¹Mulume muguma w'enju ya Lawi ashaba omukazi w'omunyere wa Lawi; ²Oyu mukazi ababukule aburha omwana. Abona oku ali mwinja amubisha; enyuma yamwezi esharhu.³Amango abulaga oku akamubisha arhola echirhiri ahishiga ebumba lya gwarha; Aheba mw'omwana, amurhabika omu masheke, ahaburhambi bw'olwinji lunene. ⁴Mwaliwabo oyo mwana aja ahaburhambi, mpu lyamenya ebinji byamubera.⁵Mwali wa Farao ayandagala oku lwinji lunene mpu ajiyoga, na bamuherekeze balambagira eburhambi bw'olwiji lunene. Abona echirhiri omu kagarhi kamasheke,arhuma omukozi ajimurhola. ⁶Achingula, abona omwana: aliri murhabana mudorho olialaka. amuyunvira obonjo aderha mwana w'Aba Ebraniya.⁷Nantyo mwaliwabo oyo mwana abwira mwali wa Farao: Olonzeze gende kulonza omulembi omubakazi w'omu Ebraniya, mpu wakazi kukuyonsa oyu mwana? ⁸Genda, amushuza mwali wa Farao. N'oyu musole w'obunyere agenda kulonza nina w'oyomwana.⁹Mwali wa Farao amubwira: Heka oyu mwana, n'oku munyonseza; njinakuhereza oluhembo. Omukazi arhola omwana, n'oku muyonsa. ¹⁰Amango akulaaga, amulerha emwa mwali wa Farao, abaho nka mugala. Amuha ezino lya Musa, bulala, aderha ntya, namukulaga omu menji.¹¹Amango Musa akulaga ajaemunda benewabo, abamuhamirizi w'emirimo midarhi. Abona omu misiri ashurha omu Ebraniya omu balumuna bage. ¹²Alolaga olunda n'olwindi, abona nta muntu, ayirha omu misiri, n'oku mubisha omu muchanga.¹³Arhenga olusiku lukulikireho; lola, baebraniya babiri balwa. abwira oyola oyagire: chirhumire washurha owenyu? ¹⁴Oyo mulume amushuza: Inde wakujiraga murhambo na muzuzi werhu? okengere okuwanyirha, nko kuwayirhaga omu misiri? Musa ayubaha, aderha kusiga kubinali ebintu byamenyikene.¹⁵Farao amenya ebyagerere, alonza okuirha Musa, Aliko Musa achibisha embuga ayaka Farao achijira omu chihugo che Mediyani, ajiyumanga hofi n'ehiriba. ¹⁶Mudahwa we Mediyane aliherhe banyere mushanvu, bajidoma amenji babumba emikenzi mpu banywese ebirhungano b'eshe wabo. ¹⁷Abangere bayinja, babahiga. Nantyo Musa ayimanga, abarhabala, ebirhungano byabo babinywesa.¹⁸Amango bagalukaga emwa Reuli, eshe wabo, aderha: Chirhumire mwagaluka duba zene? ¹⁹Bashuza: mumisiri muguma amarhufumya omu fune za bangere amarhudomera amenji, amanywesa ebibirhungano. ²⁰Abwira abanyere bage: ngahe ali? charhumaga mwaleka oyo mulume? Mumuhamagale, mpu alye okubiryo bigeke.²¹Musa ayemera okubera n'oyo mulume, amuhereza Sifora, mwali wage kuba mukage. ²²Aburha mwana rhabana, amuhamagala oku zino lya Gershome , Bulala aderhere: ndamire omuchihugo chabene.²³Enyuma zaho, mwami w'e Misiri afa,n' abana be'Israeli balaka kandi enyanya y'obuja, bayama n'emilenge . Eyo milenge, yabakulira obuja, yagenda emwa Nyamuzinda. ²⁴Nyamuzinda ayunva emilenge yabo ayibuka endagano yabo haguma na Abrahamu, Isaka na Yakobo. ²⁵Nyamuzinda alola abana be'Israeli, an'abahemba.

¹Musa aliyabwire obuso bw'embuzi z'eshezala Yetero; mudahwa w'e Mediyani. Alongola n'embuzi hale omu mpinga, ahika oku ntondo ya Nyamuzinda e Horebu. ²Malayika wa Nyamuzinda amubonekera omu ngulumira y'omuliro yaliherhe yakolera omu karhi k'eshaka. Musa alolereza, abona eshaka ligwerhe lyagulumira, chirhasingonyoka. ³Musa achiderheza: Nazunguluka ndole zakaba nkengero zichi zinganaha: Bichi birhumire eri shaka lirhanagwerhe lyasingonoka.⁴Nahano abona oku ayinja azunguluka mpu alole; lero Nyamuzinda anachimuhamagala omu kagarhi k'aliry'eshaka eri : << Musa, Musa!>> eri << Karame! >> ⁵Aderha eri : << Omenye wakagera hano! Hogola ebirato byawe omu magulu, bulala hanola hali hantu hachesibwa. ⁶Ashubiderha eri: << Nye Nyamuzinda wa Isho, Nyamuzinda w'Aburahamu, Nyamuzinda wa Isaka, Nyamuzinda wa Yakobo. Musa achishukira amesho, bulala aliyobohere okulolaku Nyamuzinda.⁷Nahano aderha : kubinali na bwene amalibuko g'olubaga lwani luli e'Misiri, nayunvirhe n'endulu lugwerhe lwaband'embere z'abaherhe balulibuza. Nechi, menyere amalibuko machi lulimo. ⁸Cho chirhumire nayandagala mbalikuze omu maboko g'abanya-Misiri; mbakule mwechi chihugo, mbaheke omu chihugo chikwirire chinagalihire, omu chihugo chahululamw'amarha n'obuchi, omu chihugo chibamo AbaKanana, Abahiti, Abamoriti, Abaperizi, Abahivi n'Abayebusi.⁹Na bulal'endulu za bene Israeli zampikireko, bulala na bwene gurhe abanya Misiri bagwerhe babablibusa. ¹⁰Yumukaga, ogende; nkurhumir'emwa Farao nti ogendekul'olubaga lwani lwa bene Israeli e Misiri.>>¹¹Musa abwira Nyamuzinda, eri: Ndi muntu muchi nani obwo naj'emwa Farao, nkule olubaga lwa bene Israeli e'Misiri? ¹²Nyamuzinda amubwira, eri : Ndi haguma nawe. Talaga n'echimenyiso oku nye nkurhumire: Hano oba wakula olubaga e'Misiri, nji mwakolera Nyamuzinda kw'eyi ntondo.¹³Musa abwira Nyamuzinda : Nkala nachibanda hali bene Israeli, mba bwire mpu : Nyamuzinda wa bayisho antumire emunda muli. Aliko, bakadosa, Ezino lyage, gurhe mbabwirage? ¹⁴Nyamuzinda abwira Musa, mpu: NYE NYAMUBAHO. Ashubi yushula: Oyinjibwira bene Israeli, mpu: Ollala ontumire emunda muli. ¹⁵Nyamuzinda ashubi bwira Musai: Nj'obwire bene Israeli ntya: Nahano, Nyamuzinda wa bayisho, Nyamuzinda wa Abrahamu, Nyamuzinda wa Isaka, na Nyamuzinda wa Yakobo, antumire emunda muli. Elyo ly'Ezino lyani emyaka n'emyaka, bakazimpamagalamo kurhenga oku burha kuja oku lindi.¹⁶Ogende oshubuze abagula ba bene Israeli boshi, obabwire: Nyamubaho, Nyamuzinda wa bayisho, Nyamuzinda wa Abrahamu, Nyamuzinda wa Isaka, Nyamuzinda wa Yakobo ambonekere; ambwira : Mbamenyisize bulala na bwene amabi goshi bagwerhe babajirira e'Misiri. ¹⁷Che chirhumire naderha mpu: Nabakula omu malibuko g'e Misiri, mbayinamulire omu chihugo ch'Abakanana, chAbahiti, ch'Abamori, ch'Abaperizi, ch'Abahivi, ch'Abayebusi, omu chihugo chihulula mwo amarha n'obuchi. ¹⁸Bayunve omulenge gwawe, oyinji genda n'abagula ba bene Israeli, oje emunda mwami w'e'Misiri ali, mumu bwire, mpu: Nahano, Nyamuzinda w'Abayahudi arhubonekere. Bunola orhulekage, rhugende lugendo lwa siku esharhu omu mpinga, rhurhulire Nahano Nyamuzinda werhu entulo.¹⁹Aliko menyere oku mwami w'e'Misiri arhabayemerera mwagenda, akaba arhasezibwe n'okuboko kw'emisi. ²⁰Nkola nalambula okuboko kwani, nshurhe Misiri n'ebisomerene najira eyo. Enyuma ly'oko, anabalika mugende. ²¹Narhabala olu lubaga na ndurhonye emwa Abanya Misiri, li hano mugenda, mulekigenda maboko mumu. ²²Ngasi mbuguma eheme omwalungwe wage n'omuhisi oli omu mwage ebintu by'amarhale, eby'ehoro n'emyambalo muyambise bagala benyu na bali benyu. Mutungule ntyo abanya Misiri.

¹Musa ashubiza mpu : Barhanyemera, barhayunva omulenge gwani, s'aliko baderha oku Nahano arhakubone keraga! ²Nahano amubwira: Chi echo ofumbarhire omu fune? Naye ashubiza mpu : Karhi. ³Nahano amubwira: Kakweb'oku daho. Akakweba oku daho: Akarhi kahindamukaka njoka, Musa ayaka.⁴Nahano abwira Musa: Lambula okuboko, oyigwarhire oku hunga! Alambula okuboko, ayigwarha: Eyo njoka yashubihindamuka karhi omu fune zage. ⁵Li bayemera oku Nahano akubonekere, Nyamuzinda wa b'eshe, Nyamzuinda wa Aburahamu, Nyamuzinda wa Isaka, Nyamuzinda wa Yakobo.⁶Nahano ashubi mubwira: Hira efune omu mabere yawe Ahira efune oku mabere anazigalula. Okuboko kwage kwayunjula bibenzi, kwahindamuka mweru-mweru nka lubula. ⁷Nahano amubwira: Shubiza okuboko kwawe oku mabere. Ashubiza okuboko oku nda anakugalula; kwali kwamashubiba nk'ebindi bigabi by'omubiri gwage.⁸Nahano: " Akaba barhakuyemerere n'akaba barhayunvirize omulenge gw'echimenyiso chambere bayemera omulenge gw'echimenyiso cha kabiri. ⁹N'akaba barhayemere ebyo bimenyiso bibiri n'akaba barhayunvirize omulenge gwawe, wanarhola amenji g'omulwinji, ogashandaze oku daho; ago menji warholaga omu lwinji gahindamuka shagama oku daho."¹⁰Musa abwira Nahano: " Onfe lukogo, yagirwa Nahano, omenyere oku ntenji kuderha ebi bichanji byoshi oli waderhes'omwambali wawe, obunu bwani buba buzidohere n'olulimi lwani lurhahundula." ¹¹Nahano amubwira: " Nde wahaga omuntu obunu? Nde odumya omuntu eri oku mujire chihuli, amujire wa kubona eri muhurha? K'arhali Nyono Nahano? ¹²Obangulage,ogende naba haguma n'obunu bwawe; nakazikurhabala n'oku kuyigiriz'ebi okwanene okuderha. ¹³Musa ashubiza: " Onfe lukogo, yagirwa Nahano, orhume owundi olonzeze!"¹⁴Aho Nyamuzinda agayisibwa na Musa, amubwira: Ka mukulu wawe Haruni w'omulawi arhaliho? Menyere oku yewe ayinji derha. Chiro y'oyu oyinjire kukulamusa, na hanoakubona, asima omu murhima gwage. ¹⁵Oyinji mushambalira, onahire eyo myazi omu bunu bwage. Nani naba n'obunu bwawe n'obwage. Nabayigiriza ebimwajira. ¹⁶Ye wakazi shambaza olubaga ahali hawe, ye waba bunu bwawe, nawe obe nka Nyamuzinda wage. ¹⁷N'aka karhi, okafumbarhe, ka wakazijiramo ebisomezo.¹⁸Musa agenda, ashubira emw'eshezala Yetero amu bwira: Nkwanene nshubire emwa bene berhu bali e'Misiri, njilola eri bachibamo omuka. Yetero ashuza Musa mpu: Ogende n'omurhula! ¹⁹Nahano abwira Musa e'Mediyani: " Bangula, oshubire e'Misiri bulala bala boshi bakazagilonza okukuyirha bafire. ²⁰Musa arhola mukage n'abagala, abashoneza oku farasi, ashubira omu chihugo ch'e'Misiri. Kala karhi ka Nyamuzinda, Musa akafumbarha.²¹Nahano abwira Musa: Obu ashubira e'Misiri, obuhashe bwa bila bisomerene byoshi nakuahaga, obujirire embere za Farao, nani narhundisa omurhima gwage, arhalika olubaga mpu lugende. ²²Ojibwira Farao ku Nahano aderhere ntya: Israeli ye fula yani; ²³Nku bwirire: " Lika mugala wani ajinkolera, nawe wamalahira bwamulika! Koko, nani nkola nayirha efula yawe!"²⁴Mpu bahika omu njira aha balyama, Nahano ashonda oku muyirha. ²⁵Sipora arhola ebale oku likalihire, akembulamo omugala, orhola echishisha, achigeza oku magulu ga Musa, aderha: " Shagama nguma rhwembi!" ²⁶Nahano amuleka. Omu kuderha: " Shagama nguma rhwembi", bukembule aderhaga.²⁷Nahano abwira Haruni: " Bangula, obugane Musa omu mpinga." Agenda, amubugana oku ntondo ya Nyamuzinda, amuhobera. ²⁸Musa ashambalira Haruni emyazi yoshi Nahano amubwiraga mpu ajiderha n'ebisomezo byoshi amurhegekaga mpu amujirira.²⁹Musa na Haruni bagenda kushubuza abagula ba bene Israeli boshi. ³⁰Haruni ashubiderha ela myazi yoshi Nahano abwiraga Musa, anajirira ebisomezo omu mesho g'olubaga. ³¹Olubaga lwayemera. Lwayunva oku Nahano agashanire bene Israeli n'oku anabwene amalibuko gabo, bafukama, baharamya.

¹Oku bundi Musa na Haruni bayinji bwira Farao ntya: " Nahano Nyamuzinda we Israeli aderhere ntya: " leka olubaga lwani lugende, lujinjirira olusiku lw'oku nkuza omu mpinga." ²Farao ashubiza ntya: " Ye nde oyo Nahano li nyunva omulenge gwage, mukenge wagarhuma naleka Israeli agenda? Ntamenyere oyo Nahano, ntaleka bene Israeli mpu bagende!³Baderha ntya: Nyamuzinda w'Abayahudi arhubonekere: Ku kwanene rhugende lugendo lwa siku esharhu omu mpinga, rhujirherekera Nahano, Nyamuzinda werhu, li akarhurhogerako echinjira ch'ebibenzi n'oku kere.. ⁴Na mwami w'e Misiri ababwira: Musa na Haruni, chirhumire mwashonda okushumika olubaga mpu luleke emikolo? mushubire omu mikolo yenyu!" ⁵Farao aderha: " Mwamabona oku olubaga lulugire omu chihugo, b'obu mukola mwashonda luleke emikolo!⁶OLo lusiku, Farao arhegeka abarhambo n'abimangizi b'emikolo b'olubaga: ⁷" Murhakazagiha olubaga ebirhi by'okujira amadafali nk'oku mwakazagijira embere. Baleme bashond'ebirhi bonine. ⁸Mubaseze okujira amadafali gali nk'aga banayorha bajira, murhayobohaga bichi. Bulala ntacho bagalire, che chirhumire baherhe bayama: " Rhugende rherekera Nyamuzinda werhu!" ⁹Abo bantu basezibwe oku kola, li barhalolaga emyazi y'obubeshi!"¹⁰Abarhambo n'abimangizi b'olubaga bahuluka, bajibwira olubaga mpu: " Ntya ku Farao aderhere: Ntakachimuha ebirhi! ¹¹Muleme mwashonda ebirhi ahamwankabibona! Chi ntacho chiro n'ehintyu chakeha omu mukolo gwenyu."¹²Olubaga lwashandala omu chihugo ch'e Misiri mwoshi lwaja lwashonda ntavunga. ¹³Abarhambo bakazi bashunika mpu: " Mukazimala emikolo yenyu! Mukaziyunjuza ngasi lusiku olugero luhemerwe! Nk'oku mwanakazagi jira amango mwaligwerhe ebirhi!" ¹⁴Abimangizi bali bene Israeli, balala balirhumirwe n'abarhambo ba Farao, bakashurhwa, mpu " Charhumaga mwamala, mulagolo na zene, enundo yenyu y'amadafali nk'oku mwakazigijira bwambere? "¹⁵Abimangizi bali bene Israeli bagenda ku lakira Farao, mpu: Chirhumire wajirir'abambali bawe ntya? ¹⁶Bambali bawe barhachihabwa ebirhi, banarhubwira, mpu: Mujire amadafali! Bambali bawe kukola kushurhwa konine, olubaga lwawe l'olubihire! ¹⁷Abashuza, : Muli bwolokazi, chirhumire mwakaziderha mpu: Rhujirherekera Nahano. ¹⁸Mugendage bonabuno mujikola murhanahabwa birhi, aliko murhabihabwe, chi amadafali munayorha mujira gonago.¹⁹Abimangizi bali bene Israeli bayunva bamaganganwa n'oko babwiragwa, mpu: Murhakehyaga oku nyundo y'amadafali. Ngasi lusiku mukazijira ela nundo erhegekerwe. ²⁰Oku banarhenga aha mwa Farao, bashiganana na Musa na Haruni mpu bali babalinga, ²¹bababwira mpu: " Lero Nahano yenine alolage analuche: Farao na bamabali bage barhachishonda barhuloleko mpu mwe murhuma; yabere kere mwabafumbasize mpu barhunige.²²Musa ashubira emunda Nahano ali, aderha : Mani Yagirwa, charhumire walibuza olu lubaga? Bichi wanchintumira? ²³Kurhenga amango najaga emwa Farao nji mushambaza oku ezino lyawe, ajirira olu lubaga, orhanafumyaga olubaga lwawe chiro n'ehityu"

¹Nahano abwira Musa, mpu: Lero okola wabona oku najira Farao: Abalika bagende hano azidoherwa n'okuboko kudarhi, chiro abalibirhako yenine, mpu kuboko kudarhi kurhuma.²Nyamuzinda ashubiderhesa Musa, amubwira, mpu: Nye nahano. ³Nabonekere aburahamu, Isaka na Yakobo nka Nyamuzinda ogala byoshi, chi ezino lyani lya Nahano ntalimenyisagabo. ⁴Kandi najira endagano yani, haguma nabo, oku nabaha echihugo cha Kanana, chihugo babungiragamo banaberamo nka babunga. ⁵Nyono nayunvirhe omulenge gw'abene Israeli, oku bagwerhe balibuzibwa n'abanya Misiri, nayibuka echiragane chani.⁶Che chirhumire, abwirire bene Israeli oku NYe Nahano. Nabalikuza omu mikolo midarhi y'e Misiri, nabalikuza omu buja bwabo, nabalikuza n'obuhashe bw'okuboko kwani n'omubuhane bunene. ⁷Nabayankirira nka lubaga lwani, nani mbe Nyamuzinda wenyu. Mwamenya oku Nye Nahano, Nyamuzinda wenyu, obakulire omu mikolo midarhi y'e Misiri.⁸Nabahisa omu chihugo nachigashaga nti nahaga Aburahamu, Isaka na Yakobo. Nabahacho kashambala. Nye nahano!" ⁹Musa abwira bene Israeli ebyo binwa, chi barhayunvaga Musa mpu enyanya z'okuchika omurhima n'obuja budarhi kurhuma.¹⁰Nahano abwira Musa, mpu : ¹¹Genda obwire Farao, mwami w'e Misiri, aleke bene Israeli barhenge omu chihugo chage. ¹²Chi Musa aderha ntya embere za Nahano, mpu : Obula bene Israeli barhayunvaga, gurhe Farao akaba, ye nyunva nyono n'akanwa karhakembulagwa? ¹³Nahano aganiza Musa na Haruni, abarhuma emwa bene Israeli n'emwa Farao, mwami w'e Misiri, mpu ly'alika bene Israeli barhenge omu chihugo ch'e Misiri.¹⁴Alaga abakulu b'emilala ya bashokuluza babo: Bagala ba Rubeni, fula ya Israeli: henoki na Palu, Heroni na Karimi: Obw'obuko bwa Rubeni. ¹⁵Nabo bagala ba Simoni, bo Yemuweli, Yamini, Ohadi, Yakini, Sohari na Saulo, mugala w'omukazi mu Kanana, bw'obuko bwa Simoni obo.¹⁶Agala g'amazino g'abagala ba Lawi, nk'oku amaburhwa gabo ganali: Gersoni, Kehati na Menari. Lawi alamire myaka egana na makumi masharhu na mushanvu. ¹⁷Bagala ba gersoni bo: Lawi na Shimovi, nk'oku obuko bwabo bunali. ¹⁸Bagala ba kehati bo: Amurani, Yisehari, heburoni na Uziyeli, Kehati alamire myaka egana na makumi masharhu n'esharhu. ¹⁹N'abagala ba Meraribo. Mehali na Mushi. B'obuko bwa Lawi obw'omu kushimba amaburhwa gabo.²⁰Amurani arhola omukazi, arhola na shenge Yokebedi; amuburhako Haruni na Musa. Amurani alama myaka egana na makumi masharhu na mushanvu. ²¹Bagala ba Yisehari bo: Koreya, Nefegi na Zikiri. ²²Bagala ba Uziyeli bo: Mishaheli, Elisafani na Sitiri.²³Haruni ashaba omukazi, ye Luzabeti, mwaliwa Aminadabu, mwali wabo Nahisoni; amuburhako Nadabu, Abihu, Eliyazari na Itamara. ²⁴N'abagala baKore bo: Asiri, Elikana na Abiyasafi. Obw'obuko bwa bene-Kore. ²⁵Eleyazarim mugala wa Haruni, ashaba omukazi, mwali wa Putiyeli amuburhako Pinasi. Abo bo bagala b'omulala y'Abalawi, nk'oku obuko bwabo bunali.²⁶Bo baliri Haruni na Musa abo, bala Nahano abwiraga mpu : Mukule bene-Israeli omu chihugo ch'e Misiri, bachigabe nka mirhwe ya balwi. ²⁷Bo bajaga bwira Farao, mwami w'e Misiri, mpu akule bene Israeli e'Misiri. Ba Musa na Haruni abo.²⁸Olusiku Nahano ashambalaga na Musa omu chihugo ch'e Misiri, ²⁹amubwira mpu: " Nye Nahano. Obwire Farao, mwami w'e Misiri, ngasi byoshi nkubwirire." ³⁰Musa ashubiza nahano mpu: " Gurhe Farao akayunva nye w'obunu burhakembulagwa?"

¹Nahano abwira Musa; Lola, namakujira obe nyamuzinda wa farao na mwene wenyu Haruni aba mulebi wawe. ²W'oyo we derhe byoshi nyenkurhegekere; na Haruni, mwene wenyu ye bwire Farao, mpuy'aleke abana be Israeli baje hale n'echihugo chabo.³Nani nyebihye omurhima gwa Farao na nkuze, ebimenyiso byani n'ebisomerene byani omu chihugo ch'e Misiri. ⁴Farao arhaka bayunviriza. Nyehire efune yani enyanya y'e Misiri, na nkule entwaro zani omu chihugo ch'e Misiri, olubaga lwani, abana b'e Israeli n'eshinja zinene. ⁵Abanya Misiri bemenye oku ndi Nahano, amango na lambulira okuboko kwani enyanya y'e Misiri, n'oku kula ahakagarhi kabo abana b'e Israeli.⁶Musa na Haruni bajirire ebi Nahano ali abarhegekere; bajira nk'okola. ⁷Musa aliri wa myaka makumi gali munane, na Haruni, myaka makumi gali munane n'esharhu; amango ba bwiraga Farao.⁸Nahano abwira Musa na Farao: ⁹Farao aka kubonekera, aka na kubwira mpu: Jira echisomerene; wana bwira Haruni: Rhola akarhi kawe akakabule ahashi embere za Farao. Yahindamuka kuba njoka. ¹⁰Musa na Haruni bagenda baj'emunda Farao ali, bajira ebi Nahano ali abarhegekere. Haruni akweba akarhi kage embere za Farao, n'embere z'abakozi bage, n'okuba yaba njoka.¹¹Aliko, Farao ahamagala abakulu b'ehano, n'abalaguzi, n'abalebi b'e Misiri, nabo bajira kuguma nk'oku bajira haguma n'abalaguzi babo. ¹²Bakabula boshi orhurhi rhwabo, rhuhiindamuke njoka. Akarhi ka Haruni kamira orhurhi rhwabo. ¹³Omurhima gwa farao gwali komere gurhayubahaga Musa na Haruni nk'oku Nahano ali derhere.¹⁴Nahano ambwira farao agwerhe omurhima gukomere,alahire kuleka oubaga lukagenda. ¹⁵Genda emwa Farao ahabwekera: Ahuluka, aja hofi n'amenji,nawe chiyerekana embere zagehaguma n'olwinji lunene. Orhole omufune yawe akarhi ka hindamuka njoka.¹⁶Obwire Farao: Nahano Nyamuzinda w'Aba Hebraniya, antumire emund'oli mpu nkubwire: Leka olubaga lwani lugende luje ku nkolera omu mpinga: Talaga, kugera mukanola kasanzi arhazi nyunva. ¹⁷Intya kwa derhere Nahano; kw'ebila najira we menye okundi Nahano. Nk'ali shurha n'enjira karhi amenji g'enyanja nene gana hindamuka shagama. ¹⁸Efi zili omu nyanja nene za hirigirha, namenji gana bihya abanya Misiri bechihangane oku nywa busha agola menji g'enyanja nene.¹⁹Nahano abwira Musa mpu: Bwira Haruni: Rhola agarhi kawe, lambulira okuboko oku menji g'abanya Misiri, oku nyinji zabo, omu nindi zabo n'oku shoko z'amenji gaba goshi. Byahindamuka kuba shagama, n'echihugo choshi ch'e Misiri chaba shagama, omu bibindi by'emirhi n'amubibindi by'amabale.²⁰Musa na Haruni bajira ebi Nahano ali abarhegekere kujira. Haruni azusa akarhi ashurha amenji galiri omu nyanja nene, omu masu ga farao n'abakozi bage, n'amenji goshi g'enygahindamuka shagama. ²¹Efi zoshi zaliri omu nyanja nene za hirigirha, amenji gabaya; abanya Misiri barhachinywaga amenji g'enyanja nene, haba n'eshagama omu chihugo choshi ch'e Misiri. ²²Aliko abalaguzi b'e Misiri bajira nk'oku abalebi babo bajira, omurhima gwa Farao gwa yubaha, arhanayunvaga Musa na Haruni, bikulikize nk'oku Nahano ali aderhere.²³Farao achigalukira aj'omu mwage, chiro arhachiyibukaga ebyo bintu omu murhima gwage. ²⁴Abanya Misiri boshi baja hofi n'enyanja mpu babone amenji g'okunywa bulala barha chinywere amenji g'enyanja nene. ²⁵Hagerere siku mushanvu Nahano ashurhire enyanja. / 26 Nahano abwira Musa: Ogende emwa Farao, omu bwire mpu: Mpu ku Nahano aderhere: Oleke olubaga lwani lugende, baji nkolera. / 27 Okalahira okubarha gendaga, nyono nashandaz'ebikere omu chihugo chawe. / 28 Olwinji lunene lwarhengamo ebikire; byarharama n'okuj'omu nju yawe, omu busika bwawe n'okunchingo yawe, omunju y'abakozi bawe n'omubagala bawe omu kumu kwiziza emigati n'omu birhungano. / 29 Emyorha ya zamukira oku lubaga lwawe n'oku bakozi bawe boshi.

¹Nyamuzinda abwira Musa : Oje emwa Farao, omubwire mpu : Ukuntyo Nyamuzinda, Lulema w'Aba ebrania : Leka olu lubaga lwani, bagende nku kolera. ²Bulala okalahira kubalikula bagende nakandi okagendekera wa bagwarha. ³Lolaga, efune ya Nyamuzinda yaja okubirhugano byawe bili omu mashwa, oku Farasi zawe n'oku punda , n'oku bibuzi byawe, ndwala nene bwenene. ⁴Na Nahano agaba ebirhugano bya ba Israeli ba Misri, na nta chiguma chalahire oku omu byab'esraeli.⁵Nyamuzinda aheba ebichanji aderha omu sezi Nyamuzinda ahikiriza agola maligo mw'echi chihugo. ⁶Na Nyamuzinda ahikiriza buche esezi, n'ebirhungano bya b'emisri byafa byoshi na nta chirhungano chiguma ch'e Israeli chafire. ⁷Na Farao arhuma, n'oku nta chirhungano chiguma ch'omu birhungano byabanya Israeli chafire.⁸Na Nyamuzinda abwira Musa na Haruni mpu : Mubumb'efune zenyu luvu lw'erimbiko lyo muliro na Musa alushikire emalanga embere z'amaso ga Farao; ⁹Kaba ka chulo omu chihugo ch'Israeli y'oshi k'aba, enyanya z'abantu n'enyanya z'ebirhungano, mahurhe g'okujir'oku mubiri g'omuntu n'ogw'ebirhugano ebivimba, omuchihugo choshi ch'e Misri. ¹⁰Barhol'oluvu lw'erimbiko, bayimang'embere za Farao, gaba mahurhe g'ebivimb'oku bantu n'oku birhagano.¹¹Chiro abachawi barhagal'aga kuyimang'emalanga mbere ga Musa, enyanya z'amahurhe, bulala amahurhe gaj'oku ba chawi n'oku b'emisri boshi. ¹²Na Nyamuzinda azidohya omurhima gwa Farao arha bayunvaga nk'oku Nyamuzinda abwiraga Musa.¹³Na Nyamuziida abwira Musa mpu : Yumuk'esezi, oyimang'embere za Farao, omu bwire mpu : Nyamuzinda w'aba Ebrania aderhere mpu : lek'olulu baga, lugende, lunjikolera; ¹⁴Bulala lero narhum'ebihali byani omu murhima gwawe, n'oku bambali bawe n'oku lubaga lwawe, y'omanya oku ntaye nka nyono, okugulu lyoshi.¹⁵Bulala lero nkola lehya efune yani n'oku kushurha oku bulwala bubi, woyo n'olubaga n'ku kuheba hale n'egulu. ¹⁶Aliko enyanya z'okola na makuyimanza likuyerek'obuhashe bwani yi n'ezi no lyani lij'erenge omugulu lyoshi. ¹⁷Kawa chiheb'ebirhugo omu chanya, enyanya ly'olubaga lwani mpu orha lu leka lugonde,¹⁸Lolaganjinanyes'envul'omu sezi, oku bisanzi bili ntya na nyesa olubula lywa mabale luzidohere bwenene lurha shwiraga kuba kurheng'emisri eba mpaka zene. ¹⁹N'oku ntyo, rhuma, ololereze bwinja ebirhungano na byoshi oherhe omumashwa; bulala olubula lwanyerera ngasi muntu na ngasi chirhungano bya nkaba bili omu mashwa, byaba birhaheberw'omunju, byoshi byafa.²⁰Owali yunvirh'obuba b'ogu mwazi gwa Nyamuzinda omu bambali ba Farao, aheb'ebwage byoshi omunju abakozi n'ebirhungano; ²¹N'orhakulikirag'ogu mwazi gwa Nyamuzinda alekera abakozi bage n'ebirhangano omu mashwa.²²Na Nyamuzinda abwira Musa mpu: Lambul'efune yaw'enyanya empingu olubula lwa yandagal'omu chihugo choshi ch'e Misiri, oku bantu n'oku birhungano, n'enyanya za ngasi byasi by'omu mashwa g'e Misiri. ²³Musa ayerekez'akarhi kag'empingu: Nyamuzinda ayandagaz'olubula n'emidirhimanyo y'enkuba, n'omuliro bya shandal'omu chihugo na Nyamuzinda arhoz'olubula omu chihugo ch'e Misiri. ²⁴Hab'olubula, luchangirwe m'omuliro ahagati k'envula y'amabale ezidohere bwenene erhasagiba omu chihugo ch'e Misiri kurhenga e Misiri ebere chihugo.²⁵Envula y'amabale ya shurha omu chihugo choshi ch'e Misiri, boshi baliri omu mashwa abantu n'ebirhungano konako, envula y'amabale ya shurha eshogo zoshi z'omushwa ya chagalulanga emirhi y'oshi omu mashwa. ²⁶Haguma h'olubula lurhahikaga, omu chihugo che Gosheni ah'abana be Israeli bakazagi bera.²⁷Na Farao arhuma, ahamagala Musa na Haruni, aba bwira mpu: Nagomere lero; Nyamuzinda ali mushinganyanya, na nyono n'olubaga lwani rhuli babi. Murhulirize Nahano, bulala enkuba zage n'envula y'olubula ya maluga, na nani nabaleka mugende, murhanachibera.²⁹Musa amu bwira mpu: Hano nteng'omu chishagala, nayerekeza efune yani emwa nahano, enkuba zanaleka, chiro n'envula y'amabale erhachiba ly'omanyirira okw'egulu liri lya Nyamuzinda. ³⁰Aliko w'oyo n'abambali bawe, menyer'oku murhayubaha Nahano Nyamuzinda.³¹N'omushangi n'olukalaba byashurhwa bulala olukalaba zaligwerh'abazimu, n'omushangi gwali gwa mafundo. ³²Aliko engano n'e Kusemeti zirha shurhwaga bulala zirhalizikula. ³³Musa arheng'omu chishagala embere za Farao, alambul'efune zage emwa Nahano; enkuba n'envula y'amabale bya leka, envula erhachirhogaga oku daho.³⁴N'amango Farao abonag'oku envula, n'olubula, n'enkuba zamaleka agendeker'oku gomera Nyamuzinda azidohya omurhima gwage, yewe n'abambali bage. ³⁵Omurhima gwa Farao gwa komera, chiro arhalekag'abana be Israeli bagende, nk'oku Nahano abwiraga Musa.

¹Nahano abwira Musa mpu: Nji nashubikulerh'a echihulu ku Farao n'oku Misri. Enyumaza hola, njabaleka mugende murhenge hano. Amango njabalikula nk'okubinali mugende, njabalibisya hano. ²Muderhere oku lubaga, lingasi muguma ahuna omwalungwe, n'owabo ebikolerwe omu franga n'omu horo. ³Nyamuzinda ajir'olukogo oku chihugo oku masu ga b'Emisiri; Musa y'enine akengwa omuchihugo ch'Emisiri, omu masu g'abakozi ba Farao n'omu masu g'olubaga.⁴Musa aderha: oku ntyo Nyamuzinda aderha mpu: omukagarhi k'obudufu, njina chigeza eburhambi bw'Emisiri; ⁵Efula z'oshi z'Emisri nji zafa omu chihugo, kurhondera oku mwana w'oburhanzi wa Farao ayikere oku chichumbi, kuhik'oku w'oburhanzi w'o mukozi w'obuzinda kuger'oku birhungano byoburhanzi byefula.⁶Nji haba omu chihugo choshi ch'Emisri endulu zinene, nk'onkurhasagikuba n'okuzirhazagi ba ezishushene. ⁷Alik'omubanab'e Israeli, kukonder'o ku bantu kuger'okubirhungano, chiro ntambwa nji ya mim'olulimi lyoku buzinda mu menya olubibi Nyamuzinda ahebere egarhi k'Emisri n'Israeli. ⁸Okuntyo abakozi bawe, nji bayinja kufukama embere zani, n'oku derha mpu: Rhenga, woyo n'olubaga luchishwekere okumagulu gawe! Enyuma zaho, njinarhenga. Musa arheng'emwa Farao omu burhe bunene.⁹Nahano abwira Musa mpu: Farao arhabayunva chiro n'ehityu yebisomezo byani biyushuke omu chihugo ch'Emisri. ¹⁰Musa na Haruni bajir'ebisomezwe binene emalangambere ga Farao, na Farao arhabalekaga ciro mpu abana b'e Israeli bagend'eburhambi bw'echihugo.

¹Echigusho choshi ch'abana b'e Israeli barhengerera Elimu, bahika omu mpinga y'e Sini, eri ahakagarhi k'Elimu na Sinayi; olusiku lw'ekumi na garhano, lw'omwezi gukulikire ho, bachimala rhenga omu chihugo ch'e Misiri. ²Echigusho choshi ch'abana b'e Israeli, ba chiduduma omu mpinga enyanya za Musa na Haruni. ³Abana b'e Israeli baba bwira: rhurhafaga n'omu maboko ga Nahamwerhu omu chihugo ch'e Misiri, amango rhwali yikere embere w'ebi bindi by'enyama rhuli rhwalya emigati oku buguse bwerhu? Bulala mwa rhulerhere munola mpinga omu kuyirhisa olu lubaga loshi n'eshali?⁴Nahano abwira Musa: Talaga, n'abanyesiz'emigati kurheng'enyanya y'egulu. Olubaga lwa huluka lwana yirholagula, olusiku oku lundi: Minene oku bishokere, yimenya akaba bagendera oku rhegeko lyani. ⁵Olusiku lwa ndarhu amango bali barheganya ebi bali baherhe, bebone bya yushukire kabiri ebi barolagule olusiku oku lwindi.⁶Mua na Haruni babwira abana boshi b'e Israeli mpu: Muno golo mwa yunva oku Nahano ye wabakulaga omu chihugo ch'e Misiri. ⁷N'esezi mwabona obukuze bwa Nahamwerhu, bulala ayunvirhe emidudumo yenyu enyanya zage; bulala gurhe rhuli rhwa chidudumira? ⁸Musa aderha: Nahano abahereza zene egolo enyama mwalya; n'esezi emigati mwana yugurha; bulala Nahano ayunvirhe emidudumo yenyu enyanya zage, bulala rhuli bande? Arhali rhumuli mwa dudumira, s'aliko Nahano yi muli dudumire.⁹Musa abwira Haruni: Bwira echigusho choshi ch'abana be Israeli: Muchiyegereza embere za Nahano, bulala ayunvirhe emidudumo yenyu. ¹⁰Nawabo Haruni abwirire olubaga loshi lw'abana b'e Israeli, bahindamukire olunda lw'empinga, lolaga obukuze bwa Nahano bwa bonekera omu bichu. ¹¹Nahano abwira Musa, aderha: ¹²Nayunvirhe emidudumo y'abana b'e Israeli. Obabwire: ahakagarhi k'amagolo mabiri mwaly'enyama, n'esezi mwana yugurha emigati mwena menye okundi Nahano, Nyamuzinda wenyu.¹³Esezi, habonekana olwakungu lwa shukira akambi, n'esezi haba echigusho ch'oluhomo chizungulukire akambi. ¹⁴Olola luho luchihwa, haba enyanya w'empinga echintu chiri nka mburho, chintu ch'echibumbuli nka lubula lw'omweru oku gulu. ¹⁵Abana b'e Israeli balola, ba bwirana: bichi ebyola? balala barhaliyinji bybichi byola. Musa ababwira: Kali kalamu Nahano abahereze nka bilyo.¹⁶Tala ebi Nahano arhegekere: Ngasi muguma mu mwabo arholagule ebi kwanene oku bilyo byage. E' Omari nguma ngasi rhwe, bikulikirene n'oluganjo lw'abantu, ngasi muguma yerholere abali omu hema lyage. ¹⁷Abanya Israeli bajirantyo,barholagula baguma binene abandi bigeke. ¹⁸Bashubi lenga haguma n'E Omari ; olirholagwire binene, ntabyo achibwene by'eny'obwiri, n'owali rholagwire bigeke arhabibulaga. Ngasi muguma arholagwire ebyali kwanene oku bilyo byage.¹⁹Musa ababwira: Ntaye olekage kuhik'esezi. ²⁰Barhayunvaga Musa: Habonekana abantu balekaga kuhik'esezi; aliko byaja mw'emivunyu, ebyola byaba eri bilogerwe. Musa alubirabola bantu. ²¹Ngasi sesi ngasi muguma akazagi rholagula ebikwanene oku bilyo byage; eyi byag'ezuba byoshi byana loba.²²Olusiku lwa ndarhu, barholagula binene kulusha; Omari ebiri ngasi muguma. Abakulu b'echigusho boshi bajibibwira Musa. ²³Na Musa ababwira: Bi Nahano ali arhegekere, omu sezi luli lusiku lw'oku luhuk. E Sabato lusiku lukengerwe lwa Nahano; muyende ebi mwakanayenda, mudogorhese ebi mwakadogosa, mubibike kuhik'esezi byoshi byayorha.²⁴Babileka kuhik'esezi nk'oku Musa abirhegekaga, ebyola birhalogagwa, birhanajaga mw'emivunyu. ²⁵Musa aderha: Mulye zene bulala luli lusiku lw'e Sabato: Zene murhabibona oku chihugo.²⁶Mango ga siku ndarhu, eyi muli mwarholagula, aliko olusiku lwa kali mushanvu, lw'e Sabato, birhakabaho. ²⁷Olusiku lwa kali mushanvu, baguma b'olubaga b'ehuluke kujirholagula, barhakabibona.²⁸N'obo Nahano abwira Musa: Kuhika mangochi mwelahire oburhegesi bwani n'amarhegeko gani? ²⁹Mulole oku Nahano abahereze e Sabato, che chirhumire abahereza olwa kali ndarhu ebilyo bya siku ebiri. Ngasi muguma ayorhe ahanali, na ntaye orhengag'ahali olusiku lwa kali mushanvu. ³⁰Olubaga bahuluka olusiku lwa kali mushanvu.³¹Enju ya Israeli ya hereza ebyola bilyo ezino lya Mana. Byali shushire nka mburho za kariyandra yaliri y'omweru, ligwerhe obununu nka gato y'obuchi. ³²Musa aderha: Tala ebi Nahano arhegekere: Omeri nguma muyiyunjuze amana mubikire abana benyu, mpu yi babona omugati na balisaga omu mpinga, nchi mala kubakula omu chihugo ch'e Misiri.³³Musa abwira Haruni: Rhol'akabindi oyunjuzemo amana Omeri nguma, oyirhabike hofi na Nahano mpu yi bibikirwa amaburha genyu. ³⁴Bikulikize n'oku Nahano arhegekekaga Musa, Haruni ayirhabike embere z'obuhamirizi, mpu ebikwe. ³⁵Abana b'e Israeli bakazagi ly'amana kuhik'amango ga myaka makumi mane, kuhik'amango barhengaga omu chihugo balilamiremo; bakazagily'amana kuhik'amango bageraga oku buzinda bw'echihugo ch'e Kanana. ³⁶E Omeri yaliri chichira cha kabiri chey'efa.

¹Echigusho choshi ch'abana b'e Israeli barhengerera ewa mpinga y'e Sini, bikulikize endambagiro Nahano ali barhegekere; bachumbika e'Rafidimu, ah'olubaga lurhabonaga amenji g'okunywa. ²Obola olubaga lwa rhonganya Musa. Baderha: Rhuherezag'amenji rhwanywa; Musa abashubiza mpu: Bichi birhumire mwa ntonganya? Bichi birhumire mwabonerera Nahano? ³Olubaga lwaliri ahola lurhindibukire n'enyorha, luli llwadudumira Musa, lwaderha: Bichi bya rhumaga wa rhuzamula hale n'e Misiri y'orhuyirhis'enyorha, rhwabano n'ebirhungano byerhu?⁴Musa ahamagala Nahano omu kuderha: Gurhe njirirage olula lubaga? Yunva bugeke, banvuma. ⁵Nahano abwira Musa: Ger'embere w'olubaga; rhola haguma nawe abajinji b'e Israeli, orhole n'omu fune yawe akarhi kawe, kalala washurhaga enyanja, olambagire. ⁶Tala, nayimang'embere zawe enyanya w'ebale ly'e Horebu. Weshurhe nyabale lyanarhenga mw'amenji n'olubaga lwanamanywa. Musa ajirantyo omu masu g'abashamuka b'e Israeli. ⁷Ahola hantu ayirika okwizino lya Masa na Herbi; Bulala abana b'e Israeli bali babonerere Nahano omu kuderha: Nahano ali ahakagarhi kerhu chiro arhaliho?⁸Ameleki ayinja lwisa Israeli e Rafidimu. ⁹Obola Musa abwira Yoshuwa, rhulondolere abantu, huluka rhulwise Amaleki: Omusezi nayimanga oku ntondo, n'akarhi ka Nyamuzinda omu fune zani. ¹⁰Yoshuwa ajira nk'oku Musa ali amubwirire, omu kulwisa amaleki. Musa, Haruni, na Huro bazamuka oku ntondo enyanya.¹¹Amango Musa azamul'okuboko kwage Israeli aliri w'emisi kulusha, n'amango ayandagazaga efune yage, Amaleki aliri muzibu bwenene. ¹²Efyne za Musa zali rhamire, barhol'ebale bamuhira kulyo, aliyakalako enyanya Haruni na Huru baligwarhir'efune zage muguma lunda n'owindi olundi lunda, n'efune zage zayorha zirha chishaganyaga kuhika ezuba lizika. ¹³Yoshuwa ahima Ameleki n'olubaga lwage n'engorho zirhyazizwe.¹⁴Nahano abwira Musa: Yandik'ebyola omu chitabu, mpuyi rhubika enyibuko. Ona bwire Yoshuwa oku nyemushande omu nkengereo z'Amaleki eshishi w'egulu. ¹⁵Musa ayumbaka olu herero aluhereza ezino: Nyamuzinda shwa lyani ly'emboko. ¹⁶Aderha: Bula efune yalambwirwe oku ntebe y'obwami bwa Nahano, haba entambala ya Nahano na Amaleki y'eburha oku lindi.

¹Nyamuzinda aderha ebi binwa byoshi mpu: ²Nye Nahano wakukulaga omu chihugo ch'e Misiri omu nju y'obuja. ³Orhahiraga okaba n'abandi ba nyamuzinda kuleka nyono.⁴Orhahiraga okajir'eshushano, eri olwiganyo lw'ebiremwa biba enyanya omu mpingu, n'oli ebiremwa bya hano gulu, n'oli eby'omu menji ekuzimu kw'egulu. ⁵Orhahiraga okabiharamya eri kubikolera, bula nye Nahano Nyamuzinda wawe, mba mwongwa, nampana abana oku mabi ga b'eshe,kugera oku burha lya kasharhu, n'erya kane, bala banshomba. ⁶Ch'abansima, bakashimba n'amarhegeko gani, nambajirira aminja kugera oku burha lya kali chihumbi.⁷Orhakazagi derha busha ezino lya Nahano, Nyamuzinda wawe, bulala Nahano arhaleka kuhana omuntu oderha busha ezino lyage.⁸Okazi yibuka olw'e Sabato, onalujire luchesibwa. ⁹Siku ndarhu wakazijira emikolo yawe yoshi. ¹⁰Ch'olusiku lwa kali mushanvu, luli Sabato ya Nahano,Nyamuzinda wawe. ¹¹Bula omu siku ndarhu Nahano ajira empingu n'egulu, enyanja na ngasi bibamo, chi oku lusiku lwa kali mushanvu ahumuka. che chirhumire Nahano agisha olw'e Sabato, analujira luchesibwa.¹²Okazi kenga isho na nyoko, l'olama myaka minene omu chihugo ohabirwe na Nahano, Nyamuzinda wawe. ¹³Orhahiraga okaniga.¹⁴Orhaahiraga okajira eby'eshonyi.¹⁵Orahira okazimba; ¹⁶Orhahiraga okabeshera omwalungwe wawe obubeshi. ¹⁷Orhahiraga okachifija muka mwalungwe wawe, changwa eri mwambalikazi wage, kandi eri nkavu yage, eri punda yage, eri ngasi kantu ka mwalungwe wawe oarhachifijako.¹⁸Olubaga loshi lwakaziyunva emirazo, emikungulo n'omulenge gw'omushekera, n'entondo ya rhengam'omusi, olubaga lwabona lwadirhimana, lwachiyegula hale. ¹⁹Lwa bwira Musa mpu: Orhubwire wenine, rhwayunva, s'aliko Nyamuzinda arharhubwiraga, rhwankafa. ²⁰Musa abwira olubaga eri: Murhayobohaga! Bulala Nyamuzinda ayinjire mpu amurhangule, ly'echuba chage chimubamo, muleke oku jir'ebyaha. ²¹Olubaga lwa chiyegulira hale, chi Musa yewe ashegerera chila chintu Nyamuzinda alimo.²²Nahano abwira Musa mpu: Ojibwira bene Israeli ntya: Mwabwene mwenine oku kurhenga empingu nakazagi baganiza. ²³Murhahiraga mukampalika na banyamuzinda b'amarhale, mumenye omu sezi mwanka nderha mpu mwachijirira banyamuzinda b'ehoro.²⁴Oyinji nyumbakira oluherero lw'obudaka wakazirherekerako embagwa n'enterekero zawe z'omurhula, ebibuzi n'enkavu zawe na ngasi hantu nanamenyisize ezino lyani, na yinja ahola nkugishe. ²⁵Chi eri wanka nyumbakira oluherero lw'amabale, orhayumbakaga n'amabale magemerwe, bulala hano ogagezako enkololo yawe wana gabihya. ²⁶Orhakazi rheremera oku mashonezo nka waja aha bwa luherero lwani, ly'oleki yerekana obushugunu bwawe.

¹Nyamuzinda bwira Musa eri: Sokera emunda Nahano ali nawe Haruni mwene Nadabu n'owenyu Abihu, mweshi n'abandi bagula makumi gali mushanvu ga bene bene Israeli, muyinji fukama hale. ²Musa yenine washegera haguma na Nahano; bowe barhashegereraga, n'olubaga lurha rheremaga haguma naye.³Musa anachiyinja, ashambalir'olubaga ebyo binwa bya Nahano byoshi n'amarhegeko gage goshi. Olubaga loshi lwana chishubiza na mulenge muguma, mpu: Ebinwa Nahano anaderhere byoshi, rhwabishimba. ⁴Musa anachiyandika ebinwa bya Nahano byoshi, azuk'esezi miseke, ayubaka oluherero eshishi w'entondo n'amabale ekumi na mabiri g'ela milala ekumi n'ebiri ye Israeli.⁵Oku handi, ana chirhuma abana b'emisole b'omu bene Israeli bajirhula embagwa banarherekera emichuka y'empanzi, nka nterekero y'okushangira. ⁶Musa arhola echigabi ch'eshagama, achishiga oku rhubehe n'eyayorhaga ayishanguliz'oku luherero.⁷Arhola echitabu ch'Endagano achisomer'olubaga nalo lwashubiza, mpu: Ebyo bi Nahano aderhere byoshi rhwabishimba, rhunabikenge. ⁸Musa arhola eshagama ayishanguliza oku lubaga eri: Eyi shagama y'eshagama y'Endagano Nahano afundikire haguma n'ebyo binwa byoshi.⁹Musa anachisoka haguma na Haruni, Nadabu na Abihu, boshi na bala bashamuka makumi gali mushanvu b'omu bagula be Israeli. ¹⁰Babona Nyamuzinda we Israeli, n'aha magulu gage eri hali nka kuno harhindwa echirhindiro chiri nka nchuma ya kasi eshusha echichu ch'oku nkuba. ¹¹Nta kubi ajirire abo bishogwa b'omu Israeli, balolereza Nahano, balya bananywa.¹²Nahano anachibwira Musa, eri: Osokere emunda ndi kuno ntondo onabereko, nkuhe embaho z'amabale zirikw'amarhegeko n'amahano nyandikire, mpu ogayigirize. ¹³Musa anachiyumuka, yewe n'omurhabazi wage.Yoshuwa, Musa anachisokera oku ntondo ya Nyamuzinda.¹⁴eri amaleka abwirire abagula, eri: Murhulindire hano, kuhika rhugaluke. Chi Haruni na Huri aba mbalekere nenyu, owakaba agwerhe olubanja, anabadosa. ¹⁵Musa anachisokera oku ntondo. Echichu chashukira entondo.¹⁶Erenge lya Nahano lyabera oku ntondo ya Sinayi, echo chichu chayishukira siku ndarhu zoshi. Olusiku lwa kali mushanvu, ana chihamagala Musa omu kagarhi ka chila chichu. ¹⁷Erenge lya Nahano lya kazibonekera bene Israeli nka ngulumira ya muliro aha busosorobw'entondo. ¹⁸Musa ayongobera mula chichu, asokera oku ntondo siku makumi mane na budufu makumi mane.

¹Nji wakola olurhamba lw'oku yosezako amarashi, welukolese omurhi gw'omukasiya; ²Obule bwago nji bwaba ntambo nguma y'efune n'obufu bwago bwa ntambo nguma y'efune; Nji lwaba lunganangana, n'obuzamuka bwago nji lwaba ntambo ebiri z'efune. Ni wakola amahembi nji garhengera omu lurhamba.³Nji walushukira n'ehoro ekwirire, enyanya, enyunda zoshi kuzunguluka n'amahembi, nji wakola omurhambi-rhambi n'ehoro kuzunguluka hoshi. ⁴Nji wakola rhulinga rhubiri rhw'ehoro eshishi w'omurhambi-rhambi oku nyunda zombi; nji warhuhira omu nyunda zombi; omukurhola emilambaliko y'oku luheka.⁵Nji wakola emilambaliko y'omurhi g'omukasiya, nji wa yishukira n'ehoro . ⁶Nji wahira olurhamba emalangambere g'omushangi guli embere z'esanduku y'obuhamirizi, aha nji rhwabuganana nawe.⁷Haruni nj'ahayoseza amarachi ga gwerh'empumulo ekwirire; Nj'akazi gayosa ngasi s'ezi, amango nj'arheganya amatara, ⁸Nj'akazi gayoseza ho ngasi charagati ch'amagolo mabiri, amango arheganya aamatara. Ntyo ku nji bakazi biyosa esiku zoshi omu amarashi embere za Nahano omu mburhwa zenyu. ⁹Murhakarhula oku lurhamba, chirw'amarashi g'ahandi, eri nterekero, eri ntulo, murhakana hashandaza edivayi.¹⁰Liguma ngasi mwaka,Haruni nj'akazi kwiza amahembi g'olurhamba; haguma n'eshagama y'echanigwa omu kukwiza, hakazi kwizwa liguma ngasi mwaka omu bibusi byenyu. Nji chaba chintu chi chesezwe bwenene embere za Nahano.¹¹Nahano abwira Musa, anaderha: ¹²Amango nji waganj'abana be Israeli omu kujira oluganjo, bulimuguma mubo, nj'ajuha emwa Nahano oku chigula kwage, yinji barhalwala chiro echihulu amango g'oluganjo lwabo. ¹³Talaga ebi nji bahana boshi njibaba omu luganjo: Chichira ch'eshekeli, kukulikira olugero lw'eshekeli y'ahantu hachesibwa, shekeli nguma zili gera makumyabiri, echichira ch'eshekeli eri ntulo ya Nahano. ¹⁴Ngasi muntu oli omuluganjo, kurhenga oku myaka makumyabiri kuj'enyanya, nj'ajuha oluhembo lurheganyizwe emwa Nahano.¹⁵Omugale arhakajuha binene, n'omukene arhakajuha bigeke kulusha echichira ch'olufuranga luguma, nka luhembo barheganyizize Nahano, mpu yibaguluz'abantu babo. ¹⁶Nji warhola oku bana b'e Israeli efuranga z'oku guluza, nji wazikolesa omu mulimo gw'ehema ly'empamagazi; nji byaba oku bana b'e Israeli nyibuko embere za Nahano oku nguluzo z'abantu babo.¹⁷Nahano abwira Musa, anaderha : ¹⁸Nji wajira akabindi k'eshaba, haguma n'entebe yako y'eshaba, k'oku yogeramo; nji wakaheba omu charagati k'ehema y'embuganano n'olurhamba, nji wahebamo mw'amenji,¹⁹Haguma n'ebi Haruni n'abagala nji bayong'efune n'amagulu gabo. ²⁰Amango nji baja omu hema ly'empamagazi, nji bayoge n'agola menji, mpu yi barhafa; n'amango bayegera oluhero, oku jira omulimo g'okuhana enterekero emwa Nahano. ²¹Nji bakalaba efune n'amagulu, mpu yi barhafa. Nji lyaba rhegeko ly'esiku zoshi ku Haruni, n'oku bagala n'oku banjukulu.²²Nahano abwira Musa, aderha : ²³Ochirholere amavurha gakwirire bwenene, na shekeli magana marhano g'omurhi gw'omudalanisi gw'akahumbo kakwirire, k'echichira, nka magana mabiri na makumi marhano g'eshekeli, g'omurhi g'omudalanisi, magana mabiri na makumi marhano g'eshekeli z'olusheke lw'akahumbulo kakwirire, ²⁴shekeli magana marhano chivunike, kukulikira n'eshekeli z'ahantu hachesezwe, n'amavurha g'omuzeituni. ²⁵Nji wajira haguma n'ebyol'amavurha g'obuchesibwa, gakolerwe n'amavurha g'empumulo ekwirire kukulikira n'abakozi bago; njigaba mavurha g'obuchesibwa.²⁶Nji washiga omu hema ly'embuganano n'oku sanduku y'okuhamiriza, ²⁷ameza n'ebintu byago byoshi, N'etara n'ebintu byalyo byoshi, lurhamba lw'akabayo ka kwirire, ²⁸Olurhamba lw'enterekero n'ebintu byalo byoshi, n'omukenzi haguma n'ebikondo.²⁹Nj'obichese ebyola byoshi, nji byanaba bichesezwe bwenene, na ngasi yeshi nji wabihumako nja na chesebwa. ³⁰Nji washiga Haruni n'abagala bage, nji wana bachesa, nji bajira emirimo yani omu budahwa. ³¹Nji washambalira abana be Israeli, nji wababwira: Nji byaba oku nyono mavurha gw'obuchesebwe, omu bana benyu.³²Nji mumenye mwakashiga owindi muntu, murhahira mukajira n'ebiri nk'ebyo, kuguma n'ebindi bigabi; gali ga chesibwa, nji mu malolereze nka machesibwa. ³³Ngasi yeshi nji wayiga okujira ebirintyo, n'okumaheba oku muhisi, nj'akulwa omu lubaga lwage.³⁴Nahano abwira Musa: Rhola bilala bibaya bwinja, akaradusi, kabaya bwinja, n'ebindi bahamagala echesibwa che barakasi, ch'e Galabani, ebiderha kandi kabayo kakwirire byoshi bya lugero luyumanene. ³⁵Nji wajira haguma n'amalashi ovuruganye kukulikira emirimo y'omukozi; nji byaba munyu, gukwirire na guchesebwa. ³⁶Nji waguhindamula shano, nji waguheba embere z'obuhamirizi, omu hema ly'embuganiro, eyola yinji rhwashiganana haguma nawe. Nji chaba chintu chi chesezwe bwenene emwawe.³⁷Nji murhaka chijira amalashi gashushire ntyo, omu bigabi biri ntyo; nji mwa bilolereza nka bichesezwe, n'oku bibikirwe Nahano. ³⁸Ngasi yeshi njiwajira ebiri nkantyo, omu kuhuniriza, nji bamukula omu lubaga lwage.

¹Nahano ashambala na Musa, amubwira: ²Omenye oku nalondolaga Betesela, mwene Uri, mwene Huru, omu buko bwa Yuda.³Na munyunjuza Muka gwa Nyamuzinda, n'obumenyi, n'obwenge, n'okumenya ngasi mirimo yoshi. ⁴Na bahereza obuhashe bw'okujira ebyabo, okukola ehoro, efuranga, n'amarhale gajira orhwere, ⁵Okuchagulanga amabale g'okurhinda, n'okukoles'emirhi y'okuyumbaka ngasi lubero lw'emirimo.⁶Ona lolage, namuhereza Ohaliyabe, mwene Ahisimake, w'obuko bwa Dani. n'aheba obwenge omu murhima gwa ngasi mushinganyanya, yibajire ngasi byoshi narhegekere: ⁷Ehema ly'embuganano, Esanduku y'obuhamirizi, Omufuniko guli enyanya lyayo, n'ebikoleso byoshi by'ehema; ⁸Ameza n'ebikoleso byago, n'etara ly'ehoro ekwirire n'ebikoleso byalyo byoshi oku luramba lw'amalashi; ⁹Luherero lw'enterekero zoshi n'ebikoleso byayo byoshi, n'omukenzi haguma n'ebintu byago;¹⁰Emishangi y'obugashanize, emishangi echesezwe y'omudahwa Haruni, emishangi y'abagala bage omu mirimo y'obudahwa; ¹¹Mavurha g'okuchishiga, malashi g'obuchesebwe. Nji babijira byoshi byoshi oku nalemaga narhegeka.¹²Nahano ashambala na Musa, amubwira: ¹³Obwire abana b'e Israeli, obabwire: murhakabula oku kenga e'Sabato zani, bulala nji byaba omu charagati kani nenyu, n'omuluburha kuj'okulundi, chimanyiso nji mwamenya oku nye Nahano wabachesa. ¹⁴Nji mukenge olw'e Sabato, bulala nji lwaba oku mwabo luchesibwa. Olala nji walugayaguza, nja hanwa n'okufa; Ollaa nji wajira emirimo olola lusiku, nji na mukula omu charagati ch'olubaga lwani. ¹⁵Nji mwakola siku ndarhu, aliko olusiku lwa mushanvu, lusiku lw'eSabato, lusiku lwa kuhumuka, lurhegekere na Nahano. Olalla nji wajira emirimo olusiku lw'e Sabato, nja hanwa n'okufa.¹⁶Abana b'e Israeli mukenge e'Sabato, n'oku lugashaniza, bowe n'eburha zabo, nka ndagano y'esiku zoshi. ¹⁷Nji y'aba chimanyiso ch'emyaka n'emyaka omu charagati k'abana b'e Israeli na nani; bulala siku ndarhu Nahano nj'ajiragamo amalunga n'egulu, n'oku lwa mushanvu aleka emirimo yage ahumuka.¹⁸Amango Nahano amalaga shambala na Musa oku ntondo ye Sinayi, amuhereza mbale ebiri z'obuhamirizi, mbale z'ebale, zayandikagwa n'omudoke gwa Nyamuzinda.

¹Olubaga, eri lubona Musa alegamire oku yandagala oku ntondo, bachiheba haguma bazunguluka Haruni, lwa mubwira: Rhugende! Orhujirire ya nyamuzinda walambagira nerhu, bulala Musa, omuntu warhukulaga e'Misiri, rhurhamenyere gurhe abere. ²Haruni ababwira eri: Mukule orhugondo rhw'ehoro rhuli oku marhwiri ga bakenyu, n'abagala benyu na banyere benyu, murhunderhere.³Olubaga loshi lwa kula orhugondo rhwaliri oku marhwiri, lwa lerhera Haruni. ⁴Arhurhola n'efune zage, akweba ehoro omu chichuma, yaba nyena y'echuma. N'oku babwira: Israeli! Lolaga nyamuzinda wenyu, wabakulaga omu chihugo ch'e'Misiri.⁵Amango Haruni abona ebyola, ayumbaka oluherero embere zage, aderha: Omusezi, nji haba edinye enyanya za Nahano! ⁶Buch'omu sezi, bazuka emiseke, barhula enterekero z'embagwa n'enterekero z'olukogo.Olubaga lwa yikala mpu balye n'okunywa; kandi bayumanga mpu bazine.⁷Nahano abwira Musa, genda, oyandagale; bulala olubaga lwawe, wakulaga omu chihugo ch'e Misiri, lwagomere. ⁸Barhalegamire oku rhenga omu njira nabayerekaga; bachijirira enyena y'echuma, bafukama embere zayo, bayirhulira enterekero, n'oku derha: Israeli! lolaga nyamuzinda wawe, wakukulaga omu chihugo ch'e Misiri.⁹Nahano abwira Musa: Nabwene oku olula lubaga luli lubaga lw'echikanyi. ¹⁰Lero ondekage; oburhe bukola bakolerako, n'okuluyosa; Njina kujira lubaga lunene. ¹¹Musa ashigirira Nahano, Namahanga wage n'oku derha: Charhuma, nawe Nahano! oburhe bwawe bwakolerera olubaga lwawe, wakulaga omu chihugo ch'eMisiri n'obuhashe bunene, n'emisi y'efune zawe?¹²Chichi charhumaga abanya Misiri baderha: oku buhanya bwabo bwabakulagayo, n'okubayirhira omu ntondo, n'okubalimasa enyanya w'egulu? Ogaluke omu mugayo, n'okuhuna obonjo oku mabi walonza okujirira olubaga lwawe. ¹³Oyibuke Abrahamu, Isaka, na Israeli, abambali bawe, wabwiraga n'okuchigasha: nji nayushula eburha lyawe nka Nkununu z'oku nkuba, njinaha abana bawe chihugo choshi na derhaga, bachiyimemo esiku n'amango. ¹⁴Nahano ahuna obonjo oku mabi aderhaga ajirira olubaga lwage.¹⁵Musa ahindamuka ayandagala oku ntondo, zila mbale ebiri z'obuhamiriza omu fune yage; mbale ziyayandikirweko nyunda ebiri, zaliyandikirwe olunda n'olundi. ¹⁶Mbale zaliri mirimo ya Namahanga, n'olwandiko lwaliri lwandiko lwa Namahanga, asirirhaga okola mbale.¹⁷Yosuwa ayunva omulenge gw'olubaga, lwabanda endulu, abwira Musa: Hali omulenge gw'entambala omu chihandiro. ¹⁸Musa ashuza: Gurhali mulenge gwa bahimana, gurhali mulenge gwa bahimirwe; linayunva, nka mulenge gwa bali bayimpa.¹⁹Lero, eri ahika hofi n'oku chihandiro, abona akanyena n'amazina. Oburhe bwa Musa bwakolera; akabula embale zaliri omufune zage, azichagulangira oku kugulu kw'entondo. ²⁰Arhola enyena bajiraga, n'okuyigulumiza oku muliro; ashandaza olo luvu enyanya w'amenji, anaganywesa abana b'e Israeli.²¹Musa abwira Haruni: Bichi olubaga lwakuhebereko, mpw'obayemerere bajir'echaha chingana ahala? ²²Haruni mushuza: Oburhe bwa Nahano wani burhakugwarhaga! Omenyere nawe wenine okw'olula lubaga luba luheker'amabi. ²³Bonine bambwiraga: Orhujirire nyamuzinda wa rhujira embere; bulala oyola Musa, ye muntu warhukulaga omu chihugo ch'e Misir,i rhurhamenyere gurhe abere. ²⁴Nababwira: Balala baherhe ehoro, bayilerhe! Bayimpa; nayikweba omu muliro, mwarhenga eyila nyena.²⁵Musa abona oku olubaga lwahabukire, n'oku Haruni analuhabwire aluleka mw'obo bushombanyi, n'okulukoz'eshonyi omu g'abashombanyi babo. ²⁶Musa agenda ayumanga aha lunvi lw'echihandiro, aderha: Oku nyono oli wa Nahano ayinje hano! N'abana boshi ba Lawi bachiheba haguma baja aha burhambi bwage. ²⁷Ababwira: Ntya ku Nahano, Nyamuzinda w'e Israeli ashambere: Ngasi muguma omu mwabo ahebe engorho yage aha burhambi; Bashabuke n'okuzunguluka echihandiro oku lunvi n'oku lundi, na ngasi muguma ayirhe mwene wabo, nomubusi wage.²⁸Abana Balawi bajira oku Musa ababwiraga, olola lusiku haba nka bihumbi bisharhu by'abantu bafire. ²⁹Musa aderha: Zene muchihebe haguma emwa Nahano, kuguma n'oku chihana nterekero oku mugala wawe na mwene wenyu, mpw'okubuzinda yakuhereza zene omugisho.³⁰Bucha sezi, Musa Abwira olubaga: Mwajirire echaha chinene. Nkola zamukira emunda Nahano ali: njina kanahabwa obonjo oku chaha chenyu. ³¹Musa ashubira emunda Nahano ali amu bwira: Aho, olubaga lwajirire echaha chinene. lwachijirire nyamuzinda w'ehoro. ³²Babaliraga mukano kashanji echaha chabo! Akaba nanga, onzimye omu chitabu chawe wayandikagamo.³³Nahano abwira Musa: Owajirire echaha yi nji nazimya omu chitabu chani. ³⁴Gendaga, olongole olubaga emunda na kubwiraga. Lolaga, malaika wani akushokolere embere zawe, aliko olusiku na chihola, nji na bahana oku chaha chenyu. ³⁵Nahano ashurha olubaga, bulala balijirire enyena, ya jiragwa na Haruni.

¹Nahano abwira Musa: Genda, rhenga hanola, w'oyo n'olubaga wakula omu chihugo ch'e Misiri; muzamukire omu chihugo na chigashaga na hereza Abrahamu Isaka, Yakobo, na derha: Nji chihereza eburha lyawe. ²Nji narhuma embere zawe malayika, njina libisya Abakanana, Abamori, Abahiti, Abaperisi, Abahevi na Abayebusi. ³Ozamukire ebwa chihugo chishulula mw'amarha n'obuchi. Aliko nji ntaba omu charagati chawe, njinaka kugulumiziza omu njira, bulala oli lubaga lwa bachirimisi barhayunva.⁴Amango olubaga lwayunvaga eyi myazi ya buhane, baja omu mishibo, na ntaye wachiyambere emishangi yage y'edinye. ⁵Na Nahano abwira Musa: Obwire abana b'e Israeli: muli lubaga lurhayunva, nka nazamukaga liguma ahacharagati kawe, nakabagulumize. Mukule emishangi y'edinye ekuliko, nji nalola ebi na kujirira. ⁶Abana b'e Israeli bahogola emishangi yabo y'edinye, n'oku chiyeguza oku ntondo y'e Horebu.⁷Musa arhola ehema alikula oku chihandiro, hofi hofi; aha hamagala ehema ly'embuganano; Na ngasi yeshi walonza okubona Nahano anaja omola hema ly'embuganano, lyaliri eburhambi bw'oku chihandiro. ⁸Amango Musa aba akala aja ebwa hema, olubaga loshi lwayumuka; ngasi muguma aha lunvi lw'ehema lyage, batirimulira Musa amesho, kuhika aj'omu hema. ⁹N'amango Musa alonzag'okuja omu hema, echilundo ch'olwakungu cha yandagala n'oku yimanga aha lunvi lw'ehema, Nahano arhondera oku shambala haguma na Musa.¹⁰Olubaga loshi lwalemaga lwabona echola chilundo ch'olwakungu lwayimangaga aha lunvi lw'ehema, olubaga loshi lwayimanga n'okufukama omu lunvi lw'ehema. ¹¹Nahano ashambala na Musa mesho oku mesho, nka kulala omuntu anashambala na mwira wage. Oku handi Musa ashubigaluka ebwa chihandiro; Aliko omusole w'omurhabazi wage, Yosuwa, mwene Nunu, arharhengaga omu charagati k'ehema.¹²Musa abwira Nahano: lolaga, wambwirire: Zamulaga olula lubaga! Na ntako wambwirire nde nji warhuma haguma nani. chechirhumire, waderha: Nkuyinji oku zino lyawe, n'okubona olukogo oku mesho gawe. ¹³Kandi, nka nakabona olukogo oku mesho gawe, omenyese enjira zawe; na ntyo njina kumenya, nji nambone kandi olukogo oku mesho gawe. Omenye oku eri shanja luli lubaga lwawe.¹⁴Nahano ashuza: Nji nalambagira nyenine haguma nawe, nji nanakuhereza amahumuko. ¹⁵Musa amubwira: Akaba orhakalambagira wenine haguma nerhu; orharhujiraga rhurhenge hanola. ¹⁶Gurhe nji byaba nanabwene olukogo oku mesho gawe, nyono n'olubaga lwawe? K'arhali kugenda haguma nerhu oku kwarhuma, n'okubona nyono n'olubaga lwawe rhurhashushene, n'embaga zoshi ziba oku gulu lyoshi?¹⁷Nahano abwira Musa: Nji na jira oku wahunire, bulala wabwene olukogo oku mesho gani na kumenyere oku zino lyawe. ¹⁸Musa aderha: Onjirire nani mbone obukuze bwawe.¹⁹Nahano ashuza: Njinageza amenja gani goshi embere zawe, njinampamagaze ezino lya Nahano embere zawe; Nanjira olukogo oku yindonzeze okujirira olukogo, n'obonjo oku yindonzeze okubera obonjo. ²⁰Nahano aderha: Orhakabona amesho gani, bulala omuntu eri akambona arhakachilama.²¹Nahano aderha: Lolaga ahantu hali hofi nani; nji wahagwarhira oku bale. ²²Amango obukuze bwani bwagera, nji na kuheba omu chibere ch'ebale nji na kushukira n'efune yani kuhika oku ngerere. ²³Amango nji na kula efune yani, nji wanambonera emugongo, aliko amesho gani ntaye nji wamalolako.

¹Nahano abwira Musa: Obeje mbale ebiri z'amabale nka zilala z'embere, nj'oyandike kw'emyazi yaliri y'embere eyi wachagulangaga. ²Obe wachirheganya omu kasanzi kakwirire, nji wanazamuka esezi oku ntondo y'e Sinayi; nj'oyimange embere zani, oku busosoro bw'entondo.³Ntaye nj'ozamukage oku ntondo haguma nawe, na ntaye njimbonage wafunukira oku ntondo yoshi; chiro akaba bibuzi n'enkavu, birhabonekaga hofi w'eyola ntondo. ⁴Musa abeja mbale ebiri z'amabale nka galala g'embere, azuka esezi sezi, n'okuzamukira oku ntondo y'e Sinayi, nka kulala Nahano amurhegekaga, eri aherhe omu fune yage mbale ebiri z'amabale.⁵Nahano ayandagala omu lwakungu, aja hofi naye, ahamagala ezino lya Nahano. ⁶Nahano agera embere zage, aderha: Nahano, Nahano, Nyamuzinda w'obonjo n'obubabale, Kubuya buya n'oburhe, mugale okubwinja n'oku bushinganyanya, ⁷analanga obuzigire bwage kuhika oku burha chihumbi, ababalira amabi, abahalanjika na banya byaha, aliko arhaleka ababi nka bashinganyanya, yewe anahana obubi bwa badarha oku bana n'abana oku bana kuhika oku luburha lwa kasharhu n'olwa kane.⁸Honaho Musa ayinama oku daho n'okufukama. ⁹Aderha: Nahano akaba na bwene olukogo oku mesho gawe, Nahano lambagiraga omu charagati cherhu, bulala luli lubaga lwa bachirimisi; obabalire amabi gerhu n'ebyaha byerhu, Onarhujire mwimo gwawe.¹⁰Nahano ashuza: Lolaga, nkola nashwek'endagano. Njina jira,embere z'olubaga lwawe loshi, ebisomezwe ebirhasaga jirika omu chindi chihugo n'omu bwindi buko; N'olubaga loshi lukuzungulukire nji lwabona emirimo ya Nahano, na w'oyo wunji najirira kw'ebintu bidarhi. ¹¹Obike bwinja ebi na kurhegeka zene. Lolaga, nji nahiga embere zawe Abamori, Abakanana, Abahiti, n'Aperezi, Abahevi, na Bayebusi.¹²Omenye wajira endagano haguma n'abalamire omu chihugo nji wajamo, bula nji barhabaga murhegoi enyanya zawe. ¹³Okurhali ntyo, nj'okumbagaze amaherero gabo, nj'ovunagule eshushano zabo, nj'ochagulange rhwa nyamuzinda rwabo. ¹⁴Nj'orhafukamiraga embere z'owindi nyamuzinda, bulala Nahano anaheka ezino lya bayongwa, Ali Namahanga oyongwa.¹⁵Orhahira wajira endagano haguma n'abantu b'omwola chihugo, bula orhafukamiraga ba rhwa nyamuzinda wabo. Orhanabarhuliraga enterekero, bana kuhamagala, orhanalyaga oku buhanya bwabo. ¹⁶Bula orharholaga bali babo oku bagala benyu mpu babashabe; na bala banyere bafukamira ba nyamuzinda wabo banayigiriza bagala benyu okufukamira rhwa nyamuzinda wabo. ¹⁷Orhahiraga okuchula banyamuzinda b'echuma.¹⁸Njiwakazilanga edinye ly'emigati erhagwerhe levire; omu kasanzi k'esiku mushanvu, kw'omwezi gw'endagano, nji walya emigati erhagwerhe levire, nka kulala na kurhegekaga omu mwezi gw'endagano y'okurheng'e Misiri.¹⁹Ngasi choshi chaburha embere chiri chani, emishakalume yoshi mirhanzi omu buso n'omu birhungano. ²⁰Nji wachungula haguma n'omwana buzi n'omwana gw'e Punda; na nkorhaguchungwire, nji wanaguvuna egosi. Nji wanachungula efula zenyu zoshi; nj'orhanayihekaga buzira hintu embere zage.²¹Nji walema wakola esiku ndarhu, n'olusiku lwa mushanvu; nji wanahumuka, chiro akaba mango ga kurhwera nago kushalula. ²²Nji wajira edinye ly'amaboso, ebishalulo by'embere-mbere by''okushalula by''engano, n'edinye ly'okushalula, aha buzinda bwa ngasi mwaka.²³Kasharhu omu mwaka ngasi balume boshi nji bafukama embere za Nahano Nyamuzinda Namahanga we Israeli. ²⁴Bulala nji nalibisya obuko embere zawe, nji nayushula embibi z'echihugo chawe, na ntaye chiro n'omuguma nji wayogera echihugo chawe amango nji walema wazamuka mpu chiyerekana embere za Nahano na Namahanga wawe kasharhu omu mwaka.²⁵Orhahira okurhula enterekero y'emigati egagire y'eshagama y'omubi oku bukuze bwani, nterekero y'edinye ly'e Pasaka nji lirhagendaga lyageza obudufu kuhika esezi. ²⁶Nji mwagenda mwarhula ebimwayezega by'embere - mbere omu nju ya Nahano, Namahanga wawe, Orhahira okayenda echana ch'empene omu monka ga nina.²⁷Nahano abwira Musa: Yandika eyi myazi; bulala eyi myazi oyifundikire na jira ndagano haguma nawe na haguma na Israeli. ²⁸Musa abera eyola haguma na Nahano siku makumi mane z'ezuba n'esiku makumi mane z'obudufu. Buzira kulya migati, n'okunywa amenji. Na Nahano ayandika okuzilala mbale emyazi y'endagano, marhegeko ekumi.²⁹Musa ayandagala oku ntondo ye Sinayi, eri aherhe mbale ebiri z'okuhamiriza omu fune yage, omu kuyandagala oku ntondo; arhalimenyere oku oluhu lw'omubiri gwage luli lwakolera, bulala aliderhere na Nahano. ³⁰Haruni na bana b'e Israeli balolereza Musa, lolaga omubiri gw'amalanga yigwakolera; bayoboha oku mushegerera. ³¹Musa abahamagala; Haruni na Barhambo bakulu b'embuganano, bayinja hofi naye, ababwira.³²Aha buzinda wa hola, abana b'e Israeli boshi bamushegerera, n'okubahereza amarhegeko Nahano amuhere, oku ntondo y'e Sinayi. ³³Amango Musa amala shambala nabo, achishukira omushangi oku malanga mage.³⁴Amango Musa ajaga embere za Nahano, mpu bashambale naye, akula omushangi, kuhika amango ahulukaga; n'amango ahulukaga, abwira abana b'e Israeli bichi ahabirwe. ³⁵Abana b'e Israeli babona amalanga ga Musa ga kolerere, Musa ashubi galula omushangi oku malanga gage kuhika, ashubigenda shambala haguma na Nahano.

¹Musa ahamagala olubaga lw'abana b'e Israeli, ababwira: Lolaga ebintu Nahano arhegekere okujira. ²Nji mwakazikola siku ndarhu; aliko olusiku lwa mushanvu lwaba luchesibwa; Sabato, lwakuhumuka, luli lwa Nahano. Ola nji wajira emirimo miguma miguma mw'olola lusiku nja hanwa, kuhanwa kw'olufu. ³Ngasi hoshi nji mwaba muli murhakakoleza chiro n'omuliro, olusiku lw'e Sabato.⁴Musa abwira olubaga lw'abana b'e Israeli, aderha: Mulole oku Nahano arhegekere. ⁵Oku bikulo byenyu muherhe murholeko ebi mwarhulira Nahano. Ngasi muntu yeshi w'omurhima gw'okuhana nja rhulira Nahano: ehoro, efuranga n'emiringa; ⁶Emishangi y'omunigi, edukwire by'omweru, echitani chikehere kehere n'amoya g'empene; ⁷Empu z'ebibuzi biri nka shagama, empu z'ebigoho, n'emirhi ya kasiya; ⁸Amavurha gw'oku simikiro y'okuheba k'omuliro, n'akabayo kakwirire nka mavurha gw'okushiga, n'amalashi gabayira oku zulu; ⁹Amabale ge Okonisi n'amabale g'okuheba omu efodi n'omushangi g'omu chifuba.¹⁰Mweshi omu mwabo baherhe obushiru n'obwenge bayinje bakole byoshi Nahano aderhere: ¹¹Eyo nju, n'ehema lyage n'obulingiti bwawe, esinga zayo, embaho zayo, ebihagaliko byacho, enkingi zayo n'ebikondo byacho. ¹²Esanduku n'emilambaliko byao, emirhambi, n'omushangi g'okushukira Esanduku;¹³Ameza n'emilambaliko lwago, n'ebikoleso byoshi, n'emigati y'enterekero. ¹⁴Esimikiro y'omuliro n'ebikoleso byalo, n'amatara mage, n'amavurha g'okuheba oku simikiro; ¹⁵Lurhamba lwabaya amalashi n'ebihagaliko byage, mavurha g'okuchishiga n'amalashi g'okubaya bwinja n'omushangi g'olunvi lw'okuja omu mbikiro; ¹⁶Olurhamba lw'embago, n'ehisinga singa y'omulinga gwage, emilambaliko yalo, n'orhukoleso rhoshi, n'omukenzi haguma n'echikondo chage;¹⁷Emishaki y'okulugurhu, enkingi zage, ebikondo byage n'omushangi g'oku lunvi g'olugurhu; ¹⁸Enkingi z'embikiriro, enkingi z'olugurhu, n'emigozi yage; ¹⁹Emyambalo y'enju y'okukolera mw'ebyo buchese, Emishangi egishirwe y'omudahwa Haruni, n'emishangi y'abagala bage y'okukola oku budahwa.²⁰Olubaga loshi lw'abana be Israeli barhenga embere za Musa. ²¹Ngasi balala boshi bali herhe omurhima gukwirire bayinja n'okulerha entulo ya Nahano y'okuyibuka ehema ly'embuganano, n'oku mirimo yage yoshi n'emishangi y'obuchese. ²²Abalume bayinja haguma bwinja n'abakazi; na balala boshi baliherhe omurhima gu kwirire balerha emilinga, ebisikiyo, empeta z'oku midoke, n'ebikora, na ngasi bindi by'ebikoleso byoshi b'ehoro, ngasi muguma ahana entulo y'ehoro alibikire Nahano.²³Balala boshi baliherhe emishangi y'omunigi, nka nzima, n'eri nka mweru, n'echitani chigeke-geke n'amoya g'empene, empu z'ebibuzi biri nka muduku n'empu z'ebigoho, bazilerha. ²⁴Balala boshi balerhega entulo y'efuranga n'emiringa balerha entulo emwa Nahano. Balala boshi bali herhe emirhi y'akasiya elolere emirimo y'okukola, bayilerha.²⁵Abakazi boshi baliherhe obushiru bw'okuhunga emigozi n'efune zabo, n'okuyilerha oku mirimo yabo, n'ey'omunigi, nka mukara, eri nka mweru, echitani chigeke-geke. ²⁶Abakazi boshi baliherhe omurhima gu kwirire banaluka amoya g'empene.²⁷Abagula b'olubaga banalerha amabale ge Konisi na kandi mabale ge Efodi n'eshaho y'oku chifuba; ²⁸na kabayo ka kwirire n'amavurha g'esimikiro y'omuliro, g'amavurha g'oku chishiga n'amalashi ga bayira oku zulu. ²⁹Abana be Israeli boshi, abalume, abakazi baliherhe omurhima g'okusholola chango okukola oku mirimo Nahano abaga arhegekere Musa, balema balerha entulo oku bulonza emwa Nahano.³⁰Musa abwira abana b'e Israeli: Mumenye oku Nahano alondwere Besalili, mugala wa Uri, mwene Huru w'obuko bwa ba Yuda. ³¹Amuyunjuza muka gwa Namahanga, n'obumenyi, n'obwenge n'okumenya ngasi hyoshi kukola. ³²Amuha obuhashe b'okujira ebyage n'okukola ehoro, efuranga n'emiringa, ³³Okuchagulang'amabale n'oku makolesa, okukolesa emirhi, n'okujira ngasi hyoshi hya kajirwa n'emirhi.³⁴Amuhereza haguma n'oluhembo lw'okuyigiriza, kuguma na Holiyabe mwene Ahisamake, w'obuko bwa Dani. ³⁵Amuyunjuza obwenge bw'okujira emirimo yoshi, eby'okubeja n'emirhi, ebyo kuhunga n'okuluka emishangi y'omunigi, nka nzima eri nka mweru, echitani chigeke- geke, n'okujira obuko boshi bw'emirimo y'ebyawe byawe wachijiriraga.

¹Bazaleli achul'esanduku y'empaho z'omurhi gw'omu kasiya; obule zaliri ntambu ebiri n'echichira, n'obugali yaliri ntambu nguma n'echichira, n'oburherema kuj'enyanya ntambu nguma n'echichira. ²Ayishig'ehoro ekwirire emugongo n'omunda, azungulus'omuhiro gw'ehoro eburhambi. ³Ajira mpogo ene z'ehoro azihir'oku magulu gayo, ebiri lunda n'ebiri lunda.⁴Ajira milambaliko ebiri y'omurhi gw'omu kasiya ayishig'ehoro. ⁵Ayishesheza mw'ezo mpogo oku magulu g'eyo sanduku, g'okuyiheka. ⁶Ajir'echifuko ch'esanduku ch'ehoro ekwirire; obule zaliri ntambu ebiri n'echichira, n'obugali yaliri ntambu nguma n'echichira.⁷Achul'eshushano y'ebiremwa biderhwa Makerubi ebiri z'ehoro; azijira z'ehoro echulirwe, omu mirhambi ebiri, ⁸makerubi nguma oku lunda n'eyindi oku lundi lunda; ajira makerubi garhengaga omu bonjo bw'enyunda ebiri. ⁹Abo bamakerubi bashanjulir'ebyubi byabo enyanya, bashukira ebyubi byabo obonjo, balolana muguma n'owindi; bamakerubi baliherhe amalanga galolere ewa bonjo.¹⁰Ajira ameza g'omurhi gw'omu kasiya, obule bwaliri ntambu ebiri, n'obugali ntambu nguma, n'oburhema kuj'enyanya ntambu nguma n'echichira. ¹¹Agashig'ehoro ekwirire, agahira k'omuhiro gw'ehoro. ¹²Ajir'omukaba gw'empaho z'obule bwa midoke ene, azihir'oku muhiro gw'ago meza oku mirhambi yoshi azishig'ehoro. ¹³Agajirir'empogo ene z'ehoro, azihir'oku mirhambi byago oku binali bine ah'okugulu kunali.¹⁴Azihir'aha burhambi bwa ngasi kugulu, z'okugeza mw'emilambaliko y'okumaheka. ¹⁵Abeja emilambaliko n'empaho z'omurhi g'omu kasiya, ayishig'ehoro; yaba y'okuhek'ameza. ¹⁶Achul'ebintu byakazi koleswa kw'ago Meza: Embale, n'orhubehe, n'ebyanzi, n'ebisupa by'oku hanira kw'entulo ye divayi; abjira bya horo ekwirire.¹⁷Ajira echimanikiro ch'amatara n'ehoro ekwirire; ajira echimaniko ch'amatara g'ehoro echulirwe; oku gulu, omurhabi, ebirahuli, n'amafundo, n'amaso gacho, choshi chaliri chiguma chichulirwe. ¹⁸Chaliherhe marhabi ndarhu garhengaga omu mirhambi, mirhabi esharhu y'echimaniko ewa lunda luguma, n'amandi marhabi masharhu n'olwindi ntyo ntyo. ¹⁹Erhabi liguma lyali kw'ebirahuli bisharhu biri nka mburho, ly'omukomamanga liyorhere nka bwaso, n'erindi rhabi kon'ako, na gala gandi marhabi ndarhu garhenger'omu chimaniko.²⁰Oku murhi gw'ahacharagati k'echimanikiro kwaliri rhufundo rhune rhulehere nka lehe, ly'omu komamanga liri kw'ebiri nka mafundo n'obwaso. ²¹Eshishi lya ngasi marhabi mabiri g'omurhi guli ahacharagati g'echimanikiro kwaliri nako amafundo; na ntyo oku ngasi galala marhabi ndarhu kwarhenga echimanikiro. ²²Ago mafundo n'amarhabi g'echo chimanikiro byaliri byoshi chiguma, chaliri choshi chichulirwe n'ehoro, ehoro ekwirire.²³Achijirira matara mushanvu, n'ebintu byabyo n'ebintu by'oluvu lw'ehoro ekwirire. ²⁴Akolesa bilo makumi masharhu na birhano by'ehoro, ajira mw'echimanikiro ch'amatara n'ebintu byacho byoshi.²⁵Ajira oluherero lw'amalashi gw'omurhi gw'akasiya; okulehuka kwalo lwaliri koro liguma n'obugali koro liguma; liyumanene enyunda ene zinganangana, n'obuzamuka bwage bwaliri makoro mabiri, n'amahembi ga rhengerera oku lurhamba. ²⁶Alushiga ehoro ekwirire, enyanya, enyunda zoshi oku zungulusa n'oku mahembi, n'oku jira omuhiro gw'ehoro n'oku zungulusa hoshi.²⁷Ayijirira peta ebiri z'ehoro eshishi w'emirhambi lyage ebiri; omu mbavu zage ebiri, oku nyunda zage ebiri, ahantu h'okulingira emilambaliko y'okuyiheka. ²⁸Ajira eyo milambaliko y'omurhi g'omu kasiya, n'oku gushukira n'ehoro. ²⁹Ajira amavurha machesibwa g'okuchishiga, n'obuku bwinja bw'amalashi ga kwirire, kuguma n'omulimo g'okwiz'amalashi.

¹Ajir'olurhamba lw'enterekero z'omurhi gw'omukasiya; Obule bwaliri bwa ntambu erhano, n'obugali ntambu erhano; lwaliri loshi kuguma, enyanya yaliri ntambu esharhu. ²Ajira, omu mbavu ene, amahembi gashoshokae ewa lurhamba, alishiga lyoshi amarhale. ³Ajir'ebintu byoshi by'olurhamba, k'oluhu, n'empaho, namakuli, n'amakanya, ebyo byoshi abaga abichulire n'echuma ch'omulinga.⁴Alijirira olurhamba akayunguro k'echuma ch'omulinga, kali nka muviringo, akazungulusa eburhambi bw'olurhamba, ewalunda lw'echichira ch'eshishi ch'olurhamba, kuhik'enyanya. ⁵Ajira mpogo ene z'echuma, azihir'oku milambaliko ene y'akola kayunguro, y'okugwarha emilambaliko.⁶Ajir'emilambaliko y'omurhi gw'omu Kasiya, ayishig'echuma ch'omulinga. ⁷Yaliri yakugezamo ebyo bihogo bine oku nkingi y'enterekero; yali y'oku yiheka. Ayirhula, haguma n'empaho.⁸Ajir'ebakuli ly'echuma ch'omulinga, haguma n'entebe y'echuma ch'omulinga, omu kukolesa ebirahuli by'abakazi by'okuja omu lunvi lw'ehema ly'okubuganana.⁹Ajir'olugo lw'ehema. Ewa lunda lw'ekulyo lwalyo, haliri, eby'okujira olugo, echilundo ch'oboya bukwirire, obule zaliri ntambu egana, ¹⁰Lwaliherhe nkingi makumyabiri zaliri okubikunikuni makumyabiri byazo kwaliri ebyuma by'omulinga; enyanya yaliri epengere n'engwarhizo z'echuma ch'efuranga.¹¹Okulunda lw'enyanya, haliri ntambu egana z'oboya, haguma na nkingi makumyabiri z'ebikunikuni by'emiringa; ebikondo by'enikingi n'epengere zaliri z'efuranga. ¹²Olunda lw'ebuzikiro bw'ezuba, ogwo mwenda gwaligwerhe ntambu makumi marhano y,oboya, haguma n'enkingi ekumi na bikunikuni ekumi; ebikondo by'enkingi n'epengere zaliri z'efuranga.¹³Olunda lw'ebushoshokero bw'ezuba, oku ntambu makumi marhano z'obugali, ¹⁴haliri, oku chubi chiguma, ntambu ekumi n'erhano z'oboya, haguma na nkingi esharhu na bikunikuni bisharhu byazo, ¹⁵n'oku chubi ch'obwakabiri, chaliri oku lundi lunda lunvi l'olugo, ntambu ekumi n'erhano z'oboya, haguma n'enkingi esharhu n'ebikunikuni byazo. ¹⁶Ago moya gw'omwenda gwalizungulukire olo lugo gwaliri gwa chitani chikwirire.¹⁷Ebikunikuni by'ezo nkingi byaliri bya chuma, ebikondo by'enkingi n'epengere n'engwarho zali za chuma ch'efuranga, n'amasosoro g'enkingi galishigirwe echuma ch'efuranga. Ezo nkingi z'olugo zoshi zalishwekerwe n'epengere z'echuma ch'efuranga. ¹⁸Omwenda gw'okuchikiriza gwaliri omu lunvi lw'olugo gwalilukirwe n'echinusi ch'omunigi, n'ech'akaduku n'ech'eshagama, n'ey'echitani chikwirire; Obule zaliri ntambu makumyabiri, okuj'enyanya zaliri ntambu erhano kuguma n'obugali nk'omwenda gw'olo lugo gwaliwerhe; ¹⁹Ezo nkingi ene n'ebikunikuni byazo bine, byalishigirwe echuma ch'omulinga n'amasosoro gazo engwarho zaligashwekere, byalishigairwe echuma ch'efuranga. ²⁰Emisumari yeryo hema n'olugo yaliri ya chuma ch'omulinga.²¹Lolaga oluganjo lw'ebintu byahwerere oku hema, hema ly'okubuganana, lyakwizagwa, kukulikira erhegeko lya Musa, oku bijiro by'Abalawi,oku burhambuzi bw'omukulu wabo Itamari, mugala w'omudahwa mukengwa Haruni. ²²Bezaleli, mwene Uri, mugala wa Huri, w'omu buko bwa Yuda, ajira ngasi byoshi Nahano arhegekaga Musa; ²³Ohaliabu mwene Ahisamaki, w'omu buko bwa Dani, yi wakazagi ku murhabala oku mulimo gw'okubeja, n'okuluk'emyenda n'oku yilimbisa n'echinusi ch'omunigi, ya kaduku n'eye shagama n'ey'echitani.²⁴Oluganjo lw'ehoro zoshi zahwerer'oku kuyumbak'elyo hema, na ntyo ezaliri bunguke bw'entulo, zagera oku bilo makumyabiri na mwenda na bichira magana mushanvu na makumi masharhu, kukulikra n'echichira ch'ahantu hachesibwa. ²⁵N'efuranga zoshi abantu basholwere zalihikire bilo egana na bichira chihumbi na magana mushanvu na makumi gali mushanvu na birhano, kukulikira n'ahantu hachesibwa. ²⁶Abantu bajir'ebyo bilo byoshi, baliri bageke omulisasima, kurhonderera oku balume b'emyaka makumyabiri kuj'enyanya, ngasi muguma asholola nk'okubali muchire. Boshi haguma bali bihumbi magana ndarhu na bihumbi bisharhu na magana marhano na makumi marhano.²⁷Zilala bilo egana by'efuranga bakakolere omu kujira ebikunikuni by'ahachesibwa n'ebikunikuni by'ogo mwenda, bikunikuni egana za bilo egana, chilo chiguma oku ngasi chikunikuni. ²⁸Na haguma na chila chihumbi na magana mushanvu na makumi gali mushanvu na birhano n'echichira byajira ebikondo n'epengere z'enkingi, n'ezindi azishig'oku busosoro. ²⁹N'amarhale g'entulo gagera oku bilo makumi gali mushanvu na bichira bihumbi bibiri na magana mane.³⁰Bajira mw'ebikunikuni by'enkingi oku lunvi lw'ehema ly'okushimanana; olurhamba lw'echuma haguma n'akayunguro k'amarhale n'ebintu byalyo byoshi; ³¹ebikunikuni by'olugo, eburhambi, ebikunikuni by'olunvi lw'olugo; n'emisumari y'okushingir'ehema lichesibwa n'ey'olugo.

¹Haguma n'emyenda y'omunigi, nka muduku eri nka mweru n'echitani, ajira emishangi eri yakukolesa emirimo y'obuchese, n'emishangi echesibwe ya Haruni, nk'oku Nahano alirhegekere Musa.²Ajira Efodi y'ehoro, omugozi gw'omunigi, nka nzima nzima, edukwire nka mweru, n'echitani chigeke-geke. ³Alambula ebibambarhiza by'ehoro, n'oku bichagulanga nka migozi, n'oku birhabikako kw'emyenda eri nka ya munigi, n'eri nka mweru gudukwire n'echitani chigeke- geke, gwaliri muliimo gukolerwe n'omunyabwenge.⁴Ajira ebirhugo by'okuzibuganya, na ntyo yashweka enyunda ebiri zage. ⁵Omukaba gwali kuguma n'omulimo gw'Efodi n'okushwekera okuyewe; kwaliri gwa horo, omugozi gwaliri gwa munigi, edukwire nka nzima nzima, edukwire nka mweru echitani chigeke-geke nk'oku Nahano arhegekaga Musa.⁶Azungulusa omukaba gw'ehoro n'amabale ge Onisi, okugo bayandika kw'amazino ga bene Israeli, nka kulala bayandika oku chiziriko. ⁷Aheba oku birhugo bya Efodi k'okuyibuka bene Israeli, nka kulala Nahano arhegekaga Musa.⁸Ajira oku chifuba, bwenge bukolere, kuguma n'emirimo nka Efodi, ehoro, omugozi g'omunigi, nka nzima nzima, edukwire nka mweru, chitani chigeke-geke. ⁹Yali ya nyund'ene zinganangana; bajira echifuba kabiri: obule bwaliri bwaliri koro liguma, n'obugali bwaliri koro liguma; yaliri kabiri.¹⁰Alulukirako misinga ene y'amabale: Omusinga gurhanzi, Saridwane, topazi, nguma emerodi; ¹¹Omusinga gwa kabiri, esikaribusi nguma, Safiri nguma, n'ediyama; ¹²Omusinga gwa kasharhu; Opale nguma, agati nguma, ametisiti nguma; ¹³Omusinga gwa kane, Krisoliti nguma, Onisi nguma, Jasipi nguma. Agola mabale baligahangireko kw'ehoro yabo.¹⁴Aliherhe ekumi na bibiri, kukulikira amazino g'abana b'e Israeli; baliyandikirwe nka chiziriko, ngasi muguma n'ezino lyage ly'obuko ekumi nabubiri. ¹⁵Ajira echifuba ch'obugufu bw'ehoro ekwirire, elukirwe nka migozi. ¹⁶Ajira eri nka mikaba ebiri y'ehoro na mpeta ebiriz'ehoro, aziheba oku misike sike ebiri y'echifuba.¹⁷Anageza migozi ebiri y'ehoro omu mpeta ebiri oku misike sike y'echifuba; ¹⁸Anayumanza embere oku buzinda migozi ebiri oku mikaba eri nka mikaba ebiri barhabikire oku birhugo bya Efodi.¹⁹Anajira kandi mpeta ebiri z'ehoro barhabikire oku misike sike yombi oku chifuba oku mihiro yamo oku lunda lw'Efodi. ²⁰Ajira zindi mpeta ebiri z'ehoro, aziheba eshishi w'ebirhugo bibiri bya Efodi, embere, hofi n'amashomekero, enyanya y'omukaba gw'Efodi.²¹Bashweka oku chifuba mpeta z'Efodi haguma n'omugozi gw'omunigi, buzinda bw'echifuba chaba enyanya y'omukaba gw'Efodi gurhakalekana n'Efodi, nk'oku Nahano arhegekaga Musa.²²Ajira echishuli ch'Efodi, balukira hofi oku mushangi gw'omunigi. ²³Haliri, Omu charagati ch'echishuli, hachinguka nka kuchingula echirhule, chisukirwe yichirhagenda chabereka. ²⁴Aheba oku mihiro y'echishuli ebara ly'omunigi, nka nzima nzima, n'ebidukwire nka mweru n'echitani chigeke-geke;²⁵Ajira orhudende rhw'ehoro ekwirire, n'okugeza emihiro orhudende oku chishuli, eburhambi bw'echishuli, oku bishumiro. ²⁶Anajira ehidende higuma na chiberekeza chiguma, hidende higuma na chiberekeza chiguma amango g'okugeza emihiro oku chishuli oku milimo nka kulala Nahano arhegekaga Musa.²⁷Ajira amalopo makwirire, gahangirwe, enyanya za Haruni n'abana bage; ²⁸Bajira esapo, z'okurhabala, n'orhubutura bakolesa. ²⁹Bajira omu kaba gusukirwe gwa baraganya, ebara ly'omunigi, nka nzima nzima, gudukwire nka mweru mweru chitani chigeke geke nk'oku Nahano alirhegekere Musa.³⁰Ajira echuma ch'ehoro ekwirire, n'esapo echesezwe, ayiyandikako, nka kulala babeja akahamirizo: Oku chesibwa kwa Nahano. ³¹Bayishwekera haguma n'omugozi gw'omunigi, nk'enyanya, nk'oku Nahano arhegekaga Musa.³²Na ntyo emirimo yoshi yahwa y'ehema, ehema ly'okubuganana. Abana b'e Israeli bajira byoshi nk'oku Nahano arhegekaga Musa; Ntyo kubajiriga. ³³Balerhera Musa ehema: Ehema n'ebikoleso byoshi, z'esinga, empaho, emilambaliko, enkingi, n'ebikondo; ³⁴Echifuko ch'oluhu lw'echibuzi ludukwire, oluhu lw'e chihogo, n'omwenda gw'omu nju g'okugaba; ³⁵Esanduku y'okuhamiriza n' emilambaliko, nechifuko.³⁶Ameza, ebikoleso byoshi, n'emigati y'okurhekera; ³⁷Olwenge lw'ehoro ekwiririre, amatara galwo, amatara barheganyize, ebikoleso byoshi, n'amavurha g'olwenge. ³⁸Olurhamba lw'ehoro, amavvurha g'obuhashe n'amalashi g'okubaya bwinja, omushangi gw'olunvi lw'ehema; ³⁹Olurhamba lw'omulinga, esinga z'omulinga gwalo, emilambaliko yalo, n'ebintu byalo loshi; n'omukenzi haguma n'ebikondo byago.⁴⁰Emyengezi y'olugurhu, enkingi zage, emilambaliko yage, n'omushangi gw'olunvi lw'olugurhu, emigozi yage, esimikiro zage, n'orhukoleso rhoshi rhw'emirimo y'ebikiro y'echihandiro ch'ehano. ⁴¹emishangi aha bayandikira hachesezwe emishangi echesezwe y'omudahwa Haruni, emishangi y'abagala bage y'okukolera aha baherera.⁴²Abana be Israeli bajira emirimo yoshi, nk'oku Nahano alirhegekere Musa. ⁴³Musa alolereza emirimo yoshi; Lolaga, bajirire kulala Nahano arhegekaga, banajira ntyo. Na Musa abagisha.

¹Nahano ashambala na Musa, amu bwira: ²Olusiku lwambere lw'omwezi gwambere, nji wayumanza ehema, ehema ly'okubuganana.³Nji warhabika Esanduku y'oku hamiriza, nji wayishukira n'omushangi. ⁴Nji walerha ameza, nji wanagarhabika okukwanene. Nji walerha olwenge, nji wanahebakw'amatara.⁵Nji waheba oluherero lw'ehoro embere z'Esanduku y'okuhamiriza, nji wana manika omushangi oku lunvi lw'ehema. ⁶Nji warhabika olurhamba lw'okuhererako embere z'olunvi lw'ehema, ehema ly'okubuganana. ⁷Nji warhabika omukenzi omu charagati ch'ehema y'okubuganana n'olurhamba, nji wanagenda waheba mw'amenji.⁸Nji wayumanza olugurhu oku burhambi rhambi, nji wanahanika omushangi oku lunvi lw'olugurhu. ⁹Nji warhola amavurha g'obuhashe, nji wana mashiga oku hema, n'oku ngasi hyoshi hilimo y'ebikoleso; nji wabichesa; nji bibe bichesibwa. ¹⁰Nji washiga oluherero lw'embagwa n'ebikoleso byage byoshi, nji waches'oluherero; Olurhamba nji lwanaba luchesibwa. ¹¹Nji washiga omukenzi haguma n'ebikondo, nji wanaluchesa.¹²Nji walerha Haruni n'abagala bage aha wa lunvi lw'ehema ly'okubuganana, nji wanabashuka n'amenji, ¹³Nji wayambisa Haruni emishangi echesezwe, n'oku mushiga, nji wanamugisha, y'ekola oku mirimo yani oku luherero.¹⁴Nji walerha bagala babo, nj'obayambise amalopo, ¹⁵Nji wabagisha nka kulala washigaga eshe, mpu nji bakol'emirimo yani y'oluherero. Oko kushigwa nji kwaba kw'esiku n'amango omuburha lyabo. ¹⁶Musa ajira oku Nahano ali murhegekere; Ajira ntyo.¹⁷Omu lusiku lurhanzi lw'omwezi Gurhanzi g'omwaka gwa kabiri, ehema lyayumanga. ¹⁸Musa abumba ehema; ashimika ebikondo, arhabikw'empaho, emilambaliko, ayumanza n'enkingi. ¹⁹Alambika ehema oku bikiro, aheba echifuko ch' ehema enyanya, nk'oku Nahano arhegekaga Musa. ²⁰Arhola obuhamirizi, abuheba omu Sanduku, aheba emilambaliko oku Sanduku, arhabika echifuko enyanya y'Esanduku.²¹Alerha Esanduku omu hema; aheba kw'omushangi g'okugaba, ashukira esanduku, nk'oku Nahano arhegekaga Musa. ²²Aheba Ameza omu hema ly'okubuganana, ewa lunda lw'amalembe lw'ehema, emusikesike gw'omushangi; ²³n'okurhabika emigati kukulikirana n'erhegeko, embere za Nahano; nk'oku Nahano arhegekaga Musa.²⁴Arhabika olwenge omu ehama ly'okubuganana, emalang'embere g'Ameza, ewa lunda lw'amalyo lw'ehema; ²⁵Ana kulikirany'amatara embere za Nahano, nk'oku Nahano arhegekaga Musa.²⁶Anaheba olurhamba lw'ehoro omu hema ly'okubuganana, embere z'omushangi; ²⁷Ana yosa amalashi g'akabayo nk'oku Nahano arhegekaga Musa.²⁸Anaheba omushangi aha lunvi lw'ehema. ²⁹Anaheba olurhamba lw'embago aha lunvi lw'ehema ly'okubuganana; N'okurhula enterekero z'embagwa n'entulo, nk'oku Nahano arhegekaga Musa. ³⁰Anaheba omukenzi omu charagati ch'ehema ly'okubuganana n'olurhamba, n'okuheba mw'amenji g'oku kalaba;³¹Musa, na Haruni n'abagala bage, balema bakalaba efune n'amagulu; ³²Amango bamajaga omu hema ly'okubuganana n'oku shegerera olurhamba, banakalaba, nk'oku Nahano arhegekaga Musa. ³³Anayumbaka olugurhu oku musikesike gw'ehema n'oluherero, anaheba omushangi g'oku lunvi l'olugurhu. Byanaba ntyo Musa anamala emirimo.³⁴Oku handi olwakungu lwashukira ehema ly'okubuganana, n'obukuze bwa Nahano bwayunjula ehema. ³⁵Musa arhachijaga omu hema ly'okubuganana, bulala olwakungu luliri enyanya, n'obukuze bwa Nahano bwa yunjwire ehema ly'okubuganana.³⁶Omu kulambagira kwabo bamalaga, abana b'e Israeli bagenda, eri lwakungu lwamarhenga enyanya w'ehema. ³⁷N'amang'olwakungu lurharhengere, barhagenda, kuhika hano lurhenga. ³⁸Olwakungu lwa Nahano lwaliri ezuba oku hema ly'okubuganana; n'obudufu, haliri omuliro, oku mesho y'enju yoshi y'abana b'e Israeli, amango g'okulambagira kwabo koshi.

¹Nahano ahamagala Musa; omu hema ch'embuganano, amushambalira amubwira: ²Oshambalire abana b'e Israeli obabwire: Amango muguma omu mwabo ajira enterekero ya Nahano, anarhula echirhungano chizibuzibu changwa chirhungano chigekegeke.³Akaba entulo eri ya mbagwa ya chirhungano chizibuzibu, anajira empanzi erhaherhe shembo, nja na yirhulira aha lunvi lwe chihandiro ch'ehano, embere za Nahano oku bunguke bwage. ⁴Nja na lambulira kw'efune yage oku rhwe ly'embagwa nji ya yemerwa na Nahano, oku kurhabala oku babalirwa.⁵Nja baga empanzi embere za Nyamuzinda; na badahwa, bagala ba Haruni, nji barhula eshagama, n'oku yishukira enyunda zoshi z'oluherero n'oku lunvi lwe chihandiro ch'ehano. ⁶Nji bakola okola luherero, nji bana chagulanga bichira bichira.⁷Bagala b'omudahwa Haruni nji baheba omuliro oku luherero, nji banarhondeka eshali oku muliro. ⁸Abadahwa, bagala ba Haruni nji barhabika ebichira, erhwe n'amashushi oku shali n'okuheba oku muliro oku luherero. ⁹Nja shuka ebyo munda n'ebihinga n'amenji, n'omudahwa muguma nja na biyosa byoshi oku luherero eri mbagwa, nterekero esirerere n'omuliro kuhumula bwinja emwa Nyamuzinda.¹⁰Akaba enterekero yage eri mbagwa ye birhungano bigekegeke echibuzi, empene, nja narhula omushakalume gurhaherhe shembo. ¹¹Nj'abaga oku lunda lw'enyanya oku luherero embere za Nyamuzinda, n'abadahwa bagala ba Haruni, nji bashukira eshagama oku luherero enyunda zoshi.¹²Nja nachagulanga bichira, n'omudahwa nja na birhabika, haguma n'erhwe n'amashushi oku shali n'oku heba oku muliro gw'oluherero. ¹³Anashuka amala n'ebihinga haguma n'amenji, n'omudahwa anabichesa byoshi, n'oku biyosa oku luherero, mbagwa, omudahwa asireza n'omuliro, kahumulo kakwirire emwa Nyamuzinda.¹⁴Akaba entulo yawe emwa Nyamuzinda eri mbagwa y'enyunyi changwa engukuu wanayirhula. ¹⁵Omudahwa anaheka enyunyi anacha erhwe n'olunu, nja biyosa oku luherero, anashukiza eshagama oku lunda l'oluherero.¹⁶Ana kula ebinogosho n'amashala gazo anabikabulira hofi n'olunda lw'ebushoshokero bw'ezuba halala bakweba oluvu. ¹⁷Nja naberangula ebyubi, buzira kubihumanula, omudahwa nja na yosa enyunyi oku luherero, oku shali anaheba mw'omuliro, eri mbagwa omudahwa asirezeze n'omuliro, mpumulo ekwirire emwa Nyamuzinda.

¹Amango muguma nja njrira Nyamuzinda enterekero y'okusima, Akaba akarhul'empanzi changwa endaku nj'ayirhula buzira shembo embere za Nyamuzinda. ²Nja lambulira efune yage oku rhwe ly'ola muntu. Nja baga aha lunvi lw'echihandiro ch'ehano n'abadahwa bene Haruni nji bashukira eshagama oku mbagwa erhongo lyoshi.³Kw'eyola nterekero y'okusima nja rhulira enterekero eyosezwe n'omuliro embere za Nyamuzinda, amashushi ga shukire enyunvi na ngasi hyoshi bananirize. ⁴Esiku zombi n'amashushi ga zizungulukire, gana shukir'obuhira bwa magulu n'echirumbu ch'omuviringo ch'obudiku, bachire oku siku zombi. ⁵Bene-Haruni nji banayosa ebyola okubagwa enyanya w'eshali oku luherero banaheba mw'omuliro yanaba nterekero eyosezwe, basirezeze n'omuliro mpumulo ekwirire emwa Nyamuzinda.⁶Nka akarhula ebirhungano by'empanzi changwa by'echikazi, nterekero y'okusimisa Nyamuzinda nja yirhule buzira zabyo. ⁷Akaba arhula enterekero y'echibuzi, nja chiyerekane embere za Nyamuzinda. ⁸Nja lambula efune zage oku rhwe ly'oyola muntu, nji banajira embere z'echihandiro ch'ehano; bene Haruni nji banashukira eshagama oku luherero boshi omu kulunzunguluka⁹Kw'eyola nterekero y'okusimisa Nahano, nj'arhula enterekero eyosezwe, basirezeze n'omuliro embere za Nahano: Amashushi n'ehunga lyoshi chango bagabire hofi gw'echibuzi, changwa gw'enkavu, n'amashushi gashukire n'ebyomunda n'ebyo byoshi bishwekerweko. ¹⁰Esiku zombi, amashushi gazungulukire, gashukire obuhira bw'amagulu g'echirhungano, n'echihinga ch'omuviringo chinene ch'obudiku nji bakula hofi n'esiku zombi. ¹¹Omudahwa nja yosa ebyola oku bagwa. Biri biryo by'enterekero eyosezwe, n'okuyisireza n'omuliro, embere za Nahano.¹²Akaba enterekero yage eri ya mpene nja yiyerekana embere za Nyamuzinda. ¹³Nja lambulira efune yage oku rhwe ly'oyola muntu, nja nabagira embere ye chihandiro ch'ehano; na bene haruni banashukira kw'eshagama oku burhambi rhambi boshi bw'oluherero. ¹⁴N'oyola muntu, nja rhula enterekero esirere n'omuliro embere za Nyamuzinda, amashushi ga shukire eby'omunda n'ebindi byoshi bashwekereko.¹⁵Esiku zombi, n'amashushi ga zizungulukire, ga shukire obuhira bw'amagulu n'echiviringo chinene ch'obudiku, nji bashwekula hofi n'esiku zombi. ¹⁶Omudahwa nja yosa ebyola oku luherero. Amashushi goshi biri biryo by'oluherero bisirezezwe n'omuliro, mpumulo ekwirire emwa Nyamuzinda. ¹⁷Liri rhegeko ly'esiku zoshi, n'oku luburha lwenyu, n'omu ngasi hantu hoshi nji mwayumbaka, nji murhalyaga amashushi n'eshagama.

¹Nahano ashambala na Musa n'oku derha: Oshambale na bene Israeli n'oku derha: ²Amango omuntu amajira echaha arhanalilonzeze oku rhegeko liguma omu marhegeko ga Nyamuzinda, akajira ebintu birhakajirika; ³Akaba mudahwa washigirwe amavurha wajirire ntyo, anarhuma olubaga loshi lwahemuka echo chaha chage chanarhuma arherekera Nahano empanzi y'omuchukira erhaherhe shembo, ya naba nterekero y'okushukulwa ebyaha banayikolese.⁴Nja nalerha empanzi aha lunvi lw'echihandiro ch'ehano, embere za Nyamuzinda, nja nalambulira kw'efune yage oku rhwe ly'empanzi nja bagira embere za Nyamuzinda. ⁵Omudahwa washigirwe amavurha nja rhola eshagama y'empanzi nja na yilerha omu chihandiro ch'ehano.⁶Nja dubika changwa arhogeze omudoke gwage omu shagama, anabobeza kali mushanvu embere za Nyamuzinda, emalangambere g'omu mushangi g'obuchese. ⁷Omudahwa nja heba eshagama oku mahembi g'oku mbagwa n'amalashi ga bya bwinja embere za Nyamuzinda omu lunvi lw'echihandiro ch'eheno n'oku kushukira eshagama y'empanzi yoshi oku magulu g'embagwa yo luherero luli oku mahulukiro g'echihandiro ch'ehano.⁸Nja kula amashushi moshi g'empanzi g'oku shukululwa, n'amashushi ga shukire ebyo munda, n'ebishwekerwe byoshi; ⁹Esiku zombi, n'amashushi ga zungulukire, n'okushukira obuhira bw'amagulu n'echiviringo chinene ch'obudiku, njakula hofi n'esiku zombi. ¹⁰Omudahwa nj'akula ebigabi nka kubalala bakula eby'empanzi omu nterekero kusimisa Nyamuzinda, nja na biyosa oku mbagwa yo luherero.¹¹Aliko oluhu lw'empanzi n'eminyofu yoshi, n'erhwe lyayo n'amagulu gayo, n'eby'omunda byayo, n'ebifu, ¹²eyola mpanzi oku enali yoshi ngumaguma, banayibarhula banayiheka omu hantu hachere, aha bakabulira oluvu, banayiyosa n'omuuliro oku shali, oku chisahani ch'oluvu nji bayoseza , basireze.¹³Akaba chigusho cha bene Israeli bajirire echaaha barhanalilonzeze barhanali bwene, omu kujira kubi erhegeko omu marhegeko ma Nahano okujira ebintu birhakajiribwa, n'oku chichira olubanja. ¹⁴Echaha wajirire chamenyikene, echigusho nji cha rhula empanzi y'omurhuba rhuba, nterekero y'okushukulula, nja nayilerha embere ye chihandiro ch'ehano. ¹⁵Abashamuka be Israeli banalambulira efune zabo oku rhwe ly'eyola mpanzi embere za Nahano.¹⁶Omudahwa washigirwe amavurha machesizwe nja lerha eshagama y'empanzi omu chihandiro ch'ehano; ¹⁷Njana rhogeza omudoke gwage omu shagama, anayishukize kali mushanvu embere za Nyamuzinda emalangambere g'omushangi.¹⁸Nja naheba eshagama oku mahembi gali oku mbagiro luli embere za Nyamuzida omu chihandiro ch'ehano, nja nashukirza eshagama yoshi yashiba oku magulu g'embagiro y'oluherero, luli oku lunvi g'echihandiro ch'ehano. ¹⁹Nja na kula amashushi goshi g'empanzi, nja namayoseza oku lubagiro.²⁰Nja jira eyola mpanzi nka mpanzi y'okushukula, nja na jira okola kuguma. Na ntyo omudahwa nja jirirabo okushukulula na nji bana babalirwa. ²¹Nja na heka eyola mpanzi enyuma y'olugo, nja nayiyosa nka mpanzi y'embere eri nterekero y'okushukulula olubaga loshi.²²Akaba ali murhambo wa jirir'echaha buzira bulonza, okuhemuka oku rhegeko liguma omu marhegeko ga Nyamuzinda, Namahanga wage, oku bintu birhakajiribwa nja na chija lubanja, ²³N'oku menyirira echaha ajirire, nja na rhula enterekero y'omushakalume gurhaherhe shembo.²⁴Nja lambula efune yage oku rhwe ly'ogola mushakalume, nja nabagira omu hantu banabagira emperero embere za Nyamuzinda. Eri nterekero ya kushukulula. ²⁵Omudahwa nja rhola haguma n'omudoke gwage eshagama y'omuntu bashukulula nji banaheba oku mahembi g'embagwa g'oluherero n'okushukiza eshagama oku magulu g'embagwa g'oluherero.²⁶Nja na yosa amashushi goshi okumbagwa, nka mashushi g'enterekero y'oku simisa Nyamuzinda. Na ntyo kw'omudahwa agenda ajirira omurhambo oku chaha chage bashukulula, nja namubabalira.²⁷ Eri akaba muguma w'omu lubaga wajirire echaha buzira bulonza bwage, n'okuhemuka oku rhegeko liguma omu marhegeko ga Nyamuzinda oku binru birhakajiribwa n'oku chija lubanja, ²⁸N'oku menyirira echaha ajirire nja na rhula enterekero y'empene erhaherh'eshembo oku chaha ajirire.²⁹Nja na lambula efune yage oku rhwe ly'omuntu bashukula, nji banabagira omu hantu banabagira oku mperero. ³⁰Omudahwa nja na rhola n'omudoke gwage eshagama y'empene y'omuntu, nja nayiheba oku mahembi g'embagwa g'emperero, n'okushukiza eshagama yoshi oku magulu g'embagwa.³¹Omudahwa nja kula amashushi goshi nka kula bakula amashushi g'enterekero y'okusimisa, na nji bamayoseze oku mbagwa, yanaba mpumulo ekwirire emwa Nyamuzinda. Na ntyo kw'omudahwa agenda ajirira omuntu w'okushukulwa, oku handii anababalirwa.³²Akarhula echibuzi nterekero y'okushukulula, nja narhula eye chikazi chiguma buzira shembo. ³³Nja nalambula efune yage oku rhwe ly'omuntu, nja nabaga enterekero y'okushukula omu hantu nja bagira oku mperero.³⁴Omudahwa nja rhola haguma n'omudoke gwage eshagama y'echibuzi ch'oyola muntu, nja nayiheba oku mahembi g'embagwa g'eyo enterekero, n'okushukiza eshagama yoshi oku magulu g'embagwa. ³⁵Omudahwa nja kula amashushi goshi, nka kula bakula amashushi g'echibuzi omu nterekero y'okusimisa, na nja na mayoseza oku mbagwa nka nterekero eyosezwe n'omuliro embere za Nahano. Na ntyo kw'omudahwa agenda ajira omuntu w'okushukulwa echaha ajirire, nja na mubabalira.

¹Nahano abwira Musa, aderha mpu : ²Amango omuntu ajira echaha n'okujir'obuhushi embere za Nahano, omukuheb'omwalungwe omu mpumukiro, echintu ahabwagwa, echintu chayibwagwa changwa charholwagwa oku bituliyo, ³n'okulahira ku ntachintu alibwene, changwa okujira obuhamiri bw'obubeshi enyanya wa chintu chiguma chakalerh'oku jira echaha; ⁴amango ajira echaha chiri ntya njana chirwa olubanja, njana galula echintu ayibaga changwa ahabwagwa nka chituliyo, echintu ahabwaga mpw'abike, echintu chaheraga chanabonekana..⁵changwa echo chintu achigashiragako kubi. njana chigalula choshi, n'okuyushula kuchiguma cha karhano, n'okugalulira ninacho, olo lusiku lonolo achihanaga nchungulo yage y'obubi. ⁶Njayilerha emo mudahwa nka nterekero y'obubi emwa Nahano enyanya w'echaha chage omwana buzi orhagwerhe shemb, arholaga omu birhungano byage nk'okwalonzeze. ⁷N'omudahwa njana mushukulula embere za Nahano, njana babalirwa, chiro akaba bubi buchi ajiraga.⁸Nahano aderha na Musa, amubwira: ⁹Ohe Haruni n'abagala lino rhegeko, n'oku derha: Lolaga lino rhegeko ly'enterekero. Enterekero nji yayorha oku lurhamba obudufu boshi kugera esezi, n'omuliro gukolerere oku lurhamba.¹⁰Omudahwa nja yambala echuli chage ch'oboya, n'okuheba mw'oluchimba oku mubiri gwage, njakula n'oluvu l'omuliro gwayosaga enterekero oku lurhamba, n'okulubika hofi n'olurhamba. ¹¹Na ntyo njakula emishangi yage n'okuyambale eyindi, omukukula oluvu omu kambi, omuhantu hachesibwa.¹²Omuliro nji gwakolerera oku lurhamba, gurha kanazima chiro; ngasi sezi, omudahwa nja chana kw'omuliro gw'eshalii, n'okukwiza enterekero, njayosann'amashushi g'enterekero zebijiro by'obukuze. ¹³Omuliro nji gwayorha gukolerere oku lurhamba, na ntakuzima chiro.¹⁴Lolaga erhegeko ly'entulo. bagala ba Haruni bakazi lilerha embere za Nahano, embere z'olurhamba. ¹⁵Omudahwa akazi rhola echigasha ch'obwaso bw'eshano n'amavurha, ahaguma n'obuku anayushula oku ntulo, n'okubuyoseza oku lurhamba nka lwibuko lukwirire emwa Nahano.¹⁶Haruni n'abagala njibalya ebi njibayorha oku ntulo; nji babilya buzira levire, omu hantu hachesibwa, omu hantu harhanzi h'ehema ly'embuganano. ¹⁷Barhakabiyendera haguma n'elivayi. Chiri chigabi nabahereze omu ntulo zani z'okuyoswa n'omuliro. chiri chintu chichesibwe, nka Nterekero y'okukula obubi nka nterekero y'okuchishukula. ¹⁸Ngasi chishakalume nji chaba ch'abagala ba Haruni bakazi kulya. Liri rhegeko ly'esiku n'amango okuburha lyenyu, oku ntulo z'oku sirezwa oku muliro embere za Nahano: Ngasi nji wayihumako nja chesibwa.¹⁹Nahano abwira Musa, aderha: ²⁰Lolaga entulo Haruni n'abagala nji bajirira Nahano, olusiku nji bahabwa obuchesibwa: Chiguma ch'ekumi ch'Epha y'obwaso bw'eshano, nka ntulo y'esiku n'amango, chichira ch'esezi n'echichira ch'egolo.²¹Njiya rheganyizwa omunaga haguma n'amavurha, njiwa mulerhera Ebirashi biyenderwe omu mavurha; nji wamulerhera byo bihire nka bichira biri ntulo yakahumbulo kinja emwa Nahano. ²²Omudahwa nji waba, omu bagala ba Haruni, nja shigwa mpu ya yima hali hage, njajira naye entulo, liri rhegeko ly'esiku n'amango embere za Nahano: Nji yayoswa yoshi. ²³Ngasi ntulo y'omudahwa nji ya yoswa yoshi; na nta kunalibwa chiro.²⁴Nahano abwira Musa, aderha: ²⁵Obwire Haruni n'abana bage oderhe: Lino lili rhegeko ly'entulo y'echaha; oku hantu h'entulo y'oku sirezwa ena bagirwa h'entulo y'ebyaha ya bagirwa embere za Nahano; echesibwe bwenene. ²⁶Omudahwa nji wayirhula enyanya w'ebyaha anayilya; nji yalibirwa ahantu hachesibwa, omu mbuga z'ehema ly'embuganano.²⁷Ngasi chintu nji chahuma kw'eyo nyama yage nji chaba chichesibwa; n'amango eshagama yayo yashukizwa enyanya w'omwambalo goshi, wana hogola ogo mwambalo gwa sheshekeragako omu hantu hachesibwa. ²⁸Aliko echintu ch'obudaka enyama ya yenderagwamo, chanaberwa; n'ekayenderwa omu chintu ch'eshaba, chanashukwa n'amenji.²⁹Ngasi mulume omu badahwa analya echichira chage; chiri chichesibwa bwenene. ³⁰Aliko nta kulya ngasi ntulo yoshi y'ebyola eshagama yayo elerhwe omu hema ly'embuganano, omu kujira obunvikane omu hantu hachesibwa, erhalibwa ya sirezwa n'omuliro.

¹Lolaga erhegeko ly'oburherekere b'oku chi chunguza oku byaha; Chili chintu chi chesezwe bwenene. ²Hali hantu ba bagira enterekero y'oku sirezwa habene bagiree ebi bekolese omu burherekere b'oku sirezwa omu ku chunguza ebyaha,bena hasheshere eshagama enyunda zoshi z'oluherero. ³Bahaniraho enterekero y'amashushi goshi,omukira,amashushi gashukulire eby'omunda. ⁴Esiku ebiri zombi n'amashushi gazizungulukire gana shukire enyama z'oku mbavu,n'olugimbi lunene nene ly'obudiku bakula haguma n'esiku?⁵Omudahwa anayoseza ebyo bigabi oku lurhamba nka nterekero ba yoseze embere za Nahano. Mpu nterekero y'oku chiyunjuza ebyaha. ⁶Ngasi mulume mwabo ba dahwa anayi lyako; Banayilirako ahantu hachesibwe bwenene; Chiri chintu chi chesibwe bwenene.⁷Enterekero y'oku chinyuza ebyaha enali nka nterekero y'okushukula ebyaha; erhegeko linali lyonelyo kw'ezo nterekero zombi. Eyo ba baga yaba y'omudahwa wa rherekerere eyo ntulo y'okushuka echaha. ⁸Omuntu walerhar'omudahwa enterekero mpu amuhanire yo,oluhu lw'elala nterekero lwebe l'oyula mudahwa .⁹Ngasi nterekero yoshi evuyirwe oku masiga,eyosezwe oku mushirhu. chiro si ekalangirwe, nji yaba y'olala mudahwa wa rherekeraga. ¹⁰Ngasi nterekero ekalangirwe omu mavurha enelangire yebe ya bene Haruni boshi,ngasi muguma nk'owindi.¹¹Lolaga erhegeko ly'enterekero y'oku simisa, njia barhulira Nahano. ¹²Nkaba hali owa yirhulire omu kusimisa, nja rhula, haguma n'enterekero y'okuvuga omonkwa, haguma n'orhugati rhwa ngasi buko, rhurhalimo levire, rhurhakalangirwe n'amavurha n'orhugati rhweshano, bakalangire bana lobeka omu mavurha.¹³Kurhola rhugati,ayushuka omuka g'oku yushula oku nterekero yage haguma n'enterekero yage y'oku huna omurhula n'obonjo. ¹⁴Bayereka Nahano hijira higuma higuma hya ngasi nterekero,hyaba hy'omudahwa wajaga ku shesha eshagama yelala nterekero y'omurhula.¹⁵Eminyofu y'oburherekere by'omurhula,w'enterekero y'oku sirira yanalibwa lonolo lusiku yana rherekeregwamo,ntacho baleka kuhik'esezi. ¹⁶Akaba hali owa hanire enterekero y'oku yeneza echiragane chage,cha ngasi muhigo,eyo nterekero ali bwakwo olola lusiku lonyine yarherekeragwa akaba hali ebya yorhere,bana birya bucha sezi.¹⁷Ebyayorhere kw'eyola nterekero,olusiku lwa kasharhu lwa bana biyosa babisireze oku muliro. ¹⁸Omu mango omuntu alire oku nyama y'enterekero yage oku lusiku lwa kasharhu,enterekero arhaka chi yankirirwa erha kachigwarha akachiro oku wa hanaga,chiri chintu chilogerwe,na ngasi yeshi wakanayilazako,bulala bubi bwana muyahukira.¹⁹Enyama ya humirweko n'echintu chivumirwe,erhaka liba,ekwanene ku sirezwa oku muliro. ²⁰Ngasi muntu muches'olik'obubi akalya kw'eyo nyama,aliko ayinji kw'arhali k'obubi akalya kw'ela nyama y'enterekero y'omurhula barhulaga Nyamuzinda,oyola ye kulwe omu lubaga lwage.²¹Na ngasi yeshi we hume oku chintu chigalugalu,bibe bibi bya muntu,bibe bya nyama ebihire na ngasi byoshi bibihire,n'owelye enyama y'enterekero y'omurhula,barhulaga Nyamuzinda,oyola ye kulwe omu lubaga lwage.²²Nahano abwira Musa, n'oku derha: ²³Obwire abana be Israeli, ona derhe: Murhahiraga mukalya amashushi g'empanzi,g'entama, changwa g'empene. ²⁴Amashushi g'enyama ya chifiraga chango si ebya yirhirwe n'esimba y'elubala ga kakoleswa oku bindi,si murhagalyagako.²⁵Bulala ngasi yeshi wa kalya amashushi g'enyama barherekereraga Nyamuzinda,enterekero eyosezwe oku muliro : Oyola ye kulwe omu lubaga lwage. ²⁶Murhahira mukalya eshagama y'enyunyi,y'ebintu birhungwa,omu hantu hoshi mwe lame. ²⁷Okalya eshagama ya chintu chilebe oyola ye kulwe omu lubaga lwabo.²⁸Nyamuzinda abwira Musa,aderha : ²⁹Obwire bene Izraeli ona derhe mpu : Ngasi yeshi werhule Nyamuzinda enterekero yage y'omurhula,ye lerhere Nyamuzinda enterekero yage ayirhole oku nterekero zage y'obonjo. ³⁰Ye lerhe omu fune zage ebi kwanene ku yoswa n'omuliro embere za Nyamuzinda,ye lerhe amashushi n'enkoro,enkoro y'okuja eburhambi,n'eyindi y'okurhula Nyamuzinda.³¹Omudahwa ona yoseza amashushi oku lurhamba,n'enkoro yanaba ya Haruni b'abagala bage. ³²Omu nterekero yenyu y'oku simisa Nyamuzinda,mwehereze omudahwa okugulu kulyoomu kubakulira ebyaha.³³Ow'omu bene Haruni warherekeraga eshagama n'amashushi,omu nterekero y'oku simira Nyamuzinda,ahabwa oku kokugulu kulyo,nka mwanya gwage. ³⁴Bulala ntolere oku nterekero y'omurhula ehabirwe na bene Israeli,nchihalire eyi myanya : Okugulu kulyo n'enkoro,mbihere omudahwa Haruni n'abagala,oku rhegeko ly'esiku n'amango,li bene Izraeli balama ko.³⁵Echo che chigabi cha Haruni n'abagala bamuha oku nterekero oyosezwe n'omuliro embere za Nyamuzinda,kurhenga olusiku beyerekanwe emwa Nyamuzinda mpu babe badahwa bage. ³⁶Che chola chi Nyamuzinda arhegekere bene Izraeli by'oku muhereza kurhenga olusiku lw'okushigwa amavurha gachesibwa : Linayorhe rhegeko ly'esiku zoshi oku burha lyabo lyoshi.³⁷Lyelyo ly'erhegeko ly'enterekero ly'oku sirezwa n'entulo, n'enterekero y'oku chiyunjuza,n'eyoku kulikirwa n'ebyaha, n'eyo kuhusa omurhula. ³⁸Nyamuzinda abirhegekera Musa oku ntondo y'e Sinayi,olusiku arhegekaga bene Izraeli oku bahane entulo zabo emwa Nahano omu mpinga ly'e Sinayi.

¹Nahano abwira Musa, derha : ²Orhole Haruni n'abagala haguma naye n'emyambalo,amavurha gachese,empanzi y'enterekero y'oku kulirwa ebyaha,engandabuzi ebiri n'echirhiri ch'emigati erhalimo levire. ³Ona hamagale echigusho choshi chishimanane aha rhwajira endeko.⁴Musa ajira nk'oku Nyamuzinda alimurhegekere;echigusho choshi cha chigusha aba chijirira endeko. ⁵Musa abwira echigusho mpu : Talaga ebi Nyamuzinda arhegekere rhwajira.⁶Musa ayegereza Haruni n'abagala anabashuka n'amenji. ⁷Ayambisa Haruni echishuli,achiseza n'omukaba,ashubi muyambisa n'echishuli ahiraho n'omwitero ashwekesa n'omukaba gwago.⁸Amuzungulisa omwitero gw'omu chifuba,agshweka n'omukaba guliko : Urimu na Tumimu. ⁹Amuyambika esapo omurhwe ayihakwo embere olupeta lw'ehoro che chimenyiso ch'okuyimika,nkoko Nyamuzinda anarhegekaga Musa.¹⁰Musa arhola amavurha machesibwa,ashiga Etaberanakele,na ngasi byoshi byalirimo,ana bigisha. ¹¹Agisha olurhamba kali mushanvu ana lushiga amavurha machesibwa n'orhuntu rhwalirimo rhwoshi,n'olugero n'ebilusigikire abigisha.¹²Asheshera amavurha machesibwa oku rhwe lya Haruni,amushiga,okundi amugisha. ¹³Musa ayegereza abana ba Haruni nabo,abayambisa ebishuli,ayoseza n'emikaba,abayambika orhu sapo nk'oku Nyamuzinda ana rhegekaga Musa.¹⁴Bayegereza empanzi y'enterekero y'okushukula ebyaha,Haruni n'abagala balambulira efune okwirhwe lyeyola mpanzi. ¹⁵Musa ayibagiraga, arhola eshagama n'omudoke gwage,ayishiga oku mahembi g'oluherero omu marhambi goshi,achesa olurhamba,asheshera eshagama oku bigondo by'olurhamba, alugisha omu kujirirako enterekero.¹⁶Arhola amashushi gashiga shukulire eby'omunda,oluhande lunene nene lw'ekidiku,n'esiku zombi n'amashushi gazo,abiyoseza oku lurhamba. ¹⁷Aliko,ayoseza oku muliro enyuma w'olugurhu empanzi,oluhu,enyama zayo n'amashe,nk'oku Nyamuzinda anarhegekaga Musa.¹⁸Ayegereza engandabuzi y'enterekero y'oku sirezwa,Haruni n'abana bage,bayilambulirako amaboko oku rhwe. ¹⁹Musa ayibaaga ashesher'eshagama oku lurhamba eburhambi hoshi.²⁰Achagulanga elala ngandabuzi rhuchirachira,ana yosa erhwe,bilala bichira n'amashushi. ²¹Ashuka n'amenji eby'omunda,n'eminengeni,ana yoseza ela ngandabuzi yoshi oku lurhamba,yaba nterekero ehumwire bwinja,y'enterekero esirezezwe n'omuliro,nk'oku Nyamuzinda abirhegekeraga Musa.²²Ayegereza eyindi ngandabuzi; ngandabuzi y'okuyimika Haruni n'abagala,na Haruni n'abagala balambulira amaboko okurhwe lyelala ngandabuzi; ²³Musa ayibaga,arhola eshagama ayishiga oku gurhwiri kwa Haruni kw'ebulyo,ashiga oku chinkumwa ch'efune y'okulyo,n'okunwa linene ly'okugulu kw'ebulyo. ²⁴Ayegereza bagala ba Haruni,ashiga ngasi muguma eshagama oku kurhwiri kw'ebulyo,oku nwa linene y'okugulu kw'ebulyo,ana sheshera eshagama yayorhaga omu murhambi g'alurhamba.²⁵Arhola amashushi, echishembe, amashushi goshi gashukulir'eby'omunda, esiku zombi n'amashushi gazo, n'okuboko kw'ebulyo. ²⁶Ashubirhola kandi omu chirhiri ch'emigati erhalimo levire, chaliri embere za Nahano, arholamo ehigati hirhalimo levire,n'ehigati hikalangirwe n'amavurha,n'ehindi higati hinunire,abiyongera ku galala mashushi,na kukulala kuboko kulyo. ²⁷Ahira ebyo bintu byoshi omu maboko ga Haruni,n'omu maboko g'abagala,ana bayerekeza ewa lurhamba embere za Nahano.²⁸Okubundi Musa abikula omu maboko gabo,abiyoseza oku lurhamba,yaliri nterekero y'oku yimika. Yaliri nterekero y'oku sirezwa n'omuliro,y'empumulo nyinja emwa Nahano. ²⁹Musa arhola enkoro yelala ngandabuzi y'enterekero,ayi moleka eyi n'eyi embere za Nyamuzinda; cho chali chigabi cha Musa nk'oku Nahano ali murhegekere.³⁰Musa arhola ku galala mavurha machesibwa, na kw'elala shagama yaliri oku lurhamba,abishukirako Haruni n'oku myambaro yage,oku bene Haruni n'oku myambaro yabo,agisha Haruni n'enyambaro yage, n'abana n'emyambaro yabo haguma naye.³¹Musa abwira Haruni n'abana bage mpu : Ovuyise enyama oku lunda hamwa zilira n'omugati guli omu chirhiri ch'okuyimika, nk'okunali birhegekere omu kuderha mpu : Haruni n'abagala b'eyirye. ³²Mwesireze omu muliro ebyeyorhe kw'eyi nyama n'omugati. ³³Siku mushanvu,murhahuluka m'olu lunvi lw'enju rhwajirira mwendeko kuhika amango esiku z'oku yimikwa zihwe; bulala oku yimikwa kwenyu kwa rhola siku mushanvu.³⁴Ebyajirirwe zene Nyamuzinda arhegekere oku bijira nka kukulirwa ebyaha. ³⁵Mwebere siku mushanvu oku lunvi lw'akagombe k'endeko ka Nyamuzinda,mpu yinji murhafa,bulala ebyola bi byantegekerwe. ³⁶Haruni n'abagala bajira byoshi Nahano alirhegekere Musa.

¹Oku lusiku lwa kali munane, Musa ahamagala Haruni n'abagala n'abashamuka b'e Israeli. ²Abwira Haruni mpu : Orhole enyena y'omudege ebe nterekero y'okushukula ebyaha; n'engandabuzi ebe nterekero y'oku sirezwa,ntacho mu byombi chigwarhag'eshembo,obigerhekere embere za Nahano.³we derhe oku bana be Israeli oba bwire mpu : Murhole echishakalume,ch'okujira enterekero y'okushukula ebyaha,enyena n'omwana gw'entama gwa mwaka muguma gurha gwerhe shembo nka nterekero y'okusirezwa. ⁴Empanzi n'engandabuzi nka nterekero y'oku huna omurhula,oku bundi mubirherekere embere za Nahano n'entulo erhoberwe omu mavurha. Bulala zene Nahano aba bonekera. ⁵Bayinja baherhe embere z'olunvi ly'akagombe k'enshimanano ebi Musa ali arhegekere,n'echigusho choshi cha yegera cha chigusha embere za Nahano.⁶Musa aderha mpu : mwejire ebi Nahano arhegekere,na ntyo mwaba n'obukuze bwage. ⁷Musa abwira Haruni mpu : Ye gera hofu n'olurhamba,hana enterekero yawe y'okushukul'ebyaha,n'enterekero yawe y'okusirezwa,ojire n'enterekero yawe n'eyo lubaga lwawe;hanaga entulo y'olubaga onalujirire enterekero nka kulala Nahano arhegekaga.⁸Haruni ayegera olurhamba,ana baga enyena nka nterekero yage y'okushukulwa ebyaha. ⁹Bene Haruni bamuhereza eshagama ahira omudoke gwage mwela shagama ashiga oku mahembi g'olurhamba,ana sheshera eshagama ebikondo byalo.¹⁰Ayoseza oku lurhamba,amashushi,n'esiku zombi n'olunda lunene nene lw'obudiku lwela babagaga y'okushukula ebyaha,nka kulala Nahano arhegekaga Musa. ¹¹Aliko ayoseza enyuma y'olugo eminyofu n'oluhu.¹²Abaga enterekero y'okusirezwa. Bene Haruni bamuhereza eshagama,anayisheshera oku lurhamba eburhambirhambi. ¹³Bamuhereza enterekero ba chagulangire rhuchira-chira, haguma n'erhwe, abisirezeza oku lurhamba. ¹⁴Ayoza eby'omunda n'ebinogosho n'amenji,abisirezeza oku lurhamba haguma n'elala nterekero.¹⁵Oku bundi ahana enterekero y'oku shukula olubaga,arhola echishakalume chaliri ch'enterekero y'oku shukula ebyaha by'olubaga ,achibaga achiramo enterekero y'oku chiyunjuza nka kulala ajiraga eyo burhanzi. ¹⁶Ahana elala nterekero asirezezwe,ayirhegekera nka ku lala birhegekerwe. ¹⁷Ayerekana entulo,ashamarha kuyo,ayi yosez'oku lurhamba,eyo yaba nka nterekero y'oku shukula ebyaha by'esezi.¹⁸Abaga empanzi n'engandabuzi nka nterekero y'oku simira Nyamuzinda oku lubaga lwage. Bene Haruni bamuhereza eshagama,ayisheshera omu mirhambi yoshi y'olurhamba. ¹⁹Bamuhereza amashushi g'empanzi nag'engandabuzi,omuchira,amashushi gashukulir'eby'omunda,esiku zombi n'olunda lunene nene lw'oku budiku.²⁰Bahira amashushi oku nkoro ana sirezeza amashushi oku lurhamba. ²¹Haruni ayereka entambi zoshi embere za Nahano enkoro n'echihinga ch'okulyo nka kulala Musa anali abirhegekere.²²Haruni alambulira amaboko gage oku lubaga, ana lugisha, oku bundi ayandagala ali amamala kuhana enterekero y'oku shukulwa ebyaha,enterekero y'oku sirezwa n'enterekero y'okuvuga omonkwa. ²³Haruni na Musa baja omunju y'enshimanano. Amango bahuluka mo ,bagisha olubaga. N'erenge lya Nyamuzinda lya bonekera oku lubaga loshi. ²⁴Omuliro gwa kolera embere za Nyamuzinda,gwana sireza oku lurhamba elala nterekero n'amashushi. Mpu olubaga lubona ntyo, lwabanda akalulu k'oku chishinga, bafukama bageza amalanga oku daho.

¹Bene Haruni,Nadabu na Abihu,barhola ngasi muguma embabula,bahirako omuliro bashesherako n'obuku,baheka embere za Nahano. Omuliro gurhamenyikene,barhali barhegekerwe ntyo. ²Lero omuliro gwakolera bwenene embere za Nyamuzinda,gwa yosabo bafira embere za Nahano.³Musa abwira Haruni: Bi Nahano aderhaga, amango aderha: Nyebe muchesibwa omu bebe haguma nani, nyena nkuzwe haguma n'olubaga loshi lwebe haguma nani. Haruni arhaderhaga. ⁴Na Musa ahamagala Mikaheri, na Elizafani,mwene Uzieli,nalume wa Haruni ana babwira mpu : Muyegerane,muhuluse bene benyu hale n'olurhamba luchesibwa,hale n'olugo.⁵Bayegera, babagushagushira omu bishuli byabo babaheka hale n'olugo; nk'oku Musa ali aderhere. ⁶Musa abwira Haruni : Eliyazari,na Itamari, mwene Haruni mpu : Murhakachibona amarhwe genyu,chiro n'ebishanyagulikiza by'emyambaro yenyu,mpu yinji murhafa, mpu yi na Nyamuzinda arhajir'oburhe oku lubaga loshi. Muleke bene benyu,bene Israeli boshi,mulakire bene benyu bafaga n'omuliro gwa Nyamuzinda. ⁷Murha hiraga mukahuluka omu hema l'enshimanano, mpu yi murhafa; bulala muli kw'amavurha machesibwa ga Nahano. Bajira ebi Musa ali aderhere.⁸Nahano abwira Haruni; aderha : ⁹Orhahira okanywa edivayi chiro amavu g'okulalusa, w'oyo n'abana bawe haguma nawe,amango waja omu kagombe k'eshimanano mpu yi murhafa; lyebe rhegeko ly'esiku oku mulala gwawe goshi. ¹⁰Kubinali ntyo yi mukazi berula ebiri bichesibwa, n'ebirhali bichesibwa,ebikomere n'ebirha komere. ¹¹N'oku yigiriza bene Israeli amarhegeko goshi Nahano ahaga Musa agamenyesabo.¹²Musa abwira Haruni,Eliyezari na Itamari,bo bana babiri Haruni aliyorhene : Murhole ebiyorhere oku ntulo y'enterekero ya yosagwa n'omuliro embere za Nyamuzinda,mubirye birhalimo levire hofu n'olurhamba bulala chintu chi chesibwa. ¹³Mulire ahantu hachesibwa liri shego lyawe n'abagala baweoku ntulo zisirezezwe n'omuliro embere za Nyamuzinda,bulala ntyo kunarhegekerwe.¹⁴Mukazi lira ahantu hachesezwe,woyo,bagala bawe n'abali bawe mweshi,enkoro,bakoleza eyi n'eyi n'echirumbu barherekereraga omukukul'echaha,bulala mwabihabirwe nka shego yawe n'abagala bawenomu nterekero y'obusime ya bene Israeli. ¹⁵Balerha echihinga barherekerera,n'enkoro bayereka Nahano haguma n'amashushi gw'okusirezwa n'omuliro,byebe byawe n'abagala bawe,haguma nawe,oku rhegeko ly'esiku n'amango nk'oku Nahano arhegekaga.¹⁶Musa alonza achishakalume ch'enterekero y'oku shukula ebyaha, chali chayosezwe. Honaho ayunv'oburhe bwa Eliyezari na Itamani bene Haruni,baliyorhere,ababwira mpu : ¹⁷Bichi byarhumaga murhalira elala ya bagirwaga oburherekere ahantu ha chesibwa ? Chili chintu chi chesibwa bwenene na Nahano alibaherebyo mpu yimukazi kula ebyaha by'olubaga omu kukazi lujirira enterekero y'oku shukulwa ebyaha embere za Nyamuzinda. ¹⁸alaga,eshagama yelala nterekero erhahekagwa ahantu hachesibwa,mwali mu kwanene kuyilira ahantu hachesibwa,nka kulala ebyola byali ntegekerwe.¹⁹Haruni abwira Musa mpu : Talaga zene bahanire enterekero y'oku shukula ebyaha,n'ey'okusirezwa embere za Naymuzinda ahanyuma ebyagerere,nka nali nalire zane kw'eyo nterekero y'oku shukula ebyaha,ebyola bya kabere binja embere za Nyamuzinda ? ²⁰Musa ayunviriza anasima ebyola binwa.

¹Nahano ashambala na Musa na Haruni, ana ba bwira: ²Mushambale n'abana be Israeli n'oku derha, ebila by'ebirhungano nji mwagenda mwalya omu birhungano biri oku gulu.³Mwagenda mwalya echirhungano choshi chiherhe amahembi mabiri galehere, n'amagulu ga binogosho bibiri, n'eyagalula ebiryo omunda. ⁴Aliko murhagenda mwalya ezila za galula ebiryo konine, changwa ziherhe amahembi galehere gonine, nantyo murhangenda mwalya engamiya, ya galula ebiryo, aliko n'erhaherhe mahembi malehere: Nji mu bilolereze nka birhachesezwe.⁵Nji murhalyaga echirhungano cho mumabale bigalula ebiryo omunda, aliko chirhanaherhe amahembi galehere, muchilolereze nka chirhachesezwe. ⁶Nji murhagenda mwalya echirhungano chiri nka musimbi, chi vugusa,aliko chirhaherhe mahembi galehere: Muchilolereze nka chirhachesezwe. ⁷Nji murhalya engulube eherhe amahembi galehere n'amagulu ga binogosho bibiri, aliko erhagalula biryo yalyaga, muchilolereze nka chirhachesezwe. ⁸Nji murhalya eminyofu yazo, nji murhahumaga oku mubiri gw'emifu yazo; nji uyilolereze nka erhachesezwe.⁹Lolaga ebirhungano nji rhwagenda rhwalya mw'ebila byoshi biri omu menji, ebiherhe amasembe, n'amagamba, ebiri omu menji changwa ebiri omu nyanja, changwa ebiri omu nyinji. ¹⁰Aliko nji birhakulokera ebyola byoshi, birhaherhe masembe n'amagamba, mw'ebila bija omu menji n'ebi byoshi bilamire omu menji, changwa omu nyanja, changwa omu nyinji.¹¹Nji orhakazirholera okuloka, za kuhumanya, nji murhalyaga enyama yazo, nji mwakahumana omu kuhuma emibiri y'emirhumba. ¹²Nji birhabalokera ebila byoshi, by'omu menji, birhaherhe maseme na magamba.¹³Lolaga omu nyunyi nazo za kahumanya na ntakuzirya: Chibarhula, chibarhula muzibuzibu, na chibarhu w'omu nyanja. ¹⁴Nyunyi y'amashala galehere, oku musike sike n'ebiri buko bwazo. ¹⁵Echihungwe n'obuko bwacho byoshi. ¹⁶Kuguma na chibarhula, hunyira, enkongoro, n'akarhuli n'ezi ziri buko bwazo.¹⁷Murhalyaga enyunyi ziheka, zirheg'amahiri, biba bikwirire? ¹⁸Omuhangali, enyange, chigukuma ch'omweru. ¹⁹Enyunyi z'amagulu galehere, n'ozo bukamba oku rhwe n'eziri z'obuko bwazo, hudi-hudi, na kubukubu.²⁰Nji mwa humana , ntakuloka oku chirhungano cha bululuka ahashi n'okubalala n'oku lambagira n'amagulu mane. ²¹Aliko mwebi birhungano bya bululuka n'okubalala n'okulambagira n'amagula mane nji mwalya ebiherhe amagulu g'enyanya n'amagulu gabyo galeme gabalala oku budaka. ²²Lolaga ebimwagenda mwalya: Amahanzi, enzige, emiguku, n'emishekera n'ebi bya ngasi buko. ²³Nji mwa humana oku bindi byoshi by'ebirhungano bya bululuka n'okubalala n'ebya lambagira n'amagulu mane.²⁴Nji byanamuhindamula munya byaha ngasi yeshi nji wahuma omubiri gw'emirhumba nj'anaba arhachesezwe kuhik'egolo. ²⁵Ngasi yeshi nji walerha emibiri efire anafula emishangi yage, nj'aba arhachesezwe kuhik'egolo.²⁶Nji mwalolereza nka orhachesezwe ngasi chirhungano choshi chiherhe amahembi galehere. Aliko chirhaherhe amagulu garhali ga binogosho bibiri chi rhanagalula ebiryo ngasi yeshi nji wachihumako eri arhachesezwe. ²⁷Nji mwalolereza nka birhachesezwe ngasi birhungano byoshi by'amagulu mane bya lambagira n'amagulu gabyo: Ngasi yeshi nji wahuma emibiri y'emirhumba eri arhachesezwe kuhik'egolo; ²⁸Ngasi yeshi nji walerha emibiri yabyo efire nj'afula emishangi yage njanaba arhachesezwe kuhik'egolo.²⁹Lolaga omu birhungano bya genda n'enda oku daho, ebi mwagenda mwalolereza nka birhachesezwe: Efuko, embeba n'omusheberera, bili ngasi bukoo bwabyo. ³⁰Nyamushushu, omorha; enkuru, echinyashongo, na lunve.³¹Mu bilolereze nka birhachesezwe omu bigenda n'enda byoshi; ngasi yeshi nji wahuma ebifu nja rhacheswa kuhik'egolo. ³²Ngasi yikoleswa nji hyarhogera ku hintyu higuma higuma oku mibiri efire yanaba ezingire, echikoleswa ch'omurhi, omushangi, oluhu, eshaho ngasi chikoleswa chakolere; nji bachiheba omu menji, na nji chanayorha chizingire kuhik'egolo; enyuma nji chanachesibwa. ³³Ngasi hyoshi nji yaba omu chintu babumbaga n'obudaka aha hya rhogera echola chintu nji haba hamazinga, nji mwanaberangula echola chinaga.³⁴Ngasi kalyo koshi kakarhabala okulya nji kakarhogera omu menji, eri kamazinga na ngasi chinyobwa bakanywa chiri mwecho chintu chizingire. ³⁵Ngasi chikoleswa nji charhogera oku hintu hy'emibiri efire yabo nji ya nazinga; amasiga n'omuliro byanashandazwa nji yanazinga n'oku bilolereza nka bizingire.³⁶Nji hanaba omuleba n'ebikiro y'amenji ya nalunda echilundo ch'amenji, nji gayorha gachesezwe; Aliko oyula nji wahuma kw'eyola mirhumba nj'aba arhachesezwe. ³⁷Nka hakarhoga echintu ch'emirhumba yabo oku burho bajirhwera, nji yana yorha echesezwe; ³⁸Aliko akaba bahebere amenji oku burho; n'okukarhogera echintu oku mirhumba yabo, nji muyilolereze nka bizingire.³⁹Nka hak chirhungano chiguma omu birhungano bibarhala okulya oyula nji wahuma omubiri gwage gufire nj'aba arhachesezwe kuhik'egolo. ⁴⁰Oyula nji walya omubiri gwage gufire nj'afula emishangi yage nj'aba arhachesezwe kuhik'egolo, n'oyula nji walerha omubiri gwage gufire nj'afula emishangi yage na nj'anaba arhachesezwe kuhik'egolo.⁴¹Nji birhakulokera ebilambagira byoshi n'enda oku budaka: Njorhanabilya. ⁴²Nji murhanalya ebilambagira n'enda byoshi oku budaka, n'ebilambagira n'amagulu mane, oku magulu manene, bulala nji wabigwarha birhanaloka.⁴³Orhajiraga oku bantu bawe ebirhakwirire oku bilambagira n'enda byoshi, orhabajiriraga oku rhacheswa oku bonine, orhanabazingisaga oku bonine. ⁴⁴Bulala ndi Nahano, Namahanga wenyu, nji mwachesibwa, nji mwanaba bachesibwa bulala ndi muchesibwa, nji murhabaga banya byaha oku bilambagira n'enda oku budaka. ⁴⁵Bulala ndi Nahano wabakulaga omu chihugo ch'e Misiri mpu mbe Namahanga wenyu, mpu mube bachesibwa, bulala nani ndi muchesibwa.⁴⁶Eri liri rhegeko lihumire oku birhungano, enyunyi, n'ebilemwa bilemerwe n'ebiba omu menji, n'ebiremwa bilambagira n'enda oku budaka. ⁴⁷Oku buzinda omenye kurhe wakamenya ebi rhachesezwe n'ebi chesibwa, echirhungano wakalya n'echirhungano orhakalya.

¹Nahano ashambala na Musa n'oku derha: ²Oshambale n'abana be Israeli n'oku derha: Amango omukazi nj'aba alibukule nja kuburhira omurhabana, nja naba arhachesezwe siku mushanvu njaba arhachesezwe nka kasanzi achilanga oku ayorhere ali omu siku z'oku mwezi. ³Oku lusiku lwa munane banaheka omwana emw'omufuruma bamukembule.⁴Njabera siku makumi masharhu ya chesezwe n'eshagama yage; Nta chintu nja humako chi chesezwe. Ntaho njaja hachesezwe kuhika ezola siku zage z'okucheswa zihwe. ⁵Nka akaburh'omunyere njanaba arhachesezwe maboso mabiri, nk'omu kasanzi kage ali oku mwezi, nja nabera siku makumi gali ndarhu na ndarhu lya chesebwe n'eshagama yage.⁶Amango esiku z'okuchesibwa nji zahwa z'okumurhabana changwa z'oku munyere nja nalerhera omudahwa, oku lunvi lw'echihandiro ch'ehano, echibuzi cha mwaka muguma oku nterekero, n'enguku z'emiberagi changw'Enkwale, oku nterekero y'okushukulula ebyaha.⁷N'omudahwa nja rhula embere za Nyamuzinda, nja mujirira omu kumushukulula nja nachesebwa omu kugeza changwa okukudwa eshagama yage, liri rhegeko oku mukazi waburhire omurhabana changwa omunyere. ⁸Nka ntacho akabona nka chibuzi chiguma, nja narhola nkwale ebiri na nguku ebiri, nguma oku luherero lw'okuyosa changwa okusireza, eyindi oku nterekero y'okushukulula omudahwa nja na mujirira bamushukulule, njana chesebwa.

¹Nahano ashambala na Musa na Haruni n'okuderha: ²Amango omuntu aba aherhe okuchikoba chage ch'omubiri echirhundire nka mahere, enkovu ya yumire oku mubiri eri ya mweru nje kanashusha chihulu cha chibenzi oku chikoba ch'omubiri gwage, nja nalerhera omudahwa Haruni muguma omu bagala bage bali badahwa.³ Mudahwa nja nalolereza echihulu chiri oku chikoba ch'omubiri, nk'oboya buli oku burhambi bw'echihulu bwa mahindamuka mweru, n'echihulu chikaba n'omwina gulehere, chiri chikoba ch'omubiri, chiri chihulu ch'ebibenzi: Omudahwa wamulolerezaga anaderha oku oyola muntu arhachesezwe. ⁴Nk'oku chikoba ch'omubiri enkovu y'omweru erhali kw'omwina gulehere oku chikoba, n'oboya burhahindamukire mweru, omudahwa nja muchingira siku mushanvu oyola oherhe echihulu.⁵Omudahwa nja na mulolereza siku mushanvu,, akaba echihulu chi muliko chirhanyegere, chirhanagalihire oku chikoba, omudahwa anashuba kumukula oku babo obwa kabiri siku mushanvu. ⁶Omudahwa nja mulolereza obwa kabiri siku mushanvu, akaba echihulu chayijire chafuma chirhanachilanda oku chikoba, omudahwa nja naderha ok'oyola muntu achesezwe: Mpu nkovu; nja naful'emishangi yage, njana chesibwa.⁷Akaba eshembo lya kashuba landira oku chikoba enyuma amamala chiyerekana emw'omudahwa, oku oyola achesezwe anashuba lolereza obwa kabiri n'omudahwa. ⁸Omudahwa nja nalolereza, nka shembo lya landire oku chikoba, omudahwa anaderha oku arhachesezwe biri bibenzi.⁹Amango omuntu ab'aherhe echihulu chiguma ch'ebibenzi, nji bana mulerha emw'omudahwa. ¹⁰Omudahwa nja lolereza akaba oku chikoba kuli omubuha w'omweru, akaba olola lubuha yi lwajira oloya mweru, na hakaba echimenyiso oku munyofu gulamire omola lubuha. ¹¹Chiri chibenzi chayinja chafuma oku chikoba ch'omubiri gw'oyola muntu: Omudahwa anaderha arha chesezwe; nji barhamukula oku bandi bulala echibenzi chage chimenyikene: Arhachesezwe.¹²Akaba ebibenzi bya malandira bwenene oku chikoba n'okushukira echikoba choshi y'oyula oherhe echihulu, kurhengerera oku rhwe kuhika oku magulu, hoshi ah'omudahwa nja heka emilolerezo yage, omudahwa amulolereza; ¹³n'amango amabona echibenzi chamashukir'omubiri goshi, anaderha mpu oyula oherhe echihulu: Akala achesezwe bulala ahindamukire yeshi mweru,achesezwe. ¹⁴Aliko olusiku nji balema bamubona oku mubiri gurhundire, nj'aba arhana chesezwe.¹⁵Amango omudahwa nja bona omubiri gurhundire, nj'aba arhachesezwe; biri bibenzi. ¹⁶Nk'omubiri gurhundire gwa mahindamuka, n'okuba mweru, nj'anaja emw'omudahwa. ¹⁷Omudahwa nj'ana mulolereza, na nka chihulu chamahindamuka mweru, omudahwa nj'anaderha oyula oherhe echihulu achesezwe.¹⁸Amango omuntu aherhe oku chikoba ch'omubiri gwage echihulu ch'akafinjo kafumire, ¹⁹n'okuchiyerekana oku hantu hali hakafinjo, lubuha luguma lw'omweru na enzigo nguma y'omweru n'eshagama, oyola muntu nj'ana chiyereka omudahwa. ²⁰Omudahwa nj'ana lolereza, akaba enzigo ya kachiyerekana nzibuzibu n'okuleha chikoba n'oloya lukahindamuka mweru, omudahwa nj'anaderha arhachesezwe; chiri chihulu ch'ebibenzi cha galihire omu kafinjo.²¹Nk'omudahwa akabona nta loya lw'omweru oku nzigo, chirhanagalihire oku chikoba, yi chahindamuka okufuma, oyola muntu nja muhira ahage siku mushanvu. ²²Nka ezigo ya kalandira oku chikoba, omudahwa anaderha oku arhachesezwe, chiri chihulu ch'ebibenzi. ²³Aliko nk'enzigo yakaba eberere hantu haguma, erhalandire mpu nzigo y'ehurhe: Omudahwa ana derha oku oli muchesibwa.²⁴Amang'omuntu aherhe oku chikoba ch'omubiri gwage obuhya bw'omuliro, ku kachiyerekana kw'obola buhya bw'omuliro enzigo y'omweru changwa omweru gw'eshagama, omudahwa arhanga mulolereza. ²⁵Akaba oloya lwa kahindamuka mweru omu nzigo n'okulema lwa humba echikoba, biri bibenzi, bichijirire omu buhya bw'omuliro, omudahwa anaderha oku ali muntu orhachesizwe: Chiri chihulu ch'ebibenzi.²⁶Nk'omudahwa akabona oku nta loya lw'omweru luli omu nkovu, lurhanachihumba echikoba. omweru guli oku chihulu gwakehere, anamuchingira siku mushanvu. ²⁷Omudahwa nj'ana mulolereza oku lusiku lwa mushanvu. Akaba enkovu ya landire oku luhu, omudahwa nj'ana derha oku arhachesezwe: chiri chihulu ch'ebibenzi. ²⁸Aliko akaba enkovu ya kayorha hala hantu haguma, erhana chilandire oku chikoba, yanaba erhachilugire, gali mahere omu buhya; omudahwa nj'ana derha oku achesezwe: Bulala eri enkovu ya buhya bw'omuliro.²⁹Amango omulume changwa omukazi nj'aba aherhe echihulu oku rhwe changwa oku kalevula, ³⁰omudahwa nj'ana mulolereza echihulu: nka chirhahumbire oku chikoba, hakaba oloya lw'echigohwa na lugekegeke, omudahwa nj'ana derha oku arha chesizwe biri bihasi, biri bibenzi by'okurhwe n'oku kalevula.³¹Akaba omudahwa akabona echihulu ch'ebihasi chirhachiyerekene omu kuhumba echikoba na loya lw'omukara lurhaliho, nj'ana muchingira siku mushanvu,oyula oherhe echihulu ch'ebihasi.³²Omudahwa nj'ana lolereza echihulu olusiku lwa mushanvu nka chihasi chirhalandire, na nta loya lwe chigohwa, chirhanachiyerekene oku humba oku chikoba, ³³Oyula oherhe echihasi nj'anagembwa, aliko nja rhagemba ahantu harhali ebihasi; omudahwa nj'ana muchingira siku mushanvu.³⁴Omudahwa nja nalolereza olusiku lwa mushanvu nka chihasi chirhachilandire oku chikoba chirhachiyerekene oku humba oluhu, omudahwa nja na derha oku achesizwe, nj'ana ful'emishangi yage, nj'anaba mucheswa.³⁵Aliko akaba echihasi chalilandire oku chikoba enyuma y'oku muderha muchesibwa, omudahwa nja na mulolereza. ³⁶Akaba echihasi chalandire okuluhu, omudahwa ntacho akalonza nka loya lwachigohwa: Mpu arhachesizwe. ³⁷Akaba echihasi chirhachigendekere, n'okuba n'oloya lw'omukara, echihasi mpu chafumire; eri ali muchesibwa, omudahwa nj'ana muderha muchese.³⁸Amango omulume n'omukazi njibaba baherhe 0ku luhu lw'omubiri gwabo olubenji, olubenji lw'omweru. ³⁹Omudahwa anamulolereza akaba oku chikoba ch'omubiri gwage kuli olubenji. Ziri nkovu zirhundire oku chikoba: Mpu ali muchesibwa.⁴⁰Amango omuntu arhachiherhe enviri okurhwe, mpu luhala, ali muchesibwa. ⁴¹Akaba nta nviri aherhe emalanga g'erhwe, luli luhala lw'embere. Ali mucheswe.⁴²Aliko nka hali olunda lw'oluhala lw'embere changwa lw'enyuma echihulu ch'omweru shagama, chiri chibenzi chirhengerere oku lunda lw'oluhala lw'embere changwa lw'enyuma. ⁴³Omudahwa nj'ana lolereza, nka hakaba oluhere lw'echihulu lw'omweru shagama omu luhala lw'enyuma changwa lw'embere, biri kuguma n'ebibenzi oku luhu lw'omubiri. ⁴⁴Ali muntu wa bibenzi, arhali muchesibwa: Omudahwa anaderha arhali muchesibwa, biri okurhwe chiri chihulu chage.⁴⁵Ow'ebibenzi, biherhe echihulu nja yambala emishangi yage eberekere, na ntacho chiri oku rhwe, nja shukira obwanwa, n'okuyama: Banya byaha, munya byaha: Changwa wazingire, wazingire. ⁴⁶Haguma n'okulegama nj'aba achiherhe echihulu, nj'anaba arhachesibwe: Akola ali orhachesibwe. Nj'analama ahage hage, akalamo kage aje enyuma w'akambi.⁴⁷Amango nji haba omushangi, echihulu ch'ebibenzi, oku mushangi gw'amoya n'oku mushangi gw'echinusi. ⁴⁸Oku bugufu oku mushangi gw'amoya, gube gwa luhu changwa gwajiragwa n'oluhu; ⁴⁹N'echihulu chaba n'omushangi gwa kasi changwa gw'eshagama oku mishangi changwa oku luhu, oku bugufu, changwa oku mishangi changwa oku hintu higuma hy'okuluhu, chiri chihulu ch'ebibenzi nji bayereka omudahwa.⁵⁰Omudahwa nja nalolereza echihulu, n'oku muchingira changwa oku muyeguza siku mushanvu, ehyola hibalwisa. ⁵¹Analolereza echihulu oku lusiku lwa mushanvu, nka chihulu cha landire oku mishangi, oku bugufu changwa oku mushangi, oku luhu n'emirimo miguma miguma ya jiragwa n'oluhu chiri chihulu ch'ebibenzi y'okuchiha emisi omu bichanji. Kuli kuba arhachesizwe. ⁵²Njanayosa emishangi, obugufu, emishangi y'amoya, echinusi, na hintu higuma higuma y'oluhu hilala hirhula oku chihulu, bulala chiri chibenzi ch'okuchiha emisi omu kasanzi: Nja nayoswa n'omuliro.⁵³Aliko nk'omudahwa akabona echihulu chirhundire oku mishangi, oku bugufu, changwa oku mishangi y'amoya, oku hintu higuma higuma hy'oluhu, ⁵⁴Nja rhegeka baful' ogola mushangi guli kw'echihulu, nja na guchingira changwa oku guyeguza obwa kabiri siku mushanvu. ⁵⁵Omudahwa nja nalolereza echihulu enyuma y'okuchishuka nka chihulu chanalandire, ehintu eri hirhachesizwe; nji banahiyosa n'omuliro; luli lunda lw'ahantu emunda balemaga bahekenya.⁵⁶Nk'omudahwa abona chihulu chiri chahindamuka n'okuba mweru gukehere, enyuma y'okuchishuka, nja na chikula oku mushangi, oku luhu, oku bugufu n'oku mishangi y'amoya, ⁵⁷Nka chakashubirira kandi oku mushangi, oku bugufu, oku mishangi y'amoya oku hintu higuma higuma y'oluhu, biri bibenzi bya mamera: N'oku bihya echihulu nja na yosa n'omuliro. ⁵⁸ Omushangi, obugufu, omushangi gw'amoya na hintu higuma higuma y'oluhu bashukire n'echihulu chafumire nja na chishuka obwa kabiri, na nji cha nachesibwa.⁵⁹Elyola ly'erhegeko ly'echihulu ch'ebibenzi, amango lya maja oku mishangi y'amoya changwa nondwe oku bugufu n'oku yindi mishangi, changwa oku hintu higuma higuma hy'oluhu enyuma y'ebindi rhwaderha haba ebichesizwe n'ebi rhachesizwe: Ebikwirire n'ebirhakwirire.

¹Nahano ashambala na Musa n'oku derha: ²Lola oku njibyaba oku ndwala y'ebibenzi, oku lusiku lw'okuchichesa, nji bagenda bamulerha emw'omudahwa.³Omudahwa nja rhenga omu kambi nja najilola omubenzibenzi, omulwala akaba afumire echihulu ch'ebibenzi, ⁴Omudahwa nja narhegeka ba murhole, kw'oyula nji wachesibwa, nyunyi ebiri zi zene zichesizwe, olushali lw'okujira oluvu, n'okushusha nka shagama. ⁵Omudahwa nja narhegeka babage nyunyi nguma mw'ezo nyunyi bahihebe omu naga y'obudaka omu menji makwirire.⁶Nja narhola enyunyi ezene n'olushali lw'oluvu, n'okushusha nka shagama nja vuvuliza, haguma n'enyunyi ezene, omu shagama y'enyunyi babagaga omu menji makwirire. ⁷Agenda ajira kali mushanvu akengula oyula wachesibwa n'ebibenzi, nja na mubwira bwinja, ogende waleka omushwa enyunyi zizene.⁸Oyula nji wachichesa nja na fula emishangi yage, na nachigemba kw'amoya mage n'okuyoga omu menji, nja naba muchesibwa, kandi nja naja omu kambi, aliko nja nayorha siku mushanvu okurhaja omu Ka Nyamuzinda. ⁹Oku lusiku lwa mushanvu, nja nagemba amoya gage, enviri oku rhwe lyage, amanwa gage, engohye zage, n'okugemba amoya goshi gw'oku mubiri, n'oku fula emishangi yage, nja nayoze omubiri gwage omu menji, nja naba muchesibwa.¹⁰Olusiku lwa munane, nja na rhola bibuzi bibiri birhahehre shembo na mpene ya mwaka muguma erhaherhe shembo, orhole kasharhu oku ekumi g'omulengo gw'eshano ntulo bachangire mwa mavurha na mulengo muguma gw'amavurha. ¹¹Omudahwa ojire obuchesibwa nja na yerekana omuntu w'ebibenzi, n'ebintu byoshi embere za Nyamuzinda, omu chihandiro ch'ehano.¹²Omudahwa nja rhola chibuzi chiguma omu bibuzi nja na chirhula nterekero y'oborhere bw'owayagire haguma n'omulengo gw'amavurha, nja naguha lunda olwindi anasima embere za Nyamuzinda. ¹³Nja nabagira echibuzi ahantu babagira aba chishukuluga, n'oku luherero, n'omu hantu hachesezwe, bulala enterekero y'oborhere bw'owayagire, n'omu nterekero kurhaba n'oburhe, omunyabyaha n'omudahwa: Chiri chintu chichesizwe bwenene bwenene.¹⁴Omudahwa nja rhola eshagama yo munyabyaha anayiheba oku chichira cha hantu h'omuviringo ch'okurhwiri kw'amalyo n'oyola wachichesa oku mudoke gw'efune y'amaliyo gage, n'okunwe linene ly'okugulu kw'amalyo gage. ¹⁵Omudahwa nja rhola engombo y'eshano, nja nayisheshera omu fune y'amelembe gage, ¹⁶omudahwa nja dubika omudoke gw'efune y'amalyo gage omu mavurha gali omu fune y'amalembe gage garhaherhe chintu.¹⁷Omudahwa nja heba amavurha ga muyorhagako omu fune omu chichira ch'ahantu hazungulukire oku kurhwiri kw'amalyo gw'oyula ochesizwe, oku mudoke gw'efune yage y'amalyo, n'okunwe lyage linene ly'okugulu kw'amalyo, enyanya w'eshagama y'omu nyabyaha. ¹⁸Omudahwa nja heba amavurha ga yorhere omu fune, oku rhwe kw'oyula wachi cheseze, n'omudahwa nja na mujirira oborhere bw'okurhaba n'oburhe embere za Nyamuzinda.¹⁹Kandi omudahwa nja murhulira enterekero y'obonjo, nja yijira ya bonjo kw'oyula wachichesa, n'oku chishuka kwage. ²⁰Oku handi nja bajira oku luherero, omudahwa nja rhula oku luherero lw'okubagira, omu chesibwa n'enterekero; nja najirira oyu muntu w'obonjo, nja naba muchesibwa.²¹Akaba mukene we bikulo byage bikahere, anarhula chibuzi chiguma w'okuhererako, achirhule nterekero y'oku yerekana n'oku yinamulira Nyamuzinda okurhaba n'oburhe. Anarhola chigabi cha kali kumi n'eshano enogere anavangavanga n'amavurha ajiramo nterekero y'okumulanga, anayiyushulako n'omulengo gw'amavurha. ²²Njarhola kandi nyunyi ebiri zi geke geke bwenene changwa nguku ebiri z'emisole nk'oku ebikulo byage biri, nguma nterekero y'obonjo, eyindi y'okulubagiro. ²³Oku lusiku lwa munane nja lerha ebintu byage byoshi emwa mudahwa, omu kuchesibwa kwage, oku mulunvi lwa ka Nyamuuzinda embere Nyamuzinda.²⁴Omudahwa nja rhola echibuzi ch'enterekero y'okushukula ebyaha, n'omulengo gw'eshano, anabimogera olunda n'olundi embere za Nyamuzinda. ²⁵Nj'abaga echibuzi ch'okushukulula, omudahwa anarhola eshagama y'embagwa y'okushukulula. Anagushiga oku kurhwiri kw'amalyo kw'owashukululwa, oku chinkumwa ch'okuboko kwage kwa malyo n'okunwe linene ly'okugulu kwage kw'amalyo.²⁶Omudahwa nja sheshera omu fune yage y'amalembe erhaherhe chintu. ²⁷Omudahwa nja rhola kwa gola mavurha n'omudoke gw'amalyo gage anama kulamwo ashukiza kali mushanvu, embere za Nahano.²⁸Omudahwa nja rhola kwa gola mavurha gali omu kuboko, anagarhabika oku kurhwiri kwo yabarhabala oku chesibwa, n'oku chinkumwa ch'amalyo n'okunwe linene lya malyo, halala ashagaga eshagama y'enterekero y'obunya byaha. ²⁹Omudahwa nja naheba amavurha ga yorhaga omu fune oku rhwe ly'oyola wa chesibwaga, buzinda bana muhunira obonjo embere za Nahano.³⁰Oku handi nja narhula nyunyi nguma mw'ezola nyunyi changwa nguku nguma, mw'ezola abonaga. ³¹Nguma y'enterekero y'obonjo eyihindiyo ku mbagwa, haguma n'entulo; n'omudahwa nja nahunira oyola wachi chisaga obonjo embere za Nyamuzinda. ³²Elila ly'eregeko ly'oku chesibwa ly'oyula oherhe echihulu ch'ebibenzi n'ebintu byage bikehere.³³Nyamuzinda ashambala na Musa na Haruni aderha: ³⁴Amango nji mwaja omu chihugo che Kanana na bahaga, nka nakaheba echihulu che bibenzi omu nju nguma che chihugo nji mwaba muherhe, ³⁵eyola enju nji yaba yage, nja genda derha emw'omudahwa: Na bwene akavulindi omu nju yani.³⁶Embere omudahwa aje mwe yo nju nja nalolereza, nja na rhegeka bakule ebiri mw'eyola nju, buzinda byoshi birimo eri birhachichesizwe. ³⁷Omudahwa akalolereza echuhulu, nka akabona kali oku sika n'oku chibambazi ch'enju, birhule by'olushogo bizingire changwa shagama ntacho chaka chija arhali esika changwa ekuta. ³⁸Nja huluka omu nju n'amango nja gera aha lunvi, nja na chinga enju siku mushanvu.³⁹Omudahwa nja shubi galuka oku lusiku lwa mushanvu, nk'okw'akabona obulema yibwayushuka oku oku lusika lw'enju, ⁴⁰nja narhegeka bakule amabale gajirek'obulema, bana kabule hale n'echishagala omu hantu harhachesizwe.⁴¹Nji bana biza, bakalagire omu nju n'oku kabulira hale n'echishagala omu hantu harhachesizwe, akachulo babaga babizize. ⁴²Nji banarhola agandi mabale nji banamayumbaka ku halala h'embere; nji banarhola obwindi budaka banawanza oku homolola enju.⁴³Nk'obuhanya bwakashubi galuka n'okukumbagaz'enju, enyuma y'okukula amabale, oku biza n'oku homolol'enju. ⁴⁴Omudahwa nja nagaluka nk'akabona obulema yibwagendekera bwa yushuka omu nju, chibenzi chirhaherhe evuha omu nju; erha chesizwe.⁴⁵Nji banashandaz'enju, amabale, emirhi, n'obudaka boshi bw'enju; n'oku buheka hale n'echishagala, omu hantu harhacesizwe. ⁴⁶Oyola nji waja mw'eyola nju mwakola kasanzi kali chichingire eri arhachesezwe kuhik'egolo. ⁴⁷Oyula nji walyama mw'eyola nju nj'afula emishangi yage, n'oyola nji walira omu nju; naye nj'afula emishangi yage.⁴⁸Nk'omudahwa waga lukaga omu nju akabon'oku obulema burhachigendere bwa galiha, enyuma enju barhachihomololaga obwa kabiri, nja naderha oku enju echesezwe changwa eri mweru kwru, bulala obulema bwa fumire.⁴⁹Nj'arhola, omu kuchesa changwa ashukulula enju, nyunyi ebiri, n'eshali zijira oluvu, okushesha eby'eshagama. ⁵⁰Nj'abaga nyunyi nguma mw'ezo nyunyi oku bale ly'olushangabuye oku menji makwirire. ⁵¹Nj'arhola eshali zijira oluvu n'echi chishushir'eshagama n'enyunyi ezene; nja bivuvuliza omu shagama y'enyunvi babagire n'omu menji ga kwirire, nja na bishukiza oku nju kali mushanvu.⁵²Nja na chesa enju haguma n'eshagama y'enyunyi, haguma n'amenji ga kwirire n'enyunyi ezene, haguma n'eshali zijira oluvu, n'ebishushire eshagama. ⁵³Nja nalika enyunyi hale n'echishagala, omu mashwa, ntyola ku nja jirira enju bahunira obonjo, nji ya naba mweru kweru.⁵⁴Erila rhegeko ly'ebihulu by'ebibenzi n'endwala y'ebihasi. ⁵⁵Oku bibenzi by'emishangi n'eby'enju. ⁵⁶N'ebye mbuha, n'ebibenzi birhundire, n'ebye nzingo by'obutomo butomo. ⁵⁷Ayigiriza amango chiri chintu chirha chesezwe n'amango chi chesizwe. Eryola ly'erhegeko oku bibenzi.

¹Nahano ashambala na Musa, enyuma y'okufa kw'abana babiri ba Haruni bafaga bachiyerekana embere za Nahano. ²Nahano abwira Musa, oderhe na mwene wenyuHaruni, oku buzinda arhalemaga aja ngasi kasanzi ah'okuchesibwa, omu Paziya, embere z'obonjo buli oku mwabo, orhayubahaga okufa: Bulala nj'abonekana omu lwakungu lw'obonjo.³Lola gurheHaruni agenda aja ahantu hachesibwa, njana rhola empanzi y'enterekero y'obonjo n'echibuzi ch'oku mbagwa bachisirerezako. ⁴Nj'ayambala echishuli charhengaga omu murhi gukomere, nj'aheka oku mubiri gwage omushangi gu yofohere oku chifuba chage g'omurhi gukomere, nja na yambala n'omukaba gw'arhengaga omu murhi gukomere, n'okushukira erhwe n'eshungwe ly'obwami n'esapo mpu mishangi echesizwe, akazi yambala eri amamala yoga omubiri gwage n'amenji. ⁵Bene Israeli bagenda bamulerhera mishakalume ebiri y'enterekero y'obonjo n'echibuzi ch'oku mbagwa basirezezako.⁶Haruni agenda arhula empanzi yage y'obonjo, nja jira ey'obonjo bwage yenine n'eyo nju yabo. ⁷Nj'arhola mishakalume ebiri anayiheba embnere za Nyamuzinda, omu kuja omu ka Nahano.⁸Haruni nja nakubulira ebishakalume bibiri kw'ezola, ezola zikwirire emwa Nahano n'erindi zala, muzimu mwa Zazeli. ⁹Haruni anaderha bashegeze omushakalume gw'ezala likwirire gubakubagaziza Nahano, nja rhula nterekero y'obonjo. ¹⁰Omushakalume gu kwanene oku zala lya Azazeli nji bagulerha gizene embere za Nahano, buzinda gwa rhabala oku huna obonjo, analikago omu nju z'omuzimu Azazeli¹¹Haruni nj'arhula empanzi yage y'obonjo, nj'ajira ey'obonjo ku yenine n'oku nju yage, nj'abaga empanzi yage y'obonjo.¹²Nj'arhola echisahani ch'ebisese bakulireko enyanya oku luherero embere za Nyamuzinda, na fune ebiri ya kahumulo ka kwirire k'eshano, nja heka ebyola bintu okola paziya. ¹³Nj'aheba akahumulo kakwirire embere za Nyamuzinda, buzinda olwakungu lw'akahumulo ka shukir'obonjo bwaba bwa kuhamiriza, na nja rhanachifa.¹⁴Nj'arhola eshagama y'empanzi n'oku yishukiza n'omudoke gwage embere z'obonjo n'oku yerekeza ebwa bushoshokero bw'ezuba, nj'ajira n'omudoke gwage kali mushanvu oku shukiza eshagama embere z'ah'obonjo.¹⁵Nja n'abaga omushakalume g'obonjo oku shukulula olubaga, n'okulerha eshagama enyanya h'omushangi, nj'ajira haguma n'eshagama y'empanzi, nj'ajira oku shukiza oku bonjo n'embere zabo. ¹⁶Okola kw'akazi jira enterekero y'obuchese, mpu byaha by'abana b'e Israeli byarhuma, n'oborhere bwabo baliherhe b'okujira echaha, nji bajira ntyo omu ka Nyamuzinda n'oli haguma nabo omu charagati ch'ebyaha byabo.¹⁷Ntaye nji wabaho amango njaj'omu Ka Nyamuzinda, ajihuna obonjo bw'obuchese, kuhika hano arhengamo, nji na muhunira obonjo, n'enju yage, n'olubaga loshi lw'e Israeli. ¹⁸Omu kuhuluka, nja na yerekera ewa luherero luli embere za Nyamuzinda nja nahuna obonjo oku luherero, njan'arhola eshagama y'empanzi n'eyo mushakalume, nja na heba oku mahembi g'oluherero omu kuluzunguluka. ¹⁹Nj'ajira n'omudoke gwage kali mushanvu ashukiza eshagama oku luherero, nja nashukululwa n'oku chesibwa, mpu byaha by'abana b'e Israeli byarhuma.²⁰Amango nj'amala okuhuna obonjo bw'obuchese, omu Ka Nyamuzinda n'oku luherero, nja na lerha omushakalume guzene. ²¹Haruni nja rhabika efune zage zombi oku rhwe lwe chishakalume chizene nja na chigasha oku bubi bwabo boshi, bw'abana be Israeli, n'oborhere bwabo boshi oku byaha bajirire. Nji banabiheba oku rhwe lwe chishakalume, oku handi nji bana chihiga omu mpinga; eri burhabazi b'omuntu wajir'ogola mulimo. ²²Echishakalume nji cha naheka emiziro yabo yoshi oku budaka bw'ahantu habishirwe; nji bana chi higa omu mpinga.²³Haruni nj'anaja omu Ka Nyamuzinda, nj'ana hogola emishangi aliherhe ana yiheba omu hachesibwa, anayirhabika omola. ²⁴Nj'ana yoza omubiri gwage n'amenji omu hantu hachesizwe, nj'ana shubi rhola emishangi yage, kandi nj'ana huluka, okurhula oku mbagwa, oku mbagwa y'olubaga, nj'ana chihunira obonjo na kuhunira olubaga.²⁵Nji bana yosa, basireze oku luherero amashushi bahunira oyola muntu obonjo. ²⁶Oyola muntu wahigaga omushakalume g'omuzimu Azazeli nja rhanga kufula emishangi yage anayoza n'omubiri gwage anabona kuja eka.²⁷Nji banaheka arhali eka empanzi n'omushakalume g'obonjo bulala alilerhere eshagama omu hachesebwa hokuhunira kw'obonjo, n'oku yosa, basireze empu, eminyofu, ebihondo gabyo byoshi. ²⁸N'oyola naye nji wabiyosa n'obisireza nja fula emishangi yage n'okuyoza omubiri gwage omu menji, enyuma wahola, anagaluka omu Kambi oku mukaba.²⁹Okola kwaba erhegeko lyenyu esiku zoshi, oku mwezi gwa mushanvu lusiku lw'ekuymi, lwakuchibabaza murhahiraga mwajira emirimo gulebe mpu mwabo mpu mugalugalu mpu muhisi wenyu, oshubire omu charagati chenyu. ³⁰Bulala olo lusiku nji balujira lwa bonjo, oku mwabo, oku buzinda banachesa; nji mwachesibwa oku byaha byenyu byoshi embere za Nyamuzinda. ³¹Oku mwabo nji lwaba Sabato lusiku lwa kuhumuka, oku babaza emirhima yenyu, liri rhegeko ly'esiku zoshi.³²Obonjo nji bwajirwa n'omudahwa wahabirwe amavurha, n'okumuyimika oku kola ahali h'eshe omu budahwa, nja yambala emishangi y'obwami, n'emishangi echesezwe. ³³Nja huna obonjo aha chesibwa hachesizwe, nja huna obonjo omu Ka Nyamuzinda n'oku luherero n'oku huna obonjo oku badahwa n'oku chigusho choshi ch'olubaga.³⁴Nji byaba oku mwabo erhegeko ly'esiku zoshi, okazi jira liguma omu mwaka obonjo oku bana be Israeli, mpu byaha byabo bya rhuma, alema ajira oku Nyamuzinda arhegekaga Musa.

¹Nyamuzinda ashambala na Musa, amubwira: ²Oshambale n'abana be Israeli n'oku babwira; Ndi Nahano nyamuzinda wabo. ³Murhagendaga mwajira kuguma n'e Misiri mwaliyumbakire, murhajiraga kuguma n'echihugo ch'e Kanana, emunda na baheka mumenye mwashimba amarhegeko gabo.⁴ Nji mujire oborhere bwani, mukulikire amarhegeko gani: Mugashimbulire, ndi Nahano Nyamuzinda wenyu. ⁵Nji mushimbe amarhegeko gani, n'oborhere bwani, omuntu nji wamakolesa nj'alama okubo. Nyono nye Nyamuzinda.⁶Ntaye chiro n'omuguma oyemererwe okulala n'omukazi w'omu buko bwabo. Nyono Nyamuzinda. ⁷Orhahiraga okalolako isho eri nyoko amango barhayambere ali nyoko njo orhakwanene omenye amango arhayambere. ⁸Orha kwanene oyose busha muka isho. Buli busha bwa isho.⁹Nj'orhamenyaga obusha bwa mwali wenyu, bulala ali mwali wa isho na kandi ali mwali wa nyoko. Waburhiragwa aha mwenyu changwa embuga ya hamwenyu. ¹⁰Nj'omenye wakashukula 0busha bwa mwali wa mugala wawe changwa b'omunyere wa mwali wawe, bulala buli busha bwawe. ¹¹Omenye wagenda washukula obusha bw'omunyere w'omukazi wa isho, waburhagwa na isho. Oyola ali mwali wenyu.¹²Orhahiraga washukula obusha bwa nyokoshenge. Oyola guli mubiri muguma gwa burhagwa na isho. ¹³Orhahira okashukula obusha bwa nyoko wawe. Bulala oyola ali mwene wabo nyoko. ¹⁴Omenye wagenda washukula obusha bwa mwene wabo isho, orhakanashegerera mukage. Oyola ali nyokoshenge.¹⁵Omenye wagenda washukula obusha bwa mwazana wawe, oyola ali muka mugala wawe: Nj'omenye wakashukula obusha bwage. ¹⁶Nj'omenye wakashukula obusha bwa muka mwene wenyu, buli busha bwa mwene wenyu.¹⁷Nj'omenye wakashukula obusha bw'omukazi nabo mwali wage. Nj'omenye wakarhola mwali wa mugala wage changwa omunyere wa mwali wage. ¹⁸Nj'omenye wakarhola mulamukazi wawe, mpu byanalerha oku lwira oluhali, omu kushukula obusha oku lunda lwa mukawe amango g'akalamo kage koshi.¹⁹Nj'omenye wakashegerera omukazi amango ali oku mwezi mpu omenye obusha bwage. ²⁰Nj'omenye wakabaraga haguma n'omukazi wa mwalungwe wawe, bulala kuli kuchihemula mwenaye okola.²¹Nj'omenye wakahana abana bajikuza changwa baharamye omuzimu moloke, na kandi orhahemukiraga ezino lya Namahanga wawe, ndi Nahano.²²Nj'orhahiraga, changw'omenye wakalyama haguma n'owenyu mulume nka kulala wakalyama n'omukazi: Kuli kubi, birha kwirire. ²³Nj'omenye wakalyama n'echirhungano changw'okuchishuka haguma nacho. N'omukazi arhakashegerera echirhungano mpu ch'abaraga nacho changwa alayame nacho. Kuli kurhamenya buli na buhanya.²⁴Orhachishukaga n'ebyola bintu, bulala ebyola bintu byoshi byashukaga n'amashanja njina higa embere zenyu. ²⁵Echihugo cha hindamukire, nji bachihana na bubi bwacho, n'echo chihugo abantu bacho nji bakagwa.²⁶Nji mukenge amarhegeko gani n'oborhere changwa engeso zani, nji murhajiraga ebirhaakwirire, oli abambali benyu, oli abahisi changwa ababunga balamire, changwa bayumbakire omu charagati chenyu. ²⁷Bulala ga gola mabi g'abantu b'echo chihugo bajiraga, baliri embere zenyu, na ntyo echihugo chabiha. ²⁸Muchilange ly'echihugo chirhabashala, nka mwaka chishuka nka kulala bashalaga amashanja galiri embere zenyu.²⁹Bulala boshi nji bajira obubi buguma mwahola mabi nj'abakula omu charagati ch'olubaga lwage. ³⁰Mukenge amarhegeko gani, nji mumenye mwakajira amabi gajiririkire embere zenyu, yi marhachibihya. Ndi Nahano, Nyamuzinda wenyu.

¹Nahano ashambala na Musa anaderha: ²Obwire olubaga loshi lw'abana b'e Israeli, ona inji bashambalira ntya: Mube bachesebwa, bulala ndi muchese, nani nye Nahano, Namahanga wenyu. ³Ngasi muguma mu mwabo akwanene oku kenga nina n'eshe n'esiku zani z'e Sabato mukazikenga, ndi Nyamuzinda, Namahanga wenyu. ⁴Nji mumenye mwakahindamukira rhwa lyangombe rhw'echuma.⁵Amango nji mwarhulira Nyamuzinda enterekero y'okusimisa, nji murhule elala bakayemera. ⁶Enyama yey'ola lusiku nji ya libwa olola lusiku lwonene, eri buch'esezi: ehinji hyayorha kuhika oku lusiku lwa kasharhu nji banayiyosa n'omuliro. ⁷Nka wakayirya oku lusiku lwa kasharhu nji yanaba hintu hilogerwe nterekero nji barhakayemera; ⁸Oyola nji wayirya nja heka obuhanya bw'echaha, bulala abisimire. Oyula ochishwekere oku Nahano; oyola muntu mumukule omu lubaga lwage.⁹Amango nji mwashalula emyaka omu chihugo chenyu, njo orhalekaga oku lubibi lw'eshwa lyenyu buzira myaka na njo rhanarholagulaga ehya yorha. ¹⁰Njo orhashalulaga emburho y'emizabibu, njo orhanarholagulaga emburho nji za rhoga, nji wanazireker'abakene na bahisi ndi Nyamuzinda, Namahanga wawe.¹¹Nji murhayibaga eri kurhebekana n'okubesha baguma oku bandi bantu. ¹²Nji murhachigashaga ebyo kubesha oku zino lyani, bulala eri wajira kubi oku zino lya Namahanga wawe. Ndi Nyamuzinda.¹³Orhahira okurhindibuza omwalungwe, orhahira oka munyega ebyage. Orhaberanaga oluhembo l'owalimya lurhayorhoga omu mwawe kuhika olusiku lwa kulikira. ¹⁴Nj'omenye wakahehereza nyamugama, njo orhahebaga embere z'omuhurha ehya karhuma akumbagala; bulala eri oherhe obuba bwa Namahanga wawe, ndi Nyamuzinda.¹⁵Nj'omenye walenganya omu kucha olubanja, nta chibi nj'ogwarhage oku muntu w'omukene, ntacho ojirirage oku muntu ochigalire, wakazi chira omwalungwe wawe olubanja kushimbana n'ebishinganene. ¹⁶Nj'orhashandazaga eby'obubeshi omu lubaga lwawe; yi nji birhayumanza okushesha eshagama oku mwalungwe wawe; ndi Nyamuzinda.¹⁷Nj'omenye wakagaya mwene wenyu omu murhima gwawe, obe n'ehyo kuhanula mwalungwe wawe aliko omenye wabarhula echaha eri ye rhuma. ¹⁸Nj'omenye wakagalula obubi kw'obwindi, orhanabikaga akahinda oku bana bw'olubaga lwawe, nj'osime mwalungwe wawe nk'okochisima wenine, ndi Nyamuzinda.¹⁹Okenge,oshimbe amarhegeko gani, omenye wayemera ebintu birhali bya buko buguma byahambarhana, n'omw'ishwa lyawe orhahira okarhwer'emburho za buko buguma, omenye wayambala emishangi gwajiragwa n'etamazi ebiri chirhali cha buko buguma.²⁰Amango omulume amabaraga haguma n'omukazi muguma, nka kaba muja oshambazizwe n'owindi mulume orhachungukire na nta nyigirizo aherhe, nji bakahanwa, aliko nta kubayirha, bulala nta nyigirizo changwa oborhere bwinja aherhe. ²¹Enyanya z'echaha chage,oyo mulume anabe nka mwana-buzi gw'okurherekera n'okuhongera Nyamuzinda aha lunvi lwa ka Nyamuzinda, bulala agomere. ²²Omudahwa anarhulira Nyamuzinda gulala mwana-buzi nka nterekero y'oku hongera Nyamuzinda enyanya ya chilala chaha chage n'echaha oyo muntu agomaga chanayinja babalirwa.²³Amango mwaba mwamahika omu chihugo mukanarhwera mw'omurhi gwa ngasi lubero guyana amalehe,mugende mwalolereza ago malehe nka chintu chizirirwe, myaka esharhu murhagalyako. ²⁴Omu mwaka gwa kane, mwanakuza Nyamuzinda, mwanamuha erenge lyage,mwana murhulira amalehe goshi g'ogo murhi, ²⁵omu mwaka gwa karhano, lyoki mwankalya amalehe gago, munagendekere mwashalula mwo. Nye Nahano, Nyaamuzinda wenyu oderhereko.²⁶Murhahira mukalya akantu kalimw'omwamba murhahira mukalaguza changwa eri kujira obukurungu. ²⁷Murhahira mukachisa enviri zenyu mw'emburungusa, changwa okugembesa amanwa menyu mw'emikaba. ²⁸Murhahira mukanywana n'abafire, murhahira mukachishaka kw'enkona oku mubiri yenyu. Nye Nyamuzinda.²⁹Orhahira okaleka mwali wawe aleme akoyakoya nka mbaraga ly'echihugo chirhayunjula m'obugonyi n'amabi. ³⁰Mukazi kenga esiku zani z'e'Sabato, n'aka Nyamuzinda kani kona kuguma mukazi ka kenga. Nye Nahano, ntegekere ntyo.³¹Murhahira mukajidosa ehano emwa abarherekera abazimu, changwa emwa balaguzi, murhabadosaga hano, bulala banarhuma mwa chihemula. Nye Nahano, Nyamuzinda wawe nku hanzize.³²Okazi yumukira abantu bakulu oku chichumbi, onakazi kenga omushaja, oyubahe Nyamuzinda wawe. Nye Nahano nkurhegekereko.³³Eri omushumba akayumbaka alame nenyu omu chihugo chenyu, murhahira mukamulibuza. ³⁴Omuhisi wayumbakire emwenyu mukazi murhola nka mwenewenyu, mukazi muzigira nk'oku muzigirana mwenine oku mwenine, bulala nenyu mwaliri bahisi omu chihugo ch'e'Misiri. Nye Nahano, Nyamuzinda wenyu nderhereko.³⁵Murhahira mukaba balenzi omu kucha emanja, chango omukulwa olubibi, changwa omu milengo y'echintu chilebe. ³⁶Mube n'emilenge na ngasi chintu chikolesebwa chi kwanene. Nye nahano, Nyamuzinda wenyu waba kulaga e'Misiri oderhereko. ³⁷Mulange amarhegeko n'engeso zani zoshi, mukazizishimba. Nye Nahano.

¹Nyamuzinda abwira Musa omu mpinga ye Sinayi; omu hema ly'embuganano omu lusiku lurhanzi l'omwezi gwa kabiri,mwaka gwa kurheng'omu chihugo ch'eMisiri. Aderha : ²Ojir'oluganjo lw'abana be Izraeli,kukulikirana n'emilala yabo,kukulikirana n'enju zabo;kukulikirana na beshe omu kuganja amazino ga ngasi rhwe lya ngasi mulume. ³Kurhonderer'oku myaka makumyabiri kuhek'enyanya,boshi b'omu Izraeli balikwanene bahek'emiherho,mwabajira luganjo kukulikirana n'oku bali bagabirwe,woyo haguma na Haruni.⁴Heba haguma nenyu mulume muguma wa ngasi buko; mukulu w'enju za b'eshe. ⁵Lolag'amazino g'abalume beyumange haguma nenyu : Emwa Rubeni : Elitesu,mwene Shedere. ⁶Emwa Simoni : Selumieli mwene Zurisaaye.⁷Emwa Yuda : Nashekone mwene Aminadabu; ⁸Emwa Isakari : Natanayeli mwene Tusune; ⁹Emwa Zabuloni : Mwene Heloni;¹⁰Emwa bene Yusufu,mwene Efurahimu : Elishama mwene Damihude,emwa Manase : Gamaliyeli,mwene Pedahatesu. ¹¹Emwa Benjamini: Abidane mwene Gideoni.¹²Emwa Dane Ahiezeri,mwene Damishadayi. ¹³Emwa Asere : Paguyele,mwene Okrane, ¹⁴Emwa Gade : Eliyasafe,mwene Deule, ¹⁵emwa Nefutali : Ahina mwene Enane.¹⁶Abola babaliri bahamagalwa omu mbuganano,barhwali g'amuko ga b'eshe; barhwali,bimangizi b'omu Izraeli.¹⁷Musa na Haruni barhola balala balume bali londwerwe kukulikirana n'amazino gabo. ¹⁸Bahamagal'embuganano,omu lusiku lurhanzi l'omwezi gwa kabiri,babayandika,kukulikirana n'emilala,n'enju n'oku beshe.Omu kuganj'amarhwe g'amazino kurhonderera,ku myaka makumyabiri kuhek'enyanya. ¹⁹Eri Musa abaganj'omu mpinga ye Sinayi,nka kula Nyamuzinda amurhegekaga.²⁰Omu kuyandika bene Rubeni,fula ntanzi omu Izraeli,kukulikirana n'omulala gwabo,kukulikirana n'enju zab'eshe omu kuganja ngas'irhwe na ngasi zino lya mulume,boshi kurhonderera ku myaka makumyabiri kuhek'enyanya ababoshi baliri nfola miherho. ²¹Abalume b'omu buko bwa Rubeni balibajirirw'oluganjo baliri bihumbi makumi mane na ndarhu na magana marhano.²²Bayandik'oluganjo lwa bene Simoni,kukulikirana n'omulala,kukulikirana n'enju zab'eshe,omu kuganja ngas'irhwe kukulikirana n'amazino ngasi mulume,kurhonderera kumyaka makumyabiri kuhek'enyanya,aba boshi baliri nfola miherho. ²³Abalume b'omu buko bwa Simoni,balibanjirwe baliri bihumbi makumi marhano na mwenda na magana masharhu.²⁴Balibayandikirwe,bene Gadi,kukulikirana n'emilala yabo,kukulikirana n'enju zab'eshe omu kuganja amazino kurhonderer'oku myaka makumyabiri kuhek'enyanya,boshi baba nfola miherho; ²⁵Abalume b'omu buko bwa Gadi,baganjwagwa,baliri bihumbi makumi mane na birhano na magana ndarhu na makumi marhano.²⁶Bayandikwaga bene Yudakukulikirana n'enju zab'eshe,omu kuganj'amazino kurhonderer'oku myaka makumyabiri kuhek'enyanya,boshi baliri nfola miherho; ²⁷Abalume b'omu buko bwa Yuda baliganjirwe baliri bihumbi makumi gali mushanvu na bine na magana ndarhu.²⁸Baganja bene Isakare kukulikirana n'emilala,kukulikirana n'emilala,kukulikirana n'enju z'eshe : Omu kuganj'amazino kurhonderera ku myaka makumyabiri kuhek'enyanya,boshi baliri nfola miherho : Abalume b'omu buko bwa Isakare; baganjwagwa,baliri bihumbi makumi marhano na bine na magana mane.³⁰Bayandikwa bene Zabuloni kukulikirana n'emilala yabo na kulikirana n'enju za beshe; Omu kuganj'amazino kurhonderera ku myaka makumyabiri kuhek'enyanya,boshi baliri nfola miherho :³¹Baganj'abalume bihumbi makumi marhano na mushanvu na magana mane omu buko bwa Zabuloni.³²Oku bene Yusufu,baganja bene Efurahimu kukulikirana n'amashanja mabo,n'emilala yabo,omu kuganja amazino m'abalume baherh'emyaka makumyabiri na kurhaluka.Boshi balikwanene kuj'omu kasi k'enfola miherho. ³³Baganja balume bihumbi makumi mane na magana marhano omu buko bwa Efurahimu.³⁴Bayandika bene Manase kukulikirana n'amashanja mabo,n'emilala yabo,omu kuganja amazino m'abalume baherhe myaka makumyabiri na kurhaluka,alikwanene kuj'omu kasi k'enfola miherho. ³⁵Baganja balume bihumbi makumi masharhu na bibiri na magana mabiri omu buko bwa Manase.³⁶Bayandika bene Manase kukulikir'amashanja mabo n'emilala yabo,omu kuganja amazino m'abalume baliherh'emyaka makumyabiri na kurhaluka,boshi bali kwanene kuja omu kasi k'engabo. ³⁷Baganja balume bihumbi makumi masharhu na birhano na magana mane omubuko bwa Benjamina.³⁸Bayandika bene Dani kukulikiz'amashanja mabo,n'emilala yabo,omu kuganja amazino m'abalume baherhe myaka makumyabiri na kurhaluka,boshi balikwanene kukol'akasi k'enfola miherho. ³⁹Baganja balume bihumbi makumi masharhu na babiri omu buko bwa Dani.⁴⁰Baganja bene Aseri kukulikir'amashanja mabo,n'emilala yabo,omu kuganj'abalume baherhe myaka makumyabiri na kurhaluka. Boshi bali kwanene kuja omu kasi k'enfola miherho. ⁴¹Baganja balume bihumbi makumi mane na muguma na magana marhano omu buko bwa Aseri.⁴²Baganja bene Nafutali kukulikira amashanja mabo n'emilala yabo,omu kuganja amazino m'abalume baherhe myaka makumyabiri n'okurhaluka. Boshi bali kwanene kuj'omu kasi k'engabo. ⁴³Baganja balume bihumbi makumi marhano na bisharhu na magana mane omu buko bwa Nafutali.⁴⁴Aba babaganjwaga na Musa na aruni haguma n'abarhwali ekumi na babiri be Israeli; haliri muntu muguma oku ngasi mulala. ⁴⁵Baganja,kukulikir'emilala yabo,aba Izraeli boshi baherh'emyaka makumyabiri na kurhaluka,abalume boshi be Izraeli bali kwanene kuj'omu kasi k'engabo. ⁴⁶Baganja boshi haguma baba bihumbi magana ndarhu na bisharhu na magana marhano na makumi marhano.⁴⁷Bene Lawi,kukulikir'obuko bwa bashokuluza babo, bahirwaga mweli lisansima. ⁴⁸Nyamuzinda abaga ahere Musa ama mahano : ⁴⁹Orhakajir'oluganjo l'obuko lwa banya Lawi,orhakana ganja abana bage ahagarhi ka banya Israeli.⁵⁰Hereza abanya Lawi,akasi kehema lya mabuganiro,n'ebikoleso byalyo,na byoshi birimo. Behek'ehema n'ebikoleso byage byoshi;n'oku likolera n'oku handa eburhambi bwalyo.⁵¹Nk'ehema lyabunga,banya Lawi banalishanda n'amango lyahanda,abanya Lawi bana liyumanza. Nk'owundi yeshi aliyegerere anahabw'echihano ch'olufu. ⁵²Abanya Izraeli behande,ngasi muntu omu chihandiro chage,hofu n'ebendera lyage nko kwamarhwe gabalwa gali.⁵³Aliko Abanya Lawi bowe behande hofu n'ehema lya mabuganano, ly'oburhe bwani burhayinja enyanya w'olubaga lwa bene Israeli; Naba Lawi nabo babashinganen'okulang'ehema ly'obuhamirizi. ⁵⁴Bene Israeli nji bakenge amarhegeko moshi Nyamuzinda ahere Musa ,kubenajire ntyo.

¹Eli, ly'eburha lya Haruni na Musa,amango obu buko bwa Nyamuzinda aderhaga na Musa oku ntondo ye Sinai. ²Lolag'amazino ma bene Haruni : Nadabu, lw'olubere lwage, Abihu, Eleyazari na Itamara.³Mamazino ma bene Haruni amola,babashigagwa amavurha oku maboko nka badahwa n'okuhabwa akasi k'obudahwa. ⁴Nadabu na Abihu bobafiraga embere za Nyamuzinda,amango bamurhuliraga omuliro gw'elwahanda omu mpinga ye Sinai,nta mwana baliburhire,Eliyazari na Itamari,bowe bagendekeza omukolo gw'obudahwa,eri n'eshe Haruni achiriho.⁵Nyamuzinda aderha na Musa,amubwira : ⁶Lerha obuko bw'Abalawi hofu n'omudahwa Haruni,bamukolere.⁷Balange olubaga loshi n'ebikulo byoshi by'akanyamuzinda: bajire omukolo gw'omukanyamuzinda. ⁸Baleme balang'ebikoleso byoshi by'omushengero, n'ebiheberwe oku bulanzi bw'abana be Isiraheli: bajire omulimo gw'eshengero.⁹Abalawi wabaha Haruni n'abana bage;bahabirwe loshi loshi enyanya z'abana be Israeli. ¹⁰Wayimika Haruni n'abagala yi balema balolereze emikolo y'obudahwa omu shengero;n'omuhisi wakabashegerera ayirhwe.¹¹Nyamuzinda abwira Musa,aderha : ¹²" Lola,narholere Abalawi omu lubaga lw'abana be Israeli,ahali hokurhola abw'olubere boshi,b'abana be Israeli n'Abalawi baba bani. ¹³Bulala ngasi lubere luli lwe mwani;olusiku nayirhaga abana b'embere boshi be Misiri,nachirholera abana b'embere boshi be Israeli,abambere b'abantu n'abe birhungano : Baba be mwani. Ndi Nyamuzinda."¹⁴Nyamuzinda abwiraa Musa,omu mpinga ye Sini, aderha : ¹⁵Oganje abana ba Lawi, kushimbana n'enju z'abeshe, n'emilala yabo; oganje endume zoshi, ziherhe mwezi muguma ziburhirwe na kugendekera. ¹⁶Musa abaganja oku rhegeko lya Nyamuzinda,akulikira erhegeko ahabirwe.¹⁷Bano bene Lawi,n'amazino mabo mamano : Geresoni,Kohati Na Merari. ¹⁸Bene Geresoni bobano,kushimbulira n'emilala yabo : Libuni Na Simeyi. ¹⁹Bene Kohati bo bano,kukulikira n'emilala yabo : Amuramu,Izihari,Heburoni Na Usieli. ²⁰N'emilala ya Bene Berari eno : Mali Na Mushi. Y'emilala ya Balawi eyo,kushimbulira n'enju za b'eshe.²¹Gersoni y'eshekulu w'omulala gwa Libuni n'ogwa Shimeyi; Y'emilala eyo ya Bagersoni. ²²Oluganjo lwabo,olw'abalume boshi,ba mwezi muguma bali na kugendekerera,abaliganjirwe baliri bihumbi mushanvu na magana marhano. ²³Emilala ya bagersoni bahanda enyuma ya ka Nyamuzinda okulunda lw'ebuzikiro bw'ezuba.²⁴N'omukulu w'enju y'eshe wa bagersoni aliri Elisafu mwene Laeli. ²⁵N'obulanzi bwa bene Gersoni omu nju ya ka Nyamuzinda buli nju ka Nyamuzinda,n'enju,n'aka Nyamuzinda mufuniko gwage,n'echibambazi ch'olunvi lwa ka Nyamuzinda, ²⁶n'ebibambazi by'emishangi y'ahantu h'oku kalabira n'omushangi g'omukuja omu hantu h'oku kalabira, eburhambi boshi bwa ka Nyamuzinda na hofu n'olurhamba enyunda zoshi,n'emigozi yalo oku bukozi bwage boshi.²⁷Kohati aburha omulala gwaba Amurami,n'ogw'aba Jisehari,n'ogwaba Bebronia n'ogwaba Uzieli,aba Bayeneza emilala yaba Kohati. ²⁸Omu kuganja endume zoshi za mwezi muguma ziburhirwe kugendekera enyanya,habonekana bantu bihumbi munane na magana ndarhu,bali habirwe omukolo gw'oku kwiza ahachesibwa. ²⁹Emilala ya bene Kohati yali lamire omu charagati ch'olurhamba .³⁰Enju ya beshe b'emilala yaba Kohati yali yumangirwe na elisafani,mwene Uzieli. ³¹Bahabwa oburhegesi bw'okulanga enju ya Nyamuzinda,n'ameza,n'echinaniko,olurhamba,ebikoleso by'ahachesibwa,ebi bakolesa mw'akasi,n'ebiyilolere byoshi. ³²Eliyazari y'ewaliri mukulu wa bakulu b'Abalawi,ye mwene omudahwa mukulu Haruni;Yi walemaga arhangula abali habirwe omukolo gw'okukwiza olurhamba.³³Merari aburha omulala gwa Machili n'ogwa Mushi,bayumbaka emilala y'aba Merati. ³⁴Abaganyagwa boshi b'abalume kurhenga mwezi muguma baburhirwe n'akugendekerabaliri bihumbi ndarhu na magana mabiri. ³⁵N'omukulu w'enju eshe w'emilala ya Merari aliri Zurieli mwene Abihaili,Balihandire oku lunda lw'emalambo gw'olurhamba.³⁶Obulanzi bwa bene Merari bwalirhegekerwe oku zaba mbaho z'eshengero n'emirhi zalo,n'enkingi zalyo,n'entebe zalyo,n'ebikoleso by'olurhamba byoshi na byoshi binalirimo; ³⁷n'enkingi z'embuga enyunda zoshi,n'entebe zayo,n'emisumari yazo,n'emigozi zayo.³⁸Musa na Haruni n'abagala balame emalangambere g'olurhamba,okulunda lw'ebushoshokero bw'ezuba,emalangambere g'enju y'oku furhisa ebarati,bahabirwe omukolo gw'okulanga ahachesibwa, oguhabiirwe oku bana b'e Israeli; n'omushumba owankashegeraho ahanwe n'olufu. ³⁹Abalawi boshi babalume baherhe mwezi muguma baburhirwe na kugendekera,aba Nyamuzinda arhegekaga Musa na Haruni mpu baganje kushimbulira n'emilala yabo, baliri bihumbi makumyabiri na bibiri.⁴⁰Nahano abwira Musa : oganje abarhabana bw'olubere baherhe mwezi muguma baburhirwe na kugendekera,omu bana baba Israeli ,onabaganje kukulikira amazino mabo. ⁴¹Oyinji ntolera Abalawi,bani,nyono Nyamuzinda,ahali habana boshi bambere baba Israeli,n'ebirhungano byabo ahali hebirhungano byoshi byambere by'abana baba Israeli.⁴²Musa aganja ababurhwa bambere boshi omu bana baba Israeli,kushimbulira n'erhegeko Nyamuzinda amuhaga. ⁴³Ababurhwa bambere boshi babarhabana abaganjagwa amazino,baherhe mwezi muguma baburhirwe na kugendekera,baliri bihumbi bibiri na magana mabiri na makumi gali mushanvu nabasharhu.⁴⁴Nyamuzinda abwira Musa,aderha : ⁴⁵Rhola Abalawi ahali habana bambere boshi baba Israeli,n'ebirhungano by'Abalawi ahali hebirhungano byabo,n'Abalawi baba bemwani ndi Nyamuzinda.⁴⁶Omu kuchungula abo baburhwa bw'olubere magana mabiri na makumi gali mushanvu n'abasharhu barhalukire oluganjo lw'Abalawi, baba Israeli, mwabo b'abana bw'olubere baba Israeli, ⁴⁷nji warhola furanga erhano oku ngasi rhwe lya ngasi muntu; wankazirhola kushimbulira n'okw'olu furanga lwa hachesibwa luli lwa gera makumyabiri. ⁴⁸Nji wahan'efuranga emwa Haruni n'abana bage, enyanya ya balala barhalukir'oluganjo lw'Abalawi. Oku gombola abo barhalwise oluganjo lwa Balawi. ⁴⁹Musa arholaga efuranga z'abachungulwaga barhalukaga oluganjo lw'abachungulwaga n'Abalawi. ⁵⁰Arhola efuranga z'abana bw'olubere be Israeli: Franga Chihumbi na magana masharhu na makumi gali ndarhu n'erhano nka franga z'olurhamba. ⁵¹Na Musa ahana efuranga z'okuchungula emwa Haruni n'abagala, oku rhegeko lya Nahano, omu kukulikirana n'erhegeko Nahano abaga ahere Musa.⁴⁹Musa arhola zila furanga za gombolaga balala bw'olubere bagombolagwa n'Abalawi; ⁵⁰Arhola efuranga z'oku bana b'olubere babana b'e Israeli;za liri chihumbi na magana masharhu na makumi gali ndarhu n'erhano,kukulikiran'efuranga z'aha chesibwa. ⁵¹Na Musa aha Haruni n'abagala oku rhegeko lya Nyamuzinda nk'oku Nyamuzinda anabaga arhegekere Musa.