¹Mukutampa, Lesaa apangile umulu ne chalo. ²Icalo califye icimfundawila elo tamwali nangu kamo. Imfimfi yali pamulu wamenshi ayashika. Umupashi wakwa lesa walikwendauka pamulu wamenshi,³Lesa alandile ati, ''Nakube ulubuto,'' elo nolubuto lwalibeleko. ⁴Lesa wamwene ulubuto ukuti caliubune. Ayabenye ulubuto ukufuma kumfinshi. ⁵Lesa ainike ulubuto akasuba, ''elo nenfinshi ainike ''ubushiku,'' Ili kwali icungulo elo kwaba na kasuba , ubushiku bwakutampilapo. Lesa alandile ati, ''⁶Lesa alandile ati, ''nakube iulu, pakati kamenshi ilyakwabanya amenshi kumenshi yanankwe.'' ⁷Lesa alipangile iulu elo ayabanya amenshi ayo ayali pesamba lye ulu ukufuma kumenshi ayo ayali pamulu weulu. Ifi efyo cali. ⁸Lesa wainike iulu '''umulu.'' Ili kwli icungulo elo kwisaba na kasuba, ubushiku bwa cibili.⁹Lesa alandile ati, ''Nakube ukukolongana kwa menshi ayali pesamba lya mulu yabe pamo mu ncende imo, na umulundu umoneke.'' Ifi efyo cali. ¹⁰Lesa wainike umulundu ''icalo'' elo na menshi ayakolongene pamo anika ''bemba'' Alibwene ukuti cili ubune.¹¹Lesa alandile ati, ''Pacalo napamene ifimena; ifilimwa ifitwala imbuto elo nefimuti ifitwala ifisabo ifyo ifili ne nseke mu fisabo, cila cimo ukukonka nemisango yafiko.'' Ifi efyo cali. ¹²Icalo cameneshe ifimenwa,ifilimwa fyatwele ifisabo mumisango yafiko, elo ne fimuti fyatwele imbuto ishalimo, mumisango yafiko. Lesa wabwene ukuti cili ubune. ¹³Ili kwali icungulo elo kwaisaba na kasuba , ubushiku bwa citatu.¹⁴Lesa alandile ati, ''Nakube ulubuto mu mulu ulwa kwabanya akasuba ukufuma ku nfinshi elo nafyo nafibe ngefilangililo,fya nshita, akasuba elo ne myaka. ¹⁵Nafibe ulubuto mu mulu ku kupela ulubuto ku calo. ''Ifi efyo cali.¹⁶Lesa alipangile ifisaniko ifikalamba fibili, icisaniko icikalamba icakutungulula akasuba,elo icisaniko icinono icakutungulula ubushiku. Elo kabili walipangile ne ntanda. ¹⁷Lesa afibikile mu mulu kukupa ulubuto ku calo, ¹⁸kukutungulula akasuba elo no bushiku, elo kabili no kwabanya ulubuto ukufuma ku nfinshi. lesa wabwene ukuti cili ubune. ¹⁹Ili kwali icungulo elyo kwaisaba na kasuba, ubushiku bwakulenga cine.²⁰Lesa alandile ati, ''Amenshi nayesulemo impendwa iikalamba iya fibumbwa ifya mweo, elo kabili ifyuni na fipupuke mwi iulu pa mulu wa calo mu mulu.'' ²¹Lesa apangile ifibumbwa ifikulu ifya muli bemba, pamopenefye ne cibumbwa conse ica mweo mu misango yafiko, ifibumbwa ifyenda elo kabili ne fikulaika mu misango yafiko mumenshi monse, elo ne cuni conse icipupuka mu misango ya ciko. Lesa alibwene ukuti cili ubune.²²Lesa alifipalile, ukulanda ukweba ati, ''Fyaleni elo mufue, elo nokwisushiwa mu menshi muli bemba. Ifyuni nafifule mu calo.'' ²³Ili kwali icungulo elo no lucelo, ubushiku bwalenga cisano.²⁴Lesa alandile ati, ''Icalo nacikwate ifibumbwa fya mweo, cila cimo mu misango yaciko, ifitekwa, ifikulika, inama shampanga, cila cimo mu misango yaciko.'' Ifi efyo cali. ²⁵Lesa apangile ifinama fyampanga mu misango yafiko, ifitekwa mu misango ya fiko elo na fyonse ifikulika pa mushili mu misango ya fiko, Lesa alibwene ukuti cili ubune.²⁶Lesa alandile ati, ''natupange umuntu mucipasho cesu, uwapalana na fwebo. Babe na bukateka pesabi lya muli bemba, pa fyuni fya mwi iulu, pa fitekwa, pa calo conse, elo naku cikulika conse icikulika pa calo. ²⁷Lesa apangile umuntu mu cipasho cakwe umwine, mu cipasho cakwe umwine emo apangile umuntu. umwaume elo no mwanakashi emo abapangile.²⁸Lesa alibapalile elo alandile kulibo ati, ''Fyaleni, elo mufule. Isusheni icalo, noku cinasha. kwateni bukateka pe sabi lya muli bemba, pa fyuni fya mwi ulu, elo napa camweo conse icenda pa calo.'' ²⁹Lesa alandile ati, ''Bona, Nalikupela icimuti conse icitwala imbuto pano calo, elo ne cimuti conse icili ne cisabo icikwete imbuto. Fikaba fyakulya fyenu.³⁰kufinama fyonse ifya mpanga, ku cuni conse ica mw iulu, elo nakuli conse icikulika pa calo, elo naku cibumbwa conse icikwete ubumi bwa mweo namipela icilimwa conse ukuba icakulya.'' ifi efyo cali. ³¹Lesa alibwene fyonse ifyo apangile. Boneni nafiwamisha. Ili cali icungulo elo no lucelo, ubushiku ubwalenga mutanda.

¹Eluntu umulu elo ne calo fyapwililike, elo ne fya mweo fyone ifyalimo. ²Ubushiku bwakulenga cinelubali Lesa apwile imilimo iyo acitile, elo atushishe pa bushiku bwakulenga cinelubali ukufuma kumilimo yonse iyo acitile. ³Lesa apalile ubushiku bwaku bwa cinelubali nokubusangulula, pantu ebo atushishemo ukufuma ku milimo yonse iyo acitile mubumbo bwakwe.⁴Ifi efyacitilwe mukubumbwa kwa myulu elo ne calo, uluntu fyena fyapangilwe, mubushiku ubo Yahweh Lesa apangile iclo elo ne myulu. ⁵Takwaliko icimpukusa ica mumpanga icamenene mu calo, elo takwali icilimwa icaliko mumpanga icamenene, pantu Yahweh Lesa ali ninshi talalokesha imfula pa calo, elo tapali nomuntu wakulima umushili. ⁶Lelo umume walikunina ukufuma pa calo elo walikubomfya pamulu wa mushili.⁷Yahweh Lesa aishile kubumba umuntu ukufuma kulukungu lwa mushili, elo aputile mumyona yakwe umupu wa bumi, elo umuntu aishile kuba icibumbwa cabumi. ⁸Yahweh Lesa alimine ibala lubali kukabanga, mu Eden, elo mulya abikilemo umuntu uyo abumbile.⁹Ukufuma mumushili Yahweh Lesa apangile icimuti conse ukumena icaweme mukuboneka elo icabune mukulya. Ukubikapo necimuti cabumi icali pakati kebala, elo necimuti cakwishiba ubune elo no bubi. ¹⁰Umumana wafumine mu Eden ukutapilila ibala. Ukutula lilya line walyakanishiwe waishile kuba imimana ine.¹¹Ishina lya wakutampilapo ni Pishon. Eumo wine umupongoloka ukushinguluka impahga yonse ya Havilah, umo umwaba golide. ¹²Na golide ya muli ilya mpanga yabune. Kabili mwalibamo bdellium elo nelibwe lya onxy.¹³Neshina lya mumana wa bubili ni Gihon. Uyu nao ukonkolokela ukushinguluka impanga yonse iya Kushi. ¹⁴Neshina lya mumana wa butatu ni Tigris, elo ukonkolokela ku kabanga ka ku Ashur. Umumana wakulenga bune ni Euphrates.¹⁵Yahweh Lesa aishile kubula umuntu elo amubikile mwibala lya Eden ku kulilima no kuliwamya. ¹⁶Yahweh Lesa akonkomeshe umuntu, aishile kulanda, ''Ukufuma kucimuti conse icaba mwibala muli abantungwa ukulyako. ¹⁷Lelo ukufuma kucimuti cakwishiba ubune leo no bubi tamufwile ukulyako, pakuti ubushiku ubo bwine bushiku mukalyako, mucacine fye mukafwa''¹⁸Eluntu Yahweh Lesa aishile kulanda, ''Taciweme ukuti umuntu ekale eka. Nkomupangila uwakumwafwa uwakulingana naye.'' ¹⁹Ukufuma mumushili Yahweh Lesa apangile inama shonse ishampanga elo ne fyoni fyonse ifya mumulu. Elo aishile kushitwala ku muntu abone ifyo enga finika. Ukulingana ne fyo umuntu ainikile icibumbwa ca bumi, efyo ishina lyaba. ²⁰Umuntu aishile kupela amashina kufitekwa fyonse, ku fyoni fyonse ifya mumulu, elo nakufinama fyonse ifya mpanga. Lelo ku muntu umwine takwali uwakumwafwa kulingana naye.²¹Yahweh Lesa aponeshe umuntu mutulo utukulu, kanshi umuntu alilele. Yahweh Lesa, aishile kubula lumo ulwa mbafu shakwe elo aiselepo umunofu apo abulile ulubafu. ²²Palubafu ulo Yahweh Lesa abulile ukufuma ku mwaume, aishile kupangilamo umwanakashi elo aishile kumutwala na ku mwaume. ²³Umwaume aishile kulanda, ''Iyi nshita , uyu ena lifupa lya mumafupa yandi, elo munofu wa mumunofu wamdi. Akulakutwa 'umwanakashi,' pakuti afumine mu mwaume.''²⁴Eico umwaume akasha wishi elo na nyina, ali no kuba cimo no mwanakashi wakwe, elo bakaba umubili umo. ²⁵Bonse bali ubwamba, umwaume elo no mukashi wakwe, lelo tabali ne nsoni.

¹Nomba insoka yali iyakucenjela pafya mweo fyonse ifya mumpanga ifyo Yahweh Lesa abumbile . Yaishile kulanda ku mwanakashi ati, ''Bushe cine cine Lesa alilanda ati, ' Tamufwile ukulya ku cimuti nangu cimo mwibala'?'' ²No mwanakashi aihile kulanda ku cisoka ati, Kuti twalya ifisabo ukufuma ku cifimuti fye fyonse ifya mwibala, ³lelo ukulola ku imuti icili pakati ke bala, Lesa alandile ati, ' tekuti mucilyeko, nangula ukucikatako iyoo, pantu mukafwa.''⁴Necisoka calandi kumwanakashi ati,'' mucefye tamwakafwe. ⁵Pantu Lesa alishibile ati ubushiku mikalyako amenso yenu aykesuka , kabili mukaba nga Lesa, mukwishiba ubune no bubi.'' ⁶Uluntu umwanakashi abwene ukuti icimuti cali weme kufilyo, elo fyali ifya bune kumenso, kabili ici cimuti caliweme mukupela umo amano, alibulilepo fimo ifisabo nokulya .Eluntu apeleko nu mulume uyo bali nankwe, nae alilile.⁷Namenso ya bonse babili yalisukile, nabo balishibile ati bali umuneke. Bena babilinkenye amabula ya mukunyu pamo no kwisa kuyapanga ifya kufimbana abene. ⁸Balyumfwile iciunda cakwa Yahweh Lesa alikwenda mwibala mucunglo kasuba , elo umwaume no mwanakashi wakwe balifisamine kukutina ukumonana na Yahweh Lesa mu fimuti fya mwibala.⁹Yahweh Lesa akutile umwaume no kumweba ati, ''Ulikwisa?'' ¹⁰No mwaume ati, '' Nacimwimfwa mwebo mwibala , nomba nacitina, pantu nalifye umuneke. Efyo nacifisamina.'' ¹¹Lesa alandile ati, nani akwebele ati wali umuneke? Bushe walilileko ku cimuti ico nakukonkomeshe webo ukwebati wikalyako?''¹²No mwaume alandile ati,'' Umwanakashi uyo mwampele ukwisakuba nandi, alimpele icisabo ukufuma ku cimuti, efyo nandi nalile.'' ¹³Yahweh Lesa alandile ku mwanakashi ati,'' Findo ifi wacita?'' Umwanakashi ati,'' insoka yalimbepele, elo nandi nalilile.''¹⁴Yahweh Lesa alandile ku nsoka ati,'' Pantu wacita ifi, watipwa webofye weka pafitekwa fyonse napa finama fya mumpanga fyonse. Palufumo lobe epo ukalikukulikila, elo ukalekulya iloba mu nshiku sha mweo obe shonse. ¹⁵Nkabika abalwani pali webo no mwanakashi, napakati ka bufyashi bobe no buyashi bwakwe. Akashonaula umutwe obe elo nobe ukamusuma kucishishile.''¹⁶Kumwanakashi alandile ati,'' nkakukushisha ubukali bwa mpapo yobe; nimuli ububwine bukali emo ukapapila abana. Ukai mukukabila umulume obe, nomba nae akaklimukukuteka.''¹⁷Nakuli Adam alandile ati,'' pantu ulyumile kwi shiwi lya mukashi obe, elo ulilileko ku cimuti, ukulingana nefyo nakukonkomeshe webo, ukwebati wikalalyako; watipwa umushili pa mulandufye obe; ukupitila mumulimo ya kucucutika emo ukalikufumya ifyo ukalekulya inshiku shonsefye isha mweo obe. ¹⁸Fikakumesesha imyunga na ficilasa, elo ukalekulya ifilyo fya mwibala. ¹⁹Kumabe yapa mpumi yobe eko ukalimukulila ifilyo, mpakafye ilo ukabwelela kwi loba eko wafumine. Pantu uli lukungu webo, elo kulukungu eko ukabwelela.''²⁰Nomwaume akutile umukashi wakwe ishina Eve pantu ali ninyinabo wa conse icamweo. ²¹Yahweh Lesa, apangile Adam no mukashi wakwe ifilaya fya umpapa no kubafwika.²²Yahweh Lesa alandile ati,'' Nomba umuntu aba kubati nifwebo, ukulekwishiba ubune no bubi. Nomba tali wakusuminisha neminwe yakwe, ukuswako kucimuti ca bumi ukulyako, elo no kwikalilila umuyayaya.'' ²³Eico Yahweh Lesa ali mutamfishe ukumufumya mwibala lya Eden, mukuya mukulima umushili uyo afumineko. ²⁴Na Lesa alimutamfishe umwaume mwibala, elo abikilemo Kerebi ku kabanga kebala lya Eden, elo no lupanga ulwalikubilima no kushingulukafye konse konse, pakweba ati lulekulonda inshila yakuya ku cimuti ca bumi.

¹No mwaume aishibile Eva umwina mwankwe nokufyala Kaino. Aishile kulanda ati, ''Ndifyele umwaume ukupitila mumaka yakwa Yahweh.'' ²Eluntu aishile kufyala munyina Abeli. Nomba Abeli aishile kuba kacema, lelo Kaino alikulima umushili.³Caishile kuba mukuya kwa nshita Kaino aishile kuletapo fimo pafisabo fya mumushili ukupela umutulo kuli Yahweh. ⁴Abeli ena, aishile kuleta ifya pamabeli yamabumba yafitekwa na mafuta yamo. Yahweh alipokelele Abeli no mutulo wakwe, ⁵Lelo Kaino no mutulo wakwe tapokelele. Kanshi Kaino aishile kufulwa iciibi, ne cinso cakwe caliponene.⁶Yahweh aishile kulanda kuli Kaino ati, ''Nindo wafulilwa elo nindo icinso caponena? ⁷Ngoli citile icabune, bushe ngataupokelelwe? Nomba ngataucitile icabune, ulubembu lulikubelamine pa mwinshi elo lukofwaya ukulekutungulula, nomba ufwile walucimfya.⁸Kaino aishile kulanda kuli Abeli munyina. Ulo bali mumpanga, Kaino aishile kwimina Abeli munyina elo mwipaile. ⁹Eluntu Yahweh aishile kulanda kuli Kaino ati, Abeli munonko alikwisa?'' Aishile kulanda ati, ''Nteshibile. Bushe ninebo malonda wakwa wesu?''¹⁰Yahweh aishile kulanda ati, ''Findo wacita? Umulopa wakwa wenu ukokuta kuline ukufuma mumushili. ¹¹Kanshi watipwa webo ukufuma kumushili. Uwacenamuna akanwa kauko ukupokelela umulopa wakwa wenu ukufuma ku minwe yobe. ¹²Uluntu walima umushili, ukutulafye ililine na kuntanshi tafyaka twale sana namaka. Ukalapitanafye elo ukalekusabantafye pa calo.''¹³Kaino aishile kulanda kuli Yahweh ati, ''Ukukandwa kwandi kwacila tekuti nkumemo. ¹⁴Icine, mulintamfishe lelo ukufuma pamushili, elo nkalekufisama kucinso cenu. Nkaba kapitana elo kasabanta mucalo, elo onse uwinga nsanga akanjipaya.'' ¹⁵Yahweh aishile kulanda kuli ye ati, ''Uuli onse uwaipaya Kaino, akomwa ukufika kumiku cine lubali.'' Eluntu Yahweh aishile kubika icakwishibilako pali Kaino, ukweba ati onse umuntu uwamusanga, emusansa.¹⁶Eico Kaino aishile kufuma pacinso cakwa Yahweh aile kwikala mumpanga yaku Nod, kukabanga ka Edeni. ¹⁷Kaino aishile kwishiba umukashi wakwe elo aishile kwimita. Aishile kufyala Enoki. Aishile kukula no musumba aishile kuwinika neshina lya mwana wakwe Enoki.¹⁸Kuli Enoki kwaishile kufyalwa Irad. Irad aishile kuba wishi wakwa Mehujaeli. Mehujaeli aishile kuba wishi wakwa Methushael. Methushael aishile kuba wishi wakwa Lameki. ¹⁹Lameki alyupile abakashi babili. Ishina lyaumo lyali ni Ada nelya mubiye lyali ni Zillah.²⁰Ada aishile kufyala Jabal. ali ni wishi wa abo abali kwikala muma tenti abakwete amabumba yafitekwa. ²¹Ishina lyakwa munyina lyali ni Jubal. ali ni wishi wa abo abalisha ifilimba ne ngoma. ²²Elo Zillah, aishile kufyala Tubal--Kaino, umukulu waba kafula bamukuba ne fyela. Nankashi yakwa Tubal--Kaino ali ni Naamah.²³Lameki aishile kulanda ati kubakashi bakwe, ''Ada elo na Zillah, umfweni kwishiwi lyandi; mwebakashi bakwa Lameki, Umfweni ifyo nkolanda. Pantu ndipeye umuntu pamulandu wakuti ali ncenene, mulumendo njipeye pantu alingumine. ²⁴Uwaipaya Kaino nga akomwa imiku cine lubali, Ninshi Lameki uwamwipaya akomwa amakumi cine lubali na cine lubali.²⁵Adam aishile kwishiba umukashi wakwe nakabili, elo aishile kufyala naumbi umwana mwaume. Aishile kumwinika ishina ati Seti elo aishile kulanda ati, ''Lesa alimpelelemo umbi umwana umwaume pali Abeli, pantu Kaino ali mwipeye.'' ²⁶No mwana umwaume aishile kufyalwa kuli Seti elo aishile kumwinika aishina ati Enosh. Pali ilya nshita abantu balitampile ukulekwita pe shina lyakwa Yahweh.

¹Uku ekutampa kwalupwa lwakwa Adamu. Ubushiku elo Lesa apangile bantunse, abapangile ifyo aboneka. ²Umwaume na umwanakashi efyo abapangile. Walibapalile nokubenika ati abantunse uluntu bapangilwe.³Uluntu Adamu aikele imyaka 130, aishile kuba wishi wamwana umwabela ifyo aboneka, ukulingana necinso cakwe, elo amwinike ishina ati Seti. ⁴Panuma Adamu aishile kuba wishi wa kwa Seti, aishilekwikala imyaka imyanda cine konsekonse. ⁵Adamu aishilekuba wishi wabana abaume nabakashi abengi. adamu aikele imyaka 930, elo aishilekufwa.⁶Uluntu Seti aishile kwikala imyaka 105, aishilekufyala Enosh. ⁷Panuma yakufyala Enosh, Seti aishilekwikala imyaka 807 elo aishile kufyala abana baume nabanakashi abengi. ⁸Seti aikele imyaka 912, elo aishile kufwa.⁹Uluntu Enosh aikele imyaka amakumi pabula, aishilekufyala Kenani. ¹⁰Panuma aishilekufyala Kenani, Enoshi aikele imyaka 815. Aishilekufyala abana baume nabanakashi abengi. ¹¹Enoshi aikele imyaka 905, elo aishilekufwa.¹²Uluntu Knani aikele imyaka amakumi cine lubali, aishilekufyala Mohalalel. ¹³Panuma ayokufyala Mohalalel, Kenani aikele imyaka 840. Aishikufyala abana abaume nabanakashi baengi. ¹⁴Kenani aikele imyaka 910, elo aishilekufwa.¹⁵Uluntu Mohalalel aikele imyaka amakumi mutanda na isano, aishile kufyala Jared. ¹⁶Panuma yakufyala Jerad, Mohalalelaikele imyaka imyanda cine konse konse elo namakumi yatatu. Aishilekufyala abana baume nabanakashi abengi. ¹⁷Mohalalel aikele imyaka 895, elo aishile kufwa.¹⁸Uluntu Jared aikele imyaka 162, elo aishile kufyala Enock. ¹⁹Panuma yakufyala Enock, Jaredaishile kwikala imyaka imyanda cine konse konse. Aishilekufyala abana baume nabanakashi abengi. ²⁰Jared aishilekwikala imyaka 962, elo aishilekufwa.²¹Uluntu Enock aishikwikala imyaka amakumi mutanda nafisano, aishilekufyala Methuselah. ²²Enock aishilekufyala abana baume na banakashi abengi. ²³Enock aikele imyaka 365. ²⁴Enock alyendele na Lesa, elo asendelwe, pantu Lesa alimupitile.²⁵Uluntu Methuselah aikele imyaka 187, aishilekufyala Lamech. ²⁶Panuma yakufyala Lamech, Methuselah aishile kwikala imyaka &82. Aishikufyala abana baume na banakashi abengi. ²⁷Methuselah aisile kwikala imyaka 969. Elo aishilekufwa.²⁸Uluntu lamech aishilekwikala imyaka 182, aishilekufyala umwana mwaume. ²⁹Aishilekumwinika ati Noah, emukuti, "uyu akesa kutupela ukutusha kuncito yesu elo nakubukali bwa ncito yamaboko yesu, iyo tukobomba pamulandu wamushili uo Yahweh ayokucipa.''³⁰Lamech walikele imyaka 595 panuma yakufyala Noah. Aishilekufyala abana baume nabanakashi abengi. ³¹Lamech aikele imyaka 777. Elo aishilekufwa.³²PanumaNoah aikala imyaka imyanda isano, aishile kufyala Shem, Ham na Japheth.

¹Icaihile kucitika cakuti uluntu abantu batampile ukufula pa calo na bananakashi bafyelwe kulibo, ²nabana baume bakwa Lesa babwene ukutila abana banakshi babantu balekumoneka bwno sana. Baibulile abanakashi onse uo basala. ³Yahweh epakulanda ati, " Umupashi wandi tekuti wikalilile mu bantu umuyayaya, pantu bena bantu aba mubili fye bakulaikala umwanda umo namakumi yabili.⁴Amapaka yali pano calo muli shilya nshiku, neshakonkelepo. Ici calicitikile uluntu abana baume bakwa Lesa ba upile abana banakashi ba bantu, balikwete nabana kuli b. Aba bali baume balikwete nabana kuli bo. Aba bali baume babulamba abakale, Abaume ba culumbi.⁵Yahweh abwene ukutila ukubifya kwa bantu kwalikushha mu calo, nokutontonkanya kwa mitima yabo konse kwale konkanyapofyeububi. ⁶Elo Yahweh alangulukila ico apangile abantu pa calo, elo camuletele ubulanda mumutima wakwe.⁷ELo Yahweh alandile ati,"Nkolofya abantu abo naipangile ukubafumya pa calo-abantu ne nama, ne fintu ifiikula ne fyuni fya mumyulu, pantu ninjikatwa ubulanda pantu nalibapangile.'' ⁸Nomba Noa asangile ukuenamina mu menso ya kwa Yahweh.⁹Ifi efyacitikile kli Noa. Noa ali muntu uwalungama, kabili uwabula akabi mu bantu ba munshita yakwe. Noa aleenda na Lesa. ¹⁰Noa ali wishi wa bana baume batatu, Shemu, Hamu, Yafeti.¹¹Pano calo palyonaikile kumlola wakwa Les, kqabili paiswilefye ulufyengo. ¹²Elo lesa abwene pa calo; Boneni, naponaika,pantu abantunse bonse nabonaula imibele yabo pa calo.¹³Lesa alandile kuli Noa ati, " Namona ukuti ninshita yakuleta impela pabantunsebonse, pantu pa calo paisulafye ulufyengo ulwa kuli bena. Icinefye, nkabonawila kumo ne calo. ¹⁴Ipangile icibwato ca mukupili. Ubikemo imiputule mu cibwato, nokumasako amanenekela mukati na kunse. ¹⁵Ifi efyo ukacipange: Ubutali bwa cibwato bukabe ama cubiti imyanda itatu;ubwii bwaciko bukabe abacubiti amakumi yasano, nokusansukwa kwa ciko kuli nokuba ama cubiti amakumi yatatu.¹⁶Panga umutenge wa cibwato, nokucipwisha kuli cubiti ukufuma kumulu walubali lumo, ubikemo no mwenshi mukati ku mbali ya cibwato na kwisamba, kucabubili, na kuntunti yabutatu. ¹⁷Kutika, nkleta amenshi ayakebisha pano calo, kukonaula icamubili conse icipema icilimo ubumi ukufuma mwisamba lya mulu. Conse icaba pano calo cili nokufwa.¹⁸Nomba nkapampamika icipangano candi kli webo. Ukengile mu cibwato, webo, nabana bobe abaume , nomukashi obe, nabakashi babana bobeabaume na webo. ¹⁹Pafibumbwa fyonse ifya bumi ne fya mubili fyonse, mumisango yonse ukengishepo fibili fibili mucibwato, kukufisunga ifyabumi pamo na webo, Icilume ne cikota.²⁰Ifyoni mumisango yafiko, ne nama mumisango yashiko, nafyonse ifiikula amushili mumusango yafiko, fibili fibili mu misango yafiko efyo fikese kuli webo ku kufisungila ubumi. ²¹Ilongnikile we mwine ifyakulya fyonse ififlikwa nokufiunga, ukuti fikabe fyakulya kuli webo nafyo.'' ²²Eico Nao acitile ukulingana nafyonse ifyo Lesa amukonkomeshe, efyo acitile.

¹Yahweh aishle kulanda kuli Noah ati, ''Isa, webo elo naba mung'anda yobe bonse, mu cibwange pantu ndi bwene ukuti uli wa kulungama kuli nebo muli iinkulo. Ku finama fyonse ifya kusangululwa ukafisende ifilume cine lubali elo ne fikota fine lubali. ²Ku finama ifyo ifya kubula ukusangululwa, pali fyena ubulepo fibili, icilume elo ne cikota. ³Kabili naku fyoni ifya mulwelele, ubulepo ifilume cine lubali elo ne fikota cine lubali, pakusungilila ubufyashi bwa fiko pa calo conse.⁴Pantu mu nshiku cine lubali nkalenga imiloke pa calo pa nshiku amakumi yane elo na makumi yane ubushiku. Nkonaula fyonse ifipema impanga yonse ifyo nebo napanga. ⁵''Noah acitile fyonse ifyo Yaweh amukonkomeshe.⁶Noah ali ne myaka imyanda mutanda uluntu ilyenshi lyaishile kwisa pa calo. ⁷Noah, abana baume bakwe, umukashi wakwe, elo na bakashi babana bakwe baile kwingila mu cibwange pamo pamulandu ne lyenshi lya fulisha.⁸Inama shakusangululwa elo ne shitasangululwa, ifyoni, elo na fyonse ifikulika panshi, ⁹fibili fibili, icilume elo ne cikota, fyalishile kuli Noah elo no kuya kwingila mu cibwange, ngefyo Lesa akonkomeshe Noah. ¹⁰Caishile palwa pa numa ya nshiku cine lubali, ne lyenshi lya fulisha lyaishile pa calo.¹¹Mu mwaka wa kulenga imyanda mutanda mu bwikashi bwaka Noah, mu mwenshi wa bubili, ubushiku bwakulenga ikumi na cine lubali ubwa mwenshi, pa bushiku bumo bwine, tonse utumfuku mfuku utukalamba utwashika twalilepukile mu kwisuka, elo ne fipunda fya mu mulu fyalisukile. ¹²Imfula yali tampile elo ya ponene na pa calo pa nshiku amakumi yane elo no bushiku amakumi yane.¹³Pali bulya bushiku bumo bwine Noah elo nabana bakwe, Shemu, Hamu, elo na Yafeti, elo no mukashi wakwa Noah, elo pamo na bakashi babana bakwe batatu, balingile mu cibwange. ¹⁴Baishile kwingila ne cinama ukulingana no musango wa ciko, elo na cila citekwa ukulingana no musango wa ciko, elo ne cintu ici iikula ico icikulika pa calo ukulingana no musango wa ciko, elo ne coni ukulingana no musango wa ciko, elo no musango wa cibumbwa ca mapindo.¹⁵Fibili fibili pafya mibili fyonse umo umwali umupu wa mweo fyaishile kwisa kuli Noah elo fyaishile kwingila mu cibwange. ¹⁶Ifinama fyaingile mulya fyali filume elo ne fikota ifya mubili onse; baishile kwingila mukati ngefyo Lesa amukonkomeshe. Eluntu Yaweh aishile kwisala iciibi panuma yabo.¹⁷Eluntu ilyenshi lyaishile pa calo pa nshiku amakumi yane, elo na menshi yalifulile elo yalimishe icibwange elo yali cimishe pamulu wa calo. ¹⁸Amenshi ya pwililike ukufimba pa calo, elo ne cibwange ca pelukile pa mulu wa menshi.¹⁹Ilyenshi lyalimine apakalamba pa calo eico impili shonse ishakulepa isho ishali panshi ya lwelele lonse shali fimbilwe. ²⁰Amenshi yaishile kwima amakubiti ikumi limo na yasano ukucila pa mulu wa mpili.²¹Fyonse ifya mweo ifyli kwenda pa calo fyalifwile-- ifyoni, ifitekwa, inama sha mpanga, fyonse ifibumbwa fya mweo ifya ikele mu mpendwa iikalamba pa calo, elo no mutundu wa muntu onsefye. ²²Fyonse ifibumbwa fya mweo ifyali kwikala pa mushili, ifyali kupema umupu wa mweo ku myona ya fiko, fyalifwile.²³Eico conse ica mweo ico icali pamulu wa calo calilobele, umuntunse elo ne nama elo ne fintu ifikulika elo ne fyoni fyamu mulu. Fyonse fyalyonawilwe ukufuma pa calo. Ni Noah fye eka elo nabali na ye mu cibwange ebaishilekushalapo. ²⁴Amenshi yaikele pa calo panshiku umwanda umo na makumi yasano.

¹Lesa aishile kwibukisha Noah, inama shonse ishampanga, elo nefitekwa fyonse ifyali naye mubwange. Lesa aishile kupanga umwela ukupuupa icalo conse, elo namenshi yalitampile ukuya panshi. ²Utumfukumfuku twapakushika elo notupunda twamumulu twaliselwe, kabili yalilekele ukuloka. ³Ilyeshi lyamenshi lyalile likocepa panono panono ukufuma pacalo, elo panuma yakupwa kwanshiku umwanda umo namakumi yasano amenshi yalile panshi.⁴Ubwange bwaishile kwikala mumwenshi wakulenga cine lubali, pabushiku bwakulenga ikumi limo nacine lubali mumwenshi, pamulu wampili sha Ararati. ⁵Amenshi yalikonkenyepo ukuya panshi mpka namumwenshi wakulenga ikumi. Pabushiku bwantanshi ubwamwenshi, pamulu wampili palishile kuboneka.⁶Icacitikile cakuti panuma yanshiku amakumi yane Noah aishile kwisula utupunda twabwange ubo apangile. ⁷Aishile kutuma mwankole kabili alipupukile nokuya mpaka amenshi yauma pacalo.⁸Eluntu aishile kutuma inkunda ukuya kubona ngacakwebati amenshi yalile panshi ukufuma pamulu wacalo, ⁹Lelo inkunda tayailekusanga papkubika amakasa yaiko, elo yaishilekubwelulukila kuliye mubwange, pantu yali yacili yalifimbile icalo conse. Aishile jufumya ukuboko kwakwe, elo nokwisa kulubula elo aishile kululeta mubwange naye.¹⁰Alipembele nashimbi inshiku cine lubali elo nakabili alitumine inkunda ukufuma mubwange. ¹¹Inkunda yabwelulukile kuliye icungulo. Boneni! mukanwa kaiko kuli ibula lyamuolife ilibishi. Eico Noah alishibile ukwebati amenshi yalile panshi ukufuma pacalo. ¹²Aishile kulolela inshiku nashimbi cine lubali, elo aishile kutuma inkunda nakabili. Tayaishilekubwela nakabili kuliye.¹³Icacitikile cakuti mumyanda mutanda elo mumwaka wakutampilapo, pamwenshi wakutampilapo, pabushiku bwakutampilapo mumwenshi, ukuti amenshi yalyumine ukufuma pacalo. Noah aishile kufumyapo icakwisala pabwange, aishilekulolesha panse, elo abwene, boneni, pamulu wamushili palyumine. ¹⁴Mumwenshi wabubili, mushiku bwakulenga amakumi yabili mumwenshi, Icalo calyumine.¹⁵Lesa aishile kulanda kuli Noah ati, ¹⁶'' Kabuye fuma mubwange, webo, umukashi obe, abana bobe abaume, nabakashi babana bobe abaume nawebo. ¹⁷Senda pamo nawebo icamweo conse icili nawebo-- ifyuni, inama, elo nefikulaika fyonse ifyo ifiikula pacalo-- pakwebati fifule saana pacalo, pakwebati fisandaluke elo nokufula pacalo.''¹⁸Eico Noah aishile kufuma nabana bakwe abaume, abakashi bakwe, abakashi babana bakwe abaume naye. ¹⁹Icamweo conse, icikulika conse, elo nefyuni fyonse, conse icenda pacalo, ukulingana nolupwa lwafiko, fyalishile ubwange.²⁰Noah aishile kukula ubulambo bwakwa Yaweh. Aishile kubulapo inama shimo ishishakowela elo nefyuni fimo ifishakowela, elo nokutula ifyakuninika ifyakocewa kubulambo. ²¹Yahweh aishile kununsha icena icabune elo aishile kulanda mumutima ati, '' Nshakatipwilepo umushili pamulandu wamuntu, nangu amapange yakumitima yabo yaba ayabubi ukufuma kubwaice. Nangu ukonaula nakabili ifyamweo fyonse, ngefi nacita. ²²Uluntu icalo cashele, inshita yakubyala elo neyakusombola, iyakutalala elo neya kukaba, neya lusuba elo neya mupepo elo neyakasuba elo nobushiku tafyakapwe.''

¹Eluntu Lesa apalile Noah elo na bana baume bakwe aishile kulanda kuli ye ati, ''Kafyalaneni, elo nokusanduluka elo no kwisusha icalo. ²Ukutina elo no kututuma fikaba ku nama shonse isha pa calo. Inama shonse isha pe sonde, ifyuni fyonse ifya mu lwelele, ifikulika panshi fyonse, elo ne sabi lyonse ilya mu menshi nomba filipelwe mu minwe yobe.³Fyonse ifintu ifyenda ifya mweo cikabe cakulya cobe. Filya fine na kupele imisalu yonse, nebo lelo nakupela fyonse. ⁴Nomba webo tekwesha ukulya inama shabumi emukutila umulopa waiko--mukati kaiko.⁵Nomba pa mulopa obe, umweo waba mumulopa obe, nebo nkafwaya amalipilo. Ukufuma ku nama ishili shonse nkaufwaya. Ukufuma mu minwe ya muntunse, emukuti ukufuma ku minwe ya onse uwaipaya wabo, nebo nkaufwaya nokwipusha mubumi bwa muntu. ⁶Uyo onse uwa sumya umulopa wa muntu, nao abantu bakasumye umulopa wakwe, pantu uyo alibumbwa mu cimpasho cakwa Lesa emo umuntu abumbilwe. ⁷Nomba pali webo, kafyalaneni elo nokusanduluka, musalangane pa calo elo nokusanda.⁸Eluntu Lesa ashile kulanda kuli Noah elo na bana bakwe abaume ali nabo, aishile kulanda ati, ⁹''Palwaine, kutika! Ndi no kufikilisha icipangano nobe ne ndupwa shobe ishikakonka pa numa yobe, ¹⁰elo fyonse ifbumbwa fya bumi uli nafyo webo, fyonse ifyuni, inama sha mumpanga, elo shonse isha pe sonde uli nasho webo, mwafumine na fyo mucibwato, fyonse ifibumbwa fya bumi uli nafyo pe sonde.¹¹Ndi no kufikilisha icipangano kuli webo, ati nshakonaule nakabili fyonse ifya mubili ukonaula ku menshi na kwi lyeshi. Takwakabe kwi lyeshi ukonaula icalo nakabili.'' ¹²Lesa aishile kulanda ati, ''Ici ecishibilo napangana pakati kaine na webo ifyo uli nafyo elo na shonse inkulo ishikakukonkao. ¹³Nabika umukola mfula mu makumbi, naco cikaba cishibile ca cipangano pakati ka nebo elo ne calo.¹⁴Cikesa kuba uluntu nebo nakolonganika amakumbi pa mulu wa calo elo no mukola mfula wa boneka mwikumbi, ¹⁵eluntu nebo nakulaibukisha icipangano, ico nala nshenye na webo pakati kanebo na webo elo fyonse ifya bumi ico conse ica mubili. Amenshi tayakapange nakabili ilyeshi ku konaula fyonse ifya mubili.¹⁶Umukola mfula wakula boneka mwikumbi na nebo nkalaubona, pakuti nkalekwibukisha umuyayaya icipangano pakati kakwa Lesa elo ne fibumbwa fyonse ifya mweo ne fya mubili fyonse ifyaba pa calo.'' ¹⁷Eluntu Lesa aishile kulanda kuli Noah ati, ''Ici cishibilo ca cipangano ico nebo na pampamika pakati kanebo na fyonse ifya mubili pa calo''¹⁸Abana baume bakwa Noah abafumine mu cibwato bali ni Shemu, Hamu, elo na Yafeti. Hamu ali ni wishi wakwa Kenani. ¹⁹Aba batatu ebali abana baume bakwa Noah, Ukufuma muli aba emwasanduluka bonse pano calo.²⁰Noah aishile kuba shibulimi, elo aishile kulima ibala lya myangashi. ²¹Aishile kunwako fimo ifya mumwangashi no kukolwa, alele na mwitenti ukwabula ukufwala nangu cimo.²²Eluntu Hamu wishi wakwa Kenani, abwene ubwamba bwakwa wishi elo aishile kweba ba munyina babili panse. ²³Eico Shemu elo na Yafeti babululile insalu no kuibika pamabeya yabo, elo batanpile ukwenda cimfutanuma elo nokufimba pa bwamba bwakwa wishibo. Ifinso fyabo baloleshe kumbi, nabo tabwene pa bwamba bwakwa wishibo.²⁴Uluntu Noah abukile noku kololoka ukufuma mu mwangashi wakwe, Aishibile ifyo umwana mwaume umwaice icitile kuli ye. ²⁵Eico aishile kulanda ati, ''Abe uwatipwa Kenani. Abe umushai wa basha bakwa wabo.''²⁶Nakabili aishile kulanda ati, ''Yahweh, Lesa wakwa shemu, apalwe, na Kenani abe umuasha wakwe. ²⁷Lesa afuntule incende yakwa Yafeti, nao apange ubwikalo bwakwe muma tenti yakwa Shemu. Kenani abe umusha wakwe.''²⁸Panuma ya lyeshi, Noah aikele ubumi imyaka imyanda itatu na makumi ya sano. ²⁹Yonse imyaka Noah aikele pa calo yali myanda pabula na makumi ya sano elo eluntu aishile kufwa.

¹Ubu ebwaihile kuba ubufyashi bwa bana bakwa noah, ubwali, Shem Ham, elo na japhet. Abana abaishile kufyalwa panuma yalyeshi.²Abana baume bakwa bakwa Japhet, bali ni Gormer, Madai, Javan, Tubai, Meshech, elo na Tiras. ³Abana baume bakwa Gomer bali ni ashkenaz, Riphath, elo na Tasarmah. ⁴Abana baume bakwa Jovan bali ni Elishah, TArshish, Kittim elo na Dadanim. ⁵Ukufuma muli aba bantu abamululamba lwamumana elo bapatwike nokuya mumpanga shabo, cila umo nolulimi lwakwe, ukuilingana nemikowa shabo, elo nenko shabo.⁶Abana baume bakwa Ham bali ni Cush, Mizraim, Put, elo na Canaan. ⁷Abana baume bakwa Cush bali ni Sheba, Havilah, Roomah, elo na Sabteka. Abana baume bakwa Roomah bali ni Sheba elo na Dedan.⁸Cush aishile kuba wishi wakwa Nimrod, uwatampilepo ukucimfya pesonde. ⁹Ali nifundi wamaka pamenso yakwa Yahweh. Emulandu wine cilandilwa ati, "Kwati ni Nimrod, fundi wamaka pamenso yakwa Yahweh.'' ¹⁰Ubufumu bwakwe ubwakutampilapo bwali mu Babylon, Uruk, Akad, elo na Kalnel, mumpanga ya Shinar.¹¹Ukufuma muli iyo impasa aile ku Assyria elo nokuya kukula Nineveh, Rehoboth ir, Calah, ¹²elo na Resen, Iyailekuba pakati ka nineveh elo na Calah. waile kuba musumba uukulu. ¹³Mizraim aishile kuba wabena Ludites, abena Anamites, ebena Lehabites abena naphtuhites, ¹⁴abena Pathrusites, abena kasuhites ( ukufuma kuo abena Philistines bafumine) elo nabena Caphtorites.¹⁵Canaan aishile kuba wishi wakwa Sido, ibeli lyakwe, elo na Heth, ¹⁶elo nakubena Yebusites, abena amorites, abena Girgashites, ¹⁷abena hivites, abena Arkite, abena sinites ¹⁸abena Arvadites, abena Zemarites, elo nabena Hamothites. Panuma ninshi umukowa wabena Cananites ulisalangene.¹⁹Umupaka wabena Caanites wafumine ku Sidon, ukulola ku Gerar, uwaile kucila na Gaza, elo na umo uwalolele ku Sidom, Gomorrah, elo na Zeboyim, uwaile kucila na lasha. ²⁰Aba ebana baume bakwa ham, mumikowa yabo, nendimi shabo, mumpanga shabo, elo nenko shabo.²¹Abana baume kabili balifyelwe kuli shem, umukalamba pali Japhet. Shem ali kabili icikolwe cabantu bonse abaku Eber. ²²Abana baume bakwa Shem bali ki Alam, Ashur, Arphaxad, lud elo na Aram. ²³Abana baume bakwa Aram bali ni Uz, Hui, Gether, elo na Meshech.²⁴Arphaxad aisakuba wishi wakwa shelah, elo shelah aishile kuba wishi wakwa Eber. ²⁵Eber akwete abana baume babili. Ishina lyaumo ni Peleg pantu munshita shakwe icalo calyabanikemo. Ndumeyakwe ishina ali ni Jaktan.²⁶Joktan aisakuba wishi wakwa Aimodad, sheleph, Hazarmaveth, Jerah, ²⁷Hadoram, Uzal, Diklah, ²⁸Obal, Abimael, Sheba, ²⁹Ophir, Havilh elo na Yakobo. Bonse aba bali bana baume bakwa Joktan.³⁰Icitungu cabo cafumine ku Mesha, ukufika ku Sephar, kulupili lwakwakukabanga. ³¹Aba ebena abaume bakwa Shem, Ukulingana nemikowa shabo ele nendimi shabo, mumpnga shabo ukulingana nenko shabo.³²Ishi emikowa shabana baume bakwa Noah, ukulingana nemfyalo shabo, nenko shabo. ukufuma pali ii inko shalipatulukene nokusanganina pesonde panuma yalyeshi.

¹Nomba icalo conse calikubomfya ululimi lumo namashiwi bakwete yamo yene. ²Ulo bena balikuya kukabanga, baishile kusanga apakutambalala mucalo ca Shinear elo bena baikala kulya.³Baishile kulanda kuli cilaumo, ''iseni, alweni tutame injelwa nokushoca shena bwino.'' Balikwete injelwa ukucila amabwe namanenekela yali endaka. ⁴Baishile kulanda, ''Iseni, alweni tuikulile fwebene umusumba nolupungu ulo impela yaluko ikafike mumulu, elo alweni tuipangile ishina fwebene. Nga fwebo tatukulile, fwebo twakusalanganina pacalo conse.''⁵Eico Yahweh alikile panshi kukubona umusumba no lupungu ulo abana bakwa Adam balikukula. ⁶Yahweh aishie kulanda, ''boneni, bali abantu bamo nolulimi lumo, elo batampa ukucita ici! Ululwine takuli nangu cimo icobakopanga ukucita icngabakosela. ⁷Iseni, alweni twikile panshi nokufulunganya ululimi lwabo kulya pakuti belakumfwana umuntu nomuntu.''⁸Eico Yahweh alibasalanganishe ukufuma kulya ukuya pacalo conse nabo balilekele ukukula umusumba. ⁹Eico nomba, palikwitilwa Babele, pantu palya Yahweh alifulungenye ululimi lwapacalo conse elo ukufuma kulya Yahweh abasalanganishishe ukuya pacalo conse.¹⁰Aba eba mucitoto cakwa Shemu. Shemu ali nemyaka umwanda umo, elo aishile kuba wishi wakwa Arpakishadi imyaka ibili oanuma ye lyeshi. ¹¹Shemu aikele imyaka imyanda isano panuma aishiekuba wishi wakwa Arpakishadi. Kabili aishile kuba wishi wabana abanakashi nabaume.¹²Uluntu Arpakishadi aikele imyaka amakumi yatatu na isano, aishile kuba wishi wakwa Shela. ¹³Arpakishadi aikele myaka 403 panuma aishile kuba wishi wakwa Shela. Kabili aishile kuba wishi wabana abaume bambi nabana banakashi.¹⁴Uluntu Shela aikele imyaka amakumi yatatu, aishile kuba wishi wakwa Ebere. ¹⁵Shela aikele imyaka imyanda ine na itatu panuma aishile kuba wishi wakwa Ebere. Kabili aishile kuna wishi wabana baume bambi nabana abanakashi.¹⁶Uluntu Ebere aikele imyaka amakumi yatatu na ine, aishile kuba wishi wakwa Pelegi. ¹⁷Ebere aikele imyaka imyanda ine namakumi yatatu panuma aishile kuba wishi wakwa Pelegi. Kabili aishile kuba wishi wabana abaume bambi nabana banakashi.¹⁸Uluntu Pelegi aikele imyaka amakumi yatatu, aishile kuba wishi wakwa Reu. ¹⁹Pelegi aikele imyaka imyanda ibili na pabula. Kabili aishile kuba wishi wabana baume bambi nabanakashi.²⁰Uluntu Reu aikele imyaka amakumi yatatu na ibili, aishile kuba wishi wakwa Seregi. ²¹Reu aikele imyanda ibili na cine lubali panuma aishile kuba wishi wakwa Seregi. Kabili aishile kuba wishi wabana abaume bambi nabanakashi.²²Uluntu Seregi aikele imyaka amakumi yatatu, aishile kuba wishi wakwa Nahore. ²³Seregi aikele imyaka imyanda ibili panuma aishile kuba wishi wabana abaume bambi nabanakashi.²⁴Uluntu Nahore aikele imyaka amakumi yabili na pabula, aishile kuba wakwa Tera. ²⁵Nahore aikele imyaka umwanda umo nekumi na pabula panuma aishile kuba wishi wakwa Tera. ²⁶Panuma Tera aikele imyaka amakumi cine lubali, aishile kuba wishi wakwa Abramu, Nahore, elo na Harani.²⁷Nomba aba efitoto fyakwa Tera. Tera aishile kuba wishi wakwa Abramu, Nahore, na Harani, elo Harani aishile kuba wishi wakwa Loti. ²⁸Harani afwilile muceni cakwa Tera mucalo camfyalo yakwe, mu Uri wamu Kaldi.²⁹Abramu na Nahore bapiitile abakashi. Ishina lyamukashi wakwa Abramu ali Sarai ne shina lyamukashi wakwa Nahore ali ni Milka, umwana mwanakashi wakwa Harani, uwali wishi wakwa Milka nelo na Iskah. ³⁰Nomba Sarai ali ning'umba, takwetepo umwana.³¹Tera apiitile umwana mwaume wakwe Abramu, Loti umwana mwaume wamwana mwaume wakwa Harani, na Sarai umulokashi wakwe, umwana wakwe umwaume umwana wamukashi wakwa Abramu, elo bonse bena balifumine ku Uri waku Kaldis, kukuya mu calo ca Kenani. Nomba baishile ku Harani no kwikala kulya. ³²Tera alikele imyaka imyanda ibili na isano elo nomba afwilile mu Harani.

¹Lelo Yahweh walyebele abramu ati, ''kabiye ukufuma mu calo cobe, elo nokufuma kulupwa lobe, elo na mu nghanda yakwa wiso, ulekuya ku calo ico ndekweba. ²Nkakulenga umukowa uukulu, elo nka kupela, elo nkakulenga ukulumbuka, elo ukaba ipalo. ³Nkapala abo abakapala webo, nomba uyo onse uwakusula nkamutipa. Ukupitila muli we emo indupwa shonse isha pa calo shikapalilwa.⁴Eico Abram alile, ngefyo yahweh amwebele ukucita, elo na Loti aile naye. Abram ali ne myaka amakumi cine lubali na isano uluntu afumine ku Haram. ⁵Abram alipitile, Sarai umukashi wakwe, Loti, umwana wakwa wabo, ifintu fyonse ifyo banonkele, elo nabasha abo bakwete mu Haram.Balifumineko nokuya ku calo ca kanoni, elo balifikile ku kanani.⁶Abram alipitile ukushinta na ku calo ca shechem, ukuya ku cimuti ca oaki waku Morebu. Pali ilya nshita abena kenani ebalikwikala muli cilya calo. ⁷Yahweh alibonekele kuli abramu, elo nokulanda ati, ''Niku bana bobe nkapela ici icalo. '' Eico palya Abramu alikulilepo ubulambo bwakwa Yahweh, uyo uwabonekele kuli ye.⁸Ukufuma kulya alininikile ulupili ukulola ka kabanga ku Bethel, epo apopele itenti lyakwe, Bethel yali ku ku masamba elo Ai ku kabanga. Palya Abramu alikulilepo ubulambo kuli Yahweh, uyo uwabonekele kuli ye. ⁹Eluntu Abramu akonkenyepo ubulendo bwakwe ukulola lu Negev.¹⁰Mwali icipowe muli cilya calo, eico Abramu aile ku Egypt mu kwikala pantu icipowe calicililemo muli cilya calo. ¹¹Uluntu ali mu pepi no kwingila mu calo ca Egypt, alandile kuli Srai umukashi wakwe ati, ''Bona kuno ndishibile ukuti uli mwanakashi uwabune nganshi. ¹²Uluntu ebena Egypt bakakubona bakalanda abati; 'uyu emukashi wakwe; elo bakangipaye, nomba webo bakakuleka no mweo. ¹³Ukalande ati uli nkashi yandi, epakuti cingamwine pamulandu obe, elo pakuti ubumi bwandi kuti bwasungwa pamulandu obe.''¹⁴Calicitikile ukuti uluntu Abramu aingile mu Egypt, abena Egypt balibwene ukuti Sarai ali umwanakashi uwabune nganshi. ¹⁵Namfumu wakwa Farao alimubwene, elo noku mutatakula kuli Farao, elo no mwanakashi ali mutwele muba mu nghanda yakwa farao. ¹⁶Farao alikusunga Abramu pamulandu wakwa Sarai, elo Abramu alipokelele impnga elo ne nghombe, impunda ishaume, ababomfi abaume, ababomfi abanakashiimpunda ishanakashi, elo naba kabalwe abanakashi.¹⁷Eluntu Yahweh acushishe Farao elo naba mu nghanda yakwe nefikuko ifikulu pamulandu wakwa Sarai, umukashi wakwa Abramu. ¹⁸Farao alikutile Abramu, elo no kumweba ati, ''Bushe findo ifi wacita kuli nebo? Bushe cindo tawanjebele ati mukashi obe? ¹⁹Bushe cindo ico walandile ati, 'ni nkashi yandi,' noku mupita ati abe umukashi wandi? lelo kanshi, umukashi obe uyu. Mupite, elo ufume na pano. ²⁰Eluntu Farao apele icipope ku bantu bakwe pali Abramu, elo noku mutamfya, pamo no mukashi wakwe elo na fyonse ifyo bakwete.

¹Eico Abram afumine ku Egypto no kuya ku Negebu, ena, umukashi wakwe, na fyonse ifyo akwete. Na Loti, aishile kuya nabo. ²Nomba Abram ali uwacindamikwa mu fitekwa, muli silfere, namuli golide.³Alikonkenyepo ulwendo lwakwe ukufuma ku Negebu ukuya ku Betele, ku ncende ukwali itenti lyakwe akale, pakati ka Betele na Ai. ⁴Aishile kuya ku ncende uko ukwali ubulambo ubo akulile munshiku shakumanama. eko akutile peshina lyakwa Yaweh.⁵Nomba Loti, uwalikwenda na Abram, nao alikwete imikuni, nama ombe, nama tenti. ⁶Impanga tayabasuminishe bonse ukwikala pamo, pantu ifyuma fyabo fyali ifingi, icakuti tekuti bekale pamo. ⁷Elo kabili, kwali ukupusana pakati kaba kacema bafitekwa fyakwa Abram naba kacema bafitekwa fyakwa Loti. Abena Kenani elo nabena Perisi balikwikala mulici calo pali iyo nshita.⁸Eico Abram aishile kulanda kuli Loti, ''Peba ukupusuna pakati kobe na nebo, elo napakati kaba kacema bobe elo naba kacema bandi; ukucila apo tuli lupwa. ⁹Bushe icalo conse tacili kucinso cobe? Konkanyapo nokuipatula wemwine ukufuma kuli nebo. Nga waya kukuso, ninshi nebo nalaya kukulyo. Nangu nga waya kukulyo, ninshi nebo nalaya kukuso.''¹⁰Elo Loti aishile kulolesha konse, nokubona ukuti iwanga lyonse ilya Yodani lili bwino ilya menshi konse konse ukufika ku Soari, ukubati libala kyakwa Yaweh, ukubati calo ca Egypto. Iyi yali ninshita iyo Yaweh talaonaula Sodoma na Gomorra. ¹¹Eico Loti aishile kusala palwakwe iwanga lyonse ilya Yodani elo Loti aimine nokuya kukabanga no lupwa lwalikene ukufuma ku muntu no munankwe.¹²Abram aikele mu calo ca Kenani, na Loti aikele mu misumba ya mwiwanga, Akulile itenti lyakwe ukufika naku Sodoma. ¹³Nomba abantu bamu Sodoma bali ababi ababembu nganshi kuli Yahweh.¹⁴Yahweh aishile kulanda kuli Abram panuma yakulekana na Loti, ''Lolesha ukufuma pancende apo utaleme kukapinda ka kukuso, kukapinda ka kukulyo, ku kabanga naku masamba. ¹⁵Yonse iyi mpanga iyo wabona, nkapela kuli webo nakubufyashi bobe.¹⁶Nkalenga ubufyashi bobe ukufula ngo lukungu lwa pesonde, pakuti nga umuntu enga penda ulukungu lwa pesonde, ninshi no bufyashi bobe kuti bwapendwa. ¹⁷Ima, enda ukupita mubutali na mubwipi bwa mpanga, pantu nkacipeela kuli webo.'' ¹⁸Eico Abram abulile itenti, elo aile kabili aikele kumiti yamu oaki iya Mamre, ayo yali mu Hebron, elo kulya akulileko ubulambo kuli Yahweh.

¹Icacitikile cakuti munshiku shakwa Amraphel, imfumu yaku Shinar, Arioki, imfumu yaku Elasa, Kedorlaoma, imfumu yaku Elam, elo na Tidal, imfumu yaku Goiim, ²balwile inkondo na Bera, imfumu yaku Sodoma, Birsha, imfumu yaku Gomorrah, Shinabi, imfumu yaku Admah, Shemeber, imfumu yaku Zeboyin, elo nemfumu yaku Bela(kabili uwitwa Zoar).³Ishi imfumu shisano shalikatene capamo muupokapoka wa Siddim (kabili uwitwa bemba wamucele). ⁴Pamyaka ikumi naibili balibombele Kedorlaomer, nomba mumwaka wakulenga ikumi naitatu balimusangukile. ⁵Nomba mumwaka wakulenga ikumi naine, Kedorlaomer elo nemfumu ishali naye shaishile elo nokusansa abena Rephaim mu Ashteroth Karnaim, abena Zuzite mu Ham, Abena Emite mu Shaveh Kiriathaim, ⁶elo nabena Horite mufyalo fyabo ifyampili ifyabena Seir, nokucila ku El Paran, ifyo ifyapalamina kuciswebebe.⁷Eluntu baishile kubweluluka elo nokwisa ku En Mishpat (kabili uwitwa Kadeshi), elo nokucimfya fyonse ifyalo fyabena Amaleke, elo kabili nabena Amore abali kwikala mu Hozezon Tamar. ⁸Eluntu imfumu yaku Sodoma, imfumu yaku Gomorra, imfumu yaku Adma, imfumu yaku Zeboyin, elo nemfumu yaku Bela (kabili uwitwa Zoar) baile elo nokuipekanya pabulwi mumupokapoka wa Siddim ⁹ukwimina Kedorlaomer, imfumu yaku Elam, Tidal, imfumu yaku Goiim, Amraphel, imfumu yaku Shinar. Arioki, imfumu yaku Ellasa; imfumu shine ukwimina imfumu shisano.¹⁰Lelo umupokapoka wa Siddim waiswilemo nefilindi fyamanenekela, elo imfumu shaku Sodoma elo na Gomorra shafulumukile, nokuponena mulya mwine. Abo abashele bafulumukile kumpili. ¹¹Eico imfumu shasendele ifipe fyonse ifyamu Sodoma elo na Gomorra elo na fyonse ifyakulya, elo nokuya. ¹²Uluntu baile, basendele na Loti, mwana munyina wakwa Abram, uwali kwikala mu Sodoma, pamo nefyakaniko fyakwe fyonse.¹³Umo uwabutukile aishile elo nokweba Abram umu Yuda. Alikwikala mupepi nefimuti fya oaki ifyo ifyakwa Mamre, umwina Amore, uwali munyina wakwa Eshkol elo na Anere, uwali mucipangano na Abram. ¹⁴Lelo uluntu Abram aumfwile ukuti abalwani balikete lupwa wakwe, asendele abaume imyanda itatu elo nekumi limo nacine konsekonse 318 abakanshiwa abafyalilwe mung'anda yakwe, elo alibapepekele ukufika fye naku Dan.¹⁵Apatwile abaume bakwe pali bo ubushiku elo nokubasansa, elo nokubapepeka ukufikafye naku Hobah, icaba kapinda kakukulyo akaku Damascus. ¹⁶Eluntu aishile kubwesha ifipe fyonse, elo kabili nokubwesha lupwa wakwe Loti elo nefipe fyakwe, nabanakashi elo nabantu bambi.¹⁷Panuma Abram abwelulukile ukufuma kukucimfya kedorloamer elo nemfumu ishali naye, imfumu yaku Sodoma yaishile kuya kukumukumanya pamupokapoka wa Shaveh (kabili uwitwa umupokapoka wamfumu). ¹⁸Mekisedeki, imfumu yaku Salemu, aletele umukate elo nomwangashi. Ali nishimapepo wakwa Lesa mukulu.¹⁹Alimupalile nokulanda ati, '' Apalwe Abram pali Lesa mukulu, Kabumba wamulu elo necalo. ²⁰Apalwe Lesa mukulu, uupele abalwani bobe mumaboko yobe.'' Eluntu Abram aishile kumupela icekumi capali fyonse.²¹Imfumu yaku Sodoma yalandile kuli Abram, '' Mpela abantu, elo isendele wemwine ifipe.'' ²²Abram alandile kumfumu yaku Sodoma, '' Ndimishe ukuboko kwandi kuli Yaweh, Lesa mukulu, Kabumba wamulu elo necalo, ²³ukuti ntakasende ubushishi, inshinga shapandyato, nangula icili conse icobe, pakwebati taulandile ati, '' Ndilengele Abram ukunonka! ²⁴Ntakasende akali konse kanofye ifyo bakalume balile elo necakaniko cabaume abo abaile nanebo. Leka Anere, Eshkol, elo na Mamre basende ifyakaniko fyabo.''

¹Panuma yaifi fintu ishiwi lyakwa Yahweh lyaishile kwisa kuli Abram mucimonwa, lyalandile , ''Witina, Abram! Ninebo icakufisamamo cobe elo kalambula mukalamba obe.'' ²Abram aishile kulanda, ''Shikulu Yahweh, findo mukampela nebo, apo nebo ncili imbula bana, elo noukapyana ifya pang'anda yandi ni Eliezer umwina Damascus?'' ³Abram aishile kulanda, ''Apo mwebo tamwampela ubufyashi bwakukonkapo, lolesha, umusha umo uwafyalwa mung'anda yandi eukampyaana!''⁴Elo, bona, ishiwi lyakwa Yaweh lyaishile kwisa kuli ye, ati, ''Uyu muntu takabe impyani yobe; lelo nomba uyo uukafuma mumubili obe webo eukaba impyani yobe.'' ⁵Eluntu aishile kumufumisha kunse, elo aiashile kulanda, ''lolekesha kumulu, elo upende ne ntanda, nga webo kuti wakwanisha ukushipenda.'' Eluntu aishile kulanda kuli ye, ''Kanshi ifi efikaba ubufyashi bobe.''⁶Asumine Yahweh, elo acipendele kuli ye ngobulungami. ⁷Aishile kulanda kuli ye, ''Ninebo Yahweh, uwakufumishe ukufuma kuli Uri wabena Kaludea, pakuti nkupele iyi mpanga ukuti uipyane.'' ⁸Ashile kulnda, ''Shikulu Yahweh, nkeshiba shani nebo ukuti nebo nkacipyana?''⁹Eluntu aishile kulanda kuli ye, ''Ndetelako ing'ombe iyilume iinono iya myaka itatu, imbushi iyikota iya nyaka itau, impanga iya myaka itatu, inkunda, elo nakana kankunda.'' ¹⁰Aishile kuleta fyonse ifi kuli ye, elo afiputawile pabili, elo abikile citika ukulungatana ne cinankwe, lelo taabenye ifyoni. ¹¹Uluntu ifyoni fya amakubi fyaishile panshi pafitumbi fyanama ne fyoni, Abram ali fitamfishe kumbi.¹²Eluntu akasuba kaleya mukuwa, Abram aponene mutulo utukulu elo, boneni, imfinshi isyakufitisha iyakutinya yaishile kumufimbilisha. ¹³Eluntu Yahweh aishile kulanda kuli Abram, wishibe ukuti ubufyashi bobe bukaba ubweni mumpanga iishili teyabo, elo bakaba abasha abatitikishiwa pamyaka imyanda ine.¹⁴Nebo nkapingula uyo mushobo uukabateka , elo bapanuma bakesa kufuma ne fikwatw ifingi. ¹⁵Lelo webo ukuya kuli bawiso mumutende, elo webo ukashikwa mubune bwa myaka ya bukote. ¹⁶Munkulo iyakulenga ine bakesa kuno kabili, pakuti ububi bwa bena Amole tabulati bubipishe.''¹⁷Uluntu akasuba kaishile kuwa kwali imfinshi, boneni, ukwaka kwa mpoto elo nolubingu luleaka ukupita pakati kafiputulwa filya. ¹⁸Pali kalya kasuba Yahweh aishile kupanga icipangano na Abram, aishile kulanda, ''Kubufyashi bobe nebo nkapela iyi mpanga, ukufuma kumumana waku Egypto ukufika ku mumana uukulu, Euphrates. ¹⁹Abena Kene, abena Kenisi, abena Kademone, ²⁰abena Hiti, aabena Peresi, nabena Refa, ²¹abena Amore, abena Kenani, abena Girgasha elo nabena Yebushi.

¹Lelo Sarai uukashi wakwa Abramu, tamufyalilepo umwana, nomba alikwete umubomfi umwanakashi, umwina Egypt, uweshina lya Hagar. ²Eico Sarai aebele Abramu ati, ''Bona , Yahweh walintana ukukwata abana, '' kabiye ukasendame no mubomfi wandi.Kuti limbi wakwatako abana ukupitila muli ye.'' Abramu alikutikile ku fyamwebele Sarai. ³Nipanumafye Abramu aikala imyaka ikumi limo mu calo ca Kanani ulo Sarai, umukashi wakwa Abramu, apele Hagar, umubomfi umwina Egypt, ku mulume wakwe ukuba umukashi . ⁴Eico alikukumana na Hagar, elo alimitile. Uluntu abwene ukuti aimita, alikususha nyinakulu.⁵Eluntu Sarai alandile kuli Abramu ati, ''ubu ubui pali nebo nipa mulandu obe. Napele umubomfi wandi umwanakashi mu maboko yobe., elo uluntu abwene ukuti alimitile nalisaluka mu menso yakwe. Lekeni Yahweh apingule pali nebo elo nobe.'' ⁶Nomba Abramu alandile kuli Sarai ati, ''Bona kuno, uyu umubomfi obe umwanakashi ali mu maboko yobe, mucite fyonse ifyo uletontonkanya ukuba bwino'' Eico Sarai alibomfya ulucu kuli ye, elo alibutukile ukufuma kuli ye.⁷Malaika wakwa Yahweh alimusangene pakashima ka menshi mu ciswebebe, akashima akakaba mukuya ku shur. ⁸Alandile ati, ''Hagar, wemubomfi wakwa Sarai, bushe nikwisa uko ufumine elo nikwisa uku uleya? '' Eluntu ayasukile ati, ''Ndebutuka ukufuma kuli mama wandi Sarai.⁹Malaika wakwa Yahweh alandile kuli ye ati, ''Bwelelamo kuli nokokulu, elo no kuinasha ku maka yakwe.'' ¹⁰Eluntu malaika alandile ati; ''Nkafusha abana bobe, bakafula icakuti bakafya napa ku bapenda.''¹¹Malaika wakwa Yahweh kabili alandile kuli ye ati, ''Bona, webo uli ne fumo elo uli no kufyala umwana umwaume, elo ukamwinika ne shina ilya ishmaeli, pantu yahweh alyumfwile ukucucutika kobe. ¹²Akaba nimpunda yamu mpanga iya muntu. Akaba nolucu kumuntu uuli onse, elo no muntu uuli onse akaba nolucu kuli ye, elo akekala no kupatuka kuli ba wabo bakwwe bonse.¹³Eluntu alipele ishina ili kuli Yahweh awalandile kuli ye, ''uli Lesa uumbona,'' pantu alandile ati, ''Bushe ncili ndikonkenyepo ukubona, nangu ulo alimbwene?'' ¹⁴Eico kanshi ici icishima balicikuktile ati, Beer Lahai Roi; boneni caba pakati ka kadesh leo na Bered.¹⁵Hagar alifyalile Abramu umwana mwaume, elo Abramu ainikile umwana wakwe, uo Hagar afyele, ati Ishmaeli. ¹⁶Abramu ali ne myaka amakumi cine konsekonse elo na mutanda uluntu Hagar afyele Ishmaeli kuli Abramu.

¹Uluntu Abram wali ne myaka amakumi pabula na pabula, Yahweh amonekele kuli Abram elo alandile kuli ye, ''Ninebo Lesa wamaka yonse. Ulekwendela muli nebo, elo uwabula akalema. ²Eluntu nebo kacita icipangano candi pakati kandi elo na webo, elo nkakufushisha sana ubufyashi.''³Abram akontamike icinso cakwe panshi elo Lesa alandile na ye, alandile, ⁴"palwa nebo, bona icipangano candi cili nobe. Ukaba wishi wa mitundu iingi. ⁵Talyakakutwe ishina lyobe Abram, nomba ishina lyobelikaba ni Abraham-pantu nebo nikusonta webo ukuba wishi wa mitundu ingi. ⁶Nebo Nkakulenga webo ukufula sana, elo nebo nkalenga imitundu pali we, elo nesha mfumu shikafuma muli webo.⁷Nebo nkafikilisha icipangano candi pakati kandi elo nobe no lupwa lobe panuma yobe, umu ukufikafye nakunkulo shabo cikaba cakubulela icipangano, kukaba Lesa kuli webo elo nakulupwwa lobe panuma yobe. ⁸Nebo nkapela kuli webo, na kulupwa lobe panuma yobe, ne calo umo webo uleikala, Icalo conse icakenani, icipe cakubelelela, elo nkaba Lesa wabo.''⁹Eluntu Lesa walandile kuli Abraham, Kuli webo ufwile ukusunga icipangano candi, webo no lupwa lobe panuma yobe ukufikafye nakunkulo shabo. ¹⁰Ici cipangano candi, ico webo ufwile ukusunga, Pakati kandi elo nobe elo no lupwa lobe panuma yobe: Cila mwaume muli mwebo afwile ukusembululwa. ¹¹Mwebo mufwile mwasembululwa munkanda ya kumpela yobe ci cikaba cishibilo ca cipangano pakati kandi na mwebo.¹²Cila mwaume muli mwebo nga aba ne nshiku cine konse konse afwile asembululwa, ukufikafye na kunkulo ya bantu bobe. Ici kubikamo nowafyalwa mu ng'anda yobe elo no washita ne ndalama ukufuma kumweni onse ushili wa mulupwa lwenu. ¹³Ena uwafyalwa mung'anda yenu elo no yo washita mu ndalama shobe bafwile ba sembululwa. Ne cipangano candi cikaba mumibili yenu icipangano ca kubelelela. ¹⁴Umwaume onse ushasembululwa uo bashasembululs wakuputulako ukufuma kubantu bakwe. Ena aonaua icipangano.''¹⁵Lesa alandile kuli Abraham ,"Palwa kwa Sarai umukashi umukashi obe, takuli kumukuta Sarai nakabili lelo, ishina likaba ni Sara. ¹⁶Nebo nkamupala ena. elo neb nkapela webo umwana umwaume muli ena. Nebo nkamupala ena, elo akabanyina wa mitundu yonse.'' Nshamfumu shikafuma muli ena.''¹⁷Uluntu Abrahamu akontamike icinso cakwe panshi, no kuseka, elo alanda mumutima wakwe, "Bushe umwana kuti afyalwa ku mwaume ilyo ali nemyaka umwanda umo? Nga Sara , uli nemyaka amakumi pabula, engafyala umwana umwaume?'' ¹⁸Abraham alandile kuli Lesa,"Ukweba ati Ishimaele engaba no mweo ku cinso cenu!"¹⁹Lesa alandile, "Awe lelo Sara umukashi obe ukufyalwalila umwana umwaume, elo webo ufwile wasumwinika ishina Isaki. Nebo Nkafikilisha icipangano candi naye nge cipangano cakubelelela no lupwa lwakwe panuma yakwe. ²⁰Pali ishimaele, nebo ninkufwa webo. Bona indimupalilekabili nkamupela ubufyashi elo nkamufusha apakalamba. Akaba wishi wabakateka Ikumi limo nababili, elo nkamulenga ukuba umutundu uukulu. ²¹Nomba icipangano candi nkafikilisha kuli Isaki, untu Sara ukufyalila webo pali ino nshita mumwaka ukoisa.''²²Uluntu ena wapwilishe ukulanda naye, Lesa aliya ukufuma kuli Abraham. ²³Eluntu Abraham apiitile ishimaeli umwana umwaume wakwwe, elo nabons bo bonse abafyalilwe mung'anda yakwe, elo na bonse abo abashitilwe ne ndalama shakwe, cila mwaume mubaume ba mung'anda yakwa Abraham, elomabasembulwile inkanda yapampela shabo mubushiku bumo bwine, ngefyo Lesa wa alandile kuli ye.²⁴Abrahm wali ne myaka amakumi pabula napabula uluntu ena esembulwilwe mu nkanda ya kumpela yakwe. ²⁵Ishimaeli umwana wakwe umwaume wali nemyaka ikumi limo na itatu uluntu en asembulwilwe inkanda ya kumpela yamubili wakwe. ²⁶Pabushiku bumo bwine Abraham na Ishimaeli umwana umwaume wakwe bonse babili balisembulwilwe. ²⁷Abaume bamunganda yakwe bonse balisembulwilwe pamo naye, ukubikako nbo abafyalilwe mung'anda yakwe elo nabo ashitile mundalama ku beni.

¹Yahweh abonekele kuli Abramu mupepi na Oaki iya Mamre, ilyo ali naikala pa mwinshi we tenti ku cikabilila ca kasuba. ²ulo ainwine amenso, boneni, amwene abantu batatu beminine mupepi napo ali. Uluntu abamwene aile ulubileo mukubakumanya ukufuma pa mwinshi we tenti elo akontamina na panshi.³Alandile ati, ''shikulu wandi, nga nintemwikwa mu menso yenu, napapata mwipitilila pa mubomfi wenu.'' ⁴Nakuletwe utu menshi, musambe amakasa yenu, elo mutushe mwisamba lya cimuti. ⁵Ntale muleteleko utwakulya, pakuti mukwateko amaka. elo panuma kuti mwatwalilila ukuya munshila yenu, apo mulishile ku mubomfi wenu.'' Bayaswike ati, ''cita umo ulandile.''⁶Elo Abramu aile bwangu bwangu mwi tenti kuli Sarai, elo alandile ati, ''Angufyanya, bula ifikopo fitatu ifya fulaulo, mukandule, elo mupange umukate.'' ⁷elo Abramu aile ulubilo ukwali ingombe, elo abulapo iciponti ca ngombe icali icakwina elo icabune, elo acipela ku mubomfi wakwe, elo apekenye bwangu bwangu. ⁸Abramu abulile umukate, elo neciponti ca ngombe ifyapekanishiwe, elo abikile icakulya apo baikele, elo aiminine mupepi napo bali mwisamba lya cimuti ninshi uko bakolya.⁹Balandile kuli ye ati, ''Ngo mukashi obe Sarai alikwi?'' Ayaswike ati, ''kulya mwi tenti.'' ¹⁰Alandile ati, ''Mucishinka ndi nokubwela uyu mwaka ishita nga imoine, elo nokumona, Sarai umukashi obe ali nokukwata umwana.'' Sara aleumfwa ninshi naiminina pa mwinshi we tenti, ilyali kunuma lyakwe.¹¹Nomba Abramu elo na Sarai balikotele, balipitile na mu myaka elo Sarai ninshi nenshita yakuleka ukufyala yalipita intu bana mayo balekelapo ukufyala abana. ¹²Elo Sarai asekele umwine eka, nokulanda kuli ye umwine eka, ''panuma ndipwile elo na shikulu wandi ilikotelo, kuti nasansamuka shani?''¹³Yahweh aishile kulanda kuli Abraham,'' Cindo Sarah acisekela no kulanda ati,' bushe kuti nakwata umwana uluntu nakota'? ¹⁴Bushe kuliko iciliconse icingafya Yahweh? Panshita iisontelwe na nebo, panshita iipelwe, ndi no kubwela kuli webo. Panshita nga inoine muli uyu mwaka Sarah alinokukwata umwana mwaume.'' ¹⁵Eluntu Sarah akene no kulanda ati,'' Nshaciseka,'' pantu ali no mwenso. Amwaswike ati,''Awe, waciseka.''¹⁶Eluntu abaume baimine ukuya no kulolesha ku Sodoma. Abraham aile nabo ukuti abone uko baleya munshila yabo. ¹⁷Lelo Yahweh alandile ati,'' Bushe kuti nafisa kuli Abraham ifyo ndi nokucita, ¹⁸apo Abraham ali nokuba umushobo uukalamba elo uwamaka, elo ne mishobo yonse iya pa calo ili no kupalwa muliye? ¹⁹pakuti ndi musalile ukuti engalanga abana bakwe elo naba mu ng'anda yakwe panuma yakwe kuku konka inshila yakwa Yahweh, kuku cita ubulungami elo no mulinganya, pakuti Yahweh engaleta kuli Abraham ifyo alandile kuliye.''²⁰Elo Yaweh alandile ati, '' pantu ukuilishanya pamulandu wa Sodoma elo na Gomora na kukula apakalamba, elo kabili pantu no lubembu lwabo nalubipisha, ²¹Eico nomba nalatentemukila kulibo elo nokumona ukuilishanya pamulandu wakwe uwaisa kuli nebo, ngacakuti mucishinka efyo batile. Nga tefyo, ndi no kwishiba.''²²Elo balya bantu bapilibwike ukufuma kulya , elo balola ku Sodoma, lelo Abaham ashele naiminina pa cinso cakwa Yaweh. ²³Elo Abraham apaleme no kulanda ati,'' Bushe ukonaula abalungami pamopene na babi?²⁴Limbi kuti kuliko abalungami amakumi yasano mumu sumba. Bushe mukonaula no kukana leka incende pa mulandu wa balungami amakumi yasano abali mulya? ²⁵Nacifume kuli mwebo icakucita ici cintu, ukwipaya abalungami pamopene na babifi, ukuti abalungami baculile pamopene na babifi. Nacifume kuli mwebo! Bushe kapingula wa calo conse takacite umulinganya?'' ²⁶Yaweh alandile ati, '' Nga nasangamo amakumi yasano mu musumba, elo tekuti ngonaule incende pamulundu waba lungami.''²⁷Abraham alyaswike elyo alandile ati, '' Mona nebo napama ukulanda kuli shikulu wandi, ilyo nebo ulukungu elo elo kabili imitoi! ²⁸Nga nga cakuti kwabulila basano pa makumi yasano abalungami? Bushe mukonaula umusumba onse pakubulwapo abali basano?'' Elo alandile ti,'' Nshakonaule umusumba, nga nasangamo abalungami amakumi yane na basano.''²⁹alilandile kuliye na kabili, elo atile, '' Nga nga cakuti mwasangwa abali amakumi yane mulya?'' Ayaswike ati, nshakonaule pa mulandu wabali amakumi yane.'' ³⁰Alandile ati, 'Napapata mwifulwa, shikulu, pakuti ningalanda. Nganga cakuti mwasangwa amakumi yatatu mulya? '' Ayaswike ati, '' nshakacicite nga nasanga abali amakumi yatatu mulya.'' ³¹Alandile ati, ''Mona, Nebo napama ukulanda kuli shikulu wandi! nganga cakuti mwasangamo amakumi yabili mulya,'' Ayaswike ati, '' nshakonaule umusumba pa mulandu wabalungami amakumi yabili.''³²Alandile ati, '' Napapata mwifulwa, shikulu, elo nalanda ici umuku wakulekelesha. Nga nga cakuti abali ikumi ebasangwa mulya. Elo alandile ati, '' Nshakonaule musumba pa mulandu wabali ikumi.'' ³³Yaweh aile munshila yakwe panumafye yakupwisha ukulanda na Abraham, elo Abraham abwelele ku mwankwe.

¹Bamalaika babili balishile kusodoma mucungulo, ulo ninshi loti alikele pamwinshi wa sodoma. Loti alibamwene, alimine mukubakumanya, elo afukeme necinso cakwe alosha panshi. ²Ena alilandile, ''Napapata mweba shikulu bandi, nebo nkomilomba mwebo ukupilibuka ukulola mu ng'anda yamubomfi wenu, mwikale mulindilemo ubushiku,elo noku samba amakasa yenu. Elo mwebo mukeme ulucelo no kuyamunshila yenu.'' ''Bena balyasukile, ''Awe,fwebo tukoya kulindila ubushiku mukati ka musumba.'' ³Nomba ena alibakoselep eco bena balile nankwe nokwingila mu ng'anda yakwe. Ena alipekenye icakulya nokupanga umukate uwakubulamo icitutumushi, elo bena balile.⁴Nomba ulo bena tabalalala, abaume ba mumusumba, abaume ba musodoma, balishingululile ing'anda, yonsefye abaice na bakulu, bonse abaume ukufuma kuciputulwa consse ica musumba. ⁵Bena balikutile kuli loti, nokulanda kuli ena, ''Nikwisa bali abaume abeshile kuli webo buno uushiku? Balete bena kuli fwebo,pakuti fwebo tubeshibe bena.''⁶Eico loti alifumine pa mwenshi kuli bena elo aisalako icibi panuma yakwe. ⁷Ena alilandile, ''Nebo nkomilomba mwebo, ba wesu, mwicitila muku bifya. ⁸Boneni, Nebo ndikwete abana abanakashi babili abotabala kwishibapo umwaume nagu umo. Nsuminisheni, namilomba mwebo, mbafumishe bena kuli mwebo,elo mwebo mucite kuli bena consefye icikowama mu menso yenu. Kanofye ukucita akantu nangu kamo kuli abo abaume, pantu bena balishile kuba mu cintelelwe ca mutenge ya ng'anda yandi.''⁹Bena balilandile, ''Fumako!'' Nakabili bena balilandile, ''Uyu ena aishilefye kuno mukwikala ngo mweni, elo nomba ena aisa kuba uwakutupingula fwebo! Nomba fwebo tukocita icabipa kuli webo ukucila kuli bena.'' Bena balisunkilishe sana uyu muntu, Loti, elo nokupalamina mukutoba icibi.¹⁰Nomba abaume baalifumishe amaboko yabo nokwingisha Loti mu ng'anda nabo nokwisalako icibi. ¹¹Eluntu abatandashi bakwa Loti bakupika nobupofu abantu abali pamwenshi wa ng'anda, bonsefye abaice na bakulu, pakutilati bena belakwesha ukufyaya umwenshi.¹²Eluntu abaume balndile kuli Loti, ''Bushe webo ulikwetemo nabambi muno? Mulimo bawisofyala, abana bobe abaume elo nabana bobe abanakashi, elo bonsefye webo ukwete muno mumusumba, bafumwemo muno. ¹³Pantu fwebo tuli nokonaula ino ncende, pantu ukuilishanya kwaciko pali yahwehkuli kulile icakuti ena alitutumine fwebo ukucanaula¹⁴Loti alifumine elo alilandile kuba pongoshi bakwe abaume, abaume abo abalaile ukupa abana bakwe abanakashi, elo alandile, '''Endesheni, fumenimo muli ino ncende, pantu yahweh alipakonaula umusumba.'' Nomba kuba pongoshi abaume ena abonekele kubati akosekafye. ¹⁵Uluntu bwacele, bamalaika balilombele Loti, balelanda, ''Tampa ukuya, senda umukashi obe elo nabana bobe babili abanakashi abo abali muno, pakuti webo wionaikilamo mukukandwa kwa musumba.''¹⁶Nomba ena alikuwayawaya. Eico abaume balimukantile pakuboko kwakwe, nokuboko kwamukashi wakwe, elo napamaboko yabana bakwe babili abanakashi, pamulandu yahweh alikwete uluse kuli ena. Nabo balibafumishemo, noku basha kunse yamusumba. ¹⁷Uluntu ena babafumishemo, umo pabaume alilandile, ''Butusheni imweo yenu! mwilolesha kunuma nangu ukwikala apali ponse mwilungu. Butukileni pakuti mwebo mwionaika.''¹⁸Loti alandile kuli bena, ''Awe, napapata, bashikulu bandi! ¹⁹Umubomfi wenu alisangile ukutemwikwa mu menso yenu, elo mwebo mulinangile inkumbu ishingi mukupususha umweo wandi, nomba tekuti mbutukile kumpili, pamulandu ubusanso bukonsanga nebo, elo nebo nkofwa. ²⁰Lolesheni, ulya umusumba kulya ulifye apepi ukubutukilako, elo wena unono. Napapata, ndekeni nebo mbutukileko [bushe teunono wena?], elo umweo wandi ukoba uwakupusuka.''²¹Nao aishile kulanda kuli ye ati, ''Cilifye bwino, Na ndibo nkosuminisha ukwipusha uku, ukuti nebo ntaonaule umusumba uyo webo ulumbwile. ²²Yangufyanyako! butukila kulya, pantu nebo tekuti ncite icili conse kanofye webo wafika kulya.'' Eico umusumba walikwitwa Soar.²³Akasuba kalibalikile pa calo uluntu Loti afikile ku Soar. ²⁴Eluntu Yaweh aishile kulokesha pali Sodoma na Gomorra amafyanga elo no mulilo ukufuma kuli Yaweh ukufuma mu mulu. ²⁵Nao alyonawile ilya misumba yonse, elo ne lungu lyonse, abaikele mu misumba bonse elo ne fimuti ifyo ifyamenene pa mushili.²⁶Nomba umukashi wakwa Loti, uyo uwali panuma yakwe, aishile kulolesha ku numa, elo nao aishile kusnguka icibulungwa ca mucele. ²⁷Abrahamu aishile kwima ulucelo celo elo aishile kuya na kuncende uko ena aiminine ku cinso ca kwa Yaweh. ²⁸Nao aishile kulolesha uktentemuka ukulola ku Sodoma na Gomorra elo ukulola naku calo conse icelungu. Aishile kulolesha elo abona, icushi icale kwima ukufuma pa calo kubati cushi ca mwilungu.²⁹Eico uluntu Lesa aonawile imisumba ya mwilungu. Lesa aishile kwita Abrahamu ku mano. Nao aishile kutuma Loti ukufuma mukati kabusanso uluntu ena aonawile imisumba umo Loti alikwikala.³⁰Nomba Loti aishile kuya ukufuma ku Soar ukuya kwikala mu mpili nabana bakwe babili abanakashi, pamulandu ena alitinine ukwikala mu Soar. Eico ena alikwikala mu lucengo, nabana bakwe babili abanakshi.³¹Ibeli lyaishile kulanda ku mwaice bantu ati, ''Batata balikulile, elo takuli umwaume nangu umo kuno uwakulala nafwebo ukulingana na kumubelo we pesonde lyonse. ³²Isa, ale tunwishe batata umwangashi, elo fwebo tulale nabo, epakuti fwebo limbi kuti twalunda ubufyashi bwaba tata.'' ³³Eico bena baishile kulenga wishibo ukunwa umwangashi bulya bushiku. Eluntu ibeli lyaile kwingila elo no kulala na wishi; ena taishibile uluntu umwana alelepo, nangu uluntu umwana aiminepo.³⁴Ubushiku bwaishile kukonkapo ibeli lyaishile kulanda ku mwaice bantu ati, ''Umfwa, nebo pano nalilele na batata ubushiku bwa fumineko. Ale tumulenge anwe umwangashi nalelo ubushiku, elo webo ufwile ukwingila no kulala nabo, pakwebati limbi twalunda ubufyashi bwa batata.'' ³⁵Eico baishile kulenga wishibo ukunwa umwangashi bulya bushiku nabo, elo umwaice bantu aile kwingila elo no kulala nao. Nao taishibile uluntu ena alelepo nangu uluntu ena aiminepo.³⁶Eico bonse abana banakashi bakwa Loti baishile kwimita kuli wishibo. ³⁷Ibeli lyaishile kufyala umwana umwaume, elo nao baishile kwiminika ati Moabu. Nao aishile kuba icikolwe ca bena Moabu abaliko nalelo. ³⁸Ku mwaice bantu umwanakashi, nao aishile kufyala umwana umwaume, elo nao baishile kuminika Ben-Amim. Nao aishile kuba icikolwe ca bantu bakwa Amoni abaliko nalelo.

¹Abrahamu alyendele ukufuma kulya ukulola ku calo ca Negebu, elo aile kwikala pakati ka Kadeshi elo na Shuri. Ale kwikala ngo mweni mu Gerari. ²Abrahamu alandile pa mulandu wamukashi wakwe Sara, ''Ninkashi yandi.'' Eico Abimeleki imfumu yamu Gerari yaishile kutuma abakuya pita Sara, elo no kumupita. ³Lelo Lesa aishile kuya kuli Abimeleki mu ciloto mu bushiku, elo aishile kulalanda kuli ye ati, ''Bona webo uli muntu wanfwa pamulandu wa mwanakashi uyo webo upitile, pantu uyu nimukakupwa.''⁴Nomba Abimeleki tapalamine kuli ye, elo aishile kulanda ati, ''Shikulu, Bushe kuti mwaipaya icalo icilungami? ⁵Bushe temwine alandile kuli nebo, 'Ninkashi yandi?' No mwine umwanakashi alilandile ati, Nindume yandi,' Nebo ncitile fif muli bucishinka bwamu mutima wandi, elo namuli bukatele bwa maboko yandi.''⁶Uluntu Lesa aishile kulanda kuli ye mu ciloto, ''Ee, Nandibo ndishibile ukuti namuli bucishinka bwamu mutima obe ucitile ifi, Nandibo efyo nkusungile ukukana bebukila nebo. Eico nomba nshakusuminishe uku mwikatamo. ⁷Eico, mubwekeseshe umukashi, pantu ni kasesema. Akokupepelako, elo ukoba no bumi. Nomba nga tawamubwekeshemo, wishibe ukuti webo elo na bonse abo muli nabo mukafwa.''⁸Abimileki aishile kubuka kumacaca mulucelo elo akutile aba bomfi bakwe bonse kuli ye. Aishile kulanda ifi fintu fyonse kuli bo, elo nabantu bali no mwenso uukulu. ⁹Eluntu Abimeleki akutile Abrahamu elo aishile kulanda kuli ye, ''Bushe cindo wacita kuli fwebo? Cindo Nebo mbembukile webo, mukuti waleta pali nebo elo napa bumfumu bwandi ulu bembu ulukulu. Ucitile kuli nebo ifyo nshilingile ukucita.''¹⁰Abimeleki aishile kulanda kuli Abrahamu ati, 'Cindo wa citila ifi fintu mukwangufyanya?'' ¹¹Abrahamu aishile kulanda ati, ''Pamulandu nebo nali kutontonkanya ati, 'Icine cinefye kuno takwaba abatina Lesa, elo kuti banjipaya pamulandu wamukashi wandi. ¹²Lubali lumbi, ninkashi yandifye, mwana mwanakshi waba tata, nomba te mwna umwanakashi wandi.¹³Uluntu Lesa amfumishe mu ng'anda yaba tata elo no kuya nkoyendauka mu ncende ne ncende, Naishile kulanda kuli uyu mwanakashi ati, 'Ufwilefye wa ndanga bu cishinkafye ngo mukashi wandi: Nkonse uko ku ncende tukaya, ukolanda palya nebo ati, ''Nindume yandi.''''' ¹⁴Eluntu Abimeleki aishile kubula impanga elo ne ng'ombe elo na basha abaume n banakashi, elo no kupela kuli Abrahamu. Eluntu abweseshe Sara, umukashi wakwa Abrahamu, kuli ye.¹⁵Abimeleki aishile ati, ''Bona, icalo candi cili kumulola obe. Ikala ponsefye apakokusekesha.'' ¹⁶Kuli Sara aishile kulanda ati, ''Bona, Nebo napela ndume yobe indalama sha mashekeli ya silfere ikana limo. Ici cakufuta umulandu kuli webo ku menso ya bantu abali na webo, elo napali bonsefye abali na webo, elo nakuli bonsefye, ulifye uwa pwililka uwakaele.''¹⁷Eluntu Abrahamu aishile kupepa kuli Lesa, elo Lesa aishile kundapa Abimeleki no mukashi wajwe, elo na basha abanakashi bakwe pakwebati benga kwata abana. ¹⁸Pantu Yaweh aikete ubufyashi bwa banakashi bonse abali mung'anda yakwa Abimeleki uku kana fyala, pamulandu wakwa Sara umukashi wakwa Abrahamu.

¹Yaweh alisakamene kuli Sarah ngefyo ali nokucita, elo Yaweh alicitile Sarah ngefyo fine alaile. ²Sarah aishile kwimita elo aishile kufyala umwana umwaume kuli Abraham mubukote bwakwe, panshita iya kulinga iyo Lesa alandile kuli ye. ³Abraham ainikile umwana wakwe umwaume, umo uwafyelwe kuli ye, uo Sarah amufyalile, Isaki. ⁴Abraham aishile kusembulula umwana wakwe Isaki uluntu ali nenshiku cine konsekonse, ngefyo Lesa amwebekeshe.⁵Abraham akwete imyaka umwanda umo uluntu umwana wakwe umwaume Iaski aishile kufyalwa kuli ye. ⁶Sarah aishile kulanda ati, ''Lesa alinengele ukutemwa; one uukalakumfwa akalekuseka pamo nanebo.'' ⁷Elo nakabili aishile kulanda ati, ''Nani ali nokulanda kuli Abraham ukweba ati Sarah kuti aonsha abana, eya ndimufyalile umwana mubukote bwakwe.⁸Umwana alikulile elo alisumukile, elo Abraham aishile kupanga umutebeto uukulu bulya bushiku Isaki asumukile. ⁹Sarah aishile kubona umwana wakwa Hagar umwina Egypto, uo afyele kuli Abraham, ako muaisha.¹⁰Eico aishile kulanda kuli Abraham ati, ''Mutamfyeni uyu mwanakashi umusha elo no mwana wakwe, pantu tekuti uyu mwana wamusha takapyane pamo nomwana wandi, Isaki.'' ¹¹Ici caishile kusakamika Abraham sana pamulandu wamwana wakwe.¹²Lelo Lesa aishile kulanda kuli Abraham ati, ''Wisakamana pamulandau nomwana, elo napamusha wenu umwanakashi. Umfwa pamashiwi yakwe yonse alandile pali uyu mulandu, pantu nimuli Isaki ulupwa lobe lukenikilwa. ¹³No mwana wamusha obe nkamusangula uluko. Pantu bufyashi bobe.''¹⁴Abraham aishile kubuka kumaliki, aishile kubula umukate elo ne nyambi amenshi, elo aishile kupela Hagar, aishile kubika pakubeya kwakwe. Ashile kumupela umwana elo aishile kumuleka aya. Alile elo alikucululuka mumawanga ya Beersheba. ¹⁵Uluntu amenshi yaishile kupwa munyambi, aishile kuposa umwana mufimpusa. ¹⁶Eluntu aishile kufumapo, elo aile kwikala akatalamukila ukufuma kumwana, apengalinga ukuposa umusambo, pantu aishile kulanda ati, ''Ntalefwaya ukulolesha imfwa yamwana.'' Ulo aikele apatali nankwe, aishile kupunda ishiwi elo aishile kulila.¹⁷Lesa aumfwile umusowa wamwana, elo no mugeli wakwa Lesa aishile kulanda Hagar ukufuma mumulu, elo aishile kulanda kuli ye ati, ''Cindo cile kucusha, Hagar? Witina, pantu Lesa alyumfwile ishiwi lya mwana uko ali. ¹⁸Ima, imya umwana, elo nokumukoselesha; pantu nkamupanga ukuba umushobo uukulu.''¹⁹Eluntu Lesa aishile kumwisula amenso yakwe, alibene icishima camenshi. Aishile kuya kwisushamo amenshi munyambi, aishile kunwisha no mwana. ²⁰Lesa ali no mwana elo alikulile, Alikwikala mumatololo elo aishile kuba umisumbo. ²¹Aikele mumawanga ya Parani, elo nyina aishile kumubulila umwanakashi mu mpanga ya Egypto.²²Kabili caishile kuba pali ilyanshita Abimeleki elo na Picol umukulu waba shilika aishile kulanda kuli Abraham, ukumwaba ati, ''Lesa ali na webo muli fyonse ifyo ukocita. ²³Eco nomba lapa kuli Lesa ukweba ati tawakacite ububi kuli nebo, naku bufyashi bwandi, nakuli balupwa lwandi. Kuli nebo elo na kumpanga iyo walikwikalamo icipangano cacicetekelo cimo cine ngefyo nalangile kuli we.'' ²⁴Abraham aishile kulanda ati, ''Nalapa''²⁵Abraham nao alikuilishanya kuli Abimeleki kumalandu wa cishima camenshi ico ababomfi ba kwa Abimeleki bapokele kuli ye. ²⁶Abimeleki aishile kulanda ati, ''ntaishiba uwa cita ici cintu. Tawanjebako kunumoku; Ntaumfwako kano fye lelo line. ²⁷Eico Abraham apitile impanga ne ng'ombe elo aishile kushipela kuli Abimeleki, naba bantu babili balipangile icipangano²⁸Eluntu Abraham aishile kupekanya impanga ishikota cine lubali ishapebumba umwine. ²⁹Abimeleki aishile kulanda kuli Abraham ati, ''ukopilibula indo ishimpanga cine lubali ishikota wapekanya webo?'' ³⁰Aishile kwasuka ati, ''Ishimpanga cine lubali ishikota ulepoka muminwe yandi, pakwebati cibe bukambone kuli nebo, ukuti ninebo naimbile ici icishima.³¹Eico aitile ilya ncende ati Beersheba, pantu bonse baishile kulapa umulapo. ³²Baishile kulapa umulapo pa Beersheba, Elo kabili Bimeleki na Picol, umukulu wabashilika, alibwelele kumpanga yabena Filisti.³³Abraham aishile kubyala icimuti ca tarmask mu Beersheba. Kulya aishile kupepa Yaweh, Lesa wa muyayaya. ³⁴Abraham alikele ngo mweni mumpanga yabena Filisti inshiku ishingi

¹Caishile kuba panuma yaifi fintu ukuti Lesa aishile kwesha Abraham. Aishile kulanda kuli ye ati, ''Abraham!'' Abraham aishile kulanda ati, ''Ndi pano ebo.'' ²Eluntu Lesa aishile kulanda ati, ''Pita umwana obe umwaume, umwana obe umwaume umofye, untu watemwa, Isaki, elo ulekuya ku calo ca Moria. Umpele kulya nge lambo lya koca pa lupili lumo pashaba kulya, ulo nebo nalakwebapo webo.'' ³Eico Abraham alibukile bwangu ulucelo, no kunina pa mpunda yakwe, elo apitilepo babili paba lumendo bakwe nao, pamo na Isaki umwana wakwe umwaume. Ena alitebele ne nkuni she lambo lya koca, eluntu aishile kutampako no bulendo bwakwe ukuya ku ncende uko Lesa amwebele.⁴Pabushiku bwakulenga shitatu Abraha aishile kwinuna amenso elo aishile kubona incende akatalamukila. ⁵Abraham aishile kulanda kuba lumendo bakwe ati, ''Ikaleni pano ne mpunda, elo nebo no mwaice twalaya kulya. Fwebo tukoya mukushinshimuna elo tubwele kabili kuli mwebo.'' ⁶Eluntu Abraham aishile kupita inkuni sha kocela ilambo elo atwikile Isaki umwana wakwe umwaume. Ena apitile mu minwe yakwe umulilo elo no mwele; elo bena baishile kuya bonse pamo.⁷Isaki aishile kulanda kuli wishi wakwe Abraham ati, ''Mwe taata,'' elo aisakulanda ati, Ndi pano mwana wandi.'Efyo aishile kulanda, ''Bona inkuni tulikwete no mulilo, nomba ilamo lya koca lilikwisa?'' ⁸Abraham aishile kulanda ati, ''Lesa umwine eulepekanya ilambo lya koca, mwana wandi.'' Eico baishile kukonkyapo ukuya, bonse babili.⁹Uluntu baishile kuya ku ncende uko Lesa amwebele, Abraham aishile kukula ubulambo kulya elo abikapo ne nkuni palya pene. Eluntu akakile Isaki umwana wakwe, no kumubika pa bulambo pa mulu wa nkuni. ¹⁰Abraham atambalikile ukuboko kwakwe elo abulile umwele ukuti epaye umwana wakwe.¹¹Eluntu malaika wakwa Yaweh amukutile ukufuma mu mulu no kumweba ati, ''Abraham, Abraham!'' elo aishile kulanda, Ndi pano.'' ¹²Aishile kulanda, ''Witambalika ukuboko kobe pa mwaice nangu ku cita icili conse icabipa kuli ye, pantu nomba nebo naishiba ukuti webo ulatina Lesa, pa kubona ukutila webo taukenye umwana obe, umwana obefye umo mpo, uwa fuma kuli nebo.''¹³Abraham aishile kwinuna amenso elo bone, kunuma yakwe kwali impaanga iilume ninshi iliketwe mu cimpusa ku masengo yaiko.Abraham aishile kuya, no kupiita impaanga iilume elo no kuipela nge lambo lya koca mu cifulo ca mwana wakwe umwaume. ¹⁴Eico Abraham aishile kwinika ilya ncende, ''Yaweh eukopekanya,'' elo neci cikolandwa ukufika napali buno bushiku, ''Palupili lwakwa Yaweh cikapekanishiwa.''¹⁵Malaika wakwa Yaweh aishile kukuta kuli Abraham umuku wa bubili ukufuma mu mulu ¹⁶elo aishile kulanda ati-- uku ekulanda kwakwa Yaweh-- pali nebo ne mwine nalapa ukuti pantu webo ulicitile ici cintu, elo taukenye umwana obe, umwana obe umofye mpo, ¹⁷Nebo icinefye nkakupala elo nebo nkasandulula apakulu ulupwa lobe nge ntanda sha mu mulu, elo ngo mucanga uyo uwaba pambali ya bemba; elo ulupwa lobe bakacimfya impongolo sha balwani babo.¹⁸Ukupitila mubufyashi bobe imitundu yonse iya pa calo ikapalwa, pantu ulinakile ishiwi lyandi.'' ¹⁹Eico Abraham aishile kubwelela ku balumendo bakwe, elo baishile kubwelelamo nokuya bonse ku Beresheba, elo aikele mu Beresheba.²⁰Cishile kuba panuma yaifi fintu ifyo Abraham aebelwe, ''Milika alifyele abana, na yee, kuli ndume yobe Nahor.'' ²¹Bali ni Uzi ibeli lykwe, Buzi ndume yakwe, Kemule wishi wakwa Aramu, ²²Kesedi, Haso, Pilidashi, Yidlafu, elo na Betuele.²³Betule aishile kuba wakwa Rabeka. Aba ebali abana cine konse konse abao Milika aishile kufyala kuli Nahore, ndume yakwa Abraham. ²⁴Umwanakashi wakwe uwapambali, uweshina lya Reuma, nako aishile kufyalako Teba, Gahamu, Tahashi, elo na maaka.

¹Sara aikele imyaka umwanda umo namakumi yabili nacine lubali (127). Ishi emyaka shali na Sara ilyo ali nobumi. ²Sara afwilile mu Kariati Arba, ekutila, Hebron, mucalo ca Kenani. Abraham aliloseshe elo alilile pali Sara.³Eluntu Abraham aishile kwima elo nokufuma kumukashi wakwe ukufwa, elo aishile kulanda kubana baume bakwa Hete, ati, ⁴'' Nebo ndimweni muli mwebo. Napapata mpeleniko nebo incende yakushikamo pali mwebo, pakwebati ningashikamo ubakufwa bandi.⁵Abana baume bakwa Hete baishile kwasuka Abraham, ati, ⁶'' Umfweni kuli fwebo, shikulu wesu. Muli bacindami bakwa Lesa muli fwebo. Shikeni uwafwa wenu mufilindi fyesu ifyo mwalasala. Tapali palifwebo ukomikanya icilindi cakwe, pakwebati mwingashika uwakufwa wenu.''⁷Abraham aishile kwima elo nokufukama kubantu bamumusumba, kubana baume bakwa Hete. ⁸Aishile kulanda kulibo, ati, ''nga mwebo mwasumina ukuti nebo mfwile ukushika uwafwa wandi, eico ngufweni nebo elo mumpapatileko kuli Ephron mwana Zohar. ⁹Mumwipushe ukunshitishako ulucengo lwaku Machpelah, ulo akwata, ulwaba pampela yampanga yakwe. Pamutengo wakukumanina mulekeni ena ashitisheci kuli nebo palwalala ngecipe incende yakushikamo.¹⁰Lelo Ephron alikele mukati kabana baume bakwa Hiti, elo Ephron umwina Hiti aishile kwasuka Abraham mumatwi yabana baume bakwa Hiti, pali abo bones abaisa pamwenshi wamusumba wakwe, ati, ¹¹''awe, shikulu wandi, ngufweni nebo. Nebo ndipele mwebo impanga, elo no lucengo ukuti luli mukati kaiko. Nebo ndipele cii kuli mwebo mumenso yabana baume babantu bandi. Nebo ndipele cii kuli mwebo kukushikamo uwakufwa wenu.''¹²Eluntu Abraham afukeme panshi yabantu bacalo. ¹³Ena aishile kulanda kuli Ephron mumatwi yabantu bacalo, aishile kulanda, ''Nomba ngamwebo mukofwaya, napapata ngufweni nebo, Pantu ndinokupela pali ilya mpanga. Pita indalama ukufuma kuli nebo. elo nanebo ndinokushikamo uwakufwa wandi mulya.''¹⁴Ephron alimwasukile Abraham, aishile kulanda, ¹⁵''napapata, shikulu wandi, umfweni kuli nebo. Icipimo cacalo icalinga ukushitwa mumashekele ya silfere imyanda ine (400), nindo ili pakati kamwebo nandi? ukushikamo uwakufwa wenu.'' ¹⁶Abraham alimumfwile Ephron elo Abraham alipimine Ephron mucipendo ca silfere ukuti ena alilandile mumatwi yabana baume bakwa Hete, imyanda ine (400) mumashekele ya silfere ukulingana nefipimo fyabikwa ifyamakwebo.¹⁷Eico impanga yakwa Ephron, iyo iyali mu Makpela, iyo iyapalamine ku Mamre, ukuti eiyi, impanga, ukuti ulucengo nalo emolwali, elo nafyonse ifimuti ukuti emo fyali munga elo nafyonse ifyashingulukile umupaka, fyalipitile. ¹⁸Kuli Abraham alishitile mumenso yabana baume bakwa Hete, libe bonse abo uyo uukoisa mumwinshi yamusumba wakwe.¹⁹Panuma yaici, Abraham alishikile umukashi wakwe Sara mulucengo lwamumpanga yaku Makpela, mu calo ca kanaani. ²⁰Eico impanga elo nolucengo yapitile kuli Abraham ngecipe pantu nincende yakushikwamo ukufuma mubana baume bakwa Hete.

¹Nomba Abraham alikotele elo Yahweh aalipalile Abraham mu fintu fyonse. ²Abraham alandile ku mubomfi wakwe, umo uwali umukulu pa ba bomfi bakwe bonse elo uwali kulolekesha paliconse ico akwete, ''Yokubika ukuboko kobe mu matanta yandi ³elo nalakulenga ukulapa pa cinso cakwa Yahweh, Lesa umwine mulu elo kabili Lesa umwine calo, ukuti tawaye ku bulila umwana wandi umukashi pakati ka bana banakashi abakubena Kenani. Pakati kabo nebo naile kuipangila icifulo. ⁴Lelo webo ukoya ku calo candi, elo na kulupwa lwandi,elo uleya kumpitila umukashi wa mwana wandi Isaac.''⁵Umubomfi alandile kuli ee, ''Nga cakwebati umwanakashi tele kuipelesha kunkonka kuli ino mpanga? Bushe kuti naya kubwekeshamoumwana mwaume wenu ku calo kuntu mwaile kufuma?'' ⁶Abrahamu alandile fi kuli ye, ''Ubone ukwebati tawile ku bwekeshamo umwana wandimkulya! ⁷Yahweh, Lesa umwine mulu, uwailekumfumya mu n'ganda yakwa tata elo na mu calo caba lupwa lwandi, elo kabili uwayo kundaya no mulapo alandile ati, ku bufyashi bobe ebo nkayakupela,' akakutumina malaika wakwe kuntanshi yobe, elo ukaya ku fwaila umwana wandi umukashi kulya⁸Lelo umwanakashi nga tele kuipekanya ukukukonka, elo ukalubulwa ukufuma kuli uyu mulapo wandi. Taufwile ku bwekesha umwana wandi kulya ⁹kanshi efyo umubomfi wabikili ukuboko kwakwe mu matanta yakwa Abraham shikulu wakwe, elo alapile umwabelele uyu mulandu.¹⁰Umubomfi wakwe wasendelepo ingamila shakwa shikulu wakwe ikumi limo elo waile. Kabili asendele ifya bupe ifyapusana pusana ukufuma kuli shikulu wakwe. Afumine palya elo aile na kucitungu ca Aram Naharaim, ku musumba wa Nahor. ¹¹Alengele ingamali ukufukama kunse ya musumba ukwabelele icishima ca menshi. Cali cungulo, inshita bana mayo baya mukutapa amenshi.¹²Eluntu alandile ati, ''Yahweh, Lesa wakwa shikuli wandi Abraham, mpeleni ukushuka lelo elo no kulenga icipangano cakwa shikulu Abraham ukba ica cishinka. ¹³Bona ndiminine pano pakamfukwemfukwe ka menshi elo nabana banakashi babantunse ba mumusumba balefumina mukutapa amenshi. ¹⁴Lekeni cicitike ifi. Uluntu nkolanda ku mukashana ati, napapata tula umutondo obe pakwebati nwe amenshi,' elo aisanjeba ati, 'Nwa, elo nalanwisha ne ngamali shenu amenshi,' elo muleke abe umo uo musontele umubomfi wenu Isaac. Ngafyacitika ifi nkoishiba ati mwafikilisha mwafikilisha icipangano kuli shikuli wandi.''¹⁵Caishile kufika cilya cungulo ilyo apwishishe ukulanda, boneni, Rabekah aishile no mutondo wa menshi pamabeya yakwe. Rabekah afyelwe kuli Bethwel umwana mwaume wakwa Milkah, muka Nahor, wabo Abraham. ¹⁶Umukashana wali uwakuyemba elo ali nina cisungu. Talelepo no mwaume uuli onse.Ailekutentemukila kukamfukwemfukwe ka menshi, aiswishe umutondo wakwe elo abwelele.¹⁷Elo umubomfi abuutukile muku mukumanya no kumweba ati, ''Napapata ntapwilenimo amenshi yakunwa mu mutondo wenu.'' ¹⁸Naye alandile ati, ''Nwenimo, mweshikulu wandi,'' elo bwangu bwangu watulile umutondo, pa maboko yakwe, no kumupela amenshi yakunwa.¹⁹Uluntu apwishishe ukumupela amenshi, alandile ati, ''Nalatapila ingamali shenu nasho amenshi, mpaka shipwe ukunwa amenshi. ²⁰Efyo aangufyenye elo aitulwile amanshi ayali mu mutondo mu cinkolobondo ca kunwinamo, elo nakabili abutukile ku cishima mukutapa amenshi, elo ataapile ingamali shakwe shonse²¹Umuntu alekumulolesha ukwabula uklandapo icili conse ukubona ngacakuti Yahweh alimushukishe mu lwendo lwakwe nangu awe. ²²Panuma ingamali shapwisha ukunwa amenshi, umuntu afumishe imbalaminwe yaku moona iya golide uwalepimwa citika umo uwa shekele, elo ne fikosa fya golide fibili ifyakufwala ku maboko ifyalepimwa amashekele ikumi limo, ²³elo aipwishe ati, ''Bushe uli mwana mwanakashi wakwa naani? Ngeba napapata, bushe muli umuputule mung'anda yakwa wiso umo twingaya kusendama?''²⁴Elo asosele kuli ee ati, ''Ndimwana mwanakashi wakwa Bethwel mwana Mikah, untu afyelwe kuli Nahor.'' ²⁵Elo nakabili asosele kuli ee ati, ''Twalikwata icani icingi elo nefyakulya ifyo ingamali shingalya, elo no muputule umo mwinga sendama²⁶Elo umntu afukeme panshi no kushinshimuna Yahweh. ²⁷Alandile ati, ''Abe uwapalwa Yahweh, Ledsa wakwa shikulu wandi Abraham, uyo uutasulile icipangano cabucishinka bwakwe no kucetekela aayo kukwatila shikulu wandi. Kuli nebo, Yahweh aya ukuntungulula kung'anda yaba lupwa lwakwa shikulu.''²⁸Eluntu umukashana abutukile no kuya eba abang' aba ng'anda yakwa nyina ifintu ifi fyonse. ²⁹Nomba Rabekah alikwete ndume, elo ishina lyakwe ni Rabani. Labani abutukile ku mwaume ku cishima. ³⁰Uluntu Labani abwene imbala minwe ya mumyona elo na makosa yakwa nkashi yakwe, elo aumfwile na mashiwi yakwa Rabekah nkashi yakwe, ''Ifi efyo umuntu alekunjeba, ''aile ku muntu, elo ,bona, aiminine nengamali pa cishima.³¹Eluntu Labani alandile ati, ''Isa, wewapalwa na Yahweh. Nindo wiminine panse? Ndipekenye ing'anda, elo ne ncende ya ngamali.'' ³²eico muntu aingile mu ng'anda no kukakula ingamali .'' Ingamali bashisanshikila apakulala elo bashipela ifyakulya, elo bapekenye amenshi ya kusamfya amakasa yakwe elo ne nkasa sha baali nankwe.³³Bamupekanishishe icakulya, elo alandile ati, ''Nshalye mpaka nande ico ndi nokulanda.'' Eico Labani alandile ati ,Landa.'' ³⁴Elo alandile ati, ''Ndimubomfi wakwa Abraham. ³⁵Yahweh alipaala shikulu wandi saana elo alilekuba umukulu. Aalimupela impaanga elo ne ng'ombe, silfa na golide, ababomfi abaume elo na babomfi abanakashi, elo ne ngamali na bakabalwe.³⁶Sarah umukashi wakwa shikulu wandi, alilekufyalila shikulu wandi umwana mwaume uluntu akotele, elo aliyokupela conse ico anonka kuli ee. ³⁷Shikulu wandi andengele ukulapa, alandile ati, 'Tauli kumbulila umukashi wa mwana wandi mu bana banakashi ba bena Kenani, ³⁸kanshi, ulingile ukuya kulupwa lwakwa tata elo na kuli balupwa lwandi, nokubulako umukashi wamwana wandi.'³⁹Nalandile kuli shikulu wandi ati, 'epali umwanakashi talenkonka.' ⁴⁰Lelo alandile kuli nebo, 'Yahweh, uyo mombela, akatuma malaika wakwe kuli webo elo akapaala inshila shobe, epakwebati ukaye kufwaila umwana wandi umukashi mukati ka balupwa bandi elo na balupwa bakwa Tata. ⁴¹Lelo ukaba umuntungwa ku mulapo wandi ifyo ukafika kuli ba lupwa lwandi elo tabakakupele ena kuli wee. Elo ukaya ukukakulwa ukufuma ku mulapo wandi.⁴²Eico nacifika lelo pa cishima, elo nacipepa ati, 'Mwe Yahweh, Lesa wakwa shikulu wandi Abraham, napapata, mucishinka ngamukolenga ulwendo lwandi ukuba bwino- ⁴³pano njilekwiminina pa cishima ca menshi lekeni umwanakashi uwalaisa mukutapa amenshi, umwanakashi uo ndeisanjebe ati, ''Napapata ntapwilako amenshi mu mutondo obe ayakunwa,'' ⁴⁴Umwanakashi uuleisalanda kuli ne ati, ''Nweni, elo kabili nalatapila ingamali shenu amenshi''-lekeni abe umwanakashi untu mwebo, mwe Yahweh, mwaya ukusalila umwana mwaume wakwa shikulu wandi.⁴⁵Elyo napwishishe ukulanda mu mutima wandi, bona, Rabekah alishile no mutondo wakwe pakubeya kwakwe elo atentemukile ku cishima no kutapa amenshi. Elyo nalandile kuli ee, 'mpelako amenshi yakunwa.' ⁴⁶Bwangu bwangu atuula umutondo pakubeya kwakwe no kulanda ati, Nweni, elo nalapela ingamali shenu amenshi nasho.' eico nalinwine , elo aapele ingamali shandi amenshi nasho.⁴⁷Nalimwipwishe elo nalandile ati, 'Bushe uli mwana mwanakashi waba nani?' Alandile ati, 'Ndi mwana mwanakashi wakwa Bethwel, umwana mwaume akwa Nahor, untu Milkah aile kumufyalila.' Elo naile kubika inindaminwe mu mona wakwe elo na makosa kumaboko yakwe. ⁴⁸Elo naile kufukama no kushinshimuna Yahweh, elo napalile Yahweh, Lesa wakwa shikulu wandi Abraham, uwalekuntungulula munshila isuma ukusanga umwana mwanakashi uwamulupwa lwakwa shikulu uwamwana mwaume wakwe.⁴⁹Eico nomba, nga namuipekanya ukulanga icitemwiko elo ne cishinka kuli shikulu wandi, njebeni. Lelo nga tamuipekenye, njebeni, pakwebati ningaya kwalulukila ku kuboko kwa ku kulyo nangu ku kuso.''⁵⁰Eluntu Labani na Bethwel baaswike no kulanda ati, ''Ici cintu cilefuma kuli Yahweh; tekuti tulande kuli iwe icintu icisuma nangu icibi. ⁵¹Boneni Rabekah ali kuntanshi yenu. Musendeni elo muleya, pa kwebati engaya kuba umukashi wa mwana mwaume waba wisokulu, ngefyo Yahweh alaandile.''⁵²Uluntu umubomfi wakwa Abraham aumfwile amashiwi balandile, afukeme panshi ku cinso cakwa Yahweh. ⁵³Umubonfi alafumishe ifisamo fya silfele elo ne fisamo fya golide, elo ne fyakufwala, elo alifipele kuli Rabekah. Kabili aile kupela ifyabupe ifisuma kuli ndume yakwe elo na kuli banyina.⁵⁴Eluntu ena na bantu baali nanke balile no kunwa. Baile kulala kulya, elo uluntu bashibwike ulucelo, alandile ati, ''Ntumeni ndekuya kuli shikulu wandi.'' ⁵⁵Ndume yakwe elo na bayina balandile ati, ''Lekeni umukashana ekale naifwe panshuku ishinono, nangufye inshiku ikumi. Panuma yaifyo kuti waya.''⁵⁶Lelo alandile kuli bo ati, ''Mwiya kuncincintila, epo Yahweh alikushishe inshila yandi. Ntumeni munshila yandi pakuti ningaya kuli shikulu wandi.'' ⁵⁷Baishile kulanda kuli ee ati, ''Twalaita umukashana elo tumwipushe.'' ⁵⁸Elo bakutile Rabekah no kumwipusha ati, Bushe kuti waya noyu muntu?'' Alyaswike ati, Nalaya.''⁵⁹Kanshi balekele nkashi yabo Rabekah. pamo pene no mubomfi wakwe umwanakashi, palwendo lwakwe no mubomfi wakwa Abraham na bantu bakwe. ⁶⁰Bapaalile Rabekah, elo balandile kuli ee ati, ''Wenkashi yesu, ukabe nyina wa makana na makana, elo ubufyashi bobe nabukapyane umwinshi wa abo aba bupata.''⁶¹Eluntu Rabekah aimine, elo ena nababomfi bakwe ailekunina pangamali, nokukonka uyo muntu. Elo umubomfi asendele Rabekah, elo aile mu nshila yakwe. ⁶²Nomba Isaac aleikala mu Negevi, elo alebwelafye ukufumaku Beer Lahai Roi.⁶³Isaac afumine mukutontonkanya mwibala mu cungulo bushiku. Uluntu aishile kupunamuka no kulolesha, boneni, ingamila shikoisa! ⁶⁴Rabekah aloleshe, elo uluntu abwene Isaac, atolweke pa ngamila. ⁶⁵Alandile ku mubomfi, ''Bushe ninani ulya muntu uukoendauka mwibala mu kwisa kutukumanya?'' Umubomfi alandile ati, ''Ni shikulu wandi.'' Efyo aile kubula ne nsalu yakwe, elo aifimbile pa menso.⁶⁶Umubomfi epakuya kushimikila Isaac fyonse ifyo icitile. ⁶⁷Eluntu Isaac amutwele mwi hema lyakwa Sarah nyina elo abulile Rabekah, elo aishile kuba umukashi wakwe, elo alimutemenwe. Elo Isaac baile kumutalalika panuma yamfwa yaba nyina.

¹Abraham abulile umukashi naumbi; ishina lyakwe ni Ketura. ²Amufyalile Simran, Yorkshan, medan, midian, Ishbak, elo na Shuah. ³Yokshan aishile kuba wishi wakwa Sheba na Dedan. Ubufyashi bwakwa Dedan bwali bantu ba Assyria, abantu baku Letush, na bantu ba Leum. ⁴Abana bakwa Midian bali ni Ephah, Epher, Hanok, Abida elo na Eldaah. Aba bonse bali bufyashi bwakwa Ketura.⁵Abraham aishile kupela fyonse akwete kuli Isaki. ⁶Nomba uluntu acili uwa bumi, aishile kupela ifya bupe kubana baume abo afyele mu banakashi ba mumbali no kubapela impanga lwaku kabanga, ukutaluka ukufuma kuli Isaki, umwana wakwe.⁷Ishi eshali inshiku sha myaka yakwa Abraham isha bumi isho aikele shali, 175 imyaka. ⁸Abraham aikele ubumi no kufwa pa myaka ya bukote bwabune, umwaume umukote uwaisulamo ubumi, elo akolonganikwe ku bantu bakwe.⁹Isaki elo na Ishimaele, abana bakwe baume bamushikile mulucengo mu machpelah, mumpanga yakwa Ephron umwana wakwa Sohari umwina Hiti, iyaba mupepi na Mamre. ¹⁰Iyi mpanga ashitile kubana bakwa Hete. Abraham ashikilwe kulya pamo na Sarah umukashi wakwe. ¹¹Panuma yamfwa yakwa Abraham, Lesa aishile kupala Isaki umwana wakwe, na Isaki aiskele mupepi ku Beere Lahai Roi.¹²Nomba ubu ebufyashi bwakwa Ishimaele, umwana wakwa Abraham, uyo Hagar umwina Egypto, umubomfi wakwa Sarah, afyele kuli Abraham.¹³Aya emashina yabana bakwa Ishimaele, ukulingana nokukonkana kwa kufyalwa kwabo: Nebayote ebeli lyakwa Ishimaele, Kedar, Adbeel, Mibson, ¹⁴Mishma, Dumah, Massa, ¹⁵Hadad, Tema, Jetur, Naphish, elo na Kedemah. ¹⁶Ayo emashina yabana bakwa Ishimaele, elo eyali amashina yabo, ukulingana ne mishi, elo ukulingana ne nsakwe shabo. aba kucindama babo ikumi nababili ukulingana no mushobo wabo.¹⁷Isho eshali imyaka yabumi bwakwa Ishimaele, imyaka 137. Alekele ubumi elo afwile, alonganikilwe ku bantu bakwe. ¹⁸Baikele ukufuma ku Havilah ukuya ku Ashhur, uuli mupepi ku Egypto, nga umo ukulola ku Assyria. Baikele mukupatana naba wabo.¹⁹Ifi efintu fyacitikile pali Isaki, umwana wakwa Abraham. Abraham aishile kuba wishi wakwa Isaki. ²⁰Isaki ali ne myaka amakumi yane uluntu abulile Rabeka ukuba umukashi wakwe, Umwana mwanakashi wakwa Betuele waku Aramu waku Paddan Aramu, Inkashi yakwa Laban umwina Aramu.²¹Isaki apepele umukashi wakwe kuli Yaweh pantu tali kufyala, na Yaweh alyasukile ipepo lyakwe, elo Rabeka umukashi wakwe aimitile. ²²Abana balikulwishanya bonse muli ye, elo aishile kulanda, ''Findo fyacitikila ifi kuli nebo?'' Aishile kuya mukwipusha kuli Yaweh pali ifi.²³Yaweh aishile kulanda kuli ye, ''Inko shibili shili munda yobe, elo inko shibili shikalekanika ukufuma muli webo. Umushobo umo ukaba uwakosesha paunankwe, elo umukulu akabombela umwaice.''²⁴Uluntu yaishile kufika inshita yakupapa kwakwe, bona, mwali bampundu munda yakwe. ²⁵Umwana wakutampilapo aishile kufuma uwakashika kwati ni nsalu iya masako. Bamwinikile ishina lyakwe Esau. ²⁶Panuma yafilya, munyina wakwe aishile kufuma. Iminwe yakwe yali kwikata amakasa yakwa Esau! Bamwinikile Yakobo Isaki ali ne myaka amakumi mutanda uluntu umukashi wakwe abafyele.²⁷Abalumendo balikulile, elo Esau aishile kuba uwaishibisha ubulunshi, umwaume wa mumpanga; Yakobo ali uwakutekanya, uwali kuposa inshita mu matenti. ²⁸Nomba Isaki watemwishishe Esau pantu alelya inama isho ali kwipaya, lelo Rabeka atemenwe Yakobo.²⁹Yakobo aipikile ilanda. Esau aishile ukufuma mu mpanga, elo ali uwakunaka ku nsala. ³⁰Esau aishile kulanda kuli Yakobo, ''Mpelako ilyo ilanda likashikile. Napapata, nebo nafwa ulushile!'' Ecalengele ishina lyakwe linikwe Edomu.³¹Yakobo aishile kulanda, ''Pakutampa shitisha ubeli bobe kuli nebo.'' ³²Esau atile, ''Bona, Nebo ndi mukufwaya. bune nshi ububeli buli kuli nebo?'' ³³Yakobo aishile kulanda, ''Pakubala ulape kuli nebo,'' kanshi Esau aishile kulapa umulapo elo muli iyo ine nshila washitishishe ububeli kuli Yakobo. ³⁴Yakobo aishile kupela Esau umukate elo ne landa ilya kwipikwa. Alilile elo no kunwa, elo aimine no kuya munshila yakwe. Ni muli uyu musango Esau asulile ububeli bwakwe.

¹Nomba insala yaliponene mumpanga, lubali lwa nsala yakubalilapo iyaishile kuba munshiku shakwa Abraham. Isaki aishile kuya kuli Abimeleki, imfumu yaba Filishiti ku Gerar.²Nomba Yaweh aishile kuboneka kuli ye elo nokwisa kulanda ati, '' Witentemukila ku Egypto; ikali mumpanga iyo nakweba ukwikalamo. ³Ikala muli iine mpanga, elo nkaba nobe kabili nkakupala; pantu kuli webo elo nakulupwa lobe, nkesa kupela ishi mpanga shonse, elo nkesa kwisusha umulapo uo nalapile kuli Abraham shinwe.⁴Nkesa kufusha ulupwa lobe kwati nintanda shamumulu, elo nkesakupela ulupwa lobe shonse mpanga ishi. ukupitila mulupwa lobe inko shonse isha pacalo shikesa kupalwa. ⁵Nkesa kucita ifi pamulandu wakwebati Abraham alyumfwilile ishiwi lyandi elo alikukonka ifyo mfwaya, ifipope fyandi, ifyebi fyandi, elo namafunde yandi.''⁶Eico Isaki aile kwikala mu Gerar. ⁷Uluntu abaume bancende baishile kumwipusha palwa mukashi wakwe, aishile kulanda ati, '' Ninkashi yandi.'' Alitinine ukalanda ati, '' Mukashi wandi,'' pantu alikutontonkanya ukweba ati, ''Abaume muli ino ncende bakonjipaya nokusenda Rabeka, pamulandu wakweba ati wabune.'' ⁸Panuma Isaki ali kulya panshita iitali, Abimeleki imfumu yaba Filishiti yaishile kulolesha pewindo. Yaisa kubona, boneni, Isaki akololekesha Rabeka, umukashi wakwe.⁹Abimeleki aishile kukuta Isaki kuli ye elo nokwisa kulanda ati, ''Bona, limbi mukashi obe. Nindo wacilandila ati, ninkashi yandi? Isaki aishile kulanda kuli ye, '' Pantu nacitontonkanya ukweba ati umo kuti anjipaya pakweba ati amubule.'' ¹⁰Abimeleki aishile kulanda ati, '' Cindo ici wacita kuli fwebo? Umo pabantu nga acisendama nomukashi obe, ngawacisa kuleta umulandu pali fwebo.'' ¹¹Eico Abimeleki aishile kusoka abantu bonse nokwisakulanda ati, ''Onse uwaikata muli uyu muntu nangu umukashi wakwe ilinokwisa kwipaiwa.''¹²Isaki alibyelemo ifilimwa muli ilya mpanga elo alisombwele umwaka umo wine umwanda umo, pantu Yaweh alimupalile. ¹³Umuntu alisangukile umukankala, elo aishile kukula nokwisa kuba uwamaka. ¹⁴Alikwete impanga ishingi elo neng'ombe, elo nababomfi abengi. Aba Filishiti balimumfwilile akalumwa.¹⁵Nomba fyonse ifishima ifyo ababomfi bakwa wishi baimbile munshiku shakwa Abraham wishi, aba Filishiti baishile kubakanya nokushikamo iloba. ¹⁶Abimeleki aishile kulanda kuli Isaki ati, ''Kabuye ukufuma kuli fwebo, pantu wakwatisha amaka palifwebo.'' ¹⁷Eico Isaki alifumineko elo nokuya kwikala mumupokapoka wa Garar, elo nokwikala mulya.¹⁸Nakabili Isaki aishile kwimba ifishima fyamenshi, ifyo balikwimba munshiku shakwa Abraham wishi. Aba Filishiti balibaleseshe panuma yamfwa yakwa Abraham. Isaki aishile kwinika ifishima amashina yamo yene ayo wishi ainikile.¹⁹Uluntu ababomfi bakwa Isaki baimbile mumipokapoka, baishile kusanga icishima cikopisha amenshi. ²⁰Bakacema bakwa Gerar balilakile nabakacema bakwa Isaki, elo baishile kulanda ati, '' Aya menshi yesu.'' Eico Isaki ainikile cilya cishima ''Eseki'' pamulandu wakweba ati balwile naye.²¹Eluntu baishile kwimba icishima cimbi, kabili balishile kulaka palico, eico aishile kucipela ishina ''Sitina''. ²²Alifumine palya elo nokuaya kwimba cimbi icishima, lelo tabalakile pali cilya. Eico aishile kucita Rehoboti, elo aishile kulanda ati, '' Nomba Yaweh apanga incende yesu, elo twalatunguluka mumpanga.''²³Eluntu Isaki aishile kuya ukufuma kulya ukuya ku Beresheba. ²⁴Yaweh aishile kuboneka kuliye bulyabwine bushiku elo nokwisa kuland ati, '' Nine Lesa wakwa Abraham wiso. Witina, pantu ndinawebo elo nkokupala elo nokufusha ulupwa lobe, pamulandu wakwa Abraham umubomfi wandi.'' ²⁵Isaki alikulile ubulambo palya elo apenikile ishina lyakwa Yaweh. Palya alishimpile itenti lyakwe, elo ababomfi bakwe baishile kwimba icishima.²⁶Eluntu Abimeleki aishile kuya ukufuma ku Gerar, na Ahuzati, umunankwe, elo na Piko, kapitao wafita fyakwe. ²⁷Isaki aishile kulanda kulibo, '' Cindo mukoishila kulinebo, pantu mulimpatile elo mulintamfishe kuli mwebo?''²⁸Eluntu baishile kulanda ati, Tulibwenekeshe ukuti Yaweh aliba nawebo. Eico twaishilekusala ukweba ati kufwile kube umulapo pakati kesu, ee, pakati kesu nawebo. Eico katupange icipangano nawebo, ²⁹pakwebati tawishile kutukalifya, ngefifine nafwebo tushakukalifye, elo ngefyo tukusendele bunebune elo nokukutuma ukuya umutende. Icishinka walipalwa kuli Yaweh.''³⁰Eico Isaki aishile kupanga umutebeto wabo, elo baliile nokunwa. ³¹Eluntu Isaki aishile kubatuma ukya, elo baishile kumusha mumutende.³²Ubushiku bulya bwine ababomfi bakwa Isaki balishile nokwisa kumweba pamulandu wacishima cilya baimbile. Baishile kulanda ati, '' tulisangile amenshi''. ³³Ainikile icishima Shiba, eico ishina lyaulya musumba ni Beresheba ukushinta nalelo.³⁴Uluntu Esau aishile kufika imyaka amakumi yane ubukulu, aishile kusenda umukashi, Jude umwana mwanakashi wakwa Beeri umwina Hiti, elo kabili Basemati umwana mwanakashi wakwa Elon wmwina Hiti, ³⁵Baliletele ubulanda kuli Isaki na Rabeka.

¹Uluntu Isaki akotele elo na menso yakwe yalipofwile icakuti alekele nokubona, aishile kwita Esau, umwana mwaume wakwe umukulu, elo nokulanda kuli ye ati, ''We mwana wandi umwaume.'' Esau aishile kulanda kuli ye ati, ''Ndi pano,'' ²elo Isaki aishile kulanda kuli ati, ''Bona kuno, ndikototele. Nteshibile ubushiku bwa mfwa yandi.³Eico senda ifyanso fyobe, Umusumbo elo ne nkwela, elo uye mu mpanga undungileko inama ya mpanga. ⁴Umpangile ifyakulya fyawamisha, filya ifyo natemwisha, elo nokuleta kuli nebo pakweba ati ningalya elo nkupale ilyo natalafwa.''⁵Nomba Rabeka alyumfwile uluntu Isaki alikulanda kuli Esau umwana mwaume wakwe. Esau aishile kuya mu mpanga mukulunga inama elo nokuyileta. ⁶Rabeka aishile kulanda kuli Yakobo umwana mwaume wakwe elo nokulanda ati, ''Bona kuno, nacumfwa ba wiso bakolanda kuli Esau ndume yobe.Balandile ati, ⁷'Ndetela inama ya mpanga elo nokumpangila ifya kulya ifisuma pakeba ati ningalya elo nokukupala ku cinso cakwa Yahweh elo ntalafwa.'⁸Nomba eico, we mwana wandi umwaume, nakila ishiwi lyandi ilyo nkoku konkomesha. ⁹Kabiye kumukuni, elo undetele utwana twa mbushi tubuili utusuma; elo nalapanga ifyakulyaifisuma ukufuma muli shena ifya ba wiso, ngefyo fye ba twmwa. ¹⁰Walatwala kuli ba wiso, pakweba ati benbalya, pakweba ati benga kupala ilyo tabalafwa.''¹¹Yakobo aishile kulanda kuli Rabeka nyina wakwe ati, ''Bona, Esau ndume yandi muntu wa mishishi, elo nebo ndi muntu wakutelela. ¹²Limbi batata bakonjikata, elo nkoboneka kuli ye nga uwabufi. Nkoleta itipu pali ne mwine tepalo iyoo.''¹³Nyina aishile kulandakuli ye ati, ''We mwana wandi, Leka itiipu lyonse liponene pali nebo. Umfwilafye ishiwi lyandi, elo nokuya, kafilete kuli nebo.'' ¹⁴Eico Yakobo aishile kuya nosenda utwana twa mbushi elo nokutuleta kuli nyina. elo na nyina aishile kupanga ifyakulya fyabune, ngefyo fye wishi atemenwe.¹⁵Rabeka aishile kusenda ifyakufwala fyabune ifyakwa Esau, umwana mwaume wakwe umukulu, ifyo ifyali na ye mu ng'anda, nokufwika Yakobo, umwana mwaume wakwe umuwaice. ¹⁶Aishile kubika no mukupo wa twana twa mbushi ku maboko yakwe elo na ncene yakumukoshi iya kutelela. ¹⁷Aishile kubika ifya kulya fyabune elo nomukate ifyo apakenye mu maboko ya mwana mwaume wakwe Yakobo.¹⁸Yakobo aishile kuya kuli wishi elo nokulanda ati, ''Tata.'' Wishi aishile kulanda ati, ''Ndipano; niwe nani, we mwana wandi?'' ¹⁹Yakobo aishile kulanda kuli wishi ati, ''Ni nebo Esau ibeli lyenu. Ndicitile nhefyo mwacilanda kuli nebo. Nomba imeni elo nokulya ifyakulya fimo panama ya mpanga yandi, pakweba ati mu mpale.''²⁰Isaki aishile kulanda ku mwana mwaume wakwe, ''Caba shani ukuti apapene mukwangufya waisanga, we mwana mwaume wandi? Aishile kulanda ati, ''Pantu Yahweh Lesa wenu aciileta kuli nebo.'' ²¹Isaki aishile kulanda kuli Yakobo ati, ''Isa mupepi kuli nebo, pakweba ati nkwikate, we mwana mwaume wandi, elo njishibe nga ni webo umwana mwaume wandi uwacishinka Esau nangula tewebo.''²²Yakobo aishile kupalamina kuli Isaki wishi; elo Isaki aishile ku mwikata elo nokulanda ati, ''Ishiwi lishiwi lyakwa Yakobo, lelo amaboko maboko yakwa Esau.'' ²³Isaki tamwishibile, pantu amaboko yakwe yali aya mishishi, nga maboko yandume yakwe Esau, eico Isaki aishile kumupala.²⁴Aishile kulanda ati, ''Bushe niwefye mucishinka umwana mwaume wandi Esau?'' Aishile kwasuka ati, ''Ni nebo wine.'' ²⁵Isaki aishile kulanda ati, ''leta ifyakulya kuli nebo, elo nalalya inama ya mpanga yobe, pakweba ati nkupale.'' Yakobo aishile kuleta ifyakulya kuli ye. Isaki alilile, elo Yakobo aishile kumuletela umwangashi elo aishile kunwa.²⁶Eluntu wishi Isaki aishile kulanda kuli ye ati, ''Isa mupepi nomba elo nokuntomona, we mwana mwaume wandi.'' ²⁷Yakobo aishile kwisa mupepi elo nokumutomona, elo anunshishe icena ca fyakufwala fyakwe elo nokumupala. Aishile kulanda ati, ''Bona, icena ca mwana mwaume wandi cili kwati cena ca mpanga iyo Yahweh apalile.²⁸Lesa nakupele incende ya mume wa kumulu, incende yakulisha pa calo, elo iya fisabo ifingi elo nomwangashi uupya.²⁹Abantu na bakubombele elo ne nko ukufukama kuli webo. Ba umukulu pali ba munyina bobe, elo abana baume bali banoko bakufukamine. Leka onse uukakutipa akatipwe; na onse uukakupalwa akapalwe.''³⁰Ilyofye Isaki apwishishe ukupala Yakobo, elo Yakobo aishile kufuma kucinso cakwa wishi Isaki, Esau ndume yakwe asihile kwisa ukufuma mukulunga kwakwe. ³¹Nao wine aishile kupanga ifyakulya ifisuma elo nokwisa kufileta kuli wishi. Aishile kulanda kuli wishi ati, ''Ima elo lya ifyakulya fyana ya mpanga iya mwana mwaume obe, pakweba ati winga mpala.''³²Isaki wishi aishile kulanda kuli ye ati, ''Ni webo nani?'' Aishile kulanda ati, Ni nebo umwana mwaume obe, ibeli lyobe Esau.'' ³³Isaki aishile kutina apakalamba elo nokulanda ati, ''Aciba ni nani uwacilunga iyi nama elo nokuleta kuli nebo? Nacilya ilyo taulaisa, elo ndimupalile. Mucine, akapalwa.''³⁴Uluntu Eau aishile kumfwa amashiwi yakwa wishi, aishile kulila necikonko icikalamba mukulila, elo aishile kulanda kuli wishi ati ''Pala, na nebo wine, we tata wandi.'' ³⁵Isaki aishile kulanda ati, ''Ndume yobe acisa mubunsolo elo alisendele ipalo lyobe.''³⁶Esau aishile kulanda ati, ''Bushe tainikwa fye bwino ati Yakobo? Pantu amfimfyanya ifi imiku ibili. Alisendele ububeli, elo boneni, nomba ansendela ne palo.'' Eluntu aishile kulanda ati, ''Bushe tamunshilileko ipalo lyandi?'' ³⁷Isaki aishile kwasuka elo nokwisa kulanda kuli Esau ati, ''Bona, ndimupangile ukuba shiku obe, elo ndipele kuli ye bonse ba ndume yakwe ukuba abasha bakwe, elo ndimupele ifisabo elo nomwangashi uupya. Cinshi cimbi ico ningajucitila, we mwana mwaume wandi?''³⁸Esau aishile kulanda kuli wishi ati, ''Bushe tamukwetepofye nangu limo ipalo lyandi, we tata wandi? Pala, na nebo wine, we tata wandi.'' Esau aishile kulila apakalamba.³⁹Isaki wishi aishile kwasuka nokwisa kulanda kuli ye ati, ''Bona, incende uko ukekala kukaba ukutali ukufuma ku bunonshi bwa calo, ukutali ukufuma ku mume wa mumulu. ⁴⁰Kulupanga lobe eko ukekalila, kabili ukabombela indume yobe. Lelo uluntu wa sunguka, ukakunta ikolilyakwe ukufuma ku mukoshi obe.''⁴¹Esau aishile kupaata Yakobo ba mulandu we palo ilyo wishi amupele. Esau aishile kulanda mu mutima wakwe ati, ''Inshiku shakulosha tata shili palemo; panuma yaico nkepaya ndume yandi Yakobo.'' ⁴²Amashiwi yakwa Esau umwana mwaume wakwe umukalamba yaishile kwebwa kuli Rabeka. Eico aishile kutuma elo nokwita Yakobo umwana mwaume wakwe umwaice elo nokwisa kulanda kuli ye ati, ''Bona, ndume yobe Esau akoikoselesha umwine palwa kupanga uku kwipaya.⁴³Nomba eico, we mwana mwaume wandi, nakila nebo elo nokufulumukila kuli Lebani, ndume yandi, mu Harani. ⁴⁴Wikale naye panono, mpaka icifukushi ca ndume yobe cikacepeko, elo nga alaba ifyo wa cita kuli ye. ⁴⁵Eluntu nkatuma elo nokukubwesha ukufuma kulya. Nindo ningamilushila bonse mu bushiku bumo?⁴⁶Rabeka sihile kulanda kuli Isaki ati, ''Ndi wa naka no bwikashi pa mulandu wa bana bakwa banakashi bakwa Heti. Nga cakuti Yakobo asenda umo pa bana banakashi bakwa Heti ngo mukashi wakwe, kwati nga aba abanakashi, bamo aba abanakashi ba mu musumba, busuma nshi ubo ubikashi bwandi bukaba kuli nebo?''

¹Uluntu Isaki akutile Yakobo, alimupalile, elo alimukonkomeshe ati, ''Tekuti ubule umukashi ukufuma mubanakashi bamu Kenani. ²Ima, kabuye ku Paddan Aramu, kung'anda yakwa Bethuel wishi wakwa noko, nokuyabula umukashi kulya, umo pabana banakashi bakwa Laban, ndume wakwa noko.³Leka Lesa wamaka yonse akupale, akupele ubufyashi elo nokubufusha. Pakuti ukesekuba nebumba lya bantu ilikulu. ⁴Leka ipaalo lyakwa Abram apeele, kuli webo, naku bufyashi bobe ubukakukonkapo, ukuti ukapyane icalo ico ukekalamo, ico Lesa apele kuli Abram.''⁵Nomba Isaki amulekeleko aya, Yakobo aishile kuya ku Paddan Aramu, kuli Labani umwana wakwa Bethuele umwina Rramu, ndume wakwa Rabeka, nyina wakwa yakobo na Esau.⁶Nomba Esau abwene ukuti Isaki alipalile Yakobo nokumutuma ku Paddan Aramu kukupa umukashi kulya, kabili abwene ukuti Isaki alimupalile elo nokumukonkomesha, no kulanda ati, ''Wikoopa umukashi mubanakashi abena Kenani.'' ⁷Esau nakabili abwene ukuti Yakobo alyumfwile kuli wishi na kuli nyina, elo aliile ku Paddan Aramu.⁸Kbili Esau abwebe ukuti abanakashi bamu Kenani tabasekeshe wishi. ⁹Eico aishile kuya kuli Ishimaeli, elo abulile, pa bakashi bakwe abo akwete, Mahalati umwana mwanakashi wakwa Ishimaeli , umwana mwaume wakwa Abram, nkashi wakwa Nebaioti, kukuba umukashi wakwe.¹⁰Yakobo alifumine ku Beresheba elo aishile kuya ku Haran. ¹¹Aishile kuya ku ncende imo elo aikele kulya ubushiku bonse, pamulanda wakuti akasuba kaliwile. Aishile kubula pamabwe ilibwe limo muncende mulya, alibikile kumutwe wakwe epo asamine, elo alele pa ncende ilya.¹²Alilotele nokubona umutanto ulishimpilwe pa calo. Kabili walifikile nakumulu elo ba mailaka bakwa Lesa balikuninikilako no kwicilukilako. ¹³Boneni, Yaweh alitaleme pamulu wamutanto elo aishile kulanda ati, Ninebo Yaweh, Lesa wakwa Abram wiso, kabili Lesa wakwa Isaki. Incende iyo usendememo, nkapela kuli webo naku bufyashi bobe.¹⁴Kbili ubufyashi bobe bukesakuba ngo lukungu lwa pacalo, elo mukasalanganina konse ku masamba, kukabanga, kukapinda ka kukuso elo nakukapinda ka kukulyo. Ukupitila muli webo elo no kupitila mufyashi bobe emo shikesa kupalilwa indupwa sha pano calo shonse. ¹⁵Bona, nebo ndi nobe, elo nakulakusunga konse uko ukuya. Nkakubwekesha muli ciino cine icalo nakabili; pantu ntakakushe. Kano nkakucitile fyonse ifyo nalaile kuli webo.''¹⁶Yakobo aishile kubuka mutulo, elo aishile kubuka at, ''Cine cine Yaweh ali muli ino ncende, na nebo ntaishibile ici.'' ¹⁷Yakobo alyumfwile umwenso elo aishile kulanda ati, ''Wekutinya kwa ncende ino! Pano pantu tapali cimbi ukucila pang'anda yakwa Lesa. Iyi empongolo yaku mulu.''¹⁸Yakobo alishibukile ulucelo celo elo aishile kubula ilibwe iyo asaminepo. Alimikile ngecakwibukishishapo kabili aishile kwitilapo amafuta pamulu waliko. ¹⁹Ainikile ishina lya pa ncende ilya Betele, lelo ishina lya musumba kukale lyali Lusi.²⁰Yakobo alilaile icilayo, elo aishile kulanda, ''Ngacakutil Lesa akalakuba na nebo no kuncingilila pali ubu ubulendo ubo nkoenda, elo no kumpela ifyakulya, elo ne fyakufwala, ²¹pakuti nkabwekele mumutende ku ng'anda yakwa tata, elo Yaweh akaba Lesa wandi. ²²Uluntu ili libwe ilyi njimikile ngecakwibukishishako lyakuleba eng'anda yakupepelamo Lesa ukufuma pali fyonse ifyo walikunpela, cine cine fye nkabulapo icekumi no kupela kuli webo.''

¹Eluntu yakobo waile mulwendo lakwe waile kucalo ca bantu bakukabanga. ²Ilyo aishile kulolesha, aishile kubona icishima mumpanga, elo boneni, amabumba yatatu aya mpanga yalilele mupepi ne cishima. Pantu nipali ici cine icishima epo balikunwishisha amabumba, elo ne cilibwe ico calikuba pamilomo yacishima cal icikulu. ³Uluntu amabumba yabungana palya, bakacema balikufumyapo icilibwe pamilomo yacishima elo banwisha impanga, nakabili babwekeshapo icilibwe pamilomo yacishima, palya pene epo calikwikala.⁴Yakobo waishile kulanda kuli bo ati, ''Bamunyina, nikwisa uko mufumine?'' Baishile kwasuka ati, ''Tufumine ku Haran.'' ⁵Waishile kulanda kuli bo ati, ''Bushe mwalishiba Laban umwana wakwa Nahor?'' Baishile kulanda ati, ''Twalimwishiba.'' ⁶Waishile kulnda kuli bo ati, ''Bushe alibwino?'' Baishile ulanda ati, ''Alifye bwino. elo, bona kulya, Rakeli umwana wakwe uyo ukoisa ne mpaanga.''⁷Yakobo waishile kulanda kuli bo ati, ''Bona, ili ni nshita ya kasuba pakati. Tenshita ya mabumba ya nama ukuba capamo. Mufwilw mwanwesha impaanga elo no kushileka ukuya mukulya.'' ⁸Baishile kulanda ati, ''Tekuti tushinwishe mpaka fye shonse shalongana capamo. Eluntu balinokufumyapo icilibwe pamilomo yacishima, elo kwingaba ukunwisha impaanga.''⁹Ilyo Yakobo walikulanda nabo, Rakeli waishile ne mpaanga shakwa wishi, pantu ewali kushicema. ¹⁰Uluntu Yakobo wabwene Rakeli, umwana mwanakashi wakwa Laban, indume ya banyina, elo ne mpaanga shakwa Laban, indume ya banyina, Yakobo walileko, nokukunkulusha icilibwe ukufumya pamilomo ya cishima, elo nokunwesha amabumba ya mpaanga shakwa Laban, indume ya banyina.¹¹Yakobo waishile kutomona Rakeli elo aishile kulila apakalamba. ¹²Yakobo waishile kweba Rakeli ukuti ni lupwa wakwa wishi, elo nokumweba ati wali mwana wakwa Rabeka. elo waile ulubilo nokuya eba ba wishi.¹³Uluntu Laban aishile kumfwa ilyashi palwa kwa Yakobo umwana wakwa nkashi yakwe, waishile kuya ulubilo kukumukumanya, amufukata, amutomona, elo aishile kumusenda kung'anda yakwe. Yakobo waishile kweba Laban ifi fyonse. ¹⁴Labani waishile kulanda kuli ye, ''Mucishinkafye ulifupa lyandi elo kabili umunofu wandi.'' Eluntu Yakobo waikele na Laban nakalimo umwenshi umo.¹⁵Eluntu Laban aishile kulanda kuli Yakobo, ''Bushe kuti wamombelafye apabula nangu cimo pabula amalipilo pantu uli lupwa lwandi? Unjebe, bushe amalipilo yobe kuti yaba shani?'' ¹⁶Nomba Laban ali nabana abanakashi babili. Ishina lyamukalamba bantu ni Leya, elo ne shina lya mwaice bantu ni Rakeli, ¹⁷Amenso yakwa Leya yali ayakufuka, lelo Rakeli ali umusuma kabili nokumoneka bwino. ¹⁸Yakobo atemenwe Rakeli, eico aishile kulanda ati, ''Ndi nokumibombela imyaka cine lubali pali Rakeli, umwaice pabana banakashi.''¹⁹Laban aishile kulanda ati, ''Kuti cawama ukumufya kuli webo ukucila kumwaume umbi. Ikala naine.'' ²⁰Eico Yakobo abombele Rakeli imyaka cine konsekonse; elo kuli ye cali kwati ninshikufye ishinono, pamulandu nefyo amutemenwe.²¹Eluntu Yakobo aishile kulanda kuli Laban, ''Mpeni umukashi wandi, pantu inshiku shilikumene--- pakuti muupe! ²²Eico Laban akolongenye abaume bonse abamuli ilya ncende elo aishile kupanga umutebeto.²³Icungulo, Laban aishile kusenda umwana wakwe Leya elo amutwele kuli Yakobo, nao aishile kulala nankwe. ²⁴Laban aishile kubula umubomfi wakwe umwanakashi Zilipa nokumutwala kuli Leya, ukuti abe umubomfi wakwe . ²⁵Mulucelo, boneni, ali ni Leya; Yakobo atile kuli Laban, Findo ifi mwacita kuli nebo? Bushe nebo ntamibombele pamulandu wakwa Rakeli? Nindo mwambepela?''²⁶Laban aishile kulanda ati, ''Telutambi lwesu ukufya umwana umwanakashi umwaice ilyo umukalamba bantu talaupwa. ²⁷Pwisha ukusefya ubwinga bwa uyu mwana, elo tuli nokukupela no mwaice bantu naowine uli nokumubombela imyaka cine lubali.''²⁸Yakobo acitile ifyo fine, elo wapwile umulunu wakusefya uwakwa Leya. Eluntu Laban aishile kupela umwana wakwe Rakeli ngo mukashi naowine. ²⁹Laban aishile kupela Rakeli Bilha, ukuba umubomfi wakwe. ³⁰Eico Yakobo aishile kulala na Rakeli, naowine, lelo atemwishishe Rakeli ukucila Leya. Eico Yakobo aishile kubombela laban naimbi imyaka cine lubali.³¹Yaweh abwene ukuti Leya tabamutemenwe, eico aiswile ubufyashi bwakwe, lelo Rakeli ali ning'umba. ³²Leya aishile kwimita elo aishile kufyala umwana umwaume, elo aishile kumwinika Rubeni. Pantu aishile kulanda ati, ''Pantu Yaweh aloleshe ubulanda bwandi; cinefye umulume wandi ali nokuntemwa.''³³Eluntu aishile kwimita nakabili no kufyala umwana umwaume. Aishile kulanda ati, ''Pantu Yaweh alyumfwile uuti ntatemwikwa, eico ampela nakabili uyu mwana umwaume,'' elo aishile kumwinika ishina lyakwe Simeon. ³⁴Elintu aishile kwimita nakabili nokufyala umwana umwaume. Aishile kulanda ati, ''Nomba uno muku umulume wandi akolambatila kuli ne, pantu ndi mufyalile abana abaume batatu.'' Eico ishina lyakwe ali ni Levi.³⁵Nakabili aishile kwimita elo nokufyala umwana umwaume. Aishile kulanda ati, ''Iyi nshita ndi nokulumbanya Yaweh.'' Eico amwinikile ishina lya Yuda; elo alekele ukufyala abana.

¹Uluntu Rachel abwene ukuti tafyeleko umwana kuli Yakobo , Rachel aishile kukwata akalumwa kuli nkanshi yakwe aishile kweba Yakobo, "Mpela abana, nangu nalafwa.'' ²Yakobo icipyu cakwe caishile kuba pali Rachel. Aishile kulanda, "Ndimuncende yakwa Lesa, uwakusunga mukukana kwata abana?''³Alandile, "Bona, nikwata umubomfi wandi Bihah. Uye kuli ena, pakuti engakwata abana pamakasa yandi, elo nebo ningakwata abana kuli ena.'' ⁴Kabili aishile kumupela ena umubomfi Bilhah ngo mukashi wakwe, elo na Yakobo aishile kuya kuli ena.⁵Bilhah aishile kwimita elo aishile kufyalila Yakobo umwana umwaume. ⁶Eluntu Rachel alandile, "Lesa nacitila umulinganya nebo, elo naumfwa ishiwi lyandi elo alipele no mwana mwaume.'' Pamulandu waici aishile kumwinika ishina Dan.⁷Bilhah umubomfi wakwa Rachel, aisa kwimita nakabili elo aisa kufyalila Yakobo umwana mwaume uwakulenga bubili. ⁸Racechel alanda,"Namaka ayo nashomboka nankanshi yandi elo nincimfya.'' Aishile kumwinika ishina lyakwe Naphtali.⁹Uluntu Leah aishile kubona ukuti alilekele ukukwata abana,aishile kubula Zilpah, umubomfi wakwe, elo aisa kumupela kuli Yakobo ngo mukashi wakwe. ¹⁰Zilpah umubomfi wakwa Leah, asakufyalila Yakobo umwana mwaume. ¹¹Leah alanda, "Ili lishuko.'' kabili aishile kwmwita ishina Gad.¹²Eluntu Zipah, umubomfi wakwa Leah, aishile kufyalila Yakobo umwana mwaume. ¹³Leah alandile, "'Nateemwa!'' Pantu abanakashi bakalankuta uwashuka." Kabiliaishile kumwita ishina lyakwe Asher.¹⁴Reuben aishile kuya munshiku shakulobolola ingano elo aishile kusanga Mandrosora mwibala. Aishile kuleta kuli nyina wakwa Leah. Eluntu Rachel aishile kulanda kuli Leah, Mpelako imo iya mu mwana mwaume obe Mandrasora.'' ¹⁵Leah aisakulanda kuli ye, "Cili mulndu unono kuli webo, ukumpoka umulume wandi? Nakabili ulefwaya ukupoka Mandrasora yamwana mwaume wandi, kabili?'' Rachel alandile, "Kabili aleisa kusendama kuli webo buno bushiku, mukucinjanya kwaba Mandrasora bamwana mwaume obe?''¹⁶Yakobo abwela ukufuma kwibala mucungulo. Leah afuma mukumukumanya elo aisa kumweba, " ulingile ukwisa kuli nebo ,pantu nikwashima muli ba Mandrasora bamwana mwaume wandi.'' Eluntu Yakobo alekusendama na Leah bulya bushiku. ¹⁷Lesa aishile kumfwa leah, elo aishile kwimita no kufyalila Yakobo umwana mwaume uwakulenga cisano. ¹⁸Leah aisa kulanda, "Lesa nampela icilambu, pantu nalipela umubomfi wandi umanakashi ku mulume wandi.'' Aishile kumwita ishina lyakwe Issachar.¹⁹Leah asakwimita nakabili elo nokufyala umwana mwaume uwakulenga Mutanda kuli Yakobo. ²⁰Leah aisakulanda, "Lesa alimple ubupe ubwabune. Nomba umulume wandi akalekuncindika, Pantu ndimufyalile abana baume mutanda'' Aishilekumwita ishina lyakwe Zebulu. ²¹Panuma aishile kumufyalila umwana umwanakashi elo aisakumwinika ishina lyakwe DInah.²²Lesa aibukishe Rachel elo aishile kumfwa kuli yee. Aishile kumwiswila ubufyashi pakuti engemita. ²³Aishile kwimita elo aishile kufyala umwana mwaume. Aishile kulanda, "Lesa alisendele umusebanya wandi.'' ²⁴Aishile kumwinika ishina ati, Yosefu, ekutila Alindundileko umwana mwaume.''²⁵Panuma Rachel nafyala Yosefu, Yakobo aisakulanda kuli Laban, "Untume ndekuya, pkuti nebo ningaya kung'anda yandi elo kucalo candi. ²⁶Mpela bakashi bandi elo na bana bandi pantu naibabombela kuli webo, elo undeke ndekuya, pantu ulishibe ukubomba nalekubombela.''²⁷Labani alandile kuli yee, "Ngacakuti nisanga nomba ububile mumenso yobe, Lolela pantu ndisambile ukupitila mukupendula ukuti Yahweh alimpalile pamulandu obe. ²⁸ELuntu alandile, "Landa icilambu cobe, elo ndebapela.''²⁹Yakobo alandile kuli ye, " Ulishibe ifyo nalikukubombela, elo nefyo ifitekwa fyobe fyaikele kuli nebo. ³⁰Pantu wakwete ifinono uluntu nshilasa, elo filifulile nokusanduluka. Yahweh nakupala mukubomba nalikubomba. Nomba nililali nkapekanishisha abamung'anda yandi kabili.''³¹Eico labani alandile, " Cindo ico ndekupela?'' Yakobo aisakulanda, " Taulempela nangu cimo. Ngacakuti wacita ici ci cintu kuli nebo, nkobwekeshapo ukulisha umukuni obe noku ulinda. ³²Uleke ngende mumukuni obe onse nomba, mfumyemo shonse ishafisembe elo ne mpanga shamabala, elo n shonse ishafita mukati kampanga, elo ishamabala elo ne shafisembe mukati kambushi. Ishi shikaba efilambu fyandi.³³Necishinka candi cikesa kumoneka muli nebo kuntashi, uluntu mukesa mukunonda pa filambu fyandi. Yonse iyabula ifisembe elo nesha mbala mukati kambushi, elo nesha fita mukati kampanga, nga cakuti imo yasamgwa nanebo, ekeshibikwa ukuti yakwiba.'' ³⁴Labani alandile, ''Nasumina, Nacibe ifyo fine ukulingana neshiwi lyobe.³⁵Bulya bushiku Labani aishilekufumya imbushi ishaume ishali nefisembe elo namabala, elo na shonse ishanakashi imbushi ishali nefisembe elo namabala, shonse ishabuta muli shena, elo nashonse ishafita mukati kampanga, elo aishile kushipela mukuboko kwabana baume bakwe. Eico ³⁶Labani aishile kubika ubulendo bwa nshiku shitatu pakati kakwe elo na Labani. Eico Yakobo alikonkenyepo ukucema inama shakwa labani ishashelepo.³⁷Yakobo aishile kubula amembya ayabishi aya muli bo, lo mulushi elo neya muamone, elo aishile kubamo ne mindoloshi iyakubutuluka no kusotola ukubuta kwa membya. ³⁸Elo aya membya ayakubukwa aishile kubika apalungatene ne nama, mumikolwa shabukile pakwisa mukunwa.³⁹Ne nama shalekubukila mumembya; elo ne nama shaishile kwamba ukufyala abana, abafisembe, elo n mabala yanono. ⁴⁰Yakobo aishile kulekanya aba abana , nomba aishile kulosha amenso kunama shamindoloshi elo na shonse impanga ishafita mu nama shakwa labani. Eluntu aishile kwabanya imikuni yakwe umwine eka elo tashibikile pamo nemikuni shakwa Labani.⁴¹Lyonsefye ulo ipmanga shakosa mumukuni, shabikile, eluntu yakobo abikile amembya mu mikolula panuma mu menso ya mikuni, pakuti fibukile mu membya. ⁴²Nomba ulo inama shatompoka mumukuni shaishile, tabikilepo amembya kutanshi ya fiko. Eico inama ishatompoka shali shakwa Lbani, elo isha maka shali shakwa Yakobo.⁴³Noyu muntu aishile kutunguluka. Aishile kukwata umukuni uwingi, umubomfi abanakashi, elo ababomfi abaume, elo impunda elo na madonki.

¹Nomba Yakobo aishilekumfwa amashiwi yakubamwana Labani abaume , balikulanda ati, '' Yakobo alibulile ifyuma fyonse ifyakwa tata emo atantwila ifi fyuma .'' ²Yakobo alibwene imimonekele yakwa Labani pa menso.Alibwene ukwebati umubela wakwe ukulosha kuli ena walyalwiile. ³Eluntu Yaweh alandile kuli Yakobo,'' Bwelela ku mpanga ya fikolwe fyobe na kuli balupwa lobe, elo nandi nkaba nobe.⁴Yakobo alitumine no kuya kukuta Lakeli na Leya ukuti bese ku mpanga kufitekwa fyakwe ⁵nokubeba ati,'' Ndimwene umubela wakuba wishinwe ukulosha kuli nebo ulyalukile, Lelo Lesa wakuba tata aba nanebo. ⁶Mwalishiba ukuti nikubukose bwandi bonse eko nabombele ba wiso.⁷Bawso balincelesha pa kwalula amalipilo yandi imiku ikumi limo, lelo Lesa tamusuminishe ukwebati ancene. ⁸Nga alandile ukweba ati,'' inama shafisema ishakuba amalipilo yobe ; elo umukuni onsefye waisakufyala ishafisemba ishaina. Nga alandile ati; isha mingolosha esha kwisa kuba amalipilo yobe; elo umukuni wa musuma waisa kufyala isha mingoloshi ishaina. ⁹Nimuli iyi ine inshita Lesa apokolwelamo ifitekwa fya kuba wishinwe no kupela kuli nebo.¹⁰Pakashita kamo lulya inama shitamfyanya, nalimwene muciloto basawe bali kutamfya umukuni. Basawe balikuba abamingoloshi , amabala nama ntonintoni. ¹¹''Na malaika wakwa Lesa alandile kuli nebo muciloto,' Yakobo.' Nalyasukile ,'' ndi pano.'¹²Epakunjeba ati, ' Inuna no bona bonse basawe bobe abaletamfya pa mukuni. Shibili ne mingoloshi, na mabala, nama ntoni ntoni, pantu ndibwene fyonse ifyo Labani alikucita kuli webo. ¹³Ninebo Lesa waba ku Betele, kulya waishile kusuba icaimikwa, kulya walapile kuli nebo. Nomba ima no kufuma muli ino mpanga no kubwelela ku mapanga ya mpapo yobe.'''¹⁴Rakeli na Leya balishile kumwasuka no kumweba ati,'' Bushe nga fwebo takuli icakaniko nangula ifya kupyana mung'anda yakuba tata? ¹⁵Bushe fwebo tat aletucita kubati bena fyalo? pantu walitushitisha lo walilya ne ndalama shesu shonsefye. ¹⁶Eco no bukankala bonsefye Lesa apokele ukufuma kuli batata nomba bwesu nabana besu. Eco nomba , citafye, ico conse ico Lesa akwebele .''¹⁷Eluntu Yakobo aimine no kuninika abana baumue bakwe nabana banakashi bakwe pa ngamali. ¹⁸Atangishe ifitekwa fyakwe, nefyuma fyonse, ukubikapofye nefitekwa ifyo anonkele mu Padan Aramu. Eluntu watampile ukubwelelamo kuli wishi Isaki mu calo ca kenani.¹⁹Uluntu Laban aile mukubeya impanga shakwe, Rakeli aishile kwibila wishi tu lesa twa ng'anda yakwe. ²⁰Yakobo naye alicenjelele Laban umwana wakwa Aramu, pakutamulaya ulwa bulendo bwakwe. ²¹Efyo aishile ku fyuka na fyonse efyo akwete no kuya kwabuka no mumana ulubilo , alungeme ku calo caku lupili mu Gileadi.²²Pabushiku bwakulenga shitatu eluntu Laban baishile kumweba ati Yakobo alifyukile. ²³Elo nae apitile ulupwa lwakwe no kukonkamo ubulendo bwa nshiku cine lubali, Wishifyala amusangile mu calo ca kulupili ku Gileadi.²⁴Nomba Lesa aishile kuli Labani waku Aramu mu ciloto ubushiku no kumweba ati,'' Ube uwa cenjela wilanda kantu nelyo kamo kuli Yakobo icabune nangu icabubi.'' ²⁵Laban alimusangile Yakobo. Nomba ninshi alimike inkambi yakwe mu calo ca mumpili. Laban nae no lupwa lwakwe balimikile mu calo ca kumpili mu Gileadi.²⁶Labani alandile kuli Yakobo ati,''indo wacitila ifi, ulo webo wancenjesha wa mfyushisha nabana banakashi kubati ni bankole ba munkondo? ²⁷Nindo wafyukile mu bumfisolo no kumbepa no kukana njibukishako? Nganalikufishishepo mukusefya ne nimbo, sha masese no tumpyoli. ²⁸Webo tawandekele nafishapo abeshikulu nabana bandi kukubafyompa, Nomba ifyo wacitile bunangwa.²⁹Ndikwete amaka yakukucita icabubi, lelo Lesa wakwa wiso alandile kuli nebo ubushiku ati, ' Ucengele wiisa kulanda icabubi nangula ica bune kuli Yakobo.' ³⁰Nomba ulifumineko nipakweba ati wali kufuluka ukubwelelamo ku ng'anda yakuba wiso. Nomba nindo waibile utumilungu twandi?'''³¹Yakobo aishile kwasuka kuli Laban ati, ''Pantu nalikwete umwenso ukweba ati limbi kuti wa mpokolola ku maka abana banakashi bobe epa kufumako mubumfisolo. ³²Kuli uyo onse uwakwibile utumilungu tobe takekale. Pamenso yakuba lupwa lwesu, cencenteni fyonse ifili kuli nebo ifyenu elo mupite.'' Pantu Yakobo taishibile ukweba ati Rakeli ewamwibile utumilingu .³³Labani aingile mwi tenti lyakwa Yakobo, aingila muli Leya na mwi tenti lyaba bomfi babili abanakashi ,lelo tatumwene awe. Alifumine mwi tenti lyakwa Leya no kwingia mwi tenti lyakwa Rakeli.³⁴Kanshi Rakeli ewapitile tu lesa twa mung'anda, atubikile na mucipapa ca ngamali' elo aikalapo. Laban alipitile mwi tenti monsefye lelo tafibwene. ³⁵Alilandile na kuli wishi,'' Mwifulwa shikulu wandi, tekuti njiminine , pantu ndi ku mweshi.'' Naye alipikite lelo tatusangile tu lesa twa ng'anda yakwe.³⁶Yakobo ali fulilwe elo aebaula Laban, amweba ati,'' Mulandunshi ncitile? Bubi ndo ncitile pakwebati mule kununga ? ³⁷Pantu iikitile ifikwatwa fyandi. Finshi pafya ng'anda yobe ifyo usangilemo? Filete apa mumenso yakuba lupwa wesu pakweba ati ba pingule pali fwebo babili.³⁸Ndikele nobe pa myaka amakumi yabili. Impanga ne mbushi shobe ishikota tasha pulumunapo, kabili ntalilepo nangula ni mpaanga ukufuma pa mukuni. ³⁹Nshali kumiletela inama isho balikwipaya kufi swango. Nalolwine , nalikupyanikishamofye lyonse fye inama shonse ishali mukuluba mwali kunjeba nafutilamo, nga balibile akasuba nangu ubushiku. ⁴⁰Kulya ; mkasuba nalikupya elo no bushiku nali kututuma; elo ntali kulalapo tulo efyo naikele. Ifi efyo naikele mung'anda yobe pa myaka amakumi yabili. Nali kubombela imyaka ikumi limo na cine .⁴¹Ifi efyo naikele mu ng'anda yobe pa myaka amakumi yabili . Nalikubombele pa myaka ukumi limo na cine pa bana banakashi bobe babili, elo nacemene ifitekwa pa myaka mutanda. Mwali ngalwililile amalapilo kwi kumi limo. ⁴²Kutabula Lesa wakwa tat, Lesa wakwa Abraham, kabili uyo Isaki atina , Uwali na nebo mukabushefye ngawantamfishe ukutabulapo kantu. Lesa alibona ukucululuka kwandi nefyo nabombeshe, efyo na Lesa acimukalipla lelo ubushiku.⁴³Laban alimwasukile no kweaba Yakobo ati, '' Aba abanakashi bana bandi, ababeshikulu, ne fitekwa nafyo fitekwa fyandi, nefyo ulebona fyonse fyandi. Nomba nindo ningacita lelo kuli aba bana bandi nangula ku bana babo bafyala? ⁴⁴Kanshi nomba ka tupingane, webo na nebo, elo cibe ekambone pakati kobe nanebo.''⁴⁵Na Yakobo abulile ibwe no kulitalamika nge cakwibushishapo. ⁴⁶Yakobo alandile na kuli balupwa lwakwe ati,'' Longanyeni amabwe.'' Elo nabo bapitile amabwe nokuyatulika umwina . Eluntu balililepo ifyakulya pepi no mupili wa mabwe. ⁴⁷Laban ainikile ishina Jegar Saha Dutha, lelo Yakobo ainikile ati Geladi.⁴⁸Laban alandile ati,'' uyu mupili uli ni kambone pakati kobe na nebo,'' efy o no mupli wakutilwe Giledi. ⁴⁹Kabili lwa kutilwe misapi, pantu Laban alandile ati, '''Yaweh engasopa pali webo nandi, uluntu tukalekana ukufuma mumenso ya cila muntu ukufuma mumu nankwe. ⁵⁰Ngawaisa kucusha abana bandi nangu waisa kubopilako abanakashi bambi, nangula tapali umbi uuli na fwebo , lolesha, Lesa fye ekambone pali webo nandi.⁵¹Labani aebele Yakobo, '' Lolesha pali uyu mupili, lolesha napa libwe ifyo ntalamikile pakati kobe nandi. ⁵²Uyu mupili ni kambone, nelibwe ni kambone, eco nshaka ciluke uyu mupili ukwisa kuli webo, efyo nobe tawakaciluke uyu mupili neli libwe ukwisa kuli nebo mukuncusha. ⁵³Lesa wakwa Abrahamu, na lesa wakwa Nohor, lesa wafikolwe fyabo akapingule pa kati kesu. '' Yakobo alapile pe shina lyakwa Lesa uyo wishi Isaki atina.⁵⁴Yakobo alipele icelambo palya palupili elo akutile na bantu bakwe kukulya icilyo. Balilile elo no kucesha ubushiku bonse palupili. ⁵⁵Pa lucelo celo Laban alyalamukile, atomona abeshikulu bakwe elo nabana banakshi bakwe no kubapala bonse. Efyo Laban afumineko no kubwelela kwakwe.

¹Na Yakobo ali palwe lwakwe , naba malika bakwa Lesa bali mukumenye . ²Uluntu Yakobo ababa bwene , alandile ati ,'' ino ninkambi yakwa Lesa ,'' elo ashile kwimika ishina ilya incende ati ni Mahanaim .³Yakobo alitumine intumi ukumutangilila kuli wabo Esau mucalo ca Seiri , mucitungu ca Edom . ⁴Abakonkomeshe noku beba ati , '' ifi efyo mukalande kui shikulu wandi Esau ; ifi efyo umubomfi obe Yakobo alanda ; ''Nali kwikala na Labani , elo nakokola ukubweluluka kwandi mpaka no bwalelo . ⁵Ndikwete ing'o mbe ne mpanga ne mikuni , ababomfi baume , nababomfi abanakashi . Natuma aya mashiwi kuli shikulu wandi ukuti ningasangwa ububile kumenso yobe .⁶Intumishi shali bwelelemo kui Yakobo noku mwe ati ,'' Twalile kuli wenu Esau . Aleisa muku kumona , ali nabaume imyanda ibili . ⁷Elo Yakobo ashile kwikatwa no mwenso no kusakamikwa sana . Nomba epa kwabanya abuntu ali nabo pankambi shibili , elo nefitekwa , nemikuni ne ngamali . Ayebele ati ,'' ⁸Nga Esau engesa nokutasha inkambi imo , elo inkambi iyi kashalapo ikafyuke .⁹Yakobo alandile ati ,'' Lesa wakwa tata Abramu , kabili Lesa wakwa tata Isaki , Yaweh , uwalandile kuli nebo ati ,'' Bwelulukila ku calo cobe na ku bantu bobe , nandi nkakulenga ukushuka . ¹⁰Ntalingile kumilimo yenu yonse iya cipangano cenu icacishinka , na kufya mucetekanya efyo mwaisa kucita ku mubomfi wenu . pantu nikunkonto yandi eko mwayabukile uyu Jodani , nomba naisa kusanguka inkambi shibli .¹¹Napapata nebo mpokololeniko muma boko yakwa ndu yandi ukufuma mumaboko ya kwa Esau , pantu komutina , kuti aisa kutasha , bana mayo na baana . ¹²Nomba mwaebele ati ,''nka kulenga ukuba uwashuka . Nkalenga no bufyashi bobe ukuba ngo mucanga wapali bemba, ushinga pendwa kunmpendwa yabo .¹³Yakobo aikele kuya muli bulwa bushiku , walitwele fimofimo pafyo akwete ngefyabupe kuli Esau , Indume yakwe ; ¹⁴Imbushi shikota imyanda ibili ne mbushi ishilume amakumi yabili . Ne mpanga ishikota imyanda ibili ne shilume amakumi yabili . ¹⁵Ingamali nasho na baana bashiko amakumi yatatu , ing'ombe ishikota amakumi , yane ne shilume ikumi , impunda ishikota amakumi yabili ne shikota ikumi . ¹⁶Ifi aishile kufipela muminwe yaba bomfi bakwe , cilamukuni palwa uko . ayebele pababomfi bakwe ati ,'' kabiyeni muntanshi yandi mushe ne ncende pakati kacila mukuni .''¹⁷Ayebele umubomfi wakubalila po , ati '' Ulo ndume yandi Esau alemukumanya nokumwipusha ati , uli wakwani webo ? Nikwisa uleya ? Ninama shakwanani ishili kuntashi yobe ?'' ¹⁸Elo akasuke atisha mubomfi wenu Yakobo . Fya bupe ifituminwe kuli shikulu wandi Esau , mona aleisa panuma yesu .''¹⁹Yakobo naye aishile kupela ifya kukonka kwibumba lya bubil nelya butatu , nakubaume bonse abalikukonka panuma yamakuni , Ayebele ati . ²⁰Mukaye kulanda ifintu fimo fine kuli Esau uluntu mukamukumanya . Kaili ukumweba ati ,''pantu atontonkenye ati , kumunashisha pafya bupe fintu na twala kuntashiyandi . Lelo panuma , nomba elo nkesa kumikonka . Nalimo ankapokelela .'' ²¹Eico ifya bupe fyalile mutungilila . Nomba umwine alikelefye munkambi pali bulya bushiku .²²Yakobo alimine ubushi , nokupita abakashibakwe babili na banakashi ba bili aba bomfi bakwe , nabaana bakwe abaume ikumi limo na limo . Alibatumine no kwabukila pacabu ca Yoboke . ²³Muli iyi shila alibatumine no kubatapusha pamo nefikwatwa fyabo fyonse .²⁴Yobo ashele eka nomuntu ale shomboka na nkwe mpaka ukufika kumaca ²⁵.Uluntu umuntuabwene ukuti abwene ukutiafilwa ukumucimfya , aumine Yakobo palutungu uyo baleshomboka naye . ²⁶Umuntu alandile ati ,''ndeka ndekuya pantu amacaca nayapwa , Yakobo alandile ati ,''shakuleke ulekuya mpakafye umpale .²⁷Umuntu alandile kuliye ati ,'' Niwebo nani ishina lyobe ; ²⁸Umuntu alandile ati ,'' Ishina lyobe talyakwetwepo Yakobo , kano Israeli . Pantu ulishombokele naLesa na bantu nokucimfya .²⁹Yakobo alimwipwishe ati , '' Napapapta njeba ishinalyobe ?'' Alyaswike ati ,'' Nindo uleipushisha ishina lyandi ,? Eluntu amupalile palya pene . ³⁰Yakobo ashile kwinika ishina (yapali ilya ncende Peniele ) pantu waebele ati ,''³¹Pantu wena watile ati ,'' Ndibwene Lesa icinso ne cinso , elo no mweo wandi uli lubwilwe .'' Akasuba kalimutulile ulo aleyabuka Peniel . Alekusunta pamulandu wa lutungu lyakwe . ³²Emulundu wine abaana ba Israeli bali mishipa shipa yapa lutungu , iyaba palulutungu nga pasuntika , pamulandu wakutila umuntu nga amucene pamushipe shipe no ku fyutula itanta lyakwa Yakobo .

¹Yakobo aishile kwinuna amenso elo, boneni, Esau alikwisa, elo ye ne bumba lya bantu imyanda ine. Yakobo aishile kwabanya abana bamo aishile kupela Leya, Rakeli, elo bambi nabo kubanakashi baba bomfi bakwe babili. ²Eluntu aba banakashi baba bomfi elo na bana babo ebo atampilepo, akonkeshepo Leya elo na bana bakwe, elo elo akonkeshapo Rakeli elo na Yosefe uwali pa numa ya bonse. ³Umwine aishile kuba tangilila pa ntanshi yabo, Akontamine pa nshi imiku cine lubali, epa kupalamina kuli wabo.⁴Esau abutukile muku mukumanya, amufumbuta, amukumbatila mumukoshi elo amutomona. Eluntu bonse babili balilile. ⁵Uluntu Esau ainuna amenso, abwene abanakashi elo na bana. Aishile kulanda ati, ''Nga aba bantu uli nabo?'' Yakobo aishile kulanda ati, ''bana abo Lesa apela umusha ubo.''⁶Eluntu abanakashi baba bomfi na bana babo epa kwisa kupalamina ko, elo no kufukama panshi. ⁷Pakonka Leya na bana bakwe baishile ku ntanshi elo no kufukama panshi. Mukulekelesha Yosefe elo na Rakeli baishile ku ntanshi elo no kufukama panshi. ⁸Esau aishile kulanda ati, Findo aya mabumba yonse na cikumanya yakopilibula.'' Yakobo aishile kwasuka ati, Pakusanga uluse ku cinso cakwa shikulu wandi.''⁹Esau aishile kulanda tai, ''Nalikwata ifyuma ifingi, we munyina wandi. Isungile ifyo wakwata wemwine.'' ¹⁰Yakobo aishile kulanda ati, ''Awe, napapata, nga ninsanga uluse mu menso yobe, kanshi sumina icabupe candi ukufuma kuku boko kwandi, pantu mucinefye, ndi bwene icinso cobe, elo cili kwati na bona icinso cakwa Lesa, elo naunsumina. ¹¹Napapata pokelela ifya bupe fyandi ifyo ndetele kuli webo, pantu Lesa alibombele fifsuma pali na nebo, elo pantu ndikwete ifya kulinga.'' Ifyo efyamupapete Yakobo, elo na Esau ali cisumine.¹²Eluntu Esau aishile kulanda ati, ''Natukokuya, nebo nkokutungulula.'' ¹⁴Yakobo aishile kulanda kuli ye ati, ''Shikulu wandi naishiba ukuti abana bandi tabalakosa, elo ndi no kufukatila impaanga elo na maombe ayatalakosa. Nga shensha buluku buluku mu bushiku bumo, shonse nama kuti shafwa. ¹³Napapata lekeni shikulu wandi atangilile umusha wakwe. Kalakwenda panono panono, panuma ya fitekwa ifyo ifili pa ntanshi yandi, elo na panuma ya bana, mpaka njise kuli shikulu wandi mu Seir.''¹⁵Esau aishie kulanda ati ''Lekeni nshe bamo baume na mwebo abo abali na nebo. Lelo Yakobo aishile kulanda ati, ''Findo mwinga citila ifyo? lekeni nsange uluse ku cinso cakwa shikulu.'' ¹⁶Eico Esau bulya bushiku aishile kutampa ubulendo bwakwe uku bwelela ku Seir. ¹⁷Yakobo aishile kuya ku Sukoti, aishile kuikulila umwine ing'anda, elo aishile kupanga imisakuta ya fitekwa. Eico ishina lya ilya ncende litwa Sukoti.¹⁸Uluntu Yakobo ishile ukufuma ku Paddan Aramu, afikile umutende mumusumba wa Shekemu, uwaba mu calo ca Kenani. Aishile kupanga inkambi mu pepi no musumba. ¹⁹Eluntu ashitile incende apo apopele itenti lyakwe ukufuma kubana baume bakwa Hamo, wishi wakwa Shekemu, ba sifere imyanda ine. ²⁰Palya epo aishile kupanga ubulambo elo nokubwita ati EL Elohe Israeli.

¹Nomba Dina, umwana mwanakashi wakwa Leya uyo afyele kuli Yakobo, alifumine aishile kuya muku kumanya abakashana muli cilya calo. ²Shekemu umwana mwaume wakwa Hamori umwina Hifi, umwana wa mfumu, alibwebne umukashana. ³Alimubulile elo aishile kulala nankwe, elo no kumubomfya kumaka. Alilambatilwe kuli Dina umwana mwanakashi wakwa Yakobo. Alimutemenwe umukashana elo aishile kulanda muku munakilisha.⁴Shekemu aishile kulanda kuli Hamori wishi, aishile kulanda ati, ''Buleni umukashana ukuba umukashi wandi,'' ⁵Nomba Yakobo alifulilwe bali mubifishe Dina umwana wakwe umwanakashi. Abana bakwe abaume balai nomukunyu wakwe mu mpanga, eico Yakobo alisungile umutende mpakafye babwela.⁶Hamori wishi wakwa Shekemu aishie kufuma elo no kuya kuli Yakobo mukulanda na ye. ⁷Abana baume bakwa Yakobo balifumine mu mpanga eluntu baishile kumfwa umulandu. Bali bakalifishe. Baishile kufulwa sana pa mulandu no mwana wanakashi wakwa Yakobo, pantu ifif fintu tafyatala kucitikapo.⁸Hamori aishile kulanda kuli bo ati, ''Umwana wandi Shekemu alitemenwe umwana obe umwanakashi. Nkomupapata, mupeni kuli ye ukuba umukashi wakwe. ⁹Natuko kupana namwebo, tupeni abana banakashi, elo mubule abana banakashi besu na mwebo. ¹⁰Mukalekwikala na fwebo, elo ne ncende ili iyaisulwa mukwikala elo no kubombelamo, elo no kukwatilamo ifyuma.''¹¹Shekemu aishile kulanda kuli ba wishi ba mwanakashi elo nakuli ba ndume bakwe ati, ''Lekeni nebo nsange ukutemwikwa ku menso yenu, elo conse ico mwalangeba nkopela. ¹²Munjipushe umutengo wa cabusonge ubuukulu elo ne cabupe mufyo mukofwaya, Nandibo nkopela fyonse ifyo mukolanda kuli nebo, nomba mpeleni umukashana ngo mukashi.'' ¹³Abana baume bakwa Yakobo baishile kwasuka Shekemu elo na Hamori wishi mubu cenjeshi ati, pamulandu Shekemu alikoweseshe Dina inkashi yabo.¹⁴Baishile kulanda kuli bo ati, ''Tekuti tucite ifi fintu ukupela nkashi yesu kumuntu uuli onse usha sembululwa; pantu kuti waba umusebanya kuli fwebo. ¹⁵Kanofye muli ifi ifyakukonka twala suminishanya na mwebo: Nga cakuti mwatampa ukusembululwa nga fwebo, ukuti abaume bonse muli mwebo ukulasembululwa. ¹⁶Eluntu tawakulapela abanakashi besu kuli mweb, elo twakulasenda abanakashi benu kuli fwebene, elo twakulaiakala na mwebo elo tukaba abantu bamo. ¹⁷Nomba nga cakuti tamwaumfwe kuli fwebo elo nokuba abasembululwa, eluntu twalasenda nkashi yesu elo no kuya.¹⁸Amashiwi yaishile ku sansamusha Hamori elo no mwana wakwe umwaume Shekemu. ¹⁹Umulumendo tali uwakuwaywaya ukucita ifyo balandile, pantu alitemenwe umwana mwanakashi wakwa Yakobo, elo pamulandu ewali umuntu uwacilamo ukucindama kuba mung'anda yakwa wishi.²⁰Hamori elo no mwana wakwe umwaume Shekemu baishile kuya kumwinshi wa musumba elo baishile kulanda ku bantu bamu musumba, baishile kulanda ati, ²¹''Aba bantu bali no mutende kuli fwebo, eico natubaleke bekale mu ncende elo no kukwata ifyuma, boneni, incende ikulu kuli bo. Natulekusenda abanakashi babo nga bakashi besu, elo no kubapela abanakashi besu.²²Lelo mulifi ifya kukonka abantu tusuminishenye ukwikala na fwebo elo no kuba abantu bamo: Nga cakuti abaume mui fwebo basembululwa, nge fyo basembululwa. ²³Tefitekwafye elo nangu ifyuma-- shonse inama shabo shesu? Eico natusuminishanye nabo elo bekale na fwebo.''²⁴Abantu bonse abamu musumba baishile kumfwa kuli Hamori elo na Shekemu, umwana mwaume wakwe. Abaume bonse baishile kusembululwa. ²⁵Mubushiku bwa butatu, uluntu bacili bakokalipwa, abana baume babili abakwa Yakobo (Simeon elo Levi, bandume shakwa Dina) cilaumo asendele ulupanga elo no kwingilila abamu musumba icakuti abashilika tabayenekele, elo baishile kwipaya abaume bonse. ²⁶Baishile kwipaya Hamori elo no mwana mwaume Shekemu kukonaulwa kulupanga. Balibulile Dina ukufuma mu ng'anda yakwa Shekemu elo baishile kuya.²⁷Abana baume bambi abakwa Yakobo baishile kufitumbi elo no kwiba mu musumba, pantu aba bantu balisebenye inkashi yabo. ²⁸Basendele imikuni yabo, ing'ombe shabo, ba punda wabo elo na fyonse ifya mu musumba elo nefya shingulwike mu mabala ²⁹ne fyuma fyabo fyonse. Nabana babo bonse elo na bakashi babo bonse, balibasendele. balisendele ne fyonse ifyali mu mayanda yabo.³⁰Yakobo aishile kulanda kuli Simeoni elo na Levi ati, ''Mwileta ubwafya pali nebo, mwalandenga ukupata mu calo, cabena Kenani elo na bena Perisi. Nebo tuli aba pendwafye. Nga cakuti baikolonganya capamo pali nebo, elo no kulwisha, eluntu nkonaulwa, Nebo elo na ng'anda yandi.'' ³¹Nomba Simeoni elo na Levi baishile kulanda ati, ''Bushe Shekemu alikwete insambu pali nkshi yesu kwati liule?''

¹Lesa walandile kui yakobo , '' ima , kabiye ku betele , elo wikale kulya . Ukule ubulambo kulya kuli Lesa , uwa bonekele kulya kuli mwebo uluntu mwebo mwabutukile ukufuma kuli Esau muyina obe .'' ²Eluntu yakobo alandile kuba ng'anda yakwe na kuli bonse abo abali naye , '' funga tu lesa twabena fyalo ukuli mukati kenu , isangululeni mwebene , elo pilibuleni ifyakufwala fyenu . ³Eluntu lekini fwebo twime no kuninika ku Betele . U wangasukile nebo mubushiku bwa mafya yandi , elo aleba nanebo konse uko nkoli kuya .⁴Eico bapele kuli yakobo tonse tu lesa twabena fyalo uto utwali muminwe yabo , elo namashikiyo ayo ayali ku matwi yabo . Yakobo afishikile fyonse munshi ya chimuti ca Oaki icali mupepi na Shekemu . ⁵Uluntu balikuya , Lesa apangile icakutinya ukupona pamisumba iya ba shingulukile bena , elo abo bantu taba supile abana baume bakwa Yakobo .⁶Eico fikile ku Lusi (betele) , uwali mucalo caku kenani , ena nabantu bonse abali naye .Ena akulile ubulambo kulya nokwinika incende i yali Betele . ⁷Pantu eko Lesa asokolwele umwine kuli ye , uluntu ena afulumukile ukufuma kuli munina wakwe . ⁸Debora , uwalikulela , Rebeka , walifwile . Ena bamushikile ukutentemuka ukufuma ku Betele munshi yacimuti ca Oaki , ico caleitwa Alon Bakuti .⁹Uluntu Yakobo afumine ku Padani Aramu , Lesa abonekele kuli ye , '' nakabili elo amupalile . ¹⁰Lesa walandile kuli ye , ''' ishina lyobe niwebo yakobo , lelo nomba tabakula kukuta Yakobo . Inshina lyobe likaba ni Israeli ,'' Eico Lesa wakutile inshina lya Israeli .¹¹Lesa walandile kuli ye ,'' Ninebo Lesa wamaka yonse . Ba uwakufyala nokufula . Umutundu elo ne bumba lyamitundu fikafumana kuli webo , elo neshamfumu shikaba mukati kalupwa lobe . ¹²Ne calo ico nebo napele kuli Abramu elo na Isaki , nebo nkapela kuli webo kulupwa lobe panuma yobe kabili ukupela na calo .'' ¹³Elo Lesa afumapo , asha Yakobo pancende ine iyo alandile na nkwe .¹⁴Yakobo abikile icibumbili mulya muncende umo Lesa walandile kuli ye , icibumbili celibwe . Ena waitilepo ne cakunwa umusangulo palya pene elo no kwitila po amafuta . ¹⁵Yakobo waitile ne ncende ishina lya Betele pantu Lesa alilandile na ye .¹⁶Bena baendele ukufuma ku Betele . Ilyo baciline milandu ukufuma ku Efrata , Rakele waliculile nefumo . Ene wakwete ukucula sana . ¹⁷I Iyo ena wali mukucula sana kwifumo . Nacibusa wakwe walandile kuli ye , '' wiba na mwenso , pantu nomba webo walakwata na umbi umwana umwaume .'' ¹⁸I lyo wali mukufwa , pa cipemo capakufwa kwakwe ena wainike Benoni , lelo wishi wakwe Benjamini . ¹⁹Rakele walifwile elo washikilwe panshila yaku Efrata (ena betelehemu ) . ²⁰Yakobo abikile icibumbili panshishi yakwe . I ci cishibilo capa manda yakwa Rakele ukufika na lelo .²¹Israeli waile elo wabikile itenti lyakwe pantashi ya lupungu lwa Floki . ²²I lyo israeli waikele muli cilya icalo Rubeni walele na Bihal kanakashi wa kwa wishi , elo Israeli waumfwile ifi . Nomba yakobo akwate abana ikumi limo na babili (12) .²³Abana abume bakwe kuli Lea bali Rubeni , Yakobo ibeli lyakwe , elo Simeone Lebi , Yudah , Isaka , na Sebuloni . ²⁴Abana baume ba kwa Rakele bali ,Yosefe na Bejamini . ²⁵Abana baume ba kwa Bilha , umubomfi mwanakashi wakwa Rakele , bali Dina na Nafutali .²⁶Abana abaume bakwa Silpa , umubofi mwanakashi wa kwa Lea , bali Gadi na Asha . Aba bonse bali bana baume ba kwa Yakobo abo afyele kuli ye mu Padani Aramu ²⁷.Yakobo waishile kuli Isaki , wishi wa kwe mu Male mu kilit Arba (cimo na Hebrone ) , uko Abramu elo na Isaki bali kwikala .²⁸Isaki aikele umwnda umo na makumi cine konse konse (180) . ²⁹Isaki wapemene icipemo icakulekelesha elo afwile . Akolonganikilwe kufikolwe fyakwe , umukote umwaume uwa nshiku shingi . Esau na Yakobo , abana baume bakwe , bali mushikile ena .

¹Ifi efikolwe fyakwa Esau (walikukutwa Edomu). ²Esau asendele abakashi ukufuma mju bena Kenani. Aba ebakashi bakwe: Ada umwana mwanakashi wakwa Eloni umwina Hiti, Olibama umwana mwanakashi waka Ana, umwishikulu wakwa Sibeoni umwina Hivi; ³elo na Basemati, mwana Ishimaeli, inkashi yakwa Nebaioti.⁴Ada afyele Elifasi kuli Esau, na Basemati afyele Reuele. ⁵Olibama afyele Yeushi, Yalamu, elo na Kora. Aba ebana baume bakwa Esau abafwele kuli ye mu calo ca Kenani.⁶Esau aishile kusenda abakashi bakwe, abana baume, abana banakashi, elo nabonse abalesangwa mu ng'anda yakwe, ifitekwa fyakwe-- shonse inama sgimbi, elo ne fitekwaa fyakwe fyonse, akolongenye mu calo ca Kenani, elo no kuya ku calo ukufuma kuli munyina wakwe Yakobo. ⁷Aishile kucita ifi pamulandu ifyo akwete fylifulishe kuli bo mukwikala capamo. Icalo balikwikalamo tacabasuminishe pamulandu wafitekwa fintu bakwete. ⁸Eico Esau, ilyo aishibikilwe nga Edomu, aishile kwikala mu calo ca mpili isha Seir.⁹Ubu ebufyashi bwakwa Esau, icikolwe ca bena Edomu mu calo ca mpili ica Seir. ¹⁰Aya emashina ya bana baume bakwa Esau: Elifasi umwana mwaume wakwa Ada, umukashi wakwa Esau; Reuele umwana mwaume wakwa Bsemati, umukashi wakwa Esau. ¹¹Abana baume bakwa Elifasi bali ni Temani, Oma, Sefo, Gatamu, elo na Kenasi. ¹²Timuna, umukashi wa pambali uwakwa Elifasi, umwana mwaume wakwa Esau, afyele Amaleki. Aba ebeshikulu baume bakwa Ada, umukashi wakwa Esau.¹³Aba ebana baume bakwa Reuele: Nahati, Sera, Shama, elo na Misa. Aba ebeshikulu baume bakwa Basemati, umukashi wakwa Esau. ¹⁴Aba ebana baume bakwa Olibama, umukashi wakwa Esau, uyo uwali mwana mwanakashi wakwe Ane elo no mwishikulu umwanakashi uwakwa Sibeoni. Afyele kul Esau Yaushi, yalamu, elo na Kora.¹⁵Iyi emikowa nama bufyashi yakwa Esau: Kabili mu mabufyashi yakwa Elifasi, ibeli lykwa Esau: Temani, Oma, Sifo, Kenesi, ¹⁶Kora, Gtamu, elo na Amaleki. Iyi emikowa ya bufyashi bwakwa Elifasi mu calo ca Edomu. Bali beshikuli bsume bakwa Ada.¹⁷Iyi emikowa ukutula pali Reuele, umwana mwaume wakwa Esau: Nahati, Sera, Shama, Misa. Iyi emikowa mubufyashi ukutula pali Reuelu mu calo ca Edomu. Bali beshikulu bsume bakwa Besamati, umukashi wakwa Esau. ¹⁸Iyi emikowa yakwa Olibama, umukashi wakwa Esau: Yeushi, Yalama, Kora. Iyi emikowa iya fumumine mu lupwa lwa mukashi wakwa Esau Olibama, umwana mwanakshi wakwa Ada. ¹⁹Aba ebana baume bakwa Esau(uyo uwaishibikilwe nga Edomu), elo aba ebashamfumu babo.²⁰Aba ebana baume bakwa Seir umwina Hori, abekashi ba calo: Lotani, Shobali, Sibeone, Ana, ²¹Dishoni, Esere, elo na Dishani. Iyi emikowa yakwa Hori, abekashi bamu Seir mu calo ca Edomu. ²²Abana baume bakwa Loteni ni Hori elo na Hemani, elo na Timuna ali nkashi yakwa Lotani.²³Ab ebana baume bakwa Shobali: Albani, manahati Ebali, Shefo, elo na Onamu. ²⁴Aba ebana baume bakwa Simeoni: Aiya elo na Ana. Uyu Ana ewasangile utumfukumfuku twa menshi yaku kaba mu matololo, ulo alikulisha impunda shakwa Simeoni wishi.²⁵Aba ebana bakwa Ana: Dishoni elo na Olibama, umwana mwanakashi wakwa Ana. Aba ebana baume bakwa ²⁶Dishoni: Hemadani, Eshibani, Itrani, elo na Kerani. ²⁷Aba ebana baume bakwa Esere: Bilhani, Sabani, elo na Akani. ²⁸Aba ebana baume bakwa Dishani: Usi elo na Arani.²⁹Iyi emikowa yabenaa Hori: Lotani, Shobali, Sibeoni, elo na Ana. ³⁰Dishoni, Esere, Dishani: Aba emikowa yabena Hori, ukulingana no kukonka imikowa shabo ishamuli cilya calo ca Seir.³¹Ishi eshali imfumu ishali kuteka mu calo ca Edomu ulo takulaba imfumu nangu imo iyalekuteka pa bana baume bakwa Israeli: ³²Bela umwana mwaume wakwa Beori, ewatekele mu Edomu, elo ne shina lya musumba wakwe wali ni Dinhaba. ³³Uluntu Bela aishile kufwa, elo Yobabi umwana mwaume wakwa Sera uwamu Bosra, aishile kuteka mwipunda lyakwe.³⁴Uluntu Yobabi aishile kufwa, Hushamu uyo uwali mu calo ca bena Temani, aishile kuteka mwipunda lyakwe. ³⁵Uluntu Hushamu aishle kufwa, Hadad umwana mwaume wakwa Bedadi uwa cimfishe abena Midiani mu calo ca Moabu, aishile kuteka mwipunda lyakwe. Ishina lya uyo musumba wali ni Abiti. ³⁶Uluntu Hadadi aishile kufwa, eluntu Samla umwina Masreke aishile kuteka mwipunda lyakwe.³⁷Uluntu Samala aishile kufwa, eluntu Shauli umwina Rehobote uwa kunika aishile kuteka mwipunda lyakwe. ³⁸Uluntu Shauli aishle kufwa, eluntu Baali-hanani umwana mwaume wakwa Akibore aishile kuteka mwipunda lyakwe. ³⁹Uluntu Baali-hanani umwana waume wakwa Akibore aishile kufwa, eluntu Hadari aishile kuteka mwipunda lykwe. Neshina wa musumba wakwe wali ni Pau. Ishina lyamukashi wakwe lyali ni Mehetabeli, umwana mwanakashi wakwa Matredi, umwishikulu mwanakashi wakwa Mesahabu.⁴⁰Aya emashina ya mitwe ya mikowa ukutula mubufyashi bwakwa Esau, ukulingana ne konka sha mikowa shabo elo ne fitungu fyabo, umwebela amashina yabo: Timuna, Alba, Yetele, ⁴¹Olibama, Ela, Pinoni, ⁴²Kenasi, Temani, Mibsari, ⁴³Magdiele, elo na Iramu. Iyi emikowa ya mitwe yabena Edomu, ukulingana ne konka ya mekashi yabo mu calo baikele. Uyu walu ni Esau, wishi wabena Edomu.

¹Yakobo aiskele mu calo ico ba wishi balikwikalamo, mu calo ca Kenani. ²Ifi efya citikile pali Yakobo. Yosefu, uyo wali umulumendo umwayaka ikumi na limo na cine lubali, alikucema ifitekwa pamo naba wabo. Ali na bana baume bakwa Bilya elo na bana baume bakwa Silipa, abakashi bakwa wishi. Yosefu aishile kuleta insebo ishibi pali bo kuli shibo.³Nomba Israeli alitemwishishe Yosefu ukucila abana baume bonse pantu ena ali mwana mwaume wakwe uwa mubukote. Ena alimupangile ilaya ilya bune. ⁴Ba munyina bakwe balibwene ati bawishibo balitemwishishepo ena ukucila pali ba wabo bonse. Balimupatile elo tabalekulanda ifisuma kuli ena.⁵Yosefu aishile kulota iciloto, elo ena aishile kweba ba wabo palwa ciloto. Bena balimupatile ukucilapo. ⁶Aishile kulanda kuli bo ati, ''Napapata kutikeni kuli ici ciloto ico nebo acilota.⁷Boneni, twa ciba tukokaka imipo ya ng'ano mwibala elo boneni, umupo wandi wacisakwima elo watalama, elo boneni, imipo yenu yacisa ku shinguluka no kuwa panshi ku mupo wandi. ⁸Ba wabo baishile kulanda kuli ye at, ''Bushe icine cinefye webo ukateka pali fwebo? Bushe webo mu cishinkafye uka tungulula pali webo?'' Bali mupatile ukcilapo pa filoto fyakwe napa mashiwi yakwe.⁹Aishile kulota na cimbi iciloto no kuceba kuli ba wabo. Aishile kulanda ati, ''Boneni, nebo indilotele na cimbi iciloto: Akasuba elo no mwenshi ne ntanda ikumi limo na lumo fya ciwa panshi kuli nebo.'' ¹⁰Aishile kweba ici kuli wishi ngefyo cali kuli ba wabo. na wishi aishile kumukalipila. Wishi aishile kulnda kuli ye ati, ''Ciloto ndo ico webo ulotele? Bushe ba noko nebo elo na bawenu icishinka tukesa kuwa panshi kuli webo?'' ¹¹Ba wabo bali mukwatile umufimbila, nomba wishi alisungile umulandu mumano.¹²Ba wabo baishile kuya muku cema ifitekwa fya kwa wishi mu Shekemu. ¹³Israeli aishile kulanda kuli Yosefu ati, ''Bushe ba wenu tabakocema ifitekwa ku Shekemu? Isa, elo Nebo nalakutuma kuli bo.'' Yosefu aishile kulanda kuli ye at, Nebo ndiipekenye.'' ¹⁴Aishile kulanda kyli ye ati, ''Kabiye nomba, ubone ba wenu nga cakuti bali bwino ne fitekwa nga fili bwino aishile kumutuma ukufuma mumukonko wa Hebuloni, elo Yoseu aishile kuya ku Shekemu.¹⁵Umuntu umo aishile kusanga Yosefu. Boneni, Yosefu ali kushinguluka mu mpanga. Umuntu aishile kumwipusha at, ''Nindo ukofwaya?'' ¹⁶Yosefu aishile kulanda ati, ''Nkofwaya ba wesu. Njeba, napapata, uko bali bena balkocema ifitekwa. ¹⁷Umuntu aishile ,kulanda, ''Balifumine kuli iyi ncende, pantu na cibomfwa bakolanda ati, 'Natukoya ku Dotani.''' Yosefu aishile kunko ba wabo panuma no kuya kubasanga pa Dotani.¹⁸Bena baishile kubwenafye apatali, elo ena talati kupalamina kuli bo, bena bali mukwatile amapange yakumwipaya. ¹⁹Ba wabo baishile kutampa ukusoshanya kuli umo umo. ''Boneni, kalota uyu akopalama. ²⁰Iseni nomba, eico, aleni tumwipaye ena no kumuposa muli cimo pa filindi, Fwebo tukoya kulanda ati, cinama mpaga imulile.' Fwebo tukobona nindo ikafuma mu filoto fyakwe.²¹Rubeni alyamfwile ici no kumusuasha ukufuma mumaboko yabo. Aisile kulanda ati, ''Twilofya ubumi bakwe.'' ²²Rubeni aishile kulanda kuli bo, Twisumya umulopa. Natu mupose muli ici cilindi icili mu matololo, nomba twibika amaboko pali ye-- ukuti ena akwete ukumupususha ukumufumya mu minwe yabo no kumwekeshamo kuli wishibo.²³Caishile kuba ifi uluntu Yosefu afikile kuli ba wabo, bali mufulile ilaya lyakwe elya bune. ²⁴Baishile kumubula no kumuposa mu cilindi. Icilindi tacakwete kantu na menshi tayalimo.²⁵Baishile kwikala panshi no kulya umukate. Baishile kusansula amenso pa mulu elo no kubona, elo, boneni, ibumba lya bena Ishimaele lyalikufumina ku ileadi, Bali ne ngamila ishasendele ifyanunkila ubune elo nabalsamu elo na muri. Bena balikuya ukufitwala ukutentemukila ku Egypto. ²⁶Yuda aishile kulanda kuli ba wabo ati, ''Bunonshi ndo cikwete nga twaipaya wesu no kufimba umulopa wakwe?²⁷Isene, elo lekeni tumushitishe ku bena Ishimaele elo twibika iminwe yesu pali ye. Pantu ena ni wesu, mubili wesu.'' Ba wabo balyumfwile kuli ye. ²⁸Abena Midiani ba makwebo balikupita palya.Ba wabo baishile kubula Yosefu ukumwimya elo no kumusumbula pa mulu ukufuma mu cilindi. Balishitishe Yosefu ku bena Ishimaeli pama shekele amakumi yabili aya silfere. Abena Ishimaele baishile kusenda Yosefu ku Egypto.²⁹Rebeni aishile ku bwelela ku cilindi, elo, boneni, Yosefu talimo mu cilindi. Aishile kulepula ifya kufwala fyakwe. ³⁰Aishile kubwelela kuli ba wabo no kulanda ati, 'Umulumendo talimo mulya! Elo Nebo, bushe Nebo nikwisa nkoya?''³¹Baishile kwipaya imbushi elo eluntu baishile kubula ilaya lyakwa Yosefu no kulitubika mu mulopa. ³²Eluntu baishile kulileta kuli wishibo no kulanda ati, ''Natusanga ici. Twapapata boneni nga cakufwala ca mwana wenu nungula teco.'' ³³Yakobo alilishibile elo no kwisa kulanda ati, ''Cakufwala ca mwan wandi. Icinama mpanga cili mulie. Yosefu icine cinefye aliputawilwe mutupimfya.''³⁴Yakobo aishile kulepula ilya lyakwe elo atwala icakufwala cabulandu. Ali loseshe umwana wakwe umwaume pa nsiku ishingi. ³⁵Bonsefye abana baume bakwe naba banakashi balimine mukumutalalika, nomba alikene ukutalakwa. Aishile kulnda, ''Icine cinefye nebo nkaya tentemukila kumbo mukulosha pa mwana wandi.'' Wishi alimulilile. ³⁶Abena Midiani balimushitishe ku Egypto kuli Potifa, cilolo wakwa Farao, kapitao waba malonda.

¹Caishile kuba pa nshita ilyo Yuda aishile kusha ba wabo no kwikala na umo umwina Adulamu, ishina lyakwe lyali ni Hira. ²Aishile kukumanya kulya umwana mwanakashi wa mwaume umwina Kenani uyo ishina lyakwe lyali ni Shua. Aishile kumusenda no kumupa.³Aishile kwimita no kukwata umwana umwaume. alimwitile ishina lyakwe Ere. ⁴Nakabili aishile kwimita no kukwata umwana umwaume. alimwitile ishina lyakwe Onani. ⁵Nakabili alikwete umwana mwaume no kumwita Shela. Ku Kasibu eko amufyalile.⁶Yuda aishile kusangila umukashi wakwa Ere, Ibeli lyakwe. Ishina lya mwanakshi lyali na Tama. ⁷Ere, ibeli lyakwa Yuda, ali uwakubifya pa cinso cakwa Yahweh. Yahweh aishile ku mwipaya.⁸Yuda aishile kulanda kuli Onani ati, ''Kabiye kwingila kumukashi wakwa wenu. Bomba umulimo wabumulamu kuli ye, no kufyalila wenu umwana.'' ⁹Onani aishile kwishiba ukuti takabe mwana wakwe. Uluntu lonse alala na muka mukashi wakwa wabo, alikwitila panshi ico ena talikufwaya ukufyalila wabo umwana. ¹⁰Ico acitile calibipile mu menso yakwa Yahweh. Yahweh aishile ku mwipaya nao.¹¹Eluntu Yuda aishile kuanda kuli Tama umupongoshi wakwe ati, ''Ikala mukufwilwa mu ng'anda yaba wiso mpakafye Shela, umwana mwaume wandi, akakule.'' Pantu ena ali no mwenso, ;;nao limbi kuti afwa, ngefyo ba wabo bafwile.'' Tama alile no kuya kwikala mu ng'anda yakwa wishi.¹²Panuma ya nshits ntsli umwana mwanakashi wakwa Shua, umukashi wakwa Yuda alifwile. Yuda ali talalilwe no kuya kualekubeya impanga shakwe amasako pa Timuna, ena na cibusa wakwe Hira umwaina Adulamu. ¹³Tama alyebelwe ati, ''Bona, wisofyala aleya ku Timuna mukubeya impanga shakwe amasako.'' ¹⁴Tama aishile kufula ififwalo fyabumukamfwilwa bwakwe no kuifimba umwine ne citambala no kuipomba umwine. Aishile kwikala pa mwinshi wa Enaimu, apabela umusebo wa kulola ku Timuna. Pantu abwene ukuti Shela alikula nomna tabamupela kuli ye ngo mukashi.¹⁵Uluntu Yuda aishile kumubona atontonkenye ukuti ni cilende pa mulandu aliifimbile icinso cakwe. ¹⁶Aishile kuya kuli ye ku musebo no kulanda ati, ''Isa napapata na tulale nobe''-- pantu taishibile ukuti mupongoshi wakwe-- elo aishule kulanda ati, ''Nindo walampela webo pakuti ulale na nebo?''¹⁷Yuda aishile kulanda ati, ''Nkakutumina akana ka mbushi ukufuma pa mukuni,'' aishile kulanda ati, ''Bushe walampela icikatilo mpakafye ukatume ico?'' Yuda aishile kulanda ati, ¹⁸''Nindo nalakupela nge cikatilo?'' Tama aishile kwasuka ati, ''Icikatilo cobe mwando obe, ne nkonto iyo ili mu minwe yobe.'' Yuda aishile kufipela elo aishile kulala nankwe, elo aishile kwimita kuli ye.¹⁹Tama aishile kwima no kuya. Tama aishile kufula icitambala elo afwele ifyakufwala fyakwe ifyabukamfwilwa. ²⁰Yuda aishile kutuma akana ka Mbunshi ku munankwe umwina Adulamu no kumweba ukuti upoke icikatilo ukufuma mu minwe ya mwanakashi, no tamusangile umwanakashi.²¹Eluntu umwina Adulamu aipwishe abantu baku ncende ilya ati, ''Alikwi ulya cilende wamu nshila uwali mu mbali ya musebo wa Enaaimu?'' Baishile kulanda ati, ''Takwabapo cilende wa munshila kuno.'' ²²Aishile kubwelelamo kuli Yuda no kulanda ati, ''Nebo ntamusangile umwanakashi. Nabo, abantu bakulya bacilanda ati, 'Takwabapo cilende wa munshila kuno.''' ²³Yuda aishile kulanda ati, ''Muleke umwanakashi asunge filya fintu, ukuti twisebana. Icine cine, nebo nali tumine akana ka mbushi, nomba tawamusangile umwanakashi.''²⁴Caishile kuba pa numa ya myenshi itatu ulo caebelwe kuli Yuda ati, ''Tama umupongoshi obe alicita ubucende, na cine cinefye, alimita ifumo lya mu cende.'' Yuda aishile kulanda ati, ''Muleteni kuno ena no kumuleka ocewe.'' ²⁵Uluntu baishile kumuleta panse, Tama aishile kutuma kuli wishifyala amashiwi ati, ''Ku mwine waifi fintu eko nebo naimita.'' Tama aishile kulanda ati, ''Napapata nga kuti mwamwishibs umwine waifi fintu, icikakatikilo no mwando ne nkonto.'' ²⁶Yuda alifishibile no kulanda ati, ''Tama ali umololoke ukutila nebo, ico nebo ntamupela ngo mukashi kuli Shela, umwana wandi umwaume.'' Ena tabwekeshepo ukulala na Tama.²⁷Caishile kuba pa nshita yakwe iya kupaapa ukuti, boneni, ba mpundu ebali mwifumo lyakwe. ²⁸Caishile kuba ulo alikupapa umo aisa kufunya ukubuko, elo na cibusa alishile kubula ulushishi no kulukaka kukuboko kwakwe no kulanda ati, ''Uyu ewacibalilapo ukufuma.''²⁹Nomba eluntu abwekeshemo ukuboko kwakwe, elo boneni, uyo wabo ewabalilepo ukufuma. Nacimbusa aishile kulanda ati, ''Ngefyo waipatikisha pakufuma!'' Eico amwinikile ishina lya Perez. ³⁰Eluntu wabo afumine, uyo akakilwe ulushishi ku kuboko kwakwe, elo amwinikile ishina lya Zera.

¹Yosefu aliletelwe ukutentemukila ku Egypto. Potifa cilolo wakwa Farao uyo uwali kapitao waba malonda elo nabena Egypto,alimushitile ukufuma ku bena Ishimaele, abo abamuletele ukumutentemushisha kulya. ²Yahweh ali na Yosefu elo aishile kuba umuntu uwashuka. Ena aiskele mu ng'anda yakwa shikulu wakwe umwina Egypto.³Shikulu wakwe alibwene ukuti Yahweh aliba na ye elo ukuti Yahweh alishukishe fyonse efyo alikuciita. ⁴Yosefu alisangile ukutemwikwa mu menso yakwe. Alibombele Potifa. Potifa acitile Yosefu ukuba kangalila pa ng'anda yakwe, elo napafintu fyonse akwete alifibikile ukuti alekufisunga.⁵Caishile kuba ukufuma panshita ulo amucitile kangalila pa ng'anda yakwe na pafintu fonse ifyo ena akwete, ukuti Yahweh aishile kupala ing'anda ya mwina Egypto pa mulandu wakwa Yosefu. Amapalo yakwa Yahweh yali pali fyonse ifyo Potifa akwete mu ng'anda na mwibala. ⁶Potifa aishile kubula fyonse ifyo akwete ukuti Yosefu alekufisunga. Talekutontonkanya pali fyonse kanofye pafyakulay alekulya. Nomba Yosefu ali musuma elo alikuboneka bwino.⁷Caishile kuba panuma yaifi ukuti mukshikulu wakwe aishile kubika amenso yakwe pali Yosefu elo aishile kulanda ati, Lala nanebo.'' ⁸Nomba alikene elo aishie kulanda kumukashi wakwa shikulu wakwe ati, ''Bona, shikulu wandi talolekesha pafyo nebo nkocita mu ng'anda, elo alibika fyonse ifyo akwata ukuti ndekufisunga. ⁹Takwaba nangu umo umukulu muli ino ng'anda uwakucila nebo. Shikulu takanya ifintu fyonse kuli nebo kanofye webo, pamulandu uli mukashi wakwe. Nindo nebo ninga citila ubu ububi ubwakukula ifi no kubembukila Lesa.¹⁰Mukashikulu alikulanda kuli Yosefu cilabushiku, nomba ena alikene ukulala na ye nangu ukuba na ye. ¹¹Caishile kuba ubushiku bumo ukuti aishile kwingila mu ng'anda muku bomba umulimo wakwe. Takwali umwaume nangu umo uwa pang'anda uwalimo mung'anda. ¹²Ena aishile ku mwikata mu fyakufwala fyakwe no kwisa kulanda ati, ''Lala na nebo,'' Aishile kusha ifyakufwala fyakwe mu minwe yakwe, abutuka no kufumina panse.¹³Caishile kuba, uluntu abwene ukuti alishile icifwalo mu minwe yakwe elo alibutukile panse, ¹⁴elo ena aishile kupunda kubaume ba mung'anda yakwe no kubeba ati, ''Boneni, Potifa alileta umu Hibulu muku tusebanya. Alingile kuli nebo mu kulala nanebo, elo nebo na cipunda. ¹⁵Cacisa kuba uluntu ena acumfwa nebo na punda, ukuti ena alishile icifwalo cakwe kuli nebo, abutuka, no kufumina panse.''¹⁶Alibulile ififwalo pambali yakwe mapakafye ulo shikulu wakwe abwelele ku ng'anda. ¹⁷Aishile ku mweba ubulondoloshi ubu, Umwina Hibulu umu bomfi uyo waleta kuli fwebo, acingila mukunsebanya nebo. ¹⁸Cacisa kuba ukuti uluntu nebo nacipunda ena acisha ififwalo fyakwe kuli nebo no kubutukila panse.¹⁹Caishile kuba ukuti, uluntu shikulu wakwe aumfwile ubulondoloshi ba mwebele kumukashi wakwe ati, ''Ifi efyo umubomfi obe acitile kuli nebo,'' ena alikalipe. ²⁰Shikulu wakwa Yosefu alimubulile elo no kumuposa mu cifungo, incende umo balikusungila abafungwa ba mfumu. Ali mulya mu cifungo.²¹Nomba Yahweh ali na Yosefu elo alimulangile icipangano icacishinka kuli ena. Yahweh alimupele ukutemwikwa mu menso yakwa kasunga wa cifungo. ²²Kasunga wa cifungo alipele mu minwe yakwa Yosefu abafungwa bonse abo abali mu cifungo. Conse ico balikucita, Yosefu ewalikupingula. ²³Kasunga wa cifungo talikusakamana pali conse ico icali mu maboko yakwe, pa mulandu Yahweh ali na ye. Conse ico akocita, Yahweh alimushukishe.

¹Caishile kuba pnuma yafintu ifi, uwali kupela icakunwa imfumu ya Egypto nakafumbika wamfumu balilufyenye kuli shikulwibo, imfumu ya Egypto. ²Farao yalifulilwe bacilolo bakwe babili, mushika waba kasumika na mushika waba kafumbika. ³Ena ababikile mukulindwa mung'anda yakwa mushika waba sole, mucifungo cimo cine umo Yosefu afungilwe.⁴Mushika waba sole alashike Yosefu kulibo, elo alikubabombela. Baikele inshita mukulindwa. ⁵Bonse babili balilotele iciloto-- Kasumika elo na kafumbika wa mfumu ya Egypto abo bafungilwe mucifungo-- cilamuntu alikwete iciloto cakwe mubushiku bumo bwine, elo cila ciloto calikwete umwalolele ukushimbulwa kwaciko.⁶Yosefu aishile kwisa kulibo ulucelo nokubabona, boneni, bali nobulanda. ⁷Alipwishe bacilolo bakwa Farao abo abali nankwe mukulindwa mung'anda yakwa shikulu wakwe, aishile kulanda, ''Nindomico mwabonekela ababulanda lelo?'' ⁸Bena baishile kulanda kuliye ati, ''Tulotele iciloto elo takuli nangu umo uwakutushimbwila cena.'' Yosefu aishile kulanda kulibo, '''Bushe ukushimbulwa tekwa kwa Lesa? Njebeni, napapata.''⁹Mushika waba kasumika aishile kushimbula iciloto cakwe kuli Yosefu. Aishile kulanda kuliye, ''Muciloto candi, boneni, umwangashi wali kucinso candi. ¹⁰Namumwangashi mwali imisambo itatu. Ulo wapuuka, namabula yauko yalibalwile nefisansankuta fyauko fyalitwele imyangashi iyakupaya. ¹¹Ulukombo lwakwa Farao lwali muminwe yandi. Nebo nalibulile imyangashi no nokuikamina mulukombo lwakwa Farao, elo nabikile ulukombo muminwe yakwa Farao.''¹²Yosefu aishile kulanda kuliye, ''Uku ekushimbulwa kwa ciko. Imisambo itatu ninshiku shitatu. ¹³Munshiku shitatu Farao akwinwina umutwe obe elo akakubwesesha pancito yobe. Ukalakupela ulukombo mumimwe yakwa Farao, nga pakubala uluntu webo wali kasumika wakwe.¹⁴Nomba unjibukishe uluntu fikakuwamina, elo napapata ulange inkumbu kuli nebo. Ukanumbule kuli Farao nokumfumya muli cino cifungo. ¹⁵Pantu naibilwe mucalo caba Hebere. pano napo ntacitile nangu cimo icakutila bambike mucilindi ici.''¹⁶Uluntu mushika waba kafumbika abwene ukuti ukushimbulwa kwali ukwabune, aishile kulanda kuli Yosefu, ''Nandi nalilotele, elo, boneni, Imiseke itatu iyamikate yali pa mutwe wandi. ¹⁷Namumuseke wali pamulu mwali ifilyo fyamisango yonse iisuma ifyakwa Farao, nomba ifyuni fyalilile ukufuma mumuseke wali pamutwe wandi.''¹⁸Yosefu alyasukile elo aishile kulanda, ''Uku ekushimbulwa kwa ciloto. Imiseke itatu ninshiku shitatu. ¹⁹Munshiku shitatu Farao aakwinwina umutwe obe ukufumya kuli webo elo akakukulika pacimuti. Ifyuni fyakulya umubili obe ukufumya pali webo.''²⁰Caishile kuba nomba ukuti pabushiku bwakulenga shitatu bwali bushiku bwakufyalwa kwakwa Farao. Ena alicitile umutebeto kubabomfi bakwe bonse. Aishile kwimya umutwe wakwa mushika waba kasumika elo nomutwe wakwa mushika waba kafumbika, mukati kababomfi bakwe. ²¹Alibweseshe mushika waba kasumika pali bakasumika bakwe, elo atekele ulukombo muminwe yakwa Farao nakabili. ²²Nomba alikulikile mushika waba kafumbika, ngefyo Yosefu ashimbwile kulibo. ²³Lelo mushika waba kasumika taibukishe Yosefu, nomba alimulabile.

¹Caishile kuba nomba ukuti pampela yanyaka ibili iituntulu Farao alilotele. Boneni, aliminine pambali yamulonga wa Naile. ²Boneni, Ing'ombe cine lubali shikofuma mumulonga wa Naile, ishabune elo ishakwina, elo shali kulya mufisonge. ³Boneni, shimbi ng'ombe cine lubali shikofuma panuma iyaisho mumulonga wa Naile, isgabubi elo isgakonda. Shaliminine lubali lwa ng'ombe shinankwe mumbali ya mulonga wa Naile.⁴Eluntu ing'ombe ishibi elo ishakonda shalile ing'ombe cine lubali ishabune elo ishisuma. Eluntu Farao ahibukile. ⁵Awe alilele nokulota umuku wa bubili. Boneni, Imitwe yang'ano cine lubali ikofuma mulupimbili lumo, iyaluteku elo iyabune. ⁶Boneni, imitwe cine lubali, iyakonda elo iyaululwa kumwela wakukabanga, ikomena panuma yashena⁷Imitwe cine lubali iyakonda yaliminine iyo mitwe cine lubali iyaluteku elo iyabune. Farao aishile kubuka, elo, boneni, cali ciloto. ⁸Caishile kuba nomba ukuti mulucelo umupashi wakwe walikucushiwa. Alitumine nokukuta baonse bashng'anga na baume bamano abamu Egypto. Farao aishile kubeba ifiloto fyakwe, nomba takwali nangu umo uwakushimbwila Farao.⁹Eluntu mushika waba kasumika aishile kulanda kuli Farao, ''Lelo nkoibukisha imilandu yandi. ¹⁰Farao alikalipile ababomfi bakwe, nokubabikwa mukulindwa mung'anda yakwa mushika wa basole, mushika waba kafumbika nandi. ¹¹Fwebo twalilotele iciloto mubushiku bumo bwine, elo nandi. Fwebo twalilotele cilamuntu umwalolele ukushimbulwa kwa ciloto cakwe.¹²Kulya pamo namfwe kwali umulumendo umu Yuda, umubomfi wakwa mushika waba sole. Fwebo twalimwebele ena elo alishimbwile kuli fwebo iciloto ukulola kuli cilamuntu. ¹³Caishile kuba nomba ulo atushimbwilile ifiloto fyesu. Efyo caishile kuba. Farao alimbweseshe pacifulo candi, nomba umunandi alimukulikile.''¹⁴Eluntu Farao atumine nokukuta Yosefu. Balimufumishe lubilolubilo mucilindi. Aliibeyele umwine, alifwele nefyakufwala fimbi, nokuyaingila kuli Farao. ¹⁵Farao alandile kuli Yosefu, ''nalilotele iciloto, nomba tapali tapali nangu umo uwakushimbula. Nomba ndyumfwile palwa webo, ukuti uluntu waumfwa iciloto kuti wacishimbula.'' ¹⁶Yosefu alyasukile Farao, alandile, ''Tali candi. Lesa akoyasuka Farao nomutende.''¹⁷Farao aishile kulanda kuli Yosefu, ''Muciloto candi. boneni, nebo nalitalame mu mbali yamulonga wa Naile. ¹⁸Boneni, ing'ombe cine lubali shalikufuma mumulonga wa Naile, ishakwina elo ishabune, elo shalikulya mumulemfwe wafisonge.¹⁹Boneni, shimbi ng'ombe cine lubali shaisa kukonkapo, ishakunakuka, ishabipisha, elo ishakonda. Nebo ntatalamona mona mucalo conse ica Egypto ishakuba ngefi kububi. ²⁰Ing'ombe shakonda elo ishabubi shalilile ing'ombe cine lubali ishakwina. ²¹Uluntu shalile shena, tekuti cishibwe ukuti shena shililile, pantu shalifye ishibi nga pakubala. Eluntu nashibukile.²²Nebo nabwene muciloto candi, elo boneni, imitwe cine lubali shaisa kufuma mulupimbili lumo, iyaisula elo iisuma. ²³Boneni, shimbi mitwe cine lubali--- iyakuma, iyakonda, elo iyakululwa kumwela wakukabanga--- yaisa kwiminina pali shena. ²⁴Nemitwe shakonda shaliminine imitwe cine lubali ishabune. Nalilanda ifi filoto kuli bashing'anda, nomba tapaba nangu umo uwakunondolwela.''²⁵Yosefu aishile kulanda kuli Farao, ''Ifiloto fyakwa Farao fimi fine. Ico lesa akocita, ena alilangile kuli Farao. ²⁶Ing'ombe cine lubali ishabune myaka cine lubali, elo imitwe cine lubali iyabune myaka cine lubali. Ifiloto fimo fine.²⁷Neng'ombe cine lubali ishakonda elo ishabubi ishaishile kwisa panuma yashena myaka cine lubali, elo nemitwe cine lubali ishakonda ishaululwa kumwela wakukabanga yakuba myaka cine lubali iya cipowe. ²⁸Ifi enfintu Nalandile kuli Farao. ico lesa akocita alisokolwele kuli Farao. ²⁹Boneni, imyaka cine lubali ikoisa yacikushi icikulu mucalo conse ica Egypto.³⁰Imyaka cine lubali iyacipowe yakwisa kwima panuma, elo necikushi conse cakulabwa mucalo ca Egypto, ne cipowe cakupwishishasha calo. ³¹Necikushi tacakebukishiwe mucalo pantu icipowe cakwisa kukonkapo, ico cakuba icafinisha. ³²Ico iciloto pakubwekeshiwapo kuli Farao nipamulandu wakuti ciliteyanishiwilwe kuli Lesa, elo na Lesa akoyangufyanya ukucita.³³Nomba lekeni Farao abone umuntu wailuka elo uwamano, nokumubika pacalo ca Egypto. ³⁴Lekeni Farao asonte bacilolo pacalo, elo babule icapali fisano ifisabo fyacalo ca Egypto mu myaka cine lubali iyacikushi.³⁵Lekeni bena bakolonganike ifilyo fyonse ifyamyaka iyi iyabune iyo iikoisa nokusunga ing'anda mwisamba lyamaka yakwa Farao, kukuba icakulya mumishi. Bena bafwile bashisunge shena. ³⁶Ifyakulya fikabe fyakupela icalo pamyaka cine lubali iya cipowe iikesa kuba mucalo ca Egypto. Namuli iinshila icalo tacakese konaulwa ku cipowe.''³⁷Uku kupandwa amano kwaliweme mumenso yakwa Farao namumenso yababomfi bakwe. ³⁸Farao aishile kulanda kubabomfi bakwe, ''Bushe fwebo kuti twasanga umuntu wamano ngoyu, uo umupashi wakwa Lesa ulimo?''³⁹Elo Farao aishile kulanda kuli Yosefu, ''Apo Lesa alikulangile webo fyonse fi, takuli nangu umo uwailuka elo uwamano nga webo. ⁴⁰Webo ukoba pang'anda yandi, eo kwishiwi lyobe eko abantu bandi bakalakumfwa. Pacipuna cabufumu peka epo nebo nkoba umukulu.'' ⁴¹Farao aishile kulanda kuli Yosefu, ''Bona nebo ndikubikile pacalo conse ica Egypto.''⁴²Farao aishile kufula ininda minwe yakwe kukuboko elo aishile kuibika kukuboko kwakwa Yosefu. Aishile kumufwika ifyakufwala fya kolokondwe, nokumubika umunyololo wa golide mumukoshi wakwe. ⁴³Ena amucitile ukwenda mwiceleta lya cibili ilyo akwete. Abantu balibilikishe pali ena, fukameni. ''Farao alimubikile pacalo conse ica Egypto.⁴⁴Farao aishile kulanda kuli Yosefu, ''Nebo nine Farao elo ukwabula webo, takuli umuntu uwingatumpula ukuboko kwakwe nangula ukuulu kwakwe mucalo conse ica Egpto.'' ⁴⁵Farao aishile kwinika ishina lyakwa Yosefu'' Safenati---Paneah.'' Alimupele Asenati, umwana mwanakashi wakwa Potifere shimapepo waku One, ukuba umukashi. Yosefu alifumine akoendauka mucalo ca Egypto.⁴⁶Yosefu ali nemyaka amakumi yatatu uluntu atampile ukwiminina kucinso cakwa Farao, imfumu ya Egypto. Yosefu aishile kufuma pacinso cakwa Farao, nokupita mucalo conse ica Egypto. ⁴⁷Mu myaka cine lubali iya cikushi icalo calipeele ifisabo ifingi.⁴⁸Aishile kukolonganika fyonse ifyakulya fyamyaka cine lubali iyo iyali mu Egypto elo atutile ifyakulya mumushi. Alibikile muli cila mushi ifilyo ifyali kufuma mufilime ifyo fyashingulwikeko. ⁴⁹Yosefu alitutile ing'ano ngo mucanga wapali bemba, shalifulile nganshi icakuti alilekele nokupenda, pantu takwali kupendwa.⁵⁰Yosefu alikwete abana baume babili ulo imyaka yacipowe tailati kwisa, abo, Asenati, umwana mwanakashi wakwa Potifera shimapepo waku One, afyele kuli ena. ⁵¹Yosefu ainikile ishina lyabubeli bwakwe Manase, pantu aishile kulanda, ''Lesa alilengele nebo ukulaba amacushi yandi yonse elo ne ng'anda yakwa tata.'' ⁵²Ainikile ishina lyakwa cikomka ibeli Efraim, pantu aishile kulanda, ''Lesa alilengele nebo ukufyala mucalo cakucula kwandi.''⁵³Ne myaka cine lubali iya cikushi iyo iyali mu Egypto yalipwile. ⁵⁴Ne myaka cine lubali iya cipowe yalitampile, ifyo Yosefu alandile. Mwali cipowe nucalo conse, lelo mucalo conse ica Egypto mwali ifilyo.⁵⁵Uluntu icalo conse ica Egypto caishile kuponenwa ne nsala, abantu balikulilila ifyakulya kuli Farao. Farao aishile kulanda kubena Egypto bonse, ''Kabuyeni kuli Yosefu elo mucito ifyo akolanda. ⁵⁶Necipowe caishile kuba ponse pacalo. Yosefu aishile kwisula kumatala yonse no kushitisha kubena Egypto. Necipowe calilumine mucalo ca Egypto. ⁵⁷Icalo conse calikwisa ku Egypto kukushita ing'ano kuli Yosefu, pantu icipowe calikumine mucalo conse.

¹Nomba Yakobo aishile kwishiba ukuti kuli ing'ano ku Egypto. Aishile kulanda kubana bakwe ati, ''Cindo mwebo mukololeshanishisha?'' ²Aishile kulanda, ''boneni kuno, Nebo ndyumfwile ukuti kuli ing'ano ku Egypto. Kabuyeni kulya elo nokutushitila ukutila tube abamweo nokukana ukufwa.'' ³Bamunyina ikumi abakwa Yosefu baishile kuya kukushita ing'ano ku Egypto. ⁴Nomba yakobo tatumine Benjamini, munyina wakwa Yosefu, naba munyina, pantu aishile kulanda, Nebo nditinine ukuti epali icabipisha caisa paliye.⁵Abana baume bakwa Israeli baishile kuya kukushita mukati kabali kuyako, pantu icipowe cali mu calo ca Kenani. ⁶Nomba Yosefu ali nikateeka pacalo. Ewalikushitisha kubantu bonse abamucalo. Ba munyina Yosefu baishile nokufuma kuli ena nefinso fyabo panshi.⁷Yosefu abwene bamunyina elo alibeshibile, lelo alilufyenye kulibo no kulanda bukalibukali nabo. Aishile kulanda kulibo ati, ''Nikwisa mwebo mufumine?'' Baishile kulanda, ''Kucalo ca Kenani twishile mukushita ifilyo.'' ⁸Yosefu alibeshibile bamunyina, lelo bena tabamwishibile ena.⁹Eluntu Yosefu aishile kwibukisha ifiloto ena alikubalotela, elo aishile kulanda kulibo, ''Mwebo muli nengu! Mwiashile mukubona incende shimo isha calo ishitacingililwa.'' ¹⁰Baishile kulanda kuliye, ''Iyo, mweshikulu. Ababomfi benu beshile kukushita ifyakulya. ¹¹Fwebo bonse tuli bana bamuntu umo. Tuli bantu bacishinka. Ababomfi benu tabali nengu.''¹²Aishile kulanda kulibo, ''Iyo mwebo mwishile kukubona incende ishitacingililwa ishacalo.'' ¹³Fwebabomfi benu tuli babwananyina ikumi nababili, abana baume bamuntu umo mucalo ca Kenani. Boneni, umwaice buno bushiku ali pamo nabatata, elo idume imo tailipo.''¹⁴Yosefu aishile kulanda kulibo, ''eico ndilandile kuli mwebo ati; mwebo muli nengu. ¹⁵Muli ci mwebo mwakweshiwa. ubumi bwakwa Farao, tamwakafume pano, kano munyinenwe umwaice akese kuno. ¹⁶Tumeni umo muli mwebo nokuleka aye ku bula wenu. Mwebo mukoshala mucifungo, ukuti amashiwi yenu yeshiwe, ngacakuti muli cishinka muli mwebo. Ngatalifyo, umweo wakwa Farao, icinefye mwebo muli nengu. ¹⁷Aishile kubabika bonse mukulindwa panshiku shitatu.¹⁸Yosefu aishile kulanda kulibo pabushiku bwakulenga shitatu, ''Citeni ci nokuba nomweo, pantu nebo nditinine Lesa. ¹⁹Ngamuli bantu bacishinka, lekeni wenu umo akakwe mucifungo umu, lelo mwebo mulekuya, mupite ing'ano shansala yamu mayanda yenu. ²⁰Mulete umwaice wenu kuli nebo ukutila amashiwi yenu yakaboneke ukuti yacishinka elo mwebo tamwakafwe. ''Efyo bena baishile kucita.²¹Bena balikulanda kumunankwe ati, ''Icinefye tuli nomulandu pali wesu ukuti fwebo twalibwene ukumanama kwa mutima wakwe uluntu alikutupapatila elo tatwaumfwile. Eco ukukumanama kwaishila pali fwebo.'' ²²Rubeni aishile kuubeba ati, ''Bushe ntamyebele mwebo ukuti, 'mwibembuka ku mwaice,' lelo mwebo tamwali kumfwa? Nomba, boneni, umulopa wakwe ukofwaikwa.²³Bena tabaishibile ukuti Yosefu alikubomfwa, ico pali kapilibula pakati kabo. ²⁴Alifutatikile ukufuma kulibo nokuya kulila. Aishile kubwelulukila kulibo nokulanda kulibo. Aishile kubula Simon ukufuma muli bo nokumukaka pamenso yabo. ²⁵Eluntu Yosefu aishile kweba ababomfi bakwe ukwisusha ifipe fyaba munyina ing'ano, elo elo nokubwesesha indalama shamuntu nomuntu mulitumba wakwe, nokubapela impao shamunshila. Efyo caishile kucitwa kulibo.²⁶Naba munyina balilongele impunda shabo ing'ano shabo elo baishile kufumako kulya. ²⁷Kabili umo palibo aliswile tumba wakwe kukupeela mpunda wakwe icakulya pancende balikulala, ena abwene indalama shakwe. Boneni, shali mukanwa kakwa tumba wakwe. ²⁸Aishile kulanda kuli bamunyina, ''Indalama shandi shili bweshiwe. Boneni; shili muli tumba wandi.'' Nemitima yabo yaishile kutunta elo balatutuma nokwalukilana, baishile kulanda, ''Cindo ici ico Lesa acita kuli fwebo.²⁹Bena baishile kuli Yakobo, shibo mucalo ca Kenani elo baishile kumweba fyonse ifyaba ponene kulibo. Bena baishile kulanda, ³⁰Umuntu uyo, cibinda wa calo, alikulanda namfwe bukalibukali elo alikutontonkanya ukuti fwebo tuli nengu mucalo. ³¹Namfwe twaishile kulanda kuliye, 'fwebo tuli bacishinka. Tatuli nengu. ³²Tuli babwananyina ikumi limo nababili, abana baume bakwa tata. Umo tabapo, nomwaice munonshiku ali natata mucalo ca Kenani.'³³Umuntu uyo, cibinda wacalo, aishile kulanda kulifwebo, 'mulici nebo emo nakwishibila ukutila mwebo muli bacishinka. Sheni umo wenu nanebo, mupite neng'ano shansala ya mumayanda yenu, elo muye. ³⁴Mukayekulleta wenu umwaice kuli nebo. Eluntu nebo nakwishiba ukutila mwebo tamuli nengu, lelo ukutila mwebo muli bantu bacishinka. eluntu nakulekelelako wenu kuli mwebo, elo mwebo mwakusulwisha mucalo.'''³⁵Caishile kuba nomba ulo bena baishile kwisula batumba wabo, kabili, boneni, umuntu nomuntu akafunda ka silfere kali muli tumba wakwe. Uluntu bena shibo baishile kubona utufunda twabo utwa silfere, bena balitinine. ³⁶Yakobo wishibo aishile kulanda kulibo, ''Mwanjipaishisha abana. Yosefu tabapo, Simoni aliya, elo mwebo mukampitile na Benjamini. Fyonse ifi fiponene pali nebo.''³⁷Rubeni aishile kulanda kuli wishi, ati, ''mwemukepaye abana bandi abaume babili nga ntakabweshe Benjamini kuli mwebo. Mubikeni mumaboko yandi, na nebo nakumubwesha kuli mwebo nakambi.'' ³⁸Yakobo aishile kulanda, ''umwana wandi takaye nemwe. Pantu wabo munyina alifwa elo ashala eka. Nga icibi camuponena munshila umo mwakuya, eluntu mwakutentemushisha imfwi shandi kumbo mubulanda.''

¹Icipowe calikulile mu calo. ²Caishile ukuti uluntu bena bali kulya ing'ano isho bafumishe ku Egypto, shibo aishile kulanda ati kuli bo, ''Kabiyeni nakabili; katushitileniko ifyakulya.''³Yuda alimwebele, ''Umuntu alitukonkomeshe elo no kutusoka, 'Tamwakabone icinso candi kano ndume shenu ngali na mwebo. ⁴Nga mwatuma ndume yesu ne fwe, tuli no kuya kulya elo no kumishitila ifilyo. ⁵Nomba nga tamututumine ena, fwebo tatwakaye kulya. Pantu umuntu alilandile kuli fwebo ati, mwebo tamwakabone icinso candi kano muli na ndume yenu.''⁶Israeli aishile kulanda ati, ''Cindo mukocitila icakubipisha kuli nebo ukwebo umuntu ukuti mwebo mulikwete na umbi ndume?'' ⁷Baishile kulanda ati, ''Umuntu alipwishe palwa fwebo elo napa bantu besu. Ena aishile kulanda ati, 'Bushe wishinwe acili uwa mweo? Bushe mwebo muli kwete na umbi ndume? 'Twaishile ku mwasuka ukulingana kuli ffi fipusho. Kuti fwebo twaishiba shani ukuti ena akolanda ati, 'Kaleteni ndume yenu kuno?'''⁸Yuda aishile kulanda kuli Israeli wishi ati, ''Tumeni umulumendo nandi. Fwebo tuli np kwima elo no kuya ukuti fwebo tukabe abamweo elo no kufwa iyo, fwebo bonse, mwebo, elo nabana besu. ⁹Nebo ndinokuba icikatilo kuli ena. Mwebo muli no kwikatilamo nebo uwamulandu. Nga nebo ntamubweseshe kuli mwebo no kumuleta kuli mwebo, eluntu nebo lekeni mbembukile shikulu shonse. ¹⁰Pantu fwebo atubula ukushingashinga, Cinefye pali nomba fwebo ngatwalibwela.''¹¹Sibo Israeli aishile kulanda kuli bo ati, ''Nga efyo cili, awe citeni fif. Piteni fimo ifyawamisha ifya mu calo mu fyola fyenu. Piteni ifyo ku muntu nga ifya bupe-- amafuta ya balm elo no buci, utwanunkila elo na muri, Ifinya muti ama pistaki elo na malumonde. ¹²Piteni indalama isha miku ibili mu minwe yenu. Inalama isho ishabweshiwe mukwisula kwa matumba yenu, piteni nakabili mu minwe yenu. Nkalimo cali cilubo.¹³Piteni nakabili ndume yenu. Imeni no kuya ku muntu nakabili. ¹⁴Lekeni Lesa uwa maka yonse amipele inkumbu pa cinso ca muntu, eico ukuti ena akamifumishe ndume yenu umbi elo na Benjamini. Nga nebo na fwisha abana bandi, ninshi nebo ni mfwisha.'' ¹⁵Abaume baishile kupita icabupe ici, namu minwe yabo balipitile icipendo ca ndalama icamiku ibili, pamopene na Benjamin. Balimine no kutentemukila ku Egypto elo na kutalama ku cinso cakwa Yosefu.¹⁶Uluntu Yosefu aishile ku bona Benjamin pamo nabo, ena aishile kulanda ku muntu wapa ng'anda yakwe, Leta abaume mung'anda, wipaye ne nama no kuipekanya, pantu abaume bakolya nandi akasuba.'' ¹⁷No muntu alicitile ifyo Yosefu alandile. Aishile kutwala abantu ku ng'anda yakwa Yosefu.¹⁸Abantu balitinine pa mulandu balitwele ku ng'anda yakwa Yosefu. Bena baishile kulanda ati, ni pamulandu wa ndalama ukuti shali bwelele batumba besu pakubala fwebo twaletelwa kuno, ukuti ena abwenemo ukutupela umulandu fwebo. Ena atwikate no kutucita abasha, no kupita impunda shesu.'' ¹⁹Bena balimukonkele umuntu uwalikwikala mu ng'anda yakwa Yosefu, elo baishile kulanda kuli ye pa mwinshi wa ng'anda, ²⁰ukuti, ''mwe shikulu wesu, fwebo twalishile kuno pakubala ku kushita ifilyo.²¹Caishile kuba palwa, uluntu fwebo twafikile pa ncende yaakupataminapo, ulo fwebo twaiswile ba tumba besu, elo, boneni, indalama sha muntu shali onse mukanwa kakwa tumba wakwe, indalama shesu mukufina kwashiko. Fwebo tulishibweseshe munwe yesu. ²²Na shimbi indalama fwebo tulishile nasho kuno mu minwe yesu kukushitamo ifilyo. Fwebo tatwishibile uwabikile indalama muli ba tumba besu.'' ²³Umuntu aishile kulanda ati, ''Umutende ube kuli mwebo, mwitina. Lesa wenu elo Lesa wakwa shinwe afwile ewabikile indalama muli batumba benu. Nebo nalipokelele indalama shenu.'' Umuntu eluntu aishile kufumya Simeoni kuli bo.²⁴Kabili umuntu aishile kutwala abaume mu ng'anda yakwa Yosefu. Ena aishile kubapela amenshi, elo baishile kusamba kumakasa yabo. Aishile kupela ifyakulya ba mpunda shabo. ²⁵Pantu balipekenye ifya bupe pakwisa kwakwa Yosefu akasuba, pantu balyumfwile ukti bakoya kulya kwine.²⁶Uluntu Yosefu aishile kwisa ku ng'anda, baishile kuleta ifya bupe ifyo ifyali mu minwe yabo mu ng'anda, elo baishile kukontamina panshi ku cinso cakwe mu maloba. ²⁷Ena aishile kubepusha palwa mutende wabo no kulandaa ati, ''Bushe shinwe alibwino, umukote uyo mwebo mwalandile? Bushe ena acili uwamweo?''²⁸Baaishile kulanda ati, ''Umusha wenu shifwe alifye bwino. Ena acili no mweo, ''Elo baishile kuwa panshi no kupela kuku mupela umucinshi. ²⁹Uluntu aishile kwinuna amenso yakwe aishile kubona Benjamini ndume yakwe, umwana mwaume waba nyina, elo aishile kulanda ati, ''Bushe uyu emuninenwe umwaice uyo mwalandile kuli nebo?'' Eluntu aishile kulanda ati, ''Lesa nabe uwasenaminwa kuli webo, we mwana wandi.''³⁰Yosefu aishile kwangufyanya ukuya ukufuma ku muputule, pantu ene alifulukile palwa kwa ndume yakwe. Ena alikufwaya ukwakulilila. Aishile kuya ku muputule wakwe no ulia kulya. ³¹Alisambile ku menso yakwe elo aisa kufuma. Alishipikishe umwine, aishile kulanda ati, ''Pekanyeni ifya kulaya.''³²Aba bomfi baishile kupela Yosefu eka elo nakuli bamunyina beka. Nabena Egypto bali kulya na ye beka pantu abena Egypto tekuti balye umukate naba Hibulu, ukuti pantu ca muselu ku bena Egypto. ³³Ba munina balikele ku cinso cakw, Ibeli uklinga no bubeli bwaliko, elo no mwaice ukulinga no bwaice bwakwe. Nabo abantu balapapa bonse. ³⁴Yosefu aishile kupela icakaniko kuli bo ukufuma kufilyo ku ntanshi yakwe. Lelo icakaniko cakwa Benjamini calikulile imiku shisano ukucila ishaba munyina bakwe. Bena kunwa elo no kusansamuka na ye.

¹Yosefu aishile ku konkomenshe uwali kulinda ing'anda yakwe, ati, ''Isusha batumba ba aba bantu ne fyakulya, ukulingana nefyo bena benga pita, elo ubike indalama sha cila muntu umwakwisulwa kwakwa tumba wakwe. ²Bika ulukombo lwandi, ulukombo lwa sifere, umwakwisulwa kwakwa tumba wa mwaice bantu, elo ne ndalama shakwe isha ng'ano.'' Kasunga alicitile ngefyo Yosefu alandile.³Ulucelo bwalicile, abaume aba baishile kutumwa baya, ne mpunda shabo. ⁴Uluntu bena bafumine mu musumba nomba taba fikile ukutali, Yosefu aishile kulanda kuli kasunga wakwe, ''Ima, konka panuma yabo, elo uluntu webo ukobapitilila, ulande kuli bo ati, 'Cindo mwebo mubweseshe ububi pa busuma? ⁵Bushe taluli lukombo ulo shikulu wandi anwinako, elo ulukombo ulo alubomfya kulubuko? Mulicitile ububi pa busuma.⁶Kasunga alibapitile elo aishile kulanda aya mashiwi kuli bo. ⁷Bena baishile kulanda kuli ye, ''Cindofye shikulu alandila aya mashiwi ya musango uyu? Na cibe ukutali ukufuma kuba bomfi benu ukuti bena bengacita icamusango uyo.⁸Lolesheni, indalama isho twasangile mufyakwisulwa fya batumba besu, twaliletele na kabili kuli mwebo ukufunya mu calo ca Kenani. Nga ni ndo fwebo twingebila ukufunya mu ng'anda yakwa wisokulu sifere nangu golide? ⁹Nga cakutila uuli onse muba bomfi asangwa naco, mulekeni ena fwe, elo fwebo tukoba abasha bakwa shikulu wesu.'' ¹⁰Kalinda aishile kulanda ati, ''Nomba kanshi na cibe ukulinga na kumashiwi yenu. Ena uyo yo ulukombo lukosangwako akoba umusha wandi, elo mwebo bambi mukoba abakaele.''¹¹Eluntu cila muntu ayangufyenye no kuleta tumba wakwe panshi, elo cila muntu aishile kwisula tumba wakwe. ¹²Kalinda aishile kufwayamo. Ena aishile kutampilapo abakulishepo no kupwishisha nowa cepeshepo, elo ulukombo lwaishile kusangwa muli tumba wakwa Benjamini. ¹³Eluntu bena baishile kulepaula amalaya yabo. Cila muntu aishile kulonga punda wakwe elo no kubwelelamo ku musumba.¹⁴Yuda elo naba wabo baishile kwisa ku ng'anda yakwa Yosefu. Ena ninshi ali kulya kwine, elo baishile kufukakama ku menso yakwe panshi. ¹⁵Yosefu aishile kulanda kuli bo ati, ''Findo ifi ifyo mwebo mucitile? Bushe mwebo tamwishibile ukuti umuntu nga nebo alacita ulubuko?''¹⁶Yuda aishile kulanda ati, ''Findo fwebo tukolanda kuli shikulu wandi? Findo fwebo tukososa? Nangu nindo fwebo twingailungamikila fwebene? Lesa alisangile ukupuluka kwaba bomfi bobe. Boneni, fwebo tuli basha bakwa shikulu wandi, bonsefye fwebo noyo wine uyo ulukombo lwasangilwe mu minwe yakwe.'' ¹⁷Yosefu aishile kulanda ati, ''Ico nacibe ukutali ukufuma kuli nebo ukuti nebo ncicite. Umuntu uyo ulukombo lwasangilwe mu minwe yakwe, uyo muntu akoba umusha wandi, nomba mwebo bambi, ninenifye mulekuya umutende kuli wishinwe.''¹⁸Eluntu Yuda aishile kupalamina kuli ye no kwisa kulanda ati, ''Shikulu wandi, napatata leka umubomfi obe alande ishiwi mu matwi yakwa shikulu, elo wileka ubukali bobe bwimine umubomfi obe, pantu webo wa kubati ni Farao. ¹⁹Shikulu wandi alipwishe aba bomfi bakwe, akolanda ati, 'Bushe mwebo mwalikwata wishinwe nangu wenu?'²⁰Fwebo twaishile kulanda kuli shikulu wandi, 'Fwebo twalikwata tata, umubtu umukote, no mwana uwa mubukote bwakwe, umwaice. Nomba wabo alifwa, elo ena ekfye ewashala uwakwa nyina, elo wishi alimutemwa.' ²¹Eluntu webo waishile kulanda kuba bomfi bobe ati, 'Multeni ena kuli nebo pakuti limbi mubone.' ²²Panuma yaifi, naifwe twaishile kulanda shikulu wandi ati, 'Umulumendo tekuti ashe wishi. Pantu nga asha wishi wishi kuti afwa.'²³Eluntu webo waishile kulanda kuba bomfi bobe ati, 'Nga cakuti ndume yenu kasuli teshile ukutentemuka namwebo, mwebo tamwakabone icinso candi nakabili.' ²⁴Eluntu caishile kuba uluntu fwebo twaile kuninika kumu bomfi obe tata wandi, fwebe twaishile kumweba amashiwi yakwa shikulu wandi. ²⁵Tata wesu aishile kulanda ati, 'Kabiyeni nakabili mutushitilejo fwebo ifyakulya fimo fimo.' ²⁶Eluntu fwebo twaishile kulanda ati, 'Fwebo tatwa tentemukileko. Nga cakuti ndume yesu kasuli abe nafwebo, eluntu tukotentemukilako, pantu tatwakabe abakubona icinso ca muntu ulya kanofye ndume yesu kasuli ali nafwebo pamo.'²⁷Umu bomfi obe tat wandi aishile kulanda kuli fwebo ati, 'Mwalishiba ati umukashi wandi amfyalilefye nebi abana baume babili. ²⁸Umo pali aba aliya ukufuma kuli nebo elo nebo naishile kulanda, ''Cine cine ena alilepauka mutupimfya, elo nebo ntamumona ukufuma lulya lwine.'' ²⁹Nomba mwebo namwe ngamwasenda uyu umo ukufuma kuli nebo, elo uboni bwaba pali ena, mwebo mukatentemishisha imfwi shandi no bulanda ku mbo.'³⁰Nomba, eico, uluntu nebo naisa kumu bomfi obe tata wandi, elo umwaice tali nwfwebo, pantu umweo wakwe wabikwa mu minwe ya mulumendo, ³¹Cena cikesa kuba, uluntu abona umulumendo tali nafwe, ena akafwa. Aba bomfi bobe bakatentemushisha imfwi shamu bomfi obe tata wesu no bulanda ku mbo. ³²Pantu umu bomfi obe aliba cikatilo pa mulumendo kuli tata wandi elo nalilandile, 'Nga cakuti nebo ntabwelele na ye kuli webo, eluntu nebo nkaba uwa mulandu kuli tata wandi umuyayaya.'³³Eico nomba, napapata leka umubomfi obe ekale ngo musha kuli shikulu wandi ukucila umulumendo, elo leka umulumendo anine alekuya naba wabo. ³⁴Pantu kuti nebo nanina shani ukuya kuli tata wandi nga cakuti umulumendo tali nanebo? Nebo nkotina ukubona ububi ubwingesa pali tata wandi.

¹Eluntu Yosefu afililwe ukuipindulula umwine paba bomfi bakwe bonse. Aishile kulanda ukubilikisha, ''onsefye afwile ukunsha neka.'' Eico takwali mu bomfi uwataleme kuli ye uluntu Yosefu aishile kuishisha kuli ba wabo. ²Alisanswile ishiwi pa kulia, Abena Egypto balyumfwile, elo naba mung;anda yakwa Farao bali cumfwile. ³Yosefu aishile kulanda kuli ba wabo ati, ''Ninebo Yosefu. Bushe tata acili no bumi?'' Ba wabo tabamwasukile, pantu balisakamene ku cinso cakwe.⁴Eluntu Yosefu aishle kulandakuli ba wabo ati, ''Iseni palamineni kuli nebo, napapata.'' Baishile kwisa mupepi. Aishile kulanda ati, Ninebo Yosefu munyinane wenu, uyo mwashitishe mu Egypto. ⁵Mwilunguluka nangula uku ikalipila mwebene ukuti mwebo mwanshitishe kuno nebo, pntu Lesa antumine kuno nebo mukumitangilila mu kusungilila umweo. ⁶Pa myaka iyi ibili iya cipowe icaba mu calo, elo elo nakushala imyaka shisano umo umushakabe ukulima nangufye kusombola.⁷Lesa alintumine nebo muku mitangilila mukumisungilila nga benga shalapo mu calo, elo no kumisunga aba mweo no kupusuka ukukulu. ⁸Eico nomba temwebo mwntumine kuno lelo ni Lesa, elo alimpanga wishi wakwa Farao, umukalamba waba ng'anda yakwe, elo katungulula wa calo conse ica Egypto.⁹Angufyanyeni elo munine no kuya kuli tata elo no kuya ku mweba ati, 'Ifi efyo umwana obe Yosefu alandile, ''Lesa nebo alimpangile umukalamba wa Egypto yonse. Iseni tentemukeni kuli nebo, mwikokola. ¹⁰Mwebo mukekala mu calo ca Gosheni, elo mwebo mukalapalamina kuli nebo, elo na bana benu elo na bana babana benu, elo ne mikuni yenu elo na maombe yenu, elo na fyonse ifyo mwakwata. ¹¹Nebo nkamipekanisha kulya, pantu kucili imyaka isano iya cipowe, pakuti mwebo tamwishile ku nsala, mwebo aba mung'anda yenu, elo na fyonse ifyo mwakwata.'''¹²Boneni, amenso yenu yali bwene, elo na menso yakwa wesu Benjamini, ukuti kanwa kandi akakolanda kuli mwebo. ¹³Mwebo mukeba tata pa bucindami bwandi mu Egypto elo napali fyonse ifyo mwebo mwabona. Mwalaangufyanya elo no kuleta tata kuno.''¹⁴Akumbatile umukoshi wakwa wabo elo no kulila, elo na Benjamini alilile mu mukoshi wakwe. ¹⁵Aishile ku fyompa ba wabo bonse elo no kulila pali bo. Pa numa yaico ba wabo baishile kulandaa kuli ye.¹⁶Ilyashi lya citike lyalilandilwe mu ng'anda yakwa Farao: Ba wabo bakwa Yosefu balishile.'' Calisekeshe saana Farao elo naba bomfi bakwe. ¹⁷Farao aishile kulanda kuli Yosefu ati, ''Landa kuli ba wenu, ' Citeni ici: Longeni inama shenu elo muye na ku calo ca Kenani. ¹⁸Upite ba wiso elo na bang'anda yobe bonse elo wise kuli nebo. Nebo nkamipela ifyabune fyamu calo ca Egypto, elo mukalya amafuta ya calo.'¹⁹Nomba webo waebwa, 'Cita ici, pita amaceleta ukufuma mu calo ca Egypto ifya bana bobe elo nefya bakashi bobe. Upite wiso elo wise. ²⁰Mwisakamana pa fikwatwa fyenu, pantu ifya bune fyonse ifya calo ca Egypto fyenu.'''²¹Abana baume bamu Egypto ba citile ifyo. Yosefu aishile kubapela amaceleta, ukukonka neydo Farao abebekeshe, elo alibapele nefya kubomfya palwendo. ²²Kuli bonse umo babelele alibapele cila muntu ifyakufwala ifipya, nomba kuli Benjamini aishile kumupela indalama sha silfere imyanda itatu elo nefyakufwala ifipya fisano. ²³Kuli wishi aishile kutuma ifi: impunda ikumi limo ishapitile ifyabune fyamu Egypto; elo ne mpunda ishikota ikumi limo ishapitile ing'ano, imikate, elo na fimbipo ifya kubomfya ifya kwa wishi.²⁴Eico alekele ba wabo baya elo nabo baile. Aishile kulanda kuli bo ati, ''amaubone ukuti tamukolaka pa lwendo.'' ²⁵Baishile kuya no kufuma mu Egypto elo no kubwelela ku calo ca Kenani, kuli Yakobo wishi. ²⁶Bena ba mwebele ukutila ''Yosefu acili no mweo, elo ena ekatungulula wa calo ca Egypto. ''Umutima wakwe walipapile, pantu tashininkishe ifyo ba mwebele.²⁷Baishile kumweba amashiwi yonse aya kwa Yosefu ayo alandile kuli boo. Uluntu Yakobo abwene amaceleta ayo Yosefu atumine muku mupita, umupashi wakwa Yokobo wishi walipuputwike. ²⁸Israeli aishile kulanda ifi, 'Cawama. Yosefu umwana wandi acili no mweo. Nebo nalaya nkamubone epo ntalafwa.''

¹Israeli aishile ku panga na fyonse ifyo akwete elo nokwisa kuya ku Beeresheba. Kulya aishile kupela amalambo kuli Lesa yakwa wishi Isaki. ²Lesa aishile kulanda kuli Israeli mu cimonwa ubushiku, ukuti, ''Yakobo, Yakobo.'' ³Aishile kulanda ati, ''Ndipano.'' Aishile kulanda ati, ''Ni nebo Lesa, Lesa wa kwa wiso. Witina ukutentemuka ukuya ku Egypto, pantu kulya nkakupanga uluko ulukalamba. ⁴Nkaya na webo mu Egypto, elo mu cine nka kwimya elo Yosefu akakwisala amanso no kuboko kwakwe.''⁵Yakobo aishile kwima ukufuma ku Beeresheba. Umwana mwaume wakwa Israeli aishile kwensha Yakobo wishi wabo, abana babo, elo na bakashi babo, mu fikotikala ifyo Farao atumine ku kumusenda. ⁶Baishile kusenda ifitekwa fyabo elo ne fikwatwa fyabo ifyo efyo bapokele mu Kenani. Baishile kwisa mu Egypto, Yakobo elo na bonse abana bakwe na ye. ⁷Aishile kuleta na ye ku Egypto abana baume bakwe elo na bana baume ba bana baume bakwe, abana banakashi babo elo na bana banakashi ba bana baume bakwe, elo na bonse abana bakwe.⁸Aya emashina ya bana baume bakwa Israeli abaishile kwisa ku Egypto: Yakobo elo na bana bakwe, Rubeni, ibeli lyakwa Yakobo; ⁹abana baume bakwakwa Rubeni, Hanoki Palu, Hezroni, elo na Kimi; ¹⁰abana baume bakwa Simeoni, Yemuele, Yamini, Ohadi, Yakini, Zohari, elo Shau, abana baume ba mwanakashi umwina Kanani; ¹¹elo na bana bakwa Lebi, Geshoni, Kohati, elo Merari.¹²Abana baume bakwa Yuda bali ni Ere, Onani, Shela, Perezi, elo na Zerah, (Lelo Ere elo na Onani baishile kufwila mu musumba wakwa Kenani). Abana baume bakwa Perezi bali ni Hezroni elo na Hamu. ¹³Abana baume bakwa Isaka balini Tola, Pua, Lobi, elo na Shimuroni; ¹⁴Abana baume bakwa Zebuluni bali ni Seredi, Eloni, elo na Yaleelo ¹⁵Aba bali bana baume bakwa Leya abo aboishile ku fyala kuli Yakobo mu Padani Aramu, pamono mwana mwanakashi Dina. Abana baume bakwe elo na bana banakashi bakwe ba pebdelwe amakumi yatatu-na batatu.¹⁶Abana baume bakwa Gadi bali ni Zephoni, Haggi, Shuni, Ezboni, Eri, Arodi, elo na Areli. ¹⁷Abana baume bakwa Asheri bali ni Imuna, Ishiva, Ishivi, elo na Beria; elo na Sera ali ni nkashi yabo. Abana baume Beria bali ni Hebere elo na Malkiel ¹⁸Aba bali bana baume bakwa Zilfiph, abo Labani aishile kupela kuli Leya umwana mwanakashi wakwe. Abana baume abao aishile kufyala kuli Yakobo-ikumi na mutanda muli bonse.¹⁹Abana baume bakwa Rakeli umukashi wakwa Yakobo bali ni Yosefu elo na Benjamini. ²⁰Mu Egypto Manase elo na Efulemu baishile kufyalwa kuli Yosefu kuli Asenati, umwana mwanakashi wakwa Potifera shimapepo waku Oni. ²¹Abana baume bakwa Benjamini bali ni Bela, Bekere, Ashibelo, Gera, Namani, Ehi, Roshi, Mupimu, Hupimu, elo na Ardi. ²²Aba bali bana baume bakwa Rakeli abafyelwe kuli Yakobo-ikumi na bane muli bonse.²³Umwana mwaume wakwa Dani ali ni HushimI. ²⁴Abana baume bakwa Nafutal bali ni Yazielo, Yezere, elo na Shilemu. ²⁵Aba ebali abana baume abafyelwe kuli Yakobo muli Biha, uo Labani aishile kupela kuli Rakeli umwana mwanakashi wakwe-cine lubali muli bonse.²⁶Abo bonse abaishile kuya ku Egypto na Yakobo, bali bana bakwe, tekupendelako abakashi ba bana baume bakwa Yakobo, bali amakumi mutanda na mutanda muli bonse. ²⁷Na bana baume babili abakwa Yosefu abafyelwe kuli ye mu Egypto, aba mulupwa lwakwe abaishile kuya ku Egypto bali amakumi cine lubali muli bonse.²⁸Yakobo aishile kutuma Yuda ukumutangilila kuli Yosefu ku kumulnga inshila kuntanshi yakwe ku Gosheni. ²⁹Yosefu aishile kupikenya amaceleta yakwe elo nokuya muku kumanya Israeli wishi mu Gosheni. Aishile kumubona, aishile kumukumbata mu mukoshi, elo nokwisa kulilila mu mukoshi wakwe panshita iitali. ³⁰Israeli kulanda kuli Yosefu ati, ''Nomba leka imfwe, apo nabona icinso cobe, ukuti ucili uwa mweo.''³¹Yosefu aishile kulanda kuli bamunyina wakwe elo na ku ba ng'anda yakwa wishi ati, ''Nalaya elo nokuya kweba Farao, ukuti, 'Bamunyina elo na bang'anda yakwa tata, abali mu musumba wa Kenani, balishile kuli nebo. ³²Abaume ni bakacema pantu baba nibakasunga bafitekwa. Baliletele imikuni shabo, ifitekwa fyabo, elo na fyonse ifyo bakwata.'³³Cikesa kwisa palwa, uluntu Farao amita elo nokwipusha ati, 'Findo mucita?' ³⁴mufwile mukalande ati, 'Abasha benu baba ni bakasunga ba fitekwa ukufuma kubulumendo bwesu ukufika na nomba, bonse fwebo, elo ne fikolwe fyesu.' Mucite ici pakweba ati mwikale mu musumba wa Gosheni, pantu onse kacema wa muselu ku bena Egypto.''

¹Eluntu Yosefu aishile kwingila mukati elo no kweba Farao ati, ''Batata elo naba wesu, ifitekwa fyabo, ing'ombe shabo, elo nafyonse ifyo bakwata, balafikile ukufuma ku calo ca Kenani. Bona, bena bali mu calo ca Gosheni.'' ²Alipitile ba wabo ba sano elo no kuya kuba londola kuli Farao.³Farao aishile kulanda kuli ba wabo ati, Buahe ni ncito ndo mu bomba? ''Baishile kulanda kuli Farao ati, ''Aba bomfi bobe ni bakacema, kwati fikolwe fyesu.'' ⁴Eluntu baishile kweba Farao ati, ''Fwebo twishile nga abekashi abatalebebelela ukwikala mu calo. Takuli umulemfwe wa fitekwa fyaba bomfi bobe, pantu icipowe cilibipishe mu calo ca Kenani. Eico kanshi, twapapata leka aba bomfi bobe bekaleko mu calo ca Egypto.''⁵Eluntu Farao aishile kulanda kuli Yosefu, ukutila, ''Ba wiso elo naba wenu balishile kuli webo. ⁶Icalo ca Egypto caba mu nsambu shobe. Ikalika ba wiso elo naba wenu ku ncende iyabune, mu calo ca Gosheni. Nga ulushibilepo abaume baku ncenjela pali bo, ubabike nga bakulolekeshapo pa fitekwa fyandi.''⁷Eluntu Yosefu ailekuleta Yakobo wishi no kumulangisha kuli Farao. Yakobo aishile kupala Farao. ⁸Farao aishile kulanda kuli Yakobo ati, ''Wikala imyaka inga?'' ⁹Yakobo aishile kulanda kuli Farao ati, ''Imyaka ya lwendo lwandi ili umwanda umo na makumi yatatu. Imyaka ya bwikshi bwandi ilifye iinono elo iyakukalipwa. Tashilepele kwati sha fikolwe fyandi.'' ¹⁰Eluntu Yakobo apalile Farao elo aishile kufuma ku cinso cakwe.¹¹Eluntu Yosefu apele wishi elo naba wabo. Alibaputwilile incende mu Egypto, incende iya bune nganshi, mu calo ca Ramesses, pamo ngefyo Farao abakonkomeshe. ¹²yosefu alikupela wishi ifilyo, ba wabo, elo naba mu ng'anda yakwa wishi bonse ukulinga nabo balikusunga.¹³Nomba tamwali ifyakulya mu calo conse; pantu icipowe calicililemo. Icalo ca Egypto elo ne calo ca Kenani fyalyonaikile pa mulandu ne cipowe. ¹⁴Yosefu alikolongenye indalama shonse isho ishali mu calo ca Egypto elo namu calo ca Kenani, mukushitisha ing'ano kubekala calo. Eluntu Yosefu atwele indalama kuli Darao ku cipango.¹⁵Uluntu indalama shonse ishamu calo ca Egyptoelo namu Kenani shapwile abena Egypto bonse balishile kuli Yosefu no kulanda abati, ''Tupeko ifyakulya! Cindo twinga fwila apoli pantu indalama shesu na shilipwile.''' ¹⁶Yosefu aishile kulanda ati, ''Nga cakuti indalama shenu shilipwile, leteni ifitekwa fyenu elo na ndibo nala mipela ifyakulya mukukabushanya ne fitekwa fyenu.'' ¹⁷Eico baliletele ifitekwa fyabo kuli Yosefu. Yosefu alibapele ifyakulya paku kabushanya naba punda, pafitekwa, elo naba kabalwe. Alibalishishe no mukate no kukabushanya ne fitekwa fyabo fyonse muli ulya mwaka.¹⁸Uluntu ulya mwaka wa pwile, baishile kwisa kuli ye mu mwaka wakonkelepo elo no kulanda kuli ye ati, ''Fwebo tatwafise nangu cimo kuli shikulu ukuti indalama shesu fwebo shilipwile, elo ne mikuni ya ng'ombe shonse shakwa shikulu. Takuli nangu cimo icishele ku menso yakwa shikulu, ukufumyakofye imibili yesu elo ne mpanga shesu. ¹⁹Cindo twinga fwila mu menso yenu, fwebo elo ne mpanga shesu mukukabushanya ne fyakulya, elo fwebo ne mpanga shesu twalaba aba bomfi kuli Farao. Tupeni fwebo imbuto pakuti fwebo tube no mweo elo twifwa, elo ne mpanga shesu shi ikalafye.''²⁰Eico Yosefu ashitile icalo conse ica mu Egypto ukushitila Farao. Eico umwina Egypto onse alishitishe inconde cakwe, pantu icipowe calicililemo. Muli iinshila, icalo conse caishile kuba cakwa Farao. ²¹Nomba abantu bena aishile kubacita abasha ukufuma ku mpela ya Egypto ukufika na kumpela ya mupaka umbi. ²²Ifyonde fye fya bashimapepo fyeka efyo Yosefu atashitile, pantu bashimapepo balikupoka amalipilo. Balikuya mu fyonde ifyo Farao abapele. Eico kanshi bena tabashitishe impanga shabo.²³Eluntu Yosefu aishile kulanda ati, ''Boneni, Ndi mishitile elo ne mpanga shenu lelo muli Farao. Nomba buleni ishi imbuto, elo mubyale mu mabala. ²⁴Pakusombola, mwebo muli nokupela icakulenga busano kuli Farao, elo ne fiputulwa fine fikaba fyenu, ku mbuto shamu fyonde elo ne fyakulya fya bomusunga elo nefya bana benu.''²⁵Bena bashile kulanda tai, webo wapususha imyeo shesu. Nga twingasanga uluse pa menso yenu. Fwebo tukabafye aba bomfi bakwa Farao.'' ²⁶Eico Yosefu alipangile ifunde ilyo ilikonkwa mu calo ca Egypto ukushinta na pali lelo. Icakuti icakulengaa busano cakwa Farao. Fondefye fya bashimapepo efitali fyakwa Farao.²⁷Eico Israeli aikele mu Egypto, mu calo ca Gosheni. Abantu bakwe bali nonkelemo ifyuma mulya. Bena balifyalene elo no kusanduluka apakulu. ²⁸Yakobo alikele mu calo ca Egypto imyaka ikumi limo na cine lubali, Eico imyaka ya bumi bwakwa Yakobo yali umwanda umo na makumi yane na cine lubali.²⁹Uluntu inshta ya palamine iya kufwa kwakwa Israeli, aishile kukuta umwana wakwe Yosefu elo no kwisa kumweba ati, ''Nga cakuti ndisangile uluse pa menso yobe, bika ukuboko kobe munshi ya matanta yandi, elo unange icishinka elo ne cicetekelo. Napatata nebo wikanshika mu Egypto. ³⁰Uluntu nebo nkalala naba shifwe, webo ukampite ukumfumya mu Egypto elo no kunshika ku ncende ya fikolwe fyandi.'' Yosefu aishile kulanda tai, ''nebo nkacita ngefyo fine walanda.'' ³¹Israeli aishile kulanda ati, ''Lapa kuli nebo,'' elo Yosefu aishile kulapa kuli ye. Eluntu Israeli akontamikile umutwe musanshi bwakwe.

¹Caishile kuba ifi panuma ya ifi fintu, ilyo umo aishile kulanda kuli Yosefu ati, ''Bona, wiso alilwele.'' Eico ena aishile kupitapo babili pa bana bakwe, Manase elo na Efulemu. ²Uluntu Yakobo aishile kwebwa ati, Bona, umwana obe Yosefu alifikile mukubona webo, ''Israeli ali ikoseleshe elo no kwikala pa mulu wa busanshi.³Yakobo aishile kulanda kuli Yosefu ati, ''Lesa mukalamba alibonekele kuli nebo mu Lusi mu calo ca Kenani. Alimpalile ⁴acilanda kuli nebo ati, 'Bona, Nebo nkakulenga ukusanduluka, elo no kukufusha. Nebo nkakulenga ukuba ibumba lya mishobo. Nebo nkapela ici calo ku lupwa lobe nge cuma cakubelelela.'⁵Nomba abana bobe babili, abao abafyelwe kuli webo mu calo ca Egypto ilyo ntalaisa kuli webo mu Egypto, bena bandi. Efulemu elo na Manase bakaba bandi, bgefyo Rubeni elo na Simoni bandi. ⁶Abana abo webo ukakwata panuma yabo bakaba bobe; bena bakapendelwa pesamba lya ba wabo mufyakupyana fyabo. ⁷Lelo kuli nebo, uluntu naishile ukufuma ku Padani, ku cabulanda Rakeli alifwile mu calo ca Kenani mu nshila, ulo kwali kucili intamfu pa kuya ku Efulata. Nali mushikile kulya mu nshila ya kuya ku Efulata'' (ilya ni Betelemu).⁸Uluntu Israeli aishile kubona abana bakwa Yosefu aishile kulanda ati, ''Nibani aba?'' ⁹Yosefu aishile kulanda kuli wishi ati, ''bana bandi, abo Lesa ampela kuno,'' Israeli aishile kulanda ati. ''Balete kuli nebo, pakwebati nebo mbapale.'' ¹⁰Nomba amenso yakwa Israeli yali kufifitilafye pamulandu no bukote bwakwe, eico talikubona. Eico Yosefu aishile kubapalamika mupepi na ye, elo aishile kuba fyompa elo no kubakumbatila.¹¹Israeli aishile kulanda kuli Yosefu ati, 'Nebo ntalikusubila ukubona icino cobe nakabili, nomba Lesa alinsuminishe nebo ukubona abana bobe.'' ¹²Yosefu alibafumishe pakati kamakufi yakwa Israeli, elo nomba aishile kufukama aishile kukontamika icinso cakwe panshi. ¹³Yosefu aishile kubasenda bonse, Efulemu kukuboko kwakwe ukwa kukulyo ukulolenkana kukuboko kwakwa Israeli ukwa kukuso, elo Manase kukuboko kwakwe ukwa kukuso ukulolenkana kukuboko kwakwa Israeli ukwa kukulyo, elo no kubatwala mu cipicipi na ye.¹⁴Israeli aishile kutabulula no kuboko kwakwe ukwa kukulyo elo no kukubika pa mutwe wakwa Efulemu, elo uwali umwaice, le no kuboko kwakwe ukwa kukuso pa mutwe wakwa Manase. Alipusenye amboko yakwe, nangu Manase ali ibeli. ¹⁵Israeli aishile kupala Yosefu, no kwisa kulanda ati, ''Lesa uyo ifikolwe fyandi Abraham elo na Isaki bali kutumika, Lesa uyo wansakamene ukufika na pali lelo, ¹⁶malaika uyo uwancingilile ukufuma ku ficena fyonse, engalekupala aba abalumendo. Ishina lyandi lingenikwa muli bo, elo na mashina ya fikolwe fyandi Abrahamu elo na Isaki. Bengakula mwibumba pe sonde.''¹⁷Uluntu Yosefu abwene wishi akobika ukuboko kwakwe ukwa kukulyo pa mutwe Efulemu, tacamusekeshe, Aishile kubula ukuboko kwakwa wishi no kukusesha pa mutwe wakwa Efulemu ukutwala pa mutwe wakwa Manase. ¹⁸Yosefu aishile kulanda kuli wishi ati, 'Teifi, mwe tata, pantu uyu ebeli. Bika ukuboko kobe ukwa kukulyo pa mutwe wakwe.''¹⁹Wishi alikene elo no kulanda ati, 'Nebo ndishibile, umwana wandi, Ndishibile. Nao wine akesakuba abantu, elo nao wine akaba umukalamba. Lelo lyena umwaice akabapo umukulu pali ye, elo ulupwa lwakwe lukesa kuba amabumba ya mu fyalo.'' ²⁰Israeli alibapalile bulya bushiku kuli aya mashiwi, ''Abena Israeli bakashimbula amapalo pa mashina yenu no kulanda tai, 'Lesa enga mupanga kwati ni Manase na Efulemu.'' Muli iyi nshila, Israeli alibikile Efulemu umukalamba pali Manase.²¹Israeli aishile kulanda kuli Yosefu ati, ''Bona, nebo ndi pakufwa, nomba Lesa akaba nawebo, elo webo nkakubwesesha ku calo ca kufikolwe fyobe. ²²Kuli webo, nga umo uuli pa mulu waba wenu, Nkakupela umutentemuko walupili ulo napokolwele ukufuma ku bena Amole ku lupanga lwandi elo no buta bwandi.''

¹Eluntu Yakobo aishile kukuta abana bakwe abaume, elo aishile kulanda ati: ''Kolonganeni mwebene pamo, ukuti nebo myebe icikacitika kuli mwebo kuntanshi. ²Kolonganeni mwebene elo no kukutika, mwebana baume bakwa Yokobo kutikeni kuli Irsaeli, wishinwe.³Rubeni, webo ulibeli lyandi, ubulamba bwandi, elo ukutampa kwa bukose bwandi. Wali pualamo mu bucindami, elo wali pulamo mu maka. ⁴Taupindulwa kubati menshi aya kobutuka, webo tawaka cindame, pamulandu walile kunina ku busanshi bwakwa wiso. Eluntu webo wabukoweseshe; webo walile kunina pa butanda bwandi.⁵Simeoni elo na Levi bena niba wabo na wabo. Ifyanso ifya bukakashi fyena empanga shabo. ⁶Umweo wandi wena, tekuti wise mukati kamapange yabo; tekuti uilunde mukukumana kwabo, pantu umutima wandi walikwata umucinshi uukulu palico. Pantu mubukali bwabo bena bali paile abantu. Cena cali cakubasansamusha ukuti bena bamanikile ing'ombe.⁷Ubukali bwabo nabutupwe, pantu cena cali cakutopwa-- elo ubukali bwabo nabo, pantu cena cali buluku. Nebo nkababanya muli Yakobo elo no kubasalanganya muli Irsaeli.⁸Yuda ba ndume yobe bakakulumbaya webo. Ukuboko kobe kukaba pamikoshi yaba lwani bobe. Abana baume bakwa wiso bakakufukamina webo.⁹Yuda ena mwana wa nkalamo. We mwana wandi, webo waliya kunina ukufuma kufyo waikata. Ena alambalala panshi, alilambalala kubati ni nkalamo iilume, kubati ni nkalamo iikota. Ninani uwingapama ku kumubusha?¹⁰Ubufumu tabwakafumepo pali Yuda, nangu inkonto ya bufumu ukufuma pakati kamakasa yakwe, mpaka Shilo akese. Inko shikamunakila ena.¹¹Alekakila impunda yakwe ku mwangashi, elo no mwana wa mpunda yakwe iikota ku mwangashi uwasoboloka, ena alisamba amalaya yakwe mu mwangashi, elo umwingila wakwe mu mulopa wama kilapsi. ¹²Amenso yakwe yakaba ukufita kubati mwangashi elo ameno yakwe ukubuta kubati mukaka.¹³Sebulani akekala palulamba lwa bemba. Ena akaba icabu ca mato, elo umupaka wakwe ukafuntukila kuli Sidoni.¹⁴Isakari ena ni mpunda iyakosa, iya lambalala pakati kamacinka ya mpanga. ¹⁵Ena alibwene incende yakutanshishapo iisuma elo impanga iyakusekesha. Akapetamika ukubeya kwakwe ku cisendo no kuba umu bomfi wamu laasa.¹⁶Dani akapingula abantu bakwe ngo mutundu umo mu mitundu yakwa Israeli. ¹⁷Dani akaba insoka mumbali ya musebo, insoka iya busungu mu nshila iyo iisuma ifitende fyakwa kabalwe, pakutila uunininepo awa ubunseneme. ¹⁸Nebo nalolela pe pusukilo lyobe, Yaweh.¹⁹Gadi-- abapupu bakamusansa, nomba akabasansa bena pafitende fyabo. ²⁰Icakulya cakwa Ashere cikaba cikankala, elo akafumye ifyamalila ya shamfumu. ²¹Naftali ni nsebula iyakakuluka; ena akakwata abana abasuma.²²Yosefu mu sambo wa cimuti uutwalisha, musambo wa cimuti uutwalisha apepi nakamfukumfuku, uyo utumisambo twakwe twanina ukucila icibumba. ²³Abamata bakamutendeka ena no kulasa pali ena elo no kumucusha.²⁴Nomba ubuta bwakwe bukashala nabuipekanya, elo amaboko yakwe yakaba ayakusalapuka pamulandu wa maboko yawa bulamba bwakwa Yakobo, pamulandu we shina lyakwa kacema, icilibwe cakwa Israeli.²⁵Lesa wakwa wiso akafwaya webo elo Lesa wa bulamba akakupala webo na mapalo ya mulwelele mu mulu, amapalo ya pakushika apalambalala panshi, na mapalo yamabele ne fumo.²⁶Amapalo yakwa wiso yakulu ukucila amapalo ya mpili shakale nangu ukukabila kwa fintu fya mutumpili twakale. Fyena na fibe pa mutwe wakwa Yosefu, nangufye ni pacisote ca mutwe wa mwana wamfumu waba wabo.²⁷Benjamini mu mbulu wa nsala. Kulucelo akolya ico ekte, elo kucungulo bushiku akoyabanya icakutapwa.''²⁸Iyi emitundu ikumi na ibili iyakwa Israeli. Ifi efyo wishibo aishile kulanda kuli bo uluntu aishile kubapala. Cila muntu ena alibapalile ne palo lyakwe. ²⁹Eluntu abakambishe no kulanda kuli bo, ''Nebo ndifye mukufwa elo no kuya ku bantu bandi. Nebo mukanshike ne fikolwe fyandi mulu cengo ulo lwaba mu mpanga yakwa Efulone umina Hiti, ³⁰mulucengo ulo ulwaba mu mpanga yaku Makipela, iya palamina na Mamre mu calo caku Kenani, impanga iyo Abrahamu ashitile nge yakushikamo ukufuma kuli Efulone umwina Hiti.³¹Kulya kwine eko bashikile Abrrahamu elo na Sara umukashi wakwe;kulya kwine eko bashikile Isaki elo na Rabeka umukashi; elo kulya kwine nebo eko nashikile Leya. ³²Impanga no lucengo ululimo fya shitilwe ukufuma ku bantu bakwa Heti.'' ³³Uluntu Yakobo apwishishe aya makambisho ku bana bakwe abaume, ena sumbwilile amakasa yakwe pa busanshi, aishileka no mweo wakwe, no kufwa ukuya ku bantu bakwe.

¹Eluntu Yosefu alangulukile icakuti aishile kufubukila pa cinso cakwa wishi, elo alilile pali wishi elo aishile kumutomona. ²Yosefu alikonkomeshe aba bomfi bakwe bashing'anga ukumya wishi. Eico nabakondapa baishile kunga Israeli. ³Bena balisendele inshiku amakumi yane, pantu iiyi eyali enshita yakupwililika iya kumika. Abena Egypto balimuloseshe pa nshiku amakumi cine lubali.⁴Uluntu inshiku shakulila shaishile kupita, Yose aishile kulanda kuba mung'anda yakwa Farao, nokulanda ati, ''Nga cakuti nomba nebo ndisangile ukutemwikwa mu menso yenu, napapata landeni kuli Farao, ati, ⁵'Tata alilengele nebo ukulapa, alandile ati, ''Bona, ndifye mukufwa. Ukanshike mu cilindi candi ico nebo naimbie palwandi mu calo caku Kenani. Kulya eko ukanshike.'' Nomaba lekeni nebo nine nokuya kushika tata, elo eluntu nkaluka.''' ⁶Farao aishile kwasuka at, ''Kabiye no kushika wiso, ngefyo ena akulengele ukulapa.''⁷Yosefu alininine ukuya shika wishi. Bonsefye bashimucindikwa bakwa Faro balile nao-- abakulu bamu ng'anda yakwe, bonsefye bashimucindikwa bamu calo ca Egypto, ⁸na bonsefye abamu ng'anda yakwa Yosefu naba wabo, naba mung'anda yakwa wishi. Lelo abana babo abanono, ifitekwa fyabo, ne ng'ombe shabo fyalishele mu calo caku Gosheni. ⁹Amaceleta naba baume bapali bakabalwe nabo balile nao. Lyena lyali libumba lya banu ilikulu nganshi.¹⁰Uluntu bena baishile kufika ku cipuulilo cakwa Atadi kubushilya bwa Yodani, bena baliloseshe ukulosha ukukulu elo ukwabulanda. Kulya Yosefu alicitile ukulosha kwa nshiku cine lubali pali wishi. ¹¹Uluntu abekashi ba mucalo, abena Kenani, baishile kubona ukulosha mucipuulilo cakwa Atadi, bena baishile kulanda ati, ''Ici cintu cabulanda nganshi pa bena Egypto.'' Ici eco bakutile incende ati Abele Mislemu, iya bushilya bwa Yodani.¹²Eico abana baume bakwe balicitile Yakobo ngefyo ena abakambishe. ¹³Abana baume bakwe balimusendele ku calo ca Kenani no kumushika mulucengo mumpanga ya Makipela, mupepi na Mamre. Abrahamu alishitile ulucengo pamofye ne mpanga nge ncende ya kushikamo. Ashitile ukufuma kuli Efulone umwina Hiti. ¹⁴Panuma aishile kushika wishi, Yosefu aishile kwalulukila ku Egypto, ena, pamofye naba wabo, elo nabonsefye abamutwele ku kushika wishi.¹⁵Uluntu ba wabo bakwa Yosefu baishile kubona ukuti wishibo alifwa, bena baishile kuanda ati, ''Cikaba shani nga Yosefu aikatilila kubukali pali fwebo no kufwaya ukulandula muli bonsefye ububi ubo twacitile kuli ye?'' ¹⁶Eico balikonkomeshe ku cinso cakwa Yosefu, ukulanda ati, ¹⁷'Mukebe Yosefu ici, ''Napapata belela ba wenu uluse pa filubo fyabo napesambi lyabo uluntu bena bacitile ububi kuli webo.''' Nomba napapata belela uluse aba bomfi bwakwa Lesa wakwa wiso.'' Yosefu alilile uluntu baishile kulanda kuli ye.¹⁸Ba wabo lyakwe nabo balilile no kulala ubunkupeme panshi ku cinso cakwe. Bena baishile kulanda ati, ''Bona, fwebo tuli ba bomfi bobe.'' ¹⁹Lelo Yosefu aishile kubasuka ati, ''Mwitina. Bushe nebo naba mwipunda lyakwa Lesa? ²⁰Kuli mwebo, mwaiminine pakucita ububi kuli nebo, lelo Lesa aiminine ukucita ubune, ukupususha imyeo shabantu abengi, ngefyo mwebo mwa bona lelo. ²¹Eico nomba mwitina. Nebo nkasakamana pali mweo nabana benu abanono.'' Alibatalalike muli iyinshila no kulanda cikuku ciuku ku mitima yabo.²²Yosefu alikele mu Egypto, pamo nolupwa lwakwa wishi. Aikele imyaka umwanda umo elo ne kumi limo. ²³Yosefu alibweneko naba mwana Efulemu ku nkulo iyakulenga shitatu. Kabili alibweneko naba mwana Makri umwana mwaume wakwa Manase, abo ababikilwe pa makufi yakwa Yosefu.²⁴Yosefu aishile kulanda kuli ba wabo ati, ''Nebo nalafwa; lelo Lesa cine cinefye akesa kuli mwebo no kumitungulula ukunina ukufuma muli cino calo ukuya ku calo ico ena alapile ukucipela kuli Abrahamu, kui Isaki, elo na kuli Yakobo.'' ²⁵Eluntu Yosefu alengele abana bakwa Israeli abaume ukulapa umulapo. Ena aishile kulanda ati, ''Lesa cine cinefye akesa kuli mwebo. Pali iyo nshita mwebo mukasende amafupa yandi ukufuma kuno.'' ²⁶Eico Yosefu alifwile, imyaka umwanda umo elo ne kumi limo. Baishile kumika elo ena aishile kubikwa namu mbokoshi mu Egypto.

¹Aya emashina yabana baume bakwa Israeli abaishile kuya ku Egypto na Yakobo, cila muntu naba mung;anda yakwe: ²Rueben, Simeon, Lebi, elo na Yuda, ³Isakari, Sebuloni, elo na Benjamin, ⁴Dani, Naftali, Gadi, elo na Ashere. ⁵Abantu bonse aba mubufyashi bwakwa Yakobo bali 70 mukupendwa. Yosefu ena ninshi ali mu Egypto.⁶Eluntu Yosefu, bamunyina bakwe bonse, na bonse abankulo ilya balifwile. ⁷Kabili abena Israeli balifyalinkene, balifulishe mukupendwa, elo balishile kuba abakukosa nganshi; ne mpanga yaliwile kukufula kwabo.⁸Nomba eluntu kwaishile kwima ifumu iipya pa Egypto, iyo iitashibile pa lwakwa Yosefu. ⁹Yaishile kulanda kubantu baiko aiti, ''Boneni, abena Israeli bafulisha kabili bakoseha ukucila ifyo twaba fwebo. ¹⁰Iseni, tubabombelepo manomano, epali bakonkanyapo ukufula mu mpendwa, elo nge nkondo yabalamuka, bakailunda kubalwani besu, no kulwa na fwebo, kabili ba kafuma na mucelo cino no kuya.''¹¹Eico balikilepo ba cilolo ba milaasa pali bo kukubaculusha ku ncito ishakukosa. Abena Isarale ba kulile Farao imisumba yamatala: Pitimu na Ramsese. ¹²Lelo ifyo abena Egypto bali kubacusha, efyo abena Israeli balikufulilako fye mu mpendwa no kusalangana. Eico abena Egypto batampile ukufitiilwa abena Israeli.¹³Abena Egypto balibomfeshe abena Israeli buluku buluku. ¹⁴Baishilekulenga imyeo yabo ukushikitika ku milimo yalucu kukukandila iloba na matafwali, ne milomo yonse iyakulekana lekana iya mu mpanga. Yonse imilimo yabo balikubabomfya buluku buluku.¹⁵Eluntu imfumu yabena Egypto yaishile kulanda kuli bana cimbusa aba Hebere; ishina lyaumo ali ni Shaipra elo umbi ali ni Pua. ¹⁶Yaishiile kubeba ati, ''uluntu mukalekwafwilisha abanakashi aba Hebere pa cakupapilapo, mukalekubabona uluntu bakopapa. Nga cakuti mwana umwaume, lyena alingile ukufwa; nomba nga mwana umwanakashi, ena abe uwa mweo.'' ¹⁷Lelo bana cimbusa balitiinine Lesa kabili tabali kucita ifyo imfumu yabena Egypto yabebele; lelo nomba balikuleka abana baume aba mwe¹⁸Kabili imfumu yabena Egypto yakutile bana cimbusa nokulanda kuli bo ati, ''Findo mwalikucitile ifi, elo findo mwalikulekela abana baume aba mweo?'' ¹⁹Bana cimbusa baishile kwasuka Farao ati, Abanakashi aba Hebere tababa nga banakashi abena Egypto Balicincila elo balapaapa ilyo nacimbusa talafika kuli bo.''²⁰Lesa alikubacingilila aba bana cimbusa. Abantu balifulile mu mpendwa elo baishile kuba abakukosa ukucilapo. ²¹Pantu bana cimbusa balikutina Lesa, naye alibapeele indupwa. ²²Farao aishile kukuta abantu bakwe nokubeba ati, ''mulekuposa umwana onse umwaume uyo wafyalwa mumulonga, Lelo umwana onse umwanakashi mulekuleka abe uwa mweo.''

¹Nomba umwaume uwamuluko lwakwa Levi aile kupa umwanakashi umwina Levi. ²Umwanakashi aishile kwimita no kwisa kufyala umwana umwaume. Uluntu aishile kubona ukuti umwana wabune, nyina alishile kumufisa pa myeshi itatu.³Nomba uluntu afililwe ukuti atwalilile ukumufisa, alibulile umuseke wamatete elo amashileko amanenekela na mapula. Eluntu aishile kubula umwana nokwisa kumubika mumuseke elo aishile kubika umuseke pa matete mu menshi pa mbali ya mulonga. ⁴Na nkashi yakwe aile kwiminina apatali kukubona findo fyalacitika kuli ye.⁵Kabili umwana mwanakashi wakwa Farao alikutentemukila kukusamba pa mulonga ulo ababomfi bakwe balikwendauka ku mbali ya mulonga. Alishile kubona umuseke pa matete elo aishile kutuma umubomfi wakwe kukuya kubula. ⁶Uluntu aishile kwisula, aishile kubona umwana. Boneni, umwana alikulila. Uluse lwaishile kumwikata elo aishile tai, ''Uyu mwana wa muntu umo paba Hibulu.''⁷Eluntu nkashi ya mwana aishile kulanda ku mwana mwanakashi wakwa Farao ati, ''Bushe kuti naya nokumufwaila umwanakashi umu Hibulu uwaku myonseshako umwana?'' ⁸Umwana mwanakashi wakwa Farao aishile kulanda kuli ye ati, ''Kabuye.'' Eico umukashana alile no kuyakusenda nyina wa mwana.⁹Umwana mwanakashi wakwa Farao aishile kulanda kuli nyina wa mwana ati, ''Pita umwana uyu ulekuya muku ngonseshako, nanebo nkalekulipila. ''Eico umwanakashi alipitile umwana no kuya mukumonsha. ¹⁰Uluntu umwana akulile, alishile kumubwesesha ku mmwana mwanakashi wakwa Farao, elo aishilekuba umwana wakwe. Alimwinikile neshina Mose elo aishile kulanda ati, ''Pantu namwabwile mu menshi.''¹¹Uluntu Mose akulile, alifumine aile ku bantu bakwe no kubona ifyo balikucula mukubomba. Kabili alibwene uko umwina Egypto alikuuma umu Hibulu, umo uwa mubantu bakwe. ¹²Aishile kulolesha uku no ku, elo uluntu abwene ukuti takuli umuntu nangu umo kulya, alishile kwipaya umwina Egypto nokumufisa umubili wakwe mumucanga.¹³Ubushiku bwakonkelepo alishilekufuma, kabili, boneni, abaume babili aba Hibulu balikulwa. Aishile kulanda kuli umo uyo uwalufyenye, ''Findo ukoumina umunobe?'' ¹⁴Lelo naye aishile kulanda ati, ''Ninani akucita intungulushi na kapatulula wa milandu pali fwebo? Bushe ukofwaya unjipaye ifyo waipeye ulya umwina Egypto?'' Eluntu Mose aishile kukwata umwenso elo aishile kulanda ati, ''Ico nacita cine cinefye cilishibikilwe nakuli bambi.''¹⁵Nomba uluntu Farao aishile kumfwa pali ici, alikufwaya ukwipaya Mose. Lelo Mose alifulumukile ukufuma kuli Faraoelo aile kwikala mu mpanga yabena Midiani, Eko aikele pa cishima ca menshi. ¹⁶Nomba shimapepo waku Midiani alikwete abana banakashi cine lubali. Balishile, mukutapa amenshi, nokwisusha ifyakunwenamo kukumwisha ifitekwa fyakwa wishibo. ¹⁷Bakacema balishile no kufwaya ukubatamfya, lelo Mose alimine no kubapokololako. Eluntu anwishishe ne fitekwa fyabo.¹⁸Uluntu abakashana babwekele kuli Reueli wishibo, aishile kulanda ati, ''Findo mwabwelela bwangu lelo?'' ¹⁹Nabo baishile kulanda ati, ''Umwina Egypto eutupokolweleko kubacemi. Ewacitutapila na menshi no kunwisha ifitekwa.'' ²⁰Eico aishile kulanda kubana bakwe abanakashi ati, ''Nomba alikwisa? Findo mwacimushila? Mukuteni ese alue icakulya na fwebo.''²¹Mose alisumine ukwikala noyo muntu, uyo naye alimupele umwana wakwe umwanakashi Sipora kukuba umukashi. ²²Sipora alishile kufyala umwana umwaume, na Mose amwinikile ishina lya Geshomu, aishile kulanda ati, ''Nebo ndi mweni mu calo cabene.²³Munshita iitali, imfumu yabena Egypto yalifwile. Abena Israeli balikulilishika pamulandu wa milimo ya busha bwabo. Balekulila kuku bapokololako, kabili ukukuta kwabo kwalifikile kuli Lesa pa mulandu wabusha bwabo. ²⁴Uluntu Lesa aumfwile ukutenda kwabo, Lesa aishile kwibukisha icipangano cakwe ico apangene na Abrahamu, na Isaki, elo na Yakobo. ²⁵Lesa abwene abena Israeli, kabili alibwishile ubucushi bwabo.

¹Nomba Mose alikonkenyepo ukucema ifitekwa fyakwa wishi fyala Yeturo, shimapepo waku Midiani. Mose aishile kusenda ifitekwa ukutali ukucilinganya mu matololo elo aishile kufika ku Horeb, ulupili lwakwa Lesa. ²Kulya eko malaika wakwa Yaweh aishile kubonekela kuli ye mulubingu lwa mulilo ulwalikubilima ku cimpusa. Mose aishile kulolesha elo boneni, icimpusa cali kupya, lelo icimpusa tacapile. ³Mose aishile kulanda ati, ''kampatukileko nokubona icintu icakupapusha, findo icimpusa tacikopila.''⁴Uluntu yaweh aisakubona ukuti apatukulako kukubona, Lesa aishile kumukuta ukufuma mu cimpusa no kwisa kulanda ati, ''Mose, Mose,'' Mose aishile kulanda ati, ''Epondi.'' ⁵Lesa aishile kumweba ati, ''Wipalamina kuno! Fula insapato shobe kumakasa yobe, pantu pa ncende epo wiminine ni ncende ya mushilo.'' ⁶Aishile kukonkanyapo ati, ''Ninebo Lesa wakwa wiso, Lesa wakwa Abraham, Lesa wakwa Isaki, elo na Lesa wakwa Yakobo.'' Eluntu Mose aishile kuifimba ku menso, pantu ilitinine ukulolesha Lesa.⁷Yaweh aishile kulanda ati, ''Cine cine fye ndibwene ukucula kwa bantu bandi abo abali mu Egypto. Kabili ndyumfwile no kukuta kwabo pa mulandu waba kangalila wabo, pantu ndishibile pa lwa kucululuka kwabo. ⁸Eico ndikile pa kubapokolola muminwe yabena Egypto elo no kubafumya mu calo cilya no kubatwala mu calo cabune, icalo icikulu ku calo icikofumfumuna umukaka no buci; ku citungu cabena Kenani, abena Hiti, abena Amore, abena Perisiti, abena Hivite, elo nabena Yebusi.⁹Nomba uku kuta kwa bantu abena Israeli kuli shile kuli nebo. Ukucilishapo, ndibwene ukucula uko babafenenkeshamo ku bena Egypto. ¹⁰Nomba eluntu, nkokutuma kuli Farao pakuti uye kusenda abantu bandi, abena Israeli, ukubafumya ku Egypto.''¹¹Lelo Mose aishile kulanda kuli Lesa ati, ''Ninebo nani, uwakuti nje kuli Frao no kuya kufumya abena Israeli mu Egypto?'' ¹²Lesa aishile kumwasuka ati, ''Icine cine fye nkalakuba nobe. Ici cikaba icishibilo kuli webo ukuti ninebo nkutumine. Uluntu ukaya ukubafumya ku Egypto, mukesa kupepela Lesa pali luno lupili.''¹³Mose aishile kulanda kuli Lesa ati, ''Uluntu nkaya kubena Israeli no kubeba ati, Lesa wafikolwe fyenu alintumine kuli mwebo,' elo uluntu bakalanda kuli nebo ati, 'Ninani ishina lyakwe?' Cindo nkaya kulanda kuli bo?'' ¹⁴Lesa aishile kulanda kuli Mose ati, ''NABA IFYO NABA.'' Lesa aishile ku mweba ati, ''Ufwile waya kulanda ku bena Israeli ati, 'NABA alintumine kuli mwebo.''' ¹⁵Lesa nakabili aishile kulanda kuli Mose ati, ''Ufwile waya kulanda kubena Israeli ati, 'Yaweh, Lesa wafikolwe fyenu, Lesa wakwa Abraham, Lesa wakwa Isaki, elo na Lesa wakwa Yakobo, alintumine ukwisa kuli mwebo. Ili eshina lyandi ilya muyayaya, elo ililine ishina elyo inkulo shonse shikale kunjibukishishako.'¹⁶Kabuye elo uye kulonganika abakalamba babena Israeli pamo. Nokuya kulanda kuli bo ati, 'Yaweh, Lesa wafikolwe fyenu, Lesa wakwa Abraham, Lesa wakwa Isaki, elo na Lesa wakwa Yakobo alibonekele kuli nebo elo aishile kulanda kuli ati, ''Mu cine nali mibona elo nali bona ificitika kuli mwbo mu Egypto. ¹⁷Nalilaile ukumifumya mu bucushi mu Egypto no kumitwala ku calo cabena Kenani, abena Hiti, abena Amore, abena Perisiti, Hivite, elo nabena Jebusi, icalo icikofumfumuna umukaka elo no buci.''' ¹⁸Bakomfwa kuli webo. Webo nabakalamba babena Israeli mufwile mwaya ku mfumu yabena Egypto, elo mu kaye kuyeba ati, 'Yaweh, Hibulu, alitukumenye. Eico nomba leka tulekuya pa bulendo bwa nshiku shitatu mu matololo, pakuti tukapele amalambo kuli Yaweh, Lesa wesu.'¹⁹Lelo ndi shibile ukuti imfumu ya bena Egypto tayakamisuminishe ukuya, kano fye ukuboko kwakwe kwapatikishiwa mu maka. ²⁰Nkatambalikila ukuboko kwandi no kuma abena Egypto ku fipesha mano fyonse ifyo nkacita pakati kabo. Panuma yaifyo, ikesa kumilekelako mukaye. ²¹Nkalenga aba bantu ukutemwikwa kubena Egypto. Eico uluntu mukaya, tamwakaye ukwabula nangu kamo. ²²Umwanakashi onse akalombe silfere elo nefisamu fya golide elo nefyakufwala ku mwina mupalamano wakwe umwina Egypto elo naku banakashi abalifye bonse abekala mu mang'anda ya bena mupalamano babo. Mukafipele kubana benu abaume elo nakubana benu abanakashi. Muli iyi nshila emo mukatapila ifyuma fyabena Egypto.''

¹Mose aishile kwasuka ati, "nomba inga cakuti tabancetekele nangu tabomfwile kuli nebo lelo balanda nokweba ati, 'Yaweh tabonekele kuli webo'?" ²Yaweh alandile kuli ye ati 'Cindo ico cili muminwe yobe?" Mose ayishile kulanda ati,"Ni nkonto." ³Yaweh amwebele ati, "Ipose panshi." Mose aposele inkoto panshi, eluntu yayishile kube insoka. Mose alibutukileko.⁴yaweh alandile kuli Mose ati, "Tambalikilako ukuboko kobe no kuikata kumucila." Eico alitambalikileko ukuboko nokuikata. Nayo kaili yalishile kube inkonto muninwe yakwe. ⁵"Ififine efya kucita pakweba ati bakasumine ukuti Yaweh, Lesa wafikolwe fyabo, Lesa wakwa Abraham, Lesa wakwa Isaki elo na Lesa wakwa Yakobo alibonekele webo.⁶Yaweh alandile kuli ye ati, "Nomba pisha ukuboko kobe mumu kansu obe." Eico Mose alipishishe ukuboko kwakwe mumu kansu wakwe. Uluntu ayishilekufumya ukuboko kwakwe, boneni, ukuboko kwakwe kwayishile kuba nefibashi, kwalibutile tuutu ukuba ati bunga bwa mfula. ⁷Yaweh alandile ati, 'Pisha ukuboko kobe nakabili mu mukansu obe.'' Eico Mose apishishe ukuboko kwakwe mu mukansu wakwe, elo uluntu ayishile kufumya ukuboko kwakwe, aishile kubona ukuti kwabwekelamo kwaba ngo mubili wakwe nakabili.⁸Yaweh alandile ati, "Nga cakuti bakana ukukusumina-ngabakana ukumfwa kucishibilo ica maka yandi nangu ukucisumina, elo ninshi kuti basumina kuca bubili. ⁹Inga bakana ukusumina napa fishibilo ifi fibili ifya maka yandi, nangu ukumfwa kuli webo, elo ukabule amenshi ayamumulonga nokuyetila panshi pa mushili uwakuuma. Amenshi ayo wabulile kumulonga yakesa kusanguka umulopa pa mulundu."¹⁰Elo Mose alandile kuli Yaweh ati, "Shikulu, nebo ntaishiba ukulanda bwino, ukutampafye kukale nangu apo mukolandila kumubomfi wenu. Ndi muntu uwakulubantika pakulanda kaili uwakufina ululimi." ¹¹Yaweh alandile kuli we ati, "Ninani uyo uwapangile akanwa kamuntu? Ninani alengele umuntu ukuti abe cibuulu nangu nkoma matwi nangu uubona nangu uushibona? Bushe tenebo, Yaweh? ¹²Eico nomba kabuye elo nkaleba nakanwa kobe nokukufunda ifyo ukalekulanda." ¹³Lelo Mose alandile ati, "Shikulu napapata tumeniko umbi, uuli onse uwo mwingatemwa ukutuma."¹⁴Eluntu Yaweh ayishile kufulilwa Mose, Aishile kulanda ati, "Bushe inga Aroni, munina obe, umwina Lebi? Ndishibile ukuti ena alalanda bwino. Icakucilapo naye aleyisa ku kukumanya. Kaili uluntu akesa kukubona, akesa kusansamuka mumutima wakwe. ¹⁵Ukesa kulanda kuli we nokubika ifyebo fyakulanda mukanwa kakwe. Nkesa kuba nakanwa kobe kaili nakanwa kakwe, elo inkesa kumilanga bonse ifya kucita. ¹⁶Ena eukalekulandilako ku bantu. Kaili ena eukesa kuba akanwa kobe, na webo ukaba kuliye nganebo, Lesa. ¹⁷Ukasende muminwe yobe inkonto. Kuli yena ukacitilako ifishibilo."¹⁸Eico Mose ayile kubwekela kuli Yeturo wishi fyala nokulanda kuli ye ati, "Lekeni indekuya pakuti imbwekele kuli balupwa lwandi nokubona inga cakuti bali no mweo." Yeturo alandile kuli Mose ati, "Kabuye umutende." ¹⁹Yaweh alandile kuli Mose mu Midiani ati, "Kabuye, bwekela ku Egypto, pantu abantu bonse abali kufwaya umweo obe balifwa." ²⁰Mose abulile umukashi wakwe nabana bakwe no ku babika pali punda. Kabili abwekele ku calo ca Egypto, elo asendele inkonto yakwa Lesa muninwe yakwe.²¹Yaweh ayishile kulanda kuli Mose ati, "Uluntu ukabwekelamo ku Egypto, ukabone ukuti fyonse ifisungusho ifyo imbikile mumaka yobe ukaficitile pa menso yakwa Farao. Lelo inkatalamika umutima wakwe, kaili takalekeleko abantu bandi ukuya. ²²Ukalande kuli Farao ati, 'Ifi efyo Yaweh alandile: Isreal mwana wandi umwaune, ibeli lyandi, ²³kabili nalanda kuli webo nati, "Leka umwana wandi umwaume aye, pakuti anshinshimune, "Lelo apo uli kene ukuleka alekuya, eco naine nomba nkakwipailo unwana obe umwaune, ibeli lyobe.'''²⁴Nomba panshila, uluntu baiminine kukusendama, Yaweh alikumenye Mose kaili alikufwaya ukumwipaya. ²⁵Eluntu Sipora aishile kubula ilibwe ilyakutwa nokuputwilako inkanda yakulutwe lwa mubili wamwana wakwe umwaume, elo ayikumishe inkanda pamakasa yakwe, elo Sipora alandile ati, ''Cine cine uli shibwinga kuli nebo uwakumulopa." ²⁶Eico Yaweh alishile kulekako Mose. Sipora alandile ati, "Niwebo shibwinga wakumulopa pamulandu wakusembululwa."²⁷Yaweh aishile kulanda kuli Aaron ati, ''Kabuye mu matololo kuku kumanya Mose.'' Aaron alile, akumenye Mose palupili lwakwa Lesa, elo ali mutomwene. ²⁸Mose aishile kweba Aaron yonse amashiwi yakwa Yaweh ayo amutumine ku kulanda napa fishibilo fya mu maka yakwa Yaweh ifyo amukonkomeshe ukucita.²⁹Eluntu Mose elo na Aaron baishile kuya no kukolonganika abantu pamo abakalamba babena Israeli. ³⁰Aaron aishile kulanda amashiwi yonse ayo yaweh alikulanda kuli Mose. Kaili alicitile nefishibilo fyamaka yakwa Yaweh mu menso ya bantu. ³¹Abantu balisumine. Uluntu baumfwile ukuti yaweh alishilekupelampula abena Israeli elo ukuti alibwene ukucula kwabo, eluntu bakontamine panshi no kumupepa.

¹Panuma ilyo ifi fintu fya citika, Mose elo na Aaron baishile kuya kuli Farao elo baishile kulanda ati, ''Ifi efyo Yaweh, Lesa wa bena Israeli, alanda: 'Leka abantu bandi bale kuya, pakwebati bakaye ku nkwatila inshiku nkulu mu matololo.''' ²Farao aishile kulanda ati, ''Nga Yaweh ninani? Cindo ico ningomfwila kwishiwi lyakwe elo ndeke abena Iraeli balekuya? Ntamwishiba Yaweh; nakucilisha, Ntakaleke abena Israeli ukuya.''³Baishile kulanda ati, Lesa waba Hibulu alikumene na fwebo. Leka tulekuya ulwendo lwa nshiku shitatu mu matololo elo tukaye kupela Lesa wesu ilambo pakuti tatwipeye ku cikuko nangu kulupanga. ⁴Lelo imfumu ya Egypto yaishile kulanda kuli bo ati, ''Mose na Aaron, cindo mukofumisha abantu ku milimo yabo? Bwekeleni ku milimo yenu.'' ⁵Kabili yaishile kulanda ati, ''muli nomba abantu abengi mu ncende yandi, elo mukobakanya ukubomba incito yabo.''⁶Pali ububwine bushiku, Farao aishile kupela icipope ku bantu bakangalila elo naba kapitao. aishile kulnda ati, ⁷''Ntacitemwa napamo, mwilakubapela abantu indaka shakupangilako amabwe. Muleke baye kuifwila indaka abene. ⁸Lelo, mufwile ukukabila kuli bo impendwa imoine iyamatafwali iyo bakopanga kunuma. Mwisuminisha nangu umo ukuleka, pantu banang'ani. Emulandu wine bakokutila elo no kulanda ukuti, 'Tusumunishe tulekuya no kuya kupela ilambo kuli Lesa wesu. ⁹Bakushisheni ukubomba aba bantu pakutila bakonkanyepo pali ici elo balekumfwa kumashiwi yabufi.¹⁰Eico bakangalila elo naba kapitao baishile kupitamo elo baishile kwishibisha abantu. Baishile kulanda ati, ¹¹''Ifi efyo Farao alandile: Naleka ukumipela indaka iili yonse. Imwe mwebene mufwile ukuya elo nokuya kuifwaila indaka konse uko mwingaisanga, lelo impendwa yama tawali tifwile ukufumishiwako.¹²Eluntu abantu baishile kusalangana impanga yonse iya mu Egypto muku tolelesha indaka. ¹³Bakangalila bakonkenyepo ukulabapatikisha elo no kulanda ati, ''Pwisheni incito yenu, ngefyo caleba ilyo indaka yali kupelwa kuli mwebo.'' ¹⁴Bakangalila bakwa Farao balikuma nabakalamba ba milimo abamu Israeli, abobene abantu bamo bene abo bakile ukuba abakalamba baba bomfi. Bakangalila bakonkenyepo ukubepusha, ''Cindo imwe tamupwishishe ukutama amabwe yonse ayakokabilwa kuli mwebo, nangu nimailo elo na lelo, ngefyo mwaliucita akale?''¹⁵Eico bakapitao bamu bena Israeli baishile kuya kuli Farao elo balila kuli ye. Baishile kulanda ati, ''Cindo ico ukocushisha abasha bobe uyu musango? ¹⁶Takuli idaka iipelwa ku basha bobe nangu imo, lelo balitwalilile ukutweba, 'pangeni amatafwali!' Fwebo, abasha bobe, bakotuma kabili, lelo kukabila kwa bantu benu.'' ¹⁷Lelo Farao aishile kulanda ati, ''Muli banang'ani! Mukolanda ati, 'Tusuminishe tuye no kuyapela ilambo kuli Yaweh.' ¹⁸Eico nomba kabiyeni mu bwekele mukubomba. Takuli indaka iyakulapelwa kuli mwebo, lelo mulingile ukupanga impendwa imoine iya mabwe.¹⁹Nba kapitao bamu bena Israeli baishile ku bona ukuti bali mu bwafya uluntu baishike kubeba, ''Tamufwile uku cefya impedwa ya cila bushiku iya mabwe.'' ²⁰Baishile kuku manya Mose elo na Aaron, abataleme kunse ya cipango, ilyo balikufuma kuli Farao. ²¹Baishile kulanda kuli Mose elo na Aaron ati, ''Lekeni Yaweh aloleshe pali mwebo elo apanike mwebo, pantu muli tulengele ukupatwa mu menso yakwa Farao elo na basha bakwe. Muli bikile ulupanga mu minwe yabo mwipaya fwebo.''²²Mose aishile kuya kuli Yawe elo aishile kulanda ati, ''We mfumu, cindo wabikila ubucushi pali aba bantu? Cindo ico wa ntumine kuli ino ncende? ²³Ukufumafye epo naishila kuli Farao ukulanda kuli ye mwishina lyenu, alibika ulupato pali aba bantu, elo na webo tawalubula abantu bobe na pamo.

¹Eluntu Yaweh aishile kulanda kuli Mose ati, ''Nomba walabona ifyo nala cita kuli Farao. Webo walabona fif, pantu akaleka bakaye pa mulanda wabukali bwa kuku boko kwandi. Pa mulandu wamaka ya kuboko kwandi, akalenga bena ukufuma mu calo cabo.²Lesa aishile kulanda kuli Mose elo aisa kulanda kul ye ati, ''Ninebo Yaweh. ³Nabonekele kuli Abrahamu, kuli Isaki, elo nakuli Yakobo nga Lesa uwamaka; lelo mwishina lyandi, Yaweh, ntaishibikwe kuli bo. ⁴Kabili napangile icipangano nabo, pakwebati ningaba pela icalo ca Kenani, icalo emo baleikala nga abeni, icalo ico bakokabila. ⁵Nakucilisha, ndyumfwile ukuilishanya kwa bena Israeli abo abena Egypto bacusha, elo ndilingile ukwibukisha icpangano candi.⁶Eico, landa ku bena Israeli, 'Ninebo Yaweh. Nkomifumya mubusha mu bena Egypto, elo nkomilubula mwebo ukufuma kumaka yabo. Nkamilubula mwebo no kuboko kwandi ukwamaka, elo namaka ya mibombele ya bupingushi. ⁷Nkamibula mwebo kuli nebo nga bantu bandi, elo nkesa kuba Lesa wenu. Mukeshiba ukuti ninebo Yawe Lesa wenu, uwamifumishe mubusha mu bena Egypto.⁸Nkamileta mu calo ico nalapile ukupela kuli Abrahamu, kuli Isaki elo na kuli Yakobo. Nkacipela kuli mwebo nge ncende yenu. Ninebo Yaweh.''' ⁹Uluntu Mose aishile kulanda ifi ku bena Israeli. Tabaumfwile kuli ye pamulandu wakunashiwa kwabo mubusha.¹⁰Eluntu Yawe aishile kulanda kuli Mose, ukutila, ¹¹''Kabiye kebe Farao, imfumu yamu Egypto, ukuleka abantu bamu Israeli baye ukufuma mu calo cakwe.'' ¹²Mose aishile kulnda kuli Yaweh ati, ''Nga cakuti abena Israeli tabomfwile kuli nebo, cindo cikalenga Farao ukumfwa kuli nebo, pantu ntaishiba ukulanda?'' ¹³Yaweh aishile kulanda kuli Mose elo nakuli Aaron. Aishile kubapela icipope pa bena Israeli elo napali Farao, imfumu yabena Egypto, ukufumya abena Israeli mu calo ca bena Egypto. I¹⁴Ifi efikolwe fyaba shibo' mu mayanda: Abana baume bakwa Reuben, ibeli lyabena Irsaeli, bali ni Hanoki, Palu, Hezron, elo na Kami. Ulu elwali uluko lwafikolwe fyakwa Reuben. ¹⁵Abana baume bakwa Simeo bali ni Jemuel, Jamini, Ohad, Jakini, Zoha, elo na Shaul-- umwana mwaume wa mwanakashi umwina Kenani. Ulu elwali uluko lwa fikolwe fyakwa Simeon.¹⁶Apa epa tantikilwa amashina ya bana baume bakwa Levi, pamo nabo ba fyelwe nabo. Bali ni Gershom, Kohati, elo na Merari. Levi aishile kwikala mpakafye 137 imyaka. ¹⁷Abana baume bakwa Gershom bali ni Libini, elo na Shimei, mundupwa shabo. ¹⁸Abana baume bakwa Kohati bali ni Amram, Izha, Hebron, elo na Uzziel, Kohati aishile kwikala mpakafye 133 imyaka. ¹⁹Abana baume bakwa Merari bali ni Mahli elo na Mushi. Aba baishile kuba uluko ulwa fikolwe fya bena Levite, pamo nabo ba fyelwe nabo.²⁰Amram aishile kupa Jochebed, nkashi yakwa wishi. Aishile kumu fyalila Aaron elo na Mose. Amram aishile kwikala imyaka 137 elo eluntu afwile. ²¹Abana baume bakwa Izha bali ni Korati, Nefesi elo na Zichri. ²²Abana baume bakwa Uzziel bali ni Mishael, Elzafan, elo na Sitiri.²³Aaron aishile kupa Elisheba, umwana mwanakashi wakwa Ammnadab, nkashi wakwa Nahshon. Aishile kumufyalila Nadab elo na Abihu, Eleazar elo na Itama. ²⁴Abana baume bakwa Kora bali ni Assir, Elkana, elo na Abiasafi. aba baishile kuba ifikolwe fya luko lwa bena Koraite. ²⁵Eleaza, umwana mwaume wakwa Aaron, aishile kupa umo umu bana banakashi bakwa Putiel. Aishile kumu fyalila Fineasi. ifi efikolwe fyaba shibo mu mayanda mukati kabena Levi ukulingana nenko shabo.²⁶Aba bantu babili bali ni Aaron elo na Mose uyo Yaweh alandileko, ''Fumyeni abena Israeli mucalo ca Egypto, mu mabumba ya baume balubuli.'' ²⁷Aaron elo na Mose balanda kuli Farao, imfumu yamu Egypto, ukubasuminisha bena ukufumya abena Israeli mu Egypto. Aba ebantu bamobene Mose elo na Aaron²⁸Eluntu Yaweh aishile kulanda kuli Mose nu calo ca Egypto, ²⁹aishile kulanda kuli ye, ''Ninebo Yaweh. Kalande kuli Farao, imfumu yamu Egypto, fyonse ifyo nkokweba.'' ³⁰Lelo MOse aishile kulanda kuli Yaweh, ''Nebo Ntaishiba kulanda bwino, eico cindo Farao akoumfwila kuli nebo.

¹Yaweh aishile kulanda kuli Mose ati, ''Bona, Nkokucita nga Lesa kuli Farao. Aaron munina obe akoba kasesema obe. ²Ukalalanda fyonse ifyo na kukonkomesha ukulanda. Aaron munina obe akalalanda kuli Farao pakutila engaleka abantu bamu Israeli ukuya ukufuma mu calo cakwe.³Lelo nkalenga umutima wakwa Farao farao ukukosa, elo nkalangisha ifishibilo ifingi ku maka yandi, ne fipapusho ifingi, mu calo ca Egypto. ⁴Lelo Farao takomfwe kui mwebo, eico nkabika ukuboko kwandi pali Egypto elo nkafumya amabumba yabaume babulwi, abantu bandi, abantu bamu Israeli, ukufuma mu calo ca Egypto pa bukali bwafya kukwanda. ⁵Abena Egypto bakeshiba ukuti Ninebo Yaweh uluntu nkafika no kuboko kwandi pali Egypto elo no kufumya abena Israeli ukufuma muli bena.''⁶Mose elo na Aaron ba ctile ifyo fine; ba citile ngefyo fine Yaweh abakonkomeshe ukucita. ⁷Mose ali ne myaka (80) amakumi cine konse konse, elo Aaron amakumi cine konse konse elo na itatu (83) uluntu bali kulanda kuli Farao.⁸Yaweh aishile kulanda kuli Mose elo na kuli Aaron ati, ⁹''Uluntu Farao akesa kulanda kuli mwebo, 'Citeni icisungusho; eluntu ukalanda kuli Aaron ati, 'Bula inkonto yobe elo uipose panshi pa cinso cakwa Farao, eico ikesa kuba insoka.''' ¹⁰Eluntu Mose elo na Aaron baishile kuya kuli Farao, elo baishile ku cita ifyo Yaweh abakonkomeshe. Aaron aishile kuposa inkonto yakwe panshi pa cinso cakwa Farao elo na basha bakwe, elo yaishile kusanguka insoka.¹¹Eluntu Farao nao aishile kwita abantu bakwe abamano elo nabakabuka. Baishile kucita ifintu fimofine mu bubuko bwabo. ¹²Cila muntu aishile kuposa inkonto yakwe panshi, elo ne nkonto shaishile kusanguka insoka. Lelo inkonto yakwa Aaron yaishile kumina insoka shabo bonse. ¹³Umutima wakwa Farao walyumalele, elo taumfwile, ngefyo Yaweh abebele.¹⁴Yaweh aishile kulanda kuli mose, ''Farao umutima wakwe ulyumalele, elo alikene ukuleka abantu baye. ¹⁵Mukaye kuli Farao mulu celo uluntu akalaya ku menshi. Ukatalame kulumba lwa mumana mukumukunya ena, elo ukasende muminwe yobe inkonto ilya iyasangukile mu nsoka.¹⁶Ukalande kuli ye ukuti, 'Yaweh, Lesa waba Hibulu, alintumine kuli webo ukulanda ati, ''Leka abantu bandi baye, pakuti bengaya nshinshimuna mu matololo. Na nomba taulaumfwa.'' ¹⁷Ni Yaweh alandile ifi: ''Pali ici walaishiba ukuti ninebo Yaweh. Nalauma pa menshi yamu mulonga wa Nailo walasanguka umulopa. ¹⁸Ne sabi ilili mu mulonga lya lafwa, elo umulonga waku lanunka. Abena Egypto takalanwa amenshi aya lefuma mu mulonga.'''''¹⁹Eluntu Yaweh aishile kulanda kuli Mose ati, ''Landa kuli Aaron, 'Buula inkoto yobe elo utambalike ukuboko kobe pa menshi yamu Egypto, elo ayamu mulonga, mu fishima, mu fishiba elo na yonse ayamu mifolo, pakwebati amenshi yabo yasanguke umulopa. Ici pakwebati mube umulopa monse mu calo ca Egypto, nangu nimu makontena yamiti elo naya mabwe.'''²⁰Mose elo na Aaron ba citile ifyo Yaweh abakonkomeshe. Aaron aishile kwimya inkonto elo aisakuma pa menshi yamu mulonga, mu menso yakwa Farao elo na basha bakwe. Amenshi yonse ayamu mulonga yaishile kusanguka umulopa. ²¹Isabi lyonse mu muonga lya lifwile, elo no mumana waishile kutampa ukununka. Abena Egypto tabalikunwa amenshi ukufuma mu mulonga, elo no mulopa wali konse mu calo ca Egypto. ²²Lelo ababuloshi bamu Egypto baishile kucita fimofine no buloshi bwabo. Eico Farao umjtima wakwe walu uwaumalala, elo taumfwile kuli Mose elo na Aaron, ngefyo Yaweh aishile kulanda ukuti fkacitika.²³Eluntu Farao aishile kupilibuka elo aile ku ng'anda ku mwankwe. Tasakamene pali ico. ²⁴Abena Egypto bonse balikwimba mumbali ya mumana amenshi ukuti banwe, lelo tabalenwa amenshi yamu mumana uyu. ²⁵Inshiku cine lubali shaishile kupita ninshi Yaweh na taasha umumana.

¹Eluntu Mose aishile kulanda kuli Mose ati, ''Kabiye kuli Farao elo umwebe ati, 'Yaweh alilandile ifi: ''Leka abanttu bndi baye pakuti baye ba nshinshimune nebo. ²Nga wakana ukubaleka baye, nkoisusha icalo conse ne fyula. ³Umumana walaisula ne fyula. Filefuma elo fise mu ng'anda yobe, mu muputule obe, elo napa kulala pobe. Fikaya naku mayanda ya basha bobe. ⁴Ifyula fikakupakasa, abantu bobe, elo na basha bobe.'''''⁵Yaweh aishile kulanda kuli Mose ati, ''Landa kuli Aaron, tambalika ukuboko kobe elo ne nkonto pa mumana, imifolo elo ifishiba, elo no kuleta ifyula pamulu pa calo ca Egypto.''' ⁶Aaron aishile kubika ukuboko kwakwe pa menshi yamu Egypto, elo ifyula fyishile kufuma pa mulu elo fyishile kwisula mu calo ca Egypto. ⁷Lelo abamayeye ba citile fimo fine namayeye yabo; baishile kuleta ifyula pa musumba wa Egypto.⁸Eluntu Farao aishile kwita Mose elo na Aaronelo aisa kulanda ati, ''Pepeni kuli Yawe afumye ifyula muli nebo elo na bantu bandi. Eluntu nalaleka abantu naleya, pakuti benga pela amalambo kuli ena.'' ⁹Mose aishile kulanda kuli Farao ati, ''Kuti caba cisuma ngawa njeba inshita ya kukupepelako, abasha bobe, elo na bantu bobe. pakuti ifyula fingafuma muli webo elo ne ng'anda yobe elo fikalefye mu mumana.''¹⁰Farao aishile kulanda ati, ''Mailo.'' Mose aishile kulanda ati, ''Nacibe ngefo walanda, eico wishibe ukuti takwaba nangu umo uwaba nga Yaweh, Lesa wesu. ¹¹Ifyula fyala fuma muli webo, mung'anda yobe, mubasha bobe, elo namu bantu bobe. Fyalaikalafye mu mumana.'' ¹²Mose elo na Aaron baishile kufuma muli Farao. Eluntu Mose aishile kulila kuli Yaweh pa mulandu wa fyula ifyo aletele pali Farao.¹³Yaweh aishile kucita ifyo Mose aipwishe: Ifyula fyali fwile mu mayanda, mumnsa, elo na mu mampanga. ¹⁴Abantu balifilongenye pamo mu tupili, elo mu calo mwanunka. ¹⁵Lelo uluntu Farao aishile ku bona ukuti apemwina, alikoseshe umutima wakwe elo taumfwile kuli Mose elo na Aaron ngefyo Yaweh alandile ifyo akacita.¹⁶Yaweh aishile kulanda kuli Mose ati, ''Landa kuli Aaron, 'Ikata inkonto yobe elo ume pa lukunu lwa mushili, pakuti lwingasanguka utuusu uku kumana mu calo conse ica Egypto.''' ¹⁷Bacitile ifyo fine. Uluntu Aaron aimishe ukuboko elo ne nkonto yakwe elo auma pa lukungu lwa pa mushili, utuusu twaishile paa bantu elo na panama. No lukungu lonse pa mushili lwaishile kusanguka utuusu no kukumana icalo conse mu Egypto.¹⁸Abamalele baeseshe na malele yabo ukupanga utuusu, lelo tabacitile. Eico mwaishile kuba utuusu pa bantu elo napa nama. ¹⁹Eluntu abamalele baishile kulanda kuli Farao, ''Aya maka yakwa Lesa.'' Lelo Farao umutima wakwe wali uwaumalala, eico alikene ukumfwa kuli bo. Califye nga filya Yawe alandile Farao ukucita.²⁰Yaweh aishile kulanda kuli Mose ati, ''Ukashibuke ulucelo sana elo ukemanine ku ntanshi yakwa Farao ilyo akalaya ku mumana. Ukalande kuli ye ati, 'Yaweh alilandile ifi: ''Leka abantu bandi balekuya pakuti bakanshinshimun. ²¹Lelo nga tawaleke abantu bandi baleya, nalatuma utusembele pali webo, abasha bobe, elo na bantu bobe, elo namu mayanda yenu. Mwebena Egypto amayanda yenu muleisula utusembele, elo na pamushili pao munyanta pakesula utusembele.²²Lelo pali bulya bushiku nka cenjesha icalo cakwa Gershom ifyaibelako, icalo umo abantu bandi bekala, eico tamwakabe utusembele mulya. Ifi fikacitika pakuti ukeshibe ukedhibe ukuti ni nebo Yaweh mukati kacino calo. ²³Nkapanga ubupusano pakati ka bantu bandi elo na bantu bobe. Ici cishibilo ca maka yandi cili no kucitika mailo.''''' ²⁴Yaweh aishile ku cita ifyo fine, elo no tusembele utukulu twaishile kwisa mu ng'anda yakwa Faraao elo namu ng'anda ya basha bakwe, no kwisula mu calo conse ica Egypto, ne calo calilubene pa mulandu wa tusembele.²⁵Farao aishile kwita Mose elo na Aaron elo aisakulanda ati, Kabiyeni, kapeleni amalambo kuli Lesa wenu munomwine mu calo cesu.'' ²⁶Mose aishile kulanda ati, ''tacili icalungama fwebo ukucita ifyo, pantu amalambo tucita kuli Yaweh Lesa wesu ni fimo ifyaibela ku bena Egypto. Nga twacita amalambo yalungama pa menso yabo aya pusana na bena Egypto, tabakatutobe amabwe? ²⁷Awe, lwendo lwa nshiku shitatu mu matololo ulo tufwile ukucita, pakutila twinga tula kuli Yaweh Lesa wesu, ngefyo atukonkomesha.''²⁸Farao aishile kulanda ati, ''Nalasuminisha mwebo uluti muleya elo mukapele kuli Yawe Lesa wenu mu matololo. Nomba mwebo tamufwiele ukuya ukutali. Mpepeleniko.'' ²⁹Mose aishile kulanda ati, ''Nombaline ilyo nkaya nkafuma muli webo, nkapepa kuli Yawe ukuti utusembele tukafume muli webo, Farao, elo na basha bobe elo na bantu bobe mailo. Lelo webo taufwile ukubepa nakabili ukukana leka abantu bandi ukuya mukutula kuli Yaweh.''³⁰Mose aishile kufuma muli Farao elo aishile kupepa kuli Yaweh. ³¹Yawe aishile kucita ifyo Mose alombele; elo afumishe utusembele muli Farao, abasha bakwe, elo na bantu bakwe. Tamwashele nangu kamo. ³²Lelo Farao alikoseshe umutima wakwe iyi nshita nakabili, elo talekele abantu ukuti baleya.

¹Eluntu Yaweh aishile kulanda kuli Mose ati, '' Kabuye kuli Farao nokuyakumwebati, ' Yaweh, Lesa waba Yuda, alilandile ati: '' Leka abantu bandi balekuya pakwebati baye kumpepa nebo. ²Lole ngawebo wakana ukwebati balekuya, ngawebo waba sunga, ³eluntu ukuboko kwakwa Yaweh kuleisa kuleta icikuko pafitekwa fyobe ifyo ifili mumpanga--bakabalwe, impunda, ingamila, ing'ombe elo nemikuni yamu Egypto. ⁴Lelo Yaweh akesa kupanga ukupusana pafitekwa fyabena Israeli elo nefitekwa fyamu Egypto, pakwebati tapeshile kufwa inama iyabena Israeli nangu imo.⁵Yaweh alimikile inshita; ena alilandile ati, '' Nimailo elo nebo nkacta ifi fintu mumpanga. ⁶''''''Yaweh alicitile nobushiku bwaishile kukonkapo: Ing'ombe shonse isha mu Egypto shalifwile, lelo tapalipo ishabena Israeli inama ishafwile, nangu ninama imo. ⁷Farao aishile kufwailisha, elo, boneni, nangu imo inama yabena Israeli tayafwile. Lole umutima wakwe walikosele, eico talekeleko abantu ukuya.⁸Eluntu Yweh aishile kulanda kuli Mose na Aaron, '' Senda muminwe yobe imitoi ukufuma pacibili; Webo, Mose, ufwile ukuposa imitoi mumulu uluntu Farao akotamba. ⁹Fikesa kuba ulukungu pacalo conse ica Egypto. Fikaleta ifibobela nefilonda ukwisa kuponena pabantu elo nenama ukupita mumpanga yonse iya Egypto.'' ¹⁰Eico Mose elo na Aaron baishile kubula imitoi pacibili nokwisa kwiminina pacinso cakwa Farao. Eluntu Mose aishile kuposa imitoi mumwela. Imitoi yaishile kulata ifibobela elo nefilonda ukupona pabantu elo nenama.¹¹Abafingelengwe tabaleseshe Mose pamulandu wafibobela, pamulandu wakwebati ifibobela fyali palibo elo napali bonse abena Egypto. ¹²Yaweh aishile kukosha umutima wakwa Farao, eico Farao taumfwile kuli Mose na Aaron. Ici califye ngefyo Yaweh aishile kulanda kuli Mose ifintu Farao alingile ukucita.¹³Eluntu Yawh aishile kulanda kuli Mose ati, ''Buka lucelocelo uye kutalama pacinso cakwa Farao, elo ulande kuli ye ati, ' Yaweh, Lesa waba Yuda, alilandile ifi: '' Leka abantu bandi balekuya pakwebati baye kumpepa. ¹⁴Pantu iinshita nkesa kutuma ifikuko paliwebo wemwine, pababomfi bobe elo nabantu bobe. Nkesa kucita ifi pakwebati wishibe ukwebati tapalipo uwakuba nganebo pacalo ponse.¹⁵Palinomba ngandifikilepo nokuboko kwandi elo nokutaasha webo nabantu bobe kumalwele, elo ukusa kufumishiwapo ukufuma pacalo. ¹⁶Lelo cali pali uyumulandu nalikusuminishe ukupusuka: Pakwebati nkulange amaka yandi, pakwebati ishina lyandi lishimikilwe muclo monse. ¹⁷Ucili ukoimya pabantu bandi pakukana balekako balekuya.¹⁸Umfweni! Mailo kuma ino nshita nkesa kuleta icimwela icikulu, icishatala aciboka mu Egypto ukufuma uluntu catampile ukufika nalelo. ¹⁹Nomba eluntu, tuma abantu elo ukolonganike ifitekwa fyobe elo fyonse ifyo ukwete mumabala kuncende iili bwino. Umuntu onse elo nenama iyo iili mwibala elo tailetelwe kung'anda-- ifibi fikesa kupona pali shena, elo shena shikesa kufwa.²⁰Eluntu abo abamubabomfi bakwa Farao abasumine mumashiwi yakwa Yaweh baishile kwangufyanya ukuleta abasha babo elo nefitekwa fyabo mung'anda. ²¹Lelo abo abashaposeleko amano mukumfwa amashiwi yakwa Yaweh balishile abasha elo nefitekwa mumabala.²²Eluntu Yaweh aishile kulanda kuli Mose ati, '' Sonta nokuboko kobe kumulu pakwebati palaisa kuba ukulila pacalo conse ca Egypto pantu elo nenama, elo necilimwa conse icamwibala lyamu Egypto.'' ²³Mose aishile kusonta mumulu kunkotno yakwe, elo Yaweh ishile kutuma icibulukutu, icimwela, elo nokubyasha pamushili, Aishile kuloka icibi pacalo ca Egypto. ²⁴Eico mwali icimwela nokubyasha ukusankana na uumwela, ifyacilamo, icishatala acicitika mucalo ca Egypto ukutula ulo cacitilwe icalo²⁵Ukupitafye monse mu Egypto, icimwela caumine fyonse ifyali mumabala, bonse abantu elo nenama. Caishile kuma icilimwa conse mumabala nokwisa konaula ifimuti fyonse. ²⁶Kanofye impanga yakwa Gosheni, umo abena Israeli baikele, tamwacitikile icimwela.²⁷Eluntu Farao aishilekutuma kuli Mose na Aaron. aishile kulanda kulibo, ndibembukile unomuku . Yaweh wakupwililika, nebo elo nabantu bandi bamembu. ²⁸Pepa kuli Yaweh, pamulandu wakwebati icimwela icikalamba elo necinkukuma filicililemo. Nkomileka muye, elo tamwakekale muno nakabili.''²⁹Mose aishile kulanda kuliye ati, '' Ulo nkofuma mumusumba, nkotambika iminwe yandi kuli Yaweh. Icimwela calaisa kuleka, elo tamwabepo icitalawe cimbi. Muli iyinshita muleisa kwishiba atiicalo cakwa Yaweh. ³⁰Lelo kuli webo elo nababomfi bobe, nkoishiba ukwebati cacine tamucindika Yaweh Lesa.''³¹Nomba kolokondwe na barle fyalyonawilwe, pantu barle alifumushe imitwe elo nakolokondwe alifumishe ifitutu. ³²Lelo ing'ano elo namasaka tafyaonawilwe pamulandu wakwebati fyalishile kuba ifisabo. ³³Uluntu Mose aishile kufuma kuli Farao elo namumusumba, aishile kutambalika amaboko yakwe kuli Yaweh; Icimwela elo necinkukuma fyalilekele, elo imfula yaishile kuleka.³⁴Uluntu Farao abwene ukuti imfula, icinkukuma, elo necimwela fyalilekele, alibembukile nakabili elo nokwisa kukosha umutima, pamopene nababomfi bakwe. ³⁵Umutima wakwa Farao walikosele, elo eico ena taishile kuleka abena Israeli ukuya, ngafintu yaweh aishile kulanda kukuboko kwakwa Mose.

¹Yaweh aishile kulanda kuli Mose ati, '' Kabuye kuli Farao, pantu ndikoseshe umutima wakwe elo nemitima yababomfi bakwe. Nebo ndicitile ifi pakulanga fishibilo fyamaka yandi palibo. ²Nebo kabili ndicitile ifi pakwebati webo webe abana bobe elo nabeshikulu ifintu nebo ncitile ifyo ncitile Egypto bubibubi, elo ifyo mpele ifishibilo ifyalekanalekana ifyamaka yandi palibo. Muli iinshila ukoishiba ukwebati ninebo Yaweh.''³Eico Mose na Aaron baile kuli Farao elo nokuyakumweba ati, ''Yaweh, Lesa waba Yuda, alilandile ati: ' Nipanshitanshi ukokanina ukuicefya pali nebo? Leka abantu bandi balekuya pakweba ati baye kumpepa. ⁴Lelo webo nagawakana ukuleka abantu bandi ukwebati balekuya, umfwa, mailo ndinokwisa kuleta makanta mu calo cobe.⁵Fikesa kufimba pamulu wamushili pakweba ati takwakesekuba ukubona icalo. Fikesa kulya fyonse ifyashele kuncinkunka. Kabili fikesa kulya ifimuti fyonse ifyamena fyonse mumabala yenu. ⁶Fikesa kwisusha amayanda yenu, ayo ayababomfi benu, elo ayo aybena Egypto--- fimo nangu ni shinwe nangu shikulunwe tabwenepo, ifyo tabatala ukubona ukufuma ubushiku baliko pacalo ukufika nalelo,' ''Eluntu Mose aishile kufumapo elo nokwisa kuya kuli Farao.⁷Ababomfi bakwa Farao baishile kumweba ati, ''Nipanshitanshi uyu muntu akaba iciteyo kuli fwebo? Leka abena Israeli balekuya pakweba ati balekuya kupepa Yaweh Lesa wabo. Bushe nanomba taukoibukisha ukweba tai Egypto alyonawilwe?'' ⁸Mose na Aaron baishile kubaleta nakabili kuli Farao, uwaishile kulanda kulibo, ''Kabuyeni kapepeni Yaweh Lesa wenu. Lelo bantunshi bakoya?''⁹Mose aishile kulanda ati, '' Tukoya nabanono besu elo nabakote, abana besu abaume elo nabana besu abanakashi. Tukoya nefitekwa fyesu elo neng'ombe shesu, pantu tufwile ukuya kutula ilambo kuli Yaweh.'' ¹⁰Farao aishile kulanda kulibo , ''Lekeni Yaweh alekuba namwebo, ngana muleka ukuya elo nabanono benu ukuya. Boneni, mulikwete ububi mumano yenu. ¹¹Awe, kabuyeni, abaumefye abamulimwebo, elo nokupepa Yaweh, pantu efyo mukofwaya.'' Eluntu Mose na Aaron baishile kufuma pacinso cakwa Farao.¹²Eluntu Yaweh aishile kuanda kuli Mose, '' Tmbika ukuboko kobe pacalo ca Egypto kuli makanta, pakweba ati fisanse icalo Egypto elo nokulya icilimwa conse icilimo, fyonse ifyo icinkukuma cashile.'' ¹³Mose aishile kutambika inkoto yakwe pacalo ca Egypto, elo Yaweh aishile kuleta umwela ukufuma kukabanga pacalo ubushiku nakasuba. Uluntu caishile kuba uluceelo, kukabanga umwela waliletele namakanta.¹⁴Namakanta aishile kuwa mucalo conse ica Egypto nokwikata shonse incende. Ukucilapo takwatalile akuba icinkukuma camakanta mumpanga, elo kabili tapakatale apaba icaba ngefi. ¹⁵Fyaishile kufimba pamulu wacalo conse pakweba ati kwalishile kufita. Fyalilile fyonse ifilimwa mumpanga elo nefisabo fyafimuti ifyo icinkukuma cashile.Ukupitafye mucalo conse ica Egypto, takwali icilimwa icashele, nangu cimuti nangu cilimwa mumabala.¹⁶Eluntu Farao bwangu bwangu aishile kwita Mose elo na Aaron elo nokwisa kubeba ati, ''ndibembukile kuli Yaweh Lesa wenu kabili namwebo. ¹⁷Nomba eluntu, unjelele imembu inonshita, elo nokupepa kuli Yaweh Lesa wenu ukweba ati afumyepo iyi imfwa pali nebo. ¹⁸Eico Mose aishile kufuma kuli Farao elo nokupepa kuli Yaweh.¹⁹Yawe aishile kuleta umwela ukufuma kumasamba nokwisa kusenda makanta noikuposa mulibemba wamatete; takwali icasheke muncende ya Egypto. ²⁰Lelo Yaweh aishile kukosha umutima wakwa Farao talekele abena Israeli ukuya.²¹Eluntu Yaweh aishile kulanda kuli Mose ati, ''Tmbika ukuboko mumulu, pakweba ati pabe ifinshi pamulu pampanga ya Egypto, imfinshi ifwile ukumfwika.'' ²²Mose aishile kutambika ukuboko mumulu, elo kwaishile kuba imfinshi yakutikama mumpanga yones iya Egypto panshiku shitatu. ²³Takwali uwali kubona umunankwe; takwali uwafumine pang'anda yakwe panshiku shitatu. Lelo, bonse abena Israeli balikwete ulubuto muncende umo balikwikala.²⁴Farao aishie kwita Mose nokulanda ati, ''Kabuyeni kapepeni Yaweh. Nendupwashenu nashilekuya namwebo, lelo ifitekwa namaombe fishale.'' ²⁵Lelo Mose aishile kulanda ati, ''tuleke tukwate amalambo elo nefyakuninika fyakocewa pakweba ati tufipele kuli Yaweh Lesa wesu. ²⁶Ing'ombe shesu shifwile nasho ukuya nafwebo; takuli nangu libondo ilikoshala, pantu tufwile ukufisenda mukupepa Yaweh Lesa wesu. Pantu tatwishibile ifyo tufwile ukupepa Yaweh kano ngatwafika.²⁷Lelo Yaweh aishile kukosha umutima wakwa Farao, pakweba ati balekuya. ²⁸Farao aishile kulanda kuli Mose, '''Kabuyeni ukufuma kuli nebo! Cenjela pamulandu wacintu cimo, pakweba ati tamubwene nebo nakambi, pantu bulya bushiku ukobona icinso candi, ukafwa.'' ²⁹Mose aishile kulanda ati, ''Webo wimwine ulilandile. Ntakabone icinso cobe nakambi.''

¹Eluntu Yaweh aishile kulanda kuli Mose, ''Kucili nacimbi icinkukuma iconkaleta pali Farao elo na Egypto. Panuma yaifi, akesakumilekako nokuya ukufuma pano. Uluntu akamilekelako nokuya, akamitamfya pano. ²Eba abantu ukweba ati umwaume onse elo nomwanakashi akesa kwipusha umwinamupalamano ifisamo fya Silfere elo nefya Golide.'' ³Nomba Yaweh alilengele abena Egypto ukusekesha abena Israeli. Nakucilisha, Mose alisansamwike sana pacinso cababomfi bakwa Farao elo nabantu bamu Egypto.⁴Mose aishile kulanda ati, ''Yaweh alilandile ifi: 'Panshita yabushiku pakati nkopita monse mu Egypto. ⁵Bonse amabeli bamumpanga ya Egypto bakesa kufwa, ukufuma kwibeli lyakwa Farao, uwakwikala pacipuna, ukufika kwibeli lyamusha umwanakashi uuli kunuma yacakuminwe icakupelelakoubunga, elo nakumabeli yonse ayafitekwa.⁶Eluntu kukesa kuba ukulosha mumpanga yonse iya Egypto, ukushatala akubako nangu kwisa kubako nakabili. ⁷Lelo nangu nimbwa tayakabose nakabili pabantu bakwa Israeli, nangu nipamuntu nangu inama. Muli iyinshiata ukesa kwishiba ukweba ati abena Egypto nabena Israeli ifyakupusanako.' ⁸Bonse ababomfi bobe, Farao, akesa kuba panshi kuli nebo elo nokufukama kuli nebo. Bakesa kulanda ati, 'Kabuyeni, webo nantu bonse abakukonka!' Panuma yaifi nkesakufumamo.'' Eluntu aishile kufuma kuli Farao ninshi alikalipishe.⁹Yaweh aishile kulanda kuli Mose ati, ''Farao taumfwile webo. Ici nipakweba ati nkocita ifintu ifngi ifyakupapa mumpanga ya Egypto.'' ¹⁰Mose elo na Aaron balicitile fyonse ifi ifpapusho pacinso cakwa Farao.Lelo Yaweh aishile kukosha umutima wakwa Farao, elo Farao talekele abantu bakwa Israeli ukuti balekuya ukufuma mumpanga yakwe.

¹Yaweh aishile kulanda kuli Mose elo na Aaron mumpanga ya Egypto. ²Pantu webo, uno mweshi ukukesakuba ukutampa kwa myeshi yamwaka kuli webo.³Eba ibumba lyabena Israeli, pabushiku bwalenga ikumi ubwauno mwenshi bafwile cilamuntu bakabule umwana wampanga nangu akabushi akanono kulibo, cila lupwa ukucita ifi umwana awmpanga cila ng'anda. ⁴Ngacakweba ati mung'anda balicepele ukukumanisha umwana wampanga, cilamuntu nabena mupalamano bafwile ukusenda inama yamwana wa mpanga nangu akabushi akanono iyingabakumana mumpendwa yabantu. Ifwile ukuba ikulu pakweba ati bonse balye, eico bafwile ukusenda inama iifulile ukubalisha bonse.⁵Umwana wampanga wenu nangu imbushi iinono ifwile yaba iyabula ubwafya, iyaume iyamwaka umo. Kuti mwasendapo pampanga nangu imbushi. ⁶Mufwile ukuisunga mpaka pabushiku bwakulenga ikumi nashine ubwaulya mwenshi. Eluntu ibumba lyonse ilyakwa Israeli likepaya ishi inama mucungulo. ⁷Mwifwile mukabule umulopa umo elo nokwisa kubika pafibi elo pamulu wafibi fyamayanda umo umukesa kulila inama. ⁸Mufwile ukulya inama bulya bushiku panuma yakoca umuku wakwambilapo pamulilo. Lyeni nomukate uushitutumuka, elo nemiti yakulula.⁹Mwikalya iibishi nangu iyakwipika mumenshi. Lelo, mukoce pamulilo nemutwe waiko, amolu elo nefyamunda. ¹⁰Mwikashako mpaka uluceelo. Mufwile ukoca fyonse ifikesa kushalapo uluceelo. ¹¹Ifi efyo mukesa kulya: nemishipi yenu namukaka, insapato kumakasa yenu, elo nenkoto mumaboko yenu. Mufwile ukulya mukwangufyanya. Ecakucilila cakwa Yaweh.¹²Yaweh aishile kulanda ifi: nkesa kuyamumpanga ya Egypto muli bulya bushiku nokwisa kuma bonse amabeli yabantu elo nenama mumpanga ya Egypto. Nkesa kuleta ukulimunwa kuli tulesa tonse utwamu Egypto, Ninebo Yaweh. ¹³Umulopa eukesa kuba icishibilo pamayanda yenu pakwisa kuli mwebo. Uluntu nkesa kubona umulopa, Nkesa kumicilila uluntu nkoma impanga yakwa Egypto: Ici cinkukuma tacakese kuba pali mwebo elo nokumyonaula. ¹⁴Ububushiku mukalakubwibukisha, ubo mukalasunga ngecibukisho cakwa Yaweh; nakunkulo shenu-- icebo ico mwakulasunga nga icakwibukisha umuyayaya.¹⁵Mukalekulya umukate uwabula ukututumuka panshiku cinelubali. Pabushiku bwakutampilapo mukafumyamo ifitutumushi mumayanda yenu. Uyo onse uukesa kulya umukate wakututumuka ukufuma pabushiku bwakutampilapo ukwisa kufika pabushiku bwakulenga cinelubali, uyo muntu afwile ukwisa kuputulwako kuli Israeli. ¹⁶Pabushiku bwakutampilapo kukesa kuba ukukolongana ukwapatululwako kuli nebo, elo ubushiku bwakulenga cine lubali kukesakuba nakambi ukukolongana ukwaifi fine. Takwakese kuba ukubomba incito pali ishi nshiku, kanofye ukwipikila bonse bakalye. Eikesakubafye incito iyikesakucitwafye kulimwebo.¹⁷Mufwile ukulasunga ici cibukisho camukate uushili wakututumuka pamulandu wakweba ati, nipali ubushiku ubo naishile kuleta ukulekana mumpanga ya Egypto.Eico mufwile ukububaka ububushiku kunkulo shabantu benu ngecebo camuyayaya. ¹⁸Mufwile ukulya umukate uushili wakututumuka ukwamba icungulo cabushiku bwalenga ikumi nashine mumwenshi wakutampa umwaka ukwisakufika icungulo cabushiku bwakulenga amakumi yabili na bumo ubwamwenshi.¹⁹Munshita ya ishi inshiku cinelubali, takuli icitutumushi icili conse ukusangwa mumayanda yenu. Uuli onse uwalya umukate uupangilwe necitutumushi afwile ukuputulwapo kumushi wakwa Israeli, nangu uyo muntu mwina fyalo nangu uwaisa kufyalwa mumpanga yenu. ²⁰Tamufwile ukwisakulya ifili fyonse ifyapangwa necitutumushi.Ukuli konse uko mukekala, mukalekulya umukate uwapangwa ukwabula icitutumushi.'''²¹Eluntu Mose aishile kukuta bonse abakulu babena Israeli elo nokwisa kulanda kulibo, ''Kabuyeni elo musale impanga nangu utwana utukolinga ukulisha indupwa shenu elo mwipaye impanga yacakucilila. ²²Eluntu usende umupo elo utubike mumulopa uuleba mwibeseni. Mubike umulopa pafibi elo nakufimuti fibili ifyapaminshi. Takuli uuli onse muli mwebo ukufuma pamwinshi wa ng'anda mpaka ukwisakunshinta uluceelo.²³Pantu Yaweh alaisakupitamo ukuuma abena Egypto. Uluntu alaisakubona umulopa pamulu wafiibi elo nakufimuti fibili ifyapamwinshi, alaisakucilila ifiibi fyenu elo nokwisa kukanya uwakonaula ukwisa mumayanda yenu kukumwipaya mwebo.²⁴Mwebo mukalekwibukisha ici cacitika. Ico cikalaba ifunde kuli mwebo nakulupwa lwenu. ²⁵Uluntu mukaya kwingila mucalo ico Yaweh akesa kupela kuli mwebo, ngefyo amilaya ukucita, mwebo mukalekusunga ici cacitika kukupepa.²⁶Uluntu abana benu bakamwipusha mwebo, ''Bushe ici cacitike icakupepa cikopilibula?' ²⁷Eluntu mwebo mukesa kulanda, 'Celambo mucakucilila cakwa Yaweh, pamulandu wakweba ati Yaweh alicilile amayanda yabena Israeli mu Egypto uluntu aipeye abena Egypto, Ena alilekele amayanda yesu ayakaele.''' Eluntu abantu baishile kufukama elo nokupepa Yaweh. ²⁸Abena Israeli balile elo balicitile nefyo Yaweh akonkomeshe Mose na Aaron.²⁹Calishile kucitika pakati kabushiku ukuti Yaweh aishile kwipaya yonse amabeli mucalo ca Egypto ukutampa kwibeli lyakwa Farao, uwaikele pacipuna cabufumu , ukushinta nakwibeli lyawali mucifungo elo nabeli yafitekwa fyonse. ³⁰Farao aishile kubuka ubushiku-- ena, ababomfi bakwe bonse, elo nabena Egypto bonse. Kwaishile kuba ukulosha mu Egypto , pantu takwali ing'anda nangu imo umushafwile umuntu.³¹Farao aishile kukuta Mose na Aaron ubushiku nokwisa kulanda ati, Imeni, fumeni mubantu bandi, mwebo nabena Israeli. Kabuyeni pepeni Yaweh, ngafintu mwebo mulandile mulefwaya ukucita. ³²Sendeni iftekwa fyenu elo ne Ng'ombe, ngafintu mulandile, elo kabuyeni elo kabili mumpale nanebo.'' ³³Abena Egypto balifulilwe sana ukubafumyamo mucalo, pantu baishile kulanda ati, ''Fwebo bonse tukafwa.''³⁴Eico abantu baishie kusenda umufuba umwkubula ukusankanyamo icitutumushi. Amabeseni yabo yalikakilwe kale mufyakufwala fyabo elo napamabeya yabo. ³⁵Nomba abantu abena Israeli baishilekucita ifyo Mose aishie kubeba bena. Baishile kwipusha abena Egypto ifintu sifere, ifintu fya golide, elo nefyakufwala. ³⁶Yaweh aishile kulenga abena Egypto ukufulwa pakusekesha abena Israeli. Eico abena Egypto baishile kubapeela bena fyonse ifyo baipwishe. Muli iinshila, abena Israeli balyonawile abena Egypto.³⁷Abena Israeli baishile kwenda ukufuma mu Ramase ukufika ku Sakoti. Bali bonse pamo 600,000 abaume pamakasa, ukubikapo abanakashika elo nabaice. ³⁸Icintu bwingu cakusankana naco caishile kuya nabo, pamopene nefitekwa elo neng'ombe, impendwa iikuklu iyafitekwa. ³⁹Balipangile imikate iyakubula ukututumuka mumufuba uyo basendele ulya bafumishe mu Egypto. Uwali uwakubula icitutumushi pamulandu wakweba ati balibafumishe nu Egypto elo tabaposele nshita ukupekanya ifilyo. ⁴⁰Abena Israeli balikele mu Egypto imyaka 430.⁴¹Pampela ya myaka 430, ubushiku bulya bwine, yonse amabumba yashilika bakwa Yaweh balifumine mucalo ca Egypto. ⁴²Ububwali bushiku bwakwikala abalolesha, kuli Yaweh ubafumyamo mu calo ca Egypto. Ubu bwali bushiku bwakwa Yaweh ukusungwa kubena Israeli ukupitafye namunkulo shabantu babo.⁴³Yaweh aishile kulanda kuli Mose na Aaron, ''Pano epali ifunde lyacakucilila: takuli umwina fyalo ukawkanako mukucilila. ⁴⁴Nangu cibe ifi, umusha wamwina Israeli onse, uwashitile nempiya, kuti aisakulyako panuma mwebo mwamusembulula ena .⁴⁵Abena fyalo elo nababomfi bakwashima tabafwile kulya ifilyo nangu fimo. ⁴⁶Ifilyo fifwile ukwisa likilwa mung'anda imo. Tamufwile kusendapo inama iili yonse ukufuma mung'anda, elo mwebo tamufwile ukutoba ifupa ilili lyonse⁴⁷Bonse abantu bamu Israeli bafwile ukusunga ici cibukisho. ⁴⁸Ngacakweba ati umwina fyalo aikala namwebo elo akofwaya ukusunga icakucilila kuli Yaweh, bonse balupwa lwakwe abaume bafwile ukusembululwa. Eluntu engesa nokusunga ici. Ena akesa kuba kwati bantu abafyalilwa mucalo. Nangu cibe ifi, takuli umuntu uushasembulwa ukulyako kucilyo.⁴⁹Ili ifunde limoline likesa kubomfiwa kubafyalwa muli mwebo elo nakumwina fyalo uwikala namwebo. ⁵⁰Eico abena Israeli bonse baishilekucita ifyo Yaweh akonkomeshe Mose na Aaron. ⁵¹Icacitikile cakuti bulya bwine bushiku ubo Yaweh aishile kufumya Israeli mucalo ca Egypto.

¹Eluntu Yaweh aishile kulanda kuli Mose, ukulanda ati, ²''Patulako kuli nebo cila ibeli ilyaume-- pamulandu wakweba ati icili conse icakutampilapo ukwisula ubufyashi pa bena Israeli candi nebo, nangu muntu nangu ni nama.''³Mose aishile kulanda ku bantu, ''Mulekwita ubu bushiku ku mano, ubushiku ubo mwaishile kuputulwa kuli Egypto, ukwisa kufuma mung'anda ya busha, pantu ni kukuboko kwakwa Yaweh ukwa kosa ena amiletele ukumifumya muli iyi ncende. Takuli kulya umukate uwabikwamo icitutumushi. ⁴Mwebo mwalafuma mu Egypto muli buno bushiku, mu mwenshi wa Abibu. ⁵Uluntu Yaweh alaisa kumileta mu calo ca bena Kenani, abena Hiti, abena Amore, abena Hivi, elo na bena Yebusi, icalo ico ena alapa ku fikolwe fyenu ukumipela mwebo, icalo icifumfumuna umukaka elo no buci-- eluntu mwebo mufwile ukusunga ici icakupepa cacitika muli uno mwenshi.⁶Panshiku cine lubali mwebo mukalekulya umukate uushili wakubikwamo icitutumushi; pa bushiku bwakulenga cine lubali pakese kuba umutebeto pakutasha Yaweh. ⁷Umukate uwakubula icitutumushi ukalikwe shonse inshiku cine lubali; takuli umukate uwasankanishiwa ne citutumushi ukasangwa na mwebo. Takuli icitutumushi icili conse ukusangwa na mwebo mu ncende shenu shonse.⁸Pali bulya bushiku mwebo mukese kulanda ku bana benu, 'Ici ni pamulandu wakweba ati Yawe acitile kuli nebo uluntu nafumine mu Egypto.' ⁹Ici cikese kuba icakwibukisha kuli mwebo na naku kuboko kwenu, elo icakwibukisha pa mpumi yenu. Ici epakweba ati ifunde lyakwa Yaweh likese kuba mutunwa twenu, pantu kukuboko ukwa kukuso Yaweh alimiletele ukumifumya mu Egypto. ¹⁰Eico mufwile ukusunga ili funde pa nshita ya kupangwa kwa liko ukufuma umwaka ku mwaka.¹¹Uluntu Yaweh akomileta mu mpanga ya bena Kenani, nga filya alapile kuli mwebo elo na kufikolwe fyenu ukucita, elo uluntu akopela icalo kuli mwebo, ¹²mufwile ukupatulako kuli Yaweh amabeli yonse aya mumafumo. Bonse abana bamabeli yafitekwa fyenu ifilume, fikaba fyakwa Yaweh. ¹³Yonse amabeli yabakabalwe mufwilwe ukuleta no mwana wampaanga. Nga tamucishitile, mufwile ukukontola umukoshi. Lelo ibeli lyonse ilyabana benu mufwile ukuleta.¹⁴Uluntu umwana mwaume aipusha inshita imbi, 'Findo cikopilibula? eluntu mufwile ukumweba tai, 'Cali ca kukuboko kwa kukuso ukwakwa Yaweh kwatufumishe mu Egypto, ukufuma mu ng'anda ya busha. ¹⁵Uluntu Farao akene ukutulekalako tuye Yaweh aishile kwipaya amabeli yonse ayamu Egypto, yonse amabeli aya bantu elo na mabeli yanama. Eco mpelela ilambo kuli Yaweh shonse ishilume ishisuula amafumo lelo yonse amabeli bandi ndalubula.' ¹⁶Ici cikesa kuba icakwibukisha mu maboko yenu, elo icakwibukisha pa mpumi yenu, pantu cali ni kuku boko kwa maka Yaweh atuletele ukutufumya mu Egypto.''¹⁷Uluntu Farao alekele abantu ukuya, Lesa taba tungulwile mu nshila ya calo caba Pelishiti nangu ilya mpanga yali mupepi. Pantu Lesa aishile kulanda ati, ''Limbi abantu bakaya ku pilibula amano uluntu bakaya kuku manya ubulwi elo no kwisa ku bwelela ku Egypto.'' ¹⁸Eico Lesa atungulwile abantu ukupitila mu matololo muli bemba wakashika. Abena Israeli balile ukufuma mu calo ca Egypto abaipekanya kubulwi.¹⁹Mose aishile kusenda amafupa yakwa Yosefu naye, pantu Yosefu alipangile abana ba Israeli ukulapa elo no kwisa kulanda ati, ''Lesa akamipokolola, elo mufwile mwasenda amafupa yandi na mwebo.'' ²⁰Abena Israeli balyendele ukufuma mu Sukoti elo nokutubilisha pa Etamu mu lulamba lwa ciswebebe. ²¹Yaweh aile panuma yabo cila bushiku mucakwimininapo ce kumbi kuku batangilila munshila. Mu bushiku aile mucakwimininapo ca mulilo kuku bapela ulubuto. Muli iyi nshila kuti baenda akasuba elo no bushiku. ²²Yawe taishile kusenda ukufuma pa ntanshi ya bantu inshita yakasuba icakwimininapo ikumbi nangu inshita ya bushiku icakwimininapo umulilo.

¹Elo Yaweh alandile kuli Mose, ukweba ati,'' ²Landa ku bena Isreali ukuti ba bwelelemo nokuya kucita inkambi mupepi na Pihairot, pakati ka Migdoli na bemba, pepi na Baazefoni. Mukacite inkambi lwakuli bemba ukulungatana na Pihairoti. ³Pharao akesa kulanda lwa pa bena Isreali , ati bena balelulmbafye mumpanga. Namatolo yalibesalile mukati.⁴Nkesa kukosha umutima wakwa Farao, Nae akabasupila nandi nkapelwa ubukatami pamulandu wakwa Farao ne fita fyakwe fyonse. Abena Egypti bakesa kwishiba ati ninebo Yaweh. Na bena Isreali baishile kucita inkambi ukulingana ne fipope baishile kupelwa. ⁵Uluntu mfumu ya bena Egypto yaishile kumfwa ati abena Isreali balifyukile, amatontonkanyo ya mfumu Farao pamo naba cilolo baiko baishile kwalukila abantu. Nabo baishile kuilishanya ati, ''Bushe nindo twacita? Twaleka abena Isreeali ukuya elo no kuleka ukutu bombela.''⁶Eluntu Farao apekenye amceleta yakwe elo apita naba shilika bakwe. ⁷Farao apitile amaceleta aya salilwe imyanda mutanda na yambi amaceleta ya calo ca Egypto yonse nefita pali yonsefye amaceleta. ⁸Na Yaaweh alikoseshe umutima wakwa Farao, imfumu ya mu Egypto, ne mfumu yasupile abena Isreali efyo na bena Isreali bayendele mukcimfya. ⁹Lelo abena Egypto balikonkele abena Isreali, ukubikapofye naba kabalwe nama celeta yabo yonse, ifita fya pali bakabalwe ne fita fyaba shilika . Balishile kubasanga abena Isreali apo baishile kucita inkambi lwa kululamba lwa kuli bemba lubali na pi Hariti, pepi na Baal Zefoni.¹⁰Uluntu Farao afikile mu cipicipi , abena Isreali balinwine amenso elo balipapile . Abena Egypto b.ala bakonkela panuma, nabo baliketwe no mwenso. Abena Isreali balilile no kukuta kuli Yaweh. ¹¹Baebele na Mose abati, '' Nimukuti pantu tamwaba inshishi mu Egypto, eco watufumishishem pakuti tukese kufwila mu matololo? ¹²Bushe tafili ifi twalikukweba mu Egypto? Twalikwebele ati, ' tulekefye fwebene , pakuti tubombelee abena Egypto ukucila ukwisa kufwila muno mumatololo.''¹³Na Mose aebele abantu ati,'' Mwitina, koseni ndi nokubona ubupususho bwa kwa Yaweh ubo akocita pali mwebo lelo. Pantu tamwakatale amumonapo kabili abena Egypto abo mukobona lelo. ¹⁴Yaweh ali mukumilwila , namwe mufwile ukuba abkukosa ndi.''¹⁵Eluntu Yaweh ayebele Mose ati, Nindo webo , Mose, ubikilepofye ukunkuta? Bebe abena Isreali batele baye kuntanshi. ¹⁶Sumbula , tambalika ukuboko kbe pali bemba pakuti bemba abanikanemo pabili, pakuti abana ba Isreali patapuke pa mushili wakuma . ¹⁷Mwishibe ukweba ati nkesa kukosha imitima yabena Egypto pakweba ati bakamikonke no ku mipepeka panuma. Nka cindamikwa pamulandu wakwa Farao nabashilika bakwe bonse, na maceleta yakwe ne fita fya pali bakabalwe. ¹⁸Eluntu abena Egypto bakesa kwishiba ati ninebo Yaweh uluntu nkacindamikwa pa mulandu wakwa Farao, amaceleta yakwe , elo ne fita fya pali bakabalwe bakwe.''¹⁹Malaika wakwa Lesa uwaishile kumoneka pakati kankambi yya bena Isreali, alitelele nokuya kwiminina kunuma yabo. Elo ne ntumba ye kumbi yalitelele ukufuma pa cinso cabo nokuya kwiminina kunuma yabo. ²⁰Ne kumbi lyalishile pakati ka nkambi yabena Egypto ne nkambi ya bena Israeli . Lyali likumbi lya mfinshi ku bena Egypto, elo lyasanikile ubushiku ku bena Israeli, kanshi ulubali lumo talwali kupalama kulubali lubiye ubushikufye bonse.²¹Elo Mose atmbalikile ukuboko kwakwe pali bemba , Yaweh aletele umwela waku kabanga uwakukosa ukupupa pali bembanokwisa kusunka amenshi kunuma bushiku bonse no kupanga amenshi mumukundu wakumandi. Emusango amenshi yayabanikemo. ²²Nabena Isreali bapitile pakati kamenshi pamushili uwakuma. Namenshi yaishile kupangila icibumba kukuboko kwabo ukwakukulyo nokwa kukuso.²³Abena Egypto basupile abena Isreali balibakonkele panuma yabo muli bemba pamo na bakabalwe bonse abakwa Farao, amaceleta yakwe ne fita fya pali bakabalwe fyakwe. ²⁴Nomba ku macaca Yaweh aishile kulolesha panshi pabashilika ba bena Egypto mulubingu lwa mulilo ne ntumba ye kumbi. Eluntu aishile kubafulunganya. ²⁵Nemipeto ya maceleta yabo yalyolongene, ecalikulenga ne fita fya pali bakabalwe ukushipikwa mukwenshya. Epo na bena Egypto balandile ati, ''Natubutuke ukufuma kubena Israeli, pantu Yaweh alebalwila bena mukutulwisha.''²⁶Na Yaweh alandile kuli Mose ati,'' Tambalika ukuboko kobe palibemba pakuti amenshi yabwelulukile pa bena Egypto, pama celeta yabo napa fita fyabo ifya pali bakabalwe,'' ²⁷Efyo Mose alambalikile ukuboko kwakwe pali bemba , na bemba ali bwelulukilemo peka apakale uluntu bwashile kuca. na bena Egypto balobele muli bemba, na Yaweh abunshishe abena Egypto mu kati ka cibemba. ²⁸Na menshi yalibwelulukile no kufimba amaceleta yakwa Farao, ne fyapali bakabalwe, naba shilika bonse abakonkele amaceleta muli bemba. Takwali nangu umo uwa pusukile.²⁹Lelo abena Israeli balipitile muli bemba pa mushili wakuma. Namenshi yalikuba nge cibumba kukuboko kwa kukulyo no kwa kukuso. ³⁰Efyo Yaweh aishile kupususha abena Israeli muminwe yabena Egypto pali bulya bushiku, na bena Israeli baishile kumona ifitumbi. ³¹Ulo abena Israeli baishile kumona amaka ayakulu ayo Yaweh aishile kucita pakulwisha abena Egypto, abantu balicindikisha Yaweh, kabili no kumucetekela pamo no mubomfi wakwe Mose.

¹Elo Mose na bena Israeli baishile kwimbila Yaweh ulwimbo. Epakwimba ati,'' Nkamwimbila Yaweh, pantu ni kululumbi lwa bukata bwakwe acimfishe; kabalwe nowalikwenshya alimwibishe muli bemba.²Yaweh emaka yandi elwimbo, nakabili alisangukile ipusukilo lyandi. Uyu e Lesa wandi nali kulumbanya, ni Lesa wakwa tata, nalikumusumbula . ³Yaweh citaa; Yaweh eshina lyakwe.⁴Yaweh aliposele amaceleta nefita fyakwa Farao muli bemba. Bakangalila basalilwe bakwa Farao balibundile muli bemba wakashika. ⁵Balilikishiwe muma poshi; balishikiwe mumaposhi kubati libwe.⁶Ukuboko kobe ukwakukulyo, mwe Yaweh, kwa maka ya lulumbi . Ukuboko kwenu ukwa kukulyo, mwe Yaweh kutobaula abalwani. ⁷Nikubukulu bwa bupulami bobe waisa kucimfya abo abakwimina. Watumine ubukali bobe , bwaisa kubalya kubati nimpimbili. ⁸Ni kumupu wa mumyona yobe eko na menshi yatulumanine; Namenshi yalikupita yataleme akapili; na maaba mumaposhi pakati kaku bemba yaishile kukosa ndi.⁹Abalwani ati,'' Ndebakonka, ndeya kubasanga, nkabanye nefyuma batapile; ebukabi bwamutima wandi pali bena; Ndesomonona ulupanga lwandi; Nokuboko kwandi kukesa kucita uboni pali bena.'' ¹⁰Nomba waputa umwela obe , na bemba alishile kubafimba ; baishile kushika ngo mutofwe mumenshi yakukalipa. ¹¹Ninani uwakuba nga mwebo; Yaweh, pa milungu yonse? Ninani uwakuba nga mwebo; kubukatami bwa mushilo? acindikishiwa mukumulumbanya, shimucita fipapwa?¹²Watambalikile ukuboko kwa kukulyo kobe , ne calo calibaminine. ¹³Nikucipangano ca kunakila kobe eko watungulwile abantu abo wapuswishe. Niku maka yobe eko wabatungulwilile kucifulo ca mushilo uo waikala.¹⁴Abantu bonse fye bakesa kumfwa elo bakesa kututuma; bakekatwa no mwenso ebekashi bamu Filisita. ¹⁵Naba shamfumu bamu Edoni bakesa kutina; abashlika baku Moabu bakesa kututuma, na beakshi bonse abamu Kanani bakesa kufwa iciitu.¹⁶Baisa kwikatwa nomwenso elo nokutina nganshi. Pamulandu wamaka ya kuboko kobe , baishile kuba tondolo nge libwe mpaka fye abantu bobe bapite, mwe Yaweh_ mpakafye abantu bobe walubwile bapite.¹⁷Ukesa kubaleta nokubabika palupili pa ncende yafya fishilano fyenu, Nei ncende , Yaweh , emo mwapampamika ukwikalapo , ya mushilo mwe Shikulu ifyo iminwe yenu yakuula. ¹⁸Yaweh akalateka umuyayaya umuyayaya.''¹⁹Nimuli bemba emo bakabalwe bakwa Farao na maceleta nefita fyapali bakabalwe baishile kwingila. Na Yaweh alibweseshe amenshi yapali bemba pali beena. Lelo abena Israeli bena baishile kwenda pa mushili wakuma totolo pakati ka bemba. ²⁰Nomba Mirriam kasesema mwanakashi , nkashi wakwa Aaroni, alibulile insombo na banakashi bonse balipitle nsombo, baleya balecinda nankwe. ²¹Na Mirriam absamwina no lwimbo ati,'' Imbileni Yaweh pantu nacimfya kululumbi . Bakabalwe nabendapo ali babunshishe muli bemba.''²²Eluntu Mose atungulwile abena Israeli ukufuma kuli bemba wakukashika ukulola muntanshi, bailekufuma mumatololo yamu Shuri, baendele inshiku shitatu mumatololo umwakutasangamo amenshi. ²³Eluntu baishile kwisa ku Mara nako tabanweneko menshi pantu yali yakulula. Efyo bainikile nailya incende ati Mara.''²⁴Abantu balikuilishanya kuli Mose abati, '' Finshi nomba tukon?'''' ²⁵Elo Mose alilile nokukuta kuli Yaweh, alimulangile icimuti . Na Mose aposele icimuti mu menshi na menshi yaishile kuwama mukunwa. Niplya Yaweh apo abapele amafunde yakukosa, kabili ni palya pene apo aishile kubesesha. ²⁶Abebele ati, Ngamwasakamana no kumfwa kwishiwi lyakwa Yaweh Lesa wenu no kucita icisuma mumenso yakwe, nga mwatesha ifipope fyakwe nokukonka amafunde yakwe yonsefye _ nshakabike amalwele nangu yamo pali mwebo nga filya nabika pa bena Egypto, pantu ninebo Yaweh kondapa wenu.''²⁷Eluntu aba bantu baishile ku Elimu, nako kulya kwali utumfukumfuku twa menshi ikumi na tubili no tuncindu amakumi cine lubali. Palya pene baishile kupanga inkambi lwa kumenshi.

¹Aba bantu balimine ubulendo ukufuma mu Elimu, no lukuta lonsefye ulwa bena Israeli lwalishile kufika mumatololo yaku sini, icaba pakati ka Elimu na Sinai, pabushiku bwakulenga ikumi na fisano mumweshi wakulenga bubili panuma yakufuma mu calo ca Egypto. ²Abena Israeli bonsefye balikuilishanya ulwa pali Mose na Aaroni mulya mumatololo. ³Nokubeba ati, kanshi, nga twafwililefye kukuboko kwakwa Yaweh mu calo ca Egypto umo twalikwikala munongo sha manama nokulya ifilyo mukwikuta . Nomba mwebo mwatufumyamo nokwisa kutuleta mu matololo no kwisa ku twipaya ulukuta lusuma lwabena Israeli ku nsala.''⁴Eluntu Yaweh aebele mose ati, '' nalamilosesha ifilyo ukufuma mwi ulu. Nabantu balekufuma cila bushiku mukutola iyakulya fya kulinga muli cila bushiku pakwebati mbeshe muli cilabushiku pakuti nkabone ukweba ati balesakwendela muma funde yandi nangu iyoo. ⁵Ulo cikesa kufika pa bushiku bwakulenga mutanda, lwena abena Israeli bakalikutola ifyakulya fya nshiku shibili nga filya bali kutola mubushiku bumo, kabili bakalekwipika ifyo baleta.⁶Eluntu Mose na Aaroni baebele abena Israeli bonse abati,'' Mucungulo mwalaisa kwishiba ati ni Yaweh fye ewa mifumishe mucalo ca Egypto.'' ⁷Na mulucelo mulesa kumona ubukatami bwakwe, pantu alyumfile ukuilishanya kwenu pali ye. Nifwebo banani , pakuti mwebo mulekuilishanya palwa fwebo?'' ⁸Nakabili Mose aushile kweba ati,'' Muleisa kufishiba ulo Yaweh aleisa kumipela amanama mu cungulo ne filyo fyakwikuta ku lucelo_ pantu alyumfwile insoso shenu isho mulemweba. Aaroni ninani nandi? Ala tali fwebo muleisoseshako, Ni Yaweh eo muleisoseshako.''⁹Elo Mose aebele Aaroni ati,'' Eba ulukuta lwabena Israeli bonse,'' iseni palamineni ku cinso cakwa Yaweh, pantu alyumfwile ukuilishanya kwenu konse.''' ¹⁰Efyo cali no luntu Aaroni alandile ku lukuta lonsefya ulwa bana ba Israeli, pantu nalo lwaloseshefye kumatololo, elo lwatuluala, ubukatami bwakwa Yaweh bwaishile kumoneka mwi kumbi. ¹¹Eluntu Yaweh aebele Mose ati, ¹²''Ndyumfwile ukuisoshanya kwa bena Israeli. Bebe ati,'' Mucungulo mulesa kulya amanama, na mulucelo mukesa kwikushiwa no mukate. Eluntu nomba mukesa kwishiba ati ndi Yaweh Lesa wenu.''''¹³Cali cungulo uluntu inkwale shaishile kwisa no fimba inkambi. Mu lucelocelo fubefube aishile kwandalila no kushinguluka inkambi yonse. ¹⁴Ulo fube fube wayanduluka na panshi ya matololo paishile kuba utuntu twakubuta tutu utwakonda kubati menshi makasa pa mushili. ¹⁵Uluntu abena Israeli bashile kumona ifi, elo baebeshenye umo ku munankwe, Findo ifi?'' Tabafishibile ifyo fyali. Elo Mose abebele ati,'' Efyakulya ifyo Yaweh amipele ukuti mulekulya.¹⁶Ici ecipope Yaweh apele:'Mufwile ukutola cila umo naumo pli mwebo ifyo afwile ukulya, cipimo ca cila muntu ukulingana ne mpendwa ya bantu bobe. Ifi efyo mwlikutola : Toleni ukulingana ifilingile ukulya kuli cila umo uyo mwikala nankwe mwi tenti.''' ¹⁷Abantu bakwa Israeli baishile kucita ififine. Bambi baishile kutola ifyakucila mucipimo. Bambi nabo baishile kutola ifitafikile pa cipimo. ¹⁸Uluntu baishile kupima ne cipimo ca Omer, balya abatolele ifingi tabashelepo nangu fimo ifyakulya, nabatolele ifinono nabo tababulilweifyakulya. Cilamuntu fye onse alikutola ifya kulingana no kufwaya kwakwe.¹⁹Eluntu Mose abebele ati, '' Peba uwakushako ifilyo ukufikafye na kulucelo.'' ²⁰Nomba, tabaumfwile kuli Mose, Bambi balishilepo ifyakulya mpakafye ulucelo elo nafyo fyaisa kukwata imitila ne ciboshi. Eluntu Mose aishile kubafulilwa. ²¹Balikufitola fye cila lucelo nolucelo. Cilamuntu ali kutola ifya kulingana no kulya pali bulya bushiku. Uluntu akasuba kakaba nafyo fya sungunika.²²Ulo caishile kufika pa bushiku bwakulenga mutanda bali mukutola ifyakulya pa cipimo caba Omer babili kuli cila muntu. Ne ntungulushi shonse ishalukuta shalishile mukumweba Mose palwa ifi. ²³Elyo Mose aebele ati,'' Ifi efyo Yaweh ebele ati,'' Mailo bushiku bwakutusha, ubwa cibelushi bwa mushilo bwakwa Yaweh. Kanshi pangeni ifyo muli no kupanga , elo ipikeni nefyo muli no kwipika. Nafyonse ifileshalako isungileni mwebene mpaka mailo ulucelo.''²⁴Efyo babikile mpaka mailo ulucelo, nga filya Mose akonkomeshe. Awe lwena tafyanunkile kubati tamwali na mitila iyoo mufyakulya. ²⁵Na Mose abebele ati,'' Lyeni ifyo ifyakulya mu bwalelo, pantu mushiku bwa lelo ebushiku bwakusungilamo icibelushi icakucindika Yaweh kabili lelo tamwaise kusangamo ifyakulya mumpanga.²⁶Mukali mukutola ifi ifyakulya mu nshiku mutanda nomba mubwakulenga cine lubali bwena cibelushi eco namuli ubu bushiku tamwalikuba maana.'' ²⁷Neci caishile kumoneka pa bushiku bwa cibelushi bambi abantu baishile kuya mukutola maana nomba tabaishile kusangamo nakamo.²⁸Eluntu Yaaweh aishile kulanda kuli Mose ati,'' Bushe ni lwisa mukaleka ukukana ukusunga amafunde pamo ne fikonkomesho fyandi? ²⁹Bona, Yaweh alimipele icibelushi . Eco nomba pa bushiku bwakulenga mutanda alelikumipela ifyakulya fya nshiku shibili. Cila umo afwile ukwikala pa ncende yakwe ukwabula ukutelapo pa ncende yakwe pa bushiku bwa cibelushi.'' ³⁰Eco na bena Israeli batushishe pa bushiku bwakulenga ine lubali.³¹Na bana ba Israeli bakutile filya fyakulya ati,'' manna.'' Fyali ifya kubuta kubati ninseke sha kolinda, elo mukufilya fyali kumfwika kubati tu mikate twapangilwamo no buci. ³²Mose abebele ati ,'' Ifi efyo Yaweh akonkomeshe ukweba ati: ''Sungeni icpimo ca omer yakumana cimo na kunkulo ne nkulo sha bantu benu shonse pakuti shaisa kumona ifilyo ifyo namilishishe mumatololo, panuma yakwisa kumifumya mu calo ca Egypto.''³³Mose alandile kuli Aaroni, ''Bula inongo nokubikamo icipimo ca ku omer umo uwaku manna, uubike pa cinso cakwa Yaweh pakuti usungililwe ku nkulo ne nkulo sha bantu.'' ³⁴Nga filya Yaweh aishle kukonkomesha Mose, na Aaroni aishile kusungila manna muntanshi ya mbokoshi yaci pingano. ³⁵Na bena Isreali baishile kulya manna pa myaka amakumi yane mpaka fye ulo baishile kufika ku calo ukwali abantu. Balililefye mpaka ilyo baishile kufika kumupaka wa calo ca kanani. ³⁶Nomba icipimo cimo ica ku Omer ninshi ekumi limo mu cipimo caku Efa.

¹Ulukuta lutuntu lwa bena Israeli lwali tampileko ubulendo ukufuma mumatololo ya Sini, ukukonka fintu Yaweh ali kubeba. Baishile kwikala inkambi pa Refidimu, nomba tapali amenshi yakuti abana ba Israeli benganwa. ²Nimuli ubu bwafya bwa menshi emo nomba abna ba Israeli baishile kulilila kuli Mose nokumweba ati,'' Tupele amenshi yakuti tunwe.'' Na Mose alibepwishe ati,'' Bushe nindo mulela nandi? Bushe nindo muleesesha Yaweh?'' ³Nabantu bali necilaka saana, no kuisosha ulwa pali Mose, abati,'' Nga nindofye watufumishe mu Egypto? Nimukutwipaya na bana besu ne fitekwa fyesu ku cilaka?''⁴Uluntu Mose alilile kuli Yaweh, ati,'' Nindo ndecita kuli aba bantu? pantu aba bantu balandasa amabwe.'' ⁵Na Yaweh aebele Mose ati, ''kabiye batangilile abantu, elo upite nabakalamba mu bna Israeli. Elo upite ne nkonto muminwe yobe ilya wa kuswile pa mumana, elo ulekuya,. ⁶Ndetalama ku cinso cobe palya pa cilibwe ku Horeb, elo ukakusule ibwe na menshi yakesa kufuma mu libwe pakuti abantu bakese kunwa.'' Na Mose aishile kucita filya fine mumenso yabena Egypto abakulu . ⁷Elyo aishile kwinika ilya ncende ati Massa na Meriba pa mulandu wakuilishanya kwa bena Israeli, no kwesha shikulu Lesa ati,'' Bushe Yaweh uli pali fwebo nangu iyoo?''⁸Elo abshilika ba bena Amaleki balishile balishile no kwisa mukulwisha abena Israeli palya pa Refidimu. ⁹Elo Mose ashile kweba Joshua ati,'' Salamo abume bamo bamo ebo ufume nabo , lweni nabena Amaleki. Ubwa mailo no kwisa kutalama pamulu wa lupili ne nkonto yakwa Lesa muminwe yandi.'' ¹⁰Eluntu nomba Joshua aishile kulwisha Amaleki ngefyo Mose amukonkomeshe, ninshi apa Mose, Aaroni,, na Ura baile kunina pamulu wa lupili.¹¹Nga Mose alimishe amaboko yakwe mu mulu ninshi abena Israeli balecimfya; nga ayabweshamo amaboko ninshi abena Amaleki batampa ukucimfya. ¹²Uluntu amabokao yakwa Mose yaishile kufina , Aaron na Uri baishile kubula ilibwe no kumubikila mwisamba lyakwe pakweba ati ena ekalepo. Napakashita kamokene, Aaro ni na Uri baishile kutumpwila Mose amabokoyakwe mumulu .Uyu umbi kuli ulu lubali naumbi kuli ulu lubali Efilya amaboko yakwa Mose yalitimpwile bune bune mpakafye akasuba ukukawisha. ¹³Efyo Joshua aishile kucimfya Amaleke ku lupanga.¹⁴Na Yaweh aebele Mose ati,'' Lemba ici cikata mu citabo pakuti bakaleibusha webe na Joshua omfweko, Pantu nkafuta abena Amaleka pano isonde kabili tabakatale abebukishiwa.'' ¹⁵Eluntu Mose aikulile icipailo no kucikuta ati,'' Yaweh eentalapu yandi.'' ¹⁶Aisa kweba ati,'' Pantu ukuoko kwasumbwilile na maka yakwa Yaweh_ na Yaweh akesa kulwisha abena Amaleki ukwankonanina inkulo ne nkulo.''

¹Yeturo, shimapepo wabena midian wishifyala wakwa Mose, ashilekumfwa fyonse ifyo Lesa acitile Mose na bantu bakwe abena Israeli. Alyumfwile ati Yaweh alifumishe abena Israeli mu Egypto. ²Yeturo wishi fyala wakwa Mose, abweseshemo sipora, umukashi wakwa Mose, pantu alibabweseshemo ku mwabo, ³pamo na bana bakwe abaume babili; umo ishina lyakwe ni Geshumu, pantu Mose ayebele ati , Ndimweni mu calo ca bene.'' ⁴No munankwe amwinikile ati , Eliese , pantu Mose aebaele ati, '' Ni Lesa wakwa tata uwaishile kungafwa, nokumpususha kulupanga lwakwa Farao.⁵Yeturo, wishi fyala, Mose aishile naba mwana Mose babili elo na muka Mose kuli Mose mwenka mumatololo umo wacitile inkambi pa lupili lwakwa Lesa. ⁶Yeturo aebele Mose ati,'' Ninebo wiso fyala Yeturo, naisa kuli webo ndi no mwina kobe na bana baume bobe babili.''⁷Na Mose afumine panse mukukumanya wishi fyala, afukama panshi nokufyompa Yetoro. Baipushanya imitende elo baingile mwi tenti. ⁸Elo nomba Mose alondolwele wishi fyala fyonsefye ifyo Yaweh acitile kuli Farao na bena Egypto pakulwilafye abana ba Israeli, alondolola napa macushi yonsefye ayabaponene mu bulendo, nefyo Yaweh abapuswishe.⁹Yeturo alisansamukile pa bune bonse Yaweh acitile pa bana ba Israeli, kucilisha alibapuswishe ku lupaka lwa bena Egypt. ¹⁰Yeturo aeba ati ,'' Lekeni Yaweh alumbwe pantu ali mipuswishe muma boko ya bena Egypto na mumubko yakwa Farao no kufumya abalwani mumaboko yabena Egypto. ¹¹Nomba naishiba ati Yaweh mukulu alicila imilungu yonsefye, pantu uluntu abena Egypto balikubomfya abena Isreali buluku buluku, Lesa apuswishe abantu bakwe.¹²Yeturo shifyala Mose aletele ifyelambo lyakocela Lesa nefya malambo yambi ayakulekelela Lesa. Aaroni nabakulu bonse aba bena Israeli baishile mukulya ifyakulya ku cinso cakwa Lesa pamo na wishifyala wakwa Mose.¹³Ubushiku bwaishile kukonkapo Mose aikele kukupingula abantu.Na bantu bali mushingulukile ukutula ulucelo mpaka icungulo. ¹⁴Uluntu wishifyala amwene fyonse ifyo alikubombela abantu, epa kulanda ati,'' Findo ifi ifyo ukocita ku bantu? Nindo ulubulwisha weka na bantu bonse balikwiminine ukutula ulucelo mpaka icungulo?''¹⁵Nae Mose ayasukile wishifyala ati,'' Abantu besa kuli nebo kukubepushishako ubufwayo bwakwa Lesa , nangu fye ulo bapusana balesa kuli nebo ¹⁶.Ninebo mputula pakati kamuntu no muna nkwe , elo nda ba funda ifipope namafunde yakwa Lesa .¹⁷Naye wishi fyala wakwa mose amwebele ati ,'' tafili bwino ifyo uucita . ¹⁸Mucine fye mwense fye mukafunshinka , webo na bantu abo uli nabo . tekuti ubombe weka . ¹⁹Umfwa kuli nebo . Nkupande amano , na Lesa akaba nobe , pantu niwe injiminishi yabantu Lesa kabili ali nokuleta amafya yabo kuli ena . ²⁰Ufwile fye ukubafunda ifipope na mafunde ya kwa Lesa . ufwile ukubalanga ifyakwikala ne fyakucita .²¹Kucilisha , ufwile wasala abaume abamano ukufuma mubantu bonse , abaume aba katina kuli Lesa , ebaume abacine , abo abapata amafisa kanwa . Aba ebo upepeele , ukwangalila abanabo pakuti babe niba ntungulushi mumakana , mumyanda , mumakumi yasano , na mumakumi ²².Bena abakuputula lyonse imilandu yonse fye , kanofye imilandu yakukosa eyo bengaleta kuli webo .Nemilandu yakunaka , kuti baputula abene beka .Muli iyinshila cikakwangukila , pantu nabo baka kupwishako icisendo . ²³Nga wacita ifi , kabili nga Lesa akukonkomesha watawali kunaka , necina bwingi bali nokubwelelamo kushamyabo ninshi nabasansamuka .²⁴Na mose walyumfwile kwi shiwi lya kwa wishi fyala no kucita fyonse efyo bamwebele . ²⁵Efyo Mose asontele abaume bamano mubena Israli bonse nokubacita intunglushi pabantu , kabili bakangalila bakalamba wamakana imyanda , fisano , namakumi . ²⁶Efyo intungulushi shali kuputwila abantu imilandu . imilandu yakukosa bali kutwala kuli mose , nemilandu inono bali kuputula abene beka . ²⁷Eluntu Mose nomba walekele wishi fyala ukuya , naye Yetulo wabwelelemo kucalo cakwabo .

¹Mu mwenshi wakulenga butatu panuma ya kufuma kwa bantu bamu Israeli mu calo ca Egypto, pa bushiku bumo bwine, baishile kuya mu matololo ya Sinai. ²Panuma na basha Refidimu elo baisa mu matololo ya Sinai, babikile inkambi mu matololo ukulungatana ku lupili.³Mose aishile kuninika ukuya kuli Lesa. Yaweh uko amukutile ukufuma kulupili elo aisakumwebati, ''Ulingile ukweba ing'anda yakwa Yakobo, abantu bamu Israeli: ⁴Wali bwene ifyo na citile kubena Egypto, ifyo na sendele mwebo pamapindo yakwa kapumpe elo namileta kuno. ⁵Nomba uluntu, mwaumfwila kwishiwi lyandi elo no kusunga ifipangano fyandi, eluntu mukaba aba cindama ukufuma mu bantu bonse, pantu isonde lyonse lyaba lyandi. ⁶Mukaba ubufumu bwaba shimapepo elo uluko ulwa shila pali nebo. Aya emashiwi ayo ufwile ukulanda ku bantu bamu Israeli.''⁷Eico Mose alibwelele elo akutile abakalamba bamu Israeli. Aishile kwikala pali bo na mashiwi yonse ayo Yawe amukonkomeshe. ⁸Abantu bonse ba asukile pamo elo baisakulanda ati, ''Twakulacita fonse ifyo Yaweh alanda.'' Eluntu Mose aishile kuya no kutwala amashiwi ya bantu kuli Yaweh. ⁹Yaweh aishile kulanda kuli Mose ati, ''Nalaisa kuli webo mwikumbi lya fina pakuti abantu bomfwe ilyo nkolanda nobe elo kabili ba cetekele webo umuyayaya.'' Eluntu Mose aishile kulanda amashiwi ya bantu kuli Yaweh.¹⁰Yaweh aishile kulanda kuli Mose ati, ''Kabuye ku bantu. Lelo elo na mailo ufwile bena ubasangulule kuli nebo, elo bena bawashe amalaya yabo. ¹¹Mube abaipekanya pa bushiku bwalenga shitatu, pantu pa bushiku bwalenga shitatu Yaweh akesa kwaikila ku lupili lwa Sinai.¹²Mufwile ukubika imipaka ukushinguluka ulupili lonse pa bantu. kalande kuli bo, 'Mucenjele ukuti tamufwile ukuya ninika ulupili nangu ukukumya isamba lyaluko. Onse ukakumya kulupupili mucishinkayfe akepaiwa! ¹³Takuli ukuboko kwa muntu ukufwile ukwikata umuntu wa musangoyu. Alingilefye, afwilefye ukutobwalwa amabwe nangu ukulaswa. Uluntu iciunda ce penga catantalila ukulila, kuti baisa kulupili.¹⁴Uluntu Mose aishile kutentemuka ukufuma kulupili aisakwisa ku bantu. Asangulwile abantu kuli Yaweh elo ba capile amalaya yabo. ¹⁵Aishile kulanda ku bantu ati, ''Ipekanyeni pa bushiku bwalenga shitatu; mwiya kupalamina na bakashi benu.''¹⁶Pa bushiku bwa lenga shitatun, uluntu califye ulucelo, kwali ukupata elo ne nkuba elo ne kumbi lya fita pa lupili, elo ne ciunda caishile kumfwika icepenga. Abantu bonse munkambi balatutuma. ¹⁷Mose aishile ku fumya abantu kunse ya nkambi muku kumanya Lesa, elo batalama mwisamba lya lupili. ¹⁸Ulupili lwa Sinai lwa pwililikefye ukufimbwa ne cusgi pantu Yaweh aikilile pali lwena mu mulilo elo ne cushi. Ne cushi califye kwati cushi ca mwilungu, elo no lupili lonse lwalitenkene.¹⁹Uluntu iciunda ce pena cikoya cikokula elo cikokula, Mose aishile kulanda, elo Lesa amwasukile mwishiwi. ²⁰Yaweh aikile pa lupili lwa Sina, pamulu wa lupili, elo aishile kwita Mose pamulu wa lupili. Eico Mose aishile kunina. ²¹Yaweh aishile kuanda kuli Mose ati, ''Kabiye panshi elo usoke abantu; limbi kuti ba ciluka kuline Yaweh mukutamba, elo abengi balaonaika. ²²Webe nabashimapepo bene aba palamina kuli nebo baisangulule abene-- baipekanye abene pakwisa kwandi-- pakwebati nshishile kubakanda.''²³Mose aishile kulanda kuli Yaweh ati, ''Abantu tekuti bese banine ku lupili lwa Sinai, pantu mwalitukonkomesha fwebo: 'Ukupanga imipaka ukushinguluka ulupili eli no kusangululwa kuli Yaweh.''' ²⁴Yaweh aishile kulanda kuli ye, ''Kabiye panshi elo uyekusenda Aaron wise nankwe, lelo wileka bashimapepo elo na bantu ukuciluka ukwisa kuli Yaweh, ninshi aleciluka elo no kubakanda.'' ²⁵Eico mose aishile kutentemukila ku bantu elo aishile kulanda kuli bo.

¹Kabili Lesa aishile kulanda aya mashiwi yonse ati: ²''Ninebo Yaweh Lesa wenu, uwamifumishe mu calo ca Egypto, mung'anda ya busha. ³Wila kuba na tulesa tumbi pa cinso candi.⁴Wilakuipangila iyfakubasa nangu icimpashanya conse icaba mu mulu pa mulu, nangu icaba mwisamba lya calo, nangu icaba panshi ya menshi. ⁵Wilakufukama kuli fyena nangu ukufishinshimuna, pantu nebo ne Yaweh Lesa wenu nine Lesa wakalumwa. Uuletela abana ukukandwa pa mulandu wakubifya kwaba wishibo, paba nkulo ya kulenga butatu ne nkulo ya kulenga bune ishakuli abo bampata. ⁶Lelo ndalanga icitemwiko kuli icitapwa kubamakana abo bantemwa no kusunga ifipope fyandi.⁷Wilakulumbula ishina lyakwa Yaweh Lesa obe, apatali nangu kamo, pantu Yaweh takalekepofye uyo onse uulumbula ishina lyakwe apafye.⁸Ulekwibukisha ubushiku bwe sabata, ku kubusunga ubwamushilo. ⁹Ulekubomba no kucita imilimo yobe yonse munshiku mutanda. Lelo ¹⁰ubushiku bwakulenga cine lubali lisabata lyakwa Yaweh. Pali ubu bushiku tekuti ububombemo umulimo onse, webo nangu abana bobe abaume, nangu abana bobe abanakashi, nangu fitekwa fyobe, nangu mweni uuli mu myenshi yenu. ¹¹Pantu munshiku mutanda Yaweh alipangile imyulu ne calo, na bemba, na fonse ifyaba muli fyena, el alitushishe pa bushiku bwa kulenga cine lubali. Eico Yaweh aishile kupala ubushiku bwe sabata no kubucita ubwa mushilo.¹²Ulekucindika wiso na noko, pakuti ukekale inshiku ishingi mu calo ico Yaweh Lesa akokupela. ¹³Wilakwipaya. ¹⁴Wilakucita bucende.¹⁵Wilakwibila uuli onse. ¹⁶Wilakupela ubunte bwabufi pa mwina mupalamano obe. ¹⁷Wilakukumbwa ng'anda ya mwina mupalamano obe; wilakukumbwa umukashi wa munobe, umubomfi wakwe umwaume, umubomfi wakwe umwanakashi, ing'ombe yakwe, panda wakwe, nangu conse ico icili ca mwina mupalamano obe.''¹⁸Abantu bonse babwene ukupaata ne myele ya nkuba, no kumfwa iciunda ce penga, elo babwene no lupili lukofutumuna icushi. Uluntu ba cibwene, balikututuma ku mwenso elo no kutalama ukutali. ¹⁹Baishile kulanda kuli Mose ati, ''ulekulanda kuli fwebo na ifwebo twakulaumfwa; lelo wilekuleka Lesa alekulanda kuli fwebo, pantu kuti twafwa.'' ²⁰Mose aishile kulanda ku bantu ati, ''Mwitina, pantu Lesa eshile kukumyesha pakuti akatina kakuli Lesa kabe muli mwebo, kabili pakuti tekuti mubembuke.'' ²¹Eico abantu batalemefye apatali, elo Mose ailekupalamina kwikumbi lyakufitulukila umwali Lesa.²²Yaweh aishile kulanda kuli Mose ati, ''Ifi efyo ubebe abena israeli: Mwebo mwebene muli bwene ifyo naisakulanda na mwebo ukufuma ku mulu. ²³Mwilakuipangila tulesa ukupashanya kuli nebo, tulesa twa silfere nangula tulesa twa golide.²⁴Mufwile mwampangila ubulambo bwe loba, elo mukepailepo amalambo yenu aya cabupe cakoca, icabupe cakwa mpana, impaannga elo ne mbushi shenu elo ne ng'ombe shenu. Muncende monse umo nalenga ishina lyandi ukucindikilwamo, nkesa kuli mwebo no kwisa kumipaala. ²⁵Nga mwankulila ubulambo bwa mabwe, tekuti mukulile na mabwe ayakubaswa, pantu ngamwabomfya icakubashilako kuli cena, ninshi ubulambo bukakowela. ²⁶Kabili pakuya ku bulambo bwandi tekuti munine pa matabo, pakuti pa bwamba bwenu pe boneka.'''

¹''Nomba aya ema funde ayo ulingile ukulanda pali bo:²Nga webo wa shita umusha umu Hibulu, afwile ukubomba pa myaka mutanda, elo mu mwaka walenga cine lubali akaya uwalubuka ukwabula ukupelwa icili conse. ³Nga aishile palwakwe umwine, afwile ukuya uwa lubukwa pa lwakwe umwine; alyupa, eluntu umukashi wakwe afwile ukuya uwalubukwa na ye. ⁴Nga cakuti shikulu wakwe amupela umukshi elo amufyalila abana baume nangu abanakashi, umukashi elo na bana bakwe bakesa kuba bakwa shikulu wakwe, elo afwile ukuya uwakaele umwine.⁵Lelo nga amapanga ya musha yalanda ati, ''Nalitemwa shikulu wandi, umukashi wandi, elo na bana bandi; Ntakaye uwalubuka,'' ⁶eluntu shikulu wakwe afwile ukumuleta kuli Lesa. shikulu wekwe afwile ukumuleta ku mweshi nangu icipampa capa mweshi, elo na shikulu wakwe afwile akamutule ukutwi kwakwe no musombo. Eluntu umusha akamubombela mubumi bwakwe.⁷Nga umuntu ashitisha umwana wakwe umwanakashi ngomusha umwanakashi, talingile ukuya uwalubuka nga filya umusha umwaume acita. ⁸Nga cakuti tasansa mwishe shikulu wakwe, uwa mulengele ena umwine, eluntu ena afwile ukumuleka ukuya. Takwete insambu sha kumushitishaa ku bantu abena fyalo. Takwete insambu shamusango uyo, libe ninshi ali mufyengele.⁹Nga caakuti shikulu wakwe na mulenga ena ngo mukashi wa mwana wakwe umwaume, afwile ukumusunga ngo mwana wakwe umwanakashi. ¹⁰Nga cakuti abulilapo naumbi umukashi umwine, tafwile ukulamutana ena ifyakulya, ifyakufwala nangu insambu sha cupo cakwe, ¹¹Lelo ngatalepela ena ififintu fitau kuli ye, eluntu engaya uwa lubuka ukwabula ukupela indalama nangu imo.¹²Uyo onse uucusha umuntu ukuti engafwa,uyo muntu mucishinkafye afwile ukwipaiwa. ¹³Nga uyu muntu tacitile ici kumapange, lelo libe nikubusanso, eluntu nkabika incende uko engalubuka. ¹⁴Nga umuntu apinga ukutasha umunankwe elo noku mwipaya ukulingana na kumumbo apingile, eluntu mufwile ukumutwala, nangu ali kubulambo bwakwa lesa, pakwebati engafwa.¹⁵Uyo onse uwauma wishi nangu nyina icishinkafwe afwile ukwipaiwa. ¹⁶Uyo onse uwaikata nokwiba umuntu-nangu amushitisha ena, nangu ulya mumtu asangwa muminwe yakwe-ulya kepaya afwile ukwipaiwa. ¹⁷Uyo onse uwlapisha wishi nangu nyina mucishinkafwe afwile ukwipaiwa.¹⁸Abantu nga balelwa elo umo atoba umunankwe ilibwe nangu ikofi, elo ulya muntu tafwile, lelo alalafye pamalo yakwe; ¹⁹Uluntu nga ababwino elo kabii kuti aenda ukubomfya inkonto yakwe, umuntu uwamumine afwile ukumulipila pakumuposela inshita; afwile ukumulipila pakupola bwino. Lelo uyu muntu tapelwe mulandu wakwipaya.²⁰Ngacakuti umuntu auma umusha wakwe umwaume nangu umusha wakwe umwanakashi ku nkonto, elo nga uyu musha afwa pamulandu wakumwa, eluntu uyo muntu mucishinkafye afwile ukukandwa. ²¹Nangu, ngacakuti umusha aikala akasuba kamo nangu shibili, shikulu tafwile kukandwa, pantu nacushiwa ukulofya umusha.²²Ngacakuti abaume balelwa pamo elo bampunka namayo uuli pabukulu pakwebati engaponya, lelo takuli cimbi ico aicenene, eluntu umuntu wamulandu afwile mucishinkafye alipila ifyo umulume wamukashi apingula ukufumakuli yee, elo afwile ukupela ifyo kapingula apingula. ²³Lelo ngakuli ukucenekwa sana, eluntu mufwile ukupela umweo pa mweo, ²⁴ilinso pa linso, ilino pa lino, ukuboko pa kuboko, ulukasa pa lukasa, ²⁵Ukoca pa koca,icilonda pa cilonda, icikwebululwa pa cikwebululwa.²⁶Ngacakuti umuntu auma palinso lya musha wakwe umwaume nangu umusha wakwe umwanakashi elyo nokulyonaula, eluntu afwile ukuleka umusha aye umuntungwa mukulambulwa kwalinso. ²⁷Ngacakuti asokola ilino lya musha wakwe nangu umusha umwaume nangu umusha wakwe umwanakashi, afwile aleka umusha wakwe aya mukulambulwa palinso.²⁸Ngacakuti amasengo yangombe yatoba umwaume nangu umwanakashi nokufwa, ingombe mucishinkafye ilingile ukutobwa amabwe, elo umubili waiko taulingilwe kulikwa; lelo umwine wa ngombe talingilwe kupelwa mulandu. ²⁹Lelo ngacakuti ingombe yalikwata umubelo wakutunkula amasengo kumuma, elo no mwine alisokwapo lelo taisungila mukati, elo iyo ngombe yaipaya umwaume nagu umwanakashi, iyo ngombe ilingilwe ukutobwa amabwe, elo nomwine alingilwe ukwipaiwa. ³⁰Ngacakuti alefwaya ukulipila pamweo wakwe, alingilwe ukupela conse ico aipushiwa ukupela.³¹Ngacakuti ingombe yaipaya umwana wamuntu umwaume nangu umwana wamuntu umwanakashi, umwine wa ngombe afwile ukucita ifipope ifilekabilwa ena ukucita. ³²Ngacakuti ingombe yaipaya umusha umwaume nangu umusha umwanakashi, umwine wa ngombe alingile ukupela amashekele amakumi yatatu aya shilufa, elo in gombe ilingilwe ukutobwa amabwe.³³Ngacakuti umuntu aisula icilindi, nangu ngacakuti aimba icilindi elo afilwa ukwisalapo, elo ingombe nangu punda alobela mukati, ³⁴umwine wacilindi afwile ukulipila abalofeshe. Afwile ukupela indalama ku mwine wanama ishifwile, elo nenama ishafwa shaba shakwe.³⁵Ngacakuti ingombe ya muntu yacena ingombe ya muntu umbi pakuti ingafwa, eluntu balingile bashitisha ingombe iya mweo elo no kwabanya indalama, elo balingile nakabili ukwabanya ingombe iyafwa. ³⁶lelo ngacakuti calishibikwa ukuti ingombe yalikwata wakwipaya nakunuma, elo no mwine taisungila mukati, alingile mucishinkafye ukupela ingombe pa ngombe, elo ne ngombe yafwa yaisa kuba yakwe.

¹Umuntu nga aiba ing'ombe nangu impaanga nokuipaya nangu ukuishitisha, eluntu afwile ukulipila ing'ombe shisano pa ng'ombe imo, elo impaanga shine pa mpaanga imo. ²Nga sakala asangwa akoingila, elo nga umwa pakweba ati afwe, muli uyu musungo tapali umulandu wakwipaya ukesa ku kakatikwa kuli onse pa mulandu wakwe. ³Lelo akasuba ngakaisa kutula libe talaingila, umulandu wakwipaya ukakatikwa ku muntu uumwipeye. Kabili afwile apanga nga cakeba ati takwete, eluntu ashitishiwe pali bukabolala bwakwe. ⁴Nga cakweba ati bamu sanga ne nama ebile iituntulu mu minwe yakwe, nangu iing'ombe, impunda, nangu ni mpaanga, afwile ukulipila imiku ibili.⁵Nga cakweba ati umuntu alya ifitekwa fyakwe nangu ibala lya myangashi nokuleka inama shakwe uku kana kwata, elo nokulya mwibala lya umbi, afwile ukupanga ukufuma ku filimwa lyakwe elo naku fisuma fya mwibala lyakwe ilya myangashi.⁶Umulilo nga watampa elo nokusalangana mu myunga pakweba ati ing'ano shatabililwa, nangu ing'ano ishauminina, nangu libala kulikwa, uyo uwatampile umulilo afwile icacine ukupanga.⁷Nga umuntu apeela impiya nangu ifipe ku bena mupalamano ukuti ba musungile, elo nga fyaibwa ukufuma mu ng'anda ya muntu, nga cakweba ati sakala ba musanga, uyo sakala afwile ukulipila imiku ibili. ⁸Lelo sakala nga taba musangile, eluntu umwine wa ng'anda afwile ukwisa pa cinso cabakapingula pakubona nga cakwebati alibikile ukuboko kwakwe pafipe fya mwina mupalamano. ⁹Pantu fyonse ifikansa pa fintu fimo, nangu ni ng'ombe, kabalwe, impaanga, ifyakufwala, nangu ifili fyonse ifilubile pafyo umo alandile, ''Ici candi,'' ukulanda kwa bonse babili kufwile kwaisa pali bakapingula. Umuntu uyo bakapingula basanga no mulandu afwile ukulipila umwina mupalamano wake imiku ibili.¹⁰Nga cakeba ati umuntu apeela umwina mupalamano wakwe kabalwe, ing'ombe, nangu ni nama iili yonse ukusunga, kabili nga yafwa yaicena nangu ukusendwa ukutali ukwakubula uuli onse uukuibona. ¹¹Umulapo kuli Yahweh ufwile wa cita kuli bonse babili nga cakweba ati umo pali bo alibikile ukuboko kwakwe pa fipe fya mwina mupalamano nangu iyo. Umwine afwile ukusumina ici, uyu umbi afwile ukupanga ku minwe pali ifyo. ¹²Lelo nga yaibilwe ukufuma kuli ye, uyu umbi afwile ukupanga ku mwine. ¹³Inama nga yaliputawilwe, lekeni umuntu umbi alete inama nga icakushininkisha. Tafwile kulipila pafya putawilwe.¹⁴Nga cakweba ati umuntu ayashima inama iili yonse ku mwina mupalamano elo ne nama nga yacenwa nangu yafwa ukwa kubula umwine ukuba nayo, umuntu umbiafwile icacine apange. ¹⁵Lelo umwine nga ali nayo, umuntu umbi tekuti alipile; nga cakweba ati inama balyashimine, ikalipilwa pa mutengo wakwashiminapo.¹⁶Nga cakeba ati umuntu abembula nacisungu uushatakobekelwa, kabili nga alaala naye, afwile icacine ukumupanga umukahi wakwe pakulipila isha cisungu ishilefwaikwa pali ifi. ¹⁷Nga cakweba ati ba wishi bakanininafye ukumupela kuli ye, afwile ukulipila indalama ukulingana ne ndalama sha cisungu.¹⁸Tamufwile ukusuminisha indoshi iyanakashi ukuba no mweo. ¹⁹Onse uwalaala ne nama afwile icacine kwipaiwa.²⁰Uyo onse uupeela ilambo kuli ka lesa akali konse ukucla Yahweh afwile ukonaulwa. ²¹Tamufwile kulufyanya umwina fyalo nangu ukumucusha, pantu mwali abenafylo mu calo ca Egypto.²²Tamufwile ku cusha mu kamfwilwa uuli onse nangu abatakwata ba wishi. ²³Nga mwaba cusha, elo baita kuli nebo, icishinka nkomfwa ukukuta kwabo. ²⁴Ubukali bwandi bukaaka, elo nkamwipaya kulupanga; abakashi benu bakesakuba bamukamfwilwa, elo na bana benu bakesakuba abakubula ba wishi.²⁵Nga mwaashimisha impiya ku uuli onse mubantu bandi muli mwebo abapina, tamufwile kuba nga kakongwesha wa ndalama kuli ye nangu ukumulundishapo. ²⁶Nga wasenda ilaya lya mwina mupalamano nga ukubomfyako ufwile ukumubwekesesha libe akasuba takalawa, ²⁷pantu ico ecakufimba fye cimo; li laya lya kumubili wakwe. Cinshicimbi ico engalalamo? Uluntu akuta kuli nebo, ukesa kumumfwa, pantu ndi waluse.²⁸Tamufwile ku pontela nebo, Lesa nangu ukutipwla uukoteka abantu benu.²⁹Tamufwile ukufisa ifyabupe ukufuma mu busomboshi bwenu nangu. Mufwile ukupeela kuli nebo amabeli ya bana benu abaume. ³⁰Mufwile ukucita fimo fine naku ng'ombe shenu elo ne mpaanga shenu. Pa nshiku cine lubali kuti bashala na banyina, lelo pa bushiku bwa kulenga cine konsekonse mufwile ukubapela kuli nebo. ³¹Mukesa kuba abantu abakupatulwako kuli nebo. Eico tamufwile kulya inama iili yonse iyaputawilwe mu mabala. Lelo mufwile ukuposela imbwa.

¹Tecakwesha ukupela ubunte bwabufi pali onse. Wilekwampana nangu umo uwabubi ukulekuba kambone wabufi. ²Wilakonkelesha cinkupiti kukucita ububi, nangula ukusengelela kuli cinkupiti pakuti pakufulunganya ukupingula. ³Wilekusengelela kukufyenga umulandu mucilye.⁴Nga wakumanya ing'ombe nangu impuunda yamulwani obe ililubile, ufwile ukumuletela umwine. ⁵Nga wabona imppunda yawakupata ili ponene panshi mumbali ya cimulando, Taufwile ukusha ulya muntu. Ulingile ukumwafwa ne mpunda yakwe.⁶Wilakupondamika bupondamishi kumulandu mu cilye. ⁷Wilakwampana na bambi ukulekushinina bunte bwabufi, elo takuli ukwipaya abakaele nangula abakulungama, pantu abalubembu ntakabalekeko. ⁸Wilekupoka amafisa kanwa, pantu amafisa kanwa lilapofwisha ababona, Elo nokupondamika amashiwi yabalungami. ⁹Taufwilw ukucusha umwina fyalo, pantu ulishibile ifyo ubumi bwa mwina fyalo bwaba, pantu mwali abena fyalo nemwe mu Egypto.¹⁰Pantu mumyaka mutanda mukale kubyala imbuto mumpanga yenu elo nokusombola ifitwalo. ¹¹Lelo mumwaka walenga cine lubali takuli kucisakamana takuli kusombola, pakwebati abalanda muli nabo bakalekulya. Ifyo bakalekusha, inama shampanga shikalekulya. Mukalekucita cimo cine kumabala ya myangashi elo ne miolife.¹²Munshiku mutanda mukalekubomba imilimo yenu, lelo ubushiku bwalenga cine lubali mufwile ukulekutusha. Citeni ci pakwebati ing'ombe shenu elo ne mpunda shenu shikalekusha, elo nokwebati abasha benu abaume elo nabanakashi nabenafyalo bakale kutusha elo nokupemwinako. ¹³Mule kusakamana kuli conse ico nalanda kuli mwebo. Mwilekulumbula amashina yatu lesa, nangula ukuleka amashina yatuko yalekumfwika mutunwa twenu.¹⁴Mufwile mukalekwenda ukuya kukusefya imiku itatu cila mwaka. ¹⁵Mufwile ukulepanga ukusefya kwa mukate wakubula ukututumuka. Ngefyo namikonkomeshe, mukalekulya umukate ukubula ukututumuka panshiku cine lubali. Pali ilya nshita, mukalekubonekela kuli ne mumwenshi wa Abib, uwabikwa pamulandu neci. Ni muli uyu mweshi mwafuminemo mu Egypto. Lelo takuli ukubonekela kuli nebo minwe-mkutwa.¹⁶Mukale kukonka nokusefya kwa kusombola, ifisabo fyakubalilapo mukubomba kwenu uluntu mwabyele imbuto mumabala. Elo kabili mufwile mwakonka no kusefya kwakusombola ifilikufuma mumabala. ¹⁷Bonse abaume benu bafwile ukubonekela kuli shikulu Yaweh imiku itatu cila mwaka.¹⁸Tamufwile ukulekupela ilambo lyamulapo pamo no mukate uwa kututumuka. Ifya mafuta ifyelambo pakusefya kwandi tafilingile ukulekwikala ubushiku bonse nokufika ulucelo. ¹⁹Mufwile ukuleta ifyo musalilemo ifyabune sana mufisabo fyenu ifyakubalilapo ukufuma mumpanga shenu mu ng'anda yandi, mung'anda yakwa Yaweh Lesa wenu. Tamufwile ukwipika akana kambushi mumukaka wakwa nyina.²⁰Nalatuma umungeli kuli mwebo ukulekumitungulula inshita yonse, elo nokuleta ku ncende napekanya. ²¹Mubikisheko amano kuli ye elo mulekumumfwila. Takuli kumwalukila, pantu taka myelele filubo fyenu. Ishina lyandi lili pali ye. ²²Nga icabushefye mwaumfwila ishiwi lyakwe no kulekucita conse ico namweba, Nkaba umulwani kubalwani benu elo nkaba icipondo kufipondo fyenu.²³Umungeli wandi akalekuba pantanshi yenu ukulekumileta kubena Amole, abena Hiti, abena Perizi, abena Kenani, abena Hivi elo nabena Jebusi. Nkabonaula. ²⁴Tamufwile kulekufukamina tu lesa twabo, ukutupepa, nelyo ukucita ifyo bacita. mulico, mufwile mwatucimfya umupwilapo elo nokutunyantaula ifimabwe fyatuko mwafungaula tuntinti tuntinti. ²⁵Mufwile ukulekupepa Yaweh Lesa wenu, elo akapala umukate elo na menshi yenu. Nkafumyapo ukulwala pali mwebo.²⁶Takuli umwanakashi uukuba ing'umba nangu ukuponya akapopo mumpanga yenu. Nkalefya ubumi bwenu. ²⁷Nkatuma umwenso nebo kuli bo mumpanga muleya. Nkepaya bonse abantu abo mukalekukumanya. Nkapanga abalwani benu bonse ukuloshako ifyanuma nokubutuka. ²⁸Nkatuma amalonda pantanshi yenu aya kalekutamfya abena Hivi, abena Kenani elo nabena Hiti ukufuma kuli mwebo. ²⁹Ntakabatamfye umwaka umo ukufuma kuli mwebo, limbi icalo kuti caisa kuba icasulwa, nenama sha mumpanga kuti shaisa kufulisha kuli mwebo.³⁰Kanshi, Nkalebatamfya pantinti pantinti ukulekufuma kuli mwebo mpakafye mukese kufula elo muka pyane impanga. ³¹Nkapanga umupaka ukutampila pali bemba wa matete mpakafye kuli bemba waba Filisti, elo ukufuma muma wangs ukwisa kufika nakumumana wa Euphrates. Nkamipela ukucimfya abekala mumpanga shilya. mukaba tamfyamo mwebo mwebene. ³²Tamufwile ukupanga icipangano nabo nangu nitulesa twabo. ³³Tabafwile ukwisa mumpanga yenu, kuti bamilenga ukulekumbembukila nebo. Namwapepa tu lesa twabo, icine cabushe kuti caisa kuba citeyo kuli mwebo.

¹Eluntu yaweh aisile kulanda kuli Mose ati, ''Isa kuli nebo--webo, Aaron, na Nadab, na Abilu, elo nabakulu amakumi cine lubali aba bena Israeli, nokunshinshimuna akatalamukila. ²Mose eka ewingesa kuli nebo mupepi. Abashala takuli kwisa mupepi, nangu abantu takuli ukwisa nao.''³Mose alile kubeba abantu fyonse ifyebo fykwa Yaweh ne fipope. Abantu bonse balyasukile ne shiwi limo ukweba ati, ''Tukalekucita yonse amashiwi ayoYaweh alanda.'' ⁴Eluntu Mose aishile kulemba yonse amashiwi yakwa Yaweh. Ku maca, Mose alikulile ubulambo mumbali ya lupili elo aishile kupekanya namabwe ikumi na yabili aya imikwe, pakwebati amabwe yeminineko imikowa amakumi elo naibili iya mikowa yabena Israeli.⁵Aishile kutuma abalumendo abena Israrli mukupela amabupe ne lambo lya mutende amabupe ya ng'ombe kuli Yaweh. ⁶Mose aishile kubulapo umulopa citika aishile kubika pakabeseni; alisanshile citika umbi kubulambo.⁷Alibulile icitabo ca cipangano elo aishile kubelenga palwalala ku bantu. Baishile kulanda ati, ''Twakulekucita conse ico Yaweh alandile. Takalekumfwila. ⁸Eluntu Mose aishile kubula umulopa elo aishile kusansa kubantu. Aishile kulanda ati, ''Uyu emulopa wa cipangano uo Yaweh apangile na mwebo akulekumipela icilayo na mashiwi aya yonse.''⁹Eluntu Mose, na Aaron, na Nadab, na Abihu elo nabakulu babena Israeli amakumi cine lubali balile kulupili. ¹⁰Balibwene Lesa wakwa Israeli. Mwisamba yamakasa yakwe pali apabikwa amabwe ya sapphire, ilyapwililika ngwee ulu. ¹¹Lesa tabikilepo ukuboko pabakulu babena Israeli. Balibwene Lesa, elo balilile elo nokunwa.¹²Yaweh aishile kulanda kuli Mose ati, ''Isa kuli ne kulupili elo wikale kulya. Nkokupela ifipimfya fya mabwe elo na malango na mafunde ifyo nalikulemba, pakwebati ulukubafunda.'' ¹³Eico Mose aishile kuya nenkokani yakwe Joshua kulupili lwakwa Lesa.¹⁴Mose aishile kulanda kubakulu ati, ''Ikaleni pano elo mutulolele mpaka tubwele kuli mwebo. Aaron na Hur bali namwebo. Uuli nobwafya, apalame kuli bo.'' ¹⁵Eico Mose aishile kuya kulupili, ne kumbi lyali mufimbile.¹⁶Ubukata bwakwa Yaweh bwa likele palupili lwa Sinai, ne kumbi lyali mufimbile panshiku mutanda. Pabushiku bwakulenga cine lubali alikutile Mose mukati ke kumbi. ¹⁷Ukuboneka kwa bukata bwakwa Yaweh kwali kuba kwati mulilo ule oca pamulu walupili mumenso yabena Israeli. ¹⁸Mose alingile mwikumbi elo aishile kuya pamulu walupili. Ali pamulu walupili inshiku amakumi yane ubushiku elo na kasuba.

¹Yaweh aishile kulanda kuli Mose ati, ²''Eba abena Israeli ukumpela ubupe cila muntu uo umutima wakwe wasuminisha mukuifwaila. Ufwile wmpokelako ubu bupe.³Ubu bupe ufwile ukupoka kuli bo: golide, na silfere no mukuba; ⁴Nensalu ya makumbi makumbi neya kashika neya kubekesha; natonge iya kupwililika ubune; amasako ya mbushi; ⁵impapa shampanga yakubutisha ukukashika. Imbao sha mushita; ⁶amafuta ya munyali ifyaku nunkila ubune ifya mafuta ne fya cushi cacena cabune; ⁷amabwe ya onxy namabwe ya kuluma umutengo sana pakuti yalekubikwa pe tumba lya cifuba.⁸Leka bena bampangile umwakucindama pakuti ningekala nabo. ⁹Ufwile wacipanga ukulingana nefyo nkalekukulanga umusango waca kwikalamo elo ne fipe fya ciko.¹⁰Bafwile bakapange imbokoshi ku cimuti ca mushita. Muli nabutali ba mita babili na citika; muli nabwipi mita umo na citika; ukulola mwiulu mita umo na citika. ¹¹Mufwile mwashinga kunse na mukati golide wakupwililika, ukubikeko apakulekanishisha umungolosha wa golide ukushingulusha pamulu.¹²Ukashinge amawilo yane aya golide, elo ukayabike pamakasa yane aya mbokoshi, amawilo yabili uku lubali na yambi yaabili uku lubali. ¹³Ukapange ne nsonta isha cimuti ca mushita ukua shungeko na golide. ¹⁴Ukabike insonta mumawilo mumbali ya mbokoshi, pakulekusenda imbokoshi.¹⁵Insonta shikale kushala mumawilo ya mbokoshi shikale kufumumamo. ¹⁶Ufwile ukubike mumbkoshi ifikomo fya cipangano fyo nkakupa webo. ¹⁷Ufwile ukapange inkupiko yakwelelwapo iya golide uwapwililika. Muli nabutali ikale kuba bamita babili na citika, muli nabwipi mita umo ba citika. ¹⁸Ufwile ukuapange naba krabi babili kuli golide uwakucisha ubune kulutwe konse kubili iya nkupiko ya cakwelelwapo.¹⁹Ukapange kerubi umuo kulutwe lwa nkupiko ya cakwelelwapo, kerubi umbi nao kulutwe lumbi. Bafwile ukupanga iciputulwa cimo ne nkupiko ya cakwelelwapo. ²⁰Ba kerubi bakasalanganye amapindo mwiulu elo nokufimbilikisha inkupiko ya cakufutilwapo. Ba kerubi bafwile ukuilolesha elo nokulosha pakati na nkati ka nkupiko ya kwelelapo. ²¹Ufwile ukubika nkupiko ya kufutilwapo pamulu wa mbokoshi, elo ufwile ukubika mu mbokoshi ifipope fya cipangano ifyo nkokupela.²²Nipa mbkoshi epo tukakumanina na webo. Nkalekulanda na webo ukufuma aponkalekuba pamulu wa nkupiko ya kufutilwapo. Chikalekuba pakati na nkati pakuba ba kerubi babili pa mulu wa mbokoshi ya bunte epo nkalakulanda na webo palwa mafunde yonse nkakupela kubena Israeli.²³Ufwile ukupange itebulo lya mbao sha mushita. Muli nabutali likabe ba mita babili; muli nabwipi mita umo, ukulola mwiulu mita umo na citika. ²⁴Ufwile ukashingeko na golide iya kupwilika elo no mupaka wakulekanya uwa golide ukushinguluka pamulu.²⁵Ufwile ukapange imfulemu yakushinguluka muli nabwipi kubati cisansa ca lupi, ukashingulushe umupaka na golide ku mfulemu. ²⁶Ufwile ukupange na mawilo yane aya golide elo ukakumike na mawilo ku fifutu fine, uko ukwali amakasa yane. ²⁷Amawilo yafwile yaku kumikwa ku mfulemu pa kushako incende ya nsonts, pakulekupita itebulo.²⁸Ufwile ukupange ne nsonta sha mushita elo ukashishingeko na golide pakwebati itebulo lile kupitilwa pamo nasho. ²⁹Ufwile ukupange na mabeseni, nama supuni, ne nkombo elo ne nsani siha kubomfya ukulekwitulwilamo ica kunwa cafya bupe. ³⁰Ufwile ukapangile na golide uwapwililika. Ufwile ukalekubika umukate pe tebulo kuli nebo cilanshita.³¹Ufwile ukapange icakubikapo ilampi kuli golide uwakuciswa ukupwililika. Icakubikapo ilampi cikapangwe ne shinte elo no mukonso. Amakapu ya ciko, imisambo ya ciko, amaluba ya ciko yakapangwe mukaputulwa kamo naco. ³²Imisambo mutanda ifwile ikalundwe ukufuma mumbali ya ciko imisambo itatu ifwile ikalundwe ukufuma lubali lumo, elo ne misambo imbi itatu iya cakutekapo ilampi ifwile ikatule ukufuma kulubali lumbi.³³Imisambo ya kutampilapo itatu ifwile ilekwata amakapu yatatu ayakupangwa kubati maluba yamu amond, ne cishinte cebula elo ne luba, elo na makapu yatatu ayakupangwa kubati maluba yamu almonde mumusambo umbi, ne cishinte cebula elo ne luba. Fifwile ukuba cimo cine imisambo mumutanda iilundilweko pacakubikapo inyali. ³⁴Pacakubikapo inyali icine, icapa kati, pafwile ukuba amakapu yane aya kupangwa ukubati maluba yamu almonde, na mashinte yama bula elo na maluba.³⁵Pafwile ukuba ne shinte panshi ya misambo yakubalilapo icakupangwa aka putulwa kamo kene naco, elo ne shinte limbi panshi ya musambo wa bubili naco icakupangwa akaputulwa kamo kene naco. Mumusango umo wine mufwile ukuba ishinte lyebula panshi ya musambo wa citatu, icakupangwa ukubati kaputulwa jamo kene kuli co. Cifwile ukuba cimo cine kumisambo mutanda iilelundwako ukufuma ku cakubikapo ilampi. ³⁶Ifishinte fye bula fya fiko elo ne misambo fifwile ukuba akaputulw kamo kene kuli co, iya kumwa kuli golide umo uwakupwililika.³⁷Ufwile ukupanga icakubikapo amalampi elo na malampi ya ciko cine lubali, elo ukutenekapo amalampi yaciko pakwebati yalekupela ulubuto ukufuma kuli co. ³⁸Utwakwikatishapo elo twakubikapo umulilo fikapangwe na golide iya pwililka. ³⁹Bomfyeni itepe limo ilya golide iya pwililka pakupanga ica kubikapo ilampi elo na fyonse ifya ciko. ⁴⁰Ushininkishe ukupanga kubati ni filya walangilwe palupili.

¹Ufwile ukupanga icakwikalamo ica fisalu ikumi ishakupangilwa na tonge wa kolokondwe elo no wamakumbi makumbi, elo no wakukashikila, elo na tonge yamasako ya mpaanga mukabe naba kerubim. Uyu ukabe mulimo wa muntu uwa kwishibisha ukupanga. ²ubutali bwa cila cisalu bukalekuba bamita amakumi yabili na cine konse konse, muli nabwipi ba mita bane. Fyonse ifisalu fikalekulingana. ³Ifisalu fisano fikale kusuntishiwa ku finankwe, elo na fimbi fisano nafyo fifwile ukusuntishiwa ku finankwe.⁴Ufwile ukapange no tumikobelo twa makumbi makumbi palutwe lwa fisalu fya kutampilapo. Mumusango umo wine, ukacite palutwe lwapambali ya fisalu fya cibili. ⁵Ufwile ukapange utumikobelo amakumi ya sano ku fisalu fya kutampilapo, elo ukapange utumikobelo amakumi yasano palutwe lwa fisalu fya cibili. Ukacite ici pakwebati utumikobelo tukalekuba utwalolenkana notunankwe. ⁶Ufwile ukapange utwakukofyamo utuli amakumi yasano utwa golide elo ukasuntinkanye ifisalu capamo pakwebati icakwikalamo cikabe icakwikatana.⁷Ufwile ukapange ne fisalu fya masako yambushi pakwebati cikese kuba icakufimba pamulu wacakwikalamo. Ukapange ifisalu ikumi na cimo. ⁸Ubutali bwa cila cisalu bufwile ukuba ama mita amakumi yatatu, muli nabwipi bwa cila cisalu bufwile ukuba ama mita yane. Fyonse ifisalu ifili ikumi na cimo fifwile ukuba ifya kulingana. ⁹Ukasuntinkanye ifisalu ifili mutanda kufinankwe elo nafimbi fisano kufinankwe. Ukapetemo ifisalu ifili mutanda pantanshi ya cakwikalamo.¹⁰Ufwile ukapange utumikobelo amakumi yasano pambali yalutwe lwa fisalu fyakutampilapo, elo utumikobelo amakumi mutanda pambali ya lutwe lwa fisalu fya cibili ifisuntikene. ¹¹Ufwile ukapange utwakukofyamo utwa mukuba amakumi yasano elo ukutubika mutumikobelo. Elo ukuminkanye icilitenti pamo pakwebati cibe cimo na cimo.¹²Icisalu citika icisheleko, ekwebati, icilepelela icisheleko pa cili tenti ca fisalu, cikafimbwe kunuma ya cakwikalamo. ¹³Cifwile ukuba mita imo icisalu lubali lumo, elo na mita imo lubali lumbi pakwebati icisheleko icisalu muli na butali cifwile ukulekupulamo kumbali ya cakwikalamo uku lubali elo noku lubali, pakulekucifimba. ¹⁴Ufwile ukacipangile icakwikalamo ica kucifimbako ica mpapa ya mpaanga icakukashika ukutishiwa, elo na cimbi ica kufimbako pamulu ica mpapa yakupepuka.¹⁵Ufwile ukapange imfulemu ishakwimakana isha cimuti ca mushita ku cakwikalamo. ¹⁶Cila mfulemu ikalekulepa ama mita ikumi, elo muli nabwipi ikalekuba mita imo elo na citika. ¹⁷Kukabe utwa kushimpilako tubili tubili kuli cila mfulemu utwa mapulanga pakulekukuminkanya ama fulemu. Ufwile ukupanga ama fulemu ya cakwikalamo yonse ifi fine. ¹⁸Uluntu wapanga amafulemu ya cakwikalamo, ukapange ama fulemu amakumi yabili aya kukapinda kakukuso.¹⁹Ufwile ukapange ifishinte fya silfele ifya kubika panshi yama fulemu amakumi yabili. Pafwile ukuba ifishinte fibili panshi ya mfulemu yakutampilapo pakwebati kube utwa kushimpilako tubili, elo kabili ifishinte fibili kuli cila mfulemu kufya kushimpilako fibili. ²⁰kulubali lwa cibili ulwa ca kwikalamo, kuka pinda kakukuso, ukapange imfulemu amakumi yabili ²¹elo ne fishinte fya silfere amakumi yane. Kufwile ukuba ifishinte fibili panshi ya mfulemu yakutampilapo, ifishinte fibili panshi ya mfulemu yakukonkapo, ukulekukonkanya fye ifyo fine.²²Kumfwa kunuma ya cakwikalamo kumbonshi, ukupange imfulemu mutanda. ²³Ufwile ukapange imfulemu dhilbili kunuma ya cakwikalamo. ²⁴Ishi mfulemu shikale kuba isha kutalukana pesamba, lelo isha kwikatana pamulu kwiwilo limo line. Cifwile ukuba kuli fyonse ku fitutu fyakunuma. ²⁵Kufwile kukabe imfulemu cine konse konse, kumo kwine ne fishinte fya silfere. Kukabe ifishinte ikumi na mutanda fyonse pamo, ifishinte fibili panshi ya mfulemu ya kutampilapo, ifishinte fibili panshi ya mfulemu ya kukonkapo, ukule kukonyafye ifyo fine.²⁶²⁷²⁸Ufwile ukapange imilando iya kucimuti ca mushita isano iya mfulemu kulubali lumo ulwa cakwikalamo, Imilando isano iya mfulemu iya kulubali lumbi ulwa cakwikalamo, elo imilando isano iya mfulemu iya kunuma ya cakwikalamo ku mbonshi. Umulando pakati ka mfulemu, ekwebat, citika pamulu, ukutula kulutwe ukufika naku lutwe.²⁹Ufwile ukashingeko golide ku mfulemu. Ukashipangile amawilo ya golide, pakuti yakalekuba ifya kwikata imilando, elo ukashingeko golide ku milando. ³⁰Ukacimike icakwikalamo ukukonka ne mipangilwe palupili.³¹Ufwile ukapange ne cisalu ca makumbi makumbi, icamasako yampanga, icabekesha (kolokondwe) naba kerubim ukabikemo, umulimo wa kumuntu uwaishibisha. ³²Ukacikobeke pa ncenshi shine isha cimuti ca mushika icaku subwako na golide. Ishi ncenshi shikakwate ne filobo ifya golide ifya kubika pafishinte fine ifya Silfere. ³³Ukacikobeke icisalu mutw ku kofyamo, elo ukalete ne mbokoshi ya cipangano. Icisalu ca kulekanya kucipinda ca mushilo ukufuma kucipinda ca mushilo sana.³⁴Ufwile ukabikepo inkupiko pa mbokoshi ya cipangano, lili ku cipinda ca mushilo sana. ³⁵Ufiwile ukabike itebulo kunse ya cisalu. Ukabike ica kubikapo ilampi ukulelolenkana ne tebulo kukapinda kakukuso aka cakwikalamo. Ne tebulo likabele kukapinda kakukulyo.³⁶Ufwile ukapange ica kukobeka pamwinshi we tenti. Uka cipange ica makumbi makumbi, icakashika, ica masako ya mpaanga elo icabekesha, ku waishiba ukupikula. ³⁷Ku cakukobekapo, ukapange inceshi shisano isha cimuti ca mushita elo uka shingeko golide. Ifilobo fya fiko fikalekuba ifya golide, elo ukafisubilko ne fishinte fya mukuba fisano.

¹Ukapange ubulambo bwa fimuti fya akasia, cikalepe amakubiti yasano elo na mu bwipi ama kubiti yasano. Ubulambo bufwile bwalingana mu bwipi na mubutali elo ukulola mu mulu bufwile ukuba amakubiti yatatu. ²Ukalundeko mumbali shonse isha bulambo shine ishatwa kwati ni nsango. Insango shikabe icintu cimofye no bulambo, elo ukafimbeko umukuba.³Ufwile ukupanga ifipe fya kubomfya: inongo shakukushilamo imito, elo nama fosholo, ifya kusambilapo,ifya kutunkwilako elo nefya kubikapo umulilo. Ufwile ukupanga ifi fyonse ifya kubomfya ku mukuba. Ukapange icapikulwa ica fipunda ku bulambo ica mukuba. ⁴Ukapange na imikobelo yamukuba ine iya kwikatisha ubulambo.⁵ukabike ica pikulwa ica fipunda mwisamba panembenembe ya bulambo, cikafike akati kesamba. ⁶Ukapange ne fimuti ifya bulambo, ifimuti ifya akasia, elo ufwile ukufimbako umukuba.⁷ifimuti ukafibike mu fipunda, elo kabili ifimut fifwile ukuba kumbali shibili isha bulambo, pa kusenda. ⁸Ufwile ukupanga ubulambo ubwisuka pa mulu, ukufuma ku mbao. Ufwile ukupanga mu musango bakulangilamo pa lupili.⁹Ufwile ukapange ulupango ulwa kwi tenti. Kufwile kukabe ukufimbako kulupango lubali lwa kukapinda ka kulyo, ifyakufimbako fikabe insalu ishisuma ishabuta shikabe ama ubiti umwanda umo mubutali. ¹⁰Ifimuti fya kwimika fikabe amakumiyabili, elyo ne fya kwimikamo nafyo amakumi yabili ifya mukuba. Kufwile kwaba ne fyakwikatisha ku fya kwimika pamopenefye no tu fyela twa silva.¹¹Munshila mwine, ukulola ku kapinda akukuso kumbali, kufwile kwaba ifya kukobeka amakubiti u mwanda umo mubutali pamopene ne fya kwimikilako ifili amakumi yabili, nefya kwimikilako amakumi yabili ifya mukuba, ne fya kwikatisha ku fimuti, elo no tufyela utwa silva. ¹²Ukulola ku masamba lwa lupango ku fwile kwaba insalu ihalepa amakubiti amakumi yasano. kufwile kwaba ifimuti fya kwimika amakumi yabili elo ne fya kwimikamo. ¹³Ulupango lufwile lwaba amakubiti amakumi yasono mu butali ukulola ku kabanga.¹⁴Ifya kukobeka lubali ukwakwingila lufwile ukulepa ama kubiti ikumi limo na yasano. Fifwile ukukwata ifimuti fyakwimika fitatu elo ne fya kwimikamo nafyo fitatu. ¹⁵No lubali lumbi nalo lufwile ukukwata ifya kukobeka ifilepele amakubiti ikumi limo na yasano. Lufwile lwakwata ifimuti fya kwimika fitatu elo ne fya kwimikamo nafyo fitatu. ¹⁶Pa mwinshi wa lupango napo pafwile paba insalu ishilepele amakubiti amakumi yabili. Insalu shifwile ukuba isha cifufya, ica kashikila, elo shifwile ukupangwa isha busaka ishisuma, ukubomba ukwa muntu uwa cenjela ukupikula. Ufwile ukukwata ifya kwimika fine elo ne fya kwimikamo nafyo fine.¹⁷Ifya kwimika ifya lupango fifwile ukukwata utushimbi utwa siliva, elo ifya panshi ifya mukuba. ¹⁸Ubutali bwa lupango lufwile ukuba ama kubiti umwanda umo, elo mu bwipi ama kubiti umwanda umo, elo mubwipi ama kubiti amakumi yasano, elo ukulola mumulu ama kubiti yasano ne nsalu isha kufimbako ishisuma ishapikulwa, elo ne fya kwiminikamo ifya mukuba. ¹⁹Ifipe fyonse ifya kubomfya mwi tenti, elo ne fya kwikatisha kwi tenti elo na kulupango fikabe ifya mukuba²⁰Ufwile ukupela icipope ku bena Isreali ukuleta amafuta ya miolife, ayasuma elo no kubika, mufisamiko pakuti fikeakafye ukutwalilila. ²¹Mwi tenti lya kukumaninamo, kunse ya nsalu ishili ku ntanshi ye tenti iya cipangano ca mbokoshi, Aaroni na bana bakwe abaume bakabike ifisamiko fikale yaka pa cinso cakwa Yaweh, ukufuma icungulo ukufika ulucelo. Ici cipope ico bali no kulacita umuyayaya ku nkulo ne nkulo ya bana bakwa Isreali.

¹Nokuikutila Aroni wenu elo nabana baume_ Nadab, Abihu, Eleazar na ltamar_ mukati ka bena isreali pakwebati bakale kumombela umulimo wabu shimapepo. ²Webo ukaye kupangila Aroni, wenu, imingila ishabikilwa uku patulwa kuli nebo. Iyi imingila ikaba iya kucindamika elo no lulumbi. ³Webo ukaye kulanda ku bantu bonse abacenjela mumitima yabo, abo njile kubikamo umupashi wamano, pakweba ati bengaya kupangila Aroni imingila ukuya kumu patulako ukumbola nga shi mapepo wandi.⁴Imingila iyo bafwile ukupanga ya matumba yakulekufwala pa cifuba, efode, ilaya ilitali ilya pikulwa bune bune, insalu yakula upomba ku mutwe na lamba ya nsalu.Balingile bapanga ihsi imingila iya patulwa kuli nebo. Pantu shikaba shakwa wenu Aroni na bana bakwe abaume pakuti bakalembombela umulimo wabu shi mapepo. ⁵Abacenjela muli uyo mulimo bafwile baka bomfye ubushishi ubwa golide,ubwacifufya, icakukashika, ne cakukashika nganshi.⁶Bafwile ukupanga efode wa golide, ififufya, elo ubwakashika nganshi na insalu iya mafufu iyapikulwa ubune. ku muntu uwa cenjela nganshi ukupikula. ⁷Cifwile caba ne mikobelo kumpela shibili iyakupisha pamabeya pakucikaka. ⁸Uwa pikulwa bwino umushipi wa mumusana ufwile waba kwati ni efode uwalukwa kubushishi bwa golide, ubwa citufya, icakashika, ne ca kashika cee. ⁹Webo ukaye kubulapo amabwe yabili aya onikisi elo ukembululepo amashina ya bana baume bakwa isreali.¹⁰Amashina mutanda yalingile ukuba pa libwe limo, elo amashina mutanda yalingile ukuba pa libwe libiye, umwakonkanina ukufyalwa kwa bana baume. ¹¹Na imilimo yakwa kembulula wa muwibwe, nga filya fine uwakwimbulula palibwe, ufwile ukwimbulula amabwe yabili ukalembepo na shina ya bana bakwa israeli. ¹²Webo ukabikepo amabwe ayapikulwa na golide. Webo ukabule amabwe yabili ukabike pa mishipe yapa mapeya ya cakufwala ya pamulu yamwingila, yakabe mabwe yakwibukishishapo yahweh wabana bakwa israeli. Aaron akapita amashina yabo pa cinso cakwa yahweh pamabeya yakwe yabili ngecakumwibukishishako.¹³Webo ukapange utwapikulwa nawaya wa golide. ¹⁴Elo iminyololo ibili iya golide iyakukosa kwatifye mwando, elo webo ukaikake kutwapikulwa nawaya wa golide.¹⁵Webo ukabile itumba pacifuba cobe pantu elyakukwishibiko pakupingula imilandu, umuntu uwakucenjela ukupikula ewakapikle, itumba lifyile likabe nga epodi, uwabilwa kulushishi lwa golide, no lawakashika no lwakashika sana na insalu iyakubuta iyapikulwa ubusaka. ¹⁶tumba aba uwakulingana monse-monse. Webo tumba akalingane icisansa cimo monse-monse.¹⁷Webo ukabulepo amabwe mu misango ine iya mutengo.Amabwe yakubalilapo yalingile yakwata ruby, topas elo na bereli. ¹⁸Amabwe yakukonkapo yalingile yakwata ameradi, safile elo na dayamonde. ¹⁹Amabwe yakulenga butatu yalingile yakwata yasinti, agete elo na amefesiti. ²⁰Amabwe yakulenga bune yalingile yakwata kilisalite, elo onikisi elo na yasipeli. Ayo mabwe yakabikweko no twalukwa na waya wa golie.²¹Amabwe yalingilwe ukutantamina umwakonkanina amashina yakuli b mwana Israeli. Pakabikwe kubati cifwatiko pali cila libwe pakabe ishina pakwimininako umushobo umo wamumishobo ikumi limo na ibili [12] . ²²Webo ukapangepo itumba lya pa cifuba ilya golide wine-wine ukapyatepo kwati mwando, ²³Webo ukapangepo imikobelo ibili iya golide ukekatisheko kumpela shonse shibili isha pe tumba lya pa cifuba. ²⁴Webo ukakakile utumyando twa golide kufifutu fibili ifya pali tumba wa pa cifuba.²⁵Ufwile wasuntinkanya impela iyimbi ku tuminyololo tubili kukubika kubili. Eluntu ufwile ukusuntinkanya ku mabeya ya efodi ku ntanshi ya ciko. ²⁶Ufwile wapanga imikobele shiibili isha golide, elo ufwile wafibika ku fifutu fimbi fibili ifya cela, kulutwe ulukonkepo mukati.²⁷Ufwile ukapange naimbi imikobele iyibili iya golide, elo ufwile waisuntinkanya panshi ya tupimya tubili utwa mabeya ku ntanshi ya efodi, ukesale mupepi na pamulu-apalundinkanina umushipi wa efodi. ²⁸Bafwile bakaka imikobelo ye tumba ku tumikobelo kutumikobelo twa efodi no mwando wa makumbi makumbi, pakweba ati cingekata pamulufye wa mushipi wa efodi. Ici nipakuti batumba tabekete kuli efodi.²⁹Uluntu Aaroni aya mu ncende ya mushilo, afwile asenda amashina ya bana baume bakwa Israeli mu mutima wakwe muli batumba pabusalo ubo akopanga, ngecibukisho cakukonkanyapo ku cinso cakwa Yahweh. ³⁰Ufwile ukabike Urimu elo Tumimu muli tumba pabusalo akopanga, eico bafwile baba mu mutima wakwa Aaroni ngaingila ku cinso cakwa Yahweh. Eico Aaroni akulasenda lyonse icili conse pakupanga ubusalo pa banu bakwa Israeli mu mutima wakwe ku cinso cakwa Yahweh.³¹Ukapange umwingila wa efodi uwa makumbi makumbi konsefye. ³²Cifwile cakwata ukwakwiswila kwa mutwe pakati. Apakwiswila pafwile pakakwate ulutwe lwakosa ulwashinguluka pakweba ati tacilepwike. Uyu mulimo ufwile waba mulimo wawa ishibisha.³³Panshi ya mwingila, ufwile ukapange pomegalete wa makumbi makumbi, ubwakashikila, elo no bwakashika ce ukushinguluka. Tubelu twa golide tufwile twaba pakati kafiko fyonse ukushinguluka. ³⁴Pafwile paba ka belu ka golide elo na pomagalete, ka belu ka kubeka elo na pomagalete-elo na fimbipo-fyonse ukushinguluka umwingila. ³⁵Umwingila ufwile waba wakwa Aaroni uluntu akobomba, pakweba ati iciunda caciko cingofwika uluntu akoya mu ncende ya mushiloku cinsocaka Yahweh elo uluntu afuma. Ici nipakweba ati tafwile.³⁶Ufwile ukupanga imbale ya golide wapwililika ukafukilepo, ngo kufukila ifilembo pa cifwatiko ati, ''Umushilo kuli Yahweh.'' ³⁷Ufwile ukusuntinkanya iyi mbale ku nsalu ya makumbi makumbi ku ntanshi ya tabani. ³⁸Cifwile ukuba pa mpumi yakwa Aaroni; afwile lyonse asenda umulandu uyo uwingasuntinkana ku mutulo uwafyabupe fya mushilo uo abena Israeli bafumishapo kuli Yahweh. Tabani afwile lyonse ukuba pa mpumi yakwe pakweba ati Yahweh engasumina ifyabupe fyabo.³⁹Ufwile ukupange icoti lya kubuta ubusaka, elo ufwile ukapange Tabani uwakubuta ubusaka. Kabili ufwile ukupange sashi, umulimo wa wacenjela nganshi.⁴⁰Pa bana baume bakwa Aaroni ufwile ukubapangila amakoti, ba sashi, elo ne mishipi yakumitwe pakubacindi elo no kuyemba. ⁴¹Ufwile ukufwika Aroni ndume yobe, elo na bana baume bakwe na ye. Ufwile ukabasube amafuta, elo nokubapela bushimapepo, elo nokubatwilako kuli nebo, pakweba ati bengambombela nga bashimapepo.⁴²Ufwile ukabapangile utuputula twabo utwamukati ku kufimba ubwamba bwabo, ico icikalabafimba ukufuma ku misana ukufika ku matanta yabo. ⁴³Aaroni elo na bana baume bakwe bafwile bafwala utu tuputula uluntu baingila mwi tenti lyakukumaninamo nangu uluntu bapalamina ku bulambo ku kubomba mu ncende ya mushilo. Bafwile ukucita icipakweba ati tabakwate umulandu nangu ngateifyo kuti bafwa. Ili lifunde lyakubelela pali Aaroni elo na bana bakesa kwisa panuma yakwe.

¹Nomba ifi efyo ulinile ukucita paku basangulula pakuti babombe umlimo wa bu shimapepo kuli nebo. Ukabule iciponti ca ng'ombe elo na balume ba mpanga babili ababulamo ubwafya. ²Umukate uwabulamu ifya kututumusha, elo na utumikate utunono utwabula ukusankanishiwamo nefya kututumuna utwasankanamo na amafuta. kabili uka bule wefa iyabulamo ifyakututumusha ukashingeko na amafuta. Ukapange wefa ukubomfya ubunga ubwapeleka ubwa ngano.³Ufwile ukubika mu museke umo, no kufileta mu museke, no kufipela pamo ne ciponti ca ng'ombe na balume ba mpanga babili. ⁴Ukalete Aaroni na bana bakwe abaume pa mwinshi we tenti lyaku kumaninamo. Ufwile ukusamba Aaroni na bana bakwe abaume mu menshi.⁵Ukabule ifyakufwala no kufwika Aaroni umukansu, ne nsalu iitali iya kukaka pali efodi, efodi, elo na tumba wapa cifuba, ukamukake mu musana na insalu iitali iya efodi. ⁶Ukamukake ne nsalu ukushinguluka umutwe wakwe elo ukabikepo ne cishibilo ca mushilo. ⁷Elo ukabule na mafuta ya kumusuba no kumwitila pa mutwe wakwe elo muli iyi nshila no kumusuba.⁸Ukalete na bana bakwe abaume no kubafwika imikansu. ⁹Ukafwike Aaroni na bana bakwe abume amalamba elo ukabapombe ne nsalu ku mitwe yabo. Ukubomba bushi mapepo kulibo kukaba umuyayaya ukukonka ne funde. Muli iyi nshila emo ukapelela Aaroni na bana bakwe abaume bushimapepo kulibo ukuti bamombele.¹⁰Ufwile ukuleta ici ponti ca ng'ombe pa ntanshi ye tenti lyaku kumaninamo, elo Aaroni na bana bakwe abaume bakatambike amaboko amaboko yabo pa mutwe wa ci ponti. ¹¹Ufwile ukwipaya ici ponti ca ng'ombe pa cinso cakwa Yaweh pa mwinshi we tenti lyaku kumaninamo.¹²Ufwile ukubulapo umulopa umo elo no kubika pa nsango sha bulambo no munwe, elo uketulwile umbi umulopa uukashalapo panshi ya cipailo. ¹³Ufwile ukubula amafuta yonse ayafimba mufya munda fyonse, elo kabili uka bule ififimba kwi libu elo nemfyo shibili pamopene na mafuta ayali kuli fyena: ukafyoce fyonse pa bulambo. ¹⁴Lelo umubili wa ci ponti ca ng'ombe, pamopene ne nkanda yaciko elo na mafi, ufwile ukufyocela kunse ya nsakwe.Ukesa kuba mutulo wapa lubembu.¹⁵Ufwile ukubula umulume wa mpanga umo, elo Aaroni na bana baume bakwe bafwile ukutambika amaboko yabo pa mutwe wa mpaanga. ¹⁶Ufwile ukwipaya umulume wa mpaanga, elo ukabule umulopa no kukana kumbali shonse isha bulambo. ¹⁷Ukakomaule umulume wa mpanga mutu pimfya tupimfya elo no ku samfya ifya mukati na molu, elo ukabule ifya mukati pamopene no tupimfya elo no mutwe, ¹⁸ukabike pa bulambo. Elo ukoce umulume wa mpaanga onsefye. ici cikesa kuba lilambo lyakoca kuli Yaweh.¹⁹Elo ukabule umulume wa mpanga na umbi, elo Aaroni na bana bakwe abaume bafwile bafwile ukutambalika amaboko yabo pa mutwe wa mpanga. ²⁰Elo ufwile ukwipaya umulume wa mpaanga elo ukabulepo umulopa umo. Ukabike pakalebelebe ka kutwi kwa kulyo ukwakwa Aaroni, elo nap tulebelebe utwa matwi yaku kulyo ya bana bakwe abaume, napa fikumo fyabo ifya ku kulyo kwabo, napa fikondo ifyabo ifikulu ifya ku makasa yabo aya ku kulyo. Elo ufwile ukukana umulopa ku bulambo mu mbali shonse.²¹Ufwile ukubulapo umulopa umo uuli pa bulambo elo na mafuta ya kusuba, no kusansa yonsefye pali Aaroni elo na ku fya kufwala fyakwe, elo kabili na pa bana bakwe abaume elo na kufya kufwala fyabo. Aaroni ninshi apelwa kuline, pamopenefye ne fyakufwala fyakwe, pamo na bana bakwe ukubikapofye ne fya kufwala fyabo.²²Ukabule amafuta ya mpaanga iilume, amafuta yalya aya fimba ifya mukati, ifiimba pe libu, imfyo shibili elo na mafuta ayaliko, elo ne tanta lya kukulyo iyi mpaanga iilume ya ba shimapepo kuku shila kuli nebo. ²³Ukabule umukate umo, na kamukat akapangwa pamo na mafuta, elo na wefa umo kufuma mu museke wa mikate iisha tutumuka ifili ku cinso cakwa Yaweh.²⁴Ukabike ifi mu minwe ya kwa Aaroni elo na muminwe ya bana bakwe abaume elo no kufitambika pa cinso candi ngo mutulo wakutambika pa cinso cakwa Yaweh. ²⁵Elo ukabule ifyakulya ukufuma muminwe yabo elo no kufyoca pa bulambo pamo no mutulo wa koca. Fikesa ku pela icena cisuma kuli nebo: ukesa kuba mutulo uupangilwe no mulilo kuli nebo.²⁶Ukabule ica pacifuba ica ku mpaanga iilume iya kupelelapo Aaroni kuli Lesa no kutambika mumulu pa cinso cakwa Yaweh nge cabupe ca kutambika, elo cikesa kuba icakaniko cobe. ²⁷Ukashishe kuli nebo ica pacifuba umutulo wakutambika iyo uutambikilwe kuli nebo, elo ne tanta nga ica musangulo kuli bashi mapepo_ fyonse fibili icapacifuba icatambikilwe elo ne tanta ilya sangwilwe ifya kwa Aaroni na bana bakwe abaume. ²⁸Ici cikesakuba icakaniko cabo ica munshiku shonse kuli Aaroni na bana bakwe abaume. Cikaba mu nsangulo ukufuma ku bana bakwa isreali ukupela kuli Yaweh ukufuma kufipande fya mutulo.²⁹Ifya kufwala fya nushilo ifya kwa Aaroni fikalekupelwa ku bufyashi bwakwe panuma nga afwa fikalekusubwa elo no ku pelelapo bushi mapepo. ³⁰Shimapepo uwa mupyana pali bushi mapepo ukufuma mu bana bakwe, uwaisa mwi tenti lya ku kumaninamo mukumombela mu ncende ya mushilo, ufwile ukufwala ifyo ifyakufwala pa nshiku cine lubali.³¹Ufwile ukubula impaanga iilume iya kupelelapo bushi mapepo kuli nebo elo no kwipika inama yauko mu ncende ya mushilo. ³²Aaroni na bana bakwe abaume bafwile ukulya inama ya mpaanga iilume elo no mukate ifili mu museke pa mwinshi wa kwingila mwitenti. ³³Bafwile ukulya inama no ukate ifyo ifyapelwe pa kuba bwesesha elo no kubasuba, pakupelwa kuli nebo. Takufwile nangula umo uufwile ukulyako ifyo fyakulya , pantu fyena fya mushilo kuli nebo. ³⁴Nga cakuti inama iili yonse iya bupe bwa busubo, nangu umukate uuli onse,ifya shalapo ukufika ulucelo, mufwile uku fyoca. Tafifwile ukuliwa pantu fyena fyalipelwe kuli nebo.³⁵Muli iinshila mukukonka kufyo nkukonkomeshe kuli mwe ifya kucita, efyo mufwile ukucita kuli Aaroni na bana bakwe abaume. Panshiku cine lubali ufwile ukubapekanya. ³⁶Cila bushiku ufwile ukutula iciponti ca ng'ombe nge ca bupe ca kubwesesha pa lubembu. Ufwile ukuwamya ubulambo pa kupanga ica bupe, elo ufwile ukusuba ubulambo paku bupela kuli nebo. ³⁷Pa nshiku cine lubali ufwile ukupela ubulambo bwakubwesesha ubwa bulambo elo no kubupela kuli Yaweh. Elo ubulambo buli no kupelwa kuli nebo umupwilapo. Na conse ica kumyako ku bulambo cikapelwa kuli Yaweh.³⁸Inshita yonse ukaletula pa bulambo abana ba mpaanga babili aba mwaka umo cila bushiku. ³⁹Umwana wa mpaanga umo ukale tula ulucelo, elo umbi nao ukaletula pa kuwa kwa kasuba.⁴⁰Ku mwana wa mpaanga uwakubalilapo, ukatulile pamo ne capekumi ica efa wa bunga bwa fulaulo ubwa sankanishiwamo ne cipande icalenga cine ica hini ya mafuta ya miolifi aya suswa,elo ne cipande calenga bune ica hini wa mwangashi nga ica bupe ca kunwa.⁴¹Ufwile ukutula umwana wa mpaanga pa nshita ya kuwa kwa kasuba uwa bubili. Ufwile ukutula umutulo wa ca bunga munshila imoine ngo lucelo, elo no mutulo wa ca kunwa. Ici cikesa kupela icena ica bune kuli nebo no mulilo; ⁴²Uyu mutulo wa ca koca ufwile ukutwalilila ku nkulo ne nkulo, pa mwinshi we tenti lya kuku maninamo ku cinso cakwa Yaweh, uko uko nkamikumanya no kulanda na mwebo ukokwine.⁴³Uko eko nkakumanya abena isreali; itenti likapelwa kuli nebo no bukata bwandi. ⁴⁴Itenti lya kukumaninamo likapelwa no ku shishiwa kuli nebo napamo pene no bulambo fikaba fyandi neka. Kabili ukashishe Aaroni na bana bakwe abume ukweba ati bakalemombela nga bashimapepo.⁴⁵Nkalekwikala pa kati ka bena Isreali elo nkaba Lesa wabo. ⁴⁶Bakesakwishiba ukwebati ninebo Yaweh, Lesa wabo, uwaba fumishe mu calo ca Egypto pakwebati ni ngekala pa kati kabo. Ninebo Yaweh,Lesa wabo.

¹Ukapange ubulambo ulwakocelapo ulubani. Ufwile ukupangila ne cimuti ca akasia. ²Ubutali bwabuko bufwile ukuba kubiti umo, elo mubwipi namo kubiti umo. Bufwile ukuba ubwalingana monse monse, elo ukulola mu mulu bu fwile ukuba amakubiti yabili. Insengo shaku bulambo shikapangwe ne cipimfya cimofye.³Ukafimbeko ku bulambo na golide wine wine_ pa mulu wa bulambo, na mumbali, elo na kunsengo sha bulambo. Ukapangileko no mushipi wa golide ukushinguluka. ⁴Ukapange nama lingi yabili aya golide yakakobekwe ku mushipi pe samba ku mbali shibili. Amalingi yafwile yakwata umwakukoba ifimuti pa kusenda ubulambo.⁵Ufwile ukupanga ifimuti fya kusendelako ukufuma ku cimuti ca akasia, elo ufwile ukufimbako na golide. ⁶Ufwile ukubika ubulambo bwa kocelapo pa ntanshi ya nsalu ishili ku mbokoshi ya bunte. Cikesakuba pa ntanshi ya nkupiko ya kufutilwapo imembu iili pa mulu wa mbokoshi ya bunte, uko uko nkesa kumikumanya.⁷Aaroni akaleoca ububani ubununka ubunne lyonse ulucelo. Afwile ukoca ilyo awamya amalaiti, ⁸elo kabili Aaroni akaleyasha amalaiti mu cungulo pakuti ububani ubununka ubune bukaleocewa lyonse pa cinso cakwa Yaweh, ku nkulo shenu shonse. ⁹Lelo mwikatala amocelapo ububani ubuli bonse pa bulambo bwa kocelapo icena cinunka ubune, nangula umutulo wa koca nangu umutulo wa bunga. Tekwesha ukwitilapo umutulo waca kunwa.¹⁰Aaroni akalekufutilwa pa nsango umuku umo cila mwaka. Pamo no mulopa uwa bupe bwa lubembu akale cita umuku umo ukufutilwa kwa lubembu cila mwaka ku nkulo ne nkulo. Cintu capelwa mumu shishi wa kuli Yaweh.''¹¹Elo Yaweh aishile kusosa kuli Mose, ukulanda ukuti,'' ¹²Ulo ukapenda abena Isreali, elo cila muntu afwile ukupela icifuta mulandu pa mweo wakwe kuli Yaweh. Ufwile ukucita ifi panuma ulo wa bapenda. ¹³Cila umo uwapendwa afwile ukupela citika wa shekeli, mukukonka no kufina kwa shekeli wa mucifulo ca mushilo. Uyu citika wa shekeli akaba mutulo wa kuli Yaweh. ¹⁴Cila umo uwapendwa, ukutampila pamyaka ama kumi yabili ukuya pa mula, afwile ukupela uyu mutulo kuli nebo.¹⁵Uluntu abantu bapele uyu umutulo kuli nebo kukufuta pa mulandu wa myeo yabo, abakankala tabafwile ukupela ukucila pali citika wa shekeli, elo abapina nabo tabafwile ukupela utunono. ¹⁶Ufwile ukupoka ishi indalama sha mufuto ku bena Isreali elo ufwile ukushitwala ku mulimo we tenti lya ku kumaninamo. Cifwile ukuba icibukisho ku bena Isreali pa cinso candi, ukuba icifuta mulandu pa myeo yabo.''¹⁷Elo Yaweh aishilekulanda kuli Mose, atile, ¹⁸''Ufwile ukupanga icakusambilamo icikulu ica mukuba kumo kwine ne cakubikapo ica mukuba, ica kusambilapo. Ufwile ukubika pakati ke tenti lyaku kumaninamo elo no bulambo, elo ufwile ukubikamo na menshi.¹⁹Aaroni elo na bana bakwe abaume bafwile ukusamba amaboko elo na makasa yabo mu menshi ayalimo. ²⁰Uluntu baya mwi tenti lya kukumaninamo nangula uluntu baba mupepi no bulambo ku kumombela ku koca umutulo, bafwile basamba na menshi pakuti ta bafwile. ²¹Bafwile ukusamba amaboko elyo na makasa yabo pakuti tabafwile. Ili lifwile ukuba ifunde lya kubelelela kuli Aaroni no bufyashi bwakwe ku nkulo ne nkulo ya bantu bakwe.''²²Elo Yaweh alandile kuli mose, ukulanda ati, ²³'' Bula ifi ifnunka icena ca bune: imyand isano iya ma shekeli uwa muri uulekonkoloka, ama shekeli imyanda ibili na makumi yasano iya cena cinunka ubune ica kinamoni, imyanda ibili na makumi yasano ama shekeli ya cena icinunka uwa kane, ²⁴imyanda isano iya ma shekeli ya kasia, icipimo ica linga no kufinaa kwama aya umwashila, elo na hini umo uwa mafuta ya olifi. ²⁵Ufwile ukupanga amfuta ya busubo ukufuma kuli ifyo, ukubomba kwa waishiba ukusankanya ifinunka ubune. Yakaba mafuta ya busubo aya mushilo, ayapelwa kuli nebo.²⁶Ufwile kusuba itenti lya ku kumaninamo nayo mafuta, pamopene ne mbokoshi ya bunte, ²⁷itebulo elyo nefi bomfiwa pa tebulo, apa kubika amalaiti elo ne fisobelesho fya fiko, no bulambo bwa kocelapo ububani, ²⁸Ubulambo bwa kocelapo umutulo nefi sobelesho fyonse ifya bulambo, elo neca kusambilapo pamo ne ca kubikapo.²⁹Ukafisangulule pakuti fikabe ifya mushilo kuli nebo. Naconse na cinse icikakumyako cikaba ica mushilo. ³⁰Ufwile ukusuba Aaroni na bana bakwe abaume elo no kubashisha pakuti bakaleboma umulimo waba shimapepo kuli nebo. ³¹Ukesekulanda ku bena Isreali ukuti, Aya yakaba mafuta ya busubo aya shishiwa kuli Yaweh ku nkulo ne nkulo isha bantu bobe.³²Tayafwile uksubwa pa nkanda ya muntu, nangu ukupanga amafuta ayapalako mu musango umo wine, pantu yena yantu yashila kuli Yaweh. Nakuli mwebobene ya mushilo. ³³Uyo onse uwapanga amafuta aya kununkila nga aya, nangu ukusuba uuli onse, uyo muntu akatamfiwe ukufuma mu bantu bakwe.'''³⁴Yaweh aishile kulanda kuli Mose ati,'' Ukabule ifinunka icena cisuma_sitakite, onika elo na galibanumu_ ifyanunka ubune pamopenefye na fulankinsenshi iinunka ubune, cila imo icipimo cimocinefe. ³⁵Ukapange ububani ngo bwa koca, nga ubwa pangwa no muntu uwaishiba ifya kupanga, ukabikemo umucele, uwapwililika eo no kuushisha. ³⁶Ufwile ukufipela ubune no ku fisankanya. Ukabike fimo pali ifi ku ntanshi ya mbokoshi ya bunte, iili mwi tenti lya ku kumaninamo, uko uko nkalamukumanya mwebo. Ubu bubani bukaba ubwa mushilo kuli nebo.³⁷³⁸Kuli ubu ububani ubo ukapanga, taufwile ukupanga ububani mu musango umo wine ukuba uwenu. Bufwile ukuba ubwa shilisha kuli mwebo. Uyo onse uukapanga ifili fyonse ifya palako elo no kubomfya nge cena icinunka ubune afwile ukutamfiwa ukufuma mu bantu bakwe.''

¹Eluntu Yahweh alandile kuli Mose elo alandile ati, ²''Bona, Nebo ndipele ishina Bezale umwana mwaume wakwa Uri umwana mwaume wakwa Hur, ukufuma mu utundu wakwa Yuda.³Nebo nalimwisushamo Bezale umupadhi wandi, nokumupela ena amano, umucetekanya elo no kwishiba, ifya kupangapanga ifya misango yonse. ⁴Alishiba ukwelenganya ifintu ifya kupangapanga elo no kubumba golide, silvele, elo no mukuba, ⁵Nakabili nokuputula elo no kulonganika amabwe elo no kubasa ifimuti-no kucita ifya kupangapanga ifya misango yonse.⁶Mukulundapo kuli yee, nebo nalisontele Oholiab umwana mwaume wakwa Ahisamaka, ukufuma mu mutundu wakwa Dani. Nebo ndibikile ukucenjela mu mutima wa bonse abamano ukwebati bena bapange fyonse ifyo nebo nakonkomeshe webo. Icili conse ⁷itenti lya kukumaninamo, imbokoshi ya cipangano, ne cakutentekapo pa mbokoshi, elo na fyonse ifipe fya mwi tenti- ⁸itebulo elo ne fipe fyaliko, icakubikapo ifisaniko fya golide wine wine ne fibombelo fyaliko fyone, no bulambo bwa kocelapo ulubani, ⁹ubulambo bwa kocelapo ne fipe fyonse ifya, liko elo no musambilo uukalamba ne cakutentekapo.¹⁰Ici nakabili bakapikula insalu shicindami-insalu shikankala isha kwa Aaron shimapepo elo ne sha bana baume bakwe, bakulafwala nga balebomba umulimo wa bushimapepo. ¹¹nakabili ici ba kulasankanya amafuta ya kusuba elo ne cena cisuma mu ncende ya mushilo. Palifi fyonse bakapanga ukulingana no kucita fyonse nebo ifyo naba konkomeshe.''¹²Eluntu Yahweh alandile kuli Mose elo alandile ati, ¹³''Eba abena Israeli ati: 'Mwebofye mufwilefye mwasunga ubushiku bwa pa cibelushi bwakwa Yahweh, ifi fikaba cishibilo pakati kakwe elo na webo ukufikafye na kunkulo sha bantu bobe pakwebati, webo wishibe ukuti ena ni Yahweh, umwine uukakupatulako webo. ¹⁴Eico webo ufwile ukusunga icibelushi, ico ufwile ukulisunga bwino pantu lya mushilo, cisungilwe kuli yee. Uyo onse uwatoba afwilefye ukufwa. Na onsefye uubomba umulimo pa cibelushi uyo muntu afwile apatulwako ukufuma ku bantu bakwe. ¹⁵Mulebomba umulimo mu nshiku mutanda, lelo pa bushiku bwalenga cine lubali bwa cibelushi ubwakutushafye, bwa mushilo kuli Yahweh. Nga onsefye uwabombamo umulimo pa bushiku bwa cibelushi akafwa.¹⁶Eico abena Iraeli bafwile ukusunga ubushiku bwa cibelushi, bena bafwilefye balisunga ukufikafye na kunkulo sha bantu babo nge cipangano ca kubelelela. ¹⁷Icibelushi cikaba lyonse cishibilo pakati kakwa Yahweh elo na bena Israeli, Ico mubushiku bwalenga mutanda emo Yahweh ubumbile umulu ne sonde, elo pa bushiku bwalenga cine lubali ena alitushishemo no kupemwinamo.''¹⁸Uluntu Yahweh apwishishe ukulanda kuli Mose palupili lwa Sinai, amupele ifipampa fibili ifyapapatala ifya cipangano, ifyapangilwe ne libwe, apo Lesa alembele ku munwe wakwe.

¹Uluntu abantu babwene ukuti Mose akokola nganshi ukwika bwangu pa lupili, balilekulongana pamo kuli Aaron elo balandile kuli yee ati, ''Isa, tupangile icmpasho ca mulungu elo icikalatutungulula. Pantu ulu Mose, umuntu uyo uwatufunishe mu calo ca Egypto, tatwishibe icicitikile kuli yee.'' ²Eico Aaron alandile kuli bo ati, ''Koloboleni utumipeto twa golide ku bakashi benu ku matwi, elo na ku matwi yabana benu abaume elo na bana benu abanakashi, elo mulete kuli nebo.''³Bonse abantu epakufula imipeto iya golide iyo bakwete ku matwi yabo elo no kutwala kuli Aaron. ⁴Nao epakupoka imipeto ukufuma kuminwe yabo elo afibula no fyengulula ne cela ca cikombola elo no kubumbamo icakupalana ne ciponti camulungu wa ngombe. Eluntu balekupunda no kulalanda ati, ''Alale uyu emulungu obe, Israeli, uwakufumishe mu calo ca Egypto.''⁵Eluntu abwene ifi, alikulile ubulambo pantanshi ya ciponti ca ngombe elo abilile imbila alandile ati, ''Mailo kukaba inshikunkulu ya kusefya no kucindika Yahweh.'' ⁶Abantu bamu bushiku bwankonkelepo ulucelocelo balimine baleta amalambo ya koca batula ne mituulo elo ne mituulo ya kuba pamo. Eluntu baikele panshi no kulya elo no kunwa, elo eluntu baima no kwamba ukwangala bubibubi.⁷Eluntu Yahweh alandile kuli Mose, ''Kabuye bwangu bwangu, ku bantu bobe, abo wafumishe mu calo ca Egypto, pantu nabolungana abene. ⁸Baalifumineko bwangu bwangu munshila iyo nebo nabakonkomeseshemo. Balipangile icimpashanya ca ciponti ca ngombe elo balecipepa elo baletuula malambo kuli co. Balikulanda ati, ''utu etulesa tobe, isreali,uwakufumishe mucalo ca egypto.''⁹Eluntu Yahweh alandile kuli Mose ati, ''Nebo ndibamwene aba bantu, boneni, aba bantu bali ni bankosa mitwe. ¹⁰Nomba eluntu, ndinokubalanga ubukali bwandi. Nobukali bwandi bulepona pali bo, pakuti ni ngabalofya. Eluntu ndecita umushobo uukalamba ukufuma muli mwebo.'' ¹¹Lelo Mose apapatile nganshi kuli Yahweh Lesa wakwe. Alandile ati, ''Yahweh, cindo walafulilwa uyu musango nganshi pa bantu bobe, abo wafumishe mu calo ca Egypto kubukalamba bwa maka yobe elo na kukuboko kobe ukwamaka?¹²Cindo ebena Egypto teti balandile ati, 'Acitile amapange yabi kuli bo no kubafunya mu ca Egypto, nokubepaila mu mpili elo no kubonaula no kubafunya mu mpanga yonse pano calo?' Bwesha umutima obe ukufuma ku bukali bobe elo wileta ici icakukanda aba abantu bobe. ¹³Ibukisha Abraham, elo na Isaac, elo na Israeli, ababomfi bobe, abo walapilepo we mwine elo walandile kuli bo ati, ''Nebo nkalenga abamulupwa lobe ukusanda nganshi nge ntanda sha mu mulu, elo nebo nkapela abamulupwa lobe icalo nebo nalaile ukumipela mwebo. Bali no kucikwata abana benu umuyayaya.'' ¹⁴Uluntu Yahweh abweseshe umutima wakwe ukubafunya mu kukandwa uko alandile ati kubakanda aba bantu.¹⁵Eluntu Mose apilibukile elo aiciluka pa mulu walupili, ninshi nakwata ifipampa fibili ifya cipangano ca mafunde mu minwe yakwe, ifipampa fyalilembelwepo konse ku ntanshi na ku numa. ¹⁶Ifi ifipampa ni Lesa umwine wa fibashile, elo no kulembapo ni Lesa umwine ewalembelepo, ifibikile napa fipampa.¹⁷Uluntu Yoshua aumfwile icongo ca bantu ulo balikupunda, ena alandile kuli Mose ati, ''Muli icongo ca kulwa mu nkambi.'' ¹⁸Lelo Mose alandile ati, ''Ico tecongo ca kucimfya, elo teciunda ica bantu abacimfishe, lelo ciunda ca kwimba nebo ndeumfwa.''¹⁹Uluntu Mose apalamine ku nkambi, abwene iciponti ca ngombe elo na bantu balecinda, elo aishilekukalipa nganshi, aposele ne fipampa ifyo akwete mu minwe yakwe, elo fyatobaika no ku tobaikila mwisamba lya lupili. ²⁰Aishilekubula iciponti ca ngombe ico abantu babumbile, icoca no mulilo, acishonaula casangukafye ngolukungu, elo uputila mu menshi. Eluntu apele abantu bakwa Israeli ati nweni.²¹Eluntu Mose alandile kuli Aaron ati, ''Cindo ico aba bantu bakucitile, pakuti webo ulete ulubembu lwakula nganshi pali bo?'' ²²Aaron aishilekulanda ati, ''Ala wikalipa muli uyu musango, we shikulu wandi, walibeshiba aba bantu, ifyo baikala mukucita ifyabubifi. ²³Balandile kuli nebo ati, 'Tubumbile umulungu wesu uwakututangilila fwebo. Ulo uyu Mose, umuntu uwatufunishe mu calo ca Egypto, tatwishibe icicitike kuli yee.' ²⁴Eico nebo nalandile kuli bo ati, 'Uyo onse uukwete ifya golide, lekeni afifule; Bapele kuli nebo ifya golide elo nebo nafiposele mu mulilo, elo mwaishilekufuma iciponti ca ngmbe.''²⁵Mose abwene ukuti aba bantu balebutuka mukufulungana (pantu Aaron abalekele uku kanatungululwa, ukuleka abalwani babo ukubaseka). ²⁶Eluntu Mose ailekutalama pamwinshi wa mpongolo wa nkambi elo alandile ati, ''Uyo onsefye uuli kulubali lwakwa Yahweh, ese kuli nebo.'' Bonse abena Levi baishile kukolongana no ku mushinguluka. ²⁷Alandile kuli bo ati, ''Yahweh, Lesa wakwa Israeli, alilandile ukuti: 'Lekeni umwaume onse akake ulupanga mu musana no kushinguluka ku mwinshi ukufuma epo watampila ukufika nepo wapela mu nkabi yonse, elo epaye ndume yakwe, cibusa wakwe elo no mwina mupalamano wakwe.'''²⁸Bamwana Levi bacitile ifyo Mose abebele ukucita. Elo palibulya bushiku aba bantu baishilekufwa amakana yatatu(300). ²⁹Mose alandile kuli ba mwana Levi ati, ''Mwebo mwapatulwako kuli Yahweh lelo, pantu namuipela umulimo ukwipaya abana benu elo na ba ndume shenu, eico Yahweh wamaka namipela ipalo lelo.''³⁰Ubushiku bwakonkelepo Mose alandile ku bantu ati, ''Mwalicita ulubembu ulukalamba nganshi. Nomba nebo nalaya kuli Yahweh. Limbi kuti nayamipapatilako pa lubembu lwenu.'' ³¹Mose epakubwelelamo kuli Yahweh elo ayakulanda ati, ''Yangu, aba bantu balicita ulubembu ulukalamba nganshi elo balibumbile icilubi ca golide. ³²Lelo nomba, napapata babeleleniko uluse palubembu lwabo; lelo ngawakana, umfutemo mwibuku lyobe ilyo walemba.''³³Yahweh alandile kuli Mose ati, ''Uyo onsefye uwacitile ulubembu kuli nebo, uyo muntu nebo ndemufutamo mucitabo candi. ³⁴Eico nomba kabiye, utungulule abantu ku ncende iyo nebo nalandile kuli webo. Bona, malaika wandi akulakutungulula webo. Lelo pabushiku bulya ubo nkakanda bena, Nebo nkabakanda pa lubembu lwabo.'' ³⁵Yahweh aishilekuponya icinkunka pa bantu pamulandu wa kubumba iciponti ca ngombe, ico Aaron ubumbile.

¹Eluntu Yahweh aishilekulanda kuli Mose ati, ''Kabiye no kufuma mu ncende ino, webo elo na bantu bobe abo wafunishe mu calo ca Egypto. Kabiyeni ku calo uko nalapile kuli Abraham, kuli Isaac elo na kuli Yakobo, uluntu nebo nalandile ati, nebo nkapela aba mulupwa lwenu; ²Nebo nkatuma malaika ukumitangilila mwebo, elo nebo nkafunyamo abena Canani, abena Amoli, abena Hiti, abena Peresi, abena Hifi, elo na bena Yebushi. ³Kabiyeni ku calo ici, icitonya umukaka no buci, lelo nebo nshaye namwebo, pamulandu wakuti mwebo mulibantu abakosa imitima. Nebo kuti namyonawila munshila.''⁴Uluntu aba bantu baumfwile aya mashiwi yakutinya, balyambile ukulosha, elo takwali nangu umo uwafyele icakumubonekela ubune. ⁵Yahweh aishilekulanda kuli Mose ati, ''Landa ku bena Israeli ati, 'Mwebo muli bantu abakosa imitima.Ngacakwebati nebo naya namwebo mukashitafye akanono, nebo kuti naonaula mwebo. Eico nomba, fuleni ifyakuimwena ubune fyenu pakuti nebo mpingule ifyo mufwile ukucita mwebo.''' ⁶Eico abena Israeli balifulile ifyakuimwena ubune fyabo pa lupili lwa mi Horib ukufuma apo tabatalile abafwalapo.⁷Mose alipitile itenti elo alimikile kunse ya nkambi, eko asesesheko akatalamukila ukufuma ku nkambi. Alilinikile ati li tenti lya kukumaninamo. Onse uukofwaya ukwipusha kuli Yahweh ifili fyonse ali nokufuma kunse ya nkambi. ⁸Uluntu Mose alefuma ukuya kunse ukwali itenti bonse abantu balefuma no kutalama pa myenshi ya ma tenti yabo elo no kulolesha kuli Mose mpakafye aingila mwi mukati, ⁹Lilyalinefye Mose aingila mwi tenti, ikumbi lyaikila no kutalama pa mwinshi we tenti, elo Yahweh atampa ukulanda kuli Mose.¹⁰Lilyalinefye abantu bonse babona ikumbi lyakufitisha lyatalama pa mwinshi we tenti, baima elo batampa ukushinshimuna, cila muntu pamwinshi we tenti lyakwe. ¹¹Yahweh alikulanda kuli Mose ninshi nabaloshanya nankwe icinso ne cinso, ngafilya umuntu balanshanya na cibusa wakwe. Eluntu Mose abwelele ku nkambi, lelo umubomfi wakwe Yoshua umwana mwaume wakwa Nuni, umulumendo, ena alikushala mwi tenti.¹²Mose alandile kuli Yahweh ati, ''Bona, walandile kuli nebo ati, 'Senda aba bantu pa bulendo bwabo; lelo taunjebele no kwishiba uyo nebo tukaya nankwe. Webo walandile ati, 'Nebo walinjishiba ishina lyandi, elo walisanga ububile mu menso yandi.' ¹³Nomba ngandisangilwe uwabubile mu menso yobe, ndanga inshila shobe pakuti njishibe webo elo no kukonkanyapo ukusanga ububile mu menso yobe. Ibukisha ukuti uyu umushobo bantu bobe.''¹⁴Yahweh aishilekwasuka ati, ''Ukubapo kwandi kuleba na mwebo, elo nebo nkalemipela ukutusha.'' ¹⁵Mose alandile kuli yee ati, ''Ngacakuti ukusangwapo kobe takwabe nafwe, witufunyapo pancende ino. ¹⁶Nakucilisha, nkeshiba shani ukuti nalisanga ububile mu menso yobe, Nebo elo na bantu bobe? Kuti cawama ngacakuti webo waya na fwebo pakwebati nebo elo na bantu bobe twapusanako ku bantu bambi bonse ababa panwe sonde?''¹⁷Yahweh alandile kuli Mose ati, '' Nebo nakabili ndecita ici cintu ico webo wipwishe, pantu webo walisanga ububile mu menso yandi, elo nebo nalikwishiba ishina lyobe.''' ¹⁸Mose aishilekulanda ati, '''Napapata undange ubukata bobe.''¹⁹Yahweh aishilekulanda ati, ''Nebo nalakulanga ubusuma bwandi bonse bupite pa menso yobe, elo nebo ndebila ishina lyandi 'Yahweh' ku cinso cobe, nebo ndangulukila kuli uyo uo ndefwaya ukulangulukila, elo ndanga uluse kuli uyo uo ndefwaya ukulanga uluse.'' ²⁰Lelo Yahweh alandile ati, ''Tekuti ubone icinso candi, pantu uwingamona nebo elo aba no mweo.''²¹Yahweh aishilekulanda ati, ''Bona, pano pali incende mu pepi na nebo; uli no kutalama pali ili libwe. ²²Ulo ubukata bwandi bulepita apoli, nebo ndekubika mu lupako lwa libwe elo nkufimbe ukuboko kwandi mpakafye nkpite apoli. ²³Eluntu nebo ndeisafunyapo ukuboko kwandi, elo webo ubone inuma yandi, lelo icinso candi tawacibone.''

¹Yahweh alandile kuli Mose ati, ''Uputule ifipampa fibili ifya mabwe ngafilya wacitile ifya ntanshi. Nebo nkalembapo palifi fipampa amashiwi yamo yene ngayalya ayali pafipampa fya ntanshi, ifi pampa watobawile. ²Ukaipekanye mu bushiku bwa mailo ulucelo elo ukanine kulipili lwa Sinai, elo ukese kuli nebo palya pene pa mulu wa lupili.³Tecakwesha umuntu nangu umo ukwisakunina nobe. Wikaleka uuli onse ukumoneka pa lupili. Nefitekwa fine ifinono ne fikalamba fikalalilila mupepi no lupili.'' ⁴Eico Mose aputwile ifipampa fibili ifya mabwe nga filya acitile ifyantanshi, elo aimine ku maca ulucelo elo no kuyanina ku lupili lwa Sinai, nga fintu Yahweh amwebele. Mose alakete ifioampa fya mabwe mu minwe yakwe.⁵Yahweh aishilekwikila mwikumbi elo no kwisakwiminina na Mose kulya, elo aisakubilikisha ne shina ati nine ''Yahweh.'' ⁶Yahweh aishilekupita pa ntanshi yakwe elo mo kubilikisha ati, ''Yahweh, Yahwe, Lesa waluse elo no kusenamina, uushikalipa bwangu, elo uwakwata icitemwiko icishakapwe elo ndi wacishinka, ⁷nasunga icitemwiko cakutwalilila pa makana na makana, ukubabelela uluse pa mampulu yabo, bucisanguka, elo ne membu. Lelo nshilekafye bampula mafunde ukwabula ukukanda aba ma mpulu. Akaleta ukukandwa pa membu shaba shibo na pa bana babo elo na pa besgikulu babo, ukufika ku nkulo sha.''lenga butatu elo na bune.⁸Mose wangu bwangu afukama panshi pa mushili elo ashinshimuna. ⁹Eluntu alandile ati, ''Ngacakwebati nomba nebo ninsanga ububile mu menso yenu, mwe shikuli, napapata tuleyeni na fwebo, pantu aba bantu ni bankosa mitwe. Utubeleleko uluse pa mampulu yesu elo ne menbu shesu, elo utubuule nge fikwatwa fyobe.''¹⁰Yahweh alandile ati, ''Bona, nebo ndipakupanga icipangano. Pa menso ya bantu bobe bonse, nebo ndinokucita ifisungusho ifishatala aficitikapo mwi sonde lyonse nangu mu nko iili yonse. Abantu bonse pa kati kenu bali no kumona ificitwa fyandi, pantu fikaba fya kutinya ifyo nkacita na mwebo. ¹¹Mulebela ifipope ifyo nebo na mipela lelo. Nebo nkamifunishamo abena Amoli, abena Canani, abena Hiti, abena Perisiti, abena Hifi elo na bena Yebushi.¹²Mukabe abailuka mwebo mwikalacita icipangano na bakaya mu ncende muleyamo, epali limbi baba fiteyo fyenu. ¹³Lelo imwe mukabongolole amalambo yabo no kutobaula ifibumbili fyabo, elo no konaula umulungu wabo uwa Ashere. ¹⁴Pantu tamufwile ukulashinshimuna tu lesa tumbi, pantu Yahweh ishina lyakwe lya bufuba, ni Lesa wa bufuba.¹⁵Eico mukabe abailuka mwikalacita cipangano na bakaya ba mu calo cilya, pantu bacita bucilende ku tumilungu twabo, elo no kwipaila tu lesa twabo amalambo, Eluntu umo uwa pali bo akamita elo no kuyalyako fimo pafya malambo yabo, ¹⁶elo eluntu mukabulapo abana banakashi babo ku bana baume benu, elo abana banakashi babo bakalekucita ubupulumushi bwakupepa utumilungu twabo. ¹⁷Tekwesha ukulaipangila mwe bene utumilungu twa kwengelela ne fyela.¹⁸Mufwile ukusefya inshikunkulu sha mikate ya tutumuka. Ngafintu namikonkomesha, mwebo mufwile mulellya umukate uwabulamo icitutumushi pa nshiku cine lubali pa nshita yalingwa mu mweshi wakwa Abibu, pantu ni mu mweshi wakwa Abibu mwebo mwafumine mu Egypt.¹⁹Fyonse ifyaku tampilapo ukufyalwa fyandi, ne cilume conse icakutampilapo ukufyalwa ica mufitekwa, nangu cifumine ku ngombe nangu ku mpanga. ²⁰Mukalebula umwana wakwa punda uwakubalilapo ukufyalwa nge lambo, lelo ngacakwebati mwebo tamushitile cena ukubwela, eluntu mu kalikontola umukoshi. Mukabule amabeli yonse ayabana baume benu. Kwikaba nangufye umo uwakupalama ku cinso candi ne minwe nkutwa.²¹Mukalebomba mu nshiku mutanda, lelo mu bushiku bwalenga cine lubali mu kaletusha. Nangu ni munshita yakulima elo ne yakusombola mu kaletusha. ²²Mukalebona ubushiku bwa nshikunkulu ya mulungu wa kutampilapo ukutuula ifisabo mwasombola ifya kubalilapo, elo mu kalebona ubushiku bwa nshikunkulu ya kulonganika ifisabo fyenu pa kupwa kwa mwaka.²³Imiku itatu mu mwaka bonse sbsume benu bafwile ukwisa kumonekela pa cinso cakwa shikulu Yahweh, Lesa wakwa Israeli. ²⁴Pantu nebo nkamifunisha imishobo pa cinso cenu no kukusha imipaka yenu. Nangufye umo takakabile ukukwata icalo cenu ukuba icakwe uluntu mwebo mu kalaya mu kubonekele pa cinso cakwa Yahweh Lesa wenu imiku itatu mu mwaka.²⁵Wikalapela icilimo umulopa pe lambo nangula conse icilimo icitutumushi, Kabili wikalaleka icili conse icanama ukufuma pa bulambo bwa nshikunkulu ye pasaka cileshalafye palyapene ukwisa kufika ulucelo. ²⁶Ukalete ifisabo fyantanshi ifya bune ukufuma mu mabala yobe no kuleta ku nganda yandi. Wikalaipika akana ka mbushi ku mukaka wakwa nyina.''²⁷Yahweh aishilekulanda kuli Mose ati, '''Lemba aya mashiwi, pantu pali aya mashiwi nebo nimpanga icipangano nobe elo na Israeli.'' ²⁸Mose ikele kulya pamo na Yahweh inshiku amakumi yane akasuba elo no bushiku; ena talilepo icakulya icili conse nangu ukunwa amenshi ayali yonse. Aishile kulemba amashiwi pa fipampa fya cipangano, amafunde ikumi limo.²⁹Uluntu Mose aishile kutentemuka ukufuma pa lupili lwa Sinai ninshi alikwete ifipampa fibili ifya cipangano ca mafunde mu minwe yakwe, taishibile ukuti inkanda ya mpimi yakwe ili iya bengeshima pa mulandu wakuti walikulanda na Lesa. ³⁰Uluntu Aaron elo na bena Isareli ba bwene Mose, inkanda ya mpimi yakwa ili iya bengeshima elo baishile kukwata umwenso wakwisa kupalama kuli yee. ³¹Lelo Mose walibetile, elo Aaron ne ntungulushi shonse isha mu mushi shaishile kupalama kuliye. Eluntu Mose alandile kulibo ati.³²Panuma yaifi, abantu bonse aba bena Israeli baishile kwisa kuli Mose, elo ena abebele amafunde yonse amafunde Yahweh amupele pa lupili lwa Sinai. ³³Uluntu Mose apwishishe ukulanda kulibo, aishile kubula insalu no kufimba pa mpumi yakwe.³⁴Ulo lonse Mose aingila pa cinso cakwa Yahweh mu kulanda nae ena alefumyapo insalu, mpakafye afumamo. Uluntu elekufuma, ena alekweba abena Israeli ifyo ba mukonkomeshe. ³⁵Uluntu abena Israeli ba bona impumi yakwa Mose ikobeka, ena alekufimbapo insalu pa mpumi nakabili mpakafye na panshita yakuya mukulanda na Yahweh.

¹Mose alikolonganike ulukuta lonse ulwa bena Israeli elo no kulanda kuli bo ati, ''Ifi efintu ifyo Yahweh alenkonkomesha mwebo ukucita. ²Munshiku mutanda incito kuti ilebombwa, lelo kuli mwebo, ubushiku bwa cibelushi bukalekuba bushiku bwa mushilo, isabata lyakutusha ukwapwililika, ilyashila kuli Yahweh. Uyo onse uukalabomba pali ubu bushiku alingile ukumwipaya. ³Tamulingile kukosha mulilo mu mayanda yenu pa bushiku bwa pa cibelushi.''⁴Mose alandile kulukuta lonse ulwa bena Israeli, no kulanda ati, ''iciecintu ico Yahweh alekonkomesha. ⁵Yeni ukusendela Yahweh umutuulo, mwebo bonse abelekukwata umutima waku kabila. Yeni ukuleta umutuulo kuli Yahweh-golide, silfere,umukuba, ⁶ubushishi bwa cifufya ubwaya ukukashikila, elo no bwakukashika ce insalu ishaya ukubuta ubusaka; amasako ya mbushi; ⁷Impapa sh mpanga isho bayokubika mu muti uwakashika, impapa ishi suma ishatelela; ne mbao sha cimuti aca akasia; ⁸amafuta yakubomfya muca kusanikila umwakuyo ku pepela, nefya cena cisuma ifya kubika mu mafuta ya kusuba elo na mulubani ulwaya ukununka icena icisuma, ⁹amabwe ya onikisi elo na mabwe yambi ayayo kuluma umutengo aya kubika pa cakufwala capa mulu wa mwingila wa efodi elo napa ca kucinga icifuba.¹⁰Umuntu onse uwa cengela mukati kenu alingile ukwisa no kupanga conse ico Yahweh alekonkomesha- ¹¹icikulwa ca mushilo pamo ne hema lya ciko, ica kufimbapo caciko, utwakukofyamo twaciko, impanda, imyalo, incenshi elo no twa kwimikamo impanda; ¹²kabili imbokoshi yaci pangano, ne fimuti fyakulaipikilako ne caku tekapo ica mafuta elo ne nsalu yakuifimbapo.¹³Bailekuleta itebulo ne fimuti fya kulisendelapo, ifya kubomfya fyaliko fyonse, elo no mukate waku sangwa pa cinso cakwa Lesa; ¹⁴icakutekapo ica kusanika icakuya kutekapo icakupela ulubuuto, ulubuto lwa ciko, elo na mafuta yakwashisha; ¹⁵kabili ne cipailo cakocelapo ulubani ne fimuti fyaciko, amafuta ya busubo elo no lubani ulwanunka icena icisuma; ne nsalu yapa mwinshi wa kwingila mwi tenti; ¹⁶icipailo cakulilapo ifyakoca ne cakupikulwa ca ciko ica mukuba elo ne fimuti fyakupitilako nefibombelo fyaciko fyonse; elo napa kusambila apamukuba ne cakutekapo.¹⁷Bailekuleta insalu sha kubika ku lupango lwa lubansa pa mwinshi; ¹⁸elo nempopo sha mwi tenti lyakwa Lesa elo no lubansa, kumo ne ntambo shayako. ¹⁹Bailekuleta ifyakufwala ifyaya ukupikulwa bwino ifyakufwala pa kubomba mu ncende iyayo kushila, ifyakufwala ifyakwa Aaron shimapepo elo nabana bakwe abaume, pakwebati balebomba nga bashimapepo.''²⁰Eluntu imitundu shonse ishakwa Israeli shailekufuma pa cinso cakwa Mose. ²¹Kabili uyo onse uwaile kukuntikilwa elo neo umupashi wailekuipelesha waishile no kuleta umutuulo kuli Yahweh uwakupangila itenti, na fyonse ifyakuya kubano, elo ne fyakufwala fya mushilo. ²²Balekwisa, bonse abaume elo na banakashi umuntu onse uwakwete umutima uwakuipelesha. Balekuleta imipini, amasikiyo, inindaminwe elo ne fyakukobeka fyaba na mayo ifya golide. Bonse balekutuula ngo mutuulo waca kutambika ica golide kuli Yahweh.²³Kabili onse uwalekwata ubushishi bwa bulu, ubwakashikila, nangu ubwakolokondwe, insalu iyabusuma, amasako ya mbushi, imikupo yampanga iyo batumpika mufyakashika, ne mikupo ya nama iyawamishiwa baleleta. ²⁴Umuntu onse uwalaile ukutuula umutuulo wa silfere nangu umukuba afiletele kukuba umutuulo kuli Yahweh, no mutuulo onse uwaile kukwata icimuti ca akasiya ailekuleta mukubomfya ku mulimo onse.²⁵Kabili umwanakashi onse uwailekwishiba incito ailekupikula ku minwe yakwe elo aletele conse ico ailekupikula- ubushishi bwa bulu, nangu amasako ya mpanga ayayokutumpikwa mufyakashikila, nangu insalu shakashika ce, nangu insalu ishisuma. ²⁶Abanakashi bonse abo imitima yabo yaishibe ukubomba elo mulibena umwali ukwishiba ukubila bailekubila amasako ya mbushi.²⁷Intungulushi bailekuleta amabwe ya onikisi elo ne fintu nafimbi ifyakuya kubika pali efodi elo neca pacifuba; ²⁸bailekuleta ifye fungo elo na mafuta ya lubuto, amafuta ya busubo, elo ne fyacushi fyacena cisuma. ²⁹Abena Israeli bailekuleta umutuulo wa kuipelesha kuli Yahweh; umwaume onse no mwanakashi untu mutima wakwe wailekuipelesha aletele icintu icakuya kubomfya kuncito yonse intu Yahweh akonkomeshe ukupitila mumubomfi wakweMose ukwebati ingaya kubombwa.³⁰Mose alandile ku bena Israeli ati, ''Boneni, Yahweh aalitile peshina Bezalel umwana mwaume wakwa Huri, ukudfuma mumukowa wakwa Yuda. ³¹Aliswishe umupashi wakwe muli Bezalel, ukuya kumupela amano, umucetekanya, elo no kwishiba, na kumicitile yonse, ³²ne milimo yonse iyafyakupanga-panga elo na mumulimo wa golide, silfere, elo no mukuba; ³³no kulakuputula amabwe elo no kuyekasha elo no kulabasa ifimuti-mukubomba umulimo onse uwakupanga ifyakupanga-panga.³⁴Alilekubika mumutima wakwe amano ya kufunda, ene elo na Oholiab umwana mwaume wakwa Alisamak, ukuyakufuma mumukowa wakwa Dani. ³⁵Alilekwisusha mu mipashi yabo amanoyakucita umulimo uwalekana-lekana yonse, ukulabomba incito yonse iyakwa kabasa, no wakwakelenganya, no wakwakapikula kubwakafifi, na kubwakashikila, na kubwakashika ce, elo no bwakolokondwe, elo no mulimo wakwa kapikula, abayokucita umulimo onse, elo kabili abantu abapanga ifyakupanga-panga.

¹Efyo Bezalel na Oholiab elo no muntu onse uwaile kucenjela untu Yahweh ailekubikamo ukusalapuka elo na mano ayakucita umlimo onse uwakupanga incende ya mushilo balingile ukuya kubomba umulimo ukulingana nefyo Yahweh alekukonkomesha.²Mose aitile Bezalel, Oholiab, elo no muntu onse uwaile kucenjela uo mumano yakwe Yahweh ailekubikamo ukucenjela, elo neo umutima wailekufundaulwa mukati kakwe ukuya kwisa no kubomba umulimo. ³Bailekupokelela kuli Mose umutuulo onse untu abena Israeli balekuleta uwakukulila in'ganda ya mushilo. Abantu balekuleta imituulo yakuipelesha cila lucelo kuli Mose, ⁴eico balekwisa bonse abacenjela pa ncende ya mushilo mu kubomba umulimo untu balekubomba.⁵Bakabomba wa mulimo baile kweba Mose ati, ''Abantu bakoleta ifingi paficilile mukubomba umulimo uo Yahweh alekukonkomesha fwebo ukubomba,'' ⁶Eico Mose ailekukonkomesha ati takuli uuli onse munkambi uwakuleta imituulo nababili ishakupangila incende ya mushilo. Eluntu abantu bailekuleka ukuleta ifyabupeifi. ⁷Abantu balitwele ifintu ifyafulisha.⁸Eico bonse aba mitima ya mano mukati kabo bailekukula ing'anda ya mushilo nefipempe ikumi ifyailekupangilwa nakolokondwe umusuma elo no wakafifi,uwayokukashikila, elo no wayokukashika ce uwayokupikwamo bakerubi. Iyi yali ni ncito yalasa Bezalel kelenganya wine. ⁹Ubutali bwa cipempe bwali imikono amakumi yabili na cine konse-konse, mubwipi cailekuba imikono ine. Fyonse ifipempe fyailekuba umulingo umo wine. ¹⁰Bezalel wailekulundako ifipempe mutanda kuli cimo, elo ne fipempe nafimbi fisano nafyena wailekulundika kuli cimo na cimo.¹¹Ailekupanga utwakukofyamo utwabushishi bwakafifi kunse ya nembe-nembe pampela ya cipempe cimo, elo ailekucita cimo-cine kumpela yacipempe ca bubili. ¹²Ailekupanga utwkukofyamo amakumi yasano pacipempe cakubalilapo elo no twakukofyamo amakumi yasano panembe-nembe yampela ya cipempe ca cibili. Kabili utwakukofyamo twalile kuloshanya. ¹³Apangile utwakukofeshako utwa golide amakumi yasano no kuyakulundanya ifipempe pamo pakuti fiye kubafye itenti limo ilya pang'anda ya mushilo iyakwa Lesa.¹⁴Bezalel apangile ifipempe fya masako yambushi utwe tenti lya ng'anda ya mushilo; ailekupanga ikumi limo na limo ilya fipempe. ¹⁵Ukulepa kwa cilacipempe kwali imikono amakumi yatatu, elo no bwipi bwa cila cipempe bwailekuba imikono ine. Cila cipempe ikumi limo na cimo cailekuba icipimo cimo-cine. ¹⁶Ailekulundanya icipempe cimo ne cinankwe elo ifipempe mutanda ifyailekushalapo ailekulundanya kufinankwe. ¹⁷Ailekupanga nefipomponga amakumi yasano panembe-nembe ya cipempe cakubalilapo, kucayokwikatana, elo nefipomponge amakumi yasano kucakobenkana icalenga fibili.¹⁸Bezalel ailekupanga no twakukofyamo utwa mukuba utuli amakumi yasano utwakuya kulundanya itenti pakwebati lingaya kuba limo. ¹⁹Kabili ailekupanga icakufimba pe tenti ica mikupo yamwana wa mpanga ico batumpike mufyakashika, elo nacimbi icakuya kufimba pamulu icamikupo isuma.²⁰Bezalel ailekupanga amafulemu ayayokwiminina kufimuti fyamushita ayakuya kupangila itenti. ²¹Ubutali bwa cila fulemu bwailekuba umikono ikumi, elo no bwipi bwacila fulemu bwalekuba umukono umo nacitika. ²²Cila fulemu yalekukwata utwakushimpilako utwa fimuti tubili utwa kuyakulundanya imfulemu pamo. Efyo ailekucita kumfulemu shonse ishakupangila itenti. ²³Ailekupanga imfulemu she tenti muli iyi ine nshila; imfulemu amakumi yabila kukapinda kakukuso.²⁴Bezalel ailekupanga amashinte amakumi yane aya silfere ayakuyakuba panshi yamfulemu amakumi yabili. Kwali amashinte yabili panshi yanfulemu imo ayakuyakulundanya imfulemu pamo, elo kabili na mashinte yabili panshi yamfulemu nayambi ayakuyakulundanya imfulemu pamo. ²⁵Nakulubali lumbi ulwe tenti, ulwayokulola kukapinda kakukuso, ailekupanga imfulemu amakumi yabili ²⁶elo namashinte yayako amakumi yane aya silfere.Kwali amashinte yabili panshi yamfulemu imo, amashinte yabili panshi yamfulemu iyacibili,elo na fimbi.²⁷Nakunuma ye tenti ku masamba, Bezalel ailekupanga amafulemu mutanda. ²⁸Ailekupanga imfulemu shibili kufifutu fyententi kunuma.²⁹Ishimfulemu shalilekulekana panshi, lelo shalilingene kumulu ku mupeto wakubalilapo. Apangile imfulemu shibili munshila iyi ine iyafifutu fibili. ³⁰Kwailekuba imfulemu cinekonse-konse, namashinte yayako aya silfere. Kwailekuba amashinte ikumi limo na mutanda yonse pamo, amashinte yabili panshi yamfulemu yakubalilapo, namashinte yabili panshi yamfulemu yakonkapo, elo nayambi.³¹Bezalel ailekupanga ne mipindo ya cimuti camushita- isano iyamfulemu yalubali lumo ulwe tenti, ³²nemipindo isano ishamfulemu shalubali nalumbi ulwe tenti, elo ne mipindo isano iyamfulemu yakunuma yatenti kumasamba. ³³Kabili ailekupanga umupindo wapakati uwayokupulamo mukati kamfulemu, emukwebati, citika pamulu, ukuya kutula pampela nokuya kufika kumpela. ³⁴Ailekufimba imfulemu na golide. Ailekupanga imipeto na golide, pakuti fiyekubomba ngefyakwikatisha imipeto, elo ailekufimba imipeto na golide.³⁵Bezalel ailekupanga icipempe icakafifi, icakolokondwe, amasako ya mpanga aya bayokubika mufyakashikila, elo na yakashika ce, ne fimpashanya fyaba kerubi, umulimo wakwa kelenganya, ³⁶ailekupanga ifipempe ifyaimikwa fine ifyacimuti camushita, elo ailekufimba na golide. Kabili ailekupanga utwakukofyamo utwa golide utwafyaimikwa, bailekwengelela kuli fyo na mashinte yane aya silfere.³⁷Kabili ailekupanga icakucingilila pa mwinshi we tenti. Cailekupangilwa na kafifi, ayakashikila, elo naya kashika ce, ukuyakubomfya ishakolokondwe, umulimo wakwa kapikula. ³⁸Kabili ailekupanga nefyaimikwa fisano ne misomali ya fiko. Ailekufimba napamulu wafiko nafikakilo fyafiko na golide. Namashinte yasano ayafiko yailekupangilwa nomukuba.

¹Kabili Bezale aile kupanga kucimuti camushita. Ukulepa kwaciko kwaile kuba imikono ibili nacitatu; ubwipi bwaciko bwaile kuba umukono umo na citatu; elo no butali bwaciko bwaile kuba ikono limo na citika. ²Wailekucifimba mukati elo nakunse nagolide uwaya ukasungululwa elo nokuya kucipangila umupaka wagolide ukushinguluka kumulu waciko. ³Waile kucengela imipeto ine iya golide iyami konso yaciko ine, nemipeto ibili lubali lumo lwacikoko, elo nemipeto ibili lubali lumbi.⁴Waile kupanga ifimuti fyakupitilamo kucimuti camushita elo wale kukufimba . ⁵Waile kubika ifimiti fya kupitamo mumbali yacipao .Pakusendelako icipao. ⁶Waile kupanga inkupiko yacamafuta na golide iyaengwa bwino . Ubutali bwaciko bwaile kuba imikono iblili nacitika,elo ubwipi bwaciko bwale kuba umukono umo nacitika .⁷Bezele waile kupanga bakeruba babili ukubomfya sando wagolide abakumpela shibili kumpiko yacamafuto. ⁸Kerubi umo aile kuba kumpela imimo iyakupiko yamafuto , elo na Kerubi umbi ile kuba lubali lumbi . ⁹Ba Kerubi baile kutumbulula amaboko yabo mumulu , elo nokuya fimba pankupiko ya mafuto. Bakerubi baile kuloleshanya amenso pakati ka nkupiko yacamafuto.¹⁰Bezalel aile kupanga itebulo kucimuti camushita . Ubutali bwaliko bwailekuba immikono ibili, ubwipi bwaliko bwaile kuba ikono limo, elo nacimo caliko cailekuba umukono umo nacitatu , '' ¹¹Aile kulifimba nagolide uwaengwa bwino elo nukuyakubika umupaka wagolide walopolwa ukuya kushinguluka pamulu. ¹²Washingulwisheko nefulemu ukuya kulingana necisansala , nokuya kushingulushako umunyimba wa golide kumfulemu . ¹³Kabili aengele kulo ilya imipeto ine ioya golide nokuya kulundanya imipeto kufifutu fine ukwaile kuba imikonso ine.¹⁴Imipeto yaile kulundanishiuwa kumfulemu pakupela incende ifimumuti fyakupitilamo , pakuya kusenda itebulo . ¹⁵Aile pangila ifimumuti fyakupitilako kucimuti camushita elo nokuya kushimba na golide , pakulasenda itebulo . Kabili alie kupanga nefipe ifyakusangwa petebulo - imbale shaliko ,amasupuni yaliko, umwakulatulila imitulo ,elo nemiyondo iyakubomfya ukwitulwilamo umutulo. ¹⁶Aile kufimpanga ukubomfya golide iya engwa bwino.¹⁷Waile kupanga apakuteka inyali na golide iya yengwa bwino.Waile kupanga apakuteka inyali ne shinte lyadciko elo numukonso waciko . Inkomaki yaciko , elo na maluba yaciko fyalekupa ngilwa pacintucimo. ¹⁸Imisambo mutanda shaishile kufuma mu mbali yaciko -i misambo itatu yaishile kufuma ku lubaili lumo, elo imisambo shitatu ishapacakutekapo inyali shaile kufumina lubali lumbi. ¹⁹Umusambo wakubalilapo waile kukwata inkomakishitatu ishaile kupangwa kubati maluba ya almond ,necaku tekwapo icamabula -mabula elo ne luba.Ifyofine efyo calekuba kumisambo mutanda iyaya kufuma kucakuya kutekapo inyali.²⁰Pacaku tekapo inyaliceka, ishinte lyapakati , pailekuba inkomaki shine ishapangilwe kwati maluba ya almond , namabula yaciko elo nama mabula . ²¹Kwaile kubako amabula yaciko munshi yamisambo ibili iyakubalilapo -ishalie kupangwa pamo ,elo namaluba yaciko munshi yamisambo ibili iya konkapo -nayena yailekupangwa pamo. Munshilaimo ine kaile kubakoifitutu munshi ya misambo ibili iyacitatu, iyalekupangilwa pamo. ²²Yaile kuba cimo cine kumisambo yonse mutanda iyacakubikapo inyali. Ifitutu fyaciko elo nemisambo fyaile kuba icintu cimofye, ngacimoicakupangilwa na golide uwaengwa bwino.²³Bezalel ailekupanga apakuteka inyali elo ne ynalimcinelubali, utwakuya kwambushishako nangu ukuya shimishako umulilo elo notubale utwakusenamana golide iya engwa bwino. ²⁴Waile kupanga apa kuteka inyali elo nefibombelo fyaciko netalanta limo ilya golide uwaengwa bwino.²⁵Bezalel aile kupanga icipailo icakocelapo ulubani! Ailekucipanga ne cimuti camushita . Ukulepa kwaciko kwailekuba umukonono umo , elo nobwipi bwaciko umukono umo. Cali kulingana monse-monse , elo ukulepa kwaciko kwaishile kuba imikono ibili .Amasengo yaciko yalekulundanishiwa. ²⁶Aile kufimba icipailo apa kuya kocela ulubani na golide uwaengwa bwino -pamulu waciko imbali shaciko, elo na masengo yaciko. Kabili wailekupanga nomupaka untu aile kushingulusha na golide.²⁷Waile kupanga imipeto ibili iya golide iya kuya kubika pesamba lyamunyimba pafifutmba fibili ifyaciko. Imipeto yaile kuba imipeto ikuyakwikatila ifimuti fyakwikatila ko ubulambo. ²⁸Kabili waile kupanga ifyakusendelako kuci muti camushita, elo aile kufifimba na golide. ²⁹Wailekupanga amafuta ayashila ayabusubo elo necushi ca fyena fisuma , umulimo wakwa katobenkanya.

¹Bezalel waile kupanga ubulambo bwacakuninika kucimuti camushita. Cailekukwata imikono isano mubutali elo nemikono isano mu bwipi -mwalile kulingana monse- monse elo nemikono itatu mumulu. ²Waile kupanga nensengo shaciko pafifutu fine fyaciko ifyyo kupalana kubati masengo ya ng'ombe . Amasengo yaile kulingana no bulambo,elo waile kuya fimba no mukuba . ³Waliekupanga nefipe fyonse ifyabulambo -inongo ishakuya kubikamo imito , ba fosholo , elo nefya kuya kwikata umulilo . Wailekupanga ifipe fyonse ifi no mukuba.⁴Waile kupangilapo icakukulwa kucipailo, icakwikasha icamukuba icakuya kubika mwisamba lya nembe-nembe, citika ukuya kufuma panshi ukufika mumulu. ⁵Waile kwengelela nemipeto ine iyamufifutu fine ifye sumbu lya mukuba, ngefyekuya kwikatilako ifimuti.⁶Bezalel waille kupanga ifya kwikatilako nefimuti fyamushiya nokuya kufifimba nomukuba. Waile kubika nefyakwikatilako ukuya kupusha mumipetyo mumbali ya bulambo, mukulacisendelako. ⁷Walile kupanga ulupako mubulambo, ukuya kubomfya icimuti camushita.⁸Bezalel waile kupanga icakusambilamo icikulu neshinte lya ciko ilya mukuba. Waile kupanga icakusambilamo ukuya kubomfya ifilolani fyaba namaayo abalekubombela apakwingilila mwitenti lya kuya kukumaninamo.⁹kabili waile kupanga nolubansa . Ifi pempe lubali kukapinda kakulyo ifyalubansafyaile kukwata insalu shakolokondwe uwamukoswa, ifya mukono umwanda umo mwana butali. ¹⁰Ifipempe fyalie kukwata ifya imikwa amakumi yabili, namashinte yafiko amakumi yabili ayamukuba . Kwaishile kuba utwakukofyamo utwafyaimikwa nefikalo fyafiko fyaile kuba ifya silfere.¹¹''Mushila imo ine, lubali kuka pinda kakuso, kwaile kuba ifipempe imikono umwanda umo mubutali nefyaimikwa fyafiko fyaile kuba amakumi yabili, amashinte yafiko amakumi yabili ayamukuba, utwakukofyamo twafyaimikwa , elo nefikalilo fyaciko fyailkuba ifya silfere . ¹²Lubali kumasamba ifipempe fyailekuba imikonomutanda mubutali , nefyaikwa fyile kuba ikumi elo namumashinte yafiko yaile kuba ikumi. Utwakuya kukofyamo ifyaimikwa elo nefikakilo fyaile kuba ifya silfere.¹³Ulubansa lwaile kulepa imikono isano lubali kukabanga. ¹⁴Ifipempe kulubali lumonulwakuya kwingililamofytaikle kulepa ikumi limo nafisano. fyaili kukwata fitatu namashinte yatatu. ¹⁵Lubali lumbi apakuya kwingilila apa lubansa paile kuba ifipempe ifyaile kulepa imikonoikumi na isano, ifyaikwa fyafiko fitatu elo na mashinte yatatu . ¹⁶Ifipempe fyonse ifyayokushinguluka ulubansa fyailekupangilwa nakolokondwe untu bayakupikula ubusaka.¹⁷Amashinte yafyaimikwa yaile kupangilwa no mukuba . Utwakukofyamo elo nefikakilo fyacaimikwa fyaili kupangilwa na silfere , elo nefyekuya kufimba pamulu wafyaimikwa nafyo fyaile kupangilwa na silfere . Ifyaikwa fyonse ifyalubansa fyaile kufimbwa na silfere. ¹⁸Icakuya kucingililako pa mpongolo yalubansa calile kulepa imikono amakumi yabili. icakuya kucingilila pampongoloyalubansa caile kupikulwa nobwakafifi, ubuyo kukashikila elo nobwayo kukashikila ce, ubwakolokondwe ubwakosa , elo mubutali caile kulepa imikono amkumi yabili. Cailekuba imikono ibilimwan butali elo nemikono isano ukuya mumuliu, fyaile kuba kwati fyakucingililakopampongolo yalubansa. ¹⁹Fyaile kukwata ifya imikwa ifya mukuba fine elo no twakukofyamo utwayokupangilwa na silfere. ²⁰Nefyakuya kufimba pamulu wafiko elo nefikakilo fyafikofyaile kupangilwana silfere.²¹Nemambo shonse ishe tenti lya kwa Lesa elo nolubansa fyailekupangilwa no mukuba.Ifi efyo lyailekukulwa itenti lya kwa Lesa, itenti lya kwa Lesa imwaile kuba icipao cacipangano , ngefyo caile kusendwa ukukanka amakambisho ya kwa Mose . Waile kuba umulimowa bena Lebi mukutungulula kuli Itamari umwana mwaume wakwa Aron shimapepo . ²²Bezalel umwana mwaume wakwa Huri, ukuya kufuma mumutundu wakwa Yuda , waile kupanga fyonse ifyo Yawe akonkomeshe Mose. ²³Oholiabu umwana mwaume wakwa Ahisamaki, ukuya kufuma mumutndu wakwa Dani, waile kubomba na Bezalel umulimo wakubasa , ngakelenganya,elokabili nga ka pikula mubwakafifi, mubwakashikila , na mubwakashikila ce , elo namuli kolokondwe.²⁴Golinde yonse yaile kubomba ku mulimo , umulimo onse wailekwampana nencende ya mushilo - golide waile kutulwa kubupe bwa kutambika - wailekuba matalanta 730, mukuya kulinga mwishekele limo ilya mushilo. ²⁵Silfereyaile kupelwa no lukutayaile kupimwa matalanta 1,775 ukuya ulingana neshekele lyamushilo, nangu beka umo cila muntu , uwaile kuba citika weshekele limo ilyaile kupimwa neshekele lya mushilo. ²⁶Iyi mpendwa yaile kufika ukya kulingana na bantu abaile kupendwa mukupendwa , abo abaile kukwata imyaka amakumi yabilielo nokuya kucila - bonse abantu bailekuba 603,550.²⁷Kabili amatalanta umwanda umo aya silfere yaile kubomfiwa mukuya kwengelesha amashinte yancende yamushilo ²⁸Elo namashinte ya cipempe - amashinte umwanda umo , italanta limo cila cipempe. ²⁹Kabili amatanta ya silfere ayaile kushalapo yaile kuba 2,400.³⁰Kuli ifi wakile kupanga amashinte ya mwinshi we tenti lyakuya kulakumaninamo, ubulambo bwa mukuba , icakuya kupikulwa caciko icamukuba. ³¹Ifipe fyonse ifya bulambo , amashinte ayakushinguluka ulubansa , amashinte yamwinshi walubansa, elo nemambo shonse ishe tenti lya kwa Lesa , elo nemambo shonse ishe tenti ishalubansa.

¹Ku bwa makumbi makumbi, ubwakashikila, elo nobwakashika ce, baile kubila ifyakufwala fyakubombela mu ncende ya mushilo. Baile kupangila Aaroni ifyakufwala fyakuyakubombelamo mu ncende ya mushilo, ifyo Yahweh ailekukonkomesha Mose.²Bazelo aishile kupanga efodi uwagolide, ku bwa makumbi makumbi, ku bwakashikila, elo no bwakashi ce, elo nakuyakolokondwe. ³Bailekufula amalata ya golide nokuya kuputulako insale, ishakuya kupikwila mukati ku bwa makumbi makumbi, mukati ka bakashikila, elo na mukati ka bwakashika ce, elo na mukati kayakolokondwe uwakosa, umulimo wa wakulepanga.⁴Baishile kupanga ica efodi icapamabeya, icayokulundana kumpela shibili ishaciko. ⁵Umushipi walekuba uwa efodi uwayokupikulwa ubusaka; kabili wailekulundanishiwa na efodi, uwayokupikulwa ubusaka nobushishi bwa golide, ubwa makumbi makumbi, ubwakashikila, elo nobwakashika ce, elo ne nsalu iya kubuta, ngefyo Yahweh aishile ku konkomesha Mose.⁶Baishile kupikula amabwe ya onxy, nokuya kwisalilamo ifya golide, nokwisa kulembapo amashina ya bana baume bakwa Israeli. ⁷Bezelo aile kwikasha aya mabwe pamishi ya pamabeya ya efodi ukuya kuba amabwe ya cibukisho aya bana baume bakwa Israeli, ngefyo Yahweh aishile ku konkomesha Mose.⁸Aishile kupanga ne tumba lya pacifuba, umulimo wa muntu uwacenjela, uwapikulwa nga efodi. Wilekupikulwa ku bwa golide, ku bwa makumbi makumbi, ubwakashikila, elo no bwakashika ce, elo ne nsalu iyabuta. ⁹Tumba wapacifuba ali uwakulingna monse monse. Walikuba mita umo mwana butali elo mita umo mwana bwipi.¹⁰Kabili baile kubikapo utumabwe utwa mutngo pe tumba mumitande ine. Mu mutande wakubalilapo baile kubikamo akalibwe ka rubi, topazi, elo na bereli. ¹¹Umutande wacibili waile kukwata akalibwe ka emerodi, safire, elo na diamondi. ¹²Umutande wacitatu waile kukwata akalibwe ka yasinti, aka agate, elo naka amefisiti. ¹³Umutande wa cine wailekukwata akalibwe ka beryl, onxy, elo na yesipa. Utumabwe bailekubikako golide.¹⁴Yaishile kuba amabwe ukumi limo naya bili, pali cila libwe paishile kuba amashina ya bana baume bakwa Israeli, cila libwe paishile kulembwa ishina limo ilyamikowa ikumi limo natubili. ¹⁵Petumba lya cepa cifuba baishile kupanga iminyololo kwati myando, umulimo uwakupyatwa uwa golide wa sungululwa. ¹⁶Baishile kupnga ne fyapikulwa fibili ifya golide elo ne mipeto ibili iya golide, elo baishile kulundanya imipeto ibili mumbali ye tumba lya pacifuba.¹⁷Baishile kubika neyo myando ya golide mu mipeto shibili mubali ye tumbi lya pacifuba. ¹⁸Baishile kulundunya impela shibili isha minyololo kutwapikwilwe. Baishile kulundanya ku twapamabeya utwa efodi pa ntanshi.¹⁹Baishile kupanga mikobelo ya golide ibili elo nokuya kubika kumpela ya petumba lya pacifuba, pa nembe nembe lubali mu mupaka wa mukati. ²⁰Baishile kupanga imipeto ibili naimbi iya golide elo nokwisa kushilundanya mwi samba lya mushipi wa pamabeya pa ntanshi ya efodi, mupepi na pamulu wa palundikana umushipi wapikulwa bwino uwa efodi.²¹Baishile kukaka ifya kwikatilako itumba lya pacifuba ne fyakwaikatilako efodi no mwando wa makumbi makumbi, pa kweba ati ngayayakulundaniwa pamulu wa mushipi wa efodi. Ici caishile kuba ifi pakweba ati itumba lya pacifuba talilekusela pali efodi. Ifi fyaishile kucitwa ngefyo Yahweh aishile ku konkomesha Mose.²²Bazelelo aishile kupanga no mwingila wakufwala mu kati ka efodi uo baishile kupikulwa ku bwa makumbi makumbi bweka bweka, umulimo wakwa kapikula. ²³Waishile kukwata ne cipunda icakuyakupishamo umutwe pa kati. Pacipunda cakupishishamo umutwe aishile kupikwilapo ukushingulusha pakweba ati tawishile kulepuka. ²⁴Panshi wa mwingila, bailekupikwilapo ifitwalo ifyakupala amateke kubushishi bwa makumbi makumbi, ubwakashikila, elo no bwakashika ce elo ne nsalu iyabuta iya kupikulwa ubusaka.²⁵Baishile kupanga inyenjele sha golide uwakusungululwa bwino, elo baishile kubika inyenjele pakati kafitwalo ifyakupala amateke ukushingulusha ukukilo wa mwingila, pakati kafitwalo ifyapala amateke- ²⁶inynenjele elo ne fitwala ifyakupala amateke, nyenjle elo ne fitwalo fyakupala mateke-panembe nembe wa mwingila uwakwa Aaroni uwakula kupyangilamo. Ifi efyoYahweh aishile ku konkomesha Mose.²⁷Baishile kupangila Aaroni na bana baume bakwe imingila ne nsalu ishakubuta ubusaka. ²⁸Baishile kupanga ne citebo ne nsalu ishakubuta ubusaka, ifisote ifya nsalu ishakubuta ubusaka, bakaputula ba mukati abansalu shakubuta ubusaka, ²⁹elo ne lamba lyakupikulwa ku nsalu ya kubuta iyakupikulwa ubuska ku bushishi bwa makumbi makumbi, ku bwakashikila, elo no bwakashika ce, umulimo wakwa kapikula. Ifi fyaishile ku ukulingana nefyo Yahweh aishile ku konkomesha Mose.³⁰Baishile kupanga imbale iya cisote ca mushilo kuli golide uwakusungululwa ubusaka; baishile kulembapo ifilembo, kwati filembo fyapa cikomeneno, ''Umushilo kuli Yahweh.'' ³¹Baishile kulundanya no mwando wa makumbi makumbi nokuya kikasha ku nsalu yakuya kupomba ku mutwe. Ifi fyaishile kuba ukukonka nefyo Yahweh aishile kukonkomesha Mose.³²Eico incito ya kupanga iyema lyakwa Lesa, itenti lya kukumaninamo, yaishile kupwa. Abana bakwa Israeli baishile kucita fyonse. Baishile kukonka amafunde yonse ayo Yahweh aishile ku konkomesha Mose. ³³Baishile kuleta iyema lyakwa Yahweh Lesa kuli Mose-itenti elo nefibombelo fyaliko fyonse, utwakukofyamo twaliko, imfulemu, impanda, imyalo, elo na mashinte yaliko; ³⁴ne cakuyakufimbapo icamikupo sha mwana wapanga isho babika mufya kashika icafimbwapo icampapa ishisuma ishatelela, elo ne nsalu iyakucifimbapo ³⁵imbokoshi ya cipangano, ne fimuti ifyakulipitilako elo ne ntenteko ya camafuto.³⁶Baishile kuleta itebulo, ne fibombelo fyaliko fyonse, elo nomukate uwakusangwa pa cinso cakwa Lesa; ³⁷icakutekapo ilampi ica golide iyakusungululwa bwino elo na malampi mu konka, ifibombelo elo na mafuta yakusanikila; ³⁸ubulumbo bwa golide, amafuta ya busubo elo nolubani lwa kununkila icena icabune; insalu ya pamwinshi wakwingilila mwi tenti; ³⁹ubulambo bwa mukuba ne cafipunda ngo lunyungo ulwa mukuba elo ne fimuti fyakucipitilako elo ne bombelo elo napakusambila na pakuteka pa ciko.⁴⁰Baishile kuleta insalu shalubansa nefyaimikwa fyaciko elo na mashinte, elo nensalu shapakuya kwingilila mulubansa; imyando ya ciko elo nempopo shakwikasha itenti; elo nefipe fyonseifyakubomfya mwitenti lyakwa Lesa, itenti lya kukumaninamo. ⁴¹Baishile kuleta insalu iashakupikulwa ubusaka ishakufwala pa kubomba mu ncende iyamushilo, ifyakufwala ifya mushilo ifyakwa Aaroni shimapepo elo na bana baume bakwe, kuli bo pakweba ati bengalakupyunga nag bashimapepo.⁴²Efyo abana bakwa Israeli baishile kubomba umulimo onse nga fintu Yahwh aishile ku konkomesha Mose. ⁴³Mose aishile kubebeta onse, elo, boneni, baishile kubomba. Nga fintu Yahweh aishile ku konkomesha, muli ilya nshila emo baishile kubombela. Eluntu Mose aishile kubapala.

¹Eluntu Yaweh aishile kulanda kuli Mose, ati, ²''Pa bushiku bwa kutampilapo ubwa mwenshi wakubalilapo mu mwaka upya mufwile mwa panga itenti, itenti lyakukumaninamo.³Mufwile mwabikamo ne mbokoshi ya bunte muli lyena, elo mwebo mufwile no kufimba insalu shakucingilisha. ⁴Mufwile ukuletapo itebulo no kubika fyonse bwino ifisangwapo. Eluntu mufwile ukuletamo ica kwikalapo ama lampi elo mukabikepo amalampi.⁵Mufwile ukubikmo ulubani lwa Golide pa bulambo ku ntanshi ya mbokoshi ya bunte, elo webo ufwile ukufimbapo insalu pa mwenshi we tenti. ⁶Mufwile ukubikamo ubulambo ubwa kupelelapo amalambo aya koca pa ntanshi ya mwinshi we tenti, lyakukumaninamo. ⁷Mufwile ukubikapo icakusambilamo icikulu pa kati ke tenti lyakukumaninamo elo no bulambo elo webo ukabikemo na menshi.⁸Webo ukashingulusheko no lubansa kuli cena, elo webo ukakobekeko ne nsalu pakwingila mu mansa. ⁹Mufwile ukubula amafuta ya busubo no kusuba itenti na fyonse ifilimo. Mufwile ukucipatulako na fyonse ifilimo kuli nebo; elo cena cikaba ica mushilo. ¹⁰Ufwile ukusuba ubulambo bwa cabupe ca koca na fyonse ifisangwapo. Ufwile wampatwilako ubulambo elo bukaba ubwa shilisha kuli nebo. ¹¹Webo ukasube icipe ca mukuba ne samba lya ciko kabili cikabe icipatwilwa kuli nebo.¹²Ufwile ukalete Aaroni na bana bakwa abaume pa mwinshi we tenti lyakukumaninamo elo ukabasambe na menshi. ¹³Ukafwike Aaroni insalu iyo iya paltwilwa kuli nebo, ukamusube elo akabe uwa patwilwa kuli nebo pakuti akambombele nga shimapepo.¹⁴Ufwile ukabule na bana bakwa abaume elo ukabafwike ne nkansu. ¹⁵Ukabasube nga fintu wa subile shibo pakuti bakambombele nga bashimapepo. Ukusubwa kwabo kukabalenga ukuba bashimapepo ba mu yayaya mu bantu pa nkulo yabo bonse.'' ¹⁶Ifi efintu ifyo Mose aishile kucita; aishile kucita fyonse ifyo Yaweh amukonkomeshe Alicitile ifi fintu fyonse.¹⁷Eico itenti lyali bikilwe pa bushiku bwaku balilapo ubwa mu mweinshi wa kubalilapo mu mwaka wa bubili. ¹⁸Mose aishile kwimika itenti, no kubika amashinte mufifulo fyayako, no kubika imfulemu, isha yikete imipindo ya ciko, no kubika impanda elo ne fya yimikwa. ¹⁹Abikile ne fya kufimba kwi tenti lya mushilo no kubikako itenti kuli cena, nga fintu Yaweh amukonkomeshe. ²⁰Epakwisa kubula amafunde ya cipangano elo aishile kuyabika mu mbokoshi. epakwisa kubika ifimutyi ku mbokoshi no kubika inkupiko yapa mafuto.²¹Epakwisa kuleta imbokoshi mwi tenti lya mushilo. Ena ekwisa kubikako insalu sha kucingilisha pakuti shingafimba imbokoshi ya bunte, nga fintu Yaweh amukonkomeshe. ²²Ekwisa kubika itebule mukati ke tenti lyakukumaninamo, ku kapinda ka kukuso ake tenti lya mushilo, kunse ya nsalu shakufimbako. ²³Aishile kubika bwino umukate pe tebulo ku cinso akwa Yaweh, nga fintu Yaweh amukonkomeshe.²⁴Epakwisa kubikamo ifyakwikalapo amalampi mwi tenti lyakukumaninamo, ukucilinganya ukufuma kwi tebulo, ku kapinda ku kukulyo ake tenti lya mushilo. ²⁵Epakusanika amalampi pa ntanshi yakwa Yaweh, ngefyo Yaweh amukonkomeshe.²⁶Epakwisa kubika ububani bwa golide pa bulambo mukati ke tenti lya kukumaninamo ku ntanshi ys nsalu shakucingilisha. ²⁷Epakwisa kocelapo no bubani ubwakununkila, nga fintu yaweh amukonkomeshe.²⁸Epakukobeka insalu shakucingilisha pa mwinshi we tenti lya mushilo. ²⁹Aishile kubikamo ubulambo bwa ca bupe ca koca pa mwinshi wa kwi tenti lya mushilo, itentu lya kukumaninamo. nao epakwisa kupela icabupe ca koca elo ne ca bupe ca ng'ano, nga fintu Yaweh amukonkomeshe. ³⁰Epakwisa kubikamo icakusambilamo pa kati ke tenti lya kukumania no bulambo, elo aishile kubikamo amenshi ya kusamba.³¹Mose, Aaroni, elo na bana bawkwe abaume baishile kusamba ku maboko yabo elo na makasa yabo mu ca kusambilamo ³²ilyo lyonse bene bakoya mwi tenti lya kukumaninamo elo na lyonse ilyo bakoya pa mulu pa bulambo. Balekusamba, nga fintu Yaweh akonkomeshe Mose. ³³Mose aishile kubika ulubansa ukushinguluka itenti lya mushilo, elo no bulambo. Aishile kubikapo insalu shakucingilisha pa kwingila mu mansa. Muli uyu wine musango, Mose aishile kupwisha umulimo.³⁴Eluntu ikumbi lyaishile kufimba pe tenti lya kukumaninamo, elo no bukata bwakwa Yaweh bwaiswile mwi tenti lya mushilo. ³⁵Mose afililwe ukwingila lya kukumaninamo pantu ninshi ikumbi licili pali lyena, elo ninshi ubukata bwakwa Yaweh buli na bwisula mwi tenti lya mushilo.³⁶Uluntu lyonse ikumbi lyali kufumapo pa mulu we tenti lya mushilo, abena Israeli balatendeka ukuba pa bulendo bwabo. ³⁷Lelo nga cakuti ikumbi talimine pa mulu no kufuma pe tenti lya mushilo, lyena ninshi abena Israeli tabasele. Balinokwikalafye pamo mpaka ubushiku likema. ³⁸Pantu ikumbi lyakwa Yaweh lya lekuba pe tenti lya mushilo akasub, elo nomulilo wakwe wakekuba pali cena ubushiku, calekuba icakuboneka pa lwa lala kubena Israeli bonse ukufika napakupwisha kwa lwendo lwabo.

¹Yahweh akutile Mose elo aishile kulanda kuli ye ukufuma mwitenti lyaku longaninamo aishile kulanda. ²Landa ku bantu bakwa Isaraeli elo ubebe bena, ''Uluntu umuntu umo uwafuma muli mwebo mwaleta icabupe kuli Yahweh, mulete nga ica cenu ica munama, nangu ukufuma mu ng'ombe nangu ukufuma mumukuni.³Nga cakuti icabupe cakwe ca kuninika ukufuma mu ng'ombe, alingile aninika iilume umushaba ubulema. Afwile aipelelela apakwingilila mwitenti lyaku longaninamo, pakuti capokelelwa kuli Yaweh. ⁴Akabike ne minwe yakwe pa mutwe wa cabupe ca kuninika, elo cili no kupokelelwa ukupitila muli ye pakupanga ica kubelelwa uluse pali ye.⁵Eluntu akepaye umulume wa ng'ombe pamenso yakwa Yahweh. Abana bakwa Aaron bashimapepo, bakalete umulopa elo bakasanse paca kwipailapo ico icili apakwingilila mwitenti lyaku longaninamo. ⁶Eluntu akafundeko umukupo ku cabupe cakuninika elo akaputaule mutupimfya tupimfya.⁷Eluntu abana bakwa Aaron bashimapepo bakabikepo umulilo pa bulambo elo bakapekanye ne nkuni pa mulilo. ⁸Eluntu abana bakwa Aaron, bashimapepo, bakabike utupimfya pamo nomutwe elo na mafuta pa nkuni ishili pa mulilo uyo uuli pa bulambo. ⁹Lelo ifya munda elo na molu bakafisambike ku menshi. Eluntu shimapepo akoce fyonse pa bulambo nge cabupe celambo. Cikaleta iceena cakuwama kuli nebo, cikalaba icabupe icapangilwa nebo ukupita mumulilo.¹⁰Nga cakuti icabupe cakwe cabupe celambo cafuma mumukuni, umo uwamu mpaanga nangu umo uwa mu mbushi, apele iilume iyakubula akalema. ¹¹Akacipaile kukuso kwa bulambo pamenso yakwa Yahweh. Bamwana Aaron, bashimapepo, bakasanse umulopa waciko ukushinguluka ubulambo.¹²Akaciputaule mutupimfya pamo no mutwe elo na mafuta yaciko, elo shimapepo akabike ifipimfya pa nkuni ishili pa mulilo isho ishili pa bulambo. ¹³lelo ifipimfya fya munda elo na malo akafisambike ku menshi. elo shimapepo akafipele fuonse, elo akafyocele pa bulambo. cabupe celambo, elo cikaleta icena icisuma kuli Yahweh; cikalekuba cabupe icapangwa kuli ye ku mulilo.¹⁴Nga cakuti icabupe cakwe cakuli Yahweh caba cabupe celambo ica mufyoni, elo akalete nge cabupe cakwe nalimo ica munkunda nangu umwana wa nkunda. ¹⁵Na shimapepo akalete ku bulambo, akatine umutwe elo akacocele pa bulambo. Eluntu umulopa waciko aketulwilwe lubali lwa bulambo.¹⁶Ukafumyeko icisabilo caciko elo ne filimo, elo akafiposele lubali lwa bulambo lubali kukabanga, mu ncende yamitoi. ¹⁷Akacilepule amapindo ya ciko, lelo ekacakanya mufipimfya fibili. Eluntu shimapepo akacocele pa bulambo, pa nkuni isho ishili pa mulilo. Cikalekuleta cabupe celambo, elo cikaleta icena icisuma kuli Yahweh; cikaba cabupe icapangwa kuli ye ku mulilo.

¹Uluntu umo aleta icabupe ca muuseke kuli Yahweh, icabupe cakwe cikabe bunga ubwapeleka, elo aketulwilepo namafuta elo akabikepo no lubani. ²Akwatwale icabupe caakwe kuli ba mwana Aaron bashimapepo, elo shimapepo akabulepo ulupi lumo ulwabunga ubwakupelwa pamo namafuta elo no lubani ululipo. Eluntu shimapepo akoce icabupe pa bulambo nge cabupe cakubalilapo. Yahweh; cikaba cabupe ica pangwa kuli ye mumulilo. ³Conse icashala ku cabupe camunseke cikabe cakwa Aaron na bana bakwe. Cikaba ica mushilo kuli Yahweh icafuma mufyabupe kuli Yaweh icapangwa mumulilo.⁴Uluntu wapela icabupe ca munseke umwakubula icitutumushi icifumbikwe mu citofu, cifwile caba mukate uwakunakilila uwamubunga ubwapeleka uyo basankenyemo namafuta, nangu umukate uwakukosa uwakubulamo icitutumushi, ico basankenyemo pamo namafuta. ⁵Nga icabupe camunseke fyaba ifyaipikwa muli pani wakupapatala uwacela, ufwile waba uwabunga ubwapeleka umwabulamo icitutumushi uyo basankanyamo namafuta.⁶Ufwiel wafyakanya mutupimfya no kubikapo amafuta. Ici cabupe camunseke. ⁷Nga icabupe camunseke caipikwa muli pani, cifwile capangwa no bunga bwapelekwa elo namafuta.⁸Ufwile waleta icabupe camunseke icapangwa muli ifyo fintu kuli Yahweh, elo fikatwalwe kuli shimapepo, uukafileta ku bulambo. ⁹Eluntu shimapepo akabulapo fimo ifyafuma mufyabupe fya munseke nge cabupe cakupalamika, elo aakacocela pa bulambo. Cikaba cabupe icapangwa mumulilo, elo cikabaa icakuleta icena icisuma kuli Yahweh. ¹⁰Icashalako ica mufyabupe fya munseke fikaba fyakwa Aaron nabana bakwe, cena camushilo sana kuli Yahweh icafuma ku fyabupe kuli Yahweh ifyapangwa kumulilo.¹¹Kwikabako icabupe ca nseke ico mwebo mukapela kuli Yahweh icikabikwamo icitutumushi, ico mukoca, nanfu kubikamo ubuci, icikaba cabupe icikapangwa ku mulilo kuli Yahweh. ¹²Mufwile ukucipela kuli Yahweh nge cabupe ca fisabo fyantanshi, lelo tacakabomfiwe ukuba icakuleta icena icisuma icapa bulambo. ¹³Ukalebikamo no mucele mu cabupe cabunga cobe. Taufwile ukukanasuminisha umucele wa cipngano cakwa Lesa obe ukubulamo ukufuma mu cabupe cabunga. Mufyabupe fyonse ukalebikamo umucele.¹⁴Nga wapela icabupe ca nseke ca mufisabo fya kutampa kuli Yahweh, ukapelepo ica munseke ishibishi ishocelwe mumulilo ukashipelela mu bunga. ¹⁵Eluntu webo ukabikepo na mafuta elo no lubani. Ici cabupe ca munseke. ¹⁶Eluntu shimapepo akocepo inseke ishapeleka shimo elo na mafuta elo no lubani ciabupe ca kupalamika. Ici cabupe icapangwa mumulilo kuli Yahweh.

¹Nga umo apela ilambo icabupe ca mwisenge ica nama ukufuma mu ng'ombe, nga ilume na iikota, alingile ukupela inama umutaba akalema kucinso cakwa Yahweh. ²Ali nokubika iminwe yakwe pamutwe wa cabupe cakwe elo no kwipaila pa mwenshi we tenti lya kulonganinamo. Eluntu abana bakwa Aaron bashimapepo bakasanse umulopa waiko kumbali ya bulambo.³Umuntu akapalamike ilambo icabupe ce senge ca mumulilo kuli Yahweh. Na mafuta aya fimba nangu ayasuntinkana ne fiputulwa fya munda, ⁴elo nemfyo shibili elo na mafuta ayali muli fyena pa musana, elo ne nsongo ya libu, pamo nemfyo akafumye fyonse ifi. ⁵Abana bakwa Aaron bakafyoce pa bulambo pamo ne cabupe cakoca, icili pa nkuni isho ishili pa mulilo. Ifi fikaleta icena icisuma kuli Yahweh; cikaba icabupe icapangilwa kuli ye mumulilo.⁶Ngo umuntu ilambo lya ca bupe ce senge nga lya mumukuni; iilume nangu iikota, akapele ilambo umushaba akalema. ⁷Nga apela impaanga nge lambo lyakwe, elo akapele kuli Yahweh. ⁸Akabike iminwe pa mutwe we ce lambo cakwe elo akepaile pe tenti lya kulonganinamo. Eluntu abana abaume bakwa Aaron bakasanse umulopa kubali shonse isha bulambo.⁹Umuntu akapele icabupe ce lambo lye senge nge cabupe icapangwa mumulilo kuli Yahweh. amafuta, na mafuta yonse aya kumucila akaputule ayalola kwifupa lya kumusana, elo na mafuta ayafimba pa fiputulwa fya munda elo na mafuta yonse ayaba mupepi ne fiputulwa fya munda, ¹⁰elo nemfyo shibili elo na mafuta yaliko, ayali ku musana, elo ne nsongo yalibu, pamo nemfyo-- akafumyeko fyonse ifi. ¹¹Shimapepo akafocele fyonse pa bulambo nge cabupe ca koca icakulya cakwa Yahweh.¹²Nge cabupe ca muntu cili ni mbushi, elo akacipele kuli Yahweh. ¹³Akabike iminwe yakwe pa mutwe wa mbushi elo akepaile pe tenti lya kulonganinamo. Eluntu abana baume bakwa Aaron bakasansaike umulopa waiko pambali ya bulambo. ¹⁴Umuntu akapele icelambo cakwe icapangilwa mumulilo kuli Yahweh. Akafymye amafuta ayo ayfimba pa fyamunda, elo na mafuta ayo ayaba mupepi nefya munda.¹⁵Kabili akafumye nemfyo shibili elo na mafuta ayaliko, ayali ku musana, elo ne nsongo yalibu pamo nemfyo. ¹⁶Na shimapepo akafyocele pa bulambo fonse nge cabupe ca koca nge cakulya, kukuleta icena icisuma. Amafuta yonse yakwa Yahweh. ¹⁷Ici cipope ca kwikalilila ukupita mu bantu benu munkulo mu ncende monse umo mukapanga amayanda, ukuti mwebo mwikalya amafuta nangu umulopa.'''

¹Yahweh aishile kulanda kuli Mose, atile, ²''Eba abantu bakwa Israeli, 'uluntu umo acita isambi ukwabula ukushiba ukuti ico acita lisambi, acita icili conse pafintu ifyo Yahweh abakonkomeshe ukukana cita, elo nga acita fimo ifyabindwa, ifi efyo alingile ukucita. ³Nga ni shimapepo mukulu uucitile isambi pa letwa ukusekwa ku bantu, kanshi lekeni apele pe sambi ilyo acita umwana wa ng'ombe ukubulamo akalema kuli Yahweh nge cabupe ca pe sambi.⁴Afwile ukuleta ing'ombe apakwingilila pe tenti lya kulonganinamo kuli Yahweh, abike ne minwe pa mutwe wa ciko, elo akepaile ing'ombe kuli Yahweh. ⁵Na shimapepo uwasubwa akapitepo umulopa umo uwa ng'ombe no kuupita kwi tenti lya kulonganinamo.⁶Na shimapepo akengishe umunwe wakwe mumulopa elo akasanse umo imiku cine lubali pali Yahweh, pali katani ya wamu ncende ya mushilo. ⁷Eluntu shimapepo akabike umulopa umo pa nsengo shapa bulambo ne fya cena fyabune ku menso yakwa Yaweh, ifyo ifyaba mwitenti lya kulonganinamo, elo aketulwile umulopa wa ng'ombe uwashalapo panshi ya bulambo apakocela ifya bupe, icili apakwingilila pe tenti lya kulonganinamo.⁸Akaputeleko afuta yonse aya mwana wa ng'ombe iilume icpa cabupe ce sambi; amafuta ayo ayafimba pafya munda, na mafuta yonse ayaikata kufya munda, ⁹imfyo shibili elo na mafuta ayaliko, ayali pa musana, elo ne nsonga yalibu, pamo ne mfyo--- akafiputuleko fyonse ifi. ¹⁰Akafiputuleko fyonse, nga fintu aputwile ukufuma ku ng'ombe iilume iya cabupe ce lambo lya mutende. Eluntu shimapepo akoce ifyo fiputulwa pa bulambo ifya bupe fya koca.¹¹Umukupo wa ng'ombe elo ne mipusa yanama yonse iya shlapo, no mutwe waiko elo na molu elo ne fipande fya munda na mafi yaiko, ¹²fyonse ifipande fya ng'ombe-- akafisende ifyo fyonse ifipande kunse ya nkambi ku ncende ukwa kusangulula kwandi nebo, ukuntu uko betila imitoi; bakafyocele kulya ifipande ifyo pa nkuni. Bafwile ukufyocela kulya ifipande ifyo ukuntu betila imitoi.¹³Nga cakuti icina bwingi cabena Israeli bonse bacita isambi mukukana ishiba ati lisambi, elo icina bwingi caishiba ukuti nababembuka elo ba citile icintu pa fintu ifyo Yahweh abakonkomeshe uku kana cicita, elo kabili bashininwa, ¹⁴elo, uluntu isambi bacitile lyaisa mukwishibikwa, eluntu icinabwingi bakapele umwana wa ng'ombe pa cabupe ce sambi elo baka cilete kwi tenti lya kulonganinamo. ¹⁵Abakulu ba cina bwingi baka bike iminwe yabo pa mutwe wa ng'ombe pa menso yakwa Yahweh, elo ing'ombe ifwile ukwipaiwa pa menso yakwa Yahweh.¹⁶Shimapepo uwasubwa akaleteko umulopa umo uwa ng'ombe kwi tenti lya kulonganinamo, ¹⁷elo shimapepo akatumpike umunwe wakwe mumulopa elo akasanse imiku cinelubali pa menso yakwa Yahweh, kumbali ya ketani.¹⁸Kabike umulopa umo pa nsengo shapa bulambo ubo ubuli pa menso yakwa Yahweh, ubuli mwi tenti lya kulonganinamo, elo akapongolwele umulopa onse pe shinte lya bulambo nge ca bupe cakoca, icili apakwingilila mwi tenti lya kulonganinamo. ¹⁹Akaputuleko conse ica mafuta ukufuma kuli cena elo akocele pa bulambo.²⁰Ifyo eyfo akacite ku hg'ombe iyi. Nga fintu acitile ku ng'ombe ya cabupe ca pesambi, kanshi ifi efyo akacite nakuli iyi ng'ombe, elo shimapepo akapange ica kubelelwa uluse ku bantu, elo nabo bakabelelwa uluse. ²¹Afwile ukusenda umwana wa ng'ombe kunse ya nkambi elo akayoce ngafintu aocele ing'ombe yakutampilampo. Ici cabupe cape sambi capa cintu bwingi.²²Uluntu katunululaabifya ukwabula ukwishiba ati akocita isambi, acita cimo icapafintu ifyo Yahweh amukonkomeshe ukukana cita, elo ashininwa, ²³eluntu isambi lintu acitile lyaisa kwishibwa kuli ye, afwile ukuleta icelambo ca mbushi pali ye, iilume iyakubulamo akalema.²⁴Afwile ukubika iminwe yakwe pamutwe wa mbushi no kuipaila mu ncende umo bepaila icabupe cakoca pa menso yakwa Yahweh. Icabupe cape sambi. ²⁵Na shimapepo akabule umulopa waca bupe cape sambi kuminwe yakwe elo akaubike pa nsengo shapa bulambo nge cabupe ca koca, elo akapongolwele umulopa apatampila ubulambo bwakocelapo ifyabupe.²⁶Akoce fyonse ifya mafuta pa bulambo, pamo fye nge fya mafuta fya pelambo lya fyabupe fya mutende. Na shimapepo akapange ifya kubelela uluse kuli ilya ntunulushi ukulingana nape sambi lyakwe, elo ulya katunulula akalekelelwa.²⁷Nga umo uwa mubantu abekala calo abifya ukwabula ukwishiba ati lisambi acita, acita conse ica pali ifyo Yahweh abakonkomeshe ukukana cita, elo alanguluka ukushininwa, ²⁸eluntu isambi lyakwe ilyo acitile lyaisa kwishibikwa kuli ye, elo akalete imbushi pe lambo lyakwe, iikota iyabula akalema, pe sambi ilyo acitile.²⁹Akabikwe iminwe yakwe pa mutwe wa cabupe cape sambi elo akepaye icabupe cape sambi pa ncende ya cabupe cakoca. ³⁰Na shimapepo akabule umulopa umo ku minwe yakwe no kuubika pa nsengo shapa bulambo ya fyabupe fya koca. Akapongolwele no mulopa uwashalapo apatampila ubulambo.³¹Akaputeleko amafuta yonse, nga filya fine amafuta ya putwileko ukufuma ku cabupe ce lambo ca mutnde. Na shimapepo akoce mukuleta icena cabune kuli Yahweh. Na shimapepo akapange ica kubelela uluse ku muntu, elo ali no kubelelwa.³²Nga umuntu aleta impaanga nge lambo lya cabupe pe sambi lyakwe, akalete iikota iyakubulamo akalema. ³³Akabike iminwe yakwe pa mutwe wa cabupe cape sambi elo akacipaye nge cabupe cape sambi pa cifulo apo bepaila icabupe cakoca.³⁴Na shimapepo akabulepo umulopa umo uwapa cabupe cape sambi ku minwe yakwe no kuushinga pa nsengo shapa bulambo ne fyabupe fyakoca, elo akapongolwele umulopa onse pe shinte lya bulambo. ³⁵Akaputuleko amafuta yonse, kwati fye fintu fiputulwa amafuta ya mpaanga ukufuma ku cabupe ce lambo ca mutende, elo na shimapepo akocele pa bulambo pa mulu wa fyabupe fyakwa Yahweh ifya pangwa ku mulilo. Na shimapepo akapange ica kulekelela pe sambi ilyo icitile, elo no muntu akalekelelwa.

¹Ngo umuntu umo abembuka pantu ena talumbwile uluntu ena abweneko ifintu fimo pwalwa ifyo ena afwile ukulumbula, nangula alibwene nangula ukumfwa palwa cena, ena akuba no mulandu. ²Nangula umuntu umo aikata icintu conse Lesa alenga icakukowela, nangula icitumbi ca nama ya mpanga iya kukowela nangula icitumbi ca conse icakukowela icitekwa nangula icakukowela conse ico icisenya pa mushili, nangula line ena taishibile ico alikucita, asanguka uwakukowela elo aba no mulandu.³Nangula aikata icakukowela ca muntu umbi, conse icakukowela cili, elo naga ena teshbile palwa cena, eluntu akuba no mulandu uluntu ena asambilila pali cena. ⁴Nangula umo alapika ukucila ku milomo yakwe ku kucita ububi, nakalimo ku kucita icisuma, nga cakutila mwaume alapika ukucilamo no mulapo, nangula teshibile pali ico, uluntu ena asambilila pali ico, eluntu akuba no mulandu, muli fyonse ifi finyu.⁵Uluntu umo aba uwamulandu muli cimo ica muli ifi fintu fyonse, ena afwile alapile ulubembu lonse acitile. ⁶Eluntu ena afwile ukuleta icabupe cakubembukilapo kuli Yahweh pa lubembu ena abembukileko, inama bkota ukufuma mu mikuni, cibe mwana wa mpanga nangula imbushi, ku kuba ica bupe ca lubembu, elo shimapepo akucita icakumukonsolwela ena pa mulandu wa membu shakwe.⁷Nga tekuti akumanishe ukushita umwana wa mpanga, eluntu engaleta icabupe ca mulandu wakwe pa lubembu lwakwe inkunda shibili nangula utwana twa fipele kuli Yahweh, cimo ca bupe ca lubembu elo ne cinankwe ca bupe cakufutumwina. ⁸Afwile afilete kuli shimapepo, ena akupela cimo pa mutulo wa lubembu-- ena eukatina umutwe wa ciko ukufuma ku mukoshi waciko lelo ekafumya umupwilapo ukufuma ku mubili. ⁹Eluntu aketulwile umulopa umo icabupe ca lubembu mumbali ya bulambo, elo akasumishe umulopa uwashala mwi shinte lya bulambo. Ici cabupe calubembu.¹⁰Eluntu ena eupela iconi ca bubili nga ica bupe ca kufutumwina, ngo mwabela amafunde, elo shimapepo akamulekelele pa lubembu ulo ena acitile, no muntu akubelelwa uluse.¹¹Lelo nga tekuti akumanishe ukushita inkunda shibili nangula utwana twa fipele fibili, eluntu afwile alete icelambo cakwe pa lubembu lwakwe ica pekumi kuli efa wa bunga ubwa kupeleka nge cabupe ca lubembu. Tafwile ukubikapo amafuta nangula conse ica lubani, pantu cena ca bupe bwa lubembu.¹²Afwile alete kuli shimapepo, elo shimapepo akabulepo inkama ya ciko nga icibukisho cabupe eluntu oce cena pa bulambo, napamula wafya kufutumwina pabe nge fya mulilo wakwa Yahweh. Cena lubembu. ¹³Na shimaprpo akamulekelele pa lubembu lonse ulo umuntu citile, elo noyo muntu akubelelwa uluse. Nefya shalapo fikabe fyakwa shimapepo, ngo mwabela ica bupe ca ng'ano.¹⁴Eluntu Yahweh aishile kulanda kuli Mose, at, ¹⁵''Ngo muntu abembuka no kukana kuba uwa cishinka ku fintu ifyo ifyakwa Yahweh, lelo acita ico mukuluba, eluntu ena afwile alete icabupe camulandu wakwe kuli Yahweh. Ne cabupe cifwile caba sukusuku wakubula ububi ukufuma mu mikuni; no mulingo wa ciko ufwile waba isha silfere ama shekele-- amashekele ya mwashila-- nge ca bupe ca lubembu. ¹⁶Afwile asekeshe Yahweh pafyo acitile ifibi mukulundanya nefya mushilo, elo afwile alundepo icapali fisano ku caciko no kupela kuli shimapepo. Eluntu shimapepo akamufutila kuli sukusuku uuli cabupe ca mulandu, elo no muntu uyo akubelelwa uluse.¹⁷Ngo muntu abembuka elo acita ifyo Yahweh alandile ukuna cita, nangu nga taishibile, ali no mulandu elo afwile apite icilubo cakwe. ¹⁸Afwile akalete sukusuku kuli shimapepo uwakubula ububi ukufuma pa mukuni, uwakulinga no mutengo wa bupe bwapa mulandu kili shimapepo. Eluntu shimapepo akamufutila alubembu acitile mukukana ishiba, elo ena akubelelwa uluse. ¹⁹Cena ebupe bwa pa mulandu, elo ali no mulandu kuli Yahweh.

¹Yahweh aalilandile kuli mose, ati, ²''Ngacakuti umuntu abembuka nokukana ukucita icishinka kuli Yahweh pakubepa kumwina mupalamano wakwe kucintu ngecikatilo, nangu ngecakusekesha, nangu pacintu cakwiba, nangu ngacakuti ena atitikisha umwina mupalamano, ³Nangu ena asunga icintu icintu ico umwina mupalamano wakwe alufishe nokubepa ubufi pali ici, nangu ngacakuti ena alapa ubufi, nangu pali cimo mufyakuba ngefi ifyo abantu babembukilamo, ⁴Elo ngacakuti ena alibembukile elo alisangilwe ukuba no mulandu, ena afwile ukubwesha consefye ico asendele ngecakwiba nangu icamutitikisha, nangu ico icasekeshiwe kuli ena, nangu ico icalubile nomba ico ena aalicisangile.⁵mukulundapo, namuli consefye ico ena aalapile mukubepa, ena afwile ukucibwesha mubutuntulu bwaciko elo ena afwile ukucilundapo cimo icapali fisano camumulingo waciko no kucipela kumwine pabushiku ubo ena asangwa uwa mulandu. ⁶Eluntu ena afwile ukuleta umutulo wacamulandu wakwe kuli Yahweh, umulume wa mpanga uwabula akalema ukufuma mumukuni uyo uulingile no mulingo uuliko, ngomutulo wacamulandukui shimapepo. ⁷Nao shimapepo akamucitila amafuto pacinso cakwa Yahweh, elo ena akalekelelwa kuli consefye ico ena aaisakubelako uwa mulandu wakucicita.''⁸Eluntu Yahweh alandile kuli Mose, ati, ⁹''konkomesha Aaron nabana bakwe abaume, ati, 'Aya emafunde yamutuulo waca koca: umutulo wacakoca ufwile ukuba apakukosesha umulilo wapa bulambo ubushiku bonse mpakafye no lucelo, elo umulilo wapa bulambo ulekumetekafye.¹⁰Shimapepo akafwale ifyakufwala fyakwe ifyakolokondwe, elo kabili akafwale namantangasa yakwe aya kolokondwe. ¹¹Ena akakuse nemitoi iyo iyishala panuma umulilo ulyocele umutuulo wa cakoca pa bulambo, elo ena akabike imitoi mumbali ya bulambo. Ena akafule insalu shakwe nokufwala insalu shimbi kukusenda imitoi ukufumisha kunse yankambi no kutwala kuncende iyakusanguluka.¹²Umulilo pa bulambo ukalekumetekafye. taufwilekushima, na shimapepo akalekusunkilako inkuni kumulilo cila lucelo. Ena akateyanye no mutuulo wa cakoca ngecikokabilwapo, eloena akocelepo ifyamafuta yamitulo ya mutende. ¹³Umulilo ulekumetekafye pabulambo ukutwalilila. Tufwile kushima.¹⁴Aya emafunde ya mutuulo waca bunga. Abana baume bakwa Aaron bakacipeele kucinso cakwa Yahweh kucinso ca bulambo. ¹⁵Shimapepo akabulepo ulupi lumo ulwabunga bwakupeleka ubwa pamutuulo wa cabunga ne camafuta no lubani ulo babikile pa mutuulo wa cabunga, elo ena akocele pa bulambo kukuleta icena cisuma ngecakwimininako umutuulo.¹⁶Aaron nabana bakwe abaume bakalye consefye icashalapo paca mutuulo. Cena cifwile ukuliwa umwabula icitutumushi mu ncende iyakushila. Bena bakacilile mulubansa lwe hema lwa kulonganinamo. ¹⁷Cena tecakoca necitutumushimo. Nebo ndicipele ngecakuninika cabo mufya mutuulo fyandi ifyacitwa kumulilo. Cena cakushilisha, ngomutuulo wa calubembu elo ngo mutuulo wa camulandu. ¹⁸Umwaume onsefye uwa mulupwa lwakwa Aaron alekulyako kuli ici, ngecipope camuyayaya munkulo shenu, icakubulwa ukufuma mumutuulo wafya mulilo ifyacitilwa kuli Yahweh. Onsefye uwakumyako kulifyo akaba uwa kushila.¹⁹Eico Yahweh aalilandile kuli Mose nakabili, ati, ²⁰''uyu emutuulo wakwa Aaron nabana bakwe abaume, uyo bena bakatuulo kuli Yahweh pabushiku uluntu cila mwana asubwa: ica pekumi caku kaloni umo uwabunga bwakupeleka ngecamutuulo wa cabunga bwa nshiku shonse, chitika waciko mulucelo elo chitika waciko mucungulo.²¹Cena cikapangilwe na mafuta mwilata lyakocelamo. Uluntu cena cakumbilikwa, webo ukacilete mukati. mufyakumokaulwa fyakocewa webo ukatuula umutuulo wa cabunga kukuleta icena cisuma kuli Yahweh. ²²Umwana mwaume wakwa shimapepo mukulu uukooba shimapepo mukulu mupya ukufuma mu bana bakwe abaume alecituula. Ngecipope ca muyayaya, conse icamuli co cikocelwe kuli Yahweh. ²³Umutuulo onse uwa cabunga uwa kwa shimapepo ufwile waocewa umupwilapo. cena tecakulya.''²⁴Yahweh aalilandile na kabili kuli Mose, ati, ²⁵''Landa kuli Aaron naku bana bakwe abaume, ati, 'Aya emafunde ya mutuulo wapa lubembu: Umutuulo wapa lubembu ulekwipailwa pa ncende apo umutuulo wa cakoca wipailwa kucinso cakwa Yahweh.Cena caku shilisha. ²⁶Shimapepo uwatuula ici palubembu ewakalye. Cena cililwe mu ncende yakushila mulubansa lwe tenti lyakukumaninamo.²⁷Consefye icakumyako kumunofu waciko cikaba icashila, elo ngacakuti umulopa wasabukila pa nsalu, mwebo mufwile ukusukulula, apo umulopa usabukile, mu ncende yakushila. ²⁸Lelo inongo yebumba umo cena cipikilwe ilingilwe ukutobeka. Ngacakuti cena cipikilwe mumwipika wa mukuba, wena baukuuse no kuusamfya ubusaka mu menshi.²⁹Umwaume onsefye muli bashimapepo kuti alyako fimo kuli ici pantu cena ca kushilisha. ³⁰Lelo umutuulo onsefye uwaca lubembu uyo umulopa wauko uliletelwe mwi tenti lya kukumaninamo kucita amafuto muncende ya kushila taulingilwe kuliiwa. Wena ufwile ukoocewa.

¹Aya emafunde ya mutuulo waca mulandu. Cena cakushilisha. ²Bena bafwile ukwipaya umutuulo waca mulandu muncende umo cikpailwa, elo bena bafwile ukusansa umulopa waciko muncede shonse isha bulambo. ³Amafuta yaciko yonsefye yakatuulwe: umucila wa mafuta, amafuta ayo ayataabilila ifya munda, imfyo shibili na mafuta yashiko, ishakonka kumusana, ⁴nefyatabilila pwapwa, pamofye nemfyo-ifi fyonse fifwile ukufumyamo.⁵Shimapepo afwile ukoca ifipandwa ifi pabulambo ngo mutuulo wakucitwa no mulilo kuli yahweh. Uyu mutuulo waca mulandu. ⁶Umwaume onsefye uwa muli bashimapepo kutialyako fimo paca mutuulo uyu. Cena cifwile ukulilwa muncende ya kushila pantu cena caku shilisha.⁷Umutuulo waca lubembu waba ngo mutuulo waca mulandu. Amafunde yapa mituuloiyi yamoyenefye. Fwena fyakwa shimapepo uukucita amafuto nafyo. ⁸Shimapepo uwatuulilako umo umutuulo waca koca kuti akwata palwakwe umwine ukufisa ica mutuulo uyo.⁹Umutuulo onse uwaca bunga uocelwe mucitofu, no mutuulo onsefye uwipikilwe mwilata lyaku salwilamo nangu mwilata lya kocelamo ukaba wakwa shimapepo uutuulile. ¹⁰Umutuulo onse uwaca bunga, nangu waku sankanishiwamo na mafuta ukaba wakulinganafye kuli bamwana Aaron bonse abaume.¹¹Aya emafunde ya malambo yaca mutuulo wa mutende ico abantu bakatuula kuli Yahweh. ¹²Ngacakutila umo atuuleci pakupelo kutasha, eluntu ena afwile ukutuuleci namalambo yamikate yakupangwa ukwabulamo icitutumushi, nomba ayakusankanyamo na mafuta,kumikate yakupangwa ukwabulamo icitutumushi nomba ayakusubwako amafuta, elo kutumikate twakupangwa no bunga bwakupeleka iyo iyakusankanyamo na mafuta.¹³Nakabili pamulandu waku pela ukutasha, ena afwile ukutuula umutuulo wakwe uwa camutende no tumikate twamikate uwakupangilwa ne citutumushi. ¹⁴Ena ali no kutuulapo cimo mumusango wa aya malambo ngo mutuulo mukopela kuli Yahweh. Cena cikabe kuli bashimapepo abakana umulopa wa mutuulo waca mutende pa bulambo.¹⁵Umuntu uukopela umutuulo waca mutende pmulandu wakupelo kutasha afwile ukulya umunofu waca mutuulo wakwe pabushiku bwe lambo. Ena tafwile kushapo nangu cimo mpakafye ulucelo. ¹⁶Nomba ngacakuti ilambo lyaca mutuulo wakwe nipa mulandu wa mulapo, nangu pamulandu wa mutuulo wakuitemenwa, umunofu ufwilwe ukuliwa pabushiku ubo eno atuula ilambo lyakwe, nangu consefye icashalako kuti caliwa ubushiku bwakonkapo.¹⁷Nangu cingabefyo, umunofu onsefye uwelambo uwashalako pabushiku bwakulenga shitatu ufwile ukocewa. ¹⁸Ngacakuti umunofu onse uwa pelambo lya umo ilya mutuulo wamutende walikwa pabushiku bwakulenga shitatu, lyena talyakapokelelwe, nangufye nikumwine walituulile talya kalingwe. Cena cikaba cintu camuselu, no muntu uwacilya akapiita umulandu we sambi lyakwe.¹⁹Umunofu onse uwakumya ku cintu cisha sanguluka taulingilwe kuliwa. Wena ufwile ukoca. Lelo umunofu uwashala, uuli onse uwakusangululwa kuti alyako. ²⁰Nangu cingabefyo, umuntu uutasanguluka uwalya umunofu onse uwakufuma pe lambo ly mutuulo waca mutende ilyakwa Yahweh-uyo muntu afwile ukumutamfya ukufuma ku bantu bakwe.²¹Ngacakuti umo akumya kucintu conse icitasanguluka-nangu cibe muntu nangu inama nangu fintufye fimbi, icintu camankowesha_elo ngacakuti eluntu ena alyapo imnofu shimo ishe lambo lya mutuulo waca mutende uyo uuli wakwa Yahweh, uyo muntu afwile ukutamfya ukufuma ku bantu bakwe.'''²²Eluntu Yahweh alandile kuli mose, ati, ²³''Landa ku bantu bakwa Israeli ukwebati, mwebo mwilakulya amafuta yangombe ilume, impaanga, nangu ni mbushi. ²⁴Amafuta yanama yakufwa iitali nge lambo, nangu amafuta yanama iyakulepaulwa nenama sha mpanga, kuti yabomba kumilimo imbi, nomba mwebo cinefye tamufwile kulyako.²⁵Uyo onse uwalya amafuta yanama iyo abantu bengatuula ngelambo lyacitwa kumulilo kuli Yahweh, uyo muntu afwile ukutamfya ukufuma ku bantu bakwe. ²⁶Mwebo tamufwile kulya mulopa konsefye uku mwingekala, nangu ube wakufuma ku coni nangu ku nama. ²⁷Uyo onse uwalya umulopa uuli onse uyo muntu afwile ukutamfya ukufuma ku bantu bakwe.'''²⁸Eico Yahweh aalilandile kuli Mose nokuti, ²⁹''Landa ku bantu bakwa Israeli nokuti, 'Ena uyo uwatuula ilambo lya mutuulo waca mutende kuli Yahweh afwile ukuleta icipandwa celambo lyakwe kuli Yahweh. ³⁰Umutuulo wakwa Yahweh uukocitilwa ku mulilo, iminwe yakwe ifwile ukuuleta. Ena afwile ukuleta amafuta necifuba pakuti icifuba cingatambikwa ngo mutuulo waca kutambika kucinso cakwa Yahweh.³¹Shimapepo afwile ukoca amafuta pa bulambo, nomba icifuba cikabe cakwa Aaron na bana bakwe. ³²Mwebo mufwile ukupela umwendo wakukulyo kuli shimapepo ngo mutuulo uupelwe ukufuma pe lambo lya mituulo yenu iyaca mutende.³³Shimapepo, umo mubana bakwa Aaron, uwatuula umulopa wa mituulo yaca mutende na mafuta--ena eowakwate umwendo wakukulyo ngecakaniko cakwe ica mutuulo. ³⁴Pantu nebo ndibulilepo ukufuma ku bantu bakwa Israeli, icifuba, no mwendo ifyo fyabupe, elo fyena fyalielwa kuli Aaron shimapepo nabana bakwe abaume nge cakaniko cabo icanshiku shonse.³⁵Ici ecakaniko cakwa Aaron nabana bakwe ukufuma mu mituuloyakwa Yahweh iyacitwa no mulilo, pabushiku uluntu Mose abapele bena ku kubombela Yahweh mu milimo yabu shimapepo. ³⁶Ici ecakaniko ico Yahweh akonkomeshe ukupelwa kuli bena ukufuma mu bantu bakwa Israeli, pabushiku ubo ena asubile ba shimapepo. Cena cikalekubafye cakaniko cabo munkulo shonse.³⁷Aya emafunde yapa mutuulo waca koca, umutulo waca bunga, umutuulo wa cesambi umutuulo waca busubo, no mutuulo we lambo lya mutende, ³⁸ayo Yahweh apelelepo ifyebo kuli Mose palupililya sinai pabushiku ubo ena aebele abantu bakwa Israeli ukutuula amalambo yabo kuli Yahweh mu matololo ya sinai.'''

¹Yahweh aalandilekuli Mose ati, ²''Buula Aaron nabana bakwe abaume, ifyakufwala na mafuta yabusubo, ingombe ilume iya pamutulo wa cesambi, basukusuku babili, no museke wa mukate uwakubulamo icitutumushi. ³Kolonganika ibumba lyonse pa mweshi wakulola kwi tenti lya kukumaninamo.''⁴Eico mose acitile ifyo Yahweh amwebele, nebumba lyalishile pamo pa mwenshi wakulola kwi tenti lya kukumaninamo. ⁵Eluntu Mose alandile kwi bumba, ''Ici ecintu ico Yahweh aeba ukucita.''⁶Mose aaliletele Aaron nabana bakwe abaume no kubasamba na menshi. ⁷Ena alifwikile Aaron umwingila elo amukakile ne lamba mumusana wakwe, amufwikile na tambatamba noku mubikapo na efodi, elo eluntu amukakile efodi ukumushinguluka necikakilo ca mumusana ica kwengelelwa bune bune no kucikakila kuli ena.⁸Aalibikile na tumba wapa cifuba pali ena elo muli tumba alibikilemo urimu na tumimu. ⁹Aalibikile ne citebo ku mutwe wakwe, napa citebo, kuntanshi, aalibikileko akalilata kaku golde, iciongwe ca mushilo, ngefyo Yahweh amwebele.¹⁰Mose aalibulile amafuta ya busubo, aalisubile ne tenti na fyonse ifyalimo noku fishishisha kuli Yahweh. ¹¹''Aalikanine na mafuta pa bulambo imiku cine lubali, no kusuba ubulambo ne fibombelo fyabuko, no musambilo ne shinte lyauko, ku kufishishisha kuli Yahweh.¹²Aalitilepo yambi amafuta ya busubo pamutwe wakwa Aaron no kumusuba ku kumushisha. ¹³Mose aliletele abana bakwa Aaron abaume no kubafwika ne mingila. Aalikakile na malamba mumisana yabo no kupomba insalu shkolokondwe ukushingulusha kumitwe yabo, ngomo Yahweh amwebele.¹⁴Mose aaliletele ingombe ilume ya pa mutuulo wa lubembu, elo Aaron na bana bakwe abaume baalitambalikile amaboko yabo pa mutwe wa ngombe ilume iyo bena baletele ngo mutuulo waca lubembu. ¹⁵Ena aliipeye, elo abuulile umulopa ku munwe wakwe no kushinga kumasengo ya bulambo, no kusangulula ubulambo, aitiile umulopa pe shinte lya bulambo, no kuciatwila kuli Lesa, pakuti acite amafuto.¹⁶Aalibulile amafuta yonse ayali pafya munda, i sango ye libu ne mfyo shibili na mafuta ya shiko, elo Mose aocele fyonse pa bulambo. ¹⁷Nomba ingombe ilume, umukupo waiko, umunofuwaiko, na mafi yaiko afyocele kunse ya nkambi, ngefyo Yahweh amwebele.¹⁸Mose alipalamikile umulume wa mpanga ngo mutuulowaca koca, elo Aaron nabana bakwe abaume balitambalikile amaboko yabo pa mutwe wa mwana wa mpanga. ¹⁹Ena aalimwipeye no kukana umulopa waiko ukushingulushafye ubulambo bonse.²⁰Ena aaliputawile umulume wa mpanga mu fipandwa no koca umutwe elo ifipandwa na mafuta. ²¹Ena aalisamfishe ifya munda na molu na menshi, elo ena aocele umulume wa mpanga onse pa bulambo. Wali mutuulo waca koca elo walipele icena cabune, umutuulo wakuli Yahweh uwakucitwa ku mulilo ngefyo Yahweh aebele Mose²²Eluntu Mose aletele umulume wa mpanga naumbi, umulume wa mpanga uukoshishiwa, elo Aaron nabana bakwe abaume baalitambalike amaboko yabo pa mutwe wa mulume wa mpanga. ²³Aaron aalimukomene, elo Mose abuulilepo umulopa umbi no kushinga ku kalebelebe ka kukutwi kwakwa Aaron ukwa kukulyo, ²⁴Ena aaliletele ba mwana Aaron abaume, elo ena ashingile umuopa ku kalebelebe ka matwi yabo aya kukulyo, pa cikumo cakumaboko yabo ayakukulyo, elo napa cikondo icikulu ica kumakasa yabo aya kukulyo. Eluntu Mose akanine umulopawa mwana wampanga uwashelepo ukushingulushafye ubulambo bonse.²⁵Ena aalibulile amafuta, umucila wa kunama, amafuta yonsefye ayaali kufya munda, insongo ya libu, imfyo shibili na mafuta yashiko, no mwendo wa kukulyo. ²⁶Ukufuma mumuseke uwalimo umikate iyakubulamo icitutumushi iyali ku cinso cakwa Yahweh, ena aalibulilemo umukate umo uwakubulamo icitutumushi, no mukate umo uwakusubwako amafuta, na kukapapatu ka mukate kamo, no kufibika pa mafuta na pa mwendo wa kukulyo. ²⁷Ena aalifibikile fyonse mumaboko yakwa Aaron na mumaboko ya bana bakwe abaume no kufitambika ku cinso cakwa Yahweh ngo mutuulo waca kutambika.²⁸Eluntu Mose afipokele ukufuma mu maboko yabo no kufyocala pa bulambo ngo mutuulo waca koca. Fyali mutuulo wakushisha elo fyaleteke icena cisuma. Wali mutuulo wakucitwa no mulilo kuli Yahweh. ²⁹Mose alibulile icifuba no kucitambika ngo mutuulo waca kutambika kuli Yahweh. cali cipande cakwa Mose icakumpanga iilume icapakusubwa kwa bushimapepo, ngomo Yahweh amwebele.³⁰Mose alibuulile amafuta yamo ayabusubo na mulopa uwali pa bulambo; aalifikanine pali Aaron, pafya kufwala fyakwe, pa bana bakwe abaume elo napa fyakufwala fyabana bakwe abaume. Mulyulu lubali aalipatwileko Aaron ne fyakufwala fyakwe, nabana bakwe abaume nefyakufwala fyabo kuli Yahweh.³¹Eico Mose aalilandile kuli Aaron naku bana bakwe abaume, ''Ipikileni inama pa mwenshi wakwi tenti lya kukumaninamo, elo palya pene epo mulile no mikate iili mu museke wa mituulo yakushisha, ngomo nebo nakwebela, ati, 'Aaron nabana bakwe abaume ebakafilya.' ³²Consefye icashalapo ica nama neca mukate mwebo mufwile ukoca. ³³Mwebo tamufwile kufuma pamwenshi wa tenti lya kukumaninamo panshiku cine lubali, mpakafyeinshiku shabusubo bwenu shafikilishiwa. Pantu Yahweh akamisuba mwebo panshiku cine lubali.³⁴Icacitwa lelo -Yahweh aalikonkomesha ukucitwa ukupanga amafuto pali mwebo. ³⁵Mwebo mukekala akasuba no bushiku panshiku cine lubali pa mwenshi wakwi tenti lyakukumaninamo, nokusunga icipope cakwa Yahweh, lyena mwebo tamwakafwe, pantu ifi efyo nebo bankonkomesha.'' ³⁶Eico Aaron nabana bakwe abaume baalicitile fintu fyonse ifyo Yahweh abakonkomeshe bena ukupitila muli Mose

¹Pa bushiku bwakulenga cine konse konse Mose alikutile Aaron nabana bakwe abaume na bakalamba bamu Israeli. ²Alandile kuli Aaron ati, ''Bula iciponti ukufuma pa ngombe shobe ngo mutuulo wa lubembu, elo ne mpanga iilume iyakubula akalema nge lambo lya koca, elo ufipele kuntanshi yakwa Yahweh.³Webo ufwile ukulanda ku bantu ba mu Israeli elo ulande ati, 'Buleni pumbwe nge lambo lya pa lubembu elo iciponti ca ngombe elo no mwana wa mpanga. Shonse isha mwaka umo elo ishabula akalema, ifye lambo lya koca; ⁴Kabili mubule ingombe iilume elo ne mpanga iilume nge lambo lya mutende ukupela kuntanshi yakwa Yahweh, elo no mutuulo wa ngano uwakusankanishiwamo na mafuta, pantu lelo Yahweh alemonekela kuli mwebo.'''' ⁵Eico baliletele fyonse ifyo Mose akonkomeshe kwi tenti lya kukumaninamo, elo no lukuta lonsefye ulwa mu Israeli lwalipaleme elo no kwimakana kuntanshi yakwa Yahweh.⁶Eluntu Mose alandile ati, ''Ifi efyo Yahweh akonkomeshe mwebo ukucita, pakwebati ubukata bwakwe bumonekele kuli mwebo.'' ⁷Mose alandile kuli Aaron ati, ''Isa upalamine kucipailo elo no kupela ilambo lya lubembu elo ne lambo lya koca, elo uifutileko imembu shobe elo ne sha bantu, elo upele ilambo lya kuipelesha pakuti abantu bafutwe imembu shabo, ngefyo Yahweh akonkomeshe.''⁸Eico Aaron ailekupalamina ku cipailo no kwipaya umwana wa ngombe nge lambo lya lubembu, ilyo ilyali lyakwe. ⁹Abana baume bakwa Aaron balipele umulopa kuliye, elo alitubikilemo akakumo kakwe mulya mwine elo no kubika ku masengo ya bulambo; elo aitila umulopa munshi ya bulambo.¹⁰Kaili, alyocelepo amafuta, imfyo elo ne fyakupombana ifya mabu ku bulambo nge lambo lya lubembu, ngefyo Yahweh akonkomeshe Mose. ¹¹Iminofu ne mpapa alifyocele kunse ya nkambi.¹²Aaron alipeye ilambo lya koca, elo abana baume bakwe balimupele umulopa, uo alikusansaika kumbali shonse isha bulambo. ¹³Eluntu bamupele ilambo lya koca, mu tupimfya tupimfya, pamo no mutwe, alifyocele pa bulambo. ¹⁴Ena alisamfishe no tupimfya twa mukati elo na molu elo no kufyocela pa mulu we lambo lya koca pa bulambo.¹⁵Aaron aliletele ilambo lya bantu- imbushi, elo no kuipita nge lambo lya membu shabo elo aliipeye; aliipele nge lambo lya pa membu, ngefyo acitile ku mbushi ya kutampilapo. ¹⁶Ena aliletele ilambo lya koca elo alilipele ngefyo Yahweh akonkomeshe. ¹⁷Ena aliletele icabupe ca ngano; alifiswiswe mu minwe yakwe elo alishocele pa bulambo, kumofye ne lambo lya koca ilya lucelo.¹⁸Alipeye kumo ingombe iilume elo ne mpanga iilume, nge lambo lya cabupe ca mutende, ilyo ilyali lya bantu. Abana baume bakwa Aaron balimupele umulopa, uo alikusansaika ku mbali ya bulambo. ¹⁹Nangula califi balikuputaula amafuta ya ngombe iilume elo ne mpanga iilume amafuta ya kumucila, amafuta ayafimba pafya mukati, imfyo, ne fifimba ku mabu.²⁰Balibulile ifipimfya ifyo ifyaputulwa elo no ufibika pa mabele, eluntu Aaron aocele ifya mafuta pa bulambo. ²¹Aaron alitambikile amabele elo ne tanta lya ku kulyo nge lambo lya kutambika ku ntanshi yakwa Yahweh, ngefyo Mose akonkomeshe.²²Elo Aaron aishilekwimya amaboko yakwe pa mulu ukutwala ukwali abantu elo alibapalile; uluntu aishilekutentemuka ukufuma mukupela icabupe ca lubembu, ilambo lya koca, elo ne lambo lya mutende. ²³Mose elo na Aaron baile mwi tenti lya kukumananamo, eluntu baishile kufuma nakabili elo balipalile abantu, elo no bukata bwakwa Yahweh bwalimonekele ku bantu bonse. ²⁴Umulilo walishile ukufuma kuli Yahweh elo no koca icabupe ca koca na mafuta pa bulambo. Uluntuabantu bonse babwene fi, balipundile elo balikontamikile ifinso fyabo panshi.

¹Nadabu na Abihu, abana baume bakwa Aarone, cilamuntu aishile kubula icifutumwino ckwe, baishile kubika umulilo mukati kaciko, elo eluntu baishile kubikapo ifyanunkila. Eluntu baishile kubikapo umulilo uutasuminishiwe ku cinso cakwa Yaweh, uwo bena tabasuminishe ukubikamo. ²Eico umulilo waishile kufuma ku cinso cakwa Yaweh nokubocela. elo balifwilew ku cinso cakwa Yaweh.³Eluntu mose aishile kulanda kuli Aaron, ''Ifi efintu Yahweh alikulanda palwa ifi uluntu ena alandile, Ndinokusokola bumushilo bwandi kuli abo abapalamina kuli nebo. Nkacindamikwa pa bantu bonse.''' Aaron talandile ifili fyonse. ⁴Mose aishile kukuta Mishaele elo na Elsafani, abana baume bakwa Usiele nalume wakwa Aaron, elo aishile kulanda kuli bo, ''Isa kuno elo piita bandume shobe ukubafumya pankambi ukufuma umwashila.''⁵Eico baishile kwisa mupepi elo nokubapiita, ninshi balifwele imingila yakubashimapepo wabo, kunse yankambi, ngefyo Mose abebele. ⁶Eluntu Mose aishile kulanda kuli Aaron na kuli Eleasari nakuli Itamari, kubana bakwe abaume, ''Mwilakuleka umushishi ku mitwe yenu ukulekushiwa elo mwilepula ififwalo fyenu, pakwebati tamufwile, elo ukuti Yahweh eba nokubukali pabalukuta bonse. Nomba suminisheni aba mung'anda yenu, bonsefye abamu ng'anda yakwa Israeli, ukulosha abo umulilo wakwa Yahweh waocele ku kumbabula. ⁷Tamufwile mwaya ukufuma pa mwinshi wa cikulwa cakukumaninapo, epali mwafwa, pantu amafuta yepalo ayakwa Yahweh yali pali mwebo.'' Eico baishile kucita ukulingana nefyo Mose abebele.⁸Yahweh aishile kulanda kuli Aaron. ati, ⁹''Mwilakunwa umwangashi nangula ukunwa ifikola, mwebo, nangula abana benu abaume abali pamo nobe, uluntu mwaya micikulwa cakukumaninapo, eico mwebo tamwakafwe. Ili efunde lyamuyayaya ku nkulo sha bantu bobe bonse, ¹⁰kukulekanya aba mushilo elo nabafye, elo pakati ka cakukowela elo ne casanguluka, ¹¹pakuti mulekufunda abantu bakwa Israeli ukuti Yaweh alilandile ukupitila muli Mose.''¹²Mose aisgile kulanda kuli Aaron na kuli Eleasari elo na kuli Itamari, abana baume bakwe abashelepo, ''Piiteni umutulo wa ng'ano uyo washele kumitulo wakwa Yahweh uwapangilwe ku mulilo, no kulya ici ukwabula icitutumushi mupepi no bulambo, pantu cena ca mushilo nganshi. ¹³Mufwile ukulya ici muncende ya mushilo, pantu ici cilipelwe kuli mwebo nabana benu abaume pa mutulo wakwa Yahweh uwapangilwe no mulilo, pantu ici eco nebo na ebelwe ukumyeba mwebo.¹⁴Ibele ilyo ilikosusha elo no mwendo uyo uupelwe kuli Yahweh, mufwile ukulila mu ncende iya busaka iya suminishiwa kuli Lesa. Mwebo na bana benu abaume na banakashi abali na mwebo mufwile ukulya ifyo ifipelwe, pantu fyapelwe nge cakaniko cobe neca bana bobe abaume wabaanye pa malambo ya mutulo wapa mutende uwa bantu bakwa Israeli. ¹⁵No mwendo uyo uwapelwe nebele ilyo ilikossusha, bena bali nokuleta umutulo wa mafuta uwapangwa no mulilo, ku kususha ku cinso cakwa Yahweh. Bena bali nokuba abobe na bana bobe abaume abali nobe nge cakaniko ica muyayaya, ngefyo Yahweh abakonkomeshe.''¹⁶Eluntu Mose aishile kufwaya imbushi yapa mutulo waapa lubembu, elo aishile kusanga ukuti ilyocewelwe. Eico ali no bukali kuli Eleasari na kuli Itamari, abana baume bakwa Aaron abashelepo; ena aishile kulanda, ¹⁷''Cindo mwebo mtalilile umutulo wapa lubembu mu ncende umwa mushila, apo cena ca mushilo nganshi, elo apo Yaweh alipele ici kuli mwebo ku kupiita aya mampuulu yalukuta, ku kufutilako bena ku cinso cakwe? ¹⁸Boneni, umulopa wa ciko taba uleteele umwashila mukati, Eico mufwile ukulila mu ncende umwashila, ngefyo nebo anjebele.''¹⁹Eluntu Aaron aishile kwasuka Mose, ''Bona, lelo bena balipangile umjutulo wapa lubembu lwabo no mutulo wakoca ku cinso cakwa Yahweh, neci cintu cilcitikile kuli nebo lelo. Nga nebo ndya umutulo wapa lubembu, bushe kuti caba bwino mu menso yakwa Yahweh?'' ²⁰Uluntu Mose aishile kumfwa ici, alisansa mukile.

¹Yahweh aishile kulanda kuli Mose elo nakuli Aaron, ati, ²''Landa ku bantu bakwa Israeli, ati, 'Ifi efyo mwebo mufwile ukulya mu nama shonse ishapano calo.³Mwebo mufwile ukulya inama yonse iyo iyakulepuka amabondo elo neyo yonse iibukula insaku. ⁴Lelo, inama shonse shimo ishibukula insaku nangula ishakwata amabondo ayakulepuka, elo mwbo tamufwile mwashilya shena, inama ishapala nge ngamila, pantu shena shibukula insaku nomba tashakwata amabondo ayakulepuka. Eico ingamila shakukowela kuli mwebo.⁵Lelo batika nao, pantu na alabukula insaku nomba takwata amabondo ayakulepuka, cena cakukowela kuli mwebo. ⁶Akalulu, pantu kalabukula insaku, nomba takakwata amabondo ayakulepuka, kakukowela kuli mwebo. ⁷Inkumba, nangu yakwata amabondo yakulepuka, taibukula insaku, ya kukowela kuli mwebo. ⁸Mwebo tamufwile ukulya iminofu yashiko, nangula ukwikata ifitumbi fya fiko. Fyena fyakukowela kuli mwebo.⁹Ifinama ifyo ifikala mu menshi ifyo mwebo mukalekulya nefyo fyonse ifikwete ifipepe na mamba, nelyo fye muli bemba nangula mu milonga. ¹⁰Nomba ifya mweo fyonse ifyo ifitakwete ifipepe na mamba ifya muli bemba nangula mu milonga, ukubikapofye na fyonse ifyo ifisenya mu menshi na fyonse ifya mweo iyfaba mu menshi-- fyena fifwile fyaba ifya kakamika kui mwebo.¹¹Apo fyena fili ifya kakamika, mwebo tamufwile ukulya iminofu shafiko; nakabili, nefitumbi fyafiko fifwile fyaba ifya makakamika. ¹²Consefye icikala mu menshi elo icitakwata icipepe elo na mamba ca makakamika kuli mwebo.¹³Ifi efyuni mwebo mufwile ukubona ifyabunani-- elo tamufwile mwalya pantu fyena fya makakamika: kapumpe, ikubi, elo ne kubi ilya kufita, ¹⁴pungwa, no musango onse uwa cikoshi, ¹⁵ne misango yonse iyakwa mwankole, ¹⁶mwakatala ne cipululu, petrele, no musango onse uwa lukoshi.¹⁷Mwebo nakabili mufwile mulekukakamba akapululu akanono na bumba mukalamba, netiti mushi, ¹⁸icipululu na swelelele, ne kubi, ¹⁹icipansankola, ne misango yonse iya nkowa, puute, elo na kasusu.²⁰Fyonse ifishishi ifipupuka elo no kwendela ku molu yane ifi fyamakakamika kuli mwebo. ²¹Awe kuti mwalya fyonse ifyamu fishishi ifipupuka fyo fyendela ku molu yane nga fyena fili kwete amolu ayakumika na pantu yakucilaukilako pa mushili. ²²Mwebo efyo mufwile ukulya ifyamu misango yonse iya muli makanta, akapuma, inyense, nangula inshonkonono. ²³Nomba fyonse ifishishi ifipupuka ifyo ifikwete amolu yane fyamakakamika kuli mwebo.²⁴Mwebo muli nokuba abakukowela mpaka icungulo pali ifi finama nga mwebo mwaikata ku citumbi ica muli fyena. ²⁵Onse uwapitapo cimo ica mufitumbi fyaciko afwile asuke ififwalo fyakwe elo ashele uwakaele mpaka icungulo.²⁶Conse icinama ico icalepuka amabondo ico icitapwililika ukwabanishiwa nangula ico icitabukula insaku cakukowela kuli mwebo. Uyo onse uwaikata kuli fyena akaba uwakukowela. ²⁷Consefye icendela ku fisansa fya ciko muli shonse inama isho ishendela kumolu yonse yane, shena shakukowela kuli mwebo. Uyo onse uwaikata ku citumbi akaba uwakukowela mpakafye icungulo. ²⁸Uyo onse uwapita icitumbi ca ici afwile asuke ififwalo fyakwe elo abe uwakukowela mpaka icungulo. Ishi nama shikaba ishakukowela kuli mwebo.²⁹Ku finama ifyo ifyendela pa mushili, ishi enama ishikaba isha kukowela kuli mwebo: Imfuko, koswe, umusango onse uwakwa malinso umukulu, ³⁰kolokombwa, insamba, malinso, ne kulu mushi, elo na fulunyemba.³¹Ku finama fyonse ifikulika, ishi enama ishikaba isha kukowela kuli mwebo. Uyo onse uwaikata shena uluntu shena shifwile ena akaba uwakukowela mpaka icungulo. ³²Nga conse ica muli fyena cafwa no kuponena pali conse, ico cintu cikaba icakukowela, napamo capangilwe ne cimuti, ne nsalu, umukupo, nangula icisamu. Nangula cingaba shani elo nangula cingabafwa shani, cena cifwile cibikwe mu menshi; cena cikaba icakukowela mapaka icngulo. Eluntu cena cikaba icasanguluka. ³³Pantu inongo yonse iyebumba umo inama yonse yaponena, conse icili mu nongo cikaba icakukowela, inongo ili no kwisa kuba iyakukowela, elo mwebo mufwile ukuti mwayonaula iyo nongo.³⁴Ifilyo ifili fyonse ifingalikwa nomba fikwete amenshi ukufuma mu mpoto ilya iyafyakukowela. Na menshi yonse ayakunwa ayafuma mu mpoto ilya iyakukowela. ³⁵Icintu conse apo cimo ica mufitumbi capona casanguka icakukowela; nga ni pepuku nangula ijipiko iyinono. Cena citobaulwe mutupimfya. Elo fyena fili fyakukowela elo fyena fibe ifyakukowela kuli mwebo.³⁶Akamfukumfuku nangula mu cishima icabaungila amenshi fyena fyakutwalilila ukusanguluka; nomba umo uyo uwaikata kufitumbi fya fiko aba ukukowela. ³⁷Nga iciputulwa cimo ica mufitumbi nga caponena pa mbuto shonse ishaku byala, idho mbuto shikaba isha sanguluka. ³⁸Nomba amenshi nga yabikwa mumbuto, elo nga iciputulwa cimo icamu fitumbi fya fiko caponena pali shena, eluntu shaba ishakukowela kuli mwebo.³⁹Nga inama imo iyo mwebo mwingalya yafwa, eluntu ena uyo uwaikata icitumbi caciko aba uwakukowela mpaka icungulo. ⁴⁰Onse uwalyako icamu citumbi icili conse afwiel asuke ifwalo fyakwe elo aba uwakukowela mpaka icungulo. Uyo onse uwapita icitumbi akasuke ififwalo fyakwe elo aba uwakukowela mpaka icungulo.⁴¹Icinama conse ico icisenya pa mushili ica makakamika; cena tacifwile calikwa. ⁴²Conse icendela palufumo, na conse icendela kumolu yonse yane, nangula conse icaba na makasa ayengi-- fyonse ifinama ifikulika pa mushili, ifi mwebo ta mufwile ukulya, pantu fyena fya makakamika.⁴³Mwebo tamufwile ukuilenga mwebene ukuba abakukowela ku ca mweo icili conse ico icikulika; mwebo ta mufwile ukuilenga mwebene abakukowela kuli fyena, mwebo tamufwile ukuilenga ukuba abakukowela kuli fyena, ukuti mwikoweshiwa kuli fyena. ⁴⁴Pantu nebo nine Yahweh Lesa wenu. Mulekuisunga mwebene abamushilo, pantu nebo ndiwa mushilo. Tamufwile ukuikowesha mwebene ku musango onse uwanama iyo iyi kulika pa mushili. ⁴⁵Pantu nebo nine Yahweh, uyo uwamifumishe mu calo ca Egypto, ku kuba Lesa wenu. Eico mwebo mufwile ukuba aba mushilo, pantu nebo ndi wamushilo.⁴⁶Aya emafunde yapa finama, pa fyoni, pafya mweo ifikulika mu menshi, elo na pafya mweo ifsenya pa mushili, ⁴⁷pantu ici ecakupatulukanya ku kumulenga ukwishiba pakati ka cakukowela ne casanguluka, elo pakati ka ca mweo conse ico mwingalya elo ne ca mweo conse ico mutengalya.'''

¹Yahweh aishile kulanda kuli Mose, ²''Landa kubantu bakwa Israeli, ukuti, 'Nga umwanakashi aimita no kupaapa umwana umwaume, eluntu ena akaba uwakukowela pa nshiku cine lubali, ena aba uwakukowela munshiku isho ena aba ku mwenshi. ³Pabushiku bwalenga cine konsekonse inkanda yakuntanshi iyakubwaume ikasembululwe.⁴Eluntu ukusangululwa kwakwa nyia ukufuma kwa mulopa wakwe uli no kukonkanyapo pa nshiku amakumi ya tatu-- na shitatu. Umwanakashi tafwile aikata icintu tafwile aikata icintu icamushilo mpaka inshiku shakusanguluka kwakwe shapwa. ⁵Nomba nga apaapa umwana umwanakashi, eluntu akaba uwakukowela pa nshiku shibili, nga filya fine akowela ulo aba ku mwenshi. Eluntu ukusangululwa kwakwa nyina kuli no kutwalilila pa nshiku amakumi mutanda- na mutanda.⁶Uluntu inshiku sha kusangululwa kwakwe shapwa, pa mwana umwaume, nangula pa mwana umwanakashi, umwanakashi afwile aleta umwana wa mpaanga uuli no mwaka umo ngo mutulo wakoca, elo nakana ka nkunda nangula icipele nge ca mutulo wapa lubembu, ku mwinshi wa cikulwa cakukumaninapo, kuli shimapepo.⁷Eluntu ena ali no kutula pa cinso cakwa Yahweh no kumufutilako ulubembu, elo ena akaba uwakusangululwa ku kufuma kwa mulopa wakwe. Ili efunde lyakwa na mayo uwapaapa umwana umwaume nangula umwna umwanakashi. ⁸Nga takwete umwana wa mpanga, eluntu afwile apite impele shibili nangula utwana twa nkunda tubili, umo ngo mutulo wa cakoca na umbi ngo mutulo wa lubembu, na shimapepo akamufutilako ena; eluntu ena akaba uwakusanguluka.'''

¹Yahweh aishile kulanda kuli Mose elo na kuli Aaroni, aishile kulanda ati, ²''Ngo muntu alikwete pa nkanda ya mubili wakwe icibobela nangula icisemba nangula icimatiko, elo naco caisakuba ubulwele elo paba ubulwele pa nkanda ya mubili wakwe, eluntu ena aletwe kuli Aaroni umukulu wakuba shimapepo, nangula kuli umo uwa mubana baku bashimapepo.³Eluntu shimapepo akamone ubulwele munkanda yamubili wakwe . Ngamasako pa mpumi yalyalukile aya kubuta , elo ubulwele ngabwaboneka ukushika ucile nkanda , cena bulwele bwafibashi . Panuma shimapepo ena , ena amushimbule uwakukowela . ⁴Nga icimatiko munkada yakwe cilibutile , nokuboneka kwaciko takushikile ucile inkanda , elo nga masako mubulwele tayalukile ayakubuta , eluntu shimapepo afwile atalushe uyo awabulwele pashiku cine lubali .⁵ubushiku bwalenga cine lubali , shimapepo afwile akamubone ena nga mukutontonkanya kwakwe ubulwele tabubipile ukucila , elo nga tabulundulukile munkanda . eluntu shimapepo afwile uku mutalusha ena inshiku cinelubali. ⁶Nakabili shimapepo amubone pabushiku bwalenga cine lubali kukubona nga buli bwino elo tabulundulwike pankanda . Nga tabulundulwike , eluntu shimapepo amulumbule ena uwakusanguluka . Cisemba fye .Ena akasambe ifyakufwala fyakwe , no kusanguluka .⁷Lelo nga icisemba cililundulukile pankanda panuma ena aliilangile kuli shimapepo kukulumbulwa ukusanguluka kwakwe , ena afwile kabili akailange kuli shimapepo kabili . ⁸Shimapepo akamubone ena kukubona nga icisemba nga cililundulukile , eluntu shimapepo afwile ukumulumbula ena uwakowela . cena fibashi .⁹Uluntu ubulwele bwa fibashi bwaba mu muntu, elunu ena aletwe kuli shimapepo. ¹⁰Na shimapepo akamubone ena ku kubona nga muli icifimfi cakubuta, nga amasako yalyulukile ayakubuta, nangula nga pali umunofu pa cifimfi. ¹¹Nga epo cili, ninshi fyena fibashi fyapa nkanda, elo shimapepo afwile amishimbule ena uwakukowela. Ena ekamwisalila, pantu ena wakukowela.¹²Nga ifibashi fyayandalila munkanda nokukumana pankanda yonse ya muntu kumpumi ukutula pa mutwe wakwe ukwisa kufika kumakasa yakwe , monse umwaboneka kuli shimapepo . Eluntu shimapepo afwile amubona ena kubona ifibashi nga fili filikumene umubili wakwe onse . ¹³Ngafili kumene , eluntu shimapepo afwile amulumbule umuntu wa kwete ifibashi uwakusanguluka . Ngafyene fyonse filisangukile ifyakubuta , elo ena wakusanguluka , ¹⁴Lelo umunofu nga ubishi waboneka pali ena ,ena akaba uwa kukowela .¹⁵Shimapepo afwile ukulekulolesha pa munofu uubishi no kumulumbula ena uwakukowela pantu umunofu wakukowela. ¹⁶Lelo nao umunofu wasanguka uwakubuta nakabili, eluntu umuntu alekuya kuli shimapepo. ¹⁷Na shimapepo ali no kumubona ena ku kubona nga impumo ilyalukile iyakubuta. Nga ilyalukile eluntu shimapepo ulumbule ulya muntu uwasanguluka.¹⁸Uluntu umuntu ali ne cipute pa nkanda elo capola, ¹⁹elo mwipunda lya cipute mwaba icifimfi cakubuta nangula icimatiko cakashika, eluntu cena cilangwe kuli shimapepo. ²⁰Na shimapepo akacibone cena ku kubona cena nga cikolanga ukushika pa nshi ya nkanda, elo nga amasako yalyalukile aya kubuta. Nga cilifyo, eluntu shimapepo amushimbule uwakukowela. Cena ni mpumo ya fibashi, nga cena catumba pa ncende apo icipute cali.²¹Lelo nga shimapepo acibona cena no kubona ukuti tapali amasako ya kubuta, elo ukuti tacishikile ukucila inkanda lelo cilishilile, eluntu shimapepo amwisalile ena inshiku cine lubali. ²²Nga cena calunduluka pa nkanda, eluntu shimapepo amulumbule ena uwakukowela. Cena bulwele bwa fibashi. ²³Lelo nga icimatiko cili apo caba elo tacilundulukile, ninshi cena mukofu uwacipute, elo shimapepo amulumbule uwakusanguluka.²⁴Uluntu pa nkanda paba ifibobela elo no munofu wafibobela waisakuba icimatiko cakukashika nangula icakubutulukila, ²⁵eluntu shimapepo acibone cena kukucibona nga cakutila amasako mu cimatiko cilya yalyalukile ayakubuta, elo nga cena caboneka ukushika ukucila inkanda. Nga cilishikile, lyena bulwele bwafibashi. Cena cilitumbile ukufma mu fibobela, elo na shimapepo amulumbule ena uwakukowela, cena bulwele bwafibashi.²⁶Lelo nga shimpepo acibona cena elo asanga ukutila tapali amasako yakubuta pacimatiko, elo cena tacishikile ukucila inkanda lole cilshikile, eluntu shimapepo amwisalile pa nshiku cine lubali. ²⁷Eluntu shimapepo akamubone ena pa bushiku bwakulenga cine lubali. Nga cena cililundulukile pa nkanda, eluntu shimapepo akamulumbule uwakukowela. Cena bulwele bwafibashi. ²⁸Nga icimatiko caba pa ncende yaciko elo tacilundulukile pa nkanda lelo na cishilila, lyena ci fimfya ca mulilo, na shimapepo amulumbule uwakusanguluka, pakati ka cena mukofu wa mulilo.²⁹Ngo mwaume nangula umwanakashi alikwete ifibashi pa mutwe nangula cinefu, ³⁰eluntu shimapepo abone umuntu uyo ubulwelu ukubona nga caboneka ukushika ukucila inkanda, elo nga pali umutuntula, umushishi wa nkanda muli cena. Nga mwaba ifi, eluntu shimapepo afwile amulumbule ena uwakukowela. Cena cilonda, cafibashi fya mutwe nangula icnefu nefu.³¹Nga shimapepo abona icilonda cabulwele no kubona ukutila cena ta cishikile ukcila inkanda, elo nga takuli no mushishi wakufita muli cena, eluntu shimapepo amwisalile umutntu uwacilonda pa nshiku cine lubali.³²Pa bushiku bwakulenga cine lubali shimapepo akabone ubulwele ku kubona nga tabulundulukile. Nga tamuli umushishi wa mutuntula, elo nga ubulwele bwaboneka ukushika munkanda, ³³eluntu ena abeyewe, lelo pa ncende ya cilonda pe beyewa, elo shimapepo amwisalile umntu uuli ne cilonda cabulwele pa nshiku cine lubali na shimbi.³⁴Pa bushiku bwakulenga cine lubali shimapepo akabone icilonda ku kubona nga cililekele ukulunduluka pa nkanda. Nga cena caboneka ukukana lunduluka pa nkanda eluntu shimapepo amulumbule ena uwakusanguluka. Umuntu afwile ukuwasha ifya kufwala fyakwe, elo eluntu akaba uwakusanguluka.³⁵Lelo nga icilonda ca lunduluka pa nkanda pa numa shimapepo alimulumbwile ena ukusanguluka, ³⁶eluntu shimapepo afwile ukubona ena nakabili. Nga ubulwele buli sandulukile pa nkanda, shimapepo ekafwaya umushishi wa mutuntula. Ena alikowelele. ³⁷Lelo nga mu menso yakwa shimapepo icilonda cililekele ukulunduluka elo no mushishi wakufita ulimenene, ninshi icilonda cili polele. Ena alisangulukile, wlo shimapepo afwile amulumbule ena uwakusanguluka.³⁸Ngo umwaume nangula umwanakashi alikwete ifimatiko pa nkanda, ³⁹eluntu shimapepo afwile abone umuntu uyo ku kubona nga icimatiko cili cakubutulukila, ico cicli fitembwa ifyo ifya kufuma mu nkanda. Ena alisangululwa.⁴⁰Ngo umuntu umushishi ulifumune ku mutwe wakwe, ena wepala, lelo ena alisanguluka. ⁴¹Nga ena umushishi wakwe wafumina pa ntanshi ya mutwe wakwe, elo nga impumi yakwe yaba ipala, ena alisanguluka.⁴²Lelo nga mwaba icilonda cakukashika- no kubuta mwipala lykwe nangu mwipala lya ku mpumi, lyena fibashi ifikotumba. ⁴³Eluntu shimapepo amubone ena ku kubona nga icifimfi ca mpumo cili mwipala lyakwe nangula mwipala lya ku mpumi cilikashikile ukubutuluka, ngo kuboneka kwa fibashi pa nkanda ya mubili. ⁴⁴Nga cili ifyo, eluntu ena alikwete ifibashi elo ena wakukowela. Na shimapepo afwile amulumbule uwakukowela pantu mu mutwe wakwe muli ubulwele.⁴⁵Umuntu uuli no bulwele bwa fibashi afwile ukufwala ifyakulepauka ifyakufwala, umushishi wakwa ufwile walekwafye, elo afwile ukufimba pa menso ukufika pa mona no kubilikisha, 'Ukukowela, Ukukowela. ⁴⁶Inshiku shonse isho ena ali nobulwele bwa fibashi ena akulekuba uwakukowela. Pantu ali uwakukowela ku bulwele ubo ubwingasalangana, ena afwile ekale. Afwile ekale kunse ya nkambi.⁴⁷Icakufwala ico umwaba impumo yakubuta, nangula cili ca masako nangula icakufwala caa kolokondwe, ⁴⁸nangula conse icakupikulwa ukufuma kumasako nangula kolokondwe, nangula kumukupo nangula conse icakupangwa kumukupo-- ⁴⁹nga mwaba ifya kufitulukila nangula ifya kukashikila mu cakufwala, mu mukupo, mu masako nangula mu cipe conse icakupikulwa, nangula cose icakupangwa ku mukupo, eluntu cena ni mpumo yafibashi iisalanga; cena cifwile cilangwe kuli shimapepo.⁵⁰Na shimapepo afwile abone icipe ca mpumo; afwile asalile conse ico icili ne mpumo pa nshiku cine lubali. ⁵¹Afwile abone impumo nakabili pa bushiku bwa kulenga cine lubali. Nga cena cilisandulukile mu fyakufwala nangula muli conse ubushishi nangula conse icakupikulwa ukufuma ku masako nangula ku mukupo nangula conse icacitwa ku mukupo, eluntu cena ni mpumo iya bubi, elo ne cipe cakukowela. ⁵²Afwile akoce ne fyakufwala, nangula conse icabushishi nangula icakupikula ukufuma ku masako nangula ku cipe cakolokondwe, nangula kumukupo nangula conse icakupangwa ku mukupo, conse icilimo impumo, pantu cena kuti catwala ku fibashi. Ifinti ifi fikocewe umupwilapo.⁵³Nga shimapepo abonapo elo abona ukuti impumo tailundulukile mu fyakufwala nangula mu cipe ca bushishi nangula icakupikulwa ukufma ku masako nangula kolokondwe, ⁵⁵eluntu ena akese kubeba ukusamba icilimo impumo, elo akacisalile inshiku cene lubali na shimbi. ⁵⁴Eluntu shimapepo akacibone pa numa impumo shilisambilwe. Nga impumo tayalukile imibonekele, kabili tailundulukile, cena cakukowela. mufwile ukoca, tepamulandu impumo ili iyakuola.⁵⁶Nga shimapepo acibona, elo impumo nga ili eyefilyako panuma ya kusambwa, eluntu akailepulemo mu cakufwala nangula mu mukupo, nangula mu bushishi nangula mu cipe cakupikulwa. ⁵⁷Nga impumo icili ikobena mu cakufwala, nangula mu bushishi nangula mu cipe ca kupikulwa, nangula muli conse ica mumukupo, cena cikosanduluka. Mufwile moce conse icilimo impumo. ⁵⁸Icakufwala nangula conse ica bushishi nangula icakupikulwa ukufuma ku masako nangula ku cipe cakoklokondwe, nangula ku mukupo nangula conse icakupangwa kumukupo-- nga wacisamba elo impumo yaisa kufumamo, eluntu cena cikasambwe imiku ibili, elo cna cikesakusanguluka.⁵⁹Aya emafunde ya mpumo ya fibashi mu cakufwala ca masako nangula muli kolokondwe, nangula muli conse ica bushishi nangula icakupikulwa ukufuma mu masako nangula ku cipe ca kolokondwe, nangula ku mukupo nangula kuli conse icakupangwa ku mukupo, pa kuti webo ucilumbule cena icakusanguluka nangula icakukowela.

¹Yahweh aishile kulanda kuli Mose, atile, ²'' Aya ayakaba amafunde ya muntu uwa kulwala pa bushiku bwa ku muwamya. Bali no kumuleta kuli shi mapepo.³Shimapepo ali no kufumina kunse yankambi no kucencenta uyo muntu no ku bona nga cakuti inkanda ya bulwele ilipolele. ⁴Eluntu shimapepo akakonkomesha ukuti uyo umuntu uwa kuwamya apite ifyoni fibili, ifilole, ne citi ca keda icitali, nenshishi ya nsalu iya kukashikila, elo no tumisambo twa hisopo. ⁵Shimapepo ali no kukonkomesha umulwele ukwipayapo iconi cimo pa nongo ye bumba iili na menshi ayabune.⁶Shimapepo elo eluntu iconi icilole elo ne citi ca keda, elo ne nshishi ya kukashikila, elo ali no kutubika ifi fyonse ifintu, ukubikakofye ne coni icilole, mu mulopa cilya iconi baipeye pa menshi yabune. ⁷Eluntu shimapepo ali no kusansa aya amenshi imiku cine lubali pali uyo umuntu uuli no kuwamishiwa ku bulwele bwapa nkanda, elo eluntu shimapepo ali no kulanda ukwebati aliweme. Eluntu shimapepo ali no kulekelako iconi icilole ukuya mu lwelele.⁸Umuntu uo bawamya ali no kucapa ififwalo fyakwe, ukubeya umushishi wakwe, elo no kuisamfya mu menshi, elo eluntu akesakuba uwabune. ⁹Panuma yaifyo afwile ukwisa munkambi, lelo akalekwikala kunse ye tenti lyakwe panshiku cine lubali. Pabushiku bwa kulenga cine lubali afwile ukubeya umushishi ku mutwe wakwe, elo kabili afwile ukubeya imyemfu elo ne nkopyo. Afwile ukubeya umushishi wakwe onse, elo afwile ukuwasha ififwalo fyakwe fyonse elo no kusamba mu menshi; eluntu akaba bwino.¹⁰Pa bushiku bwalenga cine konsekonse alingile ukupita impaanga ishaume shibili ishabula akalema, elo na ephah uwa bunga bwapelwa ubune uwa sankanishiwamo na mafuta yakwipikila ukuba ica bupe elo na mafunele. ¹¹Shimapepo uwa muwamya akesa ku mwimika, pamo nefyo ifintu, pali Yahweh pa mwinshi we tenti ilyakukumaninamo.¹²Shimapepo akesa kusenda impaanga imo iilume elo no kuipela ngo mutulo uwakufula amasambi, pamo nno musukupala umo uwa mafuta; ali no ku fitula kuli Yahweh. ¹³Afwile ukwipaya ipmaanga iyaume mu ncende umo bepaila imitulo yakufuta imembu no mutulo wa koca, pa ncende iya mushilo, pantu umutulo wa kufuta amasambi wakwa shimapepo pamopenefye no mutulo wafya kubifya, pantu fya mushilo nganshi.¹⁴Shimapepo ali no kubulapo umo uwa mutulo wa fyakubifya no kuushinga kukutwi kwa kukulyo ukwa uyu muntu uulewamishiwa, pa cikumo ca kukuboko kwakwe ukwa kukulyo, elo na kucikondo ca kulukasa lwa kukulyo. ¹⁵Eluntu shimapepo akesa kusenda amafuta mumusukupala no kwitulwila mu lupi lwakwe ulwa kukuso, ¹⁶no kutubika umunwe wakwe uwa kukulyo mu mafuta iyali mu kuboko kwakwe ukwa kukuso, elo no kukana amafuta yamo ne minwe yakwe imiku cine lubali pa cinso cakwa Yahweh.¹⁷Shimapepo ali no kubula amafuta ayashele pa cisansa cakwe no kuyashinga kukutwi kwa kukulyo ukwa uyo umuntu uulewamishiwa, yambi ali no kuyashinga ku cikumo ca uyo umuntu ica ku kuboko kwa kukulyo , elo na kucikondo icikulu ica ku lukasa lwakwe ulwa kukulyo. Ali no kutubika aya amafuta pa mulu wa mulopa wa mutulo uufuta ifyakubifya. ¹⁸Lelo amafuta yonse ayashala mukuboko kwakwa shimapepo, akesa kuyabika pa mutwe wa muntu uuli no kuwamishiwa, elo na shimapepo ali nokubweshanya uyu muntu pa cinso cakwa Yahweh.¹⁹Eluntu shimapepo akesa kutula umutulo uwa kubelelwa amasambi elo no uyu umutulo wakwimininako uyu muntu uwakukowela pakuti akese kuba uwa bune, elo na panuma ali no kwipaya inama iye lambo lya koca. ²⁰Eluntu shimapepo akesa kutula ilambo lya koca elo no mutulo wa bunga pa bulambo. Shimapepo akesa kubweshanya uyu muntu kuli Yahweh, elo eluntu akesakuba uwabune.²¹Nangu cibe ifyo, nga cakuti umuntu mulanda elo tekuti akwanishe aya ifi ifya malambo, eluntu engapita imbushi imo iilume ukuba umutulo uwakufuta ifyakulufyanya no kuipupusha, no kubweshanya umwine , elo no kubikapo icekumi cimo ica cipimo ca efa wa ng'anu shapeleka isha sankanishiwamo amafuta, ²²pamopene ne nkunda shibili nangula utwana twa mpele tubili, ifyo engakwanisha ukukwata; iconi cimo mutulo wa kufuta imembu elo icibiye ca mutulo wa koca. ²³Pa bushiku bwalenga cine konsekonse uyu muntu alingile ukuleta ifintu fyonse ifya kumuwamishaapo kuli shimapepo pa mwinshi we tenti lya kukumaninamo, pa cinso cakwa Yahweh.²⁴Shimapepo akesakutwala impaanga mukutula ,elo ali no kubula umusukupala uwa mafuta aya miolifi, elo alingile ukufimisha mumulu pa kufitambika kuli Yahweh. ²⁵Shimapepo ali no kwipaya akana ka mpaanga no ku katula umutulo uwa kufuta ifya kubifya, elo ali no kubulapo umulopa umo no kushinga kukutwi ukwa kukulyo ukwa uyo muntu uulewamishiwa, na kucikumo ica kukuboko kwakwe ukwa kukulyo, elo na kucikondo ica ku kulukasa lwa kukulyo.²⁶Eluntu shimapepo akesa kupongolwela yamo amafuta mulupi lwakwe ulwa kukuboko kwakwe ukwa kukuso, ²⁷elo akesa kukana no munwe wakwe uwa kukulyo yamo amafuta ayali mu lupi lwakwe ulwa kukuso imiku cine lubali pa cinso cakwa Yahweh.²⁸Shimapepo eluntu ali no kubika amafuta yamo ayo ayali mulupi lwakwe ulwa kukulyo no kusuba mukutwi ukwa kukulyo ukwa uyo muntu uulewamishiwa, na kucikumo ica kukuboko kwakwe ukwa kukulyo, elo na kucikondo cakwe icikulu ica kulukasa ulwa kukulyo, mu ncende shimo shine umo acisuba umulopa wa mutulo uwakufuuta pafyakubifya. ²⁹Shimapepo ali nokubika amfuta ayashala mu lupi lwakwe pa mutwe wa uyo muntu uulewamishiwa, epa kumubweshanya pamo pa cinso cakwa Yahweh.³⁰Shimapepo ali no kutulapo umwna wa mpele umo nangu akakunda, nga efyo uyu muntu akwatepo_ ³¹kamo ngo mutulo wakufuuta pa masambi elo kambi nako nge lambo lyakosa, pamopene no mutulo wa ca bunga. Eluntu shimapepo ali no kubwesesha uyo muntu pa cinso cakwa Yahweh. ³²Ili efunde lya muntu uyo uwalwala ubulwele bwa pa nkanda, uushingakumanisha umutulo uwa kuti ba muwamishepo.''³³Yahweh aishile kulanda kuli mose na kuli Aaroni, ukweba ati,'' ³⁴Uluntu mwafika mu calo ca kanani ico nebo namipele ukuba icenu, elo nga nabika ukufukuma ukulunduluka mu ma yanda yenu ayo mwapelwa, ³⁵eluntu umwine wa ng'anda alungile ukwisa elo no kweba shimapepo. Ali no kumweba ati,' nebo ndibwene ifileboneka ukuba ati kufuluma mu ng'anda mwandi.''³⁶Eluntu shimapepo ali nokukonkomesha ukuti ba fumyemo ifipe mu ng'anda ulo talaingilamo nokushininkisha ukufumuka, epakuti bashimbule ifya kukowela nga bafileka umo mu ng'anda. Panuma ya ifyo shimapepo kuti aingila no kubona ing'anda. ³⁷Alingile uku cencent, pakubona ukufuluma kuli kufibumba fya ng'anda, elo no kubona nga cakuti fileboneka iffya katapakatapa nangu ifya kashikila umo icibumba cingile. ³⁸Nga cakuti ing'anda taiulumine, eluntu shimapepo ali no kufumina panse ya ng'anda elo no kwisala icibi camu ng'anda pa nshiku cine lubali.³⁹Eluntu shimapepo ali no kubwelela pa bushiku bwakulenga cine lubali elo no kucencenta nga cakuti ukufuluma kulisalangene ku fibumba fya ng'anda. ⁴⁰Nga cakuti abona icibumba cilifulumine, eluntu shimapepo ali no kukonkomesha ukuti bafumye amabwe aya fulumine elo no kuyaposa kuncende iya kukowela kunse ya musumba.⁴¹Ali nokubona ukuti ifibumba fyonse ifya mu ng'anda fya kuswa, elo ne filoba fyonse ifyo bakushileko bafwile ukuya kufiposa ku ncende ya kunse pa musumba iyo baposako ifya kukowela. ⁴²Bafwile ukubula amabwe yandi elo no kuyapyanisha pa ncende iyo bacifumyapo amabwe, elo bafwile ukubomfya ibumba ilipya paku shingula ing'anda.⁴³Nga cakuti ukufuluma kwabwela nakabili elo kwatoba ne ng'anda iyaba fumishemo amabwe elo ne fibumba fyakuswa elo no kushingula, ⁴⁴eluntu shimapepo ali nokwingila elo no kucencenta ing'anda pakubona nga cakuti ukufulumuka kulisangene mu ng'anda nga cakuti kulisalangene, eluntu ninshiukukufuluma kwa bono, elo ne ng'anda ninshi ilikowelele.⁴⁵Iyi ng'anda yakubongololafye. Amabwe, imbao, elo nebumba bashingwilile mu ng'anda fyonse bafwile ukufifumisha kunse ya musumba ku ncende iya kukowela. ⁴⁶Ukubikakofye, no muntu onse uwaingilamo muli iyi ng'anda panshita yaiselwe naye ali no kuba uwakukowela ukushinta icungulo. ⁴⁷Nomuntu onse uwa sendamamo mu ng'anda ali no kuwasha ifyakufwala fyakwe, elo naye onse uwalilile muli iyi ng'anda ali no kuwasha ifyakufwala fyakwe.⁴⁸Nga shimapepo aingila mu ng'anda mukuceceta mukubona nga cakuti ukufuluma kulisalangene mu ng'anda pa numa ya kuishinga, eluntu, nga cakuti asangana tamuli ifyakufuluma, ali nokulanda ati iyi ng'anda ilisangulukile.⁴⁹Eluntu shimapepo ali no kupitaa ifyuni fibili pakuwamya iyo ng'anda, elo imbao sha sida, elo akasalu akakashikila, elo na isopo. ⁵⁰Shimapepo ali nokwipaila iconi cimo pa menshi aya bune aya munongo iye bumba. ⁵¹Ali no kupita ulubao lwa sida, hisopo, nakasalu akakukashikila, elo ne coni ica kulola elo nokutubika fyonse mumulopa wa coni bepeye, mu menshi aya bune elo nokukana imiku cine lubali.⁵²Shimapepo ali nokuwamya ing'anda no mulopa wa coni elo pamo na menshi ayabune, pamo ne coni ica kulola,uluba lwa sida, hisopo, elo nakasalu akakukashikila. ⁵³Nomba shimapepo ali nokulekelako iconi icilole ukuya kunse yamusumba nokuya mu mabala. Na muli iyi nshila shimapepo emo ali nokubweshanishamo iyi ng'anda ku cinso cakwa Yahweh, elo neyi ng'anda ikesa kuwama.⁵⁴Aya emafunde ayakukonka palwa malwele ya kufuluma pa nkanda elo nefintu fyonse ifilenga aya amalwele, elo ne fiseseya, ⁵⁵elo pakufuluma kwa fifwalo elo ne ng'anda, ⁵⁶nangu ukulekufimba, ifya kufuluma pa mubili, elo no kusebuka pankanda, ⁵⁷pakushininkisha ukuti ici icakukowela nangu ati cabune. Aya emafunde yapa malwele yankanda elo nokufuluma.

¹Yahweh alandile kuli Mose na kuli Aaroni, ukweba ati, '' ²Ebeni abena Isreali, elo no kulanda kuli bo ati, 'uluntu umwaume onse nga akwata ubulwele bwakusuma amenshi ukufuma ku mubili wakwe, ninshi asanguka uwaa kukowela. ³Nokukowela kwakwe kwalengwa nayo amenshi yabulwele. Nangufye umubili wakwe watwalilila ukusuma amenshi nangu yashilika, ninshi wakukowela.⁴Ubusanshi bonse ubo uyu muntu asendamapo ninshi bwakowela, eco necintu conse ico aikalapo naco ninshi cakowela. ⁵Uyo onseuwaikata pa busanshi bwakwe afwile ukuwasha ififwalo fyakwe elo no kusamba mumenshi, elo akaba uwakukowela ukushinta icungulo.⁶Umuntu onse uwaikala pali conse icaikalapo uwa bulwele bwakuswa, uyo muntu alingile ukuwasha ififwalo fyakwe elo no kuisamba umubili wakwe onse mumenshi, elo akaba uwakukowela ukushinta icungulo. ⁷Umuntu onse uwaikata umubili wa uyo muntu uwakwata ubulwele bwa kusuma alingile amalaya yakwe elo no kusamba mumenshi, elo akekala uwa kowela ukufika icungulo.⁸Nga cakuti umuntu uwa lwala ubulwele bwakuswa asakila amate umuntu uutalwala, ninshi uyo muntu basakila amate ali nokuwasha ififwalo fyakwe elo no kusamba mumenshi, elo akaba uwa kukowela ukushinta ne cungulo. ⁹Icintu conse ico uyu muntu uuleswa aikalapo mulwendo naco cine ninshi cakowela.¹⁰Kanshi eico uyo onse uwaikata ku cintu ico uyu muntu acikalapo naye aba uwakukowela ukushinta icungulo, elo naye onse uwapita icintu conse ico uyu muntu acikalapo alingile ukuwasha ififwalo fyakwe elo no kuisamba mumenshi; aakaba uwkukowela ukushinta icungulo. ¹¹Uyo onse uo uyu muntu uuleswa aikata ukwakubla ukusamba ku maboko afwile ukuwasha ififalo fyakwe elo no kusamba mumenshi, elo akaba uwa kukowela ukushinta icungulo. ¹²Inongo yonse iyebumba iyo uwakulwala aikatako ilingile ukuitobaula, elo necipe conse icapangwa ku cimuti cifwile ukucisukulusha mu menshi.¹³Umuntu uyo uwaba no bulwele ubwakuswa apopola, eluntu ali no kupembela inshiku cine lubali epakumusangulula ku bulwele bwakwe; eluntu alingile ukuwasha ififwalo fyakwe elo no kusamba umubiliwakwe mumenshi ayalepita.Eluntu akasanguluka. ¹⁴Pa bushiu bwalenga cine konse konse afwile ukupita utupele tubili nangu inkunda ishinono shibili elo nokwisa pa cinso cakwa Yaweh pa mwinshi we tenti lya kukumaninamo; no kupela ifi fyonse kuli shimapepo. ¹⁵Shimapepo naye ali no kufitula ilambo, iconi cimo kuba ica bupe ica kufutilapo amasambi elo na cimbi naco icelambo lya koca, elo shimapepo ali no kufutilapo kuli Yaweh pa bulwele uba kuswa.¹⁶Nga cakuti umwaume uuli onse apemena panshi, lyena ali no kuisamba umubili onse mumenshi. akaba uwa kowela ukushinta icungulo. ¹⁷Icakufwala conse nangu impapa ifyo uyu muntu apemenapo fili no kuwashiwa mu menshi; fikaba ifya kukowela ukushinta icungulo. ¹⁸Nga cakuti umwaume aulungana no mwanakashi kabili apema no kupema, bonse babili bali no kusamba mumenshi elo bakaba abakowela ukushinta ne cungulo.¹⁹Uluntu umwanakashi ali kumpepo, ukukowela kwakwe kuka twalilila ukushinta pa nshiku cine lubali, elo noyo onse uwa mwikatamo ali no kuba uwa kukowela ukushinta icungulo. ²⁰Fyonse ifyo uyu muntu alalapo ulo ali kumpepo fikaba ifya kukowela; fyonse ifyo ekalapo fikaba ifyakukowela.²¹Noyo onse uwaikata ku busanshi bwake ali no kuwasha ififwalo fyakwe elo no kuisamba mumenshi; elo uyu muntu ali nokuba uwakukowela ukushinta icungulo. ²²Noyo onse uwaikata ku cintu conse ico acikalapo alingile ukuwasha ififwalo fyakwe elo no kusamba mumenshi; uyo muntu ali no kuba uwakukowela ukushinta icungulo. ²³Nangu cibefye nipa busanshi nangu ni pa cintu conse ico acikalapo, nga cakuti umuntu acikatako, uyo muntu ali no kuba uwa kukowela ukushinta ne cungulo.²⁴Nga cakuti umwaume uuli onse aulungana naye, elo nga cakutila acili kumpepo, naye wine ninshi aba uwakukowela pa nshiku cine lubali.Ubusanshi bonse ubo asendamapo bukaba ubwakukowela.²⁵Ngacakuti umwanakashi atwalilila ukuswa umulopa pa nshiku ishingi mu nshita ali kumpepo , nangu nga cakuti apitilisha inshita ya kuba ku mpepo, ali no kuba uwa kukowela ukubati ni filya fine ciba panshita ulo aba kumpepo. Ali uwa kukowela. ²⁶Ubusanshi bonse ubo akasendamapo mu nshita alefumya umulopa bukabafye kuliye ukubati ni bulya asendamapo ulo ali kumpepo, elo ne cintu conse ico akekalapo cikaba ica kukowela, nga filya fine ciba ulo ali kumpepo. ²⁷Noyo onse uwaikata kuli ifyo fintu naye akakowela; ali no kuwasha ififwalo fyakwe elo no kuisamba umubili mumenshi, elo akaba uwa kukowela ukushinta icungulo.²⁸Nomba nga cakuti uyu umwanakashi asanguluka no kuswa kwa mulopa kwapwa ali no kupembela pa nshiku cine lubali. ²⁹Pa bushiku ubwakulenga cine konse konse ali no kupita utupele tubili nangu inkunda ishinono shibili elo no kupela kuli shimapepo pa mwinshi we tenti lya kukumaninamo. ³⁰Shimapepo ali no kutula iconi cimo ukuba ica bupe icakufutilapo amasambi elo cimbi naco ica bupe icakoca, elo shimapepo ali no kumufutila kuli Yahweh pa mulandu wa kuswa kwakwe.³¹Uyu emusango muli no kutalushishamo abana ba Isreali ku fintu ififi nga balenga ukukowela, epakuti ta bafwile mukukowela kwabo, epakushikowesha itenti lyandi, ilyo njikalamo pakati kabo.³²Aya emafunde ya kukonka kuli uyo uuleswa, ku mwaume onse uwapemena panshi elo no kumulenga ukuba uwakukowela, ³³ku mwanakashi onse uuli kumpepo, kuuli onse uuleswa amenshi, cibe mwaume nangu umwanakashi, elo na kumwaume uuli onse uwaulungana no mwanakashi uuli uwakukowela.''

¹Yahweh alandile kuli Mose _ panuma ya mfwa ya bana baume babili abakwa Aaroni, uluntu bapaleme mupepi na Yahweh eluntu bafwile. ²Yahweh alandile kuli Mose,'' landa kuli Aaroni wenu elo umwebe ukuti tafwile ukwisa panshita iili yonse mu ncende yashilisha ukupitilila icisalu, panuma yankupiko apa kubelelwa uluse pa masambi pa mulu wa mbokoshi ya cipangano, Nga cakuti aita ifyo, ali nokufwa, pantu nebo nalakubonekela mwi kumbi pa mulu wa mbokoshi iya kufutilwapo amasambi.³Eico ifi efyo Aaroni afwile ukwisa kwingila mu ncende ya mushilo. Afwile ukwingila ne ciponti ca ng'ombe ukuba icabupe ca kufuta amasambi, elo na kasukusuku nge lambo lya koca. ⁴Ali no kufwala umwingia uwakutelela, elo ali no kukaka umushipi uwa nsalu iyakuutelela mumusana elo no kupomba insalu iya kuttelela ku mutwe. Ifyo efyakufwala fya mushilo. Ali no kusamba amenshi pa mubili elo eluntu enga fwala ifi ifyakufwala. ⁵Afwile uku bula ukufuma mu lukuta lwa bena israeli shibili imbushi ishaume ngo mutulo wa kufuta amasambi elo na kalukuluku nga icabupe ca koca.⁶Eluntu Aaroni ali nokutuula icionti ca ngombe nga umutulo wakufuta amasambi,pakuifutila umwine elo nolupwa lwakwe. ⁷Eluntu ali nokubula imbushi shibili elo nokushitulakuli yahweh pa mwenshi we tenti lyakukumaninamo.⁸Eluntu Aaron ali nokucita uubuko pa mbushi shibili, ukubuka kumo kwa mbushi yakwa Yahweh, kumbi nako kwa mbushi iyakubamo amasambi. ⁹Aaroni eluntu aletele imbushi iyo ulubuko lwaciwila kuli Yahweh, elo nokutula iyo mbushi nga imbushi iya kubelelwa uluse pama sambi. ¹⁰Nomba imbushi iyo ulubuko nga yakuubikamo amasambi ali nokuileta iituntulu ku cinso cakwa Yahweh, pa kubelelwa uluse pa masambi no kuilekako yaya mumpanga mumatololo.¹¹Eluntu Aaroni ali nokuleta iciponti ca ng'ombe umutulo wa kubelelwa uluse, icikesa kuba icakwe umwine. Afwile ukwipaya ici iciponti ca ng'ombe ukuba umutulo uwa kubelelwa uluse pa masambi yakwe.¹²Aaroni ali nokubula icifukilisho ica kwisulamo amalasha ukufuma pa bulambo pa cinso cakwa Yahweh, na mapi yabili ayakwisula ulubani ulwa cena ica bune ulwakupelwa bune bun, elo no kuleta ifi fintu fyonse mumu putule wa cisalu. ¹³Mulya ali nokubika ulubani pa mulilo pa cinso cakwa Yahweh epakuti icushi ingandalia pa nkupiko ya mbokoshi iya cipangano icakubeelelwapo amasambi. Ali no kucita ifi epakuti tafwile.¹⁴Eluntu ali nokubulapo umulopa umo uwapa ciponti ca ng'ombe elo no kuukana ukubomfya umunwe pa mulu wa nkupiko ya mbokoshi yakubelelwa uluse pa masambi. Ali nokukana umbi umulopa no munwe wakwe imiku cine lubali pa nanshi ya nkupiko ya mbokoshi yakubelelwa uluse pa masambi.¹⁵Eluntu ali nokwipaya imbushi iyakubelelwa uluse pa masambi ya bantu, elo umulopa waiko alete mukati ka muputule wa cisalu. Mulya ali no kucita umulopa pamo nga filyafine acitile pa mulopa wa mulume wa ng'ombe: afwile ukukana pankupiko ya mbokoshi ya mbokoshi ya kubelelwa uluse pa masambi eluntu pantanshi ya nkupiko ya mbokoshi ya kubelelwa uluse pa masambi. ¹⁶Ali nokucita ifi mu ncende ya mushilo pakubelelwa uluse pama sambi noku lufyanya konse ukwa bena Isreali elo na pamulandu na bu cisanguka bwabo elo na pamasambi yabo. Ali no kucita cimo cine na kwi tenti lya kukumaninamo umoumo Yahweh ekala pakati kabo, pakati kambi ne misango yabo iya bubi.¹⁷Tapali umuntu nangu umo uwa kwingila mwi tenti lya kukumaninamo uluntu Aaroni aingila mukufuta pa masambi mu ncende iya mushilo mpakafye afumamo panuma ya kuifutila umwine elo no lupwa lwakwe, elo napalukuta lonse ulwa bena Isreali. ¹⁸Ali nokufuma no kuya ku bulambo pacinso cakwa Yahweh elo nokubusangulula, elo ali nokubula umulopa umo uwa mbushi elo no kuushinga kumasengo yonse ayashinguluka ubulambo. ¹⁹Ali noku kana umulopa umo no munwe wakwe imiku ine lubali pakubusangulula elo no kubupekanishisha Yahweh mukuibelako, ukufuma kumi citile yabubi iya bena Isreali yonse.²⁰Uluntu Aaroni apwisha ukufutikila umuputule wa mushilo,Itenti lya kukumaninamo, elo no bulambo, ali no kuleta nomba imbushi iya kulola. ²¹Aaroni ali no kutambalika amaboko yakwe yonse yabili pa mute wa mbushi iilole elo no kushimbula bu cintomfwa bonse ubwa bena isreali, bucisanguka bwabo bonse, elo na masambi yabo yonse. eluntu ali no kubika ²²imbushi ine eifwile ukupita bucintomfwa bonse ubwa bantu muncende umutaba abantu. Mulya mwine mumpanga, umuntu uwa uwapita iyi mbushi ali nokuilekelako no kuya mumatololo.²³Elutnu Aaroni ali nokubwelelamo mwi tenti lya kukumaninamo elo no kufula ififwalo ifya kutelela ifyo acifwala ulo talaya muncende yamushilo, elo ali nokukusha ifyo fifwalo mulya mwine. ²⁴Ali no kusamba umubili wakwe onse mu menshi muncende iya mushilo, elo nokufwala ififwalo fyakwe; elo ali nokufumina panse elo no kutula icabupe cakwe icakoca elo ne cabupe ca bantu ica koca, elo mumusango uyu ninshi abelelwa uluse pa masambi yakwe elo naya bantu.²⁵Ali nokoca aya amafuta pa bulambo. ²⁶Ulya umuntu uwalekelako imbushi iyapitile amasambi ali noku washa ififwalo fyakwe elo no kusamba umubili onse mumenshi; panum yaifyo kuti abwelela munkambi.²⁷Umulume wa ng'ombe uyo uwapelwe nga icabupe ca kubelelwa uluse pa masambi elo ne mbushi iyapelwe pamo nga icabupe ica kubelelwa uluse pa masambi, ifyo umlopa wa fiko watwelwe muncende iya mushilo nga ifya kufutila amasambi, fifwile ukfifumisha kunse ya nkambi. Kulya eko bafwile ukocela imikupo, iminofu elo nefya mumala fyonse. ²⁸Umuntu uyo uwaoca ifi fyonse afwile ukuwasha ififwalo fyakwe elo no kusamba umubili wakwe onse mumenshi; panuma yakucita ifyo, kuti abwelela munkambi.²⁹Ili efunde mufwile ukulekukonka lyonse mu mwenshi wa kulenga cine lubali, pa bushiku ubwakulenga cine lubali mu mwenshi, mufwile ukuicefya elo no kukana ukubomba, cibe nimwe mwebene nangu mweni uuleikala nenu. ³⁰Neci nipamulandu wakutila ukuti pali ubu bushiku bwine ebo muli nokufutilwapo elo no kumiwamya ku masambi yenu yonse eico mukaba ababune pa cinso cakwa Yahweh. ³¹Ubu bushiku bwa cibelushi bwakutushamo kwenu,elo mufwile ukuicefya lo tamufwile ukubomba ne ncito iili yonse. Ili likalekuba efunde lyenu lyonse.³²Umukulu wakuba shimapepo, uyo uwasubwa elo uwalashikwa ukuba umukulu wakuba shimapepo mu cifulo cakwa wishi, ali no kufutilako abantu bonse amasambi kuli Yahweh elo no kufwala imingila iya kutelela, emukuti imingila iya mushilo. ³³Ali no kufutilako icifulo ca mushilo; ali no kufutilako itenti lyakukumaninamo elo no bulambo, elo ali nokufutilako bashi mapepo elo na bantu bonse abamulukuta.³⁴Ili lili nokuba efunde lyenu ilya mushinsa nshiku, ukuleekufutilako abantu ba mu Isreali pa mulandu wama sambi yabo imuku umo mu muli cila mwaka.'' Ici cacitilwe ngefyo Yahweh akokonkomeshe Mose.

¹Yahweh aishilkulanda kuli Mose, ukweba ati, '' ²Landa kuli Aaroni elo na ku bana bakwe abume, elo na kubena Isreali bonse. Ubebe ifyo Yahweh akonkomesha ati: ³'Uuli onse mwane wakwa Isreali uyo uwaipaya ing'ombe, impaanga nangu imbushi mu nkambi, nangu uwaipaila kunse ya mkambi, pakuti apele ilambo _ ⁴nga cakuti tailetele pa mwinshi we tenti lya kukumaminamo no kupela nge lambo kuli Yahweh pa ntanshi ye tenti lyakwa Yahweh, uyo muntu ninshi ali no mulandu uwa kusumya umulopa. Alisumishe mulopa, elo uyu ewakutamfyaukufuma mubantu bakwe.⁵No mulandu wakubikako ilifunde ni pakuti abena Isreali bakalekuleta inama she lambo kuli Yahweh pa mwinshi we tenti lyakukumaninamo,, kulishimapepo no kwisa ku fitula nge lambo lya mutulo wakulongana pamo kuli Yahweh ukucila balekutula amalambo mu mabala. ⁶Shimapepo naye ali nokukana umulopa kubulambo bakwa Yahweh pa mwinshi we tenti lya kukumaninamo; ali no koca amafuta ukuba ngo mutulo uwakulenga icena icabune bune kuli Yahweh.⁷Abantu taba kofwaikwa ukulekutula ifye lambo fyabo ku tulubi twa mbushi, kufyo ba cita ngaba cende. Ici cikalakuba cipope caku belelela ku bantu babo inkulo shone!⁸Ulande kuli bo auti, ''Uyo onse umwina Isreali nangufye mwina fyalo uo mwikala naye, uyo uwatula umutulo wa koca nangu ilambo ⁹elo taliletele pa mwinshi we tenti lyakukumaninamo pakuti alipele ilambo kuli Yahweh, uyo muntu ninshi wakutamfya fye ukufuma kubantu bakwe.¹⁰Nga cakutila umuntu uli onse uwa mu ng'anda yakwa Israeli, nangu umulebeshi uyo uukoikala muli bo anwa umulopa uli onse. Nebo nkale kufisa icinso candi kuli uyo muntu uukonwa umulopa no kumupatula ukufuma mu bantu bakwe. ¹¹Pantu umweo wa nama waba mu mulopa waiko. Nebo ndipele umulopa wa ciko kuli webo paku panga icikonsolwelo pa bulambo bwa myeo yenu. Pakwebati umulopa aupanga icikonsolwelo, pantu umulopa eca kukonsolwela umweo.¹²Nomba kabili nkolanda ku bantu bam Israeli ukuti takuli nelyo umo pakati kenu uwa kulya umulopa, nelyofye uuli onse umulebeshi uukoikala na mebo uukolya umulopa. ¹³Uuli onse umuntu umwina Israeli nangula abali bonse abalebeshi abakoikala muli mwebo, uyo uukolunga no uukoipaya inama nangula iconi iciliwa, ulya muntu ilingile apongololemo umulopa wa ciko no kufimba ne loba.¹⁴Pntu umweo wa conse icakulengwa waba mumulopa wa ciko. Emulandu wine nkolanda ku bantu bakwa Israeli, ''Webo taufwile ukulya umulopa wa conse icakulengwa, pantu umweo wa conse ica mweo waba mumulopa wa ciko. Uyo uukolya afwile ukupatulwako.¹⁵Umuntu onse uukolya inama iyo iyakuifwila nangula iyo basabwile ku nama shampanga shinankwe, nangu uyo muntu, afyalilwa mu calo ico cine, nangula umulebeshi uukoikala pamo na mwebo, afwile alecapa Insalu shakwe no kule kusamba ameenshi umwine, alekuba uwa kukowela ukufika mu bushiku. Eluntu aba uwakusangululwa. ¹⁶Pantu nga cakwebati tacapile insalu shakwe nangu ukusamba umubili wakwe, lelo afwile aisendela ukushininwa kwakwe.

¹Yahweh landile kuli Mose, ukwebati, ²''Landa ku bena Isreali elo no kubeba ati, 'Ninebo Yahweh ne Lesa wenu. ³Mwebo mwilakucita ifintu ifyo abena Egypto bacita, umo umo mwalikwikala inshita iya fumako. Mwilakucita ifyo abena kanani bacita, ku calo uko nebo ndemitwala, mwilakukonka intambi shabo.⁴Amafunde yandi eyo mulekukonka fye, elo ne fipope fyandi efyo mulekusunga, pakuti emo mulekwendela,pantu ninebo Yahweh Lesa wenu. ⁵Eico kanshi mulesunga ifyo nebo mfwaya elo namafunde yandi. Nga cakuti umuntu akonka amfunde, akaba no bumi pa mulandu wa yako. Ninebo Yahweh.⁶Umuntu onse tafwile ukulungana no wa mulupwa lwakwe, Ninebo Yahweh. ⁷Taufwile ukulungana na nina; pantu ninina taufwile ukulolesha pa mubili wakwe. ⁸Taufwile ukulugana naba kashi bakwa wiso; pantu mubili wakwa wiso.⁹Umuntu onse tafwile ukulungana na nkashi yakwe , nangu abe mwana mwanakashi wa kuba wiso nangu abe mwana wa mwanakashi wakuba noko, nangu afyalilwe mu ng'anda mwenu nangu n mumbi. ¹⁰Tekwesha ukulungana no mwishikulu obe, cibe wa mumwana umwaume no wa mwanakashi, pantu imibili yabo mubili obefye. ¹¹Tekwesha ukulungana no mwana uwa mukashi wakwa wiso¹²Tekwesha ukulungana naba nkashi yakwa yakuba wiso; lupwa lwakwa wiso. ¹³Tekwesha ukulingana naba nkashi bakuba noko, ni balupwa bakuba noko. ¹⁴Tekwesha ukulungana naba ndume yakuba wiso, emukuti, taufwile ukulungana na bakashi babo ; niba noko senge.¹⁵Tekwesha ukulungana no mupongoshi obe umwanakashi; pantu mukashi wa mwana obe umwaume; tekwesha ukumufula. ¹⁶Tekwesha ukulungana no mukashi wakwa ndume yobe; pantu alyupwa kuli wenu.¹⁷Tekwesha ukulungana no mwanakashi pamo no mwana wakwe; elo tekwesha ukulungana pamo no mwana umwanakashi uwa fyalwa ku mwana wakwe umwaume nangu umwana mwanakashi uwafyalwa ku mwanakashi tekwesha ukulungana naye; abo lupwa lobe; elo lisambi. ¹⁸Tekwesha ukupa nkashi wa mukashi obe uwabubili elo nokulungana naye ulo umukashi obe acili umulole.¹⁹Tekwesha ukulungana no mwanakashi ilyo acili kumpepo. ²⁰Tekwesha ukulungana no mukashi wa mwina mupalamano, elo no kuikowesha naye muli uyu musango.²¹Tekwesha ukubula abula abana benu no kuboca, epakuti mupele ilambo kuka mulungu moleki, pantu tamufwile tamufwile ukusebanya ishina lyakwa Lesa wenu.Ninebo Yaweh.²²Tekwesha ukulungana no mwaume munobe ngefyo mwingolungana no mwanakashi; ici camuselu. ²³Tekwesha umwaume ukulungana ne nama elo no kuikowesha kufyo acita umwine. Ni cimocine no mwanakashi onse ukulungana ne nama; camusebanya nganshi.²⁴Tekwesha mwebo ukuikowesha muli iyi misango ,pantu iyi ine misango ikowesha imitundu, imitundu iyo ndetamfya mucinso cenu. ²⁵Ne calo cine cali kowelele, eico nali bakandi pamasambi yabo, elo ne calo naco calibakene nokuba tamfya.²⁶Mwebo eico kanshi, mulekukonka ifipope fyandi elo na mafunde, elo mwebo tekwesha ukucita ifintu ifya muselu, cibe mwana calo ca Isreali nangu umwina fyalo uwikala pamo nenu. ²⁷Pantu ifi efintu fyabubi ababantu bali kwikala muli ici calo, abo balikwikalamo ubo tamulaisa, elo lelo ne calo calikowela. ²⁸Eico kanshi mulekuisopa epakuti namwe icalo cikamikana lelo mukacikowesha ngafilyafine cakene balya bantu abali kwikalamo ulo tamulaisa.²⁹Uyo onse uwacitapo cimo pali ifi fintu ifya muselu, abantu abacita ifyamusongo uyu bakutamfyafye ukufuma ku bantu bandi. ³⁰Eico kanshi mwebo mufwilefye ukubaka ifipope fyandi no kukana citapo ifi ifya muselu fyonse ishi ntambi ishalecitika ulo tamulaisa, epakuti mwebo bekamikowesha. Ninebo Yahweh Lesa wenu.

¹Yahweh alandile kuli Mose, atile,'' ²Landa kulukuta lonse lwakwa Israeli elo ulande kulibo , ' Mwebo mufwile mwaba abamushilo, pantu nebo Yahweh Lesa wenu ndi wamushilo. ³Uuli onse afwile ukucindika nyina wakwe elo na wishi wakwe, elo webo ufwile ukusunga ifibelushi fyandi. Nebo nine Yahweh Lesa wenu. ⁴Takuli kwalukila kuli tulesa twafye, nangu ukupanga pa lwenu tulesa ukufuma ku cela. Nebo nine Yahweh Lesa wenu.⁵Uluntu mwebo mwatula uutulo we lambo lyakwampana kuli Yahweh, mwebo mufwile mwapela ici pakweba ati mwebo mwaba aba suminishiwa. ⁶Ici cifwile caba icakulya pa bushiku bumo bwine ubwe lambo lyenu, nangu pa bushiku bwakonkapo. Nga cakwebati fimbi fyashala ukufika pa bushiku bwa butatu, fifwile fyapya no mulilo. ⁷Nga cakuti ca likilwa pamo pa bushiku bwa butatu, lyena munofu ukonaika; wena taufwile waba uwa suminishiwa. ⁸Elo onse uulya ici afwile asenda ulubembu lwakwe pantu aonaula ica mushilo kuli Yahweh, elo uyu muntu afwile aba uwakuputulwa ukufuma ku bantu bakwe.⁹Uluntu mwebo mulesombola ifyabusomboshi mu calo cenu, mwebo tamufwile ukupwisha ukusombola na mumbali ya mabala yenu, nangu mwikalonganya fyonse ifikafuma mubusomboshi bwenu. ¹⁰Mwebo tamufwile ukulonganika imyangashi shonse ukufuma mu mabala ya myangashi yenu, mwikalekukolonganika imyangashi iyo iyaponena panshi mumabala yenu aya myangashi. Mwebo mufwile mwayashila ku balanda elo na kubenafyalo. Nebo ninebo Yahweh Lesa wenu.¹¹Mwilakwiba. Mwilakubepa. Mwilakucenjeshanya. ¹²Mwilalapisha mwishina lyandi mu bufi elo noku salula ishina lyakwa Lesa wenu. Nebo nine Yahweh.¹³Mwebo mwila cusha umwina mupalamano wenu nangu ukumwibila ena. Amalipilo ya mubomfi tayafwile yaikala kuli webo ubshiku bonse mpaka no lucelo. ¹⁴Mwilatipaa nkoma matwi nangu ukubikila impofu ica kuipununako. Eico kanshi mwebo mufwile ukutina Lesa wenu. Ninebo Yahweh.¹⁵Mwilakulenga ubupingushi ukuba ubwa bufi. Mwebo tamufwile kulanga ukuwila kuli bamo pantu ena mulanda, elo mwebo tamufwile ukulanga ukuwila kuli bamo pantu ena mukankala. Eico kanshi , pinguleni umwina mupalamano wenu no mulinganya. ¹⁶Takuli ukwendauka mukusalanganya ulwambo mukati ka bantu bobe, lelo fwaya ukucingilila abena mupalmano bobe. Ninebo Yahweh.¹⁷Takuli kupata wenu mumutima obe , webo ufwile ukukalipila umwina mupalamano obe mucishinka pakwebati takuineko mwi sambi pa mulandu wakwe. ¹⁸Takuli kulanda nangu ukukwata ulupato ululi lonse nangu ukupusana na bantu bobe abali bonse, nomba lelo temwa abena mupalamano bobe nga we mwine. Ninebo Yahweh.¹⁹Webo ufwile ukusunga amafunde yandi. Takuli kwesha inama shobe ukutandwa nefya pusana imisango ku nama shimbi. Takuli ukupatankanya imbuto imisango shibili iyakupusana uluntu ukubyala mwibala lyobe. Takuli kufwala icakufwala icapangwa ku misango ibili iya lushishi yapatankana pamo.²⁰Uyo onse uulala no mwanakashi umusha uyo uwalailwe ku mulume, lelo uyo tabalipila nangu ukupelwa ubuntungwa, afwile apanikwa. Bena tabafwile ukumwipaya antu ena talubulwa. ²¹Umwaume afwile aleta umutulo pa mulandu wakwe kuli Yaweh pa mwinshi kwi tenti lya kukumaninamo _ sukusuku uwa mutulo wapa mulandu. ²²Eluntu shimapepo aka mufutila ena umwana wa mpaanga umutulo wapa mulandu kuli Yahweh. Pe sambi ilyo ena acitile. Eluntu isambi ilyo acitile likelelwa.²³Uluntu mwebo mukoisa mu calo eluntu mukabyale ifimuti fya misango yonse ifya kuwenamo ifyakulya, eluntu mebo mufwile ukumona icisabo icilefumako nga cali bindwa ukulya. Icisabo cifwile caba icabindwa kuli mwebo pa myaka shitatu tafifwile fyalikwa. ²⁴Lelo mumwaka walenga bune icisabo conse cikaba ica mushilo, umutulo uwakutashishamo Yahweh. ²⁵Mumwaka wakulenga busano kuti mwalya icisabo, pakukwata ukulolela pakwebati ifimuti fya twla sana. Ninebo Yahweh Lesa wenu.²⁶Mwilakulya umunofu onsee umuli umulopa. Mwilakwipusha imipashi palwa bwikashi bwa kuntanshi, lelo takuli kufwaya ukutungulula bambi kubuloshi. ²⁷Mwilakubeya umushishi wa mumbali ya mutwe wenu nangu ukubeya umwefu wenu. ²⁸Mwilateta mibili yenu pa mfwa nangu ukubika inembo ifishibilo pamibili wenu. Ninebo Yahweh Lesa wenu.²⁹Takuli kusebanya umwana obe umwanakshi pakumucita umucende, nangu umutunu ukuwila kubulalelale elo ne calo ukuba icaisulamo ububi. ³⁰Mwebo mufwile ukusunga ifibelushi fyandi elo no kucindika incende yandi iya mushilo. Ninebo Yahweh.³¹Mwilakupilibukila ku balanda naba fwi nangu ne mipashi. Takuli kubafwaya, nangu bena ukumikwesha mwebo. Ninebo Yahweh Lesa wenu.³²Webo ufwile waima ku muntu mufwi elo no kucindika icinso ca muntu umukote. Webo ufwile ukutina Lesa obe. Ninebo Yahweh³³Nga cakuti umwinafyalo ekala mukati kenu mu calo cenu, Mwebo tamufwile ukucita ububi ubuli bonse pali ye. ³⁴Umwina fyalo uwikala na mwebo mufwile mwaba kuli ye ngo mwikashi _ uwa fyalilwa mubena Israeli uwikala mukati kenu, elo mwebo mufwile ukutemwa ena nga we mwine, pantu webo wali umwina fyalo mu calo ca Egypt. Ninebo Yahweh Lesa obe.³⁵Takuli kubomfya ifipimo fya bufi uluntu mupima ubutali, nangu ifilimo. ³⁶Mwebo mufwile mwabomfya ifipimo ifyalingana, ukufina ukwalingana, efa uwalingana, elo na galoni iya lingana. Ninebo Yahweh Lesa obe , uwamiletele mwebo ukufuma mu calo ca Egypt. ³⁷Mwebo mufwile ukunakila amashiwi yandi yonse elo na mafynde yandi yonse, elo no kuyacita. Ninebo Yahweh.

¹Yahweh alandile kuli Mose, Mose atile , '' ²Landile ku bantu bakwa Israeli, ' Onse mukati ka bantu bakwa Israeli, nangu umwinafyalo onse uwikala mui Israeli uupela umwana wakwe onse kuli moleke, afwilefye aba uwa kwipaya. Abantu ba mucalo bafwile balasa ena amabwe.³Nanebo nkalosha impumi ukupusana noyo umwaume elo nkamuputulako ena ukumufumya mu kati ka bantu bakwe pantu ena apele umwana wakwe kuli moleke , ico akowesha incende yandi iya mushilo elo no kusebanya ishina lyandi ilya mushilo. ⁴Nga cakwebati abantu ba mu calo baisala amenso yabo kuli uyo umwaume uluntu ena apela umwana wakwe onse kuli moleke, nga cakuti bena tabamwipeye ena, ⁵eluntu nebo ne mwine nkalosha impumi yandi ukupusana noy umwaume, elo no mukowa wakwe, elo nebo nkamuputula ena elo na onse uucita ubulalelale umwine mukwebati acite ubucende na moleke.⁶Ngo muntu uyo uwalukila kuli abo abalanda na bafwa, nangu abo abalanda ne mipashi pakwebati abene bacite ubucende na bo nebo nkalosha impumi yandi ukupusana noyo muntu, nebo nkamuputula ena ukumufumya mukati ka bantu bakwe. ⁷Eico isangululeni mwebene elo mube aba mushilo, pantu ninebo Yahweh Lesa wenu.⁸Mwebo mufwile ukusunga amafunde elo no kuyasenda mwebo. Ninebo Yaweh uwa milenga mwebo ukuba abamushilo. ⁹Onse uutipwila wishi wakwe nangu nyina wakwe afwile icishinkafye afwa. Eico uwatipa wishi wakwe nangu nyina wakwe, eico ena wa mulandu elo alingile ukufwa.¹⁰Umwaume uwacita ubucende no mukashi wa mwaume umbi, icakuti, Onse uucita ubucende no mukashi wa mwina mupalamano wakwe_ umwaume umucende no mwanakashi umucende bonse babili bali no kufwa. ¹¹Nga cakuti umwaume alala no mukashi wakwa wishi ena afimbula ubwamba bwakwa wishi. bonse babili umwana mwaume no mukashi wakwa wishi bafwile ukufwa icishinkafye. Umulopa wabo uli pali bo. ¹²Ngacakuti umwaume alala no mulokashi wakwe , bonse aba bafwile bafwa icishinkafye. Bena bacita icishili ca cifyalilwa. Bena ba mulandu balingie ukufwa.¹³Nga cakweba ati umwaume no mwaume bakolalana, kwati mwanakashi, bonse aba babili nabacita ica musel. Bena bafwilefye bafwa. Bena bamulandu bafwilefye bafwa. ¹⁴Nga cakweba umwaume aupa umwanakashi, elo aupa nanafyala, ici bubifi. Bena bafwile baboca, bonse babili ena elo no mwanakashi,pakwebati mulya mwikaba ububi mukati kenu.¹⁵Ngacakuti umwaume alala ne nama, ena afwilefye afwa, elo mwebo mufwile mwaipaya inama. ¹⁶Nga cakuti umwanakashi afwaya inama iili yonse no kulala nayo, mukapaye umwanakashi elyo nenama bafwilefye ukubepaya mucishinka. Bali abamulandu elo bafwilefye ukufwa.¹⁷Nga cakuti umwaume asenda nkashi yakwe, umwana mwanakashi wakwa wishi nangu umwana mwanakashi wakwa nyina, elo ena afimbula ubwamba bwakwe, na nkashi amona ubwamba bwakwe, cintu ca musebanya . Bena bafwile bapatulwako mumenso ya bana babantu babo. Ena afimbwile ubwamba bwakwa nkashi yakwe, elo naena afwile asenda umulandu wakwe. ¹⁸Nga cakuti umwaume asendama no mwanakashi ilyo ali ku mpepo elo afimbwile no bwamba bwakwe, ena afimbwile ifulo lyakwe, uulonga wa mulopa wakwe,. Bonse babili umwaume no mwanakashi ba fwile bapatulwa ukufuma mukati ka bantu babo.¹⁹Webo taufwile ukufimbula pa bwamba bwakwa nkashi yakwa nok, nangu nkashi yakwa wiso, pantu webo wasebanya ulupwa lobe ululi mupepi. Webo ufwile wasenda umulandu obe. ²⁰Ngacakuti umwaume alala na muka nalume wakwe. Ena tacindikile nalume wakwe. Isambi lili nokuba pali bena elo bena bakafwa ukwabula abana. ²¹Ngacakuti umwaume aupa umukashi wakwa munyina ilyo ena munyina wakwe acili no mweo, ici ca musebanya. Ena tacindikile munyina wakwe, elo nebo nkfumyapo ukufuma kubana babo icipe conse bena bapyene ukufuma kuba fyashi babo.²²Mwebo eico mufwile ukusunga amafunde yandi yonse elo na mashiwi yandi yonse; mwebo mufwile ukunakila bena icalo kuntu uko nebo nkomileta mwebo mukwikala cikamiluka. ²³Mwebo mwilakwenda muntambi sha mitundu isho nkotamfya kunse pali mwebo , pantu bena bakwete ukucita ififintu fyonse, elo nebo nshififwaya.²⁴Nebo nalandile kuli mwebo, '' Mwebo mukapyana icalo cabo; nebo nkapela ici kuli mwebo pa kucikwata , icalo umukonkoloka umukaka no buci. Ninebo Yaweh Lesa wenu, uyo uwamilekenye mwebo ukufuma ku bantu bambi. Mwebo mufwile ukulekanya pakati kanama iyasanguluka elo naykukowela, elo napa fyoni ifya kukowela elo nefya kusanguluka . ²⁵Mwebo tamufwile ukuikowesha mwebene ku nama ishishasanguluka nangu ku fyoni ifya kusanguluka nangu icintu conse icpema neco iciikula panshi ico nebo nalekanya nge cakukowela kuli mwebo.²⁶Mwebo mufwile ukub aba mushilo, nga neb, Yahweh , ndi wamushilo , elo nebo nakwata ukulekanya mwebo ukufuma ku bantu benu bambi, ico mwebo muli bandi.²⁷Umwaume nangu umwanakashi uulanda no wafwa nangu uulanda ne mipashi afwilefe afwa. N bantu bafwile ukubalasa bena amabwe. Bena bamulandu elo balingile ukufwa.'''

¹Yahweh alandile kuli Mose: Landa kuli bashimapepo, ku bana baume bakwa Aaroni, elo ulande kuli bo,' Takuli nangu umo pakati kenu ukaikowesha umwine kuli abo abafwa mukati ka bantu bakwe, ²kanofye lupwa uwapalamina kuli ye nyina wakwe na wishi wakwe , umwana mwaume wakwe, umwana mwanakashi wakwe, wabo ³nangu nkashi yakwe nacisungu uwashintilila pali ye, apo ena takwata balume _ pali ye ena kuti aikowesha imwine.⁴Lelo taufwile ukuba ushaisangulula umwine ku lupwa lwakwe lumbi ukuikowesha umwine. ⁵Ba shimapepo tabafwile ukubeya imyefu nangu imitwe yabo mumbali, nangu ukuputula imibili yabo. Bena bafwile baba aba mushilo kuli Lesa wabo elo takui kusebanya ishina lyakwa Lesa wabo, pantu ⁶bashimapepo ebatula ifyakulya fya musangulo kuli Yahweh , umukate wakwa Lesa wabo . Eico bashimapepo bafwile baba aba mushilo.⁷Bena tabafwile ukupa umwanakashi onse umucende elo no wakowela , elo bena tabafwile baupa umwanakashi uyo batamfya ku mulume wakwe, ico balipatulwa kuli Lesa wabo. ⁸Webo ukamupatuleko, ico ena eumo uutula umukate kuli Lesa obe. ena afwile ukuba uwa mushilo kuli webo , pantu nebo Yahweh nkulenga webo uwamushilo , na nebo ndi wamushilo. ⁹Umwana mwanakashi onse uwakwa shimapepo aikowesha umwine pakuba umucende asebanya wishi. Afwile ena bamoca.¹⁰Uli umo shimapepo mukulu mukati kaba wabo , uyo baitile amafuta yakusuba, elo uyo uwa sangululwa ukufwala ifyakufwala ifisuma ifyakwa shimapepo mukulu tafwile ukuteka imishishi shakwe icunsu nangu ukulepula ifyakufwala fyakwe. ¹¹Tafwile ukya konse uko umubili wafwa uli, no kuikowesha umwine, nangu nikuli wishi nangu kuli nyina. ¹²Shimapepo mukulu tafwile ash incende ya mushilo nangu ukusalula umwashila mwakwa Lesa wakwe, pantu ena asangululwa nga shimapepo mukulu mukusubwa amafuta yakwa Lesa wakwe.¹³Shimapepo mukulu afwile aupa umwanakashi na cisungu ewaba mukashi wakwe . ¹⁴Tafwile ena ukupa mukamfwilwa, umwanakashi uyo ufyupo fyapwa, nangu umwanakashi umucende. Ena takuli kupa abanakashi ba misango. Ena kupafye nacisungu ukufuma mu bantu bakwe. ¹⁵Eico ena ekasalula abana bakwe mu bantu bakwe, pantu ninebo Yahweh, uulenga ena ukuba uwamushilo.'''¹⁶Yahweh alandile kuli Mose, atile , ¹⁷''Landa kuli Aaroni elo umwebe ena; onse uwa mulupwa lobe ukufikafye na kunkulo shabo uwalemana umubili ena tafwile kukupalama kukutula icakulya kuli Lesa wakwe.¹⁸Umwaume onse uwalemana tafwile ukupalama kuli Yahweh, umwaume uuli ngempofu nangu umwaume uushingenda, nangu uwatetwa ku cinso no walepapo icilundwa, ¹⁹nangu umwaumu wa lukasa ulwa funika nangu ukuboko ukwa funika, ²⁰Nangu uwa ng'ongo nang uwakoda umwipi nangu uwalinso ilya kulemana, nangu uwampele nangu uwafiseseya nangu uwa tungulwa. ²¹Takuli umwaume mukati ka lupwa lwakwa Aaroni shimapepo uwalemana umubili elapalama kukutula yapa mulilo kuli Yahweh. Umwaume wa musango uyu uwalemana umubili: ena tafwile kupalama kukutulla umukate wakwe kuli Yahweh.²²Ena kuti alya icakulya cakwa Lesa wakw, nangu fimo ifyamushilo sana nangu fimo ifya mushilo. ²³Nangu cingaba ifi, ena tafwile ukwingila mukati ka nsalu iyacingilila umuputule nangu ukupalama kubulambo pantu ena alilemana umubili, pakuti esalula ena umushilo wandi, pantu ninebo Yahweh, uumilenga mwebo aba mushilo.''' ²⁴Eico Mose alandile ayamashiwi kuli Aaron, ku bana baume bakwe, elo na bantu bonse abakwa Israeli.

¹Yahweh alandile kuli Mose, atile, ²'' Landa kuli Aaron elo na kubana baume bakwe, bebe bena bataluke ukufuma kufya mushilo ifintu fya bantu bakwa Israeli, ifyo bapatukila bena kuli nebo. Bena tabafwile tabafwile ukusebanya ishina lyandi ilya mushilo. Ninebo Yahweh. ³Landa kuli bo, 'Nga cakwebati umo palupwa lwabo ukufika kunkulo shabo shonse nga shikopalama ku fintu fya mushilo ifyo abantu bakwa Iraeli bakwata ukuipatwila kuli Yahweh , ilyo ena tasangululwa , uyo muntu afwile aba uwaputula ukufuma kuli nebo : ninebo Yahweh.⁴Takuli ulupwa lwakwa Aaron uyo uwalala ubulwele bwa mubili, nangu nangu fimo filetona ukufuma kumubili wakw, elalyako ifili yonse ifitulwa kuli Yahweh mpaka ena asangululwa. Na onse uwikata icili conse icishasangululwa ukupitila mukwikata uwafwa, nangu ukwikata umwaume uukofumya amunshi ya mu bwaume, ⁵nangu onse uwakumya ku nama iisenya ico yamulenga ena ukushisangululwa, nangu umuntu uushaisangulula umwine, no musango onse icakuti caba_ ⁶eluntu shimapepo akumya kucili conse icishasangululwa mpaka icungulo. Tafwile ena ukulya ifintu fya mushilo, kano cakuti ena asamba umubili wakwe mumenshi.⁷Uluntu akasuba kawa, ena eluntu asangululwa, panuma akasuba kawa ena kuti alyako ifintu fya mushilo, pantu fyakulya fyakwe. ⁸Ena tafwile ukulya conse icasangwa ukufwa nangu ico bepeye ku nama sha mumpanga, ico ena kuti aikowesha umwine. Ninebo Yahweh. ⁹Bashimapepo bafwile bakonka ifyo bakobeba, pantu bena bakaba no mulandu wesambi elo bakafwa pa kusebanya ishina nebo. Ninebo Yawehuulebalenga aba mushilo.¹⁰Takuli nangu umo uushili mulupwa lwakwa shimapepo, ukubikakofye nabena fyalo bakwa shimapepo nangu ababomfi bakwe, abengalya icili conse ica mushilo. ¹¹Lelo nga cakuti shimapepo akoshita musha mundalama shakwe umwine uyo musha kuti alyako ifintu ifyatulwa kuli Yahweh. Abamulupwa lwakwa shimapepo elo nabasha abafyalilwa mung'anda yakwe, nabo bene kuti balya nefyo fintu.¹²Nga cakwebati umwana mwanakashi wakwa shimapepo nga aupwa kuli umo uushili shimapepo, ena tali nokulyako ifya kusangwilako ifyamusangulo wa mushilo. ¹³Ngacakwebati umwana mwanakashi wakwa shimapepo ni mukamfwilwa, nangu bali mutamfya ku mulume, elo ena takwata mwana, elo wabwelela mu ng'anda yakwa wishi ngo musepela, ena kuti alyako ifyakulya fyakwa wishi. Lelo uushili wa mulupwa lwaba shimapepo elalyako icakulya cakwa shimapepo.¹⁴Nga cakwebati umwaume ukolya icakulya ica ushilo ukwabula ukwishiba ici, eluntu ena afwile abwekesesha shimapepo pali ici; ena afwile abikapo fisano pali ici elo no kupela kuli shimapepo. ¹⁵Abantu bakwa Israeli tabafwile ukusebanya ifintu fya mushilo ifyo bena bacimya pa mulu elo no kufileta kuli Yahweh, ¹⁶elo nokulenga abene beka ukusenda isambi lingabalengela bena umulandu wakulalya icakulya ca mushilo pantu ninebo Yahweh uumilenga mwebo ukwisakuba abamushilo.''¹⁷Yahweh alandile kuli Mose, atile, ¹⁸''Landa kuli Aaron nabana bakwe, elo nakuli bonse abana bakwa Israeli. Landa kuli bo, ' umwina Israeli onse nangu umwina fyalo uwikala muli Israel, uluntu bena bapela ilambo_ nangu ukufikilisha umulopa, nangu ubupe bwakuitemenwa, nangu bena ukutwala kuli Yahweh umutulo wakoca, ¹⁹nga kuti caba icasuminishiwa, bena bafwile batula inama iilume iyabula ubwafya ing'ombe, impaanga, nangu imbushi.²⁰Lelo tamufwile ukutula icili conse icili no bwafya. Nebo nshakasumine ici pali webo. ²¹Onse uutula ilambo ilyamusangulo lyakwampana ukufuma pe bumba lya nama nangu imikuni kuli Yahweh ukufikilisha umulapo, ngo mutulo wakuitemenwa taufwile ukukwata ubwafya pakuba uwasuminishiwa. Tamufwile mwaba ubulema munama.²²Webo taufwile ukutula inama sha pofula, iyakufunika nangu iyakucenwa, nangu uwa mampoto pa mubili, uwa filonda, nangu ifiseseya. Tafwile ukutula ifi webo kuli Yahweh ngalambo lya mulilo pa bulambo. ²³Mwebo kuti mwatwala umutulo wa kuitemenwa ing'ombe iilume nangu impaanga iyalepapo icilundwa nangu iyakucepa, elo umtulo waifi ekuti tekuti usuminishiwe pa mulapo.²⁴Takuli kutula inama yonse kuli Yahweh iyakwata imikofu, iyapeluluka, ukukeswa, nangu ukuputulwa ifya kubwaume. Mwilkucita ifi mukati ka calo cenu. ²⁵Mwebo tamufwile ukutwala umukate kuli Lesa wenu uwakufuma kukuboko kwa mwina fyalo . Isho inama ishabipa elo mwaba ubulema muli shena , shena tashakasuminishiwe kuli nebo.'''²⁶Yahweh alandile kuli Mose elo atile, ²⁷Uluntu ing'ombe ilume nangu impaanga, nangu imbushi yafyalwa, kuti yasuminishiwa ukuba ilambo ifwile yaba na nyina inshiku cine lubali. Eluntu ukufuma pa bushiku ubwakulenga cine konsekonse . Kuti caba icasuminishiwa ukuba ilambo umutulo wapa mulilo kuli Yahweh.²⁸Takuli kwipaya ing'ombe impaanga pamo no mwana wakwe, pa bushiku bumo bwine. ²⁹Uluntu mwebo mwatula ilambo lyakutasha kuli Yaweh mwebo mufwile muleitula munshila iyasuminishiwa. ³⁰Lifwile lyalikwa pa bushiku bumo bwine lyatulwa. Mwebo tamufwile ukushako mpaka bwise buce ulucelo.Ninebo Yahweh.³¹Eico mwebo mufwile mulesunga amafunde yandi elo no kuyasenda. Ninebo Yahweh. ³²Mwebo tamufwile ukusalula ishina lyandi ilya mushilo. Nebo mfwile naishibikwa ngo wamushilo ku bantu bakwa Isreali. Ninebo Yahweh uumilenga mwebo abamushilo, ³³uwamiletele mwebo ukumifumya mu calo ca Egypt kukuba Lesa wenu: Ninebo Yahweh.''

¹Yahweh walandile kuli Mose ; '' ²landa kubantu ba kwa Isreali, elo ulanda kulibo , uku ekusefya kwa sontwa kuli Yahweh , isho mwebo mufwile ukubilishamo kulongana kwa mushilo ; ukusefya kwandi kwa kashita yonse .³Mwebo kuti mwabomba pashiku mutanda , lelo pabushiku bwalenga cine lubali cibelushi ukutasha ukwa pwililika , ukulongana kwa mushilo . Mwebo tamufwile ukucitapo umulimo pantu cibelushi kuli Yahweh muncende monse umo mukoikakala .⁴Ukukusefya kwa sontwa kuli Yahweh, ukulongana kwamushilo eko mwebo mufwile ukubilisha panshita sha shasontwa . ⁵Mumweshi wakubalilapo , pabushiku bwalenga ikumi na shine pacungulo cinono , lipasaka lya kwa Yahweh . ⁶Pabushiku bwa lenga ikumi na shisano mumweshi umo wine kusefya kwa mu kate ushatutumuka kuli Yahweh . Pabushiku cine lubali mwebo mufwile ukulya umukate usha tutumuka .⁷Pabushiku bwaku balilapo mwebo mufwile mwaupatulako kukulongana pamo ; ⁸Mwebo tamufwile mwacitamo umulimo wenu onse .Mwebo mukatwale icakulya cakutula kuli Yahweh pabushiku cine lubali. Pabushiku bwalenga cine lubali kulongana kwaibela kuli Yahweh , elo pali bulya bushiku mwebo ta mufwile kucitamo umulimo uli onse .''⁹Yahweh walilandile kuli Mose, watile, '' ¹⁰Landa kubantu ba kwa Israeli elo ulande kuli bo, uluntu mwebo mukoisa mucalo nebo ko mipela, elo uluntu mwebo mwasombola ubusomboshi bwenu eluntu mwebo , mufwile mwaleta umupo wacisabo cakubalilapo icaluse kuli shimapepo. ¹¹Ena akemye umupo waluseke kuli Yahweh, pakuti cikabe icasuminishiwa ukupitila muli mwebo. Ici nipanuma yabushiku bwa pacibelushi elo shimapepo akemya ici elo akaleta kuli nebo.¹²Pabushiku uluntu webo waima umupo waluse elo waleta kuli nebo, webo ufwile watula impanga ilume iyikwete umwaka umo elo iyabula ubwafya kukuba umutulo wakoca kuli Yahweh. ¹³Nomutulo wangano ufwile waba ifyepekumi fibili pali efa bunga bwapelwa ubwasankanamo amfuta, umutulo wapamulilo kuli Yahweh, kuku fumya icena cisuma, kabili umutulo wa cakunwa camwangashi, citika waini. ¹⁴Mwebo takuli kulya umukate, nangu ifyasaluwa nangu ingano ipya, mpaka ubushiku buno bwine mwebo mukaleta. umutulo kuli Lesa wenu. ici cikaba cipope cakubelelela ukufikafye nakunkulonsha bantu benu, muncende monse umomukoikala.¹⁵Ukutampa pabushiku panuma ya cibelushi ubo ubwali bushiku mwebo mwaletele umupo wangano ngo mutulo wacakatambika-pende umulandu utuntulu cinelubali. ¹⁶Mufwile mwebo kupenda inshiku amakumi yasano, Ubukaba bushiku panuma yacibelushi cine lubali. Eluntu mwebo mufwile mwatwala umutulo iya ngano ipyaa kuli Yaweh.¹⁷Mwebo mufwile mwaleta umutulo ukufuma mumayanda yenu utupimfya tubili utwa mukate ukufuma ku twa pekumi natubili kuli efa. Yena ifwile ukuba ya pangwa ukufuma kubunga ubwa peleka bwino, kabili iyapangwa necitutumushi . ukaba mutulo wakutambika ici sabo cakubalililapo kuli Yaweh. ¹⁸Mwebo mufwile mwaleta pamo umukate ne mpanga ishilume cine lubali ishamwaka umo ishabula ubwafya ne ngo'mbe imo ilume iyinono, elo nempanga ishilume shibili. Fyena fifwile fyaba mutulo wakoca kuli Yaweh, pamo nomutulo wabo uwangano, elo nemitulo iya kunwa, umutulo wapamulilo elo no kuleta icena cisuma kulI Yaweh.¹⁹Mwebo mufwile mwaleta umwana wa mbushi ngo mutulo wapesambi, elo no twana twa mpanga tubli utulume utwakapanga nge lambo, nge mitulo iya kwa mpana. ²⁰Nashimapepo afyile atambika fye pamo no mukate wakubalilapo pamo nefisabo fyakubalilapo kuli Yaweh, elo nokutwala fyena pamo kuli ye pamo notwana twampanga tubili. Fikaba mitulo yamushilo kuli Yaweh ifyakwashimapepo. ²¹Mwebo pabushiku bumo bwine mufwile mwabilisha. Kukaba ukulongana kwamushilo, elo mwebo tamufwile ukubomba incito . Ici cikaba cipope icakubelelela ukufika na kunkulo sha bantu benu monse muncende mwebo mukoikala.²²Uluntu mwebo mulesombola ubusomboshi mucalo cenu, mwebo tamufwile ukusombola mumbali yamabala yenu, elo mwebo tamufwile mwalonganya utwashala mubusomboshi bwenu. Mwebo mufwile mwashako abalanda elo nabena fyalo. Ninebo Yaweh Lesa wenu.'''²³Yahweh walandile kuli Mose, watile,'' ²⁴Landa kubantu bakwa Israeli no kutila, mumweshi walenga cine lubali pabushiku ubwakutampilapo ubwauyu mweshi bukaba bwakutashamo kuli mwebo, ukwibukisha nokulisha amapenga, nokulongana kwamushilo. ²⁵Mwebo tamufwile mwabombamo imilimo, elo mwebo mufwile mwatula umutulo wapamulilo kuli Yaweh.''²⁶Eluntu Yahweh alandile kuli Mose, walandile, ²⁷Nomba ubushiku bwalenga ikumilimo mu mwenshi walenga cine lubali ebushiku bwakufutilwa. Uku kukaba kulongana kwa mushilo, elo mufwile mwaicefya palenu elo mwatwala mutulo wapa mulilo kuli Yaweh.²⁸Mwebo tamufwile ukucita umulimo pali ubo bushiku pantu bushiku bwakufutilwa, ukulenga ukufutilwa mwebo bene kuli Yaweh Lesa wenu. ²⁹Onse ushikoicefya pali ubo bushiku ufwile wapatulwako ukufuma kubantu bakwe.³⁰Onse ucita umulimo pali ubo bushiku, nebo, Yahweh, nkamonaula ukfuma naku bantu bakwe. ³¹Mwebo tamufwile ukucita umulimo wamusango onse muli ubo bushiku. Ici cikaba cipope cakubelela ukufikafye nakunkulo shonse habantu bobe muncende monse ukoikala. ³²Ubu bushiku bufwile bwaba kuli mwebo cibelushi cakutusha, elo mwebo mufwile mwaicefya mwebo mwebene ubushiku bwalenga pabula mumweshi mucungulo. Ukufuma mucungulo no kufika ne cungulo, mwebo mukasunge isabata lyenu.³³Yahweh alandile kuli Mose, walandile, '' ³⁴Landanda kubantu, bakwa Israeli, utile, 'pabushiku bwalenga ikumilimo na fisono uwa mweshi cine lubali kukaba ukusefya kwa nsakwe kuli Yahweh . Bukalekelesha pashiku cine lubali.³⁵Pabushiku bwaku tampilapo bufwile bube ubwaku longana kwa mushilo. Mwebo tamufwile ukucita umulimo. Munshiku cine lubali mufwile ukutula umutulo wapamulilo kuil Yaweh. ³⁶Pabushiku bwalenga cine konse konse. kufwile kwaba ukulongana kwamushilo, elo mwebo mukatule umutulo wapamulilo kuli Yahweh Ukulongana kwacindama, elo mwebo tamufwile ukucitamo umulimo uli onse .³⁷Uku ekusefya kwasontelwe kuli Yahweh, uku mwebo mufwile ukubika ngo kulongana kwamushilo ukucita umutulo wapamulilo kuli Yahweh umutulo wakoca elo no wa bunga, amalambo elo nomutulo wakunwa, cila cintu nobushiku bwaciko. ³⁸Iyi misefeshe ikaba yakulundwapo kamasabata yakwa Yahweh elo nefya bupe fyenu, fyonse ifya kulanga kwenu, elo fyonse ifya bupe fyenu ifya ukuitemwenwa ifyo mwebo mukopela Yahweh .³⁹Ukulingana noku sefya kwansakwe, pabushiku bwekumi na shisano mu mweshi wacine lubali eluntu mwebo mwalonganya ifisabo fya calo, mwebo mufwile mwasunga uku kusefya kwa kwa Yaweh. Ubushiku bwakutampilapo bukaba bwa kutushamo, elo no bushiku bwa cine konse konse (8) nabo bwine bwakutusha .⁴⁰Pabushiku bwakutampilapo mukasenda icitwalo ukufumya kufimuti imisambo ya fimuti ya kancindu, elo ne misambo yebula yafimuti ifyacitikana, elo notumilonga ukufuma mutumana, elo mukale kusansamuka pabushiku cine lubali kuli Yaweh Lesa wenu. ⁴¹Cila mwaka panshiku cine lubali, mwebo mufwile ukusefya kuli Yahweh. Ici cikaba cipope icakutwalilila ukufikafye nakunkulo shabantu benu muncende shonse umu mwebo mukoikala. Mwebo mufwile ukusefya mu mweshi wa lenga cine lubali .⁴²Mwebo mufwile mukoikala musakwe shinono pabushiku cine lubali. Bonse abo abafyalilwe mu Israeli ba fwille bakoikala mu nsakwe shinono pabushiku cine lubali, ⁴³pakweba ati ulupwa lobe, inkulo panuma yankulo, basambilile ifyo nebo nalengele abantu bakwa Israeli baleikala mulishi nsakwe uluntu nebo nafumishe mucalo ca Eqypto. Ninebo Yaweh Lesa wenu ?'' ⁴⁴Muli iyi nshila, Mose walishibishe abantu bakwa Israeli ukusefya kwasontelwe ukwa kwa Yahweh .

¹Yahweh aishile kulanda kuli Mose, ukuti, ²''Konkomesha abantu bakwa Israeli ukuleta kuli webo amafuta ya miolife aya engwa bwino pakuti yakese ku bomfiwa mwi lampi, pakuti ulubuto lukatwalile ukwaka.³Kunse ya cisalu ca cipangano mwi tenti lya kulanshanya. Aaroni afwile akatwalilile, ukufuma icungulo ukufika ulucelo, ukwasha ilampi ku cinso cakwa Yahweh. Neci cikese kuba cipope ca kwikalilila ku nkulo ne nkulo sha bantu benu. ⁴Umukulu waku bashimapepo afwile lyonse akalekwesha amalampi ku cinso cakwa Yahweh. Amalampi pa fya kutekapo amalampi ifya golide uwaku soboloka.⁵Ufwile ukabule ubunga ubwakupeleka bwino no kupangapo imikate ikumi na ibili kuli bo. Ku fwile kukabe iyfa pe kumi fi bili ku cipimo ca efa cila mukate. ⁶Eluntu ufwile ukafitantike mu milongo ibili, mutanda mu mulongo umo, pe tebulo lya golide uwaku soboloka ku cinso cakwa Yahweh.⁷Ufwile ukalebika ububani ubwakupeleka pali cila mulongo wa mikate nge cakwiminiko umutulo. Ulu lubani lukala kocelwa fye Yahweh. ⁸Cila bushiku bwe sabata umukulu waku bashimapepo lyonse akalekutantika imikate ku cinso cakwa Yahweh mu kwimininako abantu bakwa Israeli, nge cishibilo ca cipangano ca muyayaya. ⁹Uyu umuangulo ukabe wakwa Aaroni na bana baume bakwe abaume, kabili bakese kuciliila mu ncende iaya mushilo, pantu ici ciputulwa ca fya musangulo ukufuma kuli Yahweh icikala citwa ku mulilo.''¹⁰Nomba icacitikile ca kuti umwana mwaume wa mwanakashi umwina Israeli, uyo wishi ali mwina Egypto aishile kuya mukati ka bantu bakwa Israeli. Uyu mwana mwaume wakwa Israeli uyu mwana mwaume wa mwanakashi umwina Israeli balikula mu nkambi no mwaume umwina Israeli. ¹¹Umwana mwaume wa mwanakashi umwina Israeli aishile kusalula ishina lya kwa Yahweh no kutuka Lesa, eico abantu baishile kumuleta kuli Mose. Ishina lya kwa nyina ali ni Shelomite, ukufuma ku mukowa wwakwa Dani. ¹²Baishile ku mubika umwakusungilwa mpaka Yahweh umwine alande ubufwayo bwakwe kuli bo.¹³Eluntu Yahweh aishile kulanda kuli Mose ati, ¹⁴''Piita umuntu uukile Lesa kunse ya nkambi. Bonse aba mumfwile ba bike amaboko yabo pa mutwe wakwe, kabili elo ulukuta lonse lumupole amabwe.¹⁵Ufwile ukalonolwele bantu bakwa Israeli no kulanda ati, 'Onse uwatuka Lesa wakwe afwile akapiite ifilubo fya kwe umwine. ¹⁶Uyo onse uwapontela ishina lyakwe Yahweh mu cinfye afwile akepiwe. Ulukuta lonse lufwile lukamupole amabwe, nangula ni mwisa nangula umukaya umwina-uwafyalwa umwina Israeli. Nga uuli onse apontela ishina lyakwa Yahweh, afwile ukwipaiwa.¹⁷Uuli onse nga cakuti aipaya umuntu mu nankwe kufipumo, nao fye afwile ukwipiwa. ¹⁸Nga cakuti uuli onse auma icitekwa ca umbi imfwila, akamupyanikishemo cimbi, umweo pa mweo.¹⁹Uuli onse nga cakutila acena umwina mupalamano wakwe, nao afwilefye ukumubwekesesha ifyo acitile ku mwina mupalano wakwe: ²⁰Icakufunika pa cakufunika, ilinso pe linso, ne lino pe lino. Ifyo alenga umunankwe ukuceneka efyo cikese kuba nakuli ye. ²¹Onse uwaipaya inama kapyanikishepo imbi, na onse uwaipaya umuntu akepaiwe.²²Mufwile mukwatefye amafunde yamoyene kuli mwisa naku mwina Israeli, pantu ni nebo Yahweh Lesa wenu.''' ²³Eluntu Mose aishile kulanda ku bantu bakwa Israeli, na bantu baishile kuleta umuntu kunse ya nkambi, uyo uwatukile Yahweh, baishile kumulasaula amabwe. Abantu bakwa Israeli baishile kucita ifyo Yahweh akonkomeshe Mose.

¹Yahweh aishile kulanda kuli Mose pa lupili lwa Sinai, nokweba ati, ²''Landa ku bantu bakwa Israeli no kulanda kuli bo ati, 'Uluntu mukesa mu calo ico nkomipela, elo icalo cifwile caba icakusunga isabata kuli Yahweh.³Imyaka mutanda mufwile mukalle kubyla mu mabala yenu, na mu myaka mutanda mufwile ukula tungwila imyangashi yenu nokulonganya ifisabo. ⁴Nomba mu mwakwa akulenga cine lubali, Isabata lyakutushamo icalo mufwile mukalisunge, nge Sabata kuli Yahweh. Tamufwile kubyala mu mabala yenu nangula ukutungwila amabala ya myangashi yenu.⁵Tamufwile ukusepa kuli conse icamabuka icaimenena, kabili tamufwile kusaba kutumisambo twa myangashi tamutungwilile. Uyo ukuba mwakwa wa kutasha ka calo. ⁶Conse icamubuka icaimenena umushalimwa mu nshita ya mwaka we Sabata cikabe icakulya kuli mwebo. Webo, na babomfi bo bobe abaume na banakashi, naku mubomfi obe uwa malipilo na kuli mwisa iwikala na webo mukalonganye ifilyo, ⁷elo ne fitekwa fyobe ne mpanga fikalye fyonse ifyo icalo ca fumya.⁸Ufwile ukapende ama Sbata cine lubali aya myaka, ekweba ati, imiku cinelubali ukufushiwa ku myaka cine lubali, ukuti ku kabe ama Sabata ya lenga cine lubali aya myaka.Ukusansha pamo imyaka amakumi ya ne pabula. ⁹Eluntu mufwile mukalishe ipenga lya kubilikisha konsefye pa bushiku bwakulenga ikumi mu mwenshi wa cine lubali. Pa bushiku bwa kufutikilwa mufwile mukalishe ipenga lya kubilikisha mu calo cenu conse.¹⁰Mufwile mukapatuluke umwaka walenga makumi yasano kuli Yahweh nokubilikisha ukulubuka mu conse nakubekala calo bonse. Ukabe mwaka wakulubuka kuli mwebo, emukuti ifikwatwa na basha fifwile fikabwelele ku lupwa lwakwe.¹¹Umwaka wa makumi yasano ukabe mwaka wakulubuka kuli mwebo. Tamufwile ku bylamo nangu ukusombola, mukalye icamabaku icaimenena, kabili mukalonganike ifisabo ifya twala ku myangashi ishatungilwa. ¹²Pantu mwaka wakulubuka, ukabe wa mushilo kuli mwebo. Mufwile mukalye ifisabo ifya kuimenena ukufma mu mabala.¹³Mufwile mukabwesehe umuntu ku fikwatwa fyakwe muli uyu mwaka wakulubuka. ¹⁴Nga walishitisha impanga ku munobe nangula ukushita impanga iili yonse ukufuma ku munobe, taufwile kubepa nangula ukulaikuikalifya.¹⁵Nga washita impanga ku mwina mupalamano obe, umwabela impendwa ya myaka ne fisabo ifingasombololwa ukushintafye ku mwaka wakonkapo uwakululubuka. Umwina mupalamano obe uukoshitisha nao afwile ukwishiba ici. ¹⁶Ubwingi bwa myaka ukufika ku mwakwa wakulubuka uwakonkapo ukalundweko umutengo wa mpanga, no bunono bwa myaka mpaka ukushinta ku kulubuka kwa konkpo ukabweshako umutengo wa mpango, pantu impendwa ya busomboshi bwa mpanga ikafumisha umwine wa mpanga umupya ukulingana ne mpendwa ya myaka ulo ukulubuka kwa konkapo takulaisa. ¹⁷Tamufwile kubepa nagu ukuikalifya umo nomunankwe; lelo, mufile ukucindika Lesa wenu, pantu ne nebo Yahweh Lesa wenu.¹⁸Eico mufwile mukalekunakila ifipope fyandi, nokusunga mafunde yandi, nokuyalama. Eluntu mukekala mu calo mu mutende. ¹⁹Icalo cikafumya ubusomboshi bwa ciko, kabili mukalya icikushi cenu no kwi kala mulya mu mutelelwe.²⁰Mukalanda ati, ''Findo tukale kulya mu mwaka wa cine lubali? Boneni, tatwakabyalemo nangula ukulonganya ubusomboshi bwesu.'' ²¹Nkeba ipalo lyandi ukwisa pali mwebo mu mwaka wakulenga mutanda, kabili cikaleta ubusomboshi ubwingi pa myaka itatu. ²²Mukabyale mu mwaka wa cine konse konse nokukonkanyapo ifyashele kubusomboshi bwa uyu mwaka ne fyakulya fya sungilwe. Mpaka mu busomboshi bwa mu mwaka wa kulenga pabula bukese, mukulya kufyo mwaisungile mu myaka yafumako.²³Incende tekuti ishitishiwe ku mweni nge yakubelelela, pantu icalo candi. Na mwebo bonse muliba mwisa kabili abalebeshi pa calo candi. ²⁴Mufwile ukusunga insmbu shakulubula impanga yonse iyo mwakwata, mufwile mukasuminishe impanga ukushitwa libili ukubwelela ku lupwa mwashitileko. ²⁵Nga umwina Israeli mu nobe aba umubusu na pali uyu mulanda washitisha cimo pafyo afwile akese ku lubula ico munina wakwe ashitishe.²⁶Nga umutu takwata lupwa wakwe uwakulubula icipe cakwe. Nomba nga cakuti ashuka akwata na maka yaku lubula, ²⁷eluntu akapende imyaka ukufuma apo ashitishe impanga nokupela ishasheleko ku muntu uyo ashitisheko. Eluntu ikabwelele kuli ye nokuba impanga yakwe nabili. ²⁸Lelo nga takwete amaka ya kulubula impanga umwine, eluntu uwaushitlie mpaka ukushinta mu mwaka wa kulubuka. Mu mwaka wakulubuka, impanga ikabwelele ku muntu uwaishitishe, no mwine waiko ikamubwelela no kubanicikwatwa cakwe.²⁹Nga cakuti umwaume ashitisha ing'anda ya mwilinga, eluntu akaishitishe cipya cipya kulila umwaka taulapwa apo aishitishe. Pantu mu mwaka uutuntulu ali noku kata insambu sha kuilubula. ³⁰Nga cakutila ing'anda tailubwilwe mu mwaka umo uutuntulu, elo ing'anda ya mwilinga ikabelele iyakwe uyo uwaishitile ne fikolwe fya kwe, tayakabweseshiwe mu mwaka wa kubwesha kwa kulubuka.³¹Nomba amayanda ya mu mishi iyabula amalinga ayashashingukwako yakepende nga mabala mu calo. Kuti yabulwa, kabili kubeseshiwa mu mwaka wa kubwekesha kwa kulubuka. ³²Nomba, amayanda aya kwata abena Lebi mu misumba yabo yakalubulwe panshita ili yonse.³³Nga umo uwamu bena Lebi afilwa ukulubula ing'anda ashitishe, eluntu ing'anda intu ashitishe mu musumba na pantu yabela ikabweseshiwe mu mwaka wakubwekesha kwa kulubuka, pantu amayanda ya bena Lebi aya mu misumba efikwatwa fyabo mukati ka bantu bakwa Israeli. ³⁴Lelo impanga ishashinguluka imisumba yabo tashilingile kushitishiwa pantu efikwatwa fyabo ifyakubelelela.³⁵Nga umwikala calo munobe aba umubusu, icakuti afilwa na maka yakuilisha umwine, eluntu mufwile ukwamwafwa ngefyo mwingafwa mwisa nagu uuli onse uwikala ngo wakunse mukati kenu. ³⁶Wikamulundishapo nsonsela nangula ukwesha ukupanga ubukumu ukufuma kuliye mu musango uuli onse, lelo ukacindike Lesa obe ukuti munonko akabe no mweo kuli webo. ³⁷Taufwile kumukongwesha indalama no kumulundishapo, wikamushitisha ifyakulya fyobe mukusangilamo ubukumu. ³⁸Ni nebo Yahweh Lesa obe, uwakufumishe ukufma mu calo ca Egypto, ukuti ninga mupa icalo ca Kenani, kabili ukuti mbe Lesa obe.³⁹Ngo mwikala calo mu nobe aba umubusu nokuishitisha umwine kuli webo, taufwile ukumuleka abombe ngo musha. ⁴⁰Mukamubomfye ngo mubomfi wa cilambu. Afwile alifye ngo muntu uukoikla na webo panonofye. Akakubombela mpaka ukufika ku mwaka wakubwekesha uwakulubuka. ⁴¹Eluntu akafume kuli webo nokuya, ena na bana bakwe nao, elo akabwelele ku bantu bakwe na kufikwatwa fyakwa shibo.⁴²Pantu babomfi bandi abo nafumishe mu calo ca Egypto. Tekuti bashitishiwe nga abasha. ⁴³Mwi kabateka ku kalili, lelo ukalekutina Lesa obe. ⁴⁴Nga abasha benu abaume elo na banakashi, abo mutafumishe mu mishobo iyamushinguluka, kuli bo eko mwingashita abasha.⁴⁵Kabili kuti mwashita abasha ukufuma kuli bamwisa abekala mukati kenu nokufuma kundupwa shabo ishilina mwebo, abafyalilwa mu calo cenu, nokuba ifikwatwa fyenu. ⁴⁶Mukapekanye abasha ababefi nge fyabupyani fya bana benu abakamikonkapo, abakafikwata nge fikwatwa, nokubacita abasha inshiku shonse, lelo wikateka munonko umwina Israeli ku bukakashi.⁴⁷Nga mwisa nangula uuli onse uwikala na webobo ngo kutandala abo uwafyuma, nagula ngo mwina Israeli munobe abo muina no kuishitiha umwine kuli mwisa, nangu ku wakulupwa lwa bamwisa. ⁴⁸Panuma ya kushitishiwa kwa mwina Israeli mu nobe, kuti alubula. Umo uwamulupwa lwakwe kuti amulubula.⁴⁹Nalimo kuti ba muntu wakwa na lume, nangu umwana wakwa na lume, uwingamulubula,nangula uuli onse uwamu mukowa wakwe. Nangula. nga ashuka akwata ifyuma, kuti ailubula umwine. ⁵⁰Afwile akalashanye no wamushitile; bakapende imyaka ukufuma mu mwaka aishitishe umwine kuli kashita wakwe mpakafye ukufika ku mwaka wakusefya ukulubuka. Umutengo wakulubuka kwakweufwile ukalinganishiwe ku malipilo ukulinga kucipimo bafoleseshamo umubomfi wa malipilo, pantu kumpendwa ya myaka afwile ukutwalilila ukubombela uyo uwamushitile.⁵¹Nga kucili imyaka iingi ukufika ku mwaka wakulubuka, afwile akalipile cipyacipya ngo mutengo akulubuka kwakwe mukulundwapo kwa ndalama kwaisho imyaka. ⁵²Nga cakuti kushelefye imyaka iinono ukufika ku mwaka wa kulubuka, eluntu afwile bakomfwane nowamushitile ukumulondolwela imyaka ya shalako ukufika ku mwaka wakusefya ukulubuka, kabili akalipile indalama shauilubula mukusunga nokupenda imyaka.⁵³Akobemfiwe ngo muntu wacilambu ca mwaka no mwaka. Ufwile ukashininkishe ukuti tabomfiwe bulukubuluku. ⁵⁴Nga cakuti talubwilwe muli ishi nshila shonse, eluntu afweile akamubombele ukushinta ku mwaka wa kusefya ukulubuka, ena na bana na ye kumo. ⁵⁵Kuli nebo abana bakwa Israeli ba bomfi, ba bomfi bandi abo nafumishe mu calo ca Egypto. Ni nebo Yahweh Lesa wenu.'''

¹Tamufwile kupanga ifilubi, kabili tamufwile kwimika icabswa nangu icaimikwa na mabwe ayabaswa, kabili tamufwile kubika icimpusha ce libwe icabaswa mu calo cenu kuli co nokucifukamina, pantu ni nebo Yahweh Lesa wenu. ²Mufwile ukusunga amasabata yandi no kucindika umwashila mwandi, ni nebo Yahweh.³Nga mwakula enda mu mafunde yandi nokusunga ifipope fyandi no kufinakila, ⁴eluntu nkamipela imfula mu nshita yaiko; ne calo cikafumya ubulimi bwaciko, ne fimuti fya mumpanga fikatwala ifisabo fyaiko.⁵Ifyamaba buka fyenu fikatwalila ukufika ku nshita ya kusaba imyangashi, no kusombola kwa fisabo fya myangashikukukalifya. Mukalya icilyo cenu mukwikata yakubyla umutelelwe uko mukapanga amekalo yenu mu calo. ⁶Nkapela umutende mu calo; na mwebo mukalala apabula icakumitinya, nkafumyamo inama shakutinya mu calo, no lupunga talwakapite mu calo cenu.⁷Mukatamfya abalwani benu, kabili bakawa kulupanga ku cinso cenu. ⁸Basano abamuli mwebo bakafulumuna umwana umo, no mwanda wamuli mwebo ukafulumuna amakana ikumi; abalwani benu bakawa ku cinso cenu kulupanga.⁹Nkalolesha pali mwebo no bubili no kumufyalanya no kumifusha; nkapampamika icipangano candi kuli mwebo. ¹⁰Mukalya ifya comba ifyo mwasungile inshita iitali, mukalafumya ifya comba umwakusungila ukuti mubikemo ifyo mwasombola ifipya.¹¹Nkabika icakwikalamo candi mukatika mwebo, kabili ntakalengwe ntakamishe. ¹²Nkala enda mukati muli mwebo no kuba Lesa wenu, na mwebo mukaba abantu bandi. ¹³Ninebo Yahweh Lesa wenu, uwamufumishe mu calo ca Egypto, ukuti mwiba abasha babo. Naliputawile ne nshinga sha makoli yenu no kumilenga ukwenda abakololoka.¹⁴Lelo nga tamwakomfwe kuli nebo, nokukana nakila amafunde aya yonse, ¹⁵kabili nga mwakana ifipope fyandi no kulengwa ubunani ku fya bupingushi fyandi, ukweba ati mwinakila ku mafunde yandi yonse, lelo mwatoba icipangano candi-¹⁶Nga mwacita ifi fintu, elo nkacita ifi kuli mwebo; nkaleta ifyakulenga umwenso pali mwebo, amalwele nokukaba kwa mubili ukukonaula amnso no kupwisha ubumi bwenu. Mukalabylalila imbuto shenu ulwisha, pantu balwani benu bakalya ifyo mwasombola. ¹⁷Nkafutatika icinso candi pali mwebo, na mwebo mukacepelwa amaka kubalwani benu. Abantu abamupata bakamuteka, kabili mukabutuka, ilyo tapali uukomipepeka.¹⁸Nga panuma ya fyonse ifi tamumfwile kuli nebo, eluntu nkamipanika imiku cine lubali ukulingana pa membu shenu. ¹⁹Nkesa konaula ne cilumba cenu mu maka yenu. Nkalenga no mulu uuli pa mulu wenu ukuba icela ne calo cenu ngo mukuba. ²⁰Amaka yenu yakabombela ulwisha, pantu icalo cenu tacakafumye ubusomboshi bwa ciko, ne fimuti fyenu ifya mucalo tafyakatwale ifisabo fyafiko.²¹Nga mwakana ukwenda na nebo nokuna ukumfwa kuli nebo, nkaleta, imiku cine lubali impumo pali mwebo, pa membu shenu. ²²Nkatuma ifinama mpanga uku mwalukila, fikepaya na bana benu, no konaula ifitekwa fyenu, no kumulenga ukuba abanono mu mpendwa ukuti inshila shenu shikabule uwendamo.²³Nga cakweba ati mwatwalilila ukukana pokelela ukufunda kwandi kabili mwatwalilila ukukansana na nebo, ²⁴eluntu na nebo wine nkendela mukukansana na mwebo, kabili ne mwine nkaminika imiku cine lubali pa mulandu wa membu shenu.²⁵Nkaleta ulupanga pali mwebo ukuti lukanandwilako pa ktoba icipangano candi. Mukulonganikwa capamo mu misumba yenu, elo nkatuma ubulwele mukati kenu, elomukapelwa mumaboko ya balwani benu. ²⁶Uluntu nkaputula umufuma ifilyo fyenu, abanakashi ikumi bakamifumbikila umukate mucitofu cimo, kabili bakamyakanya umukate wenu mukupima ukufina. Mukalekulya lelo tamwakekute.²⁷Ngatamwangufwile nokusubasha ifi fintu, lelo mwatwlilila ukwenda abapusuna nanebo, ²⁸eluntu nkenda na mwebo mucipyu, kabili nkesa kumipanika ukucila pa miku cine lubali ukulingana pa membu shenu.²⁹Mukesa kulya imibili ya bana benu abaume; mukesa kulya ne mibili ya bana benu abanakasha. ³⁰Nkesa konanula ne ncende shapamulu shenu, nkabongolola ne mfuba shafyefungo fyenu, nokuposa ifi fitumbi fyenu pafitumbi fya tulubi twenu, na nebo wine nkalengwa ubunani kuli mwebo.³¹Nkesa kulenga imishi yenu ifitantala nokonaula umwashila mwenu. Ntakatemwepo ne fyabupe fyenu ifyakununkila ubune. ³²Nkesa kupomona ne calo. Abalwani benu abaikala mulya bakapapa pakonaula. ³³Nkesa kumipashilamu fyalo fimbi, kabili nkesa kusomona ulupanga lwandi nokumukonka. Icalo cenu cikashala, ne misumba yenu ikaba ifitantala.³⁴Eluntu icalo cikasansamukila ma Sabata yaciko pantu cilishele na mwebo mwaba mufyalo fyaba lwani benu. Muliilya nshita, icalo cikatusha nokusesha nokuselela ama Sabata yaciko. ³⁵Pamofyengefyo cashiwa, cikesa kutusha, ukutusha uko tacakwete mu masabata yenu, uluntu mwaikelemo. ³⁶Kuli abo abakashala mu fyalo fya balwani benu. Nkesa kutuma umwenso mu mitima yenu mukutila nangula ciunda cebula ilileulalwa no mwela likamutumya, kabili mukafulumuka ngaba kobutuka ulupanga. Mukapona, nagufye tapali uuko mipepeka.³⁷Mukesa kuipununa kuli umo no munankwe nga abakobutukana ukufuma kulupanga, ulo tapali uukomipepeka. Tamwakakwate amaka yakutala ku cinso ca bulwani benu. ³⁸Mukesa kulobela mu bena fyalo, ne calo cabalwani benu icine cikamilya. ³⁹Abo abakashalako muli mwebo bakesekuposwa mu membu shabo, kulya mufyalo fya balwani' benu, pamulandu wamembusha bashibo bakesakuposwa cimo cine nabo.⁴⁰Lelo nga kuti balapila ku membu shabo na ku membushaba shibo, namukufuntuka mwabo ukotabalina cishinka kuli nebo, nokukana endela pamo na nebo- ukwalengelwe nebo ukubalukila nokubaleta mu calo cabalwani babo- ⁴¹nge mitima yabo isha sembululwa yaicefya, nokupokelela ukupanikwa pa membu shabo. ⁴²Eluntu nkesa kwibukisha icipangan candi na Yakobo, icipangano candi na Isaki, ne cipango candi na Abrahamu; bakabili, eluntu nkesa kwibukisha icalo.⁴³Nabo bakesa kusha icalo, ukweba ati cikasansamukila ama Sabata ya ciko nangu ca shiwa ukwabula bena. Bakalipila ukulimunwa pa membu shabo pantu abene balikana ifipope fyandi no kulengwa ubutolo ku mafunde yandi.⁴⁴Lelo pali fyonse ifi, uluntu bakaba mu calo ca balwani babo, ntakabakane, nangu nalengelwe ubutolo kulo bo ukuti mbapwishishishe nokubonaula no kufumyako icipangano candi kuli bo, pantu ninebo Yahweh Lesa wabo. ⁴⁵Lelo pamulandu wabo nkesa kwibukisha ici icipangano ca fikolwe fyabo, abo naletele ukubafumya mu calo ca Egypto pa cinso c bena fyalo, ukuti mbe Lesa wabo. Ni nebo Yahweh.''⁴⁶Ifi efya bupingushi ne fipope, elo na mafunde ayo Yahweh aishile kupanga pakati kakwe umwine na bantu bakwa Israeli pa lupili lwa Sinai ukupitila muli Mose.

¹Yahweh aishile kulanda kuli Mose ati, ²''Landa ku bantu bakwa Israeli ubebe ati, 'Nga uuli onse alapa umulapo wine wine kuli Yaweh, abomfye ifyakupimako ngefi.³Icipimo cobe icalinga ku mwaume ukufuma ku wa myaka makum yabili ukufika ku wa mayaka makumi mutanda cifwile cikabe amashekele ya silfere amakumi yasano, pamo nga amashekele ya mwashila. ⁴Kubanakashi aba myaka imo ine umulingoobe ukabe amashekele amakumi yatatu.⁵Ukufuma pa wa myaka isano ukufika ku wa myaka amakumi yabili umulingo obe ukapime ku mwaume ukabe amashekele amakumi yabili, naku mwanakashi amashekele ya tatu. ⁶Ukufuma pa wa mwenshi umo ukufika ku wa myaka isano umulingo obe ku mwaume ukabe amashekele ya sano aya silfere, nakumwanakashi amashekele ya tatu aya silfere.⁷Ukufuma pa wa myaka amakumi mutanda no kucilapo ku mwaume umulingo obe ukabe amashekele ikumi na Yasano,na ku mwanakashi ama shekele ikumi. ⁸Nomba nga umuntu apanga umulapo teti apele kumulingo uwakupimwa, elo umuntu uukopelwa afwile ukutwalwa kuli shimapepo, na shimapepo akapime ulya muntu ico enga kumanisha icilingene no mulapo.⁹Nga icalailwe ni nama iyingapokelelwa kuli Yahweh, iciputulwa conse ica ilya nama iyapelwe kuli Yahweh cikaba icamushilo. ¹⁰Umuntu tafwile ukucinja ici nangula ukufumyapo icabune no kupyanishapo icibi, nangu iya bubi ku ya bune. Nga apyanikisha inama imo painankwe, shonse shibili iyi imbi elo neyo apyanishapo shasanguka sha mushilo.¹¹Nangu cibe ifyo, nga cakweba ati ico umuntu alapile ukupela kuli Yahweh cili icakukowela, ukweba ati Yahweh ekesa kucipokelela, eluntu umuntu afwile ukuleta inama kuli shimapepo. ¹²Shimapepo kese kucibika umutengo, kumutengo onse uyo shimapepo abika uwa naa, ninshi emutengo waiko. ¹³Nga umwine wa nama afwaya ukuilubula, eluntu kasonsela ka fino aka mutengo waiko kulundako ukubika pa mutengo wa pakuilubula.¹⁴Uluntu umuntu apatulako ing'anda yakwe nge caabupe ca mushilo kuli Yahweh, eluntu shimapepo akese kubika umutengo waiko na pamo iyabubi nanguiyabune. Umutengo onse uo shimapepo abika, efyo ukesekuba. ¹⁵Nomba nga cakweba ati umwine uwa patwilako ing'anda yakwe afwaya ukuikombwela, afwile akalundepo nsonsela yafisano iya mutengo wa ng'anda ku mutengo wa pakikombwela, elo ikabe yakwe.¹⁶Nga umuntu apatulako imo iya mpanga yakwe, eluntu ukupimwa kwa iiyi mpanga ku kabako kupima mubwingi bwa mbuto shikabyalwamo-omele umo uwa bale ukapimwe amashekele ya silfere amakumi yasano.¹⁷Nga aputula ibala lyakwe mu mwaka wakusefya ukulubula, umutengowe bala ukeminine. ¹⁸Nomba nga apatulako ibala lyakwe panuma ya mwaka wa kusefya ukulubuka, eluntu shimapepo afwile ukupendulaka umutengo a mapnga ku mpendwa ya myaka ya shalako ukufika ku mwaka wa konkapo uwakusefya ukulubuka, nomutengo waiko ufwile ukubwelako.¹⁹Nga cakweba ati uwapatwileko ibala afwaya ukulikombwela, eluntu afwile ukulundapo nsonsela wafisano ku mutengo waiko, nayo ikesa kuba yakwe. ²⁰Nga caakweba ati afilwa ukulubula ibala, nangu nga ashitisha ibala ku muntu umbi, tekuti alilubule nakabili. ²¹Nomba ibala, lya lekulukwamo mu mwaka wakusefya ukulubuka, likesa kuba ca bupe ca mushilo kuli Yahweh, nge mpanga iyapelwa kuli Yahweh umupwilapo. Likesa kuba lya kwa shimapepo.²²Nga umuntu apatula impanga iyo ashitile, neimpanga teya ciputulwa ca lupwa lwakwe, ²³eluntu shimapepo akese kubika umutengo ukufika ku mwaka wa kuwelesha ukulubuka, noyo muntu afwile akalipile umutengo waiko muli ubo bushika nge ca bupe ca mushilo kuli Yahweh.²⁴Mu mwaka wa kusefya ukulubuka, impanga ikese kubweshiwa ku muntu uo yashitilweko ku mwine wa mapnga. ²⁵Ukupima konse kufwile kuka citwe ku kufina kwe shekele lya mwashila. Ama gera amakumi yabili kwi shekele limo.²⁶Kwikaba nangu umo uwakupatula amabeli ya mu mana, pantu mabeli nakelefye yakwa Yahweh; ing'ombe nangu impanga, fyakwa Yahweh. ²⁷Nga ni nama iitasalunguka, elo no umwine akashite naku ili mu mutengo waciko, na nsonsela wa fisano afwile ukubikwapo pali ulya mutengo. Nge nama iyo tailubwilwe, eluntu ikese kushitwa pa mutengo ya piminwepo.²⁸Nomba tapali ico umuntu enga pelu kuli Yahweh, ukufuma kuli fyonseifyo akawata, nangu munu nangu unama, nangu impanga ya lupwa lwakwe, ikashitishiwe nangu ukulubulwa. Conse icapelwa ca mushilo kuli Yahweh. ²⁹Takuli icakulubula icingapelwa ku muntu uwapelwa ku konaulwa. Uyo muntu akepaiwefye.³⁰Icape kumi conse ica mpanga, shibe ni mbuto ishimena mu calo nangu ifisubo ifi fuma ku fimuti, fyakwa Yahweh, fya mushilo kuli Yahweh. ³¹Ngo muntu akolubulapo icapekumi cakwe, afwile alandupo nsonsela wa pali fisano wapa mutengo waciko.³²Conse icalenga ikumi ama ombe ne camu mukuni, Yose iipita mwisamba ya nkonto yakwa kacema, iyalenga ikumi ifwile ikapatwileko kuli Yahweh. ³³Kacema tafwile kusala inama ya bune nangu iyabubi, tafwile kupyanikasha imo painankwe imbi. Nga cakweba ati acinjisha pamo, eluntu ishi shibili elo nailya iyo acinjishe shaisakuba shamushilo. Tekuti shilubulwe.'''³⁴Ifi efikonkomesho ifyo Yahweh aishile kupela pa lupili lwa Sinai kuli Mose ifya bantu bakwa Israeli.

¹Yaweh aishile kulanda kuli Mose mwitenti lyakukumaninamo mu matololo ya Sinai. Ifi fyalekucitika pa bushiku bwakutampilapo mu mwenshi wacibili mu mwaka wa cibili pa numa abantu ba mu Israeli bakwete ukufuma mu calo ca Egypto. Yaweh aishile kulanda ati, ²''Penda abaume bonse abamu Israeli muli cila mukowa, mu ndupwa shaba shibo. Ubapende pe shina. Upende umwaume onse, cila muntu ³uyo uuli ne myaka yakufyalwa amakumi yabili nangula ukucilapo. Upende uyo onse uwingalwa ngo mushilika pali Israeli. Webo elo na Aaroni mufwile ukulemba impendwa ya bantu mu mabumba yabo aya bulwi.⁴Umuntu ukufuma muli cila mutundu, umukulu wa mukowa, afwile ukubomba na mwebo nge ntungulushi ya mutundu wakwe cila ntungulushi afwile ukutungulula abantu abo abakalwilako umutundu wakwe. ⁵Aya emashina ya ntungulushi abafwile ukuba na mwebo mu bulwi: Ukufuma ku mutundu wakwa Rubeni, ni Elisuri umwana mwaume wakwa Shedauri; ⁶ukufuma ku mutundu wakwa Simeoni, ni Shelumle umwana mwaume wakwa Sulishadai;⁷Ukufuma ku mutundu wakwa Yuda, ni Nahshoni umwana mwaume wakwa Aminadabu; ⁸ukufuma ku mutundu wakwa Isaka, ni Netaneli umwana mwaume wakwa Suali; ⁹ukufuma ku mutundu wakwa Sebuloni, ni Eliabu umwana mwaume wakwa Eloni;¹⁰ukufuma ku mutundu wakwa Efulemu umwana wakwa Yosefu, ni Elishama umwana mwaume wakwa Amiudi; ukufuma ku mutundu wakwa Manase, ni Gamalieli umwana mwaume wakwa Pedasuri; ¹¹ukufuma ku mutundu wakwa Benjamini, ni Abidani umwana mwaume wakwa Gideon;¹²ukufuma ku mutundu wakwa Dani, ni Aiesari umwana mwaume wakwa Amishadai; ¹³ukufuma ku mutundu wakwa Asheri, ni Pagieli umwana mwaume wakwa Okirani; ¹⁴ukufuma ku mutundu wakwa Gadi, ni Eliasafu umwana mwaume wakwa Deueli; ¹⁵elo ukufuma ku mutundu wakwa Naftali, ni Aila umwana mwaume wakwa Enani.''¹⁶Aba ebaume basontelwe ukufuma mu bantu. Bena balitungulwile imitundu ya fikolwe fyabo. Bena ebali intungulushi sha mikowa mu Israeli.¹⁷Mose na Aaroni baishile kubula aba baume, abo abalembelwe pe shina, ¹⁸elo pamofye naba baume baishile kulonganika abaume bonse abamu Israeli pa bushiku bwa kutampilapo mu mwenshi wakulenga ibili. Eluntu cila muntu uwali ne myaka amakumi ya bili no kucilapo alaishibile icikolwe cakwe. Ena aishile kwinika imikowa ne ndupwa ishatuntukile mu fikolwe fyakwe. ¹⁹Eluntu Mose aishile kulemba ipendwa yabo mu matololo ya Sinai, ngefo Yaweh amukonkomeshe ukucita.²⁰Ukufuma mu bufyashi bwakwa Rubeni, ibeli lyakwa Israeli, balipendelwe amashina ya cila umo elo no muntunse uwakwete imyaka amakumi yabili nangu ukucilapo uwalingile ukuya ku bulwi, ukufuma muli iyo mpendwa wa sungile mu mikowa ya fikolwe fyabo ne ndupwa. ²¹Bali pendele 46,500 abaume ukufuma ku mutundu wakwa Rubeni.²²Ukufuma mu bufyashi bwakwa Simeoni balipendelwe amashina yonse aya umo elo nomutntu onse uwakwete imyaka amakumi ya bili nangu ukutulapo uwalingileukuya ku bulwi, ukufuma mu mpendwa ya fikolwe fyamikowa ne ndupwa shabo. ²³Bali pandele 59,300 abaume ukufuma ku mutundu wakwa Simeoni.²⁴Ukufuma mu bufyashi bwakwa Gadi balipendelwe amashina yonse cila umo elo no muntu onse uwakwete imyaka amakumi yabili nangula ukucilapo uwalingile ukuya kubulwi, ukufuma mumpendwa yafikolwe fya mikowa ne ndupwa shabo. ²⁵Balibapendele 45,650 abaume ukufuma ku mutundu wakwa Gadi.²⁶Ukufuma mu bufyashi bwakwa Yuda balipendelwe amashina yonse cila umo elo no muntu onse uwakwete imyaka amakumi yabili nangula ukucilapo uwalingile ukuya ku bulwi, ukufuma mumpendwa ya fikolwe fya mikowa ne mpendwa shabo mu ndupwa. ²⁷Balibapendele 74,600 abaume ukufuma ku mutundu wakwa Yuda.²⁸Ukufuma mu bufyashi bwakwa Isaka balipendelwe amashina yonse cila umo elo no muntu onse uwakwete imyaka amakumi yabili nangula ukucilapo uwalingile ukuya ku bulwi, ukufuma mumpendwa ya fikolwe fyamikowa ne ndupwa shabo. ²⁹Balibapendele 54,400 abaume ukufuma ku mutundu wakwa Isaka.³⁰Ukufuma mu bufyashi bwakwa Sebuloni balipendelwe amashina yonse cila umo elo no muntu onse uwakwete imyaka amakumi yabili nangula ukucilapo uwlingile ukuya ku bulwi, ukufuma mu mpendwa ya fikolwe fyamu mikowa ne ndupwa shabo. ³¹Balibapendele 57,400 abaume ukufuma ku mutundu wakwa Sebuloni.³²Ukufuma mu bufyashi bwakwa Efulemu umwana mwaume wakwa Yosefu amashina yonse cila umo elo no muntu onse uwakwete imyaka amakumi yabili nangula ukucilapo uwalingile ukuya ku bulwi, ukufuma mu mpendwa ya fikolwe fyamikowa ne ndupwa shabo. ³³Balibapendele 40,500 abaume ukufuma ku mutundu wakwa Efulemu.³⁴Ukufuma mu bufyashi bwakwa Manase umwana mwaume wakwa Yosefu balipendelwe amashina yonse cila umo elo no muntu onse uwakwete imyaka amakumi yabili nangula ukucilapo uwalingile ukuya ku bulwi, ukufuma mu mpendwa yafikolwe fyamikowa ne mdupwa shabo. ³⁵Baliapendele 32,200 abaume ukufuma ku mutundu wakwa Manase.³⁶Ukufuma mu bufyashi bwakwa Benjamini balipendelwe amashina yonse cila umo elo no muntu onse uwakwete imyaka amakumi yabili nangula ukucilapo uwalingile ukuya ku bulwi, ukufuma mu mpendwa yafikolwe fyamumikowa ne ndupwa shabo. ³⁷Balibapendele 35,400 abaume ukufuma ku mutundu wakwa Benjamini³⁸Ukufuma mu bufyashi bwakwa Dani balipendelwe amashina yonse cila umo no muntu onse uwakwete imyaka amakumi yabili nangula ukucilapo uwalingile ukuya ku bulwi, ukufuma mu mpendwa ya fikolwe fyamikowa ne ndupwa shabo. ³⁹Balibapendele 62,700 abaume ukufuma ku mutundu wakwa Dani.⁴⁰Ukufuma mu bufyashi bwakwa Asheri balipendelwe amashina yonse cila umo no muntu uwakwete imyaka amakumi yabili nangula ukucilapo uwalingile ukuya ku bulwi, ukufuma mu mpendwa yafikolwe fyamikowa ne ndupwa shabo. ⁴¹Balibapendele 41,500 abaume ukufuma ku mutundu wakwa Asheri.⁴²Ukufuma mu bufyashi bwakwa Naftali balipendelwe amashina yonse cila umo no muntu onse uwakwete imyaka amakumi yabili nangula ukucilapo uwalingile ukuya ku bulwi, ukufuma mu mpendwa yafikolwe fyamikowa ne ndupwa shabo. ⁴³Balibapendele 53,400 abaume ukufuma ku mutundu wakwa Naftali.⁴⁴Mose elo na Aaroni balipendele abaume bonse aba, pamo na baume ikumi limo na balili abo abalikutungulua imitundu ikumi limo na ibili iyakwa Israeli. ⁴⁵Eico abaume bonse abakwa Israeli ukufuma pa myaka amakumi yabili no nokucilapo, bonse abo abalwile mubulwi, bali pendelwe muli cila lupwa lwabo. ⁴⁶Bena bali impendwa 603,550 abaume.⁴⁷Nomba baume abo aba tuntukile ukufuma mu Levi tabapendelwe, ⁴⁸pantu Yaweh alikwete ukulanda kuli Mose ati, ⁴⁹''Taufwile ukupenda umutundu wakwa Levi nanguka ukubasankanya mu mpendwa yonse iya bantu bakwa Israeli.⁵⁰Eico kanshi, upekanye abena Levi abakusunga itenti lya cipangano, elo no kusunga ifibombelo fyonse ifya mwi tenti na fyonsefye ifilimo. Abena Levi bafwile ukusenda itenti, elo bafwile ukusenda ifibombelo fye tenti. Bafwile ukusunga itenti no kupanga inkambi shabo ukulishinguluka.⁵¹Uluntu itenti lyaselele lu ncende imbi, abena Lebi bafwile ukulibula ukulibika panshi. Uluntu itenti lyafika apakulimika, abena Levi ebafwile ukulimika. Umweni onse uyo uwaisa ku palama kwi tenti afwile ukwipaiwa. ⁵²Uluntu abantu bakwa Israeli baimika itenti, umuntu onse afwile acita ico ukupalamina ku cishibilo ce bumba lyabulwi bwakwe.⁵³Eico, abena Levi bafwile ukwimika amatenti yabo ukushinguluka itenti lya cipangano pa kuti ubukali bwandi tabwishile pa bantu bakwa Israeli. Abena Levi bafwile ukusunga itenti lya cipangano. ⁵⁴Abantu bakwa Israeli baishile kucita ifintu fyonse. Bena balicitile ifintu fyonse ifyo Yaweh abakonkomeshe ukupitla muli Mose.

¹Yahweh alilandile nakabili kuli Mose na Aaron. Alandile ati, ²''Cilamuntu mu bana bakwa Israeli afwile ukukula itenti lyakwe, nefishibilo fya mayanda yaba shibo. Bena bakakule inkambi ukushinguluka itenti lyakukumaninamo mumbali shonsefye.³Abo aabakakula inkambi kukabanga ketenti lya kukumaninamo, uko akasuba katulila, Bena ninkambi yakwa Yuda elo bena bakocita inkambi mumusango wabo. Nashoni umwana mwaume wakwa Aminadabu entungulushi ya bantu bakwa Yuda. ⁴Impendwa ya bantu bakwa Yudamakana amakumi cine lubali na makana yane ne myanda mutanda [74,600].⁵Umutundu wakwa Isakari bakakuule inkambi ukupalamina kuli Yuda. Netanele umwana mwaume wakwa Suari afwile ukutungulula ifita fyakwa Isakari. ⁶Impendwa ye bumba lya bantu bakwe makana amakumi yasano na yane ne myanda ine (54,400).⁷Umutundu wakwa Sebuluni bakakuule inkambi ukuoalamina kuli Isakari. Eliabu umwana mwaume wakwa Heloni afeile ukutungulula ifita fyakwa Sebuluni. ⁸Impendwa mu bantu bakwe makana amakumi yasano na cine lubali ne myanda ine (57,400).⁹Impendwa yonse pamo iya bamunkambi yakwa Yuda makana umwanda umo na makumi cine konsekonse na mutanda ne myanda ine (186,400). Bena ebakabalilapo ukufuma.¹⁰Kulubalikwa kukapinda kakukuso ekukabela inkambi ukulingana na mabumba yabo. Intungulushi munkambi yakwa Rubeni ni Elisuri mwana Shedeuli. ¹¹Impendwa ye bumba lyakwe makana amakumi yane na mutanda ne myanda isano (46,500).¹²Simeoni ena bakakuule inkambi ukupalamina kuli Rubeni. Intungulushi ya bantu bakwa Simeoni ni Shelumeli mwana Shilushadai. ¹³Impendwa ye bumba lyakwe makana amakumi yasano na pabula ne myanda utatu (59,300).¹⁴Umutunduwakwa Gadi eukakonkapo. Intungulushi ya bantu bakwa Gadi ni Eliasafu mwana Reueli. ¹⁵Impendwa ye bumba lyakwe makana amakumi yane na yasano ne myanda mutanda na makumi yasano (45,650).¹⁶Impendwa ya baume bonse abapendelwe munkambi yakwa Rubeni, ukulingana na mumabumba yabo, yaali amakana umwanda umo na makumi yasano na limo ne myanda ine na makumi yasano (151,450). Bena ebakonkapo ukufuma.¹⁷Icakukonkapo, itenti lyakukumaninamo lifwile ukufuma mu nkambi nokuya na bena Lebi pakati ka nkambi shonse. Bena bafwile ukuya ukufuma mu nkambi mu musango umo wine ngefyo bena baishile mu nkambi. Umuntu onse afwile ukuba pa ncende yakwe, necishibilo cakwe.¹⁸Kulubali lwa kumasamba ekukabela ifiputulwa fya nkambi yakwa Efulemu mu mabumba yabo. Intungulushi ya bantu bakwa Efulemu ni Elishama umwana mwaume wakwa Amiudi. ¹⁹Impendwa ye bumba lyakwe baali amakana amakumi yane ne myanda isano (40,500).²⁰Abakakonkapo mutundu wakwa Manase. Intungulushi ya bantu bakwa Manase ni Gamalieli umwana mwaume wakwa Pedasuri. ²¹Impendwa ye bumba lyakwe baali amakana amakumi yatatu na yabili ne myanda ibili (32,200).²²Uukakonkapo mutundu wakwa Benjamini. Intungulushi ya bantu bakwa Benjamini ni Abidani umwana mwaume wakwa Gideoni. ²³Impendwa ye bumba lyakwe baali amakana amakumi yatatu na yasano ne myanda ine (35,400).²⁴Abo bonse abapendelwe mu nkambi yakwa Efulemu baali amakana umwanda umo na cine konsekonse no mwanda umo (108,100). Bena ebakaba bacitatu ukufuma.²⁵Kukapinda ka kukuso ekukabela ifiputulwa fya nkambi yakwa Dani. Intungulushi ya bantu bakwa Dani ni Ahieseri umwana mwaume wakwa Amishadai. ²⁶Impendwa ya muciputulwa cakwe baali amakumi matanda na yabili ne myanda cine lubali (62,700).²⁷Abantu ba mutundu wakwa Asheri bakapanga inkambi ukupalamina kuli Dani. Intungulushi yakwa Asheri ni Pagieli umwana mwaume wakwa Okirani. ²⁸Impendwa ya muciputulwa cakwe baali amakana amakumi yane na limo ne myanda isano (41,500).²⁹Umutundu wakwa Naftali eulekonkapo. Intungulushi yakwa Naftali ni Aira umwana mwaume wakwa Enani. ³⁰Impendwa yamuciputulwa cakwe baali amakana amakami yasano na yatatu ne myanda ine (53,400).³¹Abo bonse abapendelwe munkambi na Dani baali amakana umwanda umo na makumi yasano na cine lubali ne myanda mutanda (157,600). Bena ebakafuma munkambi mukulekelesha, mu fishibilo fyabo.''³²Aba ebena Israeli, abapendelwe ukulingana ne ndupwa shabo. Abo bonse ebapendelwe mu nkambi shabo, mufiputulwa fyabo, baali amakana imyanda mutanda na yatatu ne myanda isano na makumi yasano. (603,550). ³³Nomba abena Lebi tabapendelwe kulubali na bantu bakwa Israeli, ngefyo Yahweh akonkomeshe Mose.³⁴Abantu bakwa Israeli baalicitile fyonsefye ifyo Yahweh akonkomeshe Mose. Bena baalipangile inkambi mufishibilo fyabo. Bena baalifumine mu nkambi mu mikowa yabo, mu nkonka shandupwa shafikolwe fyabo.