¹Egioro to buk no fureta inno hohonyiok Yesu Kristo, lonyi Davide, ara ifa Davide lonyi ²Abramo. Ara ifa Abramo monye Isako, monye Yakobo, monye Yuda, iko ilasira honyie. ³Ara Yuda monye Perese iko Sera oŋorwuo Yuda Tamara, ara Perese monye Hesrone, monye Ram.⁴Ram monye Amminaddaba, monye Nasona, monye Salmone. ⁵Ara Salmone monye Boas ojio oŋorwo honye Rahaba ara Boas monye Abede ojio oŋorwo honye Ruta, ojio obede ara monye Yese. ⁶Ara hidofe Yese monye habu Davide. Ara Davide monye Salamone ho oŋorwo honyie Uriah.⁷Ara Salamone monye Rehobom, ojio Rehobom ara monye Abiyah, Abiyah monye Asa. ⁸Asa monye Yosefata, ojio Yosefata ara monye Yoram ojio Yoram ara monye Usiah.⁹Usiah monye Yotama, Yotama monye Ahas, Ahas monye Hesekiya. ¹⁰Hesekiah monye Manase, Manase monye Amon, Amon monye Yosiah. ¹¹Ara Yosiah monye Yekona iko ilasira honyie to holoŋ nafa etuwotori Babilonia hiyyo illo Isaraile a Yuda.¹²Ta halu etuwotori nohosie a Babilonia, era ifa Yekonia monye Salatiele, Salatiele hohonyie Serubabel. ¹³Serubabel monye Abiuda, Abiuda monye Eliakima, Eliakima monye Asara. ¹⁴Asara monye Sadoka, Sadoka monye Akim, Akim monye Eliuda.¹⁵Eliuda monye Eleasara, Eleasara monye Matana, ojio Matana ara monye Yakobo. ¹⁶Ara Yakobo monye Yosefu oliawa Maria, inyia hotonye Yesu, lia lellilloŋo Kristo. ¹⁷Tonia daŋ, ara ifa hilahajik tomon haŋwan tara Abramo man to Davide man to holoŋ nafa etuwotori Babilonia hilahajik tomon ha aŋwan daŋ, man eba to Kristo.¹⁸Ara ifa hesiu no Kristo iyya inna, eruk ifa hotonye honyie Maria Yosefu, ayama inyia ati obe isia ottirohini wati innohosie, Owodi ifa inyia to Oyiri lo libo. ¹⁹Ojio oliawa honyie Yosefu, apiahari tara honyie dee nyo ara ifa inyia tuŋani la abaŋ Hollum, obe hidofe inyia awak hisio Maria irri.²⁰Egigilo ifa inyia hirro hunna ta harie, ottu ifa anjilo la Habu to honyie to riga atta hijo, “Yosefu, lonyi Davide, baŋa abaŋeyari Maria hatara oŋorwo hoi, nyo hiito lia owodi inyia, owodi inyia to Oyiri lo Olibo. ²¹Esiu iso inyia hiito, ejio iso itai efurek inyia Yesu, nyo etilohu iso inyia hiyyo illohonyie tara hiyyata innohosie.”²²Edoŋ hirro innia daŋ hetisiruni hiro na Habu nafa ero hekilani hijio, ²³”Owodi iso hoduoti atta esiu lonyi, ellilloŋo iso fure nohonyie, “Immanuele”--No ojio, “Owuon Hollum iko hoi.”²⁴Ocieŋu Yosefu atta hihuma iyya efak anjilo la Habu inyiaa atta eyyari inyia hatara oŋorwo honye. ²⁵Ati obe ifa inyia otirohini ho Maria man esiuni Maria lonyi honye, atta efurek inyia Yesu.

¹Ifa esiuni Yesu to doŋe no Betlehem no Yudea to holoŋitek inno habu Erode, afanu ifa lofiorojok to hidwoŋi no holoŋ man Yerusalem atta hijo, “Tahu Habu lia lo Yudea lia hetek esiuni? ²Nyo egonyu iyyohoi haheri no honyie te idoŋi no holoŋ atta iyyohoi afanu hitihabwo inyia.” ³Nafa etiru habu Erode hirro innia, atta taji nohonyie hilafuho daŋ iko hiyyo illo Yerusalem.⁴Ottubak ifa Erode fadirihien iko hegiorok daŋ illo honyie atta hifi isia hijio, “Esiu iso hiyyo Kristo aji?” ⁵Etirraŋ isia to honyie hijio, “Esiuni iso inyia to Betlehem no Yudea, nyo egiorok ifa hekilani hijio, ⁶’Iyye Betlehem, doŋe no Yuda, ebe iso iyye era halu tohiji ho doŋe nia, obolo doŋe no Yuda, nyo ottu iso hekumoni tara hatai lia lottu hirribita hiyyo illallaŋ Isaraile.”⁷Ellilloŋu Erode fiorojok hame atta hifia isia hijio, “Oliew haheri ifa anu ⁸Atta inyia efahak isia a Betlehem hijo, “Ifeti, itisiahai hiito. Larumek itai inyia, iyani ta hanaŋ hiram, anyar awu naya hitihabwo inya.”⁹Ifa etiru isia hirro inno habu, atta isia efi hikoi nohosie ojio haheri nafa egonyu isia beren atta eno to hosiere hosie man ebarari to hide ta mai nafa owuanari hiito, ¹⁰Omuno ifa fiorojok no no to hegonyu nohosie haheri.¹¹Ajiŋak isia a haji atta egonyu hiito iko hotonye honye Maria. Origoŋo isia atta hitihabwo hito. Ata isia hiŋa sienuhi inohosie, atta hisiara to honyie hisiorita huna ara yiel iko atagoŋ inno oŋuo girgir. ¹²Attati Hollum hisor isia to rigai, hijo hotobiaŋa isia aciahari te Erode, atta isia efie hikoi no olufa adoŋe hose.¹³Ta halu ho hirro innia, oliew anjilo la Habu to Yosefu toriga atta hijio, “Tette, iyari hiito iko hotonye honyie to hosiere afau na Masir. Itolojo dia man elimahini naŋ iyye, nyo awak Erode atohoi hito. ¹⁴”Ta tari to nyia, odioto Yosefu atta eyari hiito iko hotonye honyie afau Masir. Amanya isia dia man oyeri Erode. Anyar etisiru hiram na Habu nafa ero hekilani, “Ellilloŋo naŋ lonyi hanaŋ ta fau ho Masir.” ¹⁵Amanya isia dia man oyeri Erode. Anyar etisiru hiram na Habu nafa ero hekilani, “Ellilloŋo naŋ lonyi hanaŋ ta fau ho Masir.”¹⁶Eloŋojita ifa Erode no no nyo etiru inyia hinyaba no fiorojok atta inyia hijoria no no. Atta inyia efahak hiyyo hotottohoi dure liawa daŋ to Betelehem iko illo owuon ta massik daŋ ile ara ŋasi ino honye arik, man to hulo hetek hiyyo esiu iyya lojio fiorojok.¹⁷Niya etisiru hiro no hekilani Yeremia, hijio, ¹⁸”Etiru ifa hiyyo hutuk oyyio to doŋe no Rama, oyyo ojio hidofe tariha obolo, oyyo Rakele to durre innohonyie atta hibo hitudua nyo olita ifa isia.”¹⁹Nafa oye Erode, oliew ifa anjilo la Habu to riigiai to Yosefu ta fau na Masir atta hijio, ²⁰”Tette iyari hiito iko hotonye honyie, iticahari afau ho Isarail, nyo oye lia llafa osiaha wuaran no hiito.” ²¹Teyya, odioto Yosefu atta eyari hiito iko hotonye honyie afau he Isaraile.²²Ati abaŋ Yosefu aciahari a Yudea nyo etiru ifa inyia hijo arutak Arukelo mai no monye honyie Erode, atta inyia baŋi eno adde.Tonia atta inyia eno afau Galilea iyya etuhutek Hollum to honyie to riga. ²³Eba inyia dia atta manya to doŋe ha Nasarit. Hijio anyar etisiru hiro no hekilak, hijio ellilloŋo iso inyia la Nasarit.

¹To holoŋitek innafa niyya atta Yoani Batista awoŋ mojo to waha no Yudea hijio ²’’Ifanu itimitu hiyyata innahatai nyo eliaha obie no Hollum.” ³Inyia illeŋ lafa ero Isaya hekilani, ‘’Eyyoro lobo to waha, ‘’Ihumak hikoi nalanyar na Habu; Ihumak hikoi nohonyie nolobis.’’’⁴Iyyania, eciefita ifa Yoani boŋojin inno owuon ho hofir inno konikoni ojio ittodit neluro te ihuluk no honyie ojio ŋiria no honyie ara ifa imagaha ojio hisio no hilofiri. ⁵Atta Yerusalem bidaŋ ojio Yudeya ojio misihi bidaŋ ino ekol hari no Yordano efie ade honyie. ⁶Atta isia arrumu batisimo ta hari no Yordano atta ŋamitu hiyyata innohosie.⁷Atti nafa egonyu Yoani Batista Farisei arria ojio Sadusien afanu to honyie ebatisori, atta inyia hijio to hosie,‘’ Ittai durre inno hiyyeri no munok, ŋai elimak itai heruata tara jore ina nia ohu wan awoŋ? ⁸iŋarak haŋer huna oremik etuhutek hiloito ⁹Ojio ibaŋa egigilo hiro to wati innahatai,’’ Ewuon iyyohoi ha Abramo monye hohoi.” Atti elimak naŋ ta hatai hijio oremik Hollum hitidet durre illa Abramo tara moru huna.¹⁰Owuana beren tolu aŋati ha hade inno yani. Ati yani inna obe eŋarak haŋer ohu aŋutori ade atta erwoŋohini tohotwai hima. ¹¹Ebatiso nayya itai to hifioŋ anyar ehou itai hiyyata innahatai. Atti lia lohu wan awoŋ agalik nayya ajo naya obe asiru eciofok hamuha inohonyie. Ottu inyia hibatiso itai to Oyiri no Olibo ojio hima. ¹²Owuon inyia ho higillii ta hani honyie ne ohuyeri inyia hegilliari to ruat atta efiforu ŋama hunna olibo wati atta emak to mugu. Ati ohu inyia aswahak hafuot ho hima inna obe oremik dunyai.”¹³Atta Yesu awoŋ ta Galilea ahari no Yordano hijio anyar ebatis Yoani inyia . ¹⁴Ati etiwet Yoani ifa inyia hijio, awak naŋ iyye hebatiso nayya, ettu iyye ta hanaŋ?’’ ¹⁵Etiraŋ Yesu atta hijio to honyie, ‘’Taŋatak nayya iyyania, nyo obis tohooi te ŋejufak ibisiti’’ Atta Yoani aŋatak inyia.¹⁶Odioto Yesu kwak to hotwai hari atta amoju batisimo atta ido bwanya to honyie. Hidofe atta inyia egonyu Oyiri lo Hollum esuru te ido iyya wolo le edia do honyie. ¹⁷Atta hiro awoŋ te’ido nojio, “Lonyi hanaŋ ille lamuno naŋ binno.”

¹Attati Oyiri lo Olibo arihori Yesu ahotwai mur atta hetisiahani la ara fure Sitan hiciem inyia. ²Oferu inyia holoŋitek tomwana aŋwan iko hariejin tomwana aŋwan atta inyia wode. ³Ottu hesusuani atta hijo to honyie, “Lera iyye onyi Hollum, iloito moruo hatara imune.” ⁴Etirraŋ Yesu atta hijio to honyie, “Egioro hijio, ‘Obe tuŋani owuar to ŋiria hame, ati owuar iso inyia to hiro nottu to hutuk no Hollum.’’’⁵Atta hetisiahani eyari inyia ahotwai haŋ, etittolojik inyia Yesu to hide haji imojit nettok, ⁶atta hijio to honyie, “Lera iyye Onyi Hollum, ibire wan nohoi tenni aŋolon, nyo egioro hijio, ‘Efahu iso Hollum anjilohien illohonyie heriria iyye,’ ojio hidofe, ‘Ettarau iso isia iyye ta hass te innohosie anyar ebe iyye ebosok heju nohoi to morwo.’’’⁷Attati Yesu hijio to honyie,“Egioro hidofe hijio, ‘Hotobiaŋa iyye eciem Habu Hollum lohoi.’’’ ⁸Atta hetisiahani eyari inyia a hide doŋe ne esaga, atta etuhutek inyia obiehien daŋ inno owuon ta fau he ibariti innohosie. ⁹Atta inyia hijio to honyie, “Esio iso naŋ tohoi hirro hunna lerigoŋo iyye ta fau hetihabwori nayya.”¹⁰Atta Yesu hijo tohonye, “Ino adde Sitan, egioro hijio, “Anyar etihabwo iyye Habu Hollum lohoi hame, hidofe, igiamai to honyie hame.” ¹¹Tonia, ebusak hetisiahani inyia, atta anjilohien afanu haluahari inyia.¹²Etiru ifa Yesu hijio efitahini Yoani to kijan atta inyia eno afau ha Galilea. ¹³Ebusak inyia Nasarit atta eno Kapernum, nolowuon aŋati ha hari no Galilea nowuon ta fau no Sebulun iko Naptali.¹⁴Etisiru nia hiro nafa erarari hekilani Isaya hijio, ¹⁵”Ettole hiyyo illa amanya ta fau no Sebulun iko Naptali te idumele atta isia egonyu cialai no obolo. ¹⁶Isia hiyyo hullo amanya aŋati ha hari oger no Yordano, iko Galilea hullo pagani. Egonyu hiyyo illo owuon te idumele calai nettok, iyya ilia ille ettole to hidis no ye, to egonyu to nohosie cialai atta ebuhu.”¹⁷To okit to nyia, etiara Yesu hittito atta hijio, Itimitu hiyyata innahatai nyo eliaha obie ne ido.”¹⁸To nobo holoŋ, nafa olotori Yesu to otifor na hari no Galilea, atta inyia egonyu ilasira lohorik, Simone lara fure nohonye Peturu, iko ilasi honye Anerea, ille ebiro hirririehita innohosie ahotwe hari, nyo ara isia hegalak. ¹⁹Atta Yesu hijo to hosie, “Ifanu, ijufutai nayya, ajo nayya atta ehumak itai hegalak illo hiyyo.” ²⁰Teyya atta isia ebusak imutuhi innohosie atta isia ejufari inyia.²¹Owu inyia adde kai tara hosie, atta inyia egonyu halasirak lohorik, Yokobo onyi Sebedeo, iko Yoani ilasi honyie. Owuon ifa isia ho Sebedeo monye hosie lo orifa imutuhi hiyafohita to hotwe ho togoli. Atta Yesu ellilloŋu isia, ²²ojio isia kwak atta ebusari togoli nohose iko monye hose atta ejufari inyia.²³Olot ifa Yesu to hotwai doŋiok inno Galilea hetiyenari isia ta hajik imojiti innohosie ettitori sayye inno obie, atta hitinyarra irruti iko iŋweti daŋ inno hiyyo. ²⁴Etiru ifa hiyyo to doŋiok daŋ inno Siria hiram nohonyie, atta isia eyyani to honyie hiyyo daŋ illo oŋwai iko iŋweti gele gele, iko illak illo odiaha wati innohosie, eyyani isia to honyie daŋ hiyyo illo owuon ho miniaŋa iko hohwe iko illak ille eyyokie wati. Atta Yesu hitinyar isia daŋ. ²⁵Ejufari iluluŋ no hiyyo inyia toGalilea, Dekapolis, Yerusalem, Yudea ta mai nalama tara Yordano.

¹Nafa egonyu Yesu iluluŋ no hiyyo, atta inyia eno ahide doŋe. Ifa lahunye inyia tafau, afanu heyiyanak to honye. ²Aŋa inyia hutuk nohonye atta hitiyyen isia, eijo inyia, ³”Isiara jaha hotowuana iko lociaŋak illo Oyiri nyo, ara iso obie no Hollum nohose ⁴Isiara jaha hotowuana iko ilia illa atariha, nyo orrumek iso isia hitiliha na tajia.⁵Isiara jaha hotowuana iko nyalamak, nyo orutak iso isia fau. ⁶Isiara jaha hotowuana to hiyyo illo owodo ojio hidofe eboto te ibisiti, nyo etufutak iso Hollum isia. ⁷Isiara jaha hotowuana to hiyyo illo omelehini, nyo orrumu iso isia hamehini. ⁸Isiara jaha hotowuana to hiyyo hullo olibo tajia, nyo egonyu iso isia Hollum.⁹Hotowuana jaha to hetumwarak, nyo ara iso isia onyirok ho Hollum. ¹⁰Hotowuana jaha to hiyyo illo orrumu hitigiama to hiram no bisan, nyo ara iso obie ne ido nohosie.¹¹Itumune lo omoro hiyyo ojio hidofe etigiama itai, kuya hidofe ero hirro inno orru to teler tohoi to fure nanaŋ. ¹²Tomunei ojio towuanai bolioŋ, nyo obolo iso duma nahatai te ido. Tekoi tonia, etigiama ifa hiyyo hekilak illafa amanya to hosiere hatai.¹³Era itai liŋ na fau, atti lenyai liŋ holodua, jai iso enyak inya duan? Obe enyak libe te inak hiro ara ebire hijo anyar ebire ade, ojio hejek inno hiyo eririo. Era itai cialai na fau. ¹⁴Obe bore na gala nettok no oduhohini to doŋe eŋofo¹⁵Obe hiyyo ediek lomo atta ettek ta fau ho gufa ati anyar efiyak to hiyihit ho lomo atta inyia hidia to hiyyo bidaŋ to hotwe haji. ¹⁶Isiara lomo nohoi hotodule hidia to hosiere ho hiyyo anyar egonyu hiyyo higiemita innohooi inno olibo anyar etihabuo monye hatai lia lowuon te ido.¹⁷Hotobiaŋa itai egigilo hijio attu naŋ hitiwet hifahita kuya hekilak; Abe naŋ attu hitihar isia, atti attu naŋ hitifut isia. ¹⁸Dede ajo naŋ ta hatai hijio man olita ido arik ho fau ade, obe iso hirro inne egiorohini to hifahita olita man otuhohini hirro bidaŋ.¹⁹Ati lia ohu wan hiwur hifahi ile lobotie ojo etiyana lomuk hegiamai iyya inyia, ofi iso hillilloŋ inyia letiŋ to obie ne ido. Ati lo ottunak hifahita ojio hidofe etiyana isia ohu iso hira lettok to lobie ne ido. ²⁰Ati ajio naŋ ta hatai hijio manla agalik bisan nahatai bisan no hegiorok arik ho na Farisei, ibe iso itai eremik ajiŋak obie ne ido.²¹etiru ifa itai hijo ejio ifa hiyyo beren to hosie, ‘Baŋa ottohoi,’ ojio, ‘Lia lottohoi ohu wuana to yeyoro no hikumo.’ ²²Ati ajio naŋ ta hatai tuŋani le ohu hijoria to hilasi honyie ohu wuana to yeyoro no hikumo; ojio lia ohu wan hijio to hilasi honyi, ibe iyye ira tuŋani ille esiru!’ ohu wuana to yeyero no otubari no ettaha; ojio lia ohu wan hijio, ‘Iyye oriifak,’ ehu iso iyye wuana to yeyero no hima no odule mak²³Ati lesiara iyye hisiorita innohoi ta falaciar ati anyar eyyen iyye hijio owuon ilasi hoi he innak hirro hunna obe owahari iyye, ²⁴ibusak hisiorita innohoi dia to hosiere ha altari, atta iyye eno ikoi nohoi; to hitieri imwarai he ilasi hoi, atta ati iyye awoŋ hisio hisiorita innohoi.²⁵Iruho ha harrossoni hoi tawak, ejio itai helot tekoi amai ho kikoi; hotobiaŋa inyia eyyari iyye ta haŋotoni ho hirro, ojio iso hidofe haŋatoni eyyari iyye to tuŋani ille efitita hiyyo atta ebirok iyye to kijan. ²⁶Dede ajio naŋ ta hatai, ibe iyye eremik ahoni teyya man edumahini iyye hicuŋuta ilo arobia.²⁷Etiru ifa itai hijio ejio ifa hiyyo, ‘Ibaŋa eyau ho oŋorwo no lobo.’ ²⁸Atti elimak naŋ itai hijo, tuŋani lo oriŋa tahalu honobo hiito noŋorwo toktok eyyau inya ta taji nohonyie.²⁹Ati lara honyiek ne inyiet etuhuye iyye togolohotu inyia ade atta iyye ebire inyia ade tara hoi; nyo olibo lobe nobo kal no wan nohoi agalik wan nohoi bidaŋ hebirori ade to hima. Kuyya egiem hani nohoi ne iyyata, toŋutu inyia ade atta iyye ebire inyia ade. ³⁰Olibo tohoi hotobiaŋa hani nobotie agalik wan nohoi bidaŋ heno ahima.³¹Ojio ifa hijio, ‘’Lobo tuŋani lo opiaha ho oŋorwo honyie, anyar esio inyia to honyie waraga no piaha.’’ ³²Ati ajo naŋ itai hijio lobo tuŋani lo opiaha arik ho oŋorwo honyie, kuyya to hiram to ne olocie hiito noŋorwo holobo hiito oliawa hamai tara oliawa honyie, eyyau inyia hirro inno somon.³³Inyak itai etiru hijo ojo ifa to hiyyo illafa hoberen, ibaŋa hetuŋo to teler to hilifo, ati ottoŋori hilifita innohoi ta Habu.’ ³⁴Ati ajo naŋ ta hatai ibaŋa hettuŋo bidaŋ, kuyya to fure ne ido, nyo ara ettolojori no Hollum; ³⁵ibaŋa hidofe hettuŋo to fau nyo ara hiriet no hejek innohonyie; kuyya hidofe to Yerusalem, nyo ara bore na gala ne ettaha hullo hittaha.³⁶Ojio hidofe ibaŋa elifo to hosi innahatai nyo ebe itai eremik ehumak hofir innahatai hotoriohokuyya hidofe hotobuorro. ³⁷Ati isiara hiro nahatai hotoso ee, ee,’ kuyya Obe, obe.’ Hirro innak inna agalik inna ara tara orrute.³⁸Etiru ifa itai hijio ojio ifa hijio, honyiek ho honyek, ojio halati ha halati.’ ³⁹Ati ajio naŋ ta hatai hijio ibaŋa ebo tuŋani lo owuon ho hirro inno somon, le naŋ wan iyye to oŋul henyiet, iloyitok to honyie nobotie daŋ⁴⁰Lawak lobo tuŋani eno okiko daŋ hoi ojio eyari boŋo nohoi, isiara inyia hidofe heyari boŋo nohoi. ⁴¹Lo orosok lobo iyye heno mai na alama, ino daŋ ikonyi alohorik. ⁴²Isiara to tuŋani le efi wan tohoi, baŋa hido oyitok to tuŋani le awak alwahu tara hoi.⁴³ŋetiru ifa itai hijo, “Efu iso itai mune tuŋani ille onyiha daŋ hoi ejio iyye eliwari mioroni lohoi.’ ⁴⁴Ati ajio naŋ ta hatai itimune miorok illahatai ijio itai imojo to hiyo ile etigiama itai, anyar era itai dure illo Monye hatai lia owuon te ido. ⁴⁵Nyo emak inyia holoŋ nohonyie heduoŋo to ruun ha haliborok, ojio efahu hai to habisak ojio te illia obe obis.⁴⁶Lemuno itai hiyyo illo omuno itai, innari hisiorita iso innia errumek itai? Obe hamojok ho musuru egiama hirro innia daŋ? ⁴⁷Ojio lefony itai halasirak hatai hamai, nyo ne egiem itai agalik illak? Obe hiyyo illo obe eruk to Hollum egiama ania? ⁴⁸Ati anyar edule itai ahabisak, iyya odule Monye hatai lia te ido bisan.

¹Ihuma riŋa hijio hotobiaŋa itai ehuma hirro innahatai inno olibo to hosiere ho hiyyo hijio anyar egonyu isia. Lehuma itai ania obe iso Monye hatai lia te ido oduma itai. ²Lesio itai iluahiti to lociaŋak ibaŋa esio iyya tuŋani lo ohut ikakan hijio anyar egonyu inyia. Ehuma henyiabak iyya nia ta hajik ino imojiti ojio hidofe te ikota hijio anyar etihabuo hiyyo isia. Elimak naŋ itai hijio amoju isia hisiorita innohosie.³Ati lesio itai iluahiti, anyar esio itai ne eŋofo hijio hotobiaŋa hani ne ihorroŋ oyyen nyo nia ehuma hani inyiet, anyar itai esio hisiorita innahatai to hiŋofo ⁴Atta iso Monye hatai lia lorriŋa hirro inne eŋofohini duma itai.⁵Lemojo itai hotobiaŋa itai ehuma iyya hetimiyahak, nyo omuno isia hawetari ojo hidofe omojo ta hajik imojiti ojo hidofe to ipiehiti inno koi hijio anyar hiyyo egonyu isia. Dede, elimak naŋ itai hijio efwotu iso isia hisiori nohose. ⁶Atilemojo itai, itijiŋak ahotwe haji. Isionok ikat ojo hidofe, itimoje to Monye hatai lo obe oliew. Nia atta Monye hatai lorriŋa rori inno obe oliew, duma iso itai. ⁷Lamojo itai, hedassa rori arria to biaŋan no higigilo iyya hirorita inno paganohien, nyo egigilo isia hijio etiru iso Hollum isia to hirorita hunna emonya.⁸Ibaŋa ehuma iyya egiama isia nyo oyyen Monye hatai rori hunna ewak itai holobe itai efia inyia. ⁹Itimoje tiji: ‘Monye hohoi ille owuon te ido, hotokwata fure nohoi. ¹⁰Hawoŋ obie nohoi, isiara hehuma iyya wahan nohoi ta fau iyya egiama te ido.¹¹Isiara te iyyohoi ena daha nohoi inna to holoŋi. ¹²Ibusak horosi innohoi iyya ebusahini iyyohoi hiyyo illo horosi illohoi. ¹³Baŋa eyari iyyohoi to hususua, ati tohou iyyohoi tara lorrute.’¹⁴Lebusak itai hiyo hiyyata innohosie, ebusak iso Monye hatai lia te ido hiyyata innahatai. ¹⁵Ati lobe itai ebusak hiyyo horosi innohosie, obe iso Monye hatai ebusak hiyyata innahatai.¹⁶Ati lefer itai, hejiriŋa iyya henyiabak hullo ejiriŋa to homomite innohosie hijio anyar hiyyo oyyen hijio oferu isia. Dede, elimak naŋ ita hijio, owuon isia he hisiori nohosie. ¹⁷Ati laferu itai, iyalak hossi innahatai ejio hidofe ellilla homomite innahatai. ¹⁸Hijio anyar hiyyo obe oyyen hijio aferu itai, ati egonyu Monye hatai lobe oliew. Hidofe Monye lia egonyu rori hunna obe oliew, oduma iso itai.¹⁹Hettunak ibariti innahatai ta fau inna nyo esok iso hiyyu iko ohitido isia, kuyya ojiŋak iso hahalak ahahalari isia. ²⁰Ati itittunak ibariti innahatai te ido no obe iso hiyyu iko ohitido oremik hitihar isia ojo hidofe no obe hahalak oremik huwur atta ŋahahalari isia. ²¹Nyo ta mai no owuanari ibariti innohoi, owuon iso taji nohoi dia.²²Ara honyek iyya cialai no wan. Tonia, locialai inyia na anyar atta wan daŋ hifut iko cialai. ²³Ati lorrun honyek oriok iso wan daŋ, tonia kuyya lorru cialai, hobolo iso idumele iyya nyo. ²⁴Obe tuŋani oremik higiama te ettaha lohorik, nyo oliwari iso inyia lobotie atta hidofe mune lobotie, kuyya lawak iso inyia lobotie, anyar omiana inyia lobotie. Obe itai eremik higiama to Hollum iko te ibariti.²⁵Tonia, elimak naŋ itai hijio, hehawua to manya nahatai, to hirro hunna edaha itai, hidofe hunna emata itai ara ta hido to rori hunna eciefita itai. Obe iso wuaran agalik daha? Ojio wati innahati obe agalik boŋojin? ²⁶Ituwolo cieŋ innia efiritato hide. Obe isia oyek ojio obe hidofe odieŋu, hidofe ottubak hirro te ibatiha, ati etidaha Monye hatai lia te ido isia. Obe itai egalik isia?²⁷ŋai lia tohiji hatai loremik hitibolo wan nohonyie to hihauwa nohonyie? ²⁸Nyo ehauwa itai to boŋojin? Itiwolo to turiana inno owuon ta mana, obe isia egiama, obe hidofe isia ecio. ²⁹Ati ajio naŋ ta hatai hijio, obe ifa boŋojin inno Solomone elahaman iyya turiana hunna, ati elahaman isia binno.³⁰Kuyya leticiofo Hollum turiana hunna esur ta fau ena, ojio motie atta ebirori to hima, obe iso inyia eticiofok itai no olibo agalik, aai, itai hiyyo hullo odicio hiruk? ³¹Tonia, ibaŋa ehauwa ejio hidofe egigilo hijio, ‘Hedaha iso mahu iyyohoi nyo?’ kuyya, ‘emata iso iyyohoi nyo?’ kuyya ‘Eciofok iyyohoi nyo?’³²Nyo osiaha paganohien rori hunna daŋ, ati oyyen Monye hohoi te ido hijio ewak itai hirro innia. ³³Ati isiahai to hosiere obie nohonye iko hitiyenita innohonye ojio iso hirro inne atta afonihini ta hatai. ³⁴Ati, ibaŋa ehauwa to rori hunna afanu motie, nyo motie afanu iso rori inak huna ewak itai. Oremik iruti inno holoŋ nobotie to holoŋ nia.

¹Heŋot lobo tuŋani ojio iso hidofe Hollum obe oŋot itai. ²Le eŋot itai lobo, oŋot iso hidofe Hollum itai. Ojio te icemit ne eciamari itai, aciamari iso itai daŋ.³No nyo eriŋa iyye to shehin letiŋ no owuon to honyek he ilasi hoi, ijo iyye ibe ewolo to nia no owuon to honyiek hoi? ⁴Jai eremik iyye hiro to ilasi hoi hijio hadi akuadu naya sehin nia to honyek hoi ade? ⁵Itai hetiyahak! tokuado hita nia hittok to honyiek hoi hosiere attati iso iye aremik egonyu ojo akuadu shin nya owon to honyek helasihoi.⁶Baŋa esio hiro hunna odwa to ŋohe ojio hebirok honoron huna obwor wati ta bataha hotobiaŋa isia eririek honoron inia to hejek inohosie atta yite ohonyari itai.⁷Ifia, ata iso Hollum hesio ta hatai. tosiahai ata iso itai erumu. Ikokoho, aŋa iso to hatai. ⁸To nyo le efia wan to Hollum omoju iso. Lia losiaha wan orrumu iso, ojio hidofe le enninaŋa wan ikat aŋa iso ikat to honyie. ⁹Obe iso lobo tuŋani esio onyi honyie morwo lomojo inyia ŋiria? ¹⁰Kuyahidofe omojo onyi honyie hami atta hisio to honyie munu?¹¹Itai illia ille erru wati kuyya eyyen itai hisiara no hirro hunna olibo wati to durre inna hatai? Obe iso Monye hatai lia te ido esio hirro hunna olibo wati binno to hiyyo hullo efia wati inyia? ¹²Hirro daŋ hunna iwak itai hijio hehumai hiyyo ta hatai, anyar ihuma itai ino ocialari to hosie. To nyo egiorohini huna to ifahita ojo hegierita ino hekilak.¹³Itijiŋak te ikat nia otida, to nyo alat hikoi nia edihori hiyo to ye, inya nia emonya halocitak te koi to nia. ¹⁴Ati otida ikat ne edihori hiyo to wuaran inya nia eduhucio hiyo ilo orumu inya.¹⁵Ihuma riŋa hekilak hullo enyaba hiyo, to nyo olot isia ta hatai iya kioro, ati ta taja hose, ara isia iyya ewuoho huna oniama wati. ¹⁶Eyen iso itai isia to haŋer huna hihumita inohosie. Dede ettalu hiyo ahoru haŋer ina ajalaŋi tara hukwa, ojo hidofe ettalu hiyyo ahoru haŋer ino ŋaboli tara ilaŋi. ¹⁷Yani daŋ huna olibo wati eŋarak iso haŋer inohosie huna olibo, ojo huna oru eŋarak iso haŋer huna oru wati.¹⁸Ati obe iso yani ina olibo oremik eŋarak haŋer ino oru wati. Ojo yani ina oru obe oremik eŋarak haŋer ino olibo. ¹⁹Oŋutu iso hiyo yani inna eŋarak haŋer inno obe olibo daŋ ade ata ebirohini to hima. ²⁰Ati efanu iso itai hiyen isia to haŋer inohosie.²¹Obeŋ iso ara hiyo bi daŋ hulo ojo ta hanaŋ, Habu, Habu, ojiŋak to obie nya tedo, ati ojiŋak iso lia lehuma wahan no Monye hanaŋ lia te idou. ²²Hiyo ariai ojo iso ta hanaŋ toholoŋ nya, Habu, Habu, ebe ifa iyohoi ekikila to fure tonohoi, to fure to nohoi efuhak ifa iyohoi jiohin, to fure to nohoi ebe ehuma ifa iyohoi hihumita ariai huna obolo wati?’ ²³Ata ati nayya hijio to hosie, abe naya ayen itai! Ifeti ade tara hanaŋ, itai hulo ihuma hiro huna oru!’²⁴Hiyo daŋ hulo etiru watie hiro hanaŋ ojo oniŋe hirorita inanaŋ ara iso isia iyya olofere ile oduhok haji nohonye to hide moru. ²⁵Asa hai, ohut oyami, ojo hifioŋ onyeta, ata hai nia hibak haji, obe haji nia ahuyai nyo oduhok inya to moruo.²⁶Hiyo daŋ ilo etiru hisiŋita inanaŋ ojo obe oniŋie hiro niyaa ara isia iyya osita ile oduhok haji nohonyie to siŋata. ²⁷Asa hai ojo oyami ohut ojo hifioŋ onyieta, ata hai hibak haji, atta haji nia ahuyai ata hitihare.²⁸Otu ifa nia ifa latohu Yesu hiro inia, ata iluluŋ nohiyo ifa heliliha to hitiyenita inohonye, ²⁹nyo etiyana inya iya tuŋani lo owon hogolon, obe inya etiyana iya hegiorok ilohosie.

¹Nafa awaŋ Yesu to hide doŋe, ejufari ifa iluluŋ no hiyyo inyia. ²Ati dia ottu ifa lobo tuŋani lo talulu to honyie, atta rigoŋo to hosiere honyie, atta hijio, “Habu, le ewak iyye hitilibo nayya, eremik iyye hitilibo nayya.” ³Ifa atirok Yesu hani nohonye to tuŋani lia atta hittoŋ inyia, atta hijo, “Aremik naya. Tolibe.” Ati olibe ifa tuŋani lia ha talulu.⁴Ati ojo ifa Yesu to honyie, “To riŋe enni, baŋa elimak lobo tuŋani hirro inia. Ino to hikoi nohoi, ino ituhutek wan nohoi to fadirihien ojo hidofe isiara hisiorita inafa esio Musa hatara hituhuti to hosie.”⁵Ifa lajiŋak Yesu a Kapernaum, ottu ifa lobo eittok to honyie atta hifi inyia, ⁶hijio, “Habu, lia pit lalaŋ ofer ta haji lo oŋura etaban iko diahai bi nono.” ⁷Ati Yesu hijo to honye, “atu naya hitilibo inya.”⁸Etiraŋ etok to honyi hijo, Habu obe osiru ta hanaŋ hijio anyar etu iyye ahaji hanaŋ, ati irara hijo olibo iso pit lallaŋ. ⁹Nyo aniŋe naya ettok lalaŋ ojo hidofe oseŋer illallaŋ oniŋe nayya. Elimak naya to lobo hijo, ino, atta inyia ŋeno, “Kuya ajo naya to lobo woŋ, atta inya awoŋ” Ojo lajo naŋ to pit lalaŋ hijio, igiama niyya, atta inyia higem. ¹⁰Ifa etiru Yesu, eliliha inya atta hijo to hejufutak, “Dede elimak naya itai hijo, ara ida man to Isarail, abe naya arumu nobo huruk no obolo iyya ina te Isarail.¹¹Elimak naya ta hatai, afanu iso ariai ta hidoŋi ojo te esut, ojo isia otiro to terefeja iko Aburamo, Isako, ojo Yokobo, to lobie ne ido. ¹²Ati ebirori iso durre illo obie ahotwai idumele nabali, mai no owuanari hiyo ojo hirita no hala. ¹³Ojo Yesu te ettok lo oseŋer, “Ino! Iyya eruk iyye, nia isiara hegiama tohoi,” ojo hegiama ata libe to far nafa nya.¹⁴Ifa awoŋ Yesu ahaji ho Peturu, egonyu ifa inyia hamoni Peturu lofer no loŋuwai iko nohon no wan. ¹⁵ata Yesu hitir hani nohonye, ata nohon no wan biaŋan. Atta inya diote ata higiama to honye.¹⁶Nafa era iŋalio,eyani isia hiyo ariai ilo oŋuwai iko miniaŋa to Yesu. Efuhai Yesu miniaŋa to hirro nohonye etinyar inya haŋuwak daŋ. ¹⁷Ehuma inya hijo anyar etisiru hiro ino Isaya hekilani, hijo, “Inya to wan to lohonyi, eyari iŋwueti hidofe etinyar iyohoi.”¹⁸Ifa egonyu Yesu iluluŋ ekolok inya, atta inya hisio hituhutita hahuye otifor no wor no Galilea tololo. ¹⁹Atta hegioroni awoŋ to honye atta hijo, “Hetiyanani, ejufari naŋ iyye amai no ehuye iyye.” ²⁰Ojo Yesu to honye, “Owuon obeyohi ho ittuloho, ojo cieŋ inno ido owuon ho hajik, ati obe Lonyi tuŋani owuon ho lobo mai le etiferihini inya ho nohonye.”²¹Ero ifa lobo efahati to honye, “Habu, aŋatak naya doo heno hanuhahini monye hanaŋ.” ²²Ati ojo Yesu to honyie, “Ijufuni nayya, ibusak hayok hotonuhak wati innohosie.”²³Ifa ajiŋak Yesu atogoli, atta hejufutak ilohonye ejufak inya ahotwai togoli. ²⁴Nia odiote oyyami nettok to hide hahari nettok, nia etihok hifaliahita togoli, ati ojoto ifa Yesu. ²⁵Afanu hejufutak to honye atta hitidiet inyia ahide, atta hijo, “Toluak iyyohoi, Habu, efi iyyohoi ye!”²⁶Ojio Yesu to hosie, “Nyo nia ebaŋ itai, odicio huruk na hatai.” Atta inyia diote ahide atta hitwet oyyami iko hari hotonyietai dee. Ati oduwai oyyami daŋ. ²⁷Ellilliha hiyyo illia daŋ hijo, “Lari tuŋani lia abaŋ oyami iko hifioŋ inya?”²⁸Nafa ellaŋ Yesu hari akal ho Gerasa, Eruwaŋ inya iko hiyyo ohorik hullo owuon iko miniaŋa. Afanu ifa isia to hotwai helumioho hidofe ara asitajak, obe ifa hiyyo olot to hikoi nyia. ²⁹Ati oyio isia hijio, “Lonyi Hollum, ewak iyye iyyohoi hegiama nyo tohoi? Ejo iyye ettu higiama iyyohoi holobeŋ holoŋ nohoi ottube?”³⁰Owuon ifa iluluŋ na bataha dia ino adaha, obe ifa alama toro hosie. ³¹Oluaha ifa miniaŋa to honyie hijo, “Lejo iye efuhai iyyohoi ade, hadi ati iyohoi efu ajiŋak a hotuwajin ha bataha.” ³²Ati ojo Yesu to hosie hijio, “Ifeti!” tara, ajiŋu minaŋa ade atta ajiŋak to bataha. Atta iluluŋ nafa ha bataha daŋ hinyior aŋati ha hari atta ahuyik ta hari ojo hidofe atta ayek to hotwai hari.³³Ofuhe heribitak ilafa eribita bataha ata ajiŋak to hotwai haŋ ata isia elimak hirro inafa egonyu isia daŋ ojo tono sitajak ilafa owuon iko miniaŋa. ³⁴Ati afanu ifa hiyyo daŋ to hotuwe haŋ to Yesu atta isia hifia inyia hijo inya heno ade ta fau nohosie.

¹To nobo far, orrek Yesu togoli, ata hilaŋ hari ata ajiŋak to nobo bore na gala. ²Eyani ifa hiyo to honye lobo tuŋani lofer ojo eyyokie. Ifa egonyu Yesu hiruk nohosie, atta hijo to tuŋani le eyyokie wan hijo, “Hiito itigolo wan nohoi, ahohini hiyata ino hoi.”³Atta ilak hegiorok ta wati te inohosie hijo, “Omoro tuŋani ileŋ iyyohoi.” ⁴Ati oyyen ifa Yesu higigilta innohosie daŋ atta hijo to hosie hijo, “Nyo egigilo itai noloru ta tajaa inahatai ania? ⁵Nari nia eliaha, to hijo nanaŋ hijo, ‘ahohini hiyyata innohoi, kuyya hidofe te hijo to nanaŋ hijo, ‘Tette, toloto. ⁶Ati anyar eyyen itai hijo owuon golon to Lonyi tuŋani na agalik inohonye hiyyata ino hiyo ta fau. Attati inya hijo to tuŋani lia eyyokie wan, “Tette, odumu ijotit nohoi, ino a haŋ hoi.”⁷Teyya atta tuŋani lia diote ahide atta eno ahaŋ a haŋ honyie. ⁸Nafa egonyu iluluŋ no hiyyo ariai hiram nyia atta isia baŋi atta isia hitahabwo Hollum lesio duwaran inya to tuŋani. ⁹Nafa awoŋ Yesu teyya, atta inyia egonyu lobo tuŋani fure nohonyie Metteyo. Ettole ifa inyia ta haji no odumari hiyyo musuru, atta Yesu hijo to honyie, “Ijufuni nayya.” Odiote ifa Metteyo atta ejufari inya.¹⁰Ifa lahunyia Yesu ta fau hoi haji adahari ojo ilak hamojok homusuru ojo hiyak afanu ata daha he inya ŋiria ojo lefahat. ¹¹Ifa egonyu Farisei, ata isia hijo te lefahat ilohonye, “Nyo adaha hetiyenani lahatai iko heduduhak musuru ojo heyak?”¹²Ati etiru Yesu hiram nia atta hijo, “Obe hiyyo ilo olibo ojo ogol watie oremik asiahari akim, ati ara hiyo ilo oŋwai. ¹³Ifeti egigile mana no hiram nia: Awak naya hamelehini obe ara hisiorita.’ Abe naya atu hililoŋo hanyarak, ati atu naya elilloŋori heyak.”¹⁴Niya, afanu hejufutak ilo Yoani to Yesu atta hijo, “Nyo iyohoi iko Farisei edihiŋa, Ejo itai hejufutak obe eferu?” ¹⁵Etirraŋ Yesu to hosie hijo, “oremik motiarak ilo hayamani hijiriŋa ojo hayamani owuon daŋ ikosie? Afanu iso holoŋitek ino eyari hiyo hayamani to hiji hosie ade, ati holoŋ nia atta iso isia aferu.¹⁶Obe lobo tuŋani oremik arifak ittafit no boŋo ŋejuk te igwasit no boŋo marwani. Nyo ogwasa iso ittafit ŋejuk tara boŋo marwani ade, atti obolo iso igwasit nia agalik nara.¹⁷Hidofe obe iso lobo oremik ejuhok fino ŋejuk to rokuo marwani. Ati lejuhok lobo, obwor iso fino nia rokuo man obiaŋari nobo rouo. Ati ijuhok finno ŋejuk to rokuo ŋejuk atta isia rassai daŋ.”¹⁸Nafa hero Yesu hiro inia to hosie, awoŋ lobo etok rigoŋi to hosiere atta hijo to honyie hijo, “Heletek ŋani hanaŋ yee iyania, woŋ ino otirok hani nohoi anyar owar inyia.” ¹⁹Odiote Yesu atta ejufari inya daŋ, ojo hejufutak ilohonye ofwo ta halu lohonye.²⁰Ottu nobo hiito noŋorwo nafa odule hosehe nohonye pule ŋasi tomon harik atta hitir halu no boŋo no Yesu. ²¹Nyo ejo ifa inyia beren hijo, “Lettir naya boŋo nohonyie aremik iso naŋ libe.” ²²Ati oyito Yesu to honye atta egonyu inya atta hijo to honye, “Hito, itigolo taji nohoi. Etilibo naya huruk nohoi iyia.” Kwak tamanya, ata hito noŋorwo nya libe.²³Nafa awoŋ Yesu ta haji hetok, egonyu inya hahutak ilo ikakan iko iluluŋ no hiyo eyoro bino. ²⁴Atta inya hijo, “Ifeti adde, holobe hito ina oye, ati ojoto inyia bi.” Ati ellohitari ifa isia inya to hittaduho.²⁵Nafa efuhak hiyyo iluluŋ abali, ojiŋak inyia to hiji ho hiyo a hotwai haji man owu hittoŋ hiito nya ta hani, atta hito nyia diote ahide. ²⁶Esarehini ifa sayye inohonye to missihi niya.²⁷Nafa eno Yesu teya adde, ejufari ifa ilak haŋodok lohorik efuhari inya. Odule ifa isia hiro ilo ewuoloŋita hijo, “Tomehini te iyohoi, Lonyi Davide!” ²⁸Nafa eba Yesu to hotwai haji, afanu haŋodok to honyie. Atta Yesu hijo to hosie, “eruk itai hijo aremik naya higiem inna?” Atta isia hijo to honyie, “Eruk iyyohoi dede Habu,²⁹Atta Yesu hittir honyiehite innohosie atta hijio, “Isiara hatara ania ta hatai iyya ewuon itai ho huruk.” ³⁰Atta honyehite innohosie ŋa. Ati ojio Yesu to hosie hijo, “Itiyyen hijo hotobiaŋa lobo tuŋani oyyen hiram nia.” ³¹Ati efie ifa hiyo lohorik lelimahini hiram nia to doŋe nya bi daŋ.³²Iya ofwo ifa hiyo lohorik lia adia, eyani ifa hiyo lobo tuŋani to Yesu lafa etuduek miniaŋati. ³³Nafa efuhari miniaŋa nia ade tara honye, atta tuŋani lo odwa lia hiro. Oduehini ifa iluluŋ no hiyyo atta hijio, “Holobe ifa inak hirro eba man beren to doŋe ne Isaraile!” ³⁴Ati odule ifa Farisei hiro hijio, “Efuhai inyia miniaŋa adde to golon nettok no miniaŋa.”³⁵Olot ifa Yesu a missihi iko a doŋiok ino bore na gala. Odule ifa inya hitiyena to sinagok, letiyena sayye inno obie no Hollum, ojio hidofe etilibo iŋweti daŋ tamai. ³⁶Omehini ifa taji nohonyie te iluluŋi inno hiyo daŋ, nyo elafuho ojo oŋuŋusia ifa isia bino. Ara ifa isia iya kioro ino obe heyohoni.³⁷Ojio inyia to hejufutak ilohonyi hijo, “Obolo mana odioŋoti ati oduhucio hegiamak. ³⁸kwak, hetimoje ta Habu lo mana, hijio anyar efahak hegiamak a mana odieŋu.”

¹Atta Yesu ellilloŋu hejufutak ilohonye hullo tomon holohorik atta hisio to hosie golon na agalihini isia oyirihien inne ebwot, no oremik efuhari ade, ojo hetilibori iŋweti gele gele.²Ara ifa fureta inno efahat tomon harik lia. Hitieri lohosie ifa, Simone (lafa elliloŋo inyi hijo Peturu), iko Andrea ilasi honyie; Yokobo onyi Sebedeyo, iko Yoani ilasi honyie; ³Filipo iko Batulumeyo; Tomaso, iko Metteyo heduduhani ho musuru, Yokobo onyi Alfeyo, iko Tedeyo; ⁴Simone lafa omuno Hollum, iko Yuda Iskariote, lafa ottu etinyaŋai inyia.⁵Atta Yesu efahak hejufutak ade. Etuhutek inyia isia atta hijo, “Ibaŋa ofuo amai no owuanari halufak, ibaŋa hidofe ojiŋak abore gala no Samaria. ⁶Ati ifeti ahaji no olitari ker ne Isarail; ⁷Ojo iya tehefe nahatai, itiyanai ata itai hijo, ‘Awoŋ obie te ido aŋati.’⁸Itilibo haŋwak, ituwaru hayok, itilibo haŋwak ino talulu, atta itai efuhai miniaŋa adde. Emoju itai assai, isiara hidofe assai. ⁹Ibaŋa eyari inak nyahuo, iko yiel ojo copper to kulosien inahatai. ¹⁰Ibaŋa eyari rokuo to loton nahatai, boŋo, iko hamuha iko inak hiro, nyo osiru hegiamani hadahari ŋiria nohonye.¹¹Lajiŋak itai to nobo haŋ iko doŋe, itirumu tuŋani no osiru teyya, atta itai hittole dia man ebusari itai mai nyia. ¹²Lajiŋak itai ta haji, ifonya inyia. ¹³Losiru haji nyia, ibusak himwara nahatai dia. Ati lobe osiru, isiara himwara nahatai hawoŋ ta hatai¹⁴Ati to lia ilo obe omoju itai ojio hidofe obe etira to hitiyana nahatai, ituturok tuduha nya te hejek hatai adee le ebusak itai doŋe nya. ¹⁵Dede elimak naya itai, eyak iso ta fau no Sodoma iko Gomora ta far no ŋoto na agalik doŋe nya.¹⁶Itiwolo, efahak nayya itai iyya kioro to hiji he ewuoho, anyar egeny itai iyya munok ojo hidofe ebe erifaha iya wolosien. ¹⁷Ihuma riŋa to hiyyo! Ofu iso isia hisio itai te iluluŋi, atta isia baha itai to sinagohien. ¹⁸Atta iso hidofe isia hisio itai ahosiere iko eetaha iko habwok to hiram nanaŋ, hatara ahituhuti to hosie iko to halufak.¹⁹Le esio isia itai to hosie, ibaŋa abaŋ to hiro ino efu itai hiro ojo hidofe efu iso itai hijo jai, esiarahini iso hiro ino efu itai hiro ta saa nya. ²⁰Obe ara iso itai efu hiro, ati ero iso Oyiri no Monye hatai ta hatai.²¹Esio iso ilasi , ilasi honye to ye, ojio hidofe monye hiito lohonyie. Odioto iso dure no oru to hesiok hosie atta hisio isia hotoyoyo. ²²Oliwari iso hiyyo daŋ ta mai itai to fure nanaŋ. Ati lo odik man to hucuŋi, etilohini iso tuŋani lia. ²³Letigiama isia itai to doŋe inya, irwata adde anobo mai, dede ajo naya ta hatai, obe iso itai eremik ebusari doŋiok inno Isaraile holobe Lonyi Tuŋani awoŋ.²⁴Obe hejufutani oremik agalik hetiyanani lohonye, obe hidofe hegiamani ara nettok tara ettok lohonye. ²⁵Oremik iso hejufutani hatara iyya hetiyanani lohonye, ojio hidofe hegiamani iyya ettok lohonye. Lellilloŋ isia ettok la haji Belsebul, orru iso binno te ilia ilo eliloŋo isia amotiarak ilo haji nohonye!²⁶Iyania, ibaŋa abaŋ isia, obe iso nobo sihin ne eŋofo no obe oliew, obe hidofe iso nobo sihin ne eŋofo nobe oyyen. ²⁷Hiro ene elimak nayya itai ta mai no oriok, irara ta far, le etiru itai inak hiro bolioŋ to yohee inahatai, ihuma elimak bino ta hajik hatai.²⁸Ibaŋa abaŋ ilia ilo oremik attohe wan ati ilo obe oremik attohe oholio. Ati, itibaŋ tuŋani lo oremik atohe oholio iko wan atta ebirok to hima. ²⁹Hobe iso cieŋ lohorik oremik etinyiaŋari ta arobiya kai? Obe lobo oremik ahuyik ta fau lo obe Monyehatai oyyen. ³⁰Ati essok inyia ta hihen hofir inno hosi innahatai. ³¹Ibaŋa abaŋ. Elibo itai egalik cieŋ³²Leruhok lobo tuŋani nayya to hosiere ho hiyyo, eruhok iso nayya inyia daŋ to hosiere ho Monye hanaŋ lo owuon te ido. ³³Ati lorisa nayya to hosiere ho hiyyo, arisa iso nayya inyia daŋ to hosiere ho Monye hanaŋ lia te ido.³⁴Ibaŋa egigilo hijo eyyani nayya himwara ta fau. Abe nayya attu eyyani himwara, ati fere. ³⁵Attu nayya esutak tuŋani haliwari monye honyie, ojio hiito oliwari hotonye honyie, ojio hiito na ara a hamoni oliwari homoni honyie. ³⁶Ara iso miorok illo tuŋani hiyyo lia ta haŋ honyie.³⁷Lia lomuno monye honyie iko hotonye honyie agalik nayya, obe osiru ta hanaŋ; lomuno lobo onyi honyie iko ŋani agalik nayya obe osiru ta hanaŋ. ³⁸Lobe lobo akafu kuruce atta ejufari nayya obe osiru ta hanaŋ. ³⁹Losiaha lobo wuaran nohonye, etilitek iso inya. Ati lia letilitek wuaran nohonye ta nayya orumu iso inyia.⁴⁰Lia lomoju itai omoju inyia nayya, ojo lia lomoju nayya omoju iso hidofe inyia lia efahu nayya. ⁴¹Lia lomoju hekilani hijo ara inyia hekilani, efwotu iso inyia hisiori no hekilani, ojo lia emoju tuŋani habisani to hira nohonye tuŋani habisani emoju iso inyia hisiorita no tuŋani habisani.⁴²Lesio lobo to ilia hitiŋi hifioŋ inne elik hatamat, nyo ara inyia hejufutani, dede ajo nayya ta hatai, obe iso inya oremik hidiak hisiorita inohonye.”

¹Ifa esiahak Yesu elimak hiro te hejufutak ilohonye tomon ho lohorik, ata inya eno etiyanari abore gala. ²Nafa etiru Yoani hiro ine egiem no Kristo, ata inya efahak efahati tara hejufutak ilohonyi. ³Ata hijo to honyi ino tojio, “Ira iye lafa ojo otu? wala anyar etila iyyohoi lobo hamai?”⁴Atta Yesu hitiraŋ hijo, ''ifeti ilimak to Yoani hiro inno egonyu ittai ojo inno etiru ittai. ⁵Oriŋai haŋodok, oloton haŋurak, olibe hiyo illo oŋuai arik ho johin ino oru, etira hatuhok, ebuhu hayok, etiru heruhok sayejin ino olibo. ⁶Hotowuana jaha to tuŋai lobe ekuya hiram nanaŋ.''⁷Nafa aciahari hiyyo ilia atta Yesu elimak te iluluŋi ino hiyyo hiram no Yoani, ifa teya atta hifi isia hijio, “Efi ifa ittai awaha tonyio? Yani no ohut oyyami? ⁸Efi ifa ittai riŋa nyio? Tuŋani le eciefita boŋojin inno olibo? Dede hiyyo ille eciefita boŋojin inno olibo amanya tahaji ha Habwok.⁹Atti efi ifa ittai oriŋari nyo? “Hekilani? Ee, ajo naya ta hatai, ajo hidofe naya agalik hekilani. ¹⁰Ilohoi tuŋani lafa egiorohini te inya, ‘itiriŋai, hayitani ha sayye inanaŋ ahosiere hatai le owu ehuhumak hikoi to hosiere hatai.’¹¹Dede elimak nayya ta hatai, to hiyo ilo esini tara ŋorwo obe lobo agalik Yoani Hebatisoni. Atti owuon lobo la agalik inya to obie to nohonye te ido. ¹²To holoŋitek inafa ho Yoani Hebatisoni man iyania, orumu obie ne ido hitaban no Iŋalafiti, ojo hiyo ilo omuno ŋalafa ete eyari to golon.¹³Odule ifa hekilak iko hifahita ino hikila man to holoŋitek innafa ho Yoani Hebatisoni. ¹⁴Eremik iyye amoju inyia, Elia lafa ojio ottu iso. ¹⁵Lowuon ho yohe hetirari isiara inyia hetiru.¹⁶Etirijik iso nayya hilahaji ina iko nyo? Ara iya dure hulo eramita to etinyaŋari ille ettole atta hililoŋo wati ilo hosie. ¹⁷Atta hijo, ehuta iyohoi ciwali ta hatai ejo itai ebe ecia. Ewuon iyohoi ho twari ejo itai ebe eyo.¹⁸Nafa ottuni Yoani obe adaha imune, obe amata balu, ejio ittai atta hijio owuon inyia ho miniaŋa. ¹⁹Nafa ottuni Onyi Tuŋani adaha inyia imune ojio hidofe amata atta isia hijio ituwolo, arra inyia ahadahani ojio hidofe ara harumani, amote ho hemimojok ho musuru iko heyyak!’ Atti etibisahini iso hilofere to higiemita inohonyie.”²⁰Atta Yesu hitiara hitiyana borejin inno gala innafa obolori igiem no honyi nyo holobe isia oyyite. ²¹Oru iso ta hatai Korasin, orru iso ta hatai Beteseda! Nara ida igiem no Hollum iyya ne egiamari inyia to Taiyre iko Sidon to hatai acahari ifa itai beren, atta itai emak siwal iko otuala. ²²Atti elimak naya ta hatai hijo olibo iso to Taiyrea iko Sidone to holoŋ no ŋoto agalik na hatai.²³Ittai Kaparnum egigilo ittai hijo eremik iso itai efie ahide ido? Obe, ebirori iso itai amai no oru. Hara ida igiem nya egiem Hollum to Sodoma iya ta hatai ida harasa ida man ena. ²⁴Atti ajio nayya ta hatai hijo ofiak iso to holoŋ no oŋotori Hollum agalik nia hatai.²⁵To holoŋ nyie etiraŋ Yesu hijio, “Eti habwou naya iye, Monye, Habu lo ido iko fau, nyo etuhutek iyye hirro to ofioroho ojo to tuŋani lo oyyen etilau isia to hullo holobe etiyenu to dure hullo hitiŋi. ²⁶Ee, Monye olibo ifa to honyehite hoi toriŋe esio. ²⁷Esio ifa Monye hanaŋ hiro daŋ ta hanaŋ; obe lobo tuŋani oremik hiyen Onyi aracie Monye, obe lobo tuŋani oremik hiyen Monye aracie Onyi, iko to tuŋani lo onyimu Onyi hetiliek to honye.²⁸Ifanu ta nanaŋ itai ille egiama ejio hidofe ekafita hirro inno odiŋ, esio iso nayya ta hatai yiri. ²⁹Iyari hiyeni hanaŋ ejio ittai eyiyenu tara hanaŋ, nyo anyalam nayya ojio taji nanaŋ olibo, ati orrumu iso oholioho innahatai yiri. ³⁰Nyo olibo hiyeni nanaŋ ojo hiram nanaŋ ehauwa.

¹To nobo far owu ifa Yesu to holoŋ no Sabato iko hotwe na mana, nafa oniamai efahat illo honyie atta riaja ŋama. ²Nafa egonyu Farisei ania, atta isia hijo to Yesu, “Toriŋai, egiama efahat illohoi hirro inno obe olibo to holoŋ no Sabato.”³Atti ojio Yesu to hosie, “Obe itai ehien hirro inne egiem Davide, nafa oniamai inyia iko hiyyo illafa owuon iko inya? ⁴nyio owu inyia ahaji Hollum atta daha imune nafa esiarahini to hosiere ho Hollum no obe osiru to honyi ojio hiyyo illafa olot iko inya atti ogol to fadirihien.⁵Iyya egiorohini to hifahita hijo to holoŋ no Sabato opwak higiemita to holoŋ no Sabato, to haji imojit, atti obe isia epal? ⁶Elimak nayya itai hijo, owuon lobo inni la agalik haji ne imojit.⁷Etumo itai hitieri no hiram no hiro ino ojo hijo, “Asiaha nayya hiyyo ilo omelehini wati, obe arra ille esio higiemita” Atti eyyen itai hirro inia, ati ebe itai ekum hiyyo ilo egiema no orru. ⁸Nyo arra Onyi Tuŋani a Habu lo Sabato.”⁹Atti ata Yesu ebusak mai nya ata ajiŋak a sinagog no hosie. ¹⁰Owuon ifa lobo tuŋani loye hani no honyie. Efia ifa Farisei Yesu atta hijo, “Holibo iso hetinyarari tuŋani to holoŋ no Sabato?” Awak ifa isia arosok Yesu hipali.¹¹Etirraŋ Yesu do hosie, “Iya owuon lobo lahatai ho ker lobotie ja, attati ahuyek to iwudo to Sabato. Heremik iso iyye ebusak inyia dia? Obe ati! Enief iyye atta iye epihu inya ade kwak. Hara ker lagalik tuŋani. ¹²Anyar tuŋani binno agalik ker! Anyar egiem to hiyyo na lanyar to holoŋ na Sabato.”¹³Teyya eijo Yesu to tuŋani lia, “Itibisa hani nohoi.’’ “Etibis halaŋ lia hani nohonyie nafa ogulo, atta hani nya honyie libe iyya hani nobotie. ¹⁴Odioto Farisei atta efie adde to kelesia. Osiaha isia hikoi no lojo ettohori isia Yesu.¹⁵Oyyen ifa Yesu hirro hunna atta inyia ebusak mai nyia. Ati ejufari iluluŋ no hiyo inya, atta inya hitinyar isia daŋ. ¹⁶Efahak inyia isia hijo, anyar obe isia elimak hiram nohonye to hiyo. ¹⁷Anyar etisiru hirorita inno Hollum inafa ero hekilani lia sayye hijo,¹⁸”Itiwolo, hegiamani lo anyimu naŋ ile, inya lia lomuno taji nanaŋ bino. Esio iso naŋ Oyiri nanaŋ to honyie, hidofe ettito iso inyia hiro no ŋoto to halufak.¹⁹Obe iso inyia aŋalafa iko hiyyo, obe hidofe eyyorrita. ²⁰Obe iso lobo etiru hutuk nohonyie to hikoi. Obe iso inyia owur siholoti no oboina, Hidofe obe iso inyia etudun lomo nofuri man agalihini inyia to ŋoto no obis. ²¹Atta iso ati halufak eyik to fure to nohonye.”²²Eyani isia to honye tuŋani lo oŋodo, obe inya oremik hiro. Atati Yesu hiti libo tuŋani lia ata inya hiro ojo oriŋa. ²³Eliliha ifa iluluŋ no hiyo ata hijo, “Hara tuŋani lia dede Onyi Davide?”²⁴Etiru Farisei ata hijo, “Obe tuŋani lia efuhai miniaŋa to fure no Belsebuli, habu lo miniaŋa.” ²⁵Ati oyyen ifa Yesu higigilo nohosie atta hijo to hosie, “Lo orrem hiyyo illo obiehin to wati te innohose, etattur iso lobie nia, hidofe la aŋalafa hiyyo illo owuon ta haji nobotie, kuyya hidofe liyya to doŋe to wati te innohose, obe iso isia ettole nobotie.²⁶Lefahu Sitan hegiamak ilohonyie, oriomori iso inya hamai, to nia. Jai iso oremik obie nohonyie weta? ²⁷Kuyya efuhai naŋ miniaŋa adde to fure no Belsebuli, ta nari fure efuhutari hejufutak isia? Tonia ara isia ahaŋotok hatai.²⁸Atti kuyya efuhai nayya miniaŋa adde to Loyiri to no Hollum, ottu obie no Hollum ta hatai. ²⁹Hojiŋak iso lobo tuŋani jai ahaji ho lotir heyari saŋ inohonyie holobe inya efitak lotir ahosiere? Ata ahahalari hiro inohonye adde ta haji honye. ³⁰Lia lo obe egiama iko naŋ ara inyia mioroni lalaŋ, ati lia obe osuduha ikanaŋ ara hetisarani.³¹To nia, ajio nayya ta hatai hijio, “Ebusak iso Hollum hiyyata daŋ inno hiyyo iko imoriti innohosie, ati lia omoro Oyiri lo Olibo, obe iso Hollum ebusak inyia. ³²Lia le ero nolorru to Lonyi Tuŋani, ebusak iso Hollum inyia. Ati lia lero nolorru to Oyiri no olibo obe iso orumu hebusahini no hiyata, ara ta hido ta fau te ina, kuya to nyia ottu.³³Eŋarak yani na lanyar haŋer ino anyar. Ojo yani no loru eŋarak haŋer ino oru. Tonia, oyen hiyo yani to haŋer inohonyie. ³⁴Era itai iya munok, obe itai eyen hiro ino olibo nyo oru taja inahatai. Nyo ero hutuk hiro ina afanu ta taji. ³⁵Ojiŋu hiro ino olibo ta taji no tuŋani lo olibo, ojo hiro ino oru ojiŋu ta taji ho tuŋani lo oru.³⁶Elimak naŋ ta hatai hijo, “To holoŋ no ŋoto, oŋot iso Hollum hiyo to hirorita daŋ inafa erarari isia assai. ³⁷Nyo to hirorita inahaitai, erumu iso itai hahohini no hiyata, ojo to hiro assai ino ero itai, errumu iso itai ŋoto.”³⁸Ojo ilak Farisei iko hegiorok to honye hijio, “Hetiyenani, ewak iyyohoi egonyu nobo hitimijani tara hoi.” ³⁹Etirraŋ inyia to hosie hijio, “Orru hilahaji inna, hidofe omiasa isia Hollum. Osiaha isia hitimijanita, ati obe iso etuhutek to hosie nobo hitimijani aracie hitimijani no hekilani ha sayye Yona. ⁴⁰Nyo iyya nafa owuanari Yona holoŋitek hunik iko harijin hunik to hosehe ha hami, owuon iso hidofe Lonyi Tuŋani holoŋitek hunik iko hariejin hunik to hotwai ho ilume.⁴¹Odioto iso hiyo liya to doŋe ho Ninefa haŋotori hilahaji inna nyo eloit hiyyo Ninefa tajia innohose innafa ettitori Yona to hosie. Ati itiriŋai, owuon iso lobo lagalik Yona.⁴²Odioto iso Habu to kal ho ihorroŋ haŋotori hilahaji ina nyo ottu ifa inya ta fau na alama hetirari lofioroho inno Solomone, ati itirriŋe, owuon lobo inni lagalik Solomone.⁴³Lebusak jiok nolorru tuŋani olot inyia hasiahari mai no oyiriari inya, ati obe inya orumu nobo. ⁴⁴To nia ejo inya hijo, aciahari iso naya ahaji hanaŋ nafa atuni naya acahari inya. ifa leba inya dia, orumu inya haji no nolibo bino. ⁴⁵To nia owu inya arumu inak jiohin hattarik ino oru agalik inya, ata isia ajiŋak to hotwai ho tuŋani lia atta manya dia. Toria, oriam to tuŋani lia agalik nafa to hosiere. Iyania awoŋ iso run to hiyo ilo oru hulo ho hilahaji ina.”⁴⁶Nafa helero Yesus te iluluŋ no hiyo, owueta hotonye honyie iko ilasira honyie ta bali nyo awak isia hirro to honyie. ⁴⁷Elimak lobo tuŋani inyia hijio, “Torriŋe, owueta hotonye hoi iko ilasira hoi ta bali, nyo awak isia hiro tohooi.”⁴⁸Ati ojo Yesu to lia lafa elimak inyia hijo, “ŋai iyaŋ? Haŋai ilasira hanaŋ?” ⁴⁹Atta inyia ehalamak hani nohonyie to hejufutak ilohonyie atta hijo, “Iyaŋ iko ilasira hanaŋ hullo! ⁵⁰Lia lehuma wahan no Monye hanaŋ te ido ara inya ilasi hanaŋ iko inasi hanaŋ ojo iyaŋ.”

¹To holoŋ nia, ojiŋu ifa Yesu ta haji atta hittole to otifor nahari. ²Atta iluluŋi nohiyo afanu ariai to honye, ata inya arek to togoli ete ata ahunya kaii arasa iluluŋ weta to otifor otifor ahari.³Teya ata Yesu hitiyana hiro ariai to hosie to iceliti. Ata inya hijo, “Owu haromoni ata ayek hinyomo. ⁴Iya ayek inya, ohuyik hinyomo ina onyik hohikoi, ojo cieŋ atta ekukubu isia. ⁵Ojo hinyomo inak ahuyik to hide ho moru, mai no obe owon hohuron ino olibo. Ati esuru isia kokwak nyo obe mai nohosie ehum bwaha afau. ⁶Ati lonohon holoŋ, ata fara inohosie atoye nyo obe hadde to hosie, ata ŋama inia atoye.⁷Ojo hinyomo innak atta ahuyik to hiji ho hukwa. Atta isia daŋ esuru iko hukwa ojo hukwa atta agore isia. ⁸Ati to hinyomo huna ohuyik to huron inno olibo esuru isia atta afanu eŋarak ŋama hinyahita hisihai nobotie, ojo innak hinyahita tomuwana ile ojo hidofe hinyahita tomwana hunik. ⁹Lia lowoun ho yohe, tojo inyia hetiru.”¹⁰Afanu hejufutak to honyie atta hifia inyia hijo, “Nyo etiyena iye iluluŋ no hiyyo to hicelita?” ¹¹Etiraŋ Yesu to hosie hijo, “Etiliek Hollum obie no honyie ta hatai nafa eŋofo, ati obe oremik etiliek to hosie hiro niyya. ¹²Nyo to lia lo owuon ho hiro, ofonihini iso innak aria, ojo iso inyia atta adule rumuta. Ati to lia lobe owuon iko hirro, eyari iso hirro tara honyie adde iko huna owuon to honyie.¹³Inya nia erarari naya to hosie to hiticielita, nyo oriŋa ida hido isia, obe isia egonyu dede, etira ida hido isia, obe isia etiru ojo hidofe obe oyyen. Etisiru isia hikikila nafa ojo Isaya hijo, ¹⁴”Etira iso itai dede ati ebe iso ita etiru; eriŋa iso itai ejo iso itai ebe egonyu. Ati obe itai eremik hiyen.¹⁵Nyo oye tajia inno hiyyo hullo, ojo yohe innohosie omiŋa to hitira, ojo isia emutak honyehite innohose; Kuyya obe isia ehum egonyu to honyehite innohose, etiru to yohe innohose, ehum hiyyen to tajia innohose, atta hinyiak yitei, ajo nayya atta hitilib isia.’¹⁶Ati ajak iso honyiehite inna hatai, hijio hotoriŋe isia; ojo yohe inna hatai, etira iso isia. ¹⁷Elimak naŋ itai dede hijio hekikilak arria iko hiyyo habisak owuon iko wahan no hegonyu hirro huna egonyu itai, ejo itai ebe egonyu isia, ojo hetiru no hiro huna etira itai, ejo itai ebe etiru isia.¹⁸Itira to hiticelita ino hayani ho hinyomo. ¹⁹Letira lobo to hirorita ino lobie no Hollum ojo obe ehumak ta taji, otu iso sitan akwarari hirorita inafa oyehini ta taji honye adde. Ara ta lia lafa oyehini to oger ho hikoi.²⁰Ojo lia lafa loyehini to moruarari ara inyia lia letiru hiram atta hiruk kokwak to mune; ²¹Obe inyia owuon iko hadde ati ociamak ilamuk kai. Eruk inyia ati lafanu hitigemita kuya hihawa to hiram no Hollum, atta inya ahuye tara hiruk nohonyie adde.²²Ojo lia oyehini to hiji ho hukwa, inya tuŋani lo etiru hiram, ati higigilita iko ibariti ina fau atidai hiram no Hollum tara honyie, atta inya biaŋan owuon hahaŋer ino oŋii. ²³Ati lia lafa loyehini to huron hunna olibo, inyia tuŋani le etiru hiram no Hollum atta ehumak ta taji; inyia lia ille eŋarak haŋer atta aromok isia; oŋijak hinyahita hisihe nobotie, ojo innamuk hinyiahita tomwana ille, ojo inamuk hinyiahita tomwana hunik iya inafa edulahini.”²⁴Enyiak Yesu eyyani nabo hiticeli to hosie; ojio inyia, “Ara lobie nyia te ido iyya tuŋani lo oyek hinyomo inno olibo ta mana honyie. ²⁵Ati holojoto hegiamak, ottu mioroni lohonyie atta hidofe ayek abali to geme, atta eno. ²⁶Lesuru ŋama man eŋarak haŋer innohosie, ojo abali hidofe atta alliew daŋ.²⁷Afanu hegiamak ho monye mana hifia ettok atta hijio, ‘Ettok, obe ifa mahu iyye eyek hinyomo ino lolibo ta mana hoi? Nyo esuru isia iko abali?’ Etiraŋ inya to hosie hijo, ‘Mioroni ehumak inya. ²⁸Ejo hegiamak to honyie, ‘Ewak iyye hijo anyar erutu iyyohoi isia adde?’²⁹Ojo inya to hosie, ‘Obe, lejo itai efu ruto abalie ŋaso itai erutu iko geme. Ibusak isia hebibolori daŋ man to holoŋ no dioŋo. Ati to holoŋ no dioŋo elimak iso naŋ ta hadioŋok hijo, ³⁰”Ittieru arutu abalie adde atta itai efifitak abubuŋi at itai esuahak, ati ejo itai geme etubak to ibati hanaŋ.””³¹Enyiak Yesu eyyani nobo hitarriji to hosie. Ojo inyia, “Ara obie no ido iya haŋeri lo bule ille eyari tuŋani owu edulak ta mana honyie. ³²Odicio haŋeri lia bino tara haŋeri no bule daŋ. Ati lobolo inya, ata agalik yani inia tohotwai mana daŋ ata hira a yani netok, ina oduhori cieŋ ino efirita hajik ino hosie to sana honyie.”³³Enyiak Yesu elimak to hosie nobo hitarriji hijo. “Ara lobie nyia te ido iyya ahabuok iko bula inno odumu hitonoŋorwo ariomok ta balu hotopwase.”³⁴Elima Yesu hiro huna daŋ to iluluŋ to hiticielita; ojo lobe hitirijita obe inya elimak hinak hiro to hosie. ³⁵Nyo anyar etisiru hiram no hekilani nafa ojo inyia hijo, “Ero iso naŋ to hitirijita; elimak iso naya hiro inafa eŋofo man to hitieri na fau.”³⁶Nia ebusari Yesu iluluŋ no hiyo ata ajiŋak ahaji. Ati afanu hejufutak to honye efiari hijo, “Ituhutek iyyohoi hiram na abalie nia esuru ta mana.” ³⁷Etiraŋ Yesu to hosie hijo, “Lia lo oyek hinyomo ino olibo ara inya lonyi tuŋani. ³⁸Ara mana fau; ara hinyomo illo olibo, lonyirok illo obie. Ara hidofe abalie lonyirok illo heturruoni; ³⁹ojo mioroni ara tuŋani lo oyek abalie ara inyia hetisiahani. Ojo dioŋo iyya hisidi na fau, ojo hadioŋok ara anjilohien.⁴⁰Iya, odueni iso abali atta asuahak to hima, ara iso nia to hicuŋi na fau. ⁴¹Efahak iso Lonyi tuŋani anjilohien ilo honye hatagaranyai adde niya daŋ ino epala to obie nohonyi. ⁴²Atta iso isia ebirok isia to hima ina onok. Owuon iso yio iko hirita na hala. ⁴³Edia iso liborok iyya holoŋ to lobie no Monye hosie. Lia lo owuon iko yohe tojio inyia hetiru.⁴⁴Ara lobie no ido iya ibariti ino eŋofo ta mana; larumu lobo ata eŋofok isia. To mune nohonyie, owu inya etinyaŋe hiro ino honye adde, hijo anyar atu enyaŋini mana nya. ⁴⁵Ara obie no Hollum iya hapoconi ille etufa honoro no obwor ojo hinyaŋita inno honyie ogol. ⁴⁶Owu tuŋani lia etinyaŋe innamuk hiro ino honyie daŋ. Attati arumu hinyaŋita, atta inyia awoŋ enyaŋu honoro nia.⁴⁷Ara obie ne ido iyya higali no ebirok hagalak a hotwai hari, atta emietu enefu ham to woyyojin. ⁴⁸Ehumu heririahak isia otifor hahari atta egigelu huna olibo wati atta ehumak to fedito, ata isia ebire ino oru adde.⁴⁹Ara iso to hisidi na fau iya nya; afanu iso anjilohien egigelu hiyo ilo oru tara ho hiyyo ilo olibo, ⁵⁰Ebirohini iso isia hiyyo illia oru to hima ina onok, owuon iso yio ojo hirrita na hala.⁵¹Ehum mahu itai etiru hiro inia daŋ?” Atta hejufutak hitiraŋ hijo, “Ee, etiru iyyohoi” ⁵²Ata Yesu hijo to hosie hijo, “Iyania ara hegiorok daŋ a hiyo ilo etiyana hiram no obie no ido iya monye haji, ile odumu hiro marwak iko ŋejuho te ibati honye. ⁵³Nafa atuhok Yesu hiticelita inia, atta inyia eno ta mai to nyia adde.⁵⁴Nafa eba Yesu ta fau honye, atta inya eno a haji imojit etiyanari. Ellilliha ifa hiyyo hijo “Horrumu inyia ofioroho iko idwariti innia ogol aji? ⁵⁵Hobe ara lonyie hesisihoni ille habauhien lia? Hobe Maria ara hotonye honye? Obe mahu halasira honyie ara, Yokobo, Yosefu, Simone iko Yuda? ⁵⁶Obe mahu hanasira honyie owuon daŋ to hiji hohoi? Horrumu mahu inyia hirro innia daŋ aji?’’⁵⁷Ejoria ifa isia to Yesu. Ati ero Yesu to hosie hijo, “Ebo hiyo hitihabuo hayitani ha sayye kuya hilahaŋ iko doŋe no hosie hitihabuo inya.” ⁵⁸Obe inyia egem innak idwariti dia to biaŋan no huruk nohosie.

¹toholoŋ nafa nya, Erode etiru hiram no Yesu. ²Atta inyia elimak to hegiamak illohonyie hijo,” Yoani Hebatisoni; ebuhu inya to ye. Iya nia egiama iduariti inia to honyie.”³Nyo eniefu ifa Erode Yoani, ata etifitak inya, ata itijiŋa to kijan, to hiram no oŋoruwo halasi honye Pillipo. ⁴To hiro no Yoani te Erode hijo, “Oduwa to hoi hawuanari iko inyia oŋoruwo hoi” ⁵Ejo Erode awak attohe Yoani, ati abaŋ ifa inyia hiyyo, nyo eruk ifa hiyyo hijo ara inyia hekilani.⁶To holoŋ nafa ehuhumari hiyo mune ta haŋ ho Erode holoŋ nafa esioni hiyo inya, acia ŋanini Erodia ata Erode mune bino, ⁷to he tiraŋi, elima to hodwoti nia to hilifo hijo esio iso naya iye hiro daŋ ino ewak iye.⁸Atta hodwoti nia eno hifia hotonye honyie hijo, “Hawu iso naŋ hifia inyia hesiera nayya nyo? Atta hotonye hijo, “Tojo isiara nayya hoo no Yoani Hebatisoni to hiduti ina” Ata hodwoti nia hijo iyya ojo hotonye honyie. ⁹Ejiriŋa habu lia, atta inyia baŋi hirro innafa elimu inyia ojo hodwoti iko hatamonok etira. Ejo inyia, isiara hirro innia awak inyia.¹⁰Atta inyia efahak lobo hegiamani lohonyie heno akijan hotoŋutuni hoo no Yoani. ¹¹Eyyani tuŋani lia hoo nia atta hisio to huduti no hiito nia, ojo hiito nia atta eyari to honye honyie. ¹²Ojo hejufutak illo Yoani atta afanu akafari wan no Yoani onuhari. Tia ofuyye elimahini to Yesu.¹³Nafa etiru Yesu hirro innia, atta inyia etuhutu wan tara to togoli anabo mai hamai. Nafa etiru iluluŋ nia, atta atifori Yesu to bore gala amai nyia. ¹⁴Nafa awoŋ Yesu ahosiere hosie egonyu inya iluluŋ nia edoŋ atta inya amehini to hosia, ata hitilibo haŋwak ino hosie.¹⁵Nafa era iŋalio, afanu hejufutak hijo to honyie, “Ara mai inna amur, ojo holoŋ eliaha aswori, itatturok iluluŋ nia hefie amisihi hosie anyar ofuo arrumu daha nohosie.”¹⁶Ati, ojo Yesu tohosie, “Hotobiaŋa isia ofuo adde. Isiara to hosie innak hirro hatadahai isia.” ¹⁷Atta isia hijo to honyie hijo, “Ewuon iyyohoi iko imuniaha miet ojo ham ohorik.” ¹⁸Ata Yesu hijo, “Iyani ta hanaŋ.”¹⁹Ojo Yesu atta etihunyik hiyyo ta fau to hide ho miyaŋ. Atta inya adumu imuniaha miyet iko ham ohorik, ata hibono ahide ido ata inya hijok ata hibubun imunieha atta hisio to hejufutak hesiara to hiyo. ²⁰Adaha isia daŋ man oruma. Ati eduduhu heyiyanak ofitot inno imuniaha lur to gufat tomon harik. ²¹Ara ifa iluluŋ no liawa hame alif miet, ojo ŋorwo iko durre.²²Kokwak atta inyia etuhunyik hejufutak ilohonyie ahotwai ho togoli nafa owuon to otifor hahari, ojo inya ta wan nohonyie atta efuhak iluluŋ no hiyyo adde. ²³Ta halu no hetaturok no honye iluluŋ, atta inyia hire a doŋe inya hamai omojori. Ifa iŋalio odule inyia dia daŋ. ²⁴Ati eba ifa togoli to hiji ha hari nettok, nyo ohut ifa oyami bino ojo hidofe ebo hitiho nyo efiriwa ifa oyami bino.²⁵Ifa era harie, atta Yesu awoŋ aŋati hosie, lolot to hide ho hifioŋ. ²⁶Nafa egonyu isia Yesu olot ho hide ho hifioŋ, atta hejufuta baŋi ata hijo, “jok nia,” oyio ifa isia ta baŋi. ²⁷Atti ero Yesu to hosie teyya hijo, “Itigolo! Nayya lia! Ibaŋa abaŋ.”²⁸Etirraŋ Peturu to honyie hijo, “Habu, lara iye lia, ililoŋo naya hawoŋ to hoi to hide ho hifioŋ.” ²⁹Ojo Yesu, “Woŋ.” Ata Peturu alu to togoli ata eno to Yesu to hide ho hifioŋ. ³⁰Ati nafa ewolo Peturu oyyami, atta inyia baŋi; atta inya adiori ahotwai hari, atta inyia yio hijo, “Habu, itiluwahu naya.”³¹Ifa teya ata Yesu ehalamak hani no honyie, ata hinief Peturu, ata Yesu hijo, ‘’Iye ille odicio hiruk, nyo ekuya iye?” ³²Ifa arrek Yesu iko Peturu a togoli, ojo oyyami atta aduehini. ³³Atta hejufutak ilafa etole to togoli hitihabuo Yesu hijo, “Era iyye dede Lonyi Hollum.”³⁴Nafa ellaŋ isia tololo, atta isia allu to Genesaret. ³⁵Nafa aheru hiyo illo mai nya Yesu, atta isia efahak sayye to masik niyya ta mai to nyia, heyani haŋwak innohosie daŋ to Yesu. ³⁶Attana isia inyia hedek haŋwak inno hosie hototir ŋolon no boŋo nohonyie, iluluŋ no haŋuak illafa otir inyia olibe.

¹Atta illak Farisei iko hegiorok afanu to Yesu to Yerusalem. Ejio isia, ²”No nyo owur hejufutak illohoi imohiti inno ettaha? Obe isia elila has innohose la adaha isia.” ³Atta inyia hitirraŋ atta hijo to hosie, “No nyo hidofe ewur itai hifahi no Hollum to hiram no imohiti innahatai?⁴Nyo ojo Hollum hijo, ‘Abaŋa monye hoi iko hotonyo hoi,’ Ojo tuŋani le ero noru to hotonye iko monye honyie, oye iso inya.’ ⁵Ati ejio itai, ‘Lejio lobo to monye honyie iko to hotonye honyie hijo, “Le luak lobo itai, omoju inyia tara hanaŋ hatara a hisiori to Hollum,’’’ ⁶hotobiaŋa tuŋani lia abaŋ monye honyie. To hikoi nia, eturru itai hiram no Hollum to imohiti innahatai.⁷Itai henyabak! Ekilu ifa Isaya te itai ta nafa ojitari inyia hijo, ⁸’Abaŋ hiyyo hullo nayya to hutuhen innohosie hame, ati alama tajia innohose tara nayya. ⁹Etihabuo isia nayya assai, nyo etiyana isia imohiti innohosie iko hifahita inno hiyyo.’’’¹⁰Atta inyia hililoŋ iluluŋ to honye atta hijo to hosie, “Itira ejio hidofe eyyien. ¹¹Obe nobo sihin no ojiŋak ahutuk ho tuŋani oremik hiturru tuŋani. Ati, sihin netihar tuŋani inyia sihin no ottu to hutuk ho tuŋani.’’¹²Atta hejufutak afanu to honyie atta hijo to Yesu, “Heyyen iyye hijo ejoria ifa Farisei to hetiru nohosie hiro nohoi?’’ ¹³Etirraŋ Yesu atta hijo, “Orutuni iso yani no obe Monye hanaŋ lia to ido edulak. ¹⁴Ibusak isia hame, ara isia haŋodok hetuhutak. Orihita oŋodo lobo tuŋani, ohuyek isia daŋ ewudo.”¹⁵Etirraŋ Peturu atta hijo to Yesu, “Iko ihuma elimak te iyyohoi icelit nia.’’ ¹⁶Ojo Yesu, Holobe itai daŋ ehum etiru na anyar? ¹⁷Holobe itai hiyen hijo le eba nobo sihin to hutuk, owu eno ahosehe atta hidofe ebirori ahotwe iwudo?¹⁸Ati hirro inno afanu adde to hutuk, afanu ta taji. Isia hirro inne eturru tuŋani. ¹⁹Ojo hidofe ta taji afanu igigilita inne ebwot, toho, roto, somon, hoho, roso, iko teler. ²⁰Isia innia inne etihar tuŋani. Ati daha ojo has obe elila, obe oremik hitibwot tuŋani.’’²¹Atta Yesu eno adde teyya adoŋiok inno Tire iko Sidona. ²²Ottu nobo hiito noŋorwo no Kanan adde to fau nyia. Eyyorro inyia atta hijo, “Tomehini ta hanaŋ Habu Lonyi Davide! Iniefita ŋani hanaŋ miniaŋa.’’ ²³Ati obe Yesu etiraŋ to honye lobo hiram. Atta hejufutak ilohonye afanu to honyie atta tana inyia hijo, “Ifuhai inyia adde, eyyorrita inyia toohoi.’’²⁴Ati atta Yesu hitirraŋ atta hijo, “Abe ifa nayya attu te illak hame ati to kioro inno olita ta haji no Isarail.’’ ²⁵Ati ottu inyia atta rigoŋo ta fau to hosiere honye, atta hijo, “Habu, toluak nayya.’’ ²⁶Atta inyia hitirraŋ atta hijo, “Obe olibo heyari imune no durre atta ebirok to ŋohe hullo hittiŋi.’’²⁷Atta inyia hijo, “Habu, ati adaha hido kuyyuhi ŋiria no odek tara teremejaha inno ettaha illohose.’’ ²⁸Atta Yesu hitirraŋ atta hijo to honyie, ‘’Inna tuŋani, obolo huruk nohoi; isiara hegiamai to hoi iyya ewak iyye.’’ To saa to nyia atta ŋani ho tuŋani nyia libe.²⁹Atta Yesu ebusari mai nyia atta eno aŋati hari nettok no Galilea. Teya ata inya eno adoŋe ata hitole dia. ³⁰Otu iluluŋ netok to honye. Eyani isia daŋ haŋurak, haŋodok, hattuhok, iko inne eyyokie, he innak daŋ innafa oŋwai. Esio isia daŋ to hejek inno Yesu, atta inyia hitilib isia. ³¹Eliliha ifa iluluŋ nafa egonyu isia hattuhok ero, iko haŋurak illo olot, haŋodok orriŋa. Omuno isia to Hollum lo Isarail.³²Ata Yesu hililoŋ heyiyanak ilohonye atta hijo, “Amehini nayya binno te iluluŋ nia, obolo hittole nohosie inni holoŋitek hunik obe isia anya illak hirro. Abe naŋ awak efuhai isia adde holobe isia enya lobo daha, hotobiaŋa isia ofu huyuta to hikoi.’’ ³³Ojio hejufutak to honye, “Herumu iso iyohoi imuniaha inno oremik iluluŋ inna aji ta mai ina ara awaha tiji?’’ ³⁴Ojo Yesu to hose, “ Ara imuniaha inno owuon ta hatai jai?’’ Atta isia hijo, “Hatarik iko ilak ham kai.’’ ³⁵Ata Yesu elimak iluluŋ hotohunya ta fau.³⁶Odumu inyia imuniaha hatarik iko ham, ta halu ho hisio nohonyie humo, atta inyia hiwur imuniaha atta hisio to hejufutak hatadahai. Atta hejufutak hisio te iluluŋ. ³⁷Atta hiyyo daŋ daha man ofoŋi. Atta isia eduduhak inafa ofitini man enyiak hilur to gufa. ³⁸Ara ifa liawa ila adaha alif aŋwan tara ŋorwo iko dure. ³⁹Atta Yesu efahak iluluŋ adde tara honye ata inya arerk ahide togoli atta eno afau ho Magadan.

¹Farisei iko Sadusei afanu isia hiciem Yesu ata hifi inya hetuhutek isia hituhuti no otu te ido. ²Ati etiraŋ inya to hosie, “Lera iŋalio, ata itai hijo, ‘olibo iso holoŋ ina nyo odon ido.’³Ojo hidofe to motie beren lo odon ido ojo hidofe owuon he idis, ‘Ottu iso hai ena.’ Eyyen itai hiloito no ido, ati ebe itai eremik hiloit hituhututa inno holoŋitek hunna. ⁴Awak hilahaji no’rru hituhutita, ati obe iso nobo hituhuti to hosie, ati hituhuti no Yona.” Ebusak Yesu isia atta eno adde tara hosie.⁵Nafa eba hejufutak ilohonyie otifor na hari tololo, agilu isia imuniaha. ⁶Ata Yesu hijo to hosie, ''ihuma riŋa ibaŋa eruk bula ino Farisei iko ino Sadusien.” ⁷Ata hejufutak hiro ta wati inohose hijo, “ nyo ebe iyohoi ayani he imune.” ⁸Oyen ifa Yesu hiram nia atta hijo, “Itai hulo odicio hururk, nyo nia edule itai hiro to biaŋan nahatai eyani imune?⁹Holobe itai daŋ eyyen? Ebe itai egilu imuniaha miet inafa ho hiyo ilafa hisihai tomwana miet? Hara gufat ino imuniaha jai inafa eduduhu itai? ¹⁰Kuya imuniaha hatarik ino hiyo sihai tomwana aŋan.¹¹Jai ebe itai etiru hijo abe naŋ ero to hiram no imune? Ihuma riŋa bino hiram no bula inno Farisei iko Sadusien. ¹²Ata isia agilu hijo obe inya etito isia to bula ino imune na Farisei, ati ero inya to hiram no etiyana Farisei iko Sadusien.¹³Nafa eba Yesu ta fau no Kesaria Filipi atta inyia hifia hejufutak ilohonye hijo, “Hojo hiyyo ŋai Lonyi Tuŋani? ¹⁴Atta isia hijo, “Ojo ilak Yoani heatisoni; ojo ilak, Elia; arasa ilak hijo, Yeremia, kuya lobo hekilani. ¹⁵Attati inya hijo tohosie, “Ati eijo itai ara naŋ ŋai?” ¹⁶Atta Simone Peturu hitirraŋ to honyie hijo, “Ira iyye Kristo, onyi Hollum lowar.”¹⁷Atta Yesu hitiraŋ to honyie hijo, “Simone lonyi Yona, obolo iso jaha tohoi nyo obe lobo tuŋani etuhutek nia tohoi, ati Monye hanaŋ te’ido etuhutek iyye. ¹⁸Hidofe ajo naŋ tohoi hijo, iye Peturu, to hide ho moruo inia aduhok iso naŋ kelesia nanaŋ. Nolobe golon no ikati ino iferno oremik agalik.¹⁹Esio iso naŋ tohoi iŋanyiti no obie no Hollum nya te ido ojo hidofe lefit iye hiro daŋ teni ta fau, efitahini iso daŋ te ido. Hiro daŋ ino ehohi iye ta fau, oho iso daŋ te idou. ²⁰Atta Yesu elimak hejufutak ilohonyie hijo hotobiaŋa elimak ilak hiyo hijo ara inya Kristo.²¹Ta far nyia etiara Yesu hituhuta hejufutak ilohonyie hijo ahu iso inya a Yerusalem, etigiama iso marwuak iko habwuok ojo fadirihen iko hegiorok, Atta atohoi inya ati ebuhu iso inyia to manya ta halu ho holoŋitek hunik. ²²Nia eyari Peturu inya kai oger atta hiro hijo, “Habu; isiara hirro inne ero iyye hotobiaŋa eidoŋ to hoi.” ²³Ati oyito Yesu to Peturu, “Ihuto ade Sitan ta haluhanaŋ! Ira iye morwo hetihadoŋoni hanaŋ nyo ebe iye egigilo hiro ino Hollum, ati egigilo iye hiro ino hiyo.”²⁴Atta Yesu to hejufutak honye hijo, “La awak lobo tuŋani hijufuta naya isiara inya hotorisie wan nohonyie, hakafari kuruce nohonyie atta hujufuta naya. ²⁵Lawak lobo tuŋani etuluwahu manya nohonyie, etilitek iso inya, tuŋani etilitek manya nohonyie to hiram nanaŋ orumek iso. ²⁶Nyo libe nohonyie larrumu tuŋani ibariti inna fau daŋ atta etilitek manya nohonyie?²⁷Nyo otu Onyi Tuŋani to lohwo no Monye honyie ha anjilohien ilohonyie. Oduma iso inya hiyo daŋ to igemita inohosie. ²⁸Dede elimak naŋ itai hijo, eweta illak inni iyyania illo obe iso oremik egonyu ye man egonyuni iso isia Lonyi Tuŋani awoŋ to obie nohonyie.”

¹Tahalu ho holoŋitek ile eyari Yesu iko inyia Peturu, Yokobo ojo Yoani halasi honyie, atta eyyani isia man ahide ho doŋe to wati innohosie. ²Eloito ifa inyia to hosiere hosie. Onito homom nohonye iya holoŋ, ojo boŋojin inno honyie atta buorro no no iyya cialai.³Teya, edwuoŋ Mose iko Elijah to hosiere hosie ojo erro iko isia. ⁴Etiraŋ Peturu atta hijo to Yesu, “Habu, holibo iso te iyyohoi hamanyiari inni, lewak itai, ehumak iso nayya hajik hunik inni - nobotie nohoi, nobotie no Mose, ojo nobotie to Elija.”⁵Iya nafa arasari inye hiro, teya, ata ohidis no itiran no obuor etiyok isia, ojo teya, owuon ifa hiro no ero hijo, “Onyi hanaŋ la amuno nayya ille, to inya amuno Naŋ bi no no. Itire to honyie.” ⁶Ifa etiru hejufutak, eruŋok isia homomite inohosie ata baŋi bi no. ⁷Teya awoŋ Yesu hitir isia atta hijo, “Itidiote ahide ibaŋa labaŋ.” ⁸Atta isia hiwolo ahide ati obe egonyu lobo tuŋani aracie Yesu Kristo hame.⁹Iya nafa alu isia afau to doŋo, elimak Yesu to hosie, hijo, “Ibaŋa elimak hiram inia tolobo tuŋani man ebuhuni Onyi Tuŋani to ye.” ¹⁰Efi hejufutak ilohonyie inyia, hijo, “Nyo hidonye ojo hegiorok hijo anyar otu Elija ahosiere?”¹¹Etirraŋ Yesu atta hijo, “Ottu iso Elija dede anyar ottu enyahu hiro daŋ. ¹²Ati elimak naya ta hatai, awoŋ Elija, ati obe isia oheru inya; ati, egiem isia tohonye iya owak isia. To hikoi to nia, daŋ etigiama iso isia Onyi Tuŋani ta has hosie.” ¹³Teya ata hejufutak etiru hijo ero ifa inya to hosie to Yoani hebatisoni.¹⁴Nafa afanu isia a iluluŋ, awoŋ lobo tuŋani tohonyie atta rigoŋi to hosiere honyie, atta hijo, ¹⁵”Habu, omelehini to onyi hanaŋ, oyeyeta inya iko hahwe bi no no. Odule inya huyita to hima ojo to hifioŋ. ¹⁶Eyani Naya inya to hejufutak ilohoi, ati obe isia oremik hitinyar inya.”¹⁷Etiraŋ Yesu atta hijo, “hiyo ilo obe owoun hohuruk ojo ara hetiharak to hilahaji nia, man anu iso etole naya ikaitai? Man anu iso adik naya itai? Iyani inya tahanaŋ.” ¹⁸Ata Yesu hetudwek miniaŋa, atta efie ade tara honyie; olibe oŋeye lia ta saa tonya.¹⁹Teya afanu hejufutak to Yesu hamai hamai ata hijo, “Nyo obe iyohoi eremik efuhai miniaŋa inia adde? ²⁰Ejo Yesu to hosie; ''odicio hiruk nahatai, adede ajo naya ta hatai, lewuon ida itai ho hiruk ara ida hido odicio kai iya haŋeri, eremik itai hijo to doŋe ina, “Itihute wan nohoi teni alamare, ati hihuto. Obe iso inak hiro ino aŋalik inahatai''. ²¹Ati obe miniaŋa inia oremik efie adde ara to mojo iko to hitiru hamai.²²Nafa etolojori isia to Galilea, ojo Yesu te hejufutak ilohonyie, “Esiarahini iso Onyi Tuŋani ta has ho hiyo; ²³Otohe iso isia inya, ati to holoŋ hitahunihi, ebuhu iso inya to ye.” Atta heyiyanak hijiriŋa.²⁴Nafa afanu isia a Kapernaum, atta hiyyo illafa eduduha musuru afanu to Peturu atta hijo, “Obe mahati hetiyanani lohoi oduma musuru?” ²⁵Ejo inya, “Dede.” Ati nafa eno Peturu ahaji, ero Yesu to honye hijo, “Hegigilo iye nyo, Simone? Tara ŋai omojori habwok ilo fau musuru? Tara onyirok hosie wolo tara lufajak?’’²⁶“Tara lufajak,” etiraŋ Peturu, Ejo Yesu to honye, “Ati hotowania dure bolioŋ. ²⁷Ati ebaŋa ehumak heduduhak ho musuru eo eyau, ino ahari netok, ibirok hiririehi, ata iye iririehu hami lo ottu hitieri; aŋa hutuk nohonyie, erumu iso iye arobia dia. To dumu ojo isiara to heduduhak ho musuru ta nayya ojo te iyye.”

¹Ta far to nyia, afanu hejufutak to Yesu ata hijo, “ŋai ara etok to obie no ido?” ²Ellilloŋu Yesu nobo hiito nettiŋ atta emak inyia to hosiere hosie, atta hijo, “Dede, ³elimak naŋ itai hijo, lebe itai eloito iyya durre inno hitiŋi, ebe iso itai ejiŋak to obie ne ido.⁴Niya, lia, lenyiak wan nohonye iya hito letiŋ, ara iso inyia nettok to obie ne ido. ⁵Tuŋani lomoju hito letiŋ iya ile to fure nanaŋ amoju inya naya. ⁶Ati lorrosok lobo iŋeye ne eruk ta hanaŋ to hiyata, osiru hefitak no moruo netok honye atta ebirok inya ahari hotodiori.⁷Oru iso ta fau to hiro ino etipala! Afanu iso hitipalita dede, ati oru iso bino to tuŋani leyani hipalita! ⁸Lara hani iko heju nohoi iso iye to hiyatta, toŋute adde ata iye ebire adde. Olibo hajiŋahini ta manya leŋura agalik ebirohini wan nohoi iko has inohoi arik ojo hejek to hima.⁹Leyari honyek nohoi iye to hiyata, ogolotu atta iyye ebire adde. Olibo tohoi hajiŋahini ta manya iko honyek nobotie agalik ebirohini to hima iko honyehite arik.¹⁰Ihuma riŋa hijo hotobiaŋa itai emiana dure ilo odico iya hulo. Nyo elimak naŋ itai hijo oriŋa anjilohien homom no Monye hanaŋ lia te idou. ¹¹Nyo ottu Lonyi Tuŋani hetilahari illo olita.¹²Hegigilo itai jai? Lo owuon tuŋani iko kioro hisihai nobotie ojo nobotie atta litai, obe iso inye ediahari tomwana hotoŋwan ho hotoŋwan to doŋe atta asiahari lara olita? ¹³Dede, elimak naŋ itai hijo larrumu inya lara olita obolo iso mune nohonyie binno agalik kioro innara tomwana hotoŋwan ho hotoŋwan inno obe olita. ¹⁴Obe hidofe Monye hohoi lia te ido awak lobo tara dure hotoyo.¹⁵Leyau halasi hoi to hoi ino ilimak hiyau nohonye to honyie. Leruk inyia hiram nohoi, ariehu iye inya amote hoi. ¹⁶Ati lebo inyia hitira to hoi, illiloŋu lobo tuŋani lobotie kuyya lohorik hatara asuti ilohoi, hijo hetiru hiyo hiro nahatai.¹⁷Ati lebo inya hitira to hosie, ilimak hiram nya to hosiere ho kelesia. Larasa inya hibo hitira hiram no kelesia, isiara inya hatara ta hatai iya pagano ojo hatara iya heduduhani ho musuru.¹⁸Elimak naŋ itai dede, hijo hirro daŋ ino efitak itai ta fau, efita iso daŋ te ido. Ojo hiro ino ehek itai ta fau, ohehini hidofe daŋ te ido. ¹⁹Enyiak naŋ elimak itai dede hijo, leruk hiyo lohorik nobotie to nobo sihin nawak isia, esio iso Monye hanaŋ lia te ido to hosie. ²⁰Nyo lotubahini hiyyo lohorik kuyya hidofe lohunik to fure hanaŋ awuon iso naŋ to hiji hosie.”²¹Ata Peturu awoŋ ata hijo to Yesu, “Habu, Hara inyahita jai ino ebusak iso naŋ halasi hanaŋ leyyau ta hanaŋ? Hara iso inyahita hatarik?” ²²Ati ojo Yesu to honyie, “Abe naŋ ajo to hoi hinyahita hatarik, ati tomwana hatarik ha hatarik.²³Ara obie ne ido iyya lobo habu lawak etibisak horos nohonye iko piti ilohonyie. ²⁴To hosiere, eyyani ifa hiyo to honyie tuŋani lafa omoju arobiya tara honye alif tomon. ²⁵Ati obe arobiya tara honyi ilo odumari horos nohonyie, atta ettok lohonyie elimak hijo hetinyaŋak hiyo inya ho oŋorwo honye ojo dure iko hiro inohonye daŋ, anyar oremik idumuti inafa esok inya.²⁶Atta pit lia rigoŋi ta fau to hosiere ho honye lohonye, atta hijo, “ Etok, odik do, aduma iso naŋ hiro inohoi daŋ.’ ²⁷Omehini ifa taji nettok atta inya a hek tuŋani lia atta ebusak inyia to horos.²⁸Eno pit lia atta eboŋohini iko lobo lafa egiama, lafa owuon ho dinari hisiha nobotie. Eniefu inyia lohoros lohonyie atta higor inya to murut atta hijo, “Todumai horos hanaŋ.’ ²⁹Ati ohuyek hegiamani lia ta fau atta hifia hijo, ‘Ibusak nayya, nyo aduma iso naya iye.’³⁰Ati ebo ifa hegiamani lia. Atta inya eno ete etijiŋa inya to basu man odumari dain inafa eyari inya. ³¹Ifa legonyu motierak honyi hiram nya, ejiriŋa ifa isia. Atta isia afanu elimak te etok lohosie hiro inia daŋ.³²Ellilloŋu ifa ettok lo hegiamani lia inyia, atta hijo do honyie hijo, ‘Iyye pit lorru binno. Nafa eloliari iyye ta hanaŋ abusak ifa naŋ horos nohoi. ³³Nyo ibe iyye ebusak horos no ohoros lohoi iyya ebusahini naŋ iyei?'³⁴Ejoria ifa ettok lohonye to honye bino atta hisio inyia to bolis hatabak inyia man odumari inyie horos nohonyie daŋ. ³⁵Egiem iso Monye hanaŋ ta hatai daŋ ania lobe itai ebusak halasira hatai ta tajia inna hatai.”

¹Nafa esahak Yesu hirorita hunna, eno inyia to Galilea, atta awoŋ afau no Yudea no owuon ahosiere ho hari no Yordano. ²Ejufari ifa iluluŋ nettok inyia, atta inyia hitilibo isia teya.³Afanu Farisei to honye, ociamari inya, ata hijo tohonyi “Holibo to tuŋani hapiahari iko oŋoruo honye to nobo hiram?” ⁴Etiraŋ Yesu hijo, “Ebe itai ehienu hijo inyia lafa oyyeu isia man to hitieri oyyeu isia hiito oliawa iko hiito noŋoruo?⁵Ojo hidofe inyia lafa oyyeu isia hijo, ‘To hiram to nia owu hiito oliawa ebusak monye iko hotonye honyie atta atubahini to oŋoruo honyi, atta arik hira wan no botie?’ ⁶Nia obe isia enyiak hira arik, ati wan no botie. Hotobiaŋa lobo obwan hiro ino otubak Hollum nobotie.”⁷Atta isia to honye, “No nyo ati elimak Mose iyohoi hesiara waraga no piaha ata efuhai inya adde?” ⁸Ojo inyia to hosie, “To golon no tajia inahatai aŋatahini Mose itai hotopiahai ho ŋoruo inahatai, ojo man ifa to hitieri obe ifa ara to hikoi nia. ⁹Ajo nayya ta hatai, tuŋani lo opiaha ho oŋoruo honye to hiram no obe ara no somon, atta yama nobo, eyyau ho oŋoruo tuŋani ojo hiito oliawa lia owu yama hiito noŋoruo nia opiaha eyyau inyia.”¹⁰Ojo hejufutak to Yesu, “Lera hiram no hito oliawa iko hiito noŋoruo daŋ ania, obe hada olibo hayamari,” ¹¹Ati ojo Yesu to hosie, obe ara hiyyo bidaŋ oremik huruk hiro nia, ati ara ja no hiyo ilo esiarahini to hosie aŋatak inya. ¹²Owuon illo obe awak yama man to hotwajin ho hotonye hosie. Owuon illak illo ehumak hiyyo hotobiaŋa ayama, Owuon hidofe illo obe awak yama to hiram no lobie no ido. Lia lo oremik amoju hitiyana nia, isiara inyia hotomoju.”¹³Nia eyyani hiyo ilak durre ilo hittiŋi to honye anyar atanyiak inya has innohonyie to hosie atta mojo, ati eriŋ hejufutak isia. ¹⁴Ati ojo Yesu, “Idek durre illo hittiŋi, hotobiaŋa itai efuhai isia hafanini ta hanaŋ, nyo ara obie ne ido to ilia ara ania.” ¹⁵Atta atirok has inno honyie to hosie, atta eno teyya adde.¹⁶Nafa nia, awoŋ lobo tuŋani to Yesu atta hijo, “Hetiyanani, hara ŋari hirro inno olibo iso inia egiem naŋ hijo anyar arrumu naŋ manya no osio fur?” ¹⁷Ojo Yesu to honyie , “Nyo etitifa iyye ta nayya hirro inno olibo? Ara tuŋani lo olibo lobotie hame, ati lewak iyye ajiŋak to wuaran, ottunak hifahita.”¹⁸Atta tuŋani lia hijo to honyie, “Hifahita inari?” Atta Yesu hijo, “Baŋa ottohe, baŋa eyau ho oŋoruo tuŋani, baŋa ahahala, baŋa oteler, ¹⁹Ta baŋa monye hoi iko hotonye hoi, ejio hidofe iyye emuno onyihari illohoi iyya wan nohoi.”²⁰Ojo tuŋani lia to honye, eruk naya hiro nia daŋ; arasa naŋ wahan nyo?” ²¹Ojo Yesu to honye, “Lewak iyye bisan, ino, itinyaŋai bariti ino owuon to hoi, atta iyye hisio to locaŋak, atta iso iye wuana he ibariti te ido. Woŋ, ijufak nayya.” ²²Ati nafa etiru inya hiro inia tara Yesu, atta inya eno ade le ejiriŋa, nyo owuon ifa inya he ibariti aria.²³Ojo Yesu to hejufutak ilo honye, “Dede ajo naŋ ta hatai, ogol to tuŋani la abara hajiŋahini to lobie ne ido. ” ²⁴Enyiak naŋ hijo ta hatai, ofiak to konikoni hajiŋari to honyiek ho itidit, agalik ta habarani hajiŋahini ahotwai ho obie no Hollum.”²⁵Nafa etiru hejufutak rori niyya, eliliha ifa isia no atta hijo, “ŋai iso lia oremik hetilohini?” ²⁶Owolo Yesu to honye atta hijo, “To hiyo obe ofiak, ati to Hollum ofiak hiro bidaŋ.” ²⁷Ata Peturu hitira ata hijo to honye, “Towolo ebusak iyohoi hiro bidaŋ atta iye; nyo iso nia erumu iyohoi?”²⁸Ojo Yesu to hosie, “Dede ajo naŋ ta hatai, to hiŋa ŋejuk lawoŋ Onyi Tuŋani ahunyia to hilohitok nolohwo nohonye, itai ilo ejufuta naya, efu iso itai ahunye to hittolojita tomon harik haŋotori woyojin inno Isarail tomon harik.²⁹Ilafa bidaŋ ebusak hajik, halasirak, hanasirak monyie, hotonyie, dure ojo fau to fure nanaŋ, omoju hinyahita hisihai nobotie, ojo orutak manya no osio fur. ³⁰Ati ariai ilo ara hosiere afanu hira halu, ojo ilia ara halu ofu hira hosiere.

¹Ara obie ne ido iyya monye fau, ille ewuan to motie beren osiahari hegiamak illo mana nohonye. ²Nafa eruk inyia iko hegiamak arobia idumuti anobotie to holoŋ lobotie, atta inyia efahak isia amana honyie.³Atta inyia hinyak eno abali ta saa hunik atta egonyu ilak hegiamak owueta to etinyaŋari asai. ⁴Atta inyia elimak isia hijo, ‘’Ifeti daŋ, amana, lo owuon innak hiro inno olibo esio iso nayya ta hatai,’’ ojo hegimak. Atta isia efie te igem.⁵Enyiak inyia eno ta saa ile ojo hidofe enyiak ta saa hotoŋwan, atta higiem iyya nya. ⁶Enyiak ofe inyi eno ta saa tomon holobtie abali atta arrumu illak oweta asai. Atta inya hijo to liyya, ‘Nyo eweta itai inni asai far daŋ? Ojo isia atta hitirraŋ to honyie hijo, ‘Obe hido lobo tuŋani lo ejo iyohoi igiem.’’ ⁷Ojo inya atta hijo to hosie, “Ifeti daŋ amana.’⁸Nafa era iŋalio, atta monye mana hijo ta hatoŋitani lohonyi, ‘Ililoŋo hegiamak daŋ odumak higiemita ino hosie, itiarai to hucuŋi man to hitieri.’ ⁹Nafa afanu hegiemak ilafa egiama daŋ man ta saa tomon holobotie, ohoru tuŋani daŋ arobia nobotie. ¹⁰Nafa afanu hegiemak illafa ho hosiere, egigilo ifa isia hijo ehoru iso isie ariai, ati ohoru isia daŋ nobotie nobotie.¹¹Nafa ahoru isia idumuti innohosie, ejullumori isia to monye mana. ¹²Atta isia hijo, ‘Hegiamak hulo hahalu esok isia saa lobotie te igem, ati etirik itai idumuti inohosie daŋ iko inohoi, iyohoi hulo edik hitaban na far iko nohon no holoŋ.’¹³Ati etirraŋ monye mana atta hijo to lobo lohosie, Illa, abe nayya egiem ta hatai noloru. Obe ifa itai eruk ikanaŋ idumuti arobia lobotie? ¹⁴Omoju, ino ara innohoi atta iyye eno hikoi nohoi; Ara munei nanaŋ hesiarari to hegiamak illo halu iyya ta hatai daŋ.¹⁵Hobe olibo ta hanaŋ hesiarari ibariti inanaŋ to tuŋani la awak nayya? Ehayin itai to libe nohimorot hanaŋ?’ ¹⁶Ati ara iso halu hosiere, ojo hosiere halu.’’¹⁷Iyya nafa eno Yesu man a Yeruselem, eyari ifa inyia iko efahat tomon harik, ati to hikoi ojo inyia to hosie, ¹⁸”Itiwolo, efu man Yeruselem, ati owu iso Onyi Tuŋani esiarahini to ettaha illo fadirihien iko hegiorok. Ofu iso hikum inya hotoyo. ¹⁹ofu iso hisio inyia to halufak anyar eramitari inyia, abak inyia, atta esihok inyia. Ati to holoŋ hitahunihi etidietu iso inya ahide.’’²⁰Teyya, atta hotonye onyirok inno Sebedeyo awoŋ iko onyirok honyie to Yesu; origoŋo inyia to hosiere honyie atta hifi innak hirro tara honyie. ²¹Ojo Yesu to honyie, “Ewak iyye nyo’. Ojo inyia to honye, tojo onyirok hanaŋ hulo ohorik hotohunye lobotie ta hani he inyiet ojo lobotie ta hani he ihorroŋ to lobie hoi.”²²Ati etirraŋ Yesu atta hijo, “Obe iye eyen hiro ino etitifa iyye. eremik iyye himat ikobo inna eliaha naŋ himat?” Ojo isia to honye, “Eremik iyyohoi.” ²³Ojo inyia to hosie, “Emat iso itai dede ikobo nanaŋ. Ati hahunyei ta hani ho inyiet hanaŋ iko ta hani he ihorroŋ hanaŋ obe ara nanaŋ hesiarari. Ati ara no ilo ehuhumak monye hanaŋ to hosie” ²⁴Nafa etiru hejufutak ilak tomon daŋ ania, obe ifa isia omuno iko halasirak ilia ohorik.²⁵Ati eliloŋ Yesu isia to honye atta hijo, “Eyyen itai hijo emumuna efahat ilo olufa isia, ojo ettaha illohosie ekumo isia. ²⁶Ati to hiji hatai hotobiaŋa ara ania, ati, tuŋani lawak hira etok to hiji hatai anyar ara hegiamani; ²⁷tuŋani hidofe lawak hira hosiere to hiji hatai anyar ara hegiamani lahatai; ²⁸Iyya obe Onyi Tuŋani ottu hijo anyar egiema hiyo to honyi, ati otu egiemari, ojo hidofe esio manya no honyie iyya huluti no hiyo arria.”²⁹Nafa efie isia ade to Yeriko, ejufari iluluŋ nolobolo inya. ³⁰Etole ifa haŋodok ilak lohorik to oger ho hikoi; nafa etiru isia hijo lia Yesu owu teya aŋati, eyoro isia ata hijo, “Habu, Onyi Davide, tomehini to iyohoi.” ³¹Eriŋ iluluŋ isia, atta elimak isia hotoduai. Ati ojo isia arasa yio nohijo, “Habu, Onyi Davide, tomehini iyohoi.”³²Nia oweta Yesu atta eliloŋ isia ata hiyo, “Ewak itai anyar egiem nayya nyo ta hatai?” ³³Atta isia hijo to honyi , “Habu, anyar ida oriŋa honyehite inohoi.” ³⁴Nia tomune no Yesu, atta Yesu hitan honyehite inohosie. Teyya atta isia hison riŋai atta ejufak inyia.

¹Eba ifa Yesu ho heyiyenak illohonyie to Betfaji aŋati ho Yerusalem to doŋe no Oliveto, efak ifa Yesu heyiyenak illohonyie lohorik atta ²hijo to hosie, “Itijiŋak to doŋe nia nolowon to hosiere hatai, errumek iso itai nobo sigira ne efita iko ŋani honyie. Itihou atta itai eyyani isia ta hanaŋ. ³Lefia lobo tuŋani itai inak hirro, itirraŋak to honyie hijo, ‘Awak Habu isia,’ ojo iso tuŋani lia atta efahu isia he itai.”⁴Owuon hirro innia ania hijo anyar etisiru hiro no heyani sayye lafa ojo, ⁵”Ilimak ŋani Siona hijo, Toriŋai, ottu Habu lohoi tohoi, la anyalam lettole to horuoŋ ha ŋani sigira.”⁶Atta hejufutak efie hihuma iyya elimak Yesu isia. ⁷Eyani isia sigira iko ŋani honyie atta afiatak boŋojin inohosie to horuoŋ no sigira ata Yesu hittole dia. ⁸Ofiatak ifa hiyyo ariai boŋojin inohosie to hikoi ojo illak atta ayefu sana inne yanik atta ŋafiatak isia te ikoi.⁹Ata hiyo innafa owuon to hosiere iko inna halu daŋ hitiara hidolo fure no ojo, ¹⁰”Hosanna to onyi Davide! Hotomune lia lottu to fure na Habu. Isiara hitihabuo hotowuana hitihabuo te ido.” ¹¹Nafa ajiŋak inya to Yerusalem, eliliha ifa hiyo daŋ atta hijo, “ŋai lia?” Ojo ifa iluluŋ no hiyo hijo, “Yesu lia, heyani sayye lo Nasaret no owuon ta Galilea.”¹²Ojiŋak ifa Yesu ta haji imojit nettok atta efuhai hiyo daŋ ilafa etinyaŋa iko ilafa etinyaŋa hirro inohosie ta haji nia. Atta inya asulai terefejahien inno ettok la arobiya, hittolojita daŋ inno hetinyaŋani lo irigioho. ¹³Atta inyia hijo tohosie, “Egioro hijo, ‘Eliloŋo iso haji hanaŋ hatara a haji imojit,’ ati eloitok itai inya hatara inya ahinom na hahalak.” ¹⁴Afanu haŋodok iko haŋurak to honyie ta haji imojit nettok ojo inya hitilibo isia.¹⁵Eloŋojita ifa hiyyo ilo hitaha iko hegiorok legonyu isia hiro inafa ehuma inya ojo hidolo no durre inafa etihabwo ta haji he imojit nettok to hijo nohosie, “Hosanna to onyi Davide,” ¹⁶Atta isia hijo to honyie, “Hetiru iyye hiro ino ero isia?” Etirraŋ Yesu to hosie hijo, “Eee” Ibe itai ehiana hijo, “To hutuhien ho dure iko tara idoliaha, erumek iso iyye hitihabwo no libo?” ¹⁷Ediahari ifa Yesu isia ata eno teya a doŋe no Betania ojiotori. 18To motie beren acahari Yesu a doŋe Yerusalem ata inya wode.¹⁸To motie beren acahari Yesu a doŋe Yerusalem atta inyia wode. ¹⁹Owolo inyia nobo ŋaboli nowuon to oger ho hikoi ati eba inyia to yani nia atta arrumu fara hame innohonyie. Atta inyia hijo to yani nia, “Hotobiaŋa innak haŋer enyiak afanu tara hoi.” Teyya, atta yani nia toyyo kwak ta halu honyie.²⁰Nafa egonyu heyiyenak yani nia otte, eliliha ifa isia atta hijo, “Henor ŋaboli nia daŋ kokwak jai?” ²¹Etirraŋ Yesu to hosie hijo, “Elimak naŋ ita dede hijo, ‘lewuon itai ho huruk nobe ekuya, eremik itai hihuma iya naŋ to yani nia. Ati obe ara nia hame. Lero ida hido itai to doŋe ina hijo, ‘Todiote, ibirok wan nohoi ta hari nia, oniŋo iso inya itai. ²²Nyo lefia itai hiro daŋ to mojo jo to huruk, emoju iso itai.”²³Ojiŋak ifa Yesu a haji imojit nettok ojo ettaha ilo kelesia ojo marwak afanu daŋ to honye atta hifia inya ata hijo, “Ta nari golon nia ehumari iye hiro hunna? ŋai esio do hoi hilohitok nia?” ²⁴Ojo Yesu ata hitiraŋ isia hijo, “Etiraŋ iso naŋ itai hifii nobotie. lelimak itai tahanaŋ, elimak iso naŋ itai ta nari golon nia egiamari naŋ hiro huna.²⁵Hottu hilohittok no Yoani tai nebatisori inyia hiyyo? Hottu tara Hollum ama tara tuŋani?” Ati atta isia rija ta wati te innohosie hijo, ²⁶”Lejo iyyohoi, ottu tara idou.’ Atta inyia hijo toohoi, nyo ati ibe itai eruk inyia?’ Ati lejo iyyohoi, ottu tara tuŋani,’ ebaŋ iyyohoi iluluŋ, nyo oyyen isia hijo ara Yoani hekilani.” ²⁷Niya atta isia hitirraŋ Yesu atta hijo, “Ebe iyyohoi eyyen.” Hidofe enyiak inyia hijo to hosie, “Abe iso naŋ elimak hottu golon negiamari naŋ hirro innia taji.²⁸Ati egigilo itai nyo to hiram nia? Owuon ifa lobo tuŋani ho lonyirok illohonyie lohorik. To nobo far, eno inyia to oŋiew lohonyie atta hijo, ‘Hito, ino enna amana egiamari.’ ²⁹Ojo hiito atta hitirraŋ hijo, ‘Abe naŋ awak.’ Ati ta halu atta inyie hiloit hoo nohonyie ³⁰atta hijo, ‘Olibo awu naŋ.’ Enyiak hidofe monye eno hiro to lonyi honyie ille hitarrihi. Etirraŋ lonyi honyie lia atta hijo, ‘Olibo, awu naŋ,’ attati hibo ta halu.³¹Lari hito lia to hiji hosie awak monye? Etiraŋ isia to honye hijo oŋieu.’’’ Ojo Yesu to hosie, elimak naŋ itai dede, le ara hamojoni homusuru arik ho somojok ofi ajiŋak to lobie no Hollum do hosiere hatai hilibe itai igiem. ³²Nyo ottu ifa Yoani ta hatai le ejufuta to hirro hifahita inno Yesu atti ibe itai eruk to honye; ojo hamojo ho ho musuru arik ha hasomok eruk to honyie. Ojio itai, egonyu ifa itai hiro ino edoŋ, hotobiaŋa itai iloyit tajia inahatai hijo anyar eruk itai to honye.³³Itirai to nobo hiticeli. Owuon ifa lobo tuŋani, ara ifa inya amonye mana. Edulak ifa inyia mana ata alik mariŋ, ata abwahak iwudo to hotwai honye, obwahak obele dia, atta hisio te ilak heciok. Atta inya eno anabo doŋe. ³⁴Nafa eliaha yafa no dioŋo, ata monye mana efahak ilamuk piti to hiyyo ilia eco wati mana no honye hijo anyar odieŋini ŋama.³⁵Ati eniefu heciok ha mana piti ilo honye, ata hibak lobotie, ata atohe lobo, ojo lobo atta hipud to moru. ³⁶Edas inya efahak piti ariai tara ilafa hosiere, atti ata hecok hidas higiem to piti liya iya nafa egiem isia te ilafa hosiere. ³⁷Tahalu, efahak inyia lonyi honye to hosie, hijo, ‘Anyar abaŋ isia lonyi honye.’³⁸Ati nafa egonyu heciok liya lonyi honye, ata isia hiro to wati inohosie hijo, ‘Ilohoi harutani. Ifanu etohoi inya anyar erutak hiro inohonyie.’ ³⁹Enief isia inya ata epihori inya ade to mana ata atohe.⁴⁰Lawoŋ monye mana, hehum iso inyia nyo te eciok liyya? ⁴¹Ejo isia to honye, “Otohe iso inya harwuok lia to hikoi no’rru atta hisio mana nohonye te illak heciok, hiyo ilo oremik duma haŋer lo odon.”⁴²Ojo Yesu to hosie, “Ibe itai ehiana higierita? ‘Egioro ifa hijo, “Ottu iso morwo nafa ebo haduhok hira hitieri to ohitir; nyo ara inna hiram nia ehuma Habu, nelliliha iyyohoi binno to honyehite innohoi?’⁴³Nyo elimak naŋ ta hatai hijo, ‘Orujuni iso obie no Hollum adde tara hatai atta hisio to hiyyo ille eŋarak haŋer innohonyie. ⁴⁴Tuŋani lo ohuyek to morwo nia, owuro iso inyia; Ati lesiak morwo nia tuŋani, attad iso wan nohonye.”⁴⁵Nafa etiru ettaha illo ikelesia iko Farisei iceliti innia tara Yesu, atta isia hiyyen hijo ero Yesu te isia. ⁴⁶Ati awak ifa isia eniefu inyia, ati abaŋ ifa isia iluluŋ no hiyyo, nyo oyyen ifa hiyyo hijo ara inyia hekilani sayye.

¹Etirraŋ Yesu atta hinyak hiro to hiticelita to hosie hijo, ²”Obie no ido ara iyya lobo letok ille ehumak mune no hiyama to lonyi honyi. ³Efahak inyia hegiamani lohonyie anyar eliloŋ ilia hullo awak hafanu to mune no hiyama, ati obe isia awak afanu.⁴Enyak ofe habu efahak lobo hegiamani, ojo, “Ilimak isia hullo awak nayya, “Towolo, ediara nayya hirro adahat; attohe nayya hiteŋ tamot, ojo hirro ottubahini. ifanu amune hiyama.’’’⁵Ati obe hiyo ilia awak hitira nalanyar, efie ilamuk amata hosie, ojo ilamuk acahari amasik inno igemita innohosie. ⁶Ojo ilamuk eniefu hegiamak, ata hihum isia noru atta attohe isia. ⁷Ati ejoria ifa habu atta efahak oseŋer ilo honyie, atta attohe hattohok ilia, atta hidofe aswahak doŋe nohosie.⁸Teya ojo inyiaa to hegiamak ilohonyie, ‘Ohidier hiyama, ati obe ilia ellilloŋ iyohoi osiru. ⁹Tonia ino ahikoi anyar eliloŋ hiyo iluluŋ hulo eremik iye arumu hafanu to mune no hiyama.’ ¹⁰Efie hegiamak ilia adia ahikoi ata eduduhu hiyo anobotie hulo orumu isia, ilo orru iko hulo anyar. Teya efut ifa hiyama gin iko hatamonok.¹¹Ati ifa lawoŋ habu hiwolo hatamonok, egonyu inya tuŋani ile obe ecofo boŋojin ino hiyama. ¹²Ejo habu to honyie, ‘Ila, hetu iye enni jai ejio iye ebe ewuon iko boŋojin ino hiyama?’ Obe ifa tuŋani lia enyiak hiro nobo.¹³Teya ejo habu to hegiamak hijo, ‘Ifitak has iko hejek ino tuŋani ilia, atta iye asulai inya amai nia oriok, nia nafa owuanari yo iko hirita na hala.’ ¹⁴Nyo eliloŋini ifa hiyo ariai, ati eduhucio hulo onyimuni.’’¹⁵Teya efi Farisei higigilo hijo hehum iso isia jai anyar mahati elohu isia Yesu to hirorita inohonyie. ¹⁶Teya efahak isia to honye hejufutak ilo honye, anobotie iko hiyo ilo Erodia. Ojo isia ata hijo to Yesu, “Hetiyanani, eyen iyohoi hijo ara iye ile dede, ejo iye ebe eremik wahan inamuk hirorita tara lobo, ejo iye ebe egigiala hiyo. ¹⁷Iyania ilimak iyohoi, hegigilo iye ŋarinyo? Hobis iso mahati hadumari musuru to Kesari?’’¹⁸Ati oyyen ifa Yesu hijo obe isia oremik hitira na lanyar atta hijo, ‘’Nyo eciama itai nayya, ara itai hullo eteler? ¹⁹Ituhutek nayya arobiyaha.’’ Teyya eyyani isia yel to honyie.²⁰Ojo Yesu to hosie, na ŋai rijori iko fure inna? ²¹Ejo isia to honyie, ‘’No Kesari.’’ Ojo Yesu atta hijo to hosie, ‘’Isiara hirro inno Kesari to Kesari ojo hirro inno Hollum to Hollum.’’ ²²Ifa letiru isia daŋ ania, eliliha isia. Atta isia efie ade ediahari inyia.²³To holoŋ nafa nya afanu ilak Sadusahien to honyie, ilafa ojo hijo obe nobo hebuhu. Efi isia inya, ²⁴Hijo ‘’Hetiyanani, ojo Musa hijo, ‘Loye lobo tuŋani, obe owuon ho dure, isiara ilasi honye hotoyemu oŋorwo honye anyar owuon iko dure te ilasi honye.”²⁵Owuon ifa ilasira hatarik. Ayama lohosiere ojo atta ye, obe obusari durre. Ebusak inyia oŋoruo honyie to ilasi honyie. ²⁶Teyya atta hidofe ilasi hitarihi igiem iyya nafa tara ilasi lia, teyya man te ilasi hitahunihi, eba bi daŋ man hinyahita hatarik. ²⁷Tahalu hosie daŋ, oye hiito noŋorwo nia. ²⁸To hebuhu, hara iso hiito noŋorwo nia ne ilasira ilia hatarik? Nyo ayemu ifa isia inya bi-daŋ.’’²⁹Ati etirraŋ Yesu atta hijo to hosie, “Epal itai, nyo ebe itai eyyen hirro hunna egioro to buk kuyya hidofe to ŋolon no Hollum. ³⁰Nyo to hebuhu, obe iso isia oremik yama.Ati ofu iso isia hira iyya anjilohien te ido.³¹Ati to hiram no hebuhu no hayoni, obe itai ehien innafa ero Hollum ta hatai, hijo, ³²Ara nayya Hollum lo Abramo, Hollum le Isako, ara nayya Hollum lo Yokobo’? Obe Hollum ara Hollum lo hayok, ati ara lo hawuarak.’’ ³³Ifa letiru iluluŋ inia, ellilliha ifa isia to hitiyana nohonyie.³⁴Ati ifa letiru Farisei hijo etudwek Yesu Sadusahien, eduduhak isia wati inohosie anobotie. ³⁵Ata lobo lohose, ara haŋotoni, ifi inya, to icemiti to honye- ³⁶”Hetiyanani, hara nari hifahi na agalik to hifahi?”³⁷Ojo Yesu to honye, “Tomune Habu Hollum lohoi to taji nohoi daŋ, iko oholio nohoi daŋ, iko to higigilita inohoi daŋ.’ ³⁸Ara ina hitieri ojo ara hifahi netok.³⁹Ojo hefahi hitarihi ara tiji- ‘Tomune onyihari hoi iya emuno iye wan nohoi. ⁴⁰Owueta hifahita ta mai daŋ iko hekilak te ina.”⁴¹Iya harasa ifa Farisei hududuha wati inohosie anobotie, efi Yesu isia. ⁴²Ejo inyia hijo, ‘’Hejo itai ara Kristo ŋai? Ara inya lonyi ŋai?” Ejo isia to honye, “Lonyi Davide.’’⁴³Ejo Yesu to hosie, Nyo mahu ati enyak Davide hililoŋ inyia to Oyiri hijo Habu, hijo, ⁴⁴’Ojo Habu lalaŋ to Habu lalaŋ, “Ohunye ta hani henyet hanaŋ, man ehumahini nayya miorok ilohoi ahittoloji nohoi’’’?⁴⁵Leliloŋ Davide Kristo Hijo Habu, ‘Jai ara inya lonyi Davide?’’ ⁴⁶Obe ifa lobo loremik hitirraŋ inya to hiro, Obe lobo tuŋani oremik hifi inya inak hifiita ariai man to holoŋ nafa nya ahosiere.

¹Atta Yesu hiro te iluluŋ iko to heyiyanak illohonyie. ²Ojo inyia, “Ettole hegiorok iko Farisei ta mai ho Musa. ³Le limak isia itai innak hirro hegiama itai, igiamai hirro niyya ejio itai eriŋa isia na anyar. Ati ibaŋa etimiyaha igemita innohosie, nyo ero isia hirro ati obe isia egiamari isia.⁴Ee, efitak isia hirro inno odiŋ inno ogol to hafita atta ahafak isia to ohohoho inno hiyyo. Ojo isia ta wati te innohosie obe oremik hituhut hafialai ha ciamari hafita isia. ⁵Egiama isia hirro daŋ anyar egonyu hiyyo. Etilat isia waragaha innohose ojo hidofe isia etilat hucuŋita inno boŋojin innohose.⁶Omuno isia hittolojia inno hosiere ta masik inno karamat iko hittolojita inno hosiere to sinagogi, ⁷iko hifonyita inno okwat ta massik inne etinyiaŋari hiyyo, hijo anyar ellilloŋo hiyyo isia ‘Hetiyanak.’⁸Ati hotobiaŋa hiyo eliloŋo ita hijo ‘Hetiyanak,’ ⁹ewuon hetiyanani lahatai lobotie, ejo itai daŋ era halasira. Ibaŋa eliloŋo lobo tuŋani ta fau amonye hatai, nyo ewuon itai ho Monye hatai lobotie, owuon inyia te ido. ¹⁰Hotobiaŋa hidofe hiyyo ellilloŋo itai ‘hetiyanani,’ ewuon itai iko hetiyanani lobotie, inyia Kristo.¹¹Ati lia lara lettok ta hatai, inyia tuŋani la ara hegiamani lahatai. ¹²Le ehaf lobo wan nohonyie, enyiahini iso inyia afau, ojo le enyiak wan nohonye ahafa iso inyia ahide.¹³Oru iso ta hatai, hegiorok iko Farisei, henyabak! Esionok itai obie ne ido tara hiyo. Ejo itai ebe ejiŋak ta wati inahatai iko hiyo daŋ ila awak ajiŋak. ¹⁴”Orru iso ta hatai hegiorok iko Farisei, henyabak! Etattur itai hajik inno ihidahi, ejo itai etisaga mojo nahatai. Erumu iso itai ŋoto tara Hollum. ¹⁵Orru iso ta hatai, hegiorok iko Farisei, henyabak! Ellaŋ itai hari nettok iko fauhien heloitori hiyo, ojo lera lobo lahatai, atta itai emak inyia lonyi him iya itai.¹⁶Orru iso ta hatai, itai hetuhutak haŋodok, itai ille ejo hijo, ‘Ille ettuŋo to haji imojit, ara asai. Ati le ettuŋo lobo to yiel no haji imojit, efita inyia to hilifo nohonye.’ ¹⁷Itai rifahak illo haŋodok! Nari nia agalik no, hara yiel, kuyya hidofe haji netudwa yiel?¹⁸Ojo ‘Lelifo to huluti, ara daŋ asai. Ati le elifo lobo tuŋani to hisiori no owuon to haji imojit, efita iso inyia to hilifo nohonye.’ ¹⁹Itai haŋodok illo hiyyo! Nari nia agalik, hara mahu hisiori, kuyya huluti ne ehumak hisiori no odua.²⁰Le lifo lobo tuŋani to huluti, isiara inyia helife te inyia daŋ iko hirro inno owuon dia. ²¹Isiara hidofe tuŋani le lifo to haji imojit, helife te inyia iko to tuŋani la amanya dia, ²²ojo lelifo te ido, isiara helife to hittoloji no Hollum iko te inyia lettole dia.²³Orru iso binno ta hatai he hegiorok iko Farisei, ara itai henyiabak! Nyo esio itai ŋati hitatomoni inno idumuti innahatai ojo amak iko hanyim. Ati etipwuak hirro inno odiŋ inno hifahita. Isia innia ŋoto no obis iko hamehini ojo hiruk. Anyar ehien hirro hunna daŋ iko inara. ²⁴Itai hetuhutak haŋodok, ehum itai hijufuta hifahita inno obe olibo, ejo itai edilo konikoni!²⁵Orru iso binno ta hatai hegiorok iko Farisei, era itai henyiabak! to nyo elila itai horwuoŋ no kubaya iko sahan ati efut hotuajin innohosie iko hiŋaru iko daya. ²⁶Itai haŋodok illo Farisei! Ilila do hotuai ne imatiti iko hudututa, anyar olibo bali nohonyie.²⁷Orru iso bi no ta hatai hegiorok iko Farisei era itai henyiabak! Nyo era itai iyya ilumioho inno eyala horuoŋitek to foroŋo, olibo isia ta bali ati efut hotuajin innohosie iko het inno hayok iko hirro hunna ebwot. ²⁸Ojo to homwoŋite ho hiyyo ara itai hiyyo illo oniŋe Hollum, ati efut tajia innahatai ho hinyebita iko hiyyata.²⁹Orru iso bino ta hatai hegiorok ik Farisei, era itai henyiabak! ³⁰Nyo eduhok itai ilumioho inno hekilak ojo hidofe eyol ilumioho inno halibok. Ejio ifa itai hijo ‘Nemanya ifa iyyohoi to holoŋitek inno monyie hohoi, nobe ifa iyyohoi etuba iko isia to woo no hoto no hekilak.’ ³¹Dede, itai to wati te innahatai eruhu hijo era onyirok illo hiyyo illafa ottohe hekilak.³²Etufutak hidofe itai mai no hiyyata no monyie hatai. ³³Itai munok, itai durre inno mirinyaŋi, erruat iso itai jai to ŋoto no hima?³⁴Ati, itiwolo, efahu nayya ta hatai hekilak, leferejok, ojo hegiorok. Ettohe iso itai illak illohosie atta itai esihok; ati ebak iso itai illak no no to omojori nahatai ojo efuhai isia to bore na gala man anobo. ³⁵Ara ilieti hituhututa inno honyie tara hatai ati ottu iso hoto no olibo to fau inna, to hoto no Abel ille obis man to hoto no Sakariya lonyi lo Barakiya, lafa ettohe itai to huluti. ³⁶Dede ajio nayya ta hatai, afanu iso hirro hunna daŋ to hilahaji inna.³⁷Yerusalem, Yerusalem, itai ilia hatohok illo hekilak iko herwoŋok ho efahat illo efahu Hollum ta hatai! Man iso anu eduduha nayya durre innahatai iyya hohoro ne emuhok ikiyehi inno honyie to huwa ejo itai obe eruk! . ³⁸Towolo, ebusak Hollum ta hatai haji nahatai. ³⁹Ati ajo naŋ hijo, obe iso itai enyiak egonyu nayya man ahosiere, ati man to holoŋ no ettuni itai hijo, ‘Hotomune lia lo ottu to fure na Habu.’’’

¹Eno ifa Yesu to haji imojit atta eno hikoi nohonyie. Afanu ifa lefahat illo honyie atta etuhutek to honyie haji imojit. ²Ati etiraŋ inya atta hijo to hose, “Hebe itai egonyu hinro inia daŋ? Dede ajo nayya ta hatai, obe iso nobo moruo nobotie nebusak hiyo no to nobo nobe oremik guasa.’’³Nafa lahunye inyia to doŋe no Oliveto, afanu heyiyanak to honyie atta hijo, “Ilimak iyyohoi, anu iso eba hirro innia? Ara iso ŋarinyo etihutek hawoŋ nohoi iko hucuŋi na fau?’’ ⁴Etiraŋ Yesu ojo to hosie, ‘’Anyar eriria na lanyar hotobiaŋa lobo etidihori itai to hipali. ⁵Nyo obore iso illo afanu to fure nanaŋ; ojo iso isia hijo, ‘Ara nayya Kristo,’ atta etidihori ariai to hipalitaadde.⁶Etiru iso itai riem iko sayejin inno riem; Itiwolo hijo ebe iso itai ebaŋ, ibusak hirro innia hidioŋo; ati holobe hucuŋi. ⁷Nyo oyitohini iso misihi innamuk misihi, ojo Lobie oyitohini obie. Owuon iso hiŋa ojo okitik tamasik hamai hamai. ⁸Ati ara hirro innia bi daŋ hitierita inno diahai no hisie.⁹Teyya eyari iso isia itai man to hitigiemita atta ottohe itai.’ Obe iso misihi awak itai daŋ to fure nanaŋ. ¹⁰Teyya obore iso hullo ohuye ojo hidofe enyeb wati innohosie, ojo iso hidofe obe awak wati innohosie. ¹¹Obore iso hekilak hullo ero teler hotorre ahide atta etidik ariai to hipalita.¹²Nyo ofonihi iso hiyyata, elik iso mune no hiyyo arria. ¹³Ati lia lo odik man to hucuŋi, orrumu iso inyia etilohini . ¹⁴Etiyana iso sayye no obie ta fau daŋ hatara hutuhuti to misihi daŋ; atta iso hucuŋi awoŋ.¹⁵Teyya, legonyu itai irruti inno hitihara,innafa eroru Daniele hekilani, owuetari ta mai inna odwa” (isiara hehianani hetiru na lanyar), ¹⁶”ibusak ilia owuon to Yudea hefie adoŋe, ¹⁷Idek inya lia ille owuon to hide haji hotobiaŋa owu afau ŋoso eyari ade inamuk saŋ inno lowuon ta haji honyie, ¹⁸Idek lia owuon to hotwai mana hotobiaŋa ociohini ŋoso eyari boŋo nohonyie.¹⁹Ati orru iso te ilia hullo owuon iko durre ojo te ilia hullo etidaha iŋeyyaha to holoŋitek nia! ²⁰Tomoje hijo hotobiaŋa loton nahatai owuon ta hameyu, kuya hidofe to sabato. ²¹Nyo owuon iso hitigiemita nobo inna obe ifa man to hitieri na fau man iyyania, kuya hidofe enyiak hidas. ²²Aracie lo osuhon holoŋitek niyya, obe iso lobo oremik etiluahini. Ati to ilia illo onyimuni, oremik iso holoŋitek inia suhon.²³Teya kuya lojo lobo ta hatai, ‘Itiriŋai, illohoi Kristo!’ kuya hidofe ojo, ‘Lia teteŋ Kristo!’ baŋa leruk. ²⁴Nyo afanu iso telerok to Kristo iko hekilak iko etuhutek hiticelita hunna obolo, anyar oremik etidihori to hipalita, iko hiyyo hullo onyimuni. ²⁵Itiwolo, elimak ifa nayya itai beren.²⁶Niyya, kuya lojo isia ta hatai, ‘Itirriŋai, owuon Kristo to hotwai tim,’ ibaŋa lofuo atim nya; kuya, ‘Itiwolo, owuon inyia to hotwai hajik.’ ibaŋa leruk. ²⁷Iyya emedek hila to hidioŋi no holoŋ atta hiticala hikoi man tesut no holoŋ, ²⁸Ara iso hawoŋ no Lonyi Tuŋani. Iyya ciaŋ inna oye, dia etutubahini iso taruha.²⁹Ati kokwak teyya ta halu ho hitigiama inno holoŋitek innia oriok iso holoŋ, ojo yafa obe esio cialai nohosie, ojo haher ohuyu to hide ido, ojo golon ne ido ekikiro.³⁰Teya olieu iso hituhuti no Onyi Tuŋani to hide ido, ojo ŋacio inno fau ara iso suhiana inno hosie. Egonyu iso isia Lonyi Tuŋani ottu te itiran te ido iko golon to kwatan. ³¹Efahu iso inyia anjilohien illohonyie to kwatan no obolo no ikakan, ojo iso isia eduduwahini daŋ anobotie onyimot illohonyie ta massik aŋwan, to hide anobo.³²Iyiyenu hirro tara yani no ŋaboli. Lo obulu sana inno yani atta emak fara, eyyen itai hijo eliaha tahas. ³³Legonyu itai hirro innia daŋ, anyar eyyen itai hijo eliaha inyia, te ikatin.³⁴Dede ajo nayya ta hatai, obe iso hilahaji inna olita man edoŋori hirro hunna. ³⁵Olita iso ido iko fau, ati obe iso hiram nanaŋ olita.³⁶Ati to hiram na far nyia iko saa nyia no obe lobo oyyen, obe anjilohien ille ido iko Lonyi oyyen, aracie Monye.³⁷To holoŋitek innafa ho Noah, ara iso hawoŋ no Lonyi Tuŋani. ³⁸Nyo to holoŋitek innafa holobe hibula no hifioŋ hiba adaha ifa hiyyo ojo hidofe amata, ahayamak, man to holoŋ nafa ojiŋahini Noah to togoli, ³⁹Obe ifa isia oyyen illak hirro man ebarari igura no hifioŋ nafa eyari isia ade-ara iso hawoŋ no Lonyi Tuŋani.⁴⁰Owuon iso hiyyo lohorik to hotwai mana; eyari iso lobo, ojo lobo arasa ta halu. ⁴¹Eria iso ŋorwo arik to hiriai; eyari iso nobotie, ojo nobotie arasa. ⁴²Tonia anyar ewuon le eriria, nyo ebe itai eyyen nari holoŋ iso mahu nia otuniere Habu lahatai.⁴³Ati itiyen tiji, hijo loyen ida monye haji hijo ta nari holoŋ otu lohoho, no oremik ida inyia wuana le riria no obe ida oremik hisio haji nohonyi hoto hohol ohoho. ⁴⁴Tonia anyar ewuon itai ile etila, nyo otu iso Lonyi Tuŋani to saa ina obe itai eremik hiyen.⁴⁵Lia ille ara heruhoni, ara iso hegiamani ille elofere, lia lafa odumu etok atta hisio haji, anyar esio isia ŋiria nafa hosie to saa nolobis? ⁴⁶Hotomune hegiamani ille orumu etok lohonyie egiama lawoŋ inyia. ⁴⁷Dede ajo nayya ta hatai hijo ebusak iso ettok hirro bi daŋ hunna hatara innohonyie.⁴⁸Ati lojo heyani ille ara hegiamani ta taji nohonye, ‘Eliŋa etok lalanaŋ,’ ⁴⁹ata hitiara baha hiyo ilara egiama daŋ he inya, adaha ojo amata iko harumak; ⁵⁰ojo etok lohonye ata awoŋ ta far no obe hegiamani lohonye oyen. ⁵¹Ojo ettok lohonye atta hiŋuŋut inyia to hiji atta emak inya iya lobo henyabani, ta mai no owuon hululuo iko hirita no hala.

¹Ara iso obie ne ido iya hoduo hunna eyari lomohien inohosie atta efie haruaŋahini iko hayamani. ²Erifaha ifa miet tara hosie ojo miet tara hosie daŋ elofere. ³Ifa leyari rifahak lomosien inohosie, obe ifa isia eyari nobo hiyali iko isia. ⁴Ati eyari ifa lofiorojok ihuloho ino yali he isia iko lomosien inohosie.⁵Ifa leliŋa hayamani, afire ifa isia ata ajotori. ⁶Ati ifa harie owuana yo, ‘Itiriŋai, to hayamani! Ifeti abali anyar erwaŋahini iko inya.’⁷Odiote hoduo niyya ahide atta hinyiak lomohien innohosie hotowule kai. ⁸Ojo ino obe elofere hijo to inia elofere, ‘Isiara iyohoi lobo hiyali ehumak iyohoi to lomo nyo esaha hiyali nohoi.’ ⁹Ati etiraŋ inia elofere hijo, ‘Obe iso oremik tohoi iko tahatai, ifeti inyaŋu tara ilia etinyaŋai ta hatai.’¹⁰Ifa efie isia ade enyiaŋari, awoŋ hayamani, ojo ilia ilafa ediarak wati inohosie ata efie iko inya to muno no hiyama, ata ikat higafulo. ¹¹Ta halu nia afanu hoduo inara ata hijo, ‘Etok, etok, aŋa te iyohoi.’ ¹²Ojo inya ata hitiraŋ hijo, ‘Dede ajo naya ta hatai, abe naya ayen itai.’ ¹³Ihuma riŋa hijo, nyo ebe itai eyyen holoŋ iko saa.¹⁴Ara iyya tuŋani ille awak eno anobo doŋe; ellilloŋ inyia hegiamak illohonyie atta hisio to hosie ibariti innohonyie. ¹⁵To lobo esio inyia arobiyaha miet, ojo tolobo esio inyia arik, to lobo esio arobiya lobotie. Omoju lobo inno honyie iyya to ofioroho innohonyie, atta tuŋani lia eno hikoi nohonyie. ¹⁶Atta tuŋani lafa omoju innohonyie miet emak innohonyie to suk atta inyiak etidietu innak arobiyaha miet.¹⁷Atta lafa omoju innohonyie arobiyaha arik atta hinyiak arrumu innak arik. ¹⁸Ojo hegiamani lafa omoju nohonyie nobotie atta hibwok iwure atta eŋofok nohonyie te ettok lohonyie.¹⁹Ta halu honyie acohini ettok lo hegiamak liyya ehuhumari hirro inno arobiyaha he isia. ²⁰Awoŋ hegiamani lafa omoju innohonyie miet atta afonik arobiyaha miet to hide he innafa esio ettok to honyie. Atta inyia hijo, ‘Ettok, esio ifa iyye nayya arobiyaha miet. Torriŋai, arrumu nayya ifoniti innohosie miet.’ ²¹Atta ettok lohonyie hijo to honyie hijo, ‘Egiem iyye na anyar, hegiamani lo olibo! Ehum iyye hinief hirro hullo hitiŋi na anyar. Ehumak iso nayya iyye heniefitani lo hirro arria. Tojiŋak to mune no ettok lohoi.’²²Atta hegiamani lafa efwotu arobiyaha arik awoŋ atta hijo, ‘Ettok, esio ifa iyye nayya arobiyaha arik. Towolo, afonik nayya arik te innia.’ ²³Ejo ettok to honyie hijo, Anyar binno, olibo iyye hegiamani le libo! Iyye heniefitani lo hirro hullo hittiŋi.; esio iso nayya iyye igem no hirro ariai. Tojiŋak to mune no lettok lohoi.’²⁴Teya awoŋ hegiamani lafa omoju arobia lobotie atta hijo, ‘Ettok, ayyen nayya hijo ara iyye tuŋani le egol no; edieŋu iyye tara hunna ebe iyye eyehi, ojo iyye hidofe edieŋu hunna ebe iyye etisarek. ²⁵Abaŋ ifa nayya, atta nayya eŋofok arobiyaha innohoi ta fau. Towolo, ara inna nohoi.’²⁶Ati etirraŋ ettok atta hijo to honyi, Erru iyye ejo hidofe ara hegiamani la ahalan, Eyyen iyye hijo adioŋo nayya tara mai inna abe nayya ayek ajo hidofe adioŋo ta mai inna abe nayya arwasak. ²⁷Ne esio ifa iyye arobiyaha innia hanaŋ to ottunari, ojo ta hawoŋ nanaŋ na aremik ida nayya efwotu isia he ifoniti innohosie.²⁸Todumu iyari arobiyaha tara honyie isiara to hegiamani lo oyita arobiyaha tomon. ²⁹To tuŋani lo oyita, esio iso hiyyo to honyie arria. Ojo lo obe lobo owuon he innak hirro, odumu iso hiyyo tara honyie adde no owuon to honyie. ³⁰Ibirok hegiamani lo obe osiru ta mai no oriok, ta mai no owuon yio iko hirrita no hala.’³¹Ifa lawoŋ Lonyi Tuŋani to ohwo nohonye ojo Anjilohien daŋ iko inyia, etole iso inyia to ohwo nohonyie. ³²Eduduhahini iso misihi bi daŋ to hosiere honyie, obwany iso inyia hiyyo hamai hamai iyya obwany heyohoni kioro tara hine. ³³Efiyak iso inyia kioro oko hani inyiet, ojo hine oko hani ihorroŋ.³⁴Ojo iso Habu to ilia illo owuon ta hani he inyiet honyie hijo, ‘Ifanu, itai illafa errumu jaha tara Monye hanaŋ, iturutak obie nahatai nafa ehuhumahini man to hitieri na fau. ³⁵Awodo ifa nayya atta hision nayya daha; eboto ifa nayya ejo itai atta hisio nayya amatat; ara ifa nayya ahatamononi atta itai hisio nayya haji, ³⁶alot ifa nayya aŋatturre atta itai eticiofok nayya; aŋwai ifa nayya eijo itai atta riŋa nayya; awoun ifa nayya ta babus atta itai fanu ta hanaŋ dia.’³⁷Atta iso halibok hitirraŋ atta hijo, ‘Habu, anu ifa egonyu iyyohoi iyye le eniama atta iyyohoi hitidaha iyye? ³⁸Any ifa eboto itai iko hure atta iyyohoi hisio iyye amatat? Anu ifa egonyu iyyohoi iyye ahatamononi atta iyyohoi hisio to hoi haji? ³⁹Anu ifa egonyu iyyohoi iyye aŋatturre atta iyyohoi eticiofok to hoi boŋo?’ ⁴⁰Ojo iso Habu atta hitirraŋ atta hijo to hosie, ‘Dede ajo nayya ta hatai, le egiem itai to lobo ilasi hanaŋ ille hittiŋ, egiem itai ta hanaŋ.’⁴¹Teya ejo inyia to ilia owuon toko hani ihoroŋ, ‘Ifeti ade tara naya, itai illia epitahini to hima no losio fur nafa odiarahini to Sitan iko anjilohien illo honyie ⁴², nyo awodo ifa naya ati ebe itai esio nayya ŋiria; eboto ifa naya ati ebe itai esio naya hifioŋ; ⁴³Ara ifa naya hatamononi ati ebe itai eyari naya ahotwai; awuon ifa naya aŋature ati ebe itai esio naya boŋo; aŋwai ifa naya to babus, ati obe lobo lo oriŋa ta hanaŋ naya.’⁴⁴Teya etirraŋ iso isia hijo, ‘Habu, anu ifa egonyu iyohoi iye le ewodo, kuya le eboto iko hure no hifioŋ, kuya le ewuon iyya lolufa kuyya aŋatturre, kuya le eŋwai, kuyya le efita to babus, ejo iyohoi ebe eremik hiluak iyye? ⁴⁵Teyya etirraŋ inyia isia hijo, ‘Dede ajo naya ta hatai, le ebe itai egiem to lobo letiŋ tara ilia, ebe itai egiem to nayya, ⁴⁶Ofu iso inia adde to hitigiama no hima no osio fur, ojo halibok to manya no osio fur.’’

¹Nafa esahak Yesu hiro nohonyie, ojo inyia to heyiyanak illo honyie, ²Eyyen itai hijo ta halu ho holoŋitek arik owuon hiyyom no laŋan, esiarahini iso Lonyi Tuŋani to hesihok illohonyie.’’³Atta fadirihien ho marwak illo hiyyo attubahini ta haŋ ho fadiri ile hitok, lara fure Kaifa. ⁴Ewuaha ifa isia hijo eniefu Yesu to hinyaba hattohori inyia. ⁵Nyo ojo ifa isia, “Obe olibo to hiyom nettok ŋaso hiwuoloŋita odioto tara hiyyo.’’⁶Ifa holowuon Yesu to Betania ta haji ho Simone tuŋani la tallulu, haladaha isia, ⁷awoŋ hiito noŋorwo to honyie ho kirijaja no hiyali inna ogol binno to hinyiaŋa, atta ejuhok to hoo ho Yesu. ⁸Ifa egonyu heyiyanak honyie inyia, ejoria isia atta hijo, “Nyo etiharak inyia hiyali nia ania? ⁹Oremik nia hetinyiaŋari to arobiaha ariai atta hisio to lociaŋak.”¹⁰Ati eyyen ifa Yesu higigilo nohose daŋ, atta hijo to hosie, “No nyo etigiama itai tuŋani inna? Egiem inyia no olibo ta hanaŋ. ¹¹Edule itai wuana ho lociaŋak holoŋitek daŋ, ati ebe iso itai edule wuana iko nayya.¹²Ejuhok inyia hiyali inna to wan hanaŋ, egiem inya to onuhari hanaŋ. ¹³Dede elimak naya itai, ta massik daŋ ne etiyanari hiyo sayye no olibo, egigilu iso hiyo tuŋani ina to hiro ine egiem inya.’’¹⁴Atta lobo lo tomon harik, lara fure Yuda eskariote, eno ta fadirihien ¹⁵Atta hijo, “Esio iso itai nyo ta hanaŋ lesio naŋ inyia ta hatai? Atta isia akiamak bilata hulo amamak tomwana hunik do. ¹⁶To holoŋ to nya etufa Yuda mai ne etuhutari inya Yesu to hosie.¹⁷Ifa to holoŋ hitieri no hiyyom no imune afanu hejufutak to Yesu atta hijo, “Nari mai nia ewak iyye ehuhumari iyohoi to hoi hiyom no laŋita?” ¹⁸Ojo inya, “Ifeti a bore gala to lobo tuŋani itijo to honyie, ‘Ojo hetiyanani hijo, “Eliaha holoŋ nanaŋ; adaha iso nayya ho heyiyanak hanaŋ to hiyyom no laŋita ta haji hoi.”” ¹⁹Egiem hejufutak iyya elimak ifa Yesu to hosie, atta isia hihuhuma daha no hiyom.²⁰Nafa era eŋalio, ahunyie inyia ta fau ha adahari iko heyiyanak illohonyie tomon harik. ²¹Ta adahari hosie, atta inyia hijo, “Dede ajo naŋ ta hatai tuŋani lobotie to hiji hatai owu etinyaŋai nayya.” ²²Omehini isia atta hififia inyia hame hame, “Dede obe ara nayya Habu?”²³Etirraŋ inyia, “Tuŋani ille oriomok hani nohonyie ikanaŋ to huduti nobotie inyia owu etinyaŋai nayya. ²⁴Owu Lonyi Tuŋani eno, iyya egiorohini te inyia; ati orru binno to Tuŋani lia etinyaŋai Lonyi Tuŋani! Olibo nobe ifa tuŋani lia esini.” ²⁵Ejo Judas lia awak etinyiaŋai inyia, “Egilo iyye nayya?” Ejo Yesu to honye, “Iyya ejo iyye to wan to nohoi.”²⁶Nafa hadaha isia, odumu Yesu imune, atta hijak, atta hubun, atta hisio to heyiyanak atta hijo “Itinyia wan nanaŋ nia.”²⁷Atta inyia adumu ikobo atta hisio humo, atta hisio to hosie atta hijo, “Itimat bidaŋ; ²⁸hoto nanaŋ nia no humwara nafa ejuhohini to hiyyo arria to hebusak no hiyyata. ²⁹Ati ajo nayya ta hatai, abe nayya enyiak himat iso haŋer na ajalaŋi; man ta far nyia amatari naŋ inyia aŋejuk ikatai to lobie no Monye hanaŋ.”³⁰Nafa edol isia fure, atta isia efie adoŋe ho ³¹Oliveto, Atta Yesu hijo to hosie, “Efu iso itai ahuye bidaŋ ta tari inna ho ena ta nayya, egioro hijo, ‘Abak iso nayya heyohoni atta iluluŋ no kioro hisarra. ³²Ati la diote naŋ ahide, au iso naŋ to hosiere hatai a Galilea.’’³³Ati ojo Peturu to honyie, “Lahuye hiyyo bidaŋ adde tara hoi, abe iso nayya ahuye adde.’’ ³⁴”Atta Yesu hijo to honye, “Dede ajo naŋ tohoi, ta tari inna he ena holobeŋ hohoro hillok, errisa iso iyye nayya hinyahita hunik.” ³⁵Atta Peturu hijo to honyie, “Ara ida hido hijo aye nayya ikohoi, abe naŋ arrisa iyye.” Ojo liyya ilak ero daŋ nobotie iyya Peturu.³⁶Nafa eno Yesu iko isia anobo mai na ara fure Getesemani atta hijo to heyiyanak illohonyie, “Ituhunye inni kai ajo naŋ au adde omojori.” ³⁷Atta eyari Peturu iko durre illo Sebede lohorik iko inyia atta hitiara hijiriŋita iko hitigiemita. ³⁸Atta inyia hijo to hosie, owuon oholio nanaŋ binno iko hijiriŋa man to ye. Itirasai inni itirriŋai ikanaŋ.”³⁹Eno inyia alamarai kai atta erruŋok homom no honyie atta mojo; atta inyia hijo, “Monye hanaŋ, leremik iyye isiara ikobo inna hatallaŋ tara hanaŋ; to hirro bidaŋ, obe ara iyya ajo naŋ, ati iyya ejo iyye.” ⁴⁰Acohini inyia to heyiyanak illohonyie, arrumu inyia isia ojioto, atta inyia hijo to Peturu, “Nyo obe itai eriŋa ikanaŋ nobotie? ⁴¹Itiriŋai ejo hidofe itai emojo hijo anyar ebe itai ejiŋak, to ciama. Awak oyiri dede, ojo wan omiasa.’’⁴²Atta inyia acahari hitarihi lomojori; ojo inyia, “Monye hanaŋ, lebe iyye eyari ikobo inna tara hanaŋ ati amat naŋ, isiara wahan nohoi hegiamai.’’ ⁴³”Enyiak ofe inyia acohini atta arrumu isia holojioto, ojio honyehite innohose emwoŋita. ⁴⁴Enyiak inyia ebusak isia, atta eno adde; omojori hitahunihi no mojo, enyiak inyia hidas hirorita liyya.⁴⁵Nia awoŋ Yesu to heyiyanak illohonyie atta hijo to hosie, “Helerasa itai jiote, erasa hidofe itai yiri? Itirriŋai, ottubai far ta hanaŋ, afanu hetinyaŋak isia etinyaŋak Lonyi Tuŋani ta has ho heyyak. ⁴⁶Ititte efie, eliaha tuŋani le etinyiaŋai nayya.”⁴⁷Nafa halarasa inyia hiro, atta Judas awoŋ, lafa owuon to hiji he efahat hullo tomon harik. Afanu hiyyo ariai tara ettok la fadirihien iko maruak illo hiyyo. Afanu isia ho demio iko fatigioho. ⁴⁸Atta tuŋani hetinyiaŋani ho Yesu hisio to hosie hutuhuti, hijo, “Tuŋani lo aunaŋ hujur, inyia lia. Iniefu inyia.”⁴⁹Kokwak, atta inyia awoŋ to Yesu atta hijo, “Ogolo hetiyanani!” atta hujur inyia. ⁵⁰Atta Yesu to honye, “Illa, igiama hirro innara ettu iyye higiama.” Atta isia afanu attirok has to Yesu atta eniefu inyia.⁵¹Nia, ati odiote hidofe lobo to hiji he illafa owuon ho Yesu, adumu demi nohonyie atta aŋute hiyyok no lobo ilo habu lo fadirihien. ⁵²Atta Yesu hijo to honye, “Inyahak demi nohoi tamai honye, ilia daŋ illo odumu demio oye iso isia to demi. ⁵³Egigilo iyye hijo abe iso nayya eliloŋ Monye hanaŋ, ata inyia efahu ta hanaŋ iluluŋ na anjilohien illo emonya tara tomon harik? ⁵⁴Ati iyyania hetuhutek iso jai, hijo ofu iso hirro innia aliew jai? “⁵⁵Ta sa nyia ojio Yesu te iluluŋ, “Afanu itai ho demio iko fiara he eniafari nayya iyya lohoho? Adule nayya daŋ hitiyana to hotwe haji imojit, ejio itai ebe eniefu nayya. ⁵⁶Ati edoŋ hirro innia hijo anyar osiru hiro nafa hekilak.’’ Atta heyiyanak daŋ liyya huruata adde ebusari inyia.⁵⁷57Atta hiyyo illafa eniefu inyia eyari inyia to Kaifa, ettok la fadirihien ta mai no ottubari maruak iko hegiorok nobotie. ⁵⁸Ojio Peturu atta ejufari inyia man ta mai na alama amai no fadiri le ettok. Owu inyia ahotwe ettolojori iko herririak orriŋari hucuŋi nohonyie.⁵⁹Osiaha ifa ettaha iko iluluŋ nohosie hikoi harrosohini to Yesu hipalita, anyar ettohori isi Yesu. ⁶⁰Ati obe ifa isia oremik arrumu nobo hipali, ta nafa orrosori isia inyia. Ta halu afanu illak lohorik ahosiere ⁶¹atta hijo, “Ojio tuŋani lia hijo, ‘Aremik inyie hitattur haji no Hollum atta inyi hinyiak aduhok to holoŋitek hunik.’’’⁶²Odioto fadiri le ettok ahide atta hijo to honyie, “Obe iyye ewak hitirraŋ? Nyo nia orrosok isia to hoi?” ⁶³Ati oduahini ifa Yesu. Enyiak ettok la fadirihien hijo to honyie, “Ero nayya tohoi to Hollum lo amanya, ilimak iyyohoi lera iyye Kristo Onyi Hollum.” ⁶⁴Atta Yesu hitirraŋ to honyie hijo, “Atienu iyye ta wan nohoi. Ati elimak nayya iyye, iyyania man ahosiere, egonyu iso itai Lonyi Tuŋani ettole ta hani he inyiet no Golon, lo ottu te itiran ne ido.’’⁶⁵Nia egwas ettok lo fadirihien boŋo no honyie atta hijo, “Elimu inyia hiro imoriti! Nyo nia enyiak iyyohoi wahan suti? ‘’Itiriŋai, etiru itai daŋ imoriti inohonyie. ⁶⁶Hegigilo itai nyo?” Etirraŋ isia atta hijo, “Osiru inyia hatohori.”⁶⁷Ata isia amitak hamilak to homom honye ojo ollum inya, ⁶⁸ata hibak inya ta has inohose, ata hijo, “Ikilu to hoi, iye hido Kristo. ŋai abak iye?’’⁶⁹Ettole ifa Peturu ta bali no fuara nya, ojo nobo hito na ara hegiamani awoŋ to honye ata hijo, “Ewuon ifa iye daŋ iko Yesu la Galilea.” ⁷⁰Ati orisa ifa inya daŋ to hosiere hose, atta hijo, “ Abe naya ayen hiro inia ero iye.”⁷¹Nafa eno inyia te ikat na bali, ojio nobo hoduoti egoŋu inyia atta hijo te illafa owuon dia hijo, “Owuon ida tuŋani lia iko Yesu lo Nasarit.” ⁷²Enyak ofe inya risai to giata hijo, tuŋ abe naŋ ayen tuŋani lia!”⁷³Afanu hiyyo illafa oweta aŋati atta hijo to Peturu, “Dede era iyye lobo daŋ le ewuon he isia, nyo etuhutek hiro nohoi hikoi.” ⁷⁴Atta inyia hitiara giata ojo hidofe elifo, “Abe nayya nobo ayyen tuŋani lia,’’ teyya atta hohoro hillok. ⁷⁵Atta Peturu agilu rori innafa ero Yesu hijo, “Holobe hohoro ellok, errisa iso iyye nayya hinyahita hunik.’’ Atta inyia eno abali lo oyyio binno.

¹Nafa acialai motie, ewuaha fadirihien illo hittaha daŋ iko maruak illo hiyyo anobotie hattohori Yesu. ²Efit isia inyia. Eyari inyia, atta hisio Yesu to mandir Pilato.³Ifa egonyu Juda lafa etinyiaŋai Yesu hijo, aŋotohini ye to Yesu, atta inya hiloit tajia nohonyie to hijiriŋa atta enyiahari arobiyaha tomwana hunik te etok la fadirihien iko maruak, ⁴atta hijo, “Eyau nayya nyo etinyaŋai naya lia lobe owuon iko hiyyata.” Ati etiraŋ isia hijo, “Obe ara hiram nohooi nia? Towolo iye ta wan to nohoi.” ⁵Ata inya ebirok arobiyaha ta fau ta haji imojit netok, ata eno agore wan nohonye hamai.⁶Ahuru fadirihien hulo hitaha arobiyaha ata hijo, “Obe anyar hatubahini arobiyaha iko ino haji imojit ina hitok nyo ara isia idumuti inno ye.” ⁷Ewuaha isia ata hinyiaŋa ta arobiyaha innia, mai nafa obuahari modie nyo awak isia hanuhari hatamonok. ⁸To nia, to holoŋ nya man iko ena, eliloŋo mai nya, “Owoori no hoto.”⁹Atati hiro no hekilani Yeremiya etisiru nolojio, “Eyari isia orobiyaha tomwana hunik henyaŋari mai nafa obuahari modie ¹⁰nyo ara isia idumit inafa oŋotori onyirok he Isaraile iya etuhutek Habu ta hanaŋ.”¹¹Etiwetik isia Yesu to hosiere ho Mandir ata Mandir hifia hijo, “Ira iyye Habu lo Yudea?” Ata Yesu hitiraŋ hijo, “Iya ejo hido iye.” ¹²Ati orosita fadirihien ilo hitaha iko maruak inyia hirro ariai ati obe inya etiraŋ nobo sihin. ¹³Atati Pilato hijio do honye hijo, “Ebe iyye etiru irositi ariai hunna orosok isia iye?” ¹⁴Ati odua inya liŋliŋ, to nia eliliha mandir bino.¹⁵Ta far no hiyom netok ohou mandir lobo lefita iyya awak iluluŋ no hiyo. ¹⁶Ifa to holoŋi niya owuon lobo haboloni to kijan la ara Baraba.¹⁷Nafa otubai hiyo daŋ ta mai nobotie, ojo Pilato to hose hijo, “Hewak itai hijo hahek naya ŋai ta hatai? Baraba kuya Yesu le eliloŋo Kristo?” ¹⁸Nyo oyen Pilato hijo eyani ida isia Yesu ta haini. ¹⁹Heletole Pilato to kurus iŋotit, efahak noŋoruo honye hiro to honye hijo “Baŋa ehum nobo sihin to tuŋani la anyar, nyo ena eriga nayya norru binno te inyie.”²⁰Esusuta fadirihien illo hittaha hiwo daŋ hefiari Pilato hijo hotohek inyia Baraba, ojo hidofe hotottohoi ida Yesu. ²¹Efia mandir to hosie hijo, “Hahek iso naŋ lari ta hatai?” Ojio isia “Baraba.” ²²Ojio Pilato atta hijo to hose hijo, “Hehum iso naŋ nyo to Yesu ille elliloŋo Kristo?” Ojio isia daŋ atta hitirraŋ daŋ to honyie hijo, “Isihok inyia”²³Ojio mandir atta hitirraŋ to hosie hijo, “Nyo nia lorru ne ehum inyia?” Ati eyyorro ifa isia binno hijo, “Isihok inyia.” ²⁴Ewolo Pilato hijo etalik inya hihum nobo sihin nyo ewuwuoŋita hiyo bino. To nia amoju inyia hifioŋ atta hilila to hosiere ho hiyo ata hijo, “Abe naŋ aremik hiŋot ye no lobo tuŋani lobe owuon iko hipali. Itiwolo ati itai ta wati te inahatai.”²⁵Etirraŋ hiyyo daŋ hijo, “Isiara hotoŋot yee nohonye to hoi iko to durre illohooi.” ²⁶To nia atta Pilato ahek Baraba to hosie, ati esio inyia Yesu habahari iko hesihohini.²⁷Ata oseŋer ilo mandir eyari Yesu a haji ina hitok ata otubahini iluluŋ no oseŋer. ²⁸Ohou isia boŋojin inohonye ata eticiofok boŋo nobo hamai. ²⁹Oyyir isia ihita no hikua atta esihok to honye ata hisio fatige ta hani he inyiet nohonye. Origoŋo isia to hosiere honye atta ellohitari inya hijo, “Habu lo Yudea, odule manya ahosiere!”³⁰Omita isia hamilak to honye atta baha hoo nohonyie to fatigel. ³¹Nafa atuhok isia elohitari isie, ahou isia boŋo nara nafa iticiofuk isia ata eticiofok boŋojin inohonyie tohonye, ata isia eyari inya hesihohini.³²Ifa ajiŋu isia abali, ata hiboŋ iko lobo tuŋani lo Sirene lara fure nohonyie Simone, lafa orosok isia hotolorori kuruce. ³³Eba isia ta mai nara fure Gologota, nara mananohonye,”Mai no nohohit in hoo.” ³⁴Esio isia tohonye balu no nolodua. Ati ifa leniŋ inya, ata inya hibo himat.³⁵Nafa esihok isi inya, atta isia hibwan boŋojin innohonyie to baha no muaŋa. ³⁶Attati isia hitole heririari inyoa ta mai nya. ³⁷Hidofe, egiorohini to hide ho kuruce nohonyie to hiro inno irrositi innohonyie nojio, “Yesu ille, ara inyia a habu lo Yudea.”³⁸To holoŋ nia esihohini inyia iko hahalak lohorik, lobotie ta hani he inyiet, ojio lobotie ta hani he ihorroŋ nohonyie. ³⁹Omoro hiyyo illo olot Yesu atta huta inyia to hafiala hijo, ⁴⁰”Iyye le ejio hijo etattur naŋ haji imojit nettok, enyiak duho to holoŋi hunik, itihoru wan nohoi, hidofe isuru iyyania to kuruce kuyya lera iyye dede Lonyi Hollum!”⁴¹Ellohitari hidofe fadirihien illo hittaha, hegiorok iko maruak inyia hijo, ⁴²”Etilohu ifa inyia ilak, ettallik iso inyia etilohu wan nohonye. Inyia habu le Isarail. Tonia tojio to honyie isuru iyyania to kuruce, atta iso iyyohoi huruk to honyie.⁴³Eyyik hido inyia to Hollum. Tojio Hollum hetilohu inyia iyyania iyya awak inyia nyo ojio ifa inyia hijo, “Nayya Lonyi Hollum.” ⁴⁴Atta hahalak illafa esihohini iko inyia moro inyia ania.⁴⁵Ta saa ille, no holoŋ iko iŋalio, orioho fau daŋ edumele tiir tiir, ⁴⁶da saa hunik, elliloŋo Yesu nolokuat binno hijo, Eli Eli, lama sabaktani?” nojo hijo, “Hollum lalaŋ, Hollum lalaŋ, nyo ebusak iyye nayya?” ⁴⁷Nafa etiru hiyyo illafa oweta dia atta isia hiro hijo, “Ellilloŋo inyia Elija.”⁴⁸Onyior hidofe lobo lohosie atta erutok hani nohonyie atta adumu boŋo atta eduttok a hotwai ho hifioŋ inne edualaŋa atta ehumak to hide ho siholo anyar etimatari isia. ⁴⁹Ojo illak, “Ibusak hoi inyia hame. Itirriŋe, kuyya ottu iso Elia hetihoru inyia.” ⁵⁰Edas Yesu yio no okuat binno to hutuk atta ebusak oyiri nohonyie.⁵¹Atta boŋo na haji imojit nettok guasa hame masik arik to hide man afau. Ojio fau ekikiro, atta moruo buara. ⁵²Ojio hidofe ilumioho aŋa ojo hiyyo halibok illafa oye beren atta ebuhu. ⁵³Ta halu hebuhu no Yesu, afanu isia adde te ilumioho atta ajiŋak a bore gala no odua, egonyu hiyyo arria isia.⁵⁴Abaŋi ettok ho oseŋer iko hiyyo honyie hullo eriria Yesu, nafa egonyu isia hirro innafa edoŋ atta isia baŋi atta hijo, “Dede ara hada inyia Lonyi Hollum.” ⁵⁵Owuon ifa ŋoruo ariai dia ino eriria alamarai, ejufuta ifa isia Yesu ta Galilea haluahari inyia. ⁵⁶To hiji hose, owuon ifa Mariya Madalina, hidofe, Mariya hotonye Yakobo iko Yosefu ojio hotonye lonyirok Sebedeyo.⁵⁷Nafa era kaikai, ottu habarani to doŋe na Arimatea lara fure Yosefu. Ara ifa inyia heyiyenani lo Yesu. ⁵⁸Owu ifa inyia to Pilato hefiari wan no Yesu, atta Pilato efahak hiyyo hesiarari wan no Yesu to honye.⁵⁹Eyari Yosefu wan atta abubunak inyia to boŋo nololibo, ⁶⁰Atta etiferik inyia te ilume honye inna ŋejuk nottulahini te ibak. Ettaborok inyia moruo nettok to hutuk he ilume atta eno adde. ⁶¹Ettole Mariya Madalina iko Mariya nobo hame to oger he ilume.⁶²To far na sabato afanu fadirihien iko ettaha iko Farisei to Pilato ⁶³atta hijio, “Habu, agilu iyyohoi hiji, ojio ifa henyabani lia nafa ho owuar inyia hijio, “Ta halu ho holoŋitek hunik ebuhu iso nayya. ⁶⁴Tonia ifahak oseŋer hetigolori ilume man to holoŋ hitahunihi, ŋaso heyiyenak illohonye afanu ahahalari wan nohonyie adde, ŋaso isia afanu hijio to hiyyo hijo, ‘Ebuhu inyia to ye, hidofe orru iso hinyaba nia agalik.”⁶⁵Ojio Pilato to hose hijo, “Ewuon itai iko oseŋer, ifeti itigolo ilume iyya eremik itai. ⁶⁶Attati isia efie etigolori ilume to moruo no otiohok dia, arasa oseŋer hiriria.

¹To motie beren ta far na Sabato, ottu Maria Madalina iko Maria nobo oriŋari ilume to hitieri ne isabit. ²Ekikiro ifa fau binno nyo esuru ifa anjilo la Habu te ido obwarari morwo nafa ottuho to hutuk he ilume adde atta hittole to hide honyie.³Opiapiak ifa wan nohonyie iya hila, ojo boŋojin inohonye obwor. ⁴Abaŋ ifa heririak ilo ikat man atta hitole iya hayok.⁵Ati ero anjilo to ŋorwo hijo, “Ibaŋa abaŋ, nyo ayen naŋ hijo esiaha itai Yesu loŋole esiho to kuruce. ⁶Obe inya teni nyo ebuhu inya iya nafa erarari inya. Ifanu itiwolo mai noŋole etiferihini hiyyo inyia. ⁷Hidofe ifeti kokwak ilimak to heyiyanak illohonyie hijo, ‘Ebuhu inyia to ye. Itiwolo, lia eno to hosiere hatai a Galilea. Efi iso itai egonyu inyia dia.’ Ituwolo, elimak nayya itai.”⁸Ofwo ŋorwo kokwak adde tamai he’ ilume ta baŋi iko to mune no obolo atta isia hinyor elimari hejufutak ilohonye. ⁹Ati eboŋ Yesu he isia ata hijo, “Itigolo daŋ.” ¹⁰Ehutu ŋorwo to honye ata hidofe rigoŋi hatirori hejek inohonyie atta hitihabwo inya. Ojo Yesu to hosie, “Ibaŋa abaŋ. Ifeti ilimak halasira hanaŋ anyar ofwo a Galilea. Ofwo iso isia hiwolo naya teya.”¹¹Hofwo ŋorwo tiji ania, ojo hidofe oseŋer ofwo abore gala atta heririak elimak te etok la fadirihien hiro daŋ ino edoŋ. ¹²Otuba ifa eittaha ile kelesia daŋ ho marwak herarari he isia hiram nia ata isia hisio arobiyaha ariai to oseŋer, atta isia hijo to hosie, ¹³”Ilimak to hiyo hijo afanu ida hejufutak ilohonye ta harie ini ata ahahalari wan nohonyie ejo iyohoi ida efer.’¹⁴Kuya hidofe letiru mandir hiram ina, etilik iso iyohoi hiram ina hijo anyar obe inya ohu hibak itai. ¹⁵Eyari isia arobiaha ata elimak hiyo iya efahahini ifa isia. Man iko iyane, ero hiyo ilo Yudea ania.¹⁶Ati ofwo hejufutak hulo tomon ho lobotie a Galilea adoŋe nafa etuhutek Yesu to hosie. ¹⁷Nafa egonyu isia inya, ata isia hitihabwo inya, ojo ilak arasa hikuya.¹⁸Ati otu Yesu to hosie atta elimak isia hijo, “Ara golon ne ‘ido iko na fau daŋ innanaŋ. ¹⁹Ifeti iyane daŋ etiyenari hiyo daŋ ta fau. Ibatiso isia to fure no Monye, iko Lonyi ojo no Oyiri lo’libo.²⁰Itiyanai isia hehuma hirro daŋ innafa elimak nayya ta hatai. Tuwolo, awuon naŋ itai holoŋitek daŋ, man to hisidi na fau.’’

¹Hitieri no sayye no Yesu Kristo ille Lonyi Hollum. ²Iyya egiorohini to buk no Isaya hekilani, ''Itiriŋei, efahu naya efahati lalaŋ ahosire hatai, tuŋani lia owu ehuhumak hikoi nahatai. ³''Eyyorro lobo tuŋani hillilloŋo to tim, 'Ihuhuma hikoi no obis ta Habu; ihuhumak koi innohonyie no obis.'''⁴Awoŋ ifa Yoani, etifoto ifa inya to tim, ojo etiyana hitifoto no amitu no hiyata iko hahohini na Habu anyar ebusak isia hiyyata inno hosie. ⁵Ofu ifa hiyyo daŋ to doŋe no Yuda iko hiyyo illo Yerusalem daŋ to honyie etifotu ifa inyia isia daŋ ta hari no Yordano, atta isia rigoŋo iko hibo no hiyyata innohosie anyar ohori ade. ⁶Eciefita ifa Yoani boŋo inna ara ahofir inno konikoni, ojio hittodit no honyie ara amuhunyo te ihuluk, adaha ifa Yoani maa iko; hisio no hilofiri.⁷Etiyena inyia hijio, "Ottu iso lobo tuŋani ta halu hanaŋ la agalik, nyo abe naya asiru hitiwet inyia ajo hidofe abe aremik ahou hamuha innohonyie. ⁸Ebatisio naya itai to hifioŋ ojio iso inya ottu hibatisio itai to Oyiri no Olibo.''⁹To holoŋitek innafa niyya, ottu ifa Yesu to Nasaret no Galilea, ojio Yoani ebatisio Yesu ta hari no Yordano. ¹⁰Ifa awoŋ Yesu to hifioŋ, egonyu inyia ido aŋa ojio Oyiri ottu afau to honyie iyya cieŋi la ara wolo, ¹¹ojio hillilloŋo nobo ottu te ido ''Iyye Lonyi hanaŋ ille amuno naya. Amuno naya iko hoi.''¹²Esio Oyiri Yesu heno atim, owuon ifa inyia to tim holoŋitek tomwana aŋwan, ojio Sitan atta hicem inyia. ¹³Owuon ifa inyia iko ciaŋi hahonyak, ojio anjilohien egiem hirro innafa awak inyia.¹⁴Ifa ta halu ho heniefu no Yoani, awoŋ Yesu a Galilea le etiyana sayyie inno Hollum ¹⁵atta hijio "awoŋ holoŋ nafa, eliaha obie no Hollum. Itiyite adde tara hiyyata ojio hidofe iruho sayye inno Hollum.''¹⁶Nafa allaŋari Yesu hari netok no Galilea atta inyia egonyu Simone iko Anereyo ilasi Simone, ebiro hiririehita ta hari no mile nettok, ojio ifa isia ara heririahak, ¹⁷eijo Yesu to hosie, "Ifanu ta halu hanaŋ ajio naŋ emak itai a heririahak illo hiyyo.'' ¹⁸Atta isia ebusak hiririehita innohosie atta efi ta halu ho Yesu¹⁹Nafa eno Yesu kai alamarai, egonyu inyia Yokobo onyi Sebede ojio Yoani ilasi honyie, owuon ifa isia to togoli ojio isia oyya hiririehi, ²⁰eliloŋo inyia isia; atta isia ebusak monye hosie Sebede to togoli iko hegiamak illohonyie atta isia ejufak Yesu.²¹Atta inyia eno Akapernam to holoŋ no yiri atta ajiŋak ta haji imojit no Yudei atta hitiyana. ²²To hiba no Yesu ta haji imojit atta hitiyana, ellilliha ifa isia to hitiyana no Yesu, etiyana ifa Yesu isia to hilohitok obe ara iyya no hegiorok.²³Ta haji nafa imojit, owuon ifa lobo tuŋani iko Oyiri ne ebuot. Oyyo tuŋani, ²⁴''egiem iso iyyohoi nyo to hoi, Yesu lo Nasarit? Itu iyye hijio anyar etihar iyye iyyohoi? Ayyen naya hijio ŋai iyye. Ira iyye lonyi Hollum ille Olibo wan!'' ²⁵Eriŋ Yesu miniaŋati atta hijio, ''Todwehini, woŋ adde tara honyie!'' ²⁶Ta halu ho hebirok no oyiri ne ebuot inyia to fau, atta yio no lokwat ojio miniaŋa atta awoŋ abali tara honyie.²⁷Ellilliha ifa hiyyo daŋ atta hifia wati, nyo innaŋ? hetiyenita ŋejuho iko hilohitok! Ata inyia elimak oyyirihien inne ebuot, ojio isia atta baŋi isia.'' ²⁸Tawak atta sayye inno Yesu esarai amasik daŋ aŋacio inno okudak Galilea.²⁹Nafa ebusak isia tawuak haji imojit, atta isia efi ahotwai ha haji no Simone iko Anereyo, ojio Yokobo iko ho Yoani. ³⁰Oŋwai ifa hamoni Simone iko nohon no wan, dede elimak isia to Yesu ŋuai no tuŋani nafa nyia. ³¹Ojio Yesu atta hittoŋ inyia ta hani atta hitidiet inyia ahide; atta ŋuai nyia eno ade ojio Yesu atta hitiara higiama isia.³²Ifa era iŋalio ta halu hasuori no holoŋ eyyen isia haŋuak ojio hiyyo ino enief miniaŋa. ³³Otubai hiyyo ino bore na gala ara nobotie tekat na haji. ³⁴Etuluahu Yesu innafa oŋuai wati iko iŋwueti arriai, ojio hidofe ebirei miniaŋa ariai, obe ifa Yesu ebusak miniaŋa herara nyio oyyen ifa isia nia.³⁵Odioto Yesu ta harie beren ho oriok; atta inyia eno amai na ara inyia alobotie atta mojo dia. ³⁶Osiaha ifa Simone iko hiyo ilafa owon dia inyia. ³⁷Orumu isia inyia atta hijio to honyie, ''Osiaha hiyyo iyye bidaŋ.''³⁸Eijo inyia, ''efie anobo mai ahotwai bore na gala, anyar ahu naya iso hitiyana dia. Hiram nyia nia attu naya enni egiamari.'' ³⁹Atta inyia hilur Galilea daŋ, etimojo inyia to sinagogi innohosie atta inyia hidofe atta efuhai miniaŋa adde.⁴⁰Ottu tuŋani ille oŋwai ha talulu to honyie; atta tana to honyie, atta inya rigoŋo ta fau. Atta hijio to honyie. Eremik iyye hitilibo nayya.'' ⁴¹Ohu ifa inyia ho higigilo no hamehini no hitigiemita, odumu Yesu hani nohonyie atta hitan inyia, ejo to honyie, ''Egiem naya. ⁴²Teyaa'' ata talulu ebusak inya, etilibik Yesu inya.⁴³Esor Yesu inyia atta efuhai inyia tawuak ade, ⁴⁴Eijio Yesu to honyie, anyar dede ibe iyye ilimak enak hirro tolobo tuŋani, atti ino ituhutek wan nohoi ta fadiri, isiara hirro innafa ojio Musa to liboi to nohoi, hatara ahitihutita to hosie⁴⁵Ojo inya atta eno ade elilimari hiyo daŋ. esisarik halaŋ lia hiram hijio obe ifa Yesu owu bolioŋ anobo abore gala; emak nia inyia hetolojo to waha anyar ofu hiyo to honyie to misihi daŋ.

¹Ta halu ho holoŋitek inak atta Yesu acohini a Kapernaum, atta hiyyo niyya teya etiru hijio owuon Yesu to hotwai haji. ²Atta hiyyo arriai atubahini to honyie ara nobotie te man obiaŋari mai to hiyyo atta illak weta to oger ha haji. Etiyana ifa inyia hitiyenita innohonyie to hosie.³Atta illak hiyyo oŋwa ŋafanu hullo akafini tuŋani ille ŋagole wan. ⁴To luŋai no hiyyo obe isia oremik eyari tuŋani lia man to Yesu teya atta isia atulok itulit to hide haji, to hide ha mai nafa etolojori Yesu, atta isia eliliofok ikafit nafa ofiorori tuŋani lia lo ogole wan.⁵Egonyu no Yesu hiruk nohosie, atta inyia hijio to tuŋani le eyyokie wan hijo, "Hito, ahohini hiyata inohoi. ⁶Owuon ifa ilak hegiorok dia ille egigilo to tajia innohosie hijio, ⁷Nyo nia ero hallaŋ lia ania? Omoro inyia Hollum. Obe lobo tuŋani oremik ahek hiyyata aracie Hollum ofe lobotie.''⁸Teya atta Yesu hiyyen higigilita innohosie atta hifia isia hijo, ''Nyo nia igigilo itai ania ta tajia innahatai? ⁹Nari nia eliaha wan, hijio nanaŋ to tuŋani ille eyyokie wan hijio ŋahoni hiyyata innohoi, kuya hidofe hijio nanaŋ, 'Tete, obibinak ijotit nohoi, toloto'?¹⁰Ati anyar eyyen itai hijo owuon dwaran to Lonyi Tuŋani to hahou no hiyata ino hiyo daŋ ta fau. ¹¹Atta inyia hiro to tuŋani lia eyyokie wan, ati ajo naya to hoi tete, obibinak ijotiti inohoi ino ahaŋ. ¹²Teya atta inyia diote kwak atta abibinak ijotit nohonyie atta eno to hosiere hosie adde. Atta isia daŋ hililiha, atta isia daŋ hitihabuo Hollum hijio, ''Holobe iyyohoi egonyu innak hirro iyya huna.''¹³Atta inyia acahari adde alotifor ha hari na Galilea, atta iluluŋ no hiyyo afanu adde to honyie atta inyia hityana isia. ¹⁴Ho olot inyia atta inyia egonyu Levi lonyi Alifeyo. Ettole inyia ta haji inna odumari hiyyo musuru atta Yesu hijio to honyie, "Ijufini nayya.'' Atta inyia diote atta ejufari inya.¹⁵Ta halu ha daha no Yesu ho hetiyanak illohonyie ta haji ho Levi. owuon ifa hatamonok ariai iko hamojok ho musuru iko heyyak hullo ejufuta inyia. ¹⁶Nafa egonyu hegiorok illo Farisei Yesu adaha iko heyyak ojio hidofe ha hamojok ho musuru atta isia hijio to hetiyanak ho Yesu hijio, "No nyo adaha inyia iko hamojok ho musuru ojio iko heyyak?''¹⁷Nafa etiru Yesu atta hijo to hosie, ''Hiyo hulo olibo wati obe awak efi ta akim, hiyo hulo oŋwai hamai isia ofu ta akim, abe naya atu eliloŋori hiyo ilo olibo, ati atu naŋ eliloŋori hiyo hulo heyak.''¹⁸Ofieru ifa heyiyanak ilo Yoani iko Farisei. Atta ilak hiyo efia hifia Yesu, 'Nyo nia ofier heyiyanak ilo Yoani iko Farisei ojo ilohoi obe ofier? ¹⁹Ojo Yesu tohosie'' Ofier motierak hayamani heletole isia daŋ Ikonye? Obe isia ofieruta le ettole isia ha hayamani, obe isia ofieru nobo.²⁰Afanu iso holoŋitek ino eyari hiyo hayamani to hiji hosie adde, ojio ta far to nyia, atta iso isia afieru. ²¹Obe lobo tuŋani orifak itafit no boŋo ŋejuk to igwasit no boŋo marwani, ehuma lobo ania ogwasari iso itafit ŋejuk to boŋo to nia marwani ade ata igwasit nia ebibolori agalik nara to hitieri.²²Obe lobo ejuho balu ŋejuk to hotwai he ihulo marwani, ehumak inya ania obwor iso balu nia ihulo ata balu neihulo biaŋan. Balu ŋejuk anyar ejuhohini to hotwai he ihulo ŋejuk.''²³To holoŋ no Sabato owu Yesu iko heyiyanak ilohonyie to hotwai mata ino ŋama, ho olot isia to hotwai matta atta heyiyanak sonya gila ŋama atta riaja. ²⁴Teyya atta Farisei hijio to honyie, ''Toriŋai, nyo nia ehuma isia sehin no odwa to holoŋ no Sabato?''²⁵Etirraŋ Yesu to honyie hijio, ''Ibe itai ehienu hirro innafa huna ehuma Davide iko hiyyo illafa owuon daŋ iko inya loniamai isia? ²⁶Owu ifa inyia ahaji no Hollum nafa hara Abiatara afadiri ille obolo wan atta inyia daha imuniaha hunna odwa wati inno obe lobo tuŋani adaha aracie hehuhumak adaha hamai adaha, ojio hidofe Davide esio nomuk to hiyyo illohonyie?''²⁷Atta inyia elimak to hosie hijio, "Ara ifa Sabato no hiyyo, ati obe ifa esio hiyo ta Sabato. ²⁸Iyyania ara Onyi Tuŋani Habu lo Sabato.''

¹Enyiak inyia eno a hotwai ho sinagog atta arrumu tuŋani loye hani. ²Ati orriŋa ifa hiyyo inyia hijo anyar errosok inyia hijo etilibo inyia tuŋani to holoŋ no Sabato.³Atta Yesu hijo to tuŋani lo loye hani hijo, "Tette, owueta to hiji ho hiyyo daŋ." ⁴Atta inyia hijo to hiyyo, "Holibo mahu hegiamari nalanyar to holoŋ no Sabato, kuyya holibo mahu eturuwori; etilibo tuŋani, wele ettohoi?" Ati oduwehini ifa isia ta mai.⁵Oriŋa Yesu to hosie le ejoria ojo hidofe oŋuŋusia to golon na tajia innohosie, atta inyia hijo to tuŋani lia hijo, "Itibisak hani nohoi." Atta tuŋani lia etibisak hani nohonyie atta Yesu etilibok inyia. ⁶Ojio Farisei atta efie etutubak wati inohosie nyo awak ifa isia iko hiyyo illo Erodia atohoi inyia.⁷Eni, owu ifa Yesu iko heyiyanak ilohonyie ahari nettok atta iluluŋ no hiyyo ta Galileya iko Yudea ejufari inyia. ⁸Nafa etiru hiyo hiro innafa egiama inyia, afanu ifa hiyo daŋ to honyi man to Yerusalem, Idumia, to oger ha hari no Yordano, Tira iko Sidonia.⁹Elimak ifa inyia to heyiyanak ilohonye heyani to honye togoli letiŋ nyo obore ifa iluluŋ no hiyyo hijo hotobiaŋa isia eririek inyia. ¹⁰Etilib ifa inyia hiyo ariai tara iruti iko hitigemita innohosie. Awak ifa isia hittir inyia¹¹Lewolo oyirihien inne ebwot inyia, atta isia ahuyek to hosiere honyie atta yio ojo hidofe ero "Era iyye Lonyi Hollum." ¹²Atta inyia elimak isia hijo hotobiaŋa etuhutek inyia.¹³Owu inyia ahide doŋe, atta inyia hililoŋ liyya illafa awak inya atta isia afanu to honyie. ¹⁴Atta inyia anyimu tara hosie efahat tomon harik hijo hotowuana iko inya hijo hefie isia etiyanari ¹⁵anyar owuon ho golon hefuhari miniaŋa adde. ¹⁶Atta inyia anyimu tomon harik tara hosie: Simone, lafa esio inyia fure nohonyie hatara Peturu;¹⁷Yokobo lonyi Sebedeyo, iko Yoani ilasi Yokobo, ilafa efurak inya Bonajes, hijo ara isia lonyirok ho hila, ¹⁸iko Anereyo, Philipo, Batulumeo, Metteyo, Tomaso, Yokobo lonyi Alifeyo, Tedeo, Simone lafa ara hetirrijani, ojo ¹⁹Yuda Iskariote, lafa ottu etinyiaŋak inyia.²⁰Atta inyia eno a haŋ, ojo iluluŋ no hiyyo atta afanu to honye inyiak, man obiaŋari isia enyiak adahari imune. ²¹Nafa etiru woyyo nohonye hirro niyya, atta isia efie eyari inyia, nyio ojo isia hijo, "Obe hoo nohonye egiama na anyar." ²²Ati ojo hegiorok illafa afanu to Yerusalem hijo, "Owuon miniaŋa inno Belsebul to honye," "ojo hidofe to golon no miniaŋa, efuhuta inyia miniaŋa."²³Elliloŋu Yesu isia to honye atta hiro to hosie to hitimiyyahita, "Jai iso oremik Sitan efuhai Sitan? ²⁴obwanya obie hamai to wan nohonye aŋacio ariai, obe iso obie nyia enyiak wueta. ²⁵Obwanya haji hame to wan nohonye, obe iso haji enyiak wueta nobo.²⁶Oliwari Sitan wan nohonye ojo hidofe obwanya, obe iso inyia oremik wueta, ati atta iso hucuŋi nohonye hiliaha kuak. ²⁷Ati obe iso lobo tuŋani oremik ajiŋak ahaji ho tuŋani lo ogol inna holo be inyia eniefu atta hifit monye haji do, atta ati hahala haji nyia honyie.²⁸Dede elimak naya itai, ebusahini iso daŋ onyirok ho hiyyo, daŋ iko imoriti inno odule isi daŋ hirotta, ²⁹ati odule lobo moro Oyiri no Olibo, obe iso inyia oremik arrumu hahohini no hiyyata, ati odule iso iyyau to honye mak." ³⁰Ero Yesu ania nyo ojo ifa isia hijo, "Owuon oyiri nebwot to honye."³¹Nia atta hotonye honyi iko ilasira honyi daŋ afanu weta ta bali. Efahak isia to honyi hiram hijo ewak isi inyia. ³²Ojo iluluŋ atta ahunyie aŋati honyie atta isia daŋ hijo to honyi, "Owuon hotonye hoi iko ilasira hoi ta bali, osiaha iyye."³³Atta inyia hitiraŋ isia hijo, "Haba ŋai ara hotonye iko halasira hanaŋ?" ³⁴Owolo inyia to hiyyo innafa ettole okudok inyia atta hijo, "Ituwolo, hunna hotonyie hanaŋ iko halasira hanaŋ! ³⁵Ara tuŋani legiama wahan no Hollum ta hanaŋ elasi, inasi iko ahotonye."

¹Enyiak inyia hitiyena isia to oger ha hari nettok. Atta iluluŋ nettok ekolok inya, atta inyia esurok to togoli ahotwai hari atta ahunyie ta fau. Owuon ifa iluluŋ aŋati ho otifor na hari nettok. ²Etiyena ifa inyia isia hirro ariai to hitimiyyahita atta inyia hijo to hosie to hitiyena nohonye.³"Itira, owu ifa hayani aŋek. Ta nafa ayari inyia, ohuyik ifa ilak hinyomo te ikoi, ojo cieŋ atta afanu ahurru isia daŋ. ⁴Ojo innak hinyomo ohuyik to moruari nobe huron obore. ⁵Obolo ŋama nia kuak nyo obe ifa huron obore.⁶Ati nafa edoŋori holoŋ, anori isia nyo obe ifa isia owuon iko hadde, atta isia tee. ⁷Ojo hinyomo innak ohuyik to hukua. Nafa esuru hukua obolo man atta higor isia enye ŋama heleŋarak inak ŋama.⁸Ojo hidofe innak hinyomo ohuyik to huron inno olibo atta emak ŋama ariai, nafa obolo isia man eŋarak innak ŋama hinyahita tomwana hunik ha aŋwan, ojo innak hisihai ile, ojo innak hisihai nobotie." ⁹Atta inyia hijo, "Isiara tuŋani lowuon ho yohe hetiru!"¹⁰Nafa owuana Yesu hame, efia ifa hiyyo illo owuon aŋati honye iko illafa ho tomon harik hitimiyahita. ¹¹Atta inyia hijo to hosie, "Esiarahini hirro inne eŋofo inno obie no Hollum. Ati to ilia illo owuon ta bali, ara iso rori to hosie daŋ ahitimiyyahita, ¹²anyar ewolo isia, orriŋa isia ati obe iso oremik egonyu, etira iso isia, ati obe iso oremik hiyyien, man oyitori isia, ojo iso Hollum atta ebusak isia."¹³Atta inyia hijo to hosie, "Heyyen itai hitimiyyahi inna? Efu iso itai hiyyien hitimiyyahita inak jai? ¹⁴Oyek hayani hiram. ¹⁵Ara inak niya hunno ohuyik aŋati ho hikoi, tamai nafa oyehini hiro. Ati nafa etiru isi inia, ojo Sitan atta awoŋ atta eyari hiro nafa oyehini to hosie.¹⁶Ojo innak hinyomo innafa oyehini to morwari, nafa etiru isia hiro, atta amoju hiram to mune. ¹⁷Ojo hidofe obe owuon ho hadde innohose, ati odi kai. Ati to hawoŋ no hiram, obolo hitigiama binno, kuak atta isia ahuye.¹⁸Ojo innafa oyehini to hiji ho hukua. Etiru isia hiro, ¹⁹ati ojo iwahiti inno fau, hinyobita inno ibariti, iko iwahiti inno rori, ajiŋu atta higor hiro atta hiro enyie hegiama na anyar. ²⁰Owuon hidofe innak inno oyehini to huron inno olibo. Etiru isia hiro ata amoju, ojo oŋirik haŋer: Eŋarak inak tomwana hunik, ojo hidofe inak tomwana ile, ojo innak hisihai nobotie."²¹Atta Yesu hijo to hosie, " Eremik iye eyani lomo hidiei tohotwai haji atta iye eŋofok to hotwai ho gufa kuya tafau ho seriri? ²²Obe iso nobo sihin ne eŋofo nobe oremik aliew, obe nobo sihin ne eŋofo nobe iso hiyyo oremik etiliew ecala. ²³Lowuon lobo iko hoyohe, isiara hetiru!"²⁴Atta inyia hijo to hosie, "Ihuma hitira to hirro inne etiru itai, nyo te icemit ne eciamari itai, ociem iso hiyo itai daŋ te inyia, ofonihini iso ta hatai. ²⁵Ofonihini iso to tuŋani lo oyita, ojio to tuŋani lobe owuon, odumuni iso tara honyi ade."²⁶Atta inyia hijo, "Ara obie no Hollum iyya tuŋai loyyek hinyomo innohonye ta fau. ²⁷Ofer inyia ta tari atta diote to motie, ojio hinyomoti atta esuru ojo hidofe inya obe oyyien hesuru inyi jai. ²⁸Etusuru fau haŋer to wan nohonye: To hitieri ogitet, hiyyok, attati emak ŋamari la anyarru to hiyyok. ²⁹Ati la anyar ŋamari, ojio kuak atta a sutak murut nohonye nyo awoŋ dioŋo."³⁰Attati inyia hijo, "Etirrijik iso obie no Hollum iko nyo, kuyya nari hitiriji iso no oremik hirri iko inyia? ³¹Ara iyya hinyomoti no ŋaboli no oyyek hiyyo, ojio inyi ara hinyomoti lettiŋ ta fau. ³²Ati ledulahini ta fau, odioto atta bolo agalik yanik ino mana, atta hidofe ehumak sana inohonye ariai hijo anyar emak cieŋ inne ido hajik innohose ta bali nohonye."³³To hitirriamita hunna, atta inyia elimak hiram to hose, to hitira nohose hiram nohonye, ³⁴odule ifa inyia hiro to hose to hitirriamita. Ati nafa owuanari inyia hame, atta inyia hilima hirro to heyiyenak illohonye.³⁵To holoŋ nyia, nafa era iŋalio, atta inyia hijo to hose, "efie to lolo." ³⁶Teya, atta isia ebusari iluluŋ, owu Yesu he isia, owuon ifa inyia beren to togoli. Owuon ifa innak togolisien daŋ aŋati hose. ³⁷Atta nobo oyyami ne efiriwa diote man efaliahari hifioŋ atta hifioŋ ajiŋai ahotwai ho togoli atta hufut.³⁸Ati oyiri ifa Yesu lo ofer to huluri. Etidiet isia inyia ahide atta hijo, "Hetiyenani, ebe ati iyye luŋa eyyen hijo efu iyyohoi ye?" ³⁹Odiote inyia kuak atta hiriŋ oyyami atta hijo to hari nettok, "Himwara, iliha." Atta oyyami wueta, aduehini ifa hari na anyalam.⁴⁰Atta inyia hijo to hose, "Nyo ebaŋ itai? Obe huruk owuon ta hatai?" ⁴¹Ottu ifa baŋi no obolo to hose, atta isia hifia wati innohose hijo, "ŋai hidofe ille, labaŋ oyyami ojio hidofe hari nettok etira inyia?"

¹Atta isia afanu anobo ŋati na hari, a fau no Gerasenes, ²Nafa ebusak Yesu togoli, awoŋ lobo tuŋani owuon ho oyiri ne ebwot te ilumioho.³Amanya tuŋani lia ifa te ilumioho. Obe ifa lobo tuŋani oremik etihu inyia, ara ifa hido ta haririk. ⁴Efita ifa inyia hinyiahita ariai to hofii iko ta haririk. Ofut inyia ojio hidofe eguguas aririk nia. Obe ifa lobo tuŋani oremik ariek inya.⁵Odule inyia ta harie iko ta far yio te ilume to doŋiok, ojio hidofe eŋiŋoto wan to moruo ino ofi. ⁶Ifa egonyu inya Yesu te ilama, onyior inyia to honye atta rigoŋi ta fau to hosiere honyi.⁷Oyyo inyia le eyyorro bino, "Adumu naya nyo nohoi, Yesu Lonyi Hollum Lettok? Atana naya iye to fure no Hollum wan nohonye, baŋa etigiama nayya." ⁸Nyo ero ifa Yesu to honye hijo, "Woŋ ade tara tuŋani, iyye oyiri ne ebwot."⁹Atta Yesu hifii inyia hijo, "ŋai fure nohoi?" ojio inyia atta hitirraŋ inyia hijo, "Fure nanaŋ Ligion, ebore iyyohoi." ¹⁰Attana inyia Yesu adule hijo hotobiaŋa efahak isia adde ta fau nyia.¹¹Owuon ifa iluluŋ no bataha inna adaha aŋati to doŋe nyia, ¹²atta isia tana Yesu hijo, "Ifuhak iyyohoi to bataha innia; ewak iyyohoi ajiŋak to hose." ¹³Atta Yesu ebusak isia; afanu oyirihien inne ebwot ade ata ajiŋak to bataha, ojio bataha niyya atta arruhari agum ho doŋe man ahotwai hari nettok, ata bataha alif arik daŋ adiori ahotwai hari.¹⁴Atta hiyo illafa erribita bataha niyya hurrwata ofu elimak to bore gala nyia hiro daŋ innafa oliew. Ata iluluŋ no hiyyo daŋ efi hiwolo hirro innafa owuon. ¹⁵Atta isia afanu to Yesu atta arrumu tuŋani lafa eniefita miniaŋa- lafa ottoŋita lijion--lettole ta fau, leciofo, ojo hoo nohonye owuon na anyar, man abaŋ isia.¹⁶Atta isia elimak daŋ hiro innafa egonyu isia tara tuŋani lafa eniefita miniaŋa iko hajiŋak no miniaŋa to bataha. ¹⁷Atta isia hitiara tana inyia heno adde to doŋe nohose.¹⁸Ta nafa ojiŋahini Yesu ahotwai togoli, atta tuŋani lafa eniefita miniaŋa tana hijo anyar efu isi iko Yesu. ¹⁹Ati obe ifa inyia awak, ati ojio inyia to honyi hijo, "Ino ahaji hoi to hiyyo illohoi, ilimak to hose hirro inne egiem Habu to hoi, iko hamehini ne esio inyia tohoi." ²⁰Atta inya eno ojio hidofe etiara hitiyena hiro hunno hittaha inne egiem Yesu to honye to Dekapolis, man atta hiyyo daŋ hillilliha bino.²¹Nafa ellaŋ Yesu hari tololo to togoli, atta iluluŋ no hiyo nettok afanu akolok inyia, ta nafa owuanari inya aŋati ha hari. ²²Ottu ifa lobo eittok lo sinagog lafa ara fure nohonye Jairo, ifa egonyu inyia Yesu, atta inyia ahuyik to hejek innohonye. ²³Odule ifa inyia tana to honyie hijo, "Eliaha ŋani hanaŋ yee. Attana naya iyye hijo anyar ettu hoi iyye attanyak hass innohoi to honye hotolibe atta wuaran." ²⁴Atta Yesu eno he inyia, ojio iluluŋ nettok atta ejufari inyia man efuda aŋati honyi.²⁵Owuon ifa nobo hito noŋorwo nafa odule hoto nohonye woo man ŋasi tomon harik. ²⁶Orrumu ifa inyia hitigiama binno ta akimi man esahak ibariti innohonye daŋ. Ati obe ifa inyia orrumu nobo luaha, man enyiak ati runn. Etiru ifa inyia hirro innak inno Yesu. ²⁷Ottu ifa inyia ta halu ho Yesu ojio hiyyo daŋ efut, atta inyia hittir boŋo no Yesu ta halu.²⁸Atta inyia hijo, "Le ettir nayya boŋojin innohonye, atta iso nayya libe." ²⁹Nafa ettir inyia Yesu, atta hoto nyia weta, atta inyia aheru ta wan nohonye hijo alibe inyi tara hitigiama nohonye.³⁰Kuak atta Yesu aheru wan nohonye hijo eno nobo golon adde tara honyie. Oyito inyia te iluluŋ atta hifi, "ŋai ottir boŋojin innanaŋ?" ³¹Atta heyiyenak illohonyie hijo to honye, "Obe iyye egonyu iluluŋ nia aŋati hoi, ejio iyye enyiak hijo, 'ŋai ottir nayya?"' ³²Ati owolo Yesu daŋ hijo ŋai mau ottir inyia.³³Ifa eyien hito noŋorwo nia hirro innafa eba to honyie, abaŋ ifa inyia binno man ekikiro. Ottu inyia ahosiere ho Yesu atta ahuyik to honye atta elimak inyia hirro hunna dede. ³⁴Atta Yesu hijo to honye hijo, "Hiito, etinyaru huruk nohoi iyye. Ino bolioŋ ne elibo tara iŋweti innohoi."³⁵Halarrasa ifa inyia hiro, afanu illak hiyyo tara eittok lo sinagog, atta hijo, "Oye ŋanni hoi. Baŋa etigiama hetiyanani jia?"³⁶Ati ehum ifa Yesu etiru hirro innafa ero isia, atta inyia hijo te eittok lo sinagog, "Baŋa abaŋ. Iruho ania." ³⁷Obe ifa inyia ebusak lobo tuŋani hejufari inyia, atta inyia ebusak Peturu, Yokobo iko Yoani, ilasi Yokobo. ³⁸Afanu ifa isia ahaji ho tuŋani lia atta isia egonyu ŋuŋusia no hiyyo, ojio hiyyo daŋ eluluo inno oyyio.³⁹Nafa ajiŋai inyia ahotwai haji, atta inyia hijo to hose, "No nyo ejoria itai ejio hidofe ejiriŋa? Obe hiito nia oye ati ojioto inyia bii." ⁴⁰Ati ellohita ifa isia daŋ to honye, attati inyia efuhak isia daŋ abali, atta eyari monye hiito iko hotonye ojio innafa owuon daŋ iko inya, atta isia afanu man amai nafa owuanari hito.⁴¹Odumu inyia hani no hiito atta hijo to honye hijo, " Talita koum," no ojio hijo, "Hiito nettiŋ, ajio naya to hoi, te'tte." ⁴²Kokuak, atta hiito diote atta eno (nyo ara ifa ŋasi innohonye tomon harik). Elliliha ifa isia daŋ ta mai binno. ⁴³Atta inyia elimak isia no ogol hijo hotobiaŋa lobo tuŋani oyyen hiram nia. Atta inyia elimak isia hesiara hito nyia nobo sihin hatadahai.

¹Ediahari Yesu mai nyia atta acahari a doŋe hosie, ojio efahat ilohonyie atta ejufari inyia. ²Nafa awoŋ far na Sabato, etiyena inya to sinagog. Atati hiyo ariai etiru inya atta isia daŋ hililiha. Ojio isia daŋ, "Jai oyen inya hitiyenita huna daŋ? Jai ehuma inyia idwariti inno obolo iyya hunna?" ³Obe inyia ara hehumani la bau, onyi Maria ojo ilasira honye ba Yokobo iko Yose ojo Yuda ho Simone? Hidofe, obe ara hanasirak honyie innia amanya aŋati daŋ hohoi?" Atta isia hiloŋojita to Yesu.⁴Atta Yesu hijio to hosie, "Owuon hitihabwo to heyani sayye, ati to doŋe hosie ojio hidofe ta haŋ hosie, obe hiyyo abaŋ inyia." ⁵Obe inyia oremik hihuma innak hirro dia, ati otirok inyia has innohonyie to homom ho tuŋani lo oŋwai atta hitilib isia. ⁶Elliliha inyia to biaŋan to nohosie owuon ho hiruk. Ati owu inyia amisihi niyya to oger etiyenari.⁷Attati inyia hiro to liyya tomon ho lohorik atta efahak isia lohorik lohorik amisihi ojo esio to hosie golo daŋ anyar efuhai johin inno oru, ⁸elimak inyia isia hijio hotobiaŋa eyari nobo sihin to loton to nohosie, aracie hitehita inohosie hamai: Hotobiaŋa eyari imune, kullo, kuyya hidofe jaf na arobiya te itoditi inohosie, ⁹isiara heciofok hamuha, ojio boŋojin arik.¹⁰Atta Yesu hijio te efahat ilohonye, "Letole itai to nobo haji, itolojo dia, ibaŋa ofu anobo mai. ¹¹Ojo lobe hiyo ino mai nya etira kuya omoju itai, ibusak mai nya atta itai etuturok tuduha to hejek innahatai hatara asut to hosie."¹²Atati hetiyenak hitiyena hiyyo heloito tajia innohosie ojio hidofe eruat adde tara hiyyata innohosie. ¹³Efuhai ifa isia johin daŋ inno orru, atta hidofe heyalak hiyali to hiyyo illo oŋwai man olibori isia.¹⁴Etiru Habu Erode hiram no Yesu, hijio, 'okwatan fure no Yesu binno. Ata ilak hijio, "Ebuhu Yoani Batista to ye, ojio to hiram to nia, egiama golon no iduwariti to honye." ¹⁵Ojo odule ilak hiro hijo, "Ara inya Elia." Arasa ilak daŋ hijo, "Hekilani ha sayye illafa ho beren."¹⁶Atti nafa etiru Erode atta inya hijo, "Ebuhu Yoani lafa aŋot naya hoo nohonyie, inya lia ebuhu to ye." ¹⁷Nyo inyia le Erode lafa eniefu Yoani atta efitak inyia to kijan to hiram to no Erodia.( ilasi honyie Philipo) nyo eyari ifa Erode oŋorwo Erodia.¹⁸Nyo elimak ifa Yoani Erode, "Obe osiru tohoi heyari oŋorwo ilasi hoi." ¹⁹Ati ejoria ifa Erodia to honyie nyo atta hiwak attohe inya, ati obe ifa inyia oremik higiem, ²⁰nyo abaŋ ifa Erode Yoani; oyyen ifa inyia hijio odua Yoani bi no, atta ebusak inyia bolioŋ. Etiru Erode hiro no Yoani ata inya hijiriŋa bino.²¹Atati hiyom awoŋ no holoŋ nafa esiuni hiyyo Erode atta inyia ehuhumak daha to dafiti illohonyie, iko ettaha illo Galilea daŋ. ²²Atati ŋani Erodia ta wan nohonyie cia to hiji hosie ojio hidofe etumuno Erode daŋ iko hiyyo illafa ettole iko inyia. Atta habu lia hijio to hoduoti nia, "Ifia nayya te inak hiro ine ewak iye, ajo iso naya atta hisio to hoi."²³Attati Erode awoŋ hinyiak hidas to honyie, "Esio iso naya tohoi rori ine efia iye, ara ida hido ŋati no obie nanaŋ." ²⁴Atta hoduoti ajiŋai abali ata hifia hotonye honye hijio, "Nari sehin iso nia aremik naya hifi to honye?'' Etiraŋ hotonye hijio, Tomoju hoo no Yoani Batista." ²⁵Attati inyia acahari kwak ta habu Erode, atta hijio to honyie, "Awak naya heyani hiyo ta hanaŋ hoo no Yoani, hemak hiyyo to hiduti."²⁶Attati Habu hijiriŋa bino, ati obe inya ebo hiram no hoduoti nia nyo otiorok ifa inya to hituŋo to nohonye ojo hatamonok etiru. ²⁷Teya efahak habu lobo loseŋer heno eyani hoo no Yoani. ²⁸Eno heririani lohonye lia atohoi ata eyani hoo no Yoani to hotwai kijan. Atati eyani hoo nya to hiduti, attati inyia hisio to hoduoti ojo hoduoti atta hisio to hotonye honyie. ²⁹Nafa etiru efahat ilo Yoani hiram nia, ata isia afanu eyari wan nohonyie ade ata anuhak te ilume.³⁰Otubahini efahat daŋ iko Yesu, ata elimak to honye hiro daŋ ine egiem isia ojo hidofe etiyena. ³¹Ata Yesu hijo to hosie, "Ifanu efi itai ika naya to wati te inahatai efi eyomu to kai ta mai no oyur." Nyo olot hiyo ariai ila afanu ojo ilak ofu, man obiaŋari isia eremik arumek saa na adahari isia daha nohosie. ³²Niya atta isia arrek a hotwai ho togoli atta efie anobo mai no oyur to wati innohosie.³³Ati, egonyu ifa hiyo isia ariai isia atati isia hinyior to hejek to misihi daŋ man ofu hiba dia to hosiere hosie. ³⁴Nafa ebarari isia to otifor na hari, egonyu Yesu iluluŋ no hiyyo owueta inno omelehini, atta taji nohonye amelehini te isia nyo ara ifa isia iya kioro ino obe heyohoni. Atta Yesu hitiara hitiyena isia hiro ariai.³⁵Nafa eliaha holoŋ asuori, atta efahat afanu to honye ata hijo, "Ara mai ina amur, eliaha holoŋ inna ŋasuori. ³⁶Ifahak hiyo ino amata kuyya hidofe amisihi anyar ofu isia enyaŋu nobo daha to hosie."³⁷Ati etirraŋ Yesu isia hijo, "Isiara isia nobo daha." Atati isia hijo to honye, "Ewak ati iye anyar efi iyohoi enyaŋu imuniaha ta arobiya hisihai arik ino oremik enyiaŋu imuniaha anyar esio to hosie hatadahai?" ³⁸Atati inyia hifia isia, "Ara imuniaha inia jai? Ifeti itiwolo." Ifa ehien isia, ata isia elimak inya hijo, "Ara imuniaha miet, ojo ham arik."³⁹Atati Yesu elimak hiyo daŋ hotohunye ta fau te iluluŋi to miyaŋ igara. ⁴⁰Ohunye isia daŋ te iluluŋi hisihai nobotie ojo hinak tomwana miet. ⁴¹Atati inya adumu imuniaha miet ojo ham arik ata hibono ahide, ata hisio humo to Hollum, ata hibubun imuniaha ata hisio to efahat ilohonye hesiara to hiyo. Ata inya aharak ham lohorik to hosie daŋ.⁴²Adaha isia daŋ man ofoŋi. ⁴³Ata isia asuduhak ofitot inne imuniaha ino efut to gufat tomon harik iko ofitot inno ham. ⁴⁴Ara ifa hiyyo alif miet illa adaha imuniaha.⁴⁵Teya, efahak inya efahat ilohonye hotorek to togoli hatalaŋ hari to hosiere adoŋe no Beteseda, ojo inya ata efahak hiyo efie ade. ⁴⁶Nafa efie isia ade, owu inya ahide doŋe omojori. ⁴⁷Nafa era harie, eba ifa togoli do hiji ha hari netok, ojo Yesu owuon hamai to otifor.⁴⁸Owolo Yesu hijio etigiama hiharuto na hari isia binno, nyo ohut ifa oyyami binno. Nafa eliaha ŋati no motie, atta inyia awoŋ to hosie, lo olot to hide ha hari, awak ifa inyia agalari isia. ⁴⁹Ati nafa egonyu isia Yesu olot to hifioŋ, egigilo ifa isia hijio kuyya ara mahu inyia ahiito no jiok lorru, ⁵⁰atta isia daŋ baŋi ojio hidofe oyyio. Egonyu ifa isia inyia atta baŋi. Ati ojio inyia to hosie, "Itigolo tajia innahatai! Nayya le ! Hebaŋ!"⁵¹Owu Yesu to hosie, atta oyyami nolohut aduehini, atta isia daŋ mune tohonyie binno. Ati obe ifa isia oyyen hiram ne imuniaha, ⁵²nyo ogol ifa tajia innohosie ojio hidofe higigilita innohosie alama binno.⁵³Nafa elaŋ isia ŋati na hari tololo afau no Geneseret, attati isia efitak togoli. ⁵⁴Nafa afanu isia ade nobotie tara togoli, atta isia agilu hijo, ara hada inya Yesu lia. ⁵⁵Attati hiyyo daŋ hinyior ahaŋitek inohosie eyani haŋwak to honye, nafa etiru isia hijo otu inya.⁵⁶Ojiŋak ifa Yesu ahotwai misihi iko doŋiok daŋ, atati hiyo daŋ eyani haŋuak ata efiyak isia te ikatin ino etinyiaŋari hiyo hiro, ati efia ifa hiyo hijo ewak isia hitir hiyok no boŋo nohonye. Olibe ifa inafa etir boŋo nohonye.

¹Ottubahini Farisei no botie iko Yesu, ojo illak hegiorok illafa afanu to Yerusalem.²Egonyu isia heyiyanak illohonyi adaha imune no hosie to hipali, ara hijo, holobe hilla, has. ³(Nyo Farisei iko hiyyo illo Yudea daŋ, omohok isia daha inna ohilla has innohosie; ejufuta isia imohiti inno hohonyok hosie. ⁴Lafanu Farisei to suk, obe adaha man laku isia wati innohosie. ojo owuon hidofe innak imohiti ariai inno ejufuta isia, iyya ho hillilla no ikobot, mocio, hudutita iko haji no adahari.)⁵Efii Farisei iko hegiorok ilo Yesu, ''Nyo obe heyiyanak illohoi amanya to imanyiti inno hohonyiok, nyo adaha isia imune no hosie ojo isia obe ellilla has?⁶Etiraŋ inyia, "Ekilu ifa Isaya hiram nahatai nalanyar, egiorok inyia hijo, ''Abaŋ hiyyo hullo nayya to hutuhe innohosie, ati alama tajia innohosie tara hanaŋ.' ⁷Ara hitihabuo nohosie ta hanaŋ asai, etiyana isia hifahita innohosie iyya ara inno Hollum.'⁸Ebusak itai hifahita inno Hollum atta itai ehumak imohiti inno tuŋani ahosiere." ojo inyia," ⁹dede ebo itai hifahita inno Hollum hijo anyar itai ejufuta imohiti innahatai! ¹⁰Nyo ojo ifa Musa, 'Tabaŋa monye hoi iko hotonye hoi,' Ati, tuŋani lo omoro monye iko hotonye honyi, isiara hotoyo.'¹¹Ati ejo itai hijo, 'Lejo tuŋani to monye honyie kuya to hotonye honyie, "Tuŋani lo oluak itai omoju tara hanaŋ ara isia korban,"' ( ara nia hijo, 'Hisiorita to Hollum')- ¹²ania obe hetiyenak ojo anyar egiem isia inak hiro to monye honye iko hotonye. ¹³Etilita itai hifahita inno Hollum to imohiti ifa hoberen. ojo innak hiro ariai ino egiama itai."¹⁴Enyiak inyia hillilloŋ iluluŋ atta hijo to hosie, "Itirai ta hanaŋ, itai bidaŋ, ojo itiru. ¹⁵Obe nobo hiram no ojiŋak tabali to tuŋani oremik hitihar inyia lajiŋak to honyie. Ati hirro inno ojiŋu to hotwai ho tuŋani abali oremik hiturru inyia." ¹⁶Tuŋani lo owuon hoyohe isiara hetiru.¹⁷Nafa ebusak Yesu iluluŋ nia atta ajiŋak ahaji, efii heyiyanak inyia hiram no hiticieli nafa ojo inyia. ¹⁸Etiraŋ Yesu to hosie, "Obe hidofe itai daŋ eyyen? Obe ati itai egonyu hijo hirro inno ojiŋak to tuŋani ta bali obe etihar inyia, ¹⁹nyo obe ojiŋak ahotwai ho taji honyi, ati ofu ahosehe honyie atta ajiŋu adde aler." To hiram tonia etilibok Yesu ŋiria daŋ.²⁰Ojo inyia, "Ara no lojiŋu to hotwai ho tuŋani oremik hitihar inyia. ²¹Nyo ta taji ho tuŋani ojiŋu higigilita inno orru, iyya ho, somon, hoho, toho, ²²roto, daya, liwai, hinyaba, haini, mwaŋa, hitidara iko hukwaraŋa. ²³Iruti huna bidaŋ afanu to hotwai hotuŋani, ara isia ino eturru tuŋani."²⁴Odioto inyia atta ebusak mai nia atta eno afau ho Turo iko Sidon. Ojiŋak inyia ahaji ojo inyia obe awak lobo tunŋani hotoyyen hijo awuon inyia dia. Ati obe inyia oremik ŋofe. ²⁵Ati holojiŋak inyia bii ahotwai haji etiru nobo hiito noŋoruo no owuon hiito nohonyie iko oyiri no orru- hiba no Yesu atta awoŋ atta ahuyik ta fau to hejek honyie. ²⁶Ara ifa hiito noŋoruo nia no Girik, ojo esie ifa inyia to Surofenisa. Olia inyia to honyie hepitai ade miniaŋa tara hiito nohonyie.²⁷Atta inyia hijo to honye , "Isiara durre hatadahai do. Obe olibo hadumuni ŋiria no dure atta iyye hisio to ŋohe." ²⁸Ati etiraŋ inyia atta hijo to honye, "ee, Habu, adaha ŋohe inia tafau ho teremeja ŋiria no dure hetihe dure afau."²⁹Ojo Yesu to hiito noŋoruo nia hijo, "Iyya ejo iyye ania, ino. Efie miniŋa adde tara ŋani hoi." ³⁰Aciahari tuŋani nia ahaji honyie atta arrumu hiito no honye ofer to seriri, ojo enyai innak miniaŋa tara honyie.³¹Atta inyia ebusak fau no Turo atta agalari Sidon ahari ho Galilea to fau ho Dekapolis. ³²Dia eyyani isia to honye lobo lotuho ojo hidofe obe ero no olibo, atta isia liyya to Yesu hatatanyak has innohonye to otuho lia.³³Ata Yesu eyari inyia ade tohiji ho iluluŋ ho hiyo, atta atuhok hafiala innohonyie to yohe ho otuho lia, atta amitak hamilak innohonyi atta hidofe hitir taji no honye ta hamilak. ³⁴Atta Yesu hibonno ahide ido; atta hijo, "Efata,"Inna ojo, "Taŋa!" ³⁵Aŋek Yesu yohe innohonye hetirai, ojo hidofe hirro innafa eniefita ŋadief no honye atta ebusak, atta ifa inyia hiro nolibo.³⁶Atta Yesu elimak isia hoto biaŋai elimak lobo tuŋani. Ojo hidofe elimak to hosie ho toduehini, hotobiaŋa isia ero noo to hiram to nia. ³⁷Atta hiyyo daŋ hililiha, atta hijo, "Egiem inyia hiro bidaŋ nalanyar. Oremik inyia aŋek tuhojok hetirai ojo ilo obe omijak hiro hotomijak hiro."

¹To holoŋitek nia, owuon ifa iluluŋ no hiyyo, obe ifa isia owuon he innak hirro inno adaha isia. Ellilloŋ Yesu heyiyanak illohonyie atta hijo," ²Eriria naya iluluŋ, nyo owuan isia ikanaŋ holoŋitek hunik obe adaha illak hirro. ³Ajo naya efahak isia ahaŋitek hosie ojo obe adaha kuya ofu huyuta to hikoi. Afanu ilak ilohosie ta mai na alama." ⁴Etiraŋ heyiyanak illohonyie to honyie, "Errumu iso imuniaha inno oremik hiyyo inia aji to waha inna?"⁵Etitif inyia isia, "Ewuon itai ho imuniaha jai?" Ojo isia atta hijo, "Hatarik." ⁶Atta inyia elimak iluluŋ nya daŋ hotohunyie ta fau. Adumu inyia imuniaha inia hatarik, ati ta halu nafa esio inyia humo, atta inyia hububun imuniaha inia atta hisio to heyiyanak hesiara to hiyyo. Nia atta isia hisio to iluluŋ.⁷Owuon ifa hidofe isia iko illak ham illo eduhucio, nafa esio inyia humo to hosie, atta inyia elimak heyiyanak hesiara. ⁸Nia adaha isia man ofoŋi. Atta isia etutubak nafa ofitini, to gufat hatari. ⁹Ara ifa hiyyo luŋa kuyya alif aŋwan dia. Nafa attohu daha atta Yesu efahak isia hefie. ¹⁰Teyya atta inyia arek to togoli iko heyiyanak illohonyie, atta isia efie afau ho Dalmanuta.¹¹Nia afau Farisei atta hitirisa iko inyia. Awak isia tara honyie hutuhuti te ido, haciamari inyia. ¹²Egigil inyia liir to oyiri nohonyie atta hijo, "Nyo osiaha hilahaji innaŋ hutuhuti? Dede ajo naya ta hatai, obe nobo hutuhuti no oremik naya hisio to hilahaji inna." ¹³Nia atta inyia ebusak isia, atta ajiŋak to togoli atta enno otifor no wor tololo.¹⁴Tamai nia agwe heyiyanak heyari imuniaha iko isia. Enyie ifa lobo imune lobotie lo owuon to hotwai ho togoli. ¹⁵Osor inyia isia atta hijo, "Itudule riŋai ojo itira heririak illo obe awak ahabuok ino Farisei iko ahabuok no Erode."¹⁶Egigilo heyiyanak to wati inno hosie, "Obe iyyohoi ewuon iko imune." ¹⁷Oyyen ifa Yesu, inyia hijo to hosie, "Nyo egigilo itai to biaŋan ne imune? Holobe itai daŋ hiyyen? Holobe itai etiru? Oye tajia innahatai?¹⁸Ewuon itai ho honyiehite, obe itai egonyu? ewuon itai ho yohe, obe itai etiru? Obe itai egilu? ¹⁹Nafa abunyori naya imuniaha innafa miyet te illafa alif miyet, ara ifa imuniaha innafa ofitini lur to gufat jai?" Etiraŋ isia to honyie, "Tomon harik."²⁰"Iya nafa abunyohini naya imuniaha innafa hattarik to hiyyo illafa alif aŋwan, hara ifa inno fitini gufat jai?" Ojo isia to honyie, "Hattarik." ²¹Enyiak inyia hijo, "Holobe itai daŋ hiyyen?"²²Afanu isia a Betsaida. Eyyani hiyyo nia to honyie tuŋani lo oŋodo atta tana Yesu hototir inyia. ²³Atta Yesu hinief oŋodo lia ta hani, atta arihori inyia oger hahaŋ. Nafa emit inyia honyehite innohonyi ojio hidofe atanyak has innohonyie to honyi, atta hifi inya, "Egonyu iyye ilak hirro?"²⁴Owolo inya ahide, atta hijo, "Egonyu naya tuŋani. Ati owuon iya yianik inno olot." ²⁵Atta inyia hinyiak atirok has innohonyie to honyiehite honyie, atta tuŋani lia hiŋa honyiehite innohonyi, enyiak inyia riŋai, atta inyia egonyu hirro bidaŋ teltel. ²⁶Efahak Yesu inyia ahaŋ honyi atta hijo, "Baŋa ojiŋak abore gala."²⁷Atta Yesu eno iko heyiyanak illohonyie adoŋe ho Kesari PFilipi. To hikoi efi inyia heyiyanak illohonyie, "Hojo hiyyo ŋai nayya? ²⁸Etiraŋ isia inyia hijo, " Yoani he Batisoni. Ojo ilak ojo, Elija, 'ojo hidofe ilak ojo, 'Lobo hekilani.'²⁹Efi inyia isia, "Ejo itai ejo ŋai nayya?" Etiraŋ Peturu to honyie, "Iyye Kristo." ³⁰Atta Yesu elimak isia hotobiaŋa itai elimak lobo tuŋani hiram no honyie.³¹Atta inyia hitiara hitiyana isia hijo orrumu iso Onyi Tuŋani hitigiama to hiro ariai, ebo iso maruak iko etaha ilo hetimojok ojo hegiorok, ottohoi hiyyo, ojo ta halu ho holoŋitek hunik ebuhu iso inyia. ³²Ero inyia nia dede. Atta Peturu eyari inyia oger atta hiriŋ inyia.³³Ati oyito Yesu atta riŋa to heyiyanak illohonyie atta hiriŋ Peturu atta hijo, " Ino ahalu hanaŋ Sitan! Obe iyye ehumak hoo nohoi to hirro inno Hollum, ati ehumak iyye hirro inno hiyyo." Nia atta inyia hililoŋ iluluŋ no hiyyo iko heyiyanak illohonyie, atta inyia hijo, ³⁴"Lawak lobo tuŋani ejufak nayya, anyar ebo inyia wan nohonyie, isiara hotodumu kuruce nohonyie, atta ejufak nayya.³⁵Tuŋani lo awak hutulwak wuaran nohonyie owu iso etilitai, ojo tuŋani le etilitek manya nohonyie ta nayya to hirro inno Hollum etilohini iso wuaran nohonyie. ³⁶Hara iso nyo libe no tuŋani, harumuni hirro hunna ta fau daŋ, atta ebusak wuaran nohonyie? ³⁷Esio iso tuŋani manya nohonyie to nyo?³⁸Tuŋani leloriri ta naya iko hiro nanaŋ ta fau inna oru iko nobolo iyyau no hilahaji inna, owu iso Onyi Tuŋani hidofe hiloriri inyia awoŋ inya to obie no monye honyi iko ta anjilohien."

¹Ojo Yesu tohosie hijo, "Dede, obe iso ilak ilahatai eniŋ ye holobe egonyu hawoŋ no obie no Hollum iko golon". ²Ta halu ho holoŋitek ile, eyari ifa Yesu Peturu iko Yokobo ojo Yoani ahide ho doŋe. Teyya eloito Yesu to hosiere hosie. ³Eloito boŋojin inohonye boŋi ata hidofe opiapiak, aboŋi nono, agalik boŋojin hunna elila hiyyo hubwat ibwatit agalik ibwatiti ino fau ina daŋ.⁴Ifa teyya, olieu Elija iko Musa to hosie, le ero iko Yesu. ⁵Etiraŋ Peturu atta hijo to Yesu, "Hetiyanani, osiru toohoi hawuanari ini, eduhok iso iyohoi hajik hunik. Eduhok nobotie to hoi, nobotie to Musa ojo nobo to Elija. ⁶(Nyo obe Peturu oyyen hijo ajo iso inyie nyo. Abaŋ ifa heyiyanak bino.)⁷Otu itiran atta etihok isia. Ojio hiro atta awoŋ to itiran, no ojo, "Onyi hanaŋ ile la amuno naya bino, itira to honyie." ⁸Teya, ata isia riŋai ati obe isia egonyu lobo tuŋani, aracie Yesu hame.⁹Nafa esuru isia to doŋe, etotek Yesu heyiyanak illo honyie hijo hotobiaŋa elimu hirro inno egonyu isia man ebuhu Onyi Tuŋani to ye. ¹⁰Omuonik ifa isia hiram nia to wati inno hosie atta isia hifi wati illohosie hijo, "Hebuhu to ye, hojio nyo?¹¹Ata isia hifi inyia, "jai ojo hegiorok hijo otu iso Elija hosiere?" ¹²Etiraŋ inyia to hosie , "Ottu iso Elija to hosiere dede hehuhumak hirro bidaŋ na anyar. Nyo ati egiorohini hijo orrumu iso Onyi tuŋani hitigiemita ariai ojo hiyyo oliwari inyia? ¹³Ati elimak nayya ta hatai hijo awoŋ ifa Elija, atta isia hihuma hirro inno awak isia to honyie, iyya egioro to buk te inyia."¹⁴Nafa acohini isia to heyiyanak illafa ilak, egonyu isia iluluŋ no hiyo ekoi isia, ojo etirija isia iko hegiorok. ¹⁵Nafa egonyu isia Yesu, eliliha iluluŋ no hiyo atta hinyior man to honyie atta amoju inyia. ¹⁶Efi inyia heyiyanak ilohonyie, "Erija itai nyo iko isia?"¹⁷Etiraŋ lobo to hiji he iluluŋ to honyie, "Hetiyanani, eyyani nayya to hoi onyi hanaŋ; owon inyia iko oyiri no obe esio tohonyie hiro, ¹⁸ifa teyya, eniefu ŋwai nyia inya ata abwrak ta fau; ojo ahabunak atta hidoŋ to hutuk honye, hidofe erita hala, ojo wan no honyie atta agole. Efi naya hetiyanak ilohoi ifuhai ŋwai nia honyi adde, ati obe isia oremik. ¹⁹Etiraŋ Yesu to hosie man anu iso amanya nayya ikatai hilahaji inaŋ? adi iso nayya itai Jai? Hadi iyani inya ta hanaŋ."²⁰Eyyani isia lia to honyie. Nafa egonyu oyiri Yesu, atta ehumak ahahwe. Ohuyik oŋeyye lia tafau atta ahabunak hidoŋ to hutuk. ²¹Efi Yesu monye hiito hijo, "Hesok ŋwai nia honyie holoŋitek jai?" Ojo monye atta hijo, "Man halara ahiito. ²²Odule hibirita to hima iko to hifioŋ, awak hitihar inya. Ati eremik iyye hitilibo inyia, omehini toohoi tolwak iyyohoi."²³Ojo Yesu to honyie, "Le eremik iyye, oremik iso hirro daŋ to lia le eruk." ²⁴Kwak atta monye hiito hiluluo hijo "Yesu eruk nayya! Toluak nayya ille obe huruk!" ²⁵Ifa egonyu Yesu iluluŋ no hiyyo onyieru to honyie, "Atta inyia efuhak oyiri no orru hijo, "Iyye oyiri no obe ero iko no obe etira, ajo nayya to hoi, were ino adde tara honyie, henyiak ajiŋak to honyie.²⁶"Atta ati oyiri hiluluo binno atta hira iyya hahwe atta awoŋ adde, oriŋa hiito lia iyya oye bi, ojo hiyyo arriai, " Oye hoi inyia." ²⁷Ati enief Yesu inyia ta hani atta hihaf ahide, ojo hiito lia atta diote ahide.²⁸Ifa awoŋ Yesu ahotwai haji, efi heyiyanak illo honyie inyia hijo, "Nyo ebe iyyohoi eremik efuhai ŋwai nia adde?" ²⁹Etiraŋ Yesu to hosie, "Obe ara ŋwai inna oremik efuhari asai ania aracie tomojo hame"³⁰EbusakYesu iko heyiyanak illohonyie mai nia atta hucul afau ho Galilea. Ati obe Yesu awak lobo tuŋani hotoyyen mai ne ewuanari isie, ³¹Etiyana ifa inyia efahat illohonyie. Ojo to hosie, "Esio iso hiyyo Onyi Tuŋani ta has ho hiyo, atta iso isia attohe inyia. Attohe hiyyo inyia, ta halu ho holoŋitek hunik enyiak iso inyia ebuhu to ye." ³²Ati obe ifa isia etiru hitieri no hiram nia, nyo abaŋ ifa isia hefiari inyia.³³Atta isia afanu anobo mai no ara fure Kapernam etiyanari. Ojiŋak Yesu ahotwai haji atta hifi heyiyanak hijo, "Nyo nara ero itai to hikoi?" ³⁴Ati oduehini ifa isia. Teyya orija ifa isia to wati inno hosie to hikoi hijo ŋai letok. ³⁵Ahunye inyia ta fau atta eliloŋu heyiyanak illohonyie tomon harik bidaŋ atta hijo to hosie, "Lawak lobo hira hosiere, isiara inyia hatara halu hidofe ara hegiamani lo hegiamak to hiyyo daŋ."³⁶Eyari ifa inyia hiito letiŋ atta efiyak to hiji hosie. Akafu inya hiito to ohohoo innohonyie atta hijo to hosie, ³⁷ŋai lia oremik amoju hiito lia to fure nanaŋ, ojo hidofe amoju nayya, La moju lobo nayya, obe inyia omoju naya hamai ati omuju inya lafa efahu nayya."³⁸Ojo Yoani to honyie, "Hetiyanani, egonyu iyyohoi lobo tuŋani le efuhuta miniaŋa inno orru adde to fure to nohoi, atta iyyohoi hitik inyia, nyo obe inyia ejufuta iyyohoi." ³⁹Ejo Yesu, "Ibaŋa etiwet inyia. Nyo obe lobo oremik hihuma idwariti to fure nanaŋ ojo ta halu atta hiro hirro inno orru to fure nanaŋ.⁴⁰Ati lo obe ara amioroni tohoi ara lohoi. ⁴¹Le esio iyye ikobo no hifioŋ hatamat nyo ara iyye lo Kristo, dede ajo naya ta hatai, obe iso inya etilitai hisiorita ino honyie.⁴²Etipala lobo oŋeyaha hullo tara huruk to hiram nanaŋ, osiru heriatahini moru nettok to murut honyie atta ebirok inyia ta hari nettok. ⁴³Letipal hani nohoi iyye to hiyyata, oŋutu inyia ade. Anyar iso tohoi hajingari to wuaran iko hani no oŋuto agalik hawuanari iko has arik, atta awuyie to hima no obe eruk dunya. ⁴⁴"Mai no hosie no obe huru oye ojo hidofe hima obe odunya."⁴⁵Kuya etipal heju nohoi iyye to hiyyata, oŋutu ade. anyar iso to hoi heno to wuaran ojo heju nobotie oŋuto agalik heno to hejek arik to hima no obe odunya. ⁴⁶Ara Mai no hosie no obe huru oye ojo hidofe hima obe odunya⁴⁷Letipal honyiek nohoi iyye to hiyyata, ofolohosu inyia ade, nyo eyyak hajiŋak to obie no Hollum iko honyiek lobotie agalik hajiŋahini ho honyiehite arik to hima no odule mak. ⁴⁸Ta mai no obe huru oye iko to hima no obe odunya.⁴⁹Ociemahini iso hiyyo daŋ to hima. ⁵⁰Olibo mile, ati obe mile odwaa, jai iso enyak iye emak inya no odua? Itiwuanai iko mile tohiji hatai, ejio hidofe emanya to himwara iko hiyyo daŋ."

¹Ebusak Yesu manya atta eno afau ho Yudea man to masik innafa to hosiere hahari no Yordan, atta iluluŋ hinyak awoŋ to honyie. Atta inyia hinyiak hitiyana isia, iyya ara ifa igiem nohonyie. ²Afanu Farisei to honyie atta hifi, "olibo mahu to hiito oliawa hapiahari iko oŋoruo honyie?" ³Etiraŋ inyia, "elimak Musa nyo ta hatai?" ⁴Ojo isia atta hijo, "Esio Musa tuŋani hegiorok waraga no piaha atta efuhe inyia ade."⁵"Nyo to holoŋ na tajia innahatai inya nia egiorok inyi hifahi nia ta hatai," Ojo Yesu to hosie. " ⁶Ojo hidonyie to hitieri na fau, 'Oyyeu Hollum isia hiito oliawa iko hiito noŋoruo.'⁷'To hiram to nia anyar ebusak hiito oliawa monye iko hotonye atta atubahini iko hiito noŋoruo, ⁸atta isia atubahini wan nobotie. Obe isia enyiak hira arik, ati wan nobotie.' ⁹Iyyania hotobiaŋa lobo tuŋwani etipiek hirro inno ottubak Hollum."¹⁰Nafa owuanari isia ta haji, enyiak heyiyanak illo honyie hifi inyia. ¹¹Atta inyia hijo to hosie, "Tuŋani lo opiaha iko oŋoruo honyie atta yama nobo ara inyia harotoni. ¹²Lopiaha inyia iko oliawa atta hinyiak yama lobo hiito oliawa, ara inyia harotoni."¹³Eyyani ifa hiyyo durre illo hitiŋi to honyie hijo anyar atan inyia isia, ati eriŋ heyiyanak isia. ¹⁴Nafa egonyu Yesu, ejoria ifa inyia to hose isia, atta hijo to hose, "Ibusak durre illo hitiŋi hafanu ta hanaŋ, "Ibaŋa efuhai isia, nyo ara obie no Hollum nohose.¹⁵Dede ajo naya ta hatai, lia obe omoju obie no Hollum iyya hiito letiŋ obe ojiŋak to obie no Hollum." ¹⁶Atta inyia akafu durre oho honyi atta hijak isia iyya atanyak inyia has innohonyie to hose.¹⁷Iyya etiara inyia loton nohonyie, anyieru lobo tuŋani to honyie atta rigoŋo to honyie, atta hifi inyia "Hetiyanani olibo, egiem iso naya nyo harutahini manya no losio fur?" ¹⁸Atta Yesu hijo, "No nyo ellilloŋo iyye nayya hijo haliboni? Obe lobo haliboni, aracie Hollum lobotie. ¹⁹Eyyen iyye hifahita inia ojo: 'baŋa otohe, baŋa oroto, baŋa ahahala, baŋa loteler, baŋa adaya hirro inno hiyyo, tabaŋa hotonyo hoi iko monyo hoi.'"²⁰Atta tuŋani lia hijo, "Hetiyanani, ejufuta naya hiro inia man nafa halara naya lonyarhalu." ²¹Owolo Yesu to honye atta mune inyia. Atta hijo to honyie, "Owuon nobo sihin nebuha tohoi. Itinyaŋai hiro ino eyita iyye bidaŋ ata iye hisio to lociaŋak, ejio iso iyye atta wuana te ibariti te ido. Ata iye awoŋ ejufak, nayya." ²²To hiram nia, enya taji nohonyie hololibo; adou taji nohonyie atta eno ade, nyo owuon ifa inyia iko ibariti ariai.²³Oriŋa Yesu ata hijo to heyiyanak ilohonye, "Ogol bino to habarak hajiŋahini to lobie no Hollum!" ²⁴Atta heyiyanak ilo honyie hililiha to hiro nohonye. Ati enyiak Yesu hijo to honyie, "Dure, ogol nono hajiŋahini to obie no Hollum! ²⁵ofiak to konikoni hajiŋari to itulo no lifira, agalik tuŋani la abara hajiŋahini to obie no Hollum."²⁶Eliliha ifa isia nono atta hijo to wati innohosie, "ŋai iso mau oremik etilohini?" ²⁷Owolo Yesu to hosie atta hijo, "Ogol iso to hiyyo, ati obe iso ogol to Hollum." ²⁸Atta Peturu hitiara hiro to honyie, "Ee, ebusak iyyohoi hirro bidaŋ atta iyyohoi hujufuta iyye."²⁹Ojo Yesu, "Dede ajo naya ta hatai, obe lobo tuŋani lo ebusak haji, iko halasirak, hanasirak, iko hotonye, kuya monye, kuya dure, kuya fau, ta naya, iko to hiram no Hollum. ³⁰ŋai lia obe omoju man hinyiahita hisihai nobotie ta fau inna, hajik, halasirak, hanasirak, hotonye, monye, durre, fau, iko ibariti, ojo ta fau nya ottu, iso wuaran no losio fur. ³¹Ati ariai ilia ara hosiere ofu hira halu, ojo illo halu ofu hira hosiere."³²Olot ifa isia to tuluba no owu a Yerusalem, ojo Yesu owu to hosiere hosie. Eliliha ifa heyiyanak, atta ilafa ejufuta ta halu honyie baŋi. Atta Yesu hinyiak illafa tomon harik oger atta hitiara elimak isia hiro ino ofu hidoŋ to honyie kuak: ³³"Itiriŋai, efu iyyohoi a Yerusalem, ojo hiyo ofu eyari Onyi Tuŋani to ettaha illo hetimojok iko hegiorok. Ofu isia attohe inyia ojo hidofe ofu hisio inyia to halufak. ³⁴Ofu isia hitifitaŋa inya, omitak inyia hamilak, abak inya, atta attohoi inyia. Ati owu adietini ta halu ho holoŋitek hunik."³⁵Yokobo iko Yoani, dure ilo Sebedeyo, afanu to honye ata hijo, "Hetiyanani, ewak iyohoi iye egiema to hoi hiro ino efii iyohoi to hoi." ³⁶Ojo inyia to hosie, "Ewak itai egiema naya nyo ta hatai?" ³⁷Ojo isia atta hijo, "Aŋatak iyyohoi hotohunyia iko hoi to lobie nohoi, lobotie oko inyiet ojo lobotie oko ihoroŋ."³⁸Ati enyiak Yesu hijo to hosie, "Obe itai eyen hiro inia ero itai. Eremik itai himat kubaya no awu naya himat, eremik itai hadihu hifoto nya awu naya amoju?" ³⁹Atta isia hijo to honyie, "Eremik iyyohoi." Ojo Yesu to hosie, " "Ikobo nya awu naya himat, efu itai himat. Ojo hamoju na auu naya amoju, efu itai adihu. ⁴⁰Ati ŋai owu hitole ta hani he inyiet nanaŋ kuya ta hani he ihorroŋ obe ara nayya aremik isio ta hatai ara no ilia illafa otiorohini te isia."⁴¹Nafa etiru heyiyanak illafa tomon, atta isia hitiara hijoria to Yokobo iko to Yoani. ⁴²eliloŋ Yesu isia atta hijo, "Eyyen itai hijo illa ara ettaha ta halufak, erramitari hilohittok nohosie to hosie.⁴³Ati hotobiaŋa ara ania tohiji hatai. Tuŋani lawak bolo tohiji hatai anyar ara hegiamani lahatai, ⁴⁴hidofe lawak hira hitieri tohiji hatai anyar ara apit lo hiyyo bidaŋ. ⁴⁵Obe Onyi Hollum ottu hijo anyar egiama hiyyo to honyie, ati ottu inyia egiamari atta hisio manya nohonye ahitilohi no hiyyo bidaŋ."⁴⁶Afanu isia a Yeriko. Nafa ebusak inyia Yeriko iko heyiyanak illohonyie iko iluluŋ no hiyyo, owuon ifa lobo tuŋani dia lara fure Bartimeyo (ara ifa inyia onyi Timeyo), oŋodo lafa ettole to oger ho tuluba. ⁴⁷Nafa etiru inyia hijo Yesu lo Nasarit lia, atta inya hitiara huwoloŋita hijo, "Yesu, Onyi Davide, omehini ta naya!" ⁴⁸Ata hiyo ariai hiriŋ oŋodo, elimak inyia hotoduai. Ati arasa inyia yio ahide no, "Lonyi Davide, tomehini nayya!"⁴⁹Oweta Yesu atta elimak helilloŋo inya. Atta isia hililoŋ oŋodo lia, ojo, "Iŋereja! Te'tte ahide! Ellilloŋo inyia iyye." ⁵⁰Atta inyia ebire boŋo no hilik adde to wan honyie, atta diote ahide, atta awoŋ to Yesu.⁵¹Etiraŋ Yesu inya hijo, "Ewak iyye anyar egiem naya nyo to hoi?" Atta oŋodo hijio, "Hetiyanani, awak naya riŋai." ⁵²Atta Yesu hijo, "Ino, etilibo huruk nohoi iyye." Teya oriŋai inyia, atta ejufak inyia nafa eno Yesu to tuluba.

¹Nafa afanu isia a Yerusalem, eliaha ifa isia ho Besfage iko Betania, to doŋe no Olives, ata Yesu efahak hejufutak ilohonye lohorik. ²Atta inyia hijo to hose, "Ifeti ahotwai haŋ nia aŋati hohoi. Lajiŋak itai dia, ifu iso itai arrumu nobo sigira inna holobe lobo tuŋani egiamari. Itihou inyia atta itai eyyani ta naya. ³Ati lefi lobo tuŋani itai hijo, 'No nyo egiama itai nia'?, itijo, 'Awak Habu inyia, owu iso inya enyiahu kwak eni.'⁴'' Efie isia ade ata arumu sigira no efita to ikat ha bali to ikoi, ata isia ahou inyia. ⁵Ati owueta ifa innak hiyo dia ata hijo to hosie, "Nyo nia ehuma itai, nyo ehou itai sigira nia?" ⁶Atta isia hiro to hosie iya nafa elimahini Yesu isia, ata hiyo ebusak isia hefie hikoi nohosie.⁷Atta heyiyenak lohorik liyya eyyani sigira nyia to Yesu atta ebirok boŋojin inohosie daŋ to hide honyie hijo hotorrek Yesu to hide honyie. ⁸Atta hiyyo daŋ afiatak boŋojin inohosie to hikoi, ojio inak ofiatak sana ino oŋutuni isia to tim. ⁹Eyyoro ifa hiyo ilafa ofu tohodiere iko ilo ejufari inyia hijo, "Hossana! ara iso jaha no tuŋani lo otu to fure na Habu. ¹⁰Jaha na hawoŋ no obie no monye hohoi Davide! Hossana to hide!"¹¹Nafa ajiŋak Yesu Yerusalem atta inyia eno ahaji imojit atta hiwolo to hirro daŋ. Era ifa iŋalio, atta inyia eno a Betania iko hejufutak ilohonye tomon harik. ¹²To motie nohonye, nafa aciohini isia to Betania, owode ifa inya.¹³Egonyu inya nobo bule no owuon iko fara to alamarai, ehutok inya aŋati hijo arumu iso inyi nobo yani ne aŋara no oremik inyia hinya. Nafa awoŋ inyia aŋati, obe ifa inyia orumu yani nya eŋara dia, nyo obe ifa ara okit nohosie heŋarari. ¹⁴Atta inya hiro yani nyia, "Hotobiaŋa lobo tuŋani enyiak hinya hoyau tara hoi." Ojio hejufutak ilohonyie ata etiru.¹⁵Nafa eba isia to Yerusalem, ojiŋak inyia ta haji imojit ata hitiara hufuhuta hetinyaŋak iko henyaŋak ilafa to hotwai haji imojit. Eliloitok inya daŋ teremejat ino heloitok ilo arobiya, iko hitolojita ino hetinyaŋak iko irigioho. ¹⁶Eyumo ifa inyia hijo hotobiaŋa lobo enyiak eyairi hiro enyaŋak to hiji he imojit.¹⁷Ettiyen inyia isia atta hijo, "Obe egioro hijo, 'Ara iso haji nanaŋ imojit no hiyo daŋ to misihi'? Attati emak itia haji nia itubut na harujok." ¹⁸Atta eitok la fadirihien iko hegiorok etiru hiro ino ero inya, ata isia siaha nobo hikoi hetiharari inya. Abaŋ ifa isia inya nyo eliliha ifa iluluŋ hitiyenita innohonye. ¹⁹Nafa awoŋ iŋalio, atta isia ebusari bore gala nyia.²⁰Ifa motie nohonye, ata isia egonyu bule nya orurwo man to hadde inohonye. ²¹Agilu Peturu atta hijo, "hetiyanani, to wolo! Ororua bule noŋole epit iye."²²Ata Yesu hitirraŋ isia hijo, "Ituwana ho huruk to Hollum. ²³Dede ajo naya ta hatai hijo lojo lobo to doŋe ina hijo, 'Te'tte, ibirok wan nohoi ahotwai hari netok,' ojo inyi obe ekuya ta taji nohonye ati eruk hijo oliew iso hiro inara ajo inye, nya nia owu Hollum higiem.²⁴Iyania ajo naya ta hatai: Lemojo itai ejo efia, iruho hijo amoju itai inyia, ojo iso inyi atta hira nahatai. ²⁵Laweta itai ata itai mojo, ibusak hipalita ino ilak hiyo, anyar Monye hatai lia te' ido hidofe ebusak iyyata innahatai." ²⁶Ojio lobe itai ebusak, obe iso Monye hatai te ido oremik hidofe ebusak hiyyata innahatai.²⁷Atta isia inyiak afanu a Yerusalem. Iya nafa olocie Yesu ta haji imojit, ata eitaha ilo fadirihien, iko hegiorok ojo marwak afanu to honye. ²⁸Atta isia hijo to honye, "To hilohittok na ŋai nia egiamari iye hiro inia? iko ŋai esio to hoi hilohittok nia egiemari iyye isia?"²⁹Atta Yesu hijo to hosie hijo, "Efi iso naŋ itai hifi nobotie. Ilimak nayya ajio hidofe naya elimak itai ta nari hilohittok nia egiamari naya hiro huna. ³⁰Hottu ifa batisimo no Yoani te ido, wolo tara hiyo? Itiraŋa naya."³¹Atta isia hiro to wati inohosie ata rija ata hijo, "Lejio iyyohoi, 'Te ido,' ata inya hijo, 'Nyo ati ebe itai eruk inya?' ³²Ati lejio iyohoi, 'Tara hiyo,'..."Abaŋ ifa isia hiyyo, nyo oyyen ifa isia hijo ara ifa Yoani a hekilani. ³³Atta isia hitiraŋ to Yesu hijo, "Obe iyohoi eyien." Atta Yesu hijo to hosie, "Obe iso hidofe naya aremik elimak itai ta nari hilohittok nia egiamari naya hiro inia."

¹Etiara ifa Yesu hitiyana isia to hitiriamita. Atta inya hijo, "Oromok ifa lobo tuŋani mana nohonye, ata akudak mariŋ dia, ata hibok iwudo imwotit no haŋer. Atta inyia abwahak obele to haromok. Atta inyia eno ade anobo doŋe. ²To far nya, ata inya efahak hegiamani heyani haŋer ino ajalaŋi. ³Ati ata eyari inya, abak inya, ata isia efuhe inya ade tahas jai.⁴Atta inya hinyak efahak lobo hegiamani, ata isia ebak inya to hoo ojo ehum inya no oru. ⁵Enyiak ofe inyia efahak lobo, ojio isia atta attohe inyia. Egiem isia te illak daŋ iyya nyia, ollum illak ojio hidofe ottohe ilak.⁶Arasa inya iko tuŋani lobotie lo owu inyi efahak onyi lafa omuno inya. Ara ifa inya hucuŋi lafa efahak inya to hosie, "ojo inya, abaŋ isia lonyi hanaŋ." ⁷Ati ero hegiamak ta wati inohosie hijo, "Harutani lohonyie ile. Ifanu atohe inya, atta iso irutat inia hira inohoi."⁸Atta isia eniefu inyia atta attohe atta hidofe ebire inya adde to hotwai mana. Hegiem iso monye mana nyo? ⁹Ottu iso inyia hitihar haromok illo mana atta hisio mana nyia te illak hame.¹⁰Obe itai ehien hegierita no Hollum? 'Enyiak morwo nafa ebo haduhok hira a morwo no oduhori hiyo. ¹¹Ara inaŋ tara Habu, ojio olibo to honyehite inohoi.''' ¹²Tahalu honia ata etaha ilo Judie higigilo hikoi ne efitahini isia Yesu, ati abaŋ ifa isia iluluŋ, nyo oyen isia hijo ero inyia hitigirita innia to hosie. Ati ebusak isia inyia atta efi ade.¹³Atta isia efahak illak Farisei iko hiyo ilo Erodia to honye anyar olohu isia inyia to hiro nohonyie. ¹⁴Nafa afanu isia atta hijo to honyie, "Hetiyanani, eyen iyohoi hijo higigilita ino hiyo, ejo obe ara higigilo nohoi iye ebe egigiala hiyo. Etiyana iye dede hikoi no Hollum no obis. Haŋatak hifahi iyohi hadumari musuru to Kesari wolo obe? Heduma iyohoi wolo obe?" ¹⁵Ati oyyen ifa Yesu hitiyaha no nohosie atta inyia hijo to hosie, "No nyo eciama itai naya? Eyani ta hanaŋ denari lobotie awak naya hiwolo."¹⁶Atta isia eyani lobotie to Yesu. Atta inyia hijo to hosie, "Na ŋai homom iko higieri inaŋ?" Atta isia hijo, No Kesari." ¹⁷Atta Yesu hijo to hosie, "Isiara to Kesari hiro ino Kesari ojio to Hollum hiro ino Hollum." Atta isia daŋ hililiha hiro nohonye.¹⁸Atta Sadusahien, illo ojio obe ebuhu, afanu to honyie. Efi isia inyia hijo, ¹⁹"Hetiyanani, egiorok ifa Musa to iyyohoi hijo, 'Loye ilasi lobo ebusari ongoruo honye ta halu, ojio lobo hito obe, anyar eyari halasi honyie hiito noŋoruo nyia anyar esik durre te ilasi honyie.'²⁰Owuon ifa ilak halasira hatarik; atta hitieri ayemu hito noŋorwo ojo hito noŋorwo ata ye, ebusari obe dure. ²¹Ojo hitarrihi awoŋ eyari hito noŋorwo nyia atta hidofe ye obe durre. Atta hitahunihi hira ania daŋ. ²²Atta hattarik enye hediahari dure. Hucuŋi nohonyie atta hidofe hito noŋorwo ye. ²³To holoŋ no hebuhu, ottu iso inyia hira oŋorwo ŋai? Era ifa halasira hattarik liyya daŋ aliawa ilohonye."²⁴Atta Yesu hijo to hosie hijo, "Obe ara hiram nyia nia epalari itai, to biaŋan nahatai eyen higierita iko golon no Hollum? ²⁵Lefi isia diote to ye, obe iso isia enyiak yama ojo hidofe obe iso esio wati to yama, ati ara iso isia hira iyya anjilohien te ido.²⁶Ati to hiram no hayok illo etidietini, holobe itai ehenu to Buk no Mose, to hiram nafa ero inya to tim, to nafa erarari Hollum to honye atta hijo, 'Nayya Hollum la Abramo, Hollum le Isako, ara a Hollum lo Yokobo'? ²⁷Obe inya ara a Hollum la hayok, ati la hawuarak. Epala itai no."²⁸Ottu ifa lobo hegioroni atta etiru hiro nohosie; egonyu inyia hijo etirraŋak ifa Yesu isia na anyar. Atta inyia hifi inyia, "Hara hifahi nari nia olibo agalik inak daŋ?" ²⁹Etiraŋ Yesu hijo ''tira 'Isarail, Habu Hollum lohoi, ara Habu lobotie. ³⁰Tomune Hollum Habu lohoi ta taji nohoi daŋ, to oholio nohoi daŋ, to hoo daŋ nohoi, ojio hidofe to golon to nohoi.' ³¹Ara hitarrihi no hifahi tiji, 'Tomune onyihari nohoi iya wan nohoi.' Obe nobo hifahi na agalik huna."³²Atta hegioroni hijo, "Anyar, Hetiyanani! Ebis iyye to hijo ara Hollum lobotie, obe lobo lo onyiha ikonyi. ³³Mune inyia ta taji daŋ, iko to hiyyen daŋ, iko to golon daŋ, ojio hidofe mune to onyihari iyya wan nohoi, agalik luŋa binno hisiorita omudat hubulucuta iko hisiorita." ³⁴Ifa etiru Yesu hijo etirraŋak inyia no obis, atta inyia hijo to honyie, "Ebe iyye elama tara obie no Hollum." Ta halu ho hiro inia, enyie lobo hinyak hefia Yesu inak hifita ariai.³⁵Ta nafa eletiyanari Yesu to hotwai haji imojit, ata inyia hijo, "Nyo ati ojio hegiorok hijo ara Kristo lonyi Davide? ³⁶Davide ta wan nohonyie, to oyiri no olibo hijo, 'Ojio Habu ta Habu lalaŋ'', tohunyie ta hani he inyiat hanaŋ, man emak naya miorok ilohoi tafau hohejek ino nohoi.' ³⁷Elliloŋo Davide ta wan nohonye inya 'Habu', Jai iso enyak Kristo hira Lonyi Davide?" Etira ifa iluluŋ nettok to honyie to mune.³⁸To hitiyana nohonyie, atta Yesu hijo, "Ihuma hiyen hegiorok, awak loton to hofi no esaga iko to hifonya ta masik ino enyaŋari hiyo hiro. ³⁹Ojio hidofe isia awak hittolojita ino hotwai no sinagogi iko ta masik ino hitaha to karamat. ⁴⁰Eturwo isia ŋorwo ino hayok ta hajik inohosie, etisaga isia mojo nohosie anyar egonyu hiyo isia. Orumu iso hiyo ilia hitigiema netok."⁴¹Etole ifa Yesu ta fau aŋati ho sienuk no hisiorita ta haji imojit. Oriŋa ifa inya hibiro no hiyo arobiya ahotwai sienuk. Ebiro ifa hiyo hasamak arobiya ariai. ⁴²Ati otu ifa nobo ihidak nelociaŋ ebirok tarifa, lo obe oremik hira rial nobotie.⁴³Ata inya eliloŋu hejufutak ilohonye ata hijo to hosie, "Dede elimak naya itai, ebirok ihidiak nia elociaŋ agalik hiyyo ille ebirok arria to sienuk no hisiorita. ⁴⁴Esio isia daŋ to bore no arobiya innohose. Ati esio ihidak ina hiro innohonye hunna oremik hitimanya inyia ahosiere to hilociaŋ nohonyie.

¹Nafa eno Yesu adde ta haji imojit, ata lobo hijufitani hijio tohonyie, Hetiyanani, to wolo moru huna ohobo iko hajik huna olibo!'' ²Ojo Yesu to honyie, ''egonyu iye hajik huna obolo? Obe iso nobo moruo arasa edelia nobo tohide ho nobo no obe eribini afau''.³Nafa ŋahunyai inyia to doŋe ho Olifeto nafa owuon aŋati ha haji imojit, ata Peturu, Yokobo, Yoani ojo Anerea, isia hamai, atta isia hifia inyia, ⁴''Ilimak iyohoi anu iso owuon hirro innia? Nyo iso etihutek hijio eliaha iso hiro inia hiba?''⁵Atta Yesu hitiara hiro to hosie hijio, ihuma hiriria, hotobiaŋa lobo tuŋani etubunyai itai. ⁶Afanu iso hiyo ariai to fure nanaŋ hulo ojio, Naya inya, atti etubunyai iso isia hiyyo ariai.⁷Etiru itai hijio owuon iso riem ojo itai itiru hiyo ero to eriem ibiaŋa, abaŋ; Owuon iso hiro inia ati holobe hucuŋi. ⁸Oriem iso nobo doŋe iko nobo doŋe, ojo nobo obie oriem iko nobo obie. Owuon iso okitik to masik araiai ojo hiŋa. Ara hiro inia hitierita ino hesini no idiehiti.⁹Ihuma hiriria wati inahatai. Eyari iso hiyo itai to hekumok ojo iso abaha itai ta masik imojit. Ewata iso itai to hosiere ho etaha ojo to ahosiere ha habuok to naya, iya sutin to hosie. ¹⁰Ati to hosiere anyar elimak sayye no olibo to doŋiok daŋ.¹¹Eniefu isia itai ata hisio itai, ibaŋa abaŋ hijio nyo iso nia efi itai hiro, to far nya, hiro no efu itai hiro esio iso Hollum tahatai. To obe ara itai ero iso, ati oyiri no Olibo. ¹²Esio iso ilasi halasi honyie to ye, ojio monye esio onyi honyie, ojo dure orosok monyie iko hotonyie hosie. ¹³Oliwari iso hiyyo itai daŋ to fure to nanaŋ. Ati lia lo odihu man to hucuŋi etilohini iso tuŋani lia.¹⁴Legonyu itai ifariti ino obe hiyo omono lowuon tamai ina obe osiru awuetari, (isiara hehianani hotoyen) anyar ilia owuon wati to Yudea herwata ahide doŋiok. ¹⁵Hotobiaŋa lia to hide haji esuru afau ha haji hijio awak inya adumu nobo sihin teya, ¹⁶Isiara li owuon wan ta mana honyie hotobiaŋa aciahari hijo awu inya heyani boŋo nohonyie.¹⁷Oru iso bino to hawodiok ojo to hetidasak hodure to holoŋitek niya! ¹⁸Itimoje hijio anyar obe otu ta tahas. ¹⁹To holoŋitek owuon iso hitigiema netok ata agalik hitigiemita daŋ inafa to hitieri hayeu man Iyania, obe iso nobo enyak awaŋ. ²⁰Lobe Habu ehumak holoŋitek kai obe iso lobo wan etilohini, ati to ilo onyimuni, ilafa onyimu inya, oŋut inya holoŋitekino osuk.²¹Lejo lobo ta hatai, "Ituwolo Kristo ille, kuyya lojio inya lia! Ibaŋa eruk. ²²Oliew iso Kristohien telerok iko hekilak telerok ata hisio hitihutita iko enyiabari hiyo ijo onyimot. ²³Ihuma hiriria, elimak naya itai hiro huna beren.²⁴Ati halu ho hitigiema ino holoŋitek nia, oriok iso holoŋ ojo obe esio yafa acalai. ²⁵Ohuyu iso haher te ido, ojo igoliti niya te ido ekikiro. ²⁶Ati egonyu isia Onyi Tuŋani, lotu te itiran iko dwaran ojo kwatan. ²⁷Ati efahu iso inya Anjilohien ilohonyie ata inya atubak arabotie hanyimu tara aŋwan, to hucuŋi na fau man to hucuŋi no hide.'²⁸Etiyenu hiro tara ŋaboli. Afanu sana innohonyie saran ojo fara inohonyie osidu, ata itai hiyen hijo eliaha ta has. ²⁹Iyania egonyu itai hiro ino edoŋ, itiyen hijo eliaha hawoŋ no honyie, isionok ikatin.³⁰Dede, ajio nayya ta hatai, obe iso hilahaji innaŋ oye man ehumari hiyo hirro hunna daŋ. ³¹Olita iso ido iko fau, ati obe iso hiram nanaŋ olita. ³²Ati to holoŋ iko ha saa, obe ŋai oyen, hara ida hido anjilohien liya te idou, hata Onyi obe loyen, aracie Monye oyen.³³Ihuma riŋa, ihuma hidofe ra. Obe itai eyyen hijio anu ottu iso inyia, ³⁴Ihuma riŋa! Itira iyya tuŋani ille ebusak haŋ nohonye ata hililoto, atti to hosiere esio inyia to hegiamak illohonyie igiem bidaŋ atta hisio heririani hijio isiara hotoriŋai.³⁵Ati ihuma riŋa nyo ebe itai eyyen hijo anu iso ottu etok la hatai. Kuya ottu iso ta kaikai, kuya ottu ta tari, kuya otu elok hohoro, kuya ottu tomotie. ³⁶Elunyu inya ata arumu itai ejoto. ³⁷Hiro huna ero naya, ero naŋ to hiyo bidaŋ, ihuma riŋa!

¹Ara ifa holoŋitek arik ino ofuye hiyo amojori far no hilaŋ iko imune nobe ahabuok. Ata fadirihien ohorik iko hegiorok hitiara siaha hijo jai iso eniefu Yesu to hinyaba anyar ettohoi. ²Atta isia hijo, ''Obe olibo heniefu inya to tomojo nettok hotobiaŋa hiyyo eyorita bino.''³Owuon Yesu ifa to Betani to doŋe ba Simone tuŋani la talulu, hala daha isia, ata hito noŋorwo awoŋ iko he ihulo ina owuon ho hiyali ina ogol to hinyaŋa bino. Ata inyia hibwor ihulo nyia atta ejuhok hiyali to hoo ho Yesu. ⁴Ati owuon ifa ilak hulo ejoria. Atta isia hiro to wati illohosie atta hijo, ''Nyo nia etitiorok tuŋani nia hiyali nia bi asai? ⁵Oremik ida hiyali nia etinyaŋahani to arobia hisiha hunik, ojo ida arobia inia ata hiyo alwahari lociaŋak.'' Ata isia hiriŋa inya.⁶Ati ojo Yesu hijo to hosie, ''Ibusak inyia hame. Nyo etigiama itai inya? Egiem inya dede sehin ne elahaman bino ta naya. ⁷Ewuon itai iko lociaŋak holoŋitek daŋ, ojo ewak itai, eremik itai higiem anyar to hosie, ati obe iso itai etole daŋ kanaŋ man mak. ⁸Egiem tuŋani nia iya oremik tohonye ojo inya ejuhok hiyali ina to wan honye anyar emak inya naya to hanuwahini no wan nanaŋ. ⁹Dede ajo naya ta hatai, tafau daŋ etiyane hiyo hiro ino olibo, ero iso hiyo to hiro ino egiem tuŋani inna.''¹⁰Ata Yuda Iskariote, lobo hitimoni harik, eno dia tetaha ilo fadirihien hijo anyar etinyaŋak inya Yesu to hosie. ¹¹Nafa etiru fadirihien inya, ata mune atta atiorok to Yuda Iskariote hijo anyar efu isia adumak to honye arobiyaha. To holoŋ to nyia osiaha Yuda hikoi hijo anyar awu inyia hisio Yesu to hosie.¹²To hitieri no holoŋ nomojo ina adahari isia imune ina obe ahabuok, nafa atohe isia ker, ata hejifutak hifi inya hijo, ''Nari mai nia ewak iye iyohoi anyar efuye iyohoi adahari mojo nalaŋan?'' ¹³Ata inya efahak ilak hejufutak ohorik, ata elimak to hosie, ifeti abore gala, erumek iso iye tuŋani eyuhita moti no hifioŋ. Ijufak inya. ¹⁴Itijo to monye haji hijo, ojo,"Hetiyanani hijo ''Tau haji na hatamonok ina afanini isia adahari tomojo la Laŋan iko hejufutak ilalaŋ?'''¹⁵Etuhutek iso inya tahatai haji ina to hide iko hiro daŋ. Ehuhumak tohoi mai dia. ¹⁶Teya ata hejufuta efie abore gala. Orumu hiro iya nafa ojo Yesu tohosie, ata isia ehuhumak daha tomojo na laŋan.¹⁷Ifa era iŋalio otu Yesu ho hejufutak tomon hahorik. ¹⁸Iya afire isia, ojo Yesu to hosie, Dede ajio naya ta hatai, lobo lahatai ikanaŋ etinyaŋak iso nayya.'' ¹⁹Ata isia hijoria, ojo isia daŋ lobotie lobotie hijo to honye, "Dede obe ara naya lia?''²⁰Etiraŋ Yesu to hosie hijo, "Ara inya tomon harik, inyi lia eyari hani nohonyie ikanaŋ to huduti nobotie. ²¹Oye iso Onyi Tuŋani iyya egiorohini ifa te inyia. Ati oru iso bino to tuŋani le etinyaŋai Onyi Tuŋani! Olibo obe ifa inya esini.''²²Iya adaha isia, odumu Yesu imune ata hijok ata hibun, ata hisio to hosie, ata hijo, "Ibeti ina ara ina wan nanaŋ." ²³Atta inya adumu ikobo ata hisio humo to Hollum ata hisio to hosie, ata isia daŋ himat. ²⁴Ojo inya to hosie, "Ara inaŋ hoto nanaŋ ina owuoni wan to hiyo ariai. ²⁵Dede ajo naya ta hatai, abe iso naya enyak himat hifioŋ ino ajalaŋi, man to holoŋ iso inna attuni naŋ himat hifioŋ ino ajalaŋi ejuho to obie no Hollum.''²⁶Nafa attohu isia hidolo no fure no hitihabuo no Hollum, atta isia efie man adoŋe ho Oliveto. ²⁷Ojo Yesu to hosi, ''Efi itai daŋ ahuye to hiram nanaŋ.'' Nyo egiorohini ifa hijo, "Attohe iso naya heyohoni ojio kioro daŋ atta essarai.'²⁸Atti tahalu ho ebuhu naya, awu iso naya to hosiere hatai a Galilea.'' ²⁹Etiraŋ Peturu to honyie, ''Erruat ida hido hulo bi daŋ, obe naya aremik huruat tuŋ.''³⁰Ojo Yesu tohonyi, ''Elimak naya tohoi dede, taharie ina holobe hohoro hilok hinyahita arik, ewu iye risai naya hinyahita hunik.'' ³¹Ojo Peturu hijo, atohe ida hido hiyo naya iko hoi abe naya aremik hibo iye tuŋ.'' Ero isia daŋ nobotie.³²Ata isia hiba ta mai ina ara fure Getesemani, ata Yesu hijo to hejufutak ilohonyie, ''Itihunyai tohalu amojo nayya''. ³³Ata inya eyari Peturu, Yokobo iko ho Yoani iko inya, ata hitiara hijiriŋa bino ojo taji nohonyi odiaha. ³⁴Ata inya hijio to hosie, ''Odiaha taji nanaŋ bino iya ajo naya aye. Ituwetai ini ejo itai ehum riŋa.''³⁵Atta Yesu hihut alamarai kai, ata eno rigoŋi to fau, ata inya mojo, loremik ida, isiara holoŋ no diahai hatallaŋ tara hanaŋ. ³⁶Atta inyia hijo, ''Baba, Monye, eremik iyye higiem hirro daŋ. Iyari imatit ina tara hanaŋ ade. Ati obe ara nayya awak, ati ara nohoi.''³⁷Atta inya acohini atta arumu isia ojoto, atta inya hijo to Peturu hijo, ''Simone, ejoto iye? ³⁸Ibe iye eremik riŋai saa nobotie? Itiriŋai daŋ ojo emojo hijo anyar ibe itai eruk hisusuta. Awak oyiri, ojo wan elik.'' ³⁹Ata Yesu hinyak aciahari omojori, ata hidas imojiti inara omojori inya.⁴⁰Ata Yesu hinyak aciohoni to hosi ata arumek isia daŋ ojoto, nyo emoŋita isia ifa bino, obe isia oyen hijo nyo iso nia efi isia to honyie. ⁴¹Ata Yesu hinyak awoŋ hitahunihi atta hijo to hosi, Herasa itai jote? Aremik! awoŋ holoŋ. Itiriŋai! etinyiaŋahini onyi tuŋani ta has ho heyak. ⁴²Ititte, efie; Itiriŋai, hetinyaŋani hanaŋ lia eliaha aŋati.''⁴³Helero inya, ata Yuda, lobo hititomoni harik iko eluluŋ no hiyo ariai ilo owuon iko feria iko ha fatigioho, fadirihien, hegiorok iko marwak ilo doŋe. ⁴⁴Ata hetinyaŋani lo Yesu elimak iluluŋ no hiyo hutuhuti hijo, ''Lia awu naya hijur homom nohonye, inya lia. Iniefu inya ata itai eyari ati ibaŋa abak inya. ⁴⁵Nafa eba Yuda, atta inyia ehutok to Yesu, ata hijo ''Hetiyanani!'' atta hijur homom nohonyie. ⁴⁶Teya, ata isia eniefu inya tid atta eyari inya.⁴⁷Ata lobo lohosie lafa owueta iko Yesu asutu demi atta hiŋut hiyyok no pit lafa ha fadiri etok atta asalu hiyok nohonyie ade. ⁴⁸Ata Yesu hiro tohosie hijo, "Efanu itai ta hanaŋ ho feria iko fatigioho heniefini naya iya ara naya ohoho?'' ⁴⁹Holoŋitek daŋ awuon naŋ daŋ hatai ta haji imojit inna hitok, no nyo ifa ebe itai eniefu nayya. Ati hiro huna daŋ hijo anyar etisiru higierita. ⁵⁰Ata hejufutak daŋ ebusak inya ata hurwat.⁵¹Ata nyarhaluti, le eciefita boŋo nobotie ina eluro to wan honyie lafa ejufuta Yesu. Nafa eniefu hiyyo inyia ⁵²ebusak inya boŋo ata inya hurwat aŋature.⁵³Arihori isia Yesu to fadiri etok. Ojo ettaha iko hegiorok iko marwak ilo doŋe atubahini. ⁵⁴Ojio Peturu ejufuta Yesu alamarai, man to rwat ne ettok la fadirihien. Ettole inyia to hiji ho oseŋer illo osuja hima anyar onok wati innohosie.⁵⁵Osiaha etaha iko hewuahak illo Yudei hirro hijo ewak isia arosok Yesu hiram no oŋotohini isia ye to Yesu. Ati obe isia orrumek nobo hipali to honyie. ⁵⁶Afanu hiyo ariai hulo ero irositi to Yesu ati oteler isia.⁵⁷Odioto ilak ahide atta ŋarosok inyia hijio, "Etiru ifa iyyohoi inyia ojio hijio, ⁵⁸'Etatur iso naya haji ne tok imojit ne oduhohini tahas, ojo ta halu ho holoŋitek hunik aduhok iso naya nobo inna obe oduhohini ta has.''' ⁵⁹Ati obe irositi innia hosie ocialari.⁶⁰Atta fadiri etok diote ahide to hiji hosie atta hifi Yesu hijo, "ebe iyye iwuon iko hitiraŋi? Hiro huna orosok hiyyo hulo to hoi? ⁶¹Ati oduehini inyia ata hijo jai etiraŋ nobo. Enyiak fadiri lettok hifi inyia hijio, "Iyye Kristo, Onyi Hollum?'' ⁶²Etiraŋ Yesu hijio nayya lia. Ati egonyu iso itai Onyi Tuŋani ille ettole ta hani he inyiet no golon ojio iso itai egonyu inya awoŋ inya te itiran ne ido''⁶³Ata fadiri letok higwas boŋo nohonyie ata hijo, ''He lewak iyohoi inak hiyo ilo oyen hiram ina? ⁶⁴Heletek itai etiru teleri no honye. Egigilo itai nyo tohonye? Ata isia daŋ hitiraŋ hijo, Osiru ye to honyi. ⁶⁵Ata ilak hitiara mita hamilak to homom honye ata efitak boŋo to homom honye ata hinaŋ inya ata hijo to honye, ''Totenu tuŋani la anaŋ iye!'' Ata oseŋer eyari inya abahari.⁶⁶Etole ifa Peturu to rut atta nobo hoduoti hegiamani na fadiri lettok awoŋ to honyie. ⁶⁷Atta egonyu Peturu osuja hima hijo anyar etinok wan nohonyie, ata inya hiwolo Peturu. Ata hijo, "Ewuon ida iye iko Yesu ille ha Nasarit.'' ⁶⁸Ati orisa inya ata hijo, "Abe naya ayen hijo nyo nia ero iye ojo abe naya etiru. Holojiŋai inya te ikat ata hohoro hilok.⁶⁹Ati hegiamani nia egonyu inya atta hinyak hidofe hitiara elimak hiyo ile etira wati hijo, "Lobo illohoi lo heyiyanak!.'' ⁷⁰Atta inya hinyak risai. Nafa era gaa, ata hiyo ilo owuon to hiji hijo to Peturu, ''Dede iyye lobo, nyo ira iye la Galilea.''⁷¹Atta inyia hitiara hipita wan nohonyie ata hituŋo hijo "tuŋ, dede abe naya ayen tuŋani lia ero iyye.'' ⁷²Atta hohoro hillok hitarihi nohonyie. Ata Peturu agilu hirorita ino ero Yesu to honyie hijio, "Holobe hohoro enyiak hilok hitarihi, erisa iso iyye nayya hibworita hunik''. Atta inyia yio binno.

¹Eboŋohini ifa fadirihien daŋ ifa tomotie iko maruwak ojo hegiorok iko hewahak daŋ ilo Sanhedrin. Efit ifa isia Yesu atta arihori inyia ade teya. Ata efie hisio ade to Pilato. ²Efi ifa Pilato inya, "Era iyye Habu lo Yudea?" Etiraŋ inyia to honyie hijo, "Iyya ejo iye." ³Ati eyani ifa fadirihien hulo hitaha iko irositi ino emonya to Yesu.⁴Ati edas Pilato hifi inyia, "Obe iye etiraŋ inia?" To riŋe emonya irositi inno orosok hiyo tohoi. ⁵Ati obe ifa inyia etiiraŋ nobo hiram, to nia atta Pilato hillilliha.⁶ŋasi daŋ tomojo nettok ohou mandir lia efita iyya awak hiyyo. Owuon ifa lobo tuŋani le efita to kijan lia ara Baraba. ⁷Owuon ifa inyia iko ilak hiyo ile eŋere okuma ojo otohe hiyo. ⁸To nia afanu iluluŋ no hiyyo to Pilato efiari inya ehumak iya ina toholoŋi.⁹Etiraŋ Pilato tohosie hijo "Ewak itai hijo anyar ahek nayya Habu lo Yudea ta hatai? ¹⁰Nyo ifa oyen Pilato hijo eyyani ifa isia Yesu to hayin. ¹¹Esusuta hehumak illo hittaha hiyyo daŋ hijo anyar ohou Pilato Barabba.¹²Etiraŋ Pilato to hosie hijo, "Hehum iso naya nyo to Yesu ile eliloŋo hiyo hijo Habu lo Yudea? ¹³Ati eyorita isia hijo, "Isihiok inyia!''¹⁴Etiraŋ Pilato hijo, "Nyo loru ino ehum inya? Ati eyoro isia nalagalik hijo, "Isihok inyia ." ¹⁵To nia awak Pilato hitilik iluluŋ no hiyyo, atta ahek Barabba tohosie, ati ohek inyia ifa Yesu hesihohini ille abaha.¹⁶Ata oseŋer eyari inya akal ha haji ne efurek hijo Pratorio, atubahini iluluŋ no oseŋer to honyi daŋ. ¹⁷Atta hidofe eticiofok tohonyi boŋo imoli atta hiyyir ihita no hukuwa atta eticiofok to ho honyi. ¹⁸Teyya atta isia hitiara hifonya inyia hijo, "Moŋ, Habu lo Yudea!''¹⁹Abaha isia ho nohonyie tahalio atta hidofe rigoŋo to honye. ²⁰Ifa atohu isia elohitari inya, ata isia ahou boŋo nara ata eticiofok boŋojin inohonyie ata isia eyari inya hesihohini to kuruce. ²¹Nafa ajiŋe isia, eboŋ isia iko lobo lo Sirene fure nohonyie Simone lo otu ta mana. Ara inyia monye lo Alisandoro iko Rufus. Orossok isia inya hotolorori kuruce no ofuye esihohini Yesu.²²Eyari isia inya amai ne efurek golgota (nolo ojo mai no ho''). ²³Ata isia etimatak inya hifioŋ ino ajalaŋi huna ehara iko yani no mura, ati ebo inyia himat. ²⁴Teya atta isia esihok inya ata hihor awak boŋojin innohonyie atta hibak muwaŋa hijo ŋai iso eyari boŋojin.²⁵Esihok isia inyia to sa hitahunihi. ²⁶Egiorok ifa irositi to hide honyie hijo, "Habu lo Yudei." ²⁷Esihok ifa isia iko inyia hahalak lohorik, owuon lobotie te iko hani inyiet ojo lobotie te iko hani ihoroŋ nohonye. ²⁸''Teyya etisiru higierita hunna lojo, esihohini inyia alobotie iko heyyak."²⁹Omoro halotok Yesu atta huta inya to hafiala hijo, "Iyye lia ejo hijo etatur naya haji imojit nettok atta hinyiak aduhohini to holoŋitek hunik, ³⁰iko hido itiluwahu wan nohoi. Isuru iyyania to hide ho kuruce!"³¹Iyania elohitari fadirihien hulo hitaha inya to wati ilo hosie hijo "Etilohu ifa inya ilak ati, nyo obe ati inya etilohu wan lohonyie?" ³²Isiara Kristo, Habu le Isarail hawaŋ afau aini to kuruce, hijo anyar honyie egonyu iyyohoi atta hidofe huruk to hoi." Ati to ilia illafa esihohini iko inyia to kuruce atta hidofe himor inya.³³Ta saa hitileji man toholoŋite hunik no saat ino tari orioho ifa fau daŋ edumele tirtir. ³⁴Ta saat ino tari ata Yesu hitikuwat hirro nohonyie bino hijo, "Eloi, Eloi, Lama Sabakatani? No lo ojo Hollum lalaŋ Hollum lalaŋ nyo ebusak iye naya? ³⁵Etiru hiyyo illo oweta hirro nohonyie atta hijio, "Itiriŋai, eliloŋo inyia Elija."³⁶Enyior ifa lobo lohosie atta eŋofok boŋo a hotwai ho hifioŋ ino odwa atta efiyak tohuri atta etimatak inya atta hijio "Idek hoi, hetiriŋai kuya otu iso Elija etihoru inyia. ³⁷Enyak ofe Yesu yoo bino atta inya ye. ³⁸Ata boŋo na haji imojit guwasa hamai man to hide man afau.³⁹Atta ettok lo oseŋer lia weita dia, egonyu inyia Yesu oye atta hijio, ''Dede, ara hada tuŋani ille Lonyi Hollum. ⁴⁰Owuon ifa ŋoruwo innafa eriria ta alamarai. To hiji hosie owuon Maria Madalina iko Salome ojio Maria hotonye Yokobo ille hittiŋ iko Yose. ⁴¹Ejufuta ifa ŋoruwo nia Yesu nafa holowuon inyia ta Galilea oluwahari inyia. Afanu hidofe ŋoruwo innak iko inyia man Yerusalam.⁴²Nafa awoŋ iŋalio no holoŋ nafa etiorohini isia daha no Sabato. ⁴³Atta Yosefu awoŋ to doŋe no Arimatea. Ara ifa inyia ettok lo hewahak no hiro, ojo hidofe inyia etila obie no Hollum. Ata inya ajiŋak to Pilato efiari wan no Yesu. ⁴⁴Ati ellilliha Pilato ta taji nohonyie hijio, oye Yesu dede? Ati ellilloŋ inyia ettok lo oseŋer hefiari inyia kuya loye hada Yesu.⁴⁵Nafa etiru Pilato hijo oye Yesu tara etok lo oseŋer, aŋatak inya Yosefo heyari wan nohonyie. ⁴⁶Nafa Yosefo boŋo no buwor atta adutu wan no Yesu to kuruce afau atta hububun boŋo atta etiferik te ilume nafa oŋutuni te ibak, atta ettaborok moru no obolo to hutuk he ilume. ⁴⁷Atta hidofe Maria Madalina iko Maria honye Yose egonyu mai nafa onuhari Yesu.

¹Nafa esaha holoŋ no mojo no Sabato enyaŋu, Maria Madalina daŋ iko Maria hotonye Yokobo iko Solomone, hiyali ne awak isia efi eyalak to wan ho Yesu holobe onuhahini inyia. ²To motie beren to hitieri ne isabit, ofu isia elume ho Yesu nafa edoŋ holoŋ.³Ero isia to wati te innohosie, ''Ojio, ŋai iso owu etibuluŋai ade moru to hoi tekat he eluime?'' ⁴Ifa egonyu isia ilume nya, ata isia egonyu hijio ŋetibuluŋari hada moru nyia ade, nafa hittok.⁵Nafa ajiŋak isia elume atta isia egonyu lobo hiito eciefita hofito no lobwor, ettole tologer he inyiet, atta isia baŋi. ⁶Atta inyia hijio to hosie, ''Hotobiaŋa itai ebaŋ. Esiaha itai Yesu, ille ho Nasarit, lafa esihohini. ebuhu inyia! Obe inya teni. Itiwolo mai nafa etifierihini hiyo inya. ⁷Ati ifeti, ilimak hejufutak illohonyie iko Peturu hijo eno inya tohosiere hatai a Galilea. Efu iso itai egonyu inya, iya nafa elimak inya ta hatai.''⁸ajiŋu isia abali atta anyeru te ilume; okikir wati innohosie ojio isia eliliha. Obe isia ero innak hirro to lobo tuŋani nyo abaŋ ifa isia.⁹Ifa era ŋati motie beren te isabit, ta halu he ebuhu nohonyie, olieu inyia hosiere hamaria madalina, nafa efuhai inyia miniaŋa hattarik tara honyie. ¹⁰Ata inya eno elimak hiyo ilafa owuon ikonye, ejiriŋa inyia ojo hidofe oyio. ¹¹etiru isia hijo awuaru ojo hidofe inyia egonyu to wan to nohonyie, ati obe isia eruk.¹²Ta halu ho hirro innia oliew inyia to hiyyo lohorik, iyya nafa olocie isia amisihi. ¹³Ofu isia elimak ilak hejufutak, ati obe isia eruk to hosie.¹⁴Ata Yesu alieu to tomon Holobotie ilafa arasa otiro to teremesa, atta inyia hiriŋ isia to biaŋan no hiruk iko to golon na tajia inohosie, nyo obe isia eruk to hiyyo illafa egonyu inyia ta halu ho hebuhu nohonyie to ye. ¹⁵Ojio inya to hosie, '' Ifeti afau bi daŋ, etiyanari sayye to hirro innafa oyeni bidaŋ. ¹⁶Tuŋani le eruk atta arumu batisimo owu iso inya etilahini, ojo lia obe eruk aŋotihini ye to hosie.¹⁷Odule iso hutuhutita hunna ho hiyyo hullo eruk. To fure nanaŋ, ofu iso isia efuhai miniaŋa. ¹⁸Ofu iso isia hiro to hiroŋejuho. Ofu iso isia ahuru munok ta hass te inohosie, ojio lefie isia himat inak hiro huna itohiti, obe iso oremik eriafu isia. Ofu iso isia atirok hass innohosie ta haŋuak, ojio isia atta libe.''¹⁹Ta halu ho hiro na Habu to hosie, atta inyia eno ido atta eno hittole ta hani he inyiet no Hollum. ²⁰Ata hejufutak efie etiyanari ta masik ariai, ojo Habu odule daŋ higiama ojo hidofe etiraŋ hiram nohonyie te isia to hutuhuta innafa oliew to hosie.

¹Eciem hiyo ariai higier hiro inafa egiemini to hiji hohoi. ²Ilafa egonyu to honyehite te inohosie to hitieri hidofe ara ahegiamak ilo hiro ino Hollum, isia ifa elimak toohoi. ³Olibo ta hanaŋ asiehini hiro daŋ to bisan to hitieri, hegiorohini tohoi nolobis, iye Tofilo lalanyar. ⁴Awak naŋ anyar liyen iye ibisiti ino hiro dede inafa etiyana hiyo iye.⁵To holoŋitek inafa he Erode, habu lo Yudea, owon ifa lobo Fadiri efurak Sakariya, ta ŋati ba Abija. Ara ifa oŋorwo honye towoyo ha Arone, nafa ara fure nohonye Elisabeta. ⁶Obis ifa isia daŋ to hosiere ho Hollum, olot obe hipali to hifahita daŋ he to hiro ino Habu. ⁷Ati obe ifa isia owon he inak dure nyo oweta ifa Elisabeta, ojo hidofe isia emarwak bi no.⁸To nobo holoŋ nafa egiamari Sakariya higiemita inohonye ino Fadiri to hosiere ho Hollum to higiemi no ŋati nohonye, ⁹Ata Fadirihien ejufak imohit Ata anyimu inya to hibiro moru hehutu ŋai hotojiŋak ta Haji Imojit na Habu hotosuahak atagoŋ. ¹⁰Nafa era suaha no atagoŋ, ata iluluŋ no hiyo amojok weta ta bali.¹¹Ata anjilo la Habu etilek wan to honye, lo oweta ta hani inyat no altari no atagoŋ. ¹²Nafa egonyu Sakariya anjilo lia, ata baŋi hinief inya. ¹³Ata anjilo hijo to honye, “Hebaŋ, Sakariya nyo etirini ifa mojo nohoi. Esik iso oŋorwo hoi Elisabeta iye onyi, ejo iye efurek inya Yoani.¹⁴Obolo iso hitihabwo iko mune to hoi to iluluŋ no hiyo lesiuni inya. ¹⁵Ara iso inya etok to hosiere ha Habu. Obe iso inya amata fino, hifioŋ ino ajalaŋi he balu no logol. Man, helesiuni inya efut iso inya ho Oyiri lo Olibo.¹⁶Esio iso inya iluluŋ no dure ile Israile hotoyite ahalu ta Habu Hollum. ¹⁷Olot iso inya to hosiere honye to duaran he to golon ojo Oyiri no Elija lo Hollum. Eloit iso inya tajia ino monya to dure inohosie, eloit hidofe ha masik heruhori higigilita ino hiyo ilo obis- Ehumak iso inya hiyo ta awoŋ na Habu."¹⁸Ata Sakariya hifi anjilo lia hijo, "Hayen iso naŋ jai hijo ara hiro inia dede? Nyo emaruak naŋ ojo hidofe oŋoruo hanaŋ emaruak no." ¹⁹Etiraŋ ifa anjilo inya hijo, "Naya Gabriele. Aweta naya to hosiere ho Hollum lefahu naya helimahini to hoi sayye ino anyar. ²⁰To wolo, edua iso iye man to holoŋ nelebarari hiro huna nyo ibe iye eruk hiro inanaŋ ino oremik ta far na anyar. Ebe iso iye ero man afanini hiro inia hira dede lotubai holoŋ nohosie."²¹Etila ifa hiyo Sakariya, man elafuhori hiyo hijo nyo leliŋa inya fur to hotwai Haji Imojit netok. ²²Ifa ajiŋu inya abali, oye inya helero to hosie; ata isia agilu hijo aliew nobo sihin to hotwai Haji Imojit. Obe ifa inya oremik hiro to hosie, ta mai nia ata inya hihuto to hosie hihuta ta has. ²³Nafa otubai holoŋitek inohonye ino igiem ta haji hoomojori, acahari Sakariya ahaŋ.²⁴Ta halu ho holoŋitek niya , ata oŋoruo honye Elisabeta hibuŋuta enyai helebusak Haji Imojit man yafajin miet. Ata Elisabeta hijo, ²⁵“Ehum Habu ta hanaŋ nalanyar, “To holoŋitek huna etuhutek mune nohonye ta hanaŋ, ata adumu iri inanaŋ ade tohosiere hohiyo.”²⁶Iyania to hibuŋuta na Elisabeta yafajin ile, efahak ifa Hollum anjilo Gaburele abore gala na Nasarit nya ta fau ho Galilea, ²⁷to hoduoti nafa esaŋa tuŋani lara fure Yosefu. Ara ifa inya to woyo ba Davide, ojo fure no hoduoti inya ara Maria. ²⁸Ata ati anjilo awoŋ to honye Ata hijo, “Togolo Mariai; iye ina owak Holum no! owon Habu he hoi.” ²⁹Etigiama ifa Mariai bi no to sayye ino anjilo, hijo hojo hiro inia honye nyo.³⁰Ejo anjilo to honye hijo, “Mariai, baŋa labaŋ, owon Hollum lo omehini iye. ³¹Towolo, ebuŋuta iso iye Ata iye esiu hito, ejo iye Ata efurek inya Yesu. ³²Obolo iso inya Ata hililoŋo inya hito etok lo Hide. Habu Hollum iso eso inya ahabwue no monye honye, Davide. ³³To nia, otu iso inya hira a Habu woyo no Yokobo tulaŋ obiaŋari hisidi no lobie nohonye."³⁴Ata Mariai elimak to anjilo lia hijo, “Holobe naya atirohini ho lobo hito oliawa, hafanu iso hiro inia jai?" ³⁵Etiraŋ ifa anjilo inya hijo, "Otu iso Oyiri lo Olibo tohoi, otu iso duaran no Hollum emuluhak iye. Ata iso iye hililoŋo hito lia lo Olibo onyi Hollum.³⁶Towolo Elisabeta, nia ta haŋ hatai , eholofi ifa hido inya. Ati Iyania owuana ho hosehe no yafajin ile, emaruak ida hido inya bi no. ³⁷Obe nobo sihin no oremik himir Hollum." ³⁸Ata Mariai hijo, “Dede, ara naya hegiamani no Hollum, isiara ati hebara ta hanaŋ iya ojo hiro nohoi. Ata anjilo ebusak inya.³⁹To holoŋitek niya odiote Mariai ata aruhari adoŋe no Yudea. ⁴⁰Eno inya ahotwai haji no Sakariya Ata hifony Elisabeta. ⁴¹Nafa etiru Elisabeta hifonya na Mariya, Ata lodole lia to hosehe diote; ati efut ifa Elisabeta he Oyiri lo Olibo.⁴²Ata inya hiro wuoŋ wuoŋ hijo, “To hiji ho ŋoruo daŋ obolo jaha tohoi ho hito lia etu iye esiu! ⁴³Nyo otu hotonye Habu ariŋari naya? ⁴⁴Ta nara etiruni naya hifonya nohoi, ata hito to hosehe hanaŋ hididiaŋa to mune. ⁴⁵Hotowuana mune ho jaha tohoi heruhoni a awoŋ sayye dede inafa efahu Habu.”⁴⁶Ata Mariai hijo, “Etihabuo oholio nanaŋ Habu, ⁴⁷ojo oyiri nanaŋ etimuno Hollum, hetilahani hanaŋ.⁴⁸Nyo egonyu inya fiahajo nanaŋ hegiamani. Iyania man ahosiere eliloŋo iso hilahajisien daŋ naya ahamunoni, ⁴⁹Egiem etok ta hanaŋ hiro ariai ino hitaha; ojo fure nohonye Olibo.⁵⁰Arasa hamehini nohonye to hilahaji man to hilahaji to hiyo ilo abaŋ inya. ⁵¹Egiem inya hiro ino ogol ta has inohonye; etisarik inya ilia ilo etidara ta tajia inohose.⁵²Epihe inya henefitak to harajin afau, ata hihaf ahide ilo owon ta fau. ⁵³Eso inya hiro ina anyar to hiyo ilo owon ho hiŋa, ata efuhai ade hiyo habarak asai.⁵⁴Ata inya hiluak hegiamak ilohonye hijo anyar ogilu hamehini Israile, ilohonye tulaŋ, ⁵⁵iya nafa ero inya to monye hohoi to Abramo iko hohonyok honye tulaŋ mak.”⁵⁶Amanya ifa Mariai iko Elisabeta iya yafajin hunik, ata acahari ahaji honye. ⁵⁷Ifa ara holoŋ no hitado no Elisabeta lodole, esiu inya onyi. ⁵⁸Etiru onyihari he hilahaŋ honye hijo amehini Habu inya ata isia mune iko inya.⁵⁹Nia, to hitahotohunihi no holoŋ, afanu isia higot hito lodole; ata isia wahan efurek inya hata ra Sakariya, fure no monye honye. ⁶⁰Ata ati hotonye honye hitiraŋ hijo, “Obe, eliloŋo iso inya hijo Yoani.” ⁶¹Ata isia hijo to honye, “Obe lobo to hiji ho woyo hatai le efurek hiyo fure nia.”⁶²Ata isia elimak monye honye hotorumu nari fure awak inya efurek. ⁶³Ata inya hifia nobo atabok higieri hegiorohini to hide honye. “Fure nohonye Yoani. “Ojo isia daŋ ata hililiha bi no.⁶⁴Kokuak ata hutuk nohonye ŋa ojo hidofe ŋadief ebusahini, ata inya hitiara hiro iko hitabuo Hollum. ⁶⁵Ata baŋi awoŋ too hiyo daŋ Ilafa amanya aŋati hosie, elur isia ho hiro daŋ inafa edoŋ erarari daŋ ta masik ho fau ino Yudea. ⁶⁶Hiyo Ilafa daŋ etiru isia otunek isia tataja hosie hijo, "otu iso lodole lie hira anyo?" Ata isia aheiru hijo owon hafa hani na Habu he inya.⁶⁷67Efut ifa monye honye Sakariya he Oyiri Olibo, ata inya hiro hikili ina hijo, ⁶⁸“Hetahue Habu Hollum le Israile, nyo awoŋ inya hitiluak ata inya esahak hetiluahini hiyo ilohonye.⁶⁹Esio inya tohoi hetilahani nologol tahaŋ ba hegiamani lohonye Davide, ⁷⁰Iya ero Hollum to hutuk no hekila ilohonye ifa beren. ⁷¹Otiorok inya hesiarari tohoi etilohini tara miorok ilo hoi, iko tara hani ho liya oliwari iyohoi.⁷²Egiem iso inya ina hetuhutahini hamehini to monye hohoi, iko hagiluni himwara no olibo. ⁷³Himwara nya ara atanyak na has nafa ero inya ta Abramo hohonyi hohoi. ⁷⁴Emak inya hilifo na has anyar ohek iyohoi asai to has ino miorok ilo hoi iko hebusahini iyohoi hegiamari to honye obe baŋi, ⁷⁵To libe iko to bisan to hosiere honye to holoŋitek inohoi daŋ.⁷⁶Hidonyi iye onyi hanaŋ, eliloŋo iso iye ahekilani lo lia to hitidara nalagalik anyar ewu iso iye to hosiere na Habu hatiorok hiyo ta hawoŋ nohonye, ⁷⁷Anyar ewak hiyo hotoyen hijo etilahini iso isia to hebusahini no hiyata inohosie.⁷⁸Hollum lohoi iso ebusak iyohoi to hamehini nohonye, ta hamehini ina, hetilahani ile ara iya holoŋ no motie iso lo otu te ido haluahari iyohoi. ⁷⁹Opipiak iso to hiyo ile etole te idumele iko ohidis no ye; egiem inya nia heriria hejek inohoi to hikoi he imwor.”⁸⁰Nia ata hito bolo ata awoŋ golon to Oyiri. Amanya inya totem man toholoŋitek inafa etiarari inya aliew to hiji ho hiyo ilo Israile.

¹Iyania, to holoŋitek inafa niya, awoŋ hiro tara Kesare Agusto ta nafa efahini inya hifahi no hitigioro no fureta ino hiyo ila amanya ta fau ho Roma. ²Ara ifa ina hitieri no higioro no fureta nafa owanari Kurino a mamur lo Siria. ³Ata hiyo daŋ ta masik inohose hefie aborejin ino gala inohose hetigiorohini fureta inohosie.⁴Elaŋ Yosefu to bore gala no Nasarit inya ta Galilea ata hewat abore gala no Yudea no Bettelehem, nafa oyen hiyo hijo doŋe no Davide, nyo otu ifa inya tahaŋ iko to woyo no Davide. ⁵Owu ifa inya adia hetigiorohini iko Maria nafa esaŋa inya ojo owodi.⁶Nia nafa halarasa isia dia, awoŋ holoŋ hesiori lodole lohonye. ⁷Ata inya esiu hito oliawa lodole oŋieu, ata abubunak boŋo towan honye. Ata inya efiyak hito to hotwai ho togoli no etimatari hiyo hanyahanya, nyo obe ifa mai to hosie ta haji na hata monok.⁸Ta mai inya owon ifa ilamuk heyohok ilo kioro Ilafa amanya oriŋa kioro inohosie ta tari. ⁹Kwak, ata anjilo la Habu hidoŋ to hosie, ojo ohuo na Habu no opipiak ata elurok daŋ isia, ata isia baŋi bi no.¹⁰Ata anjilo hijo to hosie, “Ibaŋa abaŋ, nyo eyani naya sayye ino olibo ino eyani mune netok to hiyo daŋ. ¹¹Ena esiuni hetilahani ta hatai to bore gala no Davide! Ara inya Kristo Habu! ¹²Ara ina hituhuti nelesio iso ta hatai, erumu iso itai lodole lobubuna to boŋojin lo ofer to togoli hitimati na hanyahanya."¹³Kokwak owon ifa iluluŋ no oseŋer ile ido ile etihabuo Hollum ata hijo, ¹⁴“Hotohuo Hollum lia to hide, hotowana himwara ta fau to hiji ho hiyo ilo omuno inya.”¹⁵Awoŋ holoŋ nafa ofuye anjilohien tara hosie ahide ido, ata heyohok hiro to wati inohosie, “Efi Iyania a Bettelehem, anyar efo egonyu sihin nara eba nelehumak Habu hoteyen iyohoi.” ¹⁶Aruhari isia adia ata arumu Maria, Yosefu ojo hito, ofer to togoli imatit na hanyahanya.¹⁷Ifa egonyu isia ina, elimak isia to hiyo hiro daŋ inafa ojo hiyo to lodole lia. ¹⁸Eliliha Ilafa etiru daŋ to hiro inafa elimak heyohok isia daŋ. ¹⁹Ati arasa ifa Maria higigilo hiro inafa etiru iko inafa otunak inya ta taji honye. ²⁰Acohini heyohok, etahabuori ojo etihabuo Hollum to hiro inafa etiru iko niya inafa egonyu isia, iya nafa ero hiyo to hosie.²¹Nafa era far hitahotohunihi no holoŋ, nafa oŋoto inya, ata efurek inya Yesu, fure nafa esio anjilo holobe inya etiwodihini to hosehe.²²Nafa elaŋ holoŋitek ino hitilibo, iya ojo hifahi no Muse, eyani Yosefu iko Maria hito lia hosie lodole efahak ahide Haji Imojit no Hollum to Yerusalem hesiarari inya ta Habu. ²³Iya nafa egioro to hotwai ho hifahi na Habu; “Dure liawa loŋeuha ilo esiuni hesiara isia daŋ ta Habu.” ²⁴Afanu isia hisio hibulucita iya nafa ojo hiyo to hotwai ho hifahi na Habu, “Turet ilo wolo ohorik ilo lodicio ilo irigioho.”²⁵Ihuma riŋa, owon ifa lobo tuŋani to Yerusalem fure nohonye Simiona. Obis ifa tuŋani ile ojo esio wan te igiem. Etila ifa inya hitiliha no tajia ino hiyo ilo Israile. Ojo ifa Oyiri Olibo owon he inya. ²⁶Etuhutek ifa anjilo Olibo do honye ata hijo, obe iso inya oye holobe inya egonyu Habu Yesu Kristo.²⁷To nobo far otu ifa inya ahotwai Haji Imojit nyo eyani ifa Oyiri inya adia. Nafa eyani hesiok hito, Yesu hehumari to inya iya ojo imohit no hifahi. ²⁸Ata Simiona amojok inya ta has honye, etahuo ata hijo, ²⁹“Iyania isiara hegiamani lohoi hotopiahari bolioŋ, Habu iya ejo iye.³⁰Egonyu honyehite inanaŋ hetilahani lohoi, ³¹lafa etiorok iye to honyehite ino hiyo daŋ. ³²Ara iso inya calai letuhuta hilahode to halufak ojo iso ohuo lo hiyo ilohoi Israile.”³³Omune ifa monye iko hotonye hito ata hililiha to hiro inafa ero te inya. ³⁴Ata Simiona hijok isia ata hijo to Maria hotonye hito, “Itira na lanyar! Eyani iso hito lia hahuye iko diote no hiyo ilo Israile ariai, ojo hituhuti no hebuarari. ³⁵hijo anyar asalak higigilita ina tajia. Ocuk iso demi oholio nohoi hidofe.”³⁶Owuon nobo hekilani dia nara fure Anna. Ara ifa inya ŋani Fanuel to woyo no Aser. Emaruak ifa inya bi no. Amanya ifa isia he oliawa honye ŋasi hatarik tahalu ho hiyama nohosie ata oliawa honye yei. ³⁷Ata inya hira ihidak ŋasi tomwana hottohunik ha aŋwan. Odule ifa inya manya to kelesia etihabuo Hollum to hiya iko to mojo ta far iko harie. ³⁸Ta far nya, otu ifa inya to hosie ata hitira, esiara humo to Hollum. Ero inya to hiyo daŋ to hiram no hito to hitila nohosie etilohini no Yerusalem.³⁹Ifa esahak isia higiem hiro daŋ iya ojo hifahita ino Habu, ata isia acahari a Galilea abore gala nohosie, Nasarit. ⁴⁰Ifa obolo hito, owon iko golon, no wan, obolo ofioroho, owon ifa hamehini no Hollum to honye.⁴¹Olot ifa Maria iko Yosefu ŋasi daŋ a Yerusalem to hiyom no Laŋan. ⁴²Nafa era ŋasi inohonye tomon harik, ofuo ifa isia hiyom iya ara imohit nohosie. ⁴³Ifa atohu isia holoŋitek ino hiyom, ata isia acahari a haŋ. Ati arasa ifa Yesu ta halu to Yerusalem ojo Maria iko Yosefu obe oyen. ⁴⁴Egigilo ifa isia hijo owon mahu he iluluŋ nafa olot ikohose, olot ifa isia nobotie. Ata isia hitiara siaha inya to hiji ho woyo iko morot.⁴⁵Ifa enyai isia orumu inya, ata acahari a Yerusalem osiehari inya adia. ⁴⁶Ta halu ho holoŋitek hunik, ata isia arumu to hotwai ho kelesia, eletole to hiji he he hejufutak, etira to hosie ojo efifia isia. ⁴⁷Eliliha Ilafa etiru hitira nohonye ofioroho iko hitiraŋita inohonye.⁴⁸Ifa ewolo Mariai he Yosefu inya, ata isia hililiha. ata hotonye honye hijo to honye, “Hito, nyo lihum iye iyohoi ania, Itira, osiaha monyo hoi ikanaŋ iye bi no.” ⁴⁹Ata inya hijo to hosie, “Esiaha itai naya nyo? ebe itai eyen hijo anyar awuon naya ta haji ho Monye hanaŋ?” ⁵⁰Ati obe ifa isia oremik hiyen hiro ino ero inya.⁵¹Nia, ata inya acahari daŋ ikosie ahaŋ a Nasarit ata hitira to hosie. Otunak ifa hotonye honye hiro daŋ ta taji honye. ⁵²Ati obobolori ifa Yesu to hilefere, to wan ojo wahan no Hollum ofonihini to honye ho Hollum iko Hiyo.

¹Ta ŋasi tomon ho miyet to hilohitok no Tiberio Kesari, ojo Pontio Pilato ara mamur lo Yudea, ara ifa Erode lo Galilea, halasi honye Pilipo ara etok ta ŋati ho ituria iko Trakonitis ojo Lasiana ara etok la Agilene, ²Ta ŋasi ino etok lo Fadirihien Anania Kaipas, otu Hiram no Hollum to Yoani, onyi Zakariai, to tin.³Oou ifa inya ta ŋaco bidaŋ ino owon ta hari ho Yordano. Etiyana batisimo no ebusak no hiyata anyar ohehini hiyata.⁴Iya egioro to Buk he Isaya hekilani. "Eliloŋo lobo tuŋani to tim ihuma ehuma hekoi na Habu, 'Ihuma hekoi no honye no obis.⁵Hetinuhak doŋiok daŋ iko mworari anyar etiri, ino logulo hetibisak, iko masik ino oru hatara atuluba. ⁶Watie ino hiyo daŋ eginyu hetilahu no Hollum.’’⁷Ata Yoani hijo te iluluŋ no hiyo Ilafa afanu adia hijo anyar ebatis Yoani isia. ’’Itai dure ilo hiyeri no munok! ŋai asar itai hijo anyar erwatik itai hijoria no otu?⁸Ati iŋarak haŋer ino osiru iko hibo no hiyata ibaŋa ojo to watie inahatai hijo, ’Era iyohoi monye dure ilo Abramo,’ Elimak naya ta hatai hijo oremik Hollum hitidiet dure ilo Abramo tara moru huna.⁹Owuana tolu aŋati ha hade ino yani. Yani no obe eŋarak haŋer ino olibo oŋutohini iso ta fau ata ebirohini to hima.’’¹⁰Ata odule iluluŋ hifia inya hijo,’’ hegiem iso ati iyohoi nyo?’’ ¹¹Etiraŋ inya hijo to hosie, ’’Owon lobo ho boŋojin arik, hesiara noboti to lia obe nobo to honye, owon lobo ho ŋiria isiara inya hegiama iya nia."¹²Afanu he heduduhak ho musuru hijo anyar erumu isia batisimo, ata isia hijo to honye, ’’Hetiyanani, hehum iso iyohoi nyo?’’ ¹³Ojo inya to hosie, ’’Ibaŋa odumu, ’’arobiaha ariai tara ino elimak hiyo iye heduduhu.’’¹⁴Ata ilak oseŋer hifi inya hijo,’’ŋa ati iyohoi? Hehum iso iyohoi nyo?’’ Etiraŋ isia,’’Ibaŋa odumu arobia tara lobo to golon, hidofe hetisiahak lobo to taler. Oremik idumuti inahatai ta hatai .’’¹⁵Ifa awak hiyo hiwolo Kristo awoŋ, ebunyuta ifa tajia inohosie to Yoani hijo hara mahu Kristo lia. ¹⁶Etiraŋ Yoani to hosie daŋ, ta hanaŋ, "Ebatiso naya itai to hifioŋ. Ati otu iso lobo lo obolo agalik naya lia abe naya aremik ahou hamuha inohonye. Out inya hision batiso tahatai to Oyiri lo Olibo iko to hima.¹⁷Owuon higilli no honye ta hani honye ne egiliari nohonye ata atubak ŋama to hide ibati. Ata ti inya asuahak hafuot to hima no obe odunya.¹⁸Etitto, Yoani sayye ina anyar to hiyo. ¹⁹Nafa etiru Yoani Erode haboloni hijo ayemu Erode oŋorwo ilasi honye Erodias, iko hiro ino oru ino ehum Erode. ²⁰Ata inya hinyak afonik hiro inia daŋ to hosie, ata inya esionok Yoani ta Babus.²¹Tanafa ifa ebatisori Yoani hiyo daŋ. Otu ifa Yesu daŋ ebatisori. Nafa ho omojo inya ata ido ŋa. ²²Ata Oyiri lo Olibo adou afau to honyi to wan iya wolo, ata hirori te ido awoŋ to honye hijo, ’’Era iye onyi hanaŋ ile amuno naya. Amuno naya iye bi no.’’²³Ata Yesu to wan, hitiara hitiyana, ara ifa ŋasi inohonye tomwana hunik. Ara ifa inya onyi Yosefo, ²⁴Onyi heli, onyi MAta nat, onyi Levi, onyi Melki, onyi Yonnai, onyi Yosefo.²⁵onyi Matathias, onyi Amos, onyi Nahum, onyi Esli, onyi Naggai, ²⁶onyi Maath, onyi Matathias, onyi Semein, onyi Josek, onyi Joda.²⁷onyi Juana, onyi Resa, onyi Serubabel, onyi Sheatiel, onyi Neri, ²⁸onyi Melchi, onyi Addi, onyi Kosam, onyi Elmadam, onyi Er, ²⁹onyi Joshua, Jorim, onyi Elieser, onyi Jorim, onyi Mathat, onyi Lefi.³⁰onyi Simion, onyi Judah, onyi Joseph, onyi Jonam, onyi Eliakim, ³¹onyi Melea, onyi Menna, onyi Matatha, onyi Nata, onyi David, ³²onyi Jesse, onyi Obed, onyi Boaz, onyi Salmon, onyi Nahshon.³³ara ifa Nashon onyi Amminadab, Aminadab onyi Admin, Admin onyi Arni, Arni onyi Hesron, Hesron onyi Perez,Peres onyi Yuda , ³⁴Ojo Yuda onyi Yokob, Yokobo onyi Isako, Isako onyi Abramo, Abramo onyi Tera, Tera onyi Nahor, Nahor ³⁵onyi Serug, Serug onyi Reu, Reu onyi Peleg, Peleg onyi Eber, Eber onyi Shela,³⁶Ara ifa Shela onyi Kainan, ara Kainan onyi Arphaxad, Arphasad onyi Shem, Shem onyi Noah, Noah onyi Lamek, Lamek ³⁷onyi Methusaleh, Methusela onyi Enock, Enok onyi Jared, Jared onyi Mahalel, Mahalel onyi Kainan, ³⁸Kainan onyi Enos, Enos onyi Seth, Seth onyi Adam, Adam onyi Hollum.

¹Ata Yesu hifut he Oyiri lo Olibo ata acohini ta hari no Yordano, ata Oyiri eyari inya a tim ²To holoŋitek tomwana aŋwan, ata sitan hicem inya. To hucuŋi no holoŋitek niya, obe ifa inya anya inak hiro, ata inya wode.³Ata Sitan hijo to honye, "lera iye onyi Hollum, iloito moruo ina hata ra ŋiria." ⁴Ojo Yesu ata hitiraŋ inya hijo, "Obe tuŋani amanya te imune hamai."⁵Ata Sitan eyari inya a hide doŋe, ata etuhutek inya obie daŋ ina fau to holoŋ inya. ⁶Ata Sitan hijo to honye, "esio iso naŋ iye hilohitok iko hiniefita no obiehien huna, iko imanyiti ina fau daŋ. Aremik naŋ higiem hiram nia hijo esiarahini ifa saŋ ino ta hanaŋ anyar enefita naŋ, aremik naŋ hisio to tuŋani la awak naŋ. ⁷Leremik iye rigoŋo ta fau to hosiere hanaŋ ata iye hitihabwo naya, ara huna daŋ inohoi."⁸Ata Yesu hitiraŋ inya hijo, "Egioro hijo, Etihabwo iso iye Habu Hollum lohoi, ata iye higiama to honye hamai.'"⁹Ta halu ata Sitan eyari Yesu a Yerusalem ata ehumak inya to sihidi haji Imojit netok, ata hijo to honye, "Lera iye onyi Hollum, ibire wan nohoi afau teni. ¹⁰Egioro hijo, 'efahu iso Hollum anjilohien ilohonye anyar eriria iye.' ¹¹Enief iso isia iye ta has inohosie ibe iso iye eriafak hejek inohoi to moruo.'"¹²Ata Yesu hitiraŋ inya hijo, "baŋa ocem Hollum Habu lohoi.'" ¹³Ifa atohu Sitan cama Yesu, eno inya ade ata inya ebusak Yesu maan to holoŋ nobo.¹⁴Ata Yesu acahari a Galilea to golon no Oyiri Lolibo, ata sayejin inohonye esarik ta masik ino fau daŋ. ¹⁵Ata inya hitiara hitiyana to Sinagogi inohosie, ojo hiyo daŋ etihabuo inya.¹⁶Ifa far nobo awoŋ Yesu a Nasarita, bore gala nafa etibolori hiyo inya. Iya ara te imohiti nohonye, ojiŋak inya a Sinagog ta far na Sabato, Odioto inya ata hihien woŋwoŋ. ¹⁷Ata amoju buk no Isaya ata hiŋa hegieri, ata arumu ŋati no egioro hijo,¹⁸"Owuon Oyiri na Habu ta hanaŋ, nyo onyimu inya naya anyar ero naŋ sayye ino olibo to locaŋak. Efahu inya naya anyar elimak naya sayye no oremik ahek ilia efita, ojo enyahak haŋodok hotoriŋai, ata ahek ilia etigiama hiyo, ¹⁹Ata elimak hiŋa nolibori Habu."²⁰Ata inya hibibin higieri, ata enyahak to hegiemak ilo Sinagog, ata ahunyai ta fau. Oriŋa honyehite daŋ ino hiyo Ilafa to Sinagog to honye. ²¹Ata inya hitier hiro to hosie, "Ena otubai hiram no Hollum inaŋ to yohe hatai." ²²Hiyo ilafa bidaŋ teya ero libe no honye, ojo eliliha to hirorita ino osieru inafa afanu to hutok honye. Ata isia hifi, "obe ara onyi Yosefu ileŋ?"²³Ata Yesu hijo to hosie, "Dede elimak iso itai ofioroho huna tara hanaŋ, 'diktor, itilibo wan nohoi. Igiema ini daŋ to bore gala nahatai rori inafa etiru iyohoi hijo ehuma iye to Kapernauma.'" ²⁴Ata inya hijo, "Dede ajo naŋ ta hatai, obe hiyo eruk hekilani to doŋe hosie.²⁵Ati ajo naŋ ta hatai, dede owon ifa ŋoruo ihidahi ino obore te Israile to holoŋitek ino Elija, ifa ejo ido esiono, enya hai ŋasi hunik ho yafajin ile, ifa obolo hiŋa ta fau daŋ. ²⁶Obe ifa Elija efahahini to ihidahi daŋ, ati te ihidak nafa amanya to Sarefat to doŋe no Sidon. ²⁷Owuon hido hiyo ilo oŋwai ha talulu te Israile to holoŋitek ino Elisa hekilani, ati obe ifa etilibo lobo tara hosie daŋ arace Namana lo Siria."²⁸Efut ifa hiyo Ilafa owon to Sinagog hojore nafa etiru isia hiro inia. ²⁹Odioto isia ata epihori inya ade to doŋe hosie, Ata isia eyari inya amai nomunya to doŋe no oduhori isia hajik inohosie, hijo anyar isia esule inya te imunya. ³⁰Ata inya ahisari to hiji hosie ata inya eno anobo mai hamai.³¹Ata Yesu eno Kapernauma, to bore gala na Galilea. Ata inya hitiyana hiyo to holoŋ no Sabato. ³²Ata isia hililiha to hitiyana nohonye, nyo ero inya to golon.³³To Sinagog to holoŋ inya, owon ifa lobo tuŋani lo owon iko miniaŋa ata yio wuŋwuŋ, ³⁴" Ahi! Yesu lo Nasarit, hewak iye hihuma iyohoi jai? Itu iye etaturori iyohoi? Ayen naŋ iye ŋai! Era iye haliboni lo Hollum!"³⁵Ata Yesu eburahini miniaŋa hijo, "Okwai, tojiŋu tara honye!" Ifa ejo miniaŋa obuarak tuŋani lia ta fau to hiji hosie, ata ajiŋu tara honye obe eriafu inya. ³⁶Eliliha ifa hiyo bi no, ata isia adule hiro to wati inohosie ata hifia, "ŋari hiro hunaŋ? Eburahini tuŋani lia oyirihien ino ebwot to hilohitok ojo to golon, ata oyiri ajiŋu ade?" ³⁷Nia ata sayye no honye esarik to misihi inafa nia bidaŋ.³⁸Ata Yesu ebusak imojit inya ata eno a haŋ ho Simone. Teya oŋwai ifa homoni Simone ho nohon no wan nelefiriwa bi no, ata isia hifia Yesu anyar etilibo inya. ³⁹Oweta ifa Yesu to oger ata efuhai nohon ade, ata inya eno. Teya ata homoni Simone diote ata hifo to hosie ŋiria.⁴⁰Nafa aswori holoŋ, ata hiyo eyyani to Yesu hiyo daŋ ino oŋwai iko iŋweti ino olufa. Ojo Yesu ata atanyak has inohonye to hiyo ino oŋwai daŋ ata isia libe. ⁴¹Ata miniaŋa ajiŋu tara hiyo ariai, oyo hijo, "Era iye onyi Hollum!" ata Yesu eburahini miniaŋa man obe enyak hiro to hosie, hijo eyen isia hijo ara inya Masiya.⁴²Ifa to motie beren, ewan Yesu amai nolodua. Ata iluluŋ no hiyo afanu asiehini inya amai no owanari inya. Ecem isia hijo hotobiaŋa inya owu ade tara hosie. ⁴³Ati ojo inya to hosie hijo, "awak naya hitiyana sayye ino olibo ino obie no Hollum to borejin inak ino gala, ony hiram nafa nia efahini Hollum naya eni." ⁴⁴Nia, odule inya hitiyana to Sinagogi inafa owon ta fau ho Yudea.

¹Iyania ifa ojo iluluŋ no hiyo okudak Yesu ata hitira hiram no Hollum, oweta ifa inya to oger ha hari netok na ara fure Genesaret. ²Egonyu inya togolisien arik to oko oger ha hari netok. Esuru ifa heririahak adde to togolisien inohosie ata hilila hiyafohita inohosie. ³Ata Yesu esurok to nobo togoli nafa ho Simone, ata hifi inya hotosulak adia a hotwaihari. Ata inya ahunyai ta fau ata hitiyana hiyo to hotwaiho togoli.⁴Ifa atohu inya hiro, ejo inya to Simone, "Iyari togoli a hiji ha hari ade no owudo ata iye ebirok higalita inohoi anyar erietu ham." ⁵Ata Simone hitiraŋ hijo, "Etok, egiema iyohoi bi no harie daŋ, obe erietu inak hiro, ati iya ejo iye, awu naya ebirok higalia nanaŋ ahifioŋ." ⁶Ifa egiem isia, ata isia erirehu iluluŋ naham, ata higalita inohosie fufuto. ⁷Ata isia hililoŋ oriahat ilohosie ta hani a togoli nobo anyar afanu hiluak isia. Ata isia afanu efutak togolisien niya, man etek togolisien adiori ahari.⁸Ati nafa ewolo Simone Peturu inya, ata inya rigoŋi to huŋuta to Yesu, hijo, “Ino teni tara hanaŋ, ara naya heyani, Habu." ⁹Eliliha ifa inya, ho liya Ilafa owon ikonye, ta ham inafa enefu isia ata eyari. ¹⁰Ara ifa isia Yakobo iko Yoani, onyirok ho Sebede, Ilafa ara oriahat ilo Simone. Ata Yesu hijo to Simone, "Idek he ebaŋ, nyo ta far te ina ahosiere era iso iye heririahani ho hiyo." ¹¹Nafa eyani isia togolisen oger, ebusak isia hiro daŋ ata isia ejufari Yesu.¹²Owuon Yesu ifa to bore gala nobo, ati dia, owon lobo tuŋani dia lo oŋwai ha talulu. Nafa egonyu inya Yesu, ata inya ahuyik to homom ho Yesu afau ata hilalia to honye hijo, "Ai! Habu, kuya ewak iye, hitilibo naya." ¹³Ata Yesu etibisak hani no honye ata hitir inya hijo, "Awak naŋ. Tolibe." Teya ojo talulu kuak ata ebusak inya.¹⁴Ata inya hitito tuŋani lia hijo hotobiaŋa inya elimak lobo tuŋani, ati elimak inya hijo, "Ino hikoi nohoi ata iye etuhutek wan no hoi ta fadiri anyar ebuluc inya iye, iya hifahita ino Muse hijo anyar ara hituhuti to hosie."¹⁵Ati esarik ifa igiem nohonye arasa ahosiere, ata iluluŋ no hiyo eduduhuni anyar afanu hitira hitiyana anyar etilibo iŋweti inohosie. ¹⁶Ati odule inya eno amai no odwa omojori.¹⁷Ifa to holoŋitek nyya etiyanari Yesu, owon ifa ilak Farisei iko hejufutak ho hifahita ile etole dia, Ilafa afanu ta masik inak a fau ha Galilea iko Yudea, ojo hido to bore gala no Yerusalem. owon ifa inya ho golon na Habu ne etilibori iŋweti.¹⁸Nia afanu ilak hiyo, ila akafita tuŋani loloŋura to biris, ata siaha hikoi ne eyari inya ahotwai haji anyar etiferik inya ta fau to hosiere ho Yesu. ¹⁹Obe isia oruma hei ne eyari inya a hotwai hijo obolo iluluŋ no hiyo, ata ati isia arek ahide ha haji. Ata isia eliliefu inya to hofi to biris tohonye to hiji ho hiyo to hosiere ho Yesu.²⁰Ifa ewolo inya hiruk nohosie, ata Yesu hijo. "Ila, ebusahini hiyata inohoi." ²¹Ati efia hejufutak ho hifahita he Farisei inia hijo, "ŋai lia eramitari fure no Hollum? ŋai lia ebusak hiyata, arace Hollum hamai?"²²AtaYesu hiyen higigilita inohosie ata hitiraŋ, "Nyo efia itai inia ta tajia hatai? ²³Nari ofiak, to hijo, 'Ebusahini hiyata inohoi iye? 'Tete, toloto' ²⁴Ati anyar eyen itai hijo owon onyi tuŋani ho golon ta fau to hebusak hiyata, ajo naŋ tohoi, 'Tete a hide, todumu biris nohoi, ino ahaji hoi.'"²⁵Teya odiote tuŋani lia a hide to hiji hosie ata adumu biris nohonye nafa ofirie inya, ata acahari ahaŋ honye le etihabuo Hollum. ²⁶Eliliha ifa hiyo bi daŋ ata isia hitihabuo Hollum. Efut isia he baŋi, ata hijo, "egonyu iyohoi hiro ino agalik enia."²⁷Ta halu ho hiro ino, eno Yesu Teya ata egonyu heduduhani ho musuru la ara fure no honye Lefi letole ta mai he eduduhari no musuru. Ata inya hijo to honye, "Ijufuni naya." ²⁸Niya ebusak Lefi hiro bidaŋ, odiote ata ejufari Yesu.²⁹Ata Lefi ehuhumak karama netok to Yesu ta haŋ honye, owon ifa he he duduhak ho musuru ile ariai dia, ojo ilak hiyo ile owon to terefeja ila adaha iko isia. ³⁰Ati eŋuŋunita Farisei he hejufutak ho hifahita to hejufutak hijo, "Jai edaha itai ojo hidofe emata he heduduhak ho musuru ojo hiyo he iyak?" ³¹Ata Yesu hitiraŋ isia, "Obe hiyo ile olibo osiaha diktor, ati hiyo ilo oŋwai osiaha. ³²Abe naya atu eliloŋori hiyo ile obis anyar eloito, ati attu naya eliloŋu heyak hotoyite."³³Ata isia hijo to Yesu, "Eya ifa hejufutak ilo Yoani hiya ojo omojo gagaga. Ojo hejufutak ilo Farisei ehuma daŋ ania. Ati adaha hejufutak ilohoi ojo amata." ³⁴Ojo Yesu tohosie, "oremik iso oriahat ilo hejufutak hiya holowon hayamani to hiji hosie? ³⁵Ati afanu iso holoŋi ino leyari hayamani to hiji hosie, ata ati isia hiya to holoŋi niya."³⁶Ata Yesu hijo hiro to hosie hitiriami hijo, "Obe tuŋani lo oritu boŋo nohonye letiŋ tara boŋo ŋejuk ata arifak to boŋo maruani. Egiem inya ania, eremik hirit boŋo nara ŋejuk.³⁷Obe tuŋani oremik eturak fino ŋejuk ahotwai rokwo maruani, legem inya ania, ata fino ŋejuk hirit rokwo nia, ata fino nia ejuhori, ata rokwo nia guasa. ³⁸Anyar ejuhohini fino ŋejuk a hotwai ho rokwo ŋejuk. ³⁹Obe tuŋani ta halu ho himat nohonye fino maruani, hiwak fino ŋejuk, ojo iso inyi hijo, 'Olibo maruani.'"

¹To nobo holoŋ no Sabato, eno Yesu he hejufutak ilo honye a hotuai mana ilo ogigilari ŋama, hifufua Ata daha. ²Ata ti ilak Farisei hijo, "Jai ehuma itai higiemita ino obe hifahita awak to holoŋ no Sabato?"³Ata Yesu hitiraŋ isia hijo, "ebe itai ehien hiram no Davide nafa owodori inya, ata inya he hiyo Ilafa owon iko inya te egiem? ⁴Eno inya ahaji ho Hollum, ata eyari imune no hosiere ata hinya inak, ojo esio niya to hiyo Ilafa owon iko inya ata isia daŋ daha, nafa odua to fadirihien hadahari.'' ⁵Ata inya hijo to hosie,"ara onyi tuŋani ahabu lo Sabato.''⁶Ifa ta far to nobo no Sabato, ojiŋak Yesu to Sinagog ata hitiyana hiyo. owon ifa lobo tuŋani lo ogulo hani ne inyat. ⁷Ojo hegiorok he hejufutak ilo hifahita ho Farisei hiriria bi no, awak ifa isia hiwolo hijo hetilib iso tuŋani lobo to Sabato, anyar isi erumu hipali ne etisiahari inya. ⁸Ati oyen ifa inya higigilo no hosie ata hijo to tuŋani lia ogulo hani, "Tete ahide, towetai ini to hiji ho hiyo daŋ." Ati odiote tuŋani lia a hide, ata weta dia⁹Ata Yesu hijo to hosie, "Efi naya itai, haŋatak isio hifahi hegiamari hiro ino olibo, kuya our kuyga kuya ino oru holoŋ na sabato to, haluahari manya we hetiharari manya wale hetiharari inya? ¹⁰Owolo inya to hosie daŋ ata hijo to tuŋani, "Itibisak hani nohoi. Ata inya higiem iya elimak Yesu inya, Ata hani nohonye libe. ¹¹Ati ejoria ifa isia bi no to honye ata isia hiro ta wati ilohosie hijo erumu iso isi hipali nobo to honye jai.¹²Ifa far nobo to holoŋitek niya, eno Yesu a doŋe mojori. Odule inya harie daŋ mojo to Hollum. ¹³Ifa era far, eliloŋo inya hejufutak to honye, ata inya anyimu isia tomon harik, Ilafa efurek inya hijo efahat.¹⁴Fureta ino efahat ara lobo Simone (lafa efurek inya hijo Peturu) he halasi honye Anerea, Yakobo, Yoani, Filipo, Bartilimeyo, ¹⁵Metteyo, Tomaso, Yakobo onyi Alfeyo he Simone (Lafa eliloŋo hijo Silote), ¹⁶Yuda onyi Yakobo, he Yuda Iskariote lafa etiinyaŋai Yesu.¹⁷Ata Yesu arubuni to doŋe hosie afau iko isia ata weta to bur. owon ifa iluluŋ no obolo no hejefutak honye dia, ojo iluluŋ no hiyo to Yudea ho Yerusalem he to holoroŋ na hari no Taya iko Sidon. ¹⁸Afanu isia hitira inya anyar etilib isia te iŋweiti. Ojo hiyo ile etigiema oyirihen ino ebwot ata libe. ¹⁹Awak ifa hiyo daŋ hitir inya, nyo otu ifa duaran to wan honye ata hitilib isia daŋ.²⁰Ata inya riŋa to hejufutak ilohonye ata hijo, "ojok Hollum itai ile elocaŋ, nyo ara Lobie no Hollum na hatai! ²¹Ojok Hollum ata hiyo ile owodo iyania, nyo efoŋi iso itai! ajok Hollum itai hiyo ilo eyo Iyania; nyo ellohita iso itai.²²owu jaha eyalai hiyo itai, ojo efuhai isia itai oyo omoro eye ojo ebo furenohoi iya sitan, nyo to onyi tuŋani! ²³Itimune ejo hidofe etihabwo, nyo obolo iso hisiori nahatai te ido, nyo egiama ifa hohonyok hosie to hekilak ilo Hollum ania.²⁴Oru iso bi no ta hatai hasamak, hijo erumu iso itai mune nahatai ena. ²⁵Oru iso hido bi no ta hatai ile efoŋi ena, nyo efu iso itai wode ta halu. Oru iso ta hatai ile ellohita ena! Efwo iso itai yio ojo hidofe ejiriŋa ta halu.²⁶Oru iso ta hatai etahuo hiyo itai! Nyo ehuma ifa hohonyok hosie hekilak telerok ania.²⁷Ati ajo naŋ ta hatai ile etira, itimune miorok ilahatai, ojo hidofe ehuma na lanyar to hiyo ilo oliwari itai. ²⁸Itijak hiyo ile epit itai, itimoje hidofe to hiyo ile etigiema itai.²⁹To tuŋani la anaŋ iye hamahali ne inyat, isiara hidofe inya hamahali ne ihorroŋ. Odumu lobo tuŋani boŋo nowhan nohoi, isiara hidofe to honye no ŋolon. ³⁰Isiara to lobo tuŋani sihin ne efi inya, eyari lobo tuŋani sihin nohoi, baŋa enyak hifi inya heinyahak to hoi.³¹Iya ewak iye hiyo hehuma to hoi, ihuma to hosie daŋ ania. ³²Le emuno iye hiyo ilo omuno iye, herumu iso iye nyo tara hosie? Nyo omuno heyyak hiyo ilo lomuno isia. ³³Lehuma iye na lanyar to hiyo ile ehuma na lanyar ta hatai, herruma iso itai nyo tara hosie? Ehuma hidofe heyyak ania. ³⁴Leluahak iye hiro inohoi to hiyo ile eyen iye hamai hijo enyahak iso to hoi, herumu iso iye nyo tara hosie? Nyo oluha heyyak hiro to heyak, to hiro ina awak isia einyahu.³⁵Ati itimune miorok ilahatai ata itai hihuma isia na anyar. Ituluahak to hosie, ibaŋa egigilo heinyahu saŋ tara hosie, nyo obolo iso hisiorita inahatai. Era iso itai Onyirok ho lia obolo noo, nyo omehini inya to hiyo ilo obe ojo humo he hiyo ilo oru. ³⁶Itimehini iya omehini Monye hatai.³⁷Ibaŋa oŋot, hijo hotobiaŋa oŋotohini ta hatai. Ibaŋa etipal, hijo hotobiaŋa hiyo etipal itai. Ibusak hiyo hipalita inohosie, ata iso inohoi ebusahini.³⁸Isiara to hiyo, ata iso hiyo hisio to hoi. Hisiori to himorot no onyaru afau Ata atubahini man oloŋori- oremik ejuhori amuro hoi. Te icemit ne ecamari iye, ocamari iso hidofe hiyo iye.''³⁹Ata inya elimak isia hitigiri. "horemik tuŋani oŋodo edihori tuŋani lo oŋodo? Kuya le edihori, oremik isia daŋ ahuye ewudo, obe iso isia? ⁴⁰Obe heyiyanani obolo agalik hetiyanani honye, ati letiyyen inya, Ata hira iya hetiyanani lo honye.⁴¹Nyo eriŋa iye to hujuti letiŋ no owon to honyek ha halasi hoi, ejo iye ebe egigilu hita nia to honyek hoi? ⁴²Jai ejo iye ta halasi hoi, 'Halasik, he adumu naŋ hujiti nia to honyek hoi,'' ojo iye ebe ewolo hita nia to honyek hoi? iye hetiyahani! Todumu doo hita nia to honyek hoi, ata iye egonyu analanyar idumuni ati hujiti to honyek ho motte hoi.⁴³Obe yani no olibo eŋarak haŋer ino omura, obe yani no omura eŋarak haŋer ino olibo. ⁴⁴Nyo oremik yani daŋ aherini ta haŋer ino hosie. Obe itai eremik adeu ŋabolo tara ŋariai, obe hidofe itai edeu haŋer ino bule tara hukua.⁴⁵Tuŋani la lanyar, afanu ilibiti to taji honye ino olibo, ojo tuŋani lo loru afanu irutioho ta taji honye. Nyo ero hutuk hiro ino owon ta taji.⁴⁶Nyo le liloŋo itai naya, 'Habu, Habu', ejo itai ebo hihuma hiro ino elimak naŋ itai? ⁴⁷Hiyo daŋ ila afanu ta hanaŋ, ata hitira hiro inanaŋ egemari, elimak iso naŋ itai hijo ho ciala jai. ⁴⁸Owuon iya tuŋani lo oduhok haji, ata hibok fau no lowudo wir wir man eba to moruo ata aduhok haji ta mai no ogol. Ojo igura lotu ata hibul hiji, obe oremik hituhut haji no honye, obe loworei, nyo omijak haji esihohini na anyar.⁴⁹Tuŋani le letira hiro inanaŋ ojo obe eruk, owon iya tuŋani lo oduhok haji to hide ho huron obe lobok ahotue fau. Ojo igura ebuluni haji, ata haji eribori ko kwak ata run."

¹Ifa ojo Yesu esahak hiro inafa awak inya elimak hiyo, ata inya ajiŋak a Kapernauma.²Owuon ifa lobo etok lo oseŋer lo Roma ho pit lohonye lo lomuno inya bi no. Ati oŋuai ifa pit lia man le emimohita la awak ye. ³Ifa ojo etok lia etiru sayye ino Yesu, ata inya efahak maruak ilo Yudei adia to Yesu, anyar lefi inya ha awoŋ etiluahu pit lohonye to ye. ⁴Ifa ejo isia afanu aŋati ho Yesu, ata isia tanna Yesu hijo, "Osiru tohoi haluahari etok lia, ⁵nyo omuno inya doŋe nohoi bi no, ata hidofe aduhok te iyohoi sinagog."⁶Ata Yesu eno ikosie a hosiere. Ati ifa eliaha inya to oger na haŋ inya, ata etok efahak motiarak hotojo to Yesu, "Habu, baŋa etigiem wan nohoi jia. Nyo obe naŋ asiru hijo anyar ejiŋak iye a haji hanaŋ. ⁷Obe hidofe osiru ta hanaŋ hawoŋ tohoi to wan hanaŋ, ati irara to hutuk to nohoi hijo ata inya libe, ojo pit lalaŋ ata libe. ⁸Ara naŋ tuŋani la awuon ta fau ho golon, ojo hidofe oseŋer ilalaŋ owon aŋolon hanaŋ. Ajo naŋ hijo to lobo, 'Ino', ata inya eno, ajo to lobo, 'Woŋ', ata inya awoŋ, ajo naŋ to pit, 'Igiama ina', ata inya higiem."⁹Ifa etiru Yesu hiro inia, ata inya hililiha to honye, ata fiala te iluluŋ nafa ejufuta inya ata hijo, "Ajo naŋ ta hatai, holobe naya arrumu lobo heruhoni lo obolo hiruk iya ile ta fau he Israile." ¹⁰Ata Ilafa efahak etok ha sayye acahari a haŋ ata arumu pit lia olibe.¹¹Ta halu ata Yesu eno abore gala nafa lara Nain, ojo hejufutak ilohonye ata efie iko inya ojo iluluŋ no hiyo. ¹²Ifa eliaha inya iko ikat no bore gala, ata inya hiboŋ ho hiyo akafari hayoni, ara ifa hayoni lia hito lobotie to hotonye honye (na lara ihidak) afanu iko iluluŋ no hiyo to hotwai bore gala. ¹³Ifa egunyu Yesu ihidak nia, ata inya amehini to tuŋani nia ata hijo to honye, "Baŋa oyoo". ¹⁴Ata inya botik ata hitan ikafit, ata hiyo Ilafa akafita ibala weta. Ojo inya Ata hijo, "Ila, ajo naŋ tohoi, tette." ¹⁵Ata hayoni lia diote a hide ata hiro. Ata Yesu hisio inya to hotonye.¹⁶Ata baŋi hifut to hiyo daŋ. Odule ifa isia hitihabuo Hollum, hijo, "Ebur hekilani etok to hiji hohoi." Ata hidofe isia hijo, " awoŋ Hollum oriŋari hiyo ilohonye." ¹⁷Ata sayye ino Yesu esarik afau ho Yudea he masikinafaaŋati daŋ.¹⁸Ifa ejo hejufutak ilo Yoani elimak inya hiro inia daŋ. Ata Yoani hiloloŋ hejufutak ilohonye ohorik. ¹⁹Ata efahak isia adia ta Habu hotojo, "hara iye lafa ojo otu iso, kuya annyar etila iyohoi lobo tuŋani hame?" ²⁰Ifa ejo isia afanu hiba aŋati ho Yesu, ata isia hijo, "Yoani Batista efahu iyohoi tohoi hijo, 'hera iye lafa ojo hiyo otu iso, anyar etila iyohoi lobo tuŋani hamai?'"²¹To holoŋ nya etilib ifa Yesu hiyo ino oŋwai ho iŋweti ojo idiehiti iko tara miniaŋa, ata inya hisio hiyo haŋodok ino oŋodo hotoriŋe. ²²Ata Yesu hitiraŋ isia hijo, "Lefie itai hekoi nahatai, ifeti ilimak Yoani hiro in inia etiru itai iko ino egunyu itai. Oriŋe haŋodok, oloton haŋurak, olibe hiyo ilo oŋwai ha talulu, etira hatuhok, owuaran hayok, elimahini sayye ino olibo to hiyo Ilafa awak luaha. ²³Tuŋani lo obe etiwet hiruk no honye ta hanaŋ to higiemita inanaŋ orum iso inya jaha."²⁴Ifa efie hejufutak ilo Yoani, ata Yesu hitiara hiro to iluluŋ hiro ino Yoani hijo, "Efuo ifa itai oriŋari nyo ecala ho waha? Oyami nia etadiŋo hujiti? ²⁵Ati efuo ifa itai oriŋari nyo? Tuŋani lia ecefita boŋojin ina olibo? Owolo, itai hiyo ile ecofo boŋojin ino olibo, amanya to hitidara amanya to lobie na habu. ²⁶Ati efuo ifa itai oriŋari nyo? Hekilani? Ee, ajo naŋ ta hatai, agalik ati hekilani.²⁷Inya ati lia lafa egioro hijo, 'Itiwolo efahak naŋ efahati lalaŋ a hosiere hatai, lo otu iso etibisak hekoi nahatai a hosiere hatai.' ²⁸Ajo naŋ ta hatai tara ilia esini to hiji ho ŋoruo, obe lobo agalik Yoani, ati tuŋani asai to lobie ho Hollum lara etok tara honye."²⁹(Ifa etiru hiyo hiro inia, iko hiyo heduduhak ho musuru, hijo obis Hollum, ara isia Ilafa oruma batisimo tara Yoani. ³⁰Ati ebo ifa Farisei he hejufutak ho hifahita ilo Yudei, obe ifa lorumu batisimo no Yoani, ebo isia ofioroho ino Hollum to wati hosie.³¹Ata Yesu hijo, "Hetirijik iso naŋ hiyo ino hilahaji ina ho nyo? ³²Ociala isia ho nyo? Ociala isia iya dure ile errumita to etinyaŋari, etole ata hililoŋo wati ino hosie hijo, ehuta iyohoi hatar ta hatai obe itai ecia. Edol fure no twari obe iyohoi itai eyio.'³³Nyo obe ifa Yoani Batista otu adahari imune hidofe obe otu amata ri fino, ati ejo itai, 'Owuon inya ho miniaŋa.' ³⁴Otu onyi tuŋani daha ojo hidofe amata, ejo itai hijo, 'Itiwolo, aŋaru he harumani lia, motte heduduhak ho musuru he heyyak!' ³⁵Ati oliew ofioroho to dure ilohonye daŋ."³⁶Eliloŋo ifa lobo lo Farisei Yesu anyar lotu daha iko inya ŋiria. Ifa ajiŋak Yesu a haji ha Farisei, ata inya ahunyai to terefeja Atadaha. ³⁷Ati owon nobo hito noŋoruo to bore gala nya na lara heyyani. Ifa etiru tuŋani nia hijo owon Yesu ta haji ha Farisei to terefeja, ata inya eyyani riaa ta jak no logol hiinyai nohonye no. ³⁸Ata rigoŋo to hosiere hejek ino Yesu ojo hidofe oyio bi no. Ata hifufus hejek ino Yesu to hidenya honye, ata inya hipot hejek ino Yesu to hofir, Ata hidofe hijujur hejek ata eyalak hejek ino Yesu to hiyali nia.³⁹Ata Farisei lafa elliloŋu Yesu a haŋ honye egonyu hiro inia Ata inya higigilo to wan nohonye hijo, "Lara ida tuŋani ile hekilani, noyen ida inya hijo nari hito noŋoruo nia letitiro inya nyo ara inya aheyyani." ⁴⁰Ata Yesu hitiraŋ inya hijo, "Simone, awuon naŋ he inak hiro ina awak naya elimak tohoi," ata inya hijo, "Ilimak hoi Hetiyanani!"⁴¹Ata Yesu hijo, "owuon ifa ohorosi ilak ohorik ilo lobo tuŋani. Owon lobotie ha arobia hisihai miyet, Ojo lobo ha arobiya tomwana miyet. ⁴²Ati obe hiyo liya owon ha arobiyaha ino odumari, ata monye horosi ebusak horosi nia daŋ ararik. Iyania, to hiji hosie, lari tara hosie iso lomuno inya bi no?" ⁴³Ata Simone hitiraŋ inya hijo, "Agil naŋ lafa ebusak hiyo ino emonya." Ata Yesu hijo to honye, "Iten iye na anyar."⁴⁴Ata Yesu fiala to hito noŋuruo inya ata hijo to Simone, "Towolo hito noŋoruo ina, ajiŋak naŋ ahaji hoi, obe iye esio naya hifioŋ hileta ino hejek, ati elila inya hejek inanaŋ to hidenya ino honye ata hidofe hifufus to hofir ino honye. ⁴⁵To otuni hanaŋ ahaji hoi, obe iye ejur naya, ati odulei tuŋani nia hijujura hejek inanaŋ.⁴⁶Obe iye eyalak hoo nanaŋ to hiyali, ati tuŋani ina eyol inya hejek inanaŋ to hiyali to no loŋwu girgir. ⁴⁷To hiro inia, ajo naŋ to hoi hijo hiyata ino tuŋani ina inafa emonya, ebusahini ata inya wuana ho mune bi no. Ati to tuŋani ne ebusahini inohonye kai, odicio iso mune nohonye."⁴⁸Ata inya hijo to tuŋani nia, "Ebusahini hiyata inohoi." ⁴⁹Ata hiyo Ilafa owon to terefeja hiŋuŋunuta to wati hijo, "ŋai lia oremik ahek hiyata?" ⁵⁰Ata Yesu hijo to tuŋani nia, "Etilahu hiruk nohoi iye. Ino bolioŋ."

¹Iya nafa etiarari Yesu ellutari to doŋiok ino bore gala he missihi, etito ojo etiyana sayye ino olibo ino Obie no Hollum iko hejufutak ilo honye hullo tomon harik efie he inya. ²Owuon ifa ŋorwo inakinafaefuhai inya miniaŋa tara hosie he iŋweiti. Ara ifa nobo Mariai nara Madalina nafa efuhai hiyo miniaŋa hatarik tara honye ade. ³Ojo Juana, oŋorwo Kusa eittok lafa orriŋa habwore ne Erode, ojo Susanna, ho ŋorwo arria, inafaesio to hosie ibariti ino hosie.⁴Iyania, ifa leba iluluŋ no hiyo da mai nobotie, ho hiyo inafa afanu to honye ta massik ino daŋ. Ero inya to hosie hitigiria. ⁵"Ohu ifa lobo hayani ayari hinyiomo. Ifa layek inya hinyiomo, ohuyek ifa inak hinyiomo to hekoi, ojo hiyo ata hirie isia, ojo cieŋ ino hide ata esohu ahuru isia. ⁶Ohuyek ifa inak hinyiomo to morwari, ifa obolo isie ojo holoŋ ata attohe nyo obe ifa mai nohosie elik.⁷Arasa hinyiomo inak ahuyik to hiji ho hukwa, ata hukwa esuru daŋ ho ŋama ojo miyaŋ nya ata attohe isia. ⁸Ati ohuyek ifa hinyiomo ilamuk to huron ilo olibo ata eŋarak ŋama hisihai nobotie nala galik". Ifa esahak Yesu hiro hiro huna, ata etisidok hiram nohonye to hosie hijo, "Itira, lowuon intai ho yohe ino etira, isiara hetiru."⁹Niya ata hejufutak ilohonye hifi inya hijo hetuhutek hitigiri inia nyo. ¹⁰Ata Yesu hitiraŋ to hosie hijo, "Ewuon itai ho ofioroho no hiyyen hiro ino Obie no Hollum, ati etiyana iso hiyo iluluŋ to hitigirita, 'nyo oriŋa isia ojo isia obe oremik egonyu, ojo to riŋa obe oremik hiyen.'¹¹Iyania, ojo hitigirita huna hijo. Ara hinyiomoti Hiram no Hollum. ¹²Ara hinyiomo hullo ohuyik to hekoi isia hiyo hullo etiru Hiram no Hollum, ati kwak ata Sitan awoŋ akwarari ade Hiram no Hollum ta tajia hosie, hijo hotobiaŋa isia eruk ata hitilohini. ¹³Ojo ilia ohuyik to morwari ara hiyo ilo, etiru hiram, efotu hiram to mune, ojo inak hade obe tara hosie; eruk isia do kai, ojo lara ta far no cama ojo isia ata ahuye ade.¹⁴Ojo hinyiomo ilia ohuyik to hiji ho hukwa isia hiyo ile etiru Hiram no Hollum, ati lefie isia to hekoi tonohosie, ojo iwahiti, ibariti ho imuniti ino manya nia ta fau ata higor isia man obiaŋari isia oremik eŋarak inak haŋer ino ogol. ¹⁵Ojo hinyiomo ilia ohuyik to huron ina olibo ara hiyo hullo owon ho tajia ino obis ho ino olibo, etiru Hiram, ata hinief tid no oremik eyani dihan.¹⁶Iyania obe lobo oremik ediek hima ata emuhok to moti, kuya ata erutok aŋolon ho ŋeref. Ati ehumak iso inya to hide filili hijo anyar ilo ojiŋu ahotwai egonyu calai. ¹⁷Obe iso inak hiro eŋofohini obe oremik aleu, kuya hidofe ne emuho, no lobe iso oremik alew ata wuana te icala. ¹⁸Ihuma hitira nalanyar, nyo tuŋani loyita, ofonihini iso ariai, ojo tuŋani lo lobe oyita, odumuni iso tara honye daŋ ho inya eyik inya hijo ayita inya."¹⁹Ata hotonye iko ilasira Yesu afanu to honye, ati obe ifa isia onyiha to honye nyo emonya ifa hiyo. ²⁰Elimak ifa lobo tuŋani inya hijo "Oweta hotonyohoi he ilasira hoi ta bali, awak hiwolo iye." ²¹Ati ojo Yesu ata hitiriŋak to hosie hijo, "Ara hotonye hanaŋ ho ilasira hanaŋ hiyo ilo etira Hiram no Hollum, ata egiamari."²²Owuon ifa to holoŋitek niya ta nafa ohuye Yesu iko hejufutak ilohonye ajiŋahini to nobo togoli, ata hijo to hosie, "Efie do oko kal ho hari tololo." ata isia ebusari mai nya. ²³Atti nafa ayirok isia togoli ahotwai hari, ata Yesu ajiotori, ojo nobo oyami na hari nologol ata awoŋ to hosie etiara hifioŋ ebulari ahotwai ho togoli nia, owuana ifa isia to run.²⁴Niya afanu hejufutak ilo Yesu to honye ata hiticieŋ inya ahide, hijo "etok, etok, efie iyohoi ye!" Odioto inya ata hitiwet oyami ho hifoliaha no hifioŋ man owetari. ²⁵Ata inya hijo to hosie, "Tahu hiruk nahatai?" Ta baŋi nohosie ata isia hililiha bi no ero to wati inohosie, "ŋai ileŋ, lo oriemik hitiwet oyami ho hifioŋ, ata isia daŋ hiruk inya?"²⁶Ifa leba isia ta fau ho Gerasenes nafa to holoroŋ na Galilea. ²⁷Ifa lojo Yesu aliew abali, eboŋ ifa inya ho lobo tuŋani lo doŋe nya. Owon ifa tuŋani lia ho miniaŋa. Holobe ifa inya eciefok boŋojin man beren, obe hidofe amanya ta haŋ, ati amanya ifa inya te ilumioho.²⁸Ifa ewolo inya Yesu, oyyo inya bi no ata ahuyik wan ta fau to hosiere honye. eyorita ata hijo, "Awuon naŋ nyo ko hoi, Yesu, onyi Hollum le Hittok, ata na naŋ iye, baŋa etigiem naya, ²⁹"Efuhuta ifa Yesu oyiri ne ibot hebusak tuŋani lia, nyo eniefita ifa inya hinyahita aria. Kuya efit da hido inya to ririk ho bileta, eriria ida hido hiyo inya, arasa ŋafutori ojo miniaŋa ata eyari ahotwai tim.³⁰Nia ata Yesu hifi inya, "ŋai fure nohoi?" Ojo inya ata hitiraŋ, "iluluŋ no meniaŋa," nyo ajiŋak ifa miniaŋa to honye arria. ³¹Arasa ifa miniaŋa ŋadule tana Yesu hijo hotobiaŋa efuhak isia a hotwaiiwudo.³²Owuon ifa inak bata ha ino etidaha to doŋe. Niya ata miniaŋa niya tana Yesu hefuhak isia hijo ewak isi ta bata ha niya. Ata Yesu aŋata kisia heifie. ³³Afanu miniaŋa tara tuŋani ata ajiŋak ta bataha, ojo bataha ta mai ata efie a doŋe ata ebirok wati inohosie ta hari na hittok ata isia adiori.³⁴Ifa egonyu hiyo Ilafa eribita bata ha hiroinafaowon, enyior isia ofwo elimak to hiyo to bore gala he to ino owon to hotwaihaŋ. ³⁵Afanu hiyo Ilafa etiru oriŋari hiroinafaedoŋ, ata afanu to Yesu oruma tuŋani lafa ebusak miniaŋa. Eciofok boŋojin ojo hoo owon no lobis, le letole to hejek ino Yesu, ata isia baŋi.³⁶Ata hiyo Ilafa egonyu hiro inafa owon efie elimak ilamuk hijo olibe tuŋani lafa ottoŋita miniaŋa. ³⁷Awahan hiyo ilo Gerasenes ho onyihari hosie hifi Yesu he'no tara hosie. Abaŋi ifa isia ata inya ajiŋak to togoli, ata isia aciahari.³⁸Ata tuŋani lafa ebusak miniaŋa tana to Yesu hijo "awak naŋ eno iko hoi." Ojo Yesu ata efahak inya hijo, ³⁹"Acahari ahaŋ hoi, ihiena hiro daŋ ino olibo ino egiem Hollum to hoi.'' Eno tuŋani lia ahhei nohonye, ohu hiro to bore gala hiro daŋ arria ino egiem Hollum to honye.⁴⁰Ifa acohini Yesu, ata iluluŋ no hiyo ta mai efotu inya, nyo etila ifa isia daŋ inya. ⁴¹Niya, awoŋ lobo tuŋani lara fure nohonye Jairo, ara ifa inya etok lo Sinagog. Ohuyek ifa Jairo to hejek ino Yesu nyo awak ifa inya Yesu he'no ahaŋ honye. ⁴²Owuon ifa inya ho ŋani honye nobotie, nara ŋasi inohonye tomon harik, erwahita ifa inya bi no. To heno nohonye, efuduni ifa iluluŋ no hiyo to honye.⁴³Owon ifa nobo hito oŋorwo dia nafa odule hosehe nohonye pule man ŋasi tomon harik, esahak ifa inya arobia inohonye daŋ te ibwana, obe orumu libe tara lobo hosie. ⁴⁴Ata awoŋ okohorwoŋ no Yesu ata hitir hucuŋi no boŋo no Yesu, kwak ta mai nya ata pule nohonye weta.⁴⁵Ata Yesu hijo, "ŋai nia lotir naya?" Nafa orrisai isia, ojo Peturu ata hijo, "Etok, etufuda ilululŋ no hiyo iye." ⁴⁶Ata Yesu hijo, "Etir naya nobo tuŋani dede, ayen naŋ hijo ohu ida golon inya tara naya."⁴⁷Ifa egonyu hito oŋorwo hijo enyai inya henyak hiŋofita hiro inara egem inya, awoŋ daŋ nekikiro, ahuyek to hosiere ho Yesu, ata asalak to hosiere iko iluluŋ no hiyo daŋ, egiem inya hiro ino arrumuni inya lwaha nohonye kwak tara Yesu. ⁴⁸niya, ejo inya to honye, "Hito, etilibo hiruk nohoi iye. Ino to bolioŋ."⁴⁹Ojo inya harasa hiro, awoŋ lobo tuŋani ta haŋ he etok lo Sinagog, Ata hijo, "Oye ŋanni hoi, baŋa etigiema hetiyanani." ⁵⁰Ifa etiru Yesu, ata inya hitiraŋ inya, "Baŋa la baŋ. Iruho ania, ojo iso inya orumu hetilohini."⁵¹Ifa leba Yesu ta haŋ ho Jairo, obe ifa inya lawak lobo tuŋani hotojiŋak daŋ ho inya, Ata inya ebusak, Peturu, Yoani, Yakobo, ojo monye he hotonye ho hito. ⁵²Oyio ifa hiyo inafa owon ojo inak ata riha inya, ata ti inya hijo, "Ibaŋa loyo. Holobe inya oye, ati ofer inya bi." ⁵³Ati ellohitari ifa isia Yesu, to hiyyen nohosie hijo oye hito inya.⁵⁴Atati inya hitidet hito nia ta hani, ata hililoŋ hijo, “Hito, tette." ⁵⁵Ata oyiri nohonye, acohini ata diote ahide kwak. Ata Yesu elimak to hosie hesiara inya nobo daha. ⁵⁶Eliliha ifa haŋ hose, ati ojo ifa inya hotobiaŋa isia ogiofok lobo tuŋani hiro inia.

¹Ata inya elliloŋu hejufutak tomon harik arabotie ata hisio to hosie hilohitok ho dwaran na agalihini miniaŋa ojo etilibori iŋweti. ²Ata Yesu efahak isia etiyanari hiyo obie no Hollum ojo hidofe etilibori haŋwak.³Elimak ifa inya to hosie hijo, "Baŋa eyari inak hiro a mai nya efuye itai, adahat, kullo, imune, arobia ho boŋojin arik. ⁴Itolojo ta haŋ nya etolojori itai man ebusahini itai mai nya.⁵Ituturok tuduha tara hejek inahatai te ilia ile ebo itai hatara. Ituturok tuduha tara hejek inahatai te ilia ile lebo itai hatara hituhuti to hosie lebusak itai doŋe inya." ⁶Ata isia efie to hiji ho misihi, ilimak saye ino olibo ojo isia daŋ etilibo hiyo ta masik ariai.⁷Iyania, etiru ifa Erode Mamur lo Tetraka hiro daŋ inafa owon, ata inya ŋuŋusia bi no, nyo ojo ilamuk hijo ebuhu Yoani Batista to ye, ⁸Ata ilak hijo aliew Elija, ojo ilak arasa hijo, "Enyak hekilak Ilafa ho beren ebuhu. ⁹Ejo Erode, “aŋutu ifa naŋ hoo no Yoani, ŋai hidofe lia enyak naŋ hititira hiro inohonye?” ata Erode siaha hikoi hijo awak inya egonyu Yesu.¹⁰Ifa acohini hejufutak ata isia elimak to Yesu hiro inafa egiem isia, ata inya eyari he inya isia abore gala no Bettesaida. ¹¹Ati ifa etiru iluluŋ no hiyo ata ejufari inya, ojo inya ata efotu isia ero to hosie hiro ino obie no Hollum, etilibo Ilafa lawak libe.¹²Ifa laswori holoŋ afanu hejufutak tomon harik hijo to honye, “Ifuhak iluluŋ nia amasik inohosie anyar lofwo arrumu ijotiti inohosie ho nobo daha, nyo ewuon iyohoi ini te icala.” ¹³Ati ojo inya to hosie, “Isiara to hosie inamuk hiro hatadahai.” Ojo isia ata hijo, "Ewoun iyohoi he imuniaha miet ojo ham arik ija.” Eremik mahu iso iyohoi einyaŋu ŋiria te iluluŋ nia daŋ. ¹⁴Ara ifa hiyo daŋ alif miet. Ata inya hijo to hejufutak ilohonye, “Isiara hiyo hotohunya ta fau, hotowuana iluluŋ ho tomwana miet hame.”¹⁵Ifa ehum hejufutak inia daŋ, ohitole hiyo daŋ ta fau. ¹⁶Ata inya adumu imuniaha miet ha ham arik liya ata hiwolo ahide ido ata hijok isia, ata hibubun isia ata hisio to hejufutak ilohonye hata harak te iluluŋ. ¹⁷Enya ifa isia man ofoŋi ata eduduhak inafa ofitini man enyak etufutak gufahien tomon harik.¹⁸To nobo far ifa, eno Yesu omojori hamai, owon ifa hejufutak ilohonye ata inya hifi isia hijo, “Hojo hiyo ŋai naya?” ¹⁹Ata isia hijo, “Iye Yoani Batista, ata ilak hijo iye Elija, ojo ilak Ata hijo iye lia lobo hekilani Ilafa ho beren enyak ebuhu.”²⁰Ata ati inya hijo to hosie “ati ojo itai naya ŋai?” ata Peturu hijo, “Iyye Kristo lo otu tara Hollum.” ²¹Ati esor Yesu isia hijo hotobiaŋa elimak lobo tuŋani, ata hijo, ²²“Orumu iso onyi Tuŋani hitigiema hiro ariai, ebo iso hiyo ilo hittaha, fadirihien he hegiorok inya, Ata attohe inya, ata ebuhu to holoŋ hitahunihi no holoŋ.²³Ata inya hijo daŋ to hosie, “awak lobo tuŋani ejufuni naya, isiara inya hotogwe wan nohonye. Hotolororoi Kuruce nohonye holoŋitek daŋ ata ejufari naya. ²⁴Awak lobo tuŋani hiciem hetulwahu manya nohonye etilitek iso inya. Ati letilitek manya nohonye to hiram nanaŋ, etuluahini iso inya. ²⁵Holibo ati inya jai to tuŋani arumu inya hiro daŋ huna ta fau, ati ata etilitek wan nohonye?²⁶Eloriri tuŋani naya he hiram nanaŋ, eloriri iso onyi Tuŋani inya lacohini iso inya to ohwo nohonye, ho ohwo no Monye he anjilohien ilo Olibo. ²⁷Ati elimak naŋ itai dede, owon ilak ilahatai ilo oweta ini, ilo obe oremik hiniŋ ye man egonyu obie no Hollum.”²⁸Ta halu ho holoŋitek hotohunik ta nafa erarari Yesu hiro niya, ata inya eyari daŋ iko inya Peturu, Yoani ojo Yakobo, ata eno a doŋe omojori. ²⁹Eloito ifa homom nohonye, ojo boŋojin inohonye obwor no opipiak.³⁰Ata ilak hiyo ohorik hidoŋ ile ero iko inya! Ara ifa isia Musa he Elija, ³¹oliehini ifa isia to kwatan. Ero ifa isia heno nohonye alieu to Yerusalem, ho hiram nolohu inya atubak to Yerusalem.³²Ojotori ifa Peturu bi no he Ilafa owon he inya. Ati nafa aceŋu isia, ata isia egonyu kwatan nohonye ojo hiyo ohorik oweta iko inya. ³³Ifa efie isia ade tara Yesu, ata Peturu hijo to honye, “Etok olibo te iyohoi ha awuanari ini ko hoi. Eduhok iso iyohoi ticio hunik, nobotie to hoi, nobotie to Musa ojo nobotie te Elija.” Obe ifa inya oyen hiro ino ero inya.³⁴Ta nafa harasa inya hiro huna, ata itiran awoŋ ata eburuhak isia; abaŋi ifa isia nafa eburuhak itiran isia. ³⁵Otu ifa hiram tara itiran no ojo, “Onyi hanaŋ Onyimoti ileŋ. Itira to honye.” ³⁶Ifa esaha hiro, ata Yesu wuana hamai. Odwari ifa isia hiro inia to holoŋitek niya obe elimak to lobo tuŋani hiro inafa egonyu isia.³⁷To motie to nohonye, ifa acohini isia to doŋe aŋolon, ata inya hiboŋ he iluluŋ no hiyo. ³⁸niya, ata lobo tuŋani hilulwo to hiji he iluluŋ hijo; “Hetiyanani, ata na naya iye, towolo onyi hanaŋ, ara inya hito lalaŋ lobotie jaa. ³⁹Ewolo iye, eniefita oyiri no oru inya, kwak man otuni ahabunak to hutuk honye. Obe ebusuta inya to holoŋi, ebusak inya to golon, ata eriafu inya no oru ebusak inya. ⁴⁰Ata na naya hejufutak ilohoi hefuhai ade tara honye, ati obe oremik.”⁴¹Ata Yesu hitiraŋ hijo, “Itai hullo obe huruk, hilahaji no hemumunak, hadulei iso naya manya ikatai man anu? Iyani onyi hoi lia ini.” ⁴²Ta nafa otuni hito, ata miniaŋa abwarak inya ta fau ata hefufudok inya no oru. Ata ti Yesu hiriŋ oyiri nafa nebot ata hitilibo oŋeye ata hisio inya to monye honye.⁴³Eliliha ifa isia bi no to duaran no Hollum. Ojo isia arasa daŋ hililiha to hiroinafa egiem inya ata inya hijo to hejufutak ilohonye, ⁴⁴“Isiara hiro inia daŋ hotojiŋak to yohe inahatai, nyo esiarahini iso onyi Tuŋani ta has ho hiyo.” ⁴⁵Ati obe ifa isia oyen hiro ino ero inya. Nyo eŋofo ifa tara hosie. Abaŋi ifa isia hifi inya hiro ino ero inya.⁴⁶niya ata isia arijahini to wati inohosie hijo ŋai iso ara etok to hiji hosie. ⁴⁷Nafa aheru Yesu higigilita ino tajia inohosie, ata inya adumu lobo iŋeyye, ata ehumak inya to oko ŋati nohonye, ⁴⁸Ata hijo to hosie, "Efotu lobo tuŋani iŋeye ile hitiŋ iya ina to fure nanaŋ, efotu iso inya naya, efotu lobo tuŋani naya, efotu iso inya lia efahu naya. Nyo tuŋani lara halu tara hatai daŋ ara iso inya etok ta hatai.”⁴⁹Ata Yoani hitiraŋ hijo, “Etok ewolo iyohoi lobo tuŋani efuhuta miniaŋa to fure nohoi, ata iyohoi hitiwet inya nyo obe inya ejufutani iko iyohoi.” ⁵⁰Ati ata Yesu hijo to honye, “Baŋa etiwet inya, nyo tuŋani lobe ebo itai ara lahatai.”⁵¹Nafa eliaha holoŋitek ino ohuye eyari inya eno ido, ata inya etiyitok homom nohonye a Yerusalem. ⁵²Ata inyaa efahak efahat ilohonye to hosiere honye, ofwoo isia ajiŋak to doŋe nobo no Samariai anyar efotu inya. ⁵³Ati ebo ifa hiyo efotu inya nyo awak ifa inya eno a Yersulaem.⁵⁴Ifa ewolo hejufutak ilohonye, Yoani iko Yakobo, ata isia hijo to honye, “Habu, ibe iye ewak iyohoi heliloŋo hima te ido hetihara isia?” ⁵⁵Ati oyito Yesu ata hiriŋ isia. ⁵⁶Ata isia efie a nobo doŋe.⁵⁷Nafa efie isia to hikoi nohosie ojo lobo tuŋani to honye, “Ejufari iso naya iye amai nya ehu iye.” ⁵⁸Ata Yesu hijo to honye, “Owuon obeyohi he iwudoho inohosie, ojo ceŋ ino hide owon ha hajik inohosie, ati obe onyi Tuŋani owon ha mai no oremik hetifierihini hoo nohonye. “⁵⁹Ata inya hijo to lobo tuŋani, “Ijufuni naya.” Ojo tuŋani lia to honye, “Habu ibusak do awu naŋ anuhak monye hanaŋ.” ⁶⁰Ati ata Yesu elimak inya, “Ibusak hayoni hotonuhak hayok ilohosie, ati ino ilimak ta masik daŋ obie no Hollum.”⁶¹Ata lobo tuŋani hijo, “Ejufari iso naya iye, Habu, ati isiara naya awu efonyini isia ino owon ta haŋ hohoi.” ⁶²Ata Yesu hijo, “Obe lobo ehumak hani nohonye to keibu ata hiwolo ahalu, obe inya osiru to obie no Hollum.”

¹Ta halu ho hiro huna, ata Habu anyimu ilamuk tomwana hatarik ata efahak isia ohorik a hosiere honye amasik daŋ ino awak inya awuye. ²Ata hijo to hosie, “Odon mana, ati eduhuco hegiamak. Kokwak hitimoje ta Habu la mana, anyar efahak hegiamak ilohonye a mana odioŋori.³Ifeti hhei nahatai. Itiwolo, efahak naŋ itai iya huloho to hiji he ewuoho. ⁴Ibaŋa eyari inamuk arobia, kulo, hamuha, ejo itai ibe efony lobo to hhei.⁵5Ta masik ino ejiŋak itai hosiere Itijo, ⁶‘Hotowuana himwara ta haŋ ina,’ Owon tuŋani lo himwara dia, owon iso himwara to honye. Ojo lobe, ocohini iso ta hatai. ⁷Itudule ta haŋ nya daha, itimat hiro ino esio isie ta hatai, nyo awak hegiamani idumuti inohonye. Ibaŋa ofwo ta haji ade nobo.⁸Itinya hiro ino eba to hosiere hatai ta masik ino efuye itai, ⁹itilibo haŋwak ino owon dia. Ilimak to hosie hijo, 'Eliaha obie no Hollum ta hatai.'¹⁰Ati efie itai ajiŋak to nobo bore gala, ojo isia obe efotu itai, ifeti ahhei ata itai hijo, ¹¹‘Ara ida hido tuduha nahatai ediho ta hamuha ino hooi, etuturok iyohoi daŋ ta hatai! Anyar iyen hijo, eliaha obie no Hollum.' ¹²Iya ajo naŋ ta hatai hijo, ta far nya obolo iso ŋoto nahatai agalik no Sodoma ta far no ŋoto.¹³Oru iso ta hatai Korasin! Oru iso ta hatai Betasaida! Owon ifa hiro ino olibo ta Tiyre ho Sidona ta hatai, oyite ifa isia beren, ata ahunyai to siwali. ¹⁴Ati eyyak iso to Tiyre he Sidona ta far no ŋoto, ata run ta hatai. ¹⁵Itai Kapernauma, egigilo iso mahu itai hijo eba iso itai te ido? Obe, iso itai efwo ahima.¹⁶Lia le etira ta hatai, etira ta hanaŋ, ojo lia ebo itai, ebo naya, ojo lia ebo naya, ebo lia efahu naya.”¹⁷Ata liya tomwana hatarik harik acohini ho mune ata hijo, “Habu, origoŋo miniaŋa to hoi to fure nohoi.” ¹⁸Ata Yesu hijo to hosie, "Ariŋa ida naŋ Sitan lohuyu te ido iya hila. ¹⁹Itiwolo, esio naŋ ta hatai golon ne eriori itai munok, tosi, golon na agalik mioroni, obe iso nobo sihin eriafu itai. ²⁰Hotobiaŋa itai emuno hijo origoŋo oyirihien ta hatai, ati itimune bi no hijo egioro fureta inahatai te ido.”²¹Ta far nya, omuno ifa inya to Oyiri lo Olibo, ata hijo, “Etihabwo naya iye, Monye, Habu la fau he ido, nyo eŋofok iye hiro huna tara leferejok, ata isia alieu to hiyo ilo obe elefere, iya iŋeyaha. Ee Monye, isiara hotowuana iya ewak iye.”²²“Esio ifa Monye hanaŋ ta hanaŋ hiro, obe lobo tuŋani oyen onyi arace Monye, obe lobo tuŋani oyen Monye arace Onyi, ojo to tuŋani awak Onyi, etuhutek iso inya.”²³Ata inya hijo to hejufutak ilohonye kaikai, “Hotomune ilia egonyu hiro ino egonyu itai. ²⁴Ajo naya ta hatai, hijo emonya hekilak ilo awak egonyu hiro ino egonyu itai, ati obe isia oremik egonyu, awak hidofe hitira hiro ino etira itai, ojo isia obe oremik hitiru isia.”²⁵Odioto ifa lobo lo Yudea hetiyanani lo ifahita ata hicem Yesu hijo, “Hetiyanani, hehum iso naya nyo hijo anyar arrumu wuaran no osio fur?” ²⁶Ata Yesu hijo to honye, “hojo hifahita nyo? Ehiana iye isia jai?” ²⁷Ata inya hitiraŋ hijo, “Tomune Hollum Habu lohoi ta taji nohoi daŋ, to Oholio nohoi daŋ, to golon nohoi daŋ, ojo to higigilo nohoi daŋ, iko onyihari lohoi iya wan nohoi.” ²⁸Ata Yesu hijo to honye, “Etiraŋak iye no lobis. Igiama ino ojo iye Ata manya.”²⁹Ati awak ifa hetiyanani etibisak wan nohonye, ata hijo to Yesu, “ŋai ara Onyihari lalaŋ?” ³⁰Ata Yesu hitiraŋ hijo, “Owu ifa lobo tuŋani aŋolon to Yerusalem a Yerhe. Ata inya ohuyik to hiji ho hahalak Ilafa esohu ahoru hiro inohonye, ata Hilum inya, ata ebusak inya to hikoi ahayoni.³¹Ojo lobo fadiri owu to hikoi nya, ati ifa egonyu inya haŋwani, ata hilaŋ to nobo hikoi. ³²Ata lobo hegiamani lo kelesia awoŋ. Ifa egonyu inya, ata hilaŋ to nobo hei.³³Ati owu ifa lobo Samaritani hikoi nohonye, ata awoŋ amai nya nafa owuanari inya. Ifa ewolo inya omehini ifa inya to honye. Ata ehutok to honye, ata hififit horoŋon inohonye, epot, ata ejuhok hiyali ho balu to hosie. ³⁴Ata akafak inya ahide ho caŋ, ata eyani inya a hotwai kulub, ata ehuhumak inya. ³⁵To hitarihi na far nohonye, ata adumu arobiya inohonye arik ata hisio isia to tuŋani lafa oriŋa inya ata hijo, 'Iyari ho toriŋai inya, owon inak hiro ino esio iye to honye, attu iso naya adumak iye acohini naya.'³⁶Lari tuŋani ara onyihari lo tuŋani ohuyik to hahalak ilia ohunik?” ³⁷Ata hetiyanani hijo, “lara omehini to honye. “Ata Yesu hijo to honye, “Ino igiama ania.”³⁸niya, ofwo ifa isia hhei nohosie, ata ajiŋak anobo doŋe ojo nobo hito oŋorwo nara fure Marta hiŋa to hosie hikat nohonye to hosie. ³⁹Owuon ifa inya he inasi nara fure Mariai nafa etole to hicuŋi no hejek ino Yesu ne etira hiram nohonye.⁴⁰Ata ti Marta nafa egigiama awoŋ to Yesu ata hijo, “Habu, ebe ati iye ewolo inasi hanaŋ ebusak naya hehuma igiem hame, “Tojo to honye woŋ hotolwak naya.” ⁴¹Ata ti Habu hitiraŋ, ata hijo to honye, “Marta, Marta, helafuho iye hiro ariai, ⁴²Ati owon sihin nobotie nala galik. Anyimu Mariai no olibo to honye, nolobe iso eyari ade tara honye.”

¹Nafa atuhu inya mojo to nobo mai, ata lobo hejufutani lohonye hijo, “Habu, itiyana iyohoi mojo anyar eyen iyohoi iya nafa etiyanari Yoani efahat ilo honye.”²ojo Yesu to hosie, “le mojo itai, itijo 'Monye, isiara fure nohoi hotolibe. Tojo obie nohoi awoŋ.³Isiara toohoi ena ŋiria nohooi ina to holoŋi. ⁴Ibusak hiyata inohoi iya ina ebusahini iyohoi hiyo ilo horosi ino hohoi. Heyari iyohoi to hisusuta.'”⁵Ata Yesu hijo to hosie, “Lari lia tara hatai owon iso ho mote, ata eno to honye ta harie, ''Ila tolwahak naya ilak imuniaha ohunik, ⁶Lia lobo motte hanaŋ eba bi Iyania ojo ilak hiro obe ile aremik naya hisio to honye.' ⁷Ojo lia to hotwai haji ata hitiraŋ hijo, ‘Baŋa etigiama naya, esiono ikat, ojo dure inanaŋ daŋ owuana ta masik iko iferiti. Abe naya aremik diote hesiarari imuniaha tohoi.' ⁸Ajo naŋ ta hatai, ojo ida hido inya abe inya adioto hesiarari to hoi. Iyania lera iye amotte honye, ati iyania anyar itai ewuanari horiri, hadule, odioto iso inya ata hisio to hoi imuniaha ariai man ino oremik to hoi.⁹Ajo naŋ daŋ ta hatai, ifia, ata iso hisio ta hatai, itufai, ejo iso itai erumu, ikukuŋo, ojo iso ikat aŋa ta hatai. ¹⁰To tuŋani elefia, esiarahini ojo to tuŋani eletufa orumu iso inya; ojo to tuŋani elekukuŋo aŋa iso ikat to honye.¹¹ŋai lia tara hatai lefi onyi honye monye imune, ojo monye ata hisio to honye morwo ta mai he imune. Kuya hami ata hisio munu? ¹²Kuya efia inya hateli, ata hisio to honye hito? ¹³Ta mai nia, era itai hegiamak ho hipalita anyar eyen hijo inari olibo esio to dure ina hatai, hara iso jai ino esio Monye hatai te ido Oyiri olibo to hulo efia inya?”¹⁴Ta halu, ata Yesu efuhai miniaŋa ade tara lobo tuŋani lafa obe ero. Nafa erwat miniaŋa ade ata tuŋani lafa odwa hiro. Eliliha ifa iluluŋ! ¹⁵Ati ata ilak hijo, “Hilohitok no Belsebul etok lo miniaŋa ne efuhari inya miniaŋa.”¹⁶Ecem ilak inya hijo ewak isie hitimijani to honye te ido.” ¹⁷Ati oyen Yesu higigilita inohosie ata hijo to hosie, “ahabwe daŋ nolobwanya to wan, oturo iso hame, ojo haji nolobwanya to hiji ohuye iso.¹⁸Ebwany Sitan wan nohonye hame, howeta iso obie nohonye jai. Ojo itai hijo efuhuta naya miniaŋa to hilohitok no Belsebul. ¹⁹Le efuhai naŋ miniaŋa to hilohitok no Belsebul, ta ŋai efuhita hejufutak ilahatai isia ade? Ara iso isia haŋotok ilahatai. ²⁰Ati efuhai naya miniaŋa to hafialai no Hollum, otu iso obie no Hollum ta hatai.²¹Owon lobo tuŋani logol he iremiti inohonye heririari haji no honye, otuba iso hiro inohonye dia, ²²Ati awoŋ lobo tuŋani ile ogol amire inya, tuŋani lia ogol eyari iriemiti tara tuŋani lie ojo orujori ibariti ino honye. ²³Lie lobe owon ikanaŋ ara amereni lalaŋ. Ojo obe otubahini ikanaŋ esarik iso.²⁴Le no oyiri no oru ade tara tuŋani, ojiŋe to masik ino lobe hifioŋ hetufari mai iwetit. obe orumu, ojo inya hijo, 'Awu naŋ iso acahari ahaji nara attuni naŋ.' ²⁵To hiba nohonye, orumu haji nya ofia ojo ehuhumahini nalanyar. ²⁶Niya, ata awoŋ iko inak oyirihien hatarik ino oru no agalik inya hamanyari dia. Ati to hucuŋi orun fa manya no tuŋani lia no agalik nafa to hitieri.”²⁷Nafa Esahak inya hiro nohonye, ata nobo hito oŋorwo hihaf hutuk nohonye ahide to hiji he iluluŋ ata hijo to honye, “Hotowuana jaha to hosehe nafa esiu iye ojo hinai nafa etidasu iye.” ²⁸Ata ati Yesu hijo “Hotowuana jaha to hosie ilia ile etiru hiro ino Hollum ata attunak.”²⁹Iya nafa ebibolori iluluŋ no hiyo man ariai, ata inya hitira hiro, “Hilahaji ina amurie hilahaji ina. Osiaha iheriti ati obe iso nobo ne esiarahini to hose arace ihierit no Yona. ³⁰Iya nafa arace Yona ahutuhuti to hilahaji ina.³¹Odioto iso Habu hito oŋorwo no Seba to ŋolon to ŋoto no hiram. Ata etisiahak hiyo hullo iyania nyo otu inya ta fau honye na alama hetirini ofioroho ino Habu Solomone. Elimak naya itai, owon lobo tuŋani ini lagalik Solomone.³²Oweta iso hiyo ilo Nineva to holoŋ no ŋoto ho hiram, ata etisiahak hiyo ilo ena, nyo ebusak ifa isia hiyata inohosie nafa etirini isia hitito no Yoani. Elimak naya itai owon lobo tuŋani ini lalagalik Yoani.³³Obe lobo tuŋani etuwulek hima to lomo honye Ata eŋofok ta mai noloriok ata emuhok to hotwai ho gufa, atati ahasak to filili anyar ilo ojiŋai, egonyu icala. ³⁴Ati ara honyek allomo to wan hoi. Olibe honyek no hoi, acala wan no hoi bi daŋ. Ati obe honyek hoi olibo, ata wan no hoi hufut he idumele. ³⁵Ihuma riŋa hijo hotobiaŋa calai nia owon to hotwai hatai ara idumele. ³⁶Owuana ania, efut wan nohoi daŋ ho calai obe lobo mai owon he idumele, ara iso wan nohoi iya lomo nia eticala iye.”³⁷Nafa atohu inya hiro, efia ifa lobo lo Farisei inya heno he inya ahaŋ honye adahari, ati Ata Yesu ajiŋe ahotwai ata afirie ta fau. ³⁸Ojo lo Farisei lia ata hililiha hijo adaha Yesu obe ellila has.³⁹Ata ati Habu hijo to honye, “Iyani ta hatai Farisei, ellila itai horwoŋitek ino kubayat he fedito ati ojo hotwajin inahatai efut he hiŋaru ojo run. ⁴⁰Hulo obe higigilita hulloŋ obe ara hayani ho horwoŋ oyieu hotwai? ⁴¹Isiara to locaŋak ino owon ta hatai, ojo hiro daŋ ta ati libe ta hatai.⁴²Ati oru iso ta hatai Farisei nyo esiara itai arobiya ina hatai huna tomon man to hoyiek ino mana, ejo itai eguwe ibisiti he mune no Hollum. Osiru hehumari no obis ojo emunori Hollum hotobiaŋa eguwe, ebe egiem hiro niya inak daŋ.⁴³Oru iso ta hatai Farisei, nyo emuno itai hitolojita ino hosiere to Sinagogi ho hifonya ta baŋi ta masik ino Suk. ⁴⁴Oru iso ta hatai, ewuon itai iya ilumioho ino obe hituhuta huna etirio hiyo obe ŋai oyen.”⁴⁵Ata lobo hetiyanani lo hifahita lo Yudei hitiraŋ inya hijo, “Hetiyanani, ejo iye omoro iyohoi daŋ.” ⁴⁶Ata Yesu hijo, “Oru iso ta hatai hejufutak ilo ifahita! Emiatak itai hiyo hiro ino ogol heyuhitai, ati ibe itai eremik hittir ta hafiala inahatai.⁴⁷Oru iso ta hatai, nyo iduhok itai ilumioho to hekilak, ati hohonyok ilahatai ifa ottohe isia. ⁴⁸Era itai a suti, te igiem no hohonyok ilahatai, nyo ottohe ifa isia hekilak, Ilafa eduhok itai ilumioho to hosie.⁴⁹To hiram to nia, ejo ofioroho ino Hollum, 'Efahak iso naŋ hekilani iko efahat to hosie ilo ofwo hitigiem ata atohe ilak ilohosie.’ ⁵⁰Ara iso hilahaji ina hatohok ho hekilak Ilafa ho beren to hitieri na fa, ojo hoto nohosie ehiana ekumohini to hosie. ⁵¹Teya hoto no Abel man to hoto no Sakariya, lafa otohok hiyo to hiji ha altari he ta haji imojit no odua. Ee, ajo naŋ ta hatai, ara hilahaji inaŋ hilahaji no otu weta ta far no ŋoto.⁵²Oru iso ta hatai hejufutak ilo hifahita ilo Yudei nyo adumu itai iŋanyit lo ofioroho; ebe itai ejiŋak to wati inahatai, ejo itai etihita ilia ilo ojiŋita.”⁵³Ta halu eno Yesu ade, ata egiorok ilo Farisei hitirija inya to hiro ariai, ⁵⁴Awak etilohu inya to hiroita inohonye.

¹Tanafa otubai iluluŋ no hiyo alif nobotie, bi no man eririo hejek ino hosie, etiara inya hijo to hejufutak ilohonye to hitieri, “Ihuma riŋa bula ino Farisei, na ara hinyaba.²Ati obe iso nobo sihin eŋofa, nolobe iso oremik aliew, obe iso lobo sihin leŋofahini, obe egonyuni. ³Hiro ino ero itai te idumele etirini iso te icala, ojo hiro ino ohohoyik iye to yohe to hotwai haji, etiru iso hiyo to hide ha haji.⁴Ajo naya ta hatai motiarak hanaŋ, ibaŋa abaŋ ilo otohe wan, ojo ta halu enyei isia helenyak higiem inak hiro. ⁵Ati asar iso naya itai to tuŋani leremik itai baŋi, itibaŋa lia otohoi, owon ho golon he ebirohini iye to hima, ajo naŋ ta hatai, itibaŋa inya.⁶Obe ati kibosien miet etinyaŋari ta arobiyaha hulo kai? Obe ati lobo hidonye tara hosie oremik aguori to hosiere ho Hollum. ⁷Ehenuni hofir inia to hosi hatai. Baŋa abaŋ. Egalik itai kibosen ariai.⁸Ajo naŋ ta hatai, tuŋani loremik eruhok naya to hosiere ho hiyo, eruhok iso onyi Tuŋani inya to hosiere ha anjilohien ilo Hollum, ⁹ati lia orisa naya to hosiere ho hiyo arisa iso naya inya to hosiere ha anjilohien ilo Hollum. ¹⁰Tuŋani le ero hiro ino oru to onyi Tuŋani, ebusahini iso inya, ati to lia ero no oru to Oyiri Olibo, obe iso inya ebusahini.¹¹Eyani isia itai ahosiere ho Sinagogi, ta haŋotok, he te ettaha, ibaŋa elafuho hijo efie iso itai hiro jai to wati inahatai, kuya hijo iso itai jai, ¹²Etiyenik iso Oyiri lo Olibo hiro ino efwo itai hiro ta sa inya.”¹³Niya ejo lobo tuŋani to hiji he iluluŋ to honye, “Hetiyanani, ilimak ilasi hanaŋ hotobwany ika naŋ lorutat.” ¹⁴Ata Yesu hijo to honye, “Ileŋ, ŋai ojo ara naŋ haŋotoni he ohe la hatai?” ¹⁵Ata inya hijo to hosie daŋ, “Ihuma riŋa hotobiaŋa hiŋaru ojiŋak ta tajia inahatai. Nyo obe manya no tuŋani ara himuinya ne ibariti inohonye.”¹⁶Ata Yesu elimak to hosie hitiriamita hijo, “Odon ifa mana no lobo tuŋani hasamani bi no, ¹⁷Ata inya higigil to wan to no honye hijo, ‘Ehum iso naŋ jai nyo abe naŋ awuon ha mai na atunari ŋama?’ ¹⁸Ojo inya, ‘awu naŋ higiem tiji. Awu iso naŋ anitok ahafu ibatiha ina hanaŋ a fau ata hiinyak aduhok hatara ino hittaha, ajo naŋ Teya attunahini ŋama inanaŋ daŋ ha saŋ. ¹⁹Ajo iso naŋ to oholio nanaŋ, “Oholio, iwuon iye ho hiro iluluŋ ino otuna ŋasi ariai. Toyiria bolioŋ, tadahai, tamatai, tomune.”'²⁰Ati ojo Hollum to honye, 'Lobolit ileŋ, Awak oholio nohoi adumuni ade ta harie te ina. Hiro ino etunak iye, hara iso hiro inia ina ŋai?’ ²¹Ara iso nia iya tuŋani lotunak to wan to no honye ibariti ino obe ara ibariti to Hollum.“²²Ejo Yesu to hejufutak ilo honye, “Ajo naŋ ta hatai, ibaŋa elafuho manya nahatai he hiro ino efu itai daha he wati inahatai - hijo hara iso hiro ino eciefo itai nyo. ²³Agalik manya ŋiria, ojo wan agalik boŋojin.²⁴Itogil ohurrahi, huna obe oyek hinyomo obe odieŋu inak ŋama. Obe owon ho mugu ati etama Hollum isia. Elibo itai bi no egalik cieŋ! ²⁵ŋai lobo lahatai lo oremik afonik far no honye no wuaran! ²⁶Ati lobe itai eremik higiem ile hittiŋ no nyo elafuho itai to hiro ariai?²⁷Itogil furieni no yani ne elahaman, hobolo isia jai. Obe isia egiama, obe einyaŋa, ajo naŋ ta hatai ara hido Solomone ta amanyari honye daŋ obe ifa ecofo boŋojin iya inia. ²⁸Iya eticofo Hollum miyaŋ nya to hotwai ha mana, ina owon ena, ojo motie ebirohini ta mai no oswahari haranyanya, hiticef iso inya itai, Itai huloŋ odico huruk!²⁹Ibaŋa osiaha hiro ino efwo itai daha iko ino efuo itai himat, baŋa elafuho. ³⁰Osiaha hiyo ta fau daŋ hiro huna ojo Monye hatai oyen hijo ewak itai hiro huna.³¹Ati itisiahai obie no Hollum ojo iso hiro inia daŋ ofonihini ta hatai. ³²Ibaŋa ebaŋ, hiro hulo hitiŋi, nyo omuno Monye hatai hesiarari ta hatai obie.³³Itinyaŋak ibariti ina hatai ata itai hisio to locaŋak. Ihuhumak kulosien to wati hatai ino obe iso oremik gwuasa etunari ibariti ino ido ino obe oremik hiruat. ino obe hahalak afanu aŋati, ojo hido ino obe itoŋ oremik hituru. ³⁴Mai nowanari ibariti inohoi, owon iso taji nohoi dia.³⁵Ititodok boŋojin inahatai te itodit ahotuai, isiara lomohien ina hatai hotodule wulei, ³⁶Itiwuana iya hiyo ile etila etok lohosie, lacohini teya ho hiyama, ojo inya otu hikukuŋ ikat, anyar honye osony isia hiŋa ikat to honye.³⁷Hotomune hegiamak, hullo otu etok lohosie arumu oriŋa awoŋ inya. Dede elimak naŋ ta hatai hijo otodok iso inya boŋojin ino honye, ata elimak isia hotohunya ta fau, ata iso inya awoŋ hisio to hosie ŋiria hata dahai. ³⁸Otu etok ta tari te iriŋit hitarihi, kuya hidofe te iriŋit hitahunihi, otu arumu isia oriŋa, hotowuana jaha to hegiamak ilia.³⁹Oyen monye haji saa no otuni ohoho, no obe inya ebusak haji no honye esiahari ohoho dia. ⁴⁰Iririai hidofe itai, nyo obe itai eyen saa no otuni onyi tuŋani.“⁴¹Ojo Peturu, Habu, ero iye hitiriamita inia te iyohoi hame he to hiyo daŋ?" ⁴²Ata Habu hijo, “ŋai iso ati lia eruk ojo ara a heririani lo otu Habu lohonye hihaf ahide tara liya ile egiama he inya hesiara to hosie ŋiria nohosie ta far ta awahari hosie?” ⁴³Hotomune hegiemani lia, olodule higiama te etok man orumuni inya acohini etok. ⁴⁴Dede, elimak naŋ itai hijo ehumak iso inya inya daŋ a hosiere hosie.⁴⁵Ati ejo hegiemani lia ta taji honye, ‘Etiliŋa habu lalaŋ acohini no honye,’ ata hitiara baha hegiemak liawa he ŋorwo niya, hijo adaha, amata man oruma, ⁴⁶Otu iso habu lo hegiemani lia to nobo holoŋ ina emiŋari inya obe eriria, ojo to nobo sa no obiaŋari inya oyen, ata iso hiŋoŋot inya a ilo hitiŋi ata ahutak mai to honye he ilo obe eruk.⁴⁷Hegiamani lia, nafa eyen higiemita ina Habu, ojo to biaŋan hiriria kuya egiem to higiemita te ino honye, abaha iso te ibahiti iluluŋ. ⁴⁸Ati lia obe oyen, ata higiem hiro ino olibo, abaha iso te ibahiti te ino odico. Ile emiata hini iluluŋ to hosie, emieta iso ino awak hiyo tara honye. Ojo lia le esio hiyo igiem netok, awak iso hido isia netok tara honye.⁴⁹Atu naŋ ebirok hima ta fau, ajo naya hijo aswahahini mahu hafa beren. ⁵⁰Ati halawon naŋ ha batisimo ta hanaŋ iya awak naŋ hibatiso, ojo to hitaban ta hanaŋ man esahari.⁵¹Hegigilo itai hijo attu naya hisio himwara ta fau? Obe, elimak naŋ itai, eyyani naya bwanya. ⁵²Ena man ahosiere owon iso hibibwanya ta haji nobotie, man ena owon iso miyet ta haji, hiyo ohunik oliwari ohorik kuya ohorik oliwari hiyo ohunik. ⁵³Obwanya iso isia, oliwari monye ho hito, ojo hito oliwari ho monye, oliwari hotonye ha ŋani, ojo ŋani oliwari ho hotonye; oliwari homoni ho homoni.”⁵⁴Ero ifa Yesu te iluluŋ,” ejo itai ewolo itiran to aswori ho holoŋ, kokwak ijio itai 'awoŋ hai.' kuya ohu hai san. ⁵⁵Ojo egonyu itai oyami ohutuni takal ho ŋolon, ata itai hijo 'Eno holoŋ nohon ata hidoŋ. ⁵⁶Etimiyahak, eyen itai hahieru hiro ino edoŋ ta fau ojo te ido, jai ati ebe itai eremik hiloit hiro ina ena?⁵⁷Nyo ebe itai eŋotok hiro ino olibo ta hatai? ⁵⁸Ejo itai efwo iko hebalahani lohoi ahosiere ha haŋotoni, to hikoi, itibisak honye hiram nia, hotobiaŋa inya eyari iye ahosiere ho lokiko hijo hotobiaŋa ofuo ehumak iye a hotuai Babus. ⁵⁹Ajo naŋ ta hatai , ibe iso itai eremik afanu ade man edumari itai arobiya ilo eduhuco.”

¹Ta far inya owon ifa ilak hiyo ilo elimak hiram no hiyo ila Galilea Ilafa eharrik Pilato hoto nohosie he hibulucuta ino hose. ²Etiraŋ Yesu ata hijo to hosie, “Egigilo itai hijo agalik hiyata ino Galilea liya ilak daŋ inya nia etigiama hiyo isia to hhei nia?” ³Obe, elimak naya itai, ati lobe itai eyito tara hiyata inahatai, eye iso itai daŋ inya.⁴Kuya hiyo liya tomon hohotohunik ilo Siloma Ilafa ohuyik haji ata atohe isia, egigilo itai hijo ara ifa aheyak ilo agalik hiyo ilo Yerusalem? ⁵Obe, ajo naŋ ta hatai le be itai ebusak hiyata, eye iso itai Iyania.”⁶Ata Yesu elimak to hosie hitigiri, “Owuon ifa lobo tuŋani iko ŋaboli neledulahini ta mana honye no Fino. Ojo inya ata awoŋ ŋariŋari hijo eŋarak bahati haŋer inohonye ati obe orumu inak. ⁷Ojo tuŋani lia to hegiemani ha mana honye, toriŋe, 'ŋasi hunik ino lalocie naŋ ariŋari hijo arumu iso daŋ haŋer, inak ati obe daŋ orumu oŋutok ta fau. Ebusak inya inya nyo hetihara fau?'⁸Etiraŋ hegiamani hijo 'ibusak ati hiŋa ile ajo iso naŋ arom oger ehumak tanyan to honye.' ⁹Leŋarak haŋer hiŋa inya otu, olibo, ojo lobe aŋutok naŋ ta fau.'”¹⁰Etiyana ifa Yesu ta Haji Imojit to nobo holoŋ no Sabato. ¹¹Owuon ifa nobo hito noŋoruo no owon oyiri no hiyokie ŋasi tomon hohotohunik, ekudura ifa inya daŋ obe oremik etibesak wan ahide.¹²Nafa egonyu Yesu inya, eliloŋ Yesu inya ata hijo, “hitonoŋorwo iye to hiyokie inohoi.” ¹³Atanyak inya has no honye to tuŋani nia, ata tuŋani inya teya etibisak wan honye ahide. Ata inya hitihabuo Hollum. ¹⁴Ati ejoria ifa etaha ilo haji Imojit inya, nyo etinyar Yesu to holoŋ no Sabato. Ata hijo to hiyo daŋ hijo, “Ara holoŋi ino egiamari ile, ifanu to holoŋitek niya hotobiaŋa ara to holoŋ no Sabato.”¹⁵Etiraŋ Habu to honye hijo, “Hetiyanak ho wati,” Obe lobo tara hatai ohek sigira he hiteŋ te eriata ri heno hata mat hifioŋ to holoŋ no Sabato? ¹⁶Ara hito ina to woyo na Abramo no efitak Sitan ŋasi tomon hohotohunik. Ati to honye ojo itai hotobiaŋa ohehini to holoŋ no Sabato?”¹⁷To hijo nohonye hiro niya daŋ, ata yiri daha liya daŋ Ilafa ebo hiro inohonye. Ojo iluluŋ no hiyo daŋ omuno hiro inafa olibo egiem inya.¹⁸Nia ejo Yesu, “Ara obie no Hollum iya nyo? Etirijik iso naya inya ho nyo? ¹⁹Ara inya iya hibieluti lo bule, no eyari lobo tuŋani amana ata edulak ta mana honye, Ata esuru ayani netok ojo cieŋ ino hide ata aduhok hajik inohosie ta sana inohonyi.”²⁰Enyak inya hijo, “Etirijik iso naya obie no Hollum ho nyo?” ²¹Ara iya ahabwok no eyari hito noŋoruo ata eharek iko hofuo no ocamahini hunik man owuduk.”²²Owu ifa Yesu loriŋari borejin gala he missihi ino owon to hikoi no Yerusalem ata hitiyana isia. ²³Ojo lobo toh onya, “Habu, hara hiyo ilo letihohini iso kai?” niya ejo inya to hose, ²⁴“Itihore hafuye to ikat lolotida, nyo eciem ilak ati obe oremik ajiŋai.²⁵Lodiote monye haji ata esionok ikat. Dia efuo itai weta ta bali ata itai hikukuho ikat hijo, “Habu, Habu, aŋawu iyohoi a hotwai, ati etiraŋ iso inya ta hatai.” hijo. "Abe naya ayen itai kuya efanu itai tar.' ²⁶Ata itai hijo, 'Edaha iyohoi, ojo emata to hosiere hoi, ojo iye etiyana to koi inohoi.’ ²⁷Ati etiraŋ iso inya, ‘Ajo naŋ ta hatai, abe naŋ ayen hijo efanu itai tai. Ifeti ade tara hanaŋ, itai daŋ hegiamak he iruti!’²⁸Owuon iso yoo ojo hirrita no hala legonyu itai Abramo, Isako, Yakobo ojo hekilak daŋ to lobie no Hollum, ojo itai ebirohini iso ade. ²⁹Afanu iso hiyo to hidoŋi hoholoŋ man toesut noholoŋ, oko ŋolon ojo hide ata yiri to terefeja no obie no Hollum, ³⁰Hitiyeni ina, ara iso tuŋani halu hosiere, ojo lo hosiere ara halu.”³¹Kai ta saa nya, afanu ilak Farisei ata hijo to honye, “ino tamanyai ina awak Erode attohe iye.” ³²Ojo Yesu, “Ino ilimak obeyok lia, ‘towolo efuhai naŋ miniaŋa ajo etilibo hiyo te haŋwak ena iko motie, ojo to hitahunihi no holoŋ eba iso naŋ to hucuŋi no igiem nanaŋ.' ³³To nobo hiram, anyar hadule ena iko motie ojo to holoŋ no ejufakdie, iya obe olibo hattohori hekilani tabali ho Yerusalem.³⁴Yerusalem, Yerusalem, ilo otohe hekilak ojo hidofe eruoŋ to moru ilo efahak hiyo ta hatai. Hara holoŋi jai ino lawak naŋ hatubihini dure ilahatai iya ina leduduhari hohoro kiyehi ino honye to huwa. Ati ebe itai ewak ania. ³⁵Toriŋai ebusahini haji nahatai. Ajo naŋ ta hatai, ebe iso itai egonyu naya man hijo itai, "hotowuana jaha to lia otu to fure na Habu.'”

¹To nobo holoŋ no Sabato. Eno Yesu ahaji holobo etok lo Farisei adahari imune, ata isia ehutok oriŋari inya toktok. ²Ata lobo tuŋani lo oŋwai habalaco awoŋ to Yesu. ³Ata Yesu hifia hejufutak ilo hifahita ilo Yudei he Farisei hijo, "Obis iso hetinyarari to Sabato?"⁴Oduehini ifa isia liŋliŋ. Ata Yesu arihu tuŋani lia ata hitinyar inya, ata efahak inya ade. ⁵Atati inya hijo to hosie, “ŋai lia tara hatai lelum hito nohonye kuya hiteŋ to hiri to holong no Sabato obe awak epihu ade?” ⁶Ati obe isia eheder hitiraŋ hifi nia.⁷Nafa egonyu Yesu ilak hiyo ilafa eliloŋu hiyo anyimu hitologita ino etaha elimahini inya isia daŋ hiti gir ina, ⁸’’Le liloŋu lobo tuŋani itai to karama no hiyama, ibaŋa etole ta harajin ino hosiere, nyo kuya owon lobo leliloŋu hiyo lalagalik itai. ⁹Ati lawoŋ tuŋani lia daŋ, otu iso inya to wan nohonye monye karama eliloŋu itai daŋ, hijo tohoi, 'Isiara tuŋani lia mai nohoi,' Niya, owu iso inya hitole ta hara no fiahajok to iri.¹⁰Ati lelliloŋu inya iye ino itolojo ta mai nolofiak. Otu iso elliloŋu iye ata hijo, "Ila, tette woŋ a hosiere.' Eyyani is nia ohuo tohoi to hiji ho hiyo daŋ lia owon ikohoi dia to teremeja. ¹¹Nyo tuŋani daŋ lalahaf wan nohonye ofiala iso ojo etifiala lobo wan nohonye ahafa iso inya.’’¹²Ejo Yesu to tuŋani lafa leliloŋu inya, "Isiara iye ŋiria no iŋalio kuya no harie, baŋa leliloŋ motte hoi, hilasi hoi, kuya hilahaŋ hatai kuya onyihari lohoi, lalabara iya to hose ofuo elienyu eliloŋu iye.¹³Ati lewana iye ho karama, ililoŋu locaŋak, haŋurak, yokiojok, ojo haŋodok. ¹⁴Ata iso iye wuana ho jaha, nyo obe isia etidumak iye. Odumahini iso tohoi to hebuhu no habisak."¹⁵Nafa etiru lobo lohosie tara Ilafa etole ho Yesu to terefeja no ŋiria. Ata hijo, “Isiara jaha to lia ladaha iso imune to lobie no Hollum!” ¹⁶Ata Yesu hijo to honye, “otiorok ifa lobo tuŋani ŋiria netok ata eliloŋuhiyo ariai. ¹⁷Nafa olibe ŋiria, efahak inya hegiamani lohonyi heno helimak hiyo Ilafa elimak hijo, ‘Ifanu, nyo otubai hiro Iyania.’¹⁸Ata isia bidaŋ ta mai hitiara hilima hijo, 'Einyaŋu ifa naya mana ajo naŋ luŋa ahu oriŋari, hibe woti, ibusak naŋ.’ ¹⁹Ata lobotie hijo, ‘Einyaŋu iŋole naŋ ilak husuŋ haromok miet, ajo naŋ ahu hiciem isia, ila hibe woti.’ ²⁰Ata lobo tuŋani hijo, ‘heletek naŋ yama, abe naŋ luŋa aremik awoŋ.’²¹Ata hegiamani ŋacohari ata elimak etok lohonye hiro daŋ, ata etok lahaji lia hijoria, ata hijo to hegiamani, ‘kokuak ino ahikoi no bore na gala, Iyania lociaŋak, yokiajak, haŋodok he haŋurak.’ ²²Ata hegiamani hijo, etok, egiem naŋ daŋ inara ejo iye, ati ofitini nobo mai.’²³Ojo etok to hegiamani, ‘Ino atulubaha, iko amaŋatin, ililoŋu hiyo hafanu ahotuai, anyar efut haji hanaŋ. ²⁴Ajo naŋ tahatai, obe lobo tara Ilafa elimak naya eremik to hiniŋ ŋiria nanaŋ.'''²⁵Iyania, ofuo ifa iluluŋ no hiyo iko inya, ata inya yite ata hijo to hosie, ²⁶“Lawoŋ lobo tuŋani ta hanaŋ ojo inya obe oliwari monye honye, hotonye, noŋoruo, dure, ilasira he hanasira, ojo manya nohonye daŋ hidofe obe eremik hira aheyiyanani hanaŋ. ²⁷Lia lobe olorita Kuruce nohonye ata awoŋ ta halu hanaŋ obe eremik hira hejufutani hanaŋ.²⁸Lawak lobo tara hatai, duho haji nelesaga, obe ohunya ta fau ata hihien hinyaŋita hariŋari hiro ino oremik hetufutak haji? ²⁹Nyo letiarak inyafau na haji ata enyai hesohak, ile egonyu ilak igiem nya elohitari inya, ³⁰Ata hijo, ‘Etiara tuŋani lia duho na haji obe ati eremik esahak.’³¹Lari etok ohu oriomori fere ho lobo etok obe lohunya ta fau ata hihien hijo horemik iso oseŋer hisihai tomon ilohonye rem ho etok lolotu loremori ho inya ho oseŋer hullo hisihai tomon harik? ³²Lobe, halarasa hariomok liya alamarai, ata efahak herarani lohonye to hosiere herara hiro ino himwara. ³³Nia, lobe lobo lahatai ebusak hiro ino omuno inya, obe iso eremik hira hejufutani hanaŋ.³⁴Olibo balaŋ bino, ati lolite dwan nohonye, horemik iso duaran jai? ³⁵Obe osiru hegiamari to huron he hidofe ta tanyan ino efuro. Ebihiro iso ade. Lia loowon ho yohe hitirita, isiara inya hetiru.”

¹Iyania ata heduduhak ho musuru daŋ iko ilak heyak afanu to Yesu etirari inya. ²Ata Farisei he hegiorok hiŋuŋunita to wati te ino hosie, hijo, “Elliloŋu tuŋani ileŋ heyak ata daha daŋ iko isia.”³Ata Yesu hiro hitigiri ina to hosie, hijo, ⁴“Lari tara hatai, iya owon ida inya ho kioro hisihi nobotie ata nobotie litai, obe iso lebusak tomwana hotoŋuan hohotoŋuan to tim, ata asiahari lia olita man orumuni lia? ⁵Iya arumu inya lia lafa lolita, olorok inya lia to loho ata mune.⁶Lojo inya eba ta haŋ honye, eliloŋu inya motiarak ojo onyihari honye daŋ arabotie, ejo to hosie, ‘Hetimune arumu naŋ ker lalaŋ lafa olita. ‘ ⁷Ajo naŋ ta hatai, Iyania obolo iso mune te ido to heyyani lobotie lo oyito to hiyata inohonye agalik hiyo tomwana hotoŋwan ho hotogwan ilo obe owak eruk.⁸Iya owon nobo hito noŋoruo ha arobiya tomon, ati lojo inya etilite lobotie, obe letuwulek lomo ata hifie haji, ata hisiek kai-kai man orumuni? ⁹Nafa arumu inya, ata hililoŋ motiarak honye, he Onyihari, Ata hijo, ‘Hetumunei ika naŋ, arumu naŋ rial lafa etilitek naŋ.’ ¹⁰Iyania, ajo naŋ ta hatai, owon mune to hosiere ha anjilohien ilo Hollum to heyyani lobotie oyito.”¹¹Ata Yesu hijo, “Owuon ifa lobo tuŋani ho onyirok ilohonye ohorik, ¹²Ata lia hittiŋ tara hosie hijo to monye, ‘Baba, isiara ta hanaŋ ibariti ina ara lorutat inanaŋ.’ Ata inya abuanyak ibariti ino honye to hosie.¹³Ta halu ho holoŋitek kai, eno hito lettiŋ iko ibariti inohonye daŋ adoŋe na lalama, dia ata inya hinyaŋa hiro ino oru ina amanyari asai. ¹⁴Nafa esok inya arobia inohonye daŋ, awoŋ hiŋa no loru a doŋe inya, ata inya hilociaŋ bi no.¹⁵Ata inya eno hisio wan nohonye egiemari adoŋe nya to lobo tuŋani, le efahak inya amana etamari bataha ino honye. ¹⁶Ata inya manya ta habohol ino moro ina adaha bataha nyo obe ifa lobo tuŋani esio inya nobo daha.¹⁷Nafa agilu onyi lia ata hijo, ‘hara hegiamak ta haŋ ho monye hanaŋ jai ila adaha ŋiria netok, ajo naya aye ho hiŋa! ¹⁸Awu naŋ ebusak mai ina ata naŋ eno to monye hanaŋ, awu iso naŋ hijo to honye, “Baba, eyyau naŋ to hosiere he ido, ojo to hosiere hoi. ¹⁹Abe naŋ asiru hira a onyi hoi; ati ihumak naya ahegiamani lohoi.‘“²⁰Nia, odiote loŋeye lia ata awoŋ man to monye. Nafa halalama inya, egonyu monye honye inya, ata amehini, ata hinyior efonyari ata hijur inya. ²¹Ata onyi hijo to monye, ‘Baba, eyyau naŋ to hosiere ho ido iko to hosiere hoi. Abe naŋ asiru a onyi hoi.‘²²Ojo monye to hegiamak ilohonye, ‘Iyani boŋojin ino olibo kwak iticofok to honye, ihumak bilet ta hafialai honye iko hamuha to hejek inohonye. ²³Iyani tauwo lo ofir isiahak to honye. Heti dahai karama nohonye. ²⁴Oye ifa onyi hanaŋ, atti iyania awuaru inya. Olita ifa inya, Iyania arrumuni inya.²⁵25Owuon ifa onyi honye ileŋ hittok ta mana. Ifa eliaha inya aŋati ha haŋ, etiru inya hififoho ojo caa. ²⁶Ata inya hililoŋ lobo hegiamani ata hifi hijo, howuon nyo. ²⁷Ata hegiamani hijo to honye, ‘Otu ida ilasi hoi ahaŋ inya nia, adumu monye hoi tawo lo ofir bi no ata esiahak to honye, nyo acohini inya a nalanyar.’²⁸Ejoria ifa ilasi lehitok, ata hibo eno ahotwai, ojo monye otu abali, atanari inya. ²⁹Ata ati onyi etok hitiraŋ to monye hijo, ‘toriŋai ŋasi huna lepitori naya to hoi, abe naya amiasa hifahita ino hoi, ejo iye ebe esio naya lobo oburuŋati lo hine hijo anyar abahak naya to karama motwarak hanaŋ, ³⁰Ati awoŋ onyi hoi, eramitari ibariti ino hoi to somon, ata iye esiahak to honye tawuo lo ofir.‘³¹Ojo monye to honye, ‘Onyi hanaŋ, adule naŋ ikohoi to holoŋi, ojo ina lara ina haŋ ara inohoi. ³²Ati osiru to hoi hehumahini karama ata mune, te ilasi hoi oye ifa Iyania ati awaru inya; olite ifa inya ojo Iyania arrumuni.‘“

¹Elimak Yesu hejufutak ilo honye, “Owuon ifa lobo hasamani lo owon he hatunani, ata ifa hiyo etisiahak hijo eramitari ifa hatunani lia ibariti ino honye. ²Nia eliloŋ hasamani inya ata hijo to honye, 'hara nyo nia etiru naŋ te iye? Ihiana ibariti ino etoŋita iye, Iyania ebe iye enyak hira hatoŋitani.'³Ejo hatoŋitani to wan to nohonye hijo, ‘Hegiem iso mahu naŋ nyo, Iyania adumu etok igiem no tuna ade tara hanaŋ? Abe naŋ lawuon ho golon laromori, eloriri naya to himimojo. ⁴Ayen naŋ egiem iso naya nyo hijo etiwet etok naya te igiem to no tunai, eliloŋu iso hiyo naya ahaŋitek hosie.⁵‘’Ata hatoŋitani eliloŋu lobo lia owon horos no etok to honye, ata hifi, hawak etok la hanaŋ jai tohoi? ⁶‘’’Icemiti hisihi hotoŋwan ino hiyali, etiraŋ inya. ‘‘Ata etok hijo to honye, ‘todumu waraga nohoi, tohunye ta fau kuak, igiorok hatara hisihai tomwana aŋwan ho hotomwana miet. ⁷‘‘Ata hifi hitarihi, ‘ara inohoi jai? ‘hisihai nobotie ino hifitita ino geme, ‘etiraŋ inya. Ata inya hijo, ‘todumu waraga nohoi, igiorok hatara tomwana hotohunik.⁸‘’Ata etok elimak to hatoŋitani lo oru lia nyo egiem inya no oru. Oru dure ino fau ina bi no agalik, le egiama isia he hiyo ilohosie agalik durre ino calai. ⁹Elimak naya ta hatai, itiriehu motiarak hatai ta arobiyaha to koi ino oru, lolitai, anyar eliloŋu isia itai ta amanya no osio fur.¹⁰Lia le eniefita hiro ilo eduhucio na anyar, enief iso hidofe hiro ino obore, ojo tuŋani lo obe eniefita hiro hulo oduhucio, obe iso oremik hinief hiro ino hittaha. ¹¹Lobe iye egiamari arobiyaha ino oru to hikoi no olibo, ŋai iso oremik hisio to hoi ibariti ino olibo? ¹²Lobe iye egiamari arobiyaha ino lobo tuŋani na anyar, ŋai iso oremik hisio tohoi arobiyaha inohoi?¹³Obe lobo hegiemani oremik higiama te etaha ohorik, nyo oremik inya aliwari lobotie Ata mune lobotie, oremik inya higiama to lobotie hamai ata miasa to lobotie. Ettalik iye higiama to Hollum he te ibariti.”¹⁴Etiru Farisei Ilafa lara hamunok ha arobiya hiro daŋ, ata isia elohitari Yesu. ¹⁵Ata inya hijo to hosie, “Itilibo itai wati ina hatai to hosiere ho hiyo, ati oyen Hollum tajia inahatai. Hiro ino olibo to hosiere ho hiyo, oru to hosiere ho Hollum.¹⁶Arasa ifa hifahi he hekilak man otuni Yoani. Man to inya etiyanahini hiram no obie no Hollum, ojo hiyo awatie daŋ efudari to hhei nohosie to hikoi nya. ¹⁷Ati ofiak iso te ido he fau halitari agalik to higieri no hifahi hotolite.¹⁸Lopiaha lobo ho noŋoruo honye ata ayemu nobo hamai eyau inya hiyau no roto, ojo lia layamu noŋoru no lopiaha ho hito loliawa, eyau hiyau no roto.¹⁹Owuon ifa lobo tuŋani lara hasamani le lecefita boŋojin ino logol to hinyaŋa ata inya mune ibariti ino honye holoŋitek daŋ. ²⁰Owuon ifa lobo hemimoni lara fure Lasaru, lo owon he horroŋon to wan honye lo ofer te ikat na bali ha hasamani. ²¹Awak ifa inya hihuhuro ŋiria no lodou to teremeja ha hasamani - ojo ŋohe afanu hididala horroŋon ino honye.²²Nafa loye lolociaŋ lia, Ata anjilohien ahafari inya aŋati ha Abramo. Ata hasamani ye ata hiyo anuhak, ²³Ta mai nya ho hiyo ilo lobe leruk to Hollum, etaban ifa inya bi no, ata hihaf honyehite inohonye ata egonyu Abramo alamarai he Lasaru aŋati honye.²⁴Oyio inya bi no ata hijo, ‘Abramo Monye, tomehini naya, ifahu Lasaru, awoŋ helumok hafialai lo honye to hifioŋ hetiliha adief hanaŋ, awuon naŋ ta mai no lowulo bi no.’²⁵Ati ejo Abramo, ‘Hito, ihuma higigil tamanyai ta nafa hoi, erumu ifa iye hiro ino olibo, ojo Lasaru erumu hiro ino lepal. Ati Iyania elobia inya ejo iye ewuon ho diahai. ²⁶Ati, owon iwodu na lalat to hiji, hotobiaŋa hiyo lalaŋu tenni ta hatai, ejo itai ebe elaŋu to hoi.‘²⁷27Ata hasamani hijo, ‘ata na naŋ iye, Baba Abramo, ifahak inya ahaji ho monye hanaŋ. ²⁸Awuon naŋ he ilasira miet - anyar ohu inya hisor isia, tabaŋi hijo hotobiaŋa isia afanu amai no noru.’²⁹Ata Abramo hijo, ‘Owuon isia ho Musa he hekilak; isiara isia hetira. ³⁰Ata hasamani hitiraŋ, ‘Obe, baba Abramo, ati, lohu lobo tuŋani to hosie tara hayok, oremik iso isia yite.’ ³¹Ata Abramo hijo to honye, ‘Lobe isia etira to Musa he hekilak, obe isia eruk owu ida hido lobo tuŋani tara hayok.'''

¹Ojo Yesu to hejufutak: ‘’saŋ ino eyyani hiyau tohinyo afanu, ati oru to honye lia lafanini iruti tara honye! ²Olibo to honye lefitahini moru to murut ata ebirok inya a hotwei hari netok, hijo hotobiaŋa inya esio lobo ile hitiŋ hitihadoŋo.³Iririe wati ina hatai. Leyau halasi hoi iriŋa inya, ojo loyite inya, ebusak inya. ⁴Leyau inya to hoi hinyahita hatarik, ata acohini to hoi hinyahita hatarik, hijo, 'ayite naya ebusak, inya!⁵“Ata efahat hijo ta Habu,’’tofonik huruk nohoi.’’ ⁶Ojo Habu,’’Lewuon ida itai ho huruk lo lodicio iya hinyomoti letiŋ, ne eremik itai hijo to yani torutuni ade, ata iye edulahini ta hari netok, ojo inya ata hifaha itai.⁷Lari tara hatai, owon iko hegiamani lo oromo kuya eriria kioro, oremik hijo to honye lawoŋ inya ta mana, ’Woŋ kokwak tohunyei ta fau tadahai.’ ⁸Obe iso inya ojo to honye, ’Ituhumak ta hanaŋ ilak hiro adahat, ojo otodok itodit to boŋojin inohoi, igiamai ta hanaŋ man attohu naŋ daha he mata. Tahalu edaha iso iye ojo emata.⁹Obe inya esio humo to hegiemani nyo egiem ifa inya hiro ino elimahini to honye, Obe ara ania? ¹⁰Daŋ, lojo iye egiem hiro ino elimahini, ejo iye, 'Ebe iyohoi era hegiamak ila anyar. Egiem iyohoi inafa elimahini te iyohoi.'''¹¹Nafa eno inya Yerusalem, owu ifa inya tolohori no Samariya he Galilea. ¹²Ifa ajiŋak inya a haŋ nobo, dia ata inya hiiboŋ ho hiyo tomon ilo talulu. Oweta isia alamarai tara honye ¹³Ata isia hikaf hiro, nohosie a hide hijo, “Yesu, etok tomehini iyohoi.’’¹⁴Ifa ewolo inya isia, ojo inya to hosie, ’’Ifeti itihutek wati inahatai ta fadirihien.’’ Ifa efie isia ade, ta isia libe. ¹⁵Ifa ewolo lobo lohosie hijo alibe inya, acohini inya ahalu, eyoro wuoŋ wuoŋ etihabwo Hollum. ¹⁶Ohiyik inya leeruŋo to fau to hejek ho Yesu, esiara to honye humo. Ara ifa inya lo Samaria.¹⁷Ata Yesu hijo,’’Obe ifa tomon olibe? Tahu ati hotoŋwan? ¹⁸Obe ifa ilak ilo ociohini etihabwori Hollum, aracie hata mononi jai?" ¹⁹Ojo inya to honye, “Tetei, ino. Etilibo huruk nohoi iye.²⁰“Efi Farisei inya hijo anu iso otu lobie no Hollum, etiraŋ Yesu isia hijo. “Obe obie no Hollum ara nobo sihin ina eremik egonyuni. Obe isia oremik hijo, ²¹‘Toriŋai eni! Inohoi ‘Kuya, ‘Toriŋei a dede!’ Nyo owon obie no Hollum to hiji hatai.’’²²Ojo Yesu to hejufutak “Afanu iso holoŋi ojo itai ewak hiwolo holoŋitek ino onyi Tuŋani, ati ebe iso itai egonyu inya. ²³Ojo iso isia ta hatai, ‘Itiwolo, ini! Itiwolo, adia! ‘Ati ibaŋa onyor tahalu hosie. ²⁴Iya emedek hila man onit ido ŋati nobotie iko ŋati nobotie ne ido, owuon iso onyi Tuŋani ta far honye.²⁵Ati to hosiere anyar lorumu inya hitigiemita aria ojo hidofe anyar ebo hilahaji ina inya. ²⁶Iya nafa owuanari to holoŋitek ino Noah, egiema iso hiyo hiro to onyi Tuŋani to holoŋitek inohonye. ²⁷Adaha isia, amata isia, ayama isia, ojo hidofe esio isia to hiyama man ta far nya ojiŋahini Noah a hotwei ho togoli-ojo igura Ata awoŋ attohe isia daŋ.'²⁸Iya nafa owanari to holoŋitek inafa ho Lot, adaha isia, amata, einyaŋa, etiinyaŋai, edula ojo isia oduho. ²⁹Ati ta far to nya ta nafa ohuye Loto to Sodoma, odu hima he moru ino owulo a hima te ido iya asa hai ata atohoi isia daŋ.³⁰Ta halu iya inia owon iso far no oliew onyi Tuŋani. ³¹Ta far inya, ibaŋa ebusak lia owon to hide haji awoŋ afau hiyo yari hiro ino honye ta haji. Ibaŋa ebusak lia owon ta mana hotociohini.³²Itigil oŋorwo loto. ³³Lawak lobo etiluahu wuaran no honye etilitek iso, ati lia etilitek wuaran no honye etiluahini iso.³⁴Elimak naya itai hijo, ta tari to inya owon iso hiyo ohorik te ijotit nobotie. Eyari iso nobotie, ojo nobotie arasa. ³⁵Eria iso ŋorwo arik. Eyari iso nobotie, ojo nobotie arasa.'' ³⁶Owuon iso arik ta mana, eyari iso nobotie, ojo nobotie arasa.³⁷Ata isia hifi inya, "Tahu, Habu?" ata inya hijo to hosie, "Ta mai no owuanari wan, otuba iso taruha ta mai inya.'

¹Ata inya hiro to hitiriamita to hosie to hiram no mojo, hijo hotobiaŋa isia oŋuŋusia, ²Ata inya hijo, "Owuon ifa lobo haŋotoni to bore gala nobo lo obe eruk to Hollum ojo hidofe obe abaŋ hiyo.³Owuon ifa nobo ihidak no ŋorwo to bore gala inya, no odule lotton to honye, ‘Helwak naya tara tuŋani lo orosok naya hipalita.‘ ⁴Obe ifa inya awak hilwak inya, ati ta halu, ata inya hijo to wan to nohonye, 'Abe ida hido naya eruk to Hollum abe hidofe abaŋ hiyo, ⁵ati odule ihidak ina hitigiama naya bi no, aluak iso naŋ inya to okhe bolioŋ, hijo hotobiaŋa inya etigiem naya to loton nohonye ta hanaŋ holoŋitek daŋ.'''⁶Ata Habu hijo, "Itira to haŋotoni lo oru. ⁷Obe iso Hollum eyyani ŋoto to onyimot ilohonye ile oyio to honye ta far he ta harie? Odule iso mahu inya hiliŋa to hosie? ⁸Ajo naŋ ta hatai hijo eyyani iso inya ŋoto no obis to hosie kokwak. Ati lojo onyi Tuŋani lotu, hotu iso inya arumu huruk ta fau?“⁹Ata inya hinyak hiro hitiriami ina te ilak ile etahuo wati hijo ebis isia ojo hidofe omiana ilak hiyo, ¹⁰“Efie ifa liawa ohorik omojori a kelesia, ara ifa lobotie la Farisei ojo lobotie ara heduduhani ho mosuru.¹¹Odioto la Farisei ata mojo to hiro ino wan nohonye, ‘Hollum, ajo naŋ to hoi humo hijo abe naŋ lara iya ilak hiyo ila ara hahalak, hiyo ilo obe obis, hasomok, iya heduduhak ho musuru ilia. ¹²Eya naŋ hinyahita arik te isabit daŋ. Esiara naŋ hisiorita daŋ ino hiro ina arrumu naŋ.‘¹³Ati oweta heduduhani omusuru ta alamarai lo obe awak hikaf honyehite ino honye ido Ata hillum suhe nohonye hijo, ‘Hollum, tomehini ta hanaŋ heyyani.‘ ¹⁴Ajo naŋ to hoi, eno hallaŋ lia ahaŋ honye lo olibo hiram no honye agalik lafa lobotie, nyo tuŋani la ahafita wan nohonye einyaha iso, ojo tuŋani le enyak wan nohonye ahafa iso inya.“¹⁵Eyyani ifa hiyo to honye iŋeyyaha, hijo anyar honye otir inya isia, ati ifa ewolo hetiyenak isia, ata hiriŋ isia. ¹⁶Ata Yesu eliloŋu isia to honye, hijo, “Ibusak dure hafanu ta hanaŋ, hotobiaŋa itai eyyimo isia. Nyo ara lobie no Hollum nohosie. ¹⁷Dede ajo naŋ ta hatai, hijo lobe lobo efotu lobie no Hollum iya hito obe iso ojiŋak ade.”¹⁸Efi lobo etok inya, hijo, “Hetiyanani lo obis, nyo iso egiem naŋ anyar arrumu naya wuaran no odule? “ ¹⁹Ejo Yesu to honye, “Hijo jiai lelliloŋ iye naya hijo lo olibo? Obe lobo tuŋai lo obis, ati Hollum hame. ²⁰Eyen iye hifahita - baŋa ara ahasomoni, baŋa ottohe, baŋa lahahala, baŋa ara loteller, ta baŋa monyohoi he hotonyohoi.” ²¹Ojo etok lia, “Hiro ino bidaŋ eruk naŋ man halara naŋ la nyarhalu.”²²Ifa etiru Yesu daŋ ania, Ata inya to honye, "Owuon nobo sihin ne ebuha to hoi. Itiinyaŋak ibariti inohoi daŋ Ata iye aharak to lociaŋak, anyar honye erumu iye ibariti te ido, Ata ti iye awoŋ hujufuta naya.'' ²³Ifa etiru hasamani hiro inia Ata inya hijoria bi no, nyo asam ifa inya bi no.²⁴Ifa ewolo Yesu inya ejoria bi no Ata hijo to honye, "Ogol iso to hiyo ila asam hajiŋahini to obie no Hollum! ²⁵Ati eyyak iso to konheni hajiŋari te itulit ne irifit, agalik tuŋani la asam hajiŋari obie no Hollum.''²⁶Ata Ilafa etira hijo, “Ŋai ati oremik etilohini?” ²⁷Etiraŋ Yesu hijo, “Hiro ino logol to hiyo obe ogol to Hollum.”²⁸Ojo Peturu, “Anyar, ebusak iyohoi hiro daŋ ino owon tohoi ata iyohoi ejufuni iye.” ²⁹ojo Yesu to hosie, “Dede, ajo naŋ ta hatai hijo obe lobo ebusak haji he oŋorwo kuya hilasira kuya hilahaŋ kuya dure, to hiram to no obie no Hollum, ³⁰Ŋai iso lobe efotu arriai ta fau ina, ojo ta fau inya otu, wuaran nolodule fur.”³¹Tahalu ho hattubak nohonye hejufutak ilohonye to honye, ata inya hijo to hosie, "Itiwolo, efii Iyania a Yerusalem, anyar ofwo hiro inafa egiorohini to onyi Tuŋani tubai. ³²Esiarahini iso inya to halufak, ociama iso hiyo inya, no oru to irri, ata amitak to honye hamilak. ³³Tahalu ho baha nohosie inya, ottohe iso isia inya, ojo to holoŋ hitahunihi, enyak iso ebuhu.''³⁴Obe isia oyen hiro inia, nyo eŋofo ifa hiro ino tara hosie, ata isia enyai oyen hiro inafa ero inya.³⁵Iya ta nafa awoŋ Yesu aŋati ho Yerhe, etole ifa lobo tuŋani lo oŋodo aŋati ikohoi le emimojo. ³⁶Ata inya etiru iluluŋ no hiyo lofwo aŋati honye. Ata inya hifi nyo owon. ³⁷Ata isia elimak inya hijo Yesu lo Nasarit lia olot.³⁸Ata tuŋani lo oŋodo lia hiliŋo bi no hijo, “Yesu, onyi Davide, tomehini ta hanaŋ.” ³⁹Ata ilafa ofwo to hosiere hiriŋ loŋodo lia, ata elimak inya hotodwai. Ata inya yio bi no, “Onyi Davide, tomehini ta hanaŋ.”⁴⁰Arasa Yesu weta ta mai lia Ata elimak hijo iyani halaŋ lia to honye. Ifa eliaha loŋodo lia, Ata Yesu hifi inya, ⁴¹“Hewak iye hijo hegiama naŋ nyo to hoi?” Ojo inya, “Habu, awak naŋ riŋai.”⁴²Ata Yesu hijo to honye, “Toriŋai, etilibo huruk nohoi iye.” ⁴³Kokwak ata inya riŋai, ata ejufari inya ojo hidofe etihabwo Hollum. Ifa legonyu iluluŋ no hiyo hiro ino ledwoŋ, ata isia daŋ hisio humo to Hollum.

¹Ojiŋak ifa Yesu Ata eno to oko Yerhe. ²Nia, owon ifa lobo tuŋani dia lalara fure nohonye Sekeyo. Ara ifa inya habu lo heduduhak ho musuru ojo hidofe asam.³Awak ifa inya hiwolo hijo ŋai lia ara Yesu ati obe ifa inya oremik wolo to hide he iluluŋ, nyo osuk ifa inya. ⁴Nia enyior inya ahosiere ho hiyo ata arek ahide ho yani aŋaboli anyar egonyu inya, nyo awak ifa Yesu eno te hei to inya.⁵Ifa la awoŋ Yesu amai inya ebono ahide Ata inya hijo to honye, “Sekeyo, tolu kokwak afau anyar ahu naŋ hitole ta haŋ hoi. “ ⁶Nia efiriŋu inya ŋallu afau Ata hiboŋ Yesu alanyar. ⁷Ifa egonyu hiyo daŋ Ata isia hiŋuŋunuta hijo, “eno hallaŋ ileŋ hira ahatomononi ta haŋ ho tuŋani heyani.“⁸Ata Sakayo diote Ata hijo, “Habu toriŋai, “Habu esio iso naŋ hiro inanaŋ to lociaŋak ojo emumun naŋ lobo tuŋani te inak hiro adumak iso naŋ inya hiinyahita aŋwan. “ ⁹Ata Yesu hijo to honye, “Ena eba etilohini ta haŋ ina nyo ara ifa inya onyi Abramo. ¹⁰Nyo otu onyi Tuŋani osiahari hikoi ne letilahari hiyo ilo olita.¹¹‘‘Ifa etiru isia hiro huna odule inya hirorita ata elimu hitiriami nyo eliaha ifa inya ho Yerusalem, ata isia higigilo hijo eliaha iso lobie no Hollum hijo alieu kokwak. ¹²Ata inya hijo, Ohu ifa lobo tuŋani anobo doŋe na alama hijo ahu inya efotu to honye obie Ata ŋaciohini.¹³Ata inya hililoŋ hegiemak ilo honye tomon ata hisio arobia tomon ata hijo to hose "Itiinyaŋai man aciohini naya. ¹⁴Ati eyyalai ifa hiyo ilo doŋe honye inya ata isia efahak ilak efahat ta halu honye hijo 'Obe iyohoi ewak tuŋani lia ahabu lohoi. ‘ ¹⁵Nia ifa efotu inya obie teya ata awoŋ eliloŋu hegiamak ilo honye Ilafa esio inya arobia afanu to honye hijo ayenari hijo hera mahu arobia jai ino etiinyaŋu isia.¹⁶Ata hitieri awoŋ Ata hijo, ‘Habu etiinyaŋu naŋ arobiyaha tomon te Ilafa esio iye ta hanaŋ.‘ ¹⁷Ata inya hijo to honye "Anyar bi no. 'Ira iye hegiamani lo olibo no' iya eniefita ifa iye hiro ilo oduhucio ena lanyar ehumak iso naŋ iye le etok loboŋito ino obore gala tomon.‘¹⁸Ata hegiamani hitarihi awoŋ ata hijo, 'etok, etiinyaŋu naŋ arobiyaha miet te Ilafa esio iye ta hanaŋ. ¹⁹Ata inya hijo to honye, 'Etoŋita iso iye botin ina gala miyet.‘²⁰Ata lobo awoŋ ata hijo, ‘Leitok, ibe arobiya lafa hoi. Abubunak ifa naŋ ta manir Ata naŋ atunak inya ana anyar. ²¹Nyo abaŋ ifa naŋ hiro nohoi nyo ara iye tuŋani lo lorute. Edumu iye hiro ino lobe ara inohoi ojo edieŋitta hiro huna libe eyek.‘²²Atati habu hijo to honye, 'To hiro to nohoi aŋot iso naya iye, iye hegiamani le ebwot. Eyen ifa iye hijo ara naya tuŋani la arru bi no, adumuta inak ino obe ara inanaŋ, ajo adieŋu ino abe naŋ ayek. ²³No nyo ebe iye emak arobiyaha inanaŋ to otunari, hijo la awoŋ naya ata naya ida arrumu he inak ifoniti inohosie?'²⁴Atati etok hijo, to hosie, 'Itiwetai dia, itidumu arobiya lia ade tara honye, isiara to lia owon ha arobiaha tomon! ²⁵Ojo isia to honye, ‘Habu, oyita inya ha arobiaha tomon.‘²⁶Ajo naŋ tahatai , hijo owon lobo hasaŋ iluluŋ ofonihini iso to honye ariaii ojo to lia lobe hiro tara honye, eyari iso ade tara honye inya lo owon to honye. ²⁷Ojo miorok ilia hanaŋ, ilo lobe lawak naŋ hata ra naŋ etok lohosie, iyani isia ini ata itai attohe isia to hosiere hanaŋ.'''²⁸Ifa attohu inya hiro hiro ino, ata inya eno tohosiere, oboto man Yerusalem.²⁹Ifa eliaha inya aŋati ho Besfaje ho Betani, to doŋe nafa Eliloŋo hiyo hijo Olifeto, ata inya efahak hejufutak arik, ³⁰Ata hijo, “Ifeti adoŋe nya. Ejiŋak itai, efwo iso itai arumu nobo sigira ina holobe hiyo etirek saŋ to hide. Itihek Ata itai eyyani ta hanaŋ. ³¹Lefi lobo itai, ‘No nyo eho itai inya?’ 'itijo, ‘Awak Habu inya.’”³²Efie Ilafa lefahak hiyo Ata arrumu Sigira iya nafa elimahini isia. ³³Oho ifa isia sigira ata monye ho Sigira arrumu isia ata hijo to hosie, “No nyo eho itai sigira?” ³⁴Ata isia hijo, “Awak Habu inya.” ³⁵Ata isia eyyani inya to Yesu, Ata ebirok boŋojin inohosie ata etuhunyak Yesu to hide. ³⁶Ata isia daŋ afiata boŋojin inohosie to hekoi nafa ohuye Yesu.³⁷Ifa eliaha inya aŋati te illut no doŋe no Olifeto, Ata iluluŋ no hejufutak hitiara mune ojo hidofe etihabwo Hollum, eyyorro wuoŋ wuoŋ te igiem ne etok daŋ egonyu isia Ata hijo, ³⁸“Hotowuana jaha ta Habu lia lo otu to fure ta na Habu Hollum! Himwara te ido ojo mune he lohwo hotowuana to Hollum!''³⁹Ejo ilak ilo Farisei to hiji he iluluŋ to honye, “Hetiyanani, oriŋa hejufutak ilohoi,” ⁴⁰Etiraŋ Yesu Ata hijo, “Elimak naŋ itai hijo loremik ida hulloŋ aduehini ata moru yio ade.”⁴¹Nafa awoŋ Yesu aŋati ho bore ha gala, ata inya yio to Yerusalem. ⁴²Hijo, “Iya ne eyen ida itai far ina hame, kuya, hiro ino oremik ta hatai himwara! ati Iyania eŋofohini isia to honyehite inahatai.⁴³Ati afanu iso holoŋitek ta hatai, na ofu miorok ilahatai oduhok iwudoho aŋati hatai, ati ata amirini ahotwai to oko kal arria. ⁴⁴Ogoŋok iso isia itai ta fau ojo dure inahatai daŋ hatai. Obe iso ebusak moru to hide ho nobo, nyo obe ifa isia ogilu hijo awak Hollum hicem hijo etilohu itai.”⁴⁵Niya ajiŋak inya kelesia Ata hitiara hifuhuta hiyo Ilafa etiinyaŋa dia. ⁴⁶Ata hijo to hosie, “Egiorohini, Hijo ara iso haji hanaŋ Haji Imojit, ‘ ati ehumak itai inya a haji no hahalak.”⁴⁷Niya etiyana ifa Yesu motie motie ta Haji Imojit netok letaha ilo fadirihien ojo hegiorok ojo hetidihitak ilo hiyo ata isia hiwak attohe inya, ⁴⁸ati obe isia orumu nobo hhei no oremik etisiahari inya, nyo etira ifa hiyo bi daŋ to honye dede.

¹Ifa to nobo far, etiyana if Yesu hiyo te kelesia ata hidofe hittitto hiyo sayye ŋejuk to Haji Imojit netok, afanu ifa ettaha ilo fadirihien ojo hegiorok ho hiyo ilo hittaha. ²Ata hiro to honye hijo, “Ilimak iyohoi hijo tanari golon nia egiamari iye hiro inia? Harra ŋai lia esio to hoi hilohitok nia?”³Ata inya hitiraŋ Ata hijo to hosie, “Efi iso hido naŋ itai hifita. Ilimak naya. ⁴Hibatiso no Yoani. Otu ifa te ido kuya tara tuŋani?”⁵Erotta isia to wati te inohosie hijo, “Kuya lojo iyohoi, ‘Te ido,’ oremik iso inya hijo, ‘Owuon ati jiai obe itai eruk ta hanaŋ?‘ ⁶Ati lojo iyohoi, ‘Tara tuŋani,‘ ata hiyo daŋ hidoŋ te iyohoi, nyo odule isia hijo ara ifa Yoani hekilani.”⁷Nia etiraŋ isia hijo obe isia oyen hijo hotu mahu tai. ⁸Ata Yesu hijo to hosie, “Efi iso naya itai ojo itai ebe elimak naya hijo hotu golon ne egiamari naŋ hiro huna.”⁹Ata inya elimak to hiyo hitiriami ina hijo, "Edulak ifa lobo tuŋani mana no honye, ata etijurak ata iko fino ata inya eno adoŋe nobo na alama ata manya dia man fur. ¹⁰Ifa lotubai holoŋi ino fino ata inya efahak inya hegiamani to mana nohonye, ata hijo, hesiara inya haŋer ino honye. Ojo hegiamak ata hibak inya, ata efuhak inya ania obe esio to honye haŋer.¹¹Nia enyak inya efahak lobo hegiamani lia ata isia daŋ higiem to honye hiro ino eyani iri Ata hidofe efuhak inya ania. ¹²Ata hiinyak efahak hitahunihi ata ajurak liya eriafu inya ata ebiru inya abali.¹³Nia ejo monya mana, ata monye mana hijo hegiem iso mahu naŋ nyio. Ojo inya efahak iso naŋ onyi hanaŋ la amuno naya. Kuya oremik iso isia baŋi inya. ‘ ¹⁴Ifa le ewolo hegiamak inya, ata isia hiro to wati te inohosie hijo, “Harrutani ileŋ” hetittohe inya, ara lorutat huna daŋ inohoi.'¹⁵Ata isia ebiru inya ade to hotuai ha mana, ata attohe inya. Nyo iso oremik monye mana higiem to hosie? ¹⁶Otu iso inya attohe haromok mana no fino, ata hisio mana no fino to hiyo ilak.'' Ifa etiru isia ata isia hijo, “Eyyumo Hollum!”¹⁷Ati oriŋa Yesu to hosie ata hijo, “Hetuhutek hiro no ojo, 'egioro hijo: moruo nafa ebo haduhok, awoŋ hira moruo nalara mirik na haji'? ¹⁸Lobo tuŋani lolohuyik to hide ho moruo nia, owuro iso yisyis. Ati to tuŋani lohuyik inya tohosie, “Esiak iso inya."¹⁹Ata hegiorok he habouk ilo fadirihien siaha hhei hijo ne ewak isie attirok has inohosie to honye ta saa inya, nyo eyen isia hijo ero ifa inya hitiriami nia te isia. Ati abaŋ ifa isia hiyo. ²⁰Oriŋa ifa isia inya to oger dee ata isia efahak haliamak ile ehumak wati ilohosie iya hiyo ilo obis, hijo anyar erumu isie hipali to hiro nohonye, anyar esio isia inya te etok he mamur lohosie.²¹Ata isia hifi inya hijo, “Hetiyanani, eyen iyohoi hijo ero iye ojo hidofe etiyana le ebis, ojo iye ebe eruk hiro ino lobo assai, ati etiyana iye ibisiti no hhei no Hollum. ²²Holibo iso to hoi hadumari musuru to Kesari?"²³Ati oyen ifa Yesu hinyaba nohosie, Ata hijo to hosie. ²⁴Ituhutek ta hanaŋ rial. Na ŋai rijiori inaŋ nowuon to hiji honye! Ata isia hijo, “No Kesari."²⁵Ojo inya to hosie, “Isiara to Kesari hiro ino Kesari, ojo to Hollum hiro ino Hollum.” ²⁶Obe ifa hegiorok he fadirihien ilo hittaha oremik arrumu hipalita to hiroinafaero inya to hosiere ho hiyo, etira ifa isia to hitiraŋi nohonye Ata aduehini.²⁷Ifa afanu Sadusahien to honye, hiyo ilo ojo hijo obe nobo hebuhu, ²⁸Ata isia hifi inya hijo, ''Hetiyanani, egiorok ifa Musa te iyohoi hijo loye halasi tuŋani, ojo inya owon ho oŋorwo ojo ifa isia obe owon ho hito, anyar eyari oŋorwo halasi honye, anyar esiu hito te ilasi honye.²⁹Nia owon halasira hatarik ata oŋieu lohosie ayemu hito noŋoruo ³⁰Ata ye obe hito. Ojo hidofe ilasi hitarihi. ³¹Adumu halasi hitahunihi inya amanyari ojo hidofe hitahata rihi Ata ye obe dure. ³²Nia ta halu, ata hito noŋoruo inya ye. ³³Ati to hebuhu nohosie hotu iso inya hira noŋoruo ŋai? Nyo Amanyari ifa hiyo ile hAta rik inya anoŋoruo hosie.”³⁴Ata Yesu hijo to hosie, “ayama onyirok hafau ina ojo hidofe esio to hiyama. ³⁵Ati ilia ilo osiru to hilahaji inya anyar efotu hebuhu tara hayok, obe enyak yama ojo hidofe obe esiarahini to hiyama. ³⁶Obe hidofe isia enyak ye, nyo erri isia he anjilohien ojo hidofe ara loyirok ilo Hollum, ojo hidofe onyirok ilo hebuhu.³⁷Ati ebuhu iso hayok, etihutehini ifa daŋ to Musa ta mai no tim, ta mai no hima nafa Eliloŋori inya Habu Hollum lo Abramo he Hollum le Isako he Hollum lo Yakobo. ³⁸Eyyania enya inya halara Hollum la hayok, ati la hawuarak, nyo amanya hiro daŋ to honye.“³⁹Etiraŋ ilak hegiorok, “Hetiyanani, etiraŋak iye nolobis.'' ⁴⁰Nyo obe ifa isia enyak wahan hifia inya hifiita arria.⁴¹Ata Yesu hijo to hosie, ''No nyo ojo isia hijo ara Kristo onyi Davide? ⁴²Dede, ojo Davide to Buk no Hidolita hijo, Ojo Habu to Habu lalaŋ, 'Itolojo ta hani he inyat hanaŋ, ⁴³man ehumahini naŋ miorok ilohoi ahitoloji nohoi.' ⁴⁴Ata Davide hililoŋo inya Kristo 'Habu', hara iso inya jai onyi Davide?''⁴⁵To hitira no hiyo daŋ, ata inya hijo to hejufutak ilohonye, ⁴⁶"Ihuma riŋa hegiorok, ila awak loton hifitita ino boŋojin isagaha, ojo omuno hifonya no ogol to masik ino hiinyaŋita, iko hitolojita ino hosiere ta masik ino imojiti, iko masik ino hosiere ta masik ino karamat. ⁴⁷Eturruo hidofe hajik ino ihidahi, etuhuta mojo nohosie ne esaga. Hiyo ilo owon ania, omoju iso isia ŋoto no obolo.''

¹niya ebono Yesu ata egonyu hiyo hasamak Ilafa ehuma hisiorita ino hosie to otunari. ²Ata inya egonyu nobo ihidak no ŋorwo efiyak arobia ohorik. ³Ata inya hijo, “Ajo naŋ ta hatai dede hijo esio ihidak inaŋ ino arria agalik isia bidaŋ. ⁴Esio isia hisiorita inohosie to himunya ne ibariti inohosie. Ati esio ihidak ina to hilociaŋ nohonye hiro inohonye daŋ ta maiinafaetimanya inya.''⁵Ero ifa ilak ilohosie to haji imojit, to hilahaman nohonye to moru he hisiorita, ata inya hijo, ⁶"To hiro inia eriŋa itai, otu holoŋ no obe nobo moru ebusahini to nobo no obe obwara.'' '⁷Ata isia hifi inya hijo, "Hetiyanani, anu iso ofu hiro inia aliew? ŋari nyo iso etuhutek hijo haliew nohosie?'' ⁸Ata Yesu hitiraŋ, ''Ihuma riŋa hijo hotobiaŋa lobo tuŋani enyab itai. Afanu iso hiyo arria to fure nanaŋ, hijo, "Naya lia,' ata hijo, 'Eliaha far inya.' Ibaŋa ejufari halu nohosie. ⁹Le etiru itai fere he ŋalafa, hotobiaŋa itai elafuho, isiara hiro inia hotoliew do to hosiere, ati obe iso hucuŋi oliew kokwak.''¹⁰Niya Ata inya hijo to hosie, “Oliwa iso doŋe he nobo doŋe, ojo obie he nobo obie. ¹¹Owuon iso ikebehi ino hittaha ta masik arria, owon iso hiŋa he iŋweti arria owon iso hiro ino etibaŋa hiyo he hituhututa te ido.¹²Ati holobe hiro inia daŋ, otirok iso isia has inohosie ta hatai Ata hitigiama itai, man esio itai ta hajik he imojiti he ta babusi, ojo hidofe eyyani itai to hosiere ha habuok he mamuri to fure nanaŋ. ¹³Eyari hiro inia etigolori itai te igiem no olibo.¹⁴Iyania ihumak ta tajia inahatai hijo ebe itai efu risai la lawoŋ far inya, ¹⁵esio iso naŋ ta hatai hiroia he ofioroho, no obe iso miorok ilahatai oremik tume.¹⁶Ati esio iso hesiok hatai itai, halasira, woyo, he motiarak hatai to hosie ata isia attohe ilak tara hatai. ¹⁷Oliwari iso hiyo itai daŋ to fure nanaŋ. ¹⁸Ati obe iso lobo hofitti olita to hosi inahatai. ¹⁹To hidi nahatai, efotu iso itai oholioho inahatai.²⁰Le egonyu itai ekolok miorok Yerusalem, itiyyen hijo eliaha hitihara nohonye. Ilimak liya ila amanya to Yudea heruata ²¹adoŋe, ilimak hidofe liya ila amanya to hiji ho bore gala heruata, ibaŋa ebusak ila alama tara Yerusalem hotojiŋak ahotwe honye. ²²Holoŋitek ino hilionyo huna, hijo anyar lotuba hiroinafaegiorohini.²³Oru iso to ŋorwo ino ebuŋuta he to niya ino etidasa to holoŋitek niya! Obolo iso hitigiama to hiyo ila amanya to fau nia, obolo iso hidofe jore no Hollum to hiyo. ²⁴Ohuye iso isia to demi ata iso hiyo eniafari isia te inak masik ino obe ara inohosie, Orriehini iso Yerusalem ta fau to miorok ilohonye, man otubari holoŋitek ino halufak ino etigiamari isia.²⁵Oliew iso hituhutita to holoŋ, ta yafa, he to haher, he ta fau. owon iso doŋiok to hitigiama, he ta baŋi nyo to hibuluŋuta no hari netok. ²⁶Owuon iso huyuta no hiyo ila abaŋ to hiro ina afanu afau. Ekikiro iso golon ne ido'.²⁷Ati egonyu iso isia Lony Tuŋani otu te itiran ho golon ojo to hitahwo no obolo. ²⁸Ojo etiru itai hijo eba hiro inia, itidiote ahide ata itai hihaf hosi inahatai ahide, nyo eliaha etilohini nahatai.''²⁹Ata Yesu elimak to hosie nobo hitiriami, "Itiwolo to bule, he to yanik daŋ. ³⁰Le asidu isia hosi inohosie, ata itai egonyu to wati inahatai, itiyyen hijo eliaha tahas. ³¹Hidofe lejo itai hiro inia eba, ata itai hiyyen hijo eliaha obie no Hollum.³²Dede, ajo naŋ ta hatai, hijo obe iso hilahaji inaŋ olita man oliew hiro inia daŋ. ³³Olita iso ido he fau, ati obe iso hiram nanaŋ olita.³⁴Ati ihuma riŋa wati inahatai, hijo hotobiaŋa tajia inahatai elafuho to hiro ino mata he to hiro ino etihara itai, he hiro huna etibaŋa itai ta manya, ata holoŋ inya awoŋ kwak ta hatai Ata eniefu itai. ³⁵Otu iso far inya to hiyo ila amanya ta fau daŋ.³⁶Ati ihuma riŋa bi no a sahien daŋ, itimoje hijo anyar edule itai golon heruata ri ade tara hiro ino oru ina afanu, hijo anyar ewetari to hosiere ho onyi Tuŋani.''³⁷To holoŋitekinafaetiyanari inya te imojit, ojo ta harie owu inya ade, ofirie adoŋe ho Oliveto. ³⁸Afanu ifa hiyo daŋ ahunyai to honye to motie beren etirari.

¹Eliaha ifa holoŋ ne imune ne efurek isia hijo Laŋan. ²Ata etok la fadirihien he hegiorok huwaha hijo hehum iso jai anyar ettohori Yesu, ati abaŋ ifa isia hiyo.³Ata ati Sitan ajiŋak to Juda Iskariote lobo lo tomon ha arik. ⁴Ohu Juda ade te etok lo fadirihien he ettaha ilo loseŋer ofwo huwaha ho loseŋer ofwo huwaha jai iso eyani inya Yesu to hosie.⁵Omuno ifa isia, ata isia huruk hisio inya arobiaha. ⁶Eruhu ifa inya, ata siaha hei ne eyanini inya to hosie ade tara iluluŋ no hiyo.⁷Awoŋ ifa far ne eyyomori hiyo imune anyar ofwo isia hisio ker ahisiori. ⁸Ata Yesu efahak Peturu he Yoani hijo, ifeti ihumak daha na laŋan anyar efwo daha. ⁹Efia ifa isia inya, "Hewak iye iyohoi ehumak daha aji?¹⁰“Etiraŋ inya te isia hijo, "Itira, lejo itai ejiŋak to bore na gala, efu iso itai hiboŋ ho lobo tuŋani leyyuhuta hifioŋ. Ijufak inya ahaŋ nia lowuye inya. ¹¹Ati ilimak monye la haji he hetiyenani to hoi, “Tahu haji na hata monok, nia iso ladahari naŋ daha na laŋan he hejufutak ilallaŋ?'''¹²Etuhutek iso inya itai haji netok na etuhuma dia hide na la lat. ¹³“Ofwo isia arum saŋ daŋ iya ojoYesu to hosie. Ata isia hihuhuma ŋira no holoŋ no laŋan no anjilo lo Hollum.¹⁴Ifa leba holoŋ nia, ahunyai inya he heyiyenak ilohonye. ¹⁵Ata inya hijo tohosi,” awahan naŋ bi no daha no laŋan iko itai holobe hitigiema nanaŋ. ¹⁶Ati ajo naya ta hatai, abe iso naŋ adaha inyak man otuba obie no Hollum.“¹⁷Ata Yesu adumu imatit, ifa esio inya humo, ata inya hijo "Iyari ina, ata itai hibwan to wati inahatai. ¹⁸Ati ajo naya ta hatai abe iso naya enyak himat tara haŋer ino yani, man otuni obie no Hollum.''¹⁹Ata inya adumu imune, ifa esio inya humo, ebun inya imune ata hisio to hosie, hijo, “Ara inaŋ wan nanaŋ nafa esiarahini ta hatai ihuma ina ata itai egigilu naya." ²⁰Ata inya adumu imatit ta halu no daha. Ata hijo "Ara imatit inaŋ himori ŋejuk to hoto nanaŋ no lowouni te itai.²¹Ati ihuma riŋa. Lo owu etinyaŋai naya lia owon ikanaŋ to terefeja. ²²Ati eba iso hiro inia iya egioro ifa man beren to onyi Tuŋani. Ati oru iso to tuŋani lo ohu hiro inia afanu tara honye!'' ²³Ata isia hitiara hiro ta wati ilohosie hijo ŋai iso lia lo ohu higiem hiro inia to honye.²⁴Teya edoŋ rijia to hosie hijo ŋai iso ara etok tara hosie. ²⁵Ata inya hijo to hosie, ''ara habwok ilo halufak ilo tara hosie, ati hiyo ilo owoun he hilohitok tara hosie ara isia hiyo ile ehuma no olibo to hiyo ilohosie.²⁶Ati hotobiaŋa ara ta hatai daŋ ania. Isiara la ara etok tara hatai hata ra iya letiŋ, isiara lia la anyar to hiji hatai hata ra hegiamani lahatai. ²⁷Lari lia agalik, tuŋani le etole to terefeja he tuŋani le egiama ta hatai? Hara mahu tuŋani le etole to terefeja? Ajo naŋ awon to hiji hatai a hegiamani.²⁸Ati itai ilia ile edule ikanaŋ te iciemiti inanaŋ. ²⁹Esio naya ta hatai obie, iya esio Monye hanaŋ ta hanaŋ obie, ³⁰hijo anyar edaha itai ojo emata to terefeja no obie kanaŋ, ojo itai efu hittole to hittolojita eŋotori woyojin tomon harik ino Isarail.³¹Simone, Simone ihuma riŋa, awak Sitan ajiŋak tohoi, hijo awak inya higili iye iya geme. ³²Ati amojok naŋ to hoi, hijo hotobiaŋa huruk nohoi olita. La aciohini iye to huruk nohoi, itigolo halasirah hoi.''³³Ata Peturu hijo to honye, "Habu, Aremik naya eno hehoi a hotwai babus efitari iko to oyori." ³⁴Ata Yesu hitiraŋ, "Elimak naya iye, Peturu, erisa iso iye naya hinyahita hunik hijo obe iye eyen naya holobe hohoro ellok.''³⁵Ata Yesu hijo to hosie, “efahak naya itai ade obe rokwo, iko imutuk na saŋ ho hamuha, enyak ifa itai siaha inak hiro?” Obe ifa isia oremik hitiraŋ to honye.” ³⁶Ata inya hijo to hosie, “ati Iyania lia lo owon ho horokwo, isiara inya heyari ojo. Lia obe owon ho carakwat isiara hetiinyaŋak boŋo nohonye anyar einyaŋu nobo.³⁷Ati ajo naya ta hatai, hiro inafa afanu to fure nanaŋ iya egiorohini isiara hotowuana, nyo ojo ifa hiyo hijo obe inya oyen ifahita.' Otubai hiroinafalero to fure hanaŋ." ³⁸Ata isia hijo, “Habu, towolo! owon demio arik." Ata inya hijo to hose, "Aremik.''³⁹Ta halu na daha eno Yesu, iya ina to holoŋi inya adoŋe no Olifeto, ojo hejufutak ejufari inya. ⁴⁰Ifa leba isia, ata inya hijo to hosie "Itimoje hijo hotobiaŋa itai ejiŋak to ciama."⁴¹Ata inya eno ade tara hosie adoŋe Ata rigoŋo ta fau Ata mojo, ⁴²hijo, "Monye, le ewak iye todumu imatit ina tara hanaŋ, ati obe ara wahan hanaŋ ati ihuma iya ewak iye.”⁴³Ata anjilo te ido aliew to honye, letigol inya. ⁴⁴Owuana ifa inya to diahai na taji nohonye, ata inya mojo bi no, ata pulo nohonye hira iya hoto no odek ta fau.⁴⁵Ifa lodiote inya tomojo no honye, ata inya inya awoŋ too heyiyenak, ata inya arumu isia ojoto nyo ejiriŋa ifa inya, ⁴⁶Ata inya hifi isia, "No nyo ojoto itai? Itite itimoje, hijo hotobiaŋa itai ejiŋak to ciama.”⁴⁷To hiro nohonye, kwak ata isia egonyu iluluŋ he Juda, lobo hejufani ila ho tomon ha arik le edihita isia. Otu inya aŋati to Yesu hijo ajur inya, ⁴⁸At ojo Yesu to honye, "Judas, etiinyaŋak iye onyi Tuŋani to jura ?"⁴⁹Ifa ewolo liya daŋ lelurok Yesu hiroinafaowuon Ata isia hijo, “Habu, eŋot bahat to demi?“ ⁵⁰Ata lobo lohosie hiŋot hegiamani le etok lo fadirihen, oŋutu hiyok nohonye ne inyat. ⁵¹Ata Yesu hijo, “Aremik nia.” ata inya enyahak hiyok nohonye ata hitilibo inya.⁵²Ojo Yesu to eittok la fadirihen, he ettaha hijo, "Efanu itai, ta hanaŋ iya to ohoho, demio he bukwo. ⁵³Nafa awuanari naya ikatai ta Haji Imojit, ebe itai etirok ta hanaŋ has inahatai. Ati elaŋ far nahatai itai iko hegiamak ilo hilohitok ne idumele.''⁵⁴Ata isia eniefu inya, ata eyari a haji ne etok la fadirihen. Ati ejufurai ifa Peturu inya te alamari. ⁵⁵Ta halu no etuwulek nohosie hima to hiji no ruwat, etole isia daŋ ta fau. Etole ifa Peturu to hiji hosie.⁵⁶Ata nobo hegiamani na ara hito oŋorwo egonyu inya le etole te icala no hima, ata inya hiwolo inya to honyehite inohonye toktok ata hijo, "Owuon ida tuŋani ile he Yesu.'' ⁵⁷Ata Peturu risai hijo, "Tuŋani inaŋ, abe naya ayen inya.'' ⁵⁸Ta halu, ata hidofe lobo tuŋani egonyu inya Ata hijo, "Era ida iye daŋ lobo lohosie.'' Ata Peturu hijo, "Ile tuŋani, alufa naya.'⁵⁹Ta halu enyak lobo hijo, "Dede owon tuŋani ileŋ daŋ he isia nyo ara inya la Galilea.'' ⁶⁰Ati ojo Peturu ''Ile tuŋani, abe naŋ ayen hiro ino ero iye.” Halarasa inya hiro, ata hohoro hilok.⁶¹Ofiala Yesu, ata riŋa to Peturu, ata Peturu egigilu hiram nafa ero Yesu, nafa ojo inya to honye "Holobe hohoro elok erisa iso iye naya hinyahita hunik." ⁶²Ata Peturu ajiŋu abali lo oyio no.⁶³Ata heririak ilo Yesu elohitari ojo abak inya. ⁶⁴Ata isia emuhok inya ata hifi inya hijo, "Ikilu! ŋai lia olum iye?'' ⁶⁵Ero ifa isia hiro daŋ inak ila adata Yesu, ojo hidofe omoro inya.⁶⁶Ifa era motie nohonye, ata maruak ilo hiyo daŋ atubahini ara botie, iko etaha ilo fadirihien iko hegiorok. Ata isia edihori inya te iluluŋ ne ettaha ilo Yudeya. ⁶⁷Ata isia hijo, "Le era iye Kristo, ilimak iyohoi.'' Ata inya hijo to hosie, "Le elimak naya ta hatai, ebe iso itai eruk, ⁶⁸ojo le efi naya itai, ebe iso itai eremik hitiraŋ ta hanaŋ.⁶⁹Ati man Iyania man ahosiere, ohu iso onyi Tuŋani ahunyai ta hani he inyat no golon no Hollum.'' ⁷⁰Ata isia daŋ hijo, "Dede iye hada lia onyi Hollum?'' Ata Yesu hijo to hosie, "Ojo hido itai ara naya.'' ⁷¹Ata isia hijo, "No nyo enyak iyohoi wahan lobo sut? Etiru hido iyohoi ta wati te inohoi to hutuk nohonye.''

¹Ata iluluŋ nohosie daŋ diote ahide, ata isia eyyani Yesu ahosiere ho Pilato. ²Ata isia hitiara roso inya hiro. Hijo, “Erumu iyohoi tuŋani ile etihara doŋe nohoi, ebo hisio musuru to Kesari, ojo hidofe ara inya to wan Kristo Habu.“³Efi Pilato inya hijo, "Era iye Habu lo Yudea?'' Ata Yesu hitiraŋ inya, ata hijo, ''Iya ejo iye.” ⁴Ojo Pilato to Leitok lo fadirihien he iluluŋ, “Abe naya arumu nobo hipali to tuŋani ile.” ⁵Ati arasa isia, hijo, “Etihara inya hiyo, etiyana to missihi daŋ ino Judea, etiara ta Galilea man ta mai ina."⁶Ati ifa etiru Pilato ania, efia inya hijo hara mahu tuŋani ile lo Galilea. ⁷Ifa eyen inya hijo ara Yesu la owon to hilohitok ne Erode, ata inya efahak Yesu te Erode, lafa owon to Yerusalem to holoŋi nia.⁸Ifa egonyu Erode Yesu, omuno ifa inya bi no, nyo awak ifa inya hiwolo inya man beren. Etiru ifa inya ata inya wahan egonyu inya iko iduariti inafa egiem inya ⁹Efi Erode Yesu to hiroita ino bore, atati obe ifa Yesu etiraŋ inya nobo hiram. ¹⁰Odioto etok lo fadirihien he hegiorok ata arosok inya hiro ino loru.¹¹Ata Erode ho loseŋer ilohonye moro inya Ata erramitari inya, ata eticiofok to honye boŋojin ino elahaman ata efahak inya to Pilato. ¹²Ata Erode ho Pilato sonya himotia ta far inya (Beren ara ifa isia amiorok).¹³Elliloŋ Pilato habwok ilo fadirihien he ettaha jo iluluŋ no hiyo. ¹⁴Ojo to hosie, eyani itai ta hanaŋ tuŋani ile iya lobo ile edihita hiyo hehumai hiro ino oru, “Itiwolo efi naya inya to hosiere hatai, arrumu naya obe hada nobo hipali to tuŋani ile to hiro inia daŋ erosohini itai inya.¹⁵Obe Erode orumu inya hepalani, inya nia enyak inya efahu inya te iyohoi, itiwolo, obe hidofe inya osiru to ye. ¹⁶Awak iso naya hibak inya bi ata ti naya ebusak inya. ¹⁷Egioro ifa to hifahi hijo anyar ohek Pilato tuŋani lobo lobotie la adaha isia hiyom na allaŋari imune.¹⁸Ata oyio ifa hiyo bi no daŋ anobotie, hijo, "Iyani tuŋani lia ade, itihek te iyohoi Barabas!'' ¹⁹Efitak ifa hiyo Barabsas nyo orosok ifa hiyo inya hijo awak ifa inya asulai ettaha ade to hittolojita inohosie, ojo hidofe ottohe tuŋani.²⁰Enyak Pilato hiro to hosie, awak ifa inya ahek Yesu. ²¹Ati eyoro ifa hiyo bi no hijo, Isihok inya, isihok inya.'' ²²Ata inya hidas to hosie hitahunihi hijo, "No nyo, hegiem tuŋani ile nyo no oru? Obe nobo sihin na arumu naya no osiru to honye ye. Abak iso naya inya ata naya ebusak inya.''²³Arasa ifa isia hiyoro no, awak isia anyar le sihohini inya. Ata hiyoro nohosie hiloit taji no Pilato ²⁴Ata Pilato eruhu hisio to hosie wahan nohosie. ²⁵Ahek inya lia lafa efia isia lafa owon ta babus to hitihara nohonye haŋ ojo hidofe ottohe tuŋani. Ati esio ifa inya to hosie Yesu.²⁶Nafa eyari isia inya abali, ata isia eniefu lobo la ara fure nohonye Simone lo Sirene, lafa otu to doŋe hosie, ata isia ahafak to honye hoto lororoi kuruce le ejifita Yesu.²⁷Ata iluluŋ no obolo no hiyo he ŋorwoinafaoyio ojo hidofe ejiriŋa te inya ejufari inya. ²⁸Ati ofiala Yesu to hosie ata hijo, "ŋaniok ho Yeruselem, ibaŋa oyio naya, ati itiye to watie inahatai iko to dure inahatai.²⁹Itiwolo, afanu iso holoŋitekinafaina afanu isia hijo, Hotomune hosehe ne eholofi iko hosehe no obe esie, iko hinai no obe etidasa.'' ³⁰Ata iso isia hitiara hijo to doŋiok, ''Ituhuyek te iyohoi.' he to doŋiok ilo hitiŋi imuluhak iyohoi. ³¹Le egiama isia hiro inia hara yani igara, nyo iso edoŋ lotte inya?''³²Orihori ifa isia ilak hahalak ohorik anyar esihohini he inya hotoyo he inya.³³Ifa eba isia ta mai no ojo hijo, "Mai no Hoo,'' Ata isia esihok inya dia, he hattohok liya, esiho ifa lobo ta hani he inyat nohonye ojo lobo esiho to oko hani he ihorroŋ. ³⁴Ata Yesu hijo, "Monye, ibusak isia, nyo obe isia oyen hiro ino egiama isia.'' Ata isia hibiro muaŋa ehutu ŋai, awahari abwanyari boŋojin inohonye.³⁵Oweta ifa hiyo arria ilo orriŋa inya he ettaha ile ellohitari inya hijo, " Etiluahu hido inya ilak. Isiara hidofe inya hetiluahu wan nohonye, la ara inya dede Kristo onyimoti lo Hollum.''³⁶Ata hidofe oseŋer ellohitari inya, ehutok to honye, ata etimatik to honye balu. ³⁷Ata hijo, “Lera iye Habu lo Yudea olwak wan nohoi. ³⁸Owuon ifa ihierit to hide ho Kuruce no ojo “Ara inya Habu lo Yudea.''³⁹Ata lobo lafa esihohini he inya, himor inya, hijo, “Ebe ati iye era Kristo ‘Tolwak wan nohoi he iyohoi.” ⁴⁰Ati etiraŋ ifa lobo Ata hiriŋ inya hijo, “Obe iye ebaŋ Hollum, ena ewuon iye to ŋoto nia daŋ. ⁴¹Ewuon iyohoi ini dede ano lobis, emuju iyohoi hipalita ino ehum iyohoi, ati obe tuŋani ile ehum inak hiro ino loru.“⁴²Ata inya hiinyak afonik hijo, Yesu, togilu naya lejo iye leba to lobie nohoi. ⁴³Ojo Yesu to honye, “Dede ajo naŋ to hoi, ena ewuon iso iye ika naŋ ta paradisio.''⁴⁴Era ifa kil na far ata fau daŋ rioho man ara holoŋ hotoŋwan. ⁴⁵Ifa lenya holoŋ ho bworro. Ata boŋo himuhi na Haji Imojit bwanya to hiji.⁴⁶Oyio ifa Yesu bi no ahide, ata hijo, ''Baba ta has inohoi esio naŋ Oyiri hanaŋ. Ojo inya ata yee. ⁴⁷Ifa ewolo etok hiroinafaoliew, ata inya hitahwo Hollum, hijo dede ara tuŋani ileŋ haliboni.''⁴⁸Ifa ewolo iluluŋinafaafanu orriŋari hiro ino edoŋ ata hiwolo hiro to honyehite te inohosie, aciaahari isia ilo ollumo suhiana inohosie. ⁴⁹Ata ilafa daŋ oyen inya, he ŋorwo ejufari inya ta Galilea, oweta isia tealamare ata riŋa hiro niya.⁵⁰Ati owon ifa lobo tuŋani dia la ara fure nohonye Yosefu, ara ifa inya tuŋani le iluluŋ inya. Ara ifa inya tuŋani lo olibo ojo hidofe ara ahaliboni. ⁵¹Obe ifa tuŋani lia awak eruhu higigilo no hosie he higiemita inohosie. Ara ifa inya lo Yudea to bore gala na Arimetea; osiaha ifa inya obie no Hollum.⁵²Eno tuŋani lia to Pilato, ata inya hifi wan no Yesu. ⁵³Odumu inya wan inya afau, Ata hibubun to boŋo ne elahaman, ata etiferik te iwure nafa oborini ade tara moru, no lobe lobo onuhahini dia min beren.⁵⁴Ara ifa far ne hitihuma ifa awoŋ no Sabato, ⁵⁵afanu ŋorwoinafaejufuni Yesu man to Galilea, ata isia hiwolo ilume nafa etifierihini isia inya dia. ⁵⁶Aciahari isia, ata atiorok hitiŋwojita ino efufuso hiyo ta hayoni. Ata isia ayiru ta far no Sabato iya egioro to hifahi.

¹To motie beren to hitieri no holoŋ te isabit, afanu isia elume eyani isia hitiŋwojita inafa otiorok isia. ²Ata isia arumu moru abuluŋari ade te ilume. ³Ojiŋak isia a hotwai. Ati olita ifa wan na Habu Yesu teya.⁴Oweta isia dia ilo odule hililiha to hiro inia, ojo hiyo ohorik ilo opipiak boŋojin inohosie ata hidoŋ. ⁵Ati ŋorwo ina baŋi ata hiluŋuro afau, Ata isia hijo to ŋorwo, “No nyo esiaha itai hawarani to hiji ho hayok?⁶Obe inya teni, ati ebuhu inya! Itigilu hiroinafaero inya ta hatai nafa halarasa inya ta Galilea. ⁷Hijo esiarahini iso onyi tuŋani ta has ho heyak, ata isia esihok inya, ojo ta halu ho holoŋitek hunik ebuhu iso inya hinyak to wuaran.⁸Agilu ŋorwo hiro nafa ero inya. ⁹Acohini isia te ilume ata elimak hiro inia daŋ to hejufutak iko hiyo ilamuk daŋ. ¹⁰Ara ifa ŋorwo inia Mariai Madalina, Juana, ojo Mariai hotonye Yakobo, ojo ŋorwo inak ata elimak hiro daŋ to efahat ilo Yesu.¹¹Ati egigilo ifa lefahat liya hijo obe hiram ne ara dede, ata isia enyai heruk to hiram nia tara hosie. ¹²Ati odioto ifa Peturu ahide, ata hinyior elume, oweta, ata riŋai ahotwai. Ewolo inya boŋojin owon dia, ata Peturu acahari ahaŋ honye, Eliliha hijo nyo mahu owon.¹³Ata ilak ohorik efie ta far inya a doŋe inya lara Emmaus, nafa lara maili ile to Yerusalem. ¹⁴Ero isia to wati inohosie hiro daŋinafaedoŋ.¹⁵Ifa ero isia to wati inohosie ata Yesu alotohini daŋ he isia. ¹⁶Ati owolo isia inya ati obe ifa isia oremik ahieru inya.¹⁷Ojo Yesu to hosie, “Hiro itai nyo to wati ilahatai ohorik?'' Ata isia weta ile ejiriŋa. ¹⁸Ata lobo lohose lafa lara fure Kiliopa, etiraŋak to honye hijo, “Hera iye lobo hata mononi ini to Yerusalem lobe oyen hiro huna lerr hiyo to holoŋite huna?''¹⁹Ejo Yesu to hosie, Inari hiro inia?” Etiraŋ isia to honye, “Sayye ino Yesu lo Nasarit, lafa ara hekilani, ologol bi no ara inya Hiro no Hollum ojo hidofe bi daŋ to hiyo. ²⁰Lafa esio ettaha ilo klesia he hekumok hijo hototohe hiyo inya hotoyo Ata esihok inya.²¹Ati eyik ifa iyohoi hijo otu iso inya ahek hiyo ile Isaraile. Te ino daŋ era holoŋitek hunik Iyania ta nafa ebarari hiro ino.²²Ati etubur inak ŋorwo ino ho iyohoi nyo eba isia te ilume to motie beren. ²³Nara enya isia holorumu wan nohonye, afanu isia hiwolo hiro na anjilohien Ilafa ojo owuar inya. ²⁴Ofwo ifa ilak liawa ilohoi elume loriŋari ata arumu dede iya nafa elimahini ŋorwo nia. Ati obe ifa isia egonyu inya.²⁵Ojo Yesu to hosie, “Itai hullo bolitok ojo tajia odico to huruk to hiro inafa ero hekilak. ²⁶Obe ifa osiru to Kristo hetigiamari hiro inia anyar ojiŋak to obie nohonye. ²⁷Etiara ifa to Musa man owu to hekilak, eloitok ifa Yesu to hosie hiro inafa ofwo hidoŋ to honye.²⁸Ifa lafanu isia aŋati ha haŋ nafa ofuye isia, ata Yesu loton iya ohu eno alamarai. ²⁹Ati ebo isia ebusak inya heno ata hijo to honye, “Itolojo daŋ he hoi,” Nyo eno ifa hira iŋalio.” Ata Yesu eno hittole he isia.³⁰Ifa letole inya daŋ iko isia, ata isia daha, adumu inya immune ejok obun ata hisio inya to hosie. ³¹Ata honyehite inohosie ŋa, ifa eyen isia inya ata inya lite tara hosie kwak. ³²Ojo isia to wati inohosie, “Obe ifa owon iya owulo hima to tajia inohoi nafa erarari inya te iyohoi to hikoi ata elimak Hiram nia te iyohoi to Baibol?''³³Ata isia diote ta far inya ata acahari a Yerusalem, orumu liya tomon ho lobotie losuduha nobotie ojo ilafa owon daŋ ikosia. ³⁴Ata hijo isia hijo, "Ebuhu Habu dede, olieu to Simone.” ³⁵Elima isia hiro daŋinafaedoŋ te hei, he hetuhutek no Yesu to hosie to hibun to nohonye immune.³⁶To hiro nohosie hiro niya, oweta Yesu to wan to hiji nohosie, ata hijo to hosie, "Itigolo daŋ ta hatai." ³⁷Ati ekikiro ifa isia ata wuana ho baŋi iya ina egonyu isia Oyiri.³⁸Ojo Yesu to hosie, “No nyo odiaha tajia inahatai? No nyo obore hifiita ta tajia inahatai? ³⁹Itiwolo has inanaŋ he hejek inaaŋ. Itittir naya ata itai hidofe hiwolo. Obe oyiri owon iko het, iya ina awuanari naya.'' ⁴⁰Ifa attohu inya hiro, ata inya etuhutek to hosie has inohonye he hejek inohonye.⁴¹Ati obe ifa isia eruk nyo arasa ifa isia wuana ho mune, ojo hililiha, ojo Yesu to hosie, “Ewuon itai ho nobo daha?” ⁴²Esio isia inya hami no lomuda. ⁴³Ata Yesu adumu hami no omuda ata hinya tohosere hosi.⁴⁴Ata inya hijo to hosie, "Nafa halawon naya ikatai, elimak ifa naya daŋ hijo egioro to ifahita ino Musa, iko hekilak, ojo Hidolita oten.''⁴⁵Ata inya hiŋa hosi inohosie hijo anyar bahati oyen higierita. ⁴⁶Ata inya hijo to hosie, "Egioro hijo, etigiema iso hiyo Kristo enyak iso inya ebuhu to ye ta far hitahunihi. ⁴⁷Anyar etiyana ta masik bi daŋ hibo iko hebusak no hiyata to fure nohonye, etiara to Yerusalem.⁴⁸Era itai asuuti ino hiro huna. ⁴⁹Itiwolo efahu naya itierit no Monye hanaŋ ta hatai, ati tahatai, ati itilai do to bore gala man otuni golon to hide.''⁵⁰Ata Yesu edihori isia aŋati ho Betania. Ata inya hikaf has inohonye ahide, ata hijok isia. ⁵¹Ta nafa lajahari inya isia, ata ebusari isia ata inya eno ido.⁵²Niya, ata isia hitihabwo inya, ata acahari a Yerusalem to mune nolobolo no. ⁵³Odule ifa isia wuana to hotwai Haji no Hollum ila ajaha Hollum.

¹Man to hitieri owuon ifa hiram, ojo hiram owuon iko Hollum, ojo hiram ara Hollum. ²Arania daŋ nobotie, hijo owuon ifa hiram man to hitieri iko Hollum. ³Oyeuni hiro daŋ tara honye, lobe ifa inya nobe ifa hiro oyeuni inafa oyeuni.⁴To honyi owuon ifa manya, ojo manya nya ara cialai no hiyo bi daŋ. ⁵Owulo cialai to idumele, ojo idumele obe oremik hitudun inya.⁶Owuon ifa lobo tuŋani lafa efahu Hollum, Ara ifa fure nohonyie Yoani. ⁷Ottu ifa inyia elimak hiram no cialai, hijo anyar eruk to honyi. ⁸Ati, obe ifa Yoani ara cialai, ati ottu inyia hetihutek cialai.⁹Ara ifa lia cialai dede lafa ottu ta fau anyar edia to hiyyo bi daŋ.¹⁰Owuon ifa inya tafau, ojo fau ifa oyeini tara honyi. ¹¹Ottu ifa inya to hiro innafa ara inohonyie, ojo hiyyo ilo honyi obe omoju inya.¹²Ati emonya ilia hulo omoju inya, ilia hullo eruk tofure nohonyie, to nia esio inya isia hafanu adure ilo Hollum. ¹³Iia ilafa esini, ati obe ara to hoto, obe hidofe ara to hiwak nolobo ati ta wahan no Hollum¹⁴Iyania awoŋ hiram atuŋani ata manya to hiji hohoi. Egonyu iyohoi ohwo nohonyi ohwo inna owuon no olufa tara innak hamai tuŋ ilia afanu tara Monye, efut iko nyalami ojo dede. ¹⁵Elimak Yoani hijo inyia ojo oyyo hijo, Inyia lafa ile lafa ile ajo nayya, ile lafa afanu ta halu hanaŋ owuon iko hagalik holobe nayya, nyo owuon ifa inyia holobe nayya.'''¹⁶To mune nohonyi emoju iyohoi hamehini asai ta halu honyie. ¹⁷Nyo te ibisiti inafa esiarahini to Musa, ojo hamehini iko dede ottu tara Yesu Kristo. ¹⁸Obe ifa lobo tuŋani egonyu Hollum to nobo holoŋ. Inyia alobotie ojo tuŋani, ile ara Hollum. Lia ile owuon to suhe ho Monye, ehumak inya hotoyyen.¹⁹Iyyania hituhuti no Yoani inna, lafa efahu Yudea to honye to Yerusalem hetimojoni iko ettaha ilo kelesia anyar efi inyia, "ŋai iyye?" ²⁰Atta inyia apulok dede, ojo obe orisa, ati etiraŋ Abe nayya ara Kristo. ²¹Teyya atta isia hifi inyia, "Era iyye anyo ati, Era iyye Elija, ojo hijo abe nayya ara, ojo isia ata hijo ara iye hekilani, ojo inyia atta hitiraŋ, ''Obe.''²²Teyya ejo isia tohonyi, Iyye ŋai, anyar esio iyyohoi hitiraŋi te ilia efahu iyyohoi? Hejo iyye jai to wan nohoi, ejo inyia hijo, ²³Ara nayya lobo lia ille ayio wan to tim. Ihuhumak hikoi nolobis ta Habu ofe iyya Isaiah hekilak ojo.''²⁴Atta isia efahak illak tara farisei. ²⁵Teyya atta isia hifi inyia hijo, ''Nyo ati ebatiso iyye lobe iyye era Kristo iko Elija kuya hidofe hekilani?''²⁶Etiraŋ Yoani isia hijo, "Ebatiso nayya to hifioŋ ojo hidonyi to hiji hatai owuon lobo ille ebe itai eremik ahieru. ²⁷Inyia lia ille ottu wan ta halu hanaŋ. Abe nayya asiru ahou hamuha innohonyie." ²⁸Hirro innia daŋ egiamahini ifa to Betani to ŋati nono tololo ho Yordano nafa ebatisori Yoani.²⁹Ifa holoŋ hitarihi egonyu Yoani Yesu ottu to honyie atta hijo, "To wolo owuon ker lo Hollum ille eyari hiyyata ade tafau! ³⁰Inyia lia lafa ajo naŋ hijo lia ille ottu tahalu hanaŋ agalik nayya. Nyo owuon ifa inyia holobe naya. ³¹Abe nayya ahieru inyia ati ara iyya nia nafa owu inyia alieu to Israile hijo attu nayya hibatiso to hifioŋ.³²Elimak Yoani, "Egonyu nayya Oyiri ollu iyya irige te ido, na arasa tohonyi. ³³"Abe naŋ ahieru inyia." Ati inyia lia ille efahu nayya hijio anyar ebatisok nayya to hifioŋ ojo ta hanaŋ tohonyie egonyu iso itai Oyiri olu atta arasa tohonyie, inyia lia ille ebatiso to Oyiri lolibo." ³⁴Egonyu nayya ajo hidofe elimak hijio inyia lia Lonyi Hollum."³⁵Edas, to motie nohonyie, ojo Yoani owueta iko heyiyanak ohorik, ³⁶egonyu isia Yesu olot, ojo Yoani atta hijo ''Toriŋai, lia Ker lo Hollum!''³⁷Etiru heyiyanak ilia lohorik Yoani ejo inia, atta isia ejufak Yesu, ³⁸Teyya ewolo Yesu atta egonyu isia ejufuta inyia atta hijio to hosie "Hewak itai nyo?" Ojo isia atta hitiraŋ "Hetiyenani, ille ara hetiyanani, "Hemanya iyye ta narimai, ojo inyia atta hijio tohosie, ³⁹"Ifanu ituwolo, ojo isia atta afanu hiwolo hamanya ifa inyia aji?" Amanya isia iko inyia to holoŋ nya teyya ara ifa hitattomoni no holoŋ.⁴⁰Lobotie tara illafa ohorik ilia etiru Yoani ero ojo nia ejufari Yesu iko Anerea, ilasi Simone Peturu, ⁴¹Etieru ifa inyia arrumu ilasi honyi dia atta hijio to honyie, "Arrumu iyyohoi Masiya" ( lafa ara Kristo) ⁴²Atta eyyani inyia to Yesu ojo Yesu atta hiwolo to honyi atta hijo, "Ara iyye Simone onyi Yoani Eliloŋo iso iyye Kefas na ara Peturu,)⁴³To holoŋ nobo, awak ifa Yesu eno a Galilea atta inyia arumu Filipo atta hijio ijufak nayya. ⁴⁴Teyya ottu ifa Filipo to Beteseda doŋe naba Anerea iko Peturu. ⁴⁵Arrumu Filipo Nataniele atta hijo tohonyi, ''Lobo lia lafa ojo Musa to ibisit iko to higieri no hikilita arrumu iyyohoi inyia Yesu onyi Yosefu ta Nasarit."⁴⁶Ejo Nataniele to honyi, "Howuon iso illamuk hirro illo afanu hullo olibo teyya to Nasarit?" Ejo Filipo to honyie woŋ towolo." ⁴⁷Atta Yesu egonyu Nataniele ottu to honyi atta hijo, igonyu ille Isaraili dede to honyie obe hinyaba. ⁴⁸Ejio Nataniele to honyie hetu iyye hiyyen naya jai?" Ojo Yesu atta hitiraŋ atta hijo to honyie holobe Filipo hillilloŋ inyia, "Nafa ewuanari iyye to hitto ho yani egonyu ifa nayya iyye."⁴⁹Eitiraŋ Nataniele, "Hetiyenani, era iyye Onyi Hollum! Ara iyye Habu lo Isaraile! ⁵⁰Ojo Yesu atta hitiraŋ hijo tohonyi , iyya nia ajo nayya tohoi hijo egonyu naya iyye to hitto yani.' Heruk iso iyye, egonyu iso iyye hirro hunna agalik tara innia. ⁵¹Ejo Yesu, "Dede, ajo nayya tohoi egonyu iso iyye ido aŋa ojo anjilohien illo Hollum ore, ojo hidofe olu to Onyi Tuŋani.''

¹To hitahunihi no holoŋ, owuon ifa hiyama ta Kana no Galilea, ojo ifa hotonye Yesu owuon dia. ²Ellilloŋo ifa hiyyo Yesu iko heyiyanak illohonyie to hiyama nyia.³Nafa enyie balu, ejio hotonye Yesu te inyia, "Enyie balu tara hosie." ⁴Etiraŋ Yesu, tuŋani innaŋ, Nyo hidofe hiram nanaŋ iko nia? Holobe holoŋ nanaŋ awoŋ" ⁵Ejio hotonye honyie to hegiamak , "Lejio inyia ta hatai igiama, anyar egiem itai."⁶Ati owuon ifa mocio inno moru ile dia innafa oduleri Yudea ellillari lo owuana karamat innohosie, oremik ciama sofiyaha arik iko hunik. ⁷Ejio Yesu to hosie, " Itufutak hifioŋ tohosie." Ati etifutak isia mocio nia bel bel. ⁸Teyya atta inyia elimak hegiamak, " Itiwuohu inak ade iyyania iyiari to hegiamani lia hittok." Atta isia higiem.⁹Eniŋ hegiamani lia hitok hifioŋ ino edualaŋa ati obe inyia oyyen hijo edoŋ balu nia tai? (ati oyyen hegiamak illafa owohok wati hifioŋ nia). Atta inyia hillilloŋ hiito oliawa hayamani. ¹⁰Atta hijo to honyie, ititek balu nia odua wan doo ati ta halu ho rumai nohosie isiara nia ofiak wuan. Ati anyar etunak iyye lia odua wan man iyania."¹¹Etiara ifa duaran nohonyie ta Kana no Galilea ojo ifa ara hitierita inno hituhututa ino iduariti, innafa egiem Yesu, hetuhutahini lohuo nohonyie, man eruk heyiyanak illohonyie to honyie.¹²Tahalu teyya eno Yesu, a Kapernaum, iko hotonye honyie, halasirak honyie, ojo heyiyanak illohonyie, ojo teyya atta isia hittole holoŋitek kai.¹³Nafa awoŋ holoŋ no laŋan no hituduara ilo Yudea, atta Yesu enno a Yerusalem. ¹⁴Orumek inyia hiyyo etinyaŋa tamoti illo husuŋ, kioro ojo hohoron to omojori. Ettole ifa hidofe hetittobok ha arobia dia.¹⁵Teyya adumu inyia hali atta hibak isia ojo efuhai isia adde ta haji imojit, daŋ iko kioro ojo tamoti illo husuŋ. Atta inyia asulai adde arobia inno hiyyo illo eloito arobiya, terefejeha innohosie ta fau. ¹⁶To hetinyaŋak ho hohoron, ejio inyia, "Iyari hirro hunna daŋ adde teni. Ibaŋa emak haji no Monye hanaŋ etinyaŋari nahatai."¹⁷Egigilu efahat illohonyie hijo egioro ifa nia, "Hitihi no haji nahatai iso esok nayya." ¹⁸Teyya atta hekumok ilo Yudea hitiraŋ tohonyie hijo, "Nari hituhuti iso nia etihutek iyye iyyohoi to nyo egiama iyye hirro hunna? " ¹⁹Etiraŋ Yesu, "Esiaha omojori nia, ati to holoŋitek hunik attohok iso nayya."²⁰Teyya ejio hekumok illo Yudea, "Eyari te iyyohoi ŋasi tomwuana aŋwan he ile, ati etidietik iso iyye inyia ahide to holoŋitek hunik?" ²¹Ati ero ifa inyia omojori no wuan nohonyie. ²²Ati teyya tahalu, nafa owuarini inyia to ye, egigilu heyiyanak illohonyie hijo ejio inyia nia, ati eruk isia to higierita ojo to hirorita innafa ero Yesu.²³Nafa owuanari inyia to Yerusalem to holoŋ no laŋan no hitudwuara, to holoŋ no karama, eruk arria to fure nohonyie, nyo egonyu isia hituhututa inno iduariti innafa egiem inyia. ²⁴Ati, obe Yesu eruk wan nohonyie tohosie nyo oyyen inyia hiyyo daŋ ²⁵ojo obe awak lobo tuŋani hetuhutek hirro inno fau daŋ. Oyyen inyia to wan nohonyie nyo ifa owuon to hirro inno fau daŋ.

¹Iyyania owuon ifa lobo la Farisei fure nohonyie Nikodemus, ara ifa inyia etok lo Yudea. ²Ottu tuŋani lia tara Hollum to tiŋ na harie atta hijio to honyie, "Hetiyenani, eyyen iyyohoi hijo ara iyye hetiyanani ille ettu tara Hollum ati obe lobo tuŋani lo oremik higiem hituhutita nia egiem iyye kuya mahati lowuon Hollum he inyia."³Etiraŋ Yesu inyia, "Dede, dede, kuya mahati esini lobo inyiak, obe inyia egonyu obie no Hollum." ⁴Ejio Nikodemo tohonyie, oremik iso tuŋani ille emaruak wan esini jai? Obe inyia oremik ajiŋak hinyak ahotuai ho hotonyie honyie atta esini, oremik iso inyia?⁵Etiraŋ Yesu, "Dede, ilo esini inyia to hifioŋ ojo to Oyiri, obe inyia oremik ajiŋak to obie no Hollum. ⁶Lia lesini wan to tuŋani ara tuŋani, ojo lia esini wan to Oyiri ara Oyiri.⁷Baŋa elafuho to hirro inia ajo nayya tohoi, 'Anyar enyiak iyye esini aŋejuk.' ⁸Ohut oyyami amai na awak inyia hutan. Etiru iyye hiyorro nohonyie, ati obe iyye eyyen hijio ottu inyia tai ojo owu inyia aji. Ati esini hiyyo bi daŋ to Oyiri."⁹Atta Nikodemo hitiraŋ hijio, "Owuon iso hirro hunna jai?" ¹⁰Etiraŋ Yesu inyia, hera iyye hetiyanani lo Isaraile, ejio iyye ettumo hirro hunna? ¹¹Dede, ero iyyohoi ania huna eyyen iyyohoi, ati eruk iyyohoi to ino egonyu iyyohoi. Ati obe itai eruk hitihutita innohoi.¹²Iyya elimak Nayya ta hatai ho hiyyo hirro inno fau ta ojo hidofe itai obe eruk, eruk iso itai jai lelimak Nayya itai hirro nia te ido? ¹³Obe lobo to ore ahide ido ilo inya hame lia ollu te ido, Lonyi Tuŋani.¹⁴Iyya nafa ekaf Mose munu ahide to waha, ati hidofe akafa iso Lonyi Tuŋani hidofe ¹⁵anyar mahati lia eruk daŋ wuana ho manyia no osio fur.¹⁶Nyo omuno Hollum fau, atta inyia hisio Lonyi honyie lobotie, hijio lia leruk to honyie obe iso oye ati owuon iso ho wuaran no osio fur. ¹⁷Obe Hollum efahu lonyi honyie afau hijo anyar etipala, ati anyar etiluahini fau te inya. ¹⁸Obe iso inyia etipal lia eruk tohonyie. Lia obe ara heruhoni ara isia hepalak luŋa anyar obe inya eruk to fure no Lonyi Hollum.¹⁹Hiram nyia oŋot Hollum nia, hijio awoŋ cialai afau, ojio tuŋani omuno idumele tara cialai anyar orru ifa higiama nohosie. ²⁰Iyya to huwo lia egiama irruti obe awak cialai ojo obe awak afanu to cialai hijo anyar obe higiemita innohonyie mahati etiliehini. ²¹Ati, lia egiama ilibiti ottu acialai hijo anyar mahati egonyini higiemita innohonyie ojo hidofe isia eyyani to baŋi no Hollum."²²Ta halu, eno Yesu iko heyiyanani illohonyie afau ho Yudea. Teyya ohitole ifa inyia iko isia ojo etifoto isia. ²³Teyya etifoto ifa hidofe inyia Yoani to Aenon a ŋati ho Salim nyo owuon ifa hifioŋ inno obore dia. Afanu ifa hiyyo to honyie ojo ifa hidofe etifotohini, ²⁴ati holobe ifa Yoani ebirohini ahotuai kijan.²⁵Ati teyya odioto ŋalafa to heyiyanak illo Yoani iko Yudea tamai ho karama. ²⁶Efie isia to Yoani atta hijo to honyie, "Rabbi, lafa owuon iko hoi aŋati ha hari no Yordano, talafa etihutehini iyye, owolo, etifoto inyia, ojo nia bi daŋ ofu to honyie."²⁷Etiraŋ Yoani, "Obe lobo tuŋani orumu inak hirro ille hesiarahini mahati to honyie te ido. ²⁸Itai to wati innahatai aremik hiruk rori inne ero nayya ta hatai, obe 'Nayya ara Kristo, ati iyya nia ajo nayya,' 'Attu ifa nayya to hosiere honyie.'²⁹Lia lowuon iko hiito noŋoruo ne heletek ayemuni inyia hayamani. Ati oriaha hayamani lia letole iko inyia hidofe etira to honyie omuno binno letiru inyia hirorita ha hayamani. Iyyania efut naŋ iko imuniti. ³⁰Hotokwuata fure no Yesu binno ojio nanaŋ odicio binno.³¹Lia ottu te ido, obolo inyia agalik daŋ, ati lia lottu ta fau inyia la fau. Hidofe ero inyia to hirro inna fau. Lia ottu te ido, inyia agalik daŋ. ³²Elimak inyia hituhutita to hiro ino etiru inyia hidofe egonyu ati obe lobo omoju hituhutita innohonyie. ³³Lia omoju hituhutita innohonyie, eruk inyia to hillama hijio ara Hollum dede.³⁴To lia lefahu Hollum erro hirorita inno Hollum. Nyo etufutak Hollum inyia to Loyiri lo olibo. ³⁵Omuno Monye Lonyi honyie hidofe esio ta hani nohonye hirro daŋ. ³⁶Le eruk to Lonyi honyie, owuon iso ho wuaran no osio fur, ati lia lomiasa inyia obe iso egonyu wuaran, ati ejoria iso Hollum to honyie fur."

¹Ifa eyyen Yesu hijio etiru Farisei hijio obolo iluluŋ nohonyie ojio hidofe Yesu ebatiso heyiyanak arria agalik illo Yoani, ²(obe ifa Yesu ebatiso nobo, ati heyiyanak illohonyie ifa ehuma), ³atta inyia ebusari Yudea atta eno Galilea.⁴Iyyania ara ifa nia luŋa hijio anyar owu inyia a Samaria. ⁵Teyya awoŋ inyia abore gala no Samaria, ne ellilloŋo hijio Sikar, eliaha ho bur no Yakobo nafa esio inyia to onyi honye Yosefu.⁶Owuon ifa Yokobo dia nalanyar. Ettaban ifa Yesu holoton atta ahunye aŋati ha hari. Ara ifa holoŋ iŋalio. ⁷Ottu ifa hiito noŋoruo no Samaria owohori hifioŋ, atta Yesu hijo to honyie, "Isiara nayya ilak hifioŋ amat." ⁸Nyo efi heyiyanak illeti ade abore gala enyiaŋari lobo ŋiria.⁹Atta hiito noŋorwo Samaritanani hitirraŋ hijio to honyie, "No nyo emojo iyye hifioŋ amatat ta hanaŋ, iyye Yudetani ajo naŋ ara a Samaritani?" Nyo oliwa Yudea iko hiyyo illo Samaria. ¹⁰Atta Yesu hitirraŋ hijio, "Leyyen ida iyye hisiori no Hollum, ŋai lia lojo tohoi hijio, 'Isiara naya amatat.' nefi ida iyye inyia atta ida inyia hidofe hisio iyye hifioŋ inno owuar."¹¹Atta hiito noŋorwo nia hijio, "Ettok obe nobo iwohit to hoi, ojo hidofe hirri nia owudo binno. Errumek iso iyye hifioŋ inno owuar aji? ¹²Ebe iyye egalik hohonyi hohoi Yokobo, lafa esio dohooi hirri inna, ojo hidofe amata inni ta wan nohonyie daŋ iko onyirok honyie ojo hanyahanya innohonyie?"¹³Atta Yesu hitirraŋ to honyie hijio, "Tuŋani lamata hifioŋ hunna, enyiak iso hiboto agalik, ¹⁴Ati lemat lobo hifioŋ innia esioŋ naŋ to honyie, obe iso inyia hidas hiboto. Nyo, odule iso hifioŋ ino esio naŋ inyia iyya otilik nobe otte neyyani to honyie wuaran no osio fur."¹⁵Atta hiito noŋorwo nia hijio to honyie, "Ettok, isiara nayya hifioŋ innia anyar naŋ abe hinyiak hiboto, ojo hidofe abe enyiak loton inni owohori." ¹⁶Atta Yesu hijio to honyie, "Ino, illilloŋo oliawa hoi, iticiohini eni."¹⁷Etirraŋ hiito noŋorwo nia hijio, "Obe nayya oliawa." Ojio Yesu atta hijio tohonyie, "Ebis iyye to hijio tonohoi hijio obe iyye lobo hiito oliawa,' ¹⁸nyo ewuon ifa iyye iko liawa miet, oliawa lowuon iko hoi iyyania, obe ara nobo oliawa hoi. Ara hiro nara ero iyye dede!"¹⁹Atta hiito noŋorwo hijio, "Ettok, ewolo nayya hijo era iyye a hekilani. ²⁰Etihabuwo ifa hohonyiok hohoi to doŋe inna, ati ejo itai hiyyo illo Yudea hijio, etihabwo itai to Yerusalem, doŋe netihabwori hiyyo daŋ Hollum."²¹Atta Yesu hitirraŋ to honyie hijio, "Hanasi hanaŋ, iruho nayya, nyo ottu iso holoŋ nebiaŋari iyye eremik hitihabuwo Monye to doŋe inna, kuyya hidofe to Yerusalem. ²²Itai hiyyo inno Samaria, etihabuwo itai sihin nebe itai eyyen. Etihabuwo iyyohoi sihin neyyen iyyohoi, nyo ottu etilohini to Yudea.²³Ottu iso saa, ati iyyania eba inni, nofwo hetihabwok hitihabwuo Monye to oyiri iko to bisan, nyo osiaha Monye hiyyo iyya hullo hatara hetihabwok illohonyie. ²⁴Ara Hollum Oyiri, ojio hiyyo ille etihabuwo inyia, hetihabwoi inyia to oyiri iko to bisan."²⁵Ojio hito noŋorwo tohonyie, "Ayyen naŋ hijio ottu iso Onyimoti lia leliloŋo Kristo. Lawoŋ inyia elimak iso inyia iyyohoi hirro daŋ." ²⁶Atta Yesu hijio to honyie, "Nayya lia ero tohoi, nayya lia."²⁷Halarasa inyia hiro ho tuŋani nia, afanu heyiyanak illohonyie, atta hilliliha hijio no nyo ero inyia iko hiito noŋorwo nia, ati obe ifa lobo oremik hijio, "Ewak iyye nyo?" kuyya hidofe lobo lojio, "No nyo ero iyye he inyia?"²⁸Niya, atta hiito noŋoruo nia ŋebusak moti no hifioŋ, atta aciahari ahaŋ man owu hiro to hiyyo, hijio, ²⁹"Ifanu, itiwolo tuŋani lelimak nayya hirro daŋ innafa ehuma nayya beren. Obe ille luŋa ara Kristo, hara mahu inyia Kristo lafa?" ³⁰Odioto isia atta ebusari bore gala atta afanu oriŋari inyia.³¹Hafanu isia ta haŋ kwak, atta heyiyanak hijio tohonyie, "Hetiyenani, woŋ adaha do ŋiria." ³²Ati ojio inyia to hosie, "Owuon ŋiria hanaŋ, nebe itai eyyen." ³³Atta heyiyanak hiro to wati innohosie hijio, "Holobe lobo tuŋani eyyani to honyie nobo daha, eyyani ati mahu hiyyo?"³⁴Atta Yesu hijio to hosie, "Ara daha nanaŋ hihuma wahan no lia lafa efahu naŋ hegiamari igem nohonyie. ³⁵Obe itai ero hijio, 'Ebuhari yafajin aŋwan atta mana iso libe to dioŋo'? Elimak naŋ itai, itiwolo mana, nyo odon atta hidofe aremik to dioŋo! ³⁶Omojuta hadioŋoni idumuti inno haŋer atta hidofe ettutubu wuaran, hijio anyar omuno hadioŋoni iko hayani lo hinyomo daŋ nobotie.³⁷To hiram nia, obis hiram nojio dede, 'Oyek lobo, ojio lobo odieŋu.' ³⁸Efahak naŋ itai odioŋori mana nobe itai egiama. Egiemu hilak, ejio itai ta wati te innahatai ejiŋak te igem nohosie."³⁹Eruk hiyyo arria illo Samaria to honyie to bore gala nyia nyo elimak ifa hiito noŋorwo isia hirro bi daŋ, "Elimak inyia nayya hirro innafa egiem naŋ daŋ ifa beren." ⁴⁰Nafa afanu Farisei to honyie, awak ifa isia Yesu hetolojo he isia holoŋitek hunik.⁴¹Tonia enyiak hiyyo arria hiruk hiram nohonyie. ⁴²Ojio ifa isia to hiito noŋorwo, "Eruk iyyohoi, obe ojio ara hiram nohoi hame, ati etiru iyyohoi to wati te innohoi, eyyen hidofe iyyohoi dede ara inyia hetilahani lo huwo daŋ ta fau."⁴³Ta halu ho holoŋitek arik, owu Yesu teyya a Galilea. ⁴⁴Nyo Ero Yesu to wan to nohonyie hijio obe hekilani orrumek nobo baŋi to doŋe hosie. ⁴⁵Nafa eba inyia ta Galilea, omuno ifa hiyyo illo Galilea atta amoju inyia. Nyo egonyu ifa isia hirro innafa egiem Yesu daŋ to Yerusalem ta far nafa eyyomori hiyyo, nyo ofu ifa isia amai eyomori dia.⁴⁶Tonia enyiak inyia awoŋ adoŋe Kana na Galilea, mai nafa eloitori inyie hifioŋ inna ajalaŋi inne eruatiŋo. Owuon ifa lobo dafit loŋwai onyi honye ta Kapernum. ⁴⁷Etiru ifa inyia hijio, lia Yesu ebusari Yudea, enyiak acahari a Galilea, owu inyia to Yesu efiari hijio anyar owu hitilibo onyi honye, nyo eliaha ifa inyia ye.⁴⁸Ojio Yesu to honyie, lobe itai egonyu hituhutita iko iduwariti, ebe itai eruk." ⁴⁹Atta dafit lia hijio to honyie, Habu, woŋ, efie kokwak holobe hiito nanaŋ oye." ⁵⁰Ati ojio Yesu to honyie hijio, "Ino, owuar lonyi hoi." Niyya, eruk tuŋani lia hirro daŋ inne ero Yesu to honyie, atta inyia eno hikoi nohonyie.⁵¹Nafa holot inyia to hiikoi, atta inyia eboŋohini ho hegiamak illohonyie, ille elimak inyia hijio, howuar onyi hoi. ⁵²Atta tuŋani lia hifia isia hitieri no holoŋ na anyarruni inyia. Atta isia hitirraŋ do honyie hijio, "Ebusak nohon na wan nia inyia saa hattarik iŋole ŋole te iŋalio."⁵³To nia, atta monye agilu hijio, saa nyia nia noŋole erarari Yesu to honyie hijio, "Owuar onyi hoi." Atta inyia hiruk ta wan nohonyie daŋ iko woyyo nohonyie daŋ. ⁵⁴Hitarrihi no hituhuti no Yesu nia ne egiem inyia nafa ottuni inyia ade tara Yudea no Galilea.

¹Ta halu ho hirro innia owuon ifa hiyyom no Yudea ojio Yesu ohu man Yerusalem. ²Ati to nobo tafar to Yerusalem ne eliaha te ikat ho hine. Efurek Eberei inyia Beteseda Owuon inyia iko massik inne elik miet. ³Ta massik hunna eftifioro isia hiyyo haŋuak inno emonya, haŋodok, haŋurak, iko illo eyyokie hetilari hifoliahita no hifioŋ. ⁴Nyo olocita ifa anjilo la Habu to nobo holoŋ atafar hetifoliahari hifioŋ. Ta halu ho hifoliahita no hifioŋ lia lesurok to hotwai ho hifioŋ ahosiere atta nyarru tara ŋuai to nohonyie.⁵Ati owuon ifa lobo tuŋani dia lo oŋuai ŋasi tomwana hunik hohottohunik. ⁶Nafa egonyu Yesu inyia ofer dia ojio inyia oyyen hijio owuon inyia dia beren, ojio to honyie, "Hewak iyye nyarru?"⁷Atta tuŋani lia hitirraŋ to honyie hijio, "Habu, obe tuŋani la akafak nayya ahotuai ho hifioŋ lefoliahita. Lajio naŋ esurok to hifioŋ atta lobo esurok to hosiere hanaŋ." ⁸Ojio Yesu to honyie, "Te'tte, akafu ijotit nohoi, ino."⁹Kokwak atta tuŋani lia nyarru atta inyia akafu ijotit nohonyie atta eino. Ara ifa holoŋ nyia holoŋ na Sabato.¹⁰To nia ojio Yudei to tuŋani le etinyar Yesu hijio, "Ara ena holoŋ no Sabato, to nia odua tohoi ha akafini ijotit nohoi. ¹¹Atta inyia hitiraŋ hijio, "Tuŋani le etinyar nayya le elimak nayya hijio, "Takafu ijotit nohoi ino."¹²Efia isia inyia hijio, "ŋai tuŋani lia lojio tohoi hijio, 'Takafu ijotit nohoi, ino?" ¹³Ati obe tuŋani lara etinyar Yesu oyyen hijio ŋai lia nyo eno Yesu ade nyo owuon iluluŋ no hiyyo ta mai nya.¹⁴Ta halu orrumek Yesu inyia ta haji imojit inna hittok atta hiro to honyie hijio, "Torriŋai, anyarruu iyye baŋa lenyak eyyau nyo iso nobo sihin nolorru agalik ottu tohoi. ¹⁵Ohu tuŋani le elimak Yudea hiji, Yesu hara lara etinyar nayya.¹⁶Tonia, atta Yudea hittiara hitigiama Yesu nyo ehuma inyeja hirro hunna to Sabato. ¹⁷Ati elimak Yesu to hosie hijio, "Holodule Monye hanaŋ higiama man iko ena ojio hidofe naŋ adule higiama." ¹⁸To hiram inna osiaha Yudea binno hattohori inyia nyo obe ara to huturuo nohonyie Sabato hamai, ati hidofe nyo ellilloŋo inyia Hollum Monye honyie heticalari wan nohonyie iko Hollum¹⁹Atta Yesu hitirraŋ too hosie hijio, "Dede, elimak naŋ itai hijio, obe Lonyi oremik hihuma nobo sihin to wan to nohonyie ara legonyu inyia sihin ne ehuma Monye. Nyo hirro ta hunna ehuma Monye, ehuma iso hidofe Lonyi honyi. ²⁰Nyo to munoi no Monye Lonyi , etuhutek inyia hirro daŋ hunna ehuma inyia to wan nohonyie. Hidofe etuhutek iso Monye hirro hunna obolo agalik hunna hijio anyar elliliha itai.²¹Nyo iyya etubuhu Monye hayok atta hinyiak hisio wuaran, atta hidofe hisio Lonyi wuaran te illo onyimu inyia. ²²Obe Monye oŋot nobo no lobo tuŋani ati esio inyia ŋoto no hirro daŋ to Lonyi honyie, ²³hijio anyar etihabuo hiyyo daŋ Lonyi honye iyya etihabuo isia Monye. Lia lo obe etihabuo Lonyi honye, obe inyia etihabuo Monye le efahu Lonyi.²⁴Dede, elimak naŋ itai hijio letiru hirorita innanaŋ ojio hidofe eruk do lia le efahu naŋ, owuon iso iko wuaran no odule fur. Obe iso Hollum oŋotok ye to honyie tuŋ ati aluai inyia to ye to wuaran.²⁵Elimak naŋ ta hatai dede hijio, ottu holoŋ, eba hara holoŋ ne etiruni hayok hirorita inno Lonyi Hollum ojio liya ille etiru owuar iso.²⁶Iyya owuon Monye iko wuaran to wan honyie to nia esio inyia Lonyi wuaran hotowuana to wan nohonyie, ²⁷Ojio Monye atta hisio Lonyi duaran haŋotori hirro nyo ara inyia Lonyi Tuŋani.²⁸Ibaŋa ellilliha to hirro inia nyo ottu iso holoŋ ne letirarari illo te ilumioho hiro nohonyie, attati afanu ade te ilumioho. ²⁹Liya ille ehuma no olibo, afanu to hebuhuni no wuaran, ojio hidofe lia ehuma holoŋi daŋ no lorru afanu iso to hebuhu no ŋoto ho hirro.³⁰Abe naŋ aremik hihuma nobo sihin to wan nanaŋ. Aŋot naŋ iyya etiru naŋ hidofe obis ŋoto nanaŋ. ³¹Nyo abe naŋ asiaha wahan nanaŋ ati wahan no lia lafa efahu nayya. Lelimak naŋ ta wan to nanaŋ, obe iso eruk hijio ara dede. ³²Ati owuon lobo lo ero to fure nanaŋ ajio naŋ ayyen hijio nyo lero inyia ara dede.³³Efahak ifa itai hilak hiyyo to Yoani ojio inyia elimak inyie hilosut inna ara dede. ³⁴Ati abe naŋ eruk hilosut no lobo tuŋani. Ero naŋ iyyania hijio anyar etilohini itai. ³⁵Ara ifa Yoani iyya lomo ne etuwulek atta wule, nyo emuno ifa itai hettolojori to cialai honye.³⁶Ati awuon naŋ iko hilosut no obolo agalik no Yoani, nyo ara igiem ne esio Monye hanaŋ asut hijio efahu Monye nayya. ³⁷Ojio Monye le efahu nayya ara asut to wan nohonyie ta nayya. Holobe lobo lahatai etiru hirorita innohonyie man ifa beren. ³⁸Obe hirorita innohonyie to hotuaijin hatai nyo ebe itai eruk lia le efahu inyia.³⁹Ehiana itai higierita nyo egigilo itai hijio errumek iso itai wuaran no losio fure. ⁴⁰Ati ibe itai efanu ta hanaŋ harrumuni wuaran.⁴¹Abe naŋ eruk hitahuo no hiyyo, ⁴²ati ayyen naŋ itai hijio obe itai emuno Hollum ta tajia te innahatai.⁴³Attu nayya to fure no Monye hanaŋ. Ibe itai erriehu nayya kuyya ottu lobo to fure nohonye ejio itai atta arriehu lia. ⁴⁴Jiai eremik itai hiruk le esiaha itai hitahuo no hiyyo, ejio itai ibe esiaha hitahuo no lottu tara Hollum?⁴⁵Ibaŋa egigilo hijio etisiahak iso nayya itai to Monye. Mose inyia hetisiahani lahatai eijo itai eyyik to honyie. ⁴⁶Nyo leruk itai Mose dede attati itai iso hiruk nayya egioro ifa inyia ta nayya. ⁴⁷Ati le ebe itai eruk higierita innohonyie, jiai iso eruk itai hirorita innanaŋ?"

¹Ta halu ho hirro innia, atta Yesu eno otifor na hari nettok no Galilea, ne efurek hijio Hari no Tiberio. ²Ejufuta ifa iluluŋ no hiyyo inyia nyo egonyu ifa isia iduariti inno obolo hunna ehuma inyia to haŋuak. ³Atta Yesu hirre a nobo doŋe atta hitole dia iko heyiyenak illohonye.⁴Iyyania eliaha ifa hiyyom na laŋan nettok no hiyyo illo Yudea. ⁵Ofiala ifa Yesu atta egonyu hiyyo arria illa afanu to honyie atta inyia hijio to Filipo, "Enyiaŋu iso iyyohoi imuniaha tai anyar hiyyo hullo adaha?" ⁶Ero Yesu iyyania haciamari Filipo, nyo oyyen ifa inyia nyo nia owu inyia higiem.⁷Etiraŋ Filipo inyia hijio, "Ara da hido arobiyaha inno obore iyya nyo, obe oremik to hiyyo hullo bi daŋ, ebubun ida hido hiyyo kai kai." ⁸Atta lobo heyiyenani lohonye lara fure Anerea ilasi Simone Peturu hijio, ⁹"Lobo hiito ille owuon iko imuniaha miyet ojo ham arik, horemik iso ati innia jai te iluluŋ no hiyyo illia?"¹⁰Atta Yesu hijio, "Ilimak hiyyo hetolojo, obolo miyaŋ ta mai nia. Atta hiyyo hitole ta fau, ara ifa iluluŋ no hiyyo nia alif miyet. ¹¹Atta Yesu adumu imuniaha, atta hisio humo, atta hisio to liyya illafa etole. Atta inyia aharak ham iyya awak isia. ¹²Nafa afoŋi isia, atta Yesu elimak heyiyenak illohonyie, "Itusuduhak ofitok ino ofitini tara hosie hotobiaŋa isia omuria."¹³Atta isia asuduhak man enyiak etufutak ofitok lur to gufasien tomon harik tara liyya ebusak to daha nohose. ¹⁴Nafa egonyu isia duaran nettok nafa ehum Yesu, Ojio hiyyo lia hijio, "Dede ara tuŋani ille hekilan lafa eyyani sayye lafa ojio ottu iso afau." ¹⁵Nafa egonyu Yesu hijio afanu iso isia eniefu inyia to golon hatara inyia a habu, atta inyia hilunya adoŋe hame to wan nohonyie.¹⁶Nafa era iŋalio atta heyiyenak illohonye efie ahari nettok. ¹⁷Teyya atta isia arrek togoli, atta laŋan a hari a Kapenam. (Era ifa iŋalio, ati holobe ifa Yesu awoŋ do hosie.) ¹⁸Etiara ifa oyyami ne efiriwa, man efoliahita ifa hari no orru.¹⁹Nafa egurori isia alamarai to hiji ha hari, egonyu ifa isia Yesu olot to hide hifioŋ lottu to hosie, abaŋi ifa isia binno. ²⁰Attati inyia hijio hijio to hosie, "Hebaŋ! Nayya lia." ²¹Atta isia ehutu to honyie to togoli hotorrek he isia. kwak, atta togoli hiba to otifor na hari no ofuyere isia.²²Ifa motie nohonyie, egonyu iluluŋ no hiyyo illafa arrasa to otifor na hari toolo togoli nobotie no owueta dia nafa ho Yesu, atta isia hiyyen hijio holobe hada Yesu eno iko heyiyanak illohonye, ati heyiyenak hafa hame ofwo ade ta wati illohosie. ²³Afanu innak togolisien to Tiberia aŋati ta mai nafa adahari isia imune ta halu ho hisio na Habu humo to Hollum.²⁴Nafa egonyu iluluŋ no hiyo hijio obe Yesu iko heyiyenak ilohonye tara, atta isia arrek to togolisien atta asiahari Yesu A Kapenum. ²⁵Nafa orrumuni isia inyia aŋati hari nettok tololo, atta isia hijio to honye, "Hetiyenani, anu iso ettu iyye eni?"²⁶Atta Yesu hitirraŋ isia hijio, "Elimak naŋ itai hijio, esiaha itai nayya dede, obe ara hijio egonyu ifa itai iduariti, ati esiaha itai idahiti iyya innafa enya itai atta itai efoŋi. ²⁷Ibaŋa egiama to daha no oremik murai ati igiamai ŋiria ne esio Lonyi Tuŋani nafa itai, nyo esihok Hollum Monye wuaran to honyie."²⁸Atta isia to honyie hijio, "Hegiem iso iyyohoi nyo anyar egiama iyyohoi igiemita inno Hollum?" ²⁹Etirraŋ Yesu to hosie hijio, "Ara igem no Hollum tiji: iruho to lia lafa efahu inyia."³⁰Ati ejio isia to honyie, "Nari iduarit iso nia egiem iyye ne eremik iyyohoi egonyu ejio iyyohoi atta hiruk iyye? Hegiem iso iyye nyo? ³¹Adaha ifa hohonyiok hohoi ŋiria nafa ottu te ido to waha iyya egioro ifa hijio, "Esio ifa do hosie imune te ido hatadahai."'³²Atta Yesu hitirraŋ to hosie hijo, "Dede, obe ifa ara Musa esio ta hatai imune te ido, ati Monye hanaŋ esio ta hatai imune inna dede te ido. ³³Nyo ara imune no Hollum nottu afau te ido, atta hisio wuaran nohonye ta fau." ³⁴Niyya, atta isia hijio to honyie, "Habu, todule hisiara iyyohoi imune nia holoŋitek."³⁵Atta Yesu hijio to hosie, "Nayya imune lo wuaran, ati lawoŋ lobo tuŋani ta hanaŋ, obe iso inyia enyiak wode, ojio hidofe, leruk lobo da hanaŋ obe iso inyia enyiak hiboto." ³⁶Ati iyyania elimak naŋ itai, egonyu itai nayya ejio itai ebe eruk. ³⁷Hiyyo daŋ ille esio Monye hanaŋ ta hanaŋ, afanu iso ta hanaŋ ojio hidofe lottu ta hanaŋ abe iso naŋ efuhai inyia adde.³⁸Abe naŋ attu te ido afau egiamari wahan nanaŋ ati attu naŋ egiamari igem no lia lefahu naŋ. ³⁹Wahan no tuŋai le efahu nayya inna, hijio hotobiaŋa naŋ etilitek illia ille esio inyia da hanaŋ, ati anyar etubuhu naŋ isia to holoŋ ne esidori fau. ⁴⁰Wahan no Monye hanaŋ inna; illia illo oriŋa to Lonyi ojo hidofe eruk to honye, owuon iso isia iko manya no owuon mak, ajio hidofe naŋ atta etubuhu isia to holoŋ ne edisori fau.⁴¹Nia atta Yudei hitiara hiŋuŋunita to hiram ne ero inyia, nyo ojo inyia hijio, "Ara naŋ imune nottu te ido." ⁴²Atta isia hijio, "Obe ara Yesu ille lonyi Yosefu? Ile leyyen iyyohoi monye iko hotonye honyie? No nyo ojio inyia hijio "Attu inya te ido'?'''⁴³Atta Yesu hitirraŋ to hosie hijio, "Ibusak hiŋuŋunita nia hatai. ⁴⁴Obe lobo tuŋani oremik awoŋ ta hanaŋ aracie Monye lia le efahu naŋ iso oremik arihini inyia, ajio iso naŋ etubuhu inyia te icuŋi no holoŋ. ⁴⁵Nyo egiorok ifa hekilak hijio, 'Etiyena iso Hollum isia. 'Tuŋai letiru tara hanaŋ ojio hidofe etiyenu tara Monye Hanaŋ, ottu iso tahanaŋ.⁴⁶Obe lobo tuŋai oremik egonyu Monye, aracie lia lo ottu tara Hollum, egonyu inyia Monye. ⁴⁷Dede, dede, lia le eruk, owuon iso ho manya no odule mak.⁴⁸Ara naŋ imune no wuaran. ⁴⁹Adaha ifa monyie hatai ŋiria ta waha, atta ye.⁵⁰50Oremik hiyyo daha imune inna, ati obe iso isia oye. Imune inna ottu a fau te ido. ⁵¹Nayya imune no wuaran nottu te idou afau. Lenya lobo imune inna, owuar iso inyia mak, nyo ara wan nanaŋ imune ne esio naŋ to wuaran no hiyyo illa fau."⁵²Attati Yudei hitiara hijoria to wati innohosie atta rija hijio, "Jai iso oremik tuŋani ille hisio wan nohonye hatadahai hiyyo?" ⁵³Atta Yesu hijio to hosie, "Dede, dede, man enya itai wan no Onyi Tuŋani ejio hidofe emat hoto nohonyie, obe iso itai errumek ho wuaran to wati innahatai.⁵⁴Lenya lobo wan nanaŋ ojio hidofe amat hoto nanaŋ, orrumek iso inyia wuaran no odule mak, ajio iso hidofe naŋ etubuhu inyia to hucuŋi no holoŋ. ⁵⁵Nyo ara wan nanaŋ ŋiria inna dede, ojio hoto nanaŋ ara amatat dede. ⁵⁶Lenya lobo wan nanaŋ ojio hidofe amat hoto nanaŋ, odule iso ta hanaŋ, ajio naŋ iso do honyie.⁵⁷Iyya efahu Monye lo owuar nayya, iyya amanya hidofe naŋ to Monye, lia la anya nayya, amanya iso inyia to nayya. ⁵⁸Ara naŋ imune nottu te ido afau, nafa adaha monyie atta ye. Tuŋani la anyar imune inna, amanya iso mak." ⁵⁹Ero ifa Yesu hirro inne ta haji imojit ta nafa etiyena inyia ta Kapernaum⁶⁰Nafa etiru heyiyenak illo Yesu ania, atta isia hijio, "Ogolo hitiyena inna; ŋai iso oremik hiruk. ⁶¹Nafa etiru Yesu to wan nohonyie hijio eŋuŋunuta heyiyenak illohonyie to hirro inne, atta inyia hijio to hosie, "Hodiaha sihin nia ta tajia hatai?⁶²ŋa le egonyu itai Onyi Tuŋani orre amai honye nafa ottuni inya ifa beren? ⁶³Esio Oyiri wuaran. Ojo wan atta hira assai. Ara rori inne ero naŋ ta hatai oyiri, ojo hidofe ara wuaran.⁶⁴Ati, holobe illak illahatai eruk." Nyo oyyen ifa Yesu man beren to hitieri hijio ŋai lia lobe eruk man owu etinyiaŋai inyia. ⁶⁵Atta inyia hijio, "Inyia nia ajio ida naŋ ta hatai hijio obe lobo tuŋani ottu ta hanaŋ lobe Monye hanaŋ ebusak inyia."⁶⁶Ifa ta halu, atta heyiyenak illohonyie arria aciahari ahalu tara honyie, ojio hidofe atta hibo loton he inyia. ⁶⁷Atta Yesu hiro hullo tomon ho lohorik, "Obe itai ewak aciahari daŋ, ewak itai?" ⁶⁸Atta Simone Peturu hitirraŋ inyia, "Habu, efi iso mahu iyyohoi ta ŋai? ⁶⁹Ewuon iyyohoi iko hiro no wuaran no osio mak, afanu iyyohoi hiruk ejio hidofe eyyen hijio, era iyye Lonyi Hollum lo Odua."⁷⁰Atta Yesu hijio to hosie, "Abe ifa naŋ anyimu itai tomon ha arik? Atta lobotie tara hatai hira hetisiahani?" ⁷¹Iyania ero ifa inyia to Yuda onyi Simone Iskariote, nyo ara Yuda lobo tara hullo tomon ha arik lottu etinyiaŋai Yesu.

¹Ojo tahalu ho hirro inia owu ifa Yesu a Galilea, nyo obe ifa inyia awak eno a Yudea nyo osiaha ifa Yudei inyia hijo ettohe inyia. ²Iyyania omuno ifa Yudei, mune no hajik, nafa eliaha.³Teyya ejo ilasira honyi to honyi hijo, ''Ibusak mai inna ifie a Yudea, anyar mahati egonyu heyiyanak illohoi igiem nia egiama iyye. ⁴Obe lobo lobotie egiama inamuk hirro hame kuyya lawak inyia hijo anyar oyyen hiyyo inyia. Kuyya legiama iyye hirro inia, ituhutek wan nohoi ta fau.''⁵Nyo ara ida hido ilasira obe ifa eruk inyia nobo. ⁶Ejo Yesu tohosie hijo, "Holobe holoŋ nanaŋ awoŋ, ati ara okit nahatai itiwanai dia. ⁷Obe iso misihi ebo itai, ati obe iso awak nayya nyo etihutek nayya inamuk higiemita inno sitan.⁸Ifeti itai to mune; Abe naya awu to mune nia nyo holobe holoŋ nanaŋ hiba to okit nohonyi. ⁹Ifa lejo inya hiro inia to hosie, atta inya hitole to Galilea.¹⁰Teyya, tahalu efie ilasira honyi ahide to mune, tia eno hidofe inya ahide, hamai. ¹¹Osiaha ifa Yudei inya ta mai nyia homune ojo, ''Tahu inyia?''¹²Owuana ifa hitirija nobolo tohiji heluluŋ te inyia. Ojo ilamuk hijo, ''Ara inyia tuŋani lolibo.'' Ojo ilak hijo, ''Obe, Etidihori inyia iluluŋ to hipalita.'' ¹³Ati obe ifa lobo le ero etiru hiyyo to inyia nyo abaŋ ifa isia Yudei. 14Ifa eliaha mune hisaha, eno Yesu ahaji etiyanari atta hitiara hitiyana.¹⁴Ifa eliaha mune hisaha, eno Yesu ahaji etiyanari atta hitiara hitiyana. ¹⁵Elafuho ifa Yudei ojo, ''Homijak tuŋani lia jai? Ojo inyia obe ara tuŋani ille obe ehien.'' ¹⁶Ojo Yesu atta hitiraŋ isia ojo, ''Obe hitiyana nia ara nanaŋ, ati ara no lia le efahu nayya.¹⁷Kuya lawak lobo higiama igiem no Hollum, oyyen iso inya hitiyana, hijo ottu iso tara Hollum, kuya hidofe nayya aremik hirro towan nanaŋ. ¹⁸Lia ile ero to wan nohonyi osiaha inyia kwatan nohonyi, ati lia ille osiaha kwatan no lia ile ifahu inyia, ara iso tuŋani lia ille dede, obe hidofe nobo hipali tara honyie.¹⁹Obe ifa Musa esio itai hifahita? Ati obe itai egiamari hifahita inia. Nyo ewak itai attohe nayya?'' ²⁰Etiraŋ iluluŋ, eyita iyye miniaŋati. ŋai awak attohe iyye?''²¹Etiraŋ Yesu hijo to hosie, egiem ifa nayya nobo igiem nobotie, atta itai hilafuho tonia. ²²Esio ifa Musa ta hatai ŋoto (obe ojo ara tara Musa, ati ara tara hohonyok), ojo to Sabato eŋoto itai hiyyo.²³Kuya lomoju lobo tuŋani ŋoto to sabato hijo anyar obe ibisiti inno Musa ouro, nyo ejoria itai ta hanaŋ hijo etilibo nayya tuŋani nalanyar to holoŋ no Sabato? ²⁴Baŋa oŋot to hilahaman no haliew, ati oŋot te ibisiti.''²⁵Ejo ilamuk illohosie illafa to Yeruselem hijo, ''Hobe ara inyia lia ille lafa osiaha isia hijo ettohe? ²⁶Ojo towolo, ero inyia to hiticelita ojo isia obe ojo illak hiro tohonyi. obe iso ara nia hijo hekumok oremik hiyyen hijo Kristo lia, iso mahu? ²⁷Ati eyyen iyyohoi hijo ottu tuŋani lia tai, ati lawoŋ Kristo, obe iso lobo oyyen hijo ottu iso inyia tai.''²⁸Oyo ifa Yesu te etiyanari, etiyana hijo, ''Eyyen itai daŋ nayya ojo hidofe eyyen hojo attu nayya tai; ati abe nayya attu ta wan nanaŋ, ati inyia lia ille efahu nayya ara ille dede,ille ebe itai eyyen. ²⁹ayyen nayya inyia nyo attu nayya tara honyi ojo inyia efahu nayya.''³⁰Awak ifa isia eniefu inyia, ati obe lobo lotirok hani tohonyi nyo holobe ifa holoŋ nohonyi tubai. ³¹Tonia, obure ifa iluluŋ neruk tohonyi. Ojo isia hijo, ''Lawoŋ Kristo, egiem iso inyia hitihutita ariai tara inia egiem tuŋani lia? ³²Etiru Farisei iluluŋ nia omwaŋa hiro inia hijo Yesu, atta fadiri lahabuok iko Farisei efahak oseŋer hijo anyar eniefu inyia.³³Ejo Yesu hijo, ''Kai iyyania arasa iso nayya wuana ikatai, teyya awu iso nayya tohonyi lia ille efahu nayya. ³⁴Esiaha iso itai nayya ejo itai ebe eremik arumu nayya; Mai nyia awuye nayya, ebe iso itai eremik hiba dia.''³⁵Ojo Yudei atta hiro to watik illohosie hijo, ''Hou iso tuŋani lia eno aji amai nyia inna ebe iyyohoi eremik arrumu inyia? Hou iso mahu inyia eno to hiji ho Grik atta hitiyana Grik? ³⁶Hojo hirorita innohonyie ŋarinyo, 'Esiaha iso itai nayya ati ebe itai eremik arrumu nayya; Mai nyia awuye nayya, ebe iso itai eremik hiba dia'?''³⁷Iyyania to hucuŋi no holoŋ, nafa nia obolo holoŋ no mune, owueta Yesu atta yo, ejo, ''Kuya lowuon lobo ille eboto ho hure. Isiara inyia hawoŋ ta hanaŋ anyar amat. ³⁸Inya lia ile eruk ta naya, iyya ojo to buk, onyieta iso hifioŋ ino wuaran to hosehe nohonyie.''³⁹Ati ejo inyia inia inno Oyiri, te ilia hullo eruk to honyi hijo omoju iso, holobe ifa Oyiri esiarahini nyo holobe ifa Yesu awoŋ to lohwo nohonyie.⁴⁰Nafa etiru iluluŋ, atta isia hijo, ''Ara inyia dede hekilani.'' ⁴¹Ejo ilak, ''Inyia lia Kristo.'' Ati ejo ilamuk, ''Nyo, hara Kristo, loremik awoŋ ta Galilea? ⁴²Hobe ara buk ojo hijo ''Ottu iso Kristo tara hiyyo illo Davide iko to Bethlehem, ŋati nafa owuanari Davide?⁴³Teyya odioto ifa bwanya teluluŋ te inyia. ⁴⁴Awak ilak illohosie eniefu inyia, ati obe lobo lotir inyia.⁴⁵Teyya aciahari curukali te ettaha iko to Farisei, ejo isia to hosie, ''Nyo ebe itai eyyani inyia? '' ⁴⁶Etiraŋ curukali hijo, "Holobe lobo tuŋani le ero iyya tuŋani lia man beren.''⁴⁷Etiraŋ Farisei to hosie, "Henyeb ifa mahati inyia itai? ⁴⁸Howuon ifa ilamuk ilo hekumo hullo eruk to honyi, kuyya ilamuk illo Farisei? ⁴⁹Ati obe iluluŋ inna oyyen hifahi, nyo owuon isia to ipit.''⁵⁰Ejo Nikodemo to hosie hijo, (lia ille lafa ottu to Yesu beren, ara iso iyya lobo lo Farisei), ⁵¹Obe ibisiti innohoi oremik hiŋot tuŋani ati ewak iyyohoi etiru do tara honyi ejo hidofe ewak hiyyen hegiem inyia ŋari nyo?'' ⁵²Etiraŋ isia hijo to honyi, ''Ara hidofe iyye daŋ la Galilea? Tosiek ejo hidofe ewolo hijo obe lobo hekilani enyiak awoŋ to Galilea.''⁵³Teyya atta hiyyo daŋ efie ahaŋitek innohosie.

¹Eno Yesu adoŋe Oliveto. ²Ifa to motie beren enyiak inyia aciohini omojori, ojo hiyyo bidaŋ atta afanu do honyie; atta ahunyie inyia ta fau atta hitiyana isia. ³Ojo hidofe hegiorok iko Farisei atta eyyani hiito noŋorwo inna orrumu isia oroto iko lobo tuŋani, atta isia etiwejik inyia to hiji ho hiyyo.⁴Atta isia hijo to Yesu, "Hetiyanani, hiito noŋorwo inna eniefu iyyohoi oroto iko lobo tuŋani. ⁵Iyyania ojio to hifahita inno Musa hijo anyar iyyohoi erwoŋ inyia to moru; ojo to hoi, ''Hejo iyye jai te inyia?" ⁶Ojo isia iyyanyia hijo anyar elohu isia Yesu te innak hirro hunna errosok do honyie, ati origoŋi Yesu atta egiorok ta hafiala ta fau.⁷Nafa efudak isia hifia Yesu, odioto inyia ahide atta hijo do hosie. "Isiara lia lobe ara heyyani hitiara hipuda inyia." ⁸Enyiak Yesu asodorrohini, atta egiorok ta hafialai honyie ta fau.⁹Ifa letiru isia hirro innia, etiara isia efie adde lobotie lobotie man edehini Yesu iko hiito noŋorwo nyia hamai. ¹⁰Odioto Yesu atta hijo do honyie, "Tuŋani innaŋ, tahu harrosok hoi hullo? Obe da lobo oŋot hiram no hoi?" ¹¹Ojo inyia, "Habu, obe da lobo." Ejo Yesu, "Abe iso hidofe naŋ aŋat hiram nohoi, Ino ikoi no hoi; man ena ahosiere baŋa enyiak eyyau.")¹²Teyya enyiak Yesu hiro to hosie hijo, "Ara naŋ calai na fau; lia lejufuta naŋ, obe iso olot te idumele ati orrumo iso calai inna mak." ¹³Ojo Farisei to honyie, "Era iyye sut to wan no hoi; obe suti illohoi eroita dede."¹⁴Etiraŋ Yesu to hosie, "Ara da hido naŋ a sut to wan hanaŋ, elosut naŋ dede. Ayyen naŋ mai na attuni naŋ iko hidofe mai na awuyie naŋ, ati ebe itai liyyen mai na attuni naŋ kuya hidofe mai na lawuyie naŋ. ¹⁵Eŋoto itai hipalita inno hiyyo ajo naŋ abe aŋot lobo tuŋani. ¹⁶Ati leŋot naŋ, ara ŋoto nanaŋ dede, nyo abe naŋ awuon hame, ati awuon naŋ iko Monye lia efahu naŋ.¹⁷Ati to hifahita inna hatai egiro hijo oso hiram no hiyyo illia ohorik dede. ¹⁸Nayya ara a sut ta wan nanaŋ, iko Monye lia lefahu naŋ owuon asut hanaŋ."¹⁹Atta isia hijo to honyie, "Tahu monyo hoi?" Atta Yesu hitiraŋ, "Ibe itai eyyen nayya iko Monye hanaŋ; leyyen itai nayya, eyyen itai monye hanaŋ." ²⁰Ero ifa inyia hirorita hunna aŋati ta mai no ottunari hiyyo arobiaha etiyana inyia ta haji imojit inna hittok, obe ifa lobo tuŋani eniefu inyia teyya nyo holobeŋ ifa holoŋ nohonyie awoŋ.²¹Enyiak Yesu hirro to hosie, "Leno naŋ teni; etufa iso itai naŋ man eye itai iko hiyyata inahatai. To mai nyia lawuye naŋ, ebe iso itai eba dia." ²²Nia etiraŋ Yudei hijo, "Hottohoi iso mahu inyia wan nohonyi? Inyia nia ojari inyia hijo, "Ta mai nyia lawuye naŋ, obe lobo tuŋani eba dia?"²³Ojo Yesu do hosie, "Era telle ŋolon, ajo naŋ telle to hide. Ara itai illo fau inna; ajo naŋ abe ara a lo fau ina. ²⁴Inya nia ajiatari naŋ hijo eye iso itai iko hiyata hatai. Nyo lebe itai eruk hijo nayya Kristo lonyimoti lo Hollum, eyye iso itai iko hiyyata innahatai."²⁵Ejo isia to honyie, "Iyye ŋai?" Etiraŋ Yesu to hosie hijo, "Elimak ta naŋ itai to hitieri. ²⁶Owuon hirro ariai ta hanaŋ herotari kuya haŋotori hiram na hatai. Lia efahu naŋ obis inyia; ojo hirro inia etiru naŋ tara honyie, elimak naŋ ta fau daŋ." ²⁷Ati obe isia oyyen hijo erota ifa inyia to hosie to hiram no Monye.²⁸Ejio Yesu, "Lehaf itai Lonyi Tuŋani ahide, efanu iso itai hiyyen hijo naŋ lia, ejo iso itai eyyen hijo abe naŋ egiem nobo sihine to wan hanaŋ. Iyya etiyen Monye nayya, ero naŋ hirro hunna. ²⁹Ati lia lefahu naŋ owuon ikannaŋ. Obe inyia ebusak naŋ hame, nyo holoŋitek daŋ ehuma naŋ hirro hunna etimuno inyia. ³⁰Nafa ero Yesu hijo hirro hunna, eruk hiyyo aria to honyie.³¹Teyya ejo Yesu to Yudei illafa eruk to honyie hijo, "Legol itai to hirro hanaŋ, atta itai hira aheyiyanak illallaŋ dede; ³²Eyyen iso itai bisan, ojo iso bisan atta ahek itai." ³³Etiraŋ isia to honyie, "Era iyyohoi to woyyo naba Abramo ati ifa holobe iyyohoi ipito to lobo tuŋani; nyo nia ejo iyye hijo, "Ehohini iso itai?"³⁴Etiraŋ Yesu isia hijo, "Dede, elimak naŋ itai hijo, tuŋani daŋ ille ara heyyani ara pit lo hiyyau. ³⁵Obe pit arasa da haji mak, ati odule lonyi mak. ³⁶Nia, lahek lonyi itai, aheni itai dede.³⁷Ayyen naŋ hijo era itai to woyyo na Abramo; etufa itai hijio ettohoi naŋ nyo obe hirorita innanaŋ ojiŋak ta hatai. ³⁸Ero naŋ hirro hunna egonyu naŋ tara Monye hanaŋ, ejo hidofe itai etiru hirro inno etiru itai tara Monye hatai."³⁹Etiraŋ isia to Yesu hijo, "Ara Abramo monye hohoi?"Ejo Yesu to hosie hijo, "Lera itai durre illo Abramo, negiama itai higiemita inno Abramo. ⁴⁰Ati, iyyania ejo itai ettohoi naŋ, ajo naŋ elimak itai hirro dede inno etiru naŋ tara Monye hanaŋ. Obe ifa Abramo ehuma iyya itai. ⁴¹Ihuma hirro innafa egiama monye hatai." Atta isia hijo to Yesu, "Obe iyyohoi ifa esini to hirro inno somon; ewuon iyyohoi iko Monye lobotie, inyia Hollum."⁴²Ejio Yesu to hosie, "Nara ida Hollum amonye hatai nemuno ida itai naŋ nyo ebusuni ifa naŋ Hollum attuni naŋ enni. Obe lara naŋ attu to wan hanaŋ ati Hollum efahu naŋ. Jai ebe itai etiru hirorita inanaŋ? ⁴³Nyo ebe itai eremik hitira rori innanaŋ. ⁴⁴Itai illia lonyirok ho sitan, ejo itai ewak higiama hiro ino monye hatai. Ara ifa inyia ahatohoni man to hitieri ati obe inak hirorita honyie inno lobis, nyo obe inyia ero hirro hunna dede. Lateleru inyia ara ateler no honyie, nyo ara inya a loteler hidofe ara monye lo telerok.⁴⁵Ati ebe itai eruk ta hanaŋ, nyo erota naŋ hunna dede. ⁴⁶Ŋai to hiji hatai orrumu nayya ara a heyyani? Lerota naŋ dede, nyo lobe itai eruk ta hanaŋ? ⁴⁷lia lara lo Hollum etira to Hollum; ebe itai etira isia nyo ebe itai era illo Hollum."⁴⁸Atta Yudei hitiraŋ to Yesu hijo, "Atienu ida iyyohoi hijo era iyye lo Samaria ebe iyye dede era lo Yudea, ojo hidofe miniaŋa owuon to hoi!" ⁴⁹Etiraŋ Yesu hijo, "Abe naŋ awuon iko miniaŋa! Etihabwo nayya Monye hanaŋ, ejo itai emoro naŋ!⁵⁰Abe naŋ etufa hijo hetihabwe hiyyo naŋ; owuon lia etufa huan hidofe owuon ahaŋotoni. ⁵¹Dede elimak naŋ itai lotoŋ lobo hiram hanaŋ, obe iso inyia oye."⁵²Ejo isia to Yesu, "Iyyania eyyen iyyohoi hijo ewuon iyye iko miniaŋa. Oye ifa Abramo iko hekilak; ati ejo iyye, 'Letoŋ lobo hirorita hanaŋ obe iso oye.' ⁵³Egalik iyye hohonyi hohoi Abramo lafa oye? ojo hidofe hekilak illafa oye. Egigilo iyye hijio era iyye ŋai?"⁵⁴Etiraŋ Yesu hijo, "Letihabwuo naŋ wan nanaŋ ara hitihabwo hanaŋ assai. Monye hanaŋ hamai lia etahwo naŋ lia ejo itai ara a Hollum hatai. ⁵⁵Holobe itai eyyen inyia, ati ayyen naŋ inyia. Lejio naŋ abe naŋ ayyen, ara naŋ ahenyabani lo huan hanaŋ. Ati ayyen naŋ inyia hidofe naŋ agocie hirorita honyie. ⁵⁶Omuno ifa monye hatai Abramo hegonyuni holoŋ na attuni naŋ; le gonyu inyia holoŋ hanaŋ atta inyia mune binno."⁵⁷Ejo isia to Yesu, "Holobe ŋasi hoi hira tomwana miet, egonyu ifa iye Abramo jai?" ⁵⁸Ejo Yesu to hosie, "Dede elimak naŋ itai, awuana ifa naŋ beren holobe Abramo esini." ⁵⁹Ohurro isia moru hijo erwoŋo Yesu, ati eŋofak Yesu wan atta ajiŋu ade to hiji imojit.

¹Ojiŋu Yesu atta inyia egonyu tuŋani lo oŋodo man te esiori honyie. ²Efia heyiyanak inyia hijio, "Hetiyenani, ŋai ifa eyyau, tuŋani ille, kuyya hesiok honyie, esiuni inyia oŋodo?"³Etirraŋ Yesu hijio, "Obe ara tuŋani ille iko hesiok honyie eyyau, edoŋ hirro hunna iyya ania anyar etuhutari igem no Hollum. ⁴Anyar iyyohoi egiama igem no lia lehafu naŋ ojio holoŋ ara far. Ottu iso tari nobiaŋari tuŋani enyiak higiama. ⁵Hawuon naŋ ta fau inna, ara naŋ cialai na fau."⁶Ta halu ho hirro nohonyie hirro inne, omitak inyia hamilak ta fau, atta inyia enutu modie, atta eyalak to honyehite ho oŋodo. ⁷Eijo inyia do honyie, "Ino, illila ta tafar no Siloma ( no ojio 'ifahak'). " Niya eno oŋodo lia adde, atta hillila honyehite, atta acohini lo oriŋa.⁸Iyyania, ero onyihari illohonyie illafa egonyu hitilieŋita nafa honyie ho beren hijio, Obe ara tuŋani ille etilieŋita to holoŋitek daŋ, le ettole ojo hidofe emimojo?" ⁹Atta illak hijio, "Inyia lia" ojio illak arasa hijio, "Obe, ati owuon iyya inyia." Ati odule loŋodo lia hiro hijio, "Nayya lia."¹⁰Atta isia hijio do honyie, "ŋai aŋa honyehite innohoi?" ¹¹Etirraŋ inyia tohosie hijio, "Tuŋani ille ara Yesu enutu modie atta eyalak honyehite innanaŋ atta hijio ta hanaŋ, 'Ino a tafar ho Siloma atta iyye hillila.' Nia atta naŋ eno hillilla man arriŋari naŋ." ¹²Atta isia hijio to honyie, "Tahu ati inyia." Ojio loŋodo lia atta hijio, "Abe naŋ ayyen."¹³Teyya, eyyani isia tihoni lafa oŋodo to Farisei. ¹⁴Ojio to holoŋ nia, ara ifa nia far na Sabato ne enutuni Yesu modie etinyarrari loŋodo lia. ¹⁵Teyya etiara Farisei hifia tuŋani lia, "Jai errumek iyye riŋai no honyehite innohoi?" Atta inyia hitirraŋ do hosie hijio, "Efufusok inyia modie to honyehite hanaŋ, atta naŋ ellilau, man arriŋari naŋ."¹⁶Eijio ilak illo Farisei hijio, "Obe tuŋani ille ottu tara Hollum nyo obe inyia etiduara holoŋ no Sabato." Arasa hilak hijio, "No nyo ehuma tuŋani lara heyyani iduariti iyya hunna?" Owuon ifa bwanya to hiji hosie. ¹⁷Enyiak isia hifia loŋodo lia hijio, "Hejio iso iyye nyo nia iyya etinyarari inya honyehite inohoi?" Atta loŋodo hitirraŋ hijio, "Ara inyia hekilani." ¹⁸Holobe ifa hiyyo illo Yudea eruhok hirro inno oŋodo lia hijio arrumek oŋodo lia riŋa atta isia elliloŋu hesiok inno oŋodo lia.¹⁹Atta isia hifi hesiok hijo, "Onyi hatai ille lafa eijio itai oŋodo man beren? Ati oriŋa inya nyo iyania?" ²⁰Etirraŋ hesiok honye hijio, "Eyyen iyyohoi hijio lonyi hohoi illeŋ lafa esini lo oŋodo. ²¹Ati obe iyyohoi eyen jai oriŋa inya, eijo hidofe iyyohoi ebe eyyen hijio, ŋai lesio tohonyie riŋai. Ifia tohonyie. Obolo inyia. Oremik inyia hiro ta wan to nohonyie."²²Ero hesiok innohonye annia nyo abaŋ isia hiyyo illo Yudei. Nyo eŋut ifa Yudei hijio lejio lobo hijio ara Yesu Kristo, efuhari iso inyia adde ta haji hemojit imojit. ²³Inya nia lojo hesiok honye hijio, "Obolo inyia, ifia inyia."²⁴Niya enyiak ofe Yudei illia hilliloŋ oŋodo lia atta hijio te inyia, "Isiara lohuo nohoi to Hollum nyo, eyyen iyyohoi hijio ara tuŋani lia a heyyani." ²⁵Etirraŋ loŋodo lia hijio, "Obe naŋ ayyen hara inyia a heyyani. Ayyen naŋ sihin nobotie hijio: Aŋodo ifa naŋ, ati iyyania arriŋa naŋ."²⁶Eijio isia tohonyie hijio, "Hegiem inyie nyo to hoi? Haŋa inyie honyehite innohoi jai?" ²⁷Atta inyia hitirraŋ hijio, "Elimak ida naŋ itai, ejio itai ebe etira hirro innanaŋ! Nyo ati nia ewak itai etiru? Ebe itai ewak hira heyiyanak illohonyie daŋ, ewak itai?²⁸Atta isia hijio to honyie, "Era iyye heyiyanak lohonyie, ati era iyyohoi heyiyanak illo Mose. ²⁹Eyyen iyyohoi hijio ara Musa lefahati lo Hollum lottu hiro toohoi, ati ta hallaŋ ile, ebe iyyohoi eyyen hottu inyie ta nari mai."³⁰Atta tuŋani lia hitirraŋ to hosie hijio, "Ebe ittai eyyen mai nottuni inyie, hiram no olibo inna, ebe itai eyyen mai nottuni inyia, inyia lia aŋa honyehite innanaŋ. ³¹Eyyen iyyohoi hijio obe Hollum etira to heyyak, ati etira inyia to lia letihabuo Hollum ojio hidofe ehuma wahan honye, etira iso Hollum do honyie.³²Man to hitieri na fau holobe ifa lobo tuŋani etinyar honyehite inno tuŋani lesiuni lo oŋodo. ³³Lobe ida tuŋani lia ottu tara Hollum, nobe ida inyia egiem hirro inia." ³⁴Etirraŋ isia to honyie atta hijio, "Esihini ifa iyye to hiyyata, ati ejio iyye etiyena iyyohoi? Atta Farisei efuhai inyia ade to haji imojit.³⁵Etiru ifa Yesu hijio efuhai ifa Farisei inyia ade ta haji ne imojit. Orrumek Yesu inyia atta hijio, "Heruk iyye to Onyi Hollum?" ³⁶Atta tuŋani lia hitirraŋ hijio, "ŋai lia, Habu, anyar eruk naŋ to honye?" ³⁷Atta Yesu hijio to honyie, "Egonyu iyye inyia, inyia lia lero iko hoi." ³⁸Atta tuŋai hijio, "Habu, eruk naŋ." Niya atta inyia hitihabuo inyia.³⁹Atta Yesu hijio, "Attu naŋ afau oŋotori, anyar illo obe orriŋa, hotorriŋai, ojio hidofe etiŋodo illo ojio erriŋa isi." ⁴⁰Atta hilak Farisei illafa owuon iko inya ojo hidofe etiru atta hifi inyia, "Eŋodo iyyohoi daŋ?" ⁴¹Atta Yesu etirraŋak to hosie hijio, "Leŋo ida itai nobe ida itai ewuon iko hiyyata. Ati iyyania, ejio itai hijio, "Erriŋa itai, arasa hiyyata ta hatai.

¹Dede, ajo nayya ta hatai, lia lo obe ojiŋai tekat ahotwai bore, atta eno tokoi nobo, ara iso tuŋani lia lohoho ojo hidofe ara hepihoni. ²Ojo lia lo ojiŋai tekat ara iso heribitani lo kioro.³Aŋa iso heririani le ikati to honyie ikat. Etiru iso kioro hiro nohonyi, ojo iso inyia atta hililoŋ kioro innohonyie to fureta atta hitidik isia ade. ⁴Ifa le eyyani inyia ade innohonyie, owu iso inya holobe isia, ojo kioro ejufak inya, nyo oyyen isia hiro nohonyie.⁵Obe iso oremik ejufak olufa ati egier iso isia nyo obe isia oyyen hiro no olufa." ⁶Ero Yesu hitimiyahita inia to hosie, ati obe isia oremik hiyyen hijo hara hiro inia ŋarinyo innafa inia ojo inyia.⁷Teyya edas Yesu hijo tohosie, ''Dede, dede, ajo nayya tahatai, 'Ara nayya ikat no kioro. ⁸Ilafa ilia afanu to hosiere hanaŋ, ara isia hahalak iko harujok, ati obe iso kioro etira to hosie.⁹Ara nayya ikat. Kuya lowuon lobo lo jiŋu ahotwai tara naya, etilohini iso inya; owu iso inyia ahotwai iko abali atta arumu miyaŋ. ¹⁰Ottu lohoho ahahalari, ottohori, iko eturuori. Attu nayya hijo anyar mahati lowuon isia iko wuaran no obolo.¹¹Ara nayya heribitani ille alibo. Esio heribitani manya nohonyie to kioro innohonyie. ¹²Hegiamani lo ojuruni ta arobiyaha obe ara heribitani, obe oluŋu kioro, legonyu huwaru ottu ebusak kioro innohonyie atta hirwata. Ojo huwaru atta eyari isia ade. Ojo isia atta esarai. ¹³Erwat inyia ade nyo ara inyia hegiamani ille ojuruni hiyyo ta arobiyaha nyo obe inyia eriria kioro inia nalanyar.¹⁴Ara nayya heyyohoni la alibo, ajo nayya ayyen inanaŋ, ojo inanaŋ oyyen nayya. ¹⁵Oyyen Monye nayya, ajo nayya ayyen Monye hanaŋ, ajo nayya esio wan nanaŋ to kioro inanaŋ. ¹⁶Awuon naŋ iko inamuk kioro hunna obe ara inno bore innanaŋ. Aremik nayya eyyani isia, hijo anyar hidofe isia oremik etiru hiro nanaŋ anyar owuon kioro inia nobotie iko heyyohoni lobotie.¹⁷Inyia nia omuno Monye hanaŋ nayya: Esio nayya wuaran nanaŋ inna aremik nayya hinyiak eyari. ¹⁸Obe lobo lobotie oremik eyari tara nayya, ati esio nayya wuaran nanaŋ ta fau. Awuon naŋ ho golon hesiarari manya nanaŋ, ajo hidofe nayya awuon iko golon hinyak eyari. Amoju nayya hifahi inna tara Monye hanaŋ."¹⁹Enyak ofe bwanya hidoŋ to hiji ho Yudei to hirorita inia. ²⁰Obore illohosie illo ojo, "Oyita inyia miniaŋa ojo hidofe esita. No nyo etira itai tohonyie?" ²¹Ojo ilamuk atta hijo,"Obe hirorita inia ara illo lobo ile owuon iko miniaŋa. Oremik tuŋani lo miniaŋa hiŋa honyehite inno loŋodo?"²²Teyya awoŋ holoŋ no hiyyom no dioŋo to Yerusalem. ²³Ara ifa hameyu, ojo Yesu olot to hotwai etiyanari ta haji ho Solomone. ²⁴Teyya eba Yudei atta elurok inyia atta hijo tohonyie, ''Man anu edule iso iye toŋita iyyohoi tiji ania? Kuya lera iyye Kristo, ilimak iyyohoi nalanyar."²⁵Ojo Yesu atta hitiraŋ isia, "Elimak nayya itai, ati ebe itai eruk. Higiemita hunna egiama nayya to fure no Monye hanaŋ, ero inna hetihutek to nayya. ²⁶Ati ebe itai eruk nyo ebe itai era kioro inanaŋ.²⁷Etiru kioro inanaŋ hiro nanaŋ; ayyen nayya isia, ojo isia ejufak nayya. ²⁸Esio nayya to hosie wuaran no osio fur; obe iso isia oremik ye, ojo hidofe lobo obe oremik akwaru isia ade tahani hanaŋ.²⁹Monye hanaŋ, le esio isia tahanaŋ, obolo inyia tara ilia ilamuk, obe lobo oremik akwaru isia ade ta hani ho Monye hanaŋ. ³⁰Nayya iko Monye hanaŋ era iyyohoi nobotie." ³¹Teyya adumu Yudei moru atta hipuda inyia.³²Etiraŋ Yesu isia, ''Etuhutek nayya ta hatai higiemita ariai hunna olibo tara Monye. Nari igiem nia honyie ewak itai epudari nayya?" ³³Atta Yudei hitiraŋ to honyie hijo, "Ebe iyyohoi epuda iyye te igiem nobo nolibo, ati to biaŋan nohoi baŋi, nyo iyye, tuŋani, ehumak wan nohoi Hollum."³⁴Etiraŋ Yesu isia, "Hobe mahati egioro to hifahi nahatai, 'Ajo nayya, era itai johin'''? ³⁵Ile eliloŋ inya isia ajohin, to tuŋani ottuni hiram no Hollum (ojo to higierita huna obe oremik wuro), ³⁶hejo itai hijo inyia lia lafa odumu Monye atta efahak afau, 'Era iyye heturuoni, 'nyo ajo nayya hijo, Ara nayya Lonyi Hollum'?³⁷Labe nayya egiama higiemita inno Monye hanaŋ, ibaŋa eruk nayya. ³⁸Tonia, kuya legiama nayya isia, ara ida hido hijo ebe itai eruk nayya, iruho te igiem anyar mahati eyyen itai hijo anyar eremik hetiru hijo awuon Monye ta hanaŋ ajo hidofe nayya owuon to Monye." ³⁹Enyiak ifa isia hikol Yesu, ati enno ifa inyia ade tahas innohosie.⁴⁰Enyiak Yesu eno ade alamarai ho Yordano amai nafa ebatisori Yoani to hitieri, atta inya hitole dia. ⁴¹Obore hiyo hulo afanu to Yesu. Odule ifa isia hijo, "Obe Yoani dede egiem nobo hituhuti, ati ara hiro inafa ero inya to tuŋani ile dede." ⁴²Obore ifa hiyyo illo eruk to Yesu dia.

¹Iyannia oŋwai ifa lobo tuŋani lefurek hiyyo Lasaru. Ara ifa inyia lo Betani doŋe nafa ba Maria iko hanasi honyie Marta. ²Inyia Maria nafa eyol Habu Yesu to hiyali atta hifufus hejek innohonyie to hofir, ilasi honyie ifa Lasaru lafa oŋwai.³Efahak ifa hanasira honyie to Yesu hiram atta hijo, "Habu torriŋe, lia lafa emuno iyye lia oŋwai." ⁴Etiru Yesu hiram nia atta hijo, "Obe iso ŋwai nia oremik attohoi inyia, ati etihabwo iso Lonyi Hollum te inya."⁵Iyyania omuno ifa Yesu Marta iko hanasi honyie ojo Lasaro. ⁶Tanafa etirini inyia hijo oŋwai Lasaro atta inyia rassa ta mai nafa oŋwari Lasaro holoŋitek arik. ⁷Ta halu atta inyia elimak to heyiyenak illohonyie hijo, ''efie aciahari a Yudea."⁸Atta heyiyenak honyie hijo do honyie, "Hetiyenani, hetek Yudea hiwak hatohoi iye, hidofe eijo iyye ewak aciahari ade?" ⁹Ati etiraŋ Yesu to hosie hijo, "Obe sahien inno far ara tomon harik? Ati lolot lobo tihoni ta far obe iso oremik hekosok heju, nyo egonyu isia cialai na fau ta far.¹⁰Ati lolot lobo ta tari ekosori iso inyia, nyo obe cialai to honyie." ¹¹Ojo Yesu hirro hunna da halu, atta inyia to hosie, "Afire mote hohoi Lasaro, ati hawu naŋ eticieŋu inyia a hide."¹²Etiraŋ heyiyenak to honyie hijo, "Habu, lajotori inyia, ocieŋu iso hame." ¹³Iyyania ero ifa Yesu to ye to nohonyie ati egigilo ifa isia hijo ero mahu inya hiram no jote no oyiri tuŋani bi. ¹⁴Niya elimak ifa Yesu to hosie dede hijo, "Oye Lasaro.¹⁵Ojo hidofe to hiram ta nahatai, amuno naŋ hijo abe naŋ awuon he itai dia hijo anyar eruk itai. Ifanu efi to honyie. ¹⁶Teya odioto Tomaso lafa efurek isia hijo Didimo, atta inyia hiro to heyiyenak, "efie anyar efi ye daŋ ho Yesu."¹⁷Nafa eba Yesu, orrumek inyia Lasaro to hotwai heilume holoŋitek aŋwan. ¹⁸Eliaha ifa Betania ho Yerusalem. ¹⁹Teyya afanu hiyyo arria to Yudea to twari ta Maria to ye ne ilasi hosie. ²⁰Nafa etiru Marta hijo awoŋ Yesu, eno inyia heboŋori heinyia, ati arasa ifa Maria hitole ta haji.²¹Atta Marta hijo to Yesu, "Habu, lewuon iŋole iyye inni, nobe ifa halasi hanaŋ oye. ²²Ati iyyania, ayyen naŋ hijo, lefi iyye tara Hollum nobo sihin, oremik inyia hisio iyye." ²³Ati ojo Yesu to honyie hijo, "Ebuhu iso halasi hoi."²⁴Ati etiraŋ Marta to honyie, "Ayyen naŋ hijo ebuhu iso inyia to holoŋ hucuŋi nafa fau nebuhuni hiyyo daŋ. Ojo Yesu to honyie, ²⁵"Ara naŋ hebuhu iko wuaran; Tuŋani leruk ta hanaŋ, oye ida hido inyia owuar iso inyia, ²⁶hidofe lowuar ojo hidofe eruk ta hanaŋ, obe iso inyia oye. Eruk iyye inna?"²⁷Atta Marta hijo do honyie, dede Habu, eruk ifa naŋ hijo ara iyye Kristo Lonyi Hollum, illo ottu afau. ²⁸Nafa attohu inyia hiro, atta inyia eno heliloŋini hanasi honyie Maria atta elimak to honyie hijo eba hetiyenani ati eliloŋo inyia iyye. ²⁹Teyya nafa etiru Maria, odioto inyia kwak atta eno to honyie³⁰Nyo holobe Yesu eba to hotwai na haŋ, halarasa inyia ta mai nafa eboŋohini inyie ha Marta. ³¹Ati odioto Yudea illa ara owuon to twari kwak nafa ewolo isia inyia odiotori, ojo hidofe isia atta ejufari inyia. Egigilo ifa isia hijo owu inyia elume oyyori. ³²Nafa ebarari Maria ta mai nafa owuanari Yesu atta inya egonyu Yesu atta ahuyek to hejek inno atta hijo do Yesu, "Habu, lewuon iŋole iyye inni nobe ifa halasi hanaŋ oye."³³Nafa egonyu Yesu Maria oyyo ojo hidofe Yudea illafa enyamini inyia daŋ oyyo, atta taji nohonyie diahai binno ojo hidofe daŋ omehini; atta inyia hijo, ³⁴"Aji enuhak itai inyia." Etiraŋ isia atta hijo, Habu woŋ towolo." ³⁵Atta Yesu Yio.³⁶Atta hiyyo illo Yudea hijo, "Itiwolo, omuno hada Yesu inyia binno. ³⁷Ati atta hilak ilohosie hijo, "Esio ifa tuŋani ileŋ riŋa to oŋodo." Iyyania, obe iso inyia oremik etihu Lasaro to ye.³⁸Niya eniyak hidofe daŋ taji no Yesu diahai binno atta eno e ilume na ara hinom no ottuho to moru. ³⁹Atta Yesu hijo, "Itudumu moru ade." Atta Marta hanasi hayoni hijo to Yesu, "Habu, iyyania omurai nyo era holoŋi innohonyie aŋwan iyyania te ilume." ⁴⁰Ojo Yesu do honyie, "Abe ida naŋ elimak iyye hijo, le'ruk iyye egonyu iso iyye lohwo no Hollum?"⁴¹Teyya atta isia etubuluŋai morwo nafa ade, ojo Yesu atta hibono to honyehite te innohonyie ahide atta hijo, "Monye, ajo naŋ to hoi humo nyo etira iyye tahanaŋ. ⁴²Nyo ayyen naŋ hijo etira iyye ta hanaŋ holoŋitek daŋ. Ati to hiram ne iluluŋ no hiyyo no oweta inni, ero naŋ iyyania hijo anyar eruk isia hijo efahu ifa iyye nayya."⁴³Tahalu no hiro nohonyie hirro hunna, oyio inyia wuoŋ, wuoŋ, nojo, "Lasaro, woŋ ade!" ⁴⁴Atta hayoni awoŋ lo obubuna has, hejek, homom ojo wan nohonyie daŋ to boŋo. Atta Yesu hijo, "Itiho inyia⁴⁵Eruk Yudea illa ara afanu daŋ ho Maria legonyu isia hiram ne egiem Yesu. ⁴⁶Atta hilak efie ta Farisei elimahini to hosie hirro daŋ innara egiem Yesu.⁴⁷Otuba ifa ettaha iko Farisei ojo haŋotok ho hiro, eijo isia, " Efi iso iyyohoi higiem nyo? Egiama tuŋani le idwariti arria. ⁴⁸Lebusak iyyohoi inyia hamai ania, ofwu iso hiyyo daŋ huruk to honyie; man afanu iso hiyyo illo Roma eyari massik innohoi ojo doŋe nohooi."⁴⁹Attati lobo lohosie la ara fure Kaifas ettok lafa to hiŋa to nyia, ojo to hosie hijo, "Ebe itai eyyen inak hirro tuŋ hada. ⁵⁰Ebe itai eyyen egigilo hijo olibo ye no tuŋani lobotie tara to hiyyo arria agalik hitaturo no hiyyo daŋ to doŋe?⁵¹Obe ati inyia ero rori inne to hoo to nohonyie hame." Nyo ara inyia hehuma lobolo binno to hiŋa inna, omoju inyia rori inne tara Hollum hijo, oye iso Yesu to hiyo ilo Yudea bi daŋ. ⁵²Obe ara to hiyyo ile hame ati anyar ottubak inya iluluŋ ino dure ilo Hollum ile esio. ⁵³Teya to holoŋ to nya ewuaha isia hijo jai iso eremik isia inyia.⁵⁴Tonia obe Yesu enyiak loton loliew to hiji a Yudea ati eno teyya adde man eliaha to mur to nobo doŋe nefurek hijo Efraim atta rasa dia iko hejufutak ilo honye. ⁵⁵Niya eliaha ifa hiyyom no Yudea nefurek hijo laŋan na Anjilo. Ofwo ifa hiyyo arria to misihi inno Yerusalem to hosiere ho hiyyom nyie hehuhumari wati innohosie.⁵⁶Odule ifa isia siaha Yesu ojo hidofe ero to wati innohosie ojo isia hetole ta haji imojit nettok atta hijo, obe iso inyia ottu ta mai no hiyyom? ⁵⁷Iyyania efahak ifa Farisei iko ettaha hiram hijo, loyyen lobo owuon inyia aji anyar elimak tohoi hijo anyar eremik iyyohoi eniefu inyia.

¹Arasa ifa holoŋitek ile inno laŋan, atta Yesu hiba to Betania to doŋe nafa etubuhuni inyia Lasaru to ye. ²Atta isia hisio to honye daha nafa efo Marta, atta Lasaru daha daŋ he isia to terefeja ho Yesu. ³Teyya atta Maria adumu hiyali inna ogol to hinyiaŋa bino inna ociama hiyo ikohoi nobotie. Atta inyia ejuhok to hejek innohonyie atta hifufus to hofir innohonyie. Oŋwo ifa haji girigir binno.⁴Ati Yuda Iskariote, hetiyanani ille ottu iso ŋetinyaŋai Yesu ojio, ⁵''Nyo ibe itai itinyaŋai ria inna ta arobia hisihai hunik atta itai aluahari lociaŋak? ⁶Obe dede inyia egigilo to lociaŋak to hiro nohonyie ati ara inyia lohoho: ojio hidofe inyia ara ahatunani ha arobiyaha ati esio hiyo to honye ata inya eyari ilamuk ille esio hiyyo to honye.⁷Atta Yesu hijio, "Ibusak inyia, ejuhok inyia nara ehuhumari inyia ta far no onuhari hanaŋ. ⁸Ewuon iso itai ho lociaŋak holoŋitek daŋ, ati abe iso naŋ ettole daŋ hatai fur.''⁹Atta iluluŋ no Yudea hiyen hijio owuon Yesu dia, atta isia afanu, obe ara to Yesu hamai ati afanu hidofe isia hiwolo Lasaru lafa etibuhu Yesu to ye. ¹⁰Ati ewaha ifa etaha hijio, efi hidofe isia iso atohoi Lasaru; ¹¹to nyo, hiram nohonyie ne ebuarari Yudei ariai iyyohoi ojio atta eruk Yesu.¹²Ifa motie etiru ariai ne iluluŋ inafa afanu wati to hiyyom no laŋan hijio ottu Yesu a Yerusalem, ¹³Ata isia yafa sana ino yani atta efie hiboŋ iko Yesu, ewuwuoŋita isia hijo, ''Hosana! Hotomune lia lo ottu to fure na Habu, Habu lo Isaraile.''¹⁴Atta Yesu ŋarumu sigira atta ŋahunyai to hide honyie iyya nafa egiorohini hiyyo, ¹⁵''Hebaŋ ŋani Sion; towolo Habu lohoi awoŋ etole to horwuoŋ ho sigira,''¹⁶Obe ifa hetiyanak illohonyie etiru hirro inne to hosiere ati nafa etihabuo hiyo Yesu atta isia agilu hijio egiorohini hafa iso hirro inne te inya, ojio hidofe isia ehuma iyya egiorohini ifa te inya.¹⁷Ojio hidofe iluluŋ no hiyyo innafa owuon ho Yesu to holoŋ nafa ellilloŋori inyia Lasaru te ilume atta etubuhu inyia to ye atta elimak te innafa innak hijio egonyu isi ifa dede. ¹⁸Hiram ne emak hiyyo ariai hatara inyia to nyo etiru isia hituhuti nafa ehuma Yesu. ¹⁹Atta Farisei hijio to wati innohosie, itiriŋai ebe iyyohoi eremik hihuma nobo sihin; ituwolo, ejufuta hiyyo daŋ tahalu honyie.''²⁰Owuon ifa illak illo Grik dia hullo afanu omojori hiyyo na laŋan. ²¹Afanu ifa liyya to Filipo to Betseda doŋe no Galilea, hijio anyar efi isia inyia hijio, ''Eitok ewak iyyohoi hiwolo Yesu. ²²eno Filipo atta elimak Anerea atta isia efi elimak Yesu.²³Atta Yesu hitiraŋ hijio, ''Awoŋ holoŋ inna etukuatari hiyyo Lonyi tuŋani. ²⁴Elimak naŋ ta hatai dede hijio lobe ŋamari odou afau atta ye, arasa iso inyia ta wan nohonye hamai; ati lo oye inyia, esiu iso haŋer inohonyie arria.²⁵Lo omuno lobo manya nohonyie, owu iso inyia ŋetilitek; ojio lia lobe wan egigilo to manya to na fau inna ottunak iso nohonyie ta manya inna osio fur. ²⁶Lawak lobo tuŋani higiama ta nayya anyar odule inyia hijufita nayya ojio ta mai na awuanari nayya anyar owuon hegiamani lalaŋ dia. Legiama lobo tuŋani ta nayya, etukuat iso Monye inyia²⁷Iyania odiaha taji nanaŋ: Ajo iso naŋ nyo? 'Monye, itulwahu nayya to holoŋ tena' Ati to hiram nia atunieri nayya to holoŋ inna. ²⁸Monye, isiara fure nohoi hoto kwata.'' Teyya atta hiro awoŋ te ido no ojio, Etukuat ifa nayya ati tahalu enyiak iso nayya hutukuat inyia.'' ²⁹Teyya atta iluluŋ no hiyyo nafa owuon de ŋetiru atta hijio, emedek hide nia, ojio illak hijio ''Ero anjilo to honyie.''³⁰Atta Yesu hitiraŋ hijio, ''Obe hiro nia ottu ta nayya, ati ottu to hiram to nahatai. ³¹Iyyania era ŋoto no fau inna ati ebirori iso habu la fau inna adde.³²Ojio le ehaf hiyyo nayya ta fau inna, arihu iso naŋ hiyyo daŋ ta hanaŋ'' ³³Ojio inyia ania hijio anyar etihutek hijio jai ahu iso inyia ye.³⁴Atta iluluŋ no hiyyo hitiraŋ hijio, etiru iyyohoi to hifahita hijio amanya iso Yesu Kristo tulaŋ. Nyo nia ejio iyye hijio akafari iso hiyyo Lonyi tuŋani ahide'? ŋai Lonyi Tuŋani le?'' ³⁵Atta Yesu hijio to hosie, halarasa calai to hiji hatai. Itiloto helewuon itai to cialai anyar abe idumele etihok itai. Lia lolot te idumele obe oye hijio aja ahu inya. ³⁶Helewuon itai to calai, anyar iruk itai cialai hijio anyar ira itai onyirok ha cialai.'' Tahalu ho hikienita hunna atta Yesu eno ade tara hosie oŋofori.³⁷Hegiem ida hido Yesu hitihutita ariai to homomite hosie arasa isia biaŋan hiruk to honyie ³⁸anyar etisiru hiro nafa ho hekilani ho Isaya inna ojio: ''Habu ŋai eruhok hiro nohoi? Ojio ta ŋai lia etihutek dwaran na Habu?''³⁹To hiram nia obe isia eruhok nyo ojio ifa Isaya atta hinyiak hidas' ⁴⁰''Etiŋodo Hollum honyiehite innohosie, ojo etigol tajia inohosie; Anyar lobe egonyu to honyiehite innohosie, obe hidofe etiru to yohe innohosie, atta aciohini ta hanaŋ ajio naŋ atta hitilibo isia.''⁴¹Ero Isaya hirro innia nyo egonyu inyia lohwo no Yesu atta inyia hiro te inyia. ⁴²Ati to hirro nia eruk ettaha ariai to Yesu, ati obe isia elimak to lobo tuŋani nyo abaŋ isia Farisei hijio hotobiaŋa efuhai isia tahaji imojit ade. ⁴³Nyo omuno isia hitahuo no ottu tara hiyyo agalik hitahuo no ottu tara Hollum.⁴⁴Atta Yesu yio binno no okwat atta hijio, ''Le eruk lobo ta hanaŋ, obe inyia eruk ta hanaŋ hame, ati eruk to lia efahu wan nayya. ⁴⁵Ojio le egonyu nayya, egonyu hidofe inyia lia le efahu nayya.⁴⁶Attu nayya afau iyya cialai hijio le eruk ta hanaŋ obe iso arasa te idumele. ⁴⁷Ojio le etiru hikienita innanaŋ obe ejufuta isia, abe nayya aŋot inyia. To nyo abe nayya attu oŋotori hiyyo ati attu naŋ etilohini fau.⁴⁸Le ebo wan nayya atta hidofe hibo amoju hikienita innanaŋ owuon inyia ha haŋotoni lohonyie, hiro ne ero nayya ena ottu iso hiŋot inyia to hisidi ha fau. ⁴⁹Ati abe naŋ ero to wahan nanaŋ ati Monye hanaŋ to wan to lohonyie lia efahu nayya, esio ta hanaŋ hifahi arik ho hikienita inne erarari naŋ. ⁵⁰Ayyen naŋ hijio hikienita innohonyie ara wuaran no osio fur. Ati ero nayya, ero nayya iyya elimak Monye hanaŋ, ero nayya.''

¹Holobe ifa hiyom no Laŋan. Eyyen ifa Yesu hijo eliaha saa nohonyie hebusari fau inna anyar awu inya to Monye. Tomune to nohonye hehejufutak ilohonyie ilafa owuon ta fau, omuno ifa inyia isia man to hucuŋi. ²Iyyania ehumak ifa Sitan ta taji no Yuda Iskariote, lonyi Simone, anyar etinyiaŋai Yesu.³Oyyen inyia hijo esio ifa Monye honyie to honyie hirro ta has honyie nyo ottu ifa inyia tara Hollum ojio hidofe enyiak aciahari to Hollum. ⁴Odioto inyia ta mai ho ŋiria atta ahou boŋo nohonyie. Atta inyia adumu hipotit atta elurok ta wan honyie. ⁵Atta inyia ejuhok hifioŋ to hilai atta hitiara hillilla hejek inno heyiyanak atta hidofe hifufus isia to hifufusi nara elurok inyia to wan honyie.⁶Atta inyia awoŋ to Simone Peturu, atta Peturu hijo to honyie, ''Habu, hewu iso iyye hillilla hejek innanaŋ?'' ⁷Etiraŋ Yesu to honyie hijo, "Hiro ino egiama nayya iyyania, ebe iyye eyyen, ati eyyen iso iyye ta halu.'' ⁸Atta Peturu hijo to honyie, "Obe eremik hillilla hejek innanaŋ.'' Atta Yesu hitiraŋ inyia hijo, '' La abe naŋ ellilla iyye, obe iyye ewuon ettuba ikanaŋ.'' ⁹Atta Simone Peturu hijo to honyie, ''Habu, baŋa ati ellilla hejek innanaŋ hame, ati illilla hass innanaŋ iko hoo nanaŋ.''¹⁰Atta Yesu hijo to honye, ''Obe tuŋani lo okuo enyiak wahan, ati awak inyia hillilla hejek innohonyie, ati olibe inyia; alibe iyye ati hebuha illak.'' ¹¹(Oyyen ifa Yesu tuŋani lo ohu etinyiaŋai inyia; inyia nia ojio inyia, ''Ebe itai ta mai daŋ elibo.'')¹²Nafa ellilla Yesu hejek innohosie atta eyari boŋojin innohonyie atta ahunyie ta fau, atta inyia hijo to hosie, ''Heyyen iyye hijo nyo nia egiem nayya ta hatai? ¹³Ellilloŋ itai nayya 'hetiyanani' iko 'Habu,' ejio hidofe itai ero ille ebis, to nia ara nayya. ¹⁴Le era nayya, Habu iko Hetiyanani, atta hillilla hejek innahatai, illilla hidofe hejek inno lobo. ¹⁵Etuhutek nayya itai hitimijani anyar egiem itai iyya inna egiamari naŋ ta hatai.¹⁶Dede, dede elimak naŋ ta hatai, obe hegiamani agalik ettok lohonyie; obe hidofe lefahati agalik tuŋani le efahak inyia. ¹⁷Le eyyen itai hirro inia, errumu iso itai jaha le egiama itai isia. Abe naŋ ero te itai daŋ; ¹⁸Ayyen nayya hiyyo illa anyimu nayya, egiem nayya ania hijo anyar otten hiram no Hollum: 'Tuŋani la ahaf imune nohonyie ahaf inyia heju nohonyie ta hanaŋ.¹⁹Elimak nayya itai iyyania holobe hirro innia hijo anyar eyyen itai holobe isia eba, hijo anyar eruk itai Nayya. ²⁰Dede elimak nayya itai, le efotu lobo tuŋani ille efahu nayya, efotu inyia nayya, ojio tuŋani le efotu nayya, efotu tuŋani le efahu nayya.''²¹Nafa attohu Yesu hiro hirro inia, atta oyiri nohonyie hitigiama. Ero inyia ta wan nohonyie hijo, ''Dede elimak naŋ itai hijo etinyiaŋak iso lobo nayya.'' ²²Oriŋa heyiyanak to wati illohosie, ilia ekuyya hijo hero mahu ta ŋai.²³Ofer ifa lobo heyiyanani lafa omuno Yesu aŋai to oger ho terefeja aŋati ho Yesu. ²⁴Oŋuŋusia ifa Simone Peturu atta elimak to lobo heyiyanani hefia hijo, ''Ifia inyia ŋai lia ero inyie.'' ²⁵Atta inyia hinyiak aciek wan nohonyie to Yesu atta hijo to honyie, ''Habu, ŋai lia?"²⁶Atta Yesu hitiraŋ, ''Inyia tuŋani le edutok ikanaŋ imune atta naŋ hisio to honyie.'' Nafa edutok inyia imune atta inyia hisio to Yuda lonyi Simone Iskariote. ²⁷Ta halu ho daha nohosie atta Sitan ajiŋak to honyie, atta Yesu hijo to honyie, ''Hehuma iyye nyo, torruk hirro innohoi kwak.''²⁸Iyyania, obe lobo tuŋani tara llafa ocio ta fau iko to terefeja oyyen hirro ino ero inyia to honyie. ²⁹Ogilo ifa illak hijo oyita ifa Yuda kullo na arobia, atta Yesu hijo to honyie, ''Inyiaŋu hirro ino ewak iyyohoi to holoŋ no hiyyom,'' Kuyya hidofe e esio ida inyia nobo sihin to lociaŋak. ³⁰Nafa efotu Yuda imune, atta inyia arruhari kokwak adde tara hosie. Ara ifa harie.³¹Nafa eno Yuda, atta Yesu hijo, ''Iyyania etahuo Lonyi Tuŋani, ojio hidof Hollum etahuo to honyie. ³²32Etahuo iso Hollum inyia to wan nohonyie, ojio iso inyia etahuwo inyia kwak. ³³Durre illo hitiŋi, hawuon naŋ ikatai to saa lo odico. Esiaha iso itai nayya, iyya nafa ajitari nayya to Yudei, 'Ta mai na awuye nayya, ibe itai eremik hafanu.' Iyyania enyiak iso naŋ elimak ta hatai.³⁴Esio nayya ta hatai hifahi ŋejuk, hijo anyar emuno itai wati innahatai; iyya nia amunori nayya itai, itumune daŋ illak. ³⁵To nia oyyen iso hiyyo hijo era itai heyiyanak illallaŋ, le ewuon itai ho mune to wati innahatai.''³⁶Atta Simone Peturu hijo to honyie, ''Habu, ewu iyye aji?'' Etiraŋ Yesu atta hijo, ''Obe iyye eremik ejufari nayya iyyania, ati ejufun iso ta halu.'' ³⁷Atta Peturu hijo to honyie, "Habu, nyo ati abe nayya aremik ejufari iyye iyyania? Esio iso nayya manya nanaŋ te iyye.'' ³⁸Atta Yesu hitiraŋ, ''Esio iso iyye manya nohoi ta nayya? Dede ajo nayya to hoi, erisa iso iyye nayya hinyiahita hunik holobe hohoro ellok.''

¹''Hotobiaŋa tajia innahatai odiaha. Iruho to Hollum; iruho hidofe daŋ ta hanaŋ. ²To hotwai haji ho Monye hanaŋ obore massik inne emanyari, nobe ifa ara ania, nia elimak ida naŋ ta hatai, ati ahu naŋ atiorok mai ta hatai. ³Leno naŋ atiorok mai da hatai, enyiak iso naŋ aciohini atta naŋ awoŋ eyari itai ta hanaŋ hijo ta mai na awuanari naŋ ewuon iso itai daŋ.⁴Eyyen itai ikoi ne lawuye naŋ." ⁵Ejo Tomaso to Yesu, "Habu, ebe iyyohoi eyyen hijo aji ehu iyye; jai iso eyyen iyyohoi ikoi?" ⁶Ejo Yesu to honyie, "Ara naŋ hikoi, ho bisan, ojo wuaran, obe lobo lo lotu to Monye aracie ta nayya. ⁷Ati leyyen itai naŋ, eyyen iso hido fe itai Monye hanaŋ daŋ; iyyania man ahosiere eyyen itai inyia ejo hido fe egonyu inyia."⁸Ejio Fillipo to Yesu, "Habu, ituhutek iyyohoi Monye, atta iso nia aremik toohoi." ⁹Ojo Yesu to honyie, "Obolo wuana nanaŋ ikatai inni, ejo iyye holobe eyyen naŋ, Fillipo? Iyye ille egonyu nayya, egonyu Monye; jai ejio iyye, 'Ituhutek te iyyohoi Monye'?¹⁰Holobe iyye eruk hijo awuon naŋ to Monye, ojo Monye owuon ta hanaŋ? Hirro inia ero naŋ to hoi; ero naŋ obe ara to wahan hanaŋ; ati, inyia Monye lia lamanya ta hanaŋ egiama igem nohonyie. ¹¹Iruho naŋ, hijo awuon naŋ to Monye, ojo hidofe Monye tahanaŋ; kuya hidofe iruho nayya to higemita inia egiem naŋ.¹²Dede, dede, ajo naŋ ta hatai, lia le leruk ta hanaŋ, egiama iso inyia higemita hunna egiama nayya; ojo iso inyia hidofe egem higiemita hunna agalik nyo eno naŋ to Monye. ¹³Le efia itai to fure hanaŋ, egiem iso naŋ, anyar okwat iso Monye To Lonyi. ¹⁴Lefi itai illak hirro to fure nanaŋ, egiem iso naŋ.¹⁵Lemuno itai naŋ, eniefita iso itai hifahita innanaŋ, ¹⁶Ajo iso naŋ amojo to Monye, ojo iso inyia esio itai lobo hesiŋani anyar iso lodule daŋ he itai tulaŋ, ¹⁷Loyiri no bisan. Obe iso fau efotu inyia nyo obe egonyu obe hidofe oyyen inyia. Ati, eyyen itai inyia, nyo ettole inyia he itai ojo hidofe odule iso wuana ta hatai.¹⁸Abe naŋ ledek itai hame; acohini iso naŋ ta hatai. ¹⁹Ati iso kai, obe iso fau egonyu naŋ inyak, ati egonyu iso itai. Nyo amanya naŋ, emanya iso hidofe itai. ²⁰To holoŋ nyia eyyen iso itai hijo awuon naŋ to monye hanaŋ ojo itai ta hanaŋ, ajo hidofe awuon naŋ tahati.²¹Tuŋani lo owuon ho hifahita innanaŋ atta hitoŋ isia, inyia lia lo omuno nayya; ojo lia lomuno nayya omuno iso Monye hanaŋ inyia, ajo iso naŋ amuno inyia ajo iso nayya etuhutek wan nanaŋ to honyie." ²²Yudas (obe lara Iskariote) ojo to Yesu, "Habu, nyo nia iso etuhutek iyye wan nohoi te iyyohoi obe ara ta fau daŋ?"²³Etiraŋ Yesu atta hijo to honyie, "Lomuno lobo nayya, otoŋ iso inyia hiro nanaŋ. Omuno iso Monye hanaŋ inyia, atta iso iyyohoi afanu to honyie ojo iso iyyohoi atta emak haŋ ne emanyari iyyohoi he inyia. ²⁴Tuŋani lobe omuno nayya obe eniefita hiro nanaŋ. Hiro nia etiru itai obe ara tara hanaŋ ati ottu tara Monye lia efahu nayya.²⁵Ero ifa naŋ hirro hunna ta hatai, nafa halamanya naŋ to hiji hatai. ²⁶Ati, hetilihani, Loyiri ille olibo, lia lohu Monye iso efahu to fure hanaŋ, etiyen iso itai hirro daŋ atta iso eyyani to higigilo nahatai daŋ hunna ajo naŋ tahatai. ²⁷Himwara ediahari naŋ ta hatai; esio naŋ himuara nanaŋ ta hatai. Abe naŋ esio inyia iyya esio fau. Ibaŋa ebusak tajia innahatai hotodiahai, ibaŋa labaŋ.²⁸Etiru itai hijo ajo naŋ ta hatai, 'Eno naŋ adde, ajio iso naŋ aciohini tahatai.' Lemuno ifa itai naŋ, ewuon iso itai iko mune nyo eno naŋ to Monye, nyo agalik Monye nayya. ²⁹Iyyania elimak ifa naŋ itai holobe isia eduoŋ anyar, leduoŋ inya, eremik itai hiruk.³⁰Abe iso nayya adule hiro ikatai binno, nyo awoŋ hekumoni la fau inna, obe inyia owuon ho golon agalik nayya, ³¹anyar oyyen fau hijo amuno naŋ Monye, ehuma nayya iyya elimak Monye hanaŋ nayya. Hetidiote efie tenni ade.''

¹Naya yani ojo Monye hanaŋ ara ahedulani ha yani. ²Esisalu inyia sana inanaŋ inno obe eŋarak haŋer ojo inya esisala sana daŋ inne eŋara hijio anyar enyiak eŋarak haŋer arria.³Iyyania alibe itai to hiro ne le ero naŋ ta hatai. ⁴Itigololik ta hanaŋ ajo naŋ agolik ta hatai. Iya obe sana ino yani oremik eŋarak haŋer inno honyie hame ojo ta ajalaŋi obe lobo lahatai oremik eŋarak man egolihini itai ta hanaŋ.⁵Ara nayya ajalaŋi ejo itai ara sana. Lo ogolik ta hanaŋ ajo naŋ to honyie eŋara inyia haŋer arria. Nyo elama itai tara hanaŋ ebe itai eremik hihum nobo sihin. ⁶Obe lobo ogolik ta hanaŋ, eruwoŋori inyia adde iyya sanai hijio hototoyo. Sana inia agaranyu inyia atta ebirok to hima hijo hotosuwahari. ⁷Lagolik itai ta hanaŋ ojo hiro nanaŋ ogolik ta hatai, ifia hiro ino ewak itai ati efu iso itai arrumu.⁸Okwat fure no Monye hanaŋ, le eŋarak itai haŋer ariai atta hidofe etuhutek dede hijo era itai heyiyanak illallaŋ. ⁹Iyya omuno Monye hanaŋ nayya, amune hidofe nayya itai. Itudule to mune hanaŋ.¹⁰Lagolik itai hinefita hifahita innanaŋ egolik iso itai to mune nanaŋ iyya nia agocie naŋ hifahita inno Monye hanaŋ iyya omuno Monye hanaŋ itai ajo naŋ amuno itai, itigolik to mune nanaŋ. ¹¹Elimak naŋ itai hirro hunna hijo anyar arasa mune nanaŋ ta hatai hidofe anyar efut nahatai.¹²Hifahi nanaŋ innaŋ, itumune halasira hatai iyya inna amunori nayya itai. ¹³Obe lobo tuŋani owuon ho mune agalik inna, hijo esio inyia wan nohonyie to motiarak illohonyie.¹⁴Era itai motiarak hanaŋ lehuma itai igem ne elimak naŋ itai. ¹⁵Abe iso naŋ ellilloŋo itai apiti, nyo obe pit oyyen hijio nyo nia ehuma ettok lohonyie, ati ellilloŋo naŋ itai halasira nyo anyar etihutek naŋ ta hatai hirro daŋ innafa eyiyenu naŋ tara ho Monye hanaŋ, etuhutek nayya ta hatai.¹⁶Obe ifa ara itai enyimu nayya, ati nayya anyimu itai atta efahak hijo anyar efu itai eŋarak haŋer ojio hidofe anyar arasa haŋer to hiro daŋ inne efia itai tara Monye hanaŋ to fure nanaŋ, esio iso inyia ta hatai. ¹⁷Hifahai nanaŋ inna ta hatai, hijo anyar emuno itai wati inna hatai.¹⁸Laliwari ilamuk hiyyo itai, itigilu hijo oliwari isia nayya to bere tara hatai. ¹⁹ŋera ida itai ahiyyo hullo ha fau inna, nomuno ida hiyyo hullo itai iyya halasira hosie, ati obe itai ara ahiyyo hullo ha fau inna nyo anyimu nayya itai ta fau inna, inyia nia oliwari ilamuk hiyyo itai.²⁰Ihuma hinief hirro inne elimak naŋ ta hatai, obe pit agalik lettok honyie. Letigiama isia nayya, etigiama iso hidofe isia itai. Kuyya lehum isia hinief hiro nanaŋ ehum iso hidofe isia hinef hiro nahatai. ²¹Ehuma iso isia hirro innia daŋ ta hatai to fure nanaŋ nyo obe isia oyyen lia lafa efahu nayya. ²²ŋabe ifa nayya attu hidofe hiro to hosie, hobe isia ida owuon iko hiyyatta innohosie; ati iyyania obe innak ilieti inno hiyyatta innohosie.²³Lia oliwari nayya oliwari hidofe inyia Monye hanaŋ. ²⁴ŋabe ifa nayya ehuma higiemita hunna holobeŋ lobo tuŋani hihum to hiji hosie, nobe ifa isia owuon iko hiyyata innohosie, ati iyyania egonyu isia daŋ ojo hidofe oliwari nayya daŋ iko Monye hanaŋ. ²⁵Iyyania, etisiru hiro nafa egiorok nayya to hifahita innohosie, hijo, oliwari isia nayya asai.'²⁶Lawoŋ hesiŋani, le efahu naŋ ta hatai tara Monye hanaŋ, inyia lia, Oyiri lo bisan, lo ohu tara Monye hanaŋ, ottu iso inyia hiro ta nayya. ²⁷Ero hidofe itai nyo ewuon ifa itai ikanaŋ man to hitieri.

¹Ero nayya hirro hunna ta hatai hijo hotobiaŋa itai ehuyuta. ²Efuhak iso isia itai ade ta hajik inno imojiti; dede awoŋ holoŋ nafa egigilori hatohok hatai hijo egiama inyia igiem na lanyar to Hollum.³Egiama isia hirro inia nyo obe isia oyyen Monye kuya nayya. ⁴Ero nayya hirro hunna ta hatai hijo lawoŋ holoŋ nafa nia ta hatai, eremik iso itai egigilu isia iyya nafa nia elimahini nayya itai hiram nohosie isia. Abe nayya elimak itai hijo hirro inia man to hitieri nyo awuon ifa nayya iko inyia.⁵Iyyania, awu nayya to honyie lia ille efahu nayya; ati obe lobo lahatai efi nayya, 'Hewu iyye aji? ⁶Ati ajo nayya hirro hunna to hatai, efut iso mijan ta tajia hatai. ⁷Iyyania, elimak nayya itai dede: anyar iso ta hatai leno nayya ade; nyo lenyai nayya hawu ade, obe iso hesiŋani ottu; ati kuya leno nayya, efahu iso nayya inyia ta hatai.⁸Lawoŋ inyia, ottu iso hesiŋani etuhutek hijo epal fau to hiram no hiyyata, ibisiti ojo ŋoto ⁹hiyyata, nyo obe isia eruk to nayya; ¹⁰to higigilo no bisan, nyo eno nayya to Monye, ejo itai ebe enyiak egonyu nayya nobo; ¹¹to higigilo no ŋoto, nyo oŋoto ifa hekumoni lafau inna.¹²Ayita nayya hirro ariai hunna aremik nayya hijo ta hatai, ati ebe itai eremik hetiru isia na lanyar iyyania. ¹³Tonia, ifa inyia, oyiri lo bisan, awoŋ, etidihita iso iya itai to bisan; nyo obe iso ero towan nohonyi; ati etiru iso hiro bi daŋ, ero iso inya hiro inia; ojo iso inyia opulok ta hatai hiro ino afanu iso. ¹⁴Etihabwo iso inyia nayya, nyo eyari iso inyia hirro innanaŋ atta inyia elimak ta hatai.¹⁵Hirro bi daŋ inno Monye ara bi daŋ inanaŋ; Tonia, ajo nayya hijo eyari iso oyiri hirro inanaŋ atta apulok isia ta hatai. ¹⁶Kai iyyania, ebe iso itai enyiak egonyu nayya; ta halu kai enyiak iso itai egonyu nayya.''¹⁷Ero ilamuk heyiyanak illohonyi ta wati innohosie, ''Hojo inyia nyo tohoi to hiro nohonyie, ''Kai iyyania, ebe iso itai enyiak egonyu nayya,' ojo kai hidofe atta itai hinyiak egonyu nayya,' nyo awu nayya to Monye?'' ¹⁸Ejo isia , Hara ŋari nyo nia ojio inyia, hijo kai iyyania? Ebe iyyohoi eyyen hiro innia ojo inyia.''¹⁹Egonyu Yesu hijo owuon isia iko wahan hefiari inyia, ojo inyia atta hijo to hosie, ''Efia itai wati innahatai to hiram inna, nia ejo nayya 'Lobo kai, ebe iso itai enyiak egonyu nayya; ojo ta halu enyiak iso itai egonyu nayya? ²⁰Dede, ajo nayya ta hatai, eyio iso itai ejo hidofe elalia, ati omuno iso fau; ejo itai iso ewuon iko hijiriŋa, ati oyito iso hijiriŋa nahatai amune. ²¹Owuon iso hiito noŋoruo iko hijiriŋa lawahan inyia hitado nyo awoŋ holoŋ nohonyie no hitado hiito, obe iso inyia enyiak hiyyen diahai nyo to mune nohonyie hijo esini hiito ta fau.²²Ewuon iso itai iko hijiriŋa iyyania, ati attu iso nayya hinyiak hiwolo itai; ojo tajia inna hatai atta wuana iko mune, obe iso lobo tuŋani oremik eyari ade mune nahatai tara hatai. ²³to holoŋ nya ebe iso itai eremik hifi nayya. Dede, dede, ajo nayya ta hatai, kuya efia itai innak hiro to Monye hanaŋ, esio iso inyia ta hatai to fure nanaŋ. ²⁴Man iyyania ebe itai efia innak hirro to fure nanaŋ; ifia ejo itai emoju anyar mahati ewuon homune nahatai ne efut.²⁵Ero ifa nayya hirro hunna ta hatai to hirori no hitihuti, ati awoŋ holoŋ inna abe iso nayya aremik hidas hiro ta hatai to hirori inno hitirijita ati awu iso nayya elimak ta hatai nolibo to Monye.²⁶To holoŋ nya efie iso itai to fure nanaŋ, ajo naya abe elimak ta hatai hijo awu iso naya mojo to Monye te itai; ²⁷nyo omuno Monye hanaŋ itai hijo emuno itai nayya ejo hidofe itai eruk hijo atu nayya tara Monye. ²⁸Attu nayya tara Monye, ajo nayya attu iso afau; Eno naŋ ebusak fau ajo nayya awu to Monye hanaŋ.''²⁹Ejo heyiyanak illohonyie hijo, ''Towolo, iyyania ero iyye nolibo; ero iyye to hirorita inno hitihuta. ³⁰iyyania eyyen iyyohoi hijo eyyen iyye hirro bi daŋ, ejo iyye ebe ewak lobo hefia iyye. Nyo to innia, eruk iyyohoi hijo ettu iyye tara Hollum. ³¹Etiraŋ Yesu isia, eruk itai iyyania?''³²Towolo, ehutu holoŋ, ee, awoŋ luŋa dede, nefu itai esisarahini, lobo daŋ ta haŋ honyie, atta itai ebusak nayya lobotie. Ati abe nayya awuon hame nyo owuon Monye iko nayya. ³³Ero nayya hirro hunna ta hatai hijo ta nayya anyar mahati ewoun itai iko himwara. Ta fau inia ewuon iso itai hitigiemita arria ati anyar ebe itai ebaŋ: Agalik nayya fau.''

¹Ta halu ho hirro hunna, ebonno Yesu ahide atta hijo, "Monye hanaŋ, awoŋ saa hanaŋ; Itahwo nayya a Lonyi hoi anyar etahwo Lonyi hoi iyye. ²Nyo esio ifa iyye naŋ hilohittok hagalihini hiyyo daŋ hijo anyar esio naŋ ille esio iyye ta hanaŋ manya no osio fur.³Manya no osio inna, hijo anyar oyyen isia iyye, hijo iyye Hollum ille lobotie dede iko Yesu Kristo lafa efahu iyye. ⁴Etahwo naŋ iyye ta fau, Atuhok naŋ igem nafa esio naŋ hegiama. ⁵Iyyania, Monye, etahwo naŋ daŋ iko hoi ho hitahwo nafa owuon man beren ta nafa eyyeuni iyye fau ho hirro daŋ inno owuon ta fau.⁶Etuhutek nayya fure nohoi to hiyyo daŋ illafa esio ta hanaŋ ta fau. Ara ifa isia illohoi; atta iyye hisio isia ta hanaŋ, ojo isia odule hiniefita hiram nohoi. ⁷Iyyania oyyen isia hijo lesio iyye nayya innak hirro, afanu hirro niyya tara hoi, ⁸esio naŋ to hosie rori innafa esio iyye ta hanaŋ. Amoju isia ojo hidofe oyyen dede hijo afanu tara hoi, man eruk hijo efahu iyye naŋ.⁹Amojo naŋ te isia. Abe naŋ amojo ta fau ati to ilia illafa esio iyye naŋ, nyo ara isia illohoi. ¹⁰Ara hiro inanaŋ daŋ inohosie, ojo inohoi daŋ ara inneti, etihabwo naŋ te isia. ¹¹Abe naŋ iyyania enyiak wana ta fau, ati owuon hiyyo illia ta fau, ajo naŋ attu to hoi. Monye lolibo, ogocie isia to fure nohoi hijo esio iyye isiea ta hanaŋ anyar ottuba isia nobotie, iyya era iyyohoi nobotie.¹²Nafa halawuon naŋ he isia, adule naŋ hiniefita isia to golon no fure nohoi innafa esio iyye ta hanaŋ, eriria naŋ isia, ati obe lobo lebusari ade, aracie lonyi henyabani, hijo anyar otuba higierita. ¹³Iyyania awoŋ naŋ to hoi; ati ero naŋ hirro hunna ta fau hijo efut mune nanaŋ to hosie. ¹⁴Esio naŋ to hosie hiram nohoi; Aliwari fau isia nyo obe isia ara illafa fau, iyya abe naŋ hidofe awuon ta fau.¹⁵Abe naŋ amojo hijo anyar eyari isia adde ta fau ati anyar eriria iyye isia tara henyabani. ¹⁶Obe isia ara illo fau, iyya abe hidofe naŋ ara la fau. ¹⁷Igialak isia hatara illohoi te ibisiti; nyo obis hiram nohoi.¹⁸Iyya nafa efahahini iyye nayya afau, efahak hidofe nayya isia a fau. ¹⁹Esio nayya wan nanaŋ to hoi te isia hijo anyar esio hidofe isia wati innohosie to hoi te ibisiti.²⁰Abe naŋ amojo te isia hame ati to ilia ille eruk ta hanaŋ to hiro nohosie. ²¹Hijo anyar otuba isia nobotie, Monye iyya nia ewuanari iyye ta hanaŋ, awuon nayya tohoi. Amojo naŋ hijo hotowuana isia tohoi hijo anyar eruk fau hijo efahu iyye nayya.²²Hitahwo nafa esio iyye ta hanaŋ--Esio naŋ to hosie, hijo hotubai isia, iyya inna etubari nobotie- ²³Ajo nayya to hosie, eijo iyye ta hanaŋ, anyar olibo isia nobotie; ojo fau atta hiyyen hijo efahu ifa iyye nayya dede, atta mune isia iyya nia emunori iyye nayya.²⁴Monye, awak naŋ ille esio iyye ta hanaŋ, anyar owuon isia ika naŋ tamai na awuanari naŋ anyar egonyu isia lohwo nanaŋ, nafa esio iyye ta hanaŋ: Emuno ifa iyye beren holobe hitieri na fau.²⁵Monye lolo odua, obe ida hido hiyyo oyyen iyye, ati ayyen naŋ iyye, oyyen hullo hijo efahu iyye nayya. ²⁶Etuhutek nayya fure nohoi to hosie, ati enyiak iso hidofe nayya etuhutek fure nohoi hijo hotowuana mune nemunori iyye nayya owuon ta tajia innohosie."

¹Tahalu ho hiro no Yesu, eno ifa inyia iko heyiyanak illohonyie afohor hari no Kidro no Yeruselem, nafa owuanari mana nafa ojiŋahini inyia iko heyiyanak. ²Yudas, inyia tuŋani lafa ohu etinyiaŋai Yesu , omijak hidofe inyia mai nafa nyia oduleri Yesu alocie iko heyiyanak illohonyie. ³Nafa amoju Yudas iluluŋ no oseŋer iko ettaha tara hetimojok illo habu iko Farisei, edieni ifa isia to hima no ruwai iko to lomosien, illo ottoŋita iko feria inno hosie.⁴Ojo Yesu, ara tuŋani loyyen hirro innafa orru to honyi daŋ, ohu ifa inyia ade ahosiere hosie atta hifi isia, "ŋai lia etufa itai?'' ⁵Etiraŋ isia to honyi, hijo, "Yesu lo Nasarit." Ati, etiraŋ ifa Yesu to hose, "Nayya illeŋ." Atta ati Yudas, lafa hetinyiaŋani honyie, oweta ifa inyia daŋ iko oseŋer.⁶Ifa ero inyia to hosie, "Nayya illeŋ" Atta isia aciahari atta ahuyik ta fau. ⁷Ati enyiak ifa inyia hifia isia hijo, "ŋai ati lia etufa itai?" Edas isia hitiraŋ hijo, "Yesu lo Nasarit."⁸Ati etiraŋak Yesu to hosie hijo, "Elimak ida nayya itai hijo, nayya illeŋ; letufa ida itai nayya, ibusak hiyyo ilak hefiye." ⁹Ati ara ifa hijo anyar hirorita osiru iyya to hiro nafa nyia. Iyya to hiyyo ille esio itai ta hanaŋ obe iso lobo lobotie olita to hiji hosie.¹⁰Ati owuon ifa Simone Peturu iko demi no honyi no obolo. Asutu inyia demi atta hiyef hiyyok no lobo pit ille ehuhuma ettaha. Asalu ifa inyia hiyyok ne inyiet no tuŋani lia. Ara ifa pit lia Malko. ¹¹Ojo Yesu atta hiro to Peturu hijo, "Inyiahak demi nia hoi to sohobo. Egigilo iyye hijo abaŋ mahu naŋ mata to kos nia esio Monye hanaŋ ta hanaŋ?¹²Eniefu iluluŋ no oseŋer iko ettaha illo hosie ho Yudei Yesu. Efit ifa isia Yesu atta arihori inyia teyya ta Anas , ¹³nyo ara Anas ahomoni to Kaipas lafa hittok to Yudea ifa beren. ¹⁴Ati ara ifa Kaipas hesiŋani lo Yudei hijo osiru to tuŋani lobotie hayori te iluluŋ no hiyyo.¹⁵Ejufak ifa Simone Peturu Yesu, ojo illamuk heyiyanak atta ejufak iyya inyia. Ati oyyen ifa hiyyo heyiyanani lia bi nono man to ettaha hullo hetimojok, ajiŋe ifa inyia daŋ ho Yesu ahotuwe haji ne ettok ewuahari no hetimojok; ¹⁶ati arasa ifa Peturu wueta te ikat na bali. Heyiyanani lafa oyyen ettaha illo hetimojok eno abali to hiito noŋoruo inna pit heririani he ikat, ero to honyie hijo iyyani Peturu enni ahotuwe.¹⁷Ohifia hiito noŋoruo nia eriria ikat Peturu hijo, "Iyye hidolia lobo heyiyanani lo honyie, hebe iyye ara?" Etiraŋ inyia hijo "Obe naŋ ara lobo lohonyie." ¹⁸Oweta ifa herirani he ikat iko ettaha aŋati honyi dia. Enahak ifa isia hima hijo anyar etinohori wati innohosie nafa elik hilik. Ati oweta ifa Peturu iko isia daŋ to osujari ho hima.¹⁹Ohifia ifa hetimojok hullo hittaha Yesu to hiram no heyiyanak iko hitiyana no honyi . ²⁰Etiraŋ Yesu to hosie hijo, "Ero ifa naŋ daŋ to hosiere ho fau hijo; Etiyana ifa nayya holoŋitek daŋ to haji emojit inna hittok iko to omojori no omojori Yudei. Abe if naŋ ero hame. ²¹Nyo nia edas itai hifia nayya? Ifia to hiyyo lia illafa etira to hiro nafa ero naŋ. Oyyen hiyyo hirro nafa ero naŋ."²²Nafa attohu Yesu hiro, odiote ettok lafa hosie ahide atta hinnaŋ Yesu ta hani no honyie atta hijo, "Hara hitiraŋi nia hoi nia daŋ ania to fadiri lettok?" ²³Ojo Yesu atta hitiraŋ to honyie hijo, "Iyya leroru nayya innak hiro inno orru, ati ilimu hido itai hipali nya epal nayya. Ojo hidofe lelimak naŋ to hoi inno olibo, no nyo ennaŋ iyye nayya?" ²⁴Ifa teyya efahak Annas Yesu to Kaipas hetimojoni lettok.²⁵Ati osuja ifa Simone Peturu hima lo oweta bi iko isia. Ojo ilak hiyyo atta hiro to honyie hijo, "Iyya ara iyye lobo heyiyanani lohonyie?" Ero ifa inyia lo orisa bii hijo, "Abe nayya teyya." ²⁶Odiote lobo lo woyyo laba Malko lafa oŋotu Peturu hiyyok nohonyie atta hiro hijo, "Owuon iyya egonyu ida nayya iyye ta mana iko inyia?" ²⁷Ati orisa Peturu hijo abe nayya ayyen, ojo hohoro atta hillok²⁸Ifa teyya edihori isia Yesu ade tara ho Kaipas adiya ahaji inna ara fure Pretero ifa to motie beren, obe ifa isia ojiŋak ade ho Pretero hijo ŋoso isia ebe enyiak daha hiyyom no Laŋan. ²⁹Otu ifa Pilato ade hosie atta hiro hijo, "Owuon inak irositi inohonyie ino hipalita ino eyyani itai ta hanaŋ?" ³⁰Etiraŋ isia to honyie hijo, ''Obe ida inya ara hepalani, nobe ida iyyohoi eyyani inyia to hoi.''³¹Ati ero ifa Pilato to hosie hijo, "Iyari iyya ewak itai inyia, ojo hidofe itiŋot hiram no honyi te iwahiti innahatai." Ati ojo ifa Yudei to honyie hijo, "Obe ati innak hirro etik iyyohoi hattohori lobo tuŋani." ³²Ati ero ifa isia hijo, anyar lo siru hiro nafa ho Yesu, ati ohu iso hirro inno honyi etuhutek iyet no oyori inyia.³³Enyiak ifa Pilato ajiŋak ahaji ho Pretero atta eliloŋu Yesu hidofe efi inyia hijo, "Ara iyye ahabu lo Yudei?" ³⁴Atta Yesu hitiraŋ to honyie hijo, "Efia iyye hiram nia hijo iyye ero ta taji nohoi, kuya lobo tuŋani elimak tohoi hijio efia nayya?" ³⁵Ati etiraŋak Pilato to honyie hijo, "Abe naŋ ara lo Yudei, ara mahu naŋ? Hiyyo iko habuwok illohoi, isia eyyani iyye enni hanaŋ; Hegem iyye nyo?"³⁶Etiraŋ ifa Yesu to hosie hijo, "Obe ahabue nanaŋ ara na fau. Ojo lara ida ahabuwe inna hanaŋ ŋati na fau inna, kuya ne ŋalafa ida itai iko hegiamak ille egiama ika naŋ hijo hotobiaŋa itai Yudea eyari nayya. "Ati dede, obe ahabuwe inna hanaŋ ottu tenni ta fau." ³⁷Enyiak ifa Pilato hifi inyia hijo, "Era iyye habu lo Yudea?" Etiraŋ ifa Yesu to hosie hijo, ''Iyya ejo iyye ara nayya habu. Ati esini ifa nayya to hiram nia, ajo hidofe attu to hiram nia attuni nayya enni afau hijo anyar attu nayya helimak hirro inno oso dede. Tuŋani lo owuon to bisan etira iso hutuk nanaŋ.''³⁸Ojo Pilato to honyie, "Nyo nia lara bisan?" Nafa attohu inya hiro, enyak inya ajiŋe abali to Yudea atta elimak to hosie hijo, "Abe naŋ arumek nobo hipali to honyie. ³⁹Ati ewuon itai iko imohiti inahati huna awak hijo anyar naya ebusu tuŋani lobotie ta hatai to hiyyom no Laŋan. Ewak itai nayya hebusu ta hatai Habu lo Yudea?" ⁴⁰Ati enyiak isia hiyyorrita hijo, "Obe lara tuŋani lia ille, ewak iyyohoi Barabbas." Ojo Barabbas ara ifa tuŋani lohoho.

¹Nia eyari Pilato Yesu atta hisio hatabak hiyyo. ²Atta oseŋer ayiru ihita no hukwa. Atta ehumak to hoo honyie' ojo eticiofok inyia boŋo no ara iŋiri. ³"Moŋ Habu lo Yudea!" atta hinnaŋ inyia ta has hosie.⁴Enyiak Pilato eno abali atta hijo to hiyyo, "Itiwolo, eyyani naŋ tuŋani ille ta hatai abali hijo anyar egonyu itai hijo obe naŋ arumu nobo hipali to honyie." ⁵Nia awoŋ Yesu abali; eciefita ifa inyia ihita no hukwa iko boŋo iŋiri. Atta Pilato hijo to hosie, "Itiwolo, ille tuŋani lia!" ⁶Nafa egonyu lettaha illo hetimojok iko hejiamak Yesu, oyio isia atta hijo, "Isihok inyia , isihok inyia!" Atta Pilato hijo to hosie, iyari inyia to wati innahatai ifeti isihok, abe naŋ arrumu nobo hipali to honyie."⁷Etiraŋ Yudei Pilato, "Ewuon iyyohoi ho hifahi, ojo to hifahi nyia ara inya atohoti nyo ehumak inyia wan nohonyie Lonyi Hollum." ⁸Nafa etiru Pilato hiro nia hosie. ⁹Atta inyia baŋi nno atta inyia hinyiak ajiŋak ahotwe haji atta hijo to Yesu, "Hetu iyye tai, ati obe Yesu etiraŋ inyia.¹⁰Atta Pilato hijo to honyie, "Obe iyye ewak hiro ta hanaŋ? Obe iyye eyyen hijo awuon naŋ ho golon hahehini iyye, iko golon no hesihohini iyye?" ¹¹Etiraŋ Yesu inyia, " Obe iyye ewuon ho nobo golon to hanaŋ man lesio Hollum to hoi. Nyo tuŋani lo etuhutek nayya ta hatai owuon he iyyau no lobolo."¹²To hitiraŋi nia, atta Pilato hijo nahou inyia, ati oyio Yudei atta hijo, ' "Lahek iyye tuŋani lia, obe iyye era mote Kesari: Hiyyo bidaŋ illo ehumak wati illohosie ahabuok obe awak Kesari." ¹³Nafa etiru Pilato hiro nia, atta inyia eyyani Yesu abali atta ahunyia to mai he iŋotit tamai inna ellilloŋo hiyyo hijo hutuhuti, ati to Ebrei, ara Gabata.''¹⁴Ara ifa far no ehuhumari hiyyo far no Laŋan, to sahien ile. Atta Pilato hijo to Yudei, "Ituwolo Habu lahatai ille!" ¹⁵Oyio isia atta hijo, "Iyari inyia ade, iyari inyia ade; isihok inyia!" Atta Pilato hijo to hosie, "Anyar esihok naŋ Habu lahatai?" Etiraŋ habu lo hetimojok, " obe iyyohoi ewuon holobo habu ati Kesari." ¹⁶Nia atta Pilato eloitok Yesu to hosie hesihok.¹⁷Eyari isia Yesu, ojo esio inyia hatahafitai kuruce no honyie to wan no honyie, amai nobo no eliloŋo isia hijo mai nohet, ojo eliloŋo hijo Gologota to Ebrei. ¹⁸Esihok isia Yesu dia iko ilak hiyyo lohorik, lobotie toko hani ho ihorroŋ, lobotie toko inyiet ojo Yesu to hiji.¹⁹Egiorok ifa hidofe Pilato hutuhuti atta ehumak to kuruce: YESU LO NASARIT, HABU LO YUDEA. ²⁰Yudea aria ehina hutuhuti nia nyo mai nafa esihohini isi Yesu eliaha ifa iko bore na gala nettok. Egioro ifa hutuhuti nia to Ebrei, to Latin ojo to Girik.²¹Atta lettok lo hetimojok lo Yudea hijo to Pilato, "Baŋa egiorok hijo, 'Habu lo Yudea,' ati nojo inyia, ''Naya Habu lo Yudea.''' ²²Etiraŋ Pilato, " ino egiorok naŋ egiorok naŋ."²³Tahalu nafa esihok oseŋer Yesu, atta isia adumu jolofiya no honyi atta huŋuŋut amasik aŋwan, atta hisio abotie abotie to oseŋer illafa lia, ojo hidofe gemis daŋ. obe gemis owuon iko higierita inno obiaŋarik isie man to hide man aŋolon. ²⁴Atta isia hijo to wati innohosie, hotobiaŋa ida egugwas inna, ati hetibak mwaŋa hijo hara iso ŋai ohu eyari." Ara hijo anyar etufut higierita hunna ojo, "Ebubwanyak isia boŋojin innanaŋ to wati innohosie ojo gamis nanaŋ abaha isia mwaŋa."²⁵Egiem oseŋer iyya egioro. Hotonye Yesu, hanasi hotonye honyie, Maria oŋoruo kolopas, ojo Maria Madalina-isia inafa oweta aŋati ho kuruce no Yesu. ²⁶Nafa egonyu Yesu hotonye honyi iko heyiyanak hullo omuno inyie oweta aŋati honyie, atta inyia hijo to hotonye honyie, "Tuŋani inna, towolo, onyi hoi ille!" ²⁷Atta hidofe hijo to heyiyanak, "Itiwolo, nia hotonye hatai nia!" Ta saa nyia atta heyiyanak eyari inyia ahaŋ honye.²⁸Tahalu ho hirro inia daŋ, nyo oyyen inyia hijo esaha hirro bidaŋ, hetuhutehini higierita hatara dede. Atta Yesu hijo, ''Eboto naŋ.'' Owuon ifa moti ne efut ho balu na yani ²⁹dia, atta isia awohu gin to fede atta akafak ahide to hutuk honyie. ³⁰Nafa emat Yesu, atta inia hijo, "Esaha." Atta eruŋok hoo no honyie atta hisio Oyiri no honye. 31Atarak isia hijo hotobiaŋa wati inia arasa³¹Atarak isia hijo hotobiaŋa wati inia arasa to kuruce man toholoŋ no Sabato ( ara Sabato holoŋ nololibo binoo), etitif Yudei Pilato hijo awak efie huwur hejiek lia esihohini, atta etulu wati innohosie afau. ³²Nia atta oseŋer afanu huwur heju no tuŋani hitieri iko hitarihi inno hiyyo illafa esihohini iko Yesu. ³³Nafa afanu isia to Yesu, egonyu isia hijo oye inyia beren, nia enyai isia holour hejek innohonyie.³⁴Ati, ocuk lobo lo oseŋer inyia to fere, atta hoto iko hifioŋ hidoŋ teyya. ³⁵Tuŋani lia egonyu ara inyia asut, ojo hilosut no honyie ara dede. Oyyen inyia hijo inia egonyu inyia ara dede anyar hidofe eruk itai.³⁶Afanu hirro inia daŋ hijo anyar etuhutek hirro inafa egiorohini, " hijo obe iso lobo heito lohonyie lobotie ouro." ³⁷enyiak ofe nobo higioro hijo, "Afanu iso isia riŋa to honyie lia ocuk isia."³⁸Tahalu ho hirro inia Yosefu lo Arimatea, efahati lo Yes, aliabari to baŋi no Yudei, atta hifi Pilato hijo awak inyi eyari wan no Yesu. Ojo Pilato ata huru to honyie. Nia atta Yosefu awoŋ eyari wan no honyie. ³⁹Awoŋ hidofe Nikodemo, inia lafa ottu hiteri to Yesu tatari. Eyani inyia attagoŋi iko innak yanik inno oŋuo girgir oremik hulur to icemit no ara hisihai nobotie.⁴⁰Eyari isia wan no Yesu atta isia hububun wan no honyie to boŋo iko hitiŋuojita, ara ifa imohit no Yudei hanuhahini tuŋani. ⁴¹Owuon ifa mana tamai nafa esihohini hiyyo inyia; ojo dia to hotwai mana owuon ifa ilume ŋejuk inna holobeŋ lobo tuŋani anuhahini dia. ⁴²Nyo ara ifa holoŋ nafa ehuhumaru Yudei far no Sabato ojo hidofe eliha ifa ilume nia dia aŋati, etiferik isia Yesu dia.

¹To holoŋ nafa hitieri ne isabit, ifa to motie, ottu Maria Madalina elume; egonyu inyia moru abuluŋari ade to ilume. ²Anyieru inyia atta eno to Simone Peturu iko ilak heyiyanak hullo omuno Yesu, atta inyia hijo to hosie, "Eyari isia Habu ade te ilume, obe iyyohoi eyyen hijo onuhak isia inyia aji."³Atta Peturu iko ilak heyiyanak efie ade, ojo ofu eilume. ⁴Enyior isia bi daŋ arabotie; atta efahat lia erwuatik Peturu atta hiba te ilume to hosiere. ⁵Oweta inyia atta hiwolo ilume, atta inyia egonyu boŋojin ibubuniti arasia dia, ati holobe inyia eno ahotuei.⁶Nafa eba Simone Peturu ta halu honyie atta eno ahotuai ilume. ⁷Atta inyia egonyu ibubuniti inno boŋojin owuon dia. Ojo boŋo nafa owuon tohoo. Obe ifa owuon iko hunna to wan atta abubunari ahide to wan nohonyie.⁸Nafa efie ilak heyiyanak ahotuai hidofe, lafa eba hitieri te ilume; egonyu inyia atta eruk. ⁹Iyya ta nafa inyia halarasa isia biaŋan oyyen Bibia hijo ebuhu Yesu inyiak to ye. ¹⁰Aciahari heyiyanak ade hinyiak ahaŋitek hosie.¹¹Ati, oweta ifa Maria aŋati he ilume atta yio; iyya nafa oyiori inyia, atta inyia diote atta hiwolo ahotwe ilume. ¹²Egonyu inyia anjilohien ohorik ille eciefita boŋonjin boŋi etole, lobotie te iko hoo, ojo lobotie te iko hejek, tamai nafa onuhari Yesu. ¹³Ojo isia atta hijio to honyie, "Tuŋani innaŋ, eyyo iyye nyo?" Ejio inyia to hosie, "Nyo eyari isia Habu hanaŋ ade, ati obe nayya ayyen hijo efiyak isia aji."¹⁴Nafa ejio inyia ania, atta inyia yite ahalu atta egonyu Yesu oweta dia, ati obe inyia oyyen hijo Yesu lia. ¹⁵Ejio Yesu te inyia, "Tuŋani innaŋ, eyyo iyye nyo? ŋai lia esiaha iyye? egigilo inyia hijo ara inyia ifa haramoni, ati ejio inyia to honyie, "Ettok, eyari iyye inyia ade, ilimak ta hanaŋ mai ne enuhahini itai inyia, ajo iso naŋ ahu eyari inyia ade."¹⁶Ejio Yesu to honyie, "Maria." Atta inyia yite, atta hijio tohonyie ta Aramaik, "Rabboni," iyya ejio iyye, "Hetiyanani." ¹⁷Ejio Yesu to honyie, "Baŋa otir nayya, holobe nayya hirre to Monye hanaŋ; ati inno ta halasirak hanaŋ ino ilimak isia hijo ohu naŋ hirre to Monye hanaŋ iko to Monyie hatai, ojo Hollum hanaŋ iko Hollum lahatai." ¹⁸Awoŋ Maria Madalina atta elimak to heyiyanak, "Egonyu nayya Habu," Teyya ojo inyia hirro hunna to honyie.¹⁹Nafa era iŋalio, no holoŋ nyia, to holoŋ no hitieri ne isabit, iyya nafa esionori ikatin nafa owuanari heyiyanak iko baŋi to Yudei, awoŋ Yesu weta to hiji hosie atta hijo to hosie, "Isiara himwara hotowuana ikatai. ²⁰Nafa ejio inyia ania, atta inyia etihutek isia has innohonyie iko mari innohonyie. Ati nafa egonyu heyiyanak Habu, atta isia mune.²¹Enyiak Yesu hijo to hosie, "Owuon iso himwara ikatai. Iyyania efahini Monye hanaŋ nayya, efahak iyya efahak naŋ itai." ²²Nafa ejio Yesu daŋ ania, atta inyia eyyiek to hosie atta hijo to hosie, "Itirumu Oyiri no Olibo. ²³Iyya leyyau lobo hirro innohoi ibusak, ibusak isia te isia; iyya leyyau lobo hiro innohoi oŋwai ade, atta isia afitini tara hiyyata."²⁴Tomaso, lafa hitatomoni ha arik, lafa ara Didimo, obe owuon iko isia nafa awoŋ Yesu. ²⁵Ejio ilak heyiyanak ta halu honyie,"Egonyu iyyohoi Hobu." Ejio inyia to hosie, "Man egonyini nayya ituliti inno gusumari ta has honyie, ajio nayya aciamak hafialai lalaŋ te ituliti inno gosumari, ajio naŋ emak hani nanaŋ ta mari honyie, obe nayya eruk."²⁶Tahalu ho holoŋitek hotohunik, owuon ifa heyiyanak illohonyie to hotwe, ojo Tomaso owuon iko isia. Awoŋ Yesu ojo ikatin esiono, atta weta to hiji hosie, ata hijo, "Hotowuana himwuara ikatai." ²⁷Atta inyia hijo to Tomaso, "Ibara inni to hafialai lohoi, ejo ewolo has innanaŋ; ibara inni to hani nohoi, ejio iyye ehumak hani nohoi ta mari hanaŋ; hotobiaŋa hiruk nohoi olita, ati iruho."²⁸Etiraŋ Tomaso atta hijio to honyie, "Habu lalaŋ iko Hollum lalaŋ." ²⁹Ejio Yesu to honyie, "Iyya egonyu iyye inyia, iruho. Ajaha iso lia obe egonyu, ati eruk isia."³⁰Iyyania nia egiem Yesu hitihutita ariai to hosiere ho heyiyanak illohonyie, obe hituhututa nia egiorohini to hotwe ho Bibia; ³¹Ati egiorok hunna olibo anyar eruk itai to Yesu Kristo, hiito lo Hollum, ati iyyania eruk iyye, ewuon iso iyye ho manya to fur nohonyie.