Bible

Matthew

Chapter 1

¹Mutilo wa kibuti cha Yesu Kilishitu Mwana wa Daudi mwana wa Bulahimu , ²Bulahimu abutagha Isaka,Isaka ing'abuta Yakobo, Yakobo abutagha Yuda nu mibuto saghe, ³Nu Yuda na mughole waghe Tamali babutagha Pelishi nu Shala ; Peleshi abutagha Hesiloni ; Hesiloni ing'abuta Alamu;⁴Alamu abutagha Aminadabu; Aminadabu ing'abuta Nasoni; Nasoni abutagha Salomoni,⁵ Salomoni nu mughole waghe Lahaba babutile Boashi; Boashi nu Luta babutagha Obedi; Obedi ing'abuta Yese; ⁶Yese abutagha Daudi.Mwami Daudi ing'abuta Solomono nu mukashi wabagha wa Ulia;⁷Solomono abutagha Loboamu; Loboamu ing'abuta Abiya; Abiya abutagha Asa; ⁸ Asa ing'abuta Yosafati; Yosafati abutagha Yolamu; Yolamu ing'abuta Ushiya;⁹Ushiya abutagha Yotamu ; Yotamu ing'abuta Ahashi ; Ahashi abutagha Hesekia;¹⁰ Hesekia ing'abuta Manasi; nu Manasi abutagha Amoni ;Amoni ing'abuta Yosia ¹¹Yosia abutagha Yekonia nu mibuto saghe mu bindi bibendagha mo ku bukobe kwa ku Babeli.¹²Mu kushila kwa bukobe ku Babeli, Yekonia abutagha Salatieli;Salatieli ing'abuta Solobabeli;¹³Solobabeli abutagha Abihudi; Abihudi ing'abuta Eliakimu;Eliakimu abutagha Asolo;¹⁴ Asolo ing'abuta Sadoki;Sadoki abutagha Akimu; Akimu ing'abuta Eliudi;¹⁵Eliudi abutagha Eleasali; Eleasali ing'abuta Matani; Matani abutagha Yakobo;¹⁶ Yakobo ing'abuta Yosefu munache wa Malia, wabutile Yesu, ukumanwa Kilishitu.¹⁷Kashi kweli bibuti ikumi nu binai , kulingila Bulahimu kwikila Daudi , kulingila Daudi kwikila ku bukobe bwa Babeli; bibuti ikumi nu binai ;kulingila ku bukobe bwa Babeli kwikila ku Kilishitu; bibuti ikumi nu binai.¹⁸Kubutwa kwa Yesu Kilishitu kwa bagha buno: Nina Malia andwagha na Yosefu, nu babagha tabemanana nenshi, isangile ite nsolo mu mpumba sa Muusa Musogha. ¹⁹Yosefu ,munache abagha muntu musogha nu ntashimagha ku mwitya nsoni ,ashimagha amushighe mu lu bisobiso.²⁰Ghabagha akughanilila kwibyo,lola , mugheshi wa Mukota amwikilagha mu ndoshi nu kumubula: Yosefu, mwana wa Daudi ntukwe boba kutola Malia mughole wobe kubuno mwana wite munda atuka kweli Muusa Musogha;²¹akabuta mwana wa mulume, ukamwanika ishina lyaghe Yesu; u ukonia bantu baghe ku bwaghi bwabo.²²Bibyo binsai bikile buno bikuke byatendagha Mukota kutingila mulenganya:²³ Lola kikumi ki temana mulume kikek' ishimi nu kikabuta mwana wa mulume, akanikwa' ishina lya Manueli, u kutenda buno Ghongo eli ghamoi na beshwe.²⁴Gha bukile Yosefu inga'kita bwamubulagha mughenshi wa Mukota nu atolagha mughole waghe.²⁵Tondo ntamumagha kwikila busi bwabutagha mwana wa mulume, amwanikagha ishina lyaghe Yesu.

Chapter 2

¹Ghabutwagha Yesu kwa ku Betelehemu sa ku Yudea mubindi bya Mwami Helode, lola, Bengegha batukagha ku kutukilagha musi bikagha ku Yelusalema,²nu babushagha :Kuni kweli Mwami wa Bayuda wabutilwe? Kubuno twamonile ku kambalumbalu kaghe kukutukilagha musi, nu twashwile ku mukumbamila.³Mwami Helode,mu kwongwa kubo, ing'onganwa. nu Yelusalema unsai ghamoi nawe.⁴Akulumanyagha bansakogha banene bansai nu batili ba bantu,nu ikababusha kuni kukabutwa Kilishitu? Bamwakulagha : ⁵Ku Betelehemu sa Yudea;kubuno lola u bwatilile mulenganya :⁶Nuwe, Betelehemu ,kisi cha Yuda, ntweli mukeke ku misumba nene sa Yuda, kubuno kobe u kukatuka Mwami ukalanga bantu bani Isilaeli.⁷Agho Helode amanagha Bengegha mu lubisobiso,nu ongwe busogha busogha ku beli mpina ki sibamonagha ku kambalumbalu. ⁸ Ing'abasinga ku Betelehemu mu kubabula:Mwende,nu mutitike misaghu soso mwana; Gha mwamumone ko,nti mwashwa kunsambalila,nw'inengo nende kumukumbamila.⁹Mu kushila kwongwilila Mwami bendagha.Nu lola,kambalumbalu ka bamonagha ko ku kutukilagha musi,kabasondolelagha,nu kimalagha ghantata na kishiki gheli Mwana.¹⁰Mu kumona ku kambalumbalu, baboghaboghagha bubibu.¹¹Bingilagha mu numba, balolagha ku mwana ghamoi na nina Malia, bakomagha mashwe ghansi nu kumukumbamila; bakandulagha nsagho sabo ,nu bamutulagha nkaso sa ;nolo ,bwagha nu ngenge. ¹²Nu mukutondwa na Ghongo mu ndoshi buno bakulukilaghe kweli Helode , bakulukilagha mwengo nsila mu kwenda mu kisi chabo.¹³Ghabinde benda, lola,mughenshi wa Mukota ikilagha Yosefu mu ndoshi,nu kumubula :Buka tola mwana nu nina, tinila ku Misili, nu ikala'uko kwikila busi bunkakubula ;kubuno Helode akalonda kwita mwana.¹⁴Yosefu abukagha,atolagha mwana nu nina mukindi, nu endagha ku Misili;¹⁵ Ikalagha uko kwikila kukwa kwa Helode,kubuno bikuke bya tendwagha na Mukota ku kanywa ka Mulenganya: Namanile mwana wani kutuka ku Misili.¹⁶Agho Helode,mu kulola buno engelindwe na bengegha, ashibukagha bubibu,nu asingagha bantu kwita bana bansai ba myaka imbili nu kunsi kwagho babagha ku Betelehemu nu mu ntungo saghe kulingila kind cha monanagha ko na bengegha.¹⁷Agho bwabelelagha byatendwaghwa na mulenganya Yelemiya:¹⁸Mashuki mongwibwe ko ku Lama, indilo nu tubebe tunene:Lakeli alilila bana baghe, nu ntashimile kubobeleshwa, kubuno tabeli lingo gho.¹⁹Mu kukwa kwa Helode ,lola,mughenshi wa Mukota ikilagha Yosefu mu ndoshi kwa ku Misili , ²⁰Nu kumubula: Buka ,tola mwana nu nina nda ku kisi cha Isilaeli kubuno , balondagha kwita mwana bakwile.²¹Yosefu abukagha,atolagha mwana nu nina nu endagha mu kisi cha Isilaeli.²²Tondo,mu kwongwabuno Alekelao ema ku Yudea kumbusa kw'ise Helode, akwagha boba kwenda ko;mu kukengeshwa na Ghongo mu ndoshi, endagha kwikala mu kisi cha Galilaya,²³nu ikalagha mu musumba ukumanwa Nasaleti,buno bibelelele byatendwagha na balenganya: Akamanwa wa ku Nasaleti.

Chapter 3

¹Mwebyo bindi,Yoani Mupatishi ikagha nu kusansa kitondo mu kalula ka Yudea.²Atendagha,mwinsungule mu mitima kubuno bukota bwa mw'ighulu bwalembekela kwika.³Yoani u ghoso wabalikwagha na mulenganya Isaya ghatendagha: Linu'ishuki lya olya ukutanda mulenge mu kalula:Mulongomanye nsila sa Mukota,mulingimanye byendeshi byaghe.⁴ Yoani abagha na nshulu sa myosa sa ngamiya,nu mutunda wa lukwe mu kibunda.Alyagha minkula nu buki bwa mbala.⁵ Bantu ba Yelusalema,Yudea insai,nu mu ntungo insai sa Yolodani bendile kweli;⁶ Nu mu kusambala bwasibwasi bwaghi bwabo,bapatishibwagha mu lusi lunene Yolodani.⁷ Tondo,mu kulola Bafalisayo bengi nu Basadukayo bamwikila buno bapatishibwe ababulagha:Kilongo cha malighi,nai wabakengesha kutina mushibu ukashwa?⁸ Mube na manya sa kushigha bwaghi,⁹ Nu tamwitate:Bulahimu u Tata ,kubuno nkubabula bwasibwasi mu mano makoi Ghongo anatucha mo bana ba Bulahimu.¹⁰Nu isagha lyabikwa kalai gha mashina ma miti;nu muti unsai utakonamya bighuma bisogha ukashindwa nu ku lekelwa mu kaya.¹¹Ine, nkubapatisha na masi,buno nibiche mu kushigha bwaghi; tondo olya ukushwa kumbusa kwani ite bwangato kuntinga,nu nshinakosha kukandula mishighi sa bilato byaghe;we, akabapatisha mu Muusa Musogha nu kaya.¹²Ite lweli lwaghe mu kuboko; akakukula mulungu waghe,nu kukunsumanya ngano saghe mu kigholo chaghe;tondo akalekela mpapa mu kaya ka takushima.¹³Agho Yesu atukagha ku Galilaya kwika ku Yolodani kweli Yoani,buno apatishibwe nawe.¹⁴Tondo Yoani ananagha, mu kutenda : Ine nema kupatishibwa nowe,nu uwe washwa ku neli!¹⁵Yesu amwakulagha : Unanaghe mweno nkungu;kubuno bwatunganana tukuche kinsai cha bulili .Nu Yoani ntamunaninde lingo.¹⁶Ghabinde Yesu apatishibwa,atukagha mu lusi.Nu lola, ighulu lighukagha ,nu alolagha Muusa wa Ghongo wakumba anga kilinga nu kwikala ku kituli chaghe .¹⁷Nu lola,ishuki lyongwibwagha ko kutuka kw'ighulu mu bino bitondo: Ghono u Mwana wani unashima ,muwe u munabika mwelamo wani unsai.

Chapter 4

¹Agho , Yesu ekilwe mu kalula na Muusa buno alingikwe na Kahinga.² Gha tinjagha bindi makumi manai musi nu lundi ntalile, ing'ongwagha nsala.³ Mulingiki,mu kushighelela kweli , amubulagha: Ndi uli Mwana wa Ghongo, bula mano makoi maghaluke tumpampa.⁴Yesu amwakulagha: Bwatililwe : Muntu ntanaba gho mu kulya tumpampa umpanga, tondo na kitondo kinsai ki kutuka mu kanywa ka Ghongo.⁵Kahinga amwekagha mu musumba wa sanana,amubikagha gha ntata 'gha numba sa kukumbamila,⁶nu kumubula: Ndi uli Mwana wa Ghongo indekele ghansi; kubuno bwatililwe : Akabula baghenshi baghe kubushi bobe;nu bakakweka mu maboko ,buno kughulu kobe takukitale kw'ikoi.⁷Yesu amubulagha : Bwatililwe lingo : Ntukalingika nukilo Mukota, Ghongo wobe.⁸ Kahinga amwekagha lingo ghantata gha mwinduko mulai, amuloshagha bukota bunsai bwa kisi nu nkumbu sabo, ⁹ nu kumubula : Nakweleshe bino binsai, ndi wankomela mashwe nu kunkumbamila.¹⁰Nu Yesu amubulagha: Tuka, Kahinga !Kubuno bwatililwe; ukakumbamila Mukota, Ghongo wobe, nu ukamukitila nkashi w'inene . ¹¹Agho Kahinga amushighagha. Nu lola, baghenshi bashwagha kweli nu kumukitila nkashi.¹²Yesu,mu kwongwa buno Yoani akandwa, endagha ku Galilaya. ¹³ Atukilagha ku Nasaleti nu kwenda kwikala ku Kapelenaumu bwighi na kitatenge, mu mwelo wa Sabuloni nu wa Nafutali,¹⁴ buno bibelelele byatendwagha na Mulenganya Isaya :¹⁵ Bantu ba Sabuloni nu ba Nafutali ku tungo sa bwighibwighi na kitatenge, mu kisi cha ghaleshila na Yolodani,nu cha Galilaya cha batakatisha,¹⁶ bantu babo,bikalagha mu bulimaswa,balolile ku chengeshi kinene;nu babo bikalagha mu kisi nu mu kilimelime cha lukwo,chengeshi chabasaninde.¹⁷Tukila agho Yesu alingilagha ku sansa musaghu ,nu mu kutenda ;mughalule myanya sinu mbi,kubuno bukota bwa mw'ighulu bwa lembekela kwika.¹⁸Bwabagha akutabanga mu mutili wa kitatenge cha Galilaya,alolagha mibuto imbili,Simoni,ukumanwa Petelo,nu Andele muto waghe,babagha bekulekela kakila mu kitatenge,kubuno babagha babughi.¹⁹Ababulagha :Mu'njange, nu nkabakita babughi ba bantu.²⁰Nwa'gho,bashighagha tukila nu kumuyanga.²¹Mu kutuka agho ikagha bulai,alolagha kw'engo mibuto imbili,Yakobo musikila wa Sebedayo,nu Yoani muto waghe,babagha mu bwato ghamoi na Sebedayo,ise wabo ,nu babagha bakulanda tukila twabo.²²Abamanagha,nw'agho bashighagha bwato nu ise wabo,nu bamuyangile.²³Yesu atimbile Galilaya insai,mu kw'eghisha mu masinakoki,nu kunsasa musaghu musogha wa bukota,nu mu kulamya nsambo insai nu busokoluma bunsai bwa bantu.²⁴Nkulu saghe sendagha ku Suliya insai, nu bamwekinde babagha na nsambo nu mbabasho ninginingi,sa basumbu,sa lungu,sa babensekile bighansa,nu 'abalamishe.²⁵Kikembe kinene chamuyangagha ,kutukila Galilaya,Dekapoli, Yelusalema,Yudea,nu kuleshila kwa Yolodani.

Chapter 5

¹Mu kulola kwecho kikembe,Yesu abakamagha mwinduko;nu ,ghabind' ikala ghansi,Begheshibwa baghe bashighelelagha kweli.²Nu,mu kutenda, abegheshagha, nu kubabula:³Bakasanilwe bakene ba mutima,kubuno bukota bw'ighulu buli bwabo!⁴Bakasanilwe babo bakulila,kubuno bakabobeleshwa!⁵Bakasanilwe babo bakwimbotya,kubuno kisi kikaba mwandu wabo!⁶Bakasanilwe babo bite nsala nu mpusha sa bulili,kubuno bakikuta!⁷Bakasanilwe babo bite chombo,kubuno bakakwililwa lukogho!⁸Bakasanilwe babo bite mitima nsogha ,kubuno bakalola ku Ghongo!⁹Bakasanilwe babo bekukita boolo,kubuno bakamanwa bana ba Ghongo!¹⁰ Bakasanilwe babo bakuyungwa ku bya bulili,kubuno bukota bw'ighulu buli bwabo!¹¹Mukakasanilwa ndi babatuka,babayungya nu babatendela manko ku binsai kubushi bwani.¹²Mubogheboghe nu mube na chelele, kubuno lukaso lwinu lunene lukaba mw'ighulu;kubuno u bubanubyagha balenganya ba bikagha kubusho kwinu.¹³Muli munkange wa kisi.Tondo ndi munkange winda nse saghe,kiki kina bu kulucha?Cha shighala tughu kutebwa ku mbugha,nu kunantwa na bantu.¹⁴Muli chengeshi cha kisi,musumba wa ghantata gha mwinduko ta unabisama;¹⁵ Nu tabakubanjagha tala buno sibikwe munda na kasenga ,tondo ku kasasa ,nu nti sa sanya bansai beli mu numba.¹⁶Chengeshi kinu kisanishe bantu bansai,kubuno bantu balole mikolo sinu nsogha,baghanule Tata winu uli mw'ighulu.¹⁷ Mulenganyaghe buno nashwile kutucha mulembe ali balenganya;nashwile ta kutucha,tondo kubelelesha.¹⁸Kubuno nababula bulili, ighulu nu kisi bikatinga , ta mutilo umoi wa mulembe ukashimwa nu ndi binsai ta bika .¹⁹Olya ukatucha lukakisho lukeke,nu kweghesha bantu bubo,akaba mukeke mwa mu bukota bw'ighulu, tondo olya ukabikita nu kubyeghesha,ghoso akaba mukulu mu bukota bw'ighulu.²⁰Kubuno, nkubabula ,buno ndi kusanana kwinu takwaghimba kuko kwa bansashi nu Bafalisayo,tamukingila mu bukota bw'ighulu.²¹ Mwongwile bwabulwagha bakungu ,kilo kwita;nu olya u kita akasungulwa na bashushi.²²Tondo ine, nkubabula buno n'olya washibukila munabo emana kwaghibwa na bashushi; olya ukamana munabo Kikongolo,emana kwaghibwa na lusu lwa matenda; nu olya ukamumana mushile,emana kulekelwa mu kaya kata kashima.²³ Ndi wicha lukaso lobe ku kasasa,nw'agho wakengela buno muninu ite kitondo nowe,²⁴ shigha lukaso lobe ghantata gha kasasa , nu nda tanga ulongane na muninu; nu kuluka lino wesane lukaso lobe.²⁵ Longana na olya uwite mulondo nawe,gha kuba mucheli mu nsila ,kubuno ghoso anakutalikila kuli shushi,nu shushi anashwa kukwicha kweli wimalila matenda,nu unashwa kulekelwa mu kahombo.²⁶Nakubula bulili,ntukatuk'omo,ndi ntuligha lumeya lushinda.²⁷ Mwongwile bwatendwagha :ntutenshe.²⁸Tondo ine nababula buno olya waghensha mukashi mu kumwelama,atensha nawe kalai mwa mu mutima waghe.²⁹Ndi liso lyobe l'indume lya kulhuta mu bwaghi,lungula lyo,nu ulilekela kulai nowe,kubuno bwatunganana ku weli, kighansa kimoi kilekelwe kushigha mubili wobe unsai kutebwa mu kishiki cha kaya katakashima.³⁰ Nu ndi kuboko kobe kw'indume kwakulhuta mu bwaghi,ketula ko nu lekela ko bulai nowe;kubuno bwatunganana kobe kighansa kimoi kitebwe kushigha mubili unsai kulekelwa mu kishiki cha kaya.³¹Bwatendilwe:Ndi muntu atibita mughole waghe, amweleshe maluba ma malekanuko.³²Tondo ine nababula buno olya watibita mughole waghe,ndi ta ku nsila sa matensha,nti amughalucha luwawa,nu olya wasonga ghoso watibitwagha nti atensha.³³ Mwongwile lingo bwabulwagha bakungu:Ntu lumbile,tondo walangagha kitondo cha bulili kweli Mukota.³⁴Tondo ine,nkubabula buno tamulumbile mw'ighulu u kishumbi cha Ghongo,³⁵ali ghansi kubushi u kishumbi cha kubikila mashinshi,ali kutingila Yelusalema,kubushi u musumba munene wa Mwami Mukulu.³⁶ Ntu lumbile kw'itwe lyobe,kubuno ntu naghalula lushuli lobe lwenge ali kwina.³⁷ Kitondo chobe kibe naki,naki,to' bo,to'bo ;cha talikilwa kw'icho chatuka kweli mwenge.³⁸Mwongwilile bwatendwagha:Liso ku lingo nu lino ku lingo.³⁹Tondo ine nababula buno ntube na lukakasha na muntu mububi,ndi muntu akusunda lubighi kw'itama l'indume,mughalulile l'ikashi.⁴⁰Ndi muntu ashima ku kutalikila,nu ku kunagha lopo lobe,mushighile kankamba kobe.⁴¹Ndi muntu akukakisha kwenda nawe masomolelo elefu emoi,nda nawe elefu imbili.⁴²Elesha olya wakusegha, ntu nanile olya ukulonda kwisombya kobe.⁴³ Mwongwile bwatendwagha : Ukashima u weli nawe bwighi,nu ukasomba mughini wobe.⁴⁴Tondo ine, nkubabula :Mushime baghini binu, mukasanile babo bakubashulila,mukitile masogha babo babaghinika ko,nu museghele babo bakubanubya nu ku bayungya,⁴⁵buno mube bana ba Tata winu ,weli mw'ighulu;kubuno akusanya musi waghe ku babi nu ku basogha,nu akulocha mbula ku basanana nu ku batasanana.⁴⁶Ndi mwashima babo babashima,lukaso ki lumwaghebwe?Balighi ba palata tabakukitagha ubo nubo?⁴⁷ Nu ndi mwakasha samba bisakwinu umpanga,kiki kimwakita kitamonekile ko?Batakatisha tabakukitagha nubo ubo?⁴⁸Mube kashi basanana,anga bweli Tata winu wa mw'ighulu.

Chapter 6

¹Mwindangagha mukukita bisogha buno muloleke ko na bantu,ndi ubo tamukeleshibwa indigho na Tata winu weli mw'ighulu.²Gha ukutucha lukaso,w'ipilaghe mu tolompeta,anga bubo bukukitagha bengelele mu masinakoki nu mu milungu,buno batatwe na bantu.Nababula bulili, bite indigho lyabo.³Tondo gha ukutucha lukaso,kuboko kobe kw'ikashi kumanaghe bikukita kw'indume;⁴buno lukaso lobe lukitwe mu lubisobiso;nu So u kulola mu lubisobiso aka kukulukisha lo.⁵Ndi ukusegha,ubaghe anga bengelela,bakushima kusegha bakwimalimala mu masinakoki nu mu milungu buno baloleke ko na bantu.Nababula bulili bite indigho lyabo.⁶Tondo ndi ukusegha,ingila mu chumba chobe, ighala lumbi,nu segha So uli mu kishiki cha lubisobiso;nu So ukulola mu lubisobiso,akakukulukisha.⁷Mu kusegha,utendaghe bitondo bingi bya tughutughu,anga batakatisha,bakulenganya buno ku bwingi bwa bitondo u kubakongwibwa .⁸Ntususane nabo;kubuno So winu akumana bimwite nabyo nkasa,nu ntumumusegha nenshi.⁹Lola bu mwemana kusegha:Tata witu weli mw'ighulu!Ishina lyobe litatwe;bukota bobe bushwe;¹⁰Biukushima bikitwe mu kisi anga mw'ighulu.¹¹Tweleshe kampapa kitu ka bindi binsai;¹²tushighilile bwaghi bwitu,anga nu beshwe butukushighilila babo batukitinde mabi;¹³ntutushighilile mu malingiko,tondo tubembuche na ghoso Mwenge.Kubuno kobe u kweli bukota,nu lukumbu bindi binsai.Amina!¹⁴Ndi mwashighilila bantu bwaghi bwabo,So winu weli mw'ighulu nuwe akabashighilila;¹⁵Tondo ndi tamwashighilila bantu ,So winu ntakabashighilila bwaghi bwinu.¹⁶Ghongwa mwinania indya,mwindoshaghe anga bite bongwa,anga bengelele,bakwindosha ku bantu buno binanishe indya.Nababula bulili ,bite indigho lyabo.¹⁷Tondo ndi winania indya,bongya itwe lyobe mwambo nu ogyha malanga ,¹⁸buno unindosha ku bantu buno winanishe indya,tondo kuli So weli mu kishiki cha lubisobiso,nu So u kulola mu lubisobiso aka kukulukisha.¹⁹Tamwinkusumanyaghe butumba mu kisi,mweli kaghembe nu nkisa sa kubigywa,nu bimbi bakubuya numba nu kwimba;²⁰Tondo mwinkusumanishe butumba mw'ighulu,kuteli kaghembe nu nkisa sa kubibighya,nu bimbi tabana buya numba nu kwimba.²¹Kubuno gha gheli butumba bobe ,u ghakaba nu mutima wobe.²²Liso u tala sa mubili.Ndi liso lyobe lyanaka ,mubili wobe unsai nti wenga;²³Tondo ndi liso lyobe lyasamba,nti mubili wobe unsai ukaba mu bulimaswa.Ndi chengeshi cheli muwe cheli bulimaswa, bulimaswa ubo bukaba bunene !²⁴Takuli muntu una kitila bakota babili nkashi.Buno akasomba umoi nu akashima ungo; ali akakomya n'omoi nu akenegha ungo.Ta munakosha kukitila Ghongo nkashi nu Musumbu wa butumba.²⁵Uchasula nkubabula:Ta mwighanieghaniaghe ku bya kalamo kinu buno mwalye ki,ali ku bya mubili winu,buno mwashwale ki.Kalamo ta kaghimba indya,nu mubili tawaghimba nshulu?²⁶Mulole ku tusoni mw'ighulu; tatukushika ,ali kukana,nu tabakukunsumanya kena mu nshi;Nu So winu wa mw'ighulu akusikasa indya .Tamwaghimba to?²⁷Nai ku benywe kutingila kwighanyaghanya kwaghe ,anema kw'inkusha? ²⁸Nu ki chasula mwighanyaghanya ku bitondo bya nshulu?Mulole bukukula maluba mu maswa;ta makukita nkashi ali kunuba;tondo ²⁹nkubabula Solomono w'inene mu lukumbu lwa bukota bwaghe,ntashwalile anga mo.³⁰Ndi Ghongo akushwalicha bisughu bya maswa,byeli gho buno busi,nu munindu nti byalekelwa mu kaya,nta kabashwalicha busogha benywe bantu ba lukatisho lukeke?³¹Mwighanieghanie lingo,nu mu tendendaghe :Ki kitwalye, ki kitwanywe nu ki kitwashwale?³²Kubuno ebyo bikai binsai batakatisha u bakubilonda.So winu wa mw'ighulu akumana bimwite nabyo nkasa. ³³Kubusho na binsai,mulonde bukota nu bulili bwa Ghongo;nu binsai mukeleshibwa byo.³⁴Mwimbushaghe ku bya munindu;kubuno munindu indondele byaghe w'inene.Na busi na bitondo byaghe.

Chapter 7

¹Mughaye lingo,buno munashwa kwaghibwa ²Kubuno mukaghibwa kuyangana na bumukwaghya,nu mu kalingikwa na kilingiko kimukulingika nacho.³Ki chasula walola kiti cheli mu liso lya muninu ,nu ntukumona ku kisughu cheli mu liso lyobe ?⁴Nu buni buunabula muninu :Shigha nikutuche kiti cheli mu liso lyobe,uwe wite kisughu mu lya lyobe?⁵Mwengelele ,tucha tanga kisughu cheli mu liso lyobe , nu inga walola busogha kutucha kiti cheli mu liso lya muninu.⁶Mweleshaghe mbwa bikai bya sanana,nu mulekelaghe tutungwa twinu kweli mpunu ,banashwa kutunanta nu kwenda ku mweli nu kubatwa.⁷Museghe nu mukeleshibwa;mulonde nu mukamona;mushumye ku lumbi nu muk'ighulilwa .⁸Kubuno olya wasegha,akeleshibwa,nu olya ukulonda,akomona,nu akw'ighulilwa olya washumya ku lumbi .⁹Ku benywe nai unelesha mwana waghe ikoi,ndi amwema kampampa?¹⁰Ali,ndi amwema kisonga ,akamwelesha bulighi?¹¹Ndi lino,benywe bantu babi ,mukumana kwelesha bana binu bisogha,buni So winu wa mw'ighulu ntakelesha bikai bisogha ku babo bamwema byo? ¹²Binsai bimukushima bantu babakitile,mubakitile byo nubo,kubuno u bwatenda mulembe nu balenganya.¹³Mutingile gha kitiko kikeke.Kubuno mwingilo u munene ,nsila sa kwabucha sa tanuka,nu bengi bakwingila agho.¹⁴Tondo,kitiko cha bumbutana nu nsila sa kwenda ku kalamo sa kegha, bakeke u bakutinga muso.¹⁵Mwindange na balenganya ba bwisa.Bakushwa ku mweli bashwalile nshulu sa mbuli,kashi nti mpagha .¹⁶Mukabamanilila ku myanya sabo.Munakola bighuma bya mutini mu mikele ali tini mu mighunga?¹⁷Muti musogha ukukonamyagha bighuma bisogha,tondo muti mubi ukukonamyagha bighuma bibi.¹⁸Muti musogha unsai taunakonamya bighuma bibi,ali muti mubi taukukonamya bighuma bisogha.¹⁹Muti unsai utakonamya bighuma bisogha nti wakalwa nu kulekelwa mu kaya.²⁰Kashi lino mukabamanilila ku myanya sabo.²¹Babo bakunimana Mukota,Mukota!tabakingila bansai mu bukota bw'ighulu,tondo olya w'inene wakita bwa bwashima Tata weli mw'ighulu.²²Ubo busi bengi bakambula:Mukota,Mukota,tatwakitagha bulenganya mw'ishina lyobe?Tatwatibitagha basumbu kw'ishina lyobe?Nu twakitagha bitangalo bingi kw'ishina lyobe?²³Agho lino nkababula bwasibwasi : Nshabamanile ,muntukile,benywe bakiti ba mabi.²⁴Uchasula,olya ukwongwa bino bitondo binkutenda nu kubikita,akasusana na mutegheleshi wobakile numba saghe ghantata n'ikoi.²⁵Mbula salokile ,misalo sashwile, biswa byatingile nu bisundile kweso numba;tas'endukile,kubuno sakomilwe gha ntata n'ikoi.²⁶Tondo olya wongwa bino bitondo binkutenda,nu ntabikita ,asusana na mughasanga wobakagha numba saghe mu museghe.²⁷Mbula salokile,misalo washwile nu biswa byatingile nu kwisunda kweso numba;sendukile,nu kusambuka bubibubi.²⁸Yesu,mu kushila kutenda ibyo bitondo bingi,kikembe chaghanaghanagha na meghisha maghe;²⁹kubuno abagha akweghesha anga wite bukulu , nu ta anga basanshi babo.

Chapter 8

¹Yesu mu kukumba mushighulo,kikembe kinene chamuyangagha.²Nu lola ,mubembi umoi ashighelelagha kweli,kumukomela mashwe nu kumubula:Mukota,ndi washima,unanengya.³Yesu alambyagha kuboko,amukatagha ko,nu kumubula:Nashima, enga. Nu agho alamagha bubembi bwaghe.⁴Yesu amubulagha: Usambalilaghe muntu ;tondo nda w'indoshe kweli Sankogha,nu tucha lukaso lwatililwe na Musa,buno lube luteneneki ku beli.⁵ Yesu mu kwingila mu Kapelenaumu,mukulu wa basula amubushagha,⁶mu kumusegha nu ku mubula:Mukota,mukiti wani ayamile mu numba akusamba bubibu nu abenseka bighansa.⁷Yesu amubulagha :Nende ,nu namulamwe.⁸Mukulu wa basula amwakulagha;Mukota ,nshatunganana ubase mwani mu numba, tondo tenda kitondo kimoi tughu nti mukiti wani alama.⁹Kubuno,nine ,nite basula kw'iyakulo lyani;ndi nabula umoi: Nda,nu nti enda ;ku ungo,shwa ! Nti ashwa;Nu mukiti wani,kita bubo nu nti akita ubo.¹⁰Mu kushila ku mwongwilila, Yesu aghanaghaghanagha,nu kubula babo babagha bakumuyanga:Nkubabula bulili,nshimonagha mu Isilaeli lukatisho lunene anga luno.¹¹Nu, nkubabula bwasibwasi bengi bakashwa kwa kukutukilagha musi nu ku uukuyama ,nu bakalya ghamoi na Bulahimu,Isaka nu Yakobo,mu bukota bwa mw'ighulu.¹²Tondo bana ba bukota bakalekelwa mu bulimaswa bwa kumbugha,nu'ko kukaba indilo nu kukala mino.¹³Inga Yesu abula mukulu wa basula:Nda ukitilwe kuyangana na lukatisho lobe .Nu mweso nkungu,mukiti waghe alamagha.¹⁴ Yesu endagha ku numba sa Petelo,asangagha mo ninabyala ayamile ite kapulula.¹⁵Amukatagha mu kuboko, inga kapulula kamushighagha; imalukagha nu kumukitila milimo.¹⁶Mwigholigholi,bekelagha Yesu bantu bengi bite basumbu.Atibitagha basumbu na kitondo chaghe,nu kulamya basambi bansai,¹⁷buno bi belelele byatendwagha na Mulenganya Isaya: Atolile busokoluma bwitu,nu kwiyecha nsambo situ.¹⁸Yesu mukulola kikembe mu ntungo nawe, akakishagha bantu bende kingo kibe.¹⁹Mutili umoi wa milembe ashighelelagha,nu kumubula:Mwegheshi,nkakuyanga kunsai ku ukenda.²⁰Yesu amwakulagha: Mishimba site mpusa sabo,nu tusoni tw'ighulu twite bishumba;tondo Mwana wa Muntu ntite gha kubik' itwe.²¹Ungo,ku begheshibwa ,amubulagha:Mukota,nshighe tanga nende ku kunda tata.²²Tondo Yesu inga'amubula :Njange ,nu shigha bakui bakunde bilunda byabo.²³Ingilagha mu bwato,nu begheshibwa baghe bamuyangagha.²⁴Nu lola, kiswa kinene kinginde mu kitatenge nu bwato bwisalagha masi.Nu we abagha ayamile.²⁵Begheshibwa bendagha kweli ku mubucha,nu kumubula:Mukota,tonie,twashika!²⁶Ababulagha:Buni bumwakwa boba bantu ba lukatisho lukeke?Agho lino,imalukagha,ing'akobya kiswa nu kitatenge,nu kwabagha kakobi kanene.²⁷ Bantu baghanaghanagha: Nayi ghono u kwongwibwa na kiswa nu kitatenge,u bubendagha bekw'itendya.²⁸Mu kwika mu ungo muse mu kisi cha Bagadale,bantu babili bite basumbu batukagha mu nsinda,bashwagha kweli .Babagha bakalama nu kilo muntu unatingile agho.²⁹Nu lola,balekelagha mulenge:Kiki cheli gha tusambana nowe, Mwana wa Ghongo? Washwile ghano kutunubya nu nkungu tasikuka?³⁰ Kulai nabo, ghabagha kikembe cha mpunu kikulya.³¹Basumbu baseghagha Yesu ,nu kumubula: Ndi watutibita,tushighe twingile mu lino ighimba lya mpunu.³²Ababulagha: Mwende! Batukagha nu kwingila mw'ighimba.Nu lola, ighimba linsai lya kumbilagha mu kitatenge,nu kushikila mo .³³Balangi ba ngulube batinagha,nu bendagha lubilo ku musumba,kusambala byatingile ku babo babagha na basumbu.³⁴Agho lino,mwelo unsai wakukumukagha nu kwenda kweli Yesu;Nu mu ku mumona ko, bamubulagha atuke mu kisi chabo.

Chapter 9

¹Yesu, ingilagha mu bwato,nu asokagha kitatenge mu kwenda ku musumba waghe.²Nu lola, bamwekelagha wabensekile bighansa ayamile ku mughu . Yesu,alolagha lukatisho lwabo,ing'atenda na wabensekile bighansa:Wabagha na maghala,mwana wani,bwaghi bobe bwashighililwa.³Kuubo , bamoi ku Batili ba milembe batendagha mu mitima sabo : Ghono muntu enegha Ghongo.⁴Nu Yesu,mu kumana milenganya sabo,atendagha:Buni bumwite milenganya mbi mu mitima sinu?⁵Kubuno,ki kisogha mu kutenda : Bwaghi bobe bwashililila ali kutenda : Imaluka ,nu tabanga?⁶Nu buno,mumane buno Mwana wa muntu ghano ghansi ite bwangato bwa kushighilila bwaghi:Abulagha wabensekile bighansa:Imaluka,tola mughu wobe,nu nda kobe ku numba.⁷Nu imalukagha nu kwenda kwaghe ku numba .⁸Kikembe mu kulola ku'ubo,chakatwagha na boba,nu kughanula Ghongo weleshishe bantu bubo bwangato.⁹Mwa mukutuka agho nu kwenda bulai,Yesu alolagha mulume umoi ikalile gha kishiki cha kulighya, u ukumanwa Matayo .Amubulagha :Njange.Ghoso mutu imalukagha nu kumuyanga.¹⁰Ghabinde Yesu abakama kulya mu numba, lola ,batakatisha bengi nu bantu ba myanya mbi,bashwagha kulya ghamoi nawe nu ghamoi na begheshibwa baghe. ¹¹Bafalisayo mu kumona kubo,babulagha begheshibwa baghe: Buni bukulya Mukota winu ghamoi na batakatisha,nu bantu ba myanya mbi?¹²Ghongwagha Yesu ku bubo,inga'tenda:Babeli bankambwe ,ntabite nkasa sa musakishi,tondo basambi.¹³Mwende, mumane kino kitondo: Naboghela lukogho,nu ta bisansa.Kubuno,nshashwile kumana basanana,tondo bisa bwaghi.¹⁴Agho ,begheshibwa ba Yoani bashwagha kweli Yesu,nu kumubula:Kubuni beshwe nu Bafalisayo tukw'inania indya mu masegho,nu begheshibwa bobe tab'inanie indya mu masegho?¹⁵Yesu abakulagha: Binda bi'nen'isonga banaba na bongwa nu nen'isonga echeli nabo? Bindi bikashwa mpina nen'isonga akakukumwa,nu agho bakinania indya.¹⁶Takuli unalanda kibe cha ngwaya kisogha ku kitetutetu ;Kubuno kineka kibe kinene kweso nshulu,nu kiboto nti cha tanuka.¹⁷Tabekwindagha maku masogha munda na malegha m'indisha;ndi tobo,malegha nti matika nu maku nti makubhuka;nu malegha nti mashimila;Tondo bakubikagha maku masogha munda na malegha masogha,nu maku nu malegha nti m'indanga busogha.¹⁸Mukubatenda ibyo bitondo,lola,mukulu umoi ikagha nu kukoma mashwe maghe ghabusho bwaghe,nu kumubula:Kikumi chani chalekana kano kaluma ;Tondo,shwa umubikile maboko ,nu alame.¹⁹Yesu imalukagha nu kumuyanga ghamoi na begheshibwa baghe.²⁰Nu lola,mukashi umoi wabagha akusulula mikilha myaka ikumi n'imbili ,ashwagha kumbusa kwaghe,nu kukata gha kukunilwagha nshulu saghe.²¹Kubuno itendiagha mu mutima waghe:ndi nakosha kukata ku nshulu saghe,nti nalama.²²Yesu akebatukagha nu ing'atenda mukumwengelesha : Wabagha na maghala mukinga wani,lukatisho lobe lwakulamya .Nu mukashi ghoso alamagha mweso nkungu.²³Yesu mu kwika mu numba sa mwami ,nu alolagha bakini ba tupyelele nu kikembe kinene.²⁴Ing'ababula: Mushighelele;kubuno kikumi ta cha kwile,tondo chayamile.Nu bamusekagha .²⁵Ghabinde kikembe cha kukuka kumbugha,ingilagha nu kukata kuboko cha kikumi,nu kikumi kimalukagha.²⁶musaghu wasandabanagha ku myelo s'oko.²⁷Mukutuka agho,Yesu ayangwagha na byuku bibili ,bya bagha bikulekela mulenge: Tukwile lukogho , Mwana wa Daudi!²⁸Mukuba abasa ku numba,byuku byashighelelagha kweli,nu Yesu ababulagha:Mwakatisha buno inakita ibyo?Naki,Mukota,bamwakulagha.²⁹Agho ,a bakatagha ku miso, nu kubabula : Mukitilwe kuyangana na lukatisho lwinu.³⁰Nu miso mabo mashibukagha. Yesu abananiagha bubibu,kilo muntu wampa umanagha. ³¹Tondo,mu kutuka agho,basandabanyagha nkulu saghe mu kisi kinsai.³²Gha babagha bakwiyendela,lola,bekelagha Yesu kalumbu kite musumbu.³³Musumbu gha tibitwagha, kalumbu katendagha.Nu kikembe chaghanaghanagha kutenda: Kitondo anga kino takimonekagha ko mu Isilaeli.³⁴Tondo Bafalisayo batendagha:Kutingila mukulu wa basumbu u mwakutibita basumbu.³⁵Yesu atimbile mu minsumba nu myelo insai ,mu kweghesha munda na ma Sinakoki,mu kusansa musaghu musogha wa bukota,nu mu kulamya nsambo nu busokoluma bunsai.³⁶Mu kulola kikembe,abakwilagha chombo,kubuno chabagha chakutwa nu kusandabana,anga mbuli sitite mulangi.³⁷Agho ,abulagha begheshibwa baghe: Buuse buli bwingi,tondo bakiti ba nkashi u bakeke.³⁸Museghe kashi kweli nene buuse,asinge bakiti mwa mu buuse bwaghe.

Chapter 10

¹Nu mu kumana begheshibwa baghe ikumi nu babili,abeleshagha bwangato bwa kutibita basumbu,nu konia nsambo nu bughongole bunsai.²Ongwa mashina ma ntumwa ikumi na babili.Mutangi, Simoni wamamwagha Petelo,nu Andele muto waghe;Yakobo,musikila wa Sebedayo,nu Yoani ,muto waghe;³Filipo,nu Matoloma;Toma,nu Matayo,muntu wa kulighya palata,Yakobo musikila wa Lufayo,nu Tadeo;⁴Simoni wa Kanana,nu Yuda wa Kaliota ukasigha Yesu.⁵ U mughanso w' ikumi na babili basingilwe na Yesu,gha shilagha kubelesha mibiko seno: Mwendaghe ku batakatisha ba bilongo, mwingilaghe ku misumba sa Basamalia;⁶tondo mwende ku mbuli sashiminde sa numba sa Isilaeli.⁷Mwende,musanse misaghu,nu mutende: Bukota bw'ighulu bwalembekela.⁸Mulamye basambi,mubuche bakwile,mwengye babembi,mutibite basumbu.Mweleshibwe tughu,mwesane bya tughu.⁹Mwekaghe nolo , bikulo ali falanga mu bibunda binu;¹⁰ali nsagho sa lughendo,ali nshulu imbili,ali mikalabanda; kubuno mukiti wa mulimo emana kughebwa indya lyaghe.¹¹Mu musumba ali mwelo u mwingila mo ,mulonde muntu u nabasekela; nu mwikale mo kwikila busi bwa kwenda.¹² Mukwingila mu numba,mwa mukashagha samba,¹³nu ndi numba sa tunganana,boolo bumwite bwikale mo;tondo ndi tamwatunganana,boolo bwinu bubakulukile.¹⁴Ndi tababasekela nu kwongwilila bitondo binu ,mutuke mweso numba ali mw'oso musumba nu nti mwatitula mukungu wa mashinshi minu.¹⁵Nababula bulili: busi bwa kwaghibwa, ghoso musumba ,ukaaghibwa kutinga kisi cha Sodoma nu Gomola.¹⁶Lola,nabasinga anga mbuli mu nkatighi na mpagha.Mwategheleshagha anga bulighi,nu kubota anga bilinga,¹⁷Mwabagha miso na bantu; kubuno bakabalekela ku lusu lwa bashushi,nu kubapunda na bususu mu ma Sinakoki mabo ;¹⁸ba kababulutila kuli bakulu ba misumba kubushi bwani,nu ku bami,buno bateneneke ku beli nu ku batakatisha.¹⁹Tondo,gha bakabesana,tamwimbushe kiki kimwatende ali ki mwababule, bimukatenda mukeleshibwa byo mweso nkungu;²⁰ kubuno,ta benywe u mukatenda ,nti Muusa wa So winu u ukatenda munda mwinu.²¹Mubuto akesana mubuto waghe ku lukwo ,nu mubuti mwana waghe; bana bakimalukila babuti babo,nu kubita.²²Mukasombwa na bansai kubushi bw'ishina lyani; tondo olya ukalinda kwikila bibyo,u ukona.²³Gha bakabayungyayungya mu musumba ghoso, mwatinilagha mu ungo. Nababula bulili,tamukashila kutimba myelo s'Isilaeli nu Mwana wa muntu nt'ika.²⁴Mwegheshibwa ntaghimba mwegheshi,ali mukiti ntaghimba mweme waghe.²⁵Bwalumba mwegheshibwa akatwe anga mwegheshi waghe, nu mukiti anga mweme waghe.Ndi bamanagha nene numba buno u Belesebuli,buni lino bubakamana bantu ba numba saghe!²⁶Tamubakwe boba;kubuno takuli chabisilwe kitakabisulwa ,ali cha kindo ,ki takamanwa.²⁷Binkubabula mu bulimaswa ,mwabitendagha bwasibwasi; nu bimukwongwa mu kutuyi,mwabinsasagha mu mashumba.²⁸Tamukwe boba bwa babo banakosha kwita mubili nu taban'ita mutima; tondo, mukwe boba ghoso un'ita mutima nu mubili mw'ishiba lya kaya.²⁹Ta bakughushagha tusoni tubili ku kakulo kamoi? Nu,taku wampa wabo unakoloka ndi nta kushima kwa So winu.³⁰Nu nshuli sa matwe minu insai saghansilwe.³¹Kashi mukwaghe boba; mwaghimba bubibu tusoni.³²Uchasula,olya ukantata mu miso ma bantu, nine nkamutata kweli Tata wani wa mw'ighulu;³³ tondo n'olya u kantuna mu miso ma bantu,nu ine nkamutuna kweli Tata wa mw'ighulu.³⁴Mumanaghe buno nashwile kulisha boolo mu kisi; nshashwile kulisha boolo,tondo mwele.³⁵Kubuno nashwile kulisha kwengucha muntu n'ise,mukinga na nina,mwanakashi na ninabyala;³⁶nu muntu akaba na baghini ba mu numba saghe.³⁷Olya washima ise ali nina kuntinga,nta tunganana ku neli,nu olya washima musikila waghe ali mukinga waghe ku ntinga,ntatunganana nine;³⁸olya ut'eka musalaba waghe,nu kunjanga,ntatunganana nine.³⁹Olya ukalanga kalamo kaghe aka kashimisha,nu olya ukashimisha kalamo kaghe ku bushi bwani akakamona .⁴⁰Olya wa basekela nti'ansekela,nu olya wansekela nt'asekela olya wansingile.⁴¹ Olya wasekela mulenganya buno eli muleganya akakaswa indigho lya muleganya,Nu olya wasekela wisanana buno isanana,akakaswa indigho lya basanana.⁴²N'onsai ukelesha mwana muto kata kamoi ka masi makwasa kubuno eli mwegheshibwa wani, bulili nkubabula buno,ntakashimisha kibhu chaghe .

Chapter 11

¹Yesu mu kushila kwelesha begheshibwa baghe ikumi nu babili mibiko,atukagha agho buno egheshe nu kusambala mu misumba sa kisi. ²Yoani mu kahombo gho ngwagha ku misaghu sa milimo sa Kilishitu, ingasinga begheshibwa baghe bamubushe: ³Uli olya washwe ,ali tulindile ungo?⁴Yesu abakulagha: Mwende kusambali Yoani bi mongwa ko nu bi mwalola ko:⁵Byuku bikumona,tusokoluma tukutabanga, babembi benga, bashibile matui bongwa,bakwile batuka ku bakui ,nu bakene basambalilwa musaghu musogha.⁶Akasanilwe olya nshikaba ikitalo kwaghe .⁷Mu kwenda kwabo,Yesu atendagha na musanganano ku bitondo bya Yoani: Mwendagha kulola ki mu kalula? Kamilali kakutenjwa na lumpumpu?⁸Tondo,ki kimwendagha kulola ko? Muntu washwalile nshulu nsogha? Lola,bashwalile nshulu nsogha beli mu mashumba ma bami.⁹ Mwendile kulola kiki? Ndi mulenganya? Naki, nababula,nu atinga mulenganya.¹⁰Kubuno u ghoso wa sansilwe: Mulole,nasinga ntondi sani ghabusho na malanga mobe, kukisika nsila sobe ghabusho nowe.¹¹Bulili nkubabula , takumonekagha muntu munene ku bansai ba butilwe na bakashi watinga Yoani mupatishi. Tondo ghoso uli mukeke mu bukota bwa mw'ighulu u wamutinga.¹² Kulingila ku bindi bya Yoani mupatishi kwikila lelo,bukota bwa mw'ighulu bukukakishwibwa, nu ndwani usikwikatila bo.¹³ Kubuno balenganya bansai nu mulembe byegheshishwe kwikila ku Yoani; ¹⁴Nu,ndi mukushima ku mwongwilila, u Eliya unashwile.¹⁵Olya wite matuyi ma kwongwa ongwe.¹⁶ Nilingamanye luno lughiso na kiki? Lwasusana bana bikalile gha mulungu,nu mukutenda na bango bana,bakubabula :¹⁷ Twipilile mu kapyelele nu tamwaminile,twembile nembo s'indilo, nu tamwalilile.¹⁸Kubuno Yoani ashwile, ntalile nu ntanywile nu batendile: ite isumbu. ¹⁹ Mwana wa muntu ikile, akunywa nu kulya, nu bakutenda: Eli mutughu nu munywighi ,mwinda wa basamba nu wa bantu ba myanya mbi, tondo bwenge bwaghe bwa monekile ko kutingila mikolo saghe.²⁰ Agho asughilagha misumba mwakitwagha mu bitangalo byaghe bingi, kubuno tab'isungulile mu mitima. ²¹Musambo kobe,Kolasina! musambo kobe Betesaida! Kubuno,songo bitangalo bya kitwagha mukatighi na benywe bina kitilwe ku Tilo nu ku Sidoni, ban'insungule mu mutima kalai nu kushwala ikunia nu kw'imbonja ito.²² Uchasula nkubabula: bindi bya lusungyo, Tilo nu Sidoni sikaba na lusungyo lukeke kubatinga.²³Nu uwe, Kapelenaumu, ukabakamishwa kw'ighulu?Nu kilo.Bakakukumbya aba ku kishiki cha bakwile; kubuno,ndi bitangalo bya kitwagha ku weli u byakitilwe mu Sodoma, unashighalile kwikila lelo²⁴.Uchasula nkubabula: busi bwa lusungyo, kisi cha Sodoma kikaba na lusungyo lukeke kukutinga.²⁵Mwebyo bindi, Yesu atendagha: Nakutata ,Tata,Mukota wa mw'ighulu nu kisi, kubuno wabisile bino bitondo ku bisa bwenge nu bite milenganya, nu kubilimbula ku bana .²⁶Naki,Tata ,nakutata kubuno washimagha ubo. ²⁷Neleshibwe bikai binsai na Tata, nu takuli muntu ukumana Mwana, ndi ta Tata, nu kilo muntu ukumana Tata ndi ta Mwana nu olya walimbulilwa na Mwana.²⁸Mushwe kuneli benywe bansai bakutilwe nu bakotamile na mishigho nu nkabelesha momulwo.²⁹ Mw'inkande na lukando lu nikala nalo, nu mwiyegheshe ku neli,kubuno na bota nu ninkumbya mu mutima, nu mitima sinu sikomulwa.³⁰ Kubuno lukando lwani lwabota,nu mushigho unite waleluka.

Chapter 12

¹Mwebyo bindi, Yesu atingagha mw'iswa lya ngano busi bwa sabato. Begheshibwa baghe babagha na nsala, bimbikagha mu kutomola nu kulya bighuma bya ngano.² Bafalisayo,mu kulola kubo bamubulagha : Lola, begheshibwa bobe bakita bitana kitwa busi bwa sabato.³Tondo Yesu ababulagha:Tamwasomile bwakitagha Daudi,ghongwagha nsala, we nu ghamoi na babagha nawe.⁴Ubo bwingilagha mu numba sa Ghongo, nu kulya tumpampa twa kwela,tatwatunganana kulibwa nabo , we nu abo babagha nawe nu byabikwagha tughu ku bisankogha bob'inene?⁵Ali tamwasomile mu milembe buno mu kindi cha sabato bisankogha bakubelagha sabato mu numba sa kukumbamila nu tabakwighaya? ⁶Tondo nkubabula buno, ghano gheli chaghimba numba sa kukumbamila.⁷ Ndi munamanile bukutenda: nkushima chombo ta bisansa, tamunakoshishe kwaghya batite bwaghi. ⁸Kubuno Mwana wa muntu u Mukota wa sabato.⁹Mukutuka agho Yesu ingilagha mu sinakoki.¹⁰ Nu lola mwabagha muntu umoi wouma kuboko. Babushagha Yesu: bwatungana kulamya muntu mu busi bwa sabato? Bwabagha buno bamutalikile.¹¹Ababulagha:Nai ku benywe ndi ite mbuli emoi nu sakolokela mu mushinga busi bwa sabato ntanasitucha mo?¹² Muntu aghimba mbuli ! Bwatunganana kashi kukita busogha mu bindi bya sabato!¹³Agho , abulagha uso mulume: lambya kuboko kobe. Aulambyagha,nu wabagha musogha anga wa ungo.¹⁴ Bafalisayo bakukukagha nu bendagha mpindi sa kumwitya.¹⁵Tondo Yesu mu kumana u'bo,atukagha mwecho kishiki.Kikembe kinene chamuyangagha. Alamyagha basambi bansai; ¹⁶nu kubanania bubibu bantu tabamumanilile, ¹⁷buno kibelelele kitondo chatendwagha na mulenganya Isaya:¹⁸Lola mukiti wani unasombolile, nshimwa sani we u waboghyaboghya mutima wani, nkabika Muusa wani munda nawe nu akasambala lusungyo ku bilongo.¹⁹Ntakatunya lingo, ntakalekela mulenge lingo, nu muntu ntakwongwa ishuki lyaghe mu nsila;²⁰ ntakabela lingo kamilali kakalilwe ,nu ntakashimya lingo kamekemeke kakubanga, kwikila bindi bulili bwimale .²¹ Nu bilongo bikalelamila mw'ishina lyaghe.²²Agho bamwekelagha w'it'isumbu kyuku nu weli kalumbu,nu amulamyagha , inga kalumbu katenda nu kulola.²³Kikembe kinsai cha ghanaghanagha nu kutenda: Ta ghono musikila wa Daudi?²⁴Bafalisayo,kw'ongwa ku'bo batendagha : Ghono mulume akutibita basumbu kutingila Belesebuli mukota wa basumbu.²⁵Yesu bwamanagha milenganya sabo ababulagha: Bukota bunsai ndi bwengukana nti bwashililila, nu mwelo ali numba simbeghanya ta sinaba.²⁶Ndi Kahinga katibita Kahinga nti'mbeghanya w'inene ; Buni bunaba lingo bukota bwaghe? ²⁷Nw'ine ndi, nkutibita basumbu kutingila Belesebuli, bana binu bakumutibita kutingila nayi? Uchasula bakaba bashushi binu.²⁸Tondo ndi kutingila Muusa wa Ghongo u nkutibita na basumbu,kashi bukota bwa Ghongo bwa basa ku mweli: ²⁹Ali buni buningila muntu mu numba sa mukambwe nu kutukula bikayi byaghe ndi ntalinga kumukanda ? Agho lino nti atukula numba saghe.³⁰ Olya uteli ni'ne ghamoi nti'ansomba; nu olya utakunsumanya ni'ne nti akusandabanya.³¹Uchasula nkubabula bwaghi bunsai nu kwenegha Ghongo bikashighililwa ku bantu,tondo kwenegha Muusa takukashighililwa nukilo.³²Olya uk atenda bubi ku Mwana wa Muntu,akashighililwa;tondo ghoso ukatenda bubi ku Muusa Musogha ntakashighililwa, mu seno nkiko ali mw'eso si kashwa.³³Ali mutende muti musogha,nu kighuma chaghe cheli kisogha,ali mutende muti mubi ,nu kighuma chaghe kibi ; kubuno muti ukumanilwa kutingila kighuma .³⁴Kilongo cha malighi , buni bumunatenda bitondo bisogha,nu muli babibu ? Kubuno ku byeli mu mutima u bikutenda wa kanywa.³⁵Muntu musogha akutucha bisogha mw'isengo lya mutima waghe; tondo mubi akutucha bitondo bibi mw'isengo lya mutima waghe.³⁶Nkubabula buno busi bwa kwaghibwa bantu bakalosha bitondo byabo bya tughutughu bibatendagha.³⁷Kubuno ukaba wasanana kutingila matenda mobe,nu ku matenda ukakandwa.³⁸Agho bamoi ku Bafalisayo nu basanshi bamubulagha : Mukota,tukushima tulole bu'kukita kitangalo kimoi.³⁹Ababulagha : Lughiso lubibu nu lwa matensha lukusegha kitangalo ; Takin'eleshibwa kingo kitangalo kughimba kicho cha Yona.⁴⁰Kubuno anga bwakitagha Yona bindi bisatu musi nu kindi munda na nkomo , ubo nubo Mwana wa Muntu akakita bindi bisatu musi nu kindi munda n'itete.⁴¹Bantu ba Ninawe bik'imala na luno lughiso mu busi bwa kwaghibwa nu bakabaghaya,kubuno binsangile mu mitima gha bongwagha Yona akusansa musaghu ;nu lola gheli waghimba Yona ghano.⁴²Munamughole wakutuka kunsi akimaluka busi bwa lusungyo na kino kilongo,nu bakakikanda,kubuno atukile kushinda kisi endagha kwongwilila bwenge bwa Solomono;nu ghano gheli waghimba Solomono.⁴³Mu nkungu satuka musumbu mu muntu,nti enda ku kishiki kite mpegho ,mu kulonda mwomulo,nti siinda kishiki.⁴⁴Agho lino nt'iitendya winene: Nakulukile mu numba sani,munatukagha nu mu kwika, nti asisanga ntamu kena nu mwakukulwa nu kutondwa.⁴⁵Nti enda kutola ghamoi nawe bango mutubakamo babibu bamughimba, bingila mu numba, bombulha mo, nu myanya saghe mbi nti saghimba elya tangi. U bukaba luno lughiso lubibu.⁴⁶Bwabagha Yesu akutenda na kikembe,lola,nina nu bisakwabo babagha kumbugha, balondagha kutenda nawe.⁴⁷Muntu'umoi amubulagha: Lola noko nu bisakwinu beli kumbugha bekulonda kutenda nowe.⁴⁸Tondo Yesu aakulagha ghoso wamubulagha: Nai u mama nu banai u bisakwitu?⁴⁹Nu ingalosha kuboko ku begheshibwa baghe mu kutenda : Lola mama nu bisakwitu .⁵⁰Kubuno olya wakita byashima Tata wani weli mw'ighulu ghoso u mwisakwitu nu mubitu wani,nu mama.

Chapter 13

¹Ubo busi ,Yesu atukagha mu numba nu kwikala ku mutili wa kitatenge.²Musanganano munene wa bantu wakulumanagha bwighi nawe, ingilagha mu bwato nu kwikala.Musanganano unsai wabagha ku muse.³Ababulagha bitondo bingi mu mashumo nu kutenda: ⁴Mushiki endile kushika mbuto saghe.Nu mu kusansa mbuto 'emoi sa kolokinde mu ntungo na nsila,nu tusoni twashwile,nu kulya.⁵Engo sa kolokinde ghantata na lughangala, kuteli 'itete lingi,sasagha nu kubuno sindagha'itete ,⁶tondo,ghasanagha musi,sayile nu kukama , kubuno sindagha mishi.⁷Engo sakolokelagha mu mikele, mikele sakulagha nu kusikundeghelesha.⁸Engo sakolokelagha mw'itete lisogha ;Sakonamyagha bighuma bingi ,emoi ighana,nu engo makumi mutuba,nu engo makumi masatu.⁹Olya w'ite matuyi makongwa,ongwe.¹⁰Begheshibwa bashighelelagha nu kumubula: Buni buukutenda nabo mashumo?¹¹Yesu abakulagha : Kubuno benywe mweleshibwe menge ma kumana bindo bya bukota bw'ighulu,nwabo tabeleshibwe bo.¹²Kubuno akeleshibwa olya wite kikai nu 'akaba na bingi ,tondo olya utite kena,akanaghwa nu cha kiite.¹³Uchasula,nkutenda nabo mu mishumo,kubuno mu kulola tabakulola,nu mu kongwa,tabakwongwa nu taba kumana.¹⁴Nu ku beli,bikuke bibyo byatendwagha na mulenganya Isaya; Mukongwa na matuyi minu nu tamukamana,mukalola na miso minu nu tamukateghelesha.¹⁵Kubuno,mutima w'icho kilongo weli mubibu ; bashibile matuyi mabo nu kushiba miso mabo,buno bamonaghe na miso mabo ,ali kongwa na matuyi mabo,nu ta bekuteghelesha na mitima sabo,tabaghaluke nu nshibalamye.¹⁶Tondo, makasanilwe miso minu,buno makumona, nu matuyi minu ,buno makongwa.¹⁷Nkubabula bulili balengenya bengi nu bantu basogha bashimagha kumona ku binsai bi mukumona ko, nu tabamonile kubyo,kungwa ku bimukongwa ,tabongwilile kubyo.¹⁸Benywe lino,mongwilile bwatenda mashumo wa mushiki wa mbuto.¹⁹Ndi muntu ongwa kitondo cha bukota nu nta teghelesha cho,musumbu nti ashwa kutucha cha shikwagha mu mutima waghe; ghoso muntu u' olya wa mbuto sa kolokelagha mu ntungo na nsila.²⁰Olya wa mbuto sakolokinde ku lughangala,u 'ghoso ukongwa kitondo nu nti akikatilila na mboghimboghi;²¹Tondo kubuno ntite mishi munda nawe, nta kukokomesha nu ndi munubo ali lubabasho lwika kubushi bwa kitondo,nu nti amona nsila s'ikitalo.²²Olya wa mbuto sa kolokelagha mu mikele u'ghoso ukwongwa kitondo ,tondo tubebe twa bindi nu bwengelela bwa bikulo bi kukundeghelesha kicho kitondo nu ntakukonamya kena.²³Ghoso wa mbuto sakolokelagha mw'itete lisogha,u'ghoso ukongwa kitondo nu kukiteghelesha; akukonamya bighuma , emoi ighana,engo makumi mutuba, nw'engo makumi masatu.²⁴Ababulagha engo mashumo : Bukota bwa mw'ighulu bwasusana na muntu washikile mbuto nsogha mw'iswa lyaghe.²⁵Tondo ghabagha bantu bayama ,mughinighini waghe ashwagha,ashikagha mbuto mbi sasusa ngano munkatighi na ngano,nu endagha.²⁶Mu kwasa kwa mbuto nsogha nu ku konamya bighuma,eso mbuto mbi nuso samonekagha ko.²⁷Bakiti b'inene iswa bashwagha kumubula:Mukota, ntwashikagha mbuto nsogha mw'iswa lyobe?Kuni kwatukila seso mbi? ²⁸Abakulagha:Mughinighini u wakitile ubo.Nu bakiti bamubushagha: Washima twende kutomola so?²⁹Nu kilo,mukutomola so munatomola nu ngano.³⁰Mubishighe bikulile ghamoi, kwikila bindi bya buuse nu mw'ibyo bindi n'kabula bakani , mwatomolagha tanga mbuto mbi, nu kusikanda bibombo bibombo nu kusighisha, tondo mwa kunsamanyagha ngano mu kigholo chani.³¹Ababulagha ungo mushumo nu kutenda ; Bukota bwa mw'ighulu bwasusana na mubhibho washikagha muntu mw'iswa lyaghe.³²Seli nkeke ku mbuto insai tondo mwa mu kukula kwa'so, satinga bilibwa nu kuba muti, tusoni tw'ighulu nti twashwa kobaka mu ntabe saghe.³³Ababulagha engo mashumo : Bukota bwa mw'ighulu bwasusana na mughagho w'indagha mukashi mu ntengi isatu sa nshano,inga saghaghya buntu bunsai.³⁴Yesu atendagha na musanganano bitondo binsai mu mashumo, ntatendile nabo mute mu mashumo.³⁵ Kubuno bibelelele byatendwagha na mulenganya : Nkatenda mu mashumo ,nu nkasansa bibyo byabisilwe kulingila kubumbwa kwa kisi.³⁶Agho akuluchagha musanganano,nu kwingila mu numba.Begheshibwa baghe bashighelelagha bwighi nawe nu kumubula : Tulimbulile mashumo sa mbuto mbi mw'iswa.³⁷Abakulagha : Olya ukushika mbuto nsogha u Mwana wa Muntu;³⁸iswa u kisi,mbuto nsogha ,u bana ba bukota, mbuto mbi u bana ba musumbu;³⁹mughinighini wasishikagha u Kahinga,buuse u busi bushinda bwa kisi,bakani u baghensi.⁴⁰Nu anga buku tomolwa mbuto mbi nu kusilekela mu kaya,u bukaba kindi kishinda.⁴¹Mwana wa muntu akasinga baghenshi baghe bakatucha mu bukota bwaghe binsai bikwaghya nu babo bakukita bwaghi;⁴²Nu ba kabalekela mu mutula munene wa kaya u kukaba indilo nu kukala mino.⁴³Agho,bengya mitima bakasana anga musi mu bukota bw'ise wabo. Olya wite matuyi ma kongwa ongwe.⁴⁴Bukota bwa mw'ighulu bwasusana lingo na bikulo byabisilwe mw'iswa.Muntu wa bimonagha abibisagha nu mu mboghimboghi saghe endagha kughusha byaghe binsai nu kughula lily'iswa.⁴⁵Lingo,bukota bwa mw'ighulu bwasusana na mutimbuli u kulonda tutungwa tusogha.⁴⁶Nu ghamonagha katungwa k'imbei linene ; nu endile kughusha binsai byabagha nabyo nu kukaghula.⁴⁷Bukota bwa mw'ighulu bwasusana lingo na kakila kalekelwagha mu kitatenge,nu kakunsumanyagha bisonga bita susana.⁴⁸Gha kisalagha,babughi bakabulutagha ;nu mu kwika gha muse,babikagha bisonga bisogha mu nshi nu kuta bya bibi .⁴⁹U bukaba ubo busi bushinda bwa kisi.Baghenshi bakashwa kulekanucha babi nu basanana,⁵⁰nu bakabalekela mu mutulha munene wa kaya,u mukaba indilo nu kukala mino.⁵¹Mwongwa bino bitondo binsai ?Naki,bamwakulagha:Twongwa.⁵²Nu ababulagha : Uchasula musanshi unsai wegheshwa bitondo bya bukota bwa mw'ighulu,asusana na nene numba ukusombola mw'isengo lyaghe bikai bya tenene nu bibyo bindisha.⁵³Mu kushila kutenda amo mashumo,Yesu,atukagha uko .⁵⁴Mu kwika mu kisi chaghe, egheshagha mu masinakoki ,nu babo bamwongwililagha batangalagha nu kutenda: Kuni kwatucha, ghono muntu mano menge nu bino bitangalo?⁵⁵ Ghono t'o mwana wa muselemala? Ta nina u Malia,Yakobo,Yosefu,Simoni nu Yuda ta bisakwabo?⁵⁶Nu babitu baghe tabeli mu kantighi na beshwe? Kuni kwatucha lino bino bitondo binsai?⁵⁷Nu abinde nsila s' ikitalo ku beli .Tondo Yesu ababulagha : Mulenganya ntabengwe mute mu kisi chaghe nu mu numba saghe.⁵⁸Nu ntakitile lingo bitangalo bingi uko,kubushi bwa kutakatisha kwabo.

Chapter 14

¹Mwibyo bindi,gho ngwagha Helode ku musaghu wa Yesu,abulagha bakiti baghe buno ghono u Yoani mupatishi.²Abuka kutuka ku bakuyi,uchasula akukita bitangalo.³Kubuno Helode u wakandagha Yoani nu kumubika mu kahombo kubushi bwa Helodia,mughole wa mwisakwabo Filipo,⁴kubuno Yoani amubulagha: Tabwasimilwa abe mughole wobe.⁵Alondagha kumwitya ,tondo akwagha kikembe boba,kubuno chakatagha Yoani anga mulenganya.⁶Nu mukusekela kubutwa kwa Helode ,mukinga wa Helodia aminagha mukantighi mwa baloleshi nu kuboghyaboghya Helode,⁷walaghagha nu kulumbila buno kinsai chaseghe eleshibwe cho.⁸Nu ku lubingo lwa nina,ing'atenda : Mpe ghano gha lughe itwe lya Yoani Mupatishi .⁹Mwami onganwagha ; tondo kubushi bwa kilumbilishi chaghe nu baloleshi, akakishagha eleshibwe cho,¹⁰nu asingagha muntu mu kahombo akale itwe lya Yoani.¹¹Itwe lyaghe lyekwagha gha lughe nu kweleshwa mukinga nu we ingelesha nina lyo.¹²Begheshibwa ba Yoani bashwagha kutola kilunda chaghe nu kukikunda mu nsinda .Nu bendagha kusambalila Yesu.¹³Ku ghoso musaghu,Yesu atukagha uko mu bwato ,nu kwikala mu kishiki cha kalula,nu gha managha kikembe,chatukagha mu misumba nu kumuyanga na maghulu.¹⁴Mwa mukutuka mu bwato, amonagha kikembe kinene,nu kukikwila lukogho ,nu alamyagha basambi.¹⁵Mwigholigholo, begeshibwa bashighelelagha kweli,nu kumubula ;kishiki kino kili kalula nu busi bwatinga ; Bula kikembe chende ku myelo kw'ingulila indya.¹⁶Yesu ababulagha: Tabite nkasa sa kwenda; mubeleshe indya benywe binene. ¹⁷Tondo bamubulagha : Twite tumpampa tutano nu bisonga bibili.¹⁸Nu atendagha: Munekele byo .¹⁹ Ikashagha kikembe ghansi mu_ bisughu,atolagha tumpampa tutano nu bisonga bibili ing'aghalamila kw'ighulu mu ku biseghela .Aketulagha tumpampa nu kwelesha begheshibwa babeghanishe kikembe.²⁰Bansai balyagha nu kwikuta,nu byashighalagha bisashagha nshi ikumi n'imbili.²¹Babo balyagha babagha anga balume elefu itano , kutucha bakashi nu bana.²²Kushilya agho,akakishagha begheshibwa bingile mu bwato,nu balinge kusoka mu ungo muse,nuwe akulagha kikembe. ²³Mu kushila kukilagha, abakamagha mwinduko , kwenda kusegha w'inene ; Nu ghabinde ise igholigholo ,abagha uko w'inene.²⁴Bwato mu kwika mu kantighi na kitatenge bwayungwaghayungwagha na malindi manene kubuno lumpumpu lwatukagha mu kingo kibe.²⁵Mu kalo kanai ka kindi Yesu endagha kubeli ghantata gha kitatenge.²⁶Begheshibwa mu kumulola ko akwenda ghantata gha kitatenge, bisalimagha nu kutenda : Kitwanda kino ! Mu boba bwabo balekelagha milenge .²⁷Agho Yesu ababulagha :Ine ono; Tamukwe boba.²⁸Petelo amubulagha:Mukota, ndi uwe so ,mbule nishwe ku weli ghantata gha masi.²⁹Nuwe amubulagha:Shwa! Petelo atukagha mu bwato, nu kwenda kweli Yesu ghantata gha masi.³⁰Tondo,gha monagha lumpumpu lwakalama,akwagha boba ;Nu ghabagha ise inama ,alekelagha mulenge:Mukota n'onye !³¹Nu agho,Yesu alambyagha kuboko , kumukata nu kumubula : uwe muntu wa lukatisho lukeke buni bu wangama?³²Nu babakamagha mu bwato nu lumpumpu lwakobagha .³³Bababagha mu bwato bashwagha kumukomela Yesu mashwe nu kumubula:Bulili uwe Mwana wa Ghongo.³⁴Mu kushila kusoka kitatenge,bikagha mu kisi cha Genesaleti. ³⁵Bantu becho kibe mu kumanilila Yesu ,basingagha mighenshi ku ntungo insai nu bamwekelagha basambi bansai.³⁶Bamwemagha bakate tughu ku nkunilo sa nshulu saghe nu babo bakatagha ku so balamagha.

Chapter 15

¹ Bafalisayo nu basanshi batukagha ku Yelusalema,bikagha kweli Yesu nu kumubula: ²Ku buni begheshibwa bobe bakubela ntungo sa bakungu? Kubuno bakulya taboghile maboko.³Abakulagha: Nu benywe buni bumukubela lukakisho lwa Kalagha kubushi bwa ntungo sinu?⁴Tondo chatuka mu kanywa,kikutuka mu mutima,nu u kikubighya muntu. ⁵Kubuno,mu mutima u'mukutuka makengelo mabi, bwiti,matensha,malimbya,bwimbi,nu buteneneki bwa manko, kutulanya bango. ⁶Lola ibyo u bikubighya muntu,tondo kulya nu nt'oghile maboko taku kubighya muntu.⁷Benywe bengelela,Isaya alenganishe ku mweli gha tendagha :⁸bano bantu beku n'ansa na milomo sabo tondo mitima sabo seli bulai n'ine.⁹Bekun'ansa tughutughu nu bekw'eghisha bantu nkakisho sa bantu.¹⁰Mu kumana kikembe kweli akibulagha: Mwongwe ,nu mutegheleshe.¹¹Ta kicho kikwingila mu kanywa u kikubigyha muntu ;tondo kicho ki kutuka mu kanywa u kikubighya muntu.¹²Agho lino,begheshibwa baghe bamushighelinde nu kumubula: Ntukumana buno Bafalisayo binishe mitima sabo mukwongwa ibyo bitondo? ¹³Abakulagha: Mbuto si tashikwa na Tata wani wa mw'ighulu sikatomolwa.¹⁴Mubashighe; beli byuku bikusondolela byuku,nu ndi kyuku cha sondolela kingo ky-uku, nti bakolokela bo babili mu mushinga.¹⁵Petelo mukutenda amubulagha: Tulimbulile ghuno mashumo .¹⁶Nu Yesu ikamubula :Nu benywe mwinda mulenganya? ¹⁷Tamukumana buno ki kwingila mu kanywa kikwenda munda,nu nti chatebwa ku mambwe?¹⁸Tondo chatuka mu kanywa,kikutuka mu mutima,nu u kikubighya muntu.¹⁹Kubuno,mu mutima u'mukutuka makengelo mabi, bwiti,matensha,malimbya,bwimbi,nu buteneneki bwa manko, kutulanya bango.²⁰Lola ibyo u bikubighya muntu,tondo kulya nu nt'oghile maboko taku kubighya muntu.²¹ Yesu mu kutuka agho , endagha mu kisi cha Tilo nu Sidona.²²Nu lola, mukashi wa ku Kanana watukagha kushindashinda ,amulekelagha mulenge: Mukota Mwana wa Daudi nkw'ile lukogho ! Mukinga wani akutetembwa n'isumbu.²³Nta mwakulile champa,nu begheshibwa baghe bashighelagha kweli nu kumubula na lukakisho: mutibite atwita na lwayo kumbusa kwitu.²⁴Akulagha:Nasingilwe tughu ku mbuli sa shiminde sa numba s'Isilaeli.²⁵Tondo amukomelagha mashwe mu kutenda: Mukota n'kashe.²⁶Akulagha: Ta busogha kutola kampapa ka bana nu ku kalekela ku byana bya mbwa.²⁷Atendagha: Naki e Mukota ,tondo byana bya mbwa bikulyagha bibyo bikukoloka ghakulila bisa mbwa.²⁸Agho Yesu amubulagha: Mukashi ,lukatisho lobe luli lunene; kitilwa anga bubo bu washima.Nu mukinga waghe alamagha mweso nkungu.²⁹.Yesu atukagha mwibyo bishiki,nu kwenda bwighi na kitatenge cha Galilaya.Mu kuba abakama mwinduko,a bundagha ghansi.³⁰Agho ,kikembe kinene chashighelelagha kweli ,bite babensekile bighansa , byuku,tulumbu nu basambi bengi. Babikwagha ku maghulu maghe nu abalamyagha;³¹nu kikembe chaghanaghanagha mu kulola tulumbu twatenda,basambi balama, ba bensekile bighansa batabanga, byuku bamona ,nu chaghanulagha Ghongo wa Isilaeli.³²Yesu mu kumana begheshibwa baghe atendagha : Nakwila kino kikembe lukogho kubuno bindi bisatu bino nili nabo nu tabite bya kulya.Nshinashima bende tabalile banakwila munsila.³³Begheshibwa bamubulagha: Buni butunaghula tumpampa twakwikutya kino kikembe kinene muno mu kalula? ³⁴Yesu ababushagha: Mwite tumpampa tunga?Bamwakulagha: Mutubakamu nu bisonga bikeke .³⁵Agho lino,abulagha kikemb'e kibunde ghansi,³⁶Atolaha uto tumpampa mutubakamo nu ibyo bisonga,nu,kushila kukasanila,atuketulaketulagha.Nu atweleshagha begheshibwa baghe,nubo babeghanishagha to kikembe.³⁷Bansai balyagha nu bikutagha.Nu bisasagha byanshi mutubakamo na bindibindi byashighalagha.³⁸Babo balyagha babagha balume elefu inayi kutucha bakashi nu bana. ³⁹ Kushila agho,alaghagha kikembe,ingilagha mu bwato nu kwenda ku myelo sa kisi cha Magadani.

Chapter 16

¹Bafalisayo nu Basadukayo bendagha kweli Yesu nu ,buno bamugheleke , bamubushagha abaloshe kamanililo ka kutuka kwi'ghulu.²Yesu abakulagha : Mwi'gholigholo,mukutenda:Bwabe busogha kubuno ighulu lyasusile mikila; nu mu nindunindu:³ kwabe mushumbaghano buno busi kubuno busi bwabinde lumbughembughe. Benywe mukumana bwaghalukil' ighulu; nu benywe tamunakosha kunghensula tumanililo twa bindi.⁴Kibuti kibibu nu ki'ndimbya ki kusegha kitangalo ,takikeleleshibwa kingo kitangalo kite kicho cha Yona.Abashighagha nu kw'iyendela.⁵ Begheshibwa, mu kwika mu ungo muse, bebelelagha kweka tumpampa.⁶Yesu ababulagha : Mwindange busogha na mughagho wa Bafalisayo nu Basadukayo.⁷Begheshibwa mu milenganya sabo, batendagha: Kubuno nampu tatwekile tumpapa.⁸Yesu,mu kumana ubo atendagha: Buni bu mukwikengesha benywe binene,bantu ba lukatisho lukeke, tamwekile tumpampa?⁹Mwinda mulenganya, tamukukengela uto tumpampa tutano twa elefu itano sa balume,nu n'shi inga simwekagha, ¹⁰ali tumpampa mutubakamo twa elefu inai sa balume nu byanshi binga bimwekagha ?¹¹.Buni bumutekumana buno n'shatendile ku bya tumpampa?Mwindange na mughagho wa Bafalisayo nu Basadukayo.¹²Agho bamanililagha buno, ntatendagha ku mughagho wa kampampa,tondo kwindanga na meghesha ma Bafalisayo nu Basadukayo.¹³Yesu,mu kwika mu kisi cha Kaisaliya Filipo,abushagha begheshibwa baghe:Bakutenda buno ine nai ine Mwana wa muntu? ¹⁴Bamwakulagha: bamoi bakutenda buno uwe Yoani mupatishi,bango buno Elia, bango ,Yelemia,ali umoi ku balenganya.¹⁵.Ababushagha:Nu benywe,mukutenda buno ine u nai ? ¹⁶Simoni Petelo amwakulagha: Uwe Kilishitu, Mwana wa Ghongo weli gho.¹⁷Yesu atendagha lingo,kumubula : Wakasanilwa ,Simoni musikila wa Yona; kubuno ta mubili nu mikilha u byakulimbulila ibyo , tondo Tata wani weli mw'ighulu.¹⁸Nu ine nakubula buno uwe Petelo nu ghantata na lin'ikoyoi u ghankobaka Kanisa kani,nu numbi sa kishiki cha bakuyi ta kakakosha.¹⁹.N'kakwelesha batoto ba bukota bw'ighulu ;biukakanda ghano ghansi bikakandwa mw'ighulu;nu biukakandula ghano ghansi, bikakandulwa mw'ighulu.²⁰ Agho,inga'ananya bubibu begheshibwa tababule muntu buno we u Kilishitu.²¹.Kulingila agho,Yesu 'aloshagha begheshibwa baghe buno bwaswagha ende ku Yelusalema,anube kutingila bakungu,bisankogha banene,nu basanshi ,asiwe ku lukwo nu ku bindi bisatu atuke ku bakuyi.²²Petelo endagha nawe gh'itunda , nu kumusughila nu kumubula : Tabyaswaghila Ghongo Mukota ! Ibyo tabyakubasile.²³Tondo Yesu mu kughaluka ,abulagha Petelo : Nda kumbusa kwani, Kahinga,weli ikitasho lyani ;kubuno milenganya sobe ta milenganya sa Ghongo ,tondo seli sa bantu.²⁴.Agho lino Yesu abula begheshibwa baghe : Ndi umoi ashima kushwa kumbusa kwani inane w'inene , eke musalaba waghe,nu animishe. ²⁵.Kubuno olya ukashima konia kalamo kaghe akakashimisha,tondo olya ukakashimisha kubushi bwani akamona ko.²⁶Nu ki kina ghumya muntu mu kubughula kisi kinsai,ndi ashimisha mutima waghe? Ali muntu anenganya ki na mutima waghe?²⁷Kubuno Mwana wa muntu ema kushwa mu lukumbu lwi'se,ghamoi na baghenshi baghe ;nu agho akaligha n'omoi kuyangana na mikolo saghe.²⁸.Bulili na babula,bamoi ku beli ghano tabakakwa nukilo, ndi tabelola ku Mwana wa muntu bw'ashwa mu bukota bwaghe.

Chapter 17

¹Ku bindi mutuba,Yesu atolagha Petelo,Yakobo nu Yoani mwisakwabo endagha nabo kwitunda gha ntonga gha mwinduko mulai.²Aghalukagha chaso ghabeli. Chaso chaghe chasanagha anga musi nu nshulu sage sengagha anga chengeshi.³ Nu lola,Musa nu Elia bamupamukilagha nu kutenda ghamoi nawe.⁴Petelo mukutenda abulagha Yesu: Mukota, bwaswagha twikale ghano;Ndi washima, nobake ghano nusu esatu, emoi lybe,lingo lya Musa nu limoi lya Elia.⁵Anga bwabagha echeli atenda,lubhu lwenga lwababukilagha,nu lola ishuku longwibwagha ko likutuku mu lubhu na bino bitondo : Ghono u Mwana wani, unashima ,muuwe u munabika lutundo lwani : mu mwongwilile !

⁷Tondo Yesu mu kushighelela abakatagha ko nu kubabula : Mwimaluke ta mukwe boba.⁸Bimaluchagha miso, nu balolagha ku Yesu w'inene u mpanga..⁹Mukukumba mushighulo,Yesu abakakishagha :Tamusambalilaghe muntu bi mwamona ko kwikila busi bukatuka Mwana wa muntu ku bakuyi.¹⁰.Begheshibwa bamubushagha : Kichasula bansashi bakutenda buno Elia u kalinga kubasa ?¹¹Abakulagha:Bulili Elia akika, nu kulongomanya bitondo binsai.¹².Tondo nababula buno Elia ikile kalai, tabamumanilinde,nu bamukitinde bubashima.Kubuno Mwana wa muntu akanubwa nabo.¹³Begheshibwa bamanagha buno akubabula ku bitondo bya Yoani Mupatishi.¹⁴ Mu kwika bwighi na kikembe, mulume moyi akomelagha Yesu mashwe nu kutenda :¹⁵ Mukota,kwila mwana wani lukogho,ite luungu akubabalwa bubibu; akuwila mu kaya,nu ali mu lusi. ¹⁶Namwekagha kuli begheshibwa bobe nu tabakoshishe ku mulamya.¹⁷Ika Yesu ababula:Kibuti kitekatisha nu kibi ,mpina nki sinkikala na benywe? Mpina nki sin'kabakatilila ? Munekele we ghano.¹⁸ Yesu asughilagha musumbu bubibu atukagha muwe,nu mweso nkungu mwana alamagha.¹⁹Agho begheshibwa bashighelagha kweli Yesu,nu kumubula w'inene: Ki chasulagha twalibanwa kutibita uso musumbu? ²⁰Yesu ababulagha:Kubushi bwa kwinda kutakatisha kwinu . Nababula bulili ,ndi munabinde na lukatisho anga mubibo wa Haladali,munatendile n'oso mwinduko: Tuka ghano nda kuko, nu u nendile ; Takuli kinabalibanilwe. ²¹Tondo musumbu weli'anga whoso ntanatibitwa ndi ta kutingila masegho nu kwinan'india.²²Mukutabanga mu Galilaya, Yesu ababulagha : Mwana wa muntu akesanwa mu maboko ma bantu; ²³bakamwita nu mubindi bisatu akatuka ku bakui. Babagha na bongwa bunene.²⁴Mu kwika ku Kapelenaumu, balighi ba bichele bibili bya mpalata bendelagha Petelo, nu kumubula: Mwegheshi winu ntanaligha ibyo bichele bibili? ²⁵ Naki, atendagha. Nu mu kwingila mu numba, Yesu atangagha kumubula: Buni buwalola e Simoni ? Bami ba kisi bekweleshwagha mitulo nu mpalata na nai? Na bana babo, ali bagheni?²⁶Amubulagha:Na bagheni. Nu Yesu amwakulagha: Bana tabalighe. ²⁷Tondo, kubuno tunashwa kubakitasha,nda ku kitatenge, lekela kalobo,nu kisonga kiwalinge kuloba, kyasule kanywa, nu wasange kakulo munda.Tola ko,ligha byani nu byobe.

Chapter 18

¹Mweso nkungu begheshibwa bashighelelagha kweli Yesu nu kumubusha : Nai u mukulu munene mu bukota bw'ighulu? ²Yesu amanagha mwana muto nu kumubika mukantighi nabo,ikatenda: ³Nababula bulili , ndi tamwaghaluka nu kuba anga bana bato tamukingila mu bukota bw'ighulu.⁴Uchasula olya ukimbotia anga mwana muto, akaba mukulu munene mu bukota bw'ighulu. ⁵Nu olya wasekela mwana muto anga ghono kw'ishina lyani ansekela ine'inene.⁶Tondo ndi muntu umoi akitasha umoi kw'abo bana bankatisha ,bwatunganana kweli ashukwe luyikililo mwikoshi lyaghe,nu kulekelwa mwishiba lya kitatenge.⁷Musambo mu kisi kubushi bw'ikitalo !Kubuno bwatunganana makitalo mabe ,tondo musambo ku ghoso muntu wa makitalo.⁸Ndi kuboko kobe ali kughulu kobe kwaba nsila sa kukwinda mu bwaghi ketula ko ,nu kalekele bulai nowe. Bwaswagha kuba kasokoluma na kuba na maghulu ali maboko mabili nu kulekelwa mw'ishiba lya kaya ka milyalya.⁹.Nu ndi liso lyobe u nsila sa kukwingisha mu bwaghi, lungula lyo nu lekela lyo bulai nowe;bwaswagha ku weli kwingila mu kalamo na liso limoi,na kuba na miso mabili nu kulekelwa mu mutula wa kaya.¹⁰Mwindange na kwenegha umoi kubano bana bato,kubuno nababula buno baghenshi babo ba munda n'ighulu bakumona chaso cha Tata wani wa mw'ighulu.¹¹Kubuno Mwana wa muntu ashwile konia kicho chashiminde.¹².Buni bumukulenganya ? Ndi muntu ite mbuli ighana nu emoi sa shimila ntana shigha eso makumi mwenda nu mwenda ku minduko nu kwenda kulond'eso sa shiminde ? ¹³.Nu ndi asimona,bulili nababula buno seso samubogyabogya kughimba makumi mwenda nu mwenda sitashiminde.¹⁴.Ububo,so winu wa munda n'ighulu ntakushima umoi kwabo bato ashimile.¹⁵.Ndi mwisakwinu akita bwaghi ,nda umukalaghule uwe nawe umpanga. Ndi akwongwa nti wonia mwisakwinu.¹⁶.Tondo,ndi ntakongwa,tola muntu umoi ali babili inga bitondo binsai bikitwe mu mutendeshi wa bateneneki babili ali basatu.¹⁷Nu ndi anana kubongwa,sambalila Kanisa ; nu ndi anana lingo kwongwa Kanisa abe ku uli anga umoi utakatisha nu muntu wa tughutughu.¹⁸Na babula bulili,kinsai kimukakanda ghano gha kisi,kikakandwa mw'ighulu,nu kinsai kimukakandula ghano gha kisi,kikakandulwa mw'ighulu.¹⁹.Nababula lingo buno ndi babili ku benywe bimilana kusegha kikai kimoi ghano gha kisi,nti beleshibwa cho na Tata wa mw'ighulu.²⁰.Kubuno ndi babili ali basatu bakulumana kw'ishina lyani neli munkatighi nabo.²¹.Agho Petelo ashighelelagha kweli,nu kumubula: Mukota ngendo'inga inashighilila mwisakwitu olya wankitila bwaghi ?Sinaba ngendo mutubakamo?²². Yesu amubulagha: Nshikukubula ngendo mutubakamo,tondo kwika ku makumi mutubakamo ngendo mutubakamo.²³Uchasula,bukota bwa mw'ighulu bwasusana na mwami umoi walondagha kughansa bikulo ku bakiti baghe.

²⁵.Bwatabagha na bya kuligha, mukota waghe amumekulagha aghushwe, we,mukashi waghe,bana baghe,nu binsai byabagha nabyo,nw'indiko lilighwe.²⁶Mukiti wa nkashi indekelagha gheli ,kumukomela mashwe nu kumubula: Mukota : Ndindile nakulighe binsai .²⁷Mu lukogho lwaghe, Mukota wa ghoso mukiti amushighagha ende ,nu ntalighile il'indigho.²⁸.Mukutuka agho uso mukiti akulumana na munabo wite indiko lyaghe lya dinali ighana. Amukatagha nu kumughonda ikoshi ,mu kumubula: Ligha byani biwite.²⁹Munabo indekelagha ghansi nu kumulilila: Ndindile nakulighe.³⁰.Tondo,munabo ntashimagha,a mulekelagha mu kahombo ,kwikila busi bwakaligha indiko lyaghe.³¹.Bakiti banabo mu kulola ku byatinga,bonganwagha bubibu,nu bendagha kusambalila mukota wabo binsai byatingile.³².Agho mukota amanagha ghoso mukiti ,nu kumubula: Mukiti mubi,na kushighilagha indigho lyobe linsai,kubuno wandililagha ;³³ Nuwe ntuna kwilinde muninu lukogho anga buna kukwilagha lukogho?³⁴Nu mukota waghe,ashibukagha, amwesanagha ku bitani ,kwikila alighe binsai.³⁵.Ububo bukabakita Tata wani wa mw'ighulu,ndi umoi ku benywe ntashighilila mwisakwabo na mutima waghe unsai.

Chapter 19

¹Ghashilagha Yesu kutend' ibyo bitondo ,atukagha Galilaya nu kwenda ku kisi cha Yudea kuleshilya kwa Yolodani.²Kikembe kinene cha muyangagha, nuko alamishe basambi .³Bafalisayo bamushighelelagha nu ku mubula ,buno bamugheleke:Ku kitondo ki kimilwa buno mulume atibite mughole waghe ?⁴ Abakulagha: Tamwasomagha buno mwa kalai,Kalagha abumbagha mulume nu mukashi nu kutenda:⁵ Mulume akashigha ise nu nina,nu ak'imbinga ku mughole waghe,nu bo babili bakaba mubili umoi?⁶Nu tabakaba lingo babili tondo bise muntu umoi.Kashi muntu ntalekanuche cha kulumanishe Ghongo.⁷Bamubusha lino:Ki chasulagha Musa alekula buno mukashi eleshwe maluba ma kulekanuka ?⁸ Ik'abakula: Kubushi bwa bubibu bwa mutima winu u chasulagha Musa abimilagha kutibita baghole binu;tondo mu ndingililo;ta bwabagha ubo. ⁹Tondo,nababula :Olya watibita mughole waghe ndi ta ku matensha,nu kusonga ungo, nti atensha.¹⁰ Begheshibwa baghe bamubulagha : Ndi u buli kitondo cha mulume ku mughole waghe ,kashi tabwakoshibwa kusonga.¹¹ Abakulagha : Bansai tabakongwa kino kitondo,tondo babo beleshibwe cho.¹²Kubuno,kweli batukile mu munda sa ba nina nu batamba, bango bakitilwe ubo na bantu ,nu kuli babo bikitile ubo b'inene kubushi bwa bukota bw'ighulu. Olya unakosha kw'ongwa,ongwe.¹³Agho bamwekelagha bana bato buno abakate ko nu kubaseghela .Tondo begheshibwa babashigheleshagha.¹⁴ Nu Yesu ikatenda:Mushighe bana bashwe ku neli,mubananilaghe;Kubuno bwangato bwa mw'ighulu bweli ku basusana nabo.¹⁵Ababikilagha maboko ,nu atukagha agho.¹⁶ Nu lola, mulume umoi ashighelagha nu kubula Yesu: Mweghesha ,nikite ki kisogha nibe na kalamo ka milyalya?¹⁷Yesu amwakulagha: Buni buukumbusha kubyeli bisogha? Umoi u musogha.Ndi washima kalamo, kita bwatenda nkakisho. Amubushagha nkakisho ki ?¹⁸Nu Yesu amwakulagha : Ntw'itaghe ;ntutenshaghe;ntwimbaghe.Ntweke bwisa , ongwa so nu noko ;¹⁹nu shima muninu anga uw'inene.²⁰Musikila amubulagha : Nakitile ibyo binsai;kiki kininda lingo? ²¹Yesu amubulagha :ndi washima kushililila,nda, ghusha biwite, elesha byo bakene, nu wabe n'isengo mw'ighulu.Nu shwa,unjange. ²²Mu kongwa kw'ibyo bitondo, musikila iyendelagha na bongwa;kubuno abagha na bikulo bingi.²³Yesu abulagha begheshibwa baghe: Nkubabula bulili, buli bubibu kuli mutumba kwingila mu bukota bwa mw'ighulu.²⁴Nababula lingo, bweli busoshu kuli ngamia kubutukana mu liso lya nshinge, kutinga kweli mutumba kw'ingila mu bukota bwa Ghongo.²⁵Begheshibwa, mu kongwa kubo, baghanaghanagha bubibu, nu kutenda :Nu nai uk'ona ? ²⁶Yesu abengeleshagha nu kubabula :Buli bubibu kuli bantu,tondo busoshu kweli Ghongo.²⁷Petelo atendagha nu kumubula : Lola twashighile binsai nu kukuyanga , buni bu tukaba?²⁸Yesu abakulagha : Nkubabula bulili,gha kaba bintu binsai bya kisikwa busogha,Mwana wa muntu gha kikala ku bwangato bwa lukumbu lwaghe,benywe mwanjangile,mukikala mu bishumbi bya bukota nu kughaya bilongo ikumi nu bibili bya Isilaele.²⁹Nu olya washighile mibuto saghe,babitu baghe,ise,nina,mughole waghe ali bana baghe, itete lyaghe,numba kubushi bw'ishina lyani, akeleshibwa ngendw'ighana, nu akaba na kalamo ka milyalya. ³⁰Bengi ku batangi bakaba bashinda,nu bashinda bengi bakaba batangi.

Chapter 20

¹Kubuno bukota bwa mw'ighulu bwa susana na muntu umoi nene numba, mu nindunindu asingagha bakiti ba milimo kw'iswa lyaghe lya misabibu. ². Alaghanagha nabo musanga umoi ku busi,nu ik'abasinga ku misabibu.³.Atukagha mu sisatu, nu asangile bango gha kishiki batakukita kena.⁴ Ababulagha: Mwende nu benywe ku misabibu sani, nu nabeleshe bibyo bya tunganana.⁵Nubo bendagha . Atukile lingo na nkungu mutuba nu sa mwenda nu kukita ubo nubo.⁶.Gha tukagha nas'ikumi n'emoyi,asangagha bango babagha gha kishiki,nu kubabula : Buni bumwikalile ghano musi mughimaghima nu tamukukita kena ? ⁷Bamwakulagha : Tatwite watweleshishe mulimo.Ababulagha:Mwende nu benywe ku misabibu sani.⁸Mw'igholigholo mukulu nene misabibu abulagha mulangi waghe wa bikulo : Mana bakiti ,nu beleshe indigho,kulingila ku bashinda kwika ku basoki.⁹.Babo bas'ikumi n'emoi bashwagha, kweleshibwa na muntu musanga umoi. ¹⁰Basoki bashwagha kumbusa,kumana buno beleshibwe bingi, tondo beleshibwagha na muntu na musanga umoi .¹¹Mu kubitola,bishushumagha ku mukulu nene numba,¹²nu kutenda : Bano bashinda bakitile mulimo wa nkungu emoi,nu wabalingimanya na beshwe,bakutwagha na nkashi nu kilungu musi mughimaghima.¹³Akulagha umoi kubo : Mwinda wani,n'shakitile bubi; Tatwalaghanagha nowe musanga umoi ? ¹⁴.Tola olo lobe ,nu iendele. Nkushima n'eleshe ghoso mushinda bigheshe na byobe.¹⁵Tabwaswagha nikite na bikulo byani bunashima? Buni buwandola na liso libi buno nili mubi? ¹⁶.Ububo,ba bashinda bakaba basoki ,nu basoki bakaba bashinda.¹⁷Yesu mu kubakama ku Yelusalema,atolagha begheshibwa ikumi na babili bo binene,nu kubabula mu nsila: ¹⁸Lola,twabakama ku Yelusalema,nu Mwana wa muntu abikwe mu maboko ma bisankogha banene nu basanshi. Bamwaghye lukwo.¹⁹ Nu bamwesane ku batakatisha, buno bamusekelele ,bamupunde na bususu,nu kumwinda ku musalaba;nu ku bindi bisatu akatuka ku bakuyi.²⁰Agho ,nina wa bana ba Sebedayo ashighelelagha kweli Yesu na bana baghe, nu kumukomela mashwe buno amuseghe .²¹Amubushagha: Ki kiwashima ? Ik'amwakula: Lekula buno bana bani babili babano bikale mu bukota bobe,umoi kw'indume n'ongo kw'ikashi lyobe.²².Yesu tendagha: Ntukumana bi ukusegha. Munakosha kunywa kaata kananywe?Batendagha:Tunakosha. ?²³Nu ababulagha :Bulili mukanywa kaata kani ; tondo byakw'ikala kw'indume nu kw'ikashi lyani, ibyo tabyakushima kwani, ibyo bikeleshebwa ku ba babikindwe na Tata .²⁴Abo ikumi mu kongwa kubo, bishushumagha kwabo banabo babili.²⁵ Yesu abamanagha, nu kutenda: Mumane buno bami ba bilongo ba kubatetembya,nu bantu banene nti babakita bakobe. ²⁶Ta bukaba bo mu kantighi na benywe. Tondo olya washima kuba mukulu winu, abaghe mukiti winu; ²⁷Nu olya ukushima kuba mweme , abe mukobe winu.²⁸ Ubwashwile Mwana wa muntu, ta kubuno akitilwe milimo,tondo akitile bango nu kwelesha kalamo kaghe kabe indigho lya bengi.²⁹ Mukutuka ku Yeliko ,kikembe kinene chayangagha Yesu.³⁰ Nu lola,byuku bibili,bikalile mu ntungo na nsila, mu kongwa buno Yesu akutinga, balekelagha mulenge : Tukwile lukogho,Mukota,Mwana wa Daudi.³¹Kikembe chabasughilagha nu ku bakobya; tondo, batendagha bubibu: Tukwile lukogho,Mukota Mwana wa Daudi!³²Yesu imalagha ,ku bamana,nu ku babusha: Ki kimwashima nibakitile? ³³Bamubulagha: Mukota ,miso mitu mashibulwe.³⁴Mu chombo kinene,Yesu abakatagha ku miso mabo;nu agho balolagha nu kumuyanga.

Chapter 21

¹Mu kulembekela Yelusalema, nu kwika ku Betefage bwighi na mwinduko wa Miseituni, Yesu asingagha begheshibwa babili,²nu kubabula : Mwende ku mwelo weli kubusho kwinu; mwasange mpunda sakandilwe nu chana ghamoi na nina; mwabakandulagha,nu kun'ekela bo.³ Ndi muntu ababusha kitondo,mwa mwakulagha : Mukota ite nkasa nabo.Nu mweso nkungu nti abamekulila bo.⁴. Bibyo,bikagha buno bibelelele byatendwagha na mulenganya : ⁵ Mwabulagha mukinga wa Siona : Lola Mwami wobe ashwa ku weli, isala bubobelelo abakamile gha ntata na mpunda,mpunda nu chana cha mpunda.⁶ Begheshibwa bendagha nu kukita bu bwabulaghwa na Yesu. ⁷Bashwagha na mpunda nu chana cha mpunda ,babikagha nshulu sabo ghantata nu kumwikasha kuso.⁸ Bantu bengi ba kikembe baansagha nshulu sabo mu nsila,bango bakalagha ntabe sa miti, nu kusibika mu nsila .⁹Babo bendagha kubusho nu kuyanga Yesu bakughile: Akasanilwe Mwana wa Daudi ! Akasanilwe ghoso washwa mw'ishina lya Mukota! Akasanilwe mwa mw' ighulu .¹⁰Mu kwika mu Yelusalema,musumba unsai wabagha na kabilikito,nu batendagha : Unai ghono ? ¹¹Kikembe chakulagha : U Yesu so mulenganya wa ku Nasaleti,mwa mu Galilaya.¹².Yesu ingilagha mu numba sa ku kumbamila.Atibitagha bansai babagha bakughusha nu bakughula mu numba sa ku kumbamila;Endulagha mesa ma benganyi nu bishumbi bya baghushi ba bilinga.¹³ Nw'ik'ababula : bwatililwe numba sani sikamanwa numba sa masegho. Tondo benywe,mwasighalula mukumba wa bimbi. ¹⁴ Byuku nu babensekile bighansa bashighelelagha kweli.Nu abalamyagha.¹⁵Mwa mukumona bitondo bisogha byakitagha,nu bana bekulekela milenge mwa mu numba sa kukumbamila:Akasanilwe Mwana wa Daudi !Tondo Bisankogha banene nu bansashi bonganilwe. ¹⁶ Bamubulagha: Ukongwa,bi bakutenda? Yesu abakulagha: Naki. Tamunusomagha ibyo bitondo: Watukishe lwanso mu kanywa ka bana,nu babo ba kumoma ? ¹⁷ Nu mu kubashigha,atukagha mu musumba nu kwenda ku Betania ,u kwayamagha.¹⁸Munindunindu, mu kukuluka mu musumba ing'ongwa nsala.¹⁹Mu nsila amonagha ku muti moi ashighelela ku weli,tondo ntasangagha ku kena,bisughu umpanga,nu aubulagha: Kighuma champa kikonamaghe kuwe!Nu agho muti wakamagha.²⁰ Begheshibwa mu kulola kuubo baghanaghanagha, nu kutenda: Buni bwakama uno muti mu kano kaluma? ²¹.Yesu abakulagha: Nababula bulili, ndi munabinde na lukatisho nu ta munisikimile ku byatinga ku uso muti ,tondo munabulile ghoso mwinduko :Tomoka agho nw'indekele mu kitatenge,bunabind' obo. ²². Kinsai kimukasegha kutingila lukatisho nu masegho, mukeleshibwa cho.²³.Yesu endagha mu numba sa kukumbamila,nu ,mu kweghesha,bisankogha banene nu bakungu ba bantu,bashwagha kumubula: Ku bwangato ki u kuukukita eno myanga,nu nai wakweleshishe bubo bwangato ? ²⁴Yesu abakulagha: Nu ine nkubabusha lubusha lumoi;nu ndi mwanakula nw'ine nti nababule ku bwangato ki bunkukita eno myanga.²⁵.Lupatisho lwa Yoani lwatukilagha kuni ? Ndi lwa kw'ighulu ali lwa bantu?Tondo,bimbushagha gha basambana : Ndi twamwakula buno lwa mw'ighulu,nti abula buno buni bumwindagha ku mukatisha,²⁶.Nu ndi twamwakula lwa bantu, twakwa bantu boba ,kubuno bansai bekukata Yoani buno mulenganya.²⁷Agho ,bamwakulagha Yesu :Tatukumana. Nu we ik'ababula : ninengo nshababule ku bwangato ki buunkita eso myanga.²⁸.Buni bumwalola,mulume umoi abagha na basikila babili ik'ababula wa nkulha : Mwana wani,nda ukite mulimo buno busi mw'iswa lyani lya misabibu .²⁹ Amwakulagha: Nshikushima.Kumbusa kwagho ,inkulukagha mwa mu mutima ,ik'enda ko.³⁰ Ikabula ghoso ngo ubo nubo.Nu ghoso mwana amwakulagha:Nashima e mukota.Nu ntendagha.³¹Nayi ku babo babili wakitile bwashima ise wabo?Bamwakulagha : Wa nkulha. Nu Yesu ik'ababula bulili bantu ba tughutughu nu baluwawa bakabatangila mu bukota bwa Ghongo .³²Kubuno Yoani ashwagha ku mweli mu nsila sa sanana,nu tamwamukatishishe,tondo bantu ba tughutughu nu baluwawa,bamukatishishe ; Nu benywe balolagha kwibyo,tamwaghalukile nu kumukatisha.³³.Mwongwilile engo mashumo: Kwabagha mulume umoi nene numba,ashikagha misabibu. Atimbyagha mukolo mw'iswa,nu kutima mushinga wa kukandila mo,ik'obaka kalokesho,nu ashighagha balimi nu kutuka mu kisi .³⁴Mu kuba bindi bya buuse byenela,asingagha bakiti baghe kweli balimi ba misabibu kubuno amone mbuto s'iswa lyaghe.³⁵Balimi ba misabibu ,bakatagha bakiti,ika bapunda umoi nu kwita ungo nu wa basatu bamusundagha makoi. ³⁶.Asingagha lingo bango bakiti bengi ku ba basoki; nu balimi ba misabibu babakitilagha ubo nubo.³⁷Kumbusa,asingagha ku beli musikila waghe,mukutenda:Bakwe boba musikila wani.³⁸Tondo,babo balimi ba musabibu,mu kumona ku musikila waghe, batendagha ghabasambana :Lola nene mwandu,mushwe,tumwite,nu twiyangike mwandu waghe.³⁹Nu bamukatagha, bamulekelagha kushind' iswa nu kumwita.⁴⁰ Nu agho,busi buk'ika nen'iswa, buni bwakakita abo balimi ba misabibu ? ⁴¹Bamwakulagha : Akabashililisha abo bantu ba tughutughu,nu kwesan'iswa ku bango balimi ba misabibu bakamwelesha mbuto mu bindi bya buuse.⁴².Yesu ababulagha : Tamwasomagha Mitilo : Ikoyi lyatebwagha na bobaki,u limashishe numba ? Nu kweli Mukota u kwatukila ibyo ,nu cheli kighanaghana ku miso mitu .⁴³.Uchasula nababula,mukanaghwa bukota bwa Ghongo nu bukeleshebwa kingo kilongo kikamwelesha mbuto .⁴⁴.Olya ukawa kwilyo ikoi akabelekela kulyo,nu olya ukendukilwa nalyo,akaghoghwaghoghwa.⁴⁵Mu kushila kwongwa mamo mashumo maghe , bisankogha banene nu bafalisayo bamanagha buno bo'u bakutekulwa na Yesu. ⁴⁶ Nu balondagha ku mukata 'tondo bakwagha kikembe boba,kubuno bamunililagha buno eli mulenganya.

Chapter 22

¹Yesu atendagha lingo nabo mu engo mashumo, nu kubabula:² Bukota bw'ighulu bwasusana Mwami moi wakitinde musikila waghe kisaghulo k'isonga.³.Asingagha bakiti baghe bakengeshe babo bamanwagha ku kisaghulo k'isonga,tondo tabashimagha kushwa.⁴Asingile lingo bango bakiti nu kubabula: Mubule babo bamanilwe: Lola,nayikile indya ;naketule nkambu nu nama sa nona,binsai byeli gho,mushwe ku kisaghulo.⁵Tondo,mu kwinda mpupumwa sa kumanwa,biyendelagha ,umoyi kw'iswa nu ongo kutimbula.⁶nu bango bakatagha bakiti,kubatuka,nu kubita.⁷Mwami ashibukagha: Asingagha basula baghe kushicha abo bitani ,nu kughisha musumba wabo.⁸ Agho ik'abula bakiti baghe: Kisaghulo k'isonga cha kuka,tondo bamanwagha tababagha ba bulili.⁹.Mwende lino ku makano,nu mumane bansai bakutinga bashwe ku kisaghulo k'isonga.¹⁰ Abo bakiti bendagha ku nsila,bakulumanyagha bansai ba basangagha,babibu nu basogha,nu numba sa kisaghulo sisalagha .¹¹Mwami ingilagha buno alole ku babo bakulya,nu ikalola muntu umoi ntashwalile nshulu sa kisaghulo k'isonga. ¹².Amubulagha : Mwinda wani,buni buwinginde ghano,nu ntwashwalile nshulu sa kisaghulo k'isonga?Ghoso mulume ik' inda bya kutenda.¹³. Agho ,Mwami abulagha bakiti : Mu mukande maghulu nu maboko,nu mumulekele kumbugha mu bulimaswa uko kukab'indilo nu kukala mino. ¹⁴Kubuno kuli bengi bamanilwe tondo bakeke u basombolilwe.¹⁵.Agho ,bafalisayo bendagha mpindi sa kubansika Yesu mu bitondo byage.¹⁶Basingagha kweli begheshibwa babo nu bahelode,nu kumubula: Mukota,tukumana buno uli wa bulili,nu ukweghesha bantu nsila sa Kalagha na bulili,ntukukwa muntu boba kubuno ntukughalamila bantu.¹⁷ Tubule lino byatungana ku weli : Kuligha mpalata sa kisamba ali tobo?¹⁸.Yesu mu kumana bubibu bwabo,abakulagha : Buni bumukuntegha,bengelele ? ¹⁹Mundoshe kakulo kabakuligha nako mpalata. Bamuloshagha lufalanga lumoi.²⁰Ik'ababusha: Cha nai kino chaso nu seno mitilo ? ²¹Bamwakulagha:Sa kisamba .Agho ik'ababula : Mweleshe Kisamba bya kisamba,nu bya Ghongo kuli Ghongo.²²Mu kutanga bibongwagha ko,bamushighagha ikiyendela.²³.Ubo busi,Basadukayo bakutendagha buno bantu tabatuke ku bakuyi,nubo bashwagha kweli Yesu nu kumubusha :²⁴ Mukota,Musa atendagha buno ,ndi muntu akwa nu ntabuta bana, muto waghe nt 'ingilisha ghoso musumbakashi, nu kubutila isenlenshi bana.²⁵Lola, kwitu kwabagha basikila mutubakamo ba munda emoi. Nkulha asongagha ,nu kukwa ; Nu bwindagha bana wampa,ashighilagha muto waghe ghoso mukashi. ²⁶ Bwabagha ubo ku ghoso wa babili nu wabasatu,nu kwikila ku wa mutubakamo .²⁷ Kumbusa kwabo bansai,musumbakashi akwagha nuwe.²⁸ Busi bwa kutuka ku bakuyi, ghoso mukashi akaba wa nayi?Kubuno bansai babagha nawe.²⁹Yesu abakulagha: Muli mu mabi,tamukumana byatililwe ,ali maghala ma Ghongo.³⁰Kubuno busi bwa kutuka kubakuyi,balume tabakasonga bakashi ali bakashi kuba na balume,tondo bakaba anga baghenshi ba Ghongo mw'ighulu.³¹Ku byakutuka ku bakuyi,tamwasomile bya babulagha Ghongo :³²Nili Ghongo wa Bulaimu,Ghongo wa Isaka nu Ghongo wa Yakobo ? Ghongo ta Ghongo wa bakwile,tondo wa beli gho.³³Kikembe kinene chabagha kikumwongwilila, cha ghanaghanagha na meghisha ma Yesu.³⁴ Bafarisayo mu kongwa buno akobya Basadukayo, bakulumanagha, ³⁵ nu umoi kubo,mweghesha munene wa mulembe amubushagha buno amuteghe: ³⁶Mukota,lukakisho ki u lunene mu mulembe?³⁷ Yesu amwakulagha :Ukashima Mukota,Ghongo wobe na mutima wobe unsai, na kalamo kansai,nu na mulenganya wobe unsayi.³⁸ Ulo u lukakisho lusoki nu lunene.³⁹Nu lola lw'imbili lwasusana na lulo : Ukashima muninu anga buwi'shima uw'inene .⁴⁰ Kw'eso nkakisho imbili u mwatuka mulembe unsai nu balenganya.⁴¹Bwabagha Bafalisayo bakulumanile,Yesu ababushagha mukutenda : ⁴² Kimwaghanisha ku Kilishitu?Eli mwana wa nayi ?Ik'amwakula: Wa Daudi.⁴³Nu Yesu ababulagha: Buni Daudi ghisala na Muusa,akumumana Mukota ,gha kutenda: ⁴⁴ Mukota abulagha Mukota wani ikala kw'indume lyani kwikila busi bunkabika baghini bobe kunsi kwa binantilo byobe.⁴⁵Nu ndi Daudi akumumana Mukota,buni bwanaba lingo mwana waghe?Takuli wamwakulile kitondo.⁴⁶Nu,kutukila ubo busi,takuli waghelekagha lingo kumubusha.

Chapter 23

¹Agho , Yesu mu kutenda na kikembe,nu begheshibwa baghe,ababulagha :²Basanshi nu bafalisayo bikalile ku kasasa ka Musa. ³ Mukite nu mwengeleshe binsai bibekubabula;tondo tamukite bya yangana na myanya sabo, kubuno, bakutenda,nu tabakukita .⁴Bakwecha bantu mishigho sa shitogha ku bituli, tondo bo binene tabana kukuma byo na minywe sabo. ⁵Bakukita mikolo sabo balolwe na bantu. Abo, bakushwala nshulu sa bungobungo ,nu bite mitilo ndai ku nshulu sabo.⁶ Bakushima bishiki bisoki mu bisaghulo nu bishumbi bya busho mu ma Sinakoki. ⁷ Bakushima bakaswe samba ku bishiki bya bantu bengi,nu kumanwa na bantu Labuni,Labuni.⁸Benywe,tondo ta mumanwe Labi; Kubuno umoi u Mweghisha winu,nu benywe muli mibuto gha musambana.⁹ Nu ta mumane muntu ghano ghansi tata winu, kubuno umoi u So winu,ghoso wa mw'ighulu. ¹⁰ Tamumanwe na muntu Mweghisha,kubuno umoi u Mweghisha winu ,Kilishitu.¹¹Ulya mukulu ku benywe akaba mukiti winu. ¹²Ulya w'imbakamya,akakumbibhwa,nu ulya w'inkumbya, akabakamishwa.¹³Musambo kwinu,basanshi nu Bafalisayo bengelele ! Kubuno mwashibila bantu bukota bwa mw'ighulu; benywe binene tamukwingila mo ,nu mukwangila bakushima kwingila tab'ingile.¹⁴Musambo kwinu,basanshi nu Bafalisayo bengelele ! Kubuno mwatukulha numba sa basumbakashi ,nu mukwengelela bantu na masegho malayimalayi ; kwibyo bitondo byeli ubo, mukaghyibwa bubibu. ¹⁵Musambo kwinu,basanshi nu Bafalisayo bengelele ! Kubuno mukutingatinga ku lusi nu ku muse mu kweghisha bantu,nu ndi abakatisha,nti mwamughalucha nene bwaghi ngendw'imbili kubatinga.¹⁶Musambo kwinu, basondoshi batakumona ! Mukutenda : Ta ku kitondo k'olya walumbila ku numba sa kukumbamila:Tondo ,olya walumbila ku nolo sa numba sa kukumbamila nti'uwakita bubi.¹⁷Byuku nu batite milenganya benywe! Ki kinene ghasambana nolo nu numba sa kukumbamila,si kwenja nolo?¹⁸Mu kutenda buno ndi muntu alumbila ku kasasa ta bubi; Tondo ndi muntu alumbila ku bikutula mo,nti akita bubi.¹⁹ Byuku benywe ,ki kinene gha sambana kasasa nu bikutuka mo ?²⁰ Ulya walumbila ku kasasa nti alumbila ku byeli ghantata nako ;²¹Olya walumbila ku numba sa kukumbamila nti alumbila nu ku olya weli mo .²²Nu olya walumbila kw'ighulu nti alumbila ku kishumbi cha Ghongo nu ku ghoso wikalile ku cho.²³ Musambo kwinu, basanshi nu Bafalisayo,bengelele ! Kubuno mukuligha emoi l'ikumi sa bitembele,sa musobyo nu ndelema,nu mukushigha byaswagha mu mulembe, lusungyo,chombo nu bulili : u bimunalingile kukita,nu ta kumona bingo binsai anga tughutughu.²⁴Basondoshi batakumona! Mukughesha minsali nu mukumela ngamia.²⁵Musambo kwinu,basanshi nu Bafalisayo,bengelele ! Kubuno mukusugha kumbugha kwa kaata nu lughe ,kashi mwa munda mwisala mikonshi nu mighololombi.²⁶Bafalisayo bata kumona!Sugha tanga munda na kaata nu lughe inga ku mbugha nuko kwenga.²⁷Musambo kwinu, basanshi nu Bafalisayo bengelele ! Kubuno mwasusa nsinda sibengishe,sikusana kumbugha,nu mwa munda mwisala kaansa ka makwa ka bakwile nu bibi bingi . ²⁸Nu benywe ubo, mwasusanya balongamana ku miso ma bantu,tondo munda mwinu mwisala bwengelele nu mabi.²⁹Musambo kwinu , benywe basanshi nu Bafalisayo bengelele ! Kubuno mukobaka nsinda sa balenganya nu kutonda nsinda sa basanana, ³⁰ nu mukutenda : Tuna binde mu bindi bya batata , tatunaswanile nabo mu kwitila mikilha sa balenganya. ³¹Mukwiteneneka benywe binene buno muli bana b'abo bitagha balenganya.³²Mwisashe kashi bilingiko bya baso. ³³Malighi ,kibuti cha nsoka! Buni bumwindamye na lusungyo lw'ishiba lwa kaya?³⁴Uchasula,lola nabasingila balenganya, bengegha ,nu basanshi . Mukita nu kukatya bamoi ,mukapunda bango na bususu mu ma sinakoki minu , nu mukanubya bango mu musumba nu misumba, ³⁵ Inga, mikilha sitite bwaghi sabakubukila nu kwisasha kisi,tukila mikilha sa Abeli wa sanana kwikila mikilha sa Sakalia mwana wa Balakie, ghoso umwitagha ghasambana numba sa kukumbamila nu kasasa. ³⁶Nababula bulili,ibyo binsai bikakubukila lughiso luno.³⁷Yelusalema , Yelusalema uwe mwiti wa balenganya nu kwita na makoi basingwagha ku weli ,ngendw'inga nashimagha kukunsumanya bana bobe,anga wa nkoko ukukunsumanyagha byana byaghe mu byubi ,nu ntwashimile ! ³⁸Lola,numba sobe sikashighala mulala ;³⁹Kubuno nakubula, ntukandola ko lingo; kwikila mpina siukatenda : Akasanilwe ghoso washwa mw'ishina lya Mukota !

Chapter 24

¹Bwabagha Yesu akwiyendela ,mu kutuka mu numba sa ku kumbamila, begheshibwa baghe bashighelelagha kweli buno bamuloshe mwobako. ²Tondo ing'ababula : Mwalola bino binsai ? Nkubabula bulili ,takukashighala ghano ikoi ghantata n'ikoi litakendulwa.³Ikalagha ghantata gha mwinduko wa Miseituni.Nu begheshibwa bashwagha bo binene ku mubusha : Tubule mpina si bikaba , nu ki kikaba kamanililo ka kushwa kobe nu ka kushila kwa kisi ? ⁴Yesu ik'abakula: Mwamanagha , muntu anab'ingisha mu bwaghi , ⁵ Kubuno, bengi bakashwa mwi'shina lyani nu kutenda: ine u'Kilishitu; nu bak'ingisha bengi mu bwaghi.⁶Mukwongwa misaghu nu lwayo lwa bita , mwindange busogha, ta mu tubetube, kubuno bibyo byemana tanga kwika. Tondo to kushila kwa kisi . ⁷kilongo kikalwana na kingo kilongo, nu bukota na bungo bukota, nu kukaba ,ku bishiki bingi nsala nu tulingini .⁸Ibyo binsai u'ndingilo sa mbabasho.⁹Agho, bakabesana mu minubo,nu bakabita; mukananwa na bilongo binsai ku kubushi bw'ishina lyani. ¹⁰Agho bengi bakawa nu bakatalikilana nu kusombana. ¹¹Balenganya bingi ba bwisa bak'imaluka nu kw'ingisha bantu bengi mu bwaghi.¹²Nu kubuno bubi bukaba bwingi, lutundo lwa bengi lukakokoka. ¹³Tondo olya ukakokomesha kwikila ubo busi bushinda u ukalama. ¹⁴Ghuno musaghu musogha wa bukota ukasambalwa mu kisi kinsayi nu kuba buteneneki mu bilongo binsayi. Agho u kwika kwa busi bishinda.¹⁵Uchasula gha mukalola bitaswagwa nu busambya bwatendilwe na mulenganya Danieli, bimala gha kishiki cha sanana , olya u'kusoma amane . ¹⁶Agho , ba bakasangwa ku Yudea batinile ku minduko. ¹⁷Nu olya uli ghantata gha numba, akumbaghe kutola kikai cheli mu numba . ¹⁸ Nu olya ukasangwa mw'iswa akulukaghe kumbusa kutola kankamba kaghe.¹⁹Musambo ku bakashi bakaba na mashimi, nu bakumomya mwebyo bindi. ²⁰Mwaseghagha buno kutina kwinu kwikaghe busi bwa mpegho ningi ali busi bwa sabato. ²¹Kubuno munubo ukaba munene utemonekagha ko tukila ghalingilagha kisi,nu kushila kwacho. ²²Nu, songo ibyo bindi tabyakokolwagha ko, takuli muntu wampa un'onile. Tondo ku bushi bwa basombolwa, ibyo bindi bikakokolwa.²³ Ndi muntu akubula : Kilishitu eli ghano ali eli kuko, ntukatishaghe. ²⁴Kubuno ku k'imala ba Kilishitu babi nu balenganya babi; ba kukita bighanaghana nu bitangalo bingi bya kwengelela bantu, buno bengelele ndi bwakoshibwa ,n'wabo basombolilwe. ²⁵Lola, nababulagha bino kalai .²⁶ Ndi muntu ababula : Lola eli ku kalula, mwendaghe ko ; Lola eli mu byumba ,tamumukatishe. ²⁷ Kubuno, anga mulabyo bu ukutukagha ku kutukilagha musi nu ukwindosha ku kuyamagha musi, ubo bukaba kushwa kwa Mwana wa muntu. ²⁸ Kwa kweli bilunda u kukakulumanila ba'ndyo.²⁹Ghaghatinga ibyo bindi bya munubo, musi ukaba bulimaswa, mweshi ta ukasana, tumbalumbalu tuka koloka kutu ka kw'ighulu, nu mangato m'ighulu makatubatuba.³⁰Agho , kamanililo ka Mwana wa muntu kakaloleka ko mw'ighulu, bilongo binsai bya kisi bi'kinshushuma, nu bikamona Mwana wa muntu ashwa mu misegheseghe s'ighulu ghamoi na bwangato nu nkumbu nene. ³¹Akasinga baghenshi baghe na nshembe sa kulila, basombolwa baghe bakakulumanywa kutukila bibhe binai bya kisi, kulingila kushinda kw'ighulu nu kwika ku lingo.³²Mwegheshane kutingila malingiko ma muti wa tini. Ghakuba ntabe saghe sa lambya, nu twayi twasa busogha, nti mwamana buno bindi bya mange byeli bwighi. ³³ Ubo nubo, gha mukamona kwibyo bitondo binsai, mumane buno Mwana wa muntu eli bwighi ,eli gha kitiko.³⁴Nkubabula bulili, luno lughiso talukatinga nw'ibyo binsai tabika. ³⁵Ighulu nu kisi bikatinga tondo bitondo byani tabikatinga.³⁶Ku bya busi nu nkungu, ta ku muntu ukumana, ali baghenshi ba mw'ighulu,ali Mwana, tondo Tata w'inene.³⁷Byabagha ku bindi bya Noa u'bikaba' ubo mu kw'ika kwa Mwana wa muntu. ³⁸ Kubuno, ku bindi bibyo bya busho na kiswabo cha masi, bantu balyagha nu kunywa, nu kusongana nu kusongya bana babo kwika mu bindi bingilagha Noa mu bwato; ³⁹Nu tab'insikikagha ku kintu kwikila mu nkungu sikagha mu kiswabo cha masi cha gheshagha bansai. U bukaba bindi bya kushwa kwa Mwana wa muntu.⁴⁰Agho , balume babili bakasangwa mw'iswa, umoi akekwa n'ungo kushighwa ; ⁴¹ Ku bakashi babili bakasangwa ba kughogha kw'ikoi, umoi akekwa nu ungo kushighwa . ⁴²Muyamaghe lingo, tamukumana busi bukashwa Mukota winu.⁴³ Mumane buno ndi nene numba ana manile nkungu sike mu mwimbi, ntana yamile nu kushigha numba saghe singilwe mo. ⁴⁴Ububo, benywe nubo mwilongomanye, kubuno Mwana wa muntu akashwa mu nkungu si mutekulenganya ko.⁴⁵Nai mukiti musogha nu wateghelesha, ukusangwa elishishe bantu bakasilwe na Mukota waghe buno abeleshe indya ku nkungu nsogha ? ⁴⁶Akasanilwe mukiti wasangwa na mukota waghe,akitile bisogha ⁴⁷Nababula bulili akamubika ghantata gha bikai byaghe binsai.⁴⁸ Tondo, kwa mukiti mubibu ukw'itendya buno, Mukota wani ntashwile lubilo ,⁴⁹ ndi imbika kupunda banabo , ndi ekulya nu kunywa na balefi, ⁵⁰Mukota wa ghoso mukiti akashwa busi bwatakumana nu nkungu s'atakumana, ⁵¹nu akamubaghabagha nu akamwelesha kibhu chaghe ghamoi na bengelele ;uko kukaba indilo nu kukala mino.

Chapter 25

¹U bubo,bukota bw'ighulu bukalingikwa na bikumi ikumi,mu kutola matala mabo, kwenda ku kulumanya musongi.² Batano kubo babagha bikongolo nu bango batano babagha bengegha.³Bikongolo,mwa mukutola tala sabo,ta batolile makiti.⁴tondo bengegha bo,batolagha matala nu makiti munda namo. `⁵Ubo bw'indishagha musongi, ika bansai bansensela nu kuyama .⁶Mu kantighi na kindi, kwabinde lwayo : Lola musongi,mwende ku mukulumanya !⁷Agho ,bikumi binsai byabukagha nu kulongomanya matala mabo.⁸Bikongolo babulagha bengegha : Mutweleshe ku makiti minu,kubuno matala mitu mashima. ⁹Bengegha babakulagha : Tobo; tamanakuka kwitu nu kwinu ; mwende ku baghushi ,nu mughule minu.¹⁰Ghabinde benda kughula,musongi ikagha ; babo bilongomanyagha bingilagha ghamoi nawe mwa mu numba s'isonga nu lumbi lwighalaghwa. ¹¹Ghabinde nkungu satinga ,bya bingo bikumi bikigha nu kutenda : Mukota,Mukota twighulile. ¹²Tondo,abakulagha : Nababula bulili,nshikubamana. ¹³Muyamaghe lino ,kubuno tamukumana busi ali nkungu.¹⁴Ubukaba muntu moyi wendile lughengo, amanile bakiti baghe nu kubelesha bintu byaghe. ¹⁵ Eleshagha umoi ,talanta itano,ongo imbili nu wa basatu, emoi ,kuyangana na mulenganya wabo ,nu ik'iyendela .¹⁶Kumbusa nagho , ghoso wekagha itano endagha, ik'atimbula ,nu kumona engo talanta itano.¹⁷Nubo,ghoso wekagha talanta imbili,ing'amona engo imbili.¹⁸Olya weleshibwagha emoi endile nu kubisa mw'itete bikulo bya mukota waghe.¹⁹ Ku bindi bingi Mukota wa bo bakiti,akulukagha ,nu amanagha baloshe bibakitile . ²⁰Olya weleshibwagha talanta itano ashighelelagha kweli ,amwekelagha engo talanta itano nu kumubula: ²¹ Mukota , waneleshagha talanta itano lola engo itano sa mutali. Mukota waghe ik'amubula : Busogha,mukiti musogha,nu wa bulili,wabinde wa bulili ku bikai bikeke,nkakwelesha bingi;Ingila mu mboghimboghi sa mukota whobe.²²Olya weleshibwagha talanta imbili ashighelelagha nuwe nu ik'atenda : Mukota,waneleshagha talanta ebili ;lola engo imbili sa mutali. ²³Mukota waghe ik)a'mubula: Mukiti musogha nu wa bulili.Weli wa bulili ku bikai bikeke ,nkakwelesha bingi.Ingila mu mboghimboghi sa mukota wobe.²⁴ Olya weleshibwagha talanta emoi ashighelelagha nu kutenda: Mukota ,namanagha bu uli muntu mubibu,ukukanilagha kuutashikilagha ,nu kukunsumanyagha ku uta pupulinde ; ²⁵ Nakwagha boba inga nenda kubisa talanta sobe mw'itete ; Lola tola byobe.²⁶Mukota waghe amwakwinde:Mukiti mubi nu musoshu,ukumana bunkubhughulagha gha nshashikinde kena nu kukunsamanya gha nshapupulinde:²⁷unabikile bikulo byani ku nbanki,nu mu kuluka kwani,inatolile gho ghamoi na mutali.²⁸ Mumunaghe talanta,nu mweleshe ghoso wite talanta ikumi. ²⁹Kubuno bakelesha olya wite,nu akaba na bingi ,tondo olya utite ,akanaghwa nu cha ki'te.³⁰Nu mukiti wa tughutughu,mumulekele kumbugha mu bulimaswa ,u kukaba indilo nu kukala mino.³¹Ghakashwa Mwana wa muntu mu lukumbu lwaghe ,ghamoi na baghenshi bansai ,akakotama mu bukota bwa lukumbu lwaghe.³²Bilongo binsai bikakulumana gheli.Akatundula bamoi ku bango,anga bukutundulagha mungele mbuli nu mpene ;³³Nu akabika mbuli kw'indume kwaghe nu mpene kw'ikashi lyaghe .³⁴Agho mwami ikabula abo beli kw'indume : Mushwe ,benywe mwakasanindwe na Tata wani ; Mwingile mu bukota bumwabikindwe kulingila kubumbwa kwa kisi. ³⁵Kubuno nabagha na nsala nu mwaneleshagha indya ; Nabagha na mpusha ,nu mwa mwaneleshagha bya kunywa ; Nabagha mugheni, nu mwansekinde ; ³⁶Nabagha munkanka,nu mwampagha nshulu ; nabagha musambi, nu mwashwagha ku nsona ; Nakandwagha,nu mwashwagha ku neli.³⁷ Basanana bakamubula: Mukota busi ki butwakusangagha wite nsala,nu twakweleshish' indya ; ali mpusha,nu twakweleshagha bya kunywa ?³⁸Buni busi buwabagha mugheni ,nu twakusekinde ; Ali munkanka nu twakushwalikishe ? ³⁹Buni busi butwakumonagha ko u musambi, ali mu kandwa, nu twendile ku weli ? ⁴⁰ Nu mwami akabakula : Nkubabula bulili, bindi binsai bi mwakitinde mibuto sani nkeke ,nti'ine u mwakitinde byo.⁴¹Nu lingo,akabula ba beli kw'ikashi lyaghe : Muntukile benywe mwashulindwe ; mwende mu kaya ka milyalya kabikindwe Kahinga nu baghenshi baghe.⁴²Kubuno nabagha na nsala ,tamwampinde bya kulya ;Nakwagha mpusha,nu tamwampinde bya kunywa ; ⁴³Nabagha mugheni ,nu tamwansekinde ; Nabagha munkanka,tamwanshwalikishe ; Nabagha musambi nu mukandwa,nu tamwashwile ku nsona.⁴⁴Nubo bakamwakula : Mukota,busi ki bu twakumonagha ko wite nsala,ali wite mpusha,ali uli mugheni,ali munkanka,ali musambi ,ali mukandwa ,nu tatwakukashishe ? ⁴⁵ Nu akabaakula: Nababula bulili bimutakitinde umoi ku bakeke bani, ntamwankitinde byo. ⁴⁶Nu babo bakenda mu nsungyo sa milyalya tondo basanana mu kalamo ka milyalya.

Chapter 26

¹Mu kushila kutenda ibyo bitondo bingi,Yesu abulagha begheshibwa baghe:²Mukumana Pasaka sabe mu bindi bibili , nu Mwana wa muntu esanwe buno indwe ku musalaba.³Agho bansakogha banene nu bakungu ba bantu bakulumanagha mu mulungu wa Kayafa wabagha Sankogha mukulu ; ⁴nu bendagha lwango lwa kukata nu kwitya Yesu . ⁵ Tondo batendagha : Bubaghe busi bwa kisaghulo kunaba lwayo lwingi gha sambana bantu.⁶ Bwabagha Yesu ku Betania,mu numba sa Simoni mubembi, ⁷mukashi umoi ashighelela kweli akatilinde mwanshi wa mwambo wite ngenge sa bikulo bingi ; nu mukuba Yesu akulya, mukashi amubongyagha oso mwambo mw'itwe lyaghe.⁸ Kumona ku'bo begheshibwa baghe ,binshushumagha ,nu kutenda : Bino byashimila ku nkashi ki? ⁹Uno mwambo unaghushishwe bikulo bingi ,nu kubyelesha bakene.¹⁰Yesu,mu kongwa ku 'bo,ababulagha : Buni bumwashinula ghono mukashi ?Akitile mikolo nsogha kubushi bwani ;¹¹ Kubuno mwite bakene bindi binsai ,tondo tamuli n'ine bindi binsai.¹²Mukubongya mubili wani mwambo, akitile ubo ku bya nsinda sani.¹³Nababula bulili,ku kasanswa bino bitondo bisogha mu kisi kinsai,bakaghanula byakita ghono mukashi.¹⁴Agho umoi ku babo ikumi nu babili,ukumanwa Yuda Ishikaliota,endagha kuli basankogha banene,¹⁵nu kutenda :Ki kimwampe nibakase we ? Nu bamweleshagha bichele makumi masatu ma bikulo.¹⁶Kulingila agho ,alondagha nkungu nsogha sa kwesana Yesu.¹⁷Busi busoki bwa tumpampa tuteghagha ,begheshibwa batendagha na Yesu nu kumubula : Kuni kuwashima tukuyikile indya lya pasaka ? ¹⁸Ika ababula : Mwende ku musumba kwa lebe nu mumubule Mukota atenda : Nkungu sani seli bwighi ; Kobe u kuna kitile pasaka ghamoi na begheshibwa bani.¹⁹Begheshibwa bakitagha anga bu babulwagha na Yesu,nu bayikagha indya lya pasaka.²⁰Mw'igholigholo,alyagha ghamoi nabo ikumi nu babili. ²¹Mu kuba bakulya,atendagha : Nababula bulili, umoi ku benywe an'esane. ²²Bonganagha bubibu,nu moimoi kubo amubushagha : Ndi 'ne,Mukota?²³Akulagha : ghoso wakumagha mu ntengi,ghamoi n'ine ukunesana.²⁴Mwana wa muntu iyendela,anga bwatililwe kubushi saghe. Tondo musambo ku ghoso muntu wesane Mwana wa muntu. Bunabinde busogha kweli ntanabutilwe.²⁵Yuda ,wamwesane,atendagha :Ndi ine,Labi ? Yesu ing'amwakula :Uwe uwabu tenda.²⁶Ghabinde bakulya,Yesu atolagha kampampa; nu mukushila kukasanila ,aketulaketula ko,nu ku kelesha begheshibwa ,mu kutenda : Mutole,mulye,u mubili wani uno.²⁷Atolagha nu kaata ; Nu kushila kukasanila, abeleshagha ko ,mu kutenda: Munywe benywe bansai ; ²⁸Kubuno seno u mikilha sani s'indaghi sakubulwa, ku bengi kubushi bwa kutucha bwaghi .²⁹ Nababula,nshikanywa lingo masi ma musabibu kwikila busi buunkanywa mango ma lighu ghamoyi na benywe mwa mu bukota bwa Tata.³²⁴⁹Agho,ashighelelagha kweli Yesu,nu kumubula: Samba Labi ! Nu ing'amu muma .⁵⁰Yesu amubulagha : Mwinda wani,biwashwile kukita,kita byo. Agho abo bantu bashighelelagha nu kumukata .³³ Petelo,mu kutenda amubulagha: Gha ukaba ikitalo ku bango,ntunkaba kwani ikitalo . ³⁴Yesu amubulagha : Nakubula bulili ; mu kino kindi,nkoko ntabike, ndi ntu ntuna ngendo isatu.³⁵ Petelo amwakulagha : Ndi kukwa ghamoi nowe, nshikakutuna. Nu begheshibwa bansai batendagha ubo nubo .³⁶Yesu endagha nabo ku kishiki kimoi kikumanwa Getesemani, nu abulagha begheshibwa : Mwikale ghano nintunda kwenda kusegha.³⁷Atolagha ghamoi nawe Petelo,nu bana babili ba Sebedayo,nu ongwagha bongwa nu kabebe kingi.³⁸Ababulagha : Mutima wani wite bongwa kwikila lukwo; Mushighale ghano,nu muyamaghe.³⁹ Mukuba akita masomolelo ghabusho , ing'awila ku nda,nu kusegha bubuno : Tata,ndi buna koshibwa kano kaata katinge bulai n'ine !Tondo ta bunashima ,tondo buwashima .⁴⁰Nu akulukagha kweli begheshibwa ,abasangagha bayamile,nu ikabula Petelo :Mwalibanwa kwikala nkungu emoi nine !⁴¹Muyamaghe nu museghe buno munashwa kw'ingila mu malingiko ; Mutima u wakokomela,tondo mubili watamba.⁴²Ishighanyagha lingo nabo, nu kusegha bubuno: Tata wani,ndi bunakoshibwa kano kaata katinge bulai nine ,buwashima bukitwe! ⁴³ Akulukagha, nu kubasanga lingo bayamile ; kubuno miso mabo mabagha mashitogha na tulo. ⁴⁴ Abashighagha,nu kwitunda,aseghagha lya ngendo 'isatu ,mu kukulukila ibyo bitondo bimoi.⁴⁵Lingo endagha kuli begheshibwa baghe,nu kubabula : Muyame lino ,nu mwomulwe ! Lola ,nkungu sise bwighi,nu Mwana wa muntu esanwe mu maboko ma bisabwaghi. ⁴⁶Mwimaluke,twende : Lola, olya wanesana ise bwighi.⁴⁷Ghabinde icheli atenda, lola Yuda ,umoi kw'abo ikumi nu babili,ikagha,ghamoi nawe kikembe kinene kite myele nu mbando,basingilwe na bisankogha banene nu bakungu ba bantu.⁴⁸Olya wamwesane abeleshagha kano kamanililo : Ghoso unamume ku matama ,u we,mumukate.⁴⁹Agho,ashighelelagha kweli Yesu,nu kumubula: Samba Labi ! Nu ing'amu muma .⁵⁰Yesu amubulagha : Mwinda wani,biwashwile kukita,kita byo. Agho abo bantu bashighelelagha nu kumukata .⁵¹Nu lola, umoi wabagha ghamoi na Yesu alambyagha kuboko nu kutucha mwele waghe ;Nu kuketula kutuyi kwa mukiti wa Sankogha munene . ⁵²Agho ,Yesu amubulagha : Kulucha mwele wobe mu lubho lwaghe ; Kubuno bakita na mwele,bakakwa na mwele. Tamukumana⁵³ buno ina segha Tata ansingile bikembe ikumi na bibili bya baghenshi ? ⁵⁴ Buni bukakuka bya tililwe,nu byemana kubasa ?⁵⁵Agho,Yesu abulagha kikembe:Mwashwile ku neli anga mwimbi,ghamoi na myele nu mbando buno mwinkumbe kwine.Nikalagha bindi binsai na benywe,kweghesha mu numba sa kukumbamila,nu tamwankatagha.⁵⁶Tondo ibyo binsai bike,kubuno mitilo sa balenganya si belelele. Agho ,begheshibwa,bamushighagha nu kutina.¹⁸Yesu, mukushighelela ku beli,ababulagha bubuno : Neleshibwe bwangato bunsai bwa mw'ighulu nu bwa gha kisi. ¹⁹Mwende, mukite bilongo binsai babe begheshibwa , mwa bapatishagha mw'ishina lya Tata, lya Mwana nu lya Muusa Musogha.⁵⁹Bisankogha banene nu lusu lughimaghima balondagha buteneneki bwa bwisa kuli Yesu buno bamwitye.⁶⁰Tondo tabamonile kena, kilo bateneneki ba bwisa babagha . Babili bikagha nu kutenda: ⁶¹Ghono atendagha : Inakosha kwendula numba sa Ghongo sa kukumbamila ,nu ku bindi bisatu nti nasitosha.⁶²Sankogha munene imalukagha nu kumubula : Ntu kwakula kena ? Ki'cho cha kwecha bano bantu ? ⁶³Yesu akobagha . Mukutenda Sankogha munene amubulagha : Na kulumbisha,kuli Ghongo weli gho,tu bule ndi uwe u Kilishitu,Mwana wa Ghongo ? ⁶⁴ Yesu amwakulagha : Uwe u wabutenda .Kutinga ibyo,nababula bwasibwasi,mukalola Mwana wa muntu ikalile kw'indume kwa bwangato bwa Ghongo,nu kushwa mu lubhu lw'ighulu.⁶⁵Agho Sankogha munene,atagha nshulu saghe,nu kutenda : Enegha Ghongo ! Twite lingo nkasa sa bateneneki ?Lola,mwatuka kwongwa ku mwenegho waghe.Buni bumwalola ?⁶⁶Bamwakulagha : Emana lukwo .⁶⁷Kumbusa k'obo bamushulilagha tutayi ku malanga , nu kumusunda binkune nu nsamba sa mpongo mwa mu kutenda : ⁶⁸Kilishitu,lenganya ; nayi wakupunda.⁶⁹Nu Petelo abagha ikalile kushinda mulungu. Mukiti umoi wa mukashi ashighelelagha kweli nu kumubula: Nuwengo wabagha na Yesu mwisa Galilaya.⁷⁰Tondo amutuna mu miso ma bansai nu kutenda : Nshikumana biukulonda kutenda.⁷¹Bwabagha akushighelela bwighi na lumbi, ungo mukiti wa mukashi amulolagha ko nu kubula bab'ikalile agho : Ghono nuwe abagha na Yesu Munasaleti.⁷² Lingo ik'atuna, mu kulumbila : Nshikumana ghoso mulume.⁷³Gha ting'ibyo, babagha agho bashighelelagha ,babulagha Petelo : Bulili uli umoi wabo bantu,nu mutendeshi wobe wakulosha .⁷⁴Agho ,imbikagha mu ku shulila nu kulumbila : Nshikumana ghoso mulume.Agho, nkoko sabikagha .⁷⁵ Nu Petelo akengelagha kitondo chamubulagha Yesu :Nkoko tasa bike, ndi ntutuna ngendo isatu.Nu akukukagha, nu kulila bubibu.

Chapter 27

¹Ghachagha busi,bisankogha banene nu bakungu ba bantu bakulumanagha ku lwango lwa kwitya Yesu.²Mu kushila kumukanda,bamwekagha nu kumwesana kweli Potio Pilato,mukulu wa musumba.³Agho Yuda wamwesanagha ,kulola buno aghibhwa ,isangagha,nu kukulucha makumi masatu ma bichele kweli binsakogha banene nu bakungu,⁴ mu kutenda : Nakitile bwaghi,mukukubulha mikila sitite bwaghi.Bamwakulagha :Tabitu ibyo ? Byobe ibyo. ⁵Yuda alekelagha bikulo mwa mu numba sa kukumbamila,intuchagha nu kwenda kwikama.⁶Basankogha banene bakunsagha byo, nu kutenda : Tabwaswagha bibikwe mu nsagho sa sanana, kubuno byeli ngulo sa mikilha. ⁷ Nu,gha bimilanagha baghulagha n'ibyo bikulo iswa lya kukundila bagheni.⁸Ichasula ilw'iswa lya manwa iswa lya mikilha kwikila lelo .⁹Agho byabelelagha byatendwagha na mulenganya ,Yelemia : Batolagha bichele makumi masatu ma bikulo, kw'imbei lya ghoso wasombwinde ku bana ba Isilaeli ; ¹⁰Nu abeleshagha byo kw'iswa lya mulangi, anga bwankakishagha Mukota.¹¹ Yesu imalagha ku miso ma mukulu wa musumba. Mukulu wa musumba amubushagha luno lubusha : Uwe mwami wa Bayuda ? Yesu amwakulagha : Wabutenda . ¹² Tondo ntakulagha kena ku bya mutalikinde bisankogha banene nu bakungu.¹³Ika Pilato amubula : Ntu kwongwa bibyo binsai bi bakutalikila ? ¹⁴ Nu Yesu tamwakwinde kitondo champa, u cha ghaniaghaniagha mukulu wa musumba.¹⁵Mu kisaghulo kinsai,mukulu wa musumba abagha na ntungo sa kukandula mukandwa umoi,ghoso waseghwa na kikembe .¹⁶ Babagha na mukandwa umoi mubibu ukumanwa Balaba.¹⁷ Bu babagha bakulumanile,Pilato ababushagha : Nai umwashima nibakandulile ,Balaba,ali Yesu u kumanwa Kilishitu ? ¹⁸Kubuno amanagha bwesanilwe Yesu ku lughi. ¹⁹Gha bagha ikalile gha kishumbi cha kukalila mbansa,mughole waghe amubulagha : Kubaghe kena ghasamba uwe n'oso wasanana ; kubuno lelo nanuba mu ndoshi kubushi bwaghe.²⁰Bisankogha banene nu bakungu babulagha kikembe baseghe Balaba ,nu bite Yesu . ²¹Mukulu wa musumba abushagha : Nai kwabo babili u mwashima akandulwe ? Bamwakulagha : Balaba.²²Pilato ababulagha : Nikite kiki na Yesu,olya ukumanwa Kilishitu ? Bansai bakulagha : Itwe ku musalaba.²³Mukulu wa musumba atendagha : Tondo bubi ki bwakitile ? Nubansai bakughile bubibu: Itwe .²⁴Pilato mwa mukulola buno ntena kena ,tondo lwayo lwaba lwingi,atolagha masi ,nu kogha maboko mu miso ma kikembe,nu kutenda : Nshite bubi na mikilha s'ono wasanana.Binu ibyo.²⁵Nu bansai bamwakulagha : Mikilha saghe sibe ghantata ghitu nu bana bitu.²⁶Agho Pilato abasunulilagha Balaba ,nu kushila kupunda Yesu na tuti,amwesanagha buno itwe ku musalaba.²⁷Basula ba mukulu wa musumba ,bendagha na Yesu ku mulungu wa mbasa ,nu bakulumanyagha mu ntungo sabo kikembe kinsai.²⁸Bamutuchagha nshulu saghe,nu bamushwalichagha kankamba kengenga.²⁹Balukagha lukumbu lwa mikele nu kumubika lo ghantata itwe,nu kumwelesha lukati mu kuboko kw'indume ; bakomagha mashwe ghabusho nawe, mu kumusekelela nu kutenda : Samba ,mukota wa Bayuda !³⁰Nu bamushwilinde matayi,nu bakatilinde nkati,nu kumupunda kw'itwe.³¹Gha bashilagha kumusekelela,bamutuchagha kankamba, nu kumukulukisha nshulu saghe, nu kumweka bende ku mwita ku musalaba.³²Mu kukukuka ,basangagha mulume umoi wa ku Kilene,ukumanwa Simoni,nu bamukakishagha eke musalaba wa Yesu. ³³ Ghabinde bika gha kishiki kimoi ki kumanwa Gologota,ukutenda kishiki cha lukungu, ³⁴bamweleshagha kunywa mufinyo waswanyibwa na sifongo ;tondo ,ghabagha asonda kumo,ntashimagha kunywa.³⁵Mukushila kumwita ku musalaba,babeghanagha nshulu saghe,nu kwesela so mbale, buno bibelelele bibyo byatendwagha na mulenganya : Babeghanishe nshulu sani nu,besinde lopo lwani mbale .³⁶Agho bikalagha ,nu kumwengelesha.³⁷Kwa kulosha kitondo cha lukwo lwaghe,batilagha ghantata n'itwe lyaghe : Ghono u Yesu ,Mwami wa Bayuda.³⁸Ghamoi nawe,bitagha bisungu bibili ku musalaba ,umoi kw'indume lyaghe nu ungo kw'ikashi. ³⁹ Batingi bamutukagha , nu kutenja matwe ,⁴⁰ mu kutenda : Uwe wakwendula numba sa kukumbamila,nu kusobaka mu bindi bisatu,wi'onye winene ! Ndi uli Mwana wa Ghongo,kumba ku musalaba.⁴¹Bisankogha banene ghamoi na basanshi nu bakungu, nubo bamusekelinde ,nu kutenda: ⁴²Oniagha bango, nu ntanakosha kuiyonia w'inene !Ndi eli mwami w'Isilaeli,akumbe ku musalaba,nu twamukatishe.⁴³Imbikagha kuli Ghongo;Ghongo amukandule lino,ndi amushima. Kubuno atendagha : Nili Mwana wa Ghongo.⁴⁴Bisungu bitwagha ku musalaba ghamoi nawe ,bamutukagha nubo ubo .⁴⁵Kulingila saa mutuba kwikila sa mwenda, kantolompishi kabagha mu kisi kinsai. ⁴⁶Nu mu kwikila sa mwenda,Yesu atendagha n'ishuki linene : Eli,Eli lama sabakitani ? Ukutenda: Ghongo wani, Ghongo wani ki chasula wanshighilila ? ⁴⁷Bamoi ku babagha , mukumwongwilila ,batendagha : Akumana Eliya.⁴⁸Nu agho ,umoi kubo endagha lubilo kutola mbusu, ik'isasha so na byeli anga masi ma ndimu ,nu kuba asishuka ku lubateka ,amweleshagha anywe. ⁴⁹Bango batendagha : Mushighe tulole ndi Eliya ashwe ku monia. ⁵⁰Yesu atendagha lingo n' ishuki linene ,nu kukala mutima.⁵¹ Nu lola,nshulu sa numba sa kukumbamila satikagha ngendw' imbili,kulingila kw'ighulu nu kw'ika kunsi,kisi chatengagha,makoi manene matikagha,⁵²nsinda sighukagha,nu mibili ningi sa basanana a'bo bakwagha,satukagha ku bakuyi.⁵³Ghabinde Yesu atuka ku bakuyi,babo basanana batukagha kubakuyi ,bingilagha mu musumba wa sanana,nu kumoneka ko na bantu bengi.⁵⁴Mukulu wa basula ghamoi na babo babagha nabo buno balange Yesu ,mu kulola mwako kalingini nu kw'ibyo byatinga,bakatwagha na boba bunene ,nu kutenda : Bulili,ghono mulume abagha Mwana wa Ghongo. ⁵⁵Ghabagha bakashi bengi bakulolela kulai ; Babo belekeshagha Yesu kulingila Galilaya mu ku mukitila milimo.⁵⁶Ghankatighi nabo Maliya wa ku Magadala,Maliya,nina wa Yakobo nu Yosefu,nu nina wa bana ba Sebedayo.⁵⁷Mw'igholigholo,mulume umoi mutumba wa kulimatea,ukumanwa Yosefu,ikagha ,abagha nuwe mweghesha wa Yesu.⁵⁸Endagha kweli Pilato,nu kumwema mubili wa Yesu. Nu Pilato alekulagha eleshibwe gho.⁵⁹Yosefu atolagha mubili,kuubilinga mu mulekani , ⁶⁰ nu kuuwinda mu nsinda lighu ,lyatimwagha mu lukunda.Agho ing'atimby'ikoyi linene gha mwingilo nu kwiyendela. ⁶¹Maliya wa ku Magadala nu uly'ongo Maliya babagha agho bikalile bwighibwighi na nsinda.⁶²Ghachagha busi bwayangana na bulongonanyi,Bisankogha banene nu bafalisayo,bendagha ghamoi kweli Pilato,⁶³nu kutenda : Mukota,twakengela buno whono muntu wa kw'itumbya atendagha,nti echeli gho :Ku bindi bisatu nkatuka ku bakuyi. ⁶⁴ Lekula nsinda silangwe mu bindi bisatu, begheshibwa baghe banashwa kwimba mubili ,nu kubula bantu : Atukile ku bakuyi. Kuno kw'itumbya kushinda nti kwaghimba kusoki.⁶⁵Pilato ababulagha:Mwite balangi ; Mwende, mulange ko anga bumwashima.⁶⁶ Mukushila kubika kamanililo ku nsinda,bendagha na ndemalishi inene ku balangi.

Chapter 28

¹.Mu kushila kwa Sabato,mu nindunindu busi busoki bw'iyinga,Maliya Mandeleni nu ungo Maliya bendagha kulola nsinda.²Nu lola, kalingini kanene katingagha ; Mughenshi wa Mukota akumbagha kutuka kw'ighulu,kutucha ikoi nu kubunda gha ntata nalyo.³Mubili waghe wabagha u kukenuka anga mulabyo, nu nshulu saghe senga anga lubula.⁴ Balangi baghilimilagha na boba , nu kuba anga bakwile.⁵Mukutenda, mughenshi abulagha bakashi : Benywe tamukwe boba; kubuno nkumana buno mukulonda Yesu witilwe ku musalaba.⁶ Nteli lingo ghano ; atukile ku bakuyi, anga bwatendagha. Mushwe, mulole gha kishiki gha yamagha.⁷ Nu mwenda na menge kusambalila begheshibwa baghe buno atukile ku bakui. Nu lola,abatanga ku Galilaya; Uko uku mwamumone ko : Lola nababula.⁸Bendagha na menge bulai na nsinda ,ghamoi na boba nu mboghimboghi inene nu bendagha lubilo kusambalila begheshibwa. ⁹Nu lola Yesu ashwagha kubakulumanya nu kubabula: Na bakasha samba. Bashighelelagha kweli buno bamukate ku mashinshi, nu kumukomela mashwe. ¹⁰Agho Yesu ababulagha: Mukwaghe boba; mwende kusambalila bisakwitu buno bende ku Galilaya ; Uko u kubandole ko.¹¹Ghabinde beli mu nsila, balangi bamoi bingilagha mu musumba , nu kusambalila Bisankogha banene binsai byatingile.¹² Babano kushila kukulumana ghamoi na bakungu nu kukala lwango, beleshagha basula bikulo bingi, ¹³mu kubabula : Mutende : Begheshibwa baghe bashwagha mukindi ku mwimba,gha twabagha twayamile.¹⁴Nu ndi Mukulu wa musumba ongwa, twamubonge , twabatuche mu munubo.¹⁵ Basula batolagha bikulo, nu kuyanga maano mabeleshibwagha. Nu musaghu ghoso wongwibwe ko na Bayuda bansai nu kwikila bino bindi.¹⁶Begheshibwa ikumi n'omoi bendagha ku Galilaya, ghantata na mwinduko ubaloshibwagha na Yesu.¹⁷Mu kumulola ko,bamukomelagha mashwe , tondo bamoi kubo tabimilagha.¹⁸Yesu, mukushighelela ku beli,ababulagha bubuno : Neleshibwe bwangato bunsai bwa mw'ighulu nu bwa gha kisi. ¹⁹Mwende, mukite bilongo binsai babe begheshibwa , mwa bapatishagha mw'ishina lya Tata, lya Mwana nu lya Muusa Musogha.²⁰.Nu kubeghesha kukatisha binsai binabakakishagha: nu lola, nili na benywe bindi binsai, kwikila kushila kwa kisi.

Mark

Chapter 1

¹Indingilo lya Musaghu musogha wa Yesu -Kilishitu,Mwana wa Ghongo. ² Anga buwatililwe na mulenganya Isaya : Lola,nasinga ghabusho nowe mughenshi wani akalongomanya nsila sobe; ³u mulenge wa muntu u kutandwa mu kalula : Mulongomanye nsila sa Mukota,mulingimanye byendeshi byaghe.⁴Yoani ashwagha, kupatisha mwa mu kalula, nu kusansa lupatisho lwa kwisungula mutima kwa kutucha myanya sa bwaghi. ⁵Kisi kinsai cha Yudea nu bisa ku Yelusalema bendagha kweli ; nu, kutucha bwaghi bwabo, bendagha kupatishibwa nawe mu lusi lwa Yolodani.⁶Yoani ashwalagha nshulu sa myosa sa ngamia ,nu mutunda wa kikoba .Alyagha minkulha nu buki bwa mbala.⁷Asansagha mu kutenda : Ekushwa kumbusa kwani olya wantinga maghala , kubuno nshinakosha kukumbama nu kukandula mishighi sa bilato byaghe.⁸Ine nabapatishagha na masi ;we, akabapatisha na Muusa Musogha.⁹Nu mwebyo bindi ,Yesu atukagha ku Nasaleti sa Galilaya nu apatishibwagha na Yoani mu Yolodani . ¹⁰Mu kutuka mu lusi,amonagha Ighulu l'ighuka, nu Muusa Musoga wamukumbilagha anga kilinga.¹¹Bitondo byongibwa ko mw'ishuki lya kutuka kw'ighulu : Uwe u Mwana wani shimwa sani. Mu 'we umunabika lutundo lwani lunsai.¹²Kumbusa kwagho,Muusa enshagha Yesu mu kalula,¹³kwa kitagha bindi makumi manai,buno alingikwe na Kahinga. Abagha uko ghamoi na nama sa mbala,nu baghenshi bamukashagha.¹⁴Ghabinde Yoani akandwa,Yesu endagha ku Galilaya kusansa Musaghu Musogha wa Ghongo. ¹⁵Atendagha: Bindi bika,nu bukota bwa Ghongo bwise bwighi. Mwinsungule ,nu mukatishe Musaghu musogha.¹⁶Bwabagha akutinga ku mutili wa kitatenge cha Galilaya ,amonagha ku Simoni nu Andele muto waghe,babagha bakulekela kakilha mu kitatenge ; kubuno babaga babhughi ba nshwe.¹⁷Yesu ababulagha: Munjange,nu nkabakita babughi ba bantu.¹⁸Agho,bashighagha tukila twabo,nu bamuyangagha.¹⁹.Gha bikagha kubusho,amonagha ku Yakobo musikila wa Sebedayo, nu Yoani muto waghe,nubo babagha mu bwato bekulanda tukila.²⁰Agho abamanagha ; nu bashighagha Ise wabo Sebedayo ghamoi na bakiti mu bwato,bamuyangagha.²¹Bendagha ku Kapelenaumu. Nu, busi bwa sabato ,Yesu ingilagha mu sinakoki nu kweghisha.²²Baghanileghanile na meghisha maghe kubuno eghishagha na bwangato nu ta anga basanshi.²³Basangagha mu sinakoki muntu'moi wit'isumbu , nu walakagha : ²⁴ Ki cheli ghatusambana e Yesu wa Nasaleti? Washwile kutushimisha. Nkumana uwe nai; Musanana wa Ghongo.²⁵ Yesu amusughilagha mu kutenda: Koba, nu tuka mw'oso muntu. ²⁶Nu musumbu atukagha mw'oso muntu mwa mu kumutenja bubibu,nu kulekela mulenge munene.²⁷Bo bansai bakatwagha na nganingani, nu kwimbusha ,kiki kino ? Mango meghisha mano ! Ekukakisha basumbu nu be kumwongwa ! ²⁸Nu lukumbu lwaghe lwenelagha ku Galilaya nu ku ntungo saghe.²⁹Mu kutuka mu sinakoki,bendagha na Yakobo nu Yoani mu numba sa Simoni nu Andele. ³⁰Ninabyala wa Simoni abagha ayamile, akusamba kapulula;nu basambalilagha Yesu ibyo.³¹Mu kwika bwighi nawe,amukatagha kuboko nu kumwimalucha,nu alamagha.Ik'a abakitila nkashi.³²Mw'igholigholo mu kuyama kwa musi, bamwekelagha basambi bansai nu bite basumbu. ³³Nu musumba unsai wakulumaninde gha kitiko cha numba mwa beli. ³⁴Alamyagha bantu bengi babagha na nsambo ningi ; atibitagha basumbu bengi nu ntashimagha buno basumbu batende, kubuno bamumanililagha.³⁵Mukucha kwa busi, mu lumbughembughe,imalukagha nu kwenda kusegha mu kisi cha kalula. ³⁶ Simoni nu bansai babagha nawe bendagha kumulonda ; ³⁷Nu ghabamumonagha ko ,bamubulagha : Bantu bansai bakukulonda.³⁸Ababulagha : Twende kungo, ku myelo sa bwighibwighi kubuno neghishe ko;kubuno u binashwilinde ibyo .³⁹ Nu endagha kweghisha mu ma sinakoki ,mu Galilaya insai, nu kutibita basumbu.⁴⁰Mubembi umoi ikagha kweli ;Akomagha mashwe nu kumulilila : Ndi washima,nengye. ⁴¹Yesu amukwilagha lukogho ,alambyagha kuboko,kumukata ko, nu kutenda : Nashima ,lama. ⁴²Agho bubembi bwamutukagha ko ,nu alamagha.⁴³Agho Yesu amukuluchagha,amunaniagha nu kumubula : Ntusambalile muntu wampa; tondo nda windoshe kuli sankogha, ⁴⁴Nu tucha lukaso lwa bwengyi bobe kuyangana na mutilo wa Musa,ube buteneneki kwabo.⁴⁵Tondo ghoso muntu endagha kwandabanya uso musaghu ,kubo Yesu ntanakoshishe kwingila lingo mw'oso musumba. Ikalagha mu tulula, nu bantu batukagha kunsai bashwagha kwaghe.

Chapter 2

¹Ku bindi bikeke, Yesu akulukagha mu Kapelenaumu. Mu kwongwa buno eli mu numba,²kikembe kitanaghanswa cha bantu cha kulumanilagha gha kitiko.Abegheshagha kitondo cha Ghongo.³Bantu bamwekelagha , muntu wabensekile bighansa wekilwe na bantu banai.⁴Anga bubatakoshagha kumwicha bwighi na Yesu kubushi bwa kikembe,babakamagha ghantata gha numba,nu kumukumbya gh'itengu na mughu waghe.⁵Kumona ku lukatisho lwabo ,Yesu abulagha wabensekile bighansa: " Mwana wani, bwaghi bobe bwashighililwa ."⁶Ghabagha agho basanshi, bikalile ghansi,nu bakwitendya : ⁷Buni bwatend'ono muntu ? Enegha Ghongo .Nai unashighilila bwaghi ndi ta Ghongo w'inene?⁸Yesu, gha managha bibekulenganya, ababulagha : Buni bumwite eso milenganya mu mitima sinu ? ⁹Ki kisogha ,kubula wabensekile buno bwaghi bobe bwashighililwa ali kutenda : Imaluka, tola mughu wobe nu tabanga ?¹⁰Tondo mumane buno Mwana wa muntu ite bwangato mu kisi bwa kushighilila bwaghi.¹¹Nakubula,imaluka,tola mughu wobe nu nda kobe .¹²Nu mwako kaluma ,imalukagha ,atolagha mughu waghe , nu kukukuka nu bansai bakulola, babagha mu kughanaghana ,nu kutata Ghongo ,mu kutenda : Tatulolagha ku buno.¹³Yesu endagha lingo ku leshilya kwa kitatenge. Musanganano munene wamuyangagha, nu abegheshagha. ¹⁴Mu kutinga,amomagha ku Lawi ,mwana wa Lufayo ,ikalile ku numba sa kulighya mpalata. Amubulagha : Njange . Lawi imalukagha, nu kumuyanga .¹⁵Bwabagha Yesu ekulya mu numba sa Lawi,bantu ba tughutughu nu bantu ba bwaghi balyagha ghamoi nawe nu begheshibwa baghe;kubuno babagha bengi bamuyangagha.¹⁶Basanshi nu Bafalisayo ,kulola bwakulya na bantu ba tughutughu nu bisa bwaghi, babushagha begheshibwa baghe : Buni bwakulya nu kunywa na bantu ba tughutughu nu bisa bwaghi ?¹⁷ Yesu mu kwongwa k'obo, ababulagha : Ta bankambwe u bakulondagha musakishi,tondo basambi .Nshashwile kumana basanana tondo bisa bwaghi.¹⁸Busi bumoi,begheshibwa ba Yoani nu Bafalisayo binanyishe indya kubushi bwa masegho. Bashwagha kubusha Yesu : Ki kikusula begheshibwa ba Yoani nu Bafalisayo bekw'inany'indya tondo bobe tabekwinanya ? ¹⁹Yesu abakulagha : Binda ba nen'isonga ba ninanyia indya nu becheli ghamoi nawe ?Bu becheli nawe taba n'inany'indya²⁰Bindi bikashwa nen'isonga ntakaba nabo ,nw'agho ubo busi tabakalya. ²¹Taku muntu unakulumanya nshulu nsogha nu sindisha ,kubuno nshulu nsogha nti salelemula s'indisha,nu kiboto nti cha tanuka.²²Nu taku muntu unabika maku masogha mu malegha mindisha,mu kukita ubo,nti maku masogha nti mata malegha mindisha ,nu maku masogha nu malegha nti byakwa tughu ;Tondo bwatunganana maku masogha kubikwa mu malegha masogha.²³Bwabagha busi bumoi bwa sabato,Yesu atingagha mu maswa ma ngano.Mu lughendo,begheshibwa baghe bakokolagha ngano.²⁴Bafalisayo bamubushagha : Lola, buni bubakita bitanakitwa busi bwa sabato?²⁵Yesu abasubishagha: Tamusomagha byakitagha Daudi gha katwagha na nsala,we nu babo babagha nabo?²⁶Bu bingilagha mu numba sa Ghongo,mu bindi bya sankogha munene Abiata ,nu alyagha tumpampa twa kuloshibwa,tatunalibwa na ute sankogha, nu eleshagha bansai babagha ghamoi nawe !²⁷Ababulagha lingo : Sabato sabikilwe kubushi bwa muntu ,ta muntu ku sabato,²⁸ tondo,Mwana wa muntu u Mukota wa sabato.

Chapter 3

¹Yesu ingilagha lingo mu sinakoki, mwasangwagha muntu umoi wo'uma kuboko . ²Balole ndi Yesu amulamye busi bwa sabato bamane kumutalikila.³Nu Yesu abulagha ghoso muntu wa kuboko kowuma : Imala mu nkatighi. ⁴ Ababushagha : Bwimilwa, kukita bisogha ali mabi,kulamya ali kwita muntu busi bwa sabato? Tondo bakobagha.⁵Mukubalola na bongwa, nu kuba na kabebe ku bubibu bwa mitima sabo,abulagha ghoso muntu : Lambya kuboko kobe.Alambyagha ko,nu kuboko kwaghe kwalamagha. ⁶Bafalisayo bakukukagha, nu agho bendagha kukala lwango na Bahelode balonde bubana mwitya.⁷Yesu iyendelagha ku kitatenge ghamoi na begheshibwa baghe. Kikembe kinene cha muyangagha kutukila ku Galilaya ; nu ku Yudea, ⁸nu ku Yelusalema, nu ku Idumea, nu ku tinga ku Yolodani, nu bwighibwighi na Tilo nu Sidoni, kikembe kinene, mu kwongwa binsai byakitagha,bendagha kweli.⁹Akakishagha begheshibwa baghe kumubikila ka bwato kubuno anashwa kukundegheleshwa na kikembe. ¹⁰Kubuno,anga bwalamyagha bantu bengi, basambi bansai bashwagha buno bamukate ko.¹¹Ba bite basumbu,ghabendagha bamulola ko,nti bamukomelagha mashwe, nu kutenda bubibu: Uli Mwana wa Ghongo. ¹²Tondo abananiagha bubibu buno tabamuloshaghe.¹³Abakamagha mwinduko, nu kumana bashima , nu bashwagha kwaghe.¹⁴Asombolagha ikumi nu babili,bikale bwighi nawe ,¹⁵nu abasinge kusansa musaghu na bwangato bwa kutibita basumbu.¹⁶Lola abo'ikumi nu babili ba sombolwagha : Simoni amumanagha buno u Petelo;¹⁷ Yakobo,mwana wa Sebedayo,nu Yoani,mubuto wa Yakobo,u banikagha ishina lya Boaneleje, ukutenda buno bana ba mikulumilo ;¹⁸Andele; Filipo ;Matoloma;Matayo;Tomaso; Yakobo, mwana wa Lufayo;Tadeyo; Simoni wa ku Kanana ;¹⁹nu Yuda wa ku Kaliyote ,ghoso ukesana Yesu,²⁰Bakulukagha ku numba, nu kikembe chakulumanagha lingo , kubuno tabanakoshishe kulya. ²¹Babuti ba Yesu gha bongwagha ku bikutinga ,bashwagha kumukata ; kubuno batendagha: Ntekite mulenganya .²²Nu bansashi batukagha ku Yelusalema, batendagha : Ite musumbu Belesebuli ; nti ku maghala ma basumbu u mwakutibita basumbu.²³Yesu abamanagha, nu kubabula mu mashumo: Buni bunakosha Kahinga kutibita kango Kahinga? ²⁴Ndi bukota bwimbeghanya bw'inene, ubo bukota ta bunaba; ²⁵nu ndi numba simbeghanya, eso numba tasinaba ko.²⁶Kashi ndi Kahinga indekanucha w'inene, nt'imbeghanya, nu ntanakosha kuba ko, tondo nt'ishililisha w'inene. ²⁷Kilo unakosha kwingila mu numba sa muntu wa maghala nu kutukulha bikai byaghe, ndi ntalingile kumukanda;agho nti atukulha numba saghe.²⁸Nababula bulili, bwaghi nu bweneghana kuli Ghongo bikashighililwa ku bana ba bantu, ²⁹tondo ulya ukenegha Muusa Musogha;ntakashighililwa .Asighwa ku bwaghi bwa milyalya .³⁰Yesu atendagha ubo kubuno bamubulagha:Ite musumbu.³¹Bikagha nina nu bisakwabo, bikalagha gha mbugha, bamumanagha . ³²Kikembe chabagha chamutimbile,nw'inga bamubula:Lola, noko nu mibuto sobe beli ghambugha bekukulonda.³³Ababulagha: Nai u mama, nu banai u bisakwitu ? ³⁴Mukwengelesha babagha bwighi nawe , ababulagha:Lola mama nu bisakwitu. ³⁵Kubuno n'olya wakita byashima Ghongo, whoso u mwisakwitu , mubitu wani, nu mama.

Chapter 4

¹Yesu imbikagha lingo akweghisha mu mutili wa kitatenge ,nu kikembe kinene chakulumanagha bwighi nawe,abakamagha nu kwikala mu bwato,mu kitatenge.Kikembe kinsai chabagha ku muse.²Abegheshagha bitondo bingi mu mashumo,nu mu megheshigha maghe mu kubabula :³Mwongwilile .Mushiki umoi endagha kushika mbuto . ⁴Mwa mukushika ,emoi sakolokagha mu nsila: Tusoni twashwagha nu kulya so .⁵Engo sakolokagha mu makoi sindagha itete lingi ; sasagha lubilo nu kukama kubuno itete talyabinde lingi;⁶Tondo musi wasanagha,sayagha nu kukama,kubuno sindagha mishi. ⁷Engo sakolokelagha mu mikele : Mikele mu kukula, sasi kundeleshagha,nu tasakonamishagha bughuma.⁸Nu engo sakolokelagha kw'itete lisogha nu sakonamiagha bighuma ,emoi makumi masatu,emoi makumi mutuba, nu engo ighana. ⁹Nw'ingatenda : Olya wite matuyi makwongwa,ongwe.¹⁰Ghabagha w'inene,babo bamutimbagha ghamoi n' ikumi na babili,bamubushagha kweso mashumo.¹¹Ababulagha : Mweleshibwe kumana kindo cha bukota bwa Ghongo,tondo ku beli kumbugha,bisai bikutendwa mu mashumo. ¹²Kubuno mu kulola balole nu tabakumana,nu mu kwongwa bongwe nu tabakumana ,kubuno tabaghalule mitima sabo,nu bwaghi bwabo tabushighililwe.¹³Nu ababulagha lingo : Tamwamanile ghono mashumo ? Buni bumukamana mashumo insai ? ¹⁴Mushiki akushika kitondo. ¹⁵Emoi seli mu nsila ,mwashikilwe kitondo ;mwa mukuba bongwa kitondo,Kahinga nuwe ashwa kutucha kitondo chashikilwe mubo.¹⁶Bango bongwagha nu kusekela kitondo mu makoi ; mu kwongwa kitondo, nti bakisekela na mboghimboghi ; ¹⁷Tondo tabite mishi munda nabo bo binene, tabakokomesha , gha kwika malingiko nu nsunsu ku bushi bwa kitondo,nti bakuluka kumbusa.¹⁸Bango bakwongwa nu kusekela kitondo mu mikele,u babo bakongwa kitondo. ¹⁹Tondo nkasa sa nkiko, bwengelela bw'ighuma ,nu nkasa sa bingo bitondo, byakundeghelesha kitondo ,nu tachakukonamya .²⁰Bango basekela mbuto mw'itete lisogha,u babo bakongwa kitondo bakisekela nu kukonamya bighuma ,makumi masatu,makumi mutuba,nu engo ighana.²¹ Ababulagha lingo: Bakwekagha tala nu kusibika munda na kasasa ,ali munda na mughu ? Ta buno gha ntata na kasasa ka tala ? ²² Kubuno takweli chabisilwe kitakamoneka ko ,nu kitekumanwa kikalimbulwa. ²³Ndi muntu ite matuyi ma kwongwa, ongwe.²⁴ Ababulagha lingo,mwalolagha busogha ku bi mukongwa ko,baka balingimanisha kibhu anga bimukakita,nu kubecha byo .²⁵ Kubuno bakelesha olya wite; tondo olya utite,akanaghwa nu ka kite.²⁶ Atendagha lingo: Ubweli bukota bwa Ghongo anga muntu umoyi ukushika mbuto ;²⁷ayama ali ntayama ,mbuto sikwasa nu kukula bwatakumana.²⁸ Itete likukusha lyo linene,tanga bisughu,kishishimba,mingula munda na kishishimba ;²⁹ nu ndi kighuma chela ,nti batola indoko kubuno buuse bwika.³⁰ Atendagha lingo : Tulingike bukota bwa Ghongo naki, ali na mashumo ki ? ³¹ Wasusana anga mubibho wa Senewe,mwa mukushika,weli mukeke ku mbuto insai sa kisi ;³² tondo,ndi sa shikwa,nti sakula nu kuba inene kutinga miti nu nti saba na ntabe inene, nu tusoni nti tobaka mo.³³ Mu mashumo ningi u mwabagha akubeghesha kitondo, kuyangana na bubanakosha kongwa .³⁴ Ntatendagha lingo nabo mute mu mashumo ; tondo w'inene abagha akwatula binsai ku begheshibwa baghe.³⁵Ubo busi , mwigholigholo,Yesu ababulagha: Tusoke muleshilya.³⁶ Gha shilagha kukulucha kikembe,bamwekagha mu bwato bwabagha mo ;kwabagha ningi na bwato ghamoi nawe. ³⁷ Kwatukagha bimpumu bya masi nu kwindekela mu bwato, nu kubwisasha.³⁸ Nu we abagha ayamile .Bamubuchagha ,nu kumubula: Mweghisha,ntu kwimbusha buni butwalonda kushika ? ³⁹ Mwa mu kubuka ,akobyagha lumpumpu nu kubula kitatenge: Biba ! Koba !Nu lumpumpu lwabibagha ,nu kwabagha kakobi kanene.⁴⁰ Agho ababulagha :Buni bumwakwa boba ? Tamwite lukatisho? ⁴¹ Bakatwagha na byamba ,nu kwitendya ,nai ghono u kongwililwa na lumpumpu nu kitatenge?

Chapter 5

¹Bikigha mwa ungo muse wa kitatenge,mu kisi cha Bagadaleni.²Agho , Yesu mu kutuka mu bwato,muntu umoi wit' isumbu kutuka ku kisi kinene imalagha bwighi nawe.³Uso muntu ikalagha ku kisi kinene,nu taku muntu unakoshishe ku mukanda,na muyololo. ⁴Kubuno,abagha na byuma ku mashinshi,nu kukandwa na miyololo,tondo endagha asiketula ,nu taku muntu wabagha na maghala ma kumukosha.⁵ Ikalagha,musi nu kindi ku bisi binene nu mu minduko ,kutanda mulenge ,nu kwimbabasha na makoi.⁶Mwa mukulola ku Yesu, endagha lubilo, nu kumukomela mashwe,⁷Nu atendagha bubibu : Ki cheli gha tusambana uwe nw'ine ,Yesu, Mwana wa Ghongo wa m'w'ighulu ? Nakusegha kw'ishina lya Ghongo undungutanye .⁸Kubuno Yesu amubulagha : Musumbu,tuka mu ghoso muntu.⁹Nu ,amubushagha: ishina lyobe u nai?Nu amwakulagha :Nkumanwa Leshioni,kubuno tuli bengi.¹⁰Nu amuseghagha amutibitaghe mu kisi .¹¹Mwa mu mwinduko ,mwabagha ighimba lya mpunu likulya. ¹²Nu basumbu bamulililagha mu kutenda: Tusinge mu lily'ighimba lya mpunu, kubuno twingile mulyo.¹³Imilagha.Nu basumbu batukagha,bingilagha mw'ighimba ,nu ighimba lyakumbagha lubilo mishughulo mu kitatenge :Sabagha anga elefu imbili,sashikilagha mu kitatenge.¹⁴Balangi ba mpunu batinagha,nu basansagha musaghu mu misumba nu mangele.¹⁵Bantu bendagha kulola byatingile.Bikagha bwighi na Yesu, nu kulola ghoso wabagha n'isumbu, ikalile ghansi, ashwalile ,nu akulenganya busogha ;bakatwagha na byamba.¹⁶ Ba balolagha ku byabinde baghanikishagha ku byatingile ku ghoso wabagha n'isumbu nu kw'ighimba lya mpunu.¹⁷ Agho babulagha Yesu atuke mu kisi chabo.¹⁸Mu kwingila mu bwato, ghoso wabagha n'isumbu amwemagha ikale nawe.¹⁹ Yesu ntamwiminde tondo amubulagha :Nda kobe kweli bisakwinu,nu baghanikishishe binsai byakukitila Mukota,nu buni bwakukwilagha lukogho.²⁰ Endagha, nu kusansa mu Dekapoli binsai byamukitilagha Yesu.Nu bansai babagha mu nganingani.²¹Yesu mu bwato asokagha ku leshilya ,kikembe kinene cha bantu cha kulumanagha gheli.Abagha mu mutili wa kitatenge. ²²Agho ashwagha mukulu umoi wa Sinakoki,ukumanwa Yailo,ghoso , mu kumulola ko, indekelagha ku mashinshi maghe, ²³Nu kumwema na lukakisho :Mukinga wani emwa bubibu; shwa ,umubikile maboko,kubuno alame nu abe gho.²⁴Yesu endagha nawe.Nu kikembe kinene chamuyangagha nu kumukundeghelesha.²⁵Agho, ghabagha mukashi'umoi ukusulula mikilha mu myaka ikumi n'imbili .²⁶Ababalwagha bubibu mu maboko ma basakishi bengi ,ashililishagha binsai byabagha nabyo ,nu ntalamile ,nu lusambo lwakokomelagha.²⁷Mu kwongwa ku musaghu wa Yesu,ashwagha kumbusa mu kikembe,nu kutubya ku nshulu saghe.²⁸Kubuno atendagha:Ndi natubya tughu ku nshulu saghe,nti nalama. ²⁹Mwako kaluma mikilha sa kamagha,nu ongwagha mu mubili buno alama munubo waghe.³⁰Agho , Yesu iyongwagha buno maghala mamutuka mo; aghalukagha mukantighi na kikembe ,ik'abusha:Nayi witubya ku nshulu sani? ³¹Begheshibwa baghe bamubulagha : Lola kikembe kinene cha kukundeghelesha nu ukubusha: Nayi wakutubya ?³²Aghenshagha bwighi nawe, buno alole nayi wakitile ubo.³³ Mukashi ,mu byamba nu kughilimila,mukumana byatinga muwe,ashwagha kwindekela ku mashinshi ma Yesu ,nu kumubula bulili bunsai.³⁴ Tondo Yesu amubulagha :Mukinga wani,lukatisho lobe lwakulamya;nda na boolo ,nu lama lusambo lobe.³⁵Mukutenda ubo ,bantu ba mukulu wa sinakoki bikagha kumubula :Mukinga wobe akwa ;ntu nubye lingo Mweghisha?³⁶Tondo Yesu mu kutongwililwa bitondo byabo,abulagha mukulu wa sinakoki:Ntukwe boba,katisha umpanga.³⁷Nu ntimilagha muntu kumwelekesha,ndi ta Petelo,Yakobo,nu Yoani, muto wa Yakobo. ³⁸Bikagha gha numba sa mukulu wa sinakoki,agho Yesu amonagha kikembe kinene nu bantu bakulila nu kutanda milenge .³⁹Ingilagha,nu kubabula:Buni bumukukita lwayo,nu ki kimukulilila ?Mwana ntakwile,tondo ayamile.⁴⁰Nu babagha bakumuseka .Agho,akukukulagha bantu bansai ,akatagha ghamoi nawe ise nu nina wa mwana,nu babo bamwelekeshagha,ingilagha gha bagha mwana.⁴¹Amukatagha mu kuboko, nu kumubula :Talita kumi,u kutenda :Mukinga,nakubula ,imaluka. ⁴²Agho mukinga imalukagha ,nu kutabanga; kubuno abagha na myaka ikumi n'imbili.Nu babagha mu nganingani nene.⁴³ Yesu abakakishagha bubibu, muntu ntamanaghe icho kitondo; Nu ababulagha bamweleshe indya.

Chapter 6

¹Yesu atukagha uko, nu kwenda mu kisi chabo, begheshibwa baghe bamuyangagha. ²Bwabagha busi bwa sabato, egheshagha mu sinakoki. Bantu bengi mu kumongwilila baghanileghanile nu kutenda : Kuni kwatucha bino bitondo? Nu bulenganya buki bweleshibwe ,nu buni bwakukitwa bino bitangalo na maboko maghe? ³ Ndi ta ghoso mulenga wa kobaka,mwana wa Malia, Iselenshi wa Yakobo, nu wa Yose, wa Yuda nu wa Simoni ? Nu babitu baghe tabeli kwitu? Nuwe abinde ikitalo kwabo.⁴Tondo Yesu ababulagha : Mulenganya nta bengwe ku'te kwabo, na babuti baghe, nu mu numba sabo. ⁵Ntakitagha lingo kingo kitangalo,ndi ta kubikila basambi maboko nu kubalamya.⁶ Nw'inga aghanaghana na kutakatisha kwabo. Yesu atimbagha myelo sa kushindashinda mu kweghesha.⁷Agho amanagha ikumi nu babili, nu 'ik'abasinga babili babili, mu kubelesha bwangato ku basumbu. ⁸Abakakishagha tabeke kena mu lughendo,ndi ta mushumbo; ta kampampa ,ta nsagho,ta kakulo mu nsagho ; ⁹bashwale bilato, nu tabashwale nopo imbili.¹⁰Lingo ababulagha : Mu numba insai simwingila mo, mwikalagha 'mo kwikila busi bumukatuka mu ghoso mwelo .¹¹ Nu,ndi mwika gheli bantu binda kubasekela nu kubongwilila,mwatuka gho,nu nti mwatitula mukungu wa mashinshi minu,kubuno ube buteneneki kwabo.¹²Bendagha, nu kusansa bulongomanyi bwa mitima. ¹³ Batibitagha basumbu bengi, nu kubonja basambi mwambo nu ku balamya.¹⁴Ghongwagha mwami Helode ku misaghu sa Yesu, kubuno ishina lyaghe lyendagha nkulu, nw'ikatenda : Yoani mupatishi atuka ku bakui ,nu uchasula bitangalo bingi byakitwa nawe. ¹⁵Bango batendagha : Elia uso .Nu bango batendagha : Mulenganya umoi ku balenganya.¹⁶Tondo Helode mu kongwa kobo,atendagha : U Yoani uso u unabulagha baketulagha itwe lyaghe, u watuka ku bakui. ¹⁷Kubuno Helode w'inene asingagha bantu bakate Yoani, nu kumukanda,kumulekela mu kahombo ku bushi bwa Helodia, mughole wa Filipo, muto waghe kubuno amusongagha,¹⁸Nu Yoani amunaniagha : Ta bwimilwa usonge mughole wa muto wobe .¹⁹Helodia ashibukilagha Yoani bubibu nu kulonda kumwitya. ²⁰Tondo ntanakoshishe kubuno Helode akwagha Yoani boba,kubuno eli muntu wa bulili nu wa sanana ; amukungulagha, nu ,ghendagha amongwilila,ikalagha nu akwimbusha.²¹Nu ghabinde busi bwa kubutwa kwa Helode kwika, akitagha kisaghulo kubushi bwa bakulu baghe ,bakulu ba basula nu bakulu ba Galilaya. ²²Mukinga wa Helodia ingilagha mu kisaghulo, aminagha,nu ku boghyaboghya Helode nu bansai bamanwagha mu kisaghulo.Mwami abulagha mukinga : Nseghe kiwashima, nu nakweleshe cho.²³Ik'alumbila buno :Kinsai kiwanseghe nakweleshe cho, aba kibe cha bwami bwani. ²⁴Mu kukukuka, abushagha nina: Niseghe ki ?Nu nina amwakulagha:Itwe lya Yoani mupatishi .²⁵ Akulukagha lubilo kweli mwami,nu kumusegha: Nkushima uneleshe kano kaluma ,mu luno lughe , itwe lya Yoani mupatishi.²⁶Mwami aghanaghanagha; tondo ,kubushi bwa kulumbila nu ku babo babagha mu kisaghulo,ntakoshagha kumunanila. ²⁷Asingagha mwako kaluma na lukakisho muntu ashwe n'itwe lya Yoani mupatishi. ²⁸Ghoso muntu endagha ku ketula itwe lya Yoani mu kahombo,nu kulyeka gha lughe.Eleshagha lyo ghoso mukinga ,nu mukinga eleshagha lyo nina. ²⁹Begheshibwa ba Yoani kongwa k'obo,bendagha kutola kilunda chaghe, nu ku kikunda.³⁰Ntumwa, mu kukulumana gheli Yesu,bamwanikishagha binsai bibakitagha nu bibegheshagha .³¹Yesu ababulagha: Mwende mu kalula,nu mwomule gha keke ,kubuno bantu ba kwenda nu kushwa babagha bengi nu bindagha nkungu sa kulya.³²Basokagha mu bwato ,kwenda mu kalula.³³Bantu bengi ba balolagha bu bakwenda nu kubamanilila,bantu ba kutuka mu misumba ningi babayangagha lubilo na mashinshi nu balingagha kwika.³⁴Mu kutuka mu bwato,Yesu alolagha kikembe kinene cha bantu ,nu abakwilagha lukogho,kubuno babagha anga mbuli sitite mungele;nu abegheshagha bingi.³⁵Ghabagha busi bwatinga,begheshibwa baghe bashighelelagha kweli nu kutenda: Kishiki kino kili kalula,nu busi bwatinga;³⁶basinge,bende ku mangele nu ku myelo sa bwighibwighi kughula'indya.³⁷Yesu ababulagha : Mubeleshe benywe binene indya.Tondo bamubulagha : Twende kughula tumpapa twa bikulo maghana mabili,nu tubeleshe balye ? ³⁸Nu ababushagha : Mwite tumpapa tunga ?Mwende kulola.Bamanagha ,nu kumwakula: Tutano nu bisonga bibili.³⁹Abakakishagha lino bikashe bantu ghansi mu bisughu bikembebikembe.⁴⁰Nu bikalagha bikembe b'ighana nu bya makumi matano.⁴¹Atolagha uto tumpapa tutano nu bisonga bibili , nu kughalamila kw'ighulu,akasanilagha. Agho, aketula ketulagha tumpampa,nu kutwelesha begheshibwa,kubuno batubeghanishe bantu.Abeghanishagha bansai ibyo bisonga bibili.⁴²Bansai balyagha nu kwikuta.⁴³Nu bekagha nshi ikumi n'imbili sisala twindi twa tumpapa nu byashighalagha ku bisonga.⁴⁴Ba balyagha tumpapa babagha balume ilefu etano.⁴⁵Mu kushila ubo,akakishagha begheshibwa baghe babakame mu bwato,nu balinge kusoka ku Betesaida, nuwe akulagha bantu.⁴⁶ Mu kushila kubalagha,abakamagha mwinduko kwenda kusegha.⁴⁷Mw' igholigholo,bwato bwabagha bwika mu kantighi na kitatenge,nu Yesu abagha w'inene ku muse.⁴⁸ Alolagha banuba na kulugha, kubuno lumpumpu lwatukagha kubusho kwabo. kili,anga s'ikumi sa kindi ,ashwagha ku beli,ghantata gha masi,nu alondagha ku basuluka.⁴⁹ Gha bamulolagha ko akwenda gha ntata gha masi,bamanagha buno nampu kitingo,nu batandagha milenge; v 50 kubuno bansai bamumona ko,nu bakatwagha na mpupumwa .Agho Yesu ababulagha nu kutenda:Ineno,tamukwe boba !⁵¹ Nu ingilagha mu bwato,nu lumpumpu lwa shilagha.Babagha na nganingani nu kwimbusha ;⁵² Kubuno tabakatishagha busogha kitangalo cha tumpampa,buno mitima sabo sabagha anga sa kandwa.⁵³ Gha basokagha kitatenge,bikagha mu kisi cha Genesaleti,nu kwika ku muse.⁵⁴ Gha batukagha mu bwato,bantu mu kumanilila Yesu,⁵⁵ batukagha kunsai kushwa na basambi bekilwe mu mighu,nu kubicha kunsai kwabagha eli.⁵⁶ Nakunsai kwendagha abasa ,mu myelo ,mu misumba ali mu mangele,basambi babikwagha mu milungu ,nu kumusegha bintubye ku nshulhu saghe.Nu bansai bintubyagha kuwe balamagha.

Chapter 7

¹Bafalisayo nu bansashi bamoi ba milembe batukagha ku Yelusalema, bakulumanilagha kuli Yesu.² Balolagha ku begheshibwa bamoi bakulya nu taboghile maboko.³Tondo bafalisayo nu Bayuda tabanalile ndi taboghile busogha maboko kuyangana na ntungo sabo sa bakungu;⁴Nu, gha bakutuka ku milungu ,tabanalile ndi tabiyenja. Nu bite bingo bya ntungo anga kusugha twata,malegha nu tulabiya.⁵Bafalisayo nu bansanshi bamubushagha :Kubuni begheshibwa bobe tabekuyanga megheshi sa bakungu ,tondo bakulya nu maboko mite nkuna.⁶Yesu abakulagha : Bengelele,Isaya akitile bulenganishi kubushi bwinu nu byatilwagha :Bantu babano bekunansa na kanywa,tondo mitima sabo sili bulai n'ine.⁷Baku nansa kwa tughu,nu bekweghesha nkakisho sa bantu.⁸Mukushigha nkakisho sa Ghongo,nu mukuyangana na ntungo sa bantu.⁹Ababulagha lingo : Mwashimya bubibu lukakisho lwa Ghongo ,nu kubika mu mitima sinu bya bakungu. ¹⁰Kubuno Musa atendagha : Ansa so nu noko; nu: Olya ukatuk'ise ali nina ema kukwa.¹¹Tondo benywe,mukutenda: Ndi muntu abula ise ali nina :lukaso luninakweleshishe ,nalwelesha Ghongo.¹²Tamukukitila kena so nu noko,¹³Mwashimya kitondo cha Ghongo kubushi bwa ntungo sinu,nu mukukita bingi byasusana n'ibyo.¹⁴Lingo, mukumana kikembe, akibulagha: "Munongwilile,benywe bansai,nu mumane" .¹⁵Taku kintu kin'ingila munda na muntu kina mubighya;tondo chatuka munda nawe u kinamubighya. ¹⁶Ndi muntu ite matuyi ma kwongwa,ongwe.¹⁷Ghi ngilagha mu numba,bulai na kikembe,begheshibwa baghe bamubushagha ku ghoso mushumo.¹⁸Ababulagha: Nu benywe,tamwite mulenganya? Tamukumana buno kinsayi kiteli mu muntu kingila muwe, takinamu bigya? ¹⁹Kubuno takikw'ingila mu mutima waghe,tondo mu munda saghe,nu agho nti chenda kwa kukughoghelwa malya linsai .²⁰Atendagha lingo : Chatuka mu muntu u ki kumubighya.²¹Kubuno,mu mutima wa muntu u mukutukagha milenganya mbi; matensha,mabi,bwitani,²²bwimbi ,butughu, busombani,bukongobanya,butumbitumbi,mitingu ,kushingila bantu bitondo,kabengo,ishile.²³Ibyo bibi binsai bikutuka munda nu u bikubighya muntu.²⁴Mu kutuka agho, Yesu endagha mu kisi cha Tilo nu Sidona.Ingilagha mu numba emoi,ntashimagha muntu amane,tondo ntana koshishe kubisama. ²⁵Kubuno mukashi umoi ,wabagha na mukinga wit'isumbu ,gho ngwagha ku musaghu wa Yesu ,indekelagha ku mashinshi maghe.²⁶Ghoso mukashi abagha mugiliki,wa kilongo cha Silofoiniki sa Sulia.Amuseghagha atibite musumbu weli mu mukinga waghe.²⁷Yesu amubulagha :Shigha bana bikute tanga,kubuno tabwatunganana kutola kampampa ka bana nu ku kalekela byana bya mbwa.²⁸Amwakulagha:Naki ,Mukota, tondo byana bya mbwa bikulyagha byakolokinde ghansi gha mesa sa bana.²⁹Agho amubulagha: Kutingila icho kitondo,nda ,musumbu atuka mu mukinga wobe.³⁰Nu,mu kukuluka kwaghe,asangagha mwana ayamile gha mughu,musumbu amutukile mo.³¹Yesu atukagha mu kisi cha Tilo,akulukilagha ku Sidona bwighi na kitatenge cha Galilaya,nu kutinga mu kisi cha Dekapoli.³²Bamwekelagha kilibamate watetuma,nu bamuseghagha amubikile maboko.³³Endagha nawe kuteli bantu,amwindagha minywe mu matui , nu kukata ku lulame lwaghe na matai maghe.³⁴Aghalamilagha kw'ighulu, ik'akita mweghu,nu kutenda: Efulata ,ukutenda buno ishibule.³⁵Agho matuyi maghe mashibukagha,lulame lwaghe lwikandulagha,nu atendagha busogha.³⁶Yesu abakakishagha batendaghe na muntu; tondo mu kubanania ubo,basansagha musaghu.³⁷Babagha mu nganingani inene,nu batendagha:Akita binsai busogha busogha; bashibile matui bongwa,nu tulumbu twatendagha.

Chapter 8

¹Mwibyo bindi,kikembe kinene cha bantu chakulumanagha lingo,tachabagha n'indya.Yesu amanagha begheshibwa nu kubabula : ²Nite chombo cha kino kikembe,kubuno bindi bisatu beli n'ine nu tabelya kena.³Ndi nabakulucha kwabo n'eno nsala,banakwila mu nsila kubuno bamoi kubo batukinde kulai.⁴Begheshibwa baghe bamubulagha : Buni butunakosha kubikutya na tumpampa mu kano kalula ?⁵Yesu ababushagha : Mwite tumpapa tunga? Bamwakulagha : Mutubakamo .⁶Agho ikashagha kikembe ghansi,atolagha tumpapa mutubakamo,nu kushila kukasanila ,atuketulaketulagha ,nu eleshagha begheshibwa batubeghanye;nu batubeghanishagha kikembe.⁷Babagha lingo na bisonga bikeke,nu Yesu, kushila kukasanila,babibeghanyagha. ⁸ Balyagha nu kw'ikuta ,nu bekagha nshi mutubakamo sisalile na bibindanwagha. ⁹Babagha anga elefu inai.Agho Yesu abakuluchagha .¹⁰Kushila agho Yesu abakamagha mu bwato na begheshibwa baghe,nu kwenda mu ntungo na kisi cha Dalamanuta.¹¹Bafalisayo bikagha ,bendagha myango na Yesu,nu,kwa kumutegha ,bamuseghagha abaloshe kamanililo kamoi k'ighulu.¹²Yesu,mu kwisa bubibu,atendagha: Ki chasula luno lughiso lwanema kamanililo? Nababula bulili ,luno lughiso talukeleshibwa kamanililo.¹³Agho abashighagha , nu kubakama mu bwato, buno asoke mu ungo muse.¹⁴Begheshibwa bebelelagha kweka tumpapa;babagha na kamoi mu bwato.¹⁵Yesu abakakishagha;mwindange busogha na lughayo lwa bafalisayo nu lwa Bahelode.¹⁶Begheshibwa balenganyagha gha basambana nu kutenda: Kubuno tatwite tumpapa.¹⁷Yesu,mu kumana ubo, ababulagha : Buni bumukulenganya buno tamwite tumpapa ? Mwinda mulenganya,nu tamukwongwa?¹⁸Mwite mutima mubibu ?mwite miso tamukulola ? Mwite matuyi, tamukwongwa? Nu tamwite makengelo ?¹⁹Gha naketulagha tumpapa tutano ku bantu elefu itano,nshi 'inga sisala twindi twa tumpampa simwekagha ? Bamwakulagha: Ikumi n'imbili.²⁰Nu ghanaketulaketulagha tumpapa mutubakamo ku bantu elefu inai,nshi inga sisalagha na twinditwindi twa tumpampa si mwekagha?Bamwakulagha :Mutubakamo.²¹Nu ababulagha :Tamwongwa lingo?²²Bendagha ku Betesaida;nu bekelagha Yesu kiku,bamulililagha amukate ko.²³Akatagha kiku mu kuboko,nu endagha nawe kushinda mwelo; nu kumwinda matai ku miso ,kumubikila maboko, nu kumubusha ndi akumona ku kikai.²⁴ Engeleshagha ,nu kumubula:Nalola ku bantu ,beli anga miti, sikwenda .²⁵Yesu amukatagha ko lingo ku miso; nu,kiku mwa mu kwengelesha bubinu,alamagha,nu kulola ku binsai busogha.²⁶Agho Yesu amusingagha,kwaghe mukumubula :Ntutinge mu mwelo .²⁷Yesu iyendelagha ,ghamoi na begheshibwa baghe ,mu myelo sa Kaisalia Filipo,nu mu lughendo ababushagha:Bakutenda ine u nayi? ²⁸Bamwakulagha: Yoani mupatishi; bango, Elia,bango, umoi ku Balenganya.²⁹Ababushagha :Nu benywe,mukutenda ine u nai? Petelo amwakulagha: uwe u Kilishitu.³⁰Yesu abakakishagha bubibu batendaghe na muntu buno we u nayi.³¹Agho,alingililagha kubeghesha buno Mwana wa muntu anube bubibu, kunanwa na bakungu,na basankogha banene nu basanshi,bamwite,nu ku bindi bisatu atuke ku bakui. ³²Ababulagha ibyo binsayi bwasibwasi. Nu Petelo ,mu kwitunda nawe, amusughilagha.³³Tondo Yesu ,aghalukagha nu kulola begheshibwa baghe,asughilagha Petelo ,nu kutenda: Kahinga,nda kumbusa kwani !Kubuno ntukumana bitondo bya Ghongo ,wite tughu milenganya sa bantu.³⁴Kumbusa kwagho amanagha kikembe nu begheshibwa baghe,ik'ababula: Ndi muntu akushima anjange,inane w'inene, eke musalaba waghe, nu kunjanga.³⁵Kubuno olya ukashima konia kalamo kaghe,akakashimisha,tondo,olya ukashimisha kalamo kaghe kubushi bwani nu ku bwa musaghu musogha akakonia.³⁶Nu ki kisogha kinabughula muntu buno iyangika kisi kinsai,nu ndi ashimisha mutima waghe? ³⁷Kiki kinengania muntu na mutima waghe?³⁸Kubuno olya ukankwa nsoni nu ku bitondo byani munkatighi na luno lighiso lwa bwaghi,Mwana wa muntu akamukwa nuwe nsoni, ghakika mu lukumbu lw'ise, ghamoyi na basanana baghe.

Chapter 9

¹Ababulagha lingo : Nababula bulili,bamoi ku beli ghano tabakakwa, ndi tabelola ku bukota bwa Ghongo bwika na maghala.²Ku bindi mutuba ,Yesu endagha ghamoi na Petelo,Yakobo,nu Yoani,itundagha nabo ku mwindiko mulayi.Aghalukagha chaso chaghe; ³Nshulu saghe sengagha bubibu, butanakosha muntu kwenja.⁴Elia nu Musa bapamukilagha, babagha bakutenda na Yesu.⁵Mu kutenda,Petelo abulagha Yesu : Labi,buli busogha twikale ghano; twobake tumbala tusatu ,kamoi kobe,kamoi ka Musa,nu kamoi ka Elia. ⁶Kubuno mu kughanaghana ntamanagha bya kutenda .⁷Lubhu lwababukilagha,nu mulo mwatukagha' ishuki : Ghono u mwana wani nshimwa sani : Mumwongwilile! ⁸Kushila agho begheshibwa batimbyagha miso ,nu bamonagha ku Yesu w'inene ghamoi nabo.⁹Mukukumba mushighulo,Yesu abananiagha tabasambalile muntu kibamonile ko,kwikila busi bukatuka Mwana wa muntu ku bakuyi. ¹⁰Balangagha icho kitondo mu mitima nu kwimbusha buno kutuka ku bakuyi u buni.¹¹Begheshibwa bamubushagha : Ku buni bukutenda basanshi buno Elia ike musoki ? ¹²Abakulagha:Elia akika musoki,nu akalongomanya bitondo binsai.Nu ku buni bwatililwe buno Mwana wa muntu anube bubibu nu kubengwa ? ¹³Tondo nababula buno Elia ikagha nu bamukitilagha bibashima,anga bu byatilwagha kubushi bwaghe.¹⁴Ghabikagha bwighi na begheshibwa,basangagha bantu bengi, nu basanshi bakwensha myango nabo. ¹⁵Abo bantu mu kulola ku Yesu, baghanaghanagha,nu kwenda lubilo ku mukasa samba.¹⁶Ababushagha : Kiki ki mwenshelagha myango nabo?¹⁷Nu muntu umoi mu kikembe amwakulagha :Mukota nashwile na mwana wani ku weli ite musumbu wa kalumbu.¹⁸ Kunsai kwamukatila,nti amusunda ghansi;mwana nti atuch'imbulo,kukala mino,nu nti omboka.Naseghagha begheshibwa bobe bamutibite,nu tabakoshishe. ¹⁹Yesu ababulagha: Lughiso lutakatisha,bindi binga binkikala na benywe ? Mpina ki sinkabasunga?Munekele we .Bamwekelagha we.²⁰Nu mwana mu kulola ku Yesu,musumbu amutenjagha bubibu;awagha ghansi,ing'imbilinga nu kutucha imbulho.²¹Yesu abushagha ise:Ise bindi binga bino bikumwikila?Amwakulagha: Kutukila bwana bwaghe.²²Kweli nkungu isumbu likumulekelagha mu kaya nu mu lusi buno limwite .Tondo,unakita biwashima,shwa utukashe,tukwile lukogho.²³Yesu amubulagha ,ndi unakosha!... Binsai bili bisoshu ku olya wakatisha.²⁴Agho ise wa mwana atandagha mulenge:Nakatisha ! Shwa unkashe ine winda lukatisho .²⁵Yesu, mu kulola kikembe kikwenda lubilo,akakishagha musumbu, nu kumubula: Musumbu wa kalumbu nu wa kiliba mate,nakukakisha, tuka mu ghoso mwana,nu ntwingile lingo muwe.²⁶Nu atukagha ,mukutanda mulenge,nu kumutenjatenja bubibu.Mwana abagha anga olya wakwa,bengi batendagha buno akwa.²⁷Tondo Yesu mu kumukata mu kuboko, amwimaluchagha.Nu ikalagha ntende .²⁸Ghabagha Yesu ingila mu numba,begheshibwa baghe bamubushagha w'inene :Ki chasulagha tatwakosha kutibita ghoso musumbu? ²⁹Ababulagha: Musumbu anga uso ntanatibitwa mute mu kusegha.³⁰Batukagha agho ,nu batingagha mu Galilaya.Yesu ntashimagha muntu amane.³¹Kubuno abagha akweghesha begheshibwa baghe ,nu kubabula: Mwana wa muntu akesanwa ku maboko ma bantu; bakamwita,nu, ku bindi bisatu kwa lukwo lwaghe akatuka ku bakuyi. ³²Tondo begheshibwa tabongwagha icho kitondo,nu bakwagha boba ku mubusha.³³Bikagha mu Kapelenaumu.Ghikalagha mu numba ,Yesu ababushagha:Kiki kimwenshelagha myango mu nsila ? ³⁴Tondo,ba bibagha,kubuno mu nsila bendagha myango nayi mukulu kubo.³⁵Agho ikalagha,amanagha ikumi nu babili nu kubabula :Ndi muntu alonda kuba mutangi akaba mushinda nu mukiti wa bansai .³⁶Nu atolagha mwana muto,amubikagha mu nkatighi nabo,nu mu kumukata mu maboko , ababulagha: ³⁷Olya wasekela bana bato kubushi bw'ishina lyani, nti ansekela in'inene;nu olya mansekela,nta sekela ine,tondo olya wansingagha.³⁸ Yoani amubulagha : Mukota,twamonagha muntu u kutibita basumbu kw'ishina lyobe; twamwanginde kubuno to moi witu.³⁹Yesu akulagha: Mumwangilaghe,kubuno taku muntu unakita kitangalo kw'ishina lyani,nu akuntekula.⁴⁰Olya uteli mughini witu nti witu.⁴¹Nu olya ukabelesha kaata ka masi kw'ishina lyani,kubuno muli ba Kilishitu,nababula bulili ,ntakashimisha kibhu chaghe.⁴²Tondo olya wakitasha umoi ku bano bakeke bankatisha,bwatunganana kweli, ashukwe lughikililo lunene mw'ikoshi lyaghe nu kulekelwa mu kitatenge.⁴³ Ndi kuboko kobe kwa kukitasha,ketula ko,bwatungana kuba na kuboko kumoi mu kalamo ⁴⁴ kutinga maboko mabili nu kulekelwa mw'ishiba lya kaya katakashima.⁴⁵Ndi kughulu kobe kwakukitasha,ketula ko;bwatungana kuba kasokoluma mu kalamo,⁴⁶ kutinga kuba na maghulu mo mabili nu kulekelwa mu kaya katakashima.⁴⁷Nu ndi liso lyobe linakukitasha,lungula lyo,bwatunganana kobe kwingila mu bukota bwa Ghongo na liso limoi kutingila kuba na miso mabili nu kulekelwa mw'ishiba lya kaya katakashima,⁴⁸u kweli tunyole tutakukwa ,nu kaya takakushima .⁴⁹Kubuno na muntu unsai akaghelekwa na kaya.⁵⁰Munkange kikai kisogha ;tondo ndi winda nse ,unalunga ki lingo ? Mube na munkange ,nu mube na boolo gha musambana.

Chapter 10

¹Yesu mu kutuka agho,endagha mu kisi cha Yudea,kulayi na Yolodani.Kikembe chamukulumanilagha kweli, nu kuyangana na tungo saghe,ikalagha lingo akucheghesha.² Bafalisayo bamushighelelagha;nu buno bamuteghe,bamubushagha,ndi bwimilwa mulume kutibita mughole waghe.³Abakulagha:Ki chabatililagha Musa?⁴ Batendagha,Musa imilagha kube mitilo sa kwit'isonga nu kulekanuka.⁵Nu Yesu ababulagha: Nti kubushi bwa mitima sinu mbibu u chasulagha abatilila ubo.⁶Tondo mu kubumbwa kwa kisi ,Ghongo abumbagha mulume nu mukashi .⁷Uchasula mulume akashigha ise nu nina,nu ak'imbinga na mughole waghe.⁸Nu bo babili bakaba mubili umoi.Kubuno ta babili lingo ,tondo muntu umoi.⁹Muntu nta lekanuche chakulumamishe Ghongo.¹⁰Gha babagha mu numba,begheshibwa bamubushagha lingo mwecho kitondo. ¹¹Ababulagha : Olya watibita mughole waghe nu kusonga ungo,nti atensha kubushi bwaghe;¹²Nu ndi mukashi ashigha munache nu kusongwa n'ongo,nti atensha.¹³Bamwekelagha bana bato,buno abakate ko.Tondo begheshibwa babasughilagha ba bashwagha nabo.¹⁴Yesu mu kulola k'obo,ayongwagha,nu kubabula :Mushighe bana bato bashwe ku neli , nu mubananilaghe; kubuno bukota bwa Ghongo bweli bwa babasusa.¹⁵Nababula bulili,olya u tasekela bukota bwa Ghongo anga mwana muto,tak'ingila mo.¹⁶Agho,abakatagha mu maboko,nu kubakasanila, mu kubabikila maboko.¹⁷Anga bwabagha Yesu mu lughendo,muntu moyi amutibitilagha ,nu kumukomela mashwe ,mu kumubusha:Mweghesha Musogha,nikite ki nibe na kalamo ka milyalya? ¹⁸Yesu amwakulagha :Buni buwamana musogha?Takuli Musogha,ute Ghongo w'inene.¹⁹Ukumana nkakisho:Ntu tenshe;ntw'ite;ntwimbe;ntweke manko;ntwengelele;Ansa so nu noko.²⁰Amubulagha :Mweghesha,nakitile ibyo binsai mu busikila bwani .²¹Yesu,mu kumwengelesha,amushimagha nu kumubula: Winda kikai kimoi; nda,ghusha kansai kawite , nu eleshe ko bakene,nu ukaba n'ishighi linene mw'ighulu .Lino shwa unjange.²²Tondo onganwagha nicho kitondo, ghoso muntu iyendelagha na bongwa ;kubuno abagha na butumba bwingi.²³ Yesu mu kutimbya miso,abulagha begheshibwa baghe: Bukaba bubibu ku bite butumba kwingila mu bukota bwa Ghongo!²⁴Begheshibwa baghanaghanagha na bitondo bya Yesu.Nu mu kutenda lingo,ababulagha: Bana bani,bweli bubibu ku balemalila butumba kwingila mu bukota bwa Ghongo! ²⁵Bu busoshu kuli ngamiya kutubukana mu kiboto cha nshinge,kughimba mutumba umoi kw'ingila mu bukota bwa Ghongo.²⁶Begheshibwa baghanaghanagha lingo,nu kutendya:Nai ukakosha kona? ²⁷Yesu mu kubengelesha nu atendagha : Ubyo tabina koshebwa na bantu,tondo kweli Ghongo; kubuno binsai byakoshibwa kweli Ghongo.²⁸Petelo amubulagha :Lola,twashighile binsai nu kukuyanga.²⁹Yesu akulagha :Nababula bulili,takuli muntu kubushi bwani nu bwa musaghu musogha,washigha numba saghe,bisakwabo ,ali babitu baghe, ali nina ali ise,ali bana nu bishiki byaghe,³⁰ndi takeleshibwa ngend' ighana,mu seno nkiko,mashumba,mibuto,babitu,bamama,bana,nu bishiki,ghamoi na nsunsu nu, ku nkiko sikashwa,kalamo ka milyalya.³¹Tondo bengi babagha basoki bakaba bashinda,nu bengi ku bashinda bakaba basoki.³²Babagha mu lughendo lwa kwenda Yelusalema,Yesu endagha ghabusho bwabo.Begheshibwa baghanaghanagha, nu bamuyangagha na boba.Nu Yesu atolagha lingo ikumi na babili nu kubabula bya bya mwikile:³³Lola,twabakama ku Yelusalema ,nu Mwana wa muntu akesanwa ku bisankogha banene nu ku basanshi.Bakamwicha ku lukwo,nu bakamwesana ku batekatisha, ³⁴u bakamusekelela,kumushulila matayi,kumu punda na tuti,nu kumwitya ; nu mu bindi bisatu akatuka ku bakui.³⁵Bana ba Sebedayo,Yakobo nu Yoani, bashighelelagha Yesu, nu ku mubula: Mweghesha,tukushima utukitile bitukakusegha.³⁶Ababushagha : Ki kimwashima nibakitile ?³⁷Bamubulagha: Twimile,umoi ikale kwindume nu'ngo kw'ikashi lyobe ,gha ukika mu lukumbu lobe.³⁸Yesu ababulagha :Tamukumana ki mukusegha.Munakosha kunywa kaata kananywe,ali lupatisho luna patishwe?Batendagha tunakosha .³⁹ Nu Yesu abakulagha :Bulili mukanywa kaata kankanywa nu kupatishwa lupatisho lunkapatishwa ;⁴⁰Tondo kwikala kw'imdume ali kw'ikashi lyani , t'iyakulo lyani,nu bikeleshibwa kubalya babikindwe byo.⁴¹Abo ikumi mu kongwa ku'obo ,bishushumagha kuli Yakobo nu Yoani.⁴²Yesu abamanagha nu kubabula : Mukumana buno babo bakumoneka ko buno bami ba bilongo bakubayungya,nu bakulu bakubangata.⁴³Ta bunaba ubo gha musambana. Tondo olya ukushima kuba mukulu munkatighi na benywe,abe mukiti winu;⁴⁴nu olya washima kuba musoki mu nkatighi na benywe,abe mukobe wa bansai.⁴⁵Kubuno,Mwana wa muntu ashwile ta kukitilwa,tondo kukitila nu kwelesha kalamo kaghe kabe kinsasa ku bengi.⁴⁶Bikagha ku Yeliko.Nu,Yesu ghatukagha agho, ghamoi na begheshibwa baghe nu kikembe kinene, mwana wa Timeo we Balitimayo mwemi kiku,abagha ikalile mu ntungo sa nsila .⁴⁷Gho ngwagha buno Yesu wa Nasaleti uso , nu alekelagha mulenge ;Mwana wa Daudi ,Yesu nkwile lukogho !⁴⁸Bengi bamukobyagha,tondo alekelagha mulenge bubibu;Mwana wa Daudi nkwile lukogho !⁴⁹Yesu imalagha ,nu kutenda : Mumumane.Bamanagha kiku ,nu kumubula: Boghabogha ,imaluka,akumana.⁵⁰Kiku atagha kankamba kaghe,nw'ing'alenga,ikagha gheli Yesu.⁵¹Yesu,mwa mukutenda ,amubushagha : Ki ki ukushima nikukitile ? Kiku amwakulagha: Labuni, nilole.⁵² Nu Yesu amubulagha: Nda,lukatisho lobe lwa konia.Agho alolagha,nu kuyanga Yesu.

Chapter 11

¹Mu kulembekelagha kwika ku Yelusalema,nu bwighi na Betefake nu Betania,ku mwinduko wa miseituni,Yesu asingagha begheshibwa baghe babili,²nu kubabula: Mwende ku mwelo weli kubusho kwinu; Ghamwingile mo, mwasange chana cha mpunda chashukilwe kitebakamwa ko na muntu;mwakisunulagha, nu munekele cho.³.Ndi muntu ababusha : Ki chasula mwakit' obo? Mwamwakulagha: Mukota u wite nkasa nacho.Nu mwako kaluma akakishighilila mushwe nacho,⁴. Begheshibwa bendagha, nu kusanga chana cha mpunda chashukilwe ghambugha bwighi na mwingilo,nu bakisunulagha .⁵Bamoi ku babagha agho bababushagha:Ki kimwakita? Kichasula mwasunula chana cha mpunda ?⁶.Babakulagha anga bwababulagha Yesu.Nu babashighagha bende.⁷.Bashwagha nacho kweli Yesu,babikagha ghantata nacho nshulu sabo,nu Yesu abakamagha kucho.⁸Bantu bengi bansagha nshulu sabo mu nsila,nu bango ntwai tubakalagha mu maswa.⁹Basondolagha nu bimishagha Yesu bakughagha :Hosana ! Akasanilwe ghoso washwa mw'ishina lya Mukota ! ¹⁰Bukasanilwe bukota ,bwa Daudi,tata witu!Hosana mwa mu bishiki b'ighulu !¹¹Yesu ingilagha mu Yelusalema, mu numba sa kukumbamila.Ghashilagha binsai,nu bwabagha busi bwatinga,endagha ku Betania ghamoi nabo ikumi na babili.¹²Ghachagha busi,mu kutuka ku Betania,Yesu ongwagha nsala.¹³Mu kwengelesha kulayi,alolagha muti wa mutini wite nsaba,endagha kulola ndi amone ku kena;nu,mu kwika bwighibwighi asangagha nsamba,kubuno tabwabagha bindi bya kukonamya.¹⁴Mu kutenda aubulagha: Taku muntu ukalya kighuma chobe ! Nu begheshibwa baghe bamwongwililagha.¹⁵Bikagha ku Yelusalema,nu Yesu ingilagha mu numba sa kukumbamila .Atibitagha babagha bakughusha nu bakughula mu numba sa kukumbamila; endulagha mesa sa baghalushi ba bikulo,nu bishumbi bya baghushi ba bilinga ;¹⁶nu ntimilagha muntu kweka kikai cha mu numba sa kukumbamila.¹⁷Nu egheshagha mu kutenda:Tabwatililwe:Numba sani sikamanwa numba sa masegho ku bilongo binsai ?Tondo benywe, mwasighalula mukumba wa bimbi. ¹⁸Bansankogha banene nu basashi , mukumwongwa,balondagha myanga sa kumwita; bamukwagha boba, kubuno kikembe kinsai cha boghelaboghelagha meghesha maghe.¹⁹Mw'igholigholo,Yesu atukagha mu musumba.²⁰Munindunindu,mu kutinga,begheshibwa balolagha mutini wakama nu mishi insai.²¹Petelo,akengelagha byatingagha,abulagha Yesu: Labi,lola mutini u washulilagha wakamile.²²Mu kutenda,Yesu ababulagha: Mube na lukatisho kuli Ghongo.²³Nababula bulili,ndi muntu abula ghoso mwinduko,tuka'gho nw'indekele mu kitatenge,nu ndi ntasikima mu mutima waghe,tondo akatisha buno chatenda kikuba,nti cha belelela.²⁴Uchasula nababula : Kinsai ki mukema mu masegho,mwakatishagha buno mukeleshibwa cho,nu mukalola cha belelela.²⁵Nu mukuba muli mu masegho,ndi mwite mutongano na muntu, mwashighililagha,inga So winu uli mw'ighulu abashighilila bwaghi bwinu.²⁶Tondo ndi tamwashighilila,So winu wa mw'ighulu ntakashighilila bwaghi bwinu.²⁷Bendagha lingo ku Yelusalema, nu Yesu mwa mukutabanga mu numba sa kukumbamila,bansakogha banene,basanshi,nu bakungu,bashwagha kweli, ²⁸nu kumubusha: Ku bwangato ki u buukukita bino bitondo ,nu nai wakweleshishe bo?²⁹Yesu abakulagha: Ninengo nkubabusha ,mun'akule, nu nababule ku bwangato ki uku unkita bino bitondo.³⁰Lupatisho lwa Yoani lwatukagha kw'ighulu, ali ku bantu ? Munakule.³¹Tondo balenganyagha gha basambana :Ndi twamwakula: Kw'ighulu,nti atenda :Ki chasula tamumukatishe? ³²Nu ndi tw'akula :Ku bantu ...bakwagha bantu boba,kubuno bansai bamanagha buno Yoani eli mulenganya.33.Agho bamwakulagha Yesu:Tatukumana. ³³Nu Yesu ababulagha:Nwine nshikumana,nshababule ku bwangato buki ubu nkukita bino bitondo.

Chapter 12

¹Yesu atendagha nabo mu mashumo. Muntu umoi ashikagh' iswa lya misabibu, atimbyagha lyo mukolo,atimagha mushinga nu kobaka kalokesho;ashighila lyo balimi ba misabibu,nu atukagha mu kisi.Mu bindi bya buuse,asingagha mukiti kuli balimi ba musabibu, kubuno eleshibwe ku buuse.Bamukatagha,kumupunda, nu kumukulucha maboko bwasi.⁴Asingagha lingo ungo mukiti ku beli; bamukamilagha kw'itwe, nu kumutuka.⁵ Asingagha wa basatu,bamwitagha ;lingo bango bengi ba bapundagha nu ku bita,⁶Abagha echeli na mwana nshimwa saghe; amusingagha mushinda ku beli,mu kutenda:Babe na lwanso ku mwana wani.⁷ Tondo balimi batendagha gha basambana : Lola nene mwandu ; mushwe ,tumwite, nu mwandu ukaba witu.⁸Nu bamukatagha, bamwitagha nu bamulekelagha kushind'iswa. ⁹Agho,kiki ki kakita nene'iswa? Akika,kushicha balimi ba misabibu, nu kwesana iswa ku bango.¹⁰Tamwasomagha kino kitondo cha Ghongo: Ikoi lyatebwagha na bobaki u lya ghalukile lya kwimasha numba; ¹¹Ku bwashima Mukota ukwabinde bubo,nu cha binde bighanaghana ku miso mitu? ¹² Balondagha kumukata, tondo bakwagha kikembeboba . Bamanagha buno Yesu abakalila eso mashumo. Nu bamushighagha,nu kwiyendela.¹³Basingagha kweli Yesu bamoi ku Bafalisayo nu ku Bahelode ,kubuno bamuteghe ku bitondo byaghe. ¹⁴Nu bashwagha kumubula : Mweghisha, tukumana buno weli Wa bulili, nu ntukulagha ku muntu;kubuno ntuku ghalamila bantu,nu u kweghesha nsila sa Ghongo na bulili.Bwimilwa kuligha mpalata sa kisamba ali tobo ? ¹⁵Yesu, mu kumana bwengelela bwabo abakulagha: Buni bumwantegha ?Munekele kichele,nikilole ko.¹⁶Bamwekelagha kichele kimoi ; nu Yesu ababushagha: Kino chaso nu mutilo byeli bya nayi? Bamwakulagha :Bwa Kisamba. ¹⁷Agho ababulagha: Mukulukishe Kisamba bya byaghe nu Ghongo bya byaghe.Nu bikalagha mu nganingani.¹⁸Basadukayo babo bakutendagha buno,takuli bakutukagha ku bakuyi, bashwagha kweli Yesu, nu kumubusha : ¹⁹ Mweghesha,lola bwatutililagha Musa: Ndi iselenshi wa muntu akwa nu ashigha mukashi ntabuta bana , muto waghe nti'ngilisha musumbakashi w' iselenshi, nu akashighila iselenshi mubuto.²⁰Kwabagha mibuto mutubakamo. Nkulha asongagha nu akwagha ntashigha bana.²¹ Wababili ingilishagha ghoso musumbakashi, nu akwagha ntashigha imbuta.Bwabagha ubo ku wa basatu,²²nu taku wampa kwabo mutubakamo washighagha imbuta.Kumbusa kwabo bansai, mukashi akwagha nuwe. ²³Mukutuka ku bakuyi,Ghoso mukashi akaba wa nai ? Kubuno abagha mukashi wabo bansai mutubakamo?²⁴Yesu abakulagha : Tamwebile, kubuno tamukumana Kitondo cha Ghongo nu bwangato bwaghe ? ²⁵ Kubuno mu kutuka ku bakuyi balume tabakasonga bakashi, ali bakashi kusongwa na balume, tondo bakasusana na baghenshi ba mw'ighulu.²⁶Ku bitondo bya kutuka ku bakuyi tamwasomagha mu kitabo cha Musa, bwamubulagha Ghongo kubushi bw 'imbunda likughulumila :Ine u Ghongo wa Bulaimu, Ghongo wa Isaka, nu Ghongo wa Yakobo ? ²⁷Ghongo ta Ghongo wa bakuyi, tondo wa beli gho.Tamukumana kena.²⁸Umoi ku basanshi wabongwagha bekwenda myango, kumana buno Yesu akulagha basadukayo busogha,ashighelelagha,nu kumubusha: Lukakisho luki u lutangi ku nkakisho insayi? ²⁹Yesu amwakulagha: Lola lutangi:Ongwilila Isilaeli ,Mukota ,Ghongo witu,u Mukota w'inene; ³⁰Nu :Ukashima Mukota ,Ghongo wobe,na mutima wobe unsai, na mulenganya wobe unsayi,nu na maghala mobe mansayi.³¹ Lola w'imbili : Ukashima muninu buwishima uw'inene. Takuli lingo lukakisho lunene kuting'eso.³²Musanshi amubulagha : Busogha,mweghesha; watenda bulili buno Ghongo eli umoi,nu takuli ungo ndi ta w'inene, ³³mu kumushima na mutima wobe unsayi, mulenganya unsayi,nu maghala mansayi,nu kushima muninu buwishima, bwatinga ntulo nu bisansa binsai.³⁴Yesu kulola buno aakula na mulenganya,amubulagha: Ntweli bulai na bukota bwa Ghongo.Nu takweli muntu wamubushishe lingo.³⁵Yesu ,mu kweghesha lingo mu numba sa kukumbamila, abushagha:Buni bukutenda basanshi buno Kilishitu eli mwana wa Daudi ? ³⁶ Daudi w'inene ghisalagha na Muusa Musogha atendagha: Mukota abulagha Mukota wani:Ikala kw'indume lyani, kwikila gha nkakita baghini bobe kuba binantilo byobe. ³⁷Daudi w'inene akumana Mukota; buni lingo bwaba mwana waghe ? Nu kikembe kinene chamwongwililagha na mboghimboghi.³⁸Ababulagha mu meghisha maghe: Mwindangagha busogha na basanshi, bakushima kutabanga na nopo ndai, nu kushima kweleshibwa samba mu milungu;³⁹nu kushima bishumbi bya ghabusho mu masinakoki, nu mu bishiki bitangi mu bisaghulo;⁴⁰ Bakububya numba sa basumbakashi, nu kukita masegha malaimalai buno balolwe ko.Bakasungibwa lusungyo lubibu .⁴¹Yesu mukw'ikala bwighibwighi na nsagho sa mutulo, abagha akulola bukutucha bantu bikulo. Batumba bengi batuchagha bingi.⁴²Ashwagha nuwe musumbakashi mukene atuchagha bichele bikeke bibili bili anga kibe kinai k'ikuta.⁴³Agho Yesu amanagha begheshibwa baghe,nu kubabula:Nababula bulili, ghono musumbakashi mukene inda bingi mu nsagho kughimba bansai;⁴⁴kubuno bo batucha bikeke ku bi bite,tondo we atucha binsai bya kalamo kaghe.

Chapter 13

¹Yesu mu kutuka mu numba sa kukumbamila,umoi ku begheshibwa baghe amubulagha: Mweghesha, lola makoi nu mobako.² Yesu amubulagha: Walola kweso mobako munene?Takukashighala ikoi gha ntata na lingo litendulwa.³Ikalagha gha kangamo wa mwinduko wa miseituni,bwighi na numba sa kukumbamila. Nu Petelo, Yakobo, Yoani,nu Andele bamubushagha winene:⁴Tubule, mu bindi ki, nu mu kamanililo ki,si bika belelela ibyo bitondo ?⁵Yesu ababulagha :Mulole busogha muntu ntabengelele.⁶Kubuno bengi bakashwa kw'shina lyani,mu kutenda: Ine ghono. Nu bulughanya bantu bengi.⁷Gha mukongwa ku misaghu sa bita nu kabilikito ka bita,mubaghe na mpumpumwa,kubuno ibyo bintondo byema kwika. Tondo ta kushila kwa kisi. ⁸Kilongo kikalwana na kingo kilongo, nu bukota bukalwana na bungo bukota; tulingini tukatinga kunsai, kukaba nsala. U ndingililo sa minubo.⁹Mwindange busogha benywe binene. Bakabesana ku nu'su sa mbansa, nu mukapundwa na tuti mu masinakoki; mukabushibwa nabakulu ba musumba nu bami ku bushi bwani , bube buteneneki kwabo.¹⁰ Bwatunganana buno musaghu musogha usambalwe mu bisi binsai.¹¹Gha bakabakata buno mwesanwe,tamwimbushe bimukatenda, tondo mukatenda bi mukeleshibwa mweso nkungu; kubuno ta benywe mukatende, tondo Muusa Musogha. ¹²Mubuto ukesana mubuto waghe ku lukwo, nu tata ku mwana; bana bakalwana na babuti babo, nu bakabitya.¹³ Mukasombwa na bansai,kubushi bw'ishina lyani, tondo olya ukinya mutima u kona.¹⁴Gha mukamona mabi nu busambya bwimala gha butanabinde ,olya ukusoma engeleshe,nu bakasangwa ku Yudea batinile ku minduko;¹⁵Nu olya ukasangwa gha ntata gha numba ntakumbe kutola kikai mu numba saghe;¹⁶Nu ulya ukasangwa ku maswa ntakuluke kutola kankamba kaghe.¹⁷Musambo ku bemeshu nu bekumomya kwebyo bindi! ¹⁸Museghe ibyo bitondo bitingaghe mu bindi bya mpegho.¹⁹Kubuno, lubabasho lunene lutamonekagha ko kutukila kubumbwa kwa kisi nu buukashila,lukaba mwebyo bindi. ²⁰Nu ndi Mukota ntanakubishe kwebyo bindi,taku muntu unalamile;tondo akubishe byo kubushi bwa basombolwa baghe.²¹Ndi muntu ababula Kilishitu eli ghano,ali :Eli kuko,tamumukatishe. ²²Kubuno kukashwa bakilishitu; nu balenganya ba bwisa; bakakita bitangalo buno babulughanye basombolwa ndi bwa koshibwa . ²³Tamutenge : Nalinga kubabula ibyo .²⁴Tondo mwibyo bindi , kushila kw'olo lubabasho,musi ukaba na bulimaswa, mweshi taukasana,²⁵Tumbalumbalu tukakoloka kw'ighulu nu bwangato bw'ighulu bukatenjwa. ²⁶Agho bakalola ku Mwana wa muntu ashwa mu lubhu na bwangato bunene ghamoi na lukumbu.²⁷Agho akasinga baghenshi , nu kukulumanya basombolwa b'ighulu,nu ba kisi kinsai.²⁸Mwiyegheshe ku byatingagha ku mutini.Gha kuba ntabe salambya nu nsamba sasa, mwamanagha buno mange meli bwighi. ²⁹ Nubo,gha mukamona ibyo bitondo bika, mwamanagha buno Mwana wa muntu eli bwighi ,gha kitiko.³⁰Nababula bulili,luno lughiso talukatinga,ndi binsai tabiba. ³¹Ighulu nu kisi bikatinga, tondo bitondo byani tabikatinga. ³²Kubya bindi ali bya nkungu ,taku muntu ukumana, aba baghenshi mw'ighulu, aba Mwana, tondo Tata w'inene.³³Mwindangagha,muyamaghe nu museghe; kubuno tamukumana ibyo bindi bikika buni busi.³⁴Ubo u bukaba anga muntu,wenda lughendo,ashighila bakiti numba saghe, na muntu na mulimo waghe, nu kukakisha mulangi wa lumbi ayamaghe.³⁵Kashi muyamaghe, kubuno tamukumana ghakika inene numba,ndi mw'igholigholo, ndi mu kantighi na kindi,ndi mu kubika kwa nkoko,ali mu nindunindu; ³⁶Mwamanagha anashwa kwika nu mwayamile. ³⁷Bino binababula, nababula benywe bansai: Muyamaghe.

Chapter 14

¹Ku bindi bibili kunabinde kisaghulo cha pasaka nu cha tumpampa tutite lughagho. Bisankogha banene nu bansanshi balondagha bwenge bwa kukata Yesu, nu ku mwitya. ²Kubuno batendagha: Bibaghe mu busi bwa kisaghulo,kubuno kubaghe lwayo munkatighi na bantu.³Bwabagha Yesu ku Betania, mu numba sa Simoni mubembi,mukashi umoi ingilagha,nu akulya.Abagha akatilinde mukomba wa mwambo ,wisala ngenge sa kughulwa bikulo bingi;Nu, mwa mukulishindula, asansilagha ngenge kw'itwe lya Yesu. ⁴Bamoi bayongwagha: Kubuni kushimisha eso ngenge? ⁵Binakwile bikulo byaghimba maghana masatu,nu kweleshibwa bakene.Nu bashibukilagha uso mukashi.⁶Tondo Yesu ababulagha : "Mumushighe. Buni bumwa mushinula ? Ankitila busogha ;⁷kubuno mweli na bakene bindi binsai nu munabakitila busogha gha mwashima, tondo ta mweli ni'ne bindi binsai. ⁸Akita byakosha, alinga kubonja mwambo mubili wani buukenda mu nsinda. ⁹ Na babula bulili,kunsai kukasanswa musaghu musogha, bakaghanikisha byakita ghono mukashi.¹⁰Yuda Ishikaliota,umoi kwabo ikumi nu babili,endagha ku binsakogha banene,buno esane Yesu. ¹¹Mu kushila kumwongwilila , baboghaboghagha,nu kumulagha kumwelesha bikulo.Nu Yuda alondagha nkungu nsogha sa kumwesana.¹²Busi butangi bwa tumpampa tutite lughagho,u bwakuketula mbuli sa pasaka, begheshibwa ba Yesu bamubulagha: Kuni ku ukushima twende kukulongomanisha Pasaka? ¹³Nu asingagha begheshibwa baghe babili, nu kubabula : "Mwende mu musumba; mwasange muntu wekila indegha lya masi,mumuyange. ¹⁴Gha gh'ingile,mwabulagha nene numba ;Mukota atenda: Ghani ghanalila pasaka ghamoi begheshibwa bani?¹⁵ Nu abaloshe chumba kinene kw'ighulu, kite binsai :agho u gha mutulongomanyishe pasaka. ¹⁶ Begheshibwa bendagha, bikagha mu musumba,nu kusanga binsayi anga bwababulagha Yesu;Nu balongomanyagha pasaka.¹⁷Mw'igholigholo, ikagha nabo ikumi nu babili. ¹⁸Gha babagha bekulya,Yesu ababulagha : Nababula bulili umoi ku benywe ,ukulya ghamoi n'ine ,anesane.¹⁹ Babagha na bongwa, nu kumubusha umoi umoi:Ndi'ne?²⁰ Abakulagha :Umoi kwabo ikumi nu babili u'nkulya nine, mu lughe lumoi. ²¹ Mwana wa muntu iyendela kuyangana na bwa bwatilwagha kubushi bwaghe.Tondo musambo ku ghoso wesana Mwana wa muntu! Bunabinde busogha ntanabutilwe.²²Gha babagha bakulya,Yesu atolagha kampampa;nu,kushila kukasanila,akaketulaghaketulagha,nu ku belesha ko,mu kutenda :Mutole,ghono u mubili wani.²³Atolagha lingo kaata, nu, 'kushila kukasanila abeleshagha ko,nu bansai banywagha. ²⁴Nu ababulagha:U mikila sani seno.Mikila s'indaghi sakubukila bengi.²⁵ Na babula bulili, nshikanywa lingo masi ma misabibu , kwikila busi bu'nka manywa mu bukota bya Ghongo.²⁶Gha bashilagha kwemba, ba bakamagha mwinduko wa miseituni. ²⁷ Yesu ababulagha : "Mwalingikwe; kubuno bwatililwe : Nkampunda mungele nu mbuli sika sandabana.²⁸ Tondo, gha nkatuka ku bakui,nkabatanga ku Galilaya.²⁹Petelo amubulagha: Bansayi gha balingikwe, ine nshalingikwe.³⁰Nu Yesu amubulagha : Nakubula bulili,uwe,buno busi,mu kino kindi,ghabe nkoko tasibika ngendo 'imbili,wantune ngendo isatu.³¹Tondo, Petelo atendagha bubibu:Ndi kukwa ghamoi nowe,nshikakutuna. Nu bansai batendagha ubo nubo.³² Bendagha ku kishiki kimoi kikumanwa Getesemani, nu Yesu abulagha begheshibwa baghe : "Mushighale ghano,nende kusegha ." ³³Endagha ghamoi na Petelo, Yakobo nu Yoani nu 'ikakatwa na byamba nu kughilimila. ³⁴ Ababulagha buno: "Mutima wani waba na bongwa bwa lukwo;mushighale ghano,nu muyamaghe.³⁵Nu,mu kwenda ghabusho,awagha ,nu kusegha,ndi bwakoshibwa,eno nkungu sitinge kulai nine.³⁶Atendagha: "Aba, Tata, bitondo binsai byakoshibwa nowe, ntingishe kulai kano kaata!Ta bunashima,tondo buwashima.³⁷Nu akulukagha kuli begheshibwa, abasangagha bayamile,nu abulagha Petelo: "Simoni,wayama? Twankosha kw'ikala ntende nkungu' emoi?" ³⁸ Muyamaghe nu museghe kubuno muningila mu malingiko; Mutima wanaka, tondo mubili u musoshu.³⁹ Indekanuchagha nabo lingo, nu kusegha ubo nubo.⁴⁰Akulukagha nu kubasanga lingo bayamile;kubuno miso mabo memwagha na tulo.Bindagha bya kumwa'kula. ⁴¹Akulukagha lya ngendo isatu,nu kubabula: Muyame lino, nu mo'mulwe.Bwing'ibyo! Nkungu sika;lola Mwana wa muntu esanwa mu maboka ma bisa bwaghi. ⁴² Mwimwaluke, twende;lola,olya ukunesana eli bwighi.⁴³Nu gha bagha echeli atenda, Yuda umoi kw' ikumi nu babili ikagha ,nu ghamoi nawe kikembe kinene cha bantu kite myele nu mbando,basingilwe na bisankogha banene,na basanshi nu bakungu. ⁴⁴ Ghoso wamwesanagha abeleshagha kano kamanililo: Ulya unamume u we ;mumukate,nu kumweka na bwenge. ⁴⁵Gha bikagha ashighelelagha kweli Yesu,mu kutenda: Labi !Nu amumumagha. ⁴⁶Agho bantu balengelagha Yesu, nu ku mukata.⁴⁷Umoi ku babagha agho, atomolagha mwele nu kuketula kutui kwa mukiti umoi w'insakogha munene.⁴⁸ Yesu , mu kutenda abababulagha: Mwashwile kunkata anga kisungu,ghamoi na myele nu mbando?⁴⁹ Nabagha na benywe bindi binsai, nkweghesha bantu mu numba sa kukumbamila nu tamwankatagha.Tondo buno bitondo bya Ghongo bi belelele. ⁵⁰Agho bansai bamushighagha nu kutina.⁵¹Musikila umoi amuyangagha,washwalile ngwaya.Bamukatagha; ⁵²tondo atagha nshulu sagha nu kutina munkaka.⁵³ Bendagha na Yesu kuli Nsakogha munene,u ghakulumanilagha binsakogha banene, bakungu nu basanshi. ⁵⁴ Petelo amwimishagha kulayi kwika mu mulungu wa Nsakogha munene;ikalagha ghamoi na bakiti,nu akongwa kaya.⁵⁵ Bisankogha banene, nu lusu lunsai balondagha buteneneki kweli Yesu buno bamwitye,nu ta babumonagha;⁵⁶Kubuno bengi bashingilagha bitondo bya bwisa,tondo mateneneki tamabagha mamoyi.⁵⁷Bamoi bimalukagha nu kumushingila bwisa mu kutenda : ⁵⁸ Twamwongwagha akutenda:Nk'endula eno numba sa kukumbamila sobakilwe na maboko ma muntu,nu ku bindi bisatu nkobaka engo sitakatilwe ko na muntu. ⁵⁹Nu kwebyo bitondo buteneneki bwabo tabwalingimanagha.⁶⁰ Agho nsakogha munene, imalagha munkatighi na musanganano ,abushagha Yesu nu kutenda: Ntukwakula kena? Bano bantu,bitondo ki bibakukwecha? ⁶¹ Yesu akobagha nu ntaakulagha kena. Nsakogha munene amubushagha lingo nu kumubula : Ndi uwe u Kilishitu, Mwana wa Ghongo mukasanilwa? ⁶²Yesu amwakulagha:Ine no. Nu mukalola Mwana wa muntu ikalile kw'indume kwa bwangato bwa Ghongo,nu kushwa mu musegheseghe.⁶³Agho nsakogha munene atagha nshulu saghe,nu kutenda : Buteneneki u butukulonda lingo? ⁶⁴Mwongwa mweneghana kweli Ghongo. Kiki kimwashima?Bansayi bamughayagha buno enela lukwo.⁶⁵Nu bamoi bamushulilagha matai, bango kumushiba miso nu kumusunda binkune,mu kumubula: Mana, nai wakupunda! Nu bakiti bamukatagha nu kumusunda mbighi.⁶⁶Agho Petelo abagha ikalile ghansi mu mulungu, umoi ku bakiti bakashi b'Insakogha munene ashwagha. ⁶⁷Mu kumona ku Petelo akongwa kaya,amwengeleshagha ,nu kumubula: Uwe nuwe, wabagha ghamoi na Yesu wa Nasaleti. ⁶⁸Amutunagha nu kutenda:Nshikumana, nsh'ikwongwa biukulonda kutenda.Agho akukukagha nu kwenda ku mu kulukulu. Nu nkoko sabikagha.⁶⁹Mukiti moyi wa mukashi mu ku mumona ko, abulagha ba babagha agho:Whono eli umoi kwabo bantu.Amutunagha lingo. ⁷⁰Gha tingagha kaluma, babagha agho bamubulagha lingo Petelo: Bulili,uwe nuwe uli umoi kwabo bantu,kubuno weli mu Galilaya.⁷¹Agho, indumbilishagha nu kunana : Nshikumana ghoso muntu u mukutenda. ⁷²Mwako kaluma, nkoko sabikagha lya ngendw'imbili.Nu Petelo akengelagha kitondo cha mubulagha Yesu : Nkoko tasabike ngondw'imbili ndi ntuntuna ngendw'isatu. Mwa mukukengela ubo,alilagha.

Chapter 15

¹Mu nindunindu, Bisankogha banene bendagha lwango ghamoi na bakungu, nu basanshi, nu lusu lunsai. Gha bashilagha kukanda Yesu , bamwekagha nu kumwicha kweli Pilato.²Pilato amubushagha :Uwe u mwami wa bayuda? Yesu amwakulagha: Uwe wabutenda.³Bisankogha banene bamutalikilagha bingi.⁴Pilato amubushagha lingo :Ntukwakula kena?Lola bakutalikila bitondo bingi.⁵Nu Yesu ntatendagha kena, u bya ghanyaghanyagha Pilato.⁶Mu kisaghulo kinsai bendagha bakandula mukandwa umoi,olya waseghwa na kikembe.⁷Mu kahombo mwabagha muntu umoi ukumanwa Balaba ghamoi na banabo mu kitondo cha kwita muntu mu lwayo lwabagha mu mwelo. ⁸Bantu mu kushibuka,kuyangana na ntungo sabo bemagha bi beneleshibwa.⁹Pilato ababushagha: Mukushima ni bakandulile mwami wa bayuda ?¹⁰Kubuno amanagha buno Yesu akandilwe ku buyongwa lwa bisankogha . ¹¹Tondo bakulu ba bisankogha ba nene balhutagha kikembe buno Pilato abakandulile Balaba.¹²Pilato mwa mukutenda ababushagha: Ki ki mukushima nikitile ghoso u mukumana mwami wa bayuda? ¹³Balekelagha milenge lingo:Akwe ku musalaba.¹⁴Pilato abushagha : Bubi ki ubwakitile? Nu bakughagha bubibu :Akwe ku musalaba.¹⁵Pilato, mu kushima aboghyeboghye bantu, abakandulilagha Balaba ; nu kushila kupunda Yesu na tuti,amwesanagha akwe ku musalaba.¹⁶Basula bendagha na Yesu mu mulungu wa kukalila matenda,nu bakulumanyagha basula bansai.¹⁷Bamushwalichagha kankamba ka mikilha nu kumushwalicha nkumbu sa mikele kwi'twe si balukagha .¹⁸Agho bendagha bamwenegha:Samba Mwami wa bayuda.¹⁹Nu bamusundagha bususu kw'itwe,ku mushulila matayi ,mu kukumba ghansi bamukomelagha mashwe.²⁰ Gha bashilagha ku mwenegha ba mutuchagha kankamba,bamukulukishagha nshulu saghe,nu bendagha nawe bamwite ku musalaba. ²¹Bakakishagha Simoni wa kulene ise w' Alikisandele nu Lufu wabagha ekutuka ku maswa,eke musalaba wa Yesu;²²Nu bendagha na Yesu ku kishiki ki kumanwa Gologota, u kutenda buno,kishiki cha lukungu.²³ Bamweleshagha mukema waswanywa na ngenge, tondo nta nywagha gho.²⁴Bamwitagha ku musalaba,nu kubeghanya nshulu saghe , mu kusiesela mbale, bamane ndi sabe sanai.²⁵Sabagha sisatu gha bamwindagha ku musalaba . ²⁶Mutilo wa lukwo lwaghe, wabagha na bino bitondo: Mwami wa bayuda. ²⁷Bamwitagha ku musalaba ghamoi na bisungu bibili, umoi kw'indume n'ungo kw'ikashi lyaghe . ²⁸Kitondo cha Ghongo kibelelele:Aghanswagha mu babi.²⁹Ba kutinga bamutukagha nu kutenja matwe, mu kutenda: E la! Uwe ukwendula numba sa kukumbamila, nu kus'obaka lingo ku bindi bisatu, ³⁰ Iyonye uwe w'inene,mu kwitucha ku musalaba!³¹Bisankogha banene nubo,ghamoi na basanshi ,binsechagha gha basambana,nu batendagha: Onyagha bango, nu alibana kuionya w'inene ! ³²Kilishitu, Mwami w'islaeli ,akumbe lino ku musalaba ,kubuno tulole, nu tukatishe ! Ba bakwagha ghamoi nawe ku musalaba,bamutukagha nubo.³³Kulingila sa mutuba kwikila sa mwenda, kwabagha bulimaswa mu kisi kinsai . ³⁴Nu sa mwenda, Yesu atandagha mulenge mubibu: Eloi, Eloi lama sabakatani ? Ukutenda buno Ghongo wani Ghongo wani buni buwanshighilila? ³⁵Bamoi ku babagha agho mu kumwongwilila batendagha: Lola,amana Elia.³⁶Nu umoi wabo endagha lubilo kwisasha kambili ka maku mangighi,mu kuba akabika ku lubateka ,amweleshagha anywe mu kutenda: Shigha tulole ndi Elia ashwe ku mukumbya.³⁷Tondo Yesu,mu kulekela mulenge bubibu,amesagha mutima.³⁸Ngombe sa numba sa kukumbamila satikagha munkatighi kulingila kw'ighulu kwika ghansi.³⁹Mukulu wa basula wabagha bwighi na Yesu ,kulola ku ubo, atendagha: Bulili, ghoso muntu abagha Mwana wa Ghongo. ⁴⁰Ghabagha bakashi agho bakulolela bulayi.Kubo kwabagha Malia Mandeleni, Malia,nina wa mwisambale Yakobo nu wa Yose,nu Salome,⁴¹bamuyangagha nu bamukasha gha bagha ku Galilaya, nu bango bengi ba bendagha ghamoi nawe ku Yelusalema.⁴²Mw'igholigholo,bu bwabagha busi bwa kulongomanya,bwakulindila sabato, ⁴³Ikagha Yosefu wa Alimateya, mukungu munene wa lusu, wabagha ekulindila bukota bwa Ghongo. Endagha kweli Pilato,kusegha kilunda cha Yesu. ⁴⁴Pilato aghanaghanagha bwakw'ighili ghili; Amanagha mukulu wa basula nu kumubusha ndi' indisha akwa.⁴⁵Mu kuba asambalilwa bulili na mukulu wa basula,eleshagha Yosefu kilunda .⁴⁶ Nu Yosefu mu kuba aghula malekani,akumbyagha Yesu ku musalaba,kumughonda mu malekani,nu kumukunda mu nsinda sa munda n'ikoi. Agho,ashindikagha mwingilo wa nsinda n'ikoi linene. ⁴⁷Malia Mandeleni, nu Malia nina wa Yose, balolagha gha bikwagha.

Chapter 16

¹Mu kushila kwa sabato,Malia Mandeleni,Malia nina wa Yakobo, nu Salome,baghulagha mwambo buno bende kubonja mubili wa Yesu. ²Busi butangi bw'iyinga,mu nindunindu,mu kusana kwa musi,bendagha ku nsinda .³Babagha bakwighanisha :Nai watushigheleshishe ikoi kulai na mwingilo wa nsinda?⁴Nu mu kwimalucha miso, balolagha ikoi lya lyabagha linene lyatundilwe kushinda.⁵Bingilagha mu nsinda,bamonagha musikila umoi wikalile kw'indume,ashwalile lopo lwenga, nu binsalimagha.⁶A babulagha: Mwisalimaghe;mukulonda Yesu wa Nasaleti,ubitagha ku musalaba; nteli ghano,atukile ku bakuyi;lola gha bamubikagha.⁷Tondo mwende kusambalila begheshibwa baghe nu Petelo kubuno abatanga ku Galilaya ;uko u kumwamumonele ko, anga bwa babulagha .⁸Batukagha mu nsinda nu kutina.Boba nu mpumpumwa sabakatagha;nu tabasambalilagha muntu k'ubo binsalimagha.⁹Yesu,mu kutuka ku bakuyi,mu nindunindu, busi butangi bw'iyinga,apamukilagha tanga Malia Mandeleni ,olya watuchwagha basumbu mutubakamo.¹⁰Endagha kusambalila ba babagha ghamoi nawe, babagha na bongwa nu kulila.¹¹Gha bongwagha buno eli nu amumonile ko,tabamwimilagha.¹²Kumbusa kwagho,apamukilagha bango babili kubo,babagha bakwenda ku mangele.¹³Bakulukagha kusambalila bango,abo nubo ta babimilagha.¹⁴Kushila agho apamukilagha ikumi n'omoi ,gha babagha bakulya;nu abasughilagha mu kwinda lukatisho nu mitima sabo mbibu,kubuno tabakatishagha buno atuka ku bakui. ¹⁵Lingo ababulagha:Mwende mu kisi kinsai ,nu kusansa musaghu musogha ku bilongo binsai.¹⁶Olya ukakatisha nu kupatishibwa akona,tondo olya utaka katisha aka aghibwa.¹⁷Lola bitangalo bikakitwa na babo bakakatisha ; mw'ishina lyani,bakatibita basumbu; bakatenda engo mitendeshi;¹⁸ Bakakata malighi ;nu ndi banywa buhanga bwa kwita; tabukabakita kena;bakabikila basambi maboko ,nu bakalama.¹⁹Mukota mu kushila kubabula ubo,atolwagha kw'ighulu,nu kwikala kw'indume lya Ghongo.²⁰Nu bendagha kusansa kunsayi.Mukota abagha nabo,nu akukokomesha kitondo kutingila bitangalo bibakitagha.-

Luke

Chapter 1

¹Bantu bengi binginde mu kutila ngano sa bitondo bya kitilwe munkatighi na beshwe,²kutingila bitwasambalindwe na bateneneki kulingila ku ndingililo nu babinde bakiti ba kitondo,³ bwanswaghilagha n'ine, gha nashilagha kutitika bulili bwa bibyo bitondo binsai ku ndingilo sabyo nu kukwikisha byo na mitilo buno biyangililwe busogha mweme Teofilo,⁴nu umane bulili bwa meghisha ma weleshibwagha.⁵Mu bindi bya Helode, mwami wa Yudea,kwabagha Sankogha umoi ishina lyaghe Sakalia,wa mu kikanga cha Abiya ;mughole waghe abagha umoyi mu bakinga ba Haluni, wamanaghwa Elisabeti.⁶Bo babili babagha basanana mu miso na Ghongo,bakatililagha butanasungulwa nkakisho nu mibiko insayi sa Mukota.⁷Ta babagha na bana , kubuno Elisabeti abagha mughumba ;Nubo babili babagha bakungugha.⁸Nu, mu kuba akukita milimo saghe mu miso ma Ghongo, anga bwasombolwagha ,⁹bwikala myanya sa bisankogha,kwingila mu numba sa kukumbamila sa Mukota kwa kutula bwagha.¹⁰Kikembe kinsayi chabagha ghambugha ki kusegha,mu nkungu sa kubanja bwagha.¹¹Agho mughenshi wa Mukota apamukilagha Sakalia,nu kwimala kw'indume lya kasasa ka bwagha.¹²Inga Sakalia aghanaghanagha mwa mu kumumona ko,nu kukwa boba. ¹³Tondo mughenshi amubulagha : Ntukwe boba Sakalia ; kubuno isegho lyobe lyongwilwe. Mughole wobe Elisabeti akakubutila mwana,nu ukamwanik'ishina lya Yoani.¹⁴Akaba ku weli,mweme wa mboghimboghi nu kyelele,nu bengi bakasekela mu kubutwa kwaghe.¹⁵Kubuno akaba mukulu munene mu miso ma Mukota.Ntakanywa maku makusugha,nu akisalilana na Muusa Musogha kutukila munda sa nina;¹⁶Akakulucha bana bengi ba Isilaeli kuli Mukota ,Ghongo wabo;¹⁷Akatabanga ghabusho na Ghongo ghamoi na muusa nu maghala ma Eliya, mwa mu kukulucha mitima sa batata ku bana ,nu bahuni ku bulenganya bwa basanana,buno alongomanishile Mukota bantu batunganana.¹⁸ Sakalia abulagha mughenshi : Ku kiki kunkamanila ibyo? Kubuno nili mukungu,nu mughole wani akungugha.¹⁹Mughenshi amwakulagha : Ine u Kabuliele,nimala mu miso ma Ghongo ; nasingilwe nitende nowe,nu kukusambalila musaghu musogha.²⁰Nu lola, wabe kalumbu,nu ukatenda busi bukakuka ibyo bitondo, kubuno ntwakatishe ku bitondo byani, bikabelelela ku bindi byabyo.²¹Nwagho, bantu ba babagha bakulindila Sakalia ,baangamile kubuno indisha mu numba sa kukumbamila.²²Mwa mu kukukuka,ntakoshagha lingo kutenda nabo,nu bamanagha buno amonile ku bilengi mu numba sa kukumbamila ; atendandagha nabo mu tushinga nw'ashighalagha kalumbu.²³Gha binde bindi byaghe bya mulimo byashila, iendelagha kwaghe.²⁴Kumbusa kwibyo bindi ,Elisabeti,mughole waghe ,ekagh'ishimi . Imbisagha myeshi itano,mwa mukutenda : ²⁵U mpang'inene sankitila Mukota,andola ko,nu kuntucha nsoni mu kantighi na bantu.²⁶Mu mweshi wa mutuba,mughenshi Kabulieli asingwagha na Ghongo mu musumba umoi wa Galilaya,ukumanwa Nasaleti ,²⁷kweli mukinga umoi utemana balume,wandilwe na mulume umoi wa kikanga cha Daudi, ukumanwa Yosefu. Ishina lya ghoso mukinga u Malia.²⁸Mughenshi ingilagha mweli nu kutenda : Samba ,uwe wite mpang'inene ; Mukota eli ghamoi nowe.²⁹Mu kughanaghana nwicho kitondo, Malia imbushagha buni bwatenda eno samba .³⁰Mughenshi amubulagha : ntukwe boba Malia kubuno wite mpang'inene ku miso ma Ghongo.³¹Nu lola,wek'ishimi,nu kubuta mwana,nu wamwanik'ishina lyaghe Yesu.³²Akaba munene, nu akamanwa Mwana wa Nene_kw'ighulu,nu Mukota Ghongo akamwelesha kishumbi k'ise Daudi.³³Akimalila milyalya mu numba insai sa Yakobo,nu bukota bwaghe tabukashila.³⁴Malia abulagha mughenshi:Buni bukaba ubo,kubuno nshimana nenshi mulume ?³⁵Mugheshi amwakulagha : Muusa Musogha ashwe ku weli,nu maghala manene ma Nen'ighulu ma kakubukila na kilimelime chaghe.Uchasula mwana wasanana ukabuta akamanwa Mwana wa Ghongo.³⁶Lola Elisabeti,mubyala wobe,nuwe it'ishimi lya myeshi mutuba ku bukungu bwaghe,olya wamanaghwa mughumba. ³⁷Kubuno takuli kinalibanwa na Ghongo.³⁸ Malia atendagha : Nili mukiti wa Mukota, bibe kwani anga buwatenda ! Nu mughenshi amushighagha.³⁹Mwibyo bindi,Malia imalukagha,nu kutibitila ku minduko,sa musumba wa Yudea.⁴⁰Ingilagha mu numba sa Sakalia,nu kukasha Elisabeti samba.⁴¹Elisabeti gho ngwagha ku samba sa Malia,mwana asaghalukagha munda saghe, nuwe isalilanagha na Muusa Musogha.⁴²atendagha n'ishuki linene : Wakasanilwa munkatighi na bakashi bansai,nu imbuta lyobe lyakasanilwa.⁴³ Buni bunika ,nina wa Mukota wani ku neli ? ⁴⁴Kubuno lola, gha nongwagha wankesha , mwana asaghaluka munda sani.⁴⁵Akasanilwe olya wakatisha ,kubuno bitondo byabulwagha na Mukota bikabelelela.⁴⁶Nu Malia atendagha :Mutima wani waghanula Mukota,⁴⁷nu muusa wani wa boghelaboghela Ghongo, Mukota wani.⁴⁸Kubuno alolile kubota kwa mukiti waghe.Nu ngiso insai sikanimana mukasanilwa.⁴⁹Kubuno,Nene maghala mansai ankitinde binene .Ishina lyaghe lya sanana.⁵⁰ Nu lukogho lwaghe luli lwa myaka nu myaka kubabo bakumukwa boba. ⁵¹Aloshishe maghala ma kuboko kwaghe,asandabanishe babagha na makengelo mabi mu mutima.⁵²Atukishe bisa maghala ku bukota bwabo,nu imashishe ba bota .⁵³Ikutishe bite nsala, nu atibitile batumba bulya bulya.⁵⁴Akenginde Isilaeli,mukiti waghe,nu mukukengela lukogho lwaghe,⁵⁵ anga bwabulagha batata,kweli Bulaimu nu kibuti chaghe bindi binsai.⁵⁶Malia akitagha na Elisabeti kili anga myeshi esatu. Kushila'agho akulukagha kwaghe.⁵⁷Ghe nelagha bindi bya kubuta, Elisabeti abutagha mwana wa mulume.⁵⁸Banabo nu babuti baghe gha bongwagha buno Mukota amukitinde bya lukogho,ba boghaboghagha ghamoi nawe.⁵⁹Ku bindi munane ,bendagha ku monya mwana,nu kumwanika Sakalia ishina l'ise.⁶⁰Tondo nina atendagha : t'obo ,amanwe Yoani. ⁶¹Bamubulagha: Mu mubuto wobe takuli muntu ukumanwa mwel'ishina .⁶²Nu bashimilagha ise buno abaloshe buni bwashima mwana amanwe.⁶³Sakalia aseghagha kibau ,nu kutila : Ishina lyaghe u Yoani.Nu bansai baghanaghanagha.⁶⁴Mwako kaluma,kanywa kaghe kashibukagha,lulame lwa kandulwagha,nu atendagha , mu kukasanila Ghongo.⁶⁵ Bantu bansai ba mu ntungo bakwagha boba , nu mu mindiko insai sa Yudea, ibyo bitondo bya ghanikishibwagha. ⁶⁶Bansai bongwagha kwibyo,babikagha byo mu mitima, mu kutenda : Buni bukaba ghono mwana ? Nu kuboko kwa Mukota kwabagha ghamoi nawe.⁶⁷Sakalia,ise isashwagha na Muusa Musogha,ik'atenda bya bulenganya,mu bino bitondo :⁶⁸Akasanilwe Mukota,Ghongo wa Isilaeli. Kubuno atabanginde nu konya kilongo chaghe,⁶⁹Nu atwikishe Mukota nene maghala mu numba sa Daudi,mukiti waghe.⁷⁰Anga bubo bwatendagha mu kanywa ka balenganya basanana mwa mu bindi byatingile.⁷¹Mwonya u kututucha ku baghini bitu nu mu maboko ma'bo basombi bitu!⁷²U bwekulosha lukogho lwaghe ku batata.Nu kukengela indaghi lyaghe lya sanana.⁷³Kutingila kulumbila bwa kitagha na Bulaimu tata witu .⁷⁴Atutuchagha mu maboko ma baghini bitu buno tube na boba bwa ku mukitila milimo.⁷⁵Nu mu kutabanga mu miso maghe mu busanana nu mu bulingimanyi bindi bitu binsai.⁷⁶Nu we mwana muto,ukamanwa mulenganya w'i Nen'ighulu; Kubuno ukatabanga mu miso ma Mukota buno ulongomanye nsila saghe.⁷⁷Buno eleshe kilongo chaghe kumanilila lonyo kushighililwa bwaghi bwaghe.⁷⁸Kubushi bwa lukogho lwa Ghongo witu.Musi u kusana watukile kw'ighulu nu kwika kwitu,⁷⁹ kwengesha babo beli mu bulimaswa bwa lukwo,nu kwensha maghulu mitu mu nsila sa boolo.⁸⁰Nu mwana akulile , nu kwisashwa maghala mu muusa.Nu ikalagha mu tulula kwikila busi bwindoshagha ku Isilaeli.

Chapter 2

¹Mwebyo bindi,Kaisali Ogishito atuchagha lukakisho,kukitwe lughanso lwa bantu ba kisi kinsai.²Lughanso lusoki lwakitilwe nti Kulino u mukulu wa musumba wa Sulia.³Bansai bendagha kughanswa,na muntu mu musumba waghe.⁴Yosefu nuwe abakamagha kutuka ku Galilaya mu musumba wa Nasaleti nu kwenda ku Yudea,musumba wa Daudi ,ukumanwa Betelehemu, kubuno abagha wa mukikanga cha Daudi ,⁵buno ende kughanswa ghamoi na Malia wandilwe nawe, wabagha mwemeshu.⁶Gha babagha uko ,bindi bya Malia bya kubuta bikagha ,⁷nu abutagha nkulha saghe. Amughondagha mu bileshi nu kumuyamicha mu mulinga , kubuno bindagha kishiki mu numba sa bagheni.⁸Mwicho kibe cha kisi kwa bagha bangele bakutinga mu maswa mu kubila kwa busi mu kulanga ntuko sabo.⁹ Nu lola mughenshi umoi wa Mukota abapamukilagha ,nu lukumbu lwa Mukota lwasanagha mu ntungo sabo. Bakatwagha na boba bunene .¹⁰ Tondo mugenshi ababulagha : Mukwaghe boba ; Kubuno nabasambalila musaghu musogha , ukaba wa mboghimboghi ku bantu bansayi: ¹¹ buno busi mu musumba wa Daudi, abutwa kwinu , Mwonya , u Kilishitu , Mukota. ¹²Nu lola kamanililo ka mwamumanilile ko : Mwasange mwana aghondilwe mu bileshi nu ayamile mu mulinga.¹³ Nu mwako kaluma ,kikembe kingi cha kw'ighulu chaswanagha n'oso mughenshi, mu kutata Ghongo nu kutenda : ¹⁴Lukumbu kweli Ghongo mu bishiki byeli ghantata n'ighulu,nu boolo gha kisi ku bantu ba bashimwa !¹⁵Gha kulukagha baghenshi kw'ighulu, ba mingele batendagha gha basambana : Twende ku Betelehemu,nu tulole chabinde uko,kitwabulilwe na Mukota.¹⁶Batibitilagha ko, nu basangagha Malia nu Yosefu,nu kalenge kayamile mu mulinga.¹⁷Mu kushila kumumona ko,baghanikishagha ki babulwagha kubushi bwa kako kalenge. ¹⁸Bo bansayi bongwagha bukutenda mingele, baghanaghanagha .¹⁹Malia alangile ibyo bitondo binsayi nu ku bighanilila mu mutima waghe.²⁰Nu mingele sakulukagha mu kughanula nu kutata Ghongo, ku binsayi bi bongwagha nu kulola ko , byalingimana na bibabulwagha.²¹Ku bindi munane busi bwa kumonya mwana bwali bwa munganga , bamwanikagha ishina lya Yesu ,ishina lya loshwagha na mughenshi nu ishimi lya mwana talyekwa.²²Nu ghen'inde bindi bya lwengyo lwabo,kuyangana na mulembe wa Musa, Yosefu nu Malia bekagha mwana ku Yelusalema , buno bamuloshe kweli Mukota,²³anga bu byatililwe mu mulembe wa Mukota : Nkulha insayi sa mwana wa mulume sikatulilwa Mukota ,²⁴nu kusigha bilhuka bibili ali bilinga bibili bite buta, kuyangana na bwatililwe mu mulembe wa Mukota .²⁵Nu lola ,kwabagha mulume umoi ku Yelusalema ukumanwa Simeoni . Ghoso muntu abagha alongomana nu wasanana, alindilagha bongeleshi bwa Isilaeli, nu abagha na Muusa Musogha.²⁶ Akengeleshwagha na Muusa Musogha,buno ntakakwa ndi ntemona ku Kilishitu Mukota.²⁷Ekwagha na Muusa Musogha mu numba sa kukumbamila . Nu anga bwekagha babuti kalenge Yesu,mu kukucha bya tililwe mu mulembe ,²⁸amukatagha mu maboko maghe kukasanila Ghongo nu kutenda : ²⁹ Mukota,shigha lino Mukiti ghobe iendele na boolo,anga bwatenda kitondo chobe.³⁰Kubuno miso mani malola lonio lobe,³¹lonio luwa longomanyagha ku bilongo binsayi,³²Chengeshi cha kusanila bilongo ,nu lukumbu lwa kilongo chobe,Isilaeli.³³Ise nu nina babagha mu kwintangala na bitondo byatendwagha kuwe. ³⁴Simeoni abakasanilagha, nu kubula Malia nina :"Lola , ghono mwana abikwa kwendula nu kwimasha bengi mu Isilaeli, nu akaba kamanililo ka kulhuta kwengukana."³⁵Nu kobe uw'inene , mwele ukakubhuya mutima , kubuno makengelo ma bengi malimbulwe.³⁶Kwa bagha ungo mulenganya umoi wa mukashi u Ana,mukinga wa Fanueli,wa mu kikanga cha Aselo. Abagha akungugha , nu akitagha ''na mulume waghe myaka mutubakamu kutukila bukinga bwaghe.³⁷Ashighinde musumbakashi wa myaka makumi munane nu inai ,ntatukile mu numba sa kukumbamila ,nu akukitila Ghongo mulimo,musi nu kindi mu kw'inany'indya nu mu masegho .³⁸Ghi kagha nuwe mweso nkungu ,atatile Ghongo, nu kusambala misaghu sa Yesu kwabo bansayi babagha bekulindila lukandulo lwa Yelusalema.³⁹Gha bagha bashila binsai byatilwagha mu mulembe wa Mukota ,Yosefu nu Malia bakulukagha ku Galilaya,mu musumba wabo Nasaleti .⁴⁰Kashi mwana akulagha nu kw'isala maghala . Isalilanagha na bulenganya,nu mpang'inene sa Ghongo sabagha nawe.⁴¹Mu mwaka,babuti ba Yesu bendagha benda ku Yelusalema mu kisaghulo cha pasaka .⁴²Gha bagha ghoso mwana akucha myaka ikumi n'imbili,bendagha nawe ko kuyangana na ntungo sa kisaghulo.⁴³Nu,mu kushila kwa bindi,nu bakulukagha ,mwana Yesu ashighalagha ku Yelusalama . Ise nu nina tabamanagha .⁴⁴Mu kulenganya buno eli na banabo ba lughendo,bakitagha kindi kimoi cha lughendo,nu bamulondagha munkatighi na babuti nu binda babo.⁴⁵Tondo mu kwinda kumumona ko ,bakulukagha Yelusalema kumulonda.⁴⁶Ku bindi bisatu, bamusangaghamu numba sa kukumbamila,ikalile mu nkatighi sa ngatu mu kubongwilila nu kubabusha.⁴⁷Ba bansai babagha bakumwongwilila baghanaghanagha na mulenganya nu kwakula kwaghe .⁴⁸Babuti baghe mu kumumona ko, baghanaghana , nu nina 'amubulagha : Mwana wani buni buwatukitila u'bo ?Lola,so nu ine,twakulondagha na kabebe .⁴⁹Ababulagha: Ki chasulagha mwandonda ? Tamukumana buno nema kukita bitondo bya Tata ?⁵⁰Tondo tabongwagha bya babulagha.⁵¹Akumbagha nabo ku Nasaleti, nu imbotishe ku beli . Nina abikile ibyo bitondo binsai mu mutima waghe.⁵²Nu Yesu akulile mu bulenganya ,nu mu kiima nu mu mpang'inene mu miso ma Ghongo nu ma bantu.

Chapter 3

¹Ku mwaka w'ikumi n'etano wa bwami bwa Tibele,ghabagha Poso Pilato mukulu wa kisi cha Yudea, Helode mwami wa Galilaya, muto waghe Filipo Mwami wa Itule,nu kibe cha Talakonite ,Lusiani mwami wa Abileni,²nu mu bindi bya Ana nu Kayafa bisankogha bakulu ,kitondo cha Ghongo chamwikinde Yoani,musikila wa Sakalia,mwa mu kalula.³Nu endagha mu kisi mu ntungo insai sa Yolodani, kusansa lupatisho lwa kw'isungula mutima,kutucha bwaghi,⁴kuyangana na bwatilwe bitondo bya mulenganya Isaya mu kitabo : U ishuki lya olya u kutenda mu kalula, mulongomanye nsila sa Mukota nu mulingimanye matingilo maghe.⁵Mpinga insai sisashwe,ntulungu nu minduko sikumbe ; bya ghombile bi lingimane ,nu nsila s'ikitalo si lambye.⁶Nu na wite mubili unsai akalola ku lonio lwa Ghongo.⁷Abulagha bansai bashwagha ku patishibwa nawe : Bilongo bya malighi ,nai wabakengesha kutina mushibu si kashwa ?⁸Muloshe mikolo sa tunganana na kw'insungula mutima,nu ta mwitendye : Twite Bulaimu tata ! Kubuno nkubatendelela, Ghongo anintukisha bana ba Bulaimu mu mano makoi.⁹Isagha lyabikwa kalai ku mashina ma miti : muti unsai utakonamya bighuma bisogha ukakalwa nu kulekelwa mu kaya.¹⁰Kikembe cha mubushagha mu kutenda: Tu kite buni lino? ¹¹Abakulagha: Olya wite nshulu imbili abeghanye n'oso utite kena,nu olya wit'indya akite ubo nuwe.¹²Bantu ba kisungu nubo bashwagha kupatishwa ,nu kumubusha : Mweghesha,twakita buni ? ¹³Abakulagha : Tamuseghe byaghimba bimwabulilwe.¹⁴Basula nubo bamubushagha :Nu beshwe,tukite ki ? Abakulagha : Tamunaghe muntu ali kwimba,nu mubogheleboghele maligho minu.¹⁵Anga bwabagha bantu bakulindila nu kwimbusha buno ndi Yoani nteli Kilishitu,¹⁶abulagha bansai : Ine nkubapatisha mu masi, tondo ashwa wanghimba bwangato,nu nshinakosha ku kandula mishighi sa bilato byaghe.We,ukabapatisha mu Muusa Musogha nu mu kaya.¹⁷ Ite lweli mu kuboko kwaghe ,akakukula mulungu waghe ,nu akakunsumanya ngano mu kigholo chaghe, tondo akaghisha mpapa mu kaya kataka shima.¹⁸Ububo Yoani asambalinde bantu musaghu musogha, mu kwaana mango matenda mengi ma meghisha.¹⁹ Tondo Helode wa Bwami,asungulwagha na Yoani kubushi bwa Helodia mukashi wa muto waghe ,nu ku bitondo binsai bibi bya kitagha, ²⁰ atalikinde kwibyo bingo bya kukanda Yoani mu kahombo.²¹Gha bapatishwagha bantu bansai,Yesu nuwe ik'a patishibwa ; Nu ghabinde akusegha,ighulu liy'ighukagha ,²²Nu Muusa Musogha wamukumbilagha wasusa kilinga.Nu ishuki l'ighulu lyongwibwagha ko na bino bitondo: Uwe u Mwana wani unashima ; muwe u munabika lutundo lwani lunsai.²³ Ghabinde Yesu akucha anga myaka makumi masatu alingililagha mulimo waghe ,mu kumanililwa buno mwana wa Yosefu,mwana wa Heli,²⁴mwana wa Matati, mwana wa Lawi, mwana wa Meleki,mwana wa Yanali,wa Yosefu,²⁵mwana wa Matatia,mwana wa Amoshi,mwana wa Nahumu,mwana wa Eshili,mwana wa Nagali,²⁶mwana wa Mati,mwana wa Matatia,mwana wa Shimeyi,mwana wa Yosefu,mwana wa Yoda,²⁷mwana wa Yoanana,mwana wa Lesha,mwana wa Shelubabeli,mwana wa Shalatieli,mwana wa Neli,²⁸mwana wa Meleki,mwana wa Adi,mwana wa Koshamu,mwana wa Elimadamu,mwana wa Eli,²⁹mwana wa Yoshe,mwana wa Elieseli,mwana wa Yolimu,mwana wa Matata,mwana wa Lawi.³⁰mwana wa Simeoni ,mwana wa Yuda,mwana wa Yosefu,mwana wa Yonanu,Mwana wa Eliyakimu,³¹mwana wa Meleya,mwana wa Menana,mwana wa Matata,mwana wa Natani,mwana wa Daudi,³²mwana wa Yese,mwana wa Obedi,mwana wa Boashi,mwana wa Salomoni,mwana wa Nasoni,³³mwana wa Aminadabu,mwana wa Adimuno,mwana wa Ami,mwana wa Eshiloni,mwana wa Faleshi, mwana wa Yuda, ³⁴mwana wa Yakobo, mwana wa Isaka, mwana wa Bulaimu, mwana wa Tela, mwana wa Naholi, ³⁵mwana wa Shelugu, mwana wa Leu, mwana wa Falegi, mwana wa Ebeli, mwana wa Sala,³⁶mwana wa Kainamu, mwana wa Alufakasadi, mwana wa Semu, mwana wa Noa, mwana wa Lameki, ³⁷mwana wa Metusela, mwana wa Enoke, mwana wa Yaledi, mwana wa Mahalele, mwana wa Kainana,³⁸mwana wa Enoshe, mwana wa Seti, mwana wa Adamu, mwana wa Ghongo.

Chapter 4

¹Yesu, ghi salilanagha na Muusa Musogha, atukagha ku Yolodani, nu kwekwa na Muusa Musogha mu Kalula, ²U kwalingikwagha na Kahinga bindi makumi manai. Ntalile kena mwibyo bindi, nu gha byashilagha ongwagha nsala.³Kahinga amubulagha : Ndi uwe u Mwana wa Ghongo,kakisha mano makoi maghaluke kampapa. ⁴Yesu amwakulagha : Bwatililwe : Muntu ntanaba gho mu kulya kampapa umpanga .⁵ Kahinga,mu kuba amwicha gha toghama, amuloshagha bukota bunsai bwa Kisi, ⁶nu kumubula: Nakweleshe bwangato bunsai, nu lukumbu mu bukota bunsai, kubuno, neleshibwe bo nu in'elesha bo ku' olya unashima. ⁷Kashi ndi wankomela mashwe, binsai byabe byobe.⁸Yesu amwakulagha : Bwatililwe : Ukakumbamila Mukota Ghongo wobe, nu ukamukitila milimo w'inene umpanga.⁹Kahinga endagha nawe lingo ku Yelusalema,nu kumubika ghantata gha numba sa kukumbamila, amubulagha : Ndi uli Mwana wa Ghongo,indekele ghansi ; Kubuno bwatililwe : ¹⁰Akamekula baghenshi baghe kubushi bobe, bakukunge ; ¹¹nu bakakweka mu maboko,inshinshi lyobe linashwa ku kitala kw'ikoi.¹²Yesu amwakulagha : Bwatendilwe:Ntukalingika nukilo Mukota, Ghongo wobe.¹³Ghashilagha kumulingika mu nsila insai, Kahinga indekanuchagha nawe kwikila engo nkungu nsogha.¹⁴Yesu,ghi salilana na mpumba sa Muusa,akulukagha ku Galilaya,nu nkulu saghe sendagha mu ntungo sa kisi kinsayi .¹⁵Egheshishe mu masinakoki,nu aghanulilwe na bansayi.¹⁶Endagha ku Nasaleti,kwa kulilagha,nu,kuyangana na ntungo saghe,ingilagha mu sinakoki busi bwa sabato. Imalukagha buno asome,¹⁷nu bamweleshagha kitabo cha mulenganya Isaya. Mu kukighondola , asangagha gha ghatililwe :¹⁸Muusa wa Mukota uli ghantata n'ine. Kubuno ambongishe mwambo nisanse musaghu musogha ku bakene; Ansingile kulamya bite mitima sa kwile,¹⁹Kusambalila bakandwa kusunulwa kwabo ; Nu biku,kushibulwa miso ; kushighilila bakobe. Kusambalila bwasibwasi mwaka wa mpang'inene sa Mukota.²⁰Agho,aghondagha kitabo,nu kukikulukisha mukiti,nu kwikala. Babo bansai babagha mu sinakoki babinde bakumwesananya .²¹Agho ababulagha : Buno busi kino Kitondo cha Ghongo kimwongwa ko cha belelela .²²Nu bansai bamutenenekile ; baghanileghanile nw'ibyo bitondo bya mpanga'inene byatukagha mu kanywa kaghe;nu batendagha : Ta ghono musikila wa Yosefu ?²³Yesu ababulagha: Bulili mundimbulile mashumo mano: Musakishi,indamye uw'inene;Nu mwambule:Kita ghano mu mwelo ghobe kitwongwagha buno wakitagha mu Kapelenaumu.²⁴Tondo bulili nkubabula ; Taku mulenganya wampa ukusekelwagha mu mwelo waghe.²⁵ Nababula bulili; Kwabagha basumbakashi bengi mu Isilaeli mu bindi bya Eliya, ghakandwagha ighulu myaka esatu nu myeshi mutuba nu kwabagha nsala 'inene mu kisi kinsayi. ²⁶Nu agho Elia ntasingwagha kweli umoyi kubo ndi ta kweli ghoso musumbakashi wa ku Salapeta,mu kisi cha Sidona.²⁷Kwabagha lingo babembi bengi mu Isilaeli mu bindi bya mulenganya Elisa; taku wampa kubo walamagha ndi ta Namani muntu wa Sulia.²⁸ Gha bongwagha kwibyo bitondo,Bansai bashibukagha bubibu mu sinakoki.²⁹ Nu mu kwimaluka ,bamutibitagha mu musumba ,nu kumwicha ghantata gha mwindiko ghobakagha musumba wabo,kubuno bamane kumwisila kunsi.³⁰Yesu mu kutinga munkatighi nabo, iyendelagha.³¹Akumbilagha ku Kapelaumu, musumba wa Galilaya;nu abagha ekweghesha , busi bwa Sabato.³² Bantu baghanaghanagha na meghisha maghe ; kubuno abagha akutenda na bwangato.³³Kwabagha mu Sinakoki,mulume umoi wite isumbu nu kutenda bubibu.³⁴Aha,ki cheli gha tusambana nowe Yesu wa Nasaleti ? Washwile kutushimisha.Nkumana uwe nai : Musanana wa Ghongo.³⁵Yesu amukakishagha ,mu kutenda: Biba ,nu tuka mu ghoso muntu.Nu musumbu amulekelagha mukantighi na musanganano,nu kutuka muwe nu ntamubabasha. ³⁶Bansai batangalagha nu kubulana :U kitondo ki kino? Akukakisha na bwangato nu mpumba basumbu nu nti banutuka mu muntu!³⁷Nu nkulu saghe sendagha ku myelo sa kushindashida.³⁸Mu kutuka mu sinakoki,endagha ku numba sa Simoni. Ninabyala wa Simoni abagha akatilwe na kapulula kanene,nu bamuseghelagha ku bushi bwaghe. ³⁹Mukuba etamila kweli,akakishagha kapulula nu kamutukagha mo. Mwako kaluma imalukagha,nu kumukitila milimo.⁴⁰Ghabinde musi wa shima , bansai babagha na basambi bamwekinde bo.Abikilagha bansayi maboko,nu kubalamya. ⁴¹Basumbu nubo batukagha mu bantu bengi,mu kulaka nu kutenda : Uli Mwana wa Ghongo . Tondo abakakishagha ,nu kubananya kutenda ,kubuno bamumanililagha bweli Kilishitu.⁴²Gha chagha wabusi,atukagha nu kwenda ku kishiki cha kalula. Kikembe kinenecha bantu chendagha kumulonda, nu bikagha gheli ;Balondagha kumwangila abashighaghe lingo. ⁴³Tondo ababulagha : Bwatunganana nisambale musaghu musogha wa bukota bwa Ghongo; kw'engo misumba,kubuno nasingilwe ku kita ubo. ⁴⁴Nu egheshishe mu sinakoki sa Galilaya.

Chapter 5

¹Bwabagha Yesu bwighi na kitatenge cha Genasaleti,nu kikembe cha mukulumaninde ko buno chongwilile kitondo cha Ghongo,²alolagha bwato imbili ku muse wa kitatenge nu balobi babagha batukile mu bwato bakukamya tukilha twabo.³Abakamagha mu bwato bumoi u bwa Simoni,nu kumubula abushigheleshe kulayi na muse.Agho,abundagha, nu kutukila mu bwato ,abagha ekweghesha kikembe cha bantu.⁴Mu kushila kutenda,abulagha Simoni : Shighelela kweli masi mengi,nu mulekele tukilha twinu, ⁵Simoni amubulagha : Mweghesha, twakitagha nkashi kindi kinsai tatwitile kena , tondo ku kitondo chobe,nkulekela kakilha.⁶Mu kuba akalekela , bitagha bisonga bingi,nu kakilha kabagha kise kat'ika.⁷Bamanagha banabo babagha mu bungo bwato,bashwe ku bakasha. Bikagha nu kwisasha bwato imbili ,salondagha kuliba.⁸Gha monagha Simoni kubo,indekelagha ku mashwe ma Yesu nu kumubula : Mukota,tuka bwighi nine,kubuno nili muntu wa bwaghi. ⁹Kubuno boba bwamukatagha we nu bansayi babagha nawe , kutingila bi bamonagha ko mu kuloba. ¹⁰U bwabagha ku Yakobo nu Yoani ,basikila ba Sebedayo,banabo na Simoni. Agho Yesu abulagha Simoni : Ntukwe boba lingo ; Kulingila buno busi ukaba mulobhi wa bantu.¹¹Nu mu kwicha bwato ku muse, bashighagha binsayi,nu kumuyanga.¹²Yesu abagha mu musumba umoi ;Nu lola mulume umoi wite bubembi,mu kumumona ko ,akomagha mashwe ghabusho nawe nu kusegha : Mukota ,ndi washima,una nengya.¹³Yesu alambyagha kuboko kwaghe ,kumukata ko nu kumubula : Nashima, enga .Mwako kaluma,bubembi bwamutukagha ko .¹⁴Nu agho amukakishagha ntasambalile muntu.Tondo,amubulagha ,nda windoshe kuli nsakogha,nu tula lukaso lwa kwenga kobe anga byatilwagha na Musa,kubuno bube buteneneki ku beli.¹⁵Lukumbu lwaghe lwasandabanagha,nu bantu bashwagha bengi ku mwongwilila nu kulama nsambo sabo.¹⁶Nu we,iyendinde mu tulula,nu kusegha.¹⁷Busi bumoyi Yesu abagha ekweghesha.Bafalisayo nu ngatu sa milembe babagha bikalile,batukagha ku myelo insayi sa Galilaya,sa Yudea nu sa Yelusalema;nu bwangato bwa Mukota bwamonekagha kutingila kulamya nsambo.¹⁸Nu lola , bantu,bekile ku mughu mulume wabensekile bighansa,balondagha kumwicha mu miso maghe.¹⁹ Bubindagha gha kumwingisha, kubushi bwa kikembe ,babakamagha gha ntata gha numba,nu bamukumbyagha mw'itengu ghamoyi na mughu waghe, gha nkatinghi na musanganano,nu mu miso ma Yesu.²⁰Mu kulola lukatisho lwabo,Yesu atendagha : Mulume,bwaghi bobe bwashighililwa.²¹Batili nu Bafalisayo babinde bakwimbusha nu kutenda :Nayi ghono ukwenegha Ghongo? Nayi unashighilila bwaghi,ndi ta Ghongo w'inene?²²Yesu, amanagha milenganya sabo ,atendagha nu kubabula : Milenganya ki si mwite mu mitima sinu? ²³Ki u kisoshu kutenda : Bwaghi bobe bwa shighililwa,ali kutenda buno imaluka,nu tabanga ? ²⁴Buno mumane buno Mwana wa muntu ite bwangato gha kisi kushighilila bwaghi : Abulagha wabensekile bighansa : Imaluka,tola mughu wobe,nu nda kobe.²⁵Nu,mweso nkungu,imalukagha mu miso mabo,atolagha mughu waghe ,nu kwenda kwaghe mu kutata Ghongo.²⁶Bansayi baghanileghanile nu kutata Ghongo ; mu kuba na boba bwingi batendagha : buno busi,twamona ku bitondo bitemonekagha ko.²⁷Mukutuk'agho,Yesu asangagha muntu'moyi wa kisungu ,ukumanwa Lawi,w'ikalile gha muligho wa mpalata . Amubulagha : Njange.²⁸Nu ,mu kushigha binsayi, imalukagha,nu kumuyanga.²⁹Lawi amukitilagha kisaghulo kinene mu numba saghe,nu bantu bengi ba kisungu nu bango bantu binginde kulya ghamoi nawe.³⁰Bafalisayo nu batili bakitagha manungunungu,nu kubula begheshibwa baghe : Buni bumukulya nu kunywa na bantu ba kisungu nu bantu babi.³¹Mwa mukutenda ika Yesu ,ababula :Ta bankambwe u bite nkasa na musakishi,tondo basambi.³² Nshashwile kumana basanana buno binsungule mu mitima,tondo bisa bwaghi.³³ Bamubulagha : Begheshibwa ba Yoani,anga babo ba Bafalisayo,bakwinania indya ngendo ningi nu bakukita masegho ,tondo bobe bekulya nu kunywa.³⁴Abakulagha : Muna nan'indya binda ba musongi,nu musongi echeli ghamoi nabo ? ³⁵Bindi bikashwa musongi akashighana nabo,agho bakinan'indya mwibyo bindi .³⁶Ababulagha mashumo mano : Muntu ntanaketula kindi cha nshulu nsogha ,nu kusibika ku nshulu sindisha; kubuno akwata nshulhu nsogha ,nu kibe chatolagha takili ch'eso sindisha.³⁷Nu muntu ntanabika makhu mabisibisi mw'indegha lya kalai ; nti makhu mabisibisi nti mata malegha, nu nti mitika,nu malegha mashimila ;³⁸tondo bekubikagha makhu mabisibisi mu malegha masogha.³⁹Nu muntu, washila kunywa makhu mindisha ,ntanashima lingo mabisibisi, nti atenda: Mindisha u masogha.

Chapter 6

¹Bwikagha ,busi bwa sabato bukumanwa bwimbili busoki,Yesu atingagha mu maswa ma ngano.Begheshibwa baghe babagha bakutomola mito sa ngano kusibunga mu maboko nu kulya.²Bafalisayo bamoyi bababulagha :Buni bumwakita bitimilwa kukitwa busi bwa sabato?³Yesu abakulagha :Tamwasomile byakitagha Daudi, ghongwagha nsala,we nu babo babagha nawe,⁴anga bwingilagha mu numba sa Ghongo,atolagha tumpapa twa kukasanila, alyagha to ,nu kwelesha babagha nawe, nu bimilwa kulibwa na bisankogha bo binene ? ⁵Nu ababulagha : Mwana wa muntu u Mukota wa sabato.⁶Bwikagha,bungo busi bwa sabato,Yesu ingilagha mu sinakoki,nu kweghesha.Kwabagha mulume umoi wite kuboko k'ohuma.⁷Batili nu Bafalisayo bengeleshagha Yesu,buno balole ndi analamya busi bwa sabato; bamane ku mutalikila.⁸Tondo amanagha milenganya sabo,nu abulagha ghoso mulume wa kuboko k'ohuma : Imaluka,nu imala mu kantighi .Imalukagha ,nu kwimala.⁹Nu Yesu 'ababulagha : Nababusha ndi bwatunganana,busi bwa sabato,kukita busogha ali bubi,konia muntu ali ku mwita.¹⁰Agho mu kutimbya miso maghe ku bansayi,abulagha ghoso mulume : Lambya kuboko kobe. Abukitagha,nu kuboko kwaghe kwalamagha .¹¹Bashibukagha ,nu kukulumana buno balole ki bakitile Yesu.¹²Mwebyo bindi Yesu abakamagha mwinduko ende kusegha,nu atinjagha kindi kinsayi mu kusegha Ghongo.¹³Mu kucha kwa busi,amanagha begheshibwa baghe , nu kusombola ikumi nu babili ,beleshagha ishina lya ntumwa:¹⁴Simoni amumanile buno Petelo;Andele mubuto waghe;Yakobo;Filipo;Matoloma;¹⁵Matayo;Toma;Yakobo musikila wa Lufayo;Simoni wamanaghwa Selote;¹⁶Yuda,musikila wa Yakobo;nu Yuda Ishikaloti,olya ukamwitya.¹⁷Akumbagha ghamoi nabo,nu imalagha gha chumbo cha mwinduko, ghabagha kikembe kinene cha begheshibwa baghe,nu kikembe cha bantu ba Yudea insayi,ba Yelusalema,nu ba mitili sa Tilo nu Sidona . Bashwagha kumwongwilila nu kulama nsambo sabo.¹⁸Babo babagha batetembwa na basumbu,balamagha.¹⁹Nu kikembe kinsayi cha londagha kw'itubya kuwe,kubuno maghala mendagha matuka muwe nu u malamyagha bansayi.²⁰Agho Yesu,imaluchagha miso ku begheshibwa baghe,nu kutenda : Mukasanilwe benywe bakene,kubuno bukota bwa Ghongo buli bwinu!²¹Mukasanilwe benywe bite nsala,kubuno mukikuta ! Mukasanilwe benywe be kulila,kubuno mukaba mu mboghimboghi.²²Mukasanilwe gha mukasombwa na bantu,gha mukatibitwa,gha mukatukwa,nu kwenegha ishina linu, kubushi bwa Mwana wa muntu ! ²³Mwebyo bindi, mubogheboghe,nu kusaghaluka,kubuno indigho linu likaba linene mw'ighulu; Ubo u bwakitilwagha balenganya na b'ise babo.²⁴Tondo,musambo kwinu benywe batumba,kubuno mwite bubobelelo bwinu!²⁵Musambo kwinu benywe bikutile,kubuno mukakwa nsala!Musambo kwinu benywe bekuseka eno mpina,kubuno mwabe mw'indilo nu bisoshi.²⁶Musambo kwinu benywe mukutatwa na bantu,kubuno b'ise babo ubu bakitilagha balenganya babi .²⁷Tondo nkubabula,benywe bakunongwilila : Mushime baghini binu,mukitile bisogha babo babasomba,²⁸mukasanile babo bekubashulila,museghele babo bekubanubya.²⁹Ndi muntu akulangula lubighi kw'i tama,mughalulile lya lingo.Ndi muntu akunagha kankamba kobe, ntumunanile lopo.³⁰Elesha olya wakusegha,nu ntu bushe byobe ku olya wiyaangika nabyo.³¹Bi mwashima bantu babakitile,mwabakitilagha nubo ubo.³²Ndi mwashima babo bekubashima,ki kisogha ki munamona?Bisa bwaghi nubo bekushima babo ba bashima.³³Ndi mwakitila busogha babo bakubakitila busogha,ki kisogha ki munamona?Bisa bwaghi nubo bakukita ubo.³⁴Nu ndi mwasombya babo bana bakulukisha,ki kisogha kimunamona?Bisa bwaghi nubo baku sombya bisabwaghi,buno babe na lukaso anga lulo.³⁵Tondo mushime baghini binu,mukite bisogha,nu musombye nu tamulelamile kena.Nu lukaso lwinu lukaba lunene,nu mukaba bana ba Olya wa kw'ighulu,kubuno eli musogha ku babo bata kushimagha nu ku babibu.³⁶Mube na lukogho,anga So winu eli wa lukogho .³⁷Tamughaye muntu wampa,munashwa kughayibwa nu benywe;tamukinde wampa, munashwa kukindwa;mushighilile,nu bakabashighilila.³⁸Mwesane ,nu muk'eleshibwa;bakaba kubulila ku bukubha isegha lya kokomela,lya tengeshibwa nu kw'isalilana;kubuno mukeleshibwa kibhu kigheshe na ki mwesanagha.³⁹ Ababulagha mashumo seno:Kiku kin'ensha kingo kiku?Taba kakolokela bo babili mu mushinga?⁴⁰ Mwegheshibwa nta ghimba mweghesha;tondo mwegheshibwa unsayi wa bulili akaba anga mweghesha waghe.⁴¹Buni buwamona kisughu cheli mu liso lya muninu, nu ntukumona ku kiti kili mu lyobe?⁴²Ali buni bu unabula muninu:Munitu,shigha nituche kisughu cheli mu liso lyobe,nuwe ntukumona kiti cheli mu lyobe?Mwengelele,tucha tanga kiti cheli mu liso lyobe inga wamana kutucha kisughu cheli muliso lya muninu .⁴³Ta muti musogha u ukukonamyagha kighuma kibi,ali ta muti mubi u kukonamyagha kighuma kisogha.⁴⁴Kubuno,muti ukumanililwa ku kighuma chaghe.Taba kukolagha bighuma bya mutini ku mikele,nu ta bakukanagha misabibu ku mikele.⁴⁵Muntu musogha akutuchagha bintu byakoma mu mutima waghe,nu mubi akutuchagha mabi mu mutima waghe; Kubuno ku bingi byeli mu mutima u bikutendagha wa kanywa.⁴⁶Buni bu munikumana Mukota,Mukota!nu ta mukukita bi nkubabula ?⁴⁷Nabaloshe muntu wasusana n'olya washwa ku neli,akwongwilila bitondo byani,nu kubikita. ⁴⁸ Asusana na muntu umoyi,mu kwobaka numba,atima bubibu ,nu kukom' iyango mw'ikoi .Mw'isalo washwile ,nu kiswa kisundile ku numba, tachasendulile ,kubuno sobakilwe busogha.⁴⁹Tondo olya ukwongwilila,nu ntakukita ,asusana na muntu umoyi wobakile numba sitite'iyango lyakomwa mw'itete.Kiswa kisundile ku'so nu ku sendula, nu busambya bwiyenduka bweso numba bwa binde bunene.

Chapter 7

¹Mu kushila kutenda ebyo bitondo bingi mu miso ma bantu babagha bakumwongwililagha ,Yesu ingilagha mu Kapelenaumu.² Mukulu umoi wa basula ighana abagha na mukiti umoi washimagha bubibu, nu wabagha musambi wakulonda kukwa .³ Gho ngwile ku musaghu wa Yesu,amusingilagha bakungu bamoyi ba Bayuda, buno bamuseghe ashwe kulamya mukiti waghe.⁴ Bikagha kweli Yesu,nu ku musegha na lukakisho lubibu, mu kutenda:Bweli busogha umukitile ubo ;⁵kubuno ashima kilongo kitu,nu we u watobakinde Sinakoki situ.⁶Yesu mu kwenda ghamoyi nabo,bikagha bwighi na numba, mukulu wa basula asingagha binda baghe bamubule : Mukota,ntw'inkutyaghe ; kubuno nshatunganana wingile mu numba sani.⁷Nti k'obo u chasulagha nshende ine i'nene ku weli. Tondo tenda kitondo kimoyi,nu mukiti wani alame.⁸Kubuno,ine nite ba ntoghamila,nite nu basula beli ku bwangato bwani;nu ndi nabul 'omoi: Nda ! nu nti enda! nu'ngo: Shwa ! Nu nti ashwa;nu ku mukiti wani : Kita kicho!nu nti akikita.⁹ Yesu mu kwongwa kw'ibyo bitondo, atatagha uso mukulu wa basula, nu kughalukila kikembe chabagha ki kumuyanga, ik'atenda : Nababula,nu ku Isilaeli nshamonile lukatisho lunene anga luno.¹⁰ Mu kukuluka ku numba,bantu basingwagha n'oso mukulu wa basula basangagha mukiti wabagha musambi alama.¹¹Munindu,Yesu endagha mu musumba u kumanwa Naimu ;Begheshibwa baghe nu kikembe kinene chendagha ghamoyi nawe.¹²Gh'ikagha bwighi na mwingilo wa musumba, lola, kilunda kimoi, chekilwe,ngomo sa nina, musumbakashi ; nu ghabagha bantu bengi ba musumba ghamoi nawe.¹³Mukota, mu kumumona ko, amukwilagha lukogho ,nu kumubula : Ulilaghe !¹⁴Ashighelelagha nu kukata ku sanduku .Ba babagha bekile so bimalagha .Atendagha : Musikila,nakubula,imaluka.¹⁵Nu mukuyi imalukagha,nu kutenda. Yesu amukulukishagha nina.¹⁶Bansai bakatwagha na boba,nu kughanula Ghongo, mu kutenda: Mulenganya munene ikile ku tweli ,nu Ghongo atabanginde bantu baghe.¹⁷Icho kitondo cha Yesu chasandabanile mu Yudea insayi nu mu bisi bya bwighibwighi.¹⁸Yoani asambalilwagha ibyo binsai na begheshibwa baghe,¹⁹Amanagha babili,nu kubasinga kweli Yesu,buno bamubushe : Ndi uwe u wemana kushwa ,ali tulindile ungo? ²⁰Mu kwika bwighi na Yesu,bamubulagha : Yoani mupatishi atusingile ku weli,tukubushe : Ndi u'uwe u wemana kushwa,ali tulindile ungo?²¹Mweso nkungu,Yesu alamyagha bantu bengi nsambo ,busokoluma,nu basumbu nu kushibula biku bingi miso.²²Nu ing'abakula : Mwende musambalile Yoani ibyo bimwalola ko nu kwongwa : Biku byalola, babensekile batabanga ,babembi bengibwa,bashibile matuyi bongwa,bakwile batuka ku bakuyi,musaghu musogha wasambalwa ku bakene.²³Akasanilwe ghoso u nshikaba kwaghe ikitalo .²⁴Mu kukuluka kwa basingwa ba Yoani,Yesu atendagha na kikembe kubushi bwaYoani : Ki kimwendagha kulola ku kalula? Lubateka lukutenjwa na lumpumpu ? ²⁵Tondo,ki kimwendagha kulola ko? Mulume umoyi washwalile nshulhu sa bikulo bingi ? Lola babo bashwalile nshulhu nsogha,nu baghuma,beli mu numba sa bami.²⁶Kashi ki kimwendagha kulola ko . Mulenganya umoi ?Naki,nkubabula, nu waghimba mulenganya .²⁷U olya watililwe :Lola ,nasinga mughensi wani mu miso mobe,buno alongomanye nsila sobe gha busho nowe.²⁸Nkubabula,ku bansayi babutilwe na bakashi,takweli waghimba Yoani.Tondo ,muntu mukeke mu bukota bwa Ghongo amughimba.²⁹Nu bantu bansayi ba mwongwililagha nu bantu ba kisungu baghanulile Ghongo ,mu kupatishwa lupatisho lwa Yoani ; ³⁰Tondo Bafalisayo nu ngatu sa milembe,mu kunana kupatishwa nawe,bashimyagha milenganya sa Ghongo.³¹Nai u nilingimanyaghe na bantu ba luno lughiso ?Nu basusana na nai? ³²Basusana na bana bikalile mu mulungu,nu bakw'itendya gha basambana : twabipilinde tupyele nu tamwaminile ; Twabembinde nembo s'indilo,nu tamwalilile.³³Kubuno Yoani ashwile, ntalile kampampa ali kunywa maku,nu mukutenda :Ite musumbu. ³⁴Mwana wa muntu ashwile,kulya nu kunywa,nu mu kutenda:Eli mutughu nu munywanywa ,mwinda wa bantu ba kisungu nu wa bantu babi.³⁵Tondo bwenge bwaghe bwamanilwe na bana baghe bansai.³⁶ Mufalisayo umoyi amanagha Yesu alye ghamoyi nawe. Yesu ingilagha mu numba sa mufalisayo,nu kulya. ³⁷ Nu lola mukashi umoyi wa bwaghi wabagha mu musumba, mu kumana buno Yesu akulya mu numba sa mufalisayo,ashwagha na mukomba w'isala mwambo wa ngenge,³⁸ nu kw'ikala kumbusa,ku manshinshi ma Yesu. Abagha akulila ; Nw'agho oyagha manshinshi ma Yesu na bisoshi byaghe, kukamya mo na nshuli saghe, kuma muma,nu kumabongya mwambo wa ngenge.³⁹Mufalisayo wa mumanagha,kulola ku bo,itendyagha : Ndi ghono muntu anabinde mulenganya, anamanilinde nai nu wa myanya ki, ghono mukashi wamukata ko. Anamanilinde bweli mwisa bwaghi. ⁴⁰ Mu kutenda ,Yesu abulagha Simoni : Nite kitondo cha ku kubula. Simoni amwakulagha, Mukota,tenda.⁴¹Mutumba abagha na Bisombyagha bikulo byaghe babili : Umoi insombyagha maghana matano, n'ungo makumi matano.⁴²Ubo bu bindagha bya kuligha ,abashighilagha bansai indiko lyabo.Nayi ku bo ukamushima bubibu?⁴³ Simoni a akulagha :Nalenganya buno olya washighililwagha bingi .Yesu amubulagha : Waakula busogha.⁴⁴Aghalukilagha mukashi, nu kubula Simoni: Walola ku ghono mukashi? Ningilagha mu numba sobe,ntwaneleshishe masi ma koya manshinshi mani ; tondo ghono oyagha mo na bisoshi byaghe.Nu kumakamya na nshuli saghe.⁴⁵Ntwamumagha,tondo ghono gha ningilagha ntakutile kumuma manshinshi mani.⁴⁶ U chasula,nakubula,bwaghi bwaghe bwingi bwashighililwa : Kubuno ashima bubibu .⁴⁷Tondo olya washighililwa bikeke, akushima bukeke.³²Kwabagha mweso ntulungu,ighimba linene lya mpunu likulya. Nu basumbu baseghagha Yesu abashighe bingile mweso mpunu. Abashighililagha. ³³Basumbu batukagha mwoso muntu,bingilagha mu mpunu,nu ighimba lyakumbagha nu kw'indekela mu kitatenge.

Chapter 8

¹Kushila agho,Yesu endagha mu misumba nu myelo ,kusansa nu kusambala musaghu musogha wa bukota bwa Ghongo.² Ikumi na babili babagha ghamoi nawe nu bakashi bamoyi ku babo balamagha nsambo nu basumbu : Malia , wa ku Magadala,watukwagha mo na basumbu mutubakamo,³Jani,mughole wa Kusa,mulangi wa butumba bwa Helode, Susana,nu bango bengi bamukitilagha bisogha.⁴Kikembe kinene cha bantu chatukagha ku misumba insayi ,chakulumanilagha bwighi na Yesu, ik'ababula mashumo seno: ⁵Mushiki umoyi endagha kushika mbuto saghe.Bwabagha akushika, mbuto emoyi sakolokelagha mu nsila ; sanantwagha na bantu nu kulibwa na tusoni.⁶Engo sa kolokelagha ku mutalo ; mu kwasa sakamagha ,kubuno sindagha masi.²⁶Bikagha ku kisi cha ba Gelasania,cheli maleshilya na Galilaya. ²⁷ Yesu mukutuka mu bwato ,kwashwagha kubusho kwaghe muntu umoyi wa musumba wite basumbu. Bindi bingi ntashwalile nshulu ,nu kishiki chaghe tachabagha mu numba,tondo ku kisi kinene.⁹Begheshibwa baghe ba mubushagha buni bwatenda mashumo mamo.¹⁰Aabakulagha : Mweleshibwe kumana kindo cha bukota bwa Ghongo; tondo ku bango,bikutendwa mu mashumo, kubuno mu kulola,tabamone,nu mu kwongwa ta bategheleshe.¹¹ Lola bwatenda mashumo mano: Mbuto, u kitondo cha Ghongo.¹²Babo beli mu nsila,u babo bakwongwilila ; musumbu nti ashwanu kutucha kitondo mwa mu mitima sabo, buno tabakatishe nu koona.¹³ Beli ghantata n'ikoi,u babo bakwongwilila kitondo , bakisekela na mboghombogho; tondo tabite mishi,bakukatisha ku bindi bikeke, nu mu bindi bya kulingikwa nti basubya kumbusa.¹⁴Eso sakolokelagha mu mikele u babo,mu kwongwilila kitondo,nti biendela,nu nti basishigha sikundeghelele na bongwa,butumba nu nkasa sa kalamo,nu tasiku konamya bighuma bya kula.¹⁵Eso sakolokelagha mw'itete lisogha,u babo, mu kwongwilila kitondo mu mutima wa bulili nu musogha, bakikatilila busogha nu kukonamya bighuma mu kulindila bwingi.¹⁶Taku muntu u nabanja tala,nu ku sikunukila na kikai,ali kusibika munda na ntangi ; tondo nti asibika ghantata gha kasasa ,kubuno ba kwingila bamone ku chengeshi. ¹⁷Takuli chabisilwe kitaka bisulwa, taku mbiso sik'inda kumanwa nu kubikwa bwasi.¹⁸Mwindange kw'ibyo bimukwongwa ; kubuno bakelesha olya wite, tondo utite,akanaghwa chabagha akulemalila.¹⁹Nina nu bisakwabo na Yesu bashwagha ku musona ; tondo tabamumonagha ko kubushi bwa kikembe . ²⁰Inga bamubula : Noko nu bisakwinu beli gha mbugha,nu bakulonda ku kulola ko.²¹Tondo abakulagha : Mama nu bisakwitu u babo bakwongwilila kitondo cha Ghongo,nu ba kukikatilila.²²Busi bumoyi,Yesu ingilagha mu bwato ghamoyi na begheshibwa baghe.Ababulagha :Twende mu waungo muse wa kitatenge.Nu bendagha .²³Gha babagha bekulugha,Yesu ayamagha .Malingi manene mikagha ku kitatenge,nu kwisasha bwato masi ,nu balondagha kukwa.²⁴Bamushighelelagha nu kumubucha, mu kutenda: Mweghesha, Mweghesha,twashika ! Mu kubuka,akakishagha lumpumpu nu malingi, makobagha ,nu kwabagha koleshi .²⁵Agho ababulagha : Kuni kweli lukatisho lwinu ? Mu kukatwa na boba nu kutangala,bimbushagha : Nayi ghono,ukukakisha lumpumpu nu malingi,nu nti bya mwongwa?²⁶Bikagha ku kisi cha ba Gelasania,cheli maleshilya na Galilaya. ²⁷ Yesu mukutuka mu bwato ,kwashwagha kubusho kwaghe muntu umoyi wa musumba wite basumbu. Bindi bingi ntashwalile nshulu ,nu kishiki chaghe tachabagha mu numba,tondo ku kisi kinene.²⁸Mu kulola ku Yesu, alakagha bubibu ,nu kw'indekela ku mashinshi maghe ,nu kutanda mulenge : Ki cheli gha tusambana ,Yesu,Mwana wa Ghongo W'ighulu ? Nakulilila,ntu nubye.²⁹Kubuno Yesu akakishagha musumbu wikalile bindi bingi mwoso muntu,atuke ; Endagha akandwa manshinshi na miyololo nu byuma ,tondo endagha abiketula nu kubulutwa na musumbu mu tulula.³⁰Yesu amubushagha ishina lyobe u nai ? Amwakula : Leshioni. Kubuno basumbu bengi babagha mu we.³¹Nu balilinde Yesu ntabalekele mu mushinga wa minubo.³²Kwabagha mweso ntulungu,ighimba linene lya mpunu likulya. Nu basumbu baseghagha Yesu abashighe bingile mweso mpunu. Abashighililagha. ³³Basumbu batukagha mwoso muntu,bingilagha mu mpunu,nu ighimba lyakumbagha nu kw'indekela mu kitatenge.³⁴Bamingele ,gha bamonagha kubo,batinagha nu kwenda kusambala musaghu mu musumba nu ku myelo. ³⁵Bantu bendagha kulola ku byatingile. Bashwagha kweli Yesu nu basangagha ghoso muntu watukilwe mo na basumbu, ikalile ku mashinshi maghe , ashwalile,nu ite mulenganya waghe unsayi ; Nu bakatwagha na boba.³⁶Babo balolagha ku byatingile basambalilagha bango bwa lamile wabagha na basumbu.³⁷Bantu bansai ba kisi cha Gelasania bemagha Yesu ende kulayi nabo, kubuno bakatwagha na boba bunene. Yesu abakamagha mu bwato , nu kw'ikulukila .³⁸Muntu watukwagha mo na basumbu amwemagha ikale ghamoyi nawe. Tondo Yesu amunaninde,nu kumubula : ³⁹Kuluka ku numba sobe,nu ghanikisha binsayi bya kukitinde Ghongo. Endagha,nu kusambala mu musumba binsayi bya mukitinde Yesu.⁴⁰Mu kukuluka kwaghe ,Yesu asekelwagha na kikembe ,kubuno bansayi babagha bakumulindila.⁴¹Nu lola,kwashwagha mulume umoyi,ukumanwa Yailo,wabagha mukulu wa sinakoki. Indekelagha ku manshinshi maghe ,nu kumulilila ingile mu numba saghe,⁴²kubuno abagha na mukinga umoyi ngomo wa myaka ikumi n'imbili wabagha bwighi na kukwa .Ghabagha Yesu akwenda ko ,akundegheleshibwagha na kikembe.⁴³Nu,kwabagha mukashi umoi ukusulula mikilha myaka ikumi n'imbili ,nu ashikishe bikulo byaghe binsayi ku basakishi, nu taku wampa wamulamishe.⁴⁴Atotelagha ku mughongo,nu kutubya nshulu sa Yesu.Mwako kaluma ,mikilha sa kamagha.⁴⁵Nu Yesu abushagha : Nayi w'intubya kw'ine ? Bu babagha bansayi bekunana,Petelo nu bansai babagha ghamoyi nawe ,bamu bulagha : Mweghesha,kikembe chakutimbile,nu kuku kundeghelesha,nuwe ukubusha : Nayi wintubya kw'ine ? ⁴⁶ Tondo Yesu akulagha : Muntu umoyi intubishe kw'ine, kubuno maghala mankokoka ko.⁴⁷Mukashi, kulola buno amanwa , ashwagha ekughilimila nu kw'indekela ku manshinshi maghe, nu kubula bantu bansayi ki chasulagha intubya kuwe ,nu bwalamagha mwako kaluma.⁴⁸Yesu amubulagha : Mukinga wani,lukatisho lobe lwakulamya ; nda na boolo.⁴⁹Bwabagha echeli atenda lingo ,muntu kwa mukulu wa Sinakoki abasagha nu amusambalilagha : Mukinga wobe akwa ;ntu kutye lingo mweghesha.⁵⁰ Tondo Yesu,mu kwongwa ku bo ,abulagha mukulu wa Sinakoki : Ntukwe boba,katisha umpanga ,nu alame.⁵¹Ghikagha ku numba,ntimilagha muntu ingile nawe,ndi ta Petelo,Yoani,nu Yakobo ,nw'ise nu nina wa mwana.⁵²Bansayi babagha bekulila nu bekwighanisha kubushi bwaghe. Agho Yesu atendagha : Mulilaghe ;ntakwile, tondo ayamile. ⁵³ Nu bamusekagha,mu kumana buno akwile .⁵⁴Tondo,amukatagha mu kuboko,nu kutenda bubibu : Mwana,imaluka. ⁵⁵Nu kalamo kakulukagha mu we,nu mwako kaluma,imalukagha ; NuYesu akakishagha bamweleshe indya. ⁵⁶ Babuti ba mukinga bikalagha mu nganingani,nu abakakishagha tabasambalile muntu byatingile.

Chapter 9

¹Yesu ,mu kukulumanya ikumi na babili, abeleshagha maghala nu bwangato ku basumbu bansai,ghamoi na mpumba sa kulamya nsambo. ²Abasingagha kusansa bukota bwa Ghongo,nu kulamya basambi.³Ika'babula: Mwekaghe kena mu lughendo ,ta mushumbo, ali nsagho,ta kampampa,ali kakulo ,nu ta mube na nshulu imbili.⁴Mu numb'insai si mwingile mo,mwikale mo ,nu umo u mu mukatukila.⁵Nu ,ndi bantu tababasekela,mwatukagha mw'oso musumba,nu mwatitulagha mukungu wa mashinshi minu, u buteneneki ku beli.⁶Bendagha,nu batingagha mwelo ku mwelo,mu kusansa musaghu musogha nu kulamya bantu.⁷Helode Mwami ghongwagha ku binsayi bikutinga,ntamanagha bwa kulenganya. Kubuno bamoyi batendagha buno Yoani atuka ku bakui ;⁸bango, Elia u wika ; nu bango buno mulenganya umoyi wa kalai u watukile ku bakui.⁹ Tondo Helode atendagha :Nityagha Yoani ;u nayi lingo ghono u nongwa bitondo bikutendwa ku we ?Nu alondagha kumulola ko.¹⁰Begheshibwa,mu kukuluka kwabo ,baghanikishagha Yesu binsai bi bakitagha.Abatolagha ,nu kwenda nabo kwitunda,ku ntungo sa musumba ukumanwa Betesaida. ¹¹Bikembe,gha bamanagha ubo bamuyangagha ,Yesu abasekelagha ,nu kubasambalila bitondo bya bukota bwa Ghongo ; alamyagha babo babagha na nkasa sa kulama.¹²Bwabagha busi bwatinga ,ikumi na babili bamushighelelagha ,nu kumubula : Bula kikembe, chende ku myelo nu ku mangele ma bwighibwighi bayame ko nu bindondele indya ; kubuno tuli mu kalula.¹³Yesu ababulagha : Mubeleshe indya benywe binene.Tondo bamwakulagha : Twite gho tumpampa tutano nu bisonga bibili, nampu twende beswe binene kubaghulila bano bansai indya.¹⁴Kubu no,babagha anga balume elefu itano. Yesu abulagha begheshibwa baghe: Mubikashe ghansi mu kikembe cha makumi matano matano.¹⁵Bakitagha ubo ,nu ku bikasha.¹⁶Yesu atolagha tumpampa tutano nu bisonga bibili,nu mu kughalamila kw'ighulu abikasanilagha. Nu,kubiketulaketula,nu kwelesha begheshibwa ,kubuno babeghanishe kikembe. ¹⁷Bansayi balyagha nu kw'ikuta ,nu b'isashagha nshi ikumi n'imbili sa bi bindanwagha.¹⁸Busi bumoi Yesu intundagha mu kusegha, ghamoyi na begheshibwa baghe,ababushagha : Bakutenda ine u nayi?¹⁹Bamwakulagha : Yoani mupatishi ,bango Elia; bango ,buno umoyi ku balenganya ba kalayi watukile ku bakui.²⁰Nu benywe ,mu kutenda buno ine nayi ?Petelo amwakulagha :Kilishitu wa Ghongo.²¹Yesu abananiagha bubibu babulaghe muntu. ²²Asubililagha kutenda buno bwa tunganana Mwana wa muntu anube bubibu, ananwe na bakungu,nu bisankogha banene,nu basanshi,nu bamwite nu ku bindi bisatu atuke ku bakui .²³Nu agho abulagha bansayi : Ndi muntu ashima kunjanga, inane w'inene,iyeche musalaba waghe bindi binsayi,nu anjange. ²⁴Kubuno olya washima k'onya kalamo kaghe akakashimisha , tondo olya ukakashimisha ku bushi bwani akakonya . ²⁵ Nu ki kinakita muntu musogha ndi iyangika kisi kinsayi, nu ashimisha kalamo kaghe ?²⁶Kubuno olya ukankwa nsoni ku nili nu ku bitondo byani,Mwana wa muntu akamukwa nsoni, gha kika mu lukumbu lwaghe,mu lwa Tata nu mu lwa banghenshi basanana.²⁷Nkubabula bulili ,bamoi ku beli ghano tabakakwa ndi tabelola ku bukota bwa Ghongo.²⁸Ku bindi munani mu kushila ku babula ibyo bitondo, Yesu atolagha ghamoi nawe Petelo,Yoani nu Yakobo nu kubakama nabo mwinduko ende kusegha.²⁹Gha binde ekusegha, chaso chaghe chaghalukagha ,nu nshulu saghe sengagha bubibu.³⁰Nu lola,balume babili babagha bakutenda nawe : U Musa nu Elia, ³¹ba ba monekanagha ko mu lukumbu bakutenda ku bitondo bikatinga ku Yelusalema.³²Petelo nu banabo babagha bemwa na tulo ; tondo mu kutalimuka,bamonagha lukumbu lwa Yesu nu balume babili babagha nawe.³³Abo balume ,mu kushila kulekanuka na Yesu, Petelo amubulagha : Mukota,bweli busogha twikale ghano ; tobake tumbala tusatu,kamoi kobe,kango ka Musa,nu kango ka Elia.Ntamanagha bya kutenda.³⁴Bwabagha echeli atenda ubo,lubhu lwababhukilagha ; nu begheshibwa bakatwagha na boba mu ku mumonako ingila mu lubhu. ³⁵ Nu mu lubhu mwatukagha ishuki,likutenda : Ghono u Mwana wani wasombolilwe : Mwa mwongwililagha. ³⁶Ghongibwagha kw'ishuki Yesu abagha w'inene.Begheshibwa bakobagha,nu ta basambalilagha muntu bi balolagha ko ,mwibo bindi.³⁷Munindu ,gha bakumbagha mushighulo ,kikembe kinene chashwagha ghabusho na Yesu. ³⁸Nu lola munkatighi na kikembe mulume u'moi atandagha mulenge : Mukota, nakusegha , lola ku musikila wani, kubuno u ngomo sani. ³⁹Gha kukatwa na musumbu ,nu nti alaka.Nu musumbu nti amutenjatenja bubibu , nu nti atucha imbulho , nu mu kumutuka mo,nti ashigha amubabasha. ⁴⁰ Naseghagha begheshibwa bobe bamutibite,nu tabakoshishe.⁴¹ Yesu amwakulagha :Kilongo kibi nu ki tekatisha nu mighayughayu, nkikala na benywe bindi binga nu nkubasunga ? Shwa na musikila wobe ghano. ⁴²Ghabinde akushighelela ,musumbu amulekalagha ghansi , nu kumutenjatenja bubibu. Tondo Yesu asughilagha musumbu, alamyagha mwana nu ku mukulucha kweli Ise.⁴³Nu bansayi baghanaghanagha bo binene na bi kukita Ghongo. Gha binde muntu unsayi ekughanaghana kubikukita Yesu,abulagha begheshibwa baghe : ⁴⁴Benywe, mwongwilile bino : Mwana wa muntu asighwe mu maboko ma bantu.⁴⁵Tondo begheshibwa tabamanagha kicho kitondo ; chabagha chabiswa ku beli ,kubuno tabamanile buchatenda,nu bakwagha boba ku mubusha ku cho.⁴⁶Nu, mulenganya umoyi wabikilagha mu mutima, wa kumana nayi u mukulu kubo.⁴⁷Yesu,mu kulola mulenganya ubite mu mutima wabo,atolagha mwana muto,amubikagha bwighi nawe,

⁴⁹Yoani amubulagha : Mukota twalolile ku muntu ukutibita basumbu mw'ishina lyobe; nu twamunaniagha kubuno nteli na beshwe.⁵⁰Yesu amwakulagha : Ta mu munanie, kubuno olya uteli mughini winu, nti eli wa kwinu.⁵¹Mu kuba bindi byaghe bya kutuka mu kisi bise bwighibwighi,Yesu alekulagha kwenda ku Yelusalema.⁵²Asingagha baghenshi kubusho nawe ,bendagha nu kwingila mu myelo wa Basamaliya,buno bamulongomanishe gha kuyama.⁵³Tondo tabamusekelagha,kubuno akwenda ku Yelusalema.⁵⁴Begheshibwa Yakobo nu Yoani,mu kolola kubo, batendagha : Mukota,ukushima buno tukumbye kaya katuke kw'ighulu nu kubashicha ? ⁵⁵Yesu abaghalukilagha nu kubasughila : Tamukumana mulenganya u mwite .⁵⁶Kubuno Mwana wa muntu ashwile,ta kushimisha mitima sa bantu ,tondo ku sonya.Nu bendagha ku ungo mwelo.⁵⁷Gha babagha mu nsila , muntu'moyi ak'amubula : Mukota,nkakuyanga kunsayi ku u kenda.⁵⁸Yesu amwakulagha:Bisenge bite mpunsa ,nu tusoni tw'ighulu twite bishumba ; tondo Mwana wa muntu ntite gha kubik'itwe.⁵⁹Abulagha ungo:Njange . Nu amwakulagha: Mukota, nshighilile tanga nende ku kunda tata.⁶⁰Tondo Yesu amubulagha : Shigha bakwile bakunde bilunda byabo ;nu uwe, nda usanse musaghu wa bukota bwa Ghongo.⁶¹Ungo atendagha : Nkakuyanga, Mukota, tondo ,nshighe tanga nende kulagha bisakwitu.⁶²Yesu amwakulagha : Nu muntu olya u kulima ,nu ndi engelesha kumbusa,nti nta tunganana mu bukota bwa Ghongo.

Chapter 10

¹Kumbusa kwa'gho ,Mukota asombolagha bango begheshibwa makumi mutubakamo ,nu kusinga babili balili gha busho nawe bende mu misumba nu bishiki binsai kwanendile w'inene. ²Ababulagha :Buuse bweli bwingi ,tondo bakiti u bakeke. Museghe kashi nene buuse asinge bakiti mu buuse bwaghe .³Mwende ;lola ,nabasinga anga mbuli munkatighi na mpagha.⁴Tamweke bikulo ali nsagho,aba kilato,nu ta mukase muntu samba mu nsila.⁵Mu numba si mwingila mo,mutende tanga : Boolo bube mu numba seno!⁶Nu ndi mweli mwana wa boolo,boolo bwinu nti bwaba muwe, ndi toobo,nti bwabakulukila.⁷Mwikalagha mweso numba,kulya nu kunywa binsai bimweleshibwa ; kubuno,mukiti emana indigho lwaghe. Mwingilaghe mu numba seno nu seso.⁸Mu musumba mu mwingila mo ,nu wa basekela,mulyaghe bimweleshibwa ,⁹mulamye basambi beli mo,nu mwababulagha : bukota bwa Ghongo bwise bwighi na benywe.¹⁰Tondo mu musumba u mwingila mo, ndi ta babasekela,mwende mu nsila sagho,nu kutenda : ¹¹Twabatitulila mukungu wa musumba winu walandagha ku manshinshi mitu ; mumane buno bukota bwa Ghongo bwise bwighibwighi.¹²Nkubabula buno ubo busi Sodoma akasungibwa bukebuke kughimba ghoso musumba.¹³Musambo kobe,Kolasini ! Musambo kobe Betesaida ! Kubuno,bitangalo byakitwagha munkatighi sinu binakitilwe mu Tilo nu mu Sidona, bindi bingi songo nbisungulile, mu kushwala ikunia nu kubong'ito.¹⁴Uchasula,busi bwa kwaya,Tilo nu Sidona bakasungibwa bikeke kubatinga benywe.¹⁵ N'uwe,Kapelenaumu, watelulwagha kw'ighulu,bakakukumbya ku kishiki cha bakui.¹⁶Olya wabongwa nti anongwa,nu olya wa banana nti aninana; nu olya wa ninana nti anana olya wansingagha.¹⁷Abo makumi mutubakamo bakulukagha na mboghimboghi nu kumubula : Mukota,kw'ishina lyobe basumbu nubo batwongwilinde .¹⁸Yesu ababulagha : Nalolagha Kahinga akoloka kw'ighulu anga mulabyo.¹⁹Lola,nabeleshishe bwangato bwa kunanta malighi nu malikanga,nu bwangato bunsayi bwa mughini ;nu takweli ki kabanubya.²⁰Tondo,mubogheboghaghe buno basumbu ba bongwilinde,tondo mubogheboghe kubuno mashina minu matilwa mw'ighulu.²¹Mwako kaluma,Yesu aboghaboghagha kutingila Muusa Musogha,nu ikatenda: Nakutata,Tata,Mukota wa Mw'ighulu nu wa kisi,kubuno wabisile bino bitondo ku bengegha nu ku balenganya,nu wabibisula ku bana. Naki,Tata,nakutata kubuno u buwashimagha ubo.²²Neleshibwe binsai `na Tata,nu taku muntu ukumana Mwana,ndi ta Tata, ali ukumana Tata, ndi nta Mwana nu olya walimbulilwa na Mwana.²³Mu kughalukila begheshibwa ,ababulagha bo b'inene : Makasanilwe miso malola bibyo bi mwalola ko. ²⁴ Kubuno balenganya bengi nu bami bashimagha balole ku bino bimukulola ko,nu tabalolile kwibyo ,nu kongwa ku bimukwongwa ko,nu tabongwile kubyo.²⁵Ngatu umoi wa mulembe imalukagha nu kubula Yesu buno amuteghe: Mukota,nikite ki nibe na kalamo ka milyalya ? ²⁶ Yesu amubushagha :Ki chatilwa mu mulembe ?Kiwa soma mucho ?²⁷Amwakulagha : U kashima Mukota Ghongo na mutima wobe unsai,nu mulenganya wobe unsani,na maghala mobe mansai ,nu makengelo mobe mansai ; nu muninu anga bubo buw'inshima uw'inene.²⁸Yesu amubulagha:Waakula busogha:Kita ubo nu, u kalama.²⁹ Tondo we,mu kulonda indoshe buno asanana ,abulagha Yesu : Nayi u munitu ? ³⁰ Mukutenda Yesu amubulagha : Muntu umoi atukagha ku Yelusalema nu kwenda ku Yeliko.Akulumanagha na bisungu ,byamunaghagha binsai ,kumupunda, nu kwiyendela,kumushigha anga kilunda.³¹Sankogha umoi ,watingagha mweso nsila,mu kumona ku ghoso muntu ,atingagha bulai.³²Mulawi umoi ,ikagha nuwe mwecho kishiki,mukumumona ko,atingagha bulai.³³Tondo musamalia umoi,wabagha mu lughendo, mu kwika agho,amukwila lukogho mu kumumona ko.³⁴Ashighelelagha,nu kumukanda byulu,mu kumubonja mwambo nu mu nfinyo ;nu amutelulilagha ku mpunda saghe, kwenda nawe ku numba sa bagheni, nu kumusakilila. ³⁵Gha chagha busi, atuchagha falang'imbili nu kwelesha nene numba,nu kumubula : Wamusakililagha ,bi watuche kughimba bino,nakukulukishe byo mu ku kuluka.³⁶Nayi ku babo basatu u mwisakwabo wa ghoso wakulumanagha na bisungu ? ³⁷Ngatu wa milembe amwakulagha: Ghoso wamukwilagha lukogho.Nu Yesu amubulagha : Nda, nuwe,kita bubo.³⁸Bwa bagha Yesu na begheshibwa baghe mu lughendo,ingilagha mu mwelo umoyi,nu mukashi umoyi,ukumanwa Malita,amusekelagha mu numba saghe.³⁹Abagha na muto waghe ukumanwa Malia,wabagha ikalile ku manshinshi ma Mukota,mu kwongwilila kitondo chaghe.⁴⁰Malita,mukuba na milimo ningi sa numba,ashighelelagha Yesu nu kumubula : Mukota, washimile bubo bwanshighilila muto wani na mulimo? Mubule ankashe. ⁴¹Mukota amwakulagha : Malita,Malita, winkutya nu kutubatuba na bitondo bingi.⁴²Kintu kimoyi u chatunganana.Malia asombolile kibhu kisogha nta kanaghwa cho.

Chapter 11

¹Busi bumoyi, Yesu abagha akusegha ku kishiki kimoyi. Ghashilagha,umoyi ku begheshibwa baghe amubulagha : Mukota twegheshe kusegha,anga bwegheshishe Yoani beghesha baghe.²Ababulagha: Gha mukusegha,mutende : Tata, Ishina lyobe l'isanane;bukota bobe bwike.³Tweleshe kampapa kitu ka bindi binsayi ;⁴shighilila bwaghi bwitu , anga bu tukushighilila ghoso watukisikinde mabi ; nu ntutushighe ku malingiko.⁵Ababulagha lingo : Ndi umoyi winu ite mwinda waghe wenda kwaghe mu kantighi na kindi nu kumubula buno : Mwinda,ns'ombe tumpapa tusatu,⁶kubuno umoyi ku binda bani atuka lughendo,nu nshite bya kumwelesha,⁷nu ndi amwakula munda na numba saghe : Nshighe,lumbi lwighalilwe kalayi,bana bani nu'ine twayamile ,nshin'imaluka buno nende ku kwelesha tumpapa,⁸nkubabula,nu ndi ntanabuka nu kumwelesha kubuno eli mwinda waghe,ak'imaluka kubushi bwa kumubucha nu nti amwelesha binsayi bite nabyo nkasa .⁹Nu ine,nkubabula : Museghe, nu mukeleshibwa ; mulonde,nu mukamona ; mukokomole,nu mu kighulilwa.¹⁰Kubuno olya wasegha,nti eleshibwa ,nu walonda nti amona,nu akwighulilwa olya wa kokomola.¹¹Nai whoso tata u nelesha mwana waghe ikoi nu ndi amusegha kampapa ?Ali,nu ndi asegha kisonga,amweleshe bulhighi nu kisonga cheli gho?¹²Ali ,ndi asegha iyungu,anamwelesha malikanga ?¹³Ndi benywe babibu,mukumana kwelesha bana binu bisogha,nu ki kinaghimba Tata winu wa mw'ighulu nteleshe Muusa Musogha ku babo ba musegha?¹⁴Yesu atibitagha isumbu lya kalumbu.Gha tukagha ily'isumbu,kalumbu katendagha,nu kikembe cha ghanaghana.¹⁵Tondo,bamoi batendagha : nti kutingila Belesebuli,mukulu wa basumbu,u mwakutibita basumbu.¹⁶Nu bango mu kumutegha,bamusegha'gha kama kamoi k'ighulu.¹⁷Bwamanagha Yesu milenganya sibite,ababulagha :Bukota bw'ibeghanya bo bw'inene nti bwashilha,nu numba nti s'endukila kw'engo.¹⁸Ndi Kahinga imbeghanya,buni bunalinda bukota bwaghe ,kubuno mukutenda nkutibita basumbu kutingila Belesebuli ?¹⁹Ndi nkutibita basumbu kutingila Belesebuli,bana binu bakubatibita na ki ?Uchasula, bakaba bo binene basushi binu.²⁰Nu ndi kutingila munywe wa Ghongo u mu nkutibita basumbu,kashi bukota bwa Ghongo bwika kwinu.²¹Ndi mulume wite maghala nu ngabo akulanga numba saghe, byakulanga nti byalangwa busogha.²² Tondo,ndi wamutinga maghala amughulukila nu kumukinda ,nti amunagha ngabo insai salelamilagha, nu nti abeghanya byatukhulagha.²³Olya uteli ghamoi n'ine nti anginika ko,nu utakunsamanya n'ine,nti asandabanya.²⁴Gha kuba musumbu atuka mu muntu,nti enda ku bishiki bya mpegho,buno alonde gha komulilwa.Ndi ntasanga kena,nt' itendya : Nakulukile mu numba sani si natukilagha mo,²⁵nu mu kwika nti asanga sakukulilwe nu satondilwe mo.²⁶Agho nti' enda, kulhuta bango basumbu babibu mutubakamo ba mughimba ; nti bingila mu numba, kombhulha mo,nu nti abigha bubibu kutinga bwabagha litangi.²⁷Mukuba Yesu akutend' ubo,mukashi umoi,atendagha munkatighi na kikembe,nu ku mubula: Sikasanilwe nda sakwekagha ! Makasanilwe mabele ma wamomagha ko ! ²⁸Nu ik'amubula : Bakasanilwe babo bekwongwilila kitondo cha Ghongo,nu kukilanga mu mutima!²⁹Gha bagha bantu bakwinkusamanya, ikatenda : Lughiso luno lweli lubibu,lukusegha kitangalo ; takikeleshibwa kingo kitangalo ndi ta kicho cha Yona. ³⁰Kubuno,bwabagha Yona kama kamoi ku bisa Ninawe,u bukaba Mwana wa muntu mu luno lughiso.³¹Mukashi-Mwami wa Seba,akimala busi bwa lubansa na bantu ba luno lughiso nu akabayungya , kubuno atukile kushinda kisi kwongwilila bwenge bwa Solomono;nu lola ghano waghimba Solomono.³²Bantu baNinawe bakimala ku lubansa na luno lughiso nu kuluyungya,kubuno baghalukagha ku busambashi bwa Yona;nu lola waghimba Yona eli ghano.³³Muntu ntanabanja tala nu kusibukila tondo tya sibika gha kasasa,kubuno bekwingila bamone chengeshi .³⁴Liso u tala sa mubili.Ndi liso lyobe lyeli lisogha,mubili ghobe unsai ukusanishibwa ; tondo ndi liso lyobe ta lisogha,mubili unsai weli mu bulimaswa.³⁵Walolagha busogha chengi chobe ,kinaghaluka bulimaswa.³⁶Ndi mubili unsai wasanibwa,nu tawite gheli bulimaswa bukeke, nti wasanishibwa busogha,anga bukusanisha tala na chengeshi chaghe.³⁷Gha binde Yesu akutenda,mufalisayo umoi amumanagha ende kulya kwaghe.Ingilagha,nu kulya .³⁸Mufalisayo aghanaghanagha mu kulola alya ntoghile.³⁹ Tondo Yesu ik'amubula : Benywe Bafalisayo,mukusughagha ku mughongo wa kata nu lughe,nu mwa munda mwisala nkuna nu bubi bwingi.⁴⁰Mighasanga!Olya wakitagha bya kumbugha,ntakitagha nu bya munda? ⁴¹Mweleshe ku lukaso bibyo bili munda,nu lola ibyo bikai binsai bikenga kwinu.⁴²Tondo musambo kwinu ,Bafalisayo kubuno mukuligha emoyi l'ikumi lya bitembele nu bya munsila,nu bisughu binsai mukubenga kw'isanana nu lutundo lwa Ghongo : U bimunalingile kukita, nu ta kushigha bingo .⁴³Musambo kwinu,Bafalisayo! Kubuno mwashima bishiki bya kubusho mu Sinakoki,nu kweleshibwa samba mu milingu.⁴⁴Musambo kwinu !muli anga nsinda sabukilwa,nu bekutabanga gha ntata gha so nu tabekumana.⁴⁵Mwa mukutenda, ngatu umoi wa mulimbe ,amubulagha : Mukota,mu kutenda ubo, watutuka.⁴⁶Nu Yesu amwakulagha : Musambo kwinu benywe begheshi ba milembe ! Kubuno mukwecha bantu mishigho sashitogha ,nu simute 'kukata ko .⁴⁷Musambo kwinu ! Kubuno mukobaka nsinda sa balenganya,bitwagha na ba so.⁴⁸Mukuteneneka kashi ku mikolo sa baso binu,nu mwimila;kubuno,u bitagha balenganya ,nu benywe mukobaka nsinda sabo.⁴⁹Uchasula bulenganya bwa Ghongo bwatendagha : Nkabasingila balenganya nu ntumwa ; bakita bamoi nu kunubya bango, ⁵⁰ inga luno lughiso lwabushibwa,ku mikilha sa balenganya bansai sakubukagha kutukila kubumbwa kwa kisi, ⁵¹kulingila mikilha sa Abeli kwika sa Sakalia,w'itwagha gha sambana kasasa nu numba sa kukumbamila ;naki,nkubabula,bakabushibwa ba luno lughiso.⁵²Musambo kwinu ngatu sa milembe !Kubuno mwabisulile batoto ba bumanililo; ta mwingilagha benywe binene nu mwashibagha nsila ku balondagha kw'ingila.⁵³Mu kutuka agho, batili nu Bafalisayo bamukakishagha bubibu,nu kumutendya bingi,⁵⁴mwa mu kumutegha mu bitondo bikutuka mu kanywa kaghe.

Chapter 12

¹Kutingil'ibyo,bantu bakulumanagha bikembe bikembe bya maghana nu kwikila kunantana ,Yesu abulagha begheshibwa baghe: Mu binsayi, mwindangagha na bwagho bwa Bafalisayo, u bwengelelo.²Takuli chabisilwe ,kitaka bisulwa,ali kindo kitakamanililwa.³Uchasula,kinsayi kimukatenda mu bulimaswa ki kwongwililwa mu chengeshi,nu ki mukatendela ku matuyi mu chumba kika sanswa ghantata gha numba.⁴Nkubabula,benywe binda bani : Ta mukwe boba babo bakwita mubili nu,kushila ubo tabana kita bungo.⁵ Nabaloshe nayi olya munakwa boba.Mukwe boba,ghoso ,kushila kwita ,ite bwangato bwakukulekela mu kaya ;naki,nababula,ghoso u mukwaghe boba.⁶Ta bakughushagha tusoni tutano ku tukulo tubili ? Tondo,taku wampa kubo ukwebelelwa na Ghongo.⁷Nu nshuli insayi s'itwe linu saghansilwe .Tamukwe boba lingo: Benywe mwaghimba tusoni twingi.⁸Nababula,olya ukanganula kuli bantu,Mwana wa muntu nuwe akamughanula mu miso ma baghenshi ba Ghongo ;⁹tondo olya ukantuna mu miso ma bantu akatunwa mu miso ma baghenshi ba Ghongo.¹⁰Nu olya ukatenda bubi ku Mwana wa muntu,akashighililwa;tondo olya ukenegha Muusa Musogha ntakashighililwa.¹¹Gha bakabicha mu ma Sinakoki,ku basushi ,nu bangati,tamwimbushe buni bumwishungule ali bumwatende;¹²kubuno Muusa Musogha ukabegheshe mweso nkungu ki ki u cha kutenda.¹³Umoyi abulagha Yesu, munkatighi na kikembe : Mwegheshi, bula mubuto wani abeghanye mwandu witu ine nawe.¹⁴Yesu amwakulagha : E mulume,nayi wambikile Sushi winu,ali wakuba beghanisha? ¹⁵Agho, ababulagha : Mwindange na butughu bunsayi, kubuno kalamo ka muntu ta kakutuka ku bintu byaghe ,anaba eli mu butumba.¹⁶Nu ababulagha mashumo seno: Maswa ma mutumba umoi makonamyagha bingi.¹⁷Nu ghabinde ekulenganya w'inene, mu kutenda : Nakite kiki ? Kubuno nshite gha kubikila buuse bwani.¹⁸Lola,nkumana binakite. Nasambule bigholo byani,nu kuluka binene,nakusamanye buuse bwani bunsayi nu bikayi byani binsayi; ¹⁹nu n'itendye mu mutima : Mutima,wite bikayi bingi bisogha,byabikwa ku myaka ningi; omulwa,lya,nywa,nu boghabogha.²⁰Tondo Ghongo amub'ulagha : Mughasanga ! Mu kino kindi mutima wobe ukutolwa; nu biw'imbikinde ,bikaba bya na nai ?²¹U bweli muntu wakunsumanya butumba bwaghe ,nu nteli mutumba kwa Ghongo.²²Yesu atendagha lingo na begheshibwa baghe : Uchasula nkubabula:Tamwighanyeghanyaghe ku kalamo kinu, ku bimwalye ,ali mibili sinu ki kimwashwale. ²³Kalamo kaghimb'indya,nu mubili waghimba nshulu.²⁴Mulole tusoni ;tatukushika ali kukana,tatwite nshi ali bigholo;nu Ghongo akutwelesha indya.Ngendw'inga benywe bu mwaghimba tusoni ! ²⁵Nayi ku benywe mu kw'inganyanganya,anakosha kwintalikila kindi kimoyi ku kalamo kaghe ?²⁶Ndi tamunakosha kukita kena ,buni bumukwinganyanganya ?²⁷Mulole bukukula bisughu; tabikukita nkashi ali kuluka ; tondo nkubabula buno Solomono mu butumba bwaghe bunsayi ,ntashwalile anga kimoi kubyo.²⁸Ndi Ghongo akushwalicha buno busi kisughu cheli mu maswa nu munindu chalekelwe mu kaya,buni bwak'inda ku bashwalicha benywe ba lukatisho lukeke?²⁹Nu benywe,tamwimbushe ki kimwalye nu kimwanywe,nu tamwinganyenganye.³⁰Kubuno ibyo binsayi bikulondwa na batekatisha ba kisi.Tata winu ekumana bimwite nkasa nabyo.³¹Mwalondagha tughu bukota bwa Ghongo;nu mukeleshibwa binsayi .³²Tamukwe boba ,kikembe kikeke;kubuno Tata winu ashima busogha mweleshibwe bukota.³³Mughushe bi mwite nu mwesane lukaso .Mwimbikilagha nsagho si tanakungugha,butumba bute bwa kushila mwa mw'ighulu, gha tenika mwimbi,nu kaghembe kuteta.³⁴Kubuno, gha gheli butumba bobe,u ghakaba mutima wobe.³⁵Mukokomeshe mitunda sinu,nu tala sinu sibange. ³⁶Nu, benywe mususane na bantu bekulindila Mweghesha wabo atuke ku kisaghulo k'isonga,buno bamwighulile mu kwika kwaghe nu ku kokomola ku lumbi.³⁷Bakasanilwe bakiti bakasangwa na mukota wabo tabayamile ! Nababula bulili,ankishuka mutunda ,akababika gha mesa ,nu kubelesh'indya balye. ³⁸Nd'ika mu kutalimuka lya ngendw'i imbili ali lya ngend'isatu,bakasanilwe abo bakiti bakasangwa ta bayamile.³⁹Mwamanagha buno ,ndi nene numba anamanile mu nkungu ki sinika mwimbi,ntanayamile nu kushigha numba saghe situkulhwe. ⁴⁰Nu benywe ,mwikale ntende,kubuno Mwana wa muntu akika mu nkungu si mutakumana .⁴¹Petelo amubulagha : Mukota,ndi beshwe ali ku bansai u kuwakalila mano mashumo ? ⁴²Nu Mukota ababulagha: Nayi ghoso mulangi wa bikulo wateghelesha,ukabikwa na Mukota angate bantu baghe,buno abelesh' indya mu bindi bya tunganana ?

⁴⁴ Nkubabula bulili, akamubika mwangati wa bikayi byaghe binsayi.⁴⁵Tondo,ndi ghoso mukiti imbula w'inene : Mukota wani indisha kukuluka ;ndi ise apunda bakiti balume nu bakashi,kulya nu kunywa nu kuhunduka,⁴⁶Mukota wa ghoso mukiti a kika busi bwa takumana nu mu nkungu satakumana,akamutetembya nu kumwelesha kibhu chaghe ghamoyi na batekatisha.⁴⁷Mukiti ukumana bwashima Mukota waghe,nu ntalongomanyishe kena,nu nta kita bwashima mukota ,akapundwa bipundo bingi.⁴⁸tondo ghoso utamanagha bwashima, nu akita byemwa kupundwa,akapundwa bikeke.Bakasegha bingi ku olya weleshibwe bingi,nu bakakakisha bingi ku olya washighilwagha bingi.⁴⁹Nashwile kulekela kaya mu kisi,nu bunashima,ndi kabanga kalayi .⁵⁰Kweli lupatisho lunema kupatishibwa,nu buni bu lwindisha nikuche lo !⁵¹Mu kulengenganya buno nashwile kwicha boolo mu kisi ? Tobo,nababula,tondo kwengukana.⁵²Kubuno batano ba numba emoyi bakengukana,basatu ku babili,nu babili ku basatu,⁵³tata ku musikila waghe, nu musikila kw'ise.Nina ku mukinga waghe,nu mukinga ku nina,mabyala ku mwanakashi ,nu mwanakashi ku nina byala.⁵⁴Abulagha lingo kikembe: gha mu kumona lubhu lwatuka ku kuyamagha musi,nti mwatenda buno mbula sashwa.Nu nti bwab'obo.⁵⁵Nu ndi mwalola lumpumpu lwa mukatighi na musi lwatinga ,nti mwatenda : Musi wasughe.Nu nti wab' ubo . ⁵⁶Bengelele ! Mukumanilila bya kisi nu b'ighulu;buni bu mutekumanilila bya bino bindi ?⁵⁷Nu buni bu mutekumanilila bisogha benywe binene ?⁵⁸Ndi wenda na mughini wobe kwa Shushi, kita buunamana kw'itucha kuwe mu nsila , anashwa kukwicha kuli Shushi,nu Shushi anakwesana kuli mukulu wa bitondo,nu ghono anakulekela mu kahombo.⁵⁹Nkukubula, ntukatuk'umo ndi ntuligha kakulo kashinda.

Chapter 13

¹Mwebyo bindi bantu babagha agho,baghanikishagha Yesu ku byatingagha ko ba Galilaya,bwaswanyagha Pilato mikilha ghamoyi na bisansa byabo.² Abakulagha : Mwalenganya buno babo Bagalilaya u bisa bwaghi kughimba bango ba Galilaya,kubuno, banubagha ubo? ³Tobo,nababula.Tondo ndi tamwinsungula mu mitima,mukashika ubo benywe bansayi .⁴ Ali abo bantu ikumi nu munani bendukilwagha na munala wa Siloamu nu kubashicha ,mukulenganya buno abo u babi kughimba bantu bansayi ba Yelusalema ? ⁵Tobo,nababula : Tondo ndi tamwinsungula mu mitima ,mukashika ubo nubo.⁶Abakalilagha lingo mano mashumo : Munt'umoi abagha na mutini washikwagha mw'iswa lyaghe lya misabibu.Ashwagha ko kulonda bighuma nu ntamonagha kena. ⁷Agho ,abulagha mulangi w'iswa :Lola myaka isatu'ino nkushwa kulonda kighuma ku ghono mutini ,nu nshikumona kena.Shinda gho : Buni bu wikala muli nw' itete tughutughu?⁸Mulangi w'iswa amwakulagha : Mukota ,shigha gho tanga uno mwaka ; natime kushindashinda nu kubika itete lya munagho . ⁹Nampu ku bindi byashwe ,uka konamya bighuma ; ndi tobo nti waushinda .¹⁰Yesu abagha akweghesha mu Sinakoki emoyi busi bwa Sabato.¹¹Nu lola,mukashi umoi wakitwagha kasokoluma na basumbu myaka ikumi nu munani,abagha akumbamile mughongo,nu ntanakoshishe kuwimalucha.¹²Yesu mu kumumona ko ,amubulagha kino kitondo : Mukashi,walama busokoluma bobe.¹³Nu amubikilagha maboko.Mwako kaluma imikagha mughongo,nw'ing'aghanula Ghongo.¹⁴Tondo,mukulu wa Sinakoki mwa mu kulola Yesu alamya busi bwa sabato ,ashibukagha, abulagha kikembe : Kweli bindi mutuba bya mulimo,mushwe mulame mwibyo bindi, tondo ta busi bwa sabato.¹⁵Mukota amwakulagha:Bengelele ! Nayi umoi ku benywe ,utakukandulagha nkambu ali mpunda saghe busi bwa sabato,nu kusicha ku sinanywila masi ? ¹⁶Nu ghono mukashi,weli nuwe mukinga wa Bulaimu,nu wakandilwe na Kahinga myaka ikumi nu munani,ta bwatunganana akandulwe busi bwa Sabato?¹⁷Gha bagha akutenda ,baghini baghe bansayi bakwagha nsoni,nu kikembe chaboghaboghagha ku binsayi bya byakitagha bya kughanula.¹⁸Atendagha lingo:Ki chasusana na bukota bwa Ghongo, nu nibulingike na ki?¹⁹Bwa susana na mubibho wa senewe watolwagha na munt'umoyi,nu kuubiba mw'iswa lyaghe ; wasagha,waghalukagha muti,nu tusoni tw'ighulu tobakile bishumba mu ntabe saghe.²⁰Atendagha lingo : Nilingike bukota bwa Ghongo na ki ? ²¹Bwasusana na lughagho lwatolwagha na mukash'umoyi nu kulwinda mu kilianga binamagha basatu ba nshano,buno situmbye buntu bunsayi.²²Yesu atingagha mu misumba nu myelo,mu kweghesha,nu kwenda ku Yelusalema.²³Munt 'umoyi amubulagha : Mukota, bakeke u bak'ona ? Abakulagha : ²⁴Mwikake kwingila ku lumbi lukeke.Kubuno nababula bengi bakalonda kw'ingila,nu tabakakosha.²⁵Gha k'imala nene numba nu kwighala lumbi,nu benywe mweli gha mbugha, mukakokomola ku lumbi,nu kutenda : Mukota,Mukota twighulile !Akabaakula : Nshikumana kuni kumwatuka.²⁶Agho mukatenda : Twalyagha nu kunywa ghamoyi nowe, nu weghishagha bantu kwitu,²⁷Nu akabakula : Nababula:Nshikumana kumwatuka ; Muntukile benywe bansayi bakiti ba mabi .²⁸Uko u kukaba indilo nu kukala mino,gha mukamona Bulaimu,Isaka nu Yakobo nu balenganya bansayi mu bukota bwa Ghongo,nu benywe mwalekelwa kumbugha. ²⁹Bakatukila ku kutukila musi nu ku ukuyamagha, kuntata nu kunsi,nu bak'ikala ku mesa ma bukota bwa Ghongo. ³⁰Nu lola, bashinda bakaba basoki ,nu basoki bakaba bashinda.³¹Ubo busi Bafalisayo bamoyi bashwagha kumubula : Iyendele,tuka ghano,kubuno Helode ekulonda ku kwita.³²Abakulagha : Mwende ,nu mubule kicho kisenge :Lola,nkutibita basumbu,nu nkulamya bantu buno busi nu munindu,nu ku bindi bisatu nti nashila.³³Tondo,bwatunganana nitabange lelo,munindu,nu busi bukushwa;kubuno tabwaswagha mulenganya akwile kubugha na Yelusalema.³⁴Yelusalema,Yelusalema,uwe ukwita balenganya nu kwita na makoyi babo basingwagha kobe,ngendw'inga nalondagha kukulumanya bana bobe,ang'imbuti lya nkoko likukunga bana baghe mu byubi byaghe,nu ntwashimagha.³⁵Lola, ukashighilwa numba sobe ; tondo, nababula : Tamukandola ko lingo ,ndi tamutenda : Akasanilwe olya washwa mw'ishina lya Mukota !

Chapter 14

¹Ghi ngilagha Yesu mu numba sa mukulu umoyi wa Bafalisayo,busi bwa sabato, buno alye indya, Bafalisayo babagha bakumunghensha.²Nu lola muntu wa lusambo lwa kabunda ikalagha bwighi nawe . ³Mwa kutenda Yesu ,abulagha ngatu sa milembe nu Bafalisayo : Bwimilwa, ali tobo kulamya busi bwa sabato ?⁴Bakobagha .Agho lino Yesu alambyagha kuboko kwa ghoso muntu,kumulamya nu kumubula iyendele.⁵Nu ika babulagha : Nayi umoyi ku benywe ndi mwana waghe ali nkambu saghe sakolokela mu mushinga,ntanamutucha mo ,busi bwa sabato ?⁶Nu bindagha bya kumwakula .⁷Abakalilagha mashumo babo bamanaghwa , mu kulola buno bashima bishumbi bya ghabusho ; ik'ababula :⁸Gha ukamanwa na muntu ku kisaghulo k'isonga, ntwikale kushiki kisoki ,kubuno ku bamanwagha kunaba muntu wakughimba,⁹nu' olya wabamanagha anashwa ku kubula : Shighila ghono muntu icho kishumbi .Ukakwa nsoni sa kwenda kwikala ku kishumbi cha kumbusa.¹⁰Tondo gha ukamanwa,nda wikale ku kishiki cha kumbusa ,ghakika wakumanagha,akubule: Mwinda wani ,shwa wikale ku kubusho. Nw'agho,ukaba na lwanso kwabo baukulya nabo.¹¹Olya w'intumbya ak'eneghwa,nu olya weneghwa,akatelulwa.¹²Abulagha wamumanagha : Ghongwa ukwelesha bantu kw'indya lya munkatighi na musi ali l'igholigholo,ntumanaghe binda bobe,mibuto sobe ali babuti bobe,aba batumba beli ghantungo nowe,banashwa kukumana nu kukukitila ubo.¹³Tondo,ndi wite kisaghulo,mana bakene,booma,babensekile,nu biiku.¹⁴Nu ukaba mukasanilwa kubuno abo tabanakosha kukukitila ubo ; kubuno ukakulukishwa ibyo busi bwa kutuka basanana ku bakuyi.¹⁵Umoyi ku babo babagha bekulya nabo,ghongwile bibyo bitondo,ikabula Yesu : Akasanilwe ghoso ukalya indya mwa mu bukota bwa Ghongo ! ¹⁶Nu Yesu amwakulagha : Munt'umoyi ayikagha indya lingi l'igholigholo,nu ikamana bantu bengi.¹⁷Mu nkungu sa kulya,asingagha mukiti waghe kubula bantu ; Mushwe,binsayi byalongomana.¹⁸Tondo bo bansayi ,bananagha.Musoki amubulagha: Naghulile iswa ,nu nemana kwenda kulisona;nakulilila,nshighe.¹⁹Ungo ikaamubula : Naghulile ighimba lya nkabu;mabuti matano nu balume batano,nkwenda kusilisha;nakulilila nshighe.²⁰Ungo ik'atenda: Nasongile mu bino bindi uchasula nsishwe.²¹Mukiti,mwa mu kukuluka,asambalilagha nene kisaghula.Agho ,nene kisaghulo ashibukagha nu kubula mukiti waghe :Nda mu bishiki nu mu musumba,shwa na bakene ,bite bighansa biuuma,biiku,babesekile bighansa.²²Mukiti atendagha : Mukota,nakitile binsayi biwambulagha,nu bishiki bicheli mu numba.²³Nu mukulu wa kisaghulo abulagha mukiti : Nda mu nsila ningi nu bwighibwighi na mikolo, nu bawasange wabakakishagha kw'ingila buno numba sani sisale .²⁴Kubuno, nababula ,nu kilo muntu wampa ku babo bamanwagha ukasonda kw'indya lyani l'igholo.²⁵Kikembe kingi chendagha na Yesu.Mu kukebatuka ,nu ik'ababula:²⁶Ndi muntu anjanga nu ntasomba ise,nina,mughole waghe,bana baghe,mibuto nu babitu baghe,aba kalamo kaghe tanga,ntanaba mwegheshibwa wani.²⁷Nu olya ute'ka musalaba waghe,nu ntanjanga,ntanaba mwegheshibwa wani.²⁸Kubuno,nayi ku benywe ukulonda kobaka numba , ntikala tanga nu kughansha bikulo bite nu ndi binashila mulimo ,²⁹anaba ashindila mukantighi na mobako,nu nti asekwa na bantu ³⁰mu kutenda: ghono muntu akomagha numba,nu ntasitoshishe ?³¹Ali nayi ghoso mwami, ukulonda kulwana n'ungo mwami,ntikala ghansi tanga nu kulola ndi anakosha,kutingila elefu saghe ikumi sa balume ,kulwana na ghoso washwa na elefu makumi mabili ? ³²Ndi ntanakosha, nu mukuba munabo echeli bulai, ntiamusingila muntu ku malonga ma boolo.³³U byeli ,ku benywe olya utashighilila binsayi bite,ntanaba mwegheshibwa wani.³⁴Munkange weli kikayi kisogha ; tondo ndi washimisha nse saghe,ki kiunalunga lingo ? ³⁵Tawaswagha lingo kw'itete nu kw'ishala ; nti watebwa kumbugha. Olya wite matui ma kwongwa,ongwe.

Chapter 15

¹Bantu ba kisungu bansai nu bisa myanya mbi bashighelelagha kweli Yesu bamwongwilile.²Bafalisayo nu basanshi bakitagha manungunungu,mu kutenda : Muntu ghono akusekela bantu ba myanya mbi,nu ekulya nabo.³ Tondo abakalilagha mango mashumo : ⁴Nayi muntu gha musambana ,nd'ite mbuli ighana,nu ashimish' emoyi, ntanashigha makumi mwenda nu mwenda mwa mu kalula,nu kwenda kulonda seso sashiminde,kwikila gha mone so ? ⁵Gha kuba asimona ,nti'aseka ku kituli na mboghimboghi,⁶nu mu kwika mu numba,nti amana binda baghe nu banabo,nu ku babula: Mubogheboghe nine kubuno namonile mbuli sani sashimilagha. ⁷Ububo nababula,kukaba mboghimboghi mw'ighulu ndi mwisa bwaghi umoyi ashigha bwagi bwaghe,kughimba babo makumi mwenda nu mwenda basanana batite nkasa sa kw'isungula mu mutima. .⁸ Ali nayi mukashi ,nd'ite bichel'ikumi,nu ashimisha kimoyi,ntakubanja tala, kukukula numba nu kusilonda busoghabusogha kwikila asimone ? ⁹Ghakuba asimona,nti amana binda baghe nu banabo,nu kubabula : Mubogheboghe nine,kubuno namona kichele chani kinashimishagha.¹⁰Ubo nubo nkubabula,kuli mboghimboghi ku baghenshi ba Ghongo ndi mwisa bwaghi 'umoyi ashigha bwaghi bwaghe.¹¹Atenda lingo : Muntu moi abagha na basikila baghe babili.¹²Wa mwana muto abulagha ise : Tata ,neleshe kibhu chani. Nu ise ababeghanishagha butumba bwaghe.¹³Mu bindi bikeke,ghoso mwana muto,akunsumanyagha byaghe binsayi,endagha mu kisi cha kulayi,uko ashililishagha bikulo byaghe binsayi mu luwawa.¹⁴Gha shilagha binsayi,nsala inene sabagha mw'icho kisi,nu isangile mu bukene.¹⁵Endagha ku kitila muntu umoyi wa kisi mulimo, ghoso amusingagha ku maswa maghe kulanga mpunu saghe. ¹⁶Ashimagha ikutye nda saghe n'indya lya mpunu , tondo taku wamweleshishe byo.¹⁷Mu kwighanisha,isitendya : bakiti banga beli kwitu bakulya tumpampa twingi ,nw'ine , ghano ,nkukwa na nsala ! ¹⁸Nkimaluka ,nkenda kwa tata,nu nkamubula : Tata nakitile bwaghi mw'ighulu nu ku weli ,¹⁹nshinakosha lingo kumanwa mwana wobe ;nkate ang'umoyi wa bakiti bobe.²⁰Nu imalukagha,nu kwenda kweli 'ise. Bwabagha echeli bulayi,ise amumonagha ko,nu akatwagha na chombo,endagha lubilo nu kumukumbatila nu ku mumuma.²¹Mwana amubulagha : Tata wani,nakitagha bwaghi munda n'ighulu nu kobe,nshatunganana ku manwa lingo mwana wobe,²²Tondo ise abulagha bakiti baghe : Mulishe lubilo lopo lusogha,nu mumushwaliche ; mumushwaliche lupete ku munywe ,nu bilato ku manshinshi .²³Mushwe na nkambu sa nona,nu muketule so. Tulye nu tubogheboghe ; ²⁴kubuno mwana wani ghono akwagha,nu atuka ku bakuyi,ashimilagha ,nu amoneka.Nu ba boghaboghagha.²⁵.Nu nkulha abagha ku maswa.Gha kulukagha,nu kwika bwighi na numba, ongwililagha nembo nu mamina.²⁶Amanagha umoyi ku bakiti ,nu kumubusha ki chabinde. ²⁷Ghoso mukiti amubulagha : Muto wobe u wika,nu kubuno echeli anaka,so ita nkambu sa nona.²⁸Ashibukagha ,nu ntashimagha kw'ingila. Ise akukukagha ,nu kumusegha ingile. ²⁹Tondo a akulagha ise : Lola, myaka ningi nkukukitila milimo ,nu nsha tingile kulayi na milembe sobe,nukilo busi buwaneleshishe shampene ni bogheboghe na binda bani. ³⁰Nu ghika mwana wobe,ghoso washilile bikulo byobe na baluwawa ,wamuketulila nkambu sa nona !³¹Ise amubulagha: Mwana wani,uli n'ine bindi binsai,nu binsayi binite byeli byobe ; ³²tondo twema kuboghabogha,kubuno muto wobe akwagha nu akuluka mughimaghima ,kubuno ashimilagha nu amoneka lingo.

Chapter 16

¹Yesu abulagha lingo begheshibwa baghe : Mutumb' umoi abagha na mulangi wa bikulo byaghe,bamusambalilagha bwa kushimisha bikulo byaghe.²Amumanagha,nu kumubula : Ki kinongwa ko kuwe ? Ndoshe biukukita ,kubuno ntu nalanga lingo bikulo byani.³Mulangi wa bikulo ik'itendya : Nakite buni ,kubuno mukota antibita ku bulangi bwa bikulo byaghe ? Kulima ?Nshakoshe.Kwema? Nakwa nsoni.⁴Nkumana bunakite ,inga bantu bansekela mu numba sabo gha natibitwe mu mulimo.⁵Nu ,mukumana umoyi umoyi ku b'isombyagha bikulo bya mukota waghe,abulagha musoki : Binga bya mukota wani biwinsombyagha ? ⁶Amwakulagha : Mibile ighana sa makiti .Nu amubulagha: Tola kai kobe, bunda ghansi lubilo, nu tilha makumi matano. ⁷Abulagha ungo : Nuwe binga biwite ?Amubulagha: Bigholo ighana bya ngano . Nu amabulagha :Tola kayi kobe,nu tilha makumi munane.⁸Mukota atatagha uso mulangi mukongobanya ku milenganya saghe. Kubuno bana ba bino bindi beli benge ku banabo kughimba babo ba chengeshi. ⁹Nu'ine,nkubabula : Mube biinda ba butumba bubi ,bukabasekela gha mukinda bo mu numba sa kukumbamila mu milyalya..¹⁰Olya uli wa bulili ku bikayi bikeke eli we mu bibyo bingi,nu olya uli; mukongobanya mu bintu bikeke eli we mu bya bingi.¹¹Nu ndi twabinde wa bulili mu butumba bya bukongobanya,nayi ukabelesha byatunganana ?¹²Nu ndi ntunaba wa bulili ku by'ongo muntu,nayi ukakwelesha byobe ?¹³Taku mukiti una kitila bakota babili nkashi. Kubuno akasomba umoyi nu kushima olya ungo ; ali akakomya n'omoi nu kubeng' ungo . Tamunakosha kukitila Ghongo nkashi nu kukitila musanga.¹⁴Abo Bafalisayo babagha batughu,babagha bakwongwilila ibyo binsayi nu kumuseka.¹⁵Yesu ababulagha : Benywe mukushima mulolwe basogha na bantu,tondo Ghongo akumana mitima sinu ; kubuno cha chatatwa na bantu,chabigha mu miso ma Ghongo.¹⁶Milembe nu bulenganya byashindinde ku Yoani ; ku tukila agho bukota bwa Ghongo bwasanswa nu nawenawe ekulwanila ingile mo.¹⁷Bwatamba ighulu nu kisi bitinge,nu ka nsasanya kamoi ka mulili wa mulembe takakatuka.¹⁸Olya watibita mughole waghe nu kusonga ungo,nti atensha,n'olya wasonga mukashi watibitilwe na munachaghe, nti atensha.¹⁹Kwabagha mutumba umoyi,washwalagha lopo lusogha nu wa leluka,nu wabagha n'ighuma .²⁰Mukene umoyi wamanaghwa Lasalo,wite byulu endagha ayama gha kitiko , ²¹nu ashimagha ikute na byendagha byakoloka ghansi na mesa ma mutumba ;nu mbwa sendagha sashwa kulamba byulu byaghe.²²Mukene akwagha nu kwekwa,na baghenshi ku bukuba bwa Bulaimu.Mutumba nuwe akwagha,nu kukundwa .²³Ku kishiki cha bakwile,imaluchagha miso ; nu mu minubo ,alolagha Bulahimu ,nu Lasalo gha bukuba bwaghe.²⁴Atandagha mulenge : Tata Bulaimu,nkwile lukogho ,nu singa Lasalo,inde munywe waghe mu masi nu ambobye lulame ; kubuno na nuba bubibu mu lwembe lwa kaya.²⁵Bulaimu amusubishagha : Mwana wani,kengela butumba buwabagha nabo mu kisi ,nu Lasalo bukene ; lino omulwa ghano nu,uwe ukunuba. ²⁶Tanga,kuli mushinga wite mpena indayi gha twasambana ,buno bakulonda kwika ku mweli,ta banakosha,nu bakulonda kwika kuno nubo ta banakosha.²⁷Mutumba atendagha : Nakulilila tata Bulaimu,singa Lasalo mu numba sa tata ; kubuno nite mibuto etano. ²⁸Kubuno abakengeshe nubo banashwa kwika kuno ku kishiki cha lubabasho.²⁹Bulaimu amwakulagha : Bite Musa nu balenganya ; babongwilile.³⁰Nu ikatenda : Tobo,tata Bulaimu,kubuno ndi umoyi atuka ku bakuyi nu kwenda ku beli, nti binsungula.³¹Nu Bulaimu ik'amubula :Ndi tabongwilila Musa nu balenganya,tabanongwilila muntu watuka ku bakuyi.

Chapter 17

¹Yesu abulagha begheshibwa baghe :Bweli bubibu makitalo minde; tondo musambo ku olya wamicha .²Bwatunganana kuwe,ashukw'ikoyi lya kughoghela ko mwikoshi ,nu kumulekela mu kitatenge,ndi akitasha umoyi ku bano bakeke.³Mwindange benywe binene.Ndi mwisakwinu akita bwaghi,mumusungule,nu ndi ema nyomolo,nti wamunyomolela.⁴Nu ndi akukitila bwaghi ngendo mutubakamo kwa busi bumoi,nu ndi akuluka kobe ngendo mutubakamo mu kutenda : Nyomolele,nti wamunyomolela.⁵Ntumwa sabulagha Mukota : Tukukishe lukatisho .⁶Nu Mukota ababulagha : Ndi munabinde na lukatisho anga mubibo wa senewe munabulile uno muti : Intomole nu inkome mu kitatenge ; nu unabongwile.⁷Nayi ku benywe ,wite mukiti ukulima na nkungo ali ukulisha ntuko ,akamubula mu kutuka ku maswa : Shighelela lubilo,nu tulye ? ⁸Ntakamubula tanga : Njikile indya l'igholo, inkokomeshe mutunda ,nu mpe indya kwikila gha nashile kulya nu kunywa ;Nu kushila agho ,nuwe, ukalya nu kunywa ?⁹Anaboghelaboghela uso mukiti kubuno akita bya bulwagha? ¹⁰Nu benywe, gha mwakita bi mwabulwagha,mutende : Tweli bakiti ba tughutughu,twakitagha bi tunakitile.¹¹Yesu,mu kwenda ku Yelusalema atingagha gha sambana Samalia nu Galilaya.¹²Mu kw'ingila mu mwelo,babembi ikumi bashwagha ku mukulumanya.Mwa mukwitunda,balekelagha mulenge,nu kutenda : ¹³Yesu,Mwegheshi,tukwile lukogho.¹⁴Mu kubamona ko, ababulagha :Mwende, mwindoshe ku bisankogha.Nu ghabinde bakwenda ko,balamagha . ¹⁵Umoyi kubo,kumona alama,akulukagha kughanula Ghongo n'ishuki linene.¹⁶Inamyagha itwe ku manshinshi ma Yesu,nu kumukasanila.Abagha Musamalia.¹⁷Yesu,abushagha : Abo Ikumi bansai tabalamile ?N'oso mwenda,kuni ku beli ? ¹⁸Ta ghono mugheni u wakuluka,kushwa kughanula Ghongo ? ¹⁹Ik'amubula lingo : Imaluka, nda ; lukatisho lobe lwa konia.²⁰Bafalisayo babushagha Yesu ku bindi biki ubukika bukota bwa Ghongo. Abakulagha : Bukota bwa Ghongo ta bukumoneka na miso.²¹Tabakatenda : Bweli ghano,ali :Bweli kukulya. Kubuno lola , bukota bwa Ghongo bweli mu kantighi na benywe.²²Nu abulagha begheshibwa : Bindi bikashwa gha mukashima kulola kindi kimoyi cha Mwana wa muntu,nu tamukakimona ko .²³ Mukabulwa : Eli ghano, eli kukulya. Tamwendaghe ko ,tamutibitilaghe ko . ²⁴Kubuno,anga bu kukenukagha mulabyo nu kwenja kushinda kibe k'ighulu na kingo ,u bukaba Mwana wa muntu mu busi bwaghe.²⁵Tondo alinge kunuba bubibu,nu kunanwa na luno lughiso.²⁶Byabagha mu bindi bya Noa u bukaba ku bindi bya Mwana wa Muntu.²⁷Bantu balyagha,kunywa,kusonga nu kusongya bana babo,kwikila busi bwingilagha Noa mu bwato ; kiswabo kikagha nu kushicha bansayi.²⁸Byabagha mu bindi bya Loti bikaba ubonubo. Bantu balyagha,kunywa,kughula,kughusha,kushika,kobhaka ; ²⁹tondo busi bwatukagha Loti mu Sodoma,mbula sa kaya nu nsasanya satukagha kw'ighulu,nu kushicha bansayi.³⁰Bukaba bubo bubo busi bukashwa Mwana wa muntu.³¹Mubo busi, olya ukaba gha ntata gha numba ,nu ashighile bikayi mu numba,ntakumbaghe kubitola ; nu olya ukasangwa ku maswa ,akulukaghe kumbusa.³²Mukengele mukashi wa Loti.³³Olya ukashima konia kalamo kaghe,akakashimisha,nu olya ukakashimisha akakamona.³⁴Nababula,mw'icho kindi ,bantu babili bakaba ku mughu umoyi,umoyi akatolwa,nu'ngo akashighala ,³⁵ku bakashi babili bakaba bakututa ghamoyi, umoyi akatolwa,nu'ngo akashighala.³⁶Ku balume babili bakaba mw'iswa,imoyi akatolwa nu'ngo akashighala.³⁷Begheshibwa bamubushagha : Mukota,kuni kukating'ibyo?Abasubishagha : Kwa kukaba kilunda,u ku kakulumanila ba ndyo.

Chapter 18

¹Yesu ababulagha mano mashumo, buno abaloshe bwatunganana kusegha bindi binsayi.²Ababulagha : Mu musumba umoyi mwabagha Sushi utakwagha Ghongo boba,nu nta ghalamilagha muntu.³ Mwoso musumba mwabagha musumbakashi umoyi wendagha wamubula : Nkalile lumbansa na munitu.⁴ Bindi bingi ananagha.Tondo ing'itendya : Ghanaba nshikukwa Ghongo boba nu nshikughalamila muntu, ⁵tondo kubuno ghono musumbakashi anita na lwayo,namukalile lubansa lwaghe,anasula nasamba.⁶Mukota atendagha : Mwongwe bwatenda ghoso Sushi mubi.⁷Nu Ghongo ntakakitila bya bulili basombolwa baghe, babo bakumusegha musi nu kindi,nu nta k'indisha kubelesha ? ⁸Nababula,akabakitila bisogha lubilo.Tondo,gha kika Mwana wa muntu akasanga lukatisho mu kisi?⁹Akalaha lingo mango mashumo, kubushi bwa bantu bamoyi bakwindolagha basogha,nu tabekulenganyagha ku bango : ¹⁰Bantu babili bendagha mu numba sa kukumbamila kusegha ;umoyi abagha mufalisayo nu ungo muntu wa tughutughu.¹¹Mufalisayo,imalagha,nu kusegha buno : E Ghongo,nakukulukisha nshimwa kubuno nsheli anga bango bantu, banaghi nu batasanana,batensha, ali anga ghoso muntu wa tughutughu ;¹²nkw'inan'indya ngendw'imbili mw'iyinga,nkutuchagha emoyi s'ikumi sa bikulo byani .¹³Muntu wa tughutughu,mu kwikala kulayi, ntaghelekile kulola kw'ighulu ; tondo abaha akwimpundapunda mu bukubha,mu kutenda: E Ghongo,kwile lukogho ine muntu wa bwaghi. ¹⁴Nababula ,ghono akulukagha kwaghe ku numba asanana,olya ungo,tobo. Kubuno olya w'intumbya,akeneghwa nu olya weneghwa akatelulwa.¹⁵Bamwekelagha bana bato,buno abakate ko.Tondo begheshibwa, mu kulola kubo ,basughilagha ba bashwagha na bana. ¹⁶Nu Yesu abamanagha ,nu kubabula : Mushighe bana bashwe ku neli,nu mubananilaghe ;kubuno bukota bwa Ghongo buli bwa babo ba basusa .¹⁷Nkubabula bulili,olya utasekela bukota bwa Ghongo anga mwana muto,ntakingila mo.¹⁸Mukulu umoyi abushagha Yesu nu kutenda: Mukota musogha,nikite ki nibe na kalamo ka milyalya? ¹⁹Yesu amwakulagha : Buni buwamana musogha ? Taku musogha anga Ghongo w'inene. ²⁰Ukumana nkakisho : Ntu tenshe, ntwite,ntwimbe,ntushingile muntu manko; ansa so nu noko.²¹Atendagha,nakitil'ibyo binsayi mu busikila bwani.²²Yesu mu kwongwa kubo,amubulagha : Winda kintu kimoyi : Ghusha binsayi bi wite, beghanisha byo bakene,nu ukaba na butumba mw' ighulu.Nu ,shwa u njange. ²³Mu kwongwa kw'ibyo bitondo, onganwagha; kubuno abagha na bikulo bingi .²⁴Yesu,mu kulola bwaba na bongwa, ik'atenda : Buli bubibu ku babo bite butumba kwingila mu bukota bwa Ghongo!²⁵Kubuno bweli busoshu ku ngamia kubutukana mu kiboto cha nshinge kughimba mutumba kwingila mu bukota bwa Ghongo.²⁶Babo babagha bakumwongwilila batendagha :Nu nayi uk'ona ? ²⁷ Yesu akulagha : Bi tanakoshibwa na bantu, binakoshibwa na Ghongo.²⁸Petelo atendagha :Lola, twashighile binsayi,nu kukuyanga.²⁹Nu Yesu ababubulagha :Nababula bulili, taku muntu unashigha numba saghe,ali mughole waghe,ali mibuto saghe,ali babuti baghe ali bana baghe kubushi bwa bukota bwa Ghongo,³⁰nta ghebwa bingi mu seno nkiko,nu seso sikashwa,kalamo ka milyalya.³¹Yesu atolagha ghamoyi nawe ikumi nu babili ,nu kubabula : Lola twabakama ku Yelusalema,nu kinsayi chatilwagha na balenganya kubushi bwa Mwana wa muntu bikabelelela. ³²Kubuno akasighwa ku batekatisha ;bakamuseka,nu kumutuka ,baka mushulila matayi.³³nu,kushila kumusunda tuti ,bakamwitya;nu ku bindi bisatu akatuka ku bakui.³⁴Tondo tabongwagha busogha bibyo ; byabagha anga kananga ku beli, bitondo bi batamanagha mighanikishi.³⁵Bwikagha Yesu bwighi na Yeliko,kiku kimoi chabagha kikalile bwighi na nsila, ki kwema. ³⁶Mu kongwa kikembe ki kutinga,abushagha ki kicho.³⁷Abulwagha : Yesu wa Nasaleti u ukutinga.³⁸Nu alekelagha mulenge : Yesu,Mwana wa Daudi,nkwile lukogho ! ³⁹Babagha ghabusho bamusughilagha,buno bamukobye. Tondo alekinde mulenge bubibu : Mwana wa Daudi,nkwile lukogho !⁴⁰Yesu,mukuba imala,akakishagha bashwe nawe ;nu,ghi kagha bwighi nawe,⁴¹amubushagha : Kiki kiwashima nikukitile ? Amwakulagha :Mukota,nilole lingo.⁴²Nu Yesu amubulagha : Lola ; lukatisho lobe lwa konia.⁴³Mwako kaluma alolagha,nu kuyanga Yesu,mu kughanula Ghongo. Bantu bansayi,mu kulola kubo,batatagha Ghongo.

Chapter 19

¹Yesu,mu kwingila mu Yeliko,atingagha mu musumba .²Nu lola,mutumba umoi ukumanwa Sakayo,mukulu wa bisa maligho alondagha amane Yesu u nai ;³Tondo ntakoshagha ,kubushi bwa kikembe kubuno abagha mwighi. ⁴ Endagha lubilo kubusho,nu kubakama ku muti wa mukuyu buno amulole ko,kubuno emanagha atinge agho.⁵Ghi kagha Yesu mwicho kishiki,aghalamilagha kw'ighulu nu ku mubula : Sakayo kumba lubilo, kubuno natunganana ningile mu numba sobe lelo.⁶Sakayo akumbagha ighilighili nu kumusekela na mboghimboghi . ⁷Mu kulola kubo,bansayi bakitagha manungunungu,nu batendagha : endile kuyama ku numba sa muntu wa bwaghi.⁸Tondo Sakayo, mu kwikala bwighibwighi na Yesu,ik'amubula:Lola Mukota,nkwelesha bakene kibe ku bikulo byani,nu ndi nakitinde muntu bibi,nkumukulukisha ngw'inayi.⁹Yesu amubulagha : Lonio lwingila buno busi mweno numba, kubuno nuwe eli mwana wa Bulahimu .¹⁰Kubuno Mwana wa muntu ashwile kulonda nu konia chashiminde.¹¹Bongwililagha ibyo bitondo,nu Yesu abakalilagha mashumo mano,kubuno abagha bwighi na Yelusalema,nu bamanagha buno bukota bwa Ghongo bwenda ku loleka ko .¹²Atendagha buno : Mweme umoi endagha mu kisi cha kulayi buno angate bukota,nu akakuluka lingo.¹³Amanagha bakiti ikumi ku bakiti baghe ik'abelesha bikulo ikumi,nu ku babula:Mutimbule nabyo kwikila busi bunkakuluka .¹⁴Tondo banabo bamukwilagha lughi,nu basingagha kumbusa kwaghe bantu batende : Tatukushima ghoso muntu abe mwami witu. ¹⁵Gha kulukagha ,nu kuba ashila kwimikwa mwami,amanagha bakiti baghe bashighilagha bikulo, buno amane buni bubatimbulile nabyo.¹⁶Musoki ikagha,nu kumubula : Mukota,kakulo kobe kakulukishe mutali ungo w'ikumi .¹⁷Amubulagha : Busogha ubo ,mukiti musogha, kubuno wabinde wa bulili ku bikeke, ba mwami wa misumba ikumi.¹⁸Wababili ashwagha,nu kutenda : Mukota kakulo kobe kakulukishe mutali wa tutano. ¹⁹ Amubulagha :Nu we imalila misumba etano.²⁰Ungo ikagha ,nu katenda : Mukota lola kakulo kobe kanalangagha mu kabe ka nshulu ;²¹kubuno nakukwile boba,ku bushi weli mulume mubibu ,ukutola by'utabikagha,nu kukana byutashikagha.²²Amubulagha : Nakughaya ku bitondo byobe,mukiti mubi; wamanagha buneli muntu mubibu ,nkutola bintabikagha,nu nkukana bintashikagha ,²³ kichakwangilagha ntubike bikulo byani ku banki, kubuno mu kukuluka kwani nibitole na mutali ?²⁴Nu abulagha babagha agho : Mumunaghe ako kakulo nu mweleshe ko olya wit'ikumi.²⁵Bamubulagha : Mukota,ite bikulo ikumi.²⁶Nkubabula,bakelesh'olya wite,tondo olya utite kena akanaghwa nu ka k'ite .²⁷Kushil'ubo, mushwe ghano na baghini bani ,batashimagha nibe mwami wabo,nu mubite nu nkulola.²⁸Gha shilagha kutenda ubo,Yesu endagha ghabusho na kikembe mu kwenda ku Yelusalema.²⁹.Ghi kagha bwighi na Betefake nu Betania,ku mwinduko ukumanwa wa miseituni,Yesu asingagha babili ku beghishibwa baghe , ³⁰ kubabula : Mwende ku mwelo weli bwighi,ghamwike mo,mwasange chana cha mpunda chakandilwe, kite bakamwagha ko na muntu;mwakisunulagha,nu mushwe nacho. ³¹Ndi muntu ababusha ; buni bumwasunula cho? Mwamwakulagha : Mukota ite nkasa nacho.³²Babo basingwagha bendagha ,nu kusanga bibabulwagha na Yesu.³³Gha binde bakukisunula ,bisa cho bababushagha :Kichasula mwasunula chana cha mpunda ? ³⁴Ba bakulagha: Mukota ite nkasa nacho.³⁵Nu bekelagha Yesu chana cha mpunda,babikagha ghantata nacho nshulu sabo,nu kubakamya Yesu gha ntata nacho.³⁶Mwa mulughendo,bantu ba'nsagha nshulu sabo mu nsila.³⁷Nu ghabagha bwighi na Yelusalema,mu kukumba mushighulo wa Miseituni,kikembe kinsayi cha begheshibwa bakatwagha na boghimboghi,nu babagha bakutata Ghongo bubibu ku bitangalo binsayi bi bamonagha ko.³⁸Batendagha : Akasanilwe Mwami washwa mw'ishina lya Mukota ! Boolo kw'ighulu,nu lukumbu mu bishiki bya kw'ighulu!³⁹Mukantighi na kikembe Bafalisayo bamoyi babulagha Yesu : Mukota,kobya begheshibwa bobe.⁴⁰Nu abakulagha : Nababula,ndi ba koba,makoyi mano makalekela milenge !⁴¹Bwabagha bwighi na musumba,Yesu ,kuumona ko,inga aulilila nu kutenda: ⁴²Nuwengo ,ndi unamanile ,mu bino bindi ,bu nakwelesha boolo ! Tondo byabisilwe ku miso mobe.⁴³Bikika bindi baghini bobe bakakutimba, nu kukukanda nu ku kukundeghelesha ; ⁴⁴bakakusandabanya,uwe nu bana bobe, nu tabakashigha ikoyi ghantata na lingo ikoyi,kubuno ntwamanagha bindi biwatabangilwagha ko.⁴⁵Ingilagha mu numba sa kukumbamila,nu kutibita babagha bakughusha, ⁴⁶mu kubabula : Bwatililwe : Numba sani sikaba numba sa masegho, tondo benywe,mwasighalula mukumba wa bimbi.⁴⁷Egheshagha bindi binsayi mu numba sa kukumbamila.Nu basankogha banene,batili,nu bakulu ba bantu,balondagha bwa ku mwitya ; ⁴⁸tondo tabamanagha bwa kukita,kubuno bantu bansayi babagha bakumwongwilila nu ba kutangala.

Chapter 20

¹Busi bumoi kw'ibyo bindi,bwabagha Yesu ekweghesha bantu mu numba sa kukumbamila mu kusansa musaghu musogha,bisankogha banene,batili ghamoyi nu bakungu,bashwagha ,²nu kumubusha : Tubule,ku bwangato bwa nayi u buukukitila ko bino bitondo,nu nayi wakweleshi buno bwangato ?³Abakulagha : Ninengo nkubabusha .⁴Mumbule,lupatisho lwa Yoani lwatukagha kw'ighulu,ali ku bantu?⁵Tondo balenganyagha gha basambana : Ndi twamwakula : Lwa kw'ighulu, nti atubula : Chasulagha tamumukatishe ? ⁶Nu ndi twamwakula : Lwa bantu,bantu bansayi nti batulekela makoyi,kubuno bekumana buno Yoani abagha mulenganya .⁷Agho bakulagha buno tabakumana ku lwatukinde .⁸Nu Yesu ik'abula : Ninengo,nshababule ku bwangato bwa nayi bu'nkukita bino bitondo.⁹Abulagha bantu seno mashumo : Muntu umoyi alimagha iswa lya musabibu,kulishighila,balimi nu kutuka mu kisi bindi bingi .¹⁰Mu bindi bya buuse,asingagha mukiti umoyi kuli balimi b'iswa, buno bamweleshe kibhu cha misabibu. Balimi ba misabibu bamupundagha,nu ku mukulucha maboko bwasi.¹¹Asingagha ungo mukiti ; bamupundagha ,kumutuka , nu kumukulucha maboko bwasi.¹²Asingagha ungo wa basatu ; bamubelagha ,nu kumutibita.¹³Nen'iswa ik'atenda : Nikite ki?Nasinge mwana wani ; nampu babe na lwanso kuwe.¹⁴Tondo,balimi gha bamumonagha ko , ik'abalenganyagha gha basambana ,nu kutenda : Lola mwandula ; tumwite ,inga mwandu waba witu.¹⁵Nu bamulekelagha kushinda n'iswa,nu kumwita.Lino ,nene musabibu akabakita buni ? ¹⁶Akashwa,kushicha balimi ,nu kwelesha bango iswa lyaghe. Gha bongwagha ko'bo,batendagha : Ta busogha kweli Ghongo.¹⁷Tondo,mwa mukubaghensha,Yesu atendagha : Byatenda buni bino bya tililwe : Ikoi lyatebwagha na bobaki u lyabind'iyango linene ? ¹⁸Olya ukakitala kwily'ikoi, akabelekela , nu olya ulikendukila , akaghoghwa.¹⁹Basankogha banene nu batili balondagha kumukata mweso nkungu, tondo bakwagha bantu boba.Bamanagha buno kubushi bwabo u kwatendelagha Yesu amo mashumo. ²⁰Bikalagha bakwengelesha Yesu ;nu basingagha bantu bindolagha buno ba bulili,mu kumutegha mu bitondo bamukate nu kumwesana ku basushi nu bakulu ba musumba.²¹Abo bantu bamubushagha : Mwegheshi , tukumana bu ukutenda nu kweghesha bya lingimana,nu ntuku ghalamila muntu,tondo ukweghesha bantu nsila sa Ghongo mu bulili.²²Bwimilwa kuligha mpalata sa kisamba ali tobo ?²³Yesu,mu kumana bwengelele bwabo,abakulagha : Mundoshe kichele kimoi.²⁴Kama ka nayi nu mitilo wa nayi u kite ? Bamwakulagha: Wa kisamba.²⁵Ababulagha :Mweleshe Kisamba bya byaghe ,nu Ghongo byaghe. ²⁶Bindagha gha ku mukatila mu miso ma bantu ; ku bitondo byaghe,tondo mu ku ghanaghana na mwakulo waghe,bakobagha.²⁷Bamoyi ku Basadukayo babo bakutendagha buno takuli bya kutuka ku bakuyi,bashighelelagha ,nu kubusha Yesu : ²⁸Mwegheshi,lola bya tutililagha Musa : Ndi mubuto wa muntu akwa nu ashigha mukashi ntabuta nawe,muto waghe ak'ingilisha mukashi,nu kubutila mubuto waghe bana.²⁹Nu,kwabagha mibuto mutubakamo.Musoki asongagha,nu kukwa ntabuta.³⁰Wababili nu wa basatu bingilishagha ghoso musumbakashi ; ³¹u bwabagha ubo ku bansayi mutubakamo,bakwagha tabashigha bana.³²Kumbusa ,mukashi nuwe akwagha.³³Mu kutuka ku bakuyi, ghoso mukashi akaba mughole wa nayi,kubuno bansayi mutubakamo ba musongagha.³⁴Yesu abakulagha : Bana ba seno nkiko bakusongana ;³⁵tondo bakasangwa ba bulili mu nkiko sikashwa nu mu kutuka ku bakuyi ta bakasongana.³⁶Kubuno tabakakwa lingo bakasusa baghenshi,nu bakaba bana ba Ghongo ,mu kuba batuka ku bakuyi.³⁷Bakwile batuke ku bakui,u bwaloshishe Musa,ghabagha gh'imbunda,amanagha Mukota Ghongo wa Bulahimu,Ghongo wa Isaka,nu Ghongo wa Yakobo.³⁸Nu Ghongo ta Ghongo wa bakwile ,tondo wa beli gho;kubuno ku'we bansayi beli gho.³⁹Bamoi ku Batili,mu kutenda ,bamubulagha : Mukota watenda busogha.⁴⁰Nu ta bamubushishe lingo .⁴¹Yesu ababulagha : Buni bukutendwa Kilishitu eli mwana wa Daudi ? ⁴²Daudi w'inene akutenda mu kitabo cha Nembo : Mukota abulagha Mukota wani : Ikala kw'indume lyani,⁴³Kw'ikila gha nakite baghini bobe binantilo byobe.⁴⁴Daudi akumumana Mukota ; buni bwanaba lingo mwana waghe?⁴⁵Gha bagha bantu bansayi bakumwongwilila,abulagha begheshibwa baghe : ⁴⁶Mw'indange na Batili, bakushima kutabanga na nopo ndaindai,nu bakaswe samba mu milungu ; bakulondagha bishumbi bya ghabusho mu ma Sinakoki,nu bishumbi bya ghabusho mu bisaghulo ; ⁴⁷ba kububya numba sa basumbakashi ,nu bakwindosha na masegho malayimalayi. Bakaghayibwa bubibu.

Chapter 21

¹Yesu ,mu kwimika miso,alolagha batumba bakubika nkaso sabo mu chanshi.²Alolagha nu musumbakashi' umoyi mukene , akubika bichele bibili.³Nu ik'atenda : Nkubabula bulili, ghoso musumbakashi mukene atucha bya ghimba bansayi.⁴Kubuno batucha bikeke ku bingi bibite, tondo we atucha byaghe binsayi bya kalamo kaghe.⁵Ubo bwabagha bamoyi bakutenda ku makoyi masogha nu nkaso satondile numba sa kukumbamila,Yesu atendagha ;⁶Bindi bikashwa , ku binsayi bimwalola ko,ta kukashighala ikoyi ghantata na lingo litak'enduka.⁷ Bamubushagha ,Mwegheshi, mu bindi ki mukatinga'ibyo,nu bikamanililwa buni ? ⁸Yesu abakulagha :Mwindange,tamwengelelwe,kubuno bengi bakashwa kw'ishina lyani,mu kutenda,ine ghono ,nu bindi byeli bwighibwighi .Mubayangaghe. ⁹Gha mukongwa ku misaghu sa bita nu tubilikito ,ta mukwe boba,kubuno ibyo byemana bike tanga .Tondo ta busi bushinda.¹⁰Agho ababulagha : Kilongo kikimalilana na kingo kilongo,nu bukota bukalwana na bungo bukota; ¹¹kukatinga tulingini twingi ku bishiki bingi,nsambo,nu nsala, kukaba bitemonekagha ko nenshi,nu tumanililo twingi mw'ighulu.¹²Tondo, gha busho n'ibyo,bakabakata,nu kubanubya ; bakabasigha ku masinakoki,nu kubalekela mu kahombo,nu bakabimika kuli bami nu bakulu ba myelo,kubushi bw'ishina lyani.¹³Mukatinga mw'ibyo buno mube bateneneki.¹⁴Mwamanagha mu mutima buno tamulonde bimwatende,¹⁵ kubuno,nkabelesha kitondo nu bulenganya bitakananwa na baghini binu.¹⁶Mukesanwa na babuti binu,na bisakwinu,na beli na benywe ghamoi,na binda binu,nu bak'ita bengi ku benywe.¹⁷Mukasombwa na bansayi, kubushi bw' ishina lyani.¹⁸Tondo ta lushuli lwinu lumoyi lw'itwe lukashimila,¹⁹Mu kw'inya mitima u mu mukonia mitima sinu .²⁰Gha mukalola Yelusalema atimbwa na bita ,mwamanagha buno nsunsu seli bwighi. ²¹Agho,ba bakasangwa ku Yudea batinile ku minduko,nu bakasangwa mu Yelusalema batuke mo,nu bakasangwa ku maswa bingilaghe mu musumba .²²Kubuno u bukaba bindi bya kwishungula inga bya kuka bya byatililwe.²³Musambo ku bakashi bakaba bemeshu nu ku babo bakumomya mu byo bindi !Kubuno kukaba musambo munene mu kisi,nu mushibu ku bantu.²⁴Bakakwa na mwele,nu bak'ekwa ku bingo bisi ,nu Yelusalema akanantwa na bisi, kw'ikila bindi bikuke.²⁵Kukaba tumanililo mu musi,mu mweshi nu mu tumbalumbalu.Nu mu kisi,mukaba munubo mu bilongo,bikinda bya kukita, ku lwayo lwa kitatenge nu lwa bimpumu.²⁶Bantu bakakwa na boba bunene mu kulindila bikatinga mu kisi,kubuno bwangato bw'ighulu bukayunjwayujwa.²⁷Agho,bakalola Mwana wa muntu ashwa mu lubhu na maghala nu lukumbu lunene.²⁸Gha kika ibyo bitondo ,mwimalagha nu mwimaluche matwe minu kubuno kalamo kinu kika.²⁹Nu ababulagha mu kulingika bitondo : Mulole muti wa mutini nu miti insai.³⁰Gha kuba sa'sa ,mukumana benywe binene buno kilimo cheli bwighi .³¹U bubo gha mukamona ibyo bitondo bika,mwamanagha buno bukota bwa Ghongo bwise bwighibwighi.³²Na babula bulili ,luno lughiso talukatinga nu bino bitondo ta bika.³³Ighulu nu kisi bikatinga,tondo bitondo byani ta bikatinga .³⁴Mwindange , mitima sinu sibaghe sa buthugu bwa kulya nu kunywa, nu nkasa sa kalamo,nu busi'ubo bunika nu tamukumana ; ³⁵kubuno akika anga kakilha ku bantu bansayi beli mu kisi.³⁶Muyamaghe kashi,museghe mu bindi binsayi ,inga mwaba na maghala ma kutina ibyo bikashwa ,nu muloleke ko mwimalile mu miso na Mwana wa muntu.³⁷Mu musi,Yesu abagha akweghesha mu numba sa kukumbamila nu kwenda kuyama ku mwinduko ukumanwa wa Miseituni.³⁸Nu bantu bansayi kulingila nindunindu bendagha kweli ku numba sa kukumbamila buno bamwongwilile.

Chapter 22

¹Gha lembekelagha kisaghulo cha tumpampa tute ghagha, kikumanwa pasaka.² Bisankogha banene,nu basanshi balondagha menge ma kwita Yesu,kubuno bakwagha bantu boba.³Nu Kahinga ingilagha Yuda wa manwagha Ishikaliota,wabagha umoyi kwabo ikumi na babili.⁴Nu Yuda endagha kukala lwango na bisankogha banene nu bakulu ba balangi,buni bwanakita abeleshe we.⁵Babagha na mboghimboghi,nu bimilagha kumwelesha bikulo.⁶Gha shilagha ibyo ,ing'alonda nkungu nsogha sa kwesana Yesu nu bantu ta bekumana.⁷Busi bwa tumpampa tuteghagha,busi bwa kuketula mbuli,bwikagha,nu Yesu asingagha Petelo nu Yoani ⁸,mu kubabula : mwende mutulongomanishe pasaka buno tulye.⁹Bamubulagha : Kuni ku ukushima tusilongomanye ?¹⁰Abakulagha : Lola,gha mwingile mu musumba ,mwasange muntu 'moi w'ite i'ndegha lya masi ;mwa muyangagha mu numba singile mo ,¹¹nu mwabulagha nene numba : Mwegheshi akubusha,ghani gheli kishiki ghanalila Pasaka na begeshibwa bani?¹²Nu abaloshe chumba kinene cha kw'ighulu muli bishumbi,agho u gha mu longomanishaghe Pasaka .¹³Bendagha, nu basangagha binsayi anga bwa babulagha;nu balongomanyagha Pasaka.¹⁴Gha bindenkungu sika, alyagha ghamoyi na begheshibwa .¹⁵Ababulagha :Nashimile kulya Pasaka na benywe nu nsi nuba ; ¹⁶Kubuno nababula : Nshi kalya lingo,kwikila bukota bwa Ghongo bukuke.¹⁷.Nu atolagha kaata nu kukasanila, ikababula : Mutole kaata kano,nu mubeghanye ko gha musambana ; ¹⁸kubuno nababula,nshikanywa lingo masi ma misabibu ; kwikila gha kika bukota bwa Ghongo.¹⁹Atolagha lingo kampampa;nu kushila kukasanila ,aketulaketulagha ko,nu kubelesha mu kubabula :Uno u mubili wani, umweleshibwa; mwakitagha bubo mumakengelo mani.²⁰ Kushila indya l'igholigholo atolagha kaata nu kubelesha, mwa mukubabula :Kano kaata u indaghi lighu lya mikilha sani,sa sululile kubushi bwinu.²¹Tondo lola,kuboko kw'olya ukunesana kweli ghamoyi nine ku mano mesa.²²Mwana wa muntu iyendela anga bwatililwe ,tondo musambo ku muntu wa mwesana.²³Nu bimbushagha,nayi gha basambana wakite ubo.²⁴Kwabagha myango gha sambana ntumwa :Nayi u nabimalila ? ²⁵Yesu ababulagha : Bami ba bilongo babema,nu bakwangata bekumanwa baghumi.²⁶Bibaghe ubo ku mweli.Tondo olya u nabimalila abaghe anga mwana muto.Nu wa kusondolela bango abe anga mukiti. ²⁷Kubuno nayi mukulu ghasambana,olya ukulya nu olya uli mukiti ? Ta ghoso u kulya ?Nu 'ine nili mukantighi na benywe anga mukiti.²⁸Benywe,muli bakokomesha ghamoyi n'ine mu malingiko mani;²⁹ uchasula nababikila bukota,anga bwambikinde Tata wani, ³⁰ buno mulye nu munywe ku mesa ma bukota bwani,nu mukotame mu bukota, ku ghagya bilongo ikumi nu bibili bya Isilaeli³¹Mukota atendagha : Simoni,Simoni Kahinga ekubalutha ababulunganye anga ngano.³²Tondo nakuseghinde buno lukatisho lobe talushime,nu we gha wakokomeshe mu lukatisho,w'imikagha baninu.³³ Petelo abulagha Mukota,nimila kwenda nowe mu kahombo nu mu lukwo.³⁴Nu Yesu amubulagha : Petelo,nakubula nkoko tasabike buno busi ndi ntutuna ngendw'isatu buno ntu kunimana.³⁵Ababulagha lingo : Gha nabasingagha nu tamwite kakulo,tamwite nsagho nu bilato,mwindagha kena ? Bamwakulagha : Nu kilo.³⁶Nu ababulagha : Eno mpina, olya wite kakulo eke ko ,nu olya wite nsagho eke so,olya utite mwele aghushe nshulu saghe nu kughula gho.³⁷Kubuno,nababula,bwatunganana icho kitondo chatililwe ki belelele ku neli. Abikilwe mu kikembe cha bisa bwaghi.Nu byatendilwe kwine bise bwighi na kwika.³⁸Bamubulagha : Mukota lola myele imbili. Nu abakulagha : Sakuk'e so.³⁹Gha kukukagha,endagha kuyangana na ntugo saghe, ku mwinduko wa Miseituni .Begheshibwa baghe bamuyangagha .⁴⁰Ghi kagha mwecho kishiki, ikababula : Museghe.Munashwa ku kindwa na malingiko.⁴¹Nu itukishe ku beli anga lughendo lwa kulekela ikoyi,nu akomagha mashwe ik'a segha ,⁴²mukutenda: Tata,ndi washima kano kaata katinge kulayi nine . Tondo ta bunashima, tondo buwashima bube.⁴³Agho mughenshi atukagha kw'ighulu ku mwelesha maghala.⁴⁴Mu bongwa bwa lukwo, aseghile bubibu mweso nkungu,nu kilungu chaghalukagha anga mikilha si kusululila ghansi.⁴⁵Gha shilagha ku segha,ik'imaluka nu kwenda kuli begheshibwa baghe ,abasangagha bayamile na bongwa.⁴⁶Nu ababulagha :Ki chasula mwa yama?Mubuke nu museghe,buno munashwa kukindwa na malingiko.⁴⁷Gha bagha echeli atenda,lola,kikembe chabasagha na ghoso ukumanwa Yuda,umoyi ku babo ikumi na babili,u wabagha gha busho nacho. Ashighelela kweli Yesu buno amumume. ⁴⁸.Nu Yesu amubulagha :Yuda ,mu kumuma umu wesana Mwana wa muntu !⁴⁹Babagha na Yesu,mu kulola kwibyo bika, bamubulagha : Mukota,twishungule na mwele ? ⁵⁰Nu umoyi wabo aketulagha kutuyi kw'indume kwa mukiti wa sankogha munene. ⁵¹Tondo Yesu,ik'ababula : Mushighe,mukitaghe u'bo ! Nu,gha ketulagha kutuyi kw'oso muntu ,amulamyagha.⁵²Yesu abulagha basankogha banene,bakulu ba balangi ba numba sa ku kumbamila ,nu bakungu,ba babagha bekumughinika :Mwashwile kunkata na myele nu mbando anga kisungu .⁵³Nabagha ghamoyi na benywe bindi bisayi mu numba sa kukumbamila,nu tamwankatagha .Tondo u nkungu sinu seno,nu bwangato bwa bulimaswa.⁵⁴Gha bashilagha kukata Yesu,bamwekagha ,nu kumwicha mu numba sa Sankoka munene. Petelo ayangililagha bulayi.⁵⁵Bakonjagha kaya mu nkatighi na mulungu,nu bikalagha.Petelo ikalagha ghamoyi nabo.⁵⁶Mukiti mukashi umoyi,amumonagha ko ikalile bwighi na kaya, amwengeleshagha,nu kutenda : Ghono mulume abagha ghamoyi nawe. ⁵⁷ Tondo ik'amutuna mu kutenda : Mukashi,nshikumumana.⁵⁸Mu nkungu nkeke,mu kumulola ko,ik'amubula : Uwe weli umoyi wabo bantu. Nu Petelo atendagha : Muntu,ine nsheli nabo.⁵⁹Kutinga elyanga nkungu ngimangima,ungo akokomeshagha nu kutenda : Bulili ghoso muntu abagha ghamoyi nawe, kubuno eli mu Galilaya. ⁶⁰ Petelo amwakulagha : Muntu,nshikumana biukutenda.Mwako kaluma,bwabagha echeli atenda,nkoko sabikagha.⁶¹Mukota,mu kukebatuka,alolagha Petelo.Nu Petelo akengelagha chamubulagha Mukota : Nkoko tasabike lelo,nu ntutuna ngend'isatu. ⁶²Nu mwa mukukukuka ,alilagha bubibu.⁶³Bantu bakatagha Yesu bamusekagha,nu kumupunda. ⁶⁴Bamushibagha miso na nshulu ,nu kumubusha :Losha nayi wakupunda ? ⁶⁵ Nu bamutukagha bituko bingi.⁶⁶Mukucha kwa busi, lusu lwa bakungu ba bantu,bisankoka banene nu basanshi,bakulumanagha,nu kweka Yesu mu lusu lwabo lwa matenda.⁶⁷Bamubulagha : Ndi uwe Kilishitu,tu bule. Yesu abakulagha :Ndi na babula tamwimile ; ⁶⁸Nu,ndi nababusha, tamwankule.⁶⁹Kulingila lelo ,Mwana wa muntu ikikala kw'indume lya Ghongo. ⁷⁰Bansayi bamubushagha : Kashi weli Mwana wa Ghongo ? Nu abakulagha : Mwabutenda,nili we.⁷¹Agho batendagha: Kiki kitukulonda lingo?Twiyongwila beshwe binene ku kanywa kaghe.

Chapter 23

¹Bimalukagha bansayi,nu kwenda na Yesu kweli Pilato. ²Bamutalikilagha mu kutenda : Twasangagha ghono muntu ekulhuta kilongo kitu ku bita ,kunania bantu balighaghe mpalata, nu akw'imana Kilishitu,Mwami.³Pilato amubushagha : Ndi uwe Mwami wa Bayuda ? Yesu amwakulagha : Uwe watenda. ⁴ Pilato abulagha bisankoka banene nu kikembe : Nshamona kitondo kibi kw'ono muntu kinasula akwa. ⁵Tondo bakokomeshagha nu kutenda : Ekulhuta bantu,nu kw'eghisha Yudea insayi,kulingila ku Galilaya nu kwikila g'hano.⁶Ghongwagha Pilato ku bya ku Galilaya,ik'abusha ndi'uso muntu eli mu Galilaya ; ⁷nu ghamanagha buno eli wa kisi cha Helode, amusingagha kweli Helode, wabagha mu Yelusalema mwibyo bindi .⁸Gha monagha Helode ku Yesu,aboghaghabogha; Kubuno bindi bingi ashimagha amulole ko,ku byongwagha bikutendwa kuwe,nu alelamilagha kumona ku bitangalo bye kukita. ⁹ Amubushagha bingi ; tondo Yesu tamwakulagha.¹⁰Bisankogha banene nu basanshi babagha agho,nu kumutalikilagha bubibu.¹¹Helode ghamoi na balangi baghe ,bamweneghagha ; nu kushila ku musekelela nu kumushwalicha nshulhu sengenga, amukuluchagha kweli Pilato.¹²Ubo busi,Pilato nu Helode baghalukagha binda,babagha baghini mwa kalai.¹³Pilato akulumanyagha basankogha banene,basushi ba bantu,ababulalagha : ¹⁴Mwanekinde muntu ghono anga mulubhi wa bantu.Nu ,lola,namubusha gha mweli,nu nshasangile kitondo kibi ku bi mwa mutalikila ;¹⁵Helode nuwe,kubuno amukuluchagha kwani,nu lola,muntu ghono ntakitile kena kinasula akwa. ¹⁶Na musunule kashi,gha nashile ku mupunda na tuti.¹⁷Mu kisaghulo kinsayi mukandwa umoyi emanwagha kukandulwa.¹⁸Bansai bakughagha : Itya ghono,nu tukandulile Balaba.¹⁹Ghoso muntu akandwagha ku lwayo lwatingagha mu musumba nu kwita muntu.²⁰Pilato ababulagha lingo,mu kushima akandule Yesu.²¹Nu bakughagha ,itwe ku musalaba,itwe ku musalaba .²²Pilato ababulagha lya ngend'isatu;Bubi ki u bwakitile? Nshamonile muwe kinasula akwa .Namukandule kashi gha nashile kumupundya na tuti.²³Tondo bakokomeshagha na nkugho 'nene,mu kusegha buno akwe ku musalaba. Nu nkugho sabo similwagha : ²⁴Pilato imilagha bibe'ubo . ²⁵Akandulagha ghoso wakandwagha mu lwayo nu kwita muntu anga bu bashimagha;nu esanagha Yesu .²⁶Gha babagha bekwenda nawe,bakatagha mulume umoi Simoni wa Kulene,wabagha akutuka ku maswa, nu bamwechagha musalaba,buno ekegho kumbusa kwa Yesu.²⁷ayangwagha na kikembe kinene cha bantu,nu bakashi bakwingomba bukuba nu kwighanisha kubushi bwaghe.²⁸Yesu aghalukilagha ku beli,nu kubabula : Bakinga ba Yelusalema mundililaghe ; tondo mwindilile nu kulilila bana binu.²⁹Kubuno, bindi bikashwa nu bakatenda : Lukasano ku baghumba, lukasano ku nd'a sitabutile,nu mabele metemomya.³⁰Nu agho bakabula minduko: Mutwendukile ! Nu ntulungu mutubukile !³¹Kubuno ndi bakita ibyo binsayi ku miti mbisi,kiki kikaba kweso sa kama ?³²Babagha na bisungu bibili,bya kukwa ghamoyi na Yesu.³³Gha bikagha gha kishiki kikumanwa Lukungu, bamwindagha agho ku musalaba,nu ibyo bisungu bibili ,umoyi kw'indume ,n'ungo kw'ikashi.³⁴Yesu atendagha : Tata,bashighilile bwaghi,kubuno tabakumana bibakukita. Babeghanyagha nshulu saghe mu kusiesela mbale .³⁵Bantu babagha bimalile agho,nu bakulola.Basushi basekelelagha Yesu,mu kutenda : Onyagha bango ;iyonie w'inene,ndi we u Kilishitu,musombolwa wa Ghongo !³⁶Basula nubo bamusekelelagha, kushighelela nu kumwelesha masi meli anga ma ndimu,³⁷mu kumubula: Ndi uwe mwami wa Bayuda,w'iyonie uwe w'inene ! ³⁸Gha ntonga n'itwe lyaghe ghabagha mutilo :Ghono u mwami wa Bayuda.³⁹Umoi kw'ibyo bisungu bya misalaba amutukagha ,mu kumubula : Towe u Kilishitu? Iyonie uw'inene,nu u tonie nu beshwe.⁴⁰Tondo olya ungo amusughila gha,nu kumubula : Ntukukwa Ghongo boba ,uwe watinga mulo lusungyo anga we ? ⁴¹Kwitu beshwe,twalighwa mabi mitu; tondo ghono,ntakitile kibi.⁴²Nu abulagha Yesu : Wankengelagha gha wike mu bukota bobe.⁴³Yesu amubulagha : Nakubula bulili,buno busi ukuba n'ine mu Paladiso.⁴⁴Kutukila saa mutuba, kwikila saa mwenda,kwabagha bulimaswa mu kisi kinsayi.⁴⁵Mu musi mwingilagha bulimaswa, nu nshulu sa numba sa ku kumbamila satikagha mu nkatighi.⁴⁶Yesu alekelagha mulenge bubibu: Tata,mu maboko mobe mu nabika mutima wani.Nu mu kutenda ubo amesagha mutima. ⁴⁷Mukulu wa basula ,mu kulola kw'ibyo byatinga,a ghanulagha Ghongo nu kutenda: Bulili ,ghono muntu abagha wasanana.⁴⁸Nu'abo babagha mu kikembe ,gha bamonagha ku binsayi byatingile ,bakulukagha bakwingomba bukuba.⁴⁹Bisakwabo na Yesu,nu bakashi bamwelekeshagha kutukila ku Galilaya,bimalagha kulayi nu kulola bikutinga.⁵⁰Kwabagha mukungu umoyi,ukumanwa Yosefu, muntu musogha nu wasanana,⁵¹utabagha mu lwango nu mu bitondo bya banabo; abagha wa ku Alimetea,musumba wa Bayuda,nu alindilagha bukota bwa Ghongo⁵²Ghoso mulume endagha kweli Pilato,nu kumusegha kilunda cha Yesu.⁵³Akituchagha ku musalaba,ku kibilinga mu malekani ,nu ku kibika mu nsinda satimwagha mw'ikoyi ,mwabagha ta mubikwa muntu wampa.⁵⁴Bwabagha busi bwa kulongomanya,nu sabato sabagha bwighi .⁵⁵Bakashi batukagha ku Galilaya ghamoyi na Yesu,belekeshagha Yosefu, balolagha nsinda nu buni bwabikwa mubili wa Yesu,⁵⁶nu,mu kukuluka ,balongomanyagha mwambo nu ngenge.Nu bomulwagha busi bwa sabato,kuyangana na mulembe.

Chapter 24

¹Busi busoki bw'iyinga,bakashi bendagha ku nsinda nindunindu bekile mwambo u balongomanyagha.² Basangagha ikoyi lya tukile ku nsinda ;³nu mwa mu kwingila mo,tabasangile mubili wa Mukota Yesu.⁴Ubo bu bindagha bya kulenganya ,lola, balume babili babapamukilagha, bite nshulhu sengenga bubibu .⁵Mu kukatwa na boba, bakumbamagha nu kulola ghansi;tondo bababulagha : Buni bumukulonda weli gho munkantighi na bakuyi?⁶Nteli ghano,tondo atukile ku bakuyi.Mukengele bwa babulagha,gha bagha echeli ku Galilaya ,⁷nu atendagha : Bwatungana Mwana wa muntu esanwe mu maboko ma bisa bwaghi,itwe ku musalaba, nu ku bindi bisatu atuke ku bakuyi.⁸Nu bakengelagha bitondo bya Yesu. ⁹,Mu kutuka ku nsinda,basambalagha ibyo binsayi kwabo ikumin'omoyi,nu kubango bansayi .¹⁰Abo basambalilagha ntumwa ebyo bitondo,u Malia wa Magadala,Yane,Malia nina wa Yakobo,nu bango babagha ghamoyi nabo.¹¹Bakatagha ibyo bitondo anga ndoshi,nu tabiminde bakashi.¹²Tondo Petelo imalukagha ,nu kutibitila ku nsinda. Mu kukumbama,alolagha tughu nshulu seli ghansi;Nu akulukagha kwaghe ,mu kutangala ku byatingile.¹³Nu lola,ubo busi,begheshibwa babili babagha bakwenda ku mwelo ukumanwa Emausi,ku kilometele makumi masatu na Yelusalema ; ¹⁴nu babagha ba kughanikisha ku byatingile.¹⁵Gha binde bakutenda nu kwenda myango ,Yesu ikagha nu kwenda ghamoyi nabo.¹⁶Tondo miso mabo tamamumanilinde.¹⁷Ababushagha : Ki kimukughanikisha mu lughendo, nu mwite bongwa ? ¹⁸Umoyi kubo ,ukumanwa Kelopasi, amwakulagha : Uw'inene u weli mu Yelusalema nu ntukumana byatingile mu bino bindi ?¹⁹Ik'ababusha : Kicho? Nu bamwakulagha : Bibyo byatingile ku Yesu wa ku Nasaleti,wabagha mulenganya nene maghala nu mikolo nu mu matenda mu miso ma Ghongo nu mu miso ma bantu bansayi, ²⁰ nu buni bw'esanilwe na bisankogha banene nu basushi bitu buno bamwite nu bamwinde ku musalaba.²¹Twalelamilagha buno u katucha Isilaeli mu bukobe ; tondo mw'ibyo binsayi,lola ise bindi bisatu ibyo byatinga.²²Nu bulili bakashi bamoyi bakwitu batughanisheghanishe,mu kutuka ku nsinda mu nindinindu,²³nu tabasangile mubili waghe,bashwile kutubula buno ba baghenshi ba bapamukinde nu kubabula buno eli gho.²⁴Bamoyi ku beshwe,bendagha ku nsinda,nu basangagha ibyo byasambalwagha na bakashi ; tondo we ,ntabamulolile ko.²⁵Agho Yesu ababulagha :E balume betite mulenganya,nu bite mitima mbibu ku katisha bibyo byatendilwe na balenganya !²⁶Ta bunatungananile Kilishitu anubhe mw'ibyo bitondo,nu ingile mu lukumbu lwaghe ? ²⁷Nu kulingila Musa nu balenganya bansayi,abaghanikishagha ibyo byatendwagha nu kutilwa kuwe.²⁸Gha bikagha bwighi na mwelo u babagha bakwenda ko ,abagha anga olya ukwenda kulayi.²⁹Tondo bamukakishagha mu kutenda : Shighala na beshwe,kubuno igholigholo lino nu busi bwise bwinda. Nu,ingilagha nu kwikala nabo.³⁰Gha binde bakulya ghamoyi,atolagha kampampa; nu,kushila kukasanila,akaketulakatelugha,nu kubelesha ko.³¹Agho,miso mabo mashibulwagha nu bamumanililagha; tondo ashimilagha mu miso mabo.³²Nu bitendyagha: Mitima situ tasakutukile gha bagha akututenda nu kutughanikisha Kitondo cha Ghongo mu nsila ;³³Mwako kaluma bimalukagha,nu ku kuluka ku Yelusalema, basangagha abo ikumi n'omoyi,nwabo ba babagha bakulumanile nabo ³⁴nu kubabula : Bulili Mukota atukile ku bakui, nu indoshishe ku Simoni.³⁵Nu baghanikishagha binsayi byatingile mu lughendo, nu buni bu bamumanilagha mu kuketulaketula kampampa.³⁶Gha babinde bakusambala 'ibyo,winene imalagha munkatighi nabo nu kubabula : Mube na boolo .³⁷Bakatwagha na boba nu nganingani,bamanagha buno balola ku musumbu.³⁸Tondo ababulagha : Buni bu mwatubatuba nu ki chasula mu mitima sinu mwaba eso milenganya ? ³⁹Mulole maboko nu manshinshi mani,ine no,munkate ko nu mulole : Musumbu ntite mubili ali makwa,anga buno buneli.⁴⁰Nu mu kutenda'ubo,abaloshagha maboko nu manshinshi maghe.⁴¹Mu mboghimboghi,tabakatishishe ,nu mu kughanaghana, ababushagha :Mwite indya ghano? ⁴²Bamweleshagha bisonga bya kalangwa nu nkeke sa buki.⁴³Abitolagha ,nu kubilya mu miso mabo.⁴⁴Lingo ababulagha :u binababulagha bino gha nabagha ghamoyi na benywe, ku buno byatungana bikuke byatililwe kubushi bwani mu mulembe wa Musa,nu ku Balenganya,nu mu nembo.⁴⁵Agho abaleshagha mulenganya buno bamanilile Kitondo cha Ghongo. ⁴⁶Nu'ababulagha : ubo bwatilwagha buno Kilishitu akanuba nu ku bindi bisatu akatuka ku bakuyi , ⁴⁷nu kwisungula mutima nu kushighililwa bwaghi bikasambalwa kw'ishina lyaghe ku bilongo binsayi,kulingila Yelusalema.⁴⁸Benywe u bateneneki ba bino bitondo .⁴⁹Nu lola,nkabasingila ghoso walaghwagha na Tata wani ; tondo benywe,mwikale mu musumba kw'ikila gha mukaba na maghala ma mw'ighulu.⁵⁰Endagha nabo bwighi na Betania, nu mu kulambya maboko,abakasanilagha. ⁵¹Ghabagha akubakasanila,indekanuchagha nabo,nu kutelulwa kw'ighulu.⁵²Nubo,gha bashilagha ku mukumbamila,bakulukagha ku Yelusalema na mboghimbogh'inene ; ⁵³nu bendagha bindi binsayi mu numba sa ku kumbamila mu kutata Ghongo nu kumukasanila.

John

Chapter 1

¹Mu ndingililo lya binsayi,kwabagha Kitondo,nu Kitondo chabagha ghamoii na Ghongo,nu Kitondo u chabagha Ghongo.²Chabagha ghamoi na Ghongo.³Bikayi binsayi byakitwagha nacho, nu taku champa chakitwagha kitakitilwe nacho.⁴Mucho mwabagha kalamo,nu kalamo kabagha chengeshi cha bantu.⁵Chengeshi ki kusana mu bulimaswa,nu bulimaswa tabwa kisekinde.⁶Kwabagha muntu'moyi wasingwagha na Ghongo;ishina lyaghe u Yoani.⁷Ashwagha kuteneneka chengeshi kubuno bansayi ba kikatishe.⁸Ntabagha chengeshi ,tondo ashwagha kuteneneka chengeshi.⁹Kino chengeshi chabagha cha bulili,mwa mu kwika mu kisi,chengeshishe muntu unsayi.¹⁰Chabagha mu kisi,nu kisi chakitwagha nacho,nu kisi tachakimanagha.¹¹Kikagha ku bisakwabo nu bisakwabo tabakisekelagha.¹²Tondo bansayi ba bakisekelagha,ku babo bakatishagha kw'ishina lyaghe,abeleshagha bwangato bwa kughaluka bana ba Ghongo; kubuno babutwagha,¹³ta ku mikilha,ta ku nkasa sa mubili,ta ku nkasa sa muntu,tondo mu kushima kwa Ghongo.¹⁴Nu kitondo chaghalukagha mubili,nu kombulha na beshwe,kisala mpang'inene nu bulili ;nu twalolagha ku lukumbu lwacho,lukumbu anga lulo lwa ngomo watukagha kw'ise.¹⁵.Yoani amutenenekagha,nu kutenda: U ghoso una babulagha ko: Olya washwa kumbusa kwani u wansondolelagha,kubuno abagha kubusho kwani,.¹⁶Nu beshwe bansai tweleshwagha nawe mpanga'inene nu mpanga' inene kutingila butumba bwaghe;¹⁷kubuno mulembe seleshibwagha kutingila Musa, mpang'inene nu bulili byashwagha na Yesu Kilishitu.¹⁸Taku muntu walolile ku Ghongo;Mwana ngomo,olya uli kw'ise,u wamuloshishe bweli.¹⁹Lola buteneneki bwa Yoani, Bayuda gha basingagha basankogha nu Balawi kutuka Yelusalema,buno bamubushe : Uwe u nayi? ²⁰Atendagha bwasibwasi ,nu ntatunagha, buno tawe u Kilishitu.²¹Nu bamubushagha :Ki lino ? Uwe Elia ?Nu ik'atenda: Nsheli we.Uli mulenganya?Nu'ikaabakula: Aiye²² Bamubushagha lino : Uwe nayi?Kubuno tusambalile batusingagha.Ku w'inene, uwe nayi?²³ Abakulagha:Ine u ishuki lya olya ukulaka mu kalula ,mulongomanye nsila sa Mukota, anga bwatendagha Mulenganya Isaya.²⁴Ba basingwagha,babagha Bafalisayo.²⁵Bamubushagha lingo: Buni bu ukupatisha ,ndi ntweli Kilishitu, ali Elia,ali mulenganya?²⁶Yoani abakulagha : Ine, nkupatisha mu masi,tondo munkatighi na benywe mweli olya umutekumana,washwa kumbusa kwani;²⁷Nshinakosha kusunula mushighi wa bilato byaghe.²⁸Ibyo bitondo byatingagha ku Betania ku maleshilya ma Yolodani, u kwabagha Yoani ekukupatisha .²⁹Gha bwachagha,alolagha Yesu ashwa kweli,nu atendagha : Lola mbuli sa Ghongo sikutucha bwaghi bwa kisi.³⁰U ghoso unatendagha : Kumbusa kwani kwashwa muntu wantangagha,kubuno abagha kubusho n'ine.³¹Nsha mumanagha,tondo kubuno amanwe m' Isilaeli u bunashwagha kupatisha mu masi.³²Yoani atenenekagha :Nalolagha Muusa watuka kw'ighulu anga kilinga,nu kwikala ghantata nawe.³³Nshamumanagha ,tondo olya wansingagha kupatisha na masi,ghoso u wambulagha: Olya u ukamona ko Muusa wakumba nu kw'imala ,ghoso u ukapatisha na Muusa Musogha.³⁴Nu nalolagha, nu kuteneneka buno eli Mwana wa Ghongo.³⁵Gha chagha busi, Yoani abagha lingo agho ghamoyi na begheshibwa baghe babili; ³⁶Nu ,mu kulola Yesu akutinga ,atendagha: Lola mbuli sa Ghongo .³⁷Begheshibwa babili bongwagha kw'ibyo bitondo ,nu bayangagha Yesu.³⁸Yesu mu kukebatuka, nu kulola buno bakumuyanga,ababushagha: Ki kimukulonda ?Bamwakulagha :Labi( ukutenda buno Mweghesha),kuni ku u kwikala? ³⁹Ababulagha:Mushwe ,nu mulole.Bendagha, nu balolagha kwikalagha ;Nu bikalagha nawe ubo busi.Bwabagha anga s'i kumi.⁴⁰Andele ,muto wa Simoni Petelo, abagha umoyi kwabo babili bongwagha ku bitondo bya Yoani,nu bayangagha Yesu.⁴¹U wabagha musoki kukulumana n'iselenshi Simoni nu kumubula: Twalolile ku Masiya (ukutenda buno Kilishitu).⁴²Nu endagha nawe kweli Yesu.Yesu mu kumumona ko, amubulagha : Uwe Simoni, musikila wa Yona,ukamanwa Kefa(ukutenda buno Ikoyi).⁴³Gha chagha busi, Yesu ashimagha ende ku Galilaya,nu akulumanagha Filipo.Amubulagha : Njange.⁴⁴Filipo abagha wa ku Betesaida,musumba wa Andele nu Petelo.⁴⁵Filipo akulumanagha Natanaeli,nu kumubula :Twasangile olya watilwagha mu mulembe na Musa,nu wabalikwagha na balenganya,Yesu wa Nasaleti,musikila wa Yosefu.⁴⁶Natanaeli amubulagha: Kisogha ki natuka ku Nasaleti ? Filipo amwakulagha : Shwa ,nu lola.⁴⁷Yesu ,kulola Natanaeli ashwa kweli, atendagha kuwe : Lola Muisilaeli wa bulili,mu'we ntamu bukongobanya.⁴⁸Natanaeli amubushagha:Ku kiki kuwanimanila ko ? Yesu amwakulagha: Gha bagha Filipo ntekumana,gha wabagha wikalile gha mashina ma mutini, nakulolagha ko..⁴⁹Nataeli amwakulagha nu kumubula: Labi,weli Mwana wa Ghongo,weli Mwami wa Isilaeli.⁵⁰Yesu amwakulagha: Kubuno nakubula buno nakumonagha ko gha mashina ma mutini wakatisha;ukalola bingi kw'ibyo.⁵¹Nu ik'amubula:Bulili, bulili, mukalola ighulu l'ighuka nu baghenshi ba Ghongo kubakama nu kukumba ku Mwana wa muntu.

Chapter 2

¹Ku bindi bisatu, kwabagha kisaghulo k' isonga ku Kana ka Galilaya.Nina wa Yesu abagha ko,²nu Yesu amanaghwa mu kisaghulo ghamoyi na begheshibwa baghe.³Gha binde byakunywa byashila,nina wa Yesu amubulagha: Tabite bya kunywa lingo.⁴Yesu amubulagha:Munamughole , ki cheli gha tusambana ine nuwe? Nkungu sani ta sika.⁵Nina abulagha bakiti : Mwakitagha bya babule.⁶Agho,ghabagha malegha mutuba ma makoyi ma bikwagha ku bwengeshi bwa Bayuda,nu n'indegha mun'ingila tulabia tubili ali tusatu.⁷Yesu ababulagha :Mwisashe amo malegha masi.Nu bisashagha mo.⁸Ababulagha : Mutaghe lino nu mwekele mukulu w'isonga.Nu bamwekelagha.⁹Gha binde mukulu w'isonga asonda masi maghalukile byakunywa byakoma, -ntamana kumatuka,bakiti bataghagha masi u bamanagha,-amanagha musongi, ¹⁰nu kumubula :Muntu unsayi ekwesanagha tanga byakunywa masogha,nu gha kuba bantu bikuta byakunywa bisogha,nti esana matambatamba;Uwe wabikile byakunywa bisogha kwikila eno mpina.¹¹U kitangalo kitangi ku bitangalo byakitagha Yesu ku Kana ka Galilaya.Aloshagha lukumbu lwaghe,nu begheshibwa baghe bamukatishagha.¹²Kushila agho ,endagha ghamoyi na nina ku Kapelenaumu,bisakwabo nu begheshibwa baghe,nu bikalagha ko bindi bikeke.¹³Pasaka sa Bayuda sabagha bwighi,nu Yesu abakamagha ku Yelusalema.¹⁴Asangagha mu numba sa kukumbalila baghushi ba nkambu,ba mbuli, nu ba bilinga ,baa'ti ba bikulo bikalile.¹⁵Kushila kuluka bususu bwa mishighi,abatibitagha bansayi mu numba sa kukumbamila,mbuli,nu nkabu ;asandabanyagha bikulo bya baa'ti ba bikulo, nu kwendula tusasa ; ¹⁶Nu abulagha baghushi ba bilinga : Mutuche bino ghano,mukitaghe numba sa Tata numba sa lutimbu.¹⁷Begheshibwa bwaghe bakengelagha buno bwatililwe: Lughi lwa numba sobe lwa mbabasha.¹⁸Mu kutenda,Bayuda ba mubulagha: Kitangalo ki, kiwatulosha,mu kukita buno ? ¹⁹Yesu ababulagha : Mwendule seno numba sa kukumbamila ,nu ku bindi bisatu nasitoshe.²⁰Bayuda batendagha: Seno numba sa kukumbamila sobakwagha ku myaka makumi manai nu mutuba,nuwe, ku bindi bisatu wasitoshe? ²¹Tondo ,atendagha mubili waghe u numba sa kukumbamila.²²uchasula gha tukagha ku bakuyi ,begheshibwa baghe bakengelagha buno atendagha ubo,nu bakatishagha ku Kitondo cha Ghongo nu chatendagha Yesu.²³Gha bagha Yesu ku Yelusalema,mu kisaghulo cha Pasaka,bengi bakatishagha kw'ishina lyaghe,mu kulola ku bitangalo byakitagha.²⁴Tondo Yesu ntabalenganyagha ko,kubuno amanagha bansayi.²⁵Nu kubuno ntabagha na nkasa sa buteneneki ku muntu' moyi;tondo amanagha w'inene byeli mu muntu.

Chapter 3

¹Tondo kwabagha mulume umoyi wa Bafalisayo,ukumanwa Nikodemu, mukulu umoyi wa Bayuda,²ikagha kweli Yesu mu kindi nu ku mubula : Labi,tukumana buno weli ngatu munene watukile kweli Ghongo; kubuno takuli muntu unakita bitangalo bi ukukita,ndi Ghongo nteli ghamoi nawe.³Yesu ik'amubula : Bulili, bulili ,nakubula,ndi muntu nta butwa lingo, ,ntanakosha kwingila mu bukota bwa Ghongo.⁴Nikodemu amubushagha :Buni bunabutwa muntu nw'ise mukungu?Anakosha kw'ingila lingo munda sa nina nu kubutwa?⁵Yesu amwakulagha :Bulili ,bulili nakubula, ndi muntu nta butwa mu masi nu mu Muusa,nta nakosha kw'ingila mu bukota bwa Ghongo.⁶Chabutilwe na mubili nti mubili ,nu chabutilwe na Muusa nti muusa.⁷Ntu ghaneghane buno nakubula : Bwaswagha ubutwe lingo.⁸Lumpumpu lukwenda ku lwashima,nu nti wongwa ku lwayo lwagho;tondo ntu kunama ku lwatuka ali ku lukwenda.Unu bubo ku muntu unsayi wabutwa na Muusa.⁹Nikodemu amubushagha:Buni bunakoshibwa' ibyo?¹⁰Yesu amwakulagha: Weli ngatu sa Isilaeli nu ntu kumana ibyo bitondo !¹¹Bulili,bulili,nakubula ,tukutenda bi tukumana,nu tukutenenekela bitwalolagha ko; nu ta mukwimila buteneneki bwitu.¹²Nu ndi ta mwakatisha gha nkubabula ku bitondo bya kisi, buni bu mukakatisha gha nkababula ku bitondo bya kw'ighulu? ¹³Taku muntu wabakamile kw'ighulu,ndi ta ghoso wakumbagha kutuka kw'ighulu,mwana wa muntu weli mw'ighulu.¹⁴ Nu anga bw'imikagha Musa bulighi mu kalula,u bwemana Mwana wa muntu imikwe .¹⁵Kubuno olya wamukatisha abe na kalamo ka milyalya.¹⁶Kubuno Ghongo ashimagha kisi bwa bu bibu,ik'esana Mwana ngomo saghe kubuno olya wamukatisha ntakwe tondo abe na kalamo ka milyalya.¹⁷Ghongo,ntasingagha Mwana waghe mu kisi buno aghaye kisi,tondo chone kutingila we. ¹⁸Olya wamukatisha ntanaghibwa;tondo olya utakatisha aghibwa kalai,kubuno ntakatishagha kw'ishina lya Mwana-ngomo sa Ghongo.¹⁹Nu kwaghya u kukuno ,chengeshi kikagha mu kisi,bantu bashimile bulimaswa kughimba cho,kubuno myanya sa bo sabagha mbi.²⁰ Kubuno olya wakita mabi ,nti anana chengeshi,nu ntakutabanga mucho,kubuno myanga saghe tasiloleke ko; ²¹Tondo olya wakita bya bulili, akutabanga mu chengeshi,kubuno myanya saghe siloleke ko, kubuno sakitwa mu Ghongo.²²Kushila ibyo ,Yesu nu begheshibwa baghe bendagha ku kisi cha Yudea;nu ikalagha ko ghamoyi nabo,nu akupatisha.²³Yoani nuwe abagha ekupatisha ku Enoni, bwighi na Salimu kubuno kwabagha masi mengi ,nu bendagha kupatisha ko.²⁴Kubuno Yoani abagha nte kandwa.²⁵Nu kwabagha lwayo gha sambana begheshibwa ba Yoani nu Muyuda umoyi,ku bitondo bya kwengya. ²⁶Bashwagha kweli Yoani nu kumubula :Labi,ghoso u wabagha nawe kuleshilya na Yolodani, nu u watenenekelagha,lola, akupatisha,nu bansayi ba kwenda kweli.²⁷Yoani atendagha: Muntu ntanaba na bya teleshibwe bitatuka kw'ighulu.²⁸Benywe b'inene muli bateneneki bani buno natendagha :Nshili Kilishitu,tondo nasingwagha gha busho nawe.²⁹Nene mukashi,u munache,tondo mwinda wa munache ,wikala agho nu kumwongwilila,nti aboghabogha kw'ishuki lya munache: Nu eso mboghombogho sani,seli sa bulili.³⁰Bwatunganana we alumbe,nw'ine nibibe.³¹Olya watuka kw'ighulu aghimba bansayi; olya wa mu kisi nti wa kisi,nu akutenda anga wa kisi.Olya watuka kw'ighulu aghimba bansayi,³²akuteneneka bya byalolagha nu byongwagha ko, nu taku muntu u kwimila buteneneki bwaghe.³³Olya w'imila buteneneki bwaghe akutenda buno Ghongo eli wa bulili.³⁴Kubuno olya wasingwa na Ghongo akutenda bitondo bya Ghongo,buno Ghongo akumwelesha Muusa bu tanalingikwa . ³⁵Tata ashima Mwana,nu abikile binsayi mu maboko maghe.³⁶Olya wakatisha Mwana ite kalamo ka milyalya,olya u takatisha Mwana,ntite kalamo,tondo mishibu sa Ghongo seli nawe.

Chapter 4

¹Mukota amanagha buno Bafalisayo bongwile akupatisha begheshibwa bengi kutinga Yoani.²Yesu w'inene nta patishagha ,tondo begheshibwa baghe. ³ Agho, atukagha mu Yudea,nu ku kuluka ku Galilaya.⁴Ubo bwemanagha atinge ku Samalia,⁵ikagha mu musumba wa Samalia u kumanwa Sukali,bwighi n'iswa lya Yakobo lyeleshagha musikila waghe Yosefu.⁶Agho gha bagha ishiba lya Yakobo,Yesu,akutwa na lughendo,ikalagha gha ntata n'ishiba,sabagha anga saa mutuba .⁷Mukashi umoyi wa Samalia ashwagha kutagha masi.Yesu amubulagha :Mpe ninywe .⁸Kubuno begheshibwa baghe babagha bendile ku musumba kughula indya.⁹Ghoso mukashi wa Samalia amubulagha: Buni bu unansegha cha kunywa uwe Muyuda nu 'ine Musamalia?- Bayuda tabakomya na Basamalia.^10-Yesu amwakulagha :Ndi unamanile lukaso lwa Ghongo ,nu nai ghoso u kukubula:Mpe ninywe! Uwe unamwemile cha kunywa,nu anakweleshishe masi ma kalamo.¹¹Mukashi amubulagha , Mukota,ntwite cha kutaghila mo ,nu ishiba lili lilai;kuni ku unatucha amo masi ma kalamo?¹²Uwe u mukulu kutinga tata witu Yakobo watweleshagha lino 'ishiba,nu anywilagha mo w'inene nu bana baghe nu bitughana byaghe?¹³Yesu amwakulagha:Olya wanywa mano masi , akakwa lingo na mpusha.¹⁴Tondo,olya ukanywa masi ma nkamwelesha,ntakakwa lingo mpusha,nu masi mankamwelesha ma kaghaluka muwe kasi ka kughela kw'ikila kalamo ka milyalya.¹⁵Mukashi amubulagha : Mukota,mpe kwamo masi kubuno nikwaghe lingo mpusha, nu nikulukaghe lingo ghano kutagha masi.¹⁶ Yesu amubulagha,nda,mana munachobe , nu kuluka ghano.¹⁷Mukashi amwakulagha:Nshite mulume.Yesu amubulagha :Watenda bulili nshite mulume wampa.¹⁸Kubuno wabagha na batano.Nu ghoso u weli nawe lelo,ta munachobe. Agho, watenda bulili.¹⁹Mukashi amubulagha:Mukota ,nalola buno uli mulenganya.²⁰Batata bakumb'amilagha gha ntonga n'osomwindiko ;nu mu kutenda ,benywe,buno kishiki cha kukumbamila ko cheli ku Yelusalema.²¹Yesu amubulagha:Mukashi,Nkatishe,nkungu sika nu ta mukakumbamila Tata gha ntonga n'oso mwinduko ali ku Yelusalema.²²Mu kukumbamila bi muta kumana;beshwe tukukumbamila bi tukumana. Kubuno lonoi lwatuka ku Bayuda.²³Tondo nkungu sika, nu sikile kalai, ba kukumbamila Tata na bulili, ba kela Tata ku Muusa nu ku bulili;kubuno abo u bashimwa na Tata.²⁴Ghongo eli Muusa,nu babo ba kumukumbamila , bemana ku mukumbamila mu Muusa nu mu bulili.²⁵Mukashi amubulagha: Nkumana buno Masiya akika( ukumanwa Kilishitu);gha kika,akatusambalila bitondo binsayi.²⁶Yesu amubulagha ine no,u ukutenda nawe.²⁷Agho,begheshibwa bikagha, ba ghanaghanagha bwa kutenda na mukashi.Nu kilo wamubulagha ki ukusegha?Ali ki ukutenda nawe?²⁸Agho,Mukashi ashighagha indegha lyaghe,endagha ku musumba,nu kubula bantu:²⁹ Mushwe mulole ku muntu wambula binsayi binakitagha.Ghoso ntanaba u Kilishitu? ³⁰Batukagha mu musumba,nu kwenda kweli.³¹Mweso nkungu begheshibwa ba mukakishagha kulya,mu kutenda:Labi,lya .³²Tondo ababulagha:Nite indya limute kumana.³³Begheshibwa batendagha gha basambana:Kuli wamwekinde indya?³⁴Yesu ababulagha :Indya lyani nti kukita bwashima olya wansingagha,nu kukucha mikolo saghe.³⁵Tamukutenda buno kwicheli myesh'inai kwika ku buuse?Lola,nababula mwimike miso,nu mulole maswa mela.³⁶Olya ukukana ite indigho, nu akukunsumanya bighuma ku kalamo ka milyalya,kubuno olya ukushika nu olya ukukana babogheboghe ghamoyi.³⁷Kubuno, ku bino byatendwa byeli bya bulili:Umoyi akushika,nu ungo akukana.³⁸Nabasingagha kukana bi mutalimagha;bamoyi bakitagha nkashi,nu benywe mwingilagha mu nkashi sabo.³⁹Basamalia bengi ba ghoso musumba ba katishagha ku Yesu kutingila bitondo bya ghoso mukashi:Ambulile binsai bi nakitagha.⁴⁰Ghikagha Basamalia kweli,bamuseghagha ikale nabo.Nu ashilagha agho bindi bibili.⁴¹Bantu bengi bakatishagha kubushi bwa kitondo chaghe;⁴²Nu babulagha mukashi :Ta kubushi bwa bibyo biwatendagha uchasula twakatisha; tondo kubuno twamwongwilila beshwe binene,nu twamana buno eli bulili Monia wa kisi .⁴³Ku bindi bibili,Yesu atukagha agho, nu kwenda ku Galilaya;⁴⁴Kubuno atendagha w'inene buno,mulenganya ntaghebwe lwanso mu kisi chaghe.⁴⁵Mu kwika mu Galilaya,asekelwagha busogha na Bagalilaya,ba balolagha byakitagha ku Yelusalema mu kisaghulo;kubuno nubo bendagha mucho.⁴⁶Akulukagha lingo mu Kana ka Galilaya, u kwa ghalulagha masi kuba maku.Kwa bagha mu Kapelenaumu,mukulu umoi wa basula ba mwami,wabagha wite mwana u kusamba. .⁴⁷Gho ngwagha buno Yesu atuka ku Yudea ika ku Galilaya,endagha kweli nu kumulilila ende kulamya mwana waghe, wabagha bwighi na kukwa.⁴⁸Yesu amubulagha: Ndi tamulola ku bitangalo nu bighanaghana ntamunakatisha.⁴⁹Ghoso mukulu wa basula ba Mwami amubulagha: Mukota,twende nu mwana nte kwa.⁵⁰Yesu amubulagha: Nda,mwana wobe echeli atenja.Nu ghoso mulume akatishagha ku kitondo cha mubulagha Yesu,nu ik'enda.⁵¹Mu kukuluka,bakiti baghe bashwagha ku mukulumanya, ba musambalilagha uno musaghu: Mwana wobe alama.⁵²Ababushagha,mu nkungu ki umwongwagha busogha; nu ba mubulagha: Mwa mw'igholo,mu saa mutubakamo ,kabubi kamututukagha mo.⁵³Ise akengelagha buno u mweso nkungu u mwamubulaile Yesu :Mwana whobe alama.Nu akatishagha we nu bantu bansai ba numba saghe .⁵⁴Yesu akitagha icho kitangalo kimbili mu kutuka Yudea nu kwika Galilaya.

Chapter 5

¹Kushila agho,kwa bagha kisaghulo cha Bayuda,nu Yesu abakamagha ku Yelusalema.²Ku Yelusalema, bwighi na mwingilo wa mbuli,gheli kishiba u'ki kumanwa mu kiebulania,Betesaida,wite nusu 'itano.³Mweso nusu,mwabagha mwayamile basambi bengi, bwi uku,tusokoluma,batambile bighansa, babagha ba kulindila ku biluluka kwa masi.⁴Kubuno, mughenshi umoyi endagha akumba ku bilucha masi;nu olya waba mutangi kwindekela mu masi ma biluluka ma tengeshibwa,nti alama lusambo lwaghe.⁵Agho,gha bagha musambi wa myaka makumi masatu nu munani.⁶Yesu,mu kumulola ko ayamile,nu kumana buno eli musambi wa bindi bingi, amubushagha:Ukushima ulame?⁷Musambi amwakulagha:Mukota,n'shite muntu wa kundekela mu kishiba gha kuba masi mabiluluka,nu gha nikulonda nindekele mo,ungo nti antangila.⁸Yesu amubulagha:Imaluka,tola mughu wobe nu tabanga .⁹Mwako kaluma ghoso muntu alamagha.Atolagha mughu waghe,nu kwenda.¹⁰Bwabagha busi bwa sabato.Bayuda babulagha ghoso walamagha: Buno busi sabato .Twi milwa kweka mughu wobe.¹¹Abakulagha :Olya wandamyagha u wambulagha :Tola mughu wobe nu tabanga.¹²Ba mubushagha :Nayi ghoso muntu wa kubulagha,tola mughu wobe, nu wende? ¹³Tondo, ghoso walamagha ntamanagha u nayi;kubuno Yesu asongokagha mwabo bantu babagha mwecho kishiki.¹⁴Agho,amusangagha mu numba sa kukumbamila, nu kumubula:Lola,walamile;ntukite bwaghi lingo,kubuno bwena bunakwikila.¹⁵Ghoso muntu endagha,nu kusambalila Bayuda buno,kashi Yesu u wamulamishe.¹⁶Chasulagha, Bayuda baghinika ku Yesu kubuno akitile ibyo bitondo busi bwa sabato.¹⁷Tondo Yesu ababulagha :Tata akukita milimo ino mpina,ni nengo, nku kita.¹⁸Kubushi bwa ubo,Bayuda balondagha lingo kumwitya,ta kubuno ananta ku sabato,tondo buno akumana Ghongo buno'Ise ,nu akwindingimanya na Ghongo.¹⁹Mu kutenda ,Yesu ababulagha: Bulili bulili,nababula Mwana ntanakita kena w'inene,akukita byakulola Ise akukita;nu binsayi bikukita ise,mwana nuwe akubikita ubo nubo .²⁰Kubuno Tata ashima Mwana,nu akumulosha bya kukita;nu akamulosha mikolo ningi kutinga seno kubuno mwikale mu nganingani.²¹Bubo bukutucha ise bantu ku bakuyi ,nu ku bakulukisha kalamo, bubo Mwana nuwe akwelesha kalamo k'olya washima.²²Tata nta kwaghya muntu,tondo eleshishe Mwana lwaghyo lunsayi,²³buno bansayi ba anse Mwana anga bubakwaansa Ise.Olya utaansa Mwana,nta waansa nu'Ise wamusingagha.²⁴Bulili,bulili nkubabula: Olya ukwongwa kitondo chani nu kukatisha ghoso wansingagha ,ite kalamo ka milyalya,nu ntakutinga mu lwaghyo,tondo atuka ku lukwo nu kw'ingila mu kalamo.²⁵Bulili,bulili,nkubabula ,nkungu sika, nu sikile kalai,bakwile bakongwa kw'ishuki lya Mwana wa Ghongo;nu ba ba kongwa kulyo bakalama.²⁶Kubuno,anga bwite'Ise kalamo ,u bweleshishe Mwana kuba na kalamo mu we.²⁷Amweleshishe bwangato bwa kwaghya kubuno eli Mwana wa muntu.²⁸Mughanagheghanaghe nobo; kubuno nkungu sika nu babo beli mu nsinda bakongw' ishuki lyaghe,nu bakatuka mo.²⁹Babo bakita busogha bakatuka ku bakuyi nu kuba na kalamo,tondo babo bakitagha bibi batuka ku bakuyi buno baghibwe.³⁰Nshi nikitila kena in'inene; kuyangana na bikwongwa ,nkughaya;nu lwaghyo lwani luli lwa bulili ,kubuno nshikulonda bi nkushima tondo byashima ghoso wansingagha. ³¹Ndi n'intenenekela in'inene,buteneneki bwani ta bwa bulili.³²Kuli ungo unkutenenekela,nu nkumana buno buteneneki bwaghe buli bwa bulili.³³Mwasingagha bantu kweli Yoani nu ,atenenekelagha bulili.³⁴Ku neli,buteneneki bwani ta bukutuka ku muntu wampa; tondo nkutenda bubo kubuno mo'ne.³⁵ Yoani abagha tala sikubanga nu kusana,nu mwashimagha mubogheboghe nkungu emoyi mu chengeshi chaghe.³⁶Ine,nite buteneneki bunene kughimba bwa Yoani; kubuno milimo sa mpagha Tata nikite, u sinkukita,nuso santeneneka buno Tata u wansingagha.³⁷Nu Tata wansingagha antenenekilagha.Tamwongwagha kw'ishuki lyaghe,ta mwalolagha ku chaso chaghe.³⁸Nu kitondo chaghe tacheli mu benywe,kubuno ta mukukatisha olya wa nsingagha³⁹Mu kughensha munda na Kitondo cha Ghongo kubuno mukulenganya buno mwamone mucho kalamo ka milyalya; u ki kuntenenekela.⁴⁰Nu ta mukushima mwike ku neli mube na kalamo.⁴¹Lukumbu lwani ta lukutuka ku bantu.⁴²Tondo nkumana buno mu benywe tamweli lutundo lwa Ghongo .⁴³Nashwile mw'ishina lya Tata , nu ta mwansekinde ;ndi ungo ashwa mw'ishina lyaghe w'inene nti mwamusekela.⁴⁴Buni bu munakatisha,benywe bekubuluta lukumbu lukutuka ku bango,nu tabakulonda lukumbu lukutuka kwa Ghongo w'inene?⁴⁵Ta mulenganye buno nkabatalikila kweli Tata ;Olya ukubatalikila,u Musa, mu we u mumwabika malelamilo minu.⁴⁶Kubuno,ndi mwakatishagha Musa,munankatishishe nine , kubuno atilagha kubushi bwani .⁴⁷Tondo,ndi tamwakatisha ku mitilo saghe,buni bu munakatisha ku bitondo byani?

Chapter 6

¹Kumbusa kwagho, Yesu endagha ku ungo muse wa kitatenge cha Galilaya, ku Tibelia. ²Kikembe kinene cha muyangagha , kubuno chalolagha ku bitangalo byakitilagha basambi. ³Yesu abakamagha ku mwinduko, nu uko ikalagha na begheshibwa baghe.⁴Nu,Pasaka sabagha bwighi,kisaghulo cha Bayuda. ⁵Mu kwimika miso, nu kulola kikembe cha bantu chamuyanga, Yesu abulagha Filipo: Kuni ku tunaghulila tupampa,buno bantu bano bamone bya kulya. ⁶Atendagha ubo kwa kugheleka, kubuno amanagha byakite.⁷Filipo amwakulagha : Tupampa tunaghulwa bikulo maghana mabili ta tuna kosha buno na muntu alye kakeke. ⁸, Andele, muto wa Simoni Petelo,umoi ku begheshibwa baghe ,amubulagha: ⁹Ghano gheli mwisambale umoyi wite tupampa tutano tukeke nu bisonga bibili; tondo kiki kibinakita ku bano bantu bansayi ?¹⁰Yesu atendagha: Mubikashe ghansi. Mwecho kishiki mwabagha bisughu bingi. Babundagha balume beli anga elefu itano . ¹¹Yesu atolagha tupampa, akasanilagha , nu kubeghanisha abo bikalagha ghansi; abeleshagha nu bisonga,anga bu bashimagha. ¹²Gha binde bikuta,abulagha begheshibwa baghe: mukunse bindi byashighala, kubuno kubaghe kena ka kushimila.¹³Bakunsagha byo, nu kwisasha nshi ikumi n' imbili sa bindi bya tumpampa sashighalagha ku tupampa tutano, gha bashilagha bansai kulya. ¹⁴Abo bantu,kulola kwicho kitangalo chakitagha Yesu, batendagha : Ghono u Mulenganya wa bulili wika mu kisi. ¹⁵Nu Yesu , gha managha buno bashwe ku mukata nu kumubika Mwami, abakamagha lingo mwinduko w'inene.¹⁶Mw'ighol'igholo, begheshibwa baghe bakumbagha ku mutili wa kitatenge. ¹⁷Gha binginde mu bwato, basokagha kitatenge nu kwenda ku Kapelenaumu. Bwabagha kindi, nu Yesu abagha nte basanga. ¹⁸Kwa tingagha lumpumpu lunene, nu kitatenge chayungwayungwagha.¹⁹Gha binde balhugha metele anga makumi mabili nu matano ali makumi masatu, bamonagha ku Yesu ashwa gha ntata gha masi ,nu kushighelela bwighi na bwato.Nu bakwagha boba. ²⁰Tondo Yesu abababulagha : ine no; mukwaghe boba ! ²¹Balondagha kumweka mu bwato, nu bwato bwikagha ku babagha bakwenda.²²Kikembe kicho chashighalagha mu ungo muse wa kitatenge chalolagha buno agho gha shighala bwato bumoyi, nu Yesu ntabakamile mu bwato na begheshibwa baghe, tondo bendile bo b'inene. ²³Bwachagha busi, bwikagha bungo bwato kutukila ku Tibelia bwighi na kishiki gha balilagha ntumpampa gha shilagha Yesu kukasanila,²⁴Bantu ba kikembe gha bamanagha buno Yesu nu begheshibwa baghe tabeli agho, babakamagha mu bwato nu kwenda kulonda Yesu ku Kapelenaumu . ²⁵Mu kumusanga mu ungo muse wa kitatenge,bamubulagha:Labi,mpina ki siwikile kuno?²⁶Yesu abakulagha : Bulili, bulili nababula, ta mukundonda kubuno mwalolile ku bitangalo, tondo kubuno mwalile tumpampa nu kwikuta. ²⁷Mukite nkashi, ta kw'indya lya kubola, tondo lya kwindisha ku kalamo ka milyalya, nu Mwana wa muntu akabelesha: kubuno Tata Ghongo amubikile mo kamanililo.²⁸Bamubushagha:Tukite ki buno , tukole milimo sa Ghongo? ²⁹Yesu abakulagha : Mulimo wa Ghongo, buno mukatishe ku whoso wasingagha..³⁰Bamubulagha:Kitangalo ki unakita buno tulole kwicho nu tukukatishe? Ki kiwakita?³¹Batata balyagha mana mu kalula,kuyangana na bubo bwatililwe: Abeleshagha tumpapa tw'ighulu balye.³²Yesu ababulagha : Bulili , bulili,nkubabula,Musa ntabeleshagha kampampa k'ighulu, tondo Tata wani u kubelesha kampampa ka bulili k'ighulu ;³³Kubuno kampampa ka Ghongo ,u Ghoso ukutuka kw'ighulu ,nu ukwelesha kisi kinsayi kalamo.³⁴Bamubulagha: Mukota, tweleshe bindi binsayi ako kampampa.³⁵ Yesu ababulagha: Ine u kampampa ka kalamo ,olya washwa ku neli ntakakwa nsala, nu olya wankatisha nta kakwa mpusha. ³⁶Tondo,nababulagha, mwandolilagha ko, nu tamwakatishe. ³⁷Bansayi baneleshibwe na Tata,bakashwa ku neli,³⁸Nu shikatibita olya washwa ku neli;kubuno natukile kw'ighulu ta kukita bi nashima ,tondo byashima olya wansingagha.³⁹Buno, bwashima olya wansingagha u buno,nishimishaghe umoyi. ku baneleshaghe ,tondo nimutuche ku bakuyi kindi kishinda.⁴⁰Bwashima Tata,u buno olya walola ku mwana nu kumuka tisha,abe na kalamo ka milyalya;nu nkamutucha ku bakuyi kindi kishinda.⁴¹Bayuda bishishumagha ku we ; kubuno atendagha:Ine u kampampa ka kutukagha kw'ighulu. ⁴²Nu batendagha: Ta Ghono u Yesu, mwana wa Yosefu, olya u tukumana ise nu nina? Buni bwanatenda: Natukile kw'ighulu?⁴³ Yesu abakulagha:Mwishushumaghe gha musambana. ⁴⁴Takuli unashwa ku neli ndi ntalhutwa na Tata ; nu nkamutucha ku bakuyi busi bushinda.⁴⁵Bwatililwe ku balenganya : Bansayi bakegheshebwa bya Ghongo. Kubuno olya ukwongwilila Tata nu wasekela meghisha maghe ,u washwa ku neli.⁴⁶Ta kweli walolile ku Tata,ndi ta ghoso watukagha kweli Ghongo ;ghoso u walolile ku Tata. ⁴⁷Bulili, bulili nababula, ulya wankatisha ite kalamo ka milyalya.⁴⁸Ine u kampampa ka kalamo. ⁴⁹Baso ba lyagha mana mu kalula, nu bakwagha.⁵⁰Kano u kampampa katuka kw'ighulu, kubuno olya wakalya nta nakwa. ⁵¹Ine u kampampa ka kalamo katukile kw'ighulu. Ndi mutu umoyi alya ku kano kampampa,nta kakwa ;nu kampampa ka nkamwelesha,u mubili wani u nkesana ku kalamo ka kisi.⁵²Ku bibyo,Bayuda bendagha myango bo binene,mu kutenda: Buni bwanakosha kutwelesha mubili waghe buno tulye wo ? ⁵³Yesu ababulagha : Bulili, bulili, nkubabula, ndi tamwalya mubili wa Mwana wa muntu,nu ndi tamwanywa ku mikilha saghe, ta mwite kalamo.⁵⁴Olya walya mubili wani nu kunywa mikilha sani ,ite kalamo ka milyalya; nu nkamutucha ku bakuyi busi bushinda. ⁵⁵Kubuno mubili wani uli bulili indya ,nu mikilha sani sili bulili bya kunywa. ⁵⁶Olya walya mubili wani nu kunywa mikilha sani nt'ikala mu'ine,nu'ine mu we.⁵⁷Ubo bwile Tata wansingagha eli gho,nu ine neli gho kutingila Tata , ubo nubo, olya wandya akaba gho kutingila ine. ⁵⁸ Ghano gheli kampampa katukagha kw'ighulu. Takeli anga baso balyagha mana nu kukwa:Olya walya ku kano kampampa nta kakwa.⁵⁹Yesu atendagha bino bitondo mu Sinakoki mu kweghesha mu Kapelenaumu.⁶⁰Begheshibwa baghe bengi, gha ba mwongwililagha,, batendagha: Kitondo kibibu kino;nayi unakosha ku chongwilila ? ⁶¹ Yesu, mu kumana winene buno begheshibwa baghe bakwishushuma kwicho kitondo ,ababulagha: Ki kino cha bakitasha?⁶²Nu ndi mwalola Mwana wa muntu enda kwatukilagha ? ⁶³Muusa u wite kalamo; mubili tawite kena.Bitondo bi nababulagha u muusa nu kalamo.⁶⁴Tondo ku benywe kuli batekatisha . Kubuno Yesu amanagha batakatisha, nu ghoso ukamwesana. ⁶⁵Nu atendagha lingo: Chasula nababula buno taku wampa unashwa ku neli ndi,nteleshibwe na Tata.⁶⁶Tukila agho, begheshibwa baghe bengi bintuchagha , nu bananagha kwenda ghamoyi nawe.⁶⁷Yesu abulagha abo ikumi nu babili: Nu benywe,mukushima mwende ? ⁶⁸ Simoni Petelo amwakulagha : Mukota, kwa nayi ku tukenda? Uwe wite bitondo bya kalamo ka milyalya. ⁶⁹Nu twakatisha nu kumana buno uwe u Kilishitu,Musanana wa Ghongo.⁷⁰Yesu ababulagha: Ntine u nabasombolagha , benywe ikumi na babili? Nu umoyi ku benywe eli musumbu! ⁷¹Atendagha ubo ku Yuda wa Kaliote, mwana wa Simoni; kubuno u wa mwesane,umoyi kwabo ikumi na babili.

Chapter 7

¹Mu kushila ubo,Yesu atimbagha Galilaya, ntashimagha osale mu Yudea,kubuno Bayuda balondagha kumwitya. ²Nu, kisaghulo cha tusumilo cha Bayuda cha bagha bwighi.³Nu bisakwabo bamubulagha:Tuka ghano nu nda ku Yudea buno begheshibwa bobe balole nubo ku milimo si u'kukita.⁴Muntu ntakite mu lubisobiso ndi akushima kwindosha;ndi ukukita bino bitondo,indoshe u w'inene mu kisi .⁵Kubuno bisakwabo ta bamukatishagha. ⁶Yesu ababulagha: Nkungu sani ta sika,tondo nkungu sinu seli bindi binsayi.⁷Kisi ta kinabasomba;,ine cha nsomba ,kubuno nkuteneneka buno mikolo sabo seli'mbi.⁸Benywe mwende mu kisaghulo kicho; ine nshikwenda ko kubuno nkungu sani tasika.⁹Gha shilagha kubabula ubo ashighalagha mu Galilaya.¹⁰Ghabinde bisakwabo benda ku kisaghulo, andagha ko nu w'inene, ta bwasibwasi,tondo mu lubisobiso. ¹¹Bayuda ba mulondagha mu kisaghulo,nu batendagha:Kuni kweli?¹²Kwa binde tumeshimeshi mwa mu kikembe kubushi bwaghe.Bamoyi batendagha: Muntu musogha uso.Bango batendagha : Aye, akwabucha bengi. ¹³Taku muntu wamutekulagha bwasibwasi, mu kukwa Bayuda boba.¹⁴Mukatighi na kisaghulo,Yesu abakamagha mu numba sa kukumbamila .Nu abagha ekweghesha bantu. ¹⁵Bayuda baghanaghanagha ,nu kutenda :Buni bwekumana bitondo bya Ghongo, nu ntatingile ku likolo? ¹⁶Yesu abakulagha: Meghesha mani ta mani,tondo ma olya wansingagha.¹⁷Ndi muntu ashima kukita byashima , akamana ndi meghisha mani matuka kweli Ghongo, ali nkwitendela ine'inene.¹⁸Olya ukwitendela ,akwindondela nkulu ; tondo ulya ukulonda nkulu sa olya wa musingagha ,ghoso u wa bulili,nu mu we tamuli bukongobanya.¹⁹Musa ntabeleshagha mulembe ?Nu taku wampa ku benywe ukukatisha mulembe.Ki chasula mukulonda kunitya? ²⁰Bantu bakulagha :Wite musumbu.Nayi u kulonda ku kwitya?²¹Yesu abakulagha nu kutenda: Nakitagha milimo nu benywe bansayi mwa ghanaghana ²²Musa abeleshagha kumwonya bwali bwa munganga,ta buno bwatukagha kweli, tondo bwa tukagha ku bakulu,nu mu kumonya muntu bwali bwa munganga busi bwa sabato.²³Ndi muntu amona bwali bwa munganga busi bwa sabato, kubuno mulembe wa Musa ubengwaghe,ki kimwanshibukila ko buno nalamya muntu mughimaghima busi bwa sabato?²⁴Mughyayaghe na miso,tondo mughyaye kuyangana na bulili.²⁵Bamoyi ku bantu ba Yelusalema batendagha: To ghoso u bekulonda kwitya? ²⁶Nu lola,akutenda bwasibwasi nu taba kumubula kena !Bulili,bami bamumanilinde buno u Kilishitu? ²⁷Beshwe tukumana kwatuka,tondo Kilishitu,gha kika,taku muntu ukamana kwa katuka.²⁸Nu Yesu ,mu kw'eghesha mu numba sa kukumbamila , atendagha bubibu:Mu kunimana,nu mukumana ku natuka!Nshashwile kw'ishina lyani'inene :Tondo olya wasingagha u wa bulili, nu ta mukumumana. ²⁹Ine, nkumana; kubuno natukile kweli,nu we u wansingagha.³⁰Balondagha ku mukata ,nu taku muntu wamubikile ku maboko ,kubuno nkungu saghe sabagha ta sika.³¹Bengi mu kikembe ba mukatishagha, nu batendagha : Gha kika Kilishitu, akakita bitatangalo byaghimba bi kukita ghono? ³²Bafalisayo bongwagha kikembe ki kukita manungunungu kuwe kutingila,ibyo bitondo.Agho basankogha banene nu Bafalisayo basingagha bakiti ba mukate.³³Yesu atendagha:Nicheli na benywe ku bindi bikeke,nu kushila agho nakuluke kwa olya wansingagha. ³⁴Mukandonda nu ta mukandola ko,nu tamunakosha kwika ku nkaba.³⁵Ko'bo Bayuda batendagha gha basambana: Kuni kwende, buno ta tukamumona ko? Ekenda ku babo basandabanile ku Bagiliki, nu akeghesha Bagiliki? ³⁶Buni bwatenda icho kitondo : Mukandonda nu ta mukandola ko,nu tamuna kosha kwika ku nkaba?³⁷Busi bushinda, busi bunene bwa kisaghulo,Yesu,imalagha ,atendagha bubibu:Ndi muntu ite mpusha,ashwe ku neli,nu anywe. ³⁸Olya wankatisha, nusi sa masi ma kalamo sikaghela muwe,anga bwatenda kitondo cha Ghongo.³⁹Atendagha ubo kubushi bwa Muusa Musogha olya ukeleshibwa ku ba kamukatisha; kubuno Muusa abagha ntika nenshi,kubuno Yesu abagha nte ghanulwa.⁴⁰Bantu ba kikembe mu kwongwa kwebyo bitondo,batendagha : Ghono bulili eli Mulenganya. ⁴¹Bango batendagha: u Kilishitu ghono,nu bango batendagha,ndi ku Galilaya u kunatuka Kilishitu? ⁴²Kitondo cha Ghongo,tachatenda buno, akatuka mu kibuti cha Daudi, mu mwelo wa Betelehemu mwikalagha Daudi u mu katuka Kilishitu?⁴³Agho ,kwabagha kwengukana gha basambana. ⁴⁴Bamoyi kubo balondagha ku mukata, tondo taku muntu wa mukatagha.⁴⁵Bakiti bakulukagha kweli Basankogha nu Bafalisayo.Nu babano bababushagha : Ki chasulagha tamushwe nawe? ⁴⁶Bakiti bakulagha: taku muntu u kutenda anga ghoso mulume.⁴⁷Bafalisayo ba basubishagha: Nu benywe mwabuchwa nawe ? ⁴⁸Ta ku mwami wa Bafalisayo wamukatishishe? ⁴⁹Tondo abo bantu batakumana mulembe, bashulilwe.⁵⁰Nikodemu, wikagha kweli Yesu mu kindi,nu wabagha umoyi kubo, ababulagha: ⁵¹Mulembe witu unaghaya muntu nu ta bemwongwilila nu kumana cha kitile?⁵²Ba mwakulagha : Nu wengo uli mu Galilaya? Imbushe ,nu ukalola buno ku Galilaya ta kunatuka mulenganya.⁵³Nu nawe akulukagha kwaghe.

Chapter 8

¹Yesu endagha ku mwindiko wa Miseituni.²Tondo, mu nindunindu ,endagha lingo mu numba sa Kukundamila,nu bantu bansayi bashwagha kweli.Mu kuba ikala,abegheshagha.³Agho Bansashi nu Bafalisayo bamwekelagha mukashi wakatilwe mu mantesha;⁴Nu, mwa mukumubika mu nkatighi na bantu,babulagha Yesu: Mweghesha,ghono mukashi akatilwe mu mantesha.⁵Musa, mu mulembe atukakishagha buno twite na makoyi bakashi anga bano; uwe nuwe ki kiwatenda?⁶Batendagha ubo, buno bamulingike, bamane kumutalikila.Tondo Yesu mu ku kumbama,abagha akutila ghansi na munywe waghe.⁷Bu babagha bakumubushabusha, imikagha miso nu ku babula:Olya ku benywe utekitagha bwaghi abe mutangi kumulekela ikoi.⁸Nu mu ku kumbama lingo,atilagha ghansi.⁹ Mu kwongwa kubo,babo bamutalikilagha na mutima wabo, basongokagha umoyi umoyi, kulingila ku bakungu kwikila ku bashinda; nu Yesu ashighalagha w'inene ghamoyi na ghoso mukashi wimalile mu katighi.¹⁰Mu kwimika miso, nu ntalolile ku ngo, ndi ta ghoso mukashi ,Yesu amubulagha:Mukashi,kuni kweli ba kutalikilagha?Takuli muntu wa kwaghishe?¹¹Akulagha: nukilo,Mukota.Nu Yesu amubulagha:Ni'ne nshi ku kwaghya;nda, ntukite bwaghi lingo.¹² Yesu atendagha lingo nabo, nu ku babula:Ine u chengeshi cha kisi; olya wanjanga nta katabanga mu bulimaswa,tondo akaba na chengeshi cha kalamo.¹³Agho,Bafalisayo bamubulagha:u kwitenenekela u w'inene; buteneneki bobe ta bwa bulili.¹⁴Yesu abakulagha: Bunaba nkwitenenekela ininene, buteneneki bwani bweli bwa bulili, buno nkumana ku natukagha nu nku kwenda; tondo benywe, ta mukumana ku natuka ali nku kwenda.¹⁵Benywe mu kughaya kutingila mubili; Ine nshikughaya muntu.¹⁶Nu ndi naghaya,kughaya kwani kweli kwa bulili,ku buno nsheli in 'inene; tondo Tata wansingagha eli ghamoi nine.¹⁷Bwatililwe mu mulembe winu buno buteneneki bwa bantu babili bweli bwa bulili; ¹⁸Nkwitenenekela ininene,nu Tata wasingha ankutenenekela.¹⁹Bamubushagha lino: Kuni kweli so?Yesu akulagha:Ta mukunimana ali Tata. Ndi munanimanile, munamanile Tata nuwe .²⁰Yesu atendagha ibyo bitondo, mu numba sa kukumbamila, mu kishiki chabagha cha nsagho sa bikulo; nu taku muntu wamukatagha,kubuno nkungu saghe sabagha ta sika.²¹ Yesu ababulagha lingo: Niyendela, nu mukandonda,nu mukakwa mu bwaghi bwinu;tamunakosha kwika nkukwenda.²² Ku'bo Bayuda bitendyagha: Akiyita w'inene, bushi atenda :tamunakosha kwi'ka kunenda?²³Nu ababulagha: benywe mweli ba ghansi; ine, neli wa kw'ighulu. benywe mweli ba kisi kino; ine, nsheli wa kino kisi. ²⁴ Uchasula na babula buno mu kakwa mu bwaghi bwinu;buno, ndi ta mwankatisha, mukakwa mu bwaghi bwinu.²⁵Bamubushagha, Uwe u'nai? Yesu abakulagha: U binababulagha mu ndingililo. ²⁶Nite bitondo bingi bya kubabula nu bya kubaghaya; tondo ulya wansingagha eli wa bulili, nu bi nongwagha kwaghe, nabisambala mu kisi. ²⁷Ta bamanagha buno ekubabula kubushi bw'Ise.²⁸Yesu atendagha lingo nabo:Gha mukatelula Mwana wa muntu, agho mukamana buno ine u nai, nu nshi kukita kena ininene, tondo nkutenda binegheshibwagha na Tata. ²⁹Olya wansingagha eli ghamoi n'ine; nta nshighile 'in'inene, kubuno nkukita bindi binsayi bya muboghyaboghya. ³⁰Yesu mu kutenda ubo, bengi bamukatishagha.³¹Nu abulagha Bayuda ba bamukatishagha:Ndi mwakokomesha mu kitondo chani, mweli bulili begheshibwa bani; ³²Mukamana bulili, nu bulili bu kabakandula. ³³Bamwakulagha: Beshwe tweli kibuti cha Bulaimu, nu ta tubagha bakobe ba muntu; buni buwatenda buno mukakandulwa?³⁴Mu kubasubisha, Yesu ababulagha:Bulili, bulili ,olya wakita bwaghi eli mukobe wa bwaghi. ³⁵Buno, mukobe ntikale bindi binsayi mu numba; mwana u weli mo bindi binsayi. ³⁶Ndi Mwana abakandula, mukaba bulili bashighililwa.³⁷Nkumana buno mweli kibuti cha Bulaimu; tondo mu kulonda ku nitya, kubuno kitondo chani ta kikwingila mu benywe. ³⁸Nkusambala bi nalolagha ko kweli Tata ; nu benywe mukukita bi mongwagha ko kweli so winu.³⁹Bamwakulagha: Tata witu, u Bulaimu. Yesu ababulagha :Ndi munabinde bana ba Bulaimu, munakitile milimo sa Bulaimu. ⁴⁰Ghano mukulonda kunitya, ine nababulagha bulili bi nongwagha ko kweli Ghongo.Ibyo, ta byakitwagha na Bulaimu. ⁴¹Benywe mukukita milimo sa ba so.Bamubulagha: Beshwe tatweli bana ba ku mbugha;twite Tata umoyi, Ghongo.⁴² Yesu ababulagha : Ndi Ghongo anabinde so winu, munanshimile,kubuno kweli Ghongo u kunatukinde nu u kunkwenda ; nshashwile kw' in'inene , tondo ku olya wansingagha. ⁴³Buni uchasula tamukwongwa itenda lyani? Kubuno tamunakosha kwongwa kitondo chani. ⁴⁴Mwite Kahinga u so winu, nu mukushima mukite byashima so winu. Eli mwiti kulingila ndingililo,nu ntimala mu bulili.Kubuno bulili tabweli muwe.Gha kweka bwisa,akutenda byeli mu mutima waghe; kubuno eli mweki wa bwisa nu ise wa ba kutenda bwisa.⁴⁵Nu ine,kubuno nkutenda bulili, tamu kunkatisha. ⁴⁶Nai ku benywe ukankinda ku bwaghi? Ndi nkutenda bulili,ki chasula tamukatishe ? ⁴⁷Olya weli wa Ghongo , akongwilila kitondo cha Ghongo; Benywe ta mukunwongwa, kubuno tamweli ba Ghongo.⁴⁸Bayuda bamwakulagha : Ta twatendagha bya bulili buno uli Musamalia, nu wite musumbu? ⁴⁹Yesu akulagha: Nshite musumbu : Nkughanula Tata wani, nu mu kuntuka.⁵⁰Nshikulonda lukumbu lwani; kuli umoi ukululonda nu u kwaghya. ⁵¹Bulili, bulili, nkubabula ndi umoyi abika ku mutima kitondo chani,ntakakwa nu kilo.⁵²Agho,Bayuda bamubulagha twalola wite musumbu.Bulaimu akwagha , Balenganya nubo,n'uwe watenda: Ndi muntu abika kitondo chani mu mutima ntakakwa.⁵³Uwe u mukulu ku tata witu Bulaimu, wakwile? Balenganya nubo bakwile. Ukwindola anga nayi?⁵⁴Yesu akulagha : Ndi nkwiyelesha lukumbu ininene,lukumbu lwani lweli lwa tughutughu. Tata u kunelesha lukumbu olya u mukutenda buno u Ghongo winu,nu ta mukumumana.⁵⁵Ine nkumumana ; nu ndi natenda buno nshikumumana ,nti naba mweki wa manko anga benywe. Tondo nkumumana nu nabika kitondo chaghe mu mutima. ⁵⁶Bulaimu, so winu, aboghabogha buno akalola kindi chani. Alolagha kucho, nw'inga aboghabogha.⁵⁷Bayuda bamubulagha : Ntwika ku myaka makumi matano, nu walolagha ku Bulaimu ! ⁵⁸Yesu ababula : Bulili, bulili nkubabula,gha bagha Bulaimu ntebutwa ine nabagha agho. ⁵⁹Agho , bakunsagha makoyi buno bamusunde mo; tondo Yesu imbisagha, nu atukagha mu numba sa kukumbamila.

Chapter 9

¹Mu kutinga,Yesu alolagha ku muntu wa butwagha kiku.²Begheshibwa baghe bamubushagha:Labi, nayi u wakitile bwaghi, ghono muntu ali babuti baghe ,buno abutwe kiku?³Yesu akulagha :Ta we ali babuti baghe u bakitile bwaghi;tondo,kubuno mikolo sa Ghongo simoneke ko ku we. ⁴Nemana kukita nkashi sa olya wansingagha mu musi,mu kindi muntu ntanakita nkashi. ⁵Buno nicheli mu kisi, ine u chengeshi cha kisi.⁶Mu kushila kutenda ubo, ashulagha matai ghansi, nu kukita namo bisogho. Agho atilagha bisogho ku miso ma kiku,nu ⁷kumubula: Nda, nu ogha mu kishiba cha Siloamu(ishina likutenda buno wasingilwe).Endagha ko ,oghagha,akulukagha akulola busogha.⁸Banabo nu babo bamulolagha ko kalayi buno mwemi batendagha: Ta whoso wendagha abunda ghansi nu kwema? ⁹Bamoi ika batenda: U we .Bango batendagha nu kilo, tondo amususa.Nu w'inene ik'atenda : Ine no.¹⁰Bamubushagha lino : Buni bwashibukile miso mobe? ¹¹Abakulagha: Muntu u kumanwa Yesu akitagha kisogho ,antilagha cho ku miso mani,nu kumbula : Nda ku kishiba cha siloamu, nu ogha.Nendagha ko,noghagha, nu miso mani mashibukagha.¹²Bamubushagha:kuni kweli uso muntu?Abakulagha : Nshikumana.¹³Bendagha n'oso wabagha kiku kweli Bafalisayo.¹⁴Ubo,bwabagha busi bwa sabato bwakitagha Yesu ebyo bisogho, nu kushibula miso.¹⁵ Bafalisayo nubo bamubushagha buni bwashibukile miso. Nu ikababula: Antilagha bisogho ku miso , inga nogha,nu kulola.¹⁶Kwibyo bitondo, Bafalisayo bamoyi batendagha: Ghono muntu ntatukile kweli Ghongo, kubuno nta kukatilila sabato. Bango batendagha : Buni bunakita muntu wa bwaghi bitangalo? ¹⁷Kwabagha mwengukano gha basambana.Babushagha lingo kiku: Uwe ukutenda buno u nai whoso wakushibulile miso? Akulagha:Eli mulenganya.¹⁸Bayuda ta bakatishagha kubuno abagha kiku nu ashibukagha miso kwikila bamane babuti baghe.¹⁹Nu ba babushagha mu kutenda:U Ghoso mwana winu mukubula buno abutwagha kiku?Buni bwakulola lino? ²⁰Babuti baghe bakulagha : Tukumana buno eli mwana witu, nu abutwagha kiku;²¹Tondo ise'alola,nu olya wamushibulile miso tatukumana.Mumubushe w'inene,ise akula,atende ku byaghe w'inene.²²Babuti baghe batendagha'ibyo ku buno bakwagha Bayuda boba; Kubuno Bayuda balaghanagha buno olya ukatenda buno Yesu u Kilishitu,akatibitwa mu Sinakoki.²³Uchasulagha babuti baghe batenda: Is'akula ,mu mubushe w'inene.²⁴Bafalisayo bamanagha lya ngendw'imbili uso muntu wabutwagha kiku,nu kumubula : Elesha Ghongo lukumbu.Beshwe tukumana buno ghoso eli muntu wa bwaghi. ²⁵Aakulagha:Ndi eli muntu wa bwaghi, nshikumana ;Nkumana kitondo kimoyi, nabagha kiku ,nu lelo nkumona .²⁶Bamubushagha : Ki chakukitilagha? Buni bwakushibulile miso? ²⁷Abakulagha : Nababulile kalayi,nu ta mwanongwile; buni bu mukushima nibabule lingo?Mukulonda mube nu benywe begheshibwa bwaghe?²⁸Bamutukagha nu kumubula:Uwe u mwegheshibwa waghe;beshwe tuli begheshibwa ba Musa.²⁹Tukumana buno Ghongo atendagha na Musa;tondo ghono,tatukumana kwatuka.³⁰ Ghoso muntu abakulagha:Bili bya kughaniaghanya buno ta mukumana kwa kutuka;nu anshibulile miso.³¹Tukumana buno Ghongo nta kongwilila bisa bwaghi;tondo ,ndi umoyi amutata nu kukita bya byashima ,nti ghoso u waghebwa nawe.³²Ta tongwagha kilo busi bumoyi buno muntu ashibulile kiku miso.³³Ndi ghoso muntu ntatukagha kwa Ghongo,ntanakitile kena. ³⁴Bamusubishagha: Wabutilwe mu bwaghi, nu ukutweghesha ! Nu ba mutibitagha.³⁵Yesu ghongwagha buno bamutibitile; nu mu kumukulumana amubushagha: Wakatisha Mwana wa Ghongo? ³⁶Akulagha: U nayi,Mukota,buno nimukatishe? ³⁷Yesu ik'amubula:Wamulola ko,nu u ghono ukutenda nowe.³⁸Nu atendagha:Mukota ,nakatisha.Nu amukomelagha mashwe.³⁹Agho Yesu atendagha:Nashwile mu kino kisi ku lughayo,buno ba takulola balole,nu ba bakulola baghaluke biku. ⁴⁰Bamoyi ku Bafalisayo babagha ghamoyi mu kongwa ibyo bitondo bamubushagha : Nu beshwe,tweli biku? ⁴¹Yesu abakulagha : munabinde biku, tamunabinde na bwaghi.Tondo mwatenda:Tukulola. Uchasula bwaghi bwinu bucheli gho.

Chapter 10

¹Bulili, bulili, nkubabula, olya utatingila ku mwingilo wa mukumba wa mbuli,tondo ingilila kungo,nti mwimbi nu kisungu. ²Tondo olya watingila ku mwingilo eli mungele wa mbuli.³Mulangi wa lumbi amwighulila, nu mbuli songwa ishuki lyaghe; akumana mbuli saghe ku mashina maso,nu nti a sikukula kumbugha.⁴Gha kuba asikukula elya saghe,nti atinga gha busho naso;nu mbuli nti samuyanga kubuno sikumana ishuki lyaghe.⁵Ta sikayanga mugheni; tondo sikatina nu kwenda bulayi nawe kubuno ta sikumana ishuki lya bagheni. ⁶Yesu ababulagha seno mashumo,tondo ta bamanagha kiki u chabagha akubabula.⁷Yesu ababulagha lingo : Bulili bulili, nkubabula,ine u mwingilo wa mbuli. ⁸Bansai bantangagha beli bimbi nu bisungu; tondo mbuli ta sa bongwalilagha.⁹Ine u lumbi. Ndi muntu ingilila ku neli,akona ; akingila nu akakukuka , nu akamona maswa makulishya nama. ¹⁰Mwimbi akushwa tughu kwimba, kuketula nu kushililisha;ine, nashwile buno mbuli sibe na kalamo, nu sitoghole.¹¹Ine u mungele musogha. Mungele musogha akwesana kalamo kaghe ku mbuli saghe. ¹²Tondo musambya,uteli mungele, nu mbuli ta saghe, ndi alola mpagha sashwa, ashigha mbuli nu kutina; nu mpagha nti sita so nu kusisandabanya. ¹³Musambya akutina kubuno eli musambya ,nu nta kulagha ku mbuli. Ine u mungele musogha.¹⁴Nkumana mbuli sani, nu so si kunimana,¹⁵Ubo bunkumanwa na Tata nu bo bunkumana Tata; nu nkwesana kalamo kani ku mbuli sani. ¹⁶Nite engo mbuli siteli sa ghuno mukumba ;eso nuso nemana kusingisha mu ghono mukumba;sikongwa ishuki lwani, nu kukaba ighimba limoi nu mungele umoyi.¹⁷Tata anshima, kubuno kwesana kalamo kani,buno nibe nako lingo. ¹⁸Taku muntu u kuninagha ko, tondo nkukesana in'inene; nite bwangato bwa kukesana ,nu nite bwangato bwa kukatola lingo.U lukakisho u neleshibwe na Tata.¹⁹Kwebyo bitondo, kwabagha lingo mengukano,gha sambana Bayuda . ²⁰Bengi kubo batendagha :It'isumbu, eli mushile, buni bu mukumongwilila? ²¹Bango batendagha:Bino bitondo ta bya wit'isumbu; musumbu anakosha kushibula miso ma byuku?²² Ku Yelusalema kwa bagha kisaghulo cha makengelo.Byabagha bindi bya nsogho. ²³Nu Yesu abagha akutingatinga mu numba sa ku kumbamila,kunsi na kitiko cha lumbi lwa Solomono. ²⁴Bayuda bamutimbagha nu kumubusha:Kwikila mpina ki ukatutimbya mitima? Ndi uwe u Kilishitu,tubule busogha.²⁵Yesu abakulagha : Nababulile bo, nu ta mwankatishishe. Mikolo sinkukita mw'ishina lya Tata sinkutenenekela.²⁶Tondo ta mukunkatisha, kubuno ta mweli mbuli sani.²⁷Mbuli sani sikwongwa ishuki lyani; nkusimanilila, nuso sikunjanga. ²⁸N kubelesha kalamo ka milyalya; nu ta bakakwa,ta kuli muntu u kabatucha mu maboko mani.²⁹Tata , waneleshagha bo , u mukulu ku bansayi;nu taku muntu una batucha mu maboko ma Tata. ³⁰Ine nu Tata tu munt'umoyi.³¹Agho Bayuda bakunsagha lingo makoyi bamwite namo.³²Yesu ababulagha : Na baloshagha mikolo ningi nsogha kutuka kwa Tata, kutingila so mwise mwalonda kunita na makoyi? ³³Bayuda bamwakulagha: Ta ku mikolo nsogha uchasula twalonda ku kwita,tondo mu kwenegha Ghongo,kubuno uwe muntu wimbika Ghongo.³⁴Yesu abakulagha : Ta bwatililwe mu mulembe winu: Na tendagha: Mweli byeko ? ³⁵Ndi amanagha byeko ba batililwagha kitondo cha Ghongo,nu Kitondo cha Ghongo takina nantwa,³⁶Olya wasanaghwa nu kusingwa n'Ise, mu kisi, mukumubula : Wenegha Ghongo! Nu kubuno natendagha : Neli Mwana wa Ghongo.³⁷Ndi nshikukita mikolo sa Tata,munkatishaghe. ³⁸Tondo ndi nkusikita, munaba tamwankatisha,mukatishe kweso mikolo,kubuno mumanilile buno Tata eli mw'ine nw'ine mu Tata. ³⁹Agho, balondagha lingo kumukata ,tondo asoghonokagha mu maboko mabo.⁴⁰Yesu endagha lingo kuleshilya na Yolodani,kuko kwabagha tanga Yoani akupatisha .Nu ikalagha ko. ⁴¹Bantu bengi bashwagha kweli, nu batendagha: Yoani nta kitagha kitangalo champa; tondo binsayi bya tendagha Yoani ku ghono muntu bili bya bulili. ⁴²Nu,mwicho kishiki bengi ba mukatishagha.

Chapter 11

¹Kwabagha muntu umoyi musambi, Lasalo, wa Betania,mwelo wa Malia nu Malita iselenshi waghe. ²U ghoso Malia wabongyagha Mukota ngenge nu kukamya manshinshi na nshuli saghe,nu Lasalo musambi abagha mubitu waghe.³Babitu baghe basingagha bantu babule Yesu:Mukota, lola,olya u washimwa eli musambi. ⁴Mu kushila kongwa ku'bo, Yesu atendagha:Olo Lusambo ta lwa lukwo; tondo lweli lukumbu ku Ghongo,buno Mwana wa Ghongo eleshibwe lukumbu kutingila lo .⁵Nu, Yesu ashimagha Malita,nu muto waghe,nu Lasalo. ⁶Gho ngwagha buno Lasalo akusamba, atinjagha lingo bindi bibili gha ghabagha,⁷nu abulagha begheshibwa. Tukuluke ku Yudea.⁸Begheshibwa bamubulagha: Labi: Mu bino bindi Bayuda balondagha ku kwita na makoi,nu u kukuluka lingo Yudea! ⁹Yesu akulagha: Kindi kimoyi takite nkungu ikumi nu imbili ?Ndi muntu akwenda mu musi, nta nakitala ,kubuno akulola chengeshi cha kino kisi;¹⁰Tondo ndi muntu enda mu kindi nti akitala,kubuno ntakulola ku chengeshi. ¹¹Kushila kutenda ubo,ik'ababula:Lasalo, mwinda witu ayamile; tondo nkwenda kumubucha.¹²Begheshibwa bamubulagha : Mukota ndi ayamile,akalama. ¹³Yesu atendagha ku lukwo lwaghe, tondo ba katishagha buno atenda kwomulwa mu tulo. ¹⁴Agho Yesu ababulagha bwasi bwasi : Lasalo akwile.¹⁵Nu nti kubushi bwinu, buno mukatishe; naboghabogha buno nshabagha gho.Tondo twende kweli. ¹⁶Agho Toma, ukumanwa iyasa, abulagha bango begheshibwa : Twende nu beshwe buno tukwe ghamoi nawe.¹⁷Ghi kagha Yesu,asangagha ,Lasalo ise wa bindi binai mu nsinda. ¹⁸Nu bwabagha Betania bwighi na Yelusalema, ku bilometele anga bisatu.¹⁹Bayuda bengi bashwagha kweli Malita nu Malia, ba balishe ku lukwo lwa mubitu wabo. ²⁰Gho ngwagha Malita buno Yesu ashwa, endagha kumukulumanya,Malia we abagha ikalile mu numba.²¹Malita abulagha Yesu, Mukota, unabinde ghano, mubitu wana ntanakwile. ²²Tondo,kano kaluma nkumana buno binsayi bi unasegha Ghongo,Ghongo anakwelesha byo. ²³Yesu amubulagha: Mubitu wobe akatuka ku bakuyi.²⁴Malita amwakulagha:nkumana buno akatuka ku bakuyi busi bushinda.²⁵ Yesu ik'amubula: Ine u nkutuchagha ku bakuyi nu'ine u kalamo.Olya wankatisha anaba akwile,nti eli gho;²⁶Nu olya weli gho nu ankatisha nta kakwa.Wakatisha ubo?²⁷ Amubulagha: Naki,Mukota, nakatisha buno uwe Kilishitu, Mwana wa Ghongo, wikile mu kisi. ²⁸Kushila kutenda ubo, ik'iendela.Agho amanagha mu lubisobiso Malia,muto waghe, nu kumubula : Mukota eli ghano, nu akukubusha. ²⁹Gho ngwagha Malia ko'bo, imalukile lubilo nu kwenda kweli.³⁰Kubuno Yesu abagha nt' ingila mu mwelo nenshi, tondo abagha echeli gha mu sangagha Malita. ³¹Bayuda babagha na Malia mu numba ,nu ba kumubobeleshagha,gha balolagha imaluka lubilo nu ku kukuka, ba muyangagha nu kutenda: Enda ku nsinda , kulilila ko. ³²Mu kuba Malia ika gheli Yesu,nu amumona ko, akomagha mashwe ku mashinshi maghe nu kumubula: Mukota,unabinde ghano, mubitu wani ntanakwile.³³Yesu mu kumulola ko akulila, we nu Bayuda bashwagha ghamoi nawe, mutima waghe wa babashagha,nu abagha na kabebe kengi.³⁴Nu atendagha:Kuni ku mwamubikile? Bamwakulagha: Mukota, shwa nu lola. ³⁵Yesu alilagha.³⁶Agho Bayuda batendagha: Mulole bwabagha amushima. ³⁷Nu bamoyi ku'bo batendagha:Olya washibulagha miso ma kiku, ki kinamulibanile kukita ghono muntu ntakwe.³⁸Mutima wa Yesu wayumbayumbagha lingo,endagha ku nsinda. Sa bagha lukunda, nu'ikoyi lya bikwile gha kitiko. ³⁹Yesu atendagha: Mutuche ikoyi. Malita, mubitu wa mukuyi,amubulagha: Mukota,ise ugha , kubuno ise na bindi binai eli mo. ⁴⁰Yesu amubulagha: Nshakubulagha buno, ndi wakatisha, ukalola ku lukumbu lwa Ghongo?⁴¹Batuchagha lino ikoyi.Nu Yesu imikagha miso kw'ighulu,nu kutenda: Tata, nakukasanila kubuno wanongwilinde. ⁴²Kw'ine, nkumana buno u kunongwililagha bindi binsayi ;tondo nkutenda kutingila kikembe kino cha ntimba,bakatishe buno uwe u wansingile.⁴³Kushila kutenda ubo, alekelagha mulenge bubibu: Lasalo, tuka ! ⁴⁴Nu mukuyi akukukagha, maghulu nu maboko makandwa na malekani, nu chaso chaghondilwe na kibe cha malekani. Yesu ababulagha:Mumukandule ,nu mu mushighe ende.⁴⁵Bayuda bengi ba bashwagha kweli Malia,nu kulola bya kita Yesu,ba mukatishagha.⁴⁶Tondo bamoyi kubo bendagha kweli Bafalisayo,nu ku basambalila byakita Yesu.⁴⁷Agho bisankogha banene nu Bafalisayo bakulumanyagha Lusu,nu ku babusha :Tukakita buni? Kubuno ghono muntu akukita bitangalo bingi. ⁴⁸Ndi twamushighilila ,bansayi bakamukatisha , nu Baloma bakashwa kushicha musumba nu kilongo kitu.⁴⁹Umoyi kubo, Kayafa wabagha Sankogha munene muso mwaka, ababulagha:Ki kimwalindila; ⁵⁰Tamukulenganya buno bweli busogha kwinu muntu umoyi akwe,nu kilongo kinsayi kishikaghe.⁵¹Atendagha ubo ta w'inene;tondo kuba Sankogha munene muso mwaka alenganyagha buno Yesu akwile kilongo. ⁵²Nu ta bwabagha ku kilongo cho kinene;bwabagha buno bana bansayi ba Ghongo basandabanile ba kulumane. ⁵³Tukila ubo busi, bakalagha lwango lwa ku mwitya.⁵⁴Uchasulagha Yesu ntindoshe lingo bwasibwasi mu kantighi na Bayuda;tondo endagha bwighibwighi na kalula, mu musumba u kumanwa Efulaimu; nu uko,ikalagha ghamoi na begheshibwa baghe. ⁵⁵Pasaka sa Bayuda sabagha bwighi,nu bantu bengi bendagha ku Yelusalema nu Pasaka tasika,tondo mu kwiyengya.⁵⁶Balondagha Yesu nu kwitendya gha basambana mu numba sa kukumbamila: Ki kimukulonda?Ntashwile mu kisaghulo ? ⁵⁷Nu Bisankogha banene nu Bafalisayo batinjagha mubiko, ndi muntu amana gheli,asambale buno tumukate.

Chapter 12

¹Bindi mutuba Pasaka ta siba ,Yesu ikagha ku Betania,kwabagha Lasalo olya watuchagha ku bakuyi.²Agho bamweleshagha indya l'igholigholo;Malita abagha akuyika,nu Lasalo abagha umoyi ku babo babagha bekulya ghamoyi nawe.³Malia, atolagha mukomba wa ngenge sa bikulo bingi,abonjagha mashinshi ma Yesu, nu ku makamya na nshuli saghe ;nu numba insayisisalagha bumba bwa ngenge.⁴Umoyi ku begheshibwa baghe,Yuda wa Kalyote,musikila wa Simoni,olya ukamwesana, atendagha:⁵Ki chasulagha eno ngenge ta sighushwe bikulo maghana masatu,nu ku byelesha bakene?⁶Atendagha bubo ta buno akukwila bakene lukogho,tondo kubuno abagha mwimbi,nu kuba mweki wa nsagho,endagha atucha bya byabikwagha mo.⁷Tondo Yesu atendagha:Mumushighe alange eso ngenge ku busi bwani bwa kukwa.⁸Muli na bakene bindi binsayi,tondo tamweli nine bindi binsayi.⁹Kikembe kinene cha Bayuda chongwagha buno Yesu eli ku Betania;nu bendagha ko,ta kubuno bamulole ko,tondo buno balole ku Lasalo watukishibwe ku bakuyi.¹⁰Binsankogha banene bakalagha lwango lwa kwitya Lasalo nuwe ,¹¹kubuno Bayuda bengi bintuchagha mubo nu ku katisha Yesu.¹²Mu nindunindu,kikembe kinene cha bantu chashwagha mu kisaghulo gha bongwagha buno Yesu enda ku Yelusalema,¹³batolagha mangalala,nu kutinga kubusho kwaghe,mu ku kugha :Hosana!Akasanilwa whoso washwa mw'ishina lya Mukota,Mwami wa Isilaeli !¹⁴Yesu asangagha chana cha mpunda,nu abundagha kucho anga bwatililwe:¹⁵Ntukwe boba e mukinga wa Sioni;Lola ,Mwami wobe ashwa abundile ku chana cha mpunda.¹⁶Begheshibwa baghe ta bamanilinde ibyo bitondo tanga; tondo,gha bagha Yesu eleshwa lukumbu,bakengelagha ibyo byatilwagha kuwe, nu bya belelagha kuwe.¹⁷Bansayi babagha ghamoyi na Yesu gha tuchagha Lasalo mu nsinda nu kumutucha ku bakuyi,bamutenenekelagha;¹⁸nu kikembe cha bantu chashwagha kweli buno chongwagha buno akitile icho kitangalo.¹⁹ Bafalisayo bitendyagha gha basambana:Lola ta mukumona kena; kisi kinsai chenda kweli.²⁰Bagiliki bamoyi ku babo bendagha kukumbamila mu kisaghulo,²¹batendagha na Filipo, wa Betesaida wa ku Galilaya,nu ba mubulagha na lukakisho: Mukota,tukushima tulole ku Yesu.²²Filipo endagha kubula Andele,nu Andele nu Filipo bendagha kubula Yesu.²³Yesu ababulagha:Nkungu sika sa Mwana wa muntu ku kaswa lukumbu.²⁴Bulili bulili,nkubabula,ndi kighuma cha ngano chakolokinde m'w'itetea ta chakwa,nti k'ikala cho k'inene;tondo ndi cha kwa,nti chakonamya bighuma bingi.²⁵Olya washima kalamo kaghe akakashimisha, nu olya wasomba kalamo kaghe mu kino kisi a kakakunga ku kalamo ka milyalya.²⁶Ndi muntu ankitila mulimo,anjange;nu ghalya gha neli,u agho nugho u gha kaba mukiti wani.Ndi muntu ankolela milimo,Tata akamwansa.²⁷Ghano mutima wani wa tubatuba.Nu nitende buni?Tata,n'onye na nkungu seno? Tondo,u binayangagha kwikila seno nkungu.²⁸Tata kasanila ishina lyobe !Nu ishuki lyatukagha kw'ighulu:Nalikasaninde,nu nkali kasanila lingo.²⁹Bantu babagha agho,nu bongwagha ,bamanagha buno mukulumilo.Bango batendagha : mungheshi atenda nawe.³⁰Yesu atendagha:Ntine uchasula ishuki lyongwibwa ko; benywe u chasula.³¹Lwaghyo lwa kisi lwika; mwami wa kisi alekelwe ku mbugha.³²Nu ine gha nkatelulwa kutuka mu kisi,nkalhuta bantu bansai ku neli.³³-Mu kutenda ubo,aloshagha lukwo ki lwa kakwa.³⁴Kikembe chamubulagha: Twongwagha mu milembe buno Kilishitu akikala milyalya;buni bu watenda lino?Bwatunganana Mwana wa muntu atelulwe ? U nai ghoso Mwana wa muntu?³⁵Yesu ababulagha: Chengeshi kicheli mu nkatighi na benywe lingo bindi bikeke.Mutabange,mucheli na chengeshi,buno bulimaswa bu nabikila nu ta mukumana; olya ukutabanga mu bulimaswa ,ntakumana kwa kwenda.³⁶Gha mukuba mucheli na chengeshi,mukatishe chengeshi,buno mube bana ba chengeshi.Yesu atendagha ibyo bitondo, nu kwiendela nu kwimbisa kulayi nabo.³⁷Ku bwingi bwa bitangalo byakitagha mu miso mabo,tabamukatishishe,³⁸buno kibelelele kitondo chatendwagha,na Mulenganya Isaya:Mukota,nayi wakatishishe ku meghisha mitu?Nu kweli nai ,mughombo wa Mukota wimalukishwe?³⁹Nubo ta bakoshishe kukatisha,kubuno Isaya atenda lingo:⁴⁰Ashibile miso ,nu akandile mitima,kubuno tabalole na miso, tabongwe mu mitima,Tabaghalule mya nya,inga ninda kubalamya.⁴¹Isaya atendagha ibyo bitondo,gha monagha ku lukumbu lwaghe,nu itendelagha ku w'inene.⁴²Nu bengi ku bakulu bakatishagha ;tondo ta bindoshishe kubushi bwa Bafalisayo,mu kukwa boba banashwa kutibitwa mu Sinakoki.⁴³Kubuno bashimagha lukumbu lwa bantu kughimba lwa Ghongo.⁴⁴Nu Yesu atendagha bubibu: Olya wankatisha,ntakatisha ,tondo akatisha olya wansingagha,⁴⁵nu olya wandola ko ,alola ku olya wansingagha.⁴⁶Nashwile anga chengeshi mu kisi, buno olya wankatisha ikalaghe mu bulimaswa.⁴⁷Ndi muntu ongwa bitondo byani nu ndi tabibika mu mutima,ntine u nkumughaya; kubuno nshashwile kughaya kisi,tondo konya kisi.⁴⁸Olya waninana nu ntasekela bitondo byani ite shushi waghe ;kitondo kina sansile,kicho u ki kamughaya busi bushinda.⁴⁹Kubuno nshitendinde ininene;tondo Tata, olya wansingagha,u wantililagha w'inene binkutenda nu binina sambala.⁵⁰Nu nkumana buno lukakisho lwaghe luli kalamo ka milyalya.Uchasula bitondo binkutenda,nkubitenda anga bwa mbulagha Tata.

Chapter 13

¹Mu kuba kisaghulo cha pasaka ta kika ,Yesu ,kumana buno nkungu saghe sa kutuka mu kisi nu kukuluka kw'ise sika, nu mu kushima babo baghe babagha mu kisi,abashimagha bubibu.²Gha binde ba kulya mwigholo, Kahinga ingishagha mu mutima wa Yuda Ishikaliota, mwana wa Simoni ,mulenganya wa ku mwesana,³Yesu, wamanagha buno Ise abikile binsayi mu maboko maghe, nu atukile kweli Ghongo , nu akuluke kweli Ghongo,⁴atukagha ku mesa, k'oghola nshulu saghe nu kutola kibe cha nshulu sintimbyagha. ⁵Kushila agho,akubulagha masi mu ntengi,nu ikalagha kwoghya manshinshi ma begheshibwa,nu kumakamya necho kindi cha nshulu kishukagha.⁶Ghi kagha gheli Simoni Petelo;nu Petelo amubulagha: uwe, Mukota ukunoghya manshinshi ! ⁷Yesu amubulagha:Bino binkukita, ntu nabimana mu kano kaluma,tondo ukabimana mu bingo bindi. ⁸Petelo amubulagha: Aiye, ntu nanoghya manshinshi.Yesu amubulagha:Ndi nshakwoghya ,ta tukasangila nowe.⁹Simoni Petelo amubulagha: Mukota,Unoghyaghe manshinshi umpanga,tondo maboko nu itwe.¹⁰Yesu amubulagha: Olya woghyibwa,ntite nkasa sa koghya mashinshi buno enge;nu benywe mwenga tondo ta bansayi.¹¹Buno amanagha olya u kamwesana; u chasulagha atenda:Ta mwenga benywe bansayi.¹²Gha shilagha kuboghya manshinshi,nu kushwala nshulu saghe,ikalagha ku mesa nu kubabula: Mwamana bi nabakitila? ¹³Mukunimana mweghesha nu Mukota;mwatenda busogha,kubuno neli we . ¹⁴Ndi naboghishe manshinshi, ine Mukota nu Mweghesha, mwemana nu benywe moghyane manshinshi ;¹⁵Buno nabashighila kalolesho ,kubuno mukite bu nabakitila.¹⁶Bulili,bulili, nkubabula,mukiti ntaghimba Mukota waghe, nu ntumwa nta ghimba wamusingagha. ¹⁷Ndi mwamana bino bitondo,mwakasanilwa ndi mwabikita. ¹⁸Nta kubenywe bansayi unkukutendela;nkumana banasombolile tondo bwaswagha Kitondo cha Ghongo kibelebele:Olya ukulya kampapa ghamoyi nine ansuna.¹⁹Mu seno nkungu ,nababula ibyo bitondo ,nu ta bika nenshi,kubuno,gha byabe bika,mukatishe nu kumanilila ine u nai. ²⁰Bulili, bulili ,nkubabula, olya wasekela whoso u nikasinga, nti ansekela, nu olya wansekela nti asekela olya wansingagha.²¹Mu kutenda ubo,mutima wa Yesu wayubaghayubagha,nu kutenda:Bulili,bulili nababula,umoyi ku benywe akanesana. ²²Begheshibwa balolanagha,ta bamanagha ku nai u kwatendela.²³Umoyi ku begheshibwa olya nshimwa sa Yesu,abagha eghaminde ku bukuba bwa Yesu . ²⁴Simoni Petelo amushimilagha,nu kumubusha ndi Yesu atendela ku nayi. ²⁵Nu ghoso mwegheshibwa, weghamilagha mu bukuba bwa Yesu, amubushagha: Mukota,u nayi so?²⁶ Yesu amwakulagha : olya uneleshe kitole cha tobeshwa u whoso.Nu, gha tobeshagha kitole,acheleshagha Yuda,musikila wa Simoni wa Kaliote.²⁷Mu kuba kitole chesanwa,Kahinga ingilagha mu Yuda.Yesu amubulagha :Bi ukukita,kitabyo lino.²⁸Tondo ta kuwampa ku babo babagha bakulya nawe,wamanagha ku buni kwamubula echo kitondo ;²⁹buno bamoi balenganyagha, ubo bwite Yuda nsagho sa bikulo,Yesu alondagha kumubula:Tughulile bitwite nkasa sa kulya mu kisaghulo,ali amukakishagha eleshe bakene bikai.³⁰Yuda,mu kushila kumela kitole,akukukagha lubilo.Bwa bagha mu kindi.³¹Mu kuba Yuda akukuka,Yesu atendagha: Ghano,Mwana wa muntu aghanulwa,nu Ghongo aghanulilwe muwe. ³²Ndi Ghongo aghanulilwe mu we,Ghongo nuwe,akamughanula mu w'inene,nu akamughanula mu bindi ta bingi.³³Bana bani,nili na benywe lingo mu bindi bikeke,mukandonda,nu ,anga bu nabulagha Bayuda:Ta mun'ika ku nende,na babula byo kano kaluma.³⁴Nabelesha lukakisho lighu:Mushimane gha musambana;anga bu nabashima,nu benywe,mushimane gha musambana.³⁵Kwibyo bantu bansayi bakamana buno mweli begheshibwa bani,ndi mwite lutundo gha musambana.³⁶Simoni Petelo amubushagha: Mukota,kuni ku ukwenda ? Yesu amwakulagha:Ntunakosha kunjanga kano kaluma kunenda,tondo ukanjanga mu bindi bikashwa.³⁷Petelo amubushagha,Mukota,ki kinasula nshikuyange kano kaluma? Nesane kalamo kani ku we.Yesu aakulagha:Ukesana kalamo kobe kwine!³⁸ Bulili,bulili nakubula,nkoko tasabike ndi ntutuna ngendo isatu.

Chapter 14

¹Mitima sinu sibaghe na mpumpumwa.Mukatishe Ghongo, nu munkatishe n'ine.²Mu numba sa Tata muli bishiki bingi.Ndi to'bo,nina babulile.Nenda ku balongomanyila kishiki.³Nu, gha nkenda nu kushila kubalongomanyila kishiki,nkakuluka,nu tukenda ghamoyi,kubuno gha ghaneli nu benywe mube gho.⁴Mukumana kunenda ,nu mukumana nsila .⁵Toma amubushagha:Mukota,ta tukumana ku u kwenda;buni butwamane nsila ?⁶Yesu amubulagha :Ine u nsila,bulili, nu kalamo.Taku muntu unika kweli Tata ndi ntatingila ku neli.⁷Ndi munanimanile munamanile Tata nuwe.Nu mu kano kaluma mukumumana,nu mwamumonile ko.⁸Filipo amubulagha:Mukota ,tuloshe Tata nu nti bwashila ubo.⁹ Yesu amubulagha : Bindi bingi nili ghamoi na benywe,Filipo,nu ntunimanililagha! Olya wandola ko,nti alola ku Tata;buni buwambusha :Tuloshe Tata ?¹⁰Ntu kukatisha buno nili mu Tata nu Tata eli mw'ine?Bitondo binkubabula,nshikubitenda kw i'nene;tondo Tata weli mwine u ukukita mikolo.¹¹Munkatishe,nili mu Tata nu Tata eli mw'ine;mukatishe kashi kutingila mikolo seno.¹²Bulili,bulili,nababula,olya wankatisha akakita nuwe mikolo si'nkukita,nu akakita bingi ,kubuno nakuluka kweli Tata;¹³nu binsai bi mukasegha kw'ishina lyani,nkabikita ,buno Tata atatwe mu Mwana.¹⁴Ndi mwasegha kikai mw'ishina lyani,nkabikita.¹⁵Ndi mwanshima,mubike nkakisho sani mu mitima sani. ¹⁶Nu 'ine nkasegha Tata ,nu akabelesha ungo Mubobeleshi,buno ikale na benywe bindi binsayi.¹⁷Muusa wa bulili,u ta nasekelwa na kisi,kubuno ta bekumulola ko nu ta bakumumana ;tondo benywe mukumumana,buno eli ghamoi na benywe nu akikala mu benywe.¹⁸Nshikabashigha ba nkubi,nkashwa ku mweli.¹⁹Lingo ku bindi bikeke,nu kisi ta kikandola ko lingo;tondo benywe mukandola ko,kubuno nicheli gho nu benywe mukaba gho.²⁰Mwibyo bindi,mukamana buno neli mu Tata ,nu benywe mweli mwine,nu ine neli mu benywe.²¹Olya wite nkakisho sani nu asibika mu mutima,whoso u wanshima;n'olya wanshima,akashimwa na Tata,nkamushima,Nu nkindosha kweli.²²Yuda,ta Ishikaliote,amubushagha: Mukota,byatuka kuni ibyo buno ukindosha kwitu,nu ta ku kisi ?²³Yesu amwakulagha :Ndi muntu anshima,akabika kitondo chani mu mutima waghe,nu Tata akamushima;tukashwa kwaghe,nu tukikala muwe.²⁴Olya u ntanshima ntanabika bitondo byani mu mutima waghe .Nu kitondo ki mukwongwa ko ta chani,tondo cha Tata wansingagha.²⁵Nababula ebyo bitondo nu nicheli ghamoi na benywe .²⁶Tondo Mubobeleshi,Muusa Musogha,ukasingwa na Tata kw'ishina lyani,akabeghesha binsai,nu akabakengesha binsai bi nababulagha.²⁷Nabashighila boolo,nabelesha boolo bwani.Nshabelesha bo anga bu kweleshagha kisi.Mitima sinu sibaghe na mpumpumwa,nu si lilaghe.²⁸Mwongwile bu nababulagha : Niyendela,nu nakuluke ku mweli.Ndi munanshimile ,munaboghileboghile buno nenda kweli Tata;buno Tata u mukulu kw'ine.²⁹Nu ghano, nkubabula bino bitondo nu tabika ,buno gha bikika,mukatishe.³⁰Nshikatenda lingo na benywe; kubuno mwami wa kisi ashwa.Ntena kena mwine; ³¹Tondo kisi kimane buno nashima Tata ,nu nkukita ku lukakisho lwampagha Tata, mwimaluke tutuke ghano.

Chapter 15

¹Nili musabibu wa bulili nu Tata u mulimi.²Na lutabe lwani lutite kighuma ,nti alukala; nu lutabe lwite kighuma, nti alwengisha buno lukonamye bighuma bingi.³Benywe mwenga,ku kitondo ki nababulagha.⁴Mwikale mwine,nu nkikala mu benywe.Ubo butanakosha, lutabe ku konamya kighuma w'inene,ndi ta lwikala ku muti,ubo nubo nu benywe tamunakosha kena, ndi tamwikala mw'ine.⁵Ine u musabibu,nu benywe ntabe.Olya wikala mwine nu'ine nikala muwe,akukonamya bighuma bingi,buno ndi tine ta munakosha kukita kena. ⁶Ndi muntu ntikala mw'ine ,nti alekelwa kumbugha, anga lutabe,nu nti akama ;nu nti bakunsa ntabe ,kusilekela mu kaya,nu basighisha. ⁷Ndi mwikala mw'ine,nu bitondo byani bikala mu benywe, museghe ki mwashima,nu mukeleshibwa cho.⁸Ndi mwakonamya bighuma bingi, ubo Tata wani akeleshibwa lukumbu ,nu mukaba begheshibwa bani. ⁹Anga bwanshimagha Tata,nine nabashimagha,mwikale mu lutundo lwani,¹⁰Ndi mwabika mu mitima sinu nkakisho sani,mukikala mu lutundo lwani,anga bu nabikagha mu mutima wani nkakisho sa Tata, nu kwikala mu lutundo lwaghe.¹¹Nababulagha ebyo bitondo, buno mboghimboghi,sani sibe kwinu,nu mboghimboghi sinu sibe sa bulili.¹²U lukakisho lwani luno: Mushimane gha musambana,anga bu nabashimagha.¹³Taku lutundo lunene kughimba kwesana kalamo ka muntu ku binda baghe.¹⁴Benywe u binda bani, ndi mwakita binababula. ¹⁵Nsi kubamana lingo bakiti, kubuno mukiti ntakumana bikukita mukota waghe;tondo nabamanagha binda, kubuno nabaloshishe binsai binongwagha kweli Tata .¹⁶Ta benywe u mwansombolagha;tondo ine, ine nabasombolagha,nu kubabika ,buno mwende, nu mukonamye bighuma,nu bighuma binu bikule,buno binsai bi mukasegha Tata mw'ishina lyani, abeleshe byo.¹⁷Bi nabakakisha mushimane gha musambana.¹⁸Ndi kisi cha basomba, mumane buno chansombagha nw'ine. ¹⁹Ndi munabinde ba kisi, kisi kina bashimile anga muli baghe;tondo tamweli ba kisi,nu nabasombolagha munkatighi na kisi,u chasula kisi cha basomba.²⁰Mukengele kitondo ki nababulagha : Mukiti ntaghimba Mukota waghe.Ndi banubyagha,ba kabanubya nu benywe;Ndi babikagha kitondo chani mu mutima,bakabika nu cha kinu. ²¹Tondo ba kabakitila ibyo bitondo binsai kubushi bw'ishina lyani, ku buno tabakumana olya wasingagha.²²Ndi nsikagha nu nshatendagha nabo kena, tabanabinde na bwaghi; tondo ghano tabite lingo bya kutuna ku bwaghi bwabo.²³Olya wansomba, nti asomba Tata nuwe. ²⁴Ndi nshakitagha mikolo gha beli sitakitagha ungo,tabanabinde na bwaghi;Tondo lelo bamonile ku'so,nu batusombile ine nu Tata.²⁵Tondo ibyo bikile buno echo kitondo chatilwagha mu mulembe kibelelele: Bansombelagha tughu.²⁶Gha kika Mubobeleshi,u nkabasingila kutuka kweli Tata, Muusa wa bulili, watuka kwa Tata akantenenekela;²⁷nu benywe nubo ,mukateneneke ,kubuno muli ghamoyi n'ine kulingila ndingililo.

Chapter 16

¹Nababulile bino bitondo, buno binashwa ku bakitasha. ²Bakabatibita mu masinakoki;nu nkungu sika muntu ukalonda kubitya akamana buno akwela Ghongo.³Nu bakakita ubo ,kubuno tabamanile Tata ali ine. ⁴Nababulagha bino bitondo, buno nkungu gha si k'ika, mukengele buno nabulagha byo. Nshatendagha na benywe mu ndingililo,buno nabagha nicheli ghamoyi na benywe.⁵Ghano nakuluka k'olya wa nsingagha,nu taku muntu u kumbusha: Kuni kuwenda?⁶Tondo,kubuno nababula bino bitondo, mitima sinu sisala na bongwa. ⁷Tondo nababula bulili: Bweli busogha kwinu nenda, ndi nshenda, Mubobeleshi ntakika kwinu;tondo nenda nu nkabasingila we.⁸Nu gha kika, akasinga kisi ku bitondo bya bwaghi,bya bulili,nu bya kughaya;⁹ku bitondo bya bwaghi, kubuno ta bankatishishe; ¹⁰ ku bya bulili,kubuno nenda kwa Tata, nu ta munkandola ko lingo; ¹¹ku bitondo bya kwaghya, kubuno mwami wa kisi aghyibwa.¹²Nite lingo bitondo bingi bya ku babula,tondo tamunakosha ku bikatilila lelo.¹³Gha kika Mubobeleshi,Muusa wa bulili,akababula bulili bunsayi;buno nta kitendela w'inene,tondo akababula byongwagha ko,nu akabatonda ku bitondo bikashwa.¹⁴Akanelesha lukumbu, kubuno akatola ku bya byani nu kubabula byo.¹⁵Binsayi bite Tata byeli byani;uchasula nababula buno atola ku byani,nu akababula byo .¹⁶Ku bindi bikeke, ta munkandola ko lingo;nu ku bindi bikeke lingo mukandola ko,kubuno nenda kwa Tata.¹⁷Agho, bamoyi ku begheshibwa baghe batendagha gha basambana: Byatenda buni bino byatubula:Ku bindi bikeke,nu tamukandola ko lingo;nu mu bindi bikeke ,nu munkandola ko? Nu:Kubuno nenda kwa Tata? ¹⁸Batendagha ubo: Byatenda buni bino bitondo byatubula :Lingo bindi bikeke? Tatukumana bino byekutenda.¹⁹Yesu ,kumana buno balondagha kumubusha,ababulagha : Mu kwimbusha gha musambana ku bibyo binababulagha:Ku bindi bikeke nu tamukandola ko lingo;nu mu bindi bikeke ,nu mukandola ko ? ²⁰ Bulili, bulili, nababula, mukalila nu mukiyanya,nu kisi kika boghabogha; mukaba mu bongwa ,tondo bongwa bwinu bu kaghaluka mboghimboghi. ²¹Mukashi ndi akubuta,nti akubabalwa, kubuno nkungu saghe sika; tondo gha kuba abuta mwana,ntakukengela lingo lubabasho, kubushi bwa mboghimboghi sa mwana wabutwa .²²Nu benywe,ghano mweli mu bongwa;tondo nkabalola ko,nu mitima sinu sikaboghabogha, nu ta ku muntu ukabatucha mu mboghimbigho sinu. ²³Ubo busi,ta mukambusha lingo ku kena . Bulili, bulili, nkubabula, binsai bimukasegha Tata, akabelesha byo kw'ishina lyani. ²⁴Kw'ikila lelo tamusegha kena kw'ishina lyani. Museghe nu mukeleshibwa,buno mboghimboghi sinu sibe sa bulili.²⁵Nababulile ebyo bitondo mu mishumo. Nkungu sika, nshikatenda lingo na benywe mu mishumo, tondo nkababula bwasibwasi ku bya Tata .²⁶Ubo busi, mukasegha mw'ishina lyani, nu nshikubabula buno nkabaseghela kuli Tata; ²⁷Buno Tata w'inene abashima, kubuno mwanshimagha,nu mwakatishagha buno natukagha kweli Ghongo. ²⁸Natukile kweli Tata, nu nikile mu kisi; ghano nashigha kisi, nu nakuluka kweli Tata.²⁹Begheshibwa baghe bamubulagha : Lola ,ghano watenda bwasibwasi,nu ntwatenda mu mushumo wampa. ³⁰Ghano twamana buno ukumana bitondo binsayi, nu ntwite nkasa muntu akubushe;u chasula twakatisha buno watukile kweli Ghongo. ³¹Yesu ababulagha:Ghano mwakatisha.³²Lola, nkungu sika, nu sikile kalayi , mukasandabana nawe kwenda chaghe kibe,nu mukanshigha in'inene;tondo nsheli in'inene kubuno Tata eli ghamoi n'ine. ³³Nababulagha ibyo bitondo,buno mube na boolo mw'ine. Mukayungwayungwa mu kisi;tondo mukokomeshe,nakindile kisi.

Chapter 17

¹Mu kushila kutenda ubo, Yesu aghalamilagha kw'ighulu, nu kutenda :Tata, nkungu sika ! Ghanula Mwana wobe, buno Mwana wobe akughanule nuwe, ²kuyangana na bwangato bu wamweleshishe ku muntu unsayi,buno eleshe kalamo ka milyalya ku babo bansayi ba wamweleshagha.³Nu kalamo ka milyalya, bakumane, uwe, Ghongo'umoyi wa bulili, nu olya u wasingagha, Yesu Kilishitu. ⁴Nakughanulagha mu kisi,nashilile mulimo u wampagha nikite.⁵ Nu lelo uwe, Tata, nganule ghaweli u w'inene na lukumbu lunabagha nalo kobe,nu kisi ta kiba gho.⁶Bantu bawaneleshagha mu nkatighi na kisi,bamanile ishina lyobe.Babagha bobe,nu waneleshagha bo;nu balangile kitondo chobe mu mutima.⁷Ghano,bamanile buno kinsai ki waneleshagha chatuka kobe. ⁸Buno na basambalinde bitondo bi wambulagha; nu basekinde byo,nu bamanile bulili buno natukagha ku weli,nu bakatishagha buno uwe u wansi ngagha.⁹ Abo u ba'nkuseghela . Nshi kuseghela kisi, tondo babo bawaneleshagha, kubuno beli bobe; ¹⁰Nu kinsai kinite nti chobe,nu kiwite nti chani;nu naghanulwa mubo.¹¹Nsheli mu kisi lingo, nu bo becheli mu kisi, nu nakuluka kobe. Tata Wasanana, langa mw'ishina lyobe babo ba waneleshagha, buno babe umoi anga beshwe¹²Gha nabagha nabo mu kisi, nabalangagha mw'ishina lyobe. Nabalangagha bawaneleshagha, nu taku wampa kubo washiminde, ndi ta ghoso mwana wabukagha nsila,buno kitondo cha Ghongo kibelelele. ¹³Nu ghano nakuluka ku weli,nu nkutenda bino bitondo mu kisi, buno babe na mboghimboghi sa bulili. ¹⁴Nabasambalinde kitondo chobe;nu kisi cha basombile,kubuno tabeli ba mu kisi, anga ine bu nseli wa mu kisi.¹⁵Nshikusegha buno ubatuche mu kisi, tondo ku babembucha na mabi. ¹⁶Tabeli ba mu kisi ang'ine nshili wa mu kisi. ¹⁷Bengye mu bulili bobe,kitondo chobe u bulili.¹⁸Anga bu wansingagha mu kisi, nu'ine nabasingile mu kisi. ¹⁹Nu nkwisanana inene ku'bo, buno nubo basanane kutingila bulili.²⁰Nshikubaseghela bo binene,tondo nu babo bakakatisha ku neli kutingila kitondo chabo,²¹buno bansai babe umoyi, anga uwe Tata,weli mw'ine, nu anga ine muwe, buno nubo babe umoyi mu beshwe,buno kisi kimane buno uwe u wansingagha.²²Nabeleshishe lukumbu lu waneleshagha, buno babe umoyi anga butuli 'umoyi,- ²³ine mubo, nuwe mw'ine,-buno babe bulili umoyi,nu kisi kimane buno uwe wansingagha,nu wabashimagha anga bu wanshimagha.²⁴Tata, nkushima gha ghaneli babo ba waneleshagha bikale nubo ghamoyi nine, buno balole ku lukumbu lwani, lukumbu lu waneleshagha,kubuno wanshimagha nu kisi ta kibumbwa.²⁵Tata wa bulili, kisi ta chakumanagha; tondo ine nakumanagha, nu babano bamanagha buno uwe u wansingagha .²⁶Kutingila ine bamanile ishina lyobe, nu nkabalimbulila lyo lingo, buno lutundo luwanshimagha nalo lube mubo,nu'ine nibe mubo.

Chapter 18

¹Mu kushila kutenda ibyo bitondo, Yesu endagha ghamoyi na begheshibwa baghe, mu kingo kibe cha Kidoloni,u kwabagha iswa,ingilagha mo,we nu bagheshibwa baghe.²Yuda, wamwesane, amanagha icho kishiki,ku buno Yesu nu begheshibwa baghe bendagha ba kulumanilagha gho. ³Yuda,mu kushwa na kikembe,nu ntumwa sa singwagha na binsankogha banene nu Bafalisayo,ikagha gho na matala,tusuku nu ngabo.⁴Yesu ,kumana binsayi byamwikile,ashighelelagha , nu kubabusha:Nayi u mukulonda? ⁵Bamwakulagha : Yesu wa ku;Nasaleti. Yesu ababulagha:Ine no.Nu Yuda,wa mwesanagha, abagha nabo.⁶Yesu mu kushila kubabula:Ine no, bakulukagha kumbusa nu kuwa ghansi.⁷Ababushagha lingo:Nai u mukulonda?Nu batendagha:Yesu wa ku Nasaleti.⁸Yesu abakulagha :Nababulile ine no.Nd'ine u umukulonda, mushighe babano bende. ⁹Atendagha 'ubo, kubuno kitondo chatendagha ki belelele: nsha shimishishe wampa ku babo bawa neleshagha.¹⁰Simoni Petelo, wabagha na mwele ,ausosolagha mu lubo, aketulagha kutui kw'indume kwa mukiti wa Sankogha munene.Whoso mukiti ishina lyaghe Malukusi. ¹¹Yesu abulagha Petelo, kulucha mwele wobe mu lubo.Nsi nanywa kaata kampagha Tata buno ninywe?¹² Kikembe,nu bakali ba mbasa nu bakiti ba Bayuda, bakatagha agho Yesu nu kumukanda.¹³Bendagha nawe tanga kweli Ana; kubuno abagha isebyala wa Kayafa, wabagha Sankogha munene mw'oso mwaka.¹⁴Nu Kayafa u watendagha na Bayuda : Bweli busogha kwinu ,muntu moyi akwe kw'ishina lya bantu bengi.¹⁵Simoni Petelo, ghamoyi n'ungo mwegheshibwa,bamuyangagha Yesu.Ghoso mwegheshibwa abagha akumanwa na Sankogha munene,nu ingilagha ghamoyi na Yesu mu lusu lwa Sankogha munene; ¹⁶Tondo Petelo ashighalagha gha mbugha bwighi na mwingilo.Ghoso mwegheshibwa, wamanwagha na Sankogha munene,akukukagha,atendagha na mulangi wa lumbi,nu ingishagha Petelo.¹⁷Agho,mukiti wa mukashi,mulangi wa lumbi, abulagha Petelo: Uwe nuwe,ntweli ku begheshibwa ba ghono muntu?Atendagha: Nsheli we . ¹⁸Bakiti nu bantumwa babo babagha agho, ba bakonjagha kaya,buno kwabagha mpegho,nu babagha bakongwa kaya.Petelo ikalagha ghamoyi nabo akongwa kaya.¹⁹Sankogha munene abushagha Yesu ku begheshibwa baghe nu meghesha maghe.²⁰Yesu amwakulagha: Natendagha bwasibwasi mu kisi;negheshagha bindi bingi mu Sinakoki nu mu numba sa kukumbamila, u mukukulumanilagha Bayuda bansayi,nu nshatendagha kitondo mu lubisobiso.²¹Kiki ki ukumbushisha? Busha babo banongwagha ku binababulagha;lola, abo u bakumana bina tendagha.²²Kwibyo bitondo ,umoyi ku bantumya wabagha agho, asundagha Yesu lubhighi, nu katenda: Ubo u buwakula Sankogha munene ? ²³Yesu amubulagha: Ndi natendile bubi ,losha kibi kinakita ;nu ndi natendile busogha,ki kiwampundila?²⁴Ana asingagha Yesu akandilwe kwa Kayafa,Sankogha munene.²⁵Simoni Petelo abagha agho, nu akongwa kaya.Bamubulagha:Uwe nuwe,ntweli mwegheshibwa waghe?Amutunagha,nu kutenda:Nsheli mubo. ²⁶Umoi ku bakiti ba Sankogha munene,mubitu wa olya waketulwagha kutui na Petelo atendagha:Nshakulolagha ko ghamoi nawe mw'iswa ?²⁷Petelo amutunagha lingo. Nu agho nkoko sabikigha.²⁸Bendagha na Yesu kweli Kayafa mu lusu lwa matenda:Bwabagha mu nindunindu.Ta bingilagha mu lusu,buno banashwa kwinkundula,nu kwinda kulya pasaka.²⁹Pilato akukukagha nu kwenda ku beli,nu ku babusha: Lutalikilo luki lumwecha whono muntu?³⁰Bamwakulagha: Ndi ntanabinde muntu mubi,tatuna mwikishe ku weli.³¹Ku'bo Pilato ababulagha:Mumukate benywe binene,mu mughaye kutingila mulembe winu.Bayuda bamubulagha:Ta twimilwa kwita muntu. ³²Ubo bwabagha buno kitondo chatendagha Yesu,kibelelele,gha loshagha lukwo ki u lwakakwa.³³Pilato ingilagha lingo mu lusu, amanagha Yesu, nu kubusha : Uwe Mwami wa Bayauda? ³⁴Yesu akulagha:Ndi ku w'inene kuwatenda ubo,ali bango bakusambalinde kw'ine?³⁵ Pilato aakulagha:Ine nili Muyuda?Kilongo chobe nu Bisakogha banene u bakwesanile ku neli:Ki kiwakitile?³⁶Yesu akulagha:Bukota bwani ta bwa mu kino kisi .Ndi bukota bwani bu nabinde bwa mu kino kisi,bakiti bani bananilwaninde buno nshesanwe ku Bayuda;tondo ghano bukota bwani ta bwa ghano ghansi. ³⁷Pilato amubushagha: Weli Mwami? Yesu aakulagha: Uwe u wa butenda, nili Mwami. Nabutwagha nu nashwagha mu kisi buno nitenekele bulili.Olya wa bulili akongwa ishuki lyani.³⁸Pilato amubushagha:Bulili u kiki? Mu kushila kutenda ubo ,akukukagha lingo kwenda kweli Bayuda,nu kubabula:Nshamona bubi mu ghono muntu. ³⁹Tondo,kulembana na ntungo sinu , bu busogha ni bakandulile muntu umoi mu kisaghulo cha pasaka, mukushima nibakandulile mwami wa Bayaudi? ⁴⁰Agho lingo bansayi bakughagha :Ta ghoso, tondo Balaba.Nu Balaba abagha kisungu.

Chapter 19

¹Agho Pilato, akatagha Yesu,nu kumu pundya na tuti. ²Basula balukagha nkumbu sa mikele kumwinda so kwitwe, nu bamushwalichagha kankamba ; bashighelelagha kweli, ³mukutenda: Samba, mwami wa Bayuda! Nu bamusundagha 'mbighi.⁴Pilato akukukagha lingo,nu abulagha Bayuda: Lola, nabakukulila we,buno nshamona kitondo kibi muwe. ⁵Yesu akukukugha lino, ashwalile nkumbu sa mikele nu kankamba. Nu Pilato ababulagha: Mulole u muntu whono. ⁶Mwa mukulola ko,Bisankogha banene nu ntumwa,balekelagha mulenge:Itwe ku musalaba !Itwe ku musalaba ! Pilato ababulagha:Mumutole, benywe binene nu mu mwite ku musalaba;kubuno ine, nshamona kitondo kibi muwe.⁷Bayuda bamubulagha: Twite mulembe umoi;nu kuyangana na mulembe witu, emana kukwa, kubuno imanagha Mwana wa Ghongo. ⁸Mu kongwa mu kino kitondo,Pilato akwagha boba.⁹Ingilagha mu lusu,nu abulagha Yesu: Kwinu kuni? Tondo Yesu nta mwakulagha kena.¹⁰Pilato amubulagha: Ntu kunakula?Ntukumana buno nite bwangato kukwitya ku musalaba,nu nite bwangato bwa kukushighilila? ¹¹Yesu amubulagha : Ntunabinde na bwangato bwampa , ndi ntweleshishwe bo kutuka kw'ighulu. Uchasula olya wanesana ku weli akita bwaghi bunene.¹²Agho,Pilato alondagha ku mukandula.Tondo Bayuda balekelagha mulenge: Ndi wamukandula ntuli mwinda wa Kisungu.Olya wimbika Mwami nteli mwinda wa Kisungu.¹³Pilato mu kwongwa kwibyo bitondo,akukulagha Yesu kumbugha:Nu abundagha ku kishumbi cha matenda ki kumanwa Pawe,nu mu kiebulania Gabata.¹⁴Bwabagha mu kulongomanya pasaka, nu nkungu anga mutuba.Pilato abulagha Bayuda: Lola mwami winu.¹⁵Tondo balekelagha milenge : Tucha, tucha, mwite ku musalaba! Pilato ababulagha:Nitye mwami winu? Bisakogha banene bamwakulagha: Tatwite mwami,uteli Kisungu winene umpanga. ¹⁶Agho,amwesanagha Yesu akwe ku musalaba.Bamukatagha Yesu nu kwenda nawe.¹⁷Yesu,wekile musalaba waghe,ikagha gha kishiki ki kumanwa kishiki cha lukungu mu kibulania Gologota. ¹⁸Agho u gha bindile Yesu ku musalaba , nu bango bantu babili,umoi kw'indume nu ungo kw'ikashi nu Yesu gha nkatighi.¹⁹Pilato atilagha gha ntonga na musalaba mutilo, lwatenda buno : "Yesu wa ku Nasaleti, mwami wa Bayuda". ²⁰Bayuda bengi basomagha ghoso mutilo,kubuno gha bitilagha Yesu ku musalaba gha bagha bwighi na musumba;bwatilwagha mu kiebulania, mu kigiliki nu mu kilatini.²¹Bisankogha banene ba Bayuda babulagha Pilato:Ntu tile: Mwami wa Bayuda,tondo tila buno:Neli mwami wa Bayuda. ²²Pilato akulagha:Binatila, na bitilile kalayi.²³Basula ,kushila kwita Yesu ku musalaba,batolagha nshulu saghe,nu ba sibeghanyagha bibhu binayi,na muntu kibhe k'imoi .Batolagha lopo lwaghe, lwabagha nshulu ngimangima kulingila kw'ighulu kw'ikila ghansi.Nu batendagha gha basambana:²⁴Twate lo,tondo tulwesele mbale tulole ndi lwabe lwa nai.Ubo bwabagha buno kitondo cha Ghongo ki belelele:Babeghanagha nshulu sani nu beselagha lopo lwani mbale. U bwakitagha basula ubo.²⁵Bwighi na musalaba wa Yesu gha bagha nina nu muto wa nina, Malia, mukashi wa Keleopa, nu Malia wa ku Magadala. ²⁶Yesu mu kulola ku nina,nu bwighi nawe mugheshibwa washimagha ,abulagha nina:Mukashi,musikila wobe whono.Abulagha mwegheshibwa:Noko whono.²⁷Nu agho,mwegheshibwa endagha nawe kwaghe.²⁸Kushila ubo, Yesu ,mu kumana buno Kitondo cha Ghongo cha belelela,atendagha :Nakwa na mpusha.²⁹Agho gha bagha mbusu sisalile masi mite ngighi . Basula batolagha kindi cha nshulu chashukilwe mu lukati,bakitobekagha mwa mu masi ma ngighi nu kumwelesha anywe.³⁰Mu kushila kunywa mo,atendagha :Binsayi bya belelela.Nu aghombyagha itwe,amesagha mutima.³¹Mu kuba na boba buno mibili ta sinashighala ku musalaba mu sabato,- kubuno-bwabagha mu mulongomanyo,nobo busi bwa sabato bwabagha bunene,Bayuda bemagha Pilato bakwile ku misalaba babelwe maghulu,nu ba batuche kw'iso. ³²Basula bikagha,nu babelagha maghulu mu musoki nu ku olya ungo wakwagha ku musalabaa ghamoyi nawe,³³Gha bikile kweli Yesu,nu kulola buno akwile kalai,tabamubelile manshinshi;³⁴Tondo umoyi ku basula amutongagha ishumo mu mpeghe,nu agho mwatukagha mikilha nu masi. ³⁵Olya wamulolagha ko atenenekagha,nu buteneneki bwaghe bweli bwa bulili;Nu akumana buno atenda bulili, kubuno nu benywe mukatishe.³⁶ Ibyo binsayi byatingile ,buno Kitondo cha Ghongo kibelelele:Ikwa lyaghe limoyi talikabelwa.³⁷Nu ghango Kitondo cha Ghongo Chatenda lingo:Bakalola ku olya u bashumitagha.³⁸Kumbusa nagho, Yosefu wa Alimatea, wabagha mweghishibwa wa Yesu tondo mu lubisobiso,mu kukwa Bayuda boba,emagha Pilato,amweleshe kilunda cha Yesu. Pilato amwimilagha.Endagha ,nu kutola kilunda cha Yesu. ³⁹Nikodemu, olya wendelagha kalai kweli Yesu mu kindi,ashwagha nuwe,aswanishe ngenge nu aloes.⁴⁰Batolagha lino kilunda cha Yesu,nu ku kibilinga na malekani ghamoyi na ungo mwambo,kuyangana na ntungo sa kukunda sa Bayuda.⁴¹Gha bitilagha Yesu ku musalaba,gha bagha iswa,nu mwelo iswa mwabagha nsinda ta sibikwagha mu muntu. ⁴²Umo u mubabikagha Yesu,mu kulongomanya pasaka sa Bayuda kubuno nsinda sabagha bwighibwighi na mwelo.

Chapter 20

¹Busi butangi bw'iyinga ,Malia wa ku Magadala endagha ku nsinda mu nindunindu kwicheli bulimaswa; nu alolagha ikoyi lyatukishwe ku nsinda.²Endagha lubilo kuli Simoni Petelo nu olya ongo mwegheshibwa nshimwa sa Yesu,nu ababulagha:Batukishe Mukota mu nsinda,nu ta tukumana ku bamubikile.³Petelo nu ongo mwegheshibwa bakukukagha,nu bendagha ku nsinda.⁴Bo babili bendagha lubilo ghamoyi.Tondo,ghoso ungo mwegheshibwa endagha lubilo kughimba Petelo,nw'ikagha musoki ku nsinda;⁵mu kukumbama,alolagha ku malekani meli ghansi,ntinginde.⁶Simoni Petelo wa muyangagha,ikagha nu kwingila mu nsinda;alolagha ku malekani meli ghansi,⁷nu kibe cha nshulu chabikwagha kw'itwe lya Yesu,ta cheli ghamoi na malekani,tondo cha kunilwe nu kubikwa gha shinda.⁸Agho ,ghoso mwegheshibwa olya wikagha musoki ku nsinda ingilagha nuwe;ik'alola, nu kukatisha.⁹Babagha ta bemana kubuno,kuyangana na kitondo cha Ghongo,Yesu akatuka ku bakuyi.¹⁰Nu begheshibwa bakulukagha kwabo.¹¹Malia abagha ikalile bwighi na nsinda,nu akulila.Mu kulila,akumbamagha engeleshe mu nsinda;¹²nu alolagha ku baghenshi babili bashwalile nshulu senga,babundile gha kishiki cha bikwagha ku kilunda cha Yesu,umoyi kw'itwe, nu ungo ku manshinshi.¹³Bamubushagha:Mukashi,ki ki ukulilila ?Abakulagha: Kubuno batukishe Mukota wani mu nsinda,nu nshikumana ku bamubikile.¹⁴Mu kutenda ubo ,akebatukagha,nu alolagha ku Yesu imalile;tondo nta mumanilinde.¹⁵Yesu amubushagha: Mukashi,ki kiukulilila?Nayi u ukulonda?Amanagha nampu nti mulangi w'iswa ,ik'amubula:Mukota ,ndi uwe u wamwekile,mbule ku wamubikile,nu nende kumutola.¹⁶Yesu amubulagha :Malia! Akebatukagha ,nu kumubula mu ki ebulania:Labuni !U kutenda buno Mweghesha!¹⁷Yesu amubulaha :Ntu tubye ko;nshikuluka kwa Tata.Tondo nda ku bisakwitu,nu babule buno nenda kweli Tata nu So winu,kweli Ghongo wani nu Ghongo winu.¹⁸Malia wa ku.Magadala endagha kusambalila begheshibwa buno alola ku Mukota,nu amubulile bino bitondo.¹⁹Mw'igholigholo,wa bubo busi,butangi bw'iyinga, numbi sa mwabagha mwikalile begheshibwa sighalilwe,kubushi bwa kukwa Bayuda boba,Yesu ikagha ,imalagha munkatighi nabo,nu kubabula:Boolo bube na benywe!.²⁰Mu kushila kutenda ubo,abaloshagha maboko nu mpeghe saghe.Begheshibwa baboghaboghagha mu kulola ku Mukota.²¹ Yesu ababulagha lingo:Boolo bube na benywe!Ubo bwansingagha Tata,ninengo nabasinga .²²Kushila kutenda ibyo bitondo,abipililagha,nu kutenda:Musekele Muusa Musogha.²³Babo ba mu kashighilila bwaghi ,bakashighililwa ;nu babo ba mutashighilila bwaghi,ta bakashighililwa bo.²⁴Toma,wamanaghwa Iyasa,umoyi ku babo ikumi nu babili,nta bagha ghamoyi nabo gh'ikagha Yesu .²⁵Banabo begheshibwa bamubulagha: lino:Twalolile ku Mukota.Tondo ababulagha:Ndi nshalola mu maboko maghe mikolhu sa misumali,nu nsha tonga munywe wani ku mikolhu sa misumali,nu nsha tubya na maboko mani mu mpeghe saghe,nshikakatisha.²⁶Ku bindi munane,begheshibwa ba Yesu babagha bikalile lingo mweso numba lingo,nu Toma abagha ghamoyi nabo.Numba sighalilwe,Yesu ikagha nu kwimala munkatighi nabo nu kubabula:Boolo bube na benywe! ²⁷Abulagha Toma: shighelesha munywe ghobe,nu lola maboko mani,shighelesha kuboko kobe nu kata ku mpeghe sani;ntu be utakatisha,tondo katisha.²⁸ Toma amubulagha :Mukota wani nu Ghongo wani.Yesu amubulagha: ²⁹Ubo buwandola ko,wakatisha.Bakasanilwe babo batalolile nu ba katishishe !³⁰Yesu akitagha bingo bingi ,mu miso ma begheshibwa baghe,bitangalo bingi, bitatililwe mu kino kitabo.³¹Tondo bino byatililwe kubuno mukatishe buno Yesu u Kilishitu,Mwana wa Ghongo,nu mu kukatisha mube na kalamo mw'ishina lyaghe.

Chapter 21

¹Kushila agho,Yesu indoshagha lingo ku begheshibwa , ku muse wa kitatenge cha Tibelia. Nu lola bwindoshagha.²Simoni Petelo,Toma wamanaghwa Iyasa,Natanaeli wa Kana ka ku Galilaya,basikila,ba Sebedayo,nu bango babili ku begheshibwa ba Yesu, babagha bikalile ghamoyi.³Simoni Petelo ababulagha:Nenda ku loba.Bamubulagha: Tukwenda ghamoyi nowe.Bendagha nu ba bakamagha mu bwato ,nu mwecho kindi ta bitagha kena.⁴Mu nindunindu,Yesu abagha ku muse;tondo begheshibwa ta bamumanililagha.⁵Yesu ababushagha:Bana,tamwite indya ghano?Bamwakulagha: Aiye.⁶Ababulagha:Mulekele kakila kibe k'indume cha bwato,nu mwite.Bakalekelagha lino,nu ta bakoshagha lingo ku kabuluta,na bwingi bwa bisonga.⁷Agho mwegheshibwa nshimwa sa Yesu abulagha Petelo:Mukota ghono!Nu Simoni Petelo,mu kongwa buno Mukota,ashwalagha nshulu saghe nu mutunda ,kubuno abagha munkanka,nu indekilagha mu kitatenge.⁸Ba bango begheshibwa bashwagha na bwato,mu kubuluta kakila kisala bisonga,kubuno tababagha kulai na muse gheli anga mighombo maghana mabili .⁹Mu kutuka mu bwato,balolagha ku makangalya ma kubanga,nu kisonga chokilwe gha ntata amo ,nu kampampa.¹⁰Yesu ababulagha ;Mulishe kwebyo bisonga bi mwita kano kaluma.¹¹Simoni Petelo abakamagha mu bwato,nu kubulhutila ku muse kakila kisala bisonga binene binene ,ighana nu makumi matano nu bisatu;ku bwingi bwa bisonga ,kakila ta katikagha.¹²Yesu ababulagha:Mushwe,mulye. Nu takweli mwegheshibwa wampa mubushishe :Uwe u'nayi? Mu kuba bamana buno u Mukota.¹³Yesu ashighelelagha,atolagha kampampa,nu kubelesha ko;akitagha ubo nu ku bisonga.¹⁴Ulya ngendo isatu ilyo Yesu akwindosha ku begheshibwa baghe kulingila gha tukagha ku bakuyi.¹⁵Mu kushila kulya, Yesu abushagha Simoni Petelo,Simoni,musikila wa Yona, wanshima kughimba ba bano?Amwakulagha:Naki,Mukota,ukumana buno nakushima. Yesu amubulagha:Langa mbuli sani.¹⁶Amubushagha lya ngendo imbili:Simoni , musikila wa Yona,wanshima? Petelo amwakulagha:Naki,Mukota,ukumana buno nakushima. Yesu amubulagha:Langa mbuli sani.¹⁷Amubushagha lya ngend' isatu:Simoni ,musikila wa Yona,wanshima?Petelo abagha na bongwa, ukumana buno nakushima. Yesu amubulagha:Langa mbuli sani.¹⁸Bulili,bulili,nakubula, gha wabagha musikila,wishwalichagha uwe w'inene,nu wendagha ku washima;tondo gha ukaba mukungu,ukalambya maboko, nu ungo akakushwalicha,nu akenda nowe ku u tashima.¹⁹ Atendagha ibyo aloshe Petelo lukwo ki lwa kakwa,mu kwelesha Ghongo lukumbu. Kushila kutenda ubo 'amubulagha:Njange.²⁰Petelo,mu kukebatuka,alolagha kumbusa kwabo mwegheshibwa nshimwa sa Yesu,olya mw'indya l'igholigholo,weghamilagha mu bukuba bwa Yesu ,nu wamubushagha:Mukota,nayi u ku kwesana?²¹Mu kumulola ko,Petelo abushagha Yesu:Nu ,ghono ,Mukota,buni bwakaba?²²Yesu amubulagha:Ndi nashima abe kwikila mpina sinkakuluka,taku kitondo?Uwe njange.²³Agho, gha bagha manungunungu gha sambana bunoghoso mwegheshibwa nta kakwa.Yesu ntabulagha Petelo buno nta kakwa; tondo: ndi nashima abe kwikila mpina sinkakuluka , ta ku kitondo.²⁴Ghono mwegheshibwa u ukutenenekela bino bitondo,nu u wabitilile.Nu tukumana buno buteneneki bwaghe bweli bwa bulili.²⁵Yesu akitagha bingo bitondo bingi;ndi binatililwe kimoyi kimoyi,nkulenganya buno bitabo binatililwe tabineninde mu kisi.

Acts

Chapter 1

¹. Teofile,natendagha mu kitabo chani kisoki,ku binsayi byakitagha Yesu nu kweghesha kulingila ndingililo,²kwikila busi bwatolwagha kw'ighulu,gha shilagha kwelesha ntumwa sa sombolagha mibiko ,kutingila Muusa Musogha.³Gha shilagha kunuba,indoshagha mughimaghima ku beli,nu kubelesha tumanililo twingi,nu kwindosha ku beli ku bindi makumi manayi,nu kubabula ku bitondo bya bukota bwa Ghongo.⁴Ubo bwabagha nabo,abakakishagha bendaghe bulayi na Yelusalema,tondo balindile indaghi l'Ise,lyababulagha ko,u bwa babulile;⁵Kubuno Yoani apatishagha na masi,tondo benywe,mu bindi bikeke,mukapatishibwa ku Muusa Musogha.⁶Agho ntumwa sa kulumanagha nu kumubusha:Mukota,ndi mu bino bindi u muukimika bukota bwa Isilaeli? ⁷Abakulagha:Ta kanshi sinu kumana bindi ali nkungu sabikilwe na Tata mu bwangato bwaghe.⁸Tondo, mukasekela mpumba,Muusa Musogha kwika kwinu,nu mukaba bateneneki bani mu Yelusalema,mu Yudea insayi,mu Samaliya,nu kwika kushinda kisi.⁹Mu kushila kutenda ubo,atolwagha nu bakulola,nu lubhu lwa mubukilagha . ¹⁰Nu bu babagha bakughalamila kw'ighulu nuwe ekwenda,lola,balume babili bashwalile nshulu senga babapamukilagha, ¹¹nu kutenda :Bantu ba Galilaya,buni bumwindisha mukwengelesha kw'ighulu?Ghoso Yesu,watolwa kw'ighulu mukantighi na benywe,akashwa ubo bumwamulola ko ekwenda kw'ighulu.¹²Agho bakulukagha ku Yelusalema, ku mwinduko ukumanwa Miseituni,bwighi na Yelusalema mu lughendo ta lulayi.¹³Gha bikagha ,babakamagha mu chumba cha kuntata mu bendagha bikala; babagha Petelo,Yoani,Yakobo,Andele,Filipo,Toma,Matoloma,Matayo,Yakobo musikila wa Lufayo,Simoni wamanagwa mu Seloti nu Yuda musikila wa Yakobo.¹⁴Bansayi mu lwango lumoyi bikalagha mu masegho,ghamoyi na bakashi,nu Malia nina wa Yesu,nu ghamoyi na bisakwabo na Yesu.¹⁵Ubo busi,Petelo imalagha mu kantighi na bisakwabo,babagha anga bantu ighana nu makumi mabili.Nu'ingatenda:¹⁶Bisakwitu,bweli busogha bi belelele byatendwagha mu Kitondo cha Ghongo na Muusa Musogha kutingila kanywa ka Daudi,ku kitondo cha Yuda,olya wasondelagha ba bakatagha Yesu nsila.¹⁷Abagha umoyi ku beshwe,nu abagha na kibhu mweno nkashi.¹⁸Ghoso muntu,kushila kughula iswa na bikulo lya mabi,awagha,nu kuketuka ngendw'imbili,nu misolo saghe sa sandabanagha.¹⁹ Icho kitondo cha managhwa na bantu bansayi ba Yelusalema buno ilw'iswa lyamanwa mu mutendeshi wabo Hakaladama,u kutenda buno iswa lya mikilha.²⁰Ibyo byatilwa mu kitabo cha nembo:Kishiki chaghe kighaluke kalula,nu muntu ntikale mwicho! Nu'ungo atole kishumbi chaghe!²¹Bwaswagha,umoyi ba twatabangagha nabo mu bindi bitwabagha na Mukota Yesu,²²kulingila lupatisho lwa Yoani kwikila busi bwatolwagha mu nkatighi na beshwe,kube umoyi wakughanswa na beshwe wabe muteneneki wa kutuka ku bakuyi bwa Yesu.²³Bimikagha bantu babili:Yosefu wamanaghwa Baliseba lingw'ishina lyaghe Yusuto,nu Matiya.²⁴Agho,baseghagha:Mukota,uwe ukumana mitima sa bansayi,tuloshe ku bano babili olya u wasombola,²⁵buno abe na kibhu mu ghuno mulimo nu nkashi nsogha,sashighwagha na Yuda mu kwenda mu kishiki chaghe. ²⁶balasagha mbale ,nu saloshagha Matia,aghanswagha mu ntumwa ikumi n'emoyi.

Chapter 2

¹Busi bwa Pentekote,babagha bikalile ghamoyi.²Muku kebya nu kulambula,kwatukagha kw'ighulu,ishuki anga lya lumpumpu lunene,nu l'isashagha numba si babagha bikalile mo.³Lwembe lwasusana anga lwa kaya,lwabakumbilagha nu kubabeghanya gha basambana,nu lwikalagha kw'itwe ly'omoyi moyi.⁴Nu bisalagha bansayi na Muusa Musogha,nu batendagha mu mitendeshi ningi,anga bubeleshwagha so na Muusa Musogha.⁵Tondo,ubo busi mwasangwagha mu Yelusalemu Bayuda,bantu bakatilila Kitondo cha Ghongo batukagha mu bilongo binsayi bya kisi.⁶Ku ghoso mulenge,bantu bengi bashwagha lubilo kubongwilila,nu na muntu na muntu ongwagha mu mutendeshi waghe.⁷Bansayi baghanaghanagha,nu batendagha gha basambana:Lola,bano bantu bakutenda ta bansayi ta ba Galilaya?⁸Nu buni bu tukubongwa na muntu na muntu mu mutendeshi waghe wabutwagha nao?⁹Ba ku Palate,baku Medi,nu babo ba ku Mesopotamia, ku Yudea,ku Kapodoke,ku Ponto,ku Asia,¹⁰ku Filigia,ku Panfilia,ku Misili,myelo sa Libia maleshila na Kulene,nu babo batukile ku Loma,Bayuda nu begheshwa.¹¹Bakelete,nu Balabu,buni bu tukubongwa mu mitendeshi situ bakughanula Ghongo?¹²Baghanaghanagha bansayi,nu,mu kwinda bya kulenganya,batendagha gha basambana:U kiki kino?¹³Tondo bango basekagha ,nu kutenda :Balewile .¹⁴Agho Petelo,ghamoyi nabo ikumi n'omoyi imaluchagha mulenge,nu kubatenda mu bitondo bino:Bayuda, nu benywe bansayi mwikile mu Yelusalema,mumane buno,nu muteghe matuyi mu bitondo byani!¹⁵Bano bantu ta balefi,ubo bu mukulenganya,sicheli s'isatu eno.¹⁶Tondo bino u byatendwagha na mulenganya Yoeli:¹⁷Ghongo atendagha,mu bindi bishinda nkasandabanya Muusa wani ku muntu unsayi;basikila binu nu bakinga binu bakatenda bya bulenganya,bana binu bakamana bikatinga,nu bakungu binu bakalota ndoshi.¹⁸Naki,ku bakiti bani ba balume nu ba mukashi,mu bibyo bindi,nkasansila Muusa wani,nu bakatenda bya bulenganya.¹⁹Nkatucha bighanaghana kw'ighulu nu bitangalo mu kisi,mikilha,kaya,nu muuki.²⁰Musi ukaghaluka bulimaswa,nu mweshi kuba mikilha nu busi bwa kashwa we Mukota tabwika,busi bunene nu bwa lukumbu.²¹Agho ,olya uk'itatila ishina lya Mukota ak'ona.²²Baisilaeli,mwongwilile bino bitondo !Yesu wa Nasaleti,ghoso watenenekwagha na Ghongo mu miso minu kutingila bitangalo,bighanaghana nu tumanililo twakitagha mu nkatighi na benywe,anga bu mukumana benywe binene;²³ghono muntu wesanaghwa kutingila bwashima Ghongo,mwamwitagha ku musalaba,mwamwityagha na maboko ma babi.²⁴Ghongo amutuchagha ku bakuyi, mu kumukandula mu lukwo,buno ta bunakoshibwe abanswe na lukwo.²⁵Kubuno Daudi atendagha kuwe:Nalolagha ku Mukota kubusho kwani,kubuno eli kw'indume lyani,buno nshiyungweyungwe.²⁶Nu mutima wani uli mu mboghimboghi,nu lulame lwani luli mu chelele;nu mubili wani u kwomulwa mu malelamilo.²⁷Kubuno ntukashighilila mutima wani mu kishiki cha bakuyi, nu ntukashima musanana wobe abole.²⁸Wandoshishe nsila sa kalamo,nkaba na mboghimboghi ku weli..²⁹Bisakwitu,munimile nibabule bwasibwasi ku kitondo cha tatangulu Daudi,akwagha,nu akundwagha nu nsinda saghe tukusimona ko.³⁰Bwa besagha mulenganya nu bwa managha buno Kalagha amulaghagha ghamoyi na kulumbila buno ak'imika umoyi wa kibuti chaghe mu kishumbi chaghe,³¹kashi nti kutuka ku bakuyi kwa Yesu u kwatendelagha ubo,ntakashighwa mu kishiki cha bakuyi nu mubili waghe ta ukabola.³²U ghono Yesu,watuchwa ku bakuyi na Ghongo;tuli beshwe bansayi bateneneki.³³Kwimikwa kw'indume kwa Ghongo,eleshibwe na Tata Muusa Musogha wa mulaghagha, nu wansanswagha kuwe,anga bumukulola nu kongwa.³⁴Kubuno Daudi ntabakamile kw'ighulu,tondo atenda:Mukota abula Mukota wani:Ikala kw'indume lyani,³⁵Kwikila gha nkabika baghini bobe babe ku binantilo byobe. ³⁶Numba insayi sa Isilaeli simane busogha buno Ghongo akitile Mukota nu Kilishitu Ghoso Yesu u mwitagha ku musalaba.³⁷Kushila kongwa kwebyo bitondo bingi, mitima sabo sa bulughanile,nu babushagha Petelo nwengo ntumwa:Bisakwitu,tukakita buni ?³⁸Inga Petelo ababula: Mw'isungule ,nu na muntu apatishibwe mw'ishina lya Yesu- Kilishitu,mu kushighililwa bwaghi bwinu;nu mukasekela lukaso lwa Muusa Musogha.³⁹Kubuno indaghi lili kwinu,ku bana binu ,nu ku bansa beli bulayi n'inu,nu ku bengi bakamanwa na Mukota Ghongo witu.⁴⁰Nu,kubingo bitondo abatenenekile nu kubema mu kutenda:Mwi'onye na luno lughiso lubi.⁴¹Ba bimilagha kitondo bapatishwagha;nu ubo busi,ighanso lya begheshibwa likagha ku bantu kili anga elefu isatu.⁴²Bikalagha mu meghesha ma ntumwa, mughomyo wa mubuto, kulya kampampa,nu mu masegho.⁴³Na muntu na muntu akwagha boba,nuwe akitagha bighanaghana nu bitangalo bingo kutingila ntumwa.⁴⁴Ba bansayi bakatishagha bikalagha ghamoyi,nu babikagha binsayi ghamoyi.⁴⁵Baghushagha byabo binsayi nu ku beghanya bi bamonagha gha basambana kulembana na nkasa sa muntu.⁴⁶Bendagha bindi binsayi mu numba sa kukumbamila,balyagha kampampa mu ma shumba,nu basangilagha indya lyabo na mboghimboghi nu mu mutima musogha,⁴⁷mu kutata Ghongo nu kweleshibwa mpanga'inene kuli bantu.Nu Mukota isashagha Kanisa na bantu bakatisha.

Chapter 3

¹Petelo nu Yoani bendagha ghamoyi ku numba sa kukumbamila,mu nkungu sa masegho:Sabagha sa mwenda.²Kwabagha kasokoluma kamoyi tukila kubutwa,wendagha wekwa nu kubikwa bindi binsayi gha mwingilo wa numba sa ku kukumbamila sa managhwa musogha,eme lukaso ku babo bakw'ingila mu numba sa kukumbamila.³Ghoso mulume,mu kulola ku Petelo nu Yoani babagha bakw'ingila mo,abemagha lukaso.⁴Petelo nu Yoani,bamwengeleshagha nu kutenda:Twengeleshe.⁵Nu abengeleshagha bubibu nu ekulemalila kweleshibwa kikayi nabo. ⁶Agho Petelo amubulagha :"Nshite kakulo ali nolo;tondo cha kinite,nkukwelesha cho: Mw'ishina lya Yesu -Kilishitu wa Nasaleti,imaluka nu wende.⁷Nu mu kumukata na kuboko kw'indume,amwimaluchagha.Mweso nkungu,mashinshi nu makosogholo maghe manakagha;⁸mu kulenga,imalagha nu kutabanga.Ingilagha ghamoyi nabo mu numba sa kukumbamila,kutabanga,kulenga nu akughanula Ghongo.⁹Bansayi bamulolagha ko bwa kutabanga nu kughanula Ghongo.¹⁰Bamumanililagha buno u ghoso wendagha w'ikala gha mwingilo musogha wa numba sa kukumbamila kusegha lukaso ,nu ba ghanaghanagha ku byamwikinde.¹¹Bwa tashighagha Petelo nu Yoani,bantu bansayi bendagha lubilo ku beli ,ku kitiko ki kumwana cha Solomono.¹²Mukulola kobo,Petelo abulagha bantu:BaIsilaeli ki kimwaghanaghana nacho?Buni bu mwatwengelesha bubibu?Anga ku maghala mitu u kutwalamya ghoso muntu?¹³Ghongo wa Bulaimu,wa Isaka nu wa Yakobo,Ghongo wa batata,aghanulile mukiti waghe Yesu,u mwesanagha nu kumutuna gheli Pilato,walondagha amukandule.¹⁴Mwatunagha Wasanana nu Wabulili,nu mwemagha bakandule mwiti.¹⁵Mwityagha Mwami wa kalamo,watuchwagha ku bakuyi na Ghongo;tuli bateneneki baghe.¹⁶Nti Ku lukatisho lw'ishina lyaghe uchasula ghoso u mukumumona ko nu mukumumana alama;Kwa kumukatisha,u kwalamya ghoso muntu mu miso minu.¹⁷Nu lola,bisakwitu,mu kw'inda mulenganya, benywe nu bami binu uchasula mwakita ubo.¹⁸Tondo Ghongo akukishe byatendagha mu kanywa ka balenganya,buno Kilishitu waghe akanuba.¹⁹M'wisungule mitima, buno bwaghi bwinu bushililile,²⁰ b'uno nkungu nsogha sa Mukota sike,nu asinge Yesu -Kilishitu u mweleshibwe,²¹ukasekelwa n'ighulu kwikila bu kakuka binsayi anga bwatendagha Ghongo kutingila kanywa ka balenganya basanana.²²Musa atendagha :Mukota Ghongo winu akatucha munkatighi na benywe ungo mulenganya ang'ine;mukamwongwilila ku binsayi bya kababula,²³nu olya ukanana kongwilila ghoso mulenganya,akatuchwa munkatighi na bantu.²⁴Balenganya bansayi ba batendagha,tukila Samwele,batendagha nubo kwebyo bindi.²⁵Mweli bana ba balenganya nu b'indaghi lyakitagha Ghongo na batata,mu kubula Bulaimu:Bilongo binsayi bya kisi bikakasanilwa kutingila kilongo chobe.²⁶Kuwe u kwatukishe tanga Ghongo mukiti waghe ,amusingagha buno abakasanile, mu kutucha umoyi umoyi mu bwaghi.

Chapter 4

¹Petelo nu Yoani babagha becheli batenda na bantu,bikagha Bansakogha,nu mulangi wa numba sa kukumbamila nu Basadukayo,²batashimagha bya bagha bikwegheshwa bantu buno Yesu atukagha ku bakubi .³Babakatagha ,nu kubalekela mu kahombo kwikila munindu;kubuno bwabagha ise igholigholo.⁴Tondo,bengi ku ba bongwagha kitondo bakatishagha nu ighanso lya bantu likagha anga ku elefu itano.⁵Mu nindunindu, bakulu ba bantu ,bakungu nu basanshi,bakulumanagha ku Yelusalema,⁶ghamoyi na Ana,Sankogha munene,Kayafa,Yoani,Likisandele nu bansayi babagha ba lughiso lwa Basankogha banene.⁷Babikagha Petelo nu Yoani munkatighi nabo,nu kubabusha:Ku bwangato ki,ali kw'ishina lya nayi ukumwakitila ibyo?⁸Agho Petelo,wisalagha na Muusa Musogha,ababulagha :Bami ,nu bakungu ba Isilaeli,⁹mwatubusha buno busi ku busogha butwakitila musambi,buno tutende buni bwalamile,¹⁰mumane benywe bansayi,nu bantu ba Isilaeli nubo bamane! Kutingila ishina lya Yesu Kilishitu wa Nasaleti,u mwitagha ku musalaba,nu watuchwagha na Ghongo ku bakuyi,ku we uchasula ghoso muntu alama.¹¹Yesu u ikoyi lyatebwile na benywe bobaki,u limashishe numba.¹²Taku lonio mu ungo muntu;buno ghansi takweli lingo'ishina lyeleshishwe bantu, buno kutingila lyo bone.¹³Gha balolagha mpumba sa Petelo nu Yoani,baghanaghanagha,kumana buno beli bantu ba takumana kena;nu ba bamanililagha buno babagha ghamoyi na Yesu.¹⁴Tondo mu kulola ku ghoso muntu walamagha eli bwighi nabo,bindagha bya kutenda.¹⁵Babakakishagha batuke mu lusu lwa matenda,bakalagha lwango gha basambana,mu kutenda: Tukite ki na bano bantu?¹⁶Kubuno bantu bansayi ba Yelusalema balolile ku kitangalo ki bakitile ,nu tatuna tuna. ¹⁷ Tondo,kino bitondo ta kilumbe mu bantu,tubananye bubibu buno tabatende lingo na muntu kwelyo ishina .¹⁸Nu mu kubamana, ba bananyagha bubibu kutenda nu kweghesha mw'ishina lya Yesu.¹⁹Petelo nu Yoani babakulagha:Mughaye ndi busogha,kuli Ghongo,kubongwilila benywe ali kongwilila Ghongo;²⁰Buno ta tuninda kutenda ku bitwalolagha ko nu bitongwagha ko.²¹Babasughila lingo bubibu,nu kubashighilila,mu kwinda bwa bakitaghe kubuno bantu bansayi babagha bakughanula Ghongo ku byatingile.²²Buno ghoso muntu walamagha mu kitangalo abagha na myaka satinga makumi manayi.²³Gha ba bamekulagha,bendagha ku bisakwabo,nu kusambalila bya babulile bisankogha banene nu bakungu.²⁴Mu kushila kubongwilila,bansayi baghanulagha Ghongo nu kutenda: Mukota,uwe u wakitagha ighulu,kisi,kitatenge,nu binsayi byeli mo,²⁵uwe watendagha kutingila Muusa Musogha ku kanywa ka tata witu,mukiti wobe Daudi: Buni ulo lwayo mu babilongo,nu mulenganya wa tughutughu gha sambana bantu?²⁶Bami ba kisi basoloboka,nu bakota bashingila Mukota nu olya u wabongishe mwambo .²⁷Bulili, mukiti wobe Yesu,uwabonjagha mwambo,u wendelwagha lwango na Helode nu Ponso Pilato mu ughuno musumba,ghamoyi na bilongo nu bantu ba Isilaeli,²⁸buno bakite bi walongomanyagha kalayi.²⁹Nu lelo, Mukota,Lola bu twayungwayungwa nabo, nu elesha bakiti bobe bwangato bwa kughesha kitondo chobe na bulili bunsayi,³⁰mu kubabikila kuboko,buno balamye nsambo,bakite bitangalo nu bighanaghana kw'ishina lya mukiti wobe Yesu Wasanana.³¹Gha bashilagha kusegha,kishiki ki babagha bikalile mo,cha tengagha bubibu; bi salilanagha bansayi na Muusa Musogha,nu begheshagha kitondo cha Ghongo na bulili bunsayi.³²Bantu ba bakatishagha,babagha na mutima umoyi nu mulenganya umoyi.Taku wampa watendagha buno bya bite byeli byaghe w'inene,tondo binsayi byabagha byabo bo bansayi.³³Ntumwa satenenekagha bubibu kutuka kwa Yesu ku bakuyi.Nu bansayi babagha na mpanga'inene.³⁴Buno kubo takwabagha mukene:Ba babagha na maswa ali mashumba baghushagha mo,³⁵nu bichagha bikulo ku maboko ma ntumwa; nu byabeghanishibwagha bansayi kuyangana na nkasa so moyi moyi.³⁶Yosefu, wamanaghwa na ntumwa buno u Balanaba,u kutenda buno mwana wa bubobelesho,mulawi wa ku Kipulo,³⁷aghushagha iswa lyaghe,ashwagha na bikulo, nu kubicha ku maboko ma ntumwa.

Chapter 5

¹Tondo mulume umoyi ukumanwa Anania,ghamoi na Safira mughole waghe,aghushagha kikayi chaghe,²nu imbikilagha kibe ku bikulo,inga mughole waghe amana;agho ekagha byashighalagha ,nu kubicha ku maboko ma ntumwa.³Petelo amubulagha: Ananiya,buni bwisasha Kahinga mutima wobe,buno utende kweli Muusa Musogha,nu w'imbikila kibe ku bikulo b'iswa? ⁴ Ndi ta linaghushibwe,ta linashighalile lyobe? Nu gha lyaba lyaghushibwa,bikulo byalyo tabyeli ku maboko mobe? Buni bu wabika mulenganya anga ghoso mu mutima wobe?Ta bantu u bawengelinde,tondo Ghongo.⁵Anania,mu kwongwa kwibyo bitondo,awagha nu kukwa.Boba bunene bwakatagha bansayi bongwagha kubo.⁶Basikila, bimalukagha,bamughondagha mu nshulu,bamwekagha nu ku mukunda.⁷Kwatinga anga s'isatu,mugole waghe ingilagha ntakumana byatingile.⁸Petelo amubulagha:Mbule ,bino u bikulo binsai byaghushibwe ily'iswa? Amwakulagha,naki,u binsayi ibyo.⁹Agho Petelo amubulagha: Buni bumwakalile lwango mwengelele Muusa wa Mukota?Lola,babendagha kukunda munachobe beli gha kitiko;nuwe bakukweka.¹⁰Mwako kaluma, awagha mu manshinshi ma ntumwa,nu kukwa.Basikila mu kukuluka bamusangagha akwile;bamwekagha nu kumukunda bwighi na munachaghe.¹¹Musangano nu bansayi bongwagha ku ghoso musaghu,bwakatwagha na boba bunene.¹²Bitangalo bingi nu bighanaghana byakitwagha na ntumwa gha sambana bantu.Bikalagha bansai gha mwingilo wa lusu lwa Solomono,¹³nu taku wampa ku bango waghelekagha kwikala nabo;tondo bantu ba batatagha bubibu.¹⁴Ighanso lya babo bakatishagha ku Mukota ,balume nu bakashi, lyabagha lingi ;¹⁵buno batuchagha basambi mu mitobo,nu kubeka ku mighu nu ngwaya,buno ghatinge Petelo,kilimelime chaghe kilamye bamoyi kubo.¹⁶Bantu bengi nubo batukagha mu misumba sa bwighibwighi na Yelusalema,bekile basambi nu babite basumbu;nu bansayi balamagha.¹⁷Agho Sankogha munene nu bansayi babagha ghamoyi nawe,kikembe cha Basadukayo,bimalukagha ,mu kuba na lughi,¹⁸bakatagha ntumwa nu kubalekela mu kahombo ka bantu bansayi.¹⁹Tondo mughenshi wa Mukota, ighulagha mu kindi lumbi lwa kahombo,ku bakukula,nu kubabula:²⁰ Mwende nu mwikale mu numba sa kukumbamila, nu musambalile bantu bitondo bya kalamo kano.²¹Mukongwa ubo,bingilagha mu nindunindu mu numba sa kukumbamila,bikalagha bakweghesha.Mu kwika,Sankogha munene nu bansayi babagha ghamoyi nawe,akulumanyagha lusu lwa matenda nu bakungu bansayi ba bana ba Isilaeli,bendagha kutola ntumwa mu kahombo.²²Ntumwa mu kwika kwabo,ta babasangagha mu kahombo.Bakulukagha nu kusambalila binsayi bi bamonagha ko,²³mu kutenda: Twasanga kahombo kighalilwe busogha,nu balangi beli gha kitiko tondo, mu kushila kw'ighula,tatwasangile muntu munda.²⁴Mu kushila kongwa kwibyo bitondo,mulangi wa numba sa kukumbamila nu Bansakogha banene bindagha bya kulenganya ku ntumwa nu ku lil'itenda.²⁵Muntu umoyi ashwagha kubabula:Lola,bantu bamwalekelagha mu kahombo beli mu numba sa kukumbamila nu bakweghesha bantu.²⁶Agho mulangi endagha ghamoyi na ntumwa,nu abekagha bukebuke,kubuno bakwagha boba buno anasundwa makoyi na bantu.²⁷Gha babichagha mu lusu lwa matenda, nsakogha munene ababushagha mu bino bitondo :²⁸Ta twabananyagha busogha busogha kweghesha mwel'ishina?Nu Lola mwisasha Yelusalema na meghesha minu, nu mukushima mutweche mikilha sa ghoso muntu !²⁹Petelo nu ntumwa baakulagha:Bweli busogha kongwilila Ghongo kutinga kwongwilila bantu.³⁰Ghongo wa batata atukishe Yesu ku bakuyi,u mwitagha ,mu ku mukamila ku muti.³¹Ghongo amumaluchagha na kuboko kwaghe kw'indume anga Mwami nu Mukota,buno eleshe Isilaeli kw'insungula nu kushililila kwa bwaghi.³²Beshwe bateneneki ba bibyo bitondo, ghamoi na Muusa Musogha,weleshibwagha na Ghongo ku babo bakumwongwilila.³³Mu kushibuka bubibu nebyo bitondo,balondagha ku bitya.³⁴Tondo,mufalisayo umoyi ,u kumanawa Gamalieli,ngatu wa mubiko,nu wabagha ashimwa bubibu na bantu imalukagha mu lusu lwa matenda,nu kukakisha bakukule ntumwa.³⁵Agho ababulagha :Ba Isilaeli,mulole busogha ku bi mukulonda kukitila bano bantu.³⁶Buno,takutinga bindi twalola ku Teuda wakitagha bingi,nu kwimbulutila bantu anga maghana manayi;bamwitile,nu bansayi bamuyangagha basandabanile nu kushililishwa.³⁷Kumbusa kwaghe, kwashwagha Yuda wa Galilaya mu bindi bya kughansa bantu;alhutagha bantu bengi kweli;akwagha nuwe,nu bansayi bamuyangagha basandabanile.³⁸Nu lelo, nababula muyangane na bano bantu,mubashighe bende.Ndi bino bibakita byatuka ku bantu,binkinshilikila; ³⁹tondo ndi byatuka kwa Ghongo,ta munabishililisha.Munimbulhutila bita na Ghongo.⁴⁰Bimilagha mulenganya waghe. Nu mukuba bamana ntumwa,babapundagha na tuti,ba bananyagha kweghesha lingo mw'ishina lya Yesu,nu ba bashighililagha.⁴¹Ntumwa satukagha mu lusu lwa matenda,bisala na mboghimboghi buno bapundwa kw'ishina lya Yesu.⁴²Nu bindi binsayi,mwa munumba sa kumbamila,nu mu mashumba,tabashighagha kweghesha,nu kusansa Musaghu Musogha wa Yesu- Kilishitu.

Chapter 6

¹Mwebyo bindi, mughanso wa bagheshibwa wabagha mwingi,Bagiliki bashibukilagha Babulania,kubuno basumbakashi babo bebelelwagha mwa mukubeghanya bikayi bya busi na busi.²Abo ikumi na babili bamanagha begheshibwa bengi,nu kubabula: Ta bwaswagha tushighe kitondo cha Ghongo mu kubeghanya malya.³Uchasula,bisakwitu,tusombole ku benywe bantu mutubakamo ,ba bite buteneneki busogha,bisalilana na Muusa Musogha nu mulenganya musogha, bakite ghoso mulimo.⁴Nu beshwe, twakatilila masegho nu kusansa kitondo cha Ghongo.⁵Musanganano unsayi wimilagha ghoso mulenganya .Basombolagha,Setefano,muntu wisalilana na lukatisho nu Muusa Musogha,Filipo,Polokolo,Nikanola,Timoni,Palamenasi,nu Nikola ,mukatisha wa ku Antiokia.⁶Babaloshagha kweli ntumwa,nu mu kushila kusegha,ba babikilagha maboko.⁷Kitondo cha Ghongo kikagha kulayi, mughanso wa begheshibwa wabagha mwingi mu Yelusalema,nu kikembe kinene cha Basankogha kimilagha lukatisho.⁸Setefano,wisalilanagha na mpang'inene nu bwangato,akitagha bighanaghana nu bitangalo bingi mu bantu.⁹Bantu bamoyi ba Sinakoki bakubulwa buno beme,ba ku Kulene nu kuko ku Lekisandele,ghamoyi na Bayuda ba ku Silisia,nu ku Asia,bendagha myango nawe;¹⁰tondo ta banamukoshishe ku mulenganya nu ku Muusa wa kumutendya.¹¹Agho balhutagha bantu batende :Twa mongwagha akutenda bitondo bya kwenegha Musa nu Ghongo.l¹²Ba kusamanyagha bantu,bakungu,nu Basanshi,nubamulengelagha,bamukatagha,nu bendagha nawe ku lusu lwa matenda.¹³Ba mutalikilagha buteneneki bwa bwisa,kutenda : Muntu ghono nta kushigha kutenda bitondo bibi ku numba sa kukumbamila nu ku milembe;¹⁴buno twamongwile akutenda buno,Yesu wa Nasaleti,akendula numba sa kukumbamila, akaghalula ntungo sa tushighilagha Musa.¹⁵Babo bansayi babagha mu lusu lwa matenda bengeleshagha Setefano bubibu,nu malanga maghe mabaghalukilagha anga ma mughenshi.

Chapter 7

¹Sankogha munene atendagha :U bweli bitondo ubo?²Setefano aakulagha:Bisakwitu nu batata,mwongwilile! Ghongo wa lukumbu indoshagha kweli tata Bulaimu,gha bagha ku Mesopotamia,nti ntombulha ku Halani;nu inga amubula:³Shigha kisi chobe nu mubuto wobe,nu nda mu kisi kinkakulosha.⁴Ago atukagha mu kisi cha Bakaladeya,nu k'ombulha Kalani.Kumbusa kwa lukwo lw'ise,Ghongo amutinjagha mu kino kisi kimweli mo;⁵ntamweleshagha kakai kampa mu kino kisi ,ali gha kwikala,tondo amulaghagha buno akamwelesha gha kikala,nu kibuti chaghe kumbusa kwaghe,abagha ntite mwana.⁶Ghongo atendagha ubo:Kibuti chaghe kik'ombulha mu kisi cha basumba;bakabakita bakobe nu kubanubya mu myaka maghana manayi.⁷ Tondo Ghongo ababulagha:Kilongo ki kabakita bakobe,ine ka ki besha .Kushila agho,bakenda nu bakankitila mulimo mu kino kishiki .⁸Nu Ghongo akasagha Bulaimu indaghi lya kumonya bwali bwa munganga,nu Bulahimu, gha butagha Isaka,amumonyishe bwali bwa munganga,ku bindi munani bwa kubutwa,Isaka abutagha nu kumonya bwali bwa munganga Yakobo,nu Yakobo bikulukulu ikumi na babili."⁹Bikulukulu ,mu kuyongwa Yosefu,ba mughushagha buno bende nawe ku Misili.¹⁰Tondo Ghongo abagha nawe,nu kumutucha mu nsunsu insayi;amweleshagha mulenganya musogha nu abagha na mpanga'inene kuli Falao,mwami wa Misili,u wamubikagha mukulu wa kisi cha Misili nu wa numba saghe insayi.¹¹Kwabagha nsala mu kisi kinsayi cha Misili,nu cha Kanana.Munubo munene, nu batata ta bamonagha bya kulya.¹²Yakobo ongwagha buno ngano seli ku Misili, nu asingagha ko tanga batata.¹³Nu mu lya ngendw'imbili,Yosefu amanililwagha na bisakwabo ,nu Falao amanagha kilongo chaghe.¹⁴Agho Yosefu asingagha bantu kutola ise Yakobo nu bisakwabo, bansayi bantu makumi mutubakamo na batano.¹⁵Yakobo akumbilagha ku Misili u kwa kwilagha nu batata;¹⁶nu bekwagha ku Sikemu,nu kukundwa mu nsinda saghulagha Bulaimu ,ku bikulo bingi,ku bana ba Hemolo ise wa Sekemu.¹⁷Gha binde bindi b'indaghi byeleshagha Ghongo ku Bulaimu bise bwighibwighi,bantu babutwagha nu kuba bengi mu Misili,¹⁸Kwikagha ungo mwami utamanagha Yosefu.¹⁹Ghoso mwami,mu kusomba kilongo kitu,anubyagha batata nu kwelesha batata bite bana babo.²⁰ Mwebyo bindi,abutwagha Musa,alolekagha musogha ku miso ma Ghongo.Alelwagha myeshi esatu mu numba s'ise; Nu mukulonda kumwita,mukinga wa Falao amutolagha,nu kumukusha anga mwana waghe.²²Musa egheshwagha mu bulenganya bunsai bwa ba Misili,nu abagha wanaka mu matenda nu mu mikolo.²³Gha bagha na myaka makumi manai,mulenganya wamwikilagha wa kutabangila bisakwabo,bana ba Isilaeli.²⁴Alolagha ku umoi ukupundwa,nu mwa mukumukasha,itagha uso mu misili.²⁵Alenganyagha buno kutingila we bisakwabo bamane buno Ghongo akabatucha mu minubo;tondo bisakwabo ta bamanagha.²⁶Gha chagha busi,asangagha babili bakulwana,nu 'inga abanania,nu kubabula:Mweli mubuto umoyi,ki kimukwitanila? ²⁷Tondo olya wemagha munabo maghala,amutundulagha nu kumubula:Nayi wakubikagha ube mwami nu shushi witu? ²⁸Ukulonda unite anga buwitaile ghoso mu Misili?²⁹Mwecho kitondo,Musa atinagha,nu kwenda kombulha mu kisi cha Madiani,u kwabutilagha bana babili.³⁰Kumbusa kwa myaka makumi manayi,mughenshi umoi amupamukilagha mu kalula ka mwindiko wa Sinai, mu imbunda lyabagha likuya.³¹Mu kulola ku bubo,Musa aghanaghanagha ;nu mu kushighelela alole,ongwagha kw'ishuki lya Mukota ukutenda nawe:

³³Mukota amubulagha: Onola bilato byobe, buno kubuno kishiki ki weli mo cheli kishiki cha sanana.³⁴Nalolile nsusu sa bantu bani beli ku Misili,nongwile indilo lyabo,nu nashwa ku bakandula.Lola, nda,nakusinge ku Misili.³⁵ Ghoso u bananagha mu kumubula: Nai wakubikile mwami nu shushi?U ghoso wasingwagha na Ghongo abe anga mwami nu anga mukandushi kutingila molulo wa mughenshi wa mupamukilagha mw'imbunda l'ikuya.³⁶U ghoso wabatuchagha mu Misili mu kukita bighanaghana nu bitangalo mu kisi cha Misili bwighi na kitatenge cha mikila,nu mu kalula, mu myaka makumi manai.³⁷U ghoso Musa abulagha bana BaIsilaeli :Ghongo akatucha mu benywe mulenganya anga ine.³⁸U ghoso,mu musanganano mu kalula,abagha na mughenshi watendagha nawe,ku mwindiko wa Sinai ghamoyi na ba tata ,bamweleshagha mibiko buno atweleshe so.³⁹Batata ta bashimagha kumwongwilila,abatibitagha,nu baghalulagha mitima sabo ku Misili,⁴⁰mu kubula Aluni: Tukitile byeko byende ghamoyi na beshwe;kubuno Musa watutuchagha mu kisi cha Misili,ta tukumana bwa binde.⁴¹Nu,mwebyo bindi,babumbagha chana cha nkambu ki batulilagha kisansa,nu ba boghaboghagha na mikolo sa maboko .⁴²Agho,Ghongo abashighagha,nu kubesana belele ndwani s'ighulu,anga bwatilwagha mu kitabo cha balenganya: Mwantulagha bilunda nu binsasa, mu mwaka makumi manayi mwa mu kalula, numba s'Isilaeli?⁴³Mwekagha kambala ka Moloko nu kambalumbalu ka cheko Lamfani,bilimelime bimwakitagha buno mu byele!Nu ine nkabeka kulayi na Babiloni.⁴⁴Batata babagha na Kasumilo ka buteneneki,anga bwa kakishwagha Musa okobake anga bwa kalolagha ko.⁴⁵Nu batata,gha beleshwagha ko,bakabikagha ku maboko ma Yoshua mu kisi ki kalwagha ko na bilongo byatibitwagha na Ghongo mu miso mabo nu ikalagha ko kwikila bindi bya Daudi.⁴⁶Daudi abagha na mpang' inene kweli Ghongo,nu aseghagha kobaka numba sa Ghongo wa Yakobo.⁴⁷Nu Solomono u wamobakilagha numba.⁴⁸Tondo Ghongo wa mw'ighulu nta kwikalagha mu numba sobakwa na kuboko kwa muntu,anga bwatenda mulenganya:⁴⁹Ighulu u kishumbi chani,nu kisi u kinantilo chani.Mukota atenda:Numba ki u si mukanobakila?Nu kuni kweli kishiki cha komulila ko?⁵⁰Ta kuboko kwani u kwakitagha bino binsayi?⁵¹Bantu ba makoshi mabibu,ba bite mitima mbibu nu matuyi mashibwa !Bindi binsayi mu kwengukana na Muusa Musogha.Bwabagha baso ,u bu mweli nu benywe.⁵²Nayi ku balenganya utitwagha na baso ?Bitagha tanga bansai basansagha musaghu wa kwika kwa Wa sanana,nu benywe mwabesanile,nu mwabinde biiti babo,⁵³benywe mweleshibwagha mulembe kutingila nkakisho sa baghenshi,nu tamwabikile so mu mitima!⁵⁴Mu kwongwa kwebyo bitondo,bashibukagha bubibu mu mitima ,nu bamukalilagha mino.⁵⁵Tondo Setefano ,wisala Muusa Musogha,nu mu kwengelesha kw'ighulu,alolagha ku lukumbu lwa Ghongo nu Yesu imalile kw'indume lya Ghongo.⁵⁷Bansayi bakughagha bubibu,mu kwishiba matuyi,bamulengela bansayi,⁵⁸ bamubulutilagha kushinda musumba,bamwitagha na makoyi.Bateneneki babikagha nshulu sabo ku manshinshi ma musikila umoyi ukumanwa Saulo.⁵⁹Nu bitagha Setefano na makoyi wa bagha ukusegha nu kutenda:Mukota Yesu,katilila mutima wani !⁶⁰Agho, mu kukoma mashwe,atendagha bubibu :Mukota,ntubaghansile ubo bwaghi ! Nu ,kushila kutenda ibyo bitondo amesagha mutima.

Chapter 8

¹Saulo alolagha ku lukwo lwa Setefano.Ubo busi kwabagha nsungyo ningi ku Kanisa ka Yelusalema;nu bansayi,kutucha ntumwa ba sandabanagha mu myelo sa Yudea nu sa Samalia.²Bantu ba lukatisho lunene,bakundagha Setefano,nu kumulilila bubibu.³Sauli, we, wanubyagha Kanisa;mu kwingila mu mashumba,kukukula balume nu bakashi,nu kubalekela mu kahombo.⁴Ba basandabanagha bendagha ku bishiki bingi ,kusambala musaghu musogha.⁵Filipo,mu kwika mu musumba wa Samaliya asansagha, musaghu wa Kilishitu.⁶Bantu binsayi babagha bakongwilila busogha busogha bya bikutenda Filipo,gha bongwagha nu kulola ku bitangalo byakitagha.⁷Kubuno basumbu batukagha mu bantu mu kukugha bubibu,nu ba bensekile bighansa nu tusokoluma balamagha.⁸Nu kwabagha mboghimboghi inene ku ghoso musumba.⁹Mwoso musumba mwabagha ,muntu wamanaghwa Simoni,w'inkatagha buno mweme,akitagha butiki nu kughanyaghanya bantu ba Samaliya.¹⁰Bansayi,kulingila ku mwana muto nu kwika ku mukulu,bamongwililagha,nu kutenda: Ghono ite bwangato bwa Ghongo ,u bu kumanwa Bunene.¹¹Bamongwilagha bubibu,kubuno bindi bingi ba ghanaghanagha na butiki bwaghe.¹²Tondo, mu kukatisha Filipo,wabagha u kubasambalila kitondo kisogha cha bukota bwa Ghongo,nu kw'ishina lya Yesu Kilishitu,balume nu bakashi bapatishwagha.¹³Simoni w'inene nuwe akatishagha, nu mukushila kupatishwa,ntashimagha lingo kushighana na Filipo,nu alolagha nu kwitangala ku bitangalo nu bighanaghana byakitwagha.¹⁴Ntumwa, sabagha ku Yelusalema,gha bongwagha buno Samaliya asekinde kitondo cha Ghongo,basingagha ko Petelo nu Yoani.¹⁵Babo,kwika ku Samaliya,ba baseghelagha,buno bisalilane na Muusa Musogha.¹⁶Kubuno ta kwabagha wampa w'isalilanagha na Muusa Musogha;bapatishwagha umpanga mw'ishina lya Mukota Yesu.¹⁷Agho Petelo nu Yoani ba babikilagha maboko,nu bi salilanagha na Muusa Musogha.¹⁸Simoni gha monagha buno Muusa Musogha eleshibwa bantu mu kubikilwa maboko na ntumwa, abeleshagha bikulo, ¹⁹mu kutenda :Muneleshe nine obu bwangato ,buno olya unkabikila maboko isashwe na Muusa Musogha.²⁰Tondo Petelo amubulagha:Bikulo byobe bibole ghamoyi n'owe,kubuno walenganya buno lukaso lwa Ghongo lu kughulwa na bikulo!²¹Kobe taku kibhu ali kikayi mwecho kitondo,kubuno mutima wobe ta musogha kuli Ghongo.²²Insungule mutima ku bubi bobe ,nu segha Ghongo buno mulenganya wobe mubi ushighililwe,ndi bwakoshibwa;.²³Kubuno nalola buno weli mu kishiki cha lubaba,nu mu nkando sa bwaghi.²⁴Simoni aakulagha:Munseghele benywe b'inene kweli Mukota,buno bimwatenda tabinikile.²⁵Kushila kuteneneka kitondo cha Mukota,nu mu kushila kunsasa,Petelo nu Yoani bakulukagha ku Yelusalema,mu kusambala musaghu musogha mu myelo ningi sa Basamalia.²⁶Mugheshi umoyi wa Mukota,mu kutenda na Filipo amubulagha :Imaluka,nu nda kibe cha ku kantighi ,mu nsila sa kutuka Yelusalema kwikila ku Gasa, seso sa kalula.²⁷Imalukagha,nu kwenda.Nu lola,muntu umoyi wa Etiopia ,watambile,mukiti wa Kandake,mughole wa Mwami wa Etiopia,nu mulangi wa butumba bwaghe,akwenda kwela ku Yelusalema ,²⁸mu kukuluka ,abundile mu mutukali waghe ,nu akusoma kitabo cha mulengagha Isaya.²⁹Muusa wabulagha Filipo: Shighelela bwighi na mutukali.³⁰Filipo atibitilagha,nu kongwa mu Etiopia akusoma kitabo cha mulenganya Isaya.Ing'amubusha:Ukumana bi ukusoma? ³¹Aakulagha: Buni bu ninabimana ndi takuli ukundosha byo? Nu abulagha Filipo abakame nu kwikala ghamoyi nawe.³².Mulili wa kitondo cha Ghongo wabagha akusoma u ghuno: Bamwekagha anga mbuli senda kuketulwa,nu anga chana cha mbuli cha kobile nu ba kukikala myosa,ta kikutenda champa.³³.Mu kusekelelwa kwaghe , kwaghibwa kwaghe kwatuchwa.Nu kilongo chaghe, nayi ukaki ghanula?Kubuno kalamo kaghe katuka mu kisi.³⁴Watambile abushagha Filipo: Nakusegha,nayi ukutendwa ghano na mulenganya?Ndi w'inene ali ungo muntu?³⁵Agho,Filipo mu kutenda nawe, alingilagha k'oso mulili ,nu kumusambalila musaghu musogha wa Yesu.³⁶Mwa mulughendo lwabo,basangagha masi.Nu Watambile atendagha:Lola masi,ki chanangila nshi patishibwe?³⁷Filipo atendagha:Ndi wakatisha na mutima wobe unsayi,binsayi bya koshibwa. Watamba aakulagha:Nakatisha buno Yesu Kilishitu eli Mwana wa Ghongo.³⁸ Imashagha mutukali ,Filipo nu Watamba bakumbagha bo babili mu lusi,nu Filipo amupatishagha.³⁹ Mu kutuka mu lusi,Muusa wa Mukota wekagha Filipo,nu Watamba nta mulolagha ko lingo.Mu mboghimboghi,endagha.⁴⁰Filipo isangile ika ku Asote,endagha ku Kaisalia mu kunsasa musaghu musogha mu misumba s'atingagha ko.

Chapter 9

¹Mukuba Saulo echeli atakwa ku nubya nu kwita begheshibwa ba Mukota,endagha kweli Sankogha munene,²nu kumusegha maluba buno ende ku masinakoki ma Damasiki,buno ndi asanga ku bantu bashima megheshibwa ma Yesu, balume ali bakashi abakande nu kushwa nabo ku Yelusalema.³Mu kuba echeli mu nsila ,nu kwika bwighi na Damasiki,agho chengeshi chatukagha kw'ighulu cha sanagha gha gheli.⁴Awagha ghansi , nu ongwagha ishuki likumubula:Saulo,Saulo,buni buwambika mu nsusu?⁵Aakulagha:Uwe nayi e Mukota?Nu Mukota amubulagha:Ine Yesu uwabika mu nsunsu.Ki cha kulibanwa kushindila agho.⁶Mu kughilimila nu kukatwa na boba, atendagha:Mukota ki washima nikite?Nu Mukota amubulagha buno:Imaluka, ingila mu musumba,ba kakubula kiwema kukita.⁷Bantu ba mwelekeshagha ba ghanaghanagha ;bongwagha busogha ishuki ,tondo tabomonagha ku muntu.⁸Saulo imalukagha,nu bwabagha miso maghe mashibuka,ntalolagha ku kena;bamukatililagha mu kuboko ,bamwichagha nu bendagha nawe ku Damasiki.⁹Ashilagha bindi bisatu ntakulola nu nta kulya ali kunywa¹⁰Ku Damasiki kwabagha mwegheshibwa umoyi ukumanwa Anania.Mukota amubulagha mu kalolesho: Anania ! Ing'aakula:In'eno,Mukota.¹¹Nu Mukota ing'amubula: Imaluka nu nda ku nsila si kumwanwa sa bulingilingi,nu londa mu numba sa Yuda,muntu ukumanwa Saulo wa ku Talaso.¹²Kubuno akusegha,nu alolile mu kalolesho muntu u kumanwa Anania ,wingile nu kumubikila maboko buno alole.Anania aakulagha:¹³Mukota,nongwile ku bantu bengi mabi makitilagha basanana bobe mu Yelusalema; ¹⁴nw'ite bwangato kutuka bansakogha banene ,kukanda bansai bakweghesha ishina lyobe. ¹⁵Tondo,Mukota amubulagha: Nda,buno ghoso muntu eli nkalo si nasombola,buno asanse ishina lyani mu bilongo,nu ku Bami nu ku bana ba Isilaeli;¹⁶nu nkamulosha bwa kanuba kw'ishina lyani.¹⁷Anania endagha; nu ,mu kwingila mu numba, amubikilagha Saulo maboko mu kutenda: Saulo,mwisa kwitu,Mukota Yesu,olya windoshagha kuwe mu nsila,ansinga ku weli b'uno ulole nu w'isalilane na Muusa Musogha.¹⁸Mwako kaluma,mu miso maghe mwatukagha byeli anga maghamba,nu ingalola.Imalukagha ,nu kupashibwa;¹⁹nu mu kushila kulya,abagha lingo na maghala .Saulo ikalagha bindi bikeke ghamoyi na begheshibwa babagha ku Damasiki.²⁰Nu agho egheshagha mu masinakoki buno Yesu eli Mwana wa Ghongo.²¹Ba bansayi bamwongwililagha baghanaghanagha,nu batendagha:Ta whono u wabagha u kwita bantu ku Yelusalema ba batekulagha mwel'ishina,nu washwagha kuno abakande nu kubicha ku basankogha banene ? ²²tondo,Saulo akokomeshagha kutenda nu kubabula Bayuda babagha ku Damasiki, buno Yesu u Kilishitu.²³Mu bindi bikeke,Bayuda bendagha lwango lwa kumwita,²⁴nu lwango lwabo lwamanaghwa na Saulo. Balangagha busi nu kindi buno ba mwite.²⁵Tondo,mu kindi,begheshibwa bamukatagha nu ku mukumbya mu lushi ku mbugha kwa mukolo.²⁶Mu kwika ku Yelusalema,Saulo aghelekagha kwikala ghamoyi nabo;tondo bansai bamukwagha boba nu kulenganya buno ntanaba mwegheshibwa.²⁷Agho Balanaba,mu kuba nawe,endagha nawe kuli ntumwa,nu kubaghanikisha bwa monagha Saulo ku Mukota ku nsila ,watendagha nawe,nu bwegheshagha bulili ku Damasiki kw'ishina lya Yesu.²⁸Endagha nu kukuluka ghamoyi nabo ku Yelusalema,nu kutenda bwasibwasi mw'ishina lya Mukota .²⁹Atendagha nu kwenda myango ghamoyi na Bagiliki;Tondo abo nubo balondagha ku mwita.³⁰Bisakwabo,gha bamanagha ubo,bamwichagha ku Kaisalia,nu kumwensha ku Talaso.³¹Kanisa kabagha na boolo mu Yudea insayi ,mu Galilaya nu ku Samalia mwa mu kukokomesha mu lukatisho nu mu boba bwa Mukota, nu kwikala busogha mu Muusa Musogha.³²Bwabagha Petelo akutabangila basanana,ikagha ku babagha ku Lude.³³Asangagha muntu wabensekile bighansa ukumanwa Imenea ,wayamagha ku mughu myaka munane.³⁴Petelo amubulagha: Imenea ,Yesu Kilishitu akulamya ; Imaluka, nu ghonda mughu wobe.Nu agho imalukagha.³⁵Bantu bansai ba ku Lude nu ba ku Salona bamulolagha ko,nu bakatishagha Mukota.³⁶Ku Yopa,mu begheshibwa,mukashi umoyi ukumanwa Tabita,u kutenda Dolika;akitagha mulimo musogha mwingi nu kutucha nkaso.³⁷Mwebyo bindi asambagha nu kukwa.Gha bashilagha ku moghya,ba mubikagha mu chumba cha kw'ighulu.³⁸Bwabagha Lude bwighi na Yopa,begheshibwa gha bongwagha buno Petelo eli ko,basingagha bantu babili kweli, bamubule nti ndishaghe kwika ku beli.³⁹Petelo imalukagha nu kwenda nabo . Gha binde ika,bamwichagha mu chumba cha kw'ighulu.Basumbakashi bansayi bamutimbagha mu kulila,nu bamuloshagha nshulu nu nopo sa sonagha Dolika gha bagha echeli nabo.⁴⁰Petelo akukulagha bansayi,akomagha mashwe nu kusegha;nu mwa mu kughalukila kilunda ing'atenda:Tabita, imaluka !Ashibulagha miso,nu mu kulola ku Petelo,ikalagha ghansi.⁴¹Amulambishagha kuboko nu kumwimalucha.Amanagha basanana nu basumbakashi,nu kubalosha we ekw'isa.⁴²Ibyo bya manwagha mu Yopa insayi,nu bengi bakatishagha Mukota.⁴³Petelo atinjagha bindi bikeke ku Yopa,kwa muluki wa nkwe wa managhwa Simoni.

Chapter 10

¹Ku Kaisalia kwabagha muntu umoi ukumanwa Kolonelio, mukulu wa basulaighana ukumanwa Italia.²Ghoso muntu ansagha Ghongo nu ku mukwa boba,ghamoi na numba saghe insai; eleshagha bantu nkaso ningi,nu aseghagha Ghongo bindi binsayi.³Mu samwenda ,alolagha mu kalolesho mughensi umoyi wa Ghongo wingila mwaghe nu wamumana :Kolonelio !⁴Mu kumwengelesha bubibu,nu kukwa boba,ing'amwakula:Kicho Mukota?Nu mughenshi ing'amubula:Masegho nu nkaso sobe bika kwa Ghongo nu akengela .⁵Singa lino bantu ku Yopa,bashwe na Simoni ukumanwa Petelo;⁶weli mu numba sa Simoni,muluki wa nkwe,nu numba saghe seli bwighi na kitatenge.⁷Mu kuba mughenshi wamutendagha nawe enda,Kolonele amanagha bakiti baghe babili nu sula waghe washima Ghongo ku babo babagha bwighibwighi nawe;⁸mu kushila ku baghanikisha binsayi,abasingagha ku Yopa.⁹Gha chagha busi,ubo bu babagha mu lughendo,nu gha bikagha bwighi na musumba,mu sa mutuba,Petelo endagha mu numba sa masegho.¹⁰Akwagha nsala nu alondagha kulya.Ghabinde bakumuyikila indya,endagha kalengwe.¹¹Alolagha ighulu ly'ighuka,nu kikayi kinene kyasusana ngwaya inene sakatilwe ku matwe manayi,sa kumbile kwika nu kw'itete,¹²nu mwabinde nama insayi sa maghulu manayi,nu sikukumba nu kwika bwighi na ghansi,nu mwabagha nama site maghulu manayi,nu sa kw'imbuluta nu tusoni twa mkw'ighulu.¹³Nw'ishuki lya mubulagha :Imaluka Petelo,ita nu lya.¹⁴Tondo Petelo ing'atenda:Aye,Mukota,kubuno nshilyagha bibi nu bya bigha.¹⁵Nu lyangendo imbili ongwagha ishuki likumubula lingo:Bya bya balikwa na Ghongo busogha,ubimanaghe b'uno bibi.¹⁶Ibyo byatingagha ngendw'isatu;nu kumbusa kwebyo,kikayi cha kukumwagha kw'ighulu.¹⁷Petelo ntamanagha bya kulenganya kwako kalolesho,lola ,bantu basingwagha na Kolonele ,kushila kumana numba sa Simoni, bikagha gha kitiko,¹⁸nu babushagha bubibu ndi agho u gheli Simoni,ukumanwa Petelo.¹⁹Nu bwabagha Petelo ekulenganya kwako kalolesho,Muusa wamubulagha:Lola bantu basatu bekukubusha;²⁰Imaluka, kumba,nu ntunane kwenda ghamoyi nabo,kubuno ine u nabasingagha.²¹Agho lino Petelo akumbagha,nu atendagha nabo bantu: Lola ,in'eno u mukulonda,ki chasula mwashwa?²² Baakulagha :Kolonele,mukulu wa basula,muntu wa bulili nu ukukwa Ghongo boba,nu ukutenenekwa na kilongo kinsayi cha bayuda,akengeshwagha na mughenshi buno ushwe nawe kwaghe ongwe bitondo byobe.²³Agho Petelo abingishagha ,nu kubayamicha.Munindunindu ,imalukagha,nu kwenda nabo.Bamoyi ku bisakwabo ba ku Yopa,babelekeshagha.²⁴Munindu bikagha ku Kaisalia. Kolonele abagha akubalindila,amanagha babuti baghe nu binda baghe ba bulili.²⁵Mu kwingila kwa Petelo,Kolonele wendagha kumukulumanya,akomagha mashwe ku maghulu maghe,nu ku mukumbamila.²⁶Tondo Petelo amwimaluchagha nu kumubula: Imaluka;ninengo nili muntu.²⁷Nu mukutendatenda nawe,ingilagha asangagha bantu bengi bakulumanile.²⁸Ababulagha,mukumana ,bwananwa ku muyuda kukomya na mugheni ali kwingila kwaghe;tondo Ghongo aneghesha buno nshilole ku muntu buno mubi.²⁹Uchasula nshibe na mulenganya wa kwinda kushwa ,buno wanimanile;nkukubusha buno ki chasulagha wasinga bantu bashwe kuntola.³⁰Kolonele atendagha :Kwatinga bindi binayi, mweno nkungu,nabagha nkusegha mu numba sani mu sa mwenda ;nu Lola, muntu washwalile nshulu sengenga ikagha ku neli,nu kumbula:³¹Kolonele ,masegho mobe mongwibwe,nu Ghongo akenginde nkaso sobe.³²Singa lino ku Yopa,nu shwa na Simoni ,ukumanwa Petelo;eli mu numba sa Simoni,muluki wa nkwe bwighi na kitatenge.³³Agho nasingagha bantu ku weli,nu wakita busogha kushwa.Tuli lino mu miso ma Ghongo,buno twongwe byakubulile Mukota utusambalile.³⁴Agho Petelo,atendagha:Bulili,nkumana buno Ghongo ntasomba muntu,³⁵tondo mu kilongo kinsayi olya wite boba bwaghe nu wakita bya sanana u washimwa nawe.³⁶Atendagha nabana ba Isilaeli,mwa mukubasambalila boolo kutingila Yesu-Kilishitu,weli Mukota wa bansayi.³⁷Mukumana byatingagha mu Yudea,kulingila ku Galilaya,ku lupatisho lwakitwagha na Yoani;³⁸mukumana Ghongo bwa bonjagha Yesu wa Nasaleti ,na Muusa Musogha nu maghala,wendagha ku bishiki bingi kukita busogha nu kulamya bansayi babagha mu bukota bwa Kainga,buno Ghongo abagha ghamoyi nawe.³⁹Beshwe tweli bateneneki bwa binsayi byakitagha mu kisi cha Bayuda nu Yelusalema.Bamwitagha,kumwinda ku muti.⁴⁰Ku bindi bisatu ,Ghongo amutuchagha ku bakuyi nu imilagha aloleke ko,⁴¹ta na bantu bansayi,tondo ku bateneneki basombolwagha kalayi na Ghongo,ku beshwe balyagha nu kunywa ghamoi nawe ghabagha atuka ku bakuyi.⁴²Nu Yesu atukakishishe tusanse ku bantu nu kubabula buno we u wimikilwe na Ghongo abe shushi wa bakwisa nu bakwile.⁴³Balenganya bansayi bakumuteneneka nu olya wamukatisha nti eleshwa kutingila ishina lyaghe kushilililwa kwa bwaghi.⁴⁴ABagha Petelo echeli atenda lingo ibyo kitondo,Muusa Musogha wakumbilagha ku bansayi babagha bakwongwilila kitondo.⁴⁵Bakatisha bansayi babo bashwagha na Petelo,baghanaghanagha kulola buno Muusa Musogha eleshibwa ku bingo bilongo.⁴⁶ Kubuno babongwagha bakutenda engo mitendeshi nu kughanula Ghongo.⁴⁷Lino Petelo ababulagha:Tunakosha kunanila masi ma lupatisho ku babo beleshibwa Muusa Musogha anga beshwe?⁴⁸Nw'inga akakisha bapatishibwe mw'ishina lya Mukota.Kubibyo bamuseghagha ikale nabo bindi bikeke.

Chapter 11

¹Ntumwa nu babo bansayi babagha ku Yudea bongwagha buno bingo bilongo basekinde kitondo cha Kalagha.²Nu Petelo endagha ku Yelusalema,bakatisha ba Bayuda bamusughilagha,mu kumubula:³Winginde ku bantu batamonishwe,nu walile ghamoyi nabo.⁴Petelo abaghanikishagha busogha busogha binsayi byatingile.⁵Inga tenda:Nabagha mu musumba wa Yopa,nu ghanaba nkusegha,nakalikagha kalengwe na nabagha na kalolesho:Kikayi chasusa nshulu nene chakatilwe ku matwe manayi,chatukagha kw'ighulu nu kwika gha neli .⁶Mukwengelesha bubibu mweso nshulu, naghenshagha nu kulola ku nama sa maghulu manayi ,nama sa mbala ,nama sikwimbuluta,nu tusoni twa kw'ighulu.⁷Nu nongwagha ishuki linkumbula: Imaluka,Petelo,Ita nu lya.⁸Tondo natendagha :Aye,Mukota,kubuno kintu chabigha ali kibi takingila mu kanywa kani.⁹Nu lya ngendo imbili nongwagha kwelyo ishuki lya kw'ighulu. Chabalikwa na Ghongo kisogha,ukimane kibi.¹⁰Ebyo byatingagha ngendo esatu;nu kumbusa kwagho binsayi byatolwagha kw'ighulu.¹¹Nu Lola,agho,bantu basatu kutuka ku kaisalia basingwagha ku neli bikagha gha kitiko sa numba sinabagha mo.¹²Muusa Musogha ambulagha ninanaghe nende ghamoyi nabo,babano balume mutuba bamukumona ko banelekishagha, nu twingilagha mu numba sa Kolonele.¹³Ghono mulume atughanikishagha bwa bikagha mughenshi mu numba saghe nu kumubula :Singa bantu ku Yopa,bashwe na Simoni ukumanwa Petelo, ukakubula biyondo kutingila byo ukona uwe nu numba sobe insayi.¹⁵Ghanabagha nkutenda,Muusa Musogha wakumbilagha ku bansayi anga ku beshwe mu ndingililo.¹⁶Nu nakengelagha kino kitondo cha Mukota :Yoani apatishagha na masi ,tondo benywe,mukapatishibwa na Muusa Musogha.¹⁷Buno, Ghongo abeleshishe nkaso anga sitweleshibwe beshwe bakatishagha Mukota Yesu Kilishitu,buni buninakosha ine kunana bya Kalagha?¹⁸Mu kushila kongwa k'obo bakobagha,nu baghanulagha Ghongo mu kutenda: Ghongo eleshishe bingo bilongo, kushighililwa kwa bwaghi buno babe nubo kalamo.¹⁹Ba basandabanagha mu lukwo lwa Setefano bendagha nu kwika ku Fenisia,ku kakishi ka Kipulo,nu ku Antokia,kusambalila Bayuda umpanga kitondo cha Ghongo.²⁰Kubo kwabagha balume bamoyi ba Kipulo ,nu ba Kulene,bendagha ku Antiokiya,batendagha na Bagiliki,nu kubasambalila nubo kitondo cha Mukota Yesu.²¹Kuboko kwa Mukota kwabagha ghamoyi nabo,nu bantu bengi bakatishagha nu baghalukilagha Mukota.²²Ibyo bitondo byongwibwagha ko nabantu ba Kanisa ka Yelusalema,nu basingagha Balanaba kwenda ku Antiokia.²³Ghabinde ika ,nu kulola ku bisogha bya Ghongo,aboghaboghagha,nu abaseghagha babe na mutima umoyi wakayilila mu Mukota.²⁴Kubuno abagha muntu musogha wisalilana na Muusa Musogha nu lukatisho.Nu bantu bengi bikatilishagha mu Mukota.²⁵Balanaba endagha lingo ku Talaso kulonda Saulo;²⁶nu gha musangagha amwichagha ku Antiokia.Ku mwaka mughimaghima,bakulumanagha na misanganano sa Kanisa,nu begheshagha bantu bengi.Ku Antiokia u kwamanwagha litangi begheshibwa buno Bakilishitu.²⁷Mw'ibyo bindi,Balenganya batukagha Yelusalema kwenda ku Antiokia. ²⁸Umoyi wabo babili ukumanwa Agabusi,imalukagha ,nu kusambala kutingila Muusa buno kwabe nsala mbibu ku kisi kinsayi.Sabagha mu bindi bya Mwami Kolode.²⁹Begheshibwa bimilagha kusinga mwolulo ku mibuto seli ku Yudea.³⁰Bikishagha so Bakungu kutukila maboko ma Balanaba nu Saulo.

Chapter 12

¹Mwibyo bindi Mwami Helode ingilinde kunubya bantu bamoyi ba Kanisa,²nu itile kutingila mwele, Yakobo iselenshi wa Yoane.³Mu kuba buno icho kitondo cha boghyaboghyagha Bayuda,akitile kukanda Petelo.Bwabagha mu bindi bya tumpampa tute ghagha.⁴Gha shilile kumukata nu kumwinda mu kahombo ,bamubikile mu maboko ma basula banayi banayi bamulange na mulenganya buno bamutitike mu kantighi ka bantu mu kushila kwa Pasaka.⁵Petelo alangilwe mu kahombo nu Kanisa takashighagha kumuseghela kuli Ghongo.⁶Mukindi kya yangagha ubo busi bwa Helode ku mutitika, Petelo,wakandwagha na miyololo imbili,ayamagha ghasambana basula babili;nu balangi balangile kahombo u babesagha ku mwingilo.⁷Nu lola,Mughenshi wa Mukota ashwile nu kyengeshi kyasanile munda na kahombo.Mughenshi abukishe Petelo,nu kumutubya mu mpeghe,nu mu kumubula:Bhuka kano kaluma!Miyololo sa kalikile ku maboko maghe.⁸Nu Mugheshi amubulile:shwala mukaba wobe nu kilato kyobe..Akitile ubo.Mughenshi amubulile lingo:wimbike mw'ikoti lyobe,nu njange.⁹Petelo atukile nu amuyangile,ntamanilinde ndi bikukita Mughenshi bili bya bulili,nu amanagha buno e mu ndoshi. ¹⁰Ghabinde batinga balangi batangi,nu ba babii,bikile ku mwingilo wa byuma isala ku mwelo,.nu w'ighulile wo w'inene ku busho kwabo,nu batukile,nu bashighelinde ku mwaka munene.Mweso nkungu Mughensi ashighile Petelo.¹¹Petelo mu kwisanga w'inene inga tenda:namona buno Mukota mu mango menge ,asingile Mughenshi waghe nu ankandula mu maboko ma Helode nu ku bibyo binsayi byabesagha bikulindilwa na kilongo cha Bayuda.¹²Gha shilagha kulenganya ,endile ku numba sa Maliya,nina wa Yoane wamanaghwa Maliko,kuko u kwa kulumanagha bantu mu masegho.¹³Ashumyagha ku lumbi lwa mwingilo,nu mukiti moyi Loda,atibitinde kwongwilila.¹⁴Amanilinde ishuki lya Petelo;nu ,mu mboghimboghi saghe,ntighulile neshi,endile lubilo kusambala buno Petelo u uli ku lumbi.¹⁵Bamubwinde:uli mushile.Tondo atendagha bwasibwasi buno bitondo bili bubo.¹⁶Nu batendile:Nti mughenshi waghe.Tondo Petelo endelinde kushumya.Bighulile,nu ba ghanileghanile kumumona ko.¹⁷Petelo,mu kubashimila na maboko buno bakobe, abaghanikishishe bubo bwa mutukishe Mukota mu kahombo,nu atendile:Mwasambalilagha Yakobo nu bisakwitu.Nu atukile,nu iendinde kingo kishiki.¹⁸Bwakinde busi,basula babinde mu ku tubatuba kwingi,buno bamane buni bwabinde Petelo.¹⁹Helode,mu ku mulonda nu ntamonekile,abushishe balangi,nu akakishishe buno batakwe ku miti.Nu akumbile ku Yudeya sa Kaisaliya,buno atingye bindi'ko.²⁰Helode abesagha na ngini ku bantu ba Tilo nu baSidona.Tondo bashwile kumusona na mutima umoyi;nu gha bashilagha ku komya na Balasite,mulangi wachumba chaghe cha kuyama,baseghili boolo,kubuno kisi chabo cha tuchagha bintu bingi kuli Mwami.²¹Busi bumoyi bwabikilwe,Helode,mu nshulu saghe sa bukota,nu mu kishumbi chabukota,eneghagha bantu bwasibwasi.²²Bantu bakughile:Ishuki lwa ghongo ,nu ta lya muntu!²³Mweso nkungu,Mughenshi umoyi wa Mukota amukamile kubuno nteleshishe Kalagha lukumbu.Nu akwile,nu kulibwa na minyole.²⁴Nu kitondo cha Ghongo kyasandabanile nakonako,nu mughanso wa begheshibwa wa bakamile.²⁵Balanaba nu Saulo,mu kushila ku nsasa misaghu sibabinde naso,bakulukile ku Yelusalema,ghamoyi nabo Yoani wamanaghwa Maliko.

Chapter 13

¹Mu Kanisa ka Antiokiya mwabagha balenganya nu beghesha :Balanaba,Simeoni wamanaghwa Nigeli,Lukusu wa ku Kulene,Manahenu wa kulagha ghamoyi na Helode Mukota,nu Saulo.²Gha babagha bakukitila Mukota milimo,mu kashi sabo nu mu masegho ma kw'inanya indya,Muusa Musogha atendagha: Mumbikile banasombola Balanaba nu Saulo ku mulimo u nabamaninde.³Agho ,ghabashilagha kw'inanya indya nu kusegha,bababikilagha maboko,nu kushigha bende.⁴Balanaba nu Saulo,u basingwagha na Muusa Musogha bakumbagha ku Seleuki, nu kutuka agho bendagha ku kakishi cha Kipulo.⁵Kwika ku Salamine,basansagha kitondo cha Ghongo mu Sinakoki sa Bayuda.Bakashwagha na Yoani.⁶Gha bashilagha kutimba kakishi kwikila Pafosi,basangagha mughilha umoyi, mu Yuda mulenganya wa manko , wamanaghwa Balayesu.⁷wabagha ghamoyi na mukulu Selegwa Polo muntu wa bwenge.Ghoso amanagha Balanaba nu Saulo,nu aloshagha buno akushima kwongwa kitondo cha Ghongo,⁸Tondo Elimasi, mughilha u bwatenda ishina lyaghe,ntabasiminde, kubuno alondagha atuche mukulu mu lukatisho.⁹Agho Saulo,u kumanwa lingo Polo, wisalilanagha na Muusa Musogha, amwengeleshagha bubibu,nu kutenda : ¹⁰Muntu wa kwengelela bango nu wa bwimbi,mwana wa Kahinga,mughini wa bya bulili,ntukashigha ku bighya nsila nsogha sa Mukota?¹¹Lelo lola,kuboko kwa Mukota kweli nowe,ukaba kyuku,nu ku bindi bilebe ntukalola ku musi. Agho bulimaswa nu kantolompishi byamwikilagha.Nu alondagha ,mu kukitakita, bantu ba kumulosha nsila.¹²Agho ,mukulu kulola byatinga,akatishagha, mu kuba ashimitwa na megheshi ma Mukota.¹³Polo nu banabo ba lughendo,gha batukagha Pafo,bendagha ku Pelege sa Mpafilia.Yoani abashighagha,nu kukuluka ku Yelusalemu.¹⁴Kutuka Pelege bendagha,nu bikagha ku Antiokia sa Pisidia.Mu kwingila mu Sinakoki busi bwa sabato,bikalagha ghansi.¹⁵Mu kushila kusoma kitabo cha mulembe nu cha balenganya,bakulu ba Sinakoki babasingagha kutenda: Bisakwitu,ndi mwite kitondo cha kubula bantu,mukitende.¹⁶Polo imalukagha,nu mu kubakobya na kuboko,ing'atenda:Bantu ba Isilaeli,nu benywe bakukwa Ghongo boba mwongwilile! ¹⁷Ghongo wa kilongo cha BaIsilaeli asombolagha batata.Akitagha abo bantu beeme ,bindi binsayi mu bikalagha mu Misili,nu abatuchagha mo na mughombo wa maghala.¹⁸Abeleshagha indya myaka anga makumi manayi mu kalula;¹⁹nu,mu kushila kushicha bilongo mutubakamo mu kisi cha Kanana,abeleshagha kisi kibe chabo.²⁰Kushila agho,mu myaka anga maghana manayi,abeleshagha Bashushi, kwikila mulenganya Samweli.²¹Agho bemagha babe na mwami.Nu Kalagha abeleshagha, mu myaka makumi manai,Saulo,musikila wa Kisi,wa mu kikanga cha Benyamina;²²kushila kumunana,abimikilagha mwami Daudi,watenenekelagha:Namona Daudi,musikila wa Yese,muntu mu mumulenganya wani ,akakita iyakulo lyani.²³Mu kibuti cha Daudi kulembana n' indaghi lyaghe,u mwatukishe Ghongo,Monia ,u Yesu.²⁴Ghabagha ntika,Yoani asansagha lupatisho lwa kw'isungula mitima ku kilongo kinsayi cha Isilaeli.²⁵Nu ghabagha Yoani ashila lughendo lwaghe,atendagha: Nshili olya u mukulenganya ko;tondo lola,kumbusa kwani kukushwa olya u nshinakosha kusunula mishighi sa bilato byaghe.²⁶Bisakwitu,bana ba kilongo cha Bulaimu,nu benywe bekukwa Ghongo boba,ku benywe u kwasingwa icho kitondo cha lonio.²⁷Kubuno bantu ba Yelusalema nu bakungu babo ta bamanagha Yesu,nu,mu ku mwaghya , babelelelinde bitondo bya balenganya bikusomwagha busi bwa sabato.²⁸Anga bubo tabasangagha muwe kitondo kinamwicha ku lukwo,baseghagha Pilato amwitye.²⁹Nu mu kushila kubelelela binsayi byatilwagha kuwe,bamutuchagha ku musalaba nu kumukunda.³⁰Tondo,Ghongo amutuchagha ku bakuyi.³¹.Indoshagha bindi bingi ku babo bendagha nabo ku Galilaya kwika ku Yelusalema, nu beli lelo bateneneki baghe kuli bantu.³²Nu,beshwe tukusansa musaghu musogha w'indaghi lyeleshibwagha ba tata,³³Ghongo abibelelela ku beshwe bana bitu,mu kutucha Yesu mu bakuyi,anga byatililwe mu Kitabo k'imbili cha nembo: Uli Mwana wani,nakubuta buno busi.³⁴Amutuchagha ku bakuyi, buno ntakakuluka lingo ko,ubwabulagha bantu bwasibwasi mu kutenda:Nkabelesha mpanga'inenesa sanana salaghwagha kuli Daudi. Eso mpanga'nene seli sa bulili.³⁵Uchasula atenda lingoghango :Ntukimila wasanana wobe abole.³⁶Tondo,Daudi ,mu bindi byaghe,ghashighagha kukita mulimo kulembana na mulenganya wa Ghongo,akwagha,asangagha bise,nu abolagha.³⁷Tondo ghoso watuchwagha ku bakuyi na Ghongo ,ntabolile.³⁸Bisakwitu ,mumane buno , kutingila we,ukuli bushighilishi bwa bwaghi bwabasambalilwa, ³⁹Nu nawe wakatisha aghanswe ntiashilililwa ku binsayi bitana shilililshwa kutingila mulembe wa Musa.⁴⁰Ububo, mulole busogha binabikila bibyo byatendilwe na balenganya:⁴¹Mulole baghanshi, mughaneghane nu mushimile; kubuno mu bindi binu,nakole kitondo,kitondo tamukakikatisha ndi babula cho.⁴²Gha bakukukagha,babemagha batende ibyo mu saboto sa kushwa; ⁴³nu, kushila musanganano,Bayuda bengi nu ku bakatisha ba bilongo babo basanana bulili bayangagha Polo nu Balanaba,batendagha nabo,nu kubema bakokomeshe mu mpang'inene sa Ghongo.⁴⁴Mu sabato sashwagha, elyanga musumba unsai wakulumanagha buno bongwilile kitondo cha Ghongo. ⁴⁵Mu kulola kwabo bantu bengi,Bayuda bayongwagha, bananagha bikutenda Polo,mu kumukongobanya nu kumutuka.⁴⁶Polo nu Balanaba ba babulagha na bulili bunsai:Benywe umunasambalindwe tanga kitondo cha Ghongo;tondo bumwakinana,nu mwindola benywe binene tamwatunganana kuba na kalamo ka milyalya,lola,twaghalukila bingo bilongo. ⁴⁷Kubuno u butwakakishwagha na Mukota : Nakwimikagha buno ube chengeshi cha bilongo, weke lonio kwikila kushinda kisi.⁴⁸Mu kongwa kobo,bingo bilongo baboghaboghagha,baghanulagha kitondo cha Mukota,nu bansayi babikilwagha kalamo ka milyalya,bakatishagha. ⁴⁹ Kitondo cha Mukota cha sandabanagha mu kisi kinsayi.⁵⁰Tondo Bayuda bendagha lwango na bakashi beme nu bakulu ba musumba; balondagha kwita Polo nu Balanaba, nu babatibitagha mu kisi chabo. ⁵¹Polo nu Balanaba babatitulilagha mukungu wa manshishi mabo , nu bendagha ku Ikona, ⁵²nu begheshibwa bo,ba boghaboghagha nu kwisalilana na Muusa Musogha.

Chapter 14

¹Kuko Ikone,Polo nu Balanaba bingililagha bo bansayi mu Sinakoki sa Bayuda, begheshagha,nu bantu bengi ba Bayuda nu Bagiliki bakatishagha.²Tondo Bayuda batakatishagha bindagha mu bantu milenganya mbi ku babo bakatisha.³Bikalagha bindi bingi ku Ikone,mu kutenda na bulili bunsayi,bakatilindwe na Mukota,watenenekelagha kitondo cha mpanga inene,nu wimilagha bikitwe na maboko mabo,bighanaghana nu bitangalo. ⁴Bantu ba musumba bimbeghanyagha mo :bamoyi ku Bayuda nu bango ku ntumwa.⁵Bu babagha na lwango lumoyi na bami babo,betekatisha nu Bayuda basaghalukagha buno babeneghe nu kubalekela makoyi,⁶Polo nu Balanaba mukumana ubo,bimbisagha mu misumba sa Likania, Lisila,nu Delebe,nu mu myelo sa bwighibwighi.⁷Nu basansagha ko Musaghu Musogha .⁸Ku Lisila,kwabagha kasokoluma kamoyi ka maghulu,tukila kubutwa kwaghe,nu ntendagha.⁹Ongwagha Polo akutenda,nu Polo,mu kumwengelesha bubibu,nu kulola buno ite lukatisho lunasula alama,¹⁰atendagha bubibu: Imala busogha , bulingilingi na manshinshi mobe.Nu alengagha nu kutabanga.¹¹Mu kulola bwakita Polo,bantu batendagha mu mitendeshi sa Likania: Byeko byasusana bantu bika kwitu.¹²Bamanagha Balanaba buno u yupitele,Polo Melekile,kubuno we u wabagha u kutenda.¹³Sankogha wa yupitele wabagha na numba sa kukumbamila gha mwingilo wa musumba,ashwagha na nkambu ghamoi na mishighi ku mingilo, ashimagha buno bantu batuche binsansa.¹⁴Ntumwa Balanaba nu Polo,ghabongwagha kobo,batagha nshulu sabo ,nu bendagha lubilo mu nkatighi na bantu,nu kutenda bubibu :¹⁵mu kukugha: O bantu,ki chasula mwakita ubo?Nu beshwe tweli bantu anga benywe,nu,mu kubikisha musaghu musogha,twabema mushighane na bitondo bya tughutughu,buno mughalukile Ghongo wabumbagha ighulu,kisi,kitatenge nu binsai byeli mo.¹⁶Ghoso Kalagha,ku myaka satingagha, ashighililagha bilongo binsai biyange nsila sabo ,¹⁷bwa ntakobagha kuteneneka buno we u nayi mu kukita busogha,nu mukulocha mbula kutuka kw'ighulu nu bindi bisogha bya milimo,mu kubelesha indya lingi nu kwisasha mitima sinu mboghimboghi.¹⁸Kwebyo bitondo,bananyagha bantu bubibu kubelesha kisansa.¹⁹Agho kwatukagha ku Antiokia nu ku Ikone,Bayuda bimilwagha na bantu nu kushila kulekela Polo makoyi,bamubulutilagha kushinda musumba ,mu kulenganya buno akwa.²⁰Tondo,mu kutimbwa na begheshibwa imalukagha,nu ingilagha mu musumba.Ghachagha busi,bendagha ku Delebe ghamoyi na Balanaba.²¹Ghabashilagha kweghesha ghoso musumba,nu kwimika bagheshibwa bakeke ,bakulukagha ku Lisile,ku Ikone,nu ku Antiokia,²²mu kukokomesha lukatisho mu mitima sa begheshibwa,kubema bakatilinde lukatisho,nu mukutenda buno kutingila minubo ningi u butukingila mu bukota bwa Ghongo.²³Bimikagha bakungu mu Kanisa kamoyi kamoyi ,nu kushila kusegha nu kwinanya indya mu masegho ,ba babikagha mu maboko ma Mukota,ubakatishagha. ²⁴Mu kutinga mu Pisidia,bendagha mu Mpafilia,²⁵basansagha kitondo ku Peleje,nu bakumbilagha ku Ataliya.²⁶Kutuka agho bendagha ku Antiokia ,kubabakishwagha kutingila mpanga inene sa Ghongo ku milimo sibakitagha.²⁷Mukuba bika,bamanagha Kanisa,nu baghanikishagha binsayi byakitagha Kalagha nabo,nu buno bwighulinde bilongo lumbi lwa lukatisho.²⁸Nu bikalagha bindi bingi ghamoyi na begheshibwa.

Chapter 15

¹Bantu bamoyi,batukagha ku Yudea,begheshagha bisakwabo,mu kubabula:Ndi tamumonywa bwali bwa munganga kulembana na milembe sa Musa,tamunakosha kona.²Polo nu Balanaba babagha na lukakala nu myango ;nu mibuto sakalagha lwango, buno Polo nu Balanaba, nu bamoyi kubo, bende ku Yelusalema kuli ntumwa nu bakungu bashililishe icho kitondo.³Gha bagha Kanisa kashila kubelekesha,bendagha kutinga Fenesia nu Samalia,mu kughanikisha kughaluka kwa bilongo,nu bichagha mboghimboghi inene ku bakatisha bansayi.⁴Mu kwika ku Yelusalema,basekelwagha na Kanisa,ntumwa nu bakungu,nu baghanikishagha binsayi byakitile Ghongo ghamoyi nabo.⁵Agho bamoyi ku Bafalisayo,ba bakatishagha,b'imalukagha nu kutenda buno bwatunganana kumonyampala sa munganga bakatisha ba babilongo nu kubakakisha bayange bya byatendwa mu mulembe wa Musa.⁶Ntumwa nu bakungu bakulumanagha buno batinge mwecho kitondo.⁷Mu myango nene ,Petelo imalukagha nu kubabula:Bisakwitu ,mukumana buno tukila kalayi Ghongo akitile kusombola gha musamba ,buno, kutingila kanywa kani,bilongo byongwe musaghu musogha nu bakatishe.⁸Nu Ghongo,u kumana mitima,abatenenekelagha, mu kubelesha Muusa Musogha anga beshwe;⁹ntakitagha katobololo gha twasambana nabo,mu kwengya mitima sabo kutingila lukatisho.¹⁰Lelo,buni bumukugheleka Ghongo, mu kwecha begheshibwa mushigho walibanwagha na batata nu beshwe¹¹Tondo ku mpang'inene sa Mukota Yesu u butwalenganya buno t'onile ,anga bo nubo.¹²Musanganano unsayi wakobagha,nu kongwilila Balanaba nu Polo,babagha bakughanikisha bitangalo nu bighanaghana bya kitagha Ghongo kubatingila mu kantighi na Babilongo.¹³Gha bashilagha kutenda,Yakobo atendagha ,nu kubabula:Bisakwitu,munongwilile!¹⁴Simoni aghanikisha bwengeleshagha tanga Ghongo mu bilongo buno asombole kilongo kimoyi kimanwe mw'ishina lyaghe.¹⁵Nu ghamoyi nobo,bitondo bya balenganya byalingimanagha anga bwatililwe:¹⁶Kushila agho ,nkakulukila, kw'imika numba sa Daudi sendukile ,nu kusibika lingo nsogha,¹⁷kubuno bashighalagha ba bantu balonde Mukota,nu bibyo bilongo binsayi bikutekulwa kutingila ishina lyani,u bwatenda Mukota,wakita bino bitondo.¹⁸Nu bikumanililwa kutingila we mu milyalya.¹⁹Uchasula nimila ninengo takuli bya kunubya babo ba Bilongo bakughalukila Ghongo,²⁰tondo batililwe buno binanye na kwela byeko,nu matensha,nu kulya nama sikwila.²¹Buno,kulingila ngiso ningi ,Musa ite bantu mu misumba bakusambala bitondo byaghe , bikusomwa bindi binsayi mu masinakoki busi bwa sabato .²²Agho ,bwaswaghilagha ntumwa nu,bakungu, nu Kanisa kansayi, basombole bantu bakusingwa ku Antiokia ghamoyi nu Polo nu Balasaba,Yuda ukumanwa Balanaba nu Sila,balume bamanililwagha na mibuto.²³Babeleshagha maluba matililwa buno: Ntumwa,bakungu nu bisakwitu,ku bisakwitu beli ku Antiokia,ku Sulia,nu ku Silisi,samba !'²⁴Mu kwongwa buno bantu bamoyi batukagha kwitu ,nu tatwabeleshishe lukakisho lwampa, bayungyayungyagha mitima sinu,na bitondo byabo bingi,²⁵mu kushila ku kulumana,twalolile busogha tusombole bantu nu kubasinga kwinu ghamoyi na nshimwa situ Balanaba nu Polo,²⁶babo bantu besanile kalamo kabo kw'ishina lya Mukota witu Yesu-Kilishitu.²⁷Twasinga kwinu Yuda nu Sila, bakambasambalila na kanywa kabo ibyo bitondo bimoyi.²⁸Kubuno bwaswaghila Muusa Musogha nu beshwe,tubechaghe ungo mushigho ute musogha ,²⁹kumana kunana kulya nama satulilwa byeko,nu mikila,nu nama sikwila,nu matensha,u bitondo bimwaseghwa mwindange nabyo.Maghala.³⁰Agho nugho,mu kushila kulagha Kanisa,bendagha ku Antiokia kwicha ko maluba mu musanganano.³¹Mu kushila ku masoma,mibuto saboghaboghagha na bitondo byabagha mumo bya beleshagha maghala.³²Yuda nu Sila babagha nubo balenganya,ba bakokomeshagha mitima na matenda mabo.³³Mu bindi bikeke,mibuto sabashighagha na boolo nu kukuluka ku babo babasingagha.³⁴Tondo,Sila alolagha busogha kushighala.³⁵Polo nu Balanaba bikalagha ku Antiokia ,mu kweghesha nu kusansa ,ghamoyi na bango, musaghu musogha wa Mukota .³⁶Bindi bikeke byatingagha,Polo abulagha Balanaba:Tukuluke kusona bisakwitu mu misumba insayi kutwasansagha kitondo cha Mukota,tulole buni bubeli.³⁷Balanaba alondagha kwenda na Yoani ukumanwa Maliko;³⁸tondo Polo alolagha busogha bendaghe na muntu wabashighagha kalayi ku Mpanfilia,u tabelekeshagha mu mulimo wabo.³⁹Mu kwinda kongwana balekanukagha.Nu Balanaba, mu kutola Maliko bendagha nawe ku kakishi ka Kipulo.⁴⁰Wasingwagha na mibuto ku mpanga nene sa Mukota,Sila asombolwagha na Polo nu kwenda nawe.⁴¹Batimbagha Sulia nu Kilikia, mu kw'imika Tunisa.

Chapter 16

¹Polo endagha ku Delebe nu Lisila.Nu lola,uko kwabagha mwegheshibwa umoyi ukumanwa Timote,mwana wa mukashi umoyi wa Muyuda wakatisha nu'ise Mugiliki.²Mibuto sa Lisila nu Ikoni bamutenenekelagha busogha.³Polo alondagha kwenda nawe;nu mu kumukata,amumonyagha bwali bwa munganga,kubuno Bayuda babagha agho bamanagha buno ise eli Mugiliki.⁴Mwa mukutinga mu misumba,bakakishagha mibuto siyangilile busogha bitondo bi babulwagha na ntumwa nu bakungu ba Yelusalema.⁵Tunisa twakokomeshagha mu lukatisho,nu ighanso lya bantu lyabagha lwingi busi na busi.⁶Mukuba Muusa Musogha abanania ku sambala kitondo ku Asia,batingagha Filigia nu mu kisi cha Galatia.⁷Gha bikagha bwighi na Misia,bashimagha bingile mu Bitinia;tondo Muusa wa Yesu wabananilagha.⁸Agho,babakamilagha ku Misia,nu kukumbila ku Tolowa.⁹Mukindi, Polo abagha na kalolesho,muntu umoyi wa Makedonia amwikilagha nu kumulilila :Tinga ku Makedonia,shwa utukashe!¹⁰Kushila ako kalolesho ka Polo,twalondagha agho lino twende ku Makedonia,mu kumana buno Mukota atumana ko kusansa musaghu musogha.¹¹Mu kutuka ku Tolowa,twendagha bulingilingi ku Samotalase,nu bwachagha busi twikagha ku Neapolishi.¹²Kutuka agho,twendagha ku Filipi musumba musoki wa Makedonia,wabagha mu bukobe.Nu twatinjagha bindi bikeke mu ghoso musumba.¹³Busi bwa sabato,twendagha kumbugha ,ku lusi ku twamanagha buno kweli kishiki cha masegho.Twabundagha ghansi nu twatendagha na bakashi ba babagha bakulumanile.¹⁴Umoyi kubo ukumanwa Lidia,mughushi wa nshulu,wa musumba wa Tiatila,abagha mukashi u kukwa Ghongo boba,nu ukumwongwilila.Mukota amweleshagha mulenganya musogha wakongwilila bikutenda Polo.¹⁵Gha shilagha kupatishibwa we nu bantu ba numba saghe,atuseghagha :Ndi mwalola nakatisha mu Mukota,mwingile nu numba sani nu mwikale mo.Nu atukakishagha na bitondo byaghe.¹⁶Bu twabagha tukwenda mu kishiki cha masegho,mukiti umoyi wa mukashi wabagha n'isumbu lya bulighi,mu kubukisha bantu,abeleshagha bikulo bingi,ashwagha ku tweli,¹⁷ nu kutuyanga,Polo nu beshwe akughagha: Bano bantu beli bakiti ba Ghongo wa mw'ighulu,nu ba kubalosha nsila sa lonio. ¹⁸Akitagha ubo bindi bingi.Mu kukutwa kwa Polo akebatukagha ,nu abulagha musunbu: Nakukakisha,mw'ishina lya Yesu Kilishitu,mutuke mo. Nu mwako kaluma atukagha.¹⁹Bakulu ba ghoso mukiti mukashi,gha balolile buno malelamilo mabo ma shila,bakatagha Polo nu Sila,nu kubabulhutila ku mulungu kweli bisa mbansa .²⁰Babaloshagha kuli basushi nu kutenda:Bano bantu babulughanya musumba witu;²¹beli Bayuda,nu bekweghesha ntungo sitimilwa kusekelwa ali kuyangwa na beshwe Baloma.²²Bantu ba bashibukilagha,nu bashushi mu kuba babatucha nsulu sabo,ba kakishagha bapundwe na tuti.²³Mu kuba bashila kubapunda binkune,ba balekelagha mu kahombo,nu kukakisha mulangi wa kahombo abalange busogha.²⁴Mulangi wa kahombo,kushila kusekela ulo lukakisho,abalekelagha mu kahombo ka mwa munda,ba bakandagha maghulu na miyololo.²⁵Mu katighi na kindi, Polo nu Sila babagha bakusegha nu kwemba nembo sa kutata Ghongo,nu ba babagha mu kahombo ba bongwililagha.²⁶Agho,kalingini kanene katingagha nu bisusu bya kahombo bya tengagha bubibu;Mwako kaluma,numbi insayi sighukagha,nu miyololo insayi si bakandwagha sa ketukagha.²⁷Mulangi wa lumbi abukagha,nu kulola buno numbi sa kahombo sighukilwe,atomolagha mwele waghe mu lubho buno iyite mu kulenganya buno bakandwa batina.²⁸Tondo Polo akughagha bubibu:Ntw'ikite bubi, beshwe bansayi tuli ghano.²⁹Agho mulangi,mu kwema chengeshi,ingilagha lubilo,nu mu kughilimila,indekelagha mu mashinshi ma Polo nu Sila; ³⁰Abakukulagha,nu kutenda:Bakota, nikite ki n'one ?³¹Polo nu Sila bamwakulagha : Katisha Mukota Yesu ,nu ukona,uwe nu bantu bansai ba mu numba sobe.³²Nu bamusambalilagha kitondo cha Mukota,nu bansayi babagha mu numba saghe.³³Mwecho kindi,endagha kwaghe ghamoyi nabo,abasughagha byulu,nu apatishwagha, we nu bansayi babagha mu numba; saghe.³⁴Mu kubicha kwaghe,abeleshagha indya,aboghaboghagha na bisakwabo ku buno bakatisha Ghongo.³⁵Mu musi,basushi basingagha bantu babule mulangi wa kahombo: Shighilila abo bantu. ³⁶Nu mulangi wa kahombo asambalilagha Polo ibyo bitondo:Basushi basingile buno mushighililwe;kashi: mukukuke,nu mwende na boolo.³⁷ Tondo Polo abulagha ba basingwagha: Mukushila kutupunda na tuti gha mulungu nu kwinda kughayibwa, beshwe Baloma,batulekinde mu kahombo, nu bise batutucha mo mu lubisobiso !Ta bukuba ubo.Bashwe bo binene kutukandula ! ³⁸Ba basingwa basambalilagha basushi ibyo bitondo,ba ghanaghanagha kubuno beli Baloma.³⁹Bashwagha kubabonga,nu ba bakandula nu kubema batuke mu musumba.⁴⁰Mu kuba batuka mu kahombo,bingilagha mu numba sa Lidia ,nu kushila kulola nu kutenda na bisakwabo,bendagha.

Chapter 17

¹Polo nu Sila batingagha mu Amutufolo nu Apolonyo,nu bikagha ku Tesalonika,kwa bagha sinakoki sa Bayuda.²Anga tungo saghe ,Polo ingilagha mo .Mu Sabato isatu,endagha myango nabo kutingila kitondo cha Ghongo,³mu kubasambalila buno Kilishitu ema kunuba nu kutuka ku bakui.Nu ababulagha,whoso Yesu unkubabulagha , u Kilishitu.⁴Bamoyi kubo bimilagha nu kuyanga Polo nu Sila,ghamoyi na Bagiliki bengi bakukwa Ghongo boba,nu bakashi bengi ba myanya nsogha.⁵Tondo Bayuda ,bayongwa bakulumanyagha bantu ba bikembe bikembe,nu balishagha lwayo mu musumba.Bingilagha mu numba sa Nasoni,nu balondagha Polo nu Sila, buno babiche kweli abo bantu.⁶Gha bindagha kubamona,babulutagha Yasoni nu engo mibuto kweli bakali ba mbasa ba mu musumba,mu ku kugha: Abo bantu ba bulughanya kisi kinsayi,bikile ghano nugho,nu Yasoni abasekinde.⁷Bakukola bitondo bitalembana na byatendwa na Mwami ,mu kutenda buno kuli ungo Mwami u Yesu.⁸Kwebyo bitondo,bashibuchagha bantu nu bakali ba mbasa,⁹bananagha kushighilila Yasoni nu ba bango kwikila mpina si babeleshagha musanga.¹⁰Agho mu kindi,mibuto sa shighililagha Polo nu Sila bende ku Belea.Mu kwika kwabo ,bingilagha mu sinakoki sa Bayuda.¹¹Abo Bayuda babagha na mitima nsogha kughimba ba ku Tesalonika; Basekelagha kitondo na nkasa insayi,nu bendagha baghonsola kitondo cha Ghongo bindi binsayi buno bulole bi babulwagha ndi byeli bya bulili.¹²Bengi kubo bakatishagha ghamoyi na bakashi bengi ba Bagiliki ba bamanililwa,nu balume bengi.¹³Tondo gha managha Bayuda ba ku Tesalonika buno Polo akusansa kitondo cha Ghongo ku Beloya,bashwagha kubulughanya bantu.¹⁴Agho ,mibuto songolochagha Polo mu ungo muse wa kitatenge;Sila nu Timote bashighalagha ku Beloya.¹⁵Ba belekeshagha Polo bamwichagha ku Atene.Nu bakulukagha,kusambalila Sila nu Timote buno bamusange lubilo.¹⁶Bwabagha akubalindila ku Atene, Polo onganwagha mu kulola ku byeko bisala mu ghoso musumba.¹⁷Mu sinakoki atendagha na bayuda nu bantu bakukwa Ghongo boba, nu bindi binsayi mu mulungu ghamoi nabo basangagha.¹⁸Ngatu umoyi sa ba Epukilo nu Sitoini batendagha nawe.Bamoyi bamubulagha:Buni bwatenda mano matenda?Bango,ku mongwa akughanula Yesu nu kutuka ku bakuyi,batendagha:Akutenda ku byeko bya kulayi.¹⁹Agho bamukatagha,nu kwenda nawe ku Alopago mu kutenda:Tunashima tumane bino biukutweghesha .²⁰Kubuno ukutongwisha ku bitondo bya kulai.Tukushima tumane u bikiki ibyo.²¹Tondo,bantu ba Atene nu basumba babesagha ku Atene bendagha batinja nkungu sabo mu kutenda nu mu kwongwilila bitondo.²²Polo,mukantighi na Alopago atendagha :Benywe bantu ba Atene,nabamona ko anga bantu b'indini.²³Kubuno,mu kutimba musumba winu,nu kulola bikayi bya kutungilila ,nasangile kasasa ka melelo kamoyi gha tilwa: Kuli cheko kitekumanwa ! Bimukwela nu tamukubimana, u ki nkubasambalila.²⁴Ghongo wabumbagha kisi kinsayi nu binsayi byeli mo,Mukota w'ighulu nu wa kisi,ntakwikala mu numba sa kukumbamila sobakwa na maboko ma muntu;²⁵Nta kukitilwa milimo na maboko ma bantu,anga olya wite nkasa sa kikayi kilebe,we ,ukwelesha bansayi kalamo,kwisa,nu bikayi binsayi.²⁶Abumbagha bantu bansayi ,batuka mu mikilha emoyi,b'ombule mu kisi kinsayi,nu abikile bindi byabo ,nu gha bana shindila;²⁷Ashimagha balonde Mukota,nu bakite maghala ma kumumona ko mu ku kitakita,nu nteli bulayi n'omoyi ku beshwe,²⁸kubuno muwe twite kalamo,kutengya,nu kuba.Nu u byatendwagha nubo na batili binu :Kwaghe tuli kilongo. ²⁹Agho lino mu kuba kilongo cha Ghongo,tatunakosha kukatisha buno Ghongo asusana nolo,na kakulo,ali ikoyi,bya tulilwe na batumbi.³⁰Ghongo,nta kughansa bindi bya bukongolo bwitu,akutenda na bantu bansayi,ku bishiki binsayi ,binsungule mu mitima,³¹Kubuno abikile kindi kimoyi cha kughaya kisi kuyangana na bulili,kutingila muntu wasombolagha,weleshagha bansayi kamanililo mu kumutucha ku bakuyi..³²Gha bongwagha akutenda ku bya kutucha ku bakui,bamoyi basekagha ,nu bango batendagha :Tukakongwilila bungo busi.³³Agho Polo atukagha munkatighi nabo.³⁴Bamoyi kubo bamuyangagha nu kukatisha,Denisi muntu wa Alopago,mukashi umoyi wamanaghwa Damali nu bango ghamoyi nabo.

Chapter 18

¹Kushila agho,Polo atukagha ku Atene nu kwenda ku Kolinto.²Asangagha ko Muyuda umoyi ukumanwa Akila,abutwa ku Ponto,ikagha ku Italia ghamoyi na mughole waghe Pilisila,kubuno Kolode atinjagha mubiko buno Bayuda bansayi batuke mu Loma. Ikalagha nabo ghamoyi;³nu obo bubakitagha nkashi emoyi,ikalagha kwabo nu kukitila nkashi ko;babagha baluki ba hema.⁴Polo egheshagha mu sinakoki mu sabato insai,kulhuta Bayuda nu Bagiliki.⁵Tondo ghikagha Sila nu Timote ku Makedonia,imbikagha mu kitondo ,kulosha Bayuda buno Yesu u Kilishitu.⁶Mwa mu kunana Polo nu kumutuka,ghono atitulagha nshulu saghe bubibu, nu kubabula buno mikilha sinu sibe ku matwe minu.Ine nenga lyani.Tukila lelo, nenda ku bingo bilongo".⁷Mu kutuka agho ingilagha kweli umoyi ukumanwa Yusto,muntu ukukwa Ghongo boba nu numba saghe sabagha salanda na Sinakoki.⁸Agho,Kilipo mukulu wa sinakoki akatishagha Mukota ,ghamoyi na bantu ba mu numba saghe. Nu Bakolinto bengi babongwililagha Polo bakatishagha nubo,nu kupatishwa.⁹Mukindi,Mukota atendagha na Polo mu kalolesho:Ntukwe boba,tondo tenda,nu ubibaghe,¹⁰kubuno nili ghamoyi nowe, nu muntu ntakakukata ko buno akukite bubi; Tenda,kubuno,nite bantu bengi mu ghuno musumba.¹¹Ikalagha agho mwaka umoyi nu myeshi mutuba,ekweghesha Bakolinto kitondo cha Ghongo.¹²Mu bindi bya Galio wabagha Mukulu wa musumba wa Akai,Bayuda balhubagha ishibo kuli Polo nu kumwicha ku tulubinali, ¹³nu kutenda:"Ghono muntu akulutha bantu belele Ghongo utalingimana na mubiko .¹⁴Polo gha londagha kutenda,agho Galio abulagha Bayuda:"Ndi binabinde tabyasanana ali bitondo bibi,inabongwilinde busogha,e Bayuda;¹⁵Tondo ndi myango ku kitondo,ku mashina,nu ku mulembe winu ibyo bya balola;Nshikushima nibe shushi w'ibyo bitondo."¹⁶Nu abasingagha ku tulubinali.¹⁷Agho bansayi bakatagha Sositene,mukulu wa Sinakoki, bamupundagha ku miso ma tulubinali nu Galio ntakitagha kena.¹⁸Polo ikalagha ku Kolinto bindi bingi.Kushila agho,alaghagha mibuto nu kwenda ku Silia ghamoyi na Pilisila nu Akila,gha shilagha kw'imbegha itwe gha Kenkulia,kubuno indumbishagha.¹⁹Bikagha ku Efeso,nu Polo ashighagha ko ba bamwelekeshagha. Mu kwingila mu Sinakoki,atendagha na Bayuda,²⁰bamuseghagha atinje bingo bindi .²¹Tondo ntimilagha,nu abalaghagha mu kutenda :Bubusogha nitinje kisaghulo ki kushwa ku Yelusalema.Nkakuluka kuno, ndi Ghongo ashima.Nu atukagha ku Efeso .²²Mu kutuka ku Kaisalia abakamilagha ku Yelusalema,nu mu kushila mu kukesha Kanisa samba,akumbilagha ku Antiokia.²³Ghabinde atinja bindi bikeke ku Antiokia,Polo endagha ,atimbagha Galatia,Filigila mu kukokomesha lukatisho lwa begheshibwa.²⁴Muyuda umoyi ukumanwa Apolo wabutwa mu ALekisandulo,muntu ukumana kutenda nu washima kitondo cha Ghongo,ikagha ku Efeso.²⁵Akulagha mu nsila sa Mukota,nu wakokomesha mu lukatisho, asambalagha nu kweghesha bya bulili ku bya Yesu abagha akumana tughu lupatisho lwa Yoani.²⁶Atendagha bwasibwasi mu sinakoki.Akila nu Pilisila,mu komwongwilila,babagha nawe,nu bamuloshagha busoghabusogha nsila sa Ghongo.²⁷Bwa londagha kutinga ku Akaya,mibuto sa mweleshagha maghala nu batililagha Begheshibwa bamusekele busogha.Gha binde ika,ku mpang'inene sa Ghongo,abagha musogha ku bakatisha.²⁸Buno,ananagha Bayuda mu kubalosha bwasibwasi kutingila kitondo cha Ghongo buno Yesu u Kilishitu.

Chapter 19

¹Gha bagha Apolo eli ku Kolinto,Polo mu kushila kutimba misumba inene sa Asia, ikagha ku Efeso.Mukusanga Begheshibwa bamoyi,ababulagha:²Gha mwakatishagha,mwasekelagha Muusa Musogha?Bamwakulagha: Ta tunwongwagha bakutenda buno kweli Muusa Musogha.³Atendagha Lupatisho ki lumwapatishibwagha ?Nu baakulagha:Lupatisho lwa Yoani.⁴Agho inga Polo ababula: Yoani apatishagha lupatisho lwa kw'isungula mutima,kubula bantu bakatishe ku olya ukashwa kumbusa kwaghe,u kutenda mu Yesu.⁵Kw'ibyo bitondo,bapatishibwagha mw'ishina lya Mukota Yesu.⁶Gha bagha Polo ashila kubabikila maboko,Muusa Musogha abikilagha,nu batendagha mu mitendeshi ningi,nu kulisha bitondo bya bulenganya.⁷Babagha anga bantu ikumi na babili .⁸Kushila agho,Polo ingilagha mu Sinakoki , u mwatendelagha bwasibwasi.Mu myeshi esatu,Polo egheshagha bitondo bya bukota bwa Ghongo,imbikagha akulhuta ba bamwongwililagha.⁹Tondo,ubo bwabagha bamoi na mitima sakandwa nu site katisha,intuchagha mubo,kulekanucha begheshibwa,nu kweghesha busi na busi ku likolo lya muntu ukumanwa Tilanusi.¹⁰ Ibyo byatingagha mu myaka imbili,bubo bansai babagha mu Asia,Bayuda nu Bagiliki bongwililagha kitondo cha Mukota.¹¹Nu Ghongo akitagha bitangalo bingi kutingila Polo,¹²buno asundagha basambi nshulu sitilagha ku mubili waghe,nu nsambo salamagha nu basumbu kutuka.¹³Batibiti bamoyi ba basumbu ba Bayuda ba kutingatinga, baghelekagha kwasa ishina lya Yesu, ku babo babagha na basumbu,mu kutenda: Kw'ishina lya Yesu uku sambalwa na Polo,tuka! ¹⁴Ba bakitagha ubo,babagha bana mutubakamu ba Sheva,Muyuda, umoyi ku bisankogha banene.¹⁵Isumbu lyabakulagha:Nkumana Yesu, nu nkumana Polo u nayi?¹⁶Nu muntu wabagha n'isumbu indekelagha kubo,abaghimbagha maghala,nu ku babasha,nu batukagha lubilo mweso numba beli munkanka nu babeleka.¹⁷Ibyo byamanwagha na Bayuda bansayi nu Bagiliki bansayi bikalagha ku Efeso,nu babo bansayi bwakatwagha na boba,nu ishina lya Mukota Yesu lya tatwagha.¹⁸Bengi ku babo bakatishagha,bashwagha kusambala nu kutenda bwasibwasi bi bakitagha.¹⁹Nu bamoyi ku babo baghilha,mu kushwa na bitabo byabo babighishagha ku miso ma bantu:Byabagha binakwile bichele anga elefu makumi matano ma bikulo.²⁰U bwasandabanile kitondo cha Ghongo na bwangato nu mpumba.²¹Gha tingagha ibyo bitondo,Polo alenganyagha kwenda ku Yelusalema,mu kutinga ku Makedonia nu Akaya.Itendyagha:Gha nkika ko,bu busogha nubo nike ku Loma.²²Asingilagha ku Makedonia babili ku bakiti baghe,Timote nu Elashito,nu akitagha lingo bindi bikeke ku Asia.²³Mwebyo bindi,kwabagha lwayo lunene,ku bitondo bya Mukota.²⁴Muntu umoyi ukumanwa Demetilio,mobaki na bikulo,tusumilo twa Diana,walighagha bakiti baghe ba mulimo bikulo bingi.²⁵Abakulumanyagha, ghamoyi na babagha na nkashi emoyi nu kutenda: O bantu,kughuma kwitu , kwatuka mu lino itumbi;²⁶nu mu kumana nu kwongwa buno ,ta ku Efeso kw'inene,tondo mu Asia insayi,ghoso Polo abuluta bantu bengi mu kutenda buno,ghongo bakukitwa na maboko ma bantu ta ba Ghongo.²⁷Mabi matuka kwebyo,tabuno itumbi litu lishile,tondo lingo kasumilo ka ghongo munene Diana kabengwe,nu bukota bwa olya ukwelwa mu Asia nu mu kisi kinsayi bushilile.²⁸Mukuba bitondo ibyo bya bashibucha,bakughagha bubibu: Diane wa Efeso u munene !²⁹Musumba unsayi wabagha na kabilikito.Batibitilagha bo bansayi ku mulungu nu babulutilagha gho Gayo,nu Alisitaliko bantu ba Makedonia,banabo ba lughendo ba Polo.³⁰Polo ashimagha indoshe kweli bantu,tondo begheshibwa bamunanyagha;³¹bamoyi ku bisa Asia babo babagha binda baghe bamusingilagha bantu bamunanye endaghe mu mulungu.³²Bamoyi bakughagha bubuno nu bango bubulya,kubuno lwayo lwabagha mu musanganano,nu bengi tabamanagha ki chasulagha bakulumana.³³Agho batuchagha Likisandele mu bantu u wenshwagha kubusho na Bayuda,nu Likisandele ,mu kwimika kuboko alondagha kutenda na bantu.³⁴Gha bamanagha buno Likisa eli Muyuda, bansayi bakughagha anga s'imbili: Diana wa Baefeso u munene!³⁵Mukushila kubibya bantu, mutili atendagha:"Bantu ba ku Efeso,nayi utekumana buno musumba wa mulangi wa kasumilo ka keko Diana munene nu kimbuli chaghe chatuka kw'ighulu?³⁶Ubo tabunanwa,mwema ku koba,nu mukitaghe kena lubilolubilo. ³⁷Kubuno mwashwile na bantu,batakitile bubi,nu tababengile ghongo witu wa mukashi.³⁸Ndi Demeteleo nu bakiti baghe bite bya kutalikila muntu,kweli busi bwa bitondo;ba manane ku matenda.³⁹Nu ndi mwite bingo bitondo,bikakalwa mu musanganano. ⁴⁰Tunashwa kutalikilwa buno beshwe u twalubile lwayo ku bino byatinga buno busi,kubuno taku nu kitondo chasula bano bantu bakulumana.⁴¹Kyebyo bitondo,alaghagha musanganano.

Chapter 20

¹Gha binde lwayo lwashila,Polo akulumanyagha begheshibwa,nu,kushila kutenda nabo,abalaghagha nu kwenda ku Makedonia.²Atimbagha mwecho kisi ,mu kweghesha begeshibwa bitondo bingi.³Nu endagha ku Bagiliki,u kwatinjagha myeshi esatu.Gha londagha kwenda ku Sulia,Bayuda bamuteghagha.Agho alenganyagha ku kuluka ku Makedonia.⁴Bamwelekeshagha ku Asia : Sopatele wa Beloya,musikila wa Pilusi,Alisitaliko nu Sikondo wa Tesalonika,Gayo wa Delebe,Timote nu Tushiko nu Tolofimo,bantu ba ku Asia.⁵Babo bendagha kubusho,nu batulindilagha ku Tolowa.⁶Ku beshwe,kushila bindi bya tumpampa bitite lughayo,beshwe twendagha ku Filipi,nu,mu ku bindi bitano,twa basangagha ku Tolowa,u ku twatinjagha bindi mutubakamo.⁷Busi butangi bw'iyinga,twakulumanagha tulye kampampa.Polo ,wabagha wa kwenda munindu,atendagha na begheshibwa kwikila mu kantighi na kindi.⁸Kwabagha tala ningi mu chumba cha kw'ighulu ku twabagha mo.⁹Agho ghabagha musikila umoyi wamanagwa Etiko,etamilagha kw'indilisha,mu kuyama bubibu nu Polo akutenda; mu tulo twingi,akolokagha tukila lutalo lwisatu kwika ghansi,nu imaluchwagha akwile kalayi.¹⁰Tondo Polo,mu kukumba amukumbamilagha ko nu kumukata mu maboko maghe,nu kutenda:mughanagheghanaghe,kalamo kaghe kecheli muwe.¹¹Ghabinde abakama,aketulaketulagha kampampa nu kulya,nu atendagha bingo bingi kwikila nindunindu,kushila agho endagha.¹²Musikila ekilwe nu alama kalayi,nu wabagha musaghu wa mboghimboghi.¹³Beshwe twendagha kubusho kwa Polo na bwato,nu twimalagha ku Asosi ,u ku twalaghanagha twendele ghamoi nawekubuno lughendo lwaghe lwabagha lwamaghulu.¹⁴Gha tusangagha ku Asosi,twamwindagha mu bwato,nu twendagha ku Mutilene.¹⁵ Agho,mu kutinga mu kitatenge,twikagha munindu ku maleshilya na Kioso.Gha chagha busi,twikagha ku Samosi,nu bwandele, twikagha ku Mileto.¹⁶Polo ashimagha kutinga ku Efeso,ta kwimala ko,kubuno anatinja nkungu mu Asia;kubuno abagha akutibitila, ndi akosha, ike ku Yelusalema busi bwa Pentekote.¹⁷Kutuka ku Mileto,Polo asingagha bantu ku Efeso bamane bakungu ba Kanisa.¹⁸Gha bikagha kweli,ababulagha:Mukumana buno tukila busi butangi bun'ingilagha ku Asia,nshashighile kwenda ghamoyi na benywe ,¹⁹mu kukolela Mukota mu kwimbotya ghamoyi na bisoshi,nu mu nkatighi na malingiko manteghagha Bayuda.²⁰Mukumana buno nshababisagha kena ku bya bimwashima,nshakwagha boba kubasansila kitondo cha Ghongo nu kubeghesha bwasibwasi nu mu mashumba,²¹kubula Bayuda nu Bagiliki kw'isungula mitima kuli Ghongo nu lukatisho kweli Mukota witu Yesu Kilishitu.²²Nu lelo lola,mu kukandwa na Muusa,nenda ku Yelusalema,shikumana byanikile ko;²³ tughu musumba ku musumba Muusa Musogha wankengesha buno miyololo nu minubo sa ndindila.²⁴Tondo nshinakita champa ku kalamo kani,anga kanabinde ka mutali munene,kubuno nishililishe lughendo lwani na mboghimboghi,nu nkashi sa Ghongo sineleshebwagha na Mukota Yesu,kusansa musaghu musogha wa mpang'inene sa Ghongo.²⁵Nu lelo lola,nkumana buno ta mukandola lingo ku chaso chani, kwinu benywe bansayi kunatingagha kweghesha bukota bwa Ghongo.²⁶Uchasula nababula buno nenga kubushi bwa mikila sinu benywe bansayi.²⁷Kubuno nabasambalinde binsayi bya Ghongo nu nshababisile kena.²⁸Mwindange benywe b'inene,nu kikembe kinsayi kimweleshibwe na Muusa Musogha buno mu kilange,buno mucheleshe indya,kiyeleshagha winene kutingila mikilha saghe .²⁹Nkumana buno kumbusa kwani ,mu benywe mukatuka mpagha si takashighilila kikembe,³⁰nu mukantighi na benywe mukimala bantu bakeghesha bitondo bya manko,buno bimbulutile beghesha.³¹Mulole busogha ,mu kukengela mu myaka esatu,nshashighagha kutenda na muntu umoyi moyi ku benywe busi nu kindi na bitengetenge byani.³²Nu lelo nabashigha mu maboko ma Ghongo nu mu kitondo cha mpang'inene,ku ghoso unabakokomesha nu kubelesha mwandu ghamoyi na bansayi basanana.³³Nshabagha na nkasa sa bikulo,ali nolo ali nshulu sa muntu,³⁴Mukumana benywe binene buno maboko mani u maneleshagha bi nashima ghamoyi na bantu ba nabagha nabo.³⁵Nabaloshagha na menge mansayi buno mu kukita nkashi u bunimika basoshu,nu kukengela bitondo bya Mukota,watendagha w'inene: Kweli ighuma linene kwelesha bantu kutinga kweleshibwa.³⁶Gha shilagha kutenda ubo,akomagha mashwe ,nu ing'asegha ghamoyi nabo bansayi.³⁷Nu bansayi batuchagha bitengetenge ,nu bansayi bamukumbakumbagha Polo,³⁸ bamukumbatilagha,ghamoyi nu kulila mu mitima mu kukengela bitondo bya babulagha buno ta bakamumona ko lingo.Nu bamwelekeshagha kwika kw'imbungo.

Chapter 21

¹Twendagha,mu kushighana nabo, kwika ku Kose,munindu twikagha ku Lode nu kutuka agho twikagha ku Patala.²Mu kusanga bwato mu kusoka kwenda ku Fenesia,twabakamagha mubo nu kwenda.³Mwa mukolola kakishi ka Kipulo,twakashighagha mu mbokwa,mu kwenda mu kibe cha Sulia,nu twasokelagha ku Tilo,u kwabagha kukushigha bwato mishigho.⁴Twasangagha begheshibwa nu twikalagha ko bindi mutubakamo. Begheshibwa,bite Muusa Musogha,bananiagha Polo ku bakama ku Yelusalema.⁵Tondo,mu kulola bindi mutubakamo byatinga,twalenganyagha kwenda,nu bansayi batwelekeshagha ghamoyi na bakashi babo nu bana babo,kwika kushinda musumba.Twakomagha mashwe ku muse,nu twaseghagha.⁶Nu mukuba twashighana,twingilagha mu bwato nubuo bakulukagha kwabo.⁷Mu kushila kutuka mu bwato,twendagha ku Tilo ku Tolemai,u kutwendagha kukesha bisa kwitu nu kutinja nabo kindi kimoyi.⁸Mu nindu twendagha ku Kaisalia.Gha twingilagha mu numba sa Filipo musanshi wa kitondo cha Ghongo wabagha umoyi ku babo mutubakamo,twayamagha kwaghe. ⁹Abagha na bikumi binayi bikutucha bitondo bya bulenganya.¹⁰Ubo butwakitagha bindi bingi agho, mulenganya umoyi ukumanwa Agabosi, atukagha ku Yudea ashwagha kutulonda.¹¹Atolagha mutunda wa Polo,inkandagha maghulu nu maboko,nu kutenda :Lola byatenda Muusa Musogha:Nene uno mutunda,Bayuda bakamukanda ku Yelusalema,anga buninkanda gho ,nu bakamwesana ku maboko ma batakatisha.¹²Mu kwongwa kubo, beshwe nu abo bango ba kicho kishiki,twananyagha Polo kwenda ku Yelusalema.¹³Aakulagha: Kiki ki mukukita,mu kulila nu mukunita mutima?Nimila,ta kukandwa umpanga,tondo ku kwila ku Yelusalema kw'ishina lya Mukota Yesu.¹⁴Ubo bwatashimagha kongwa,twananagha ku mukakisha,nu twatendagha:Kushima kwa Mukota ku belelele.¹⁵Kushila ibyo bindi,twalongomanyagha lughendo nu twabakamagha ku Yelusalema.¹⁶Begheshibwa bamoyi ba ku Kaisalia bendagha ghamoyi na beshwe,nu kutwicha kwa muntu ukumanwa Nasoni wa kakishi ka Kipulo,mwegheshibwa mukungu,u kutuna yamile.¹⁷Gha twikagha mu Yelusalema,bisakwitu batusekelagha na mboghimboghi.¹⁸Munindu,Polo endagha ghamoyi na beshwe kuli Yakobo,nu bakungu bakulumanagha gho .¹⁹Mu kushila kubakesha ,abaghanikishagha bingi byakitagha Ghongo mu bilongo kutingila mulimo waghe.²⁰Mu kumwongwilila,baghanulagha Ghongo.Nu bamubulagha :Walola mubuto, maelefu manga ma Bayuda bakatishishe,nu bansayi bakokomesha mu mulembe.²¹Nu bongwile buno ukweghesha Bayuda beli mu bilongo buno bashighe bya Musa,mu kubabula tabamonye lingo bana nu balembanaghe na ntungo .²²Tukite ki? Tukumana buno kikembe chakulumane ,kubuno bamana buno wikile.

²⁴Batole ghamoyi nowe,iyenje ghamoyi nabo,beleshe bibite nkasa inga bamana kubeghwa matwe.Nu bansayi bamane buno byatendwagha kw'ishina lyobe byeli bya bwisa,tondo uwe nuwe ukuyangana na mu mulembe.²⁵Ku Babilongo babo bakatishishe,twakalagha lwango lwa kubatilila binanye nama sa tulwa ku byeko,nu mikilha,nu nama si nkwila,nu matensha.²⁶Agho atolagha abo bantu,iyenjagha ,nu munindu ingilagha nabo mu numba sa kukumbamila buno atende busi bukabelelela kwiyenja kwabo,nu mutulo wabo.²⁷Mu kushila bindi mutubakamo,Bayuda ba ku Asia gha bamonagha Polo mu numba sa kukumbamila,bindagha mu bantu mulenganya mubi , bamukatagha,²⁸mu kukugha:Bantu Baisilaeli,mutukashe! Lola ,muntu ukweghesha kunsayi nu kisi kinsayi akutenda bubi ku bantu, mulembe nu kishiki kino; Ingishishe Bagiliki mu numba sa kukumbamila nu akwenegha kishiki kino chasanana.²⁹Kubuno bamulolagha ko kalayi mu musumba ghamoyi na Tolofime wa kuko ku Efeso,balenganyagha buno Polo amwingishishe mu numba sa kukumbamila.³⁰Musumba unsayi wimalukagha,nu bantu batukagha kunsayi. Bamukatagha Polo,nu bamubulutilagha kumbugha kwa numba sa kukumbamila,numbi insayi,sighalaghwa.³¹Ubo bubalondagha ku mwita,lwayo lwikagha kuli mukulu munene wa basula,nu Yelusalema insayi waghulubanagha.³²Mwako kaluma, atolagha basula,nu kutibitila ku beli.Mu kumona ku Mukulu wa Basula ghamoyi na basula,bashighagha kupunda Polo.³³Agho mukulu wa Basula ashighelela,amukatagha,nu amukandyagha miyololo imbili.Nu abushagha we u nayi,nu ki chakitile.³⁴Tondo mu kikembe,bamoyi bakughagha bamoyi bubuno, nu bango bubo .Indagha kwongwa bamoyi, kulwayo lwingi,akakishagha bamwiche mu lusu lunene.³⁵Gha binde Polo emwagha na bipundo,ekwagha na basula kutingila bubibu bwa kikembe; ³⁶Kubuno bantu bengi bashwagha mu kukugha:Mu mwite!³⁷Mu kwingila mu lusu lunene,Polo abushagha mukulu wa basula: Nimilwa kukubula kitondo kimoyi?Mukulu wa basula akulagha: Ukumana kigiliki?³⁸Ntweli ghoso mu Misili wasolobokile mu bino bindi,nu wendile mu kalula na bisungu elefu enayi?³⁹Inga Polo atenda:Nili muyuda wa Talaso ku Kilikia,muntu wa mu musumba musogha nu munene.Nshighilile ,nakusegha nitende na bantu.⁴⁰Mukulu wa basula mu ku mwimila,Polo ,imalagha gha toghama,ashimilagha bantu na mughombo .Kwabagha kakobi kanene,nu Polo mu kutenda mu kiebulania,ababulagha:

Chapter 22

¹Bisakwitu nu batata,mwongwilile bi'nkutenda :²Mwa mukongwilila akutenda nabo mu kiebulania,bakobagha bubibu.Nu Polo atendagha:³Nili Muyuda,nabutwa ku Talaso sa ku Kilikia,tondo nakulila mu ghuno musumba,nu kwegheshibwa ku maghulu ma Gamalieli mu kumanilila busoghabusogha mulembe wa batata,nene mpumba sa ku kolela Ghongo,anga bumweli nu benywe.⁴Na naghagha bubibu mano megheshibwa,kukanda nu kulekela mu kahombo balume nu bakashi. ⁵Sankogha munene, mu lusu lunsayi lwa bakungu bakuntenenekela.Neleshibwagha nabo maluba ku bisakwitu beli ku Damasiki, u kunendagha buno nishwe na bakandwa ku Yelusalema ba banasange ko nu niba nubye.⁶Bu nabagha mu lughendo,nu kwika bwighi na Damasiki,mwako kaluma,mu kantighi na musi,kwatukagha kw'ighulu chengeshi kinene chasanagha gha neli. ⁷Naghawa ghansi,nu nongwagha ishuki likumbula:Sauli,Sauli ki chasula waninubya? ⁸Nabushagha: Uwe nayi Mukota?Nu ambulagha: Ine Yesu wa Nasaleti,u ukunubya.⁹Babo babagha n'ine,balolagha busogha kwecho chengeshi,tondo tabongwagha kweli ishuki lyatendagha nine.Agho,natendagha:Nikite buni Mukota?¹⁰Nu Mukota ambulagha :Imaluka,nda ku Damasiki,nu bakubule bya kukita.¹¹Bu nabagha nshikulola ku kena,kutingila chengeshi,ba nabagha nabo,bankantililagha mu kuboko,nu nikagha ku Damasiki.¹²Nu mutu umoyi,Anania, wa kokomesha mu mulembe,nu Bayuda babagha ku Damasiki bamutenenekelagha,bikagha ku neli,¹³nu kumbula:Sauli, mwisakwitu,shibula miso.Mwako kaluma,nashibukagha miso nu ku mulola ko .¹⁴Ambulagha:Ghongo wa batata akusombolile buno umane byashima ,nu kulola muntu wa bulili, mukwongwa bitondo mu kanywa kaghe;¹⁵kubuno muteneneki waghe ,ku bantu bansayi ku bitondo bi ukalola ko nu kongwa ko.¹⁶Nu lola,ki kiukulindila?Imaluka ,patishibwa,nu ushighililwe bwaghi bobe ,mu kumana ishina lya Mukota.¹⁷Mu kukuluka ku Yelusalema,anga bunabagha nkusegha mu numba sa kukumbamila,nakalikagha kalengwe,¹⁸nu nalolagha ku Mukota u kumbula:Tibitila,nu tuka mu Yelusalema lubilo,kubuno tabakasekela buteneneki bobe kw'ishina lyani.¹⁹Nu Ine nkutenda: Mukota,bakumana bunalekelagha mu kahombo nu kupundya bantu na tuti mu ma sinakoki,babo bakatisha muwe,nu²⁰gha bitagha Setefano,muteneneki wobe,nabagha agho,nu nimilagha milenganya sabo,nu nalangagha nshulu sa ba bagha baku mwita. ²¹Agho ambulagha :Nda,nkakusinga bulayi ku bilongo.²²Bamwongwililagha kwikila kicho kitondo.Tondo bakughagha mu kutenda:Tucha gha kisi muntu anga ghoso!Nta nema kuba ko.²³Nu balekelagha lingo milenge,kuta nshulu sabo,nu kulenja mukungu mu mpena.²⁴Mukulu wa basula akakishagha bingishe Polo mu lusu lunene,nu bamubushe mu kumupunda, buno bamane ki chasula ba mukughila.²⁵Gha bamususulagha,Polo atendagha na sula wabagha agho: Mwimila kupunda na tuti muntu wa Muloma nu nta ghayibwe? ²⁶Kwebyo bitondo,sula endagha kweli mukulu wabo nu ku mukengesha,mu kubula: Ki kiwakita ?Ghono muntu eli Muloma.²⁷Nu ghoso mukulu wa basula ,mu kwika abushagha Polo:Mbule,uli muLoma?Polo amwakulagha :Naki.²⁸Mukulu wa basula atendagha lingo: Nti kutingila bikulo bingi u munabinde Muloma.Nu Polo ing'amubula: Nili muLoma wa kubutwa.²⁹Agho lino babagha bakumubusha biyendelagha,nu Mukulu wa basula mu kumana buno Polo eli Muloma,akwagha boba kubuno amukandyagha.³⁰Mu nindu ,mu kulonda amane busogha ki chasulagha Bayuda bamutalikila,Mukulu wa basula amukandulagha nu akakishagha Basankogha banene nu lusu lwa matenda bakulumane; nu mu kukumbya Polo,amubikagha gha katighi nabo.

Chapter 23

¹Polo mu kughensha lusu lwa matenda,atendagha: Bisakwitu,nti ku mulenganya wani musogha,u kunikila mu miso ma Ghongo...²Anania,we Sankogha munene akakishagha ku babagha bwighi nawe bamupundile ku bushundo.³Agho Polo amubulagha:Ghongo akakupunda ,e kisusu chenga! Wabundile buno u niaghye,nu wenda bulai na mulembe buno bampunde!⁴Ba babagha bwighi nawe bamubulagha:Watuka Sankogha munene wa Ghongo !⁵Nu Polo ing'atenda:Bisakwitu ,nshamanagha buno eli Sankogha munene;kubuno bwatililwe :Ntukatenda bubi ku mwami wa kilongo chobe.⁶Polo ,mu kumana buno mu musanganano muli Basadukayo nu Bafalisayo,atendagha bubibu:Bisakwitu,nili mufalisayo ,mwana wa mufalisayo;nti kutingila malelamilo ma kutuka ku bakuyi u chasula naghibwa .⁷Mu kushila kutenda ubo,kwabagha myango gha sambana Bafalisayo nu Basadukayo,nu musanganano wimbeghanyagha mo,⁸kubuno Basadukayo bakutenda buno takuli kutuka ku bakuyi,nu takuli mughenshi ali basumbu,tondo Bafalisayo bo bimila ibyo bibili.⁹Kwabukagha lwayo lunene,nu basanshi bamoyi ba bimila Bafalisayo bakitagha myango inene,nu kutenda:Tatwamona ku kibi mu ghono muntu,nampu musumbu ali mughensi umoyi u kutenda nawe.¹⁰Bwabagha lwayo lwa kwengukana lwabagha lwingi,nu mu kukwa boba buno Polo anakokwakokwa,na bantu,amanagha basula bamutuche mu katighi nabo ,nu bende nawe ku lusu lunene.¹¹Mu kindi,Mukota ikilagha Polo,nu ku mubula:Ntukwe boba;kubuno buwantenenekelagha ku Yelusalema,wemana kuntenenekela lingo ku Loma.¹²Mu busi kucha,Bayuda bakalagha lwango nu kwindumbisha binene buno ta bakalya nu kunywa ndi tabita Polo.¹³Ba bakalagha ulo lwango, babagha bengi ku makumi manayi,¹⁴nu bendagha kuli basankogha banene nu bakungu,ba babulagha buno:Twindubishe buno ta tukalya kena nu kunywa ndi ta twita Polo.¹⁵Uwe lola,ghamoyi na lusu lwa matenda,mubule mukulu wa basula,amwiche ku weli,buno ukulonda busogha ki chasula atuka ku tweli,nu ghabe ntika ku weli,nti twamwita.¹⁶Mwighwa wa Polo,mu kuba amana itebo ,endagha mu lusu lunene amutonde Polo.¹⁷Polo amanagha umoyi ku basula,nu kumubula :Icha ghoso musukila kuli mukulu wa basula ,kubuno ite kitondo cha kumusambalila.¹⁸Sula endagha ghamoyi n'oso musikila nu kumwicha kuli mukulu wa Basula nu kutenda :Mukandwa Polo animanagha,ni kwikishe ghono musikila,ite kitondo cha kukubula.¹⁹Mukulu wa basula akatagha ghoso musikila mu kuboko nu endagha nawe kwitunda,amubushagha : Kiwite cha kunsambalila?²⁰Aakulagha:Bayuda balaghanile buno bakweme buno umwiche Polo munindu mu lusu lwa matenda ,anga unashima kumana bingi kuwe.²¹Ntubongwililaghe, kubuno bengi ku makumi manayi kubo bamuteghile itebo,nu bindumbilishe kwinda kulya ali kunywa ndi tabamwita; lola bikalile ,nu bakulindila tughu mulenganya wobe umpanga.²²Mukulu wa basula akuluchagha musikila nu kumukakisha ntasambalile muntu kw'ibyo bitondo.²³Agho,amanagha babili ku balangi ba basula, nu kubabula: Mwikalagha mukengele,mu sa mwenda sa kindi,mwatolagha basula maghana mabili,nu makumi mutuba beli ku mpunda,nu bite misungu maghana mabili,mwende nabo ku Kaisalia. Mwekele nu Polo bya kumweka ko,kubuno ike busoghabusogha kuli Felisi,Mukulu wa musumba.²⁵Atilagha maluba mweli bino bitondo:²⁶Kolode Lusiasi ,Samba kwa ku weli Uwe Felisi Mukulu wa musumba!²⁷Ghoso muntu wakatwagha na Bayuda,akulonda kwitwa nabo,mu kumana buno eli Muloma,nashwa na basula kubatucha we,²⁸Mu kulonda nimane ki chasula bamutalikila,namwichagha mu lusu lwa matenda.²⁹Nasangile buno bamutalikinde ku bitondo bya mulembe wabo,tondo ntakitile kibi kinasula akwa ali kukandwa.³⁰Mukongwa buno Bayuda bamutegha,namusingagha kobe,mu kulosha buno babo bamutalikinde bashwe kukubula uwe w'inene.Maghala.³¹Basula kuyangana na lukakisho lubeleshwagha,batolagha Polo,bendagha nawe mu kindi kwikila ku Antipatuli.³²Munindu, bisa mpunda bendagha nawe ,nu bango bakulukagha.³³Gha bikagha ku Kaisalia,bisa mpunda bichagha maluba kweli mukulu wa musumba,nu bamuloshagha Polo.³⁴Mukushila kusoma maluba,mukulu wa musumba abushagha ndi Polo eli wa musumba ki.Gho ngwagha buno eli wa Silisia:³⁵Amubulagha: Nkakongwilila gha kika babo bakutalikilagha.Nu akakiishagha buno bamulange mu lusu lwa Helode.

Chapter 24

¹Ku bindi bitano,Anania Sankogha munene ikagha ghamoyi na bakungu nu muntu wakwatula bitondo ukumanwa Teletule.Batalikilagha Polo kweli mukulu wa musumba.²Polo amanwagha,nu Teletule amutalikilagha,mu bino bitondo:³Mughanulwa Felisi,watwelesha boolo bunene butwasekela,nu kilongo kino cha ghaluka kisogha ubo bu wakikata;u bi tukumana ku bunsayi nu kunsayi.⁴Tondo,buno nshikutingishe nkungu ningi,nakusegha ongwilile ,mu busogha bobe,bikeke bitwite bya kukubula .⁵Twasangile ghono muntu ite lusambo lwanaka,ekulutha malekanuko mu Bayuda ba kisi kinsayi,we mukulu w'indini lya bisa Nasaleti,⁶nu kw'enegha numba sa kukumbamila.Nu twamukandile.Twashimile tumwaghye kutingila mulembe witu;⁷Tondo mu kwika kwa mukulu Lusiasi,ing'amutucha mu maboko mitu mu lwayo lwingi,⁸mu kukasha bataliki baghe bende ku weli. Uw'inene mu kumubusha,wamane ki chasula twamutalikila.⁹Bayuda bimilagha buno ubweli bitondo ubo.¹⁰Ghabagha mukulu wa musumba amubula atende,Polo ing'atenda:Mu kumana buno mu myaka ningi weli shushi wa kino kilongo,mu bulili u munkwitendela.¹¹Ta kwatinga bindi ikumi nu bibili,ukumana uw'inene,nendagha ku Yelusalema ku kumbamila.¹²Nshasangwagha mu numba sa kukumbamila,ali Sinakoki ali mu musumba,buno nkw'enda myango na muntu wampa,ali nkukulumanya bantu.¹³Nu tabanakosha kulosha bi bantalikila ko.¹⁴Nkukubula busogha nku kolela Ghongo wa batata milimo ,kuyangana na bi bakumana buno indini,mu kukatisha binsayi byatililwe mu mulembe nu balenganya,¹⁵nu mu kuba n'ite malelamilo mu Ghongo,ango bu bite nubo mo, bukaba kutuka ku bakuyi ku basanana nu ku batasanana.¹⁶Uchasula nkw'ikokomesha nibe na mulenganya musogha kweli Ghongo nu kweli bantu.¹⁷Gha tingagha myaka ningi,nashwile buno niche nkaso mu kilongo chani,nu kulisha mitulo.¹⁸Agho u gha nsangagha Bayuda bamoyi ba ku Asia nkw'iyenja mu numba sa kukumbamila,tamwabinde musanganano ali lwayo.¹⁹Bindoshe lino ku weli buno bantalikile ,ndi bite kitondo n'ine.²⁰Ali baloshe bubi bwani gha nintendelagha mu lusu lwa matenda ,²¹,ndi ta kicho kitondo kimoyi kinatendagha mu nkatighi nabo:Nti ku bya kutuka muntu ku bakuyi u binaghyibwa ko lelo.²²Felisi,wamanagha busogha busogha amo meghisha,abakuluchagha mu kutenda:Ghakika mukulu wa basula Lusiasi nkamana lil'itenda linu.²³Nu akakishagha mulangi wa basula alange Polo ,nu mukushighilila gha keke,nu kunania muntu waghe wampa wa kumukitila mulimo.²⁴Mu bindi bikeke,Felisi ashwagha ghamoyi na mukashi waghe Dilisila ,wabagha Muyuda,nu amanagha Polo.Amongwililagha ku lukatisho lwaghe kuli Kilishitu.²⁵Tondo ,Polo atendagha bingi ku bya bulili nu bya kulingimanya nu bya kwaghibwa mu bindi bikashwa,Felisi,mu kukwa boba ing'atenda:Mweno nkungu,tuka ghano; gha nkaba na nkungu,nkakumana.²⁶Alelamilagha buno Polo amweleshe bikulo;uchasulagha enda amumana ngendo ningi atende nawe.²⁷Gha tingagha myaka imbili ,nu Felisi ashighilagha kishumbi we Polisiusi Feshitusi .Mu kuboghyaboghya Bayuda,Felisi ashighagha Polo mu kahombo.

Chapter 25

¹Feshitusi ghi kagha mu musumba munene,ku bindi bisatu atukagha ku Kaisalia kwenda ku Yelusalema.²Bisankogha banene nu bakungu ba Bayuda,batalikilagha Polo kweli.Bamukakishagha mu kumulosha mabi,³bamwemagha mu kulosha buno abashima,amwiche ku Yelusalema.Bamuteghagha itebo buno bamwitile mu nsila.⁴Feshitusi atendagha buno Polo akulangwa ku Kaisalia nu mu bindi bikeke w'inene akwenda ko.⁵Ababulagha,bakungu bamoyi ku benywe bende n'ine ,nu ndi mweli kitondo kibi ku ghoso muntu bamutalikile.⁶Feshitusi akitagha nabo bindi munani ali ikumi kushila agho endagha ku Kaisalia.Bwa chagha busi ,mukuba akotama mu kishumbi cha matenda,akakishagha bamane Polo.⁷Gha binde ika,Bayuda batukagha ku Yelusalema bamutimbagha,nu kumushingila bitondo bingi nu bibi bi batanakoshishe kulosha.⁸Polo itendelagha:Nshakitile bubi kuli mulembe wa Bayuda,ali ku numba sa kukumbamila ali ku bwami.⁹Feshitusi mu kushima aboghyeboghye Bayuda aakulagha Polo:"Ukushima ubakame ku Yelusalema ,nu kughayibwa ko mu miso mani? ¹⁰Polo atendagha:Ku bwami,u nkwintendela,nu agho u gha nema kwaghibwa.Nshakitinde Bayuda bubi bwampa, ukumana uwe winene.¹¹Ndi nakitile kite cha bulili,ali bubi bunanicha ku lukwo,nshanana ku kwa;tondo ndi bi bantalikila byeli bya bwisa,muntu ntanesana ku beli.Nti nenda ku bwami.¹²Agho Feshutisi mu kushila kughonsola bitondo ghamoyi na lusu lwaghe atendagha: Buwashimagha kwenda ku bwami;nda ku bwami.¹³Ku bindi bikeke,Mwami Agilipa nu Belenise bikagha ku Kaisalia buno bakeshe Feshutusi.¹⁴Anga bu bashilagha agho bindi bingi ,Feshutisi abasambalilagha bitondo bya Polo,nu kutenda:Felisi ashighagha akanda mulume umoyi ,¹⁵nu gha nabagha ku Yelusalema,Basankogha banene nu bakungu ba Bayuda bamutalikilagha ,mu kusegha aghibwe.¹⁶Nabaakulagha buno ta ntungo sa Baloma muntu aghibwe nu ntika ku bataliki baghe,nu intendele ku bitondo bi bamutalikinde.¹⁷Bike ghano,nu takwindisha munindu,nikalagha mu kishumbi cha matenda,nu nakakishagha bashwe n'oso muntu.¹⁸mu kwika kwabo bataliki baghe bamushingilagha bibagha nshikulenganya ko;¹⁹Bendagha nawe myango sa meghesha mabo nu ku muntu umoyi Yesu wakwagha ,nu Polo atendagha buno ghoso echeli atenja.²⁰Mu kwinda bya kughaya,namubulagha ndi akushima kwenda ku Yelusalema,nu ende kughayibwa kwamo matenda.²¹Tondo Polo,mukwitendela buno matenda maghe makalwe na Mwami munene wa Kisi,nakakishagha alangwe kwikila gha nkamusinga ku Bwami.²²Agilipa abulagha Feshutusi:Nkushima nongwilile n'ine ghoso muntu.Feshutusi amwakulagha wamwongwilile munindu.²³Mu nindunindu,Agilipa nu Belenise bashwagha bashwalile busogha nu kw'ingila mu kishiki cha matenda ghamoyi na bakulu ba basula nu bakulu ba musumba.Ku lukakisho lwa Feshutisi,Polo amanaghwa.²⁴Agho Feshutisi atendagha : Mwami Agilipa nu benywe bansai mweli ghamoyi n'ine,mukulola ghono muntu , Bayuda batendagha n'ine kubushi bwaghe kuko ku Yelusalema ,buno akwe,nta naba lingo mu kisi.²⁵Kw'ine,mu kumana buno ntakitile kena kinamwicha ku lukwo,nuw'inene mu kwitendela kuli Mwami Munene wa Kisi,nakalile itenda ende.²⁶Nshite cha bulili cha kutilila Mwami Munene wa Kisi ku matenda maghe; U chasula namwicha mu miso minu,nu tanga kobe uwe Mwami Agilipa buno umane bya kutila,gha kashila kutenda.²⁷Kubuno ta busogha nikandule muntu nu nshamana ki bamu talikindile.

Chapter 26

¹Agilipa abulagha Polo:Wimilwa witendele .Nu Polo mu kulambya kuboko,intendelagha :²N'indola nakasanilwa,Mwami Agilipa,lelo nkwitendela bitondo binsayi binatalikindwe na Bayuda,³kubuno ukumana busogha ntungo sabo nu myango sabo.Na kusegha buno unongwilile busogha.⁴Kalamo kani kulingila bindi bya busikila bwani kakumanwa na bayuda bansai,kubuno katingilagha ku Yelusalema mu kilongo chani.⁵Bakumana kalai,ndi bashima batende,buno nakulagha mufalisayo kuyangana na kikembe chanaka k'indini litu.⁶Nu lelo,naghibwa buno nalelamila kubelelela kw'indaghi lyeleshagha Ghongo batata ,⁷nu ubikulindila bilongo ikumi nu bibili bikukitila Ghongo milimo busi nu kindi.Nti kwel'indagha e,mwami u unatalikilwa ko na Bayuda.⁸Kiki ! Bweli bubibu ku weli buno Ghongo ntanatucha bantu ku bakuyi ?⁹Kwani ine,nakatishagha nshikutenda bubibu kw'ishina lya Yesu wa Nasaleti.

¹¹Na banubyagha ngendo ningi mu ma Sinakoki,nu bakakishagha beneghe Ghongo.Mukukalama kwani kunene,naba nubyagha bubibu nu mwengo misumba sa kulayi.¹²Nu ghoso mulenganya, u munendagha ku Damasiki, kwimilwa nu kusingwa na basankogha banene.¹³Mu nkatighi na musi,e,Mwami ine nu banitu ba lughendo,twalolagha mu ntungo situ ku chengeshi chatuka kw'ighulu nu cha ghimba cha musi.¹⁴Twawagha ghansi, nu nongwagha ishuki likutenda nine mu kiebulania:Saulo,Saulo,buni buwa nubya?Bweli bubibu kobe kw'intunga nshinge ku manshinshi.¹⁵Nabushagha:Uwe nayi,Mukota?Nu Mukota ambulagha :Ine u Yesu u kunubya.¹⁶Tondo,imaluka,nu imalila ku manshinshi mobe ; kubuno n'indosha ku weli,buno nikwimike ube mukiti nu muteneneki wa binsayi biwamona ko nu wa binsayi binkindosha ku weli.¹⁷Nakusombolile mu katighi bantu nu munkatighi na bilongo,kunakusinga,¹⁸kubuno ubashibule miso, buno batuke mu bulimaswa nu kwenda mu chengeshi nu mu bwangato bwa Kahinga ku bubo bwa Ghongo,buno basekele ,ku lukatisho lwani,kushighililwa kwa bwaghi,nu mwandu ghamoyi na benga mitima.¹⁹Ku bubo,Mwami Agilipa ,nshakoshishe kunana kako kalolesho k'ighulu;²⁰ku beli tanga ku Damasiki ,nu ba ku Yelusalema ,nu mu Yudea insayi,nu ku bilongo,negheshagha kwisungula mitima nu kughalukila Ghongo,ghamoyi na mikolo sa lingimana kwisungula mitima.²¹Lola,uchasula Bayuda bankatila mu numba sa kukumbamila,nu balondagha ku nitya.²²Tondo,mu kushibwa na Ghongo,nikili lelo,mu kutenenakela bana nu bakulu,nu kwinda kushighila kena buno bikika byatendwagha na Musa nu balenganya,²³kumana buno Kilishitu akanuba,nu u mutangi u katuka ku bakuyi,akasansa musaghu wa chengeshi ku bantu nu ku bilongo.²⁴Abagha akwitendela ubo,Feshitushi atendagha n'ishuki linene:Polo,uli mushile!Mulenganya wobe munene wakubika anga utakulenganya .²⁵Polo atendagha: Mwami wani Feshitushi,nsheli mushile,tondo bitondo bisogha bya bulili u binkutenda.²⁶Mwami akumana ibyo bitondo,nu nkumusambalila byo bwasibwasi;kubuno naghanaghana buno ntakumana kena,binsayi tabyatingile mu lubisobiso.²⁷Mwami Agilipa,wakatisha ku Balenganya?Nkumana buno wabakatisha.²⁸Nu Agilipa abulagha Polo: Ukulonda mu bindi bikeke wanighaluke muklishitu!²⁹. Polo atendagha:Bunaba mu bino bindi ali kalayi Ghongo ashima,towe w'inene umpanga ,tondo,bano bansayi bakunongwilila buno busi,mube agha buneli,ta kumiyolo!³⁰Mwami,nu mukulu wa musumba, Belenise,nu bansayi babagha nabo bimalukagha,³¹nu,mwa mu kwenda ,batendagha ghabasambana: Ghono muntu ntakitile kena kinasula akwa ali akandwa.³²Nu Agilipa abulagha Feshitusi: Ghoso muntu anakandulilwe,ndi ntanikishe matenda maghe kwa Mwami.

Chapter 27

¹Gha bakatagha lwango lwa kwenda kw' Italia,Polo abikwagha ghamoyi na bango bakandwa mu maboko ma mukulu wa basula ogushito,wamanaghwa Yulio. ²Twingilagha mu bwato bwa ku Andalamite,bunikile ku Asia, nu twendagha, ghamoyi na Alisitaliko wa Makedonia wa ku Tesalonika.³Bwachagha busi, twikagha ku Sidoni, nu Yulio walangagha busogha Polo, amwimilagha ende ku binda baghe buno bamulange. ⁴Kutuka agho,twatingagha ku kakishi ka Kipulo,kubuno malingi mabagha mabibu.⁵Gha twashilagha kusoka kitatenge mu kibe cha Silisia nu Mpafilia,twikagha ku Mila sa ku Lukia.⁶Nw'agho,mulangi wa basula,mu kusanga bwato bwa Alesandilia bubo bwabagha bukwenda Italia,atubakamyagha mu bo.⁷Bindi bingi twendagha bukebuke,nu mu minubo twikagha ku Sinide,uko malingi tamatushighililagha twike ko.Twatingagha kunsi kwa kakishi ka Kelete, u kibe cha ku Salomone.⁸Twendagha na munubo,nu twikagha mu kishiki ki kumanwa Imbungo lisogha,bwighi na musumba wa Lase.⁹Mu bindi bingi,nu lughendo lwabagha lubi,kubuno bindi bya kunanya' indya byabagha byatinga.¹⁰Uchasulagha Polo akengesha banabo nu kubabula:E balume,nalola buno mu luno lughendo mweli lukwo nu kushimisha bingi,ta mishigho umpanga,nu tabwato,tondo lingo bantu bitu.¹¹Mukulu wa basula ongwililagha Wa kulugha nu mukulu wa bwato ta bitondo bya Polo.¹²Nu bwabagha imbungo ta lisogha mu nsogho,bengi bashimagha kutuka bagheleke kwika ku Feoniki,imbungo lya Kelete u lyabagha ku kutukilagha musi nu kuukuyamagha,buno batinje bindi bya nsogho agho.¹³Lumpumpu lukeke lwa nkunsi lwatingagha,nu,mu kulenganya buno u bite kalamo kabo ,bakandulagha mushighi nu bendagha bwighi na kishiki ka Kelete.¹⁴Tondo agho,kiswa kinene kikumanwa Elakilo,chatingagha ku kakishi.¹⁵Bwato bwayungwayungwagha,ta bwakoshagha lumpumpu,nu twendagha ku tutashima.¹⁶Twatingagha kunsi kwa kakishi kakeke ka kumanwa Koloda,nu twanubagha kukanda bwato buno tulame.¹⁷Gha twashilagha ku bubakamya,twabukandagha,nu mu kukwa boba bwato unaangatana mu museghe wa Shilite,twasunulagha mishighi.Nwagho malingi matwekagha.¹⁸Bu twanubagha bubibu na malingi ,munindu twatagha mishigho mu kitatenge.¹⁹Nu kindi cha bisatu twatagha beshwe binene mishigho situ .²⁰Musi nu tumbalumbalu ta byasanagha ,mu malingi mabagha mabibu twindagha malelamilo ma kulama.²¹Twatinjagha bindi bingi ta twalile.Agho Polo,mu kwimala munkatighi nabo,ababulagha :E balume,bwabagha busogha munongwilile nu ta kutuka ku Kelete,buno twindamye na lukwo nu kushimisha binsayi.²²Lelo nababula mube na maghala;kubuno ta ku wampa ku benywe u kakwa,nu tamukashimisha kena,ndi ta bibyo bya bwato umpanga.²³Mughenshi wa Ghongo u neli nawe nu unkukitila milimo anikinde mu kino kindi,²⁴nu ambulile:Polo,ntukwe boba;bweli busogha wintendele ku bwami,nu lola,Ghongo akweleshishe abo bansayi baweli nabo mu bwato.²⁵U chasula,e balume,mumane bulili,buno nalelamila Ghongo buno bukaba ubo bunabulwagha.²⁶Tondo twemana kulibanwa mu kakishi kamoyi.²⁷Mu kindi ki kumi na binayi,bu twabagha tukuyungwayungwa ku Adiliatiko,bisa bwato mu nkatighi na kindi ,balenganyagha buno twika bwighi na muse.²⁸Mu kulingika moosa,basangagha metele makumi mabili; ghabusho lingo baghelekagha moosa lingo,basangagha metele ikumi n'etano.²⁹Mu kukwa boba bwa kwangatana,twashukagha mishighi enayi ku makoyi buno bwato bwimale mu kulindila busi buche.³⁰Tondo,bisa bwato balondagha kutina,bimikagha bwato na wa kikayi kinene kibalekelagha mu kitatenge anga babakwenda kushuka mishighi. ³¹Polo abulagha mukulu wa basula nu basula: Ndi bano bantu tabashighala muno mu bwato,ntamunalama.³²Agho basula baketulagha mishighi sa bwato,nu kusishighilila.³³Gha binde busi ta bucha,Polo abulagha bantu bansayi buno balye,mu kutenda: Buno busi u kindi k'ikumi na binayi tamulya kena.³⁴Nababula buno ,mulye , kubuno bwaswagha ku kalamo kinu,nu taku lushuli lwampa lukatuka kw'itwe lwinu.³⁵Kushila kutenda ubo, atolagha kampapa,nu, mu kushila ku kasanila Ghongo mu miso ma bansayi,akaketulagha nu kulya.³⁶Nu bansayi, babagha na maghala ma kulya nubo.³⁷Beshwe bansayi,twabagha mu bwato ,bantu maghana mabili makumi mutubakamo nu mutuba.³⁸Gha bashilagha kulya busoghabusogha,batagha mishigho sa ngano mu kitatenge buno bwato bulelembe.³⁹Bwachagha busi, tabamanile lingo ku muse; tondo mwa mu kulola ku mutobo kulai nu kiseghe bakalagha lwango lwa kushighelesha bwato ko ,ndi banakosha.⁴⁰Baketulagha mishighi nu kusishighilila sende mu kitatenge,nu ba shighililagha byakandwagha kubusho kwa bwato,nu babikile lwabusyo lwa kiswa ,nshulu sa alitimu nu bendagha kw'isokelo.⁴¹Tondo basangagha itete lilayi,bimikagha bwato agho nu tabwatukile agho,nu kasamba ka tukagha na kimpumu cha malingi.⁴²Basula bakalagha lwango lwa kwita bakandwa ,kunaba umoyi walama mu kogha.⁴³Tondo mukulu wa basula,walondagha kulamya Polo,abananiagha .Akakishagha babo bakumana kogha bindekele batangi mu lusi buno basoke,⁴⁴nu ba bango bakatilinde ku minsenga sa bwato. Nu mu bubo bansayi basokagha.

Chapter 28

¹Ghabagha tw'indamya, twamanililagha buno ako kakishi kekumanwa Melita.²Bantu ba miyabuyabu batusekelagha busogha kughimba bango; batushigheleshagha bwighi na kaya ,kabakonjagha kubuno mbula sabagha sikuloka nu mpegho sabagha ningi.³Polo mu kukunsa malele nu kumabika gh'ishiko,mwecho kilungu,bulighi bwatukagha mumo nu kw'imbinga mu kuboko kwaghe.⁴Bamiyabuyabu gha balolagha bulighi bw'imbinga mu kuboko kwaghe,batendagha gha basambana:Bulili ghono muntu eli mwiti,kubuno busanana bwa Ghongo tabwamushighilila alame mwa mu kutuka mu kitatenge.⁵Polo atenjatenjagha kuboko,bulighi bwa kolokelagha mu kaya,nuwe ntababalilwe.⁶Abo bantu balindilagha balole bwakuwha nu kukwa;tondo,mu kulindila mu nkungu ningi,kulola buno ntababalilwe,baghalulagha milenganya sabo buno eli ghongo.⁷Bwabagha bwighi bwighi,maswa ma muntu munene wa kakishi,ukumanwa Pubuli,u watuyamichagha nu kutusekela kwaghe bindi bisatu anga mwinda witu.⁸Ise wa Pubuli abagha ayamile na lusambo lwa kabubi nu akwansa mikilha;Polo mwa mu ku shighelela kweli,aseghagha ,amubikilagha maboko,nu amulamyagha.⁹Mwako kakishi, mwatukagha bango basambi nu balamagha.¹⁰Tweleshwagha lwanso lunene,nu mu kwenda kwitu,batweleshagha bikayi bitwabagha nabyo nkasa.¹¹Kushila mweshi esatu,twendagha mu bwato bwa Alesandilia, bwatinjagha bindi bya nsogho mu kakishi,nu bwekagha kilimelime cha keko disukula.¹²Mu kwika ku Salakuse,twashilagha gho bindi bisatu.¹³Mu kutuka agho,mu kwenda mu mutili, twikagha ku Legio;nu munindu musi wasughagha,twakitagha mu lughendo bindi bibili kwikila ku Pusole,¹⁴nu twasangagha ko bisakwitu batuseghagha twikale nabo bindi mutubakamo .Nu bubo twendagha ku Loma.¹⁵Ku Loma,bisakwitu gha bongwagha ku musaghu witu, bashwagha kutukulumanya, kwika ku Foluma sa Piusi nu ku Tavelene si satu.Polo mu kubalola ko,aghanulagha Ghongo ,nu abagha na maghala.¹⁶Gha binde twika ku Loma,b'imilagha Polo ikale w'inene na sula umoyi ukumulanga .¹⁷Ku bindi bisatu,Polo amanagha bakungu ba Bayuda; nu kushila kukulumana,ababulagha bino bitondo: Bisakwitu,mu kuba nshakitinde bantu bubi ali ntungo sa batata,nakandilwe ku Yelusalema nu uko, ukubikilwe mu maboko ma Baloma.¹⁸Ghabashilagha kumbusha,balondagha ku nkandula,kubuno tabasangagha ki nasula nakwa.¹⁹Tondo ba Yuda bananagha,nu nichagha bitondo ku lusu,nu nshite mulenganya wa kutalikila kilongo chani.²⁰Lola uchasula nalondagha kubalola ko nu kubabula;kubuno mu malelamilo ma Isilaeli u munite whuno muyololo.²¹Bamwakulagha: Tatwamonile maluba mampa ma kutuka ku Yudea kw'itenda lyobe,nu takwile mw'isakwitu kuno watusambalinde ali kutenda bubi kuwe.²²Tondo tukushima tumane biukulenganya,kubuno meghisha m'indini lino likutekulwa bubi kunsayi.²³Bamushighilagha kindi kimoyi,nu bengi bashwagha kumusona kwa kweli.Polo abasansilagha bitondo bya bukota bwa Ghongo,mu kuteneneka,nu mu kulonda,kutingila mulembe wa Musa nu balenganya, abaloshe busogha Yesu. Matenda mabo malingilagha nindunindu kw'ikila igholo.²⁴Bamoyi bimilagha byatendagha,nu bango bananagha ku katisha.²⁵Mukwengukana,Polo atendagha lingo: Ku bibyo uchasulagha Muusa Musogha,watenda na baso kutingila mulenganya Isaya,watendagha:²⁶Nda kweli abo bantu,nu babule: Mukwongwa na matui minu,nu tamukamana kena;Mukalola na miso minu,nu tamukamona.²⁷ Kubuno mitima sa bano bantu si mbibhu; bashibile matuyi mabo,nu kushiba miso mabo,kubuno balolaghe na miso mabo,bongwaghe na matuyi mabo,bamanaghe na mitima sabo,tabaghaluke ,nu nshibalamye.²⁸Mumane lino buno lonio lwa Ghongo lwasingwa ku Babilongo,nu bakalongwilila.²⁹Gha shilagha kutenda ubo,Bayuda biyendelagha ,kukita myango gha basambana.³⁰Polo akitagha myaka imbili mu numba salighagha.Asekelagha bansayi bashwagha ku musona,³¹kusansa musaghu wa bukota bwa Ghongo nu mu kw'eghesha bibyo bya Mukota Yesu Kilishitu,bwasibwasi nu takuli wamunanilagha.

Romans

Chapter 1

¹Polo, mukiti wa Yesu Kilishitu wamanwagha abe ntumwa, wasombolwagha asanse musaghu musogha wa Ghongo, ² walaghwagha kalayi na Ghongo kutingila balenganya baghe mu kitondo cha Ghongo,³chatenda ku Mwana waghe (wabutilwe mwa kibuti cha Daudi, mu mubili,⁴nu kumanwa Mwana wa Ghongo ku bwangato kuyangana na Muusa wa sanana,kutingila kutuka ku bakui kwaghe), Yesu Kilishitu Mukota witu, ⁵ku 'we tweleshishwe mpang'inene nu butumangwa,buno twikile mwa mw'ishina lyaghe, mu kwimila busogha lukatisho lwa bilongo bansai,⁶nu kubyo benywe nubo mwamanilwe na Yesu Kilishitu--⁷nu ku bansayi ku Loma,beli nshimwa sa Ghongo, bamanilwe babe basanana ; Mpang'inene nu boolo mweleshibwe byo na Ghongo Tata nu Mukota Yesu Kilishitu !⁸Nakasanila tanga Ghongo wani kutingila Yesu Kilishitu ku benywe bansayi, kubuno lukatisho lwinu lwamanwa mu kisi kinsayi.⁹ Ghongo, u nkukolela mu mutima wani mu musaghu musogha wa Mwana waghe,bya ntenenekela buno nshikwinda ku bakengela, ¹⁰nkusegha mu masegho mani ma bindi binsayi, buno mu kushima kwaghe , nibe na mboghimboghi sa kwenda kwinu.¹¹kubuno,nkushima nibalole ko ,buno nibasambalile lukaso lwa sanana lwa Ghongo,buno mukokomeshe mu lukatisho,¹² Ali tweleshibwe maghala,kutingila lukatisho lutwasangila ,benywe nw'ine.¹³Nshikushima mwinde kumana ,bisakwitu , buno nkubagha na mulenganya wa kwika kwinu.Buno nimone bisogha ku mweli,anga ku bingo bilongo; tondo nangilwa kwikila lelo.¹⁴ Nite nkashi ku Bagiliki nu ku Bantu ba miyabuyabu, ku bantu ba milenganya ningi,nu ku batakulenganya. ¹⁵Ubo nite nkasa inene sa kubasansila musaghu musogha, ku benywe beli ku Loma.¹⁶Kubuno nshikukwila musaghu musogha nsoni; bweli bwangato bwa Ghongo ku kalamo k'olya wakatisha,ku Bayuda tanga, nu ku Bagiliki nubo.¹⁷ Kubuno muwe u mwalimbulindwe kw'isanana kwa Ghongo kutingila lukatisho nu nkatisho, anga bu bwatililwe: Wasanana akimala mu lukatisho.¹⁸Mishibu sa Ghongo sa limbulwa kw'ighulu ku bwaghi nu kubitasanana bya bantu,bakubisa bulili,¹⁹kubuno bi tunamana ku Ghongo ,byalimbulwa bwasi kubo, Ghongo mu kubalosha byo.²⁰Ubo bintu bisogha bya Ghongo bitekumoneka ko , nu bwangato bya milyalya nu bu Ghongo bwaghe,bikumoneka ko kulingila kubumbwa kwa kisi,mu kulola ku binsai byakitile. Ta binendela myango,²¹mu kumana Ghongo,tabamutatile anga Ghongo,nu tabamukasaninde;tondo bashiminde mu milenganya sabo,nu mutima wabo utekulenganya winginde mu bulimaswa.²²Kwitata buno beli balenganya, baghalukile bashile;²³Nu baghalukishe lukumbu lwa Ghongo utakakwa , mu bilimelime bya muntu u kakwa,tusoni,mu nama sa maghulu manai,nu mu nama sakwendela ku nda.²⁴Uchasulile Ghongo abashighilinde mu bwaghi ,kulembana na nkasa sa mitima sabo;nu ba benga bo binene mibili sabo.²⁵ Bo,baghalulile bulili bwa Ghongo kuba bwisa, nu bakumbaminde nu kukitila milimo kintu kughimba Ghongo,wa kasanilwa mu milyalya .Amina!²⁶Uchasulagha Ghongo abashighilinde mu nkasa sa bibi;kubuno bakashi babo bashighile bu bakuyamagha na balume nu kughalula butanakitwa mukashi. ²⁷ Nu balume babo nubo bashighile nsila sa bakashi, bingilinde kulimbyana balume binene kubo binene. Babo bakitile ubo, beleshibwe indigho lya bulasalasa bwabo.²⁸Tabite mulenganya wa kumana Ghongo, Ghongo abashighilinde mu nsila sabo sa bushimishi, buno bakite bitondo bitaswagha .²⁹Bisalana na mabi mansayi,kukalama,butughu, bwenge bubi, kushima bya bene, bwiti, nsaki, bwengelelo, ³⁰ kusomba, batulanya,bakutenda bubi,bakunana Ghongo,bisa nsaki, bakwindola,bisa kw'itata,bashingi ba bitondo,bisa kanywa, bisa kwitumbya, mighansanga, bakiti ba mabi, baghini ku babuti babo,³¹ batite milenganya,ba kughalukaghaluka,banani ba bilongo,tabite lukogho.³²Nu banaba bakumana lughayo lwa Ghongo, bakukita ibyo bemana kukwa,ta buno bakubikita umpanga,tondo beli na lwango lumoyi na babo bakubikita.

Chapter 2

¹Ee muntu , unaba uwe nayi, uwe ukughaya , ntuna kwilwa lukogho; kubuno mu kughaya bango, nti ukw'ighaya uw'inene. Kubuno ukughaya,ukukita ibyo nuwe.² Tukumana buno,lughayo lwa Ghongo ku babo bekukita ibyo lwatuka mu bulili.³Nu ukulenganya buno ,e muntu,olya ukwaya ba bakukita ibyo nu akubikita,ukabembuka lughayo lwa Ghongo? ⁴Ali,wabenga butumba bwa busogha bwaghe, nkiki saghe nu kwindisha kwaghe, ntukumana buno busogha bwa Ghongo bwakicha mu kwisungula mutima.⁵Tondo, mu bubibu bobe nu bwa mutima wobe utashima kughaluka,w'ikunsumanisha mushibu wa Ghongo busi bwa lusungyo lwa bulili lwaghe. ⁶u kakulukisha muntu insai kutingila mikolo saghe. ⁷Kubikila kalamo ka milyalya ku babo ,mu kukita bu sogha,bakulonda lwanso,lukumbu nu kutakukwa;⁸tondo konganwa kubibu nu kushibukila babo ,ku mutima wa nsaki,beli baghini ku bulili nu bimila bi tatunganana.⁹Munubo nu nsusu ku mutima wa muntu ukukita bubi,Bayuda tanga,nu ku Bagilikii.¹⁰Lukumbu,lwanso,nu boolo k'olya ukukita busogha,ku Bayuda tanga nu ku Bagiliki! ¹¹Kubuno kwa Ghongo, takuli bu ntoghole. ¹²Bansayi bakitagha bwaghi ghete mulembe bakakwa gheteli mulembe, nu bansayi bakitagha bwaghi gheli mulembe bakaghibwa na mulembe.¹³Ta babo bekwongwilila mulembe u bisanana mu miso ma Ghongo, tondo ba bakukita byeli mu mulembe,ubakamanwa ba bulili.¹⁴Bilongo betite mulembe,ndi bikukita bya byatilwa mu mulembe,beli,mulembe bo binene;¹⁵Balosha buno nkashi sa mulembe satilwa mu mitima sabo,nu mulenganya wabo musogha,mu kuteneneka,nu milenganya sabo si kutalikilana ali kwitendela umoyi kungo. ¹⁶Ubukaloleka ko ,anga musaghu wani musogha, Ghongo akaghaya kutingila Yesu Kilishitu bitondo bya biswa bya bantu.¹⁷Uwe ukwimana Muyuda,wikalila mulembe, ukwitatila Ghongo, ¹⁸Uwe ukumana byashima, ukumana kulekanucha bikayi ,wegheshwa na milembe; ¹⁹uwe windola buno ukutabanja byuku, chengeshi ku babo beli mu bulimaswa, ²⁰mweghesha wa baghasanga ,mwegheshi wa bikongolo kubuno wite mu mulembe myanya sa bumanililo nu bulili ;²¹ Uwe, u kweghesha bango, ntukwiyeghesha w'inene! Uwe ukweghesha bango bimbaghe,nu u kwimba! ²²Uwe ukutenda munteshaghe,nu ukuntensha! Uwe wasomba byeko,nu ukwela byeko!²³Uwe w'inkita lukumbu lwa mulembe, wabenga Ghongo mu kubela mulembe!²⁴ Kubuno ishina lya Ghongo lyeneghwa na benywe mu bilongo anga bwatililwe.²⁵Kumonywa ku kusogha, ndi wayanga mulembe ; tondo ta kusogha ndi wata mulembe²⁶Ndi utamonywile ayanga byatilwa mu mulembe, kwinda kumonywa kwaghe takukakatwa anga kumwonywa? ²⁷Utamonywile bulili nu ukukita bya mulembe,nta ka kwaghya uwe wata mulembe,nu ukumana byeli mu mulembe nu kumonya ?²⁸Muyuda ta ghoso ukulolwa ko; nu kumonywa ta bwa kumoneka ko ku mubili. ²⁹Tondo Muyuda ,u ghoso weli we mwa mu mutima ;nu kumwonywa,u bubo bwa mu mutima, mu Muusa nu ta mu mutilo.Kughanula kwa ghoso Muyuda ta kwatuka ku bantu,tondo kwa Ghongo.

Chapter 3

¹Ki chaswaghila Bayuda, ali ki u busogha bwa kumonyeshibwa? ²Buli bunene ku nsila insayi,kubuno bitondo bya Ghongo beleshibwe byo tanga.³Nu ndi bamoyi kubo ta ba katisha,bwaghi bwabo bunashimya bulili bwa Ghongo ?⁴Tobo!tondo Ghongo ekumanililwa wa bulili,nu muntu unsayi u wa bwisa, anga bwatililwe: Buno usangwe wa bulili ku bitondo byobe,nu wakindagha gha bakukughaya.⁵Tondo ndi kwinda kusanana kwitu ndi kwimika kusanana kwa Ghongo, tutende ki? Ghongo nta sanana mu mushibu waghe? (nkutenda anga bantu).⁶Tobo! buni bwakaghaya kisi we Ghongo?⁷Nu ndi, ku bwisa bwani, bulili bwa Ghongo bukumoneka ko ku lukumbu lwaghe ,buni bunaghibwa lingo anga mwisa bwaghi?⁸Ki kinasula nakita bubi nu busogha kimoneke ko, anga bamoyi kubo bakutushingila bwisa, buno tukubitenda?Kwaghibwa kwabo kuli kwa bulili.⁹Ki lino !Tuli basogha ? ¹⁰Tobo. Kubuno twaloshishe kalayi buno bansayi, Bayuda nu Bagiliki beli mu bukota bwa bwaghi,anga bwatililwe:Taku wa bulili,ta wampa.¹¹Taku mulenganya,ta wampa ukulonda Ghongo;bansayi baabukile,bansayi babulughanile;¹²taku wampa ukukita busogha,ta n'umoyi;¹³Mwegho wabo uli nsinda sighulwa; ndame sabo sili sa kwengelela bango.Ku milomo sabo kuli busungu bwa nsoka;¹⁴kanywa kabo kisala bishulilo nu lubaba;¹⁵Bite maghulu masasha mu kwitila mikila; ¹⁶ busambya nu musambo byeli mu nsila sabo;¹⁷Tabakumana nsila sa boolo;¹⁸Mu miso mabo tabakukwa Ghongo boba.¹⁹Nu tukumana binsai byatendwa mu mulembe ,akubula babo beli mugho, kubuno kanywa kansayi kashiba ,nu bansayi bamanwe na Ghongo buno bantu ba bwaghi.²⁰Kubuno ta kweli ukasanana kutingila milimo sa mulembe,tondo nti kutingila mulembe u kweli kumana bwaghi.²¹Tondo ,ghe teli mulembe u kweli bulili bwa Ghongo,bukutenenekwa na Mulembe nu balenganya,²²Bulili bya Ghongo kutingila lukatisho kweli Yesu Kilishitu ku bansayi bakatisha,takweli kusombola.²³Kubuno bansayi bakitile bwaghi, nu kwimwa lukumbu lwa Ghongo;²⁴Nu bansayi bamanwa ba bulili ku mpang'inene,kutingila kalamo ka bulili keli mu Yesu Kilishitu.²⁵We u wabikwagha na Ghongo,ku tingila mikila saghe,buno abe kisansa ku babo bakakatisha,buno aloshe bulili bwaghe , kubuno ashighililagha bwaghi bwakitwagha kalayi ,²⁶buno aloshe bu bulili bwaghe lelo k'olya wamukatisha.²⁷Ki uchakwitatila?Bwashilile ubo.Ku mulembe ki? Ku mikolo sa milembe? Aye, tondo ku mulembe wa lukatisho. ²⁸Kubuno tukulenganya buno muntu asanana kutingila lukatisho,ta ku mikolo sa mulembe.²⁹Nu Ghongo eli tughu Ghongo wa Bayuda ? Nteli nuwe wa Babilongo? Naki, eli nuwe wa bilongo, ³⁰kubuno kweli Ghongo umoyi, ukaghansa babo ba bulili,bamonywile nu batamonywile.³¹Twashimya mulembe kutingila lukatisho? Tobo ! tondo twimika mulembe.

Chapter 4

¹Tutende lingo buni ku Bulaimu tata witu ,bya monagha kutingila mubili? ²Nu ndi Bulaimu amanwagha wa sanana kutingila mikolo, anitata tondo ta kweli Ghongo.³ Kubuno buni bwatenda kitondo cha Ghongo? Bulaimu akatishagha Ghongo, nw'ibyo byasulile aghanswa wa bulili.⁴Tondo, ku ulya wakita mulimo,ndi alighwa,ta ku mpang'inene , tondo anga indigho lyaghe;⁵Nu ulya utakita nkashi, tondo akatisha ghoso ukughansa babi, lukatisho lwa ghoso lwa ghanswa lwa bulili.⁶Tondo Daudi nu we alosha ighuma lya muntu waghanswa wa bulili na Ghongo nu ntakitile milimo.⁷ Mboghimboghi ku babo bashighililwa mabi mabo, nu bwaghi bwabo bwakunikwa ! ⁸Mboghimboghi sa muntu utaghansilwa bwaghi na Mukota.⁹Kashi ighuma lyeli umpanga ku bamonywa mpala sa munganga nu kubatamonywa? Kubuno tukutenda buno lukatisho lwaghanswagha kweli Bulaimu.¹⁰Buni bwa ghansilwagha lo? Lwabusho ali kumbusa kwa kumonyeshibwa kwaghe? Abagha nte monywa nenshi.¹¹Nu eleshibwe kamanililo ka kumonya kabe anga kama ka kumughansa wa bulili keleshibwagha kutingila lukatisho,nu nte monywa,kubuno abe tata wa bansayi betemonywa bakatisha,inga baghanswa ba bulili,¹²nu tata wabamonywa ,ta wabamonywa umpanga,tondo babo bakutabanga mu nsila sa lukatisho lwa tata Bulaimu nu nte monywa.¹³Kubuno,ta ku mulembe chasula Bulaimu ali ku kibuti chaghe eleshibwa mwandu wa kisi , nti kutingila lughanso lwa bulili lwa lukatisho¹⁴. Kubuno ndi bisa mwandu bite gho kutingila mulembe nti lukatisho lweli lwa tughutughu.Nu indaghi nti lyashima,¹⁵kubuno mulembe ukubuta mishibu,nu gheteli mulembe tagheli kukita bwaghi.¹⁶Uchasula bisa mwandu bite gho kutingila lukatisho,kubuno kutingila mpang'inene,inga indaghi lyaba ku kibuti,ta ku kibuti kikuyanga mulembe,tondo kicho kite lukatisho lwa Bulaimu tata wa bansayi anga bwatililwe: ¹⁷Nakwimikile ube tata wa bilongo bingi. Eli tata w'olya wakatisha,Ghongo, ukwelesha kalamo ku bakuyi,nu akumana byeli anga bitabagha.¹⁸Mu malelamilo,akatishagha nu kuba tata wa bilongo bingi anga bwabulaghwa:Buno ubukaba kibuti chobe.¹⁹nu kwinda kukutwa mu lukatisho ntikatile buno mukungu nu abagha na myaka ighana,Nu mughole waghe Sala abagha ta wa kubuta lingo.²⁰Ntendagha myango kw' indaghi lya mulaghagha Ghongo: tondo abagha na lukatisho maghala mu lukatisho,mu kughanula Ghongo,²¹Nu abagha na ndemalilo buno bya bulwa bikaba. ²²Uchasula aghanswa muntu wa bulili .²³Tondo ta ku winene uchasula bibo byatilwagha aghansilwa byo;²⁴ Tondo ku beshwe,tukaghansilwa byo,ku beshwe twakatisha k'ulya watuchagha Yesu Mukota witu, ku bakuyi, ²⁵Ulya wesanwagha ku bwaghi bwitu nu atukagha ku bakuyi buno tushighililwe bwaghi bwitu.

Chapter 5

¹Kushighililwa kwitu kutingila lukatisho, twite boolo ghamoyi na Ghongo mu Mukota witu Yesu Kilishitu,²kwaghe ukutwamona mpanga kutingila lukatisho ,u mutwikala,nutunkwitata mu malelamilo ma lukumbu lwa Ghongo.³Ta kwibyo umpanga, twitatila nu minubo ,kumana buno munubo ukubuta kwinya mutima, ⁴kwinya mutima ukukinda malingiko, nu kukinda malingiko,ukulisha malelamilo. ⁵Tondo malelamilo tamakwengelelagha , kubuno lutundo lwa Ghongo lwisala mu mitima situ kutingila Muusa Musogha uteleshibwe.⁶Kubuno ghatwabagha tatwite maghala, Kilishitu ,ku bindi bikumanwa, akwile ku myanya sa bantu babi. ⁷Ta kusoshu muntu kukwila muntu mubi; tondo bu busoshu kukwila muntu musogha.⁸Tondo Ghongo akulosha lutundo lwaghe ku tweli, kubuno, gha twabagha tucheli baghi, Kilishitu atukwilinde. ⁹Nu bwingi kubo, lola twasanana kutingila mikilha saghe, nu akatonia mu mushibu waghe.¹⁰Kubuno ndi, ghatwabagha baghini, twalonganilwe na Ghongo kutingila lukwo lwa mwana waghe,nu busogha k'obo,mu kulongomana nawe,tu kona kutingila kalamilo kaghe.¹¹Ta nubo umpanga, tondo tukw'itatila mu Ghongo kutingila Mukota witu Yesu Kilishitu ,muwe umutweleshibwe malongano.¹²Uchasula,kutingila muntu umoyi bwaghi bwinginde mu kisi,nu kubo bwaghi lukwo, nu lukwo lweninde ku bantu bansayi,kubuno bantu bansayi bakitagha bwaghi,¹³ Kubuno kutukila mulembe bwaghi bwabinde mu kisi, nu bwaghi ta bwaghanswa gheteli mulembe.¹⁴Kutukila agho lukwo lwangatile kisi tukila Adamu kwikila ku Musa, nu ku babo batakitagha bwaghi,anga Adamu,wasusana anga olya ukika.¹⁵Tondo ta bwa lukaso lwa tughu anga kukita bwaghi;kubuno bwaghi bwa muntu umoyi,bengi bakwile,nu lukaso lwa mpang'inene kutukila mu ntu umoyi Yesu Kilishitu,kalamo kalamishe bantu bengi.¹⁶Nu ta ku lukaso lwatukagha ku muntu umoyi wakitagha bwaghi;tondo ku bwaghi bumoyi ukwatukinde kughayibwa,tondokutingila lukaso lwa tughu,bantu bengi bashighilindwe bwaghimbwabo. ¹⁷Ndi ku bwaghi bwa muntu umoyi ,lukwo lwikile mu kisi,bwingi kobo bantu beleshibwe mpang'inene nu lukaso lwa bulili bakaba na kalamo kutingila Yesu w'inene.¹⁸Agho lino,kutingila ku bwaghi bumoyi kwaghibwa kwikile ku bantu bansayi.Nu ku kitondo kimoyi cha bulili,kushighililwa bwaghi kwikile ku bantu bansayi.¹⁹Kubuno kwinda kongwa kwa muntu moyi,bengi bakitile bwaghi,nu kwongwilila kwa muntu umoyi, bantu bengi bakaghulukile basanana.²⁰Tondo, mulembe wabikilwe buno bwaghi bube bwingi, tondo gha gheli bwaghi, mpang'inene sabinde ningi, ²¹Kubuno ,bwaghi bwashwile na lukwo,mpang'inene sa bulili,sikile na kalamo ka milyalya kutingila Yesu Kilishitu Mukota witu.

Chapter 6

¹Tukatenda ki lingo? tukikala mu bwaghi, inga mpanga'nene sika?² Tobo! beshwe twakwile bya bwaghi, buni butun'ikala lingo mu bwaghi?³ Tamukumana buno beshwe bansayi twapatishwagha mu Yesu Kilishitu, ta mu lukwo lwaghe u'mutwapatishibwagha?⁴Twakundwagha ghamoyi nawe mu lukwo lwaghe,kubuno anga Kilishitu atukagha ku bakuyi mu lukumbu lw'ise,ububo nu beshwe tutabange lelo mu kalamo kaghe. ⁵Ububo, ndi twabinde muntu umoyi ghamoyi nawe kutingila lukwo lwaghe,tukaba lingo muntu umoyi kutingila kutuka kwaghe ku bakuyi,⁶Mukumana buno muntu witu wa kalayi akwagha ku musalaba nawe , buno mubili wa bwaghi ubole,nu tube lingo ntumwa sa bwaghi; ⁷kubuno ulya wakwa ta mu kandwa lingo wa bwaghi.⁸Ndi twakwagha ghamoyi na Kilishitu, twakatisha buno tuk'ikala ghamoyi nawe,⁹ mukumana buno Kilishitu watukagha ku bakuyi nta nakwa lingo; lukwo talwite lingo bwangato kuwe.¹⁰Kubuno akwilagha bwaghi limoyi umpanga,atukile ku bakuyi,nu eli gho kutingila Ghongo. ¹¹Nu benywe mwindole ko,anga mwakwilinde bwaghi,nu mweli kwa Ghongo mu Yesu Kilishitu.¹²Bwaghi tabwikalaghe lingo mu mibili sinu si kakwa ,nu mwimilaghe lingo nkasa saghe. ¹³Ta mwesane bighansa bya mubili winu ku bwaghi anga kikayi cha bwaghi, tondo mwishighilile benywe binene kweli Ghongo,anga ba batukile ku bakuyi, nu mweleshe Ghongo bighansa binu anga bikayi bya bulili.¹⁴Kubuno bwaghi tabukaba na bwangato kwinu, kubuno mweli,ta mu mulembe, tondo mu mpang'inene.¹⁵Ki lino? Tukite bwaghi kubuno tuli ta mu mulembe, tondo mu mpang'inene? Nu kilo.Bulayi nobo! ¹⁶Ta mukumana buno mu nkwishighilila ku muntu anga bakobe, mukumwongwilila, muli bakobe ba ghoso umukwongwilila,anga bwaghi bukwicha ku lukwo, ali kwongwilila ku kwicha ku bulili?¹⁷Tondo Ghongo atatwe, kubuno gha mwabagha bakobe ba bwaghi, mwongwililagha mu mutima winu,bitondo bimwegheshibwagha.¹⁸ Gha mwatukagha mu bwaghi, mwaghalukile bakobe ba bulili._¹⁹Nkutenda bu kutendagha bantu ku bushoshu bwa mubili winu.Nubo lingo mwesanile bighansa binu anga bakobe ba mabi buno mwike ku bwaghi,nu lelo mwesane bighansa binu anga bakobe ba bulili, buno mwike ku busanana.²⁰ Kubuno gha mwabagha bakobe ba bwaghi,ta mwakandwagha na bulili .²¹Bighuma ki u bimwakonamyagha lino?Bighuma bimukongwila nsoni lelo.Kubuno gha shinda ibyo binsayi nti lukwo.²²Tondo lelo, gha mwashighililwa ku bwaghi nu kughaluka bakobe ba Ghongo, mweka bighuma bya kusanana , nu kushila agho kalamo ka milyalya. ²³Kubuno indigho lya bwaghi u lukwo; tondo lukaso lwa tughu lwa Ghongo,u kalamo ka milyalya mu Yesu Kilishitu Mukota witu.

Chapter 7

¹Tamukumana buno, e bisakwitu,kubuno nkutenda na bantu bakumana mulembe_,buno mulembe wite bwangato ku muntu wicheli wisa?²Ububo mukashi wa songwa akandwa na mulembe ku munachaghe ndi echeli gho;tondo ndi munache akwa ,nti atuka mu ubo bwangato bwamukandagha na munache.³Ali lingo ,ndi munache echeli gho,nu aba mukashi wa ungo mulume,nti atensha; tondo ndi munache akwa,nti ntakandwa lingo na bwangato,nta tensha lingo ndi aba mukashi wa ungo muntu.⁴Ubo nubo ,bisakwitu,benywe nubo mwabagha bakuyi ba mulembe, kutingila mubili wa Kilishitu watukagha ku bakuyi,kubuno tukonamye bighuma kuli Ghongo.⁵Buno,gha twabagha mu mubili,nkasa sa bwaghi satukagha mu mulembe sa kitagha nkashi mu bighansa bitu,buno tukonamye bighuma ku lukwo.⁶Tondo lelo,twakandulilwe mu mulembe,mu kukwila uso mulembe mutwabagha twakandilwe ,kubuno tukite nkashi mu mutima wa mu bino bindi,ta mu mutima wa kalayi.⁷Tutende lingo buni? Mulembe uli bwaghi? Tobo! Tondo namanagha bwaghi kutingila mulembe.Buno nshinamanile bubi,ndi mulembe tawatendagha:Ntuka kita mabi.⁸Nu bwaghi,mubo,bwindagha nkasa sabo munda nine;buno ghete mulembe taghe bwaghi.⁹Kwine,gha nabagha nshikandwa na mulembe ,nabagha neli gho;tondo ghikagha lukakisho,bwaghi bwabagha mwine ,nu nakwagha.¹⁰Ubo, lukakisho lwichagha ku kalamo , lwanichagha ku lukwo.¹¹Kubuno mubo bwaghi ,kutingila lukakisho lwa lukakisho lwanicha ku lukwo. ¹²Kashi lingo mulembe wa sanana,nu lukakisho luli lwa sanana,lwa bulili nu lusogha.¹³Bya byeli busogha binaba ku neli ndingililo lya lukwo?Tobo !Tondo bwaghi, buno buloleke ko kuba bwaghi,bwicha lukwo munda mwani kutingila bisogha,kutingila lukakisho bwaghi bube bubi bubibu.¹⁴Tukumana buno mulembe uli wa Muusa;tondo ine,nili wa mubili,naghushibwe mu bwaghi.¹⁵Kubuno nsikumana bi nkukita:nshikukita bi nkushima,nu nkukita binasomba.¹⁶Tondo ndi nakita bisanshima, nti namana buno mulembe uli musogha.¹⁷Nu lelo ntine u kubukita, tondo bwaghi buli munda n'ine.¹⁸Bisogha nkubimana tabili munda nine,ukutenda buno mu mubili wani;nite bunashima,tondo ta bwangato bwa kukita busogha.¹⁹Kubuno nshikukita busogha binkushima,nu nkukita bubi bu nshikushima.²⁰Nu ndi nakita binshikushima,nt'ine u ukubukita,tondo bwaghi bweli munda nine.²¹Nasanga kashi mulembe mw'ine: Gha nkulonda kukita busogha,bubi nti bwika gha busho.²²Kubuno naboghela boghela mulembe wa Ghongo,kutingila muntu weli munda n'ine.²³Tondo nkulola mu bighansa byani ungo mulembe,ukulwana na mulembe wa mulenganya wani, wangalucha mukobe wa bwaghi,weli mu bighansa byani.²⁴Mukene ine! Nayi unkatucha mu ghoso mubili wa lukwo?²⁵Ghongo atatwe kutingila Yesu Kilishitu Mukota witu!Agho lingo,ininene kutingila mulenganya nili mukobe wa mulembe wa Ghongo,nu kutingila mubili nili mukobe wa mulembe wa bwaghi .

Chapter 8

¹Kashi taku kughayibwa ku babo beli mu Yesu Kilishitu.²Kubuno,kubo,mulembe wa Muusa wa kalamo mu Yesu ?Kilishitu,u wankandulile mu mulembe wa bwaghi nu wa lukwo.³Kubuno ki tanakoshibwa mu mulembe, kubuno mubili wamubikile musoshu,-Ghongo aghishe bwaghi mu mubili,mwa mukusinga Mwana waghe mu mubili wa susana na bwaghi ku bitondo bya bwaghi,.⁴Kubo,bulili bwa mulembe bubelelele ku tweli,beshwe bekutabanga ta mu mubili tondo mu Muusa.⁵Babo bite kalamo mu mubili ,bakulenganya bya mubili, tondo babite kalamo mu Muusa,bakulenganya bya Muusa.⁶Nu lutundo lwa mubili nti lukwo, tondo lutundo lwa Muusa, nti kalamo nu boolo; ⁷Kubuno lutundo lwa mubili luli lusombo lwa Ghongo,kubuno talweli mu mulembe wa Ghongo,nu taluna kosha .⁸Ubo,bo bite kalamo mu mubili,tabana boghyaboghya Ghongo.⁹Kwinu, tamweli gho kuyangana na mubili,tondo na Muusa, ndi Muusa wa Ghongo uli munda benywe.Ndi muntu tite Muusa wa Yesu Kilishitu ta waghe. ¹⁰Nu ndi Kilishitu eli munda na benywe, ,bulili akwile mu mubili ku bwaghi ,tondo muusa wite kalamo mu bilili.¹¹Nu ndi Muusa w'olya watuchagha Yesu ku bakuyi weli munda n'inu,olya watuchagha Kilishitu ku bakuyi akelesha mubili winu wa lukwo kalamo kutingila Muusa waghe weli munda na benywe.¹²Agho lingo,bisakwitu,tatu bakobe ba mubili buno tube gho kuyangana na mubili.¹³Ndi mwaba gho mu kuyangana na mubili,nti mwakwa; tondo ndi kutingila Muusa mwita bitondo bya mubili nti mwaba gho,¹⁴Kubuno babo bansayi balhutwa na Muusa wa Ghongo beli bana ba Ghongo.¹⁵Nu tamweleshishwe Muusa wa bukobe, buno mube lingo na boba ;tondo mweleshibwe Muusa wa kuba bana,kutingila we tukumana Aaba,Tata!¹⁶Muusa w'inene ukutenenekela muusa witu buno tuli bana ba Ghongo.¹⁷ Ndi tuli bana, tuli bisa mwandu:bisa mwandu ba Ghongo nu bisa mwandu ghamoyi na Kilishitu, ndi twanuba ghamoyi nawe,buno tu katatwa ghamoyi nawe.¹⁸Nkumana minubo sa bino bindi tasinalingikwa na lukumbu lweli kubusho kwitu lutukaloshibwa. ¹⁹Kubuno kyabumbilwe kinsayi kikulindila na nkasa inene kulola ku bana wa Ghongo.²⁰Kubuno chabumbilwe kinsayi chabikilwe ghansi ku bikatinga, ta kwakushima kwacho ,tondo kutingila olya wakibikagha agho,²¹ghamoyi na malelamilo buno nuwe akakandulwa mu bukobe bwa lukwo,nu abe na kibhu mu lukumbu lwa bana ba Ghongo.²²Tondo, tukunana kwikila buno busi,chabumbilwe kinsayi kikulila nu kunuba na mbabasho anga sa kubuta.²³Nu ta so sinene;tondo nu beshwe bite myanya sa Muusa nu beshwe tukulila ,mu kulindila tube bana,nu kughalulwa mibili situ. ²⁴Kubuno mu ndemalilo u mutonile.Tondo,ndemalilo sikumoneka ko ta ndemalilo;bikumoneka ko binalemalilwa lingo? ²⁵Tondo ndi twalelamila bitutakumona ko,tukubilindila na nkasa.²⁶Ubu nubo Muusa atukukasha mu busoshu bwitu, kubuno tatukumana bisogha bi tunasegha,tondo Muusa w'inene akutuseghela kutingila indilo litanasambalwa; ²⁷Nu ghoso ukulonda mitima akumana mulenganya wa Muusa, kubuno akuseghela basanana anga bwashima Ghongo.²⁸Tukumana buno bitondo binsayi,byeli bisogha ku babo bashima Ghongo,babo bamanilwe ku mulenganya waghe.²⁹ Kubuno, babo ba managha tanga,ababikagha tanga basusane na Mwana waghe,kubuno Mwana waghe abe Nkulha mu katighi na bilongo bingi.³⁰Nu babo basombolagha tanga,abamanagha nubo; nu babo bamanagha ,abasananiagha nubo;nwabo basananaghya,abeleshishe nubo lukumbu.³¹Tutende lingo buni ku bino bitondo? Ndi Ghongo atutendela,nayi ukatusinga ? ³²We,ntatendelelagha Mwana waghe,tondo amwesanagha ku beshwe bansayi,buni bwatakakosha kutwelesha binsayi ghamoyi nawe?³³Nayi ukatalikila basombolilwe na Ghongo? Ghongo u kumana bantu buno wa bulili ! ³⁴ Nayi ukabaghaya? Kilishitu akwile;bingi kwebyo, atukile ku bakuyi ,eli kw'indume kwa Ghongo nu akutuseghela !³⁵Nayi akatulekanicha na lutundo lwa Kilishitu? Ndi muyungyoyungyo, ndi kabebe, ali munubo,ndi nsala, ali munkanka,ali lukwo,ali mbotela ? ³⁶Anga bwatilwagha:Kutingila uwe uchasula tukwitwa busi bunsayi, twalolwa anga mbuli sikwenda ku ketulwa.³⁷Tondo mwibyo bitondo binsayi twaghimba babo basinganile, kutingila ghoso watushimile. ³⁸Buno nkumana bulili ali lukwo aba kalamo, ali baghenshi aba bangati, ali bitondo bya buno busi aba bi kika, ³⁹ali bwangato,bya ku ntata, aba bya munsi,ta ku champa cha bumbilwe ki katulekanucha na lutundo lwa Ghongo lwaloshishe mu Yesu Kilishitu Mukota witu.

Chapter 9

¹.Nkutenda bulili mu Kilishitu,nshikweka bwisa,makengelo mani ma munda mankutenenekela kutingila Muusa Musoga.².Nite bongwa bunene nu nkubabalwa bubibu mu mutima .³.Kubuno inashimile in'inene nitundwe nu kushighana na Kilishitu ku bitondo bya bisakwitu,babuti bani kuyangana na mubili,⁴u Baisilaeli u baghalukile bana,nu kuba na lukumbu,nu manunsano,nu mulembe,nu melelo,⁵nw'indaghi,nu bikulukulu,nu u kwatuka kuyangana na mubili ,Kilishitu weli kw'ighulu na binsayi,Ghongo akasanilwe milyalya. Amina.⁶.Ta kutenda buno kitondo cha Ghongo takikukita kena.Kubuno, bansayi ba kibuti cha Isilaeli tabeli Baisilaeli,⁷Nu,kuba mu kibuti cha Bulaimu bansayi ta bana baghe;tondo bwatendilwe :Mu Isaka u mukatutukila kibuti,⁸ u kutenda buno ta babutwa mu mubili u bana ba Ghongo,tondo babo b'indaghi u bakughanswa buno kibuti.⁹Lola,kitondo k'indaghi:Nkakuluka mu bindi anga bino,nu Sala akaba isite mwana.¹⁰Nu kutinga ubo,bwabinde ku Lebeka wabutagha na Isaka tata witu; ¹¹Kubuno gha bagha bana ta bebutwa nu ta bekita bibi ali bisogha,kubuno kwisombolela kwa Ghongo kube ,ta kuyangana na mikolo ,tondo bwashima olya ukumana,¹²_Lebeka abulwagha:Nkulha akakitila muto waghe milimo;anga bwatililwe:¹³Nashimagha Yakobo nu nasombagha Esau.¹⁴Tutende buni lingo ?Mu Ghongo mweli biteli bulili ?Tobo.¹⁵Buno abulagha Musa : nkaba na lukogho k'olya nkakitila lukogho,nu mponga ku babo banelesha mponga.

¹⁷Kubuno,Falao abulwagha Kitondo cha Ghongo :Nakw'imikagha buno nikuloshe bwangato bwani,kubuno ishina lyani lisambalwe mu kisi kinsayi.¹⁸Nubo, a kukwila lukogho k'olya washima nu kwinda mutima mubibu mu muntu olya washima.¹⁹ Ukambusha : Ki kinasula aghaya lingo? Kubuno unanana bwashima ?²⁰E muntu,uwe tanga,uwe nayi buno wende myango na Ghongo? Indegha likabula olya walibumbagha:Ki chasulagha wambumba buno?²¹Mubumbi to nen'itete,anabumba nalyo indegha lisogha nu indegha lya tughutughu?²²Nu butendwe,ndi Ghongo mu kulonda kulosha mushibu waghe nu kulosha bwangato bwaghe,alindilagha bindi bingi,indegha lya mushibu likashililila.²³Nu ndi alondagha kulosha butumba bwa lukumbu lwaghe ku malegha ma lukogho lwa longomanyagha kalayi mu lukumbu?²⁴Ubo bwatumanagha tondo ta mu nkantighi na Bayuda umpanga, tondo lingo munkatighi na Bilongo.²⁵ Anga bwatenda mu Hosea : Nkamana kilongo chani ghoso utabagha wa kilongo chani,nu shimwa ghoso utabagha shimwa;²⁶Nuko babulwagha:Tamu kilongo chani!Bakamanwa bana ba Ghongo.²⁷Isaya nuwe, atandegha mu Isilaeli: Ghakaba bana ba Isilaeli bise bengi anga museghe wa kitatenge,umoyi u kashighala u ukona. ²⁸Kubuno Mukota akakita binsayi ighilighili mu kisi bwa bwashima. ²⁹Nu bwatendagha Isaya kalayi : Ndi Ghongo wa maghana ntatushighilagha imbuta,tunabinde anga Sodoma,tunasusanile Gomola.³⁰Tutende buni lingo? Bilongo bitakulonda bulili,beleshibwe bulili,bulili bukutuka mu lukatisho,³¹nu Isilaeli walondagha mulembe wa bulili,,ntaumonile.³² Ki chasulagha? Kubuno Isalaeli aulondagha,ta kutingila lukatisho, tondo anga u kutuka mu mikolo.Bakitalile kw'ikoyi. ³³Anga bwatililwe :Lola, nabika mu Sioni ikoyi lya kukitala ko nu lughangala lwa kuselemucha bantu,nu olya wamukatisha ko ntakitwa nsoni.

Chapter 10

¹Bisakwitu, bwashima mutima wani nu masegho mani kwa Ghongo kubo,buno bansayi b'one.²Nabatenenekela buno bakokomesha mu Ghongo,tondo ta mu mulenganya; ³mu kwinda kumana bulili bwa Ghongo, nu kulonda kw'imika bulili bwabo,ta bishighililagha mu bulili bwa Ghongo;⁴ Kubuno Kilishitu u kushililila kwa mulembe,buno olya wakatisha aghansilwe bulili.⁵Agho, Musa akumana bulili bwatuka mu mulembe:Muntu ukakita bino bitondo,akalamila mubyo.⁶Tondo,lola bukutenda bulili bukutuka mu lukatisho:Utendaghe mu mutima wobe: Nayi ukenda kw'ighulu,nti ise anga wa kumbya Kilishitu;⁷Ali nayi uk'ingila munsi?Nti ise anga ukutucha Kilishitu ku bakuyi.⁸Chatenda buni lingo?Kitondo cheli bwighi nowe, mu kanywa kobe nu mu mutima wobe.Tondo ,kitondo cha lukatisho,u kitukusansa.⁹Ndi kanywa kobe katenda byatuka mu mutima wobe buno Yesu u' Mukota, nu ndi wakatisha mu mutima wobe buno Ghongo amutuchagha ku bakuyi,u k'ona.¹⁰Kubuno, mu ku katisha mu mutima ukwicha mu bulili,'nu mu kutenda bya bulili na kanywa kobe, u kwicha mu lonio,anga bwatenda kitondo cha Ghongo:¹¹Olya muntu wamukatisha ko,nta kakwa nsoni.¹²Ta batingana ,Bayuda nu Bagiliki,kubuno bansayi bite Mukota umoyi ,uli mutumba wa bansayi bakumumana.¹³Kubuno olya ukamana mu mutima waghe ishina lya Kilishitu,akona.¹⁴Nu buni bu banamana mu mutima olya ubatakatisha? Nu buni bu banamukatisha olya ubatongwagha ko?Nu buni bubakamwongwagha ko,ndi nta ku muntu wa ku sansa?¹⁵Nu buni bukika misaghu nsogha,ndi takweli basingilwe?Anga bwatililwe:bwaswagha manshinshi ma babo basansa boolo, ma babo ba kunsasa musaghu musogha !¹⁶Tondo bansayi tabiminde musaghu musogha.Isaya nuwe atenda: Mukota,nayi wakatishishe ku meghesha mitu?¹⁷Ubo lukatisho lukutuka mu bi kongwibwa ko,nu bi kongwibwa ko, kitondo cha Kilishitu.¹⁸Tondo natenda:Ta bongwile?Tobo !Ishuki lyabo lyongwibwe ko mu kisi kinsayi ,nu bitondo byabo bikile kushinda kisi.¹⁹Tondo,natenda:Isilaeli ntamumanagha ?Musa u mutangi watendagha: Nkabucha lughi lobe ku ghoso uteli lingo na kilongo,nu nkalubha mushibu ghobe kutingila kilongo kitite kulenganya.²⁰Nu Isaya mu kutucha boba,amu tendagha: Namonekile na babo ba tandondagha ,nindoshishe ku babo ba tambushagha.²¹Tondo ku Isilaeli,atenda:Nalambishe maboko mani bindi binsayi ku kilongo cha miyabuyabu bantu ba miyabuyabu nu ba myango.

Chapter 11

¹Natenda lingo: Ghongo asombile kilongo chaghe ?Tobo,bulayi noko!Kubuno nw'ine nili Muisilaeli,mu kibuti cha Bulaimu mu lusu lwa Benyamina.²Ghongo nta sombile kilongo chaghe,cha sombologha mwa kalayi.Tamukengele Kitondo cha Ghongo chatendwagha ku Elia,buni bwatalikilagha Isilaeli kweli Ghongo: ³Mukota,bitile balenganya bobe,bendulile tusasa tobe;nashighinde ine nene ,nu bakulonda kunita?⁴Tondo buni bwamusubishagha Ghongo?N'imbikinde bantu elefu mutubakamo ,ba takomelagha Baali mashwe.⁵Ubo nubo, mu bino bindi kwashighala bakeke kubo,kuyangana na mpang'inene sa kusombolwa.⁶Tondo,ndi ku mpanga,ta ku mikolo kashi;kutenda bungo, mpanga tasinaba lingo mpanga.Ndi ku mikolo, kashi ta mpanga lingo;kutenda bungo mukolo ta weli mukolo lingo.⁷Kiki lingo? Cha kikulonda Isilaeli, ntachamonekile,tondo kusombola kwa kimonile;bango beleshibwe mitima mbibu,⁸anga bwatililwe :Kalagha abeleshishe mutima wa kunsensela,miso ma ta kumona,nu matuyi matakwongwa,kwikila buno busi.Nu Daudi atenda:⁹Mesa mabo mabaghalukinde kategho,kakilha,ikitalo ,nu indigho! ¹⁰Miso mabo mashibwe,nu tamekumona lingo,nu mugongo wabo ukumbame bindi binsayi.¹¹Natenda lino:Ndi mu kukitala,u mubalondagha kuwa?Bulayi noko ! Tondo ku ikitalo lyabo,lonio lwikinde Bilongo,kubuno babuche lughi.¹²Ndi ikitalo lyabo,lyabagha butumba bwa kisi,nu bukeke bwako butumba bya bilongo, bakashighala banga gha bakisungula ku mutima?¹³Nababula byo benywe ,bilongo ;Ubo buneli mtumwa sa bilongo,natata mulimo wani kwa Ghongo,¹⁴ndi bwakoshibwa,nibuche lughi lwabo babo ba kilongo chani,nu konia bamoyi kubo.¹⁵Kubuno,ndi kusombwa kwabo kwabinde malongano mu kisi,buni bukaba kukuluchwa kwabo,ndi ta kalamo mu nkatighi na bakui?¹⁶Nu ndi bitangi bikeke bi bisogha,binsai bingi bya kumbusa nti bisogha nubyo; nu ndi mushi u musogha, ntabe nuso seli nsogha.¹⁷Tondo ndi lutabe lumoyi lwakalwa,nu we,musabibu wa mbala,wabikwa gha satuka,nu wise ghamoyi na mushi nu matongu ma musabibu,¹⁸ntwitate mu kutebwa kweso ntabe.Ndi wintata,mana buno towe u nene uso mushi,tondo mushi uwa kweka.¹⁹Ukatenda lino: Ntabe saketulwagha buno nighelekwe.²⁰Ubo buli bulili; sakalwagha kutingila ku takatisha kwabo,nuwe weli gho kutingila lukatisho.Ntube mutumbitumbi ,tondo kwagha boba;²¹kubuno Ghongo nte ndelinde ntabe, nuwe ta ka kwendelela nuwe.²²Lola lino busogha nu kusugha kwa Ghongo;kusugha ku babo bitukishe kuwe ,nu busogha bwa Ghongo kuwe, ndi wikala nu ku kokomesha mu bubo busogha;ndi tobo nuwe ukakalwa.²³Bo nubo, ndi tabindisha mwa mukwitucha kuwe,nubo nti bakakuluchwa lingo,kubuno Ghongo ite maghala ma ku bingisha lingo.²⁴Ndi uwe wakalwagha ku musabibu wa mbala bulili,nu bakuluchwa mu musabibu wa bulili takuyangana na buweli, nubo bemana ku kuluchwa ku musabibu wabo kuyangana na bu bikala.²⁵Buno bisakwitu,nshikushima mwinde kumana icho kindo kubuno mwindolaghe anga bite mulenganya,buno bamoyi ku Baisilaeli babinde na mutima mubibu, kwikila bilongo bingo binsayi bingile .²⁶.Nubo,Isilaeli unsayi akona,anga bwatililwe :Mulamya akatuka ku Siona,nu akabembucha Yakobo ku mabi ; ²⁷nu nkanunsana nabo gha nkatucha bwaghi bwabo.²⁸.Mu musaghu musogha ,beli baghini kutingila benywe;tondo mwa mu kusombolwa,bashimwa kutingila b'ise babo.²⁹.Kubuno Kalagha nti kuluche mo ku byelesha, nu ku byamanila muntu.³⁰Nubo tabimilagha Ghongo kalayi nu mwa ku munana mweleshibwagha lukogho, ³¹Nubo lelo tabiminde kubuno kutingila lukogho lumweleshibwagha,nubo beleshibwe lukogho.³²Kubuno Ghongo abikile bansayi ghamoyi mu kumunana,kubuno abakwile bansayi lukogho.³³ Ee butumba bunene,bulenganya nu bwenge bwingi bwa Ghongo;nu kwaghya kwaghe takunaghelekwa,nu nsila saghe tasikumanililwa! Kubuno ,³⁴nayi wamanile mulenganya wa Ghongo,ali nayi wabagha mukungu waghe?³⁵Nayi wamweleshagha mutangi,buno akulukishwe?³⁶Kwaghe,kutingila we,nu kuwe u kweli binsayi.Lukumbu kwaghe mu kinko insayi.Amina!

Chapter 12

¹Nabema lino ,bisakwitu,kutingila lukogho lwa Ghongo,musighe mibili sinu sibe kinsasa kisogha,chasanana,cha shimwa na Ghongo,u'melelo minu matunganana.².Mususanaghe na bantu ba bino bindi, ,tondo mughalule milenganya sinu,inga mwamana bwashima Ghongo,cheli kisogha,chashimwa nu cha shililila.³Ku mpang'inene si neleshibwe,nkubula umoyimoyi ku benywe,mwintumbyaghe,tondo mube na myanya nsogha kuyangana na lukatisho lweleshibwe umoyi moyi ku benywe na Ghongo.⁴Anga bw'ite mubili witu bighansa bingi,nu bighansa binsayi tabite mulimo umoyi,⁵nubo butweli bengi,tweli mubili umoyi mu Kilishitu,nu tweli bighansa gha tusambana.⁶Kubuno twite nkanso satingana,kuyangana na mpang'inene si tweleshibwe,olya wite lukaso lwa bulenganya,alenganye mu lukatisho;⁷olya wamanilwe mu nkanshi sa Ghongo,akite so;olya kweghesha,ikale mu kweghesha,⁸Olya wa kwimwisha,imashe .Olya ukwesana, esane na mutima musogha,olya wa kwimalila bantu,abimalile busogha ,olya wakwila lukogho,alukwile na mboghimboghi.⁹Lutundo lubaghe lwa bwengelela. Mukwe bubi bogha;mukokomeshe mu bisogha.¹⁰Mu lutundo lwa mubuto,mushimane ghamusambana ;mukute binsayi mu lwanso.¹¹.Mube na maghala nu ta butambi.Mube na mitima sa naka.Mukitile Ghongo milimo.¹².Mubogheboghe mu malelamilo,nu nkiki mu lusungyo,nu mukutwaghe na masegho.¹³Mweleshe benga mitima bi bite nkasa nabyo.Musekele bantu bansayi.¹⁴.Mukasanile ba bakubanubya ,mukasanile,nu mushulilaghe muntu.¹⁵Mubogheboghe ghamoyi na ba kuboghabogha;mulile na bakulila.¹⁶Mube na mulenganya umoyi gha musambana.Mulondaghe kwitumbya. Mulutwe na bya bota.Mwindolaghe anga bite mulenganya mwingi.¹⁷.Mukuluchaghe bubi ku bubi,mulonde bisogha bya bashima bantu bansayi.¹⁸Ndi bwakoshibwa,mube na boolo ku bantu bansayi.¹⁹Nshimwa sani,mwindighilaghe bubi benywe binene,tondo,mushighile Ghongo mushibu;anga bwatilwa:Ine k'indighila,indigho lyeli ku neli,bwatenda Mukota. ²⁰Tondo ndi mughini wobe ite nsala,mweleshe indya,;ndi ite mpusha ,mweleshe masi kubuno mu kukita ubo ,nti wamukulumanishila makangalya ma kaya kw'itwe lyaghe.²¹Ntukindwe na mabi ,tondo kinda bubi na busogha.

Chapter 13

¹Nu muntu unsayi angatwe na bakulu;,kubuno taku bukulu butatuka kwa Ghongo,nu bakulu beli gho babikilwe na Ghongo.² Uchasula olya wanana bukulu nti anana Ghongo wabubikagha,nu balya batab'imila,bak'imbulutila lwaghyo bo binene.³Ta ku kintu kisogha uki kusula bashushi bekukubwa boba.Ukushima ntukwe mukulu boba?Kita busogha nu ukimilwa nawe. ⁴Shushi eli mukiti wa Ghongo ku bya busogha kobe,tondo ndi wakita mabi, kwagha boba; kubuno ta kutughu kwe kusumbagha na mwele nu eli mukiti wa Ghongo,buno akite indigho lya mabi,nu ku nubya wakita bubi.⁵Bwaswagha lino kwangatwa,ta kukwa lusungyo boba,tondo ku mulenganya witu wa munda.⁶Kubo uchasula mwaligha mpalata,kubuno bashushi beli bikiti ba Ghongo babikilwe mu ghoso mulimo.⁷Mweleshe bantu bili byabo ,mpalata kwa olya umwema kwelesha so,mutulo kwa olya wema kwelesha gho,boba k'olya wa kukubwa boba,lwanso ku olya unanswa.⁸Mubaghe na kikayi cha muntu ndi ta kushimana gha musambana;buno washima banabo nti akucha mulembe.⁹Kubo,nkakisho:Ntukatensha,tukita,ntukimba,ntukaba na nkasa sa bya bene,nu bingo byasusana nebyo,bya kandwa mu kino kitondo kimoyi: Ukashima muninu buw'inshima uw'inene.¹⁰Lutundo ta lukukitila muninu mabi: lutundo u kubelelela kwa mulembe.¹¹Mukumana bindi bitweli mo:U nkugu sa kubuka, kubuno lonio lu bwighi na beshwe,kutinga gha twakatishagha.¹²Kindi chaba kilayi, busi bwacha,tute myanya sa bulimaswa,nu tushwale ngabo sa musi.¹³Tutabange busogha anga mu musi,bulayi na butughu,nu bulefi,nu n'saki,nu lughi.¹⁴Tondo,mushwale Yesu Kilishitu,nu tamuswaghye mubili buno mukuche nkasa mbi sagho.

Chapter 14

¹Musekele ghoso musoshu mu lukatisho ,nu mwendaghe myango sa milengania.²Wakatisha anashima kulya ku binsayi,nu musoshu,akulya tughu bisughu.³Olya ukulya ntabenge uta kulya,nu utakulya nt'aghye olya ukulya,buno Ghongo amusekinde.⁴Uwe unayi ,u kwaghya mukiti wa ungo ?Ndi imala ali awha,mukota waghe u ukumana.Tondo akimaluka kubuno Mukota ite bwangato bwa kumw'imika⁵Umoyi akulekanucha bindi,kweli ungo,bindi binsayi bigheshe.Na muntu ku babo babili akatilile bya lenganya mu mutima waghe.⁶Olya u kulekanucha bindi,akita ubo ku Mukota. Ghoso ukulya,nti kweli Mukota u kwa kulila indya,buno akasanila Ghongo; olya utekulya ,nti kweli Mukota u kwetekulilya indya,nu akukasanila nuwe Ghongo.⁷Naki,takuli unaba gho ali unakwa ku w'inene.⁸.Kubuno,ndi tuki twa tengya ,ali ndi twakwa,nti kutingila Mukota winene.Kashi ndi tucheli gho ali ndi twakwa,tuli mu Mukota.⁹Kubuno Kilishitu akwagha nu eli gho,kubuno angate bakwile nu bekwisa bansayi.¹⁰Tondo uwe,ki chasula waghya mubuto ghobe?Ali nuwe ,ki chasula wabenga muninu? Kubuno beshywe bansayi tuk'imala ku lubansa lwa Ghongo.¹¹Kubuno bwatililwe :Ine nkw'isa, u'bwatenda Mukota,n'ishwe linsayi likakomwa gha neli ,nu na lulame lukaghanula Ghongo.¹²Ububo na muntu na muntu akalosha byaghe mu miso ma Ghongo.¹³Kashi ,ta twaghyane gha tusambana ;tondo ntu kite cha kukitasha ali cha kwenducha mubuto wobe.¹⁴Nkumana nu n'imila na bulili kutingila Mukota Yesu,buno takuli champa kitaswagha munda nacho kinene, nu kintu kinsayi ta chaswagha ku olya wakikata buno tachaswagha.¹⁵Tondo,ndi kutingila indya,muninu onganwa,ntuli lingo mu lutundo;kutingila indya,ntwimile ashimile ghoso wakwilinde na Kilishitu.¹⁶Mpanga sobe tasisule washingilila bango bitondo. ¹⁷Kubuno,bukota bwa Ghongo ta bwa kulya ali kunywa,tondo bulili,boolo nu mboghimboghi kutingila Muusa Musogha.¹⁸Olya ukukitila Kilishitu anga bubo,imilwa na Ghongo nu kusekelwa na bantu.¹⁹ Ubo lino,tulonde bya boolo nu bya kutwimasha mu lukatisho.²⁰Kutingila indya ,ntw'ite mulimo wa Ghongo;Ku bulili, bintu binsayi bya swagha;tondo ta bisogha ku muntu mwa mu kulya , ndi byaghaluka ikitalo. ²¹Bweli busogha kutalya nama,kutan'ywa maku,nu kw'inania binsayi binakitasha muninu ali,kumwitya mutima ,ali bya mabala ku busoshu bwaghe.²²Lukatisho lu wite,katilila lo kobe nu Ghongo.Mboghimboghi ku olya utakwighaghya w'inene ku byaukita.²³Tondo olya wisikima ku byakulya ,aghibwa ,kubuno ntakita na mutima musogha.Binsayi byatuka mu mutima ute musogha ,nti bwaghi.

Chapter 15

¹Beshwe bankambwe twema kweka busoshu bwa babo bete bankambwe,ta kwindola beshwe binene.²N'omoyi ku beshwe abogyebogye munabo ku bisogha kubuno amwimike.³Buno Kilishitu nt'indolagha w'inene, tondo anga byatililwe :bituko bya babo bakutukagha ,byabinde byani.⁴Tondo, kinsayi chatilwagha kalayi ,chabagha cha kutweghesha,kubuno kutingila nkiki nu bubobelelo bi tukweleshibwa na bitondo bya Ghongo,tulelamile.⁵Nu Ghongo wa nkiki nu bubobelelo abeleshe mulenganya umoyi gha musambana,anga Yesu Kilishitu,⁶Kubuno bansayi mu kitondo kimoyi ,mutate Ghongo nu Tata wa Mukota witu Yesu-Kilishitu .⁷Musekelane anga bwa basekelagha Kilishitu mu lukumbu lwa Ghongo.⁸Nkutenda buno,Kilishitu abagha mukiti wa bamonywa buno aloshe bulili bwa Ghongo nu kukucha indaghi lyeleshibwagha ba Tata,⁹buno bilongo batate Ghongo ku lukogho lwaghe,anga bwatililwe : Uchasula nkakutata mu bilongo nu n'kemba ku lukumbu lw'ishina lyobe.¹⁰Bwatendwa lingo :Bilongo muboghemboghe na bantu baghe!¹¹Nu lingo: mutate Mukota,benywe bilongo binsayi, bantu bansayi bamwembele na nkugho!¹²Isaya nuwe atendagha :Mu kibuti cha Yese u'mukatuka olya ukabikwa buno imalile bilongo ;bilongo bika mulelamila.¹³Nu Ghongo wa malelamilo,abisashe mboghimboghi nu boolo mu lukatisho,inga musalilana na malemalilo ,kutingila bwangato bwa Muusa Musogha!¹⁴Ku benywe bisakwitu,n'kumana buno muli basogha,nu mwite mulenganya,nu munakosha kusungulana.¹⁵Kubungo,nabatilila na nkas'inene anga kubakengesha ku mpong' inene si neleshibwe na Ghongo,¹⁶nibe mukiti wa Yesu-Kilishitu mu kantighi na batekatisha,.mu kukita mulimo wa musaghu musogha wa Ghongo ,kubuno batekatisha babe lukaso lusogha nu lwa sanana,kutingila Muusa Musogha.¹⁷Nema kwitata,mu Yesu Kilishitu ku bikayi bya Ghongo.¹⁸Kubuno nshikakosha kutenda ku bingo bitondo,ndi ta bibyo byankitinde Yesu Kilishitu mu kashi sani,buno batekatisha bimile kutingila kutenda nu kukita,¹⁹kutingila bwangato bwa bitangalo nu bighanaghana,kutingila bwangato bwa Muusa wa Ghongo,kubuno kulingila Yelusalemu nu myelo sa bwighibwighi kwika ku kisi cha Uliliya, nisasishe uko kunsayi musaghu musogha wa Kilishitu.²⁰Nu nitatinde kusambala musaghu musogha kuko kwabagha Kilishitu ntongwibwa ko, kubuno inashwa kobaka kobakile bango,anga bwatililwe:²¹Ba batamwongwagha ko bakalola, babo batasambalindwe misaghu saghe,bakamana.²²Icho u chanangilagha kwenda kwinu. ²³Tondo lelo,nshite cha kunangila mwecho kibe,nu myaka ningi nkubagha na nkasa sa kwenda ku mweli.²⁴Nkulelamila buno nabalole ko mu kutinga gha nkenda Ishipania,nu kwelekeshibwa na benywe ,mu kushila nkasa sa kubamona ko.²⁵Lelo nenda ku Yelusalema, ku mulimo wa basanana.²⁶Kubuno,ku Makedonia nu ku Akaya,bantu bashimagha kukita mukongolo wa kwelesha bakene mu nkatighi sa basanana ba Yelusalemu.²⁷Bashimagha kubukita,nu lwabagha lukakisho kwabo; kubuno batekatisha beleshibwagha kibhu mu kitondo cha Ghongo, nubo bemana kubelesha ku bibyo bisogha bya mubili.²⁸Gha nkashila ibyo bitondo nu kushila kubelesha eso nkaso,nkenda ku Ishipania nu kutinga kwinu.²⁹Nkumana buno mu kwenda kwinu,lukasanilo lunene lwa Kilishitu u lunkenda nalo.³⁰Bisakwitu, nabema,kutingila Mukota Yesu Kilishitu nu lutundo lwa Muusa Musogha,mulwane ghamoyi n'ine, mu nkuseghela kwa Ghongo,³¹kubuno nisoghonoke mu maboko ma bantu babi ba Yudea, nu mulimo unenda ku kita ku Yelusalemu wimilwe na basanana,³²buno nike kwinu na mboghimboghi,ndi u bwashima Ghongo,nu nomulwe gha mweli.³³Nu Ghongo wa boolo ikale na benywe bansayi! Amina !

Chapter 16

¹Nabasingila Foibe mubitu witu uli diakono mu Kanisa ka Ghongo ku Kankulia,²buno mu musekele busogha mw'ishina lya Mukota witu,anga basanana,mumukashe na bintu bite nabyo nkasa kwinu,kubuno akashagha bengi nu ininene.³Mwankashisha samba Pilisika nu Akila,bankukita nabo nkashi mu Kilishitu.⁴Biyesanile buno nilame; nti n'inene u nkubakasanila,tondo Tunisa tunsayi twa bilongo.⁵Mwankashishagha samba Kanisa; keli mu numba sabo.⁶Mwankashishagha samba Malia wanubagha mu kubakitila mulimo.⁷Mwankashishagha samba Andoloniko nu Yunia babuti bani,nu banitu ba lukando,bakumanwa bantu banene mu nkatighi na ntumwa,nu balingagha kumana Kilishitu kw'ine.⁸Mwankashishagha samba Ampilisi mwinda wani mu Mukota.⁹Mwankashisha samba Ulibano munitu wa nkashi sa Kilishitu nu Sitansisi,mwinda wani.¹⁰Mwankashisha samba Apele wamanwa mukilishitu.Mwakashishagha samba bantu beli mu numba sa Alishitambule. ¹¹Mwankashisha samba Helodiana ,mubuti wani.Mwankashishagha samba bantu beli mu numba sa Nalasisi ba bashima Mukota.¹²Mwankashisha samba Tilifene nu Tulifosa bekukitila Mukota mulimo.Mwankashisha samba Peleshide,mwinda wani,wakitagha nkashi ningi sa Mukota.¹³Mwankashishagha samba Lufusi nsombolwa sa Mukota,nu nina ,u mama tondo.¹⁴Mwankashishagha samba Asikilida,Felegone,Helemeso,Patolobabi,Helemasi nu bisakwitu beli nabo.¹⁵Mwankashishagha samba Filologo nu Yuliani,Nelie nu mubitu waghe,nu Olempe,nu basanana bansayi beli ghamoyi nabo .¹⁶Mukashane samba gha musambana kutingila mpeshi.Tunisa tunsayi twa Kilishitu twa bakasa samba.¹⁷Bisakwitu,nabema,mwalolagha busogha ku babo bakulekanucha bantu nu bakukita mabala,ku megheshibwa ma mweleshishwe.Mwintuche kubo.¹⁸Buno bantu anga abo tabakukitila Kilishitu Mukota witu nkashi,tondo nda sabo;Nu ku bitondo byabo bya kutebeka,bakushimisha mitima sa batakokomela mu lukatisho.¹⁹Ku benywe,kwimila kwinu ku kumanwa na bansayi;na ba boghelaboghela,nu nkushima mube balenganya ku bili bisogha,nu ba bulili ku bitondo bibi.²⁰Nu Ghongo wa boolo akananta Kahinga ku manshinshi minu.Nu m'pang'inene sa Mukota witu Yesu Kilishitu sibe na benywe !²¹Timote munitu wa nkashi abakasha samba, nu Lukiaso,Yasoni nu Sosipata babuti bani.²²Nabakasha samba mu Mukota ,ine Telutulo natila mano maluba.²³Gaiso mugheni wani nu wa Kanisa kansayi ,babakasha samba.Elashito mulangi wa bikulo bya musumba abakasha samba, nu mubuto witu Kalitusi .²⁴Nu mpang 'inene sa Mukota witu Yesu Kilishitu sibe ghamoyi na benywe bansayi !Amina !²⁵K'olya wakosha ku bakokomesha mu Musaghu musogha nu meghesha ma Yesu Kilishitu,kuyangana na kuloshwa ku bya biswagha kalayi ,²⁶tondo byalimbulwa lelo kutingila mitilo sa balenganya, ku lukakisho lwa Ghongo wa milyalya ,nu lwekwa mu bulenganya wa bilongo binsayi,buno bimile lukatisho,²⁷Kweli Ghongo,mulenganya w'inene,lukumbu lube nkiko nu nkiko kutingila Yesu Kilishitu!Amina!

1 Corinthians

Chapter 1

¹⁰ Kuyangana mpang' inene si neleshibwagha na Ghongo,natimagha kibansa anga mobaki,ungo obakagha mwicho.Tondo n'omoi alole bwa bobakagha.¹¹Kubuno ntaku muntu unatima kingo kibansa kutinga cha chatimwagha,u Yesu Kilishitu.¹⁸Muntu ntiyengelele w'inene: Ndi umoyi ku benywe alenganya buno eli mwenge mu bino bindi,asuse mughasanga inga aba mwenge.¹⁹Kubuno,bwenge bwa kino kisi,u bughasanga kweli Ghongo.Nu lingo bwatililwe : Aku kulumana benge mu bukongobanya bwabo.²⁰Nu lingo,Mukota akumana milenganya sa benge,akumana buno seli tughutughu.⁷Kubuno tamwinde lukaso lwampa, mukulindila kuloshibwa kwa Mukota witu Yesu Kilishitu. ⁸Akab'imika kwikila busi bushinda ,buno tamusungulwe busi bwa Mukota witu Yesu Kilishitu. ⁹Ghongo eli wa bulili, we u abamanile mwikale ghamoyi na mwana waghe, Yesu Kilishitu Mukota witu.¹⁰ Kuyangana mpang' inene si neleshibwagha na Ghongo,natimagha kibansa anga mobaki,ungo obakagha mwicho.Tondo n'omoi alole bwa bobakagha.¹¹Kubuno ntaku muntu unatima kingo kibansa kutinga cha chatimwagha,u Yesu Kilishitu.⁴⁷Muntu musoki, atukagha mw'itete,eli wa ghansi, muntu wa babili eli wa kw'ighulu. ⁴⁸Bwasusa whoso wa ghansi,ubwasusa nobo ba ghansi;nu bweli wa kw'ighulu, u bweli nubo ba kw'ighulu. ⁴⁹Ubo butwasusa ba ghansi,tukasusa nubo ba kw'ighulu.Kikando 4¹⁷Kilishitu nta nsingile kupatisha, tondo mu kusansa musaghu musogha, nu ta kuba na mulenganya w'itenda,buno musalaba wa Kilishitu unaghaluka tughutughu.¹⁸Meghisha ma musalaba uli bughasanga ku bakushimila; tondo kubeshwe bonile bweli bya Ghongo. ¹⁹Lingo bwatililwe : Nkashililisha bulenganya wa balenganya,nu nkashimya bwenge bwa benge.²⁰Kuni kweli mulenganya? Kuni kweli ba sanshi? Kuni kweli muntu wa nsaki wa bino bindi? Ghongo ntakitile bwenge bwa kino kisi buwe bughasanga? ²¹Kubuno kisi ghamoyi na mulenganya waghe ta wamanile Ghongo mu bulenganya bwaghe , bwaswaghilagha Ghongo onie bakatisha kutingila bughasanga bwa kusansa musaghu musogha.²²Bayuda bakulonda bitangalo, nu Bagiliki bakushima bwenge;²³beshwe, tukweghesha Kilishitu wakwagha ku musalaba;mabala ku Bayuda, nu bughasanga ku batekatisha,²⁴Tondo bweli bwangato nu bwenge bwa Ghongo kubabo bamanilwe,babe Bayuda ali Bagiliki. ²⁵Kubuno bughasanga bwa Ghongo bwaghimba bantu, nu bushoshu bwa Ghongo bwaghimba bantu.²⁶Bisakwitu, mumanilile , ku bamoyi ku benywe bamanilwe taku benge bengi mu mubili, nu taku bite maghala mengi,ali batumba bengi. ²⁷Tondo Ghongo a sombolile bintu bya bughasanga bya kisi buno abulughanye benge ;Ghongo a sombolile bintu byatughutughu bya kisi buno abulughanye bite maghala;²⁸Ghongo asombolile bintu bya bulya bulya bya kisi nu bikubengwa,nu kubiteli ko,bishimye bibyo byeli gho,²⁹kubuno takweli muntu unitata kweli Ghongo.³⁰Tondo kutingila we u mu mweli,mu Yesu Kilishitu,u wakitilwe na Ghongo bwenge bwitu,bulili nu kwisanana,nu bukandulwa,³¹kubuno anga bwatililwe:Olya ukw'itata,intatile mu Mukota.

Chapter 2

¹Bisakwitu kwine, gha nendagha kwinu, kubasambalila buteneneki bwa Ghongo,nshendagha n'itenda lingi ali lya bwenge. ²Buno nshabagha na makengelo ma kumana kingo kikayi, ndi ta Yesu Kilishitu , nu Yesu Kilishitu wakwagha ku musalaba.³In'inene nabagha bwighi na benywe mu busoshu,mu kukwa boba,nu mu kuyungwayungwa bubibu; ⁴nu kitondo chani,nu meghesha mani ta mabagha mighanikisho sa bwenge, tondo kulosha Muusa nu bwangato , ⁵buno lukatisho lwinu lukokomele,ta mu bwenge bwa bantu, tondo bwangato bwa Ghongo.⁶Nu bwenge bu tukusansa ku bakatisha, bwenge buteli bwa bino bindi, ali bami ba kino nkiko, babo bakashililishwa, ⁷kusansa bwenge bwa Ghongo,kindo nu bya bisilwe,bi twabikindwe na Ghongo kalayi ku lukumbu lwitu,⁸bwenge bu takumanililwa na bami ba seno nkiko,buno, ndi banaumanile,ta banitile Mukota wa lukumbu ku musalaba. ⁹Tondo, anga bwatililwe,u bikayi bi tamonekagha ko na liso, bite'ongubwako na kutuyi, nu bit'ingilagha mu mutima wa muntu, bikayi bya bikilwagha ba bashima Ghongo.¹⁰Ghongo atuloshagha byo kutingila Muusa. Kubuno Muusa u kumanilila binsayi, nu byeli mwa munda na Ghongo. ¹¹Ku bantu , nayi ukumana mulenganya wa muntu, ndi ta mutima wa muntu weli mu we ? Nu ubo nubo , muntu takumana milenganya sa Ghongo, ndi ta Muusa wa Ghongo.¹²Nu beshwe, ta tweleshibwe muusa wa kisi, tondo Muusa ukutuka kwa Ghongo, kubuno tumane bya tweleshishe Ghongo kutingila mpang'inene saghe. ¹³Nu tu kubitenda ta ghamoyi na matenda mengi makweghesha bwenge bwa bantu,tondo ghamoyi na bikweghesha Muusa,mu mutendeshi wa Muusa ku bintu bya Ghongo.¹⁴Tondo muntu uli anga nama ntaneleshibwa bikayi bya Muusa wa Ghongo, kubuno byeli bughasanga kuwe, nu nta nabimana, kubuno Muusa u ukubimana. ¹⁵Muntu wite Muusa wa Ghongo,akughaya binsayi,nu ntakughayibwa na muntu. ¹⁶Buno, nayi wamanile mulenganya wa Mukota, kubuno amwegheshe? Nu beshwe , twite mulenganya wa Kilishitu.

Chapter 3

¹ Bisakwitu,ine,nshatendagha na benywe anga bantu betite muusa,tondo anga bite mubili,anga bana beli mu Kilishitu.²Nabamomyagha,t' indya lyanaka,buno tamunalikosha lelo,kubuno mucheli bantu ba mubili.³Ubo,gha sambana bamoyi ku benywe kuli lughi nu nsaki,tamuli ba mubili,nu ta mukutabanga anga muntu?⁴Ongwa umoyi atenda:Ine ,nili wa Polo!Tamu bantu?⁵Nai lino u Apolo,nu nayi u Polo?Bakiti,kubatingila u mu mwakatishishe,kuyangana na bu beleshibwagha na Mukota.⁶ Ine nashikagha ,Apolo asansilaha masi,tondo Ghongo u wakushagha,⁷ Ku buno t'olya ukushika u waghimbana,ali lya ukusansila masi,tondo Kalagha u kukusha.⁸ Olya ukishika nu olya ukunsansila masi bigheshe,nu nawe ukakana kuyangana na mulimo waghe.⁹Kubuno tuli bakiti ghamoi na Kalagha.Benywe mul'iswa lya Ghongo ,numba sa Ghongo.¹⁰ Kuyangana mpang' inene si neleshibwagha na Ghongo,natimagha kibansa anga mobaki,ungo obakagha mwicho.Tondo n'omoi alole bwa bobakagha.¹¹Kubuno ntaku muntu unatima kingo kibansa kutinga cha chatimwagha,u Yesu Kilishitu.¹²Nu,ndi muntu obaka mu kibansa na nolo,na bikulo,na makoyi m'imbei linene,na miti, bisughu,mulimo wa nawe ukaloleka ko;¹³buno mu musi ukamanililwa,buno ukatinga mu kaya,nu kaya kakalosha bulili mulimo w'umoyi moyi.¹⁴Ndi mobako wa muntu wimala busogha mu kibansa,akeleshibwa kibhu.¹⁵Ndi mobako wa muntu waya,akashimisha kibhu chaghe;kuwe ,akona,tondo,anga watingagha mu kaya.¹⁶Tamukumana buno muli numba sa ku kumbamila sa Ghongo,nu Muusa wa Ghongo weli munda na benywe? ¹⁷Ndi muntu asambula numba sa kukumbamila Ghongo,Ghongo akamusambula;kubuno numba sa kukumbamila Ghongo wa sanana,u nu benywe abo.¹⁸Muntu ntiyengelele w'inene: Ndi umoyi ku benywe alenganya buno eli mwenge mu bino bindi,asuse mughasanga inga aba mwenge.¹⁹Kubuno,bwenge bwa kino kisi,u bughasanga kweli Ghongo.Nu lingo bwatililwe : Aku kulumana benge mu bukongobanya bwabo.²⁰Nu lingo,Mukota akumana milenganya sa benge,akumana buno seli tughutughu.²¹Muntu itatilaghe bantu;buno binsayi byeli binu,²²ndi Polo,ndi Apolo,ndi Kefa,ndi kisi,ndi kalamo,ndi lukwo,ndi bitondo bya buno busi,ndi bitondo bikashwa.²³Binsayi bili binu,nu muli ba Kilishitu,nu Kilishitu eli wa Ghongo.

Chapter 4

¹Nu,tumanililwe buno tuli bakiti ba Kilishitu,nu babeghanya ba bindo bya Ghongo.²Chashigala,nu kikuseghwa ku babeghanya,nawe nawe asangwe ashililila.³Kw'ine,nshikukwa boba ku ghayibwa na benywe ,ali tulubinali twa muntu.Nu nshikwighaya in'inene kubuno nindola nshite kitondo; ⁴Tondo ta kobo ukunabinde wa bulili.Olya ukunaghya u Mukota.⁵Uchasula mwaghye muntu ighilighili,kwikila kushwa kwa Mukota, ukabika gha mbugha binsai bya byabiswagha mu bulimaswa ,nu akalosha milenganya sa mitima. Agho,nawe ukeleshibwa na Ghongo lwanso lwatunganana kuwe.⁶Bisakwitu,ku benywe u chasulagha nakita ibyo bitondo kw'ishina lyani nu lya Apolo,buno mutumane, nu musulukaghe bya byatililwe,nu umoi ku benywe abaghe na butumbitumbi. ⁷Ki chasula ntube anga bango?Nu ki kiuteleshibwe?Nu ndi weleshibwe cho ,ki chasula wintata anga tweleshibwe cho?⁸Agho mwikuta kalai,agho mwise mweli batumba,kuko kutu tweli,mwise mwimalila bantu.Nu munashima kwimalila bantu ghamoi na beshwe !⁹Tondo Ghongo,nalola buno,atukita tube,ntumwa, bashinda ku bantu, bemana kukwa,buno twabinde kalolesho mu kisi na baghenshi nu na bantu.¹⁰Mu Kilishitu twaghalukile baghasanga;tondo benywe mweli bwenge mu Kilishitu;tweli basoshu,tondo benywe mwanaka. Mweleshibwa lukumbu nu beshwe twabengwa!¹¹Kwikila eno nkungu,twakwa nsala,twite mpusha,tukwenda munkanka; twanuba ,twaba batingitingi;¹²twakutwa na kukita milimo na maboko mitu;kutukwa,twakasanila;kunubwa,twimila;¹³kutulanywa,twatenda busogha; twaghalulwa anga ishala lya kisi,nu kikwalhu cha bantu kwikila lelo.¹⁴Ta kubitya nsoni u kunatilila bino bitondo;tondo kubakengesha anga bana bani banashima.¹⁵Kubuno, gha munaba elefu ikumi mu Kilishitu,tamwite batata bengi,ine nababutagha mu Kilishitu kutingila musaghu musogha. ¹⁶Nabema mukite,bitukukita .¹⁷Kubo nabasingilagha Timote , mwana wani unashimwa, nu wabulili mu Mukota;akabakengesha nsila sani mu Kilishitu,buni bu nkweghisha bantu kunsai mu Tunisa tunsai. ¹⁸Bamoi bisalilana na butumbitumbi,anga nshinendile kwinu.¹⁹Tondo mu bindi bikeke nike kwinu ndi Mukota ashima, nu nkamana, ta bitondo byabo umpanga ,tondo nkalola ku bya bulumelume bwabo.²⁰Kubuno bukota bwa Ghongo tabukutuka mu bitondo,tondo mu bwangato²¹Ki kimwashima? Nishwe kwinu na bususu,ali na lutundo nu mutima musogha?

Chapter 5

¹Bukongwibwa ko buno kwinu kuli matensha nu matensha meteli mu bilongo;buno umoyi ku benywe ite mukashi w'ise. ²Nu mwisala na butumbitumbi! Nu benywe tamonganilwe buno wakitagha icho kitondo atibitwe!³Kw'ine,gha ghansheli mu mubili,tondo mutima weli gho,n'aghayile kalayi ghoso wakitagha iche kitondo anga nabagha agho. ⁴Mw'ishina lya Mukota Yesu, benywe nu mutima mu kukulumana ghamoyi na bwangato bwa Mukota witu Yesu,⁵Muntu anga 'uso ashighililwe mu maboko ma Kahinga mubili waghe usendekete,buno mutima waghe wone busi bwa Mukota Yesu.⁶Tamunintata.Tamukumana buno lughagho lukeke lukughaya buntu bunsai? ⁷Mushimishe lughagho lwa kalayi,buno mube buntu bwa kano kaluma.Kubuno ta mwite lughagho,buno Kilishitu pasaka situ,abinde kisansa. ⁸Tusekele kisaghulo,ta ghamoyi na lughagho lwa kalai, ta ghamoyi na lughagho lwa kwengelela nu lwa miyabuyabu,tondo ghamoi na tumpampa tutite lughagho lwa kwenga ali lwa bulili.⁹Na batilinde maluba mani buno mubaghe na bwinda na batensha,¹⁰Nshatenda buno mwikalaghe ghamoyi nabo batensha ba kino kisi,ali ghamoyi na batughu,na bantu ba kunagha bya bene,ali ghamoyi na bakwela basumbu;ku bungo bunaswaghile mutuke mu kisi .¹¹Lelo , binabatililagha,ta buno mubaghe na bwinda na muntu umoyi ukwimana mwisakwinu,mutensha ali mutughu,ali ukwela basumbu,ali ukutuka bantu,ali mulefi,ali munayi wa bya bene,ta kulya na muntu anga uso . ¹²Ki kinite buno nighaye beli kumbugha?Ta babo beli mu numba u bamunaghaya? ¹³Ba beli kumbugha Ghongo akubaghaya. Mutuche muntu mubi munkatighi na benywe.

Chapter 6

¹Umoi ku benywe,ntakongwana n'ongo ,anenda kwich'itenda ku bete ba bulili ali ku basanana? ²Tamukumana buno basanana u bakaghaya kisi ? Nu ndi ku benywe u mukaghaya kisi,munalibana ku kala lubansa? ³Tamukumana buno tukaaghya baghenshi? Ki kikatulibana kukala mbansa sa bino binsayi ?⁴Ndi mwite matenda ku bya kisi kino,buni bumwakata bantu beteli mu Kanisa babe bashushi binu!⁵Nabitenda ku nsoni sinu.Nubo,taku muntu'moyi mwenge ku benywe unakala itenda gha sambana bisakwabo. ⁶Tondo muntu atongana na mwisa kwabo, kuli batekatisha.⁷Agho ise bubi gha kuba kuli lubansa gha musambana. Ki chasula tamunube na bitondo bite bya bulili? Ki chasula tamwimilwe kunaghwa?⁸Tondo benywe u bakukita mabi nu mukunagha; nu ku bisa kwinu u kumukukitila ibyo!⁹Tamukumana buno bantu babi tabak'ingila mu bukota bwa Ghongo? Mwengelelwaghe : Ali balimbya,bakwela basumbu,batensha , ¹⁰ali ba bak'winghalula bakashi,ali babo bakukita mabala, ali biimbi, ali batughu, ali balefi, ali bakutuka banabo,ali bakunagha bya bene,tabak'ingila mu bukota bwa Ghongo. ¹¹Nubo u bwabagha bamoyi ku benywe.Tondo mwoghishwe, tondo mwasanishwe,tondo mwaghansilwe ba bulili mw'ishina lya Mukota Yesu Kilishitu, nu kutingila Muusa wa Ghongo witu.¹²Nakaswa binsayi, tondo binsayi ta bya swagha ,nakaswa binsayi tondo nshikwishighilila niangatwe na champa.¹³Malya meli ma nda, nu nda seli sa malya; nu Ghongo akashililisha ibyo binsai .Tondo mubili ta wa matensha.Weli kubushi bwa Mukota,nu Mukota eli kubushi bwa mubili.¹⁴Nu Ghongo, watuchagha Mukota ku bakuyi ,ku bwangato bwaghe akatutucha ku bakuyi.¹⁵Tamukumana buno mibili sinu u bighansa bya Kilishitu? Ndi inakata bighansa bya Kilishitu, nibighalule bighansa bya luwawa?¹⁶Tobo! Tamukumana buno olya wayama na luwawa nti aba mubili umoi nawe?Buno, anga bwatendwa,abo babili bakaba mubili umoi. ¹⁷Tondo olya wimbika mu Kalagha nti aba na mutima umoi nawe.¹⁸Mutine matensha.Na bwaghi bunsayi bwakita muntu,tabweli mu we; tondo olya wimbika mu matensha akitila bwaghi mubili waghe unsayi.¹⁹Tamukumana buno mubili winu weli numba sa kukumbamila sa Muusa Musogha weli munda ninu, umweleshibwagha na Ghongo, nu benywe mwise bantu ba ungo ? ²⁰Kubuno mwaghulilwe na bikulo bingi.Mughanule lino Ghongo mu mubili nu mu mutima winu, byeli bya Ghongo.

Chapter 7

¹Kwibyo bitondo bimwantililagha ko,nalenganya buno bu busogha ntu tubye ku mukashi.²Mu kwindanga na matensha,na mulume abe na mughole waghe ,nu mukashi abe na munachaghe.³Mulume akitile mukashi waghe bwa bwashima nu mukashi akitile munache ubo nubo. ⁴Mukashi ntite iyakulo ku mubili waghe w'inene, tondo munache;nubo mulume ntite iyakulo ku mubili waghe w'inene, tondo mughole waghe.⁵Ta munanilane,ndi ta ku lwango lumoyi mu bindi bikeke,buno mube na nkungu sa masegho ;lingo mukulumane,munashwa kusula Kahinga abalingika.⁶Natenda ubo ta lukakisho,tondo kusungula. ⁷Inashimile balume bansayi babe anga ine;tondo na muntu eleshibwe lukaso lwaghe na Ghongo, umoyi bubuno nu ungo bubulya.⁸Ku babo batasongile nu ku basumbakashi, nababula buno bu busogha bikale buneli. ⁹Tondo ndi ta banakosha kwikala ubo,basonge;buno bu busogha kusonga kutinga kwi'ita na nkasa.¹⁰Ku babo basongile, nakakisha, nt'ine, tondo Mukota, buno mukashi alekanukaghe na munachaghe, ¹¹(Ndi alekanukagha,ikale ubo asongwaghe ali balongane na munache),nu mulume atibitaghe mughole waghe.¹²Ku bango,ta Ghongo, ine nkutenda: Ndi mwisakwinu ite mukashi utekatisha,nu alonda kwikale nawe,amutibitaghe lingo,' ¹³ Nu ndi mukashi ite mulume utakatisha nu ashima kw'ikala nawe,ghoso mukashi ntatibite lingo munachaghe . ¹⁴Kubuno mulume u takatisha ana sanana kutingila mukashi waghe ,nu mukashi utakatisha anasanana kutingila munache wakatishishe;ndi tobo bana binu ta banaba basanana,nu lelo basanana.¹⁵Ndi utakatisha ashima kulekanuka alekanuke;agho,mulume ali mukashi tabeli ba kulandana .Ghongo atumanile twikale mu boolo.¹⁶Uwe mukashi ukumana buno ukonya munachobe?Ali mulume ukumana buno ukonia mughole wobe?¹⁷Cheli agho,nawe nawe atabange mu nsila samuloshishe Ghongo,kuyangana na bwa manilwe na Ghongo.Ubo u buunkukakisha Tunisa tunsayi. ¹⁸Umoyi amanilwe nu amonile ikale ubo;umoyi amanilwe nu ntamonyilwe,ntimonyaghe. ¹⁹Kumonywa mpala sa munganga ali kutemonywa ta kitondo,tondo kukatilila nkakisho sa Ghongo u bunsayi.²⁰Na muntu ashighale bwa bwabagha gha manwagha. ²¹Wamanwagha uli mukobe, ntughaneghane;ndi unashighililwa,sekela.²²Buno mukobe wamanwagha mu bukota,akandulwa na Mukota;nubo,nu muntu wakandulwa ise mukobe wa Kilishitu. ²³Mwaghulwagha na bikulo bingi;mughalukaghe lingo bakobe ba bantu. ²⁴Bisakwitu,na muntu ikale mu Ghongo bwa bwabagha gha managhwa.²⁵Ku bikumi, nshite lukakisho lwa Mukota,tondo nite mulenganya , anga uneleshibwagha na Mukota lukogho nibe wa bulili.²⁶Lola lino bunalola busogha ku bino bindi bibibu byeli bwighibwighi; bweli busogha muntu ikale ubo.²⁷Wasongile mukashi umoyi, ulekanukaghe nawe;ntwasongile ulondaghe mukashi. ²⁸Ndi wasongile ntwakitile bwaghi nu ndi utemana mulume asongwa ntakita bwaghi;ndi kikumi chasongwa tachakita bwaghi;tondo abo bantu yungwayungwa mu mubili,nu nkulonda nibatuche mu ubo.²⁹Lola bunkutenda,bisakwitu, buno bindi bi bikeke;kulingila lelo ba bite bakashi babe anga tabite bo,³⁰ba bakulila babe anga tabekulila,ba beli mu boghimboghi babe anga tabeli muso,ba bakughula babe anga tabite kena, ³¹ba bakukita bya kisi babe anga tabakubikita,kubuno,bitondo bya kisi bikutinga.³²Tondo nkushima buno mughaneghanaghe.Olya utasongile,kulonda bitondo bya Mukota,buno aboghyeboghye Mukota; ³³Olya wasongile akulonda bikayi bya kisi,buno aboghyeboghye mughole waghe. ³⁴Wasongilwe nu kikumi batingana ;utasongwa ekulonda bitondo bya Mukota buno asanane mu mubili nu mu mutima;nu olya wasongilwe,akulonda bikayi bya kisi buno aboghyeboghye munache.³⁵Natenda ubo ku byeli busogha kwinu;ta kubategha kategho,tondo ku matenda masogha buno mukitile Kalagha nkashi nu mukandwaghe na bingo bitondo.³⁶Ndi muntu alola buno kutingya myaka sa kusongwa kwa kikumi chaghe bweli nsoni,ndi busogha amusongye,akite bwashima ntakita bwaghi,kusongya. ³⁷Tondo olya washima nu kutenda mu mutima waghe,ta mu lukakisho buno kikumi chaghe kikale ubo,nti akita busogha. ³⁸Nubo olya wasongya kikumi chaghe akita busogha, nu olya utakisongya akita busogha bubibu.³⁹Mukashi akandwa na mulembe ndi munache echeli gho;tondo ndi munache a kwa ,anasongwa lingo n'olya uwashima;chemana bube mu Mukota. ⁴⁰ Mu mulenganya wani bunaba busogha ikale ubo. Nw'ine nkumana buno nite Muusa wa Ghongo.

Chapter 8

¹Kwibyo bya nama sakwelela basumbu, tukumana buno beshwe bansayi twite mulenganya ukulisha butumbitumbi,tondo lutundo u kwimasha muntu. ²Ndi muntu alenganya buno akumana kitondo,nti ntemana busogha bucheli.³Ndi muntu ashima Ghongo ,ghoso u wamanwa nawe.⁴Bibyo bya kulya nama sa kwelela basumbu,tukumana buno takuli musumbu wampa mu kino kisi ,nu kweli Ghongo umoyi u mpanga.⁵Kubuno ndi kuli byabumbilwe bikumanwa ba ghongo ,kunaba mw'ighulu kunaba ghano ghansi anga bweli bulili ba ghongo bengi nu bakota bingi, ⁶tondo ku beshwe kuli Ghongo umoyi, Tata,kwaghe u kutweli,nu Mukota umoyi ,Yesu Kilishitu ,kutingila we binsayi byeli,nu kutingila we nu beshwe tweli.⁷Tondo ghoso mulenganya taghuli ku bansayi.Bamoyi u bakumana buno musumbu eli gho,bakulya eso nama. sa kwela basumbu,makengelo mabo masoshu nti mabigha.⁸T'indya u likutushighelesha bwighi na Ghongo ;ndi tunalya lyo,ta twite kena,nu ndi tatwalya lyo,tatwinda kena. ⁹Mwindolagha busogha,tondo kushighililwa kwinu kunaghaluka ikoyi lya kukitasha basoshu. ¹⁰Ndi muntu umoyi akulola ko uwe wite mulenganya,wikalile nu kulya mu kasumilo,mukengelo ma ghoso mushoshu, tamakamwicha alye nama sakwelela basumbu?¹¹Ghoso mushoshu ntakakwa kutingila mulenganya wobe , ghoso mwisakwinu wakwilindwe na Kilishitu. ¹²Mu kukita bwaghi ubo kuli bisakwinu,mukwita mutima wabo musoshu,nti mwakita bwaghi kweli Kilishitu. ¹³Uchasula ndi indya lina kitasha munitu,nilyaghe lyo.

Chapter 9

¹Nsheli mukandulwa?Nsheli ntumwa ?Nshalolile ku Yesu Kilishitu Mukota ?Tamweli mukolo wani mu Mukota?²Ndi ku bango nsheli ntumwa,ku benywe nili we;kubuno muli kamanililo mu nkashi sani sa ntumwa mu Mukota.³Agho u ghankwitendela ku babo bankutalikila.⁴Tatunakosha kulya ali kunywa ?⁵Twananilwa kwelekeshwa na mukashi weli anga mughole witu,anga bukukitagha engo ntumwa,nu mibuto sa Mukota,nu Kefa?⁶Ali ine nu Balanaba tatunema kushigha milimo?⁷Olya ukukita nkashi sa Sula ite maligho maghe ?Nayi olya unashika misabibu nu ntalya ku kighuma chagho?Ali nayi mungele ukulanga ighimba ntanywa ku mabele maghe?⁸Ibyo binkutenda ,byashighalila tughu mu bantu?Mulembe tawatenda ubo nubo?⁹Kubuno bwatilwe mu mulembe wa Musa: Ntu shibe kanywa ka nkambu gha sikunanta mbuto.Ghongo ntakulola bitondo bya nkambu,¹⁰Akubitenda ku beshwe umpanga?Naki ,nti ku beshwe u kubyatililwagha buno olya ukulima na nkungo,alelamile ,n'olya ukususula ngano alelamile kibhu. ¹¹Ndi twashikagha kwinu bitondo bya mutima,bu bubibu kweleshibwa na benywe bikayi bya kisi bya kutinga?¹²Ndi bango beleshibwa byo na benywe,ta beshwe tun'eleshibwe byo?Tondo,tatweleshibwe byo;Tanga twinda binsayi kubuno tunasula Musaghu musoghawa Kilishitu tausanswe.¹³Tamukumana buno bakukita nkashi sa Ghongo,bakulishibwa naso, nu bakweghesha mu Kanisa bakutulwa?¹⁴Mukota nuwe akakisha babo bakusansa Musaghu musogha,balile mugho.¹⁵Kwine,nsheleshibwe kena kwibyo,ta buno nkubisegha u kunabatilinde ubo;kubuno bweli busogha nikwe kutinga kwiyelesha lukumbu.¹⁶Kubuno ndi nkusansa Musaghu musogha,ku neli,ta kwiyelesha lukumbu,tondo nema kubukita,musambo ku neli ndi ninda kusansa Musaghu musogha!¹⁷Ndi nabikukita na mutima musogha,nite indigho,ndi ta kushima kwani,nti mushigho u ubanecha.¹⁸Indigho lyani u ki? Kusansa bulya Musaghu musogha,nu takweleshibwa kena anga Wakusansa Musaghu musogha.¹⁹Kubuno,bunashighililwa ku bansayi ,nimbikile mukiti wa bansayi, buno nibe na bantu bengi.²⁰Ghamoyi na Bayuda,nabagha anga Muyuda,buno ni balhute ;ghamoyi na beli mu melembe,anga olya weli mu mulembe (nu nsheli mu mulembe),buno nilhute beli mu mulembe;²¹ghamoyi na betite mulembe anga olya utite gho(anga nshite mulembe wa Ghongo,mu kuba mu mulembe wa Kilishitu),buno nilhute betite mulembe.²²Nabagha musoshu ghamoyi na basoshu,buno nilhute basoshu.Nimbikile muntu wa bansayi buno n'onie bamoyi kubo.²³Nkukitila Musaghu musogha bino binsayi buno neleshibwe kibhu.²⁴Tamukumana buno ba bakwenda lubilo mu mulungu,bansayi bakwenda lubilo,tondo umoyi u ukukinda?Mwende lubilo buno mukinde.²⁵Babo bekwenda bakulwana, bakwinanya bingi ,nu bakukita uibyo buno eleshibwe nkumbu sitakwindisha;tondo beshwe tukukita ubo ku nkumbu sa milyalya.²⁶Ine lino,nkwenda lubilo,ta makina ;nku lwana ,ta buno na lumpumpu;²⁷Tondo,nanubya mubili wani,nu naukututya ,kubuno mu kushila ku sansila bango Musaghu musogha,ninanwe.

Chapter 10

¹Bisakwitu,mwindaghe kumana buno batata bansayi babagha mu lumbhu,nu bendagha nu kusoka kitatenge,² bapatishwagha mu Musa mu lumbhu nu mu kitatenge, ³balyagha indya limoyi lya kutuka kwa Ghongo,⁴Banywagha bansayi masi ma kutuka kwa Ghongo,banywilagha mw'ikoyi lya sanana lya bayangagha,nu il'ikoyi,u lyabagha Kilishitu.⁵Tondo bengi kubo ta baswaghilagha Ghongo, kubuno bakwilagha mu kalula. ⁶Nu ibyo bitondo byatingagha kubuno bitwegheshe ,buno tubaghe na milenganya mbi,anga bubabagha naso.⁷Mwelaghe byeko lingo, anga bamoyi kubo,anga bwatililwe: bantu bikalagha ghansi buno balye nu kunywa; lingo bimalukagha nu kumina. ⁸Ntwinshighililaghe mu matensha, anga bwishighililagha bamoyi mumo,nubo bakwagha elefu makumi mabili nu basatu ku kindi kimoyi.⁹Tughelekaghe Mukota, anga bu bamwelekagha bamoyi kubo,batubwagha na malighi.¹⁰Monganaghe lingo, anga bonganagha bamoyi kubo, bashishilishwagha na musambya.¹¹Ibyo bitondo byabikilagha buno bilolwe, nu byatilwagha buno bitwegheshe beshwe bika mu bindi bishinda. ¹²Agho lingo, olya windola buno imala, alole busogha anashwa kuwa! ¹³N'igheleko linsayi lyeli ku bantu bansayi, nu Ghongo weli wabulili, ntakimila mughelekwe kutinga maghala minu ;tondo ghamoyi n'igheleko akalosha nsila sa kutuka mulyo,kubuno mulimile.¹⁴Nshimwa sani,uchasula,mutine kwela basumbu. ¹⁵Nkutenda ku bantu bite mulenganya ;mughaye benywe binene binatenda.¹⁶Kaata ka tukukasanila,ta kusangila mikila sa Kilishitu?Kampampa ka tukuketulaketula,takusangila mubili wa Kilishitu?¹⁷Ubo bweli kampampa kamoyi, ku beshwe beli bengi, twakitwa mubili umoyi; buno twasangila kampampa kamoyi.¹⁸Mulole Baisilaeli mu mubili; Babo bakulya nkaso ta bakomya na kasasa?¹⁹Nitende buni lingo?Nama sa kwelela basumbu seli kiki,nu musumbu u kiki?Taku kena.²⁰Natenda buno byakwela basumbu bi bya basumbu ,nu ta bya Ghongo;tondo ,nshikushima mukomye na basumbu.²¹Tamuna kosha kunywa mu kaata ka Mukota, nu ku kaata ka basumbu; ta munalya ku bya Mukota,nu ku bya basumbu.²²Tukulonda kukunja mishibu sa Mukota? Twamughimba maghala?²³Binsai bimilwa,ta binsayi u bisogha; binsayi bimilwa,tondo ta binsayi u bikwimasha muntu.²⁴Muntu ntalonde bisogha ku w'inene ,tondo alonde byaswaghila ungo.²⁵Mulye binsayi bikughushibwa mw'isoko,nu mwimbushaghe mu mitima sinu; ²⁶Kubuno kisi cheli cha Mukota nu binsayi byeli mw'icho.²⁷Ndi utakatisha akumana nu ndi washima kwenda , lya binsayi biwaloshibwe,nu w'imbushaghe ku kena mu mutima wobe.²⁸Tondo ndi muntu akubula: Bibino byeli bya kwela basumbu!Ulyaghe,kubushi bwa olya wakukengeshagha nu ku makengelo ma mutima wobe. ²⁹Nkutenda ghano, ta ku makengelo ma mutima wani, tondo w'ongo .Ki chasula, kushighililwa kwani kwaghibwa n'ongo muntu? ³⁰Ndi nalya na mboghombogho,ki chasula natukwa kw'indya linaboghelaboghela?³¹Aba malya, ali mwanywa, ali mwakita kingo kitondo , mukite cho mu lukumbu lwa Ghongo. ³²Mubaghe ikitalo ali ku Bagiliki,ali ku BaYuda,ali ku Kanisa ka Ghongo, ³³Anga nw'ine nkukita bunsayi ni boghyeboghye bantu bansayi,ta ku byeli bisogha ku neli,tondo ku bengi buno bone.

Chapter 11

¹Mukite binkukita anga n'inengo bunkukita bya Kilishitu.²Nabatata buno munkukengela ku binsayi,nu mwakatilkila meghisha mani anga bunabeleshagha mo.³Nkushima tondo buno mumane buno Kilishitu u mwami wa muntu unsayi,mulume u mwami wa mukashi,nu Kalagha u mwami wa Kilishitu.⁴Na muntu u kusegha ali akulisha bulenganya,nu itwe lyabukilwa,nti abenga mwami waghe.⁵Na mukashi unsayi ,ukusegha ali ukulisha bulenganya,ndi itwe talyabukindwe,nti abenga mwami waghe;nti ise anga wabeghwa .⁶Kubuno ndi mukashi ntabukinde itwe,abeghwe .Nu ndi seli msoni ku mukashi kubeghwa, abukile itwe ;⁷Mulume ntema kubukila itwe,kubuno asusa Ghongo nweli lukumbu lwaghe,tondo mukashi eli lukumbu lwa mulume.⁸Bulili,mulume ntatukagha mu mukashi,tondo mukashi u watukagha mu mulume.⁹Nu mulume ntabumbwagha ku kubushi bwa mukashi,tondo mukashi u wabumbilwe ku bushi bwa mulume.¹⁰Uchasula kutingila nteko sa baghenshi,mukashi ema kuba na kama ka bwangato bwi nene we.¹¹Tondo,mu Mukota,mukashi ntanaba ghete mulume,ali mulumu ntanaba ghete mukashi.¹²Kubuno,anga bwatukagha mukashi mu mulume ubo nubo mulume eli gho kutingila mukashi,nu binsayi byatuka kuli Ghongo.¹³Mughaye benywe binene ;bwaswagha mukashi aseghe Ghongo nw'itwe ntalyabukilwa ?¹⁴Ntungo nuso satweghesha buno mulume ntema kuba na nshuli ningi,¹⁵tondo bweli lukumbu ku mukashi waghe kuba naso , kubuno eleshibwe nshuli sibe sa kubukila itwe?¹⁶Ndi muntu ighanya nu kunana ubo,beshwe nu Tunisa twa Ghongo tatwite iso myanya.¹⁷Mukubelesha seno toli,nshikubatata ,kubuno mu misanganano sinu,tamukulonda mube basogha,tondo mwaghaluka babi bwa bubibu.¹⁸Nu tanga,nkongwa buno mu musanganano sinu mweli malekanuko,_nimila bimoyi,¹⁹tondo,kwema kube bintucha ku benywe,inga babo bakatisha bamanililwe munkatighi na benywe.²⁰Gha mukukulumana,tabuno kulya indya lya Mukota;²¹kubuno,mwa mu kulya, na muntu ukutola indya lyaghe,nu umoyi akwa nsala,nu ungo alewile.²²Ta mwite mashumba ma kulila nu kunywila mo ?Ali mu kwenegha Kanisa ka Ghongo,nu mw'itya nsoni ku babo betite kena?Nkababula buni?Ni batate? Kwibyo ,nshi kubatata.²³Kubuno,neleshibwagha na Mukota,bya binabegheshagha :Buno Mukota Yesu,mukindi chesanaghwa mo,atolagha kampapa,²⁴nu,kushila ku kasanila,akaketulaghaketulagha,nu kutenda :ghono u mubili wani waketulwa ketulwa ku benywe,mukite buno ku makengelo mani.²⁵Nubo,mu kushilagha kulya indya l'igholigholo ,atolagha kaata,nu kutenda :kaata kano u kununsana mu mikila sani;mukite buno mu makengelo mani mu kungu insayi bumukanywagha ko.²⁶Kubuno kungu insayi gha mukalya kampapa nu kunywa kano kaata ,mukasansa lukwo lwa Mukota kwikila gha kakuluka.²⁷Uchasula olya walya kano kampapa nu kunywa kaata ka Mukota nu ntatunganana ,nti akita bwaghi ku mubili nu mikila sa Mukota.²⁸Na muntu indole w'inene,gha kulya kampapa nu kunywa kaata;²⁹buno olya walya nu kunywa nu ntakumanilila busogha mubili wa Mukota,nti alya nu kunywa lwagyo lwaghe w'inene.³⁰Uchasula munkatighi na benywe mwasangwa tusokoluma nu basambi ,nu bengi bakwile.³¹Ndi tatwighayagha beshwe b'inene,tatunaghayibwe lingo.³²Tondo ghatukughayibwa,nti twapundwa na Mukota,kubuno tunashwa kughayibwa ghamoyi na kisi.³³Agho bisakwitu,gha mukukulumanila kw'indya,mulindilane.³⁴Ndi umoyi akwa nsala,alile kwaghe kubuno mwa mu kukulumana munashwa kwimbulutila lughayo .Bingo bitondo nkabishililisha mu kwika kwani.

Chapter 12

¹Kubibyo bya nkaso sa Ghongo, nshikushima ,bisakwitu,mwinde kumana.²Mukumana buno gha mwabagha betekatisha,mwishighililagha kubulutwa na byeko bitekutenda,anga bumwabagha mukwenda.³Uchasula nkubabula taku muntu ndi akutenda kutingila Muusa wa Ghongo,unatenda: Yesu ashulindwe!Nu takweli unakosha kutenda :Yesu u Mukota!Ndi takutingila Muusa musogha.⁴Kuli nkaso ningi,tondo Muusa u umoyi;⁵milimo sa Ghongo seli ningi,tondo ghoso Mukota umoyi;⁶mishinga seli ningi,tondo Ghongo umoyi ukwanganya so mu bansayi.⁷Nawe weleshibwe Muusa ukukita nkashi ku busogha bwa bansayi.⁸Ubo,umoyi eleshibwe na Muusa kitondo cha bulenganya;ungo kitondo cha kumanilila,kutuka k'oso Muusa;⁹ungo,lukatisho, kutingila ku ghoso Muusa,k'ongo lukaso lwa kulamya,kutingila ghoso Muusa,¹⁰ ungo,lukaso lwa kukita bitangalo,ungo kukita bulenganya;ungo kumanilila bya mitima;ungo mitendeshi ningi,kwatula mitendeshi.¹¹Ghoso Muusa umoyi u ukukita ibyo bitondo ,mu kubibeghanisha na muntu bwa bwashima.¹²Kubuno,anga mubili umoyi nu bighansa bingi,nu bighansa binsayi bya mubili,binaba bingi,byakita mubili umoyi,nubo mu Kilishitu.¹³Buno,beshwe bansayi twapatishibwe mu Muusayi umoyi,buno tube mubili umoyi,banaba ba Yuda,banaba Bagiliki,banaba bakobe,banaba ba bakandulilwe,nu beshwe bansayi twanywile ghoso Muusa umoyi.¹⁴Nu mubili ta kighansa kimoyi,tondo bighansa bingi.¹⁵Ndi kughulu kunatenda:Buno nshili kuboko,sheli wa mubili ,ta wa mubili k'obo?¹⁶Nu ndi kutuyi kwatenda:Buno nshili liso,nsheli wa mubili,talyeli lya mubili k'obo?¹⁷Ndi mubili unsayi unabinde liso,tunongwile buni? Ndi unabinde unsayi kutuyi ,tunongwile bumba buni?¹⁸Ghano Ghongo abikile kighansa kimoyi kimoyi mu mubili bwa bwashima.¹⁹Ndi binsayi binabinde kighansa kimoyi,buni bunabinde mubili?²⁰Lola lino, kweli bighansa bingi nu mubili umoyi.²¹ Liso talinabula kubokoo:Nshite nkasa sobe;ali itwe kubula manshinshi :Nshite nkasa sinu.²²Nu tondo,bighansa bikumonekagha anga bya tughutughu u bite nkashi nene;²³nu bitwabenga ku mubili,twabikumbilila busogha. U bubo bighansa bitu bitakughanswa,u byashimwa bwa bubibu,²⁴nu bighansa bitu bisogha ,tabite nkasa.Ghongo abumbile mubili mu kwelesha lwanso lunene ku bibyo bindagha lo,²⁵buno kubaghe malekanuko mu mubili,tondo bighansa binsayi bikumbililane.²⁶Nu ndi kighansa kimoyi cha nuba ,bighansa binsayi binube ghamoyi nacho; Ndi kighansa kimoyi chanswa, bighansa binsayi bi bogheboghe ghamoyi nacho.²⁷Mweli mubili wa Kilishitu,nu muli bighansa byaghe,n'omoyi kibe chaghe.²⁸Nu Ghongo imikile mu Kanisa batangi, ntumwa,kuyanga abo balenganya,wa basatu beghisha nu kumbusa kwabo babo bite lukaso lwa kukita bitangalo,nu babo bite lukaso lwa kulamya,lwa kukasha,lwa kwimalila bantu,lwa kutenda mit en de si ningi.²⁹Bansayi beli ntumwa?Bansayi u balenganya?Bansayi u beli beghisha?³⁰Bansayi bite lukaso lwa kukita bitangalo?Bansayi bite lukaso lwa kulamya?Bansayi bekutenda mitendeshi ningi ?Bansayi bekwatula bitondo?³¹Mulilile nkaso nsogha,nu nabaloshe nsila nsogha.

Chapter 13

¹Gha nkatenda mitendeshi sa bantu nu sa baghenshi,nu nshite lutundo,nili chuma cha kukengebela,ali ngoma sa kushuma.²Nu gha nkaba na lukaso lwa kukita lwa kumana bikika,bumanililo bwa bindo binsayi nu bwenge bunsayi,nu ghankaba na lukatisho lwa kukukuma mindiko,ndi nshite lutundo,nti nili wa tughutughu.³Nu gha nkabeghanya bikayi byani binsayi,mu kwelesha bakene indya,gha kashighilila mubili wani kuya,ndi nshite lutundo,ta bite kena kwani.⁴Lutundo ta lw'ighilighili,lwisalilana na busogha;lutundo talukulhutwa na bya bene,lutundo ta lukw'itata,ta lwite butumbitumbi,⁵talukwengelela,ta lukw'indondela bisogha bwa binene,ta lwakushibuka,ta kughanilila mabi,⁶talukuboghelaboghela mabi,tondo lukuboghelaboghela bya bulili; ⁷luku shighilila binsayi,lukukatisha binsayi,lukulelamila binsayi,lukwimila binsayi.⁸Lutundo talunakwa.Kumana bikika bukashila,mitendeshi sikakoba,mulenganya ukashimila.⁹Kubuno tukumana bikeke,nu tukweghesha bikeke ku bikika,¹⁰tondo gha kika bya sanana,bya bikeke bikashimila.¹¹Gha nabagha mwana,natendagha anga mwana,nalenganyagha anga mwana,namanagha anga mwana; gha nabinde mukulu,nashimishishe binsayi bya bwana.¹²Lelo tukulolela mu kiyobo, anga mu bulimaswa,tondo tukalola bwighibwighi;lelo nkumana bikeke ,tondo nkamana anga bunamanwagha.¹³Lelo lino,bino bitondo bisatu byeli: Lukatisho, malelamilo,lutundo;tondo chaghimba binsayi kw'ibyo bisatu u lutundo.

Chapter 14

¹Mulonde lutundo . Mulondeleshe nkaso sa Ghongo, tondo tanga sa kumanilila bikika. ²Buno, olya ukutenda mu mutengeshi nta kutenda ku bantu, tondo ku Ghongo,kubuno ta kuli u ku mwongwa, nu nti mutima u mwekutendela bya kindo. ³Olya ukutenda bikika akutenda na bantu ;akubimasha ,akubema,akubabonga. ⁴Olya ukutenda mu mitendeshi,akw'imwsha winene;olya ukutenda bikashwa akwimasha Kanisa.⁵Nkushima benywe bansayi mutende mu mutendeshi , tondo lingo mutende bikika. Olya ukutenda bikika aghimba olya ukutenda mu mitendeshi,ndi ghoso mushinda ntatula buno Kanisa k'imashwe. ⁶Nu lelo ,bisakwitu,nkaba musogha ku kiki,ndi nika kwinu nu mukutenda mu mitendeshi,ndi takwatula bya limbulwa,ali kutingila bulenganya,ali kusambala bikika,ali kutingila meghisha?⁷Nu ndi bikayi bitakutenda bikutucha'ishuki,anga buno nshembe,ali kansambi,tabikutucha mashuki matingana,buni bukamanililwa bikutendwa mu nshembe ali mu kansambi?⁸Nu ndi lukumbi lwatucha ishuki lutakumanilila, nayi uk'indanga ku bita? ⁹Nu benywe , ndi kutingila mutendeshi, tamwatenda kitondo chalekanuka,buni bukamanwa bimukutenda?Mukaba anga bakutingya muusa.¹⁰Mitendeshi sinaba ningi mu kisi, ta ku 'moyi utekongwibwa. ¹¹Nu lingo ndi nshikumana bwatenda mutendeshi,nkaba muntu wa miyabuyabu ku olya u kutenda,nuwe nti aba muntu wa miyabuyabu kwinu.¹²Nu benye,bumukulondelesha nkaso sa Ghongo,mu kw'imasha Kanisa umukulonda mube naso ningi.¹³Uchasula olya ukutenda mu mutendeshi,akusegha buno eleshibwe lukaso lwa kulwatulwa.¹⁴Kubuno ndi nkusegha mu mutendeshi, mutima wani weli mu masegho,tondo mulenganya wani weli bulya.¹⁵Nikite lingo ki ? Nkuseghela mu mutima, nu nkasegha ghamoyi na mulenganya; Nkembela mu mutima tondo nkemba ghamoyi na mulenganya.¹⁶Bungo,ndi wakasanila mu mutima , buni bwakakula Amina ghoso ukughanshwa mu bantu!Buni bwakakula Amina mu lukasanishi lobe,kubuno ntekumana bi ukutenda?¹⁷Bulili,ukukasanila nkasanisho nsogha, tondo muninu nt'imala. ¹⁸Nakasanila Ghongo bu nkutenda mu mutendishi kubaghimba; ¹⁹tondo mu Kanisa, nkushima nitende bitondo bitano na mulenganya wani, buno negheshe bango, kutinga elefu ikumi sa bitondo mu matendeshi.²⁰Bisakwitu,mubaghe bana babo bana aghibwa; tondo mu bibi bibi, mube bana, nu, ku bibyo bya kwaghya, mube bantu basanana. ²¹Bwatililwe mu mulembe : nti kutingila bantu ba ungo mutendishi, nu kutingi tunywa twa basumba u nkatendela na kino kilongo, nu ta bakanongwilila, ubwatenda Mukota.²²Kubo, mitendeshi seli kamanililo ta ku bakatisha, tondo kubatakatisha;kubungo kutenda bikika,keli kamanililo ta ku batakatisha, tondo ku bakatisha. ²³Ndi lingo , mu musanganano wa Kanisa kansayi,bansayi batenda mu mutendeshi, nu kw'ika bantu ba kilongo ali batikatisha, ta bakababula buno muli bashile?²⁴Tondo ndi bansayi batenda bikika, nu kwika muntu utakatisha ali wa kilongo,nti asingwa na bansayi nu nti aghibwa na bansayi,²⁵byeli mu mutima waghe nti bya limbulwa, nti inda itwe gansi mu ku kukumbamila Ghongo,nu akasambala bwasibwasi buno Kalagha eli mu nkatighi na benywe.²⁶Basakwitu, gha munakulumana bamoyi ali bango, bite lwembo,mweghisha, begheshwa ,bulimbulilo, mutendeshi emoyi,kumana mutendeshi, binsayi bikitwe mu kw'imasha bantu.²⁷Kweli babo ba kutenda mu mutendeshi , babili ali basatu,umoyimoyi,n'ongo aatule bitondo; ²⁸ndi takuli wa kwatula,tubibe,nu na muntu itendye winene nu na Ghongo.²⁹Ku babo bakutenda bikika,balili ali basatu batende, nu bango balonde bulili mu bikutendwa; ³⁰nu ndi ungo wikalile alimbulilwa,mutangi akobe.³¹Tondo umoyimoyi atenda bikika ,inga bansayi begheshwe nu bimikwe busogha.³²Mitima sa bakutenda bikika si kwongwilila babo bekutenda; ³³Kubuno Ghongo ta Ghongo wa kabulhu , tondo wa boolo. Anga Tunisa tunsayi twa ba basanana,³⁴buno bakashi babibe mu misanganano,kubuno tabimilwa kutenda mo;tondo bongwilile,anga bwatendwa mulembe.³⁵Ndi bashima kwanwa ku kitondo kilebe,babushe banachabo ku numba;kubuno ta bwaswagha mukashi atendele mu Kanisa.³⁶Ndi kwinu u kwatukilagha kitondo cha Kalagha? Ali kwinu binene u ku kikagha?³⁷Ndi umoyi imbula buno ekumana bikika ali isalilana na Muusa,amane buno bininabatilila bili lukakisho lwa Mukota.³⁸Nu ndi muntu nte kulumana,ikale.³⁹Kashi bisakwitu,mulondeleshe lukaso lwa kutenda bikika,nu munanilaghe muntu kutenda mu mitendeshi .⁴⁰Tondo binsayi bikitwe mu busogha nu mu bulingilingi.

Chapter 15

¹Nabakengesha, bisakwitu , musaghu musogha u nabasansilagha nu umwasekelagha umwakokomishe mugho, ² nu kutingila gho monile ,nu ndi mwaukatilila anga bubo buna basansilagha;bungobungo munakatishishe tughu.³Nabagheshagha tanga anga nwine bunasekelagha bo, buno Kilishitu akwile ku bwaghi bwitu, anga bwatenda Bitondo bya Ghongo; ⁴akundwagha, nu mu bindi bisatu atukagha ku bakuyi anga bwatenda Bitondo bya Ghongo;⁵nu'indoshagha ku Kefa, nu lingo kwabo ikumi na babili. ⁶Kushila agho indoshagha mu limoyi ku bisakwitu maghana matano,bamoyi kubo becheli nu bango bakwile. ⁷Ku shila agho indoshagha ku Yakobo nu ntumwa insayi.⁸Kumbusa kwabo bansayi, indoshagha kw'ine nine,anga kimomyo chakwile; ⁹buno nili mukeke ku ntumwa, nu nshina manwa ntumwa,kubuno nanubyagha Kanisa ka Ghongo.¹⁰Ku mpang'inene sa Ghongo nili bubo bu nili, nu mponga saghe ku neli ta sa tughu;nukilo, nakitagha nkashi kughimba bansayi,t'ine,tondo mpang'inene s'inite kweli Ghongo. ¹¹Kashi ,inaba ine,banaba bo,lola bitukweghesha,nu u bibyo bimwakatishishe.¹²Tondo ndi bukwegheshwa buno Kilishitu atukile ku bakuyi, buni bunatenda bamoyi ku benywe buno takuli kutuka ku bakuyi ? ¹³Ndi takweli kutuka kubakuyi,Kilishitu nuwe ntatukagha ku bakuyi.¹⁴Nu ndi Kilishitu ntatukagha kubakuyi, meghesha mitu meli ma bulya, nu lukatisho lwinu luli lwa bulya .¹⁵Bwaloleka ko buno tweli bateneneki ba bwisa kweli Ghongo,buno twatenenekagha buno Ghongo atuchagha Kilishitu ku bakuyi,nu ntamutukishe ku bakuyi ,ndi bakwile tabakutuka ku bakuyi. ¹⁶Nu ndi bakwile tabakatuka ku bakuyi,Kilishitu nuwe nta tukagha ku bakuyi. ¹⁷Nu ndi Kilishitu ntatukagha ku bakuyi, lukatisho lwinu luli lwa bulya,kashi mucheli mu bwaghi bwinu,¹⁸Nu kashi ba bakwile mu Kilishitu bashiminde. ¹⁹Nu ndi mwako kalamo umpanga u mutukulelamila mu Kilishitu,beshwe u twakwile musambo kughimba bansayi.²⁰Tondo lelo, Kilishitu atukagha ku bakui, u muntangi ku bansayi bakwile . ²¹Kubuno ,lukwo lwikile mu kisi kutingila muntu umoyi,ubu nubo kutingila muntu umoyi kutuka ku bakuyi nuko kwikile.²²nwang'obo bukukwa bansayi mu Adamu,ubo nubo bansayi bakaba gho mu Kilishitu. ²³Tondo nawe mu kishiki chaghe .Kilishitu anga musoki, kumbusa kwaghe ba beli mu Kilishitu,gha kashwa.²⁴Nu kumbusa kwagho,kushila kwa binsayi ku kika,gha kakulukisha bukota ku ghoso Ghongo nu Tata,gha kashila kushililisha,kwikalilwa kwa bantu,bwangato bunsayi nu maghala mansayi. ²⁵ Kubuno ema kwangata kwikila nkungu sa kananta baghini baghe bansayi. ²⁶Mughini mushinda ukashililishwa,u lukwo,²⁷Ghongo,bulili, abikile binsayi munda na manshinshi maghe.Tondo,mu kutenda buno binsayi byabikwa kunsi kwaghe,kutucha ghoso wamweleshagha byo.²⁸Nu gha kabikwa binsayi kunsi kwaghe,agho Mwana nuwe w'inene akaba kunsi kwa olya wamweleshagha binsayi inga Ghongo aba binsai wimalila binsai.²⁹Mu bungo,ki kinakita babo bakwipatisha ku bya bakwile?Ndi bakwile tabakutuka ku bakuyi,ki chasula bekwipatisha kubo? ³⁰Nu beshwe ,ki chasula mweno nkungu tweli mu kushika?³¹Busi bunsayi nabikilwa bwighi na lukwo,nkumana ubo,bisakwitu,kubuno benywe u lukumbu lwani mwa mu Yesu Kilishitu Mukota witu. ³²Ndi mu miso ma bantu u munalwanagha na nama ku Efeso,ki chani kisogha chankulukila?Ndi bakwile tabakutukagha ku bakuyi ,Tulye nu tunywe ,kubuno munindu twakwe.³³Ta mwiyengelele,bwinda bubi,bukubighyagha myanya nsogha.³⁴Mwinsubye mo, anga bweli busogha,tamukite bwaghi lingo,kubuno bamoyi ku benywe tabakumana Ghongo,nabitenda ku nsoni sinu.³⁵Tondo umoyi anabusha: Buni bukutukagha bakwile ku bakuyi,nu baku kulukagha na mubili ki?³⁶Mughasanga !Biukushika tabi kwaasa ,ndi tabya kwa .³⁷Nu biukushika, ,ta mubili ukabutwa;tondo kighuma cha tughutughu ,kinaba ngano ,ali engo mbuto; ³⁸Nu Ghongo akuselesha mubili anga bwa bwashima,nu ku mbuto insayi akuselesha mubili waso .³⁹Mibili insayi ta sasusana;tondo ,ungo u mubili wa bantu,nu ungo uli wa nama sa maghulu manayi,nu ungo u wa tusoni nu ungo u wa bisonga.⁴⁰Kweli nuso mibili sa kw'ighulu nu mibili sa ghansi, tondo kwenga kubibu kwa mibili sa kw'ighulu,bungo bweli mibili sa gansi. ⁴¹Bungo bweli chengeshi cha musi ungo bweli chengeshi cha mweshi nu ungo bweli chengeshi cha tumbalumbalu; bubo chengeshi cha kamabalumbalu ta chasusana na chengeshi cha kango kambalumbalu.⁴²Ubweli nubo kutuka kubakuyi.Mubili u kukundwa weli wa kubola,nu mu kutuka ku bakuyi ta weli lingo wa kubola;⁴³wabengwa mu kukunda,watuka ku bakuyi na lukumbu;Wakundwa mu busoshu,watuka ku bakuyi wisalilana na maghala; ⁴⁴wakundwa anga mubili wa nama,ukutuka ku bakuyi na mubili wa kw'ighulu. Ndi kweli mubili wa nama, kweli nugho mubili wa kw'ighulu.⁴⁵Uchasulagha bwatilwa: muntu musoki Adamu,aghalukagha mutima weli gho. Adamu mushinda aghalukile Muusa u kwesana kalamo. ⁴⁶Tondo cha cheli cha muusa ta kisoki, cha cheli nama tanga;Cha cheli cha muusa chashwa kumbusa.⁴⁷Muntu musoki, atukagha mw'itete,eli wa ghansi, muntu wa babili eli wa kw'ighulu. ⁴⁸Bwasusa ghoso wa ghansi,ubwasusa nobo ba ghansi;nu bweli wa kw'ighulu, u bweli nubo ba kw'ighulu. ⁴⁹Ubo butwasusa ba ghansi,tukasusa nubo ba kw'ighulu.⁵⁰Ubunatenda ubo bisakwitu, mubili nu mikilha tabikeleshibwa bukota bwa Ghongo, nu mubili wa kubola ta ukinda kubola. ⁵¹Lola, nababula kindo: ta tukakwa beshwe bansayi, tondo beshwe bansayi tukaghalulwa,⁵²Mu ku kebya nu kulambula,mwishuki lishinda lya tolompeta .Mulenge wa tolompeta ukongibwa ko, nu bakwile bak'imaluka nengo mibili ,nu beshwe tukaghalulwa. ⁵³Kubuno mubili wakubola ukashwala mubili utekubola, nu ghoso mubili wa lukwo ukashwala ute wakukwa.⁵⁴Gha kashwala mubili wa kubola,ute mubili ute wa kubola,n'oso mubili wa lukwo ukashwala mubili ute wa lukwo,agho ,kitondo chatililwe kikabelelela:Lukwo lwemwa,nu kukindwa. ⁵⁵Ee lukwo, kuni kweli maghala mobe?Ee lukwo,kuni kweli lubabasho lobe?⁵⁶Lubabasho lwa lukwo, u bwaghi;nu maghala ma bwaghi,u mulembe. ⁵⁷Tondo Ghongo akasanilwe ,ukutwelesha maghala kutingila Mukota witu Yesu Kilshitu!⁵⁸Nubo ,bisakwitu banashima, mukokomeshe, tamuyungweyungwe,mu kukitila Mukota nkashi nsogha, mu kumana buno nkashi sinu tasikakwa tughu mu Mukota.

Chapter 16

¹Ku bibyo bya mukongolo wa ku basanana ,mukite,nu benywe, anga buna kakishagha Tunisa twa Galatia.²N'umoyi ku benywe busi by'iyinga abike kushinda cha chashima ,chayangana na bite,buno alindilaghe kwika kwani mu kukulumanya oso mukongolo.³Nu gha nkika,nkasinga bantu basombolilwe na maluba buno biche nkaso sinu ku Yelusalema.⁴Ndi bunaba busogha nike kwinu in'inene,nti bakenda ghamoyi n'ine.⁵Nkenda kwinu gha nkashila kutinga ku Makedonia,kubuno nkatinga ko.⁶Nampu nkatingya bindi ghamoyi ninu,ali nkikala ko bindi bya nsogho ,buno mukanelekeshe ku nkenda.⁷Lelo nsikushima nibalole ko mu kutinga,tondo nkushima nikale ko bindi bikeke,ndi Mukota ashima.⁸Nkikala ku Efeso kwikila ku Pentekosite;⁹kubuno neleshibwa nkungu nsogha sa kwika ko,nu baghini beli bengi.¹⁰Ndi Timote ika, mukite binsayi buno akwaghe boba ku mweli kubuno akukita nkashi sa Mukota ang'ine.¹¹Muntu amubengaghe.Mwamwelekeshagha na boolo ,buno ike ku neli ,bushi nkumulindila ghamoyi na bisakwitu .¹²Ku bya mwisakwitu Apolo,namuseghagha bubibu buno ende kwinu ghamoyi na bisakwitu,tondo tabwabagha kushima kwaghe akite bo lelo;akenda ghakaba na nkungu nsogha.¹³Mwengeleshe,mukokomeshe mu lukatisho,mwabagha balume,mwinakye.¹⁴Binsayi bimukukita bikitwe ghamoyi na lutundo!¹⁵Lingo lukakisho lunabelesha,bisakwitu.Mumane buno numba sa Setefanushi u nsoki ku bansayi ba ku Akaya,nu imbikile bubibu mu kukitila basanana milimo.¹⁶Mube nu benywe na lutundo ku bantu ang'abo, nu ku bansayi bakukita nkashi anga eso.¹⁷Naboghabogha kulola ku Setefanushi , Folotunatushi nu Akayukusu;u baneli nabo gha mu teli,¹⁸kubuno baboghyaboghya mutima wani nu winu.Mumane kughansa bantu ang'abo.¹⁹ Tunisa twa Asia twabakasha samba,Akila nu Pilisila,ghamoyi na Kanisa ka mu numba sabo,kabakasha samba bubibu mu Mukota.²⁰Bisakwitu bansayi babakasha samba.Mukashane samba benywe binene kutingila mpeshi nsogha.²¹Nabakasha samba,ine Polo ,na kuboko kwani.²²Ndi muntu ntashima Mukota,ashulilwa !Malanata.²³Mponga inene sa Mukota Yesu sibe ghamoyi na benywe!²⁴Lutundo lwani lweli ghamoyi na benywe bansayi mu Yesu Kilishitu.

Hebrews

Chapter 1

¹Gha shilagha kutenda kalai, ngendo ningi nu mu myanga ningi na batata , kutingila balenganya, ²Ghongo, mu bino bindi bishinda, atendile na beshwe kutingila Mwana waghe, wabikile nene mwandula wa binsai,nu kutingila we , abumbagha kisi,³nu we mu kuba chengeshi cha lukumbu lwaghe,nu kamanililo kaghe,nu mu kukatilila binsai kutingila kitondo kite bwangato,atukishe bwaghi ,nu kw'ikala kw'indume kwa Mwami munene mu bishiki b'ighulu,⁴waghimba baghenshi eleshibwe ishina lisogha kubatinga. ⁵Buno nai ku baghenshi wabulilwe na Ghongo :Uwe mwana wani, nakubuta lelo? Nu lingo nkaba So nuwe ukaba mwana wani?⁶Nu mu kubika lingo mu kisi nkulha saghe,atendagha: Baghenshi bansayi ba Ghongo bamukumbamile! ⁷Nu lingo,atenda ku mighenshi : Ghoso ukughalula ba baghenshi baghe lumpumpu, nu bakiti baghe lwembe lwa kaya .⁸Tondo abula Mwana :Kishumbi chobe cha bukota,e Ghongo cheli cha milyalya; mushumbo wobe wa bukota weli mushumbo wa bulili; ⁹washimagha bulili nu wasombile bwaghi; uchasula ,e Ghongo, Ghongo wobe akubongishe mwambo wa mboghombogho kughimba baninu.¹⁰Nu lingo: Uwe, Mukota,mu ndingililo wabumbagha kisi,nw'ighulu nulo byeli mukolo wa maboko mobe; ¹¹Bikatinga, tondo uwe weli gho; bikakungugha binsai anga nshulu, ¹²U'kabighonda anga kankaba nu bikaghaluka; tondo uwe, uli bu weli, nu myaka sobe tasikashila.¹³Nu nayi ku baghenshi wabulilwe: Ikala mu kw'indume lyani, kwikila gha nkakita baghini bobe babe kinantilo chobe? ¹⁴Abo bansayi ta myusa sa kukolela Ghongo milimo, basingwagha buno bakite mulimo wa Ghono kubushi bwa babo bemana kweleshibwa lonio.

Chapter 2

¹Uchasula twemana kwikatilisha ku bitondo bitongwagha ko,buno tunashwa kwekwa bulai nabyo.²Buno ,ndi kitondo cha sanswagha na baghenshi chakitile nkashi,nu ndi mweneghana wa kitondo nu kwinda kongwa,byakasilwe indigho lyatunganana nabyo,³buni butunasoghonoka kwaghibwa ndi twenegha lonio lunene anga luno,lo,lwasambalwagha tanga na Mukota,lwakokomeshibwe kwitu na babo balongwagha ko tanga,⁴Ghongo mu kukokomesha buteneneki bwabo, kutingila tumanililo, bighanaghana nu bitangalo bingi,nu kutingila nkaso sa Muusa Musogha,sabeghanishibwe kuyangana na bwashima.⁵Bulili,ta baghenshi u beleshibwe na Ghongo kisi kikashwa kitukutenda. ⁶Kubuno nu muntu umoyi atenenekile kungo buno :Muntu u nayi buno umukengele,nu mwana wa muntu buno umukumbilile?⁷Wamubikagha bindi bikeke kunsi kwa baghenshi,wamushwalikishe nkumbu sa lukumbu nu lwanso,⁸Wabikile binsayi kunsi na mashinshi maghe.Bulili,mu ku mwelesha binsayi, Ghongo ntashighile kikayi champa chatamweleshishe,tondo tatulola nenshi lelo ndi eleshibwe binsayi.⁹ Tondo wabikwagha mu bindi bikeke kunsi kwa baghenshi, Yesu twamumona ko ite nkumbu sa lukumbu nu sa lwanso kubushi bwa lukwo lwamunubyagha, kubuno,kutingila mpanga inene sa Ghongo,anubila bansayi kwikila lukwo .¹⁰Bulili,bwaswagha ku olya wite binsayi nu binsayi byeli byaghe,nu washimagha kwicha mu lukumbu bengi ku bana baghe,imasha mu busanana kutingila minubo Mwami wa lonio lwabo.¹¹Kubuno olya ukusanania ,nu babo bakusananwa,batuka kweli muntu umoi.Uchasula ntite nsoni sa kubamana bisakwabo,¹²gha kuba akutenda:Nkasansa ishina lyobe kweli bisakwitu,nkakumoghelamoghela mu musanganano.¹³Nu lingo:Nkishighilila muwe.Nu lingo ine ghono, ine nu bana baneleshagha Ghongo.¹⁴Kashi lino,kubuno bana basanginde mikilha nu nama,w'inene nuwe asanginde,kubuno,kutingila lukwo,anante ghoso wite bwangato bwa lukwo,ukutenda buno musumbu,¹⁵nu ukukandula babo bansayi,bakukwa lukwo boba,kalamo kabo kashibikwagha mu bukobe.¹⁶Buno bulili ,nta baghenshi u bakukasha, tondo kibuti cha Bulaimu.¹⁷Uchasulagha emanagha asusane na bisakwabo mu binsayi ,buno abe Mwami Nsakogha munene wa lukogho nu wa bulili ku nkashi sa Ghongo,buno ashimye bwaghi bwa bantu;¹⁸Buno,mu kuba winene alingikwagha mu kunuba,anakosha kukasha babo bakulingikwa.

Chapter 3

¹Uchasula,bisakwitu basanana,bite kibhu mu mubila wa kw'ighulu,mumane busogha ntumwa nu mwami munene Nsakogha wa lukatisho utukughanula, ²Yesu,wabinde wa bulili ku olya wamwimikagha,anga bwabagha Musa mu numba saghe insayi.³Kubuno u wemanilwe kughanswa wa bulili mu lukumbu lwaghimba lulo lwa Musa ali wobaka numba nsogha ite lukumbu lunene kughimba numba so'ngo.⁴Nu numba insayi sobakwa na muntu, tondo olya ukobaka binsayi u Ghongo.⁵Kweli Musa ,abagha wa bulili mu numba insayi sa Ghongo, anga mukiti ,buno atenenekele kicho chemanagha kusambalwa;⁶tondo Kilishitu eli nu we ubo anga Mwana wa numba saghe; nu numba saghe u beshwe, ndi twikokomesha kwikila kubika mulenganya wa bulili muwe,nu malelamilo bitukwitatila.⁷Uchasula,kuyangana na bikutenda Muusa Musogha : Buno busi,ndi mwongwa ishuki lyani.⁸mukitaghe mitima sinu kuba mbibu , anga busi bw'ishibo ,anga busi bwa kulingikwa mu kalula,⁹u kwandingikagha ba So buno bangeleke,nu bamonagha ku mikolo sani myaka makumi manayi.¹⁰Nwine nashibukilagha ulo lughiso,nu natendagha:bindi binsayi bite mutima washimila.Tabamanile nsila sani.¹¹Nalumbilagha lino mu mishibu wani: tabakika mu kishiki cha kwomulilwa ko.¹²Mwindole busogha bisakwitu,takubaghe umoyi ku benywe wite mutima mubi nu wa kwinda kukatisha, kwikile kwindekanucha na Ghongo weli gho.¹³Tondo mwanane gha musambana bindi bunsayi , kwikila bunatendwa: Buno busi!Kubaghe umoyi ku benywe akitaghe mutima waghe kuba mubibu mu kuyanga nsila sa bwaghi.¹⁴Buno nu beshwe twasangila na Kilishitu,ndi twakokomesha bubibu kwikila kindi kishinda mu mulenganya wa bulili utwabagha nagho mu ndighililo, ¹⁵Anga bukutendwa:buno busi,ndi mwongwa ishuki lyaghe mukitaghe mitima sinu kuba mbibu ,anga busi bwishibo.¹⁶Bulili,babo bakitagha ishibo,mu kushila kongwa kugho,ndi ta babo bansayi batukagha ku Misili mu kusondolelwa na Musa? ¹⁷Nu nayi u washibukilwagha na Ghongo mweso myaka makumi manayi,ndi ta babo bakitagha bwaghi,nu bakwilagha mu kalula? ¹⁸Nu ku banayi u kwalumbilagha buno tabakika mu kishiki chaghe cha komulilwa ko,ndi ta ku babo bananagha kongwa ishuki lyaghe? ¹⁹Twalola nu beshwe buno tabakoshagha kwika ko,kubushi kwa kwinda kukatisha kwabo.

Chapter 4

¹Ntukwe boba lino, kubuno indaghi lya kwika mu kishiki cha komwulila ko licheli lingo, t'omoi ku benywe aloleke buno akika kumbusa.²Kubuno twasambalindwe uno musaghu musogha anga bo; tondo kitondo kisogha kibasambalindwe tachabakitinde kena, kubuno tachasangile lukatisho kweli babo bachongwagha ko.³Ku beshwe bakatishagha, twingila mu kishiki cha komwulilwa ko,anga bwatenda: Nkalumbila mu mushibu wani: Tabakika mu kishiki chani cha komwolilwa ko! Atenda lingo,bunaba nkashi saghe sashilile kulingila kubumbwa kwa kisi. ⁴Buno atenda ghango ku kicho kindi cha mutubakamo :Nu Ghongo omulwagha kindi cha mutubakamo. ⁵Nu ghano lingo: tabakika mu kishiki chani cha komwulilwa ko!⁶Kubuno,chabikindwe bamoyi kwika ko, nu ku babo beleshibwagha tanga indaghi,tabikile ko kubushi bwa kwinda kongwa ishuki lyaghe, ⁷Ghongo abika lingo kingo kindi_buno busi_ mu kukengesha bwatendagha Daudi mu bindi byatingagha,anga bwatilwa tanga: Buno busi ,ndi mwongwa ishuki lyaghe,mukitaghe mitima sinu kuba mbibu.⁸Kubuno,ndi Yoshuwa abomushwagha, ntanatendile ubo ku kingo kindi.⁹Kweli lino kwomulwa mu sabato kwabikindwe bantu ba Ghongo. ¹⁰Kubuno olya womushwa na Ghongo nti omulwa ku milimo saghe,anga Ghongo bwomulwagha ku saghe. ¹¹Twikokomeshe lino komushwa nawe, kubuno muntu anashwa kulosha myanya sa kwinda kongwa ishuki lya Ghongo.¹²Kubuno kitondo cha Ghongo kile gho nu cha naka, chatinga mwele u kutwa kuno nu kuno,kikwingila bubibu mu muntu,nu kubeghanya mutima nu muusa,ngihino nu bungongo,ki kumana milenganya nu byashima muntu. ¹³Takweli chabumbilwe chabiswa mu miso maghe ,tondo kinsayi cheli bwasi, nu kinsayi kikumoneka ko mu miso ma ghoso utwemana kwikisha binsayi.¹⁴Nubo,ubo bu twite Nsakogha Munene watingile mw'ighulu, Yesu, Mwana wa Ghongo, tukokomeshe bubibu mu lukatisho lu tukughanula. ¹⁵Buno tatwite Nsakogha munene uninda kutukasha mu busoshu bwitu;tondo, aghelekwagha anga beshwe mu binsayi nu we ntakitagha bwaghi. ¹⁶Twishigheleshe lino ghamoyi na mutima wa kokomela bwighi na kishiki cha bukota cha mpanga inene, buno tweleshibwe lukogho nu mpanga inene,buno tukashwe mu nkasa situ.

Chapter 5

¹Bulili na Sankogha munene wasombolwa mukantighi na bantu,imikwa ku bushi bwa bantu ku nkashi sa Ghongo, buno atule nkaso nu bisansa kubushi bwa bwaghi.²Anakwila lukogho ku babo batakumana ku bashiminde,kubuno nuwe asangila busoshu nabo. ³Nu kutingila ubo busoshu,ukikusula atucha kinsansa kubushi bwa bwaghi bwaghe anga bwa babo bantu.⁴Nu takuli wampa u niyelesha uso mulimo,ndi ntamanilwe na Ghongo,anga bwabagha Haluni.⁵Nu Kilishitu ntiyeleshishe lukumbu lwa kuba Sankogha Munene,tondo alutuchagha ku whoso wamubulagha: Weli Mwana wani,nakubuta buno busi!⁶Anga bwatendwa kungo :Weli Sankogha munene bindi binsayi,anga lughiso lwa Melikisedeki.⁷We ,ghabagha echeli gho mu mubili, mu kutula ghamoi na nkugho nu ghamoi na bisoshi,masegho nu kwema bubibu kweli ghoso unemile kumutucha mu lukwo,nu mu kongwililwa kubushi bwa busanana bwaghe,⁸eyegheshagha,mukuba Mwana,ongwililagha nu kwikumbya kutingila bitondo byanubilagha.⁹Nu we,mukuba abikwa mu busanana,aghaluka nene lonio lwa milyalya ku babo bansayi bakongwa ishuki lyaghe,¹⁰Ghongo,mu kumwimika bwasibwasi Sankogha munene,kuyangana na lughiso lwa Melekisedeki.¹¹Twite bingi bya kutenda agho,nu bingo bitondo bibibu mu kwatula,kubuno tamukongwa ighilighili.¹²Bulili,benywe,kalayi munabinde bakota, mwite lingo nkasa buno babegheshe, twabitondo tutangi twa Ghongo,mwite nabyo nkasa anga mabele ta buno anga indya lya naka.¹³Buno ,olya ucheli wa moma,ntite mulenganya wa kitondo cha bulili cha Ghongo,buno echeli mwana.¹⁴Tondo indya lyanaka lyeli lya bantu bakula,babo bakumana kwensananya bitondo kumana bibi nu bisogha.

Chapter 6

¹Uchasula,mu kushigha kitondo kitangi cha Kilishitu,tuyangilile cha bulili,ta kukulukila lingo meghisha ma mikolo satingile kalayi, ²sa lukatisho mu Ghongo,mu meghesha ma lupatisho,mu kubikila maboko,nu kutuka ku bakuyi, nu kulughaghyo lwa milyalya. ³U bitukakita ibyo ndi Ghongo ashima.⁴Kubuno ta bunakoshibwa ku babo babagha mu chengeshi tangu,batomagha ku lukaso lw'ighulu, beleshibwagha kibhu na Muusa Musogha, ⁵basondagha kitondo kisogha cha Ghongo nu bwangato bya bindi bikashwa, ⁶nu bashigha nsila,baghalulwe lingo nu beleshibwe nyomolo,buno bise anga bakulucha Mwana wa Ghongo ku musalaba nu kumwitya nsoni .⁷Gha kuba itete lyabola na masi ma mbula ma kuloka, nu kisughu ki kwasa mulyo,kisogha ku babo balimilwa cho,lyaghaluka lukasanilo lwa Ghongo;⁸tondo, ndi lyabuta mikele nu bisughu bibi,nti lya nanwa nu kushulilwa,nu kushila agho nti lya ghishwa.⁹Tunatenda ubo,nshimwa, tukulindila ku mweli mikolo nsogha satunganana na lonio. ¹⁰Buno Ghongo eli wa bulili, nta n'ebelela mulimo winu nu lutundo si mwaloshishe kw'ishina lyaghe,mu kukitila lingo basanana nkashi.¹¹tukushima n'omoyimoyi ku benywe aloshe bwa ghulubanila ibyo kwikila malelamilo ma bulili,¹²kubuno mushighililanaghe ,muyange inso nsila sa babo,kutingila lukatisho,nu kwimala busogha,beleshibwa mwandu w'indaghi.¹³Gheleshibwagha Bulaimu indaghi na Ghongo,nta lumbinde kungo mukulu anga we,ndi ta kuw'inene nu kutenda:¹⁴Bulili nkakukasanila nu kibuti chobe nkakikita kibe kingi. ¹⁵Nu Bulaimu mu kulindila bwingi,eleshibwagha chalaghwagha.¹⁶Buno bantu bakulumbila ku olya mukulu kubo,nu kulumbila u kitondo cha shililisha matenda gha basambana. ¹⁷Uchasula Ghongo, mu kulonda kulosha ku bisa mwandu,mulenganya waghe utanaghaluka,alumbilagha,¹⁸kubuno, kutingila bikayi bibili bitanaghaluka mubyo,Ghongo ntanakosha kweka bwisa.Tweleshibwe maghala ma kwenda kubusho,beshwe twakatilinde malelamilo,matwalaghaghwa.¹⁹Mano malelamilo, twite mo anga mosa mu mutima,wa bulili nu wanaka; wakomwa nu kwingila mw'itete, ²⁰agho u ghikominde Yesu kubushi bwitu,anga alhuta,wabikilwe bindi binsayi Sankogha munene mu lughiso lwa Melekisedeki.

Chapter 7

¹Bulili, ghoso Melekisedeki mwami wa ku Salemu, Sankogha wa Ghongo uli w'ighulu , wendile ghabusho na Bulaimu mu kutuka kukinda bami, nu amukasanilagha, ²nu eleshibwagha na Bulaimu kamoyi kikumi ka binsayi byakulukagha nabyo,_we u weli mwami wa bulili, kuyangana na bwatenda ilyo ishina lyaghe,kubusa kobo Mwami wa ku Salemu,ukutenda buno Mwami wa boolo, ³nte n'ise, nte na nina,nte na kibuti, utite ndingililo ali kindi kishinda_, tondo abinde wasusana na Mwama wa Ghongo, ghoso Melisedeki eli Sankogha munene bindi binsayi.⁴Mulole buni bweli mukulu olya weleshibwagha na tatangulu Bulaimu kamoi k'ikumi, ku byatukagha nabyo ku bita. ⁵Babo bana ba Lawi bakukitagha milimo sa kwela Ghongo,bite, kuyangana na mulembe,lukakisho lwa kutola kamoyi kw'ikumi ku bya shwa na bantu, ukutenda buno, kweli bisakwabo, beli ba kibuti cha Bulaimu; ⁶nu we,uteli w'echo kibuti, atolagha kamoyi k'ikumiku kweli Bulaimu, nu akasanilagha ghoso weleshibwagha indaghi.⁷Buno ta myango, mwana muto u kukasanilwa na mukulu. ⁸Nu ghano, babo bakutola kamoi kikumi beli bakuyi; tondo agho,olya watenenekwagha u utakakwa. ⁹Lingo, Lawi, u kutolagha kamoyi kikumi, akalighile, u kutenda buno, kutingila Bulaimu;¹⁰kubuno abagha icheli mu kibunda k'ise, ghamonekagha ko Melisedeki mu miso ma Bulaimu.¹¹Ndi lino, kushililila kwakoshibwa na mulimo wa kwela Ghongo kukukitwa na balawi, kubuno mweso mulimo wakwela u mwikalila mulembe weleshibwe ku bantu,kinasulile ungo Sankogha amoneka ko?Kuyangana na lukakisho lwa Melekisedeki ta lulo lwa Aloni ? ¹²Buno mulimo wa kwela mu kuba waghalulwa ,bwaswagha mulembe nugho ughalulwe.¹³Bulili,olya ukubulwa ibyo bitondo eli wa kingo kilongo,nu taku muntu wacho wakitile mulimo wa kwela; ¹⁴Buno bu byamoneka ko buno Mukota witu atukile mu kilongo cha Yuda, kilongo kitatekulwagha na Musa mu mulimo wa kwela Ghongo.¹⁵Ubo bwaba bulili lingo,buno ungo Sankogha amoneke ko wasusana na Melekisedeki, ¹⁶wimikilwe,ta mu kuyangana na mulembe wa bya mubili, tondo,kuyangana na bwangato bwa kalamo katakashila. ¹⁷Buno atenekilwe:weli Sankogha bindi binsayi kuyangana na lughiso lwa Melikisediki.¹⁸Kashi, mubiko wa kalayi watebwa,kubushi winda maghala nu waghaluka wa tughutughu, ¹⁹kubuno mulembe tawikishe kampa mu bya kusanana,wabinde ndingililo nsogha sa malelamilo ma kutushighelesha bwighi na Ghongo.²⁰Nu u bwabinde kutingila kulumbila,²¹kubuno,balawi baghalukile Bisankogha banene,ta mu kulumbila,Yesu abinde we ghamoyi na kulumbila kwa ghoso wamubulagha: Mukota alumbinde , nu ntakisungula:weli Sankogha munene bindi binsayi,mu lughiso lwa Malekisedeki.²²Kubo Yesu u wimalila lununsano lwa bulili. ²³Nu lingo, kwabagha Bisankogha bengi ,lukwo talwabashighililagha bikale bindi binsai.²⁴Tondo we, buno eli gho bindi binsayi ,ite nkashi sa kwela Ghongo sitakumoneka ko.²⁵Nu kubo, we,anonia bulili babo beli bwighi na Ghongo,mu kuba eli gho akubaseghela bindi binsayi. ²⁶Bulili,bwemanagha tube na Sankogha munene anga we,wa sanana,utakitile kitondo kibi,utite kama,windekanukishe na bwaghi, nu aghimba ighulu,²⁷ntite nkasa ,anga Bisankogha banene ,kutula bisansa bindi binsayi , tanga kubushi bwa bwaghi bwaghe ,nu lingo bwa bantu nubo,kubuno iyesanile winene limoyi umpanga .²⁸Bulili, mulembe u kwimika bantu bite bwaghi babe binsakogha banene; tondo kitondo cha kulumbila chashwile kumbusa kwa mulembe,kimikile Mwana,u weli wasanana nu wa milyalya.

Chapter 8

¹Kitondo kinene ku bibyo byatendwa, buno twite Sankogha munene ,u wikala kw'indume lya kishumbi cha bukota bwa Ghongo mw'ighulu,²mukiti wa nkashi mu kishiki cha sanana cha Ghongo ,nu hema sa bulili,sobakilwe na Mukota nu ta na bantu.³Sankogha munene unsayi akubikwa buno atule nkaso nu binsasa;u bwaswagha nuwe abe na kikayi cha kutula. ⁴Ndi anabinde ghano ghansi,ntanabinde Sankogha,kubuno agho gheli babo bakutula nkaso kuyangana na mulembe. ⁵(Babo bakukumbamila,kilimelime cha byeli mw'ighulu,anga bwakengeshwagha Musa na Ghongo ghabagha akwenda koboka hema sa Ghongo : Abulwagha,kumbilila busogha,wakitagha anga buwabulwagha ghantata gha mwinduko ).⁶Tondo lelo eleshibwa nkashi nene sakuba mukulumanya mu lununsano lwa bulili lwa bikilwe mwindaghi lisogha.⁷Bulili ndi lununsano lutangi talwabagha bubi,lungo talunabikilwe kumbusa kwalo.⁸Tondo nti ghamoyi na kitondo cha kusughila,u bwabulwagha Isilaeli na Mukota:Lola bindi byashwa, bwa tenda Mukota: Nkanusana lingo na numba sa Isilaeli nu numba sa Yuda,⁹ta anga ubo bunanunsanagha na b'ise, busi bunabakatililagha mu kuboko buno nibatuche mu kisi cha Misili, buno tabinkatilishagha bubibu mu lununsano lwani,nw'ine nshabalenganyagha ko, bwatenda Mukota.¹⁰Tondo lola lununsano lunikakita na numba sa Isilaeli,kushila ibyo bindi,bwatenda Mukota:Nkabika milembe sani mu mitima sabo,nkasitilya mu mutima wabo,nu nkaba Ghongo wabo, nubo bakaba bantu bani.¹¹Taku muntu ukeghesha munabo,ali mwisakwabo wampa mu kutenda:Mana Mukota!Buno bansayi bakanimana, kulingila mwana muto kwikila ku mukulu kubo; ¹²Kubuno nkashighilila mabi mabo, nu nshikakengela lingo bwaghi bwabo.¹³Mukutenda: Lununsano lutangi lwatingile,lola lwa lelo;cha kalayi ,cha chakungugha ,kashi nti cheli bwighi na kushimila.

Chapter 9

¹Lununsano lutangi lyabagha nulo na nkakisho sa kukumbamila Ghongo mu numba sa kukumbamila Ghongo sa ghano gha kisi.²Bulili,hema sabagha,sobakwagha, munda naso,mukumanwa kishiki cha sanana,mwabikwagha chanikilo cha bwagha,mesa, nu tumpampa twa kalolesho twa Ghongo.³Kumbusa kwa nshulu s'imbili, kwabagha kibe cha hema kikumanwa kishiki cha sanana ku babo basanana, ⁴chabisa kasasa ka nolo ghabikwa ngenge,nu sanduku sa lununsano sabukilwa insai na nolo. Mweso sanduku,mwabagha mwanshi wa nolo mweli mana,mushumbo wa Haluni, wengenga,nu mesa mengi ma lununsano. ⁵Ghantata na hema kwabagha baghenshi ba lukumbu,bilimelime byabo bya bukila kishumbi cha lukogho.Ta nkungu sa kutenda binsayi.⁶Buno ibyo bikayi kubikwa ubo,bisankoka bakukita nkashi bakwingwila mo mu nkungu insayi mu kishiki kitangi cha hema; ⁷nu mu kishiki ch'imbili nsakogha munene akwingila mo limoyi ku mwaka, nta ninda mikila sa kutula kubushi bwa bwaghi bwaghe nu bwaghi bwa bantu bansayi.`⁸Muusa Musogha alosha agho buno nsila sa kishiki cha sanana ch'ighulwa lingo,ndi hema ntangi sicheli gho. ⁹U kalolesho ka bino bindi,gha bakutula nkaso nu bisansa bitenakosha kusananya muntu,kutingila mulenganya wa ghoso u ku kumbamila, ¹⁰nu we ,ghamoyi na malya, maku nu binsayi bya mubili, bya bagha nkakisho sa mubili sabikwagha kwikila bindi bya kughalulwa.¹¹Tondo Kilishitu ashwile anga Sankogha munene wa bisogha bikashwa;enduchagha hema nene nu nsogha,sitobakilwe na kuboko kwa muntu,u kutenda buno ta sa bino byeli gho; ¹²nu inginde limoyi mu kishiki chasanana,ta ghamoyi na mikilha sa bilimba ,nu sa byana bya nkambu,tondo ghamoyi na mikilha saghe,mu kweleshibwa kushighililwa milyalya.¹³Buno ndi mikilha sa balume ba nkambu nu bilimba, nu ito lya nkambu lyasansilwa ku babo bimbighya, soya nu kusanania mubili,¹⁴buni bweli mikilha sa Kilishitu,we na mutima wa Ghongo,intulile w'inene uwite kama kweli Ghongo,sikasugha milenganya sinu, na myanya sakwile,buno mukitile Ghongo weli gho nkashi! ¹⁵Nu kubo uchasula eli mukulumanya wa luno lununsano,kubuno, lukwo lwashwile buno lutuche mabi makitwagha mu lunsano lutangi, babo bamanaghwa beleshibwa mwandu wa milyalya u balaghwagha.¹⁶buno gheli nkusako,bwaswagha lukwo lwa wakitagha nkusako lube tanga.¹⁷Bulili nkusako site nkashi,ndi lukwo lwaba,talwite maghala ndi walukitagha echeli gho.¹⁸Lola uchasula ghamoyi na mikilha lununsano lutangi lwasekelwagha. ¹⁹Musa,mu kushilya kwelesha bantu nkakisho insayi sa mulembe,atolagha mikilha sa nkambu nu sa bilimba, ghamoyi na masi,nu nshulu sa myosa sengenga,nu kansansa sa kunsansila;ansansilagha w'inene kitabo masi nu bantu mu kutenda :²⁰Seno u mikilha sa lununsano si mwakakishibwa na Ghongo.²¹Asansilagha lingo masi ghamoyi na mikilha ku hema nu ku bikayi binsayi bya mu numba sa kukumbamila. ²²Nu binsayi kuyangana na mulembe byengagha kutingila mikilha ,nu ndi mikilha tasakubulwa, ta kweli kushighililwa bwaghi.²³Bwaswagha kashi,tulolesho twa bikayi byeli mw'ighulu,binasughwa anga ubo,bikayi bya mw'ighulu byo binene binasughwa kutingila binsasa bisogha kubi ghimba. ²⁴Buno Kilishitu ntinginde mu numba sa Ghongo sobakilwe na kuboko kwa muntu,mu kuyanga bya bulili,tondo inginde mw'ighulu, buno atutendele mu miso ma Ghongo.²⁵Nu tabuno iyesane ngendo ningi ichasulagha ingila,anga nsakogha munene u kwingila mu kishishi cha sanana mu mwaka umoyi umoyi ghamoyi na mikilha site saghe;²⁶ndi ubo,ananubile ngendo ningi kulingila kubumbwa kwa kisi, tondo bino bindi bishinda amonekile ko limoyi buno abe kisansa cha kutucha bwaghi.²⁷Nu anga bwabikindwe bantu kukwa limoyi ,nu kushila agho kwaghibwa,²⁸Ubo nubo Kilishitu wiyesanile limoyi buno eke bwaghi bwa bengi,akamoneka ko lya ngendi imbili ntite bwaghi bwa babo bakumwongwilila kubushi bwa lonio lwabo.

Chapter 10

¹Bulili, mulembe wite kilimelime cha bisogha bikashwa, nu ta buno u kulosha busoghabusogha bikayi, tauna kosha, kutingila bisansa bi bakutula myaka nu myaka kwicha bantu ku busanana. ²Nu lingo ta binashighwa kutulwa , kubuno babo bakwela,ndi bishila kwenga,banalenganya lingo ku bwaghi bwabo? ³Tondo makengelo ma bwaghi meli gho mwaka nu mwaka kutingila ibyo bisansa; ⁴Kubuno tabunakoshibwa buno mikalha sa nkambu na sa bilimba situche bwaghi.⁵Uchasula Kilishitu mu kwingila mu kisi, atendile: Ntwashimagha kisansa ali lukaso, tondo wampinde mubili ; ⁶Ntwimilagha nkaso sa kutula nu bisansa kubushi bwa bwaghi. ⁷Agho natendagha : lola, nashwa (mu kitabu cha ghondwa ine natendwa mo)buno nikite e Ghongo biwashima.⁸Kushila tanga kutenda ubo: Ntwimilagha nkaso nu bisansa bituche bwaghi(bikutulwagha kuyangana na mulembe),⁹Atendagha lingo: Lola nashwa nikite biwashima,ashimya kitangi buno imike kishinda.¹⁰Nti kutingila ubo bwashima u mutwasanana,kutingila lukaso lwa mubili wa Yesu Kilishitu limoyi umpanga.¹¹Nu nsakogha unsai akukita mulimo bindi binsayi nu akutula ibyo binsansa bimoyi,bitinakosha kutucha bwaghi, ¹²we, kushila kutucha kisansa elyo limoyi ikalile bindi binsayi kw'indume lya Ghongo, ¹³mukulindila agho baghini baghe baghaluke kinantilo chaghe. ¹⁴Kubuno, kutingila ulo lukaso lumoyi, ikishe mu busanana bindi binsayi babo basanana.¹⁵Ubibyo bikutubula Muusa Musogha nuwe ;kubuno,mu kushila kutenda: ¹⁶Lola lununsano lunkukita ghamoyi nabo,kumbusa kwebyo bindi,bwatenda Mukota: Nkabika milembe sani mu mitima sabo, nu nkasitila mu mutima wabo,ubwatalikila;¹⁷Nu nshikakengela lingo bwaghi bwabo ali mabi mabo. ¹⁸Nu gheli kushighililwa bwaghi, taghanaba lingo lukaso lwa kutucha bwaghi.¹⁹Agho lino bisakwitu, buno butwite kutingila mikilha sa Yesu,kwingila bwasibwasi mu kishiki cha sanana,²⁰kuyanga mwaaka walambya uwatuliminde munda na nshulu ukutenda buno mubili waghe,²¹nu buno twite Sankogha munene wimikilwe mu numba sa Ghongo,²²tushighelele na mutima wa bulili, mu lukatisho lwisala,na mitima senga,nu mubili wogha masi mulenganzya mubi nu mubili wogha masi masongokelwa.²³Tuyangilile bubibu meghesha ma malelamilo mitu,buno olya watulaghile eli wa bulili. ²⁴Tukatililane mu lutundo nu mikolo nsogha. ²⁵Nu tatushighe musanganano witu anga bweli bango;twanane mu kulola buno bindi byeli bwighi.²⁶Ndi twakita bwaghi bwa butwashima nu tukumana bulili,takuli lingo kisansa cha kutucha bwaghi,²⁷tondo kulindila kwayibwa bubibu mu kaya ka kubanga bubibu ka kashicha batakwongwa Ghongo.²⁸Olya utayangile mulembe wa Musa nti akwa nteleshibwa lukogho,ku bateneneki babili ali basatu; ²⁹minubo ki inene sitakashila sikeleshibwa ghoso ukata bulayi Mwana wa Ghongo,ukenegha mikilha sa lununsano sa mwenjagha,nu ukutuka Muusa wa Mpanga inene?³⁰Kubuno tukumana ghoso ukutenda:Ine nkuana nkukulukisha muntu mab'i maghe,ku neli u kweli indigho!Nu lingo:Mukota akaghya bantu baghe. ³¹Bweli bwana ku kolokela mu maboko ma Ghongo.³²Mukengele bindi bitangi mukushila kweleshibwa chengeshi,mwakitile ishibo linene mu minubo,³³kibe kimoi kwitwa nsoni mu mulungu nu kunuba,kingo kibe,kukomya lingo na bakitagha bubo. ³⁴Bulili,mwakwilagha bakandwa lukogho,nu mwimilagha na mboghombogho kunaghwa binu,mukumana buno mwite binu bisogha bitakashila.³⁵Tamushighe kashi,malelamilo minu mabibu u mweli maligho minu manene.³⁶Kubuno mwemana kwikatilisha busogha,buno mu kushila kukita byashima Ghongo,mweleshibwe bi mwalaghwagha.³⁷Lingo bindi bikeke;olya wemana kushwa,ntakwindisha lingo.³⁸Nu olya wa bulili ku neli,ikala mu lukatisho,nu ndi itucha, mutima wani ta una muboghelaboghela.³⁹Beshwe, ta tuli mu babo bakwitucha buno bashimile,tondo mu babo bite lukatisho buno bonie mutima wabo.

Chapter 11

¹Buno lukatisho luli malelamilo ma bulili bikai bitukulindila,kulimbulilwa bibyo bitakumoneka ko . ²Mukuba nalo,bakungu batenenekelwagha busogha.³Nti kutingila lukatisho u mutukumana buno kisi cha bumbwagha kutingila kitondo cha Ghongo ,kubuno kikumonaka ko tachakitwagha na bikumoneka ko.⁴Nti kutingila lukatisho, Abeli atulagha Ghongo kinsansa kisogha chaghimba kicho cha Kaini;nti kutingila lo amanwagha wa bulili,Ghongo alingikagha eso nkaso;Nu nti kutingila lo,akutenda lingo anaba akwa.⁵Nti kutingila lukatisho Enoke atolilwe mw'ighulu,buno amonaghe ku lukwo, nu nta monekile ko lingo, kubuno Ghongo umutolagha mw'ighulu; buno,ghabagha nte tolwa,abulwagha buno aboghyaboghyagha Ghongo.⁶Buno utite lukatisho, ntanaboghyaboghya Ghongo;bushi bwemana olya weli bwighi na Ghongo akatishe buno Ghongo eli gho,nu ukuligha babo bakumulonda.⁷Nti kutingila lukatisho Noa wakengeshwagha na Ghongo ku bitondo bitemonekagha ko lingo,nu mu kukwa boba bwa kwongwilila busogha ,abasagha bwato bunene buno onie bantu ba numba saghe;nti kutingila lo aghyagha kisi ,abagha nene mwandu wa bulili ukweleshibwa kutingila lukatisho.⁸Nti kutingila lukatisho Bulaimu mu kumanwa kwaghe, imilagha nu kwenda mu kishiki chaneleshibwe kibe mwandu, nu endagha kwetekumana. ⁹Nti kutingila lukatisho, endagha kwombulha mu kisi ch'indaghi anga musumba, kuyama mu hema ghamoyi na Isaka nu Yakobo,basangila elyo indaghi.¹⁰Kubuno abagha akulindila mwelo munene wobakwa busogha,ghoso wabagha mulenganya wa Ghongo nu w'inene Ghongo u mobaki.¹¹Nti kutingila lukatisho u Sala w'inene,kilo anaba mukungu,eleshibwagha kibuti,kubuno akatishagha mu bulili bwa olya wamweleshagha indaghi.¹²Uchasula ku mulume umoyi, mukungu,kwatukagha kibuti kinene anga tumbalumbalu tweli mw'ighulu ,anga miseghe seli mu muse wa kitatenge sitanaghanswa.¹³Nti mu lukatisho u mwakwilinde babo bansayi, nu tabeleshibwa bikayi bi balaghwagha;tondo babimonelagha ko kulayi nu kubiboghelaboghela,mu kumana buno beli bagheni nu bashwile kutabanga mu kisi.¹⁴Babo bakutenda ubo bakulosha buno bakulonda kisi kimoyi.¹⁵Ndi banaghalukile nu kulola ku bi bashighagha,banakulukile ko. ¹⁶Tondo lelo, bakushima kisi kisogha, u kutenda buno cha Ghongo. Uchasula Ghongo, ntite nsoni kumanwa Ghongo wabo, buno ababikinde kisi kinene nu kisogha.¹⁷Nti kutingila lukatisho Bulaimu atulagha Isaka,gha lingikwagha, nu atulagha mwana waghe wa ngomo,u weleshibwagha indaghi,¹⁸ uwabulilwe: Mu Isaka mukakutukila kibuti . ¹⁹Amanagha buno Ghongo ite maghala, ma kutucha bantu ku bakuyi,amumonagha ko lingo anga watuka ku bakuyi.²⁰Nti kutingila lukatisho Isaka akasanilagha Yakobo nu Esau,mu kulola ku bitondo bikashwa . ²¹Nti kutingila lukatisho Yakobo ,mu kulembekela kukwa,akasanilagha umoyimoyi bana ba Yosefu.Nu akumbamilagha,mu kwikatilisha mu mushumbo waghe. ²²Nti kutingila lukatisho Yosefu mu kulembekela kukwa,akengeshagha kutuka kwa bana ba Isilaeli mu Misili, abakakishagha kubushi bwa makwa maghe.²³Nti kutingila lukatisho Musa, mu kubutwa kwaghe,abiswagha myeshi esatu na babuti baghe, kubuno balolagha buno mwana eli mbangilwa, nu tabakwagha boba lukatisho lwa mwami. ²⁴Nti kutingila lukatisho Musa, mu kuba akula,ananagha kumanwa mwana wa mukinga wa Falao,²⁵ashimagha kunuba ghamoyi na bantu ba Ghongo kuhimba kuboghelaboghela bwaghi mu nkungu bindi bikeke,²⁶mu kulola nsoni sa Kilishitu anga butumba bunene kughimba matumba ma Misili,kubuno alolagha indigho lili kubusho.²⁷Nti kutingila lukatisho atukagha mu Misili mutakukwa boba mishibu sa mwami, kubuno imbikagha buno wimala busogha,anga ukumona ghoso utekumonekagha ko.²⁸Nti kutingila lukatisho, akitagha pasaka nu kusansila mikilha kubuno mwiti ntitubye ku nkulya sa ba Isilaeli.²⁹Nti kutingila lukatisho, basokagha kitatenge cha mikilha anga lusi lwa kama , tondo bantu ba Misili babo baghelekagha, kusoka bamelwagha na masi. ³⁰Nti kutingila lukatisho mikolo inene sa Yeliko sendukagha,mu kushila kusitimba bindi mutubakamo. ³¹Nti kutingila lukatisho Lahaba we luwawa ntakwile ghamoyi na ndwani kubuno asekelagha basoni busogha.³²Nu nitende buni lingo? Kubuno inindile nkungu sa kutenda ku bya Kideoni, ku bya Balaka, ku bya Samusoni, ku bya Yefuta,ku bya Daudi,ku bya Samwele,ku bya balenganya,³³bo,kutingila lukatisho bakindile nkota, bendile mu bulili,beleshibwe indaghi,bashibile kanywa ka mbunga, ³⁴bashimishe maghala ma kaya , bintikishe ku mwele ukutwa ,balamile nsambo sabo, babinde ndwani mu bita, batibitile ndwani sa bingo bilongo.³⁵Bakashi bakulukishwagha bakuyi babo, bango balekindwe mu mutula wa kaya, nu tabiminde kutuka mo, buno batuke busogha ku bakuyi;³⁶Bango biminde kusekwa nu kupundwa, miyololo nu kulekelwa mu kahombo; ³⁷kusundwa makoyi,ku ketulwaketulwa anga mbao si kwatwa,ku kamwa, ba kwagha na mwele, bendile kuno nu kuko nu bashwalile nkwe sa mbuli nu nkwe sa mpene,ku kungulwa binsayi ,kunuba,kukitilwa mabi, ³⁸bo basombwagha na kisi, kutalatala mu tulula nu mu mindiko,mu nkunda nu mishinga s'itete.³⁹Abo bansayi,mu lukatisho mu ba tenenekelwagha,tabeleshibwe bi balwaghagha,⁴⁰Ghongo,mu kutubikila bisogha,tabana sanana ndi beshwe tatwanubagha.

Chapter 12

¹Nu beshwe lino,kubuno twatimbwa na lubhu lunene lwa batenenekiki,tute mushigho insayi nu bwaghi bwatukunukila ta bubibu,nu twende lubilo ghamoyi na kwinkatilisha bubibu mu mulimo utweleshibwe,²mu kwengelesha kuli Yesu,Mwami u nene lukatisho,we,mu kulola ku mboghombogho sa bikindwe ,anubagha ku musalaba,kwitwa nsoni,nu kwikala kw'indume kwa kishumbi cha bukota bwa Ghongo.³Mukengele bulili, ghoso wiminde kutingila mubili waghe kweka bughini bwa bisa bwaghi,buno munashwa ku kutwa,nu mutima kwinda maghala.⁴Tamukita bita nenshi kwika kukubula mikilha,mu kulwana na bwaghi.⁵Nu mwebelinde bitondo bimwanwagha anga bana:Mwana wani ubengaghe munubo wa Mukota,nu twinde maghala ndi akusungula;⁶ Kubuno Mukota akunubya olya washima, nu akupunda babo bansayi bakumana bana baghe.⁷Mwimile munubo;Ghongo akubakata anga bana baghe;kubuno nayi uso mwana utakukalaulwa n'ise? ⁸Tondo ndi tamukukalaulwa anga bansayi,kashi nti tamweli bana ba bulili ,mweli ba kumbugha.⁹Anga butwasughilwagha na batata ba mubili,nu twabongwagha, tanalibana kwongwilila ghoso Tata wa mitima buno tube na kalamo?¹⁰Batata batukalaghulagha mu bindi bikeke,anga bubalolagha busogha;tondo Ghongo akutukalaghula buno tube na myanya nsogha,kubuno tusangile ku busanana bwaghe.¹¹Buli bulili kukalaghulwa kunsai kukumoneka tanga anga lubabasho,nu ta mboghombogho,tondo mu bindi bweli kubusho bikubuta bitondo bya bulili.¹²Munache maboko ninu matambile nu mashwe ninu moghokile,¹³nu mwende mu nsila sa lingimana,kubuno cha kite bulema kinabuka,tondo kimale busogha.¹⁴Mwikale na boolo ghamoyi na bansayi,nu busanana,nu muntu utite busanana ntakamona ku Mukota.¹⁵Mwalolagha busogha kubaghe muntu ukunana mpang'inene sa Ghongo,kubuno muti wa lubabasho unashwa kwasa nu kunubya bantu bengi;¹⁶buno kubaghe malimbya ali ghoso utakumana Ghongo anga Esau,kutingila indya aghushagha bukulu bwaghe.¹⁷Mukumana buno ,mu bindi bingi ,mu kulonda akasanilwe ananwagha, gha bulondagha na bitengetenge;kubuno mukuba inkuluka mo,ntakitindwe kena.¹⁸Tamwashighelinde bwighi na mwinduko unakatilwe ko,nu wabagha ukuya,ali lubhu ali bulimaswa,ali malingi ma masi,¹⁹ali kughombwa kwa ngunga,ali lwayo,buno babo bongwagha kulo,batendagha babulwaghe kingo kitondo,²⁰kubuno tabakoshishe linw'itenda: Sinaba nama sintubya ku uso mwinduko nti sasundwa makoyi .²¹Nw'icho kitondo chitishe boba,chasulagha Musa atenda:Nakwa boba nu kughilimila!²²Tondo mwashighelinde bwighi na mwindiko wa Siona,mwelo munene wa Ghongo weli gho,Yelusalema wa mw'ighulu, nu ma elefu ma baghenshi,²³musanganano ba batangi batilwa mw'ighulu,Shushi Ghongo wa bansai ,mitima sa basanana babo bushililile,²⁴sa Yesu weli mukulumanya wa lungo lununsano ,nu sa mikilha sa kusansilwa sikutenda busogha kughimba seso sa Abeli.²⁵Mwindange buno muninda kwongwa ghoso u kutenda; buno ndi babo bananagha kwongwa ghoso wasansagha bitangalo bya kisi ta bonile, buni butun'ona beshwe ndi twenda bulayi na ghoso ukutenda mw'ighulu,²⁶we , ishuki lyaghe lyatenjagha kisi,nu we lelo esana indaghi:nu lingo limoyi nkatenja ta kisi cho k'inene ,tondo nw'ighulu.²⁷ Ibyo bitondo:nu lingo limoyi,byalosha kughaluka kwa bikayi bya kutenjatenja,anga bukutinga mu bindi bimoyi,inga bitakutenga bibe gho .²⁸Uchasula,mukweleshibwa bukota butakutenga,tuloshe lukasanilo lwitu kweli Ghongo mu kumukumbamila bwatunganana,²⁹ghamoyi na busanana nu ghamoyi na kukwa boba,kubuno Ghongo witu eli kaya ka kushililisha binsayi.

Chapter 13

¹.Mwikale mu lutundo lwa mubuto.².Mwebelelaghe kusekela bagheni;kubuno mu kukita ubo,bamoi basekelagha baghenshi nu tabekumana.³.Mukengele babo bakandwa, anga nu benywe mweli bakandwa;Babo bakunuba ,anga nu benywe mwite mu mubili umoyi nabo.⁴Isonga lyanswe na bansayi,nu mughu wa basonganile ubaghe na minkoshi,kubuno Ghongo akaghya balimbya nu batensha .⁵.Tamwelame bikulo;mubogheleboghele bimwite;kubuno Kalagha w'inene atendile:Nshikakushighilila,nu nshi kitucha kuwe.⁶Nti ghamoyi na malemalilo mabibu u mutunakosha kutenda:Mukota u kunkasha mu binsai ,nshikakwa kintu boba,ki kinankita muntu ?⁷ Mukengele babo babasambalilagha kitindo cha Ghongo,mwa ghenshagha busogha bindi byabo bishinda,nu muyangilile lukatisho lwabo.⁸Yesu Kilishitu eli bwe nweli anga mwa mwigholo,anga buno busi nu bindi binsayi.⁹.Mubulutwaghe na meghisha mango nu ma kutuka kungo;kubuno bwaswagha mutima ukokomeshe kutingila na mpanga inene,ta kutingila malya matakukita kena ku babo belama mo.¹⁰Twite kasasa kamoyi nu babo bekukitila mulimo mu hema,tabanakosha kulila gho.¹¹Mikilha sa nama sikwekwa na Sankogha munene mu kishiki cha sanana kubushi bwa bwaghi,eso nama sikwendagha kughishibwa bulayi na mwelo.¹²Uchasula Yesu Kilishitu nuwe buno asananye bantu kutingila mikilha saghe,akwilagha bulayi na mwelo.¹³Tukukuke twende kweli,ku shinda mwelo,mu kweka nsoni saghe.¹⁴.Kubuno tatwite lingo ghano ghansi mwelo musogha nu munene,tondo tukulindila u kashwa.¹⁵Kutingila we,tutule Ghongo bindi binsayi bisansa bya kumutata,u kutenda buno bitondo bikutuka mu kanywa kitu nu bikughanula ishina lyaghe.¹⁶Nu tamwebelelaghe bili bisogha nu bya kwesana,buno bisansa anga ibyo u bikuboghelaboghela Ghongo.¹⁷Mwongwililagha busogha beghisha binu nu kwimbotya kubo,kubuno milenganya sabo sili ku mitima sinu anga ba bakabushibwa kwiso;bube ubo, buno bakite ubo na mboghombogho ta mu kulila,nu tabunabakitila kena.¹⁸.Mutuseghele;kubuno tukumana buno twite mulenganya musogha,mu bintu binsayi tube na myanya nsogha.¹⁹.Nti mu lukakisho u munababula ubo ,nimane kushwa lubilo ku mweli.²⁰.Nu Ghongo wa boolo,watuchagha Mungele munene ku bakuyi,kutingila mikilha sa lununsano lwaghe lwa milyalya,Mukota witu Yesu,²¹abeleshe maghala ma kukita mulimo washima,nu akite munda ninu byashima,kutingila Yesu Kilishitu,kwaghe kube lukumbu kinko nu nkiko!Amena!²².Nabasegha e bisakwitu,mukatilile mano mano,buno nshabatilinde bingi.²³Mumane buno mwisakwitu Timote akandulilwe,ndi ashwa ighilighili ku neli,nashwe ghamoyi nawe ku mweli.²⁴.Mwankashishagha samba beghisha binu bansayi nu basanana bansayi.Babo ba ku Italia babakasha samba.²⁵Nu mpang'inene sibe ghamoyi na benywe bansayi!Amina!

Revelation

Chapter 1

¹Bulimbulilo bwa Yesu Kilishitu,bweleshibwagha na Ghongo buno aloshe bakiti baghe bitondo byemana kwika,byaloshishe,kutingila kusingwa kwa mughenshi waghe ,kweli mukiti waghe Yoani,²we u watenenekile kitondo cha Ghongo nu buteneneki bwa Yesu Kilishitu,binsayi byalolagha ko.³Akasanilwe ghoso wasoma nu babo bongwa bitondo bya bulenganya, nu balanga bitondo bya tilwa mo! Kubuno bindi byeli bwighi.⁴Yoani ku Tunisa mutubakamo tuli ku Asia; mweleshibwe mpang' inene nu boolo kutukila ghoso weli,wabagha,nu washa,nu kutukila myusa mutubakamo seli mu ntungo na kishumbi cha bukota bwaghe.⁵Nu kutuka kweli Yesu Kilishitu Muteteneki wa bulili,nkulya sa batukile ku bakuyi,nu Mwami wa bami ba kisi! Kweli ghoso watushima nu watutukishe mu bwaghi kutingila mikilha saghe,⁶nu watukitile bantu ba bukota, bisankogha ba Ghongo Ise,kweli kube lukumbu,nu bwangato, mu nkiko nu nkiko!Amina!⁷Lola ,ashwa ghamoyi na nubhu.Na liso linsayi likamumona ko,aba babo bamushumitagha;nu bilongo binsayi bya kisi bakinshushuma kubushi bwaghe.Naki.Amena!⁸Ine mutangi nu mushinda,bwatenda Mukota Ghongo,olya weli gho,wabagha nu ukushwa,Nene maghala.⁹Ine Yoani,mwisakwinu ,nu wite kibhu ghamoyi na benywe mu munubo nu mu bukota nu mu kulindila bubibu Yesu,nabagha mu kakishi ka kumanwa Patimo,kubushi bwa kitondo cha Ghongo nu buteneneki bwa Yesu.¹⁰ Nakatwagha na Muusa busi bwa Mukota,nu nongwagha kumbusa kwani ishuki linene, anga ku kughombwa tolompeta¹¹watendagha:Bino biwamona ko ,bitile mu kitabo, nu singa byo ku Tunisa mutubakamo,ku Efeso,ku Silimuna,ku Pelegamu,ku Twatila,ku Saladi,ku Filadelefia,nu ku Laodekiya.¹² Nakebatukile buno nimane ishuki ki likutenda n'ine.Nu ,kushila kukebatuka,namonagha ku byanikilo mutubakamo bya nolo,¹³nu munkatighi mwebyo byanikilo mutubakamo,umoyi wasusana Mwana wa muntu,washwalile lopo lulayi,nu ite mutunda wa nolo mu bukuba .¹⁴ Itwe lyaghe nu nshuli byabagha byenga anga nshulu nsogha senga, anga bighuma bya lubula;miso maghe mabagha anga lwembe lwa kaya;¹⁵manshinshi maghe mabagha masusa anga nsubi sikutuka mu kaya, sikutuka mu mutulha wa kaya;nu ishuki lyaghe anga masi mengi ma chela ;¹⁶Abagha ite tumbalumbalu mutubakamo mu kuboko kwaghe kw'indume.Mu kanywa kaghe mwatukagha mwele ukutwa bubibu ,wa bibe bi bili;nu malanga maghe mabagha anga musi wasugha bubibu.¹⁷Mu kumumona ko,nawilagha ku manshinshi maghe anga wakwile. Ankatagha na kuboko kwaghe kw'indume mu kutenda :Ntukwaghe boba!¹⁸Ine mutangi nu mushinda ,nu neli gho .Nakwagha,nu lola neli gho nkiko nu nkiko.Nakatila batoto ba lukwo nu kishiki cha bakuyi.¹⁹Tila lino bitondo biwamona ko,nu byeli gho ,nu byemane kwika kumbusa kwabyo,²⁰kindo cha tumbalumbalu mutubakamo tuwamonagha ko mu kuboko kwani kw'indume,nu byanikilo mutubakamo bya nolo.Tumbalumbalu mutubakamu u tweli Baghenshi ba Tunisa mutubakamo,nu byanikilo mutubakamo u Tunisa mutubakamo.

Chapter 2

¹Tilila mughenshi wa Kanisa ka Efeso:Lola bukutenda ghoso wakatilinde tumbalumbalu mutubakamo mu kuboko kwaghe kw'indume ,olya ukutabanga munkatighi na byanikilo mutubakamo bya nolo;² nkumana mikolo sobe,mulimo,nu kulindila kobe kwingi.Nkumana buno ntunakosha kwikala na bantu babi;nu walingikagha babo bakwimana ntumwa,nu tabo ,nu wabakungulile beli beki ba bwisa;³Buno ukulindila bwingi,buno wanubagha kubushi bw'ishina lyani nu ntwakutilwe.⁴Tondo ki nasomba ku weli,buno washighile lutundo lobe lutangi.⁵Kengela lino gha wawinde mu bwaghi, insungule nu kulukila mikolo sobe ntangi; ndi tobo,nkashwa kuweli,nu nkatucha chanikilo chobe gha kikala, ndi ntwisungula.⁶Wite kino,buno wasomba mikolo sa Banikolayi,mikolo sinasomba ninengo.⁷Olya wite matuyi ma kongwa ongwe bikubulwa Tunisa na Muusa: Olya ukakindagha nkamwelesha alye ku muti wa kalamo,weli mu Paladiso sa Ghongo.⁸Tilila mughenshi wa Kanisa ka Silimuna:Lola bukutenda mutangi nu mushinda,olya wakwagha nu watukile ku bakuyi;⁹nkumana munubo nu bukene bobe (kilo unaba mutumba),nu ukushingilwa bitondo na babo bakwimbula Bayuda nu tabeli bo,tondo u beli sinakoki sa Kahinga.¹⁰Ntukwe boba buno wanube.Lola,Musumbu akalekela bamoyi ku benywe mu kahombo, kubuno mulingikwe,nu mukayungwa bindi ikumi.Ikalagha wa bulili kwikila lukwo, nu nkakwelesha nkumbu sa kalamo.¹¹Olya wite matuyi ongwe bikubulwa Tunisa na Muusa :Olya ukakindagha ntakakwa lya ngendo imbili.¹²Tilila mughenshi wa Kanisa ka Pelegamo:Lola bukutenda ghoso wite mbotela sa songoka ukutwa bibe bibili:¹³Nkumana kishiki chobe ,nkumana buno agho u gha kishumbi cha bukota bwa Kahinga.Ukumana busogha ishina lyani,nu twashighile lukatisho ku neli,aba mu bindi bya Antipa,muteneneki wani wa bulili witwagha kwinu,agho u gheli kishiki cha Kahinga.¹⁴Tondo nite kitondo kimoyi ku weli,buno wite uko bantu binkatilisha ku meghisha ma Balama aluthagha Balaka abike ikoyi lya kukitasha bana ba Isilaeli,buno balye nama sa kwela nu binshighilile mu matensha.¹⁵Nubo ,uwe nuwe ,wite bantu binkatilisha nubo ku meghisha ma Banikolai.¹⁶Insungule lino,ndi tobo nshindishe kushwa ku weli,nu nkalwana nabo na mbotela sa kanywa kani.¹⁷Olya wite matuyi ongwe bikubulwa Tunisa na Muusa :Olya ukakinda nkamwelesha mana mabisilwe, nu nkamwelesha ikoyi lyenga,nu ghantata nelw'ikoyi ghatilwa l'ingw'ishina ,litakumanwa na muntu wampa,ndi ta ghoso weleshibwa lyo.¹⁸Tilila mughenshi wa Kanisa ka Tuyatula:Lola bukutenda Mwana wa Ghongo,olya wite miso anga lwembe lwa kaya,nu manshinshi masusa anga nsubi sa tuka mu kaya;¹⁹nkumana mikolo sobe;lutundo lobe,lukatisho lobe,mulimo whobe wa bulili,kulindila kobe kwingi,nu mikolo sobe nshinda seli ningi kutinga elya ntangi.²⁰Tondo nite kitondo ku weli,buno washighilila mukashi Yesebeli,u kwimana mulenganya,u kweghesha nu kwabucha bakiti bani,buno binshighilile mu matensha nu kulya nama sa kutulwa.²¹Namweleshishe nkungu,buno insungule,nu ntakushima kushigha matensha maghe.²²Lola,namulekele gha mughu,nu kusinga munubo munene ku babo bakutensha nawe,ndi ta bashigha bitondo byabo bibi.²³Nashiche bana baghe;nu Tunisa tunsai tukamana buno ine nkumanilila busogha milenganya nu nkasa sa muntu,nu nkaligha muntu kuyangana na mikolo saghe.²⁴Ku benywe ,ku bango bansayi beli ku Tiyatila,ba bakunana mamo meghisha,nu tabamanile myanya mbi sa Kahinga, anga bu bakusimana,nababula: Nshikubecha ungo mushigho;²⁵tondo bimwite mwabikatililagha kwikila nishwe.²⁶Olya ukakindagha nu ukakatilila mikolo sani ,nkamwelesha bukulu mu bilongo.²⁷Akabalanga na mushumbo wa chuma anga bukwatwagha malegha,anga buneleshibwagha bukulu na Tata.²⁸Nu nkamwelesha kambalumbalu ka nindunindu.²⁹Olya wite matuyi ,ongwe bikubulwa Tunisa na Muusa!

Chapter 3

¹Tilila mughenshi wa Kanisa ka Saladi: Lola bukutenda ghoso wite myusa mutubakamo sa Ghongo nu tumbalumbalu mutubakamo:nkumana mikolo sobe.Nkumana buno windemba ucheli gho,nu kashi wakwile kalayi.²Walolagha busogha,nu kokomesha byashighala bili bwighi na kukwa;kubuno nshasangile mikolo sobe nsogha kweli Ghongo.³Kengela lino buni buweleshibwagha nu bi wongwagha ko,katilila nu insungule.Ndi ntwalola busogha nkika anga mwimbi,nu ntukamana nkungu sinkika kobe.⁴Tondo wite bamoyi ku Saladi bantu bamoyi batabighishe nshulu sabo;bakatabanga ghamoyi nine na nshulu senga ,batunganana ku sishwala.⁵ Olya ukakindagha akashwalishwa nshulu senga;Nshikashimya ishina lyaghe mu kitabo cha kalamo,nu nkatata ishina lyaghe mu miso ma Tata nu ma baghensi baghe.⁶ Olya wite matuyi ongwe bikubulwa Tunisa na Muusa.⁷Tilila mughenshi wa Kanisa ka Filadelefia :Lola bukutenda wasanana ,wa bulili ,olya wite batoto ba Daudi,olya ukwighula,nu muntu nta k'ighala,olya ukwighala nu muntu nta k'ighula; ⁸Nkumana mikolo sobe ,lola ,buno wite maghala makeke,nu walangile kitondo chani,nu ntwananile ishina lyani,nabikile ghabusho ghobe lumbi lw'ighulwa,nu takuli unakosha ku lwighala.⁹Lola,nakwelesha bamoyi ku babo ba Sinakoki sa Kahinga bakwimana Bayuda ,nu tabeli bo,tondo bakweka bwisa ;Lola nkabamana,bakumbamile ku mashinshi mobe,nu bamane buno nakushimagha.¹⁰Kubuno walangile kitondo cha kundindila bwingi,nkakukunga nwine mu nkungu sa kulingikwa si kashwa mu kisi kinsayi,buno silingike beli mu kisi.¹¹Nkushwa mu bindi bikeke.Katilila ki wite,buno muntu ntakunaghe nkumbu sobe.¹²Olya ukakindagha ,nkamubika iyango mu numba sa Tata Ghongo, nu ntakatuka mo lingo;nkatila ku we ishina lya Ghongo wani,nu ishina lya musumba wa Ghongo wani,lyengo Yelusalemu ukutuka kw'ighulu kweli Ghongo wani,nu lingo ishina lyani.¹³Ulya wite matuyi ongwe bikubulwa Tunisa na Muusa !¹⁴Tilila mughenshi wa Kanisa ka Laodekia:Lola bukutenda Amina,Muteneneki wa bulili,Ndingililo sa binsai bya bumbwagha na Ghongo.¹⁵Nkumana mikolo sobe,nkumana buno ntu kwasa ali kushika. Unabinde u kwasa ali ukushika! ¹⁶Kubo,buweli wa kibembele,nu ntu kwasa ali kushika,nkakusala .¹⁷Kubuno wimbula:Nili mutumba, nighumishe,nu nshite nkasa sa kena,nu buno ntukumana bu weli mu musambo,twite kena, mukene,kiku,nu mundulu,¹⁸nakwema ughule ku neli,nolo satinga mu kaya,buno inga waghuma, nu nshulu senga,buno ushwale, nu nsoni sa mundulu wobe simonekaghe ko,nu muti wa miso, buno ulole .¹⁹ Ine ,nkusughila nu kusungula babo bansai banashima,winkatilishe busogha nu w'insungule.²⁰Lola,nimala gha kitiko,nu nkushumya lumbi,ndi muntu ongwa ishuki lyani nu kw'ighula lumbi,nkingila mwaghe,kalya indya li gholigholo ghamoyi nawe,nuwe ghamoyi nine.²¹Olya ukakindagha,akikala ghamoyi nine gha kishumbi chani cha bukota,anga nine bunakindagha ,nu kwikala ghamoyi na Tata,ku kishumbi chaghe cha bukota .²²Olya wite matuyi ongwe bikubulwa Tunisa na Muusa .

Chapter 4

¹ Kushila agho,nengeleshagha,nu lola,lumbi lwighulilwe mw'ighulu.Ishuki litangi linongwagha ko, anga ishuki lya tolompeta,nu lyatendagha nine,nu kumbula:Bakama ghano nu nkakulosha bikika kumbusa kwa bino.²Agho lino,Muusa isalilanagha munda nine.Nu lola, mw'ighulu mwabagha kishumbi cha bukota nu kikalilwe ko na muntu umoi.3 Olya wabagha wikalile kwicho kishumbi abagha asunsana ikoyi lya yasipi,nu lya salidiyo;nu kishumbi cha bukota chabagha chatimbwa na munkuluma wasusana na emelode.⁴Mu ntungo na kishumbi cha bukota namonagha ku bishumbi bya bukota makumi mabili nu binai,nu kwebyo bishumbi bya bukota makumi mabili nu banai bya bundilwe ko na bakungu makumi mabili na banai,bashwalile nshulu senga,nu ku matwe mabo kweli nkumbu sa nolo.⁵Mwecho kishumbi cha bukota ,mukutuka nkenunkenu,mashuki nu mikulumilo.Ghabusho na kishumbu cha bukota ghakusana tala mutubakamo,u sili myusa mutubakamo sa Ghongo.⁶Gheli lingo ghabusho na kishumbi kicho cha bukota , kitatenge chenga anga kiyobo. Mukantighi nacho nu muntungo nacho,gheli bibumbwa binayi bikwisa,bite miso ku busho nu kumbusa.⁷ Kibumbwa kitangi cheli gho,chasusana na mbunga,cha bibili cheli gho , chasusanya chana cha nkambu,kisatu cha cheli gho ,chasusana muntu,nu cha kinai cheli gho,chasusana na ndyo sikulenga.⁸.Ebyo bibumbwa binayi nacho nacho kite byubi mutuba,nu bite miso mu ntungo nu munda.Tabikukutwa kutenda musi nu kindi:Wasanana,wasanana,wasanana,u Mukota Ghongo nene maghala mansayi,wabagha,weli gho nu ukushwa!⁹Gha kuba ebyo bibumba byeli gho bikughanula,nu kutata,nu kukasanila whoso wikalile ku kishumbi cha bukota,ku whoso weli gho mu nkiko nu nkiko,¹⁰abo Bakungu makumi mabili nu banayi bakukomela mashwe ghoso wikalile ku kishumbi cha bukota,nu ba kukumbamila ghoso weli gho nkiko nu nkiko,nu bekulekela nkumbu sabo gha busho necho kishumbi cha bukota mukutenda:¹¹Watunganana,Mukota witu nu Ghongo witu,kweleshibwa lukumbu ,nu lwanso ,nu bwangato;kubuno wabumbagha binsayi, nu kutingila buwashima u bu byeli gho,nu ubu byabumbwagha.

Chapter 5

¹Nu lingo nalolagha mu kuboko kw'indume kwa ghoso wabagha wabundile mu kishumbi cha bukota,kitabo chatilwa munda nu ku mughongo,kite kama ka tumanililo mutubakamo.²Nu nalolagha mughenshi wa maghala walekelagha mulenge bwa bubibu: Nayi watunganana kukandula kitabo nu kushimya tumanililo?³Nu ta ku muntu mw'ighulu ali mu kisi ali munda n'itete,unakosha kukandula kitabo nu kuchengelesha ko .⁴Nu nalilagha bubibu kubuno takwamonekile muntu una kandula kitabo nu ku chengelesha ko.⁵Nu umoi kwabo bakungu ambulagha :Ntulile lingo;lola, mbunga sa kilongo cha Yuda,wa kibuti cha Daudi,akindile buno akandule kitabo nu tumanililo twaghe mutubakamo.⁶Nu nalolagha, munkatighi na kishumbi cha bukota,nu bibumbwa byeli gho binayi nu munkatighi na Bakungu, Chana cha mbuli chabagha gho anga cha ketulilwe kisansa. Chabagha na megha mutubakamo nu miso mutubakamo,u myusa mutubakamo sa Ghongo,sasingilwe mu kisi kinsai.⁷Kikagha nu kutola kitabo mu kuboko kw'indume kwa ghoso w'ikalile mu kishumbi cha bukota.⁸Mu kutola kitabo,ibyo bibumbwa binayi byeli gho nwabo bakungu makumi mabili nu banai bakomelagha mashwe Chana cha mbuli ,nawe akatilinde kansambi nu twaata twa nolo twisala ngenge u masegho ma basanana,⁹Nu bakwemba engo nembo mu kutenda :Watunganana kutola kitabo nu kukandula tumanililo twaghe;kubuno waketulwagha kinsasa ,nu waghulinde Ghongo kutingila mikilha sobe,bantu ba bilongo binsai,mitendeshi insayi,bantu bansayi,nu ba bisi binsayi;¹⁰wabakitile babe bukota nu Bansakogha kweli Ghongo witu,nu bakimalila kisi.¹¹Nengaleshagha,nu nongwagha ishuki lya baghenshi mu ntungo sa kishumbi cha bukota,nu lya bibumbi byeli gho nu lya bakungu, nu mughanso wabo wabagha kashi kashi,elefu nu elefu anga imbashi.¹² Batendagha n'ishuki linene:Chana cha mbuli cha ketulwagha kisansa,cha tunganana kweleshibwa bwangato,butumba,bulenganya ,maghala,wanso,lukumbu nu kwembelwa nembo.¹³Nu bibumbwa binsayi byeli mw'ighulu,ghansi,munda na n'itete,ghantata na kitatenge ,nu binsayi byeli gho,na byongwagha bikutenda:Kweli whoso wikalile mu kishumbi cha bukota, nu kweli Chana cha mbuli ,kube kwembelwa nembo,lwanso,lukumbu nu maghala mu nkiko nu nkiko!¹⁴Nu ebyo bimbumbwa binai byeli gho byabagha bikutenda:Amina! Nu bakungu bakukoma mashwe,nu kukumbamila.

Chapter 6

¹Nalolagha,ghakandulagha Chana cha mbuli kamoyi ku oto tumanililo mutubakamu,nu nongwagha umoyi ku bibumbwa binayi byeli gho akutenda anga n'ishuki lya mikulumilo:Shwa!²Nalolagha,nu lola,mpunda senga sa pamukagha .Wabagha gha ntata naso,abagha na butati;eleshibwagha nkumbu,nu endagha mukindi buno akinde.³Mu kukandula kamanililo ka tubili,nongwagha kibumbwa cha babili cheli gho kikutenda: Shwa.⁴Nu kwapamukagha engo mpunda sasusa mikilha, wabagha ghantata naso ,eleshibwagha bwangato bwakutucha boolo mu kisi kubuno bantu baketulane ;nu eleshibwagha mbotela inene.⁵Ghighulagha kamanililo kisatu,nongwagha kibumbwa cha b'isatu cheli gho kikutenda:Shwa.Nalolagha,nu lola kwapamukagha mpunda sina,nu wabagha gha ntata naso,abagha na kipimo cha kulingimanya mu kuboko kwaghe.⁶Nu nongwagha mu kantighi na bibumbi binayi byeli gho ishuki likutenda: kipimo kimoyi cha ngano kikughulwa lufalanga lumoyi ku busi,nu bipimo bisatu bya masaka ku lufalanga lumoyi ku busi,tondo ukitilaghe makiti nu maku bubi.⁷Ghighulagha kamanililo k'inayi,nongwagha ishuki lya kibumbwa k'inayi cheli gho kikutenda:Shwa.⁸Nalolagha,nu lola,kwapamukagha mpunda sasusa masi ma ntungu.Wabagha gha ntata naso,iyanikile ishina Lukwo,nu kishiki cha bakui cha mwelekeshishe.Beleshibwagha bwangato ku mulenga w'inayi ku kisi ,buno bashiche bantu na mbotela,na nsala,na nkwo,nu na nama sa mbala sa kisi.⁹Gh'ighulagha kamanililo k'itano,namonagha munda na kasasa,mitima sa babo baketulwagha bisansa kubushi bwa kitondo cha Ghongo nu kubushi bwa buteneneki bu bakitagha.¹⁰Balekelagha mulenge mubibu mu kutenda:Mpina ki,Mukota wasanana nu wa bulili ukindisha kughaya nu kulighya mikilha situ ku bantu ba kisi?¹¹Nu umoyi kubo eleshibwagha lopo lwenga;nu babulwagha bomulwe bindi bikeke lingo,kwikila busi bukakuka mughanso wa banabo ba mulimo nu bisakwabo bemanagha kukwa anga bo.¹²Nalolagha,gh'ighulagha kamanililo ka mutuba,nu kwatingagha kalingini kanene mu kisi,musi winagha anga kampilo ,nu mweshi waghalukagha anga mikilha,¹³nu tumbalumbalu twakolokagha ghansi kutuka kw'ighulu anga mutini wa yungwayungwa na lumpumpu lunene lukukolocha bighuma byaghe.¹⁴Ighulu linshigheleshagha anga kitabo kikughondwa;Nu mindiko insayi nu tukishi byatukagha ku bishiki byabo.¹⁵Bami ba kisi,bakulu ,bakulu ba basula,batumba,bite maghala,bakobe bansayi nu bantu bashighililwa,bimbisagha mu lukunda lwa mindiko.¹⁶Nu babulagha mindiko nu makoyi manene:Mutubhukile,nu mutubise mu miso ma ghoso wikalile mu kishumbi cha bukota,nu mu miso ma mushibu wa Chana cha Mbuli;¹⁷Kubuno busi bunene bwa mushibu waghe bwika,nayi unakosha kulindila?

Chapter 7

¹Kushila ubo,namonagha baghenshi banai bimalile kushinda ndenge inayi sa kisi;Bakushibila lumpupu inayi sa kisi,buno mu kisi mutingaghe lingo lumpumpu ali mu kitatenge,ali ku muti .²Nu nalolagha ku ungo mughenshi,wabagha akubakama ku kutukilagha musi,nu uwakatilinde kamanililo ka Ghongo weli gho; alekelagha mulenge ku babo baghenshi banai ba babulwagha bakite bubi mu kisi nu ku kitatenge,nw'inga tenda: ³Mukitaghe lingo bubi mu kisi,ali mu kitatenge,ali ku miti,kwikila busi butukashila kubika kamanililo ku malanga ma bakiti ba Ghongo.⁴Nu nongwagha mughanso wa babo babikwagha kamanililo,elefu ighana makumi manayi na banai ba bilongo binsayi bya bana ba Isilaeli;⁵ba kilongo cha Yuda,elefu ikuni na babili babikwagha kamanililo;ba kilongo cha Lubeni,elefu ikumi na babili;ba kilongo cha Gadi,elefu ikumi na babili;⁶ba kilongo cha Aseli,elefu ikumi na babili;ba kilongo cha Nafutali,elefu ikumi na babili;ba kilongo cha Manase ,elefu ikumi na babili;⁷ba kilongo cha Simioni,elefu ikumi na babili;ba kilongo cha Lawi,elefu ikumi na babili;ba kilongo cha Isakali,elefu ikumi na babili; ⁸ba kilongo cha Sabuloni,elefu ikumi na babili;elefu ikumi na babili ba kilongo cha Yesefu;ba kilongo cha Benyamina,elefu ikumi na babili babikwagha kamanililo.⁹Kushila agho,nalolagha,nu lola,kwabagha kikembe kinene,kitanaghanswa na muntu,cha bisi binsai,cha bilongo binsayi,cha bantu bansayi nu cha mitendeshi insayi.Babagha bimalile bwighi na kishumbi cha bukota nu bwighi na Chana cha Mbuli,bashwalile nopo senga,nu bite mangalala mu maboko mabo.¹⁰Nu bakukugha n'ishuki linene,mu kutenda:Lonio lukutuka kweli Ghongo witu wikalile ku kishumbi cha bukota, nu kweli chana Cha Mbuli.¹¹Nu baghenshi bansayi babagha bikalile mu ntungo sa kishumbi cha bukota nu bakungu nu bibumbwa binayi byeli gho;nu bakomagha mashwe nu malanga mabo bwighi na kishumbi cha bukota,nu bakumbamilagha Ghongo, ¹²mu kutenda:Amina !Kwemba nembo,lukumbu,bulenganya,lukasanilo,lwanso,bwangato,nu maghala,bibe kweli Ghongo witu,mu kinko nu nkiko!Amina!¹³Nu umoyi kwabo bakungu ambushagha :Babo bashwalile nopo senga,u banayi,nu batuka kuni?¹⁴Namwakulagha : Mukota wani, ukumana.Nu ambulagha:Ubabo batuka mu munubo munene; basughile nopo sabo,nu basengishe mu mikilha sa Chana cha Mbuli.¹⁵Uchasula,beli bwighi na kishumbi cha Ghongo,nu bakumukitila nkashi musi nu kindi mu numba saghe sa kukumbamila.Olya wikalile ku kishumbi cha bukota akababhukila na hema saghe ;¹⁶Tabakwongwa nsala lingo,tabakakwa mpusha lingo,nu kilungu cha musi takikabaghisha lingo.¹⁷Kubuno Chana cha Mbuli cheli munkatighi na kishumbi cha bukota kikabalanga nu kubensha kweli masi ma kalamo, nu Ghongo akabatucha bitengetenge mu miso mabo.

Chapter 8

¹Ghakandulagha kamanililo ka mutubakamo,mw'ighulu mwabagha kakobi kindi cha nkungu.²Nu nalolagha baghenshi mutubakamo bikalile bwighi na Ghongo nu beleshibwe tolompeta mutubakamo.³Nu mughenshi ashwagha,nu kwikala gha ntata gha kasasa,ite kanungu ka nolo ka kughishisha mo bwagha;eleshibwagha ngenge ningi buno asitule ,ghamoyi na masegho ma basanana bansayi gha ntata gha kasasa ka nolo keli bwighi na kishumbi cha bukota.⁴Muuki wa ngenge wabakamagha ghamoyi na masegho ma basanana mu kuboko kwa mughenshi mu miso ma Ghongo.⁵Nu mughenshi atolagha ako ka nungu kakughishisha bwagha,akishashagha na kaya ka kasasa,nu akalekelagha mu kisi.Nu kwabagha mashuki,mikulumilo,nkenu nkenu,nu kalingini.⁶Nu baghenshi mutubakamo ba babagha na tulompeta mutubakamo balindilagha kw'ipila muto;⁷ mutangi ipilagha tolompeta.Nu kwabagha lubula nu kaya kaswana na mikilha,byalekelwagha mu kisi.Nu kibe kisatu cha kisi chayagha,nu kibe kisatu cha miti chayagha .Nu kisughu kinsayi cha susa ntungu chayagha.⁸Mughenshi wa babili ipilagha tolompeta.Nu kikayi cheli anga mwindiko munene waya na kaya chalekelwagha mu kitatenge;Nu kamoyi ku bisatu cha kitatenge chaghalukagha mikilha.⁹Nu kimoyi ku bisatu cha bibumbwa byabagha mu kitatenge nu byabagha gho cha kwagha,nu kimoyi ku bisatu bya bwato chashikagha.¹⁰Mughenshi wa basatu ipilagha tolompeta .Nu kw'ighulu kwa kolokagha kambalumbalu kanene kenga anga kasuku; nu kakolokelagha ghantata ka kamoyi ku bisatu ka nusi inene nu ghantata na ghasolela tusi.¹¹Nu ishina ly'ako kambalumbalu u lubaba,nu kamoyi ku bisatu bya masi kaghalukagha lubaba,nu bantu bengi bakwagha na masi, kubuno masi mabagha lubaba.¹²Mughenshi wabanayi ipilagha tolompeta , nu kamoyi ku bisatu bya musi,nu bya mweshi,nu bya tumbalumbalu,kubuno kamoyi ku bisatu kabe mu bulimaswa nu musi usimishe kamoyi ku bisatu cha chengeshi chaghe,nu kindi nw'icho bo.¹³Nalolagha,nu nongwagha indyo sabagha sikulenga munkatighi n'ighulu sikutenda n'ishuki linene: Musambo,musambo,musambo ku beli mu kisi,kubushi bwa mashuki ma tungo tolompeta tusatu twipilwe!

Chapter 9

¹Mughenshi wa batano ipilagha tolompeta .Nu namonagha kambalumbalu kamoyi katuka kw'ighulu nu kukolokela mu kisi.Eleshibwa batoto ba mushinga munene,²nu ighulagha mushinga .Nu mu mushinga mwatukagha muuki,anga muki wa muthula munene;nu musi nu chengeshi binagha na muuki wa mutulha.³Mu muuki mwatukagha mande misashagha kisi;nu beleshibwagha bwangato,anga bwangato bwite nkutu mu kisi.⁴Babulwagha buno bakitaghe bubi ku kisughu cheli mu kisi,ali ku nsamba,ali ku miti,tondo ku bantu betite kamanililo ka Ghongo ku malanga .⁵Babulwagha ,ta babitaghe,tondo babanubye myeshi etano; nu mbabasho sibabe naso sibaghe anga lubabasho lwa nkutu ndi satwa muntu.⁶Mwebyo bindi bantu bakalonda lukwo, nu tabakeleshibwa lo; bakalonda kukwa,nu lukwo lukabatina.⁷Amo mande masusagha mpunda sa bikilwa kulwana;Ku matwe maso kwabagha nkumbu sa susana nolo,nu malanga mabo mabagha anga malanga ma bantu.⁸Babagha na nshuli anga sa bakashi,nu mino mabo mabagha anga ma mbunga.⁹Babagha na ngabo sa ku bukuba seli anga chuma,nu lwayo lwa byubi byabo anga lyayo lwa mpunda ningi sikwenda ku bita.¹⁰Babagha na mikila sasusana nkutu nu sa nshinge,nu mu mikila sabo u mwabagha bwangato ma kukitila bantu bubi myeshi etano.¹¹Babagha na mwami wabo mughenshi wa mushinga,ukumanwa mu kiebulania Abandoni nu mu kigiliki Apolioni.¹²Musambo mutangi watingile.Lola,kumbusa kwa gho,kwashwa misambo imbili .¹³Mughenshi wa mutuba ipilagha tolompeta.Nu nongwagha ishuki lyatuka ku ndenge inayi sa kasasa ka nolo keli ku miso ma Ghongo,¹⁴nu kubula mughenshi wa mutuba wabagha na tolompeta:Shighilila baghenshi banayi bakandilwe ku lusi lunene lwa Furati.¹⁵Nu baghenshi banayi babinde balongomana busogha mu nkungu,busi,mweshi,nu mwaka,bakandulwagha buno bite umoyi ku bisatu ba bantu.¹⁶Mughanso wa ndwani sa beli ghantata na mpunda wabagha tutanda tubili tutanaghanshwa;nongwagha mughanso.¹⁷Nu namonagha mpunda mu ndoshi,nu babo beli ghantata naso,bite ngabo sasusa kaya, anga ikoyi lya mukusa nu buusa.Matwe ma mpunda mabagha anga matwe ma mbunga;nu mu kanywa kabo mwatukagha kaya,muuki ,nu buusa.¹⁸Omoyi ku basatu ba bantu iitwagha lulame neso biswabo bisatu,na kaya,na muuki nu na buusa,bya tukagha mu kanywa kabo.¹⁹Kubuno maghala ma mpunda mabagha mu kanywa kabo nu mu mikila sabo;mikila sabo sasusanagha malighi mite matwe,nu ghamoyi namo ubakitagha bubi.²⁰Babo bantu bitwagha nw'ibyo biswabo,tabisungulagha ku mikolo sa maboko mabo,mu kwinda kushigha kwela basumbu,kwela byeko bya nolo,bya bikulo, nu bya nsubi,b'ikoi nu bya miti , bitana kosha kulola,ali kwongwa nu kwenda;²¹nu tabisungule mu bwiti bwabo ,ali mu bughanga bwabo,ali mu malimbya mabo ali bwimbi bwabo.

Chapter 10

¹Namonagha ku'ngo mughenshi wite maghala mengi,watukagha mw'ighulu,atimbwa na lubhu;ghantata n'itwe lyaghe,ghabagha munkuluma,nu malanga maghe mabagha nga musi,nu mashinshi maghe anga milili sa kaya.²Abagha ite mu kuboko kwaghe ka kitabo kakeke ka kandulwa. Abikagha ishinshi lyaghe l'indume mu kitatenge ,nu ishinshi lyaghe l'ikashi mu kisi;³Nu atendagha n'ishuki linene, anga kukusughila mbunga .Mwa mukusugha ubo,mashuki ma mikulumilo mutubakamo mongwibwa ko. ⁴Mu kwongwa kwamo mashuki ma mikulumilo mutubakamo , nalondagha kutila;nu nongwagha ishuki li kutuka kw'ighulu lyatendagha:Langa mu mutima bya byatenda eso mikulumilo mutubakamo,nu ntutile byo.⁵Nu mughenshi u nalolagha imalile mu kitatenge nu mu kisi,imaluchagha mughombo waghe w'indume kw'ighulu,⁶nu alumbilagha kutingila ghoso weli gho nkinko nu nkiko wabumbagha ighulu nu binsayi byeli mo,kisi nu binsayi byeli mo,kitatenge nu binsayi byeli mo, takunabinde lingo nkungu, ⁷tondo ku bindi b'ishuki lya mughenshi wa mutubakamo,gha kipila tolompeta ,kindo cha Ghongo ki kakuka,anga bwakengeshagha bakiti baghe balenganya.⁸Nu ishuki linongwagha ko mw'ighulu lyambulagha lingo nu kutenda:Nda,tola kitabo kikeke chakandulilwe mu kuboko kwa mughenshi w'imala mu kitatenge nu mu kisi.⁹Nu nendagha kweli mughenshi mu kumubula ampe kitabu kikeke.Nu ing'ambula :Tola cho,nu mela cho;kikaba lubaba munda sobe,tondo mu kanywa kobe kikaba nse anga buki.¹⁰Natolagha mu kuboko kwa mughenshi,nu nakimelagha.Mu kanywa kani chabagha anga buki,tondo mu kushila ku kimela, munda mwani mwisalagha lubaba.¹¹Nu bambulagha:Watunganana kusambala bulenganya lingo kweli bantu bengi,kweli bilongo,kweli mitendeshi nu kweli bami.

Chapter 11

¹Neleshibwagha kamilali kasusa lukati mu kumbula:Imaluka,nu lingika numba sa kukumbamila sa Ghongo,kasasa,mu babo bakukumbamila mo.²Tondo u lingikaghe mulungu wa kumbugha wa numba sa kukumbamila, kubuno weleshibwe bilongo,nu bakanantananta musumba wa sanana myeshi makumi manayi nw'imbili.³Nkelesha bateneneki bani babili bwangato bwa kusansa bulenganya, bashwalile kuniya bindi elefu emoyi nu maghana mabili nu makumi mutuba .⁴U misabibu imbili nu byanikilo bibili simalile mu miso ma Mukota wa kisi.⁵Ndi muntu alonda kubakita bubi,nti kaya katuka mu kanywa kabo nu kughisha baghini babo;nu ndi muntu alonda kubakitila mabi,emana kukwa ubo.⁶Bite bwangato bwa kukanda ighulu buno mbula silokaghe mubindi bya kusansa bulenganya bwabo,nu bite bwangato bwa kughalula masi mabe mikilha,nu kusambya bantu ba kisi byulu,mu nkungu sibashima.⁷Gha bakashila buteneneki bwabo,Nama s'i kutuka mu mushinga sikalwana nabo, kubakinda,nu kubita.⁸Nu bilunda byabo bikabikwa mu mulungu wa musumba munene,u kumanwa mu muusa buno Sodoma nu Misili, agho u gha kwilagha Mukota wabo ku musalaba.⁹Bantu ba bisi,bilongo,ba mitendeshi,nu bantu ba kisi kinsayi;bakamona ku bilunda byabo bindi bisatu nu nusu,nu tabak'imila buno bilunda byabo bi kundwe .¹⁰Nu kubushi bwabo beli mu kisi ba kababoghabogha nu kuba mu chelele,nu bakeleshana nkaso kubuno babo balenganya babili bayungyayungyagha bantu beli mu kisi.¹¹Kumbusa kwa bindi bisatu nu nusu,muusa umoi wa kalamo kutukila kwa Ghongo,wabingilagha mo,nu bikalilagha ku manshinshi mabo ;nu boba bunene bwakatile babo baba lolagha ko.¹²Nu bongwagha ishuki likutuka kw'ighulu likubabula;Mubakame kuno!Babakamagha mw'ighulu mu lubhu;nu baghini babo babalolagha ko.¹³Mweso nkungu,mwatingagha kalingini kanene,nu emoyi ku ikumi lya musumba lyendukagha ;bantu elefu mutubakamo bakwagha na ko kalingini,nu bango bakwagha boba nu beleshagha Ghongo wa mw'ighulu lukumbu.¹⁴Kiswabo k'imbili chatingile.Lola,kiswabo k'isatu takikwindisha kushwa.¹⁵Mughenshi wa mutubakamo ipilagha tolompeta .Nu mw'ighulu mwatukagha mashuki manene matendagha:Bukota bwa kisi bweleshibwa Mukota witu nu Kilishitu waghe;nu akema nkiko nu nkiko.¹⁶Nu bakungu makumi mabili na banai babagha bikalile mu bishumbi byabo mu miso ma Ghongo,bakomagha mashwe nu kukumbamila Ghongo,¹⁷mu kutenda:Twakuboghelaboghelo Mukota Ghongo Nene maghala mansayi,weli gho,nu wabagha,kubuno,watolile bwangato bobe bunene nu weema.¹⁸Bilongo byashibukile ;nu mushibu wobe wabinde ,nu bindi bya kwaghya bakuyi bikile,nu kuligha bakiti bobe balenganya ,ba sanana nu babo bakukwa bobha ishina lyobe,bana nu bakulu,nu kushililisha babo bekubighya kisi.¹⁹Nu numba sa kukumbamila Ghongo mw'ighulu sighulwagha ,nu sanduku s' indaghi salolekagha ko mu numba saghe sa kukumbamila.Nu kwabagha nkenunkenu, mashuki,mikulumilo,kalingini,nu lubula lunene.

Chapter 12

¹Kama kanene kamonekagha ko mw'ighulu;mukashi watimbilwe na musi, mweshi weli munda na mashinshi maghe,nu nkumbu sa tumbalumbalu ikumi na tubili seli kw'itwe lyaghe.²Abagha mwemeshu,nu abagha akutenda bubibu,atengindwe nu akwongwa lubabasho lwa kubuta .³Kango kama kamonekagha ko lingo mw'ighulu;nu lola,kwabinde bulighi bunene bwasusa mikilha, bwite matwe mutubakamu nu megha ikumi,nu ku matwe maghe nkumbu mutubakamu. ⁴Mukila waghe wabulutagha kamoyi ku tusatu ku tumbalumbalu twa mwighulu nu kutulekela mu kisi.Bulighi bwikalagha bwighi na mukashi u kulonda kubuta,buno gha kushila kubuta bumele mwana waghe.⁵Abutagha musikila,u kulanga bilongo binsayi na mushumbo wa chuma .Nu mwana waghe akukumwagha kweli Ghongo nu kweli kishumbi chaghe cha bukota.⁶Nu mukashi atinilagha mu kalula u kwabagha na kishiki cha mubikilagha Ghongo,buno alile uko bindi elefu emoyi maghana mabili nu makumi mutuba.⁷Nu mwabagha bita mw'ighulu,Mikaili nu baghenshi baghe balwana na bulighi .Nu bulighi nu baghenshi baghe balwanagha,⁸tondo tababagha na maghala kughimba bango,nu tababinde lingo na kishiki mw'ighulu.⁹Nu alekelwagha we bulighi bunene, bulighi bwa kalayi,bwa managhwa Musumbu nu Kahinga,ghoso ukubulughanya kisi ,alekelwagha mu kisi ghamoyi na baghenshi baghe,¹⁰Nu nongwagha mw'ighulu ishuki linene lyatendagha :Lino,lonyo lwika,nu bwangato,nu kwema kwa Ghongo witu nu bukulu bwa Kilishitu waghe, kubuno atebilwe mutaliki wa bisakwitu,olya wendagha wabatalikila musi nu kindi kweli Ghongo witu.¹¹Nu bamukindagha kutingila mikilha sa Chana cha Mbuli nu kubushi bwa kitondo cha buteneneki bwabo,nu tabashimagha kalamo kabo mu kukwa lukwo boba.¹²Uchasula,ighulu boghabogha,nu benywe beli mw' ighulu.Musambo mu kisi nu ku kitatenge!Kubuno musumbu enda ku mweli ,ashibukile bubibu,kumana buno ite bindi bikeke.¹³Bulighi mu kulola buno alekindwe mu kisi,ayangililagha ghoso mukashi wabutagha mwana wa mulume.¹⁴Nu mukashi eleshibwagha byubi bibili bya indyo inene,buno alenge mu kalula mu kishiki chaghe,u kwatinjagha kindi,bindi,nu nusu sa bindi bulayi na bulighi.¹⁵Nu,mu kanywa kaghe ,bulighi atuchagha masi mengi kumbusa kwa mukashi,buno amugheshe .¹⁶Nu itete lyalamyagha mukashi,mu kumela masi ma matukagha mu kanywa ka bulighi.¹⁷Nu bulighi bwa shibukilagha mukashi,nu bwendagha kulwana na kibuti cha mukashi,u babo bakulanga nkakisho sa Ghongo,nu bite buteneneki ku Yesu.¹⁸Nu bwendagha kwikala mu miseghe sa kitatenge.

Chapter 13

¹Lingo namonagha ku nama satuka mu kitatenge,site megha ikumi nu matwe mutubakamo,nu ku megha mabo,nkumbu ikumi;nu ku matwe mabo mashina ma kwenegha Ghongo .²Nama si namonagha ko,sabagha sasusana ngoyi ; manshinshi maso anga ma mpagha,nu bushundo bwaghe anga bushundo bya mbunga. Eleshibwagha bwangato na bulighi,nu kishumbi chaghe nu bukulu bunene.³Nu nalolagha itwe lyaghe limoyi anga lyeli mu lukwo;tondo kubabalwa kwaghe kubibu kwa lamagha.Nu kisi kinsayi cha bagha mu nganingani kumbusa kwa seso nama.⁴Nu bakumbamilagha bulighi, kubuno eleshagha nama bukulu; bakumbamilagha nama mu kutenda :Nayi wasusana nama,nu nayi unakosha kulwana naso?⁵Nu eleshibwagha kanywa mwatukagha bitondo bya kabengo nu bya kwenegha Ghongo;nu eleshibwagha bwangato kukola milimo myeshi makumi manayi nw'imbili.⁶Nu ashibulagha kanywa kaghe buno eneghe Ghongo,eneghe ishina lyaghe nu numba saghe,nu bansayi byeli mw'ighulu.⁷Nu ashighililwagha alwane na basanana,nu abakinde.Nu eleshibwagha bukulu mu bilongo binsayi,bantu bansayi,mitendeshi insayi nu bisi binsayi.⁸Nu bansayi beli mu kisi bamukumbamila,babo kulingila kubumbwa kwa kisi mashina mabo tamatililwe mu kitabo cha kalamo ka Mwana wa Mbuli waketulwagha kinsansa.⁹Olya wite matuyi,ongwe!¹⁰Ndi muntu eka ungo mu bukobe,akenda nuwe mu bukobe;ndi muntu ita ungo na mwele , emana nuwe itwe na mwele. Ghano u gheli kulindila bubibu nu lukatisho lwa basanana.¹¹Nu namonagha kwengo nama satuka mu kisi,sabagha na megha mabili masusana na mamo ma Chana cha Mbuli,sabagha sikutenda anga bulighi bunene. ¹²Mu kusimona ko,abagha ite bukulu anga nama ntangi,nu alhutile kisi nu beli mo bakumbaminde nama ntangi,walamagha chulu chaghe kinamwikishe ku lukwo .¹¹Nu namonagha kwengo nama satuka mu kisi,sabagha na megha mabili masusana na mamo ma Chana cha Mbuli,sabagha sikutenda anga bulighi bunene.¹²Mu kusimona ko,abagha ite bukulu anga nama ntangi,nu alhutile kisi nu beli mo bakumbaminde nama ntangi,walamagha chulu chaghe kinamwikishe ku lukwo .¹³Akitagha bighanaghana bingi kwikila kutucha kaya kwighulu nu kukicha mu kisi mu miso ma bantu.¹⁴Ashimishagha bantu ba mu kisi kutingila bighanaghana byeleshibwagha akite mu miso ma nama, mu kubula beli mu kisi buno bakitinde chaso eso nama sababalwagha na mwele nu secheli gho.¹⁵Nu eleshibwe maghala ma kutendya eso nama buno chaso kitende,nu akite bunsayi babo batakumbamila echo chaso bitwe.¹⁶Nu akitaba buno bansai,banabato nu bakulu,batumba nu bakene,beli bulya nu bakobe,babikwe kama mu maboko mabo m'indume nu ku malanga mabo,¹⁷nu takube muntu wa kughula nu wa kughusha ndi ntite kama, ishina lya nama ali lughanso ly'ishina lyaghe.¹⁸Ghano u bulenganya,Olya ukulenganya aghanse lughanso lya nama.Buno u lughanso lwa muntu,nu lughanso lyaghe u maghana mutuba makumi mutuba nu mutuba.

Chapter 14

¹Namonagha,nu lola,Chana cha mbuli kikalile gha ntata na mwindiko wa Siona,nu ghamoyi nacho bantu ighana makumi manayi na banayi elefu , babagha n'ishina lyaghe nu'ishina l'ise lya tilwa ku malanga mabo.²Nu nongwagha ishuki mw'ighulu,anga ku kubila masi mangi ,anga ishuki lya mukulumilo munene;nu ishuki linongwagha ko lyabagha anga lya baghombi ba kansambi bekughomba tunsambi twabo.³Nu babagha bekwemba lungo lwembo bwighi na kishumbi cha bukota,nu mu miso ma mbibumbwa binayi bili gho nu ma bakungu.Nu taku muntu unakoshishe kwegheshibwa olo lwembo,ndi ta babo ighana nu makumi manayi nu manayi elefu,babo baghulwa mu kisi.⁴U babo batimbighye na bakashi,kubuno u babo betetenshagha;bekuyanga Chana cha mbuli kunsayi ku kikwenda.Baghulilwe mu nkatighi na bantu,anga nkulha kweli Ghongo nu kweli Chana cha mbuli;⁵nu mu kanywa kabo,tamukutuka bitondo bya bwisa ,kubuno tabana sungulwa.⁶Namonagha ungo mughenshi wabagha ukulenga mu mpena,witu Musaghu musogha , buno ausambalile beli mu kisi,ku bisi binsayi,bilongo binsayi,ku mitendeshi insayi,nu ku bantu bansayi.⁷Abagha akutenda n'ishuki linene:Mukwe Ghongo boba,nu mumweleshe lukumbu,kubuno nkungu sa kwaghya kwaghe sika; nu mukumbamile ghoso wabumbagha ighulu,nu kisi,nu kitatenge,nu kukutukilagha masi.⁸Nu ungo umoyi mughenshi wa babili ikagha nu kutenda :Aghwa,aghwa Babiloni munene,ukunywishagha bisi binsayi maku na bulimbya bwaghe!⁹Nu ungo ,mughenshi wa basatu abayangagha,mwa mukutenda n'ishuki linene:Ndi muntu akumbamila Nama nu chaso chaghe nu abikwa kama kama ku malanga maghe ali mu kuboko kwaghe,¹⁰akanywa nuwe,maku ma mushibu wa Ghongo,mindilwe mu kaata ka mishubu waghe nu tameswanywa ,nu akatubwatubwa mu kaya nu mu buusa ,mu miso ma baghenshi basanana nu mu ma Chana cha Mbuli.¹¹Nu muki wa kubatubyatubya kwabo ukubakama nkiko nu nkiko;nu taba kwomulwa busi nu kindi,babo bakukumbamila Nama nu chaso chaghe,nu whoso wabikwa kama k'ishina lyaghe.¹²Ghano lino u gheli kulindila kubibu kwa basanana ,nu bakukatilila nkakisho sa Ghongo nu lukatisho lwa Yesu.¹³Nu nongwagha ishuki mw'ighulu likutenda:Tilha:Kulingila lelo bakasanilwa babo ,bakukwa mu Mukota! Naki,bwatenda Muusa ,buno bomulilwe milimo sabo,kubuno mikolo sabo sabayanga.¹⁴Namonagha,nu lola,kwabagha lubhu lwenga,nu mulo mwabagha mwikalile umoyi wasusana Mwana wa muntu,wite kw'itwe lyaghe nkumbu sa nolo ,nu mu maboko maghe indoko likutwa .¹⁵Nu ungo mughenshi atukagha mu numba sa kukumbamila,akumana n'ishuki linene ghoso wikalile mu lubhu: Kata indoko lyobe ,nu ukane:kubuno nkungu sa kukana sika,kubuno byashikwagha mu kisi bya kula.¹⁶Nu ghoso wabagha ikalile mu lubhu alekelagha indoko lyaghe mu kisi.Nu kisi cha kanwagha.¹⁷Nu ungo mughenshi atukagha mu numba sa kukumbamila seli mw'ighulu,abagha nuwe n'indoko likutwa bubibu .¹⁸Nu ungo mughenshi wabagha na bwangato ku kaya,atukagha mu kasasa nu abulagha n'ishuki linene ghoso wabagha n'indoko likutwa,mu kumubula:Tola indoko lyobe likutwa,nu kala bighuma bya misabibu sa kisi,kubuno bighuma byela.¹⁹Nu mughenshi alekelagha indoko lyaghe mu kisi.Nu akalagha bighuma bya musabibu wa kisi,nu abikagha byakalwagha munda na kigholo cha mushibu wa Ghongo.²⁰Nu kigholo cha nantwanantwagha bulayi na musumba;nu mikilha sa tukagha mu kigholo,kw'ikila ku bushundo bwa mpunda, nu ku kishiki cha elefu emoyi maghana mutuba ma masomolelo.

Chapter 15

¹Nu nalolagha mw'ighulu kango kamanililo kanene nu kakughaniaghania;baghenshi mutubakamo bite biswabo mutubakamo,nshinda ,kutingila so u kwakuka mushibu wa Ghongo.²Nu nalolagha anga kitatenge cha kiyobo chaswanywa na kaya,nu babo bakindagha nama nu chaso chaghe nu mughanso w'ishina lyaghe bimalile ku kitatenge cha kiyobo,bite ntunsambi twa Ghongo.³Nu bakwemba lwembo lwa Musa,mukiti wa Ghongo,nu lwembo lwa Chana cha mbuli mu kutenda:Mikolo sobe sili nene nu saghaniaghania,Mukota Ghongo Nene maghala! Nsila sobe seli sa bulili nu salingimana,Mwami wa bisi binsayi!⁴Nai ,utakakwa boba,Mukota nu tankatata ishina lyobe?Buno uli u w'inene u wasanana.Nu bisi binsayi bikashwa nu bikakukumbamila, kubuno kwaghya bantu kobe kwamonekile ko .⁵Kumbusa kwagho,namonagha numba sa kukumbamila sa buteteneki s'ighukaka mw'ighulu .⁶Nu baghenshi mutubakamo ba babagha na biswabo mutubakamo batukagha mu numba sa kukumbamila,bashwalile nshulu nsogha senga,nu site mitunda sa nolo mu bukuba.⁷Nu umoyi kwebyo bibumbwa binayi byeli gho,eleshagha baghenshi mutubakamo,twaata mutubakamo twa nolo twisalile mushibu wa Ghongo,weli gho nkiko nu nkiko.⁸Nu numba sa kukumbamila sisalagha muuki,kubushi bwa lukumbu lwa Ghongo,nu bwangato bwaghe;nu taku muntu unakoshishe kwingila mu numba sa kukumbamila,kwikila ebyo biswabo bya baghensi mutubakamo bikuke.

Chapter 16

¹Nu nongwagha ishuki linene likutuka mu numba sa kukumbamila,nu likubula baghenshi mutubakamo:Mwende ,nu mukubhule mu kisi twata mutubakamo twa mishibu sa Ghongo.²Mutangi endagha,nu akubulagha kata kaghe mu kisi.Bantu basambagha byakushwa bikubabasha bubibu babo babagha na kama ka Nama nu bakumbamilagha chaso chaghe.³Wa babili akubhulagha kata kaghe mu kitatenge.Nu chaghalukagha mikilha,anga olya wakwa.Nu chabumbwagha kinsayi cheli gho chakwagha,kinsayi chabagha mu kitatenge.⁴Wabasatu akubhulagha kaata kaghe mu nusi nene nu tusi.Nu twaghalukagha mikilha.⁵Nu nongwile mughenshi wa masi ukutenda:Weli wa bulili,uwe weli gho ,uwe wabagha;weli wasanana,kubuno waghayishe.⁶Kubuno bakubhulile mikilha sa basanana nu sa balenganya,nu wabeleshishe banywe mikilha;kubo batunganana kunywa so .⁷Nu nongwagha kasasa kakutenda:Naki ,Mukota Ghongo wa maghala,bwaghyo bobe bweli bwa bulili nu bwa lingimana.⁸Wabanai akubhulagha kaata kaghe mu musi.Nu musi washighililwagha u ghishe bantu na kaya;nu bantu bayagha na kilungu kinene,⁹nu bantu beneghagha ishina lya Ghongo wite bukulu ku bibyo biswabo,nu tabinsungulagha mu mutima buno bamweleshe lukumbu.¹⁰Wabatano akubhulagha kaata kaghe ku kishumbi cha Nama.Nu bukota bwaghe bwakubukilwagha na bulimaswa;nu bantu biitwatwagha lulame na mbambasho,¹¹nu beneghagha Ghongo wa mw'ighulu ku bushi bwa mbabasho sabo,nu byakushwa byabo,nu tabashighililagha bitondo byabo mbi.¹²Wamutuba akubhulagha kaata kaghe mu lusi , Fulati.Nu masi maghe makamagha,kubuno nsila sa bami ba kuko kukutukilagha musi s'atwe.¹³Nu nalolagha mu kanywa ka Bulighi bunene,nu ka Nama,nu mu kanywa ka Mulenganya mubi, mukutuka basumbu basatu basusa mintende.¹⁴Kubuno u basumbu bakukita bighanaghana,nu bakwenda kweli bami ba kisi kinsai,buno babakulumanye ku bita bya busi bunene bwa Ghongo,Nene maghala.¹⁵Lola, nashwa anga mwimbi,akasanilwa ghoso utakuyama,nu ukulanga nshulu saghe,buno anashwa kutabanga munkaka nu nsoni saghe sinamoneka ko! ¹⁶Abakulumanyagha mu kishiki kimoyi kikumanwa mu kiebulania Halamagidoni.¹⁷Wamutubakamo akubulagha kaata kaghe mu mpena.Nu mu kishumbi cha bukota cha mu numba sa kukumbamila mwatukagha ishuki linene likutenda:Bwakitwa ubo!¹⁸Nu kwabagha nkenunkenu,mashuki,mikulumilo nu kalingini kanene mu kisi,bitebagha tukila muntu eli mu kisi.¹⁹Nu musumba munene wimbeghanyagha ngendo isatu,nu misumba sa bilongo sa sambukagha,nu Ghongo akengelagha Babiloni munene,buno amweleshe kaata ka maku ma mushibu waghe munene.²⁰Nu tukishi tunsayi twatinagha,nu mindiko tasamonekile ko .²¹Nu lubula lunene,nu makoyi ma lubula longo mashitoghagha bubibu makolokelagha bantu,kutuka kw'ighulu;nu bantu beneghagha Ghongo,kubushi bwa kiswabo cha lubula,kubuno kiswabo kicho chabagha kinene bubibu.

Chapter 17

¹Nu umoyi kwabo baghenshi mutubakamo babagha bite twaata mutubakamo ashwagha,nu ambulagha kitondo ,mu kitenda: Shwa, nkakulosha lubansa lwa ghoso luwawa munene wikalile mu masi mengi.²We u kutenshagha na bami ba kisi,nu ku maku ma matensha maghe u mu kwintompulagha beli mu kisi.³Anekagha mu muusa mu kalula.Nu namonagha mukashi umoyi wikalile ghantata na Nama site matondo ma mikilha,isala mashina ma kwenegha,wite matwe mutubakamo nu megha ikumi.⁴Whoso mukashi abagha ashwalile anga lopo lwite matondo ma mikilha,nu sabongwa nolo,nu makoyi ma bikulo bingi nu tutungwa ,abagha akatilinde mu kuboko kwaghe kaata ka nolo,kisala na bya kwitya nsoni,nu bibi bya matensha maghe.⁵Ku malanga maghe kwabagha kwatilwa ishina,kindo:Babiloni munene ,NINA WA BALIMBYA NU WA BINSAI BYA KWITYA NSONI MU KISI.⁶Nu nalolagha ku ghoso mukashi wakundukile na maku ma mikilha sa basanana nu mikilha sa bateneneki ba Yesu.Nu mukumulola,na ghanaghanagha bubibu .⁷Nu mughenshi ambulagha :Buni buwaghanaghana?Nakusambalile kindo cha mukashi,nu cha nama wamwekile, wite matwe mutubakamo nu megha ikumi.⁸Nama sabagha si walola ko, taseli lingo.Emana kutuka mu mushinga,nu kushimilila.Nu ba beli mu kisi,babo mashina mabo tamatililwe mu kitabo cha kalamo kulingila kubumbwa kwa kisi, bakaghanaghana mu kulola ku Nama,kubuno abagha,nu nteli lingo,nu akamoneka ko lingo.⁹Agho lino u gheli mulenganya bwite bwenge_.Matwe mutubakamo u ntulungu mutubakamo sikalindwe na mukashi.¹⁰U nu bami mutubakamo:batano batingile kalayi,umoyi eli gho ,nu ungo ntika neshi,nu gha kika, akakita bindi bikeke.¹¹Nu Nama sabagha nu siteli lingo gho,u w'inene mwami wa munani,nu akughanswa kwabo mutubakamo,nu enda kushimila .¹²Megha ikumi mawamonagha ko ,u bami ikumi,beteleshibwa bukota,tondo bakeleshibwa bukulu anga bami mu nkungu emoyi na Nama.¹³Beli nu nsila emoi,nu bakwelesha Nama bwangato nu bukulu bwabo .¹⁴Bakalwana na Chana cha mbuli,nu Chana cha mbuli kikabakinda,kubuno eli Mukota wa bakota nu Mwami wa bami,nu bamanwa,basombolwa nu ba bulili beli ghamoi nawe,bakabakakinda nubo.¹⁵Nu ing'ambula:masi ma wamonagha ko, mikalilwe na luwawa,u bantu,bikembe, bilongo nu mitendeshi.¹⁶Megha ikumi mawamonagha ko nu nama bakasomba luwawa,nu kumunagha binsayi nu kumwendya munkanka, kulya nama saghe nu bakamulekela mu kaya.¹⁷Kubuno Ghongo abikile mu mitima sabo bakite bwashima,nu babe na lwango lumoi nu kwelesha Nama bukota bwabo kwikila bitondo bya Ghongo bibelelele.¹⁸Nu mukashi u wamonagha ko,u musumba munene ,wite bukota ku bami ba kisi.

Chapter 18

¹ Kumbusa kwagho,nalolagha ungo mughenshi atuka kw'ighulu,wabagha na bukulu bunene ;nu kisi chasanagha na lukumbu lwaghe.²Alekelagha mulenge munene,mu kutenda: Asambulwa,asambulwa,Babiloni munene!Ombulyagha na Basumbu,mbiso sa myuusa insayi mbi,mbiso sa tusoni tunsayi tubi nu twa nsoni.³ Kubuno bisi binsayi banywile maku ma mantensha maghe ,nu atenshishe na bami ba kisi,nu batimbuli ba kisi baghumile kutingila butumba bwaghe.⁴Nu nongwagha mw'ighulu lingw'ishuki likutenda:Mutuke mu nkatighi nawe ,bantu bani,kubuno munashwa kusangila bwaghi bwaghe,nu tamughanswe nawe ku biswabo byaghe.⁵Kubuno bwaghi bwaghe bwika bwingi kw'ighulu,nu Ghongo akengela mabi maghe.⁶Mumulighe anga bwalighagha,nu mumukulukishe ngendo imbili kuyangana na mikolo saghe.Mu kaata ka kubhulilagha mo ,u mumukubhulile mo ngendo imbili.⁷Anga bwitagha nu kulosha butumba bwaghe,ubu mumutinjaghe mu nsusu nu indilo.Kubuno ekw'itendya mu mutima: nikala anga munamughole,nsheli musumbakashi,nu nshikalila !⁸Kubushi bubo ,nu mukindi kimoyi, biswabo byaghe bikika, lukwo,indilo,nu nsala,nu akashilikila mu kaya.Buno ite maghana, Mukota Ghongo u wamwaghyagha.⁹Nu bami bansayi ba kisi batenshagha nawe nu butumba ,bakalila nu kwighanisha kubushi bwaghe,gha bakamona ku muuki wa kuya kwaghe.¹⁰Mu kwikala bulayi,ku boba bwa nsusu saghe,bakatenda: Musambo!musambo! Musumba munene Babilone ,musumba wite maghala mengi!Waghibwa mu nkungu emoi!¹¹Nu bakutimbula balila nu beli mw'indilo kubushi bwaghe,kubuno taku wampa u kughula mishigho sabo,¹²mishigho sa nolo,sa bikulo,sa makoyi makukwa bikulo bingi,nu tutungwa,nshulu sa tambatamba, lopo,sa myosa sa nama,site matondo ma mikilha ,sa miti ,sa bikayi bya milamba,nu bikayi bya miti s'ikughulwa bubibu,sa nsubi,sa byuma nu mitalo.¹³sa mwambo,sa ngenge, sa bwagha,nu sa maku,sa makiti,sa nshano,sa ngano,sa nkambu,sa mbuli,sa mpunda,sa kamiyo,sa mibili nu mitima sa bantu.¹⁴Bya byashimagha mutima wobe byendile bulayi nowe,nu bintu binsayi bisogha nu bya mbangilwa,byashimila ,ntukabimona lingo.¹⁵Babakutimbula ibyo bikayi,u ba baghuminde mu we,bakikala kulayi,mu kukwa boba bwa munubo ;bakalila nu bakaba mw'indilo,¹⁶nu bakatenda:Musambo!Musambo!Musumba munene washwalagha nshulu sa bota,nopo,nu ngelingeli, nu byatondwa nolo,na makoi ma kughulwa bikulo bingi,nu tutungwa! Mu nkungu emoi butumba bwashililila!¹⁷Nu bekwenshagha anviyo bansayi, nu bansayi bakoghagha mu kwenda uko,nu binami,nu bansayi bakulondela bikulo mu kitatenge,bikalile bulayi,¹⁸nu bakughagha, mu kulola ku muuki wa kuya kobe:Musumba ki u wasusanagha na musumba munene ?¹⁹Bindekelagha mukungu ku matwe mabo, balilagha nu babagha mw'indilo,bakughagha nu batendagha :Musambo,!Musambo! Musumba munene ,u mu baghumilagha kutingila ighuma lyaghe,babo bansayi babagha na bwato mu kitatenge,mu nkungu emoyi ashililila! ²⁰Ighulu,boghabogha kubushi bwaghe!Nu benywe basanana,ntumwa,nu balenganya, nu benywe mubogheboghe !Kubuno Ghongo abakalila lubansa mu kumwaghya.²¹Agho lino, mughensi wite maghala atolagha ikoyi lyasusana luyikililo lunene,nu kulilekela mu kitatenge,mu kutenda:Ubo bukalekelwa na mushibu munene Babiloni ,musumba munene,nu ta ukamoneka ko lingo.²²Nu kobe ntakukongibwa ko mushumo wa baghombi ba kansambi,ba bembi,baghombi ba kapyelele,bakwipila mu tolompeta, kobe,takukasangwa mulenga, wa kukita nkashi,takukongwibwa ko lingo lwayo lwa luyikililo,²³kobe tala tasikabanga lingo,nu ishuki lya mulume nu lya mughole waghe talikongwiba ko lingo,kubuno ba bakutimbula kobe babagha bakulu ba kisi,kubushi bilongo binsayi byashiminde na buhanga bobe,²⁴nu kubuno kwaghe kwasangwagha mikilha sa balenganya nu sa basanana,nu sa babo bansayi baketulwagha mu kisi.

Chapter 19

¹Kumbusa kwagho,nongwagha mw'ighulu ishuki linene lya kikembe kinene likutenda: Aleluya!Lonio,lukumbu nu bwangato byeli kwa Ghongo witu,²kubuno kwaghya kwaghe kweli kwa bulili nu kwa lingimana;kubushi aghyishe luwawa munene wa abuchagha kisi na matensha maghe,nu alighishe mikilha sa bakiti baghe mu kusisegha na kuboko kwaghe.³Nu batendagha lya ngendo imbili:Aleluya!Nu muuki waghe wabakama nkiko nu nkiko.⁴Nu abo bakungu makumi mabili na banayi nu bibumbwa binayi byeli gho bya komagha mashwe nu kukumbamila Ghongo wikalile mu kishumbi cha bukota,mu kutenda:Amina!Aleluya!⁵Nu ishuki lyatukagha mu kishumbi cha bukota,kutenda:Mwanse Ghongo witu,benywe bansayi bakiti baghe,benywe ba kumukwa boba, bana bato nu bakulu!⁶Nu nongwagha anga ishuki linene lya kikembe kinene ,anga ku kubila masi mengi,nu anga ishuki mikulumilo inene, kutenda:Aleluya!Kubuno,Mukota Ghongo witu Nene maghala ema mu bukota bwaghe.⁷Tubogheboghe nu tube mu chelele,nu tumweleshe lukumbu; kubuno bisaghulo b'isonga bya Chana cha mbuli bya shwa,nu mughole waghe ilongomanya.⁸ nu abulilwe ashwale sa bota ,ngelingeli nu salangala.Kubuno nshulu sa bota,u mikolo sa bulili sa basanana.⁹Nu mughenshi ing'ambula:'Tila:Bakasanilwa babo bamanwa mu kisaghulo k'isonga cha Chana cha mbuli!Nu ing'ambula:Ibyo bitondo bya Ghongo byeli bya bulili.¹⁰Nu naghwagha ku manshinshi maghe buno ni mukumbamile;tondo ing'ambula:Ntukite ubo!Neli muninu wa mulimo,nu wa bisakwinu bakutenenekela Yesu.Kumbamila Ghongo.Kubuno buteneneki bwa Yesu u muusa wa bulenganya.¹¹Nu namonagha ighulu ly'ighuka,nu lola,kwa pamuka mpunda senga.Olya wabagha gha ntata naso akumanwa BULILI nu WATUNGANANA,nu akwaghya nu kulwana mu bulili.¹²Miso maghe mabagha anga lwembe lwa kaya;kw'itwe lyaghe kwabagha nkumbu ningi;nu abagha n'ishina lyatilwa ,litakumanwa na muntu,ndi ta winene u mpanga;¹³nu ashwalagha nshulu site matondo ma mikilha.Ishina lyaghe u KITONDO cha Ghongo.¹⁴Ndwani seli mw'ighulu sa muyangagha na mpunda senga sa shwalile nshulu sa bota,senga,nu salangala.¹⁵Mu kanywa kaghe mwatukagha mwele wasongoka,buno wite bilongo;akabalanga mushumbo wa chuma; nu akananta indegha lya maku ma mushibu munene wa Ghongo Nene maghala .¹⁶Ku nshulu saghe nu mu kibelo chaghe kwabagha ishina lyatilwa :Mwami wa bami nu Mukota wa bakota.¹⁷Nu namonagha ku mughenshi wikalile mu musi.Nu atendagha n'ishuki linene,kubula tusoni tunsayi twabagha tukulengagha mw'ighulu:Mushwe,mukulumane ku kisaghulo kinene cha Ghongo,¹⁸buno mulye nama sa bami,nama sa bakulu ba basula,nama sa bite bwangato,nama sa mpunda nu sa ba beli ghantata naso,nama sa bansayi ,bashighililwa nu bakobe, bana nu bakulu.¹⁹Nu namonagha ku nama,nu bami ba kisi,nu ndwani sabo bakulumana buno balwane bita na ghoso wikalile ghantata gha mpunda nu ndwani saghe.²⁰Nu Nama sakatwagha,ghamoi naso,Mulenganya wa bwisa,wakitagha bitangalo gha gheli,bya bya buchagha babo babagha na kama ka Nama nu bakumbamilagha chaso chaghe.Balekelwagha bo babili bansayi mw'ishiba linene lya kaya nu buusa.²¹Nu bango bitwagha na mwele ukutuka mu kanywa ka olya wabagha ikalile ghantata na mpunda; nu tusoni tunsayi twikutagha na nama sabo.

Chapter 20

¹Lingo namonagha mughenshi watuka kw'ighulu,wabagha wite batoto ba mushinga munene nu munyololo munene mu kuboko kwaghe.²Akatagha na kuboko Bulighi bunene ,Bulighi bwa kalayi,u Musumbu nu Kahinga,abukandagha myaka elefu .³Abulekelagha mu mushinga, ighalagha nu kwinda kamanililo gha mwingilo ghantata nawe,buno ntabuche lingo bilongo,kwikila myaka elefu emoyi si kuke.Kumbusa kwagho,bwatunganana akandulwe bindi bikeke.⁴Nu namonagha bishumbi bya bukota;nu babo babagha bikalile kubyo beleshibwagha bwangato bwa kwaghya.Nu nalolagha ku mitima sa babo baketulwagha kubushi bwa kutenenekela Yesu,nu kubushi bwa kitondo cha Ghongo,nu sa babo bata kukumbamilagha Nama ali chaso chaghe,nu bat'indwagha kama ku malanga mabo nu ku maboko mabo.Batukagha ku bakuyi,nu kwema ghamoyi na Kilishitu myaka elefu emoyi.⁵Bango bakuyi tabatukile ko ,mu kulindila myaka elefu emoyi sikuke.U kutuka ku bakuyi lya litangi ilyo.⁶Bakasanilwa nu basanana babo bite kibhu mu kutuka ku bakuyi lya litangi!Lukwo lwa ngendo imbili taluna bwangato kubo;tondo bakaba Ba nsakogha ba Ghongo nu ba Kilishitu,nu bakema ghamoyi nawe myaka elefu emoyi.⁷Gha katinga eso myaka elefu emoi,Kahinga akatuchwa mu kahombo kaghe.⁸Nu akatuchwa buno ashimishe bilongo byeli bibe binai bya kisi,Gogi nu Magogi, buno abakulumanye mu kulwana;mughanso wabo weli anga museghe wa kitatenge.⁹Nu bo ba bakamagha mu kisi,nu ku timba mwelo wa basanana nu musumba washimwa.Tondo kaya katukagha kw'ighulu nu kubashililisha.¹⁰Nu Musumbu,wabashimishagha,alekelwagha mw'ishiba linene lya kaya nu buusa,mweli Nama nu Mulenganya wa bwisa.Nu bakanuba musi nu kindi nkiko nu nkiko.¹¹Nu nalolagha lingo ku kishumbi kinene cha bukota chenga,nu olya wabagha ikalile gha ntata nacho.Kisi nw' ighulu byendagha kulayi na miso maghe,nu takwabinde lingo kishiki chabo.¹²Nu nalolagha ku bakwile ,bakulu nu bana ,bikalile bwighi na kishumbi cha bukota.Bitabo byakandulwagha.Nu kingo kitabo cha kandulwagha,kicho cheli cha kalamo.Nu bakuyi baghibwagha kuyangana na mikolo sabo,kulembana na byatilwa mu bibyo bitabo.¹³Kitatenge cha kuluchagha bakuyi bakwilagha mo,lukwo nu kishiki cha bakuyi bakuluchagha bakuyi ba babagha ku beli;n'omoyi kubo aghibwagha kuyangana na mikolo saghe.¹⁴Nu lukwo nu kishiki cha bakuyi byalekelwagha mw'ishiba linene lya kaya.U lukwo lwa ngendo imbili,ishiba lya kaya.¹⁵Olya ishina lyaghe lyasangilwe talyatilwa mu kitabo cha kalamo,nti alekelwa mw'ishiba linene lya kaya.

Chapter 21

¹Na nalolagha lingo ighulu nu kingo kisi ,buno ighulu litangi nu kisi kitangi byabagha byatinga kalai,nu kitatenge tachabinde lingo gho.²Nalolagha lingo kwatuka kw'ighulu kweli Ghongo,musumba wasanana, u ungo Yelusalema witonda anga namughole kubushi bwa munachaghe.³Nu nongwagha mu kishumbi cha bukota mwatuka ishuki linene likutenda: Lola kishiki cha Ghongo ghamoyi na bantu !Akikala ghamoyi nabo nu bakaba bantu baghe,nu Ghongo w'inene akikala ghamoyi nabo.⁴Akabatucha bitengetenge mu miso mabo,nu lukwo talukaba agho lingo, nw'indilo talikabagha gho lingo,ali kulakalaka,ali lubabasho ,kubuno bitondo binsai byatinga.⁵Nu olya wabagha ikalile mu kishumbi cha bukota atendagha :Lola ,naghalula bitondo binsai bya kalai,nu ingatenda: Tila;kubuno bino bitondo byeli gho nu bya bulili.⁶ Nu ing'ambula:Bwashila ubo!Ine u Alufa nu Omega,ndingilo nu kushinda.Olya wite mpusha nkamwelesha masi ma kalamo bulyabulya.⁷Olya ukakinda akaba na mwandu mu bino bitondo; Nkaba Ghongo waghe,nuwe akaba mwana wani.⁸ Tondo babo bite boba,batakatisha,babo babi,bitani,balimbya,baghanga,bakwela basumbu, nu beki ba bwisa bansayi kibhu chabo cheli mw'ishiba linene lya kaya nu buusa, u lukwo lwa ngendo imbili.⁹ Nu Lingo umoyi kwabo baghenshi mutubakamo ba babagha bite twaata mutubakamo twisala na biswabo mutubakamo bishinda,ikagha nu kumbula mu kutenda:Shwa,nkakulosha mughole u mukashi wa Chana cha mbuli.¹⁰Nu anekagha mu muusa,nu anichagha gha ntata gha mwindiko munene nu watoghama.Nu andoshagha musumba wa sanana,Yelusalema, u kutuka kw'ighulu kweli Ghongo ,ite lukumbu lwa Ghongo .¹¹Kusana kwaghe kwabagha kwa susana n'ikoyi linaghulwa bikulo bingi,ikoyi lya yasipi lyenga anga kiyobo.¹²Wabagha na mukolo munene nu mulai.Wabagha na numbi ikumi n'imbili,nu nwiso numbi,Baghenshi ikumi na babili,nu mashina matilwa ma babo bilongo ikumi nu bibili bya bana ba Isilaeli;¹³Ku kutukilagha musi,numbi esatu,ku ntata numbi esatu, mu munkatighi na musi numbi esatu,nu ku kuyamilagha musi,numbi esatu.¹⁴Mukolo wa musumba wabagha na mango ikumi na mabili,nu ku mo mashina ma ntumwa sa Chana cha mbuli.¹⁵Olya watendagha nine,abagha na kamilali ka nolo ka kulingika,buno alingike musumba ,mumbi saghe nu mukolo waghe.¹⁶Musumba wabagha na bisusu binayi bya lingimana,lulenge nu kisusu byabagha byalingimana.Alingikagha musumba na kamilali,ikasanga masomolelo elefu ikumi na mabili;lulenge,kisusu , bulayi bwa kuntata byabaghe bigheshe.¹⁷Alingimanyagha mukolo,ingasanga maboko ighana nu makumi manayi nu manayi,bukulingikagha muntu,u bwabagha nubo bwa mughenshi.¹⁸Mukolo wabagha wobakwagha na yasipi,nu musumba na nolo sa sughukalilwa sasusana na kiyobo chenga.¹⁹Mango ma mukolo wa musumba mabagha matondwa na makoyi ma bikulo bingi matasusana: Iyango litangi lyabagha lya yasipi,lya limbili lyabagha lya safilo,lisatu kaledoni,linayi emelodi.²⁰l'itano salodoniki,lya mutuba salodoni,lya mutubakamo kilisoliti,lya munani belile,lya mwenda topaso,likumi kilisopase,l'ikumi na limoi iyakinte,l'ikumi n'imbili amitishite.²¹Numbi ikumi n'imbili sabagha tutungwa ikumi nu tubili; na lumbi lumoyi lwabagha lwa katungwa kamoyi.Mulungu wa musumba wabagha wa nolo sa sughulwa,anga kiyobo cha kwindola mo.²²Nshalolile ku numba sa kukumbamila mu musumba;kubuno Mukota Ghongo Nene maghala u numba sa kukumbamila,nu Chana cha mbuli nucho.²³Musumba ta wite nkasa sa musi ali mweshi bya kuusanya;buno lukumbu lwa Ghongo u luku usanya,nu Chana cha mbuli u kasuku kaghe.²⁴Bilongo bikatabanga mu chengeshi chaghe ,nu bami ba kisi bakicha mo nkumbu sabo.²⁵Numbi samo tasik'ighalwa lingo mu musi,kubuno takukaba kindi lingo.²⁶Bakicha mo lukumbu nu lwanso lwa bilongo.²⁷Takuk'ingila kwaghe ,kinsayi chabigha ,ali muntu mubi ali mweki wa bwisa;muk'ingila tughu babo batilwa mu kitabo cha kalamo Chana cha mbuli.

Chapter 22

¹Nu andoshagha lusi lunene lwa masi ma kalamo lwenga anga kiyobo, lukutuka mu kishumbi cha bukota bwa Ghongo nu Cha chana cha Mbuli.²Munkatighi na mulungu wa musumba nu ku mitili imbili sa lusi lunene,kwabagha muti wa kalamo,ukukonamya bighuma ngendo ikumi n'imbili,sikutucha bighuma mu mweshi ,nu nsamba saghe sabagha busakishi bwa kulamya bilongo.³Takukaba lingo kushulilwa.Kishumbi cha bukota bwa Ghongo nu cha Chana cha mbuli kikaba mu musumba;bakiti baghe bamukitila milimo nu bakamumona ko bweli,⁴Nu ishina lyaghe likaba ku malanga mabo.⁵Takukaba bulimaswa ;nu tabakaba na nkasa sa tala ali chengeshi,kubuno Mukota Ghongo akabasanya,nu bakema nkiko nu nkiko.⁶Nu ambulagha :Bino bitondo byeli gho nu bya bulili;nu Mukota,Ghongo wa miusa sa Balenganya,asingagha mughenshi waghe buno aloshe bakiti baghe bitondo byemana kushwa mu bindi bikeke._⁷Nu lola,nashwa mu bindi bikeke._Akasanilwa ghoso walanga bitondo bya bulenganya bya kino kitabo!⁸Ine Yoani,nongwagha nu nalola ku bino bitondo.Nu gha nongwagha nu kulola,nawagha ku manshinshi ma mughenshi wandoshagha byo buno nimukumbamile.⁹Tondo ing'ambula:Ntukite bo!Nili muninu wa mulimo,nu wabisakwinu balenganya,nu wa babo bakulanga bitondo bya kino kitabo.Kumbamila Ghongo.¹⁰Nu ing'ambula:Ntubike kamanililo lingo mu bitondo bya bulenganya bwa kino kitabo.Buno bindi bise bwighibwighi.¹¹Olya wabigha imbiye lingo;nu wabulili akite lingo byeli bya bulili,nu wasanana isananie lingo.¹²Lola,nashwa mu bindi bikeke ,nu nite indigho lyani,buno nilighe na muntu na kuyangana na mikolo saghe.¹³Ine Alufa nu Omega, mutangi nu mushinda,ndingililo nu kushinda.¹⁴Bakasanilwa babo bakusugha nopo sabo buno babe na kibhu ku muti wa kalamo,nu kwingila ku mw'ingilo wa musumba !¹⁵Kumbugha kwashighala ,mbwa,bahanga,balimbya ,biti ba bantu,bakwela basumbu,nu olya washima nu kweka bwisa!¹⁶Ine,Yesu nasingile mughenshi wani buno ababule bino bitondo mu Tunisa.Ine u kishina nu kibuti cha Daudi,kambalumbalu ka munindunindu.¹⁷Nu Muusa nu Munamughole bakutenda:Shwa.Nu olya wongwa atenda:Shwa.Nu olye wite mpusha ashwe;nu olya washima ,atole masi ma kalamo ,bulyabulya.¹⁸Natonda k 'olya wongwa bitondo bya bulenganya bya kino kitabo :Ndi muntu atalikila kingo kitondo,Ghongo akamupunda na biswabo byatilwa mu kino kitabo;¹⁹nu ndi muntu akokola ku bitondo bya kitabo cha buno bulenganya,Ghongo akakokola kibhu chaghe cha muti wa kalamo nu cha musumba wasanana byatilwa mu kino kitabo.²⁰Olya watila bino bitondo atenda:Naki,nashwa mu bindi bikeke. Amina!Shwa ,Mukota Yesu!²¹Mpang'inene sa Mukota Yesu sibe ghamoi na benywe bansayi!

Kanu: Bible for 1 Corinthians, 1 John, 1 Peter, 1 Thessalonians, 1 Timothy, 2 John, 2 Peter, 2 Thessalonians, 2 Timothy, 3 John, Acts, Colossians, Ephesians, Galatians, Hebrews, James, John, Jude, Luke, Mark, Matthew, Philemon, Philippians, Revelation, Romans, Titus

Formatted for Translators

Matthew

Mark

Luke

John

Acts

Romans

1 Corinthians

Galatians

Ephesians

Philippians

Colossians

1 Thessalonians

2 Thessalonians

1 Timothy

2 Timothy

Titus

Philemon

Hebrews

James

1 Peter

2 Peter

1 John

2 John

3 John

Jude

Revelation