1Eyi myanzi miyandike omulira, yabaga amango ga mwami Aswero ali arhambwire ebihugo byali kurhenga e Buhindi kuhika e Etiopiya byali bihugo bihumbi igana na makumi abirhi na nda. 2Ago mango mwami Aswero alitamire oku ndtebe ya kanyabwami eyomunda e Susi.3Mwaka gwa kasharhu gwa burhanzi bwage, alis'idinye lya abakulu bab'abasoda bage boshi na abarhonyi bage, na abarhambo, na abakulu byebihugo baja haguma boshi babuganana. 4Abalangula obugale alikola agwerhe kurhenga amango ayimaga obwami, ayerekana n'okubwami bumukwanine, eryo idinye ryanshinzire nsiku zirhali nyi hofi myezi ndarhu.5Erhi akokasangi kahika, mwami abajirira idinye lya bantu boshi bali olunda lw' Eshunani engomeni, abakulu okubarho; bahisa insiku nda omuchiraro ch'enkafu za mwami. 6E ngo baliraga mwo iryo idinye baliba yiyubakire echogo c'emyenda myeru, egezire mwo n'ebyolubala, n'ebidukula; eyo myenda bayirhunzire oku mu gwechitani mulukire haguma n'ogundi gushusha akaduku eyo migozi bali jire bayishesheza omu mpango ntule n'ebyuma by'enfaranga, bagali izingirika oku mutungo muyubaka n'amabuye g'ngulo ndarhi meru, n'agashush'ennoro n'amîru.7Bamulalusagy'endalu omukanagarhi k'ibumba ly'ennoro n'ebyo bicuma byali bya ngasi lubero n'omurhobo nago gwali ngasi lubero nka gwahabwami. 8Okunywa kw'okwali nkakulya babwizirwe, buzira bichihanzo erhi okwo kubigwasirwe. bulya ntyo kwo mwami ali babwizire abakozi bomunyumpa; ngasi muntu ajire okw'anasimire.9Kandi omu omugoli Vashti abajirira idinye. balya bakazi b'omunyumpa yage y'akanya bwami ka ka Aswero. 10Olusiku lwa kalinda mwami ashagaluka omumurhima gwage enyanya y'idinye amujiriraga Mehumani, Bitha, Harbona bighaeli, Abagtha zeti na Karkasi bimangizi b'enyumpa ya mwami nda, bakakolera mwami Aswero. 11Mpu babwire omugoli Vashti aje omu luhya emalanga ga mwami, ayambale n'ecimane cy'obugoli achiyerekane emalanga g'abarhonyi bulya omugoli Vashti ali w'iranga linja.12Omugoli Vashti alahira bwayisha okuntumwa mwami alirhumire, lero mwami akunira bwenene.13Mwami adosa abahanuzi bage nk'okw'ubworherhe bwanali, bulyamwami akagi huna ihano oku bantu bamanyire amahano g'echihugo n'okubatwi b'emanja. 14Abahanuzi bamuyegerera haguma na Karhena, na Shethari, Admatha, Tarshishi, Meresi, Marsena, na memukani, na balya bakulu nda b'e shamu na Eumedi balya babônaga iranga lya mwami n'okutamala burhangiriza hofi na mwami, abadosa, 15Rhujire omugoli Vashti gurhi? oku marhegeko bulyalira arhajiraga nkakulya mwami Aswero alilonzize okuboko kwa bimangizi kwa b'enyumpa yage.16Lero Memukani ashuza mwami embere abarungu bage, oyu mugoli Vashti arhajiriraga mwami akaganyagusa yene chiru na abarungu boshi nabo abajirire akaganyaguso n'olubaga lwage lwoshi, na abali omubishagala byoshi bya mwami Aswero. 17Bulya ebijiro by'omugoli byama manyikana nabakazi boshi, chiru nabalume bâbo baganyagusibwa emalanga gabo, byakwaderhwa oku mwami Aswero adesire oku omugoli Vashti alerhwe ambere zage ci arhayishaga. 18Chiru n'ene abakazi b'eyo munda eShamu na Umedi balibakayumva eyo myanzi y'ebijiro by'omugoli bababwira (vivi) lero lero Abangugu boshi bangasi mwami rhwayaka akaganyaguso.19Lero nk'oku mwami akabona bishinganire kwandi bibe okumalonza gage g'akanyabwami nabyo biyandikwe omwirhegeko ly'abeshamu n'abe ewamedi birhaciderhwe oku omugoli Vashti akengwe embere lya mwami Aswero na abagoli boshi bw'owindi mwami owindi mukazi mw'inja kulusha oyo. 20Hano bamanya oku mwami waderhaga ako kanwa abakazi boshi b'omuchihugo; omubi n'omwinja bakenga b'iba.21Ako kanwa kasimisa mwami n'abarhonyi, ajira nk'oku Memukani aderhaga. 22Arhuma amruba omu ngasi chihugo oku murhondero nk'oku baderha mwo nank'oku bayandika mwo lyo ngasi mulume aba y'ekola arhegesire omulala gwage n'oluderho lwe mwabo nk'oku daderha mwo nank'oku bayandika mwo lyo ngasi mulume aba y'ekola arhegesire omulala gwage n'oluderho lwe mwabo nnamulume lube lwo lukaderhwa mwo.
1
1Enyumwa lyaho mwami Aswero amuyushulira obukulu Hamani mwene Hamedatha mwagagi anamuyinamula amauhebera echitumbi chyage enyanya lya abakulu boshi bali haguma naye. 2Nabalya bakozi ba mwami boshi bakâgi tamala oku muhango gwa mwami bakayunama abanakafukama erhi Hamani abaire agera, bulya ntyola kwo mwami alibaregesire okw'iyo myanzi yage. Chikoki Mordekayi arhayunamaga erhi kufukama.3Hoshiho bambali ba mwami bakâgi tamala oku muhango gwa mwami, babwaira Mordekayi, gurhi wehee orhaka keknga irehegeko lya mwami? 4Erhi bachiba bamaka mubwira ntyo ngasi lusiku arhanabayumvagya, babwira Hamani, lyo balola erhi Mordekayi arhayobohe, bulya akagi babwira oku yehe aba Muyahudi.5Erhi Hamani abona oku Mordekayi arhayunama arha nafukama, ababurhe bwenene. 6Erhi abona oku arhakaniga Mordekayi yene, bulya anakola amanyire obuko bwa Mordekayi, konoko Hamani alonza okuniga abayahudi boshi balamaga omu bwami bwoshi bwa Aswero, balya abantu ba Mordekayi boshi.7Omwezi gwa burhanzi, gwo mwezi gwa Nisani mwaka gwa kali kumi na kabirhi gwa mwami Aswero , bashurha puri, balagula enyungu emalanga ga Hamani ingasi lusiku, na mwezi oku mwezi, kuhika mwezi gw'ikumi na kabirhi gw'omwezi gwa Adari.8Hamani anabwira mwami Aswero, hali ulubaga luguma lwashandakine lunalamire eyi n'eyi omukarhi k'embaga zilama omu bihugo byoshi byeno mwawe. na behe amarhegeko gabo garhashushini n'amarhegeko g'ebindi bihugo, barhanakenga oku odesire, chochirhumire okubalekerera kurhakuhe bukenge buchi. 9Honaho mwami nka ankabona bwinja ayandike oku banigwe, nani nalyula talanta bihumbi ikumi bya nfaranga okubalya bayimangira ogw'omukolo, bazibikire omu muhako gwa mwami.10Lero mwami ahogola olupete lwage omukoboko kwage aluhereza Hamani mwene Hamedatha, mwagagi mushombanyi w' Abayahudi. 11Buzinda mwami abwira Hamani, ezo nfaranga ohabirwe, n'abantu, kolaga mw'okusimire, n'okubwine kwinja.12Lero abandisi ba mwami bahamagalwa, olusiku lw'ikumi nakasharhu lw'omwezi gwa burhanzi n'amaruba ganayandikwa nkakulya Hamani anabarhegekaga bwoshi, n'abashamuka boshi bali omu ngasi chihugo, n'abakulu omu ngasi lubaga, ngasi chihugo oku mwandiko gwage, na ngasi lubaga oku luderho lwabo, gayandikwa okw'izino lya mwami Aswero, ago maruba gahebwa kw'akashe kw'olupeta lwage. 13Amaruba gahebwa omu maboko g'abaganda kuhika omu chihugo choshi cha mwami. gadesire oku banige abayahudi boshi; oku bayirhe bayirhe emisole kuhika oku bashosi, bayirhe abana barho n'abakazi boshi, lusiku luguma kuderha oku lusiku lw'ikumi nakasharhu lw'omwezi gwa Adari, n'okurhola ebirugu byabo mpira.14Omwago maruba mwali chihugo chiguma chiguma ch'aliyandisirwe ngasi chihugo, galalikwa omuchihugo choshi oku bachikubule oku okw'olusiku lw'onanene. 15Abaganda abanagenda duba duba okw'irhegeko lya mwami, omulaliko gwaka gera duba omu Shushani omw'ismikiro. Mwami bona Hamani batamala bali banywa omurhobo, olugo lwa Shushami lwadundagana.
1Erhi Mordekayi achimanya ebyabire, lero achiberera kwo emishangi yage, ayambala obusunzu, achikweba omuluvu, agenga anahika omukarhi kw'olugo abalanjira okw'izu linene ly'obululu. 2Anayisha anahika oku muhango gwa mwami bulya ntamuntu wankahisire ho anayambirhe obusunzu. 3Ngasi chihugo, halya irhegeko n'omulaliko gwa mwami gwahisire, bachishalisa banaja balaka n'okuyambala emishangi y'emishibona abanji bayambala amasunzu, n'okugweshera omu muvuu.4Lero abanyere abge n'abamabalikazi bomu mwage bamuhikira bamubwira emyanzi, lero omugoli agaya bwenene; ahekera Mordekayi emishangi lyo amuyambikalyo amuhola obusunzu chikoki yehe arhayemeraga. 5Buzinda Esteri ahamagala Hadbaki muguma w'abimangizi bomu nyumpa ya mwami, aliregesirwe okukolera Esteri, amurhuma emwa Mordekayi, lyo amanya ebyo ngahi birhenzire na kulikubiderha gurhi.6Lero olya Habdaki ahulukira embuga agendera Mordekayi amushimana omulugo emelanga gw'omuhango gw'ekanabwami. 7Lero Mordekayi amubwira byoshi byamuhikire, n'omuganjo gw'enfaranga Hamani arheganyize okuly'omuhako gwa mwami, mpu lyo Abayahudi banigwa. 8Kandi amuhereza amaruba n'omulaliko gw'okuniga Abayahudi, gwalalikwagwa Eshunami, mpu lyo agendi langula Esteri, anamubwira, anamurhegeke agende emwa mwami, anamuyinginge anasengerere abantu abage.9Habdaki anagaluka ayisaha abwira Esteri emyanzi yoshi ya Mordekayi. 10Lero Esteri aderha bona Hadbaki, achiri murhuma emwa Mordekayi aderha; 11Bambali bwa mwami boshi bamanyi okwo chirhu n'abantu b'omu bihugo bya mwami, oku omuntu yeshi yeshi; akaba mulume erhi mukazi, erhi akayishira mwami omu karhi k'olugo kw'olubako na mwami arhamuhamagire, hali irhegeko liguma ashinganie okunigwa, nkabaga abe olya mwami analambulire akarhi k'ennoro, lyo alama, chikoki niehe ntachihamagalwa okunyishe ebwami zikola nsiku makumi garhanu zino. 12Lero vbabwiraga Mordekayi emyanzi ya Esteri .13Naye Mordekayi abarhegeka oku bahekere Esteri ishuzo lidesire, woyo orhamanye mpu wehe wewachira omu nyumpa ya mwami, kulusha abayahudi boshi. 14Bulya wehe okahulika bwenene omwaka kasangi, lyo oburhabale n'obuchire bw'abayahudi bwayisha omuzindi zindi njira, chikoki wehe washeshera haguma n'enyumpa yinyu (mulala), chiki ndigi wakamanya oku arhayishiraga obwami omu kasangi kali nk'ako?15Esteri arhuma abantu lyo bashuza Mordekayi, 16Ogendi oshoboze Abayahudi boshi bali muno shushani, muchishalise enyanya zani, murhalye, murhananywe kasanzi ka nsiku zisharhu, budufu na mulegerege , na nani rhweshi na bambalikazi bani rhwachishalisa kw'onokwo. 17Mordekayi anagenda ageijira nka kulya kwoshi Esteri anamurhegekaga.
1Olusiku lwa kasharhu Esta ayambala emishangi yage y'obugoli, ayimanga omu chôgo ch'endalala ch'enyumpa ya mwami; na mwami atamala oku ntebe yage y'oburhambu omu nyumpa ya mwami akalola ebwaluso lw'enyumpa. 2Erhi abona omugoli Esat ayimanzire omuchôgo, ayemererwa na mwami alambulira Esta akari k'ennoro alifumasire omukuboko. Lero Esteri ayegere hofi ahuma oku nshongongo ya kalya karhi.3Mwami abwira omugoli Esteri erhi: gurhi olonzize? na olwifinjo lwawe lw'oluhi? Chiru oluhande lw'echihugo wanachihabwa. 4Esteri aderha erhi: Byakasimisa mwami waliha, anayishe emwani ene, mwami anayisha boshi na Hamani omu idinye nalimu reganyize.5Lero mwami aderha erhi. harhuli mulerhe Hamani lyo rhujira nk'oku Esteri adesire. Nantyo mwami na Hamani banahika omw'idinye emwa Esteri. 6Lero mwami abwira Esteri erhi: banachiri banywa e Divai mpu: Bichi ochifinjire? wabihabwa! na olwifinjo lwawe luli luchi? chiru oluhande lw'obwami wanaluhabwa.7Esteri ashuza aderha mpu: waliha, omusengero gwani, n'olwifinjo lwani luli ntya: 8Erhi akaba nyemerirwe embere za mwami, na mwami akabona bishinganine okumpa ebi na sengera n'okuhikiriza olwifinjo lwani, waliha mwami ashubi yisha bosgi na Hamani irhondo kandi, omu idinye nabarhegenyiza, lyo nanajiraga okwo mwami ambwizire.9Olwo lusiku Hamani ahauluka n'obushagaluke n'omurhima guchwemire, chikwone erhi abona oku Mordekai wali oku muhango gw mwami arhayimusiri mpu: amufukamire, omutula gwamugwarha enyanya lya Mordekayi. 10Chikwone Hamani achihanga alekwa ntyo achigendera emwage; arhumiza oku bamuhamagalire abira aâge na mukage Zereshi, 11Naye Hamani arhondera abaganirira obunji bw'ebirugu byage n'obunji bw'abana bage, na ngasi byoshi mwami amujirire na nka gurhi mwami amukuzagya kulusha abandi bakulu n'abakozi ba mwami.12Na bwenen Hamani aderha erhi: chiru n'omugoli Esteri ntawindi muntu anayegerezize haguma na mwami, omu idinye analirhegenyize nkaba niene, chiru na irhondo kandi andalisire haguma na mwami. 13Chikwone ebyo byoshi birhanchi nsimisa omu mango nchiri nabona ola muyahudi Mordekayi achi atamala kw'ogula muhango gwa mwami!14Lero mukage Zerishi amubwira ntya: n'abira bage boshi haguma baderha: (Otulise) orhegenye omurhi gwa makano makumi garhanu oku buli, n'irhondo sezi sezi, ogende obwire mwami ahane irhegeko Mordekayi amanikwe oku ogo murhi lyoki wanaishi genda mweshi na mwami omu idinye erhi anakola oshagalusire. Erhi Hamani ayumva, asima bwenene, lero atula gulya murhi.
1Obwo budufu, mwami abu'iro, arhegeka mpu bamulerhere echitabu ch'amaandiko g'ebyajirikine, babisoma aha malanga gaage. 2Byabonekana oku Mordekayi asôngeraga Bigitana na Tereshi bâli bimangizi babirhi ba mwami amu bo bakâgilanga omuhango; abo balikola baniga mwami. 3Mwami aderha, kahali oluhembo lw'olukengwa Mordekayi achimâbirwe okw'ago minja ajijire? Abakozi ba mwami bakâgimukolera( balahira) bamubwira oku ntacho choshi choshi ahâbirwe.4Mwami aderha, ndi oyo oli mu ngô? Bulya Hamani ali amadaha kugerera omu chogo ch'embuga ebwa nyumpa ya mwami mpu lyo amubwira oku bamanike Mordekayi oku murhi ali amarhegenya. 5Balya bakozi ba mwami, bamubwira erhi: weliha Hamani yeri omu chôgo, ayimanzire omu ngô; Mwami aderha oku adârhe. 6Hamani adâha; mwami amubwira erhi: Gurhi rhwanka jirira oyu muntu mwami olonzize okuhwa olukengwa? Hamani achibwira emurhi mpu, kahali owundi muntu mwami ankasima okuha olukengwa kundusha?7Lero Hamani abwira mwami erhi: oyo mwami asimire okuha olukengwa; 8Bamulerhere emishangi y'akanyabwami eyo mwami akalugi yambala, balerhe n'echihesi chirya mwami akalugi shona kwo yene, bamuhebe kwo n'echimane ch'obwami akw'ikw'irhwe. 9N'eyo mishangi nn'echo chihesi babifumbase muguma omu baganda ba mwami ola oshinganine, naye abiyambiyambike oyo muntu mwami asimire okuh'olukengwa , amushonye n'okw'echo chihesi kugerera omu muhanda munene gw'omulango, n'okujabuh'omushekera embere lyage, anaje aderha mpu: Ntyo kwo bajira olya muntu mwami asimire okuha olukengwa.10Buno buno oheke eyo mishangi n'echihesi nk'oku wanaderhaga, kwo n'okwo kwo wagenda ojirire Mordekayi w'omuyahudi, ola okab^ra oku muhango gwa aha bwami; ntabyo wahindamula omu ebyo byoshi waderhaga. 11Ago mango Hamani ah^ka elya mishangi n'echihesi ayambisa Mordekayi eyo mishangi amushoneza oku chihesi, aja amugeza omu njira nnene y'omu lugo erhi anaja abalanjira erhi ntya ko mwami anajirire omuntu ùwaùi asimire okuha olukengwa .12Enyuma ly'oho Mordekayi agaluka ho gulya muhango gwa mwami, chikwone Hamani agenda arhalulwiri emwage erhi anakola afire omurhima n'irhwe lyage achirhumbikire. 13Lero Hamani aka ganirira mukâge Zereshi n'abira bage boshi ngasi byoshi byamuhikire ! Lero abantu bage bali bw'obukengukwe, na mukâge Zereshi bamubwira erhi: Akaba oyu Mordekayi okola wakumuyunamira. Ali w'omw'iburha ly'emwa Abayahudi; wehe orhachimuhashe, Chikwone we okola wamuyunamira. 14Erhi bâba bachiri bamubwira ntyo abimangizi b'enyumpa ya mwami baheka Hamani dubaduba okuja omw'idinye omugoli Esteri alirheganyize.
1Mwami bone Hamani bayishi irya idinye omu mw'omugoli Esteri. 2Obwa kabirhi amango baka g'inywa okw'idivayi; Mwami adôsa Esteri erhi: Bichi birya ohûnyire bulya nkuhâge byo, chiru ankaba luhande lywa chihugo nanakuha lwo.3Omugoli ashuza erhi: weliha Nnakuno, okalonza mpu wampa byo by'ebi; nalonza wani ndêkerere bwinja, nalonza na bene wirhu nabo badêkerere bwindja. 4Bulya rhwaguzibwe mpu rhuyirhwe, rhunasherezebwe. Achibage chiru kwali kuguzibwa buja kwone; nankachihulikire, ntankarhamire nabera Mwami irhwe. 5Mwami Aswero adôsa omugoli Esteri erhi: " Nndi oyo ohizire ntyo".6Esteri ashusha erhi:" Omwânzi" Omushombanyi ye Hamani kamala mbaga " Honaho Hamani atulûla emalanga ga mwami n'omugoli erhi bwoba burhuma. 7Mwmi n'oburhe ayimuka aha kagilra ebiryo, ahuluka ageragera omw'ishwa erubako lz'enyumpa y'oburhwali. Hamani obona oku Mwami alalire okw'amuniga, asigala ayinginga omugoli mpu amukule akere oku nda.8Mwami arhenga omw'ishwa ashubira omu bakag'ilira; alanguza Hamani ali abwarhire kw'omugoli. Mwami ayakuza erhi: " Ka kandi arhali z'oyu oliwarhiza omugoli mw'eyo nyumpa nandi nakubona" Mwami akaliha anabwir'abambali babwikire Hamani obusu.9Muguma muli bo, izino lyage ye Harbona, ayimuka abwira mwami erhi: Weliha nnakuno! Hali omurhi Hamani agwisire emwage mpu amanikira kwo Mordekayi n'obwo akufûngira. Ogo murhi guli gwa buli bwa makano makumi arhanu kuj'enyanya. "mwami aderha erhi: mube Hamani ye mumanika kwo" 10Honaho bamanika Hamani okw'ogwo murhi alirheganyize Mordekayi. Oburhe bwa mwami bwahwa.
1Mw'olwo lusiku lwo nnanêne mwami Aswero agabira omugoli Esteri ebirugu by'olya mushombanyi m'Abayuda Hamani. okuhandi obwo, Omugoli abwira mwami oku Mordekayi aba ishe. Mwami aj'imulerha; 2Mwami arhola Hamani olupeta aluyambika Mordekayi. Esteri naye agabira Mordekayi aha mwa Hamani mpu aharhambule.3Esteri arghahulikaga; afukam' emalanga ga mwami, aja aderha anavugumula emirenge, akayinginga mwami mpu amuhalire kwo lirya irhigi Hamani w'okw'iburha lya Agagi âli amâjira my'okuholola abayuda. 4Mwami ayerekeza kalya karhi kâge k'olubisi katule n'ennoro olunda Esteri âli. Esteri ayimuka ayimanga emalanga gage.5Aderha erhi: " Weliha nnakuno, okabona kuli kwinja, n'erhi akaba nkola ntonyire emwawe, akaba omwanzi naderha gwakusimisa, n'akaba agandi maruba gaj'inywerhula galya Hamani mwene Hamedata w'oku baherêrekeze Abayuda boshi bali omu chihugo chawe mwoshi. 6Ntakabona amabi gayish'iheza bene wirhu nngal'ihulika. Bushumi la! ntakadekerera namâna bona okw'obûko bwirhu bwaherêrekera".7Mwami Aswero bwira omugoli n'olya Mordekkayi w'omuyuda erhi: " NaNakugabire ebirugu bya Hamani wani Esteri, naye yene bamumanisire oku murhi bulya âli amalahire okuyirha Abayuda. 8Chikwone kurhahashikini okuerha mpu irhegeko lisinye liri kwo n'akashe kage; che chirhumire mwene mukwanine muyandike amaruba oku munabwine, gabe gadesire minja ùachi mwajirira Abayuda; chikwoki muyish'igasinya okw'izino lyani, munagananike kw'akashe k'olupeta lwani".9Omw'insiku makumi abirhi n'isharhu z'omwezi gwa kasharhu, gwo mwazi gwa Sivani*, abakarani ba mwami ba hamagalwa, bayandika ngasi byoshi ok'oku Mordekayi anababwizire. Ago maruba, bagarhumira abarhambo, n'abarhanuzi, n'abarhegesi b'omwebirya bihugo igana na makumi abirhi na nda; bulya kurhenga e Buhindi kuhika e Etiyopiya, bakâshimba oluderho lwa muli ngasi chihugo nk'oku bayandika mwo, bayandika n'omu luderho lw' Abayuda nk'oku banaluyandika.10Bayandika amaruba okw'izino lya mwami Aswero, baheka echimanyiso ch'olupeta lwage. Bagafumbasa abaganda bagenda oku bihesi bya mwami bilibisire bwenene. 11Bayandika mw'ago maruba oku mwami arhegesire mpu Abayuda bâli muli ngasi chihugo, bashubûzanye balingire oku gabo. Abaha oluhya lw'okuniguza aba banahisirwe kwo muli ngasi chihugo buzira kurhalukira, erigi ngabo yali yashi barhêra bali babayirhirha abana na abakazi, bagali bashokola 12Olw'olo luhya bali balihabirwe omu nsiku ikumi n'isharhu z'àmwezi gw'ikumi na kabirhi; gw'omwezi gwa Adari.13Amaruba galiyandisirwe gw'okulalika omu ngasi chishagala ga balanjirwa omu mbaga zoshi n'emw'Abayuda oku bachirheganye olw'olusiku okuchihola enyana ly'abashombanyi babo. 14Abaganda bw'okuheka ago maruba, bakâhuluka bashonyire oku bihesi bya mwami bilibisire bwenene, bahikiriza nk'oku mwami anabarhegekaga. Ako kanwa kalumira oku burhwali e Suse.15Mordekayi achinyonyola akola ahuluka omu burhwali, erhi ayambirhe emishangi y'akanya bwami mitâke mw'ebyeru n'ebidukula, n'ishingwe linenêne ly'ennoro, n'echishuli ch'akaduku. Olwo lusiku olugo lw'e Suse lwaja mw'echihogêro ch'^mwishingo. 16Abayuda boshi baja bachishinga, bashagaluka bulya bamâhima. 17Omu ngasi chishagala na ngasi chihugo, na ngasi chihugo handi irhegeko lya mwami lyahisire, Abayuda baja mw'obushagaluke n'omwishingo, bajira amadinye n'ensiku nkulu. Bantu banji bo mw'echochihugo bachihindula Bayuda erhi kubayoboha kurhumire.
1Mwami Asweri avurhisa ikoli lidarhi omu chihugo chage, omu birhwa byali omu nyanja n'omu bihugo byali ebulambo. 2Ngasi byoshi biyerekere obuhashe n'obukulu, n'ebi asîmiraga Mordekayi byarhumaga amuyimika omu chitabu ch'ebyakâg'iba ch'abami b'e Mediani e Peresi.3Bulya oyo muyuda Mordekayi ye wali akola ali murhambo mukulu wa mwami Aswero, Abayuda basima oyo mwene wabo wali akola ali murhambo mukulu wa mwami. Mordekayi akâlongereza okw'akadêkereza mwo bene wabo bwinja, n'okulagirira obûko bwage lyo bulama omu murhula.
1Obuhanya buli omu chihugo chiri chabalaga omuko n'okunigana; orhahwe kw'empira. 2Echoheero ch'omuherho, n'oloheero lw'amagulu g'enfarasi gaja gadirhimanya, n'enfarasi n'abazishonire kwo, n'emituga y'entambala yajahamahama.3Owashonera oku nfarasi anashona, n'engorho eriyalaza nka muliro, n bululu bwinji n'itumu liri lyakemeza; n'obwinji bwabanigwa, okubona emirhumba y'emifu erhankaganjwa; bajiyilabarha n'okuyisarhala kwo. 4Ahanyanya z'obugonyi burhagwerhi okubwankaderhwa bw'erya mbaraga mpu yo nyinja yey'olya mukazi w'omulozi oku bubaraga bwage anakajagula embaga n'okugahimula n'emilala y'abantu anakayiigula n'obulozi bwage.5Ntya kwadesire Nnahano w'emirhwe, nkola obushunzi emalanga gawe wene ochibone, nalanguula embaga zoshi obushunzi bwawe, n'abami babona obushunzi bwawe. 6Na ngasi buzingazinga bagaya boshi nakubanda bwo, nakujira obe wabuzingazinga, nakujira kantu kakulolwa na kuganyagusibwa. 7Na ngasi yeshi wakolola kwo, ayakire kuli, n'okuderha, ka Ninawi oyu washerire ntya, ndi wakachibabalira? Ngahi waani nankaja owakurhuliriza?8Kw'omanyire mpu we mwinja kulusha No-Amoni wahekagwa n'olwishi lwamumirira n'omubaako gwage gwaba omukagarhi k'enyanja n'enyanja yaba cho chogo chage. 9Kushi n'e Misri bobali misi yage, nabo bali muhako gwage;Putu na Walibia bo bakagi murhabaala.10Chiru akaba bakuhekaga emahanga gabene waja buja; abana bage barho bafulikwa aha mashango g'enjira na nihaanda, abantu bage n'abakengwa bage babandira echigo, n,abakulu bage boshi bashwekwa n'obonjogoro. 11Kandi bakulerha, bakufulika , na kandi walonza aha wakayakira abashombanyi bawe.12Enkuta mwayakira mwo kwo ziri nka murhi gwa tini, murhi guli kwo amalehe garhahiri, erhi bakagushaganya amalehe ganakarhogera omu kanwa k'olonzize okugalya. 13Sinzagya olubaga ogwerhe kwo bakola bayosire nka bakazi; emihango y'echihugo chawe ekola milangabule embere z'abashombanyi bawe.14Genda odome amishi bulya okola mugorhe langa, bwinja n'emisi yoshi aha mwawe, humba idaho olabarhanye ebijondo, oseze efuru lyo okuyokera amatofali. 15Aho eyo munda omuliro gwa kusiriza, n'omugushu gwa kulibirha kwo gwa kuyusa. Nka kula enzige zinashereza; muchijire bigolo nka nzige! Muchijire banji nka nzige!16Waayushwire abarhunzi bawe oku babe banji kulusha entonde z'emalunga, Enzige n'azo zinashereze buzinda zinabalale zichigendere. 17Abantu bawe wayambisagya amashungwe kwo bali nka nzige, n'entwali zawe kwo zinali nka rhunkulishi rhwa mahanzi rhwagwa oku mirhi omu kasanzi k'emboho; chi erhi izuba lya akashalalwe libasha ago mahanzi ganachibalalire n'okugenda emunda gaja na ntaye wankayimanya.18Abakulanga boshi bajiri iro likali, wani mwami waba Ashuru, abantu bawe bakengwa barhamusirage; abantu bawe bayabusirage oku nyanja lyo rhurhondo, na ntaye wabashubuuza. 19Nta bufumu bw'enguma zikuli mwo. Echironda chawe chiri chakuyiirha.Abali bayiishi kuyunvirhiza baagasha amaboko enyanya zawe; Bulya ndi mulibo omutula gwawe gurhagwarhaga?
1muchihe haguma kandi mucihebe haguma mwelubaga lurhagwerhi nshonyi. 2embere a lusiku murhaciba nka kula omusinga gwevungu gushandala lusiku luguma noku Mungu arhakunira, n'okwo lusiku obwo kunizi bwasheshuka lurhacihika, 3Mugalukire Mungu mwe birhohye bo cihugo mwe mukenga amarhegeko gage mukajira obushinganyanya, muchirhohye embere lya Nnamahanga muliokwo ahali mwanafuma olusiku l'obukunizi bwa Mungu.4ecihugo ce Gaza cahinduka biguka neeee Askaloni cichereze abantu Asidodi babacaranganyakalengerere nabe ekroni babahinva omu cihugo cabo. 5Obuhanya bwinyu mwe bantu bakarhenga e kreti mwe mulama okuburhambi bwe nynnja olu olubanja Mungu amatwa mwalutwirire qdesire erhi wqni Kanani cihugo ca bafiflti mukolaga nakushereza mpolole n'abantu bakubamwo6l'irishwa lyawe liba okubiurhambi bwenyanja nalihindula lwabuko lwabantu nalihindula bualambo abangere bakayabulira mwo, bayubakire mwo n'ebyogo by;ebibuzi byaboo. 7abasigire omulubaga lw'Abayuda mweryo ishwa bakayaburira mwebibuzi byabo mushi bibabijingo bajigwishira omunyumpa ziba e Askaloni okuhandi Mungu nnamahanga wabo abagashanire.ahindule n'omulagi gwabo,8nie nayunvirhe oku embaga z'Emoabu n'qbqntu be amoni bakagushekera olubaga lwaniii n'okulu[ganyagusa bakagi lujacira bwenene necihugo colubaga lwani cobayushwire mwecabo. 9cho chirhumire nko oku nnandamire, kwo nnahano w'embaga adesire, Ye Mungu w'e Israel,moabu aba nka e sodomq n'aban ba Amoni baaba nka e Go;ora, hantu hayunjwire emishugi n'amagangahwa miina y'omunyu mpinga ya mangoo goosigala omulubaga lwanii baisha babahagula; abasigala omu bantu banii baishi rhambula.10Ebyo bya bahikira erhi buchibone bwabo burhumire bulya bagijira n okuchikuza enyanya z olubaga lwa nnahano wembanga. 11nnamahanga abakaga bulya ahererekezaka e myungu yaabo yoshii y'omwigulu na ngasi, muntu omuchihugo chage,omu bihugo byembaga zoshi.12na ninyu mwe ba ethiopia mwanigwa oku mugushu gwani. 13naye alambula okuboko kwage oluhande lw'ekaskazini; nokushereza ashuru; okujira Ninawi bibe biguka hantu hayumusire nka irungu. 14n'obuso bw'ensimba zakagweshera omu kagarhi kage,nsimba za ngasi lugero omwarinyunyi nq e nungu zalalama oku nyanya emitungo yaage n'amazu gazo gayunvikanaa aha madirisha emihango yage yabiguka bulyaa ashambwire omukolo gw'emitungo15Olu lwo lulya lugo l'obushagaluke, bwalilamire buzira kurhanya. Lwa chibwira omu murhima niene niendi nq ntaye wundi olinkanie, lero chechi chamasherera chikola chiraro ch'ensimba z'omuchihugo. Abayishi kagera hofi nacho bsshika shungurha n'okubunda okuboko.
1yunvagi akanwa Mungu abwira Malaki mpu ajikabwira abisrael 2Mungu abwira olubagaa lwage erhi mmunsima bula, nabo bamudosa mpu gurhi orhusima mwo obo Mungu abashuza erhi ka Esau arhaliye wali mukulu wa Yakobo? nagaliba yakobo ye nsima. 3nalekara Esau eci hugo ce ebirho rhondo cabaga mwiburha lya Esau bo Ba edomu nacishereza nacviclekera banyambwe bo mpinga.4bakaderha erhi rhushabirwe,cikoki rhwagaaluka nokuyubaka aho hashabagwa nnahano wembaga adesire erhi bohe bayubaka nani nashaba naabantu, babadesa mpu bashobanyi erhi balya balyalya na abantu nnahano anababerire burhee emiaka. 5namasu ginyu gakabona ninyu mwaderha oku Nnahano yeri mukulu kugerera embibi ze Israel,6Omwana anakakenga ishe wage nomukoza anakayobohya nahamwabo okubirhigi nkaba niono nye sho winyu isu lyani ngahigi lirhi? ntyo kwo mugu olubaga adeseze ninyu mwe bajniji muli mwaganyugusa izino lyani ninyu mulimwaderha, erhi rhuli rwakuganyagusa izino lyawe bulya gurhi. 7Mulimwahana enterekero yishembo oku kashesha kani erhi mazibaho gani ninyu mulimwaderha erhi rhwehe rukuhire eburha ishembo bulya gurhi okudesire erhi a meza ga Nnahano kali kantu ka kukagabusibwa.8ka munacikebwe mpu kuba kwinja kula mukjira galamango muchija mulibirhine ecintu cihusire neci rica shunagira erhi eca lwala mpu muuchihane nterrekero kerhi warhula omurhambo cintu ca mwene cho, kamumanyire mpu anasiama amulelmbule mmudosize ntyo nie Mungu we mbaga. 9lero muhunage obonjo munyinginge nie Nnamahanga winyu lyonfira olubaga lwani obomjo kamuci kebirwe mpu nana muyunva n'okumushuza bwinja kwo birya byoshi mwajiraga kubesha la.10nka emwinyu yakabire omuntu muguma okukafungula omulango murhagi yasa omuliro busha oku kashesha kani ntagwerhi bushagaluke emwinyu kw o qdesire Nnahano wembaga ciru nta yemere ntrerekro yoshi yoshi omu maboko ginyu, 11bulyalira kurhenga ebushoshokero bwizuba mupaka ekulembe kwizuba ciru ebuzuka bwbo izino lyani lilikulu omu kagarhi kanabaga nangasi hoshi nangasi bakanahana erhi kuhana ubuku na entererkero eciri oku izino lyani bulya izino lyani liri likulu omu ngasi lubaga kwadesire Nnahano wembaga, 12ciru kwone mwehe munakabulire okwo mukabona oku ishekerero lyani lirhakakengwa,lirhankanaja kwebirhali biryo bihemusire.13ciru mukaderha mpu bici rhuliukira kagayo kwene kone mukampira kwo nie Mungu we ngabo muna kanterekera n'ebintu bymu bushambo nebayaisha byakyu nagira n;ebyalwala omuzerezi hurhigi nieki nankaynkirira entulo za mwene ezo mmudosize? 14akahera mashi omuntu oyimisire emfizi y'enkafu omubuso bwage, abuliiba ecintu ciri kwi shembo co ahambula omu byabo mpu co akolaga anterekera mwo. Oyo muntu alimuha nya arhamanyiri okumba mwami mukulu okajira embga bihamba nkudesire nie Mungu wengabo.
1yunvagi oku niono nie Mungu wengabo ntonzire abajinji. 2Munyunverheze miciseze mumpe irenge likwanine nakaba nanga na muheka kwobuhanya nalihindula buhanya neci mashi kwo nkola najira okwo bulya murhciri mwajira okwo bulya murhaciri mwajira ebilongire.3mira narheganyizagya emburhu yinyu omuhane ninyu mmubande amashi ebusu necihoca birya bintu mukarherekera mwo amango g'ensiku nkulu enyuma lyabo mmuyunjizize mweshi nabyo erhali hofi. 4Ninyu mwmanya oku nie mungu nnamahanga nie na badwirhire erhi iregeko lyo eciragane cigwarha na lawi kwaeesire nnahano w'embaga.5Eciragane canii nanawe cali ciragane cizine na omurhulaa naani namuha go lyo naye oyoboha aaleka izino lyani. 6irhegeko lykuli lyali omu kage ciru obubi burha bonenaga erhi burhayunvikanaga omu kanwa kage aliaajaaga agenda haguma na nani haaguma n'omurhula na acoba bahindu baanji na akamukenga naa okuleka amabi. 7okubiri kushinganine akanwa k'omudahwa kafulike oborhrere kaandi birhumire abantu balongereze irhegeko omukanwa kage bulya yehe alimurhumisi wa Nanhanowa bantu.8cokwone mwehe muli banji mwahindula ogwo mwanzi enyigirizo mwakaigiriza zahabula abantu banji,mwayunva eciragne rhwalaganine rhweshi nkudesire nie Mungu wengabo. 9nkolaga nani nshumika olubaga lwa b'Israel luka ;mugayagusa lumunese nshonyi bulya murhekengaga okulonza kwani munahe n'enzigiirizi omu mihigo yinyu.10ka larha wirhu rhweshi arhaba mugum. karhaali nnamahanga mgumaa warhuhebaga, lero bici birhumirage rhwalyaana rhwene na rhwene okuvuna ecirgane cafundikagwa na nnamaahanga wirhu na bashakuluzaa. 11Abayuda bavunyire eyabo ndagano, Bajira ebishologosize ommu yerusalemu n'umu cihugo coshi ce Israel bahumanya ahantu himana halyaa Mungu asima bakarhola nabakazi bakaniza ennama z'emahanga. 12Mungu amuberula olya okahana enterekero mbi emunda Nnahano wengabo alii.13Yunvagi ebindi muli mwanjiraa irhegeko lyq Mungu mirenge muli mwalaka muhohorhe bulya anabuzire obwayankira entulo n'okuyemera ebi mu mudwirhire.14munacidose mpu lero cirhu mire arhayankirira ebi rhumurhuzire, yaga mukengere oku mwalaganyagya mungu oku mwakabera na abakazi mwamarholerega erhi miciri barho. Bo mwalamaga mweshi mwene mwachishogaga, bo mwagalibaleka. 15ka mungu arhali amammujira muntu muguma omu mubiri n'omwi roho bici oyo muntu acifinja kali kulonza mpu mube nabana nnamahanga amuhire micihqngqne, murhacigahuluusa abakazi mwarholereraga miciiri barho. 16bulya niehe nkugaire noluleka kwa desire nnahano Mungu we ngambo erhi wa wa isarel nolya okafunikira omushangi gwage okunterekero mbi nnamugaire kwa desire nnahano we ngabo , lero chihanzagi emirhima yinu murhagi kakola ebyaha erhi kulekana.17Mwarhamize Mungu n'obudesidesi bwinyu , chikone munacidose mpu bichi rhwa murhamize kwo? N'obwo gala mango muderha mpu Mungu bwinja abona abajira okubi, abayemerire abantu bamwene abo muyushule muderhe mpu olya Nnamahanga oheba h'obushinganyanya ngahi aligi ?
1Sinzagi ntumire entumwa yani , naye akubula enjira yani embere zani ,na Nnahano mukalonza ayishe omwisengero lyage okuba kandi eyo ntumwa y'echiragane mukashagalukira , sinzagi nyishire kw'adesire Nnahano w'engabo. 2cikone ndi omanyire olusiku ku lw okuisha kwage erhi ndi waimanga wabonekana yehe okubiri yehe luli luiganyo l'ensabuni omuntu akafulamo omushangi, 3yehe atamala nka owa chesa enoro na okuishuka, naye abacesa abana ba lawi, aba cesa nka noro nabo bana rhule entererkero yabo okushinganyire.4okwako kasnagi enterekero za abayuda na aba eyurusalemu zina simisage Mungu nka galya mango ga mbere na emiaka ya mira. 5Neci Mungu wengabo ahamirize aderha erhi nkola na mujamo mmutwire olubanja nakannyanjise abakajira emigereko lubanja, nabagonyi nakabalahira ebira abagorombeekanya omukamarho gwabakozi nabakalenganya abakanam n'enfunzi nabarhindibuza ebigolo nabala boshi barha bakenzire.6Bulya nie Mungu ntahindamuka cocirhumire ntabasherezagya,mwebana bayakobo, 7Kurhenga ensiku za ba shoo winyu mwahindamusire mwa leka amarhegeko gani ciru murhagakenga,mungalukire nihye nani nabagalukira ntyala kwo adesire Nnahano wenga cokone ninyu mwakaderha, rhugaluke omunjira ehi.8Koko omunutu anarheba Mungu cikoki mwehe muli mwazimba nie Mungu cikone muli mwa derha ehri rhwakuzimbiri omu njira ehi? mwazimbire isadaka na enterekero. 9ninyu muheherirwe n'echihehero bulyalira mulimwanzimba mungu kandi olubaga lwoshi,10Lerha gi isadaka erhi ntererkero eshinganine omunguli lyo ebilibwa bibone kane omunyumpa yani muntagulage omweno njira kw'adesire namahanga wengambo,musinzagye erhi ntabayigulire amadirisha g'embingu, mbarhumire ne emigisho yani. Ciru akaba eerhali fasi yo kurholera ho kantyola? 11nani enya zinyu nmuhinva olya okashereza ciru arhakacirhabisa amatunda go mburho zinyu ciru nomuzabibu gwinyu arharhole amatunda gago omukashanzi kage,omumashwa kwo adesire Nnahano wengabo, 12amashanja gemahanga goshi gamuderha bani iragi bulya ecihugo cinyu caba cinja c'okulama mwo ntyo kwo ndesire Nnhano wengabo.13Ebinwa binyu biri bizibu mukadera engabo yani kwo adesire nnhano. Cikone ninyu mwaka derha rhwa, rhwadesire miaanzi mici enyanya zawe bulya gurhi. 14mulimwaderha okukolera Mungu murhagwerhi mwo bunguke,na bungukukebuci rhugwerhe? ku yemera ama rhegeko gage na okugenda omumutula embere z a Mungu wengabo na okukenda omu marhegeko gage na okugenda oburhe embere za Mungu w'engabo. 15lero rhulirhwaderha oku ab'enzizi erhi bwobone bo bagwwerhi iragi, kandi abjira obulyalya bo bakabeerwa kqndi abakarhangula Mungu bobakafuma.16Lero balya bakakenga Nnahano bakaderhazanya bonene naye Mungu akabayunvirhiza ayunnva na ecitabu cenkengezo cayandikagwa embere zage n'okukaderha izino lyage.17naba baba baani kwo adesire nnahano wengabo,omwezo nsiku najiraga kandi baba muhako gwani niene nababera lukogo nka kula omuzire alubera omwana wage omukolera. 18Ago mango mwabona olubero lwabaa omukarhi kabachinganyanya nabantu babi n'abarhamukolera.
1ecirhumirage sinzagi ezo nsiku ziishire, zili zagulumira nki ifuru lyo muliro ago mango abantu bobucibone nabone nabanyankola amaligo bagulumira nka biula nta muguma wasigala mulibo barhasigale ciru owobofumu. 2cikone yunvagi ebi ndanganyize abakenga obukulu bwani obucize bwani bwayalagala nka kula izuba lishalala, libe ligwerhe n'obufumu omu myanzi yalya agomango mwarhulula muje mwahama hama nka mutwira gwa kanina, bahulusa omu lwandara. 3olusiku nayerekana obu hashe bwani mwakatunyaga nanyankola mabi mwakabarhindagira namagulu nakaa katutum nkudesire nie Mungu we ngabo.4mukengere ebi mwambali wani Musa ajaga yigiriza mumanye munakenge amarhregeko na amahano gani nahaga musa oku ntondo ye horebu nti agahe abantu boshi be Israel. 5Embere olusiku lwa Mungu luhike lulya lukulu lunali lwa kuyobohya, narhangi murhumira omulebi Eliya. 6Ye wakalerha obunvikane oku babusi na abana babo,n'oku ntyo namaisha ndi herere kereza ecihugo cinyu.
1Paulo na Timoteo,bakozi ba Yesu Kristo emw'abazirha ishembo boshi omu Yesu Kristo bali e Filipi,emwa abadahwa n'abashosi: 2Okulukunda n'omurhula bibe emwinyu kurhenga emwa Mungu larha n'emwa Nnahamwirhu Yesu Kristo.3Nmuvuzire Mungu wani omunkwa oku kukengera nkamukengera, 4buzira kuleka oku muhunira omunsengero zani zoshi, 5Bulya munakashagalula omukuba mwayankirire e injili kurhenga olusiku lurhanzi kuhihika buno. 6Nnyemire oku owarhonderaga ogumukolo mwinja omundalala zinyu aguhikiriza okubuzinda kuhika olusiku lwa Kristo Yesu.7Bili by'okuli oku nnanka mukegera mweshi,kulya kuba omu murhima gwani,omukushwekwa kwani,omukuderhera n'okuyemera e injili;mweshi mwe rhwahabirwe haguma rhweshi olukunda. 8Bulya Mungu ali mudima wani oku nmuzigira mweshi omubuzigire bunene bwa Yesu.9N'ebi nkazihuna omu nsegero zani mpu obuzigire bwinyu buyushuke kulusha na kulushaomu bwenge n'omubumanye, 10Omukagerereza ebintu binja lyo muba mucire,na barhagwerhi cihanzo oku lulya lusiku lwa Kristo. 11muyunjwire amalehe g'obushinganyanya buli muli Yesu Kristo,omubukuze n'okusimbaha Mungu.12Nnonzize mumanye benewani oku ebyampire byarhumire e injili yagenderera. 13Nantyo,omu mirhundu yoshi na ngasi hoshi ntaye ohabire oku enyanya lya Kristo cocirhumire ncishwesirwe. 14Nabanji omumilondane omukarhi ka Nnahamwirhu basezize emirhima enyanya ly'okushwekwa kwani bagwere uburhwali bw'okujaerha emyanzi buzira coba.15Baguma baguma,okunali banajebayigiriza Kristo okw'irala n'omumirhima gw'okujabuhaga;cikwone abandi boki banakaja bayigiriza erhi banali mw'obonjo. 16Ababoki banakakola omu buzigire erhi bana mduyire oku nahebirwe ho mpu lyo nja nahamiri za e injili, 17cikwone balya bandi bohe bali mw'omurhima gw;obuhaga,banajabaderha Kristo okubirhashinganini erhi banagwerhe entanya z'okunongeza amalulukire omu mugozi yani.18Ntambaka ngasi kashanzi koshi,nkaba oku bulyalya, akaba okubwalagale,Kristo arhalimuyigirize okubutya:Nshagalusire,ngenderera okushagaluka kulusha. 19Bulya nmanyire oku ebyo byanderhera obucunguke,oku mahuno ginyu n'olushangi lwa Muka na Yesu Kristo.20Kushimbana n'olwifinjo lwani n'obulangalire bwani oku ntakabona nshonyi,ci okubuno namango goshi.Kristo ayishi kuzibwa omu biri gwani,haguma n'oburhwli boshi,omu kalamu kani,erhi kufa kwani. 21Bulya Kristo ko kalamu,n'okufa bulibunguke emwani22ci,ankaba bishinganine oku mukolo gwani oku ndame omumubiri,ntakahasha naderha ebi nanka sima, 23Nndi museze enyunda zombi:ngwerhe irala ly'okujigendera n'okujibera haguma na Kristo;n'ebyo byo by'amakwamanne omu bindi binji. 24ci enyanya zinyu biri bishiganine oku ndame omumubiri.25Nnakola nyemire nnanyere,oku nacilama n'okubera haguma na nyinyu mweshi,omubugedekere bwinyu n'obushagaluke bwinyu omu bwemere.26Lyo hano nshubira emwinyu muhashe okucirhundulika omu Kristo. 27Kuguma kwone muben'olugenzi lushinganine emyanzi ya Kristo.lyo amango nyishire ndimubona,erhimbe,ntahali,nkaziyunva balibaderha enyanya zinyu oku musezire omumurhima muguma,munalimwafukira haguma oku bwemere bw'e injili.28Murhacilekerere mwayoboha abashobanyi ciru n'ehitya;bulya bohe ciricimanyiso ca buhezi,ci mwehe ciri cimanyiso cabucunguke. 29N'ebyo emwa Mungu,bulya mwahabirwe ulukogo enyanya lya Kristo,arhali okumuyemera kwone ci n'okulibuzibwa enyanya zage,mulwe zirya ntambala mwabonaga nalwa, na nkoku mulimwayunva mperhe nazilwa.