¹Na primeru anu di Siru, rei di Persia, Nhordés kumpri se palabra ki bem di boka di Jeremias, y aviva spiritu di Siru, rei di Persia. Es obi voz di Siru pa tudu se reinu. Keli e kel ki staba screbedu y papiadu: ²Siru, rei di Persia fla: "Nhordés, Deus di seu, e dam tudu reinu di tera y e pui nha nomi pa fazi pa el un templu na Jeruzalem, ki ta fika na Judeia.³Kualker ki for di Se povu, ki Dios sta ku el pa ki e subi ti Jeruzalem kunstrui un templu pa Nhordés, Deus di Israel ki ta mora na Jeruzalem. ⁴Povu di tudu parti di reinu, undi ki kes sobreviventi di kel tera sa ta bibi debi djuda-nhos ku prata, oru, posi y animal, y ku oferta voluntariu pa kasa di Dios na Jeruzalem.⁵Nton, xefis di klan di ansestral di Juda y Benjamin, saserdoti y livitas y tudu kenha ki Spritu di Deus disperta y labanta pa bai y kunstrui sidadi. ⁶Tudu kes ki ta moraba na ronda, es djuda-s ku prata, objetu di oru, bens, animal, y ku kes kusa valiosu y oferta volutariu.⁷Rei Siru tambe tra objetu di templu di Nhordés ki Nabukodonozor traseba di Jeruzalemy y e pul na kasa di ses deusis. ⁸Siru, rei di Persia integra tudu pa tizoreru Mitredati pa toma konta y dal pa Sesbazar, lider di Juda.⁹Keli era kantidadi di objetu; trinta basia di oru, mil basia di prata, vinti novi fakas. ¹⁰Trinta tigela di oru, katusentus y dez basias pikinoti di prata y otus mil objetus. ¹¹Tudu era sinku mil y katusentus basia di ceru u prata. Sesbazar traze-s tudu kantu iziladus ben di Babilonia pa Jeruzalem.

¹Kes li e fidjus di pruvinsia, ki ben di kativeru di Nabukudunuzor, ki tenba iziladu es na Balilonia, kes ki volta pa Jiruzalen y Juda, kada un pa se propriu sidadi. ²Es ben ku Zurubabel, Jizua, Nimias, Seraias, Rielaias, Mardokeu, Bilsan, Mispar, Bigvai, Reum y Baanan. Keli e registru di omis di povu di Israel.³Disendenti di Paros: dois mil sentu y stenta y dos. ⁴Disendenti di Sifatias: trizentus y stenta y dos. ⁵Disentendi di Ara: setisentus y stenta y sinku. ⁶Disendenti di Paati-Muabi, di fidjus di Jizua y Juabi: dos mil oitusentus y dozi.⁷Disendenti di Ilon, mil duzentus y sinquenta y kuatu. ⁸Disendenti di Zatu: novisentus y kuarenta y sinku. ⁹Disendenti di Zakai: setisentus y sasenta. ¹⁰Disendenti di Bani: sesentus y kuarenta y dos.¹¹Disendenti di Bebai: sesentus y vinti y tres. ¹²Disendenti di Asgadi: mil duzentus y vinti y dos. ¹³Disendenti di Adonikon, sesentus y sasenta y saes. ¹⁴Disendenti di Bigvai: dos mil y sinkuenta y saes.¹⁵Disendenti di Adin: kuatrusentus y sinkuenta y kuatu. ¹⁶Disendenti di Ater, di familia di Izikias: noventa y oitu. ¹⁷Disendenti di Bizai: trizentus y vinti y tres. ¹⁸Disendenti di Jora: sentu y dozi.¹⁹Disendenti di Azun: duzentus y vinti y tres. ²⁰Disendenti di Jibar: noventa y sinku. ²¹Disendenti di Belen: sentu y vinti y tres. ²²Disendenti di Nitofati: sinkuenta y saes.²³Disendenti di Ananoti: sentu y vinti y oitu. ²⁴Disendenti di Asmaveti: kuarenta y dos. ²⁵Disendenti di Kiriati-Jearin, di Sefira y di Beeroti: setusentus y kuarenta y tres. ²⁶Disendenti di Rama y di Jeba: seisentus y vinti y un.²⁷Disendenti di Mikmas: sentu y vinti y dos. ²⁸Disendenti di Betel y di Ai: duzentus y vinti y tres. ²⁹Disendenti di Nebu: sinkuenta y dos. ³⁰Disendenti di Magbis: sentu y sinkuenta y saes.³¹Disendenti di otu Ilon: mil duzentus y sinkuenta y kuatu. ³²Disendenti di Arin: trizentus y vinti. ³³Disendenti di Lodi, di Aldidi y di Onu: setusentus y vinti y sinku³⁴Disendenti di Jeriko: trizentus y kuarenta y sinku. ³⁵Disendenti di Senaan: tres mil seisentus y trinta.³⁶Saserdotis: disendenti di Jidaias, di kaza di Jizua: novisentus y stenta y tres. ³⁷Disendenti di Imer: mil y sinkuenta y dos. ³⁸Disendenti di Pasur: mil duzentus y kuarenta y seti. ³⁹Disendenti di Arin: mil y dizaseti.⁴⁰Livitas: disendenti di Jizua y Kadimiel, disendenti di Odavias: stenta y kuatu. ⁴¹Kantoris: disendenti di Azafi: sentu y vinti y oitu. ⁴²Disendenti di porteru: disendenti di Salun, di Ater, di Talmon, di Akubi, di Atita, y di Subai: pa tudu, sentu y trinta y novi.⁴³Kes ki skodjedu pa sirvi na tenplu: disendenti di Zia, Azufa, Tabauti, ⁴⁴disendenti di Keros, di Sia, di Padon, ⁴⁵disendenti di Lebana, di Agaba, di Akubi, ⁴⁶disendenti di Agabi, di Sanlai, y di Anaan;⁴⁷Disendenti di Jidel. di Gaar, di Reaias, ⁴⁸disendenti di Rezin, di Nikoda, di Gazon, ⁴⁹disendenti Uza, di Paseia, di Bezai, ⁵⁰disendenti di Asnaan, di Miunin, di Nefusin;⁵¹Disendenti di Bakebuki, di Akufa, di Arur, ⁵²disendenti di Basluti, di Meida, di Arsa, ⁵³disendenti di Barkos, di Sisera, di Tama, ⁵⁴disendenti di Nisias y di Atifa.⁵⁵Disendenti di servus di Salomon: disendenti di Sotai, di Sofereti, di Peruda, ⁵⁶disendenti di Jaala, di Darkon, di Jidel, ⁵⁷disendenti di Sefatias, di Atil, di Pokereti-Azebain y di Ami. ⁵⁸Total di dizignadu pa sirvi na tenplu y disendenti di servusn di Salomon ki traze-du era di trizentus y nuventa y dos.⁵⁹Kes li ki subi di Tel-Mela, di Tel-Arsa, di Kerubi, di Adan y di Imer - ma es ka bira kapas di prova ki ses antipasadu era di Israel: ⁶⁰disendenti di Dilaias, di Tubias y di Nikoda, saisentus y sinkuenta e dos.⁶¹Y disendenti di saserdoti: Disendenti di Abaias, Akos, y Barzilai (ki toma pa ser sposa un fidja di Barzilai, di Giliadi, y E txoma-du pa se nomi). ⁶²Es buska nkontra se jinialugia na rijistu, ma es ka atxa, un bes kes konsideradu suju pa saserdosiu. ⁶³Nton, guvernador fla-S ma es ka debi kume kalker sakrifisiu ti ki un saserdoti ku Urin y Tumin prova.⁶⁴Grupu interu totaliza kuarenta y dos mil trizentus y sasenta, ⁶⁵sen inklui ses servu ku serva. Kes li bira seti mil trizentus y trinta y seti, y ses kantoris ku kantoras, duzentus.⁶⁶Ses kabalu: setusentus y trinta y saes. Ses mula: duzentus y kuarenta y sinku. ⁶⁷Ses kamelu: kuatusentus y trinta y sinku. Ses jumentu: saes mil y setusentus y vinti.⁶⁸Algun xefi di familia, bai pa tenplu di Nhordes, na Jiruzalen, es da oferta vuluntariu pa ristora tenplu di Nhordes na se antigu lugar. ⁶⁹Es oferta, di akordu ku se kapasidadi, pa tisoru di obra: sasenta y un mil darikus di oru, sinku mil minas di prata, y sen tunika saserdotal.⁷⁰Nton, saserdotis y livitas, povu, kantoris di tenplu, porterus y kes ki skodjedu pa sirvi na tenplu es mora na ses sidadi, sima tudu Israel.

¹Na setimu mes, dipos di volta di izraelita pa ses sidadi, kel povu djunta, sima un omi na Jiruzalen. ²Jizua, fidju di Juzadaki, y ses irmon, saserdotis, Zurubabel, fidju di Sialtiel, y ses irmon labanta y faze un altar pa Deus di Israel, pa es oferese sakrifisiu, sima es mandadu na lei di Muizes, omi di Deus.³Nton es stabilese altar riba di ses bazi trokadu medu kes tenba di povus na se volta. Es oferese sakrifisiu pa Nhordes di palmanhan y di noti. ⁴Tanbe es odja kel Festa di Tabernakulu, sima sta skrebedu, y es oferese sakrifisiu, tudu dia, konformi kel stabilisimentu, na kada dia determinadu. ⁵Asi, tenba sakrifisiu diariu y mensal y oferta pa tudu festa fiksu di Nhordes, djuntu ku kes oferta vuluntariu.⁶Es kumesa ta oferese sakrifisiu pa Nhordes na prumeru dia di setimu mes, inbora kes fundamentu di tenplu ka podu. ⁷Nton es da prata pa pedreru y karpinteru; e, kumida, bibida y azeti pa povu di Sidon y di Tiru, pa kes manda sedru di Libanu pa Jopi, pa mar, sima mandadu pa Siru, rei di Persia.⁸Nton, na sugundu mes di sugundu, dipos kes ben pa tenplu di Deus, na Jiruzalen, Zurubabel, fidju di Sialtiel, y Jizua, fidju di Juzadaki, y restu di saserdoti, livitas y kes ki ben di volta di kativeru pa Jiruzalen kumesa obra. Es skodje kes livita di vinti anu o mas pa odja kel obra di tenplu di Nhordes. ⁹Nton aprizenta Jezua ku ses fidju y ku ses irmon, Kadimiel y ses fidju, y disendenti di Odavias, pa odja kes ki staba ta faze obra na tenplu di Deus, sima fidjus di Enadadi, ses fidju y ses irmon, kes livita.¹⁰Kantu kes konstrutoris xinta kes fundamentu di tenplu di Nhordes, kes saserdotis kantu kes aprizenta ku ses bistimenta y ku tronbeta, y kes livita, fidjus di Azafi, es lova pa Nhordes ku simbalu, sima kes instruson ki dexadu di Davi, rei di Israel. ¹¹Es kanta dretu, ku lovor y gratidon pa Nhordes: "El e bon, pamodi se mizerikordia ta dura pa senpri riba di Israel". Tudu povu fisteja ku grandi bradu di aligria y adorason pa Nhordes pamodi fundamentu di tenplu staba prontu.¹²Ma monti di kes saserdoti, livitas, xefis di familia, dja idozu, ki tenba odja-du prumeru tenplu txora ben altu kantu, dianti di ses odju, foi fulhiadu kes fundamentu di kel tenplu li. ¹³Di manera kes ka sa podi odja kel vos di jubilu di vos di txoru di kes algen, pamodi povu staba ta grita altu y kel son staba ta obi-du di lonji.

¹Kantu inimigus di Juda y Benjamin obi ma povu ki volta di kativeru staba ta konstrui tenplu pa Nhordes, Deus di Israel, es bai fala ku Zurubabel y kes xefi di familia di ses antipasadu, ²y Es fla: "Nhos dexa-nu djuda konstrui tenplu, pamodi, sima nhos, nu sa ta buska nhos Deus y Nu ten sta-du ta oferese sakrifisiu pa El desdi di tenpu ki Izar-Adon, rei di Asiria, traze-nu pa es lugar".³Nton Zurubabel, Jizua y otus xefis di familia di Israel risponde-S: "E ka nhos, ma e nos ki debi konstrui tenplu di nos Deus. Nos me, nos so, nu ta konstrui pa Nhordes, Deus di Israel, sima Siru, rei di Persia, fla-Nu".⁴Nton, povu di tera kumesa ta dizanima povu di Juda y es faze ku judeus fika ku medu di konstrui. ⁵Es tanbe suborna konsilherus pa frusta ses planu. Es faze keli na reinadu di Siru ti dia di reinadu di Dariu, rei di Persia. ⁶Na kumesu di reinadu di Xerxis, es skrebe ta akuza moradoris di Juda y Jiruzalen.⁷Era na reinadu di Artaxerxis ki Bislon, Mitredati, Tabeel, y ses kunpanheru skrebe-L. Es skrebe karta na aramaiku, ku traduson. ⁸Asi, Reun, komandanti, y skriba Sinzai, es skrebe pa Artaxerxis ta fala di Jiruzalen.¹⁰Nton Reun, Sinzai y ses kunpanheru, ki era juiz y otus xefis di guvernu persa, di Ereki, di Babilonia y di Suzan, na Elan, es skrebe un karta; ⁹djunta ku es pisoas ki famozu Asurbanipal forsa pes fika djuntu ku otus ki staba na pruvinsia des ladu di riu Eufratis.¹¹Keli e kopia di karta kes manda pa Artaxerxis: "Bus servus, omis di pruvinsia des ladu di riu Eufratis, skrevi keli: ¹²'Fika ta sabe rei ki judeus ki di bu parti ben pa nos dje-S bai Jiruzalen y es sa ta konstrui kel sidadi ribeldi y mou. Es sa ta konpu muru y fundason.¹³Fika ta sabe rei si kel sidadi li konstruidu y ses muru fetu, es ka ta paga ninhun inpostu y es ta da rei prijuizu.¹⁴Gosi, nos ki ta sirvi rei nu ka kre ki es kuza kontise rei. Pamodi keli ki nu sa ta fla rei ¹⁵pa djobe na livru antigu di bus pai y bu ta sabe ma kel sidadi li e ribeldi, dja kria txeu prublema pa reis y pa pruvinsia; e sentru di ribelion txeu tenpu. Pamodi keli ke distruidu. ¹⁶Nu sa ta informa rei si, kel sidadi y ses muru rikonstruidu, ka ta resta nada pa bo na pruvinsia des ladu li di riu Eufratis'".¹⁷Nton rei manda risposta pa Reun, Sinzai y ses kunpanheru ki moraba na Samaria y na pruvinsia dipos di riu Eufratis: "Ki pas sta ku nhos. ¹⁸Karta ki nhos manda-M, es traduzi y es le nha dianti. ¹⁹N manda invistiga y N diskubri ki desdi tenpu antigu kel sidadi li rabela y rivolta kontra reis.²⁰Jiruzalen foi governadu pa grandis reis ki tenba puder riba tudu pruvinsia dipos di riu Eufratis, es ta pagaba tudu tipu di inpostu. ²¹Gosi, nhos manda kes omi pa para di konstrui kel sidadi ti ki N faze un dikretu. ²²Nhos toma kudadu pa bu ka distrai. Pamodi ki ta dexa-du kel amiasa krese y prijudika-M?".²³Kantu dikretu di rei Artaxerxis ledu dianti Reun, Sinzai y ses kunpanheru, es bai faxi pa Jiruzalen y es obriga judeus pa para obra. ²⁴Asi, obra na tenplu di Deus na Jiruzalen para ti sugundu anu di reinadu di Dariu, rei di Persia.

¹Nton, kes prufeta Ageu y Zakarias, fidju di Idu, es profetiza pa nomi di Deus di Israel pa judeus na Juda y Jiruzalen. ²Zurubabel, fidju di Sialtiel y Jizua, fidju di Juzadaki, es labanta y es kumesa ta konstrui tenplu di Deus na Jiruzalen, ku prufetas ta nkoraja-S.³Nton, Tatenai, governador di pruvinsia a oesti di riu Eufratis, Setar-Buzenai y ses kunpanheru ben y E fla-S: "Kenha ki manda nhos konstrui es tenplu y faze kes muru?" ⁴Y es tanbe fla: "Modi ki e nomi di omis ki sta ta labanta konstruson?" ⁵Ma odju di Deus staba riba di ansion judeu y ses inimigu ka faze-s para Es staba ta spera ki un karta pa manda pa rei Dariu y kel risposta a rispetu di kel kuza.⁶Keli e karta ki Tatenai, guvernador di pruvinsia dipos di Eufratis, y Setar-Bozenai y ses kunpanheru ofisial, na pruvinsia dipos di Eufratis, es manda pa Dariu, kel rei. ⁷Es manda un rilatoriu ta fla pa rei Dariu: "Tudu pas ta sta ku bo.⁸Fika ta sabe rei ma nu bai pa Juda, pa Tenplu di grandi Deus. E sa ta ser konstruidu ku pedra grandi, y madera dja sta na ses paredi. Es obra li sa faze-du tudu pa ses mon. ⁹Nu purgunta gentis grandi: 'Kenha ki da nhos ordi pa faze kel tenplu li y kes muru?' ¹⁰Nu purgunta-S ses nomi pa es sabe es e kenha.¹¹Es risponde y fla-S: "Anos e servus di kel ki e Deus di seu y di tera y nu sa ta rikonstrui es tenplu ki konstruidu txeu tenpu, kantu grandi rei di Israel labanta-L y konpleta-L¹²Kantu, nos antipasadu xatia Deus di seu, E intrega-S na mon di Nabukudunuzor, rei di Babilonia, ki distrui es tenplu. ¹³Timodi, na prumeru anu di Siru sima rei na Babilonia, Siru faze un dikretu pa torna faze tenplu di Deus.¹⁴Rei Siru tanbe divolve obijetu di oru y di prata ki pirtense na tenplu di Deus, kes ki Nabukudunuzor tenba lebadu di tenplu na Jiruzalen, pa tenplu na Babilonia. E divolve pa Sesbasar, kel ki E pui komu governador. ¹⁵E fla-L: "Pega kes obijetu li. Bai y pos na tenplu, na Jiruzalen. Dexa tenplu di Deus torna faze-du.'¹⁶Sesbasar lansa fundamentu pa tenplu di Deus na Jiruzalen; y e ba ta ser konstruidu, ma inda ka kaba.'¹⁷Gosi, si rei odja dretu, pa ser fetu un buska na kaza di arkivos di Babilonia pa odja si izisti algun diklarason di rei Siro sobri konstruson di tenplu di Deus na Jiruzalen. Nton rei ta manda un disizon pa es.

¹Nton rei Dariu manda toma na kaza di arkivus di Babilonia. ²Na sidadi fortifikadu di Ekbatana, na pruvinsia da Media, atxa-du un pirgaminhu, y keli era se rijistru:³"Na prumeru anu di rei Siru, rei manda un dikretu sobri Tenplu di Deus na Jiruzalen: 'Ki es faze tenplu di novu sima un kau pa oferese sakrifisiu, ki ses fundason botadu fora; ki se altura ta ser sasenta kovadu, y se largura, sasenta kovadu, ⁴ku tres filera di grandi pedra y un filera di madera novu, y ki kustu seja pagu pa kaza do rei. ⁵Gosi, traze di volta kes obijetu di oru y di prata ki e di tenplu di Deus, ki Nabukudunuzor leba di tenplu di Jiruzalen pa tenplu na Babilonia. Manda-S di volta pa tenplu na Jiruzalen y diposita-S dentu di tenplu di Deus.'⁶Gosi, go, Tatenai, guvernador di pruvinsia dipos di riu, Setar-Buzenai y nhos kunpanheru ki sta na pruvinsia dipos di riu Eufratis, nhos afasta des lugar! ⁷Ki ningen ka meti na obra di tenplu di Deus, pa ki guvernador di judeus y ses ansion konstrui es tenplu di Dus na se lugar⁸N sa ta manda kuze ki bu debi faze pa kes ansion judeus ki sta na konstruson di tenplu di Deus: di dinheru di rei ki nhos risebe di pruvinsia dipos di riu Eufratis, nhos paga tudu dispeza pa kes omi, pa ki obra ka ser paradu. ⁹Tudu ki mestedu: novidju, karneru, o korderu pa sakrifisiu pa Deus di seu; gron, sal, vinhu o azeti, di akordu ku palavra di saserdoti na Jiruzalen, da-S, tudu dia, sen falta. ¹⁰Nhos faze keli pa leba oferta di txeru sabi pa Deus di seu y nhos oran pa mi, rei, y pa nhas fidju.¹¹N manda ki, si kalker un disruspeta es dikretu, pa riinkadu un viga di se kaza, pa krava ne-L. Pamodi keli, se kaza ta ser transformadu na munti di intudju. ¹²Ki Deus, ki faze Se nomi mora la, diruba kalker rei o povu ki labanta mon pa muda es dikretu li o pa distrui tenplu di Deus na Jiruzalen. Ami, Dariu, ki prumulga es dikretu li. Ki seja fetu mas faxi!"¹³Nton, dipos di rei Dariu, Tatenai, guvernador di pruvinsia des ladu di riu Eufratis, Setar- Buzenai y ses kunpanheru faze tudu ki rei Dariu manda. ¹⁴Asi, kes ansion di judeus faze konstruson sima Ageu y Zakarias inxina na prufisia. Es faze di akordu ku ordi di Deus di Israel y kes dikretu di Siru, di Dariu y di Artaxerxis, reis di Persia. ¹⁵Es kaba di faze tenplu na triseru dia di mes di Adar, na sestu anu di reinadu di rei Dariu.¹⁶Povu israelita, saserdotis, livitas y ristanti di kativus silebra ku aligria y didikason na tenplu di Deus. ¹⁷Es oferese sen toru, duzentus karneru y kuatusentus korderu pa didikason. Dadu duzi bodi pa oferta di pekadu pa tudu algen, un pa kada tribu di Israel. ¹⁸Tanbe es numeia saserdoti di akordu ku ses divison y livitas di akordu ku ses klasis pa sirvi na Jiruzalen, sima staba skritu na livru di Muizes.¹⁹Nton kes ki staba na iziliu silebra Paskua na desimu kuartu dia di prumeru mes. ²⁰Saserdotis y livita purifika y es faze sakrifisiu di Paskua pa tudu kes ki staba na iziliu, inkluindu ses kabesa.²¹Israelitas ki kume korderu di paskua era kes ki volta di iziliu, ki sipara di pekadu di povus di tera y djobi Nhordes, Deus di Israel. ²²Es silebra ku aligria Festa di Pon ki ka ten Firmentu, pa seti dia, pamodi Nhordes traze-S aligria y muda kurason di rei di Asiria pa ses ben, pa fortalese ses mon na obra di Se tenplu, tenplu di Deus di Israel.

¹Dipos di kes kuzas li, duranti reinadu di Artaxerxis, rei di Persia, Esdra ben di Babilonia. Esdra era fidju di Seraias, fidju di Azarias, fidju di Ilkias, ²fidju di Salun, fidju di Zadoki, fidju di Aitubi, ³fidju di Amarias, fidju di Azarias, fidju di Miraioti ⁴fidju di Seraias, fidju di Usi, fidju di Buki, ⁵fidju di Abisua, fidju di Fineias, fidju di Iliazar, fidju di Aron, sumu saserdoti.⁶Esdra ben di Babilonia y El era bon skriba na Lei di Muizes ki Nhordes, Deus di Israel, tenba dadu. Rei da-L tudu ke pidi, pamodi mon di Nhordes era riba de-L. ⁷Alguns disendenti di Israel y saserdoti, livitas, kantor di tenplu, porteru y kes ki skodjedu pa sirvi na tenplu tanbe subi ti Jiruzalen na setimu anu di rei Artaxerxis.⁸Esdra txiga Jiruzalen na kintu mes di kel mesmu anu. ⁹E sai di Babilonia na prumeru dia di prumeru mes. Era na prumeru dia di kintu mes ki E txiga na Jiruzalen, pamodi bon mon di Deus era riba de-L. ¹⁰Esdras tenba determinadu na se kurason studa, sigi y inxina statutus y juizu di Lei di Nhordes.¹¹Keli e kopia di karta ki rei Artaxerxis da Esdra, saserdoti y skriba ki studaba mandamentus y statutus di Nhordes y E ta inxinaba povu di Israel: ¹²"Rei di reis Artaxerxis pa saserdoti Esdra, skriba di Lei di Deus di seu: ¹³N sa manda ki kalker algen di Israel ki vivi na nha reinu, djuntu ku ses saserdoti y livita, ki kre bai Jiruzalen, podi bai ku bo.¹⁴Ami, rei, y nhas seti konsilheru, N ta manda pa nhos tudu, pa nhos invistiga na Juda y na Jiruzalen a rispetu di Lei di Deus, ki sta na nhos mon. ¹⁵Bu debi leba prata y oru ki rei ku ses konsilheru vuluntariamenti oferese pa Deus di Israel, undi morada sta na Jiruzalen. ¹⁶Alen di tudu prata y oru ki bu ta resebe na pruvinsia di Babilonia, sima kes oferta vuluntariu di povu y si saserdoti pa tenplu di Deus, na Jiruzalen.¹⁷Ku kel rikursu li, bu ta ten kudadu na kunpra boi, korderu, karneru y kes oferta di kumida y bibida. Nhos oferese na altar ki sta na tenplu di nhos Deus, na Jiruzalen. ¹⁸Faze ku restu di prata y oru kuze ki parse-U midjor pa bo y pa bus irmon, di akordu ku vontadi di nhos Deus.¹⁹Nhos intrega, dianti di Deus Jiruzalen, kes obijetu ki nhos dadu pa sirvisu di tenplu di nhos Deus. ²⁰Kalker otu kuza ke nisisariu pa tenplu di nhos Deus, kuze ki nhos kre, ta ser pagu pa tisoru real.²¹Ami, rei Artaxerxis, N ta faze un lei pa tudu tizorerus na pruvinsia dipos di riu Eufratis, ki kalker kuza ki Esdra fla nhos ta ser konsedidu, ²²ti sen talentu di prata, sen korus di kumida, sen batu di vinhu y sen batu di azeti, y sal a vontadi. ²³Tudu ki Deus di seu ordena, ta ser fetu ku zelu pa Se tenplu. Pamodi ki se raiva debia kai riba nha reinu y nhas fidju?²⁴Nu sa ta aviza-S sobri nhos pa nhos ka pui kalker tributu o inpostu pa ninhun di saserdoti, livitas, muzikus, porteru o sobri algen ki skodjedu pa sirvisu di tenplu y pa servus di tenplu.²⁵Esdra, ku sabedoria ki Deus ten konsede-U, numeia magistradus y juizis pa sirvi tudu algen mas lonji di riu Eufratis, alias, tudu kes ki konxi kes lei di nhos Deus. Y inxina-S pa kes ki ka konxe-L. ²⁶Tudu kel ki ka obidese plenamenti lei di nhos Deus y lei di rei ta ser kastigadu o ku morti, o ku iziliu, o ku konfisku di ses rikeza, o ku prison".²⁷Esdra ora y fla: "Benditu e Nhordes, Deus di nos antipasadus, ki pui na kurason di rei es prupozitu di glorifika tenplu di Nhordes, na Jiruzalen, ²⁸y ki stende pa mi fidelidadi di Se aliansa, dianti di rei, di ses konsilherus y di tudu ses prinsipi puderozu. Nhordes ta fortalese-M, nha Deus, y djunta xefis di Israel pa volta ku mi".

¹Kes li e xefi di familia, y keli e jinialujia di kes ki volta ku mi di Babilonia duranti reinadu di Artaxerxis: ²di disendenti di Fineias, Gerson; di disendenti di Itamar, Daniel; di disendenti di Davi, Atus; ³di disendenti di Sikanias, di disendenti di Paros, Zakarias; y, ku el, rijistradu sentu y sinkuenta omi na jinialujia.⁴Di disendenti di Paati- Muabi, Ilioenai, fidju di Ziraias y, ku el, rijistadu duzentus omi. ⁵Di disendenti di Zatu, Sikanias, fidju di Jaaziel y, ku el, rijistradu trizentus omi. ⁶Di disendenti di Adin, Ebedi, fidju di Jonatas y, ku el, rijistradu sinkuenta omi. ⁷Di disendenti di Ilon, Jezaias, fidju di Atalias y, ku el, rijistradu stenta omi.⁸Di disendenti di Sifatias, Zibadias, fidju di Mikael y, ku el, rijistradu oitenta omi. ⁹Di disendenti di Juabi, Obadias, fidju di Jeiel y, ku el, rijistradu duzentus y dizoitu omi. ¹⁰Di disendenti di Bani, Silomiti, fidju di Juzifias y, ku el, rijistradu sentu y sasenta omi. ¹¹Di disendenti di Bibai, Zakarias, fidju di Bibai y, ku el, rijistradu vinti y oitu omi.¹²Di disendenti di Asgadi, Juanaan, fidju di Akatan y, kual, rijistradu sentu y des omi. ¹³Di disendenti di Adonikon, kes ultimu ki txiga: Ilifileti, Jeiel y Simaias, y ku es, ben sasenta omi. ¹⁴Di disendenti di Bigvai, Utai y Zabudi y, ku el, rijistradu stenta omi.¹⁶Esdra fla: "N djunta kes viajantis bera kanal ki ta bai pa Aava, y nu akanpa la pa tres dia. N izamina povu y kes saserdotis, ma N ka atxa la ninhun disendenti di Livi. ¹⁵Nton N manda Iliezer, Ariel, Simaias, Elnatan, Jaribi, Elnatan, Natan, Zakarias y Mezulon - kes ki era lideris - sima Joiaribi y Elnatan ki era mestri.¹⁷Dipos, N manda-s pa Idu, lider di Kasifia. N fla kuze ke pes fla Idu y ses parenti, kes ki ta sirvi na tenplu na Kasifia, pa manda-Nu sirvidoris pa tenplu di Deus.¹⁸Nton es manda-Nu, pa mon di nos bondozu Deus, un omi txomadu Siribias, ki era omi ku juis. El era fidju di Malo, fidju di Livi, fidju di Israel. Sirabia, ku ses fidju y irmon, na numeru di dizoitu. ¹⁹Tanbe es manda Azabias y, ku el, Jizaias, un di kes fidju di Mirari, ku ses irmon y ses fidju, na numeru di vinti. ²⁰Y kes sirvidoris di tenplu, ki Davi y ses ofisial da pa ministeriu di livita: duzentus y vinti, kada un des ki mensionadu nominalmenti.²¹Nton, N pruklama, jijun, djuntu di Kanal di Aava pa nu umilhia dianti Deus pa nu buska se kaminhu dretu, tantu pa nos ku nos kriansa y tudu nos pirtensis. ²²N fika ku burgonha di pidi rei se soldadu ku kavaleru pa proteje-Nu kontra nos inimigu na kaminhu, un bes ki nu fla pa rei: 'Mon di nos Deus sta sobri tudu kes ki ta buska-L y Se puder y Se raiva sta sobri tudu kes ki ta skese-L'. ²³Nton nu faze jijun y nu inplora Deus pa keli, y E atende-nu.²⁴Dipos di kela, N sipara duzi omi di xefi di saserdoti: Siribias, Azabias y des di ses irmon. ²⁵N peza prata, oru, y utensiliu pa tenplu di Deus, ki rei, ses konsilheru, ses ofisial y tudu Israel oferta livrimenti.²⁶Nton N peza y N intrega, na se mon, saisentus y sinkuenta talentu di prata, sen talentu di utensiliu di prata, sen talentu di oru, ²⁷vinti tijela di oru ki djutnu ta bali, pa tudu, mil dariku, y dos vasu di bronzi finu y pulidu, ton prisiozu sima oru.²⁸N fla-s: 'Nhos sta konsagradu pa Nhordes, sima kes utensiliu li. Y es prata y es oru e oferta vuluntariu pa Nhordes, Deus di nhos antipasadu. ²⁹Vijia-s y guarda-s ti ki nhos peza-l na prizensa di xefi di saserdoti, di livita, y di xefis di familia di Israel, na Jiruzalen, na sala di tenplu di Deus'. ³⁰Saserdotis y livitas resebe prata, oru y utensiliu ki staba pezadu, pa traze pa Jiruzalen, pa tenplu di nos Deus.³¹Nu sai di Kanal di Aava na desimu sugundu dia di prumeru mes pa nu bai pa Jiruzalen. Mon di nos Deus staba riba nos. E prutege-nu kontra nos inimigu y kontra kes ki tenta asalta-nu na kaminu. ³²Asi nu entra na Jiruzalen y nu fika la pa tres dia.³³Nton, na kuartu dia, prata, oru y kes utensiliu era pezadu na tenplu di nos Deus, pa mon di Merimoti, fidju di Urias, saserdoti. Ku es staba Iliazar, fidju di Fineias , y livitas Juzabadi, fidju di Jizua, y Nuadias, fidju di Binui. ³⁴Tudu era kontadu y pezadu, y pezu pa tudu rijistradu na kel mesmu ora.³⁵Kes ki volta di kativeru, povu di iziliu, oferese sakrifisiu pa Deus di Israel: duzi nuvidju pa tudu Israel, nuventa y sais karneru , stenta y seti korderu, y duzi bodi na sakrifisiu. Tudu era oferesidu na sakrifisiu pa Nhordes. ³⁶Nton, es intrega dikretu rial pa kes mas altu ofisial y guvernadoris di pruvinsia des ladu di riu Eufratis, y Es djuda povu y tenplu di Deus".

¹Kantu kes kuza tirmina, kes xefis para-M y es fla: "Povu di Israel, saserdoti y livita ka sipara di povu di otu tera y ses disprezu: kananeus, eteus, periseus, jibuseus, amunitas, muabitas, ijipisius y amureus. ²Pamodi es toma alguns di ses fidja y es djunta povu santu ku povu di otu tera, y ses xefi y lider kumesa ku kel infidelidadi".³Kantu N obi kela, N ratxa nha ropa y nha mantu y rinka kabelu di nha kabesa y barba. Nton, N xinta ku burgonha. ⁴Tudu kes ki treme dianti di palavras di Deus di Israel aserka des infidelidadi es djunta pa mi inkuantu N staba xintadu ku burgonha ti sakrifisiu di tardi.⁵Ma, na ora di sakrifisiu di tardi, N labanta di nha puzison di umilhiason na nhas ropa y nha mantu ratxadu, N duedja y N labanta nhas mon pa Nhordes, nha Deus. ⁶N fla: "Nha Deus, N sta xinti burgonha y disgrasa pa labanta nha rostu pa Bo, pamodi nos maldavesa omenta riba nos kabesa, y nos kulpa dja kria ti seu.⁷Desdi dia di nos antipasadu ti gosi, nu sta na grandi kulpa. Na nos malvadesa, nos, nos rei y nos saserdoti nu intregadu na mon di reis nes mundu, pa spada, pa kativeru, y pa pilhajen y pa rostu di burgonha sima nu sta oji.⁸Pamodi, gosi, pa un kurtu piriudu di tenpu, mizerikordia di Nhordes, nos Deus, ben pa dexa subriviventi y pa da-Nu un puzison na Se lugar sagradu. Kela sirvi pa nos Deus ilumina nos odju y da-Nu un poku di diskansu na nos skravidon. ⁹Pamodi nos e skravu, ma nos Deus ka skese di nos, pamodi E ten stendedu Se aliansa di fidelidadi pa ku nos. E faze keli na frenti rei di Persia, pa ki nu podi rikonstrui tenplu di nos Deus y labanta Ses ruina. E faze keli pa pode da-Nu un muru di proteson na Juda y na Jiruzalen.¹⁰Gosi, o nos Deus, kuze ki nu podi fla dipos di keli? Nu skesi di Bus mandamentus, ¹¹kes mandamentu ki Bu da pa bus servus, prufetas, kantu Bu fla: 'Es tera ki nhos sa ta entra pa pusui e un tera inpuru. E sta kontaminadu pa povu ki ta mora ne-L ku ses disprezu. Di un ladu pa kel otu, es ta intxi di ses inpureza. ¹²Gosi, nton, ka nhos intrega nhos fidja pa ses fidju; ka nhos toma ses fidja pa nhos fidju y ka djobi krisenta pas y ben-star, pa nhos fika forti y kume midjor di tera. Asi, nhos disendenti ta ben pusui tera pa tudu senpri'.¹³Timodi, dipos di tudu ki kontise na virtudi di nos obra mau y nos grandi kulpa - dja ki Bo, nos Deus, E ka dexa kuza ki nos pekadu mereseba y Bu pirmiti-Nu subrivivi - ¹⁴nu debia kebra Bus mandamentu y faze kazamentu mistu ku es algen mau? Bu ka ta fikaba txeu xatiadu y mata-Nu pa ka resta ninhun di nos, pa nu ka binha fuji?¹⁵Nhordes, Deus di Israel, Bo e justu, pamodi nu permanese sima poku subriviventi nes dia. Odja! Nu sta li, dianti di Bo, na nos kulpa, timodi nu sabe ki ka ten ningen ki pode sta dianti di bo trokadu keli".

¹Inkuantu Esdra staba ta ora y ta konfesa, E staba ta txora y ta prostra frenti di tenplu di Deus. Munti omi, mudjer y kriansa israelita, fika djuntu kual, y povu txora ku amargura. ²Sikanias, fidju di Jeiel, disendenti di Ilon, fla Esdra: "Nu bira infiel a nos Deus y nu ten kazadu ku mudjeris stranjeras di povo di otus tera. Ma gosi, trokadu keli, inda ten speransa pa Israel.³Nton, gosi dexa-nu faze un aliansa ku nos Deus pa manda sai tudu mudjeris y ses fidju di akordu ku konsedjus di Nhordes y konsedjus di kes ki ta teme mandamentu di nos Deus, y pa fazedu di akordu ku Lei. ⁴Labanta, pamodi keli e bu trabadju, y nu sta ku bo. Ser forti y faze keli!"⁵Nton, Esdra labanta y faze kes prinsipal saserdoti, livitas, y tudu algen di Israel prumeti faze des manera. Asi, tudu es faze un juramentu ofisial. ⁶Esdra labanta dianti di tenplu di Deus y E bai pa kuartu di Juanaan, fidju di Iliazabi. E ka kume pon y nen E ka bebe agu pamodi E staba ta lamentaba infidelidadi di kes ki volta di kativeru.⁷Des manera, es anunsia na Juda y Jiruzalen, pa tudu povu ki volta di iziliu, ki tudu algen riuniba na Jiruzalen. ⁸Kalker un ki ka ben di tres dia, di akordu ku konsedju di kes ofisial y ansion, ta perdi tudu ses pirtensis y ta dexadu fora di grandi kongregason di povu ki volta di iziliu.⁹Nton, tudu kes omi di Juda y di Benjamin, na tres dia, riuni na Jiruzalen. Era vijesimu dia di nonu mes. Tudu povu staba sakedu na prasa, frenti tenplu di Deus, y Es tremi trokadu des palavra y di txuba. ¹⁰Esdra, saserdoti, labanta y E fla: "Nhos me kumeti traison. Nhos vivi ku mudjeris stranjera, y asi kulpa di Israel fika mas txeu.¹¹Ma gosi, nhos konfesa nhos pekadu pa Nhordes, Deus di nhos antipasadu, y faze Se vontadi. Nhos sipara di povu di tera y di mudjeris stranjera".¹²Tudu kongregason rusponde ku vos altu: "Nu ta faze sima Bu fla. ¹³Ma, ten un povu grandi y e tenpu di txuba. Nu ka ten komu fika di parti fora, y E ka apenas un ku dos diadi trabadju, pamodi txeu di nos ten diskunpridu grandimenti nes asuntu.¹⁴Nton dexa nos lideris riprizenta tudu kongregason. Tudu kes ki pirmiti ki mudjeris stranjeras vivi na gentis grandi y juizis di sidadi, ti ki furia di nos Deus afasta di nos". ¹⁵Jonatas, fidju di Azael, y Jazeias, fidju di Tikva, apoiadu pa Mezulon y Sabetai, livita, fika kontra keli.¹⁶Y asi faze povu ki volta di iziliu. Esdra, saserdoti, skodje omis, xefis di familia, sugundu kaza di ses antipasadu, tudu es identifikadu pa nomi, y es izamina asuntu na prumeru dia di desimu mes. ¹⁷Na prumeru dia di prumeru mes, es tirmina invistigason tudu kazus di omi ki ta viveba ku mudjeris stranjera.¹⁸Na meiu di disendenti di saserdoti staba kes ki viveba ku mudjeris stranjeras: na meiu di disendenti di Jizua, fidju di Juzadaki, y ses irmon staba Mazeias, Iliezer, Jaribi y Jidalias. ¹⁹Nton es disidi pui ses mudjer na kaminhu. Un bes ki es era kulpadu, es oferese un karneu di ribanhu pa si kulpa.²⁰Entri disendenti di Imer: Anani y Zibadias. ²¹Entri disendenti di Arin: Mazeias, Ilias, Simaias, Jeiel y Uzias. ²²Entri disendenti di Pasur: Ilioenai, Mazeias, Ismael, Nitanel, Juzabade y Iliaza.²³Entri livitas: Juzabadi, Simei, Kilaias, tanbe ta txomadu Kilita, Pitaias, Juda y Iliezer. ²⁴Entri kantoris: Iliazibi. Porteru: Salun, Telen y Uri. ²⁵Entri restu di israelita, entri disendenti di Paros: Ramias, Jezias, Malkias, Miamin, Iliazar, Azabias y Biana.²⁶Entri disendenti di Ilon: Matanias, Zakarias, Jeiel, Abdi, Jirimoti y Ilias. ²⁷Entri disendenti di Zatu: Ilioenai, Iliazibi, Matanias, Jirimoti, Zabadi y Aziza. ²⁸Entri disendenti di Bibai: Jioanaan, Ananias, Zabai y Atlai. ²⁹Entri disendenti di Bani: Mezulon, Maluki, Adaias, Jasubi, Sial y Jirimoti³⁰Entri disendenti di Paati-Muabi: Adina, Kelal, Benaia, Mazeias, Matanias, Bizalel, Binui y Manases. ³¹Entri disendenti di Arin: Iliezer, Issias, Malkias, Simaias, Simion, ³²Benjamin, Maluki y Semarias.³³Entri disendenti di Azun: Matenai, Matata, Zabdi, Elifileti, Jirimai, Manases y Simei. ³⁴Entri disendenti di Bani: Madai, Anron, Uel, ³⁵Binaia, Bedias, Kilui, ³⁶Vanias, Mirimoti, Iliazibi,³⁷Matanias, Matinai y Jaazai. ³⁸Entri disendenti di Binui: Simei, ³⁹Silimias, Natan, Adaias, ⁴⁰Maknadbai, Sazai, Sarai,⁴¹Azareel, Silimias, Simarias, ⁴²Salun, Amarias y Juze. ⁴³Entri disendenti di Nebu: Jeiel, Matitias, Zabadi, Zibina, Jadai, Juel e Benaias. ⁴⁴Tudu kes li ranja mudjeris stranjera y es ten fidju ku algun des.

¹Palavra di Neemia, fidju di Akalia. Kuntise na mes di kisleu, na anu vinti y kuatu, kantu N staba na fortaleza di sidadi di Suzan, ²kantu un di nhas irmon, Anani, ben ku alguns pesoas di Juda, y N purgunta-s pa judeus ki skapaba, restu di judeu ki staba la, y sobri Jiruzalen.³Es fla-m: Kes ki subrevivi di kativeru, sta la na pruvinsia ku txeu difikuldadi y disgrasa, pamodi murus di Jiruzalen sta ronbadu ku ses porton tudu kemadu.⁴Y kantu N obi kes palavra li, N xinta y N kumesa ta txora pa monti dia. N fika di lutu di jijun, ta ora dianti di Deus di séu. ⁵N fla: Nhordes, Deus di séu, Deus ki é grandi y maravilhozu, Bu ta mante Bu aliansa y Bu biniginidadi ku kes ki ta ama-U y ta guarda Bus mandamentus.⁶Sukuta nha orason y abri Bus odjus, pa ki Bu pode sukuta orason di Bu servu, ki sa ta ora bu dianti, di dia ku noti, pa povu di Israel, Bus servu. N sa ta konfesa pekadus di povu di Israel, pamodi nu peka kontra Bo. Ami ku kaza di nha pai nu peka. ⁷Nu ten ajidu ku runhesa kontra Bo, y nu ka ten guardadu mandamentus, lei ku rigulamentu ki Bu da pa Bu servu Muzes.⁸Purfavor, lenbra di bu palavra ki bu flaba pa Bu servu Muzes: Si nhos aji ku infidilidadi, N ta spadja nhos pa meiu di povus, ⁹ma, si nhos volta pa Mi y nhos sigi Nhas mandamentus y nhos pratila-l, sikre nhos povu sta spadjadu pa lugar mas lonji dibaxu di séu, N ta torna djunta nhos y N ta traze nhos pa lugar ki N skodjeba pa N stabelese Nha Nomi.¹⁰Es é Bus servu y Bu povu, kenha ki Bu risgata ku Bu grandi puder y ku Bu mon forti. ¹¹Nhordes, N ta inplora-u, obi gosi orason di Bu servu y orason di Bus servu ki ten prazer na onra Bu nomi. Faze Bu servu ten susesu oji, y faze-l atxa mizerikordia dianti di es ómi. Ami N era inpregadu ki ta sirbiba bebida pa rei.

¹Na mes di Nizan, na anu vinti di rei Artaxerxi, kantu rei silesiona vinhu, N pega-l y N da pa rei. Ami nunka N ka tenba fikadu tristi dianti di el. ²Ma, rei fla-m: Pamodi ki bu rosta sta tristi? Bu ka sa ta parse duenti. Debe ser tristeza di kurason. Nton, N intxi di medu.³N fla pa rei: Ki rei viva pa senpri! Moki nha rostu ka ta sta tristi? Sidadi, undi sta sipultadu nhas genti grandi, sta ronbadu, y ses porton kemadu ku lumi.⁴Nton, rei fla-m: Kuze ki bu kre pa N faze? N ora pa Deus di séu. ⁵Nton, N rusponde pa rei: Si ta parse dretu pa rei, y si bu servu ten agradadu bus odjus, nho majistadi pudia mandaba mi pa Judá, sidadi undi nhas gentis grandi sta interadu, pa N pode kunstrui-l di nobu. ⁶Rei rusponde-m ( y rainha sgtaba xintadu na se ladu): Pa kantu tenpu bu ta fika fora y ki tenpu bu ta volta? Rei fika filis di manda-m kantu ki N da-l data.⁷Nton, N fla pa rei: Si for di agradu di rei, é bon ki fazedu kartas y da-m, pa N pode intrega pa guvernadoris di pruvínsias ki ta fika situadu dipos di riu, pa es pode pirmiti-m pasa pa ses teritórius, na nha kaminhu pa Juda. ⁸Ki na meiu di kes karta, pudu tanbe un karta pa Azafi, guarda di floresta di rei, pa ki e pode da-m madera pa faze viga di porta di fortaleza paertu di tenplu, y pa paredi di sidadi, y pa kaza undi ki ta bai mora. Nton, trokadu bon mon di Deus ki staba ku mi, rei atende nhas pididus.⁹¹⁰N bai ti guvernadoris di pruvínsia ki fika situadu dipos di riu, y N da-s karta di rei. Y djuntu ku mi, rei manda uns ofisial di izérsitu ku kabaleiru. Kantu Sanbalati, kel oronita, y Tubias, ofisial amunita, obi di kel-la, es fika iradu, pamodi txiga algen ki kreba djuda povu di Israel.¹¹Nton, N bai pa Jiruzalen, y N fika la pa tres dia. ¹²N labanta di noti, ami ku alguns ómis. N ka konta ningen kuze ki Deus pui na nha kurason pa N faze na Jiruzalen. N ka tenba ninhun animal ku mi, alen di kel animal ki N staba muntadu riba di el.¹³N sai di noti pa porta di Vali, na direson pa fonti di Dragon y pa porta di Bosta y N izamina muru di Jiruzalen, ki dadu ku el na txon, y kes porta di madera ki lumi kema. ¹⁴Nton N bai ti porta di Fonti, y pa barajen di rei. Ma, pamodi lugar era txeu stretu, N ka tenba moda pasa ku animal ki N sataba muntadu na el.¹⁵Nton, nu bai na kel noti pa rubera y izamina muru, y N volta y N kanba pa porta di Vali, y asi N volta. ¹⁶Guvernantis ka sabeba undi ki N baba o kuze ki N bai faze, y ami inda ka informaba pa judeus, nen pa saserdoti, nen pa nobris, nen pa guvernantis, y nen pa kes otu ki N sa ta bai faze kel trabadju.¹⁷N fla-s: Nhos odja prublema ki nu sta na el, sima Jiruzalen sta ruinadu y moda ki ses porton sta distruidu pa lumi. Nhos ben, nu ben kunstrui muru di Jiruzalen pa nu ka vive mas na es disgrasa. ¹⁸N konta-s ki bon mon di Nha Deus staba riba mi, y tanbe riba palavras di rei, ki e fla-m. Es fla: Nu labanta y nu kunstrui muru. Nton, es fortalese mon pa pega na obra.¹⁹Ma, kantu Sanbalati, kel oronita, y Tubias, kel ofisial, y Gezen, kel árabi, obi kel-li, es faze-nu trosa, es dispreza-nu y es fla: Kuze ki nhos sa ta faze? Nhos sa ta rebela kontra rei? ²⁰Y N rusponde-s: Deus di séu ta faze-nu tan susesu. Anos é Ses servu y nu ta labanta y nu ta kunstrui. Ma anhos, nhos ka ta ten parti, nen direitu y nen memorial na Jiruzalen.

¹Nton, Iliazibi, xefi di saserdoti, dispunibiliza, esl ku ses irmon saserdoti, y es idifika strutura di Porta di Ovelhas. Es konsagra-l y es pui porta na lugar. Es konsagra tori di sen, y es kuntinua pa tori di Ananel. ²Djuntu di es, ómis di Jeriko trabadja, y dianti di es, Zakur, fidju di Inri.³Fidjus di Asenaá kunstrui Porta di Pexi. Es pui viga na lugar y es instala porta ku ses feru y ku tranka. ⁴Meremote konpu parti ki staba di ladu, el ki é fidju di Urias, fidju di Akos. Y kel otu parti di ladu, Mezulon, fidju di Berekias, fidju di Mesezabel, konpo-l. ⁵Tekoítas kunstrui kel otu parti ki ta fika dipos, ma ses líder rikuza faze trabadju ordenadu pa ses supervizor.⁶Joiada, fidju di Pazeia y Mezulon, fidju di Bezodeias, konpu Porta Bedju. Es pui vigas y es pui porta, feru ku tranka na lugar. ⁷Pertu di es, Melatias, kel jibionita, y Jadon, kel merenotita, ómi di Gibeon y Mispa, konpu parti undi guvernador di pruvínsia ki ta moraba dipos di riu.⁸Pertu di el, Uziel, fidju di Araías, un di kes orives, kunstrui, y pertu di el, staba Ananias, un perfumista. Es kunstrui Jiruzalen ti muru Largu. ⁹Refaías, fidju di Ur, kunstrui pertu di es. El era guvernador di metadi di distritu di Jiruzalen. ¹⁰Djuntu di el, Jedaías, fidju di Arumafi, kunstrui pertu di se kaza. Pertu di el, Atus fidju di Azabineias, kunstrui.¹¹¹²Malkias, fidju di Arin y Asubi, fidju di Paati-Muabi kunstrui otu parti di tori di Fornus. Pertu di es, Salun fidju di Aloés, guvernador di metadi di distritu di Jiruzalen, kunstrui ku djuda di ses fidja.¹³Anun y muradoris di Zanoa kunstrui Porton di Vali. Es kunstrui-l, es pu-l ses porta, feru y tranka. Es konpu mil kôvadu ti Porton di Bosta.¹⁴Malkias, fidju di Rekabi, guvernador di distritu di Beti-Akeren, konpu porton di Bosta. E kunstrui-l, e pui ses portas, feru y tranka. ¹⁵Salun, fidju di Kol-Ozi, guvernador di distritu di Mispa, kunstrui Porta di Fonti. E kunstrui-l, e pui porta, feru y tranka. El tanbe kunstrui muru di tanki di Siloe, di jardin di rei, ti skada ki ta dixi pa sidadi di Davidi.¹⁶Neemias, fidju di Asbuki, guvernador di metadi di distritu di Beti-Zur, konpu ti di frenti pa koba di Davidi, ti diki artifisial, y ti kaza di soldadu. ¹⁷Dipos di el, livitas kumesa ta konpu: Reun, fidju di Bani y pertu di el Azabias, guvernador di metadi di distritu di Keila, konpu dentu se distritu.¹⁸Dipos di el, ses konpatriotas konpu djuntu ku Bavai, fidju di Enadadi, guvernador di metadi di distritu di Keila. ¹⁹Pertu di el Ézer, fidju di Jezua, guvernador di Mispa, konpu otu parti di frenti di subida pa arsinal, ti skina di muru.²⁰Dipos di el, Baruki, fidju di Zabai, ku txeu didikason konpu na otu parti, desdi skina di muru ti porta di kaza di Iliazibi, xefi di saserdoti. ²¹Dipos di el, Meremoti, fidju di Urias, fidju di Akos, konpu na otu ladu, desdi porta di kaza di Iliazibi ti finda.²²Pertu di el, saserdoti ki ta moraba na redor di Jiruzalen konpu. ²³Dipos di es, Benjamin ku Asubi konpu di frenti di ses propri kaza. Dipos di es Azarias, fidju di Maazeias, fidju di Ananias, konpu pertu di se propri kaza. ²⁴Dipos di el, Binui, fidju di Enadadi konpu na otu parti, desdi kaza di Azarias ti skina di muru.²⁵Palal, fidju di Uzai, konpu di frenti di skina ku tori alta, ki ta stende pa la di kaza real superior, pertu di korti di guarda. Se tras, Pedaías, fidju di Paros, konpu. ²⁶Servus di tenplu ki ta moraba na Ofel, konpu ti di frenti di Porta di Ágia pa lesti di tori. ²⁷Dipos di es, tekoítas konpu na otu parti, kontrariu di grandi tori, ki sta pa riba di muru di Ofel.²⁸Saserdotis konpu riba Porta di Kabalus; kada un na frenti di se kaza. ²⁹Dipos di es Zadoki, fidju di Imer, konpu na parti na frenti pa se propri kaza. Y parti ki ta fika dipos di el, Semaías, fidju di Sekanias, guarda di porta lesti, konpu. ³⁰Dipos di es, Ananias, fidju di Selemias, ku Anun, sestu fidju di Zalafi, konpu na otu parti. Dipos di es, Mezulon, fidju di Berekias, konpu na frenti pa se murada.³¹Dipos di el, Malkias, un di kes orives, konpu di kaza di servu di tenplu y di merkadoris ki staba na frenti pa Porta di Guarda ti tori di vijia di skina. ³²Y orives ku komersiantis konpu entri tori di vijia di skina y Porta di Ovelhas.

¹Y, kantu Sanbalati obi ki nu staba ta kunstrui muru, dentu di el ardi, e fika txeu iradu y e faze trosa di judeus. ²Na prizensa di ses irmon y di izérsitu di Samaria, e fla: Kuze ki es judeus frakus sa ta faze? Es sa ta bai restaura sidadi pa es me? Es ta bai oferese sakrifisiu? Es ta bai tirmina trabadju na un dia? Es ta bai risusita pedras di monti di lixu, dipos di sta tudu kemadu? ³Tubias, kel amonita staba ku el y fla-l: Si so un rapoza subi riba di nhos kunstruson, nhos muru di pedra ta kebra.⁴Obi, nos Deus, pamodi nu sa ta ser disprezadu. Faze volta es ofensa riba di ses propri kabesa y larga-s pa ki es pode ser lebadu pa un tera undi es ta ser prizioneiru. ⁵Ka Bu kubri ses malvadesa y ka Bu apaga ses pekadu di Bu dianti, pamodi es provoka ira di kes ki staba ta kunstrui. ⁶Nton, nu kunstrui muru, y muru interu staba unidu ti metadi di se altura, pamodi povo staba animadu pa trabadja.⁷Ma, kantu amonitas ku asdoditas obi ki trabadju di konpu mudu di Jiruzalen staba avansadu y ki kes lugar ki staba kebradu na muru staba ta ser fitxadu, es ardi di ira. ⁸Es fepu es djunta y es trama; y nton es ben pa es ben luta kontra Jiruzalen y pui kunfuson. ⁹Ma nu ora pa nos Deus y nu pui guarda pa proteje-nu kontra es di dia ku noti, trokadu ses amiasa.¹⁰Nton, pesoas di Juda fla: Forsa di kes ki sa ta karega pezu sa ta diminui, ten txeu lixu y nos é ka kapas di kunstrui muru. ¹¹Y nos inimigus sa ta fla: Es ka ta sabe o es ka ta odja ti ki nu entra na ses meiu, y nu mata-s, y faze-s para trabadju.¹²Na kel tenpu, judeus ki ta moraba pertu di es ben di tudu direson y fala ku nos des bes, ta alerta-nu di skema ki es staba ta faze kontra nos. ¹³Nton, N puzisiona pesoas na kes parti mas baxu di muru, na kes ária ispostu. N puzisiona kada família ku ses spada, seta y arku. ¹⁴Nton, N odja, N fika sakedu y N fla pa nobris, pa guvernadoris y restu di povu: Ka nhos xinti medu di es. Nhos lenbra di Sinhor, ki é grandi y tremendu. Nhos luta pa nhos família, pa nhos fidjus y pa nhos fidjas, pa nhos spoza ku nhos kaza.¹⁵Y kuntise ki, dipos ki nos inimigus obi ki dja nu fika ta sabe di ses planus y ki Deus frustra ses planus, nos tudu nu volta pa muru, kada un pa se trabadju. ¹⁶Desdi kel dia, metadi di nhas servus trabadja so pa kunstrui muru, y otu metadi di ómis ta siguraba setas, skudu y arku y ta uzaba armadura, timenti líderis ta daba apoiu pa tudu povu di Juda.¹⁷Kes mesmu trabadjadoris ki kunstrui muru y ki ta karegaba karga, tanbe ta guardaba ses pozison. Kada un ta trabadjaba ku un mon, y ku kel otu mon, ta siguraba na arma. ¹⁸Kada kunstrutor ta uzaba se spada na ladu y asi ki es ta trabadjaba. Kel ki ta tokaba trunbeta ta fikaba na nha ladu.¹⁹N fla pa nobris, pa ofisiais, y restu di pesoas: Trabadju sta grandi y kunpridu, y nos nu sta siparadu na muru, lonji di kunpanheru. ²⁰Nhos debe kori pa lugar di undi nhos obi son di trunbeta y nhos djunta la. Nos Deus ta luta pa nos.²¹Nton, nu pega na obra pa faze trabadju. Metadi di es ta sigurab seta desdi di antimanxi ti boka-noti. ²²Ami tanbe N fla pa pesoas na kel tenpu: Ki kada ómi ku se servu pasa noti na meiu di Jiruzalen, pa ki es pode ser nos guarda duranti noti y trabadja duranti dia. ²³Nton, nen ami, nen nhas irmon, nen nhas servus, nen ómis di guarda ki ta sigiba ami, ninhun di nos, nu troka ropa, y kada un di nos ta karegaba se arma, sikre pa bai bebe águ.

¹Nton, ómis ku ses spoza labanta un grandi gritu kontra ses kunpanheru judeus. ²Pamodi tenba alguns ki sa ta flaba: Ku nos fidjus y fidjas, anos é monti. Nton, dexa-nu pega gron pa nu ka mori y nu mante vivu. ³Tanbe tenba alguns ki sa ta flaba: Nu sa ta da garantia, nos kanpu, nos vinhedu y nos kaza pa nu troka ku gron pa nu ka pasa fomi.⁴Otus tanbe sa ta flaba: Nu inprista dinheru pa paga inpostu di rei riba nos kanpu y nos vinhedu. ⁵Ma, anos é di mesmu karni ku sangi sima es, nos kriansa é mesmu ki nhos kriansa. Nu sa ta ser forsadu pa bende nos fidju ku nos fidjas pa es bai torna skravu. Alguns di nos fidja dja sta ta ser skravizadu. Y nu ka tini puder di djuda pamodi kes otus ómis, gosi, é donu di nos kanpu y nos vinhedu.⁶N fika txeu iradu kantu N obi se gritu y kes palavra la. ⁷Nton, N matuta sobri kel-li y N traze akuzason kontra nobris ku ofisiais. N fla-s: Nhos ta kobra juru, kada un di nhos propri irmon. N organiza un grandi asenbleia kontra es ⁸y N fla-s: Anos, tudu nos ki tenba kondison, nu kunpra di volta nos irmão judeus di skravidon, ki es bendedu pa povus, ma nhos di nobu nhos ta bende nhos irmon ku nhos irma, o es ta ser bendedu di volta pa nos? Es fika kaladu y es ka atxa un palavra pa es rusponde.⁹Ami tanbe N fla: Kuza ki nhos sa ta faze é ka bon. Nhos ka debeba andaba na temor di nos Deus, pa ivita difamason di povus ki é nos inimigus? ¹⁰Ami, nhas irmon y nhas servus nu inprista-s dinheru ku gron. Ma nu debe para di kobra juru riba nos inprestimu. ¹¹Nhos divolve-s oji me, ses kanpu, ses vinhedus, ses pomaris di olivia, ses kazas y pursentajen di dinheru, di gron, di vinhu nobu y di azeti ki nhos tra di es.¹²Nton, es fla: Nu ta divolve kuze ki nu tra di es y nu ka ta pidi-s nada. Nu ta faze sima bu fla. Nton, N txoma saserdotis y N faze-s jura pa es faze sima es prumete. ¹³N sakudi dobra di nha mantu y N fla: Nton, ki Deus sakudi di kaza i di posi, tudu ómi ki ka mante se prumesa. Ki el pode ser sakudidu y svaziadu. Tudu asenbleia fla: Amen, y es lova Nhordes y pesoas faze sima es tenba prumetidu.¹⁴Nton, di tenpu ki N indikadu pa ser guvernador na tera di Juda, di anu vinti ti anu trinta y dos di Artaxersis, ki era rei, duze anu, nen ami, nen nhas irmon nu kume kumida guvernador ten direitu. ¹⁵Ma guvernadoris ki ben antis, ki staba antis di mi, pui obrigason pizadu riba povu y es toma di es kuarenta siklus di prata pa se kumida ku vinhu diáriu. Ti ses servus ta oprimiba pesoas. Ma ami N ka faze asi trokadu di temor pa Deus.¹⁶Ami tanbe N kuntinua ta trabadja na muru, y nu ka kunpra ninhun tera. Y tudu nhas servu staba djuntadu la pa trabadja. ¹⁷Na nha meza staba judeus ku ofisiais, sentu y sinkuenta ómis, alen di kes ki ben ti nos na meiu di povus ki staba na nos redor.¹⁸Nton, kuze ki era priparadu tudu dia era un boi, sais ovelhas ki era skodjedu y tanbe avis, y pa kada des dia, tudu tipu di vinhu avontadi. Y sime, pa tudu kel-li, N ka iziji alimentu di governador, pamodi izijensia era txeu pizadu riba di povu. ¹⁹Lenbra di mi, nha Deus, pa senpri, pa tudu ki N faze pa es pesoas.

¹Gosi go, kantu Sanbalati, Tubias y Gezen, kel árabi, y restu di nos inimigus obi ki N kunstrui muru y ki ka tenba ninhun parti ki dexadu abertu, inda ki N ka tenba pudu portas na portons, ²Sanbalati y Gezen manda-m rekadu, ta fla: Ben inkontra ku nos na algun lugar na planisi di Onu. Es staba ta pretendeba faze-m mal.³N manda mensajerus pa es, ta fla: N sta okupadu ta faze un grandi obra y N ka pode bai. Pamodi ki trabadju ta para timenti N ta dexa-l pa N bai atxa nhos? ⁴Es manda-m kel mesmu kunviti kuatu bes, y N rusponde-s di mesmu manera tudu bes.⁵Sanbalati manda se servu pa mi di mesmu manera pa kintu bes, ku un karta abertu na se mon. ⁶Na karta staba skrebedu: Sa ta fladu na meiu di povus, y Gezen tanbe fla, ki abo ku judeus sa ta planeja rabela, purisu nhos sa ta kunstrui muru. Pamodi es relatoriu sa ta fla, ma bu kre bira ses rei.⁷Y bo tanbe bu skodje prufeta pa grita riba bo na Jiruzalen, ta fla: Izisti un rei na Juda! Fika ta sabe di ki rei ta obi es relatóriu. Purtantu, ben y nu kunbersa ku kunpanheru.⁸Nton N manda un mensaji pa el, ta fla: Kuzas ka kuntise sima bu fla, pamodi na bu kurason, bu inventa-s. ⁹Pamodi tudu es kreba dexa-nu ku medu, ta pensa: Es ta bai tra ses mon di faze trabadju, y obra ka tirmina. Ma gosi go, Deus, purfavor, fortalese nhas mon.¹⁰N bai kaza di Semaías, fidju di Delaías, fidju di Meetabel, ki staba trankadu na se kaza. E fla: Nu bai inkontra na kaza di Deus, dentu di tenplu, y nu fitxa porta di tenplu, pamodi es sa ta ben pa mata-u. Di noti, es sa ta ben pa mata-u. ¹¹N ruspondi: Un ómi sima ami, ta fuji? Y un ómi sima ami, ta bai pa tenplu so pa salva se vida? N ka sta bai!¹²N persebe ki ka era Deus ki manda-l, ma ki e staba ta prufetiza kontra mim. Tubias ku Sanbalati tenba kontratadu el. ¹³Es kontrata-l pa dexa-m ku medu, pa ki N podeba faze kuze ki es fla y pekaba, y nton es ta tenba mutivu di daba ami N un mau nomi, pa es pode umilha-m. ¹⁴Lenbra di Tubias ku Senbalati, nha Deus, y di tudu ki es faze. Tanbe, lenbra di prufetisa Noadia y di restanti di prufetas ki tenta dexa-m ku medu.¹⁵Nton muru fika finalizadu na dia vinti y sinku di mes di Elul, dipos di sinkuenta y dos dia. ¹⁶Kantu tudu nos inimigus obi sobri kel-li, tudu povus ki di nos redor, fika ku medu y txeu dizanimadu na ses propri manera di pensa. Pamodi es sabeba ki trabadju fazedu ku djuda di nos Deus.¹⁷Tanbe, na kes dia, nobri di Juda manda txeu karta pa Tubias y Tubias tanbe rusponde-s ku karta. ¹⁸Pamodi izistiba txeu na Juda ki era vinkuladu ku el pa un juramentu, pamodi el era jenru di Sekanias, fidju di Ara. Se fidju, Juanan, toma pa ser se spoza fidja di Mezulon, fidju di Berekias. ¹⁹Es tanbe fla-m sobri se bon trabadju y es relata nhas palavras di volta pa el. Tubias tanbe skrebe-m kartas pa intxi-m di medu.

¹Kantu ki muru tirmina y N pui portas na lugar, y porteirus, kantoris y livitas numiadu; ²N da nha irmon Anani kontroli riba Jiruzalen, djuntu ku Ananias ki era xefi di fortaleza, pamodi era un ómi fiel y ki ta temeba Deus mas di ki monti.³Y M fla-s: Ka nhos abri portons di Jiruzalen ti ki sol kema. Timenti porteirus sta di guarda, nhos pode fitxa porta y inpidi entrada. N dizigina guarda di kes ki ta mora na Jiruzalen, alguns na se postu di guarda y otus na frenti di ses propri kaza. ⁴Sidadi era anplu y grandi, ma tenba poku algen na el y ninhun kaza ka staba kunstruidu inda,⁵Nha Deus pui, na nha kurason, di djunta nobris, ofisiais y povu pa rejistra-s di akordu ku ses familia. Y N atxa livru di jinealojia di kes ki voltaba prumeru y na livru N atxa skrebedu asi:⁶Kel-li é povu di pruvinsia ki sai di kativeru, ki Nabukodonozor, rei di Babilonia, leba pa izíliu. Es volta pa Jiruzalen y Juda, kada un pa se sidadi. ⁷Es ben ku Zorobabel, Jezua, Neemias, Azarias, Raamias, Naamani, Mardokeu, Bilsan, Mispereti, Bigivai, Neun y Baana. Númeru di ómis di povu di Israel inkluiba:⁸disendenti di Paros, dos mil y sentu y sasenta y dos; ⁹disendenti di Safatias, trezentu y stenta y dos; ¹⁰disendenti di Ara, seisentus y sinkuenta y dos;¹¹disendenti di Paati-Muabi, pa meiu di disendensia di Jezua y di Juabi, dos mil y oitusentus y dizoitu; ¹²disendeti di Elon, mil y duzentus y sinkuenta y kuatu; ¹³disendenti di Zatu, oitusentus y kuarenta y sinku; ¹⁴disendenti di Zakai, setusentu y stenta;¹⁵disendenti di Binui, seisentu y kuarenta y oitu; ¹⁶disendenti di Bebai, seisentus y vinti y oitu; ¹⁷disendenti di Asgadi, dos mil trezentus y vinti y dos; ¹⁸disendenti di Adonikon, seisentus y sasenta y seti¹⁹disendenti di Bigivai, dos mil y sasenta y seti; ²⁰disendenti di Adin, seisentus y sinkuenta y sinku; ²¹disendenti di Ater, di Izekias, noventa y oitu; ²²disendenti di Azun, trizentus y vinti y oitu;²³disendenti di Bezai, trizentus y vinti y kuatu; ²⁴disendenti di Arifi, sentu y duze; ²⁵disendenti di Gibeon, noventa y sinku; ²⁶ómis di Belen y di Netofa, sentu y oitenta y oitu.²⁷ómis di Anatoti, sentu y vinti y oitu; ²⁸ómis di beti-Asmaveti, kuarenta y dos; ²⁹ómis di Kiriati-Jiarin, Sefira y Beeroti, setusentus y kuarenta y tres; ³⁰ómis di Rama ku Geba, seisentus y vinti y un;³¹ómis di Mikimas, sentu y vinti y dos; ³²ómis di Betel ku Ai, sentu y vinti y tres; ³³ómis di otu Nebu, sinkuenta y dos; ³⁴povu di otu Elon, mil duzentus y sinkuenta y kuatu;³⁵ómis di Arin, trizentus y vinti; ³⁶ómis di Jeriko, trizentus y kuarenta y sinku; ³⁷ómis di Lodi, Adidi y Onu, setusentus y vinti y un; ³⁸ómis di Senaa, tres mil novisentus y trinta.³⁹Saserdotis: disendenti di Jedaias (di kaza di Jezua), novisentus y stenta y tres; ⁴⁰disendenti di Imer, mil y sinkuenta y dos; ⁴¹disendenti di Pazur, mil duzentus y kuarenta y seti; ⁴²disendenti di Arin, mil y dizaseti.⁴³Livitas: disendenti di Jezua, pa meiu di Kadimiel, di disendensia di Binui y di Odeva, stenta y kuatu [Na lugar di "disendensia di Binui y di Odeva", alguns verson mudernas ta adota "disendensia di Odeva".] ⁴⁴Kantoris: disendenti di Azafi, sentu y kuarenta y oitu. ⁴⁵Porteirus di disendenti di Salun, disendenti di Ater, disendenti di Talmon, disendenti di Akubi, disendenti di Atita, disendenti di Sobai, sentu y trinta y oitu.⁴⁶Servus di tenplu: disendenti di Zia, disendenti di Azufa, disendenti di Tabaoti, ⁴⁷disendenti di Keros, disendenti di Sai, disendenti di Padon, ⁴⁸disendenti di Lebana, disendenti di Agaba, disendenti di Salmai, ⁴⁹disendenti di Anan, disendenti di Gidel, disendenti di Gaar;⁵⁰disendenti di Reaías, disendenti di Rezin, disendenti di Nekoda, ⁵¹disendenti di Gazon, disendenti di Uza, disendenti di Pazeia, ⁵²disendenti di Bezai, disendenti di Meunin, disendenti di Nefuzezin;⁵³disendenti di Bakebuki, desendenti di Akufa, disendenti di Arur, ⁵⁴disendenti di Basliti, disendenti di Meida, disendenti di Arsa, ⁵⁵disendenti di Barkus, disendenti di Sízera, disendenti di Tama, ⁵⁶disendenti di Nezias, disendenti di Atifa.⁵⁷Disendenti di servus di Salumon: disendenti di Sotai, disendenti di Sofereti, disendenti di Perida, ⁵⁸disendenti di Jaala, disendenti di Darkon, disendenti di Gidel, ⁵⁹disendenti di Sefatias, disendenti di Atil, disendenti di Pokireti-Azebain, desendenti di Amon. ⁶⁰Tudu servus di tenplu y disendenti di servus di Salumon, era trizentus y noventa y dos.⁶¹Kes-li é kes ki ben di Tel-Mela, Tel-Arsa, Kerubi, Adon y Imer, ma es ka pode prova ki es o ses antipasadus era disendenti di Israel: ⁶²disendenti di Delaías, disendenti di Tubias y disendenti di Nekoda, seisentus y kuarenta y dos. ⁶³Y di saserdoti: disendenti di Obaías, di Akos y Barzilai, ki toma pa ser se spoza un di kes fidja di Barzilai, kel gileadita, y pasa ta ser txomadu pa se nomi.⁶⁴Kes-li buska ses rejistru na meiu di kes ki rejistradu di akordu ku se jenialojia, ma ka atxadu, y purisu es tradu di saserdosiu pamodi es atxadu inpuru. ⁶⁵Y guvernador fla-s ki es ka debe ser otorizadu pa kume partt di kumida dentu si sakrifisiu ki ta dadu pa saserdotis, ti ki labantadu un saserdoti ku Urin y Tumin.⁶⁶Tudu asenbleia ki staba djuntadu era kuarenta y dos mil trizentus y sasenta, ⁶⁷alen di ses servus y di ses servas, ki era seti mil trizentus y trinta y seti. Es tenba duzentus y kuarenta y sinku kantoris ku kantoras.⁶⁸Es tenba setusentus y trinta y seti kabalus; duzentus y kuarenta y sinku mulas; ⁶⁹kuatusentus y trinta y sinku kamelus y sais mil setusentus y vinti jumentus.⁷⁰Algusn xefis di kes familia paterna da oferta pa obra. Guvernador da pa tizoraria mil dárikus di oru, sinkuenta basia y kinhentus y trinta bistidon saserdotal. [Testu ebraiku rejistra "trinta bistidon saserdotal", ma é difisil di intende. Maioria di verson muderna ta adota "kinhentus y trinta bistidon saserdotal". Ma, alguns ta sujeri le sima "trinta bistidon saserdotal y kinhentus minas di prata"]. ⁷¹Alguns di xefis di kes familia paterna da pa tizoraria di obra vinti mil dárikus di oru y dos mil y duzentus minas di prata. ⁷²Restu di povu da vinti mil dárikus di oru, dos mil minas di prata y sasenta y seti bistidon saserdotal.⁷³Saserdoti, livitas, porteirus, cantoris, alguns di povu, servus di tenplu y tudu Israel, es stabelese na ses sidadi. Na sétimu mes, povu di Israel staba instaladu na ses sidadi.

¹Tudu povu djunta sima un so ómi na prasa na frenti pa Porta di Águ. Es pidi ki Esdras, skriba, pa trazeba livru di Li di Muzes, ki Nhordes ordena pa Israel. ²Na prumeru dia di sétimu mes, Esdras, saserdoti, traze Lei frenti di asenbleia, ómis y mudjeris, y tudu kes ki pudeba obi ku intende. ³E fika sakedu dianti di prasa na frenti pa Porta di Águas, y e le desdi palmanhan sedu ti meiu dia, dianti di ómis, mudjeris y di tudu kel ki pudeba intende-l. Y tudu povu obi ku atenson Livru di Lei.⁴Nton, Esdras, skriba, subi na un palku di madera ki povu faze ku kel obijetivu. Y ku Matitias, Sema, Anaías, Urias, Ilkias y Maazeias sakedu na se ladu ndretu, y na se ladu skerdu, Pedaías, Mizael, Malkias, Azun, Asbadana, Zakarias y Mesulon. ⁵Esdras abri livru na odju di tudu povu, pamosi e staba mas altu ki povu, y kantu e abri, tudu povu labanta.⁶Esdras agradese Nhordes, grandiozu Deus, y tudu povu labanta mon y rusponde: Amen! Amen!. Nton, es inklina ses kabesa y es adora Nhordes ku rostu voltadu pa txon. ⁷Tanbe Juzua, Bani Serebias, Jamin, Akubi, Sabetai, Odias, Maazeias, Kelita, Azarias, Jozabadi, Anan, Pelaías - kes livitas - djuda povu intende Lei, timenti povu staba na se lugar. ⁸Es le na livru, Lei di Deus, ta interpreta-l di forma klaru, y ta splika ku xintidu pa ki es intendeba leitura.⁹Neemias, guvernador, y Esdras, saserdoti y skriba, y livitas ki ta interpretaba, es fla pa povu: "Es dia é santu pa Nhordes, nhos Deus. Ka nhos lamenta, nen ka nhos txora. Pamodi, tudu povu staba ta txoraba timenti es ta obiba palavras di Lei. ¹⁰Nton, Neemias fla-s: Nhos bai, nhos kume bon karni y nhos bebe bebida doxi, y nhos manda padas pa kenha ki ka tini nada priparadu, pamodi es dia é santu pa nos Sinhor. Ka nhos fika tristi, pamodi alegria di Nhordes é nhos forsa."¹¹Nton, livitas faze povu fika ketu, ta fla: Nhos kalma! Pamodi es dia é santu. Ka nhos fika tristi. ¹²Nton, tudu povu bai kume, bebe, dividi kumida y selebra ku grandi alegria, pamodi es intende palavra ki es splikadu.¹³Na sugundu dia, líderis di familia di tudu povu, saserdotis y livitas, ben djuntu pa Esdras, skriba, pa aprende sobri palavras di Lei. ¹⁴Y es atxa skrebedu na Lei sima Nhordes daba ordi pa meiu di Muzes, ki povu di Israel debia vive na tendas duranti festa di sétimu mes. ¹⁵Es debia grita na tudu ses sidadi y na Jiruzalen, ta fla: Nhos bai pa muntanhas, y nhos traze ramus di olivera kultivadu, y di olivera di floresta y di murtas, y fodja di palmera y di árvi ki dá txeu fodja, pa faze tendas, sima sta skrebedu".¹⁶Nton, povu sai y traze ramus; y es faze pa es me tendas, kada un na se propri terasu, na ses varanda y na spasu di kaza di Deus, y na prasa di Porta di Águ, y na prasa di Porta di Ifrain. ¹⁷Y asenbleia di kes ki volta di kativeru faze tendas y es mora na es. Pamodi, desdi dia di Juzue, fidju di Nun, ti kel dia, povu di Israel ka tenba selebradu kel festa. Purisu, alegria di povu era uma grandi.¹⁸Y tudu dia, desdi prumeru dia ti últimu dia, Esdras faze leitura di livru di Lei di Deus. Es selebra festa pa seti dias, y na oitavu dia kuntise un asenbleia spesial pa obedese dikretu.

¹Na dia vinti y kuatu di kel mesmu mes, povu di Israel djunta pa un jijun bistidu di ropa di saku y t pui sinza riba ses kabesa. ²Disendentis di Israel afasta di tudu kes ki era stranjeru. Es labanta y es kunfesa ses propri pekadus y malvadeza di ses ansestral.³Es labanta na ses lugar, y pa un kuarta parti di dia, es le Livru di Lei di Nhordes, se Deus. Na otu kuarta parti di dia, es fika ta kunfesa y ta djondju dianti di Nhordes, se Deus. ⁴Livitas Jezua, Bani, Kadimiel, Sebanias, Buni, Serebias, Bani y Kenani, fika sakedu na skada y es txoma ku vos uma riju pa Nhordes, se Deus.⁵Nton, livitas Jezua, Kadimiel, Bani, Azabineias, Serebias, Odias, Sebanias y Petaías fla: "Nhos labanta y nhos lova Nhordes, nhos Deus, pa senpri y senpri. Ki es bendiga pa Bu gluriozu nomi, y ki bu nomi ser izaltadu riba di tudu benson y lovor. ⁶Abo é Nhordes. So Abo. Bu faze séu, kes séu mas altu, ku tudu ses izérsitus, y Tera ku tudu ki ten na el, y mar ku tudu ki ten na el. Bu da vida pa tudu y izérsitu di séu ta adora-U.⁷Abo é Nhordes, Deus ki skodje Abron y tra-l di Ur di kaldeus y da-l nomi di Abraon. ⁸Bu odja ma se kurason era fiel Bu dianti y Bu faze ku el un aliansa undi Bu ta daba pa ses disendenti tera di kananeus, di eteus, di amoreus, di perizeus, di jebuzeus y di jirgazeus. Bu kunpri Bu prumesa pamodi Abo é justu.⁹Bu odja kasabi ki nos antipasadus sa ta pasaba na Ijitu y Bu obi se gritu djuntu di mar Brumedju. ¹⁰Bu faze sinal ku maravilha kontra Farao y tudu kes ses servu y tudu povu di se tera, pamodi Bu sabia ki ijípisius aji ku arongansia kontra es. Ma Bu faze pa Bo me un nomi, ki ta permanese ti oji.¹¹Bu dividi mar ses dianti, y Bu faze-s pasa pa meiu di mar na tera seku; y bu fulha ses pirsigidoris na fundu di mar, sima un pedra na fundu di águ.¹²Bu gia-s ku un kuluna di nuven duranti dia, y un kuluna di lumi duranti noti, pa lumia-s kaminhu pa undi es debeba bai. ¹³Na munti Sinai Bu dixi y Bu fala ku es di séu y bu da-s dikretu justu y leis verdaderu, bon rigulamentus ku mandamentus.¹⁴Bu faze-s konxe Bu santu sábadu y bu da-s mandamentus, rigulamentus y leis pa meiu di Muzes, Bu servu. ¹⁵Bu da-s pon di séu pa mata-s fomi y águ di rotxa pa mata-s sedi, y Bu fla-s pa es bai y toma posi di tera ki Bu prumete-s ku juramentu.¹⁶Ma es ku nos ansestral es aji ku disruspetu y es era teimozu y es ka sukuta Bus mandamentus. ¹⁷Es rikuza sukuta y es ka lenbra di maravilha ki Bu faze na ses meiu, ma es bira teimozu, y na se rabeldia es skodje un líder pa leba-s di volta pa skravidon. Ma Abo é un Deus ki ten txeu purdon, grasa y konpaxon, bu dura ki fika xatiadu y Abo bu ten grandi bondadi. Bu ka abandona-s.¹⁸Mesmu kantu ki fundi un bizeru di metal y es fla: Kel-li é nhos Deus ki tra nhos di Ijitu, y es kumete grandi insultu; ¹⁹Abo, na Bu konpaxon, Bu ka abandona-s na dizertu. Kuluna di nuven pa gia-s na kaminhu ka dexa-s duranti dia, nen kuluna di lumi duranti noti pa lumia-s kaminhu pa undi ki es debeba bai.²⁰Bu da bu bon Spritu pa instrui-s y Bu maná Bu nega pa ses boka, y Bu da-s águ pa mata-s sedi. ²¹Pa kuarenta anu Bu prova-s na dizertu y nada ka falta-s. Ses ropa ka bedja y ses pe ka intxi.²²Bu da-s reinu ku povus, y Bu distribui-s kada kantu di tera. Nton, es toma posi di tera di Sion, rei di Esbon, y tera di Ogi, rei di Bazan.²³Bu faze ses fidju bira txeu sima strela di séu, y Bu traze-s pa tera ki Bu fala pa ses ansestral pa entra y pusui. ²⁴Nton, povu entra y es pusui tera y Bu dumina dianti di es moradoris di tera, ki era kananeus. Bu da-s na ses mon, ku ses rei y povus di tera, pa ki Israel pudeba faze ku es, kuze ki es kreba.²⁵Es toma kes sidadi forti y un tera prudutiva y es toma kazas ki staba intxidu di tudu tipu di rikezas, sisternas kobadu, vinhas y olivais y monti árvis ki ta da frutu. Nton, es kume y es fika fartu y es ingorda, y es divirti na Bu grandi bondadi.²⁶Sime, es bira dizobidienti y es rabela kontra Bo. Es fulha Bu Lei pa tras di ses kosta. Es mata Bus prufeta ki alerta-s pa es volta pa Bo, y es kumete grandis insultus. ²⁷Nton, Bu intrega-s na mon di ses inimigus, ki faze-s sufri. Y na tenpu di se sufrimentu, es grita pa Bo y Bu obi-s di séu; y trokadu di Bus grandi mizerikordia Bu invia-s libertadoris ki libra-s di mon di ses inimigus.²⁸Ma dipos ki es diskansa, es torna faze mal di nobu dianti di Bo, y Bu abandona-s na mon di ses inimigus, nton, ses inimigus dumina-s, Ma, kantu es volta y es grita pa Bo, Bu obi-s di séu y txeu bes trokadu di Bu konpaxon, Bu resgata-s. ²⁹Bu alerta-s pa ki es volta pa Bu Lei. Ma, es aji ku arogansia y es ka sukuta Bus mandamentus. Es peka kontra Bus dikretus ki ta da vida pa kalker un ki ta obedese-s. Es bira kosta insistentimenti y es indurese ses piskos y es rikuza obi.³⁰Pa txeu tenpu bu suporta-s y bu adiverti-s pa Bu Spritu pa boka di Bus prufeta. Sime, es ka sukuta. Nton, Bu intrega-s na mon di povus vizinhu. ³¹Ma na Bu grandi mizerikordia, Bu ka distrui-s konpletamenti, nen Bu ka abandona-s, pamodi Abo é un Deus grasiozu y mizerikordiozu.³²Gosi go nos Deus, grandi, puderozu y maravilhozu Deus, ki ta mante Se aliansa y grandi amor, ka bu dexa ki parse pikinoti pa Bo tudu es difikuldadi ki ben riba nos, di nos rei, di nos prínsipi y riba di nos saserdoti i di nos prufeta y di nos ansestral y di tudu povu desdi tenpu di reis di Asiria ti dia di oji. ³³Abo é justu na tudu kuza ki kuntise ku nos, pamodi Abo senpri Bu aji ku fidelidadi, ma anos, nu aji ku runhesa. ³⁴Nos rei, nos prínsipi, nos saserdoti y nos ansestral nu ka guarda Bu Lei, nen ku da atenson pa Bus mandamentus o pa dikretus di Bu aliansa ki bu uza pa Bu adivirti-s.³⁵Mesmu na se propri reinu, timenti es ta disfrutaba di Bu grandi bondadi ki Bu tenba ku es, na kel tera grandi y prudutiva ki Bu pui ses dianti, es ka sirbi-U y nen es ka dexa ses kaminhu mau.³⁶Gosi nu é skravu na tera ki Bu da pa nos ansestral pa disfruta ses frutu y ses bon prizenti, y ale-nu li, skravu na el. ³⁷Kel grandi pruduson di nos tera ta bai pa reis ki Bu pui riba nos trokadu nos pekadu. Es ta reina riba nos korpu y riba nos limaria sima es kre. Nu sta na un grandi kasabi.³⁸Trokadu di tudu kel-li, nu firma un aliansa skrebedu, Na dukumentu seladu sta nomi di tudu nos prínsipi, livita y saserdoti.

¹kes ki pui ses nomi na dukumentus seladus era: Neemias, guvernador, fidju di Akalias, Zedekias, ²Seraías, Azarias, Jeremias, ³Pazur, Amarias, Malkias⁴Atus, Sebanias, Maluki, ⁵Arin, Miremoti, Obadias, ⁶Daniel, Gineton, Baruki, ⁷Mezulon, Abias, Miamin, ⁸Maazias, Bilgai y Semaías. Tudu kes-li era saserdotis.⁹Livitas era: Jezua, fidju di Azanias, Binui, da familia di Enadadi, Kadimiel ¹⁰y ses kulega livitas, Sebanias, Odias, Kelita, Pelaías, Hanan, ¹¹Mika, Riobi, Azabias, ¹²Zakur, Serebias, Sebanias, ¹³Odias, Bani y Bininu. ¹⁴Líderis di povu era: Paros, Paati-Muabi, Elon, Zatu, Bani,¹⁵Buni, Asgadi, Bebai, ¹⁶Adonias, Bigivai, Adin, ¹⁷Ater, Izekias, Azur, ¹⁸Odias, Azun, Bezai, ¹⁹Arifi, Anatoti, Nebai, ²⁰Magipias, Mezulon, Ezir, ²¹Mezezabel, Zadoki, Jadua.²²Pelatias, Anan, Anaías, ²³Ozeias, Ananias, Asubi, ²⁴Aloes, Pílea, Sobiki, ²⁵Reun, Azabina, Maazeias, ²⁶Aías, Anan, Anan, ²⁷Maluki, Arin y Baanan.²⁸Y restu di povu, ki era saserdotis, livitas, porteirus, kantoris, servus di tenplu, y tudu kes ki sipara di povu di teras vizinhu y es divota pa lei di Deus, es ku ses spozas, ses fidjus y ses fidjas, tudu kes ki era kapas di intende y kunprendi, ²⁹es djunta ku ses irmon y ses nobri, y es kunpromete djuntu, dibaxu di pena di maldison y dibaxu di juramentu, ma es ta anda na lei di Deus, ki intregadu pa Muzes, servu di Deus y pa es ozerba y obedese tudu mandamentu di Nhordes nos Sinhor, ses dikretu y ses rigulamentu.³⁰Nu prumete ki nu ka ta da nos fidja pa povus di tera y nen nu ka ta toma ses fidja pa nos fidju. ³¹Nu prumete tanbe ki, si povu di tera traze merkadoria o kalker gron pa bende na dia di sábadu, nu ka ta kunpra di es na sábadu nen na kualker dia di santu. Tudu sétimu anu nu ta dexa ki nos kanpu ta diskansa y nu ta purdua tudu dívida adikiridu pa otus judeus.³²Nu ta seta mandamentu mandamentu di da un tersu di siklu di kada anu pa sirbisu di kaza di nos Deus, ³³pa prove pon konsagradu, oferta rugular di serial, di olokaustus, di oferta pa sábadu, pa festa di lua nova, pa festas fiksa y tanbe di oferta sagradu y di oferta pa pekadu, pa faze propisiason pa Israel, y tanbe pa tudu trabadju di kaza di nos Deus.³⁴Saserdotis, livitas y povu bota soti pa oferta di lenha. Botadu sorti pa skodjedu di kual familia ta trazeba lenha pa kaza di nos Deus na tenpu stabilisidu na kada anu. Lenha ta serba kemadu na altar di Nhordes, nos Deus, sima sta skrebedu na lei. ³⁵Nu ta prumete traze pa kaza di Nhordes kes prumeru frutu pruduzidu di nos txon y prumeru frutu di tudu árvi di kada anu. ³⁶Y sima sta skrebedu na lei, nu ta prumete traze pa kaza di Deus y pa saserdotis ki ta sirbi li, primojénitu di nos fidju y di nos ribanhu di gadu, ovelhas y kabras.³⁷Nu ta traze prumeru padas di nos masa di trigu y no oferta di serial y frutu di tudu árvi. Y vinhu nobu y óliu nu ta traze pa saserdotis, pa armazen di kaza di nos Deus. Nu ta traze pa livita dízimus di nos txon pamodi livita ta rikodje dízimu na tudu sidadi undi nu ta trabadja. ³⁸Un saserdoti, disesndenti di Aron, debe sta ku livita ora ki es resebe dízimu. Livita debe traze désima parti di dízimu pa kaza di nos Deus, pa armazen di tizoraria.³⁹Y povu di Israel y disendenti di Livi debe traze kuntribuson di serial, vinhu nobu y óliu pa armazen undi sta guardadu utensiliu di santuariu y undi saserdoti ki sta ta sirbi y porteru y kantoris ta fika. Nu ka ta bai diskuida kaza di nos Deus.

¹Lídiris di povu ta viveba na Jiruzalen, y restanti di povo bota sorti pa traze un na kada des pesoa pa vive na Jiruzalen, sidadi santa, y otus novi restu ta permeneseba na otus sidadi. ²Y povu bensua tudu kes ki, di bon vontadi, oferese pa mora na Jiruzalen,³Kes-li é ofisial di pruvinsia ki ta viveba na Jiruzalen. Ma, na sidadi di Juda, kada kual ta viveba na se propri tera, ku alguns israelitas, saserdotis, livitas, servus di tenplu y disendenti di servus di Salumon. ⁴Na Jiruzalen ta viveba alguns disendenti di Juda y alguns disendenti di Benjamin. Di povu di Juda era: Ataías, fidju di Uzias, fidju di Zakarias, fidju di Amarias, fidju di Sefatias, fidju di Maalelel, disendenti di Peres.⁵Y tenba Maazeias, fidju di Baruki, fidju di Kol-Ozi, fidju di Azaías, fidju di Adaías, fidju di Joiaribi, fidju di Zakarias, fidju di silonita. ⁶Tudu fidjus di Peres ki ta viveba na Jiruzalen era kuatusentus y sasenta y oitu. Es era ómis balenti.⁷Kes-li é disendenti di Benjamin: Salu, fidju di Mezulon, fidju di Joedi, fidju di Pedaías, fidju di Kolaías, fidju di Maazeias, fidju di Itiel, fidju di Jezaías. ⁸Y dipos di el, Gabai y Salai, un total di novisentus y vinti y oitu ómis. ⁹Joel, fidju di Zikri era superintendenti riba di es, y Juda fidju di Senua era sugundu na guvernu di sidadi.¹⁰Y di saserdotis: Jedaías, fidju di Joiaribi, Jakin, ¹¹Seraías. fidju di Ilkias, fidju di Mezulon, fidju di Zadoki, fidju di Meraioti, fidju di Aitubi, prínsipi di kaza di Deus, ¹²y ses kunpanheru ki ta fazeba trabadju di kaza, oitusentus y vinti y dos ómis. Sigidu ben Adaías, fidju di Jeroon, fidju di Pelalias, fidju di Anzi, fidju di Zakarias, fidju di Pazur, fidju di Malkias.¹³Ses irmon, ki era kabesa di familia, duzentus y kuarenta y dos ómis, y Amasai, fidju di Azarel, fidju di Aazai, fidju di Mezilemoti, fidju di Imer, ¹⁴y ses irmon, ómis balenti y korajozu, sentu y vinti y oitu na nunbri, y superintendenti riba di es era Zabidial, fidju di Gedolin.¹⁵Dentu di livitas: Semaías, fidju di Asubi, fidju di Asrikon, fidju di Azabias, fidju di Buni, ¹⁶y Sabetai y Jozabadi, ki ben di líderis di livitas y staba ku responsabilidadi di trabadju na parti fora di kaza di Deus.¹⁷E tenba Matanias, fidju di Mika, fidju di Zabidi, fidju di Azafi, ki era diretor ki ta lideraba mumentus si ason di grasa na orason, y Babebukias, kel ki era sugundu entri ses irmon, y Abida, fidju di Samua, fidju di Galal, fidju di Jedutun, ¹⁸Tudu livitas na sidadi era duzentus y oitenta y kuatu.¹⁹Porterus era: Akube, Talmon y ses irmos ki ta guardaba porta, sentu y stenta y dos ómi. ²⁰Y restu di Israel y di saserdotis y livitas staba na tudu sidadi di Juda. Kada un ta viveba na prupriedadi ki es erda. ²¹Trabadjadoris di tenplu ta moraba na Ofel, y Zia y Gispa era ses xefi.²²Superintendenti di livitas ki ta sirbiba na Jiruzalen era Uzi, fidju di Bani, fidju di Azabias, fidju di Matanias, fidju di Mika, di disendenti di Azafi, ki era kantoris na sirbisu di kaza di Deus. ²³Es staba dibaxu di otoridadi di rei. Tudu dia, ta dadu ordi firmi pa kantoris, sima ta mesteba. ²⁴Y Petaías, fidju di Mezezabel, di disendensia di Zera, fidju di Juda, staba na ladu di rei na tudu keston ligadu pa povu.²⁵Y sobri vila y ses kanpu, alguns di povu di Juda ta viveba na Kiriati-Arba y ses vila, na Dibon y ses vila, y na Jekabizeel y ses vila. ²⁶Es tanbe ta viveba na Jezua, Molada, na Beti-Paleti, ²⁷na Azar-Sual y na Berseba ku ses vila.²⁸Alguns di povu di Juda ta viveba na Ziklagi, Mekona y na ses vila. ²⁹En-Rimon, Zora, Jarmuti; ³⁰Zanoa, Adulon y ses vila, na Lakis y ses kanpu y Azeka ku ses vila. Y asi es ta viveba desdi Berseba ti rubera di Inon. ³¹Povu di Benjamin tanbe ta viveba na Geba, Mikimas, Aia, betel ku ses vila. ³²Es tanbe ta viveba na Anatoti, Nobi, Ananias, ³³Azor, Rama, Gitain, ³⁴Adidi, Zeboin, Nebalati, ³⁵Lodi y Onu, rubera di artífisi. ³⁶Alguns di livitas ki ta viveba na Juda sta distribuidu tanbe na meiu di povu di Benjamin.

¹Kes-li é saserdotis ku livitas ki volta ku Zorobabel, fidju di Sealtiel, y ku Jezua: Seraías, Jeremias, Esdras, ²Amarias, Maluki, Atus, ³Sekanias, Reun y Meremoti.⁴Staba tanbe Idu, Gineton, Abias, ⁵Miamin, Maadias, Bilga, ⁶Semaías, Joiaribi y Jedaías. ⁷Salu, Amoki, Ilkias y Jedaías. Kes-li era líderis di saserdotis ku ses kunpanheru, na tenpu di Jezua.⁸Livitas era Jezua, Binui, Kadimiel, Srebias, Judá Y Matanias, ki staba inkaregadu di kántiku di ason di grasa, djuntu ku ses kunpanheru. ⁹Bakibukias y Uni, ku ses kunpanheru, fika pa frenti di es duranti kultu.¹⁰Jezua era pai di Joiakin, Joiakin era pai di Iliazibi, Iliazibi era pai di Joiada, ¹¹Joiada era pai di Jonatan, y Jonatan era pai di Jadua.¹²Na tenpu di Joiakin, kes-li era saserdoti, xefis di familia: Meraías era líder di familia di Seraías, Hananias era líder di familia di Jeremias, ¹³Mezulon era líder di Esdras, Jeoanan era líder di familia di Amarias, ¹⁴Jonatan era líder di família di Maluki y Djuze era líder di familia di Sebanias.¹⁵Adina era líder da familia di Arin, Elkai era líder di familia di Meraioti, ¹⁶Zakarias era líder di família di Idu, Mezulon era líder di família di Gineton, y ¹⁷Zikri era líder di família di Abias. Tenba tanbe líder di família di Miniamin. [Spreson "... di Miniamin" sta inkonpletu, pamodi ka izisti nomi di líder di es familia na testu ebraiku]. Piltai era líder di familia di Maadias. ¹⁸Samua era líder di família di Bilga, Jeonatan era líder di família di Semaías, ¹⁹Matenai era líder di familia di Joiaribi, Uzi era líder di familia di Jedaías, ²⁰Kalai era líder di família di Salai, Eber era líder di familia di Amoki, ²¹Azabias era líder di família di Ilkias, y Netanel era líder di famíli di Jedaías.²²na tenpu di Iliazibi, livitas Iliazibi, Joiada, Joanan y Jadua rijistradu sima xefis di familia, y saserdotis rijistratu duranti reinadu di Dariu, persa. ²³Disendenti di Livi y xefis di ses familia rijistradu na livru di krónikas, ti dias di Joanan, fidju di Iliazibi.²⁴Líderis di livitas era Azabias, Serebias y Jezua, fidju di Kadimiel, ku ses kunpanheru ki fika pa frenti di es pa lova y da grasas ta rusponde seson pa seson, na rusposta pa ordi di Davidi, ómi di Deus. ²⁵Matanias, Bakebukias, Obadias, Mezulon, Talmon y Akudi era porterus ki ta guardaba armazen di portons. ²⁶Es ta sirbiba na dias di Joiakin, fidju di Jezua, fidju di Jozadaki, y na dias di Neemias, guvernador, y di Esdras, saserdoti y skriba.²⁷Pa dedikason di muru di Jiruzalen, povu djobeba livitas di tudu lugar, pa traze-s pa Jiruzalen pa selebra dedikason ku alegria, ku ason di grasa y ku kantu ku sínbalu, arpas y ku liras. ²⁸Kantoris ta binha di vizinhansa di Jiruzalen y di vila di netofatitas.²⁹Es ta binha tanbe di Beti-Gilgal y di kanpu di Geba y Asmaveti, pamodi kantoris tenba kunstruidu pa es me vila na redor di Jiruzalen. ³⁰Saserdotis ku livitas ta purifikaba y, nton, es ta purifikaba povu, portons y muru.³¹Nton, N faze líder di Juda subi ti riba di muru y N forma dos grandi koru, ki da grasa. Un di es bai pa ndreta di muru na direson pa porta di Bosta.³²Ozaías y metadi di líderis di Juda sigi-s, ³³y dipos di es bai Azarias, Esdras, Mezulon, ³⁴Juda, Benjamin, Semanías, Jeremias ³⁵y alguns di fidjus di saserdotis ku trunbeta y Zakarias, fidju di Jónatas, fidju di Semaías, fidju di Matanias, fidju di Micaías, fidju di Zakur, fidju di Azafi.³⁶Staba tanbe parentis di Zakarias, Sermaías, Asrael, Milalai, Gilalai, Maai, Netanel, Juda, Anani, ku instrumentus di múzika di Davidi, ómi di Deus. Esdras, skriba, staba na frenti di es. ³⁷Na entrada di Porta di Fonti, es subi skada ti sidadi di Davidi, na subida di muru, riba di palasiu di Davidi, pa Porta di Águ, pa lesti.³⁸Otu koru, di kes ki ta daba grasa, bai pa otu direson. N sigi pa riba muru, ku metadi di povu, riba di tori di Fornus, ti muralha Largu, ³⁹y riba di Porta di Ifrain, y pa porta Bedju, y pa Porta di Pexi, y pa tori di Ananel, y pa tori di Sen, ti Porta di Ovelha y es para na Porta di Guarda.⁴⁰Asi, korus di kes ki ta daba grasas toma se lugar na kaza di Deus, y ami tanbe N toma nha lugar, ku metadi di ofisiais ku mi. ⁴¹Y saserdotis toma se lugar: Iliakin, Maazeias, Miniamin, Mikaías, Elioenai, Zakarias y Ananias, ki trunbeta, ⁴²Maazeias, Semaías, Eleazar, Uzi, Jeonan, Malkias, Elon y Ézer. Kantoris ta kantaba dibaxu di rejensia di Jesraías.⁴³Y es oferese grandi sakrifisiu na kel dia y es alegra, pamodi Deus da-s mutivu di grandi alegria. Mudjeris ku kriansas tanbe alegra. Nton, alegria di Jiruzalen podeba ser obidu di lonji.⁴⁴Na kel dia ómis diziginadu pa toma konta di armazen pa kuntribuison, pa prumeru frutu y dízimu, pa pui na el padas izijidu pa lei pa saserdotis y pa livitas. Kada un era diziginadu pa trabadja na kanpu pertu di sidadi. Pamodi Juda staba lonji trokadu di saserdotis y di livitas ki staba pa frenti. ⁴⁵Es rializa sirbisu di se Deus y sirbisu di purifikason, sima mandamentu di Davidi y di Salumon, se fidju, y asi tanbe kantoris ku porterus faze.⁴⁶Izistiba unbes, na tenpu di Davidi ku Azafi, rejenti di kantoris, y izistiba kanson di lovor y ason di grasa pa Deus. ⁴⁷Na tenpu di Zorobabel y na tenpu di Neemias, tudu Israel ta daba padas diáriu pa kantoris y pa porterus. Es ta guardaba padas ki era pa livitas y livitas ta guardaba padas ki era pa disendenti di Aron.

¹Na kel dia, es le livru di Muzes dianti di povu. Atxadu skrebedu ki ninhun di amunitas o muabitas dibia djuntaba ku povu di Deus, pa senpri. ²Kel-li kuntise pamodi es ka ben ti povu di Israel ku pon y ku águ, ma es kontrata Balaon pa amaldisoa Israel. Ma, nos Deus transforma maldison na benson. ³Asi ki es obi Lei, es sipara di Israel kada pesoa ki era stranjeru.⁴Anti di kel-li, saserdoti Iliazibi era inkaregadu di dipózitu di kaza di nos Deus. El era parenti di Tubias. ⁵Iliazibi pripara pa Tubias un sala grandi undi es ta guardaba oferta di serial, insensu, utensíliu, dízimus di serial, vinhu nobu y óliu, ki diziginadu pa livitas, kantoris, porterus y kuntribuison pa saserdotis.⁶Ma, duranti tudu kel tenpu, N ka staba na Jiruzalen. Na trijézimu sugundu anu di reinadu di Artaxersi, rei di Babilonia, N bai pa rei. Dipos di algun tenpu, N pidi pirmison pa rei pa N prti, ⁷Y nton N ritorna pa Jiruzalen. N intendi mal ki Iliazibi faze, kantu é da Tubias un sala na korti di kaza di Deus.⁸N staba txeu furiozu y N tra tudu artigu duméstiku di kaza di Tubias pa fora di sala. ⁹N ordena pa purifika sala y N pui na el di nobu artigu di kaza di Deus, ofertas di serial y insensu.¹⁰N fika ta sabi ki livitas ka staba ta resebe ses padas y ki es fujiba kada un pa se kanpu, livitas ku kantoris ki fazeba obra. ¹¹Nton N konfronta ofisiais y N fla: Pamodi ki kaza di Deus sta diskuidadu? N djunta tudu y N pu-s na ses postu.¹²Nton, tudu Juda traze dízimu di sirial, vinhu nobu y azeti pa dipózitu. ¹³N dizigina pa ser tizoreru di dipozitu Selemias, saserdoti y Zadoki, skrivon; y di livitas, Pedaías. Djuntu ku es staba Anan, fidju di Zakur, fidju di Matanias, pamodi es era kunsideradu kunfiavel. Ses diver era distribui suprimentu pa ses asosiadus. ¹⁴Lenbra, nha Deus, di es kuza li y ka bu distrui bon obra ki N faze pa kaza di Deus y ses sirbisus.¹⁵Na kel dia, N odja na Juda povu ta piza lagar na sábadu, ta traze karga di sirial ki era karegadu riba jumentu y tanbe vinhu, uvas, figus y tudu tipu di karga pizadu ki es traze pa Jiruzalen na dia di sábadu. N protesta pamodi es staba ta bende kumida na kel dia.¹⁶Omis di Tiru ki ta moraba na Jiruzalen traze pexi y tudu tipu di merkadoria y es ta bendeba na sábadu pa pesoas di Juda y na sidadi. ¹⁷Nton, N konfronta lídiris di Juda: Ki mal é kel-li ki nhos sa ta faze, prufanandu dia di sábadu? ¹⁸Nhos ka sabe ma nhos pai tanbe faze kel-li? Y nos Deus ka traze tudu es mal riba nos y riba es sidadi? Gosi, nhos sa ta traze ira riba di Israel, prufanandu sábadu.¹⁹Ora ki sukuru ben riba portons di Jiruzalen, anti di sábadu, N ta ordena ki porta fitxadu y ki ka abridu ti dipos di sábadu. N puzisiona alguns di nhas servus na portons, pa ki ninhun karga ka entra na dia di sábadu. ²⁰Merkadoris ku vendedoris di tudu tipu di merkadoria akanpa fora di Jiruzalen un o dos bes.²¹Ma N aviza-s: Pamodi ki nhos sa ta akanpa na otu ladu di muru? Si nhos faze kel-la di nobu, N ta bota nhos mon. Di kel dia pa dianti, es ka torna ben na sábadu. ²²Nton, N ordena pa livitas pa purifika y ben guarda porta, pa santifika dia di sábadu. Tanbe na kel-li, nha Deus, lenbra di mi; ten mizerikordia di mi, trokadu di aliansa di lialdadi que Bu ten mostradu pa mi.²³²⁴Na kes dia, tanbe N odja Judeus ki kazaba ku mudjeris di Asdodi, Amon y Muabi. Metadi di ses fidjus ta falaba língua di Asdodi. Ninhun di es ka ta kunsigiba falaba lingua di Juda, ma so lingua di un di otus povus.²⁵N konfronta-s y N amaldisua-s, N dadji na alguns di es y aranka-s kabelu. N faze-s jura pa Deus, ta fla: Ka nhos da nhos fidja pa ses fidjus, nen ka nhos toma ses fidja pa nhos fidju. ²⁶Salumon, rei di Israel, ka peka trokadu di es tipu di mudjeris? Na meiu di monti nason ka izistiba rei sima el, y el era amadu pa se Deus, y Deus faze-l rei riba tudu Israel. Ma, ses spozas stranjeiras faze-l peka. ²⁷Nu dibia, nton, sukuta-nhos, ta faze tudu es mal y aji di manera trasueru kontra Deus, sta kazadu ku mudjeris stranjeras?²⁸Un di kes fidju di Joiada, fidju di Iliazibi, xefi di saserdoti, era jenru di Sanbalati, oronita. Purisu, N faze-l fuji di nha prizensa. ²⁹Lenbra di es, nha Deus, pamodi es kontamina saserdosiu, aliansa di saserdosiu y livitas.³⁰Asi, N purifika-s di tudu kuzas stranjeru y N stabelese diveris pa saserdoti y livitas, kada un pa se propri tarefa. ³¹N pruvidendia oferta di madera na tenpu diziginadu y na kumesus.

¹Kel-li kuntise na dias di Xerxis (kel-li é Asueru ki reina di Índia ti Itiopia, riba mas di sentu y vinti y seti pruvínsia). ²Na kes dias, rei Xerxis reinaba na se tronu di rei na sidadi di Suzan.³Na triseru anu di se reinadu, el da un banketi pa tudu se ofisial y se servus. Izersitu di Persia y si Media, kes nobri y guvernantis di pruvinsia staba na se prinzensa. ⁴El mostra rikeza di splendor di se reinu y obra gloriozu di se majestadi, pa txeu dias, pa sentu y oitenta dias.⁵kantu ki konpleta es dias, rei da un banketi ki dura seti dias. kel banketi bai pa tudu povu na fortaleza di Suzan, di mas grandi pa mas pikinoti. Fazedu na patiu di jardin di palasiu di rei. ⁶Kel patiu di jardin fazedu dikorason ku kurtinas di algudon branku y violeta, ku kordon di linhu finu y purpura, argola di prata inkonpletu na pilar di marmore. Staba asentus di oru y prata na txon mozaiku di granitu, marmore, madrepérola y pedras presiozu.⁷Bebida era sirbidu na kopu di oru y kada kopu era uniku; tenba txeu vinhu real trokadu di jenerozidadi di rei. ⁸E es ta bebeba sima era dikretadu: ka meste ten limiti. Rei da orden pa tudu mordomu di palasiu pa sirbi kuze ki kada konvidadu dezejaba.⁹Rainha Vasti tambe da un banketi pa mundjeris na palasiu real di rei xerxis. ¹⁰Na setimu dia, kantu kurason di rei sa xintiba felis trokadu di vinhu, el ordena ki Meuman, Bitza, Armona, Bigta, Zetar y Carcas, kes sete ofisial ki ta sirviba rei, ¹¹ki trazeba pa rainha Vasti dianti del ku koroa real. El kria mostra, pa povu y pa ofisial, se beleza, pamodi el era txeu bunita.¹²Poren , rainha Vasti rekusa obedesi palavra di rei , kel lebadu pa se ofisial. Rei fika txeu xatiadu; se raiva ta ardi dentu del.¹³Nton, rei djobi omis ki era konxedu pa ser sabiu, ki ta intendeba tempu (keli era manera ki rei ta agi ku tudu kes ki ta intedi di lei y kostumis di persas). ¹⁴Kes mas pertu del era Carsena, Setar, Adimata, tarsis, Meris, Marsena y Memukan, kes seti prinsipi di Persia y Media. Es tenba asesu a rei, y es ta okupaba kargu mas importanti di reinu. ¹⁵Di akordu ku lei, kuze ki debia ser fetu a rainha Vasti trokadu ka obedese ordi di rei Xerxis, ki e resebe di ofisiais?¹⁶Memukan na prizensa di rei y di ofisial fla: rainha ka fadja so ku rei Xerxis, ma tambe ku tudu ofisiail y tudu povu na pruvinsia di rei Xerxis. ¹⁷Pamodi, kuza ki rainha fazi ta ben txiga na kunhesimentu di tudu mudjer. ke-la ta ben fazi mudjeris trata ses maridu ku disprezu. Es ta ben fla:' rei Xerxis ordena pa rainha Vasti trazedu na se prizensa, ma e rekusa. ¹⁸Anti di fin des dia, kes mudjeris nobri di Persia y Media ki obi kuza ki rainha fazi ta ben fla pa ofisiais di rei. Ta ten txeu disprezu y ira.¹⁹Si é di agradu di rei, rei pode manda faze un dikretu, ki ta ser skrebedu sima leis di medus y persa, ki ka podi ser tradu, ki Vasti ka ben mas pa prizensa di rei. ki rei da se lugar pa otu alguen midjor ki el. ²⁰Oras ki dikretu di rei ben anunsiadu na tudu kau di se reinu, tudu espoza ta onra ses maridu, di mas riku pa mas pobri.''²¹²²Rei y ses nobri kurti kes konsedjus y rei faze kuza ki Memukan sugeri. El manda karta pa tudu pruvinsia na ses propriu lingua. El ordena ki tudu omi ten ki bira sinhor di se propriu familia. Es dikretu dadu na lingua di kada povu na imperiu.

¹Dipos ki kes kuzas li pasa, kantu ira di rei Xerxis parti, el pensa na vasti y na kuza ki e faze. E pensa na dikretu ki e fazi pa Vasti. ²Nton, kes joven di rei ki ta sirbiba fla:'' dexa pa djobi mosas bunita y ki omi ka toka pa rei.³Rei ta skodji ofisial na tudu pruvinsia di bu reinu, pa djunta tudu mosas ki omi ka toka y bunita pa lugar ki e so pa mudjer na palasiu na suzan. Ki podu na kuidadu di Egai, kel ofisial di rei, ki é risponsavel pa kes mudjer, y ki es podi resebe tratamentu di beleza. ⁴kel mosa ki agrada rei ta bira rainha na lugar di Vasti''. Rei kurti konsedju y, asi, el faze.⁵⁶Ta moraba na sidadi di Suzan un judeu, se nomi era Mardokeu, fidju di simei, fidju di Kis, ki era un benjamita. El lebadu pa jeruzalen sima iziladu, djuntu ku kes ki lebadu ku jekonia, rei di juda, kel ki Nabukodonozor, rei di Babilonia,leba si kamunhu.⁷El staba ta kuida di Adasa, ki é Ster, fidja di se tiu, Pamodi el ka tenba pai nen mai. Ister era txeu bunita y atraenti. Mardokeu krial sima se propriu fidja.⁸Kantu kel ordi y dikretu di rei anunsiadu, txeu mosa lebadu y podu na kuidadu di Egai. Ister tambe labadu pa dentu di palasiu di rei y podu riba kuidadu di Egai, kel risponsavel di mudjer. ⁹Egai kurti Ister y el ganha se simpatia.Na kel ora, el pruvidensia un tratamentu di beleza pa Ister y se porson di kumida. El da pa Ister seti servus di mosa di palasiu di rei y el lebal, djuntu ku servus di mosa, pa midjor lugar di kaza di mudjer.¹⁰Ister ka fla ningen ken ki era se povu o se familia, pamodi Mardokeu ki fla pe fazi asi. ¹¹Tudu dia, Mardokeu ta pasaba frenti di patiu,di ladu fora di kasa di mudjeris, pa sabe se Ister staba dretu, y kuze ki kontisi ku el.¹²Kantu txiga kel momentu di kada mosa bai pa rei Xerxis (sugundu regra di kes mudjeris, kada mosa debi kumpleta duzi mes di tratamentu di beleza, sais mes ku oliu di mira y sais ku purfumu y kosmetiku), ¹³kantu un di kes joventa bai pa rei, tudu ki es kreba es ta dadu na kaza di mudjeris, pa levaba pa palasiu.¹⁴Di noti, el podi bai y, di sedu, debi torna pa sugundu kaza di mudjeris, pa kuidadu di Saasgas, kel ofisial di rei, ki era risponsavel pa konkubinas. El ka ta torna bai pa rei di novu, so se rei fika txeu kontenti ku el y txoma pa se nomi.¹⁵Nton, kantu txiga bes di Ster, fidja di Abiail, tiu di Mardokeu, ki krial sima se propriu fidja,bai pa rei, ka pidi nada alen di kel ki Egai, ofisial di rei, ki era risponsavel pa mudjeris, fla pel pidi. Y Ster ganha simpatia di tudu alguen. ¹⁶Ster lebadu pa rei Xerxis, pa dentu di residensia real, na désimu mes, ki era Mes di Tebeti, na anu di se reinadu.¹⁷Rei ama Ster mas ki tudu otus mudjer, y el alkansa simpatia y bondadi dianti del, mas ki otus mudjer ki omi ka toka. Asin, el pui koroa real na se kabesa y el fazel rainha na lugar di Vasti. ¹⁸Rei da un grandi banketi pa tudu ses ofisial y ses servu-- banketi di Ster. El liberta impostu na pruvinsia; y tambe da prizenti ku se jinerosidadi real.¹⁹Kantu ki mudjeris ki omi ka toka djuntadu pa sugundu bes, Mardokeu staba xintadu na porta di palasiu di rei. ²⁰Ister inda ka kontaba ningen ken era se familia o se povu, sima Mardokeu flal pe faze. E kontinua ta sigui konsedju di Mardokeu, sima e ta fazeba kantu e ta kriaba el. ²¹Na kes dia, timenti Mardokeu staba xintadu na porta di palasiu di rei, dos ofisial di rei, Bigtan y Teris, ki ta guardaba porton di entrada, fika xatiadu y djobi mata rei Xerxis.²²Kantu es fla pa Mardokeu, el fla pa rainha Ster, y Ster fla pa rei na nomi di Mardokeu. ²³Kel informason djobedu y konfirmadu, y kes dos inforkadu. Kel storia skrevedu na livru di Kronikas na prizensa di rei.

¹Dipos des kuzas, rei Xerxis prumovi Aman, fidju di Amedata, kel agagita, y pui se pozison di otoridadi riba tudu kes ofisial ki staba ku el. ²Tudu kes servu di rei, ki ta sirbi na porton di rei, senpri ta djondju duedju y prostra na txon pa Aman, sima rei ordenaba pa faze; ma Mardokeu ka ta djondju duedju nen prostra.³Nton, kes servus di rei ki staba na porton di rei fla pa Mardokeu: ''Pamodi ki bu dizobedese ordi di rei?''. ⁴Es ta flaba el tudu dia, ma el ta rekusaba obedese ses ordi. Nton, es bai fla Aman pa djobi se prusedimentu di Mardokeu ta serba toleradu, pamodi ael dja flaba es me era judeu.⁵⁶Kantu Aman odja ki Mardokeu ka sa djondju duedju na txon nen baxa se dianti , e fika ku raiva. Sima é sabeba ki povu Mardokeu pertensi, e dispreza idea di mata so el, pamodi kes servu di rei flal ki povu Mardokeu pertensi. Aman kria kaba ku tudu judeu, povu di Mardokeu, ki staba na tudu reinu di Xerxis.⁷Na prumeru mes, ki é Mes di Nisan, na désimu sugundu anu de rei Xerxis, es lansa pur, ki kre fla ''lansa sorti'', dianti di Aman, dia pa dia y mes pa mes, pa selisiona mes, ti ki es skodji desimu sigundu, Mes di Adar.⁸Nton, Aman fla pa rei Xerxis:'' Ten un sertu povu spadjadu y distribuidu na pruvinsia di bu reinu; ses lei é diferenti di otus povus, y es ka ta obedese lei di rei. Nton, ka é sertu dexas vivi. ⁹Si ke-li é di agradu di rei, da ordi pa mata-s, y N ta peza des mil talentu di prata na mon di kes ki ta ser responsavel pa asuntus di rei, pa ki es pui na tizoraria di rei''¹⁰Nton, rei tra se anel di selar di se mon, y el da pa Aman, fidju di Amedata, kel agagita, inimigu di judeu. ¹¹Y rei fla pa Aman:'' Es dinheru podeba dadu di novu pa bo, y tambe es povu, pa bu faze del kuze ki bu dizeja.¹²Nton, bai txomadu eskriba di rei, na désimu triseru dia di primeru mes. Di akordu ku tudu ki Aman ten ordenadu, é skritu pa guvernantis di tudu pruvinsia, pa guvernantis di tudu povu, y tambe pa ofisiais di tudu povu; pa kada pruvinsia na se propriu skrita, y pa tudu povu na se propriu lingua. Na nomi di rei xerxis, skritu y seladu ku se anel. ¹³Es manda dukumentu pa kureiu pa tudu pruvinsia di rei, pa anikila, mata y distrui tudu judeu, tantu joven y bedju sima kriansa y mudjer, na un dia, na désimu triseru dia di désimu sugundu mes, Mes di Adar, y panha ses posi.¹⁴Un kopia di dukumentu fazedu, sima lei, pa kada pruvinsia.Na kada pruvinsia es faze sabe povu ma es deveba sta priparadu pa kel dia. ¹⁵kes mensajeru sai y, fadigadu, distribui ordi di rei; kel dikretu tambe distribuidu dentu palasiu de suzan. Rei y Aman es xinta pa bebi, ma sidadi di suzan staba ajitadu.

¹kantu Mardokeu sabi di tudu ki kontisi, el rasga ses ropa, el biste ku panu di saku, el kubri di cinzas,el bai pa meiu di sidadi y e txora rixu y ku amargura. ²El bai ti porton di palasiu di rei, pamodi ningen ka podi entra bistidu di panu di saku pa porta. ³Na tudu pruvinsia, undi ker ki ordi y dikretu txiga, tenba grandi lutu na meiu di judeu, ku jijun, txoru y lamentu. Txeu des fika ku panu di saku y cinzas.⁴Kantu kriada di Ister y se eunuku ben informal, rainha fika ku agustia. El manda ropas pa Mardokeu pa el tra ses panu di saku, ma el ka aseta. ⁵Nton, Ister txoma pa Atá, un di eunuku di rei, ki podu pa sirbil; el manda pa el bai ti Mardokeu y sabe kuze ki sa kontisi, y kuze ki signifika ke-la.⁶Atá sai pa fala ku Mardokeu na prasa di sidadi, dianti di porton di rei. ⁷Mardokeu flal tudu ki kontisi,y kel total di prata ki Aman prometi pui na tizoraria di rei, pa distrui judeu. ⁸Tambe el dal kopia di dikretu publikadu na Suzan, pa distrui judeu, pa Atá mostra Ster, pa dal risponsabilidadi di bai pa rei pa suplika se mizerikodia, en favor di se povu.⁹Atá bai y fla pa Ster kuza ki Mardokeu flal. ¹⁰Nton, Ister fla pa Atá bai di novu pa Mardokeu. ¹¹Ister fla:'' tudu servu di rei y povu di pruvinsia di rei sabe ki kalker omi o mudjer ki bai pa rei, ti dentu patiu sen ser txomadu, pa el ten so un lei:' morti; fora pa kel ki rei stendi se cetru di oru, ntn, ta vivi. Ma N ka txomadu pa sta ku rei nes trintra dia''. ¹²Nton, Atá leba palavra di Ster pa Mardokeu.¹³Mardokeu manda di novu es mensaji:'' ka bu pensa ma abo ta skapa, na palasiu di rei, mas do ki kalker otu judeu; ¹⁴sibu kala gosi,sokoru y livramentu ta labanta di otu lugar, ma abo y kaza di bu pai ta kaba. ken sabe, ka é pa es okasion ki bu e skodjedu pa ser rainha?''.¹⁵Nton, Ister manda es mensaji pa Mardokeu: ¹⁶''Bai, djunta tudu judeu ki ta vivi na Suzan, nhos jijua pa mi, ka nhs kume, nen bebi pa tres dia, noti y ku dia. Ami y nhas kriada tambe nu ta jijua. Nton, N ta bai pa rei, inda ki e kontra lei, y, si e pa N more, N ta more''. ¹⁷Mardokeu bai y faze tudu kuza ki Ster mandal faze.

¹Dipos di tres dia, Ster bisti ropa di rainha y e bai pa jardin ki ta fika dentu di palasiu di rei, na frenti di kaza di rei. Rei staba xintadu na se tronu, na kaza di rei, dianti di entrada di kaza. ²Kantu ki rei odja Ster, rainha, sakedu, na patiu, e alkansa grasa na ses odju. E stende setru di oru na se mon. Nton, Ster txiga mas pertu y e toka na setru.³Nton rei fla-l: " kuze ki bu kre, rainha Ster? Kuze ku sa pidi? Ti metadi di nha reinu bu ta dadu". ⁴Ster fla: "Si é di agradu di rei, nton ki rei y Aman ben pa banketi ki N sa ta pripara pa nhos".⁵Nton rei fla: "Traze Aman faxi, ke pa nu faze kuze ki Ister fla". Rei y Aman bai pa banketi ki Ster pripara. ⁶Kantu ki es staba ta sirbiba vinhu na banketi, rei fla Ster: " Kal ke bu petison? Ta ser garantidu pa bo. kal ke bu pididu? Ti metadi di nha reinu ta ser garantidu pa bo".⁷Ster rusponde: "Nha petison y nha pedidu e keli: ⁸si N atxa favor nas odju di rei y si e di agradu di rei y Aman nho ben pa banketi ki N pripara pa nhos manhan, y N ta ruspondi purgunta di rei".⁹Aman sai di la ku kurason kontenti y satisfetu. Ma, kantu ki Aman odja Mardukeu na porton di rei y ki Mardukeu ka labanta o mostra algun temor pa el, e fika furiozu konta Mardukeu. ¹⁰Ma, Aman kontrola y e bai pa kaza. E manda buska ses amigus y es riuni, djuntu ku se mudjer Zeris. ¹¹Aman vangloria di spendor di se rikeza, di munti fidju ke ten, di tudu promoson ki rei omenajial, y modi ke tinha fikadu mas altu ki tudu ofisial y servus di rei.¹²Aman fla: "Ti propi rainha Ster ka konvida ningen alen di mi ba bai ku rei pa banketi ki e pripara. Y e konvidan otu bes pa manhan N bai fika djuntu ku rei. ¹³Ma tudu kin sa ta fla ka ta satisfazen, inkuantu N sa ta odja Mardukeu, judeu, xintadu na porton di rei".¹⁴Nton Zeris, se mudjer fla pa Aman y pa tudu ses amigu: " Manda faze un forka di sinkuenta kovado di altura. Di sedu, fala ku rei pa ki Mardukeu inforkadu na el. Dipos fika kontenti ku rei na banketi". Ke-li agrada Aman, y e manda konstrui forka.

¹Na kel noti rei ka durmi. E manda ki ses servus traze rijistru di se reinadu, y es traze y es le pa rei ku vos altu. ²Y atxadu skrebedu kuze ki Mardukeu flaba di Bigitan y Teris, dos ofisial di rei ki ta guardaba porta di entrada, di kes ki tenta mata rei Asueru. ³Rei purgunta: " Kuze ki fazedu pa da onra y rekunhesimentu pa Mardukeu pa kuza ke faze?". Nton, omis di rei, ses servu ruspondi: Nada ka fazedu pa el".⁴Rei fla: Kenha ki sta na patiu?". Aman kaba di entra na patiu di parti fora di kaza di rei, pa fala ku rei sobri inforkamentu di Mardukeu na forka ki preparadu pa el. ⁵Y servus di rei rusponde-l: "Aman sta na patiu". Rei fla: "Dexa-l entra". ⁶Kantu ki Aman entra, rei fla-l: "Kuze ki debi ser fetu pa omi ki rei ten prazer di onra?" Nton, Aman fl na se kurason: " Kenha ki rei ta ten prazer di onra ke ka mi?".⁷Aman fla pa rei: "Pa omi ki rei ten prazer di onra ⁸pa traze ropa ki rei ta kustuma bisti y kabalu ki rei ta kustuma ta munta y pa pol un koroua di rei na se kabasa. ⁹Nton, ki ropa y kabalu intregadu pa alguns di kes ofisial mas nobri di rei. Pa kes bisti na omi ki rei ten prazer di onra y pes konduzi kel omi riba kabalu, pa ruas di sidadi. Ki es pruklama se dianti: E si ki ta fazedu pa omi ki rei ten prazer di onra".¹⁰Nton, rei fla Aman: Faxi, toma ropa y kabalu, sima bu fla y faze asi pa Mardukeu, judeu, ki sta xintadu na porta di rei. Y nada ko faze di eradu di kel ki bu fla". ¹¹Nton, Aman panha ropa y kabalu. E bisti Mardukeu y e lebal riba kabalu, pa ruas di sidadi. E pruklama se dianti, "E si ki ta fazedu pa omi ki rei ten prazer di onra!"¹²Mardukeu volta pa porton di rei. Ma Aman bai faxi pa se kaza, ta lamenta, ku se kabesa kubertu. ¹³Aman konta pa Zeris, se mudjer y pa tudu ses amigu sobri tudu ki kontisi kol. Nton, ses omi, ki era konxedu pa ses sabidoria, y Zeris se mudjer, fla-l: "Si Mardukeu, dianti di kenha ki dja bu kemesa ta fadja, e judeu, bu ka ta prevalesi kontra el, ma sertamenti bu ta kai se dianti". ¹⁴Inkuantu es staba ta falaba kol, ofisiais di rei txiga. Es apresa pa traze Aman pa banketi ki Ster pripara.

¹Nton, rei y Aman bai pa festa ku rainha Ster. ²Nes sugundu dia, inkuantu es staba ta sirbi vinhu, rei fla pa Ster: "Kal ki e bu petison, rainha Ster? E kel ki bu ta dadu. Kla ke bu pididu? Ti metadi di reinu, bu ta dadu".³Nton, rainha Ster, purgunta: " Si N atxa grasa nas bu odju, o rei, y si e di bu agradu, ki N dadu nha propi bida-keli ke nha petison- y tanbe N ta pidi pa nha povu. ⁴Pamodi nu bendedu, mi y nha povu, pa nu ser distruidu, mortu y inikiladu. Si es tinha bendedu nos apenas komu skravu, N ta fikaba kaladu, pamodi ninhun sufrimentu di keli ta justifikaba inkumoda rei". ⁵Nton, rei rei Asueru ruspondi pa Ster: "El e kenha? Undi sta kel algen ki trokadu kurason leba-l a faze kel kuza li?".⁶Ister fla: " Es runhu di Aman e adiversariu y inimigu! "Nton, Aman fika ku medu dianti di rei y di rainha. ⁷Rei labanta xatiadu di banketi di vinhu di festa y e bai pa jardin di palasiu, ma Aman fika ta inplora pa se bida pa rainha Ster. E odja ma rei staba ta disidi un dizastri kontra el.⁸Nton, rei volta di jardin di palasiu pa sala undi kes sirbi vinhu. Aman kaba di deta, undi staba Ster. Rei fla: "E ta bai ataka rainha na nha prisensa y na nha propi kaza? " Sin ki rei kaba di prununsia es frasi, servus kubri rostu di Aman.⁹Nton, Arbona, un di kes ofisial ki sirbi rei, fla: "Un forsa di sinkuenta kovadu di altura kolokadu na frenti di kaza di Aman. E pripara-l pa Mardukeu, kel ki fla pa prutegi rei". Rei fla: "Nforkal na el". ¹⁰Nton, es nforka Aman na forka ki e pripara pa Mardukeu; asi, ira di rei kalma.

¹Na kel dia, rei Asueru da pa rainha Ister prupiedadis di Aman, inimigu di judeus; y Mardukeu kumesa ta sirbi dianti di rei, pamodi Ster flaba pa rei ki Mardukeu e se parenti. ²Rei tra se anel di selar, ke toma di Aman, y e da pa Mardukeu, Ster inkarega Mardukeu di kuida di rikezas di Aman.³Dipos, Ister ripiti pa rei. E prosta ti txon y e txora ta inplora pa el pe kaba ku planu maligimu ki Aman, agajita, trama kontra judeus. ⁴Nton, rei stenti pa Ister setru di oru, y e labanta dianti di rei.⁵E fla: "Si e di agradu di rei, y si N atxa grasa na bus odju, si ta parsi sertu dianti di rei, y si ta agradou, dexa ki skrebedu un dikredu pa anula kartas skrebedus pa Aman, fidju di Amidata, agajita, karta ki e skrebi pa distrui judeus ki sta na pruvinsia di rei. ⁶Modi kin ta suporta odja es disgrasa kai riba di nha povu? Modi kin podi odja distruison di nha familia?"⁷Rei Asueru fla pa rainha Ster y pa Mardukeu, judeu: "odja, N da pa Ister pa kaza di Aman y es nforka-l pamodi e ta ba atakaba judeus. ⁸N skrebi otu dikretu pa judeus na nomi di rei y N sela-l ku anel di rei. Pamodi, un dikretu skrebedu na nomi di rei y seladu ku anel di rei ka podi ser anuladu".⁹Nton, skribas di rei txomadu na kel ora, na triseru mes, ki e mes di Sivan, na vijezimu triseru dia di mes. Dikretu skrebedu ku tudu kuza ki Mardukeu manda sobri judeus. Skrebedu pa guvernus di pruvinsia, guvernanti, y ofisial di tudu pruvinsia ki staba lokalizadu na India ti Itiópia, sentu y vinti pruvinsia, pa kada pruvinsiaa se propi manera di skrebi y na se propi lingua, y pa judeus skritu na se na se manera di skrebi y lingua.¹⁰Mardukeu skrebi na nomi di rei Asueru y e sela ku anel di rei. E manda dukumentus ku mensajerus montadu na kabalu mas rapidu ki ta uzadu na sirvisu di rei, di kavalaria di rei. ¹¹Rei da pirmison pa judeus ki staba na kada sidadi pa riuni y organiza pa pruteji ses bida; pa anikila, mata y distrui kualker forsa armada di kualker povu o pruvinsia ki tenta atakas, inkluindu kriansas y mudjeris; o sakia ses pose. ¹²Keli debe kontise na tudu pruvinsia di rei Asueru, na desimu triseru dia di desimu sugundu mes, ki e Mes di Adar.¹³Un kopia di dikretu debia ser mandadu komu lei y publikadu na tudu povu. Judeus debia staba prontu na kel dia pa vinga di ses inimigu. ¹⁴Nton, mensajerus munta na kabalu di rei ki era usadu pa sirvisu pa se sirvisu, y es bai faxi. Dikretu di rei tanbe mandadu di palasiu di Suzan.¹⁵Nton, Mardukeu dexa prisensa di rei bistidu di ropas di rei azul y branku, ku un grandi koroua di oru y mantu di linhu finu y di purpura. Y sidadi di Suzan grita y e alegra. ¹⁶Judeus fika filis, kontenti, elegri y ku onra. ¹⁷Na kada pruvinsia y kada sidadi, na tudu lugar undi ki txiga dikretu di rei, staba alegria y kontentamentu na meiu di judeus, banketis y festas. Na meiu di munti povu di tera es bira judeu, pamodi ruspetu di judeus kai riba des.

¹Na desimu sugundu mes, ki e mes di Adar, na desimu triseru dia, kantu ki ordi di rei y dikretu ta staba ku validadi, na dia ki inimigus di judeus speraba ganhaba es, kuntisi kontrariu. Judeus ganha forsa riba di kes ki ta odiaba es. ²Judeus djunta na ses sidadi pa tudu pruvinsia di rei Asueru, pa labanta mon krontra kes ki tenta traze-s dizastri. Ningen ka ta konsigiba ganhaba es, pamodi ses temor kai riba di tudu povu.³Tudu ofisial di pruvinsia, guverndor di pruvinsia , guvernador, y adiministradoris di rei, djuda judeus pamodi temor kes tinha di Mardukeu kai riba des. ⁴Pamodi, Mardukeu era inportanti na kaza di rei, y se fama spadja na tudu pruvinsia, pamodi Mardukeu bira kada bes mas grandi. ⁵Judeus ataka ses inimugus ku spada, ta mata-s y distrui-s y es faze kuze kes kre ku kes ki ta odiaba es.⁶Na propi fortaleza di Suzan, judeus mata y distrui kinhentus ómi. ⁷Es mata Parsandata, Dalfon, Aspata, ⁸Porata, Adalia, Aridata, ⁹Farmasta, Arizai, Aridai y Vaizata, ¹⁰y des fidju di Aman, fidju di Amidata, inimigu di judeus. Ma es ka leba ninhun rikeza.¹¹Na kel dia, nunbru di mortus na fortaleza di Suzan era kumunikadu pa rei. Rei fla pa rainha Ister. ¹²Judeus mata kinhentus ómis na fortaleza di Suzan, djuntu ku des fidju di Aman. Kuze, nton, ki dja es faze ku restu di pruvinsia di rei? Gosi, kual é bu pitison? E ta ser dadu. Kal ki é bu pididu? É ta se obidu.¹³Ister fla: Si é di agradu di rei, dexa ki judeus di Suzan ten pirmison pa faze tanbe amanhan sima dikretu di oji, y ki kes des fidju di Aman pudu na nforka. ¹⁴Nton, rei da ordi pa faze asi. Un dikretu imitidu na Suzan, y es nforka kes des fidju di Aman.¹⁵Judeus ki staba na Suzan djunta na désimu kuartu dia di mes di Adar, y es mata trizentu ómis a mas na Suzan, ma es ka pui mon na ses rikeza. ¹⁶Otus judeus ki staba na pruvinsia di rei djunta pa difende ses vida, y es resebe diskansu di ses inimigus y es mata stenta y sinku mil di kes ki ta odiaba es, ma es ka pui mon na rikeza di kes ki es mata.¹⁷Kuntise, na désimu triseru dia di mes di Adar, na désimu kuartu dia, es diskansa y es faze di el un dia di banketi y di alegria. ¹⁸Ma judeus ki staba na Suzan djunta na désimu triseru dia y na désimu kuartu dia . Na désimu kintu dia, es diskansa y es faze di el un dia di banketi y di alegria. ¹⁹Purisu, judeus di vila, ki kunstrui ses kaza na sidadi rural, ozerba désimu kuartu dia di mes di Adar moda un dia di alegria y banketi, y moda un dia ki es ta nvia oferta di kumida pa kunpanheru.²⁰Mardokeu rijistra kes kuzas li y nvia kartas pa tudu judeus ki staba na tudu pruvinsia di Asueru, pa kes di pertu y pa kes di lonji, ²¹ta obriga-s guarda désimu kuartu dia y désimu kintu dia di Adar tudu anu. ²²Kes-li era dias ki judeus libra di ses inimigus, y mes kantu se tristeza bira na alegria, y lamentason na dia di selebrason. es debia bira-l dias di banketi y alegria, ta nvia oferta di kumida pa kunpanheru, y oferta pa pobri.²³Asi, judeus kuntinua ta selebra kuze ki dja es tenba kumesadu, ta faze kuze ki Mardokeu skrebeba. ²⁴Na kel tenpu, Aman, fidju di Amidata, agajita, inimigu di tudu judeu, tenba tramadu ilimina judeus y tenba fulhadu pur (kel-li é sorti), pa anikila-s y distrui-s. ²⁵Ma, kantu asuntu txiga ti rei, e da ordi pa karta, pa ki planu maldozu di ki Aman tenba planejadu kontra judeus kai riba se propri kabesa, y ki el ku ses fidjus pudu pindiruradu na nforka.²⁶Purisu, kes dias era txomadu Purin, sugundu nomi di Pur. Trokadu di tudu ki staba skrebedu na kel karta, di ki odjadu y di ki kuntise, ²⁷judeus seta un nobu kustumi y obrigason. Es kustumi li ta serba pa es me, pa ses disendensia y pa tudu kes ki djunta ku es. Ta ser pa es silebra es dos dia tudu anu. Es ta silebra sima sta skrebedu y na data sertu kada anu. ²⁸Es dias li debe ser silebradu y ozerbadu na tudu jerason, tudu familia, tudu pruvinsia y tudu sidadi. Es judeus y ses disendenti nunka ka ta para di ozerba fielmenti es dias di Purin, asi, nunka es ka ta skese di es.²⁹Rainha Ster, fidja di AAbiail, y judeu Mardokeu skrebe ku tudu otoridadi y kunfirma es sugundu karta sobri Purin.³⁰Kartas nviadu pa tudu judeus di sentu y vinti y seti pruvinsia di reinu di Asueru, ta dizeja-s pas ku siguransa. ³¹Kes kartas ta kunfirmaba dias di Purin, na ses data diterminadu, sima Mardokeu, judeu, y rainha Ister da ordi pa judeus. Judeus seta es obrigason pa es me y pa ses disendenti, sima tanbe es seta tenpu di jijun y lamentason. ³²Ordenansa di Ster kunfirma es rigulamentu sobri Purin, y kel-li skrebedu na livru.

¹Nton, rei Asueru obriga un inpostu na tera y na rejion di litoral. ²Tudu ses atu di forsa y puder, djuntu ku rilatu di grandeza di Mardukeu, ki e dadu pa rei, sta skrebedu na livrus di kronika di reis di Media y di Persia.³Mardukeu, judeu, bira sugundu omi di baxu di rei Asueru. El era grandi na meiu di judeus y nportanti pa ses monti irmon judeu, pamodi e sa buskaba konfortu di se povu y e ta papia pa pas di se povu.

¹Pruvérbiu di Salumon, fidju di Davidi, rei di Israel. ²Kes pruvérbiu li é pa nxina sabiduria y nstruson, pa nxina palavra di intendimentu, ³pa ki bu pode resebe kureson, pa bu faze kuza é dretu, justu y kuretu.⁴Kes pruvérbiu li tambe é pa da sabiduria pa kenha ki sinplis, ntendidu y maturidadi pa joven. ⁵Pa ki sabidus obi y omenta ses aprendizadu, y pa ki pesoa ku disernimentu ser giadu, ⁶pa ki es ntende pruvérbiu, ditus y palavras di sabidu y ses adibinha.⁷Temor di Nhordes é prinsípiu di kunhesimentu, ma tolu ta dispreza sabiduria y disiplina. ⁸Nha fidju, obi nxinamentu di bu pai y ka bu dispreza nstruson di bu mai; ⁹es ta ser sima koroa grasioza pa bu kabesa y kolar pa bu piskos.¹⁰Nha fidju, si pekador tenta konvense-u bai peka djuntu ku es, nega bai ku es. ¹¹Si es fla: " Ben ku nos, nu ta arma armadilha pa mata algen; nu fika sukundidu y nu ataka un inosenti.¹²Nu ta kume-l bibu, sima sipultura ta nguli kes ki sta prontu, sima kes ki ta dixi pa koba. ¹³Nu ta nkontra tudu tipu di kuzas valiozu, nu ta intxi nos kaza ku kuzas ki nu roba di otus. ¹⁴Ben ku nos, nu ta dividi di igual pa igual.¹⁵Nha fidju, ka bu anda nes kaminhu ku es, nen ka bu dexa bu pe piza na undi ki es ta pasa; ¹⁶Pamodi ses pe ta kore pa maldadi y es ta fadiga pa tra sangi. ¹⁷Ka bali pena arma un redi pa panha un pasáru timenti pasáru sta atentu.¹⁸Kes omi li, ki ta fika ta spreta pa mata, es ta arma armadilha pa es me. ¹⁹Asi é kaminhu di tudu kes ki ta bira riku ku njustisa; ganhu njustu ta tra vida di kes ki ta buska-l.²⁰Sabiduria ta grita rixu na rua y ta labanta se vos na prasa; ²¹na skina tumultuadu, e ta djata; na porton di entrada di sidadi, el ta diklara: " Ti ki tenpu, nhos ki ka ten sabiduria, ta kuntinua ta ama tulisi? ²²Ti ki tenpu, nhos ki é trosentu, nhos ta dilisia na nhos trosa, y ti ki tenpu, nhos ki é tolu, ta ódia kunhesimentu?²³Nhos presta atenson na nha reprenson; N ta lansa nhos nhas pensamentu y N ta rivela nhas palavra pa nhos. ²⁴N txoma, ma nhos nega obi-m; N stende nha mon y ningen ka presta atenson. ²⁵Nhos iginora tudu nha nstruson y nhos ka leba en konta nha reprenson.²⁶N ta ben ri na nhos disgrasa, N ta ben faze nhos trosa oras ki teror txiga, ²⁷oras ki pavor ben sima un tenpestadi y dizastri bari nhos sima un ridimuinhu, ntn, angustia ku kasabi ta kai riba nhos.²⁸Nhos ta grita-m, y N ka ta rusponde; Nhos djobe-m dizisperadu, ma nhos ka ta atxa-m. ²⁹Pamodi nhos ódia kunhesimentu y nhos ka skodje temor di Nhordes. ³⁰Nhos ka sigi nhas kunsedju y nhos dispreza tudu nha reprenson.³¹Nhos ta ben kume frutu di nhos kaminhu y ku frutu di nhos kunfuzon, nhos ta intxi. ³²Pamodi kes finjidu ta matadu oras ki es disvia y filisidadi di tolu ta distrui-s. ³³Ma kel ki obi-m ta vive na siguransa y ta diskansa trankilu, sen medu di mal".

¹Nha fidju, si bu rasebe nhas palavra y guarda nhas mandamentu ku bo, ²mante bu obidu atentu pa sabiduria y nklina bu kurason pa ntendimentu.³Si bu grita pa ntendimentu y labanta bu vos pa kel-li, ⁴si bu buska kel-li sima kenha ki sa buska prata y bu djobe ntendimentu sima kenha ki sa djobe tizoru sukundidu, ⁵nton, bu ta ntende temor di Nhordes y bu ta atxa kunhesimentu di Deus.⁶Pamodi Nhordes ta da sabiduria; di Se boka ta ben kunhesimentu ku ntendimentu. ⁷E ta rizerva verdaderu sabiduria pa kes ki ta agrada-L; El é un skudu pa kes ki ta anda dretu. ⁸E ta guarda strada di justisa y E ta prizerva kaminhu di kes ki é fiel ku El.⁹Nton, bu ta ben ntende kuze ki é retidon, justisa, igualdadi y tudu kaminhu bon . ¹⁰Pamodi sabiduria ta ben entra na bu kurason, y kunhesimentu ta ser agradavel pa bu alma.¹¹Disernimentu ta ben vijia-u, ntendimentu ta ben guarda-u. ¹²Es ta risgata-u di kaminhu di maldadi, di kes ki ta papia kuzas runhu, ¹³di kes ki ta abandona kaminhu justu y anda na kaminhu sukuru.¹⁴Kes-li es ta alegra na faze maldadi y es ta dilisia na pratika malvadesa . ¹⁵Es ta sigi kaminhu tortu y ta uza mintira pa sukundi ses trajetoria.¹⁶Sabiduria ku pustura ta salva-u di mudjer adúltera, di mudjer di vida y di ses palavra atraenti. ¹⁷E ta abandona kunpanheru di se juventudi y e ta skese di alinsa di se Deus.¹⁸Pamodi se kaza ta pende pa morti y ses strada, pa sipultura. ¹⁹Tudu kes ki ta diriji pa el, ka ta volta, nen ka ta atxa kaminhu di vida.²⁰Ma, bu ta ben anda na kaminhu di algen dretu y bu ta sigi strada di justu. ²¹Pamodi kes ki ta aji kuretu ta ben mora na tera y kes ki é dretu na el ta permanese. ²²Ma kes ki é runhu ta ser iliminadu di tera, y kes ki é infiel ta tradu di el.

¹Nha fidju, ka bu skese di nhas mandamentu; y mante nhas nxinamentu na bu kurason, ²pa ki bu akrisentadu dias kunpridu, anus di vida y pas.³Ki fidelidadi y lialdadi pa aliansa nunka abandona-u; mara-l na bu piskos y skrebe-s na tábua di bu kurason. ⁴Nton, bu ta atxa favor y bon riputason dianti di odju di Deus y di ómi.⁵Kunfia na Nhordes ku tudu bu kurason y ka bu apoia na bu própri ntendimentu; ⁶rikonhese-L na tudu bu kaminhu y E ta ben faze bus strada dretu.⁷Ka bira sabidu na bus própri odju, teme Nhordes y afasta di maldadi. ⁸kel-li ta ser kura pa bu karni y diskansu pa bu korpu.⁹Onra Nhordes ku bus rikeza y ku prumeru frutu di tudu bu plantason. ¹⁰Y bus armazen ta intxi y bus baril ta intxi ti ta baza di vinhu nobu.¹¹Nha fidju, ka bu dispreza disiplina di Nhordes y ka bu ódia se reprenson, ¹²pamodi Nhordes ta disiplina kenha ki E ta ama, sima un pai ta aji ku un fidju ki ta agrada-l.¹³Abensuadu é kel ki ta atxa sabiduria, el tanbe ta alkansa ntendimentu. ¹⁴kuze ki bu ta ganha ku sabiduria é midjor ki rikonpesa di prata y se lukru, midjor ki oru.¹⁵Sabiduria é mas prisiozu ki joia y nada di ki bu ta dizeja ta konpara ku el. ¹⁶E ten tenpu bida kunpridu na se mon ndreta; na se mon skerda, rikeza ku onra.¹⁷Ses kaminhu é kaminhu di bondadi y tudu ses strada é di pas. ¹⁸El é un árvi di vida pa kes ki ta pega-l; kes ki ta mante-l é abensuadu.¹⁹Ku sabiduria, Nhordes kria tera; ku ntendimentu, é stabelese séu. ²⁰Ku se kunhesimentu, prisipísiu abri y nuven pinga orvalhu.²¹Nha fidju, mante pustura ku disernimentu, y ka bu perde-s di vista. ²²Es ta ser bida pa bu alma y nfetu di fineza pa bu piskos²³Nton, bu ta anda suguru na bu kaminhu y bus pe ka ta tonba. ²⁴Oras ki bu deta, bu ka ta ten medu; bu ta deta y bu sonu ta ser suavi.²⁵Ka bu ten medu di teror ki ta ben direpenti; nen di divastason kauzadu pa runhu ora ki e ben. ²⁶pamodi Nhordes ta sta na bu ladu y E ta guarda bus pe di kai na armadilha.²⁷Ka bu dexa di faze ben pa kenha ki meste, oras ki bu ten puder di faze-l. ²⁸Ka bu fla bu prósimu: "Bai y bu ben dipos, y amanhan N ta da-u", oras ki dja bu tini dinheru ku bo.²⁹Ka bu faze ninhun planu kontra bu prósimu, ki ta vive pertu di bo, y ki ta kunfia na bo. ³⁰Ka bu briga sen razon, ku algen, oras ki es algen nada ka faze pa prujudika-u.³¹Ka bu xinti inveja di ómi violentu, Nen ka bu skodje ninhun di ses kaminhu. ³²pamodi omi dizonestu Nhordes ta ditesta, ma E ta faze di justu se amigu privadu.³³Maldison di Nhordes sta riba kaza di runhu, ma E ta bensua kaza di justu. ³⁴E ta faze di tolu trosentus, ma E ta da Se favor pa kes ki é umildi.³⁵Kenha ki ten juis ta erda onra, ma tolu ta odjadu na se burgonha.

¹Fidjus, nhos sukuta nstruson di nhos pai y nhos presta atenson; asi nhos ta konxe kuze ki é ntendimentu. ²N sa ta da nhos bons nstruson; ka nhos abandona nha nxinamentu.³Kantu ami era mininu di nha pai, pikinoti y úniku fidju di nha mai, ⁴e ta nxinaba ami y e ta flaba mi: Ki bu kurason karapati na nhas palavra; guarda nhas mandamentus y bu ta vive.⁵Djobe sabidoria ku ntendimentu; ka bu skese y nen ka bu rejeta palavra di nha boka; ⁶ka bu abandona sabidoria, y e ta proteje-u; ama-l, y e ta mante-u suguru.⁷Sabidoria é kuza mas inportanti, purtantu djobe sabidoria y uza tudu ki bu ten pa atxa ntendimentu. ⁸Da valor pa sabidoria y e ta izalta-u. E ta onra-u ora ki bu abrasa-l. ⁹E ta pu-u un koroa di onra na bu kabesa; e ta da-u medalha di gloria.¹⁰Obi nha fidju, y presta atenson na nhas palavra, y bu ta ten txeu anu di bida. ¹¹N kunduzi-u na kaminhu di sabidoria; N gia-u pa kaminhu di justisa. ¹²Oras ki bu anda, ningen ka ta npidi bus kaminhu, y si bu kore, bu ka ta tonba.¹³Pega na nhas nstruson, ka bu larga; guarda-l, pamodi el é bu bida. ¹⁴Ka bu sigi pa strada di algen runhu y ka bu anda pa kaminhu di kes ki ta faze mal. ¹⁵Ivita-l, ka bu pasa djuntu di el; afasta di el y bai pa otu kaminhu.¹⁶Pamodi es ka ta kunsigi durmi ti ki es faze mal, y es ka ta xinti sonu ti ki es faze algen kai. ¹⁷Pamodi es ta kume pon di maldadi y es ta bebe vinhu di violensia.¹⁸Ma strada di justu é sima lus di palmanhan, ki ta kumesa lumia y ta ba ta krese; e ta lumia mas y mas ti ki dia konpletu txiga. ¹⁹Kaminhu di algen runhu é sima sukuru, es ka sabe na kuze ki es ta da topada.²⁰Nha fidju, presta atenson na nhas palavra; baxa bu obidu pa kuzas ki N sa ta fla. ²¹Ki es ka afasta di bus odjus; guarda-s na bu kurason.²²Pamodi nhas palavra é vida pa kes ki ta atxa-s y saudi pa se korpu interu. ²³Mante bu kurason suguru y guarda-l ku tudu sforsu, pamodi é di el ki ta ben fonti di bida.²⁴Tra di dentu bo, palavra falsu y afasta di bo kunbersu runhu. ²⁵Ki bus odjus odja pa frenti y fiksa bu olhar na kel ki sta bu dianti.²⁶Faze un trajetu retu pa bus pe, nton, tudu bus kaminhu ta sta suguru. ²⁷Ka bu disvia nen pa ndreta y nen pa skerda; afasta bus pe di mal.

¹Nha fidju, presta atenson na nha sabiduria; baxa bus obidu pa nha ntendimentu, ²pa ki bu prende sobri pustura, y bus beju pruteje kunhesimentu.³Pamodi beju di mudjer adúltera ta pinga mel, y se boka é mas suavi ki azeti, ⁴ma, na final, é margos sima fel, y afiadu sima spada.⁵Ses pe ta dixi pa morti, ses pasu ta leba pa kaminhu di Infernu. ⁶E ka ta priokupa ku rumu di vida; ses pasu ta vagia, e ka sabe pa undi ki e ta bai.⁷Gosi, nhas fidju, nhos sukuta-m; ka nhos disvia di palavra di nha boka. ⁸Nhos mante nhos kaminhu longi di el, y ka nhos aprosima di porta se kaza.⁹Faze di kel manera li pa ka kuntise ki bu da bu onra pa otu, o bus anus di bida pa un algen kruel; ¹⁰stranhus ta farta di bu rikeza; kel pa kual bu trabadja ta bai pa kaza di stranhus;¹¹Y na fin di bu vida, bu ta jeme oras ki bu karni y bu korpu ivapora; ¹²y bu ta fla:" Mo ki N ódia disiplina y nha kurason rejeta kureson!¹³N ka obedese nhas prufesor, nen N ka baxa nha obidu pa kes ki nstrui-m. ¹⁴Kuazi N kai konpletamenti na ruina na meiu di asenbleia, dentu kongregason".¹⁵Bebe agu di bu própri sisterna, y agu kurenti di bu própri posu. ¹⁶Purakazu, bus fonti debia baza pa tudu ladu, y bu riaxu kore na prasa públika? ¹⁷Ki ser so pa bo, y ka pa bo ku stranhu.¹⁸Ki bu fonti bira abensuadu, y alegra ku spoza di bu juventudi; ¹⁹pamodi el é un korsa amuroza, un gazela grasioza. Ki ses máma senpri intxi-u di prazer y ki bu fika kontinuamenti moku pa se amor.²⁰Pamodi, pa kuze ki abo, nha fidju, bu ta serba kativadu pa un mudjer adúltera? Pamodi ki bu ta abrasaba mámas di mudjer di vida? ²¹Nhordes ta odja tudu kuza ki un pesoa ta faze y e ta ozerba tudu kaminhu ki e ta anda na el.²²Kurupitu ta prendedu pa ses própri malvadesa; korda di se pekadu ta prende-l rixu. ²³E ta more trokadu di se falta di disiplina; y pa se falta di juis, e ta disvia.

¹Nha fidju, si bu pui bu dinheru moda garantia di inpréstimu ki bu prósimu pidi-u, si bu da bu palavra pa inpréstimu di algen ki bu ka konxe. ²Nton bu faze un armadilha pa bo me pa bu prumesa, y bu pegadu pa palavra di bu boka.³Nes kazu, nha fidju, faz kel-li y bu liberta, pamodi bu kai na mon di bu prósimu. Bai, umilha y difende bu kazu dianti di bu prósimu.⁴Ka bu da bus odju ninhun sonu, y bus pálpebra, ninhun diskansu. ⁵Libra bu kabesa sima gazela ta libra di mon di kasador, sima un pásaru di mon di pasarinheru.⁶Odja pa furminga, prigisozu, kunsidera ses kaminhu, y bu bira sabidu. ⁷El ka ten kumandanti, ofisial o guvernanti, ⁸ma, el ta pripara se alimentu na veron, y duranti kodjeta, el ta armazena kuze ki e ta bai kume.⁹Kantu tenpu inda bu ta durmi, prigisozu? Ki oras ki bu ta labanta di bu sonu? ¹⁰Un poku mas di sonu, un poku mas di diskansu, un poku mas di brasu kruzadu pa diskansa; ¹¹y bu pobreza ta alkansa-u sima un ladron y bus nesesidadi, sima un tropa armadu.¹²Algen inutil, ómi runhu, ta vive ku diskursu mintirozu, ¹³ta piska ses odju, ta faze sinal ku ses pes y ta ponta ku ses dedu.¹⁴El ta planeja mal ku se kurason mintirozu; el senpri é ta pui lumi na kunfuson. ¹⁵Purisu se disgrasa ta alkansa-l ora ki e ka ta spera; na un mumentu, el ta ser kebradu sen pusibilidadi di kura.¹⁶Ten sais kuza ki Nhordes ta odeia, seti ki E ta ditesta:¹⁷Odju di orgulhozu, língua mintiroza, mon ki ta baza sangi di inosenti, ¹⁸kurason ki ta nventa planus di runhesa, pes ki ta kore fadigadu pa faze mal, ¹⁹tistimunha ki ta konta kasi y kel ki ta simia kunfuson na meiu di irmons.²⁰Nha fidju, obedese mandamentu di bu pai y ka bu abandoba nxinamentu di bu mai. ²¹Liga-s senpri na bu kurason; mara-s na ladu di bu piskos.²²Oras ki bu anda, es ta gia-u; oras ki bu durmi, es ta zela pa bo, y oras ki bu korda, es ta nxina-u. ²³Pamodi bu mandamentu e lanpra y nxinamentu é lus; reprenson ki ta ben di disiplina é kaminhu di bida.²⁴El ta prizerva-u di mudjer di vida, di palavras doxi di adúltera. ²⁵Na bu kurason ka bu kubisa se beleza y ka bu dexa ser kapituradu pa ses pistana²⁶Durmi ku un prustituta pode kusta-u un padas di pon, ma durmi ku spoza di otu pode kusta bu própri vida. ²⁷Purakazu un ómi pode anda ku lumi djuntu di se petu sen kema se ropa?²⁸Pode un ómi anda riba braza sen kema ses pe? ²⁹Asi é ómi ki ta durmi ku mudjer di se prósimu; kel ki ta durmi ku el ka ta fika sen kastigu.³⁰Pesoas ka ta dispreza un ladron si e furta pa e sasia se nesesidadi, oras ki e sta ku fomi. ³¹Ma si e pegadu, e ta paga seti bes kuze ki e furta. E ta pudu ntrega tudu di valor ki e ten na se kaza.³²Kel ki ta kumete adultériu ka ten juis; kenha ki ta aji asi ta distrui el me. ³³Fridas ku burgonha é kuze ki e merese, y se disgrasa ka ta paga.³⁴Pamodi siumis ta faze un ómi fika furiozu; e ka ta mostra ninhun mizirikordia oras ki e ta vinga. ³⁵E ka ta seta ninhun rikonpensa, y e ka ta pode ser kunpradu, mesmu si bu da-l monti prizenti.

¹Nha fidju guarda nha palavra y konserva nhas mandamentu ku bo. ²Obedese nhas mandamentu y vive; guarda nha nstruson sima minina di bus odju. ³Mara-s na bus dedu; skrebe-s na tabua di bu kurason.⁴Fla pa sabiduria: "abo é nha irma", y txoma ntendimentu di bu parenti, ⁵pa bu difende di mudjer adúltera, di mudjer di vida y di ses palavra doxi.⁶Di janela di nha kaza, N staba ta odja pa gradi, ⁷y N odja kes inosenti, N persebe, na meiu di joven, un rapas sen juis.⁸Kel rapas pasa pa rua, pertu di se beku, e bai retu pa se kaza. ⁹Era na boka noti, na fin di dia, na tenpu di noti y di sukuru.¹⁰La mudjer atxa-l, bistidu sima prustituta, ku un kurason astutu. ¹¹El era barudjenta y teimoza, ses pes ka ta paraba dentu kaza, ¹²ora e ta staba na rua, ora e ta staba na merkadu, na tudu beku e ta fikaba ta spreta.¹³Nton, e bota-l mon y e beja-l, y sen burgonha, e fla: ¹⁴Oji N faze nha oferta di pas, dja N paga nhas votu. ¹⁵Nton, N sai pa atxa-u, N djobe bu rostu ku gana y dja N atxa-u.¹⁶Dja N stende kubertas na nha kama, lansol di Ijitu ku monti kor. ¹⁷Na nha kama un pui purfumi di mira, aloes y kanela. ¹⁸Ben! Nu mukise di amor ti manxe y nu farta di faze seksu.¹⁹Pamodi nha maridu ka sta na kaza, e bai pa un viaji ki ta dura txeu tenpu. ²⁰E pega un bolsa ku dinheru y e ta volta na dia di lua xeiu. ²¹Ku se palavra di siduson, e persuadi-l, y e ku ses beju doxi, e konvense-l.²²Na faxi-faxi, e sigi-l, sima un boi ki sa ta bai pa matadoru o sima korsa ki pegadu na un armadilha. ²³Ti ki un flexa fra-l fígadu, o sima pásaru ki ta kore pa lasu sen sabe ma kel-li ta kusta-l se bida.²⁴Gosi go, nhas fidju, nhos sukuta-m, nhos pui atenson pa palavras di nhas boka. ²⁵Ki bu kurason ka disvia pa se kaminhu; ka bu anda perdidu na ses strada.²⁶Es mudjer dja pui monti algen ta kai; ses vítima mortal é ka poku. ²⁷Se kaza sta na kaminhu pa Infernu, ki ta dixi ti kes kuartus sukuru di morti.

¹Purakazu sabiduria ka sta ta djata? Intendimentu ka sta ta labanta se vos? ²Na topu di kulina, na ladu di strada, na kruzamentu, sabiduria ta puzisiona. ³Pertu di porton di strada di sidadi, na intrada di porton, e sa djata:⁴Povu, é pa nhos ki N sa grita; nha vos é pa tudu fidjus di ómi. ⁵Nhos ki é inosenti, nhos prende sabiduria; y nhos ki é tolu, nhos omenta ntendimentu na nhos menti.⁶Nhos sukuta, pamodi N ta ben fala kuzas diginu y oras ki N ta abri nha boka, N ta papia kuzas dretu, ⁷pamodi nha boka ta papia kuza é kunfiavel y nhas bexu ta odeia maldadi.⁸Tudu palavra di nha boka é justu, ka ten nada tursidu o mintirozu na es. ⁹Tudu nhas palavra é retu pa kel ki ta ntende-l; nhas palavra é kuretu pa kes ki ta atxa kunhesimentu.¹⁰N skodje nha struson riba di prata y konhesimentu mas di ki oru puru. ¹¹Pamodi sabiduria é midjor di ki joia; ninhun tizoru ka ta konpara ku el.¹²Ami, sabiduria, N ta vive ku maturidadi y N ta pusui kunhesimentu y pustura. ¹³Temor di Nhordes é ódia mal; N ta odeia orgulhu y arogansia, kaminhu maliginu y diskursu runhu. N ta odeia-s.¹⁴Ami N ten bon konsedju y sabiduria dimidivera; Ami N ten dirsinimentu y forsa ta pertense-m. ¹⁵Trokadu mi, reis ta reina, y guvernanti ta faze lei ki é justu. ¹⁶Trokadu mi, prínsipis ta lidera y nobris ta guverna ku justisa.¹⁷N ta ama kes ki ta ama-m, y ta atxa-m, kes ki ta sforsa pa djobe-m. ¹⁸Ku mi izisti rikeza, onra, fartura ki ta dura y justisa.¹⁹Nha frutu é midjor ki oru, midjor ti ki oru finu; Kuze ki N ta pruduzi é midjor di ki prata puru. ²⁰N ta anda na kaminhu ki é kuretu, na strada ki ta kunduzi justisa, ²¹pa N da un eransa pa kes ki ta ama-m y intxi ses tizoru.²²Nhordes kria-m na prinsípiu; antis di Ses obra antigu. Na kel tenpu pasadu, ²³N fazedu, desdi prinsípiu, desdi di kumesu di tera.²⁴Antis ki izisti osianus, N jeradu, antis ki tenba txeu fonti di agu. ²⁵Antis ki muntis era firmdu, y antis di kulina, N nase.²⁶N nase antis ki Nhordes faze tera o kanpus, o mesmu prumeru puera na mundu. ²⁷N staba la kantu ki E faze séu, kantu E dizenha orizonti pa riba di prisipísiu.²⁸N staba la kantu ki E faze nuven la riba y kantu ki fonti di prisipísiu firmadu. ²⁹N staba la kantu E faze limiti di mar, di manera ki ondas ka ta spadja alen di undi ki E manda-s, y kantu E pui limiti na fundamentu di tera seku.³⁰N staba na se ladu, sima un mestri di artizon; N era se alegria di tudu dia, senpri kontenti dianti di El. ³¹N staba ta alegra na tudu Se mundu, nha alegria era na fidjus di ómi.³²Gosi, nhas fidju, nhos sukuta-m, pamodi kes ki ta guarda nha kaminhu ta ser filis. ³³Nhos sukuta nhas nstruson y nhos ta ser sabidu; ka nhos dispreza-l. ³⁴Kel ki ta sukuta-m ta ser abensuadu, ta vijia kada dia na nha porton, ta spera djuntu batenti di nhas porta.³⁵Pamodi kenha ki atxa-m ta atxa vida, y ta atxa favor di Nhordes. ³⁶Ma kes ki ta fadja, ta faze mal pa se vida; tudu kes ki ta odia-m ta ama morti.

¹Sabidoria dja ergi se prorpi kaza; e finka se seti pilar di pedra. ²Da e mata ses limaria pa kume, y dja e mistura se vinhu y pui na meza.³E manda kunviti pa ses npregadu y e djata na ponta mas altu di sidadi: ⁴"Nhos ki é inosenti, nhos ben pa li!". E sa ta papia pa kes ki ka ten juis:⁵Nhos ben! Nhos kume y nhos bebe di vinhu ki N mistura. ⁶Nhos dexa nhos atitudi mariadu y nhos vive; nhos anda na kaminhu di ntendimentu.⁷Kenha ki ta kurije un trosentu ta resebe afronta, y kenha ki ta reprende un pesoa maldozu ta resebe nsutadu. ⁸Ka bu reprende trosentu, pamodi el ta odia-u; ma reprende sábidu y e ta ama-u. ⁹Da nstruson pa un sabidu, y e ta bira mas sabidu inda; nxina justu, y e ta krese na se kunhesimentu.¹⁰Temor di Nhordes é kumesu di sabedoria, y kunhesimentu di santu é ntendimentu. ¹¹Pamodi, trokadu mi, bus dia ta ser omentadu y bus anus di bida ta krese. ¹²Si bu for sabidu, bu ta ser sabidu pa bu propri kabesa, ma, si bu for trosentu, bu ta guenta kel-la bo so.¹³Tulisi é mudjer iginoranti; El é makriada y e ka sabe di nada. ¹⁴E ta xinta na porta di se kaza, e ta xinta na kes lugar altu di sidadi. ¹⁵E ta txoma kes ki sa ta pasa y kes ki sa ta anda dretu na ses kaminhu.¹⁶" Ben li, nhos ki é inosenti!" E ta fla pa kes ki ka ten juis: " ¹⁷Agu furtadu é doxi y pon nhemedu sukundidu é sabi". ¹⁸Pamodi, es ka sabe ma morti sta la, ki ses kunvidadu sta na fundu di mundu di mortus.

¹Pruvérbius di Salumon. Un fidju sabidu ta alegra se pai, ma un fidju tolu ta traze aflison pa se mai. ²Tizoru djuntadu pa meiu di runhesa ka ten valor, ma faze kuze ki é dretu ta libra-u di morti. ³Nhordes ka ta dexa alma di justu pasa fomi, ma E ta frustra dizeju di runhu.⁴Mon prigisozu ta faze algen fika pobri, ma mon di sforsadu ta ganha rikezas. ⁵Fidju sabidu ta djunta kudjeta na veron, ma kel ki ta durme na tenpu di kudjeta é burgonha.⁶Prizentis di Deus sta riba di kabesa di justu, ma boka di runhu ta ngatxa violensia. ⁷Algen justu ta faze fika filis kes ki ta lenbra di el, ma nomi di runhu ta pudrise.⁸Kes ki ten un kurason abertu ta seta ordi, ma tolu ki ta papia txeu ta kai na disgrasa. ⁹Kel ki ta anda dretu ta anda na siguransa, ma kel ki ta anda na kaminhu tortu, es ta ben diskubridu.¹⁰Kel ki ta piska odju ta kauza aflison, y tolu ki ta papia txeu es ta dadu ku el na txon. ¹¹Boka di justu é un fonti di agu di bida, ma boka di runhu ta ngatxa violensia.¹²Ódiu ta traze kunfuson, ma amor ts kubri tudu ofensa. ¹³Sabiduria ta atxadu na boka di algen ki ten disirnimentu, ma xikoti é pa kodts di kes ki ka ten juis.¹⁴Sabidus ta djunta kunhesimentu, ma boka di tolu ta traze distruison. ¹⁵Rikeza di riku é se sidadi forti; pobreza di pobri é se mizeria.¹⁶Salariu di justu ta kunduzi pa vida; lukru di runhu ta leba pa pekadu. ¹⁷Ta sta na kaminhu pa bida kes ki ta sigi disiplina, ma kes ki ta rejeta adivertensia ta disvia.¹⁸Kenha ki ta sukundi ódiu ten boka mintirozu y kenha ki ta spadja kalunia é tolu. ¹⁹Oras ki ten txeu palavra, ka ta falta infrason, ma kel ki é kuidadozu ku kuzas ki e ta papia é sabidu.²⁰Boka di justu é prata puru; ten poku valor na kurason di runhu. ²¹Boka di justu ta alimenta txeu algen, ma tolus ta more trokadu ses tulisi.²²Bon prizentis di Nhordes ta traze rikeza, sen dor. ²³Runhesa é un djogu ki tolu ta pratika, ma sabiduria é prazer pa ómi di ntendimentu.²⁴Medu di runhu ta bira riba di el, ma dizeju di justu ta ser kunpri. ²⁵Sima tenpestadi ki ta pasa, asi runhu ta dexa di izisti; ma justu é sima fundason ki ta dura pa senpri.²⁶Sima vinagri pa denti y fumasa pa odju, asi é prigisozu pa kes ki ta manda-l. ²⁷Temor di Nhordes ta omenta bida, ma anus di runhu ta ser poku.²⁸Speransa di justu é se alegria, ma xintidu di runhu ta dizaparese. ²⁹Kaminhu di Nhordes ta gazadja kes ki ta anda dretu, ma distruison é pa runhus. ³⁰Justu nunka ka ta ser dirotadu, ma runhu ka ta kuntinua riba mundu.³¹Di boka di justu ta sai frutu di sabidoria, ma língua di runhu ta sapadu. ³²Boka di justu sabe kuza ki é dretu, ma boka di runhu ta sai so palavras mariadu.

¹Nhordes ta ódia balansa ki ta peza mal, ma E ta fika kontenti ku un pezu justu. ²Oras ki orgulhu ben, tdisgrasa ta ben djuntu ku el, ma ku umildadi sta sabiduria.³Intigridadi di justus ta gia-s, ma atitudi runhu di runhus di trasueru ta distrui-s. ⁴Rikeza ka bali nada dia di raiba, ma faze kel ki é kuretu ta libra-u di mori.⁵Manera sertu di inosenti ta faze se kaminhu retu, ma runhu ta kai pa se propi runhesa. ⁶Integridadi di kes ki ta agrada Deus ta mante-s suguru, ma trasueru ta ben kai na ses propri kubisa.⁷Oras ki un ómi runhu more, se speransa ta perde, y speransa ki staba na se forsa ta bira na nada. ⁸Justu ta mantidu lonji di angústia, y kel-la ta kai riba runhu.⁹Ku se boka, ínpiu ta distrui se vizinhu, ma pamodi kunhisimentu, justus ta mantidu na suguransa; ¹⁰oras ki justu prospera, sidadi ta elgra; oras ki runhu more, ta ten gritu di kontentamentu. ¹¹Trokadu di kes bon prizentis di kes ki ta agrada Deus, sidadi ta bira grandi; pa boka di runhu, sidadi ta dadu ku el na txon.¹²Ómi ki ta dispreza se amigu e ka ten bon juis, ma ómi di ntindimentu ta fika ketu. ¹³Kel ki ta spadja kalúnia ta rivela segredu, ma algen fiel ta mante segredu guardadu.¹⁴Oras ki ka ten bon direson, nason ta kai, ma vitoria ta ben oras ki kunsultadu txeu konselheiru.¹⁵kel ki ta fika fiador di npréstimu pa um stranhu, sertamenti, y ta sufri, ma kel ki ka ivita faze parti di es tipu di prumesa ta sta suguru. ¹⁶Mudjer dretu é onradu, ma pesoas inpiedoza ta fika agaradu na rikeza.¹⁷Algen idukadu ta djuda se kabesa, ma kel ki e malvadu ta prujudika el me. ¹⁸Runhu ta konta mintira pa ganha se salariu, ma kel ki ta simia kuzas dretu ta kodje saláriu di verdadi.¹⁹Algen ki ta faze kuza ki é dretu ta vive, ma kel ki ta buska kuzas mariadu ta more. ²⁰Nhordes ta ódia kes ki kurason é runhu, ma E ta kontenti na kes ki é inosenti.²¹Dimidivera, runhus ka ta fika sen punison, ma disendenti di justu ta ser mantidu suguru. ²²Mudjer bunita, ma sen pustura, é sima un anel di oru na fusinhu di porku.²³Dizeju di justu ta finda na ben, ma runhus es pode spera so ira. ²⁴Ten kel ki ta spadja, y ta djunta inda mas; ten otu ki ta guarda kel ki e debia daba, y e ta kai na pobreza.²⁵Pesoa jeneroza ta pruspera, y kel ki ta da águ pa otus ta ben ten águ pa el. ²⁶Povu ta amaldisua kel ki ta rikuza bendi gron, ma bon prizentis ta koroa kabesa di kes ki ta bende-s.²⁷Kel ki ta sforsa pa buska ben, ta atxa favor, ma kel ki ta buska mal, mal ta atxal. ²⁸Kes ki ta kunfia na ses propri rikeza es ta kai, ma, sima fodja, kes kita faze ben, florese.²⁹Kel ki ta traze prublema pa se prórpi kaza ta erda bentu, y tolu ta ser servu di sabidu di kurason.³⁰Frutu di justu ta ser sima árvori di vida, y kel ki é sabidu ta ganha alma. ³¹Si justu ta risebe kel ki e merese, inda mas runhu ku pekador!

¹Kel ki ta ama disiplina ku kunhisimentu, ma e ta ódia kureson é loku. ²Nhordes ta da favor pa ómi bon, ma E ta kondena ómi ki ta faze planus mau.³Un algen ka pode firma pa maldadi, ma justus ka pode ten ses rais rinkadu. ⁴Un spoza dígina é koroa pa se maridu, ma kel ki ta taze-l burgonha é sima un duensa ki ta pudrise-l se osu.⁵Planus di justus é dretu, ma konsedju di imorais ta ngana. ⁶Palavras di kurupitus é un armadilha, ki ta spera un xansi pa mata, ma palavras di onestu ta mante-s suguru.⁷Kurupitus ta dadu ku el na txon y es ta kaba, ma kaza di justus ta fika di pe. ⁸Un algen ta ngabadu pa sabiduria ki e ten, ma kel ki ta skodje kuzas runhu e ta disprezadu.⁹É midjor ten un puzison sen nportansia - ser so un servu - di ki bu ngaba di bu nportansia, sen ten ninhun kumida. ¹⁰Justu ta inporta ku nesesidadi di se limaria, ma ti konpaxon di kurupitu ta fadja.¹¹Kel ki ta kultiva se tera ta ten txeu kumida, ma kel ki ta sigi prujetus mariadu ka ten bon kabesa. ¹²Kurupitu ta dizeja kuzas ki ómi mau ta roba di otus, ma frutu di justus ta ben di es me.¹³Algen mau ta fika presu na se konversa mau, ma justu ta skapa di angustia. ¹⁴Di frutu di ses palavras, un algen ta intxi di kuzas dretu, asi sima trabadju di ses mon ta intxi di pagamentu.¹⁵Kaminhu di tolu é kuretu na se propi odju, ma sabidu ta obi konsedju. ¹⁶Tolu ta mostra se raiba faxi, ma kel ki ta dispreza un insultu é kautelozu.¹⁷Kel ki ta papia verdadi ta fla kel ki é sertu, ma falsu tistimunha ta konta so mintira. ¹⁸Palavras di kel ki ta papia sem pensa é sima golpi di un spada, ma língua di sabidu ta traze kura.¹⁹Boka verdaderu ta dura pa senpri, ma lingua mintirozu ka ta dura txeu. ²⁰Ten nganu na kurason di kes ki ta planeja faze mal, ma kontentamentu ta ben pa konselherus di pas.²¹Ninhun mal ka ta ben pa justu, ma kurupitus sta ku txeu difikuldadi. ²²Nhordes ta ódia boka mintiroza, ma kes ki ta vive fielmenti é se prazer.²³Kautelozu ta sukundi se kunhisimentu, ma kurason di tolu ta djata di dudesa. ²⁴Mon di sforsadu ta ben guverna, ma prigisozu ta podu na trabadju forsadu.²⁵Ansiedadi na kurason di un algen ta peza riba di el, ma un bon palabra ta alegra-l. ²⁶Justu é un gia pa se amigu, ma kaminhu di kurupitus ta disvia-s.²⁷Prigisozu ka ta asa se kasa, ma sforsadu ta kunsigi rikesa di valor. ²⁸Na strada di justisa ta sta vida, y na kaminhu di se karera ka ten morti.

¹Fidju ki é sabidu ta obi konsedju di se pai, ma trosentu ka ta sukuta adivertensia. ²Di frutu di se boka, ómi ta disfruta di kuzas dretu, ma apititi di trasueru é pa violensia.³Kel ki ta guarda se boka ta pruteje se bida, ma kel ki abri boka txeu ta ruina se kabesa. ⁴Dizeju di prigisozu ta spera y nada ka ta ganha, ma vontadi di kel ki é sforsadu ta ser rikamenti satisfeitu.⁵Justu ta ódia mintira, ma runhu ta bira ditestavel, y kuza ki e ta faze ta traze burgonha. ⁶Justisa ta pruteje kes ki ta anda dretu na ses kaminhu, ma runhesa ta faze pekador disvia.⁷Ten algen ki ta fla ma el é riku, ma nada é ka ten; ten otu ki ta ntrega tudu ki e ten, ma, el é riku dimidivera. ⁸Risgati di vida di un ómi riku é se furtuna, ma un ómi pobri ka ta sukuta amiasa.⁹Lus di justu ta brilha, ma lanpra di runhu ta ser apagadu. ¹⁰Orgulhu so ta pruduzi kunfuson, ma sabedoria ta sta ku kes ki ta obi bons konsedju.¹¹Rikeza ta mingua oras ki izisti txeu vaidadi, ma kel ki ta ganha di trabadju di se mon ta faze se dinheru omenta. ¹²Oras ki speransa adiadu, kurason ta aduese, dizeju rializadu é árvi di vida.¹³Kel ki ta dispreza nstruson ta traze distruison pa el me, ma kenha ki ta onra mandamentu ta ser rikonpensadu. ¹⁴Nsinu di un pesoa sabidu é fonti di vida ki ta afasta di lasu di morti.¹⁵Bon kunhesimentu ta kunkista favor, ma kaminhu di disleal ka ta da pa anda. ¹⁶Pesoas madura ta aji ku kunhesimentu na tudu ses disizon, ma tolu ta mostra se tulisi.¹⁷Mensajeru runhu ta kai na prublema, ma nviadu fiel ta traze rikonsiliason. ¹⁸Kenha ki ta dispreza disiplina ta kai na pobreza ku burgonha, ma onra ta ben pa kel ki ta aprende ku kureson.¹⁹Un dizeju rializadu é doxi pa alma, ma tolus ta odeia afasta di mal. ²⁰Anda ku algen sabidu y bu ta ser sabidu, ma kunpanheru di tolu ta panha mau.²¹Dizastri ta kori tras di pekadoris, ma justus é rikonpesadu ku rikeza. ²²Un bon algen ta dexa eransa pa ses netu, ma rikeza di pekador é armazenadu pa algen justu.²³Un kanpu ki ka sta trabadjadu na prupriedadi di pobri podeba pruduzi txeu alimentu, ma é distruídu pa injustisa. ²⁴Kel ki ka ta disiplina se fidju ta odia-l, ma kel ki ta ama se fidju ta ten kuidadu di disiplina-l.²⁵Justu ta kume ti farta se pititi, ma stómagu di ínpiu sta senpri ku fomi.

¹Mudjer sabida ta kustrui se kaza, ma mudjer tola ta distrui ku se propri mon. ²Kenha ki ta anda na retidon ta teme Nhordes, ma kenha ki é dizonestu na se kaminhu ta dispreza-L.,³Na boka di tolu sta bara di se orgulhu, ma boka di sabidu ta prezerva-l. ⁴Unde ka ten boi, seleru ta fika linpu, ma txeu kodjeta pode ben pa forsa di un boi.⁵Un tistimunha verdaderu ka ta konta mintira, ma tistimunha falsa ta rispira mintira. ⁶Trosentu ta djobe sabiduria y e ka ta atxa-l, ma kunhisimentu ta ben fásil pa kenha ki ta sforsa.⁷Fuji di prizensa di ómi ki ka ten juis, pamodi bu ka ta atxa kunhisimentu na ses beju. ⁸Sabiduria di sforsadu é tenta ntende se própri kaminhu, ma tulisi di tolu é nganu.⁹Tolu ta trosa oras ki sakrifísiu di kulpa é ofiresidu, ma, na meiu di justu, favor é bon vontadi. ¹⁰Kurason konxe se propri amargura y ninhun stranhu ta partilha di se alegria.¹¹Kaza di runhu ta ser distruídu, ma tenda di justu ta florese. ¹²Izisti un kaminhu ki ta parse kuretu pa odjus di ómi, ma fin di es kaminhu ta leba pa morti.¹³Ti na ri kurason ten dor, y fin di alegria é tristeza, ¹⁴Kenha ki ka é fiel ta ten kel ki e merese, ma un pesoa bon ta ten kel ki e disel.¹⁵Ómi ki ka nxinadu ta kridita na tudu, ma kel ki é maduru ta pensa na ses pasu. ¹⁶Sabidu ta teme y ta afasta di mal, ma tolu ta rejeta ku kunfiansa un avizu.¹⁷Kenha ki ta fika iradu faxi ta kumete eru, y kenha ki ta planeja mal ta ser odiadu. ¹⁸Inosentis ta erda tulise, ma maduru ta kuruadu di kunhisimentu,¹⁹Kenha ki é mau ta nbaxa dianti di kenha ki é bon, y runhus ta nbaxa dianti di portons di justu. ²⁰Pobri é odiadu ti pa propri vizinhus, ma riku ten txeu amigu.²¹Kenha ki ta mostra disprezu pa se vizinhu sta ta peka, ma kenha ki ta favorese pobri ta atxa filisidadi. ²²Nton kenha ki ta planeja mal ka ta era? Ma kes ki ta planeja faze ben ta resebe un kunpromisu di fidelidadi y kunfiansa.²³Na tudu trabadju, ta izisti pruvetu, ma oras ki so ta papiadu, kel-la ta leba pa pobreza. ²⁴Kuroa di sabidus é se rikeza, ma lokura di tolu so ta traze mas tulise.²⁵Un tistimunha verdaderu ta salva vidas, ma falsa tistimunha ta rispira mintiras.²⁶Na temor di Nhordes, ómi forti ten speransa, y ses fidjus ta ten lugar di pruteson. ²⁷Temor di Nhordes é fonti di vida ki ta afasta ómi di lasu di morti.²⁸Gloria di rei ta atxadu na grandi kuantidadi di se povu, ma sen povu prínsipi sta ruinadu. ²⁹Pasienti ten grandi ntendimentu, ma prisipitadu ta izalta tulise³⁰Un kurason trankilu é vida pa korpu, ma nveja ta apudrise osu. ³¹Kenha ki ta oprimi pobri ta faze trosa di se Kriador, ma kenha ki ta favorese nesisitadu ta onra-L.³²Runhu ta kai pa se mau kunduta, ma justu ten gazadju sikre na morti. ³³Sabiduria ta ripoza na kurason di sforsadu, ma kuze ki ta izisti na kurason di tolu ta ser konxedu.³⁴Faze kuze ki é kuretu ta izalta un nason, ma pekadu é burgonha pa kalker povu. ³⁵Favor di rei é ku servu ki ta aji ku sabiduria, ma se ira ta ser pa kel ki ta aji na burgonha.

¹Rusposta mansu ta afasta ira, ma palavra brutu ta leba raiba. ²Língua di sabidu ta onra kunhisimentu, ma boka di tolus ta baza lokura.³Odjus di Nhordes sta pa tudu parti, ta ozerba mau ku bon. ⁴Língua ki ta kura é árvuri di vida, ma língua nganadora ta mui spritu.⁵Tolu ta dispreza disiplina di se pai, ma kel ki ta prende ku kureson é maduru. ⁶Na kaza di justu, ten un grandi tizoru, ma ganhu di ínpiu ta traze-l aflison.⁷Bexus di sabidu ta spadja kunhisimentu, ma kurason di tolu nada ka ta oferese. ⁸Nhordes ta ódia sakrifísiu di kurupitus, ma orason di justu é Se prazer.⁹Nhordes ta ódia kaminhu di kurupitus, ma E ta ama kes ki ta buska kuze é kuretu. ¹⁰Ta ten disiplina rixu pa kalker un ki ta abandona kaminhu y kenha ki ta ódia kureson ta more,¹¹Infernu ku distruison sta abertu dianti di Nhordes, inda mas kurason di fidjus di ómis. ¹²Trosentu ta fika ofendidu ku kureson; e ka ta bai nkontra ku sabidu.¹³Kurason filis ta bira rostu alegri, ma dor di kurason ta mui spritu. ¹⁴Kurason di kenha ki ta ntende ta djobe kunhisimentu, ma boka di tolus ta alimenta di lokura.¹⁵Tudu dia di oprimidu é di mizeria, ma kurason alegri ten un banketi ki ka ta finda. ¹⁶Midjor é poku ku temor pa Nhordes, di ki un grandi tizoru ki nkietason.¹⁷Midjor é un kumida so di verdura unde izisti amor, di ki un boi gordu kunpanhadu ku ódiu. ¹⁸Ómi ku raiba ta stimula kunfuson, ma kenha ki ta dura ki ira ta akalma dizavensas.¹⁹Kaminhu di prigisozu é sima un lugar ku txeu spinhu, ma kaminhu di justu é un strada planu. ²⁰Fidju di sabidu ta traze alegria pa se pai, ma tolu ta dispreza se mai.²¹Tulise ta divirti pesoa ki ka ten juis, ma kel ki ten ntendimentu ta anda pa kaminhu retu. ²²Planus ta fadja undi ka ten konsedju, ma ku monti konselheiru, planus ta da sertu.²³Pesoa ta atxa alegria oras ki e da un rusposta adikuadu; é bon dimas un palavra na tenpu sertu! ²⁴Kaminhu di vida ta leba kautelozu pa riba, pa ki e pode afasta di Infernu, ki ta fika pa baxu.²⁵Nhordes ta pui na txon kaza di orgulhozus, ma ta pruteje prupriedadi di viúva. ²⁶Nhordes ta ódia pensamentus di kurupitus, ma palavra di bondadi é puru.²⁷Ladron ta traze prublema pa se família, ma kel ki ta ódia subornu ta vive. ²⁸Kurason di justu ta pensa antis di rusponde, ma boka di kurupitus ta lansa tudu tipu di se maldadi.²⁹Nhordes sta lonji di kurupitus, ma e ta obi orason di justus. ³⁰Lus di odjus ta traze alegria pa kurason, nutisia sabi é saúdi pa korpu.³¹Si nhos presta atenson oras ki algen kuriji-u sobri manera ki bu ta vive, bu ta fika na meiu di sabidus. ³²Kel ki ta rejeta disiplina ta dispreza el me, ma kel ki ta sukuta kureson ta ganha ntendimentu.³³Teme Nhordes ta nxina sabiduria, y umildadi ta ben antis di onra.

¹Planus di kurason ta pertense ómi, ma ruspusta di língua ta ben di Nhordes. ²Tudu kaminhu di un pesoa é puru pa ses propri odjus, ma Nhordes ta peza spritu.³Ntrega bus trabadjus pa Nhordes, y bus planus ta ser ben susedidu. ⁴Nhordes faze tudu pa Se prupózitu, ti ómis mau pa dia di tribulason.⁵Nhordes ta ódia tudu kes ki ten un kurason aroganti. Dimidivera, es ka ta fika sen kastigu. ⁶Pa fidelidadi di aliansa, pa lealdadi pa el, malvadeza é apagada, y pa timor di Nhordes, pesoas ta afasta di mal.⁷Oras ki kaminhu di un pesoa ta agrada Nhordes, E ta faze ki ti ses inimigus ta ten pas ku el. ⁸Midjor é ten poku di manera kuretu ki ten txeu rendimentu ku njustisa.⁹Na kurason, un pesoa ta planeja se kaminhu, ma Nhordes ta dirije ses pasus. ¹⁰Disizon di otoridadi sta na boka di un rei; se boka ka ta debe trai justisa.¹¹Balansa onesta ta ben di Nhordes; tudu pezu di bolsa é se obra. ¹²Pratika runhesa é disprezivel pa reis, pamodi tronu é stabelesidu pa faze kel ki é sertu.¹³Un rei ten prazer na boka ki ta papia kuze ki é kuretu, y ta ama kel ki ta papia verdadi. ¹⁴Fúria di un rei é un mensajeru di morti, ma ómi sabidu ta tenta trankiliza se ira.¹⁵Na lus di rostu di un rei sta vida, y se favor é sima nuven ki ta traze un txuba di primavera. ¹⁶É midjor atxa sabiduria di ki djobe oru. Atxa ntendimentu debe ser mas prifiridu ki prata.¹⁷Strada di pesoas kuretu ta afasta-l di mal; kel ki ta pruteje se vida ta guarda se kaminhu. ¹⁸Orgulhu ta ben antis di distruison, spritu aroganti, antis di keda.¹⁹É midjor ser umildi na meiu di pobri ki dividi sobra ku orgulhozu. ²⁰Kenha ki ta kunsidera atentamenti kuze ki é nxinadu pa el, ta atxa kuze ki é bon, y kel ki ta kunfia na Nhordes ta ser abensuadu.²¹Kel ki é sabidu di kurason é txomadu di maduru; dusura di vos ta midjora kapasidadi di nxina. ²²Ntendimentu é un fonti di vida pa kes ki ten, ma kureson di tolus é se propri tulise.²³Kurason di pesoa kuretu ta nstrui se boka y ta omenta kunhisimentu pa ses bexu. ²⁴Palavras ki ta agrada é sima un favu di mel - dusura pa alma y kura pa osus.²⁵Ten un kaminhu ki ta parse kuretu pa ómi, ma se fin é kaminhu pa morti. ²⁶Apititi di trabadjador ta trabadja pa el, pamodi se fome ta mutiva-l.²⁷Pesoa ki ka bali nada ta koba prublema, se diskursu é sima lumi ki ta ardi. ²⁸Runhu ta simia kunfuson; kenha ki ta spadja buatus ta sipara grandis amigu.²⁹Un ómi di violensia ta konta mintira pa se prósimu y ta kundizi-l pa un kaminhu ki ka é bon. ³⁰Kel ki ta piska ku odju ta planeja runhesa; kel ki ta morde bexu ta faze mal kuntise.³¹Kabelu branku é un kuroa di gloria ki ta ganha kenha ki ta vive di manera kuretu. ³²É midjor ser lentu pa ira ki ser un brigentu; kenha ki ta dumina se spritu é mas forti di ki kel ki ta kunkista un sidadi.³³Sorti é lansadu na ragas, ma disizon ta ben di Nhordes.

¹É midjor ser trankilu ku un padas di pon seku di ki un kaza xeiu di fartura mas ku konfuson. ²Servu sabidu ta guverna fidju ki ta kunporta mal, y e ta ten parti na eransa sima un di kes fidju di se sinhor.³Risipienti é pa prata, y fornu é pa oru, ma Nhordes e ta purifika kurason. ⁴Algen ki ta faze mal ta presta atenson na boka di malvadus; mintirozu gosta di obi língua distruidor.⁵Kenha ki ta xuxa ku pobri ta faze trosa di se Kriador, y kenha ki ta fika kontenti ku disgrasa di otu ka ta fika sen kastigu. ⁶Netus é kuroa di ses avós y kenha ki é pai ta traze onra pa ses fidju.⁷Diskursu kenti ka ta fika dretu pa tolu; y nen rialeza pa boka di mintirozu. ⁸Subornu e sima un pedra májiku pa kenha ki ta oferese-l; pa tudu ladu ki e ta vira, e ta ten susesu.⁹Kenha ki disidi iginora ofensa sa ta djobe amor, ma kenha ki ta ripiti asuntu ta sipara grandis amigu. ¹⁰Un reprenson ta entra mas fundu na algen ki ta ntendi di ki sen xikotada na un tolu.¹¹Un algen mau ta djobe so raboita, purisu, un mensajeru runhu ta mandadu kontra el. ¹²É midjor nkontra ku un ursu fémia furtadu di ses fidju di ki ku un tolu na se tulise.¹³Oras ki algen ta paga ben ku mal, mal nunka ka ta dexa se kaza. ¹⁴Kumesu di briga é sima kel ki ta abri águ pa tudu kantu; purtantu, fuji di gera antis ki e kumesa.¹⁵Kel ki ta liberta ínpiu y kel ki ta kondena justu - tudu es dos é abominason pa Nhordes. ¹⁶Pamodi ki tolu ta paga pa prende sabiduria si e ka ten kapasidadi di prende?¹⁷Ama bu amigu na tudu tenpu, y un irmon ta nase na tenpu di difikuldadi. ¹⁸Ómi ki ka ten juis ta faze prumesa ki ta kansa-l kabesa, y E ta bira risponsavel pa dívida di se prósimu.¹⁹Kel ki ta ama kunfuson ta ama pekadu; kel ki ta faze solera di se porta uma altu, ta kauza osu kebradu. ²⁰Algen ki ten kurason kurupitu ka ta atxa nada di bon, kel ki ten língua runhu ta kai na kalamidadi.²¹Kel ki pari un tolu traze sufrimentu pa se kabesa; kenha ki é pai di un sen juis ka ta ten alegria. ²²Kurason filis é un bon ramedi, ma spiritu tristi ta seka osu.²³Ómi runhu ta aseta subornu sukundidu pa manxa kaminhu di justisa. ²⁴Kel ki ten ntendimentu ta bira se rostu pa sabiduria, ma odju di tolu ta perde na fin di tera.²⁵Fidju tolu é sufrimentu di se pai y amargura di mai ki pari-l. ²⁶Nunka é ka bon kastiga justu, nen sota nobris ki ta anda dretu.²⁷Kel ki ten kunhisimentu ta uza poku palavra, y kel ki ten ntendimentu ten un tenperamentu ikilibradu. ²⁸Ti tolu ta atxadu sabidu oras ki e fika kaladu; si e mante se boka fitxadu, e ta kunsideradu intilijenti.

¹Kel ki ta izula ta buska se propi dizeju, y e ta luta kontra tudu ki é dretu. ²Tolu ka ta atxa satisfason na ntendimentu, ma so na mostra kuze ki sta na se propiu kurason.³Pa ínpiu, disprezu ta ben ku el - djuntu ku burgonha y reprenson. ⁴Palavras di boka di un ómi é sima águ fundu; fonti di sabiduria é un ribera di águ ta kore.⁵É ka bon sta na ladu di runhu, nen nega justu se justisa. ⁶Bexu di tolu ta traze-L kunfuzon, y se boka ta txoma briga.⁷Boka di tolu é se ruina, y El ta pegadu na armadilha di ses bexu. ⁸Palavras di difamador é sima padas di kumida sabi ki ta dixi pa parti di dentu korpu.⁹Kenha ki é diskuidadu na se trabadju é un irmon di kel ki ta distrui-l. ¹⁰Nomi di Nhordes é un tori forti; justu ta kore pa el y e ta fika suguru.¹¹Rikeza di riku é se sidadi forti y na se imajinason, el é sima un muru altu. ¹²Orgulhu ta antisipa ruina, umildadi ta ben antis di onra.¹³Kel ki ta rusponde antis di obi ta mostra ma e ka ten juis y e ta pasa burgonha. ¹⁴Spritu di un algen pode subrivive na duensa, ma un spritu abatidu, kenha ki ta pode suporta-l?¹⁵Kurason di intilijenti ta ganha kunhisimentu, y obidu di sabidu ta djobe-L. ¹⁶Prizenti ki ómi da pode abri-l kaminhu, y traze-l ti un algen inportanti.¹⁷Prumeru ki ta difende se kazu ta parse dretu ti ki sel oponenti ben y e kistiona-l. ¹⁸Bota sorti ta faze kaba ku disputa y ta sipara grandis oponenti.¹⁹Un irmon ofendidu é mas difisil di kunkista di ki un sidadi forti, y dizavensa é sima bara di un kastelu. ²⁰Stangu di kada un ten txeu frutu di se boka; di kodjeta di se bexu, e ta fika satisfetu.²¹Morti ku vida é kontroladu pa língua, y kes ki ta ama-l ta kume di se frutu. ²²Kel ki atxa un mudjer atxa kuza dretu, y ta alkansa bondadi di Nhordes.²³Pobri ta inplora pa mizerikordia, ma riku ta rusponde ku dureza. ²⁴Kel ki ta kridita ki e ten txeu amigu é ta lebadu pa ruina pa es me, ma ten amigu ki sta mas pertu di ki un irmon.

¹Midjor é pobri ki ta anda dretu di ki tolobasku ki ta fala kuzas mariadu. ²É ka bon ten dizeju sen kunhisimentu, y kel ki ta kore faxi di mas ta perde kaminhu.³Tolobaskaria di un algen ta straga se vida, ma se kurason ta irita kontra Nhordes. ⁴Rikeza ta traze monti amigu; ma pobri ti ses amigu ta dexa-l.⁵Tistimunha falsu ka ta fika sen kastigu, y kes ki ta dispixa mintira ka ta skapa. ⁶Monti ta pidi favor pa algen di bon kurason, y tudu algen é amigu di kenha ki ta da prizenti.⁷Si ti irmon di pobri ta odia-l, inda mas ses amigu ta kore di el! E ta txoma-s, ma dja es bai ses kaminhu. ⁸Kel ki kunsigi sabedoria ta ama se propi vida; kel ki ta guarda kunhisimentu ta atxa kuza ki é bon.⁹Tistimunha falsu ka ta sai sen kastigu; kel ki ta konta mintira ta more. ¹⁰Ka ta fika dretu tolobasku vivi ku txeu rikeza; mutu menus ki skravu guverna prínsipis.¹¹Diskrison ta faze algen ka perde kalma, y se gloria é iginora ofensa. ¹²Raiva di rei é sima rujidu di lion nobu, ma se favor é sima gota di txuba riba padja berdi.¹³Fidju tolu é ruina di se pai, y spoza brigenta é un gotera ki ka ta kaba. ¹⁴Kaza y rikeza é eransa di pai ku mai, ma spoza madura ta ben di Nhordes.¹⁵Prigisa ta fulha algen pa un sonu pizadu, ma kel ki ka sta dispostu pa trabadja ta pasa fomi. ¹⁶Kel ki ta obedese mandamentu ta guarda se vida, ma pesoa ki ka ta rifliti moki e ta anda, e ta more.¹⁷Kenha ki ta djuda pobri ta nprista pa Nhordes, y E ta paga-l pa kuza ki e faze. ¹⁸Disiplina bu fidju timenti izisti speransa, ka bu dizeja leba-l pa morti.¹⁹Pesoa ki te tenperamentu forti debe paga pena; si bu resgata-l, bu ten ki faze-l un sugundu bes. ²⁰Sukuta konsedju y seta nstruson, pa bu bira sabidu ti fin di bu bida.²¹Na kurason di pesoa, izisti monti planu, ma é propozitu di Nhordes ki ta permanese. ²²Lialdadi é kuza ki un pesoa ta dizeja, y un pobri é midjor ki un mintirozu.²³Teme Nhordes ta leba pesoas pa vida; kel ki ten el ta sta satisfeitu y prigu ka ta afliji-l. ²⁴Prigisozu ta pui se mon na pratu, ma e ka ta leba-l di volta pa boka.²⁵Sota trosentu, y kunfiadu ta toma juis; kuriji kenha ki ten disernimentu, y e ta ganha kunhisimentu.²⁶Kenha ki ta furta se pai y ta faze se mai fuji, é fidju ki ta traze burgonha ku reprovason. ²⁷Si bu para di obi nstruson, nha fidju, nton, bu ta disvia di palavra di kunhisimentu.²⁸Tistimunha kurupitu ta trosa di justisa, y boka di ínpiu ta nguli malvadesa. ²⁹Kondenason sta priparadu pa trosentus, y xikoti, pa kosta di tolus.

¹Vinho é trosentu y bibida forti é brigentu; kenha ki ta dexa disvia pa es é ka sabidu. ²Furor di un rei é sima rujidu di un lion nobu; kenha ki ta provoka se ira ta peka kontra se propi via.³É un onra pa algen ivita kunfuzon, ma tolus ta salta pa dentu di briga. ⁴Prigisozu ka ta simia na otonu; e ta djobe pruduson na stason di kodjeta, ma e ka ta ten nada.⁵Propózitu ki sta na kurason umanu é sima águ fundu, ma pesoa ki ten ntendimentu ta traze-l pa fora. ⁶Monti algen ta ngaba ma es é leal, ma kenha ki ta atxa algen ki é fiel?⁷Justu ta anda dretu na se kaminhu, ses fidju ta ser filis si sigi-l. ⁸Un rei ki ta xinta na tronu pa julga ta sipara tudu mal ki sta dianti di ses odju.⁹Kenha ki pode fla: N ta mante nha kurason puru; N sta linpu di nha pekadu? ¹⁰Pezu diferensiadu y midida dizigual, Nhordes ta ódia tudu dos.¹¹Ti un joven ta konxedu pa ses ason, si bu kunduta é puru y kuretu. ¹²Obidus ki ta obi y odjus ki ta odja, tudu é Nhordes ki faze.¹³Ka bu ama durmi o bu ta fika pobri; abri bus odju y bu ta ten txeu kuzas pa bu kume. ¹⁴Mariadu! Mariadu! Ta fla kenha ki sa ta kunpra, ma, oras ki e bai se kaminhu, e ta ngaba.¹⁵Izisti txeu oru ku pedras di prisiozas, ma bexu di kunhisimentu é un joia di valor. ¹⁶Pega ropa di kel ki fika fiador di dívida di un stranhu; ki e sirbi di fiansa di garantia di dívida di kenha ki e ka konxe.¹⁷Pon kunsigidu pa meiu di mintira é doxi, ma dipos, bu boka ta ntxi di kaskadju. ¹⁸Planus ta da sertu pa meiu di konsedju y so ku un bon orientason, debe fazedu gera.¹⁹Linguaradu ta revela segredu, purisu, ka bu djunta ku pesoas ki ta papia txeu. ²⁰Si un pesoa maldisua se pa o se mai, se lanpra ta ser pagadu na meiu di sukuru.²¹Un eransa ki ta resebidu antis di ora ka ta ser u benson na final. ²²Ka bu fla: N paga-u pa mal ki bu faze-m! Spera na Nhordes, y E ta resgata-u.²³Nhordes ta odeia pezu dizigual; E ka ta fika filis ku balansa dizonestu. ²⁴Pasus di un pesoa é dirisionadu pa Nhordes; moki nton e pode ntende se kaminhu?²⁵É un armadilha papia faxi: "Sta konsagradu pa Deus", y pensa sobri kuze ki kel-la ta siginifika so dipos di faze bu votu. ²⁶Rei sabidu ta spadja gentis runhu y dipos, e ta faze roda pasa riba di es.²⁷Spritu umanu é lanpra di Nhordes, ki ta djobe pa mas dentu di bu kurason. ²⁸Piedadi y lialdadi ta mante rei; amor ta sigura se tronu.²⁹Gloria di joven sta na se forsa, brilhu di gentis grandi, sta na ses kabelu branku. ³⁰Pankadas ki ta faze frida ta purifika di mal, y golpi ta linpa la dentu di korpu

¹Kurason di rei é un korenti di águ na mon di Nhordes; E ta diriji-u pa undi ki bu dizeja. ²Kaminhu di kada un ta parse dretu na ses propri odju, ma é Nhordes ki ta sonda kurason.³Faze kuza dretu y justu, Nhordes ta seta mas di ki sakrifísiu. ⁴Odjus anbisiozus y kurason orgulhozu - lanpra di kurupitus - é pekadu.⁵Planus di spertu, dimidivera ta kunduzi pa prosperidadi, ma kenha ki ta fadiga dimas ta kai na pubreza. ⁶Djunta rikeza pa meiu di língua mintiroza é neblina ki ta pasa y un lasu ki ta mata.⁷Violensia di mau ta bari-s, pamodi es ta rikuza di faze kuza ki é justu. ⁸Kaminhu di kulpadu é tortuozu, ma kenha ki é puru ta faze kuze ki é kuretu.⁹É midjor vive na un kantu di riba kaza ki dentu kaza, djuntu ku spoza brigenta. ¹⁰Kurason di kurupitus ta fadiga pa faze mal; bu vizinhu ka ta atxa favor na bus odju.¹¹Oras ki un trosentu é kastigadu, algen sinpli ta bira sabidu, y oras ki sabidu é nstruídu, e ta resebe kunhisimentu. ¹²Deus, Justu, ta ozerba kaza di kurupitu y e ta leba maus pa ruina.¹³Kenha ki ta tapa obidus pa gritu di pobri tanbe ta grita, ma e ka ta obidu. ¹⁴Un prizenti ki ta ntregadu na segredu ta branda ira, un prizenti ntregadu sukundidu ta ivita grandi furor.¹⁵Oras ki fazedu justisa, e ta traze alegria pa justu, ma e ta traze teror pa malvadus. ¹⁶Kenha ki ta vive atoa ta afasta di kaminhu di ntendimentu ta diskansa na asenbleia di mortus.¹⁷Kenha ki ta ama prazer ta bira pobri; kenha ki ta ama vinhu ku azeti ka ta bira riku. ¹⁸Kurupitu é redenson pa justu, y trasueru é redenson pa kes ki é kuretu.¹⁹É midjor vive na dizertu di ki ku un spoza brigenta y raivoza. ²⁰Ten azeri ku tizoru di valor na kaza di sabidu, ma ómi tolu ta kaba ku el fepu.²¹Kel ki ta pratika kuze ki é justu y é bon ta atxa vida, justisa y onra. ²²Ómi sabidu ta skala sidadi di puderozus y ta da kaba ku fortaleza ki es ta kunfiaba na el.²³Kenha ki ta guarda na se boka y se língua ta mante lonji di aflison. ²⁴Orgulhozu y anbisiozu - ki ta txomadu di Trosentu - ta aji ku orgulhu aroganti.²⁵Dizeju di prigisozu ta mata-l, pamodi ses mon ta rikuza trabadja. ²⁶Tudu dia, e ta fadiga pa mas y mas, ma kenha ki é justu ta da y ka ta guarda so pa el.²⁷Sakrifísiu di kurupitu dja é un burgonha; ta bira mas inda oras ki é ofirisidu ku ntenson maliginu. ²⁸Falsa tistimunha ta more, ma kel ki ta sukuta ta papia pa tudu tenpu.²⁹Ómi mau ta odjadu ku un rostu duru, ma pesoa kuretu ten serteza di ses kaminhus.³⁰Ka ten sabidoria, nen ntendimentu, nen konsedju ki ta permanese kontra Nhordes. ³¹Kabalu é priparadu pa dia di batalha, ma vitória ta ben di Nhordes.

¹Bon nomi ta bali mas ki monti rikeza y favor é midjor ki prata ku oru. ²Riku ku pobri é igual na un kuza: Nhordes é Kriador di es tudu.³Un ómi ki ten juis ta odja prigu di lonji y e ta sukundi, ma tolu ta avansa y ta sufri pa kel-la. ⁴Rikonpensa di umildadi y di teme Nhordes é rikezas, onra y vida.⁵Spinhu ku lasu sta na kaminhu di runhu; kenha ki ta guarda se vida ta mante lonji di es. ⁶Nxina kriansa na kaminhu ki e debe anda, y oras ki e bedja, e ka ta disvia di es ntruson.⁷Rikus ta guverna riba di pobris y kenha ki ta pega nprestadu é skravu di kel ki ta npresta-l. ⁸Kenha ki ta simia njustisa ta kodje prublemas y vara pau di se fúria ta dizaparese.⁹Kenha ki ten odju jenerozu ta ser bensuadu, pamodi e ta konpartilha di se pon ku pobris. ¹⁰Afasta trosentu y kunfuson ta kaba, briga ku nsultu ta para.¹¹Kenha ki ta ama un kurason puru y ki ten diskursu dretu, rei ta bira se amigu. ¹²Odjus di Nhordes ta prezerva kunhisimentu, ma palavras di trasueru, E ta da ku el na txon.¹³Prigisozu ta fla: Sta un lion la na rua! Si N sai, N ta matadu. ¹⁴Boka di mudjer adúltera é un posu fundu; kenha ki sta dibaxu di ira di Nhordes ta kai na el.¹⁵Tulisi sta ligadu na kurusaon di kriansa, ma vara pau di disiplina ta afasta-l di el. ¹⁶Kenha ki ta oprimi pobri pa omenta se rikeza, o ta da rikus prizentis, ta kai na pubreza.¹⁷Baxa bu obidu y sukuta palavras di sabidus y aplika na bu kurason pa nha kunhisimentu, ¹⁸pamodi é ta ser bon pa bu mante-es dentu di bu y prontu na bus bexu. ¹⁹Pa ki bu kunfiansa fika na Nhordes, N ta nxina-s oji, pa bo me.²⁰N ka skrebebu trinta ditadu di nstruson y kunhisimentu, ²¹pa nxina-u verdadi na es palavra di kunfiansa, pa bu rusponde ku serteza pa kenha ki manda-u?²²Ka furta pobri, pamodi a el é pobri, nen ka bu smaga koitadu na porton, ²³pamodi Nhordes ta difende ses kauza y E ta tra vida di kenha ki ta furta-s.²⁴Ka bu ser amigu di algen ki é duminadu pa raiba y ka bu anda ku kenha ki ta nfurese, ²⁵pa ki bu ka prende ses kustumi, nen bu alma ka nvolve na algun armadilha.²⁶Ka bu ser kel ki na faxi ta perta mon pa faze prumesa, nen kel ki ta fika pa fiador di dívida. ²⁷Si bu ka ten manera di paga, kuze ki ta npii algen di tra bu kama baxu bu baxu?²⁸Ka bu tra limiti di pedra antigu ki bus pai fiksa. ²⁹Dja bu ozerba un ómi abilidozu na se trabadju? E ta sta dianti di rei, ka na meiu di pesoas normal.

¹Oras ki bu xinta pa kume ku un guvernador, ozerba ku kuidadu kuze ki sta dianti di bo, ²y ta pui un faka kontra bu garganta si bu ser un pesoa ki gosta di djeme txeu karni. ³Ka bu dizeja ses kumida saburozu, pamodi é kumida di mintiras.⁴Ka bu trabadja dimas pa bu ganha rikeza; bira sabidu sufisienti pa bu sabe oras di para. ⁵Purakazu, bu ta faze bus odju brilha, nton bu ta kria azas sima ágia y bu ta sai ta bua pa séu.⁶Ka bu kume kumida di kel ki ten odju mau, nen ka bu dizeja ses kumida saburozu, ⁷pamodi é tipu di ómi ki ta konta presu di kumida, "Kume y bebe!", e ta fla-u, ma se kurason ka sta ku bo. ⁸Bu ta vumita kel poku ki bu kume y bu ta dispirdisa bus elojius.⁹Ka bu papia na obidus di un tolu, pamodi e ta dispreza sabiduria di bus palavra. ¹⁰Ka bu muda ninhun pedra di limiti antigu, nen ka bu nvadi kanpu di órfon, ¹¹pamodi se Redentor é fprti, y E ta difende ses kauza kontra bo.¹²Aplika bu kurason pa nstruson y bus obidu pa palavras di kunhisimentu.¹³Ka bu nega disiplina pa kriansa, pamodi si bu kastiga-l ku un vara pau, e ka ta more. ¹⁴Sota-l ku un vara pau, y bu ta salva se alma di Infernu.¹⁵Nha fdju, si bu ten kurason sabidu, nton, nha kurason tanbe ta sta kontenti. ¹⁶Dentu mi ta alegra oras ki bu boka papia kuzas dretu.¹⁷Ki bu kurason ka nveja di pekadoris, ma kuntinua ta teme Nhordes tudu dia. ¹⁸Dimidivera, izisti un futuru y bu speransa ka ta kabadu ku el.¹⁹Sukuta, nha fidju - Abo me! - bira sabidu y diriji bu kurason na kaminhu. ²⁰Ka bu djunta ku mokeru o ku gulozu, bafadoris di karni, ²¹pamodi mokeru ku gulozus ta fika pobri, y sonolensia ta bisti-s ku ratadju.²²Sukuta bu pai, ki jera-u, y ka bu dispreza bu mai oras ki e bira bedja. ²³Kunpra verdadi, ma ka bu bende-l; kunpra sabiduria, nstruson y ntendimentu.²⁴Pai di justu ta fika txeu kontenti, y kenha ki ta jera un fidju sabidu ta sta kontenti ku el. ²⁵Ki bu pai ku bu mai fika filis, y ki kel ki pari-u ntxi di gozu.²⁶Nha fidju, da-m bu kurason, y ki bus odjus ozerba nhas kaminhu. ²⁷Pamodi prustituta é un koba fundu, y mudjer imoral, un posu stretu. ²⁸E ta fika ta spreta sima un ladron y ta omenta nunbru di traidoris na meiu di umanidadi.²⁹Kenha ki ta fla: A si N sabeba? Kenha ki ten tristeza? Kenha ki ten lutas? Kenha ki ta vive ta riklama? ³⁰Kenha ki ten fridas sen mutivu? Kenha ki ten odjus brumedju? Kes ki ta pasa oras ta bebe vinhu, kes ki ta sprumenta vinhu kisturadu.³¹Ka bu odja pa vinhu oras ki e ta parse brumedju, oras ki e ta brilha na kopu y e ta dixi mansu-mansu. ³²Na fin, e ta morde sima serpenti y e ta pika sima un víbura. ³³Bus odjus ta odja kuzas stranhu y bu kurason ta papia runhesa.³⁴Bu ta ser sima un ki ta durmi na altu mar, detadu riba di tronku. ³⁵Bu ta bira ta fla: Dja es sota-m, ma es ka maxuka-m. Dja es bati na mi, ma N ka xinti. Ki oras ki N ta disperta pa N djobe otu bebida?

¹Ka bu xinti nveja di kes ki é mau, nen ka bu dizeja djunta ku es, ²pamodi ses kurason ta planeja violensia, y ses bexu ta papia so di mal.³Trokadu di sabiduria, un kaza ta kunstruídu y pa ntendimentu, e ta firmadu. ⁴Pa kunhisimentu, ses kuartus ta ntxi ku tudu rikeza di valor y bunitu.⁵Gereru di sabiduria é forti, y pesoa di kunhisimentu ta omenta se forsa, ⁶pamodi, pa direson sertu, bu pode faze bu gera y ku monti konselheiru, izisti vitória.⁷Sabiduria é altu dimas pa tolu, na meiu di lídiris, na porton, e ka ta abri boka.⁸Izisti kel ki ta planeja faze mal; pesoas ta txoma-l di mestri di kunfuzon. ⁹Un planu sen juis é pekadu, y ómis ta dispreza trosentu.¹⁰Si bu mostra fraku y ku medu na dia di difikuldadi, nton, bu forsa é pikinóti.¹¹Risgata kes ki sa ta lebadu pa morti, y sigura kes ki sa ta tra kanbalhiota pa matansa. ¹²Si bu fla: "Nu ka sabe nada sobri kel-li, purakazu, Kel ki ta peza kurason ka ta ntende kuze bu sa ta fla? Y Kel ki ta guarda bu vida ka sabe? Purakazu, Deus ka ta da kada un kuze ki e merese?¹³Nha fidju, kume mel, pamodi é bon, pamodi pingu di favu di mel é dozi pa bu paladar. ¹⁴Asi é sabiduria pa bu alma; si bu atxa-l, bu ta ten un futuru, y bu speransa ka ta kaba.¹⁵Ka bu fika ta spreta, sima kurupitu ki ta ataka kaza di justu. Ka bu distrui se kaza. ¹⁶Pamodi justu ta kai seti bes y e ta labanta di nobu, ma kurupitus disgrasa ta panha-l.¹⁷Ka bu festeja oras ki bu inimiu kai, y ki bu kurason ka fika kontenti oras ki e tonba, ¹⁸Nhordes ta odja y ta dizaprova y E ta disvia Se fúria di el.¹⁹Ka bu priokupa trokadu di malvadus, nen ka bu nveja di kurupitus, ²⁰pamodi pesoa mau ka ten futuru, y lanpra di kurupitus ta paga.²¹Teme Nhordes y teme rei, nha fidju; ka bu djunta ku kes ki ta rabela kontra es, ²²pamodi, brisi, se dizastri ta txiga, y kenha ki sabe tamanhu di distruison ki ta ben pa es dos?²³Kes-li tanbe é ditus di sabidus: Ka toma partidu na julgamentu di un kazu di lei é bon.²⁴Kenha ki fla pa kurupitu: Abo é justu, e ta ser maldisuadu pa povu y odiadu pa nason. ²⁵Ma kes ki ta reprende kurupitu ta disfruta y prizenti di bondadi ta txiga pa es.²⁶Un rusposta onestu é sima un beju di amizadi. ²⁷pripara bu trabadju di fora y dexa tudu prontu pa bo me na kanpu; dipos di kel-la, kunstrui bu kaza.²⁸Ka bu da tistimunhu kontra bu prósimu sen mutivu, nen ka bu ngana ku bu boka. ²⁹Ka bu fla: "N ta faze-l kuze ki e faze pa mi; N ta paga-l di volta pa kuza ki e faze".³⁰N pasa pa kanpu di ómi prigisozu, N pa pa vinha di ómi sen ntendimentu. ³¹Spinhu krese na tudu lugar, tera sta kubertu ku katxupinha y se muru di pedra staba na kaídu.³²Nton, N odja y N fika ta pensa na kel-la. N odja y N resebe nstruson. ³³Un poku ta durmi, un poku ta djongu, un poku ta diskansa di brasu kruzadu; ³⁴y pubreza ta ben riba bo sima un ladron, y bus nisisidadi, sima un soldadu armadu.

¹Kes-li tanbe é pruvérbiu di Salumon, kupiadu pa ómis di Izekia, rei di Juda. ²Glória di Deus é sukundi kuzas, ma glória di reis é nvistiga-s. ³Sima séu sta la di riba y tera li di baxu, asi kurason di reis é difidil di disifra.⁴Tra lixu di prata y fundidor pode uza prata na se obra. ⁵Asi tanbe, tra ínpiu di prizensa di rei y se tronu ta firmadu na faze kel ki é justu.⁶Ka bu onra bu kabesa na prizensa di rei y ka bu xinta na lugar ki sta rizervadu pa gentis inportanti.⁷É midjor ki e fla-u: " Ben pa li, di ki bu ser umilhadu pa el na prizensa di un npbri. Kel ki bu tistimunha ⁸ka bu traze na faxi dianti di tribunal. Kuze ki bu ta faze na final, oras ki bu prósimu pu-u na burgonha?⁹Diskuti bu kazu entri bo ku bu prósimu y ka bu revela segredu pa otu algen, ¹⁰o kel ki ta obi-u ta traze burgonha riba bo y ma fama sobri bo ka ta pode fika na silensiu.¹¹Sima masan di oru na pala di prata, asi é palavra papiadu na tenpu sertu. ¹²Sima un brinku di oru o un joia di oru puru, asi é reprenson ben dadu pa obidu atentu.¹³Sima friu di nevi na tenpu di kodjeta, asi é mensajeru fiel pa kes ki nvia-l, e ta ristaura vida di ses sinhoris. ¹⁴Sima nuvens y bentu sen txuba, asi é kel ki ta bazofia di un prizenti ki e ka da.¹⁵Ku pasiensia, un kumandanti pode ser konvensidu, y un língua mansu pode kebra un osu.¹⁶Si bu atxa mel, kume so kel ki ta farta-u, sinon, bu ta ntxi dimas y bu ta vumita. ¹⁷Ka bu pui bu pe tudu ora na kaza di bu prósimu, e pode kansa ku bo y odia-u.¹⁸Ómi ki ta labanta falsu tistimunha kontra prósimu é sima baston uzadu na gera, o un spada, o un flexa agudu. ¹⁹Un ómi infiel ki bu ta kunfia na el na tenpu di difikuldadi é sima un denti kebradu o un pe ki ta skorega.²⁰Sima pesoa ki ta tra ropa na tenpu di friu, o sima vinagri bazadu riba águ ku gas, asi é kel ki ta kanta kantigas pa un kurason pizadu.²¹Si bu inimigu sta famintu, da-l kumida pa e kume, y si e sta ku sedi, da-l águ pa e bebe, ²²pamodi bu ta pui brazas ki ta ardi riba se kabesa, y Nhordes ta rikonpensa-u.²³Sima bentu norti ta traze txuba, asi língua ki ta konta segredus ta pruduzi rostu xatiadu. ²⁴É midjor vive na kantu di riba kaza ki mora dentu kaza djuntu ku un mudjer brigentu.²⁵Sima águ friu pa kenha ki stá ku sede, asi é nutisia sabi di un país distanti. ²⁶Sima nasenti suju o fonti stragadu, asi é justu ki ta durbadu dianti di ínpiu.²⁷É ka bon kume txeu mel, asi sima buska onra riba di onra. ²⁸Pesoa ki ka ten kontroli é sima un sidadi ku ratxadura o sen muru.

¹Sima nevi na veron o txuba na kudjeta, asi tolu ka merese onra. ²Sima pardal ta bete azas y andurinha ta meze oras ki ta bua, asi tanbe maldison injusta ka ta kunpri,³Xikoti é pa kabalu, rédia é pa buru, y vara pau é pa kosta di tolus. ⁴Ka bu rusponde pa tolu konformi se tulisi, pa bu ka bira sima el.⁵Rusponde pa tolu konformi é aprupriadu pa se tulisi, pa e ka bira sabidu pa ses propri odju. ⁶Kenha ki ta nvia mensaji pa mon di tolu ta korta ses propri pe y ta bebe violensia.⁷Sima pernas di un paralítiku, ki ta pende fraku, asi é un pruvérbiu na boka di tolus. ⁸Sima mara un pedra na funda, asi é da onra pa tolu.⁹Sima un spinhu ki ta entra na mon di un mokeru, asi é un pruvérbiu na boka di tolus. ¹⁰Sima un arkeru ki ta fri tudu algen ki sta bera di el, asi é kel ki ta kontrata un tolu o kalker un ki sa ta pasa.¹¹Sima un katxor ki ta volta pra se propri vómitu, asi é tolu ki ta ripiti se tulisi. ¹²Bu konxe algen ki é sabidu pa ses propri odjus? Izisti mas speransa pa tolu di ki pa el.¹³Prigisozu ta fla: "Sta un lion na strada! Sta un lion na meiu di rua!". ¹⁴Asi sima porta ta bira na dobradisas, asi é prigisozu riba se kama.¹⁵Prigisozu ta pui se mon na pratu y nen siker e ten forsa pa leba-l pa boka. ¹⁶Prigisozu é mas sabidu pa ses propri odjus di ki seti ómi ki ta rusponde ku kautela.¹⁷Sima kel ki ta sigura oredja di un katxor, asi é kenha ki sta ta pasa y ta fika furiozu na un disputa ki ka é disel.¹⁸Sima loku ki ta da ku flexas kenti, ¹⁹asi é kel ki ta ngana se prósimu y ta fla: "N staba ta brinka!".²⁰Oras ki ka ten lenha, lumi ta paga, y undi ka ten linguaradu, kunfuzon ta para. ²¹Sima karvon é pa braza y lenha é pa lumi, asi é brigentu pa sendi un briga.²²Palavras di linguarudu é sima kumidas saburozas, ki ta dixi pa dentu di korpu. ²³Sima kubertura brilhanti di un poti di baru, asi é boka ki ta arde ku un kurason mau.²⁴Kel ki ta ódia otu ta disfarsa ku boka, ses xintimentu y ta armazena mintira dentu di el. ²⁵E ta papia sabi, ma ka bu kridita na el, pamodi ten seti abuminason na se kurason. ²⁶Mesmu ki se ódiu sta kubertu pa mintira, se runhesa ta diskubridu na asenbleia.²⁷Kel ki ta koba un koba, e ta kai na el; y pedra ta rola di volta pa kenha ki pintxa-l. ²⁸Língua mintiroza ta ódia pesoas ki e ta oprimi, y boka ki ta bajula ta kauza keda.

¹Ka bu ngaba sobri manhan, pamodi bu ka sabe kuze ki dia pode traze. ²Dexa otus ilojia-u, inves di bu propri boka, un stranhu, inves di bus propri bexu.³Kunsidera pezu di un pedra y pezu di areia; pruvokason di tolu é mas pizadu ki tudu es dos. ⁴Izisti krueldadi di raiba y ira ti ta baza, ma kenha ki é kapas di suporta siúmi?⁵É midjor reprenson abertu ki amor sukundidu. ⁶Fiel é fridas kauzadu pa un amigu, ma un inimigu pode beija-u tudu ora.⁷Un pesoa ki sta fartu ta nega si kre favu di mel, ma pa kel ki sta ku fomi, tudu kuza margos é doxi. ⁸Sima un pasáru ki ta bua sen rumu, lonji di se ninhu, asi é ómi ki ta afasta di undi ki e ta vive.⁹Purfumi y nsensu ta faze kurason filis, ma dusura di un amigu ta ben di se konsedju sinseru. ¹⁰Ka bu abandona bu amigu y amigu di bu pai, y ka bu bai pa kaza di bu irmon na dia di se kasabi. Midjor é un vizinhu ki stá pertu ki un irmon ki sta lonji.¹¹Bira sabidu, nha fidju, y faze nha kurason filis; nton, N ta rusponde pa kel ki ta trosa di mi. ¹²Ómi ku juis ta odja prublema y ta sukundi, ma inosentis ta nfrenta y ta panha mau.¹³Toma ropa di kel ki fika fiador di un stranhu; y toma-l pa fiansa oras ki e bira fiador di un mudjer imoral. ¹⁴Kel ki ta bensoa se vizinhu ku vos altu na palmanhan sedu, kel benson li ta ser kunsideradu un maldison.¹⁵Un spoza brigentu é sima un gotera insistenti na dia di txuba; ¹⁶npidi-l é sima tenta npidi bentu o tenta pega óliu ku mon ndreta.¹⁷Feru ta fia feru; di mesmu manera, ómi ta afia se amigu. ¹⁸Kenha ki ta toma konta di figera ta kume se frutu, y kenha ki ta pruteje se sinhor ta ser onradu.¹⁹Sima água ta rifliti rostu di un pesoa, asi kurason di pesoa ta rifliti kenha ki el é. ²⁰Sima Infernu ku Simitériu nunka ka ta farta, asi é odjus di ómi ki nunka ka ta farta.²¹Krizol é pa prata y fornu é pa oru; y un pesoa ta testadu oras ki é ilojiadu. ²²Sikre bu trutura tolu ku pilon, djuntu ku gron, inda si, tulisi ka ta dexa-l.²³Sertifika si bu konxe kundison di bus ribanhu, y priokupa ku bus limaria, ²⁴pamodi rikeza é ka pa senpri. Purakazu un kuroa ta dura pa tudu jerason? ²⁵Bu debe sabe oras ki fenu ta tradu y brotu nobu ta parse, y tenpu ki padja berdi di muntanha ta kodjedu.²⁶Kes korderu ta fornese-u bus ropa, y bodis ta fornese-u presu di kanpu. ²⁷Ta ten leti di kabra pa bu alimentason - alimentu di bu kaza - y nutrison pa bus npregada.

¹Kurupitus ta fuji oras ki ningen ka ta pirsigi-l, ma justu é kurajozu sima un lion nobu. ²Trokadu di nfrason na tera, e ta pusui monti guvernantis, ma, ku un ómi di ntendimentu y kunhisimentu, e ta dura txeu tenpu.³Pobri ki ta primi otu pobri é sima txuba forti ki ka ta dexa kumida. ⁴Kes ki ta abandona lei ta ilujia kurupitus, ma kes ki ta guarda lei ta luta kontra es.⁵Ómis mau ka ta ntende justisa, ma kes ki ta buska Nhordes ta ntende tudu. ⁶É midjor pobri ki ta anda dretu ki riku eradu na ses kaminhu.⁷Kel ki ta gaurda lei é un fidju ku ntendimentu, ma kel ki é kunpanheru di gulozu ta burgonha se pai. ⁸Kel ki ta faze se furtuna na kobra txeu juru ta djunta rikeza pa otu ki ta ten kopaxon di pobris.⁹Si algen disvia obidu di obi lei, ti se orason é maldisuadu. ¹⁰Kenha ki faze disvia justu pa mau kaminhu ta kai na se propri koba, ma kes ki é kuretu ta ten un bon eransa.¹¹Riku é sabidu na ses própri odju, ma pobri ki ten ntendimentu ta avalia-l. ¹²Oras ki justu ta triunfa, ta ten grandi gloria, ma oras ki kurupitus ta labanta, povu ta sukundi.¹³Kel ki ta sukundi ses pekadu ka ta prospera, ma kel ki ta kunfesa y ta abandona-s ta alkansa mizerikórdia. ¹⁴Bensuadu ta ser kel ki senpri ta vive ku ruspetu, ma kenha ki ta ndurese se kurason ta kai na difikuldadi.¹⁵Sima un lion ki ta ruji o un ursu oras ki ta ataka, asi é guvernanti kurupitu riba di pobris. ¹⁶Guvernanti ki ka ten ntendimentu é un opresor kruel, ma kel ki ta ódia dizonestidadi ta kunprida ses dia.¹⁷Si un ómi é kulpadu pamodi é baza sangi di algen, e ta ser fujitivu ti morti, y ningen ka ta djuda-l. ¹⁸Kenha ki ta anda dretu ta ser mantidu salvu, ma kel ki ten kaminhu tortu ta kai faxi.¹⁹Kel ki ta lavra se tera ta ten txeu kumida, ma kenha ki ta sigi obijetivu mariadu ta ten txeu pubreza. ²⁰Ómi fiel ta ten txeu benson, ma kel ki ta bira riku faxi ka ta fika sen kastigu.²¹É ka bon pende pa un ladu, ma pa un padas di pon, ómi ta kumete infrason. ²²Ómi mizeravel ta kore tras di rikeza, ma e ka sabe ki pubreza ta txiga riba di el.²³Kenha ki ta reprende algen ta alkansa di el mas favor di ki algen ki ta bajula ku se língua. ²⁴Kalker un ki ta furta se pai y se mai y ta fla: "Kel-li é ka pekadu", el é kunpanheru di kenha ki ta distrui.²⁵Ómi ganansiozu ta puvoka kunfuzon, ma kel ki ta kunfia na Nhordes ta prospera. ²⁶Kel ki ta kunfia na se propri kurason é un tolu, ma kenha ki ta anda na sabiduria ta ser mantidu lonji di prigu.²⁷Kel ki ta da pa pobri ka ta falta-l nada, ma kenha ki ta fitxa odjus pa es ta resebe txeu maldison. ²⁸Oras ki kurupitus ta labanta, povu ta sukundi, ma oras ki es more, justu ta omenta.

¹Pesoa ki ta resebe txeu reprenson, ma ta ndurese se piskos, ta ser kebradu di tal manera ki ka pode ser kuradu. ²Oras ki justus omenta, povu ta alegra, ma oras ki un ínpiu é guvernanti, povu ta jeme.³Kel ki ta ama sabiduria ta faze se pai filis, ma kenha ki ta mante kunpanhia di prustituta ta distrui rikeza. ⁴Rei ta stabelese tera pa justisa, ma kenha ki ta iziji subornu ta distrui-l.⁵Ómi ki ta bajula se vizinhu ta spadja un redi paa ses pe. ⁶Na pekadu di un pesoa mau, izisti un armadilha, ma justu ta kanta y ta ntxi di gozu.⁷Justu konxe direitus di pobri; kurupitu ka ta ntende es kunhisimentu. ⁸Trosentus ta pui un sidadi lumi, ma kes ki é sabidu ta afasta ira.⁹Oras ki un sabidu ten un diskuson ku un tolu, e ta ri y e ta irita, y e ka ta ten diskansu. ¹⁰Sanginárius ta ódia kenha ki ka ten kulpa y ta buska vida di justu.¹¹Tolu ta rivela tudu se ira, ma ómi sabidu ta kontrola-l y ta kalma. ¹²Si un guvernanti presta atenson na mintiras, tudu ses ofisial ta bira kurupitus.¹³Pobri y opresor ten un kuza djuntu, pamodi Nhordes faze odjus di es dos. ¹⁴Si un rei julga pobri ku verdadi, se tronu ta ser stabelesidu pa senpri.¹⁵Vara pau y reprovason ta da sabiduria, ma un kriansa livri di disiplina ta burgonha se mai. ¹⁶Oras ki kurupitus sta na puder, infrason ta omenta, ma justus ta odja keda di es ínpius.¹⁷Da disiplina pa bu fidju, y e ta da-u diskansu; e ta traze prazer pa bu bida. ¹⁸Undi ka ten prufesia, povu ta perde kontroli, ma kenha ki ta mante lei é bensuadu.¹⁹Skravu ka ta ser kurijidu ku palavras, pamodi, sikre e ntende, e ka ta muda. ²⁰Bu konxe un ómi prisipitadu na ses palavras? Ten mas speransa pa tolu di ki pa el.²¹Kenha ki ta mima skravu desdi mininu, na final e ta ten prublemas. ²²Un pesoa iradu ta pruvoka kunfuson, y nfurisidu ta kumete txeu pekadu.²³Orgulhu de un pesoa ta umilha-l, ma kenha ki ten spritu umildi ta resebe onra. ²⁴Kenha ki é kúnplisi di un ladron ta ódia se propri vida; e ta obi maldison y e ka ta pode fla nada.²⁵Medu di ómi ta munta armadilha, ma kenha ki ta kunfia na Nhordes ta ser prutejidu. ²⁶Txeu é kes ki ta buska rostu di guvernanti, ma ómi ta resebe justisa ki ta ben di Nhordes.²⁷Ómi njustu é un abuminason pa justu, ma kel ki ten kaminhu kuretu ta odiadu pa kurupitu.

¹Palavras di Agur, fidju di Jaki - un inunsiadu. Es ómi li diklara pa Itiel, Itiel ku Ukal: ²Dimidivera, ami é N ta parse mas ku un animal di ki sima ser umanu; N ka ten ntendimentu di ser umanu. ³N ka prende sabiduria, y N ka ten kunhisimentu di Santu.⁴Kenha ki ta subi séu y di la ta dixi? Kenha ki ta kodje bentu na palmu di ses mon? Kenha ki ta djunta águ na un mantu? Kenha ki ta stabelese tudu ponta di tera? Moki é txoma, y moki é nomi di se fidju? Si manba bu sabe.⁵Tudu palavra di Deus é puru. E é un skudu pa kes ki ta gazadja na El. ⁶Ka bu adisiona nada na Ses palavra, o E ta reprende-u y E ta prova ki abo é mintirozu.⁷Dos kuza N pidi-u, ka bu npidi-m di goza-l anti ki N more. ⁸Pui vaidadi ku mintira lonji di mi. Ka bu da-m nen pubreza nen rikeza, da-m so kel poku ki N ta meste. ⁹Pamodi si N ten monti, N pode nega-U y N ta fla: Kenha ki é Nhordes? O si N fika pobri, N pode furta y burgonha Bu nomi.¹⁰Ka bu difama un skravu dianti di se sinhor, o e ta maldisua-nhos, y nhos ta ser kulpadu.¹¹Jerason ki ta maldisua se pai y ki ka ta bensua se mai, ¹²é jerason ki é puru pa ses propri odjus, ma é ka labadu di se imundisi.¹³Kel-li é jerason - ki kantu mas altu es ta labanta ses odju, es ta labnta ses pistana! - ¹⁴Ses denti é spada y ses mandíbulas é faka. Asi, es ta kunsigi kaba ku pobri di riba tera, y koitadus di umanidadi.¹⁵Sangisuga te dos fidju fémia: Da ku Da. Y es ta txora. Ten tres kuza ki nunka ka ta farta y kuartu ki nunka ka ta fla: dja txiga! ¹⁶Infernu, úteru, stéril, tera ki tini sedi di águ y lumi ki nunka ta fla: Dja txiga. ¹⁷Odjus ki ta trosa di pai y ta dispreza obidiensia di mai; ses odjus ta ser rankadu pa korbu di rubera y kumidu pa abutri.¹⁸Ten tres kuza ki é maravilhozu dimas pa mi, kuartu ki N ka ta ntende: ¹⁹Kaminhu di ágia na séu, kaminhu di kobra na rotxa, kaminhu di naviu na me di mar y kaminhu di ómi ku un mudjer virjen.²⁰Kel-li é kaminhu di un adúltera - e ta kume, ta linpa boka, y ta fla: "N ka faze nada di mariadu".²¹Ten tres kuza ki ta faze tera treme y kuartu ki e ka ta kunsigi suporta: ²³un skravu oras ki bira rei; un tolu oras ki farta di kume; ²²un mudjer ki ta odiadu oras ki kaza; y un npregadu oras ki e toma lugar di se sinhora.²⁴Kuatu kuzas ki é pikinoti riba tera, y sime, es é sabidu: ²⁵furmingas, kriaturas ki ka é forti, ma es ta pripara ses kumida na veron; ²⁶kuedjus, kriaturas ki ka é puderozu, ma ta faze ses kaza na rotxa.²⁷Kafanhotus ki ka ten rei, ma es tudu ta marxa na fila. ²⁸Lagartu, bu pode pega-l na bus mon, sime, es ta atxadu nkontradu na palasiu di reis.²⁹Ten tres kuza ki é nputenti na se kaminhu, kuartu ki é npotenti na forma ki es ta anda: ³⁰Lion, mas forti na meiu di animal selvajen, ki ka ta fuji di nada; ³¹un galu firmadu na spora, un bodi, y un rei, ki soldadus sta na se ladu.³²Si bu era un tolu antis, ta izalta bu kabesa, o si bu ten konportadu mal - pui bus mon riba boka. ³³Asi, sima bate leti ta faze mantega, y torsi naris ta pruduzi sangi, asi obras ki ta fazedu ku raiba ta pruduzi kunfuzon.

¹Palavras di rei Lemuel, un orákulu nxinadu pa se mai. ²Kuze, nha fidju? Kuze, fidju di nha ventri? Kuze, fidju di nhas votu? ³Ka bu da bu forsa pa mudjeris, o bus kaminhus pa kes ki ta distrui reis.⁴Ka ta fika bunitu pa reis, Lemuel, ka ta fika bunitu pa reis bebe vinhu, nen pa guvernantis dizeja bibida forti; ⁵pamodi oras ki es bebe, es ta skese di kuzas ki sta dikretadu, y es ta perverte direitu di tudu koitadus.⁶Da bibida forti pa kes ki sa ta ta more y vinhu pa kes ki sta marguradu. ⁷E ta bebe y es ta skese di se pubreza, y e ka ta lenbra di ses difikuldadis.⁸Papia afavor di kes ki ka ta pode papia, pa kauza di tudu kes ki sa ta more. ⁹Papia y julga na midida ki é justu, y difende kauza di pobri y di koitadus.¹⁰Kenha ki pode atxa un spoza onrada? Se valor bali mas di ki joias. ¹¹Kurason di se maridu ta kunfia na el y e ka ta xinti falta di nada. ¹²E ta faze kuzas dretu pa el y ka kuzas mariadu, tudu dia di se vida.¹³E ta skodje lan ku linhu, y e ta trabadja ku prazer di ses mon. ¹⁴E é sima naviu merkanti, ki ta traze kumida di lonji. ¹⁵E ta labanta timenti inda sta noti, e ta da kumida pa se família y distribui tarefa pa ses npregada.¹⁶E ta avalia un kanpu y e ta kunpra-l, ku frutu di ses mon, e ta planta un vinha. ¹⁷E ta bisti di forsa y e ta fortalese ses brasu.¹⁸E ta persebe kuze ki ta traze-l bon lukru; duranti tudu noti, se lanpra ka ta paga. ¹⁹E ta pui ses mon na fuzu y e ta sugura roka di fia.²⁰E ta stende se mon pa pobri, e ta stende ses mon pa koitadus. ²¹E ka ta xinti medu di nevi pa se família, pamodi tudu se família sta bistidu ku lan brumedju.²²E ta faze kuberta pa se kama y e ta bisti di ropa pa linhu di púrpura. ²³Se maridu é konxidu djuntu di portons, oras ki e xinta ku gentis grandi di tera.²⁴E ta faze bistidu di linhu y e ta bende-l, ta fornese fita pa kumersiantis. ²⁵E ta bisti di forsa y onra y e ta ri di futuru.²⁶E ta abri se boka ku sabiduria y lei di bondadi sta na se língua. ²⁷E ta vijia kaminhu di se kaza y e ka ta kume pon di prigisa.²⁸Ses fidjus ta krese y ta txomadu di bensuadu; se maridu ta ilojia-l, ta fla: ²⁹Txeu mudjeris ta faze kuzas dretu, ma abo bu ta supera-s fepu.³⁰Ilegansia ta ngana, beleza é banal, ma mudjer ki ta teme Nhordes, e ta ser ilojiada. ³¹Da-l kuze ki e ta merese pa trabadju di se mon y ki se trabadju ngrandese-l na porton.

¹Kantigas ki Salumon kanta. ²Beja-m ku beju di bu boka, pamodi bu amor é midjor di ki vinhu. ³Txeru di bus purfumu é sabi; bu nomi é sima purfumu ki ta pudu, purisu ki virjens ta ama-u. ⁴Leba-m ku bo, y nu kori; rei traze-m pa bus kuartu. Mosas noba: Na bo nu ta alegra y nu ta intxi di alegria; nu ta agrada mas di bu amor di ki ku vinhu. Es faze dretu ama-u.⁵Ami é murena, ma bunita, o fidjas di Jiruzalen: murena sima tenda di Kedar, bunita sima kurtina di Salumon. ⁶Ka nhos fika ta odja-m pa modi ami é murena, pamodi N sta kemadu di sol; fidjus di nha mai xatia ku mi, y es pu-m pa N toma konta di vinha; ma, di nha propri, ki ta pertense-m, N ka toma konta di el.⁷Fla-m, bo ki nha alma ta ama: Undi ki bu ta apasenta bus limaria? Undi ki bu ta guarda-s na meiu dia? Pomodi ki N ten ki fika sima ki kubertu ku un veu na meiu di limaria di bus kolega?⁸Si bo ki é mas bunita na meiu di mudjeris, bu ka sabe, sai pa pizada di ovelha, y apasenta bus kabras djuntu tenda di pastoris.⁹N ta konpara-u, kirida, ku éguas di karuajen di Faro. ¹⁰Ladu di bu rostu na meiu di bus infeitu y bu piskos na meiu di bus kolar, aes é bunitu dimas. ¹¹Infeiti di oru nu ta faze pa bo, ku ditalhi di prata.¹²Timenti rei sta xintadu na se meza, nha purfumu ta ba da se fragansia. ¹³Nha amadu é pa mi sima un saku di mira ki ta pasa noti riba nhas máma; ¹⁴Nha amadu é pa mi sima un ramaleti di flor na vinha di Engedi.¹⁵Moki bu é bunita, nha kretxeu! Moki bu é bunita! Bus odjus é sima ponba.¹⁶Moki bu é bunitu, nha amadu! Moki bu é amavel! Y nos leitu ta intxi di fodja berdi. ¹⁷Pilar di nos kaza é sima sedru, y nos varanda é di madera di sipresti.

¹Ami é roza di Saron, líriu di rubera. ²Sima un líriu na meiu di spinhu, asi é nha kirida na meiu di mosas noba.³Sima masiera na meiu di árvi di kanpu, asi é nha amdu na meiu di rapazis; dibaxu di se sonbra N ta dizeja txeu di sta, y doxi é bu frutu na nha paladar. ⁴E ta leba-m pa kaza di banketi, y se bandera riba mi é amor.⁵Susti-m ku fruta pasa, fortalese-m ku masan; pamodi N sta fraku di amor. ⁶Pui bu mon skerda baxu nha kabesa, y ku bu mon ndreta brasa-m.⁷N ta da nhos ordi, fidjas di Jiruzalen: Nhos jura pa kabritu di rotxa y pa korsa di kanpu, ki nhos ka ta korda, nen disperta amor, ti ki el é kre.⁸Kel-li ki é vos di nha amadu: Nhos odja-l ta ben, ta salta riba munti, ta bua riba ladera. ⁹Nha amadu é moda korso, o fidju di viadu. E sta tras di nos paredi, ta odja pa janela, ta ozerba pa gradi.¹⁰Nha amadu rusponde-m, y e fla-m: Labanta, kirida amiga, nha belezura, y ben. ¹¹Pamodi invernu dja pasa; txuba dja kaba, y e dja e bai se kaminhu.¹²Flor dja sa ta parse na tera, tenpu di kanturia dja txiga. Y sa ta obidu vos di rolinha na nos tera. ¹³Figera sa ta pruduzi ses figu berdi y bara po di videra berdi sa ta da txeru; labanta, nha kretxeu, nha belezura, y ben.¹⁴Nha ponba, ki ta anda na ratxadura di rotxa, na ladera sukundidu, mostra-m bu rostu, faze-m obi bu vos; pamodi bu vos é doxi, y bu rostu é atraenti.¹⁵Toma-nu rapoza, kes rapozinha ki ta straga vinha, pamodi nos vinha dja sta ta florese.¹⁶Nha amadu é di meu, y ami é di nha amadu. E ta apasenta na meiu di líriu. ¹⁷Anti dia manxe y di sonbra fuji, volta nha amadu, faze sima korso, fidju di korsa, riba munti di Beter.

¹Duranti noti N djobe na nha kama kel ki nha alma ta ama; N buska-l ma N ka atxa-l. ²Purisu, N labanta, y N kori pa tudu sidadi, na rua ku na pasa, N buska kenha ki nha alma ta ama, ma N ka atxa-l.³Guardas ki staba ta rodia na sidadi atxa-m. N purgunta-s: Nhos odja kel ki nha alma ta ama? ⁴Poku dipos ki N afasta di es, N bira si, N atxa kel ki nha alma ama. N bota-l mon, y N ka dexa-l bai se kaminhu, ti ki N traze-l pa kaza di nha mai, ka kuartu di kel ki jera-m.⁵N ta da nhos ordi, fidjas di Jiruzalen: Nhos jura pa korsa y pa kabritu di kanpu ki nhos ka ta korda y nen labanta nha amor, ti ki ora ki el kre.⁶Kel-li é kenha, ki sa ta ben di dizertu sima posti di fumasa, purfumada ku mira, insensu y ku tudu tipu di pó aromátiku ki ta bendedu na merkadu? ⁷Kama anbulanti di Salamon sta li! Sasenta gereru sta ta rodia-l, na meiu di gererus di Israel.⁸Tudu es ku ses spada, bon na gera. Kada un ku se spada na sintura, pa kazu di kuntise algun ataki di supreza di noti. ⁹Rei Salomon faze pa el un kadera di madera di Líbanu karegadu pa ómis.¹⁰Ses kuluna é faze di prata, se suadju é faze di oru, se kau di xinta di púrpura, pa dentu kubertu ku obra di amor di fidjas di Jiruzalen. ¹¹Nhos sai, fidjas di Sion, y nhos odja rei Salumon, ku koroa sima se mai koroa-l, na dia di se kazamentu, na dia di alegria di se kurason.

¹Moki bo é bunita, nha kretxeu! Moki ki bu é bunita! Bus odjus baxu di veu é sima ponba; bu kabelu é sima ribanhu di kabra, ki ta dixi di munti Gileadi.²Bus denti é sima ovelha rapadu, ki ta subi di lavatóriu. Es tudu es ten jémiu, y ninhu di es é ka stéril.³Bus beju é sima un fita di skarlata, y bu boka é bunitu. Bus ladu di kabesa é sima padas di roman, baxu veu.⁴Bu piskos é sima tori di Davidi, kunstruidu moda un fortaleza; mil skudu sta prindadu na el, tudu kes skudu di gererus. ⁵Bus dos mama é sima dois fidju di jémiu di korsa, ki ta kume na meiu di líriu.⁶Antis ki dia manxe, y di sonbra fuji, N ta bai pa munti di mira y rotxa di insensu. ⁷Abo bu é bunita, nha kretxeu! Ka ten ninhun difetu na bo.⁸Ben ku mi pa Líbanu, o nha spoza, ben ku mi pa Líbanu; dixi di riba di Amana, di riba di Senir y di Ermon, di muntanha di lioas, di munti di leopardus.⁹Dja bu kunsumi-m kurason, nha irma, nha spoza; bu toma nha kurason so ku un di bus odjus y ku un kolar di bu piskos.¹⁰Moki bu amor é doxi, nha irma, nha spoza! É mas sabi ki midjor vinhu; y txeru di bus purfumu é midjor ki tudu tipu di spesiaria. ¹¹Favu di mel ta dixi di bus beju, o nha spoza. Mel ku leti sta baxu di bu língua; y txeru di bus bistidu é sima txeru di Líbanu.¹²Abo é jardin fitxadu, nha irma, nha spoza; un nasenti di águ fitxadu, un fonti seladu. ¹³Bus planta é sima un orta di roman, ku bon frutu: Ena ku nardu. ¹⁴Nardu, asafron, kálamu y kanela, ku tudu tipu di árvi di insensu: mira, óliu di baboza, ku tudu kes midjor spesiaria.¹⁵Abo é un fonti di jardins, un posu di águ bibu ki ta kori di Líbanu. ¹⁶Labanta, bentu norti! Y ben, bentu sul! Sopra na nha jardin, pa es pode spadja ses aroma! Ki nha amadu ben pa se jardin, y kume ses bon frutu.

¹Dja N txiga na nha jardin, nha irma, nha spoza; N kodje nha mira ku nha spesiaria. N kume nha mel, N bebe nha vinhu ku nha leti. Nhos kume amigu; nhos bebe, amadus, y nhos inbriaga.²N staba ta durmi, ma nha kurason staba ta vijiaba. Era vos di nha amadu, ta konku: Abri-m, nha irma, nha kirida, nha ponba, nha ben fetu. Pamodi nha kabesa sta ku txeu umidadi, nhas kabelu ku txeu gota di noti.³Dja N tra nha ropa; moki N ta torna bisti-l? Dja N laba nhas pe; moki N ta suja-l di nobu? ⁴Nha amadu mete se mon pa braku di porta, y dentu di mi treme pa el.⁵N ta labanta pa N abri porta pa nha amadu; nha mon staba ta pinga di mira, y nhas dedu baxa mira riba puxador di fitxadura.⁶N abri porta pa nha amadu, ma nha amadu dja baba se kaminhu; nha alma moki sai di el trokadu di se fala. N buska-l, ma N ka atxa-l, N txoma-l, ma e ka rusponde-m.⁷Guardas ki staba ta rodia pa sidadi, atxa-m. Es dadje na mi y es fri-m. Guardas di muralha tra-m nha veu.⁸N ta da nhos ordi, fidjas di Jiruzalen: Nhos jura ki, si nhos atxa nha amadu, nhos fla-l ki N sta duenti di amor.⁹Bo ki é mas bunita na meiu di mudjer, moki é bu amadu, ki bu ta ama mas di ki kalker otu? Moki é kel bu amadu li, ki é mas amadu di ki kalker otu, pa kenha ki bu sa ta da-nu ordi pa nu jura?¹⁰Nha amadu é radianti y rozadu; e ta distaka na meiu di des mil. ¹¹Se kabesa é sima oru mas purifikadu; ses kabelu é krespu, pretu sima korbu.¹²Ses odju é sima ponba djuntu korenti di águ, labadu na leti, kolokadu sima joia.¹³Lateral di se rostu é sima un kanteru di spesiaria, sima kaxoti di aroma. Ses beju é sima líriu, ki ta pinga purfumu di mira.¹⁴Ses mon é sima anel di oru ku pedra di krizolitu; se abidomi sima marfin ki ta lumia, kubertu di safira.¹⁵Ses perna é sima posti di mármure, fundadu riba bazi di oru puru; se aspetu é sima Líbanu, prisiozu sima sedru.¹⁶Se boka ten txeu dusura, y e ta dizejadu na tudu xintidu; asi é nha amadu; asi é nha kretxeu, o fidjas di Jiruzalen.

¹Pa undi ki bu amadu bai, bo ki é mas bunita di ki tudu otus mudjeris? Pa ki direson ki bu amadu dja kanba, pa nu pode djuda-u djobe-l?²Nha amadu dixi pa se jardin, pa kanteru di spesiaria, pa apasenta se ribanhu na jardin, y pa kodje líriu. ³Ami é di nha amadu y nha amadu é di meu; e sa ta apasenta na meiu di lírius.⁴Abo é bunita, nha kretxeu, sima Tirza, ku txeu beleza sima Jiruzalen; Bu sta formoza sima bandera di izérsitu.⁵Afasta bus odjus di mi, pamodi es ta dexa-m diskonsertadu. Bu kabelu é sima un ribanhu di kabra, ki ta dixi di Gileadi.⁶Bus dentis é sima ribanhu di ovelhas, ki ta subi di lavatóriu; es tudu pari jémius, y na ses meiu ka ten ninhun stéril. ⁷Sima un padas di roman, asi é ladu di bu rostu baxu di bu veu.⁸Sasenta é rainha, y oitenta é raparigas; y donzelas é un monti; ⁹ma, un é nha ponba, nha perfeita, únika di se mai, mas bunita di ki kenha ki pari-l. Mininas odja-l, y txoma-l di filis; rainhas ku raparigas ta ilojia-l.¹⁰Kel-la é kenha, ki ta parse moda ora ki sol ta nase, bunita sima lua, ta lumia sima sol, formosa sima bandera di izérsitu?¹¹Dixi pa jardin di nogera, pa bu odja frutu na rubera; pa bu odja si videra dja dá flor, y se romanzera dja kumesa ta brota. ¹²Sen N da konta, nha alma pu-m na karuajen di nha nobri povu.¹³Volta! Volta, Sulamita! Volta, y nu ta odja-u! Pamodi ki bu kre odja Sulamita, sima badju di dos filera di izérsitu.

¹Moki ki é bunitu bus pe dentu sandália, bo ki é fidja di prínsipi! Bu koxa rodondu é sima joia, sima obra di mon di un artezon.²Bu biku é sima tasa rodondu, ki ka ta falta bebida; bu abidomi é sima un munti di trigu, rodiadu di líriu.³Bus dos seiu é sima dos fidju jémiu di korsa. ⁴Bu piskos é sima un tori di marfin; bus odjus é sima tanki di pexi di Esbon, djuntu porta di Bati-Rabin. Bu naris é sima tori di Líbanu, ki sta frenti di Damasku.⁵Bu kabesa riba di bo, é sima munti Karmelu, y transa di kabelus di bu kabesa é sima púrpura; rei sta sima ki e maradu ku bus transa. ⁶Moki bo é bunita! Moki bo é formoza, bo ki é sabura di amor.⁷Bu altura é moda palmera, bus máma é sima katxu di uva. N fla: N ta subi palmera, ⁸N ta pega di bus ramu; nton bus máma ta ser sima katxu di videra, y txeru di bu naris é sima txeru di masan.⁹Bu boka é sima bon vinhu; Vinhu ki ta entra suavimenti na nha amadu, y ta faze boka di kenha ki sa ta durmi papia.¹⁰Ami é di nha amadu y el é ta dizeja-m. ¹¹Ben, nha amadu! Nu sai pa kanpu, y nu pasa noti na aldeia.¹²Nu sai di madrugada ti vinha, nu odja si videra dja da flor, y si ses flor dja abri, si romanzera dja sta ta brota; la N ta da-u nha amor.¹³Mandrágoras dja spadja se purfumu, y djuntu di nos porta izisti tudu tipu di bons frutu, nobu ku bedju; N guarda-s pa bo, nha amadu.

¹Moki ki N ta gostaba ki bu era sima nha irmon, ki mamaba máma di nha mai. Ora ki N atxaba bo na rua, N ta beja bo y bu ka ta disprezaba mi.²N ta lebaba bo y N ta trazeba bo pa kaza di nha mai, kel ki inxina-m, y N ta daba bo vinhu purfumadu pa bu bebe, di sumu di nhas roman. ³Pui bu mon skerda baxu di nha kabesa, y ku bu bon ndreta, inbrasa-m.⁴N ta da nhos ordi, fidjas di Jiruzalen: Nhos jura ki nhos ka ta korda, y nen nhos ka ta disperta amor, ti ki el kre.⁵Kel li é kenha, ki sa ta subi di tera ki ka ta mora ningen, detadu riba se amadu? Dibaxu di u masiera N disperta-u, la bu mai pari-u ku dor; la kel ki jera-u, faze-u nase.⁶Pu-m sima selu riba bu kurason, sima selu riba bu brasu; pamodi amor é forti sima morti; siúmis é largu sima simitériu; ses braza é braza di lumi, un lumi tamanhu ku txeu forsa.⁷Monti águ ka ta pode paga es amor, nen riu ka ta pode foga-l; inda ki algen da tudu rikeza di se kaza pa es amor, sime, amor ta dispreza-l.⁸Nu ten un irma pikinoti, ki inda máma ka nase; kuze ki nu nta faze ku kel irma li, na dia ki es papia di el?⁹Si e for un muru, nu ta kunstrui riba di el un palasiu di prata; y si e for un porta, nton nu ta serka-l ku tábua di sedru.¹⁰Ami é un muru, y nhas máma é un tori; nton ami era pa ses odju, sima kel ki ta atxa pas.¹¹Salumon tenba un vinha na Baal-Amom; e entrega kel vinha la pa uns guarda, y kada un ta trazeba el un parti di lukru di ses frutu di mil mueda di prata. ¹²Nha vinha, ki ta pertense-m, sta na nha dispozison; mil mueda di prata é pa bo, Salumon, y duzentu pa guardas di bu frutu.¹³Bo ki ta mora na jardin, bus kolegas ta presta atenson na bu vos: dexa-m obi-l tanbe.¹⁴Ben faxi, nha amadu! Y ben faxi sima korsu, sima fidju di korsa, na muntanha di erva purfumadu!

¹Sidadi ki un bes staba ku txeu moradoris gosi sta konpletamenti vaziu! El era un nason forti, ma gosi é bira sima un viuva. El era un prinseza dentu nason, ma gosi e sta obrigadu a ser skravu! ²E ta txora y lamenta di noti, y ses lagua sa ta skore pa se butxetxa. Ninhun di ses amanti ka konforta-l. Tudu ses amigu trai-l. Es bira ses inimigu.³Dipos di pubreza y kasabi, Juda lebadu pa iziliu. E vive dentu nason y E ka atxa diskansu. Tudu ses pirsigidor panha-l na se fadiga.⁴Strada di Sion sa ta txora, pamodi ningen ka ben pa festa spesial. Tudu se porton sta dizoladu. Ses saserdoti ta jeme. Ses virjen sta tristi, y El me sta na konpletu dizisperu. ⁵Ses adiversariu bira ses mestri, ses inimigu sta prospera. Nhordes ten aflijidu es trokadu ses pekadu. Ses kriansa pikinoti ta bai pa kativeru, ta bai ti se adiversariu.⁶Beleza dja dexa fidja di Sion. Se prínsipi bira sima korsa ki ka ta atxa pastu, y es ta bai sen forsa dianti di ses pirsigidoris.⁷Na dia di se kasabi y se iziliu, Jiruzalen ta ben lenbra di tudu tizorus prisiozu ki e tenba na tenpu pasadu. Kantu se povu kai na mon di adiversariu, ningen ka djuda-l. Adiversariu odja-l y faze trosa di se distruison.⁸Jiruzalen peka grandimenti; pa kel mutivu la, E bira disprezadu sima algu suju. Tudu kes ki ta onraba el gosi ta dispreza-l, desdi kes odja-l nunpriti. E sa ta jeme y ta tenta vira. ⁹Baxu di ses saia bira suju. E ka pensa na se futuru. Se keda bira tirivel. Ka staba ningen pa konforta-l. E ta gritaba: "Odja nha kasabi, Nhordes, pamodi, inimigu dja bira grandi dimas!".¹⁰Adiversariu pui se mon riba tudu nos prisiozu tizorus. E odja nason ta entra na se santuariu, mesmu ki Bu ordenaba ki es ka dibia entraba na Bu asenbleia.¹¹Tudu povu sa ta geme timenti ta djobe pa pon. Es ten dadu ses prisiozu tizoru pa kumida pa ristora ses vida. Odja, Nhordes, y kunsidera-m, pamodi N ten tornadu inutil. ¹²Nhos ki ta pasa, nhos ka nporta ku mi? Nhos abri odju y odja si la sta algen ki sufri sima ami N ten sufridu, desdi ki Nhordes ten turmentadu mi na dia di se ira violentu.¹³É la di riba ki E ta manda lumi dentu di nhas osu, y kel-la kunkista-s. E ten spadjadu un redi pa nha pe y E faze-m volta. E faze-m konstantimenti dizanimadu y fraku. ¹⁴Pezu di nhas violason sta maradu pa Se mon. Es ta maradu y pudu riba nha piskos. E faze nha forsa fika fraku. Sinhor intrega-m na ses mon, y ami ka é kapas di fika sakedu.¹⁵Nhordes ten lansadu fora tudu omi puderozu ki ta difendeba mi. E ten konvokadu un asenbleia kontra mi, pa smaga nhas omi forti. Sinhor ten pizadu na fidja di virjen di Juda na lagar.¹⁶Trokadu es kuza li N ta txora. Nhas odju, lagua ta sai di nhas odju, desdi ki kel ki ta konsola-m, ki debia ristora nha vida, sta lonji di mi. Nhas kriansas sta dizanparadu, pamodi inimigu vense. ¹⁷Sion sta ku ses mon stendedu; ka ten ningen pa konsola-l. Nhordes ordena ki kes ki sta pa volta di Jako bira ses adiversariu. Jiruzalen é kuza suju pa es.¹⁸Nhordes é justu, pamodi N rabela kontra Ses mandemntu. Obi, tudu nhos, povu, y nhos odja nha sufrimentu. Nhas virjen y nhas ómi forti lebadu pa kativeru. ¹⁹N txoma pa nhas amigu, ma es bira trasueru dianti mi. Nhas saserdoti y nhas gentis grandi more na sidadi, timenti es staba ta djobe kumida pa ristora ses vida.²⁰Odja, Nhordes, pamodi N sta na sufrimentu; nhas tripa sa ta grita, nha kurason sta kunfuzu dentu mi, pamodi N era txeu ribeldi. La na rua, spada ta tra fidju di se mai; dentu kaza, ten so morti.²¹Es obi nha jemidu, ma ka ten ningen pa konsola-m. Tudu nhas inimigu ten obidu nha tribulason. Es ta alegra pamodi Bu faze-m kel-li. Bu traze-nu kel dia ki bu prumete-nu; gosi, ki es bira sima mi. ²²Ki tudu ses maldadi ben dianti di Bo. Trata-s sima bu trata-m, trokadu tudu nhas infrason. Nhas jemidu é txeu, y nha kurason sta disfalesidu.

¹Nhordes kubri fidja di Sion ku nuven di Se raiva! Dja E fulha beleza di Israel di séu pa tera y E ka lenbra di txon di se pe na dia di Se raiva. ²Nhordes nguli y E ka xinti konpaxon pa ninhun tudu sidadi di Jako. Na dia di Se raiva, E fulha pa tera kes sidadi forti di fidja di Juda; na dizonra, E basa na txon renu y se prínsipi.³Na se raiva, E kaba ku forsa di Israel. E tra Se mon ndreta di frenti inimigu. E kema Jako sima lumi kenti ki ta kema tudu na se volta. ⁴E ten maradu Se arku pa nos sima un inimigu. E firma na se ndreta sima un adiversariu ku mom prontu pa dispara. E diruba kes pesoaski é mas inportanti pa Ses odju. Na tenda di fidja di Sion, E fulha se raiva sima lumi.⁵Nhordes bira sima un inimigu. E nguli Israel. Dja E nguli tudu se palasiu. Dja E diruba se lugar forti. Dja E omenta tristeza ku txoru pa fidja di Juda. ⁶E ataka Se tabernakulu sima un kabana di jardin. E distrui lugar di kongregason spesial. Nhordes faze ku kes kongregason spesial ku sabadu bira skesedu na Sion, pamodi E dispreza tantu rei sima saserdoti, na ndiginason di Se ira.⁷Nhordes rijeta Se altar; E ditesta Se santuariu. E da muru di palasiu na mon di inimigu. Es da un gritu di vitoria na kaza di Nhordes, sima si era un dia di festa spesial.⁸Nhordes disidi livrimenti kaba ku muru di sidadi di fidja di Sion. E stika un fiu di midi y E ka guarda Se mon distruidor. Y dja E faze muru di lamentason y paredi bira fraku. ⁹Ses porton funda na txon; dja E distrui y kebra ses gradi. Rei ku prinsipi disel sta na meiu di jentiu, undi ka ten mas lei, y ses prufeta ka atxa vizon di Nhordes.¹⁰Gentis grandi di fidja di Sion ta xinta na txon y ta txora dentu des. Es da ku tera na ses kabesa y es bisti di saku. Virjen di Jiruzalen baxa ses kabesa pa txon.¹¹Lágua di ses odju kaba; nha stomagu sa ta ronka; dentu mi sa ta spadja ti txon, trokadu distruison di fidja di nha povu, pamodi mininu ku kriansa di petu sa ta disfalesie na strada di aldeia. ¹²Es sa ta fla pa ses mai: "Undi sta pon ku vinhu?", ta dismaia sima omis fridu na strada di sidadi, ses vida ta kai ragas di ses mai.¹³Kuze ki N pode fla sobri bo, fidja di Jiruzalen? Kenha ki N ta djobe pa konforta-u, virjen di Sion? Bu frida é grandi sima mar. Kenha ki pode kura-u? ¹⁴Bus prufetas odja mintira tolu y vizon pa bo. Es ka ta mostra bu malvadesa pa ristora bu sorti, ma es obi orákulu inganador y tentason pa bo.¹⁵Tudu kes ki ta pasa pa strada ta bati palma pa bo. Es ta zibia, ta balansa kabesa kontra fidja di Jiruzalen ta fla: "É es sidadi ki txomadu di 'Beleza Perfeitu', 'Alegria di Tudu Tera'?". ¹⁶"Tudu bus inimigu ta abri boka kontra bo y ta faze-u trosa. Es ta zibia, ta nheme denti y ta fla: Dja nu nguli-l! Di verdadi kel-li e dia ki nu speraba! Dja nu atxa-l! Dja nu odja-l!".¹⁷Nhordes dja faze kuze ke tenba disididu. E kunpri se palavra. Dja E bafa-u sen konpaxon, pamodi E pirmiti inimigu bira kontenti riba bo y E labanta puder di bu adiversariu.¹⁸Ses kurason ta grita pa Nhordes, muru di fidja di Sion! Dexa lágua kai sima un riu, dia ku noti. Bu ka da-s diskansu. Bu ka sa ta para di seka lágua di bus odju. ¹⁹Labanta bu txora rixu di noti, na kumesu di ora, spadja sima agu bu kurason dianti di rostu di Nhordes. Labanta bus mon pa El pa vida di bus fidju, ki sa ta more di fomi na entrada di tudu rua."²⁰Odja, Nhordes, y Nho lenbra di kes ki bu ten tratadu mariadu. Mudjeris pode kume frutu di ses bariga, kriansas ki es sa ta kuida? Saserdoti y prufeta pode ser dirotadu na santuariu di Sinhor?²¹Es sa ta more tu djuntu, mosus y bedjus na tera y na rua. Nhas virjen y nhas omi forti kai pa spada. Bu abate-s na dia di Bu raiva. Bu mata-s sen piedadi y bu ka mostra konpaxon. ²²Bu ten txomadu nhas medu na nha volta sima si bu ta txomaba bu povu pa un festa spesial; y ningen ka skapa, o subrivive na dia di ira di Nhordes. Kes ki N da kumida y N kria, nha inimigu distrui.

¹Ami é un ómi ki odja mizeria na xikoti di raiva di Nhordes. ²E gia-m y faze-m anda na sukuru, inbes di anda na lus. ³Sertamenti, E volta kontra mi mas unbes, dia interu. ⁴E faze nha karni y nha peli dizaparse y E kebra nhas osu.⁶E faze serka kontra mi y E serka-m ku amargura y sufrimentu. ⁵E faze- vive na lugar sukuru, sima kes ki more dja dura. ⁷E faze muru na nha volta, N ka pode skapa. Nhas korenti bira pizadu. ⁸Sikre N pidi djuda y grita pa sokoru, E rijeta nhas orason.⁹E blokia-m nha kaminhu, ku paredi di pedra labradu, y E faze nha kaminhu tortu. ¹⁰El é sima un ursu, ta spera pa ataka-m, un lion sukundidu; ¹¹E muda-m di kaminhu, E satadja-m, E dexa-m dizoladu.¹²E Kurva Se arku y E pon moda mira di Se flexa. ¹³E fra nhas rin ku flexa di se bolsa. ¹⁴N bira mutivu di txakota pa tudu nha povu, obijetu di trosa duranti dia interu. ¹⁵E ntxi-m di amargura y E forsa-m bebe abisintu.¹⁶E straga nha denti ku kaskadju, E da-m na txon. ¹⁷Nha alma sta privadu di pas, N skese kuze ki é filisidadi. ¹⁸Nton, N fla: "Nha forsa dja kaba, sima nha speransa na Nhordes".¹⁹Lenbra di nha kasabi ku nhas kaminhada, di abisintu y di amargura. ²⁰Senpri N ta lenbra di kel-li y N ta xinti dor dentu mi. ²¹Ma N ta traze tudu kel-li pa mimoria y purisu, N ta ten speransa:²²Amor firmi di Nhordes ka ta kaba, y Ses mizerikordia ka ten fin. ²³É nobu kada dia di sedu. Bu fidelidadi é grandi! ²⁴"Nhordes é nha eransa", N fla. Nton, N ta spera na El.²⁵Nhordes é bon pa kes ki ta spera na El, y pa kenha ki ta djobe-L. ²⁶E bon spera, ketu, na salvason di Nhordes. ²⁷E bon pa ómi karega pezu na se juventudi. ²⁸Pa e fika el so, ketu, pamodi Deus pui kel pezu riba del. ²⁹Ki e pui boka na po, manba inda ta ten speransa.³⁰Ki e da rostu pa kenha ki ta golpia-l y ki e ntxi di disgrasa, ³¹pamodi Nhordes ka ta rejeta-nu pa senpri; ³²sikre kauza tristeza, E ta ten konpaxon pamodi Se amor firmi é txeu. ³³Pamodi E ka ta afliji di bon gradu o E ta turmenta fidjus di ómi.³⁴Pa smaga tudu kativu na tera dibaxu di ses pe, ³⁵pa disvia justisa di ómi dianti rostu di Altísimu, ³⁶pa distrui un algen na se kauza - Sinhor ka ta odja?³⁷Kenha é kel ki ta papia y ta kuntise anonser ki Sinhor ten dikretadu? ³⁸Ka ta sai di boka di Altísimu tantu kuza mariadu ku kuza dretu? Modi ki algen ta vive ta kexa? ³⁹Moki ki pode kalker ómi kexa di kastigu pa ses pekadu?⁴⁰Nu analiza y nu izamina nos kaminhu y nu volta pa Nhordes. ⁴¹Nu labanta nos kurason y nos mon pa Deus di séu y nu ora: ⁴²"Nu peka y nu rabela kontra Nho, di manera ki Nho ka purdua-nu. ⁴³Bu kubri ku raiva y Bu pirsigi-nu.⁴⁴Nho kubri ku un nuven, di manera ki ninhun orason pode pasa. ⁴⁵Nho faze-nu xinti disprezadu y restu na meiu di povu. ⁴⁶Tudu nos inimigu abri ses boka ku trosa kontra nos. ⁴⁷Medu di morti txiga na nos, dizolason y smagamentu".⁴⁸Nha odju dixi sima riu di águ, trokadu di smagamentu di fidja di nha povu. ⁴⁹Nhas odju ntxi, es ka sa ta para, pamodi ka ten fin pa kel-li ⁵⁰ti ki Nhordes odja pa baxu y odja la di séu.⁵¹Nhas odju traze un dor tamanhu pa nha vida trokadu tudu fidjas di nha sidadi. ⁵²Nhas inimigu kasa-m sen tadju sima pasáru, sen razon. ⁵³Es kaba ku nha vida na un braku y es pui un pedra riba mi. ⁵⁴Agu kubri nha kabesa; N fla: N sta perdidu!".⁵⁵N txoma pa Bu nomi, Nhordes, la di fundu koba. ⁵⁶Bu obi nha vos kantu N txoma-U: "Ka bu sukundi Bus obidu di nha pididu di diskansu, y di gritu di sokoru". ⁵⁷Bu txiga pertu mi na dia ki N txoma-U, Bu fla-m: "Ka bu ten medu!".⁵⁸Sinhor, bu difende-m kantu N staba ta ser julgadu pa nha vida, Bu salva nha vida! ⁵⁹Nhordes, bu odja modi kes fronta-m. Trata di nha kazu ku justisa. ⁶⁰Nho odja mo kes faze ses vingansa, tudu ses planu kontra mi. ⁶¹Nho obi moki es dispreza-m, Nhordes, y tudu ses planu kontra mi.⁶²Nho obi konbersu di kes ki labanta kontra mi; Nho ten sukutadu ses pensamentu, ki é kontra mi tudu dia. ⁶³Ker oras ki es ta xinta o ora ki es ta labanta, odja, Nhordes! Ami é obijetu di ses kantiga di disprezu.⁶⁴Nho ritribui-s, Nhordes, y nho kauza-s danu, sima ses mon faze. ⁶⁵Nho pui medu na ses kurason; nho pui Bu maldison riba di es. ⁶⁶Nho pirsigi-s na Bu raiva y nho distrui-s na tudu lugar dibaxu di séu, Nhordes!

¹Oru bira sukuru; sima oru mas puru muda! Pedra santu spadjadu na skina di kada rua. ²Fidjus mas inportanti di Sion baleba se pezu na oru puru. Ma gosi e ka bali mas di ki vazu di arjila fetu pa mon di oleru.³Ti xakais ta oferese petu pa mamenta ses fidju, ma fidja di nha povu dja bira mau sima avestrus na dizertu.⁴Língua di mininu di petu ta kola na séu di se boka ku sedi; mininu ta pidi pon, ma ka ten nada pa es. ⁵Kes ki ta kume kumida karu gosi sa ta pasa fomi na rua. Kes ki kria ta bisti ropa burmedju gosi sta detadu riba lixu.⁶Kastigu di fidja di nha povu é mas grandi di ki Sudoma, ki bafadu sima na un mumentu, y ningen ka labanta un mon pa djuda-l.⁷Ses xefis era mas puru ki nevi y mas branku ki leti. Ses korpu era mas sodavel ki koral; y se forma, sima safira. ⁸Gosi se aparensia fika sukuru mas ki porkaria, y es ka ta konxedu na rua, pamodi se peli dja kola na ses osu y sta sima lenha seku.⁹Kes ki matadu pa spada bira mas filis ki kes ki matadu trokadu fomi, ki difinha, fradu pa falta di kalker kodjeta di kanpu. ¹⁰Mon di mudjeris piedozas kusia ses propi fidju; es bira se kumida na tenpu ki fidja di nha povu staba ta ser distruidu.¹¹Nhordes mostra tudu Se raiva. E lansa se raiva kenti; riba Sion, E sende lumi ki kema se fundamentu.¹²Reis di tera ka ta kriditaba, nen ninhun morador di mundu ka kriditaba ki inimigu o adiversariu podeba entraba na porton di Jiruzalen. ¹³Ma kel-li kuntise trokadu pekadu di ses prufetas y malvadesa dis saserdotis ki lansa sangi di justu na se meiu.¹⁴Es ta andaba vagu, segu, na rua. Es staba txeu kontaminadu pa kel sangi, ki ningen ka tenba pirmison pa toka na ses ropa. ¹⁵"Nhos afasta, inpurus!", povu staba ta grita-S. "Nhos afasta, nhos afasta! Ka nhos toka-s!" Y asi es ta andaba eranti; entri nason fladu: "es ka pode fika li".¹⁶Propi Nhordes spadja-S y dja ka sa ta kuida di es mas. Es ka ta onra saserdoti nen es ka ta mostra ninhun konpaxon pa gentis grandi.¹⁷Nos odju fadja, ta djobe invon pa djuda; di nos tori di vijia, nu ta odjaba pa un nason ki ka podeba salva-nu. ¹⁸Es ta spretaba nos pasu, nu ka podeba andaba pa nos rua. Nos fin staba pertu; y nos dia, kontadu, pamodi nos fin dja txiga.¹⁹Nos pirsigidoris bira mas rapidu ki ágia na séu. Es sigi-nu ti muntanha y ta spreta es ta speraba pa nos na dizertu. ²⁰Folgu di nos naris, Unjidu di Nhordes, El ki prendedu na se koba, y di El fladu: "Dibaxu di Se sonbra nu ta vive entri nason".²¹Fika kontenti y alegra, fidja di Idon, bo ki ta vive na tera di Us. Ma pa bo tanbe ta pasa es kálisi, bu ta fika moku, y bu ta duspidu. ²²Fidja di Sion, bu kastigu ta txiga fin. E ka ta stende bu iziliu. Ma, fidja di Idon, bus pekadu ta ser diskubertu.

¹Lenbra, Nhordes, di kel ki kuntise ku nos. Odja y kunsidera nos burgonha. ²Nos eransa ntregadu pa stranhu; nos kaza, pa stranjeru. ³Nu bira orfon, pamodi nu ka ten pai, y nos mai sta sima viuva. ⁴Nu ten ki paga ku prata águ ki nu bebe y nu ten ki paga ku prata pa buska nos propi madera.⁵Kes ki ta pirsigi-nu sta pertu nos; nu sta kansadu, nu ka atxa diskansu. ⁶Nu ntrega nos kabesa pa ijípisiu y pa asíriu pa nu atxa kumida sufisienti. ⁷Nos pai peka; es ka izisti mas, y nu sa ta guenta ses malvadesa.⁸Skravu ta dumina riba nos, y ka ten ningen pa risgata-nu di ses mon. ⁹Nu ariska nos vida pa ten nos pon, trokadu spada di dizertu. ¹⁰Nos peli bira kenti sima fornu, trokadu fomi ardidu.¹¹Mudjeris ta violentadu em Sion; y virjen, na sidadi di Juda. ¹²Prinsipi é pa es, nforkadu, y onra ka ta dadu pa gentis grandi.¹³Jovens é forsadu pa mui ku pedra di muinhu, y mininus ta anda sen firmeza riba karga pizadu di lenha. ¹⁴Gentis grandi dexa porton di sidadi, y jovens dexa se muzika.¹⁵Aligria di nos kurason dja kaba, y nos dansa bira lamentu. ¹⁶Kuroa kai di nos kabesa! Paxenxa pa nos di nos, pamodi nu peka!¹⁷Pamodi nos kurason duense, y nos odju fika sukuru. Trokadu es kuza nos odju fika sukuru, ¹⁸pamodi xakais sa ta pasia na Munti Sion, ki sta dizoladu.¹⁹Ma Bo, Nhordes, Bu ta reina pa senpri y Bu ta xinta riba Bu tronu, di jerason pa jerason. ²⁰Pamodi ki bu skese-nu pa senpri? Pamodi ki bu ta dexa-nu pa txeu dia? ²¹Ristora-nu, Nhordes, y nu ta ser ristoradu. Rinova nos dia sima na tenpu antigu, ²²anonser ki bu ten rijetadu nos totalmenti y bu sta txeu xatiadu ku nos pa alen di konta!

¹Palavra di Amos, un di kes pastor di Tekoa, ki resebe pa revelason di Israel. E resebe-l na tenpu di Uzias, rei di Juda, y tanbe na tenpu di Jerobuon, fidju di Joas, rei di Israel, dos anu antis di teremotu. ²E fla: "Nhordes ta grita di Sion, E ta labanta se vos di Jiruzalen. Padja di kes partor ta murutxa, y piku di Kamelu ta seka".³Si ki Nhordes fla: "Pa tres pekadu di Damasku, si kre pa kuatu, N ka ta anula kel kastigu, pamodi es kaba ku Gileadi ku instrumentu di feru. ⁴Nta manda lumi pa kaza di Azael ki ta kaba ku fortaleza de Ben Adadi.⁵Nhordes fla: "N ta ben kebra kes gradi di Damasku, N ta ben kaba ku abitanti di rubera di Aven y tanbe ku omi ki ta pega kel baston de Bete-Eden. Y povu di Siria ta lebadu prezu pa Kir".⁶Si ki Nhordes fla: "Pa tres pekadu di Gaza, si kre pa kuatu, N ka ta anula kel kastigu, pamodi es leba prezu tudu povu y es da pa Edon. ⁷N ta ben manda lumi pa muralha di Gaza ki ta kaba ku se fortaleza.⁸Nhordes fla: "N ta ben distrui kes omi ki ta mora na Asdodi y kes omi ki ta pega na kel baston di Askelon. N ta ben poi nha mon kontra Ekron, y kes restu di filisteu ta ben sufri".⁹Si ki Nhordes fla: "Pa tres pekadu di Tiro, si kre pa kuatu, N ka ta anula kel kastigu, pamodi es leba prezu tudu povu pa Edon y es kebra se lasu di amizadi. ¹⁰N ta ben manda lumi na muralha di Tiru ki ta ben kaba ku se fortaleza."¹¹Si ki Nordes fla: "Pa tres pekadu di Edon, si kre pa kuatu, N ka ta anula kel kastigu, pamodi e toka se irmon dianti ku spada y e abandona tudu mizerikordia. Se ira ka kaba, y si raiba ka tenba fin. ¹²N ta ben manda lumi pa Teman ki ta kaba ku ses palasiu di Bozrah".¹³Si ki Nhordes fla: "Pa tres pekadu di povu di Amon, si kre kuatu, N ka ta anula kel kastigu, pamodi es abri bariga di kes mudjer prenha di Gileadi, pa es omenta ses txon.¹⁴Nordes fla: "N ta pui lumi na muralha di Raba ki ta kaba ku kes palasiu, ku rabulisu na tenpu di gera, ku tenpestadi na tenpu di txeu bentu. ¹⁵Se rei ta bai pa prizon, el ku tudu ses ministru djuntu".

¹Asi Nhordes fla: Pa tres pekadu di Muabi, sikre pa kuatu, N ka ta anula kel kastigu, pamodi e kema osu di rei di Idon ti bira sinza.²Nhordes fla: N ta manda lumi pa Muabi ki ta kaba ku fortaleza di Kirioti. Muabi ta mori na ajitason, ku gritus y na son di tronbeta. ³N ta distrui se juis y N ta mata tudu ses prínsipi djunta ku el.⁴É asi ki Nhordes fla: Pa tres pekadu di Juda, sikre pa kuatu, N ka ta anula kel kastigu, pamodi es nega Lei di Nhordes y es ka obedese nhas rigulamentu. Ses mintira faze-s perde, sima ses antipasadu. ⁵N ta invia lumi riba Juda ki ta kaba ku fortaleza di Jiruzalen.⁶Asi ki Nhordes fla: Pa tres pekadu di Israel, sikre pa kuatu, N ka ta anula kel kastigu, pamodi es bende inosenti pa prata y koitadus pa un par di sandalia.⁷Es ta piza kabesa di pobri sima algen ta piza pe na txon. Es ta afasta oprimidu pa lonji. Un ómi ku se pai ta deta ku mesmu mudjer, y asi es ta manxa Nha Santu nomi. ⁸Es ta deta na ladu di kada altar ku ropa individadu y na kaza di se Deus, es ta bebe vinhu di kes ki multadu.⁹Nton, N ta distrui amoreu ses dianti, ki era altu, sima altura di sedru; el era forti sima karvalhu. N kaba ku se frutu di riba y ku ses rais di baxu. ¹⁰Tanbe N faze nhos subi di tera di Ijitu y N kunduzi nhos pa kuarenta anu na dizertu, pa ki nhos pode toma tera di amoreu.¹¹Nho labanta prufeta na meiu di nhos fidju y nazireu na meiu di nhos joven. E ka sime, povu di Israel? - É asi ki Nhordes fla. ¹²Ma nhos konvense narizeus pa bebe vinhu y nhos da ordi pa prufeta pa ka prufetiza.¹³Odja, N piza nhos sima un karu karegadu di gron pode piza algen. ¹⁴Fadigadu ka ta skapa, forti ka ta omenta se forsa y nen puderozu ka ta salva.¹⁵Asi ki Nhordes fla: Vijia ka ta rizisti, koredor ka ta skapa, nen kabaleru ta salva. ¹⁶Sikre kes gereru mas korajozu ta fuji nunpriti na kel dia.

¹Nhos obi palavra ki Nhordes sa ta papia kontra nhos, povu di Israel, kontra tudu familia ki N tra di tera di Ijitu: ²"N skodje-u so bo, na meiu di tudu familia na tera. Purisu, N ta kastiga-u pa tudu bus pekadus.³Ta anda dos djuntu, si es ka sta di akordu? ⁴Lion ta ruji na floresta, ora ki e ka tini preza? Fidju di lion pode rasmunga di se kau di sukundi, se ka panha nada?⁵Un pásaru pode kai na un armadilha na tera, se armadilha sta baziu? Un armadilha ta labanta di txon, se ka panha nada? ⁶Algen ka ta treme, si tokadu tronbeta na sidadi? Pode kuntise un dizastri riba sidadi ki Nhordes ka manda?⁷Di verdadi Nhordes ka ta fazi nada, timenti E ka mostra se planu pa ses servu, y profetas. ⁸Lion dja ruji; kenha ki ka ta tremi? Nhordes dja papia; kenha ki ka ta profetiza?⁹Nhos anunsia na fortalezas di Asdode y na fortalezas na tera di Ijitu. Fla: "Nhos djunta na munti di Samaria y nhos odja grandi kunfuson y abusu ki sta na meiu di bu povu. ¹⁰Pamodi es ka sabi fazi kuzas dretu". Si ki Nhordes fla: "Es ta djunta violensia y distruson na ses fortaleza".¹¹Purisu, si ki Nhordes fla: "Un inimigu ta ben serka tera y ta ben distrui ses sidadi y furta ses fortaleza". ¹²Si ki Nhordes fla: "Sima pastor ki ta tra di boka di lion so dos perna, o un padaz di oredja, si ki povu di Israel ki ta vivi na Samaria ta ben ser libertadu, so ku un kantu di sufa, o so ku un padaz di kama".¹³¹⁴Obi y tistimunha kontra kaza di Jako - Keli ke diclarason di Nhordes, Deus di Izérsitu: "Na dia ki N kastiga pekadus di Israel, N ta kastiga tanbe altar di Betel, y txifris di altar ta ben ser kortadus y es ta ben kai na txon.¹⁵N ta ben distrui kaza di invernu djuntu ku kaza di veron. Kazas di marfin ta ben sufri, y kes grandis kazas ta ben dizaparesi" - si ki Nhordes fla.

¹Nhos obi es palavra ki N sa traze sima un lamentu riba nhos, kaza di Israel. ²Virjen di Israel dja kai; e ka ta labanta mas; dja e skesedu na si tera; ka ten ningen pa labanta-l.³Pamodi é si ki Nhordes fla: "kel sidadi ki sai ku mil ta resta sen, y kel ki sai ku sen ta resta des di kes ki ta faze parti di kaza di Israel".⁴Purisu ki Nhordes fla pa kaza di Israel; "Nhos buska-m y nhos ta vivi! ⁵Ka nhos buska Betel; ka nhos entra na Gilgal; nen ka nhos pasa pa Berseba. Pamodi Gilgal ta ben lebadu prezu, y Betel ta bira nada.⁶Nhos buska Nhordes y nhos ta vivi, o E ta entra sima lumi na kaza di Juze. E ta kaba ku tudu, y ka ta ten ningen pa paga-l na Betel. ⁷Kes algen es muda justisa pa kuza malgos y es bota na txon kuzas dretu!".⁸Deus faze Pleiades ku Orion; E ta muda sukuru pa klareza; E ta bira dia sukuru ku noti y e ta txoma águ di mar; E ta lansa-s riba tera. Se nomi é Nhordes! ⁹E ta traze distruison faxi riba di kes ki é forti, pa ki distruison ben riba di fortaleza.¹⁰Es ka gosta ki ningen ki ta kuriji-s na porta di sidadi y es ta ditesta tudu kes ki ta papia verdadi. ¹¹Pamodi nhos ta masa riba pobri y nhos ta toma-s ses poku trigu. Si kre nhos konstrui kazas di pedra ku txeu trabadju, ma nhos ka ta bai mora na el. Nhos ten pe di uvas sabi, ma nhos ka ta bebi se vinhu.¹²Purisu N sabi kantu ki é nhos ofensa y modi ki é grandi nhos pekadu. Nhos ki ta trata justu mariadu, nhos ta fazi favor pa recebi dinheru y nhos ta da koitadu kosta na porta di sidadi. ¹³Nton, goci, kes ke spertus sta kaladu pamodi tempu é runhu.¹⁴Nhos buska kuzas dretu, ka kuzas mariadu, pa nhos podi vivi. Pamadi Nhordes, Deus di Izérsitu, senpri ta sta ku nhos, sima nhos fla Me sta. ¹⁵Nhos xinti raiba di kuzas mariadu, nhos ama kuza dretu, nhos pui justisa na porta di cidadi. Manba Nhordes, Deus di Izérsitus, ta ben ser mansu ku gentis di Juze.¹⁶Nton, si ki Nhordes fla, Sinhor y Deus di Izérsitu: "Ta ben tem lamentu na tudu kes prasa, y es ta ben fla na tudu kes strada, 'Ai di nos!' Es ta ben txoma tudu kanpunes pa lutu y pa kes ki sta di lutu pes lamenta. ¹⁷Dentu di tudu lugar ki tem pe di uva ta ba tem lamentu, pamodi N ta bai pasa na nhos meiu". Nhordes fla.¹⁸Koitadu di nhos ki ta dizeja pa dia di Nhordes! Pamodi ki nhos sa ta dizeja pa dia di Nhordes? ¹⁹E Ta ser sukuru, y ka Klaru. Ta ser sima ora ki omi ta kori di leon, y é ta kontra ku ursu; o e ta entra na un kaza, e ta poi mon na paredi, y un kobra ta morde-l. ²⁰Ka ta ser dia di Nhordes un dia di sukuru, y ka Klaru? Di sukuru sen Klareza?²¹N ten raiba y N ka gosta di nhos festas, N ka ten gostu pa nhos sirimonias. ²²Si kre nhos oferesen nhos sakrifisiu y nhos oferta di kumidas, N ka ta aseita, nem N ka djobi pa oferta di paz di nhos animal gordus.²³Nhos tra di mi rabolisu di nhos kantigas; N ka ta obi mas son di nhos arpas. ²⁴Primeru, nhos dexa kuzas dretu nasi sima águ; y justisa, sima rio ki ka ten fin.²⁵E pa mi ki nhos trazi kes sakrificiu y ofertas na dizertu pa korenta anu, kaza di Israel? ²⁶Nhos labanta Sikuti sima nhos rei y Kuiun, nhos deus silesti - imajen ki nhos fazi a nhos me.²⁷Purisu, N ta ben leba nhos pa prison, dipos di Damasku", Nhordes fla, y se nomi é Deus di Izérsitu.

¹Ai di kes ki sta trankilu na Sion y di kes ki sa xinti risguardadu na munti di Samaria, kes omi inportanti di midjor nason, di kes ki kaza di Israel sa djobi ajuda. ²Nhos xefi ta Fla: "Bai Calne y odja; dipos bai Amati, grandi sidadi; nton, dixi Gati di filisteu. Es é midjor ki nhos dos reinu? Ses frontera é mas grandi ki di nhos??³Ai di kes ki ta afasta di dia di disgrasa y ta fazi tronu di violensia txiga pertu. ⁴Es ta deta na kama di marfin y es ta stendi na ses sufa. Es ta kume carneru di ribanhu y bixeru di kural.⁵Es ta inventa kantigas tolas na son di arpa y es ta inventa instrumentu, sima Davi fazi. ⁶Es ta bebi vinhu di baril y es ta unji ku oliu mas puru, mas es ka ta lamenta disgrasa di Juze.⁷Purisu, es ta ben ser rifujiadu ku kes prumeru diportadus; Kumida di priguisozu ta kaba. ⁸"Ami, Nhordes, N jura pa mi mé. Keli ke declarason di Nhordes, Deus di Izérsitu: 'N ta detesta orgudju di Jako; N ta odeia ses fortaleza. Purisu, nta ben intrega sidadi y tudu ki sta na el?'''.⁹Y ta ben kontici ki, se dez omi resta na un kasa, es ta mori tudu. ¹⁰Si familia di un omi ben buska si mortos - kel ki sa bai krema-s, dipos ke tra corpus di kaza - se e fla pa alguen di kaza: "Sta alguen ku bo?", e kel alguen fla: "Nou", nton e ta fla: "Cala boka, pamodi nu ka devi fla nomi di Nhordes!".¹¹Odja, di fatu, Nhordes ta da un ordi, y kaza grandi ta fika distruídu; y kaza pikinoti, ta fica padaz padaz.¹²Pur akazu, Kabalus ta kori riba di rotxa? O ali ta podi navega ku boi? Nhos, portantu, nhos transforma justisa pa venenu y fidju di onestidadi pa disgostu. ¹³Nhos, ki ta fica kontenti riba di Lo-Debar, ta fla: "Nu ka ta toma Karnain pa nhos propri forsa?".¹⁴"Mas, odja, Ami N ta ben labanta kontra nhos nason, kasa di Israel", Keli ke deklarason di Nhordes, Sinhor di Izérsitu: "E ta atormentou di Lebo-Amati ti fonti di Arabá".

¹Keli ki Sinhor Deus mostra-m. E kria kanfanhotus kantu padja komesa ta nansi. Kel padja era un padja ki nansi dipos di kodjeta di rei. ²Kantu ki es finda di kume frutus di tera, nton N fla; "Nhordes, pendon, dizumola! Jako é mutu pikinoti, modi ki é ta subrivivi?" ³Nhordes disisti y é fla "Keli ka ta ben kontici"⁴Keli ki Nhordes mostra-m; "Nhordes txoma lumi pa kondena. Dja seka kes águ grandi fundu baxu di tera y é podi kaba ku txon tanbe; ⁵ma N fla; "Nhordes, nhu para, dizumola! Jako é mutu pikinoti. Modi ki é ta subrivivi?". ⁶Nhordes disisti y é fla: "Keli tanbe ka ta ben kontici".⁷Keli ki Nhordes mostra-m; "Nhordes dja para na ladu di paredi, ku un fiu di prumu na Se mon. ⁸Nhordes fla-m; "Amos, kuze ki bu sa odja?". N flal: "un fiu di prumu". Nton, Nhordes fla: "Odja, N ta ben pui fiu di prumu na meiu di Nha povu Israel. N ka ta popa-s mas.⁹Kes lugar altu di Izaki N ta ben kaba ku es, kes santuariu di Israel ta ben ser distruidu, y N ta ben labanta kontra kaza di Jeroboan ku spada".¹⁰Nton, Amazias, saserdoti di Betel, manda recadu pa Jeroboan, rei di Israel: "Amos tramanha kontra bo na meiu di kaza di Israel.Tera ka ta aguenta tudu kuzas ke pápia. ¹¹Pamodi keli ki Amos fla: "Jeroboan ta mori pa spada, y Israel ta ben ser lebado pa lonji di se tera".¹²Amazias fla Amos: "Adivinhu, bai. Fuji y torna bai pa tera di Juda, kume pon la y profetiza. ¹³Mas ka bu profetiza mas li na Betel, pamodi é Santuariu di rei y é kaza di rei".¹⁴Nton, Amos fla pa Amazias: "Ami N ka é profeta, nen N ka fidju di profeta. Ami é pastor di baka y plantador di sicumurus. ¹⁵Ma Nhordes leba-m di undi ki-m staba ta pastoria rebanhu y é fla-m: "Bai, profetiza pa Nha povu Israel".¹⁶Goci, obi palavra di Nhordes. "Ka bu profetiza kontra Israel y ka bu papia kontra kaza di Izaki". ¹⁷Purisu, keli ki Nhordes fla: "Bu mudjer ta ben ser prustituta na sidadi; bus fidju y bus fidja ta ben kai na spada; Bu tera ta ben ser mididu y partidu; Bu ta ben mori na un tera suju y, sen duvida, Israel ta ben bai pa eziliu fora di se tera".

¹Keli ki Nhordes mostra-m. Odja, un sestu di frutas di veron! ²E fla: "Kuze ki bu sa odja, Amos?". N fla: "un sestu di frutas di veron". Nton, Nhordes fla-m: "Fin dja txiga pa Nha povu, Israel; N ka ta ten mas mizericordia ku es. ³Kes kantigas di templu ta bira lamentus, Si ki Nhordes fla, na kel dia, kadabras ta ben ser txeu; na tudu kou, es ta ser fulhadu pa fora, na silensio!".⁴Nhos obi keli, nhos ki ta masa riba kes nesisitadu, y nhos ta distrui pobris di tera. ⁵Es ta fla; "Ki tempu ki lua nobu ta pasa, pa nu podi bendi gron otu bes? Y sabadu, ki tempu ke ta pasa, pa nu podi bendi trigu? Nu diminui midida y nu omenta preso, pa nu trapasa ku balansas ki ta ngana. ⁶Keli é, pa nu podi bendi trigu mariadu, kunpra pobri pa prata y nisisitatu pa un par de sapatu".⁷Nhordes jura pa orgulhu di Jako. "Di verdai nunka Nka ta skesi di ninhun di nhos ason. ⁸"Tera ta tremi trokadu ses ason y kada un ki ta mora na el ta txora? Tudu keli ta ben subi sima riu Nilu y ta ben ser fulhadu y murgudjadu otu bes, sima riu di Ejitu.⁹Nhordes fla, keli ta ben na kel dia, ki N ta fazi sol kanba mei dia y N ta pui tera sukuru na klareza di dia. ¹⁰N ta bira nhos festas sima interu y tudu nhos kantigas na lamentason. N ta fazi tudu nhos bisti ropa di saku y nhos ta fika ku kabesa raspadu. Nta fazi keli sima interu di uniku fidju, bu fin é sima dia malgós.¹¹Nhos odja, dias sa ta ben, si ki Nhordes fla, oras ki N manda fomi na tera, ka fomi di pon nen sedi di águ, ma di obi palavra di Nhordes. ¹²Es ta bai tonbadu di mar pa mar; es ta cori di norti ti oesti, pa djobi palavra di Nhordes, ma es ka ta atxa.¹³Na kel dia kes virjen bunitas y kes jovens ta infrakisi di sedi. ¹⁴Kes ki jura pa pekadus di Samaria, kesli ta kai y nunka es ka ta labanta otu bes.

¹N odja Sinhor sakedu, bera di altar, y eE fla: "Bati riba di kes pilar, asi fundason ta tremi, pa ki es kebra padaz padaz riba ses kabesa. N ta ben mata tudu es ku spada. Ninhun des ka ta konsigui fuji, ninhun des ka ta skapa. ²Inda kes koba ti Sheol, Nha non ta tomás. Inda kes subi ti séu, N ta trase-s pa baxu.³Inda ki es sukundi na topu di Kamelu, a la N ta djobe-s y N ta tomas. Inda ki es sukundi di Nha odju na fundu di mar, a la N ta da serpenti ordi, y es ta ser mordedu. ⁴Inda ki es bai pa prison, lebados pa ses inimigus, a la N ta da spada ordi, y el é ta mata-s. N ta fika ku Nhas odju riba des, pa-m faze-s mal, ka ben".⁵Nhordes Sinhor di Izérsitu ta pui mon na tera, y el ta branda; tudu kes ki ta vivi na el ta txora; tudu keli ta ben labanta sima rio y ta diminui otu bes, sima riu di Ijitu. ⁶É El ki ta konstrui se skada na séu y é ta stabelesi Se firmamentu riba di tera. E ta txoma águ di mar y e ta lansa-s riba di tera, Nhordes é Se nomi.⁷Si ki Nhordes fla: "Povu di Israel, pa Mi nhos é ka sima povu di Etiopia? é ka Mi ki fazi Israel subi di tera di Ijitu; y Filisteu, di Kaftor; y sírius, di kuir? ⁸Odja, odjus di Nhordes sta pa riba di reinu ki ta peka txeu, y Ami N ta kaba ku es di tera, ma N ka ta kaba di bes ku kaza de Jako". Keli ke deklarason di Nordes.⁹"Odja, N ta da ordi y N ta sukudi kaza di Israel na meiu di nason, sima graon ta mexi na kuador, ki nen kel pedra mas pikinoti ka ta kai na txon. ¹⁰Tudu kes pekador di Nha povu ta ben mori pa spada, kes ki ta fla: 'Dizastri ka ta atinjinu nen ka ta atxanu'.¹¹Na kel dia N ta labanta tenda di Davi, ki kai, y N ta tapa tudu braku. Nta labanta bus ruina y N ta torna konstrui sima na pasadu. ¹²Ki es toma restu di Edon y tudu nason ki ta txomadu pa Nha nomi". Keli ke deklarason di Nhordes, ki ta fazi keli.¹³Nhordes fla, "Odja dias ki sa ta ben", "ki lavrador ta kodje mas ki kel ki e simia, y kel ki ta piza uva ta kodje mas ki kel ki ta planta simenti. Nton, muntanha ku tudu rotxa ta distila vinhu doxi.¹⁴N ta traze otu bes di kativeru Nha povu Israel. Es ta ben konstrui sidadis ki sta ronbadu y es ta mora na es. Es ta planta uva y es ta bebe vinhu, es ta faze jardin y es ta kume ses frutu. ¹⁵N ta planta-s riba ses tera, y nunka es ka ta ser rinkadu di tera ki dja N da-s". Si ki Nordes bu Deus fla.

¹Palavra di Nhordes ben pa Jonas, fidju di Amitai, ta fla: ²Labanta y bai pa Nínivi, kel grandi sidadi, y grita kontra el, pamodi se maldadi dja txiga ti mi. ³Ma Jonas labanta pa direson di Társis, pa fuji di prizensa di Nhordes. E dixi ti Jopi y e atxa un naviu ki staba ta parti pa Társis. Asi, e paga pasaji y e nbarka na naviu ku es pa Társis, lonji di prizensa di Nhordes.⁴Ma Nhordes manda un bentu forti riba mar, ki bira un grandi tenpestadi, ki kuazi parse ma naviu sa ta dispedasaba. ⁵Nton, marinheru fika ku txeu medu y kada un grita pa se propri deus. Es fulha karga di naviu na mar pa bira naviu mas levi. Ma Jonas staba na puron di naviu, na uma sonu.⁶Nton kapiton ben ti el y fla:l: Pamodi ki bu sa ta durmi? Labanta y toxma pa bu Deus! Manba, bu Deus ta ten piedadi y nu ka ta perese. ⁷Es tudu fla pa kunpanheru: Nhos ben, nu ben fulha sorti, pa ki nu pode sabe kenha ki é mutivu di es mal ki sa ta kuntise ku nos. Nton, es fulha sorti y sorti kai riba Jonas.⁸Nton es fla pa Jonas: Purfavor, konta-nu kenha ki é mutivu di es mal ki sa ta kuntise ku nos. Kuze ki bu ta faze y di undi ki bu ben? Abo é di ki país y di ki povu bu é? ⁹Jonas fla-s: Ami é Ebreu y N ta teme Nhordes, Deus di séu, ki faze mar y tera seku. ¹⁰Nton ómis staba inda asustadu y es fla pa Jonas: Kel-li é kuze ki bu faze? Pamodi ómis kunprende ki e staba ta fuji di prizensa di Nhordes, pa kel ki e konta.¹¹Nton es fla pa Jonas: Kuze ki nu debe faze ku bo pa ki mar pode kalma pa nos? Pamodi mar bira kada bes mas violentu. ¹²Jonas fla-s: Nhos labanta-m y nhos fulha-m dentu mar. Nton mar ta fika kalmu pa nhos, pamodi N sabe ki é pamodi mi ki es forti tenpestadi ben ti nhos. ¹³Sikre ómis tenta rema ku intensidadi pa kunsigi volta pa tera, ma es ka kunsigi, pamodi mar staba ta bira mas y mas violentu kontra es.¹⁴Nton, es grita pa Nhordes y es fla: Nu ta suplika-U, Nhordes, nu ta roga-U, ka bu dexa-nu perese trokadu di vida di es ómi y ka bu pui riba nos kulpa di se morti, pamodi Abo, Nhordes, bu ta faze so kel ki ta agrada-U. ¹⁵Nton es bota Jonas mon y es fulha-l na mar; y fúria di mar para. ¹⁶Nton ómis fika ku monti medu di Nhordes. Es oferese sakrifisiu pa Nhordes y es faze votu.¹⁷Nhordes dja tenba priparadu un grandi pexi pa nguli Jonas; y Jonas fika dentu pexi pa tres dia y tres noti.

¹Y Jonas ora Nhordes, se Deus, di dentu di pexi. ²Y e fla: Na nha angústia N grita pa Nhordes y E rusponde-m; di bariga di Infernu N grita pa sukoru y Bu obi nha vos.³Bu fulha-m la na fundu, na kurason di mar, y kurenti rudia-m; tudu Bus onda y Bus kurenti pasa riba mi. ⁴Nton N fla: fulhadu N sta di dianti di bus odjus; purventura N ta torna odja Bu santu tenplu?⁵Águ serka-m ti piskos; abismu staba na nha volta, algas nrola na volta di nha kabesa. ⁶N dixi ti pa bazi di muntanha; bara di prizon di tera prende-m pa senpri. Mesmu asi, bu traze nha vida di volta di koba, Nhordes, nha Deus!⁷Kantu nha alma dja staba disfalesidu dentu di mi, N lenbra di Nhordes; nton nha orason subi pa Bo, na Bu santu tenplu. ⁸Kes ki gosta di falsus ídulus ta afasta di es me Bu mizerikordia.⁹Ma ami, N ta oferese-U sakrifisiu ku vos di agradesimentu; kuza ki N prumeti, N ta kunpri. Di Nhordes ta ben salvason. ¹⁰Nhordes papia ku pexi, y pexi vomita Jonas riba tera seku.

¹Palavra di Nhordes ben pa Jonas, sugundu bes, ta fla: ²Labanta, bai pa Nínivi, kel grandi sidadi, y pruklama pa el mensaji ki N ordena-u. ³Nton Jonas labanta y bai pa Nínivi, na obediensia pa palavra di Nhordes. Nínivi era sidadi uma grandi, y pa anda na el di un ponta pa kel otu, ta mesteba di tres dia.⁴Jonas entra na sidsdi y anda na el duranti un dia ta pruklama: Dili kuarenta dia, Nínivi ta botadu na txon. ⁵Ómis di Nínivi kre na Deus y es pruklama un jijun. Es tudu pui riba di es panu di saku, desdi grandi ti pikinoti.⁶Kantu nutisia txiga na rei di Nínivi, e labanta di tronu, e tra ropa di rei, e kubri ku panu di saku y e xinta riba sinzas. ⁷Nton e faze un pruklamason, ta fla: Na Nínivi, pa otoridadi di rei ku ses nobris, ka ten pirmison pa ómi y nen o nimal, manada o ovelha, di kume algun kuza. Ka nhos dexa-s kume nen bebe águ.⁸Nhos dexa es dos, ómi ku animal, kubri ku panu di saku y grita pa Deus. Kada un abandona ses mau kaminhu y violensia ki sta na ses mon. ⁹Kenha ki sabe ki Deus ka ta abri mon di Se ira y E ta muda Se disizon, pa nu ka ser distruidu?¹⁰Y Deus odja kuze ki povu faze, sima es abandona ses mau kaminhu. Nton Deus muda di ideia sobri punison ki E flaba ki E ta fazeba pa es, y E ka faze mas.

¹Ma kel-li dizagrada Jonas, y e fika uma xatiadu. ²Nton Jonas ora pa Nhordes y e fla: Nhordes, é ka era kel-li ki N flaba kantu N volta pa nha própri país? Purisu N fuji na faxi pa Társis, pamodi N sabeba ki Abo é un Deus grasiozu, konpasivu, longánimu, ku txeu fidelidadi, y ki ta rapende di mal. ³Purisu, Nhordes, gosi N ta pidi, tra-m nha vida, pamodi é midjor pa N sta mortu di ki vive.⁴Nhordes fla: Bu atxa ma é bon bu sta xatiadua asi? ⁵Nton Jonas sai di sidadi y xinta na ladu orienti di sidadi. Y la é faze pa el un gazadju y e xinta dibaxu di se sonbra, pa e odjaba kuze ki ta kuntiseba ku sidadi.⁶Nhordes pripara un planta y faze-l krese riba Jonas pa sirbi di se sobra riba di se kabesa pa alivia-l di se aflison. Jonas fika txeu kontenti trokadu di kel planta. ⁷Ma Deus pripara un bitxinhu kantu sol nase na otu dia, ki ataka planta y e seka.⁸Kuntise ki kantu sol nase na otu dia, Deus manda un bentu oriental uma kenti. Nton sol bate na kabesa di Jonas ti ki Jonas fika kuazi ta dismaia. Nton Jonas dizeja more. E fla pa el em: Midjor pa N staba mortu di ki vive. ⁹Nton Deus fla Jonas: "Bu atxa ma é bon bu sta xatiadua trokadu di es planta? Nton Jonas fla: É justu pa N sta xatiadu ti N more."¹⁰Nhordes fla: Bu kunpadese di planta, ki bu ka trabadja na el, nen bu ka faze-l krese. E krese na un noti y na otu noti é more. ¹¹Nton Ami N ka debia xinti konpaxon di grandi sidadi di Nínivi, na undi izisti mas di sentu y vinti mil pesoas ki ka sabe diferensa entri se mon ndreta y se mon skerda, y inda di monti limaria?

¹Kel-li é palavra di Nhordes, ki ben pa meiu di vizon pa Mikeias, morastita, na tenpu di Joton, Akas y Izekias, reis di Juda, kontra Samaria ku Jiruzalen.²Nhos obi, nhos tudu povu. Nhos obi, tera y tudu ki sta na bo. Ki Sinhor Nhordes sirbi di tistimunha kontr nhos, Sinhor di Se santu tenplu. ³Nhos odja! Nhordes dja sai di Se lugar; E ta dixi y E ta piza riba di lugaris mas altu na tera. ⁴Muntanhas ta direte se dianti; rubera ta ser diretidu sima vela dianti di lumi, sima águ que ta lansadu di lugar altu.⁵Tudu kel-li trokadu raboita di Jako y trokadu di pekadus di kaza di Israel. Kal ki era mutivu di raboita di Jako? Ka era Samaria? Y di kes lugar altu di Juda? Ka era Jiruzalen?⁶N ta faze de Samaria un munti di ruina na kanpu, sima un lugar pa plantadu vinhedus. N ta leba ses pedra di kunstrusson pa rubera y N ta dexa ses fundason diskubertu. ⁷Tudu ses imaji skulpida ta ser kebradu padas-padas; y tudu oferta ki ta oferesidu pa el ta ser kemadu. Y di tudu ses ídulus N ta faze un ruina. Pamodi e djunta-s ku pagamentu di se prostituison y sima pagamentus di prostituta es ta bira.⁸Trokadu es razon, N ta lamenta y N ta uiva; N ta anda diskalsu y nunpriti; N ta lamenta sima xakais y N ta jeme sima kruxa. ⁹Pamodi ses frida ka ten kura, pamodi txiga ti Juda, y alkansa porton di nha povu, ti Jiruzalen. ¹⁰Ka nhos papia di kel-li na Gati; y nen ka nhos txora. Na Bete-Leafra N lanbuxa na po.¹¹Nhos pasa, moradoris di Safir, ku burgonha y nunpriti. Ka nhos sai, moradoris di Zaanan. Beth-Ezel, nhos txora pamodi nhos proteson dja tradu. ¹²Pamodi moradoris di Maroti sa ta spera ansiozamenti pa notisia sabi, pamodi Nhordes dja traze kalamidadi ti portons di Jiruzalen.¹³Nhos ata kabalu na karuajen, nhos ki ta mora na Lakis. Abo, Lakis, bo ki kumesa ta pui fidja di Sion peka, pamodi infrason di Israel atxadu na bo. ¹⁴Purisu, bu ta oferese un prizenti di dispidida pa Morezeti; sidadi di Akazibi ta ngana reis di Israel.¹⁵N ta trze un konkistador pa nhos, moradoris di Maresa; brilhu di Israel ta ben di Adulon. ¹⁶Nhos raspa nhos kabesa y nhos kora nhos kabelu trokadu fidjus di bus dilísia. Nhos bira kareka sima ágias, pamodi nhos fidjus ta ben lebadu pa izíliu.

¹Ai di kés ki planeja injustisa, di kés ki, na sis kama planeja fazi kuzas mariadu. Di sedu és ta fazi pamodi és ten puder. ²És ta dizeja kanpu y és ta furta, és ta dizeja kaza y és ta toma. És ta oprimi un omi I si kaza, el ku si éransa.³Pur isu, Nhordés fla si: N sta kuazi ta trazi un disgrasa kontra kel familia li, ki nhos ka ta konsigi libra. Ka nhos anda orguliozu pamodi ta ser un tenpu mau. ⁴Na kel dia nhos inimigu ta kanta un kantiga riba nhos, y és ta labanta un txoru di dor, ta kanta: Nos Israelita nu ista konpletamenti distruidu, Nhordés muda terénu di nos povu. Modi ki é podi toma nos? É ta parti nos kanpu ku traidores. ⁵Asi, Nhos riku, nhos ka ta ten érderus pa dividi terénu pa sortéiu, na asénbleia di Nhordés.⁶Ka nhos profetiza, és ta fla ; És ka debi profetiza kes kuzas li, injurias ka ta ben. ⁷Pur akazu, kela mesti ser faladu, kaza di Jakó? Ispritu di Nhordés ista xatiadu? Nhos ki fazi kes kuzas li? Nhas palavras ka ta fazi ben pa kes ki ta anda dretu? ⁸Es tenpu li, nha povu sa labanta sima un inimugu. Nhos tra kapa, y bistimenta di kes ki ta pasaba sen diskunfiansa, sima soldadus ki ben di géra pa kes ki ta pensa ki é siguru.⁹Nhos tra mudjeris ki ta pirténsi a nha povu di ses bon kaza, nhos tra-s pa senpri nha benson si ses fidju mas joven. ¹⁰Labanta y bu bai, pamodi keli é ka lugar undi bu debi ista, pamodi impureza, é ta ser konpletamenti distruidu. ¹¹Si algén ben na nhos, ku ispritu di falsidadi I mintira, y fla: N ta profetiza a nhos aserka di vinhu I di bibida forti, é ta serba konsidéradu un profeta pa és povu.¹²Ku serteza, N ta djunta nhos tudu, Jakó. Ku serteza, N ta djunta ke-l ki resta di Israel. N ta riunis sima ovelhas na sis kaza, sima ribanhu na meiu di ses pastu. Ta ista uma barudju pamodi multidon di pisoas. ¹³Algén ki ta abri kaminhu ta bai dianti dés. És ta pasa porton y és ta sai; nhos rei ta bai dianti di és. Nhordés ta stan a frenti.

¹N fla: " Gosi N obi, nhos, lideres di Jakó y xefis di kaza di Israel: ka é sertu ki nhos intendi justisa? ²Nhos ta odeia ben y ama kel ké mal, nhos ki tra peli di nha povu y karni di ses osu. ³Nhos tanbé kumi se karni, I nhos rinka péli, kebra ses osu, y nhos parti dentu padas, sima karni na panela, sima tanbé karni na kaldéron.⁴N ton, nhos, governantis, nhos ta txoma Nhordés, ma é ka ta respondi nhos. Na kel tenpu, é ta sukundi si rostu di nhos, pamodi nhos fazi kuzas mariadu.⁵Asi, Nhordés fala a respetu di profetas ki fasi atravesa nha povu: "Pa kes ki ta alimenta-s, és ta fla: 'Ta ten prosperidadi'. Ma, pa kes ki ka ta pui nada na sis boka, kontra kes la, és ta kumesa un géra. ⁶Pur isu, ta ser noti pa nhos, sen odja nada; nhos ta ten treva pa nhos ka fazi ninhun adivinhason. Sol ta fika pa riba profetas, y dia ta fika sukuru pa és. ⁷Kes videntis ta pasa burgonha, y adivinhadoris ta fika konfusu. Tudu és ta kubri sis labiu, pamo di mi ka ta ten risposta".⁸Ma, kuantu a mi, N ista xeiu di puder pa ispritu di Nhordés, y xeiu di justisa y di forsa, pa fla pa Jakó sé transgréson, y pa Israel se pekadu.⁹Gosi, obi keli, nhos, xefis di kaza di Jakó, y xefis di kaza di Israel, nhos ki ditesta justisa y ta viola tudu kel ke dretu. ¹⁰Nhos konstrui Sion ku sangi y jerusalén ku pékadu. ¹¹Nhos xefis ta da sentensa pa gorjéta, nhos saserdoti ta inxina pa lukru, y nhos profeta ta adivinha pa dinheru. Y inda nhos ta kunfia na Nhordés, y nhos ta fla: "Nhordés ka ista ku nos? Ninhun mal ka ta kai riba nos".¹²Pur isu, pamodi nhos, Sion ta ser Kultivadu sima kanpu, Jirusalén ta bira un munti di lixu, I kel monti di tenplu ta ser sima un matagal.

¹Ma, na últimus dia, ta kuntise ki munti di Kaza di Nhordes ta ser stabelesidu riba kes otus munti. E ta ser izaltadu riba kulina y pa el ta ben monti povus.²Txeu nason ta ben y ta fla: Nhos ben, nu subi pa munti di Nhordes, pa kaza di Deus di Jako. E ta inxina-nu Ses kaminhu y nu ta anda na Ses pasu. Pamodi Lei ta ben di Sion y palavra di Nhordes di Jiruzalen. ³E ta julga na meiu di monti povu y E ta ser un árbitru riba di monti nason di lonji. Es ta faze ses spada bira aradu, y ses seta bira foisi. Nason ka ta labanta mas spada kontra outu nason, nen es ka ta trena mas pa gera.⁴Inbes di kel-li, es ta xinta, kada un dibaxu di se videra y dibaxu di se figera. Ningen ka ta faze-s xinti medu, pamodi boka di Nhordes di izérsitu ki fla. ⁵Pamodi tudu povu anda, ka un, na nomi di se deus. Ma anos nu ta anda na nomi di Nhordes, nos Deus, pa tudu senpri.⁶Na kel dia, Nhordes fla, N ta ben konkrega kes ki ta mankaba y djunta kes ki staba iziladu, kes ki N afliji. ⁷N ta faze di kes ki ta mankejaba restanti y di di kes ki staba iziladu un nason forti; y Ami, Nhordes, N ta reina riba di es na Munti Sion, gosi y pa senpri. ⁸Y abo, tori di guarda di ribanhu, fortaleza di fidja di Sion, ta ben pa bo, sin, ristorason di bu reinu antigu, reinu ki pertense fidja di Jiruzalen.⁹Gosi, pamodi ki bu ssa ta djata? Ka ten rei na bu meiu? Kenha ki ta konsedja-u dja mori? É ka pamodi kel-la ki bu tomadu di dor sima di un mudjer ki sta na trabadju di partu? ¹⁰Bu ta sufri dor y bu ta sforsa pa bu pari, sima mudjer na trabadju di partu, abo fidja di Sion. Pamodi gosi bu ta sai di sidadi, bu ta vive na kanpu y bu ta bai pa Babilonia. La, bu ta ser resgatadu. La, Nhordes ta bai resgata-bu di mon di bus inimigus.¹¹Gosi monti nason ta kongrega konta bo; es ta fla: Ki Jiruzalen ser prufanada, ki nos odjus intxi di gozu riba Sion. ¹²Prufeta fla: Es ka konxe pensamentus di Nhordes, nen intende Ses planu, pamodi E djunta povus sima lenha na kanpu.¹³NHordes fla: Labanta y dibulha, fidja di Sion, pamodi N ta faze bus xifri ku feru y bus kasku di bronzi. Bu kaba ku monti povu y N ta konsagra bus rikeza injusta y bus ben pa Mi mes, Nhordes, Sinhor di tudu tera.

¹Gosi, djunta na pozison di batalia, filia di gérerus. Ke-s gérerus munta un serku djuntu sidadi, ku un vara es bati na rostu di juis di Israel.²Ma bo, belen Efrata, inda ki bo é pikinoti entri familia di Judá, di bo ta ben pa mi kel ki ta ben governa Israel, kuju se linhaji e desdi tenpus antigus, desdi iternidadi. ³Pur isu Diós ta ben abandona nhos, ti momentu ki e fika na trabadju di partu y e da lus a un fidju, y restantis di ses irmon ta volta a fidjus di Israel.⁴É ta labanta y konduzi si ribanhu, na forsa di Nhordés, na grandésa di nomi di Nhordés, si Diós. Es ta permanesi, pamodi, na kel tenpu, e ta ser grandi ti limiti di tera. ⁵E ta ser nos pas. Oras ki asirius ben pa nos tera, oras kes ben kontra fortaleza; N ton, nu ta labanta kontra es seti pastoris y oitu nobris.⁶Kes omi la ta toma konta tera di asiria, ku ispada, I tera di Ninrodi, na ses entrada. E ta risgatanu di asirius, oras kes ben pa nos tera, oras kes pasa dentu di nos frontéra. ⁷Kel ultimu di Jakó ta ista entri txeu povu, sima orváliu di Nhordés, sima brufa riba relva, ki ka ta ispera pa omi, nem pa fidju di kes algén.⁸Kel ultimu di Jakó ta ista entri nasons, na meiu di povus, sima lion entri animal di floresta, sima un lionzinhu na meiu ribanhu di ovelias. Oras ki e pasa pa es, e ta pisa-s I dispedasa-s, y ka ta ten algén pa salva-s. ⁹Bu mon ista labantadu kontra bus inimigus y ta distruí-s.¹⁰"Ta kontisi na kel dia", Nhordés fla: "N ta distrui na bu meiu bus kabalus y N ta dimuli bus karuajens. ¹¹N ta distrui sidadis di bu tera y N ta ronba tudu bus fortalezas.¹²N ta destrui fitisaria di bus mon, y ka ta ten mas adivinhu. ¹³N ta distrui bus imajens iskuplidus y bus koluna sagradu di pedra, ki ista na bu meiu. Bu ka ta adora mas obras di bu mon. ¹⁴N ta rinka di bu meiu ke-s postis di Aserá, Y N ta distrui bu sidadi. ¹⁵N ta fazi vingansa ku raiba y ira riba kes nason ki ka obedesen.

¹Gosi, obi kuzé ki Nhordés fla: "Labanta y bu pui asuntu dianti di munti; ki kolinas ta obi bu vos. ²Obi akuzason di Nhordés,nhos, montis, Y nhos fundasons rixu di tera. Pamodi Nhordés ten un akusason kontra si povu, y e ta ba entra na juisu kontra Israel.³"Nha povu, kuzé kin fazi pa nhos kansa di mi? Risponden. ⁴Afinal N tra-u di tera di Egitu y N risgata-u di kaza di servidon. N manda Moisés, Aron y Mirian pa bo. ⁵Nha povu, lenbra di ki Balaki, Rei di Moabi, idifika, Y kuzé balaon, fidju di Beor, risponde-u kantu bu sai di Sitin pa Gilgal, pa ki bu konxi atu di justisa di Nhordés".⁶Kuzé kin podi trazi pa Nhordés, oras kin juélia a Diós grandi? N podi aprizenta dianti del, ta oferese-l, en sakrifisiu, bizeru di un anu di idadi? ⁷Nhordés ta agradaba ku milharis di karnéru, o ku dés mil riu di azeti? Ta daba nha primogénitu pa nhas pekadu, frutu di nha korpu pa nha propriu pekadu? ⁸E flou, o omi, kuzé ke bon I kuzé ki Nhordés kre di bo e : aji ku justisa, ama misericordia, y anda umildimenti ku bu Diós.⁹Vos di Nhordés ta anunsia pa sidadi, memu gosi sabedoria ta konxi bu nomi: "Odja pa kajadu, pa kel ki koloka-l na lugar. ¹⁰Ten rikesas na Kaza di kes ke runhu, ki é disonestu, y falsus balansa, ki é odiadu.¹¹Bu ta konsideraba algén inosenti si e usa balansa falsu, ku un bolsa di pezu inganosu? ¹²Kes riku ista xeiu di violénsia, kes mordoris sa konta mintira, y ses lingua e inganosu na sis boka.¹³Pur isu, N ta firiu ku un firimentu gravi y N ta dexa-u na ruinas pamodi bus pekadu. ¹⁴Bu ta kumi, ma bu ka ta farta; vaziu ki ten na bo ta kontinua. Bu ta djunta bens, ma ka ta fika konservadu, y kel ki bu konserva N ta dristui. ¹⁵Bu ta simia, ma bu ka ta kotxi, bu ta ismaga azeitona, ma bu ka ta unji ku azeti, bu ta pisa uva ma bu ka ta bebi vinhu.¹⁶Kuzas ki Onri fazi sa ta ser guardadu, asi tanbé sima tudu kes obra di kaza di akabi. Bu sa ta anda na na sis konsedju. Pur isu N ta faze-u un sidadi distruidu, y di bus moradoris un obijétu di zibia, y bu ta ser dispresiadu sima nha povu".

¹Ai di mi ! Ami é sima kenha ki ta kodje frutu di veron dipos di kodjeta, dipos rikodje uvas na vinhedu: ka ten mas katxu di fruta pa kodje, nen figu nobu, ki ami N ta dizeja txeu. ²Pesoas dretu dja dizaparese di tera y ka ten nen un pesoa justu na tudu umanidadi. Tudu ta konta mintira, ta pripara armadilha pa baza sangi; kada un sa ta kasa se propri irmon ku un redi.³Bus mon e dretu so pa fazi mal: guvernanti ta iziji dinheru , y juiz ta seta subornu , e kel omi puderosu sa ta fla otus kuze kes podi ganha , asi , es ta planeja djuntu. ⁴Midjor des e sima un spinheru , kel mas justu entri es e pior k un serka di spinhu. Keli e dia k foi ditu pa bus guardas , dia di punison .Gosi ta kumesa ses konfuson⁵Ka bu kredita na ninhun visinhu , nen ka bh pui bh konfiansa na ninhun amigu ,ten kuidadu ku kuzas k bh ta papia , ti mesmu pa mudjer k ta deta na nhos brasu.⁶pamodi fidju ka ta rispeta pai , fidja ta labanta kontra mai , y nora , kontra si sogra. y inimigus di omi e kes di bu propi kaza .⁷Ma, Ami N ta odja pa Nhordes. N ta spera pa Deus di nha salvason; nha Deus ta obi-m. ⁸Ka bu fika kontenti a ruspetu di mi, nha inimigu; sikre N kai, N ta labanta, ora k N xinta na trevas, Nhordes ta ser nha lus⁹Pamodi N peka kontra Nhordes, N ta aguenta se ira, ti ki E julga nha kazu y izekuta se juizu riba di mi. E ta leba-m pa lus, y N ta odja-L ta risgata-m na se justisa.¹⁰Nton, nha inimigu ta odja keli y e ta ser kubertu di burgonha, el, ki flaba : undi sta Nhordes, bu Deus?Nhas odjus ta odja pa el; ta ser pizadu sima lama na rua¹¹Dia pa kunstrui bu muru ta txiga; na kel dia, bus frontera ta ser spadjadu pa mas lonji. ¹²Na kel dia bu povu ta ben pa bo, di Asiria y di sidadis di Ijitu, desdi Ijitu ti grandi riu, Eufratis, di mar pa mar y di muntanha pa muntanha. ¹³Kes tera ta ser abandonadu, trokadu kes algen ki sta vive la gosi, trokadu frutu di ses ason.¹⁴Gia bu povu ku bu vara, ribanhu di bu eransa. Es ta vive es so na un floresta, serkadu di tera fertil. Dexa -s kume pastu na Bazan y Giliadi, sima na tenpus antigu. ¹⁵Sima na dia ki bu sai di tera di Ijitu, N ta mostra-s maravilhas.¹⁶Nason ta odja y ta fika na burgonha ku ses puder. Es ta da ku mon na ses boka y obidu ta fika surdu. ¹⁷Es ta lenbe puera sima kobra, sima kriatura ki ta rasteja na tera. Es ta sai ta treme di ses toka; ku pavor es ta ben pa Bo, Nhordes, nos Deus, y es ta xinti medu trokadu Bo.¹⁸Kenha ki é Deus sima Bo, ki ta tra pekadu, ki ta purdua infrason di restu di Bu eransa? Bu ka ta mante Bu ira pa senpri, pamodi Bu ta ama mostra-nu Bu amor lial.¹⁹Abo, di nobu, bu ta ten konpaxon di nos malvadesa dibaxu di Bus pe. Bu ta fulha tudu nos pekadu na fundu di mar. ²⁰Bu ta da verdadi pa Jako y amor lial pa Abraon, sima Bu jura pa nos ansestral antigamenti.

¹Diklarason serka di Nínivi. Livru di vizon di Naun, elkozita.²Nhordes é un Deus siumentu y vingador; Nhordes ta vinga y E sta ku txeu raiba; Nhordes ta vinda di ses inimigus, y E ta guarda Se ira konta ses inimigus. ³Nhordes ta dura ki xatia y E ten grandi puder, E ka ta pirmiti ki malvadu fika ses kastigu. Nhordes ta faze Se kaminhu na ridimuinhu y na tenpestadi, y nuvens é puera di Ses pe.⁴E ta raprende mar y e ta faze-l seka; E ta seka tudu riu. Bazan sta fraku, y Karmelu tanbe; floris di Líbanu sa ta frakise. ⁵Munti ta treme dianti di El, y kulinas ta direte; tera ta labanta Se dianti, tanbe, mundu ku tudu kes ki ta vive na el.⁶Kenha ki ta kunsigi fika sakedu dianti di Bu fúria? Kenha ki pode rizisti forsa di Se ira? Se ira ta lansadu ku lumi, y rotxas ta ser kebradu pa El.⁷Nhordes é bon, un fortaleza na dia di kasabi; y E é fiel pa kes ki ta buska gazadju na El. ⁸Ma, E ta kaba di unbes ku Ses inimigus, ku inundason ki ta divasta-s; El ta pirsigi-s ti na sukuru.⁹Kuze ki nhos sa ta planeja kontra Nhordes? E ta kaba di unbes ku kel-la; aflison ka ta labanta pa sugundu bes. ¹⁰Pamodi, es ta fika inroladu sima spinheru; es ta ser saturadu na ses propri vinhu; es ta ser konpletamenti kumedu pa lumi, sima padja seju. ¹¹Algen dja labanta na nhos meiu, Nínivi, ku dja planeja mal kontra Nhordes, algen ki ta planeja maldadi.¹²Kel-li ki Nhordes fla: Sikre es é forti y numerozu, sikre es ta ser txumuskadu; se povu ka ta izisti mas. Ma, abo Juda: Sikre N aflijiba bo, N ka afliji-u mas. ¹³Gosi N ta kebra jugu di kel povu di bu riba; N ta kebra bus korentis.¹⁴Nhordes da un ordi serka di bo, Nínivi: Ka ta izisti mas disendenti ku bu nomi. Ami N ta ranka bus imaji di skultura y imaji di fundison di kaza di bus deuzis. N ta torna koba bus koba, pamodi abo é kuza disprezadu.¹⁵Odja, riba muntinha sta pe di algen ki sa ta traze nutisia sabi, ki sa ta papia di pas! Selebra bus festival, Juda, y guarda bus votu, pa ki runhu ka invadi-u mas; e ta ser konpletamenti arankadu.

¹Kel ki ta satadja-bu sa ta ben kontra bo. Guarda kes muru, vijia kes stradas, fortalese, riuni bus tropas. ²Pamodi Nhordes ta ristaura majestadi di Jakó, sima majestadi di Israel, inda ki kes ladron kaba y distrui ses ramu di videra.³Kes skudu di bus ómi puderozu é brumedju y kes soldadu sta bistidu di skarlati; kes karuaji ta brilha ku ses metal na dia di se priparason y kes seta di lenha ta vibra na ar. ⁴Kes karuaji ta kori rápidu na rua, es ta kori ku presa di un ladu pa kelotu na rua largu. Es é sima toxa, y es ta kori sima raiu.⁵Kel ki ta satadja-bu ta txoma ses ofisial; es ta da topada na kunpanheru na ses marxa; es ta fadiga pa pruteje muru di sidadi. Kel skudu largu sta prontu pa proteje kes ataki.⁶Kes porta na riu ta forsadu pa abri y palasiu ta kai na ruina. ⁷Rainha ta tradu se ropa y e ta lebadu pa izíliu; ses kriadas ta geme sima ponba, ki ta bati na se mama.⁸Nínivi é sima un tanki ki ta basa agu, ku se povu ta fuji sima agu ta skori. Otus ta grita: "Nhos para, nhos para", ma ningen ka ta odja pa tras. ⁹Nhos furta prata, nhos furta oru, pamodi ka ten fin pa fama di tudu kuza bunitu di Nínivi. ¹⁰Nínivi sta vaziu y ruinadu. Kurason di tudu algen sa ta direte, duedju di tudu algen ta treme djuntu, y tudu algen sta angustiadu; ses rostu sta pálidu.¹¹Undi sta, gosi, kel braku di lion, kel lugar undi lion mas nobu ta kumeba, kel lugar undi kel lion y lioa ta kaminhaba, ku ses fidju, undi es ka tenba medu di nada? ¹²Lion ta ratxaba ses vítima padas-padas pa ses fidju; el ta strangulaba kes preza pa ses lioas, y ta intxiba se gruta ku prezas; ses braku, ku karkasa satadjadu.¹³"Odja, N sta kontra bo" - kel-li é diklarason di Nhordes di Izérsitu. "N ta kema bus karu na fumasa, y spada ta kume kes lion mas nobu. N ta kaba ku bu preza di bu tera, y vos di bus mensajeru ka ta ser mas obidu".

¹Ai di kel sidadi sanguinariu! E sta tudu xeiu di mintiras y di lugar robadu. ²Senpri ta fazi ses vitima. Ma gosi ten barudju di xikoti ku batida di roda, galopa di kabalu y karuaji ki ta salta.³Ten kabalerus ki ta ataka, spada ki ta limia, seta ki ta brilha, xeiu di kadabra, txeu korpu djuntadu. Ka ten fin pa ses korpu. Kes algen ki atakaba da topada riba des. ⁴Keli sa ta kontisi pamodi kes ason di kel prostituta bunita, mestra na fitisaria, ki ta bendi nason, pa meiu di se prostituison, y povus pa meiu di ses fitisaria.⁵"Odja, N sta kontra bo" - keli é diklarason di Nhordes di Izersitu - N ta labanta bu saia riba bu rostu y N ta mostrou nupriti pa nason, bu burgonha pa tudu reinu. ⁶N ta fulhia imundisia riba bo y N ta tratou ku disprezu; N ta faze di bo un algen ki tudu algen ta odja. ⁷Ta ben kontisi ki tudu kel ki odja-U, ta fuji di bo y ta fla: 'Nínivi sta distruidu. Kenha ki ta txora pa el?' Undi ki N podi atxa gazadju?"⁸Nínivi, bu ta atxa ma bo e midjor ki Tebas, kel ki konstruidu djuntu riu Nilu, ki tenba agu na se ladu, ki tenba mar abertu sima difeza y mar ku muru? ⁹Itiópia ku Ijitu era se forsa, ki ka ta kaba; Puti y Líbia, ses aliadu.¹⁰Sime, Tebas lebadu; na kativeru, ses kriansa distruidu na entrada di tudu rua; ses inimigas bota sorti pa ses omi nobri, y tudu ses omi grandi kaba korentadu. ¹¹Bo tanbe ta fika moku. Bu ta tenta sukundi y ta buska gazadju kontra bus inimigu.¹²Tudu bus fortaleza ta ser sima figera ku figu nobu: si sakudidu, es ta kai na boka di kenha ki ta kume. ¹³Odja, kes algen na bu meiu é mudjer; ke porton di bu tera abridu pa inimigus; lumi satadja bus fitxadura.¹⁴Ba tra agu y guarda pa ora ki bu serkadu; pui mas forsa na bu fortaleza; entra na baru y masa argamasa; pripara forma pa fazi tijolu. Lumi ta satadja-bu y spada ta distruiu. E ta satadja-U sima kafanhotu nobu ta satadja tudu. ¹⁵Omenta sima txeu kafanhotu nobu, sima txeu kafanhotu mas bedju.¹⁶Abo bu omenta bus komersianti mas di ki strela na seu; ma es ta parsi sima kafanhotu nobu: es ta kaba ku tudu na tera y dipos es ta bai pa lonji. ¹⁷Bus prinsipi e txeu sima kafanhotu adultu y bus jeneral e sima nuven di kafanhotu, ki ta fika na paredi na dia friu. Ma, o ki sol labanta, es ta fuji y ningen ka ta da konta.¹⁸Rei di Asiria, bus pastoris sa ta durmi, bus guvernanti sa ta diskansa. Bu povu sta spadjadu pa munti y ka ten ningen pa djunta-s. ¹⁹Ka ten kura pa bus frida. Bus frida é gravi. Tudu algen ki obi nutisia di bo ta bate palmu trokadu bo. Kenha ki dja skapa di bu maldadi ripititivu?

¹Kel-li é palavra di Nhordes ki ben pa Sofonias, fidju di Kuxi, fidju di Gedalias, fidju di Amarias, fidju di Izekias, na dia di Juzias, fidju di Amon, rei di Juda. ²N ta distrui tudu riba di tera. É si ki Nhordes fla. ³N ta distrui ómi ku animal. N ta distrui avi di séu, pexi di mar y tudu kes ki ta sirbi di keda. N ta ranka ómi di riba di tera. É si ki Nhordes fla.⁴N ta stende nha mon riba Juda y tudu moradoris di Jiruzalen. N ta anikila di es lugar tudu restu di Baal y nomis di idólatras na meiu di saserdotis, ⁵pesoas ki sta riba terasu y ki ta adora seris selestial; kes ki ta adora Nhordes y ta jura pa El, ma tanbe es ta jura pa Milkon. ⁶Tanbe N ta anikila kes ki dexa di sigi Nhordes, ki ka ta buska-L y nen ka ta kunsulta-L.⁷Nhos kala na prizensa di Sinhor Nhordes, pamodi Se dia sa ta txiga. Nhordes dja pripara sakrifisiu didikadu pa ses kunbidadus. ⁸Y ta kuntise ki, na dia di sakrifisiu di Nhordes, N ta kastiga prínsipis y fidjus di rei y tudu kes ki ta bisti di ropa di stranajeru. ⁹Na es dia N ta kastiga tudu kes ki ta salta pa solera di porta, kes ki ta intxi kaza di se mestri ku violensia y mintira.¹⁰Asi ta ser na kel dia, Nhordes fla: "Ki un txoru di angústia ta ben di porta di Pexi, lamentason di Sugundu Distritu y un grandu barudju di distruison di munti. ¹¹Lamenta, moradoris di Distritu di Merkadu, pamodi tudu merkadoris ta ser ruinadu, y tudu kes ki ta peza prata ta ser anikiladu.¹²Y ta ben kuntise ki na kel tenpu N invistiga Jiruzalen ku lanterna y N ta kastiga ómis visiadu na se vinhu y es ta fla na ses kurason: Nhordes ka ta faze nada, nen ben y nen mal. ¹³Ses rikezas ta ser furtadu, y ses kaza distruidu y abandonadu! Es ta kunstrui kaza, mas es ka ta mora na el, es ta planta vinha, mas es ka ta bebe di se vinhu.¹⁴Grandi di di Nhordes sa ta txiga, sta pertu y sa ta txiga propri. Barudju di dia di Nhordes ta ser di tal manera ki ti mesmu gereru ta grita ku amargura. ¹⁵Kel dia ta ser di fúri, di aflison y di angústia; dia di tenpestadi y distruison, dia sukuru y sen ninhun lus, un dia di nuven y txeu sukuru. ¹⁶Ta ser dia di trunbeta y alarmi kontra sidadis fortifikadu y toris altu.¹⁷¹⁸Pamodi N ta traze angústia riba umanidadi, y nton, es ta anda sima ómis segu, pamodi es peka kontra Nhordes. Se sangi ta ser dispejadu sima puera, y dentu del sima bosta. Nen se prata nen se oru ta ser kapas di salva-l na dia di fúria di Nhordes. Lumi di siúmis di Nhordes ta kema tudu tera, pamodi anikilason ki E ta traze kontra moradoris di tera ta ser terível.

¹Nhos riuni, nhos djunta, nason sen pudor. ²Anti ki dikretu entra na vigor, anti ki dia pasa sima padja, antis ki ben riba di nhos furor di ira di Nhordes, antis ki dia di ira di Nhordes ben riba nhos. ³Nhos buska Nhordes, tudu nhos ki é umildi na tera ki ta obedese Ses dikretu. Nhos buska justisa! Nhos buska umildadi y manba nhos ta ser prutejidu na dia di ira di Sinhor.⁴Gaza ta ser abandonadu y Askilon ta se transformadu na distruison! Es ta spulsa Asdodi na meiu dia, es ta ranka Ekron! ⁵Koitadu di kes ki ta mora na kosta di mar, nason di kereteus! Nhordes fala kontra nhos, Kanaan, tera di filisteus. N ta distruiu-nhos ti ki ka resta mas ninhun restu.⁶Nton, kosta di mar ta bira pastu, tera pa pastoris y kural pa ovelha. ⁷Rijion kostera ta pertense restu di kaza di Juda, ki ta pasensta ses ribanhu. Se povu ta deta di tardi, na kazas di Askilon, y Nhordes, se Deus, ta kuida di es y ristaura se sorti.⁸Ami N obi pruvokason di Muabi y injúria di povu di Amon kantu es pruvoka Nha povu y es viola ses frontera. ⁹Purtantu, asi sima N ta vive, Nhordes di Izérsitu, Deus di Israel sa ta diklara: "Muabi ta bira sima Sodoma, y povu di Amon sima Gomora; un lugar di erva danadu y un posu di sal, distruidu pa senpri!. Ma restu di Nha povu ta furta-s, y restu di nha nason ta erda ses tera!¹⁰Kel-li ta kuntise ku Muabi y Amon trokadu di se orgulhu, pamodi es pruvoka y insulta povu di Nhordes di Izérsitus. ¹¹Nton, es ta treme Nhordes, E ta faze trosa di tudu deuzis di tera. Di tudu lugar, di tudu bera mar, es tudu ta ben adora-L.¹²Nhos itíopis, tanbe nhos ta ser fradu pa Nha spada, ¹³y mon di deus ta ataka norti y ta distrui Asíria. Nton, Nínivi ta bira ruína, seku sima dizertu. ¹⁴Nton, ribanhu ta diskansa la, tudu animal di nason, ku kruxa di dizertu y orisu, ta diskansa riba di ses kuluna. Un pasáru ta kanta na janela, y un monti lixu ta sta na se porta; ses pilar di sedru intudjadu ta ser mostradu.¹⁵Kel-li é sidadi famozu ki ta viveba sen medu y ki fla na se kurason: "Ami é, y ka ten otu sima mi". E bira un teror, un lugar pa animal selvajen pasta! Kada un ki pasa pa el ta faze trosa ku zibiu y ta sakudi se punhu pa el.

¹Koitadu di sidadi rebeldi! Sidadi violenta sta kuntaminadu. ²E ka obi vos di Deus nen e ka seta kureson di Nhordes. E ka kunfia na Nhordes y e ka txiga pertu di se Deus.³Se prínsipi é lion ki ta ruji na se meiu. Ses juis é lobu di tardi ki ka ta dexa nada pa ser kumidu pa manhan. ⁴Ses prufeta é ómis atrividu y trasueru! Ses saserdotis ta prufana kuze ki é sagradu y ta viola lei.⁵Nhordes é justu na se meiu. E ka ta kumete injustisa. Palmanhan tras di palmanhan, E ta da Se justisa. E ka ta ser sukundidu na meiu di lus, sikre injustu ka konxe burgonha.⁶N ta ranka nason, ses fortaleza dja bira ruina. N ta ruina ses rua, pa ki ningen ka pasa pa el. Ses sidadis dja sta distruiudu, pa ka ten ómi ki ta mora na es. N fla: ⁷Dimidivera bu ta ben teme-M. Seta kureson pa bu ka ben ser kortadu di bus kaza pa tudu ki N palneja faze-u. Ma es staba ansiozu pa kumesa tudu palmanhan ta manxa tudu ses ason.⁸Purtantu, spera pa mi, asi Nhordes fla, "ti kel dia ki N ta labanta pa tistimunha dipoju. Pamodi Nha dizison é djunta nason, riuni reinu y baza riba di es Nha ira, tudu Nha fúria di tal manera ki tudu tera ta ser kumedu pa lumi di Nha ira.⁹Ma nton N ta da boka puru pa povu, pa es tudu txoma pa nomi di Nhordes pa sirbi-M di pe, onbru pa onbru. ¹⁰Pa alen di riu di Itiópia, Nhas moradoris, Nha povu ki sta lonji, ta ben traze oferta ki N ten direitu. ¹¹Na dia ki ka ta ten burgonha pa tudu nhos ason ki nhos kumete kontra Mi, pamodi N tra di bo kes ki ta selebraba bu orgulhu y pamodi bu ka ta aji mas ku orgulhu na Nha santu munti.¹²Ma Ami N ta dexa-bu sima un povu umildi y pobre, y bu ta gazadja na nomi di Nhordes. ¹³Restu di Israel ka ta kumete mas injustisa o fala mintira, y ka ta atxadu lingua mintirosa na se boka; asi es ta pasta y ta deta, y ningen ka ta asusta-s.¹⁴Kanta, fidja di Sion! Djata, Israel! Alegra y intxi di gozu di tudu bu kurason, fidja di Jiruzalen! ¹⁵Nhordes dja tra-u di kastigu; Dja E fulha pa lonji bus inimigus! Nhordes é rei di Israel na nhos meiu. Nhos nunka mas nhos ta ten medu di mal! ¹⁶Na kel dia es ta fla pa Jiruzalen: Ka bu xinti medu, Sion. Ka bu dexa bus mon infrakese.¹⁷Nhordes, bu Deus, sta na bu meiu, puderozu pa salva-u. E ta selebra riba bo, y ku alegria, e ta aji ku silensiu riba bo, na Se amor. E ta alegra pa bo y e ta djata di alegria, ¹⁸sima na dia di festa spesial. N ta tra kalamidadi di bo y N ka ta traze-u mas ninhun burgonha.¹⁹N ta ben trata ku tudu bus opresor. Na kel tenpu N ta risgata manku y N ta riuni marjinalizadus. N ta tra bu burgonha y N ta da-u lovor ku onra na tudu tera. ²⁰Y na kel tenpu N ta gia-nhos; na kel tenpu N ta djunta nhos tudu djuntu. N ta faze ki tudu nason di tera ruspeta-nhos y lova-nhos, ora ki nhos odja-M ma dja N ristaura-nhos, Nhordes ki sa ta fla.

¹Na sugundu anu di rei Dariu, na sestu mes, na prumeru dia di mes, palavra di Nhordes txiga pa mon di Ajeu, prufeta, pa guvernador di Juda, Zorobabel, fidju di Sialtiel, y pa xéfi di saserdoti, Jozue, fidju di Jozadaki, ta fla: ²Nhordes di izérsitus fla kel-li: Fla pa es povu: Inda ka txiga ora pa nu ben kunstrui kaza di Nhordes.³Nton palavra di Nhordes ben pa mon di Ajeu, prufeta, y e fla: ⁴Nhos ta atxa dretu pa nos nu vive na kazas ben kosntruidu, inkuantu es kaza sta na ruína? ⁵Nton Nhordes di izérsitus ta fla si: Nhos odja pa nhos bida! ⁶Nhos ta simia txeu simenti, ma nhos ta kodje poku; nhos ta kume, ma nhos ka ta farta; nhos ta bebe, ma nhos ka basta sedi. Nhos ta bisti ropa, ma nhos ka ta akese, y kes ki ten un salariu ta ganha dinheru pa pui na kartera furadu!⁷Nhordes di izérsitu fla si: Nhos odja pa nhos bida! ⁸Nhos subi muntanha, nhos traze madera y nhos konstrui nha kaza. Nton N ta xinti prazer na el y N ta ser glorifikadu! Nhordes fla: ⁹Nhos ta djobe pa mas txeu, ma nhos odja: Nhos ta traze poku pa kaza, y kel poku ki nhos ta traze, ku un sopru N ta sopra-s pa lonji. Pamodi? Kel-li é diklarason di Nhordes di izérsitus: Pamodi nha kaza tina sta na ruína, inkuantu kada ómi sa ta djobe so pa luxu di se kaza.¹⁰Trokadu kel-li, N fitxa séu pa ka txobe y tera guarda se prudutu. ¹¹N manda seka pa riba tera y pa riba muntanha; pa riba gran y riba vinhu nobu; pa riba oliu y riba tudu ki tera ta pruduzi. Pa riba ómi y riba animal, y riba tudu trabadju ki es ta faze ku ses mon.¹²Nton Zorobabel, fidju di Sialtiel, y xefi di saserdoti, Jozue, fidju di Jozadaki, djuntu ku restu di povu, obedese vos di Nhordes, ses Deus, y palavras di prufeta Ajeu, pamodi Nhordes tenba nviadu el. Gentis xinti temor di rostu di Nhordes. ¹³Dipos Ajeu, mensajeiru di Nhordes, papia mensajen di Nhordes pa povu y e fla: Ami N sta ku nhos! É kel-li ki é diklarason di Nhordes.¹⁴Nton Nhordes move spritu di governador di Juda, Zorobabel, fidju di Sialtiel, y spritu di xefi di saserdoti, Jozue, fidju di Jozadaki, y spritu di tudu restu di povu, y es bai u es kumesa ta trabadja na kaza di nhordes di izérsitus, ses Deus. ¹⁵Na dia vinti y kuatu di sestu mes, na sigundu anu di rei Dariu.

¹Livru di Jinelojia di Jizus Kristu, Fidju di Davi, Fidju di Abron. ²Abron era pai di Izáki; Izáki, pai di Jakó; Jakó, pai di Judá ku ses irmon; ³Judá era pai di Farés i Zará, ki Tamar pári. Farés era pai di Esron; Esron era pai di Aron.⁴Aron era pai di Aminadabi; Aminadabi, pai di Nason; Nason, pai di Salmon; ⁵Salmon era pai di Buás, ki Raabi pári; Buás, pai di Obedi, ki Rúti pári; Obedi era pai di Jesé, i ⁶Jesé era pai di rei Davi. Davi era pai di Salomon, ki mudjer di Urias pári.⁷Salomon era pai di Robuon; Robuon, pai di Abias; Abias, pai di Aza. ⁸Aza, pai di Jozafá; Jozafá era pai di Joron, i Joron era un antisedenti di Ozias.⁹Ozias era pai di Joton; Joton, pai di Akas; Akas, pai di Izekias; ¹⁰Izekias era pai di Manasés; Manasés, pai di Amon; Amon, pai di Jozias, i ¹¹Josias era un antisedenti di Jekonias ku ses irmon, na ténpu di diportadu pa Babilónia.¹²I, dipós di stá diportadu na Babilónia, Jekonias pári Salatiel; Salatiel era un antisedenti di Zorobabel; ¹³Zorobabel era pai di Abiúdi; Abiúdi era pai di Eliakin; Eliakin, pai di Azor; ¹⁴Azor era pai di Sadoki; Sadoki era pai di Akin; Akin, pai di Eliúdi;¹⁵Eliúdi era pai di Eleazar; Eleazar, pai di Matan; Matan, pai di Jakó, i ¹⁶Jakó era pai di Juzé, maridu di Maria, ki pári Jizus, ki ta txomadu Kristu. ¹⁷Tudu kes jerason: di Abron ti Davi, ta dá katorzi jerason; di Davi ti kantu es deportadu pa Babilónia ta dá katorze jerason; i di kantu es deportadu pa Babilónia ti Kristu, ta dá katorze jerason.¹⁸Nasimentu di Jizus kuntisi asi: Maria, se mai, staba noiva di Juzé, má anti di es kaza, e parse grávida pa Spiritu Santu. ¹⁹Juzé, se maridu, ki era un ómi dretu, ki ka kria difamaba-el pa mundu, disidi kaba ku noivadu sukundidu.²⁰Inkuantu e staba ta matutaba nes asuntu, un anju di Nhordés parse pa el na sonhu, i fla-l: Juzé, fidju di Davi, ka bu xinti médu di resebe Maria pa bu mudjer, pamódi Kel ki stá dentu di el é jeadu pa Spiritu Santu. ²¹E ta pári un fidju Matxu i bu ta txoma-l di Jizus, pamódi El ki ta ben salva póvu di ses pekádu.²²Tudu kel-li kuntisi pa kunpri kuze ki Nhordés flaba pa bóka di profeta: ²³Nton kel virjen ta fika grávida i ta pári un fidju matxu, i nhos ta txoma-l Imanuel, ki ta siginifika Déus stá ku nós.²⁴Kantu ki Juzé korda di se sónu, e faze sima anju di Nhordés manda-l i e resebe Maria pa se mudjer. ²⁵I nunka e ka faze sékisu ku el, tiki e pári un fidju. I E pu-l nómi di Jizus.

¹Dipós ki Jizus nase na Belén di Judéia, na ténpu di réi Eródis, Sábius di Orienti txiga na Jiruzalén, i Es purgunta: ²Undi ki dja nase, kel ki é Réi di Judeu? Nu odja se strela na orienti i nu ben adora-L. ³Kantu Eródis obi es kuza, el ku tudu póvu di Jiruzalén fika dizorientadu.⁴Eródia djunta tudu xéfi di saserdóti i méztri di póvu, e pergunta-s: Undi ki Kristu ta bai nase? ⁵Es rusponde: Na Belén di Judéia, pamódi profeta skrébe asi: ⁶I abo, Belén, na téra di Judá, abo é ka mas pikinóti na meiu di sidadi mas inportanti di Judá, pamódi di bó ta ben un líder ki ta ben ser pastor di ribanhu di Israel.⁷Nton Eródis txoma kes Sábius na partikular pa purgunta-s izatamenti, ki dia ki kel strela párse. ⁸E manda-s pa Belén, ta fla-s: Nhos bai djobe kel mininu ku kuidadu. Oras ki nhos taxa-L, nhos ta aviza-m pa N pode bai i adora-L.⁹Dipós ki es óbi réi, es bai, i strela ki es odjaba na orienti, bai dianti di es, ti ki pára na lugar undi staba mininu. ¹⁰Kantu es odja strela, es fika rei di kontenti.¹¹Es entra na kaza, es odja mininu ku Maria, se mai, es finka duedju na txon i es adora-L. Es abri ses tizóru i es oferese-L prizenti: Oru, Insensu i mira. ¹²Déus alerta-s na sónhu pa es ka volta pa Eródis, má pa es volta pa ses país pa ótu kaminhu.¹³Dipós ki es bai, un anju di Nhordés parse pa Juzé na só sónhu i e fla-l: Labanta bu pega mininu ku se mai i fuji pa Igitu. Fika lá ti ki N manda-u ben, pamódi Eródis sa ta djobe mininu pa kaba ku el. ¹⁴Na kel nóti mé, Juzé labanta, e pega mininu ku se mai, e bai pa Igitu. ¹⁵E fika lá ti ki Eródis móri. Asi, Nhordés kúnpri ku kel ki E flaba pa bóka di profeta: Di Igitu N ta txoma nha Fidju.¹⁶Nton Eródis, kantu e sabe má sábius ngana-l, e fika uma xatiadu. E manda mata tudu mininu di dôs anu pa baxu ki staba na Belén i na tudu kel zona, sima presizon ki sábius tinha fladu.¹⁷Nton kúnpri kuzé ki profeta Jeremias dja flaba: ¹⁸Un vós di lamentu ku grándi jemidu obidu na Ramá, era Rakél ta lamentaba pa ses fidju, ta rikuza ser konsoladu, pamódi ses fidjus dja ka móre.¹⁹Kantu Eródis móri, un anju di Nhordés parse pa Juzé na sónhu, la na Igitu, i e fla-l: ²⁰Labanta i bu pega mininu ku se mai, i nhos volta pa téra di Israel, pamódi kes ki sa tentaba kaba ku mininu, dja ka móre. ²¹Juzé labanta, pega mininu ku se mai i es volta pa téra di Israel.²²Kantu ki és óbi ma Arkileú staba na reinaba na Judéia, na lugar di se pai Eródis, e fika ku médu di bai pa lá. Dipós ki Déus aviza-l na sónhu, E sai di zona di Galileia , ²³i e bai mora na sidadi ki ta txomadu di Nazaré. Asi, kúnpri kuzé ki txeu profeta dja flaba, ki El ta txomadu di Nazarenu.

¹Na kes dia, Juãu Batista parse ta prega na dizertu di Judéia, ta fla: ²Nhós rapende, pamódi Reinu di Séu sa ta txiga. ³Pamódi, kel-li é kel konbersu ki profeta Izaías dja flaba: Vós ki sa ta djata na dizertu: Nhos kónpu kaminhu pa Nhordés, nhos abre strada pe pasa na el.⁴Juãu ta bistiba rópa di péli di kamelu, ta puba sintu di kabidal maradu na sintura i e ta kumeba kafanhotu ku mel silvestri. ⁵Nton póvu di Jiruzalén, di tudu zona di Judéia i di tudu zona ki ta fikaba na redor di riu Jordon, txiga pértu di El. ⁶I Juãu batiza-s na riu Jordon sima es ba ta konfesa ses pekádu.⁷Kantu e odja un munti di farizéu ku saduséu, ta ben pa el pa ser batizado, e fla-s: Rasa di kobras, kenha ki induzi nhos pa tenta fuji di kastigu ki sa ta txiga? ⁸Nhós faze kuza ki ta odjadu ma nhos stá rapendidu, ⁹i ka nhos pensa fla pa kunpanheru: Anos nós pai é Abron. Pamódi N ta fla nhos ki Déus é kapás di faze parse fidjus pa Abron ti di kes pedra li.¹⁰Matxadu dja kumesa ta korta rais di árvi. Tudu árvi ki ka ta dá frutu dretu ta ser kortadu i fulhadu na lumi. ¹¹Ami N ta batiza nhos ku águ pa rapendimentu, má, Kel ki ta bén dipós di mi, E mas poderozu di ki mi, i ami N ka stá na altura, nen di karega ses sandália. El é ta batiza ku Spiritu Santu i ku lumi. ¹²Pá stá na sé mon pe linpa kau sima stá i pa e djunta se trigu na seleru, má, padja E ta kema ku lumi ki nunka ka ta pagadu.¹³Nton Jizus ben di Galileia pa Riu Jordon pa ser batizadu pa Juãu, ¹⁴má Juãu tenta para-l, ta fla: Ami N meste ser batizadu pa Bo, i Abo bu ta ben pa mi pa N batiza-u? ¹⁵Jizus responde i fla-Pirmiti pa nu faze asi gósi, pamódi ta fika-nu dretu kúnpri tu justisa. Nton Juãu pirmiti-L¹⁶Dipós ki e batizadu, Jizus sai di águ uma faxi i séu abridu riba del, i odjadu un Spiritu di Déus ta dixi sima ponba i xinta se riba. ¹⁷Un vós ki ben di séu fla: Kel-li é nha Fidju ki n kré txeu. E ta da-M txeu alegria.

¹Spiritu Santu gia Jizus pa disertu pa El ser tentadu pa diabu. ²Dipos ki E jejua kuarenta dia i kuarenta noti, E xinti fómi. ³Diabu txiga na El, i flal: “Si bu é fidju di Déus, manda kes pedra bira pon”. ⁴Ma Jizus, responde-l i fla-l: Sta skrebedu: ‘ka só di pon ki ómi ta vive, ma tanbé di tudu palavra ki ta sai na boka di Déus”.⁵Inton, diabu lebá Jizus pa sidadi santa, pu-l na lugar mas altu di ténplu ⁶i fla-l: “Si bu e fidju di Déus, buâ di li pa baxu, pamodi sta skrebedu: Déus ta da ordi pa si anjus pa toma konta di bo’, i ‘es ta susti-u na ses mon, pa bu pé ka da topada na pedra”.⁷Jizus fla-l: “tanbé sta skrebedu: ‘bu ka pódi tenta Nhordés” ⁸Di novu diabu leba-l pa un lugar altu i mostra-l tudu reinu di mundu ku se buniteza. ⁹E fla Jizus: “tudu ke li n ta da-u, si bu pui bu duedju na txon i bu adora-n”.¹⁰Nton Jizus fla-l: “Ba bu kaminhu Satanás! Pomódi sta skrebedu: ‘Bu ta adora Nhordés i só pa El ki bu ta da kultu”. ¹¹Inton diabu dexa-l i anjus ben i sirbi-l.¹²Kantu Jizus obi ma Djon pudu na kadia, El bai pa Galiléia. ¹³E sai di Nazaré i E bai vive na Kafarnaun, ki fika djuntu di mar di Galiléia, na tiritóriu di Zebulon ku Nafitali.¹⁴Ke lá kuntise pa kunpri kuzas ki prufeta Izaías flaba: ¹⁵“Téra di Zebulon i téra di Nafitali, kaminhu di mar, pa lá di Jordon, Galiléia di jentius! ¹⁶Povu ki ta staba na sukuru odja grándi lus, i pa kes ki staba na sónbra di morti atxa lus”.¹⁷Di kel ora lá pa dianti, Jizus kumesa ta prega i ta fla: “Nhos ripende, pamodi Reinu di séu sa ta txiga”.¹⁸Inkuantu ta kaminhaba djuntu di mar di Galiléia, E odja dôs irmon, Simon, ki ta txomadu Pedru, i André, ki lansaba rédi na mar, pamodi Es era piskador. ¹⁹Jizus fla-s: “Nhos ben, nhos sigi-n in staba ta faze nhos piskadóris di ómis”. ²⁰Na rápidu es dexa rédi i es sigi-l.²¹Inkuantu Jizus kaminhava, E odja otu dôs irmon, Tiagu, fidju di Zebedeu, i Djon. Es staba na bárku ku Zebedeu, ses pai, ta kônpu rédi. Jizus txoma-s ²²i, lógu, es dexa bárku ku ses pai, i Es bai ku El.²³Jizus roda tudu Galiléia, ta inxina na ses sinagoga, ta prega notísia sábi di Reinu i ta kuraba tudu tipu di moléstia i duensa na meiu di povu. ²⁴Fama di Jizus spadja pa tudu Síria, i gentis ta traze tudu kes ki staba duénti, ku tudu tipu di moléstia i pertubason: pusuídus, kes ki da ataki; i Jizus kura-s. ²⁵Munti algén di Galiléia, Dekápolis, Jerusalén i Judeia i pa lá di Jordon sigi-l.

¹Kantu ki Jizus odja munti algén. e subi monti, e xinta, i se dissiplus ben ti txiga ne-L. ²Nton e abri boka i inxinas, ta fla: ³Filis e kes koitadus di Spiritu, pamodi Renu di Séus e di ses. ⁴Filis kes ki ka sta sabi, pamodi es ta atxa konsolu.⁵Filis e kes mansus, pamodi es ta erda tera. ⁶Filis e kes ki teni fomi i sedi di djustisa, pamodi es ta ser fartu. ⁷Filis e kes ki ten miserikordia, pamodi es ta atxa miserikordia. ⁸Filis e kes ki ten kurason limpu, pamodi es ta odja Deus.⁹Filis e kes ki ta poi pas, pamodi es ta ser txomadu fidju di Deus. ¹⁰Filis e kes ki e pirsigidu trokadu kuza dretu kes ta fasi, pamodi Renu di Seus.¹¹Filis e nhos oki gentis ofendi i pirsigi-nhos, ô es fla tudu tipu di runhesa i falsidadi kontra nhos pamodi nhos ta sigin. ¹²Nhos anima i nhos fika kontenti, pamodi grandi e nhos pagamentu na seu. Pamodi e di kel manera li ki gentis ta pirsigiba profetas ki ta viveba antis di nhos.¹³Nhos e sal di tera, mas si sal perdi gostu, moki e ta torna ser usadu? E ka ta sirbi pa nada, se ka pa fulha-L i pa gentis masa-l. ¹⁴Nhos e Luz di Mundu. Un Sidadi finkadu riba rotxa ka podi fika sukundidu.¹⁵Ningén ka ta sendi lánpada pa po-l baxu sextu, mas, ubes disu, pol altu asi el ta lumia pa tudu algén ki sta na kaza. ¹⁶Ki nhos luz brilha dianti di gentis toki es odja nhos bon obra i es loba nhos Pai ki sta na seu.¹⁷Ka nhos pensa ma nben kaba ku Lei ô Profetas, nka ben kaba kua-s ma kumpri-s. ¹⁸Purisu nta fla nhos, na verdadi, ti ki seu ku tera pasa, nen un pontu ki fari ka ta sai i nen mudadu di Lei, ti ki tudu kuzas kumpri.¹⁹Purtantu kualker un ki kebra un mandamentu mesmu ki seja kel mas pikinoti i inxina otus a fazi igual el ta txomadu pikinoti na Reinu di Seu. Ma kualker un ki guarda kex mandamentus li ta ser txomadu grandi na Renu di Seu. ²⁰Pur isu nta fla nhos, si nhos justisa ka pasa di justisa di skribas i fariseus, di nun manera nhos ka ta entra na Renu di Seu.²¹Nhos obi kuze ki fladu na tenpu altigu: " Ko mata" i " Kualker un ki mata podi ser julgadu". ²²Mas mi nta fla nhos ki kualker un ki ira kontra se irmon es sta sujetu a ser julgadu; i kualker ki fla pa se irmon: "Bu ka ten Juiz!" e ta sta sujetu a ser julgadu na tribunal, i kualker un ki fla: " E bo tolobasku!" ta sta sujetu a fogu di infernu.²³Purtantu si bu sta ba leba bu oferta pa altar i bu lenbra ma bu irmon ten algun kuza kontra bô, ²⁴larga bu oferta la, na frenti di altar, i pa konpu kol, i dipos volta i aprisenta bu oferta.²⁵Konpu ku kel ki sta kexa di bo faxi, timenti nhos sta na kaminhu ta ba tribunal, ka ki kel ki ata ba kexa di bô ka intregou pa juiz, i juiz intregou pa ofisial-s, i bu botadu na kadia. ²⁶Na verdadi nta flabu: bu ka ta sai di la ti ki bu ká paga tudu tustón.²⁷Bu obi kuza ki fla-du:"ka bu deta ku kenha ku ka kasa kua-L". ²⁸Mi gó nta fla nhos ma kualker un ki odja pa un mudjer ku mau intenson, dje deta kua-l na se kurason.²⁹I, si bu odju diretu ta fazeu peka, tra-l bu fulha, pamodi e midjor un parti di bu korpu mori du ki tudu bu korpu ba pa infernu. ³⁰I, si bu mo diretu ta fazeu peka, korta-l i bu bota-l fora, pamodi e midjor un di kes partis di bu korpu mori du ki bu korpu interu botadu na infernu.³¹Tanbe fladu: " Kualker un ki kori ku se mudjer di kaza, pe dal karta di divorsiu". ³²Ma mi gó nta fla nhos ma tudu kes ki divorsia di se mudjer, a non ser pamodi imoralidadi sexual, ta fazi del un adultera; i kualker un ki kasa kol, dipos del divorsia, ata kumeti adulteriu.³³Tanbe nhos obi kuze ki fladu pa kes algén na tenpu antigu:" Ka nhos jura ku falsidadi, mas nhos kumpri juramentu ki nhos fazi pa Sinhor". ³⁴Ma migo nta fla nhos ka nhos jura pa nada: nem pa seu, pamodi e tronu di Deus, ³⁵nem pa tera, pamodi e firmamentu di Se pe; nem pa Jiruzalén, pamodi e sidadi di Rei Grandi.³⁶Nem ko jura pa bu kabesa, pamodi bu ka podi poi un fiu bira branku ô pretu. ³⁷Ma ki bu palavra seja: "Sin, sin" ô "Nau, nau." kualker kuza ke ka keli ta ben di kuza ka dretu.³⁸Nhos obi kuza ki nhos fladu: "Odju pa odju i denti pa denti". ³⁹Inbes disu nta fla nhos: ka nhos riaji ku kenha ke runhu; pelu kontrariu, kualker un ki da nhos na rostu na ladu diretu, nhos dal kel otu ladu tanbé.⁴⁰I, si algén kre lebou pa tribunal i toma bu tunika, dexa kel algén la toma bu kapa tanbe. ⁴¹I, si algen forsou anda kuazi un milha, bai kol dos milha. ⁴²Da kualker un ki pidiu, i kó bira kosta ka ningen ki kre pidiu algun kuza inpristadu.⁴³Nhos obi kuza ki fladu: 'Ama bu prosimu i odía bu inimigu'. ⁴⁴Migo nta fla nhos: 'Nhos ama nhos inimigu i nhos ora pa kes ki ta pirsigi nho, ( nhos abensua kes ki ta maldisua nhos, nhos fasi bén pa kes ki ta odia nhos,) ⁴⁵pa nhos ser fidjus di nhos Pai ki sta na Seu, pamodi El ta fazi sol nasi sobri runhus i bons i e ta manda txuba pa dretu i ka dretu.⁴⁶Pamodi, si nhos ama so kes ki ta ama nhos, kuze ki nhos ta ganha? E verdadi ô nou ki ate kobradoris di inpostu ta fazi mesmu kuza? ⁴⁷E, si nhos kumprimenta so nhos irmons, kuze ki nhos ta fazi pa kes otus? E verdadi ô nou ki ti gentius ta fazi mesmukuza? ⁴⁸Sendu asi nhos bira perfetu, sima nhos pai silistial e.

¹Kudadu pa nhos ka fazi obras di justisa dianti di alguén só pa nhos ser vistu, pamodi nhos ka ta ser rekonpensadu pa nhos pai ki sta na séu. ²N ton, ora ki da zimola, ka nhos fazi bazofaria simá fingidus na nas sinagogas i na rua, pes podi ser ngabadu pa pesoas. verdadi n tá fka nhos: es dje resebe ses rekonpensa.³Odja, oras kes da nhos zimola, ka nhos dexa men iskerdu sabi kuze ki nhon diretu sa ta fazi, ⁴pa ki kuze ki bu dadu ta fika sukundidu; n ton nhos pa, ki ta odja n sukundidu, ta rekonpensa nhos.⁵Oras ki nhos ora, ka nhos ser falsu, pamodi es gosta di ora sakedu na sinagogas e na rua, pa pesoa podi odja-s. N ta fla nhos verdadi ma djes resebe ses rekonpensa. ⁶N ton to ki nhos ora, entra na nhos kuartu, fitxa porta, ora pa nhos pai, ki sta na sekretu; n ton nhos pai ki ta odjau na sekretu ta da nhos rekonpensa. ⁷Kuandu nhos ta ora ka nhos fazi repisiton inutil, sima jentius; pamodi es ta pensa ki es ta ser obidu atravez di ses ripitison.⁸N ton ka nhos fika moda es, pamodi nhos pai sabi kuzé nhos mesti antis ki nhos pidi-l. ⁹N ton nhos ora si: 'Pai nós ki sta na séu, santifikadu seja nomi di nhó. ¹⁰Ki ben reinu di nhós. Ki bu vontadi seja fetu na téra sima e fetu na séu.¹¹Da nu pon di kada dia. ¹²Purda-nu nós divida, sima nu ta purda kenha ki ta deb-nu. ¹³Ka dexa-nu kai na tentason, ma libranu di tudu mal'.¹⁴Pamodi si bu perdua pekadus di pesoas, bu pai ki sta na séu tanbé ta purda nhos pekadus. ¹⁵Ma si nhos pa purda pekadu di pesoas, nhos pai ka ta purda nhos pekadu.¹⁶Anti di kel, ora ki bu jejua, ka nhos fazi rostu runhu, sima ta fazi kes ki ka é ipókrita, es ta fazi rostu runhu pa pesoas odja me sta jejua. Na verdadi n tá fla nhos ma djes resebi ses rekonpensa. ¹⁷N ton nhos, ora ki nhos jejua, pui óliu na kabesa i laba nhos rostu. ¹⁸pa nhos ka dexa pesoas odja ma nhos sa ta jejua, ma so nhos Pai, ki sta na segredu podi odja. I nhos Pai, ki sta na segredu, ta da nhos kel ki nhos meresi.¹⁹Ka nhos djunta tizoru na téra, undi ki bitxu i feruja ta kume, i ladron ta invadi i roba. ²⁰ma midjor, nhos djunta tizoru na séu, undi nem bitxu nem feruja distri, i undi ladron ka ta indadi nen furta. ²¹Pamodi undi sta nhos tizoru, la ki sta nhos korason.²²Odjus é lus ki korpu. Pamodi, si bus odjus e bon, tudu bu korpu ta fika luminadu. ²³Ma, si bus odjus e mau, tudu bu korpu ta fika sukuru. Asi, si lus ki sta na nhos na verdadi é sukuru, e sukuru fitxadu! ²⁴Ningén ka podi sirbi dôs sinhoris, ô bu ta xinti raiba di un i ama kel tou, ô bu ta gosta di un i dispreza kel otu. No ka podi sirbi Nhordés i rikezas.²⁵N tá fla nhos: ka nu priukupa ku nhos vida, ku kuza ki nhos ta kumi i bebi, ô ku nhos korpu, i kuza bisti. Pamodi vida e ka mas inportanti ki kumida, nen korpu mas ki rópa? ²⁶Odja pa avi na séu: es ka ta símia, nen kodji, nen djunta na sestu, ma nhos Pai ki sta na séu ta das alimentu. Nhos ka ten mutu mas valor du ki es?²⁷Ken na nhos meiu, ki e ansiózu, podi aumenta un bokadu di se vida? ²⁸Pamodi ki nhos sta ansiozu ku bisti? Odja floris di kanpu, modi ki ta kresi: es ka ta trabadja i ka ta fazi ropa. ²⁹N tá fla nhos: te Salomon na tudu se gloria e ka bisti sima es.³⁰Si Nhordés ta bisti relva di kanpu, ki ta nasi oji i e kemadu manhan, kantu mas Nhordés ta bisti nhos, ómi fraku na fé? ³¹Ka nhos fika ku ansiedadi, ta pergunt: Kuze nu ta ben kume? ô, kuze nu sa bebi? ô, modi nu ta bisti?³²Pamodi kes ki ka e judeu ta buska es kuza, ma nos Pai ki sta na séu sabi ma nu mesti tudu es kuzas. ³³Djobi primeru reinu di Nhordés i se justisa i tudu es kuzas nhos ta resebi. ³⁴Ka nhos fika prikupadu pa dia di manhan, pamodi manhan ta trazi si propi prikupason. Dja basta dia di oji si propi mal

¹Ka nhos julga pa nhos ka ser julgadu, ²pamódi sima ki nhos julga nhos ta ser julgadu, i sima nhos midi, nhos ta ser mididu.³I pamódi ki bu ta rapara na padas di pó ki stá na odju di bu irmon i bu ka ta dá konta di un trónku pó ki stá na bu odju? ⁴Móki bu pode fla pa bu irmon: Dexa-m tra-u padas di pó ki stá na bu odju, timénti bu tini un trónku pó dentu bu odju? ⁵Ipókrita. Tra prumeru, trónku pó di déntu bu odju i nton, bu ta kunsigi odja midjor, pa bu pode tra pádas di pó ki stá na odju di bu irmon.⁶Ka nhos dá kuza konsagradu pa katxor, nen ka nhos fulha nhos jóias pa pórkus, pa es ka piza-s ku ses pé, i pa es ka rivolta kontra nhos, pa ka satadja nhos.⁷Nhos pidi i nhos ta dádu; nhos djobe i nhos ta atxa; nhos kónku, i pórta ta abridu. ⁸Pamódi tudu kel kipidi, ta dádu; kel ki djobe, ta atxa; i kel ki kónku, pórta ta abridu. ⁹Ki ómi na nhos meiu, ki si fidju ta pidi-l padas di pon, e ta da-l un pedra? ¹⁰Ô nton, si fidju pidi-l un péxi, e ta da-l un kóbra?¹¹Purtantu, si nhó ki é mau, nhos sabe dá kuzas dretu pa nhos fidju, más inda nhos Pai selestial, ki stá riba lá na séu, ka ta dá kuzas dretu pa kes ki ta pidi-l? ¹²Purtantu, tudu ki nhos kré ki ómis faze nhos, nhos faze nhos tanbé pa es; pamódi kel-li ki é Lei ku Prufeta.¹³Nhos kanba pa porta stretu, pamódi porta largu é porta ki ten txeu spasu, ki é kaminhu ki ta leba pa distruson, i izisti txeu algén ki ta bai pa es kaminhu. ¹⁴Má, porta stretu é porta pertadu, ki é kaminhu ki ta leba pa vida, i póku é kes ki ta serta ku el.¹⁵Nhos kuidadu ku falsu prufeta, ki ta txiga na nhos bistidu di ovelha, má na verdadi es é lóbu famintu. ¹⁶Pa ses frutu nhos gta konxe-s. Algén ta kodje uvas di spinhera, ô figus di tendenti? ¹⁷Di mézmu manera, tudu árvi bon ta dá frutu bon, má árvi mau, ta dá frutu mau.¹⁸Ka izisti árvi bon ki ta dá frutu mau, i tanbé ka izisti árvori mau ki ta dá frutu mau. ¹⁹Tudu árvi ki ka ta dá frutu ta sapadu i fulhadu na lúmi. ²⁰É pa ses frutu ki nu ta konxe árvi.²¹Nen tudu algén ki fla-M: Sinhor, Sinhor, ta kanba na Reinu di Séu, má só kel ki ta faze vontadi di Nha Pai ki stá na séu. ²²Txeu algén ta ben fla-m na kél dia: Sinhor, Sinhor, nu ka prufetiza na Bu nómi? Na bu nómi nu ka tra dimóniu i nu ka faze txeu milagris? ²³Nton N ta fla nhós kláru: Ami nunka N ka konxe nhós! Nhos sai di bera Mi, nhos ki ta vive na pekádu.²⁴Purtantu tudu kel ki ta obi Nhas palavras i ta obedese-l, N ta kunpara-l sima un ómi sábiu ki faze se kaza riba rotxa. ²⁵Txuba kai, riu intxi ti ta lansa, béntu sopra riju i dá riba kel kaza; má kel kaza ka kai, pamódi é staba finkadu riba rotxa.²⁶Má tudu kel ki ta obi Nhas palavra i ka ta obedese-l, N ta kunpara-l sima un ómi dódu ki faze se kaza riba di areia. ²⁷Txuba ben, riu intxi ti ta lansa, béntu sopra riju i dá riba kel kaza, i kaza rónbu; e baza na txon sima stá.²⁸Kuntisi ki, kantu Jizus kaba di fla tudu es palavra, munti algén ki staba lá fika maravilhadu ku kuzas ki E inxina, ²⁹pamódi E ta inxina sima algén ki ten puder, i ka sima skribas.

¹Kantu ki Jizus dixi monti, un grandi multidon sigil. ²Nton ben un leprozu y é fika di juedjo di anti del, ta fla: " Sinhor, si bu kré, bu podi kuram". ³Jizus stendi se mom y é tokal, ta fla: Me kré. Fika Kuradu". Logu é fui kuradu di lepra.⁴Jezus flal: "Odja, ku bu fla nada pa nigen. Sigi bu kaminhu, ba djbi sarsidoti y oferesi oferta ki Muizés manda, pa un tisitiminhu pa es".⁵Kantu ki Jezus entra na Karfanaun, un siturion, ben ti el ta inploral: " ⁶Sinhor nha servu sta detadu na kaza paralizadu ta sufri".Jizus Fla: " ⁷In ta Bai, Nta Kural".⁸Kel sinturion rispondel: " Sinhor, ami Nka meresi pa ki bu entra na nha kaza, fla só un palavra y nha servu ta ser kuradu, ⁹pamodi mi é un omi ku otoridadade y n ten soldadu. Nta ta flas: ' Bai' é ta bai, e pa otu : ' ben' é ta ben, e pa nha servu: ' faz keli', é ta fazi". ¹⁰Kantu Jizus obi kela, é fika admiradu y é flas pa kes ki staba ta sigil El: " Na berdadi in ta fla nhos ma nen na Israel ka atxa nigen ku txeu fé.¹¹In ta fla nhos: Txeu algen ta ben di lesti , oesti ta xinta na mesa ku Abraon, Isaki e Jakó, na renu di séu. ¹²Mas fidju di renu ta sr fulhadu na treva, undi ta ten txoru, ranger di denti". ¹³Jizus fla Kel sinturion: " bai" Sima bu akredita, ta ser fetu pa bo". Kel servu fui kuradu na kel mesmu ora.¹⁴Kantu Jizus entra na kaza di Pedru, e Djobi si sogra detadu ku febri. ¹⁵Jizus toka se mon, e febri pasa; na kel ora é labanta y é sirbil.¹⁶Kantu ki staba kuase di note, gente leba Jezus txeu ki staba dominadu pa dimõnios., y é spulsa kes spritu só ku un palavr, y é kuraba tudu kes ki staba duenti. ¹⁷Di kel forma li, cumpri kel ki prufeta Isaias fla: " É toma sobri El tudu nos duensa y é karega tudu nós infermidade".¹⁸¹⁹²⁰Kantu ki Jizus odja multidon na se volta, é da isntuson pa es bai pa otu ladu di mar di galileia. Nton bai skribas ti El y é fla: "Mestri, in ta sigui pa undi ki bu bai". Jizus flal: " Raposas ten se kaza, parsu ten se dinhu, mas fidju di omi ka ten ninhun kal pé diskansa kabesa".²¹²²Otu disiplu fla: " Sinhor, dexan bai primeru ba inera nha pai". Jizus fla: " Dexa mortu inera ses propri mortu".²³Kantu ki Jizus entra na barku , se disiplus sigil. ²⁴Nton ben gradi tepestadi, ki di tal manera kubri barku; y Jezus staba durmindu. ²⁵Disiplus bai kordal, ta flal: " Salvanu nhrodés, pamodi nu sta kuasi ta morri!"²⁶Jizus fla: " Pamodi ki nhos sta ku medu? Nhos e di pekena fé?" Ntons é labanta, é reprendi ventu ku mar, y kal fika kalmu. ²⁷Kes omi fika spantadu y es fla: " Keli e ki tipu di omi, ki ti ventu ku mar ta obidesi?²⁸Kantu Jizus txiga na otu ladu, na zona di gadarenus, dós omi, ki era kontraladu pa dimonius, atxal. Es staba ta binha di simiteri y es era txeu violentu, di tal forma ki ninhun viajanti ka ta podeba parsa pa kel kaminhu. ²⁹Nton es ta gritaba ta fla: " kuze ki nu ten ku bó, Fidju di Deus? Bu ben li pa tormentanu antis di tempu?"³⁰Ka mutu longi di la, staba txeu porkus ki staba ta kumé. ³¹Dimonius inplora Jizus Ta fla: " Se bu spusanu, mandanu pa kes porkus". ³²Jizus flas: " Bai" Dimonius sai y es bai pa porkus, nton tudu kel manada bua pa ladera txeu iclinada pa mar y kes porku morri na agú.³³Kes omi ki ta tamaba kota di kes porku es fugi, kantu kes entra na sidadi, es konta tudu, ti kuze ki kontise ku kel indimoniadu. ³⁴Nton tudu sidadi bai pa incontr ku Jizus. Kantu kes odja , es pidil pê sai di ses zona.

¹Jizus entra na un bárku, e kruza mar i e bai pa si própri sidádi. ²Nton es traze-l un ómi paralítiku detatu na un stera. Jizus odja pa ses fé, e fla paralítiku: Fidju, fika animadu. Bus pekádus dja stá purduadu.³Nton alguns di kes skribas fika ta kumenta és ku és: Es ómi stá blasfemiadu. ⁴Má, Jizus ki konxeba ses pensamentu, rabida fla-s: Pamódi ki nhos sa ta pensa mal di mi na nhos kurason? ⁵Kuzé ki é más faxi fla: Nhos pekádu dja stá purduadu o fla: Labanta i bu anda? ⁶Má, pa nhos sabe ki Fidju di ómi ten puder na téra pa purdua pekádu... - E fla pa paralítiku - labanta i bu panha bu stera i bai pa bu kaza.⁷Nton ómi labanta i e bai pa si kaza. ⁸Kantu kes muntu algén ki staba lá odja kel-la, es fika spantadu i es lova Déus, ki dá ómis es grandi puder. ⁹Kantu Jizus sai di lá, E odja un ómi ki ta txomadu Matéus, ki staba xintadu na undi ki es ta kobraba inpóstu, i E fla-l: Ben ku mi. E labanta i e bai ku El.¹⁰Inkuantu Jizus staba nun kaza, xintadu na meza pa kúmi, munti kobradoris di inpóstu i pekadóris ben i djanta djuntu ku El i ku ses disíplus. ¹¹Kantu farizeus odja kel-lá, es fla pa ses disíplus: Pamódi ki nhos méstri ta kúmi ku kobradóris di inpóstu i ku pekadóris?¹²Kantu Jizus obi kel-la, fla: Kenh a ki stá próntu ka meste dotor, só duentis ki meste. ¹³Nhos debe prende kuzé ki siginifika kel-li: N kré mizerikórdia más di ki sakrifisiu, pamódi N ka ben txoma justu pa arependimentu, má N ben txoma pekadoris.¹⁴Nton disiplus di Juãu bai ti Jizus i pergunta-l: Pamódi ki nós ku farizéus ta jejua sénpri, má bus disiplus ka ta jejua? ¹⁵Jizus responde-s: Pode kunbidadus di un kazamentu fika tristi inkuantu noivu stá djuntu ku és? Má, ta txiga dia, ki noivu ta tradu di ses méiu, i inton es ta jejua.¹⁶Ningén ka ta pui padas di pánu nóbu na rópa bedju, pamódi kel txapa ta sai i ta ratxa kel rópa más inda, mas grandi ki kel ki staba.¹⁷Ningén ka ta pui vinhu nóbu na bolsa di péli bedju, si nhos faze kel-lá, péli ta ratxa, vinhu ta lansa, i bolsa di péli ra spludi. Invés di kel-lá, vinhu nóvu ta pudu na bolsa di péli nóbu, i asi, es dôs ka ta straga.¹⁸Inkuantu Jizus staba ta nxina-s es kuza li, un ofisial djiga na El i dobra se duedju si dianti, ta fla: Nha fidju fémia dja móri gósi, ben i ben pui Bu mon riba del, e ta torna vive. ¹⁹Nton Jizus labanta i e bai, i ses disiplus bai ku El.²⁰Brisi, un mudjer, ki durantu duzi anu ta sufriba di murujia, ben pa trás di Jizus i toka-l na ponta di Si rópa; ²¹pamódi e fla pa el mé: Si N tóka na si rópa, N ta ser kuradu. ²²Lógu Jizus vira, i kantu E odja-l E fla-l: anima Fidju fémia, bu fé dja kura-u. I kel óra mé, mudjer fika kuradu.²³Kantu Jizus entra na kaza di un ofisial, E odja ki flautistas i munti algén staba ta fazeba txeu barudju; ²⁴E fla: Nhos salta fóra di li, pamódi minina ka stá mórtu, má e sata dúrmi. I gentis kumesa ta ri i ta faze-l trosa.²⁵Kantu tudu kes algén pudu pa fora, E entra na kuartu, E pega minina pa mon i e labanta. ²⁶I kel nutisia li spadja pa tudu kel zona.²⁷Inkuantu Jizus ba ta bai pa frénti, dôs ómi ségu, kumesa ta sigi-l, ta djata i fla: Ten pena di nós, Fidju di Dávi. ²⁸Kantu Jizus entra na kaza, kes ómi ségu txiga se bera. Jizus fla-s: Nhos ta kredita ma N pode faze kel-li? Es rusponde: Sin, Sinhor.²⁹Nton Jizus toka-s na ses odju i fla: Ki kuntisi sima nhos fé. ³⁰I ses odju txiga abri. Nton Jizus dá-s un órdi rixu: Ka nhos dexa ningén sabe di kel-li. ³¹Má kes dôs ómi sai ta spadja es nutisia pa tudu kel zona.³²Inkuantu kes dôs ómi ba ta bai ses kaminhu, un ómi mudu pusuídu pa un dimóniu trazedu ti Jizus. ³³Kantu dimóniu tradu di el, ómi muda pâpia. Kes munti algén ki staba lá i odja, fika spantadu i es fla: Kil-li gó, nunka ka odjadu antis na Israel. ³⁴Má farizeus fla: E pa xéfi di dimónius ki E ta tra dimónius.³⁵Jizus bai pa tudu sidádi ku povuadu, ta inxina na ses sinagoga, ta prega Nutisia Sábi di reinu, i ta kura tudu tipu di duensa ku muléstia. ³⁶Kantu e odja txeu géntis, e xinta pena di és, pamódi es staba kansadu i perdidu, sima ribanhu ki ka ten pastor.³⁷E fla pa ses disiplus: Kau pa simia é grandi, má gentis pa trabadja stá póku. ³⁸Purtantu, nhós pidi pa dónu di simentera pa manda más gentis pa trabadja na si simentera.

¹Jizus, riuni si dozi disiplus, dá-s puder sobri spritus imundu, pa botá-s fora (spulsa-s) i pa kura tudu tipu di duensas i padisimentus.²Nomi di kês dozi apostulus era: primeru, Simãu, ki tanbé txomaba Pedru, i André, si irmón; Tiagu, fidju di Zebedeu, i Juãu, si irmôn; ³Filipi i Bartulumeu; Tumé i Mateus, kubrador di inpostus; Tiagu, fidju di Alfeu; ⁴Simãu, zeloti, i Judas Iskariotis, ki ta bén traiba El.⁵Jizus invia kes dozi; El instruis, ta fla: ''Ka nhos bai pa ninhum lugar undi gentius ta vivi i ka nhos entra na ninhun sidadi di samaritanus. ⁶Inbes disu, nhos ba spia kes ovelhas perdedu di kaza di Israel. ⁷I korformi nhos ta bai, nhos prega i fla: 'Reinu di Séus sta pertu'.⁸Nhos kura duentis, risusita mortus, purifika leprozus i ixpulsa dimónius. Di grasa nhos resebi, di grasa nhos da tanbe. ⁹Ka nhos leba ôru, prata, nem bronzi na nhos sintu, ¹⁰ninhun bolsa pa nhos kaminhada, nen dôs ropa, nen sandália, nen kajadu, pamodi dignu e trabadjador di se kumida.¹¹Na kulker sidadi ô povuadu ki nhos entra, spia kenha ke dignu la, i nhos fika la ti ki nhos bai inbora. ¹²Oras ki nhos entra na kaza, nhos kunprimenta-l. ¹³Si kaza e dignu, nhos dexa pás sobri el, mas s-ê ka dignu, ki nhos pás volta pa nhos.¹⁴Pa kés ki ka resébi nhos ô obi nhos palavra, óra ki nhos ta sai di kel kaza ô sidadi, nhos tra puera di nhos pé. ¹⁵Na verdadi Nta fla nhos: ta ten mas toleransa pa tera di Sodoma ku Gomora na dia di julgamentu du ki pa es sidadi.¹⁶Nhos odja ma Nta invia nhos sima ovelha pa meiu di lobus, purtantu ser intilijenti moda serpenti i simplis moda pomba. ¹⁷Nhos sta atentu ku gentis, pamodi es ta intrega nhos na tribunal i na ses sinagogas, i nhos ta ser xikotiadu. ¹⁸Pamodi mi ês ta lêba nhos dianti di guvernantis i reis, komu tistimunhu pa ês i pa jentius.¹⁹Ora kes intrega nhoos, ka nhos fika ansiosu sobri modi ô kuzé ki nhos sta ba fala, pamodi nhos ta dadu kuza fala na kel ora la. ²⁰Pamodi e ka nhos ki ta fala, más Spritu di nhôs Pai ki ta fala pa nhôs.²¹Irmons ta intrega irmons pa morti, i pai a se fidju. Fidjus ta rivolta kontra sês pais i ta matá-s. ²²Nhos ta ser odiadu pa tudu algén pamodi nha nomi, mas kel ki insisti di fin ta ser salvu. ²³Òra k-és prisigi nhôs na kel sidadi li, nhos kori pa prosimu sidadi, pamodi na verdadi nta fla nhos: nhos ka ta kunsigi bai pa tudu sidadi di Israel, antis ki Fidju di Ômi ben.²⁴Disíplu e ka mas grandi ki si mestri, nen servu ta sta riba di se Sinhor pa disiplu. ²⁵E sufisienti el ser moda sê mestri, i servu sima se sinhor. Si ês txoma donu di kaza di Belzabu, pior inda ta ser nomi kes ta da pa kês otus membrus di se kaza!²⁶Nton, ka nhôs teima, pamodi ka ten nada kubertu ki ka ta ser diklaradu, i nada sukundidu ki ka ta ser diskubertu. ²⁷Kuza ki-nta fla nhôs na sukuru, nhos flá-l na luz di dia i u ki nhôs obi susuradu na nhôs obidu, nhôs proklama-l riba kazas.²⁸Ka nhos ten medu di kes, ki ta mata korpu, mas ka ta kunsigi mata alma. Inb-és disu, nhôs ten medu di Kel ki podi distrui tantu alma komu korpu na infernu. ²⁹Ka ta bendedu dôs txota pa un muedinha? Mesmu asin, inhum dês ka ta kai na txôm si nhôs Pai ka sabi. ³⁰Mas tê kabelu di nhôs kabesa, sta tudu kontadu. ³¹Ka nhôs ten medu. Nhôs ten màs valor ki txéu txota.³²Purtantu, tudu kel ki na mi konfesa dianti di ómis, mi tanbé n ta konfesa dianti di ha Pai ki sta na Seú. ³³más, kel ki nega-m dianti di ómis, Mi tanbé N ta nega-l dianti di Nha Pai ki sta na Séu.³⁴Ka nhôs pensa ma Min ben trazi pás riba tera; N ka ben trazi pás, mas spada. ³⁵N ben pui ómi kontra si pai, i fidju fêmia kontra si mãi, i nora kontra si sogra. ³⁶Inimigus di ómi e kes di se pripiu kaza.³⁷Kel ki ta ama pai ó mãi mas ki Mi, e ka dignu di Mi; I kel ki ta ama fidju matxu ô fidju fémia más di ki mi, e ka dignudi Mi. ³⁸Kel ki ka ta pega si krus i sigi-m e ka dignu di Mi. ³⁹Kel ki atxa se vida, ta perdê-l; más kel ki perdi si vida pamodi Mi ta atxá-l.⁴⁰Kel ki ta resebê-nhos, e mi kel rasebi, kel ki resebê-M tanbé ta resebê kenha ki invia-M. ⁴¹Kel ki rasebi un prufeta, ta resebi rikonpensa di prufeta, i kel ki resebi un ómi justu, pamodi e un ómi justu, ta resebi rikonpensa di ómi justu.⁴²Kenha ki da mesmu un kopu d-água a un di kés pikinoti, pa,odi e un disiplu, na verdadi N ta fla nhós: el ka ta perdi se rikonpensa di ninhum manêra.

¹Kantu Jizus kaba di instrui ses duzi disiplus, E bai di lá pa inxina i prega na ses sidadi. ²Juãu, kantu dentu Kadiâ é obi di kuzas ki Jizus sa ta fazeba, e manda-L un mesaji pa bóka di ses disiplus ³ta fla si: É Bo ki staba pa binha ô izisti otu algén ki nu debe spera?⁴Jizus rusponde-s: Nhos bai i nhos konta pa Juãu kuze ki nhos odja i obi: ⁵Ségus sa ta resebe vizon, mánkus sa ta anda, leprozu sa ta purifikadu, surdus sa ta obi, mórtus sa ta torna vive, i koitadus sa ta obi nutisia sábi. ⁶I abensuadu é kel ki ka ta atxa mutivu di dá topada na Mi.⁷Timenti es sa ta baba pa ses kaminhu, Jizus kumesa ta fla pa kes munti algén sóbri Juãu: Kuzé ki nhos bai odja na dizértu? Un káris ta ser balansadu pa béntu? ⁸Kuze ki nhos bai odja? Un ómi bistidu ku rópu bazofu? Dimidivera, kes ki ta bisti ku rópa bazofu ta vive na palásiu.⁹Nhos fla-m, kuzé ki nhos bai odja? Un prufeta? Sin, N ta fla nhos: Más ki un Prufeta. ¹⁰A el é di kenha ki stá skritu: Nhos odja, Ami N sa ta manda nhos Nha mensajeru dianti bu róstu, kel ki ta ben kónpu kaminhu dianti di bo.¹¹Dimidivera N ta fla nhos: Di kes ki nási di mudjer, ningén é ka mais grandi ki Juãu Batista; má, kel ki é más pikinóti na Reinu di Séu é más grandi ki el. ¹²Désdi ténpu di Juãu Batista ti dia di oji, Reinu di Séu ta súfri violensia, i ómis ta uza di violensia pa toma Reinu di Séu pa forsa.¹³Pamódi tudu prufeta ku lei prufetiza ti Juãu. ¹⁴I si nhos kré aseta kel-li, el é Ilias, ki staba pa ben. ¹⁵Kenha ki ten obidu pa óbi, nton óbi.¹⁶Ku kuzé ki N ta konpara es jerason? É sima kriansa ki ta brinka na merkadu, ki xinta i txoma kunpanheru ¹⁷i ta fla: Nu toka flauta pa nhos, i nhos ka badja. Nu lamenta, i nhos ka txora.¹⁸Pamódi Juãu ben, ka ta kúmi i ka ta bébi, es fla: E stá ku dimóniu. ¹⁹Fidju di Ómi ben, ta kúmi i ta bébi, es fla: Odja-L, El é un óbi bafador i mokérju, amigu di kobradóris di inpóstu i di pekadóris! Má sabedoria ta justifikadu pa ses obra.²⁰Nton Jizus kumesa ta reprende sidadis undi ki E faze txeu milagris, má géntis ka rapende. ²¹''Ai di bo, Korazin! Ai di bo, Betisaida!'' Si milagris ki fazedu na nhos meiu kuntisiba na Tiru i Sidon, dja duraba ki djes rapendeba ku rópa di sáku i ku sinza. ²²Na dia di julgamentu ta tendu más paxenxa ku Tiru i Sidon di ki pa nhós.²³Abo, Kafarnaun, bu ta ser labantadu ti txiga séu? Nau! Bu ta ser fulhadu pa fundu, pa inférnu; pamódi, si na Sodoma kuntisiba milágris ki fazedu na bó, Sodoma ta izistiba ti oji. ²⁴Má n ta fla-bu ki ta ser más fásil pa téra di Sodoma, na dia di julgamentu, di ki pa bo.²⁵Nakél mumentu, Jizus fla: N ta ngaba-u, Pai, Sinhor di séu i di téra, pamódi bu sukundi kes kuzas li di sábius i kes ki ta ntende, i bu revela-s pa kriansinhas. ²⁶Sin, Pai, pamódi é si ki bu disidi faze. ²⁷Nha Pai kunfia da-M tudu kuza, i ningén ka konxe Fidju, anonser Pai, i ningén ka kónxi Pai, anonser Fidju i pa kel ki Fidju dizeja mostra.²⁸Nhos ben pa Mi tudu kes ki stá kansadu i ku munti pézu, i Ami N dá nhos diskansu. ²⁹Nhos toma Nha karga riba nhos i nhos prende di Mi, pamódi Ami é mansu i umildi di kurason, i n hos ta atxa diskansu pa nhos alma, ³⁰pamódi nha pézu é suavi i nha karga é levi.

¹Na kel tenpu, Jizus pasa na plantason si Sereal, na sabadu. Ses disiplus staba ku fómi i kodji spiga pa kumé. ²Ma, kantu farizeus odja, es fla Jizus: "Odja li, bu disiplu sa ta fazi kuzas ki ka ta permitidu na dia sabadu".³Ma Jizus fla-s: "Nunka nhos lé kuzas ki Davi fazi kantu ses ómi staba ku fómi? ⁴E kanba na kaza Nhordés, i kumi pon separadu, kes ka divia kumeba, nen kes ki staba ku el, pamodi era permitidu somenti pa saserdotis.⁵Nhos ka le na lei, na sabadu, saserdoti dizobedesi es dia na tenplu, i es fika diskulpadu? ⁶timenti n ta fla nhos: sta li Kel ki é mas grandi ki tenplu.⁷Si nhos sabeba kuze ki ta siginifika: 'N kre miserikórdia i nau sakrifísiu', nhos ka kondenaba nosentis, ⁸pamodi fidju di Ómi e Sinhor di sabadu.⁹N ton Jizus sai i bai pa sinagoga. ¹⁰Staba la un ómi ku mon manku. Farizeus pergunta Jizus: "algén podi se kuradu sabadu? Di manera kes ta kuzaba El di peka.¹¹Jizus fla-s: "Kal di nhos, ki ten un ovelha só, i, se ovelha kai na braku fundu, na sabadu, ka ta ba tra-l di kel braku? ¹²Ómi ten mas valor ki un ovelha. n ton, podi fazi kuzas dretu sabadu tanbé".¹³N ton Jizus fla pa ómi: "stendi bu mon". El stendi e se mon fói kuradu, fika sima kel otu mon. ¹⁴Ma farizeus ta saiba pa papia mal kontra Jizus, pa sabi modi ki ta mataba El.¹⁵Jizus, persebe kel intenson, i sai di la. Txeu algén sigi-l, ¹⁶i El kura tudo es i manda-s pa ka spalha, ¹⁷pa kunpri verdadi ki prufeta Izaías flaba:¹⁸Nhos odja nha servu ki n skodji, nha kretxeu, kel ki ta dan txeu alegria. N ta pui nha spiritu se riba, e El ta nunsia justisa pa jentius.¹⁹E ka ta diskuti, nen djata, ningén ka ta obi se voz na rua. ²⁰El ka ta kebra un kana tursidu, El ka ta paga pó di lumi, ti ke leba justisa ta vensi, ²¹i jentius ta konfia na se nomi".²²Gentis leba pa Jizus un ómi segu i mudu, ki tinha dimóniu i El kura-l. U rezultadu foi ki ómi pasa ta obi i fala. ²³povu fika txeu kontenti i fla: "Ómi li podi ser fidju di Davi?"²⁴Ma, kantu farizeu obi des milagri, fla: "Es ómi ta tra dimóniu so pa puder di Belzibu, prinsipi di dimónius". ²⁵Jizus, ki konxeba ses pensamentus, fla-s: "Tudu reinu divididu és ku és ta sta kebradu, i tudu sidadi ô kaza divididu és ku és ka ta dura.²⁶Si satanas tra satanas, e sta divididu na el mezmu; modi ki se reinu ta dura? ²⁷I si n ta tra dimónius pa Belzibu, na ken ki nhos fidju ta tra-l? Pamodi keli, es ta ser juizu di nhos.²⁸Ma si nta tra dimónius pa Spiritu di Déus, n ton Reinu di Déus dja txiga pa nhos. ²⁹Modi ki algén ta furta ómi forti ses ka prende-l priméru? N ton, es ta furta ses kuzas na kaza. ³⁰Kenha ki ka sta ku mi e nha diversariu, i kes ki ka sta djunta ku mi ta spadja.³¹Pamodi keli, n ta fla nhoz: "tudu pekadu i txakota ta ser perduadu, ma kes txakota kontra Spirituka ta perduadu. ³²Kenha ki fla algun palavra kontra fidju di Ómi, ta ser perduadu; ma kes ki fala kontra u Spiritu Santu, ka ten perdon, nen nes mundu, nen na mundu ki sa ta ben.³³Si un arvori e bon, si frutu ta ser sabi; se un arvori e ka dretu, si frutu kan-presti, pamodi arvori bu ta konxi pa si frutus. ³⁴Disgrasadus, nhos e mau, modi ki nhos podi fla kuzas bon? pamodi boka ta fla kuzas ki korason sta xeiu. ³⁵Ómi bon, ta tra kuzas bon, di se dizoru ago, ómi mau, ta tra só kuzas mau di si tizoru.³⁶N ta fla nhoz ma, na dia di juizu, tudu algén ta presta konta di tudu palavra mariadu ke papia. ³⁷pamodi, pa nhos palavra nhos ta ser justifikadu, i pa nhos palavra nhos ta ser kondenadu".³⁸N ton, alguns skribas i farizeus fla Jizus: "Mestri, nu kre odja un sinal di bo". ³⁹Ma Jizus respende-s: "un jerason mau i adultera sa ta djobi un sinal; ma ninhun sinal ka sa ta dadu, somenti kel di Jonas, u prufeta. ⁴⁰Pamodi sima Jonas staba trés dia e trés noti na bariga di grandi pexi, asi ta sta fidju di Ómi trés dia i trés noti na korason di téra.⁴¹Ómi di Ninivi labanta, na juizu, kontra ke-l jerason di algén i es kondenal-l, pamodi es rependi ku pregason di Jonas, ma, gosi sta li kenha ki é maior ki Jonas.⁴²Rainha di Sul labanta, na juizu, ku ómi des jerason i El ta kondena-s, pamodi El ben di lugar lonji pa obi sabidoria di Salomon, ma, sta li algén ki e maior ki Salomon.⁴³Kantu ki spiritu mau ta sai di un ómi, e ta anda pa lugaris seku ta djobi diskansu, ma ka ta atxa. ⁴⁴N ton e fla: "N ta volta pa nha kaza, undi kin sai'. Ô ke volta, ta atxa kaza linpu i en orden. ⁴⁵N ton el ta bai i ta trazi ku el otu seti spiritu mas pior ki el, i tudu és ta entra na vivi na kaza. N ton situason final di kel ómi ta sta pior ki primeru. Keli ta kontisi ku es jerason mau".⁴⁶inkuantu Jizus sa falaba pa multidons, txiga se mai ku ses irmon stava na ladu di fora, ta djobeba El. ⁴⁷algén fla Jizus: "Odja, bu mai ku bus irmon sa ta djobeu es mesteu".⁴⁸Ma Jizus flas pa kel ki da-l rekadu: "kenha ke nha mai? I ken ki e nhas irmon?" ⁴⁹N ton Jizus labanta se mon pa se disipulu i fla: "Odja, ali sta nha mai e nhas irmon! ⁵⁰Pamodi kel ki ta fazi vontadi di nha Pau ki sta na séu, kel algén ki e nha irmon i nha mai".