¹Utuba abanga Yeso, vana Udauda, bi Sana bi Ibrahim Bini.²Ibrahim maa yoo Ishaku, Ishaku ma yoo yakubu, Yakubu mayoo Yahuda, nan anu henu umeme.³Yahuda me mani maa yoo Larisa nan Zaraha nan Farisa, usuro u Tamar, Farisa ma yoo Hasruna, Hasruna mayoo Aram.⁴Aram ma yoo Aminadab, Aminadab ma yoo Nashon, Nashon ma yoo Salman.⁵Salman mayoo Bo'aza usuro u Rahab. Bo'aza ma yoo Obida usuro u Rut, Obida ma yoo Yesse.⁶Yesse ma yoo Dauda ugomo, Dauda ma yoo Sulemanu desa a ino me mani unee u Uriya.⁷Sulemanu ma yoo Rehoboulam, Rehoboulam ma yoo Abiya, Abiya ma yoo Asa.⁸Asa ma yoo Yehoshafat, Yehoshafat ma yoo yoram, Yoram ma yoo Azariya.⁹A zariya ma yoo Yotam, Yotam ma yoo Ahas ma yoo Hezekiya.¹⁰Hezekiya ma yoo Manassa, Manassa ma yoo Amon, Amon ma yooYosiya.¹¹Yosiya mayoo Yakoniya nan anu henu ume.¹²Uganya sa a ziki we u hana Ubabila, ba Yakoniya ma yoo Sheyaltiyel, sheyeltiyel ma yoo Zarubabel.¹³Zarubabel ma yoo Abihudu, Abihudu ma yoo Eliyakim, Eliyakim ma yoo Azuro.¹⁴Azuro ma yoo Suduku, Suduku ma yoo Akimu, Akimu ma yoo Aliyidu.¹⁵Aliyudu ma yoo Ele'azara, Ele'azara ma yoo Matana, Matana mayoo Yakubu.¹⁶Yakubu ma yoo Isubu uruma' u maryamu desa ma yoo Yeso, sa atisa me unu bura.¹⁷Vat bisana bi Ibrahim uhana u Dauda bisana kanu kirau in ka nazi. Usuro Udauda u'inta uwe uhani uwe ubabila me, bisana ukirau inkani ka nazi kani, u inta uwe ubabila uhana unu bura bisana ukirau in kani ka nazi.¹⁸Uyoo u Yeso uzi gusi ana sa Isubu maa zin inti nyari ti Maryamu a i'no a Yeso, adaza sarki uzika ume, a iri me ma tonno u suro ubibe bilau.¹⁹Uruma ume Isubu unu mani shew si, mada nyara me ma nya mu'i aje anu, ma ziki iriba ime madi harzina nan me in nihunzi.²⁰Sa mara anyimo ubasa imum me, bibe bi ka dura kasere bi'e ahira ame atiroo, bigu, "Yusufu vana Dauda katu kun biyau ziki une uwe maryamu, barki apuru a gino bibe bilau bini"²¹Madi yoo vana udi nyame niza Yesu barki me mani madi buri a nu ame amadini.²²Vat uwuzi ani me, barki a myinca imumbe sa Ugomo Asere ma buka unu kur zoutize.²³"I ye kubura kudi we puru, ku yoo vana, adi wume ni za Emmanuel" (bi nyo bini zame Asere azi nan haru).²⁴Sa Yusufu ma zuma amoro, matar si ti ze ti bibe bi kadura kasere ma ziki une ume.²⁵Dama rusi nipum nume mayo ma in kime ni za Yesu.

¹U ganiya sa, aa yoo Yesu u Baitalami a ma nyanga mu yahudiya, Hirudus mani ma Ugomo, a kem ara anu tusa wirau ana za we e a Urushalima wa gu.²"Unu sa ayo me maraa Ugomo a Yahudawa? ta ira iwirau inza ta ayee ti nonzo me"³Sa Ugomo Hiridus mankunna anime, ma kem ma ayee anyimo iruba imeme nan nanu urushalima.⁴Ma ori ana katuma kasere vat nan nanu dungara ma iki nani adi yo me abani Almasihu.⁵Ba we gun me U Baitalami uni ama nyau ga mu Yahudiya, barki ane yetike in nu guna.⁶Hu Baitalami, u Yahudiya da humani ucici a nyimo atipin pin ti da dang tu Yahuda, barki anyimo awenadi yoo unu bari desa madi tarsin in Isara'ila⁷Hiridus ma titi ma rusa ugino me ni hunzi, ma rusi ati nyo tuwe uganiya sa iwiran iginome adi iri ini.⁸A anime ma tumi we ubaitalami, magu, "Hanani ika igizoni abanga vana me men'meru inki yakemme, i'e inbukinimi barki mima inka nunzome"⁹We sa wa kunna tize tugomo, wadusa we. I ye biwiran me sa wa iran ana za bi haka aje awe, bi'e bitonno ahirame sa vaname maram.¹⁰Sa wa ira biwiran me wawu afuru aram.¹¹Sa wa ribe akurame, wai iri vana me nan ka ino me maryamu, wa rizi aje ame wa nonzome. Wa sopi turunga tuwe, wa nya ni isi nan na dodu ani za.¹²Sa abuka we ati ro kati wa kuri a hira a Hiridus me wadusa wa tarsi uruna sas wa kuri ani pin nuweme.¹³Sa wa hira, wakem bibe bikadura ku goma sere bibuki Yusufu atiro, magunwe, "hira uziki vana me nan ka inomeni ha a manyangamu masar, icikuno abirkome ma buka we Hiridus ma zunu igizo abanga vana me ma hume.¹⁴Yusufu mahira maziki vaname nan ka inome in niye wa dusa umasar.¹⁵Ma cukuno abirkome uhana iwono i Hiridus Abang agino me barki a nyincikina imumbe sa Ugomo Asere ma buki a nyo unu kurza zo utize ta sere "u suro u masar matita vana um"¹⁶Sa Hiridus ma ira unurusa ugino me wakini me bibabana. makuna iriba kan, matumi a huzi ahana acin cin aruma sa wara anyimo babila nan mataraa vat. uzika uti we tire utino, uzika uganiya sa anu rusa wabuki me.¹⁷Uganiya ugino amying cikkinanubukan Irimiya unu kurzo tize agi.¹⁸A kun na ni nyiran urama, na sonko inna puru abit kan. Rahila mani ma zinna so barki wa zoni.¹⁹Sa Hirudus ma wono, bibebi kadura ka sere bi é Yesuf a nyimoti ro, Umasar, bigu.²⁰"Hira u ziki vanaa nan ka inome, idusa a ma nyango mu Isaraila.²¹barko anu nyara uhuna uvanaa wa wono" Mahiri, mazi vanaa nan ka inome, maze ama nyanga mu Isaraila.²²Sa ma kunna Arkilayus ma kaba acome mamani ukwanku udang u Yahudawa, ma kunna biyau bu biki abirko me.²³Sa anyame tize atiro, mawata u hana u Galili. Maha maka cukuno anire nipin agi u Nazarat barki amyinca ubuka anu kurzuzo utize agi adi titime banazaret.

¹U ganiya uginome Yahaya unu zorsa anu zorsa anu ma'e, mazintize ani ja nu Yahudiya.²Innu gusa, "Hemni, barki uvenke a sesere wa aye mamu.³Unu age mani Ishaya unu kurzo utize ma buni "Nimyiran nu tisa anyimo ani ja nigusa, barkana tume.⁴Yahaya maturi inturunga innu subu uronkomi, matiri uzu uwa, immumare imme makene nan matu.⁵Anu Urshalima nan nu Yahudiya vat, nan ana ma nyanga murabi uraba udang u'urdu wa ezi ahira ame.⁶Mennu zorso uwe uraba u'urdu me, wen nubo imum izonzen iwe.⁷Sa Yahaya ma ira ma Farisiyawa wan ma Sadukiyawa gwardan, wa'e zi barki a zorso we, ma gunwe "she" iwa! a verri mubuka shi isumi iruba iburu uwui ugino su eze.⁸Wu zani katuma sa kadi bezi u him ukaba tize tasere.⁹Kati iziki amuruba mushi agi Ibrahim mani a co ushi. barki anime inboshi. Asere abari abari Ibrahim a hana in na po ageme.¹⁰A' atara anyo abitem anitini nu titti. barki anime vat ulitti me sa daki wa nya ahana ariri ba, akoriko uni areki ura.¹¹Mi, inmei mani inzinu zorsuzo ushi, ubuka uhim ushi, a' aname unu aye adumo am matakum innu gwardang, desa bi nyimo bukwatak umeme indake invon kiba. memani madi zorso in bibe lau won ura.¹²Utanika ura atar tume, madi visi ahira abi suya-suya lau, ma humuko bi home mawu ukere ume. ma mindin me, ma uni ura uzatu biso ma punsi.¹³Uganiya ugino uni Yesu ma e usuro manyanga mu Galili, maha uraba urdu ahira Yahaya, barki azorome.¹⁴Yahaya ma nyari ukarki ume, magu "misan in nyari hu uzorom, u'e ahira am?"¹⁵Ba Yesu makabirka me magu, "aca icuku anime a name, barki anime animya wuna to mincikina kadure" a' anime Yahaya ma hemme.¹⁶Sa' azoro Yesu, ahirame ma suri a nyimo me I, Asesere awata, ma iri bibe bilau ba were both kasi bi hurbe. butu ani ce nume.¹⁷Akin na no miram azesere nigusa, "unite Mani vana um sa mahem inme. dewan in zin Inna puru arum taking."

¹Anime bibe bilau bihan in Yesu ani ja, barki unu guru maman same.²Sama wuza no we no me I tiye a kurra Nazi niye man nu Wei ikomo imukurkame.³Unu mansa ugino ma'e, "inki hu vana sere mani, kurzo a po ageme acukuno immare".⁴Yesu makabirka magu, a citike uguna, dakin in bisana bini cas unu madi vengizo ba, senke inti zo sati suso ahira sere.⁵Anime unu uburu mahan me ani pin ni lau, matarime asesere me.⁶Magun me, inki hu vana sere mani, hinna adizi. Barki a nyirtike agi, 'Madi gu ibe ikadura ka me ikurso we', Barki kati upilliko anipo.⁷Yesu magunme, anyetike, udaman sawa Ugomo Asere aweba.⁸Unu buri makuri mahanme anire ni po nijongoron adodu une ariri.⁹Magun me "vat in we rizomadizi wa non zom indi nyawe".¹⁰Yeso magunme, dusa abame, unu uburi! Abuka idi nonzo Ugomo Asere mani, barki memqni cas udi rizi adizii unonzome.¹¹A' animo unu buru maduku ceki me igab.¹²Sa Yeso ma kunna akorso Yahaya, mahiri uhana u Galili.¹³Ma ceki unazarat, makuri unahun inti cukum, abirko upuru uruba udang, ubinani umanga mu zabalina wan nu naf tali.¹⁴Barki amin cikina uba u Ishaya.¹⁵Manyanga mumzabaluna nan nu Naftali, nan nu bahar, nan nuhuru uraba u'urdu, amanyanga mu Galili anu zatu urusa utize tasere.¹⁶Anu ciki uma reu wa ira masa anu ciki anyimo livono nan ma aye, masa ma ulata we.¹⁷Usuro uganiya uginome, Yeso matubi tize, innu gusa, kabanitize tasere barki Asere a' aye mamu.¹⁸Mahaki urabi uraba udang Ugalilu, ma iri anu henu ware, saminusa atissa me Bitrus, nan nu henume Andrawus wa zinnu vingizi itaru uraba udang barki we anu minsi icere ini.¹⁹Ma gun we tarsan mi, indi kurzo shi anu mensuzanu.²⁰Wa ha wa aki watarsime.²¹Sa ma reje, ma iri aye ana were wema ani henu, yakubu vanu Zabadi, nan nu henume Yahaya, anyimo jirgi nan ka co uwe Zabadi innubara itaw iwe, mati tuwe.²²A hira me wa ceki u jirgi nan ka come, watar sime.²³Bamakase manyanga mu Galili, in nu dungara anu ati denge titarsa sere we, inkur uhumza inna num zatu ni huma a tikoni tuwe. Anime memani amanyanga mu Suriya.²⁴A ezzinme innanu zatu nu huma, ani jas inti koni sassas. nan nanu zito, nan nana gwargene nan ana ma tiri zi, nan nanu wijo utikira tini pum ma hum mumzan we.²⁵Ni ori nanungwen watarsime umGalili nan nu dikafolis, nan nu Urshalima nan ma nyanga mu Yahudiya, wannu kafa urabà udang u'urdu me.

¹Sa Yeso ma ira ni gura nanu gbardang, ma hiri maka nyene ani hoho ma cukunun, anu tarsa umeme wa ka kemme.²Ma poki anyo ma gunwe.³"Anu ringirka wani an de sa wa zika a che awe anu usizikime abi bee, ti gomo ta sesere tuwe tini.⁴Anu ringirka wani anu apuru abid, adi natti we muruba.⁵Anu ringirka wani anu utuzo ace, we wani wadi kem unee.⁶Anu ringirka wani ana mukumo nan ana mu ruba mu benki, wadi ti a sereri.⁷Anu ringirka wani anu gogoni, adi kunna ugogoni uwee.⁸Anu ringirka wani ana mu ruba mu rum, wewani wadi iri Asere.⁹Anu ringirka wani anu nyara iti cukum ti hama, we wani adi titiwe a hanq Asere.¹⁰Anu ringirka wani an de sa wazin unu zito barki mu ruba mu benki, ti gomo ta sesere tuwee tini.¹¹Shi, unu ringirka wani an de sa ana bu wa zogizo shi, wa patti shi wa wuza shi imum iburki me.¹²Zunzukani nan tipuru tirum kang idi kem ulada udandang asesere. Anu me ani, anu wa patti anu kurzo utize ta sere, sa wa eh aje ashi.¹³Shee, wani muhu mu nee, ingi mu ma harzina nan urunta umuni adi wu aneni a kurzo mu neen? barki sa macurnome ma dee a kponko munin anu wa pattali.¹⁴Shee, wani ma saa mu nee, ni piri me sa anuka nin abi koworo ni zome ni hunziba.¹⁵Aka da wuna uraa upitila, a impi ini isso ba, ani me aka tari a hira me sa udi nya masaa akurame vat.¹⁶Barki ani me ca masaa mashi me ma bizi bati anu wa iri katuma. ka ririn ka shi me wa nonzuko ugomo Asere.¹⁷Kati ibasa ma aye unu guna invisi udungura u Musa nan anu kurzuzo uyi zee ta sere. Daki ma aye uniu tubur ko ba ma ayen unu myinciza.¹⁸Ka dundura in boo shi a sasari nan adizi adi mari, ada visame iri imum cingilin anyu mo udungara u Musa ba sadai ya myinca vat.¹⁹Barki ani me vat de sa ma vete imum icingilin inde anyumo me adi kurzo me anu ucin anyumo ati yomo ta sesere. vat de sa ma tarsa ma kuri ma dungura anu adi titi me unu udandang aseseri.²⁰Sa in boo shi, ca muruba mu benki ushi me mu akki manu bizizi udungara u Musa na anu ubezi urusa, ida ribe shi anyumo ati gomo ta sere ba ko cinginlin.²¹Ya kunna uguna aabuki a cukoro anu udatti unu guna, kati u hun uye, dee sa ma hunu uye, adi porikome.²²In kuri in bushi, de sa ma kunna iruba wanu hennu adi hunguko me titui de sa ma hira u hennu ma zome anyo ari mum ba ma bari a hanme ubabbana madi ribe ura.²³Barki ani me inge uhaka unya usadiga wa ringe uhenu uweme mazin na puru abi nan hu.²⁴U inki usadiga me ukakeme ibarka uku eh unya usadiga me.²⁵Inga uye ma hanan hu ani kubu wuna mass ibarka unaa, ka ti uhem ibiki ani kubu ba. In daki ani me ba madi patti we nan unu barka utize unu barka utize ma patti we nan udanduka a hennu aura ari rere aka korso we.²⁶Ka dundura inboo we, ada suso huba sede wa nya vat ikirfi me sa a tarsa we.²⁷Ya kuna aa buki kati u muri nan vana u e nan uruma uge za ma zome uwe ba.²⁸In ani me in boo shi ingi unu ma ira vanu emma inko iruba, ma mara umura nan me.²⁹Ingi nije ni tari tinare tuweme nidi wuwe upilko ukari nin uvetenin. Iteki udiri are ahira ani pum nuweme unu guna arekiwe uraa.³⁰Ingi tari tina ree tuwe me tidi wuwe upilko, nyoro tini uvetten. Iteki udiri are ahira ani pum nuweme unu guna ureki nin vat uraa.³¹A kuri aboki uguna de sa ma gido unee umeme a ma nya mee unyertike uharzina.³²I mumme sa in kuri inboo shi i nee ini ingi unu ma gido unee umeme inzo barki upilko wa mura nan de sa inzo uruma ume mani ba, ma wuna me unaa uma dini vat de sa ma zika me, mee ma mazim ma dini.³³Ya kuri ya kunna abuki anu datti unu guna, kati uuwuzi itono sa we ziki huu nan Ugomo Asere.³⁴Imum sa inkuri inbu shi, ine ini, kari iba toniko nanin na seseri, barki a hira ati cukum ti gomo Asere ani.³⁵Kati itoniko inna dizi barki sa ane ani Ugomo Asere ma patala, nan Urushalima barki sa une uni nipin ni gomo dang.³⁶Kati utonikon in nice nuwe, barki sa daki wa bari ugamirka usuba u inde unice nuwe urun nan ubid ba.³⁷In mum sa irizi ibuki ine ini ee nan um - um, ingi ya akka ani me inu ubur ini.³⁸Ya kunna abuki nije ani je, ni lini ani lini.³⁹A ani me min boshi kati inyareshi de sa ma pilkoshi ba. Ingi unu ma vavvi we upuu utari tinare u gimirka me ukure ma vavvi⁴⁰Ingi uye ma nyara ubura uwe udibi upati me ugebtu utozo uwenme.⁴¹Inge unu bari ma wuna we tanu tu ukilomita u inde, hem i wuzi umakilomita ma re.⁴²Ingi uye ma iko we imum u nya me. De sa ma aye unyara imum a hira awe kati ukarti me ba.⁴³Ya kunna abuki unu guna, hem de sa ma hem hu, u gaa we desa ma gaa hu.⁴⁴A anu me ingusan shi hemni an de sa wa nyareshi, i wuzi an de sa wa nyinza shi ijasi bi ringara.⁴⁵U wuzi anime ani udiwu i cukuno a hana aco ushi me aseseri, de sa ma wuza uwui unya ma saa ahira unu ruba uninza nan unu zati uninza. ama kuri ma tuzo uree aseseri a hira unu iruba ubenki nan unu iruba izatu ubenki.⁴⁶Nyanini idi kem ingi shi ya hem in an de sa wa hem shi cass? anu kabsa ikirfi ima nyanga wa wuza cangi.⁴⁷Ingi i issizo si anu henu ushinwani cass, nyanini usass ushi na aye? an de sa wanzowe ayahudawa ba wa wuza ani me cangi.⁴⁸Barki ani me cukuno ni gbemka si acoo ushi me wa seseri sa mazi gbem.

¹Wa zani seke kati katuma kashime ka cukuno ku hira aje, barki inki yawuza ani me idaa keshi imum Asesere ba.²Inki udi nya usadiga, kati uwuzi kasi anu aburu sa wawuza udenge Asere nannu na barki anu wa nanzo we, kadure kani inboshi wanu kaba u lada uwe.³Anime inki uzinnu nyiza usadiga, kati tari tinan gure tirusi imumbe sa tinare tizin nu wuza ba.⁴Barki u sadiga u cukuno ni hunzi, aco ushi sa ma hira madi nyawe wada uwe.⁵Inki idi wu birindara, kati icukuno kasi anu aburu, sawa tonzuno aje anu wa wuza biringara, ati denge ta Asere nan ti naa, agi anu wa iri u we wamu kaba ulada uwe.⁶Inka udi wu biringara, uribe anyimo udenge u we, ukorso ana tukum uwu biringara acoo ushime sa mahira ni hunzi madi nyawe ulada u we.⁷Inki iziz biringara, anu zatu urusa utize ta sere wa wuza, ubasa uwe akunna we barki ti ze tuwe.⁸Kati icukuno kasi we, barki sa acoo ushime masarusa imumbe sa inyara.⁹A anime senke iwuzi biringara kasi ana, acoo uru Asesere akpici ni za nu we.¹⁰Ti gomo tuwe ti cukuno awuzi imum ewe anyimo nee kasi u wuza Asesere.¹¹Nyan duru immare ini hiri.¹²Vette ucara banga arun kasi be sa tiverse ucarsa abanga adesa wa wuza duru ni.¹³Kati uhan haru ahira ubata a nime buran duru anu uburu.¹⁴A' nime inki ya vette abanga zenzen anu ni, acoo Asere madi vette asime.¹⁵Inki daki ya ababanga azenzen anu ni ba a coo ushime mada vette me i shime ba.¹⁶Inki idi cukuno innu uzumi kati ibezi anu henu kasi anu aburi ba, barki wake wa bezi amuhenu ani wa iri.¹⁷Inki wa zika u azumi u humuka mani ani ce ukpici mu henu.¹⁸Kati anu wa iri wa rusi u zin nu wuza u azumi acoo ushi sama zi ni hunzi mahira. Acoo ushi me madi nyawe ulada.¹⁹Kati i'ori ace ashime imum ahira me sa biru-ruk nan nu corno me ahira sa akari wadi perse wa ciri.²⁰Senke i orso ace ashime imum Asesere, ahira sa iru-ruk nan ni mum besa idi carini, nani kuma akarime sa wadi puri waziki.²¹Barki aba sa ucira u we urani, abine ani eruba iwe irani.²²Aje ane ani masa mani pum inki aje awe me azi ahuma, vat ni pum nuwe nidi myin ca in masa.²³Inki aje aweme azoo me ahuma ba, vat nipum na nyin ca in mareu.²⁴Unu madake matarsi me Asere kare ba, nani ma kini indai ma hem inna indai, nani kuma mahem in are ma izi are daki ya wuna uri upat Asere nan ni mumu u nee.²⁵Anime in bashi kati ibasa abanga inbesa idiri nani idi si, nani ni pum nishi nani turunga sa idi soki. Asere uvengize u da te keme imumma re ba? nani nipumnida teki me turunga?²⁶I rani inyin re, isiza wa da zome niti kereba aka deshi sa izin ina dodu agino vat ma aye ma nyani in zin.²⁷Aveni anyimo ashime, barki u hem in ni ce nume madake makin ki tiye tini ce nume.²⁸Anime nyanini ya wuna izin ma aye Azesere aturunga? Irani ifuriye ni ja sa e' uza sarki ijasi.²⁹Vat in anime in boshi, sulaimanu me anyimo a ninonzo ma sonsi turunga gu anu ageme ba.³⁰Inka Asere mawuna ti kpe tini ja'a u zu, uni u zinnu yata nisi zo areki uni atibo, ani u zu me uraba sa udi wuzi shi ni shi anu hem ucin?³¹A' anime kati wuzi ma, 'Aye igusi nyani tidi ri?' nani nyani tidi si? nani 'Kuma nyani tidi soki?'³²Anu zatu urusa utize ta Asere wa zinu nyara adadu aginome acoo ushi Asesere marusa nyara vat.³³Renaje innu nyara uti gomo ta Asere nan ni ruba ubenki, vat adadu agino adi nya shi.³⁴Barki anime kati ibasa barki ni sizoba, in ani me ni sizo nidi basa inice num, konde uya uwui umyinci ini jasi.

¹Kati i cani uye uzatu kadure, barki kati a cani shi mani cangi.²Barki imum me sa ya weki, ine ini adi weki shini uyanga sa ya gutan, in une uni adi guti shini.³Barki yanini u hira ni kpeki ani je nu hume, da wa ira ukunti sa anuwe ni je me.⁴Aneni udi gu unu henu uwe, can inkari we nikpeki ani je nuweme, daki wa kara ni ge sa ni ra anwe nijeba.⁵Hu unu umum mu apuru, tuba kara nikpeki nini je nuweme, uduku iri riri uka kara unije nu henu uweme.⁶Kati inya iwoci imum igesa iri zi ba, kati ukuri i reki kapadari imum mu ihuma barki wadi patili, wa gamirka wa jani shi.⁷Ikoni ade yashi yara ni, idi kem nokini ade poki shini.⁸Vat desa ma iko adi yame, unu yara ma kenzi unu nosi u ana tukun a pogime ni.⁹Aveni ayimo shime, desa vana madi iki me imum are ma yame nipo.¹⁰Nani ingi ma iko me be cere, madi yame bi we.¹¹A' anime shi adesa izin mu riba mu buri irusa uyiza a hana ashime imum iriri anime, akodi aco ashime sa mara Aseseri, sa ma yiza a desa wa iko me imum iriri.¹²A' anime vat imum me sa i yara anu wa wuzi shine, shi cangi wuzani weni, ane ani u inko u tize me uzi.¹³Ribeni aku na ku cin, barki una upas una iwono ini anu gwardang wa zwrsa uni.¹⁴Kuna ku me irere kune kuni una be sa idi han haru Aseseri, anu tarsa kuni wada ori me ba.¹⁵Rusani in na anu kurzozo utize a ma cico, a de sa wa eze shi unu subu i tam, a anime kadure ka zome ahira aweba.¹⁶A hira atanu ti we me tidi rusi we, adi wusi ane ni anu wa ori bisana ayimo ikana nyani uyo upom ukintu.¹⁷Ane ana vat utiti uriri uyozo ahana ariri, ane ani utiti uzenzeng uyozo ahana azenzeng.¹⁸Utiti uriri uda yiza me ahana azenzeng ba, ane ani utiti uzenzeng uda yizame ahana ariri ba.¹⁹Vat utiti ugebe sa unyinza ahana aririba adi koriko uni a punsi-ura.²⁰Barki anime ani usuro ahana a we me adi rusi we.²¹Da koda aveni sa ma gusan mi, Asere Asere, madi ribe Aseseriba, an de wani sa wa wuza katuma ka aco am cas wadi ribe Aseseri.²²Anu gwardang wadi gusin me runo ugino me, Asere Asere, data wuza katuma ayimo ni za nuwe me baa, ayimo aniza nuweme ta suzo agwergene, ta kuri ta wuza katuma ka dang ayimo ni nuwe mee.²³Abine ani mi indi gun we, in tam inshi ba hirani abame shi ana katuma kaburk.²⁴A, ani vat desa ma kunna tize tum ma tarsa madi cukuno gusi desa ma bari a kura aseseri anipo.²⁵Ure rubi mei ma eh, upebu u hiri vat ani me akura agino me da arizo ba, barki sa a bari ani aseseri anipo²⁶De sa ma kunna tize tum da ma tarsa ba mazi gusi ubabana ugino me sa ma bari akura Aseseri a b i kiki.²⁷Ingi ure wa aye, mei ma tunno upebu w hure utuburko akura me, a rizi urizo udandang.²⁸Sa yeso ma mari uboo utize ti ginome, anu gwardang wa hem unu dungara umeme.²⁹Madunguri we kashi de sa ma bari, da kashi anu uyetike awe me ba.

¹Sa ma tuno ani po, ni ori gwardang ni tarsi me.²Akem uree ukuturu ma e ahira amee ma nonzome, magu, "Ugama sere, inki wa hem u zinu bari kpicom."³Yeso ma witi tari madari me, magu, "Mahem u kpicuno." Ahirame tikuturu tume tuhuma.⁴Yeso magunme, "Tarsa sekee kati ubuki uye iri mum senke uha ahira u nudang mabuku we uwuzi u sadiga barki we warusi, kasi gusi ubuka u musa.⁵Mazin inu ribe ukafar nahum makem ure vanu ruma ma' aye ahira ame innu pottiko ume tari.⁶Magu, "Ugomo Asere, vana um marari akura mawuno anire ni kira mazin nu zitto kan."⁷Yeso magun me, "Indi e' in human me"⁸Vanuu ruma magu, "ugomo Asere, mabari u e' akura amba senke ubuki tizze vana um madi huma.⁹Barki mi cangi inra tari tiuye tini, anani kara nini kono maraa tari tum, senke ingu innu nuginome, 'Hana' amaha uye ingunme 'ayee' a-ma eye, ingu in nu ureree um, wuza ege mum a-ma wuzi."¹⁰Sa yeso makunna anime, mabasa abanga magun nanu tarsa ume, inboshi kadure a'a nyimo isaraila cangi daa mu kem usa-sana uka dure kunu ge me ba.¹¹In boshi, anu wdi e gwardang inna za nan na dizii wa cukuno in nare imummare nan ki Ibrahim, a Ishaku a yakubu Asesere.¹²Ahana ati gomo adi rekuwe ammareu abinime madi shi marumzi anyoo.¹³Yeso magun innu nani kame, "Dusa a ca uhemme sa wa hem ni u cukuno we anime." Ahira me vana mahuma.¹⁴Sa yeso ma ribe akura a Bitrus, ma iri ugiri ubitrus ma rari uye si.¹⁵Ma dari me atari, ma humamari jen katuma kame.¹⁶U wun joro uwu wa ezzimen nanu agwerge ne gwardang, masu so we in tizee cas, mawu anu zattunu huma wa huma vat.¹⁷Agino me barki amyincikina ubuka u ishaya agi, inni cenu me ma inta u zatu uni huma niru, ma zika ti koni tiru."¹⁸Sa yeso ma ira ni ori na kateme gwardang madusa mabu ki akuri u huru gino.¹⁹Ure unu dungara attaut ma e magun me, "Yeso indi tars a we vat ahira sa hana."²⁰Yeso magun me, ikukkure izin tuna tuwe i nyingin ma suu ma we vana unu ma zoo in kura ba.²¹Uye anyimo anu tarsa ume ma gunme, "Ugomo Asere da cekum inha inka vati ucokro um."²²Yeso ma gunme, "Tarsa ceki ande sa wa tawe Asere ba wa vatii anu u we sa tawe tize ta sere ba".²³Sa ma ribe ujirigi, anu tarsa u yeso wa tarsi me.²⁴Upebu uhiri uraba udandang e barka imei hiri itonno itubi u mensi uzirgime, amen moroo.²⁵Anu arsa umeme wa hirza me wagu, "Ugomo Asere buran duru tidi wi!"²⁶Magun we, "Barki nyani ya kuna iyau ani me, anu hem u cin?" madiku hiri ma gwarika upebu nan meime, ahirame vat attonno dang.²⁷Anu wa kunna biyau wagun, "Uyaa nu ma u dandang makunna me?"²⁸Sama bi uhuru u ma nyanga ma garasiyawa, are ana ware in na gderigene wasuri anyimo anu cau waguri me, in wa in wa irawe imum ibi ya bini, ada tarsa me uname ba.²⁹Wa'wu hunu wagun, "Nyani mei ma weni nan haru hu vana Asere? wa e ani barki uyumukon duru uganiya u daa?"³⁰Ma haha cin ma iri nigo a nimaladu in nu kase.³¹Agdergene aburu wagu, "Inka wasuson duru utuburu kon duru ani go nimaladu."³²Magun we, "Hananii" bawa suri waribe amaladu wadusa nigome ukatino u raba udang waka rizzo amei wantiji."³³Anu kasen in maladu me wa sumi, wa ribe anipin wameki ukise imum be sa ya kem ana gberigene me.³⁴Akem anani pinme wasuro wa gunna yeso, sa wa irame wa nyarme ma ce kuwe manyanga me.

¹Yeso ma ribe uzirgi umei ma kafa uraba udandang ma ha ukatar nahum, a ba sa ma uni.²A dusa a en unu koni uwono unu kira, ma rarri upenge. sa yeso ma ira u hem unu ruba muwe ma, ma gun me vana um nata iruba a vatte ucara uwe men.³Sa wa kunna ani me are anu nyirte udangara u musa wa wa gun ina cece unu ugeme mazin unu cara Asere a bangan.⁴Yeso ma russi imum me sa wazin nu bassa me anu ruba, ma gun we, yanini ya wuna izin nu bassa imum ibur a mu ruba mushi me.⁵Nyanini ireki a gun hu a vatte ucara uwe men nan a gun hu hira dusa?⁶In nyara irusi vana unu mazin unu bari sa ma dake ma vette ucara unun une "ma dusa ma gun me zika upenge uwe me udusa akura".⁷Unu me ma hiri ma dusa akura ame. Sa ni gura nanu na ira anime wa kunna biyau, wa nenziko Asere sa a nya anu usandi uni gino nikara me.⁸Sa Yeso ma re aje in tanu ma gurna nan uye sa a gusan me matiyu ma ciki ahira u kabsa ikirfi ima nyanga.⁹Yeso ma gun me tarsam ma hiri matarsi me.¹⁰Abini me sa Yeso mazin na re imum yare a kura a Matiyu, anu kabsa ikirfi imanyanga nan anu cara ababga gbardang wa eh wa cukuno nan me nan anu tarsa ume me.¹¹Sa anu bezi urussa wa ira ani me, wa gun anu tarsa ume me nyanini ya wuna unu dungara ushi me mazin nare imum yare nan anu kabsa ikirfi imanyanga nan anu carsa abangan?¹²Sa Yeso ma kunna, ma gun we, "Ana ti kun wani wa nyarsa uka inzo ana ahuna ba.¹³Hanani ika nyara urusa imum me sa ma buki shi, 'In nyara iruba ineze inzo u nya imum ba' Russani ma aye barki anu usizikime inzo barki any sa wa mu kem ba.¹⁴Abini me anu tarsa u Yohana unu baptismanwa eh a hira a Yeso wa iki me "Nyanini ya wuna haru nan anu bezi urusa ri wuza ba.¹⁵Yeso ma kabirka ma gun we "iruba inyani itiyon ida kee i curno me a ma nyani matiyon me nan wee? Tiye ti eze sa adi ziki manyani matiyon me a ceki we. A bini me ani wayi ribe ucenti.¹⁶Unu ma da ke ma wuzi ubarka udibi ukusu in nitira ni so ba, ubarka me udi nyungurko udibi me, u janika kang u akki aje me.¹⁷Ba de sa ma di wu uwangu uso anyumo aru a kuzu, ingi ma a wunan aru me adi tuza, uwangu me ukpeko akuri a curso me. Uwangu uso awu uni aru aso. Ani me amda dirame uwangu me nan aru me ba.¹⁸Yeso ma ra anyumo ubo uwe ani me urunu ukatuma ka Asere ma eh ma tunguno ma gun me "Uca um mara wono aye dara me, ma di hiri".¹⁹Yeso ma hiri nan anu tarsa umeme wa dusa nan nunume.²⁰A bini me une sa ma kem tiwe belum unu koni umaye, ma dari me udibi ana dumo.²¹Ma mu hem iruba, ingi ma dari me udibi umeme indi huma.²²Yeso ma gamirka ma iri me, ma gun me, "Nata iruba iwe me uca um uhem uwe me wa human hu" abini me une me ma huma²³Sa Yeso ma hana akura una katuma me, makem ani shuruwa nan anu unu gbejere.²⁴Ma gun we hirani abame uca me mazin moro mani daki ma wono ba. wa wu me tizuza ti bi izi.²⁵Sa ma gido we ma ribe ma meki uca me tari, ma hiri.²⁶Abanga me a samirka vat a manganga me.²⁷Sa Yeso ma ceki ahira me, arubo wa re wa tarsi unu tisa ume inikara "usam u Dauda burau duru".²⁸Sa Yeso ma ribe ara kura, arubu wa tarsi me, ma gun we "ya hem in da ke ihuman shi? wa kabirka" ee Ugomo Asere.²⁹Ma dari aje a we me ma gun we "Adi human shi barki u hem ushi me".³⁰Abini me aje awe me a pokkino, Yeso ma hunguko we titui "kati ibuki aye ba.³¹Sa wa suro wa samirka a banga me vat a manyanga me.³²A ehn uye sa ugbergene ma karti me tizi awe tantu dusa.³³Sa asusso ugbergene me unu me ma tubi tize. Anu sa wa gurna ahira me wa tubi gusa "Dakki ta mu ira ana me anyumo Isarila ba".³⁴Anu bezi urusa wa gu "Ahap in nikara nu gomo agbergene nini ma suzo agnergene men.³⁵Yeso ma tarsi tipinpin nan ti denge tini gura unu bo abanga urunta Asere, nanunu humza ana tikoni sassas.³⁶Sa ma ira anu wa gurna gbardang ma kunna ugogoni uwe barki ijassesa wazin unu same sarki unu benki, kasi item ige sa izome unu nakura.³⁷Ma gun nanu tarsa ume me "katuma ka ori gbardang, ana katumame cingilin.³⁸Barki ani me ikko ni ugomo Asere ukatuma ma tumi innanu akatuma wa wuzi me katuma".

¹1 Barki titi anu tarsa umeme u kirau in nana ware, ma nyawe ni kara nu suzo agberdene abit. Wa hummu zan inti koni sasas.²A na kadura ukirau na na wera tiza tiye, unu tuba saminu desa atissame bitrus nan nu henu me Andrawus, a yakubu vanu Zabadi, nan nu henu me yahaya.³A filibus, nan Bartamawus, nan Toma, a matiyu unu kabsa ikirfi, nan yakubu vanu Halfa, nan yahuza.⁴A saminu bakani ane, nan yahuda isikarayoti desa ma nya yeso atanri tana madini.⁵We ukirau inna na ware yeso matu mi we, mabuku we, magu, "Kati irebe a ma nyarga manu tame tize ta Asere nani ani ain ni masamariyawa.⁶Senke iha ahira itam anu isaraila.⁷I zin tanu in tize turunta, innugussa ti gomo taere ta aye mamu.⁸Humu zzni inna nu zatu nuhuma, i hirza anu wijo, i vissi makuturu, i suzo agbergene. Kasi gussi sa ya kem anime, anime ani idi nyin zi.⁹Kati i inta ikirfi ya zumo a wal-wal, ba nani a zumo alau, nani azumo abit, u cira ushime.¹⁰Kati iziki u badau atanu tishime, nani turunga kare, nani akwatak nan nu bina, yawuna uri unu ma ri anyimo akatuma kame.¹¹Vat nipinme sa ya ribe, i nyari unu u tep i wuzi ni gen ni shine ni u shi.¹²Inki idi ribe akurame i gu ga aja u shi.¹³Inki akura ahuma ani, wadi kabi ni issi ni shime, inki a zoome ahuma ba idi kuri wada kababa.¹⁴Vat desa magame ubuka utize nan shi, nani makunna tize tishi, innu suro ushi ikuburukka ussusuru utubuna tishime idusa.¹⁵Kadundure kani, inboshi roni tize me adi tekki innu cekki uni pin nu sabo ma nan nu gomarata inni nipin niginome.¹⁶I ye, matumashi kasi itam atii amadaru. Anime cukuno ni jinji kasi iwa, anu zatu ticari kasi ihurbe.¹⁷Wuzani seke innanu, wadi hanshi ati gomo, wa cobi shi ati denge tini nonzo nuweme.¹⁸Wadi hanshi aje ati gomo barki mi, barki ibuki immum aje anu zatu urusa utize ta sere.¹⁹Uganiya sawa hannan shi, kati i wuzi ma aye matize sei di wuzi ba, nani imummu ubuka.²⁰Dakki shewani idi buki tize meba, bibe ba coo ushime bini bukki ati nyo ti shime.²¹U henu madi nya uhenu ahume, a coo maddi nya vana. A' hana wadi wudi uzattu kunna wawu a hu anka coo.²²Ko davi madi game shi barki mi, vat desa ma tonno in i kara me mani madi kem u bura.²³In ki wagame u ira ushi ani pin me i akki uhana aje. Vannu nu madizee a shii da sarki ukatee uti pin-pin ti isaraila.²⁴Unu tarsa u dungara mada akkame unu dungarame ba, urere madaa aggi zame una kura ame ba.²⁵Yabari unu tarsa unu dungara ma cukkuno kashi unu dungara ume, ure re kassi una kura ame, in watitta una kura ba'al zabul, ana kuramee wadi titti me ani!²⁶"Katti ikkunnabiyau ba, barki imum be sa i inpi idi pokino nani imum be sa izi nihunzi adi dezi ini.²⁷Imumbe sa yakkunna abi bukkum inye ne assrer ibezi.²⁸Katti kunna biyau banu huna unu, wadake wada huname bibeu buwe ba, senke ikunna biyau bide sa madake ma hu bibeu me nan ni pun vat akura ura.²⁹Daa, vana ubi uyin ikobu ini re ini ba? bire bidi da wonome sarki u hem ume.³⁰Marusa vat ugwardan utice ti shine.³¹Kati kunna biyau ba ugancan ushine uteki umu uyin gwardang.³²Anabu wa be zum uhem, micangi indi bezi uhem ahira a coo uru asesere.³³Desa magu na ma taa me, mi cangi indi gu in taamme amuhe nu ma nabu ahira ugomo Asere.³⁴Kati iziki ma aye innu runta uni a nyomo unee um. U vira uni daa gi uruntaba.³⁵Ma ayee ni inpati unu ishina nan ka coome, u ca nan ka inome, unee nan nu giri.³⁶I di cukukono ana kura wani ani shina unu.³⁷Desa mateki innu hemun inka coo nan ka ino daki ummani mazi ba, ane ani vana nan nu ca daki um mani ba.³⁸Desa daki mazikka ugankirka utiti umeme ba, daa yawuna uri macukuno umba.³⁹Vat desa ma hem inni ce nume, ma di diri nini. Vat desa madira nice nu me barki mi, madi kem asesere.⁴⁰Desa maa hemmin shi, mahemmim mi, desa mahemmin mi mahemmin desa matuma.⁴¹Desa mahem in ureunu kurzuzo u tize madi kunna urunta unu kurzuzo tizee. Dedesa mahem innu adili madi kunna urunya uadili ne.⁴²Vat desa ma nya ure vana uledai umei barki me unu tarsa ummani madi da dirame imum b a.

¹Sa yeso ma mara ubo anu tarsa ume me tize tigeme anu belum, ma tarsi tipinpin tuwe me unu dungara anu.²Ugzniya me yahona unu baptisima ma rani akura ani rere. Sa mamunna timum me sa yeso mazi unu wuza me matumi ara nutarsa ume me ahira me.³Wa ikki me "Ho mani unu aye me na nii tibe?"⁴Yeso ma kabirka ma gun we "Kuroni i ka buka yohana imum be sa ya ira nan ige sa ya kunna.⁵Arubo wa kem u ira, anu zati uti buna wazin tanu, anu koni kunna unawa mapum wa humza, aluri wa kunna tize, azin unu vangizi umu kizi azin unu bezizi anu tize turunta.⁶Unu rinbirka mani de sa ma hem ime."⁷Sa wa dusa yeso ma ri aji unu bo anu tizi anice ni yohana magu, "Ya aye ani ja i iri nyanin i iri tikpe ti jojoko sa upebu uzun unu hurse mee?⁸Ya suro i iri nyanini i bassa idi iri de sa ma kokki tirunga tiririn? Ana kura ugomo wani wa sonsi tirunga tiririn.⁹Ya suro i iri nyanini? Unu kurzo utize ta Asere? Eh, in bo shi mateki unu kurzuzo utize ta Asere.¹⁰Me mani sa a nyirtike anice nume me inu guna." Imbe ma tuma una kadura ma aggize we aje, de sa madi barka we una sa udi eh.¹¹Kadundara in bo shi daki amu yoo uye sa ma biki yohana unu baptisma unu gbardang unee ugeme ba. Vat ani me unu cin ati gomo ta sere ma takki me.¹²Datti uganiya u yohana unu baptisma u aye ukani ti gomo ta Asere tizin unu kenzi ijunguta, ani junguta wa nyara wa buri ti gomo ta Asere in ni kara.¹³Anyumo udungara u musa nan anu kurzuzo utize ta Asere vat wa buu abanga ati gomo me yohana ma duku eh in na dummu.¹⁴Ingi izin niruba ukaba me, Elesha ma zigeme, de sa maazi ma di eh.¹⁵Una ti tui tu kunna ma kunna.¹⁶Nyarini indi batti ucara ugemen? Ka si ahana ani buji ni bi ranzan unu gusa in na roni awe me.¹⁷'Ta hurse shi ishiriwa ya game morso ta wuza shi alali iwono ya game aso.'¹⁸Sa yohana ma eh sarki are sarki usa wa gu mazin na gbergene.¹⁹Sa vana unu ma aye ma ri a ma sizi wa gu ma zin tire kang nan bisizasiza, uroni wa nu kabsa ikirfi ima uyanga nan anu caran, vattin ani me tanu tunu tiki bezi urusa Asere.²⁰Yeso ma wuzi kubung ati pinpin me sa ma wuzi ti mum ti dandang barki sa wa game ubarka.²¹"Wadi hu Ukorasin! Wadi hu Ubetsaida! Dagi ti mum ti dandang sa a wuzi anyumo ashime ani a wuzi utaya nan Usidon wada barka datti wa tiri mapori wa hummi muto apum awe me.²²In booshi ahira ugomo Asere adi kunna ugogoni wanu Utaya nan Usidon sarki shi.²³Hu ukatarnahum ubassa adi nonzo we uhana Asere? Um-um adi kaska we uhana ahira ati cukum tani wono.²⁴Daagi ti mum tidandang sa awuzi we tini. Adi teki unu kunna ugogoni wanu Usodom nan shi."²⁵Uganiya uni yeso ma gu. "Ma wuna apuru, arum aco, ugomo Asere wa seseri nan unee, barki sa wa hunze anu rusa nan anu poko aje timum tigeme wa kuri wa bezi ahana acicin.²⁶Anime ani hu aco, barki sa imum me sa ya wuna we reb ya zigenne me.²⁷Aco um ma nyam timum vat, aco me mani ma rusa vana me cass vana me marusi aco me cass nan de sa vana me mahem ma bezi me.²⁸Aye ni ahira am, shi an de sa izin nijassi nan ucira ugittak indi nya shi u venke.²⁹Nyani ace ashi me atize tum barki me unu gongoni mani nan iruba ishew, idi kuri ikem uvenke amuruba mu shi me.³⁰Barki tize tum tizi shew, ucira um uzome gittak ba."

¹Uganiya uginome uwui wa asabar uni, yeso ma wata a tiruu ti zalkama, anu tarsa umeme wa kuna ikomo, wa tubi uhuba i alkama areme.²Sa anu bezi urusa wa ira anime, we gun we, "Ira, anu tarsa uweme wa zinu wuza imum ige sa idi rize awuzi unu wui asabar ba."³Ma gun we, dayamu ira imum me sa Dauda ma wuzi sa ma kuna ikomo ba, me wan aruni atanu tumeme.⁴Sa ma ribe udange Asere ma ri imumare sa yazi ya Asere igebe sa yazi dayari ime ba, nani aroni ameme wari, anu akatuma ka Asere wani cas wa rizi.⁵Nani dayamu ira anyimo atize ta Asere, unu wui asabar, anu katuma ka Asere wadi wuzi katuma uwui asabar sarki u ira aburi.⁶In bushi uye be sama teki aginome.⁷Daagi irusa ani me, ami ticukun ti runta tini nyara da uya uni ceba, da ida ira aburi ana buri ba.⁸Barki vana unu memani Asere Asabar.⁹Mari aje unu ribize ati denge ta Asere.¹⁰Urunu ma rani desa tari me ta wi, wa iki Yeso, wa gu, "Ya wuna uri ahuman unu nu rono Asabar?" Vat anime wa barki wa kem ahira umeki uni.¹¹Ma gun we, "Cangi aveni a unyimo ashime ingi ma zin in katuma, ku rizi anyimo uwa rono Asabar, mada meki kuni masusuba.¹²Ka huno kani unu ma tami kutam ku ginome, barki anime ya wuna uri awuzi imum mu i huma uwui wa Asabar."¹³Sa yeso ma gun unu nume, "Wito tari tuweme." ma witi, ti kuri ti huma gusi ti umureme.¹⁴Anu ubezi urusa wa suri, wa gamirka tize ani ce numeme, unu nyara una uhuna ume.¹⁵Sa yeso ma tinka we, ma hiri ahira me, anu gwardang wa tarsi me, ma humani in we vat.¹⁶Ma kwadiwe kati wa buki aye abanga me.¹⁷A'anime barki a nyinca ubuka ishaya agi.¹⁸"U rere um be sa ma zauka, desa mara iriba in, de sa iriba in irumza barki me, indi wu me bi be biriri, madi buu anu zatu tarsa tize ta Asere una ukadure.¹⁹Mada cara iriba nani ma buu haw-haw, ba desa madi kunna ni myira nu me u nah.²⁰Nisubo sa na biki upura ni puraba; upitila sa wa biki uwuno uda wono ba, kadura adi ri aje.²¹Anu uzatu tarsa Asere wadi inki iriba ani za unmeme.²²A eh me unu babana urubo desa ma zin na agwergene, ma human in me, ku babana kabuki tizze mu kuri ma iri ahira.²³Anu vat wa gamirka tizze, wa gu, "Nani unuge mani vana u dauda?"²⁴Sa anu ubezi urusa wa kunna anime wagu, "Unu ubari uba, zabul ugomo agwargene, unu me ma su zo agwegene."²⁵Yeso sa marusa ugamara uweme, magun we, "Vat tigomo sa ta harzina barki ni eru, ti di curno. Nipin nani akura sadi harzina barki ni eru sadi adi ir aje.²⁶Ingi unu uburi masuzo unu uburi, wa harzina ahira ani eru azigino me. Aneni tigomo me tidi tunno?²⁷Ingi unu bari u ba, azabul uni suzo agwergene, ahana ashime we, wa suzo unu bari wa vi? I anime we wani wadi cukuno anu bara utize tishime.²⁸Ingi me unu bari ubi be biriri ba Asere in suzo agwergene anime, tigomo ta Asere ta aye shi a zigino me.²⁹Adi wu aneni aribe a kura unani kara a ciri me tirunga, indaki atuba utira umemba, adi ku cari tirunga ta akura me.³⁰Desa da mazo nan mi ba, nan debe sa mazon in orso nan mi ba madi samirka.³¹Barki anime in boo shi, na ti veteni vat madini marume, nan usizikeme wanu, vat desa ma sizikeme bi beu biriri ada ceke meba.³²Vat desa ma tissa vana Asere, ca a veteme madini mameme. Dasa ma titta bibe biriri, ada vete madini mamebe, une nan-akura iwono.³³"Nani igu matiti ma rizi uyo me cangi urizi, nani igu matte mazi zenzeg uyo me cangi uda rizi meba, barki a tingiza utiti ahira uyo me uni.³⁴Shi ahana iwa, aneni ida ke i bu tizze ti huma, sa izi ana aburi, barki imum be sa ya re iriba, ine ini unu ma boo.³⁵Unu iriba ishew, anyimo iriba shew imeme maka wuzi imum mu ihuma, unu uburi, anyimo ani hara niburi numeme maka wuzi imum mu iburi.³⁶In booshi, uwui umara une vat imum be sa unu ma wuzi adi gunguno ini.³⁷Tizze tiwe tini tidi burwe, nan ti ri w. e"³⁸Aye anu dungara wan na nu bezzu urusa, wa kabirka me wagu, "Unu dungara, ti nyara ti iri bire bi huri ahira aweme."³⁹Yeso ma kabirka we magu, "Anu uneh ana aburu. Anu bezi uzatu hem, wa nyara wa iri bihuri, bi huri bi zoni sa adi bezzi we in daki bi Yunasa unu ukurzo.⁴⁰Kasi sa Yunusa mawu tiye ti taru uwui nan niye anyimo apuru abicere, ane ani vana unu madi wu tiye ti taru niye nan nuwui anyimo adizi.⁴¹Rono uweki utizze ti unineba wadi hiri nan anu uneh ugeme wadi reki we. Nani wadi hem in tizze ti Yunusa abame.⁴²Rono uweki utizze ti ugomo ane u kudu, madi hiri wanna nu uneh ugeme madi reki we. Barki ma eh usuro upingaru une ma kunna urusa u Sulemanu. Desa mateki sulemanu mayeh.⁴³Sa ugwergene ubit ingi masuro ahira unu, madi tarsi ti hira ti uzatume umei barki u nyara u venke, mada kenze ba.⁴⁴Abinime ani madi gu, 'In di kuri akura sa ma suroni.' Ingi makuro, madi kem akurame unu ma zoni aciki anime.⁴⁵Abinime ani madi ha maka inta agwergene usunare sa wa teki me ini mumu iburi. Wa ribe wa cukuno abini me. Unu uginomr ticukun ta dumo me ti teki ta jeme uni curnome. Ane ani idi cukuno inune uburi ugeme."⁴⁶Mara anyimo atizze nan nigora, a inome nan anu henume wa turi a matara. Wanyari wa buki tizze wan me.⁴⁷Uye ma gun me, "Uwari uweme nan anu henu uwe me wa turi a matara wa nyara ubuka utizze nan hu."⁴⁸Ma kabirka magun me, "Aveni a ino um? Aka veni anu henu um?"⁴⁹Ma witi tari uwatu anu tarsa ume, masa, "Uwari um be nan anu henu um.⁵⁰Vat desa ma wuza imum me sa aco um, anyimo aseseri ma nyara, memani u henu um, nan ka ino um."

¹Roni ginome yeso ma suri akura me, maha maka cukuno ani kiru nu raba udanga.²Nigura na nu gwem ni orno ahira ame, maribe uzirgi mackuno. Nigura me ni orno uhana ubinani.³Mabuwe timumum gwardang in nu rezi utize, magu, "Uye maha atibira.⁴Mara anyimo ucobo isana ire hoo irizi una, i nyin itingi ini.⁵Ire irizii upambara sarki manyanga. Isuri memme rum.⁶Sa uwui wanyen-nyene i nami iwu lau iwazi.⁷Ire irizi anyimo ikana, ikana i gwinciri ini.⁸Ire irizi a manyanga mariri, iwu bihoo, irre ak kem mareu ma'inoa-ino, irre akuru tattasi, ire akura tata-taru.⁹Vat una titui tu kunna ma kunna.¹⁰Anu tarsa ummeme wa e, wagun me, "Nyani yawuna uzin innu bo u we tize tigino me?"¹¹Ma kabirka we magu, "A hem shi irusi tigomo ta sesere, daki weme ba.¹²Barki unimu ake akinkimen ā makem gwardang. Unnu dira ā kabi imumbe sama zini¹³Ine ini ya wuna in zunu bo uwe tize in gamari anime. A myincikina ubuka u Ishaya agi. Kunna idi d¹⁴A hira uce me tize ti Ishaya ta minca, ta guana anda sa ula kunna wadi kunna, shi iso shi unu una be sa idi rusi; ahira uhiraa idi hirii, abine ani idi cukuno sarki urusa.¹⁵Mu ruba mamuwuna makotoros, wa korso titui tuwe, wakuru wa korso aje awe, barki kati wa iri in na je awe nami, wakun na intitui tuwe, wakuri warusin inni riba i we wa gamirka in human we.'¹⁶Aringirka aje ashime barki sa ahira, nan titui tishime barki tikunna.¹⁷In boshi kadure, annu kurzuzo utize wa bara bi barka bu hira imumbe sa i hira a anime daki wa ira nani wakunna ba.¹⁸A tizee tunna ti bira tigino me sa ma wuza.¹⁹Vat dee wuza makunna tize ta azesere daki wuza katumani ba, unu buru ma huppi imumbe sa abira anyimo iri a imeme. I nee ini isana sa ya rizo azesere una.²⁰I gebe sa ya rizo apo, ine ini unu innu kunna utize amawu puru arum.²¹Mazomen inni tini, i ye uzattu utonno ame, tak inki uzito wa kemme anyimo atize tasere ama piliko.²²I gesa ga rizo anyimo ikana, ine ini debe sa ma kunna tize ta sere barki urunta imummu unee tize me tida wuza katuma ame ba.²³I ge de sa ahira amanyanga mariri, i nee ini debe sama kunna tizeme, ma wuza katuma ni. Kadun dure we wa ni anu kem umare ma inoa, i no nan akurtat tasi uye akura ta'aru.²⁴Ma ewen tire tize anyimo atize, magu, "Adi tigomo ta sere nan nunu be sa ma cofo isana uru ume.²⁵Anu wa rari inti moro, oroni masuri maha maka coffo isana i'ure ukwe sas anyimo i alkama me, madusa.²⁶Ti bira me ti hiri ni gome, ukwe u bezi nice ni uni.²⁷Arere una kuame wa e wagun me 'Unu kura, isana iginome daa ya rizi ba? Ane ni ya wuna ukwe?'²⁸Magun.' we urrunu uburu mani ma w uza katuma ka gino me; Arere me wagun me, ani tika kara ti orii?'²⁹Magun we, 'Um kati ahira ukarame ikari nan bi sana me.³⁰Cekkini i'u zi nigome u hana uganiya uwesi, "Indi buki anu wesi me wasuso ukweme sas wa tirzi uni atira tiri a punsi, bi hoo me a wu ukere.'"³¹Ma e' we tire tize anyimo atize, magu, "Tigomo ta zesere kasi gussi bi hoo bibiwi, gussi sa uye maha maka bira uru ume.³²Bihoo bicin anyimo amatiti, inki wa una, uke u'aki marre matitin in nu gwuik, inyin ike i bari masu iri me."³³Makuru manyawa tize anyimo atize magu, "Tigomo ta zezsere tizi kasi uyisti uni, u ge be sa uru nee ma ziki mu ina mu alkama muso mataru maduri vat mamari."³⁴Vat yeso ma uu ni orime tize a nyimo tizee. Madaa bowe imum senke ini tize anyimo atze.³⁵Barki amyincikina ubuka u Ishaya a gi, "Indi buki tizee anyimo atize indi kiti imumbe sa izi ni hunzi da ati utuba une."³⁶Ma cekki ni orime maribe akura, a u tarsa u yeso wa e'ahira ame wagu, "Bee zin duru tize anyimo alize titi kwe anyimo uruu.³⁷Ma kabirka we magu, "Unu cobo isana iriri iginome memani vana unu.³⁸Urume une, uni unee; isana iriri ginome wewani ahana ati gomo tasere tikwe ahana unu uburu.³⁹Debe sama coffi isana iginome, unu buru mani. Uganiya uwesi une uni umara unee, a u wesi me wewani ibee ikadura kasere.⁴⁰Kasi, gussi sa orso tikwe, ane ani icukuno umara unee.⁴¹Vana unu madi tumi i beu ikadura kameme, andebe sa wawuza nu upillizo vat, nan nanu wuza anu wawuzi nihara niburu, wasussowe atigomo tume.⁴²A di rekuwe anyimo ura ubanban. Washi abini me warumzi ti nyo.⁴³A bine ani anu asheu wadi nya masa atigomo ta coo uweme. Una titui tu kunna wa kunna.⁴⁴Tigomo ta zezsere kasi ukem uni sa, urari a dizii uru, ugebe sa uye ma kem, makur makorso uni anyimo urume ma zizi bi sana vat innu be zizi apuru arum ame maka kwa u rume.⁴⁵Tigomo ta zessere kasi unu kem mani, imum iriri ihuma.⁴⁶Sa maa kem imum iriri i indai, ba maha maka ziza imumbe samaa zini makwi ini in.⁴⁷U hanna ukanime tigomo ta zessere tizi kasi ikalli sa a reki uraba udang, imensi icere sas, sas.⁴⁸Saya myinca, ahunguko ini ani kira acukuno a zawi icere ihuma me, areki ani ruu, izenzen me a sairka.⁴⁹Umara unee idi cukuno ane ani. I beu kadura ka Asere wadi shri, wa wati anu aburu anyimo anu huma.⁵⁰Wa rekuwe anyimo ukabisa. Wadi shi warumzi tinyo.⁵¹"Yarusa agino vatti? wagu e.⁵²Magun we, "Vat anudungara atarrat sama cukuno anu tarsa uti gomo ta zessere, kasi u akura mani, de sa maa inta imummu itari isoo na ni kuzu i so."⁵³Sa yeso mamara tize anyimo tize, ma hiri ahira me.⁵⁴Sa maa aye ani pin nuwe me, ma dun garwe ati denge tutarsa Asere, imum ibi yau imekuwe wagu, "Abani uni u geme makem urusa ugeme anime nan nu besi ubari?⁵⁵Unu geme daki vana una si ba agino ani baa? Da anu he reewani in yakubu, nan yusufu, a saminu, nan yahuza baa?⁵⁶Anu henu umeme a'ee wa zōo ni gome nan haru baa? Abani unu ugeme ma kem imumu igeme vat ana me?"⁵⁷Wa pilizo barki me. Ba yeso magun in we, "A i adaa nyinzame unu kurzuzzo tize ta Asere uturu ume ani pin nu we nan na kura awe me ba.⁵⁸Dakki mawuzi imumu bari gwardang abirkome ba, barki u zatu hem uwe.

¹Uganiya me ugomo hiridus antitas makunna abanga a yeso.²Magun nanu aka tuma kameme yohana ubaptisma mani. A hirza me a hira ani wono, ine ini ya wuna mazin una bari u wuza uti mum tidandand.³I rusa hiridus mā meki yohana ma tirzizi me ma han me akura ani rer barki hirudiya, unee u henu u filibus.⁴Barki sa mā buki me idda rizi me ma wuzi anya nan Hirudiya ba usuro u, inko utize.⁵Hiridus ma nyari uhuna ume, ma kunna biyau barki sa anu wa ziki me unu kurzuzo utize ta Asere mani.⁶Sa uwui uyo uhiridus wa kete uca u hirudiya ma wuzi morso anyumo anu Hiridus ma kunna urunta kang.⁷Ma inki me tize nan itono agi madi nyame vat imum me sa ma ikmo.⁸A ino me gun uca me ma nyame nice yohana unu baptisma a'ana me ayumo iso.⁹Ugomo ma wu apuru abid, barki itono sa mamu wuza anyimo anu ma gu anyame.¹⁰Ma tuburko akura anirere me a ha aka yoro nice ni yohana.¹¹A en nice me anyumo iso a nya uca me maka nya a ino me.¹²Anu tarsa ume me wa ziki ikizi me waka vatti wa ha wa ka buka yeso.¹³Sa yeso makunna ani me ma ribe uzirgi umei ma kata a ara hira sa madi cukuno in sisin me. Anu ati pinpin sassas wa tarsi me ati buna.¹⁴Sa ma tuno uzirgi me ma iri anu wa orno gbardang ma kunna ugogoni uwe ma hunzan are ana tikoni.¹⁵Sa uwunjoro wawuna anu tarsa ume me wa ka kem me wa gun me uwui wa mara ceki anu wa ka nyara ace awe imum yare ati hihira.¹⁶Yeso magu, "Dakiya cukunnu gbass wa dusa ba, nyani we ire ium wa dusa ba, nyari we ire imum wari."¹⁷Wa gun me ubiredi unu cibi uni tizin nan icere ini ire cass.¹⁸Yeso ma gu nyani mi.¹⁹Yeso ma gun nanu me wa cuku ati kpe. Ma ziki ubiredi unu cibi nan ni cere ini ire me, ma yese aje aseseri ma ringirka ma pussi ubiredi me ma nya anu tarsa ume me wa nya niura na nume.²⁰Vat wa re wa tii, wa orre ukasi me umyinca mugira belum.²¹Anu sa wa re wa biki aru cibi ahana aruma sarki ane nan ahana .²²Sa wa mara yeso ma wu anu tarsa umeme wa ribe uzirgi mei bati wa kuri nikira, ma tonno bati ma gun we wa dusa.²³Sa ma gunna we wa dusa ma nyene ani pana in nice nume uwuna ubiringara. A hira abee a me abini me in sisin me.²⁴Uganiya me sa uzirgi me wa biki atii uraba udandang, i barka imei nun zuro uzirgime, upebu in nishina nan we.²⁵In na rumu a taru aniye wa iri yeso ma haka asesere a mei me tantu aye ukem uwe.²⁶Sa anu tarse umeme wa ira me in tannu asesere amei wa kunna biyau wa gu, "Imoli ini," barki biyau wa wu uhunu.²⁷Yeso ma buki we tize dibedibe ma gun we, "Katti ikunna biyau ba in mani natani muruba."²⁸Bitrus ma kabirka ma gun me "Ingi homani ugomo Asere wuna in ee ikem we asesere amei me.²⁹Yeso ma gun me, "Aye." Sa Bitrus ma suro anumo uzirgi me, ma tunguno tanu asesere amei tantu ka kem u yeso.³⁰Sa Bitrus ma ira upebu me ma kunna biyau ma tubi upirsa ma wu uhunu ma gun, ''Ugomo Asere buram."³¹Yeso ma witti tari, dibedibe ma meki me ma gun me'' Hu unu hem ucin nyanini ya wuna we uhara iruba?³²Sa yeso nan Bitrus wa rube uzirgi me upebu me u tunno.³³An de sa wa rani uzirgime wa nonzo Yeso wa gun me, "Kadundura hu vana Asere mani."³⁴Sa wa kafa wa tu a manyanga mu jansarat.³⁵Sa ana nipin me wa rusa yeso mani wa tuni vat ana nyaga me a een na nu ati koni.³⁶Wa ikki me ca w dari udibi ume me, vat de sa maz dāri ma huma.

¹A ra anime anu bezi urusa nan anu nyerte udungara u musa wa eh ahira a yeso usuro urushalima wa gu,²"Nyanini ya wuna anu tarsa uwe me wapattilka utanda wa nanu? bark sa waka ri imu yere sarki ukpico utari."³Yeso ma kabirka we ma gun, "Nyanini ya wuna shi i pattala tize ta Asere barki utanda ushiq?⁴A gino me Asere ma gu, 'Nya aco uwe me,' nan 'Ka ino uwe me ti nanu, vat de sa ma zogo aco umeme nan a ino umeme a hume.'⁵Shi be ya guna, vat de sa ma gunna in ka co umeme nan a ino umeme, "Imumme sa izi idi kem a hira am ma nyanki Asere.'"⁶Dakki ya cukunu gbass unu me ma nya aco me tinanu ba, barki utanda u shi me ya zika tize ta Azere tizo me anyo imum ba.⁷A nu abur ine ini Ishaya ma buuki ace ashime unu guna,⁸'Inozon me in tinyo tini cass mu ruba mu shi me mu zi pitt nan mi.⁹Heem ini i nonzo ni mi, i bezizi utanda wanu anyo atize ta Asere.'"¹⁰Yeso ma titi anu ma gun we, "Kunnani i rusi."¹¹I mum me sa idi suri anyo unu ine ini idi cari unun inzo imum me sa unu madi ri ba."¹²Anu tarsa ume me wa eh wa gun me, "U rusa anu bezi urusa wa kunna muruba in tize tigino me?"¹³Yeso ma kabirka ma gu, "Vat tibira sa tizome ta co um tini Aseseri ba ca a ruti tini."¹⁴Cekini we a rubo wani zi unu hungo arubo, i ngi urubo ma hunguko urubo vatti uwe wadi rizi anyumo uwaa.¹⁵Bitrus ma gun me, "Pokon duru tige tize me."¹⁶Yes ma gu, "Ana me daki ya rusa ba?¹⁷Daki ya ira imum sa aka ri, iki tarsa, apuru ika suro ati tere?¹⁸I mum sa idi suri anyo ine ini iki cari unun barki sa ya suro iruba ini.¹⁹Ti mum ti bur ti suso iruba ini, u huna unu, a mura nan une nan uruma sa ma, ome uwe, iruba utarsa ahana aruma nan a ee, nikari, moco nan ti zogo.²⁰Ti mum sa ti car sa unun ta zigene inzo imum sa unu ma diri sarki ukpico utari ba."²¹Yeso ma dusa uhana amanyanga mati pinpin tu taya nan usidon.²²A bini me uru nee wanu kanana ma eh inu hunu unu gusa" buramugomo Asere, usan u Dauda, ugbergene ma mekim uca uni."²³Yeso ma ciki tik, unu tarsa u yeso ma gun me gido me mazi unu wuza uru sisip nan nugbejere.²⁴Yeso ma kabirka ma gun we, "A tummam barki itam isaraila sa ya hunna me inzo barki uye ba."²⁵Ma eh ma tungunu ma gu, "Ugomo Asere buram."²⁶Ma kabirka ma gu, "I da rizi me a ziki imumyare ya hana anya ahana i woci ba."²⁷Ma gu, Ee ugomo Asere, a hana iwoci me wa ka ri imumyare sa irizizo a dizi yana tikura tuwe me."²⁸Yeso ma kabirka ma gun me, "Une u hem uweme uzin ni kara, ca imumme sa unyara kukunu."²⁹A bini me yeso ma tarsi urabi uraba udandand ugalili. Ma nyene ahira azallan ma cukunun.³⁰Anu bardang wa eh ahira ameme nigome nan zati uti buna nan tari, arubo, anu nyungurzuno nan aturi wan anu koni gbardang wa inki we ati buna ti yeso ma humman we.³¹I cukuno anu imum ugamara, aturi in tize, anu nyungurzuno wa witino, anu zati uti buna in tanu, arubo uru bira. Abini me wa nonzo Asere u isaraila.³²Yeso ma titi anu tarsa umeme ma gun, "In kunna ugogoni wanuageme, kani tiye ti taru nan mi, sarki imumyare. In da nyaram in ceki we wa dusa ani me ba kati wa akki wa zitti una.³³Anu tarsa umeme wa gun me." Abani tidi kem imumyare sa idi bari anu wa gene gbardang ana me, ani jaa nige me?³⁴Yeso ma ikki ma gun we" ubiridi uhunnu uni izin? Wa gum" unu sunare nan mu cere mu cinci cingili.³⁵Ma wu nigura nanu me wa cukuno adizi.³⁶Ma ziki ubiredi u u sunare me nan icere ma ringiga ma pussi, ma nyanu tarsa umeme, wa hari anu me.³⁷Anu me vat wa ri wa ti, wa ori ukasu me u myinca mu gira usunare.³⁸Anu me waa ri waa biki aru anazi, sarki ane nan ahana.³⁹Sa yeso ma gunan ina nu me wa dusa, ma nyene uzirgi umei ma dusa uhana umagadan.

¹Anu bezi urusa nan ma sadukiyawa wa eh ahira a yeso wa nuari ubatta ume, ca ma bezi we imum idandang sa idi bezi ubari umeme.²Ma kabirka ma gun we, "Ingi aseseri avuna innu wunjoro, i gu, 'Im-hh nisizo nisa rizi.'³Ingi ya ira aseseri avuna nisisizo abe, igu, kani adi rubu ure. Ya rusa uzina seseri, i dake irusi uzina uganiya ugino me ba.⁴Anu ganiya ugino me anu zattu rusan Asere wani wani ana buri wa nyara a bezi we imum, ada beze we ba. Si i yanana, yeso ma dusa ma ceki we.⁵Sa anu tarsa umeme wa hana anire nikira, wa ringi wa pirke me ubiredi.⁶Yeso ma gun wa, "Hirani, i wuzi seke unu yistin wa nu bezi urusa nan ma sadukiyawa."⁷Wa tubi ubo acece unu gusa, "Nan uzatu aye unu biredi me unni."⁸Sa yeso ma ira anime ma gu, "Shi anu hem ucin, nyanini ya wuna igusa i zoshi unu biredi?⁹Anu me daki ya rusa ba? mu gira mu hono muni ya oro?¹⁰Uganiya sa ma rin nanu aru anazi uni biredi unu sunare, mu gira muhono muni ya ori?¹¹Nyanini ya wuna daki ya rusa uguna inbo aba ga ubiredi uni ba? ma guna wuzani seke unu yistin wanu bezi urusa nan ma sadukiyawa.¹²A bini me anu tarsa umeme wa russi uguna wa wuzi seke in nanu bezi urusa nan masadukiyawa inzo uyistin me sa awuza ubiredi ba.¹³Sa yeso ma aye ukaisariya ufilibi ma ikki anu tarsa umeme ma gu, "Aveni anu wa gusan vana unu?"¹⁴Wa gun me, "Aye wa gusa yohana unu baptisma, aye wa gussi Iliya, wa gussi Irimiya nan uye anyimo anu kurzuzo utize ta Asere."¹⁵Ma gun we, "Shi naa, mi aveni?"¹⁶Siman Bitrus ma kabirka ma gu, "Ho mani vana Asere unu ivai."¹⁷Yeso kabirka me ma gu, "Hu una re-aje mani siman vana u yohana unubu binama nan maye mani ma bezi we ba aco mani sa ma ra aseseri.¹⁸In kuri inbu we hu Bitrus mani, anipo nigeme indi bari anu am anu tarsa Asere, an de sa iwono izo me unu bari awe ba.¹⁹In di nya we mabudi mati gomo ta seseri imum me sa ya tirza une izin unnu tira aseseri, imum me sa ya sopo une izin unu sopo aseseri.²⁰Ma hunguko anu tarsa ume me ti tui kang kati wa buki uye agi memani vana Asere ba.²¹Abini me yeso ma tubi ubezi anu tarsa umeme ya cukuno me gbass ma ha urushalima make zito sasas atari ta nanu nan anu adandang nan anu unyirte udungara u musa a hume rono uku taru mahiri.²²Bitrus ma titi me nikira ma gbarika me ma gu, "Asere awu pit in ani me nan hu, ani me ida kemme hu ba ugomo Asere."²³Yeso ma gamirka ma gun Bitrus, "Abame unu bur, hu unu nyara irizi ini, ubassa timum ta nabo tini inzo ta Asere ba."²⁴Yeso ma gun anu tarsa umeme, "De sa ma nyara matarsum ca maya ri me nice nume ma ziki ijassi ma tarsum.²⁵De sa ma nyara maburi nice nume madi diri nice nume, de sa ma nyari me nice nume madi kem nini.²⁶Nyanini unu madi kem une vat i ikki nice nume? nani nyanini unu madi nya anyo anice nume?²⁷Vana unu madi eh nan ana kadura kameme anyumo ani nonzo na co ume me. Abini me madi nya kondevi imum anyo akatuma kame.²⁸Kadundure in bo shi aye ashi me sa wa turi abame wada wono we ba, wadi iri u aye uvana unu anyumo ati gomo time."

¹Yeso ma ziki Bitrus adumo atiye utasi, wan yakubu nan nuhe nu ne yahaya, mahem we anire nipo zantaran we i sis iwe.²U zi na umumeme uni aje awe, muhene muwu kasi masa mu wui, turunga tuwo me ti wu tirum tizinnu nyinza u masaa.³I ye musa Iliya watonno ahira awe, in tize nan yeso.⁴bitrus magun in yeso, "Ugomo Asere, yawuna uri, tirani ahirame. Inki u nyara, inturi madanga ahirame u indai uwe, u indai u musa aa uindai u Iliya."⁵Araa anyimo atize akem uganjimari uma saa wa aye wa inpo we. Akunna nimyiram unyimo uganjimari me, nigussa, "Unigeme vana ummani san in nyara in zini iruba irum imme ka, kunnani me."⁶Sa anutursa u yeso wa kunna anime wa rizi adizii, biyau bimikiwe.⁷Yeso ma'e madarwe, magu, hiranii kati kunna biyau ba.⁸Sa wa yeze ace daa wa ira u nuba, wa iri yeso mani cas.⁹Wara anyimo utuno anipome, ba yeso ma kpadu we magu, kati ibuki u ye imumbe saya ira, senke vanu unu mahira anu cau.¹⁰Anu tarsa u yeso wa iki me, wagu, ane-in anu dungara utize ta taura, wagu, yaa cukuno Iliya ma aggi za u aye?¹¹Makabir kawe magu, yaa cukunno iliya madi e barki madi cikki i cukuno.¹²I nee ini inboshi, Iliya mamu aye, wa taa' meni ba, wuzame imumbe sa wa ira yawunawe.¹³A nee ani vana unu madi zitti atari tuwe me. Abinee ani anu tarsa u yeso wadi ku rusin inti zeme, ti yahaya unu zorsizanu tini.¹⁴Sa wa biki ahira ani gura, urrunu ma e ahira ame, matungono, aje amee, magu.¹⁵"Ugonaa sere, kunna ugogoni u vana um, mazinnu zitto in matirizi, kan mahari ki u rizizzo ura nan mei.¹⁶Mi be mahannan we ahira anu tarsa uweme iye daa warusa u humanime ba."¹⁷Ba yeso ma kabirka we magu, shi anu u zattuu hem in tize ta Asere, anu agwas u ganiya ugeme! innu mayaa uni indicukuno nan shi? innu maya uni indi dodon kuno shi? me nin me abanna.¹⁸Ba yeso ma bubbukime, bibe bunu burume bi cekime, vana ma huma.¹⁹Anu tarsa u yeso wa'e ahira me wa hungu kome ani kira, wagu nyaani ya wuna maa gaa haru u suso?"²⁰Magun we, "Ucin uhemu shi uni wa wunu" kadundure kani in bo shi, gussi izin nu hem cin kaasi umustad, ida gu nan innipo niginome, hira abanna me ukuri abirko!, ani kuhiri aherame immumu ugame ushi izoni.²¹Usasana iginome ida susso me ba senke in biringara nan niwe nimei.²²A wada ugalili, yeso magunwe, "Vana unu adi nya atari ta nu.²³Adi hume, roono ukku taru adi hirzame."Vat wa in pino intipuru ti bit.²⁴Sawa aye ukafar nahum anu kabsa ukassu ikirf ubenki utize tu dengesere wa ha ahira abitrus, wagu, "Unu dun gara ushime ma'nya uben?"²⁵Ma gu, "E, make ma nya." Sama ze akura, yeso ma buki me tize magu, "Bitrus nya'ani wa ira?" Avee ni agomoo nee wa orso ikirfi ahira hanna a we, nani ahira a'aye.²⁶Samaa guna, "Ahiraa aye" ba yeso magun me, "A nyo azika me ahanna me.²⁷Vat in anime, barki kati ti carwe hana uraba udang uwuzzi tiwita, bicere sawa tuba u mikime uziki. Inwa pokko anyome udi iri ikirfi anyimome u ziki ikirfi iginoo uhaweni in, nan iwe".

¹Uganiya uguno me anu tasa umeme wa eh ahira a yeso wa ikki me wagu, "Aveni ma teki unu gbadang anyimo ati gomo ta seseri?"²Ma titi vana ucin anyumo awe.³Ma gu, kadundure inbo shi in daki ya kurzo ace ashi kasi ahana acicin ba ida ribe shi anyimo ati gomo ta seseri ba.⁴Vat de sa daki ma zika nice anyo ire imum kasi vana ucin ugeme ba, mada ribe me ati gomo ta seseri ba.⁵Vat de sa makaba vana ucin kasi ugeme barki mi, i mani makaba.⁶Vat de sa ma wunā unu inde anyumo a hana ageme macara abangan sa wa hem in mi, idi teki a tirzi me unanzu udandang irir areki me anyumo uraba udandang uconcon.⁷Wa dee une barki ucara abangan ya cukuno gbass ucara ucara abanga u eh, de sa ma wuna una me ma dee.⁸Nyoro ubuna nan tari tuwe me u vetten ingi ti wuza we ucara abangan iteki uriba ati gomo ta seseri inu buna u inde nan tari ti inde wanu guna areki we anyumo ura uzatu umara inti buna tuwe tire nan tari tire.⁹Ingi nije wuwe upilko kara nini uveten, iteki uribe ati gomo ta seseri in nije ni inde innu areki we anyumo ura in naje arere.¹⁰Hirani kati i izi unu inde anyumo ahana acicin wa geme ba, in bo shi ibe ikadura ka Asere aweme aseseri wa hira muhenu maco um de sa mara anyumo aseseri.¹¹I rusa vana unu ma aye barki ma buri an de sa wa hunne we.¹²I bassa ingi urunu mazin ini tam ini ni ino bi inde ba hunne me i hira mada ceki me ukasu me ma dusa unyara ubi inde me ba?¹³Ingi ma tinka bini, iruba ime me idi rume i teki unu ni, ino uzati ubi inde me.¹⁴Ani me ani aco ushi me sa ma rani anyumo aseseri mada nyarā me unu inde anyumo a hana acincin wa geme mahunne ba.¹⁵Ingi u hennu uwe me macara we abanga, hana uka buka me hu nan me, ingi makunna we wa bura me.¹⁶Ingi daki makunna we ba nyara unu inde utizi anyo ana ware nan watara ikeki.¹⁷Ingi daki makunna we ba, ubuki anu tarsa Asere ingi magame ukunna anu tarsa Asere uziki me de sa ma tame Asere nan unu cara abangan sa magame ubarka.¹⁸Kadundura inbo shivatti imum me sa ya tira une izin nutira aseseri imum be sa ya sopo aseseri.¹⁹In kuri inbu shi, ingi anu ware anyumo ashi me une wa hem wa iko ire imum, aco um sa marani anyumo aseseri madi nya we.²⁰Barki vat ahira me sa ana ware nani wataru gurnan izi na we.²¹Ara anyumo anime Bitrus ma eh ma gun yeso, ugomo Asere kani ka hono kani uhenu um madi carrum iruban in vette? kanu sunare?²²Yeso ma gun inzo kanu sunare ba akuru sunare kanu sunare.²³Barki ani me adi bati tigomo ta seseri nan urugomo sa ma nyara ma bassa ucira ume me atari tarere ame me.²⁴Sa ugomo me mara anyumo ubassa me a eh mu reme wazurta sa matarsa me uge sa mada ke makurzo ba vat uciki ume une.²⁵Sa madira ukurzo men, ugono magu azizi me nan une me wanna hana me vat nan imum me sa mazin akurzo ikirfi men.²⁶Urere matunguno ma gun me nata iruba indi kurzo we kondi nyanin.²⁷Ugomo me makunna ugogoni urere me maceki me ma ceki ureme me.²⁸Sa ma suro magurna nan ure uroni me sa matarsa me ureme ikiirfi cin ma tappi me iriri ma gu nyam imumme sa in tarsa we.²⁹Uroni me matunguno ma gun me nata iruba indi kurzo wen .³⁰Urere me ma ga me mahan unu rani me akura ani rere, agi makurzo men.³¹Sa aroni akatuma wakunna imum me icari we muruban wa kurzo ugomo imum nan.³²Ugomo matiti me ma gun me gu unu ubur mani, ma ceki vat imum me sa imtarsa sa wa tizom.³³Daki ya wuna inu ukunna ugogoni uroni akatuma kawe ba?³⁴Ugomo makunna iruba kang ma gu anyame titere makurzo vat ureme sa matarsa me.³⁵Ani me ani aco um sa marani anyuno aseseri madi wuzi vat de sa ma nyari me uceki uhenu umeme ini ruba ka inde.

¹Sa yeso mara tize tiginome vat, macekki manyanga mu galili, maribe uyahudiya sa uraa in nuhuru umacanga mu urdu.²Ni orinanu gwardang ni tarsime, ma humuzan we abirko me.³Are anu bezirusa wa e ahira me wabatime, wagu, "yawuna ari unu ma cekki unee ahira kadiya imum?"⁴Ma kabirka magu, "ani daa yamu ira uguna desa mabarwe daat, utubame mabarwe unee nan vanuu mar?"⁵Makuri magun we, unu madi cekki a inoo nan ka coo ume, mapattina nan unee ume ware wageno wacukuno nipum ni inde.⁶Uhana je dakki apum are ba, ni inde ni ni, imumbe sa Asere apatta katti unu ma hari ini.⁷Ba wa gun me, "Nyaa ni yawu musa magu kini anyettiki ahu anya, nani a cekki unee ma dussa?"⁸Magun we, "Barki ugbas ushi uni wawu musa mahem shi anime, daa ti utuba idazome aniba.⁹In kurin bushi, dee sa ma cekki unee ume, inki daki ma wuza imumu zenzen in ba, maka zika uru nee sas mawuza imum izenzen ini, debe sa ma zika unee me sa agido cangi ma wuza imum izenzen."¹⁰Banu tarasa wagun me, "Inki ane ani izi a tii nunan nu ne ume, uzatu wuza nyame uteki."¹¹Magun we, "Daki koya nu mani madakee maziki ani me ba, senke da sa ahem imme anime.¹²Aye wa rani ayozowe ane ani, aye warani anu wani wuna we ani me. A ye wewani inna ce u we barki unyara utigomo ta zesere. Vat unu kunna utize tigeme ma ziki, ama ziki."¹³U ganiya uginome a e men ina hana acincin barki matarwe tari, ma wuwe biringara, ba anu tarsa umeme wa kuburka we.¹⁴Ba yeso magu, "Kini ahana a cincin wa e ahira am barki tigomo ta sesere me tu saa sana uwee uni.¹⁵"Bama tarwe tari madusa.¹⁶Ba uye ma'e'e' mamu nan me magu, unu dungara nyani indi wuzi in kem u vengize uzatu marsa?"¹⁷Bama gunme, "Nyaa u'ige zom ahira imum e' gebe sa izi i huna? unu huma unu inde mani, inki unyara u kem ivei uzatu marsa, tarsa in u buka ugeme"¹⁸Bama gunme, "Uyayya?" Yeso magu, "Katti uhunu ba. Katti u wuzi zenzen ba. Katti uwuzi nikariba. Katti ubuki imun mu igebe su tawe inni ba.¹⁹Nya acoo nan ka ino uwe tima nu, u hem innu hoo kasi ni ce nuwe.²⁰Ba manyani me magunme, "Vat mamu tarsan anime, nyani ya dem?"²¹Yeso magunme, "Imum inde ini ya de we, hana uka ziize vat imumbe sa uzini, unya ande sa akara amara, udikim gwardang a zesere. U' e, utarsum?"²²Sa ma nyani ma kunna anime, ma dusa, inna puru abit barki me unu imum manikam.²³Ba yeso magun innanu tarsa umeme, kadundure inboshi idi cukkuno in ni jas si uni mum maribe atigomo ta zesere.²⁴Akkanime inboshi, idi teki innu seke uronkomi uribe ani hara na lira, innu guna unu kem maribe ati gomo ta zesere.²⁵Anu tarsa umeme biyau bimek we sa wa kunna anime, wagu inka anime ani avee ni madi kem u bura.²⁶Ba yeso ma iriwe, magun we, "ahira anu, daa imimu wuna uniba, ahiraa sere kodi nyani idake wu.²⁷Ba bitrus makabirka magu, "iye ta cekki adodu aru vat tatar sawe, nyaani tidikem?"²⁸Yeso magunwe, inboshi kadundure, uganiya uso sa vana madi cukkuno ukwanku uti gomo tume, shi saya tarsam, shi wani idi cukkuno u kwanku alem ukirau in kare usarila.²⁹Vattu shi ya censi ti kura, nan nanu henu a'e, anu henu aruma, nan ka ino, nani acoo nan na hana, atiru, barki nizanum madi kem gwardang, makuri makem ivai zatu marsa.³⁰Anu tuba gwardang wadi cukuno ana dumo ana dumo wa cukuno anje.

¹Ti gomo tz seseri tizi kasi una kura sa ma suro ni sissizo u nyara anu sa wadi wuzi me katuma u in nabi.²Sa wa barka nihiri ma hanwe uru.³Sa ma masuro inna zumo utara ma kem aye wa ciki sarki katuma kuwuza.⁴Ma gunwe, "shima tarni wa hem indi nya shi imum iihuna" wa hem.⁵Sa makuri masuru unu wui inna zumo ataru ma han in aye.⁶Makuri masuri in na zumo udibi ma kem aye, wa turi heem a ime, ma gun we nyanini ya wuna ituri heem anime?⁷Wa gun me, daki ta kem de sa madi nyan duru katuma kani ba, magun we, "Hanani uru um changi"⁸Sa uwunjoro wa wuna ma gun unu tarsa unu rume tita ana katuma me u nya kondevi ikirfi ime, tuba ahira an de sa we wani wa aye inna dumo u masirkan ande sa wa tuba u aye.⁹An de sa wa aye inna, umo uchibi ma nya we ikirfi inni hiri.¹⁰Anu tuba aye me wa bassa adi kinki wen, wa iri a nya we ikirfi ini hire nini.¹¹Wa kabi unu curno me iruba.¹²In nu gusa haru sa ti hiri usa uwui hu be wa nyan duru ikirfi rep nan an de sa wa wuna u awa u inde inka inna.¹³Ma kabirka unu inde anyumo awe me ma gun me, uroni um barki ma wuza shi zenzen ba. In gusa ta barki ni hiri nini?¹⁴Kaba imum sa izi iwe udusa mi mani ma iri ya wunna uri in uya ana dumo me rep na hu.¹⁵Daki ma bari iwuzi imum sa ya wunam in imum in ba? nan ni ukunna inni eru mini barki sa inzin iruba ubenki gbardang?¹⁶Ani me ani ana dumo wa di aje anaje wa kuri anaje wa kuri adumo.¹⁷Yaso nan anu tarsa umeme sa wa haka unyene uhana urushalima, yeso ma hunguko we nikira nuna ma gun we.¹⁸"Haru be tihaza urushalima, adi nya vana unu atari tunu udandang u katuma nan anu nyerte udungara u musa, wa di gu a hume.¹⁹Adi nya anu zati utarsa Asere me wadi wuzi me nibasa, wa cobi me gankirka me, unu wui utaru adi hirza me."²⁰Abini me a eno ahana zabadi ma eh nan ahana ameme wa wa turguno awu henu mu yeso ma gu inyara iri imum.²¹Yeso ma gun me, "Nyanini unyara?" ma gu "Wuna ahana am ware wa geme wa cukuno anyumo ati gomo tuwe me unu inde atari tinare unu inde tari tinan gure"²²Yeso ma gun nahana me, "Itashi imum me sa i igizo ba, idake isi iso ijasse sa indi si?"²³wa gun me "ti da ke" Ma gun we, "Kandundure ida ke isi iso im, u cukuno atari tinare nan ni tinangure inzo mimani ini kara nu nya ba aco um asesri ma inki barki de sa ma zauka"²⁴Ukasu anu tarsa ume ukirau me wa kunna iruba wanu kasu ana were me.²⁵Yeso matiti we vat ma gu, "I rusa ubere sa agomo ande sa inzo a yanhudawa wani ba wa ka bezi anice nanu awe, ananu aweme cangi anice wa bezi ubari anice nanu awe.²⁶Ida cukuno me anime anyumo ashi me ba, de sa ma nyara macukuno unu udandang gbas macukuno una katuma ku kasu ushi.²⁷De sa ma nyara ma cukuno unaje ashi, gbas macukuno urere ushi.²⁸Ani me ani azi vana unu ma aye inzo agi awuzi nirere ba, me mani madi wuzi nirere bati maburi anu gbardang"²⁹Sa yeso nan anu tarsa umeme wadi ceki ujeriko, anu gbardang wa tarsi we.³⁰Wa kem arubo were wa ciki ani kira nuna, sa kunna yeso tatu aka wa yeze amyiran wa gu, "Unu dang, usn u Dauda kunna ugogoni uru"³¹Anu wa tarika we agi wawu tic wa kuri wa kinki uyeze amyiran wa gu "unu dang usan u Dauda buran duru."³²Yeso matonno ma gun we, "I nyara in wu shi aneni?"³³Wa gun me, "Unu dang tinyara tikem u era ahura"³⁴Barki ugogoni yeso ma dari aje awe me, apokino uganiya me wa tarsi me.

¹Sa Yeso na nu tarsa ume me wa hana agiro a betafaji ani hoho ni matiti muzaitun, Yeso matumi anu tarsa umeme ware.²ma gun we, "Hanani anyimo agiro aje ashi me idi ir atirza ku zenki i sapi i eh mini.³In ka uye ma iko shi igu ugomo Asere mani ma nyara, unu me madi nya shio debe debe."⁴Ya cukuno anime bati a mwincika imujm me sa unuukurzo utize ta sere ma gu.⁵Buka ni bi sana bi urushalima, irani ugomo ushi me monno tantu aye ushi una ni ce ni shew ma haka azsere aku zenki.⁶Anu tarsa umeme wa wuzi imum sa ma wuna we rep.⁷Wa ehn ku zenki me wa tari turunga tuwe me Yeso ma cukuno,⁸maro mani gura me wa nasa tirunga tiwe me una me aye wa pussi mava wa nasa una me.⁹Anu me sa wa haka aje a Yeso nan anu tarsa ume wa yeze amigwiran wagu," Hossana vana uDauda ugongon mani dee sa ma aye ani za ni gomo Asere. Hossana una ni nonzo kang.¹⁰Sa Yeso maribe uurshalima nipim niwu buu unnu gusa, Aveni mazigeme?¹¹Nigo nanu ni kabirka," Yeso unazarat nan ugalilio mani unnu kurzo utize ta sere.".¹²Yeso maribe udenge Asere magidi ana biziza nan ana bikpija kpija a nyimo me, ana ka curo kikirfi nan makpankun manu ziza uma hurbe.¹³Ma gun we, "nyettike akura am adi cukuno ahira abi ringara, shi be ya kurzo ani ahira ugunzuno akari.¹⁴A rubo nan nanu zatu tibuna wa eh anyimo udenge Asere ma human we.¹⁵Sa ana dangdang aka tuma nan anu nyerte udungara u musa wa ira timum tibi yau sa ma wuza wa kunna a hana inti hunu a nyimo udenge me unu gusa, "Hossana vana udauda muruba mu curno we.¹⁶Wa gun me, ukunna imum me sa anu ageme waboo? Yeso magun we eh! daki ya ira unyettike atinyo ta hana nan na hana anige wa suso ninonzo nuwe me?¹⁷A binime Yeso ma suri ani pin me ma dusa uhana ubetanya maka mura abini me.¹⁸Sa makuro ani pin me nisisizo makunna ikomo. S¹⁹a ma ira utiti upom ani kira nu na ma haa daki makem ire imum ni ba, si mava, ma gu uni," kati uka yoo ba, abini me utiti me waa.²⁰Sa anu tarsa umeme wa ira wa kunna biyau wa gu "Awuza ana nime utiti upom me wa waa ana me?²¹Yeso ma kabirka ma gun we kadundere in boshi in gi izi innu hem sarki uhara iruba, idi wuzi imum sa iteki ige sa a wuza utiti upom, idi gu unu pana uhira uka rizo uraba udang i cukuno anime.²²Vat imum be sa ya iko in biringara a nyimo uhem idi kem.²³Sa Yeso maribe a nyimo udenge Asere anu adangdang aka tuma nan anu ww eh ahira me wa gu," in ni ya nikara nini uzin unuwuza im²⁴um igeme? aveni ma nya we nikara me? Yeso makabirka ma gun we, mi cangi in di iki shi imum indai, inka ya bukani mi, in di buki shi ini kara na veni in zin katuma ka geme.²⁵Ubaptisma uyohana wa suri abani wa suri a hira Asere a hira anaboo? wa gamari ace awe unu gusa,"²⁶ingi ta guna ahira Asere, madi gu nyanini ya wuna daki ya hem mi ba. Ingi ta guna a hira anaboo, ti ta duru imum me sa anu wadi wuzin duru ba barki sa wa zika Yohana unu kurzo utize ta Asere mani.²⁷Wa kabitka wa gun Yeso, ti tan duru ba, ma gu in we "mi in da bukam shi nikara sa in wuza timum ti geme ba cangi."²⁸Ani nya nini ya ira? uye ma zin na hana ware a ruma, ma ha a hira anu tuba me ma gu "usam um hana ka wuza katuma ku ruu.²⁹Vana ma gu,"inda hanam ba". unu sa ma eh inna dumo magamari maha.³⁰Aco me ma ha a hira unu kure me ma buki me ma gu, indi ha aco um. ma gaa me uhana me.³¹A nyimo awe ware me aveni ma wuza imum me sa aco ume me ma nyari? wa gu "unu tuba me". Yeso ma gun we," kadundere im boo shi anu kabsa ikirfi ima nyanga nan anu ziza apum wadi agiza shi u ribe ati gomo ta Sere.³²I rusa Yohana ma bezi shi una iruba ubenki I ga shi uhem. Anu kabsa ikirfi ima nyanga nan na nu ziza apum wa hem in me. vati ani me daki ya hem ya barka ba"³³Kunna ni tire tize ta nyimo, ure unu mara ni ma wuzi tibira uruu me ma bari ugumbi nan a hira upillo umgwei ma ma titi wanu denge unu bee urume ma nya age ma dusa a mare ma nyanga.³⁴Sa uganiya uoro usanna wa aye na tumi arere ame me a hira anu kaba uruu me wa ka bi me ime .³⁵Ani me wa meki arere me wa tiri unu indai wa hu uye wa kuri wa tizi uye.³⁶Unu uruu me ma kuri ma tumi aye sa wa teki ana je me, ana katuma uruu me wa kuri wa wuzi we kasi ana tuba me.³⁷A ani me unu ruu me ma kuri ma tumi vana umeme unu guna wadi ka nata me nice.³⁸Sa ana katuma ku ruu me wa ira vana me, wa gu na cec, usam me mani Ca ti hu me ti can ti uruu me.³⁹Abini me wa ziki me wa suri a nyimo uruume wa ka huna me.⁴⁰Ani me ingi unu ruu me ma aye nyanini madi wuzi ana ka tuma kuruu me?⁴¹Anu wa gu madi hu anu abur agino me unaa upazaza, ma kabi uruu me ma nya aye sa wadi nya me inni ganiya U uro usana.⁴²Yeso ma gun we," daki ya ira a nyimo u nyettike Asere, Nipo me sa ana soo wa nyari me niney nini na cukuno ni huma, anime ani a hira Asere ani imum ibi biyau ini aje aruu.⁴³Barki anime in boo shi, ti gomo ta Asere adi kabi ashi a nya wnde sa wadi yozo ahana.⁴⁴Dee sa ma rizo ani po ni geme madi pussa magitum, dee sa nipo me na rizo ame nidi nyezirke me.⁴⁵Sa ana dangdang aka tuma nan anu bezi urusa wa kunna tize tini hunzi tumeme wa russi ma boo we wani.⁴⁶Wa nyari umeki ume wa kunna biyau banu, barki sa anu wa zika me unu kurzo utize ta Asere mani.

¹Yeso ma kuri ma wuzi we tizze ma bati we ire imum magu.²Adi bati tigomo ta Asere nan ure ugomo desa ma wuzi vana umeme igab.³Matumi anu utarsa umeme wa titi andesa aboo we wa ēh ahira igab me andesa aboo.⁴Makuri ma tumi are anu tarsa umeme ukure, magun we, ka bukani we mamu mara ubara imumare a wesi ina wan bige be sa a inta bini akura, vat a mara ubara ukodi nyani ayeni igab me.⁵A' ani me wa game uwna uni cheni, wa dusa we imum iwe, uye madusa me uru uye madusa uziza adadu.⁶Ukasu me wa miki arere una akura me, wa duri we wa hoo we.⁷Ugomo ma wu iriba, ma tuburko anani kara nini kono numeme, wa ka huna an desa wa wuza me anime wa punsi ku pin me vat.⁸Magun in nanu utarsa umeme, nigura me na cukuno nigora an desa aboo we ni da wa ha nam ba.⁹Barki anime hanani ana tukun ani pin, boo ni vat adesa ya kem, wa ē anigora me.¹⁰Anu tarsa umeme wa dusa utarsa uti naa, wa urso vat an desa we kem ana aburi nan ariri vat a urso we a ēni, ahira anigora a myinca ina ganu.¹¹Sa ugomo ma ribe u ira unigora ma iri ure unu da ma suki udibi u aye unigora ba.¹²Ugomo ma gun me, unu-ubu aneni wa aye bame sarki udibi unigoraa unu me da kem imum i buka ba.¹³Ugomo magun inanu utarsa umeme, tirani me tibuna nan tari i vengime anyimo mare mabibiti abini me adi shi a rummizi ahini.¹⁴Atiti anu gwardang anyimo aweme azauka ana acin.¹⁵Mafarisawa wa gomirka imumu i gebe sa idi cara tizemeni.¹⁶Wa tumi anu tarsa umeme ahira mer nan adesa wa zinan Hiridus, wa gu, unu ubu haru ti rusawe una kadure mani, uzini udungara tize ta Asere gwem barki wa zika kodavi.¹⁷Bukan duru imumme sa wa ira, ya wuna uri ti nya imumme sa izi ikasari nani ani.¹⁸Sa yeso ma tinka imumu imu riba mu weme, ma gun we nyanini wuna inyara imansam shi ana mu riba muburyi.¹⁹Bezi mi ikirfi, wa dusa wa ēn me in bikirfi.²⁰Yeso magun we, ihuri igeme nan niza ini geme na veni.²¹Wagun me, ni kaisar nini ba magun we, nyani kaisar imum be sa izi i kaisar Asere imum be sa izi ya Asere.²²Sa wa kunna anime, wa kunna biyau wa dusa we.²³Uwui uginome mara masa dukiya wa (an desa wa gusa, ingi wa wono uka hira uzoni) wa ē ahira ameme, wa ikime.²⁴Wagun me, unubu musa magun, ingi unu ma wono da ma ceki uye aduma ba, uhenu me madi cukuno nan uneme anime barki ma yoo uhenu ahana.²⁵A wuzi aye anu usunare ahana aruma ani henu nu weme, unu utuba ma wuzi ya sa ma wono barki da ma yooba ma ceki uhenu umemeni uneme.²⁶Ane ani unu ukureme ma wuzi nan unu utaru me, awuzi anime uka biki unu su sunareme.²⁷Sa wa mara uwuza ugino me, une madusa ma wi.²⁸Uwui uhira a yimo iwono, une wa aveni madi zi anyimo aweme anu usunare uginome barki vat uwe wa wuzi aya nan me.²⁹Yeso makabirkawe magun, ya camani barki sa ida rusani tize ta Asere ba, ida kuri irusi shi ubari Asere ba.³⁰Barki uwui uhira anyimo iwono, anyā azoni uwuza anyā uzoni, ti di cukuno kasi ibe ika dura ka Asere sa wara aseseri.³¹Abanga uhira anyimo iwono, dayamu iraba imum me sa Asere a gushiba agi.³²Mimani Asere aweme ma vengize dā anu zatu uvengize waniba.³³Sa anu wa kunna anime, wa kunna biyau ini mumme.³⁴Mafarisawa sa wa kunna mā maran in masadukiyawe, ba wa urno.³⁵Unu inde anyimo aweme, ure unu bezi urusa barki ma mansa me ma iki magu.³⁶Unu dungara, nyanini itteki in nikara anyimo tize ta Asere.³⁷Yeso magun me, hem in na Asere aweme ini riba iwe me me vat nan nice nuweme.³⁸Ine ini imumu idan dan in nu tuba .³⁹I kure izi gusi ituba ini, hem inu henu uweme gusi nice nuweme.⁴⁰Ahira imum kare kagino vat tize ta Asere nan ta anu dungara ta hem in.⁴¹Datti afarisawa wa uri ahira a inde, ba yeso ma iki we.⁴²Magun we i ciram aveni, mi vana aveni ba wagun me vana udauda mani.⁴³Yeso magun we, aneni Me Dauda me unu bari u bi be biriri ba Asere ma kuri magu.⁴⁴Asere agunka Asere am, cukuno a tari tinare tum, indi tari we aseseri ade sa wada nyara u ira uweba.⁴⁵Ingi Dauda matita Asere anime, adi wu aneni ma cukuno vana umeme.⁴⁶Ba desa ma kuri mā buki tize, abini me unu iriba ihu mazoni sa madi kuri ma iki me iri mum.

¹Yeso mawuzi we tize, magu.²Anu dungara wa taurat nan nanu bezi uru wa tonno u turi umu sa.³Barki anime, tarsani i wuzi vat imumbe sa wabuka shi, kati i wuzi imum sa wazin nu wuzame ba.⁴Wake wa caniwwe cira ugittak, ujas uhanna, wacana anu uni agirza we acece awe wadake wa hana ba.⁵Vat biwuza wuza buwe aje anu ani, wabara iliya idandang in ti di bi tuwe u tuzo adizi.⁶Wa nyara ticukum ti gan can a hiri agab, nan tihira titi cukum ti hu ma udenge Asere.⁷A issiziwe ati hira tini gura, agussin we anu dungara.⁸Kati hem a gussin shi anu dungara ba, barki unu dungara ushime u inde mani vat tu shi ni henu nini.⁹Kati ititi uye acoo anyimo unee, barki acoo u inde mani asesere.¹⁰Kati atiti shi anu tarsan nanu wani ba unu tarsan na nu memani yeso.¹¹De sa mazi unanu anyimo a shi me mani urere.¹²Vat desa m yeze nice nume, adituzo me, desa ma tuzo nice adi yeze me.¹³Shi wono shi anime anu dungara, nan anu uyetike a nu bezizi urusa, ana mi yakorsizo tina turibize azesese ace a shi, shi dakki ya ribe ba.¹⁴Shi wono shi anu dungara wataura nan nanu bezizi urusa, ana matin! ike iri imumare aneme sa anu ruma wawijo ike hunze tubunani in bi ringara bi jokon anime azin nu tara u shi.¹⁵Shi wono shi anime, anu dungara wataura, nan nanu be zizi rusa, anamalin ike tar si ti hihira nan ma rba ma dandn dang, barki unyara unu tarsa ushi cas inki ya kem ikurzo me una yimo ura.¹⁶Shi wono shi, shi anu hungo arubo, shi sa igussa, vattu shi yatonizo undenge Asere imum i zoni, aname desa ma tonikon in ni mumu ihuma udenge Asere, itoni idi rime.¹⁷Shi ababana, arobo! iya ini iteki shi innu gwardang, bizinariya bini nani udenge Asere sa u zi lau.¹⁸Ike gu, kodavi matoniko innu bagadi sadi ga imum izoni. vat de sa matoni kon innu wito nice, itono idimekime.¹⁹Shi arubo iya ini iteki innu gwarndang, u sadiga uni nani ubagadi uwito sa u zi usadiga alau.²⁰Barki anime kovi magoni kon in nu bagadi uhaya sa uzi lau nani vat inni mumbe sa ira anyimo me.²¹Vat desa ma tonikon innu denge Asere, matonikon me, nan desa mara anyimo me.²²koda vi matonikon na zesere, matonikon inn hira ati cukuno tu gomo masere.²³Shi wono shi anu dungara wataura nan nanu bezizi urusa, anamalin! ike isusso imum ye sere reppii? Iye yavete imumu ihuna ini kara ya taura, me ini kadure, nan imum iriri, ubeziu inko iginọ ini ya wuna inguna iwuzi, kati iceki ireba ba.²⁴Anu hungo arubo, ike i inki iruba u kwaro dan mitsil, anime ike itu be ronkoni.²⁵Shi wono shi anu dungara wa taura nan naun bezizi uru sa, anamalin! ike i kpici mamaru miso anyimo me ini madiri.²⁶Hu urubo unu bezi urusa! tuba u kpico u mamaru miso udiku kpici anyumo me barki mataraa macukuno lau.²⁷Shiwono shi, anu dungara ataura nan nanu bezizi urusa, anamalin! kasi mucau sa a humuka muni, amatara anyimo me a ubo ani zenzen.²⁸Aje shi ana huma wani, iye a nyimoo malin mani in katuma kaburu.²⁹Shiwono shi anu dungara ataura nan nanu bezizi urusa, anamalin! ike i bari tikura a mu cau manu dang akatuma ka sere, ibara tihira.³⁰Igusa da ta cukuno uganiya acokoro aru utuba, sa daki ta benkuwe u kwon gizo umaye manu adang akatuma.³¹A anime ya bezi ace ashi, she wani ahana uhuza ana katuma kadang ka sere.³²Ba mincikinani katuma kacokoro ashime.³³Shi iwa! aneni idi sumi u gwari ka anyimo ura.³⁴Barkin anime ma tuman shi ana katuma kadang kasere, nan nanu urusa imum, nan anu rusa atau ra, idi huzi aye awe i gankirka aye, icobi aye suwe ti pin tipin, in nu mnsa uwe u zitto.³⁵Barki nihaiki ni maye manu nanni ruba ubenki a kponkoni unee, makuro ace ashi uzi ka umaye mahabila unu uriri uhana uma zakariya unu barikiya, desa ya hu atii udenge Asere.³⁶Kadure inboshi, vat agimo me adi kem anu ganiya ugeme.³⁷"Shi ananu u urshalima! ananu urshalima anu huzza ana katuma ka dang kasere, anu vingizi an de sa atuma ahira ashi! ka ka hono kani manyara in orso shi kasi bi tukuru sabike bi orso ahana anyimo ama gawre mabini!³⁸Iyenne aceki shi akura anime.³⁹In bossi shi, idaka ira miba, senke ronobesa ya guna, biringara bi cukuno ahira unu ezen ni za ni gomo sere."

¹Yeso masuri u denge Asere, mara anyimo atanu anu tarsa umeme awa e innu be zizzi ume bibara-bara biti denge tuta sa Asere.²Bama kabirkawe magu, "Vat ya ira tinii? ka dundure kani in bosh, adi samariri ka apo age me ada cekime nire a sesser anire ba."³Ma ciki ani po nu zaitun anu tarsa ume me wa e ahira ame wagu, "Bukam duru, uya uwui uni adi wuzi anime? nyani idi bezi uguna u ye uwome? nan nu mra unee?"⁴Ba yeso makabirka magu, wuzani seeke katti uye ma witi shi.⁵Barki anu wadi e gbardang anyimo ani za num, wagu we wani Asere, wadi witti anu gbardang.⁶I di kunna tizee tini kono nan bi bobo binin, kati muraba mushime muhiri ba, uwuna anime wacukuno a wuzi daa umara wa aye ba.⁷Anabu wadi hirza anabu, tigomo tidi hirza tgomo. Adi uzi ikomo nan uzuruzuno adi zii ati hira sassas.⁸Ani vat utuba u zitto uni.⁹A' anime wadi witi shi, apatti shi wakuri wa huzzi shi anu vat wadi nyaree shi barki in za num.¹⁰A' anime anu wadi pilizo abardang, wari inama ya ce'ce wa nyarime ace'ce.¹¹Anu kurzuzzo utize tima cuco wadi suri, warangizi anu gbardang.¹²Katuma kaburu kadu wu gben u hem umaro manu uduwu seeke.¹³Adi buri desa ma tonno.¹⁴Adi wuzi tize titi gomo tazeesere vat anyimo unee ugeme abuki anabu, unee wa aye umara.¹⁵A' anime inki ya ira kattuma ka zenzen fai kaso, ka gebe sa daniyel unu kurzo uti mabuka, atura me ahira a lau (u nu hira me rusi).¹⁶Tu, ande sa wa ra ama canga mayahudiyawa sumi uribe anyimo apo.¹⁷Desa makunna biyau, kati matu u ka ziki udee sa mara akura amme.¹⁸Dee sa mara uruu cangi ugebtu umee ba.¹⁹Udee ana tipuru nan nanu cira a hanna uganiya uginome.²⁰Wuzani bi ringara kati usum ushime u wui uvenke inni kuzi.²¹Uganiya uginome adi wuzzi i jassi kan, usassana igibe sa nu mansa u wuzame daati utubbu nee u aye ukani me, adaa akuri a wuzi me ba.²²Bansa a kaska tiye tigino ba, ada'daa kemme de sama game ba. Barki anu zau ka uginome a kaska tiye me.²³A' anime desa ma gunna shi, ya ira ugomo Asere monno! nani, monno abirko! katti ihemba.²⁴Barki ugomo Asere nan nanu kurzuzzo utizee tina cuco wadi suri, wabezi katuma ka dandang ku bari, barki wa hunze ande a zauka inki yawuna.²⁵Ta, mabuka shi dibe.²⁶A' anime inki wagunan shi, "monno ani ja" katii suriba inka nain waguna, monno anyimo ati hira ti gunzine, kati ihem ba.²⁷Gussi umelme azeesere, mel mel ane ani u aye uvana unu udi zi.²⁸A hira me sa aush araa ni abmee ani magulluk marsa maka orzino a hira me.²⁹Ussuro ijassi ginome, a inpi u wui upeu udaa nya masba. Iwiran ya sesere idi rizizzi, adi zaa rika imumbe sa ira azesere³⁰Uganiya uginome uni u' aye uvana unu udi cukkuno, vat alem unee adi shi, wadi iri vana unu ma ezze aniyimo a tiwiri, innu bari nan ni nonzo gbem.³¹Madi tumi ibe ikadura kameme wa hure nihure na so kan, wakuri wa orso me anu ati kira ti nazi nyimo unee.³²Manzani ahira utiti upuom, ukee u zarika inki nikuzi na aye mamu u tiro.³³Rusani vat inki ya ira adodu aginome ma aye mamu ini.³⁴Ka dundure kani, inboshi uganiya akame sarki uguna imumu igino idi kem.³⁵A zesere nan na dizii adi mari, atize tum ni.³⁶Baa dee sa marusa u wui nan nu ganiya uginome, nani ibe ikkadure kasere, nani vana senke acoo mani cass.³⁷Kasi uwuza uganiya u Nuhu, anee ani idi cukuno u' aye uvana unu udi zi.³⁸Waazin nare, innu siza nan tinya, uhana umara ubara uzirigi u Nuhu.³⁹Ure uganiya u Nuhu u' e umukkur kawe, anee ani u zee uvana unu udi cukuno.⁴⁰A' anime adi iri ana ware u ruu, azikki unu indai acekki unu indai.⁴¹Adi iri anu ware intinanzu, azikki u' indai aceki u indai.⁴²Ta' cukunoni innu russa, iti shi u wuibe sa ugomo Asere madi e, ba.⁴³Agu una kura marusa uganiya sa ukari madi e, madada wuzame moro pit ba.⁴⁴A' anime cukuno ni innu rusa uganiya sa ita shi ba vana unumadi e.⁴⁵A veni unu huma uni riba ubenki, sa una kura ameme manyin zame unnu mare ka re-re.⁴⁶Kadundure, inboshi madi tari me imumbe sama zini.⁴⁷Kadundure, kani inboshi madi tarme imumbe sama zini.⁴⁸Inki urere uginome unu buru mani, maguna iruba ine una kura am maga me u aye dibe.⁴⁹Ba' ma tubi atira aroni ani nonzo umeme, mazin na are in bi sizza sizza.⁵⁰Una kura urere ugino me madi e u wui me sa ma tā meba.⁵¹Ma warime nipum in nu cobo, ma uyame ukālu ume nan nanu aburu. Madi shi marumazi a nyo.

¹Adi bati tigomo ta zesere kasi mabura manu kirau sa ma ziki mafitila maweme tantu u gura umanyani ma tiyum.²Anu chibi anyimo aweme anu zatu jinjin wani, anu ciibi anyimo aweme anu jinjin wani.³Asenke anu zatu jinjin ugino me wada inta mani anyimo amafitila maweme ba.⁴Anu ajinjin me wa inta aru amani nan mafitila mawe anyimo me.⁵Sa manyani matiyom made U aye watubi ugbiso moro mazikiwe.⁶Inna tii aniye akunna utissa, agusa, manyani matiyom me maye! Suro ni iguri me!⁷Vat mabura magino me mahiri mabari mafitila maweme.⁸Anu zatu jinjin me wagun nanu ajinjinme, nyangizi haru mani mashime cincin mafitila maru mazinni wijo!⁹Ba anu ajinjin me wakabirka waagu mada bari haru nan shi ba, hanani ahira anu ziza me. ika kwa inna ce ashi me.¹⁰Sa wa dusa ahira ukwa me, manyani matiyom me ma e, ande sa wara ahira me waribe akorso udenge me.¹¹Sa adondonkino mabura magino ka aye, wagu Ugomo Asere pokon duru ana tukum.¹²Ma kabirka magun we, kadundere, in boshi, in tam shi ba.¹³Barki anime, cukunoni ibe, ita shi uganiya ba.¹⁴Kasi unu mani sa ma haza atanu, matiti arere ameme ma nya we vat imum be sa ma zinni.¹⁵Ma nya unu indai matelenti manu ciibi. Unu indai matelenti mare uye ma nya me u indai. ko da avi ubina ni uni kara ni meme, madusa.¹⁶Desa makaba matelenti u ciibi ma gun me ma ha maka gamara mani, makem mare.¹⁷Ani me ani unu kaba matelenti mare me cangi makem mare.¹⁸Me de sa ma kaba utelenti u indai me, maka gense adizi ma hunze ni.¹⁹Sa adondonkino, una kura arere agino me ma zee ma basa nan we.²⁰Me dee sa ma kaba matelenti manu ciibi, mahaha mamu ma witi mare matelenti uciibi, magu una kura wa nyam matelenti manu ciibi, iye makem mare kaba.²¹Una kuraa magun me gai urere uhuma, wa wuza kadundere anyimo imum icin, indi tar we a nyimo igbardang aye cukunno uvenke.²²Una ma telenti mani mare ma haha mamu, magu,²³Una kura, wa nyam matelenti mare. I ye makem mani mare kaba. una kura me me magu imme, gai, urere uhuma. wazauka kadundere a nyimo cin in di tariwe a nyiomo gbardang aye cukuno uvenke.²⁴Me de sa maa kaba utalenti uindai me, mahaha mamu magu, Una kura min rusa hu unu nyara uziki imum ahira sa da wa inko ni ba, kaba bitelenti buweme. ²⁵Barki anime ani ma kunna bi yau, ma gense adizi mahunze bitalenti buwo meni kaba!²⁶Ba una kura me ma kabirka magu, hu urere uburi mani, ugbara! uru sam incira ahira me sa daki ma inkoni ba.²⁷ya wuna urii uda ayem ni kirfi me a inki ahira me sa adi kem mareu ni in kabi ire azesere me.²⁸Barki anime kaba ni bi talenti bi gino me inya una manu kirau me.²⁹Barki vat inu imum ake akinkimeni, iwu gbardangunu zatu imum akabi ini ame. Rekkini unu sa ma zoo anyo imumba a³⁰nyimo a mareu marumzi anyo abinime.³¹Inki vana unu ma aye a nyimo ani nonzo nume nan ribe ikadura kame, madi cukuno a hira adang ame.³²Adi ori anabu vat aje ame, madi suzo we ma inki sassas, kasi unutarsa itam. Sa ma suzzo imum sas. Madi inki itam atari tinare, ma inki imani³³atari tinann gure.³⁴Ugomo madi gu an de sa wa ra atari tinare time, aye ni shi sa acoo maringirka shi, i kabi tigomo tishi sa amu inko shini dati utuba uney.³⁵Barki ma kunna ikomo ya nyam imumare. makunna niwe nimei, ya nyani mi masa. ma aye ani genu ya kaban mi.³⁶In zi bihurba ya sokin mi turunga, ma wuzi ukoni i eh i irim u hira ani rebe ya issizon ni mi.³⁷Abinee ani anu tanu tiriri me wadi kabirka, wagu, Ugomo Asere, ta ira we abani ta nya we imum yare, nani niwe ni mgwei ta nya we wa sa?³⁸Innu maya uni ta ira we ini genu me ti kabi we nani inbihurba ti sokiwe tirunga.³⁹Nani inniu maya ini ta iri we uzo uhuma, nan na nyimo akura ani rere me.⁴⁰Ba ugomo ma kabirka we, magu, kadundere in boshi vat de sa ya wuza meni anyimo ani za num ya wuza miniminini.⁴¹Abini ani madi gu inna na tari tinan gure, cekinni mi, a wuna shi anyo ribeni a nyimo ura nan unu uburu sa a barka barki a malaiku nan unu uburu.⁴²Barki ma kunna ikomo daki ya nya ni mi imum are ba. ma kunna niwe ni mgwei ya nya nimi masa ba. Ma wuza nigen daki ya kaba ni ba. In zi⁴³bihurba daki ya sokin mi turunga ba. Ma wuzi ukoni daki ya aye ya gunkunom ba, mara a nyimo akura ani rere daki ya ikon mi ba.⁴⁴Abini me cangi wadi gu, Ugomo Asere innu maya uni ta iri we inni komo me nani inn niwe ni mgwei, nani inn ni gen, nani innu zatu turunganani uzatu nihuma, nani akura ani rere daki ta iko hu ba.^45-46Abini madi kabirka, magu in we, kadundere, imboshi ani me saki ya wu unu indai a nyimo anu tarsa um ni ba mi mani. A nigino wani wadi ribe a nyimo u zitto, anu tank to riri wadi venke a kura Address.

¹Sa Yeso mara tize tigino vat, ba ma gun nanu tarsa umeme.²"I rusa uidi uhangirka me wade tiye tire adi nya vana unu agankirka me."³Banu adang akatuma kasere nan ana je anu waguna akura unu dang ukatuma kasere me, una niza kayafa.⁴Wa tirzi uguna wa meki Yeso wa hu me.⁵Ba wa gu dakki uganiya uidi ba, kati wa shagilna.⁶Uganiya sa Yeso mara ubatanya akur Saminu ukuturu,⁷ure uney ma eh inni ro ni mani mi kirfi innu nya urunta, ma wume mani anice, meh inna re imumare.⁸Sa anu tarsa umeme wa ira anime, wa kunna iriba wagu "tige ti cara na"!⁹In guna azizi mani mageme inni kirfi gbardang anya anu zatu ni kara.^10-11Yeso sa ma iri anime ma gun we nyani ya wuna izinnu bunkoro uney uge me. ma wuzam imum ihuma kang. Izinn nan nanu dira ko ya umaya daki izinan mi Koya umaya ba.¹²ugamirka umani mage sa ma wuza ani pum num, mawuza ini barki abanga uvati um.¹³Kadundere imboshi, vat adi han tize tigeme anyimo uneh adi ringizi inni mum be sa uney ugeme ma wuza.¹⁴Unu indai a nyimo anu kirau in nanu are gino me, unani za Iskaryoti, maha ahira anu a dang akatuma kasere.¹⁵Magu "nyani idi nyani inki ma wito shi me?" wabassa ikirfi ya zumo walwal akura taru wa nya me. Uganiya ugino me uni mameki tibinga¹⁶tuguna ma witi me.¹⁷Ronoutuba uidi imumare uzatu uyisti anu tarsa umeme wa eh ahira Yeso wagu, "A bani u nyara ti barka a hira are imumare u idi uhangirka me ni?¹⁸Ba magu "Ribe nii ani pin ahira a uye in gun me, unu dungara mani uganiya ume wa aye mamu, madi ri uidi uhangirka akura aweme nan nu tarsa umeme.¹⁹Anu tarsa umeme wa wuzi kasi gussi besa ma bukawe, wa barka imumare uhangirka.²⁰Sa uwunjoro wa wuna, ma cukuno are imumare nan nanu tarsa umeme we ukirau inna nu ware.²¹Wara anyimo are imumare ba ma gunwe, "kadundere in boshi uye a nyimo ashi me madi witum"²². Wa wuzi tipuru ti bit, wa tubi uigizo ume wa inde inde nani mimani ugomo Asere.²³Ba ma kabirka magu, de sa tira iso iso indai nan me, me mani madi witum.²⁴Vana unu madi dusa ini kasi gussi de sa unyetike utize timeme uzi.²⁵Ba Yahuda sa ma wito me magu "Nani mimani unaje? Yesu magun me, wa buka inni ce niwe.²⁶Sa wara anyimo are imumare, Yeso ma ziki mawu biringara anyimo aniza ni na Asere, ma pusi ma nya anu tarsa ume magu," iye re ni. Nipum num nini.²⁷Sa ma ziki mgwei mawu biringara anyimo ani za na Sere, ma nya we magu, Vatti ushi sizani.²⁸Maye mam mani mu inko utize ma gebe sa adi kwonkoni barki anu gwardang, barki ukpwico imum izenzen²⁹. In boshi indaa kuri in si mani nan shi ba, senke rono ugino me sa tidi si ma soh ni gome nan si atigomo ta coo um.³⁰Sa wa wuza ireh ini nonzo na sere, wa suri uhana anipo ni zaitun.³¹Ba Yeso ma gun we vat idi pilzo barki mi anyettike aniye ni gino me, "indi anun tarsan nin tam ni gomo nidi pura.³²Adumo uhira um, indi agiza shi uhana ugalili ".³³Ba Bitrus magun me "vat inki wa pilko barki hu, mi daa pilkom ba koo cin.³⁴Yeso ma gun me, kadundere kani in bowe, aniye nigeme cangi, agi agu una uhuna urono ubi goro udi wu matara mu rusa um kataaru".³⁵Bitrus magu imme, inki adi hummi ini nan hu inda wunam matara murusa uwe ba" ane ani anu tarsa ume wagu.³⁶A' anime Yeso ma eh inwe a hira sa atisa ani ugetsemeni. Magu nanu tarsa umeme, cukononi abaanna me, mindi ha abirko inka wuna biringara ".³⁷Ma ziki Bitrus nan na hana a Zabadi ware wa ginno me matubi apuru abit nan nun basa a banga kang.³⁸Ba ma gun we, in zinni zito anyimo uvengize um kan in kunna kasi diwe. Daa tonno ni abanna me, cukunoni unnu rusa nan mi abanna me.³⁹Sa ma haa cin, ma rizzi adizi mawu biringara magu, "A coo um inki i wuna ini zikam ijasi igeme. vat in anime daki unyara um ba, senke uwe".⁴⁰Ma kuri ahira anu tarsa umeme, ma iri we immoro, ba magu in Bitrus, aca! idaa cukuno me shi in nu rusa nigome nan mi ba?⁴¹Cukunoni unnu rusa iwuzi biringara katti irizi anyimo ubata. Iye iriba ya hem nipum me na siziki me".⁴²A anime ukuro ukure, maha maka wuna biringara magu, "A coo um inki ani me idaa ak me ba a wuzi ini, aca! uwuzi imum iruba iruba i we".⁴³A na me ma ze makem we immoro bar ki sa moro maraa we aje.⁴⁴Uhana uka nime makuru ma ce ki we, ukuro uku taru uka wuna biringara innu kuruu boh tize tu datti me.⁴⁵Ma ha ahira anu tarsa umeme ma gun we, "idah sisi im moro me inu vengize ni? I yeh uganiya wa aye mamu a nya vana unu atari ta na madini.⁴⁶Hira ni ti dusa, ya ira unnu wito um monno ma ezeh!⁴⁷Ma zinni bo anyo akem Yahuda, a nyimo anu kirau inna nu are wa ge no me inni goh nanu inti vira nan mu bina anu adnagdang wa tubur ko we.⁴⁸Unu wito mamu bara nan we agi, dee sa indi gwindirko me, me ma mani unu me, ih meki me.⁴⁹Ma eh debe upuru u Yeso magu, "gajja una je!" ma meki ugwindiro ume.⁵⁰Yeso magun we, "uroni um imum be sa ya ayen hu ya zigeme? wa ehye wa meki Yeso.⁵¹Uye ma haki nan yeso masuso uvira ume, makoriko uye a nyimo anu meki umeme utui.⁵²Yeso magun me, kurzo uvira uwemeni upubu me, vat dee sa ma suso uvira uvira uni udi cukuno iwono ime⁵³I hira daki ma bari in nyari ubenki a hir acoo umme ba, sa mada ke matumi ibe kadura kameme agu ukirau in kani kare?⁵⁴A nee ni adi amincikina im be sa a nyettike uguna imum igeme idi cukuno.⁵⁵A hira me Yeso ma gu inna nanu, ya suro ni in ti vira nan mubina i mekini mi kasi ukari? ko umaya in ka in rib udenge Asere in nu dungura anu daki ya mekini mi ba.⁵⁶a nime ya kenzi vat barki amgwncika tize ta sere nanu kurzuzo utize ta sere.⁵⁷Anu meki uYeso wa hann me a hira a kayafa, unu dang utize ta sere a hira anu dungara attaura ni go me nan ana je me.⁵⁸Akem Bitrus mahaka ma tarsa piit uhana akura unu udang me. sa maa ribe, macukuno nan nu tonzino ana tukum udenge wa sere barki iri uma ubanga me.⁵⁹Ba anui adangdang nan nanu ugursuna uwe me vat innu nyara utize me sa wadi meki Yeso barki wa hu me.⁶⁰A anime daki wa kem ba a anime anu nyara uwuna ume macico wa nyaru hirsa, akem anuare wa hana mamu.⁶¹Wa gu, "unu ugeme magu agi mada kee matuburko udenge Asere ma bari uni anyimo atiye ti taru."⁶²Unu udang me mahiri ma tonno magu, "nani udi kabirka tize tigeme sa anu age wazinnu nyinza me ani ce nuwe me"?⁶³Yeso ma ciki me tik. unu udang me ma gun me mapatawe nan na kasere nani una massa mu nee ugen me vanaa sere.⁶⁴Yeso ma kabirka magu, "wa buka in kuri in boshi uhana aje idi vana unu ma ciki a tari tina tunu bari, maaze anyimo atiwiri.⁶⁵Ba unu udang me ma jani turunga tu meme magu, "ma cara abangani! nya nini tidi kuri ti nyari? ana me ya kunna imumbe sa ma buka.⁶⁶nyani ya ira? wa kabirka wagu," ma bari uhunna.⁶⁷Ba ma meki tuffizi ume tohbi amuhenu, wa tiri me, aye wa sonsi me tari⁶⁸, In nu gusa wuza duru u anabci inki hu vana Asere mani buka dee sa ma vavi we!⁶⁹A Bitrus ma ciki atii akura, ure uneh ma tonno ahira ame ma gu, "hu cangi uzi nan Yeso unu ugalili.⁷⁰Ba ma sokorno aje awe magu, min ta imum be sa ubassa ba".⁷¹Sa ma suroani kubi, ure uneh ma iri me magu, ande sa wa tuturi ahira me unu geme wa zin ni go me nan Yeso Bana zaret.⁷²Ma kuri mawu matara inni tonno magu, "mi inda ba tam unu ge ba".⁷³A dondokino cin anu tutturi me wa gu in bitrus, "Hu geme uzi nan me tize tuwe ta bezi ".⁷⁴Ma meki wuza unice nume anyo inni tonno sasas, in gusa shi inda tam immum me ba". A hira me bigoro bi runo.⁷⁵Ba bitrus maringi tize ti Yeso me uguna uduwu matara ani ce num kataru biugoro bidi kuruno". Ma suri a matara mameki aso kang.

¹Sa a hiraa sana ana katuma ka sere nan ana je wabari abanga agi wa hume.²Ba watiri me wa dusa in me, wa wa tii meatari ti Bitrus.³Sa Yahuda unu wito in guna ahume mairi aweki tize ti guna a hume, i mmume i wume nyei ma kurzo ikirfi me azumo awalwal akuro a taru.⁴Magu, "ma wuza imum izenzen sa ma nya unu ulau agi ahume", Ba wagu, nyanini mgwei maruni? ade awe.⁵Ma samirka ikirfi azumo awal wal agino me udenge Asere, masuri maka cerike nice nume.⁶Anu agang akatuma kasere wa orso ikirfi me wa gu, "daki ya wuna uri tiwu ikirfi udenge Asere, barki ikirfi me ihunu.⁷Ba wa gamari tize wakpi masa ma hira uvarsi anu inni kirfi me.⁸Barki anime, u' aye uka nime atissa a hira me masa ma maye.⁹A nime a mgwinca ubuka uirimiya agi," wa zika ikirfi azumo nawal wal akur ataru agino me uwal ataru uginome nan are a Israilawa wa wuzi a hira me gu uboo Asere.¹⁰Wa kpi masa munu bara umu haru ni, kasi gusi sa ugomo Asere ma buki.¹¹Yeso ma tonno aje, ugomo ma ikki me. Aca hamani ugomo u ma yahudawa? Yeso ma gun me, "wa buka".¹²Sa ana katuma ka sere nan ana je me in tize tume, daki ma buka imum ba.¹³Ba Bilatus ma gun me, dakki wa kunna bi gusa saw zinni ani ce niwe ba ?¹⁴A anime dakki makabirka me ani guran ni indai, ugomo me, biyau bi meki me kang.¹⁵U ganiya uidi una tigomo ma meyme ucensi uwe uni indai sa wa nyara.¹⁶U ganiya me atirzi uye nan me una niza Barnabas.¹⁷Sa wa orno Bilatus ma gun we, "Aveni i nyara in ceki shi ni? barnabas nani Yeso sa atisa me ugomo Asere?'.¹⁸Barki marusa malem mani mawu na a wito me.¹⁹Barki anime cangi, uganiya sa ma ciki azesere atigomo, une me ma tumi inka dura agi, suro abanga unu zattu abanga aburu agino me. ma zitton we atiroo.²⁰Ba anu adang aka tuma ka sere wa rigiza anu inguna wa zauka Barnabas ahu Yeso.²¹Una tigomo me ma kuri ma gun we, "Aveni anyimo ana ware wa gino i nyara in ceki me?", ba wa gu, Barnabas.²²Bilatus ma gun we ani me ani indi wuzi, aveni Yeso sa atisa me mazaya? vat wa gu a gankirka me.²³Mahgu iya imum? iya imum iburu ini ma wuza? wa kinki iyeze akme ra ni," Agankirka me".²⁴Sa Bilatus ma ira daki ma mekin ace awe ba, ma kpici tari aje anbu magu, "mi ma suro in zoom in mgwei anyimo imum igeme, a ginop adee ashi".²⁵Anu wa kabrka vat wagu,' ni haiki nime ni ra ace aru nan ahana aru".²⁶Abini we madi cekuwe Barnabas, a mamu cobo Yeso ba ma nya a gankirka me.²⁷Anani kara nini kono nu gomo me wa ha in Yeso a nyimo ani kubi nu gomo, wa wa ori ana ni kara nini kono ani ce ni me.²⁸wa suso me turunga titi gomo as soki me things titi gomo.²⁹Wa bari ni ire ni kana, wa sokki me wa witti me ubina a tari tinare, wa tunguno aje ame innu wuza ume ni bassa, innu gusa, "ivai idodonkino ugomo uma yahudawa!³⁰Wa cof me tobi wa ziki ubina wa cofi me ani ce.³¹Sa wa mara uwuza ume nibassa, w suso udibi uti gomo me, wa soki me turunga ti meme, wa dusan me wa ka gankirka me.³²Wa zi in tanu, wa gun nan ure unu nizame Saminu. Wa wu me ma han nu titi ugankirka u yeso.³³Sa wa biki a hira me sa a tisa ani ugolgota, unu guna ukuku u nice.³⁴Wa ketilke uwangu nan ire imum gban gban masi, sa ma donkino ma gaa me usa me.³⁵Sa wa gankirka me wa wu awuzi bizawazawa a hira u hara me.³⁶Wa cukuno wa zinnu bee ume.³⁷Wa nyettike upuru unice, wagu," me mani ugomo umayahudawa .³⁸A kuri a gankirka a kari ware nan me, unu indai a tari tinare unu indai a tari ti nan gure ti meme.³⁹Anu agiza una wa aki innu boo u tize tu zattu runta innu zuro ace. Innu gusa, "Hu sa udi tuburko udenge⁴⁰asere u bari ati ye ti taru bura nice niwe ti iri! Inki hu vana Asere mani tonno azere utiti me ni!⁴¹Anee ani anu adangdang aka tuma ka Asere nan na nu dungara ataurat nan ana je me wa mekki uwuza ume nibassa, wa zi innu gusa,⁴²"Ma bursa aye, ca ma buri nice ni meme. me ugomo wa israilawa mani ca matu ana me tidi hem imme.⁴³Barki Asere ani ma tonno, na Aserer me a buri me ana me, sa ma gussa agi me vanna Asere.⁴⁴A karii agino me sa a gankirka we ni goo me wa zoogizi me cangi.⁴⁵Innu wui atie ace a hira awu mareu uhana azumo kataru uwunjoro.⁴⁶A zumo a taru me Yeso ma yeze nimigran magu, "Eloi Eloi lama sabaktani? Ugomo Asere Ugomo Asere nya nini ya wuna wa ce kum?⁴⁷Aye wa turi maamu a hira me wa kunna, wa gu," unu me ma zinnu tisa u Iliya mani".⁴⁸Ba uye anyimo awe ma hiri innu sum, maka rumzo usoso a mgwei ma gwarara, ma yeze innu bina ma nya me masi.⁴⁹U kasu u aye anyimo awe me wagu cekki anime ti iri nani Iliya madi buri me.⁵⁰Yeso ma kuri ma yeze nigwiran inni kara, ma diku nya nice.⁵¹Ugebtu me sa ura a nyimo udenge Asere me u wata kare inna zessere utino adizi. Adizi azuruno, apo awara.⁵²Apokizo mucau, anu alau sawa wijo wa hirsa.⁵³Wa sussi a nyimo amu cau, a mamu hira iwono me, wa ribe ani pin ni lau wa bezi ace awe me.⁵⁴Sa una ni kara nini kono nan aaye ni go me sa wa zinnu bee uYeso me wa iri a hira azuruno imum be sa ya kem, biyau bi meki we, wa gu, "kadundere unu ge vanaa Asere mani.⁵⁵Ara nu gwardang wa zi watarsa usuro uma nyanga mu Galili, innu wuza ume imum iriri.⁵⁶A nyimo awe Maryamu magdaliya nan Maryamu a ino a yakubu nan Yusufu nan ka ino a hana a zabadi.⁵⁷Innu wunjoro shew uru nu kem ma eh, unanu Armatiya, niza me Yusufu, me cangi unu tarsa u Yeso mani.⁵⁸Ma ha ahira a Bitrus ma iki anya me nipum ni Yeso. Ba Bilatus ma wu anya me.⁵⁹Yusufu maziki nipum me, matirzi innu malti ulau.⁶⁰ma wu me. ara hira sama bara urobo nipo ma inko nice nu me ni, mavenki nipo ni dang ma inki me ni ma dussa.⁶¹maryamu magadaliya nan Maryamu ukure me wa ciki aje icau me.⁶²Sa a hira asana, umara, ubara abanga me, anuj katuma ka sere nan nanu beezi urusa wa gunna a hira a bilatus.⁶³Wa gu ugomo udang, taa ringi imum be unu rangigizaa nu a ginome sa maa vengize mabuki madi hiri a nyimo ati ye ti taru amu cau.⁶⁴A nime buka aka be icau me u hana a tiye ti taru katti anu tarsa umeme w cuzi me, wa guin nanu agi a mahira a nyimo. icau ini, urangiza umaassiza udi tekki utuba.⁶⁵Bilatus ma gun we, "A nee ani in tani an kara nini kono ika korso a hira me innin kara ni shi.⁶⁶Wa dussa waka korso a hira. mu cau me, wa wu. u inko. ubezi. ahira me .

¹Unnu sana a hira uwui wa asabar uribe uwui utuba anyimo usati, Maryamu Magadaliya nan ure Maryamu, wa eh barki wa gun kuno icau.²Abini me uzuruko adizi adangdang uhiri bibe bi ka dura ka sere bi tuu usuro azesere, bi dusa tuburko nipo me bi cukuno ani po me.³Uzina umeme wa zi kasi umelke azesere, turunga ti meme ta zi tirum pau. Anu beeh icau wa dusa wa kunna biyau,⁴warizi zi gusi wa wijo.⁵Bibe bi ka dura kasere bi dusa bi gun in na neh agino me ma gun we, "kati ikunna biyau ba, in rusa i zin nu nyara uyeso ss agankirka me azesere utiti.⁶Mada rani aba me ba, mamu hira, gusi uguna umeme. Aye ni e iri a hura me sa a nati me ni.⁷Hana ni dibe dibe i buki anu tarsa umeme, ma hira usuro iwono, ira nii ma dusa aje ashi me u hana ugalili. Abini me ani idika ira me nin, mz buka shi.⁸Anime wa dusa wa ceki iccau me ini yau nan iriba irum, wa sumibwa ka buka anu tarsa umeme.⁹Abini me Yeso sa ma gurna nan we ma gu, gajja ushi! wa dusa wa eh wa gwindirko tibuna ti me. wawuzi ninonzo.¹⁰Yeso ma gun we p, "kati i kunna ni biyau, ka buka ni ni henu wa mekibuna u hana ugalili, abini me wadi irum".¹¹Sa anu me wa zinin tanu tu dusa are anu beh iccau wa ribe anipin wakw buka anu anu adang imum be sa wa kem we.¹²Sa anu adang a katuma wa kunna, wa dusa wa titi ti cukum wa gamir ka tize, wa nya ana nikara ni kono ni kirfi igwardang.¹³Wa gun we huka ni ukasu anu, anu tarsa uyeso a eh inni ye wa cuzi nipum ni meme uganiya sa ta zin moro .¹⁴Inki ka dura ka geme ka biki ahira unu kpaku udang, ti rigiza me bati ti korso anyimo uzito.¹⁵Ana ni kara ni kono me wa kabi ikirfi me, wa wuzi imum be sa abukawe. Tize ti geme ta samirka uribe anyimo e Yahudawa vat, ta re aje u e aye kani me.¹⁶Anu tarsa uyeso ukirau nan nu indai wagino me wa dusa uhana ugalili ani pana me sa Yeso ma buki we.¹⁷Sa wa iri me, wa nya me ninonzo aye a nyimo awe me wazin unu harsa iriba¹⁸Yeso ma eh ma kem we ma buki tize magu," a nyam tigomo ta zesere nan ta dizivvat¹⁹. Hana ni anyimo uney ika nyara anu jabisa utize ta sere i zorsizo we a nyimo niza na coo ni vana nan bi be bi lau.²⁰Dungura we wa tarsi imum be sa ma buka shi, in zi nigoo nan shi kode uya uwui uhana umasirka uney.

¹U tuba uka dura kurunta ka Yesu vana Asere.²Kasi unu kurzo tize ta sere Ishaya ma nyetike "ira, "indi tuburko we una kadura a hira awe me, meh mani madi barka we uname."³"Akunna nimyera nu uye ani jaa, 'unu tisa, cukuno unu rusa anu nan Ugomo Asere, hakani una umeme dert' ".⁴Yohana ma eh ma zorso anu anyimo anijaa makuri ma beziwe una uzorso me nannu guna wa ceki a cara abanga a zenzen barki akabiwe usuro abanga aburume.⁵Vat nipin nu Judiya nan anu Urushalima, wasuri wa ha ahira ameme manno ma zorowe uraba u Juda. sawabuki uguna wa ceki a banga a buru aweme.⁶Yohana ma soki u dibi utiwui unu subu urakumi ma kuri ma tirzi utinome ini wa imimare imeme yazi matu mishii ini jaa.⁷Maboo tize ti Ugomo Asere maguwe uye ma eze sa ma tekum ini kara mi indaki mabari uguna in tunguno in sopi be nyumo ba kpatak ameme.⁸Mima zoroshi imgwei me madi zorsoshi inbibe beriri.⁹Anyimo atiye tigonome tine Yesu ma suri Unazarat anyimo Ugalili Yohana mani ma zoro me uraba Ujorda.¹⁰Sa Yesu ma suro agwei me, Asesere a pokino bibe biriri ba Asere bi tu anipum nimeme gusi bihurge¹¹Sa nimyrang na suro Asesere. Hu, vana um mani sa inteki unu nyara me. in kunna urunta uweme.¹²Abinime bibe biziki me bi hamme ani jaa.¹³Ma cukuno ani jaa me tiye tina akura nazi, una bi be bizenzen ma eh ma mansame, maciki ni gome nan ni nama ini jaa una katuma ka Asere ma nyinzi me imum besa manyara.¹⁴Uganiya sa a meki Yohana Yesu ma ennu boo anu tize ka Asere.¹⁵Magu ana uganiya wa aye ma saa mu Ugomo Asere ma aye mamu. hem mi ikabi tize tum.¹⁶Madusa ani kira nu raba udan Ugalili, ma iri Siman nan Andrawus uhenu u Siman wazi ma hurba uraba me. wazi numensi icere.¹⁷Yesu ma guwe aye tarsan nimi indi wushi anu mensi anabu.¹⁸Wa ba ceki ma hurba me wa tarsi me.¹⁹Mara anyimo a tanu ma iri Yakubu vana u Zabadi nan Yohana uhenume. wah ra anyimo ujirgi umgwei unu urezi umakoma.²⁰Matiti we, wa dusa waba ceki acho awe me Zabadi anyimo ujirgi umgwei me wa tarsi me.²¹Ma haki a nyimo Ukaparnahum Asabar adusa a ribe, me ma ka ribe a nyimo udenge unigura ma boo tize ta Asere. Wa kunna biyau inni mumbe sa ba we wa²²ziki me debe sa mazin nikara azoh gusi debe sa ma bezizi abanga .²³A nyimo udenge unigura me uye mara ni in bibe bizenzeng. Maha ma wu uhunu gangang.²⁴Nyanini tidi wuzi in hu Yeso una nu nazareth? Wa aye uhuzin duru? Marusa we hu bibe ba Asere bini.²⁵Yeso ma busurka ugbergene me magu, ingara u suri abini me.²⁶Abini me bibe bi zenzeng me bi vete me adizi bi yeze nigmirang gangang bi ku sura me.²⁷vat anu wa kunna biya, wa ikki nya nini izigeme, uboo abanga asoh nan ni kara! Mayenne anu ibe zenzeng wa yenne wa kunna me.²⁸Abini me abanga adusa a ribize vat a nyimo nan matara mu Galili.²⁹A hira me sa wa ceki udenge unigura me, wa ribe anyimo a kura Simon wan Andarawus an Yakubu nan Yohana.³⁰Ugiri u Simon marari innipum ba wa buki me abanga ameme.³¹Ba amini me ma meki tari ma hirza me. ma ba huma. ma ziki imumare ma nyawe.³²Unnu wunjoro, wa ezime inna na tikoni nan bibe sa agbergene wa ribe we.³³ni pin me ni gurna vat ana tukum.³⁴ma humza vat ana tikoni sassas ma kuri ma suzo agbergene wa buki tize barki wa rusi me.³⁵Ma suri nisssizo maka wuna biringara in sissimme.³⁶Siman nan bibe sa wa zi nigome wa nyarime.³⁷Wa dusa wa iri me a hira sa ma rani. sa wa ira me, wa gu imme, anabu wa zin innu nyara uwe.³⁸Ma guna taru ni, arahira a ninjo a nipin imbuki we tize abini me cangi. Imumbe sa ya en me ya zigino me.³⁹Ma dusa vat a nyimo uGalili, ma boo tize ta Asere a nyimo a tidenge ti nigura, ma suzo a gbergene.⁴⁰Uku taru maka aye ma tun guno inna ruu, magu imme ana inki wa hem uhuman.⁴¹Ma ngwimca innu gogoni, Yeso ma yeze tari timeme ma dari me, magu inn zinnu su me, magu, huma.⁴²A hira me ma ba huma.⁴³Yeso ma gu imme innki wa buka uye abanga agino adi huwe, dusa ana me. Yeso ma gu imme hana kati ubuki uye iri mum.⁴⁴Ka nya una katuma ka Asere udanga me, umm be sa Musa mabuki we unnu guna wuzi ini.⁴⁵Ba unu me ma tunguno ubo anabu imum me vat. Abini ani Yeso ma diri ace usuro a nipin. Ma dusa maka cukuno a manyanga ma huu im bikki cas barki anu wa nyarai me.

¹Uganiya sa Yesu ma ze usuro u capernaum a tiye chingiling, a nu a hirame wa kunna agi ma ra a kura.²Anu wa orno gbardan uka biki a natuhumme. Yesu ma duku zin nu bezizi uwe tize ta sere.³Aye wa eh a hira Yesu me in nu nu koni uwujo uti hira; we wa nazi wani wa hanname wa eh ni.⁴U ganiyame barki ugbardan anu, waha wa pere urufime, wa tuzome a hirame sa yesu ma turini in nu komi me sa ma rarini⁵Sa Yesu ma iri u hem uweme, magun nu nu konime, vena, a kpicowe we usizikime uweme.⁶Are anu rusa wa chiki a hira changi, wa basa amu ruba muweme,⁷Wa gu ane ni unu ugeme ma boo tize anu anime fee. in gusa Ugomo Asere mani cas ma kpijo usizikime wa noo.⁸Dibedibesi, Yesu sa ma rusa imumbe sa wazin nu basame a muruba muweme, ma gun we, nyanini izin nu basa me a muruba mushime?⁹Nyanini i teki in nu zati u zito, agun nu nu konime, a kpichowe usizikime uweme, nani agu hira zika ukomi uweme udusa?¹⁰Rusa changi unu koni, vana wa Asere mazin ni kara nu kpijo usizizime wa nabu.¹¹Magunan hu, hira zika upenge uweme udusa akura a weme.¹²Ma dusa ma hiri dibedibe, maziki upengeme, ma surij akurame ma dusa a ame akurame aje anabu vat.¹³Yesu ma kiri ma dusa, upuri uwah anume wa eh vat a hirame, agi ma beziziwe urusa Asere.¹⁴Sa mazin nu aka, ma iri uru lawiyawa vana u Alpheus, sa ma chiki ahira unu kapsa Ikirfi ima nyanga, magumme "Tarsam" ma hiri ma tarsime.¹⁵Sa Yesu mazin nu re imumare a kura an levime, Anu kapsa Ikirfi ima nyanga, nan nanu amu riba mu facak wazin na reme upata anu tara umeme ukirau in wa re. anu gbarda wa tungunu tarsa ume.¹⁶Sa anu Nyerte a Farisawa wa iri Yesu unu ri mumare nan nanu amu riba mu facak, anu kapsa Ikirfi ima nyanga, wagu, nyanini ya wuna mazin nari mumare nan wee.¹⁷Sa Yesu ma kunna, magunwe, an debe sa wazin ahuma pum wada nyarawe unu kaba, anu koni wani cas wa nyara anu ka. in da ma eh u nyara ana mu riba muririba ana mu riba mu facak wani ma aye u nyara uwe.¹⁸Anu tarsa u Yuhana nan nanu tarsa a Farisawa wazin inu hiri sarku rimumare. Wa eh, wa gumme, "Nyanini" ya wuna anu tarsa u Yuhana nom na nu tarsa a Farisawa waka wa hiri sarki uremumu?¹⁹Yesu ma gunwe, "Anu eze a hira nyah wadake wa hiri sarki ure imumu uneh usome ma da nan we, inka une usome mada nan we, wadake we hiri sarki urimumba.²⁰Tire tiye tidi eh sa adi ziki uneh usoo me a hira ashi. A nyimo atiye tiginome, wadi hiri sarki ire imum.²¹Unu mazoni sa madi ziki kutira ma duzi udibi ukuzi, ingi awuna anime kutirane kudi janika ani pum ni ukuzime, anime adi kem ujanika uzenzeng.²²Uye mada ke ma wu ubere uso, uwa ubere ukuzuba, inge ma wuna anime, u wa ubereme udi tusa har adiri ubereme, nan nu wa ubereme sa awu ubereme a nyumo uwa uso ubereme.²³Innu wui usabat, Yesu ma ha uru idawa, nan nanu tarsa umeme ukirau ware wazin nu suzo idawa bati wa ri.²⁴A Farisawame wa gume "ira, nyanini ya wuna wazin nu wuza imum sa ada wuzame rono a sabar baa.²⁵Ma gun we, "Dagi ya kunna imum sa Dawuda nan na nume sa wuzi nan me wawu sa ikomo ya hume ba?²⁶Indabe sama ha akura Ugomo Asere sa Abiathar mazi unu dang mari u biredi ugebe sa unu dang wa sere mani madake mari ma nyanki ande sa wazi nanme baa.²⁷Yesu magu "ba barka uwui wa sabar barki anu mani daki anabu barki uwui wa sabar ba.²⁸Ane ani, mi vana Asere mani Asere. a roni a sabar."

¹Yesu ma ku ma kuri a nyumo u denge sa uni gura, uye sa tare ta wano maa rani abnyumome.²wa zi unu nyasra kuna sa wadi meki me unu caran unu wui wa sabath.³Yesu ma buki una tare sa ta wano ma hiri ma tunno a ti anu.⁴Ma buki a nabu "Irizi unu ma wuzi ka tuma ka ririn nan ka bur unu wui wa sasbath mee; u buri unu nan u humee" wa ciki tik.⁵Ma gamirka ma iri we ma puru a bit barku ugbas umu riba muwe mee, ma gunmee witi Yesu ma meki tari tu numee ti dusa ti ti huma.⁶Daki dadankino ma Farisiyawa na ma Herodiyawa wa suri ama tara waka wuza ti chukum wa tiri ti nyo agi wa hu mee.⁷Yesu ma ziki a hana a tami tume mee wa dusa u hana uraba dangi.⁸Anu Gallilee nai nu Judiya wa tarsi gbardan. Anu Jerusalem, Iduniya ana ma tara mu Jodan nan ti kira tu teira wanu Sidon gbardan sa wa kunna imum me sa ma zinowuza me wa e.⁹Ma buki a hana a tanu tume mee wa nyarme ku zuki ku mei barki u gbardan wa nu kati wa humee.¹⁰Sa ma humzan na nu gbardan, barki anime ana ti koni gbardan wa meki u sonsiace bati wa dari mee.¹¹Ingi ani ibe i amemee ma so, "wa guse ho mani vana Asere".¹²Ma bussurka we kati anu wa rusume.¹³Ma nyene asesari ani po ma titi an de sa ma nyara wa e wa kem me.¹⁴Ma zanka ana kirau inwa re (andee sa ma nya we ni za Adura) bati wa chukuno nan me ma kur ma tunzi we wa ka bizi anu tize ta sere.¹⁵Nan ni kara mu suzo agbargene.¹⁶Ma zauka anu kirau inwa re: Simon de sa ma nyame ni za Bitrus¹⁷Yakubu u sam u Zebedee nan Yohana u nanu u Yakubu (ma nya we ni zo buwanajis wati a hana u tusa Asere);¹⁸Nan Andrawus, Filip, Batalomi, Matiyu, Toma Yakubu u sam wa Alfarsus, Tadawus, Simon u Zailot.¹⁹Nan Yahuda Iskarioti de sa madi zizime.²⁰Sa ma kuro a kura anu wa gurna gbardan nan wa iri me, wa diri ace are imumare.²¹Ana kura awe me sa wa kuna age iriba imeme izo nan me wa suri uguma waka burame.²²Anu rusa sawa suri u Jerusalem wa gu mazin ibibe ba gbargene.²³Yesu ma titiwe a hira ame ma bukuwe tize ani hunzi; Adi wu aneni u gbargenee.²⁴Inge ana ma nyanga wa hara ace awe ma nyanga me ma rizo.²⁵Inge ana kura wa hara ace awe, a kura me a rizo.²⁶Tuge u gbargeme ma garte ani ce nume ibinani ime ya aye.²⁷Unu mada kee ma riba akura una ni kura ma cuzi tinanga tu na nikara sarki u tirza umee.²⁸Ka dundura ma buka shi vat u rizizo wanu adi parkumen uni vat nan nu chara sa wa charsan.²⁹Vat de sa ma chara bi be biririn ba Asere ada cheke meba.³⁰Yesu ma buku we aniwe barki su wa gu mazin in bibe bi zenze.³¹A ino umeme nan anu henu meme wa e wa tunno ama tara, wa tumi aye atitime.³²Anu sa wa kete me gbem wa gun me a ino uweme nan anu heme henu uweme wa turi a ma tari a ma tara wa nyara u ira uwe.³³Ma kabirka ka we unu ikko, aka veni anka ino um nan anu henu um.³⁴Ma venki aje ma iri an de sa wa kete ma gu wewani anka ino nan anu henu umeme.³⁵Barki anime an de sa wa tarsa ti ze ta sere wewa ni hanu enu am nan aka ino am.

¹Mari aje ino bezizi anome tize ta Asere ani winme, ma ribee Ujerusalem ma chukuno anabu uwara nikyerainge maniwii.²Mare aje tibe yau, maze inu buu maguwe itilem tilem maguwe ana.³Kunna nii u na tibira masuri atibira?⁴Samabira ire esana iresa una ignyin eyitingi.⁵Ire isaname yarizo adezi upanbara inka uwui wa tusa idusa iwa.⁶Sa uwi watusa idusa awa.⁷Ire ya rizi, ire kana ikame ahiri inpime daki yawuna uhoba.⁸Ire ya rizi adizi ariri inya biho akuro atataru ire akuro ta tasi ire aino aino.⁹Anu ati anatitui tu kunna me na wa kunna wa wuzi katuma neinni imumume sawa kunna.¹⁰Uganiya sa Yesu ma ciki nana a hana kadura ka meme anu kirau in kare ukasume wa iki me nyanini imumu ibiyau bi sa mazi ni bo iru.¹¹Shime ma hiri shi iboke shi imumbesa ira Asesere i sa wa zome nan shi ba sa dai ma buka.¹²Wa di hiri a wada ira ini? wadi kunna e wa wadi caki imumbesa wa kunna¹³Ma gwawe indaki ya kunna imumbesa mabuka shi ba ide wa aneni iri Asere.¹⁴Unu cobo isana igenneme tize ta Asere tini barki ini mumbesa abeziwe inime.¹⁵Aye wazi kasi i sana ya rinzo una barki wakunna tize ta Asere dibe wazowe ina bangu iveteme niba.¹⁶Anabu wazi kaniya isanasa ya rizo upambara inka uwui wa tusa inki we vati.¹⁷Wazi kasi andebesa wa kaba tize ta Asere wenno iri mumu ya hira ibiyau wa zome inna bangu zetiminiba.¹⁸Isanasa ya rizi ikanu ineini anabu sa wakunna tize ta Asereme.¹⁹Adezusa a cere anu ine eni ya unni geme na nu una urunta wa kati anabu ukunna u tize ta Asereme.²⁰Kasi andebesa wa kabi tize ta Asere we wani kasi isana sa yarizo adizariri wa niza iburi irir ire kuro ataru ire aguro utasi ire mi ino.²¹Yesu ma bukiwe innu guna adatawu ura upitila a inpi ine gira nani aka a inpi ini so ene a masama e.²²Indaki ire imumu irani sa izi mubunzi sa daki inki tasi ini ba anu haze ushi tire tize.²³Vati anatitui tu unna na makuna da besa daki ma kunna ba ade ame.²⁴Mkuri mabukawe inoguna imu dusa wa guta me une uni, uni adegutuwen harma atinkuweni.²⁵Desa mazini adi kinkimeni da sa ma zo mani ade kabi a cheki enime.²⁶Yesu ma reje ini gusa tize ta Asere tize kaniya unu wuza otibira uru umeme.²⁷Amori ahiri unu ugenome mada urusame indabesa aru uru uzi ba har asani usanna ahira.²⁸Adizi ata anya bisana biriri gusi iriri ma e inyanice iriri sa adi irin nini me merun.²⁹Uganiya sa ya hina maka ma imumu uwesi maka barki ya hina.³⁰Yesu ma buki madi bezuwe anabu aneni barki watinka nani ma bezuwe uya anu rusa sa wada rusa ba.³¹Wazi kasi isana icicinci sa una tibira ma ha maka bira uru uwu iriri.³²Akabiri ini iki isuri hari iwu ure memerun ulambume.³³Yesu ma reje inu bo uwe tasi timumu gbardan sa ma bezuzu we tene barki kati wa perkeme ba.³⁴Madaki beziziwe inka mazi nan na hana akatuma ka meme wa daki wa cukuno wa zi vati ani gino makama ma bukuwe vati imumbesa ize.³⁵Uru uwui ma gu ahana akatuma kameme tarini ti kafani uhuru utekume.³⁶Wa dusa wa hiri wa dibe ugirgime wadusa uhana uhuru ugino nan mare ma jirgi.³⁷Ukpebu udandang wa uhiri udari ukeme u e mei u winca u jirgi me ama rari wa gwame buka tize ma dusa ma buki tize na nu kpebu me utonno.³⁸Yesu mararume imumu ime unu nyetike ihori u urdu uceki duru tiwui.³⁹Sama zuma ma barka ukpebu me magu a une tunno ukpebu udusa utonno rik.⁴⁰Ma gwewe nyanini yawuna izindiyau inda ki ya kaba tize ta Asere ba?⁴¹Ahana akatuma ta meme aveni ma bari uguna ma karti me ma nyanga ma gene.

¹Sa wa kafa uhuru uraba udang anyimo ama nyanga magasinawa.²Sa ma tuno a nyimo ujirgi me uru nu una gbergene abit sa ma ciki ahira amucau ma e ma kem Yeso.³Ma dusa ma kurzo yeso ni agi ahira mucau muni ahira aticukum ti meme, barki anime unu tirza umeme ma zoni.⁴Barki amu tirza me in tizini ma tazi tini tiyorso unu rusa utirza umeme ma zoni.⁵Ahira amucau acukuno gusi akura ameme niye nan wuyi sarki uhirsa.⁶Sa ma ira Yeso ma aze madusa ma ka rizo aje ameme.⁷Ma dusa ma wu uhunu magu, "nyanini indi wuzi Yesu, vanaa asere una ninonzo mapata nan na asere. kati gidim.⁸Ba yesu magu "suro ani pum ni nu ugeme hu bibe bizenze"⁹Yesu ma iki me niza ni weme aveni, ma kabirka magu"na za nim gbem barki ti ori.¹⁰Magun Yesu nyara kati Yesu ma gidi me a manya ma meme ba.¹¹Ahira me nigo ni maladu nazi unu kase unu nyara imum yare azeser upana.¹²Agbergene wa iki Yesu wa gu" tuburko duru anyimo amaladu tika ribe anyimo awe".¹³Madusa ma hem unu iko wa agbergene abit me, wa dusa wa suri inti sum sum wa ka ribe anyimo amaladu akuro ukirau, wa dusa wa rizo anyimo uraba udang, mei ma dusa ma ziki we.¹⁴Abini me anu me sa wazi unu kasen imaladu me wa dusa unu sum uhana anyimo anipim nan nagiro waka buka imum me sa wa ira. Anu gwardang wa suri wa ha ahira me bati wa ka ira imum me sa Yesu ma wuza.¹⁵Sa wa aye ahira Yesu me wa iri una agberne agino me sa ma zi maciki a dizi maaduku soki turunga ti riri ani pum ni meme sa wa ira wa dusa wa kunna biyau.¹⁶Andesa wa e wa iri imum me sa ya kem unu agbergene agino me ma buki we imum me vat sa ya kem me nan maladu me.¹⁷Wadusa wa gun desa mazin inna gbergene me, ma ceki we manyanga.¹⁸Sa yesu mazi unu ribe ujirgi umei una agbergene me magu madi tarsi me.¹⁹Yesu daki ma hem ma dusa nan me ba, magun me"dusa akura ashi me ahira anu aweme uka buka imum me sa ugomo Asere ma wuza we.²⁰Ba ma dusa unu boo timumum ti dangdang me sa Yesu ma wuza me a nyimo Udikafolis, anu wa kunna biyau vat desa ma kunna.²¹Sa Yesu ma kafa unuhuru uraba udang anyimo ukwale kwale ni'ori na nu gbardang ni e ni kem me sa ma raa ani kira nuraba me.²²ure una katuma anyimo udenge unigura nahana Asere una niza Yayirus sa ma ira Yesu, ma dusa ma tunguno ina ruu aje ameme.²³Ma vovi tari ahira me ma gun yesu"kusu ucaa um mada zo me uhuma, ma aye mamu iwono, aye tara tari tiwe me ani ce ni meme bati ma huma.²⁴Madusa nigome nan me, ni'ori nanu gbardang unu tarsa ume unu haza mamu nan me.²⁵Ure une maka aye sa ma ziki tiwe ukirau nan tini re unu kpongizo uma ye.²⁶Ma tarsi ana tika gbardang, ma hu vat imum me sa ma zini, daki ma huma. imum me isabi ikingizi.²⁷Sa ma kunna abanga Yesu. Madusa ma tarsi me adumo sa mazin intanu, madusa ma dari udibi Yesu.²⁸Ma buki anyimo iriba imeme, "inki ma dara udibi uyesu indidi huma".²⁹Sa ma dara udibi me ukpogizo umaye me udusa utonno, ma kunna ani pum nimeme ma huma ma venke ini jasi imeme.³⁰Yesu kunna nikara na suro ani pum nimeme. Ma dusa ma gamirka ma iki ni'ori nanu me magu "aveni ma dara udibi um"?³¹Ba anu tarsa umeme wagu"wa ira ni'ori na nabu na aka upuru uwe, iduku gu"aveni ma dara we"?³²Yesu madusa ma gunkuno bati ma iri desa ma dara me.³³Uneme sa ma rusi imum me sa ya kem me, madusa unu kira imbiyau. Madusa ma e ma rizi aje Yesu ma buki me kadure me.³⁴Madusa ma gun me"uca um nihem ni weme na benki we wa huma. Dusa anyimo iriba irum wa huma.³⁵Sa ma raa anyimo atize are ana katuma udenge ubirigira, wagu"uca uwe me mamu wono. nyanini ya wuna daki wa kini ba?³⁶Sa Yesu ma kunna imum sa wazi unu boo me, nan ana akatuma udenge ubi unigura,"kati i kunna biyau, hem ni shi".³⁷Daki ma ceki uye ma tarsi me ba an Bitrus, Yakubu nan Yohana uhenu Yakubu cas ma hem wa tarsi me.³⁸Sa wa aye akura una katuma udenge uni gura ma e ma kem anu wazin tiso nan tihunu.³⁹Sa ma ribe akura me, ba ma iki we "nyanini ya wuna iriba ishi me ya corno me nyanini ya wuna izin ti soo me? vanaa me daki ma wono ba, moro mani mazini".⁴⁰Ba ma dusa mazunzuka, ma suso anu me vat amatara, ma ziki aco nan ka a'ino nan an desa wazi nigo me nan me, wa ha ahira sa uca me marari ni.⁴¹Ma yeze tari tikubura me ma gu me "Talitha koum" sa igusa kubura, ma gunan hu hira"⁴²Kubura ku dusa ku hiri ku tubi tanu [tiwe timeme tazi ukirau in tini tire]. Anu wa dusa wa kunna biyau.⁴³Madusa hunguko we titui kati wa buki uye ba. Ba ma gu me imum yare mari.

¹Yesu ma suri abini me ma ribe a nyimo atibuba timeme.²Rono Asesere me a eh, ma bezi we tize a nyimo a hira ugursuna. Anabu gwardan sa wazi un nu kunna ume biyau ba meki we. Wa gu, a bani ma kem tize tigeme? uyaya urusa ugamara utize tinit Asere a nya me? Abani makem imum ibi yau i genne me ni.³Ugo me mani unu aso, vana u maryamu nan uhenu u yakubu nan yosisnan yahuda nan siman? ingo tizi ni go me nan na henu a a eh ameme? wonno wa kunna iriba in Yesu.⁴Yesu ma buki we "udura ma zome me in nin non zo ni rini a kura nan a nyimo anu ameme nan na henu ameme ba.⁵Sa ma wuzi katuma ka dandan a bini me ba ma wu tari Asesere a nu chingilin wa huma.⁶Uzatu kaba tize me wa wu ma kunna sas. mari aje unnu kese a nyimo agiro a we me in tize ta sere.⁷Matiti anu kirau inna re matumi we wa rere ma nya we nikara Asesere nu bengizi.⁸Makuri ma kati we uzika ire imum ban ubina cas. kati waziki ubiredi ubakara, u nyara kirfi a nyimo ittino ba.⁹Senke ya soki ma kwatak, kati wa ziki madibi mare ba.¹⁰Magu "in ka ya ribo a kura, cukunoni ingi uganiya udusa" wa ayei.¹¹Inka da akaba shi ahira, wa nyari kunna ushi in ka idi cheki a hira me, kuburkani ususuru utishi me, barki i chukono imummu ubezi.¹²Wa suri wa buki anabu wa cheki imum ima dini.¹³Wa gidi a gbergenu gwardan wa kuri wa zemka a nu mei wa nya ana ti koni ni huma.¹⁴Ugomo Hiridus ma kunna nizi ni Yesu na hana piit. Aye wa gusi Yohana unu uzoibo anabu ma hiri a nyimo anu imono barki ani, mazinne wuza imum ibi yau.¹⁵Aye wa gu, me Iliya mani aye udura Asere mazigu uye a nyimo a na dura ka Asere ka dati.¹⁶Sa Hiridus ma kunna agi Yohana sa makari niche ni me meh, ma hiri.¹⁷Barki matuma a meki Yohana a korso meh ahira ani rere, barki Hirudiya uney u henu unemeh Filibus; barki ma wuzi a nya nan me.¹⁸Yohana ma buki Hiridus "idariziba u ziki uney u hana uwe meh.¹⁹Hiriduya ma inki Yohana ni barda barki ma hu meh, da ma rusi ba.²⁰Hiridus ma kunna biyau bi Yohana, ma rusi ma zi inbi yau ba sere mazi lau. Hiridus ma nyari kati adari meh ba. Sa mah kunna tize ta sere a nyo a Yohana tize me ta chari me iri ba, vat ani me ma kunna urunta utize me.²¹Sa uwui wa biki Hiriduya ma nyari uganiya utita anabuh. Rono uniza ni Hiridus mah titi a nuh adanda ari imumare ana katuma ka ti soja nan nuh aje u Galilee.²²Ucha u Hiridiya ma wuzi morso, Hiridus nan agenu me wakuna urunta kang. Ogomo ma gu unnu cha me, vat imum sa uyara innya we.²³Ma toniko, vat imum sa wa iko in di nya we vat nan u watu uma nyaga mam.²⁴Masuri maka gona me nya nini indi iki? A ino magu niche ni Yohana unu uzorso anu tarsa u Yesu.²⁵Ma kuri debe a nyimo ahira anabuh me, makem ugomo magu in me in yara a nyam a-a na me, Asesere a hira zalang, niche ni Yohana una uzorso anuh bi.²⁶Ugomo ma kunna iriba barki tize ti tuba me nan na genu, da ma rushi u nyari me ba.²⁷Ugomo ma tumi usoja a nyimo ana katuma ka memeh me eh inni che ni Yohana; monno ma ha maka kara niche me ayimo ani reremeh.²⁸Ma eh inni che me, a nyimo imum ihuma ma nya ucha me, ucha ma ziki ma nya a inome.²⁹Anu tarsa Yesu wa kunna, wonno wa eh wa ziki ikizi me waka vati a nyimo mu chau.³⁰Adara wa gurna a hiri Yesu, wa buki vat imum sa wa wuzi.³¹Magu inweh, "aye ni a nyi mo ani jaa i venke chinilin. anu gwardan wa ehzi. Wa kursi wa ga we u kunna runta, nanni ganiya are imum are.³²Wa dusa a nyimo u jirgi umei a hira atik.³³Anuh gwardan wa iri nwe wa rusu we wa sumi in ti buna a nyime a nabuh, wa agiza weh.³⁴Sa ma biki upuru uni goba me Yesu ma iri ni gubiri na nuh, monno ma kunna ugogoni barki wa zi gu itam sarki unni boh uwe tize ta sere meh gwardan.³⁵Sa uganiya wa ha piit a nutarsa umemeh wa kem me wa gu "a hira a geme a wuna ni jaa nan u ganiya wa aka.³⁶matumi weh waribe a nyimo ani pin nan morobo meh, wa kpi in imum wa ri.³⁷Ma karbika ma guh in weh "Shi nya we iri imum wari" wa buki ti da ke ti ha tikakpa imum ya re ikirfi a ino a kur are ti nya we wari?³⁸Ma gu in weh ubiredi uhono uni ichanti? ana ika ira. sa wa iri wa gu ana, ma biredi uchibi nan ni chere ini re.³⁹Ma busurka anu vat wa chukuno a dizi tikura Asesere ukpe.⁴⁰Wa chukuno tikura, anu akuru ukirau (100s) nan anu akuru uchibi (50s).⁴¹Sa ma zika ubiredi u chibi me nan ni chere ini re ma ayeze Asesere ma wu biringara ma puri ubiredi me ma anabu meh. wa hari anu ichere ira nee.⁴²Wa ri vat har wa tisi.⁴³Wonno wa ziki ma kasu mu mum ya re me igira ukirau nan mare gwem, nan mu gitu mi chere me.⁴⁴Uganiya me anu akura akuri uchibi (5000) sa wa re.⁴⁵Ayimo uganiya me wu anu tarsa ume me wa ribe ayi mo jirgi umei, wa haki aje uwaru u gino me; u Besaida ma sabi ma ma tumi a nuh me wa dusa.⁴⁶Sa wa dusa monno nyene ani pana ma wu biringara.⁴⁷Unu wunjoro ujirgi umei wa ra a matara ma nigaba meh me mazi insisi meha matara.⁴⁸Ma iri ma rusu wa da kunna tize kang ba barki bigirmo ba kati we. Ayimo atiye me ma ha maka kem we, mazi in tanu Asesere a mei, ma nyari aka uweh.⁴⁹Sa wa iri meh wa gusi nani immoli ini bawa wa wu uhuna.⁵⁰Barki vat wa iri me wa kunna biyau, a nyimo uganiya me, ma gu in weh. Wuna ni iri ba ihu! mi mani kati ikunna biyau ba.⁵¹Ma ribe a nyimo ujirgi umei ba nipupuru ni tonno, wonno wa kunna biyau a meh.⁵²Sa wa kunna abanga ubiredi me, iri bi iwe me i wushew.⁵³Sa wa kafa, wa biki a mayanga mu Genesarat, a nyimo ijirgi umei meh.⁵⁴Sa wa suri a nyimo a ugirgi umeime, anuh wa rusu Yesu meh.⁵⁵Anuh wa ribe a nyimo a ma nyanga vat, wa hazin na anati koni wa en a hira meme. vat a hira sa wa kunna ma hazin.⁵⁶Vat a hira sa ma ribe a arobo me ani pin pin nan mayanga me; wa ziki ana ti koni a makasuwa, wa tiri tari barki ma dari wa u nyara udara uwatu u dibi umemeh vat, vat ana ge sa wa duri udibi wa huma.

¹Afarisawa wa e anu nyetike i hori imumsa wa e a Yesu wasuri Urushelima wa e urunu a Yesu me.²Wa ti ka inu guna are ahana a kadura ka meme waze inare imumu yare sareke ukpicu utare, barke utanda uwe wa Yahudawa, inke uno maze uru, nanitanu nani ahira tijamani madake mare imumu ini me ba sai makpico iso na iharu menanu ulaidayi me upatu utari tumeme maduku rimumare.³We Afisawa nanu kasu ayahudawa indaki wazi warize imumu yare sarki ukpico utareba barki utanda uwe wananu awe me.⁴Utanda uwe me inka waze usuro atanu nani ahira tijamani unume makama zuri ma kpico tare muharu nan muso ulaidayi indaki a kura unume mazoro tihihira timeme lau ma dukuri imumu yare.⁵A Yahudawa anu nyatike ihori i Musa we wani wazi Yesume wa iki inuguna aneni ahana kadura kawame wazome inu tarsa utanda wananu ashimeba wanu ware imumu yare intari.⁶Monno ma kabirkawe maguwe ane ani Ishaya mabuki tize inu guna shime izi muruba mubit shi wono igusa aki tarsa tize ta Asere eni me mucumani izini no wasa me ikirze tarsa utize tum.⁷Izee wuza eni sarke uguna indake imumusa indake ma tarsi tishime eze tarsa utanda wana abu ino gunasa agi wasiri.⁸Ya ceki imumbesa agoshi iwozi shibe izi inuweza yanabu.⁹Munu magu awe eni me ane ani ya ceki imumsa Ugomo Asere magu awozume eni shiwono izi shi be ezi ino utanda.¹⁰Musa magu kati izogi aco uweme nan kaino uweme ba desa mawuza enime aduhume.¹¹Kaniya iceki aco ushime aka anu ashime imumu ikaye wazi enime vat imumbe yaze idikem amu aye aze eni.¹²Anime ani ya karti me ma benki aco me nan ka inome.¹³Enime ya gusi tize ta Asere iza ini mumu ini ba barki atanda ani ize inu bezizi ahana ashime ene eni izinnu wuza timumu timadini.¹⁴Yesu be makurzi sake utita anabu magu awe kunanimime ikuri irusi mimeru kuma kai.¹⁵Imumusa yaribe a puronu amatara indaki ineini ya cara kuma madiniba ahira Asere imumusayesuro anyo unu ineeni madinime ma dandang ahira Asere.¹⁶Vati da sa mazi intutui kini makunna.¹⁷Madusa maribe akura ahana akatuma kameme wa wuzi u ukon inu guna nyanini imumubesa wa buka enime.¹⁸Mabuka awe inu guna indaki irusa inu guna imumusa yaribe apuru unobu inze ine eni idaki ene eni madini ba.¹⁹Aguna imumu yaribe anyu iriba nabu ine yakuri ya suro ine apuru nome Yesu muno magu iza ine ini madinimeba.²⁰Mano marege mabuki imumbesa yasuro apuromo ine eni yake icukuno madini munu.²¹Ayemu irebe unovu abini ani akazi ubasu tize ta Asere a iriba unobu kasi mikara uchara umadini uhuza anabu akenzi ayeme iri imumu.²²Okolomo katuma ka zenzen uhem ache ureme ibabana unyarume uni henu ukuna urunta udara umeme.²³Vati timumu tiginome tisuso a hira iruba inu vat tekati cera unu meni.²⁴Madusa ma heri ma ribe ma akura sadaki manyari arusuba Tarya, u Sidon barki kati anu wa ruse ba inime anu wa ruse.²⁵Uru uni sama invana uce sama unu koni uzenze sa ma kunna abanga Yesume mawu masi maka rizo atibuna.²⁶Eni me u Bahiliniya mani maze ageme u Finikiya a Yome a Yeh Yemo Mayega masuri maha maka tirame tari masusome abergeme avaname.²⁷Yesu ma gwa we cekinime ahana wari indaki ya wuna riba akabi mumu mare ya hana anya ani iwoci.²⁸Kuma unume ma kabirka ma buu anenime ani unu yataki iharo iwuci inke yare mumu yare ake tizi adizi utu buru.²⁹Magu ame barki tize tigeme sawa buka teni dusa akura agirome waceki anu wuza me.³⁰Madusa makori akura makyem vana me ma ribe wakem a bergeneme wa chekime wa mahuma.³¹Ma Yesu ma dusa ma ceke ahira me Tarya madusa uhana u Sodom ma eni wani dandang uGalili aname ma e atari tipem tinu kawe.³²Wa e ame inu ture madaki mabari tizeba wa tarime tari akema tarsu me mahuma me.³³Mhu kume akira madusa madere me utun sa bibame sa ma dusa madari me melem.³⁴Ma yiziniche ma heri Asere madusa magu ame "Ephatha" eni ene "poko!".³⁵Sa abuka enime madusa makem titui tumeme ta pokino imumusa ya trezeze me nilenme nume ya cekime ma dusa ukuno tize.³⁶Mabuka awe inu guna katu uwe bizi ayeba sa ma kunna wa kati ubenki ubuka we ba wa ri age inu hunume.³⁷Vati mumbesa ma wuza iriri ini mazino kunna tize aruhu unu ahira uhira.

¹Ayimu tiye, ti gino ni orin na nabu gwardan, wa diri imum ya re vana Asere ma gun we.²Inzin nu basa ababga ani ori me. barki wa re aje inti cukun na mi. tiye ti taru sarki are imimare.³In gi ma tuburko we uhana tikura tuweme sarka are imimare wadi sizizime una. Barki aye awe me, wasuri atina ti piit.⁴Ahana katuma kameme wa kabirkame, "Abani tidi kem ubiredi ni gwarda ayimo ani ja nigeme ti nya ana geme wa ri wa tii?⁵Ma iki we, "ubiredi ni uhono uni izini? wa gume unu "sunare".⁶Munno ma gun ni ori na nume wa cukuno adizi. Ma ziki ubiredi unu sunareme, ma wu, biringara ma pusi ubiredime ma hari we⁷Wa kuri wa contikucere cinginlin, ma kuri mawuwe biringara maguwe harani iri.⁸Wano wa re wa tii. wano wa orso ukasu me sawa re wa ceki ukaso me ma myinca mu gira munu sunare.⁹Wa zi ahana ruma, anuakuru sunare. vana Asere ma tuburko. we wa dusa.¹⁰Vana Asere ma ribi ayimo uzirgi uwei nan na hana katuma kameme wa ribe ayimo ni kiri nu Dalmanutha.¹¹Afarisiyawa wa suru wa tunguno ama tara na me. Wano wa susu me iri mum Asesere, wa mansame wa iri.¹²Ma gunkuno ayimo urusa umeme, ma gu we, nyanini ya wuna ana geme wa nyara irimum kadura kani ma bukashi ada nyame ana geme bihori ba.¹³Madusa ma cekiwe, ma kuri ma ribe uzirgi umei ma kuri anikira nu kure nini win me.¹⁴Ahana akatuma kameme wa perkewa uzika ukasu ubiredime ahira ameme wa zowe ure ba su ubirede u inde.¹⁵Ma nyawe ma duku gun we hira na hira i haki ihiri uyeast wanu Farisiyawa nan wa nu Herod¹⁶A hana aka tuma komeme wa hira a cece "wa gu barki sa wa zin unu biredi".¹⁷Yesu Asere maru sin ani me, ma gunwe, "nyanini ya wuna iziru basa abanga uzatu ubiredi? daki yanu iri ba" daki yamu rusa ba? mu riba mushime ma wanoo?¹⁸Izin na je ida [hira shi ba? izin tutoi inda kuna shiba, inda Ringizishi?¹⁹Uganiya sa ma pusi mabiredi manu cibi in hari anu akuru cibi, ya ziki mugira mu ma gitu me mu hono muni? wa kabarkame wa gu munu kirau in munu mu re.²⁰Sa ma pusi mabiredi manu suna mare anyimo akuri anazi, mu gira sa ma nyinca mu hono muniya ziki? wa kabirka me wa gu, munu sunare.²¹Ma gun, da da yamu rusaba?²²Wa eh ani pin nu ubethsaida. Ana ni pin me wa eh me unu rubo wa gun Yesu ma dari me.²³Yesu ma meki tari tu rubu me, ma surin me akamaru kani pin. sa ma tufo me tobi aje ma tari, tari aje me, ma ikime "wa ira iri imum?²⁴Urubo ma yeze aje Asesere magu "ma ira anu. wa zi kasi matiti ma tanu.²⁵Ma kar ma tara me tari ajeme urubo ma poki ajeme. uhiri umeme udusa uze, ma tunguno uhira u kondi nyani memerun.²⁶Yesu ma kurzo me akura, ma gunme, "ka ti uribe ani pinbe".²⁷Ma gun unu uneh, na tubi a nya ahana imimare wari. ida rizi me ba aziki ubiredi na hana areki a nyimo i wuci ba.²⁸Une makarbirkame magu aye acu, iwuci indi cukuno ana dizi utabur wa ri ukasu imimare ya hana.²⁹Ma kudu ma gun unu neh me, barki sa wa buka ani, dusa bibe bi bur basuru aca uweme."³⁰Une makuri ahira ahana akura maka kem vana ma rari ukomi. bibe bibur kasuru.³¹Makuri masuri ani pin nu utypre ma eh usidon uraba u Galilee ani kira nu Decapolus.³²Wa ka aye me unu turi sa ma da kuna tizeba. wa gun Yesu ma tari me tari tumeme.³³Mazikime uhana anikiri na nabu, ma soki me nibo ni a nyimo intuime ma tufime tobi ma dari ni lem me.³⁴Ma heze aje Asesere, ma gume. poko!³⁵Yesu Mapoki utuime, ma kuna.³⁶I binani urai umeme.³⁷Ayimo Uganiya me imum be ya ira anilem me ya dusa. ma tunguno ubootize akuna.³⁸De sa ma kuna mue mu boo utize tum uganita uzatu u imbizo uni henu nan uganiya uwuza uti mumu tizezen, Vana unubu ma di kuna mu mue mu rusa ume, ugana sa ma aye akura Asere nan ibe riri.

¹Yesu ma gun we "kadudure kani ma buka, aye ashi me sa wa turi abame wada donkino me iwono ba wadi ku iri akura ugomo Asere nan ugwardang umeme.²Sa tiye utasi ta aka Yesu ma zauka Bitrus, Yakubu nan Yohana ma han we uzalan. A hira aginome madusa ma gamirka uzina umeme a hira aweme.³Tirunga ti me me dusa ti cukuno ti rum sa adake abati nan iri mum ba.⁴Wa dusa wa iri Iliya nan Musa wa suro, wa iri we wazi nigo me nan Yesu.⁵Bitrus ma dusa ma poki anyo ma gun Yesu unudungura ya wuna uri ti cukuno abame na ti barka madanga mataru: hu u'inde, Musa cangi u'inde nan Iliya u'inde.⁶Bitrus madusa ma diri imum ibuka. Vat uwe ana nigoo ni Yesu me wa kunna biyau.⁷Ni wiri ni dusa ni korso we. Wa kunna ni myira anyimo aniwiri me ni gusa"vanaa um ma zigene me kunna ni tize time".⁸Daki adodonkino ba, wa dusa daki wa kuri wa ira unu ba, wa iri Yesu mani cas ma turi nan we.⁹Uganiya wa zini utuno usuro uzala me, madusa ma gwarika we kati wa ka buka uye ba imum me sa wa ira ba, sai Vanaa unu bu ma hira usuro iwono.¹⁰Barki anime daki wa ka buka uye ba. wa cukuno ubasa imum acece awe ani cas, iri mum sa wa meki igizo ace aweme "nyanini usuro iwono?"¹¹wa iki me gu nyanini ya wu anu rusa wa buki agiIliya mani madi tubi u aye?¹²Ba ma kabirka ma gun we Iliya ma tubi u'aye barki ma barka timum."Ani nyanini ya wu anyertike agi vanaa unuu madi ribe ijasi"¹³Ba Yesu ma gu Iliya mamu aye, ma e wa wuzi me imum sa ya wu urii, gusi imum me tize tu ugomo asere ta buka ani ce ni meme.¹⁴Sa wa ze a hira ukasu anu tarsa uyesu, wa e wa iri ni'ori na nu gwardan, anu rusa wadi ku zini inmatara acece awe me.¹⁵Sa wa ira Yesu wa dusa wa kunna biyau kan, wa sumi waka kem me.¹⁶Madusa ma iki anu tarsa umeme abanga imum sa wazini matara nan we a hira a nyanini?¹⁷Uye anyimo ani ori ma kabirkame magu unu dungura ma aye unu saam um ahira awe me mazan unu ukuni wa gbergene sa ingi wa hira daki maka rusi tize ba.¹⁸Uganiyasa wa hira uke reki me adizi make matoti gusi desa ma wono ufukum umeki ususo anyo ameme ma meki uyadka ahini madi ku cukuno gagan. Ma vovi anutarsa uweme tari wa suso me ni wa ye wa siziki we.¹⁹Ma dusa ma gun we anu zatu ukuna utize unu maya unu maya uni indi cukuno nan shi aneni indi kunna urunta ushi me aye ni me ahira am.²⁰Wa dusa en invanaa me a hira ameme. Sa ugberge me wa ira Yesu, ma dusa ma reki vanaa me adizi, vanaa me ma dusa ma toti gusi ma wono ufukum unu suso anyo ameme.²¹Yesu ma iki aco avanaa me uganiya sa vanaa ma zika unu koni me? Aco me gu ma ukoni wa tubisi dati ma daza vanaa uneze.²²Vat uganiya sa imum me ya hira iki reki me anyimo ura nani anyimo amei gusi idi hu me. Inki uda ke uwuzi iri mum, kusu benkum kunna ugogoni uru.²³Yesu iki me,"nani udi hem"? vat imum iwuna ini ahira adesa ma hem.²⁴Aco avanaa ma dusa ma kabirka "ma hem benkum unu zati urusa um".²⁵Sa Yesu ma ira ni'ori na gbardan unu sum u aye ahira aweme ba Yesu ma gbarika ugbergene neme ma"hu bibe bi gbas nan bi uzatu ukunna, ma gunna hu suro amatara kini me kati ukuri uribe anyimo ameme ba.²⁶Ma dusa ma wu uhunu ma reki vanaa madi ku suri. vanaa ma toti gusi desa ma wono anu wa tunguno ugusa vanaa me wono.²⁷Yesu ma meki tari ti yeze, vanaa ma dusa ma tonno.²⁸Sa Yesu ma ribe anyimo akura anu tarsa umeme wa e wa kem me nihunzi ya iki "nyanini ya wuna daki haru ta rusa ugberne me ba?"²⁹Yesu ma kabirka ma gu"ugberne madake ma suri sarki birigara ba".³⁰Wa suri wa meki nibaba wa aki Ugalili, Yesu daki nyarsi uye ma rusi sa wa rani ba.³¹Abinime wa cukuno mazi unu dungura anu tarsa umeme ma buki we "adi nya vanna unu atari ta nuu wadi hu me, inki ma wono anyimo tiye ti taru".³²Anu tarsa umeme daki wa rusi imum me sa mazini boo me ba, wadusa wa kunna biyau bi iko ume.³³Anyimo atanu tiwe me sa wa biki Ukafanum. Sa wa ciki anyimo akura, ma iki anu tarsa umeme magu "nyanini iba zina unu gamara me una me"?³⁴Wa cukuno tik daki wa buka imum ba. Tize me sa waa zini, matara mani acece aweme agi aveni unu dang.³⁵Sa ma cukuno ba ma titi anu tarsa umeme ukirau nan ware. Ma gun we vat desa ma nyara ma cukuno unu dang, m adi cukuno una dumo ma kuri ma cukuno urere.³⁶Ma yeze vanaa atii awe me. Ma inta ani kira ni meme ma gu."³⁷Vat desa ma kaba vanaa ugeme anyimo ani za nim ma kaba mi mani, desa ma kabam daki ma kaba mi mani isisi im ba, ma kaba desa ma tumum mani.³⁸Yohana ma gun me unu udungura, ta ira uye unu karsa agbergene in niza ni weme, haru be ta karti me, barki mada tarsa duru ba.³⁹Yesu ma kabirka magu" kati i karti me ba barki vat desa ma wuza katuma ka dangdang anyimo ani za nim mada buka imum izenze ani ce nim ba".⁴⁰Vat desa ma zo me ini shina nan haru ba ma cukuno mazi nigome nan haru.⁴¹Desa ma nya meini masa barki hu wa asere mani ma buka shi mada dira me ba.⁴²Vat desa ma wuna a hanaa acinci ageme wa rizo idi wu ri atiri me unanzu iriri avingi me ani wiin niconco.⁴³Inki tari ti we me wuza we uwuzi imum be sa ida rizi me ba u yori tini. idi teki' akura ati gomo ta sere in tari ti inde ini guna u ribe anyimo ura in tari ̧tire. ura sa uda biso me ba.⁴⁴Ahira izom sa ida wijome ba ada bisome uraa me ba.⁴⁵Inki ubuna uweme u wuza u wuza urizi u yori uni. Idi teki unu rii uribe uvenke aseser unu buna u inde unu guna u ribe u raa in ti buna ti re.⁴⁶Ahira sa izom idi ri we sarki uwijo ada biso me uraa ahira me ba.⁴⁷Inki nije ni we me ni wuza urizi ukari nini idi teki unu rii uribe ahira asere ini je ni inde ini uguna u ribe uraa inna je are.⁴⁸Ahira me sa izom nan ura wadi ri we sarki uwono.⁴⁹Adi vingi anu zati u kunna tize ta Asere anyimo uraa rono u aye ugomo Asere.⁵⁰Muhu mu rizi, inki ma corno me ada ke a barka muni? cukuno nin muhu macece ashi me, wuza nin ticukum ti urunta nan ni henu.

¹Yesu ma ceki ahira aginome ma ha ani kira nu yahudiya ma kuri madusa piit uhana uraba u urdu ni gura na nabu ni kuri ni a hira meme ma zin nu dungura uwe imumbesa maharika u wuzame.²Anu bezurusa wa e ahira ame wa ikime, "nani ya wuna uri u ruma "uruma ma harzina nan nu ne umeme?" wa ilime wa iri ini.³Ma kabirkawe, "ane ni Musa ma inki shi tize?⁴Wa gu Musa ma him vana uruma ma nyertike ihori ama cikime madusa.⁵Yesu magunwe barki ugbas usheni.⁶Usuro utuba Asere a bari vanu ruma nan nu u e.⁷Barki ani me vanu ruma madi kiri a co nan ka ino wapat ina.⁸Wa ware wa cukuno binama bi inde aziguna wa kadza anawari wa cukuno binama bi inde.⁹Vat imumbesa Asere apata unu hara ma zoni.¹⁰Uganiya sa wa ra anyumo akura anu tarsa ume wa kura wa ikime abangame.¹¹Ma gunme, vat desa ma gido une umeme ma huza anya nan uru nee ma wuza madini.¹²Inki vanu e makini uruma ume maka wuza ara nyasas nan ure vanu runa ma wuza madini.¹³Anabuwa en inna hana acincin madarwe anu tarsa Uyesu wa gwari kawe.¹⁴Yesu ma iri ani me ma kunna iriba inwe, ma gun we cekini ahana cincin wa e a hira am, kati ikartuwe ba, akura Ugomo Asere usas-suna uwe uni a nyara.¹⁵Ka dure in boshi, vat de sa da makaba tizee ti ugomo sere kasi vana ucin mada ribe me Asesere.¹⁶Maduku gbemdurko ahana ahabu ameme ma ringir ka we.¹⁷Sa ma tuba tanu, urunu ma sumi mabikime matun guno aje ameme ma iki me "unu dungura nyanini indi wuzi in kim bibeu bu zatu mara?¹⁸Yesu magu "nyanini utisom uni dungara uriri? unu dungura uriri memani Ugoma Asere.¹⁹Urusa uinko tize udida hunawe udida wuza imum imadin udida wuzawe ni kari udida wuzawe ma cuco udida nokuwe unu nya aconanka ino tina nu"²⁰Unume magu "unudugwa vat adodu aginome martarsan ani, ami manyam.²¹Yesu ma irime ma gun me imumu inde ini ya dewe kaziza adodu aweme vat u e utarsum, udikum ani Asesere.²²Sa ma kunna tize tigino nipum niwi me camcam ma kunna gwan-gwan ma suri ma kini ahirame barki me uni mum taritini.²³Yesu ma iri anu tarsa umeme magu idi zinijas inimum maribe Asesere.²⁴Ahana utarsa umeme biyau bimikuwe inni gurang me sa mabuka, Yesu ma kuru ma gun we "idi cukono ini jas unukim maribe Asesere!²⁵Idi cukuno sheu bironkomi biribe ani hara na lira inni guna uni kim ma ribe Asesere.²⁶Innu kunna anime saya kini muruba mu wuwe seke "wagu aveni madikafaa."²⁷" Yesu mahiriwe magu"uhira ushime uwuna imum izoni, vat imum iwuna ini a hira asere.²⁸Bitrus ma gume haru betakini adodu aru ti tar su we.²⁹Yesu madusa ma gume bade sa ma kini, a kura, nihenu, a ino, aco, a hani nani tiru, barki mi nantize tum.³⁰Makabi imum gwardan sa idi tekitimum me sama kini adumo.³¹Anu gwardan sa we wani anu tuba wadi cukuno anu masi za.³²Wara anyimo tuna uhana urshalima yesu mara aje wawuzi imum ibiyau.³³Tiyen ne ti ha za, u'urshalima adi nya vana, unu atiri tanua dadan dam anu rusa u nyetike litize. Wadi in tize ahume.³⁴Wa di wuze me ni basa wa tufzi me tobi wa cobi me wahume, inki wa huname madi hiri anyimo atiye titaru."³⁵Yakubu nan yohanna a hana, a zabadi wa'e ahira ame wagu,"unudungara ti nyara uwu zin dura immumbe sata iko we.³⁶Magunwe"nyanini nyara in wuzi shiri"?³⁷Wagu me kirin duru ti cukuno ani nonzo nowome, unu inde atari tinare uye atinan gure tuweme.³⁸Yesu ma kabarka magurwe"ida rusa shi imum me sa izunu igizome idake isi ijas me san disi? Wak³⁹abirka wadake, Yesu ma kabirikawe rusani ijas me san indisi idi si.⁴⁰Desa madi cukuno atare tinare nan tinan gure da immani indi nya se an de sa anyawe."⁴¹Anu kirau anyimo anutarsa ume sa wa kumna anime. watubi kunzuna umu ruba in yakubu nan yohana.⁴²Yesu matit tuwe magunwe,"irusa anuagebe sawazi agomo aweme wa bezizi anu zatu tarsa asere nikara.⁴³Daki ame ani idi cukuno anyimo ashime. vat desa ma nyara ma cukuno unanu anyume ashime memani madi cukuno urere a nyimo ma ashime.⁴⁴Vat desa ma nyara ma cukuno aje shime, ama cukuno urere.⁴⁵Vana unu ma e uwuza ukatuma ka co me kani, da awuzi meni.⁴⁶Waribe uyariko sa wa suro uyariko ni gome nan ni go namu tarsa ume. a nyimo atanu tuwe me wasusa wagun na nanurru urubo una ni za bartamawa su sammu timawas ma ciki ani kira nuna.⁴⁷Samakuna yesu banazera mani mayezen nigmyirang magu"yesu vana udauda kunna ugogoni um!"⁴⁸Anume vat wa kwadi me, wagun me wana tik makuri mayeze nigmyirang ukure.⁴⁹Yesu matunno magu atitime wa dusa wa tunno wa titime wagu uni ribahu aye.⁵⁰Ma suso udibi ma'hiri matonno ma ha ahira ayeso.⁵¹Yesu ma kabirki me, "nyani ni u nyara in wu zuwe ni?" urubo magu unu rusa in nyara in kin, uhira ahira.⁵²Yesu magu dusa u hem u'wo me wa humman hu."Sama kim u hira ma dusa ma tarsime, wa dusa nigome.

¹Sa wa e mamu nan Urushalima, nan Betafaji, a ubetanya u watu ini po nu zaitun, yesu ma tumi ana wa re ayimo ni go ni meme². magun we hanani aku giro ku ginome aje ashime, unu ribe ushi idi iri kuzenki kutiri, anu hira shi ba i sopi i eni,³. vat de sa ma gunan shi nyanini i wuza anime? i gun me (sakura mani ma nyara, madi kurzoni ingi ma mara.⁴wa dusa waka kem kuzenki kutiri ana tukum akura upuru una wa sopi.⁵A de sa wa ra ahira me wa iki we yanini ya wuna ya sapo kuzenki me? wa buki we imumme sa sakura ma buki.⁶ba wa cheki we wa dusa.⁷Ba wa e yesu in ku zenki me, wa nassa madibi maweme a maro a Luzern me madi ku nyene⁸Anu gwardan wa nasa madibi mawame uname aye waka nyarsa mava mama titi wanasa uname.⁹Ana je nan ana dumo wa yeze amyira wa nonzo de sa ma eze ayimo ni za na asere.¹⁰Nonzoti somo sa ti eze uwatu aco aru Dauda 'Nonzo ogomo asere.¹¹Yesu ma ribe urushalima ma ha uwatu udenge asere. ma gunkuno kodi nyani ahira me. uganiya uwunjoro, masuri madusa ubetanya nan nanu kirau in wa re.¹²Ni ye ni kure, sa wa ze usuro ubetanya, ikomo, imeki me.¹³Ma iri utiti upom piit in mava mariri, maha nani madi ka kem ahana mari, dama kem i muma ahira me ban mava cas, da uganiya iburi ini ba¹⁴. Magu titime," uye mada kuri ure ire imumu ahira aweme," anutarsa ume unuy kunna me.¹⁵Sa waze urushalima, maribe udenge aser, ma kem azinu ziza adodo ahira udenge asere me ma gidiwa, ma gamari tihira tanu ugamara i kirfi na makwanku manu ziza uti mumu ma vingizi.¹⁶Ma karti uzika koyani uwatu udenge asere sa azi unizizame ahira me.¹⁷Ma dunguri we magu," Akura am adi chukuno ahira tize nan asere vat une'? shibe ya kurzo ya kurzo ani mabere ma kari¹⁸. Unu udandan udungara katoma ka asere nan anu nyetike ihori wa kuna imum me sa buki, wa ziki una uguna wadi hume, barki bi yau ziki una uguna wadi hone. barki bi yau wa iri vat adesa waa ra ahira me wahem in yeso iriba iweme¹⁹. ko ya uwunjoro wadi cekki ni pin me.²⁰Sa wa hira ni sisizo, wa iri utiti upom me wa-waa nan ti ji me²¹. Bitrus maringi me magu,"una akura ira' utiti upom me sa wa wu uni anyo wa-waa kpagarak.²²yeso ma kabirka magun we, inko ni iriba ahira asere²³. kadure kani in boshi vat de sa ma inko riba ahira asere mada ke magu unu pana, hira abame uha anyimo a niwin, in daki ma wuza ma, aye ba mahem iri ba imeme idi cukuno anime, asere adiwuzi katuma kameme.²⁴yeso magu mabukashi, vat imum sa ya iko a bi ringara, inkoni iriba idi kem, idi cukuno anime²⁵. ingi idi wu biringara -ivete vat imumme sa uye ma wuna shi, barki acoo ashi me anyimo aseseri ma vete shi meni cangi²⁶in daki ya veteni ba, acoo ashi anyimo aseseri mada vete sheni ba cangi.²⁷Sa wa kuro urishalima, yesu mahazi uribe udenge asere, unu dandang, anu nyetike ihori wa nanu-udenge asere wa e wa kem me.²⁸Wa gun me," unu uya ubari uni uzin katuma ka geme? aveni ma nya we ni kara ni wuza katuma ka geme?²⁹Yesu ma gun we, ca mi, in ikishi changi. ingi yabuka ni mi indi buki shi desa ma nyam ni kara ni wuza ka katuma ka geme³⁰uzurso uyohana, wa seseri uni nani wa annu, uni? kabirkani mi".³¹wa gamirka tize acece aweme wa gu, ingi ta guna aseseri ani- madigu, nyani ya wuna daki ya hem in me ba?³²ingi ta guna ahira unnu ani" wa kuna iyau ya nu, vat wa hem in yohanna una ka tuma ka asere mani. Abini me wa kabirka Yesu wa gu, tida tanduru ba,³³Abini me Yesu ma gun we," mi cangi inda bukashi nani aveni ma nyam nikara ni katuma ba," nani in buki shi in ni kara na veni in zini wuza katuma me"

¹I Yesubma tubi inwe in ze torusa, magu unu nubu mabari imum uru imeme maketi a hirama in matiti ma henzi uwa coco makarsi madini makuri mabari ahira uzu mei urun uma titi, madusa a tanu ta piit.²Imum yanyame matonue anakadura kameme ura ma owawane ore sa makakaba ibru imatitima ma meki vana me watri wahu arume.³Koma wazekime, watirime, wa birko me wa dusa sarki iri mum.⁴Wa sake utumma aye ahira awame una kadura, watri me wakunna me iwowo anice wacekime in mu e.⁵Makuri matumi u ye unu inde ahu, wagumari aye awa me, watiri watiri wahuwatuzi we.⁶Mazi uni inde sa madi tumi, una adimo me ma guana unadumo sa madi tumime, wadi kunna biyau bi meme.⁷Anaka tuma waguana vana uyo ume mazi geme cati hu me ti cati imum ya choo me.⁸Wa meki me wa hu wa vingi me a ni kira ni ru.⁹Nyanini unu ru me, madi wu, madi huzi anu inta uru me, ma nya aye.¹⁰Da ya basa ihori ige me sa, nipo sa anyarime nini, ni neni na cukuna nipo ni tuba uru tini.¹¹Tize uwatu Asere imumu ibiyau a je aru me.¹²Watubi unyarsa umaki Yesu.¹³Wa tuburko ma Farisiyawa wana Hiridiyawa, wa nyarisi me intize.¹⁴Sa wa e, wagumme, unudungara, inzome iri imumbe sa mabizema sizi anime, mazi neziwe nibaba nigome Asere ma nya kaisar imumsa izi kaisa.¹⁵Matinka malim mawa me nyanini i we me wa pattum. unyam imum sa mari ini.¹⁶Wa nya Yesu unu inde, mabukwe, muhenu maveni ma zige me, wa gu muhenu ma kaisar.¹⁷Yesu magu nya kisari imumbe sa izi kisari unya Yesu, imeme nyani imum be sizi ya Asere inyan Asere.¹⁸A Sadukiyawa e ahira a! eme wa debe sa maguna u hira uzoni wa iki me.¹⁹Uni bizizi Musa ma nyetike durin ingi uhenu ma womo maceki unej umeme, sarki vana anyimo uni henu, a uye mazi uneh me bayi mayo vana unu neti unanu me.²⁰Anu sunare anihenu, wazi anya unu ne u inde unu tuba uzika me ma wii, ma ceki me sarki vana.²¹Unu ure ma wii maceki ine me sarki vana unu uku taru cangi ma wii.²²Unu usunare ma wii ma ceki me sarki ahana u aye adumo me une ma wii.²³Romo be sa Ugomo Asere madi e une me madi wa veni.²⁴Yesu magu ine ini ya wuna i carsa abangan, barki uzatu urusa uni kara na Asere.²⁵Rono u zauka anabuu, anya adi zoni, vat uru tidi cukunomana kadura Asere.²⁶Abanga iwono, nanu uhirza ibe daki ya bassani ihori i Musa sa ma nyetike anyimo anijaa unu guna immani Asere Ibrahim, Asere a Ishaku, nan Asere a Yakubu.²⁷An, debe sa Asere mazi Asere a weme anu vengize mani, wazome anu vengize mani wazome u guna aginwe mukizi muni ya hurna shi gbardang.²⁸Uye ma e mazi kunna imum be sa wazi unu boo me, ma iri Yesu makabarka ma iki we, tiye tize yini tiduandang.²⁹Yesu makabirka we tize ti dandang, kunna ni, anu IrailamUgomo Asere azia inde.³⁰Udi tafna nan na Asere, Ugomo Asere vat ini riba iwe me, nanbi be biweme, wa nikara.³¹Tize tu kure, tine tini in taa uroni utura uwe me gusi nice nu we me, ure ukuri uka zoni sa uteki ugeme.³²Unu nyetike, magu, rep unu urusa, ka dura kani Asere azi a inde, ara Asere azo ni.³³Uhem me vat ini riba inde wanu rusa, vat nikara uhem uroni utura gusi ni wome ine ini itaki uni ure, ubonza adodu nan wiro udi roronga.³⁴Sa Yesu ma iri, ukabirka umeme urisi, magun we uzo we piit nan nakura Asere abini ani daki uye makuri ma iki me iri mum.³⁵Yesu mara udenge Asere magi unu boo uwe ti ze ta Asere, vana u Dauda.³⁶Dauda biriri ba gunana, Asere, cukuno atinare tam indi kurzo aroni ishine iwome ati buna tiwome.³⁷Dauda nice ni meme magu una kaba uru "Asere", nyani ya wu a gum me vanu Dauda?, ni ori na nu kunna anyimo iri ba irum.³⁸Yesu unu bezizi haka sake ina nu unyeyike anu unyara uniza uni sansani uni izini we ajira ani gura.³⁹Anu nyara ahira ticukuno ti dandang ati denge ta Asere wanti hira tu tanda.⁴⁰Wadi ribize ati kura ta neti a koro wa kuri wa wusi bi ringara bi joko bati uwuna ugino me imum izenze ini.⁴¹Ba abini me Yesu ma cukuno a nikuri a nyimo udenge Asere, unu hira anu unu rezi ikirfi anyimo ani kuri, anu gbardang wa rezi ikirfi idandang anyimo imumbesa wazini.⁴²Ure ukoro une ma e ma reki anini ana re cas.⁴³Ma titi anu tarsa umeme magu we, kudura ka zigeme imboo shi, imumbe ukoro uweri ugeme, mareki iso igeme iteki ukasu anume.⁴⁴Wa nyaniza anyino ukem uwe, sa wazin, me anyimo udira ume uni, ma nya vat, mum be sa mazi.

¹Uganiya sa Yesu ma suri udenge Asere ure unu tarsa umeme ma gu ma"unu dungara.²ira a poo nan ti kura ti riri ti geme". Yesu ma iki me ma gu ira ti kura ti riri ti geme ada ceke me iri imum ba.³Ma iki Asere uzalang uzaitun upuri udenge Asere ba yakubu, yohana nan Andrawus wa eh wa kem me, wa iki me ni hunzi.⁴Ma iki unu maya uni imum i geme idi eh? wadi wu aneni wa rusi?⁵Yesu ma kabirka we magu"cukuno ni unu rusa kati arangi shi.⁶Aye wadi eh anyimo ani za num, wadi wadi rangizi aye wa hunne me unna.⁷Ma guu ingi ya kunna abanga ani kono kati i basa ba, daki yamu ira imum ba imum i dadang i eze a dumo.⁸Ni henu ni di game ni henu ni lem ni di game ni lem idi kunna abanga uzuro adizi a ti hira sas, sas, adi wuzi ikomo. Ituba ijasi ya zigino me.⁹Cukuno ni unu rusa, wadi han shi aje a gomo, adi tirzi shi anyimo ati denge tini gura ahan shi aje ananu ama nyanga nan na agomo adang une barki niza nim, idi cukuno imum kunna a hira awe me.¹⁰Ti mum ti ginome ti da karti tize ti ugomo Asere u re aje ba, tize ti ugomo Asere at une.¹¹Inki wa meki shi wa hanan aje ati gomo kati igizo imum me sa idi buki ba, anyimo. uganiya me, daki shi wa ni idi buki tize ba, Ugomo Asere ma di nya shi imum be sa idi. buki.¹²uhenu ma di nyari uhenu a hume, aco madi nya vanna u meme. Ahanna wadi game an de sa wa yoo we wadi nyari una sa adi huu anu yoo uweme.¹³Vat anu wadi game shi barki niza num. Desa ma tonno inikara barki mi, madi kem. uvenke.¹⁴Inki ya ira ti mum ti ma dini ti zezen ati hira sa daki ya wunu ri ti cukuno nin ca unu poko aje marusi nan ande sa wa ra u yahudiya wa sumi uhana ahira zalan.¹⁵Desa ma tari asesere udenge kati ma tu ba, nani ma ziki iri mum a nyimo me.¹⁶Kati desa mamu hana uruu magu madi ze ma ziki ugeptu uimpino ba.¹⁷Idi cukuno imum ugogoni ahira a desa wadi inta tipuru tu yoo nani a hana aneze nyimo tiye ti gino me.¹⁸Wuzani biringara kati imum me i kem in nikuzi.¹⁹Adi kunna ijasi igeme sa a mu kunna ba, adi iri imum me sa da mu ira usasana u ini ba.²⁰Sarki Ugomo Asere ma kaska tiye ti inoma ba, inu ma bari uvenke ba, barki andesa azauka we madi kaska tiye ti gino me.²¹In ki uye ma ranga shi ma ira Ugomo Asere aba, nani abini kati i hem ba.²²Atiye ti gino me agomo ama cico nan anu rusa utize ta sere amacico wadi suri wa bezi shi tire ti mumum bati wa rangizi shi vat nan de sa ma zauka we.²³Cukuno nin unu rusa ma buka shi.²⁴Inki tiye ti jasi ti gino me ta aka uwuyi udi game usuro, upeu udi game u nya u ma saa.²⁵Iwira idi rizizi asesere, adi zuruko une ini kara nu Ugomo Asere.²⁶Abini adi. iri vana Ugomo Asere madi eh anyimo ati wiri anyimo ani kara nan ni nonzo ni meme.²⁷Abini madi ku tuma ahana akadura ka meme madi ori an desa mazauka we vat atikira tu nee na na asesere nan na asesere nan nadizi.²⁸Tinka ni iri mum. ahira utiti upom. Inki wa. Kponko ma wa ma. uni urusi ni kuzi na biki urizo.²⁹Ane ani. Inki ya ira ti mum ti geme ta aye irusi Ugomo Asere mabiki uzee.³⁰Ma buka shi ucara ugeme udi aki me sarki u ira uti mumum ti geme.³¹Asesere nan adizi wadi mari, tize tum ti da mara me ba.³²Abanga uwuyi nan uganiya uge me uye mada rusa me ba, nani ahana akadura ka meme, nan vana Ugomo Asere, aco me mani marusa unu ganiya ma.³³Cukuno ni a nyimo u rusa, kati iperke ba, ida rusa uganiya sa madi eh ba.³⁴Ya cukuno gusi unakura mani sa ma nyari wuza tanu bama dusa ma nya urere umeme utarsa ina kura, ma hari we katuma koda vi in kame. Ba dusa magun unu nu hira akura me na cukuno sarki ugbiso.³⁵Barki an me cukuni unu be, barki ida rusa uwuyi me sa acoo akura me madi ze ba, nani madi ze unu wunjoro uni, nan ina ti aniye, uganiya sa bigoro bidi zin unu runzo.³⁶in ki ma aye sarki urusa u we me kati mukurka we.³⁷Imum sa ma buka shi, mabuka koda vi! cukunoni unu rusa.

¹Tiye ti re ta dii uguna a wuzi utanda uringi ukafa ani rere nan u biredi uzatu pata nan iri mum. anu adangdang aka tuma nan anu rusa wa gurna anu rusa wa gurna unu nyara una me sa wadi maki Yeso bati wa huu me.²Wa gamarka ace awe me inki wa guna wadi meki me unu wuyi unu gori nini mu ruba ma nu mu hiri.³Uganiya sa yeso marani Ubatani akura simon una tikuturu, saa ma ciki ure une ma dusa ma en mani mi kirfi ma kari ma kari yesu mani ani ce vat.⁴Aye sa wa raa ahira me mu ruba mu corno me. Unu boo tize acece awe me, unu gusa nyanini ya karti a zizi a hari anu dira ikirfi me?⁵Waa gu mani mageme sa adake azizi ini kirfi idang sa iteki madinari akuri ataru, wa dusa wa meki ugbara ume.⁶Yesu ma kabirka magun we nyanini ya wuna izinu busura ume? me sa ma wuzam imum iriri.⁷Mi ida dem na shi ba, anu dira wazi nigome nan shi ida kee ibenki we uganiya sa wa wuna shi.⁸Une uge me ma wuza imum me sa mada ke ma wuzi: ma kpicom barki uvatti um.⁹Ma buka shi kadure me vat ahira sa adi buu tize ti ugomo asere anyimo une, imum me sa une ugeme ma wuza adi rigi nin.¹⁰Anyimo ukirau nan ure me, Yahuda iskariyoti ma dusa ma ha ahira ana dangdang magu madi bezi we yeso.¹¹Barki u kunna urunta wagu wadi nya me ikirfi, ma tubi ubasa una me sa madibezi we me.¹²Unu wuyi utuba ubirede uzatti upatta nan iri imum sa ake weki bitam barki ukpico, ahanaa aka dura wa iki me"abani wadi ka barka ahira sa wadi ka re imum yare?¹³Madusa ma tumi ana ware anyimo ani pin, ma gun we idi gurna nan uye sa ma cira bidaka bi mei.¹⁴I tarsi me akura sa madi ribe ni, i gun unu na kura me unu dungura ma guna"udenge me u raba sa madi cukuno nin ma ri imum ye re yi tanda i kafa nin nan anu tarsa u meme?"¹⁵Madi bezi shi udenge udangdang sa wuza vat ti hira ti tikum nan vat ti mum me sa a nyara i barka ni uni memeru.¹⁶Adura me wa dusa wa ribe ani pin me, waka kem imum me reb nan tize ti meme.¹⁷Sa uwunjoro wa wuna wa dusa wa ribe akura me nan anu tarsa umeme ukirau nan wa re wa gino me.¹⁸Sa wa zini ure imum ya re, Yesu madusa ma poki anyo magu "indi buki shi kadure me uye anyimo ashi sa ti zini ure imum yare nigo me madi wuzim malim ma witim a tari ta roni ani eru.¹⁹Mu ruba mu we me mu corno me wa tubi u igizo me"nani mi mani"²⁰Yeso ma gun we anyimo ashi me ukirau nan wa re sa tizin unu re imum yare isso I inde.²¹Kasi Ubuka utize tu ugomo asere ta buka vanaa unu madi tarsi imum me sa ta buka ani ce ni meme. Desa ma nya vanaa unu ahu, madi kunna dagi ayoo me ba.²²sa wa zin unu re umum ya re, Yeso ma ziki ubiredi ma yorsi uni ma nya we ma gu re nipum nim nini imum iringizi in mi.²³Ma inti mei magu sa ni maye mam mani, maye mu inko tize barki anu gbardang.²⁴Ma gun we maye mam Mani mu myinca imum idi benki shi sa ma pkonko.²⁵Kadundure ma buka shi ahanaa aka dura ku gomo asere atikira tinazi tu nee adizi nan aseser wadi gurna vat ati gomo ta asere.²⁶Sa wa wuza ira ini nonzo wa dusa wa suri uhana upana u Olifis.²⁷Yesu ma gun we,"vat ushi idi rizi barki mi gu unyerte me. ma gu "itam me idi samirka inki ma kara unu tarsan we".²⁸"Inki ma hira, indi agiza shi uribe Ugalili".²⁹Ba Bitrus ma gu inki vat ukasu udi rizi mi inda rizon ba.³⁰Yesu ma gu,"kadundura anyimo aniye ni geme udi nyare mi kataru adaa bigoro ba runo kare ba.³¹Bitrus ma kuri ma gu ingi iwono ini tidi wi nigo me vat uwe wa buki ani me.³²Sa wa e ahira sa a tisa ani UGethsamani, Yesu ma gu inanu tarsa umeme"cukuno nin aba me idika wuna birigira".³³Ba ma dusa nan Bitrus, Yakubu, nan Yohana ma tubi u kunna upazaza me.³⁴Ma gun we "izin apuru abit, gusiindi wi. Be ni mi abame kati i ha amoro"³⁵Yesu manyari kure kuhira matunguno ina ruu biringira dagi unyara gu ukem uni mada ira aje avu ageme ba.³⁶Magu "Asere acoo, vat inki imum iwuna karam upazaza ugeme. daki barki unyara um ba caa ucukuno uweme uni.³⁷Makuri ma ken we wazin immoro, magun we Bitrus, Siman, izin moroo? Ida ke izi uganiya daki ya wuza moroo.³⁸Hira ni wuza ni biringira kati irizi nin, urubu ya hem nipum na game.³⁹Makurri ahira abirigira ma ze ma kuri buki imum me sa mabuki unu tuba.⁴⁰Ma kuri ukure ma e ma ken we wazin imoro, aje awe me idi ku pazaza barki moroo wadiri imum be sa wadi buki me.⁴¹Ma kuri utaru, magun we idazan moroo, unuvenke imum ishi? Ya bari ani me uganiya wa aye sa idi nya vanaa unu bu atari ta nu cara abanga.⁴²Hira ni tidusa, desa madi witim atari ti we me ma raa mamu.⁴³Sa ma raa anyimo atize me Yahuda i, sa ma raa anyimo ukirau nan ware wa gino me maka aye in na nu gbardang inti vira nan ti bina nan anu akatuma ka asere nan anu unyetike nan a nanu.⁴⁴Yahuda unu unya umeme mamu bezi we imum me sa madi wuzi ma bezi Yesu,"desa indi gbidirko me"⁴⁵Sa yahuda ma aye ma e ahira Yesu ma gu"rabbi" madusa ma gbidirko me.⁴⁶Wa dusa maki me wa hunguko wa dusa ni.⁴⁷Uye anyimo ani goo ni Yesu madusa ma suso uvira ma yori utiyui ure vanaa una ukatuma.⁴⁸Yesu ma iki we magun"ya ayen inti vira nan ti bina gusi ya aye umeki ukari?"⁴⁹Sa mazi ini go me nan shi uni bezizi tize anyimo ti denge tini gura daki ya meki ni mi ba. Awu ani me barki amyinca tize tasere tini.⁵⁰Adesa wa zi nigome nan Yesu wa sumi wa ceki me.⁵¹Ure vanaa sa mazi tarsa me sa soki udubi, wa dusa wa meki.⁵²Madusa ma summi bihurba me.⁵³Wa ziki Yesu wa han me ahira unu dang uka tuma kasere, ananu nan anu nyetike.⁵⁴Bitrus ma tarsi uwe me piit uka biki udenge unu dang kasere. ma cukuno nan anu bee ahira me unu kunna ura .⁵⁵Abini me unu dang me vat nan ana katuma kameme nyari tina be sa wadi meki me unu siziki me. Wa kem me mazi lau.⁵⁶Anu gbardang wa aziin tize ti macico ani ce nimeme, wa kem me mazi lau.⁵⁷Aye wa ezinin intize ti macico ani ce nimeme wagu ana.⁵⁸Wa kunna me maguna"indi ke intuburko akura ani gura ageme im barka ageme sa daki abarkan in tari ba anyimo ati ye ti taru".⁵⁹vat ani me daki a hem ini mum mem sa wa buka ba.⁶⁰Unu dang me ma hiri ma iki Yesu"u da zo unu ukabirka utize, imum ma sa anu ageme wa buka ani ce ni we me ba"?⁶¹Daki ma kabirka me ba. Unu dang me ma kuri ma iki me hu mani Yesu vanaa ulau.⁶²Yesu magu"imimani" udi iri unuu ma ciki atari tinare titi gomo nan niwiri aseser".⁶³Unu dang me ma maki udibi uyesu me mahammirka uni, magu"nyanini tinyara, ti kuri ti nyara mare masaa?"⁶⁴Ya kunna ni tizogo ta asere me sa ma wuza. Nyanini shi ya buka?" wadusa wa gu ahu me.⁶⁵Aye wa dusa utira ume, aye unu tuffsi ume tobi, wa tirzi me muhenu, wa gun me"buka imum me sa idi kem unu rusa utize"⁶⁶Bitrus sa mazin nigo me nan Yesu upuru nikubu sa ahan Yesu, kure kubura sa ka zin inka tuma ani kubu una katuma kasere ku e ahira ameme.⁶⁷Ma iri Bitrus ma turi unu kunna uraa ma gume hume cangi uzi nigoo me nan Yesu unu Nazaret.⁶⁸Magu inda tam imum be sa uzini boo me ba, ma dusa ma suri ma dusa me imum ime.⁶⁹Ure ucca makuri sa ma ira me, makuri ma buki anu sa wa ciki nigoo me magu, unu ugeme unani goo nimeme nini.⁷⁰Magu mada zo me nigoo me nan me ba. Ara anyimo anime anu age sawa turi abini me wagun ti rusa uzi nigoo nan me barki hu ma unu Galili mani.⁷¹Ba ma wu nice nimeme a nyimo usiziki me, ma tunguno itono unu gusa inda rusam unu uge me sa izi tize ani ce nimeme ba.⁷²Abine ani bigoro bi runo ukure. Bitrus maringi tize sa Yesu ma buki me madi bezi uzatu urusa umeme inki bigoro ba runo kare. Ma kuri ani kira inna so.

¹Ani sisizo unu udandang uka tuma wa gurna ahira nigora nan a nanu nan anu nyiti nan nigura, wa tirzizi Yesu wa suru in me, wa ziki me wa nya Bilatus.²Bilatus ma iki me, hamani oigome wa Yahudawa/ ma karbirka me, magu wa buka.³Anu adadandang unyitike wa nan in bi bukum gwardang⁴Bilatus ma kuri ma iki me, ma gun me, ida kuri iboki iri mumba? ira bi bukum me sa ahaza ni anice nuwe me.⁵Yesu da ma kuru ma buki ire imum ba, Bilatus ma diri imumu ubuka.⁶Anyimo atiye ti uru usana, ma meme madi sapi we niteru ni inde, vat uge sa iko.⁷Uru marani agusa me Barnaba, ma tiri ma inde sa wa hirziza muruba, anu wani sa wa huzi anabu anyimo uhirziza umuruba me.⁸Ni ori na nabu, ni ha ahira ameme wa ka rizizo me adizi ma gunkune we kasi utanda umeme.⁹Bilatus makabirkawemmagu, inarani in sopi, shi ogomo wa yaduwa me?¹⁰Ma rusa izin iniriba i bit nan anu adadandang u nyetikeme sa wa nya Yesu.¹¹In ka ta nya ace ti di cukunu ni gome, a hira imumu iriri i Ugomo Asere.¹²Bilatus ma kabirka we ma kuru magu nyanini idi wuzi ana me. nan Ugomo wa Yahudawa?¹³Wa yeze a nyira magu, ga kirka ni me.¹⁴Bilatus ma gu we, nyanini ma wu za? wa aje unu kabarsa ume, ga kirka nime.¹⁵Bilatus ma nuari uwuza anabu imumu iriri, ma cekewe Barabas, uganiya sa ma mari ucubo Yesu, ma gu zikani i aka baka me utiti unu rere.¹⁶Anu uhira uni pin wa ziki me uhana anyimo udange unu dan anipin, wadi titi ni nanu uhira unu pin me.¹⁷Waduku tiezizi me, upori uvu, waduku barki anice me.¹⁸Waduku tunguno visisu ume, wa gunme, Asere akinkiwe ti gomoni, Ugomo wa Yahudawa.¹⁹Waduku dingi vubo ume anice, wa tufizizime tobe, waduku tungunu agi wa zunu nya za ume ti Ugomo.²⁰Sa wa mara uzuza ume biranza, waduku sopi upori uvume, waduku suki me ti runga tumeme, wa surin me, amatara uhen uku baka ume utiti uni rere.²¹Uye ma e u aka, niza numeme saminu unanu bakura, acu a Istifanus nan Rufas,! a suru ani guro, wa dusa wa busurka me ahi ma ziki utiti uni rere ni Yesu.²²Wa han in Yesu a ara ahira agusa ani ugolgota, a hira sa a iso nice ni.²³Waduku nyame ubere agi ma si, ma game usa me.²⁴Waduku gakimga tume me wa hari acece awa me, wa wuzi matara aceve awame, wa iri imum besa wadi kenzi.²⁵Azumo ukirau udira inde ini sisizo, waduku garkirka me utiti uni rere me.²⁶Wa nyetike ihori Asesere utiti uni rere me, wa buki imumu izezen ba ma wuzipa, agi me Ugomo wa Yahudawa.²⁷Sa wa gakirka me utiti uni rere me, ana wa re wazi na me, unu inde atari ti na re, unu indw a tari tina agure tumeme.²⁸Uganiya uni umyica utize me sa ma buki, a basa ini a nyimo anu wuza uti mumum tizezen.²⁹Anu agiza una wa dingi unoo ume tize rizezen, wa haki wa zuri ace, wa gusi, u sa udi u kuri uberla uni anyimo atiye ti tarua.³⁰Tuno Asesere utiti uni rere, ubenki nice nuwe me.³¹Ane ani anadandandanh nan anu nyetike utize ta Asere, wa dingi u zunza ume, acece aweme, wa gusi, ma bursa aye, sizikime ubura unice numeme.³²Unu bursa anu age, Ugomo u Yahudawa ca ma tuu utiti uni rere nigeme a ana me, ti iri haru yi kabi tize ta Asere, a desa agarki kawe nan me we cangi ma zunzi me.³³Unu wui ace, maree ma impi nipin vat, uhana azumi ataru uwinjoro.³⁴Uhana azumo atari Yesu ma hirza ni myiran Asesere magu, Eloi, Eloi Lama Sabatani? agi Asere, Asere nyanini yawuna wa ga mi?³⁵Aye wa turi, sa wa kuna ani me, wq gu, ya kuna mazinu tisa Uliya.³⁶Uye a nyimo awe, ma sumi maka rumzo nire uni tira in mei ma gwarara, ma tumi ani titi, ma witi Asesere age ma shimbiko, maduku gusi ca tiri nani iliya madi eh ma tuzo me.³⁷Yesu ma hirza ni myira Asesere uganiya uduku myinca.³⁸Atira anyimo udenge Asere awata tihira kare, uzika Asesere utuno adizi.³⁹Uganiya sa vanu uruma uni kara, ma turu mazinu hira u Yesu, ma iri ani me, ma gu, kadura kani unu geme vana Asere mani.⁴⁰Ara ne, wa turu piit wa hiri anyimo, aweme, maryamu magada liya, nan maryamu a ino a Yakubu unu niza ni Yusufu nan Solome.⁴¹Wa wani a de sa wa tarsi me u ganiya sa mara u Galili wa zin unu wuza ume katuma, nan ane gwardan sa wa igizome Urushalima.⁴²Uru winjoro, uwui u bara adudu ani, barki nisizo uwui asabar ani.⁴³Yesufu ma eh, unu watu Arimatiya, urunu uka tuma kanipin udadandang, unu nyarga u aye u tize ta Asere, ma wu iriba ihu, ma ribe ahira a Bilatus, ma gu a nyame ikizi Yesu.⁴⁴Bilatus ma basa iriba magu na ma wuu anime, ma titi unu uginome, ma iki me, nani Yesu madodankunu unu wano.⁴⁵Sa ma kuna ani ahira unu dadandang ugino me, ma nya Yusufu ikizi me. Yusufu ma kpe malti, sa ma tuzo iki me nani Yesu madodankunu unu wano.⁴⁶Sa ma kuna ani ahira unu dandang ugino me, ma nya Yusufu ikizi me. Yusufu ma kpe u malti, sa ma tuzo ikizi i Yesu me, ma tirzizi ini umaltime, ma ka suki ini i cau sa a hingir ko nipome acume.⁴⁷Maryamu Magadaliya nan Maryamu a ino a Yusufu wa iri ahira me sa awuna meni.

¹Sa uwui kapata wa aki, madakin nan maremu a ino yakubu wan salomi, wa kpi ti runga ti unya urunta barki waka wuna ikizi Yesu ayimo icau me²wa hiri inisisizo uwui uladi uwui utu ba wa ha ahira sa avati Yeso ni uganiya usuro uwui.³Wa gamari acece awa me aveni madi hingirkon duru nipo sa atara icau me?⁴sa wa gunkuno, wairi uye mamu hin-girko nipo me barki mazi nidandan.⁵Wa ribe ayimo icau me wa iri uye ma turi ayimo me in te runga ti rum, maciki tari tina re, wa kuna biyau iriba iweme,⁶ma gun we,"kati ikunna iyau ba,"ya ira Yesu una unazaret, de sa a vati me abame. ma hiri, ma zoni abama. irani ahira me sa a nati⁷. dusani, ika bukani anu tarsa umeme nan bitrus ma ra ajeshime uhana ugalili. abi ne ani idi iri meni kasi sa ma buki shi,"⁸Wa suri unu sum, wa bilozo nan uganara utize. vat uwe wa myinca in bi yau.⁹Nisisizo uwui utuba ayinmo tiye sunare, natubi aye ahira¹⁰maremu madakin, de sa ma sussume agwergenen usunare. marenu ma ha maka buka adesa mazina na we a hira aso atiyon.¹¹sa wa kunna agi ma hira maremu ma ira me, da wa hem ba.¹²Ma e makem ana wa re ayimo aweme sa wa hazi suro a yimo ani pin me.¹³Wa ha waka buka nihenu, ni henu cangi da wa hem ba.¹⁴A dodonkino Yeso ma kem anj kirau unu inde, wa kete acece, ma bezi we bezi we uzatu uya iriba i weme nan ni mumme saikartiziwe uhem in me. barki sa da wa him nan adesa wa irame, sa mahiri ahira iwono imeme.¹⁵ma gun we," lana ni ayimo une i boo ni henu vat.¹⁶de sa mahem azoro me madi venke, de sa magame madi ribe ijassi .¹⁷An desa wa hem tidi zi nigome. ayimo ni za num wadi suzzo agwerge. wadi boo ni lem ni soo.¹⁸wadi mesi iwa in tari, in wa sa iri mum iti kono i da huna we ba, wadi tarsa ana ti koni tari barki wa humza¹⁹Sa ma mari tize wan we adusa aziki me u hana aseseri maka cukuno atari tine reta asere.²⁰anu tarsa umeme wa dingi ubo abanga me vataba, ogomo asere ma tarsin in we unu wuza i mumu obasa utize.

¹Anu gbardang waa wuzi u inko iriba u nyettke u timum sa taa myinca anyimo aru.²Kasi anime sa wa nyan duru, an deba sa wa tari ajeni, we ana kadura wani.³Barki anime ani mi ma, sa ma gunguzuno memerum timum ti riri ti tuba sa mi ma nyettiki i inde hu unu udandang Tiyofilos.⁴Bati irusi kadere ki mum besa abezizi shi.⁵Anyimo a tiye ti Hiridus, Ugomo wa Yahudawa, ure una katuma ka Asere ma rani niza ni meme zakariya, masuri u watu u Abija. Une umeme ma suri anikura ni Haruna mani, niza ni meme naa zi Alisabatu.⁶Vat uwe ana biyyau bi Ugomo Asere wani, anu tarsa u inso u tize ta Asere.⁷Ani me waa zin vana ba, barki sa Alisabatu ma kem uyoo ba vat uwe waa mu una.⁸Yaa cukuno sa Zakariya ma raa ahira Asere ma zinu cira ukatuma ka kadura kage sa a nya me.⁹Kasi sa aka zauka debe sa madi hang kadura me, aka zauka a nyimo zauka barki katuma ku Ugomo Asere barki upunsa umucungo.¹⁰Vat ni ori na nabu wadi wuzi biringara amatara ingi azin nu punsa umucungo.¹¹Aname Bibe bi kadura ka Asere ba eh me bi tonno a tari ti nare ta hira u agadi ahira upunsa u wito unice.¹²Sa Zakariya ma iri me ma wu zabot biyau bi meki me.¹³Ani me bibe bi kadura ka Asere bi gun me, "Kati u kunna biyau ba, Zakariya, barki a kunna biringara bi we me. une uwe me madi yoo vana adi nya me niza Yuhana.¹⁴Udi kunna mang nan shew, anu gbardang wadi kunna urunta uyoo umeme.¹⁵Madi cukuno unu udangdang a hira Asere madi da sa me ubere ba, nani bire bi sizasiza bini kara ba, madi myinca in bi be usuro apuru a inome.¹⁶Adi kurzo a Isarailawa gbardang a hira Ugomo uwe me Asere.¹⁷Madi haki in mu henu mubi be nan nikara ni Iliya. Madi wuzi anime bati ma gamirka muriba manka coo ahira ahana, bati anu zatu kunna utize wadi haaki unu sa abarka anu Ugomo Asere mani.¹⁸Zakariya magun bibe bikadura ka Asere, "Indi wu aneni in rusi ani me? mi be ucokoro, une um uwari."¹⁹Bibe bi kadura ka Asere, bi kabirka bi gun me, "Mi mani Jibirailu, debe sa ma tunzino aje Asere. A tumum in buki we, tize turunta.²⁰Ira, udi cukuno ubabana udda boo tize ba, se rono be sa timum tigeme tidi myinca. Ane ani barki daki ya hem in tize tum ba, sa tidi myinca anyimo uganiya uhuma."²¹Uganiya anu waa zin nu be u Zakariya. waa innu simira sa ma ziki uganiya gbardang a nyimo udenge Asere.²²Sa ma suri, dama kem ache u boo utize nan we ba. Wa rusi ma iri imum a tiroo sa ma rani a nyimo udenge Asere. Maa wuzi kasi ubabana sarki tize.²³Sa tiye ti katuma kame me ka aki, ma dusa akura ameme.²⁴Usuro atiye ti geme, une umeme Alisabatu ma wu apuru tipeu cibi ma ciki nihunzi me. Magu,²⁵"Imum be sa Asere ma wuzum bati ma karum mu'i aje anabu.²⁶Anyimo upeu utasi, Asere maa tumi bibe bika kadura ka Asere Jibirailu anipin nu Galili sa agusan u Nazaret.²⁷Ahira aku bura ku mare manyani niza me Isubu uni nikura ni Dauda mani, niza niku bura me Maryamu.²⁸Ma eh magun kubura me, "Ni isi, hu sa wa kem ukaba Asere mazi nan hu."²⁹Anime, ubasa u kubura me uhun ne me barki agburang magu "niyaya ni isi nazige me."³⁰Bibeu bi kadura ka Asere bi gu, "Kati ukunna biyau ba, Maryamu, hu wa kem uhem ahira Asere.³¹Ira, udi wu apuru u yoo vana udi nya me niza 'Yeso'.³²Madi wu niza adi tisa me vana ugomo udadang. Ugomo Asere madi nya me ukpanku wa acoo me Dauda.³³Madi wuzi tigomo akura a Yakubu sarki umarsa, tigomo ti manyanga ma meme tida mara ba."³⁴Maryamu magun bibeu bi kadura ka Asere me, "Adi wu aneni imum igeme iwu, mi sa inda tam vana uruma ba?"³⁵Bibeu bi kadura ka Asere bi kabirka bi gun me, "Bibeu biriri bi di eh we in nikara nu Ugomo Asere. Ane ani unu ulau sa udi yoo me adi tisa me vana Asere.³⁶Ira, uhenu uweme Alisabatu ma wuna apuru anyimo a tiwari, upeu utasi wa zigeme in na apuru sa a tisa me unu wabi.³⁷Rusa ire imum ida tekime nikara na Asere ba."³⁸Mariyamu magu, "Ira mi une ukatuma ka Asere kani. Ca kadura ka weme ka cukuno anime." Anime Bibeu bi kadura ka Asere bi dusa.³⁹Mariyamu ma hiri dibe dibe ati ye tigino me ma ha anyimo ani pana ni nipin nu Yahudiya.⁴⁰Ma dusa akura a Zakariya maka iso Alisabatu.⁴¹Sa Alisabatu ma kunna ni isi ni Maryamu, vana umeme anyimo apuru ma hinna, anime Alisabatu ma myinca in bibeu bi lau.⁴²Ma yeze ni myirang ni meme in nikara magu, "Hu unu imum iriri ini anyimo aneh, imum iriri ini a zo iburu ini ba apuru aweme.⁴³Nyanini ya kem sa a'ino Asere am ma aye ahira am?⁴⁴Ira, uganiya sa ni isi niwe me na ribem a titui, vana apuru amme ma hinna inni riba irum.⁴⁵Imumu ihuma ini me sa ma hem agi timum sa abuki me ta suri ahira Asere."⁴⁶Mariyamu magu, "Iriba im nonziko Asere.⁴⁷Bibeu bum ba kunna mang inna Asere unu bura um.⁴⁸Barki anime ma ira usiziki me urere u'eh. Barki uhira ana me uhana uka biki ure ucara wadi nonzo Asere.⁴⁹Barki anime meme ugomo udangdang sa ma wuzam anyimo aniza nu meme ni lau.⁵⁰Ubenki umeme uda marsa me ba uzika ucara u hana ucara sa wa nonzo me.⁵¹Ma bezi nikara in tari tume, ma samirka ande sa wazin nu wetere unu basa umuriba muwe me.⁵²Maa tuzo ahana atigomo a makpanku mawe me maduku yaze ande sa wa sizikiwe.⁵³Maa rin ina nu mukomo inti mum tiriri, anu u kem, ma gidi we wa dusan tari ti hura.⁵⁴Ma benki urere u meme Isaraila, bati ma ringi, ma bezi me iriba ineze.⁵⁵(kasi sa maa buki anka coo aru) uhana Ibrahim nan nikura numeme sarki umarsa."⁵⁶Mariyamu ma cukuno nan Alisabatu ti peu ti taru maduku kuri akura ameme.⁵⁷Aname sa tiye tu yoo uvana u Alisabatu ta wuu ma yoo vana uruma.⁵⁸Anu utura ume me nan nanu akura aweme wa kunna agi Asere a bezi me iriba ineze kang, wa kunna mang nan me.⁵⁹Sa a cukuno anime rono uwitutari wa eh wa gbari vana me, wada nyame niza "Zakariya" usuro acoo me.⁶⁰Daki aneba a inome magu, "Manyarum, adi tisame Yuhana"⁶¹Wa gunme, "Uye mazoni sa a tisame inni za nigeme anyumo anu henu uweme".⁶²WA wuzi ure ugunguzino niya niza nini acoo ma nyara a nyame.⁶³Acoo me ma ikiwe imumbe sa madi nyettike nizameni, "Ma nynyettike yuhana" imumme i nyawe biyau vat uwe.⁶⁴Sa ma poko anyo ameme ni lem me ni dusa derti, ma buu tiza nan ni nonzo na sere.⁶⁵Biyau bi meki anume ta dusa piit apana a ma nyanga ma Yahudawa.⁶⁶Ande sa wa kunna tize tiginome wa inki tini amu riba vat, wagusi, "Nyanini vana ugeme madi cukuno fee?" Barki sa tari ta Asere tizi nanme.⁶⁷"Ni nonzo na Asere, Asere a Isarailawa, barki sa ma aye ubenki nan nuguguzino u bura anabu.⁶⁸Asere anu Israila azi gongon, barki ma kem makuri ma nya nice barki anu a meme.⁶⁹Ma yezen duru ni hure nu bura uru a nyumo ani kura ni Dawuda,⁷⁰Kasi imum be sa ma buki usuru a nyoo una kadurame sa ma rani datti.⁷¹Madi eh duru in nunu bura a tari ta nu nyara u huza uru vat sa da wa hem in haru ba.⁷²Madi wuzi anime bati ma bezi anka coo uru iruba ineze nan ni mum be sa wa barka ire-re wa inki,⁷³Imum be sa wamu barka nan Ibrahim a coo uru.⁷⁴Ma tonikon duru, indabe sa a burin duru a tari tanu nyara uhuza uru, tidi tarsime sarki biyyau,⁷⁵Ahira a lau, tidi cukunoni tau vat ti yei turu.⁷⁶Eh, nan hu, vaname, adi gum me una kadura ka hira a dandang, ane ani udi nani ahira a Asere bati ubarka tina, ukuri ubarka anabu barki u aye umeme,⁷⁷Ubuki anabu abanga ubenki nan nu visa u sizikime uweme.⁷⁸Udi cukunoo anime barki ubenki sa Asere wa wuzin duru usuru uwui ahira ana za ma eh u benki uru,⁷⁹Ti bezi ma saa ahira ande sa wa ciki ama rew nan nu hurtu iwono. madi wuzi anime bati ma tarsi in tibuna turu u hana ahira ati cukum ti mang".⁸⁰Aname sa vaname ma unna ma wu nikara abi beu, ma ciki ani jaa uka biki tiyei to suru umeme anyumo anu a Isaraila.

¹Ara anyimo atiye me, kaisar Augustas ma buki guna abassa vat anu unce.²Ubassa utuba uganiya sa kiriniyus mā zi ugumna usuriya.³Anime kondevi ma dusa ani pin nuwe me bati aka bassa we.⁴Isubu ma hiri u Nazarat ani pin nu Baita Lami uhana Yahudiya, aba sa agusan nipin ni Dauda. Barki me bisana bi Dauda bini.⁵Ma ha nan Maryamu de sa mazin inti nyari tume inna puru bati aka bassa we.⁶Uganiya sa wa rani abirko me uganiya me uni madi yoo vana.⁷Ma yoo Uvana, utuba uyoo uvana, ma impi me in mapori ma natti me uhugu, barki sa wa zowe unu denge ba abini me.⁸Uwata me aye wa rani ama saa unu bee itam iwee in niye.⁹Bibe bika dura ka Asere bi ē ahira awe, Ma saa ma Asere maketi we, wa kunna biyan bidandang.¹⁰Abinime bibe bika dura ka Asere be gun we "Kati ikunna biyan ba, ma aye shi inna banga aririn age sa Vat anu wadi kunna urunta udandang.¹¹Ayoo unu bura kānime ani pin ni Dauda, memani Asere Ugomo Asere.¹²Ma saa me mazigenme sa adi nya shi, idi iri vana a impo me imma pori anata me hungu".¹³Sārki ucara uganiyan wa iri nigura nanuu nan Bibe bikadura ka Asere unu nonzo Asere innugusa.¹⁴"Ninonzo na Asere unaza, nan ticukum tihuma acee anu nee nan de sa ma kunna urunta ume".¹⁵Abiki uganiya me sa Bibe bika dura ka Asere ba dusa anyimo a seseri, ani tam me wa gun nacece "Ca tihaa ubaitalami, tika iri imum igeme sa takunna sa Asere abukan duru".¹⁶Wa haa dibe-dibe waka kem Maryamu nan Isubu wan vana me anata uhungu.¹⁷Sa wa ira me, wa buki anu imum me sa abuka we anicee ne vana me.¹⁸Vat ande sa wa kunna icukuno Imum ugamara imum me sa anu hira itam me wa buka.¹⁹Maryamu ma meki ubassa utimum me sa ma kunna, unu gamara me Iruba.²⁰Anu hira itam me wa kuri. Ininonzo nan ununonzo Asere, barki imum me sa wa kunna, wa ira, ka si ubuka me sa wa kunna.²¹Sa tiyee uwito-utari ta wuna sa adi gbari me, anya me niza Yeso, niza me sa Bibe bika dura ka Asere ba nyame ada Sārki uzika apuru amè.²²Sa tiyee tusuro tawuna kasi u' inko utize ta Asere "Vat utuba uyoo uruma adi witi Asere me".²³Kasi unyertike U' inko utize ta Asere "Vat utuba uyoo uruma adi witi Asere me".²⁴Wa nya me unyanki kasi u' inko utize ta Asere "Mu hurbe muni muree nan matatabara marce".²⁵Ure unyu marani ujerusalem niza nume Siman, una biyan ba Asere mani ini ruba ilau. Mazin nunyara ubarka u Isaraila, Bibe ba Asere baazi nan me.²⁶Bibe bilau ba Asere ba bezi me unu guna mada wono ba senke ma ira Asere Yeso.²⁷Uru wui Bibe bilau ba Asere bihan Siman udenge Asere. An ka coo me wa ēn Yeso vana uneze, kasi utanda nan u'inko utize ta Asere.²⁸Ma gbindirko me abigiri ma nonziko Asere ma gu.²⁹"Aname ca urere uweme madusa inna puru arum Asere, kasi ubuka uweme.³⁰Barki sa aje am a'era nibussi nuweme,³¹Sa wa wuza amu hennu manun vat.³²Ma saa mani mati roo uhana anuu uzati utarsa Asere nan ninonzo uhana anuu aweme Isarailawa".³³Acoo avana me nan ka inoo we wa kunna urunta imum me sa mubuka.³⁴Siman ma nonziko we ma gun Maryamu a inoo me "Kunna memmerum Vana ugeme madi cukuno unaa urizo nan uhira wa nun gbardang anyimo Isaraila nan ubezi sa adi nyarime.³⁵Uvira udi watti iruba iweme bati arusi muruba manu".³⁶Unun kurzuzo utize ta Asere ahiran me unani zaa Hanatu. Ucaa ufanuyila nilem ni Ashiru mamu wuna uwari kang. Wa wuu tiwee usunare inna nyaa nan uruma umeme.³⁷Ma zi'inti wee a'ino-uwitotari intini tinazi (84 years). Daki maceki udenge Asere ba inka tuma unu canti anyoo nan biringara niyee nan nuwui.³⁸Uganiya me ma nyene uhana ahira awe unu nonzo Asere, ma buki vat ande sa waazin nubee uburu Urshalima abanga a vana me.³⁹Sa wa mara kondi nyani wa wuzi kasi u inko utize ta Asere, wa kuri Ugalili ani pin nuweme Unazarat.⁴⁰Vaname ma uu mawu nikara, nan ukingizi urusa, nan ubenki Asere anicee nume.⁴¹Anka coo me waka haa Ujerusalem ingi niwee na kette barki u'idin Faska.⁴²Sa mawuna tiwe ukirau-tire, Wa kuri kurri uganiya u'idi utanda.⁴³Sa tiyee tu idi ta mara, wa tubi kurso ati kura. Yeso ma dii adumo Ujerusalem Sārki urusan anka coo me.⁴⁴Wa bassa nan mazi nanni goo nanume sa wa haka nan we, wa hiri tanu. Wa tubi u nyara ume anyimo anu turra uweme nan aronni.⁴⁵Sa daki wa ira me ba, wa kuri Ujerusalem waka tunguno unyara ume abini me.⁴⁶Wawu tiyee titaru unu nyara ume wa tinka me udenge Asere, ma ciki atii anu bezizi, unu kunna nan nu'igizo uwe.⁴⁷Vat andee sa wa kunna me wa meki ugamara urusa nan ukabara umeme.⁴⁸Sa wa ira me wa meki ugamara me kang. A'inome ma gun me "Vana, nyanini wa wuzan duru aname? Kunna, acoo uweme nan mi tizin nunyara uwe unu curnome Iruba".⁴⁹Ma gun we, "Barki nyani izin nunyan um? Ita shi izi gbass incukuno akura acou um ba?"⁵⁰Daki wa rusa imum sa ma boo ba.⁵¹Ma dusa akura nan we Unazarat ma tarsi tize tuweme. A'ino me ma inki Vat timum tigeme Iruba.⁵²Yeso ma re'aje unu uzza nan nurusa, ma kuri ma kinki ukem ukaba ahira Asere nan nanuu.

¹Anyimo ani we ni kirau inti cibi ati gomo ti Kaisar Agusta, Bilatus Babunti inti gumna tu Yahudiya, Hiridus inti gomo to Galili, Uhenu umeme Filibus inti gomo tu Ituriya nan Tirakonitis, Lisaniyas inti gomo tu Abiliya.²Uganiya me Hanana nan kayata we wani ana dandang aka tuma ka Asere, tize ta Asere ti ē Yohanna usam uzakariya anyimo ani jaa.³Ma haki vat ati hihira sa ta kete uraba urdu, unu bezizi utize ta Asere nan ubaptisma ubarka barki uvette ucaran.⁴Kasi uyerte utize ti Ishaya unu kurzuzo utize ta Asere, "Ni Myiran unu tissa ani Jaa, 'Barkani unaa Asere, Barkani tinaa tumeme dret.⁵Kondi uya ugbangbang undi myinca, nan kondi niya nihoho nan nipana nidi tuu, nan ti naa ti mammangaran adi witti tini adi myinciza tinaa me sa tizin inti waa.⁶Vat anuu wadi iri ubura wa Asere".⁷Yohana ma gun nigura nanuu me sa wa aye bati ma wuzi we ubaptisma "Shi ahana iwaa iti kono aveni magunan shi Isumi ucurnome iruba me sa I'eze?⁸Nyani ahana sa wazin in niruba ubarka, kati itubi ugusa "Tizin Ibrahim acoo uru, barki sa in boo shi Asere Madake ma kurzo apoo ageme ahana Ibrahim.⁹Ana me amu wuna bitem atini ama titi barki anime vat utiti me sa wa game uyoo ahana wa ririn adi yori uni avetten anyimo uraa".¹⁰Nigura me niriaje unu igizo ume unu gusa "Nyanini tidi wuzi?"¹¹Ma kabirka ma gun we "De sa mazin tidibi tini tiree ma nya de sa ma zomen ba u'inde, de sa mazin ini mumyarce ma wuzi anime cangi.¹²Anu kabsa Ikirfi imanyanga wa ē ma wuzi baptisma wa gun me "Unuu ubezizi, nyanini tidi wuzi?"¹³Ma gun we "Kati ikabi ikirfi me sa iteki ige sa agunan shi ikabi ba".¹⁴Anani kara nini kono wa iki me, wa gu, "A haru naa? Ma gun we, "Kati iburri uye ikirfi innikara ba, nan i canni uye upilko sa ma taame ba Tonnoni ikirfi uppe ushi me".¹⁵Sa anuu waa zin nucanta uguna Yeso ma ē, konderi mameki ugamara me iruba anicee ni Yohana, nan memani Yeso.¹⁶Yohana makabirka ma gun Vat uwe "Me inzi shi unu baptisma inmei uye ma eze sa ma teki nikara num, ma bari in soppi tizin ta kpattak ameme ba. Madi wuzi shi ubaptisma in Bibe ba Asere bilau nan uraa.¹⁷Upija utana wa alkana umeme uraa atari bati ma ori ma wuu ati kere tume Madi punsi mucini me unu raa sa uda bito ba".¹⁸Unu gbara kang, Yohana ma bezizi anuu abanga urunta.¹⁹Yohana ma gbarika ugomo Hiridus sa ma wuza anya nan unee uhenu me, Hiruduya, nan ukasu uti mum sa Hiridus ma wuza.²⁰Ma kurima kinkin ma wuu aka kurso Yohana akura anirere.²¹Sa awuza anuu ubaptisma awuzi Yeso ubaptisma cangi, sa ma zin biringara Aseseri apokino.²²Bibe ba Asere bilau bituu me kasi uhurbe, nimyiran ni Aseseri "Hu vana mani, de sa inkunna me. In kunna urunta ume".²³Yeso maa tubi katuma a tiwe akuru ataru. Maa zi vana (kasi basa me) Isubu vana u Lawi²⁴Vana u Matat, vana a lawi, vana u Malki, vana u Yanna, vana u Isubu,²⁵Vana Umatatiya, vana u Amos, vana u Nahum, vana Hasli, vana Najjaya²⁶Vana u Maata, vana u Matatiya, vana u Shumeya, vana a Yuseka, vana u Yoda,²⁷vana Yowana, vana u Resa, vana u Zarubabila, vana u Shiyaltiyel, vana u Niri,²⁸vana u Malki, vana u Addi, vana u Kosama, vana u Almadama, vana u Er,²⁹vana u Yosi, vana u Alyeza, vana u Yorima, vana u Matat, vana u Lawi³⁰vana u Saminu, vana u Yahuda, vana u Isubu, vana u Yuhana, vana u Aliyakima,³¹vana u Malaya, vana u Mainana, vana u Matata, vana u Natan, vana u Dauda,³²vana u Yesse, vana u Obida, vana u Bo'aza, vana u Salmo, vana u Nashon,³³vana u Amminadab, vana u Adimi, vana u Arama, vana u Hezruna, vana u Feresa, vana u Yahuda,³⁴vana u Yakubu, vana u Ishaku, vanu Ibrahim, vanu Tera, vanu Nahor,³⁵vanu Serug, vanu Reyu, vanu Feleg, vanu Abiru, vanu Shela,³⁶vana u Kainana, vana u Arfakshada, vana u Shem, vana u Nuhu, vana u Lamek,³⁷vana u Metusela, vana u Anuhu, vana u Yaret, vana u Mahalel, vana u Kainana,³⁸vana u Enosh, vana u Shitu, vana u Adamu, vana Asere.