo timo-e, Yesu Ala ka lawelsigeta nagi laiya ailno ka-ale tesigeta uta lapekesune-tai hune. ¹²Ala agai-a ategen alu waya mogo-e lapausa aipanapa lapakai-te atesiye, inagi alu we-ale-we-e lapauno laga lapakai-te nelapauna gufyata. ¹³Inagi ategen agai-a lapeipa ailna lokiyaweisi getapa nagi lapaka fotogo-ta maita nagi God-i aga Afo-timo aulaga-le faipaya-ti o-hanesiye Yesu Ala fotogo we-ale-we-ae haulateke esi kanale.

Chapter 4

¹Lapaka kagona, ke ailna huno husa-te, Yesu Mesiya-e kamaita maisai huteta laga lapeipa ailta mogo-e lokiya waune, mogokeya-ta lapaka lagai-te algep fifiya ailte-ta nagi ageta halenai God-i aulaga-le fotogo-ta ka aisa aipanapa-te. Inagi lapaka God-i aulaga-le mogo-e fotogo aipanapa geke husai. ²Lapaka ago lagai-te algep afifiya ailnai Yesu Ala-te lokiyawei-ta hetisaya.³Mona God-i hauniye lapaka mayata fotogo-ta maisai, inya hunyanigi lapaka kumeiya aipanapa-te holowet maineta nagi keyoke kumeiya aipanapa-fi akasesai, ⁴inagi aga hauniye mogo mogo tipi fotogo aipanapa-fi akono tipi-e lama-a maisa momo nagi lapaka God-i aulaga-le faipaya o-sugai. ⁵Lapaka maita holowe hiyo keoke guf agufa haviya-a [nagi akono tipile havi aipanapa o-siyo apaka God-i ke age-a ha-olena waya mogi neha gufya]. ⁶Inani guf aipanapa geke, mogo weka o-ategen nagi kagona-a kanaya ailna o-amsiye. Nayafene, laga lapakai-te lokiyawei-ta mage hune God-i agai-a ani havi aipanapa-le nona-apile huten nagi havi miya-api pamgiye nalagi moguf aipanapa neha-we.⁷God-i lagai-te keya o-suniye havi aipanapa aiyakaweisaya, ha-ao, aga lagai-te ke huni momo laga fotogo aipanapa-a aiyakaweisune. ⁸Inya hunigen nagi nala-a ani ge awatagu husi momo, aga wafa we-i ge awatagu o-suniye, ha-ao, aga God-i ke lo-ainiye aga nala Fotogo Wamu lapamni weka-mo ke-a.⁹Naga magen lapakai-te lokiya ge hugesuwe, alu ametiti we-ale-we lapeino, mogo weka-mo alu waya nekei aipanapa kawe o-algiye, nayafene, God-i agai-a ago lapewelniye alu waya lama nelapei aipanapa-te. ¹⁰Nayafene, lapaka ago lapaunai muki ametiti we-ale-we nalagi Masedoniya muki ya-afaga maina-te. Inya hunigeta nagi laga lapapaune mani guf aipanapa geke mogo-e hulta viyo. ¹¹Lapaka lokiyawei-ta feseto-ta feimai-teta nagi alu waya-i no-maiya-fe ke o-susa yafe launiye. Lapakai ayapi algep ailya husai, inyata hiyo lapapauna ya-a. ¹²Inagi lapaka God-te ametiti nosa we-ale-we-i paulaga-le fotogo-ta ka-aiteta, nagi mogo yafe sot o-sugane.¹³Lapaka kagona, ago faina waya ite naya wayu husiya ageta halesa yafe launiye. Lapaka God-i te ametiti nosa waya guf yata o-maisai. Apaka lusiya hau hunai ago failna waya-ite, nayafene failsa momo apakai-pi haulateke laifu o-ailgai. ¹⁴ Yesu ago failten haulateke hetiniye-yam laga ametiti husana momo, kanare, mogoke guf wame tole God-i agai-te ametiti hute failna waya haulateke hetipateten, nagi God-i pawelen Yesu-e egiye. ¹⁵Inani aipale God-i ke-e mage-ta lapapaune, laga laifu mainona waya Yesu haulateke esi momo, Yesu-e fotu-ta uta hogo o-tegune. Ha-ao, nalagi ametiti hute-a ago failna waya mogi geke, apaka hetite nagi lakase hogoteya ua Yesu-e fotu hugai.¹⁶Yesu agai-a kokuna paga lusi higulge-e inagi hogote agelo weka God-i ufe ke-a fu hutesigen nagi nalagi God-i te ametiti hute ago failna waya hogote-a hetigai. ¹⁷Henaga laga laifu mainona waya-e ametiti hute failna waya-e foto huteta. Inagi muki-to hiya paga uta Yesu foto hugune. Inani wame tole God-i-e maige maige maigune. ¹⁸Inya huniya-nigi alu mogo-tipi ani God-i ke-le lokiyaweisai.

Chapter 5

¹Inagi, lapaka kagona, lapakai-te awo kaisaya o-suniye Yesu haulateke esi kanale. ²Nayafene, lapakai-tipi ago inya-ta ageta halenai, Yesu esi kana-a aga mogo kumaya weka gufyan haniya-paga egiye. ³Waya mogi mage hua, '' Muki yamo kanare hanegen nagi mogo ya haviya o-suniye, '' Inagi ani kanale, lusi kanaya apakai-te wayu hugiye. Inani kanayamo ane mogi fane ailtegefe ne-ail guf agafuya hugiye. Ani weka-mo inani kanaya-te aune hesi ka-a o-hanegiye.⁴Manfagi lapaka kagona, lapaka lusi hainpi o-mainayanegen nagi ani kana mogo kumaya weka yana o-lapakasegie. ⁵Nayafene, lapaka haleya-e kana-e fane gufya-ya mainai. Laga hainya-pie hainko yapaga fane yata o-mainone. ⁶Inya hunyanigi mogo waya yata o-hawaigetau. Laga algep afifiya-api haneni waya yata yageita maigetau. ⁷Nayafene, hawaina waya mogi, apaka hainyapaga nehawaige nagi, ani ne-a spaki neha waya, apaka hainyapaga ani ne-a spaki nehai.⁸Manfagi yage-fi waya yata-a maisuna momo, muki kanale algep agu-agesa ti hanenesi geta, nagi laga ametiti aipanapa weineta alu waya nehapei aipanapa siot kapa gufyata hepeisune. Laga het kapa weisunegen nagi Ala eten nagi lawelegiye. ⁹Nayafene, God-i laga lekana opeiniye agai haiya-fi ailsaya, manfagi Yesu Mesiya Ala-ti aga halateke laweleniye. ¹⁰Agai kene aga nala lagai-tefe failni momo laga agai-e laifu maigune, laifu maisuna kanale fi o ago failsuna kanale. ¹¹Inya hunigi, alu mogo tipi hamaita nagi ametiti api ailta lokiya weisai mogo tipi, mogoke kawa maita nehaya.¹²Laga lapefigone lapaka kagona, inyata lapakai folagapi nalagi ala ailya nehaya ageta haleta, inagi Ala-te lida waya tipi-e, nagi lapaka ail-a apaya neha waya ene. ¹³Inagi laga lapefigone lapaka inani waya ageta halesai, nehapau aipanapa-te, nayafene, apaka ailya nehai. Lapakai folagapi eipa fulya husai. ¹⁴Laga lokiya ge lapaka kagona-fi hune: inagi maita holowe ge hiyo nalagi fotogo o-maine-a nagi kanare eipa-le o-maina waya ametiti-api ailta lokiya weiyo, inagi lokiya api o-haneni waya hapamaite-ta, nagi fase aipanapa muki-amogite hiyo.¹⁵Lapaka mayata agesai lapakai-te haviya neha waya mogo tipi nonal haviya aipanapa apakai-te nosai. Manfagi, lapaka algep ya geke hiyo alu mogo tipile inagi muki-tole. ¹⁶Lapaka muki kana-a amuse hiyo. ¹⁷Muki kana nunum hiyo. ¹⁸Muki ya-ale Ala-te amuse ge hiyo. Nayafene, mona God-i hauniye lapaka Yesu Mesiya-teti hiyo.¹⁹Fotogo Wamu ailya-a ailta o-kainyo. ²⁰Inagi aune-ge-le afiyafe o-lapeino. ²¹Muki ya foko hutetapa nagi aga kanale husiya tafauta aligi hiyo. ²²Maita holowe hiyo muki havi aipanapa-fi ea hama husa momo.²³Eipa filya-e God-i lapaka ailna mogo-e fotogo hulpategi-e. Inagi wamu, ame-e nagi lapagufa tipi kanare hanesi getapa nagi faipaya o-hanegiye Yesu Mesiya Ala haulateke egefe husi kanale. ²⁴Mogo gano nala lapakai-te keya husi momo aga muki kana lohalan maiten, aga ani ya nehiye.²⁵Lapaka kagona, lagai-te-e numu hiyo. ²⁶Muki kagona-ite algep aipanapa-e hutetapa inagi alu waya-ife lapeino. ²⁷Naga lapafigowe, Ala agi-ale, lapaka mani awo muki kagona-ite lekanapeisai nae huwe. ²⁸Yesu Mesiya Ala-ti hauya-a lapakai-e hanegiye.

2 Thessalonians

Chapter 1

¹Poli nae, Sailasi nae, Timoti- e mani avo kaita apaga muki mono vaya Tesalonika apamune Anutu agile, laga afotimo-a Yesu Mesia. ²Ategeno Anutu afotimo hauyamo-a aipa falu yamo-a lagaite esiye inagi ala Yesu Mesia aga lapagai-e maigiye.³Laga muki afina huta amuse hugune Anutu taga lapaga muki kogana timogi tapa laga, mani yana aga mago-e alagepu niye, nayafene lametiti yamo-a aliya alino lokia aegege hiye, higeno vaya hauyamo-e apaipa apamisa yamo-e magoke te alu vayate aga havaite lapate. ⁴Inaya higeta laga tusi amuse hune laga mago alu vealave apaga lagi Anutu nopi nemai-e alu aupilaga mani lapagai kavapi, laga hapapaune lapaga vase huta nemai aepanapa yafe, lametiti efena mago alu vealave mogi alia haviya lapaga nehaya yafena. mago-e na muki kanaya ago alina-e. ⁵Mani afugumo-a Anutu fatago kotile afole aigiye, naya afole aisi yana mani yamo-a maya hiye, lapaga kanare hutapa Anutu kegiya vegofi haita falegae. nayafene lapaga ago kanaya alitetapa lapametiti yana oatale nae.⁶Aga Anutu a alagepa kava hute gaiye aga mago ve lagi kanaya lapaga lapaminesa yana. ⁷Inagi kanaya api alino atale gaiye apaga mago vaya lagi lagai-e magokepi kanaya nealisuna vayana. ala Yesu-a Mesia esi kanare aga mani muki yago-a hugiye aga logia Agelo anga-e agupinaga haneniya lokia leti. ⁸Lokaeno ata nele ataleti, aga havi miya havi yate apamigiye, havi miya apamigiye Anutu na age-a haonolesa -e apaga lagi ala vegamo Yesu alagepa ke-a afia aiyaga novai-a, aiyaga novai sayana.⁹Apaga ala vekamo nemasi nokumatena afagiye maiga-e, aga lokia ale ala agi ale. husigea apaga ala apagufa apagafu aliga-e maige maige havi kanaya aliga-e. ¹⁰Aga mani muki ya-a hugiye aga esi kanare, apaga muki agai-a vealave alamogi agila amiga-e, inagi apaga apametiti huna vayamogi tusi apagesafifi huga-e mani muki ya-alena, nayafene laga maiyati malagufalena ke lapagaite huta halona ke aga lapaga ago lapametiti ha-e.¹¹Mani aepale efe, muki afina-e laga nunumu patina lapagaife lagetafo hune, laga mage huta Anutu timogitaga nunumu hune, ageta haleta lapagetafo alagepa ya lapagai pinaga haneniya inagi aga lapagaife ke huniye, laga magoke ya huta nunumu maya huta hune, aga muki ya-a havaitelapa tegaiye lapaipamo alino lapaga heneti ya-a, inagi alagepa ya huga-e muki aliya eno kanare husiyafe lapametiti yateti-e agai lokia leti.

Chapter 2

¹Meni mani ala lagai Yesu Mesia esi yana, laga agai-e ataluaita maigune, laga lapaga lapafigone. ²Inaya husigeya lapaga kanaya oaliyo ha-ao, lapaipamo-a alino heotino amoya aiye mago avamute, mago kele, o mago avo lapagetafo hae atalonageno lapagai taga eyayate. aga aino afole aino maya hiye mani ala vekamo kana eno afole ainiye.³Ateke-a mago vekamo-a lapagenopa alino yagalu oneno, nayafene, mani kana henaga eno afole hugiye vealave mogi ke amagite-a Anutu taga kame huga-e inagi hanakege veka eno afole aigiye, aga mani veka kanaya alino uno fanane hugiye. ⁴Aga mani veka akameya amiteno agai-a agi alino asagauteno Anutu ta keleti huno lane hiye apaga mono agaitaga momo neafi vaya-e, maya hiyafe, aga Anutu mono nomo-a agupinaga haineno-a huno haleno muki vaya aite aga agai-a Anutu-e.⁵Kaga kagesa afiyo mago-e huka, nagalapagai-e maino kanare na, naga ago lapapainove mani muki yana? ⁶Meni lapaga aketa hao-ola-e nayamo-a aga maleno akanite nayana, aga agai-a kanare, aga eno afole hugiye. ⁷Nayafene, mani faki ke amagisa kavana eno ago ainiye. inagi aga magoke vekamo-a aga la-a aino aganino meni uno aga alia atalesageno ugiye.⁸Henaga ke amagisi veka eno afole aisi kanare na, aga la-a ala Yesu-a avayamo yasileti amakigiye. inagi alamo-a alino fipiya hute gaiye aga esi kanare. ⁹Ke amagisi veka esi kanare na, aga sata kati lokia aligiye. muki lokia gi, muki alana kena ya-e havi kavate huno. ¹⁰Inagi ainolokaeno muki kapalo kemo havi kavamo keaepaleti, mani yana apaga lagi ua fanane husa vaya aite afole hugiye, nayafene, apaga kealagepa mo-a aguagesa aiyaka maige maige ya alisayafe.¹¹Inani aepalefe Anutu-a mago ya alino atalesigeno apagaite mago afugu haneni aliya husigea mani kapalo kele apametiti huga-e. ¹²Inagi mani aepamo-a maya hiye, muki vayamogi kotile ea afole huga-e, apaga mani muki nofi vaya lamage ke-ale apametiti osuna yafe. higea apaga kanare osu kava husaya yafege amuse gase huna-e.¹³Inagi muki kanare laga lapagai fena Anutu taga huta amuse nehune, lapaga nafunagana gitapa, lagaka lagitapa ala vekamo-a nehaiye. nayafene, Anutu-a ago lekanapai maleniye uta hogote gae apavalesa kavate na, avamumo aguainaga maika fatago huga lamage kele kametiti huvo. ¹⁴Ala vekamo-a lapagaife ke aini yana laga mono hunna katetine, lapaga ala Yesu Mesia hale ya-a alisaya fene. ¹⁵Inaya higeno, lapaga nafunagana gitapa, hetita alageputapa maiteta atafauliyo lokia vaita alita lapaya hunesuna kegonagi pepafi kaini suna yanagi.¹⁶Meni ala vekatimo Yesu Mesia agai-a, inagi Anutu afo-a la-a lagaife hauteno maige maige lafi-e laminiye, inagi hauyamona agupinagati alagepa yago henaga aligune. ¹⁷Alageputa maiteka kaipa aliga kanare huvo muki alagepa aliyamo aguainagagi Anutu kele-e.

Chapter 3

¹Meni nafunagana gitapa. laga nunumu timo-a, maya huno ala vekamo kemo-a magale usiye alita asagauta anale vino maya huta aga muki kana-e lapagai-e nemaiye. ²Maya huta nunumu hiyo laga havi vayamogi folagapati ataleta esunafe. apaga mago vemogi havi kava nehaya aepanapa fatine, nayafene, tusi amogi apametiti aepanapa yana omaleniye. ³Inagi, ala vekamo-a muki kanare aupa huno lapagai-e nemaiye, lokiya lapamiteno lapaga yagailapa tegaiye mani havi veka lena.⁴Laga lametiti lapagai fena alino-e ala vekamo agupinaga. maya huta lapaga mani muki yagona huga-e. ina ausigeta lapaga mago aiyaga vaita viyo mani yana lagaite lokia vaita laga hunona yana. ⁵Aga alamo-a lapamisigeta aketa halegae Anutu hau yanagi Mesia lagaite kanaya alini yanagi.⁶Inagi lapaga nafunagana nimogitapa, meni lokia vaita lapagai taga ke hune, ala vekamo timo agile Yesu Mesia lapaga lapameya apamiyo apaga muki koganati mogi lagi aliya noalie vegi, aiyaga novai-e naya muki yana lagaite alina yana. ⁷Lapagai tapi afina-e lagai aepanapa yana, hunesigetapa lapaga aiyaga vaisayafe, laga lapagai folagapi omainone maya hua vealave mogi ali-a afepi olaminae ma apagumo apaguapagesa, ⁸Laga neya yana alita onenone mago nofi vaya aepati mago miya osune taena, laga lokia vaita aliya alinone hani-e laga feluga-e nayafene laga mago kanaya lapaga mago vekatimo oapamisune, ⁹Laga mani aepanapa hunana maya osuniye laga lokiyati omaleni yanaketa osugune huta osugune. ha-ao, inagi laga maya hugesune lapagai pikisa afole aisunaketapa, lapaga agetapa lagai aiyaga vai kae.¹⁰Laga lapagai-e mainone kanare na, laga, lokia ke lapagaite hunone. maya huta, inagi aga mago vekamo-a aliya oali kefena, inagi aga neyana oneno. ¹¹Laga maya huta afune lapaga mago folagatipifina magoamogi aliya noaliye, higeno magoamogi tapimogi apaga mago alu vayai yago ali-a havi nehae. ¹²Meni laga lokia vaita ke huteta afia apamune agupinaga ala Yesu Mesia, apaga mani agufa ve apaga vase hua maine-a lokia vai-a aliya alisaya yateti nega-e.¹³Inagi lapaga kogananimogi tapa-e, lapaga alesi olapaino mago naya alagepa hunesi yate. ¹⁴Inagi mago vekamo-a lagai ke avo aguinaga haneniya ke aiyaka ovaisune. inagi aketa haleyo aga, husigeta agai-e lokaeta aliya oaliyo, husigeno aga avagege hugiye. ¹⁵Lapaga kame kano kanagana hutapa oakeyo, lapaga lokia vaitapa ke hapapaiyo lapaga kogana timogi-e.¹⁶Ala aga aipa falu yamo-a Afo ae, aga lapaipa falu yana lapamigiye, muki kanare nagi mago alu agufa aliya lapaga alisayate, ala vekamo-a lapaga muki ae maigiye.

¹⁸Ala Yesu Mesia timo hauyamo-a lapaga muki ale mailapate gaiye.

1 Timothy

Chapter 1

¹Naga Pol-nai Yesu Mesiya mogo ailya weka-ai God-i lo aleti aga nala haulateke laweleten nagi Yesu Mesiya aga lagam nelam wekai. ²Kaga Timoti, ametiti-le lama nagai fane God-i Afo hauya-e eipa fulya-e inagi Yesu Mesiya Ala-tile.³Mesadoniya usu momo kaga inani ailya husana yafe neiye, kaga Efesasi kote maiyo nayafene kaga mogo mogo waya-ite lokiya ge papeigane nalagi alu mono ametiti-le apaya neha we. ⁴Inagi apaka keyawaga pakinogo mogi mono ke-le apakes o-ateyo. Inani ya keveiya ailna wayu husige nagi God-i ailya hao-maigiye, ani ametiti aipa-le.⁵Meni inani ge-mo agu-agesa aipa-am inya huniye nehei aipa-mo fotogo eipa-leti esigen nagi algep agu-agesa-e lama ametiti-ene. ⁶Mogo we-ale-we mani algep aipanapa ago trete nagi aigofe ge aiya-kaweinai. ⁷Apaka lo mo tisa we maigefe neha, manfagi pakai-pi na-ke husa yafe hale pakupagesa o-ailnai nagi naya hapauni-ya kaga ailsana yafe. ⁸Manfagi ageta halone lo mo aga algep hugiye mogo weka-mo kanaren aiyakaweisi momo.⁹Laga inyata ageta halone, lo aga fotogo waya-i ke-e o-mane, manfagi lo ail-a loai nagi aiyaka no-wei waya-ene, apaka fotogo aipanapa pakai-te o-haneni waya-e inagi God-i aipanapa hane-opateni waya. Lo mo aga ita afo pimo nepamigi waya-e o alu waya nepamigi waya-i yane. ¹⁰Inagi aga kumeiya neha we-ale-we-e, apaka we gano aga mogo we gano mareti huten, nagi alu waya-i ailya fane kumaya hua apaka mogo kagona-apile kapolo ge hua nagi apaya neha algep ge-le kame neha waya-iyane. ¹¹God-i Ala algep ge-ale huwo ge namgen ani ailya hunowe.¹²Yesu Mesiya Ala-tile naga amuse huwe nayafene aga lokiya namten nagi ailna netegen inyan naga ailya-a hunowe. ¹³Keyawaga naga God-i Ala-te bilasi ge nehu wekai, waya-ite haviya huten kame ailna wayu nehu wekai. Manfagi meni naga God-i hauya-a ailnowe nayafene naga ametiti aipanapa-fe neiye.¹⁴Manfagi Ala timo hauya-aleti ametiti aipanapa-e nehei aipanapa-e nagai-fi haweitenie aga Yesu Mesiya-fi haneniya.¹⁵Inani ke aga mogo algep ke nagi pamaigiye nalagi apaka inya Yesu agesai aga mani mopafi eten waya-i faipaya-te failna halateke paweleniye. Naga mogo faipa wekai muki faipaya waya ana pakesenowe. ¹⁶Manfagi inani aipa-le naga hauya ailnowe, inya higen nagi naga hogote weka Yesu Mesiya aga hauya aipanapa laweniye. Yesu Mesiya aga inani wameya gufya huniye inyana waya hun pawelsige nagi agai-te pametiti hua maige maige laifu ailsai. ¹⁷Meni kaga maige maige sauwe weka-te, hano husa yaka-a o-haneniye, waya mogi no-kagai inagi kaga mogoke God-i Ala gekene, agi la-e muki lokiya-e kagai ya-aike meni-e muki kana-e. Lamage.¹⁸Naga mani ge kagai-te malowe, Timoti nagai fane na ke keyawaga kagai-fi ago haneni ke kaga inyaka mogo algep kaweta hugane. ¹⁹Ametiti aipanapa e algep agu-agesa tafauwo. Mani ya akame amsa momo, lapametiti tipi haviya hugiye. ²⁰Inyana Himeniasi-e Aleksendra-e aga apaka naga Sata pamnowe ail-a apaya hua bilasi ke o-siyo hun.

Chapter 2

¹Inya hunigi nagi hogote ya-amo, inguf loka ke inyaka huwo, nunum husanate, kaga we-ale-we lekanapei-ka pateteka inagi nunum huka we-ale-we amuse-api God-i te hapeiyo, ²Sauwe waya-e gavman te-e nunum hiyo, kanare maiteta nagi eipa fulya-e meisaya, inagi God-i aga hauni aipanapa-e algep agi-e haneni aipanapa-ene. ³Inani kawa mo aga God-i aulaga-le kanare huten fotogo huniye, haulateke lawelesi weka. ⁴Aga lusiyana hapauniye muki we-ale-we-ife agai-te haulateke ete-a ke lama-a age halesa yafe.⁵Nayafene God-i mogo ke mainigen inagi mogo folaga weka aike God-i te-e waya ite-e maini weka mo nagi ani weka aga Yesu Mesiya. ⁶Muki waya-ite agai-a amniye haulateke pawelesaya, testamoni gufya kana-ale God-i agai-a lekanapein teniye. ⁷Inani aipa-le, God-i agai-a lekanapein nateniye legepa ge-a hu halesaya. Naga lama ge huwe. Aigofe ge o-sunowe. Juda waya-ya-a omaina waya-i tisa weka mainowe ametiti husa aipanapa-e ke lama-e.⁸Inya higeno inagi muki waya muki ko-ale fotogo paya ail-a sagausa yafe neiye, nunum fi-e heivi-teka keveika kaweta o-siyo. ⁹Mogoke agu-agesa-le, ane mogi algep kukena weisai, pakufa api kanare falkite-a kanare pakai-pi pakaisa. Agolefa api kiki-kaka osu-a nagi gol atete, o bis goko e algep kukena o-weisai. ¹⁰ Apaka ane mogi muki pakufa kanaren atikaisi kukena weite-a inagi aisaya kukena weisa momo nagi inani yamo God-i aga hauni aipanapa hun haleten nagi algep aipanapa-api hamate ategiye.¹¹Ane mogi fase maisa yafe pakai-pi apaya hute-a nagi muki kanale pakai-pi afete meisai. ¹²Ane mogi alu waya ail-a apaya husa yafe naga ha-au patenowe, o we mogi pakenopa-le hai-a meisa ya, apaka fase to meisai.¹³Nayafene God-i aga hogoten Adam logo huten inagi henaga Ivi logo huniye. ¹⁴Sata-a Adam-te aigofe ge hao-peinifa, aga Ivi-te aigofe ge hapeini yafe mo Ivi aga lo ailna lo-aisi a maiye. ¹⁵Inya higeno nagi apaka ane mogi fane ailneta ailya-e nagi ametiti aipanapa-e lokiya wei ailte-a nagi alu waya-ife nepei aipanapa-e fotogo agu-agesa-e maisa momo God-i haulateke pawelegi-e.

Chapter 3

¹Mani ke tamage ke ve-alvemogi pametit husa ke. Inagi mogo vekamo mono-nopi agenopya hugefe husimo, kanalene aga lagepa ailyafe haunie. ²Inaniya hunifemo mani mono agenopa veka haviya hane otesie. Mogoke 'a' ailsie. Aga folagapi maiteno mogoke aguagesa e, fotogo kawa hunteno ve-alve na pakeno hamahusie. Ve-alve apaya husi kawa agaipi hanesie. ³Sipaki ain nesiyafe ohausie, magaleto kaveta husi aipa ohasie, mamfao aga aipfaulya e waya paisi kawa agaite haneteno inagi mone haun fail-fail osusie.⁴Aga hanetesie nopi fenoya lagepaya huno yagaisi kawa e kefi aiyaka-vai kawa fanenaga-afi hanesie. ⁵Inagi mogo vekamo agai fenoyate yagaino lagepa huyate o-agenesimo, hanayahuno Godi mono no lagepya huno yagaigie?⁶Aga saufato aipfeleten monopi hainesi veka omne, ha-aove. Aga agai agi ail sagauteno faipayapi mageleto sagaun-aigie Satano huni yahuno.⁷Aga lagepa auwayamono nofisa wayayaga husie, nayafene sagauno o-aigie afe vekamoaimyo husi yafena.⁸Mononopi agenopa wayana, mani awamete kawa husai, fotogo kawa huteno aigofe ke osusie. Hailga vain onesai inagi amki yafe paunfail-fail osusai. ⁹Paga tamage kele pametiti hutepa inagi age afi hama husai naya tamage ya-e fotogo agu agesa. ¹⁰Paga hogote ya kenona-a ailte henaga ailya ailgai nayafene faipyapi o-hanenie.¹¹Momoke wamete, ane-pimogi fotogo kawa hute inagi waya pailu paisa kawa pagaipi ohanesie. Folgapi maitepa amuki kanale naya naya hugefe huasa kanale maisa. ¹²Mononopi pagenopa ve mogoke a ailsa. Fanenagapi lagepya hua pakaisa inagi aumki nopi ya-e. ¹³Nalagimo pagaipi laga lagepa kawa ha momo, lokia vai hetilnai inagi lokia pametit-e hetite Yesu na akame hunai.¹⁴Mani avo kagaitaga kao momo inagi kagaitaga ago esua nagesamo eno aupa hie. ¹⁵Mamfao magele omesumo, aget fit haletetapa Godi nopi maisa avo kaove, mona Godi maige maige mono no inagi mona tamage kemo lokia pametit ve-alve .¹⁶Tamage ke fala-okigie inagi Godi kawa-a hana-ale hanenie. ''Agufa-e eni-e, Fotogo wamumo huno hama hunie, agelo mogi agenai, amuki kote kote hu-a hama hunai inagi amuki kote kote ve-alve mogi pametiti hunai inagi hainie kokunate hale yapi.

Chapter 4

¹Inagi, Fotogo Wamu moa mage hun hamahie, henaga waya mogi pametiti aipanapa na taletepa aigofe wamumo ke afite aiyaka vaigai havi wamumo aipanapa. ²Mani aigofe kepaga, pagupagesa pimo kanale kate ohanegie.³Apaka mareti lo-te ha-au ge hute nagi God-i ametiti we-ale-we i folagapi logohun foko husa nesaya ail-a nagi nalagi ani lama ge-le age halena waya ene. ⁴Muki ya God-i logo huniya aga mogoe kanare huniye. Laga haviyane yata otregetau, manfagi God-i te amuse huta ailsune. ⁵Nayafene, agai-a sese huten nagi ani ge ailna wayu huniye God-i mogoke gufa ge-e nunum husa aipanapa le-e.⁶Kogonaga kamogi te ani ya papeisana momo, kaga Yesu Mesiya algep ailya weka a maigane. Kametiti yakale lokiya weika ailteka nagi algep afifiya ge-e ailka aiyakaweine.

⁸Laga aise kanato lagufa ailta hamaita apaya husune, manfagi God-i algep kawa ale maisune muki yate lamaisiya. Inani yamo aga meni e henaga e laifu hanesi ge.⁹Inani ge aga lokiya-a haneten mogoe lamaya-a hanenige nagi muki we-ale-we afi ametiti husai. ¹⁰Inani aipa le laga mogoe lokiya weita ailya ailsune namofene laga lokiya lametiti tafaune lama God-i te, aga nala we-ale-we haulateke pawelegie, manfagi agaite pametiti huna waya aike.¹¹Kaga ke huka haleka inagi mani yale waya ailka apaya huwo. ¹²Alu waya ife opatege saufa laifu tipi ail-a haviya osusai, manfagi algep wameya ametiti waya ite maiyo, ke kaleti e ailya kaleti e, hausa kawa le-e, nagi ametiti yakale lokiya weika hetineka nagi fotogoka maiyo. ¹³Kaga kanareka mono huteka nagi we-ale-we apaya huka lokiya pamka hulka ugen haulateke naga eno.¹⁴Ailya ailna miyaka kagai fi haneniya oatro, ani ya agai-a kamniye apaka aune waya ago ke hute nagi siosifi agenopya maina waya e agotofule apaya atea nunum hukatena yane. ¹⁵Ani ya kanareka yagaiteka nagi ani yate haika maisana momo apaka we-ale-we mogi ailyaka en hama husigea agegai. ¹⁶Kagaika kanare yagaiteka nagi algep ge kanareka ailteka nagi muki kana-a huwo, nayafene inani yamo haulateke kaweleten alu we-ale-we e pawelgie.

Chapter 5

¹Kaga alopa waya ite ke lagalaga osuwo, afo kamo yaka paweleka nagi hapamaisi aipanapa huwo. Inagi saufa waya ite-e, kagona kamogi yaka paweletaka nagi hapamaisi algep aipanapa huwo. ²Alop ane-le algep aipanapa huteka itamogi yaka pawolo nagi saufa ane asakamo yaka pawolo fotogo aipanapa e algep eipa leti e.³Kanareya hupato nau pimo ago failna ane-le, apaka hapamaisi waya omaina ane. ⁴Mogo akono nau amo ago failten nagi fane ae agiyo amogie mainesa momo, inagi patege hogoteya nopile algep aipanapa le apaya husai muki algep ya ita afo pimo hupatenaya. Nayafene, inani aipanapa le, God-i amuse hupaten nagi eipa fulya hupategie.⁵Manfagi, nau amo ago failni akono mo nagi fane ao agana amo o asa amo hamaisaya omaisa momo. Aga muki kanaya God-i ayapi ateten nagi yage felgu e haniyapaga e nunum nehiye God-i hamaisi efe. ⁶Inya higen, mogo akono nau amo ago failgen aga amega agufa yale aiyakaneweisi momo, inani akono ago failnie, aga amega agufa le laifu maiya manfagi awamute ago failnie.⁷Kaga mani ge huka halesage nagi apaka nau pimo e fane pimo e ago failni ane mogi inani aipanapa aokasesai. ⁸Manfagi mogo weka agai waya ale ao anaga amogite algep aipanapa osusi momo, aga lama ge aiyaka-owein nagi algep ametiti weka omaigiye.⁹Siosi faga nau pimo ago failna ane apaki ailyo 60 kafu mai-a kasaina ane. Inani akono aga mogoke gano leke maiten nagi nau amote kanaren nemeisi akono. ¹⁰Aga algep aipanapa huten kanaren fane ale yagainepatesi akono, o agen ha-oleni waya ite algep aipanapa nehi akono, o ametiti waya hapamaiten, o kanaya yapi maina waya hapamaiten, o aga muki algep aipanapa le maina lokiyawein nehi akonoe.¹¹Manfagi siosi mo saufa ane agi o-ailsai, nau pimo ago failni ane. Henaga apaka mani agufa hauniya aiyakaweite nagi wele maite God-i kame amigai. ¹²Inani aipa ha momo pakaipi pawagage ailnai, nayafene, apaka siosi fiti hogoteya hua hayaina ge ail-a loaite afa aike maine God-i ailya husaya. ¹³Inagi ailya oail aipanapa ail-a wayu hute nagi mogoya osua afa aike faimite mainai, apaka alu waya-i noko paga ute. Inagi kamelaga ge hutea alu waya i folagapi paiviya ail-a wayu hutea, nagi kanale osuni ke hunai.¹⁴Inya hunigen nagi saufa ane ife, nau pimo ago failni ane-a, halateke wele maite fane ailte nagi kame weka api, Satan haviya hu opategie. ¹⁵Naga mani ge kauwa momo nayafene, apaka saufa ane nau pimo ago failni ane-a, apaka God-i te ago kame amtea ua nagi sata kate aiyakanevei-e. ¹⁶Mogo akono kagai naga fiti, aga nau amo ago failnisi momo, agaite kanale kawa huwo. Maya husana momo kaga siosi fi hailaga kanaya oamgane, inya husige nagi siosi mo alu ane geke pamaigai.¹⁷Apaka ametiti ale-we mogoe agi la pamsai agenop waya nalagi yagainepata waya, manfagi mogoe, apaka agi la pamsai mono hutea nagi God-i ke-le waya apaya neha waya ite. ¹⁸Nayafene, God-i ke huniye, Kaga bulmakau awaya ailka okainyo viti maina latanepeisi gekaim, '' Inagi ailya weka-e miya-a ailno ailya hiya yatefe.¹⁹Siosi fi mogo agenop ya-a nemei weka le mogoke weka mo agai te ke husi momo oafiyo, tole ao tole-e mogo weka mai-a age halesige ani agenop weka le ke husai. ²⁰Mogo weka mo faipaya maina nehusi momo, kanaregi muguf weka aweleka muki waya-i paulaga-le ateteka apaya huge nagi pakai e faipaya husa yafe pamoya aigai.²¹God-i e Yesu Mesiya e fotogo agelo we i paulagale, naga lokiya ge huwe lapakai te alu waya i aipanapa foko osuta nagi mogoke weka leke algep kawa osuwo. ²²Malge waya i pagenopa le kaya ateka nunum osuwo. Faipaya neha kate alu waya pawagi osuwo. Kaga God-i aulagale fotogoka maisane.²³Ani aike ono, aise wain e negeno nagi kaipafi haneni kali goko hafigie. ²⁴Mogo waya i faipaya hamate hanenige nagi koti-le ua hogonetaya manfagi, mogo faipaya aga flakin hanenige nagi henaga-a en hama nehiye. ²⁵Mogoke kawa le, mogo algep aipanapa folete haneniya manfagi, alu mogo flakika nehana algep kawaka e aga henaga en hama hugiye.

Chapter 6

¹Nalagi apaka ailya waya ya maisa waya apaka kanale hutea nagi bosi weka pile algep ge husai. Apaka inya husagen nagi God-i kawa e agi-ae, mogoke apaya ge-a haviya osino. ²Apaka ailya waya bosi weka api God-i te ametiti husa momo, kanaregi apakai te hapaivi osusai, nayafene apaka kagona mainai. Apaka mogoe ala ailya pakai te husai, nayafene paka bosi weka api, lokiyawei ailya neailye apaka ametiti waya nehepeiya-a. Apaka apaya hua muki algep ya-ale ke lagau hanelai.³Inagi mogo weka o ane we-ale-we ite aul yakote apaya nehuten nagi Ala ti Yesu Mesiya ke aiyaka oweisi momo. Apaka algep ke le aiyakaweisaya nepeiye nagi God-i algep kate e algep kawa ale lawe-ailsaya. ⁴inani wekau ana aga agesfiya momo agai-a mogo hiko weka mainiye, manfagi ha-au. Aga havi ge mo agai te haveitenie. Ani muki ge haye husa aipanap ailna wayu huten kame aipanapa e alu waya eipafi ke faitea nagi pakesfi paimo pakaite havi pakes neafie. ⁵Inagi muki kanare apakai folagapi kame aipanap e havi pakesa e mainai. Lama ge le aune nehai. Inagi pakesfi paimo mono aipanapa hapamaisige-a mani mopafi muki yako ailgai.⁶Aga mogoe kanare huniye, inagi God-i hauniya aiyakawei-teta nagi God-i kawa ale amuseya kauya hugune. ⁷Mani mopafi wayu hunona momo mogoya e ailneta omenone. Inagi failsuna momo, mogoya e ailneta ougune. ⁸Inya huniya nigi laga amuse husune ailnona nesaya e kukena e.⁹Manfagi nalagi mani mopafi hailaga mone e muki yako tefe hapaunisi momo, apaka hailaga kanaya e aina awatagau husi ya-afi sagau ainai. Apaka keoke havi aipanapa fi sagau-aite nagi ala kanaya fi we-ale-we pawele nevai. ¹⁰Mone mogoe hausi aipanapa aga mopafi muki keoke havi aipanapa hafuya-ai.¹¹Manfagi kagam, God-i we-am, muguf aipanapa ateteka nagi God-i Awamu ale eni algep aipanapa ailteka nagi muki kana ametiti lokiyawei ka ailsana aipanapa tafauka lokiya weiyo, alu waya ite neheipei aipanapa e, nagi agu-agesa ail-a lokiyaweisa aipanapa e eipa fulya maisa aipanapa ene. ¹²Kaga lokiyawei-ka kaweta huwo algep awamu kaweta le. God-i laifu kafikeya hun lekanpeiten kamni inani maigemaige laifu. Inani aipa letike kaga hailaga ale-we i paulaga le ametiti ka huka halenane.¹³God-i aulagale naga lokiya ge kaumwe, aga nala ke higen muki yamo laifu ailten mainiya, nagi Yseu Mesiya te, nala Pontiyasi pailati weka le lama ge huni weka. ¹⁴God-i lo-a kanareka aiyakaweiteka nagi mani lo ailka wotogo osusagen nagi Ala ti, Yesu Mesiya haulateke egiye.¹⁵Agai kana-tofi, God-i Mesiya halateke kana-a aina folete ategiye, God-i aga Ala nala Kin weka tile kanareya hutegiye agai aga agenop weka ti maiten nagi agai-a yagailetenie. ¹⁶God-i agai-a nofailye, agai-a haleya ale maige maigen maigiye. Inagi mogo wekamo oagegiye. Agi la e haleya-ae aga agai yane, meni e maige maige maisite. Lama ge.¹⁷Mopafi mone waya ite mageka papeiyo, apaka pakesfi paimo mogoe muki ya-api hanenige nagi hono husi yakole pakupakesa api tenai. God-i te pakupakesa api atesai. Agai geke muki algep algep yako nelamye amuse husuna gufya. ¹⁸Papeige alu waya ite algep kawa hutea, muki yako alu waya ite fokok pamteka nagi mogoya-a ohane weka le amuse huka amiyo. ¹⁹Inani guf aipa letikem, naya henaga wayu husi ya-ale pakaipi algep agu-agesa e havinetea nagi inya husige pakaipi lama laifu tafau lokiya weigai.²⁰Timoti, kaga naya algep ya ailnana yam yagaika legepuo. Waya i ke oafiyo ametiti yaka haomaisi guf ke. Aga keoke guf ke-le afifiya api haneniye hayamanfagi apaka aigofe ke aike nehai. ²¹Mogo waya mogi ani ya hua haletea nagi ametiti apimo aipa hua nekasai. God-i hauya a kagai haneno.

2 Timothy

Chapter 1

¹Pol nae, mago Mesia Yesu aposel vega-e Anutu agaia aipale, eno afole huniye logia ke huno maige yana Mesia Yesu aguafinaga haneniye. ²Aga Timoti-a, mafane naga tusiyate nenahaiye: ainalogana nauyae, aipa falu yana,afo Anutu aipa falu yamo-a Mesia Yesu ala vegatimo ae.³Naga Anutu taga huna amuse huve, la-a naga aiyaga vauvana magoke kava hua tumbuna nanimogi aiyaga vainae, alagepa afifi yate ainologano muki kanare naga gagaifena nagetafo huna nunumu feluga hanielaga huve. ⁴Naga mago kanagote gaulagafati ainifena nagetafo nehuve, naga gagegesuve gaga, naga amuse yamo-a havitente gaiye. ⁵Naga alugege nagesafifi huve mani gaga lamage gametiti yafena, aga hogoteno tumbuna ga-amo Lois pi haneto magoke kava huno itagamo Yunis e, naga maya huna amuse huve aga.⁶Mani yana aga ala afifi yane naga alu gapauve gaga Anutu hamate ya aliga hetiyo gagaiga gaguafi naga gagenopale naya atesu afina. ⁷Anutu-a lamini Avamuna koli osusuna avamune, inagi aga logia lamino vaya aipa apamisa yana mago alagepa kava alita apaya husunafe.⁸Inaya husigega kavagege osuvo nayana ala vekamo-a gagaite hunesiyana huga halo, o naga Pol lite, agai kalavusi veka-e. inagi, Anutu lokia ale laga alagepa kelefe lagufa lafuigiye. ⁹Aga mani Anutu-a la-a lamaiteno laga keaino mago alagepa kealeti keainiye. aga mani huniye, afole osuniye lagai alagepa aliyateti, aga afole huniyana agai afifiyate hauyate afole huniye. ¹⁰Inagi meni Anutu lamaino vaya lavaleno agai alaga husayana eno afole ainiye ala Mesia Yesu eni yamo-a. aga mani Mesia aga la-a fali yana amagino faliteteno uno hano osu maige maige laifi mono kate kaniya eniye. ¹¹Mani aepalefe, naga mono husa veka ena hamalove, Aposel gi tisa gi.¹²Inani aepaletife, nagai-e mani kanaya aluve, inagi naga navagage osuve, nayafene, naga afino-e aga lafe naga nametiti nahuvafe. naga maya huna afina halove aga mani muki yatena alagepuno yagaigiye, naga agai ayapi atogeno haneno uno mani kanare e-e. ¹³Yagaiyo mani alagena yae kametiti yae inagi nagaiteti afinana kegi, kametiti yae aigalogaega apaga Mesia Yesu pi maina vaya gaino. ¹⁴Mago alagepa yago Anutu lapagaite alino fole aiye, Avamumo kateti apaga alageputapa yagai pateyo, la-a lagai lagu mainiye.¹⁵Gaga mani vayana ago afiga halane apaga lagi Esia maine-a apagameya namina-e. Figelus-e Hermogenes gani folaga vaya patine. ¹⁶Ala vegamo hauyamo Onesiforus nopi hane gaiye nayafene aga alagepuno nenateno aga avagage nosiye nagai kanayate. ¹⁷Inagi Rom mainiya kanare na, aga alagepuno naga yagaina teniye, aga gauya huno naga nageniye. ¹⁸Ala vegamo amuseyamo-a agaite ugaiye aipa faluya alisiyafe ani kanare. Efesasi kumatena aga muki katena aga nama-e, lamage-a gaga ago afiga halenane.

Chapter 2

¹Inaya higeno lapaga aise mafane anaga niye, lapaga lageputapa Mesia Yesu hauyapi lokia vaita hetiyo. ²Muki yago lapaga afina yamo nagai ke muki vaya folagapati afinae, mani ke vealave alitapa apaya hiyo loki vaia apametiti nehaya vealave inaausige-a apaga mago alu vaya-e alia apaya huga-e.³Lapaga kanaya mealitapa lokia vaitapa hetiyo nagai-e lolaetapa alia veka ganagana huga. ⁴Omaleniye mago soldia vekamo-a soldia aliya nealino alu agai-a aliyana oalgiye, ina-ausigeno aga ala vekamo-a huno hute gaiye. ⁵Ina-ausigeno mago vekamo-a yogalofi naguaisi yana, aga ani amuse yagona oaligiye aga muki aepa-a kava-a aiyaga vaino nagu aino hano husiyafe gene.

⁷Lapaga lapagetafo nayafe naga ke hunofi, inagi Anutu ala vekamo-a alagepa afiya lapamiteno mago tusi ala yago ene.⁸Yesu Mesia na lapagetafo hiyo, Deviti mafane la-a fali kumapati heti niye, mani ke alagepa ke huna halove. ⁹Inagi naga kalvusifi mauve kumaya veka ganagana huna senileti loki aenata-e, inagi Anutu kemo-a kalavusi huno oahane gaiye. ¹⁰Inaya higeno naga mani nofi vayafena nauniye Mesia Yesu agaipinaga haneni aipa falu ya alisayafe nagai maige maige laifi gi.¹¹Mani ke lamage ke aege kene muki-a, inagi laga muki-a Mesia-e fali nesunana, ina-ausigeta lagai-e laifi agai-e alita maigune. ¹²Inagi laga heyita lokia vaita maisunana, laga agai-e maige maige huta maigune. ¹³Inagi laga alageputa lametiti loki vaita agaite atafa osusuna-a, aga ke ale lokia vaino maiteno aga havi ke nosiye.¹⁴Apagaipi alia apaya hiyo mani muki yatena, apamiyo yagaisayafe Anutu kele hute-a apaga keleti hua la osiyo. mani yamo-a avamuapi alagepuno hapa omagaiye,afisi veka alino haviya hute gaiye. ¹⁵ Lapaga Anutu aulagale alagepa aliya veka hamaleyo. Anutu-a lapaga leganapai lapateniye agai alia vaya inagi lapaga lapavagege osiyo huta haleyo la-a alino lapaya lapaga ke alagepa ke huta halesayafe.¹⁶Afagite maiyo, nayafene apaga tole apavaya haneniye, apaga alia gavayu husage-a apaga apagai kapalo anutu tute aiyaga vaigane. ¹⁷Mani agufa kegomo-a havi kali kanagana huno haneniye. apagai folagapi na aga Himenaus -e Filetus ene. ¹⁸Mani agufa vemogi ke alagepa atalete-a ago alu ga aiyaga navaiye. apaga mage hua fali vayana heotigae, apaga muki vaya ai apametiti ya alia haviya hunae.¹⁹Inaya higeno Anutu kemo-a hetino logia vaino haneniye, "higeno Ala vegamo-a agai vealave- a apageno haleniye". ²⁰Mago ala nopi, algufa mopa sospenigo tusiyate haneniye,mago-a silva leti talo humalenae,gol letine,yosa-e mopa-e, mago-amogi alagepa aliya haneniye, inagi mago-amogi mago alu aliya nealiye. ²¹Inagi magomo-a alagepa aliya vega maigefena, aga aipa alino sese fatago humaleneno, aga muki kanare kanare huno maineno aga agai-a ala vega-amo aliya aligiye.²²Afagite maiyo mopafi havi kavatena, alagepa kava-aege lapametiti yate hiyo laipa falu ya aliyo Anutu vealave alagepua alagepa kavate atafaulisayafe keainiye alagepa apaipale. ²³Inagi havi afifi yate hutapa agasegeno agasegeno osiyo. afagite maiyo, lapaga afita haleyo mani havi lapagulapagesamo-a lagafugafu ke aino afole agaiye.²⁴Anutu aliya vaya mogi huno agasegeno agasegeno ke folaga-apifi apagaipi osiyo. apaga alagepa kava-age mago alu vaya apaveliyo agete-a alagepua maisayafe. ²⁵Aga vasehuno maineno alu vaya alino Anutu ke apaya hinage-a faipaya atalesa kegi alagepa afiya neapamino lamage ke-e. ²⁶Apaga ea kanare hua maite-a sata havi yogologo-a atalega-e, apaga agai-a haunesi aepanapa aiyaga vaiga-e agai-a aipale.

Chapter 3

¹Inagi gaga mani yana afiga halo, lagana kanare na ala havi kango afole aigiye. ²Apaga muki vealave mogi apagaipi yefege hapau gaiye, yogi-e, apagai-api ala apagi aliga-e, mago vayagona age-a haole gae, apaga alagepua keo ogamagae mago vayana alu vayana, apaga Anutu tagati ala apagi aligae, apaga muki mafane anaga mogi ita afo apimogi ke o-oafigae, inaya husigea apaga vealave mogi ala ale faipa yago hugae. ³Apaga muki vealave mogi alu vayago hapausayafena apaipafina ohane gaiye, apaga alu vayate hua hapauhu sayana osuga-e, apaga mago vaya-aite kapaloge husa kegoge hugae, husigea,apaga alagepa aepanapa yago fena ohapaugiye. ⁴Apaga alu vealave hua alia haviya hupatesa kegoke hugae, apaga mago alu vegamo ke oafigae, kapaloke moge uno ala hugiye, muki vayamogi mapagufalefe amuseyafege hapausigea Anutu fena ohapaugiye.⁵Apaga Anutu afo apimogi aipanapa yagoge atafa huligae, apaga mani agufa vealave mogi Anutu lokiya aefena hua kapaloke hugae. apataleta afigite maiyo mani agufa vealave aite. ⁶Inagi mago vemogi nopinaga hainea apaga mani haviya nehaya ane apatafaunae. mani ane anagana apaga havi apagugesamo-a haviteteno hapafailatata nehiye. ⁷Mani anemogi havi afifi yafege agea hanelae, higea apaga-api ke alagepa-a noaliye.⁸Magoke kate Janes agi, Jambres agi heti-a mainea Moses taga hua ha-ao hunae. inagi magoke kate havi afifiya vayamogi hua ha-ao hunae lamage kele. apaga mani ve havi ve anagane alagepa afifiya-e apametiti yae omaleniye. ⁹Inagi apaga mani vealave afite atalea ougae, mani aepanapa ya-apimo-a lagaite eno afole aigiye. magoke kava hugiye apaga mani ve-e.¹⁰Inagi kaga, maya hiye kaga ke aiyaga vaiyo, yagaiyo,afiga alagepa huo, gametitiya haneno, hapauyanagi vase maisayanagi kagai-e haneno. ¹¹Naga ena kame vaya fotu huve ala kanaya aluve Antiok kumateti, Aikoniam mogi Listra-e. Inagi Ala vegamo-a eno navaleniye mani muki kanaya apti. ¹²Aga la-a veyo ano Anutu Mesia Yesu aepanapafi maisiyana, havi kana agaite afole agaiye. ¹³Apaga havi vayanagi kapaloke vayamogi havi aepanapa yagotege hua alia ala mago hugae. apaga mago alu vealave alia apaya hugae havi kava husayagotefege, apaga mani vealave mogi apagai-api havi kavagomo-a havaitena-e.¹⁴Inagi kaga, fatogo huga maitega lokia vaiga kametiti huo ago agega halenana yate. kagaiga afina-e hana aupilagati mani muki yana agega halenane. ¹⁵Kaga maya huga afiyo aise mafane mainana kanare na kagaiga ago afinane mono afisayana. mani yamo-a kaga alagepa afifiya veka alino fole hugate geno Anutu kaga kavale Mesia Yesu kaga kametiti nehanafe.¹⁶Muki ke Anutu vukufi haneni ke aga Anutu Avamumo-a logiya aminiye. mani kemo-a apametiti vaya hanemae, haviya apaveliteno alino fatago huneapate alagepa vealave maisayafe. ¹⁷Inaya higeno, Anutu aliya vekamo-a eno lokia vaiteno tolotala hugiye muki alagepa aliyate.

Chapter 4

¹Mani lokia ke kaga kamuve Anutu aulagafi Mesia Yesu la-a muki fali vayanagi mai-a apaulaga agena vaya alino fago hugiye. ²Anutu muki ke-a huga halo, alagepa kanare-e havi kanare-e muki afinana talotala huga maiyo, alu vega aliga fatago hutega lokiya vaiga ke huvo vayamogi faipaya atalesayafe. lokia vaitapa hapapaiyo inagi mago alagepa kego apamiyo. magaleya osiyo ha-ao, vase huga mainega kava huvo inagi mago yamo-a eno kanare osusiyana alitapa Anutu ke.³Inagi mago kana esikea muki vealave mogi ke alagepua oafigae -ausigea apagai-api folagapi hapamasayafe hutea magufamo aipagege hamagae. apaga tusi amuse hugae havi kegoke afisayafege. ⁴Apaga muki vealave mogi ke alagepa afisayafena apageganigiye kapaloke kelege apaga afigae. ⁵Inagi kaga alagepuga kagetafo huvo muki alagepa ya nehana yate. kana aliyo mono husa aliyate afafale manega kaga aliyaga aliyo⁶Naga ago aliya alina hano huve naga maguma atalena usagana meni eno afole aiye. ⁷Naga lokia vaina mani resisifina naguaina makile ove. naga lokia vaina nametiti yate atafauve. ⁸Mani alagepa kavamo amuse miyana nagava hunigi, aga Alamoa aga la-a muki kavayana alino fago nehi vekamo-a muki kanarena aga naga namigiye ani kanare. mani yana aga nagainigege onamigiye, ha-ao, aga muki ve apamigiye lagi agaife hautea aga esiyafe agava nehusayafe.⁹Alagepa kava hutega nagaitega magale eno. ¹⁰Nayafene Demasi-a aga ago alufina naga nataleniye. aga mopafi yagofege hauniya kanogeno aga nataleno Tesalonika kumate ago uniye. Kresens a Galesia ago utegeno Taitusi a dalmasia vigeno.¹¹Luku -a agai aegege nagai-e mainiye. inagi gaga makina avaleliga gagai-e eao nayafene aga alagepa afiya aliniye nagai-e aliya alisiyafe. ¹²Tikikus na naga alina atalogeno Efesas kumataga ago uniye. ¹³Mago kanare gaga egefe hukaemo, inagi. siotani aliga eno. naga Kapusi-e Troasi atalena enove, mani muki vukua aliyo afumo agufaleti talohumalenaya vuku.¹⁴Aleksanda, mani veka la-a havi analisaya yosaleti huniya veka naga alino haviya hunateniye, alamo-a nagufa kava hunesi kavatena ani magoke kava hute gaiye. ¹⁵Kaga agaitena alagepuga yagaiyo nayafene aga lokia vaino lagai kego alino neatale. ¹⁶Mago kanare kotile hetuve hogote kanare, ha-ao mago vekamo-a nagai-e heotiniye. muki nofi vaya mogi naga natalagena inagi kanaya api apaga atalepato-e.¹⁷Inagi ala vekamo-a nagaie hetino maineno naga lokia namigena naga lokia vaina mono huve mago alu nofi vayamo afisayafe. ala vekamo-a ala kanayapi namaeiniye. ¹⁸Ala vekamo-a havi kavapati naga navaleteno uno hainiye agai kegiya vanisifi aliya alisuvafe. muki lokia gi ala agigi agaitege ugaiye menigi muki kana-e kana-e. lamage.¹⁹Amuse hiyo Prisila agi Akwila agi muki afamo anagana Onesiforusi nopi maiye. ²⁰Erastusi-a Korin kumate maine gaiye, inagi Trofimus aga kali aligena naga Miletus atena enove. ²¹Kafe kauya huve kaga magale esanafe yasi kanare omane. Eubulusi-a tusi amuse nehiye gagai-efe nagi Pudens nagi, Linusi enagi, Klaudia agi muki kogana agi. ²²Ala vekamo--a lapaga avamutapile lokia lapamigiye. Anutu hauyamo agi aipa falu yamo agi lapagai-e maigiye.

Titus

Chapter 1

¹Naga Pol nae, mani avo kaina Taitas sika kamu-e, mago Anutu alia veka gi naga aposel Yesu Mesia alia fane, Anutu alino nateteno uka lekapai malenoa ve ala vefi mono huo, apaga agaia vayane gea apai pamoa agite hane gaiye, ²Lokia afifi yamo-e maige maige Anutu e mago kava hua maisayafe, aga la-a havige nosiye, huno lokia vaino alufina mani mopa afole aisi yafe. ³Aga legapai maleni kanale, aga agaia ke huno alino folete male niye naga agaia haunesi ke mono husu vafe, naga mani kava huvana Anutu lokia ke ale aiyaga vauve aga lavele niyafe.⁴Naga avo kaina Taitas kalaga atogeno viye, nayafene kaga nagini mafane, nayafene la-aga mago gepi Yesu Mesia taga la-ametiti huno ae, Anutu Afo aipa falu yamo-e Yesu krais a kaipa magote atesana yana kamigi ye. ⁵Inani aipalefe kaga inani Krit kumate kato-e, kaga muki yago aliga alagepa husanfe muki yago-a hano osuni ya-a hapama gea muki agenopa vaya muki ala kumate kapaino ya kaga huvo.⁶Mono agenopa vaya mogi havi apagi omalesiye, magoke amo anuamo maisiye, apaga muki mafane amogi ke amagite-a apagai api apgugesa aiyaga novaiye, ⁷Kanale huniye mago veka la-a Anutu nopi yate neyagaisi yana, aga havi agi omalesiye, aga agai-a agi avelino anale ohino aga muki yate ageno hanele veka-e, aga malege-a hai ovaino, aga via one veka-e, la osu veka-e, aga muki ya atafa huoli veka-e.⁸Inagi, aga muki oagenisi vaya aite ageno haleno yagaiteno alagepa gavafege hausiye, aga muki afina agai ale neyagi kano-e, alagepa veka-e, Anutu kano-e, aga agaile neyagai kano-e ⁹Aga lokia vaino mani ke atafaulisiye aga ago alufina hunaya ke, inaya husi geno aga lokia apameteno ke alagepa leti alino fatogo hupa te kaiye aga agaite ka apaipamo amuse nosusa vaya mo,¹⁰Naga mani ya-afe kapauve, nayafene, muki vealave mogi ke nofiapa ke aiyaga novaiye, apaga mani muki Yesu taga apmetiti vaya-a hapai nae lapa kufa hata kaiyo. ke apimo-a haviya huniye, apaga muki vealave havi ke hapaite-a havi kapi apvalelia neva-e, ¹¹Mago-e kanale huniye mani muki vaya-a apatafauta apatesa yana, apaga mani mono nehayana muki vealave mogi apa misage-a apaga amuseya alisafe, ani yana kavagege kavane, ani yamo-a muki anaga afamo alino haviya neheye.¹²Mago aune vekamo mage huniye, apaga krit vaya mogi apagai apile havi ke neha-e, apaga kau afu kana kana hute-a felu maite-a muki kanale neyage nege nege hua ne maiye ¹³Mani ke lamage ke, inaya husi kea lokia ae alia ate-a hapa maisa-e apaga apametiti yate heti-a lokia alia mai sayafe, ¹⁴Inagi apaga havi va kele apagugesa oatesa-e, apaga vaya mogi kase kele, inani yamo hige-a apaga muki vaya mogi ke lamage keale apaga meya apa mina-e.¹⁵Apaga lagi alagepua nemai sayana, muki ya-apimmoa alino kate fato huno hane gaiye, apaga lagi kava apimoa kanale osunesi kea Yesu Mesia taga apametiti osunesi yana, ha-ao muki yamoa kanale huno ohane gaiye, nayafeno mane, apagugesa moa ago havia huniye, ¹⁶Apaga huaemo Anutu na age none hae, ina aigea aipa napa aimoa hunoe emo ke alakepua ke aiyaga no vaiye, apaga ke amagite-a apaga mogo alagepa ya osu kae.

Chapter 2

¹Inagi taitas kae, kaga muki ya-a huga hale geno kava amo-e magogete ke aiyaga vaino, ² Aliga apaya huo apaga ala vaya alagepa kavate vasehua maisayafe, muki afina na vealave mogi alagepa kate aiyaga vaite-a aifo kana gana ve omaiyo, hapa paige-a havi kanale-e alagepa kanale-e Anutu taga lokia apametiti hanesiye.³Mago ke kava husigeta, hapa paiyo muki ala ane mago kavate ve-e, alia lami-a afepi maite-a ke apaga melaga ke osu atuofa anina ala-ale oneyo, apaga alia apaya husagea alagepa kava age husayafe, ⁴Mani kate alimelea lapaya hiyo venemo ane anutapi mogife lapauteno muki mafane tapi-efe,⁵Alageputapa maiyo, note algeputapa yagaitetapa vemo haifu yafinaga maiyo, apaga mani kava husayana Anutu ke oamagiga-e.⁶Mago ke kavate alita maletapa alagepa ke apamiyo aneapi omaina ve alagepa alia male-a usayafe, ⁷Kaga muki hugaina alagepa kava age apave liyo, aliga apaya nehugaena, kaipa alagepaleti muki alagepa kava age huo, ⁸Mono husana kemo kanale huteno mago afugu ya omale gaiye, inaya husigeno mago vekamo-a huno agamelaga ke husiyana, apaga apavagege hugiye apaga havi keleti huo lete kae,⁹Alia vaya alitapa apaya higea ala-api mogi apaiyafi maiyo, huta amuseya apamigea apaga ke oneyo, ¹⁰Kumayaya apagaiya oaliyo, apaga alagepa lametiti apa veliyo, inaya husigea apaga muki kate alagepa afifia ke alia afole huga-e Anutu afifia ke.

¹²Mani yamoa alino laya higeta laga mani mopafi muki fapaya-a aita gasone,aga alino laga laya higeta alageputa yagaune, alageputa maiteta alagepa kava agege mani kanale hune, ¹³Ani kanale aulu neheta yagaune mani muki lagepa afole aisiyafe, mani yana aga ala Anutu aipagugesa-e Yesu Mesia mia lamisi vekae.Yesu-a aga agai-a lamiteno muki faipa yapati laga lavalelino laga alino alagepa ya hula tegaiye, agi yafe, apaga mani alagepa vealave apaga lagi apaipamo amuse huniye mani alagepa alia alisaya fena.¹⁵Mani muki ke-a huga halo, aliga apaya hugea apaga mani kavage husagega lokia ke hapapaigea apagai api alia fatogo hiyo, ategeno mogo vekamoa huno havia huo kateno kaga.

Chapter 3

¹Hapa paigea apaga agenopa vaya aite nagi kase kele nagi afepai maiyo, apagai apaiyaga vaia, alia tolo hua maine-a alagepa alia alisayafe. ² Agamelaga ke mago veka osuo kenesa ke aino agaseno maisiyafena, apavelio afepi maisa kavage muki vaya-a.³ Alufina lagaiti afifi yana oalineta laga tusiyate ke amaginone, laga afagite uteta hailaga lagulagesa sagi malagufamo agesa alita avenofi aitone, laga havi yamo folapi maitone, laga laviteta olaiye mago vaya nagi alu vaya nagi.⁴Inaya higeno ani kanale Anutu ala vekatimo, aga haulatesa yamo vealave aite eno afole aiye, ⁵Alagepa alia aliteta alagepa kava laga hunona yate feno mane, inaya higeno aga hauyateti laga lavale niye, aga lavale niyamo laga avamumo aliyateti alita hegafa husunafe.⁶Anutu-a avamu alino lagite geno lagaite ala Yesu Mesia aliyateti, ⁷Hauyateti aga faipa yati alino atale niye laga, laga eta afole aita afomoa yaga hugune mani muki hanege hanege husiyate.⁸Mani ke apaga apametiti husaya fene, naga lapagaifena nauniye mani ke huta halesayafe , inaya husigeno aga la-a maetiti Anutu taka husiyana alagepuno yagaiteno ala alagepa aliyago aligiye, mani muki yana aga kanale yane muki vealave fi.⁹Inaya husigeta muki havi ke aitapa agaseyo alufina vaya mogi hunesaya ke, kase kele hua ke vaisa yanagi, mani muki yana aga neya omaleno havi ya huniye, ¹⁰Hapa faitaleyo apaga lagi folakapi apipa kanaya alia nesa vayana, henaga magoke mo-ao tolela mogani yagaisa ke hua halesayafe, ¹¹Agetapa haleyo mani veka agameya alagepa kate atesi veka aga faipa ya huteno agaia alino haviya hiye.¹²Ani kanale naga Atemas-e Taikikus-e alina atolo nagea lapagai taka enae, magalea nagi tega Nikopolis eao, ani aupilaga nagetofo hunoe maina falu hugu huna. ¹³Lapaga alita antelegea Jenas mani kase kele afia kanoe Apolos-e, muki ya-ae alinea eao henaga anaka figu hanaugigi,¹⁴Apaga lagai vayamogi agea halea muki kanale alia alisayana apaga havitepate gaiye hapau nesi yana husigea apaga alagepa ya hua afole hua mai kae.¹⁵Apaga lagi nagaie mainaya vaya mogi tusi amuse kase lapagai teka hae, huta amuse hupateyo apaga lagi apametiti hutea lagaife nehapai vayafe na. hauyamoa lapagaie hane gaiye

Philemon

Chapter 1

¹Naga Poli nae ave nofi vegae Mesia Yesu agile. Timoti koganatimoe naga mainena mani avo kaina kamuve Filimon ga, kaga kanare lafalutimo gae ina lagaiti magoke alia vegalane ²Naga avo kaina atolo geno viye Apia taga, aga magoke lasa timoe ina Akipusi-e aga magoke lagai soldia-e Anutu lafi. nagai-e avo kaina apametiti vealave kagai nopi aliatalu neai vealave aite. ³Anutu afo timoagi Ala vega Yesu Mesia hau yamo agi aipa falu yamo agi lapagai-e hanegaiye.⁴Muki kanare na naga Anutu taga huna amuse nehuve naga lapagaifena nunumu nehuve naga nunumu nifinaga. ⁵Naga ago alufina afino-e kaga Anutu vealave aifena negaiye kaga Ala Yesu tena kametiti nehane. ⁶Naga maya huna nunumu nehuve mani atalulefena kagagi lagagi ataluaita lametiti yamo-a alagepa afiya alino afole aisigeta laga muki alagepa ya-a Mesia tagati nelunaya-a. ⁷Kogana nimo, naga ala-ale tusi amuseya hane, naga naipamo-a maino falu huno hane, nayafene, kaga muki Anutu vealave aifena negaiye inani aipagaleti kaga apaipa aliga logi nevaine apaga.⁸Inaya higena, naga muki lokia Mesia agaipinagati aluve ke kamisugega kaga muki ya husanafe. inagi mago alu vaya hapausayamo-a alino lokaelate, inaya higena gagaite vase huna ke huve. ⁹Naga Poli nae, naga ago kosuna love, inagi meni Mesia Yesu aliyapi kalabusi vega mauve.¹⁰Meni kafigove mafaneni Onesimus siga, naga alina aya hunove Mesia aipanapa yana ani kanare kalabusifi mainena. ¹¹Alufinana aga mago alagepuno gagai aliya noaliyane, inagi meni aga alagepuno kagai-e nagai-e aliya nealiye. ¹²Naga meni aga alina atalogeno gagaitaga viyegena naga naipamo-a agai-e aino logainiye. ¹³Naga atafa huna atesugeno aga nagai-e maineno aga gagai aliya nealino nagai-e namagaiye, mono husa aliayate kalabusifi maino-e.¹⁴Inagi naga gaipamo-a amuse osusi gavana osuguve, naga onaiye gaga mago alagepa ya hunatesanafe, kanare huniye gaga gagaiga gagugagesale aniya huvo. ¹⁵Inagi mani aipaleti Onesimasi-a ago aise gana-a gataleniye. maniya afole aiyana gaga alugege avalesanageno aga gagai-e muki kanare magiye. ¹⁶Meni aga afa aliya vega omainiye, aga aliya vaya aino apagaseno mainiye, aga maya huniye aga alagepa koganagamo ae. naga tusiyate nenai gena naga afina halove gaga magoena agaifena gaugiye, agufamo agufinagagi ala vegamo agufinagagi.¹⁷Aga maya higega gaga, kafalu gamona ganagana huga gaga naga navalo,naga navalana kava huga agai-ena avalo. ¹⁸Inagi aga faipaya gagaitega husiyo o gagaitegati nofi husiyo, ingai napaigena naga muki dina aga miafaiteno. ¹⁹Naga Poli nae, naga mani avona nagaini nayapati kaove. inagi naga miafaitena gagai dina miafaiguve. inagi gagaitena naga maya huna ke osuguve. ²⁰Lamage ae kogananimo gae, gaga ala vegamo agile magoya naga hunategane. la-aga Meia-e aitalogae noae inaya hiyafe mani kavateti naipa aliga kanare hugane.²¹Naga maya huna afina halove gaga mani ke aiyaga vaigane higena naga mani avo gagaitega kaove. naga afina halove ala yago hugane mago-e aiga gasega naga huvo huna gafigeno ya-ale. ²²Inagi naga mago ke hugesuve, gaga nogafi havaesuya gaga aliga talotala humalo. naga Anutu te nametiti huve nunumu tapi afilapate gaiye aga naga natesigena lapagaitega egauve.²³Epaprasi-a, aga kogananimo-e naga ani aigeno aga Yesu Mesia aliyapi kalavusi vekae. aga huno felugae hugate gaga. ²⁴Inaya higeno Mak, Aritakus, Demas, Luku-e, apaga muki-a magoke aliya nealu ve nagai-e, apagai-e gaga felugae hugate ²⁵Ala Yesu Mesia hauyamo-a aga kagai avamu-e hane gaiye. lamage ae.

Hebrews

Chapter 1

¹Ago alufina-na God- ti-a lagai afoti-mogi afo-apimogite huniye apaune veai apavayale muki kanale inagi keoke katena. ²Inagi mago hano husi kanare-na, agaago kege lagai-e nehiye agai-a mafane-mo avale.aga la-a lekana-paimaleni muki alisiyafe. agai-to agege, God-ti-a ago muki mani mopafi ya-a alnio talo humale niye. ³Mani ve mafane-mo-a God-ti ala kani-a laveliye, aga agai-a God-ti-a magoke kava huniye. aga ke aleti muki ya-a agai-a atafau-huniye, inagi aga hogote-no anale nemai Kini-mo aya lamaga haino maiye.⁴Aga agi aliniye inagi mani agi kanale huteno inagi apaga Agelo veai apagi aeno agase-niye, ⁵Apaga lagi Agelo ve God-ti-a ago huniye, ''kaga nagai mafane, meni kagai afo kamona mauve?''⁶Inagi henaga, God-ti-a hogote mafane-a avalelino opafi esi kanale na, aga mage hiye, muki Agelo vemogi God-tite mono afiga-e. ⁷Aga mani ke hiye Agelo veaite maya huno, agai ke Agelo ve talo hupa teghea apaga Avamu ea hamale nae inagi alia ve amogi lokia ata kana kana hae.⁸Aga mani ke hiye ve mafane ne-ale maya huno, Sia ka aga kagai yane, God-ti-a maige maige nehiye. kindom mu ka-a alagepa kava moge havaite niye, ⁹Kaga alagepa kava-aefege kau-niye inagi havi kavafe na okau-niye. inaya higeno God- ti-a, aga God-ti kamo ae uweli kageno pale lagigate inagi mani yamo-a kafalu kamo amuse ya aeno gase gaiye.¹⁰Ala ne, alufina kaga ago muki talo humale nageno mopamo agoto-fule hane-niye. koguna-na aga katateti afole ainiye. ¹¹Apaga hano hugae, inagi kaga afa-a mai gane apaga havi ya hugae kugena atupamo eno atafale leteno atalagau kava huno. ¹²Kaga mati kana kana huga apaga lolim hugane inagi apaga kugenamo nehiya ya hua aia felegae. inagi kaga magoge kava huga nemaine, inagi kaga uga hano osugane".¹³Inagi mago kanale God-ti-a Agelo ve hapa paiye, kaga lamaga naya nilega maiyo apaga kame vayaga alina kaiyafi apatesugea afepi maigae apaga? ¹⁴Muki Agelo vemogi aliya no-aliye inagi la-a uno vealave hapa maesi aga apaga apavelisi yafe?

Chapter 2Inaya higeta laga muki-a lokia vaita atafa huli sune mani afifi yamo kele, laga ago afinone. havigu laga aiyaka ovaita mani kele lagame ya amisu nagi.

²Alufina-na God-ti-a Agelo veai apavale ke apamigeno uniye. mani kemo-a hetino lokia vainiye. inagi mago vekamo-a faipa ya huteno ke amagi siyana, aga havi miya aligiye, ³Hanaya husigeta laune heta lagameya amigune lavalesi ala aliyate? mani aepa laga alu lavalesa yana, eno afole ainiye ala agai-ale nagi apagaite-e, la-a ago afini yate-e. ⁴God-ti-a aga kea lokia aliya inagi aga Avamu fago huno agai-a aipale leti apaminiye.⁵God-ti-a saufa mopale yagai sayafe Agelo anaga apate-niye, aga alino afole hugiye henaga laga maya huta keke hunone. ⁶Mago aupilagaGod-ti vuku fina, mago vekamo-a mage huno hiye, "Ve naya nagega kaga tusi kagesa afifi nehane agai-fena?" naya higea kaga yagai-nelatane laga?⁷Kaga laga ago talo hutega kaga laga Agelo veai afepi laga magune. kaga laga lavalega asagautega inagi lokia agi ala lagi laminane laga. ⁸Kaga muki ya-a agai aiyafi ateniye, aga agai-tegene, God-ti-a agaipi muki ya-a ateniye. aga mago ya atalegeno agai afe gapi ohane-niye. inagi, meni laga muki ya-a o-agenone agai afegapi haneni ya.⁹Inagi laga Yesu-na agone Agelo veai afepi lamino maiye aise kana-a. God-ti-a agi alino asagau-teno inagi ala lokia amiteno ala agi amiye, ¹⁰Aga God-ti alagepa ae, nayafene, muki yana agai-teti afole huniye inagi aga agaipati-gene, tusi ve mafane anaga apavaleli-a kanimo aguinaga ea haisa yafe. aga kanale huniye agaite, Agenopa veka hamale fali vaya apavalesi-yafe aga.¹¹Mani veka muki vealave alagepa hupatesi-gea afole hua kanale hugae. mani muki nofi velave aga alino alagepa hupa-tege-a apaga ea fatago hae, muki amogi alinae magoke veka Afo apimo-ae. inna aigeno inagi aga kogana-nimo-giye huno apagi aesa yafena avagage osuniye, ¹²Aga maya huno mage hiye, naga kagai kagi huna hale gauve apaga koganani-mogite, monote apaga atalu husa kanale,"naga yoke huna kagi alina asagau-guve apagai folagap."¹³Inagi alu-e mage hiye, naga nametiti ya agaipi ate gauve. "Inagi ago nag lokaena mauve God-ti-a mani mani namini mafane anaga-e" ¹⁴Mani God-ti nofi vealave apaga kora-api-e apagufa-e hane-niye. inaya higeno Yesu ena ve ena hamale niye magoke kava huno apagai-e, aga falisi yafe mani kavate, aga Sata-na alino haviya husi, aga mani veka lokia-a aliniye vealave husi kea falisa ya. ¹⁵Inagi mani yatena, aga mani ka valini yana vealave hapamae-siyafe -ne, apaga fali yamo kalavusi atesaya-fene

¹⁶Lamake ae mani aliya alini yana Agelo anaga ohapa maene gefene. ha-ao. aga aliya aliyana Abraham mu tumbuna nofi vaya hapa mae siyafene. ¹⁷Inaya higeno inagi muki yatena, aga magoke kava huno afole husiye apaga kogana amogi huna ya huno, inagi apagai hetprisi maineno inagi God-ti aliya aligiye inagi muki vealave ai faipaya alino atale gaiye. ¹⁸Muki kanaya Yesu-te afole aini ya-a agai agege agafu ya-a aliniye

Chapter 3

¹Lapaga mono kogana nimogi tapa-e, lapa gaite ke aeniye koguna teti eniye, lapa Yesu-te lapagesa afifi hiyo, aga aposolo-e hetprisi-e laga lametiti nehune inagi halenone. ²Aga God-ti ke-a alagepu no-ato aiyaga waiye, aga la-a leganapai-maleniye, magoke ya huno Moses-a ke alagepu-no ke aiyaga waiye God-ti nomo aguinaga. ³Ala agi Yesu ali-yana aeno agaseniye Moses ala agi, nayafene, no kisi vegamo-a agi mo-aaeno agaseniye no alena, ⁴Muki no alena mago vegamo-a negiye, inagi muki ya-a, God-ti ke talo huniye.⁵Moses-a ke alagepu-no aiyaga vaiye God-ti nopi aliya veka mainiye, aga muki henage yafe huno hale siyafe. ⁶Inagi Mesia aga ke alagepu-no aiyaga vaiye vemo mafane la-a God-ti note neya-gaiye. laga agai none inagi laga atafau-ta muki ya-a amuse nehuta agaite agawa husune.⁷Inaya higeno Avamumo-a mage hiye, meni lapaga agai ava afisa yana, ⁸lapaga lapaipa alita loki-a vaita omaiyo ha-ao, inaya huno alufina apaga tumbuna tapimogi huna-e afa kumapi maina-ya kanare ala kanaya alina-e.⁹Mani mona aga ani kanale-na apaga tumbuna tapimogi ago ke amagi-tea traem huna tae inagi foti kafufi apaga aliyani agena-e. ¹⁰Inaya higena naga naiwai-tena inagi naga mage huve, apaga apaipamo apaguina-gati natalea afagite wae, apaga nagai kana agea haolena-e. ¹¹Ina-aigena naga nawai-tena inagi naga huna lokia wauve". inagi apaga mai-a falu husa kumani-lena ua ohai gae.¹²Lapaga kogana nimogi gitae, lapaga alageputa yagaiyo lapaga folagata-pifi, havigu mago tapimo-a havi aipa aline gaigi. inagi ametiti osuno inagi maige God-ti-te havigu agameya amigiye. ¹³Lokia lapagai-tapi amiyo muki kana-e, apaga agine ae, "meni, inagi havigu magoke lapaga folaga tapifi aipamo aga lokia waigiye havi kemo faipa yapi.¹⁴Laga Mesia afalu alagepa-a mainone inagi, laga lametiti lokia vaita atafau linone laga agai-pinaga aga, alia aepa faino aliniya teti uno hano huni yate. ¹⁵Mani ke mo-a haneniye, "meni ina agai avaya afisa yana, lapaga lapaipamo loika waino ohaneno lapaga ina apaga tumbuna tapimogi ago hunae".¹⁶La-a God-ti avaya ke afiteno amagi siyana? muki ao mane Moses se-a God-ti vealave Isipi-ti apavalelino uniye. ¹⁷La-a God-ti avaya ke afiteno foti-a kafufi ke amagi nae? apaga God-ti vealave mogi apaga faipa ya hunae, inagi apaga fali geno apagufamo afa kumapi haneniye. ¹⁸Aga huno lokia ke huno lagi mai-a falu husa kumate mai kae, apaga nofi vealave apaga lagi ke-a no-afi-a vaya, ¹⁹Laga maya huta afune mai-a falu husa agai-a kumatena apaga hai-a ofalegae nayafene, apaga apametiti osae.

Chapter 4

¹Inagi laga ehe higetao, havigu God-ti kase ke aeta agase-gaunagi maita falu ya. ²Laga ago alagepa mono afinone, age yawaga ve ane mogi afi na ya huta. hiyana mani monomoa apaga hapa oma-gaiye apaga mani monopi apaipa kanaya hute-a ke no-afiye.³Laga lametiti hunona ve ane, laga mai-a falu hu nogumana aligune, aga ago huniye, naga naiya apaveliguve, ke alagepa hunae-mo, apaga ua ohai gae kase ke huno mai-a falu hua maigae huno kumatena, naga ani hi kanale mopafi muki aliya-ni alina hano hunove. ⁴Aga mani ke hiyana 7ni kana lefe hiye, God-ti-a maino falu huniye 7afina muki ya talo humaleno. ⁵Halate ke mago-ehuniye, apaga ua ohaigae, naga kase ke huna mai-a falu husa kuma apamiguve huno kumatena.⁶Husi ke-a, alu ve ane mogi agai kumate ua mai falu hugae. hiyana apaga Israel-i ve ane mogi mani ke afi nayana, apaga mai-a falu yana o-alinae nayafene, apaga ke-a ali-a atagae nae. ⁷Inagi God-ti ago legana paimale-niye mago afina ani maita falu hu kumate ugune ya-a. Ani kana meni ye, hailaga kana ute geno, ani ya huno King Deviti fe magoke ke huniye. inagi tapaga God-ti avaya ke afisa yana, inagi tapaga tapaipa alita logiya owaiyo.⁸Inagi Josua-a mai-afalu hu kuma apamine-siyana, inagi God-ti mago afinane osugiye. ⁹Inani yafe magogake mai-a falu hu kana sabati hane-niye, God-ti ve ane aite. ¹⁰Hana ve ane mogi God-ti falu yate esa yana, agai ena muki kana ya-aleti maino hagale gaiye, ago agaiteGod-ti ani ya huniye. ¹¹Husigeta muki amogita logiya waita mai-afalu hu kumate hai getao, husigeno mago vegamo-a ke o-amagino, apaga ke amagina ya hua.¹²God-ti ke mo-a aulaga ageno logiya-a hanene-no, naipe moa tole aupilaga awe nene ya-a aeno agase niye. mani ke moa folaga pati hatagau-no laga lagesa awamu-ti-e layamufa alino mago kaga nehiye. mani ke moa jasi kano ya huno hane neno laipa fi falagi lagu lagesa alino fago nehiye. ¹³Mago ya moa God-ti ailaga-le falaogi niye. muki ya moa afole hane nigeno muki ya huna ya-a nelage. laga God-ti aulaga-le heti neta muki nehuna ya-a huta haleta hapaigune.¹⁴Inagi laga Ala hetprisi maineno koguna-pi hainiye. aga Yesu ae, God-ti mafane. ¹⁵Husigeta mani huta hanelona lametiti atafauta alagi higetao. hetprisi timo-a aipa falu huteno hau hulate gaiye, nayafene faipa ya aeta oagase gaune, muki aeno lawatagauge ya lagaite ne-e, muki mani ya-a ago afole aini ya-a agene. ¹⁶Husigeta laga koli osigetao, laga uta aupa higetao sauve sia ale-e aipa falu ya-ale. laga agaitaga vigetao, nayafene, aga aipa falu ya-aleti hau hulate gaiye. inagi gana yati hane nesi yana, inagi aipa falu ya-amo lama gaiye.

Chapter 5

¹Inagi God-ti mago hetprisi legana paite mona, ago ani vega awelenoate no ve anr aite aliya aliyo hapama'o huno ateniye, ani aliya alino faipa ya-api atale pateno. ²Aga fase huno apagu-apagesa omale vaya'e inagi aigofe vaya'ne, nayafene agai'alogiya'a ohaneniye. ³Ani aepa leti, aga salamana kae-na ve-ane ai faipa ya'e agai-a faipa ya alitale gaiye.⁴Hetprisi maini vega aga agi ala haneni-geno mago vega moa agai-a afiya-a fati ani aliya o'aligiye. ha-ao'ae, God-ti ke-aeno ani aliya ne-amiye . akeya-vinaga God-ti Aroni na ke aeni ya huno. ⁵Yesu-ena ani ya huniye. Aga agai-a agi alino asagauno hetprisi o'mainiye. ha'ao, vaya moa ani aliyate lagana paiteniye. aga make huno hapai-niye, "kaga nevane mafane-niye. meni afo gamona mauve."⁶Inagi mago ha-opa ale make huniye, "kaga muki gau-ae prisi maigane," Melkisedek maini ya huga."⁷Yesu mopale maine-no'ae mo logiya waino huno magi afina awi neate, aga afiniye, halate avale gaiye ya'a, husigeno aga afali-giye, Aga nunamu-a afiniye nayafene, aga aipa atalegeno lamini geno agai aiyafi mainiye. ⁸Lamake aga vemo mafane, hiyana aga agufa-agafa ya aliniye, inani ya moa alino aya higeno ke'a aiyaga vaiteno kana ya nealiye.⁹Inani yamo-a alino hogote mafane alagepa-a maino ke aiyaga wai'gena, hai ve ane mogi aga aiyaga wai sanana, inagiaga apavale gaiye. ¹⁰Inaya higeno God-ti-a hetprisi aliyate legana paite teno ani aliya aminiye, Melkisedek huni ya huno. ¹¹Hailaga ke Yesu'e haneniye, hiyana mani ke moa aepa-a lapapai yafe kana nehune, nayafene, lapagu-lapagesa moa haole-niye.¹²Tapaga kristen yatala kanale maina'e, ina-aigeta mago ve ane aina mani ke alita apaya huya haneniye. hiyana inaya nosae. tapaga aupa ato'a afiafi yatapi haneni-gea mago waya mogi halate God-ti hogote ke'a ali'a lapaya huga'e. tapaga logiya nesaya ali yate na alo-ala osunae. ha-ao'ae, tapaga nu maita nena'e. ¹³Laga afita agenone nu nena vayana, apaga inamune. apaga fatago aepa yana agea haole-nae. ¹⁴Hiayana logiya nesayana ago alopa heno vaya ai yana. maya huna vaya-ai yane, apaga hailaga afina ali-a fago alagepa yae havi yae neha'e, higea meni afite'a hapani moa hale.

Chapter 6

¹Inagi , laga ke, agege osusune Kraisi-sife hogote kanare alinona. laga ago alopa mogi avamete afiya alisune, laga lapa lapagu'a aita afeleyo kefi posi yosa ofai sune, ina God-ti tega lapametiti-ye ina lapaga miya amiyo maiya o-alisune aepanapa yapi. ²Ina ke ali'a logiya aote aete mono ani falesaya aepa, ina apaya apageno-pale atesaya aepa ina keke falinaya waya alu heti saya ina ala koti-amofe keke. ³Inagi laga amiya hugune, ina God-ti-a kanale-ne husige taemo.⁴Mona agaso yane apaga apametiti huna vaya mogi haleya God-ti tega alina yana ina apaga Avamumo asumi na ago atafau-a agena'e. ⁵God-ti-a alagepa ke'a ago atafa hu'a agegena'e, God-ti logiya eno hama hugiye henaga. ⁶Inaya hiya nagi apaga ago apametiti yana asagauno aiye, ina apaga magi'e ea apaipa ai'a afele saya kana omale gaiye, nayafene, Ina God-ti mafane mago'e malipu yosale nili ne-amagiye. ina avagage ya hailaga ve- ane mogi apau-lagale amiye.⁷Go emi ekeno mopamo ani nealiye, inani mopamo'a ago alagepa neya alineate hoya waisaya ve ane aitega. ina mopamo God-ti tagati alagepa asumi-ya alino ne'e. ⁸Inagi mopamo nofi'e havi kahu'e hane-niye, aga kanale osuniye, aipa afina haviya hugiye, henaga'a ataleno hano hugiye.⁹Ina nenafu nafe laga logiya ke lapagai tega hune lapaga lapagameya aga no-amiye, naga afina halove lapaga alagepa yamo'a lavalelino aemo aga lapaveli-niye. ¹⁰Nayafene, God-ti'a aga havi vega-o-mane agameya ogamigiye agai agile nealina ali yafe, nayafe, kaga apametiti vaya aitega nehane, kaga mago'e hapa-nemane mago'e ani aepa malesa yafe.¹¹Laga ani auta lapamete lapamete logiya waitapa aliya aliyo, lapametiti atafau tapa alagi hiyo ina ani kana agawa hunesu nageno'a ina alino alagepa hulate gaiye. ¹²Lapaga aliya o-ali vaya omaiyo, inalapaga magoke avame hiyo mago logiya apametiti ve-ane-e. ina aipa falu ya'e kase ke'a aliyo.¹³Ani kanale God-ti'a kase ke'a himomo aga Abraham mute hiye, agai'a agile lamake hkiye, nayafene mago agimo'a o-agase-niye. ¹⁴Aga huno aemo asumi kamiguve, naga asumi hugatete-na ina kaginago mogi ai'a atagu faega'e. ¹⁵Inani kateti, Abraham mu'a aliniye ani kase ke aminiye, henaga'a agu-agesale atafau alagi huneno maino agawa huniye.¹⁶Vaya mogi mago ala vegale kogunate lamake neha'e apagaseno mainiye, atupala-ga'e ke folaga anifi ali ana fatago hae-ae. lamake hua ke ali-a logiya nevaiye. ¹⁷God-ti'a afifiya alino haleno apaveliya lagimo kase ke alisa vayamo, aga ke aino afenole, inaya higeno aga lamake anaga kogunate huno ke'a alino logiya waiye. ¹⁸Aya hiye, toleya senisi osugiye, God-ti kase ke kogunate lamake huno hiye, inaya higeno'a ve-ane apaune neau-a falagiye, ani kase ke lagesa afisune, agawa hunesu-nageno'a lamisiye.¹⁹Inani kase ke logiya laip anga kana huno hane, inani angamo fatago nomo agu-ainaga faleno haiye, ala lawo-lawo yagame nopi asai-malena no agupi. ²⁰Yesu-a lagaite ani nomo agu-ainaga uno hogo telete, lagaegefe nayafene, aga hetprisi awaye huno maige maige, Melkisedek agamelaga aliyate.

Chapter 7

¹Melkisedek ki-a aga Salem kumate kini agi inagi God-ti prisi vega-e anale, la-a Abraham-muna fotu-katu huniye, aga la huno apaga kini hapa-e-niye inagi ka aeno notaga alu-e eniye, inagi kataga fotu-katu aga huteno amuse ya aminiye. ²Agai tege, Abraham mu-a muki ya-a aeno fago huno aminiye muki ya-aleti. Melkisedek ki agi mo-a ala agi hane-niye maya huno, "alagepuno fatago ya-a haneni kini ye." inagi mago aluagi, aga Salem kini-ye inagi ke aepa ae, aipa falu husa kini-ye." ³Aga afo-amo agi ita-amo agi omai-niye inagi tumbuna nofi vaya omai-nae. Aga ita-amo aliteni kanagi inagi aga falisa kana-a omale-niye. aga magoke kava huno God-ti mafane maiye inagi maige maige prisi-ye.⁴Lapaga ageta haleyo aga ala agi aliniye tumbuna timo-aAbraham mu-a la huno muki ya-a aliye, inagi aga lafati aliya ya-a lo-aeno mago aupilaga amiye. ⁵Apaga livai mafane anaga mogi lagi prisi aliya ve-mogi mage ha-e, maya hu-a. mago alu vaya mogi mago aupilaga-a lo-ae-a amiyo, apaga apagai fena apagesa afisa-e, apagai-ena Abraham mafane lagi kogana apimo giye apaga. ⁶Melkisedek ki-a Livai nofi pati afole osuniye, inagi aga muki yamona mago ya aliniye aga mago aupilaga ya aga aliniye, Abraham mu-a amiteno eno afole aiye amuse yamona lokia mona.⁷Aga lamage ae maya huno, amuse ya amisi veka aga ala veka-e, inagi vekamo-a agai-teti amuse ya aligiye, aga lamino afepi maiye. ⁸Apaga lagi fali yamo agafe gapi maiya ve mago aupilaga ya-a ne-aliye, inagi apaga agayana maya hua apaga laefi ali-a maiga-e. ⁹Laga mage huta hugune, Livai ve mogi muki yamona mago aupilaga ya-a ne-aliye alue-ege, mago aupilaga ya-a loae-a ne-amiye, ua Melkisedek ki Abraham mu agafe gapi. ¹⁰Nayafene, Livai-a tumbuna amo agufamo aguinaga mainiye, Melkisedekki-a eno Abraham muna fotu katu huniya kanare, Alufina Iseli vealave mogi lo alina-e inagi mani lo-mo-a mage hiye, apaga prisi aliya alisa-e.¹¹Alufina Isreli vealave mogi kase ke alina-e, inagi mani kase ke mo-a mage hiye, apaga prisi aliya aliyo, inagi prisi aliya mo-a kanare hapa-e masikea muki vealave ea kanare hugafi, inagi nayafene God-ti mage hiye alu mago prisi veka afole aigaiye henaga. aga Aroni magoke kava osuniye. ¹²Inagi apaga prisi nofi ve ali-a aluya maisa yana, inagi apagai-ena ali-a aluya huamaiyo¹³Inagi apaga lagaite mani yamo-a agaite kege huniye, aga alu nofi vaya llagi prisi aliya o-alina vaya alta-le. ¹⁴Laga ago afinone, Ala timo-a laga Juda vaya aipati afole huniye,Moses-a mago ke osuniye apaga mani nofi vaya prisi mai-gae huno,¹⁵Nayafene laga hunona ke aga ena hale inagi alu prisi mo-a alino hetino Melkisedek magoke kava husiye. ¹⁶Aga mopafi lo-te haino o-agase-niye aga prisi hamale niye, inagi eno afole huni yana maige maige lokia aleti-ne, ¹⁷Inagi ke amo-a aga loki-a ae, kaga Melkisedek ki magoke prisi kana huga maigane.¹⁸Inagi alufina lo-na apaga ali-a mago aupilaga malena-e, nayafene, mani lo mo-a loki-a omaleniye inagi laga la-oma gaiye, ¹⁹Lo-moa mago alagepa ya alino afole no-aiye. ina-aigeno aga mago alu ka yaki maleniye mago alagepa ka tafana inagi lo-na aeno agaseniye inagi mani ka ena laga God-tite uta aupa husunafe.²⁰Inagi aga ofa ke huno o-ataleniye. ha-ao, apaga alu vemogi prisi afole huna-e apaga ke hua ke loki-a ovaina kanale, ²¹Inagi Gog-ti-a agai-a huno lamake higeno Yesu-a prisi afole huniye, God-ti vuku mo-a mage hiye, Ala veka mo-a lamake huno huniye ago, kaga prisi maige maige hugane, inagi aga ke-a alino o-ataga-gaiye²²Ina-aigeno mani kontraki Yesu-a huniye, aga mago-e kanare huteno inagi alufina kontraki aeno agaseniye, ²³Alufina-na hailaga vemogi ea prisi ne hamala-e, nayafene, apaga nefaliye yana gea apaga prisi maige maige o-maigae. ²⁴Ina-aigeno Yesu-a maige maige hugiye, aga prisi aliya atafau liniye muki afina aga senisi ya-a omaleniye.²⁵Inaya higeno muki afina aga kanare huniye vealave apavalesi yate God-ti agile ea aupa haya vayana, nayafene, aga muki afina maineno inagi aga nunumu huno apaga hapa nema-e, mani agufa agenopa prisi mo-a aga kanare huno laga lama gaiye. ²⁶Inagi mani agaufa het prisi mo-a, aga kanale huniye, aga faipa ya-a omaleniye afugu-nagi inagi aga algepa huno mainiye. inagi aga alino asaga huno koguna kumate ategeno maiye. afagite apaga vemogi faipa ya nehaya yate.²⁷Aga o-hauniye, magoke kava osuniye agenopa prisi vego ena, muki afina-e ofa gage gage husayafe, hogote ya-a agai-a faipa yago tefe huteno, inagi henaga muki vealave ai faipa ya-a pilefene. aga magoke kanale huniya-mo muki vaya aitefe agi-a falini kanale. ²⁸Lo-mo-a anale prisi vegone huno legana-paimale-niye lagi faipa ya-api haneni. inagi lamake ke-mo-a, lo-mo agamelaga eniye, God-ti-a mafane-a legana paimale prisi maisiyafe, God-ti-a aga legana-paimale muki afina maige maige husiyafe.

Chapter 8

¹Inagi ke aepa'a laga huna ke,maya hiye, laga mani alagepa hetprisi-siti mainiye inagi aga faimai-niye lamaga aya-alaga hogote Kini-mo kogunate. ²Aga hetprisi aliya ne-aliye mono nomo aguinaga, aga lamake none mago vegamo'a alino he-otiniye. ha-ao, Ala vekamo alino hetiniye.³Muki hetprisi vemogi aliya afafa-api haneniye mago amuse ya'e inagi ofa-api'e ali-a ne-a'e, aga mani yamo'a aga kanare huniye ofa husa yane. ⁴Inagi Mesi-a mopafi maisi yana, aga prisi omaigiye, nayafene, prisi ago maiteniye la-a lomo'a huniya huno amuse ya ne-apamiye, ⁵Apaga prisi aliya atafa hulina'e mopafi haneni mono nopi, inagi aga mani avame-ae inagi afe-ae mono no alagepa'a kogunate haneniye. aga maya huno God-ti'a Moses-na hapainiye, aga haus sel alino hetisi afinamo, God-ti'a make hiye. kaga haus sel nomo muki aliya aliga hano husana kanale-mo, kaga prisi ve mago aea apagase nisa prisi ve apavalo, nayafene, aga folagate vega maigiye saufa kontraki logiya amisiyafe inagi aga hetino anale alagepa ke logiya-le

Chapter 11

¹Meni laga lametiti yamo'a ago afino hale niye aga muki yate laga agawa huta alisune, inagi ageniye aga muki yate laulagamo o'ageni yate. ²Apaga tumbuna timogi apametiti huna'e, inaya higeno aga apametiti yafe huno kanare-ne huniye. ³Lamake, lametiti yanaagone God-ti'a ke higeno muki ya'a afole ainiye, inaya higeno muki ya'a laga agone. aga talo humale niye muki ya'a laga o,agona yateti.⁴Abeli-a God-ti taga ametiti huteno Kein ofa aeno agaseno amiye, inagi mani kanale aga fatago veka hamale, inagi God-ti'a agai'e lokaeno kanare huno kege hiye, nayafene agai ofa-mo'e Abeli aga falini mone, ametiti yamo'a kege nehiye,⁵Inok ki'a aga God-ti taga ametiti higeno God-ti'a avaleniye, inaya higeno aga fali yana o,ageniye, Aga agaife'na kau aena yanafa aga oagena'e. nayafene, God-ti'a aga ago avaleniye, God-ti'a Inok kina oavaleni kanale, Inok ki'a aepanapa yamo'a God-ti aulagale kanale huniye. ⁶Mago vekamo'a ametiti ya omalenisi yana, aga tusi kana God-tina amuse ya amigiye. aga kanare hugiye aga mago vekamo'a God-ti taga uno aupa husi, aga ametiti huno God-ti mainiye, inagi God-ti'a alino alagepa huno neapate agaife kauya haya ve.⁷Noa ametiti yateti muki kea afiniye aga oageni ya'a, lokaeno alagepa kava-aleti lalo sipi lalo huniye aga anaga'a alino yagai patesi yafe. aga aniya hiya kanare-na, aga mopa loki-a hafai taleteno inagi aga eno afole hiye alagepa kavamo apametiti yate.⁸Abram mu'a ametiti hiye, aga mago kumate uniye aga agai'a kuma kanagana huno alisi yafe, inagi aga uniye, higeno aga o,afiniye aga hanate viye ya'a. ⁹Aga ametiti huteno inagi mopa maiye mago alu nofi vaya kanagana huno huno. Agamono nopi Aisaki'e Jekop pu'e maiye, aga muki nofi vaya loki'a ke apaminiye apaga. ¹⁰Muki kanale aga yagai-niye mani kuma agesife loki'a waino mainiye, mani tauni fati God-ti'a afiya vega maiteno agase afino lalo hiye.¹¹Ametiti yamo higeno, Sera'a mafane alitesa yana ataleniye, Abram mu'a loki'a waino ametiti huteno mafane-mo afo-amo hamale-niye. afa'a eno kosuna hamale ni yana, aga maya huno ametiti huni kanale-na God-ti'a loki'a ke huniye aga mafane alite gaiye. ¹²Inaya higeno, mani magoke vegamo'a eno kosuna lete ago inagi aga fali gesiye. Aga hailaga mafane mogi afo apimogi ye. kanefi kanagana hua afole aiye mago'e, inagi ani haigile wasani kanagana huno mago vekamo'a lekana opaigiye.¹³Mani vealave mogi God-ti taga apametiti hua ua falina'e. Apaga o,alina'e mani alagepa ya'a God-ti'a loki'a waino apamiguve huno apaga. ha'ao. inagi apaga heti'a mani yate aulu hena'e apagai afagite haneni ya, inagi apaga amuse huna'e apaga apagesa yafe, inagi apaga apawagege osuna'e hua halesa yana maya hua, "Laga mopafi maunana mago alu no kumate vealave," ¹⁴Inagi laga afune apaga vealave mogi mani ke haya ke, inagi laga afigune apaga mopa alagepa api kauya huna'e,¹⁵Inagi apaga apagesa afifi huna'e apaga atale'a ena, inagi apaga alu usa ya huna'e, ¹⁶Apaga tusi yate hapau-niye alu mopa alisa yafe aga kanale huno mani mopa aeno gaseni. aga koguna mopa'e, inaya higeno God-ti'a mani ke apile avagage osuniye nayafene, aga mago no kuma ago talo hupate- niye.¹⁷Ametiti yafe ge, Abraham-muna, God-ti'a aeno avataga huni kanale, aga Aisaki-na ofa aminiye aga magoke mafane-to mainiye ofa husaya agateti hailaga mafane afole aiga'e, ¹⁸God-ti'a Abraham muna hapaini kanale-na, "aga Aisaki teti apaga mafane apimogi mafane mogi apagi aliga'e." ¹⁹Abraham mu'a maya huno agesa afiye inagi Aisaki falisi yana, God-ti'a aga alu'e alino hetite gaiye, inagi lamake ae laga meto ke mani yate afole aiteno inagi mage hiye. Abraham mu'a alu avale mafane'a fali kuma pati,²⁰Ametiti yateti, Aisaki-te muki ya afole aigeno inagi aga Jacop pu'e Iso'e anaminiye. ²¹Inagi Jacop pu'a ametiti huniye aga fali ya-amo'a eno aupa hiya kanale, aga Josep pu'a tole mafane ala loki'a anami-niye. Josep pu'a alilino uneno nehiya kayomo agenopale aleya faino God-ti taga mono afiten-niye. ²²Inagi Josep pu'a ametiti huteno fali gefe huni kanale-mo inagi aga mage hiye, henaga Isreli apaga Isreli vayamogi Isipi atale'a inagi uga'e. inagi aga apaga hapai-niye apaga agai ayamufale naya husa yafe.²³Ametiti yatoleti, Moses'a ago afole aiye, apaga tari'a kai ali'a falagi tena'e, apaga ita afo-amogi aga agayana alagepa mafane lafane, apaga koli osuna'e kini vegamo kegofena. ²⁴Inagi ametiti yamo higeno, Moses'a henaga aga alopeno ala huniye, aga koli osuniye maya huno aga huno haleno aga Fero amafane-mo mafane omai nove huno, ²⁵Inagi, aga God-ti vealave ege kanaya alisi yafe hainiye, inagi aga mopafi aise kana ale amuse yafena o,hauniye, ²⁶Aga maya huno ageno hale-niye, Ala aiyaga vaisa yamo'a aeno agaseniye muki alagepa ya-a Isipi, nayafene, aga aulu heniye apaga miya aefe.²⁷Aga ametiti yateti, Moses Isipi atale-niye, aga kini vegamo hai yafena koil osuniye, nayafene aga maya huno ageniye Ala vegamo'a agai'e lokaeno falagi-no mainiye aga'e ²⁸Ametiti yateti, aga maya huno afiye God-ti'a Isipi vealave alino apatale-niye koramo apile lokaeno anale haneni, inaya higeno inagi vemo'a hote newane mafane nehaesa vemogi o,hapaga'e apaga newane mafane anaga apaga Isreli,

James

Chapter 1

¹Naga Jemsi-ai Yesu Mesiya e God-i ailya weka-ai, naga meni mani awo Israili 12-fu naga mopafi muki haupalaga maina te, muki totipi naga felugai hulpotowe. ²Lapaka kagona, keoke kanaya fi maisa momo muki kanale amuseya e maiyo. ³Lapaka inyata ageta halesai inani kanaya mo lapametiti ailna lokiya neveiye-ya.⁴Lapaka lokiya veita hetiteta kanaya ailyo, inagi lokiya huta maigai, nagi God-i aipanapa-te sot osugai. ⁵Mogo tipi algep agu-agesa hausi momo, ategen God-i te hapeino. God-i hailaga ya amisigen nagi mogo weka afigesi momo, aga ke ohaugie.⁶Manfagi God-i te afigeni weka aga lokiya ametiti huten nagi mogo yate tole eipa-e ohaneno. Mogo weka aga tole eipa-le maisi momo, aga yage ani-mo hetiten nagi yasi mo sakim hul uten eten nehi wamete maigie. ⁷Inani weka aga God-i te mogo ya ailgiyeya ages ofino. ⁸ Inguf weka aga tole agu-agesa e meinie, aga na ke huniya aiyaka noveiye.⁹Ametiti waya apaka rabisi hua maisa momo apaka amuse husai, aga God-i aulaga le apaka paki la ailgai. ¹⁰Inagi mone weka aga amuse hino God-i agai agi afete ailna atesi momo, nayefene hailaga ya-a honohusigen nagi kau mo flawa yana feilgie. ¹¹Yage mo lokiya leten kau goko e flawa e len hauno sagaun aiten, nagi vilasi api legeso huniye. Inya hunige mone waya apaka failte mone ailya api atregai.¹²Nalagi apaka kanaya fi lokiya vei hetina waya God-i asumi hunepate. Aga kanaya fi lokiya vei hetisi momo, God-i nalagi agai fe pauten nagi promisim hupateni ke-le aga maige maige laifu ailgie. ¹³Mogo weka le atagauya wayu husi momo aga magen ke osino, '' God-i aga aina watugo huniye osino,'' nayafene God-i aga faipaya osun, nagi faipaya husaya waya ite ailna watagau nosiye.¹⁴Manfagi mani agufa mo havi eipa mogo mogo waya pakaipi awatagau huten, nagi puwu hul-un aigofe hun nepeimye. ¹⁵Inani havi eipa alophesi momo, faipaya ailna wayu hugiye, nagi faipaya mo alophesi momo, aga failya ailna wayu huniye. ¹⁶ Mogo waya patege aigofe lapa-opeino, lapaka algep kagona nimogitapa.¹⁷Muki algep amuseya e fotogo amuseya ae aga God-i taga eniye. Inani amuseya aga haleya Afo amote elmenie. Ame mo wayu huten hono nehigufyan God-i aga inyan senis nosiye. ¹⁸God-i aga lekanapein latenie algep laifu lamgie agai ke-le ametiti husuna momo, inya higen inagi laga hogote fane yata maigune muki ya logo huniya ale.¹⁹Lapaka ani ya ageta halesai, lapaka algep kagona nimogitapai, muki waya kanareta ke afisai, apaka ke lagau taga malge ke osu-a, inagi malge hapeivi osiyo. ²⁰Nayafene haveisi weka God-i aga hugiye hauni gufya aga mogo fotogo ya osugie. Inya hunigi lapaka keoke faipaya aipanapa atreyo. Lapakai tipi ailta afete hutetapa nagi God-i ke-a lapeipafi ateni ge ailsagen, nagi ani ya lapamaigie.²²Lapaka God-i ke aiyakaveite tapa nagi ke aike afisa aipanapa a-ailyo, inagi afisa aipanapa aike hanelapetesi momo lapakai tipifi aigofe nehai. ²³Mogo weka mo aga ke afiten aiyaka oveisi momo, aga mila leti augosa neage wamete mainie. ²⁴Inani weka mila leti augosa-a kanareton aulheten nagi henaga uten nagi agai augosa le agesnakainye. ²⁵Manfagi waya ailna fri hunepate fotogo ke le kanalen aulnehi weka mo nagi aga aniya hul uten ke afino ages okainsi momo, kanare inguf weka aga muki ya huniya ale God-i asumi hugiye.²⁶Mogo weka aga mono weka mainiwe huten agesfiya manfagi aga awaya kanaren oyagaisi momo, inagi agai a eipa le aigofe huten nagi mono kawa-a afaya yane. ²⁷God-i Afo te mono husa kawa am maya huniye, ita afo pimo omaina fane hapamaisi kawai nagi nau pimo ago failte kanaya fi maina ane-ai. Inagi mani mopafi keoke guf havi aipanap te fotogota maiyo.

Chapter 2

¹Lapaka kagona nimogi tapai, lapaka Yesu Mesiya te ametiti aike osuta nagi mogo waya mogoe hapausa aipanapa lokiya weita ailyo. ²Mogo weka mo aga gol rin e algepa kukena e weiten nagi atul husi kuma kale esi momo, inagi mogo lavisi gano e traga trogo o-ainfei kukena weiten hei-egie. ³Algep kukena weini weka agete kaimo agai te inge hugane, '' Kaga male algep siya le faimio,'' manfagi lavisi weka fem inge hane,'' Kaga inale hetika maisano flowa fi faimesano.'' ⁴Ifi lapakai tipi ageta haolenai jasi gufyata mainitapa nagi lapakai tipi foko nehai havi agu-agesa letie?⁵Afiyo, lapaka lama kagona nimogi tapa, ifi God-i aga mani mopafi lavisi waya lokiya weia ametiti hute nagi ua haigaiya lekana opeinie-i agaife pauni waya pamiguwe hun papeini kumate? ⁶Manfagi ani lavisi gano awagageya ne-amni, Lapesfio, Lapakai te havi kawa nehai we-ale-we. Aga apaka ani waya afete lapevele tete inagi koti fi lapawele neta wayai. ⁷Apaka Yesu Mesiya Ala ti algep agi ale havi ge nehai.⁸Inagi lapaka algep yata aiyakaweita nagi God-i vuku fi mage huni ke hut aipa feisa momo,'' kanaregi lapakai tipi nelapei wamete alu waya lapauno,'' inagi lapaka algep kawa hai. ⁹Manfagi, mogo waya iteke mogoe neheipei aipanapa pewelisa momo, nagi lapaka faipaya hugai, nagi ago koti hulpatenai ke ail-a tagaisa we iya-a.¹⁰Nalagi muki ge aiyakaweisa momo, mogoke kate kaiyale ailgie, aga muki ge ailna tagaisiya ¹¹Anutu-a huniye, kumaiya osuvo,'' alu-e aga mage hiye, vaya hega falioto, inaya husigeka kumai aepa omalesanamo, inaya ausigeka vaya haka falitesanamo, inagi kaga kase ke neamagi vega-e¹²Inagi lapaga ke-e kawa aepanapa kase ke aiyaka newai waya gana huta maiyo, Anutu-a aepanapa tapi alino mani kase ke fago huno faipa yamo lokia loaeno nomai yati alino yoyo hulate gaiye, ¹³Anutu alino fago hulatesi momo, aga magoe alu vaya aitaga apaipa faluya nosusa waya na aipa faniya huwo apate gaiye. inagi mago vegamo-a mago waya aitaga hauya hanene siyana, haiya awa agase gaiye.¹⁴Lapaga koga,na nimo gitapae mago vegamo huno aemo, naga Yesu Mesia ala nete nametiti nehuwe aniya husigeno aga alagepa aepanapa omalesi momo, inagi inani ametiti yamo-a haiya huno awane gaiye? ¹⁵Inagi mago kogana timo-ao tasa timo-a gugena alagepa nesaya magoke kanare ohanetesi yana. ¹⁶Inagi mago tapimo-a agaife mage husi yana, kaga kaipa osu-o, kaga uga kugena kagi nesaya kagi hauyaga nega kamu hutega maiyo." Inani kemo-a haiya huno hama gaiye lapaga kugena nesaya oamisayana? ¹⁷Inani mofe lapametiti yamo-a alagepa nesaya-a afore oaisiyana, ani lapametiti yana afaya hamalegaiye.¹⁸Inagi mago vegamo-a ina ke husi yana, kaga kametiti hanage na naga alagepa kawa nemalowe." naweliyo kametiti yamo-a alagepa aliya-a inagi naga nametiti yate alagepa aliya-ae kaveliguve. ¹⁹Kagetafo huwo, kaga kametiti hugae-mo magokage lama Anutu ae. ani kametiti yamo-a fatago huniye, inagi havi awamu mogi ena aniya hua apametiti nehae, apagai-ena lusiya hua atete nehae, ²⁰Kaga kanare afiyaga ohaneniye, kaga afiga haorena piye, kaga kametiti hutega alagepa kawa osusanana, inagi kametiit yamo- afya hamale gaiye.²¹Goti-a Abraham-na taginogo mona agi mareno fatago vega huniye nayafene, aliya alino magogage mafane-a, Asaki na altale salmana hugefene. ²²Kaga afiga halo, Abraham-a ametiti huteno alagepa aliya aliniye, ani alagepa aliya amo-a ametiti ya alino lokia wainiye, ²³Goti vukumo huniye, "Abraham-a Goti taga ametiti higeno Goti-ae fatago vegae huniye." inagi Goti-a Abraham fe huno, kaga wayaniye huniye, ²⁴Kaga meni agano, kanare aliya teti Goti-a mago vegae fatago vegae nehiye, ametiti ya mago gageno mane.²⁵Ani gawa huno, Goti-a kumai a Rehapu fe fatago alagepa aliya ane huniye, ani afina aliya waya alino alagepa hupateno mago ga abaveli kea unae. ²⁶ Inagi amega agufa-moa awamu-fe ohau niye,ani agufa fali niye.Ani ya huno mago vega moa ametiti hute no alagepa aliya oali-siyana,inagi ametiti yana farini-ye.

Chapter 3

¹ Tapaga gogana nimogi tae,hailaga ve mogita Goti aliya alita apaya osugae.Laga afinone,Goti-a laga ali waya aepa napa-ti mago-e alino fago hulate gai ye koti ale mago ve ano apagase-no,nayafene laga agai-a ke ve ane alita apaya nehune.²Laga hailaga ka ata neagasone.Inagimago vega moa ke ano ohatagau si-yana,aga Goti-a hauni mafane wayu hiye,ina kanale huno mugi agufa-a yagai giye.³Laga aise aini alita hosi mo awafi ate nonageno lagai laiyaga nevai ye.Ina hosi moa lagai afi yate lagame nehiye. ⁴Sipi ageta hale-o.Sipi ala ya haneni ye,logiya yasi moa avale-lino newi yana,inagi sipi kawa vega moa aise stia to-le alino hau-ni ka-te neate.⁵Inagi tawenafuna aise ya lagufafi haneni ye,higeno agaia agi alino neasagai ye.Laga ageta hale-none,aise ata tomoa le-no ala huno yosa nele.⁶Tawenafuna ata gana yane.Aga magogage lagufa-fi ya moa keoge faipa ya nehi ye.Aga mugi lagufa-a alino havi ya hute no ata kani aeno lagufafi neate.Ani ata,ata gumapi ne.⁷ Waya mogi afela afu awale a yuna hageno ke-api aiyaga newai ye.Nama,yaga,gafa mopa-fi maina yae hage ani-pi kafa e-ne. ⁸Inagi tawenafuna,mago vega moga hamae ka gagai ke oafigi ye.Aga havi ya nageta oyagai-gune,aga havi hava ya mo a havaite geno waya nefari ye.⁹Tawenafuna leti ala Goti Afo na agi awage ali ta neasagau-ne,ina tawenafuna leti ke huta havi ya nehune,Goti a agaia agu awa yate laro hupateni waya. ¹⁰Mani magogage lawaya leti Goti agi awage alita neasagau-ta mago waya huta haviya nehune.Lapaga gogana gita ani agufa ya-na osiyo.¹¹ Mago ani gotu pati eno alagepa ani-e havi ani-e omegai ye.¹²Tapaga gogana ni-mogitae,ina figi yosa moa olivi yosa alaga alite gaifi ye? Inagi waini yosa moa figi yosa alaga alite gai fiye? Inani aepale hage ani moa alagepa ani ohamale gai ye.¹³ Tapaga folaga tapifati alagepa agu agesa-e afi-ya-a-e hanesi yana?Ate-geno ani vegamo-a alagepa afi ya teti afetaga atale nageno lamino. ¹⁴Inagi tapaga mago waya ai taga lapaipa kanaya husa yana,inagi kagai ka kagi aliga ohai ka ke alagepa le aigofe osuwo.¹⁵Ina mona alagepa kagu kagesa goguna teti omeni ye.Ha-ao,ani yana havi awamu ,afemo aliyane. ¹⁶Mago waya mogi alu waya ai yate fe apaipa kana ya hute a,apagu apagesa moa haviya-pi haneni ye. ¹⁷Inagi alagepa lagu lagesa goguna teti emine-e,mugi aepa napa agaseno fatago huno alagepa,lamage,aipa faru ya moa havaite nigeno alagepa nesaya alineate. ¹⁸Apaipa faru waya mogi alagepa fatago nesaya apaipa-fi kari-male-nae.

Chapter 4

¹ Nayafe tapaga folaga tapifi ke-nevai-ye?Havi aepa napa ya na lapaipa-moa hauniye,inagi tapaga apametiti ve ane alita haviya nehae. ²Tapaga mago yafe nelapai-ya-na noali-ye.Tapaga waya heta kipateta alumo yafe ageta lapaye nehae,ani yana tapaga noali ye.Tapaga kaweta huta ke nevai-ye.Tapaga oaligae nayafene afinogae. ³Tapaga afinega yana noali-ye nayafene havi aepa ya-teti afine gae,ani yana alita lapagai tapi lapaipa moa hauni ya hugae.⁴Tapaga kumai ane!Tapaga afita haole-nao,mopa-fi yafe lapau-si-yana Goti kame hutae?Inagi nala-kamo mopa-fi-ya aiyaga waisana-na,gaga Goti-a kame-a maigane. ⁵Tapaga lapagesa afi tapae-mo Goti ke-mo afayane nehao,"Awamu laipa-fi maine-no ala'ale aipa kanaya nehiye"?⁶Goti-a aipa faru yana ala yate nelami ye,higeno Goti ke moa ma-ke huniye,"Goti-a apagai api apagi ali-a nehai wayafena ohau niye,inagi apagai api atala geno afaga elamie waya na apaipa falu ya neapami -ye." ⁷Goti te gagaiga atale geno lamino.Sata na hafaiga atale geno lapagai teti aune heno.⁸Goti te ega aupa huo,Goti eno gagaite aupa hugi-ye.Lapaya sese hiyo,faipa waya -na,lapaipa alita fatago hiyo,tole gagu kagesa-e wayana. v

¹⁰Lapagai-tapi atale-geno lamino,Jesu taga,husageno lapawaleno anale lapate-gaiye.¹¹ Tapaga folaga tapifi ke owai yo,gogana-gita.Mago vegamo-a gogana amona alino fago hute-siyana aga kasa-ke huno haviya huno alino fago nehiye.Gaga kasa-ke aliga fago husana-na,gaga kasa-ke aiyaga novai-ne,gaga fago nehane. ¹³ Meni afiyo,gaga mage nehane,"Meni-yo ega mago ala kumate ugune,kafu magogage maita maketi ya huta mone aligune." ¹⁵ Inagi mage huta husune,"Ala nemo-a haunesi yana,laga maineta inaya maya hugene."¹⁶Meni lapagai-tapi lapagi alita asagau-ta haviya husa ya huta nehaya-e.Mugi gagi aliga asagau yana afemo aepa-e. ¹⁷Inagi mago vega moa alagepa aepa ya agene-no osusi yana,ani vega faipa ya hiye.

Chapter 5

¹ Naga mone waya mogi talaga ke hugesu-we.Tapaga ke aeta awiya hiyo,nayafene havi ya moa lapagai-te egai-ye.²Mone alagepa ya-tapi gagopa hete-no,alagepa kugena tapi nese kafa moa ne-ne.³Gol-e silva tapi-e ago kagopa heniye,ani yamo lapaweli-no aemo Goti-a alino fago hulapate-gaiye.Ani yamo-a lapagufa ata gana-ya huno lapale-gaiye.Gaga ani alagepa yana henaga atupa afina ya aliga alu ne-aine.⁴ Tapaga lapagetafo hiyo naya huna figi.Aliya waya tapi-mogi avi-ke moa Goti agesa-fi nehai-ye.⁵Tapaga mopafi alagepa no-mai-ya alita mugi yamo-a hawaite no lapatege-ta maina-e.Tapaga alagepa nesaya ne-teta alopa nehae.Ani neta alopa-ha yamo-a henaga heno kila-pa te gaiye. ⁶Tapaga havi ke-leti fatago waya heta kipate-nae.Apaga ke tapi-le oamagi-a kaweta lapagai-e osunae.⁷Ina yafe gogana nimogi-tae.tapaga fase huta maineta Ala-ne esi yafe agawa hiyo.Age-yo,hoya api haneni waya mogi alagepa nesaya mopa-fati afole aisi yafe fase hua maine-a agawa nehae,agawa hune-a hogote go-e henaga go-e neali-ye. ⁸Gagai-ena fase huga mai-yo.Kaipa aliga lokiya waiga mai-yo naya-fene Jesu esi kana ago eno aupa hiye.⁹Tapaga gogana -gita lapagai-tapifi ke kana-ya osiyo,ina ya husa-geno Sauwe nemo-a alino fago huwo-lapa-te gaiye.Age-yo,aga yasi nena kipa-te heti-no maini-ye. ¹⁰Mago afole aini yate age-sune,gogana-gita,apaune waya-mogi ala kana-yapi fase hua maine-a alinae,Ala nemo agi-le mono-ha ya-teti. ¹¹Age-yo ani Ala nemo agi-leti kana-ya alite-a logiya wai-a maina waya-na asumi-e maigae.Tapaga ago afi nae Jobu-a kana yapi logiya wai-no maini ya-a,tapaga age-nae Ala nemo aepa napa yana,Aga aipa faru ya-e wayafe hau-hu yae havai-te-te niye.¹²Tapaga gogana nimogi tae,ala yana magawa huniye,tapaga koguna-e mopale-e agi ae-teta lamage osiyo,mago yate-efe kasa ke osiyo.Inagi tapaga "He"hugemo"He"hiyo,"Ha-ao"hugemo "Ha-ao, hiyo,ina ya husi gega Goti hai-ya aga agase-gane.¹³Inagi mago folaga tapifati kanaya neali siyana?Aga nunamu hino.Mago moa amuse nehusi yana,aga amese yoge hino. ¹⁴Tapaga folaga tapi-fi mago moa kari ali-siyana?Aga mono taga agenopa ya hua mainesa waya-fe ke hinage-a nunamu hute-yo.Mono waya-mogi Jesu agi-le masave fale-te-yo.¹⁵Fatago apametiti waya-mogi nunamu moa kari vega kanale hugi-ye,Jesu-a ani kari vega alino heti-te-gaiye.Aga mago faipa ya hune-siyana,Goti-a faipa ya-a atale-tegai-ye.¹⁶Lapagai-tapi folaga tapifi faipa ya-tapi huta hale te-ta mago mona nunamu huta hamae-geno kari tapi hano huge-ye.Fatago vega-mo nunamu-moa logiya-a hane-neno alino kanale hupate-gai-ye.¹⁷Ilaija-a laga waya mainona ya huno maini vega-e.Aga logiya waino nunamu huno ko oai-yo higeno, tole-e mago-e kafu-gi naya mago kaga-ti magogage kai alino mopafi ko-oai niye.¹⁸Halate Ilaija-a nunamu huno Goti-fe ko lamiyo huno afige-geno goguna teti ko emi-eno mopafi keoge nesaya afole aini-ye.¹⁹ Naga gogana nimogi-tae, mago vegamo-a folaga tapifi Goti ke alagepa-a atale-sigeno,halate mago vegamo awale-no esi-yana,²⁰Tapaga afita hale-yo,ani gogana moa faipa vega hamae-geno ofarino mai-si-yana,Goti-a hailaga faipa ya-a atale-te gaiye.

1 Peter

Chapter 1

¹Naga Pita nae, Yesu Mesia aliya veka ae, naga mani avo kaina lapagaitga atalogeno viye lapaga nofi agaite lapametiti nehaya vaya aite. Anutu-a agai ya lekanapai maleniye. naga avo kaina atogeno lapagaitaga viye Pontius, Galesia, kapadosia, Esia yagi Bitinia kumate nemai vayate. ²Anutu afo timo-a lapaka lekanapai maleniye. aga ago agetafo huteno, ago alufina teti inagi agai Avamuteti Anutu -a laga lekanapai maleni keta Yesu Mesia aiyaka nevaune Yesu kora-amoa laga alino Anutu mafane hamaleli teniye. inaya higeno Anutu-a lapaga alino kanare hulapate gaiye, inagi lapaka lapamisigeta lapaipa faluya alita maige maige hugae.³Laga Anutu agi vage alita asagausune, la-a Anutu -a mainiye laga ala veka afotimo Yesu Mesia. nayafene, Anutu -a kanare kava hulate laga, inagi alino saufa vaya lalo hulate, magoke agufa kavate maya huno Anutu-a Yesu Mesia na alino fali kumapati hetite niye. ⁴Aga laga lekanapai maleniye muki alagepa yago alisunafe aga lagaife alino talotala humaleni ya, aga muki ya-a haviya osugiye. ha-ao, aga mago alagepa yagona koguna kumateti yane. ⁵Anutu-a yagai lapategaiye lapaka agai-a lokia leti, lapaka Yesute lapametiti husaya kanare. Anutu-a lapaka ago lapavaleniye haniyamo lokia fati, inagi aga kanare huno yagailapa tegaiye uno hano husi kanalaga.⁶Kaga amuse huvo, nayafene, mago yana Anutu-a hugefe hiya yana afole neaiye, meni lapaka havi lapagufa kigiye aupa kana-are inagi kana alkae muki keoke kanae. ⁷Mani muki kanaya afole aiyana lapaga lapametiti ya alino folete malege siye, aga aino agaseniye goli, apaga atafi kae-a agea kauya hua aga lamage goli alagepafi o ha-ao, maniya afole aiyana lapaga lapametiti eno afole husiyafe Yesu Mesia eno afole husi kanare ala agi amiteta agi alita asgaugae.⁸Lapaga Yesu na lapaulaga fati oagena yana lapaga agaifena nelapaiye. lapaga meni aga oagena yana lapaga agaite lapametiti nehae, inagi Yesi fena tusi-a amuse gase nehae, ⁹Meni lapaga lapametiti mo neha-a alite, nayafene, lapaga lapametiti Anutu taga hageno lapaga lavaleniye havi kavapati. ¹⁰Alufina na Apaune vayamogi mono hunae Anutu-a apaveli mo agege. naya husigeno Anutu-a laga miya huniye inagi apaga alagepa-a kauya hua agekae mani muki ya-a.¹¹Apaga afia halegae mani Anutu Avamumo-a apagaipi maineno kelaga nehi ke. apaga-e afia halegesae na-agufa kanare fe aga kelaga hunifi, nayafene, Anutu Avamumo-a ago hapapai niye, husigeno vekamo mafanemo-a kanaya alino yofo yosale faligiye inagi henaga Anutu-a agaagi alino asagauteno anale agi amigiye. ¹²Anutu-a mage huno hapapaiye, mani agufa ya-age afole oainiye, ha-ao, nayafene,Anutu-a kogunateti avamu alino atalegeno apaga hapamagea maya hunae, inagi apaga Agelo anagamogi apaga mago afia halegesae mani muki lamage ke Anutu-a laga lavaleni ya.¹³Inaya husigeta lapaga lokia vaita alagepa afiya atafauliyo, lapaga loika vaita hetita maiteta maya huta afita haleyo lapaga muki alagepa ya-a aligae Anutu alino talotala humaleni ya-a lapaga lapamisiyafe Yesu Mesia eno afole aisi kanare, ¹⁴Maya huno lamage mafanemo-a afiteno aiyaka nevaiye, lapagesa afifi osiyo alu usayafe ago ataleta lapaga enisa kavapi oviyo.¹⁵Aniya huniyana Anutu-a kaga agai ya lekanapai maleniye, aga fatago huno mainiye, inaya higeno kaga fatago huga maiyo muki kava alenagi muki ya husana yatenagi. ¹⁶Apaga ago kaitegeno aga mainiye, lapaga hamate kava huta maiyo nayafene, naga hamate kava huna nemauve, ¹⁷Inagi kaga ke husanana, Afo aga veka aliya alino fago magoke magoke veai aliya alina afafa ale apaga, husigetapa lapaga lapmoya-e aliya aliyo uno ani kanare hano husiyafe.¹⁸Lapaga maya huta afita haleyo Anutu-a lapavaleniyana lapaga goligi silivagi uno haviya nosi yatetino mane. inaya husigetapa lapaga havi kava aiyaka ovaiyo, lapaga alufina afotapi mopati alinaya aiyaka ovaiyo. ¹⁹Ha-ao, Anutu-a lapaga miya faino YesuMesia kora aleti lapavaleniye, aga huno mago sisipi afu mago aise afugu mago havi amu agaite omaleniye.²⁰Mopafi muki yago afole aigefena Anutu aga Mesia na aga ago alufina lekanapai maleniye. inagi mani afiyamo-a falakino haneni ya mani lagai kanare eno afole aiye. ²¹Yesu Mesia aliyate laga Anutu taga lametiti hune, aga laga fali kumapati alino hetilateniye, ala agi aminiye inagi lametiti yamo Anutu agupinaga eno lokia vaiye.²²Nayafene, laga Anutu lamake kea aiyaka waunageno aga alino fatago vaya lapaga alino hamalelipate, inagi mago alu vaya hapau sayana inagi laipa falusa ya-agi. ²³Kaga ago hegafa afole hunane, mafane neyamo-a uno fanane nehi, kaga afole hunana mafane neyamo uno fanane nosi make aga Anutu ke laifi-ae haneni ke.²⁴Nayafene, muki vealave apaka maya hunae kugena hunae apaga lalgepa vilasi ya-apimo-a aise kana-a maiteno faluyeno asagauno neaiye. ²⁵Higeno Anutu kemo-a muki kanae maige maige hugiye, manimona alagepa ke laga lapagaite huta halone.

Chapter 2

¹Inaya husigeta, havi kava osuvo keoke kate kapaloke huta mago vayaite,ha-ao kapaloke veka omaiyo huga apavayu husa ke osuvo ha-ao, huga kapaloke osuvo mago kemo-a lamake osunesi yana, ²Inagi saufa mafane mogi nufe apagategea nu nenae, magoke kava huta, ala vekamo ke aefena kagateno, mani agufa kateti Anutu taga kametiti ya alika lokia vaigane. ³Inagi kaga maya huga afiya alinesana alamoa aga vekamo-a alino alagepa ya hugate gaiye kaga,⁴Ala Yesute eno, aga la-a maya huno yafa kangana mainiye apaga vealave mogi ohapauniye, inagi ala Anutu-a aga lekanapai maleniye maya huno mago fate yapi agai-a. ⁵Inagi lapaga maya huta yafamo-a hanege hanege huno nemaiya huta mainae, ala vekamo-a alino alalu aino avamumo no kigefe Yesu Mesia agupinaga.⁶Anutu vuku mo-a maya huno kea haneniye, ago mago Saion agoyale yafa alina hetitove, naga lekanapai togeno a alukufa huniye, inagi aga la-a agaite ametiti husi yana, aga avagage osugiye.⁷Maya husigeno Anutu-a ageno halesimo-a kaga laga agaite kametiti husanana kagai-e maigiye, inagi yafa alagepa no kisa vekamo-a alino atalesiyana, mani yafamo-a eno hogote alagepa yafane, ⁸Inagi aga maya hiye magoke yafamo-a apaiya hapagea apaga vemogi asagau neaiye, apaga asagau neaiyana nayafene apaga ke neamagiye yafene, apaga lekanapai malenae mani aliya alisayafe.⁹Lapagaike Anutu-a lekanapai maleniye, alagepa vaya afole aiteta siaman kaesa agai-a aliya aligae. lapaga lamake Anutu vealave huta halegae Anutu-a lalo humaleni muki alagepa ya-ale, aga lapagaife ke hiye haniyamo kavapati saufa hale yate eta haisayafe. ¹⁰Ago alufinana, lapaga lamake vealave omainae, inagi meni lapaga Anutu lamake vealave alagepa maiye, inagi alufina ala vekamo hauya oalinae, meni lapaga hauya alinae.¹¹Lapaga nofi vaya lagi naga lapagaife nenahai yane naga lapagovana maya huna lapaga alu gote vealave, inagi lapaga ma agufamo-a nehaiya aipa-a ataleyo, aga lapagai pinaga lanehiye. ¹²Kaga alagepa kava agege vealave mogi folagapi apaveliyo Anutu na agea haolena vaya aipi, kaga alia haviya hugae kaga faipa vekae hua, inaya husigea apaga alagepa aliyaka agetea Anutu agi vage alia asagau gae Mesia alu-e esi kanare.¹³Agi alita asagaugune ala Yesuna, apagi haneni vealave aina keapi aiyaka vaigune, kini veai ke-e aiyaka vaigune, nayafene, kini mo-a lokia aliniye. ¹⁴Mago ena kini lekanapai maleniye nayafene, Anutu-a apaga alino apatalegea unae apaga lagi ke amagisa nofi vaya nofi huapa tesayafe mago-e aga huno amuse hugiye lagi alagepa kavahusa yate. ¹⁵Inagi aga Anutu aipa-e kaga alagepa kava huvo, inagi kaga aniya husanana, kaga apavaya alika apagani patekane apaga vealave lagi Anutu kea namagisa, ¹⁶Afa veka kanagana huga maiyo, mani kagileti faipaya husana afifiya omaleno, ha-ao, Anutu aliya veka kanagana huga maiyo. ¹⁷Apaveliyo alagepa kava muki ve inagi kaino, muki v kagaika kogana kamo kanagana huga, Anutu na koli huteteka aga agi vage alika asagauvo.¹⁸Lapaga aliya ve lapaga lagaitapi ala ve gatapimona amiteta lamita apagai afepi gapi maio, inagi apaga vemogi alagepa hulapatesa yano managi lapaga apagai apaginafi maisayafe, ha-ao, lapaga magoke kava hupateyo apaga lagi havi ya hulapatesa yatena. ¹⁹Inagi aga kanare huniye amuse husanana kaga tusi kagafuya alitega lokaega keoge kanaya nayafene kagaiga Anutu-na ago ageka halenana fene. ²⁰Inagi na-agufa alagepa yamo-a agava huniye aga mago veka la-a haviya huteno uno haviya husi yana, inagi aga la-a agufa alagepa kavateti alisiyana, kaga amuse huvo nayafene, Anutu-a ala kagi kamisi yafene.²¹Magoke aepa afiyateti Anutu-na lekanapai maleni yana lapaga maya huniye, lapagai-e magoke kava huta kanaya aliyo, Mesia kana aliteno kagaite faliniye, aga alagepa avame kaga kaveliniye kaga aiyaga vaitega hugane magoke magoke kavate aga huniya huga. ²²Mesia faipaya osuniye, mago-e aga apaga ve havi ke hapa opainiye, ²³Apaga vemogi ali-a haviya hutena kanare mo aga, aga alino haviya huo-apateniye apaga, apaga vemogi amagi-a falitege huna kanare-na, aga talo-tala osuniye ani kava hutene yatena, aga agai agufa aminiye apaga veai lagi ali-a fatago nehaya veaite.²⁴Anutu -a agai-a lagai faipa yatimo kanaya agai agufafi aliniye yofo yosale anale falini kanare, inaya husigeta laga faipaya osuta alagepa kava agege aiyaga vaisune, Anutu-a huno kanare-ne hulapa- teniye Yesu-a agufafi aliniya aga, ²⁵Lamake-ae, lapaga afu kanagana hutapa uta falagi-nae, inagi meni lapaga Yesu tapi-ena, la-a afulena alagepa kava vega-e lapagufale-e lapaga.

Chapter 3

¹Mani kate, lapaga mariti ane lapagai tapi vetapi mogi apaiya finaga lamitapa maiyo, kaga inaya hugea Anutu ke neamagisa vemogi, apaga ane apimogi alagepa kavatapi vetapi mogi agegae. ato apaga ke osuga yana kavagamo husigeno vemo-a agu aino afele gaiye. ²Inagi apaga agea haletea apaipamo-a falu hugiye alagepa kavata piena.³Lapaga ma lapagufale alagepa vilasi yago huta apave oliyo maya huta, kagayolagefa nofi kiyo, goli leti vilasi muki alagepa kugena husa yanagi, ⁴Ha-ao, lamake vilasi ya apveliyo alagepa kavaga kaga kaipafati, yatala kana maisa vilasi aga maya huniye kagaige alilimiga afepi maitega vase huga maiyo, mmani aga ala huteno kanare yane Anutu aulagale.⁵Apaga fatago ane mogi afepi lamia maitea vaseto hua nemaiye, apaga afia hale nae Anutu lamake kea higea ve apimogi apaiya finaga lami-a nemaiye, ⁶Magoke agufa kate, Sera-a Abraham-mu ke neafiye inagi aga Abraham-muna agi aeno aga alane, kaga ena maya huga Sera mafane, inagi kaga kanaya fena kamoya oaiga alagepa kava-agege huvo.⁷Magoke kava ena, lapaga ve mogita anetapi-e maiyo alagepa afifi yae lokaeta ageta halesa, nayafene, apaga lokia-api omale niye, lapaga alagepa kava-gege anetapi hupateyo lapaga, nayafene, apaga ane mogi-e maige maige kuma aligae lapaga mni agufa aepa malesa yana inagi aga nunumu tapimo-a kao-aganiye lapaga.⁸Huna hano husa ke, lapaga muki amogita magoke agufa afifiya aliyo inagi agife kainageno kapaife kainageno lapaipa fati alilimi tapa afepi maiyo. ⁹Mago alu vaya alita haviya huo-apateyo aga la-a alino haviya kaga hugatesi. kaga alagepa kava-agege hupato apaga kaga haviya hugatesa yana, nayafene, kaga ala amuseya aligane mani kava husan teti.¹⁰Apaga muki vealave alagepua maitea alagepa laefi alia maige fena, apaga apawaya oategeno havi ke-e kapaloke osino. ¹¹Apaga havi kavana apagameya apamitea alagepa kava-agege hiyo, aga mago ka kauya huno alagepa kava maleteno vase huno maino. ¹²Ala vekagamo-a fatago vealave ai aulu heteno apagai nunumu neafiye, inagi, Goti -a magoke aipa nohane faipaya haya vealave aite.¹³La-a alino haviya hugate gaiye kaga, inagi mago alagepa ya kaipafati huge sanana? ¹⁴Inagi, afa-a kaga alagepa kava kaleti kanaya alisanana, inagi kaga aga amuse ya aligane, kamoya oaiyo mago nayafene-na, inagi mago yafena kagesafifi osuvo.¹⁵Inagi, avalo Mesia ala vegaga mona kaga maya huniye aga alagepa huniye, kaga talotala huga muki afina vealave hapaiyo maya huga, kaga Anutu-na afina halenove alagepa kava-ae, kaga vase huga keke apagai-e huvo lokaeka afepi lamiga maisa kava-e. ¹⁶Kaga ago aliyo alagepa kagugagesa egaiye Anutu tagati, Inagi la-a alagepa laefi alino haviya hugiye Mesia agupinaga apaga apavagage hugiye, nayafene, kaga veka havi kava nosane. ¹⁷Agai kanare-na inagi Goti-a kaga kanaya aligae hunesi yana alagepa kava nehusana kanare-fe , inagi havi aepa nomalesa yate nomane.¹⁸Mesia aga fatago vegae, inagi aga laga faipa vealave ai kanaya aliniye, Mesia mani ya huni yana laga lavalelino Anutu-te eno aupa hugefe, apag Mesia-na maufa haea kitenae, inagi Goti Avamumo-a alue-ge alino heti teniye. ¹⁹Avamu tetina, Mesia uno mono huniye apaga Avamu lagi meni kalabusifi maina yapi, ²⁰Apaga ke amagi nofi kanare-na Anutu aipa falu yamo-a apagava huniye apaga Noa kanare, inagi mani kanare-na Noa sipi lalo huniye. Anutu 8ti-a anaga alagepuno yagaipa teniye ani hagemo-a anale haiya kanare.²¹Mani animo-a ani falesa avame kanagana huniye, nayafene, Anutu-a nelapa vale lapaga ani falesa yapati ani falesa yamo-a muki veai faipa alino noatale, inagi lapaga lapavalesa yana Anutu-a Mesia Yesu-na fali kelifati alino heti teniye. ²²Mesia kogunate uteno inagi aga Anutu lamga ayataga maiye, apa Agelo gi inagi apaga alavegi mopafi muki loki ya-agi lokaeno aiyafinaga eno.

Chapter 4

¹Inaya higeno Mesia agai agufale muki vealave ai kanaya aliniye, inaya husigetapa lapagai-e Mesia agile kana aliyo, inagi apaga vealave lagi apagufale kanaya aliyana apaga faipa yana nosae, ²Apaga mani agufa vemogi ma apagufale mainesa yana, apaga apagaiapi apagufa aiyaka ovaigae, inagi Goti aipa aiyaka vaigae.³Lapaga ago unae alufina lapai pale, aga mani agufa kavatene, kumai kavate, tusi ani nae, spaki hutea kapalo Goti te mono afiye. ⁴Apaga apagesa afiaemo aga saufa kavane hugae kaga apaiyaka osusana mani havi kava tena, inaya husi kea havi ke lapaga lapau kae. ⁵Mago kanare Goti-a koti hupate gaiye apaga meni maina vayae ago falina vayae, ani kanare na apaga Goti- na hapaigae muki kava hunesa kava-a. ⁶Mani aepale Mesia ago huniye alagepa kemo apaga fali vayaite, nayafene, apaga Goti kotile hetigae mapa agufale nagi Avamu tenagi apaga Goti-e avamu aia lokaea maigae.⁷Ala vekamo kana eno aupa hiye, ina ausigetapa lokia vaita maiyo nunumu kavate, ⁸Anale mago alu yana, lapaga alu mago vayana lapaino nayafene, lapaipafati mago alu vaya hapau yamo-a tusi faipaya aeno atinegae, ⁹Muki alagepa hausi kavago apaveliyo inagi hailaga kego osiyo,¹⁰Goti-a lapaga hamate amuse ya magoke magoke lapaminiye, inaya husigeta lapaga mago alu vealave hapa maeyo, lokaeta lapaipaleti lapaga hapa maeyo inagi Goti aipa falu ya-a apveliyo. ¹¹Inagi mago vekamo mono ke huno hanelesi yana, he ategeno aga Goti ke mono hino, inagi aga ategeno Goti loika leti vaya hapamaeno. Yesu agile, mani muki yamo-a Goti agi alino asgausiye, lokia agi hale ya-agi Yesu Mesia te usiye kana-e kana-e, lamake.¹²Kogana, lapaga lapaipamo-a alino heotino alugufa kanaya lapagaitea fole aigiye ata kanagana huno. ¹³Inagi, na-agufa kanaya alisaya yana Yesu agile, lapaga amuse hiyo, inaya husigeta tapa lapaga amuse gase mago-e hugae,Goti hale ya-a agegae Yesu-a eno afoleaisi kanare. ¹⁴Inagi mago vemogi Yesu agile haviya hulapa tesa yana, lapaga amuse hiyo, nayafene, Avamumo-a lapagai-e maigiye.¹⁵Inagi lapaga kanaya alisayana, mani yamo-a alino talo huolapa teno vaya hega gitesa vega o kumaya-a huge feyo gona oaiyo. ¹⁶Inagi mago kristen mo-a kanaya alisayana, inani yafe kavagage osuvo, ha-ao, lapaga amuse huteta inagi Goti agi vage mani yamo-a alino asagaino.¹⁷Meni Goti ala koti-a eno afole aisi kanare mo Goti nofi vayapi eno aigiye. inagi aga lagai nofi vaya ai folagapi afole aisiyana, nayaya afole aigiye,Goti ke apaga nofi vaya aiyaka nowaisa yana? ¹⁸Inagi maya husigea, apaga fatago vemogi tusi yate lokia newaiye maige alisayafe, inagi naya huga-e muki vealave faipa ya nehusaya vealave. apaga hanaya hua Goti aulagale ea afole hugae? ¹⁹Ategea muki kristen kanaya nealisasaya apaga Goti ala vekamo ayapi laefi api ateyo, age la-a muki talo humale niye.

Chapter 5

¹Naga lokia ke apamuve apaga agenopa veaitipi mona lapaga naga naga ena mago agenopa vegae, naga magoke vegamona ago maiena agenove Mesia kanaya aliniyana, naga Goti-na hale ya-amo-a folakapi maiguve Mesia esiya kanale na, ²Inagi naga lokia ke lapamuve lapaga agenopa ve mage huna , lapaga Goti veala ve alageputa yagaipateyo, lokaeta alagepa lapaipaleti Anutu-a hauniya maya hutapa, inagi mani aliyana lapagaitapi lapagulapa gesafati aliyo inagi mago vemogi lapapai sageta lapaga aliya aliyo, ³Ha-ao ala veka haiga ohamalo lapaga yagai neapayesa vealave ai apaulagale, ha-ao, lapaga alagepa aepanapa lapaiyaga vaiyo. ⁴Inagi muki afuale neyagai ala veka esiyana. lapaga ala amuse yana maige maige yana aligae.⁵Magoke agufa kavate, lapaga yapala ve lapagaitapi afepina lamita maiyo, inagi ala veai apaiyafinaga maiyo, lapaga muki vealave hapauteta hapamaeyo. nayafene, Anutu-a apagufaaliahaiya ve alilino afepi neatate. inagi aga aipa fallu huno neapate afepi apaga alilimia maiya ve, ⁶Inagi kaga Anutu aulagale lamiga afepi manegeno Anutu-a agai-a kanale kaga kavalelino anale haigiye. ⁷Muki kanaya atapi lapaga alitapa Goti-taga viyo, nayafene, Goti-a lapagaife hau nelapate.⁸lapaga talotala huta yagaiyo, lapaga mani kametapi mo-a Sata-a aga uneno nehiye laiyon kanagana huno, inagi vaya kauya huno henagino negefe. ⁹Hetiga lokia waiyo kametiti atafauliyo, kaga maya huga afiyo muki apametiti vealave mogi mani mopfi-ena magoke agufa kanaya yana alia nemaiye.¹⁰Aise kana toale lapaga mopafi kanaya aligae, inagi mani Anutu-a muki hauya-amo-a havaiteniye, aga ago ke huniye lapaga hale ya-afi agai-e maisayafe, aga lapametiti yatapi lokia lapamigiye lapaga inagi alino kanale hulapate gaiye lapaga. ¹¹Anutu-a aga muki lokia-a aliniye, aga maige maige hugiye, lamake.¹²Naga mani avo kaina huna halena maya huna lapaga lapapauve, Silvanusi-a aga mago kogana-e muki aliya-ale yagaino alagepa nehiye, naga lokia ke amitena huna halove Silvanusi muki alagepa alita-alefe naga mani avo kao kanafi, mani ke naga kao vana aga lamake, lapaga hetita loika waiyo mani kele. ¹³Mani Babilon ana, apaga agai-e lekanapaiye geno aga feluga-e lapagaitaga atalegeno viye, Maki-ena aga nagai mafane feluga-e huno lapagaitaga atalegeno viye, ¹⁴Felugae huta apamiyo muki alu vaya-e lokaeta amuse yae apaveliyo Anutu hauya-ae, Yesu Mesia aipa vase huno maisa yamo-a lapaga muki-ae hane gaiye.

2 Peter

Chapter 1

¹Naga Saimon Pita ai Yesu Mesiya ailya weka ai, naga mogo aposoli weka lekanapain natenie. Naga inani awo ailna trogen lapakai taga uniye laga aposol waya Yesu Mesiya te ametiti nehuna yata nagi lapaka nalagi Mesiya te ametiti neha waya. Kagai e lagai e God-i e Yesu Mesiya e aga haulateke lawelesi weka mogoke ametiti e fotogo aipanapa e ailnone. ²Hauya e eipa fulya e kagai fiti God-i e Yesu alati ala afifiya a lagai fiti alopeno.³Muki ya nelaunaya aga God-i laumniye, fotogota maita algep laifu ailsune nagi God-i taga eni afifiya, aga nala agi la ae lokiya ae lekanapei lateniye. ⁴Inani yakoe lamniye, aga ala hogote kase ge e lamniya, inya higen nagi muki algep yako ailteka nagi mani mopafi kanaya akasegane kagunopa mo nefi havi agu-agesa le.⁵Nayafene, kaga hogote fotogo aipanapa huwo kametiti ka huka hama huka nagi algep afifiya kale algep aipanapa malo. ⁶Algep afifiya e, kaga mani agufa mo laiki ailka ka-ale teneka nagi agufa mo laiki ailka ka-ale atesa kawa le, kagafu ailneka nagi inani kawa le, God-i fotogo aipa-a logohugane; ⁷God-i fotogo aipa ae, alu kagonaga kalem kanareya hupateteka nagi alu kagona kanare kawa hupato alu waya nehepei kawa le-e.⁸Ani muki ya kagai fi hanen nagi alop hesi momo, afa-aike omaigane heilaga nesaya logo hugane Yesu Mesiya ala timo afifiya le. ⁹Manfagi nala ani muki agai e ohanesi momo, aga aul-osegiye, nayafene aga aulaga haviya hunigen nagi aga inyan Mesiya faipaya a ago sese huniye-ya-am ages-ofiniye.¹⁰Inya hunigi lapaka kagona, hagote kawa husanayam inya huniye, God-i kagai fe keya huniya-am ageka haletek nagi agai a ailya weka yan kateninie, inya husana momo inagi sagau-okaigane. ¹¹Inani kate, hailaga yako maigemaige laifu mo nokipa le hanegie Ala timo aga Yesu Mesiya kumate aga nala halateke lawelesi weka.¹²Inya-higen nagi naga muki kanale ani yakote lola hun haleguwe, kaga ago ageka halenafi o inani lama ge le meni ailnana yam lokiyaveika ailnano. ¹³Ages fuwa momo aga kanare huniye, inani sel nopi mainowa momo, ani yako tefe kawelen heti kateten ke kapein nagi mani yakote halateke kages fino. ¹⁴Namofene naga agen halenowe aupa kanare feilguwe ya-am, nayafe Ala ti Yesu Mesiya inya neweailnie. ¹⁵Inya higen, naga muki lokiya ni atopwe mani awu kaisaya, feilsu gekaim nagai fe kagesfin-tesanaya.¹⁶Laga aposol we mageta kapaune, Yesu Mesiya Ala ti nala muki himamu e lokiya ae haneni weka mogo kanale halateke egiye. Laga lagulagesa le haneni monoke aika-nowaune. Ha-au. Yesu Ala ti laulaga fiti agonaya kapaune aga ala agi la e lokiya ae mainiye. ¹⁷God-i Ala Afo timo, agi la amten nagi God-i ala laiti hanen wego hunigen mage huniye, '' Mona aga Nagai Fane, naga mogoe nauten nagi agai fe lusiyan amuse huwe.'' ¹⁸God-i mage hiya afinone, inani fotogo awoyale Yesu e mainona momo.¹⁹Keyawaga Mesiya te kaina aune we-i ke-le ametiti hunnone. Na ke kainaya tafauka aligi huwo, nayafene aga mogo lam gufyan haniyapi ailna halegepa nagi we-ale-we mogi pamaige age legepute usai. Inani laiti mo len uno nagi ani kana wayu higeno nagi natepi kanefi lapeipa le hetino. ²⁰Muki yamo agotofule, inyaka ageka haleno mogo aune ke aga mogo weka mo agu-agesa le wayu nosiye. ²¹Nayafene, mogo aune ke waya mogi laikifi wayu nosige ke hua hanolai. Ha-ao. Nalagi God-i Fotogo Awamu ae haveitena waya mogi, apaka ani Fotogo Awamu ailna hetipege nagi God-i ke hua hama nehai. Inya higen nagi God-i Awamu mo lagai Wamu hamaigen nagi God-i ke ageta hanelone.

Chapter 2

¹Keyawaga, mogo aigofe aune we God-i we-al-we i folagapi wayu hanai. Inya hige aigofe tisa wemogi e lapakai te etea nagi aigofe ge le lapaya hua lapametiti tipi paulim hugai. Apaka aigofe ge lapapeisage tapa God-i te akame amgai aga nala faipaya miya nehi weka. ²Hailaga waya mogi havi aipanapa api aiyakaveite inagi ani yate waya mogi ke hua bilas hugai lama ge aiyakaveisa kate. ³Haye kawa apile, mone tipi wuyu husa ge hugai. Aupa kanale God-i koti hupatesage legeso hugai.⁴God-i aga agelo we patege faipaya nosai. Ha-ao-ai. Aga afenaga haikowako kumafi kalawusim patenige nagi koti kana esiyafe yagai mainai. ⁵Keyawaga, we-ale-we mogi God-i akame amna momo aga opatenie. Ha-ao-ai. Lusi ani ailna henige ani nekai-a feilna fa. Aga Nowa yagaitenie, aga fotogo weka e 7- waya ene. ⁶God-i inke huniye Sotom e Gomora taun fem haviya hiau higea nagi lusi ata i kaigen mumsopa humalenie. Inani yam aga yagaita maisai ge lapamnie God-i te akame amgefe neha ale-we ife.⁷Loti aga mani fotogo weka we-ale-we mogi kumei kawa api ageten nagi lusi kanaya ailniye. ⁸Ani fotogo weka aga folaga api mainen muki kanale havi aipanapa agen afiten nagi eipa afiti agafuten kanaya ailniye. ⁹God-i aga agen haleniye waya haulateke pawelesi kate apaka kanaya fi aiyakanevei waya a nagi aga agenie ala kotifi esi kana havi aipanapa api nonale peimsaya.¹⁰Pakaipi agu-agesa aiyakanevei wayam inguf waya apaka havi miya ailgai. Apaka God-i agelo waya ale havi ge husaya pamoya noaiye. ¹¹Apaka agelo we mogi lokiya mani mopafi waya i lokiya ankaseniya. Manfagi apaka havi ge hupate te nagi God-i te pawele ua koti hunopatai.¹²Inani waya apaka abusi wamete pakupakesa pimo ohanenige nagi waya i mopafi mainage waya mogi patafau nagi pamigi failtegaya manfagi. Apaka haviya hugaya manfa, nayafene, apaka haiguf weka le havi ge hunaya age ha-olenai. ¹³Apaka havi miya ailgai keoke havi aipanapa nehaya. Apaka pakesfi paimo yegefi nesaya nene ani nene kawa mo aga lama amuse husa kawai. Pakaipi hua diti hutea pakaipi hua haviya hunai. ¹⁴Apaka ane tefe hapaye hunai kumei aipanapa hugefe. Inagi inya huniye apaka mani agufa faipaya hauniya hua paumnosai. Apaka pametiti-pi lokiya oveini waya wuyu hunai faipaya hugefe. Apaka ago apaya hunai faipaya husa kawa e haye kawa le, manfagi God-i haviya hupategie.¹⁵Inguf waya apaka God-i aiyakanevei ka akaseta nagi God-i hauniya agai aulagale fotogo hua nomaiye. Apaka ne Balam, aga Beom fane kawa a aiyakaveinai, keyawaga nehiya. Aga inani kawa hi momo havi aipanapa ale miya ailgefe huniye. ¹⁶Manfagi God-i agai fe lokiya ge huniye waya aigofe ge hun nepeim aipanapa-a ailna kanale hutegefe. Aga donki afu hutenige waya ke nelagai yana ke lagaunie inya nehana kawa atresane.¹⁷Inguf waya apaka ani kotu ago leneni wamete mainai nagi hiya gufya hunai yasimo ail uten eten nagi ko hun wayu nosiye. God-i aga hainkowako kuma api ago lola huniye maisaya. ¹⁸Aigofe ge pile pakaipi pawele anagafi haiya manfa, apakai ge mo nesaya-a ohaneniye. Apaka menito haiden waya i aipanapa atete maina waya pawuyu hunai kumeiya hugefe. ¹⁹Apaka ani waya mogi mage nehai; lapaka laiyaka veisa momo fri huta maigai. Manfagi pakaipi haviy husa havi aipanapa le ailya waya mainai. Mogo aga mogo ya ategen bosim hausi momo; inagi mani yamo ailya weka-a maigie.²⁰Apaka, Yesu Mesiya Ala tile alegepa afifiya ailte nagi mopafi havi aipanapa akasesa-yana. Manfagi inani aipanpa le haulateke ua balawus maisa momo; inagi haviya meigai. ²¹Aga kanaregi, God-i aulaga le fotogo hua maisaya ka age ha-olesa momo, manfagi meni ago age halene nagi God-i pamni ge le kame amnai. ²²Inani kawa mo aga ge mo mage huniye, ''Kala mo muvilteten nagi haulateke un nene inagi afu moe ago ani feleteten haulateke uno hapafi felo falo nehiye.

Chapter 3

¹Apaka kagona, meni aga namba tu awo lapakai te kain trogen uniye lapupakesa ailna hetiten nagi mani yako te halateke pakesfita inagi lapupakesa mo fotogon hanesie. ²Lapaka halateke agesfio apaka aune we- mogi keyawaga lapamna ge inagi Yesu Mesiya Ala ti aposol we-i pawaya-le pamnie.³Ala yako hogoteya ageta halesa ya-am maya huniye, apaka bilasi ge husa waya atupa kanafi wayu hutea nagi pakaipi havi agu-agesa aiyakaveigai. ⁴Apaka mage bilasi ge hagai, '' Nafina Mesiya halateke egiye? Keyawaga muki ya wayu huni momo mogoke yake hanen enige nagi lagino-mogi ago feilnai unai.''⁵Apaka inguf ge hunai. Nayafene, inya God-i ge le age halesa yafe opaunie, aga ke hunige hiya mo wayu huten nagi ke hunigen ani-mo mopa atren hai-enie. ⁶ Inagi henaga God-i ke higeno nagi lusi ani wayu hun ani heten mopa e muki yako e ailna haviya hutrenie. ⁷Inagi meni mogoke aipa letike kokuna e mopa e God-i mogoke ge aleti ata fi kain saga-ailsa yafe yagainai. Apaka koti husa kana yagainai inagi God-i taga kame neamsa we-ale-we apaka haviya hugai.⁸Lapaka nafunaga, lapaka inyata kanareta ageta halesa yafe neiye, God-i tem mogo kanatom 1000- tausen kafu yana huniye inagi 1000-tausen kafu aga mogoke kanai yan huniye. ⁹Mogo waya mogi mage pakesnifie, God-i agai promisi fase fasen ailna aipanefeiye. Ha-ao. Lapakai tefe fase huten yagain mainie. Aga mogo weka legeso husi yafe ohaunie. Aga muki we-ale-we havi aipanapa pile paku-ai-a felesa yafe haunie.¹⁰Manfagi God-i kana mogo kumaya weka gufyan egiye. Hiya mo lusiyan hetiten nagi hono hugiye. Mopa fi muki ya haneniya-a ata mo kain sagalgie.¹¹Inagi muki yako inani guf aipa le haviya hugefe husi momo. Lapaka heiguf we-ale-we meigai? Lapaka fotogota maine tapa nagi God-i kawa aiyakaveisai. ¹²Lapaka God-i kana esi efe yagaineta inagi ani kana wayu husi yafe lokiya hut ailya ailyo. Inani kanale lokiya ata kokuna e muki ya e kain saga-ailsagen ani mo hane wamete hugiye. ¹³Manfagi agai promisi ge le, saufa kokuna e saufa mopa e yagainone inagi fotogo aipa aike ani kumafi hanegie.¹⁴Inya hunigi lapaka kagona, inya wayu husi yafe yagainai, lapaka lokiya veita ailya ailta nagi legenya e faipaya e laifi tipifi ohanesi-getapa nagi God-i aulaga le eipa fulya e ka-aisai. ¹⁵God-i aga lapakai fe fasefase huten yagain mainie. Aga inya huni momo, nayafene, aga haulateke lawelegesie. Aga lama kagona timo Pol aga mani ge-e lapakai te kainie God-i amni afifiya letie. ¹⁶Pol kainiya awo fiti, inani yakote ke lagaunie. Aga inyan lama ge huniye, mogo ke aga ageta ha-olegune. Inya hunige waya mogi God-i ge-le age haolene nagi pametiti pi lokiya oveini waya mogi ani ge hua tiginowano nehai. God-i alu mogo ge aleti inya nehai. Inya hige apaka haviya hugai.¹⁷Inya hunigi lapaka kagona, lapaka ani yako ago ageta halenai. Lapaka kanareta yagaita meiyo. Lapaka aigofe e ge ail-a netaga waya opatege lopuwu hua nagi lapametiti tipi atesai. ¹⁸Manfagi lapaka hauya leti mogoe alopheteta nagi algep afifiya Yesu Mesiya Ala tile ailsune. Laga agai agi ailta sagausune meni e meige meige maisunate. Tama ge.

1 John

Chapter 1

¹Mani ke ago alufina haneni ke, laga lagaiti afiteta laulaga fati ageteta hunone, ina aigeta laga alufina layateti atafa hunone, mani ke aga maige maige ke. ²Aniya higeno maige maige yamoa eno afole aigeta laga agone, ina aigeta agaite laga huta halone,laga lapaune lapaga henaga maige maige yafe, Anutu-e logaeta maisayafe, eno afole ainiye lagaite.³Nayafene, laga ago ageteta afiteta lapaga lapapaune , inaya husigeta lapaga lagai-e eta atalu aiyo, laga atalu husunana Anutu Afo-e mafane-ae, Yesu Mesia-e. ⁴Aniya higeta, laga mani ya-a avo kaone amuse husayafe, laga amuse yatimoa havitelete gaiye.⁵Mani ke laga ago afuna ke lapagaite huta haleta mage hune, Anutu-a aga haleniye, hani yamoa agaipina omaleniye. ⁶Laga mage huta laga agai-e atalu nehuta hani yapige uteta nehune, lamage laga havige huteta laga muki-a alagepa kava nosune. ⁷Ina aisigeta laga kanite uteta nehusunana aga magoke kavagava huno ani kanite nemaiye, laga mago vealave-e alita atalu hugune, lamage Yesu Anutu mafane amoa koramoa muki faipa yati alino neatele.⁸Laga hutaemo laga faipaya timo omaleniye husuna momo, lamage lagaiti huta havige hula tone, ke alagepamo-a lagaipi omale.⁹Laga faipa ayati huta halesunana, lamage aga alagepa kava-aleti muki faipaya alino ataleteno muki kanale osunesi kava-a ano kalopaite gaiye. ¹⁰Inaya husigeta laga mage husunana, laga faipaya osuno nagi, lamage laga huta aga kapalo vekae hutonageno lamage keamo-a lagaipi oahane niye.

Chapter 2

¹Agenopa vekamoa avo kaino apaga apametiti nehaya vealave, apaga agai-a mafane naga aite, la-a naga naipafati nau niye ke alagepa leti nagai niyo mane, inaya higeta laga muki amogita ke alagepa-a afinone. ²Naya fenomane ke legepamo-a lagai laipafi haneteno ani kemo-a lagaipi hanege hanege hugiye. ³Gauyamo agi gaipa falu yamo agi lagai-e hane gaiye, Anutu afo-e Yesu Mesia-e Anutu afo mafane alagepa kavate nagi lagepa hauyateti nagi⁴Naga ala -ale amuse huve naga mago mafane anaga gauya huve aiya kale ke alegepa le, inaya higeta laga ago alino-e Anutu afo kase kea. ⁵Meni naga amuse huve gagaifena, ane naga saufa kase ke kaove, laga alufina alinone laga laipa amaisa yana mago veka-o alu veka, ⁶Inani Anutu hauyapi, uta aiyaga vaita Anutu kase kele aga hauniye kaga husanafe, mani kase ke ago alufina afinae ke ani kele aiyaga vaiyo.⁷Inaya higeno, tusi kapalo vaya unae mopafi muki aupilaga, apaga hua halea Yesu Mesia Anutu mafane eniye nosa-e. ⁸Alu lapageyo lapa gaitapifi, lapage okanino nealuna aliyatena, inaya husige tapa muki amuseya ali gae.⁹Apaga ua hogotena vayana heti-a lokia vai-a omainae Yesu ke aipa lena, apaga inani vaya aitena Anutu-a omainiye, mago veka aga la-a lokia vaino heti siyana, ani vekamo-a afo-amoa maiteno mafane-a mainiye ¹⁰Inani husigeno, mago veka kagaite eno ani kemo alino lapa gaite alino omesiyana, avalelitapa notapi finaga utapa amuse ke osiyo agaite. ¹¹Mago veka la-a huno amuse hute siyana agai ae ani veka haemaino faipa ya nehiye.¹²Naga tusi yate alino-e lapagai tega avo kaisa yana, naga avo kaisu avona mago yate avame atena kaiguve, naga tusi nage tafofo lapagaite ena lapaugosa agetena kege mago kepi kege husayafena, amuse yamo-a lapagaipi havite gaiye. ¹³Apaga asa-amo mafane anga legapai malenana mafane mogi, apaga hua amuse hugtae. ¹⁴Naga avo kaina kamuve, afogitapa, lamage kaga ago agenane aga hogote kavateti. naga avo kaina kamuve, yapla ve anga,kaga logiaga haneniye,Anutu kemo-a kagaipi haneniye, inaya higega havi avamuna aigaagasenae.¹⁵Mopafi yatena ageta lapaye osino, inaya husigeno mago vegamoa mopafi muki yafe nehau siyana, inagi aga Anutu fena ohauniye. ¹⁶Muki mani mopafi yamo-a maya huniye, laipamoa hetisa yanagi vayamo yate aulu hesaya nagi feyo aisa yana Afotagati nome, inagi mani mopafi kavane. ¹⁷Mani mopagi-e muki havi kava agi havi aguagesagi agaipi haneni ya-a muki-a hano hugiye. inaya higeno mago vegamoa Anutu aipagugesa aiyaga vaisiyana maige maige hugiye¹⁸Lapaga aise mafane anaganiye, meni lana kanarene lapaga ke afinae mesia huno haviya huneate kano egaiye, meni apaga ea ago afole aiye, inaya higeta laga muki amogita ageta halone meni lana kanae. ¹⁹Apaga laga latelea vae, apaga lagai nofi vaya nomane, inagi apaga lagai nofi vaya mainesa yana, apaga lagaie maigiye. ina aigea apaga ua falagitae, apaga ea afole hua lagai vaya omainone hae.²⁰Inaya higeta lapaga Anutu tagati avamu alinae, lapaga ke alagepa afinae. ²¹Naga lapagaitaga mani avo okaove huna lapaga ke alagepa oafinae osuve. inagi lapaga afita haleyo ke alagepafina havi ke omaleniye.²²Havige ganomo-a humo aimo Yesu-a anumaya Anutu mafane yomane nehiye, aga ani vega Mesiana kame kano-a mainiye, inaya higeno aga huno haleno aga Anutu-e Yesu-e nosiye. ²³Apaga muki vayamogi Yesuna apakameya aminae Anutu mafane hua agea haolea Anutu-e oagenae, aga la-a huno haleno Yesu-a Anutu mafane miniye husiyana ago Anutu na ageno haleniye.²⁴Lapaga ke afinaya kemo ategeno lapaguafi haneno.inagi lapaga alufina afinaya kemo lokia vaino lapaguafi hanesi yana, lapaga Yesu Mesia-e maita logaeta Afoe maigae. ²⁵Mani tokia kemo lamini yamo aga laga maige maige maiya alita maisunafe, ²⁶Naga mani avo kaovana lapaga lokia lapamisiyafe, havigu mago vayamogi lapametiti Yesuta nehaya alia yagaregae.²⁷Lapaga Ala vegamo Avamuna ago alinae, aga lapaipafi naga mainiye, inaya higeno mago vegaena olapau niye alino lapaya husiyafena lapaga. avamumo-a muki ya-a alino lapaya nehiye aga kanare huniye, havige nosiye, aga ago alino lapaya huno Mesia-e aita lokaeyo. ²⁸Inagi lapaga muki mafane angane, lapaga Yesu-e aita lokaesayana lapavagege osugae aga esi kanare lokia vaita hetigae. ²⁹ Inagi lapaga ageta afita halesayana aga fatogo vegae, inagi lapaga afita haleo muki vayamogi alagepa aepa malesa vayana, apaga Anutu mafane anaga mainae.

Chapter 3

¹Laga afita halesune mani Anutu-a laife hauni yaemo husigea apaga huaemo lagaifena Anutu mafane anagane hugae, inaya higeta laga Anutu mafane mainone. mani aepalefe, apaga mopafi vayamogi lagea haolegae nayafe nomane Anutu magoke kava hua agea haolegae. ²Inagi lapaga kogana nimotae, laga mukia Anutu mafane mainonana ina aigeno aga taveo liniye laga naya afole aisiya henaga. inaya husigeno ani kanare Mesia eno afole aisiyana laga aga ageteta eta agai ganagana hugune. ³Inagi muki vealave mogi agava Mesiana agegefena muki faipayana ataletea alia fatogo hua maitea apaga faipaya nosae magoke kava huno Yesu faipaya nosiye.⁴Muki vemogi faipaya nehae, apaga ani vemogi Anutu ke neamagiye. ⁵Laga ago afita halenone, Mesia aga ago eno afole huniye faipaya alino atalesiyafe inagi aga agai-a faipa nosiye. ⁶Mago vegamo-a Mesia-e ainagama vegamo-a alu magoe faipaya nosiye nayafene mago vega faipaya nehe vegamo-a Anutu na oageniye.⁷Lapaga muki nagaini aise mafane angani, mago vega alita oategeno lapagugesa alino yagalu oneno. inagi mago vegamo-a alagepa gava nehusiyana, aga alagepa kano-e Mesia-a maini gava huno. ⁸Inaya husigeno mago vegamo-a faipaya nehusiyana aga sata nofipi mainiye, aga alufinateti faipaya nehi vegae, inani aipa yateti, Anutu mafane eno afole huniyamo sata alia alino haviya husiyafe.⁹Apaga muki vayamogi Anutu mafane mainaya vayamogi magoe faipaya nosae, nayafene, Anutu apaga mifaino ago apavalenigeno Anutu kemo agaipi haneniye. ¹⁰Inani aipaletimo, apaga Anutu mafane anganagi Sata mafane anaganagi ea afole hugae, mago vegamo-a alagepa kava aiyaga ovaisi vega Anutu tagati omeniye, ani vegamo-a afuaganaifena nohaiye.¹¹Alufina lapaga mani ke mayahuta afinae , laga alu vayaifena lausiye, ¹²Lapaga Keni ganagana huta omaiyo, aga Sata aipanapaya alino kogana-amona hainiye. naya higeno kogana-amona hainiye? nayafene, Keni aliamo-a kanare osigeno agana- amo Ebel alia moge kanare hiye, inani aipaleti aga Ebel na hainiye.¹³Lapaga nafunaga timotae, lapaga alale lapagesa afifi osiyo, inaya husigea mopafi vemogi lapagaifena oaha paugiye. ¹⁴Laga afita halenone faliyamona lokia-a ago aita agaseteta alagepa maiya alune nayafene laga lafulaganagife apagaifena nelaiye, inaya husigeno mago vegamo-a aipa apamisayana alino fole oaisiyana aga ago faliniye. ¹⁵Inagi mago vegamo-a kogana-amofe ohausiyana aga ago haino giteniye, inaya husigeta lapaga mahuta afita haleyo mago vegamo-a mago vega hano falitesiyana maige maige yana oaligiye.¹⁶Mesia-a agai agufa ataleno laga miya fainiye, inagi magoke kavahuta, laga lagufa ataleta mago alu vealave hapamasune. ¹⁷Inagi mago vega tusi gagemi hanenisi vegamo-a agesigeno omalenisi vega hau-uno ate, ina ausigeno hanaya huno Anutu aipa apamisayana hanaya agai ena hanegaiye? ¹⁸Inagi lapaga aise mafane anaganiye, lapaga apagaifena lapavaya letige lapaino, ha-ao kavateti-e ke alagepaleti-e.¹⁹Inani aepalefe laga afinone mayahuta laga alagepa kavamo nofi vaya mainone higeta laga afinone laipamo-a agai-e haneniye. ²⁰Inagi laga alagepa kava osusunana, Anutu-a ala nemoa afiniye laga laipagi afifiyatigi ageniye. ²¹Lapaga koganani mogitae , inagi laipafi faipaya omalenisiyana, laga nunumu nehuta Anutu haopalena ugune. ²²Inagi laga Anutu taga magoyafe afigesunana, laga mayahuta afisune laga inani muki yana aligune, nayafene laga Anutu kase kea aiyaga vaiteta aga hauni kava age nehunafe.²³Aga kase keamo-a maya huniye, laga lametiti husune mafane-amo Yesu Mesia agile mago alu vayafe lausiye, inagi aga laga kase ke laminiye. ²⁴Inagi mago vegamo-a Anutu kase ke aiyaga vaisiyana, aga Anutu-e aino kamano Anutu-a agai-e mainiye. inagi ani aigeta laga afune laga lagupinaga mainiye Avamu lamini Avamu teti.

Chapter 4

¹Lapaga nagai nafunagana aitapae, lapaga muki avamute lapametiti osiyo, inagi lapaga muki avamu-a alitapa fago hutapa afiyo hana avamumo-a Anutu tagati ne-efi, nayafene muki kapalo vayana muki aupilaga uea mopafi nehae. ²Inani aepaleti lapaga afita halegae Anutu Avamuna, inagi muki Avamumogi huahalea Yesu Mesia-a aga Anutu mafane eno vaya afole huniye. ³Inagi muki Avamumogi hua haolea sayana Yesu aga Anutu mafane. apaga ani avamumogi Yesuna kame huneatae, lapaga ago afinae aga egaiye meni aga mopafi ago ena maniye.⁴Lapaga aise mafane anagane, lapaga Anutu nofi vayane lapaga ago aeta apagasene-e, namo fene aga la-a lapagupinaga maniyafe lapaga mopa aeta gaessa vaya mainae. ⁵Mona apaga mopafi vayane, inaya higea apaga mopafi yatefege kelaga nehaegea apaga apagaige neafiye. ⁶Laga Anutu nofi vayane, inagi apaga muki vayamogi Anutu na afi-a halena vaya mogi lagai ke-e nafiye. inagi apaga lagi Anutu nofi vaya omainesiyana lagai ke oafigae, inani kate afita halegaune lamage Avamunagi kapalo avamunagi.⁷Lapaga nafunaganatipa, laga alu vayafe lausiye, nayafene.hapausayana Anutu tagati eniye, apaga Anutu mafane mogi aga Anutu na agenae, apaga hapausayana apaveneliye. ⁸Anutu-a lagaifena nehaiye ina aigeno mago vega hausayana alino folete nomale, aga Anutu na oageniye.⁹Vaya hapauya moke, Anutu-a lagaite eno afole ainiye. Anutu-a mani magoke mafane-a alino atalegeno elimeniye lagaitefe Yesu Mesia, mopafi elimeniyamo laga maige maige ya agaiteti alisunafe. ¹⁰Inani aepale vaya hauyana laveliniye. laga Anutu fena hoteta olauniye, ha-ao, Anutu-a hogoteno lagaifena hauniye aga agai mafane aga Yesu Mesia-a faipaya tile faliteno miafaino lavaleniye.¹¹Lapaga naga nafunagana nimogitapae, inagi Anutu-a lagaifena alale nehausiyana, magoke kava huta lagai ena alu vaya aifena lausiye. ¹²Mago vegamo-a Anutu na alufina oageniye, inagi laga mago alu vaya aife nelausiyana, Anutu-a lagai-e maineno aga lagaife hauniyamo-a lagaipi hanegaiye. ¹³Ina aigeta laga mayahuta afita halone laga agaie aita kamaona geno aga lagaipi mainiye nayafene, aga agai-a Avamu laminiye. ¹⁴Ina aigeta laga ago ageteta huta haleta mage hune, Afo Anutu-a agaia mafanea Yesu Mesia alino ategeno elimeniye muki vealave mia faino apavalesiyafe.¹⁵Apaga muki vealave mogi hua halea mage hua aga Yesu Mesia Anutu mafane, aga Anutu-e ainolokaeno inagi Anutu-a agai-e nemaiye. ¹⁶Inagi laga lametiti huteta afinone laga Anutu na lausayana, Anutu-a lagaifena nehaiye inagi apaga hana ve agai hauyapi haiafalea nema sayana, Anutu-a agai-e magiye.¹⁷Inani aepalefe Mesia ago lagaite eno afole huniye, inaya husigeta laga aita agasegaune Anutu na ala kotialena, laga mani mopafi maineta Anutu-e aita kamaeta mainone magoke kava huno Mesia Anutu-e aino kamae. ¹⁸Laga Anutu fena koli osusune laga agaifena nelausiyana, nayafene laipa apamisayamo-a lamoyaya alino neatale laga alina haviya husiya. inagi mago vegamo-a Anutu na koli hutesiyana, Anutu hauyapinaga haino faleno omainiye.¹⁹Laga Anutu fena nelaiye nayafene, Anutu-a aga hogoteno laifena hauniye. ²⁰Inagi mago vegamo-a mage huno husiyana, naga "Anutu fe neaiye" nehuno kogana-amofe nohausiyana,agaia alina haviyane hiye agaia. inagi mago kanomo-a kogana-amofe nohausiyana, aga Anutu na oagegaiye, aga ago oageniye. ²¹Laga mani kase kea Anutu tagati alinona maya huniye, aga la-a Anutu fe nehausiyana kogana-amofena aipafati haino.

Chapter 5

¹Apaga vealave lagitapa Yesuta lapametiti mayahuta aga Mesia-a huta, apaga Anutu mafane anaga mainae, la-a Afofena nehausiyana mafane aefena haugiye. ²Inani aepalefe laga muki Anutu mafane anagafena nelaiye. laga Anutu fena nelaigeta agai aguagesa aiyaga nevaune. ³Laga Anutu fe nelaigeta agai aipa aguagesale aiyaga nevaune nayafene, aga aiyaga vaisayana kana-a omaleniye.⁴Muki vealave Anutu nofi vayapi mainaya vealave mogi mopafi logia ago aiagasenae. Mesia Yesu logileti laga mopafi logia aita gasegaune. ⁵La-a mopafi logia anogasesa yana huniye? apaga muki vealave mogi Yesu Mesia na aga Anutu mafane afia halena vayamogi nehae.⁶Laga Yesu Mesia fena lagetafo huge huge husune, Anutu-a aga ago alino atengeno mopafi elimeniye. Anutu-a Yesu na anitega laveoliniye, ha-ao, aniteti nagi kolateti nagi laveliniye. Anutu Avamumo-a huno haleno Yesu-a aga Anutu mafane nehiye. ⁷Nayafene, tole-e mago-e yamogi hua halea Yesu-a mage hua aga Anutu tagati eniye nehae. ⁸Anutu Avamu nagi mago anite Joni-a Yesuna ani faletenigi nagi mago kanare Yesu-a yofo yosale faligeno kola-amoa lagilaminiye. apaga triyamogi hua halea lagaite Yesu-a Anutu tagati eniye nehae.⁹Laga ke neafune mago vemogi mono lagaitege nehaya ke, Anutu kemo-a ala huniye. nayafene, Anutu-a agaia huno haleno Yesu Mesia-a aga agaia mafane hiye. ¹⁰Apaga vealave mogi Yesu Mesia aga Anutu mafane haya vayamogi Yesuna hua hanelae. inagi lagi apaga Anutu kele apametiti osaya vemogi hua kapaloke nehae nayafene, apaga apametiti nosae Yesu-a aga Anutu mafane hua.¹¹Inagi Anutu kemo-a maige maige nelamiye lagupi, mani maige maige yana Yesu Mesia mafane afi haneniye. ¹²Inagi mago vegemo-a Mesia-e aino logasiyana maige maige yana aligiye. inagi mago vegamo-a Mesia-e aino lo-okasiyana ani vegamo-a maige maige yana oaligiye.¹³Mani avo naga kaina Yesu Mesia taga ametiti huniya vegamotaga mage huna, aga Anutu mafane negeno maige maige yana aligiye. ¹⁴Ina-aigeta laga mayahuta afita halenone inagi laga magoyafe agai agile afigesunana. laga afigesuna yana aligune. ¹⁵Ani kava higeta laga mayahuta afune Anutu-a lagai ke neafiye, nayafe agaitaga afigesunana aga, laga aniyana ago alinone.¹⁶Inagi mago koganamo agegeno faipaya husiyana ani faipayamo-a aga alino fali oategaiye, inagi aga Anutu taga nunumu huno afigesigeno aga haemaisiye. naga vaya henogino neapateya faipa yafe osuve, mago haneniye vaya apamagino nefali faipayana naga mage huna osuve lapaga ani yate nunumu hiyo huna osuve. ¹⁷Muki havi aepanapa yana faipa yane, inaya higeno mago faipayana haneniye ani faipa yamoa mago veka nofaliye.¹⁸Laga afita halenone mago vegamo-a Anutu mafane hamaleyana, aga faipaya nosiye, aga la-a Anutu mafane hamaleyana aga agaiale neyagaigeno Sata aga alino haviya osugiye. ¹⁹Laga afita halesune laga Anutu pati afole ainone laga afita halesune Sata aga mopale yagainiye.²⁰Ina-aigeta laga afita halesune Anutu mafane eno afifiya laga lamigeta laga afita haleta Anutu-a aga lamage ae.aniya higeta, laga Anutu-e aitaloka none aga lamage ae, aga mafane ae Yesu Mesia. aga lamage Anutu ae maige maige yana lamigiye. ²¹Lapaga mafaneniye, afagitena maiyo kapalo Anutu gotena.

2 John

Chapter 1

¹Agenopa veka-moa apemetiti waya-ite avo kaino uni-e, inagi agai mafane-aite, naga nauni-e tamage keleti inagi nagaini omne, inaniya hunigeta amuki amogita tamage ke afinone. ²Nayafene tamage ke laipi haneni-e inagi lagai-e hanege-hanege huno hanegi-e. ³Laipa faulya-e, lahu ya-e lagai-e haneletegi-e, Anutu afo-e Jesu Mesia-Anutu fane tamage kawa-ale-e hau kawa-alene.⁴Tusi amuse huve nayafene mogoffane-goti kauya hu-e mani tamage ke-mo ka ayaka nevageno, Anutu kase ke aulna wamete. ⁵Meni amuse huve kagaife, ane naga saufa kase ke o-kauve, mamfagi aulfina maut ago ailnone mogo negefuna lausi-e. ⁶Ani Anutu hauya-afi ka-aiteta akame husune mani kase ke Anutu akame husuna yafe hauni-e. Mani kase ke ago aulfina afinona ke-le aiyaka vaisune.⁷Inaya hunigeno tusi kapolo waya u-nai amuki aupilaga mani mopafi, inagi hu-a ha-olai Jesu Mesia Anutu fane eni-e ya. Inagi mona aigife-paune waya-ne. ⁸Lapaigitipi-laga ailta aul-heyo, inagi lapegesa o-kainyo mani ailya ne-aulna ailyatena, nayafene ailgai amuki amuse-ya-a.⁹Apaka hogote una wayana Jesu ke-le lokia-vei a he-otinai, inagi pagaipi Anutu o-maini-e. Inagi nalagamo Jesu ke-le lokia-veika heti-sina, inagi aga afo-e fane-e agaipi maini-e. ¹⁰Inagi mogo veka-mo lapagaite eya-mamfagi mani Jesu ke o-ailno esimo, inagi notipifi avelet o-vio inagi amuse ke agaite osi-o. ¹¹Nayafene nalagamo amuse ke ani vekalaga huka atesana. Kagai-e mani vekamo nehusi-uf havi-a nehane.¹²Hailgaya lapagiate avo kaisuva ya ailno-e, mamfagi avo kayo-leti kaina lapagaitaga talesuya osuno-e. Nagaini ena lapaugosale agena ke lapapaisu nagesa nefu-e, husigeta amuse-yatimo havitegi-e. ¹³Kasa kamo fane ago lekana painana mafane-mogi, alegepa yage-ferugai hu-a katai-e.

3 John

Chapter 1

¹Naga agenopa Johane na maini avo alagepa koganani motaga kaina ato geno viye Gaius te, aga naga tusi yate agai fena nehaiye. ²Alagepa kogananimo gae, naga nunumu go gaite hua momo, alagepuka muki yate maine ka kali o alika avamuka mo-e alagepuno hanesiye. ³Naga tusi amuse kase huve, ani kanare apaka kogana ea hua halae alagepa kavate ne maina yafe. kaga lagepa kavate aiyaka ne vaine. ⁴Naga amuse yana mago kava osuniye mago alu amuse yana naga mafaneni mogi ke afiye alagepua alagepa kava aiyaka nevaiye.⁵Alagepa koganani moga-e, kaga kaipa ani aliyate amite ka kogana folakapi ateka mago alu vayae. ⁶Apaka lagi alagepa kava ka hua halea mago alu vaya kaipa neapa minana yafe mono nopi, kaga alagepa kava hane Anutu-a hauniya kate. ⁷Naya fenomane, apaga ago uta-e, ala vekamo agile, apaka mago ya oalinae Juda vaya ai yana, ⁸Inaya husi keta muki amogita magoke kava hupatesune, ina ausiketa laga aliya veka mogake alagepa le heti kane.⁹Naga avo kaina ato keno uniye mono nopi vealaveite, inaya higeno, Diotrepas, aga uno ala veka apagaipi maipateniye, apaka lavalesa apagesa oafinae. ¹⁰Inaya higena naga esuvana, agena alagepuna akegauve aga muki kava huni ya-a, aga keoke ke huno haviya lagaitega huniye, aga havi kavamo-a aipafi havai oteniye, inaya higeno, aga apaka kogana amogi alino kanare huoapateniye, magoke kava huno aino apatafauniye apavalege haya vayana, mono nopati hapafaitele nae.¹¹Alagepa koganae, kaga havi kavate akame osuo, kaga alagepa kava aleke akame huo, ve kanomo aga alagepa kava nehusi yana, aga Anutu mafane mainiye, ve kanomoa havi kava nehusi yana, aga Anutu na ageno haoleniye. ¹²Muki apametiti vealave mogi ke alagepa ke Demetrias Sifona hae, hua halea, mage hae, aga kanare vekae, ke alagepa moa aipafi haneteno, lamake kele mainiye. laga ago aketa halenone kaga ago akenane muki ke atimoa lamake huniye.¹³Naga tusi yate kagai tega kaina atesake alinone, naga avo haitafi muki kea okae nove,

¹⁵Ala vekamo aipafulu yamoa kagai-e maigiye, apaga kogana kamogi felu kae hukatae ka kaiteka ke, ali kuga-a felu kae apaga magoke magoke kogananimo gi-e hupato.

Jude

Chapter 1

¹Naga Juti nae, Yesu Mesia aliya veka ae Jems kogana-amona-e. naga mani avo kaina lapagi taga atalogeno viye vealave Anutu afo-a lapagaife ke aeteno hauniye lapaga, aga Yesu Mesia yane huno lapaga yagai nelapate. ²Anutu hauyamo agi, aipa falu yamo agi, nehapai yamo-e lapagaipi havaiteno hane gaiye.³Lapaga nafunagana gitapa, naga lokia vaina aliya aluve avo kai-a lapagaite atageno eni yate. Anutu-a alagepa ya huno laga lavaleniye, naga nagesa afuve avo kaena lapapaisuve ketapa lokia vaita mani lapametiti ya atafau liga-e, Anutu -a ago apaminiye muki agai-a apametiti vealave aina. ⁴Lapaga afita haolegae mago alu nofi vayamogi Anutu taga apametiti osuna vayamogi falaki-a mono nopi ea kapaloke ke alia apaya huna-e. Anutu hauyamo ke alia atalete-a kumai yake huna-e. apaga mani magoke agenopa vekale apametiti nosa-e, aga ala vekati Yesu Mesia ae.⁵Lapaga ago afita halena mani yana, naga alugege lapagu lapagesa alina heti gesuve, maya hiye alufina ala vekamo-a Isleri vaya mago Isipi kumapati apavaleno alina malaga huniye, inagi henaga aga alino haviya huniye apaga mani vealave agaite apametiti osa vaya. ⁶Ina-aigeno apaga tusi Agelo anaga mogi apaga alagepua omaiye mani agifi lokia Anutu -a apaga apamini yapi, inagi apaga nokuma-api atalea unae, ina-aigeno Ala vekamo-a lokia nofiteti kino apategea kalavusi mainae. aga apaga hani huni kumapi kalavusi huno apategea mainae, apaga meni Anutu ala koti ale hetisayafe agava hua mainae.⁷Magoke kava huno Sodomugi Gomoragi mago ala kuma apaga aupate haneni kumate, apaga magoke agufa kava hunae mani Agelo anaga mogi, apaga havi kava aiyaka vaitea apaga kumai kava hua mago alu agufa kava hunigea apaga apaipamo aguagesa aiyaka vainae. higea apaga havi miya alinae ata kuma uno hano nosi kumapi, mani muki yana ago alufina afole huni ya-ae. inaya husigeta lagesa afiteta apaiyaka laga ovaisune. ⁸Magoke agufa kate mani vemogi aiyaka vainae keoke havi alakamunapi mogi apagufa alina haviya huniye. apaga feyo aitea Anutu ke neamagiye koguna kumate Agelo anaga havi ke hapae.⁹Inagi hogote Agelo veka Maikoli-a keleti kevainiye sata-e Moses agufalefe, Maikoli-a aga feyo oainiye, Sata taga huno havi ke osuniye, aga mage hiye, "ala vekamo-a agai agege kegaugiye," ¹⁰Inagi apaga mani vemogi aepa-a afia ha-olena yate havi kegamuge nehae, apaka apaguapagesamo-a afu kala kanagana hua mainae, apaga ma agufamo aipamo aiyaka nevaiye, mani kava-apimo-a apagai-api alina haviya hupate gaiye. ¹¹Lapaga alageputa yagaiyo, apga vae Keni aepanapa aiyaka vaiye, apaka mone alisa apaguapagesa alinae higeno Balam hiyamo-a apaka magoke agufa faipaya hunae. inagi apaga Anutu taga feyo ainae, kora huniya hua, inani aepamo-a apaga fanane hae.¹²Mani nofi vayamogi mago anipi hage anipi mainae apaga sipi alia haviya nehae, apaga mani vemogi enea apaga alagepa musa alia haviya hunae, apaga apavagege nosae, apaga neya naya kanare na apagaiapi yefege apagesa neafiye. apaga maya hua hiyamo ani omalenigeno yasimo-a apaga apavalelino neviye. apaga maya hua yosamo-a kanare neya aga alino noate, apaga aia vaigi tageno tole kanare faliye. ¹³Apaga maya hua apaga uage animo-a ala huno kapalu neae lokaeno havi kava apimo-e, apaga apavagege yamo-a eno afole neaiye hage animo avetunamo hiya kava huno, apaga maya hua apaga kanefimogi keapile aiyaga novaiye, Anutu-a alino talotala humaleniye mani nofi vaya hani kumapi muki kanae maige maige hugae.¹⁴Enoku-a aga namba 7 kanove Adam hogoteno etegeno, aga aune ke maya huno huniye, naga agogeno ala veka e lokaeno hailaga Agelo anaga amogie ae. ¹⁵Aga eno apaga alino haviya hupateteno muki ve koti hupate gaiye. aga alino muki vaya apametiti agaite osuna apagaiapi havi kava hunaya agee halesayafe. inagi mago faipa vemogi Anutu taga havi ke agaite haya yateti havi kanaya alinae kanaya apileti. ¹⁶Apaga mani vemogi apaipa kanaya alinae, ke nesu nesu muki kanae hae. inagi apaga havi apipamo aipa apagaiapi aiyaga nevaiye. apaga apavaya yagaia ala ke hutea feyo aia apagaiapi apagi alia nehaiye, inagi apaga hua apavayu nehae apagai apaguapagesa aiyaka vaisayafe.

¹⁸Apaga maya hua lapaga lapapainae, lanaga kanare, mago hua havi ke husa ve ekae, inagi apaga Anutu taga apakameya amigae husigea apagaiapi apaguapagesa aiyaka vaigae. ¹⁹Apaga mani vemogi mono vaya alia fagonehae, apagamopafi vaya ai apaguapagesa aiyaka nevaiye. Avamumo-a apagaie omainiye.²⁰Inagi lapaga nafunagana gitapae, muki afina Anutu taga lokia vaita lapametiti hutapa Avamumo aguafinaga maiyo, inagi nunumu huta lapagai tapi lapamaeyo. ²¹Lapaga muki kanare Anutu hauyamo aguafinaga maiyo, muki kanare aipafulu ya-ae lapaga agava hiyo ala vegatimo Yesu Mesia aga lapaga maige maige laifi alita maige.²²Lapaga lapau hutapateyo apaga mago ve aina apametitimo-a lokia ovaini ve. ²³Lapaga mago alu vaya hapa maegea apaga ata kumapi oviyo muki kanare havi ya hugae. lapaga lapamoya hanesi getapa lapaipafati lapauteyo mago alu vaya, lapaga afagite maiyo apaga mago vemogi fipiya kava nehaya magoke kava huno oaniyamo nehane ya huno kukenalaga.²⁴Anutu-a lapaga yagai lapa tesigeta lapaga uta asgauta oaigae. inagi aga lapavalelino lapaga agai-a alagepa kumate uno maigiye, lapaga kanaya tapi omalegaiye, inagi lapaga ala amuse yatapi aligae. ²⁵Mani magoke Anutu aga lanemae Yesu Mesia aguafinagati ala vekatimo laga, Sauve mainiye, muki yate yagainiye, ala agigi muki lokia agaiyane, aga ago alufina maiteno mani-e mainiye, inagi aga magoke kava huno muki kanare maigiye, lamake.

Keyagana: Bible for 1 John, 1 Peter, 1 Thessalonians, 1 Timothy, 2 Corinthians, 2 John, 2 Peter, 2 Thessalonians, 2 Timothy, 3 John, Acts, Colossians, Ephesians, Galatians, Hebrews, James, Jude, Luke, Matthew, Philemon, Philippians, Romans, Titus

Formatted for Translators

Matthew

Luke

Acts

Romans

2 Corinthians

Galatians

Ephesians

Philippians

Colossians

1 Thessalonians

2 Thessalonians

1 Timothy

2 Timothy

Titus

Philemon

Hebrews

James

1 Peter

2 Peter

1 John

2 John

3 John

Jude