¹Abatu bangi bamalire okhukesakho okhutekekha wulayi mu khuwandiika ebitu ebitukholekhiremo, ²wusa nga lu byesewa assi khwifwe nende abo abatusokha okhwewonera abene khandi nga bakhosi bemboosi. ³Nolwesyo, esse sessi samwene nga nimalire wunanu okhwekhalirisa wulayi nawuli situ okhutula khunjaka, syawonekhana sirayi sessi yindi okhuwandiika emboosi mu wulungifu eyiri enywe, omwolerefu Teefiro, ⁴khuwemewo omanye amasima kebitu biwasomesewa. Okhwiwulwa Khwa Yokana Omubatiisi khulakulwakho.⁵Mundaalo cha Kerode Omwenengo wa wuYudaaya aliwo khawona erita lyaye kali Sakaliya, owali owo mu Lulyo lwa bakhawona ba Abbiya; omukhasi waye Erisabeti yesi kali owolulyo lwa Alooni. ⁶Manu bombi bali balawota mu moni cha Weere, bakenderanga mu malako koosi nende ebidakhiwa byoMwami, nga bolerefu mu ngira chosi choosi. ⁷Ne sibalikho nabaana, khulwokhuba Erisabeti kali mukumba; khandi bombi bali bayesise emyaka.⁸Awo olwola Sakaliya, nikali nakhola omulimo kwowakhawona mu moni wa Weere, ⁹kangaliwa mu khalulu, okhulondana nensambo cha ba khawona bakhulutu, okhucha mu nyumba yOMwami okhuniyokhesa owubbani. ¹⁰Ne mu bikha byokhuniyokhesa owubbani nibyali byolire, abasabi abali ni bewusise boosi bali basabira erwanyi.¹¹Awo malayika woMwami kamuwonekhera, nikemire oluwande lwomukhono mulungi kwo khuwolutali eyiri owubbani. ¹²Ne Sakaliya nikamuwona, kesindukha khandi amatichasi kamudiira. ¹³Ne Malayika kamuwolera ati: otatya, Sakaliya; khu lwokhuba okhusaba khwawo khuwuliiywe. Omukhasi wawo Elisabeeti anakhakhwiwulire omwana musyani, onakhamukulikhe erita Yokana.¹⁴Aliba esangaalo nokhwekhoya yuli, ne bangi abalisangalira okhwiwulwa khwaye, ¹⁵khuba aliba omukali mu moni choMwami. Ne syalinywa malwa oba esinywewa sibbakhe, khandi anakhechusiwe nende omwoyo mwolerefu okhutulira mu khwiwulwa khwaye.¹⁶Bangi khu batu ba Yisirayiri balikowosa eyiri Omwami Weere wawe. ¹⁷Khandi alichanakana mu moni choMwami, mu mwoyo nowunyala wEriya, okhukalukhaniya emyoyo cha basaawe okhukowola khu baana baawe nende banantakerakwa okhukowoola khu ngira yamakesi kowolerefu__ acha okhukhola abatu babe nga betekekhera Omwami¹⁸Ne Sakaliya kateeba malayika oyo ati, Sino ese na khasimanye ntye? Ese ndi mukofu nomukhasi wange yeesi achiririye mumyaka. ¹⁹Ne malayika kamukowoolamo ati, Nise Kawudyeri. Owemanga mu moni cha Weere khandi natumiwa okhulomaloma nawe nokhukhuwolera emboosi ndayi chino. ²⁰Wunanu wona ocha okhuwulera khandi sucha khunyala okhulomaloma okhwolera erala khu ludaalo lu bitu bino lubiryekhola, khulwokhuba syofukiriye emboosi change, echicha okhwolerera mundaalo chabyo.²¹Ne abatu abali nibalindiriye Sakaliya erwanyi bawuka khu lwasi akhindire mu nyumba ya Weere. ²²Ne nikatula erwanyi, sikanyala okhulomaloma nabo. Ne bamanya baati afunire okhuwonekherwa mu nyumba ya Weere, kasikala nakhosesa owuwonero yibali kasikala natanyala okhulomaloma. ²³Endaalo chaye echokhuweresa nichawa, kakowolayo engo.²⁴Bino nibiweye, omukhasi waye Erisabeesi kayera enda kamala embaka yemyesi chitanu kamenya mu wekisi. Kawola ati, ²⁵Omwami kankholera sino', mu ndaalo chino kantusisekho ensoni mu moni chabatu. Okhulakula Khwokhwiwulwa Khwa Yesu.²⁶Mu mwesi kwo mukaaga, Weere katuma Malayika Kawudyeri okhucha e Nasalesi mu siko sye Garilaaya, ²⁷khu mukhaana otamanyire musaacha owali nafukirisanisye okhudekhera omusaacha yibalanga Yosefu, owomusikha sya Dawudi. Erita lyomukhaana otamanyire musaacha Malyamu. ²⁸Malayika kacha yali kamuwoola ati, Yokakho ewe eweywe enkhabi! Omwami ali nawe. ²⁹Malyamu kesindukha lukali khu lwemboosi chaye khandi kawuka okhukhesa okhwo sikhwekesa.³⁰Ne Malayika kamukowolamo ati, Otatya Malyamu olwokhuba Weere akhuweye enkhabi. ³¹Manu wona ocha okhuwera enda wiwule omwana we sisyani, onakhamukulikhe erita oti Yesu. ³²Oyo aliba mukali balimulanga baati omwana woyo oli amukulu lukali. Khandi Omwami Weere alimuwa esisala syowutuki esya simwana Dawudi. ³³Khandi alifuka enyumba ya Yakobo endaalo choosi nolwesyo owenengo waye siwuliwawo.³⁴Malyamu kateeba malayika ati, Siriba siitye sino ngese otamanyire musaacha? ³⁵Ne malayika kakowolamo nawoola ati,Omwoyo mulafu acha okhukhwikhakho khandi amaani koyo oli amukulu lukali kacha okhukhuwutawutira. Manu nomwana yocha okhwiwula acha okhulangiwa omwolerefu, omwana wa Weere.³⁶Ata nende omukhaana wenywe Elisabeeti ali nenda yomwana mu syani mu wukofu waye. Kuno nikwo omwesi kwaye kwo mukaaga, owalangiwanga omukumba. ³⁷Khulwokhuba yiwuma esitanyalikha eyiri Weere. ³⁸Malyamu kakowolamo ati, wona ese ndi omukhosi Womwami lekha simbekho nga lwowoye. Awo Malayika namala amulekha. Malyamu Akeniya Erisabeti³⁹Mu ndaalo echo malyamu kasingira kaacha mangu musyalo syengulu mu siko sya Yuda. ⁴⁰Kengira mu mako ka Sakaliya kakheesa Erisabeti. ⁴¹Ne Erisabeti nikawulira enkheesa ya Malyamu, omwana kachaka okhutumakala munda, manu Erisabeti kechusiwa nomwoyo mulafu.⁴²khandi kalomalomera mu kono lyamukulu ngawoola ati: Oweresewe enkhabi mu bakhasi boosi, khandi ayeresewe enkhabi omwana yocha okwiwula! ⁴³Ne lwasina mberesewa enkhabi, Syaba mbo Nηηina yo’Mwami wange keecha yindi? ⁴⁴Khangu awo okhukheesa khwawo nikhwingiye mu matwi kange, omwana oli munda yange atumakaaye olwesangaalo. ⁴⁵Ali ne’nkhabi owafukiriye ati Omwami bikamuwoolera biryolerera!” Olwembo Lwa Malyamu:⁴⁶Ne Malyamu kakowolamo nawola ati: Ebibaso byange bifumya Omwami ⁴⁷Nomwoyo kwange kusangalira mu Weere Omuwoniya wange,⁴⁸Khulwokhuba kechulisise embeera yowulonga yomukhosi waye. Okhutula wunanu nokhwemeedayo ese nebikha byosi byoosi birinanga owenkhabi, ⁴⁹Khulwokhuba omwene wunyala kankholeye ebikhulutu__ omulungifu nje erita lyaye.⁵⁰Nesisa syaye sicha syola khu abo abamutya, okhutula mu lusse okhucha khulundi. ⁵¹Akholire ebyowunyala nomukhono kwaye; asalanisye abo abepakha mu bibaaso byawe ebyomukati.⁵²Kerusisye abatuki khu bisaala byawe, akhusise abalonga. ⁵³Abali nenjala abekusise nebitu birayi Ne abanyali aberusisye nibali makhono wusa.⁵⁴Ayeedire omukhosi waye Yisirayiri, nikechulisa, okhuba owesisa ⁵⁵Eyiri Yibulayimu nende esaaye lyaye endaalo choosi, nga Iukawolera ba seefwe.⁵⁶Malyamu kamenya nende Erisabeti okhumala ambi emyesi Okhwiwulwa Khwa Yokana Omubatiisi. ⁵⁷Manu endaalo cha Erisabeti okhwiwula nichola, kewula omwana omusyani. ⁵⁸Abamusiribanire alala nende abesikha syaye nibawulira baati Weere akwiriye Erisabeti esisa singi siityo, beecha basangalira alala naye.⁵⁹ Ne oludaalo lwo munaana nilwola becha okhukheba omwana oyo, bali badakha okhumukulikha erita lya simwana baati Sakaliya, ⁶⁰ne ŋina kakowoleramo amukulu ati, “khaba! Acha okhulangiwa Yokana.” ⁶¹Bamuwoolera baati, “Musikha syawo simuli mutu yibalanga erita eryo.”⁶²Bakholera simwana sidimbe nibadakha bamanye nga lukakhamulangire. ⁶³Naye kabasaba ekina kawandikakho ati, Erita lyaye nje Yokana. Abatu baye bawuka.⁶⁴Manu awene awo omunwa kwa Sakaliya kwekukha olulumi niluwololokha, Kachaka okhulomaloma, nikebasa omulongi. ⁶⁵Owuti wecha wadiira abamusibiranire,khandi abatu boosi musyalo syengulu che wu Yudaaya beecha balomaloma khu biitu bino. ⁶⁶Manu abo boosi ababiwulira bawuka mu myoyo chawe nibawoola baati, Naye omwana oyo kakhabe siina? Khulwokhuba omukhono kwOMwami kwali alala naye. Olwembo lwa Sakaliya.⁶⁷Sakaliya simwana Yokana kechusiwa omwoyo mulafu, kachaka okhutumbula ebidiira khu mwana oyo nawola ati: ⁶⁸Akinisiwe Omwami, Weere wa Yisirayiri, khulwokhuba asyaliye khandi anunuye abatu baye.⁶⁹Khandi atusingisiye olwika lwowuwoniya mu nyumba yomukhosi waye Dawudi ⁷⁰(nga lukasilomalomera okhubitira mu banabbi baye abolerefu abaliwo mundaalo enkhale, ⁷¹okhuwonesewa mu basiku befwe nende mu mukhono kwabo boosi abatatudakha__⁷²Okhwekesa esisa khu ba kuuka yefwe nokhukhewulira endakaano yaye enjolereefu, ⁷³Okhwoseresa esyechubo sikalayira eyiri kuuka yefwe Yibulayimu: ⁷⁴okhutuwoniya efwe okhutula mu mukhono kwa basiku befwe, nokhutunyalira khu mukholere nga awuma sikhutya ⁷⁵muwolerefu nende mu wulungifu mu moni chaye endaalo chefwe choosi.⁷⁶Nawe, mwana wange, onalangiwe Nnabbi woyo oli amukulu lukali; khulwokhuba olitangira emutwe woMwami okhumuteresera engira, ⁷⁷okhuweresa abatu baye amakesi kowuwoniya Okhubita mu khubalekheramo ebibi byawe,⁷⁸Khu lwokhuba esisa syaye sirayi sya Weere wefwe, eryuba litutuliyeyo okhutula mwimukulu. ⁷⁹Okhwadukhira abatu abo abekhala mu sirema nende mu sinikha syokhufwa, okhulungikha amakulu kefwe mungira ye mirembe.⁸⁰Manu omwana kakhula khandi kemeeda okhuba omwomifu mu mwoyo; kamenya mu sibbarara okhwoola oludaalo lukekeserwa alafu mu Yisirayiri. Okhwiwulwa Khwa Yesu.

¹Mu ndaalo echo elako lyatula eyiri Kayisali Agusito eryabatu boosi okhubaliwa muwutuki woosi owa ba Roma. ( ²Khuno nje okhwali okhubala abatu okhwasookha okhubawo Kuleniyo ni kali nafuka Busuli. ) ³. Boosi bacha okhubaliwa nawuli mutu musiko syewawe.⁴Nende Yosefu yesi katula e Galiraaya musiko sye Nasalesi, kanina e Wuyudaaya, okhucha mu siko sya Daudi sibalanga baati Beserekemu, khulwokhuba kali wo munyumba khandi nga wo musiikha sya Daudi. ⁵Kachaayo keyandikise nende Malyamu, yikali nasubisise naye okhudekhya, nali nenda.⁶Nibali nibali eyo, endaalo chaye chokhwiwula choola, ⁷kewula omwana waye owamberi, omusyani. Kamuwikha mu nguwo echabaana badoto kamukoniya mu sidwooli khu lwokhuba mu nyumba ya bakeni simwalimo sifwo. Abaayi Nende Bamalayika.⁸Aliwo abaayi abekhalanga khu ttale ni balinda amakoondi kawe esiro mu wuleeka. ⁹Awo Malayika womwami kabawonekhera, noluyaali lwOmwami lwadukha lwabewodokhaniya, manu baatya.¹⁰Ne Malayika kabawoola ati mutatya, Khulwokhuba wona ndikhubaletera emboosi ndayi echesangalo eririba eyiri abatu boosi. ¹¹Leero mu siko sya Dawudi kewuywe yimuli omuwoniya; nje Kurisito Omwami. ¹²Khano nje akhawonero yimuli: munawone omwana mudoto nibamuwoyire munguwo chabaana badoto niba mukonisye mu sidwooli.¹³Ne amangu ako aliwo nende esinawungi sya ba Malayika abe eye lwo mukulu, nibakiniya Weere baati, ¹⁴Oluyali lube eyiri Weere amukulu lukali, nende mu syalo emirembe chibe eyiri abatu basimiiwa.¹⁵Awo olwola bamalayika batula yibali okhukowola mukulu, abaayi bawoolanira baati manu khuche eBeserekemu khuwone esitu sino esyekholekhire, Omwami syatuwoleye. ¹⁶Nibasingira nibacha wangu nibawona Malyamu nende Yosefu, nomwana mudoto, nibamukonisye musidwooli.¹⁷Nibamala okhumuwona, bawunusa emboosi chibabawoolera khu mwana ono, ¹⁸boosi abawulira bawuka ebyabaayi bi babawoolera. ¹⁹Ne Malyamu kabiikha emboosi echo choosi nga achibasangakho mu mwoyo kwaye. ²⁰Nabaayi bakowolayo ewawe, nibakiniya khandi nga baweresa Weere oluyaali khu lwebyo byoosi bibawona khandi nende bibawulira khulwokhuba byali wusa nga lu babawooleye. Yesu Ayiriwa Mu Nyumba Ya Weere.²¹Ne oludaalo lwomunana nilwola, nga nje ebikha ebyo’khumukheberamo, bamukulikha erita Yesu, lira malayika likali namuweeye nataba munda yanηina.²²Ne’ndaalo nichola ech’okhulabisiwamo, babe abolerefu ng’amalako ka Musa lukali, Yosefu nende Malyamu batula awo bamwambusa e Yerusaalemi okhumwekesa eyiri Omwami ²³(Nga lu syawandikiwa mu lako lyo’Mwami liiti wuli mwana musyani omwikulanda wa nηηina acha okhuwewangayo eyiri Omwami)”, ²⁴nende okhuwayo okhwebasanga elako lyo Omwami nga lu liwoola liiti; “amawusi kabiri oba tu nawuruku tudoto tubiri.²⁵Wunanu mu Yerusaalemi mwalimo omusaacha nga bamulanga Simyoni, kali mulungifu khandi nga atya Weere. Ngalindirira okhusangasiwa khwa Yisirayiri khandi omwoyo mulafu kamulikho. ²⁶Oyo omwoyo mulafu kali kamwikulirawo ati ata khaba syalifwa natawona Kurisito wOmwami.²⁷Manu nga kechuuye nomwoyo mulafu, kengira mu nyumba ya Weere. Wunanu abewusi ba Yesu nibali khu bali okhumwingisa mu nyumba ya Weere baati bamukholere nga amalako ka Musa kawoola, ²⁸Simyoni kawukula Yesu kamukinga mu makhoono, kebasa Weere, kawoola ati: ²⁹Omwami woluyaali, nga lu wasubisa, wunanu lekhula omukhosi wawo awewo mu mirembe.³⁰Olwokhuba emoni change chimalire okhuwona owuwoniya wawo, ³¹wuwali wamwene watekekha mu moni cha batu boosi, ³²owulafu wokhuwikhulirwa eyiri abatende khandi owulayi eyiri abatu bawo Yisirayiri.³³Manu simwana nende nηηina bawuka lukali ebitu byali ni bimulomalomwakho. ³⁴Khandi Simyoni kabasabira enkhabi manu kawolera Malyamu, nηηina ati: “Omwana ono ateywewo khu lwokhukwa n’okhusingira khw’abatu bangi mu Yisirayiri, nende okhuba akhawonero akhokhulomwalomwakho wubi, ³⁵kho ebibaso bye myoyo mingi biwonekhe alafu. Khandi okukhande kucha okhufumita omwoyo kwawo kwosi.³⁶Khandi aliwo nabbi mukhasi, Ana, omukhaana wa Fanweri owomusikha sya Aseri. Kali mukofu lukali; Kaba nende wamwe emyaka musanfu okhutula adekhe, ³⁷ne khandi kaba mufwire nga kakhamala emyaka kinaana munya. Sikatulanga mu nyumba ya Weere, naye kabanga wusa omwo nasaba khandi nawonga; alala nende okhwekalikhira Weere esiro nesideete. ³⁸Kolerawo ebiikha byene ebyo, kebasa Weere khandi kalomalomera abo boosi abali balindiriye okhuwonesewa khwa Yerusalemi ebidiira khu mwana oyo.³⁹Ne Yosefu nende Malyamu nibamala okhwoseresa byosi byoosi nga amalako koMwami lukalagira, bakowolayo mu Galiraaya mu siko syawe syene esye Nasalesi. ⁴⁰. Manu omwana oyo kakhula khandi kaba owamaani; nikechula amakesi, khandi enkhabi ya Weere ya mulikho. Omusimbukha Yesu Mu Nyumba Ya Weere.⁴¹Nawuli mwaka abewusi baye bachanga e Yerusaalemi khu muyumo kwa Pasaka. ⁴²Manu, Yesu nikosa emyaka ekhumi na chibiri e chowukhulutu, baniina bacha khu muyumo, nga lubakholanga. ⁴³Ne omuyumo ni kwawa, nibali nibakowolayo engo, omusimbukha ono Yesu, kadonηηa enyuma mu Yerusalemu. Ne sino abewusi sibasimanya. ⁴⁴Ni babaasa baati ali alala nabo, bakenda oludaalo olulamba nga sibamuwona. Manu bachaka okhumukonya mu balebe bawe nende mu becha.⁴⁵Nga lubatamwakaana, bakowolayo e Yerusalemi okhumumukonya. ⁴⁶Endaalo chidatu nichabitawo bamwakaana nali mu nyumba ya Weere, nikekhaye akati mu bekesa, nga ali khubatekeresanga khandi nga’bateeba ebiteebo. ⁴⁷Manu abo boosi abawulira bikali nawoola bawuka lukali amakesi kaye nende engeri yikali nga akowolamo ebiteebo.⁴⁸ Naye abewusi baye nibamuwona, bawuka lukali. Manu nηηina kamuwolera ati, “Mwana wange, lwasina otubisisye oti? Ese nende latawo khu khukonyire nikhweralikhiriye.” ⁴⁹Naye kabateeba ati; “Lwasina mubeye mungoonya?” “Mubeye simumanyire muti nkhoyera okhuba mu nyumba ya Bbabba?” ⁵⁰Manu sibamanya sikali nabawoolera.⁵¹Manu kasingira kekha e Nasalesi nabo khandi kaaba omuwulise yibali. Naye nηηina kabiikha ebitu bino byoosi mu mwoyo kwaye. ⁵²Yesu kemeeda okhukhula mu makesi nende mu mubiri nga adakhiwa nende Weere na’batu. Yokana Omubatiisi Atekekha Engira.

¹Kwali mwaka kw’ekhumi nende chitanu Tibberio Kayisaali nafuka __ Potio Pilato nje owali Gafana owe wuYudaaya, nga Kerode Taturachi owe Galiraaya, naye Firipo mwanaηηina nje owali owe Yitureya nende Turakoniita, Lusaniya Taturachi owali owe Abbilene__ ²mu bikha bya Ana nende Kayaafa nje abali ba khawoona bakhulutu, embosi ya Weere yechera Yokana omwana wa Sakaliya nali mu sibarara.³Kacha mu bitundu bya Yoludani byoosi, nga’wuliira okhubatisiwa khwo khweyolobya olwo’khutusiwakho ebibi.⁴Nga lusyawandikiwa musitawo sya Nabbi Yisaaya: Ekoono lyoyo olomalomera mu sibarara, Muterese engira yomwaami, mukololose engira chaye.⁵Wuli lukhookho lulichusiwa, Engulu chosi nebigingi biriisiwa. Engira chekodakoda chirikololwa, Ne echo echebisirikho chirikwalaasiwa. ⁶Khandi wuli mutu acha okhuwona owuwoniya wa Weere.⁷Yokana kawolera ebidiikha ebyali nibyetusiseyo okhubatisiwa naye ati, Enywe abaana benjokha! Nanu owabalawula muwone etiima licha okhwicha?⁸. Mwame esyamo esikhoyera okhuliinda okhweyolobya. Khandi mutakesakho okhulomaloma mu myoyo chenywe muuti, Khuli nende kukka yefwe Yibulaimu.Mbawolera nti, sinyalikha Weere okhukalukhaniya amakina kano kaaba baana ba Yibulaimu.⁹Eyaywa yatereywe musisikha syemisaala, nawuli musaala kutatakho ebyamo birayi kucha okhutemewa kusukuniwe mu muliro.¹¹Yokana kabakowolamo ati, “Oli namakanju kabiri awekho oyo owuma, oli nende ebyo’khulya, yesi akhole atyo,” ¹⁰. Omukhuηηano kwamuteeba kuuti, “Khukhole si?”¹²Abasolosi bemisolo becha bosi okhubatisiwa. Bawoola baati musomesa khukhole si? ¹³Kabawoola ati, “Mutasolosanga okhukhisawo khusikero sibabawola.¹⁴. Wunanu abasirikale bandi bamuteeba baati, khunakhole si? Kabakowolamo ati, mutanyuulanga abatu erubya khandi mutayinganga abatu bibatakholire__ omusara kwenywe kubamalenge.¹⁵Abatu bali balindiriye nende essubi nibabasirisa mu myoyo chawe baati Yokana nje onyala kaaba Kurisito. ¹⁶Yokana kabakowolamo boosi ati, ndi khubabatisa namachi. Ne oyo owukhisakho amaani acha okhwicha, nebirato byaye sinkhoyera okhuwolola ensiya chabyo, nokhubatisa khwaye alibabatisa no’myoyo mwolerefu no’muliro.¹⁷Oluderu lwaye luli mu makhono kaye okhukhonja no’khuserecha amadette no’mukhuchi nokhuwunga eŋaano musyaki, no’mukhuchi namadette alibisamba nomuliro kutasima.”¹⁸ Ne mboosi chindi enyingi Yokana kabakhutira lukali khandi nabawulilira emboosi ndayi. ¹⁹Yokana nikakesakho okhwolobya Kerode owe’Ssasa olwa Kerodiya, mulamuηηene, ne ebibi bindi byoosi bikali nakholire, ²⁰Kerode kabimedakho bino byoosi: kamudiira kamuta mu jeera. Okhubatisiwa Nende Ensiwukho Ya Yesu.²¹Abatu boosi nibali nibabatisiwa, Yesu yesi kabatisiwa. Khandi nikali nasaba, ekulu lyekukhawo ²²ne Omwoyo mulafu kamwikhakho mu sifananyi syomubiri ngewusi. Nekoono lyatula mukuli niriwola liiti: Niwe omwana wange omukoosi, yindakha; mwiwe nkhusangaalira lukali.²³Ne Yesu mwene nikali ambi okhwosa emyaka asatu echowukhulutu nje akachakira owuweresa waye. Kali mwana, sakira syabasiiwa nga wa Yusufu, omwana wa Eri, ²⁴Mwana wa Matati, Mwana wa Lefi, mwana wa Mereki, mwana wa Yanari, mwana wa Yusufu,²⁵ mwana Matasiya, mwana wa Amos, omwana wa Nakumu, mwana wa Esuli, omwana wa Nagayi ²⁶Omwana wa Maasi, omwana wa Matasia, omwana wa Semeyini, omwana wa Yoseki, omwana wa Yoda²⁷Omwana wa Yokanani, omwana wa Leesa, omwana wa Serubaaberi, omwana wa Seyalutiyeli, omwana wa Neeri ²⁸Omwana wa Mereki, omwana wa Adi, omwana wa Kosamu, omwana wa Erumadamu, omwana wa Eri ²⁹Omwana wa Yoswa, omwana wa Eliyesa, omwana wa Yolimi, omwana wa Mattati, omwana wa Leefi,³⁰Omwana wa Simon, omwana wa Yuda, omwana wa Yosefu, omwana wa Yonaanu, omwana wa Eliyakimu ³¹Omwana wa Meleya, Omwana wa Meena, omwana wa Matasa, omwana wa Nasani, omwana wa Dawudi, ³²omwana wa Yese, omwana wa Obbeedi, omwana wa Bowasi, omwana wa Saalumoni, omwana wa Nakusoni,³³ omwana wa Aminadabu, omwana wa Aluni. omwana wa Kesironi, omwana wa Peresi, omwana wa Yuda ³⁴Omwana wa Yakobo, omwana wa Isaaka, omwana wa Yibulayimu, omwana wa Teera, omwana wa Nakoli ³⁵omwana wa Serugi, omwana wa Lewu, omwana wa Peregi, omwana wa Ebbeli, omwana wa Seela³⁶Omwana wa Kayinani, omwana wa Alipakusadi, omwana wa Semu, omwana wa Nuuwa, omwana wa Lameki, ³⁷omwana Misuseera, wa Enoki, omwana wa Jaredi, omwana wa Mahalaleeli, omwana wa Kayinani ³⁸Omwana wa Enosi, omwana wa Seesi, omwana wa Adamu omwana wa Weere.Okhukhememwa Khwa Yesu.

¹Yesu, nikechuye nomwoyo mulafu kakowola natula mu Yoludani nga tangiriywe nomwoyo mulafu kacha mu sibarara, ²yikamala endaalo amakhumi kane nga akhemewa nende sitani, sikalya khu situ syosi mundaalo echo choosi, ne nichawa enjala yachaka okhumuluma.³Sitani kamuwoola ati, “noba noli mwana wa Weere, kalukhaniya ekiina lino lifukhe omugatti.” ⁴Yesu kamukowolamo ati, “syawandiikiwa siiti: omutu syacha khubawo khu lw’omugatti kwo’ηηene.’”⁵Sitani kamuyira kamuniniya amukulu khandi kamwekesa owenengo woosi owomu syalo. ⁶Sitani kamuwoola ati, Ndakhuwe ewe owunyala wuno woosi nowuyiinda wamwo, khubanga ese nawewa, era ngabirakho nawuli yindakha. ⁷Manu nonanyinamire, bino byoosi binaabe byawo.⁸Yesu kakowolamo nawoola ati, syawandikiwa siiti: Winamiranga Omwami Weere wawo khandi omukholerenge yeηηene.’”⁹Setani kamuyira e Yerusalemi kamuta khusirama sy’enyumba ya Weere, kamuwoola ati, “Nooba noli omwana wa Weere yema ano otuume okwe assi.” ¹⁰Khu lwokhuba syawandiikiwa siiti: “‘alikhutumira ba malayika baye bakhulindira erala; ¹¹khandi ati, bali khudiririra mu mikhono chawe okhaye okhwekumula khu kina.¹²Yesu kakowolamo, namuwoola ati, Syalomalomwa siiti: otakhemanga Weere Omulongi wawo. ¹³Setani nikamala ebyokhumukhema byosi byoosi, kamulekhakho embaka okhwola ebikha byene lubiryola. Yesu Bamukhaya E Nasaleesi.¹⁴Manu Yesu kakowolayo e Galiraaya nali mu maani ko'mwoyo, enfuma yaye yaswaniya mu ngoongo choosi echisibiranire esyalo esyo. ¹⁵Kasomesa mu sinaggogi chawe, wuli mutu kamukiniya.¹⁶Kakowola e Nasaleesi, yikakhulira, oludaalo olwa sabbiti keecha kengira mu Sinaggogi, nga lu yali enkhola yaye. Kasingira keema okhusoma. ¹⁷Beecha bamuwa esitawo sya Nabbi Yisaaya. Nikali nabambula, kawukaana awutu abawandika baati:¹⁸Omwoyo wa Weere kandiikho, khulwokhuba kanjukhakho amafuta okhuwuulira amawulire malayi eyiri abaati. Kantumire okhulangirira okhulekhuliwa khwabawaambe nokhulimbula khwabawofwu, nokhulekhulwa khwa bali muwunyiki, ¹⁹okhulangirira omwaaka kwOmwami okwolukoosi.²⁰Kawikha khu sitawo kasikowoseera omukhosi wo mu nyumba ya Weere, kekhala assi. Emoni chabatu bosi boosi abali mu Sinaggogi ba mukhadaasa, ²¹kachaka okhubawoola ati, leero ebyawandiikiwa binno byolereye mu matwi kenywe. ²²Bosi boosi bamulomalomakho wulayi khandi bawuka lukali khu lwemboosi ndayi echali chitula mu munwa kwaye. Manu bateeba baati, Ono sinje omusoliri wa Yosefu?²⁴Kakowolamo nawoola ati, mbawoolera amasima nti awumawo nabbi yesi ofukirirwanga mu siko sye wawe. ²³Yesu kabakowolamo ati, Masima mulingaadakho olukaado luno muti: Omusawo, wewoniye wa mwene! Khola ano mu siko syewenywe bikhwawulira khuti wakhola mu Kaperanawunu.²⁵Mbakhakhasa nti aliwo abafwire bangi mu Yisirayiri mu ndaalo cha Eriya, ekulu lyekaliwawo emyaaka chidatu nesitundu enjala nyingi yakwa mu syalo syosi syoosi. ²⁶Eriya khaba sikatumiwa eyiri boosi, okhumalakho omukhasi mufwire owe Sereefasi mu syalo sya Sidoni. ²⁷Khandi aliwo bangi abe bigenge mu Yisirayiri mu ndaalo cha nabbi Erisa, ne si yali khaba mulala khwabo owawonesewa okhutusaakho__ Naamani omusuli.²⁸Nibawulira emboosi echo abatu boosi mu sinaggogi bechula ettima. ²⁹Basiingira bamubirikisa erwanyi we siko bamuyira mu mbaka yolugulu lubombakhakho esiko syawe nga badakha okhumusindikha akwe era assi. ³⁰Ne kababita akati wesidiikha kawawo. Yesu Kerusya Omusambwa mubi.³¹Kekhirira e Kaperenawumu mu siko sye Galiraaya kabasomesanga khu ludaalo lwa sabbiti. ³²Bawuka olwokhwekesa khwaye, khulwokhuba emboosi yaye yaali nende owunyala.³³Mu sinaggogi mwalimo omusaacha owalikho omusimu kwomusambwa mubi. Kalira nende ekono ekhongo. ³⁴Ati, wuwi otukonyakho si Yesu omu Nasaleesi? Wichire okhutudimya? Khumanyire nga lwoli__ omwolerefu wa Weere!³⁵Yesu kakhamukhira omusambwa mubi ati, Wulera!Mutulekho!Omusambwa kwa musukuna assi akati mu batu kwamutulakho nga si kumukholire khabi. ³⁶Okhuwuka khwa badiira boosi boosi batebana abene na beene baati, Nsomesa siina yino? Khulwokhuba alagira nowunyala namaani emisambwa nichibatulakho! ³⁷Enfuma yaye yemeeda okhuswaniya wuli watu, mu syalo esyo nebitundu bisibiranire. Yesu Awoniya Bangi³⁸Yesu kasingira katula mu sinaggogi kacha mu daala lya Simoni. Wunanu Masalaηηene Simoni kali mulwaye w’omusuja mungi, bekalikhira Yesu amuyeede, ³⁹Keecha kenama ali omulwaye kalagira omusujja, kwamutulakho. Musiikha syene esyo obeye omulwaye kasingira kachaka okhubakholera.⁴⁰Ne eryuba khulicha okhukwa, boosi boosi abali nabalwaye abendwaye chitasi na sirala, bamuletera kabataakho omakhono wuli syamulala, kabawoniya. ⁴¹Manu, emisambwa chatula mu baatu bangi nichirira chiiti, Wuwi oli Mwana wa Weere! Naye kachiyalabira ka khaya nokhuchifukirira okhulomaloma, khuba chali chimanyire chiiti nje Kurisito.⁴²Owire niwakhya Yesu katulawo kaacha mu sifwo atali batu. Abatu bali ni bamukoonya ne nibeecha boola yikali, bakesakho okhumukaniya atabatulakho. ⁴³Ne kabawoola ati, Sinkhoyera okhuwulira enjiri yowenengo wa Weere mu biko bindi byosi, Khulwokhuba nje esyakira bantuma. ⁴⁴Ne kemeeda okhuwuulira mu sinaggogi che wu Yudaaya.Okhulangiwa Khwa’beeki bamberi.

²Ne aba Falisaayo bandi bateeba baati, “Siina syeene esibakhosa esitali syamalako okhukhola khu sabbiiti? ¹Awo olwoola khu ludaalo lwa ssabiiti nikali nabita mundalo che’ŋaano, abeeki baye bawukula ebikala by’eŋaano, nibabisiriitira mu byaaba byawe nibalya.⁵Khandi Yesu kabawolera ati, “omwana wo’mutu nje omwaami wa sabbiiti.” ³. Yesu kabakowolamo nawoola ati, Sino khaba simusisomangakho, Dawudi sikakhola nabasye nibali enjala? ⁴. Nga kengira mu nyumba ya Weere, kawukula emigaati chowolerefu kachirya khandi kayeresakho nende abo bakali nabo; ne khandi emigaati echo chali chomusiro abantu bandi okhuchirya okhutusakho ba khawona boηηene.”⁶.Khu sabbiiti lundi, kengira mu sinaggogi mu batu kasomesa, omwo nje omwali omutu owali nikekakada omukhono kwaye omulungi. ⁷. Awo aba Falisaayo nende abasomesa ba’malako bamukhadaasa emoni, nga badakha bawone na nawoniye omutu khu ssabbiiti, kho bemewo bamuteekho omusango. ⁸. Ne Yesu kamanya ebibaaso byawe namala awoola oyo owali nomukhono kwekakada ati, Singira weeme emutwe wawe. Kasingira kema.⁹. Awo Yesu kabawoola ati,nja okhubateba nti, esiri mu malako nje esiri khu lwa Sabbitti: okhukhola owulayi oba okhukhola owubi, Okhuwoniya owulamu nawo okhudimya? ¹⁰. Ne amala abatiingaala okhubewodokhaniya, na amala awola omulwaye ati, Kolola omukhono kwawo. Omulema yesi kakhola atyo, ne omukhono kwaye kwakowoola aweene. ¹¹. Naye beecha balaluwa bachaka okhweηηuluηηunya abeene na beene nibatebana nga lubanakhole Yesu. Abatume Ekhumi Na’babiri.¹². Lulala khu ndaalo echo Yesu katulayo nacha khu ntulo wo’lugulu okhusaba, kayira owire woosi nasaba Weere. ¹³. Awo owiire niwakhya, kalanga abeeki baye, mw’abo nadoolamo ekhumi na babiri, bano nikemawo nabakulikha ati nibo Abatume.¹⁴Simooni (oyo yikakulikha Petero), mwananηηina Andereya, Yakobbo, Yokaana, Firipo, Battulumayo, ¹⁵. Matayo, Tomasi, Yakobbo omusoliri wa Alufayo, Simoni owalangiwa Serote, ¹⁶. Yuda omusoliri wa Yakobbo, nende Yuda Isikalioti owamulyamo olukhwe. Enkhabi Nengisa¹⁷. Kekhirira nabo, nikema mu sifwo sikwalaafu. Ne esidiikha sikali esyabeeki baye alala nende abatu bangi abatula ewu Yudaya, yosiyosi nende e Yerusaalemi, nende abatula khunsa yenyanja ye Tuulo nende Sidoni, ¹⁸. Abeecha okhumuwulirisa nende okhuwonesewa amalwaye kawe. Ne abo abali basandisiwa nemyoyo mibi bawonesewa, ¹⁹. ne abatu boosi bakesakho okhumudirakho khwoηηene, khulwokhuba amaani kamutulangamo nikabawoniyanga boosi.²⁰. Yesu katiingala abeeki baye, kabawoola ati: “Muli nende enkhabi abaati, khulwokhuba owen’engo owa Weere wenywe. ²¹. Muli nende enkhabi enywe enjala bayiluma ebikha bino khulwokhuba mwakhekute. Muli nende enkhabi enywe abalira mu sikha sino, khulwokhuba mwakhachekhe.²². Muli nende enkhabi abantu ni banabasyulenge, ni banakhayenge okhusuda ambi nanywe khandi nibabanyeka ni bakhaya erita lyeywe baati bi, khu lwo mwana wo mutu. ²³. Musangalanga mu ludaalo olwo, mutuumanga amukulu olwesangaalo, khulwokhuba mumanye muuti omukawo kwenywe mungi mukulu. Khulwokhuba ba kuka yenywe nilwo lubakholanga ba nabbi baatyo.²⁴. Ne Engisa chibawukanire enywe abanyali, khu lwokhuba mumalire okhwakaana okhukumisiwa khwenywe. ²⁵. Engisa chibawukanire enywe abalisiwa wulayi wunanu, khu lwokhuba mulilumwa enjala. Endaalo chibawukanire enywe abachekha khulwa wunanu, khulwokhuba mu lirira khandi mwaba sirimooyi.²⁶. Engisa chibawukanire enywe abatu boosi nibabalomalomakho wulayi khulwokhuba ba kuka yawe nje bakholanga ba nabbi bowubacha. Okhudakha Abasiku²⁷Naye mbawoola enywe abambulirisa nti: Mudakhenge abasiku benywe, mubakholenge birayi abatabadakha, ²⁸. muweresenge enkhabi abo ababawaaba, musabirenge abo ababakhola owubi.²⁹. Omutu yeesi okhupama oluyi khuttama, omukalukhanisiryanga ettama lindi lyosi. Omutu yeesi nakhutusangakho enguwo yawo, otamukananga nokhuyira ekanju lyawo. ³⁰. Wuli okhusabanga omuweresanga, okhuwukulangakho kwamani, otamusaba okhukhukowosera.³¹. Kholeranga abandi nga luwakhadakhire bakhukholere. ³²Ne nimudakha abo ababadakha, mukawo siina kumulifuna enywe? Khulwokhuba nende abatu bali nebibi boosi badakha abo ababadakha. ³³. Khandi nimukhola wulayi ababakhola wulayi, mukawo siina kumufuna? Khulwokhuba abakhosi bebibi boosi nilwo lubakhola. ³⁴Khandi nimwasikha abo bamusubira okhubasasula, mukawo sina kumufuna? Ata abakholi bebibi boosi bawola abakholi bebibi basyawe, Nga basubira okhubasasula mu wichufu.³⁵. Ne mudakhenge abasiku benywe, mubawolenge birayi, mubawolenge nga simusubira okhufuna esiitu syoosi. Awo omukawo kwenywe kuliba mungi, nanywe muliba baana boyo oli amukulu lukali, khulwokhuba ye wesissa eyiri abatasiima nende ababi. ³⁶. Mube nende esisa, nga lata yenywe lwali nesisa. Okhukhengeranga Abandi emisango³⁷Khandi mutakhengerenga abatu emisango, kho mwesi mukhaye okhukhengerwa. Mutakhisanga abatu emisango, mwesi mutakhisiwa. Mulekherengemo, mwesi mulirekherwamo.³⁸. Mukabenge, kho mwesi mulikabiwa. Omukero mulayi, omusiinyire, omusakase okuli alala nikwichuliriye khandi nikwidikha, kulichukhiwa khu mubiri kwawo. Olwokhuba omukero kumukereramo abandi, nje kumulikererwamo mwesi.³⁹. Khandi kabakaadira olukaado ati: Omuwofu kakhatangisa omuwofu wasye? Bombi sibaba nibanakwe mu liina? ⁴⁰. Omusomi syakhira omwekesa waye, ne omutu yeesi yibasomesise wulayi aliba ngomusomesa waye.⁴¹. Siina esikhutingasa esikokha esiri khu moni ya wandayo, naawe olekhire osiwaawa siri khu moni yawo omwene? ⁴². Wakhawoola otye wandayo oti, Mwana wefwe, lekha nkhutusekho esikokha mu moni yawo,ne nga ewe omwene sikhukhasise okhuwona okuwawa mu moni yawo? Mubacha ewe, tangira atuse okuwawa mu moni yawo, kho wemewo onyale okhuwona wulayi otusemo esiri mu moni ya wandayo. Omusaala Ne Byamo Byakwo.⁴³Awuma omusaala mulayi okwaama ebyaamo bibi, ata omusala mubi, okwaama ebyaamo birayi. ⁴⁴. Wuli musaala kumanyikha olwebyaamo byakwo. Abaatu sibanoka entuli khu mukokwe, ata emusabbibbu khu musabakwa.⁴⁵. Omuutu mulayi esirayi asitusa mu sanduku erayi eryomwoyo kwaye, nomubi esibi asitusa mu sanduku ebi eryo mwoyo kwaye. Mwebyo ebichuye mu mwoyo kwaye nibyo omunwa bikulomaloma. Omwombakhi mukesi nomusiru⁴⁶. Munangirasi Omwami, Omwami, nenga simukhola embosi chi mbawoola? ⁴⁷Ndabekese nga lwafwana oyo mutu owicha yindi manu kawulira emboosi change khandi kachita mukhola. ⁴⁸Afwanana nga omutu owombakha enyumba, owayaba omusingi okhwola assi khu lwanda. Olwo enfula niyiicha, amaachi kakwa kakhubba enyumba eyo, sikanyala khuyidengaaniya khulwokhuba yombakhiwa wulayi.⁴⁹. Ne oyo owulira emboosi change nakhaya okhukhola nga lundakha aba nga omwombakhi owombakha natayabire omusingi kumala. Manu ebikha omukhula okwamaani nikwecha kwakhubba enyumba eyo, kwayikwiisa yawerawo erala. Enfukirira Yo Mu Sirikale Wa Batu Emya

¹Bino ni byawa, Yesu kakenda kenda mu biko nende mu ngongo kawunusa enjiri yowutuki wowenengo wa Weere. Ekhumi nababiri bali naye, ²nende abakhasi bandi bosi abawonesewa emyoyo mibi nendwaaye: Malyamu (owalangiwanga Mangudalena) owali nikatulakho dayimoni musanfu; ³Yowaana mukha Kusa, omulindi webitu byomunyumba ya Kerode; Susana; nabandi bangi. Abakhasi bano babayedanga mungeri yibali nibanyaliramo abeene.⁴Awo esidiikha sikhongo nisyali syewuusa alala nende abo abatulaanga mu wuli siko, nibeecha ali, na kaada olukaado luno ati: ⁵. “Omulimi katula okhuwaanya emwo yaye. Ne ni kali nawanya emwo, eyindi yakwa khu ntulo wengira; bayisenakirira, eyindi amayoni ko mu bbanga kayirya. ⁶Eyindi yakwa khu lwanda, niyamala okhumera, yemawo ya niyala khulwokhuba siyafuna wunyifu.⁷Emwo yindi yakwa akati mu mawa, amawa kamerera alala nayo, kayimira. ⁸Eyindi yakwa mwiroba layi. Yamera wulayi, yaama, wuli lumwo lwewula emoni emya ndala. Nikamala okhulomaloma emboosi echo, nalomalomera amukulu ati, Oli namatwi kokhuwulira, awulire.⁹. Abeeki baye bamuteeba olukaado luno si lwekesa. ¹⁰. Kabakowoolamo ati, Enywe muli nende enkhabi okhumanya ebyaama ebyowenengo wa Weere, ne abandi nomaloma mu ngaado, sibe mbo,Nende batingala, bakhaye okhuwona; nende bawulira, banyale owutategeera.¹¹Amakhulutu kolukaado niko kano: owumwo nje emboosi ya Weere. ¹²Abo abokhuntulo wengira nibo abawulira, ne setani kecha abakhuula emboosi mu myoyo chawe bakhaye okhufukirira nende okhwonesewa. ¹³Ne abokhulwanda nje abawukula emboosi nesangaalo bayifukiriramo nibayiwuliiye ne nga bawuma emisi. Bafukirira wutono ne mu mubikha byokhukhemewa bamala bakwa.¹⁵Ne emwo eyo khuloba erayi abo nje abawulira emboosi mu mwoyo mukololofu, omulayi bayomiisa ni baama ebyaamo nokhwesimirisa. Etara eriri khu Sisindi ¹⁴. Ne emwo chakwa mu mawa, abo nje abawulira, ne nibacha mungira yawe bamikiwa nokhweralikhirira khwowulamu, nende owuyiinda na masangaalo kowulamu wuno sibakhula bawangala.¹⁶Si ali owambya etara naliifunikhira mu simwero oba mu lwalo wesitanda. Ne okhoyire ayite khu sisindi, kho niwo abengira bawonne owulaffu. ¹⁷Khulwokhuba awuma emboosi eyakisiwa eyitalikisuliwa, ata esyabikhiwa esitalimanyiwa syawonekha alafu. ¹⁸Nolwesyo mwerinde nowegenderefu nga lumutekeresa.Khulwokhuba, wuli oli nasyo aliwewa, ne wuli owuma nasyo nende esyo syabaasa ati ali nasyo sirimutusiwakho.Nηηina Yesu nende Bamwanaηηina²⁰Omutu kamwekesa ati, “Mamawo nende bawandaayo bemire erwanyi, badakha okhukhuwona.” ²¹Ne kabakowolamo ati, “Mama nende bamwanaama nje abo abawulira emboosi ya Weere bayikholerakho. Yesu Awunjeesa Enfwinda ¹⁹. Awo nηηina nende bawandaaye ba Yesu nibeecha yaali, sibanyala okhumwolakho khu lwesidiikha.²²Awo olwola, lulala khu ndaalo echo nikengira eryato nende abeeki baye. Kabawoola ati, Khwambukhe enyanja khuche engerekha. Ne bamala bacha. ²³Awo nibali nibakherengeta, endoolo chamuyira. Embunga yamaani yecha, eryato lyaba nga erinebire, baaba mu khabi kha maani.²⁵Ne abawoola ati: okhufukiirira khwenywe khuli ena? Batya bawuka lukali bawolana abeene nabeene baati, Ono nje nanu?Ata okhamukhira embunga namaachi byamuwulira. Okhuwoniya Khwomusaacha Owalikho Dayimoni ²⁴. Abeeki baye becha ali bamusisimusa: ni baacha baati, omwani, omwami, khwibira!Kasingira kakhamukhira enfwinda owire wakwalala.²⁷Ne Yesu nikatula mu lyato, nikola khulukerekha kakaana omutu owalikho dayimoni ngatula mu siko. Omuutu ono endaalo nyingi kali sikambala nguwo ata nokhukona mu nyumba, naye endaalo choosi nga amenya mu birindwa. ²⁶. Bakobya eryato khulukerekha lwa Bageresene, esiri engerekha we Nyanja okhutula Galiraaya.²⁸. Ne nikawona Yesu, kalomeralomera amukulu kasigama emutwe waye, kalomaloma nende ekono kali ati, Wufunana si Yesu, omwana wa Weere, oli amukulu lukali? Khwekalikhiye otamboneresa! ²⁹. Olwokhuba Yesu kali alagiiye emyoyo mibi okhutula mu mutu oyo. Amakhabi mangi dayimoni chali chimudiiye, kaba nga owoyirwe amakhono namakulu, khandi nga alindiwa, kakhalakanga enjegere nayiriwa nende dayimoni naba ayenηene.³⁰. Yesu kamuteeba ati, “Eriita lyawo niwe nanu?” Namukowolamo ati, “Lejioni,” khulwokhuba dayimoni bangi bali bamwingiramo! ³¹. Bamwekalikhira amakhabi mangi akhaye okhubalagira okhumutulakho okhucha mu liina litakama.³². Awo aliwo eyicho ekhongo eryembiichi, eryali lyayiira mu ngulu. Dayimoni chekalikhira Yesu achirekhe chingire mu mbiichi echo, Yesu kafukirira. ³³. Awo ba dayimoni nibatula mu mutu bengira mu mbichi, eyicho lyatuuma lyekhirira lyakwa mu Nyanja lyamirikha.³⁴. Olwo abaayi bembiichi nibawona ebyaliwo, berukha bayira emboosi echo mu siko syali ambi awo, nende mu byaalo, ³⁵. nabatu batulayo okhuwona ebibeyewo, beecha eyiri Yesu bawona omutu oyo, owatulamo dayimoni, nikekhaye mu makulu ka Yesu nga kambaye enguwo, nga amakesi kaye nikamukowoyemo, batya.³⁶. Nabo abasiwona, balomaloma ebyo ebyali khu musaacha__ owatusiwakho dayimoni kawona. ³⁷. Ne abaatu boosi abesyaalo sya Abageresene ambi awo, bamwekalikhira Yesu atule mu syalo syawe, khulwokhuba owuti wungi wali wubadiiye. Awo kaniina mulyato kawawo.³⁸. Nomuutu owatulamo dayimoni kamwekalikhira abe naye. Ni Yesu kamusiwula nawoola ati: ³⁹Kowolayo engo, wekese abatu emboosi nga luchiri Weere chakhukholeye.Kakenda nikekesa abaatu mu siko syoosi Yesu bikali namukholeeye. Omukhana Mufu nOmukhasi Mulwaye⁴⁰Awo Yesu nikakowoola, esidiikha syamusangalira, khulwokhuba bosi boosi bali bamulindiriye. ⁴¹Nomutuki erita lyaye Yayiro omukhulutu wesinagogi, kecha kakwa mu makulu ka Yesu, namwekalikhira kengire mu nyumba yaye. ⁴²Khulwokhuba kali nomwana waye omukhana omudeerwa, owemyaka ambi ekhuumi nachibiri kali nga afwa. Ne Yesu nikali kho acha, nobidiikha byali atono okhumuminiangula.⁴³Nomukhasi wali nalwaliye emyaka ekhumu nachibiri okhwidikhirira, ne nga awuma omuwoniya. ⁴⁴Oyo kamutulira e mukongo, nadiira khu kemo lyenguwo yaye, mangu mangu okhwidihirira khwaye khwakama.⁴⁵Yesu kateeba ati, nje nanu owundiyekho? Boosi bekaana, Petero kawoola Yesu ati, Omwaami, esidiikha sya bantu sikali nje esiri okhukhufwinyirira. ⁴⁶Ne Yesu kabawoola ati, Aliwo owunediyekho; amaani kantuliremo.⁴⁷Awo omukhasi, nikawona nga syanyala kawawo natamanyikhana, katulayo natengerekha, kakwa mu makulu kaye. Katumbula mu moni cha batu boosi esikirire kamwediirakho, khandi nga lwawoneyewo. ⁴⁸Kamuwola ati, Mukhana, enfukirira yawo yikhuwonisye. Cha ne mirembe.⁴⁹Ni Yesu nikali asilomaloma, omutu kecha natula mu nyumba ya Yayiro, omutuki we sinaggogi, namwekesa ati,Omukhana wawo afwiye. Otateganiya omusomesa khandi.” ⁵⁰Yesu nikawulira bino, kawoolera Yayiro ati, “Otatya; fukiirira syoηηene, omukhaana wawo anawone.”⁵¹Awo Yesu nikoola khu nyumba ya Yayiro, natakanya mutu wundi okhwingira naye, okhumalakho Petero, Yokana, nende Yakobo, nende simwana nende nηηina mukhana. ⁵²Awo abali nibalira, nibakhumula, Yesu nabawoola ati, Mutalira, khulwokhuba omukhaana syafwiye naye akona. ⁵³Bamuchekheerera, khulwokhuba bali bamanyire baati omukhaana afwiye.⁵⁴Ne Yesu kadiira omukhaana khu mukhono, nalomalomera amukulu ati, Mwana wange, singira! ⁵⁵Omwoyo kwomukhaana nikukowolamo owulamu, ne amala asingira kema. Esikha syene esyo kalagira bamuwe esyokhulya. ⁵⁶Abewusi bomukhaana bawuka esiwuko, ne Yesu nabawoola musyama ati mutawoolerakho omutu yesi yeesi ebyekholekhanire. Yesu Atuma Ekhumi Nababiri

¹Yesu nikamala okhulanga abeeki baye alala ekhuumi na babiri, kabayeresa owunyala namaani okhwirusiya dayimoni nende okhuwoniya amalwaye, ²kabatuma okhucha okhuwuulira owenengo wa Weere, nende okhuwoniya abalwaye.³Kabawoola ati: mutakinganga esitu syosi syoosi__ ata endawukhi, awuma ensawo, awuma ebyokhulya, ata efwesa, khandi mutabanga nende ekanju chibiri. ⁴Ne wuli nyumba mu munengirenge, mubenge omwo, era omwo nje mumuba mutulenge nimutula mu siko esyo.⁵Abatu abatabasangalirenge, nimunabenge nimutula mu siko esyo, mukhukhumulenge olufu lwo mu makulu kenywe, sibe nga owujulisi owubalumirisa. ⁶Manu baacha bewodokhaniya ebiko byosi byoosi, nibawuulira enjiri, nibawoniya abatu, na wuli awutu.⁷Awo omwenengo Teturachi, kawulira byosi byoosi ebyakholewa. Kakanakana lukali, khulwokhuba abandi bali bawoola baati Yokana asyuukhiye mu bafu, ⁸abandi baati Eriya kali awonekhire, ne abandi baati, ba nabbi bakhale, mulala khwabo asyukhiye. ⁹Naye Kerode kawoola ati, Natema khu Yokana omutwe. Ne oyo nje nanu omwene mboosi chakira awo chimbulira? Manu kakesakho okhumuwona. Yesu Aliisa Elifu Chitaanu¹⁰Awo abatume nibakowola, bamwekesa byosi byoosi bibali nibakholire. Ne abayiira entulo, muwekisi mu siko esilangiwa Besusayida. ¹¹Ne ebidiikha nibyamanya, byamulondakho. Kabasangalira, kalomaloma nabo emboosi chOwenengo wa Weere, nende abo abali nowetaafu wokhuwonesewa kabawoniya.¹²Awo eryuuba lyali likoloobya, abo ekhuumi na babiiri beecha yaali, bamuwoola baati, sewula abatu bache mu biko nende mu byalo ebyewodokhanisye, bakonye ebyokhulya nende awokhukona, khulwokhuba ano khuli mu syalo lukkali. ¹³Kabakowolamo ati, Mu bayerese esiitu balye. Nibamwekesa baati, efwe khuwuma siitu okhutusakho emigaati chitaanu n ‘enηηeni chibiiri__ fwana khuche mukhatale khukule ebyo’khulya binamale esidiikha sino.” ¹⁴(Abasaacha baliwo nga elifu chitaanu). Nawoola abatume baye ati mubeekhase, mu bikanda bya abatu amakhumi kataanu kataanu.”¹⁵Abeeki bakhola baatyo.” Nibabeekhasa bosi boosi. ¹⁶Ne awukula emigaati chitaanu nende enηηeni chibiri, nasingisa emoni chaye mukulu, nikeebasa, nabikhalakakhalaka, nayeresa abatume baye okhukawula abatu. ¹⁷Balya, bekuta bosi boosi, abatume badoola ebyali nibikhukhumukhire bechusa ebimwero ekhumi na bibiri. Petero Kaatula Yesu Kurisito¹⁸Awo olwola, Yesu kali nga’saba ayenηηene, abeeki baye bali alala naye. Nabateeba ati, “mubasa ebidiikha bino binaanga nanu?” ¹⁹Bamukowolamo baati, abandi bakhulanga Yokana omubatiisi; ne abandi baati Eriya, ne abandi baati ba nabbi bakhale mulala khu abo alamukhire.²⁰Nabawola ati: nanywe munaanga nanu? Petero nakowolamo namuwoola ati niwe Kurisito wa Weere. ²¹Yesu kabachwichwisa nabawolera ati, mutawolerakho omutu yeesi emboosi eyo. ²²Nawoola ati sikhoyera omwana wo’mutu okhuwonawonesewa lukali nende okhwekaniwa nende abakofu nabawandiiki nabasomesa bamalako, ne khandi atekwa okhwitiwa, ne khuludaalo lwokhudatu asyukhisiwe abe omulamu khandi.²³Nabawoolera bosi boosi ati:Omutu yeesi nadakha okhunondakho, kerekherese khu lwaye, akiinge omusalabba kwaye nawuli wukhya, kanoonde. ²⁴Khulwokhuba wuli odakha okhuwoniya owulamu waye aliwukosiya, naye olikosiya owulamu waye khulwange aliwuwoniya. ²⁵Sirayi sina esirigasa omutu okhulya esyalo syoosi, ne nga amalire okhuwukosiya, oba okhweyita omwene?²⁶Khulwokhuba nawuli owundirirwa ensoni nende emboosi change, oyo nende omwana womutu alimudirirwa ensoni, lwalichira mu luyaali lyaye, nende olwa simwana nende mu lwa ba malayika abolerefu. ²⁷Ne mbawolera amasima nti aliwo abemire ano, abatalikhomba khu khufwa okhwola lubaliwona owen’engo wa Weere. Okhukalukhanisiwa²⁸Awo olwoola, olunyuma lwendaalo munaana, kayira Petero, Yokana nende Yakobo, kaniina khu lugulu okhusaba. ²⁹Awo lukaali nasaba, efwani yemoni chaye yakalukhana, enguwo chaye chakalukhana chaaba endafu lukali ngolumesiya lwenkhubba.³⁰ Abatu babiiri, Musa nende Eriya, ³¹bawonekha nibali mu'luyaali lubitiriye nibalomaloma nende Yesu. Khu khuwawo khwaye okhwali khucha okhwolerera mu Yerusalemi.³²Petero nende bakali nabo bali bakunukha ne nibamokera erala, bawona oluyaali lwaye nende abatu babiri nibemire naye. ³³Nga abasaacha nibali nibalekha Yesu, Petero kamuwola ati, Omwami wange, silayi efwe okhuba ano. Khwombakhe ebikaali bidatu__ silala syawo, esindi sya Musa, esindi sya Eriya. (Bino kabiwoola natamanyire byalomaloma.)³⁴Nikali asilomaloma, esireesi syecha syabawiikha, baba nokhutya nga lubali nibakotera mu sireesi! ³⁵Ekono lyatula mu sireesi, niriwola liiti, “Ono nje omwana wange, yinadoola; mumuwulire.” ³⁶Ekono eryo nirilomalomire, beyakana nga Yesu ali yenηηene. Abeeki bakisa sinno bakhaya okhuwolerakho omutu ebyo bi bali ni baweene. Okhuwona Khwo’musyani Owalikho Omwoyo Mub³⁷Oludaalo lulondakho, nibekha okhutula khu lugulu, esidiikha sikhoongo syamwakanira. ³⁸Omusaacha mulala khubali mu sidiikha kalomalomera amukulu kawola ati, Omwekesa khwekalikhiye wewunje khu musyani wange khulwokhuba namwiwula omuderwa. ³⁹Manu wona omwoyo mubi kumudiira, nikaayula; natachanatachana natusa efwobe mukhwanwa. Syamutulakho khangu khandi amalawo owulamu waye. ⁴⁰Ne nekalikhira abeeki bawo okhukwirusiya ne sibanyala.⁴¹Yesu namukowolamo ati, Oo, enywe abemirembe chitafukirira khandi echakota, ndyakama liina okhuba nanywe nende okhubagumikirisa? Leeta ano omusyani wawo. ⁴²Ata omusyani nikali khwasicha, omwoyo mubi kwamudiira kwamusukuna assi natachanatachana lukali lwene. Ne Yesu kawalabira omwoyo mubi, kawoniya omusyani, kamukowosera simwana.⁴³Boosi bawuka lukali olwamaani ka Weere. Nibali basiwuka byoosi Yesu bikali nakholire, kawoola abeeki baye ati, ⁴⁴Muwulirise wulayi emboosi chino chiindi okhubawolera: omwana womutu acha okhuwewayo mu mikhono cha batu. ⁴⁵Ne khaba sibategeera sino si syekesa. Emboosi echo chakisiwa khubo, bakhaya okhuchitegeera, ne batya okhumuteeba amakhulutu ke’mboosi echo. Nanu Oliba Omukhongo Okhiririsa⁴⁶Okhuyingana khwachaka mu beeki nga bakoonya okhumanya nanu oliba omutangirisi wawe. ⁴⁷Ne Yesu ngalukamanya ebyali mu bibaso byawe, kawukula omwana muwere, na musudiya ambi naye. ⁴⁸Kabawoola ati, wuli onasangalirenge omwana muwere ono mulita lyange anabenge kansangaliye ese; ne oyo onasangalirenge ese , anabenge asangaliye oyo owantuma;khulwokhuba okhira okhuba omutono mwinywe mweesi__ nje okhira owukhongo.⁴⁹Yokana kawoola ati; Mwami wefwe khwawona omutu nikerusiya dayimoni mu litta lyawo khwakesakho okhumukaniya, olwokhuba simulala khwifwe. ⁵⁰Ne Yesu kamuwoola ati, Mutamukaana,Khulwokhuba otaali musiku wenywe, ali khu luwande lwenywe.Okhuyingana Mu Samaliya⁵¹Endaalo chaye nichali nichiri ambi okhwoola okhuyiriwa mwikulu, Yesu kamalirira okhucha mu Yerusalemi. ⁵²Manu katuma ba wamuwanda okhumutangirira, abacha mu lukoongo lwa Samaliya okhumutekekhera ebitu. ⁵³Ne abatu sibabasangalira khulwokhuba kali acha e Yerusalemi.⁵⁴Abeeki baye Yakobo nende Yokana nibawona bino, bateeba baati,Omwami, odakha khulange omuliro kwikhe okhutula mukulu kubasikhirise? ⁵⁵Ne Yesu kakalukhana, kabawalabira, ⁵⁶batulawo baacha mu lukoongo lundi. Ebidakhiwa Khwolonde Yesu⁵⁷Awo nibali bakenda khu ngira, omusaacha kamuwoola ati, Ndakhulondengekho wosi woosi wonabenge nocha. ⁵⁸Yesu kamukowolamo ati, Amabbwe kali nende owiina, n'amayoni kali nebiswi, naye omwana womutu awuma ata atta omutwe kwaye.⁵⁹Nawoola omusaacha wundi ati; Nonde. Ne omusaacha kamukowolamo ati, Omwami, lekha male okhucha okhusiikha bbabba. ⁶⁰Ne Yesu kamukowolamo ati; Lekha abafu basiikhe abafu basyaawe, ne ewe cha owuulire owenengo wa Weere.⁶¹Ne owundi kamuwoola ati, Ese ndakhulonde. Ne lekha mberi male okhucha okhusiiwula abo’munyumba yange. ⁶²Ne Yesu kamukowolamo ati, Awuma mutu odiira esyuma sirima khandi katingaala emukongo, syaba nakhoyera muwenengo wa Weere. Yesu Atuma Nsanfu

¹Awo olunyuma lwebyo Omwami wefwe nadoola abeeki bandi amakhumi musanfu, nabatuma syababiri babiri okhumwetangirira okhucha mu nawuli siko omwene yikali natekekhire okhucha. ²Nabawoola ati, ekessa lingi, ne abakesi nje abatono. Manu mwekalihire Weere wabakesi atume abatu bayera bakhole omulimo kwaye mundalo yaye yokhukesamo.³Muche! Mbatuma enywe ngotukoondi tudotto akati mu manani. ⁴Mutacha nesawo, oba olukhoba, oba ebiraato, khandi mutakheesa omutu yeesi khungira.⁵Na wuli nyumba yimwingiramo, mutangirenge okhuwoola muuti; enkhabi chibe mu nyumba muno. ⁶Nimunabeengemo omasaacha wenkhabi, enkhabi chenywe chinamubengekho; ne nisitabeenge siityo, chinabakowolerenge. ⁷Mu nabeenge mu nyumba eyo, nga mulya, nga munywa khu byabeene nyumba, khulwokhuba omukhosi womulimo, akhoyera omusaara, mutatulanga mu nyumba ndala okhwingira mu yiindi.⁸Na wuli siko simwolangamo, manu nibabasangalira, mulyanga syosi syoosi sibanabenge nibabatereye mu moni chenywe. ⁹Muwoniyenge abalwaaye abali omwo, mubawolenge muuti. Owenengo wa Weere wubasudirekho ambi.¹⁰Ne nawuli siko simwolangamo bakhaya okhubasangalira, mutulanga mu makira ke siko esyo nimuwoola muuti, ¹¹Ata nolufu lwo musiko syenywe, olweddiye khumakulu keffe khulubekhukhumulirakho Ne mumanye sino muuti: Owenengo wa Weere wusudire ambi. ¹²Mbawoola enywe nti Sodoma yiriba nokhuwonawonesewa okhutono okhukhirakho esiko esyo.¹³Endaalo chikhwakanire ewe, Kolusini! Chikhwakanire ewe, Besusayida! Khulwokhuba, ebyamaani byakholewa ewenywe, khamakha biba byakholewa e Tuulo, nende Sidoni, bano baba beyolobya khale, nibekhaye mu bicheere nekokhe. ¹⁴Ne, Tuulo nende Sidoni biriba no'khuwonawona okhulibakho kayikayi khuludaalo lwo musaango okhukhira enywe. ¹⁵Ne ewe, Kaperunaumu, olisingisiwa okhwola mu bireesi?Bbe, oliisiwa okhwoola e makombe.¹⁶Obawulira enywe, aba awulira esse, olekeresa enywe, aba alekeresa nange; ne oyo olekeresa esse aba alekeresa owantuma.¹⁷Abo Nsanfu, bakowola nesangaalo, ni bawoola baati, Omwami, nende ba dayimoni batuwulira mu litta lyawo. ¹⁸Kabakowoolamo ati: Nawona sitaani okhutula mukulu nakwa assi nga olumesiya. ¹⁹Muwone, mbaweye owunyala owokhusenaanga khu miyokha nende otwere echo'wusiba nende amaani koosi akomusuku khandi siwanabengewo esibakhola owubi khaba nawutono. ²⁰Ne mutasangalira esyokhuba siiti ba dayimoni babawulira, ne musangaale okhuba ametta kenywe kawandikiwa mwikulu.²¹Awo musikha esyo Yesu, nikechuuye esangaalo mu mwoyo mulafu, kawoola ati; Nhwebasa ewe, Bbabba, Weere wekulu nesyalo, khulwokhuba bino wabikisa abakesi nende abasoma, ne wabiwikhulira abaana bayere. Eee, Bbabba, olwokhuba nje lusyadakhiwa siityo mu moni chawo.²²Byoosi Babba nje owabiimba, awuma omutu omanyire omwana nga lwali okhutusakho simwana, nende okhumanya lata yefwe nga lwali, okhutusakho omwana, nende oyo, omwana yadakha okhumuwikhulira.²³Namala akalukhanira eyiri abeeki baye nabawolera mu wekisi ati, chiri nomukisa emoni chiwona enywe bimuwona. ²⁴Khulwokhuba mbawoola nti, ba nabbi bangi nende abenengo badakhanga okhuwona enywe bimuwona, ne sibasiwona badakha okhuwulira enywe bimuwulira ne khaba sibabiwulira.Olukaado LwoMusamaliya Mulayi.²⁵Khuludaalo lundi, omulyepulyepu mu malako nikeema nga ateeba Yesu ati, Omusomesa,nkhoole si okhusikhira owulamu wutaliwaawo? ²⁶Namukowolamo ati, syawandikiiwa siitye mu malako? Osisoma otye? ²⁷Kakowolamo ati:Dakhanga omwami Weere wawo nomwoyo kwawo kwoosi nende ebibaaso byawo byoosi na maani kawo koosi namakesi kawo koosi dakha nokhusibiranire nga luwedakha omwene. ²⁸Yesu kamukowolamo ati, Okowoyemo wulayi.Kholanga otyo, onabenge nowulamu.²⁹Naye olwokhutadakha okhukhirwa, sakira kateeba Yesu ati, Owunsibiranire nje nanu? ³⁰Mukhumukowolamo Yesu kamuwoola ati: Aliwo omutu owali atula e Yerusalemi nikekhirira e Yeriko, nikemawo akwa mu basiku. Bamwambula bamukhubba, ni bawaawo, bamulekha ngawumakho khatono okhufwa.³¹Khawona kali kekhirira khungira yene eyo, ne nikawona omusaacha oyo yibakhubbire, kakhededya, kamulekha awo. ³²Nomu Leefwi yesi atyo, nikamuwona mu sifwo esyo kakhededya.³³Naye Omusamaliya, nikali nakenda, kabita omusaacha akali: ne nikamuwona, kamudirira esisa. ³⁴Kasuda ali, kamuwowa ebinyuwu byaye, kamuchukhakho amafuta nomwenge namuta khunsunkhiri yaye, namuleeta mu sifwo syabakeni abakona, kamulabirira. ³⁵Oludaalo lulondakho kawukula erubya chibiri ensangasa kachiwa omwene nyumba, kamuwoola ati, Mulere, esitu syosi syoliba nokhosesise okhukhisawo ningowooye ndikhukowoserawo.³⁶Nanu khu badatu bano yobaasa oti nje osibirana nomusaacha wakwa mu makhono kabasiku? ³⁷Omulyepulyepu mu malako kamuwola ati, Oyo owamukwira esisa.Yesu kamukowolamo ati, Weesi cha okhole otyo.Mudaala lyawe Malisa Nende Malyamu³⁸Nga Yesu nende abeeki baye nibali khungira nibawaawo, boola khu lukoongo, yi omukhasi olangiwa Malisa kasangalira Yesu mu daala lyaye. ³⁹Ne omukhasi oyo kali nende mwanaηηina olangiwa Malyamu, owekhalanga mu makulu ko’mwami wefwe, natekeresa emboosi chaye.⁴⁰Ne Malisa kalingi ne’mirimo mingi echokhukhola, ni keecha ali, namuwoola ati; “Omwami, syofwayo olwa mwanaama okhundekha okhuba nindidikhana senηηene? Manu muwoole kanjeedekho!” ⁴¹Ne Omwami wefwe kamukowolamo ati, Malisa, Malisa weralikhirira olwokhuba oli ne’bitu bingi, ⁴²ne esidakhiwa siri sirala syonηene olwokhuba Malyamu adooyewo omukawo omulayi, okutalimutusiwakho. Okshusomesa Khwa Yesu Khu Khwekalikhira

¹Oludaalo lundi Yesu kali nga kekalikhira mu sifwo sindi. Nikamala, mulala khu beeki baye namuwoola ati, Omwami, tusomese okhwekalikhira, nga Yokana lukasomesa abeeki baye.²Kabawoola ati, Nimwekalikhira, muwoolenge muuti: Bbaabba,eritta lyawo lifumisiwe, Owen’engo wawo wiiche.³Tuwerese olwalero ebyokhulya byefwe ebya wuli ludaalo. ⁴Tulekheremo ebibi byefwe, Nga fwesi lukhulekheramo abatukhola owubi. Otatuyira mukhukhemewa okhutusakho otuwoniye eyiri Omusuku.⁵Namala abawoola ati, nanu khwiinywe oli nende omwicha, olicha ewaye musiro akati na muwoola ati, mwicha wange, mbole emigaati chidatu, ⁶khulwohuba omwicha wange kechire atula mu lukendo, ne sindikho nende sinakhamuwa kaalya. ⁷N'ola oli mu nyumba, nakowolamo ati, otankhedya. Ata nolwiiki lwiikale, esse nabaana bange, khumalire okhukona. Siinyala nasingira okhukhuwa esitu syoosi. ⁸Mbawolera nti, nende akakhaba natanyala khusingira kamuwa esyokhulya khulwokhuba mwicha waye, ne olwowutatya womusaacha ono asingira kamuwa mu wungi byoosi byadakha.⁹Sakira mbawoola nti: musabe khandi muliyeresewa; mukoonye muluwukaana; mukhubbe koodi mulikulirwawo. ¹⁰Khulwokhuba wuli mutu yeesi osaba ayiwewa; nende okoonya, kakaana; nokhubba koodi alikulirwawo.¹¹Khandi, naanu khwiinywe abewusi basaacha, omwana wawo musyani nakhusaba eηηeni, namuwa enjokha? ¹²Oba namusaba ekki namuwa otwere? ¹³Nisiba enywe, ababi, mumanyire okhuweresa abaana benywe ebiyanwa birayi, senywe oli mukulu syalikhira lukali lwene okhuweresa omwoyo mwolelerefu abo abamusaba!” Yesu nende Beerusebuli¹⁴Yesu kali nga kerusya dayimoni eyali ni yitalomaloma. Awo dayimoni nikamutulakho, omudiimbe kalomaloma, esidiikha syawuka lukali. ¹⁵Ni abatu bandi bawoola baati, Okhubitira mu Beerusabuli omusyani wowenengo wa dayimoni, sakira kerusya dayimoni.¹⁶Ne abandi nga bamukhema nibadakha abekese akhawonero akhatula mukulu. ¹⁷Ne Yesu omwene nikamanya ebibaaso byaawe, kabawoolera ati: Wuli Owene’ngo woosi niwukawukhanamo wusikhirira ne nyumba niyikawukhanamo enyumba eyo yikwa.¹⁸Ne setaani nikawukhanamo omwene, owene’ngo waye wulyemawo wutye? Mboola bino khulwokhuba enywe muwola muuti nirusya dayimoni khulwa amaani ka Beerusabuli. ¹⁹Wunanu nisiba mbo nirusya dayimoni hulwa amaani ka Beerusabuli, ne ababalonda nabo berusya dayimoni khulwa maani kananu? Sakira abeene abo balibakhengera emisango. ²⁰Naye nimba nirusya dayimoni khulwa Weere, syekesa siiti owenengo wa Weere wubecheeye.²¹Omutu wamaani oli nebirwaniso naliinda olwanyi lwaye, ebitu byaye biba birayi. ²²Naye okhira oyo amaani namuseeta, amunyuula ebyokhulwanisa byaye bikeesika nasalaniya ebitu byaye. ²³Oyo yeesi otali nange nje omusiku wange, khandi oteecha alala nange asalaniya.²⁴Omwoyo mubi natula mu mutu, abita mu bifwo bitalimo maachi nakoonya awokhuwulukhira, nakhaywa. Nawoola ati, khangowoleyo mu nyumba yinatulamo. ²⁵Nikoola, kakaana enyumba ni njeye wulayi nibayitimbire. ²⁶Wunanu acha kaleeta emyoyo mibi chindi musanfu ababi okhukhira oyo omwene, wunanu bengira baaba omwo. Manu ebyo’lunyuma byomutu oyo, biba bibi okhukhira ebyatangira.²⁷Awo olwoola nikali nalomaloma ebyo omukhasi wo musidiikha natusayo ekono lyaye nalomeralomera amukulu nawoola ati, Ali nenkhabi mama wakhwiwula khandi kakhukhusa. ²⁸Kakowolamo ati, Okhukhirira erala bali nenkhabi abo abawulira emboosi ya Weere manu bayikholerakho.Akhawonero Kha Yona²⁹Nga ebidiikha ni byemeeda, Yesu kawoola ati, oluse luno lubi. Lukoonya akhawonero khebyamayiya, ne si luliwewa akhawonero okhutusakho akhawonero kha Yona. ³⁰Khulwokhuba nga Yona lukali akhawonero eyiri abatu ba Ninefe, nasilala omwana womutu nje lwaliba akhawonero eyiri oluse luno.³¹Omwenengo mukhasi owe mwalo we syalo, alyeema mu musango alala nende abatu boluse luno, kabakhisa omusango. Khulwokhuba, katula esyalo yisyaakama okhutekeresa amakesi ka Sulemani, ne wona, okhira Sulemani ali ano.³²Abatu abe Ninefe balyeema mu musango alala noluse luno bakhira omusango, khulwokhuba beyolobya olwokhuwuulira khwa Yona, ne wonakho okhira Yona ali ano. Etaara Lyomubiri³³Si ali owambya etaara kaalita mu wina, oba mukkati wesidubi, ne alita khu sisindi kho niwo abatu bawone nga lulyaadukha. ³⁴Emoni yawo nje Etaara yomubiri kwawo, emoni chawo nichiba endayi, omubiri kwawo kwoosi kuba kwichuye owulafu. Naye nichiba embi omubiri kwawo kwosi kuba kwichuye esirema. ³⁵Wona oti, manu, owulafu wuli mwiwe wukhaye okhuba esiirema. ³⁶Nolwesyo omubiri kwawo kwoosi nikwichula owulafu, nga simuli esitundu sindi esyesiirema, kwosi kulichula owulafu ngetaara luyikhumulikhira nende owulafu waayo. Ebyengisa mukaaga.³⁷Yesu nikali namalire okhulomaloma, omu Falisaayo kamulanga okhulya naye, manu kengira kekhala okhulya naye. ³⁸Omufalisaayo nikawona kawuka khulwokhuba Yesu sikesaaba kho kemawo kaalya.³⁹Manu Omwami kamuwoola ati, Enywe aba Falisaayo mwosa khumukulu wesikombe, nende khu wesikaye, ne mukkati mwinywe, muchuye omutolyo nende owubi. ⁴⁰Enywe abatu basiru! Oyo owakhola ebyokhumukulu si nje mulala oyo owakhola ebyo mukkati? ⁴¹. Ne muwe abaati ebiri mukkati wolukaye, kho ebisikaye bibe ebirayi yimuli.⁴²Ne endaalo chibawukanire enywe aba Falisaayo, khulwokhuba musasula Weere silala syekhumi esyo wuyiinda wenywe nebyomundalo neryani lyoosi, amasima no khudakha Weere mubibita⁴³Mwakhakholire ebyemutwe nimutalekhireyo ebyenyuma nibitakholekhirwe. Endaalo chibakanire eywe aba Falisaayo, khulwokhuba mudakha ebisaala byo mu moni mu masinaggogi, nabatu okhubakheesera mu wutale. ⁴⁴Endaalo chibakanire khulwokhuba mufwana ngebirindwa ebitalikho khawonero, abatu khubakendera nga sibamanyire.⁴⁵Mulala khubasomesa ba malako omulyepulyepu, kakowolamo namuwoola ati, Omwekesa, nolomaloma ebitu bino otyo fwesi oba otunyeka. ⁴⁶Yesu kabakowolamo ati, Mwesi abalyepulyepu ba malako, chibawukanire enywe khulwokhuba mutwiikha abatu emikukku chibatanyala. Enywe abeene chimutanyala khugenηηakho no’lwaala lwenywe okhubayeeda.⁴⁷Endaalo chibawukaanire, khulwokhuba mwombakha ebirindwa bya ba nabbi, ne nga ba kuuka yenywe nje ababeeta. ⁴⁸Nolwesyo muli bajulisi, khandi musiima ebikholwa bya ba kuukka yenywe khulwokhuba nje abeeta ba Nabbi nanywe mwombakha ebirindwa byaawe.⁴⁹Amakesi ka Weere sakira kawola kaati, Ndi batumira ba Nabbi nende abatume abandi khwabo balibeeta, ne abandi balibataakho enkhiinda. ⁵⁰Nolwesyo oluse luno amabanga ka ba nabbi boosi akedikha okhutula khukhulongwa khwe syalo, ⁵¹kutewe khu boluse luno okhutula khu mabanga ka Abbiri okhwola khu mabanga ka Zakaliya, owetewa akati wolutaari nende enyumba ya Weere. Yee, mbawoolera, aboluse luno baliba nomusango khu lwebitu bino byosi byoosi.⁵²Endaalo chibawukanire enywe abasomesa balyepulyepu mu malako, khulwokhuba mwayira esisumuluso syamakesi. Enywe abeene simwengira, ni khandi mwakayira abali nibengira.⁵³Yesu nikatula awo, aba Falisaayo nabasomesa bamalako nibachaaka okhumuyinganiya lukali lwene, nokhumukhemeresa emboosi nyingi ⁵⁴nibamuteka emboosi eyinatule mu munwa kwaye.

Okhulawula Nende okhukumiya ¹Ebyo nibisiri awo, esidiikha syabatu bangi bola okhusenana, Yesu kachakira khu beeki baye nawoola ati: Mwerindenge amamera ka Ba Falisaayo, nje owubacha.². Ne awuma esyawikhiwa esitaliwikhulwa ata nende esyakisiwa esitalimanyiwa. ³. Manu byosi byoosi bimwali nimulomalomeye mu siirema biriwulirwa mu mubasu, nende esyo simwali nimuweweteeye mukhutwi mu wekisi mu bisenge byomukkati siritumbukha amukulukhubisuli. ⁴. Mbawolera enywe, beecha bange nti, mutatyanga omutu yeesi owiita omubiri, namalire awuma esiindi syanyala okhukhola esikhirawo. ⁵. Ne nja okhubeekesa oyo yimuba mutyenge: Mutyenge oyo, naba namalire okhwita omubiri, ali nowunyala okhukhusukuna mu Geyena. Yee, mbawolera, mu mutye oyo.⁶. Otusoomba firi tutaanu sibatukusa enkhela chibiri? Awuma ata khalala Weere khanyala kebirira. ⁷. Masima kene, nende efwiri lyokhumitwe chenywe lyabaliwa. Mutatyanga; khulwokhuba enywe mukhira lukali otusoombafwiri tungi.⁸. Mbawoola nti, nawuli wuntumbulira mu moni chabatu, omwana womutu yesi alimutumbulira mu moni cha ba malayika ba Weere. ⁹. Ne olinekanira mu moni cha batu yesi alimwekanira mu moni cha ba malayika ba Weere. ¹⁰. Nawuli olomaloma emboosi hu mwana womutu alisasirwa, naye oyo ofwotokheresa omwoyo mulafu khaba syalisasirwa.¹¹. Khandi nibabaletanga mu masinaggogi, nende eyiri abatukki, na bowunyala, mutatyanga nga lumulyewosakho ata khandi nga lu muliwoola, ¹². khulwokhuba omwoyo mulafu alibasomesa musikha esyo, bimukhoya muwoole. Olukado Lwomuyiinda Musiru¹³. Omutu mulala musidiikha kamuwoola ati, Omwekesa, woola mwanaama akabane nange ebyowusikha. ¹⁴. Yesu kakowoolamo ati, Mutu ewe nanu owantaawo nga omukayi oba omukabi oba obakowosa alala we byowusikha wenywe? ¹⁵. Nabawoola ati, Mube moni! Mwerindenge okhwekomba khwoosi khulwokhuba owulamu wo mutu sinje ebitu bingi byaaba nabyo.¹⁶. Kabakadira olukaado luno ati: Aliwo omutu omuyiinda, endalo yaye yali yaama lukali. ¹⁷. Nabaasa mu mwoyo kwaye ati, Ndakhole ntye? Khulwokhuba sindi nende ebyaaki bindawuungemo ebirime byange. ¹⁸. Nawoola ati, sino nje sindakhole: nja okhukwisa ebyaaki byange bino, nkhubbe ebikhongo, omwo nje mu ndawuunge emere yange yoosi enyomu nende ebitu byange bindi. ¹⁹. Ndiwoola omwoyo kwange nti, Mwoyo kwange oli nende ebitu bingi ebirayi ebibikhirwe olwe myaaka mingi. Lya owulamu, lya, nywa khandi osangaale.²⁰. Ne Weere kamuwoola ati: musiru ewe! Esiro syene sino owulamu wawo wunakhutusiwekho. Wunanu ebitu byotekekhire nanu olibiyira? ²¹. Manu atyo nje lwaba omutu yeesi owetekekhera owuyiinda khulwaye, ne khandi nga simuyiinda eyiri Weere. Otatya²². Manu Yesu kawoola abeeki baye ati: Nolwesyo mbawoola nti, muteralikhiriranga owulamu wenywe, simunalye, khaba nende emibiri chenywe, simunambale. ²³. Khulwokhuba owulamu wukhira ebyokhulya nomubiri kukhira ebyokhwambala.²⁵Nanu khu enywe mukhweralikhirira onyala kemeedakho ata esaawa ndala yonηene khu wulamu waye? ²⁶Nimutanyala esikhira owutono, sina esiberalikhisa mu bindi? ²⁴. Mubaase khu makhoofwa: khaba sikataaka khandi sikakesa, kawuma byaki ata nensawo; ate nga Weere akaliisa. Ne enywe simukhira amayoni amakhabi mangi!²⁸Ne nisiba mbo Weere kambasa atyo enyaasi lyomundalo, eririwo olwa leero, ne wukhya balisukuna mu muliro, syalikhira okhumbasa okhukhirakho awo, Oo enywe abenfukirira ntono! ²⁷. “Mutingale ebimuli byo’khutale nga bikhula. Khaba sibikhola mulimo oba no’khunaba. Ne mbawola nti, nende Sulemani mu luyaali lyaye lyoosi khaba sikaambalanga okhwakana nende esimuli silala khu nibyo.²⁹Khandi mutatanga emyoyo chenywe khu si munalye oba si munanywe; mutasyelalikhira. ³⁰Khulwokhuba ebitu ebyo byoosi bikonyewa nende abatamanyire Weere wo mukulu, ne latayenywe amanyire ati mubidakha.³¹Ne mukoonye owenenengo waye, ne ebitu bino byosi binakhabongerwekho. ³²Otatyanga, ewe akhayicho khatono; khulwokhuba latayenywe asiima okhubayeresa enywe owenengo.³³Mukuse bimuli nabyo, muwerese abaati. Mwetungirenge ensawo echitakofula, owuyiinda owutawaawo mukulu; omwiibi yatasuda, nende amasiriyi yikatonoonera. ³⁴. Khulwokhuba owuyiinda wenywe yiwuli, nende emyoyo chenywe chosi nje yichiba. Okhuba Moni³⁵Mwambalirenge erala ni mwetekekha okhukhola, namataara kenywe kasikalenge ni kadukha. ³⁶Nga basaacha abalindiriye Omwami wawe okhukoowola okhutula khu mbaga yoweya, naliicha na kuuda khu lwiiki bamwikulirewo mangu mangu.³⁸Siriba sirayi abakhosi omwami balyakaana nibetekekhire, akakheecha musisisimukho syokhubiri oba esyokhudatu. ³⁷. Siriba esirayi eyiri abakhosi abo, omwami wawe balyakaana nibamoka. Masima mbawoolera nti alyambala kabekhasa khu mere keecha kabakawula.³⁹Ne mu manye sino: muuti omwene nyumba nabeye ngomanyire omwiibi anerechere, kakhamokire, sikakhalekhire enyumba yaye okhukhalakiwa. ⁴⁰Nenywe mweesi mwetekekhenge, khulwokhuba omwana womutu kakhechere mu sikha simutamusubiriramo.⁴¹Petero kateeba ati, Omwami, olukaado luno olukaadiye efwe nawo abantu boosi? ⁴²Omwami kamukowolamo ati, Nanu oyo omubiikhi omwesikiwa, owamakesi, omwami waye yalilekhera abo mu nyumba yaye, okhubakaba emikawo chawe echemere mubikha byaayo? ⁴³Siriba esirayi omukhosi oyo omwami waye naliicha, kamwakaana nakhola atyo. ⁴⁴Masima mbawoola nti, alimusigira byoosi byali nabyo.⁴⁶Manu Omwami womukhosi oyo, aliicha khu ludaalo lwatabaasiramo khandi mu bikha byatamanyire. Ali mutematema ebitundutundu, alimuwa omukawo kwaye alala nende abatafukirira. ⁴⁵. Ne omukhosi oyo, naliwoola mu mwoyo kwaye ati, Omwami wange akhindire okhwicha,nachaaka okhukhubba abakhosi basaacha nabakhasi, nende okhulya, nokhunywa, namala ameera.⁴⁷Ne omukhosi oyo omanyire omwami waye syadakha, ne amala akhaya okhutekekha ngo mukhongo waye lwadakha alikhubwa ebifuusi bingi. ⁴⁸. Ne otamanya ne amala akhola ebyo ebimwoosa khu siwonereso okhukhubwa alikhubwa ebifuusi bitono. Ne nawuli awewa ebingi, balimukonyakho bingi; ne oyo yibabikhisa ebingi nje yibalikhira okhuteeba ebingi. Si mirembe Naye khwawukhana⁴⁹Neecha okhuleta omuliro khu syalo, ni nakhadakhire kube nikwachaaka okhwadukha khale! ⁵⁰Ne ndi nende okhubatisiwa khundi nokhubitamo, nga ndi nende endaalo okhwoola lusilyolerera!⁵²Okhutula nende wunanu wuno alibaawo abatu bataanu mu nyumba ndala ni bakawukhanire mulala sya mulala, badatu nende babiri, khandi babiri nende badatu. ⁵³Balikawukhana, latanηηene n’omwana waye, nηηina nende omukhana waye, khandi omukhaana nende masalaηηene, khandi masaala nende mukhomwana, ne mukhomwana nende masalaηηene.” Okhutafuta Ebikha ⁵¹. Mubaasa muuti necha okhuleeta emirembe khu syalo? Bbe, mbawoolera, naye okhwawukhana.⁵⁴Kawoolera esidiikha ati: Nimuwona esireesi nisisiingira okhutula ewukwalyuba, muwangu muwoola muuti, enfula yinaakwe, khandi yiba yinakwe. ⁵⁵Nimuwona omuyaka nikuwuucha nikuyira emwaaalo, muwoola muuti owiire wunaabe woluuya, khandi nje lusiba. ⁵⁶Ababacha! Mumanyire okhukhebera enfwani yesyalo nekkulu. Ne siina esibakayira okhutafuta owiire wuno?⁵⁷Khandi enywe abeene siina esibakayira okhwekhengera ebituufu? ⁵⁸Khulwokhuba noba noocha nende okhuwabira ewomulamusi, kesakho lukali ni musiri khungira, okhuwulirisaniya nende okhuwabiiye ewomulamusi, ataasi awo okhuwabira anyala kakhuwayo ewomulamusi ne omulamusi anyala kakhuwayo ewomukhongo wejeera, nomukhongo wejeera kakhusindikha mu jeera. ⁵⁹Nkhuwola nti, khaba syolitulamo, okhutusakho ngosasuye ekobi lyosi lyoosi.Mweyolobye oba Musikhirire.

¹Ebikha ebyo Yesu kaliwo nabatu abamuwolera ebyali nibyekholekhire e Galiraya nga Pirato lukali nadubanisye amabanga nende ebiwewayo byawe. ². Yesu kabakowolamo ati, Mubaasa muti bino byekholekhire khu ba Galiraya bano khuba nje abakhirakho okhukhola ebibi mu ba Galiraya bandi boosi khulwokhuba basanda baatyo? ³Mbawoola nti khaba sinje siri! Ne okhutusakho nga mukalukhanisye emyoyo chenywe, nowulamu wene ata mwesi mucha okhusikhirira muutyo.⁴Oba abo ekhumi namunaana abafwa esiduuti namatakoola ke Siloomu kabakwakho__ Mubaasa muuti bano nje abali abonooni okhukhirakho abali mu Yerusalemu? ⁵Mbawolera nti, khaba! Nimutakalukhaniya emyoyo nowulamu wenywe, muli sikhirira ata mwesi.⁶Kabawolera olukaado ati: Omusaacha kali nomusaala kwaye omutuli, nga kutakirwe mundalo yaye, eyemisabbibbu, kacha okhuwona nikulikho esyamo, ne sikakaanakho syoosi. ⁷Sakira kawoola omukhosi owali nalabirira endalo kamuwoola ati, emyaka chidatu wunanu mbeyeenge ni nicha okhwewunja esyamo khu musaala kuno nga sinakaanakho syoosi. Kuteme kukwe! Lwasi kwonona eroba werere?⁸Ne omukhosi kamukowolamo ati, Omwami, Lekherakho omusaala kuno omwaaka kundi mulala, nja okhukwakira ngutekho ebikimusa. ⁹Nikulyama, wulayi okulekhawo, nikutalyama esyamo syoosi omwaaka kwicha, sirayi! Nikutaama, okutemawo.Omukhasi mulema Awonesewa OlweSabbiti.¹¹ne aliwo omukhasi omulema wekhwesa owali ni kalemasiwa namaani ke myoyo chebikhyeno emyaaka ekhumi na munaana. Kali kekoda nga syanyala kakangamukha atta. ¹⁰. Khuludaalo lwa sabbiti Yesu kali asomesa mu ndala khu masinaggogi,¹²Yesu nikamuwona, kamulanga kamuwoola ati, Mukhasi ewe, olekhuywe muwunafu wawo. ¹⁴Khu lwe etima khu lwa Yesu okhuwoniya khu sabiiti Omukhulutu we sinaggogi kawolera abatu ati, Aliwo endaalo mukaaga echokhukholeramo emirimo. Manu mwiche muwonesewe mu ndaalo echo, okhulekha olwa sabiiti. ¹³. Kamutakho amakhono kaye, ebikha byene ebyo kanyala okhukangamukha kebasa nafumya Weere.¹⁵Omwami kamukowolamo ati, Enywe ababachirisi! Nawuli mulala khwinywe syawololanga endaawo yaye oba ensunkhiri yaye khu ludaalo lwa sabiiti kayitusa mu sidwoli kayiyira okhuηηwa amaachi?” ¹⁶Wunanu si sikhoyera omukhasi ono, omukhana wa Yibbulayimu, setani yikali ni kawowa emyaaka emilamba ekhumi na munaana, kalekhulwa khu ludaalo lwe’sabiiti okhutula mu byali byamuwowa?”¹⁷Nikawoola sino abali nibamuyinganiya baswala, naye abatu bosi boosi basangala olwebitu ebyamaani bikali nakhola. Engaado Cholumwo LwOmuyofu Namamera.¹⁸Yesu kamala kateeba ati, Owenengo wa Weere wufana wutye? Khandi nyala nawukeraniya khu si? ¹⁹Owenengo wa Weere wuli ngakhamwo khomuyofu, omutu khakawukula kakhataaka mundalo yaye. Khakhula khafukha omusaala, amayoni komubbanga mukeyikama mu masaga kakwo.²⁰Khandi kateeba ati, Sina sinyala nakeraniya khu wenengo wa Weere? ²¹Siri ngamamera omukhasi ka kawukula katawula mu ntamu ekhongo eyo’wusye wubbaakhe okhwola nikakalukhaniya entamu yoosi.” Omulyango Munyiki.²²Yesu kabita mu biko nende mu ngoongo, na’somesa nga lukali nabita okhucha e Yerusalemu. ²³Mulala khu batu kateeba Yesu ati, “Omwami, abatu batono boηηene nje abaliwonesewa? ²⁴Kakowoolamo ati, Mukesekho lukali khandi namaani mwingirire mu mulyango munyiki, khuba bangi, mbawoolera, balikesakho okhwingira ne si balinyala.²⁵Omwene nyumba nasingira kekalawo omulyango, olyema eryanyi no khubba koodi ni wekweeda, nowoola oti, Omwami, twikulirewo.Ne alikowolamo ati, Ese simbamanyire khandi simayire yimutula. ²⁶Awo nje lumuli mukowoola muuti, Khwalya khandi khwanywa nawe, khandi wasomesa mu makira kefwe. ²⁷Ni alibakowoolamo ati, simbamanyire khandi simanyire yimutula. Mutule andi, enywe mweesi abakholi bebibi!²⁸Yiribayo okhulira eyo, nokhusya ameno, nimuliwona Yibulayimu, Isaka nende Yakobo na ba nabbi boosi mu wenengo wa Weere, ne enywe mwabene ni musukunirwe erwanyi. ²⁹Abatu balitula ewutula lyuba newukwa lyuba emukulu nemwalo, baliwukula ebifwo byawe mu muyumo kwomu wenengo wa Weere. ³⁰Masima kene alibawo abo abenyuma abaliba emutwe, khandi abemutwe abaliba abenyuma. Esibeera Sya Yesu Khu lwa Yerusalemi.³¹Mu bikha ebyo balala khu ba Falisaayo beecha eyiri Yesu bawoola baati, Tula mu sifwo sino oche awutu andi. Kerode adakha okhukhwita. ³²Kabakowolamo ati, Muche muwolere ebbwe eryo, Nja okhwirusya ebikhyeno mboniye abatu olwa leero nende muchuli, noludaalo lwokhudatu ndyoseresa emirimo change. ³³Mungira choosi, ntekwa okhuchanakana mu moni olwalero nende muchuli noludaalo lulondakho__ masima yiwuma nabbi yeesi onyala okhufwira erwanyi wa Yerusalemi!³⁴Oo Yerusalemi, Yerusalemi, Enywe abeeta ba nabbi khandi ni mu bakhubba amakina, abo abatumirwe yimuli, amakhabi mangi, nali ndakhire mboniye abatu benywe. Nga lunadakha okhuwuusa abaana benywe alala, ngengokho luyiwusa abayo mu mbaya chayo, ne simwafukirira! ³⁵Wonna, enyumba yenywe yirekhirwe ngekunda. Mbawolera, simulimbona khandi, okhutusakho okhwola ebikha ebyo bimulyola mwawoola muuti, Ali ne nkhabi oyo owichira mu litta lyoMwami. Yesu Mu nyumba Yomu Falisaayo.

²Manu aliwo omutu mu moni chaye owali omulwaye nikasiimba amakulu nende amakhono. ³Yesu kateeba aba Falisaayo nende abalyepulyepu bamalako ati, Sirayi okhuwoniya khu ludaalo lwa sabbiiti oba khaba? ¹Olwe sabbiiti, Yesu nikeengira okhulya mu nyumba yomu Falisaayo owamanyikhana, bali nga bamwekhalirisa lukali.⁴. Nabo bawuleera wusa sakira okhwema khwisyo, kamudiirakho kamuwoniya, kamuseewula. ⁵. Kabateeba ati, nanu khwinywe oli nende omwana musoliri oba ensirusi yaye niyikwiiye mu nsulo olwe sabbiiti otanyala kayitusamo mangu khu lwe sabbiiti? ⁶.Khandi bawuma syoosi sibawola.⁸Omutu nakhulanganga khu mbaga yoweeya, otekhalaanga mu sifwo esyo luyaali, na lundi yinyala okhubaayo okhukhira oluyaali yibalanga. ⁷. Ni keecha kekhalirisa nga abakeni balange lubekhalira mu bifwo byembaga kabawolera olukaado ati: ⁹. Nisiba siityo owabalaanga mwembi nalicha kakhuwoola ati, Weresa omusaacha ono esisaala syawo.Awo olidiirwa ensoni okhukowola mu sifwo esyenyuma.¹⁰. Ne nibakhulanganga, ochanga wekhala mu sifwo esyenyuma, ni okhulaangire nikecha yuli, alikhuwoola ati, Omwiicha, singira osude eno emutwe. Awo oliba noluyaali mu moni chabatu boosi bawikhaaye nabo khu meesa yabakeni. ¹¹. Olwokhuba omutu yeesi oweniiniya amukulu omwene, kakhesewe assi nende oyo oweyisa assi omwene acha okhuniinisiwa amukulu.¹². Yesu kawoola noyo owali namusyasise ati, nokawulanga esyesideete oba esyengoloobe, otalanganga abeecha bawo, ata bamwanamawo, ata abesikha syawo, ata abayiinda abakhusibiranire; nokhola otyo bosi balikhulaanga oliba osasuywe.¹³. Ne nodekhaanga embaga, olanganga abawati nende abekakada nende abalema nabawofwu. ¹⁴. Manu oliweewa enkhabi. Nende aliwuma sibalikhutuunga, olitungiwa mu khusyukhira khwowolerefu. Olukaado Ludiira Khu Mbaga Ekhoongo Lukali.¹⁵. Ebikha ebyo mulala khu abo abali nibekhaaye nende Yesu khu mesa, nikawulira ebyo, kamuwola ati ali nende enkhabi oyo olirya khu muyumo kwowen'engo wa Weere. ¹⁶. Yesu kakowolamu ati: Waliwo omutu owali natekekha embaga nkhoongo kalanga abakeni bangi. ¹⁷. Ebikha bye mbaga nibyolire katuma omukhosi waye okhuwoola abalange ati, Mwiiche, olwokhuba byosi bimalire okhutekekhewa.¹⁸. Ni boosi bachaka okhwerira werira. Owamberi kawoola ati, Khu nakhakula endalo yange ndakha nje njiwone. Khwekalikhiiye ndekhereemo. ¹⁹. Owundi kawoola ati, Khu nakhakula amayeeyi kataanu, njo'khukeekesa okhulima. Nkhwekalikhiiye ndekhereemo. ²⁰. Nowundi ati ese kho nakhadeekhya omukhasi nje esikira niteeche.²¹. Manu omukhosi oyo keecha kawoolera omukhongo waye ebyo. Manu omwene edaala kadiirwa etima kawoola amukhosi waye ati, Tula wangu oche mu makira nende mu tukira twesiko, oleete ano abawati, abekakada, abawofwu bemoni nabalema. ²². Omukhosi kawoola ati, Mukhongo wange, si wumbooye syekholire, ne khandi asiiriwo esifwo.²³. Khandi omukhongo waye kamuwoola ati, Tula oche mu makira nende mu tukira, obawoole beche, kho enyumba yange yiichule. ²⁴. Olwokhuba mbawoola nti bala abalangiwa, yiwuma ata mulala olikhomba khu mbaga yange. Esikhufuula Omweki Wa Yesu.²⁵. Ebidiikha bikhongo byali bichaana naye, Yesu kakaluukhana kabawoola ati: ²⁶. Omutu nanechenge yindi kakhaya okhusyuula simwana nende nηηina, no’mukhasi waye na’baana baye, bamwananηηina nende bambochoηηene__ Yee ata no’wulamu waye__ syanyala okhuba omweki wange. ²⁷. Ne oyo yesi otakiingenge omusalabba kwaye omwene kanoonda sikakhaba mweki wange.²⁸. Nisiba mbo mulala khwinywe adakha okhwombakha enyumba, otatangira kekhala kawona ebidakhiwa nibiriwo ebimala? ²⁹. Nisitaba siityo naba namalire okhuyaba omusiingi nga syanyala okhuyimala, boosi abawona bachaaka okhumuchekha. ³⁰. Nibawoola baati, omutu ono kachaaka okhwombakha enyumba yino ne si kayimala.`³¹. Oba mwenengo siina ochaaka okhuseeta eye eryowenengo wundi. Otatangira kekhala asi kabaliirira naba nanyala okhulwaana nali nekkana lyabalwaani omutwalo mulala okhwakaanana nola owa emitwalo chibiri? ³². Nisitaba siityo, ola naba nasiiri aleyi lukali atuma ba wamuwanda kasaba ebyokhuwulirisaniya. ³³. Manu nasirala, nawuli mutu yeesi khwinywe otefirisenge byoosi byali nabyo, syananyalenge okhuba omweki wange.³⁴. Omunyu mulayi, ne nikuba nikuwamo echamu lyakwo, kukowosewamo kutye echamu lyakwo lundi? ³⁵. Kuwuma mugaso nende mundalo sikukimusa loba; bakusukuna erwanyi. Oli nende amatwi akokhuwulira, awulire. Olukaado Lwe Koondi Eryakota.

¹Olwoola, abasolosi bomusolo nende “abakholi be’bibi” bosi boosi bateranga okhwewusa alala okhumuwulirisa. ²Ne Abafalisaayo nende abasomesa ba’malako beηηuluηηunya nibawoola baati, “Omutu ono asudiya abali ne’bibi khandi alya nabo.”³Manu Yesu keecha kabakaadira olukaado luno ati: ⁴“Nisiba mbo mulala khwinywe aba nende amakondi kaye emya ndala manu erala khwako lyamukotakho, syalekha kala kyenda mu mwenda mu lwayiro kaacha kakoonya lira erala eriba nirikotire okhwoola lwa liwona? ⁵Manu namala okhuliwukaana, alikiinga khumabeka kaye nesangaalo⁶kacha engo. Alaanga abecha baye nende abasye abasibiranire naye kabawoola ati, Musangalirekho alala nange; olwokhuba nakanire ekoondi lyange eryali niryakota. ⁷Mbawoolera nti mu ngira nasirala alibawo esangaalo likhirawo mwikulu khu lwomukhosi webibi mulala okhweyolobya okhukhira abolerefu kyenda mu mwenda abatadakha khweyolobya. Olukaado Lwerubbiya Chakota.⁸Khandi nisiba mbo omukhasi aba nende amagome kesangasa ekhumi nakosyakho erala. Syawambya etaara, keya enyumba birayi kakoonya nowegenderefu okhwoola nalyakaana? ⁹Ne naliwukaana, alaanga abeecha baye nende abatu bamusibiranire alala kabawoola ati, Musangaalirekho alala nange; khulwokhuba mbukanire egome lyange eryali niryakota. ¹⁰Mbawolera nti mungira nasirala, liriba sangaalo mu moni cha ba malayika ba Weere olwomukhosi webibi mulala oweyolobya. Olukaado Lwomusyani Wakota.¹¹Yesu kemeeda: ngawoola abatu ati, aliwo omutu owali nende abasyani baye babiri. ¹²Omuyere kawoola simwana ati, Bbabba, mberese omukawo khu myandu chawo. Manu sawe kabakabaniya ebyowuyiinda waye.¹³Olwoola olunyuma lwe’ndaalo echitasi nyiingi, omusyani muyere kawuusa ebyaye byoosi, kakenda kaacha mu syalo syeyale kachakachakiya ebitu byaye mu nsambo embi. ¹⁴Olwoola nikamala okhubirya byoosi, enjala nyiingi yecha yakwa musyalo omwo, kachaaka okhusaanda.¹⁵Keecha kewaayo ewomutu wesyalo esyo, owamuwayo kamusiindikha okhumwayiranga embichi. ¹⁶. Kola okhwekomba okhulya ebyola embiichi bichalyangakho, naye awuma omutu omuwa syoosi.¹⁷. Ne nikeyolobya, kawoola ati, abakhosi banga abomusaara aba bbabba abekuta ebyokhulya birayi byasikalawo, ne nga ese nfwira ano enjala! ¹⁸. Nja okhusiingira nje eyiri bbabba muwole nti: bbabba, nyasiise eyiri ekkulu nende mu moni chawo. ¹⁹. Sinsikhoyera okhulangiwa omwana wawo; mbire nga mulala khu bakhosi bawo abomusaara.²⁰. Kasiingira kaacha eyiri simwana. Ne nikali nasiiri eyale, simwana kamuwona kamukwiira esisa; kerukha kamukwa mu sirifu, kamwekesa okhudakha khukali. ²¹. Oyo mwana kawoolera simwana ati, Bbabba, nyasiise eyiri ekkulu nende mu moni chawo. Sisinkhoyera okhulangiwa omwana wawo.²². Naye simwana kawoola abakhosi baye ati, Wangu! Muleete enguwo endayi eyikhira choosi muyimwambase. Mukakikhe empetta khu lwala mu mwambase ebiraato mu makulu kaye. ²³. Muleete nende enηηombe ndaaga endayi khandi enulu mwiite. Khulye khusangaale. ²⁴. Olwokhuba omwana wange ono kali afwiye ne asyukhiye khandi; kali akotire ne wunanu awonekhire.’ Khulwesiyo bachaaka okhusangaala.²⁵. “Naye omwana waye omukhuluutu kali mundalo. Nikeecha nali ambi okhwola khu nyumba, kawulira enyembo na’makhina. ²⁶. Khulwesyo kalaanga mulala khu bakhosi basimwana kamuteeba sina esichanakana. ²⁷. Kamuwolera ati, ‘mwanamawo kechire.’ Lataawo amwitiiye enηηombe yamasinya olwokhuba awonekhire ni mulamu.²⁸. Naye omusyani mukhuluutu kadiirwa etima lukali, kakaana nokhwingira mudaala. simwana katula eryanyi kamwekalikhira. ²⁹. Ne kakowolamo kawoola simwana ati, Wona! Emyaaka chino miingi nga nkhukholera ngomuwambe yuli khandi sinkhutenguwangakho. Ata nawutono siwumbangakho ata akhameeme okhusangaala nabeecha bange. ³⁰. Naye omusyani wawo ono, owalya emaali yawo alala nende ba malaaya nikeechire omwitiye enηηombe ndaaga enulu!’³¹. Simwana kamukowolamo ati, “‘Mwana wange, ewe wuli ludalo oba alala nange, khandi ebyange byosi byoosi byawo. ³². Ne omwekhoyo nende okhusangaala bikhoyire bibewo, khulwokhuba mwanamaawo ono kali afwiye alamukhire khandi; kali akotire awonekhire. Olukaado Lwo Mubiikhi Mukesikesi.

¹Yesu kawoolera abeeki baye ati: Aliwo omutu omuyiinda owali nende omubiikhi waye yibamuloopera baati konoona ebitu byaye. ². Kamulaanga kamuteeba ati, siina sino simbulira khwiiwe? Mberese embaliirira yowubiikhi wawo, okhuba syocha okhwemeeda okhuba omubiikhi wange khandi.³. Omubiikhi ono kawoola mu mwoyo kwaye ati, Ndakhole ntye wunaanu? Olwokhuba omukhongo wange kantusiisekho omulimo kwange? Mbuma maani kalima, khandi ndi owensoni okhusabirisa__ ⁴. Manyire sinja okhukhola, nibananjirusye mu wubiikhi, abatu banambukaanire mu mayumba kawe.⁵. Manu kacha kalaanga wuli oli nende ekobi lyomukhongo waye. Kawoola owamberi ati, Omukhongo wange akhubaanja chinga? ⁶. Kamuwoola ati, ebikero byamafuta emya munana. Omubiikhi kamuwoola ati, Wukula ebaruwa yawo yibakhubanjirakho, wikhale wangu owandiike amakhumi kane. ⁷. Khandi kateeba owokhubiri ati, nawe obanjiwa si?’ Kamuwoola ati, “‘Ebidubi elifu ndala ebye’ŋaano.’ “Kamuwoola ati, ‘wukula ebaruwa yibakhubanjirakho owandiike emya munaana.’⁸“Manu omukhongo waye oyo keecha kamupaakhya omubiikhi otaasi omwesikwa oyo olwokhuba okholire ebyamakesi. Olwokhuba abatu besyalo sino bakesikesi mubikha byawe okhukhira abatu bomubasu. ⁹. Sesi mbawoola nti, mweyambirenge owiicha muwuyiinda wesyalo owuwawo, niwuliwawo kho mwanirisiwe mu wuyiinda wekulu.¹⁰. Oba omwesikwa khusiitu esitono lukali, nende khusikhongo aba mwesikwa. Naye otasi mwesikwa khu siitu esitono lukali, syaliba mwesikwa ata khu sikali. ¹¹. Wunaanu ni munabenge abataasi besikwa khu wuyiinda we’syalo sino nanu olibabiikhisa (owuyiinda) owa’masima? ¹². Khandi nimutabenge abesikwa khu esyo esyabene, esyenywe nanu olisibawa?¹³. Yiwumawo omukhosi anyala kakholera abakhongo babiri. Olwokhuba alirekhakho mulala kadakha owundi, oba alyomiirira khu mulala kalekeresa owundi. Simunyala okhukholera byombi Weere nende erubbya.¹⁴. Abafalisaayo, abadakhanga lukali erubbya, bawulira binno byoosi, bechusyula Yesu. ¹⁵Kabawoola ati, Enywe abelanga abolerefu mu moni chabatu, ne Weere amanyire emyoyo chenywe. Esyo sibalanga mbo syebbeyi ngali mu moni chabatu nje esitakhoyera mu moni cha Weere. Enjekesa Che meedakho.¹⁶. Amalako nowu Nabbi byalangirirwa okhwola khu Yokana. Okhutula awo, amawulire malayi akowenengo wa Weere kali okhuwuulirwa, khandi wuli mutu kengiramo sirifu. ¹⁷Syangu ekulu nende esyalo okhutulawo okhukhira enukuta ndala entono eyamalako okhumekukhakho.¹⁸. Omutu yeesi onerusyeenge omukhasi waye, kadekhya owundi anabeenge akholire owudamba, ne omusaacha oyo onadekhyenge omukhasi yiberusya, anabeenge akholire owudamba. Omusaacha muyiinda Nende Lasaro.²¹nga kekomba okhulya ebyalakakhanga okhutula khu meesa yOmuyiinda. Khandi nembwa chosi chechanga nichikhomberera amakonjo kaye. ¹⁹. Olwoola aliwo omutu omuyiinda owambalanga enguwo echoluyaali nende ebichiirakho ebirayi ebyebbeyi, nga asangaalanga wuli ludaalo mukhwedakha. ²⁰.Khumulyaango kwaye bakoniyangawo omusabirisi olangiwa Lasaro, owali natemukhire temukhire amakoonjo²². Ebikha byola omusabirisi kafwa ba malayika bamukiinga bamuta mu lubafu lwa Yibbulayimu. Nomuyiinda yesi kola kafwa kasikhiwa. ²³. Emakombe yi kali mu wuchuni, kasingisa emoni chaye kawonera Yibbulayimu aleyi, nende Lasaro nali mu lubafu lwaye.²⁴. Kalomalomera amukulu kawoola ati, Bbabba Yibbulayimu, ngwire esisa otume Lasaro kenikhe olwala lwaye mu maachi kanyisyekho olulimi lwange, olwokhuba ndi mu wuchuni wamaani mu muliro kuno.²⁵. Ne Yibbulayimu kamukowolamo ati, ‘Musyaniηηene, yichulisa oti no’siiri omulamu wafuna ebitu byawo ebirayi, ne Lasaro kafuna ebitu bibi, ne wunanu nje osangasiwa eno, nawe oli mu wuchuni wukali. ²⁶. Notusisekho binno byoosi, akati wefwe nanywe aliwo olukhokho oluleeyi olwatewawo, abadakha okhwicha eno bakhayenge okhutwolakho, ata nende abadakha okhwicha eyo batabolakho.²⁷. Kawoola ati, Manu nkhwekalikhiiye, Bbabba tuma Lasaro engo wefwe, ²⁸. olwokhuba ndi nende bamwanama bataanu. Lekha ache abalawule bakhaye bosi okhwiicha mu sifwo esye’saando sino.²⁹.Yibbulayimu kawoola ati, bali nende Musa nende ba Nabbi; ba bawulirenge abo. ³⁰. Kamukowoolamo ati, Khaba, bbaba Yibbulayimu, Wichukhana mulala khu bafu katulamo kacha yibali, bakheyolobya. ³¹. Kamuwoola ati, Ne nibatawulira Musa nende ba Nabbi, ata nende mulala khu baffu akakhasyukha syali bafukiirisa. Esibi, Enfukiirira, okhukhola.

¹Yesu kawoola abeeki baye ati: Ebitu bikira abatu okhukhola ebibi biicha, ne chimwakaanire oyo yibiribitiramo. ². Syakhali silayi oyo awoywe olukina mukosi lyaye asukuniwe mu kuyanja, okhukhira okhukayirira mulala khwabo abeyere.³. Mwerindenge. Mwanamawo nikononaanga, omukerakiranga, nikeyolobyaanga, omulekherangamo. ⁴. Ne nakhukholanga owubi amakhabi musanfu mu ludaalo lulala, khandi kakowola yoli amakhabi musanfu kawoola ati, Neyolobisye,omulekherangamo.⁵. Abatume bawoola Omwaami baati twongerekho enfukiirira! ⁶. Kabakowolamo ati, Muba nimuli nende okhufukiirira nga akhamwo akho muyofu, mwakhawooye omukhuyu kuno muuti, Wesyule wetake mu Kuyanja,manu kwakhabawuliiye.⁷. Nisiba nga mulala khwinywe ali nende omukhosi nga alimisa eŋombe oba nga kaya amakoondi. Si kakhamuwoola omukhosi waye naba natula mundalo ati, ‘Yicha wunaanu wikhale assi olye’? ⁸. Oba si kakhawoola ati, ‘Tereesa esye’ngolobe ndye, wetereese wulayi wuninde nindya khandi ninywa; khu wesi omale olye khandi onywe’?⁹. Si kakhamwebasise omukhosi waye oyo olwokhukhola byamuwooye? ¹⁰Manu mutyo mwesi nimunamalenge okhukhola byosi bimwawolewa okhukhola, muwoolenge muuti, khuli abakhosi abatakhoyera; ebikhoyera okhukhola nje bikhukholire.Ekhumi bawonesewa ebikenge.¹¹. Wunaanu khu lukeendo lwaye naacha e Yerusalemu, Yesu kabita khu lwaakho akati wa Samaliya nende Galiraaya. ¹². Ne nikali nikakhengira mu lukoongo lundi, abatu ekhumi abakenge bawukanana naye. Bema khanayiro. ¹³Balomalomera amukulu bawoola baati, Yesu mukhongo wefwe, tukwiire esisa!¹⁴. Nikabawona kabawoola ati, Muche mweyekese eyiri bakhawona.Nga lubali nibacha balabisiwa. ¹⁵. Naye mulala khubo, nikawona nga owonire, kakowola enyuma, nga akiniya Weere nekono ekhoongo. ¹⁶. Kakwa kafumala mu makulu ka Yesu nga amwebasa__ ni khandi oyo kali omu Samaliya.¹⁷. Yesu kateeba ati, Abalabisiyiwe sibabeye ekhumi? Ne bala mwenda bali? ¹⁸. Siwawonekhire ata mulala kakowola okhukiniya Weere okhutusakho omukeni onno? ¹⁹Manu kamuwola ati, siingira oweewo; enfukiirira yawo yikhuwoniisye. Okhwiicha Khw’owenengo Wa Weere.²¹ata abatu sibaliwoola baati, Wona wuli anoOba baati wuli ala Olwokhuba Owenengo wa Weere wuli mwinywe. ²⁰. Olwola, nikali namalire okhuteebewa nende abaFalisaayo nga owenengo wa Weere lu wulichiramo, Yesu kabakowolamo ati, Owenengo wa Weere si wiicha nende okhwetegeresa khwa makesi kenywe,²². Kawoola abeeki baye ati, Endaalo chicha okhwiicha lumulyekomba okhuwona lulala khu ndaalo chomwana womutu, ne nga simuliluwona. ²³. Manu abatu balibawoola baati, Ngula ali ala!Oba nguno ano! Muterukhanga ni mubalondakho. ²⁴. Olwokhuba omwana womutu mu ludaalo lwaye luliba ngokhumyeesa, olumyesukha lwalafuya ekkulu okhutulira khuluwaande lulala okhucha khu lundi.²⁵. Okhusokha atekwa okhusaanda lukali mu bitu bingi nokhwekaniwa naboluse luno. ²⁶. Nga lubyali mu ndaalo cha Nuwa, biityo nje lubiriba nende mu ndaalo chomwana womutu. ²⁷. Abatu bali ni balya,ni banywa,ni badeekha khandi nga badekhya, okhwoola khu ludaalo Nuwa lukengirira mu lyaato. Okhwoola nga enfula ya namadowa luyeecha yabasikhirisa boosi.²⁸Nasirala nga lubyali mu ndaalo cha Luti. Abatu bali nga balya, banywa, bakula, bakusa, bataaka, khandi nga bombakha. ²⁹. Naye khu ludaalo lula Luti lukatula mu Sodomu, omuliro nowunyotera lu byakwa okhutula mukulu byabasikhirisa bosi boosi.³⁰. Siityo nje lusiriba, khu ludaalo omwana womutu lwaliwonekherakho. ³¹. Khu ludaalo olwo awuma oliba khusirama amukulu khu nyumba yaye, nebitu byaye, nga biri mukati, atekhanga okhubitusamo. Mu ngeri nasirala noyo oli mu ndalo atakowolanga engo okhwenda esitu syosi syoosi.³². Mwichulise omukhasi wa Luti! ³³. Wuli Wuli okoonya okhuwoniya owulamu waye aliwukosya, naye wuli okosya owulamu waye, aliwuwoniya.³⁴. Mbawoola nti, musiro esyo babiri abaliba khu sitanda sirala; mulala kakhayiriwe, nowundi alirekhewa. ³⁵. Abakhasi babiri baliba nibasyeera alala khungina chamakhono mulala kakhayiriwe nowundi kakhalekhewe. ³⁶Bateeba baati, Ena, Omwaami? Kabakowoolamo ati, Awaba omulambo nje engosya achewuusira.”. ³⁷. Bateeba baati, Ena, Omwaami? Kabakowoolamo ati, Awaba omulambo nje engosya achewuusira.”

Sakayo Omuwoosa. ¹.Yesu kengira mu Yeriko nikali nabitamo. ². Omutu erita lyaye Sakayo; kalimukhuluutu wabasolosi bo'musolo khandi nga muyiinda.³. Kakhenga amakesi okhuwona Yesu nga lwali, olwokhuba kali mumbikkiti si kamuwona khu lwowungi wa batu. ⁴. Kerukha katangiramo kaniina omusaala mukhuyu ambi nende engira khwamuwone khulwokhuba Yesu kali acha okhubita khungira eyo.⁵. Ne Yesu nikoola musifwo Sakayo akali, katingaala amukulu, kamuwoola ati, Sakayo, yiikha wangu. Olwokhuba olwalero sikhoyera ese okhwikhala mu nyumba yawo. ⁶. Kekha mangu kamuwukanira ne’sangaalo. ⁷. Abatu nibawona beηηuluηηunya boosi baati, “Kengiye okhuba omukeni wo’mutu oli nende ebibi.⁸. Naye Sakayo Kasiingira keema kawoola Yesu ati, “Wona, Omwami! Esitundu sy’ebitu byange mbiwa abawati, nimba ni nakosobanyakho esitu syomutu yeesi mukowoserawo amakhabi kane. ⁹. Yesu kamuwoola ati, olwaleero okhuwonesewa khwichire mu nyumba muno, olwokhuba omutu ono yesi mwana wa Yibbulayimu. ¹⁰. Olwokhuba omwana wo mutu kecha okhukoonya nokhuwoniya esyo esyali syakota. Olukaado Lwe Enhera Ekkhumi.¹¹. Abatu nibali basiwuliririsa ebyo, Yesu kacha mumoni kakaada olukaado, olwokhuba kali ambi nende Yerusalemi khandi olwokhuba bali babaasa baati Owenengo wa Weere wucha okhwoola mangu. ¹². Sakira mbawoola nti: Aliwo omutu woluyaali owacha mu syalo aleyi, okhuba omwenengo khwamale akowole.¹³. Kalanga abakhosi baye ekhumi kabawa enkhera ekhumi, kabawoola ati, Musuwulenge okhwola lundikowoola. ¹⁴. Ne abasaacha baye bano boola bamusyuula, batuma bawamuwanda naweyeyo nga bawoola baati, Sikhudakha oyo okhuba omwenengo. ¹⁵. Olwoola nikakowola namalire okhuba omwenengo, kalagira balange abatu abo bakawa erubya, khwamanye amagoba kabafuna mu khusuwula khwawe.¹⁶Owamberi mwene keecha kawoola ati, Mukhongo wange, erubya yawo yewula echindi ekhumi. ¹⁷. Kamuwoola ati, Webale, omukhosi mulayi!Olwokhuba wali omwesikwa khu biitu bitono, manu ba nowunyala khu biko ekhumi.¹⁸. Owokhubiri yesi keecha kamuwoola ati, mukhongo wange erubya yawo yewula echiindi chitaanu. ¹⁹. Oyo yeesi kamuwoola ati, bamukhongo we biko bitaanu.²⁰. Khandi owundi keecha kawoola ati, Mukhongo wange, wona, erubya yawo njino; yinabiikha nga njiwoyire mu sitambaara. ²¹. Olwokhuba nakhutya, oli omutu omudinyu lukali. Owukula syotabiikha, khandi waakessa byotataaka.²². Omukhongo waye kamuwoola ati, Nja okhukhukhengera omusaango olwemboosi chomunwa kwawo wa'mwene, omukhosi mubi! Wamanya oti ese ndi mutu mudinyu, mbukula bintabiikha, naakessa bintataaka? ²³. Wunaanu sina syeene esyakhukayira okhuwa erubya yange abachurusi, sesi ninakhakowoye, si nakhayiwukuye niyirikho amagoba?²⁴. Kawoola abatu abali nibemire ambi awo ati, Mu mutusekho enkhera yaye muyiwe oyo oli nende enkhera ekhumi. ²⁵. Bamuwoola baati mukhongo wefwe, ali nenkhera ekhumi!²⁶. Kabakowoolamo ati, nawuli oli nabyo alyongerwakho, ne oyo owuma nabyo, ata nende esitono syaali ni nasyo sirimutusiwakho. ²⁷. Ne abo abasiku bange abatandakha ese okhubatukka__ mubaleete ano, mubeetere mu moni change. Enyingira yoluyaali.²⁸. Yesu nikamala okhulomaloma ebyo, katangiramo, kaacha amukulu e Yerusalemi.³⁰Muche mulukoongo luli emutwe wenywe, ne nimuba nimwingira omwo munawone omwana kwe nsukhiri, nikuwoyirwe, omutu yeesi kwatekhalangakho, mukuwolole mu kuleete ano. ²⁹. Awo olwoola nikali nali ambi okhwoola e Besufage nende e Besaniya khu lugulu lubalanga olwa Seyituni, katuma khu beeki baye babiri nga awoola ati, ³¹. Ne omutu nabateeba ati, Mukuwololera si? Mu muwoole muuti, Omwami wefwe nje okudakha.³². Manu abo abatumiwa bacha bawona nga lukali abawooye. ³³. Manu nibali nibawoolola omwana kwensukhiri, abeenekwo babateeba baati, Omwana kwe nsukhiri okwo muwolola kwaasi? ³⁴. Bakowoolamu baati, Omwami wefwe nje okudakha. ³⁵. Bakuleeta eyiri Yesu. Manu bakwalakho enguwo chawe, bekhasakho Yesu. ³⁶. Manu nikali nakeenda, abatu baala enguwo chawe khungira.³⁷. Manu nikali nali ambi okhwoola khusikhiriro syolugulu lwa Seyituni, esidiikha syosi esyabeeki bachaaka okhusangaala nokhufumya Weere nekkono ekhongo olwebyamakana byoosi bi bawona: ³⁸. Ali nende enkhabi omwenengo owiicha n eriita lyomwami! Emirembe mukkulu, noluyaali amukulu lukali!³⁹. AbaFalisayo bandi abali mu sidiikha, bawoola Yesu baati, Omwekesa walabira abeeki bawo ⁴⁰. Kakowo Yesu kabawoola ati, Mbawoola nti abo nibawuleera, amakina kanakhumulire amukulu.⁴¹. Yesu nikasuda ambi nende Yerusalemi kawoona esiko, kasiririra ⁴². nga awoola ati, oba omanyire olwaleero luno ewe emboosi echikhuletera emirembe__ ne wunaanu chakisiwa mu moni chawo.⁴³. Olwokhuba endaalo chicha okhwola, abasikku bawo bacha okhwombakha emigiiggo, bali khwewodokhaniya, balikhukayira emaande choosi, bali khusukuna assi, nabaana bawo abali musidda syolusito lwawo. ⁴⁴. Sibalirekha ekina khu liindi, olwokhuba siwateegera ebikha byokhwicha khwa Weere yuli. Yesu Mu nyumba Ya Weere.⁴⁵. Khandi kengira mu nyumba ya Weere. ⁴⁶. Kachaaka okhwirusamo abali nibakusa ebiitu kabawoola ati, “Syawandiikiwa siiti”, “’Enyumba yange yinabenge nyumba yo’khusabiramo: Naye enywe muyikalukhanisye okhuba enηηungu yabanyakka.’”⁴⁷. Wuli ludaalo kasomesanga mu nyumba ya Weere. Naye abakhuluutu mu nyumba ya Weere nende abasomesa bamalako nende abatangirisi babatu baliingi bakhenga amakesi okhumwiita. ⁴⁸. Bakhaywa esyokhukhola; olwokhuba abatu boosi bali bomiriye khu mboosi chaye. Owunyala Wa Yesu wutebewa

¹Oludaalo lundi Yesu nikali nali okhwekesanga abatu mu nyumba ya Weere khandi nga awuulira emboosi ndayi, bakhawona bakhuluutu nabasomesa bamalako, alala nende abatangirisi ba batu, baniina baacha yali. ²Bamuteeba baati, Tuwolere wunyala si wokholeramo ebitu bino.Oba nanu mweene owakhuwa owunyala wuno?³. Kabakowolamo ati, Ese sesi nja okhubateba sino. Mu mbolerekho, ⁴. okhubatiisa khwa Yokana__ khwali khutula mukulu, oba mu batu?⁵. Manu beecha betesamo abene nabeene ni bawoola baati, Nikhuwoola khuti, khwatula mukulu, aba anatuteebe ati Lwasiina simwamufukiirira? ⁶. Ne nikhuwoola khuti, Khwatula mu batu, abatu bano boosi boosi baba bacha okhutukhubba amakina, khulwokhuba bafukirira baati Yokana kali nabbi.⁷. Manu bakowoolamo baati, Fwesi sikhumanyire yikhwatula. ⁸. Manu Yesu kabawolera ati, Sesi siniicha khubawoolera owunyala wunkholeramo ebitu bino yiwutula. Olukaado Lwabapangisa Be ndalo.⁹. Manu kacha mu moni nokhubakaadira olukaado luno ati: Abaawo omusaacha wundi owalima endalo ye misabbibu, manu keecha kayirekhera abalimi. Kaacha mu syalo sindi, yikakhinda. ¹⁰. Ne ebikha byokhunoka ebyaamo nibyola keecha kaatuma mulala khu bakhosi baye eyiri abaliimi ngadakha bamuweresekho khu byaamo byomundalo eyo. Naye abaliimi beecha bamukhubba bamwirusya makhono merere.¹¹. Khandi keecha kaatuma omukhosi wundi, oyo yesi beecha bamukhubba, bamwambula bamuswasa lukali manu bamwirusya makhono mereere. ¹². Khandi keecha kaatuma owokhudatu, oyo yesi beecha bamufumita bamusukuna erwanyi.¹³Omwene ndalo yemisabbibbu keteeba ati, Nnakhole ntye? Khantume omwana wange, omudakhwa; fwana bakhamutemo oluyaali. ¹⁴Ne abaliimi ni bamuwona, beecha bemonyana abene nabeene baati. Ono nje omusikha, bawoola baati, lekha khumwiite, owusikha wutusikalire.¹⁵Manu beecha bamusukuna erwanyi wendalo ye misabibu bamwiita. Omwene ndalo yemisabbibbu aba acha okhukholera sina abatu abo? ¹⁶Acha okhwicha manu asikhirise abakhosi abo manu endalo eyo ayikabe abatu bandi. Manu nibawulira sino, bawoola baati, Sitabakho siityo ata nawutono!¹⁷Ne Yesu kabewunja lukali namala abateeba ati, Esyawandiikiwa sino syekesa si: Ekina abombakhi libakhaya nje eryafuukha eggumu eryokhunsonda? ¹⁸. Nawuli mutu yesi owekumula khukina eryo acha okhusasakukha ebitundutundu, ne nirikwa khu mutu yesi licha okhumuminiyangula.¹⁹. Awo abasomesa bamalako nende bakhawona bakhuluutu bakhenga amakesi okhumudiira awo nawo, khulwokhuba bali batya abatu. Okhusasula Omusolo kwa Kayisaali ²⁰. Nga lubali ni bamwekhalirisa wulayi, bamala batuma abakhemekeresi, abefuula okhuba abolerefu. Basuubira okhudiira Yesu mu mboosi chaye, khu banyale okhudisya abowunyala nende owutukki wa Masasa. Abakhemeresi becha bateeba Yesu baati:²¹. Omwekesa, efwe khumanyire khuuti olomaloma khandi biwekesa byamasima, khandi khaba si wekhubbira naye osomesa engira cha Weere mu masima. ²². Manu sifukirirwa efwe okhukhubbiranga Kayisaali omusolo oba khaba?²³. Ne Yesu kamanya okhwefuula khwawe manu kabawolera ati, ²⁴. Munjekesekho eddinaali. Esifananyi nende owuwandiike wulikho wa naanu?²⁵Bawoola baati, Bya Kayisaali. Kabakowolamo ati, Manu muweresenge Kayisaali ebya Kayisaali, nende Weere ebya Weere. ²⁶. Ne sibanyala bakaana emboosi yosi eyinyala okhudisa Yesu omusango okhutula mu mboosi chikalomaloma mu moni cha batu, bawuka bi kakowolamo ni bamala banyita chi. Okhusyukhira Nokhudekhesaniya²⁷. Aba Sadukaayo bandi, abali nibawoola baati yiwuma okhusyukhira, beecha eyiri Yesu nesiteewo. ²⁸. Nibawoola baati, Omwekesa,Musa ka tuwandiikira ati, mwanaηηina mutu nafwa kalekhawo omukhasi natewula naye abaana, omusaacha oyo ateekhwa okhudehya omufwire manu kewulira mwanaηηina wafwa oyo abaana.³¹khandi owokhudatu yesi kamudekhya byaba biityo. Manu nasirara batyo boosi musaanfu baafwa, nibatalehirewo abaana. ²⁹. Wunaanu aliwo abasyani benda ndala musaanfu. Owamberi kadekhya omukhasi manu kaafwa natalekhirewo omwana. ³⁰. Owukhubiri ³². Olunyuma lwabyo, omukhasi yeesi keecha kaafwa. ³³. Ne wunaanu mu khusyukhira khwabafwa, omukhasi oyo aliiba wa naanu mweene? Khubanga boosi musaanfu bamudehyakho?³⁴. Ne Yesu kabakowolamo ati, Abatu bendaalo chino badehya khandi badeekha. ³⁵. Naye abo abakhoyera okhuba mu wulamu wiicha nende mukhusyukhira khwa bafwa, khaba sibalidekhya khandi sibalidekha ³⁶khulwokhuba sibaliba basiifwa; khandi khulwokhuba bali nga ba Malayika. Baana ba Weere, khulwokhuba baana bokhusyukhira.³⁷. Naye okhwema khubyaliwo munyasi, ata Musa yesi kekesa alafu ati abafu basyukhira, olwokhuba alaanga omwami ati Weere wa Yibulayimu, khandi Weere wa Yisaka, khandi Weere wa Yakobo. ³⁸. Khaba si Weere wa bafu, naye owa balamu, khulwokhuba mu ye abatu boosi balamu.³⁹. Balala khu basomesa ba malako bandi becha bakowolamo baati, Olomalomire birayi, omweekesa! ⁴⁰. Okhutula awo yawumawo omutu yeesi owakesakho okhumuteeba ebiteewo bindi. Kurisito Musyani Wa Naanu?⁴¹. Khandi Yesu kabawoola ati, Bawoola batye nti Kurisito mwana wa Dawudi? ⁴². Khulwokhuba Dawudi omwene alomaloma mu sitawo sya Sabbuli ati: Omwami kawoola omwami wange ati: Yikhaala khu mukhono kwange mulungi ⁴³. Okhwola lundikawukhaniya abaasikku bawo okhuba esisaala sya makulu kawo. ⁴⁴. Dawudi amulaanga ati, Omwami waye. ne mwana waye atye?⁴⁵. Ne abatu boosi nibali nibamutekeresa, Yesu kawoleera abeeki baye ati, ⁴⁶. Mwerindenge abasomesa bamalako. Badakha okhukendera mu nguwo ndeyi badakha okhubakheesa nibali muwutale nende nibekhala mu bisaala byemutwe mu sinaggogi nende ebifwo byoluyaali khu mbaga. ⁴⁷. Banyakula amayumba ka bafwire ne mukhweyekesa baba nokhwekalikhira khuleeyi. Ne abatu nga abo balisaandisiwa lukali.

Esiyanwa Syo Mufwire. ¹Nikasingisa emoni amukulu, Yesu kawona abayiinda abali nibata ebiyanwa byawe mu siibbo syenyumba ya Weere. ². Khandi kawona omufwire mulala omuwati nga atamo owukhera wutono wubiri. ³. Kawoola ati, masima mbawoola nti omufwire ono omuwati ateyemo biingi okhukhira boosi. ⁴. Olwokhuba abatu abo boosi bataamo ebiwanwa byawe khu lwowuyiinda wawe; naye ono mu wumanani waye ateyemo byoosi byali nabyo muwulamu waye. Owuwonero Wendaalo Chisembayo⁵. Abandi khu beeki baye bali ni balomaloma khu nyumba ya Weere nga luyimekhamekhana namakina amalayi nebiwewayo eyiri Weere. Naye Yesu kawoola ati, ⁶. Bino bimuwona ano, ebikha bicha okhwoola ekina likhaye okhulekhewa khukina liindi; eritalisukuniwa assi.⁷. Bamuteeba nibawoola baati, Omusomesa, manu ebyo biribaawo liina? Khawonero si akhalibaawo ebyo nibyakhabe nibiri ambi okhubaawo? ⁸. Kabawoola ati: Mube moni bakhaye okhubakosya. Olwokhuba bangi abaliichira mu liita lyange, nibawoola baati, mbano niise oyo,khandi baati ebikha biri ambi okhwoola. mutabalondaanga. ⁹. Naye nimuwuliranga ebiita nende embukuma, mutesiindukha. Olwokhuba bino bikhoyera okhutangira okhwiicha, naye enjakamo siyicha khwiicha muwangu.¹⁰. Khandi kabawoola ati: Esyalo syakhaseete esyalo siindi, nowenengo wuliseeta owenengo. ¹¹. Alibaawo embukuma ngali, mubituundu biindi, enjala nowulwaaye wamaani; alibaawo nende ebitiisya nende owuwonero wukali okhutula mukkulu.¹²Naye ebyo byoosi nibisiiri okhubawo, balibadiira, balibasaandya. Nga babayira mu sinaggogi nende mu majeera, nga babayira eyiri ebenengo nende abamasasa, ebyo byosi byoosi birikholewa khu lweriita lyange. ¹³. Sino siritulamo enywe okhuba abajjulisi yibali.¹⁴. Manu musite mu myoyo chenywe, mukhayenge okhutya niwusiiri bimulikowolamo. ¹⁵. Olwokhuba ndibawa emboosi namakesi nga yiwuma abasuku benywe boosi bi balinyala okhuyinganiya ata okhukaana.¹⁶. Ne muli liriwamo olukhwe ata nabeewusi, nabaana benywe, abekho, nabeecha, ata balala khwinywe baliitiwa. ¹⁷. Abatu boosi balibasyula khu lwange. ¹⁸. Naye ata nolufwiri lulala khu mitwe chenywe silulisikhirira. ¹⁹. Mu khwesimirisa mulifuna owulamu wenywe.²⁰. Naye ni muliwona Yerusalemi nisyewodokhanisiiwe amaye, kho mumanye muuti okhusikhirira khwasyo khuli ambi okhwoola. ²¹. Manu mulekhenge abo aba Yudaaya berukhire khu ngulu; nabali akati wesiko, batasitulangamo; nabali mu byalo batengiranga musiko. ²². Chino nje endaalo echokhuwoneresewa olwokhwoseresa ebyo byoosi ebyawandiikiwa.²³Nga siriba esyakhabi eyiri abakhasi bali nenda nende abanuniya mu ndaalo echo! Olwokhuba engisa yiriba nyiingi khu syalo nende ettima eyiri abatu abo. ²⁴. Bacha okhwitiwa nowoki wa makhande, baliwambiwa bayiriwa mu byalo byoosi nga abawowe. Yerusalemi syakhasenakirirwe nabateende okhwoola endaalo chabateende luchiryolerera.²⁵. “Alibaawo owuwonero khu lyuuba, khu mweesi nende khunηηiniηηini. Nende khu syalo, ebyalo byakhabe nende engisa nga batya olwokhuwoola khwo’kuyanja ne’nfinda. ²⁶. Abatu balisirikhakho olwo wuti, ni balyelalikhirira khu lwebiicha khu syalo, olwokhuba amaani akomwikulu kacha okhudenganisiwa.²⁷. Khu bikha ebyo baliwona omwana womutu ni kechera mu sireesi namaani noluyaali lukali. ²⁸Naye ebitu bino ni bichaaka okhubaawo, mweme, musingisenge emitwe chenywe amukulu; olwokhuba okhuwonesewa khwenywe khuliba ambi okhwoola.²⁹. Kabakaadira olukaado ati: Mwewunje omutuli nende emisaala choosi. ³⁰. Nichisewukha, muwona ne mumanya abene muuti esirumbi siri ambi. ³¹. Manu mweesi muutyo, ni muwonanga ebyo ni bibaawo, mumanyanga muuti Owenengo wa Weere wuli ambi.³². Masima mbawoola nti, oluse lunno siluliwaawo ata nawutono, okhwola ebyo byoosi lubiribaawo. ³³. Ekkulu nende esyalo biriwaawo, naye emboosi change sichiriwawo ata nawutono.³⁴. Ne mwerindenge, emyoyo chenywe chikhaye okhusidowererwanga olwomulalukho, nowumeesi nokhwelalikhiranga olwo wulamu wuno, oludaalo olwo lukhaye okhubolakho ngomuteeggo nimutetekekhire. ³⁵. Olwokhuba oludaalo olwo lwakhoole khu batu boosi musyalo syoosi.³⁶. Naye enywe mubenge moni, mwekalikhirenge munyale okhukhepa ebyo byoosi ebicha okhubaawo, khandi munyale nokhwema mu moni cho mwana womutu.³⁸khandi abatu boosi bawunaanga echuli okhucha yali mu nyumba ya Weere okhumuwulirisa. Yuda afukirira okhulya Mu Yesu Olukhwe ³⁷Manu wuli ludaalo Yesu kemeedanga okhusomesera mu nyumba ya Weere, niweraanga naacha akkona khu lugulu olulangiwa olwa Seyituuni,

¹Awo embaga eyemigaati chitalikho amamera, eyilangiwa embaga yoKhubitakho, ni yali ambi okhwola, ²ne bakhawona bakhuluutu nabasomesa bamalako bali bayiiya amakesi akokhumalawo Yesu, nga batya abatu.³Awo setani kengira mu Yuda, yibalanga baati Isikarioti, mulala khu ekhumi nababiri. ⁴Kacha kateesa nende bakhawona bakhuluutu nabasirikale abalindanga enyumba ya Weere nga lwanaweyo Yesu.⁵Basangaala lukali bafukirira okhumuwa erubya. ⁶Kafukirira kakonya ebikha ebikhoyera byanamuwereyo yibali ataali abatu. Esyengolobe Sisembayo⁷. Awo khu ludaalo lwemigaati chitalimo amamera nilwola olwali lwokhukhengerakho omwana kwekoondi. ⁸. Yesu katuma Petero nende Yokana, nawoola ati, Muche mutekekhe akhunaliire embaga yoKhubitakho. ⁹. Bamuwoola baati, Odakha khuyitekekhere yena?¹⁰. Kabawoola ati, Ni munaabe nimucha okhwingira mu siko, mucha okhwakanana nende omusaacha onaabe ketwikhire esyongo yamaachi. Mu mulonde okhwola mu nyumba mwanengire, ¹¹muwoole omwene nyumba muuti, Omusomesa ateeba: Enyumba yabakeni yiri yeena, mu ndaliire okhubitakho nabeeki bange?¹². Anabekese enyumba ekhongo eyamukulu, eyipangirwe wulayi. Mutekekhere omwo. ¹³. Ni bacha bakaana ebitu nibiri nga Yesu lwabawoleye. Bamala batekekha embaga yokhubitakho.¹⁴. Awo ebikha nibyola, Yesu nabatume baye bekhala okhulya khumeesa. ¹⁵. Kabawoola ati, Nekombire lukali okhulya alala nanywe okhubitakho khuno nintoola okhusandisiwa. ¹⁶. Olwokhuba mbawolera nti, sindiirya ata nawutono okhwola ni siryolerera mu wenego wa Weere.¹⁷. Namalire okhuwukula esikombe, kasingisa amukulu kebasa kawoola ati, Muwukule sinno mukabane mwabene. ¹⁸. Olwokhuba mbawoolera nti okhutula olwaleero sindinywa khu byaamo byo mu sabbibu okhwola owenengo wa Weere niwuliicha.¹⁹. Khandi kawukula omugaati, kebasa kakukhalakamo, kabawa, nawoola ati, Kuno nje omubiri kwange okwawewayo khu lwenywe; mukholenge muuti khulwokhunjichulisa. ²⁰. Mungeri nasirala, nibakhamala okhulya, kawukula esikombe, kawoola ati, Esikombe sinno nje endakaano mbyakha mu mabanga kange, akedikha khu lwenywe.²¹. Ni wona omukhono kwoyo ocha okhundyamo olukhwe kuli alala nokwange khumeesa. ²². Omwana womutu alicha nga lusyalagirwa, ne chimuwukanire oyo omulyamo olukhwe. ²³. Bachaaka nibateebana abene nabeene khubo onyala kakhola esyo.²⁴.Akwawo okhuyingana mubene nabeene obasirisiwa okhuba omukhongo wawe. ²⁵. Yesu kabawolera ati, Abenengo babateende babafuka; nabo abali nowunyala babalanga abakhola owulayi.²⁶. Ne enywe simuli muutyo. Olwokhuba, omukhongo mwinywe akhoyera okhuba omuwere, ne omutuki abenge ngomukhosi. ²⁷. Omukhongo nje naanu, oyo owikhala khumeesa oba oweresa? Sinje oyo owikhala khumeesa? Ne esse ndi akati wenywe ndi ngomuweresa.²⁸. Naye enywe ninywe abesimirisanga alala nange mu khukhemewa khwange. ²⁹. Esse mbadisya owenengo, nasirala nga bbabba lukawundisya, ³⁰. khumulye khandi khu munywere khumeesa yowenengo wange, mulikkhala khu bisaala byoluyaali ,ni mukhengera emisango ebiikha ekhumi na babiri ebya Yisirayiri.³¹. Simoni, Simoni, Setani asabire okhubasereecha ngengaano. ³². Ni nkhusabiye Simoni enfukirira yawo yitakowoola enyuma. Ne noliba nokowoye enyuma, osiiranga ba wandayo.³³. Naye kamukowoolamo ati, Omwami, netekekhire okhucha nawe mu jjera ata nende mu khufwa. ³⁴. Ne Yesu kakowoolamo ati, Nkhuwolera ewe Petero, edaywa leero siyicha khukholyokha, notanekaana amakhabi kadatu oti nsikhumanyire.³⁵. Yesu kabateeba ati, Nga lunabatuma nimuwuma olukhoba, ensawo, ata nebiratto, aliwo simwakhaywa?Bakowoolamo baati, khaba. ³⁶. Kabawoola ati, Ne wunaanu oli nolukhoba awukule, ata nende nensawo; naye otasi nesyoki, kusa enguwo yawo okule.³⁷. Syawandiikiwa siiti: kabaliwa alala nabakholi bembi; Khandi mbawoolera nti sinno siri nokhwolerera mwise. Yee, esyambandiikiwakho siri khwola khu khwolerera khwasyo. ³⁸. Abeeki baye bawoola baati, Wona, Omwami, khuli ano nebyoki bibiri. kabakowoolamo ati, esyo simala. Yesu Kekalikhira Khu lugulu lwa Seyituuni³⁹Yesu katula nga lwatulanga kaacha khu lugulu lwa Seyituuni, abeeki baye bosi bamulondakho. ⁴⁰Manu nikoola mu sifwo esyo, kabawoola ati, Mwekalikhire mukhaye okhukwa mu khukhemewa.⁴¹Keecha kabatulakho wutono akhabbanga khonyala wasukuna ekina, kasigama kekalikhira. ⁴²Ngawoola ati, Bbabba, nudakha ntusekho esikombe sinno; ne siise nga lundakha okhutusakho syudakha ewe sikholewe.⁴³. Malayika kamuwonekhera nga atula mukkulu namukumya. ⁴⁴. Mu wuchuuni wungi, kemeeda okhwekalikhira nowumalirifu, oluuya lwaye lwaba nga amatoondo kamabanga ni katoonya assi khu loba.⁴⁵Nikasiingira mukhwekalikhira keecha eyiri abeeki baye, kabawukaana nibakkona, nibaweyemo olwengisa. ⁴⁶Kabawoola ati, esibakoniisye nisi? Musiingire mwekalikhire mukhaye okhwingira mukhukhemewa. Yesu Adiiriwa⁴⁸ne Yesu kamuteeba ati, Yuda, olya mu mwana womutu olukhwe nomukwa mu sirifu? ⁴⁷. Nikali nasilomaloma esidiikha syecha, nende oyo alangiwa Yuda, mulala khu abo ekhumi nababiri, nga abatangiriiye. Kasuda ambi nende Yesu okhumukwa mu sirifu,⁴⁹Manu abalonderesi ba Yesu ni bawona esicha okhubawo, bawoola baati, Omwami, khuteme nakakhande kefwe? ⁵⁰Manu mulala khwabo katema omukhosi wa khawona okhira owukhuluutu kamutemakho okhutwi okhwo’mukhono mulungi. ⁵¹Ne Yesu kakowolamo kawoola ati, “Yakama khwisyo syoηηene!” Kadiira okhutwi kakowosa khu yibali nibatemirekho kamuwoniya.⁵²Yesu kawoola bakhawona bakhuluutu, nende abakhongo be nyumba ya Weere, na’bemeresi abali nibamwichiriye ati, Munjichiriiye nga omwemeresi wa bajjemu khu munjichire nebyooki, nendawukhi? ⁵³. Wuli ludaalo ni nabaanga nanywe mu nyumba ya Weere, simwantakho omukhono kwenywe. Naye wunaanu bino nje ebikha byenywe__ esirema nje esifuka. Petero Kekaana Yesu⁵⁴Bamukwakho bamuyira, bamwiingisa mu nyumba ya khawona okhira owukhuluutu. Ne Petero kalondakho nga kemera ale. ⁵⁵Manu nibali nibamalire okhuwaana omuliro akati wolwanyi Petero kekhala assi nabo.⁵⁸Esikha nisyabitawo, owundi kamuwona kawoola ati; Wesi oli mulala khwabo. Naye Petero kawoola ati Musaacha ewe, siniise! ⁵⁶. Manu omukhaana mukhosi mulala kamuwona nikekhaaye muwulafu womuliro, kamwekhalirisa, kawoola ati, Omusaacha ono yeesi abeye naye. ⁵⁷. Kekaana nawoola ati, Mukhasi ewe, simumanyire.⁵⁹Nge esaawa enaamba ni yibitire, owundi kamukhadaasa kawoola ati, Masima ono yeesi kabeeye alala naye olwokhuba mu Galiraaya. ⁶⁰Naye Petero kawoola ati, Musaacha ewe, simanyire syoli okhulomalomakho! Aweene awo nikali nasilomalomanga, edaywa yakholyokha.⁶¹. Manu Omwami kakalukhana katingaala Petero. Petero kakhewulira emboosi yomwami yikamuwoola ati, Leero edaywa ni yinaabe ni yitakholyokha, onanekaane amakhabi kadatu. ⁶². Katula erwanyi kaalira lukali amasika. Abalindi bakhomoola Yesu⁶³Abasaacha abali nibalindire Yesu bachaaka okhumukhomoola nende okhumukhubba. ⁶⁴Bamuwiikha mu moni, bamuteeba nibawoola baati,Lakula naanu okhukhubbire? ⁶⁵. Nebindi biingi bamulomalomakho nibamunyeka. Yesu Mu moni Cha Pilato Nende Kerode⁶⁶. Owiire nuwukhya, abakhuluutu babatu, bewuusa alala bombi bakhawona nabasomesa bamalako bakaanana, manu Yesu katangisiwamo okhucha yibali. ⁶⁷. Bamuwoola baati, Noba ni niiwe Kurisito,Tuwolere. Yesu kabakowoolamo ati, Nende nimbawoolera, si munafukirire nawutono, ⁶⁸nende lumbateeba si munakowolemo nawutono.⁶⁹Naye okhutula wunaanu, Omwana womutu acha okhwikhala khu mukhono mulungi okwamaani ka Weere. ⁷⁰. Boosi bamuteeba baati, Nolwesyo oli omwana wa Weere? kabakowoolamo ati Nga lu mulomalomire, muli batufu okhuwoola muuti niise oyo. ⁷¹. Bawoola baati, Wunaanu owujjulisi khudakha waasi? Khulwokhuba khwewuliriye efwe abeene okhutula mu munwa kwaye.

¹Ne esidiikha syoosi esyabatu syasiingira syamutangisa okhucha eyiri Pilato. ²Bachaaka okhumuwabira, nibawoola baati, Khwawukana omusaacha ono nakesakho okhukalukhaniya esyalo syefwe. Ayinganiya okhusasula khwomusolo kwa Kayisaali khandi keranga Kurisito, Omwenengo.³Pilato kateeba Yesu ati, Niwe Omwenengo Wa Ba Yudaaya? Yesu kakowoolamo ati, Yee, siri nga lwowoola. ⁴Pilato kawolera abatangirisi bakhuluutu nesidiikha ati, Sinakanire esitu syoosi esibi nomusaacha ono esyakhakira na mufunaana. ⁵Bemeeda nibawoola baati, Kaleeta ebidinyu mu batu boosi abe wu'Yudaaya munsomesa yaye. Kachaakira mu Galiraaya ne achanakanire okhwoola ano.⁶Ni kawulirisa bino, Pilato kateeba omutu ono naba mu Galiraaya. ⁷Ni keecha kaamanya ati Yesu kali muwunyala wa Kerode, kamutuma eyiri Kerode, owali mu Yerusalemi mu ndaalo echo.⁸Kerode nikawona Yesu, kali musangaafu, khulwokhuba mu ndaalo nyingi kabanga adakha okhumuwona. Okhwema khu bikali namuwuliyekho,kasubira okhumuwona nakhola ebyamayiya. ⁹Kamuteeba ebiteebo bingi naye Yesu si kakhamukowoolamo. ¹⁰ Bakhawona bakhuluutu na basomesa bamalako bali bemire awo, ngabakhuba olukhero lwokhuwayirisa Yesu.¹¹Awenawo Kerode nabasirikale baye bamulekeresa bamukhomoola. Bamwambasa enguwo eyimekhamekhana, bamukowosayo eyiri Pilato. ¹²Khu ludaalo olwo Kerode nende Pilato beecha baba beecha__ enyuma era bali sibadakhana.¹³Pilato kalanga bakhawona bakhuluutu, abatukki nabatu, ¹⁴kabawoola ati, Muletire omusaacha ono yindi nga omutu osasamasa abatu nabakosya. Ne mukhemeresise mu moni chenywe mwesi mweesi mbukanire nga awuma akhabi khakholire. Syalikho ambi nende bi mu muteyekho.¹⁵Nende Kerode yesi atyo, kamutukowosera; nga lumuwona, yiwuma syasobisye esikhoyera okhufwa. ¹⁶Khu lwesyo, ndamuwe esiwonereso sitono nimala mulekhula. ¹⁷(Era syamukhoyeranga okhubalekhulilanga omuwowe mulala khuludaalo olwomuyumo.)¹⁸Nekkono erala mu kukhero, bawoola baati, Tutuseekho omusaacha ono! Otulekhulire Balaba! ¹⁹(Balaba kali mu jeera olwokhuleeta mu siko akhasasamalo nekhwita.)²⁰. Pilato kadakha okhulekhula Yesu kalondamo ati, analekhule Yesu. ²¹Ne abatu bemeeda nokhukhumulira amukulu nibawola baati, Mukhomerere! Mukhomerere! ²²Ekhabi lyokhudatu kalomaloma yibali ati: Khu lwasi? Akholire sibi si? Siyali situ syoosi simuwenekho esyomukhengera omusaango kwokhufwa. Khulwesyo nja okhumuwa esiwonereso sitono nimala mulekhula.²³Neabatu bacha mu moni nokukhero nga bawoola baati, bamukhomerere: okukhero kwawe kwemeeda okhucha amukulu. ²⁴Manu Pilato koola okhubawa sibali badakha. ²⁵Kalekhula omusaacha owali nateeywe mu jeere olwokhusasamasa nokhwita, oyo yibali ni basabire, kawayo Yesu khu lwokhudakha khwawe. Okhukhomerera.²⁶Nga ni bamutangisamo, badiira Simoni owe Kulene owali khu lukendo lwaye naacha mu syalo, bamutwikha omusalabba bamuwoola akukinge naloonda Yesu.²⁷Abatu bangi mu wungi bamulonda, alala nabakhasi bandi abali nibalira nibelalikhirifu. ²⁸Yesu kabakalukhanira kabawoola ati, Bakhana ba Yerusalemi, mutalira khu lwange; mulire khulwenywe nolwabaana benywe.²⁹Ebikha bicha okhwola lumuliwoolera muuti, Bali nesangaalo abo abakuumba, enda chitewulakho nembeere chitanuniyakho! ³⁰Ne Baliwoola engulu baati, Tukweekho! nende khu tugulu baati, tufunikhe!. ³¹Nisiba nga abatu nibakhola bino omusaala ni kusiiri omubiisi, ne siriba siitye khu musaala mwomu?³²Abasaacha bandi babiri, abakholi bembi, boosi bayiriwa alala naye okhucha okhwitiwa.³³Ne ni beecha boola mu situndu sibalanga baati Esiyanga, eyo nje yi beecha bamukhomerera, alala nende abakholi bebibi__ mulala khu mukhono kwaye mulungi, owundi khu mukooda. ³⁴Yesu kawoola ati, Bbabba, basasire, olwokhuba si bamanyire bi bakhola. Bakabana enguwo chaye ni bakhubba owululu.³⁵Abatu bema awo bewunja, ata abatukki bachaaka okhumudyawukhira. Nibawoola baati, Kawoniyanga abandi; kewoniyekho omwene naaba ni nje Kurisito omwana wa Weere omwangale.³⁶Nabasirikale bosi batulayo bamuchekherera. Bamuweresa okhunywa omwenge ku balanga baati Finiga ³⁷. khandi bamuwoola baati, Noba omwenengo wa ba Yudaaya, wewoniye omwene. ³⁸. Emutwe womusalabba bawandiikawo emboosi echisoma chiiti: ONO NJE OMWEN’ENGO WA BA YUDAAYA.³⁹. Mulala khu beebi kachaaka okhulomalomera amukulu nasesise Yesu omunwa ati: Si niwe Kurisito? wewoniye wamwene nafwe! ⁴⁰. Naye omwibi wundi kamwolobya. kamuwoola ati, Sutya Weere, ni wesi oli khu musaango nasirala? ⁴¹. Efwe batukhengeye mu wutufu, olwokhuba khuli okhufuna ebitukhoyera olwebibi bi khwakhola; naye ono musaacha awuma sikakhola esibi.⁴². Awene awo kakalukhanira Yesu kawoola ati, Yesu, wunjichulisanga noliba niwicha mu wenengo wawo. ⁴³. Ne Yesu kamukowolamo ati, nkhuwoolera amasima, nti olwalero onabe nange mu ndalo ya Weere. Okhufwa Khwa Yesu.⁴⁴. Wunanu nichali nga chakhoola mu saawa nga mukaaga, esyalo syadira esirema okhwola mu saawa mwenda eche ngolobe, ⁴⁵. olwokhuba omubasu kwakama okhwadukha. Olutiimbe lwomunyumba ya Weere lwatandukhamo khabiri.⁴⁶. Yesu kaalachira mukkono lyamukulu ati, Bbabba, owulamu wange mbuta mu makhono kawo nikamala otyo, kayeera omuya kwaye okusembayo. ⁴⁷. Omukhuluutu wa basirikale emya, ni kawona ebyali byekholekhire, kakiniya Weere nawoola ati, Amasima ono abeye omusaacha mwolerefu.⁴⁸. Abatu bangi abali nibechire okkhwewonerakho bino, ne nibawona ebyekholekhire, bekhubba mu birifu ni bamala bawawo. ⁴⁹. Ne abali ni bamumanyire, alala nabakhasi bosi abali ni bamulondire okhutula e Galiraaya, bemera aleyi, bewonerakho ebitu bino. Okhusikhwa Khwa Yesu⁵¹owali natafukirisanisye nende bibali bakholire. Kali atula mu siko sye wuYudaaya esye e Rimasaaya owali nalindiriye Owenengo wa Weere. ⁵⁰. Wunanu abawo omusaacha yibalanga Yusufu, mulala khu bali bolukhikho, omulayi khandi omwolerefu,⁵². Kacha ewa Pilato, kasaba omulambo kwa Yesu. ⁵³. Kakuwanula, kakuwowa mu nguwo eyebeyi, kakuta mu nηηani eyabachiwa mukiina, eyali ni yitasikhiwakhomo omutu.⁵⁴. Lwali oludaalo lwo’khwetekekherakho, e sabbiti niyiri ambi okhuchaka. ⁵⁵. Abakhasi abali nibechire nende Yesu okhutula e Galiraaya balonda Yusufu bawona enηηani no’mubiri nga lubakukoniyamo. ⁵⁶. Bamala bakowolayo engo batekekha amafuta kakhawowo ne’bichirakho. Ne bawumula olwa sabbiti nga batamo oluyaali olwokhoseresa esilagiro. Okhusyukhira.

¹.Oludaalo lusokha mu juma, echulichuli, obakhasi bayira amafuta kabali nibatekekhire khunηηani. ². Bakaana ekiina nirikhiringisiswe okhutula khu nηηani, ³ne ni bengira mukkati, sibakaana omubiri kwO’mwami Yesu.⁴. Nibali basitangalaye khu sibawene, awenawo bawona abasaacha babiri munguwo echiηηenaηηena nga olumesya nibemire ambi nabo. ⁵. Mu wuti abakhasi benama assi no’weni wawe khuloba, ne abasaacha ba bawoola baati, “Lwasiina mukoonyera omulamu mu bafu?⁶. Syali ano; kasyukhiye! Mwichulise nga lukabawoola, nikali nasiri ni nanywe e Galiraaya: ⁷. “Omwana wo’mutu akhoyerwa awereseweyo mu mikhono cha’bakholi be’bibi, akhomererwe ni khu ludaalo lwo’khudatu asyukhisiwe khandi.’”⁸. Awene awo bakhewulira embosi chaye. ⁹. Nibakowoolayo nibatulire khu nηηani, bawoolera emboosi chino choosi, abeeki baye ekhumi namulala nende abandi bosi boosi. ¹⁰. Kali Maliyamu Magdalena, Yowana, nende Maliyamu nηηina Yakobo, na’bandi babali nabo abekesa bino eyiri abatume.¹¹. Ne sibakhakhasa abakhasi bibali nibabawoolera, khulwokhuba emboosi chawe bachiwona nge chiwumamo amakhuluutu. ¹². Ne Petero, kasiingira kerukha kaacha khu nηηani. Ne nikenama, kawona ensibiro chen’guwo nichiri awo cho’ηηene, keecha kawaawo, nikewuunya omwene ebyali ni byekholikhire. Khu ngira okhucha Emawo.¹³. Khu ludaalo nasirala, babiri khu bo, bali bacha mu siko sibalanga Emawo, chali nge mayiro musanfu okhwola e Yerusalemi. ¹⁴. Bali balomaloma abene nabeene khu bitu ebyali nibikholekhanire.¹⁶ne si bafukirirwa okhumumanya. ¹⁵. Nibali khubalomaloma mukhukaniyaya khu bitu bino abene nabeene Yesu mwene kabasudakho ambi kakenda nabo;¹⁷. Awene awo kabateeba ati, Bitu sina byene bino bimukaniyayakho nimukenda? Beecha bema nibadindibaye, baba abelalikhirifu. ¹⁸. Mulala khu bo, olangiwa Kulyoppa, kamuteeba ati, Ewe oli mukeni muYerusalemi muno otamanyire ebikholekhanire mu ndaalo chino?¹⁹. Kabateeba ati, Bitu sina? Bamukowoolamo baati, Yesu owe Nasareti.Kali Nabbi, owamaani mu mboosi nende mu bikholwa eyiri Weere nende eyiri abatu boosi. ²⁰. Ne bakhawona bakhuluutu nabatukki befwe bamuwayo okhukhengerwa, nokhwitiwa, ne bamukhomerera khu musalabba;²¹khwali khubasise khuuti, nje ocha okhuwoniya Yisirayiri. khandi khu bino byosi okhwekhola, akhabitawo endaalo chidatu okhutula ebitu bino bibewo.²³naye si bakanireyo omubiri kwaye. Bakowoye batuwolera baati bawene okhwekesewa khwa bamalayika, abawoye baati mulamu. ²². Nokhwongerakho, balala khu bakhasi befwe batuwukisye. Echulichuli yo lwaleero bachiye khu nηηani ²⁴. Ata nende balala khu mukanda kwefwe bacha bosi khu nηηani ne bakaana nasirala nga bakhasi lubawoola, no’mwene si bamuwona.”²⁵. Kabawoola ati, “Muli basiru muutye khandi emyoyo chenywe nga chikhinda okhufukirira ba Nabbi bibaba ni balomalomire! ²⁶. Si syali sikhoyera Kurisito okhusandisiwa khwamale kengire mu luyaali lwaye?” ²⁷. Kachaakira khu Musa, nende ba nabbi boosi, nga abekesa ebyalomalomwa mu byawandiikiwa byoosi khu bimudiirakho.²⁸. Ne nibali bolerera olukoongo lubali bachamo, Yesu kakhola ngo’bita okhwemedayo. ²⁹. Ne bamwekweda na’maani baati, “Doηηa nafwe, khuba owire wirire; esirema sinatere okhudira.” Kafukirira kadoηηa nabo.³⁰. Nikali khumesa alala nabo, kawukula omugaati, keebasa, kakhalakamo kachaaka okhubayeresa. ³¹. Awo emoni chawe chekukha bamumanya, namala abakotakho. ³². Betebana abene nabeene baati, Emyoyo chefwe mukkati wefwe sichibeye nichiya nga lwabeye nalomaloma nafwe khu ngira nga atuwikhulira ebyawandiikiwa?³³. Basiingira khangu bakowoolayo e Yerusalemi. Eyo bakaanayo ekhumi namulala, nabandi nebewusise alala. ³⁴. Khandi nga bawoola baati, situfu! Omwami asyukhiye khandi kawonekhera Simoni.” ³⁵. Awene awo bano babiri bekesa abadoηηire ebyekholekhire khu ngira, nende engeri Yesu yi bamanyirisiramo nabaweye omugaati. Yesu Awonekhera Abeeki Baye.³⁶. Nibali nibasilomaloma khwibyo, Yesu omwene kema akkati wawe, kawoola ati, “Emirembe chibe ni nanywe.” ³⁷. Bakwa eηηaηηa khandi baatya, ni babaasa baati bawene esikhyeno.³⁸. Kabawolera ati, “Lwasina muteganisiwa, no’khutekhakhasa khusingisiwa mu bibaso byenywe? ³⁹. Muwone amakhono na’makulu kange. Nise samwene! Mundirekho khandi muwone; esikhyeno sisiba nomubiri namakumba, nga lu muwona ndi nabyo. ⁴⁰. Nikamala okhulomaloma bino, kabeekesa amakhono kaye namakulu.⁴³kayiwukula, kaalya ni bawona. ⁴¹. Ne nga nibali batakhakhasa khu lwesangaalo nokhutangalala, kabateeba ati, Mulikho ano nende esyokhulya syoosi? ⁴². Bamuwa enηηeni nsambe,⁴⁴. Kabawoola ati, “Bino nje bi nabawoolera nisiri nanywe: wuli siitu sikhoyire syolerere esyali nisyawandiikiwa khwise mu malako ka Musa, ba Nabbi nende mu Sabbuli.”⁴⁵. Kamala keekula ebibaaso byawe kho banyale okhumanya ebyawandiikiwa. ⁴⁶. Kabawoolera ati, Bino nje byawandiikiwa: Kurisito alisanda khandi kasyukhira emakombe khu ludaalo lwokhudatu, ⁴⁷nokhwenenya nokhulekherwa khwebibi biriwulirwa mu litta lyaye mu byalo byoosi, okhuchakira e Yerusalemi.⁴⁸. Muli bajulisi be bitu bino. ⁴⁹. Nja okhubatumira oyo bbabba yi kasubisa; naye mube mu siko okhwola lu mulyambasiwa amaani okhutula amukkulu.Okhucha Mwikulu.⁵⁰. Nikali kakhamala okhubatangiriramo okhutula mu sifwo esye Batane, kasiingisa amakhono kaye amukulu kabawa enkhabi. ⁵¹. Ne nikali nali okhubawanga enkhabi, kabalekha kayiriwa mukulu.⁵². Bamwinamira bamala bakowoola e Yerusalemi nesangaalo eringi. ⁵³. Basikala mu nyumba ya Weere, nibafumiya Weere.

¹Khu ludaalo lwo’khudatu oweeya waliwo mu Kaana esye Galiraaya. Nηηina Yesu kaliyo, ²ne Yesu nende abeeki baye boosi bali balangiiwe khu weeya.³. Efwinyo niyawa, nηηina Yesu kamuwoola ati, “Bawuma efwinyo yindi.’’ ⁴. Yesu kakowolamo ati, “Aa omukhaye, lwasiina wunyingisamo?” “Ebikha byange bisiiri okhwoola.” ⁵. Nηηina kawolera abakhosi ati, “Mukhole syoosi syabawoola.”⁶. Ambi awo aliwo entamu mukaaga echamaachi nichemire echabachiwa mumakina, echifwaana chiityo echakhosesewanga Abayudaaya khumisiro cho’khwoosa, wuli yitula nga yirimo amaachi akoola e galani okhutula khu makhumi kabiri okhwoola khu kadatu. ⁷. Yesu kawoolera abakhosi ati, “Mwichuse entamu na’maachi;” manu bachiichusa okhwoola khuminwa. ⁸. Namala abawoola ati, “Wunaanu mudayekho akandi muyirire omwemeresi wo’muyumo.” Bakhola baatyo,⁹. manu omwemeresi wo’muyumo kakhombakho khu maachi akali nikakalukhanisiiwe okhuba efwinyo. Byamukhasa okhumanya yiyitulire, asyakhaba mbo abakhosi abali nibadayire amaachi bamanya. Kamala kalanga wamwe yo’mweeya entulo. ¹⁰. Kawoola ati, “Wuli mutu kekherera kakawula efwiinyo ye’ndikho kho kaleeta eya juule abakeni ni bekutire; nawe obiikhire endikho yikhenerekhe wunaanu.”¹¹. Sino, nje esya’maya esya’mberi syo’wuwonero, Yesu sikakholera mu Kaana esye Galiraaya. Atyo nje ni kakisula oluyaali lwaye, abeeki baye bamufukiririramo lukali. Yesu Atereesa Enyumba Ya Weere.¹². Sino nisyawa kekhirira e Kaperenaumu nende nηηina nende bamwananηηina na abeeki baye. Eyo baliyo endaalo ntono.¹³. Ebikha bya Pasaka ya Bayudaaya nibyali nibiri ambi okhwoola, Yesu kaniina kaacha e Yerusaalemi. ¹⁴. Mu nyanyi che nyumba ya Weere kawukaanamo abasaacha nibakusa eηηoombe, amakoodi, nende nawuruuku, na’bandi nebekhaaye ambi na mameesa nibafunjisa erubbya.¹⁶Eyiri abali nibakusa nawuruku kawoola ati, “Bino mubituse ano! Munyala mutye okhukalukhaniya enyumba ya Bbabba okhuba akhatale!’’ ¹⁵. Kawukula ensiya kalukhamo omukoye kabanaalanaala kaberusya kabatusa erwanyi we nyumba ya Weere, byombi amakondi ne ηηombe; kasalaaniya erubbya chesangasa echa bafunjisi kafunikha emeesa chawe.¹⁷. Abeeki baye bechulisa baati syawandiikiwa siiti: “Okhudakha lukali enyumba yawo khuliindiya.” ¹⁸. Manu Abayudaaya bamudakhakho sino, “syamakana siina esyokhuwonerakho syunyala wekesa okhumanyisa owunyala wawo okhukhola bino byoosi?’’ ¹⁹. Yesu kabakowolamo ati, “Mukwiise enyumba ya Weere yino, esse nayisiingise khandi mu ndaalo chidatu.”²⁰. Manu Abayudaaya bakowolamo baati, “Situyiriiye emyaaka amahumi kane nende mukaaga okhwombakha enyumba ya Weere yino, nawe ocha okhuyisiingisira mundaalo chidatu?” ²¹. Naye enyumba ya Weere yikali nalomalomirekho kwali mubiri kwaye. ²². Nikamala okhusyukhisiwa okhutula mu’bafu, abeeki baye bakhewulira bikali nawooye. Manu bafukiirira ebyawandiikiwa nende emboosi Yesu chikali nalomalomire.²³. Ne nikali nali mu Yerusalemi khu muyumo kwa Pasaka, abatu bangi bawona ebyamakana byo’wuwonero bikali nakhola bafukiirira mu liita lyaye. ²⁴. Naye Yesu sikabewa okhumwesika, olwokhuba kaba abamanyire boosi. ²⁵. Sikadakha owujjulisi woosi owo mutu, olwokhuba kamanya esiri mu mutu.

. ¹Esikha sitono nisibitire, Yesu kambukha kaacha engerekha we nyanja ye Galiraaya (eyo nje nyanja ya Tiberiya), ²manu okudiikha kwa’batu kwa’mulondakho olwokhuba bawona owuwonero wa mayiiya wukali nakholire khu balwaaye. ³Manu Yesu kaniina khu luwande lwo’lugulu kekhala assi nende abeeki baye⁴Omuyumo kwa Bayudaaya okwa Pasaka kwali ambi okhwoola. ⁵Yesu nikasingisa emoni kawona okudiikha nikwiicha yali, kawoola Firipo ati, “Khunakule yena emigaati okhuliisa abatu bano?” ⁶Kateeba sino okhumuleba wusa olwokhuba mu mwoyo kwaye kali omwene amanyire sikali naacha okhukhola.⁷Firipo kamukowolamo ati, “Ata omusaara kwe myeesi munaana sikunyala khumala okhukula emigaati nawuli mutu kanyala okhulumakho!” ⁸Owundi khu beeki baye, Andereya, mwanaηηina Simoni Petero, kalomalomera amukulu ati, ⁹“Aliwo ano omusyani oli nende otugaati tutaanu nende otuηηeeni tubiri otutono naye tunatwoose yeena khu wungi wa’batu wuno?¹⁰Yesu kawoola ati, “Mwikhase abatu assi.” Musifwo esyo aliwo owunyaasi wungi, manu abasaacha bekhala assi, aboola ambi elifu chitaanu. ¹¹Manu Yesu kawukula emigaati, kebassa kachikabaniyamo abo abali nibekhaaye balya nga nibali nibadakha. Kakhola atyo nasirala nende eηηeeni. ¹²Manu bosi boosi nibali nibaliye nibekutire, kawoola abeeki baye ati, “Muwuuse ebikhalichikhire¬. ebisikaaye atabaawo esinyaasikha.¹³Manu bawuusa bechusa ebidubi ekhumi na’bibiri ebikhalichikhire bye migaati chitaanu ebisikaaye khu bibali nibaliiye. ¹⁴Abatu nibamala okhuwona owuwonero we bya’mayiiya Yesu bikakhola, bachaaka okhuwoola baati, “Masima ono nje nabbi ocha okhwiicha mu syalo.” ¹⁵Yesu nikamanya ati badakha okhumufuula Omwene’ngo kwa’maani, katulawo lundi kaacha khu lugulu kaba eyo ayeηηene. Yesu Akenda Khu Maachi.¹⁶Engolobe niyoola, abeeki baye bekhirira baacha khu nyaaja, ¹⁷yibengirira mu lyaato bambukha okhucha e Kaperenaumu. Ebikha ebyo syali siirema, ne Yesu kali asiiri okhubekhubbaniyamo. ¹⁸Embuunga ya’maani yali yiwuucha na’maachi ni kasiikhukhire.¹⁹Nibali bakhafukakho mairo chidatu oba chidatu nesitundu, bawona Yesu nikeecha eyiri eryato mubali, nakendera khu maachi; manu batya lukali lwene. ²⁰Naye kabawoola ati, “Niise; mutatya.” ²¹Awo bali bafukiriye okhumwiingisa mulyato ne eryato lyecha lyoola wangu khusikobero yibali nibacha.²²Oludaalo lwalondakho esidiikha esyali nisiri khuluwande lundi olwenyanja beecha bamanya baati yaliyo eryato lala lyo’ηηene ne khandi Yesu sikali nalingiiyemo n’abeeki baye, ne bali baweyewo boηηene. ²³Manu amaato kandi okhutula e Tiberiya kakoba ambi nende esifwo abatu yibali nibaliriiye emigaati Omwami chi kakawula namalire okhwebasa.²⁴Esidiikha nisyamanya siiti Yesu nende abeeki baye sibaliyo, bengira mu maato baacha e Kaperenaumu nibakoonya Yesu. Yesu Omugaati Kwo’wulamu. ²⁵Nibamuwukaana khu luwande lundi olwe’nyanja bamuteeba baati, “Rabbi ano wolirewo liina?”²⁶Yesu kabakowolamo ati, “Mbawoolera amasima; muli okhungoonya, si lwokhuba nti mwawona owuwonero wa mayiiya wunakhola naye olwokhuba mwalya emigaati mweekutta. ²⁷Mutakholereranga ebyo’khulya ebinyasikha wusa, naye mukholererenge ebyo’khulya ebiyiindira okhwola khu wulamu owutawaawo, Omwana Wo’mutu walibayeresa, olwokhuba oyo Weere seefwe nje yikatakho akhawonero akhamwomiisa.²⁸Beecha bamuteeba baati, “Khuteekwa okhukhola siina okhukhola Weere byadakha?” ²⁹Yesu kakowolamo ati, “Omulimo kwa Weere nje kuno: okhufukiiririra mu oyo yikatuma.”³⁰Ne bamala bamuteeba baati, khawonero khamayiiya siina kholitusa khwawona kho khwakhufukiirira? Olikhola siina? ³¹Ba kuuka yefwe balya emmaanu musibbarara; nga nisyandiikiwa: ‘kaabawa omugaati okhutula mwikkulu okhulya.’’’³²Yesu kabawoola ati, “Mbawolera amasima, siinje Musa obayeeye omugaati okhutula mwikkulu, naye nje Bbabba obaweresa omugaati okwa masima okhutula mwikkulu. ³³Olwokhuba omugaati Kwa Weere nje oyo owiikha assi okhutula mwikkulu kawa esyaalo owulamu.” ³⁴Bawoola baati, “Omwami,” “Okhuchazka no’lwalerero tuwe omugaati kuno.”³⁵Manu Yesu kalangirira ati, “Niise omugaati kwo’wulamu. Oyo owiicha yiindi syalirumwa njala, nende oyo owunfukiiriramo syaliwulira owuluwo. ³⁶Naye nga ni nabawoolera, mu mbweene ne khandi lwoosi simunfukiirira. ³⁷Ebyo byoosi Bbabba bikaamba byakheche yiindi, nende nawuli wiicha yiindi sindimwiirusya.³⁸Olwokhuba neecha okhutula mwikkulu owutakhola byange khuwange naye okhukhola oyo owantuma byadakha. ³⁹Ne sino nje owantuma syadakha, ati nkhaye okhukosyakho ata silala khu bikambeye naye mbasiingise amukulu khuludaalo lusembayo. ⁴⁰Olwokhuba okhudakha khwa Bbabba khuli mbo nawuli otingaala khu mwana khandi kamufukiirira aliba no’wulamu owutawaawo, khandi ndibasiingisa amukulu khuludaalo lusembayo.”⁴¹Khu sino Abayudaaya bachaaka okhumweηηuluηηunyakho olwokhuba kawoola ati, “Niise omugaati kwecha okhutula mwikkulu.” ⁴²Bawoola baati, “Ono sinje Yesu, omwana wa Yusufu, simwana nende ηηina bakhumanyire? Lwasiina wunaanu anyaala okhuwoola ati, “Neecha assi okhutula mwikkulu?”⁴³Yesu kakowolamo ati, “Mulekhe Okhweηηuluηηunya abene na’beene”. ⁴⁴“Yiwuma onyala kecha yiindi okhutusakho nga Bbabba owantuma amusudya yiindi, ne khandi ndimusiingisa amukulu khu ludaalo lusembayo. ⁴⁵Syawandiikiwa mu ba nnabbi siiti: “Balisomesewa boosi nende Weere.’ Nawuli otekeresa Bbabba khandi kamwekerakho keecha yiindi.⁴⁶Yiwuma owawonakho Bbabba okhutusakho oyo owatula eyiri Weere yeηηene; oyo yenηηene nje owawona Bbabba. ⁴⁷Mbawolera amasima, oyo ofukiirira ali no’wulamu owutawaawo.⁴⁸Niise omugaati kwo’wulamu. ⁴⁹Ba kuuka yenηηwe balya emmaanu okhutula mu sibbarara, ne bafwa.⁵⁰Naye ano aliwo omugaati okutula mwikkulu, omutu kwanyala kalya kakhaya okhufwa. ⁵¹Niise omugaati mulamu okweekha assi okhutula mwikulu. Yeesi olya khu mugaati kuno, alibawo endaalo ne’ndaalo. Omugaati kuno nje omubiri kwange, kundiwayo khulwe’syalo.”⁵²Manu Abayudaaya ni bachaaka okhuyiingana lukali abene na’beene, nibawoola baati, “Omusaacha ono anyala atye okhutuwa omubiri kwaye okhulya?” ⁵³Yesu kabawoola ati, “Mbawolera amasima, okhutusakho nga mulya omubiri kwo mwana W’omutu khandi mwanywa amabanga kaye, muwuma owulamu mwinywe.⁵⁴Nawuli olya omubiri kwange khandi kanywa amabanga kange ali no’wulamu wutawaawo, khandi ndimusiingisa amukulu khu ludaalo lusembayo. ⁵⁵Olwokhuba omubiri kwange nje ebyo’khulya byene ne amabanga kange nje esyo’khunywa syene. ⁵⁶Nawuli olya omubiri kwange khandi kanywa amabanga kange asikala mwiise, khandi ssesi mu ye.⁵⁷Manu nga Bbabba mulamu nikantuma khandi ndiwo khu lwa Bbabba, ne siityo owundyaakho kakhabewo khu lwange. ⁵⁸Kuno nje omugaati okwekha okhutula mwikkulu. Ba kuuka yenywe balya emmaanu bafwa, naye oyo olya khu mugaati kuno kakhabewo endaalo choosi.” ⁵⁹Kalomaloma sino nikali nasomesa mu nyumba ya Weere mu Kaperenaumu. Abeeki Bangi Bekhenga Khu Yesu⁶⁰Nibawulira sino, bangi khu beeki baye bawoola baati, “Khuno khusomesa khudinyu. Naanu onyala okhusifukiirira?” ⁶¹Nikamanya ati abeeki baye bali okhweηηuluηηunya khu sino, Yesu kabawoola ati, “Sino sibayira wubi? Ne nimuliwona omwana w’Omutu naniina okhucha yikalingi khale!⁶²Yesu kabawoola ati, “Sino sibayira wubi? Ne nimuliwona omwana w’Omutu naniina okhucha yikalingi khale! ⁶³Omwoyo kukaba owulamu; omubiri yiwuma sikukhola. ‘Emboosi chimbalomalomeye chino nicho omwoyo khandi nicho owulamu.⁶⁴Ate nga aliwo abandi khwinywe abatafukiirira.” Olwo’khuba Yesu kali amanyire okhutula khale ba naanu khu abo abali nibatafukiirira khandi nende oyo owali wo’khumulyaamo olukhwe. ⁶⁵Kemeeda okhuwoola ati, “Sino nje esyakira ni mbawolera nti yiwuma onyala okhwiicha yiindi okhutusakho nga Bbabba amunyaliiye.”⁶⁶Okhuchaaka esikha sino bangi khu beeki baye bakowola enyuma nga sibasimulonda. ⁶⁷Yesu kateeba ekhumi na’babiri ati, “Mwesi mudakha okhundekha?” ⁶⁸Simoni Petero kamukowolamo ati, “Omwami, khunache eyiri naanu? Oli nende emboosi cho wulamu owutawaawo. ⁶⁹Khufukiirira khandi khumanyire khuuti niiwe omwolerefu mwene wa Weere.”⁷⁰Manu Yesu kakowolamo ati, “Esse khaba sinabangala, ekhumi nababiri? Ate nga mulala khwinywe, setani!” ⁷¹(Kali awoola Yuda, omusyani wa Simoni Isikaraoti, ata, nikali mulala khu ekhumi na’babiri, lunyuma kali wo’khumulyaamo olukhwe.]

¹Naye Yesu kacha khulugulu lwe Seyituuni. ²Echuli mu mawiiwi kawonekha lundi mu lwanyi lwe’nyumba ya Weere, abekhuηηaniya bamwewodokhaniya, manu kekhala assi okhubasomesa. ³Abasomesa ba malako nende a Bafalisaayo bengisa omukhasi yibadiira nakhola owudaamba. Bamwemekha mu sidiikha.⁴Bawoola Yesu baati, “Omwekesa, omukhasi ono kadiiriwa naali mu sikholwa syo wudaamba. ⁵Mumalako ka Musa katulagira okhukhubba amakina abakhasi nga bano. Wunaanu ewe owoola si?” ⁶Bali bakhosesa esiteebo sino nga okhumutekera, kho bakaane engira yo khu mufunaana. Naye Yesu kenama assi kachaaka okhuwandiika khu loba nolwaala lwaye.⁷Nibachanakana nokhumuteeba, kekolola amukulu kabawoola ati, “Ni aliwo khwiinywe otaasi ne’sibi, nje oba kekherere okhumukhubba ekina.” ⁸Lundi kagunama kawandiika assi.⁹Nibawulira sino, bachaaka okhuwawo syamulala, okhuchakira khu bakhuluutu beene, okhwoola Yesu lukasikala yeηηene, nomukhasi nikemire awo. ¹⁰Yesu kekolola kamuteeba ati, “mukhasiiwe, bali yena? Awuma omutu yeesi okhukhengeye omusango?” ¹¹Omukhasi kakowolamo ati, “Yiwuna ata mulala, Omwami.” Yesu kawoola ati, “Ata Ssesi mbuma musango kukhukhengera.” “Wawo, wunaanu olekhe owulamu wawo owe sibi.” Owukhakhaffu Wo’wujjulisi Wa Yesu¹²Yesu lundi nikalomalomera abatu kawoola ati, “Niise owulafu we syalo. Nawuli wunonda syalikendera mu siirema, naye alifuna owulafu wo wulamu.” ¹³Abafalisaayo bamuyinganiya baati, aha weyekesiise nga omujjulisi wawo omwene; owujjulisi wawo siwukhola.”¹⁴Yesu kakowolamo ati, “Anakhaba nindi okhwetusira owujjulisi omwene owujjulisi wange wukhakhaffu, olwokhuba manyire yinatula lundi manyire yiinja. Naye enywe muwuma simumanyirekho yintula nende yiinja. ¹⁵Mukhengawo khulwowutu; Yiwuma mutu yinkhengera omusango. ¹⁶Naye niimba ninkhenga, binkhenga biba bituufu, olwo’khuba siindi seηηene. Neema nende Bbabba, owantuma.¹⁷Mumalako kenywe abene syawandiikiwa mbo owujjulisi wa batu babiri wuba wukhakhaffu. ¹⁸Ese niise owejjulirakho omwene; omujjulisi wange wundi nje Bbabba owantuma.”¹⁹Manu beecha bamuteeba baati, “Latawo ali yeena?” Yesu kakowolamo ati, “Simumanyire ata nende Bbabba.” “Muba nimumanyire, mwakhamanyire nende Bbabba yesi.” ²⁰Kalomaloma emboosi chino nasomesa mu nyumba ya Weere ambi nende ebiwanwa abyatewaanga. Ne yiwuma ata mulala owamudiira, olwokhuba ebikha byaye byali bisiiri okhwoola.²¹Yesu khandi keecha kabawoola ati, Mbwawo, ne mwakhangoonye, ne mulifwira mu sibi syenywe. “Yiinja, simunyala okhwichayo.” ²²Sino syakira Abayudaaya bateeba baati, “Acha okhweyitta? Sakira awoola ati yiinja simunyala khwichayo?”²³Ne kemeeda ati, “Mutula assi ese ntula amukulu. Enywe muli besyalo sino; Ese siindi owesyalo sino. ²⁴Nabawoolera nti mulifwira mu bibi byenywe; Nimutafukiirira muuti niise esyo sineranga, masima mulifwira mu bibi byenywe.”²⁵Bamuteeba baati, “Niiwe naanu?” Yesu kakowolamo ati, “Esyo wusa simbeeye nineraanga okhutula khale.” ²⁶“Ndi nabiingi ebyokhubawoolera mukhubakheengera. Naye oyo owantuma kesikikha, khandi simbuliye okhutula yali mboolera esyalo.” ²⁷Sibategeera baati kali abawoolera ebidiira khu simwana.²⁸Manu Yesu kawoola ati, “Nimulisiingisa amukulu omwana wo’mutu, kho mumanye muuti ndi esyo sineraanga okhuba, khandi nga yiwuma sinkhola simwene okhutusakho nomaloma wusa Bbabba sikansomesiise. ²⁹Owantuma ali nange; sikandekhire seηηene, olwokhuba wuli sikha nkhola ebimusangaasa.” ³⁰Manu nga nikalomaloma, bangi bamutamo enfukiirira yawe. Abaana Ba Yibbulayimu.³¹Eyiri Abayudaaya abali nibamufukiiriramo, Yesu kawoola ati, “Nimwomiirira khu nsomesa yange, muli beeki bange beene. ³²Manu mulimanya amasima, namasima kalibafula abalekhule.” ³³Bamukowolamo baati, “Efwe khuli bechukhulu ba Yibbulayimu khandi sikhubaangakho abawambe bo mutu yeesi. Onyala otye okhuwoola oti khulilekhulwa?”³⁴Yesu kakowolamo ati, “Mbawoolera amasima, nawuli okhola esibi muwambe khu sibi. ³⁶Manu omwana nakhulekhuula, olibeera erala omulekhule. ³⁵Wunanu omuwambe awuma sifwo syolubeerera muddala, naye omwana aba nasyo endaalo choosi.³⁷Manyire nti muli bechukhulu ba Yibbulayimu. Ate nga muli betekefu okhunjitta, olwokhuba muwuma sisenge syo khutamo emboosi yange. ³⁸Mbawolera binawona ali Bbabba, nanywe mukhola bimwawulira okhutula eyiri senywe.”³⁹Bakowalamo baati, “Yibbulayimu nje Sseefwe.” Yesu kawoola ati, “Nimuba nimuIi abaana ba Yibbulayimu,” “Manu mwakhakholire ebiitu Yibbulayimu bikakhola. ⁴⁰Nga nisiri, mu maliriiye okhunjita, omutu obawoleeye amasima ati nawulira okhutula eyiri Weere. Yibbulayimu sikakhola biitu nga bino. ⁴¹Mukhola ebiitu senywe mwene byakhola.” Bayingana nibawoola baati, “Efwe sikhuli baana berwanyi,” “Bbabba yikhuli naye yeηηene nje Weere mwene.” Abaana Ba Setani⁴²Yesu kabawoola ati, “Weere kaba ninje Senywe, mwakhandakhire, olwokhuba natula eyiri Weere ne wunaanu ndi ano. Khaba sinecha khulwange; naye kantuma. ⁴³Lwasiina olulimi lwange silutegerekhekha yimuli? Olwokhuba simunyala okhuwulira bimboola. ⁴⁴Muli ba senywe, Setani, khandi mudakha okhukhola Ssenywe byadakha. Kali mwiiti okhutula mu khuchaka, owutomiirira khu masima, olwo’khuba yiwuma amasima mu ye. Naba nabacha, alomaloma olulimi lwaye lwene, olwokhuba mubacha khandi simwana wo’wubacha.⁴⁵Ate nga olwokhuba nomaloma amasima, simunfukiirira! ⁴⁶Yiriyo omutu khwiinywe okhakhasa ati ndi no’musango kwe’sibi? Ninomaloma amasima, lwasi simunfukiiriramo? ⁴⁷Oyo owa Weere awulira Weere byawoola. Esikira nimutawulira siri nti simuli ba Weere.” Okhwekhakhasa Khwa Yesu Omwene⁴⁸Abayudaaya bamukowolamo baati, “Sikhuba batuufu nikhuwoola khuuti oli mu Samaliya khandi olikho emisimu?” ⁴⁹Yesu kawoola ati, “Mbumakho emisimu,” “Naye ese nta mu Bbabba oluyaali nanywe simuntamo oluyaali.⁵⁰Khaba siindi okhwekoonyera enfuma omwene; naye yiriyo oyikonya, khandi nje omukhengi we’misango. ⁵¹. Mbawolera amasima, omutu yeesi odiira emboosi yange, syaliwona khu khufwa nawutono.”⁵²Khusinno Abayudaaya besindukha, “Wunaanu khumanyiiye erala khuti olikho emisimu! Yibbulayimu kafwa nende ba nabbi boosi baatyo, mbo nowoola oti amutu yeesi odiira emboosi yawo, syalikhomba khu khufwa. ⁵³Oli mukali okhukhira Sseefwe Yibbulaimu? Kafwa, nende ba’nabbi boosi baatyo. Weranga naanu?”⁵⁴Yesu kakowolamo ati, “Nineyeresa oluyaali omwene, oluyaali lwange luwuma makhuluutu. Laata yange, yimuwoola muuti nje Weere wenywe nje owumba enfuma. ⁵⁵Amwakhaba ni’mutamumanyire, ese mumanyire. Ninakhawooye nti simanyire, nakhali mubacha nga enywe, naye mumanyire khandi ndiira emboosi yaye. ⁵⁶Senywe Yibbulayimu kasangaalira esibaaso esyo’khuwona oludaalo lwange; kaluwona kaaba musangaafu.”⁵⁷Abayudaaya bamuwoola baati, “Osiiri okhwosa emyaaka amakhumi kataanu echo’wukhuluutu.” “Ni khandi wawona Yibbulayimu!” ⁵⁸Yesu kakowolamo ati, “Mbawolera amasima, Yibbulayimu nikali natewulwa, naliwo!” ⁵⁹Khu’sino, badoola amakina bamukhubbe, naye Yesu kekisa, kanyololokhera erwanyi we’nyumba ya Weere. Yokana

¹“Mbawolera amasima, omutu otengirira mumulyango kwesidwoli, naninira awuleka, mwibi khandi munyaka.” ²Noyo owingirira musiriwa nje omwayi wa’makoondi kaye.³Omuliindi we’siriwa amwikulirawo, na’makoondi kamuwulira ekono lyaye. Alanga amakoondi wuli litula erita lyalyo kakatangiramo nakatusa erwanyi. ⁴Nakatusa kosi koosi akaye natangiramo kamulondakho khulwokhuba kamanyire ekkono lyaye.⁵Ne amakoondi sikanyala okhulonda omutende, muwutuufu, kamwirukha khuba sikamanyire ekkono lyaye.” ⁶Yesu kakhosesa esifananyi sino munomaloma, ne sibamala bamanya syawoola.⁷Nolwesyo Yesu kakowolamo khandi ati, “Mbawolera amasima, nise omulyango kwa’makoondi. ⁸Abo boosi abantangirira okhwicha bali bebi khandi abanyaka, ni amakoondi sikabatekeresa.⁹Nise omulyango; oyo owunyingiriramo aliwonesewa. Alingira khandi kaatula, khandi kakaana olwayiro. ¹⁰Omwibi keecha wusa okhwiba khwonηηene no’khwita, no’khunyasa; Nichire banyale okhuba no’wulamu, khandi mu’wichufu.¹¹“Nise omwayi mulayi. Omwayi mulayi awayo owulamu waye olwa’makoondi. ¹²Omwayi wo’musaara syaba mwene makoondi. Sakira nawona ennani niriicha, kerukha kalekhawo amakoondi. Awo ennani niringira mu’makoondi likasalaniya. ¹³Oyo musaacha kerukha olwokhuba aba mutu wo’musaara okhukhira okhufwa khu makoondi.¹⁴“Nise omwayi mulayi; manyire amakoondi kange kosi kaamanyire __ ¹⁵Nga Bbabba lukaamanyire nga ntyo seesi nje lu mumanyire__ khandi mbayo owulamu wange olwa makoondi. ¹⁶Ndi na’makoondi kandi akatali ke’sidwoli sino. Nkhoyire kosi ngaleete. Kosi kamanye ekkono lyange, kafukhe kesidwoli sirala no’mwayi mulala.¹⁷Esikira Bbabba nikandakha nje olwokhuba mbayo owulamu wange __ syoηene okhuwekowosera khandi. ¹⁸Awumawo owuntusakho, ne samwene mbwe’tusakho, khandi naba no’wunyala wo’khu wekowosera. Esilagiro sino nasifuna okhutula khu Bbabba.”¹⁹Khu lwe’mboosi chino, Abayudaaya khandi beecha bakawukhanamo. ²⁰Bangi khubo bawoola baati, “Omusambwa kumuninire khandi akwiyekho eralu. Lwaasi khu mutekeresa?” ²¹Ne abandi bawoola baati, “Chino simboosi cho’mutu olikho omusambwa. Omusambwa kunyala kwawoniya omuwofwu?” Owutafukirira Wa Bayudaaya.²²Syola esikha syo’muyumo kwo’khulabya e’Yerusalemu. Byali bikha byetoocho, ²³Yesu kali akenda mu nyumba ya Weere mu sisenge sya Sulemaani. ²⁴Abayudaaya beecha ba’mwewodokhaniya, nibawoola baati, “Onatugumaase okhwoola liina? Noba niwe Kurisito, twekese alafu.”²⁵Yesu kabakowoolamo ati, “Nabawoolera, ne simufukirira. Ebya mayiya binkhola mu liita lya Bbabba binomalomera, ²⁶naye simufukirira khuba simuli makoondi kange.²⁷Amakoondi kange kawulira ekkono lyange; ngamanyire, khandi kanoonda. ²⁸Ngawa owulamu wutawawo, khandi sikalikota endaalo choosi; manu awumawo olinyala kakansikhulakho mu mukhono kwange.²⁹Bbabba, owakaamba, abakhira boosi; awuma yeesi onyala kakasikhula mu mukhono kwa Bbaaba. ³⁰Ese nende Bbabba khuli sirala.” ³¹Khandi aba Yudaaya bawukula amakina nibadakha okhumukhubba,³²naye Yesu kabawoola ati, “Mbekesise ebya magero bikhongo bingi okhutula eyiri Bbabba. Khu bino byoosi syamagero si esikira nimudakha onkhukhubba amakina?” ³³Aba Yudaaya bakowolamo baati, “Sikhukhubba makina khulwebyo, naye khu lwo khufwotokheresa, Khulwokhuba ewe,omutu wutu, welanga okhuba Weere.”³⁴Yesu kabakowolamo ati, “Sisyawandiikiwa mu malako kenywe, ‘simulomalomanga muuti muli ba weere? ³⁵Nikabalanga “ba Weere,’ emboosi ya Weere yiyatula__ ne emboosi yawandiikiwa yitanyala yakhalakiwa __ ³⁶Sibasitye eyiri oyo Weere (Bbabba) yikatekekha khulwaye kamutuma mu syalo? Lwasi munjolobya muuti neranga Weere khulwokhuba nawoola nti, ‘Ndi mwana wa Weere?’³⁷Mutafukirira bimbola okhutusakho nga nkholire Bbabba byakhola. ³⁸Ne’ ninsikhola, nende mukaana okhunfukiriramo, mufukirire ebya magero, bimumanyire khandi bimutegeera muuti Bbabba kandimo, ni Ssesi mulimo.” ³⁹Khandi bakesakho okhumudiira, ni kabeyibakho.⁴⁰Awo Yesu kakowolayo khulukerekha lwa Yoludani mu sifwo Yokana yikali abatisiranga mundaalo echatangira. Kabayo ⁴¹khandi abatu bangi beechanga ali. Nibawoola baati, “Nende Yokana sikakhola akhawonero khoosi akhamayiya, byoosi Yokana bikawoola khu musaacha ono byosi bituufu.” ⁴²Ne khandi mu sifwo sino bangi bafukirira mu Yesu.

¹“Nise omutuli kwene, ni Bbaabba nje omulimi. ²Akhengakho wuli saga litaama mwise eritaamakho esyokhulya, ne na wuli saga lyamakho alikhalakira lyaama nalukali.³Enywe mwamala okhulabisiwa khu lwe mbosi china’balomalomera. ⁴Mundoηηemo, Ssesi mbadoηηemo. Awuma esaga lyaama esyaamo alyo’nηηene; liteekwa okhudoŋŋa khumutuli kwene. Ata mwesi simunyala mwatakho ebyaamo nimutandoηηiremo.⁵“Nise omutuli kwene; ninywe amasaga. Omutu nikandoηηamo, Ssesi namubamo, kaama ebyaamo bingi; ambuma awuma simwakhakhola. ⁶Omutu nantandoηηamo, aba nge'saga lyasukuniwa lyaniyala; amasaga kafaana kaatyo kadoolewa, kasukuniwa mu muliro khandi kasambiwa.⁷Ne nimundoηηamo ne mboosi change chabadoηηamo, musabe simudakha, sicha okhubaweresewa.⁸ Sinno nje esiweresa Bbaabba oluyaali okhuba mbo mwaama ebyaamo bingi, okhweyekesa mwabene okhuba abeeki bange. ⁹“Nga Bbaabba lukandakha, Ssesi ntyo nje lumbadakhire. Wunaanu mudoηηe mukhudakha khwange.¹⁰Nimudiira amalako kange, mucha okhudoηηa mu khudakha khwange, nga Ssesi lunadiira amalako aka Bbaabba khandi nadoηηa mu khudakha khwaye. ¹¹Mbawoleye sino esangaalo lyange linyale okhubabaamo, khandi eryenywe libe erichufu.¹²Esilagiro syange nje sino: Mudakhane ngalumbeye nimbadakha. ¹³Okhudakha khukhirawo khuno khuwuma no’mutu yeesi, onyala kawayo owulamu waye khulwabeecha baye.¹⁴Muli beecha bange nimukhola sindagira. ¹⁵Sisibalanga abapakasi, khulwokhuba omupakasi syamanya omulimo kwo’mwene’ngo. Okhutusakho mbalangire abeecha, olwokhuba wuli sinasoma khu Bbaabba nsiibekesise.¹⁶Simwandoola, ne niise owabadoola khandi nabatuma muche mwaame ebyaamo__ ebyaamo ebiriyiindira. Kho Bbaabba alibawa syoosi simusaba mu liita lyange. ¹⁷Sinno nje esilagiro syange: mudakhane abene na’beene. Esyalo Sisyuula Abeeki¹⁸“Esyalo ni sibasyuula, musimanye muuti syasokha okhunsyuula. ¹⁹Ni mwakhabeye bo khusyalo, syakhabadakhire nga beenesyo. Nga lusiri, simuli bo khusyalo, naye nabadoola okhutula mu syalo. Nje esikira esyalo ni sibasyuula.²⁰ Mwichulise emboosi chinabawoola: ‘Awuma omukhosi okhira omukhongo waye.’ Nga nibansandya, mwesi bakhabasandye. Nibafukirira ensomesa yange, mwesi bakhafukirire echenywe. ²¹Bacha okhubakhola baatyo khu lwe liita lyange, olwokhuba sibamanyire owantuma. ²². Mbasinecha nalomaloma nabo, sibakhabeye ne’sibi. Wunaanu, esyembi, bawuma esyokhuwosa olwe’sibi syawe.²³Oyo otandakha syadakha nende Bbaabba yeesi. ²⁵Ni sinno syo’khwoseresa ebyawandiikiwa mu malako kawe: ‘Bansyuula ataasi mboosi yoosi.’ ²⁴Mba sinakhola owundi byatakhola mubo, si bakhabeye ne’sibi. Ni wunaanu bawene ebya magero bino, sisibakaniisye onkhusyuula esse nende Bbaabba.²⁶“Omukeraki nikeecha, yindituma yimuli okhutula eyiri Bbaabba, omwoyo kwa masima otula mu Bbaabba, aliwa owujjulisi khwise. ²⁷Mwesi mu khoyire mutuse owujjulisi, khulwokhuba mubeye nange okhutula munjaaka.

¹Ebyo nibisiiri awo, Saulo kali asitiisatiisa nende emboosi echokhwiita abatume bo’Mwami. Kacha eyiri khawona mukhuluutu ². kamusaba amuwe amabbaruwa ache mu nyumba cha Weere mu Damasiko, nisiba mbo nikakhawukanireyo yesi omuloondi we’Ngira, oba musaacha oba mukhasi kakhali wo’khubayira nga abawoye mu Yerusalemi.³Nikali nali ambi nende Damasiko khu lukendo lwaye, wangu wene owulafu okhutula mwikulu wamyesukha okhumwewodokhaniya. ⁴. Kakwa assi manu kawulira ekkono nirimuwoola liiti, “Saulo, Saulo, lwasiina wunsandya?”⁵Saulo kateeba ati, “Niiwe naanu, Omwami?” kakowolamo ati, “Niise Yesu, yuuli okhusandya.” ⁶. “Wunaanu siingira oche mu siko sikhoongo, manu ocha okhuwolerwa syotekwa okhukhola.” ⁷. Abasaacha bali nibakenda nende Saulo beema awo ni badindibaaye; bawulira ekkono eryo naye yiwuma yibawona.⁸Saulo kasiingira, ne nikaliimbula emoni yiwuma syoosi sikawona. Manu bamudiira khumukhono bamuyira mu Damasiko. ⁹. Kamala endaalo chidatu ni muwofwu, khandi sikalya oba kanywa esiitu syoosi.¹⁰Mu Damasiko yaliyo omweeki olangiwa Ananiya. Omwami kamulangira mu khuwiikhulirwa ati, “Ananiya!” kakowolamo ati, “Ee, Omwami.” ¹¹. Omwami kamuwoola ati, “Cha mu nyumba ya Yuda khungira yilangiwa Engololofu bakhwekese omusaacha okhutula e Taluso olangiwa Saulo, olwokhuba ali okhwekalikhira. ¹². Mukhuwonekherwa awene kawona omusaacha olangiwa Ananiya ni keecha okhumutakho amakhono kaye kho aliimbule.”¹³. Ananiya kakowolamo ati, “Omwami” “Mbuliiye ebiitu biingi khu musaacha onno nende owubi wukakhakhola khu bolerefu bawo mu Yerusalemi. ¹⁴. Khandi keechire ano nende owunyala okhutula eyiri bakhawona bakhuluutu okhudiira abo boosi abawoola khu liita lyawo.” ¹⁵. Naye omwami kawoolera Ananiya ati, “Cha! Omusaacha onno nje esyokhukhosesa syange esyangale okhukiinga eriita lyange mu bateende nende abene’ngo baawe nende mu batu ba Yisirayiri. ¹⁶. Ndimwekesa owungi wateekwa okhusaanda khu lweriita lyange.”¹⁷Manu Ananiya kacha khu nyumba kayingiramo. Nata amakhono kaye khu Saulo, kawoola ati, “Mwana weffwe Saulo, Omwami__ Yesu, owakhuwonekhera khungira nga niwali niwiicha ano_ kantumire ati khandi onyale okhuwona khandi wichusiwe nende Omwoyo Omwolerefu.” ¹⁸. Wangu wene, esiitu nga amakamba syakwa okhutula khumoni cha Saulo, manu kamala kawona khandi. Kasiingira kabatiisiwa, ¹⁹. manu nikakhamala okhulya khu’mere kakowolamo amaani kaye.²⁰Katulaniramo kachaaka okhuwulira mu Sinaggogi ati Yesu nje omwana wa Weere. ²¹. Boosi abamuwulira bawuka khandi bateeba baati, “Sinje omusaacha owasiingisa ebidinyu mu Yerusalemi mu abo abalanga eriita linno? Ne sikechire ano okhubayira nga abawoye eyiri bakhawona bakhuluutu?” ²². Ebyo nibisiiri awo Saulo kemeeda lukali okhuba owa’maani khandi kadiisyanga ensoni Abayudaaya abamenya mu Damasiko ati Yesu nje Kurisito.²³Endaalo nichabitawo nyingi, Abayudaaya bekhoba okhumwiita, ²⁴naye Saulo kamanya olukhwe lwaawe. Esiro nende esideete bataanga emoni khu’miryango che sikko sikhoongo banyale okhumwiita. ²⁵. Ne abaloondi baye bamuyiranga esiro nibamwiisira mu sidubi okhubitira mu sidomo esyali mu sida.²⁶Nikeecha mu Yerusalemi, kakesakho okhweyambaniya khu beeki, naye bosi boosi bali bamutya, nga sibomiisa baati kali mweeki wamasima. ²⁷. Naye kamuyira kamuleeta eyiri abatume. Kabawoolera nga Saulo khu lukeendo lwaye kali nawene Omwami khandi ati Omwami kali alomalomire naye, khandi nende nga mu Damasiko lukali nawuliiye ataasi okhutya muliita lya Yesu.²⁸Manu Saulo kamenya nabo khandi kakendanga nikeyaaka mu Yerusalemi, kalomalomanga na’maani muliita lyo’mwami. ²⁹. Kalomalomanga khandi kayingananga nende Abayudaaya aba’Yonaani, naye bakesakho okhumwiita. ³⁰. Abasyaawe nibeecha basimanya, bamwiikhirisa bamuyira e Kayisaliya khandi bamwongula e Taluso.³¹Manu Ekanisa mu’Buyudaaya mwoosi, Ggaliraaya nende Samaliya bekhoyera mu bikha ebye’mirembe. Yomiisiwa; khandi nga yakhubbirisiwa nende Omwoyo Omwolerefu, yakhula muwungi, niyikhaye mu khutya khwo’Mwami. ³². Nga Petero nikali nabakeendamo mu syalo, kacha okhukeniyira abolerefu mu Luda.³³Eyo kawukanayo omusaacha olangiwa Ayineya, owali nikakongobala no’wulwaye we sitaanda okhumala emyaaka munaana. ³⁴. Petero kamuwoola ati, “Ayineya,” “Yesu Kurisito akhuwoniya. Siingira manu ofuumbe omukeeka kwawo.” Wangu wene Ayineya kasiingira. ³⁵. Abo boosi abamenya mu Luda nende Saloomi bamuwona manu bakowola eyiri Omwami.³⁶v 36 . Mu’Yopa yaliyo omweeki olangiwa Tabbisa (nisichusiiwiremo nje Dorika), owakholanga wulayi khandi nga ayeeda abawati. ³⁷. Ambi mundaalo echo keecha kalwala kafwa, omubiri kwaye bakwooka bakuta mu sisenge syamukulu khugoroofwa.³⁸Luda syali ambi nende Yopa; manu abeeki nibawulira baati Petero kali mu Luda, bamutumira abasaacha babiri yali nibamusaba baati, “Khukhusaba wiichekho yikhuli eno mu’wangu!” ³⁹. Petero kacha nabo, ne nikoola bamuyira khugoroofwa amukulu mu siseenge. Abafwire boosi beema bamwewodookhaniya, nibalira khandi nibamwekesa amakanjuula nende enguwo echindi Dorika chikali nakholire nikali nasiri nabo.⁴⁰. Petero kabatusa boosi erwanyi we’sisenge; namala asigama khu’makhumbo kaye kekalikhira. Kakalukhanira omulambo kwo’mukhasi yikwali kawoola ati, “Tabbiisa, siingira.” Kalimbula emoni chaye, nikawona Petero kasiingira kekhala. ⁴¹. Petero kamudiira khu’mukhono kamuyeeda keema khu makulu kaye. Manu keecha kalaanga abafukiirisi nende abafwire kamubekesa nimulamu. ⁴². Sinno syamanyikhana mu Yopa mwoosi, khandi abatu bangi bafukiririra mu mwami. ⁴³. Petero kamenya mu Yopa esikha esiyera nende omubambi wa’maseero olangiwa Simooni.