¹Uva ubutozo bu Yesuh kristi, vanu Dauda kuzi vanu Abraham. ²Abraham pa mina Isaac, Isaac mina Jacob, Jacob pa mina Juda kini ahǝnǝ ǝmǝ. ³Bizi Juda nazi ata Pere kini Zerah ambǝnǝ nazi Tamar, kuzi Perez nazi ata Hezron, Hezron nazi ata Ram.⁴Kuzi Ram nazi ata Aminadab, Aminadab ata Nashom, kuzi Nashom nazi ata Salmon. ⁵Bizi Salmon di nazi ata Boaz ambǝmǝ nazi Rahab, Boaz nazi ata Obed ambǝmǝ nazi Ruth, Obed nazi ata Jesse. ⁶Bizi Jesse nazi ata David ujah, David kuzi nazi ata Solomon umina ugwa Uria.⁷Bizi Solomon nazi ata Rehoboam, Rehoboam nazi ata Abijah, Abijah ata Asa. ⁸Bizi Asa nazi ata Jehoshaphat, Jehoshephat ata Joram, kini Joram eu pozoh uwi u Uzziah.⁹Bizi Uzziah nazi ata Jotjhan, Jothan ata Ahaz, Ahaz ata Hezekiah. ¹⁰Bizi Hezekiah nazi ata Manasseh, Manasseh ata Amon, kuzi Amon ata Josiah. ¹¹Josiah pozoh uwi u Jehoniah kini hahene na lǝlu ru nǝrǝ na Babylon.¹²Na maru upir kasha na babylon Jechoniah nazi ata Shealtiel nu pozoh uwi u Zerubbabel. ¹³Zerubbabel nazi ata Abiud, Abiud ata Eliakim, kuzi Eliakim nazi ata Azor. ¹⁴Bizi Azor nazi ata Zodok, Zodok ata Achim, , kuzi Achim nazi ata Eliud.¹⁵Bizi Eliud nazi ata Eleazar, Eleazar ata Mathan, kuzi Mathan nazi ata Jacob. ¹⁶Jacob nazi ata Joseph, urǝzu Mary ka ma mina Yesuh, ka a yisumǝ christi. ¹⁷kusum tupozoh uchira na Ibrahim pirmǝ na Dauda ǝnǝ amiza rukurǝ nani nanzi , kuzu usuru na lǝlu ru nǝrǝ pirmǝ na Babylon ubiu na rimiza rukurǝ na ni nanzi u kristi.¹⁸ingye uchunna ka amina Yesu kristi. Ambǝmǝ Mary ka undumaina umǝ nazi Joseph ba ama tǝshi wu a murumǝ na son ru vunkuza tsan-tsan uweng. ¹⁹Usharai umǝ Joseph, undubǝ galau mǝ torong bama yimǝ mamyen nǝ yimǝ undubǝ wu, ma zarapu ma warna kinǝmǝ dang'a²⁰Lalu ka ǝmǝ nu dinza tukpakpa tidi, utuma uweng bunu numǝ nayimǝ turoho nuhu " Joseph vanu David, gana zaha uchira Mary nunu ugwa wu, bazi ka ason di ah uvunkuzǝ tsang tsang uweng. ²¹Ma mina vana garmǝ, uyimǝ rizǝ Yesuh, kizi ma bisa marukumǝ ǝndubǝ umǝ.²²kusum ǝdi monzo imin ka uweng ma gara nunu undu'urna. ²³"Wang ǝzhi basha ujir ruza undugarmǝ, mawa son , ma mina vana garmǝ, ayimǝ rizǝ Immanuel rubǝnǝ nahu "Uweng kinaru"²⁴Joseph mabi mazhimah na mormo mawimin ka ka undu'urna uweng ma gara numǝ mawa kizi chira ugwǝmǝ. ²⁵Ba mabi gura ira kineme wu, mabi rika ushupu umǝ kizi ma yimǝ rizǝ Yesuh.

¹Ushwa ka yesuh pa yira rugɔzɔ ru andubǝ ridi, kizi mǝ pirmǝ nǝ tara uwɔhɔ. Ushwa ka mǝpa tǝshi nǝ bigizi kizi andu makaza umǝ na durumǝ. ²Mǝpa kɔrnɔ unumǝ mv bǝnzǝ nǝ, nuhu, ³"Akǝbiki nǝ tara andu tiyɔm nǝ yimǝ burim, ǝnǝ na bigizi bu rija: nǝ shiri. ⁴Akǝbiki nǝ tara andu riyom, bazi ka awǝnǝ manu nǝ tunurai.⁵Akǝbiki nǝ tara andu shinshi akpǝ, bazi kai achira usɔngɔ u mǝsanu midi. ⁶Akǝbiki nǝ tara andu ikɔmɔ kini ringǝ ru tanu titsaŋ-tsaŋ, bazi ka a mɔnzɔ ǝnǝ. ⁷Akǝbiki nǝ tara andu kundu iʒai bazi ka ǝnǝ ma akund iʒai gǝnǝ. ⁸Akǝbiki nǝ tara andu rurɔhɔ ru tsaŋ-tsaŋ, bazi ka asa yira uweŋ.⁹Akǝbiki nǝ tara andu titashi tishamma, bazi ka ayisǝnǝ andigenzǝ auweŋ. ¹⁰Akǝbiki nǝ tara andunanka ama kunda ugbǝnǝ bazi tanu titsaŋ-tsaŋ, muzu gǝnǝ kizi a mura bigizi bu rijah nǝ rai auweŋ¹¹Akǝbiki nǝ tara gini ka andubǝ hu tinziɲi kini uyiŋi kpai kini uba: kɔyandi muzu tukpa kpa tishishɔrɔ kini malem nǝ tara gini bazi ǝmi. ¹²Sɔkɔmin na rhai rugupǝŋ, bazi ka utara uyiba gini ugbɔu di nǝ shiri. Nǝ churna andi kizi andubǝ na ya atuma au weŋ kpai ka anai tǝshi nǝ yimǝ gini.¹³ǝɲidi nǝzi mummu mu mǝsanu midi. Mummu midi muhu maku sharna, awa meshe ka muku lense? Ba mu da nituma i:ʒimin wu ma:ni kini utɔrɔ nǝbigizi, a yǝnsǝ na tubuna. ¹⁴ǝɲi di nǝzi ikenkeŋ i mǝsanu midi. upana nǝ tara bukǝnzǝn ba bu ɲisanza wu.¹⁵Kuzu ba'andubǝ dɔkɔ urwa kizi a shurka ɔŋ nu bara agere wu, saikɔ a tara ɔŋ nǝ tara iʒimin kizi ubǝnǝ ikenkǝŋ nǝ andubǝ a: raidi kusum. ¹⁶Yahin ikenkeŋ gini di bǝnǝ nǝ tuba: ndubǝ nunu ka adi yira tidima tigilau adi yira tidini adi mura a yiba Eta. gini nǝ shiri.¹⁷Nǝ gana dɔlɔm nuhu in ram nunuka indi shara titarkanin da kǝzi ituma i atuma auweŋ. Ba in ram nunuka indi shara tǝn wu saiko indi mɔnzɔ tǝn hu gi:ya. ¹⁸Akura aduru kizi emnu kizi emnu badi niŋi sai ushwa ka ashiri kini mǝsanu nǝ bisa rumǝ, in ba nandi wu babu kɔrutɔ ru ruwǝndǝ da kǝzi izimin ɲɔŋkɔlɔlɔŋ nǝ kɔyandi achurna ka idi bisarumǝ nǝ titarkanin tidi wu, sai ama mɔŋzɔ kusum takpakpa.¹⁹Bazi na nandi, kap undɔka mǝhu yǝpǝ nizimin ŋɔŋkɔlɔŋ nǝ tukpakpa tu mǝkǝri tidi kizi mǝ bǝnzǝ udǝngara andubǝ u:wa undǝndi sa sɔkɔnɔ undu mǝrsǝ nǝ rai rijah kuzu kap undɔka mǝhu wǝnkǝli nǝ tǝn kizi mǝku bǝnzǝ andubǝ sa sɔkɔnɔ undu gbɔu nǝ rai rijah auweŋ. ²⁰Emmi badi niɲi, sai tanu titsaŋ-tsaŋ tigini tu pǝngǝ tanu titsaŋ tsaŋ tu andu darsa darsa kini tupharisee, bana ruwǝ nǝ rai riah auweŋ nǝ kɔyandi muzu achurna wu.²¹"Nǝna kunda ana buhusa nǝnǝ nǝ tuni nuhu, 'Gana wuna undubǝ wu; kini,' kap undunanka mǝ wuna-undubǝ na chiri rukpǝ rumǝ nǝ yimǝ ugbǝnǝ utuzu uhara mǝkangara. ²²Kuzu emnu badi niɲi nuhu kap undɔka ǝmǝ na mǝnaŋ kini uhene ma: chiri rukpǝ rumǝ dɔŋ nǝ yimǝ ugbǝnǝ utuzu uhara mǝkangara midi: kuzu kap undɔka mǝhu hunuhana 'Au undubǝ jir tsǝŋ-tseŋ!' ma: chiri rukpǝ rumǝ nǝ yimǝ ugbǝnǝ nu kɔngɔ u iah; kini kap undoka mǝhuhu 'Au ulakardi '!' ma chiri rukpǝ rumǝ nǝ yimǝ ugbǝnǝ u:rwa nǝ shiri.²³Bazi na nandi kap ushwa nanka aunu yutu ǝnǝwu au nǝ tuba: uweŋ kizi ibiu nu nǝ rurɔrɔ nuhu whenu: ni:zimiŋ kinawu: ²⁴Yaha ǝnǝwu au bǝndǝn, udi kaba achurna ushira. I' adinka, kǝ yumbura tilǝshi tɔu: kini uhenu: deŋ, kizi urau una: yumba ǝnǝwu au kǝkina.²⁵Yumbura titǝshi kini urǝnǝ kwara ɔu na masasa nu shwaka au kinǝnǝ nǝ churna pirmǝ nu gura u:tuzu uhara mǝkangara, ko urǝnǝ kwara ɔu yumbau nǝ tǝrǝ tu ugɔmɔ utuzu uhara mǝkangara, kizi ugɔmɔ utuzu uhara mǝkangara midi yumbau nǝ tǝrǝ tu: undu tiyaukwara, kizi bǝndǝn a:rǝn ka a tɔru: nǝ rai a'iɲaŋ. ²⁶Emnu buɲi akuraduru ba u:suru bǝndǝn wu sai uma tara kuminka adulau.²⁷"Nǝna kunda ana: buhuza nǝ tuni nuhu 'Gana wuza rhilǝm wu'. ²⁸Kizi emnu badi nuhu kap undunanka mǝ bara-ugwa nǝ yimǝ uwǝmǝ u'il:na, toh muma wuza ila:na kinǝmǝ ma niyaŋ nǝ yimǝ rurɔhɔ rumǝ.²⁹Baka rhizi ru:wǝrǝ kaŋkam rɔu ruwunzau nu gulu, vuka uditɔrɔ rǝŋ. bazika i:kizi ka: uziusuar nǝ rupum rɔu di sharna ka adihu kusum rupum rɔu ridi ruwǝ nǝ yimǝ u: labunaku nǝ shiri. ³⁰Baka uwǝrǝ kaŋkam ɔu wunzau nu gulu, toh tuzu udi tɔrɔ ɔŋ. Bazika i:kizi uʒi usuar nǝ rupum rɔu di sharna ka adihu kusum rupum rɔu ridi ruwǝ nǝ yimǝ urwa ulabunaku nǝ shiri.³¹Ana ku buhuza nǝ tuni nuhu, 'kap undunaka mǝ jiki ugwa umǝ, toh sai mǝ yumǝ uva u:marna: aɲa', ³²kuzu emnu badi niɲi nuhu kap undɔ ka mǝhu jiki ugwa umǝ saikɔ nǝ tara ila:na kini uzi undigǝrmǝ, kizi mǝ chirumǝ nuhu ulǝm. Kap undoka mǝhuwa aɲa ǝmǝ nǝ mara uiki dǝndi, toh ǝmǝ ni: ila:na hu kinǝmǝ.³³Kuzu, nǝna kunda ana buhuza na:ndu tuni nuhu, 'Gana tɔnzɔ nǝ malem wu, amma kǝ sha itɔnin e:u nira ata: Em gbaki nu badi niɲi, ³⁴kizi eng gara ninyi, nǝ gana tɔnzɔ wu, kɔn shiri, bazi ka ira titǝshi tuweŋ hu; ³⁵da kǝzi na mǝsanu, ira i:tara tuburia tumǝ hu; da kǝzi na Jerusalem, andǝ nǝzi upana u:jah gbau.³⁶Nǝ gana tɔnzɔ na kpǝ gini wu bazi ka ba zǝndɔni ka mǝʒa mǝ wangara ru: sukpǝ rumǝ ru sɔkɔnɔ rugupǝŋ ridi kɔ ru guba wu. ³⁷Yaha 'a: gini sɔkɔnɔ a:' ko 'ɔ:ɔ gini sɔkɔnɔ ɔ: ɔ: kap iminka ihu-ipǝngǝ indi, toh i: suru nira unǝɲarumǝ hu.³⁸"Nana kunda ana buhuza nuhu, 'Rhizi nǝ tara rhizi, kini rhiɲini.' ³⁹Em gbaki nu badi niɲi, nǝ gana gyami undu shishɔrɔ wu. Nǝ rukpǝ ridi, kap undɔka mǝ rǝtu: nǝ ritamu ru: wǝrǝ kaŋkam, ku yuhurumǝ uwǝndǝ ritamu ridi.⁴⁰Baka zɔndɔ nu gana usha ɔu nǝ tba ubunu kizi mǝ chirau imin kupurumǝ, toh uahumǝ usǝrmǝni ɔu. ⁴¹Kap undɔka mǝ wata taru: tubuna nuhu nǝ hana u mile wǝndǝ, hanu: kinǝmǝ nǝ ti mile tirepu. ⁴²Ya kɔ ǝvi imin ka mǝhu bila nawu, gana yuhuru amaru nu:ndu aval nawu wu.⁴³"Nǝna kunda ana buhuza nuhu, 'wǝmǝ undushibira ɔu kizi ugyami undu gyami ɔu'⁴⁴Amma emnu badi niɲ nuhu, wǝmin andu gyami gini nǝku wuza aval nuweŋ nandu: ɲiʒiɲi kpai,⁴⁵nunuka nǝdi sɔkɔnɔ andigenzǝ Eta: gini na shiri. Bazika mǝ nunza uweŋ suru na: ndu shishoro kini andu gilau, mǝku shinshi ure na:ndu sar kini andɔka bǝnǝ sar wu.⁴⁶Hunǝ nǝmǝ andu wǝmǝ gini kpaidi, yandi imin i:yiba kizi na mura? Ba sana eŋ kizi andu kansa ikurbi: tugursa wunza niyaŋ wu?⁴⁷Baka ahene gini kpaidi kizi nǝɲinzǝnǝ tukwa, nǝ kizi udangaradi ni mi yɔŋ? Ba sana: imin inanganaka andujir ruza uweŋ wunza niyaŋ wu?⁴⁸bazi na: nandi, sɔkɔnin sar kandaka Eta: gini nǝ shiri sar.

¹Wǝnkǝlin nǝgana wuza ututomo u tanu titsang-tsang tigini nunu ka andubǝ diyira, in ba anadi wu ba:na: mura imin i:yiba nira ɛtah gini ka ǝmǝ nǝ shiri wu. ²Bazi na nandi kap ushwa ka ǝngi nu yutu tibinka tigini, nǝ gana bǝnzǝ akpǝ gini nǝ tuba anduba dangna andu bǝnzǝ akuraduru nǝ malam nǝ tugura tu:weng gǝnǝ kini nǝ tu churna wu, nunu ka anduba di yibǝnǝ. emnu bunyi akuraduru ama surs atuba akaba kusum imin i:yiba gǝnǝ.³Bazi na nandi kap ushwaka aunu yutu tibinka tou, gana yaha uwǝrǝ kangkam ou na eng wu. ⁴Nunuka tibinka tou tidi sokono nu kupu. kizi ɛtau ka mǝ rikiza tukpakpa tu kupu ma: yau imin i:yiba eu.⁵Kap ushwa ka nǝ nangu wuza aval nuweng, nǝ gana sokono dang'a andu akuraduru amalem midan wu, ǝnǝ a goto wǝwǝ a tura a wuza aval nu gura u:weng gǝnǝ kini nǝ tu churna tu kara nunuka anduba di yirǝnǝ. Emnu buni akuraduru, ama sura atuba a kaba imini i:yiba gǝnǝ niyang. ⁶ǝnyi gbaki kap ushwa ka nǝdi wuza aval nu weng, ruwǝng nǝ yima tugura tigini. Kursang tushuttugura kizi nǝ wuza aval nǝ Tah gini ka ma rika tukpakpa tu nyisa. ɛtah gini don ja mǝ rika tukpakpa tu nyisa ma yibinyi nǝ tara utom gini. ⁷Kap ushwa ka ǝnyi na aval nǝ gana kursu nǝ moro bunu:a nanka numa ba:wu danga kandaka undubǝnzǝ akuraduru nǝ malem wunza, nu dolom gǝnǝ aval gǝnǝ a mura ukaba bazi itim i'amoro bunu gǝnǝ.⁸Bazi na nandi nǝ gana sokono danga-ana wu, ɛtah gini ruza imin ka ǝnyinu gana di nira'imǝ. ⁹Bazi na nandi wuzang aval gini inǝi:ɛta goro nǝ shiri yaha rhizǝ rou ridi mura nyiba tsantsang. ¹⁰Yaha bugizi bu rijah rou ridi shupu. Yaha imin gana eu di sokono nǝ mǝsanu dang'a kandaka eng nǝ shiri.¹¹Yandu uyira urichidi kini imin i:rya. ¹²Taka nu taka goro, dang'a kandaka arma to takaza nandu takaza di nandu. ¹³Gana kǝ shandu nira bukunduza wu, susuzandu nǝ tǝrǝ tu unǝnyarumǝ.¹⁴Huna taka ni taka i'andubǝ, ɛta gini nǝ shiri dong ma takinyni itaka gini. ¹⁵Kuzu nǝhu gyami untaka ni taka gǝnǝ, ata gini nǝ shiri ma ba:ma takinyni itaka gini wu.¹⁶Ushwaka ǝnyi nu yira nandi nǝgana takara ɛzhi gini dang'a undoka awumǝ uwi kandaka andu bǝnzǝ akuraduru nǝ malem wunza wu bazi ka ǝnǝ awangaraza tusokonin ti ǝzhi gǝnǝ nunuka andubǝ di ruza nuhu ǝnǝ nu yira nandi. Emnu bunyi akuraduru, ama kaba imin i:yiba nu tom gǝnǝ kusum. ¹⁷ǝnyi gbaki, ushwaka anyi nu yir nandi, kuzung ǝzhi gini nǝku wozo manu nǝ kpǝ ¹⁸nunuka ba andubǝ diruza nuhu ǝnyinu yira nandi wu, saiko nǝ ta gini ka mǝ rika tukpakpa tu-ayimǝ, kizi ǝmǝ ata gini ka mǝ rika tukpakpa tu-ayimǝ yinyi imin i: yiba nu tom gini.¹⁹Nǝ gana taring nǝ kpǝ gini izhimin nǝ ribing'a ru mǝsanu midi wu, niraka ikang'a ni kini ishimma ka i:shara tǝng kini anagana ka a:pura aruwǝni a sha'igana wu. ²⁰Nǝ tara nandi, tarin tukpakpa tigini nǝ ribing'a ruashiri ka ba ikang'a ni wu ko ishimma kini anagan ka adi pura awuza'igana niwu. ²¹Ira ka ribing'a rou ni:yang iraka ruroho rou ni dong.²²Rhizi nǝzhi ikenkeng i:rupum. Bazi na nandi baka rhizi rou rhi gilau ridi, ǝ:zi rupum rou kenkeng kusum. ²³Kuzu baka rhizhi rou nu sharna, ǝzi rupum rou kusum na mǝrim. Bazi na nandi, baka urwa u rupum rou na mǝrim, itim i:mǝrim mudandi mu sokono mashe! ²⁴Ba zondo no ka ma sokono ulǝrǝ utishuarai tirepu wu, dakǝzi mǝ gyami uwandǝ kizi mǝ wǝmǝ uwǝndǝ di ko mǝ goto karututo nu wǝndǝ kizi mǝ yizi uwǝndi yong. Ba u: dula uweng kini ikurbi nu lati wǝndǝdi wu.²⁵Bazi na nandi emnu badi ninyi, nǝgana dolom nǝ tara tuvungkuzǝ tigini wu, iminka na rya kini iminka na sua; ko nǝ tara apum gini, iminka na kanda rigini nani. Tuvungkuzǝ bati kizi irya wu, ba rupum ru kizi usǝrmani? ²⁶Barin inyen i'ashiri. Ba agbaraza ko awǝngǝrǝ wu, da kǝzi apitunu nǝ sibing'a wu, konze ɛta gini nǝ shiri nyizǝnǝ irya. Banǝ kizi tukpakpa tidi nǝ rugbau nira imǝ wu?²⁷Avi nǝ yimǝ gini ka bazi udolum umǝ rǝn kini rukpǝ ruma rumoro ru wǝndǝ nǝ masanu midi. ²⁸Bazi mashe ka ǝnyi nu dolom nǝ tara imin i'uwa n rupum? Barin ukpikpe u:ruzhongor kandaka ugaza. Ba'awuzuza ituma wu kuzu ba'a dunzuza imin iuwa nǝ rupum wu. ²⁹Nǝnedi emmu badi ninyi, ko Solomon nǝ rurum ruma, ba mǝna ryongo dang'a uzhi ukpikpe di:wu.³⁰Baka Uweng ma ryongo ukpikpe uruzhongor, ka ongni richidi izu gbaki a toro ong nǝ yima urwa, mashe kizi mashe kizi ma ryongunyi ǝnyi tǝmǝ nu tara rai? ³¹Bazi na nandi nǝgana dolom nu gusa imi kizi tu rya? ko imi kizi tu swa? ko imi kizi ryongo rugoro nani?³²Andubǝnzǝ akuraduru nǝ malem ma nu bila tukpakpa tidi kusum, kuzu ɛta gini nǝ shiri ruza ka ǝnyi nu gana tǝn dong. ³³Nǝ dinka, bilang bigizi bu rija: ruma kini tanu titsangtsang tumǝ ya:ni kizi kusum tukpakpa tidi ayinyi tǝng. ³⁴Bazi na nandi, nagana dolom nǝ tara i:zu wu, Bazika i:zu i dolom nǝ tara rukpǝ rumǝ koyandi richi nu gbǝnǝ rukpa rumǝ.

¹Yesu pa ruwǝ nǝ yimǝ imin tanu nǝ mini nǝ, mǝ punu pirmǝ nu pana umǝ. ²Apa rǝnǝ numǝ na zondo ka muma sua rumǝ nu suar wǝndǝ na tunonin nu kapa. Nu yira utara rai rigǝnǝ, Yesu nu hunu nundu sua rumǝ nu suar wǝndǝ di, 'Vana, kisa rai. Ama taka ni taka eu',³Kizi azondo nǝ yimǝ andu darsa hunapum gǝnǝ, 'Undo di nu pusa mǝ̌kǝri'. ⁴Yesu ruza udodom gɛnǝ kizi mǝhu, 'Bazi mashe ka api nu dolom nǝ tara tukpakpa tishishoro nǝ yimǝ suroho sigini. ⁵Iyandi kizi fyau ka ahu, 'Ama taka ni taka eu. ⁶Torno udi hana? Konzǝ nǝdi ruza hunu vana Uwen na budǝrǝ nǝ mosanu midi mu itaka ni taka...'mǝpǝ huna nundu sua rumǝ nu suar wǝndǝ, 'Torno, chira ukapa ou udi pirau nɛ susa'.⁷Kizi undodi torno mǝ pirumǝ nǝ susa. ⁸Ushwaka rugozon ridǝndi ripa yira ingedi, kizi akpo niyǝwǝ, aku zanzana rhizǝ ru Wen kama yunba muzu budǝrǝ bidi nandubǝ ka pǝzi ⁹Yesu na tanu usuru bǝndǝn, kizi mǝ yira zondo ka agusumǝ Matiyu na titǝshi nu gura u kansa ikurbi ugǝndu. Mǝpǝ hunumǝ, 'Dulam'. Kizi mǝ torno mǝ dulumǝ.¹⁰Ka Yesu pa tǝshi nǝ bigizi mǝdi ryi iry nǝ rai di, kizi andu kansa ikurbi igǝndu tim kini andu mǝjunu mu ruhoro pana ryi irya di kinǝmǝ kini andu makaza umǝ ¹¹'Ushwaka tu pharises pahu ayira nandi, kizi ahunandu makaza umǝ, 'Awa mashe ka undu bǝnzǝ gini na ryi rya ini andu kansa ikurbi ugǝndu kini andu mǝjunu nǝ dutoho yon'.¹²Ushwa ka Yesu pahu mǝ kunda kizi mǝhu 'Andubǝ ka ǝnǝ kenken nǝ pun gǝnǝ ba a gana undu kwan wu, saiko andujir ruguma. ¹³Kǝ bilan rukpǝ ru bunu di, 'Emnu gana izai hu ba uyumba rumǝ wu'. Ba nunuka indi yisi andu sar nu rya tiruni wu, saiko andu mǝjunu mu.¹⁴Kizi andu makaza John pa na durumǝ ahunumǝ, 'Bazi mashe ka ar kini tu pharises yirsa nandi lallati yon?' ¹⁵Yesu pa hunǝnǝ, 'Andigǝzǝ a'undu ana, a kpo nǝ riyom tunka unduana gishi di dani kinǝnǝ duwǝ? Ushwa ubiu on ka asa chirǝnǝ undu ana gisau di nǝ yimǝ gǝnǝ, kizi akpo nu yira nandi kǝkina.¹⁶Ba zondo ni ka mawa usǝrmǝni gisau nǝ tara u kozo wu, bazi ka tira tu dunza tu kini hataza rumǝ nu sǝrmɛni.¹⁷Kuzu andubǝ ba awunza mini mu kahmma mu gisau nǝ yimǝ mudaka mu kozo wu. Ahu wa nandi mu poso, kizi mini mukahumma midi sasarumǝ, mudaka midi gbaki, mu sharna. Nǝ rukpǝ ridi, awa mini mukahumma mu gisau midi nǝ mu daka mu gisau nunuk kusum mudi zunna'.¹⁸Ushwaka Yesu nu ba tukpakpa tidi, kizi uzi undu kwara di rǝmǝ mǝna gbarumǝ arug nǝ bigizi mǝhu, ' Basha om pa suru wi nanadi, rairom ka udi rau udi kǝ tarumǝ uwǝrǝ mǝ rupum nunuka tuvunkǝ tumǝ tidi kurumǝ ni'. ¹⁹Kizi Yesu pa torno mǝ dulumǝ kini andu makaza um.²⁰Pǝzi uzi ugwa ni ka muma wa suwǝ rukurǝ na sirepu nu gbanǝ nu susu mǝyi pa rǝmǝ nǝ mara Yesu kizi mǝ gaka unu sǝrmǝni umǝ. ²¹Pǝzi uzi ugwa ni ka muma wa suwǝ rukurǝ na sirepu nu gbǝnǝ nu susu mǝyi ps rǝmǝ nǝ mara Yesu kizi mǝ gaka unu sǝrmǝni umǝ. Bazi ka mǝpa hu nǝ rukpǝ rumǝ, 'ihun rǝn gaka usǝrmǝni umǝ kpaidi in womo'. ²²Yesu pahu mǝ yuhutu kixi mǝ yitumǝ, mǝ hunumǝ, 'Basha, kisarai; utara rai rou ma womu'. Ugwa di pa womo nushwa dǝndi.²³Ushwaka Yesu pa rǝmǝ nǝ susa a'unǝkwara dǝndi, kizi mǝ yira andisharuwu kini rugozon ru andubǝ nu nai. ²⁴Mǝpǝ hu. 'kizi a poro na tuzunza nu meshe umǝ.²⁵Ushwa ka rugozon ridǝndi ripa suru nǝ shibi, kizi mǝ ruwǝ nǝ yimǝ uguradi mǝ mokumǝ uwǝrǝ kizi basha di torno. ²⁶Ubunudi pa sasarumǝ nǝ yimǝ igizi labǝndǝndi kusum.²⁷Yesu pahu mǝ suru bǝndǝn kizi tilǝngǝ tirepu tudulumǝ. Apa shinga rukpǝ nu gusa , 'Vana u David kunda izai gor!' ²⁸Ushwaka Yesu pa ruwǝ nǝ yimǝ azi arai, kizi tilǝngǝ tidi turuwǝ nǝ yimǝ di don. Yesu pa hunǝnǝ, 'a, ushuarai'²⁹Kizi Yesu gakǝnǝ zi mahu, 'Yaha idi sokono ninyi nandi nu tara rai rigini . ³⁰Kizi ezhi gǝnǝ komo rumǝ , kizi yesu wundu anǝ tuto mahu, yirang zondo gana ruza . ³¹kizi andi repu dǝndi pa saru akpo nu sasa ubunu di kusum nǝ bigizi budǝndi.³²ushwa ka andi repu dǝndi ma kaba achuna , kizi ana duru yesu nunzi undodi ka amǝ nu gbǝnǝ na burimbushishoro ka buma wumǝ ujir ubunu . ³³ushwa ka mapa nǝrǝ burim bushishoro bidi nǝ yimǝ umǝ kizi undodi kpo nu bunu kakina ipa sokono nǝ rugozong ruandubǝ imin bobo kizi zhu , ba ananma yira muzu ingedi nǝ isral wu. ³⁴kizi tuharise tu kpo nu gusa , na budǝrǝ bu ugomo iroho shiroro kizi ma susumǝ ruroho rushiroro ridi .³⁵yesu pa lǝnkǝrǝ na yimǝ tipana kini ikoro nu bǝnzǝ nǝ ubunuweng na tira tu , bisi azhi kini ubunu nǝ tara bigizi bu rijah kini uwomo ukoyandi ukono kini ujir ruguma . ³⁶ushwa ka yesu pa yira rugozon ridǝndi kizi ma chira izhai nǝnǝ , bazi ka pezi anǝ na yimǝ ugbǝnǝ kini igbǝrǝki rai , pezi anǝ danga ituma hu labu unǝbiha .³⁷mapa hunandu makaumǝ , tuwu tidi tibari kizi andi tuma di tǝmǝ . ³⁸bazi na nandi wuzang aval sasa na tǝ tuwuzu , nunuka madi chepǝ, tuma nǝ tuwuzu tidi .

¹Yesuh pa yisi andumakaza umǝ yukurǝ nandi repu dǝn nira wǝndǝ kizi mǝ yǝnǝ budǝrǝ nǝ tara surɔhɔ sishishɔrɔ, adi susuzǝnǝ aku wɔmɔ kɔyandi muzu ukɔnɔ kini ujir ruguma.²Inge sizǝ su atuma ǝmǝ rukura nandi repud: undu dinka, simon (ka agusuma peter), kini Andrew uhene umǝ, James Vana u zebedee, kini John uhene umǝ: ³Philip, kini Bartholomew: Thomas kini Matthew undi kansa ukurbi iugǝndu; James vana u Alphaeus, kini Thaddaeus; ⁴Simon u Zealot, kini Judas Iscariot, ka:ma yuhurumǝ amaru.⁵Yesuh pa tumǝnǝ rukurǝ nandi repu di. mǝ hunǝnǝ, '' Nǝ gana piriɲi niʒira ka andujir dula na titǝshi ni: wu, nǝ ganaku ruwǝ nuʒi upana u'a samaritans wu. ⁶Nǝ rukpǝ ridi, piriɲi nira itamu i:uwuruma i'a isreal; ⁷nahu piriɲi, nǝdi ba: nuhu, 'Bigizi bu rijah nǝ shiri buma dungǝ vati.'⁸Wɔmin andujir ruguma, zaŋsiŋ andu wi, wɔmin tukumi, nǝdi ku susuzu andubǝ surɔhɔ sishishɔrɔ. emnu yumbadi niɲi ba: nikurbi wu, yakaka ǝɲi ma na:ka yumba nujir ikurbi. ⁹Na gana hana ni ʒimin nǝ yimǝ tishɔkɔ tigini wu danŋa gold, silver kɔ copper. ¹⁰Na gana hana na: shɔkɔ atanu wu, ko uʒi usǝrmǝni, kɔ tumafɔrɔ, ko ubinda, bazi irya eŋ i'undu-ituma hu.¹¹kɔyandi upana kɔ bukɔrɔ ka nǝ ruwǝ ni, muraŋ ushuarai uraidi kizi nǝ tǝshi ni pyau sai ushwa u shira gini. ¹²Hunǝ ruwǝ nǝ susadi, na yumba tukwa. Baka andu gilau nǝ susadu, ahuniɲi yaha ishamma gini di sɔkɔnɔ nǝ susa di: ¹³kuzu baka ba andu gilau nǝ raidi wu, ahu, yaha ishamma gini di kuruma nǝ kpǝ gini¹⁴Andunanka ahu gyamiɲi da kǝzi agyami ukar nǝ tutɔ nǝ mɔrɔ bunu gini, ushwaka usuru gini nǝ yimǝ araidi da kazi upana di yɔŋ, nǝdi garhiŋ ukyuhu: tubuna tigini nǝnǝ. ¹⁵Emnu buni akuraduru, ǝ:zi mara-mara bigizi bu a sodom kini Gomorrah nu pana dandi nu weŋ utuzu uhara makangara.¹⁶Barin, emnu tuma utuzu gini danga itamu nǝ tarshi animaya, bazi na nandi sɔkɔnin na ryɔmɔ danga inŋa, kuzu tunguruŋa danŋa ikukǝ. ¹⁷Wǝnkǝlin nandubǝ! A wunduɲi pirmɔ nǝ tukɔngo tigǝnǝ kizi a libuɲi nǝ tira tu:bisi ɛzi gana. ¹⁸Kizi aka shiɲi na tuba tugɔmɔ kini ijah gǝnǝ nǝ tara'am. nunuka idi sɔkɔnɔ niɲi lǝlu ru ba: tubuna tigilau nǝ tara am kini nǝ tara andujir dula.¹⁹Ushwaka ahu yutuɲi, nǝ gana kunda iyǝwǝ nǝ tara kandaka na bunu kɔ nǝ tara iminka na gara wu, asa yiɲi imin i gara nushwa dandi. ²⁰Bazika ba ǝɲidi kizi na bunu wu, burim bu ɛta bugini kisi bu bunu nǝ yimǝ gini,²¹Uhene ma yumba uhene nu wuna, ɛta ku yumba vana umǝ. Andigenzǝ gbaki atɔrnɔ nǝ nata gǝnǝ har a sɔkɔnɔ achurna uwi gǝnǝ. ²²Andubǝ kusum a gyamiɲi bazi rhizǝ yom. kɔnze kap undunanka mǝ shinga piemǝ nu mǝrsǝ di sa mura ukaba. ²³Ahu yiɲi kpai nu pana undi, sumaŋ pirmǝ nǝ udula di, emnu buɲi akuraduru, bana mara ulǝnkǝrǝ tipana tua isreal wu, vana unduba ma biu.²⁴Undu makaza ba mǝ kizi undu bǝnzǝ umǝ wu, kɔ wǝrǝ kizi ushuarai umǝ wu. ²⁵Iwa ɲal ka undu makaza sɔkɔnɔ danŋa undu bǝnzǝ umǝ, kuzu ulǝrǝ sɔkɔnɔ danɲa ushuarai uma. Ahu yisi ushuarai uarai Beelzebul, yandi muzu sizǝ sishishɔrɔ kizi ayisi anduba araidi nani!²⁶Ba zi na nandi ngana kunda iyawɔ gǝnǝ wu, ba izimin ni ka eŋ nu kupu ka ba isa kɔrnɔ rumǝ wu. ²⁷imin ka iemnu badi niɲi nǝ marim, kǝ gariŋ eŋŋ kenkeɲ, imin ka kunda uruwǝ niɲi nǝ tutɔ shamma kǝ baŋ eŋ nǝ tara asɔrɔ.²⁸Nǝ gana kunda iyawɔ andu wuna apum di:wu ka ba arǝn uwuna burim bun dubǝ wu. Nǝ tara nandi, kundan iyǝwǝ undunanka marǝn uwuna burim kɔ pirmǝ nǝ yima urwa u labu naku. ²⁹Ba aʒiʒa muɲen mu repu nu kɔbɔ wu? kap na nandi ba kuʒini ka ku pkɔ nǝ bigizi banu ruza ɛta gini wu. ³⁰Sukpǝ suakpǝ gini kusum nu bara ³¹Na gana kunda iyǝwǝ wu, əɲi na rugbau char nǝ tuba: muɲen midi.³²Bazi na nandi, kap undunanka mǝ bam nǝ tuba andubǝ, enna in bumǝ nǝ tuba ɛtam kǝ:mǝ nǝ shiri. ³³Kuzu undunaka mǝ waisaru em nǝ tuba andubǝ, emma in waisaru imǝ nǝ tuba ɛtam kǝ:mǝ nǝ shiri.³⁴Na gaan yira dannga in ramindi biu ni shamma na mǝsanu midi wu.Ba in ram indi biu ni shamma wu, saiko uwal. ³⁵In ram indi gura umdubǝ kini ɛtǝ:mǝ hu, basha kini am bǝ:mǝ, ambisau kini nǝrǝzu:mǝ ³⁶anǝnyarumǝ aunduba susuzu nǝmǝ nǝ rai hu.³⁷kap undunaanka ma goto wǝmǝ vanaumǝ ko basha umo ma:tǝ moko num wu. ³⁸kap undunanka mǝjita chira uchichi ugakara umǝ mǝ dulam wu, ba:mǝ moko num wu. ³⁹kap undunanka mǝ goto wǝmǝ tuvungkǝ tumǝ, ma naha tǝng. konze kap undunanka mǝ naha tuvng kǝ tumǝ bazi ǝmi, ma mura tǝng,⁴⁰kap undunanka mǝhu kabinyi emdi kizi ma kaba, kuzu kap undunanka mǝhu kabum, toh ma kaba undunanka ma tumam niyang. ⁴¹kap undunanka mǝhu kaba utuma u:weng nǝ rhizǝ ruhu utuma u:weng hu, masa, kaba imin i:yiba i'utuma u:weng di, kuzu kap undunanka mǝ kaba-undu:tanu titsang nǝ rhizǝ ruhu undu:tanu titsang-tsang hu, masa kaba imin i:yiba iundu tanu titsang-tsang tidi.⁴²Kap undunanka mǝya uzi vana gisang di u kop u mini mu nyanyar nǝ yimǝ rhizǝ nuhu undumakaza hu, emnu bungi akarudura, konu kizara ba:ma pumǝ ukaba imin i:yiba imǝ wu''.

¹ibi biyu natara imin dǝndi usha ka Yesu ma ya andu makaza umǝ rukarǝ riani repo ituma, mabi yaha aǝndǝndi madi ka bǝnzǝ ubunu nǝimǝ upana gǝnǝ. ²Ushwa ka John binunda, ninyan, natara imin ka Yesuh na ǝen, mabi za: andu makaza umǝ: rutuma ³kizi mǝ hunumǝ, "audi undo ka ubiu, da tirika zondo?"⁴Yesu bi wǝmǝ nǝnǝ, "Ka garin na John imin anyinu rika kini ukandizadi" ⁵Tilǝngǝ nu rika ira, tugun na tanu, tukumi ma mura ukuzurunǝ, tutur nu rika di gbaki ando ka ǝmǝwi, amaku zansǝnǝ nu soko nin ingye ar bǝnzǝ ubunu ulense nandubǝ. ⁶Undu ǝkǝbiki nǝzi kusum undo ka ba mawa manang nǝmiwu."⁷Ushwa ka andubǝ di bishirsiza, Yesu bi kpona ubunu na izoshi I ǝndubǝ di na tara John ⁸"Imi kizi nabi pisizing na vyiru nadi yira uhandu Ka uvinu nu zuhu on? Imi kizi na bi pisinyi nǝshibi nadi: Yira? undubǝ na usǝrmǝni uwapu? Akura aduru, ando ka a wunza tusǝrmǝni tu uwapu ǝtǝshizi na arai a ujah hu.⁹Kizi imi ki nabi hanzi nyi na: uwapu una tuma Uweng? Nandi, em nu gara ninyi undi kizi unatuma Uweng. ¹⁰Udindi nǝzi undo ka abi darsa na atara ǝmǝ "Barin, em nu za: unarutuma na tuba gini, undo kama yumbura a chunna baka anyi¹¹Em nu gara ninyi akura duru, ba abi ma mura zondo ka muma torno da ka uga na minumǝ dannya John undu chirsizi nǝ mini wu. Kusum na nandi gun dubǝ ku gisan nǝimǝ bugizi bu ǝshiri ku kizimǝ. ¹²Usuru nǝ si su John undu chirsi nǝmini ubiu na nedi, bugizi bu ǝshiri bi wuza ugbǝnǝ na agata kizi ǝndigǝrmǝ a agata kizi abi kaba na agata.¹³Bazi ka kusum titar kanin kini ana tuma au Uweng nunyinza su tuma ubiu nusha John, ¹⁴kizi imbaka rairou ka udi kaba on, ǝmǝdi: Ilya ka bizi ubiu umǝ. ¹⁵Undo ka ǝmǝ na tuto, yaha madi kunda.¹⁶Indi maka rimiza ridi na imi? Danya ǝdigǝnzǝ ka ǝnǝ na ukizara na uwǝru, ka atǝshi ǝyisi ǝpun gǝnǝ ¹⁷kizi ǝhu, 'ti wurbu bu sharuwa ninyi, kizi bana kpozo ishokori. Tiwuza titǝshi tuma shishoro, bana kiba wu.'¹⁸Bazi ka John bi biu banu: ri irya da uswa mǝpuru wu, kizi ǝhu, 'a ǝmǝ na burim bushishoro' ¹⁹ǝmǝ vana undubǝ mǝ biyu nu: rya di kini uswa di kizi ǝhu barin, ǝmǝ na usom ingye ǝmǝ una kirudi, urǝnǝ kansa ikurbi irilǝrǝ kini undu maeuku!' Aruzuza ryomo usuru nusanaruma u-imin ka ru wuziza".²⁰Na maru a nandi, Yesu bi kponu sǝrtǝ tupana ka mawuza wǝrshili utukwakwa tu bobo ni, bazi ka ba'a kaba Uweng wu. ²¹"Wǝgǝji ninyi chorazin! Wǝgǝji nenyi, Bethsaida! Bǝzi a wuza tukwakwa tubobo tidi ka ama wuza ninyi, na Tyre kini Sidon, bǝzi ama kaba Uweng bana uwunnyawu nǝimǝ tisǝrmǝni tu tiyomn kini mato. ²²Kusum na nandi, agboto wǝmǝ na Tyre kini Sidon na richi ru hara makangara na tara gini²³ǝnyi andu Capernaum, ǝnyi nurika a: nyanzi nyi pirmǝ nǝ shiri? Uwa, a rǝmǝ nǝnyi na bigizi na rai au iwa. Bazi ka na Sadom bazi abi wuza tukwakwa tubobo ka awuza nǝimǝ gini, iba sokono dannya inǝi ubiu na nedi. ²⁴Em nu badi ninyi nuhu, iwa feuwa na Sodom richiru hara makangara natara gini."²⁵Na lǝlu riudǝnkwaidi, Yesu bi hu, "em nu yiba ou Dada Ata Ushiri kini buguzi, bazi ka uma nyisa tukwakwa tidi na andu ryomo kini uruza, kizi ukonno tǝn na adigynzǝ gisan. ²⁶Nandi, Dada, bazi ka imin ulense hu nezi au. ²⁷Ama yam kusum tukwakwa usuru nira Dada om, ingye ba zondo ruza Vana di wu, Dada di kwaidi, kuzi ba zondo ruza Dada diwu, Vanadi kwaidi kini undo ka Vanadi ma vira madi bǝnumǝ.²⁸Rǝnyi nira em, kusum gini ka ǝni nugbǝnǝ ingyeni na tukwakwa tudǝ lǝnydǝny kizi in yinyi uvunkǝ. ²⁹Surka uchichi u a vara am udi makaza nira em, bazi ka emnu shinshi rukpǝ kini ukasa rumǝ nǝimǝ unurai, kizi burim bugini bu mura uvunkǝ. ³⁰Bǝzika uchichi usurkuza om on feuwa, ingye redǝlǝnydǝlǝny rom ba rǝn wani: wu."

¹ Na lalu rindǝn yesuh bi sura richi ru sundǝrǝ nu sara ulam u-imin-rya. ukomo bi wa andu makaza umǝ kizi akponi gaza ǝkpǝ a tukwakwa t'ulam idi nuriya di. ²usha ka farisiyawa bi yirǝnǝ, kizi ǝhunǝ yesuh, "yira andu makaza ɔu na imin ka titar kanin tu gǝhǝ na richi ru urya mumpa"³Yesuh bi hunǝnǝ bana bara imin ka david bi wa usha ka ikomo bi mokumǝ kini ando ka bizi ǝnǝ kinǝ mǝ wu? ⁴Mabi hau umǝ nǝimǝ arai a uweŋ maka rya irya ka ama na yimba na tupozo ka titarkanin magǝhǝ.⁵Ba nama bara nǝimǝ titarkanin a:richi ru rya mumpa tupozo nǝimǝ arai a uweŋ ǝgulhusuzu na richi ru rya mumpa mudi ba amokǝnǝ na rikiri wu? ⁶Em nuba: niɲi zondo ka makizi arai a uweŋ na bǝndi⁷Ba:zi nabi ruza imin ka imindi nu ba:di, "em nu gana izhiayi hu ba uyimba rukpǝ wu, bazi: bana gyami undo ka ba ǝmǝ nutakawu. ⁸Bazi ka vana uweŋ ǝmǝdǝ dadah rurichi ruriya mumpa".⁹ kizi yaha abǝndǝn mǝ pirmǝ nǝimǝ arai a uweŋ. ¹⁰kizi bizi zondo ni ka tǝrǝ tumǝ tuma wa: Farisiyawa bi bila nira yesuh, nuhu,"titarkanin tu hu a womo ǝndubǝ richi ru riya mumpa?" bazi ka adi mura aryu mǝ na rikiri.¹¹yesuh bi wǝmǝ mǝ hu " ǝvi nǝimǝ gini ka ǝmǝ n' utamu wǝndǝ kpaidi, kizi utamu di kpo na ruwo richi ru rya mumpa bamǝ susumǝ wu? ¹²gboto kizi undubǝ da utamu! baka na nandi, tatarkanin bati gǝhǝ ka uwa imin galau richi rurya mumpa wu".¹³kizi yesuh huna undodi, " yutu uwǝrǝ ɔu. mabi yutu uwǝrǝdi kizi uwǝrǝdi mura ruguma danɲa uwǝrǝ ru rǝpudi . ¹⁴kizi Farisiyawa di ka bila tuchunna ka adi ryumǝ na rikiri. ǝnǝ nu bila tuchunna ka adi wunu mǝ.¹⁵usha ka yesuh bi ruza nandi, mabi shira usuru bǝndǝn di: ǝndubǝ char bi tarsumǝ, kizi ma womǝnǝ kusum. ¹⁶mabi yǝnǝ ubunu uruvunah agana yaha ǝndube ruzumǝ wu, ¹⁷ka adi mozuzo imin ka ama ba nusuru ishaya una tuma, nuhu¹⁸ yira, ulǝrǝ ɔm ka imma vira, ka in wǝmumǝ, nǝimǝ umǝ kizi in kundiza ulense u burim bom, inwa birim bom natara umǝ, ma ba: imin ka en sar na wormi.¹⁹bamǝ bǝnǝ budǝrǝ da makiba gǝngǝn, da zondo makunda rumoro rumǝ na ruwasu por. ²⁰bama pura uhandu ka uvinu ma gama ɔn wu, bama bisi kusum kuchichi-riŋawu upirmǝ nusha ka ama wa imin ka en sar, ²¹kizi nǝimǝ rizǝ rumǝ awormi a mura utara rai. na amaru anandi kizi abi biu na zondo nira yesuh ka ǝmǝ ulǝngǝdi, ingyǝmǝ uturdi na burim bu shishoro.²²mabi womumǝ, na imin iruka ka uturdi biba; ma yira ²³kusum ushosh andubǝ biwa bobo ǝhu "ǝrǝn ka undodi nazi vana u David?"²⁴24 usha ka Farisiyaya bi kunda na tara ubobo di, ǝbi hu, " undo di bamǝ rǝn ka ma susu irim shushoro wu imba na Beelzebul, ugomo u irim shishoro". ²⁵Yesuh bi ruza tunurai tigǝnǝ, kizi mǝhunǝnǝ, gun bugizi bu rijah ka buma hara rumǝ, buma shaina, kini kusum arai da upana ka uma hara rumǝ ba u tura wu.²⁶26 imbaka shetan susuzu shetan, mama hara rumǝninɲa. awu mashe bugizi bu rijah rumǝ tura? ²⁷kini hu in susu irim shushoro bazi Beelzebul, bazi undo ka andigyenzǝ gini susuzǝnǝ ninyan? baka nandi a sokono andu hara makangara mugini.²⁸hu in susu irin ishishoro na burim bu uweng bugizi bu rijah bu ǝshiri mǝ byu ninyi ninyan. ²⁹adiwa mashe undubǝ ruwǝ n'arai a undu budǝrǝ kizi bama kisumǝ yani kizi mashi gana imin imǝwu? kizi madi rǝn masha igana imin imǝ masuru na rai ǝmǝ. ³⁰undo ka ba ǝmǝ kinemi wu ǝmǝ unanyarmǝ om, undo ka ba amǝ nu pitunudizi kinemi wu ǝmǝ nu sataza di hu.³¹ baka na nandi, ata ka mǝruku kini ushara ubunu uweng ǝndubǝ, ushara ubun u burim kizi ba atawu. ³²kusum undo ka maba amoro banu kaba ahana kini ubunu u vana undubǝwu ataka nemi. kizi kusum undo ka ma gara amoro bunu ka ba ahana kini a burim bu tsantsan wu, in dǝn kizi ba ataka nami wu, da nǝimǝ masanu mudi da mu nanga ka ubyu uweng .³³" wa uchichi u imingalau, imuzu di wa igalaudi, da uwa uchichi ushishorodi, imuzudi wa ishishorodi, bazi ka aruziza uchichi galau baka imuzu iɔn. ³⁴ǝnyi ǝndigǝnzǝ a ibomi, namǝ bǝnǝ ǝnyi na nyasi, adi wa mashe na ba imin galau? bazi ka nasuru na tukwa char tu ayumǝ unurai kizi unu bahaza. ³⁵undubǝ galau usuru nimin ka mumǝ pitinu nǝimǝunurai umǝ ki ma nyinziza imin galau , kizi undu anyasi usuru nimin ka muma pitunu nǝimǝunurai ki ma nyinziza imin i'anyasi³⁶ em nubadi ninyina richi ru har makangara andubǝ kusum sa ba imin shishoro ka amura abi ba ³⁷bazi ka n'amoro bunu au kizi asa gyamǝu"³⁸kizi azhi andudarsa kini Farisiyawa bi wǝmǝ yesuh, kizi ǝhu, "undubǝnzizǝ ar nugana ka tu ba yira tukpwakpwa tu bobo usuru nira eu" ³⁹kizi yesuh bi wǝmǝ mǝ hunǝnǝ, "rimiza ru anduh anyasi aganza ubobo. ǝngu yǝnǝ ubobo wu imba u Jonah un tuma wu ⁴⁰bazi ka Jonah bi wa tiyira ti taru kini tiri ti taru nǝimǝ ason a bigini bu gbǝu nyan yakadi ka vana undubǝ mawa tiyira titaru kini tiri ti taru nǝime unurai ubugizi.⁴¹ andu a nineveh sa toono atura richiru hara makangara kini rimiza ru ǝndubǝ, asa gyami ɔn. bazi ka ǝbi kaba uweng bazi ubunu uweng ka Jonah bi ba , kizi yiran, zondo nǝbǝndi ka mǝ shili Jonah.⁴² ugir, u usara aza ma tonno mutira richi ru makangara kini ǝndubǝ a rimiza, kizi ma gyamǝ nǝ. mǝbi byu usuru nǝ umǝrsǝ u bigizi madi na kanda ryomo ru Solomon, kizi yiran, zondo ka ma shili Solomon bǝndi.⁴³ usha ka burim bu mǝjunu mǝ suru nundubǝ, busursa nu sura uira kaba mini niwu, kizi bu bila ira i'uvunkǝ, kizi ba ma murawu. ⁴⁴kizi mǝhu, "yaha indi tara ni na susa am ka imbi suru ni kizi im biu bǝndi". usha ka mamǝ byu, mana mura ama bisa asusa di a wa au kefu. ⁴⁵kizi maku tara ni, maka chira kinǝmǝ izhi iriundi, sundǝrǝ, ka akizi bǝn na nysi, kizi ǝrǝnǝ kusum bǝngdǝndi. kizi umǝrsǝzǝ udindǝndi yuhuru ushishorodi wani adinka di. isokono dannya nandi na rimiza ru anyasi di".⁴⁶ usha Yesuh nǝimǝ ubunu kini izhoshi i ǝndubǝ di, yiran, ango umǝ kini a hene ǝmǝ byu kizi atura na ashibi, nugana adi bunu kinǝmǝ, ⁴⁷zondo hunumǝ, " yira, ango ɔu kini ahenǝu na ritorin na shibi, nu gana adi bunu kinawu".⁴⁸ kizi Yesuh wǝmǝ ki mǝ hunumǝ "ǝvi nǝzi ango ɔm kini aya nǝzi ahenum?" ⁴⁹kizi ma yitu uwǝrǝ pirmǝ nira andu makaza umǝ kizi mǝhu "yira, ingye ango ɔm kini ahenum! ⁵⁰kusum ando kama wuziza imin ka dada ɔm ka ǝmǝ nǝimǝ ǝshiri gana, udindǝng nǝzi uhenum kini ango ɔm".

¹na richi rindǝng ridi, Yesuh bi suru nǝshibi uasusa di kizi mǝ tǝshi nu kira rupende. ²Izhoshi i ǝndubǝ rugbǝu bi nǝ lǝnkǝrumǝ, baka na nandi mabi ruwǝ nǝimǝ buru bu tanu nǝmini kizi mǝ tǝshi nǝimǝ bǝn, ǝndubǝ kusum tura natara utǝnǝ.³baka na nandi Yesuh bi ba tukpwakpwa char nǝnǝ nǝimǝ tuwǝnzu. Mehu, "yiram, unavara bi hanumǝ madi bira imuzu. ⁴usha ka mabi bira, izhi muzu bi kunku nu kira achunna, kizi inyeng na vira en. ⁵izhi muzu bi kpozo na tara bugizi, nira ka ba mumpa ni char wu. Banushara usha wu ibi tozo kizi bigizi bidi ba bǝn pǝu wu. ⁶usha ka uweng ma nyana, ibi doko rumǝ bǝzika ba en na ritaru wu, kizi iwa kusum.⁷izhi imuzu bi kpo nǝimǝ ikana. tichi t'ikana ga: kizi ashibiri en. ⁸izhi imuzu bi kpozo natara bugizi bu galau kizi imina irya nǝ-rinyi, izhi nǝ-akur-twasi, kini izhi nǝ-akur- taru natara imin ka abi bira. ⁹undo ka ǝmǝ na tuto, yaha madi kunda"¹⁰andu makaza umǝ rǝmǝ kizi ǝhunǝ yesuh, "baka imi kizi ubunuzu na izhoshi iǝndubǝ nǝimǝ tuwǝnzu?" ¹¹Yesu bi wǝmǝ ma hunǝnǝ, "ǝnyi na hana nubuna na ruzuza imin ka ama nyisa i bugizi bu rijah bu uweng, ǝnǝ, ba nandi wu. ¹²bazi kusum undo ka amǝ nani a kinumǝ ni, ma mura tim.undo ka ba amǝ nani wu, kusum imin ka ǝmǝ nani akaba usuru nira imǝ¹³nyan imin ka iwa imbunuzu nǝnǝ nǝimǝ tuwǝnzu, uyira ǝnǝ nu rikadi, ba arika wu, kini uyira ǝnǝ nu kundizadi, ba'akunda wu, da aruza wu. ¹⁴Nǝnǝ rutuma ru Ishaya rumamo, rinangana ka ruhu, usha ukundizadi ukunda, kizi ba uruza wu kusum achunna ka akponi, usha uyiradi, nayira, kizi bana yira tiyinkini tidi kǝngkyǝng wu kusum achunna ka akponi.¹⁵15 bazika ruroho ru ǝndubǝ di ruma sokono disa, kizi ingye rǝn gbogbolong nu kundizadi, ingye ama kursa ǝzhi gǝnǝ bazi ka ba'adi yira na ǝzhi gǝnǝ, da adi kunda natuto tigǝnǝ, da adi ruza na suroho sigǝnǝ wu, bazi ka adi yuhuru gbaki, indi womǝnǝ.¹⁶Akǝbiki ǝzi ǝzhi gini, bazi k'arika, bazi tuto tigini tukundiza. ¹⁷ɛm nu binyi akura ǝduru, anatuma uweng kini andu sansan abi gana adi yira tukpwapwa ka ǝnyi nu rikadi kizi ba'abi rika tǝn wu. Abi gana ka adi kunda imin ka ǝnyi nu kundiza di kizi ba'abi kundiza en wu¹⁸18 baka na nandi kundang tuwǝnzu tu uanavara ka mabi ka bira imuzu imǝ. ¹⁹usha ka undubǝ kunda ubunu bugizi bu ǝshiri kizi ba ma ruza on wu, undu anyasikizi mǝrǝmǝzǝ maza imin ka ama bira nǝimǝ unurai umǝ, imuzu in gana ka a bira na chunna niyan.²⁰imin ka abi bira na bigizi bu ashari nǝzi undo ka makunda ubunidi ingye banu shara ushawu ma kabaon na uruma unurai, ²¹kusum na nandi ba ǝmǝ na ritaru nǝimǝ umǝ wu, nyang imin ka bama zhunyiza wani wu. usha ka ukunda kpai da uwa-ukundakpai ma tonno baka ubunu di, ma risasa.²²imin ka abi bira nǝimǝ ikana ǝmǝdǝ undo ka makunda ubunidi kizi titankum to masanu kini buwarsaza bu umura shibiru ubunudi, kiziba maku minawu ²³imuzu ka abi bira na mumpa mu galau izi undo ka makunda ubunudi ma ruza on . ma minza imuzu kini irya, ma pitunu na usha wǝndǝ, na-rukurǝ, nu zhusha na-ǝkur twasi, na uzhi gbaki na-ǝkur-taru natara imin ka abigita"²⁴Yesuh biku yǝnǝ tizhi tuwǝnzu tidi. mǝhu, " bugizi bu rijah b'ǝshiri bǝn dannya undubǝ ka ma bira imuzu galau n'ulam umǝ. ²⁵usha ka andubǝ na mormo, unanyarmǝ umǝ rǝmǝ kizi mana bira sukpe nǝimǝ ulam u idǝri guvon di, kizi ma shira. ²⁶usha ka udǝri guvondi bi sura, kizi imina, kizi sukpe sidi putu don.²⁷ilǝrǝ undu lam di bi rǝmǝ ǝnǝ hunu mǝ, "usharai, inhu d'ubira imuzu galau n'ulam ow wo? baka imi kizi nedi sikpe ni? ²⁸mǝhunǝnǝ 'unanyarmǝ kizi mawa nandi'. "ilǝrǝdi, hunu mǝ, 'nedi rairow ka tidi ka rupu sǝn duwǝ?'²⁹lamdi hu uwa. Bazi ka usha ka ǝnyi nurupu sukpǝ sidi, amura na rupu idǝri guvondi kini sǝn. ³⁰Yahin en udi ga kusumupirmǝ nusha upitunudi. na usha upitunudi, ingara nandu pitunudi, "nadinkadi, rupin sukpǝ sidi nadi kisa sǝn, ǝkpǝdi, adi doko sǝn, kizi nandi pitunu idǝri guvondi nǝimǝribinya.³¹maru anandi, Yesuh biku yǝnǝ tizhi tuwanzu tidi. Mǝhu, "Bugizi bu rijah bu ashiri bǝn dannya buyoho bu ilyu ka undubǝ bi chira kizi ma bi:ra nǝimǝ ulam ³²bu muzu budi bu kizi ni nyololong nǝimǝ imuzu kusum. usha ka kuma ga, kuk kizi tichi ka tǝn nu bedi kusum. kusokono uchichi bazi ka inyen i ǝshiri rǝmǝzǝ ǝpi ti chǝlǝ na sigaba su on."³³33 Yesuh biku bǝnǝ tizhi tuwanzu. "bugizi bi rijah bu ashiri bǝn dannya ---yeast----- ka uga bi chira kizi ma gura kini urǝku u ǝfurhum tumati taru, kizi mǝ buzhu"³⁴kusum tukpwapwa tindi Yesuh bi ba na izhoshi ǝndube nǝimǝ tuwǝnzu. kizi bamǝbi bahazǝnǝ izhimin imbaka ba na tuwǝnzu wu, ³⁵kusum adi mura amonzo imin ka anatuma maba, usha ka mabi hu, "in konno unu om nǝimǝ tuwǝnzu. inba tukpwakpwa ka tǝn nu nyisa usuru na akpira a masanu".³⁶usuruh na nandi kizi Yesuh bi yaha izhoshi iǝndubǝ kizi ma hanu nǝimǝ asusa. andu makaza umǝ bi na murumǝ kizi ǝhu, "bǝnanduh tuwǝnzu tu imuzu i ulam. ³⁷bi wǝmǝ mǝhu,"undo ka ma bira imuzu galau di nǝzi vana undubǝ ³⁸ulam di nǝzi masanu, kini imuzu galau di nǝzi ǝndigyǝnzǝ a undu anyasi ³⁹kini undo ka ma bira sǝn nǝzi unanyarmǝ. Upitunu di nǝzi umǝrsǝ u usokonin, kizi andu pitunudi nǝzi atuma a uweng.⁴⁰baka na nandi, dannya iyanda ka sukpe sidi ka ama pitunu urwa rya, nandi kizi isa sokono nu mǝrsǝ usokonin. ⁴¹vana undubǝ ma tuma anatuma ǝmǝ, kizi a pitunu, usuru na bigizi burija, kusum tukpwakpwa ka tu wunza mǝruku, kini ando ka ba'a tarsa titarkanin wu. ⁴²a toronǝ nǝimǝ atarshi urwa, ira ka ǝzhi uyara kini urunza ǝnyini ni. ⁴³usha di kizi andu sansan awa nyalnyal dannya uweng neime bugizi bu rija bu dadah gǝnǝ. undo ka ǝmǝ na tuto yaha madi kunda.⁴⁴bugizi bu rija bu ǝshiri bǝn dannya imin galau ka en nu nyasi nulam. uzondo zǝrǝ en kizi ma nyisa en. Nǝimǝ uruma unurai umǝ kizi ma pirumǝ, mazhizha kusum iminka ǝmǝ nani, ⁴⁵kizi mana kpa ulandi. Gbaki, bugizi burija bu ǝshiri bǝn dannya undubǝ ka ǝmǝ undi tizhimin ka ǝmǝ nu bila tukpwakpwa ti nyelnyel . ⁴⁶usha ka mabi mura imin nyelnyel wǝndǝ, mabi pirumǝ kizi mǝ zhizha kusum imin ka ǝmǝ nani kizi ma kpa ǝn.⁴⁷47 Gbaki, bugizi bu rija bu ǝshiri bǝn dannya tugun tidi pitunu tukpwakpwa mamani. 48 ⁴⁸usha ka tumamo, undu mokozo igini di wundu tugun tidi na utǝnǝ. ǝbi kizi ǝtǝshi kizi ǝpitunu igalau di awa nǝimǝ tikǝnkǝn, kizi ǝviki shishorodi.⁴⁹isokonon dannya nandi numǝrsǝ usokonin undi anatumaa uweng ǝ rǝmǝ kizi a hara andu nyasi usuru nǝimǝ andu sansan ⁵⁰a toronǝ nǝimǝ atarshi urwa, iraka uyara kini urunza ayini.⁵¹na ruza kusum tukpwakpwa tindi? " andu makaza umǝ hunumǝ '"a:" ⁵²kizi Yesuh hunǝnǝ, "baka na nandi kusum undu darasa ka mama sokono undu makazau bugizi bu rija bu ǝshiri ǝmǝ dannya undubǝ ka ǝmǝ dǝ ushǝwǝ u arai ka mǝ susuzu tukpwakpwa tukozo kini ti gisau usuru nǝimǝ ira ka ma tarsani." ⁵³na amaru anandi, ibi byu na atara anandi usha ka Yesuh ma mara tuwǝnzu tidi mabi yaha ǝbǝndǝn di.⁵⁴usuru nanandi, Yesuh bi ruwǝ na usar umǝ kizi ma bǝnzǝ ǝndubǝn nǝimǝ arai a uweng gǝnǝ. imin ruka di nǝzi abi wa bobo kizi ǝhu, "usuru nabe kizi undodi: nu mursa ryomo kini budǝrǝ bu tubobo tidi? ⁵⁵ingusa da vana undu asoro dǝn nedi wo? ingusa ango umǝ nǝzi mary? ingusa ahene nǝzi James, Joseph, Simon, kini Judas? ⁵⁶ingusa ahene ǝmǝ mansha kusum kinaru wo? mamura tukpwakpwa tidi nabe?⁵⁷mabi wǝnǝ akunda manan kizi Yesuh bi hunǝnǝ "unatuma mursa rugbǝu na upana umǝ kini arai ǝmǝwu." ⁵⁸bamabi wuza tukpwakpwa tu bobo char bǝndǝn baka ujir yimba akura ǝduru gǝnǝ.

¹Na usha undǝn di Hirudus undu dǝtǝr gbǝu u abǝndǝ di bi kunda tu kwakwa natara Yesu. ²Ma bi hunǝ ilǝrǝ imǝ, Yahaya undu chirzizi ǝndubǝ nǝ mini nedi, ma mǝ ka suru nǝime isahu. Baka na nandi budǝrǝ bundi na'ituma nim um,"³Ushadi Hirudus ma moko Yahaya, ma kisa mǝ, ma wumǝ ni nany baka Uga Hirudiya uga: yaya Filib umǝ. ⁴Baka ka Yahaya ma hunu mǝ, "makari ka uchirumǝ ma sokono ugwau" ⁵Hirudus mǝ: wunumǝ, kizi iyǝwǝ numǝ nǝn dubǝ, bazi ka ari kumǝ una tuma.⁶Na Uweng rizǝru Herod, basha u Herodia bi: chinga tubuna tu amiza natarshi ǝndubǝ ki ma ruma Herod unurai. ⁷Baza nandi mǝbi chira itonin a: mǝngu yumǝ kusum imin ka ma bila⁸Usha ka muma kaba ilarbi usurunira ango um mebihu, a yumǝ rukpǝ ru Yahaya undu chirsizi ǝndubǝ nǝimǝ mini, nu kpi". ⁹Unurai u ujah di bi shaina na val ǝndǝn, baka itoning kini ando ka pǝzi ǝnǝ nu riya im rtr kinvmǝ mabi yimba amoro bunu nuhu awa nandi.¹⁰Ma bi tuma aka kpǝnte rukpǝ ru Yahaya ni nang. ¹¹Bazi na nandi abi rǝmǝ nǝ rukpǝ rumǝ nu kpikizi a yimba na basha di ma ka yimba na ango umǝ. ¹²Na mara onandi, andu makaza umǝ bi rǝmǝ, achira ikyezedi kizi aka wansa en. Na amara a nandi abi hanǝnǝ aka mura Yesu.¹³Nedi, usha ka Yesu bi kunda, mabi yaha iradi nǝimǝ buru bu tanu nǝmini pirma nizira ka baǝndune niwu. usha ka izoshi i ǝndubǝ bi kunda, ǝbi tarsu mǝ natubuna usuru nǝimǝ upana. ¹⁴Baka na nandi Yesu bi rǝmǝ na tuba gǝnǝ ma yira izoshi i ǝndubǝdi. Mabi kunda izayi gǝnǝ ma womo nǝ tukonk tigǝnǝ.¹⁵Usha ka iyeru mawa, andu makaza umǝ rǝmǝ ǝhu, "ǝndubǝ bǝndi wu, ingye lǝlu ma sura. Hunǝ izoshi i Vndubǝ ashira, adi rǝn ka apirumǝ na bukoro adi pki irya baka ǝkpǝ gǝnǝ"¹⁶Uweng bi hunǝnǝ "ba usaradi ka ashira wu. anyi yan ǝnǝ izimin adi rya bǝ." ¹⁷ǝbi: hunumǝ, "nira goro bǝndi, arna ǝfurhum shubi kini igini irepu kpaidi". ¹⁸Yesu bi hu, "rǝnyng nami".¹⁹Baka na nandi Yesu bi hunǝ izoshi i ǝndubǝdi ǝtǝshi na sukpe. Mabi chira ǝfurhumdi shubi kini igini irepu dǝndi. Yaka kama bara: ǝshiri, ma wa akǝbikini, ma lente ǝfurhum di kizi ma yimba na andu makaza umǝ, kizi andu makaza umǝ yimba na izoshi i ǝndubǝdi. ²⁰Abi rya kusum gǝnǝ ǝshirsizi. Na amara anandi abi chira udangara di, irya kailenterumǝ-mugyere rukurǝ nani repu vyati. ²¹Ando ka abi rya ǝnǝ ǝndubǝ turu shubi, bakini tuga a adigǝnzǝ wu.²²Bana ushara ushawu, mabi wa andu makaza umǝ a ruwǝ nǝimǝ naburu bu tanu nami pirmǝna tuba ǝmǝ nu galan unji, maku hunǝ na izoshi i ǝndubǝ di ashira. ²³Usha ka mu ma hunǝ izoshi i ǝndubǝ di ashira, mabi nyana nu woho bǝlumǝ madi wuza aval. Usha ka iyǝru bi wa, bizi ǝmǝ bǝndǝn bǝlumǝ. ²⁴Bizi buru bu lanunǝmini mu di peu kini bigizi, ingye on dǝrdǝr, bazi ka uvinu nugana udi chǝchǝ on.²⁵Nǝri au nanzi, Yesu binǝ murǝnǝ, na tanu na tara ripende. ²⁶Usha ka andu tarsa umǝ bi yirumǝ na tanu na tara rupende, tunurai tigǝnǝ bi wa gbegbeti kizi ǝhu "wabisangu hu," ²⁷kizi awa ikyenku nǝimǝ iyǝwǝ. Kizi Yesu hunǝnǝ, "wan rigǝrmǝ! emdi hu! Gana kundan iyǝwǝ wu".²⁸Bitrus bi wǝmǝ numǝ mǝhu "Usharai, imbaka audi, wa ka'indi na murau na tara mini". ²⁹Yesu bihu, "rau|". Baka na nandi Bitrus bi sura nǝimǝ buru butanu namini ki ma kponi tanu madi na mura Yesu. ³⁰Nusha ka Bitrus bi yira uvinudi mǝ biyu gǝngǝn, iyǝwǝ bi wumǝ. Ushaka mini bihu mudi molkumǝ, mabi gbara bu kyenku mǝhu, "Usharai, kabum bǝ!"³¹Yesu, ba ba ushara ushawu, mǝ yiti mǝ hunumǝ, "ǝnyi andu tara rai ugisan, bazi imi ki anyi dahalak?" ³²Na amaru anandi, usha ka Yesu kini Bitrus ǝmǝ ruwǝ na buru butanu na mini, uvinudi bi tura. ³³Kizi andu makaza umǝ rya mumpa, ǝhu, "ǝkur ǝduru au Vana a Uweng hu.³⁴Usha ka ǝmǝ: wungulu, abi nǝ shupu na Gennesaret. ³⁵Usha ka andi garmǝ ka ǝnǝ niradi bi ruza ka Yesu hu, abi za rutuma konabe nǝimǝ iradi kusum, kizi ǝbi rǝmǝ numǝ kusum nundo ka ba ǝmǝ ugumadiwu. ³⁶Abi wuza avalǝmǝ da adi gaka rilem ru usǝrmǝni umǝ. kizi kusum ando ka ǝbi gaka on abi womo

¹Na amaru anandi ǝzi Farisiyawa kini andudarsa gǝnǝ bina mura Yesu usuru na Urushelima. Abi hu, ²"Imi kizi iwa andu tarsa ou ba ǝnǝ nu tarsa tanutu andiganu wu? Bǝzi ka ba'a kuzuzu tǝrǝ usha ka ǝnǝ na arirya wu" ³Mabi wǝmǝ nǝnǝ kimǝ hunǝnǝ, "baka imi kizi bana tarsa titakanin tu Uweng baka tanu?⁴Bazi ka Uweng mahu, 'yimba rugbǝu na dada ou kini ango ou; kini 'undo ka hu ma tinza dada umǝ kini ango ango umǝ mǝ wi? ⁵Nǝnu hu, 'kusum undo kamǝhunǝ dada umǝ da ango umǝ, "Kusum tubinka kana kaba nira em nǝdi ǝnǝwuhu ka a yimba nu Uweng". ⁶Udindǝ maganǝ hu madi yimba rugbǝu na dada umǝ wu. Hu nawa nandi, nama chira ubunu Uweng ba izimin wu.⁷ǝnyi andu idǝger! nyan imin ka Ishaya bihu nyel, ⁸'Ando didi yinzam rugbǝu na tunu kpaidi, tunurai tigǝnǝ pǝu usuru nira em. ⁹A rya muripa nu vinu kpaidi bǝzi ka abǝnzizǝti tarkanin tu ǝndubǝ hu"¹⁰Kizi mv yisi izoshi i vndubǝ na ira imǝ, kizi mǝhunǝnǝ, "kundan nadi ruza. ¹¹Ba izimin ka irunzizǝ nǝimv unu kizi isharsiza undubǝ wu. Imin ka isusu nǝimǝ unudi kizi isharsiza undubǝ"¹²Kizi andu makaza umǝ rǝmǝ ǝnǝ Yesu, " uruza ka tu nurai tu Farisiyawa tu shaina usha ka a kunda ubunu dǝn? ¹³Yesu bi wǝmǝ mǝ hu, kusum uchunupa ka ba dada om nashiri kizi ma gita ǝ rupu on ¹⁴Yahǝnǝ danya, ǝnǝ ti lǝngǝ tidi hu nu dula nǝn dubǝ. Hu ulǝgǝ dula nulǝngǝ kusum gǝnǝ a ruwǝ na ruwo."¹⁵Bitrus bi wǝmǝ ma huna Yesu, "Wandu tida ruza tuwǝnzu tidi". ¹⁶Kizi Yesu hu, "ǝnyi don ubiu na nedi banama ruza wu? ¹⁷Ba na ruza nuhu imin ka irunzuzǝ nunu ka sursiza nǝimǝ ason kizi aka sha azwa a ǝn wu?¹⁸Tukwakwa ka tususuzu nǝimǝ unu tususu hu nǝimǝ ruroho. Tinden nǝzi tukwakwa ka ti sharsiza undubǝ. ¹⁹Bazi ka anyasi susuzu nǝimǝ unurai, uwunza ǝndubǝ alana, igana, malem natara uzondo, kini ushara rukpǝ. ²⁰Tukwakwa tindǝng kizi tu sharsa undubǝ. ujir sonso tǝrǝ kizi a rya irya, ba usharsiza undubǝwu"²¹Kizi Yesu yaha abǝndǝndi, mǝsurs pirmǝ nu sara uoana u Tyre kini Sidon. ²²Yiran, uzi uga u Canaanite bi ka suru nu sar undǝn dǝndi. Mabi gbara bu kyenku kimǝhu, " kunda izayi em, Dada, Vana u Dabid! Basha om mapira ǝnimǝ". ²³Kizi Yesu ba maganrumǝ izimin wu. Andu makaza umǝ rǝmǝ ana wuza aval ǝmǝ, nubadi, "Hunu mǝ mashira, bǝzi ka ǝmǝ nu tarsa goro na bu kyenku²⁴Yesu pǝ wǝmǝ mǝhu, "ba a tumam nira zondo wu, a tumam hu nira utamu u arai u Isreal." ²⁵kizi ugwa di rǝmǝ, ma gunkunu na tuba ǝmǝ, mǝ hu, "Dada, binkam". ²⁶Kizi mǝhu usaradi wu, ka uchira irya iu ǝdigǝzǝ utoro en na manamu iyǝrǝ".²⁷Ugwa di hu, "nandi Dada, ǝnǝ mana mu iyǝrǝ mudi don a rinziza ilǝlǝ irya ka iroko ususru na udǝtǝr patalaki usharai!" ²⁸Kizi Yesu wǝmǝ mǝhunumǝ, "Ugwa, utara rai rou on ugbǝu di, yaha idi wanu nyel dannya iyanda ka unurai ou ugana." Nusha undǝndi basha umǝ bi womo.²⁹Yesu bi yaha abǝndǝndi maku pirumǝ vati kini rupende ru Galilee. Kizi mapirumǝ na Rukumur maka tǝshi bǝndǝn. ³⁰Izoshi i ǝndubǝ gbau rǝmǝ nira imǝ. ǝbi rǝmǝ na tugun tilǝngǝ, tutur tukumi, kini udangara ǝndubǝ char ka ba ǝnǝ agumadiwu. Abina shǝnǝ natubuna tu Yesu, kizi ma wonzǝnǝ. ³¹Izoshi i ǝndubǝ bi wa bobo ka abi yira utur na ubunu, ukumi ma womo, ugun na tanu, kini ulǝngǝ nu rika ira. Abi zanzana Uweng u Isreal.³²Yesu bi yisi andu makaza umǝ nira imǝ kizi mǝ hu, izayi num nǝndubǝ bǝzi ka amǝ tǝshi na bǝndi ni komo kinemi, si. sitaru nedi ba ǝnǝ na inim rya wu. Ba rairom ka indi hunǝnǝ ashira ba ama rya irya wu, amura a rizi na chunna." ³³Andu makaza umǝ bi hunumǝ, "tidi mura agfurhum nabe na bǝndi ka ba'andubǝ niwu ka a di za nizoshi i ǝndubǝ gbǝu ǝndi? ³⁴Yesu bi hunǝnǝ "afurhum a yondo kizi anyinani? kizi ǝhu "an sundǝrǝ kini igini nyololon." ³⁵kizi Yesu hunu izoshii ǝndubǝ di ǝtǝshi nǝbigizi.³⁶Mabi chira afurhum sundǝrǝ kini igini di, usha ka muma biya ugusa inja, ma lente afurhum di, kizi mayimba an nandu makaza umǝ. Andu makaza umǝ bi yimba na izoshi i ǝndubǝ di. ³⁷ǝndubǝ di bi rya kusum, ǝshiri. Na amaru anadi abi pitunu mugyere sundǝrǝ vyati bi wǝkǝnǝ, inangana ka ima lente rumǝ. ³⁸Ando ka abi rya, ǝnǝ andi gǝrmǝ tugu tinanzi uza tuga kini ǝdigǝnzǝ. ³⁹Kizi Yesu hunǝ na izoshi i ǝndubǝdi ashira, kizi ma ruwǝ nǝimǝ buru butanu nǝ mini upirimǝ na usara Magadan

¹Pharisees kini Sadducees pǝ rǝmǝ nukunduza umǝ nuhu mǝ bǝnǝ nǝ tiyinkini tǝ ashiri. ²mǝpǝ wǝmǝ mǝhunu nǝnǝ, "usha uiyǝeru, hu, ǝzi tidima ti:ra mara-mara bazi ka ashiri di aguvɔndi;³nǝlalu rapimma, hu, tidima ti: ra ǝzi shishɔrɔ, bazi ka ashiridi aguvɔndi inge tuwer," uruza nuhu ka udi gara uyɔnkɔ uashiri, bǝ urǝn gara tiyinki tu lǝlu wu. ⁴anaɲasi kini ilana nusha gǝnǝ agana uyira tiyinkini, bǝ ayira iʒimin wu, tiyinkini tu Jonah kpaidi. "Yesuh pǝ yǝhǝnǝ ɲan ushira umǝ.⁵anatuma ayesuh pǝhu asurha nǝ rǝgalan kizi aruza nuhu ataka uyitɔ afufuku. ⁶Yesuh pǝ hunǝnǝ "ruzan uyeast u pharisees kkini sadducees." ⁷"atuma di nǝyimǝ gǝnǝ pǝ dɔlɔm nuhu, "bazi ka titaka urǝmǝ nǝ afufuku." ⁸Yesu pǝ ruza kusum kizi mǝhu, "ǝni andu jur tara rurɔhɔ char, ǝɲi nudɔlɔm nǝyimǝ gini nuhu bazi ka bana yito afufuku wu?⁹nǝmǝ pǝ taka an shubi nǝ ǝndubǝ tugu shubi, kini uchar imugere kanǝ pǝpitunu? ¹⁰dakǝzi an sundǝrǝ nǝ ǝndubbǝ tugu tinanzi, kini ichar imugere kana nǝpǝ kpǝ?¹¹bazi imi kizi bǝ nǝruza nuhu bǝnǝ tara afufuku kizi impǝ bunu niɲi wu? waŋ shauwa nuruza u yeast u pharisees kini sadducees." ¹²ɲan usha ka ǝnǝ aruza nuhu ba pǝzi ǝmǝ nǝ bunu nuhu yaha ǝnǝ ǝdi ruza yeast nǝyimǝ rufufuku wu, umma ubǝnzǝ u pharisees kini sadducees."¹³usha ka Yesuh pǝ hu mǝbiu nusar tizi tipana nukira caesarea philippi, mǝpǝ wǝmǝ uruza nǝ ǝnatuma ǝmǝ, mǝhunǝnǝ, ǝndubǝ gusa ari nǝzi vana uweŋ? ¹⁴ǝnǝ ahu, "azɔndɔ gusa John u chirsi ǝndubǝ nǝmini mǝsusu, azɔndɔ, Elijah, kizi azɔndɔ, Jeremiah dakǝzi uʒi unatuma." ¹⁵mǝpǝ hunǝnǝ, "kizi ǝni nǝhu em avi? ¹⁶Simon peter hu, "audi undu kaba gɔrɔ vana uweŋ wǝryai."¹⁷Yesuh pǝ wǝmǝ, mǝhu numǝ, au nǝkǝbiki, simon ar Jonah, bazi mǝni kini inama ba murǝn ubǝnǝ ɔu indi wu, atani nǝshiri kizi mǝrǝn. ¹⁸emnu kini gusa au Peter, inpi arai aval auweŋ am nǝtǝpǝu. tishibi tugura tu Hades batu rǝn uwǝ iʒimin nani wu.¹⁹inyau imin kɔrnɔ ira titeshi tu rijah nǝshiri. Kusum iminka igurandu na masanu ǝzi nandi nǝshiri, kusum imin jur gura rumǝ namasanu, nandi nǝshiri.'' ²⁰nushadi kizi Yesuh pǝ hu nǝtuma ǝmǝ nagana garra nazɔndɔ a ǝmǝdǝ kristi wu.²¹usuru nǝ tǝlu ridi kizi Yesuh pǝ kpo nugara nǝtuma ǝmǝ nuhu pirmǝ umǝ nǝ Jerusalem, ma:kunda kpai nǝti kpakpa char nǝ tǝrǝ tǝduganu kini tupozoh tigbǝu kini andu darsa, ǝwunu mǝ, mǝ tɔrnɔ nǝyimǝ tuvunkǝ nǝ richi nutaru. ²²Peter pirmǝ nǝmǝ nukiradi mǝ sǝrtumǝ, nuhu, "indi sɔkɔnɔ piu nawu, uweŋ: indi gǝnǝ kpo nuwu." ²³Yesuh pǝ yuhuru mǝhuna Peter; Aɔrnɔ nukira ɔm, unaɲarumǝ! au imin ishihuzu hu, udɔlɔm ɔu kini tidima batu weŋ wu, au natara tidima tǝ audubǝ."²⁴nushadi Yesuh hunǝ tuma ǝmǝ, "undɔ ka rairmadi dulam, magani rukpǝ rumǝ, mǝchira uchichi ugakara rumǝ, kizi mǝdulam. ²⁵undɔka rairumǝ nukakba rurɔhɔ rumǝ mǝ: wursu rǝn, kizi undɔka mǝ wursu rurɔhɔ rumǝ bazi emdi maku murha rǝn. ²⁶yandi usa:na kizi undubǝ mamurra nǝ masanu kini ka mǝdi naha rurɔhɔ rumǝ? imi kizi undubǝ mǝyimba mashira mu en kini rurɔhɔ rumǝ?²⁷ruzan uhu vana undubǝ mǝbiu nuzanzana usuru nǝtǝmǝ kini atuma ǝmǝ. Kizi maza kovi nǝ ǝnǝwǝ nudaku tidima tumǝ. ²⁸ǝkurǝduru inhuniɲi, natitɔrin bǝndi, azɔndɔ gini bǝ ǝlǝmbǝ maɲa muwi wu pirmǝ usha ka ǝsǝ yirra vana undubǝ ubiu nǝ arai arijah rumǝ."

¹Na amaru a si: twasi, Yesu bi: chira Bitrus. Yakubu, kinbi Yohanna uhene, kizi ma rǝmǝ kinǝnǝ natara uwoho. ²Rupum rumǝ bi wangara riken ridi natuba gǝnǝ. ǝzi ǝmǝ bi kpaza dannya urwa.³Yiran, Musa kini Iliya bi putu nu bunu kinǝmǝ. ⁴Bitrus bi wǝnǝ kizi mǝ hunǝ Yesu, "Usharai, usara di ka ar nbǝndi. Hu uwǝmǝ, impi tugura ti taru bǝndi-uwǝndǝ ou, uwǝndǝ u Musa, uwǝndǝ u Iliya",⁵Usha ka ǝmǝ nu kǝi ubunu, kizi, tuwer tumǝiye panǝ kupu ǝnǝ, kizi amoro bunu bi: suru nǝimǝ tuwer tidi, nu badi, "Vana om nedi ka in wǝmumǝ, in kunda ulense umǝ. kundan ǝmǝ. ⁶Usha ka andu makaza umǝ dǝndi bi kunda, abi rizi na ǝzi bigizi ingye iyǝwǝ ma moko ǝnǝ. ⁷Kizi Yesu rǝmǝ ma gakǝnǝ, kizi mǝ hu, "tonnin turan, na gana kunda iyǝwǝ wu." ⁸Kizi abara ǝshiri a yira Yesu bǝkǝ ba kina zondo wu⁹usha ka ǝnǝ nu yunguru usura nu wohodi, Yesu bi yǝnǝ ubunu uruvuna, ma hunǝnǝ, " gana garin ubara-atuba di na zondo wu, rikan usha ka Vana undubǝ mǝ tonno usuru nisahu yani." ¹⁰Andu makaza umǝ bi bila nira imǝ, ǝhu, '"immi kizi qndu darsiza bahaza ka huǝhu, Iliya ma rǝmǝ na dinka di yani?"¹¹Yesu bi wǝmǝ, mǝ hu, nyel, Iliya mǝ biu madi kursu tukwakwa kusum. ¹²Yaha indi gara ninyi, Ilya mǝ biu, ba'a ruzu mvhuwu. Kizi a wuzumǝ imin rai rigǝnǝ. Yaka nandi, vana undu bǝ ma kunda kpai na tǝrǝ digǝnǝ." ¹³Kizi andu makaza umǝ bi kunda dannya amǝ nu bunu natara Yohana undu chirsi nǝmini.¹⁴Usha ka ǝmǝ biu nira izoshi i ǝndubǝ, uzi undigǝrmǝ bi rǝmǝ nira imǝ ma wa ǝrun na tuba ǝmǝ, ki m hu, ¹⁵"Dada, kunda izayi i vana om, ǝmǝ ni tǝrhǝzi ka ima wata ruwumǝ. mal, marizizi nurwa da mini mudi. ¹⁶Im biu nǝmǝ nira andu makaza ou ba a rǝn u womo umǝ wu."¹⁷Yesu bi wǝmǝ mǝhu, "ando ka ba atarsa rai kini rimiza rilana, rai rigini indi tǝshi kinǝnyi na yondo yon? Na yondo kizi in shinga nǝnyi? Rǝnyin nǝmǝ bǝndi." ¹⁸Yesu bi sǝrtǝ burim budi, kizi mǝ suru numǝ kizi vana di womo nu shadǝndi¹⁹Na amaru anandi, andu makazu umǝ bi na murunǝ nigana kizi ǝhu, "Bazi imi kizi bati ran ususu bǝn wu?" ²⁰Yesu pǝ hunǝnǝ, "bazi utara rai gini tǝmǝ. Em nubaninyi ǝkurǝ ǝdurudi, imbaka ǝnyi na utara rai pa dannya bu yoho bu Uweng naza nahunǝ ujwoho kǝwǝsǝ usuru bǝndi pirmǝ nǝ bǝnji? Uka wǝsǝ, izimin ni ka i mangali nyi wu." ²¹Bizi burin bundi, ba, a rǝn ususu bǝn wu.²²Usha ka ǝnǝ na Galilee, Yesu hune andu makaza umǝ, ayimba vana undubǝ, na tǝrǝ tu andubǝ, ²³ǝ wunumǝ, kizi richi ru utarudi a zansumǝ" Rai ru andu makaza umǝ bi shaina.²⁴Usha ka abi biu na Capernaum, ǝndigǝrmǝ ka abi kaba ikurbi irǝpu i ugǝndu i Greek rǝmǝ ana mura Bitrus kiziǝhu "andu bǝnzǝ gini tarsiza ikurbi irǝpu i ugǝndu? ²⁵Kizi mǝhu, "a" usha ka Bitrus bi: rǝmǝ nǝimǝ arai di, Yesu bunu numǝ nadinka kizi nǝhu, "Bitrus, imi ki uyira? usuru nira ǝvi kizi ija i masanu kansa ugǝndu? Usuru nira ǝdigǝnzǝgǝnǝ da udangara ǝndubǝ?"²⁶Bitrus hu, "usuru nira ǝndubǝ". Yesu bihu, Baka na nandi vdigǝnzǝdi ba'a tarasa wu. ²⁷Bazi ka tigana wa andu kansa ugandu awu taka, kundi na rupende, tidi ka toro tugu:n nǝimǝdi, tidi mokozo igini ka i tuba biu. usha ka numa konnon unu ubǝn, na mura ikurbi. Chiran en nadi yimba nandu kansa ugǝndu baka em kinǝ ni"

¹Na lǝlu rindǝndi andu makaza di rǝmǝ nira Yesu kizi ǝhu, "ǝvi nǝzi undu gbǝu nǝbugizi burija bu ǝshiri? ²Yesu bi yisi vana gisan ubiu na ira imǝ, mǝ wumǝ na atarshi gǝnǝ, ³Kizi mǝhu, "akura aduru ki ǝmnuba ninyi, im baka bana wangara ǝkpǝ gini nadi sokono dannya ǝdigǝnzǝ gisan wu, ba ǝzi achunna ni ka nadi ruwǝ na bugizi bu ǝshiri wu.⁴Baka na nandi, kusum undo ka ma shinshi rupkǝ rumǝ dannya vana gisandi, ǝmǝ undu gbǝu nǝimǝ bugizi burija bu ashiri. ⁵Kusum undo kama kaba vana gisan dannya undi nǝimǝ rizǝ rom ǝmǝ nu kaba om. ⁶Kusum undo ka mawa vana wǝndǝ nǝimǝ ǝndigǝnzǝ gisandi ka atarsa rai nom shihu, igboto kizi ka abǝ kisumǝ rishari ru wuha ikuna rumoro chirumǝ nǝimǝ ruwo rupende.⁷Wǝgǝji na masanu baka abirgi au shuhuzu!Bazika abirgi dǝndi rǝmǝ. Wǝgǝdi hu na undo ka abirgi di ǝbiyu baka ǝmǝ! ⁸Im baka uwVrV ou da ubuna ou uwa ka ushihu, tuzu on udi viki on. igboto kizi ka udi ruwǝ na usokonin na-uzǝmǝ-uwǝrǝ da ugundi, kini udi ruwǝ urwa na tǝrǝ kini tubuna tou turepu.⁹Imbaka rizi rou ru wau ka ushihu, za rǝnni, lingi rǝn igboto kizi ka uruwǝ nu sokonin na rizi ru wǝndǝ kini udi ruwǝ nurwa na ǝzi au arepu.¹⁰Wa iyanda ka bandi yizi vana wǝndǝ nǝimǝ ǝdigǝnzǝ di wu. Bazi ka em nubadi ninyi, na shiri anatuma yǝnǝ a Uweng aba raza azi a Dada om ka ǝmǝ na ashiri. ¹¹Bazi ka vana undubǝ ma biyu madi kaba imin ka ibi ma wurumǝ.¹²Imi ǝzi utoron ou? imbaka undubǝ na itamu hanu mǝ mayaha akurtorbo-nani torbo natara rukumur madi ka kǝngǝrǝ uwǝndǝ dǝn ka uma wurum wu? ¹³Hu mǝ zǝrumǝ, a kurǝdurudi emnu badininyi ma wa rai rukupǝn natara on ka rikizi akurtorbo nani torbo ka ǝmǝ na ashiri vana wǝndǝ nǝime adingǝnzǝ di kamadi shaina wu. ¹⁴Nandi gbaki, kizi ba ugana u Dada gini hu ka ǝmǝ na ashiri vana wǝndǝ nǝimǝ adingǝenzǝ di kamadi shaina wu.¹⁵Hu uhenuu takanuu, ka sǝrkumǝ anyi na repu gini kpaidi. Hu ma kundau nama yumbura ninnya. ¹⁶Kizi hu ba ma kundau wu, bila undu wǝndǝ da arepu gbaki nadi tǝshi, tunu tu andu repu to sokono imin ka isa pihuzau.¹⁷Hu magyami ka madi kundǝdǝ, ka ba: na arai a Uweng. Hu magyami kama di kunda a rai a Uweng, yaha madi wangara ninyi dannya undumǝrim kini undu kaba ikurbi relǝrǝ.¹⁸Em nu bi nyi akura ǝduru, kusum imin ka na kisa na masanu mudi angu kisa en nashiri, kusum imin ka n bunu na masanu mudi, angu bunu nǝshiri. ¹⁹Em nu bani ni gbaki, hu an du repu gini wǝmǝ na tara koimi ka abila na bugizi dudi, Dada om ka ǝmǝ na ashiri ma wa nǝnǝ. ²⁰Bazi ka kusum ira ka andi repu da andi taru manani nǝimǝ rizǝ rom ǝm na tarshi gǝnǝ"²¹Kizi Bitrus rǝmǝ mana gara na Yesu, "Dada, na yondo kizi uhenum ma takanum kizi in jiki utakadi? na sundǝrǝ duwǝ? ²²Yesu bi hunumǝ, " em ba in hunǝu na sundǝrǝ wu, em nu hunǝu akursundǝrǝ na-sundǝrǝ.²³Baka na nandi, bugizi bu rija bu ashiri bǝn pa dannya uzi ujah ka mabi gana madi runduzu tidima kini ilǝrǝ mǝ. ²⁴Usha ka mabi kponi bu run duzu budi, ǝbi rǝmǝ nu: uzi ulǝrǝ ka ujah di dulumǝ idama rukurǝ ²⁵Bazi ka bama mura tuchunna ka madi tara wu, usharaidi bi: hu azizu mǝ, ugǝmǝ kini ǝddingǝzǝ, kini kusun imin ka ǝmǝ nani adi tara.²⁶Ulǝrǝ di bi ri: ma gungunu na atuba ǝmǝ kizi mǝhu. "Usharai, kunda izayi em, in taruu kusum. ²⁷Baka na nandi usharai u ulǝrǝdi ka mabi kunda izayi imo, mabi jikumǝ, mataka na: tudur tiudi.²⁸Ulǝrǝ dǝn bi hanu mǝ maka mura uzu uhene ituma imǝ ka ma dulumǝ idama nyongolon, denari rukureǝ. mabi mokumǝ, ma shibirumǝ, kizi mǝhu, 'tarum imin ka utarsum'. ²⁹Kizi urǝnǝ ituma imǝ ri ma wuza aval ǝmǝ, nu dadi,

¹Ibi byu natara nandi, usha ka Yesuh ma biya tubunu tidǝn, mabi kaba achunna usuru na galilee kizi ma biyu nu saru judea ka on n'amaru saka u Jodan . ²ǝndubǝ char atarsu mǝ, kizi ma wozo nǝ bǝndǝn.³Farisiywa bi biyu nira imǝ, nu makaza umǝ, nu badi numǝ, "usaradi na titarknin ka nudubǝ jiki ugǝmǝ baka izhimin?" ⁴Yesuh bi wǝmǝ mǝhu , " ba uma bara nuhu undo ka mǝbi wǝmǝ, usuru na dinkadi mǝbi wǝmǝhu undigǝrmǝ kini ugwa wu?".⁵undo ka ma wǝmǝ bi kuhu, baka na nandi undigǝrmǝ ma yaha dadah umǝ kini ango umǝ mana mahna manah kini ugǝmǝ, ǝnǝ na repu a sokono rupum ruwǝndǝ. ⁶Baka na nandi ba ǝnǝ andi repu gbaki wu, rupum ruwǝndǝ hu baka na nandi imin ka uweng magura zondo gana hara wu"⁷Abi hunumǝ, baka imi kizi Musa mǝhun andu tu yimba uva ujiki anya tidi huna ugadi ma shira?" ⁸mabi hunǝnǝ, "baka agata a ruroho rigini kizi Musa b yahinyi nadi jiki tuga tigini, usuru na dinkadi banandi wu. ⁹Em nu gusa ninyi, undo ka ma jiki ugǝmǝ, imbaka ba alana wu, hu mawa anya a uzondo, rijama hu, undigǝrmǝ ka humǝ wa anya a uga ka amǝjikumǝ, rijama hu"¹⁰andu makaza bi huna Yesuh, "imbaka yaka imindi na undigǝrmǝ kini ugǝmǝ, ba usaradi ka undubǝ wa anya wu. ¹¹kizi Yesuh bi hunǝnǝ, " ba kovi kizi mǝ wǝmǝ na ubunu di wu, ando ka ayǝnǝ ubunudi kpaidi kizi ulense nǝnǝ. ¹²bazi ka tugbati ni ka ǝnǝ tugbati tidi usuru nu mina gǝnǝ, tizhi tugbati tidi nika ǝndubǝ kizi a wǝnǝ tugbati tidi, tizhi tigbati tidini gbaki ka anǝdǝ kizi awa ǝkpǝ gǝnǝ tugbati tidi baka bugizi bu rija bu ǝshiri. undo ka ma rǝn ukaba abarudi, ma kaba ang"¹³usuru na nandi abi rǝmǝ numǝ n'andigǝnzǝ nunu ka madi wǝmǝ akǝbiki kizi ando makaza umǝ sǝrtǝ nǝ. ¹⁴kizi Yesuh bihu, " Yaha an digǝnzǝ gisandi, gana gǝhin ǝnǝ ka adi byu nira em wu, bazi ka bugizi bu rija bu ashiri bǝn baka anǝdǝ hu" ¹⁵mabi tarsǝza uwǝrǝ na tara andgǝzǝ di kizi ma yaha abǝndǝndi.¹⁶Yiran, uzondo bi rǝm nira Yesuh kizi mǝhu, "undu bǝnzǝ, imin galau iyandi kizi inwuza indi mura usokonin ujirdaku?" ¹⁷Yesu bi hunumǝ, " baka imi kizi aunu bila nira em imin ka igalaudi? undu wǝndǝ kpaidi kizi ǝmǝ ugalaudi, imbaka rairuka udi ruwǝ nǝimǝ usokonin, tarsa titarkanin."¹⁸undodi bihu numǝ "yandi titarkanin?" Yesuh hu, " gana wunzan andubǝ wu, gana wuziza tijama wu, gana wuziza igana wu, gana bahaza malem natara andubǝnzǝ wu, ¹⁹yimba rugbǝu na dadah ou kini ango ou, kini wǝmǝn undu shibiraou dang'a rukpe rou²⁰Undumaina di bi hunu mǝ kusum tukpakpa tidi immatarsa tǝn. imi kizi em nu ganadi gbaki?" ²¹Yesuh bihunumǝ, "imbaka au nu gana ka udi monzo rukurǝ, hanu ka zhija imin ka au nani, udi yimba nandu tiyom, kizi u mura tukpakpa tigalau n'ǝshiri, kizi urau kakina una dulam." ²²usha ka andu maina bi kunda imin ka Yesuh mǝ hu, mabi shira bama kunda ulensediwu bazi ma ǝmǝ na tukpakpa tim.²³Yesuh bi huna ndu makaza umǝ, "emnu binyi akurǝduru, ba sasa ka undu idama mǝ ruwǝ na bugizi bu rijah bǝshiri wu. ²⁴Em nu gusa ninyi gbaki, ikizi na ukansin-rumoro ka madi riwǝ na rizhi rurandozo kini undu idama ka madi ruwǝ nǝimǝ bugizi bu rija b'uweng"²⁵usha ka andu makaza umǝ bi kunda nandi, abi wa bobo kizi abi ǝhu, "nedi ǝvi kizi ma mura ukabarumǝ. ²⁶Yesuh bi barǝnǝ, mǝhu, nira ǝndube dang'a ba iwa wu, in baka nira uweng, koimi wunziza". ²⁷Kizi Bitrus wǝmǝ ma hunu mǝ, " yira tuma yaha koimi ti dulau. imi nedi kizi ti mura?"²⁸Yesu bi hunǝnǝ, " ɛm nu binyi akurǝduru. nǝimǝ usokonin gisau usha ka vana undubǝ mǝ tǝshi na ridǝrǝn ru rigbǝu rumǝ ǝnyi ka nama tarsum sateshi don na sidǝrǝn rikurǝ nasirǝpu nu hara makangara mu silam su Isreal.²⁹kusum ando ka mama yaha tususa, ahene, dadah, ango, andigǝnzǝ, d'ulam baka rizǝrom makaba narukurǝ ichardi, kizi maku sokono usokonin ujir maina. ³⁰Bazika andubǝni char ka ǝnǝ natuba ǝkurumǝna maru, ando ka ǝnǝ na maru ǝkurumǝ na tuba

¹Bugizi bu rijah bǝshiri bǝn pa dang nya ushuwǝ bugizi ka mǝ binyizi pimma nu bila ǝnǝtuma nube umǝ. ²Na maru kǝ ǝmǝ wǝmǝ kini anatuma, atarǝnǝ budima bu wǝndǝ na richi, kizi ma wǝnǝ nube di.³Mabi ku suru gbaki na lǝlu ru taru kizi maku yira ǝzhi anatuma na tutorin nira kwanswa banu wi zhimin wu. ⁴Mǝhu nǝnǝ ǝnyi dong haninyi nube, inyinyi imin ka en nyel, kizi apirmǝ nituma.⁵Gbaki mǝku suru nǝ lǝlu twasi kini ru torbo maku dima nandi dandi. ⁶Kuzi gbaki na lǝlu rukurǝ na bu wandǝ maku suru mamura azondo na tutorin lǝzi utuma, kizi mǝhu nǝnǝ ` imi ninyi na tutorin urǝmǝ ni yeru?` ⁷kizi ǝhunumǝ `baka ba zondo mayandu ituma wu,` mǝhunǝnǝ ǝnyi dong haninyi nube.⁸Uyeru bi dungǝ, undube bihune undu rika ube, yisi anatuma udi tǝrǝ nǝ, gyere nu undu amaru pirmǝ na undu dinka. ⁹Anatuma ka abi chirǝnǝ na lǝlu ru rukurǝ na bu wandǝ bi kansa budama bu wandǝ wandǝ. ¹⁰Ana tuma ru dinka bihu abyu, abi chira nuhu igǝnǝ bi kizi, kuzi abi kansa idama wandǝ wandǝ koivi dong.¹¹Abihu akaba utǝra gǝnǝ, abi munu natara undu ulam. ¹²Abihu anatuma au marse di awuza ituma ilalu ru wande, kizi uku taranduh ryafu kinǝnǝ arka ti wuza ituma charrichi ridi, na jai buweng.¹³kuzi ushuwǝ ualam hunǝnǝ uwǝrin, inwunyi izhimin shishoro wu, tibi wǝmǝ kinǝ nyi na richi na budama wu sike? ¹⁴Chirang imin ka en igini nadi shira emdi kizi invira inya anatuma au chira au marsǝ nyafu kinenyi.¹⁵ba in dula titarkanin tu galau kizi inwa imin ka inwa iming ka em gana ni min om wu duwǝ? ¹⁶Na nandi undu marsǝ sǝ tǝshi undu dinka, kuzu undu dinka sǝ tǝshi undu marsǝ.¹⁷Bizi Yesuh pirmǝ mǝ umǝ na Jerusalem, mǝ tura kini ǝnǝ rukurǝ na andu repu di nu saru wandǝ, kizi nachurna mahu nǝnǝ, ¹⁸Yirang pirmǝ goro na Jerusalem, ayutu vana andubǝ na tupozoh tugbau kini andu darsa . anyar mumǝ awunumǝ. ¹⁹ǝku yutumǝ na wormi ǝdi meshimǝ, ǝlubumǝ, ǝku gakarumǝ, kuzi richi ru taru asa nyangzumǝ.²⁰kizi amba wa ǝndigenzǝ a Zebedee bi rǝmǝ na Yesuh n'ǝndigenzǝ ǝmǝ. kizi ma gunkunu mabila izhimin nǝmǝ. ²¹Yesuh bi hunumǝ " imi kizi au nu ganadi?" mǝhu numǝ "yimba ugara nahu ǝndigenzǝ amdi di tǝshi uwandǝ nu wǝrǝ kamkam ou, uzhi nu wǝrǝ gushi ou na bigizi bu rijah rou.²²Kizi Yesuh wǝmǝ mǝhu numǝ "ba ukam imin ka au nu biladi wu. U-reng ka usuwa nu kǝnkǝn ka injinkuru in suwa?" ǝnǝ bihu "tireng". ²³Maku hunǝnǝ, " na reng ka na suwa nu kǝnkǝnom. kuzi ǝdi tǝshi nu wǝrǝ kankum om kini uwǝrǝ gushi om ba imin ka em yimba wu, itǝshi nira ka andunangana ka dadah om bima bumbura". ²⁴Udangara ǝtuma rukurǝ ridi bihu akunda iwa di, abi kunda manang char na hene arǝpu dendi.²⁵Kizi Yesuh bi yisǝ ne nǝmǝ mǝhu nǝnǝ, " naruza ka ijah yi awormi mǝ wǝnǝ na nabu, kuzi andu gba gǝnǝ bǝnzǝ rijah nǝtara gǝnǝ. ²⁶Igana tǝshi nandi niyimǝ gini wu, undu bila rugbau nayiǝ ugini mǝ tǝshi ulǝrǝ. ²⁷kuzi undo ka rairumǝ madi tǝshi undu dinka nayimǝ gini, ma tǝshi ulǝrǝ gini. ²⁸Kanda ka vana undubǝ bama rǝmǝ adi wuzumǝ rilǝrǝ wu, kuzi ǝmǝdǝ di wuza rilǝrǝ, indi ku yitu usokonin om iming kaba andubǝ char.²⁹Abi suru na Jericho, andubǝ zhosh bi tarsumǝ. Bizi tulǝngǝ tirepu na titǝshi na churna. ³⁰Abi kunda a Yesuh usura umǝ , abi gbara bu kyenku " usharai vanu David kunda izhai goro". ³¹Andu zhosh dendi bi sartǝ nẹ, ahunǝnǝ awa weti, kizi ǝnǝ aku gbara bu kyenku gengen, " usharai vanu David kunda izhai goro.³²kizi Yesuh tura chiki ma yisǝ nǝ mǝhu, " imi kizi rai rigini ka indiwa ninyi?" ³³ǝnǝ bihu numǝ, " usharai aba korno nandu ǝzhi". ³⁴kizi Yesu nu zhai, ma gaka ǝzhi gǝnǝ, sas ǝzhi gǝnǝ bi korno rumǝ kizi atarsumǝ.

¹Bizi yesuh kini ǝtumǝ ǝmǝ bi biyu vati na jerusalem kizi ǝdungǝ na Bethphage, nu woho utupar, kizi yesuh tuma andu repu ǝtumǝ di. ²Ma huh nǝnǝ pirgni na gbir a tuba, na yira na masasa ukansi utukumi nu kisa bandang, kini vana garma umǝ bunin ǝnǝ. ³Baka da zondo huh ninyi izhimag natǝra di, nǝ huh numǝ, usharai nugǝnǝ, gǝnǝ, udindandi ma jiki ninyi sasa.⁴Na medi imindi bi rǝmǝ kanda ka ǝbi maba na tunu tǝ ǝnǝ tuma di monzo yumǝ mǝ huh, ⁵Gara na basha u zion, yirang ugomo gini urǝmǝ nuh nu shinshi rukpǝ ǝmǝ natǝra ukansi utukumi natǝrǝ vana garmǝ di, na vana kwansiutukumi.⁶Kizi ǝnǝtumǝ di bi kǝwǝ kandǝ kǝ yesuh bi huh nǝnǝ, ǝbi dugna nu ukwansi utukumi kini vana di kizi ⁷ǝwǝ tukpǝkpǝ turupum nǝtǝra di, kizi yesuh tashi natata di, ⁸Andubǝ zhosh di bi nutu zo tukpǝ tpǝ tǝpum gana na churna ǝzohdo tusu sugaba su ti chichi kizi ǝnoto na churna⁹Kizi andu zosh kǝ ǝnǝ na tuba a yesuh kini andu kǝ ǝnǝ na maru ǝmǝ nu zanzana vana u david ukpǝ tomo natǝra undo ka vana u David ukpǝ tomo natǝra undo ka ma dunga na yuza ru sharai, uzanzana ukizi. ¹⁰Iǝlu ka yesuh bi ruwǝ na jerusalem, upana bi tuma, ǝku huh avi nedi. ¹¹Andu zhosh di huh, ingemǝ undu'urna usuru na Nazareth nayimǝ Galilee.¹²Kizi yesuh ruwǝ nu gura u weng. ma nǝrǝ andu kpǝza kin uziziza nu gura uweng, kizi ma wangǝrǝ tudǝtar tandu yuhurzu ikurbi kini tudǝtar ta andu ziziza igǝshi. ¹³Ma huh nǝnǝ rng nu darsa, ǝrai ǝm ǝng a mǝtǝrǝ huh, numǝ wa ǝny tǝshi ubǝri wǝ magǝna. ¹⁴Kizi tulǝngǝ kini andu suwǝ rumǝ rǝmǝ nǝ mǝ nayimǝ ǝrai au weng di kizi mǝ wunzo nǝ.¹⁵Lǝlu kǝ tupozoh tugbau kini andu darsa yira tukpǝkp tu bobo kǝ mǝwǝ kizi ǝku kunda andigenzǝ ni ukenku nu gusa, uzan zan na vana u'David, ǝabi wǝ mang ba nyong wu. ¹⁶ǝbi huh numǝ, ukunda inig ka ǝnǝ nu bǝ di wo? yesuh huh nǝnǝ a! au bǝ ubi mǝ bara na tupe tǝ andigenzǝ gisan kini tu wambira umǝ bumbura buyiba wu? ¹⁷Kizi yesuh yahǝnǝ ma pirmǝ nayimǝ upana u'Bethany mǝka mura bandang,¹⁸Ikomo bi wumǝ pimmǝ kǝ mumǝ tǝrǝ ni mumǝ ruwa nayima upana. ¹⁹Mǝbi huh mǝ yira uchunu poro nu kura achur na kizi mǝ pirma ni bamǝ mura izimig wu, tuva kpadi, mǝ huh nuh na oud '' ǝ akana ku mura bumuzu nuwu gbaki wu, kizi sasa uchichi poro pa zang²⁰Lǝlu kǝ ǝtuma ǝmǝ bi yira ǝbi kira, ǝhuh, mashe kizi uchichi poro di upa zangu yong. ²¹Yesuh bi wǝmǝ ma huh nǝnǝ, na ǝkuraduru un huh niny, baka au na uyutu rai ba mini natamu wu, nama imig kǝ ikizi imig kǝ ǝwa nu chunu poro di nǝ rang nǝ huh nuh nuwoho di, ǝzansa ong aka lingi nayima ruprnde, iku tǝshi nandi di. ²²Ko imi kizi nǝ bila nayimǝ mǝtǝrǝ nu yimba rai, ukǝbǝ.²³Lǝlu ka yesuh bi ruwǝ na rai au weng, tupozo tugbau kini andugǝnu bi na murmǝ ka ǝmǝ nu banzǝ, kizi ǝhuh, Na budǝrǝ bǝri kizi au nu dima kukpǝkpǝ tidi, kuzi ǝri kizi mayau budǝrǝ budi? ²⁴Yesuh bi wǝmǝ mǝ huh nǝnǝ, em in bila imig ruza in wandǝ nǝnyi, huh nǝ gǝra num inki ingǝra ningi budǝrǝ bu nan gǝna kǝ in dima tukpǝkpǝ didi nani.²⁵Uchirsi na mini mu John-lkǝ suru be? isuru nǝshiri dǝ isuru nǝdubǝ? ǝbi dolum nǝkpǝ gǝnǝ nuh hu, huh tu huh usuru nǝshiri, mǝ huh nandu nǝbi wǝmǝ nǝmǝ? ²⁶Huh tu ku huh usuru na duba, ''iyǝwǝ nandu nǝ andubu zǝsh di bǝka ka ǝbi rika John padanga undu'uma, ²⁷Kizi ǝwunu na yesuh a ar tu ruza wu. ǝmǝ dong mǝ huh nǝnǝ em in gǝrǝ niny na yandi budǝrǝ kizi in dimza tukpǝkpǝ tidi wu.²⁸kuzi au yira mǝshe? unduba na ǝdigenzǝ ǝrepu mǝ pirmǝ mǝka huh nuh na wana wǝ dinka, mǝ huh numǝ, vana kǝ wuza ituma richidi nu be; ²⁹Vana di wǝmǝ mǝ huh em in piram wu, na mǝru di mǝku yuhuru unurai umǝ mǝ pirma, ³⁰Kizi undo di pirma na vena u'repu di mǝku gǝra numǝ imig wandǝ di, mǝ wǝmǝ mǝhuh, im piram usharai, kizi bǝ mǝ pirmǝ wu.³¹Vana yandi kizi mǝ dula ugarunu wǝ ta di? ǝnǝ ǝhuh, vana wǝ dimka di, yesuh huh nǝnǝ, ǝkurming en nu huh ning andu kansa ikunsa ikurbi irilǝrǝ kini tulam ǝruwǝ nǝ bugizi bu rijah ru uweng kizi ǝnyi nǝ ruwǝ. ³²Bǝka John bi rǝmǝ ninyi na churna tsang-tsang, kuzi bǝ na bi yimbǝ ǝkurǝduru numǝ wu, kuzi andu kansa ukurbi irulǝrǝ kini tulam bi yimba ǝkurǝduru numǝ, ǝnyi kǝ nǝ bi yira nenandi, bǝ nǝbi yuhuru kini uyimba ǝkurǝduru nu mǝ.³³Kundǝ tizi tu wanzu tidi. Bizi zondo ni, ushuwǝ ulam, mǝbi wuza tibira nu be, mǝku lankǝru ube di nu kanda, mǝ kǝbǝ ira upiuru mana muchichi nǝyimǝ di, mǝku pi rupyongor ru ugerbe ira, kizi mǝ yimba na andu piuru mana muchichi nu chur kizi mǝ pirmǝ na buzi bugizi. ³⁴Lǝlu rupitunu mana muchichi mǝ biyu vati, mǝ tumǝ tulǝrǝ tumǝ na ǝnǝchur au piuru mana muchichi ǝdi kabu mǝ mumǝ.³⁵Kizi ǝnǝ chur ǝmǝdi moko tizi tulǝrǝ tumǝ, ǝluba uwanda, ǝwuna uzi, ǝku gursa uzi gbaki. ³⁶Kuzi ushuwǝ di ku tuma ǝzi tulǝrǝ, kǝ ǝkizi andu dinka, anǝchur ǝmǝ di ku dima nǝnǝ kanda ka ǝdima nǝ ǝdinji. ³⁷Na mǝru nandi, ushuwǝ di bi tuma vana umǝ nuh huh, ǝyimǝ rugbau nunoto nikpǝ.³⁸Kizi ǝnǝ chur ǝmǝ bi ǝyira vana umǝ ǝhuh nuh nǝkpǝ gǝnǝ, ingye undu kabu usongo ubiyu, yaha tuda wunumǝ tidi tǝshi andu ukaba usongo di. ³⁹kizi ǝbi moku mǝ, alingu mǝ na umǝru ube di, kizi ǝwunuma.⁴⁰Nanedi ushuwǝ ube bi huh mǝdungǝ, mǝ wǝhǝni na andu chur ǝmǝ di? ⁴¹ǝnǝ ǝbi huh numǝ, mǝ shara andu tidima tishishoro na tu churna tu kizi ni kpai kizi mǝyimba nǝ nǝ chur gisau, ando kǝ ǝyimǝ urundu umana muchichi kǝ murika bugese bumǝ na maru upitunu tukpǝ kpǝ tu lam.⁴²Yesuh bi huh nǝnǝ, ǝnyi bǝ numǝ barsa na tuva tu weng. Rishari kǝ andu chorom gyemi kizi ritǝshi ru ǝkpira gura.indi bi ka suru nusharai kuzi eng jege nǝzi.⁴³Bǝka nandi in huh nuh, bugizi bu rijah ru weng ǝkaba ǝkaba nǝ tara tǝrǝ tou kizi ǝyimba na bugizi kǝ ǝnyinza mana muchichi. ⁴⁴kovi kǝmǝ ri nǝtǝrǝ rishari ridi rukpo nǝ tǝrǝ ǝmǝ ru tǝsha lumǝ.⁴⁵Lǝlu kǝ tupozo tugbau kini tu pharisees tuwǝnzu tidi, ǝbi ruza ǝmǝ nu bunu natǝrǝ gǝnǝ. ⁴⁶Nu bila tuchurna tu moko umǝ, kuzi ǝnǝ ni yǝwǝ andubǝ zǝsh di, nuh hun andubǝ chirmǝ panga undu'urna.

¹yesuh bi ku bunu nǝnǝ ni binǝzi nu gusa. ²Bugizi bu rujah bǝ shiri padenga uzi ugomo kǝ mǝbi yisi ishokon ǝnya ǝrana umǝ. ³Mǝbi tumǝ tulǝrǝ tumǝ ǝdi kǝ yisi ando kǝ mǝbi mǝ za nǝnǝ ǝdi rǝmǝ ni shokori ǝnya di, kizi bǝ ǝbi rǝmǝ wu.⁴Gbaki ujah di bi tuma tizi tulǝrǝ tumǝ nuh huhu, garin nǝnǝ yisi di, yiran ima bunbura imete. iwun kini utǝmu metelik kǝ ǝmǝ tusu, kuzi kusum tukpǝkpǝ nu bumbura, ryǝnyi ni shokono ǝnǝ di⁵Kizi ǝnǝ bǝ ǝbi kunda nǝwu inchan usǝtǝ gǝnǝ undu wandǝ nu lam umǝ zondo nira tizamin tumǝ. ⁶ǝdangara moko tulǝrǝ tu jah ǝdumǝ nǝ tidima tu mameng, kizi ǝwunǝnǝ. ⁷Ujah di bi wa manang, kizi mǝ chǝpǝ andu tiya ukwara ǝbi kǝ shara andu wunza andubǝ dandi, ǝku jongo upana di⁸Kizi mǝ huh nuh natulǝrǝ tumǝ, ǝwuza ǝnǝ di, ando ka ǝbi yisǝnǝ bǝ ǝyinkini wu. ⁹Imig kǝ ihana nedi haninyi natu dara tuchuna tugbubau yisinny undubu char urǝmǝ nira ishokori ya ǝnǝ nu mura andubǝ di. ¹⁰Tulǝrǝ tidi tubi pirmǝ na tu churna tugbugbau ǝgura kusum andubǝ kǝ ǝmura gung andu shisshoro kini andu gǝlau na nandi kizi ugura wa ǝna di bi mo na ǝgyeng.¹¹Kuzi lǝlu kǝ ujah di be ruwǝ mada bara ǝgyeng, mǝbi yira uzi undu garma kǝ bǝ mǝ tukpǝkpǝ turupum tǝnya wu. ¹²Ujah di bi huh numǝ,'wareng, uwǝ mǝshi kǝ uruwǝ nǝ bandi lǝzu tukpǝkpǝtumpum tǝna? undo di bǝ mǝbi rang ugǝrunuh wu.¹³Kizi ujah di huh nǝtulǝrǝ tumǝm, kisan ǝmǝ tǝrǝ kin tubuna kizi na torumǝ nǝshibi ni ra mǝrim nira kǝ ǝzi uyara ni kini urunza ǝnyini. ¹⁴Bazi kǝ andubu char kizi ǝyisǝnǝ, kuzi andubu nyong.¹⁵Kizi tu pharisees pirmǝ ǝka dolum kǝ ǝdi wa yesuh itilliki nǝyimǝ ubunu umǝ. ¹⁶Kizi ǝtumǝ ǝnatumǝ ǝmǝ kini Herodians. ǝbi huh nuh na yesuh '' Teacher, turuza au undu ǝkurǝduru, uku benzizǝ tuchurna tu weng nǝ yima ǝkurǝduru, uku banzizǝ tu churna tu weng nǝ yima ǝkurǝduru. Au bǝ utuba zǝhǝ nǝ utorong uzondo wu, bǝ uku banzǝ uwǝmǝ rukpǝ pirmǝ na zondo kini zondo wu. ¹⁷Na nedi gara nandu imi utorong ou? nyel kǝ ǝsusu ukurbi ilulǝrǝ na Caeser da uwǝ?¹⁸Kuzi yesuh ruza ǝnasi gǝnǝ kizi huh nǝnǝ bǝki mi kizi nada mǝkum ǝni andu idǝgar? ¹⁹Bǝnin nanumu budama bu tarsa ukurbi irulǝrǝ ǝbi rǝmǝ numǝ na budama.²⁰Yesuh huh nǝnǝ ururu kini rǝzǝ nabandi? ²¹ǝhuh numǝ u ''Caesar'' kizi Yesuh huh nǝnǝ na nanadi yang Caesar kukpǝkpǝ kǝ tǝng tumǝ kuzi nuh weng tukpǝkpǝ tumǝ. ²²apa hu akunda ong apa kunda ibobo , kizi ayahu mǝ a pirnǝ.²³Bizi richi dandi ǝzi ǝsadducees kǝ ǝhuh əzi utorno ni sahu ni wu bi rəmə nəmə ǝbila uruza nǝmǝ. ²⁴Nu gusa '' undu banzə Moses bi huh undubǝ wu mǝwi, laza ǝdigenzǝ, itǝshi lazu ǝzi ǝchurna, uwene wǝ ǝnǝ au ǝwǝmǝ²⁵Bizi ǝzondo sundǝrǝ na rihene ruganǝ, undu dunka bi wa wi lǝzu ǝdigenzǝ, mǝdi yaha ugwǝmǝ nu wenw. ²⁶Kuzi uwene urepu di kuzi nandi di, kuzi utǝrudi nandi, udula di pirmǝ nu wene usundǝrǝ. ²⁷Na maru gǝnǝ kusum, ugwa di wi. ²⁸Na nedi richi rutomo na masahu, sǝzi ǝmǝ ugwa wǝvi nǝyima gǝnǝ rihene sundǝrǝ di? nuyira gung gǝnǝ ǝmǝ wa ǝnyǝ ǝmǝ.²⁹Yesuh bi wǝmǝ huh nǝnǝ numǝ wurinyi bǝkǝ bǝ na ruza uva uweng wu, dǝkǝ zi budǝrǝ bu weng wu. ³⁰Ruzang nu torno na musahu, uwa ǝnǝ wu da kǝzi ǝyimbiza na nyawu. imia kǝ eng ni nǝzi ǝnǝ gung padanga ǝtuma au weng nǝ yimǝ ǝshiri kpǝdi.³¹Natǝrǝ utorno namasahu mǝ andu wi ǝni na dazi na bara imig kǝ uweng bi gǝrǝ ningi nugusa, ³²Im di uweng u'Abraham, uweng u'Isaac, kini uweng u'Jacob wu? uweng bǝ ǝmǝ uweng wandu wi wu, ǝmǝ wandu vunkuzǝ. ³³Ando kǝ bizi ǝnǝ zosh dandi ǝbi wu ǝkunda nandi, ibi tǝshi nǝnǝ imig ibobo nu banzǝ umǝ.³⁴Kuzi lǝlu kǝ Pharisees bi kunda ǝ yesuh mǝ gbǝrǝ sadducees, nu bunu ǝbi gurǝ ǝkpǝ gǝnǝ. ³⁵Uzondo gǝnǝ, undu ruza ititarkaning. bi bila uruza nǝmǝ, mǝdǝ makumǝ. ³⁶Undu banzǝ yandi mǝkǝri nǝyimǝ itarkanin kizi mu kiz?³⁷Yesuh huh numǝ, '' wǝmǝ usharai ou uweng na kusum ruroho rou, kini na kusum birim bou kuzi kini na kusum umurai ou. ³⁸Ring dǝ nǝzi rugbau kuzi mǝkǝri madinka.³⁹Kuzi mǝkǝri murepu yinkini mǝng, wǝmǝ undu shibira ou gusu rukpǝ rou. ⁴⁰Na tǝrǝ mǝkǝri kizi kusum mǝkǝri kini titkarkǝnin kuzi kini andu banzǝ kizi mu larnǝ ni.⁴¹Na lǝlu kǝ tu Pharisees tuda zunturunga, yesuh bi bila uruza nǝnǝ. ⁴²Mǝ huh '' Nu toron gini ǝvi nazi Christ? ǝmǝ vana wǝ've? huh numǝ vana u'David''.⁴³Yesuh huh nǝnǝ, ǝwǝ mǝshi nǝyimǝ birim, yisumǝ usharai, nu gusa, ⁴⁴Usharai mǝ huh nu sharai om, tashi nu wǝrǝ tukankam tom, rika lǝlu kǝ inwǝ ǝnangarumǝ au tǝshi udǝtaru utǝra tubuna tou⁴⁵Bǝkǝ David yitsizi Christ usharai kuzi mǝshi ǝmǝ vana u'David? ⁴⁶Uzondo bi rang ugǝri izimia wu kovi veti kpǝdi, uchira nǝ richidandi iyǝwǝ bi wǝnǝ ǝbi kong ubila usuru nǝmǝ wu.

¹kizi Yesuh pa bunu nǝ rugozong ru andubǝ kini andu makaza uma, ²Mǝpahu '' Andudarsa kini tupharisees na titǝshi nu dǝtar u Moses. ³Bazi na nandi kap tutpakpa tinanka awunyi nu wadi, weng tong. saiko nǝ gana makaza tidima tigǝnǝ wu, bazi ka na awunza tukpakpa tinanka a bǝnzǝ andubǝ tǝng wu.⁴Nandidi, awunza andubǝ tukpakpa tumǝlong-mǝlǝng nǝ dondon ka tǝng nu gbǝnǝ uzansa rumǝ kizi ǝnǝ akpǝ gǝnǝ ba atara ko rubo ma nǝ tukpakpa tidi wu. ⁵Awunza kusum tidima tigono nunuka andubǝ di yira hu. Bazi ka ayumburuza tilahu tigana tugbugbou tidi kizi akornu tunu tu tisǝrmǝni tigǝnǝ hǝbǝlak ushupu,⁶Agoto wǝmǝ titǝshi nǝ tira tuijah nu shua uishokori kini tidǝtar tuijah nǝ tira tu:yiba uweng, ⁷Ugana tukwa tu rugbau na tira tu uziza kini ugbaza tukpakpa kini ugana ka anduba gusa nǝnǝ tushuarai.⁸ǝni gbaki agana yisinyi tushuarai wu bazi ka ǝni nundubǝnźǝ wǝndǝ hu, kusum ginidi ahene a:pum hu. ⁹Na gana hunǝ zondo dada nǝ mǝsanu midi wu, bazika ǝni na tah wǝndǝ ka ǝmǝ na shiri. ¹⁰Agana yisini andubǝnzǝ wu, bazi ka ar nundu bǝnzǝ wǝndǝ, ǝmǝdǝ, ǝmǝdǝ nǝzi Christ.¹¹Undunanka ǝmǝdǝ ugbǝu di nǝ yimǝ gini¹²kap undǝka mǝ nanza rukpǝ ashinhumǝ kuzu unduka mǝ shinshi rukpǝ ananzumǝ¹³wǝgǝji nini andadarsa kini tupharisee, andu'i dagar! Na kursa anduba ashutgura a bigizi bu rijah nǝ shiri ǝni akpǝ gini bana ruwǝ wu kizi bana yahan andu ganauruwa, ruwa ni:wu. ¹⁴Wǝgǝji ninyi andudarsa kini tupharisees, andu, dǝgǝr! Na kursa andubǝ ashutgura abigizi bu rijah nǝ shiri. ǝni akpǝ gini bana yumǝ ni:wu. ¹⁵Wǝgǝji ning andudarsa kini tupharisee. andu idǝgar! Numa wurmu tirai tu tishi, nu wunza aval gyǝbu numen. Na mana kini ugyani gbau. Wǝgǝji ning andu darsa kini tupharisee, andidǝgǝr! Numǝ lǝnkrǝ nǝ bigizi kini sipende nu bila unduwǝndǝ ka nǝdi wǝngayumǝ nu dula, mǝhu wǝmǝ, kizi nǝku wumǝ mǝ sokono undurwa u:lalu naku nǝtuba ininka unduba dolom na tara di ma.¹⁶Wǝgǝji ning ǝni tilǝngǝ tu bǝnzǝ achurna, ǝnyika nǝ gusa, 'Ba engni zimin wu ka undubǝ hu tonzo na rai auyiba uweng. saiko undoka mehu wuza itonin ni: min ngal, ngal nǝrai auyiba uweng kizi itonin di i mokumǝ; ¹⁷ǝnyi tilǝngǝ tilakar! iyandi kizi igoto, imin ngal-ngal di: da kǝzi arai auyiba uweng kizi awunza imin nyal-nyal di sokono tsang-tsang?¹⁸Kuzu, 'ba izimin ni wu ka undubǝ hu tonzo nusumu, saiko undo ka mǝhu tonzo na nǝwu a:taru usumudi, kizi itonindi i mokumǝ! ¹⁹ǝnyi tilǝngǝ! iyandi kizi igoto, anǝwu da kǝzi usumu di kizi uwa anǝeudi tsan-tsang?²⁰Bazi na nandi kap undoka mǝ tonzo nusumu ma tonzo na any niyang kini kap iminka eng nǝ tara ang. ²¹Undoka mǝ tonzo nira iuyiba uweng ma tonzo na en niyang kini undu titǝshi, nǝ yimǝ di. ²²Kuzu kap undoka mǝ tonzo na rai ashiri ma tonzo na rijah ruweng kini undoka ǝmǝ na titǝshi ni.²³''Wǝgǝgi ning, andudarsa kini tupharisees, andu idǝgar ǝnyi na yu za buwǝandǝ nǝ yimǝ rukurǝ, na rinya lrnse, kizi unma taka na tukpkpa tu mǝlǝng mǝ lǝng tu titarnin-isar kini izai a umonzo imin gara. ba izi ka nǝba kukpakpa tidi labu uwa wu. ²⁴ǝni tilǝngtu bǝnza achurna, ǝnyi nu piruzu ku kizi nu tunza ukwansi!²⁵Wǝgǝji ninyi andu darsa kini tupharisees andu idǝgǝr! Nǝ kuzuzu amara ukop kini aru kizi ayimǝ di na riyarmang kini uwǝmǝ rukpǝ.'' ²⁶ǝni tilǝngǝ tupharisees! kusuing ayimǝ ukop di kini aru di yani nunuka amaru dima di sokono tsang-tsang.²⁷Wǝgǝji ninyi andudarsa kini tupharisee, andu idǝgar! ǝni danga musahu munanka a kuru mǝng ishinshi gupǝng hu ka mǝng nu sara nu gunga, kizi ayimǝ di gdaki na su:gu su mukeze muandubǝ viati kini koyandi tukpakpa tujir itsang-tsang. ²⁸Nǝ churna andidi, nu gunga nǝ bǝnzǝ nandubǝ nuhu tanu tigini-tsang hu, kizi nǝ yimǝ di gbaki ǝni ni: dǝgar zur kini ujir wǝnkǝli nǝ titarkanim.²⁹Wǝgǝji ninyi, andudarsa kini tupharisees, andu idǝgǝr! Nǝ pyizi musahu mu atuma auweng na ku ryongo musahu mu andoka ana wuza tanu titsang-tsang. ³⁰Na gusa, 'Tanazi ka tina sokono nu shua tupozo tugoro bǝzi tina duruǝnǝ nu kunku mǝnyi muatuma auweng.' ³¹Nǝ tara nandi numa ba:na kpǝ gini nuhu ǝnyi mana mu andunanka ana wunza atumma auweng.³²Monzin urunduzu tupozo tigini. ³³ǝnyi inga, mana mu ibomi, awa meshe ka nadi aolbono nu rwa uharamǝ kangara yong?³⁴Bazi na nandi, yirang, emnu chepǝ ninyi atuma kini andu korkor a andudarsa. Na wuna azondo gǝnǝ nǝku gakarǝnǝ, azondo gbaki, na lubǝnǝ na sipa nǝ tira tu yiba uweng gini nǝku nǝ nu pana undi pirm nǝ unji. ³⁵Mǝnyi mu kusum andu tanu titsang tsang ka numa kunku mǝng nǝ masunu midi mu kurumǝ nǝ kpǝ gini, uchiradi nǝ mǝni mu zechariah vanu u bara chiah, ka nǝpa wuna nǝ tarshi ayimǝ ugura uyibauweng kini usumu. ³⁶Emnu buyi akuru duru, kusum tukpakpa tidi tu dungǝ nǝ rukpǝ ru ukongo undi.³⁷Jerusalem, jerusalem nyika na wuna atima auweng nǝku gursa andunanka atumǝnǝ ninyi! Nǝ yonduka emnu gana upitunu gini dunnga kandaka utokoro pitunzu mundigenzǝ mumǝ nǝti gngu, kizi bz ǝni nu wǝmǝ diwu! ³⁸Barin, asusa gini ma sokonu ubǝri di. ³⁹Emnu badi nini banada nu yira om wu uchiradi na rididi sai pirma nushua ka nǝhu hu, 'Akǝbiki na tara undunanka ma rǝmǝ nǝ yimǝ rizǝ ru eta.''

¹Yesuh pa suru nǝ yima ir iuiba uweng ma kaba achurna. Andumakaza umǝ pa rǝmǝ nu jonguzumǝ subo nu pyi uira-inyiba uweng di, ²Mǝpa wǝmǝ kizi mǝ hunǝnǝ,'' Banǝ yira kusum tukpakpa tidi wu? Emnu bunyi akuraduru ba rizi rishari ni ka ayaha rǝn nǝ tara rizi ka ba'a takala rǝn nǝ bigizi wu''.³Ushwaka pǝzi ǝmǝ na titǝshi nuvwoho olives, andu makasadi pana durumǝ ni gana nu gusa numa, ''Gara nandu ayiri kizi tukpapka tidi tu sokono yong? imi kizi i bǝnǝ udungǝ ou kini umarnǝ mǝsanu''? ⁴Yesuh pa wǝmǝ mǝ hunǝnǝ, ''wǝnkǝlin zondo gana warsizinyi wu. ⁵Bazika andubǝ char sa biu nǝ yimǝ rhizǝ rom nu gusa,'' Emdi nǝzi christ, ''konze a warsaza andubǝ char.⁶Na kunduza tukwara kini tubunu tu:kwara. yaha ihana sokono ninyi gbe gbeti wu, Bazika sai tukpakpa tidi tuma sokono kizi umǝrsadi kada kǝkina. ⁷Bigizi bu torno nu ngarumǝ nǝ tara bigizi, bigizi bu rijah nǝ tara bigizi bu rijah. Aa wuza-ikomo kini uzuhu bigizi nǝ tira mamani. ⁸Kizi kusum di udinka-umina tukpakpa tu puba hu.⁹Kizi ayuhurungi amaru nu kunda rupum kini uwuna. ¹⁰Anduba char sa gulu, kizi ayuhuru apum amaru kini ugyami apum.'' ¹¹atuma a:malem char sa torno kizi akǝsha anduba char nǝ churna riri.¹²Bazika uyǝnsǝ nǝ titarkanin sa kinirumǝni, uwǝmǝ uandubǝ char sa kasana. ¹³kizi kap undoka mǝ shinga pirmǝ nu mǝrsǝ di sa muraukaba. ¹⁴Asa ba ubunugilau u bigizi bu rijah ridi nǝ mǝsanu kusum nǝ tara tupakpa tigilau tu igizi kusum. kizi umǝrsǝ di biu kǝkina.¹⁵Bazi na nandi, kap ushwaka nǝ yira tukpakapa tu mǝkǝri nu sharna ka Daniel utuma uweng pa gara, na tutorin nira tsang-tsang''(yaha unduabaru di ruza), ¹⁶Yaha andunanka ǝnǝ nǝ judea sums a pirǝnǝ nǝ tuwoho, ¹⁷yaha undoka ǝmǝ nǝ tara arai gana shupu nǝ bigizi nu chira izimin nǝ yimǝ arai ǝmǝ wu, ¹⁸Kuzu, yaha undoka ǝmǝ unlam gana kurumǝ nǝ susa nu chira usǝrmǝni umǝ wu.¹⁹Wǝgǝji nǝ ya: musong kini andu mundigenzǝ mu lǝshi nu shwa dǝndi! ²⁰Wuzan aval usom gini gana sokono na maini ko numen kabi:kurbi wu. ²¹Sǝzi ukunda rupum ni char, muzu:nanka ba anǝma kunda wu uchiradi nu dinka mǝsanu ubiu nǝ ricgidi, oo basaku kunda muzu yupum ridi wu. ²²tǝnazika ba'a kasa tuwen tidi wu, ba zondo nika abasa kabumǝ wu. amna asa kasa tuwen tidi bazi andunanka ana virǝnǝ.²³Bazi manandi, kap undoka mǝ hunying, Barin, inge christ di! 'ko injumǝ bǝnji! nǝ gana wǝmǝ wu. ²⁴Bazika tu christ tu malam kini atuma satorno nushwa dandi nu bǝnzǝ tukpakpa tugbugǝu tuibobo nunuka baka i:waka adi kǝsha ko andunanka ana virǝnǝ ma cgurna riri. ²⁵Barin, emnu badi ninyi badi nǝyimǝ ushwa.²⁶Bazi na nandi, ahu hunyi, barin, ǝmǝ nǝ rizongor,' nǝ gana huniny nǝ rizongor ridi wu. ko,' Barin, ǝmǝ nǝ yimǝ tugura, na gana wǝmǝ wu. ²⁷Dannya kandaka ugbara tiza ruma uchiradi nu suru:weng pirmǝ nu suar yǝru, yakaka ubiu n u vana unduba sa sokono. ²⁸Kap iraka ikeze irukura ni, a yira umajuguwal bǝndǝndi.²⁹Na mara ukunda rupum nǝ tuweng tidǝn tidi, uweng sa sokono biti, upe ma bausa yumba ikenkeng wu, iwer sa shupu, kizi a zuhu budǝrǝ bu ashiri.³⁰Kizi buyoro bu Vana undubǝ sa bǝnǝ yumǝ nǝ shiri, kizi kusum ipana i mǝsanu sa ruwǝ nǝ riyom. Asa yira vana undubǝ ushupu nǝ tuwer tuashiri na budǝrǝ kini uzanzana ruwǝ char. ³¹Mǝsa chepǝ irim iatuma ǝmǝ nu lira char u burǝtu, kizi mǝ pitunu andonka mǝna vira usuru nǝ tusuar nǝ tunanzi, uchiradi nu suar undi pimǝ nǝ unji.³²Makazin umza tushwa nu chichi u:zinzi, ushwaka sigaba sidi suma kpo nuwaza, kizi tuva tidi tukpo nu yoko, rizang nuhu yokozo yuma biu vati niyang. ³³Kuzu ushwaka nǝhu yira tukpakpa tidi kusum, ruzang nuhu mumawa vati udunga, nu:nu uashutgura.³⁴Emnu bunyi akuraduru, yimiza rindi baru sura wu sai tukpakpa tidi tuma sokono. ³⁵Ashiri kini mǝsanu mu sa sura kizi ubunu om ba:usa tibi sura wu.³⁶Nǝ tara uweng kini suhwa dandi, ba zondoni ka mǝruza wu, ko irim iatuma nǝ shiri, da kǝzi vana undubǝ, saiko ɛta bǝlǝ.³⁷kanda nushwa tuwen tu Noah, yaka ka ubiu uvana undubǝ sa sokono. ³⁸Dannga nu shwa nu rya tirya kini usua tusua, tinya pyau pirmǝ nushwaka Noah pa ruwǝ nǝ yimǝ upa utanu nǝ mini, ³⁹banu yuza gǝnǝ wu pyau sai nushwaka mini midi mupa na turkǝnǝ mu pirumǝ nani-yakaka uvana undubǝ sa sokono.⁴⁰Sǝzi andi repu nu Lam-achira uwǝndǝ kizi ayaha uwǝndǝ. ⁴¹Tuga tirpu nu wuha irya na rishari-achira uwǝndǝ kizi ayaha uwǝndǝ. ⁴²Bazi na nandi, sokono kyesi, bazika banǝ kam uwenka ɛta gini sa biu wu,⁴³Ruzang indi nuhu, tanazika ushuarai urai kam ushwa ubiu unagana nǝ:ri, mǝba tǝshi kyesi mǝ gǝhǝ unaganadi upurumǝ arai. ⁴⁴Bazi na nandi sainǝ sokono kyesi, bazika vana undubǝ sa biu nu shwaka ba zondo ruza wu.⁴⁵''Avi nǝzi ulǝrǝ uryomo undu tanu nyel nǝ yimǝ gini ka ushuarai umǝ nǝ yumǝurika arai ǝmǝ mdi nyinza tiǝrǝ tu araidi irya nu shua kparas yong?. ⁴⁶Akǝbiki nǝ tara ulǝrǝ unanka ushuarai uma humǝ dungǝ ma murumǝ nu:wa nandi. ⁴⁷Emnu bunyi akuraduru nuhu, ushuarai di na tarumǝ nǝ tǝra kupakpa tumǝ kusum⁴⁸Ulǝrǝ shishoro gbaki hu nǝ rumǝ ruroho yumǝ nuhu, 'ushuarai om makǝ niya; ⁴⁹kizi mǝ ruwǝ nu luba udangara titǝrǝ arǝnǝ ituma, kizi mrya mǝku sua kini andu sua tukpakpa, ⁵⁰ushuarai u:lǝrǝ di sa dunga nu weng kini ushuaka ba ulǝrǝ di ruza wu. ⁵¹ushuarai umǝ ma tusumǝ Lenten-Lenten kizi mǝ yimǝ ira kini andu idǝgǝr, niraka a kiba kini urunza anyini ni.

¹Arai rijah nǝ shiri sǝsokno dang'a mansha rukurǝ ka bama jini aruza andigǝrmǝ wu ka apa chira tikǝi tidǝnǝ adi kǝ duru undu bu kalǝlai. ²Shubi nǝ yimǝ gǝnǝ tukoti tidi kuzu shubi korkor. ³Mansha mu koti midǝn bana torno na muna nǝtikǝi tigǝnǝ wu. ⁴Kuzu mansha mu korkor midǝn muna hana na tikǝi tigǝnǝ na manu nǝ sikete.⁵Ushwaka unduh bu kalǝlai di pa shara ushwa nyiang, kizi mormo mu turkǝnǝ, ⁶kizi akunda ukyǝbǝ na tarshi ari, barin, inge undu bukǝlǝlai bidi! pirinyi na shibi nǝdikǝ manzumǝ.⁷'kizi kusum mansha mujir ruza andigǝmǝ mudǝng mu torno ayumbura tikǝitigǝnǝ. ⁸Tukoti tidi tipa hunandu korkor di, 'nyelin andu manu migini bazika tikǝi tugoro na churna aubisi, ' ⁹Kizi mansha mu korkor midi muhunǝn,' Ba muza nandu kinǝnyi wu, ikizika nǝ ba pirinyi nira:ndu zizia di nunuka nǝdi kpa mizi nǝ kpa gini .'¹⁰Ushwaka apa pirǝnǝ nu kpa di, kizi undubukǝlǝlai bidi rǝmǝ, andoka pǝzi ǝnǝ kyes gbaki pa ruwǝ nira ishokori di kinǝmǝ kizi akursa a shutgura di. ¹¹''Apahu akara kizi unangara mansha midi mu dungǝ nu gusa,' ushuarai, kornundu ashutgura di.'' ¹²Kizi mǝ wǝmǝ nǝnǝ nuhu,' emnu buyi akura duru, bǝn ruzunyi wu.' ¹³Bazi na nandi, wǝnkǝlin don bana kam uweng ko ushwa di wu.¹⁴Danga undubǝ hu ka ǝmǝ nu wa rai ru pirmǝ nǝ bizi bigizi. Mǝ yisi tilǝrǝ tumǝ kizi mǝ yǝnǝ uwǝnkǝli nǝ kukpakpa tumǝ kusum. ¹⁵Mǝpa ya zondo titalent shubi, zondo tirepu, zondo gbaki utalent wǝndǝ. ko ǝvi gǝnǝ pa kaba ikurbi ni yaka rimi rumǝ, kizi undodi kaba achurna pirmǝ nǝ tanu tumǝ. ¹⁶Undoka mǝpa titalent shubi tiden pa chata mǝkǝ chiritan nǝ yimǝ ituma kizi mǝ hana nubuna tǝn shu:bi.¹⁷Kuzu undunanka mǝpa kaba titalent tirepu pa chata mǝkǝ chiritǝn nǝ yimǝ ituma kizi mǝ hana nubuna tirepu. ¹⁸Kizi undoka mǝpa kaba utalent wǝndǝ, pirmǝ mǝkǝ kǝbǝ bigizi mǝ nyisa ikurbi iushuarai umǝ ni.¹⁹Nedi, nǝ mara si char, ushuarai utijǝrǝ tidǝndi pa dungǝ nunuka mǝdi runduzu abaru kinǝnǝ. ²⁰Ulǝrǝ unanka mǝpa kaba titalent shubi tidǝn pa rǝmǝ na shu:bi nǝ tara tinanka ana yumǝ. kizi mǝhu, 'ushuarai, upa yam tilalent shubi. Bara, inkǝ hana nubuna shi:bi nǝ taradi. ²¹'' ushuarai umǝ pa hunumǝ, ' kǝja ni tuma, ulǝrǝ gilau undukunda-unu! uwuza ituma gilau nǝ tara tukpakpa nyonkolon. inwau uwǝnkǝli nǝ tukpakpa char, Ruwǝ nǝ yimǝ ira irai rugupǝng yu: shuarai ou.²²Ulǝrǝ unanka mǝpa kaba titalent tirepu pa mǝhu, 'upa yam titalent tirepu. bara, inkǝ hana nu buna tirepu nǝ taradi,' ²³''Ushuarai umǝ pa hunumǝ, 'Kǝja, ulǝrǝ gilau undukunda-unu! uwuza ituma gilau nǝ tara tukpakpa nyonkolon. in wau uwǝnkǝli nǝ tukpakpa char. Ruwǝ nǝ yimǝ ira irai rugupang ru:shuarai ou.'²⁴Kizi ulǝrǝ unanka mǝpa kaba utalent wǝndǝ pa rǝmǝ mǝ hunumǝ, 'Ushuarai, in ruzaka uwata gyereng. upitunzu irya niraka ba uwuza tibira niwu, uka wuzu niraka ba sasa inuzu niwu ²⁵pǝzi iyǝwǝ num, indǝ kizi inpakǝ kǝbǝ bigizi inyisa ong nǝ yimǝ di. yira, inga, imin eu²⁶Kizi ushuarai umǝ wǝmǝ numǝ nuhu, 'Au ulǝrǝ-umadoro kini rishishoro, uruza ka in pitunzu irya niraka bain wuza tibira niwu kini tuwuzu niraka bain sasa inuzu niwu. ²⁷Tanazi ka nandi, bǝzǝ una kǝ tarum ikurbin em bǝ ribinga ru:tarsa ikurbi, dizi ubiu omdi inba kaba ikurbi em naku dodo nǝ taradi ai.²⁸Bazi na nandi kabin utalent di nira imǝ nǝdi yumba nundunanka ǝmǝ na titalent rukurǝ tideng. ²⁹Bazi ka kap undunanka ǝmǝ ni min kizi akinzumǝ ni nunuka idi sokono numǝ tim. kuzu undunanka bǝ:mǝ nani wu, ko kumin nyololon kǝ:mǝ nani, a kaba eng. ³⁰Kizi a toro ulǝrǝ shishoro dandi nǝ yimǝ mǝrim mugubǝ, niraka, niraka ma ki:ba kini urunza anyini ni.'³¹Ushwaka vana undubǝ huma dungǝ na budǝrǝ kini irim iatuma ǝmǝ, mǝsa tǝshi nǝ ridǝrǝn rugbou rumǝ. ³²Igizi kusum sa pitunu rumǝ nǝ tubǝ:mǝ, kizi mǝ hara andubǝ mamanoi, kandaka unǝbiha harsa itamu ni mandi. ³³mǝsa puka itamudi nu wǝrǝ kankam umǝ, kuzu imandi nu wǝrǝ gushi umǝ.³⁴Kizi ujah di hunǝ-andu:wǝrǝ kankam umǝ, 'Rǝnyin, ǝnyi andunanka akǝbi:ɛtam nǝ tara gini, chirang usongo ubigizi burijah ka anama yumbura ninyi uchiradi nu dinka mǝsanu. ³⁵Pǝzi ikomo num, nǝpa yam irya; pǝzi ring num, nǝpa yam mini; inpa ra rigyen nǝbi kabum; ³⁶Pǝzi em sarang nǝpa yam usǝrmǝni; pǝzi em nujir ruguma, nǝpa wǝnkǝli num; pǝzi emnǝ rai inyang, nǝpa na barum.³⁷Kizi andu sar sa wǝmǝ num nuhu, 'Ushuarai, ayiri tina yirau nǝ yimǝ ikomo kizi tiyau irya? Da kǝzi nǝ yimǝ ringǝ kizi tiyau mini? ³⁸Ayiri kizi tina yirau ugyeng di kizi tikabu? Da kazi sarang kizi tuwau tisǝrmǝni? ³⁹Ayiri kizi tina yirau nǝ yimǝ ujir ruguma ko nǝ rai inyang kizi tina baru:yong?' ⁴⁰''Kizi ujah di sa wǝmǝ mǝhunǝnǝ, emnu bunyi akuraduru, iminka nawa nundu wǝndǝ nǝ yimǝ ahene am di, na wa num hu,'⁴¹Kizi mǝhu nandunanka ǝnǝ nu wǝrǝ gushi umǝ, 'Tornin nǝ tuba am, ǝnyika ama wunyi-unu pirmǝ nǝ yimǝ urwa ujir labu naku ka ana yumbura nundu nyarumǝ kini irim shishoro atuma ǝmǝ, ⁴²Bazika pǝzi ikomo num, ba nǝna yam irya wu; pazi ringa num, ba nǝna yam mini musua wu, ⁴³Pǝzi em ugyeng di, ba nǝna kabum wu; sarang, banǝ na yam usǝrmǝni wu; ujir ruguma kini nǝ rai inyang, banǝna wǝnkǝli nemi wu.'⁴⁴ǝnǝ gbaki asa wǝmǝ ahunuma, 'Ushuarai, ayiri kizi tina yirau nǝ yimǝ ikomo, ko ringa, ko ugyeng, ko sarang, ko nujir ruguma, ko nǝ rai inyang kizi bati wǝnkǝli nawu wuyong? ⁴⁵kizi mǝ wǝmǝ nǝnǝ nuhu, 'Emnu bunyi akuraduru, kandaka banawa nundu wǝndǝ kumin nyololon nǝ yimǝ gini wu, emdi kizi na gyami uwa di num.' ⁴⁶Andindi a pirǝnǝ nǝ yimǝ akunda rupum ru labunaku, kizi andu sar nǝ yimǝ tuvungkǝ tu labunaku.''

¹lǝlu ka yesu bi mana ubunu undu , kizi mǝ hu nandu makiza umǝ . ²na ruza nu hu na maru si rupe ishɔkɔnɔ ubiu , lǝlu ridi kizi a yimbam adi gakarun nu chichi.³kusum tu pristi tu gbɔu kini andiganu mǝ pitunu nu tudara u pristi gbɔu ka agusumǝ caiaphas ⁴.ǝnǝ a guru nu nu hu amɔkɔ yesu weti ni gana akǝ wunumǝ na gara gǝrǝ igana sɔkɔnɔri wu . ⁵andubǝ gana tɔrnɔ nu kwara .⁶lǝlu ka yesu na bethany na rai a simon ukumi . ⁷lǝlu ka amǝ na ri rya , uʒi u gwa bi rǝmǝ numǝ na tikete ru manu ni kurbi wa ni, mǝ karbu man nǝ rukpǝ ⁸. andu dula umǝ i hu a yira , a pawa manaŋ a hu yandi u shara ikurbi nedidi . ⁹bazi a ʒiʒa ni kurbi char ahara en nan du tiyɔm .¹⁰yesu ruza tunurai tigǝnǝ ki mǝ hu nǝnǝ na gana sartu mǝ amǝ ma wam tukpakpa ti gilau hu. andi tiyɔm anǝ mal kinǝ aɲi, em a ra ima shira in yaimi ɲi . ¹¹lǝlu ka ma karbum manu mu dǝŋ , tu wɔzɔ tu ransin rɔm hu .¹²lǝlu ka ma karbum mu daŋ , tu wɔʒɔ tu rashin rɔm hu . ¹³in gariɲi akuraduru , kusum ira a aba ubunu u lense dini , garsa riza rumǝ dɔu, bazi imin gilau ka mawa .¹⁴uzɔndɔ na yimǝ gǝnǝ rukurǝ nani repu di ka agusumǝ judas iskraiot , maka mura uprist gbɔu ¹⁵.mǝ hu imi kizi uyam em di yumbu mǝ niɲi ? achata a bara idama akuraduru a yitu numǝ . ¹⁶ipa sɔkɔnɔ mal ǝmǝ nu bila a churna ka madi tumbu nǝnǝ.¹⁷na richi ra dinka ri sɔkɔri andu dula umǝ , bi hunumǝ be kizi a yumbura nunuka udi ri rya i shɔrɔri di ni yɔn? ¹⁸mǝ hu nǝnǝ piriɲ na yimǝ pana nu zɔndɔ , arin numǝ nuhu undubǝʒǝ mǝ hu lǝlu rɔm rǝmǝ biu , im tǝshi in ri rya i shɔkɔri di mawa kini undu dula ɔm. ¹⁹andu dula umǝ di bi wa imin ka yesu bi hunǝnǝ aka wa, a yumbura irya di .²⁰iyǝru bi hu iwa , mǝ tǝshi na ri ritya kinǝnǝ andubǝ rukurǝ nandi repudi ²¹.lǝlu ka anǝ na rirya mǝ hu nǝnǝ , em nu baɲi akuraduru na yimǝ gini zɔndɔ ma ʒiʒa m ²².na saisu gubǝ kɔavi gǝnǝ bila mǝda ruga amǝdǝ duwǝ?²³m̃ǝbi wemǝ mǝhu 'undo ka mǝ wu wǝrǝ wǝmǝ na a:ru wǝndǝ di kine mi, ǝmǝ dikima zizam. Vana, unduba mǝ hanumǝ dang ka ama darsa, wǝgǝji nun do ka ma zizumǝ. ²⁴igoto nun dodi nyel bazi ǝnǝji minumǝ. ²⁵Judas ka ǝmǝdǝ ki mǝ zizumǝ hu 'Emdi duwa, Rabbi? mǝ hu numǝ' Uma gara na rukpǝ row.²⁶lǝlu ka ǝnǝ na rirya Yesu Chiru rufurhum, mǝ wuza aval, mǝ pura rǝn. mǝ yitu ne:nǝ mǝ ' kabin nadi rya. Rapum rom nedi'²⁷mǝ Chiru mini mu kahumma, mǝhu mu wuza aval, mǝ yǝnǝ mǝ hu' swang mǝn, kusum gini. ²⁸Mǝny mom nedi, mu wǝmǝ gisau ka mu kunkunimǝ bazi ujiki mǝruku. ²⁹Em nu ba di nioi, in da nu swa mang wu, lǝlu ka ensǝ ku swa nǝ zi kinǝnngi na rai a rija ra tam.³⁰ǝpa hu ǝ gusa rimeze ǝ suru pirmǝ nu woho u tupar. ³¹Yesu hu nǝnǝ 'kusum gini nǝ ri nǝ:ri richi bazi em em nu darsa nuhu ǝhu vapa unabiha kusum rukura ridi sarma. ³²kizi nǝ mǝru torno om in sura na tuba gini uruwǝ na galili.³³kizi peter garu nu mǝhu bazi in wi baka ow em in suma in yahu wu. ³⁴yesu hu nu mǝ em nu bau akuraduru richidi ugyami uruza om na taru kizi ugoro toro. ³⁵peter ku hu bazi inwi baka ow in yahu wu kusum adangara di gara nandi dong.³⁶yesu pirmǝ kinǝnǝ ni ra ka a gusa eng gethsemane mǝ hu nan du makaza umǝ tǝshin bǝndi em da kini wǝsǝ banji inda wuza aval. ³⁷mabi yisi peter kini andigyenzǝ a zabedee a repo nǝyimǝ sai su gubǝ kini idǝlǝndǝlǝng isuroho ǝnǝ a puk rigǝnǝ. ³⁸mǝ hu nǝnǝ ruroho rom rumǝ basa gǝngǝn dangǝ indi wi doli rikan nanum bǝndi em da kini ka wǝsǝ wuza aval.³⁹ǝmǝ mǝ kini ka wǝsǝ mǝ gunkunu na aval mǝ hu atam bazi hu wǝmǝ yaha ugbǝnǝ di da suram kusum di yaha imin gana em k idi hana wu. ⁴⁰mabi ku rǝmǝ nira ka anǝ mana muraa ni na mormo mǝ hu na peter kok, anyi na vǝn tirika kini mi na lǝlu ru wǝndǝ wu? ⁴¹tǝshi nati rika kini na aval , ruzan nu hu rupum ru gana di kizi burim bumǝ zhizhi.⁴²ma pa ku hana mǝ urepu ma wuza aval m hu atam bazi da ugbǝnǝ di u suran wu a in swa on ya ha imin ka au nu gana di da hana . ⁴³mǝ hu dange ma murǝ nǝ na mormo ka zzhi gǝnǝ ma wa dǝlǝndǝ . ⁴⁴maku yahǝ na ma pirmǝ , upirmǝ u taru maku wuza aval, nu ba amoro muru awǝndǝ di⁴⁵kizi yesu dungǝ mana mura andu makaza umǝ ma hu nǝnǝ anyi na da mormo nu vunkǝ duwǝ? lǝlu ru zhizha vana undubǝ na tǝrǝ tu andu anyisi ma wa. ⁴⁶torin tida shira barim undo ka muna zhizha ma biu vati .⁴⁷lǝlu ka anǝ nu nunu di judas uwǝndǝ na yimǝ gǝnǝ yizi mapa dingǝ na rugozon rǝn dubǝ kini uprist gbou kini anganǝ , anǝ na tu wal kini apobo. ⁴⁸amǝ undo ka mamgu yimba yesu , muma garǝnǝn uhu byilla undo ka in guntu mǝ amǝ dǝ kizi na mokamǝ .⁴⁹na masasa mapa na gutu yesu ne hu em na tu kwa rabbi ma pa guntu mǝ . ⁵⁰yesu hu numǝ urǝmǝ , wa imin ka ina shau , kizi apa rǝnǝ a natara tǝrǝnu⁵¹kizi zondo ka amǝ kini yesu ,susu uwal umǝ ma kpǝngǝrǝ ututo u uzhi ulǝrǝ u prist gbai di ututo di kpo na bugizi. ⁵²kizi yesu hu umǝ , kursu uwal ow nnu pandu di, byilla ka undo ka ma zansa uwal anǝdon sǝ wi nu wal. ⁵³na ruka in rǝn in yisi atam ma tuma num na anatuma amǝ tupu rukurǝ na ti repu wu?. ⁵⁴mashe kzi ubunu di di mo , ka tukpakpa tidi hana wu⁵⁵yesu bi hu nan andubǝ di , nu ma ka suru na ti wal na da na mokorno dang'a unagana? ma em kin nemi bǝndi nu bǝnzǝ gini na arai a weng na bi ma mokum du wu? . ⁵⁶kusum tukpakpa tidi tupa hana bazika imin ka atuma a uweng bi ma darsa di mura i mokusum andu makaza umǝ yitu mǝ a sata .⁵⁷an do ka a moko yesu di pirmǝ nǝmǝ na caiaphas uprist gbou , bǝndǝn kizi kusum andu darsa a andigananu ma pitunu ni. ⁵⁸peter pa dula ne , makǝ ruwǝ kinǝnǝ na chirai a uprist gbou , ma bi ruwǝ ma tǝshi kini andu rika ira mede yira imin ka i hana⁵⁹na lǝlu rindǝndi uprist gbou kini anduturundu bumǝ nu gusa malem na tara amǝ adi mura a wynu mǝ . ⁶⁰abi naha malem mudi kusum ka azondo biba malem nudu an di repu bi kizi abi suru a tura gǝngǝn na malem mudi ⁶¹. a hu undindidi bi hu ma rǝn ma pusa arai au weng di ma pi an na sisitaru .⁶²u[prist gbou di torno ma tura , ma hu nu mǝ au labuimin gara du wǝ̌ ? imin ka anǝ badi na tara au yin? ⁶³yesu bi wa weti upristi gbou di hu mǝ , em nu gana uda bunu bazi uweng gara nandu audi kristi , vana uweng. ⁶⁴yesu bi wǝmǝ ma hu uma gara bǝau in kini gara ninyi na yira vana undubǝ na titǝshi na u wǝrǝ tikamkam tu rijah naku irai undungǝ umǝ na tuwer usuru na shiri⁶⁵uprist gbou di hatiza tukpakpa tumǝ na hu kundǝn muma gara maruku mu gbou imin kizi ar nu gana natara amǝ gbaki? na kunda u garunu umǝ rukumu gbou mudi wu? . ⁶⁶anyi na yira mashe? anǝ a wǝmǝ a hu i wa nyel ma wi⁶⁷kizi a kpu ma na tomo na azhi kpasumǝ a rǝnsǝ sumǝ na tǝrǝ na rukpǝ. anǝ husa mumǝ garandu ka me retou , bazi au vana uweng ka uruza imin kusum ⁶⁸.lǝlu rinfǝn peter na titǝshi kinǝnǝ na chirai kizi uzhu bashe lǝr wa rai di rǝmǝ namǝ ma hu izhi au kini yesu wa galilee .⁶⁹ma rya matara na tuba gǝnǝ kusum ma hu kam imin ka anyi nu bunu na tara di wu. ⁷⁰ma rya matara na tuba gǝnǝ kusum ma hu , in kam imin ka anyi nu bunu na tara di wu⁷¹lǝlu ka amǝ na shigura au suru uzhi bashea lǝrǝ di ku yiru ma mǝ̧ hu nan dubǝ ka anǝ bǝndǝn azhi undindi di kini yesu u nazareth ⁷².maku ryi saru ni tonin in ruzu undindidi wu.⁷³aku zunang nyon ando ka anǝ na rutorin bǝndǝ̌n ku na murumǝ a hu nu mǝ akuraduru au kinǝ mǝ ununu ow bǝnǝ kenken ⁷⁴.ma kpo ni tonin bitiza en ruzumǝ wu ugoro yizi mapa toro . ⁷⁵peter pa kutoron imin ka yesu ma gara uggamoin nataru kzi toro kizi mǝ nǝ shibi ma kiba gǝngǝn

¹izu bi hu i sana upristi gbɔu kin anduganu bi guru nu adi mura a wuna yesu . ²abi kisumǝ a sura nǝmǝ a kasha na pilate u gumna .³judas ka ma bi ʒiʒa mǝ bi hu ma yira ǝmǝ kisa nu hu awu nu mǝ ma chata ma rya tirinu mǝ pirimǝ mǝdǝ kursu idama a di nu pristi gbɔu kini andiganu. ⁴mǝ hu nǝnǝ maruku nedi ka inwa ima ʒiʒa undɔ ka ǝmǝ labu utaka ǝnǝ a hu numǝ imi gɔrɔ kini ubunu undǝn? ka dima nani bǝlǝu . ⁵ma kunku idama akurtaru di na yimǝ arai au uweŋ ma suru ma kawa usǝrǝ⁶uprist gbɔ bi chira idama akurtaru di mǝ hu ɲel ka a tara en kini na sɔkɔnɔ a ikurbi wu, bazi ka ima sɔkɔnɔ ikurbi i mǝɲel hu. ⁷abi ba burundu , kizi aka kpa ulam wan du mukɔsɔ nani , ulam di sɔkɔnɔ ina ransin ra gyein . ⁸bazi nandi kizi agusa ira di ulam u mǝɲi , ulrǝmǝ nǝ ricchi di .⁹na bǝndi ugara eremiiah utama uweŋ bi mɔ nu hu abi kaba idima akurtanu nǝ rukpǝ rumǝ nu gara adigyǝnʒǝ a isreal . ¹⁰a tuna en bazi ulam undu mukɔkɔ daŋ ka usharai ma wa .¹¹ka yesu na ru tɔrrin na tuba gumna da bilu ruza mǝ hu mǝ au di ugɔmɔ u yahudawa wǝmǝ mǝ hu u hu nandi . ¹²lǝlu ka uprist gbɔu kini andiganu a rumǝ mǝ na rikini mapa , wa wet ¹³.ki pilate hunu mǝ au nu kunduda imin ka ar nu ba di natara au wɔ?. ¹⁴ma gyami mǝ dǝ hu zimin , gumna di imin di sɔkɔnɔ numǝ imin bɔbɔ .¹⁵na lǝlu ri mal gumna ikizi zɔndɔ ka andubǝ vira ǝdǝ kiki nǝnǝ ¹⁶. na lǝlu rindǝndi bizi uʒi unagana nu nagata wani tiʒǝ rumǝ baranabas .¹⁷lǝlu ka abi ǝ pitinu kusum pilate hu nǝnǝ avi kizi na gana in iki nuɲi ? baranabas da yesu ka ǝmǝ dǝ kristi . ¹⁸ǝmǝ ma ruza nu hu ǝrǝmǝ nǝ mǝ bazi ashɔrɔ mǝɲi mumǝ hu . ¹⁹ka ǝmǝ na titǝshi nu dǝter riah rumǝ ugwǝmǝ shumǝ rutuma na hu susu tǝrǝ tɔu nun dɔ di ǝmǝ undubǝ gilau hu, nǝ ri di ni su gbǝnǝ na turɔhɔ nǝ tara ǝmǝ.²⁰uprist gbɔu ini andiganu bi wuza andubǝ ryɔmɔ a iki baranabas a , wuna yesu . ²¹gumana di hu wǝnǝ nǝ yimǝ andi erpu di in jiki ɲi aviyɔn? ǝnǝ ǝ hu baranbas . ²²pilate hu nǝnǝ , indi wǝhǝ ni na yesu di ka a gusu mǝ kristi, kizi kusum gǝnǝ wǝmǝ ǝ hu agakaru mǝ .²³kizi mǝ hu bazi mashe , yandi imin shishɔrɔ izi muma wa? ǝnǝ apa kini ɲanza su mɔrɔ gǝngǝn ǝ hu a gakaru ²⁴mǝ pilate bilu mayira ukwara u tɔrnɔ , ma chira mini na tuba andubǝ di ma sɔnsɔ tǝrǝ tuma mǝ hu nǝnǝ ima susu tǝrǝ tɔ na tara mǝɲi mun dɔ di.²⁵kusum andubǝ di hu mǝɲi numǝ tara gɔrɔ kini adigyenʒǝ gɔrɔ . ²⁶kizi mǝ yahudawa nǝnǝ barnabas , mǝ ya tesu ugbǝnǝ gǝngǝn kizi mǝ yutu mǝ nǝnǝ ada ka gakaru mǝ.²⁷kizi andu kwara a u gumna di chira yesu ǝ rumǝ nǝmǝ na ruchunu rigǝnǝ , ǝ pitunu kusum ugbir gǝnǝ . ²⁸ǝ susu tukpakpa ǝ wumǝ ti yǝrǝrǝ tidi . ²⁹a yumbubura bu pɔli ni kana a wa numǝ nǝ rukpǝ , awu bina nu wǝrǝ umǝ ǝnǝ gunkunzu numǝ na tukwa tu meshi , a kaja ugɔmɔ u yahudawa .³⁰ǝpǝmǝ na tɔmɔ a kaba ubinda di ǝrǝnsu ma na ni na rukpǝ . ³¹abi hu a mana umeshi umǝ kusum kizi a susu mǝ tupakpa a wumǝ tumǝ , kizi a wumǝ na tuba pirmǝ ada ka gakurumǝ .³²nu suru gǝnǝ apa yira zɔndɔ undu a cyrene , riʒa rumǝ simion , apa wundu mǝ na gata mǝ kpǝmǝ uchichi gakaradi ³³pǝ hu a biu nira ka a gusa en gologotha nezi ira tikǝnkǝn tǝ kpǝ . ³⁴ǝnǝ ayimǝ mini mu kahuma ka ama munǝrǝ mǝŋ , mǝ bi hu mǝ lǝnbǝ mǝŋ , ma gyami uswa maŋ.³⁵abi hu a gakara mǝ , adarsa tukpakpa tumǝ nu ginsi isila . ³⁶kizi a tǝshi nu wǝ aʒǝ numǝ . ³⁷ne shi uchichi gakara di a saka iʒi iyɔrɔ ni , yesu nedi ugɔmɔ tu yahudawa .³⁸abi gaara angana a repu kinǝmǝ , uwǝndǝ nu wǝrǝ kamkam umǝ uwǝndǝ nu wǝrǝ gushi . ³⁹andu sura nu mashi nu garhǝʒǝ kpǝ. ⁴⁰ǝnǝ ngusa au ka ubi hu urǝn arai a uweŋ , uku pi an na sisi taru , bunu rukpǝ rɔu , baka au vana uwǝŋ , hupu nu chichi gakaradi .⁴¹nandi upristi gbɔu numǝ nu mashi umǝ kini kusum andaganu a andi darsa ,a hu . ⁴²mǝ rǝn kaba a zɔndɔ , kizi muma mamgala ukaba rukpǝ rumǝ , amǝ dǝ ugɔmɔ wa iseal ,mǝ shupu nu chichi gakara di , tu yimba akuraduru nǝ.⁴³ma yimba akuraduru nu uweŋ , uweŋ wǝmǝ ka madi mangala , mabi hu a .ǝmǝ vana uweŋ . ⁴⁴nandi ka angana dǝn ka agakarǝnǝ nǝ kinǝmǝ ǝnǝ nu mashi umǝ dɔn .⁴⁵marim mubu kupu masanu usuru nǝ lǝlu ru twasi pirmǝ na lǝlu rutɔrbɔ , ⁴⁶na lǝlu ru tɔrbɔ yesu kiba na rumɔrɔ rugbɔu mǝ hu EliEli, lama sabacthani? nezi uweŋ ɔm uweŋ ɔm mashe kizi ugyamin yɔn? ⁴⁷.andɔ ka ǝnǝ na rutɔrin bǝndǝn bi hu a kunda , a hu a amǝ nu yisi eliah.⁴⁸na masa zɔndɔ pa ka chira uchichi , ka u bi runzu ɔn na mini mukahumma , ki ma surka ɔn nu hunda ma ɲanza numǝ a ma swa . ⁴⁹a dangara gǝnǝ hu yaha gbaki da Elijah , ma na binkamǝ . ⁵⁰kizi yesu ku kiba na rumɔmɔ ru gbɔu ki mǝ iki burim bumǝ.⁵¹na , tu arai auweŋ , darsa rumǝ usuru di urǝmǝ nǝ bigizi bidi, buzuhu kizi ashari darsa rumǝ ti sar tidi . ⁵²musahu bi kɔrnɔ rumǝ , andi tsaŋtasŋ ka abi mǝ bi mǝ wuʒi bi tɔrnɔ asusu ⁵³.abi susu, kizi na maru tɔrnɔ umǝ , abi ruwǝ nu pana andu char rikǝ nǝ .⁵⁴lǝlu ka undu gbɔu wa undu tiyukwara di bi yira bugizi bu zuhu , kini kusum tukpakpa ka tu hana iyǝwǝ bi wǝnǝ kizi a hu akuraduru undundi vana uweŋ . ⁵⁵tuga char ka abi dula yesu usuru na galilee , bi tura pyew anǝ nu rika di ⁵⁶na yimǝ gǝnǝ bizi mary magadalene , kini mary angɔ yakubu kini yusufu kini angɔ digyenʒǝ a zebedee.⁵⁷ka iyǝru bi wa iʒi undu kurbi pa biu kaga na arimathea , riʒa rumǝ yusufu , bizi amǝ dɔn undu dula yesu . ⁵⁸mabi wuza aval a rupum ru yesu na pilate hu akǝ yimǝ .⁵⁹yusufu bi chira rupum ridi mǝ ka bindi na tukpakpa tu gupan. ⁶⁰maka nɔtu mǝ ,ni sahu gisau imǝ ka mabi kǝbǝ nǝ yimǝ rishari , ma wasu unu di na ushǝlǝn gbɔu ki ma shira . ⁶¹bizi mary magalene kini mary undu na titǝshi uwǝrǝ sǝrmǝni kini isahu di.⁶²izu bihu isana richi ka ar izu ishɔkɔri uprist gbɔu , kini tu prarises pa pitunu na pilate. apa hu uweŋ kinu tuma tɔrnɔ nu hu undu bu wassabudǝn lǝlu ka mabi danu vuŋkǝʒǝ ma bi hu , na maru sisi taru en sa ku tɔrnɔ . ⁶³bazi nandi kizi ti kanda isahu dǝn primǝ na sisitanu andu dula umǝ nu gana chira mǝ ni gana , kizi ahu andubǝ a muma tɔrnɔ . ⁶⁴i hu sɔkɔnɔ nandi , bu warsiza tidi bu kizi ba dinka .⁶⁵pilate hu nǝ nǝ , chiran undu rikira ka kandin ira di ɲel na budǝrǝ bu gini . ⁶⁶apa pirmǝ aka kanda isahu di ɲel gǝngǝn nu tǝngǝrǝ rishari ridi, , aku wa undi rikira nu sahu di.

¹Pyeu ni yaru richi; kabirkurbi, ka ezu eni i sana richi ra dinka na si: sudǝrǝ, mary magdalene kini mary wǝnǝdǝ di rǝnǝ nu baru esatul di. ²Bigizi bi zuhu gǝngǝn, bazi ka ulutina uweng pa shupu usyni nǝ shin mǝ puka rishari ro sahu di ki mǝ tǝshi nǝ rǝn.³Tiyinkini tumǝ nyalnyal danin ira na nyelbe. kizi tukpakpa tuma ponpon. ⁴iyǝwǝ pa moko andu rika ira, apa sokono daning mukeze.⁵utuma di bi bunu na tuga tidi mǝ hu nǝnǝ ''Iyǝwǝ gǝnǝ wi nyi wu en yuza. ⁶ǝmǝ tǝndi wu, muma torno dang ka mabi gara. Na yiran ɛra ka ushuarai bi nono ni. ⁷Pirinyi na masasa garin na andumakaza umǝ. ''muma torno, muma sura atuba pirmǝ na Galili, nǝ yiru bǝndǝn, ema gara ninyi.⁸Tuga ridi pa yaha esahu di nǝ yimǝ lyǝwǝ kini sai su gupǝn na tusom ada ka gara na andu makaza umǝ. ⁹Kizi yesu pa mana kinǝnǝ mǝ hu nǝnǝ ''kajani!'' Tuga tidi nǝ ri numǝ na tu buna nu rimǝ mupa. ¹⁰Yesu hu nǝnǝ ''iyǝwǝ gǝnǝ winyi wu'' hanunyi na di gara na ha henum a tomo pirmǝ na Galili, a yiram bǝndǝn.¹¹lǝlu ka tuga tidan nu shira, andu riki na di bi ruwǝ na yimu pana a ka gara nu priest gbau tukpakpa ka tuma hana. ¹²Lalu ka tupriest pa mana kini andigar a ǝp runduzu utuma kusum, kizi ǝ chira ukurbi char a yunba na undu rikaira. ¹³A nǝnǝ emi ka adi ba, nandubǝ a ''andu makaza umǝ kizi ǝnǝ chira yesu di lǝlu ka ar na mormo''¹⁴ubunu di hu kǝ dǝngǝ na gumna, tu ba numǝ nyel tu kupun nyi kusum. ¹⁵Bazi nandi andi rikira di bi kaba ikurbi di dang ka a:ba nǝnǝ, utum di bi sarma rumǝ na yimǝ tujews, undǝ kizi on na tanu urǝrmǝ na richi.¹⁶Andu makaza umǝ yukurǝ nunduwǝndǝ di pirmǝ Galili na tara uwoho ka Yesu bi gara. ¹⁷Abi hu ǝyiru mǝ, ǝ rumǝ mupa, ǝ zondo gǝnǝ sai si gnǝǝ dahalak¹⁸Yesu rǝwǝ nǝnǝ nǝ hu ''ama yam bu dǝrǝ ba shiri kini bigizi'' ¹⁹Pazi nandi kizi haninyi, ka sokonin na andubǝ andu makaza om, wokonin ǝnǝ nu chirsi nǝ mini nǝ yimǝ ra ata, kini vana ah birimbu sansan.²⁰Bǝnzon ǝnǝ a dula kusum tukpakpa ka hna winyi ni. em kinyan pirmǝ nu daku lalu.''

¹Uweng bi'u mǝ mo nǝ Ruhu mai tsarki ngutǝrǝ umǝni dǝgǝ River Jordan Ruhu mai tsarki bi tǝrzhumǝ hǝr nǝmǝ rizhonkor. ²nyezhu moro ǝgurnyǝn zhi, shai tǝn bi mǝku mǝ. Kumǝ bǝ mǝbi ryǝ izhimin'u³Shǝitǝn bi nunumǝ, "iŋbǝzhǝ'ǝu vana Uweŋ yuhuru rizhǝri didi, ridi sokono ri breǝdi. ⁴Uweŋ bi hunu mǝ, yǝndǝkǝ a dǝrsǝ nu hu, undobǝ mǝ rǝyu ko bǝbu iyra.⁵Shǝidǝn bihu mǝ kundǝ ŋǝndi mǝfǝrǝ ubǝnzǝ Yesu rijǝh ru gungǝdi bǝbu uzǝrǝ lǝlo. ⁶Shǝitǝn hunu mǝ, iŋ yǝu rijǝh ru duniyǝ di kini udǝnkǝkǝ ygun gǝi don tǝn nǝ tǝrǝ tom, kumǝ iŋ yǝ undubǝ kǝ rǝrumni. ⁷Shǝitǝn hunumǝ in bǝkǝ mǝ guŋku nu numǝ, mǝ wuzhǝ numǝ uyebǝ ti zimǝ tumǝ.⁸Uweŋ bi hunumǝ, yǝndǝ kǝ a dǝrsǝ, umen bǝkomǝ ki ǝyibǝ.⁹Shǝitǝn ku bǝnu mǝ Jerusalem iyra ri rijǝh ŋu Church, mǝ hunu mǝ, iŋbǝkǝ ǝu vana Uweŋ, linghi rikpǝ rǝu bǝŋdi. ¹⁰Kǝ yǝndǝ a dǝrsǝ nu hu, mǝ yimbǝ udokǝ ŋǝ tu zhugurǝ tidi yǝndǝ kǝ adi kondǝ tǝn. ¹¹ǝkumǝ zhǝŋsǝ tǝrǝ ti gǝnǝ yǝndǝ kǝ mǝgǝnǝ yophǝ rizǝri.¹²Uweŋ bi hunumǝ mǝ kǝri kǝ undubǝ mǝkǝ Uweŋ. ¹³ŋuzhǝ kǝ mǝbi mǝrǝ umǝkǝ Uweŋ mǝbi zirǝ mǝrǝ Uweŋ nu zǝdi.¹⁴Uweŋ bi tǝrǝni nǝ Galilee ŋǝmǝ iko u Ruhu Mǝi Tsǝrki kumǝ rizǝrimǝ ribi lurǝ nǝ koyǝndi usǝr. ¹⁵Mǝbi kpunu bǝnzǝ ǝndu bǝ ŋǝti gurǝ tu bizi ǝzi, kumǝ endubǝ bi yibumǝ konǝbǝ.¹⁶Mǝbi ku pirmǝ nǝ Nazareth, nirǝkǝ mǝgǝni imǝsukono ǝkǝbiki ǝmǝ mǝruwǝ nǝgurǝ ubizi ǝzi ŋǝ weŋ 'u funkhǝ mǝbi tunno mǝhuzǝ abǝru ŋǝ kǝrfi. ¹⁷Ufǝ uǝnnǝbi Isaiah ki ǝ bi yumǝ. Mǝbi kurno ufǝdi mǝyirǝ irǝdi kǝ ǝ dǝrsǝ.¹⁸Ruhu Mǝi Tsǝrki kinǝ mǝ mǝl, kumǝ ǝmǝdǝ ki mǝ di gǝrǝ ubunu gilau nǝndubǝ kǝbǝ ǝnǝ ni zimin hu. Mǝ kumǝ bunu ǝndo kǝ ǝnǝ nukisǝ, ǝlǝnghǝ di rikǝ irǝ mǝ di kumǝ bunu ǝndubǝ kǝ ǝnǝ nu kundǝ kpǝi. ¹⁹ ǝdi murǝ riwǝri tǝgo mǝzhi Uweŋ.²⁰Mǝbi kursǝ ufǝdi, mǝ ku yimbǝ'un ŋundo kǝ mǝbǝrǝzǝ, mǝbi tǝzi. ǝndubǝ kusum bi wumǝ ǝzi nugurǝu ubisi ǝzi. ²¹ Mǝbi kpunu bǝdi ŋǝnǝ richidi ufǝdi mǝ ruwǝ nǝti tuto tigini. ²²Kovhi bi bunu ŋel ŋǝtǝrǝ ǝmǝ ǝbi kumǝ kundǝ meǝmǝki umǝ yǝndǝ kǝmǝ bunu. ǝbi ku tǝmbǝyǝ nu hu vana u Yusufu ŋedi?.²³Mo bi hunǝ nǝ, nǝ hunum umisǝli di uwumondu, gun imin kǝ ti kundǝ kǝmǝ wuzǝ nǝ Capernǝum, wuzǝ kǝndǝ ŋa zusǝ. ²⁴ Kumǝ mǝbi hunǝ nǝ bǝbu utumǝ Uweŋ kǝ mǝwǝ rizǝ ŋa zusǝ ǝmǝ.²⁵Mǝbi kǝrǝ nǝ ǝkurǝ ǝkurǝ ǝdurdi nu hu widows niŋǝ Israel ŋuzhǝ Elijah, ǝzhiri bi kursǝrimǝ hǝrnǝ sowǝ sitǝru nǝtipe twǝsi. ǝnǝ nikomu ŋupǝnǝdi. ²⁶Uweŋ bi kǝ tumǝ Elijah ŋirǝ Zarephath usidon, nirǝ kǝ ǝmǝnǝti tezhi bǝn dǝn. ²⁷ Tikumi bǝn dǝndi chǝr, kumǝ ŋuzhǝ utumǝ Uweŋ Elijah, bǝbu undu kǝ mǝbi wumo sǝi Naaman undo ǝsyrian.²⁸Kuzhum ǝndubǝ bi kundǝ iyǝwǝ nukundǝ imin kǝ mǝwuzhǝ nugurǝ nugurǝ ubizhiǝzhi ²⁹nyǝn uturno gǝnǝ nu chǝnsǝ umǝ peu nu woho nunu kǝ ǝdikǝ lingese mǝ. ³⁰Mǝbi zhurǝ nǝmǝ gǝnǝ yen upirǝmǝ nizhirǝ³¹Yen upirǝumǝ nǝ carpernaum, upǝnǝ u Galilee nu bǝnzhǝ ǝndubǝ nu wen funkǝ. ³²ǝbi kundǝ iyǝwǝ ni min kǝ ǝmǝ nu bǝnzhǝdi, domin mǝbuzhu nǝ budǝrǝ.³³Nuzhǝ dǝndi uzhundo ni kǝ ǝmǝnu kono kumǝ ǝmǝ nu yǝrǝ nunukǝ ǝdi bin kumǝ. ³⁴Imi kiti wuzhǝ nǝwu uwen u Nazarath? urǝu nunukǝ udiwunǝndu? inruzhǝ kǝ au'utumǝ uwen.³⁵Uwen bi sǝntǝ nu konodi nuhu ukǝnǝ bunu'u suru numǝ nu kundǝ nǝndi mǝbi suru bǝbu izhimin kǝ ibi murumǝ. ³⁶Kusum ǝndubǝ bi kundǝ iyǝwǝ nubǝdi nǝ kpǝgǝnǝ ǝbihu, yǝndi biri ǝmoro bunu ninyǝn? kǝ mǝ bunu nimin zhizhoro nu authority ǝ power kumǝ imindi bi suru. ³⁷Ubunu umǝ bi kpo nǝ tǝnu konǝ yǝndi upǝnǝ.³⁸Uwen bi yǝhǝ ugurǝ ubisi ǝzhi yen upirǝ umǝ nǝ Simon, ǝn bǝ Simon nu kono nǝfǝl nǝ mǝdǝdi umǝ. ³⁹Mǝdi sǝutǝ nu kono di mǝni wumo mǝ kpo ni tumǝ⁴⁰Koyǝndi uzhǝ ǝndubǝ nǝ zhizhǝ ǝndubǝ kǝbǝ ǝnǝ nǝtikono dǝbǝm-dǝbǝm. mǝmǝ terǝ tumǝ ni rikpǝ rigǝ nǝ yen uwumo gǝnǝ ⁴¹ukono shishoro nsusu nǝ mǝn dubǝ nu yǝrǝ, ǝudi fǝnǝ uwen, Yesu sǝutǝ nukono shishoro di kumǝ mǝgǝ hǝnǝ ubunu kǝ ǝmǝ ruzhǝ nuhu fǝnǝ uwen nedi.⁴²nǝ ǝpimmǝ, uwen bi kǝ pirimǝ ni zhirǝ bǝkǝ ǝndubǝ nukǝi bilǝ umǝ. ⁴³ǝmmǝ mǝbi hunǝ nǝ dole inwuzhǝ uwa'azhi umurǝ ǝrǝi nǝ zhiri nǝ pǝnǝ kuzhum, kǝ mǝnu fǝ ubi'um ninyǝ. ⁴⁴mǝbi huwǝ nu wazhazhi nǝ gurǝ ubisi ǝzhi kini Judea kuzhum.

¹Bayaŋ Yesu bima mara kwoimi ka bizi ǝmǝ nu ba di na tutɔ tuǝndubo mǝ bi ruwǝ na capernuam.2²Nǝdi uzɛ uzari ka bizi ǝmǝ nu lǝrǝ ka mǝ yibumǝ sɔsai, kizi bizi ba ǝmǝ ugumadi wu har mumǝ bi vati uwi.³ 3Ka uzari di bihu ma kunda game kimi yesɔ, ma tuma numǝ nandi ganu ǝgǝnǝ ǝ-Jews, ǝkǝ hunumǝ mana wɔmɔ nu lǝrǝ umǝ. ⁴4Ka abihu ǝbiu nira yesɔ, a bunu nu taŋbayu mǝ nǝkurǝduru, nuhu, ⁵''Mazi ka udi mura umǝ ingedi, 5bazi ka mǝ wǝmǝ bugizi buaɔrɔ, kuru ǝmǝdǝ nǝzi undo ka mǝ bi pin andu chɔch⁶.i''. 6Indo ki yesɔ bihuwa na tanu ki nǝnǝ. Ama ka bizi bǝ mǝ peʋ: daka na raidi wu, ki uzari di tuma numǝ nǝzi ǝyǝriŋ ǝmǝ, undu kaba, gana ya rupum rɔŋ utusa rumǝ wu, bazi ka naʒi ka au au: niru kanda rɔm wu. ⁷7Bazi na nandi ǝm im chira rupum rɔm banzi ka har oindi yram nanu wu, ama kpaidi gara rumɔrɔ rubuna ulǝrǝ ɔm wɔmɔ. ⁸8Bazi em ma em nǝyimǝ ruruna, kini na tusǝja nǝtǝrǝ tɔm nǝkǝrkǝshi ɔm. iŋ hunu nun dindi, pirau' kuma mǝ pisi mǝ. kuzu na zɔndo, 'Rau' kiuma mǝ rǝmǝ, kuzu nu lǝrǝ ɔm, 'Wa mdi', kuma ma wa eg,⁹9Ka yesɔ bihu ma kunda rindi mabi kunda maŋmaki umǝ, kizi mohihu mǝ yuhuru nǝŋdubǝ char andu, tarsa umǝ, mohu nǝnǝ babu kusum nǝyimǝ Isreal kamma yira sana bangaskiya ai.'' ¹⁰10Ka ando ka bimo timǝnǝ ǝbihu ǝdungǝ na susadi, a: bi mura uloro don keŋkeŋ.¹¹11Nandanan na maru rindǝn yesɔ bi hanu mǝ nupana ka gusa ɔŋ naln, kizi andu dula umǝ kini rukur char ǝbi pirmǝ kinǝmǝ. 12¹² Mǝbihu mǝkǝbiu vati nira iukata upanadi, shauwin, undu gǝrmǝ ka mǝbi mǝ wi ǝmǝkǝ kpumǝ, ǝmǝdǝ vana bǝlǝ nǝŋbǝmǝ (ka bizi ǝmǝ ushidi) kizi kuzu rukur char kabizi rǝŋ kinǝmǝ. ¹³13ka undu kaba hihu mǝ yiriimǝ, ma bi ruwǝ nǝyimǝ kunda izai iʒai imǝ kizi mǝ hunu mǝ, ''gana ki-ba wu.'' ¹⁴14Mabi ɲa makă gaka uchichi uwaga nangana ka ǝkpumo ni, kizi andu kpo umo di patura chak. mǝ hu, ''undu maina, em in hunu: ʒima''. ¹⁵15Ki ata ka mumǝ wi ma tɔnnɔ mǝtǝshi kuzu ma taru bunu, kizi yesɔ yiŋbumǝ nǝŋbǝmǝ.¹⁶16Kizi iyǝwv bi mokɔ nǝ kusum gǝnǝ, kizi ǝhu'wă nu zanzana Umeŋ, nugusa uʒi ''undugbǝu utuma uweŋ ma tɔnnɔ gɔrɔ'' kizi uweŋ ma baron'dubǝ ǝmǝ''.¹⁷ 17Utadi na tara yesɔ bi ruwo guŋ nǝyimó a Judea kini tiro tavati¹⁸18Audu-dula Jɔhn ma abi gansumǝ kusum tukpakpa tidi. ¹⁹19Kizi Jɔhn mǝyisi andu-dula ǝmǝ arepu ki ma tumǝnǝ num dukaba ǝkǝ hunumǝ. ''Audi nǝzi undo ka bizi mǝ biu da tirika zɔndɔiyɔn?'' ²⁰20Ka bizi ǝmǝ ku kǝ biu vati kin yesɔ ǝndigǝrmǝ hu John unau baptisma kuzu mǝjunu ki ma tumandu nawu tinǝ hunu:'' Audi nǝzi undo ka n:ǝ bi u, daitiri ka zɔndɔb yɔŋ?²¹21 Nǝyimo ua: wa nabiwɔmɔ nǝndubo char daka nujir nuguma kini ugbǝhǝ u: uvingilnugɲarurnǝ, kini nǝtilǝngǝ char ka mǝbi yǝnǝ urikira.²² 22Yesɔ bi wǝmǝ mǝ hunǝnǝ, ''bayaŋ ka numa haniɲi na tnu tigini, garin na Jɔhn imiŋ ka na rika kini na kunda. ²³Tllǝngǝ nu kabu riki-ra, tuguŋ na tanu, tukumi ar kusu gǝnǝ, tutur nu kundi-ra ǝndubǝ ka ǝmǝ wi ar ʒinʒa gǝnǝ nu sɔkɔnin, titalka ar ba nǝnǝ akpakpa gisau²⁴23Undo ka maji ta yaha uyimbǝ-ǝkurǝduru num wu ǝmǝ na lubarka.'' ²⁵24Bayaŋ bka a:tuma a: Jɔhn ama shira, yesnbiki- ma baru ba nasukur sidǝndi natara Jɔhn, imi ki nǝ suru birmo nǝ yimǝ ukpankpan nadi yira? skinkal kau: vinu garhadi? ²⁶25Amarl imiki nǝ suru nadi ka yira? Undu gǝrmǝ ka ma wa tijangala ukaya rumumu? Barin, ando ka a wunza ukaya wikurbi kini ando ka ǝtoʒiʒi na malinsam ǝnǝ na tira tija. 26Ama imi ki nǝ pir ni nandi ka yira? ikuma-Vweŋ yauwa, em nu gara di ɲi, bini piye nutuma Uweŋ.²⁷.28 Emidǝ nǝzi ka abi ko rsa gara, yiran em nu tuma atuma am na tuba ǝzi gini ando kaa ayumbu ra niɲi ra kaɽiŋ ani.²⁸ 28Emnu gara niri nǝyimǝ ando kan mina ugwa Babunde ka mokizi Jɔhn. Kuzu undo ka ɛmǝ ɲɔnkɔlɔn nira. uvunko uweɲ kizi iyanda kǝ m²⁹29(ka andubǝ guɲ bihu a kundo ugara undi ugura kini andu kansu gǝndu, kizi ǝwǝmǝ ³⁰uweŋ undu tanu tigilau, lbazi kă ɛmǝwuzenǝ ubaptisma nu batisma u John³¹31Ni mi kizi indi maka ɛndubǝ aushwa di? mashe kizi ɛnǝ yɔŋ? 32 ɛnǝ danja ɛndigen zɛ ka³² ɛnɛ‌ǝ‌ẹ‌ə‌é‌ë‌ȩ‌ẽ nukizara nira uʒiʒa tukpakpa, ka ɛtǝ‌shi nu gusa nǝ‌pum, Ar nu wurbuzi ɲi ipenbu, kizi bana kpɔzɔ wu. ti gusa sumeze su wi, bana kyiba wu.'33³³Domiŋ ka Jɔhn undu baptist bibiu ba marya aburɔdi kini ukiru wu, kizi ɛɲi nǝ‌ hu, ɛmǝ‌ nu vinu'.³⁴ 34Vana undubǝ‌ bi biu ma rya ma swa kizi nǝ‌ hu, 'Bariŋ ɛmǝ‌ undubǝ‌ usɔm kini uswa ukyiru, urǝ‌nǝ‌ wandu kansu gǝ‌ndu andu zumubil'. ³⁵35Ama ryǝ‌mɔnɔ nandu rǝ‌n''³⁶36Nǝ‌di undu wǝ‌nkǝ‌ wa pharisees yisi yesɔ madi karya irya kinǝ‌mǝ‌. To bayaŋ ka yesɔ mǝ‌ ruwǝ‌ na rai aupharisees di, mǝ‌ tǝ‌shi suk nu table madi rya irya. ³⁷37Dakati, bizi akɔi nizi uga nu panadi ka ɛmǝ‌ nu zunubi. ka mǝ‌bi hu mǝ‌ zɛrǝ‌ notitoshi suku nu table na rai aupharisees dǝ‌ŋ, mo bi kǝ‌rǝ‌mǝ‌ na ku manu mu gilau nǝ‌yimǝ‌ di. ³⁸38 mǝ‌bi hu matura na maru ɛma vati na tubuna tumǝ‌, nu yara, ma suma urunzu tubuna tidi nǝ‌ maʒi mumǝ‌, kizi mǝ‌ pisuzu nǝ‌ sipko su rukpǝ‌ rumǝ‌, kizi mǝ‌ sunduru tubuna tumǝ‌, kizi mawɔzɔ taŋ na manu.⁴⁰³⁹Ka upharisees dǝ‌ŋka isi yesu ma yira imindǝ‌ŋ, ma dɔlɔm nǝ‌ rukpǝ‌ nu gaȿa, bazi nǝ‌zi undɔdi utuma Umeŋ, kuzu ma ba ruza undɔ kini yandi muzugwa ka ɛmǝ‌ nu gakiza umǝ‌, nuhu ɛmǝ‌ undu mǝ‌ unu zunubi''.⁴⁰ 40Yesɔ bi shɔkɔmɔ kizi mǝ‌ hunumǝ‌, Simɔn, em ni ʒimin ksa raiurum indi gara numǝ‌hu, gara eŋ, undu bǝ‌nzɛ⁴¹41Yesu hu ''Zɔndɔ undu ɲinza ikurbi itudur nandi surkuwǝ‌rd andi rǝ‌pu. undɔ ka emǝ‌ nǝ‌ tudur tusiɲi shubi tudenarii, undu tarsadi akur shubi. ⁴²42 Ka ɛbi hu etǝ‌mǝ‌ utara umǝ‌, mabi shinga ma yapa nǝ‌nǝ‌ kap. To, ɛvi nǝ‌yimǝ‌ gǝ‌nǝ‌ kizi ma gɔtɔ wǝ‌mu char?'' ⁴³43Simɔn bi ansa numǝ‌ kizi mǝ‌hu, ''emdi ki bǝ‌zi kan sɔkɔnɔ undu nangana ma gɔtɔ yapa num char''. yesɔ bi hunu mǝ‌, ''U tuzu deda⁴⁴44Yesu bi yuhuru nira uawa di kizi mǝ‌ hunu na simɔn, ''Uma yira ugwa di, in mǝ‌ ruwo nǝ‌yimǝ‌ a susa au, bau yam mini baka tubuna tɔm wu ama ɛmǝ‌ mǝ‌ runzu tubuna tɔm nǝ‌ mǝ‌ʒi mumǝ‌ kizi mǝ‌ pisu tǝ‌ŋ nǝ‌ sikpǝ‌ sumǝ‌.⁴⁵ 45Ba u yam u sunduru wu, ama daka nu shuwa ka in ruwǝ‌ ba ma yaha usunduru tubuna tɔm wu.⁴⁶44Yesu bi yuhuru nira uawa di kizi mǝ‌ hunu na simɔn, ''Uma yira ugwa di, in mǝ‌⁴⁷ ruwo nǝ‌yimǝ‌ a susa au, bau yam mkizi mabi hunumǝ urunuynyojur bi ou ama yapa nu . ando ka suk na titǝshi ki na ma taru badi napum gǝnǝ ,evi nedi ka har ma yapa uzunubi ? kizi yesu hunu nugwadi , bangasikaya ou ma susu hanu na ruguma.

¹Mabi yisi rukure rindǝdi nira wǝndǝ, ma yǝnǝ budǝrǝ adi rǝn ka asusu tuvinu kini uwǝmǝ tukono. ²Mabi tumǝnǝ adi ka bǝnzǝ arai a riya ru uweng kini uwomo u ando ka ba'anǝ aguma diwu.³Mabi hunǝnǝ "gana titon izhiming baka tanu tidi wu da ubiandi, da ulalinta, da irya, da ikurbi, kini usǝrmǝni. ⁴Yakǝchi arai ka na ruwǝni turan bǝndǝn dubiu nusha ka na shira.⁵Ira ka ba'a kabinyi ni wu, kparin tubuna tigini na bigizi, ubǝnǝ nuhu ba'akabi nyi wu, usha ka anyi nu yaha upana di. ⁶Na amaru anandi, abi pirǝnǝ akponi na bukoro, nu ba: ubunu ulense kini uwonzo ǝndubǝ natira mamani.⁷Nusha undǝn Herod, usharai gisan (unanzi) u iradi, bi kunda kusum iming ka eng na tanu, mabi wa wǝpu, baka azondo ǝhu John ki mǝma tonno na isahu, ⁸azondo bihu a Elijah kizi mǝmǝ putu, kusum na nandi azondo a uzhi unatuma u uweng u agyam ki mama ka tonno. ⁹Herod bi hu, "imbi zha rukpǝ ru John ni, kuzi ǝvi nedi ka em nu kundiza biri tukpakpa tindi?" Kizi ma wa ugbǝna madi yirumǝ.¹⁰Usha ka anatuma au uweng di bi ka tarani, abi banumǝ kusum tukpakpa ka awuza. Na'amaru a nandi ki ma pirumǝ kinǝnǝ ka ǝ yisizi on Betseida. ¹¹Mabi kabǝnǝ, ma kponi nǝnǝ ubunu na'tara arai a rija ru uweng, ki ma womo ando ka ǝnǝ nu bila ruguma.¹²Abi ra, ǝri nu ga: ki ǝndubǝ rukurǝ ridǝndi rǝmǝ nira imǝ ki ahu, "zha andubǝ di nunu ka adi na bu koro kini upana da adi mura ira rumoro kini irya, bazi ar nira ka ba'ǝndubǝ ni wu." ¹³Mabi hunǝnǝ "ǝnyi yan ǝnǝ izhiming adi rya bǝ", ki ǝhu, "ar niming ka ikizi afofoku, an shubi kini igini irepu wu-da ti hanandu ti ka kpa andubǝ di kusum irya?" ¹⁴(bizi andihǝrmǝ dnanga tugu shubi). Mabi hu nandu udula umǝ, hunǝnǝ ǝteshi na tukpara, yǝnkǝshi ukpara akur-subi.¹⁵Abi wa nandi, awǝn andubǝ kusum tǝshi. ¹⁶Ka mabi kaba afofoku shubi kini igini irepu dǝn, mabi bara ashiri, mawa ǝkǝbiki na'an ki ma pusa ang nyonnyon, ki ma yutu nandu umakaza umǝ adi tara na'atuba ǝn'dubǝ di, ¹⁷kusum gǝnǝ bi rya ǝshiri, abi guba imin ka i kazarumǝni- mugyere rukurǝ.¹⁸ǝbi kubiu nuzhu usha ka Yesu nu bisi azhi, na rukpǝ rumǝ, andu makaza umǝ di bizi ǝnǝ kinǝmǝ. Mabila nira gǝnǝ, nuhu "ǝndubǝ di gusa em ǝvi?" ¹⁹ǝwǝmǝ, John undu rishende. Azondo nu gusa Elijah, azondo baki nu gusa uzhi unatuma u uweng u'agyam ka muma tonno²⁰Kizi mahu, "Anyi na hu em ǝvi?" Pita wǝmǝ "Krais u uweng". ²¹Mabi wundǝnǝ tuto, agana gara na'uzondo wu, ²²nu kei badi, "vana un Dubǝ ma wuza'ugbǝnǝ, andiganu, andi rishende kini andu uruza a gyamu mǝ, ǝwunumǝ, kizi na'amaru asi sitaru a zansumǝ"²³Kizi ma hunǝnǝ yǝnkǝchi undo ka ǝnǝnu gana madi dulam, magyami rukpa rumǝ, machira uchichi ugakara, madi dulam koyandi richi. ²⁴Kusum undo kamawa usokoning umǝ kefu, ma naha ong. Undo ka ma naha usokoning umǝ baka embi, ma wa ong kefu. ²⁵Imi kizi isara nundubǝ, ka madi mura masanu ki ma naha, da ma taka na rukpǝrumǝ.²⁶Undo ka ma chira mameng mu wǝsǝ kinemi a'ubunu om ǝmǝ ma vana un Dubǝ sa kunda mameng mu kaba umǝ richi ka mǝ biu nira rugbǝu rimǝ kini rugbǝu ru Dada di kini anatuma ǝmǝ asansan. ²⁷"Em nu gara ninyi akura ǝduru, azondo na rutorin bǝndi ka ba'a lǝmbǝ uwi wu kizi ayira arai a rija ru uweng".²⁸Dannga si uru ka Yesu ba amoro ubunu dǝn, kima chira Pita kini Jems a Jon a pirumv na tara uwoho adi bisi azhi. ²⁹Usha ka ǝmǝ nu bisi azhi, biri azhi bi yuhuru, usǝrmǝni umǝ kini wa mǝiya ukupǝn di.³⁰Yiran, bizi ǝndubǝ arepu na ubunu kinǝmǝ, Mozis kini Elaija, ³¹ka ǝbi putu nǝimǝ rugbǝu, na'ubunu kinǝmǝ natara u'zaya, ka bizi ǝmǝ na'upana madi nǝ mǝrsǝ nǝ Jerusalem.³²Na usha undǝ di, mormo ma lense na Pita kinando ka bizi ǝnǝ kinǝmǝ, yaka ka abi zhuma, abi yira rugbǝu rumǝ kini andu repu ka ǝnǝ na ritorin ki nǝmǝ. ³³Usha ka abi yaha Yesu, Pita bi hunumǝ, "Usharai, usaradi ka ar bǝndi. Yaha tidi wa tugura titaru, uwǝndǝ ou, uwǝndǝ u Mozis, uwǝndǝ di u Elaija". (Ba mibi ruza iming ka ǝmǝ nu badi wu).³⁴Usha ka ǝmǝ nubadi, tuwr bi biu to kupǝ nǝ kusum, iyǝwǝ bi moko ǝnǝ nǝimǝ tuwer tidi. ³⁵Ubunu bi suru nǝimǝ tuwer tidi, nu badi, "vana om nedi, unangana ka imma vira; kundan ǝmǝ". ³⁶Usha ka rumoro ridi ma bunu, abi mura Yesu bǝkǝ. Abi waiti, ba agara nu zondo izhiming nǝimǝ iming ka akunda.³⁷Izhu, usha ka amǝ shupu usuru na uwohodi, ǝndubǝ char na murumǝ. ³⁸Barin, uzondo nǝimǝ ǝndubǝ kiba gǝngǝn, nugusa, "undu'abaru, em na aval, bara vana om, ǝmǝdǝ vana om, kpaidi. ³⁹Yira burim kibǝn nu tarsa nǝmǝ kima pa gbara bukyenku; ki mǝhu iming di wunkumǝ ipangadi ki masusu ufufuku nunu. Bai wan yahuzumǝ, inge ma ganzaza tufoto na nyong wu. ⁴⁰In wuza aval a andu makaza ou adi vukumǝ ba'ǝrǝn wu".⁴¹Yesu bi wǝmǝ mǝhu, "Anyi angana ka nama shaina inge bana wǝnzǝ wu, ayiri kizi inna gu kama kinǝnyi na tukpakpa? Rau na vana ou bǝndi;" ⁴²Usha ka vanadi ubiu umǝ, uvinu di bi vungumǝ, ulingumǝ nabigizi malǝnguru mokumǝ. Kizi Yesu bi sǝrtǝ burim bu mǝjunu budvn ma womo vanadi ma yimbu mǝ nǝtǝmǝ.⁴³Abi wa wǝpu kusum gǝnǝ na rugbǝu ru uweng. Usha ka ǝnǝ wǝpu na iming ka ǝnǝ naeng kusum, mabi hunǝ andu makaza umǝ ⁴⁴"Yaha amoro bunudi ruwǝ nǝimǝ tuto tigini: Angu yimba vana un Dubǝ naimǝ tǝrǝ tu andubǝ." ⁴⁵Abi tǝmǝ uruza iming ̃ka ǝmǝ nubadi. Imingdi bi nyisana rumǝ nǝnǝ, baka na nandi babi ruza iming ka imingdi nubadi wu, kusum na nandi ǝnǝ ni yǝwǝ ka adi bila natara ubunu di.⁴⁶Na amaru anandi makangara bi tonno nǝimǝ gǝnǝ natara undo ka ma sokono undu gbǝu naimǝ gǝnǝ. ⁴⁷Yesu kamama ruza iming ka ǝnǝ nu dinzadi na suroho sugǝnǝ, bi chira kuzhi ku vana kudi mawa na rikira rumǝ. ⁴⁸Kizi ma hunǝnǝ, "kusum undo ka ma kaba vana di nǝimv rizha rom, embi kizi ma kabum; undo ka ma makabum amǝ nu kaba undo kama tumam. Kusum undo ka ǝmǝ undu gisandi nǝimvgini ǝmǝdǝ undu gbǝu.⁴⁹Jon wǝmǝ "usharai, tu yira zondo nu susu uvinu na gata nǝimǝ rizǝ rou kiti gǝhu mǝ bazi ka ba ǝmǝ nu tarsaza gorro wu" ⁵⁰Yesu bihu gana gǝhin ǝmǝwu bazi ka kusum undo ka ba ǝmǝ nu gyami giniwu ǝmǝ kinǝnyi.⁵¹Usha ka si nu wǝsǝzǝ vati ka'adi chirumǝ nǝ shiri mabi wa azhi ǝmǝ upirumǝ nu sara a Jerusalem. ⁵²Mabi tuma anatuma na atuba ǝmǝ, ki abi hanǝnǝ aka rumwǝ na bukoro bu Samarita adi kisǝnǝ numǝ. ⁵³Andubǝ bǝndǝn ba abi kabumǝwu baka mawa ǝzhi ǝmǝ pirmǝ nu sara a Jerusalem.⁵⁴Usha ka andu makaza umǝ, Jems kini Jon bi yira, ǝwu, "Dada ukusum rairo ka tidi ba ubunu uruvuna nu rwa udi shupu usuru nǝ shiri udi shara ǝnǝ?" ⁵⁵Mǝbi sǝrtǝ nǝ, ⁵⁶ki aku pirǝnǝ na buzhi bukoro⁵⁷Usha ka ǝnǝ na chunna, zondo hunumǝ, "em innangu dulau gun ira ka pirmǝ ou ni". ⁵⁸Yesu bi hunumǝ, "ikwansi nasuwo, inyeng i ashiri baki na tichǝlǝ, vana undubǝ ba'amǝ nira ka madi noto rukpǝ rumǝ niwu"⁵⁹Ki maku hunǝ zondo, "dulam".Undo biho, "Dada ukusum, nadinka; yaha indi ka wansa dada om". ⁶⁰Mabi hunumǝ, "yaha ando ka ama wi adi wansa andubǝ gǝnǝ ka ama wi". Au, hanu vati kini pǝu udi ka sau ubunu u'arai rija ru uweng.⁶¹Zondo gbakǝ kuhu, "in dulau, Dada-ukusum, nadinka, yaha indi ka hunando ka anǝ na asusa am ima shira". ⁶²Yesu bi wǝmǝ numǝ, "ba'uzondo ni ka humama wa uwǝrǝ na iyabu, kizi ma baraza amara ma yinkini arai rija ru uweng".

¹Nǝ mǝrudi vana Uweng bivirǝ bivirǝ andubǝ ǝkur sundǝrǝ kizi mǝtumǝ nǝ andu repu-repu nǝtu pana kini tira ka mumǝ wa nunurai, ǝpirmǝ na tuba ǝmǝ kizi mǝ nǝ dula. ²mǝbi hunǝnǝ usuru nǝtugbangu char ǝnǝtumǝ nyongolong tumǝ anǝtumǝ.³Hanyin nǝchurna gini, yirang, imǝ tuminyi nǝsuru nugunga padan-nga itǝmu nǝyimǝ Anamǝya. ⁴Nǝ kǝnǝ yitong ula lintǝ u'ikurbi wu, da kǝzi Azabira wu, da kǝzi tumǝforo tutubuna nu korno wu, nǝ kǝnǝ yazodo tukwǝ na churna wu.⁵Gung mizi arai kǝnǝ ruwǝ ni, nǝhu, undu titǝshi tishammǝ titǝshi na rai di. ⁶Wu ǝmurǝ vana utitǝshi tishammǝ ni, titǝshi tishammǝ tigini tutǝshi nǝtarǝ ǝmǝ, wu ǝnǝha, tukurmǝ ǝyinyi. ⁷Tǝshin nǝyimǝ arai dandi, imig kǝ ǝyinyi nǝ rya nǝ shuwǝ, imig kǝwu ǝya unǝtumǝ nutum umǝ nyel wu, nǝkǝ dula tussǝ wu.⁸Billa upǝnǝ kǝ nǝruwǝ ni, hu ǝkǝbi nyi, ryang imig kǝ hu ǝyinyi. ⁹Womig andu kunǝrumǝ nǝ bandang, hu nǝnǝ, irǝ rudǝrang ru Uweng mǝ wǝsǝ vati ninyi.¹⁰Kusum lǝlu kǝnǝ ruwǝ nu pǝnǝ kǝ bǝ ǝkǝbi nyi wu, suring nǝyimǝ suwǝ supor su gǝnǝ, hung, ¹¹'ukihu upǝnǝ gini kǝ utǝkǝlǝ nǝtubunǝ tugoro tukutukǝ padan-nga unu nǝtǝrǝ gini kuzi ruzang nu hu ira rudǝrǝng ru Uweng rumǝ dungǝ vati,' ¹²em nu gǝrǝ dinu, nǝ ricidan di ǝzi mǝ mǝrǝ nǝ sodom kini upǝnǝ udang.¹³Inwǝ unu, chorazin! inwǝ unu Bethsaida! tinǝzi kǝ tukpǝkpǝ tugu gofu tidi ǝdimǝ nǝ tyre kini sidon, bǝzi ǝmǝ ryau mumpǝ nu dokono nǝtitǝshi nǝyimǝ mǝjangǝlǝ kini mǝto. ¹⁴sǝzi mǝrǝmǝrǝ tyre kini sidon nǝrichi ruhǝrǝ mǝkan-gǝrǝ ki nǝwu. ¹⁵Au capernaum, nu rirǝ ou ǝzanzanu nǝ shiri? uwǝ ǝkǝ shau nǝ hades.¹⁶Undo kǝmǝ kundau, mǝ kundam, kuzi undo kǝmǝ gyamu', mǝ gyamum, kuzi undu kǝ gyamum mǝ gyami undo kǝmǝ tumam.¹⁷Andubau ǝkur sundǝrǝ dandi bi tǝrǝ ni nǝ saisu gupang, nu gusa, Lord (Usharai) kusum kini andugǝbi shi ǝkundan du nǝyimǝ rizǝ rou. ¹⁸Yesu (Yesu) bi hunǝnǝ ǝzi em nu rikǝ "satan" ri usuru nǝshiri padan-nga unyelbe. ¹⁹Yirang em imǝ yinyi budǝrǝ buyansǝ nǝtǝrǝ inga kini igilǝ, kini nǝtǝrǝ kusum budǝrǝ bu nanyarumǝ, nǝ tu churna mǝ mǝmǝni, izhimig igngminyi wu. ²⁰Na kǝnǝ bǝnǝ saisu gupang sigini bakǝ nandi kpǝdi wu, nu hu andugǝ bishi ǝnoto ǝkpǝ gǝnǝ ninyi wu, em nu hu wang saisu gupang su kizi nandi bǝkǝ kǝ ǝmǝ shibǝ suzǝ sigini nǝyimǝ ǝshiri.²¹Nushua undan-dandi mǝbi bǝnǝ rai rugu-pang nǝyimǝ itsang-tsang ibirim mǝku hu, em nu yiba ou Dada usharai wǝ shiri kini bigizi bǝkǝ kǝ unyisa tukpǝkpǝ tidi nandu remo kini rimi, kizi mǝ korno nǝdu uji'r banza, pandan-nga ǝdigenza, "a", Dada, nǝnandi di ilense nu yira ou.²²"Dada om mǝ yitum kusum tukpǝ-kpǝ ǝmǝdǝ kizi mǝku ruza ǝvi nǝzi vana di, bǝ zondo ruza Ata di wu sai vana di, kini andu nǝkǝnǝ kǝ vana di mǝ vira nǝ kǝ mǝ bǝnǝ rukpǝ rumǝ."²³Kizi mǝ yihuru nǝtumǝ di kizi mǝ hu nǝnǝ dan-nga "ukpǝ tomo nǝtǝrǝ ando kǝ ǝyira tukpǝ-kpǝ kǝ ǝnyi nǝyira. ²⁴Inhuni nyi, andu-urnǝ kini ij'ah bilǝ ǝdi yirǝ tukpǝ-kpǝ ti nan gǝnǝ yirǝ, kuzi bǝ ǝnǝ ǝyira wu, ǝda kundv tukpǝ-kpǝ kǝ nǝ kundǝ, bǝ ǝkundǝ tǝwu."²⁵Yahin dan-nga uzhi undu ruza u'mǝkǝri torno mǝ turǝ mǝda mǝku mǝ mǝhu "undu banza imi kizi inwǝ indi ruwǝ nǝ rai ǝtu-vungkza ǝ ulǝzu mainǝ?" ²⁶Yesu hu numǝ, "imi kizi ǝdarsa nǝyimǝ mǝkǝri mudi? ubarsa mashe? ²⁷Mǝbi wǝmǝ mǝhu, "uwǝmǝ usharai Uweng ou nǝ ruroho rou, nǝ kusum birium bou, kini kusum budǝrǝ kini kusum unurai ou, kini undu ǝshibirǝ au padan-nga rukpǝ rou. ²⁸Yesu wunu mǝ, "uwǝmǝ nyel. dimǝ nandi, umura sumoro sugyebu."²⁹Kuzi ǝmǝ nugǝnǝ mǝ dǝ kuzu rukpǝ rumǝ mǝ, hunu nǝ Yesu, "ǝvi nǝzi undu shibirǝ om?" ³⁰Yesu wǝmǝ numǝ nu hu "Bizi uzondo bi torno nǝ Jerusalem pirmǝ nǝ Jericho. Kizi mǝ nǝ tǝrǝ tǝ ǝnǝgǝ nǝ, ǝkǝbǝ tukpǝkpǝ tumǝ kusum, ǝkpǝsu mǝ,l ǝkǝzumǝ tuvunkuzǝ nu noko.³¹Nǝ yimǝ tǝnu uzhi pozoh Gbau usurǝ umǝ nǝ churna di mǝ bi hu mǝyiri mǝ mǝbi kǝ kpo nu uzhi usǝr. ³²Kuzi nandi dandi uzhi "ulevite" dong, mǝbi hu mǝ dungǝ ni rǝdi mǝyirǝ mǝ kǝ kpo nu uzhi usǝr.³³Bizi uzhi usamaritan (usǝmǝritǝn) nǝyimǝ tǝnu tumǝ mǝbi humǝ danga nirǝ kǝ ǝmǝni, mǝbi hu mǝyiri mǝ mǝbi kundǝ izhai. ³⁴Mebi wǝsǝ nu kirǝ umǝ mǝbi wuza itumǝ nǝ tufoto tumǝ, mǝ wozo tǝg nǝ mǝnu kini "uwine." Mǝ zansu mǝ nǝtǝrǝ rukurǝ ru nyanzah umǝ, mǝ kǝ shimǝ nǝrai aukwang, mǝku chirǝ imǝlǝn-mǝlǝn di. ³⁵Izu bi sǝnǝ mǝ ya undu ira di ti denarii tirepu, wuza rinti rumǝ huri kizi nandi, insǝ hu in tǝrǝni insǝ kursu nuh.³⁶Nǝ yimǝ gǝnǝ ǝvi kizi yirǝ ǝmǝdǝ undu shibirǝ undo kǝmǝ kpo nǝ tǝrǝ tu ǝnǝgǝnǝ? ³⁷mǝbi hu, "undo kǝmǝ bǝnǝ izhai numǝ." Yesu bi hu numǝ hanuh kǝ wunza nandi.³⁸Nǝ yimǝ tǝnu tugǝnǝ ǝbi ruwǝ nǝzhi ǝgbir uzhi ugwǝ uriza Marth kǝbu mǝ nǝmǝ nǝrai. ³⁹Bizi ǝmǝ nu tushǝrai tidi nukunduza ubunu Uweng.⁴⁰ǝmǝ Martha mǝwǝ itumǝ ibumburǝ irya nǝtubǝ, mǝbi rǝmǝ nǝ Yesu mǝ hunumǝ usharai, bǝ uyirǝ au tungurunga uwenum mǝ yahum mǝ yahum bǝlǝ ni itumǝ iriya wu? Bǝkǝ nandi hu numǝ mǝnǝ binkam. ⁴¹Usharai di bi wǝmǝ mǝ hu numǝ Martha, artha au hera kini sǝlǝlǝ nǝtǝrǝ tukpǝkpǝ char. ⁴²Kuzi img wǝndǝ kizi igǝnǝ di, Mary mǝ chirǝ imig gǝlǝu di, bǝ zondo mǝ rang ukǝbǝdi numǝ wu.

¹Nu shuwǝ undi, ka andubǝ tsinyi mǝmǝnǝ kusum, nu yǝnsǝ nǝbum, kizi mǝkpǝ nubǝ nǝtumǝ ǝmǝ kusum, Ruzan ǝribu ǝtupharisees, ubǝnǝ uzha.²Kuzi bǝ izhi mig ni kǝ ǝ kupu wu, kǝbǝ ǝkorno igyi wu, kuzi bǝ izimig ni kǝ ǝnyisǝ kǝbǝ ǝruza igyi wu. ³Bǝkǝ nandi imig kǝwǝ ugǝrǝ nǝyimǝ mǝrim ǝnǝ kundǝ nǝyimǝ ikenken, kuzi imig ka ǝbǝ nǝyimǝ tututo nǝyimǝ tugurǝ ǝsǝkanzǝ igyi nǝtǝrǝ suchur.⁴ihuninyi ǝyvrin ǝm, nǝkǝnǝ kundǝ iyǝwǝ yando kǝ ǝwunǝ rupum wu, kizi nǝ mǝru di bǝ ǝnǝ nimig iwǝ wu. ⁵In sartinyi kizi inbǝnyi undo kǝ nǝkundǝ iyǝwǝ imǝ, kundan iyǝwǝ in undo kǝmǝ mǝwunǝ, kuzi ǝmǝ nǝ budǝrǝ bǝ lingi ou nǝyimǝ urua ulǝzu udǝku, imǝ.⁶Ingusǝ mugolor shubi kizi ǝzhizhizha nǝ mukurbi mi iruh wo? kusum nǝ nǝndi bǝ izhimig wǝndǝ ni nunyisǝ nǝzhi uweng wu. ⁷Ruzang kusum sukpǝ su ǝkpǝ gini ǝbǝrǝ sagh, kǝnǝ kundǝ iyǝwǝ wu. All ugǝlau di, uku kizi iglor char.⁸In hunuh, undǝ kǝmǝ bǝm nǝyimǝ andubǝ vana undubǝ mǝbǝ nǝtubǝ ǝtumǝ auweng. ⁹Kuzi undo kǝmǝ rya isǝru em nǝtubǝ andubǝ, arya isǝru imǝ nǝtubǝ ǝtumǝ auweng. ¹⁰Bella undo kǝmǝ bunu shishoro nǝtǝrǝ vana undubǝ, ǝtǝkǝ nu tǝkǝ umǝ, Nudu nangana kǝmǝ tinza birim bu tsang-tsang bǝ ǝtǝkǝ nu utǝkǝ umǝ wu.¹¹Hu ǝkǝ shwa nǝtubǝ tugurǝ tu rya Uweng mumpǝ. ijah kini andu budǝrǝ bu titarkǝnin, kǝnǝ hu udǝ zǝhǝ ni imig kǝ ugǝrǝ ikǝtǝ rukpǝ wu, dǝkǝzi imig ka ugǝrǝ. ¹²Bǝkǝ kǝ birim bu tsang-tsang bu bǝnuh nǝlǝlu ridi imig kǝ udu gǝrǝ.¹³Kizi zondo nǝyimǝ izhoh yǝ dubǝ di hu, undu banzǝ, gǝrǝ nu wenum mǝharǝ imig indu wi kinemi. ¹⁴Yeso (Yesuh) hunumǝ, undu gǝrmǝ, ǝvi kizi mǝtǝrum undu hǝrǝ mǝkǝngǝ rǝ dǝkǝzi undu ruwǝ nǝtarshi gini? ¹⁵mǝbi hunǝnǝ, rikǝ ǝkpǝ hini nǝtǝrǝ tukpǝ-kpǝ tu riyarmǝng, bǝkǝ kǝ usǝkǝning bǝ undǝ nǝzi umurǝ tukpǝkpǝ char wu.¹⁶Kizi Yeso (Yesuh) bǝnǝnǝ tizi tuwanzu nuhuh, ulam urum nǝwǝ ugǝlau di char. ¹⁷Kizi mǝ torong nǝ rukpǝ rumǝ, nuhuh, imig kizi inwa bǝ em ni rǝ iwǝ irya di niwu? ¹⁸mǝ hu, ingye imig kǝ inwǝ, in busǝ, in busǝ tsibin-nga som kusum kizi inpih sugbau tsidi, nǝbandang kizi in nyisǝ iyoho kini tizhi tukpǝ-kpǝ. ¹⁹Kizi inhuh nǝbirim bom, birim, au nǝ tukpǝ-kpǝ char nu tǝrǝ ichirǝ suwǝ char. Vunkǝ shauwǝ, rya, suwǝ, kundǝ mǝlensum.²⁰Kizi Uweng huh numǝ, ulakar, nǝri di igǝnǝ birim bou, kuzi tukpǝ kpǝ kǝ umǝ yinburǝ, tu tǝshi tǝvi? ²¹Iyaka kǝ zondo kǝmǝ guza rukpǝ rumǝ nǝ rurum kizi rurum ruyimbǝ nu weng zal.²²Yeso(Yesuh) huhnu nǝtumǝ ǝmǝ, bǝkǝ nandi em nu huh nuh, kǝnǝ huh udǝzǝhah wu nǝtǝrǝ rupum, imig kǝ uwǝ nǝ rupum. ²³Bǝkǝ kǝ usokoning kizi irya, rupum rukizi tukpǝ-kpǝ turupum.²⁴Bǝrǝ igǝki bǝwuza tubirǝ wu dǝkǝzi usuru nǝtugbangu. bǝnǝ nu gurǝ utǝrsǝ dǝkǝzi ribin-nga, kuzi Uweng kizi mǝ yǝnǝ ishiri andubǝ kizi iyien nǝbi yoho. ²⁵ǝvi gini kizi kusum nu zǝhǝ umǝ mǝrang kǝmǝ kini kurusukpǝ nusokoning umǝ? ²⁶Hu itǝshi nuhuh bǝ urǝng uwǝ kuzhimig nyogolong nǝndi wu, bǝki imi kizi ugǝhǝ rukpǝkǝ tidi?²⁷Bǝring ibǝrǝ kǝndǝ kǝtugǝ. Bǝ ǝwuzhi ituma wu dǝkǝzi ǝyuhurzu vǝlang-vǝlang wu. Kuzi em nugǝrǝ di ninyi solomon mǝ nuzanzana umǝ bǝmǝ wǝ tuk[pǝ-kpǝ turupum gusi tǝnwu. ²⁸Bǝkǝ dǝ Uweng wǝ sukpe tukpǝ-kpǝ turupum nǝyimǝ ulǝm kǝ onni ricidi izu kusǝnǝ ǝlingi nǝyimǝ urua utupǝbu, mǝwǝu tukpǝ-kpǝ turupum tukizi, au undu kuyǝrangǝ ku yimǝ ǝkurǝduru.²⁹Kǝnǝ bila imig kǝ urya dǝkǝzi imig kǝ usua kuzi kǝnǝ zǝhǝwu. ³⁰Kusum igizi imǝsǝnu mudi bila mizi tukpǝ-kpǝ tidi, kuzi dada gini ruza kǝ ǝgǝnǝ tǝng.³¹Bilang bugizi bu rijah rumǝ, kizi gung tukpǝ-kpǝ tidi ǝgurǝ ninyi. ³²Nǝkǝnǝ kundǝ iyǝwǝ wu, ugur gisang, Bǝkǝ kǝ dada nǝ rai rugupang mǝdi yinyi igi zi bu ijah rumǝ.³³zhizha tukpǝ-kpǝ tou uyimbǝ tubinkǝ tidi bumburang ǝkpǝ gini tushoko tu ujur karsǝ, tǝring rirum rigini nǝyimǝ ǝshiri kǝbǝ su myai-niza wu, unǝgǝ wǝsuzǝ vati ni wu, kuzi ipǝri pǝri ǝrang ushara di wu. ³⁴Bǝkǝ kǝ ira rurum rigini ichan ira kǝ suroho sigini ni dong.³⁵Tǝrǝ uchunu ou pirmǝ nǝrutǝhu nukisǝrumǝ ukuh doko ukai ou. ³⁶Nǝku yinkini andubǝ kǝ ǝnǝ nurikǝ undun-nga usharai gǝnǝ undu-ng usuru nira ishokori ya nya, ǝnǝ nu rikǝ ukut kuza kǝ huh mǝ biyu, ǝ di chatǝ ǝkurnu mǝ ǝshigbura.³⁷Ukpǝ tomo nǝtǝrǝ tulǝrǝ tunan gǝnǝ kǝ usharai gvnǝ mǝ murǝ nǝ natinrika kǝ hu mǝ dungǝ. ǝkurǝduru em nu huninyi mǝ kisǝ rumǝ mǝ yisǝnǝ nǝ titǝshi tu rirya, kuzi ǝzi ǝmǝdǝ undu ǝharu. ³⁸Bǝkǝ dǝ usharai di dun-nya nurikǝ wǝri urepu dǝkǝzi utǝrǝ, kizi mǝmurǝnǝ nǝtirikǝ, tilara tindang tumǝ mǝaru ukpǝ tomo.³⁹Ruzang indi, tinǝzi usharai wǝ rai di ruzǝ lǝlu ru dun-nga unǝgǝnǝ, bǝ mǝbǝ yaha ǝpurǝ ǝrai ǝmǝ wu. ⁴⁰ǝnyi mǝ rikan, bǝkǝ kǝ bǝnǝ ruza lǝlu rudun-nga vana undubǝ wu.⁴¹Peter huh, usharai, au nu bǝ tuwǝnzu tidi nandu kpǝdi duwǝ, dǝ kusum kini udan gara andubǝ di duwǝ? ⁴²usharai huh, ǝri nǝzi ulǝrǝ wǝkurǝ duru, kini undu tinyi u remǝ kǝ ushara mǝ yimǝ imǝlan mǝlan iyuto udan garǝ tulǝrǝ tidi mǝdi nyinzǝ nǝ irya kǝndǝ kǝ igǝnǝ di kuzi nǝyimǝ lǝlu? ⁴³ukpǝ tomo nǝtǝrǝ ulvrǝ undang kǝ usharai murmǝ nu dimǝ nǝndi lǝlu rudun-nga umǝ. ⁴⁴ǝkurǝduru ungǝrǝ nuh nuhuh mǝtǝrumǝ nǝtǝrǝ tukpǝ-kpǝ tumǝ.⁴⁵Bǝkǝ ulǝrǝ dandi huh nǝ ruroho rumǝ, usharai bǝmǝ dunga nedi wu, kizi mǝkpo nu kpǝsǝ tulǝrǝ tǝdugǝrmǝ kini tugwa, mǝku rya mǝ suwv, mǝwǝ vingilla. ⁴⁶Usharai ulǝrǝ undandi mǝsǝ dunga nǝlǝlu kǝbǝ ǝruza wu, kuzi nǝyimǝ "hour" kǝbǝmǝ ruza wu kizi mǝ tusumǝ ǝbioro-ǝbioro kizi mǝtǝru mǝ ni rǝ andu jir ǝkurǝduru.⁴⁷ulr dandi, kǝ mǝ ruza ugǝnǝ usharai di kizi bǝ mumǝ kisǝ rumǝ wu, bǝmǝ ku wǝ imig igǝnǝ wu, ǝkpǝsu mǝ nǝ ǝguntung char. ⁴⁸Kuzi undu ujir ruza, kizi mǝwǝ imigilub, ǝkpǝsu mǝ nǝ ǝguntung nyongolong, Bellǝ undo kǝ ǝymǝ char, ǝgǝnǝ ichar nǝmǝ, kuzi undo kǝ bǝkǝ ǝkurǝ duru ǝmǝ ǝyimǝ char, ǝku bilǝ ichar ikizi nǝmǝ.⁴⁹Inram inda doko urua nǝ mǝ sǝnu mudi ugǝnǝ om unbǝmurǝ ǝmǝ wuzi ǝdoko. ⁵⁰Em nu chiri nǝmini mu weng, ǝdi chirum ni, kuzi em nu shainǝ unurai nuhuh ǝbǝ mura ǝmi wǝ nandi.⁵¹ǝni nugusǝ in ram nǝtitǝshi tishammǝ nǝ mǝsǝnu mudi? uwǝ, em nu hunuh ǝhǝru wu. ⁵²u chira di nǝ nedi ǝmura andubǝ shubi nǝyimǝ ǝrai ǝharǝ rumǝ-ǝndu tǝru nǝ mia rǝ kini andu repu, kuzi andu repu nǝ miarǝ kini andu tǝru. ⁵³ǝharǝ rumǝ dada nǝ miarǝ kini vana umǝ kuzi vana nǝ miarǝ kini dada, ǝmbǝ nǝ miarǝ kini basha, kuzi basha nǝ miarǝ kini ǝmbǝ, ǝyi nǝ miarǝ kini ǝmbisau kuzi ǝmbisau kuzi ǝmbisau nǝ miarǝ kini ǝyi.⁵⁴Yeso (Yesuh) bizi ǝmǝ nugusǝ nǝ do zhoshi dandi, "huh nǝyirǝ tuwerr nu nyanzǝ nusǝr yǝru, nǝmǝ sǝsǝ nǝhuh uria gukpo, mǝkpo di. ⁵⁵Bǝkǝdǝ uvinu usǝrǝzǝ nu wurbuzu rumǝ usurǝ, uhuh, irǝ di itumǝ kpai-kpai kuzi nandi di ⁵⁶Andu bǝnǝ uzhi nǝrang ubǝ ushokoning umǝ-sǝnu kini ǝshiri, imi nǝwǝ bǝ nǝ rang ubǝ nǝtǝrǝ lǝlu rindi wu?⁵⁷Imi nǝwǝ bǝ nǝ hara mǝkangǝrǝ nǝyimǝ ǝkurǝduru nǝkpǝ gini wu? ⁵⁸Hu hanǝ kini urǝnǝ kwǝrǝ pirmǝ nundu hǝrǝ mǝkǝngǝrǝ gisan, ǝnyi nǝ churnǝ bilǝ ubumbura imindi kinǝmǝ mǝkǝnǝ wundu zuh pirmǝ nundi harǝ mǝkǝngǝrǝ gbau, kǝnǝ zi undu harǝ mǝkǝngǝrǝ gbau kǝnǝ yituh nuh nǝtumǝ, kuzi urrǝtumǝ di kǝnǝ linguh nǝyimǝ arai ǝ inyang. ⁵⁹Em nǝhunuh bǝ usǝ suru nugung-ga ǝzi au nǝyimǝ di nurikǝ utǝrǝ ikurbi kǝ ǝrigau nǝ en kusum.

¹Nǝlǝlu rindǝ ridi, ǝzondo bi huhnumǝ nǝtǝrǝ Galilieans kǝ mvnyi mugǝnǝ wuza izhi idanzhi i, chansa, uwunduzu kini uyutuzu ǝgurǝ kini shishende su yutuzu tukpǝ-kpǝ. ²Yeso be wǝmǝ nǝnǝ mǝhu, "Nu yira gini andu Galileans didi nǝmǝruku kǝmu kizi udangǝrǝ Galileans duwaǝ kǝ ǝnǝ ǝkundǝ kpai nǝ churnǝ mizi zndi di duwǝ. ³Uwǝ, in gǝrǝ nuh, bǝkǝ bǝ urya Uweng mumpǝ wu, gungini nǝ wurunyi nǝ mizi ǝchurnǝ didi.⁴Dǝkǝzi andubǝ rukurǝ nani uruh kǝ ripyongor ribi kpo nǝtǝrǝ gǝnǝ ru wunǝnǝ nǝ siloam, nuyira gini mǝruku mugǝnǝ nǝ siloam, nuyira gini mǝruku mugǝnǝ mikizi mudangǝrǝ andu gǝrmǝ nǝ Jerusalem? ⁵Uwǝ, in huh, nǝji tǝ rya mumpǝ wu, gun gini nǝ wurinyi dong.⁶Yeso (Yesu) bi bǝ tuwǝnzu (ushi-zhi iguta) "Bizi zondo nu chunu poro kǝ mǝ gitǝ nube kizi mǝnǝ bilǝ imuzu di bǝmǝ murǝ izhmig wu. ⁷Undo di huhnu undu rikǝ ube di, yira, ruwǝ rutǝru nedi kǝ unrǝhǝzum nu bila imuzu nu chunu rimbi di bǝ inmursǝ izhimig wu. Tuzu oug, Bǝkǝ uni kizi ǝyaha oug nu sharǝ bugizi.⁸Undu rikǝ ube di wǝmǝ mǝhuh, Ata, yaha oug nǝ ruwǝ ridi in kǝbǝ oug gendereng inwǝ ugannyi ni. ⁹Wu ǝwandi mǝminǝ nyel, mǝji tǝminǝ wu, ǝtuzu oug.¹⁰Nǝnedi Yeso (Yesu) nu banzǝ nuzhi ugura urya mumpa nu Weng richi kabikurbi. ¹¹Bizi uzhi gwa ni radi, kǝ ǝmǝ nǝ birim bu gbǝrǝki isuwǝ rukurǝ nǝ sang uru. Bizi ǝmǝ kurǝ bǝmǝ rang tutoring chatsi wu.¹²Lǝlu kǝ Yesuh bi yirimǝ, mǝbi yisu mǝ mǝ huhnumǝ, "Ugwa igbǝrǝki eu mǝ maina. ¹³Kizi mǝtǝru mǝ tǝrǝ, iǝzu ushara lǝlu mǝ chatǝ mǝ yutu rumǝ kizi mǝ zanzana Uweng ¹⁴Undu gura urya mumpa mu Weng di bi shara rai nuhuh mǝ womumǝ mǝ richi ru kabi kurbi mǝbi ku huh nadu zhosh dandi, "tsi tuwǝtsi tsi tumǝ, rau nǝ wonzo andubǝ, bǝ richi ru kabi kurbi wu.¹⁵Usharai di bi huh numǝ undu rya nukutu ǝnyi bǝnǝ bunzu iwun gini dakǝzi ukwansin utukumi nu ira ukisa pirmǝ ni ra usuwǝ mini richi kabi kurbi wu? ¹⁶Kuzi nandi na bash u'Abraham, kǝ una nyarumǝ mǝ kusi mǝ suwǝ rukurǝ nǝ tsang-tsang uru, ukisa umǝ bǝ ǝbunu richi kabi kurbi wu?¹⁷Lǝlu kǝ ǝmǝ nu bǝ tubunu tindi, andu mǝbǝru mumǝ nǝ mǝmeng, kuzi andu zhosh nǝ rai rugupang nǝtǝra tukpǝ kpǝ tu zanzana kǝ ǝmǝ nǝ tǝng.¹⁸Yesu huh ira rija ru Weng padanga imi, indi gura en kini imi? ¹⁹ǝyinkini kuyoho ku iliu kǝ undubǝ mǝ lingi nǝ yima ube, kizi ugǝ uwǝ uchichi gbau, inyen pi tu chǝlǝ tigǝnǝ nǝ sugǝbǝ sidi.²⁰Kizi mǝ ku huh, indi gura imi kini ira rijǝ ru weng? ²¹Iyinkini ikisibǝ kǝ ugwa na chira mǝ wuru kini tukankan tu rǝku tutǝru, mǝ yuhurzu, umurǝnǝ rumǝ kusum.²²Kizi yesuh hana nǝtupǝnǝ kini tugbir, nu banzV pirmǝ na Jerusalem. ²³Zondo bi huh numǝ "usharai andubu nyongolong kizi ǝruwǝ nǝrai au Weng duwǝ? mǝbi huh nǝ nǝ. ²⁴Wuzza mansu udi ruwǝ nǝ shibi gura ǝwǝra, em nu gara di ninyi andubǝ char ǝbila ǝdǝ ruwa, kuzi bǝ ǝrang uruwǝ wu.²⁵Usharai di huh mǝtorno kǝmǝ kursa ǝshibigura, kizi utura nugunga nuh kutkuza ǝshibigura, mǝku huh usharai, usharai, yahandu tudǝruwǝ, mǝ wǝmǝ mǝhuh nuh, bǝ in ruzi nyi wu, dǝkǝzi ira kǝ naka suru ni wu. ²⁶Kizi mǝ wǝmǝ mǝhuh, "Tubi rya tuku swǝ nǝtubǝ au, ukuh banzǝ nǝ suwǝsupor sugoro. ²⁷Kizi ǝmǝ mǝtǝra nǝ, "in huh ni nyi, inruza ira kǝnǝ kǝsuru ni wu, yahum nǝnum, ǝnyi andu ti di mǝ tukpǝkpǝ turya nu kutu.²⁸ǝzi uyara ni kini urunza ǝnyi huh nǝyira Abraha, Isaac, Jacob kini gung andu'urna ni ra rijǝ ru Weng, kuzi ǝnyi ǝlingi nyi nugungǝ. ²⁹ǝrǝmuzǝ usuru nusar mǝsǝru, usar iyǝru, usar iyǝru, usar ǝyimǝ kini usaraza ǝmǝ tǝshizhi nu dǝtar patalaki nira titǝshi tu rijǝ tu Weng. ³⁰Ruzang andu talwǝshi kizi ǝzi ǝnǝ dǝ du dinka di, kizi andu gbau nǝzi andu ǝmǝru.³¹Nǝlǝlu rindang ridi kizi andu nyanzǝ kpǝ rǝmǝ ǝhuh numǝ, hǝnuh, kuzi yaha ǝbandi tumǝ yira Herod nugǝnǝ uwunǝ ou. ³²Yesu huh "hǝninyi kǝgǝring nǝ Anamaya dang, yira, isuzuzu irim irya nukutu inku wonzo richidi kini izu kini richi rutǝru kizi indunga u loko om. ³³Nutarsa ǝchurnǝ augǝnǝ kini arjur gǝnǝ, itǝshi num nǝrumoro inrya ǝtubǝ ri chidi, izu kini richi rutarsa di, nudula nuhuh mǝkǝri, nushara undu'urna namaru gunga ǝ Jerusalem.³⁴Jerusalem, Jerusalem, kǝmǝ wunza andu'urna nǝku gursa ǝtumǝ kǝ ǝtumǝ ninyi. Sǝlu char kǝ ingǝnǝ upǝsa andigenzǝ gini padan-nga utokoro kǝmǝ pǝsuza mǝna mumǝ nǝyi mǝ tugangu tumǝ, kizi au nǝwǝmǝ nǝnandi wu. ³⁵Yira, arai au mǝ wangǝru tuping, nunu kǝ nadi yiram nǝhuh ukpǝ-tomo udula undo kǝmǝ rǝmǝ nǝyimǝ ruzǝ ru sharai.

¹Imindi bi kpo nǝ rizhi richi ru kǝba ikurbi, mǝbi pirmǝ na rai ǝ uzhi undu tubǝ upharisees mǝdi yra bubumboro, kizi ǝnǝ nu dula umǝ nǝ ǝzhi vati-vati. ²Kuzi bizi uzhi undugarmǝ natuba ǝmǝ nu kono ubasa ³Jesuh bi bila uruza nǝdu ruza umǝkari' mu jew kini pharisees, mǝbila uruza nǝnǝ nuhuh nyel kǝ ǝwomu undubǝ richi ru kaba ukurbi da uwǝ yong?⁴ǝbi wǝ weti. Yesu bi mokumǝ, mǝ womu mǝ, kizi mǝ wumǝ na churna. ⁵Kizi mǝhuh nǝnǝ, ǝvi gini kizi ǝmǝ na vana da kǝzi buwun kizi ma da bu kpo na rubǝ richi rukǝbi kurbi kizi bǝmǝ chata mǝ susu wu? ⁶Bǝ ǝbi rang utǝra umǝ nǝtara tukpǝ-kpǝ tidi wu.⁷Yesuh bi hu mǝruza kandǝ kǝ ǝgyǝng kǝ ǝyisǝ nǝ nu vira tudǝtar tu rugbau, kizi mǝbǝ nǝ tuwanzu kǝtu huh. ⁸Zondo huh mǝyisu ni tsǝkǝri ǝnya, kǝnǝ kǝtǝshi nira gbau wu, kǝ nǝ ǝyisi undu kizi ou ⁹Kizi undu repu uyitsi ou huh mǝbiyu undo kǝmǝ yitsi nyi nǝhuh nuh, ya udindi ira eu di, kizi nǝyimǝ mǝmeng uturno nu bila ira gisang¹⁰Kizi huh ǝyisuh, hanuh kǝ tǝshi ni ra gisang, kizi undo kǝmǝ yisuh tungǝ, gǝna kizi mǝ huhnuh waring, turno hanuh ni ra gbau; kǝkina ukizi umura rugbau na tuba kusum andubǝ ka ǝnyi nǝtu tǝshi kinǝnǝ nu dǝtar wandǝ di. ¹¹Bella undu nyanza rukpǝ ǝshinshi mǝ rang kizi undu shinshi rukpǝ ǝnanzumǝ rang.¹²Yesuh bi huh nuh nundo kǝmǝ yisu mǝ, huh yimba imete da kǝzi imete yih andu bugbau char, kǝna yitsi ǝrǝnu dǝkǝzi hahenuh, dǝkǝzi tubiri turum andi shibira wu, kǝnǝzi rijinchi ǝnǝ kuyisu dong shibira wu, kǝnǝzi rijinchi ǝnǝ kuyisu dong itǝshi padan-nga undǝ kǝ tǝrǝ.¹³lǝlu kǝ ungu yitsi nimete, yitsi andu tiyom, tugung, undutsuwǝ tulangǝ. ¹⁴Kizi Umurǝ ukpǝ-tomo, uruza ǝnǝ ǝrang utǝrǝ ou wu. ǝkizi ǝnǝ tǝruh nǝ richi ru rutorno mǝsanu mu andu tsang-tsang.¹⁵Bizi zondo kǝmǝ tǝshi nu dǝtar wandǝ kini Yesu kundǝ tukpǝ-kpǝ tidi mǝbi huh numǝ, undu kǝba ukpǝ-tomo nazi undo kǝ mǝrya bubomboro nǝ bigizi bututǝshi bu Weng. ¹⁶Kizi Yesu huh numǝ, "uzondo bi bum bura imete char, mǝku yitsi andubǝ char. ¹⁷Na iǝlu rimete di mǝ zha tulǝ rǝ tumǝ ǝkǝ gǝra nǝ ando kǝ ǝyisǝnǝ, ǝrǝ nǝ ǝmǝ biya tuyumbura.¹⁸Iyinkini ugurunu, gung gǝnǝ zhasutu mǝ tujir rǝmǝ. udu dinka huh numǝ, in kpǝ ulam, pirmǝ om in dǝ kǝyira oung. Wǝ mǝnu nuh nurai inrang ubiyu wu. ¹⁹Zondo kuhuh imǝ kpǝ iwun shubi, pirmǝ om indǝ kǝ mǝkǝ nǝ nulam wǝ mǝnu nuh nurai in rang ubiyu wu. ²⁰Uzondo ku huh, "imǝwǝ ǝnya au gwǝ, na nandi inrang ubiyu wu.²¹Ulǝrǝ di bi biyu mǝnǝ bǝnu sharai di kusum imig kǝ ihana, usharai di kunda mǝnang, mǝ huh nulǝrǝ di, "Hanuh sǝsǝ nǝ suwǝ-supor kini tuchurna tupana di rau na andu tiyom kini tigung, tulangǝ kini andu tswerumǝ. ²²Ulǝrǝ huh, usharai imig kǝ uhuh ǝwǝ ǝmǝ wǝ eng kusum nǝ nandi ira di dǝzi imo²³Usharai di huh nu lǝrǝ umǝ, "suru hanuh nǝ suwǝ supor sugbau kini nǝ tukp angi tu igizi, wang ǝnǝ ǝrǝmǝ, nuh nuh kǝ arai ǝm di mo ²⁴em ihuh nuh, gung andu nan gana kǝ ǝyisǝ nǝ bǝ ǝlambǝ umete em wu.²⁵Nǝlǝlu rindi andubǝ zhosh dandi nu dula umǝ, kizi mǝ yuhuru mǝ huh nǝnǝ, ²⁶kovi kǝ mǝ rǝmǝ nemi kizi bǝmǝ gyemi ǝtǝmǝ, ǝbǝmǝ ugwǝmǝ, andigenzǝ, hahene mǝna mugarmǝ, kini hahene mansha kuzi kini usokoning umǝ bǝmǝ rang tǝshi utumǝ om wu. ²⁷kovi kǝ bǝ mǝ rang uchira uchichi ugǝkǝra wu, mǝku tarsum wu bǝmǝ dǝrǝ utarshi utumǝ om wu.²⁸Kuzi nǝyimǝ gini avi kizi rairu mǝ mǝda pi rupyongor kizi nu nyere di bǝmǝ tǝshi mǝbǝra imig kǝmǝ wuna kǝ idi marsu mǝ itumǝ di wu? ²⁹Jiji nandi wu huh mǝ mǝ gita ǝkpira gura di kizi bǝmǝ rang umarsǝ di wu, kusum ando kǝ ǝyira ǝkpo nu meshe umǝ. ³⁰Nuh huh, Ata di mǝ kpo nǝ chorum kizi bǝmǝ rang umarsǝ di wu.³¹Dǝkǝzi yandi ujah, kǝ pirmǝ umǝ nu tiya ukwara kini uzhi ujah kizi bǝmǝ tǝshi mǝ zarǝpu mǝ rang kǝmǝ tiya ukwara di nǝ andubu tugu rukurǝ kini ujah kǝ angu mǝnǝ kǝ ǝmǝ nǝ andubǝ tugu akur repu? ³²Jiji nandi wu mǝzi andu tiya ukwara umǝ kada piyu, mǝ zha ǝtumǝ ǝdi kǝ bila tuchurna tu rumoro rishamma. ³³Bǝkǝ nandi gini kǝbǝ mǝyimbǝ kusum tukpǝ-kpǝ tumǝ wu bǝmǝ rang utǝshi utumǝ om wu.³⁴Mumu mugalau mudi, huh muwarnǝ kini ilamlam imǝ ǝdi kurang ukursu ilamlam di mǝshǝ? ³⁵Bǝkuzi mang ni zhi itumǝ nǝ bigizi dǝkǝzi nugangi wu. ǝyǝmǝ ǝlingi, undo kǝ ǝmǝ natuto tu kundǝ, mǝ kundǝ

¹Na nedi kusum andu kǝba ugǝndu kini andu mǝruku na urahazu mǝ na Yesu ǝdi kundu zumǝ. ²Kusum ǝpharisees kini andu darsa bi munu nǝpum gǝnǝ, nugusa, "undo di kansa andu mǝruku mǝku ri-rya kinǝrnǝ.³Yesu bi ba: nǝ tuwanzu tugusa nei. ⁴ǝvi nayimǝ gini kizi ǝmǝ na itǝmu rinyi kizi uwandǝ wurumǝ, bǝmǝ yaha eng ǝkur turbo nani turbo di nǝyimǝ uyuru mǝ pirmǝ nu bila ku wandǝ kudandi pirmǝ nǝ lǝlu kama zǝrǝ kwǝn wu? ⁵lǝlu kǝhuh mǝzǝrǝ kwǝn, mǝ kalma kwǝn na dongong ni shokori nani.⁶Huh mǝ dungǝ nǝ kwǝn na susa mǝyitsi sirǝnǝ kini andu shibira ǝmǝ, mǝhuh nǝnǝ nǝ wuzang ishokori kinemi imǝ zǝrǝ kutamu ku wurumǝ kom. ⁷Kusum nǝ nandi di em nu huh ninyi, ǝzi rai rugupang nǝshiri natǝru undu mǝruku mu wandǝ kǝmǝ kǝba Uweng.⁸Dakǝzi ugwa kǝ ǝmǝ na idama rukurǝ, kizi buzhi bu wurumv nǝmǝ, bama doko ukai, mǝbisa arai mǝbila nyel pirmǝ na lǝlu kǝmǝ zǝrǝ bǝng wu? ⁹mǝbihuh mǝzǝrǝ bang, mǝ yitsi surǝnǝ kini andu shibirǝ ǝmǝ kusum, mǝ huh nǝnǝ wu zang rai rugupang kinemi imǝ zǝrǝ budama buwurumǝ bom. ¹⁰Kusum na nandi, em nu huh nuh, ǝzi rai rugupang natuba ǝtumǝ au Weng.¹¹Kizi Yesuh huh, "Bizi uzondo nǝ ǝdigenzǝ ǝrepu, ¹²Kizi uginanzǝ di huh nu na Dada di, "Dada ǝbisǝrum usar ururum rom; mǝbi hara nǝnǝ rurum rumǝ.¹³tsi bǝ subi kpo ni char wu, rana ginanzǝ di kanka imǝ pirmǝ nuzhi upana pyau nvban dang kizi mǝ shara rurum rumǝ na usokoning utal wǝshi. ¹⁴Na mǝru kǝ mumǝ wursu imig kǝ nazi ǝmǝ nani, kizi ikomo wǝni kpo na bigizi bindang budan di, kizi tiyom tu kupumǝ.¹⁵Mǝbi kizi mǝ pirmǝ mǝka bila itumǝ nizhi urum ubigizi bindang budi, kǝ mǝbi chǝpumǝ nu lam uguya iranga yarai. ¹⁶mǝba wǝ rai rugupang kǝmǝ ba rya iriya iranga yarai di, baka ka bazondo mǝyimǝ izhimig wu.¹⁷Ku vana kudi kubihuh ku kurmǝ nǝyimǝ rupum rumǝ, kizi mǝbi huh, ǝnatumǝ ǝ dada om ǝyondo kǝ ǝn na ǝfuk fuku char, kuzi em na pandi nu wi na ikomo. ¹⁸Em intorno in yaha ǝbandi, impiram na ǝtam, indi huh numǝ, "Dada Uweng nǝshiri kini nuh. ¹⁹Nedi em banzha kǝ ǝku huh num vana ou wu, wangǝrum uzhi unatuma wǝrai ou.²⁰Na nandi ku vana kudi kubi torno ku zaya mǝbi huh mǝdun gǝ nu kira Dada umǝ, nupir katozo umǝ pyau, ǝtǝmǝ nika yirimǝ, kuzi izhai bi wumǝ, mǝbi sumǝ mǝka guntumǝ. ²¹Vana di bi huh numǝ, "Dada, imǝ wu utaka nu weng na shiri kini nuh, baku zha ǝhuh em vana ou wu.²²Dada di bu huh natulǝrǝ tumǝ, rǝnyi sasa natukpǝkpǝ turupum tugilau, ǝdi wǝnumǝ, ǝku wumǝ rukpa ru wǝrǝ kini tumǝforo nǝtubuna. ²³Kuzi rǝnyi naku wun ku gilau ǝdi tuzu kweǝng. Tidi yra tu wuza ishokori ²⁴Bǝka ka vana om bimǝ wi, nedi ǝmǝ natu vunkuzǝ. mǝbi wurumǝ, nedi imǝku zǝrumǝ, kizi ǝbi kpo ni shokori.²⁵Bi kuzi vana gono umǝ umǝ nu lam. mǝbi huh mǝdun gǝ nu kira ǝsussa, mǝkundǝ rimeze kini ǝmiza. ²⁶mǝbi yitsi uzhi ulǝrǝ wǝrai di mǝbila uruza imig kǝ eng nǝtǝnu? ²⁷Ulǝrǝ di bi huh numǝ, uwenu mǝdunga na sussa kizi Dada ou nmǝ tuzu ku wun ku galau bǝka ka mǝkabu mǝ shamma.²⁸Kuzi vana gono di bi kunda mǝnang mǝ gyami uruwǝ, kizi Dada umǝ suru mǝ wuza ǝval ǝmǝ. ²⁹Kizi vana gono di huh nuh na Dada di "bara imǝ wuzau rilǝrǝ nǝ suwǝ char, bǝ inwungu zu ugarunu ou wu, kusum na nandi bǝ umǝ yam koda ku mandi wu, kǝ indi wuza ishokori kini ǝyǝring. ³⁰Nedi kǝvana ou mǝ biyu, kǝmumǝ kǝ wuna rurum rou kini tulam, kizi utuzu mǝ ku wun ku gilau.³¹Dada di huh numǝ, "rana, ou koyandi lǝlu au kinemi, kuzi ko imi em euwu. ³²Iwa nyel kǝ tuwuza ishokori irai rugupang, baka ka uwenuh di bima wi, nanedi ǝmǝ nedi natu vunkuza, mǝbi mǝ wurumǝ, nanedi ǝmǝ zǝrumǝ."

¹Yesu maku huna andu dula umǝ, pazhi ushi undu rurum ni ka amǝ na undubaruzumǝ ututomo, kizi anana gara numǝ nuhu undubaruzhumǝ-ututomo di nu sharsumǝ rurum. ²Kizhi undu-rurum ridi yisu mǝ mǝhu numǝ, imi nedi ka em nu kunda di natara au? Gara udaku u baruzhǝ di bazhi ka ba uku sokono undubaruzha wu.³Undubaruzha di mahuna rukpǝ rumǝ, imi kizhiingu wa nedi ka usharai om ma: kabum ututomo ubaruzha? ba em da na budǝrǝ bu kǝbǝ wu kizhi mameng num nu wuzha aval. ⁴Ing kam iming ka engwa, bazhi ushaka ana kaba ituma. i. baruzha nemi, andubǝ di kabum na tirai tiganǝ.⁵Kizhi undu baruzhadi mayisi kusum andu tudur tu usharai umǝ ma bila uruzha na undu dinka mashe kizhi usharai um dulau? ⁶Mahu sikete sinyi rukurǝ su manu-mupar, "mahu numǝ, inga uva utu dur tou tashi sasa undi darsa sinyi shobi. ⁷Kizhi undu baruzha di huna uzhondo di, mashe kizhi adulau? mahu tu kwayanyi tu iku sinyi rukurǝ. mahu nu mǝ, ingya uva utu dur tou, undi dursa akur-uru⁸Usharai di ma yiba nudubaruzha ujur-tanu tu gilau di bazhaka ma wuzha rimi Andigyenzhǝ a masanu midi gotozhi na rimi nu dula na rimi nu dula na andubǝ gǝnǝ, kini andigyenzhǝ au iyeryer ⁹Em nu gara di ninyi, mokin riyering na kpǝ gini na chunna a rurum ru achunna au jur tanu ti gilau, bakaka, usha ka inu imain ing gana a kabu nayimǝ arai au jur mina gǝnǝ¹⁰undoka amǝ na akurming ni gisang amǝ na akurming ni char kizhi undoka ama nu jur ranu tu yeryer ni ming gisang, ba ma wuzha tanu yeryer ni gbou wu ¹¹engbaka ba au na akurming nu tutomo na rurum ru jur yeryer wu, Avi kizi ma tara rurum ru akuming nawu? ¹²ingbaka ba urang tanu na tukpakpa tu azhondo wu, avi ki mayau ikurbi rukpǝ rou?¹³ba ulǝrǝ ni ka ma rang ututomo na tisharai ti repo wu, isokono ma gyani zhondo mǝ wǝmǝ zhondo, dakǝzhi ma yutu rukpǝ nu zhondo, ma gyamu uzhondo u: rang ututomo nu Uweng kini rurum wu.¹⁴Nedi tu pharisees, ka: a wǝmǝ ikurbi, a kunda kusum tukpakpa tindi, kizhi a meshu mǝ. ¹⁵mahunǝnǝ "no kuzhuzhu rukpǝ rigini natuba a andubǝ, kzhi Uweng ruzha suroho sugini. Iming nanganaka a yiba eng nayimǝ andubǝ, a gyami eng natuba au Uweng¹⁶Titarkaning kini atumǝ am nu-tutomo pirmǝ nusha ka Yohana ma rǝmǝ. usuru nusha undang, arhuwa nu gara ubunu u Uweng kizhi kwani nu chiri rukpǝ rumǝ rumǝ nagata, nayimǝdi. ¹⁷i goto maramara, ka ashiri kini bugizhi mudi maina, kinika bugoro bu wondǝ mudi maina, kinika buyoro bu wondǝ bu titarkaning budi wurumǝ.¹⁸Kwavi ka ma jiki ugwa mǝ muku chirra uzhi muma wuzha ilana, kizhi undo ka ma chira ugwa ka majiki anya amǝ ma wuzha ilana.¹⁹Nedi ana wa uzhi undu rurum, ka mawuzha tisarmani tu gilau, kuzhu amǝ na: malinsam nu: rurum rumǝ koyandi rici. ²⁰Uzhi unaval ni ka rizhǝ rumǝ Lazarus ka ma tashizhi nu shib-giwa umǝ, ka amayre ma kupu mǝ. ²¹nu gana ka madi ri-iria kpozho usuru na aru a undu rurum, kuzhu iyera na biu nu limba a mayre amǝ.²²Usha pa biu ka undu aval di ma wi kizhi atumǝ au Uweng nashiri na chiru mǝ aka tarumǝ nu kira Ibrahim. Undu rurum dong mǝ wi kizi awansumǝ; ²³Nayimǝ arai auruw nu kunda kpai, ma zhansa azhi amǝ ma yira Ibrahim pyeu kini iazharu nukira umǝ.²⁴ma kyiba nuhu, ata Ibrahim kundi Izhai na tara am, undi tuma Liazarus madi wa rubo na mini madi zhizhimum relem, em nu kunda kpai nu-ruw di²⁵Ibrahim mǝhu vana, ruzhaka nusha utuvungǝzhǝ tou ukaba iming gilau eu kizi liazharus mura iming i shoro. Nedi amǝ na malinsam kizhi aw nu kunda kpai ²⁶Indang kpaidi wu, ruwoa rugbou na tarshi goro, bazhika undu gana uwugulu suru bandi pirmǝ nawa, ba a rang wu, kizhi zhondo ma rang ma wugulu uburu nenyi ubiu zhondo ma rang ma wugulu uburu nenyi ubiu naru wu.²⁷Undu rurum mahu, em na aval, Ata Ibrahim, uba tumumǝ na rai a dada om ²⁸bazhaka em na hahenum shobi- ka madi ka wundǝ nǝ turo, agana na biu nayimǝ ira kunda kpai di wu²⁹kuzu Ibrahim mǝhu numǝ Anǝ na musa kini atuma au Uweng; yohanǝ adi kundudǝ nǝ. ³⁰undu rurum matara, ohoh, dada Ibrahim, uzhondo hu ma hanu mǝ usuru nu wi, a yaha maruku, ³¹kuzu Ibrahim mǝhunu mǝ baka ajita karu ututo na musa kini atumǝ aw Uweng wu, anang gu karu ututo nu zhondo ka ma suru nu wi wu.

¹Yesu mahunǝ andu dula umǝ, isokono lellei ki a mura ashari au gulu, kizhi mǝkari nudu ka ubiu na cunna amǝ! ²igoto nyel ka akisumǝ rishari ruwuha iku, na rumoro kizhi a lingimǝ nayimǝ repende; ka madi wa undu wondǝ nayimǝ andu-lǝshi di nugulu.³Baring akpv gini uhenu hu ma taka, sartumǝ, mahu ma ruzha utaka umǝ rya ti rinu numǝ ⁴mahu ma wa makuna na sundr, nuyira, kizhi maku biu na sundǝrǝ nuhu, "Imma ruzha utaka om," doli u rya mǝ tirinu:⁵Andudula ahuna ata, kinandu utararai." ⁶Ata mahu, "ingbaka anyi nutararai da bumuzhu bu mustard, na rang uhuna ucici u mulberru rupurou udi ka gita rou nayimǝ repende, kizhi idula ugara gini,⁷nedi aui gini, kizhi amǝ nu lǝrǝ numǝ na avara da ubiha ka ma hunumǝ, uhu ubiu uburu nu lam urau sasa una tashi tu riria? ⁸ba mahunumǝ, hanu: ka shiram iria indi rya, u kisa ribam nu sarmani udi wuzham ututomo, pirmǝ nusha ka ing biya urya-ti-ria kini uswadi. namarudi kizh au na rya kini uswa.⁹ba mawa inja nu lǝrǝ di wu bazhaka, mawa imingka titarkaning tuhu, nandi?, ¹⁰Nanandidi, ǝnyi dong, ushaka nǝhu namawa kusum imingka ahu nawa, nahu: ar tilǝrǝ kabatu-zha wu. ar tuwa iming ka imoko ituwa kpaidi hu.¹¹Lǝlu ru: biu ka mawatanu pirmǝ na urushalima, ma kpo ni kazhu nu kira samaria kini Galilee ¹²mapahu ma ruwǝ na bizhi bukoro, ma: mana kini andubǝ rukurǝ ka anǝ tugun tidi aka tura shishati, numǝ, ¹³kizhi a nyazha sumoro nuhu, Yesu, usharai kunda izhai gorro."¹⁴mahu ma yirǝnǝ, mahunǝnǝ, "haninyi kǝ bǝning akpǝ gini na tu pozho." ahu amoko achunna, akuzhu rugǝnǝ (Awomo) ¹⁵Undu wondǝ gǝnǝ pahu mayira ka muma womo, ma tarani namaru, na rumoro rugbou nu zhanzhana Uweng. ¹⁶ma na fall na tubuna tu Yesu, na ti inja numǝ. amǝ undu Samariye hu.¹⁷Yesu mahu, ba ǝnyi rukurǝ kizhi a kuzu nyi wu? andubǝ torbo bei? ¹⁸ba azhondo ni ka a tarani adi zhanzhana Uweng wu, kizhi ugyen kpaidi? ¹⁹mahu nu mǝ, "torno udi hanuw. utararai rou ma yaw ruguma.,²⁰Tu pharisees pahu a bila uruzha nǝmǝ natara usha ka bugizhi bu reja ru Uweng sǝ biu; Yesu ma tarǝnǝ mǝhu "rǝjǝ ru Uweng ru biu nu barizha shauwa wu." ²¹da ahu, barra, gyen bang.: da inji bang: wu! na barra, bugizhi bu ruja ru Uweng nǝ yimǝ gini."²²mahuna andu dula umǝ, "si-su biu ka na gana u yira rici ru wondo ru vana u undubǝ kizhi nasa yira wu. ²³Ushadi kzhi ahuniny, baring abandi; baring abanji! konzheng nagana suru wu da na suma nudula gǝnǝ wu. ²⁴da iyakaka unyelbe, nyelbuzhǝ yerǝrǝ usha ka mawa nyelpu, usuru nu-sara wondǝ u ashiri pirmǝ nuzhi uusara u ashari, nandidi kizhi vana u undubǝ ma sokono na rici rumǝ.²⁵Kuzhu na dinka di, ma gama ma kunda kpai na tukpa kpa char, anyana andi aku gyami mǝ ²⁶Iyakaka i hana nusha u oah, Nandi kizhi iku hana nusha u vana u undubǝ. ²⁷Anǝ nu rindi, nuswadi, na tinya kini uyimba na anya pirmǝ na rici ka Noah maruwǝ nu ark kizhi bure bu gbou biu muna wunzǝ nǝ.²⁸Niyakaka, iku hana nusha u lutu;- anǝ nu ryadi nu swadi, nu kpazhadi kini zhizhadi, nu gwaradi kini upyizhidi. ²⁹Kuzhu nu-sha ka lutu masuru na saduma, ure u uruw kini kibiritu pa kpo usuru na shiri muna wunzha andubǝ kusum³⁰namaru indidi gbaki, iku sokono nandi na rici ka a bǝnǝ vanav u undubǝ. ³¹Nurici rindang, yaha undoka amǝ natara arai gana shupu nu susu tukpukpa tumǝ na rai di wu. kizhikuzhu na chunna wondǝdi, undoka amǝ nu lam gana tarahi wu.³²Neku-tuna na ugwa lutu ³³kwavi ka ma-gana ukaba tuvungkǝzhǝ tumǝ ma naha tuvungkǝzhǝ ma mura tang.³⁴Em nu garadi ning, na-ari andang, andubǝ a repo na anabu wondǝ a chira undu wondǝ a yaha undu wondǝ. ³⁵Amura tuga tu repo nu wuha-iria nira wondǝ a chira u wondǝ a yaha u wondǝ. ³⁶Andu repo nu lam, a chira undu wondǝ a yaha undu wondǝ ³⁷Abila uruza nǝmǝ, pirmǝ na bei? mahu nǝnǝ, irs ka ikezhǝ ni, a mura tumajugu ni nu pitunu nira wondǝ

¹Kizhi mǝ bunu nǝnǝ nu shiguta niyakaka awuzhuzha aval kusum usha, a gana wa-madoro wu, mǝ hu, ²"pazhi nuzhi upana, uzhi undu tuzhu ruvuna ni ka ma kunda iyewoa uweng wu kini uchira mamyeng mu andubǝ wu,³Nedi, pazhi uzhi ushi nupana udang, ma buguzhu nǝmǝ lalati, nuhu binkam indi mura akurmi nam natara undu gyami on ⁴Lǝlu ru sura charr ka ba magana ubinka umǝ wu, kizhi pirmǝ na kuzhi lǝlu, mahuna rukpǝ rumǝ, eng ruzhaka ba ing kunda iyewao i Uweng wu da uchira mamyeng na anduba wu, ⁵kpa nanandidi, bazhika ugwa di nu yamm utuba rukpǝ, ing-ga binku mǝ madi mura akurming, magana wam injira nu bihuzu umǝ kusum usha⁶kizhi ata mǝhu, !kundang iming ka undu tuzhu ruuna ru jur-akurming ma gara. ⁷Nedi ba Uweng ma biu na akurming na ando ka ma uirǝnǝ ka akibuzha nu uyira kini ari wu? ma sharǝ nǝ usha charr dowoa? ⁸em nu gara di ninyi nuhu, ma biu na akurming nǝnǝ na masasa. Nanandidi, vana u undubǝ huma biu, mana mura utara rai na masanu midi?"⁹Kizhi maku gara ushiguta indi na azhondo ka awǝmǝ na-akpǝ gǝnǝ nuhu anǝ andu tanu tu gilau kizhi a-shara udun gara andubǝ. ¹⁰Andubǝ a repo a hanǝnǝ nu gura u Uweng na aval, uwondǝ di ka amǝ u pharisee kini uwondǝ di undu kaba ugandu.¹¹u pahrasee di ma torno ma wuzha aval nǝ tukpakpa tingdi na tara amǝ; Uweng em na inja nu ka ba em da undang gara undubǝ wu; andu - igana, andu jur tanu tu gilau, andu ilana, da kazhi andu kaba ugandu di wu. ¹²eng wuzhuzha uyiranandi na repo na sisundǝrǝ. eng nyingzhi tu binka tu kusum iming ka ingmura.¹³Kizhi, undu kaba ugandu di naritoring na ku lǝlu, ma tibi nyanzha azhi na shiri wu, kizhi ma rǝkǝ bugyese nuhu, Uweng kunda izhai natara am, ¹⁴em undu makuna em nuhu ninyi, umdo di ma tarami na rai-amǝ nu kuzhu-sar, nugoto kizhi unduji, bazhika kpa undo la ma nyangzha rukpǝ rumǝ a shingshimǝ rukpǝ, kizhi kpa undo ka ma shingshi rukpǝ rumǝ a nyanzhu mǝ.¹⁵Andubǝ di nu bihuzhu numǝ na andigyangzhǝ madi gakǝ nǝ, kizhi andu dula umǝ ahu ayira indi, a sartǝnǝ ¹⁶Kizhi yesu yisǝnǝ nǝmǝ nuhu, yahing andigyangzhǝ gisang di adi biu nemi, nagana gǝhǝ nǝ wu. Bazhika bugizhi bu rija ru Uweng bu sana gǝnǝ hu ¹⁷Akura durdi em nu gara ninyi, undo nanganaka mǝji kaba bugizhi bu rija ru Uweng danggha undigyengzǝ wu, ma ruwoa ni wu."¹⁸uzhi undu rija ma bila uruzha nuhu "undu banzhǝ gilau, imi kizhi eng-wa indi mura tuvunkǝzǝ tu labu-mina? ¹⁹Yesu mahunumǝ, Bazhi imi ki uyisum undu bǝzhǝ gilau? uzhondo ni ka amǝ ugilau di wu, Uweng bǝlǝ. ²⁰Uruzha ubunu u ruuna-ugana wuzha alana wu, ugana uwuna wu, ugana uwuzha igna wu, ugana udula amaru amalem wu, yimba rugbou na dada ki ango ou." ²¹undu rija ridi mahu, "kusum tukpakpa tingdi, em na dula tang nusha re maina rom."²²Usha ka Yesu ma kunda indi, mahu nu mǝ iming wondǝ ki udu-unaha di. ka zhizha kusum iming ka aw nani, udi harsa na andu jur umura, u mura rurum na shiri kizhi urau una duka." ²³ushaka undu rija ridi ma kunda iming indi, ma-wa manang charr, bazika amǝ na rurum tim.²⁴Yesu mahu ma yira iyakaka ma-wa manang, mahu, "isokono nu gbanǝ nu undu-rurum madi ruwǝ na bugizhi bu rija ru Uweng! ²⁵i sokono maramara nu rakumi ruwǝ na rizhi ru ura-udunzha ka undu rurum ruwǝ na bugizhi bu rija ru Uweng.²⁶Anda ka anǝ ukundizha di ahu, "kizhi mamura ikefu? ²⁷Yesu matara "tukpakpa ka undubǝ ma rang uwadi wu, I warumǝ nira i Uweng²⁸Bitrus mahu, "nandi, tuma yaha kusum iming ka eng-igoro, arnu ow. ²⁹Yesu mahu nǝnǝ akuradurdi em nu gara ninyi nuhu, uzhondo ni ka ma yaha arai da ugwa, da rehene da anata da andigyenzhǝ, baka bugizhi bu Uweng, ³⁰ka managu gaba charr-tim nusha undi kini usha ubiu wu, tuvungkǝzǝ tu labu u maina."³¹mahu ma pitunu andubǝ rukurǝ nani repodi na rukpǝ rumǝ mahunǝ nǝ, baring pirmǝ goro pwo na urushalima, kusum iming ka atuma du Uweng a darsa natara vana u undubǝ imonzhuzho rumǝ. ³²bazhaka a yutu mǝ na andu marim, awuzu mǝ umeshe kini udima umamyeng kini ukpo zhumǝ tomo. ³³namaru ka ama wharatuzhumǝ a wunumǝ rici ru taru ma torno gbaki"³⁴Anǝ atibi ruzha izhiming indidi wu, kizhi tubunu tindi nu nyusa nǝnǝ kuzzhu ba, a rang uruzha iming ka ma gara wu.³⁵Nanandidi, Yesu mahu mǝ wǝsǝ vati na Jerico, uzhi ulǝngǝ na titashi nu kira achunna na aval, ³⁶mahu makunda rugozhon ru andubǝ natanu ma bila uruzha, imi ka eng natanu. ³⁷Ahunumǝ nuhu, Yesu u nazharat nu-sura.³⁸ulǝngǝdi mawa bukyengku nuhu, Yesu vana u Dauda kunda izhai em" ³⁹Andoka anǝ natanu natuba a sarhe ulengǝ di, ahunumǝ ma wa wayti. Kizhi maku kini bukyengku budi vana u Dauda kunda Izhai em.⁴⁰Yesu matura, mahunǝnǝ aka biu nundodi nǝmǝ. Kizhi ulǝngǝdi mahu ma biu vati, Yesu ma bila uruzha nǝmǝ, ⁴¹imi kizhi rairou ka indi wanuw? mahu, Ata, rairom indi mura urika ira om.⁴²Yesu mahunumǝ mura u rikaira ow. utararai rou mayau ruguma. ⁴³nusha udangdi ma mura urika ira umǝ kizhi madulumǝ nurzhanzhana Uweng. kusum andubǝ ahu ayirumǝ, awuzha izhantu nuweng.

¹Yesu ma ruwǝ kuzhu amǝ nu: sura nayimǝ Jericho ²kizhi uzhi undodi ni ka rizharu mǝ zakka. Amǝ undu-kabba ugandu gbou kuzhu amǝ undu rurum.³ma: bila ka madi yira avu nǝzhi Yesu, kizhi ma reng uyira umǝ wu bazhi rugozhon, kuzu amǝ nyawa. ⁴ma sumǝ natuba andubǝ di maka: nyana natara uchunu sycamore tree maǝi yirumǝ, bakaka Yesu ma sura na achunna andangdi.⁵Yesu pahu ma biu na ira indangdi, ma bara ashiri kuzhi mahu, zakka shupu na bigizhi sasa bazhika ricidi em ingu tashi nawu narai ⁶Kizhi ma shupu na masasa nabigizhi ma: kabumǝ na rairugupang ⁷Andubǝ ahu a yira indi, kusum gǝnǝ a munu nuhu ma pirmǝ nubara undoka amǝ undu mǝkuna⁸Zakka ma torno mahuna ata, "bara, ata, ingu yimba usar nu rurum rom na andu jur-mura kuzhu, inbaka em makaba iming i zhondo na chuna ka ba a yalaudi wu, ingu kursu numǝ nǝnanzhi i imingdi ⁹Yesu mahu, ricidi ikefu ma biu na arai andi bazhika amǝ dong ¹⁰vana u Ibrahim hu vana u undubǝ ma biu nu bila, kini uwa kefu na andoka a wurǝnǝ¹¹Anǝ nu kundizha tukpakpa tingdi, ma hu huwa nubunu kini ugava ushiguta, bazhika muma niu vati na urushalima. anǝ nu torong nuhu bugizhi bu Uweng bu hashi bu bǝnǝ rum ¹²mahu bazhinandi, uzhi undu-gilau ma pirmǝ na buzhi bugizhi pyau, madika kaba narukpǝ rumǝ bugizhi bu rija madiku tarani.¹³ma yisi tilǝrǝ tumǝ rukurǝ ki ma: yǝnǝ idama rukurǝ, ma: lunǝnǝ wuzhang tizhamin nani kizhi em biu, ¹⁴konzhen andu-upana umǝ gyami mǝ ki achǝ chǝ atumǝ undodi wuzha rija natara goro wu ¹⁵iku sokono, ushaka ma tarani, ka mumaka kaba rijaridi, matuma aka yisi tulǝrǝ tu nanganaka ma yǝnǝ ikurbi, a biu nǝmǝ, madi-ruzha, mashe nezhi uswa ka a mura niratizhamin¹⁶undǝ-dinka nǝ biu natuba amǝ mahu, Ata, engkini mura uswa u idama rukurǝ midama ka uyamm ¹⁷undu-gilau di mahunǝ, kaja ulǝrǝ gilau. Bazhi ka uwuzha akurming nayimǝ igisang, Ama yau rija (or budǝrǝ) na tara tupana rukurǝ¹⁸Undu-repo ma: biu, mahu, idama eu i minam idama shobi ¹⁹undu-gilau di mahu numǝ au kaba rija ru rupana shobi.²⁰Uzhondo ma biu, mǝhu, ata, ingye idama eu ka em intara nuw kefu naymǝ tisarmani, ²¹em niyewoa eu, bazhika aw undu gana hu. ukangsa iming nira ka ba utara ni wu; upituzhu nira ka ba uwuzha tugbara wu.²²Undu-gilau di mǝhu numǝ, nǝ moro bunu au, kizhi intuzhu: mǝkangara nuhu, au ulǝrǝ u anyasi. uruzhaka em undu gana di, kini ukansa imingka ba ingtara wu, kini upitunu iria nira ka ba ing gbara wu. ²³bazha imi ka ba uka tararum ikurbi di na rebinga wu, bazhika, usha ka enghu engbiu, indi mura uswa ni wu?²⁴Undu-galau di mahuna andoka anǝ naritoring bandang, kabing idama di nǝmǝ, nǝdi yimba nu undoka amǝ na tu minas rukurǝ. ²⁵Ahunumǝ, Ata amǝ na tu minas rukurǝ.²⁶Em nu garadi ninyi, nuhum kwavi ka amǝ nani, aku kinimǝ ni, kizhi undoka ama naha, ku nanggana ka amǝ nani aku vini. ²⁷Kizhi andu gyami om di, andoka ba rairugǝnǝ indi wuzha rya natara gǝnǝ wu, na rǝnying nǝnǝ bandi nadi wuzhǝnǝ natuba am."²⁸mahu magara tukpakpa tingdi, ma sura a tuba pirmǝ na rushalima.²⁹usha pahu ubiu ka muma biu vati nǝ Baitfaji kini Bait'anua, nukira uwoho ka ayisi ong Zaitun, ma: tuma andu repo andu dula umǝ, ³⁰nuhu, haninyi na bukoro ba: atuba, anyi nu ruwǝdi na mura uzhi Aholaki, ka anamǝ nyanani wu. buning amǝ nadi rǝpi num nani. ³¹uzhondo humǝ bila uruzha ninyi nuhu, "Baka mashe ka anyi nu bunu umǝ? nahu" Ata nu gana di.³²Ando ka atumǝ nǝ, ahanǝ nǝ aka: mura u aholaki niyakaka Yesu matuma gara nǝnǝ. ³³ka anǝ nu bunzhu u Aholaki di, ushowǝ di mahu nǝ nǝ, bazhi mashai ka anyi nu buzhu u Aholaki di? ³⁴Ahunumǝ "Ata nu gana di." ³⁵Ana sha ong na Yesu kizhi anorto tisarmani tugǝnǝ natara u-Aholaki di ki awa Yesu natara-amǝ. ³⁶amǝ na tanu, anǝ nu nortuzho tusarmani tu gǝnǝ na chunnadi.³⁷mahu mawǝsǝ vati nira uhowo u olives, kusum rugong ru andu dula umǝ a kpo na rairugupang kini uzhanzhana Uweng na rumoro rugbou bazha kusum ututomo gbau ka ama rikǝzha ³⁸Nuhu, "akabiki sokono nuja ka ma biu nayimǝ rizha ru atagoro! ishamma nayimǝ ashiri kini rugbou nayimǝ ashiri!"³⁹Tizhi ti pharisees nayimǝ rugong ridi a hunumǝ undubǝzhǝ, sarkǝ andu dula ow ⁴⁰Yesu matarǝnǝ nuhu, " em nu gara di ninyi, ingazhi andindi hu a wa wti, ashari di ba halmuzhǝ.⁴¹ushaka Yesu ma biu vati nupana, ma kibba bazhi ubana di ⁴²Nuhu "Bazhi unaruzhaka nayimǝ rici rindi, au dong, tukpakpa, au dong, tukpakpa ka tu biu nu na ishamma! kizhi kuzhu tang nu nyisa nazhi aw.⁴³Bisu biu natara aw ka ananyarmǝ aw a pyi iming kata nati kira kizhi a kangaru, ki a lingau usuru na kusum tuswar. ⁴⁴A wasku: uri nabizhizhi, kini andigyenzhǝ au ba a yaha rizhi rhushari na tara rizhi wu bazhika ba uruzha usha ubara ow wu.⁴⁵Yesu ma ruwǝ nu gura u aval, kizhi ma kponu nǝrǝ andoka anǝ nuzhizha iming, ⁴⁶mahunǝnǝ, eng nu darsa, arai am a sokono arai a aval. kizhi nu ma sokono na ang ubari u igana.⁴⁷Yesu nu banzhǝ kusum rici nayimǝ ugura gbou waval. pozho gbou kini andu darsa abila adi wunumǝ, nandidi kini ija i andubǝ, ⁴⁸kizhi arang uwadi wu, bazhika kubum andubǝ nu kundizha umǝ

¹Rizhi Yesu nu bǝnzǝ andubǝ ubunu ulense nǝ yimǝ Araiauweng, tu priest tu gbow kini andu darsa iyoro a: andiganu bi rǝnǝ ǝnǝ muru mǝ ²Abi garu nu kinǝ mǝ, ǝhu numǝ, gara nandu avi ki mǝ yau achunna ka ou nu ba ubunu di, kinizhi u mura tu dǝrǝ bu dima sana tidima tindi nǝ vi yon?³mǝ bi wǝmǝ nǝnǝ mǝ hu, em in gana uzhi u nizha nanyi don garin na num ⁴uchiri na mini u John usuru na shiri duwǝ da kǝzhi wǝn dubǝ yon?⁵Abi lorom nǝ kpǝ gǝnǝ, ǝhu "Hu tu wǝmǝ numǝ nuhu wǝ shiri hu, mǝ hu nandu, bazhi mashe kizhi nabi gyami u kaba di? ⁶Hu tu tu wǝn dubǝ hu, kusum ǝndu di bǝndi angu gursan du, bazhi ka ǝnǝ ǝmǝ wǝmǝ nu hu John utuma u Uweng hu⁷Kizhi a:pa wǝmǝ ǝnǝ a ruzha ira ukǝ suru ni wu. ⁸Yesu bi wǝmǝ mǝ hu nǝnǝ, em don in gara ninyi ira ka in mura bu dǝrǝ boin ni wu⁹mǝbi ba: tuwǝnzhu nan dubǝ mǝ hu nǝnǝ uzhondo ni ka mǝbi gita uke u chichi ma yimba on nandi tumǝ, ǝmǝ mǝ pirimǝ nu zhi upana shishati maka dokono. ¹⁰Na maru si: char, mabe tuma ti lǝrǝ tumǝ nandi luma i ube di, nu tu aka baku mǝ tukpakpa tu lam di, andi tuma nu ubǝ di be kpasǝ nǝ ǝ nǝrǝ nǝ a shira na tǝrǝ tu gow¹¹mǝbi ku tuma uzhi ulǝrǝ umǝ di, andi tuma nu be di, bi: ku gbasu mǝ ǝ nǝru mǝ ma shira na tǝrǝ tu gow. ¹²mabi chacha utuma u taru, andi tuma nu ba di, bi gǝnzhu ti ra ǝ nǝru mǝ.¹³Ushǝwǝ ube be hu, luni ka in wa nǝzhi, in tuma saka vana om in gana a kunda mameng mumǝ ¹⁴Andi tuma nu ba hu ǝ yirumǝ ubiu, z chata a runduzhu nǝ nǝ nǝkpǝ ǝhu, vana umǝ ninyang ubiu umǝ ǝmǝ dǝ nǝzhi undu chiru songo umǝ, tu wunu mǝ ube di di dokono ugoro¹⁵Abi wunumǝ ǝ viki mǝ na mam ubv di, ǝnyi na yira imi kizhi undu be di ma wa nandu ituma i ube di? ¹⁶mǝ hu mǝ rǝnǝ ma shara andu ituma di kusum, kizhi mǝ yunba ube di nandi gisau.¹⁷Yesu be: barǝnǝ, mǝ nǝnǝ, imi kizhi a gusa a: Rishari ka andu pi chorom a: gyawi, rindǝ kizhi ruma sokono rishari ra: kpira gura. ¹⁸Byolla undo ka mǝri na rishari ridi mǝ lente rumǝ, kizhi kusum undo ka rishi ridi hu ru kpo numǝ, ru tashalumǝ¹⁹Tu priest tu gbow tidi kini andu darsa a: andiganu di bi bila ka adi moku mǝ, kizhi iyǝwǝ wǝ nǝ nan dubǝ ²⁰Abi a zondo hana a dulumǝ u ruka dang ǝnǝ na tanu ti gilau, adi muru mǝ nu taka kizhi adi moku mǝ aka shumǝ nan di rija²¹Abi bila ruzha nǝmǝ, ǝhu numǝ, tu ruzha au undu ba: akuraduru, ingye u ba: akuraduru labu u gyamu zhondo kusum limin ka u ba: gbaki akumchum hu. ²²Iwa nyel ka tu tara ugǝndu na ceasar duwǝ?²³Yesu bikam ryomo ri gǝnǝ, mǝhu nǝnǝ. ²⁴Bǝnin nanum bu kurbi inda yira, uluru wǝ vi ni? ǝhu uluru u "Ceaser hu"²⁵mǝ hu nǝnǝ "yunban na ceaser imin ka ein i Ceaser na ku yunba na Uweng imin ka ein i Uweng. ²⁶Abi bila a da muru mǝ nu taka nǝ yimǝ ubunu umǝ na duba andubǝ a na ha, imin di wǝ nǝ a wa wyeti nu moko tunu²⁷lǝlu ka Tusadduces be rǝmǝ nǝmǝ nǝ mǝ, ǝ nǝ ondo ǝ hu bǝ sǝzhi lu vunkǝzhǝ nu na maru wi wu ²⁸abi gana u ruzha nǝmǝ, ǝ hu numǝ, moses be darsa nuhu Undubǝ hu mǝwi labu vana, Uwyene rǝn ka ma rinzhi ugwǝmǝ madi minu mǝ vana²⁹Bizhi a zhondo sundǝrǝ na rihene rigǝnǝ, ugono bi chiru ugwa, mǝ wi labu vana. ³⁰U repu nandi don ³¹utaru di chiru don, nandi ka kusum gǝnǝ sindǝrǝ chigu mǝ ku gǝnǝ wizhi labu vana ³²na maru di ugwa wi don ³³lǝlu ru tornozho na maru wi, masa sokono ugwa vi, ingǝ kusum gǝnǝ sundǝrǝ di bi mǝ yitu nuhu ugwǝmǝ³⁴Yesu bi hu nǝnǝ nedi, andubǝ wuzha anya, aku yumba na anya. ³⁵Byolla ando ka a muru mangala ka asa muru torno na maru wi, sǝzhi u chira na nya ki pirmǝ na na ni wu ³⁶sǝzhi kuzhu uwi ni wu, ǝnǝ ama sokono a wǝndǝ di kini anatumǝ a Uweng hu an da ka ǝmǝ tornozho.³⁷Kuzu ando ka ǝmǝ wizhi a: tornozho, Moses bi bǝnǝ nandi ka mǝhu Uweng u Abraham, Uweng u Isaac kini Uweng u Jacob. ³⁸Nedi ǝmǝ hu uweng wandu wi wu, ǝmǝ Uweng wǝndu tuvunkǝzhǝ hu, bazhi ka kusum tuvu kǝzhǝ tumǝ hu³⁹Vzhi andu darsa dǝn bi hu "undu bǝnzhǝ goro u bunu nyel." ⁴⁰Abi ku worko a bila urunzha nǝmǝ wu.⁴¹Yesu bi hu nǝnǝ, na rika Christ di aviyong? vana u ⁴²David duwǝ? David rukpǝ ru mǝ bi ba: na simezhe sumǝ mǝ hu. Usharai mǝ hu nu Usharai om Tǝshi nu wǝrǝ kankam om: ⁴³inda gabra ana nyaru au na yimǝ tutuna tou nani ⁴⁴Bǝndi David my yisi usharai, a: usharai umǝ wa mashe kizhi ǝmǝ madi sokono vana u David di?⁴⁵mǝ pa bunu na andu bu makazha bumǝ, kusum andubǝ nu kunduzha di ⁴⁶wuzhan sauwa na undu darsizha di, ǝnǝ a wǝmǝ tanu na ti sarmani ti gyitu, a ku wǝmǝ a da nyinzhǝnǝ tu kwa nyel nǝ byolla ira ka ǝnǝ ni, mal rai rigǝnǝ na tira ti tǝshi ti gilau na tira ti shokori kini na Arai au Uweng. ⁴⁷ǝnǝ ǝ vinizhi tukpakpa ta gor, ingyǝnǝ nu wǝmǝ aval gyebu nǝ yimǝ andubǝ. Sana andindi di kizhi a godo gyamyǝ nǝ.

¹Yesu bi rika imin ka tu rum nu ginsi di na aru a tibinka ²maku yira uzhi ushi, rǝmǝ mǝnǝ gipi ku zhimin ni ³kizhi mǝ hu nǝnǝ, en nu tinyi akura duru, ushi di mǝ hu nǝnǝ, en nu binyi akura duru, ushi di mǝ gipi imin ka i kizhi i kovi kusum ⁴kusum bǝndi turum tu gisǝrǝ nǝ yimǝ i char ka ǝnǝ nani hu, ushi di na yimǝ tiyom ti mǝ ma yunba gun imin ka ǝnǝ nani hu.⁵A zhondo bi bunu na tara Arai au uweng ka a: yumbura an na shari gilau kini lukpakpa tu sara char, kinji ti nyinzha, mǝ gami mǝ hu ⁶chorom ta arai di ka ǝnyi nu rika tǝn, rizhi nishani ni ka rusǝ ku tura na tara rizhi wu.⁷ǝnǝ abi bilu ruzha nǝmǝ, ǝhǝ. "undu bǝnzhǝ goro" gara nandu Uweng ka tukpakpa tidi tisa wa, kini imin ka bǝnǝndu nu hu lǝlu ridi rumǝ biu ⁸wunzhan sauwa agana warsizhini, andubǝ char ka ǝsa bihuzhu nu gusa ǝnǝ dǝ nǝzhi em, ǝhu ninyi lǝlu mǝ niu, na gana dula mura gǝnǝ wu ⁹na kundizha nu hu ar tazha ukwara, na kundizha izhong, kusum dǝndi na gana hu udaku mǝ biu yani wu¹⁰mǝku lu nǝnǝ, na kundizha igizhi nu nyanzha na pum, sija nu zhansizha rigǝnǝ nǝ pum. ¹¹Bugizhi bu zutuzhu sǝzhi ikomo ni na ti ra char, a: rika tukpakpa mamni. Tukpakpa ti yǝwǝ gǝngǝn tu bǝnǝ rumǝ usuru nǝ shiri¹²ǝsǝ tibi tarinyi tǝrǝ, ǝ yinyi ugbǝnǝ, ǝ yitu nyi na da: tuba kini nija adi, kini andu gbau bazhi em ¹³I sokono ninyi lǝlu hu ka nadi bǝnzhǝ imin ka ima hana.¹⁴Bazhi nandi na gana hu nadi bila lirin ka na bai nan da tuba wu, ¹⁵in nyizinyi uruzhioh kini amoro bunu, ka undu gyami ǝ ran kizhi gini wu.¹⁶Andu mina gini, ha hene gini, kini ǝrǝnǝ gini ǝ yituzhu nyi, azhondo gini ǝ wunzhǝ nǝ. ¹⁷Kusum andubǝ a gyawi nyi baka rizhǝ rom. ¹⁸Kusum dǝndi, izhimin igama ru sukpǝ rigini wu. ¹⁹Na yimǝ ushinga gini, andu a: mum mangala.²⁰Hu na yira andu tiyu kwara mǝ lǝnkǝrǝ Jerusalem, ruzhan nu hu lǝlu ru shaina di mǝ biu vati. ²¹lǝlu rindǝn ando ka ǝnǝ na Judea a nyana uwoho nu som, ando ka ǝnǝ na yimu pana, yahu pana, kizhi ando ka ǝnǝ shibi gana ku tiu wu ²²lǝlu ridi lǝlu ru mai tukpakpa hu, kusum imin ka anama darsa, Umonzho tǝn mǝ biu.²³Aya: musong kini anamba digyǝnzhǝ sa sokono iming izhai, bazhi ka tuweng tindǝn ugbǝnǝ ni kini manang gǝngǝn na tara undubǝ. ²⁴Andubǝ zhar ka wunǝ nǝ na ti vira ǝ chansǝ nǝ na rilǝrǝ na tu pana char ǝ yǝnsǝ a pusa Jerusalem zal, aworni a kunda ulense na suroho si gǝnǝ²⁵A rika tukpakpa ususa nuweng kini nupe a: iwerr kini na mǝsanu, igizhi i sokono nǝ yimǝ iyǝwǝ kini igbegber i su roho bazhi rugurnun bu pende kini si wye su mini. ²⁶An dubǝ char sa ve:te bazhi i tukpakpa kartu hana na mǝsanu bazhi ka budǝrǝ tǝ shiri tu sa gartha rumǝ²⁷A sa kizhi a yira vana undubǝ u tiu umǝ nǝ yimǝ tiwen na tu dǝrǝ kini ugbai uzhanzhana. ²⁸lǝlu ka tukpakpa tindi nu hana, nyanzha ukpǝ nu bara ashiri, bazhi ka ukaba gini mǝ biu vati²⁹Yesu bi garǝnǝ tu wǝnzhu mǝ hu nǝnǝ, "barin uchunu poro kini tu va tidi. ³⁰lǝlu ka tuma vete, na ruzha nuhu rishi ru dungǝ vati. ³¹Nandi nahu na ma yira tukpakpa tidi na tanu ruzhan nu hu rija ru Uweng rumǝ tiu vati.³²mǝsanu di u sura wu bazhi ka kusum tukpakpa tidi ka ama ba tu mo. ³³ǝshiri kini bigizhi a sura, Ubunu om usura wu³⁴karin tuto nǝ kpǝ gini nyel suroho si sini gana tǝshi dǝlǝndǝlen na tukpakpa chardang uswa ukiru kini uwi nu kinu, ka na di sokoni nǝ yimǝ ushara tunu rai, richi ridǝn gana sǝ muri nyi sar hati dang u kpo na tugung. ³⁵Bazhi ka Uweng dǝn sǝ rǝmǝ na kovi ka ǝmǝ na mǝsamu mudi.³⁶Wuzhizhan aval mal ka di sǝzhi an na bu dǝrǝ nyel ka u rǝn mangola na tukpakpa tidi ka undungǝ tǝn, kini ka udi tura na tuba vana undubǝ.³⁷Nuweng ki mǝbi mizhi mǝ bǝnzhizhǝ na rai au Uweng, a: ri hu ama ga, mǝ pirmǝ mǝ kǝ tǝshi nira ka a gusa en oliret. ³⁸Pinma ǝndubǝ rahumǝ ana kuru tuto ni min ka ǝmǝ nu bǝnǝ na rai au U

¹kusum gǝnǝ a torno aka sha yesu natuba bilatus . ²a kpo nu ryaumǝ nariki nuhu tu murai undoka nu dumbu andupana goro, nu gǝha gǝnǝ nuyimba ugandu na kaisar kizi amǝ rukpǝru nezi kristi uja .³bilatus bǝbila uruzu nǝmǝ , nuhu, audi uja a yahydawa? yesu matarumǝ nuhu audi ki ugara nandi . ⁴bilatus mahuna ija hbou kini rugozomg ru andubǝ di em ing mura utaka na undodi wu ⁵.kizi anǝ nu nysarugǝnǝ nuhu ma burku andubǝ , amǝ nu bǝnzizǝ nayimǝ kusum upana u yahudiya usadadi na galilee ubiu na bǝndidi .⁶bilatus mahu makunda indi mabila uryza da udodi suru na galilee . ⁷mahu maruzu nuhu amǝ rubara budǝrǝ bu hirudus ma chichi yesu na hirudus ka amǝ rukpǝ dong pazi amǝ na urushalima na sisundong .⁸ushwa ka hirudus pa yira yesu ruroho rumǝ ru ruma bazika muma niya rugananaka madi yirumǝ , muma nyia nu kundiza tubunu natara , amǝ nu warai nu yira iming ibobo ka mawa . ⁹hirudus ma bila uruza na yesu nǝ tubunu char , kizi yesu magarumǝ izhimin wu. ¹⁰gbou di kini andudarsa di atura na gata nu rya umǝnǝ .¹¹hirudus kini anǝkwara amǝ a tingza yesu aku mashu mǝ kizi a ryonggumǝ na tisǝrmǝni tusara ki aku kursumǝ na bilatus . ¹²bazi ka hirusus kini bilatus ma sokono ayering nakpǝ gǝnǝ .¹³kizi bilatus ma yisi pozo andubǝ di, ¹⁴kizi mahunǝnǝ nana sham undodi, da undoka amǝ nu dumbu anadubǝ nayira em ma bila uruza nǝmǝ natuba gini, ba in mura uzi utakanatara imin ka na ryimǝ narikiri wu¹⁵Ohoh, nandi kini Hirudus kizi maku biu nǝmǝ nandu, yiran, ba izimin ni ka ti nura nǝnǝ ka ika biu nu wuna wu. ¹⁶Nedi ingu wuzumǝ ruvuna indi jikumǝ. ¹⁷Nedi, mixi Bilsyud jikizi unagana wondǝ na Yahudawa nusha u ishokori.¹⁸Apa kenǝ na rumoro ru gbou kusum gǝnǝ, nuhu'pirini nudodi nadi jikendu Barabbas'. ¹⁹Pazi Barabbas undoka ama kisumǝ ni yan natara uzansa siroho nupana kini uwanza andubǝ.²⁰Bilatus maku bunu nǝnǝ gbaki, nuganaka madi jiki ²¹Yesu kizi a nanza yanza simoro nuhu, 'ganarin amǝ gakarin amǝ. ²²Maku garanǝnǝ ugara u taru taru, 'Baka mashe, yandi imin shishoro kizi undodi mawa? em in murumǝ nutaka ka ikǝ biu nu wuna umǝ. Baka nandi ahu awuzumǝ ruvuna, em in jikumǝ.²³Kizi anǝ shues ns rumoro rugbou, nugana nuhu agarurumǝ. Sumoro sugǝnǝ suwa Bilatus wǝnǝ. ²⁴Bilatus mawǝmǝ ma wǝnǝ iminka agana. ²⁵Ma jiki undoka a wumǝ ni yan bazi uzansa suroho kini uwunza andubǝ. Kizi ma yutǝnǝ Yesu nugana gǝnǝ.²⁶Apahu awumǝ na tuba na tanu, ana moko azhi siman u kairawani, ka masuru na bukoro, kizi awumǝ uchici u gakardi nuhu nani makpǝ madi dula Yesu.²⁷ Rugozon ru andubǝ char lomo tugaka a kibba na rairugubǝ bazi amǝahana a dulumǝ. Mapahu ma yuhuru²⁸ mabarǝ nǝ, mahunǝnǝ, mansha mu Urushalima, nagana kiba nu wu, kiban bazi akpǝ gini kini andigyanzǝ gini.²⁹Barin lǝlu rusa biu, ka asahu, tusangum kini muson-muju-mina, kini mǝnǝ-mujur-guyavana nezi andu akabiki. ³⁰Na lǝlu rindan, ahuna uwoho ukpo nǝnǝ nǝkpǝ kizi ubur kupǝnǝ. ³¹Ahu awa-indi nusha ka tichi ti da tiginau tidi, iwa mashe nusha ka tumawa³²Aku chira azhi anagana a repo a wanǝ nachunna kinǝmǝ adikǝ wunǝnǝ.³³Apahu aka biu nira ka ayisizi en 'ukǝnkǝn rukpo' nabandan kizi a gakarǝnǝ kini anaganadi, uwondǝdi nu wǝrǝ kankam uwondǝ nuwǝrǝ gushi. ³⁴Yesu mahu Ata, takǝnǝ maruku mugǝnǝ bazi ka ba akam iminka anǝna rn wu'. A harsa tusarmani tumo kizi awuza uvira natara di,³⁵Andubǝ atura nu rikadi kizi ija di nu meshe umǝ, nuhu 'ma kaba azondo, nedi ha madi kaba rukpǝ rumǝ in baka amǝdǝ Ktidyi u Uwen, ka a viramǝ.³⁶Anǝkwara di aku meshu mǝ nu-warsǝ vati kinǝmǝ, a yutu mǝ mini mu wangayan, ³⁷kizi ahu, inbaka audi nezi Uja u Yahuda, kaba rukpǝrou'. ³⁸'Uzhi udarsani natara amǝ ihu undo di nazi Uja u Yahudawa'.³⁹Uwondǝ nayimǝ anagana ka a gakarǝ ki nǝ mǝ,ma garumǝ ubunu gubǝ, nuhu, ba audi Kristi wu? kaba rukpǝ rou kinaru bǝ'. ⁴⁰Kizi undo repodi sartum, nuhu au kunda iyewǝ i Uwen ne, bazika tuzuni ruvima ru wondǝ ru wuna?. ⁴¹Ar nabǝdi bazi imin ka imoko nandu, bazika ar nu kaba ruvuna ru imin ka tuwa en. Konzen undodi ba amǝ nuzhi utaka wu'.⁴²Kizi mahu, Yesu ruzanemi nayimǝ bugizi bu reja rou' ⁴³Yesu mahunumǝ, kuradul ka em nu gardinu ricididi au-kinemi nayimǝ Parasise.⁴⁴Nedi usha ma pirmo na lǝlu ru twasi, kizi marim nu shupu natara bugizi kushum pirmo na lǝlu ru torbo ⁴⁵ka uwann na-bassa, kizi ukankan u gura tsantsan uhara rumǝ nǝ repo.⁴⁶Yesu ma kiba na rumoro rugbou mǝhu 'Ata em nu yutu burim bom nǝ tǝrǝtou' mahu mǝ gara indi, mǝ wi ⁴⁷Usha ka uzhari di pa yira iminka ihana, ma yimba rugbou nu Uwen, nuhu, 'kurmindi, udordi amǝ udu-tanu tugilau'.⁴⁸Usha ka kusum andubǝ char ka abiu nira wondǝ adi rika indi a yera tukpakpa ka awa tan, atarani nu rǝtǝ bugyese ⁴⁹kizi kusum andoka arugumǝ, kini tuga ka adulumǝ usuru na Galilee, atura pyu nu rika tukpokpa tindi.⁵⁰Kuzu uzhi undodini ka rizha rumǝ Yusufu amǝ nu kongor uruganu. Amǝ undu nel kini tanu tugilau. ⁵¹Undodi na wǝmǝ na burudugu kini imin-wa gǝnǝ wu. Ma suru na Arimathea hu, upana u Yahudawa kizi amǝ nu bila bugizi bu reja ru Uwen.⁵²Undodi, maka nura Bilatus, mǝwuza aval amǝ nuhu ayimǝ rupum ru Yesu. ⁵³Ma shinshi on na bigizi, ma kupu na burtu bu sara kizi makǝ tara en ni sahu ka a pyi nayimǝ rishiri, nira ka anama tara zondo ni wu.⁵⁴Pazi rici ru yimburuza, kizi richi ru kaba ikrubi bi biu ⁵⁵.tuga tinangana ka abi rǝnǝ kini yesu usuru na galilee , bi dula aka yira isahu ka a wumǝ ni .⁵⁶ apa kurǝnǝ ana gursa tukpakpa ti rinya kini maru , izhi bi hu isana richi ru vingkǝ ka titarkanini tu hu nǝnǝ

¹Pimpim na richi ru dinka ru si sundǝrǝ, abiu ni sahu di, na manu ka a yimbura.²A mura ama: chǝpǝ rishari ru isahu di.³A ruwǝ ni kizi ahana rupum ru ata Yesu.⁴Ipa ku sokono nǝnǝ dahalak natara imindi, nushadi, andu repo pa tura nu kira gǝnǝ, nati sarmǝni tu nyalnyal.⁵Tuga tidi tu kunda iyewǝ kizi ajimbi ǝzhi gǝnǝ na bigizi, ahuna tuga tidi, " Baka mashai ka anyi nu bila andu tuvungkǝzǝ nayimǝ mu keze?⁶Ba amǝ bandi wu muma turno; Nakuruza iyakaka mǝ gara ninyi ushara amǝ na Galili, ⁷nuhu isokono doli ka a yutu vana undubǝ na tarǝ tu andu makuna andi gakurumǝ, kizi richi ru taru maku torno".⁸Tuga tidi tinaku-ruza ubunu umǝ di. ⁹Kizi atarani usuru ni sahu di, ana gara na rukurǝ na buwǝndǝ kini kusum adangara kap tukpa-kpa tingdi. ¹⁰Nedi Maryamu Magadaliya, yuwanna, Maryamu amba Yakub, kini udangara tuga ka anǝ ki nǝnǝ kizi a gara tukpa-kpa tingdi na atuma a Yesu.¹¹Tubunu tidi tu sokono da ba tang na rukpǝ wu, na atuma a Yesu, ba anǝ wvmǝ ni iming gara i tugatidi wu. ¹²Nanandidi kizi Bitrus matorno na tusom pirmǝ ni sahu di, ma tura, ma bara ayimǝ di, mayira burtu bidi nu kira di. Bitrus pa shira pirmǝ narai amǝ nu dolum ni mingka ihana.¹³Kuzu, andi repo gǝnǝ na tanu pirmǝ na buzhi bukoro ka rizǝ ridi: imwasu, ipiwo imǝ ti mile twasi usuru na urushalima, ¹⁴anǝ nu ranu nǝ kpǝ gǝnǝ, natara kusum tukpa-kpa ka ti-hana.¹⁵Isokono, anǝ natara uranu di kini ubila uruza na kpǝ gǝnǝ, Yesu rukpǝ rumǝ ma suru, ma hana kinǝnǝ. ¹⁶Kizi a gǝhǝ nǝ uruza umǝ.¹⁷Yesu mahunǝnǝ "imi kizi anyi na repo nu ranu nataradi na tanu yon?" A tura bangdang nu shara azhi. ¹⁸Undu wǝndǝ gǝnǝ ka ayisimǝ Kilyobas, mahunu mǝ, audi bǝlou na urushalima ka ba uruza iming ka i hana na bangdang nasisidi wu?"¹⁹Yesu mahunu mǝ yandi iming? A'tarumǝ, "iming natara Yesu u-nazarat, ka ǝmǝ utumǝ uweng, undu budǝrv bu wu-iming kini ubunu atuba au uweng kini kusum andubǝ. ²⁰Kini iyakaka Pozo gbou a ija na yutu mǝ nu tuzu ruvuna pirmǝ nu wuna kini ugakara umǝ.²¹Pazi ar nu tarrai nuhu amǝdǝ ki ma na kaba andu Israila. Nandidi, kizi imin ku dani, nedi sisu taru nedi ka kusum iming ingdi ihana.²²Kizi kuzu tizhi tuga nayimǝ andubǝ gorro a warsizandu, ahu aka: suru ni sahudi pimpim. ²³Ana hu a naha rupum rumǝ, abiu nuhu, a yira turoho tu atumǝ au uweng nǝshiri, ka tuhu amǝ na tuvungkǝ.²⁴Azondo ka anǝ kinaru, ahnǝnǝ ni sahu di akǝ mura eng ni yakaka tugatidi tugara. Kizi ba a yirumǝ wu."²⁵Yesu mahunǝnǝ, kokuma anyi andurilakar kini ishauwa isuroho nu wǝmǝ kusum iming ka atuma au uweng pa garawu! I ²⁶pa sokono nu gana ka kristi di kunda kpai na indidi kizi mǝ ruwǝ na rugbou rumǝ wu? ²⁷Usadadi na Musa pirmǝ na kusum atuma au uweng, Yesu makini bangzǝ nǝ tukpa-kpa natara amǝ nayimǝ kusum tuva tu uweng.²⁸A pa hu abiu vati na bukoro ka pirmǝ gǝnǝ. Yesu mawada usura umǝ natuba. ²⁹Kizi a tura numǝ nuhu "tashi kinaru ingye iyeru ma biu vati, uyira ma biu vati usura" Yesu ma hanumǝ nayimǝdi mǝdi tashi kinǝnǝ.³⁰Isokono ushaka ma pa tǝshi kinǝnǝ adi matǝrǝ ni, kizi m pusa ki ma yǝnǝ, ³¹kizi azhi gǝnǝ korno rumǝ, aku kizi ma wurumǝ ntubgǝnǝ. ³²A gara na pum gǝnǝ, "ba siroho su tuma nǝyimǝ goro wu, nushaka ma bunu nandu na chunna, nushaka ma kornuzandu uva ubunu uweng wu?"³³Atorno nusha undangdi akurǝnǝ na urushalima. Aka mura rukur na bu wǝndǝ nupiturumǝ nira wǝndǝ kini andoka anǝ kinǝnǝ . ³⁴nuhu nan atagoro ma torno akurmid kizi ma suru putu na siman. ³⁵a na gara imin nangka ihana na chuna kini iyakaka ana ruza yesu akpǝ gǝnǝ nu pusa rufurhum³⁶anǝ natara ubunu undangdi yesu rukpǝ mana tura natarshi gǝnǝ ki mahunǝnǝ ishama sokono kinenyi. ³⁷kizi akunda iyewǝ char kini uzhishi anǝ nugusa da burim kizi ayira.³⁸Yesu mahunǝnǝ, " Bazi mashe ka na zansa surohosigini? mashe ka ubila uruza char na surohosi gini? ³⁹baring tǝrǝ tom, kini tubuna tom nadi ruzaka embi rukpǝ rom. Gaking nanum nadi yira. Burim ba bang na rupum kini sugu wu ka nayira em nani. ⁴⁰Mahu mǝhu nandi ma banǝnǝ tǝrǝtumǝ kini tubuna tumǝ.⁴¹Kusum nandidi ba awǝmǝ wu bazi rairugupǝng kini ibobo. Yesu mahunǝnǝ, " Anyi ni: iming i ria? ⁴²Ayimǝ bugini bu chuku, ⁴³makaba ma ria na tuba gǝnǝ.⁴⁴Mahunǝnǝ, " ushaka em kinǝnyi, nǝdi kusum iming ka apa darsa na titarkaning tu Musa kini atumǝ kini Zabura a manzuzorumǝ⁴⁵Kizi ma korno tunurai tugǝnǝ, adi mura uruza u ubunu-uva. ⁴⁶Mahunǝnǝ, nanandi, ama darsa, nuhu kristi ma kunda kpai, kini utorno gbaki usuru nu wi richi ru taru. ⁴⁷Ususuzu andubǝ na mǝrim kini ukuzu makuna nǝzi iming gara nayimǝ rezǝ rumv na kusum tupana usadadi na Urushalima.⁴⁸Anyi na rikiza tukpa-kpa tindi nǝ azhi gini. ⁴⁹Yirang em nu tuma ninyi na ugarunu u dada om. Kuzu, tashing nupanadi pirmǝ nusha ka eng yinyi budǝrǝ usuru na shiri.⁵⁰Yesu ma sura atuba usuru pirmǝ vati na Baitanya. Ma zansa tǝrǝ, mayǝnǝ akabiki. ⁵¹Isokono nuhu, usha ka amǝ nu yenǝ akabiki, ma yǝhanǝ kizi a chirrumǝ pirmǝ nayimǝ ashiri.⁵²Apa zanzanumǝ kizi akurǝnǝ na urushalima na rairugupang charr.⁵³Kusum usha, a tashi nu gura waval nu yimba akabiki nu uweng.

¹Iminkə imbi darsa natara tukpəkpə tusura, Theophilus bi ba tukpəkpə tuti dima tu Yesu kini ubanzə. ²əbi rika richi kə əbi zansu mə pirmə nə shiri, nəməru kəmə bi mə yimba bu dursa bu tarsa nə irim tsanytsany pirmə na du makəza umə kə mənə vira. ³Na məru ukunda kpai, məbi bənərukpə rumə nə tuvunkuza nənə nə tukpəkpə char tubənənuh huh əmvdə, əbi banza rukpə rumə nənə nəyimə tsyi akur nanzi məku bunu nənə natara bigizi bu rijh ru Uweng⁴Ləlu kə əmə na burundu kinənə, məbi yənə ruvuna nuh huh əkan suru əyaha Jerusalem wu, ətura ərika ugəru nu udada. nyimin kəmə gara, nakunda usuru nemi. ⁵Bizi John bi chirtsi mini, nanedi əchirtsi nyi natsitsi di nayimə irim itsang tsang.⁶Ləlu kə əbi gurna kusum kizi əbila uruza nəmə, "usharai, nələku rindi kizi ukursu bugizi bu Israel duwə? ⁷Məbi huh nənə, uruza tusha kini səlu kə əmə Dada mətəra nəbudərə bumə bə ugini wu. ⁸Birim butsangtsang bu yinyi budərə nəku təshi andu ba ubunu om kusum na pirmə na tudəku tu nəsənu mudi⁹Ləlu kə usharai Yesu nubə tukpəkpə tidi, bizi ənə nurika əshiri, əbi nyanzu mə,kizi tuwer tu nyisum nəzi gənə. ¹⁰Ləlu kə ənə bimə nura əzi nəshiri kə əmə nu nyanza, səsa, andu repu nə tukpəkpə turupun tugupəng pəputu nənə. ¹¹əhuh nənə "ənyi andubə əgalile bəki imi kizi numə turə nəbandi nu rikə əshiri? Yesu di kə əmə chirmə ninyi pirmə nəshiri, məsə tərani nə churna wəndə di kə nəyirimə u'nyana pirmə nəshiri.¹²Kizi ətərani nə Jerusalem usuru nu uwoho kə əgusa on Olivet, nukira Jrusalem, tənu turichi ruwandə. ¹³əbi huh əkədunyə, kizi ənyana nutudərə washiri əraidi nira kabizi ənə nə titashini. Bizi ənədə nəi Peter, John, James, Andrew, Philip, Thomas, Bartholomew, James vana u Alphaeus, Simon the Zealot, kini Judas vana u James. ¹⁴Gungənə bimə yutu rupkə niming wandə di ədi ba mətərə, kusum kini tugwa ə Mary amba Yesu, kuzi kini ha hene mana mu garmə¹⁵Nə yimə tsitsi dandi Peter bi torno mətura nə tarshi rihene undugarmə, bizi suza vati na rinyi na akur repu kizi mahuh, ¹⁶Rihene andugarmə, iwa nyel ubunu Uweng monzo rumə,kə birim butsangtsang bi gara nunu u David natara Judas, kə mabi dwa na andu moko Yesu.¹⁷Bizi əmə kinaru natənu tushiza rutumə ridi. ¹⁸Undo di bi pkə ulam na ikurbi kəmə kabana itumə yanyatsi imə, nəbandan kizi məbi rigurupu nə rukpə nu dinkadi, rupum rumə ribi tozo rukorno rumə kizi tinyinya tukunku rumə. ¹⁹Kusum andu tutəshi na Jerusalem bikunda imindi, kizi əyitsi ulam di na ipəna gənə "Akel dama" əhuh ulam umanyi²⁰əbi darsa nuva Uweng Upsalms, yaha ulam di wə kizi bə əyaha zondotəshi niwu. Yaha zondo chira udətar umə.²¹Itəshi nyel əmura zondo kəmumə dulsuzandu na kusum tushuwə kə Yesu runza kini ususu nəyimə goro. ²²Nu gyere urinzi nəmini mu John pirmə nə richi kpandu pirmə nəshiri,undo kəmə rika kinaru utorno uwi umə. ²³əbiyutu andugarmə ərepu Joseph kə ayisuzumə Barsabas, kə əku gusumə Justus, kini Mathias.²⁴əbi bə mətərə muhuh, au Uweng uruza suroho sa andubə, bənandu avi nayimə andu repu dikizi tu vira. ²⁵Mədi chira ira nu shishiza sutuma di kini itumə ibnzə kə Judas məyuhuru pirmə ni ra irukpə rumə. ²⁶əbi wuzə nə isila,isila di be kpo nətərə Mathias, əbi kizi əgurumə nədu makəza rukurə nu undu wandə dan di.