Lugwe: Bible, Unlocked Literal Bible for 1 Corinthians, 1 John, 1 Thessalonians, 1 Timothy, 2 Corinthians, 2 John, 2 Peter, 2 Thessalonians, 2 Timothy, 3 John, Acts, Ephesians, Galatians, Hebrews, James, John, Jude, Luke, Matthew, Philemon, Philippians, Revelation, Romans, Titus

Formatted for Translators

©2022 Wycliffe Associates
Released under a Creative Commons Attribution-ShareAlike 4.0 International License.
Bible Text: The English Unlocked Literal Bible (ULB)
©2017 Wycliffe Associates
Available at https://bibleineverylanguage.org/translations
The English Unlocked Literal Bible is based on the unfoldingWord® Literal Text, CC BY-SA 4.0. The original work of the unfoldingWord® Literal Text is available at https://unfoldingword.bible/ult/.
The ULB is licensed under the Creative Commons Attribution-ShareAlike 4.0 International License.
Notes: English ULB Translation Notes
©2017 Wycliffe Associates
Available at https://bibleineverylanguage.org/translations
The English ULB Translation Notes is based on the unfoldingWord translationNotes, under CC BY-SA 4.0. The original unfoldingWord work is available at https://unfoldingword.bible/utn.
The ULB Notes is licensed under the Creative Commons Attribution-ShareAlike 4.0 International License.
To view a copy of the CC BY-SA 4.0 license visit http://creativecommons.org/licenses/by-sa/4.0/
Below is a human-readable summary of (and not a substitute for) the license.
You are free to:
The licensor cannot revoke these freedoms as long as you follow the license terms.
Under the following conditions:
Notices:
You do not have to comply with the license for elements of the material in the public domain or where your use is permitted by an applicable exception or limitation.
No warranties are given. The license may not give you all of the permissions necessary for your intended use. For example, other rights such as publicity, privacy, or moral rights may limit how you use the material.

Matthew

Chapter 1

1Olulyo Lwa Yesu Ebyafwaayo byolulyo lwa Yesu Kurisito omwana wa Daudi, omwana wa Yibulayimu: 2Yibulayimu kewula Isaaka, Isaaka kewula Yakobo, Yakobo kewula 3Yuda nende bamwanaaηηina, Yuda kewula Pereesi nende Seera mu Tamali, Pereesi kewula Kesulooni, Kesulooni kewula Laamu,4Laamu kewula Aminadaabu, Aminadaabu kewula Nasoni, Nasoni kewula Salumooni, 5Salumooni kewula Bbowaasi mu Lakabu, Bbowaasi kewula Obedi mu Luusi, Obedi kewula Yese, 6Yese kewula Daudi Omwenengo. Daudi kewula Sulemaani, mu mukha Uliya,7Sulemaani kewula Rekobowamu, Rekobowamu kewula Abiya, Abiya kewula Asa 8Asa kewula Yekosafaati, Yekosafaati kewula Yolaamu, Yolaamu kewula Usiya,9Usiya kewula Yosamu, Yosamu kewula Akasi, Akasi kewula Khesekiya, 10Khesekiya kewula Manaase, Manaase kewula Amoni, Amoni kewula Yosiya, 11Ne Yosiya kewula Yekoniya nende bamwaanaηηina mu ndaalo echokhuyiriwa e Bbabbulooni.12Olunyuma lwo’khuyiriwa mu wuwaambe e Bbabbulooni: Yekoniya kewula Seyalutyeri, Seyalutyeri kewula Serubbabbeeri, 13Serubbabbeeri kewula Abiwuudi, Abiwuudi kewula Eriyakimu, Eriyakimu kewula Asoli, 14Asoli keewula Sadooki, Sadooki kewula Akimu, Akimu kewula Eriwuudi,15Eriwuudi kewula Ereyasaali, Ereyasaali kewula Matani, Matani kewula Yakobo, 16Yakabo kewula Yusufu, owali wamwe Malyamu, owewula Yesu olangiwa Kurisito. 17Manu chityo emireembe choosi okhutula khu Yibulayimu okhwoola khu Daudi endyo ekhumi nende chine; khandi okhutula Daudi okhwola khu khuyiriwa mu wuwaambe e Bbabbulooni, endyo ekhumi nende chine, khandi akhutula khu khuyiriwa mu wuwaambe e Bbabbulooni okhwola khu Kurisito endyo ekhumi na chine.Okhwiwulwa khwa Yesu Kurisito18Okhwiwulwa khwa Yesu Kurisito khwali khuti: Malyaamu ηηina nikali nasikhobesewa Yusufu, bali basiiri okhudekhesaniya, kawonekha nga ali neenda eyo’mwooyo omwolerefu. 19Ne Yusufu wamwe, olwokhuba kali mutu omulungifu, sikadakha okhumudiisa ensoni, kali abaasa okhumulekha mu weekisi.20Ne nikali namalire okhubaasa sino, malayika wO mwami kecha yali mu sirooto kamuwoola ati, Yusufu mwana wa Daudi, sutya okhuyira Malyamu okhuba omukhasi wawo, olwokhuba enda yaye yomwoyo omwolerefu. 21Acha okhwiwula omwana we sisyaani, nawe olimulanga eriita lyaye Yesu, olwokhuba ye nje oliwoniya abatu mu bibi byawe.22Ebyo byoosi byakholewa, byolerere Weere bi kalomalomera mu Nabbi nawoola ati: 23Wona omukhaana atamanyire omusaacha aliba neenda khandi kakhewule omwana wesisyani, balimulanga eriita lyaye Emmanweri__ Amakhuluutu kalyo mbo, Weere ali nafwe.24Yusufu nikasisimukha mu ndoolo, kakhola nga Malayika wa Weere lu kamulagira, kayira omukhasi waye. 25Naye sikalikho naye nga omusaacha nende omukhasi lubaba okhwoosa lukamala okhwiiwula omwana musyani. Kamulanga eriita lyaye Yesu.
Chapter 2Abakesikesi Okhutula Ewukwe.

1Yesu nikakhewulwa mu Bbesirekemu esyewuYudaaya, khu mireembe cha Herode Omwenengo, wona abakesikesi abatula ewukwe bacha e Yerusaalemi 2ni bateeba baati, Ali yeena weene oyo owiwuuywe Omwen’engo wa Bayudaaya? Olwokhuba khwawona eɳɳiniɳɳini e wukwe sakira khwiichire okhumwiinamira.” 3Herode Omwen’engo nikawulira kelaliikhirira, alala nende abe Yerusaalemi boosi.4Kawuusa ba khawona bakhulutu boosi nende abeekesa bamalako kabateeba Kurisito yikakhewulwe.5Bamukowolamo baati, Mu Bbesirekemu esyewuYudaaya. Olwokhuba nje lu syawaandiikiwa nabbi siityo nti: 6Ewe wesi Bbesirekemu, esyaalo sya Yuda, syooli mutono mu banawaami ba Yuda; olwokhuba otuka alitula mwiwe olyaaya abatu bange Yisirayiri.7Manu Herode kalanga abakesi kesi abo mu wekisi, kabahemekeresa lukali ebikha byeene bi ɳɳiniɳɳini yakhamala niyiwonekhire. 8Kabatuma e Bbesirekemu, kabawoola ati, “Muche mukoonye lukali, muwone omwana oyo. Naye ni mu mwakhakana mwicha mwaamboolera sesi kho niiche mwiinamire.”9Nibamala okhuwulira Omwene’ngo byabawooye, bemeeda no’lukendo lwawe, manu eɳɳiniɳɳini eyo yibawonera ewukwe yabatangiramo yecha yema amukulu omwana ali. 10Nibawona eɳɳiniɳɳini, basangaala lukali.11Ne nibengira mu nyumba, bawona omwana nende Malyamu ɳɳina baafumala, benamira omwana. Bawolola ensawo chawe bamuwa ebiwaanwa ebye saabbu owubbani nende amafuta akawunya wulayi lukali. 12Ne nibalawuliwa mu silooto batakowolayo eyiri Herode, bakowolayo e waawe nibabita khungira yiindi. Okhwirukhira e Misiri.13Manu nibamala okhuwaawo, malayika wa Weere kawonehera Yusufu mu sirooto namuwoola ati. Singira, wukula omwana nende ɳɳina wirukhire e Misiri. Ba eyo okhwosa Ese omwene lu ndikhuwoola, olwokhuba Herode kecha okhumukiiya amwiite.” 14Yusufu ni kasisimukha, kawukula omwana nende ɳɳina esiro baacha e Misiri, 15baaba eyo okhwosa Herode lukafwa. Emboosi yolerere Weere yikalomalomera mu nabbi nga awoola ati: Nakhalange omwana wange okhutula mu Misiri.16Herode ni kawona nga abakesikesi bala bamwekosobanisyekho, kasunguwala lukali, kalagira okhwiita abaana besisyani boosi abali e Bbeserekemu nende khu njakho chasyo choosi abakhamala emyaaka chibiri nende assi wacho, nga ebiro bikateebereseramo lukali abakesikesi lu byali.17Manu nje emboosi nabbi Yeremiya yi kalomaloma luyolerera lukawoola ati: 18Ekono lyawulirikhana mu Laama. Okhulira nokhwekasyaabira khungi, Lakeeri nalirira abaana baye ni batamukumya omwoyo, olwokhuba ali nga si asiiri.Okhukowolayo e Nasaleesi19Naye Herode nikamala okhufwa, wona malayika wa Weere kawonekhera Yusufu mu sirooto e Misiri 20 nga awoola ati, Singira, owukule omwana nende ɳɳina oche mu syaalo sya Yisirayiri, olwokhuba abali bayiima omwana okhumwiita bafwiye.” 21Kasingira, kayira omwana nende ɳɳina bacha mu syaalo sya Yisirayiri.22Naye nikawulira ati Akhikerawo nje Omwene’ngo we wuYudaya nga asikhiiye simwana Herode, katya okhukowolayo. Naye Weere keecha kamulawulira mu sirooto, kekholoobya kabita khu luwande lwe Ggaliraaya, 23keecha kaba mu siko eriita lyasyo Nasaalesi. Emboosi ba nabbi yi balomaloma yolereye yiiti: Kakhalangiwe mu Nasaalaayo.
Chapter 3Yokana Omubatiisi Atekekha Engira

1Mu ndaalo echo Yokana Omubatiisi kecha, nga awuulira mu sibbarara sye wu Yudaaya, 2nawoola ati, mweyolobye, olwokhuba owenengo wo mwikulu wuli ambi okhwoola. 3Khubanga ono nje oyo owalomalomwakho okhubita mu nabbi Yisaaya, nawoola ati: “ekono lyooyo olomalomera amukulu mu sibbarara, ati, ‘Mutereese engira yO’mwami, mukololose engira Chaye.’”4Naye Yokana oyo kambalaanga enguwo echowooya owe ɳɳamira, nga keewoya olukhoba olweseero mu siwuno. Ebyo’khulya byaye byalingi ensike nende owuukhi owenjukhi echerwaanyi. 5Abatu batulanga e Yerusaalemi nende mu wuYudaaya woosi nende ebitundu byoosi ebisibiranire Yoludaani. 6Nibeyolobyanga ebibi byawe, kababatisiraanga mu mwaalo Yoludaani7Naye nikawona aba Falisaayo bangi nende aba Saddukaayo ni betusiiseyo nibeecha yikali nabatisira, kabawoola ati: Enywe abaana ba maradwaaɳɳi! nanu owabalawula okhwirukha etima lya Weere ericha okhwiicha? 8Manu mwekese ebyaamo ebyekesera erala muti mweyoloobiisye. 9Mutabaasa mu myooyo chenywe muti, ‘Khuli nende Yibbulayimu kuuka yefwe.’ Olwokhuba mbawoola nti Weere anyala mu makina kano okhutusiramo Yibbulayimu abaana.10Naye wunanu embasa yiteeywe khusisikha syemisaala, wuli musaala okutaama ebyaamo ebirayi kunatemewe, kusukuniwe mu muliro. 11Ese mbabatiisa nende amaachi olwokhweyolobya. Naye oyo olicha nimbweyewo kankhirakho amaani sinkhoyera nokhudiira khu biraato byaye. Oyo alibabatiisa nomwoyo mwolerefu nende omuliro. 12Oluderu lwaye lumuli mu makhono, acha okhukhoonja emere endayi awunge mu syaaki, naye omukhuuchi alikusaamba nende omuliro okutasima.Okhubatiisiwa Khwa Yesu.13Manu Yesu katula e ggaliraaya koola khu Yoludaani eyiri Yokana amubatiise. 14Naye Yokana kali adakha okhukhaya, nga awoola ati; Ese ndakha ewe okhumbatiisa, nikhaandi ewe niiwe owichire yindi? 15Naye Yesu kakowolamo kaamuwoola ati, Lekha sibe sityo khu lwa wunaanu; olwokhuba situkhoyera siityo okhwoseresa owolerefu woosi. Manu Yokana kafukirira.16Yesu nikamala okhubatiisiwa, wangu weene katula mu maachi, wona, ekulu lyamwikukhira kawona omwoyo wa Weere nikeekha nga ewuusi kamumeseryakho. 17Manu ekono niritula mukulu nga liwoola liiti, Ono nje omwana wange, yiindakha: yinsangaalira lukali.
Chapter 4Okhukhemewa Khwa Yesu.

1Olwoola Yesu kayiriwa no'mwoyo mwolerefu mu sibbarara okhukhemewa sitani. 2Nikamala okhuwoonga endaalo amakhumi kane, esideete nende esiro, enjala kho yamuluma. 3Omukhemi keecha yaali kamuwoola ati, Noba noli Omwana wa Weere, woola amakima kano kekhole ebyokhulya. 4Yesu kakowolamo kawoola ati, Syawandiikiwa siiti: Omutu syabaanga mulamu khulwebyokhulya byoɳɳene, okhutusakho nawuli mboosi eyitula mu khanwa wa Weere.”’5Khandi sitaani kamuyira khu siko syolerefu, kamuta khu sisuli sye’nyumba ya Weere, 6kamuwoola ati, “Nooba nooli mwana wa Weere, tuuma okwe asi.” Olwokhuba syawandiikiwa siiti: “'Alikhutumira bamalayika baye, bakhudiiririre mu makhono kaawe, okhaye okhwekumula khukina.7Yesu kamuwoola khandi syosi syawandiikiwa siiti: Syokhemanga Omwami wawo Weere. 8Khandi, sitaani kamuyira khu lugulu oluleeyi lukali kaamwekesa ebyaalo nowuyiinda wa byo. 9Kamuwoola ati, Ebyo byoosi ndabikhuwe, nonafuumale wanyinamira.10Yesu kamuwoola ati, Ntulekho, sitaani! Olwokhuba syawandiikiwa siiti: Winamiraanga Weere, khandi omukholeraanga yeɳɳene.’” 11Awo sitaani kamulekha, bamalayika becha bamukholera owuyeedi wukali .Yesu Achaaka Okhuwuulira12Olwoola Yesu nikawulira ati Yokana bamudiiye, kakowolayo e Ggaliaaya. 13Natulire e Nasaaleesi kacha kamenya e Kaperunawumu, esiri khu nyanja mu syaalo sya Sebbulooni nende Nafutaali14okhwoseresa emboosi nnabbi Yisaaya yi kalomaloma nawoola ati: 15Esyaalo Sebbulooni nende esyaalo sya Nafutaali, khungira yenyaanja, engerekha wo mwaalo Yoludaani, e Ggaliraaya asyaalo syabateende__ 16abatu abali nibamenya mu siirema bawene owulafu wungi; nende abo abalingi mu syaalo esye siinikha syokhufwa owulafu wubawonekheye.17Okhutula awo okhucha mu moni Yesu kachaka okhuwuulira nawoola ati Mweyolobye, olwokhuba Owenengo womukulu wuli ambi okhwoola.”Yesu Alaanga A Beeki Abasookha18Yesu nikali nakeenda hu lukerekha lwe’nyanja ye Galiraaya, kawona abenda ndala babiri, Simooni yibalaanga Petero nende Andereya mwanaaɳɳina. Ni basukuna enjero mu nyanja, olwokhuba bali abanaabi. 19Kabawoola ati, “Mwiiche mu noonde, nja okhubakhola mube abanaabi ba’batu.” 20Mangu ako balekha enjero bamuloonda.21Yesu nikasudakho mu moni, kawona abenda ndala bandi babiri, Yakobo omwana wa Sebedaayo nende Yokana mwanawaɳɳina. Bali mu lyaato alala nende saawe Sebbadeeyo, niboonga enjero chawe. Kabalaanga, 22mangu ako, balekha awo eryaato nende saawe bacha nende Yesu.Yesu Awoniya Abalwaye23esu kamalakho Galiraaya, yoosi nga abasomesera mu makhuɳɳaaniro kaawe, nawuulira enjiri eyo’wene’ngo, khandi nga awoniya owulwaye woosi nowuchuuni woosi mu batu. 24Efuma yaye yaswaaniya Siriya, bamuleetera boosi abali abalwaaye, abali ni bawambiswe endwaye chitasi nasirala, nende ebibasandya, nende abemisaambwa, nende abentulume, nende abali ni bakokoomba, kabawoniya. 25Ebidiikha nebidiikha okhutula e Galiraaya, nende e Dekapoli, e Yerusaalemi, e wuYudaaya nende engerekha wo mwalo Kwa Yoludaani byamulonda.
Chapter 5Okhuwuulira Khu lugulu

1Yesu ni kawona ebidiikha, kaniina khu ntulo wolugulu kekhala asi. Manu abeeki baye becha yali, 2kachaka okhuwuulira nawoola ati: 3Bali nende enkhabi abo abaati mu mwoyo, abo Owenengo wo mukulu waawe. 4Bali nende enkhabi abali mu ngisa, olwokhuba abo balisangaasiwa.5Bali nende enkhabi abaloonga, olwokhuba abo balisikhira esyaalo. 6Bali nende enkhabi abalumwa enjala nowuluwo khulwo wolerefu, olwokhuba abo bacha okhwikuta. 7Bali nende enkhabi abo abesisa, Olwokhuba abo balikwiirwa asisa. 8Bali nende enkhabi abali nende omwoyo omulayi, olwokhuba abo baliwona Weere.9Bali nende enkhabi abakowosa abatu alala, olwokhuba abo bakhalangiwe abaana ba Weere. 10Bali nende enkhabi abawalaniwa khu lwowolerefu, olwokhuba abo owenengo wo mukulu wawe.11Enywe muli nende enkhabi ni banabanyekenge, ni babasaandya ni babatakho emboosi embi yi mutakholire khu lwange. 12Musangaale mwekhoye lukali, olwokhuba omusaara kwenywe mukali mukulu, olwokhuba batyo nje lu bawalaniwa ba nnabbi abaliwo khale ni mutabawo.Omunyu Nende Owulafu13Enywe muli munyu kwe syaalo. Naye omunyu ni kuwaamo echamu, kwakhakowosewamo kutye khandi? Sikukhoyera khandi, okhutusakho okhusukuniwa erwanyi abatu okhukusenakirira. 14Enywe muli mubasu kwe syaalo. Esiko nisyombakhiwa khu lugulu, sisinyalikha okhukisiwa.15Abatu sibaambya etaara khandi balita asi wesimweero. Okhutusakho balita amukulu khu sisiindi syaalyo, kho lyadukhire wulayi abatu boosi abali mu nyumba. 16Mungeri nasirala owulafu wenywe wumulikhenge wutyo eyiri abatu, bawonenge ebiitu birayi bimukhola kho bakiniye senywe oli mukulu.Okhwoseresa Amalako.17Mutabaasa muti neecha okhutusawo amalako oba ebya ba nnabbi; si necha okhutusawo okhutusakho okhwoseresa. 18Olwokhuba mbawoola masima nti ekulu nende esyaalo okhwoosa lubiriwaawo, enjukuta ndala ata akhatonyese khalala akhomumalako sikhaliwaawo, okhwoosa byoosi lubirimala okhwolerera.19Manu nawuli onakhalakenge erala khu malako ako ata erikhiramo owutono khandi nga asomesa abatu atyo alilangiwa omutono mu wenengo wo mukulu, naye wuli anakadiireenge khandi nga akasomesa nje, oyo olilaangiwa omukhuluutu mu wenengo owo mukulu. 20Olwokhuba mbawoola nti, okhutusakho nga owolerefu wenywe wukhiririsa owolerefu wa bawandiisi nende owaba Falisaayo, si mulingira ata nawutono mu wenengo wo mukulu.Okhwiita21wawulira ngasyawolewa nabakhale nibawoola baati, Siwitaanga, naye omutu naneteenge anabeenge aniyeye omusango, 22Ne sesi mbawoola nti, nawuli mutu odiirira owasye etima, aliba aniyeye omusango. Khandi, onawolenge owaasye ati engawo yino, okhoyire eyiriwe mu lukhiikho. Naye onawoolenge owasye ati, omusiru ono!Aliba muwudinyu wokhusukuniwa mu muliro okutasima.23Khulwesyo nobaanga nooletire esiwanwa syawo khu olutaari ne wichulisa oti olikho nowutawulirisaniya nowasyo musitu syoosi, 24lekha awo esiwamwa syawo khu olutaari. Okowoleyo otaangire omale okhufukiirisaniya nowaasyo kho okowole oteeyo esiwaanwa syawo.25Fukirisaniyanga wangu nende oyo okhuwabira, sikhole ni musiiri khugira olwokhuba anyala kakhuwaayo eyiri abakheengi bemisaango. Abakhengi bemisaango bakhuyira eyiri abasirikale, abasirikale bakhuta mu jeera. 26. Masima nkhuwoolera nti, Syolitulamo okhwoosa lwolituunga nakhakhera akhasembayo. Owudaamba27Mwawulira nga syawoolewa siiti, Syokholanga owudaamba. 28Naye mbawoolera amasima nti nawuli otingaala omukhasi nemoni chowekombi, aba amalire okhukhola owudamba naye mu mwoyo kwaye.29Manu emoni yawo eyomukhono omuluungi niyakhakira wakwa musibi, yituseemo oyisukune ale. Sirayi esitundu sirala hu mubiri kwawo okhusikhirira okhukhira omubiri kwawo kwoosi okhusukuniwa mu muliro kutasima. 30Khandi ata omukhono kwawo omulungi nikwakhakira wakwa musibi, kutemekho okusukune ale. Sirayi okhufwirwa esitundu syawo sirala okhukhira omubiri kwawo kwoosi okhucha mu muliro kutasima.Okhulobana31Khandi syawolewa siiti, Omutu nikerusyaanga omukhasi waye, amuweenge ebbaruwa eyimwirusya. 32Naye Sesi mbawoola ati, nawuli mutu onerusyeenge omukhasi waye, olwesisobyo syoosi okhumalakho esyowudaamba, anabeenge aleteeye omukhasi oyo okhuba omudaamba, nende oyo onadekhyeenge yiberusya anabeenge akholire owudaamba.Okhulayira33Khandi, mwawulira abakhale nibawoolerwa baati, Otakhalakanga esilayiro syawo, naye wosereseraanga Omwami biwalayira. 34Naye sesi mbawoola nti, otalayiranga ata nawutono: ata mukulu, olwokhuba nje esisaala sya Weere; 35Ata esyaalo, olwokhuba ye nje khwaata amakulu kaye; ata nende Yerusaalemi, olwokhuba nje esiko syomwenengo omukhuluutu.36Khandi ata otelayiranga omutwe kwawo, olwokhuba syonyala okhukalukhaniya akhafiiri khalala oba khalafu oba akhamali. 37Naye emboosi chenywe ni mufukiriiye, chibenge Eee, Eee, ni mukaanire chibenge Khaba, Khaba. Naye ebikhira ebyo bitula eyiri omubi. Emoni Khu Moni38Mwawulira abakhale nibawoolerwa baati, Emoni khu emoni, nende eriino khu lino. 39Naye sesi mbawola nti, mutakayiraanga omubi. Naye omutu nakhukhubbanga khu lusaya lwo mukhono omulungi omukalukhanisiryanga nende olwomukooda lwoosi.40Omutu nadakhanga okhukhuwabira okhuyira ekanju lyawo, omulekheraanga nende ekooti lyawo lyosi. 41Omutu nakhuyinganga okhukeenda naye eyiro lala, kendaanga naye nende eryokhubiri. 42Okhusabanga omuwanga, omutu nadakhanga okhumuwola otamukhubbanga omukongo. Okhudakha Abasiku43Mwawulira nisiwolewa siiti, Odakhanga okhusibiranire, osyuulenge omusiku wawo. 44Naye ese mbawoola nti: mudakhenge abasiku benywe khandi musabireenge ababawalana, 45kho mubenge abaana ba Senywe oli mukulu. Olwokhuba eryuba ye alyadusira ababi nende abalayi, enfula yikwira abalayi nababi.46Olwokhuba ni munadakheenge abo ababadakha boɳɳene, munafunenge siyanwa siina? Nabasolosa omusolo boosi si nje bakhola batyo? 47Nimunakheseenge abasuku beenywe booɳɳene anabengewo ngawuhana si? Abateende sibakhola batyo? 48Khulwesyo mube abolerefu nga seenywe oli mukulu, lwali omwolerefu.
Chapter 6Okhukabira Abali nowetaafu

1Mwerinde owutakholeranga ebiitu byenywe ebyowolerefu mu moni chabaatu, mbo babawone. Olwokhuba nimunakholeenge mutyo si munaweresewenge omusaara eyiri Senywe oli mukulu. 2Manu nokabiranga abali mu wetaafu, otekhubbiranga olwika omweene nga ababachirisi lubakhola mu makhunηaniro nende khu ngira abatu babawe oluyaali. Masima mbawoola nti, bamalire okhuweewa omusaara kwawe mu wichufu.3Naye ewe no’kabiranga abali mu wetaafu, omukhono kwawo omukooda kukhayenge okhumanya omuluungi sikukhola,4okhukaba khwawo khubenge khwengiso. Manu Bbabbawo, owona mu ngiso, alikhuwa omukawo.Okhusaba5Khandi nimusabanga, mutaba nga ababachirisi, olwokhuba badakha okhusaba nibeemire mu makhuηηaniro, nokhuntulo wamakira mbo abatu babawone. Masima mbawoola nti, bamalire okhuwewa abo omukawo kwawe mu wichufu. 6Naye ewe nosabanga, yingiraanga mu sisenge, wikalewo olwiiki osabe Bbabbawo, otawonekhana. Ne Bbabbawo owona mu wekisi, alikhuwa omukawo. 7Ne enywe ni musabanga, mutakowocholaanga mu mboosi nga abateende nibakhola, olwokhuba babaasa mbo banawulirwe olwemboosi chawe enyingi.8Manu mutaba nga abo, olwokhuba Senywe amanyire bimudakha nimutamusaba. 9Manu musabenge muuti: Bbabba wefwe owomukulu, eriita lyawo lifumisiwe, 10Owenengo wawo wiiche, byodakha bikholewe mu syaalo nga lubikholewa mukulu.11Tuwerese olwaleero ebyokhulya byefwe bya wuli ludaalo. 12Tulekheremo ebibi byefwe, nga fwesi lu khulekheramo abatukhola owubi 13Otatuyira mu khukhemewa, okhutusakho otuwoniye eyiri omusuku.14Olwokhuba ni munalekherengemo abatu ababakhola owubi, Senywe oli mukulu yesi anabalekherengemo mwesi. 15Naye ni mutaalekhereengemo ababakhola owubi, Senywe oli mukulu yesi syanabalekhereengemo ebibi byenywe.Okhusiiba16Naye ni musiibanga, mutabanga nga ababachirisi abawonekha nga abali nende engisa olwokhuba bakalukhaniya embonekha yawe mbo abaatu babawone baati basiibire. Masima mbawoola nti, bamalire okhufuna omukawo kwaawe kwosi. 17Naye ewe nosiibanga, webakheenge amafuta mu mutwe, wesabenge nende mu moni, 18abatu bakhaye okhuwona baati osiiba, okhumalakho Bbabbaawo, otawonekha; nende Bbabbawo, owona ebiri mu wekisi, alikhuwa omukawo.Owuyiinda Mukulu19Mutebikhiraanga owuyiinda wenywe khu syaalo, yimasiriyi nende enkherebeende yichakhanyasa, nabebi yibakhakhalaka beeba. 20Naye owuyiinda wenywe mu wubikheenge mukulu yiwutanyaasikhira, namasiriyi ata nende enkherebeende yichitakhanyasa ata nabeebi yi batakhalaka beeba.21Olwokhuba owuyiinda wawo yi wuba, nje omwoyo kwawo kwosi yikuba.22Emoni nje etaara lyo mubiri. Sakira emoni yawo niyiiba enamu, omubiri kwawo kwoosi kuba nowulafu. 23Naye emoni chawo nichiba embi, omubiri kwawo kwoosi kunabeenge mu sirema. Manu owulafu owuli mu mubiri kwawo ni weekhola esirema, esiirema esyo nga siba sinaabe sikali! 24Awumawo omutu onyala kakholera abakhongo babiri. Olwokhuba aba anasyulenge mulala kadakha owundi, oba anomiirire khu mulala kalekeresaanga owundi. Simunyala okhukholerera Weere nende owuyiinda.Mutelalikhirira25Sakira mbawoola nti mutelalikhirira owulamu wenywe, muti mulirya si oba mu linywa si; ata nomubiri kwenywe, muti mulyambala si. Owulamu siwukhira esyokhulya, nomubiri sikukhira ebyokhwambala? 26Muwone amayoni akomubbanga; sikataaka khandi sikakesa oba sikawuunga mu byaaki, ne Senywe oli mukulu akaliisa. Enywe simukakhira lukali ako?27Nanu mwinywe nikelalikhirira onyala okhweyongerakho khu wulamu waye ? 28Ne wunanu esiberalikhirisa ebyokhwambala nisi? Muwonere khu bimuli ebyo khutale ngalubikhula, sibikhola mulimo sibinaba enguwo. 29Naye mbawoola nti Sulemaani mu luyaali lwaye sikambalakho nga sirala khu bimuli bino.30Naye Weere akambasira atyo ebimuli byomundalo, ebiriwo leero, ne muchuli babisamba syalibambasa enywe lukali okhukhiraho abo, Oo enywe abali nende okhufukirira okhutono? 31Manu mutelalikhiriranga nimuwoola muti Khulirya si? oba Khulinywa si? oba Khulyambala si?32Olwokhuba ebyo byoosi abakafiri nje ababikoonya, ne Bbabba wenywe owomukulu amanyire nga mubidakha. 33Naye mutangire mukoonye Owenengo nowolerefu waye, manu ebyo byoosi mulibyongeswakho. 34Manu mutelalikhiriraanga ebyomuchuli, olwokhuba oludaalo olwomuchuli lwakhelaliikhirire ebyalwo. Oludaalo lulala esidinyu syalwo sirumala.
Chapter 7

1Okhukhengeranga Abandi Emisaango Mutakhenganga omusango, mukhaye okhukhengerwa. 2Olwokhuba mu ngeri yi mukhengera abandi nje nasirala lu mulikhengerwa mwesi, khandi esipiimo si mupiimiramo mwesi nje simulipiimirwamo.3Lwasiina otiingala akhatu akhatono akhali mu moni ya mwanawamaawo, ne wakhaya okhufwayo khu kutu okukhongo okuli mu moni chawo?4Owoola otye mwanawamawo oti, Khankhutusekho akhatu khu moni yawo, ne ebikha bingi okutu okukhongo kuli mu moni chawo?5Mubacha ewe, tangira wetuseekho okutu kukhongo mu moni chawo, kho owone wulayi nga lwotusa akhatu mu moni ya mwanawamawo.6Ssimuwaanga embwa esiitu syolerefu; khandi mutasukunaanga ebiitu byenywe birayi eyiri embiichi. Nimukhola mutyo, chiba chinabisenakirire namakulu kacho, khandi chakaluukhana chabatanduchulamo ebitundutundu.Teeba, Koonya, Khokhona7Musabe muliweresewa; mukoonye muliwukaana; mukhokhone mulikulirwawo. 8Olwokhuba nawuli mutu osaba bamuwa; ne oyo okoonya kakana; okhokhona, olwiki alikulirwawo.9Ne mutu si khwinywe, omwana waye nalimusaba omugaati, olimuwa ekina? 10Oba kasaba eɳɳeeni, kamuwa enjokha?11Nisiba mbo enywe, abakholi be’bibi, mumanyire okhuwa abaana benywe ebiitu birayi, Ssenywe oli mukulu syalikhirawo lukali okhuwa ebirayi abamusaba! 12Manu byosi bimudakha abatu okhubakholeranga, enywe mwesi mubakholerenge mutyo, olwokhuba esyo nje amalako nende ba nabbi.Esiriwa Esidiiyu Nende Esibambali13Mwingire mu siruwa esidiiyu. Olwokhuba esiruwa esibambali nende engira yicha mu khusikhirira nkhongo nende abo ababitamo bangi. 14Olwokhuba omulyangiro omudiiyu nende engira yicha muwulamu yokhwenyikirisa, nende abo abayiwona batono.Omusaala Nebyamo Byakwo15Mweriinde banabbi bowubacha. Bechera mu byambalo byamakoondi yimuli, naye mukati nje amaanani akatimula. 16Mwakhabamanyire khu byaamo byawe. Abatu bakhanoka batye esabbiibu khu muleere oba osongola khu mukhuwu? 17Manu sityo nawuli musaala mulayi kwaama ebyaamo ebilayi, naye omusaala mubi kwaama ebyaamo ebibi.18Omusaala mulayi sikunyala okhwaama abyaamo ebibi, khandi nomusaala mubi sikunyala okhwaama ebyaamo ebilayi,19Nawuli musaala okutaama esyaamo esilayi bakutema bakusukuna mu muliro. 20Khulwesyo mulibamanyira khu byaamo byawe.21Si nawuli mutu owumboola ati, Mwami wange, Mwami wange, nje oliingira mu wenengo wo mukulu, okhutusakho okhola Bbaabba oli mukulu byadakha. 22Bangi abalimboola khuludaalo lula baati, Mwami wefwe, Mwami wefwe, sikhwalakulanga mu liita lyawo, sikhwerusyanga dayimoomi ni khukhola ebyamangalima mu liita lyawo? sikhwakholaanga ebyamakana biingi mu liita lyawo? 23Ndi bawolera muwakhaafu nti, Si mbamanyangakho enywe. Mutule andi, enywe abakholi bebibi!Omwombakhi Mukesi No Musiru24Olwesyo nawuli mutu owulira emboosi change chino manu kachikholerakho, alikeranisiwa khu musaacha owamakesi owombakha enyumba yaye khu lwaanda. 25Enfula yakwa, emikhula chabisya, embunga yawuucha yakhubba enyumba eyo; ne si yakwa, olwokhuba omusingi kwayo kwali khu lwaanda.26Nawuli mutu owulira emboosi change chino kaakhaya okhuchikholerakho alikeraanisiwa khu musaacha otaasi namakesi owombakha enyumba yaye khu musenye. 27Enfula yakwa, emikhula chabisya, embunga yawuucha yakhubba enyumba eyo, yakwa omunyikha kwamaani.28Yesu ni kamala okhuwoola emboosi echo, ebidiikha byawuka ensomesa yaye, 29Olwokhuba kabasomesa nga omutu owali nowunyala, Okhukawukhanakho nende abasomesa bawe abamalako.
Chapter 8

1Omusaacha Owebikeenge.Ni kekha okhutula khu lugulu, ebidiikha bingi byamuloonda. 2Manu omusaacha omukenge kamusudakho kamwekalikhira, kawoola ati, Mwami wange, nodakha onyala wandabya. 3Yesu kakolola omukhono kwaye kamudiirakho na woola ati, Ndakha, Laba! Awene naweene ebikenge byawona.4Yesu Kamuwoola ati, Otawoolerakho omutu, wawula kowolayo weyekese eyiri khawona omuyirire esiwanwa Musa sikalagira, sibe owujulisi yibali. Enfukiirira Yo Musirikaale5Yesu nikakhengira mu Kaperenaumu, omusirikale wemya keecha yali nakonya owuyeedi.6Nawoola ati, Mwami wange, Omukhosi wange akalamiriiye mu nyumba akongobaye, asanda lukali. 7Yesu kamuwoola ati, Nja okhwiicha muwonye.8Omusirikale wemya kaakowolamo kawoola ati, Mwami wange, Sisikhoyera ewe okhwingira asi wesirama syange. Okhutusaho lomaloma emboosi wuwoosi, omukhosi wange anawone. 9Olwokhuba seesi ndi mutu ofukiwa, nga ndi nende abasirikale bambira, Nimboola mulala nti cha nacha: Nowuundi nti yiicha keecha; Nomukhosi wange nti khola oti nje akhola. 10Naye Yesu nikawulira bino, kawuka kawoola bakali nabo ati, Masima mbawoola ati, ntawonakho okhufukirira khukali nga khuno, ata nende mu Yisirayiri.11Seesi mbawoola ati bangi balitula ewukwe nende emuumbo, baliikhala alala nende Yibbulaimu, Yisaaka nende Yakobbo, mu Wenengo womukulu. 12Naye abaana bowenengo balirusirwa erwaanyi mu sirema, eyiriba okhulira esirimooyi. 13. Yesu kawoola Omusirikale wemya ati, “Manu cha! nga lwo’fukiriiye, sibe yoli siityo.” Omukhosi kawonera awene naweene.Yesu Awoniya Bangi.14Yesu nikengira mu nyumba ya Petero, kawona masalaɳɳene Petero nakonire ni mulwaaye womusuujja. 15Kamudiira khu mukhono omusuujja kwamutulakho, kasiingira, kamukkholera.16Owiire ni weera, bamuleetera abatu bangi abalikho dayimoni: kerusya dayimoni ne mboosi kawoniya boosi abali abalwaaye. 17Emboosi yolerere eyawoolewa Nabbi Isaaya nawoola ati: Ye omweene kayira owukata wefwe ketwiikha endwaaye chefwe. Okhwekhalirikha Mu khulonda Yesu18Yesu nikawona ebidiikha bikali ni bimwewodokhaniisye, kalagira ati khwambukhe khuche khulukerekha era. 19Omusomesa wamalako kecha yaali kamuwoola ati, Omwekesa, ndakhulondenge yocha yoosi. 20Yesu kamuwoola ati, Amabbwe kali nende ameena namayoni akomubbaanga kali nebiswi, naye omwana womutu awuma ata nende atta omutwe kwaye.21Omweki waye owundi kamuwoola ati, mwami wange, ndekhe mberi nje nsiikhe Bbabba. 22Naye Yesu kamuwoola ati, Nonde, lekha abafu basiikhe abafu basyawe. Yesu Kakamya Enfwinda23Yesu kengira eryaato abeeki baye bacha naye.24Awawuma esyekesa syoosi omuyaka mungi kwecha mu nyaanja, enfwinda yedikha mu lyaato, ne Yesu kali akona. 25Abeeki baye bacha yaali, bamusisimusa nibawoola baati, Mwami wefwe, tuwoniye! Khwibira!26Kabakowoolamo ati, Enywe abenfukiirira ntono, khulwasina mutya lukali? Kamala kasiingira kakhamukhira omuyaka nenfwinda byakamira erala. 27Abatu bawuka ni bateeba baati, Mutu si ono? Ata embewo nenfwinda okhumukanya!Okhuwoniya Khwabasaacha Babiri Aba Dayimoni28Naye nikoola khulukerekha mu syaalo sy Abagadaleni abatu babiri baamuwukaana abalikho dayimoni nibatula mu ɳɳani nibaalaba lukali, na’batu nga sibanyala okhubita khungira eyo. 29Manu boombi nibawona Yesu baholoochanira amukulu nibawoola baati, “Siina syeene, mwana wa Weere?” “Wichire ano okhutusaandya ebikha byeefwe nibitoola?”30Embesuule nabo aliwo esiicho syembiichi nyingi nichaaya. 31Dayimooni chamwekalikhira nichiwoola chiiti, Nooba notwiirusa, tusiindikhe mu siicho syembiichi. 32 Kachiwoola ati, Muche! Chabatulakho chacha mu mbiichi, manu wona esiicho syoosi syabbabbulukha syakwa mu nyanja syebira syafwira mu maachi.33Abali nibachaaya berukha bacha mu siko, bawoola byoosi nende emboosi chababeeyekho dayimooni. 34Abatu boosi becha okhutula mu biko okhwakanana nende Yesu. Nibamuwona, bamwekalikhira atule mu syaalo syawe esyo.
Chapter 9Yesu Awoniya Owakokoomba

1Yesu kengira eryaato, kambukha kola mu siko sye wawe. 2Becha bamuletera omulwaaye owakokomba, ni bamukoniisye khu mukeka. Ne Yesu nikawona okhufukiirira khwawe, kawoola oyo owakokomba ati, Mwana wange, guma omwoyo; ebibi byawo bikhutusiiwekho.3Khu sino, balala khu basomesa ba malako bawoola abene nabene baati, Omusaacha ono afwotokheresa! 4Naye Yesu nikamanya embaasa chawe, kawoola ati, Khusiina muli nebibaaso ebibi mu myooyo chenywe? 5Esyangu nje esiri: okhuwoola nti, ebibi byawo bikhutusiiwekho, kho nomba okhuwoola oti, Siingira okende? 6Naye mumanye muti omwana womutu ali nowunyala khu syaalo okhutusawo ebibi. Namala awoola oyo okongolbaaye ati, Yema, kiinga omukeka kwawo okowoleyo engo.7Omusaacha kasingira kacha engo. 8Naye esidiikha nisyawona sino, bechula nowuti, bakiniya Weere, owaweeresa abatu owunyala owakiiye awo.Okhulangiwa Khwa Matayo9Nga Yesu lukali nachanakana natula eyo, kawona omusaacha olangiwa Matayo nikekhaaye yibasolosera omusolo kamuwoola ati, Nonde, Matayo kasiingira kamuloonda.10Awo olwoola nikali nikekhaaye mu nyumba ya Matayo nalya, echawo abawoosa bangi nende abatu bebibi bekhala balya naye nabeeki baye. 11Aba Falisaayo ni bawona sino, bateeba abeeki baye baati, Lwasina Omwekesa wenywe alya nabawoosa nabakholi bebibi?12Ne nikawulira bino, Yesu kakowoolamo ati, Abalamu sibadakha Omusawo, okhutusakho abalwaaye. 13Naye muche mweke amakhulutu kemboosi yino muuti; Ndakha esisa naye sindakha ebiwaanwa. Olwokhuba sineecha okhulaanga abolerefu, naye abakholi bebibi.Yesu Atebewa Khu byokhusiiba14Olunyuma abeeki ba Yokanabecha bamuteeba baati, Khulwasiina efwe nende aba Falisaayo khusiiba, ne abeeki bawo sibasiiba? 15Yesu kabakowoolamo ati, Sinyalikha sitye abakeni bomusaacha odekhisye balira nasiiri ni nabo? Naye endaalo chicha okhwoola odeekhiisye omweeya lwalibatusiwakho; kho baasiiba.16Yiwuma mutu onaba esiraka esyenguwo embyakha khu nguwo engofu, olwokhuba esyo siraka siba syekhwesa syabambaliya syatula khu nguwo, esidomo syaba sikhongo lukali.17Khandi sibachukha omwenge omuyaakha mu seero ekofu. Nibakhola batyo, eseero liba linatandukhe, nomwenge kwedikha neseero linyaasikha. Khaba, bachukha Omweenge muyakha mu maseero mayakha kho byombi byerinda wulayi.Omukhaana Muffu Nomukhasi Mulwaye18Nikali nasiwoola bino omutuki mulala kecha ali kamusigamira, kamuwoola ati, Omukhaana wange kakhafwa. Manu yiicha wusa omutekho omukhono kwawo, analamukhe. 19Yesu kasingira kacha naye, alala nende abeeki baye.20Manu Omukhasi owali nowulwaye wokhudachirira okhumalira erala emyaaka ekhumi nachibiri kecha emukoongo wa Yesu kadiira khu kemo lye nguwo yaye. 21Olwokhuba kawoola mu mwooyo kwaye ati, Nindadiire wudiira khu nguwo yaye, ndawone. 22Naye Yesu nikekhewukha kamuwona. kamuwoola ati, Mukhana wange, Guma Omwooyo, Okhufukiirira khwawo khu khuwoniisye. Omukhasi kawonera awene naweene.23Yesu nikengira mu nyumba yomutuki oyo kawona abakhubbi bamalere nende okudiikha kwokukhero, 24kabawoola ati, Muwewo. Omukhaana syafwiye, naye akona. Bamuchekha lukali.25Esidiikha nisyatula, Yesu kengira kadiira khu mukhono kwomukhaana, kasingira. 26Emboosi eyo yaswaaniya syaalo esyo syoosi. Yesu Awoniya Omuwofu mudiimbe27Yesu nikatulayo, abawofu bemoni babiri bamuloonda, nibalomalomera amukulu nibawoola baati, Tukwiire esisa ewe Omwana wa Daudi! 28Nikali nikengiye mu nyumba, abawofu bemoni becha yali, Yesu kabateeba ati, Mwomiisa muti nyala okhukhola sino? Bamuwoola baati, Eee Omwami,29Kadiira khu moni chawe nawoola ati, Okhwema khu nfukirira yenywe sikholewe yimuli sityo; 30Emoni chawe chaliimbula. Yesu kabakhutira lukali nawoola ati, Atabawo omutu yeesi omanya sino. 31Naye nibatula awo bacha balangirira mu syaalo esyo syoosi.32Manu nibali kho batula, bamuleetera omutu awakwa esiru, nalikho dayimoni. 33Dayimoni nichali chakherusiwa, omudiimbe kalomaloma.Esidiikha syawuka, Nisiwoola siiti, Okhutula khale nakhandi sino si siwonekhangakho siiti mu Yisirayiri.”34Naye aba Falisaayo bawoola baati, “Kerusya dayimoni nakhosesa amaani ke’misambwa.”Abakhosi Batono.35Yesu kakendakenda mu biko byoosi, nende mu ngoongo choosi nasomesa abatu mu makhuηηaniro kawe, nga awuulira enjiri yo’wene’ngo, nawoniya endwaaye choosi nolumbe. 36Naye nikawona esidiikha, kasikwira esisa, olwokhuba bali basalanisiwe khandi nibawuma wuyedi, nga amakoondi akawumakho omwaayi.37Kho kawoola abeeki baye ati, Ekesa liingi, ne abakesa batono.38Manu musabe Omwami wobyokhukesa, khu olwo alete abakhosi mu ndalo yaye.
Chapter 10Yesu Atuma Ekhumi Nababiri

1Kalanga abeeki baye ekhumi na babiri kabaawa owunyala ohwirusya emisambwa mibi nokhuwoniya, endwaaye nolumbe.2Abeeki abo ekhumu nababiri, ameeta kawe nje kano: Owamberi nje, Simooni “Olangiwa Petero,” nende Andereya mwanaaɳɳina; Yakobo omwana wa Sebbedaayo, nende Yokanamwanaaɳɳina; 3Firipo nende Bbatulumaayo; Tomasi nende Matayo omuwoosa; Yakobo omwana wa Alufaayo, nende Saddayo; 4Simooni Omukananayo nende Yuda Isukalyoti, owamulyaamo olukhwe.5Ekhumi nababiri bano Yesu kabatuma nebilagiro bino: nabawoola ati, Mutachanga mu bateende khandi mutengiranga mu biko bya ba Samaliya. 6Naye muche eyiri amakoondi ka Yisirayiri akakota;7Nga lumucha, muwuulire owubakha wuno: Owenengo owomwikulu wuli ambi.8Muwoniye abalwaaye, musyukhise abafu, mwose abakeenge, mwirusye dayimoni. Mwafuna wusa mwesi muwenge wusa. 9Mutakinga e saabbu, ata efwesa, ata ebidiiri mu nkhoba chenywe; 10mutakinga eguniya, oba enguwo echokhwekalukhaniya, ata ebiraato, ata endawukhi; olwokhuba okhola emirimo akhoyera omusaara kwaye.11Ne nawuli siko oba olukongo lumwingiramo, mukonyengemo omutu okhoyera, mukonanga omwo, okhwola lu mulitulamo. 12Nimwingiraanga mu nyumba, mukhesaanga. 13Enyumba niyikhoyera, enkhabi chenywe chidoηηengemo; naye niyitakhoyera, enkhabi chenywe chibakowolerenge.14Naye omutu na’tabasudyaanga oba kawulira emboosi chenywe, mutulanga mu nyumba eyo oba mu siko esyo, mukhukhumulenge olufukhe lwo’mu makulu kenywe. 15Masima mbawoola nti, Esyaalo sya Sodomu nende Gomora siriba nokhusaandisiwa okhwokhwesimiirisiwa khu ludaalo lwomusaango okhukhira esiko esyo.16Mbatuma nga amakoodi akati mu manani. Manu mubenge bakesikesi nga enjokha, khandi mubenge balonga nga amawusi. 17 Mwerindenge abatu; olwokhuba balibawayo mu khiikho nende mu makhuηηaniro kawe. 18Khandi khulwange muliyiriwa eyiri abamasasa nende eyiri abene’ngo nga abajulisi yibali nende abateende.19Naye ni babadiranga, mutelalikhiranga simunawoole oba nga lu munasiwole. Musikha esyo muliyeresewa esyokhuwoola, 20khuba siniinywe abaliba nimulomaloma, okhutusakho Omwoyo kwa senywe nje okuliba kulomalomera mwinywe.21“Mwanaɳɳina wo’mutu alimulyamo olukhwe o’khwitiwa, nende simwana yesi eyiri omwana waye. Na’baana balikhayukhira abeewusi bawe no’khubetisa. 22Munasyuliwanga abatu boosi khu lwange, naye olyomiira okhwoola khunjakamo nje oliwonesawa. 23Nibaberusyaanga mu siko sirala, mwirukhiranga mu sindi. Mbawoola masima nti, Simuliswaniya ebiko bya Yisirayiri okhwola omwana wo mutu lwaliicha.24Omweeki syaba amukulu womwekesa waye, ata omukhosi syaba amukulu womukhongo waye. 25Siba sirayi omweeki okhuba nga omwekesa waye, omukhosi okhuba nga omukhongo waye. Nisiba nga omukhongo mwene nyumba alangiwa Beresebbuli, ne syakhaba sitye khubo mu nyumba yaye!26Manu mutabatyaanga. Yiwuma esyawiikhiwakho esitaliba alafu, oba esyakisiwa esitalimanyikha. 27Bimbawoolera mu siirema, bilomalome mu sidete; ne simbawewetera mu matwi kenywe, musilomalomerenge amukulu khusirama.28Manu mutatyanga abo abeeta omubiri ninga sibanyala okhwiita owulamu. Naye mutyenge oyo onyala okhusikhirisa owulamu nomubiri mu muliro okutasima. 29Chamuguuru tubiri sibatukusamo ekhera ndala? Khandi yiwuma khalala khutwo akhalikwa asi Senywe natamanyire.30Ata nende efwiri lyokhumitwe chenywe lyoosi lyabaliwa. 31Manu simutyaanga; enywe mukhira chamuguuru enyiingi.32Manu nawuli mutu yeesi olintumbulira mu moni chabatu, sesi ndimutuumbulira mu moni cha Bbaabba oli mukulu. 33Naye yeesi owakhanekaane mu moni chabatu, sesi nakhamwekane mu moni cha Bbaabba oli mukulu.34Mutabasa muuti necha okhuleeta emirembe khusyaalo: sinecha okhuleta emirembe, wawula esyoki. 35Olwokhuba necha okhukawukhaniya omwana nende simwana, omukhana nende ɳɳina, omweya nende masalaɳɳene. 36Abasiku bo’mutu banabenge bomunyumba yaye yene.37“Odakha simwana oba ɳɳina okhunkhirakho, sikankhoyera; omutu yeesi odakha omusyani oba omukhaana waye onkhunkhirakho sikankhoyera;38nende oyo otawukula omusalaba kwaye kanondakho enyuma wange, sikankhoyera. 39Owoniya owulamu waye khulwaye kakhawufwirwe, okosya owulamu waye khulwange kakhawufune.40Bala ababafukirira bafukirira ese, owunfukirira ese aba afukiriye owantuma. 41Ofukirira nabbi muliita lya nabbi aliwewa omusaara kwa nabbi, naye ofukirira omwolerefu muliita lyowolerefu aliwewa omusaara kwomwolerefu.42Khandi wuli owa mulala khubatono bano esikombe syamaachi amanyifu syoɳɳene khulwokhuba mweeki wange, muliita lyaange, masima mbawoola nti, syalikhaywa omasaara nawutono.”
Chapter 11Yesu Nende Yokana Omubatiisi

1Awo olwola Yesu nikamala okhulagira abeeki baye ekhumi nende babiri, katulayo kacha okhusomesa mu biko ebye’ Galilaaya. 2Naye Yokana nikawulirira mujera Kurisito bikali nakhola, katuma abeeki baye. 3Okhuwoola Yesu baati, Niwe oyo owali owokhwicha, oba khulinde owundi?4Yesu kakowolamo kabawoola ati, Mukowoleyo muwoolere Yokana bi muwulira nende bi muwona: 5Abawofu bafuna okhuwona, nende abalema bakenda, nabakenge batereesewa, nende abekafu ba matwi bawulira, nende abafu basyukhisiwa, nende abaati bawulirwa enjiri. 6Naye ali nenkhabi oyo omusaacha otakwa khulwange.7Abeeki ba Yokana nibali bawawo, Yesu kachaka okhulomaloma emboosi khu Yokana ati: Siina simwachiririra okhuwona mu sibbarara? Ekada eridenganisiwa nembewo?8Ni sitali sityo, siina simwachirira okhuwona? Omutu owambaaye enguwo echimekhamekhana? Khaba, abo abambala echimekhamekhana baba mu madookho ka benengo.9Ne siina syene simwachiririra okhuwona? Ba nnabbi? Eee, mbawoola oyo akhirira erala nnabbi.10Ono nje owawandikiwakho ati: Ndituma wamuwaanda wange emutwe wawo, olitereesa engira yawo emutwe wawo.11Masima mbawoola nti: mu batu abewulwa abakhasi si wabangawo omutu okhira Yokana omubatiisi; ate nga okhiramo owutono mu wenengo womukulu amukhira ye. 12Okhutula mu ndaalo cha Yokana omubatiisi nokhwoosa wuti, owenengo womukulu wubeeye wuyingwa namaani ni wucha mu moni, nabasaacha bamaani ba wedirakho sirifu.13Olwokhuba ba nnabbi boosi namalako balakula okhwosa khu Yokana. 14Manu nimudakha okhusifukiirira, oyo nje Eriya owali nacha okhwiicha. 15Oli nende amatwi akokhuwulira, awulire.16Oboluse luno ndalukeraniye khusi? Bali nga abaana bayere abekhaye mu wutale balanga abasyaawe: 17Nibabawola baati, khwabakkhubbira amalere, ne enywe simwakhina khwababikhira, ne simwalira.18Olwokhuba Yokana kecha natalya khandi nga sanywa, bawoola baati, Alikho omusambwa. 19Omwana womutu kecha nalya nanywa bawoola baati, wona owomudokho oyo khandi omumeesi, omwiicha wa bawoosa nende owa bali nende ebibi. Manu amakesi kawewa owolerefu olwebikholwa byako.Engisa Khubiko Biteyolobya20Yesu kachaka okhusasira ebiko mukakholera ebyamangalima byaye bingi, olwokhuba sibyeyolobya. 21Chirikhuwukaana ewe, Kolaziini! Chirikhuwukaana ewe Besusayida! Olwokhuba ebyamangalima ebyakholerwa mwinywe biba nibyakholerwa mu Ttuulo nende Sidoni, baba beyolobya khale nibali mu nguwo chamaguniya nende ekokhe. 22Naye mbawola nti, khu ludaalo olwomusango Ttuulo nende Sidoni baliba nende okhusandisiwa okhukhira enywe.23Khandi wesi, Kaperunawumu, balikhukiniya okhwola mukulu? Khaba, oliikha e makombe. Olwokhuba ebya’mangalima ebyakholerwa mwiiwe biba ni byakholerwa mu Sodomu, siba syakhabeyewo no’khwola wunanu. 24Manu mbawoola nti, khu ludaalo lwo’musaango esyaalo sye Sodomu siriba no’khusandisiwa khutono okhukhirakho enywe.”Okhuwumula Khwa Bajoηηu25Mu ndaalo echo Yesu kakowolamo kawoola ati, Nkhukiniya ewe, Bbabba, Omwami wekulu nende esyaalo, olwokhuba wakisa emboosi chino abamakesi nende abalyepulyepu wa biwikhulira abaana abayere. 26Eee, Bbabba, olwokhuba siityo nje lusyasimiwa mu moni chawo. 27Ebitu byoosi byamberesewa nende Bbabba. Awuma mutu yeesi omanyire omwana okhutusakho simwana, lundi awuma mutu omanyire simwana okhutusakho omwana khandi abo omwana badoola kamubawikhulira.28“Mwiiche yiindi, enywe mweesi abajoηηire khandi abasidoweywe, ese nja okhubawuluusa. 29Mwetwiikhe ejoogi lyange munjekerekho, olwokhuba ndi mudiira kaala khandi omulonga mu mwoyo, Manu mwesi muliwona okhuwumula khwe’myoyo chenywe.30“Olwokhuba ejoogi lyange sidinyu, no’mukuku kwange mwangu.”
Chapter 12Omwami We Ssabbiiti

1Manu mu ndaalo echo Yesu kabita mu ndalo ye ηηano khu lwa Sabbiiti. Abeeki baye bali njala, bachaaka okhukusuchula eηηano nibalya. 2Naye Abafalisaayo nibawona, bamuwoola baati, “Wona! Abeeki bawo bakhola ebikhalaka amalako khu lwa Sabbiiti.”3Naye kabawoola ati, “Simusomangakho Daudi sikakhola nikali enjala ni yamuluma nende abo bakali nabo? 4Nikengira mu nyumba ya Weere, kalya emigaati echalabisiwa echali echa bakhawona. Bachirya nende bakali nabo__ esitali mu malako, nga cha bakhawona boηηene.5Nawo simusomanga mu malako, muuti bakhawona bakhalaka amalako khu lwa sabbiiti ni basikala ni bawuma omusango?6Naye mbawoola nti oli ano akhira enyumba ya Weere owukhulutu.7Singa mwali mumanyire amakhulutu kemboosi chino, Ndakha esisa, okhulekha esiwewayo, simwakholobisiisye abatali nomusaango. 8Olwokhuba omwana wo mutu nje omwami wa Ssabbiiti.99Nikatula mu sifwo esyo, kacha mu sinagoogi yawe, 10manu, wona mwalimo omusaacha owomukhono okwabbangalala. Bamuteeba nibakonyeresa si banafunane Yesu, bamuteeba baati, Sirayi okhuwoneserya omutu khu Ssabbiiti?11Kabawoola ati, Nanu mwinywe naliba nende ekoondi lyaye, manu lyakwa mu liina khu Sabbiiti, otalidiira kalitusamo. 12Omutu syakhira lukali ekoondi! Manu sirayi okhukhola owulayi khu Ssabbiiti.13Namala awoola omutu oyo ati, Kolola omukhono kwawo. Kakukolola kwawona, Kwaba nga okuundi. 14Naye aba Falisaayo batula awo bakhenga amakesi akokhwita Yesu. Omukhosi mwangalemo Wa Weere15Okhumanya bino, Yesu katula mu sifwo esyo. Abatu bangi bacha naye, kawoniya boosi owulwaaye, 16kabakhutira bakhaye okhumutumbula mu batu. 17Syolerere esyawoolerwa mu Isaaya nnabbi siiti:18Wona omukhosi wange yi nangalamo, khandi yi ndakha lukali, omwoyo kwange yi kudakha lukali; ndimutamo omwoyo kwange naliwuulira owolerefu mu mawaanga koosi.19Syaliyoomba khandi syalikhubba esikhero; khandi si aliba mutu oliwulira ekono lyaye khu makira.20Ekada lyawosookha syalirikhalaka, Olutambi olulyolyookha syalilusimya, Okhwola lwalyongula okhwoseresa okhuwangula. 21Mu liita lyaye esyalo syoosi sirimutamo esuubi. Yesu Alangiwa Beresebbuli22Becha bamuletera omutu olikho dayimooni ni muwofwu wemoni khandi nga syalomaloma, ne Yesu kamuwoniya, kalomaloma khandi kawona. 23Abatu boosi bawuka lukali nibawoola baati, Ono kakhaba ni nje omwana wa Daudi?24Naye aba Falisaayo nibawulira bino, bawoola baati, Oyo kerusya dayimooni khu lwamaani ka Berusebuli, omukhulutu wa dayimooni. 25. Yesu kamanya okhubaasa khwawe kabawoola ati, wuli owenengo ni wukawukhana owene nowene wusikha, khandi nawuli siko oba enyumba niyikawukhanamo eyene neyeene si yemawo.26. Nisiba mbo sitaani kerusya sitani, aba akawukhaniremo omweene. Nowenengo waye wakhemawo wutye? 27. Ne nimba ni nirusya dayimooni khulwa Berusebbuli, abatu benywe bachirusya khu lwa nanu? Manu abo nje abalibakhengera omusango.28Naye ese naaba ni nirusya dayimooni khulwo mwoyo wa Weere, manu owenengo wa Weere wubecheye. 29Oba, omutu anyala atye okhwingira mu nyumba yomutu owamaani, kanyaka ebiitu byaye okhutusakho nasookhire kawowa owamaani ola? Kho kanyaka enyumba yaye. 30Omutu otaasi naange musiku wange, Khandi omutu otawuusira alala nange asalaaniya.31Sakira mbawoola nti, Abatu balirekherwamo wuli sibi syoosi esyokhufwotokheresa naye esibi esyokhufwotokheresa omwoyo si sikhulirekherwamo. 32Wuli mutu yeesi olomaloma emboosi khu mwana womutu alirekherwamo, naye omutu yeesi olomaloma khu mwoyo mwolerefu syalirekherwamo, ata mu ndaalo chebikha bino, ata nende mu ndaalo echiicha okhubawo.33Khola Omusaala kube mulayi nebyaamo byakwo binabe ebirayi, oba khola omusaala kube omubi ne’byaamo byakwo binabe ebibi, olwokhuba omusaala kumanyikhira khu byaamo byakwo. 34Enywe abaana be radwaηηi, munyala mutye enywe ababi okhulomaloma emboosi yosi yoosi endayi? Olwokhuba khwiibyo ebichula mu mwooyo omunwa nj’e bikulomaloma.35Omutu omulayi ebirayi abitusa mu sibiikhiro syaye esirayi, nomutu omubi ebibi abitusa mu sibiikhiro syaye esibi.3636 Khandi mbawoola nti, Wuli mboosi eyitakhoya abatu yibalomaloma baliyiwosa khuludaalo olwomusango. 37Olwokhuba emboosi chawo nje echiriweesa owolerefu lundi emboosi chawo nje echirikhukhisa omusaango.Akhawonero Kha Yona38Manu aba Falisaayo bandi nende abasomesa bamalako bamukowolamo nibawoola baati, Omwekesa, khudakha otweekese akhawonero khu khawone. 39Naye kakowolamo kabawoola ati, “Abakholi be’mbi na’badaamba be’ndaalo chino nje abokoonya akhawonero! Ne sibaliwewa akhawonero okhutusakho akhawonero kha nnabbi Yona. 40Olwokhuba nga Yona lukamala endaalo chidatu, esideete nende esiro munda y’o kuηηeni, atyo omwana wo’mutu nje lwalimala endaalo chidatu esiro nende esideete mu mwoyo kweroba.41Abatu be Nnineve bakheme akati mu musaango alala nende abatu bendaalo chino; beyolobya khu lwokhuwuulira khwa Yona, ne wunanu okhira Yona ali ano.42Omwenengo Omukhasi wa Sheba kakheeme mu moni alala nabaatu bendaalo chino lundi alibakhisa omusaango; olwokhuba katula khu njakamo yesyaalo okhuwulira amakesi ka sulemaani, ne wunanu okhira Sulemaani ali ano.43Naye dayimooni mubi natula mu mutu, akeenda muusa echomerera, nakoonya awokhujoηηolokhera manu kakhaywa. 44Manu awoola ati, ‘Kha ngowoleyo mu nyumba yange yinatula.’ nikoolamo kawona ni njereere, ni yeyirwe wulayi ni yiteresewe. 45Manu acha kaleterakho dayimooni bandi musanfu abakhira owubi, boosi nibengira baba omwo. Manu embeera yo’mutu oyo yiriba mbi okhukhirakho eyatangira. Nje siriba siityo eyiri ababi be’ndaalo chino.”Nηηina Nende Ba mwanaηηina Yesu46. Ne Yesu nikali nasilomaloma eyiri esidiikha, wona, nηηina nende ba mwanaηηina bali bemire erwanyi, nibadakha okhulomaloma naye. 47Omutu kamuwoola ati, Wona mamawo nende ba mwanawamawo bemire erwanyi badakha okhulomaloma nawe.48Ne kakowolamo nawoola ati, maama nje nanu, khandi ba mwanawama nje bananu? 49Kakolola omukhono eyiri abeeki baye, kabawoola ati, Wona maama nende bamwanawama. 50Olwokhuba nawuli okhola Bbabba oli mukulu byadakha nje mwanaama, nje mbocho yange, nje maama.
Chapter 13Olukaado Lwomuwaanyi

1Khu ludaalo lwene olwo Yesu katula mu nyumba kacha kekhala assi khu ntulo wenyanja. 2Ne esidikha sya’batu syecha syamwewodokhaniya manu kengira mu lyato kekhalamo, ne abatu boosi badonηηa khu sigenya.3Manu kachaka okhubawolera ebitu bingi nga akhosesa engado ati: “Olwola omulimi kacha okhuwaanya emwo yaye. 4Manu nikali nawaanya, emwo chindi chakwa khu ngira, ni amayoni kecha kachiwocha. 5. Emwo chindi chakwa khu lwanda, atali eroba lingi. Manu chamera wangu, olwokhuba eroba lyali tono. 6Ne omubasu ni kwecha, ebimera byaniyala, khandi byoma, olwokhuba sibyali nemisi.7Emwo chindi chakwa mu mawa, checha chakhula ne amawa kecha kakhula kachimira. 8Emwo chindi chakwa mu roba layi, manu chama ebyamo-echindi ebyamo emiya ndala echindi nkaaga, echindi asatu. 9Oyo oli namatwi, awulire.10Musikha esyo abeeki ba Yesu becha yali bamuteeba baati, Sina esikira nolomaloma na batu mu ngaado? 11Ne Yesu kabakowolomo ati, Enywe ninywe abaweresewa enkhabi okhumanya esyama esyowenengo wo mukulu, ne abo khaba bawuma nkhabi eyo.12Khulwokhuba wuli mutu oli nende esitu acha akhwongerwakho esindi, manu abe nende bingi ebikhirakho. Ne owumakho nende syoosi, ata nende khatono khali naho acha okhutusiwakho.13Sino nje sikira ni nomaloma nabo mu ngaado: Abakhaba nibatingaala nikhaba sibawona; batekeresa nikhaba sibawulira ata sibamanya nokhumanya. 14Mu bo emboosi ya nnabbi Yisaya yolerera: Muliwuliranga ne simulitegeera amakhulutu kene; khandi mwakhewunje ne mwakhaya okhuwona.15Khulwokhuba emyoyo chabatu bano miwangalafu; khandi badimbe, khandi bamala okhulimbya emoni chawe khulwokhuba bibakhawene nende emoni chawe bakhawuliiye nende amatwi kawe, khandi bategera nemyoyo chawe nokhuchukha nakhabawonisye.16Ne emoni chenywe chiri nenkhabi khulwokhuba chiwona, ata namatwi kenywe khulwokhuba kawulira. 17Mbawolera amasima nti, ba nabbi bangi nende abatu bolerefu bangi abekomba okhuwona bimuwona ni khaba sibabiwona, okhuwulira bimuwulira ni khaba sibabiwulira.18Wunanu muwulire amakhulutu kolukado lwomuwaanyi: 19Omutu yeesi nawulira emboosi yidira khu wenengo wo mukulu manu kakhaya okhumanya amakhulutu kalwo, sitani kecha kamunyula esyali syatakiwa khu mwoyo kwaye. Yino nje emwo yakwa khungira.20Ola owawukula emwo yakwa khu lwanda, oyo nje owulira emboosi ya Weere manu kayifukirira mangu nesangalo. 21Khulwokhuwuma emisi, aguma khu lwendaalo ntono. Ne owudinyu ni wicha oba okhusandisiwa khu lwemboosi, akowola enyuma wangu.22Ola owafuna emwo yakwa mu mawa oyo nje omusaacha owulira embosi ya Weere, ne khulwokhwelarikhirira okhwowulamu wesyaalo nende owekombi nowubacha we byowuyiinda yikhudenganiya, yakira embosi eyo yakhaya okhwama ebyamo. 23Ne ola owukula emboosi nga emwo yakwa khu loba layi, oyo nje owulira embosi ya Weere, khandi kamanya amakhulutu kayo, manu kamala kama ebyamo, manu kafuna emiya ndala, echindi nkaaga echindi asatu okhubita amakhabi khu bi kataaka. Olukaado Lwe Baye24Yesu khandi kecha kabakaadira olukaado lundi ati: Owenengo wo mukulu wufananyirisiwa khu mutu wundi owawaanya emwo endayi mu ndalo yaye. 25Ne abatu nibali nibakona, omusiku waye kecha kawaanya ebaye mu ηηano eyo, namala kewerawo. 26Ne eηηano niyamala yola okhusaamula, ebaye lyosi lyecha lya wonekha.27Manu abakhosi bo mwene ndalo becha bawoola baati, “Mukhongo wefwe, siwataka emwo ndayi mu ndalo yawo? Ne ebaye lyatula ena?’ 28Kabawola ati, “‘Omusiku nje owakhola atyo. Abakhosi baye bamuteeba baati, manu odakha khuche khu yikhulemo?’29Ne kabakowolamo ati, “‘Khaba bbe,’ khulwokhuba nimunabe nimukhulamo ebaye eryo, eηηano yosi yicha okhwekhuliramo. 30Mulekhe byosi bikhulire alala okhwola mukesa. Mu bikha ebyo ndiwolera abakesi nti: musokhe muwuse alala ebaye manu muliwowe alala ebinywa lisambiwe; ne muwuuse eηηano mu yiwunge mu syaki syange.’” Olukaado Lw’omuyofu N’amamera31Yesu khandi kecha kabakadira olukaado lundi ati: Owenengo wo mukulu wufwana nende olumwo lwo muyofu, lumutu kawukula kataaka mu ndalo yaye. 32Alwakhaba ni nje olukhiramo owutono mu mwo choosi, ne nilumala lwakhula, lukaliya lwakhira emisala choosi owukhongo mu ndalo, lwekhola omusaala, namayoni khu kecha kombakha ebiswi mu masaga kakwo.33Kabawolera olukaado lundi ati: Owenengo wo mukulu wufaana na mamera omukhasi ka kawukula kaduba mu bideru bikhongo ebyowusye, amamera kecha kamala kabisimbulukusa byosi byoosi byechula.34Embosi echo chosi choosi Yesu kachiwolera ebidiikha byabatu mu ngaado; ne awatali lukaado awuma mbosi yikabawoleranga. 35Kadakha syolerere nabbi sikawoola ati: Ndyasama omunwa kwange mu ngaado, nakhalete emboosi chakisiwa okhutula khu khulongwa khwesyaalo.Amakhulutu Kolukaado Olwebaye.36Kecha kalekha esidiikha kengira mu nyumba. Abeeki baye bacha yali bawoola baati, Tuwolere amakhulutu olukado lwebaye eryali mu ndalo ye’ηηano.” 37Kakowolamu nawola ati, “Owataka emwo ndayi nje Omwana w’omutu. 38Endalo nj’esyalo, emwo ndayi nje abaana bo’wene’ngo. Ne ebaye nje abaana bo’musiku, 39Omusiku wayitaka nje sitani. Ekesa nje ekhomerero ye’syaalo, ne abakesa nje ba Malayika.40“Kale nga lubakhula bakhuηηaniya ebaye balisamba n’omuliro, sityo nje lusiriba khu njakamo ye’ndaalo. 41Omwana w’omutu alituma ba malayika baye, nabo balitusa mu wene’ngo waye ebitu byoosi ebibi ebikhingakira nende ebikira abaatu ni bakhola ebibi. 42Balibasukuna mu muliro kutasima, eyo nje yibalirira ni beluma luma ameeno.43Ne abalorefu becha okhumekhamekhana ngeryuba mu wenengo wa saawe. Oyo oli namatwi, akhoya awulire.Engaado Chidiira Khu Wunyali Owekisa Nebyebbeyi44Owenengo wo mukulu wufwana nende owunyali owekisa mu ndalo. Omutu naweduyakho, asokha kawukisa mberi, khulwesangalo lyaba nalyo eringi akowolayo kacha kakusa nawuli syali nasyo manu kamala kecha kakula endalo eyo. 45Ne, Khandi owenengo womukulu wufwana nende omusuwusi okonya amakina kowukusi wukali. 46Manu ni kakaana ekina lyebeyi, kakowolayo kacha kakusa ebiitu byaye byosi byosi byali nabyo manu kacha kakula ekina eryo.Olukaado OLudira Khu Lwero47Khandi, owenengo womukulu wufwana nende olwero omutu lwawukula kesa mu Nyanja kaddira eηηeni echebikha bingi. 48Nilwechula, abanaabi balukhwesa baluleta khulukerekha. Becha bekhala asi manu bachaka okhukawulamo enηηeni endayi bachita mu sikalala n’embi bachisukuna.49Siityo nje lusiriba khu ndaalo chenjakamo. Ba malayika baliicha bakawulamo abatu babi babatusa mu bolerefu. 50Khu bamale babasukune mu muliro okutasima, eyiriba okhulira nokhusya ameeno.51Yesu kateeba abatu ati, Manu mutegeye amakhulutu kebitu bino byosi byosi? Bamukowolamu baati, Yee.52Kamala kabawolera ati, Nje esikira omwekesa wamalako yesi owamala okhwekeswa ebiddira khu owenengo womukulu afwanana nende omwene nyumba yaye otusamo owuyiinda wuyakha nowukhale.Nabbi Otasi Noluyaali.53Manu Yesu nikamala okhukada engaado chino chosi choosi, katulawo.54Kakowola mu siko sye wawe syene, kachaka okhubekesanga mu mikhuηano chaawe, ni abo bosi boosi abawulira enjekesa yaye bawuka lukali. Bateba baati, “naye ono kafuna ena amakesi kano nende amaani akokhukhola ebyamangalima bino?” 55Ono sinje omwana w’omubaachi? Nende ηηina sinje Malyamu, khandi bamwanaηηina sinibo Yakobo, Yusufu, Simoni nende Yuda? 56Nende bambochoηηene boosi sikhuli nabo ano? Ne bino byosi kabitusa yena?”57Manu becha bamukhayira erala. Ne Yesu kabakowolamo ati, Nabbi syakhaywanga luyaali okhutusakho mu syaalo syewawe nende mu nyumba yaawe. 58Manu sikakholayo ebyamangalima bingi hulwokhutafukirira khwawe.
Chapter 14Yokana Omubatiisi Atemewakho Omutwe:

1Mu ndaalo echo Herode owesasa kecha kawulira enfuma ya Yesu, 2manu kawola abakhosi baye ati, Oyo nje Yokana omubatiisi; asyukhiye okhutula mu bafu! sakira amaani kano kali okhumukholeramo.3Hulwokhuba Herode omwene nje owadiira Yokana kamuta mu jeera khulwa Kerodiya, omukhasi wa Firipo mwanaηηina. 4Hulwokhuba Yokana kamuwola ati: “Sya musiro ewe okhuba naye.” 5Kerode kali adakhire keete Yokana ne katya abatu, olwokhuba bamubasirisa okhuba nabbi.6 Oludaalo nilwola olwokhukhewulirakho okhwiwulwa khwa Herode, omukhana wa Herodiya kabakhinira kasangasa Herode. 7Manu kechuuba okhumuwa esitu syoosi omukhana oyo syanabe nasabire.8Ne omukhaana kachira khu makesi ka ηηina nga ngawoola ati, “Mberese omutwe kwa Yokana omubatiisi hu luderu wunanu wuno.” 9Sino syecha syamala mu omwenengo amaani, ne okhwema khu khwechuuba khwaye abakeni khu bali nibawuliye, katya manu kecha katusa omunwa ati bakumuwerese10manu katuma bacha mu jeera bakhenga khu Yokana omutwe. 11Baleta omutwe kwa Yokana hu luderu manu bakuwa omukhaana oyo, kamala kakuletera ηηinna. 12Ne abeeki ba Yokana becha bawukula omulambo kwaye bacha bakusiikha. Nibamala nibacha bawolera Yesu. Yesu Aliisa Abatu Enkhumi Chitaanu:13Wunanu Yesu nikawulira bino, katulawo kengira mu lyato kacha ayeηηene musifwo siwumamo batu. Nibawulira baatyo, bamulondakho namakulu okhutula mu biko bitasi nasirala. 14Nikatula mu lyato kawona esidiikha esya’batu esikhongo, sino syamudisya esiisa kawoniya abalwaye bawe.15Ne owire niwola esye’ngolobe abeeki baye becha yali bamuwoolera baati, Owire mbuno wirire khandi khuli mu syaalo esyembesuule, sewula esidiiha bache mu biko bekulire emere.16Ne Yesu kakowolamo ati, Abatu bano khaba sibakhoyera khutula ano. Enywe mubawe ebyokhulya. 17Nabo bamuwolera baati, “Efwe khuli wusa nende emigaati chitanu nende eηηeni chibiri. 18Ne Yesu amala awoola ati, “mubindetere ano”.19Manu kamala kalagira abatu okhwikhala asi khu wunyasi. Nawukula emigaati chitanu nende eηηeni chibiri natingala amukulu mukulu, kebasa Weere, manu kakhalakamo emigaati echo kachiwa abeeki baye, ne abeeki bachaka okhuchikabira abatu. 20Manu abatu boosi balya bekuta, wunanu abeeki ba Yesu bawusa owukhukhumukha w’emigaati echo owadonηηakho bechusa ebimwero ekhumi na bibiri. 21Ne abalya bali abasaacha ambi enkhumi chitaanu, notabaliyekho abakhasi nende abaana. Yesu Akendera Khu Maachi22Wangu wene, Yesu kabikirisa abeeki baye okhwingira mu lyato batangiremo bambukhe bache engerekha, omwene kasikala nasewula esidiikha syabatu. 23Ne nikamala okhubasewula, kaniina yeηηene khu lugulu okhusaba. Manu engolobe niyoola, mu khesisye kali eyo yeηηene, 24ne esikha esyo eryato lyali lyolereye ewusiba, enfwinda cha maachi chali chirikhubba olwokhuba oluwucha lwali lubatulira mu moni, yiibacha.25Owiire niwakhoola musaawa chine echesiro, Yesu kacha yibali, nakenda khu nyanja. 26Ne abeeki baye ni bamuwona nakendera khu nyanja batya lukali bawoola baati, nga kuno musambwa nikwo, manu besindukha khandi batya. 27Awo nje Yesu akakowoleramo kawoola ati: Mugume emyoyo, nise mutatya khaba.28Ne Petero kakowolamo nawoola ati, Omwami, noli niwe, mbolere niche yoli sesi ningendera khu maachi. 29Yesu kamuwolera ati, yicha manu Petero katula mulyato kachaka okhukendera khu maachi nacha eyiri Yesu. 30Ne Petero nikawona enfwinda, katya, kachaka okhwibira, ngakhumula ati, Omwami, mboniye!31Mangu awo Yesu kakolola omukhono kamudiira nawola ati, Ewe omusaacha wenfukirira ntono,” Lwasi okanakanire? 32Ne nibamala okhwingira mu lyato bati noluwucha lwakama, 33Manu abali mu lyato bamukiniya nibawoola baati, Masima kene oli mwana wa Weere.34Ne nibamala okhwambukha enyanja, bola engerekha bakobera e Genesaleti. 35Ne abatu beyo nibamanya baati nje Yesu, bacha bawolera abatu bomu situndu esyo syosi syoosi. Abatu baleta abalwaye bawe boosi yali 36manu bamusaba baati afukirire abalwaye badirekho wusa khu kemo lyesyambalo syaye, ne abo bosi boosi abamudirakho bawonera erala.
Chapter 15Okhulaba nende Owutalaba

1Awo aba Falisaayo bandi nende abasomesa ba malako batula e Yerusalemi becha eyiri Yesu bamuteeba baati, 2Lwasi abeeki bawo banyasa ensambo cha bakuka yefwe? Hulwokhuba sibesaaba amakhono kawe nibacha okhulya! 3Yesu kabakowolamo ati, Ne lwasi enywe mukhalaka ebiragiro bya Weere khulwokhuba mudakha okhukhola ebye’sambo cha bakuka yenywe?”4Khulwokhuba Weere kawoola ati, ‘Latawo nende makowo batengemo oluyaali, ne omutu yeesi okholimira simwana oba nηηina atekwa okhwitiwa.’ 5Ne enywe muwola muuti omutu yeesi owoola khu simwana oba khu ηηina, ‘Syoosi sinakhali nikhuwa okhukhugasa siweresise Weere,’ 6alirekha okhuweresa simwana oluyaali. Manu sakira mukhayanga okhulonda emboosi ya Weere khulwokhudakha okhulonda emisiro chenywe chi mwaweresewa.7Enywe abebachirisi! Nabbi Yisaya kali mutufu nikali nabalakulakho: 8Abatu bano bamberesa oluyaali lwokhumunwa, ne emyoyo chawe chiri aleyi nange. 9Banyinamira werere; nga bekesa amalako kabatu nga esyokhudiira.’10Yesu kalanga esidiikha syabatu kabawolera ati, Muwulire khandi mutegere. 11Esingira mu khanwa khomutu sinje esimukhola kakhaya okhulaba, okhutusakho esitula mu khanwa nje esimuletera kakhaya okhulaba.12Manu abeeki baye becha yaali bamuteeba baati, Omanyire oti byowoye ebyo bichunire aba Falisaayo ni babiwuliye? 13Kakowolamo ati, Wuli simera syoosi si lata oli mukulu syatataaka sicha okhukhuliwa nemisi chasyo. 14Enywe mubalekhe wusa; nje abemeresi bawofu. Ne omuwofu natangisamo omuwofu wasye, bombi balikwa mu wina.15Ne Petero kamukowolamo ati, Tutumbulire amakhulutu kolukado luno. 16Ne kabateeba ati, Enywe mwesi musiri abafuwu? 17Simumanyire muuti nawuli singira mu khanwa sicha munda syamala syatula erwanyi?18Ne ebintu bitula mu khanwa bitula mu mwoyo, ne ebyo nje ebikira omutu natalaba. 19Khulwokhuba mu mwoyo njomutula ebibaso bibi, owiti, owudamba, owibi, owubacha, nende okhunyeka. 20Bino nje ebikira omutu natalaba; ne okhulya notesabire amakhono sinje ebikira omutu natalaba.Enfukirira Yomukhasi Omu Kanani21 Nikamala okhutula musyalo esyo, Yesu kakowola kacha mu Tino nende Sidoni. 22Aliwo omukhasi mu Kanani okhutula mu situndu esyo, kecha eyiri Yesu kamulirira ati, Omukhongo, omwana wa Daudi, ngwire esisa! Omukhana wange mulwaye lukali khu lwa dayimooni.” 23Ne Yesu khaba sikamukowolamo ata emboosi yoosi. Ne abeeki baye becha bamwekweda baati, “Musewule awewo, khulwokhuba ali okhutulonderesa naalira.”24Kakowolamo ati, “Natumiwa eyiri amakoondi kakota ake’nyumba ya Yisirayiri koηηene.” 25Ne omukhasi oyo kecha kasigama mu makulu ka Yesu. kawoola ati, Omwami, njede! 26Ne Yesu kakowolamo ati, sisikhoyera okhuwukula emere yabaana wasukunira embwa.27Omukhasi kakowolamo ati, Eee, Omwami, esyo situfu. Ata nembwa chosi chiryanga owukhukhumukha okhutula khumesa yomutuki wacho. 28Yesu kamala kamukowolamo ati, mukhasi ewe, oli nenfukirira yamaani! Okhusaba khwawo khufukiriywe. manu nesikha syene esyo omukkhana waye kawonerawo. Yesu Aliisa Abatu Enkhumi Chine29Yesu katulayo kacha khuluwande lwenyanja ye Galiraya. Kaniina khundaalira cho lugulu kekhala assi. 30Esidiikha sikali nisyecha yaali, nga baleta abalema, abawofu, abewotola emibiri, abakwa esiru nabandi, babaleeta babaata mu makulu kaye; kabawoniya. 31Manu abatu bawuka lukali nibawona abatu bali nibakwa esiru nibalomaloma, abewotola emibiri nibawonire, abalema ni bakenda nende abawofwu nibawona. Bakiniya Weere wa Yisirayiri.32Yesu kalanga abeeki baye becha yali manu kabawoola ati, Abatu bano bamambya esisa; khulwokhuba bakhamala nange endaalo chidatu nga sibali nesyokhulya. Sindakha okhubasiwula nibali njala, banyala okhufwira khungira nibakowolayo. 33Ne abeeki baye bamuwolera baati, Embesule eno khunatuse yena emigaati chinalise abatu bano boosi? 34Yesu kabateeba ati, “Muli nende emigaati chinga?” Bakowolamo baati, “Musanfu nende otuηeni tutono tuyeraanu.” 35Ne kawoolera esidiikha okhwikhala assi khwiroba.36Manu kawukula emigaati musanfu nende eηηeni ntono echo, nikamala okhwebasa, kabimekulamekulamo kabiweresa abeeki baye, ne abeeki bosi batyo bakawula abatu. 37Manu boosi balya bekuta. Ebyo ni biweye abeeki bawusa owukhukhumukha wadoηηawo bechusa ebimwero musanfu. 38Abalya bali abasaacha enkhumi chine, no’tabaliyekho abakhasi na’baana. 39Ne Yesu nikamala okhubasewula, kecha kengira mulyato kawawo kacha mu situndu sibalanga baati Magadani.
Chapter 16MATAYO 16Okhusaba Akhawonero

1. Aba Falisaayo nende aba Sadukaayo becha eyiri Yesu okhumukhema nga bamusaba abekese akhawonero okhutula mukulu. 2Kabakowolamo nawoola ati, Owiire niwira, muwola muuti, wunabe wuyenjefu, khulwokhuba ebiresi bitwakhaye,3Ne echuli, muuti anabewo embewo leero, khulwokhuba ekulu litwakhaye khandi limaliyisise. Mumanyire okhukawukhaniyawo ekulu nga lifwana, ne simunyala khukawukhaniyawo owuwonero we bikha. 4Aboluse lubi khandi oludamba nje olukonyeresa akhawonero, ne awumawo akhawonero akhalibawewa okhutusakho akha Yona. Awo Yesu kabalekha kawawo.Amamera ka Ba Falisaayo nende aba Sadukaayo5. Nibali bakhambukha enyanja okhwola engerekha, abeeki bebirira okhukinga emigaati. 6Yesu kabawolera ati. Mube wukheke“khandi mwerinde amamera kaba Falisaayo nende aba Sadukaayo. 7Bachaka okhwetebanakho abene nabene baati, Awoola atyo khulwokhuba sikhukingire omugaati kwosi. 8Ne Yesu kamanya sibali nibabasa mu myoyo chawe kabateba ati, Enywe abenfukirira ntono, lwasina mwetebanakho okhutaba nende omugaati?9Enywe mwesi musiri khumanya? Simukhewulira emigaati chitanu echalisa abatu enkhumi chitaanu, ee ebimwero binga bimwakhuηηaniya? 10Oba emigaati musanfu echekusya abatu enkhumi chine? Ne ebimwero binga bimwawusa?11Mubeye mutye mwakhaya muti simbeye nomaloma ebidira khu mugaati? Mwerinde amamera k’aba Falisaayo nende aba Sadukaayo.” 12Awo bemawo bamanya baati, sikali nalomaloma khukhwerinda amamera kakhola khu mugaati ne okhwerinda ensomesa ya ba Falisaayo naba Sadukaayo. Petero kaatula Kurisito13Yesu nikola khu luwande lwe Kayisaliya eya Filipi, kateba abeeki baye ati, abatu bawola baati omwana womutu nje nanu? 14Ne bakowolamo baati, Abandi bawoola baati Yokana omubatiisi; abandi baati Eriya; khandi abandi baati, Yeremiya oba mulala khu ba Nabbi. 15Ne kabateba ati, Nanywe muwola mutye? Muwoola muuti nise nanu? 16Simoni Petero kakowolamo ati, Niwe Kurisito, omwana wa Weere mulamu.17Yesu kakowolamo nawoola ati, Oli nende enkhabi, Simoni omwana wa Yona, khulwokhuba sino si syakhwekesewa nomutu, naye nende Bbabba oli mukulu. 18Manu khuwolera nti, Ewe oli Petero, khandi khu lwanda luno ndyombakhakho ekanisa yange, manu ata emiryango che makombe sichiri yiyiingira.19Nja okhukhuwa olusimuluso lwOwene'ngo wo mukulu; manu wuli syoliwowa mu syaalo siriwowewa mukulu, khandi wuli syoliwolola mu syalo siriwololwa mukulu. 20Manu kamala kakhutira abeeki baye okhutawolerangakho mutu yeesi baati nje Kurisito.Yesu Alakula Khu Khufwa Khwaye.21Okhuchaka nesikha esyo Yesu kachaka okhwekesa abeeki baye ati simukhoyera ache e Yerusaalemi asandisiwe lukali mu makhono ka batangirisi ba batu, nende bakhawona bakhulutu nabekesa bamalako, khandi baati atekwa okhwitiwa ne khu ludaalo lwokhudatu asyukhire. 22Ne Petero kamuwukula kamusudya khu ntulo kachaka okhumwolobya. Nawoola ati, Omwami! Sino si sirikhwekholekhakho ata nawutono! 23Yesu kakalukhana kawolera Petero ati, Ntulireyo, sitani! Kowola enyuma wange, oli siteki yindi; khulwokhuba syubaasa ebya Weere okhutusaho ebya batu.24Awo Yesu kawolera abeeki baye ati, Omutu odakha okhunonda kefwirise omwene, ketwikhe omusalaba kwaye kanonde. 25Olwokhuba omutu yesi odakha okhuwoniya owulamu waye acha okhuwukosya, ne oyo okosya owulamu waye khulwange acha okhuwufuna. 26 Sirimugasa sitye omutu okhulya esyaalo syoosi namala akosya owulamu waye wene? Oba siina syene omutu syanyala okhwofwaηηaniyamo mu wulamu waye?27Khulwokhuba omwana wo’mutu acha okhwicha nende ba Malayika mu luyaali lwa lataηηene, manu alikaba wuli mutu omukawo, okhwema khu byaliba nakholire. 28Ne mbawolera amasima nti abandi khu bemire ano si balikhoomba khu khufwa nibasiri okhuwona omwana wo’mutu nikecha mu wen’engo waye.”
Chapter 17Okhukalukhanisiwa

1Endaalo mukaaga nichabitawo, Yesu kayira Petero, Yakobo nende Yokana mwaananηina, bacha khu lugulu luleeyi, baba eyo boηηene. 2Eyo kakalukhanisiwa mu moni chawe ni bawona, oweni waye wamekhamekhana ngeryuba, enguwo chaye chaba ndafu ngomubasu.3Awene awo, Musa nende Eriya, babawonekhera nibali okhulomaloma naye. 4Petero kawolera Yesu ati, Omwami, sirayi efwe khube ano. Noba nodakha, nja okhwombakha amakaali kadatu__ erala lyawo, erindi lya Musa nerindi lya Eriya.5Nikali nasiromaloma, esireesi simekhamekhana syecha syabawiikha, wona ekono lyatula mu sireesi niriwola liiti, Ono nje omwana wange, yindakha, yinkhira okhusangaliramo. Mu mutekerese! 6Naye abeeki nibawulira sino, owuti wabadiira, bakwa assi mafumaye. 7Ne Yesu kecha kabadirakho. Nawoola ati, Musingire mutatya. 8Nibasingisa emoni sibawona mutu yeesi okhutusakho Yesu.9Nibali nibekha okhutula khu lugulu, Yesu kabakhutira ati, Mutawolerakho omutu yeesi bimuwene, okhwola ngomwana womutu lwalisyukhisiwa okhutula mu bafu. 10Ne abeeki bamuteeba baati, Lwasina, Abekesa bamalako bawoola baati Eriya nje otekwa okhukowola mberi?”11Yesu kakowolamo ati, Okhukhakhasa, Eriya keecha khandi aliteresa ebitu byoosi. 12Ne mbawolera nti, Eriya kamala okhwicha, okhutusakho abatu khaba si bamumanya, manu bamala bamusandya nga lubadakha. Manu mu ngeri nasilala nje omwana womutu lwacha okhusandisiwa mu makhono kawe. 13Awo abeeki becha bamanya baati kali ali okhulomaloma khu Yokana omubatiisi.Okhuwoniya Khwomusyani Olikho Dayimoni14Manu niboola mu sidiikha, omusaacha wundi kecha eyiri Yesu, kasigama mu moni chaye. 15Manu kawoola ati, Kwira omwana wange esisa. Khulwokhuba akwa entulume khandi achunisiwa lukali. Endaalo nyingi akwa mu muliro, khandi olundi mu maachi. 16Namuleta eyiri abeeki bawo ne sibanyala okhumuwoniya.17Yesu kakowolamo nawola ati, Enywe abo mu mirembe achitafukirira echekoda, ndiba nanywe okhwola lina? Ndi besimirisa okhwola li? Mundetere ano omusyani oyo. 18Yesu kamala kakhamukhira dayimoni, manu yamutulamo, nokhutula esikha esyo omusyani oyo kawonerawo.19Ne abeeki becha eyiri Yesu mu ngiso nibateeba baati, Lwasina efwe si khwanyala okhwirusya dayimoni eyo? 20Kabakowolamo nawola ati, Khulwokhuba muli nende enfukirira ntono. Mbawolera amasima nti, muba muli nenfukirira eyaka ngalumwo lwomuyofu, mwakhawoleye olugulu luno muuti, Tula ano oche era, Manu lwatulawo. Akhabeye awumawo esitu syoosi esyakhabakhayiye. 21Naye esifwaana nga sino sisinyala okhutulawo ataasi okhusaba no'khusiiba.22Manu abeeki baye nibali nibewusise mu Galiraaya, Yesu kabawolera ati, Omwana womutu acha okhuweresewayo mu makhono kabatu. 23Manu becha okhumwita, ne khu ludaalo lwokhudatu acha okhusyukhira. sino syaletera abeeki baye engisa lukali.Omusolo Kwenyumba Ya Weere24Yesu nabeeki baye niboola e Kaperunawumu, abasolosi bomusolo kwenyumba ya Weere, becha eyiri Petero bamuteeba baati, Manu omwekesa wenywe akhubbanga omusolo kwenyumba ya Weere? 25Petero kakowolamo ati, Eee awa. Manu Petero ni kengira mu nyumba, Yesu nje owasokha okhulomaloma. Kateeba Petero ati, Obasa otye Simoni, abenengo bo khu syaalo sino basolosa emisolo__ khu basyani bawe bene nawo khu bandi?”26Petero kakowolamo ati, khu bandi Yesu kakowolamo ati, “manu abasyani bali ne’dembe”. 27Ne olwokhutabakhingakira, cha khu nyanja osukune endowo mu maachi. Winulule enηηeni yo’natangire okhudiisya; oyasamye omunwa kwayo onawonemo erubya eye’sangasa chine. Yiwukule oyibayirire okhubbe omusolo okwange nende okwawo.
Chapter 18Okhira Oluyaali Mu wenengo Womukulu

1Mubikha ebyo abeeki beecha eyiri Yesu ni bamuteeba baati, Manu nanu omukhulutu mu wenengo wo mukulu? 2Kalanga omwana muyere namwemekha akati wawe. 3Nawoola ati: Masima mbawolera nti, nimutakalukhana okhuba nga abaana bayere, khaba simulingira na wutono, mu wenengo womukulu.4Nolwesyo, nawuli wewombekha nga omwana muwere ono, nje omukhulutu mu Wenengo womukulu. 5Nawuli olisudya omwana muwere ngo ono mu liita lyange aliba asudisye ese. 6Naye wuli oleeta okhwegumula khu abo abeyere abanfukiiriramo, syakhali esirayi okhumuwowa mukosi olukina olukhongo lu basyerakho bamusukune akati mu lusiba lwenyanja.7Endaalo chakaanire esyaalo khu lwemboosi chireta abatu okhokhola esibi! Khulwokhuba ebitu nga ebyo sibirikhaya khwiicha, ne endaalo chakaanire omutu oyo yibibitiramo! 8Nisiba mbo omukhono kwawo oba okhukulu khwawo khu khuletera okhukhola esibi, khutemeekho okhusukune ale. Siba sirayi wingire mu wulamu nowumakho omukhono oba okhukulu okhukhira okhusukuniwa mu muliro okwendaalo ne ndaalo nga oli nende emikhono chombi nende amakulu kombi.9Ne niyiba emoni yawo niyikhuletera okhukhola esibi, yituseemo, oyisukune ale. Siba silayi wingire mu wulamu noli nemoni ndala, okhukhira okhusukuniwa mu Geyeena yomuliro, noli nemoni chombi.Olukaado Lwekondi Eryakota10Muwone muuti simulekeresa ata mulala khu bayere bano. Khulwokhuba mbawoola nti mwikulu ba malayika bawe batingaala endaalo choosi emoni cha Bbabba oli mukulu.11Khulwokhuba omwana womutu kecha okhuwoniya esyakota.12Mubaasa mutye? Omutu naba namakoondi kaye emiya ndala, lala khwako nirikota, syalekha kyenda mu mwenda kacha mu ngulu kakoonya lira erikotire? 13Ne, naba naliwukanire, masima mbawoola nti, eryo alisangaalira okhuhira kala kyenda mu mwenda akali nikatakotire. 14Mungira nasirala senywe owomukulu syadakha ata mulala khu bayere bano okhukota.Mwanamawo Okhukhola Esibi15Mwanamawo nakhukhola esibi, cha omwekese esibi syaye ni muli wusa mwembi khu mwembi. Naba nakhutekeresise, oba omukowosisewo. 16Ne natatekeeresa, wukula omutu wundi oba abantu babiri, khu wuli mboosi yomisiwe khu lwowujulisi wabatu babiri oba badatu.17Ne nakhaya okhuwulira abo, yekesa ekanisa; ne nakhaya okhuwulira ekanisa yosi, abenge yuli nga omuteende khandi ngaomuwoosa.18"Masima mbawoola nti, byoosi bi muliwowa khu syaalo biriwoyewa mwikulu, bimuliwolola khu syaalo biriwololewa mwikulu. 19Khandi, mbawoola nti babiri khwinywe ni munafukirisaniyenge khu situ syoosi simusaba mu syaalo, sinakholewenge yimuli nende Bbabba womwikulu. 20Khulwokhuba abanabenge babiri oba badatu nibewusiise mu liita lyange seesi ndabenge akati wawe.Olukaado Lwomukhosi Otali Nesissa 21Khandi Petero kecha eyiri Yesu kamuteeba ati, Omwami, mwanawama nanangoseryenge ndamulekherengemo amakhabi kanga? Yesu kakowolamo ati nkhuwolera, si makhabi musanfu, 22Yesu namuwoola ati, Sinkhuwoola nti, amakhabi musanfu, ne nti okhwosa amakhabi nsanfu amakhabi musanfu.23Nolwesyo, owenengo womwikulu wukeranisiwa khu mwenengo owadakha okhwakanirisa embalirira nabakhosi baye. 24Ni kachaaka okhubala, bamuletera omusaacha mulala yikali nabanja erubya omutwaalo mulala. 25Ne olwokhuba sikali nerubya chokhutunga omukhongo waye kalagira bamukuse omwene, nomukhasi waye, nabaana baye nende ebitu byoosi bikali nabyo kho niwo ekobi eryo liwe.26Awo omukhosi kakwa assi khu makhumbo kaye namwekalikhira. Kamusaba ati, mwami wange, mbanje kaala. Ndi khusasula byoosi bi wumbanja. 27Omwami womukhosi oyo kamusasira, kamuwola ati amulekheremo ekobi.28No omukhosi oyo natulawo, nikakaana omukhosi wasye yikali nekobi eryesiringi emiya, kamudiira, kamwewowa mukosi kachaka okhumumika namuwoola ati, sasula ekobi lyange. 29Awo omukhosi wasye, kakwa khu makhumbo na mwekalikhira namuwoola ati, Mbanje kaala, ese ndikhusasula.30Sikafukiirira. Musifwo syokhufukirira, kachanakana kamuyira mu jeera okhwola lwalisasula ekobi. 31Awo abakhosi basye nibawona nga lubibeeye, endaalo chabadiira lukali bacha bawoolera omukhongo wawe emboosi chali nichekholekhire.32Awo Omukhongo waye kamulanga. Kamuwoola ati, Ewe omukhosi mubi, Nakhulekheramo ekobi lira lyosi lyoosi khulwokhuba wanekalikhira. 33Nawe si sikhukhoyera okhulekheramo omukhosi wasyo nga ese lu nakhulekheramo?34Omukhongo waye olwetima lingi kamusindiikha mu jeera okhusandisiwa,okhwola lwalimala okhutunga ekobi lira lyoosi. 35Atyo Bbabba wange wo mwikulu nje lwalibabisya nimutalekheramo wuli mutu eyiri mwanaηηina mu myoyo chenywe.”
Chapter 19

1Okhulobana Ne Yesu nikamala okhulomaloma ebitu bino, katula e Galiraaya kacha mu situndu sye Buyudaya engerekha w’omwaalo kwa Yoludaani. 2Ne ebidiikha byamulondakho, kabawoneserya eyo.3Ne aba Falisaayo bandi becha yali okhumukhema. Bamuteba baati, Siri mu malako omusaacha okhwirusya omukhasi waye khu lwemboosi yosi yoosi? 4Kabakowolamo ati, Khaba simwasoma emboosi yino mu njaka yesyaalo, Omulongi ni kalonga omusaacha nomukhasi,5Ne kawoola ati, ‘Sakira omusaacha alirekha simwana nende ηηina keyiimba khu mukhasi waye, ne abo bombi baba omubiri mulala?’ 6N’olwesyo sibasiiri abatu babiri, naye mulala. Nolweesyo Weere syayimbanisye akhoyire awume omutu yeesi osikawukhaniyanga.”7 Abafalisaayo ba muteeba baati, lwasiina Musa katusa elako okhufukiirira omusaacha okhwirusya omukhasi waye na muwandikiiye abbaruwa atyo? 8Yesu kakowolamo ati, Musa kabafukiirira okhwirusya abakhasi benywe khulwemyoyo chenywe miwangalafu. Ne sisyali siityo okhutula munjaka. 9Ne mbawolera ati oyo yeesi owiirusya omukhasi waye, okhutusakho olwowudamba, namala akhwa omukhasi wundi, aliba akholire esibi syowudamba nende oyo odehya yi berusya aba akholire owudamba.10Abeeki baye bawoola baati, Eyo niyiba nje embera yomusaacha, no mukhasi, siba sirayi owutadehya. 11Kakowolamo ati, Abatu boosi sibanyala khufukiirira enjekesa yino, naye okhutusakho abo abekulirwawo. 12Abandi barade okhwokhuba bewulwa baatyo; abandi bakholewa baatyo nabatu; abandi bakhaya okhudeehya khulwo wenengo womwikulu. Onyala okhufukirira sino asifukiirire.Abaana Bayere Nende Yesu.13Manu baleeta abaana bayere eyiri Yesu abateekho emikhono nende okhubasabira. Naye abeeki baye bakayira abo ababaleta. 14Ne Yesu kabawoola ati, Mulekhe abaana bayere beche yiindi, khandi mutabakayira, olwokhuba abafwaana nga abo, nibo abeene owenengo womwikulu. 15 Nikamala okhubatakho emikhono, katula mu sifwo esyo.Omusyani Omuyiinda16Awene awo, omusaacha wundi kecha eyiri Yesu kamuteeba ati, Omwekesa, sirayi siina sinkhoyera okhukhola, kho nfune owulamu owutakama? 17 Yesu kakowolomo ati, “lwasiina wunteeba khu bitu birayi?” “Aliwo omutu mulala yeηηene omulayi. Ne noba nodakha okhwingira mu wulamu, fukirira amalako ka Weere.”18Kateeba Yesu ati, “Malako siina?” Naye Yesu kakowolamo ati, “‘Otetanga, otayirananga, otebaanga, otayeresanga owujjulisi wowubacha, 19oweresanga lataawo nende mamawo oluyaali, khandi dakhanga owasyo nga ewe luwedakha omwene.20Omusyaani oyo kawoola Yesu ati, Ebyo byoosi nabidiira, okhutula mu wuwere wange Ne siina khandi simba mbuma? 21Yesu kamuwolera ati, Nodakha okhuba omutu mwoolerefu, cha, okusemo ebintu byoli nabyo manu erubya chitulamo chikabe abaati, manu oba ocha okhufuna owuyiinda mwikulu. Nomala yicha, wunonde. 22Ne omusyaani oyo nikawulira sino, katula awo kawawo nikewunamiye lukali, olwokhuba kali nende emyandu mingi.23 Manu Yesu kawoolera abeeki baye ati, “Mbawolera amasima nti, sidinyu lukali omuyiinda okhwingira mu wene’ngo wa Weere. 24Khandi mbawolera nti, syangu lukali eηηamira okhubita mu kheena khe’piso okhukhira omuyiinda okhwingira mu wenengo wa Weere.25Naye abeeki baye nibawulira bawuka wuka, nga bawoola baati, Nanu onyala kawonesewa? 26Yesu kabakhadaasa emoni, kamala kabakowolamo ati, Eyiri abatu sino si sinyalikha, naye eyiri Weere byoosi binyalikha. 27Awene awo Petero kakowolamo nawola ati, Wona efwe khwalekha ebitu byoosi manu khwakhulonda! Ne siina si khwakhafune?28Yesu kabakowolamo ati, Mbawolera amasima nti, khu bikha byokhwiwulwa khwokhubiri khwebitu byoosi, omwana womutu lwalikhalira khu sisala esyo’luyaali lwowene’ngo waye, enywe abanonda mwesi mulikhala khu bisaala ekhumi nabibiri, ni mukhengera emisango ebikha ekhumi na babiri abya’baana ba Yisirayiri.29Manu wuli mutu yeesi owalekha enyumba ata bamwanaηηina oba bambochoηηene oba lataηηene oba nηηina oba abaana oba eroba khu lweriita lyange acha okhufuna amakhabi emiya ndala kebyo alala nende okhusikhira owulamu owutakama. 30Naye abangi abaliba abamberi nje abalisembayo, ne bangi abasembayo nje abaliba abasokha.
Chapter 20Olukaado Lwabakhosi Mu ndalo.

1“Khulwokhuba Owenengo wo mwikulu wufwana nende omutu oli ne nyumba yaye owawuna echuli okhuwandiika abakhosi balime mu ndalo yaye eyemisabbibbu. 2Nikamala okhulakana nabalimi erubya choludaalo lulala, na basindikha mu ndalo yemisabbibbu.3Ni kasingira esaawa chidatu kawona abatu abandi ni bemire mu khatale nibawuma sibakhola. 4Kabawoola ati, Mweesi muche mu ndalo yange eyemisabbibbu, nja okhubasasula omusaara okubakhoyera.5Manu bemawo bacha. Khandi nikali nakenda erwanyi esaawa mukaaga nende esaawa mwenda kakhola esitu nasirala. 6Khandi ambi we sawa ekhumi nandala katula kawukaana abatu bandi bosi nibemire wusa. Kabawoolera ati, Lwasina enywe mweema wusa awo oludaalo lwoosi nimutakhola omulimo kwoosi? 7Bamukowolamo baati, Olwokhuba awumawo omutu yeesi otuweyekho omulimo. Naye kabowoola ati, Manu mwesi muche mu ndalo yange.8Manu engoloobe niyoola, omwene ndalo yemisabbibbu kawolera omunyapara wabakhosi ati, langa abakhosi obawe omusaara, atangirire khu bolunyuma okhwosa khu batangiye. 9Nende abo musaawa ekhumi nandala nibecha ni basasulwa wuli mutu edinali ndala. 10Ne abo abatangira nibeecha, babaasa baati banasasulwe okhukhirawo. Ne boosi sya mulala basasulwa edinaali ndala.11Ni bakabana, beηηuluηηunya eyiri omwami. 12Nibawoola baati, ‘ abo lunyuma bakholeeye esaawa ndala, bakana nafwe, abadidikhanire okhutula echuli, okubasu nikutusaamba.”13 Naye nakowolamo nawoolera mulala khwabo ati, “wasyange, sikhukholire wubi, siwalaganire nange edinaali ndala? 14Wukula eyawo oweewo. Ndakha okhuweresa ono owolunyuma esifwana nesyawo.15Sindi nowunyala okhukhola bindakha nerubya change? Nawo odirwa omutolyo olwokhuba ese ndi mulayi? 16Baatyo abenyuma baliba abatangisi ne abatangisi baliba abenyuma.Yesu Khandi Alomaloma Khu Khufwa Khwaye.17Yesu nikali nacha mu Yerusaalemi, kayira abeeki baye ekhumi nababiri entulo, kabawoolera ati, 18Khunina khucha e Yerusaalemi, omwana wOmutu aliwewayo eyiri ba Khawona bakhulutu nende abasomesa ba’malako. Nabo balimukhengera okhumwita, 19Khandi balimuwayo mu bateende okhumuduulira,no’khumukhubba nokhumukhomerera kho kemewo asukhisiwe khu ludaalo lwo’khudatu.”Okhusaba Khwa ηηina.20Khandi ηηina wa baana ba Ssebedayo ni kecha yali, n’abaana baye namwinamira, namusaba amuyeede. 21Kamuwoola ati, Odakha si? kamuwoola ati, lagira abaana bange bano bombi bekhale mulala khu mukhono kwawo omulungi ne owundi khu mukhono kwawo omukooda mu wenengo wawo.22v 22 Ne Yesu kakowolamo namuwoola ati, Khaba syomanyire syo saba, onyala okhunywa khu sikombe ese sinja okhunywakho? Bakowolamo baati, Khunyala, 23Kabawoola ati, Khu sikombe syange munyala okhunywerakho erala, naye okhwikhala khu mukhono kwange omulungi oba omukooda, siniise okaba, okhutusakho abo Bbabba bakatekekhera. 24Ne bala ekhumi ni bawulira sino banyiigira bawandayawe babiri.25Ne Yesu kabalanga becha alala kawoola ati, Mu manyire muuti abatuki ba bateende babafuka, nabakhulutu bawe babayira namaani. 26Sisinabenge siityo mwinywe. Ne nawuli odakha okhuba omukhulutu mwinywe, anabenge omukhosi wenywe, 27ne nawuli onadakhenge okhuba omutangirisi mwinywe anabenge omukhosi wenywe__ 28Nga omwana wOmutu lwatecha okhuweresewa, naye okhuweresa, nende okhuwayo owulamu waye okhuba esinunulo sya bangi.Abawofwu Babiri Bafuna Okhuwona29Nga Yesu nende abeeki baye nibali batula mu Yeriko, esidiikha sikali syamulondakho. 30Abawofwu babiri bali bekhaye khuntulo wengira, ne nibawulira baati Yesu abitawo, balomalomera amukulu baati, Omwami, omwana wa Daudi, tukwire esisa! 31Esidiikha syabawalabira syabawolera siiti muwulere, ne khaba bemeda okhulomalomera amukulu nibawoola baati, Omwami, omwana wa Daudi, tukwire esisa!32Nibakowolamo baati, Omwami, Khudakha emoni chefwe chirimbukhe. 33Yesu kadiriwa esisa, kadiira khu moni34 chawe, khangu khangu bachaaka okhuwona, ne bamala bamulondakho.
Chapter 21Okhwingira Okhwoluyaali

1Nga lubali nibolerera ambi wa Yerusaalemi bola e Besufage khu lugulu lwa Sseyituni, Yesu katuma abeeki babiri, 2nabawoola ati, Muche khu lukoongo olubali emutwe, awene awo munawone ensukhiri nimboye, no mwana kwayo alala nayo, muchiwolole muchindetere. 3Ne omutu nabawoola emboosi yoosi, mu muwola muuti Omwami nje ochidakha, naye anachisindikhe okhwicha khangu khangu.4Sino syaliwo emboosi yolerere Nnabbi yikalomaloma nawoola ati: 5Muwolere omukhana wa Sayuuni muuti, Wona, Omwenengo wawo kecha yoli, omuloonga naninire khu nsukhiri nakhamosi, akhana khensukhiri.6Abeeki bacha bakhola nga Yesu lu kali nabalagiiye. 7Baleta ensukhiri, nomwana kwayo, nibachiteyekho enguwo chawe, ne Yesu achikhalakho. 8Abatu bangi abomusidiikha nibaala enguwo chawe khungira, ne abandi nibatema amasaga okhutula khu misaala nibakaala khungira.9Ebidiikha byabatu ebyamutangirira, nende ebyo ebitula enyuma, nibilomalomera amukulu nibiwoola biiti, Osaana eyiri Omwana wa Daudi! Ayeresewe enkhabi owicha mu liita lyomwami! Osaana amukulu lukali! 10 Yesu ni kengira mu Yerusaalemi, esiko syoosi nisidengaana nisiteeba siiti, Ono nje nanu? 11Ebidiikha nibikowoolamo biiti, Ono nje Yesu, nabbi otula mu Nazaleesi esye Galiraaya.Yesu Mu Nyumba Ya Weere12Yesu kengira mu nyumba ya Weere kerusya erwanyi abo boosi abali ni bakula khandi ni bakusiramo. Kafunikha emeesa echabo abali ni bafunjisa efeesa, nebisaala ebyabali nibakusa amawuusi. 13Nawoola ati, Syawandikiwa siiti, Enyumba yange yirilangiwa enyumba yokhwinamiramo, ne enywe muyikhola okhuba enηungu ya’banyaka.’” 14Awo abekafu b’emoni n’abalema nibecha yali mu nyumba ya Weere, kabawoniya.15Ne bakhawona abakhulutu n’abasomesa ba’malako nibawona ebya’makana bikakhola, na’baana nibakhubbira olukhero mu lwanyi lwe’nyumba ya Weere baati, Osaana eyiri Omwana wa Daudi, banyiiga. 16Nibawoola baati, owulira abaana bano bi bawoola? Yesu kabakowolamo ati, Eee, si musomangakho muuti okhutula mu minwa chabaana bayere nabadoto okhukinisiwa khwatewakho emikhono? 17Nabalekha natula mu siko nacha e Besaniya, yikakona. Omutiini Kwooma18Awo echuli, nikali nakowolayo mu siko, enjala yamuluma. 19Nikawona omutiini mulala khuntulo wolukuudo, kacha yikuli kawona nga khuwuma siitu okhutusakho amasaafu kerere. nakuwoola ati, Okhoya wakhaya ohwama ebyaamo khandi endaalo choosi! Wangu wene omusaala kwamala kwooma.20Abeeki baye nibawona sino, bawuka nibawoola baati, Omutiini kwomire kutye khangu khangu? 21Yesu nakowolamo ati, Mbawoolera amasima nti, nimunabenge nenfukirira atali khukanakana, simunakholeenge sino syonηene esy’omutiini, ne nimuliwoola olugulu muuti, kingukha wesukune mu nyanja, sirikholekha. 22Ni mufukirira, mulifuna bimudakha okhubita mu khusaba.”Okhukanakana Khu Wunyala Wa Yesu.23Yesu kengira mu lwanyi lwe’nyumba ya Weere, ne nga lukali nasomesa, ba khawona na bakhulutu ba batu becha yali. Bamuteeba baati, Wunyala siina owukhukhosa bino? Khandi nanu owakhuwa owunyala wuno? 24Yesu kakowolamo ati, Sesi khambateebe esiteebo sirala, ni munasingowolemo, sesi ndabawoolere owunyala nga luwuli owunkhosa bino.25Okhubatisa khwa Yokana__ khwatula ena? Khwatula mwikulu, nawo mu batu? Ni batebanakho abene nabeene, nibawoola baati, ne nikhuwoola khuti Mwikulu, anatuwoole ati, Siina esyabalobera okhufukiirira? 26Ne nikhuwoola khuti, Okhutula mu batu-khutya abatu, khulwokhuba boosi babaasa baati Yokana kali nabbi. 27Nibakowolamo mu Yesu, nibawoola baati, Sikhumanyire. Ne Yesu nabawoolera ati, Sesi sindabawoolere owunyala nga luwuli owunkhosa bino.Olukaado Lwabasyaani Babiri28Ne mubaasa mutye? Aliwo omutu owali nabasyani baye babiri, nikecha eyiri mulala namuwoola ati, Omwana, cha leero okhole emirimo mu ndalo yemisabbibbu. 29Kakowolamo ati, Nhayire, ne olunyuma nikeyolobya, nacha. 30Ni kecha eyiri owokhubiri, namuwoola atyo, kakowolamo ati, ssebo ndache, manu kakhaya ohucha.31Khu abo bombi nanu owakhola simwana syadakha? Nibawoola bati, Owatangira, Yesu kakowolamo ati, Masima mbawoola nti, abawoosa nende abacheke babatangiriye__ enywe okhwingira mu wenengo wa Weere. 32Khulwokhuba Yokana kecha yimuli okhubekesa engira eyowolerefu, nanywe khaba simwamufukiirira, naye abawoosa nende abacheke bamufukirira. Ata nimwawona mutyo, nokhufuna khaba simweyolobya ata mwamufukiirira.Olukaado Lwomupangisa33
34Awo omwaka nikwali nikuli ambi okwebyamo okhulaba, katuma abakhosi baye eyiri abapangisa babayerese ebyaamo byaye.35Ne abapangisa badiira abakhosi baye; mulala ni bamukhubba, owundi ni bamwiita, owundi bamukhubba amakina. 36Khandi kabatumira abakhosi bandi, abakhirakho abatangira, bosi babakhola batyo. 37Olunyuma, nabatumira omwana waye, nawoola ati, banawulire omwana wange.38Ne abapangisa nibawona omwana, nibawoolana abene nabene baati, ono nje omusikha. Mwiche khumwiite khulye owusikha waye. 39Nibamudiira, nibamusindikirisa bamutusa mu ndalo yemisabbibbu bamala bamwiita.40Okhutula khwebyo, omwene ndalo yemisabbibbu naliicha, alibakhola atye abapangisa abo? 41Nibamuwoola baati, Abo ababi alibasikhirisa. Naye endalo yemisabbibbu aliyidiisya abapangisa abandi, manu abanamwekesenge ebyaamo byaama mumwaka kwabyo.42Yesu kabakowolamo ati, Simusomangakho mu byawandikiwa biiti: Ekina abombakhi libakhaya niryo eryafuukha ekina lyohusonda, Omwaami atukholeye sino mu moni chefwe?43 Sakira mbawoola nti, Owenengo wa Weere wulibatusiwakho enywe, baliwuwa abatu abalyaama ebyaamo. 44khandi olikwa khukina lino alikhalikhakhalikha, ne oyo yiririkwakho lirimuminiyangula.45Ne bakhawona bakhulutu nende Aba Falisaayo nibawulira engaado cha Yesu, bamanya baati abalomalomakho. 46Bachaka okhukoonya engeri cho khumudiiriramo, ne batya esidiikha syabatu abali nibamanyire Yesu, nga nnabbi.
Chapter 22

1Olukaado Lwembaga Yoweeya Yesu kakowolamo lundi nalomaloma nabo mu ngaado nawoola ati: 2Owenengo wo mukulu wukeranisiwa nga omutu owali omwenengo owadekhera omusoliri waye embaga yoweeya. 3Katuma abakhosi baye okhulanga abalangiwa hu mbaga yoweeya bakhaya okhwicha.4Katuma lundi abakhosi bandi nawoola ati, Muwolere abakeni abalange muuti, malire okhudekha emidekho change. Amayeyi kange nende eηηombe enulu chitirwe, lundi byosi byoosi bitekekhirwe. Mwiiche khu mbaga eyo’weeya.’”5“Ne abalange sibatayo omwoyo okhucha__ owundi mu ndalo yaye, owundi mu byasara byaye. 6Abasikalawo bakwa khu bahosi baye, babasandya babeeta. 7Omwene’ngo kadiirwa etima. Kasiindikha eye lyaye, kasihirisa abeeti abo, kasaamba esiko syawe.8Manu kawoola abahosi baye ati, “Oweeya awutekekhire naye abakeni balange sibakhoyera okhubawo. 9Manu muche mu masaɳɳangira kengira, boosi ba munawoneyo mubalange hu mbaga yoweeya. 10Abakhosi bacha khu makira bawuusa boosi babawona, ababi nabalayi, manu esigangu syechula abakeni.11Ne omwenengo ni kengira okhuwona abakeni, kawonamo omutu otambaaye enguwo choweya. 12Kamuwoola ati, Wasyange, wingiye otye ano nutaasi nenguwo choweeya? omutu ono kawulera wusa.13Manu omwenengo kawoola abakhosi baye ati, Mu muwowe amakhono namakulu, mu musukune erwanyi musirema, eyo nje eyiriba okhulira esirimooyi nokhusya ameeno. 14Khuba bangi abalangiwa naye abangalemo batono.Okhukhubba emisolo cha Kayisaali15Olwoola aba Falisaayo bacha bekhoba alala nga nibanadiire Yesu mu mboosi chaye. 16Bamutumira abeeki bawe, alala nende aba Kerodiyaani. Bawoola baati, Omwekesa, khumanyire khuuti oli owamasima, lundi nga osomesa mu masima engira ya Weere, lundi emboosi chomutu yeesi suchitakho omwoyo, olwokhuba syososola. 17Manu tuwolere, esibaaso syawo nisi? Silayi okhukhubbira Kayisaali omusolo, oba khaba?18 Naye Yesu kamanya, owubi wawe, kawoola ati, Munkhemera si enywe ababachirisi, lwasina mukesakho okhunteka? 19Munjekese ebbesa limukhosesa nimukhubba omusolo. Bamuleetera erubya,20kabateeba ati, Esifananyi sino sya nanu? Khandi ebiwandiiko bino bya nanu? 21Bamukowolamo baati, Bya Kayisaali. Manu Kabawoola ati, Muwe Kayisaali ebya Kayisaali, ne Weere ebya Weere. 22Nibawulira sino, bawuka bamulekha, bawawo.Okhudekhesaniya Mu Ndaalo Echokhusyukhira23Oludaalo lwene olwo aba Sadukaayo, abawoola baati awuma okhusyukhira becha yali nesiteebo nibawoola baati, 24“Omwekesa,” Musa katuwoolera ati, “Omutu nafwanga nataasi no’mwana, mwanaɳɳina atekwa akerame omufwire amwiwulire abaana.25Wunanu aliwo abasyaani musanfu mwifwe. Owamberi kadekhya kafwa, ni nga lukali natewulakho no’mukhasi oyo abaana, mwanaɳɳina kakerama omukhasi oyo. 26Esitu nasirala syakholekhana khu wo’khubiri no’wokhudatu, okhwosera erala khu wo musaanfu. 27Olunyuma, omukhasi kafwa. 28Wunanu mu khusyukhira, omukhasi ono aliba owa nanu khu abo musaanfu, olwokhuba boosi baswaniya okhumudekhya?29Naye Yesu Kabakowolamo nabawoola ati, Mukota olwowutamanya ebyawandiikiwa oba namaani ka Weere. 30Olwokhuba mu khusyukhira, sibadeekhya, khandi sibadeekha; olwokhuba baliba nga ba malayika mukulu.31Naye ebyokhusyukhira khwa bafu__ simwasoma Weere sikabawoola ati, 32ese ndi Weere wa Yibbulayimu, Weere wa Isaaka, khandi Weere wa Yakobo? Si Weere wabafu naye Weere wabalamu. 33Ebidiikha nibyawulira sino, byawuka okhusomesa khwaye.Erako Erikhira mu koosi34Nibawulira baati Yesu awuleresise aba Sadukaayo, aba Falisaayo bewuusa alala. 35Mulala khu ba Falisaayo omulyepulyepu mu malako, kateeba Yesu namukhema; 36Omwekesa, silagiro siina esikhira mu malako?37Naye Yesu kakowolamo ati, Dakhanga Omwami Weere wawo nomwoyo kwawo kwoosi, nowulamu wawo woosi, namakesi kawo koosi. 38Sino nje esilagiro esyamberi khandi esikhulutu mu malako.39Ne esyokhubiri sifanana nasyo, Dakhanga okhusibiranire nga niwedakha ewe omweene. 40Amalako koosi nende ba nnabbi besuubira khu bilagiro bino bibiri.Kurisito Musyaani Wa Nanu?41Aba Falisaayo nibewuusa alala, Yesu kabateeba ati, 42Mubaasa mutye khu Kurisito? Musoliiri wa nanu? Bamuwoola baati Musyaani wa Daudi.43Kabawoola ati, Eee, wunanu Daudi, mu mwoyo lwasina amulaanga Omwami? 44Omwami kawoolera omwami wange ati, Yikhala khu mukhono kwange omulungi okhwosa lu ndita abasiku bawo assi wamakulu kawo.45Nisiba sityo, obanga Daudi amulanga Omwami, khandi aba atye omwana waye? 46Ni ataba mutu owanyala okhumukowolamo, emboosi nokhutulira erala khu ludaalo olwo, yawuma mutu owakesakho okhumuteeba ebiteebo bindi.
Chapter 23Engisa Amakhabi Musanfu

1Olwola Yesu kalomalomera ebidiikha nabeeki baye: 2Nawoola ati, Abasomesa ba malako naba Falisaayo bekhala khu sisaala sya Musa. 3Manu mutekwa okhuwulira chibabawoola. Ne mutakhola bibakhola khulwokhuba sibakhola bi basomesa.4Lundi bawowa emikuku emisito echitakiingikha bachitwiikha abatu khu mabeka, naye bo abeene sibadakha ata nokhuchediirakho nolwala lwawe. 5Naye bibakhola byoosi babikhola mbo abatu babiwone: olwokhuba babambaliya ebiwandiiko byolerefu byawe nga bameedakho ensibiro khu maganduula kawe maleyi;6khandi badakha ebifwo ebyemutwe khu mbaga nende ebisaala ebyoluyaali yibewuusira; 7khandi badakha okhubakhesa muwutale nabatu okhubalanga baati, Labbi8Naye enywe mutalangiwanga Labbi, olwokhuba omwekesa wenywe ali wulala nanywe mweesi muli bawandaaye. 9Lundi mutalanganga omutu yeesi khu syaalo khuno muuti Bbabba, olwokhuba Senywe ali mulala khandi ali mukulu. 10Oba okhulangiwa Omwekesa, olwokhuba muli nomwekesa mulala nje Kurisito11Naye mwinywe obakhira owukkhulutu anabenge mukhosi wenywe. 12Nawuli oneniniyenge, aneseweenge assi, ne nawuli oneyiseenge assi, ananinisiweenge amukulu.13Naye chiribawukana enywe, abasomesa bamalako nende aba Falisaayo, enywe ababachirisi! Mwikalira owenengo womwikulu mu moni chabatu. Enywe abeene simwingira oba mwafukirira abadakha okhwingira si mubakanya okhwingira. 14(Chiribawukaana enywe, abawandiisi nabafalisayo, abebachirisi! Olwokhuba mulya enyumba chabafiire, khandi mwekhola abasaba lukali: olwesyo mulibakho omusaango okukhira owukali.)15Chiribawukana enywe, abasomesa bamalako nAbafalisaayo, enywe ababachirisi! Mukeenda khu syalo nende khu kuyanja okhukalukhaniya mulala, ne naba mulala khwinywe, mu mukhola kaba omubi okhukhirakho enywe amakhabi kabiri nga omusyaani wa Geyeena.16Chibawukanire enywe, abemeresi bawofwu bemoni! Abawoola muuti nawuli olayira khu lwenyumba ya Weere, si syamaani; naye nawuli olayirira khu lwesabbu yomu nyumba ya Weere aba aniyeye omusango. 17 Enywe abawofwu basiru! Sina esikhiramo owukhulutu! Esabbu, oba enyumba ya Weere eyikira esabbu yaba enjolerefu?18Khandi mwesi muwoola muuti, Omutu nalayira khu wolutaari, siwuma amakhulutu; ne omutu yeesi nalayira olwesiwanwa esirikho omusango kumukhira olwokhulayira khwaye. 19Enywe abasaacha abawofwu! Sina esikhira owukhulutu: esiwanwa, oba wolutaari eyikira esiwanwa syaba esyolerefu?20Nolwesyo, oyo olayira khu wolutaari, alayira khu lwa wolutaari nende byoosi ebiyirikho. 21Naye oyo olayira khu lwenyumba ya Weere, alayirira khu lwenyumba ya Weere nende oyo oyimenyamo. 22Nende oyo olayira khu lwekulu, alayira khu lwesisaala sya Weere nende ebyo byoosi ebisirikho.23Chiribawukaana enywe, abasomesa bamalako naba Falisaayo, enywe ababachirisi! Olwokhuba mutusa sirala syekhumi syebitu bitonotono, ne mulekhayo emboosi enkhulutu echamalako___ nga mwekesa owutuufu, esisa, nenfukiirira. Muba mwata munkhola esyenyuma nga si mulekhire esyasookha. 24Enywe abemeresi abawofwu! Muwowa ni mubitirisa enati naye mumira eɳɳamira.25Chibawukanire enywe, abasomesa bamalako naba Falisaayo ababachirisi! Olwokhuba mwosa khu mukulu we’bikoombe na’masaani, ne mukati mwichuuye omutolyo nende okhwedakhisa enywe abeene. 26Ewe omu Falisaayo muwofwu! Tangira woose mukati we’sikoombe nesaani, kho mberi khu mukulu wasyo khube khulayi.27Chiribawukana enywe, abasomesa bamalako naba Falisaayo enywe ababachirisi! Olwokhuba mufwana nga ebiriindwa, ebyabakhiwa erangi endafu, ebiwonekha khu mukulu wulayi naye mukati bichuye amakuumba kabafu nowuchaafu woosi. 28Mutyo mwesi, khu mukulu muwonekha mu batu nga muli abolerefu ne mukati mwichuuye owubachirisi nende owubi woosi.29Chiribawukaana enywe, abasomesa bamalako naba Falisaayo, enywe ababachirisi! Olwokhuba mwombakha ebiriindwa bya ba nnabbi muteresa yibasiikha abolerefu. 30Muwoola muuti, Khuba nikhwaliwo mu ndaalo cha ba kuka yefwe, sikhwakhafukirisaniisye ni nabo mu khwidisa amabaanga ka ba nnabbi. 31Manu mutyo mwejulirakho abeene muuti muli abaana ba beeta ba nnabbi.32Manu mwichuse, owukali wesibi sya ba kuka yenywe! 33Enywe emiyokha! Abaana bemiyokha! Muliirukha mutye omusango kwomuliro kutasima?34Sakira ndi okhubatumira ba nnabbi, nabatu bamakesi, nabasomesa. Khwabo, muli beeta khandi mwabakhomerera; nabandi mulibakhubba endawukhi mu sinaggogi chenywe. Mulibalonderesa okhutula mu siko okhucha mu sindi. 35Kho wunanu amabaanga koosi akabolerefu akedikha khu syalo, okhuchaakira khu mabaanga ka Abbiri oyo omwolerefu okhwosa khu mabaanga ka Sakaliya omwana wa Balakiya, yi mwetera akati wenyumba ya Weere nende wolutaari. 36Masima mbawoola nti, emboosi chino choosi chiryolerera khu lwaboluse luno.37Yerusaalemi, Yerusaalemi, ewe owita ba nnabbi, okhubba amakina abatu bantuma yimuli. Amakhabi kanga kanadakhiramo okhuwuusa abaana bawo alala, nga engokho lu yiwuusa owunywinywi wayo mumbaya chayo, naye si wafukirira. 38Wona, enyumba yenywe yirekhirwe yimuli nga ekunda. 39Olwokhuba mbawoola nti, si mulimbonakho nawutono okhutula wunanu okhwosa lu mulilomaloma muuti, Aweresewe enkhabi owicha mu liita lyomwami.
Chapter 24Owuwonero Wendaalo Echisembayo

1Yesu katula mu nyumba ya Weere nikali nakenda abeeki baye becha okhumulambusa enyumba ya Weere nga niyombakhiwa. 2Yesu kabateeba ati, Muwona ebitu bino byoosi? Masima mbawoola nti, Si yalisikala ano ekina eriri khu mukulu werindi; wuli kina lirisukuniwa assi.3Nga Yesu nikali nikekhaye khu lugulu lwa Seyituni, abeeki baye becha yali mu wekisi. Bawoola baati, Tuwolere, bino biribawo liina, khandi khawonero si akhalyekesa okhwicha khwawo nga lukhuliba nende enjakamo yesyalo? 4Yesu kakowolamo ati: Mwerinde omutu yesi akhaye khu babachirisa. 5Olwokhuba bangi abakheche mu liita lyange nibawoola baati, Nise Kurisito, khandi balikodya bangi.6Muliwulira entalo nende embukuma yentalo, naye mube moni, mutelalikhiriranga. Olwokhuba ebitu ngebyo sibirikhaya okhubawo. Naye muwone muuti si musindusiwa, ebitu nge ebyo bitekwa okhubawo naye enjakamo yiriba yisiriyo mu moni. 7Olwokhuba esyalo syakhasete esindi, owenengo wuliseta owenengo wundi, alibawo enjala nesyalo okhutenga mu bitundu bitali nasirala. 8Naye ebyo byoosi nje ebiritangirira owuchuni wokhulumwa.9Manu muli wewayo okhusandisiwa, balibeeta khandi bali bawonera mu byaalo byoosi khu lwange. 10Mu ndaalo echo bangi balirekha enfukirira, bakhalichanemo olukhwe khandi bakhalekane abene nabeene, 11nende ba nnabbi bangi abowubacha bakheche balikodya bangi.12Khandi olwokhuba esireka siribitiirira owungi, okhudakha khwabakhira owungi khuliba khunyifu, 13naye owesimirisa okhwola khu njakamo, nje oliwonesewa. 14Nende enjiri yino eyowenengo, yirisomesewa mu syalo syoosi nga owujulisi, kho enjakamo yemewo yiche.15Manu nimuliwona esisikhirisa nisyemire nnabbi Danyeri __ sikalomalomakho nisyemire mu sifwo esyolerefu, osomamo omanye__ 16Manu abali mu Wuyudaaya berukhirenge khu ngulu. 17Oli amukulu khu nyumba sikekhanga okhutusamo esitu syoosi esiri mu nyumba yaye. 18Oli mu ndalo, syakowolanga khandi okhuwukula enguwo yaye.19. Naye chiribawukana abakhasi benda nende nabanuniya mu ndaalo echo! 20. Enywe mwekalikhire okhuburukha khwenywe khukhaye okhuba mu ndaalo echembewo oba khu Ssabbiiti. 21. Olwokhuba mu ndaalo echo alibawo ensando ngali, eyitabangawo okhutula esyalo sibewo okhwoola wunanu__khandi sisiribawo lundi. 22. Endaalo echo nichiba mbo sichakhengewakho, awuma owakhawonire, naye khu lwabadole endaalo echo chirikhengewakho.23. Mu ndaalo echo omutu nabawolanga ati, Muwone, Kurisito ali ano abo ati, ngula ali ala! mutafukiiriranga. 24. Olwokhuba akhechewo ba Kurisito abowubacha nende ba nnabbi abalikhola owuwonero owukhulutu nende ebyamayiya nokhukodya bakodye nabadoole__ nisiba nisyakhanyalikhire. 25. Mube moni, mbawoleye ebikha ni bitoola.26. Manu nibabawolaanga baati, Muwone, ali mu sibbarara, mutatulanga erwanyi; oba, nguno ali mu biseenge byomukati, si musifukiriranga. 27. Olwokhuba nga okhumyesukha lukhutula ewukwe khwawonekhera ewukwa lyuba, khutyo nje khuliba okhwiicha khwomwana womutu. 28. Aba omulambo woosi nje engosya achewusira.29. Ensaando niyakhawe yiiti mu ndaalo echo Eryuba lyakhakalukhane okhuba esiirema, Nomweesi sikulyekesa wulafu wakwo; eɳɳiniɳɳini chirikwa okhutula mukulu, nende ebitu byo’mukulu biridenganisiwa.30. “Ebikha ebyo nje akhawonero khomwana wo’mutu lu khaliwoknekhera amukulu, nende ebikha byoosi ebyekhu’syalo biririra. Byakhawone Omwana wo’mutu nikeecha mu bireesi ebyekulu, namaani noluyaali olukhongo. 31. Manu alituma ba Malayika baye nekono ekhongo elyeturumbeete, ne baliwuusa abadoolemo baye mu mbewo chine, okhutula khunjakamo yekulu okhwoola khu yiindi.32. Khandi mwekere khu musaala kwo mutiini olukaado lwakwo: otusaga twakwo ni tutununa, amasaafu kasewukha, mumanya wusa muti esiminyu siri ambi. 33. Mwesi mutyo ni muwona emboosi echo choosi, mumanye muuti ali ambi khu lwiiki.34. Masima mbawoola nti, Oluse luno si luliwaawo okhwola ebyo byoosi lubiryekhola. 35. Ekulu ne’syalo biriwawo, naye emboosi change sichiriwerawo erala. Oludaalo Ne Saawa Sibimanyikhanire36. “Naye oludaalo lula nende ebikha siyali obimanyire, ata nende ba Malayika abomukulu, ata n’Omwana, okhumalakho Bbabba yeɳɳene.37. Nga lu byali mu ndaalo cha Nuwa, khutyo okhwiicha khwomwana womutu nje khuliba. 38. Olwokhuba nga nibali mu ndaalo echenfula ya namadowa, abatu bali balya nga khandi banywa, nga badeekhya nga badeekha, okhwoosa khu ludaalo lwa Nuwa lukengira mu lyaato; 39. Bakhaya okhumanya okhwoosa okufula kwa namadowa lu kwachaka kwabayira boosi, khutyo nje khuliba okhwiicha khwOmwana womutu.40. Mu ndaalo echo, abasaacha babiri baliba mu ndalo; mulala aliyiriwa nowundi alirekhewa. 41. Abakhasi babiri baliba basya khu lukina; mulala aliyiriwa ne owundi alikhewa. 42. Manu mube moni, olwokhuba simumanyire oludaalo nga niluliba Omwami weenywe lu kakhecherekho.43. Naye sino musimanye muuti: Ola omwene enyumba nikakhamanyire ebikha byesiro omwiibi byanecheremo, kakhali moni, sikakhalekhire enyumba yaye yakhalakiwa. 44. Manu mweesi mube abetekefu, olwokhuba ebikha bi mutabasirisiramo, Omwana womutu nje bi kakhecheremo.45. Manu ali yeena omukhosi omwesikwa owamakesi, omukhongo waye yikalekhera abomudala lyaye okhubawanga ebyokhulya byawe mu bikha byabyo? 46. Omukhosi oyo ali nende enkhabi omukhongo waye nikakhakowole kamuwukana nakhola atyo. 47. Masima mbawoola nti, omukhongo waye alimuta mu sifwo syowulindi we bitu byaye byoosi.48Nisiba mbo omukhosi oyo mubi nawoola mumwoyo kwaye ati, Omukhongo wange kamenya aleyi, 49. manu katangira okhukhubba abakhosi basye nokhulya, nokhunywera alala nabameesi. 50. Omukhongo womukhosi oyo kakheche khu ludaalo lwatamusubiriramo nende mu bikha byatamanyire. 51. Kakhamutememo otutundutundu khandi kamukawula esifwo alala nabebachirisi, nje eyiriba okhulira nokhusya ameno.
Chapter 25

1Olukaado Lwa Basisira EkhumiMu bikha ebyo owenengo womukulu wuliba nga abasisira ekhumi abawukula amatara kawe nibacha okhuwukanira omusaacha odekhisye. 2Bataanu bali abasirusiru naye bataanu baba abakesi. 3. Abasiru bakinga amatara kawumamo amafuta. 4Abakesi, nabo bakinga amatara namafuta mu bibokolyo.5. Omusaacha odekhisye kakhinda okhwola, bajjoɳɳa bakunukha n’endolo chabayira. 6“Musiro akati okhulangirira khwasiingisa bangi” ‘Omusaacha odekhisye nguno! Mutule mu muwukanire!7. Manu abasisira boosi basingira bawambya amatara kawe. 8Abasiru bawoola abakesi baati, ‘Mutuwe khu mafuta kenywe; amatara kefwe kasima. 9. Bakowolamo baati, Khaba, kanyala owutatumala efwe ni nanywe okhumalakho, muche eyiri abakusa mwekulire akenywe.10Ne nibali khubacha okhukula amafuta, omusaacha odekhisye kola. Abasisira abali nibetekefu bengira nomusaacha odekhisye khu mukholo kwoweeya. Bamala bekalawo olwiiki. 11Olunyuma abadoɳɳire bosi becha. Bawoola baati, Ssebo! Ssebo! Twikulirewo olwiiki!’ 12Ne kabakowolamo ati, “mbawolera amasima nti, ‘si mbamanyire.” 13“Nolwesyo mube moni, khulwokhuba simumanyire oludaalo oba ebikha.Olukaado Lwa Talanta14“Khandi, siriba nga omusaacha wacha olukendo, owalanga abakhosi baye kabasigira abyowuyiinda byaye. 15Mulala kamuwa emyandu chitanu, owundi kamuwa chibiri, owundi kamuwa ndala, okhwema khu maani kawuli mulala. Manu kamala kacha olukendo lwaye. 16Owali naweywe entalanta chitaanu kakholerawo kachita khu mirimo chamwiwulira echindi chitaanu.17Nowayira chibiri yesi khandi, chamwiwulira echindi chibiri. 18Naye oyo owayira ndala, kawawo kachiyabira erina, kakisamo owuyiinda womwami waye.19Ebikha ebireeyi nibibitirewo, omuyiinda wabakhosi bano kakowola kadakha embalirira wuli mulala kamubalira bikakholamo. 20Omusaacha owali nafunire talanta chitaanu, kaleta chitaanu chindi. Namuwola ati, Omukhongo, wamba talanta chitanu. Wona, chitanu chindi chinatusamo. 21Omuyiinda kamwebasa nawoola ati, Odekire, silayi nokhuba nomukhosi omwesikwa! Obeye omwesikwa khu bitono binakhuwa; njokhukhuwa olabirirenge biingi. Yicha okabane nomwami wawo esangaalo!22Omusaacha yibawa chibiri yesi kecha, kamuwola ati, Omukhongo, wamba talanta chibiri; ni wona, newusamo chibiri chindi. 23Omukhongo waye kakowolamo ati, Odekire, silayi okhuba nomukhosi mulayi omwesikwa! Obeye mulayi khandi omukhosi mwesikwa khu bitono bi nakhuwa; nja okhukhuwa olabirire ebingi. Yicha okabane nomwami wawo esangaalo!24Ne omusaacha owali nayirire talanta ndala kecha. Kawoola ati, Omukhongo, namanya nti oli omusaacha mwomeranu, okesa byotatakire khandi osolosa byotawanyire. 25Nolwesyo natya natula nakisa talanta yawo mwiroba. Wona, khukowoseye ebyawo,26Omukhongo waye kakowolamo ati, Oli mukhosi mubi, khandi omunafu! Olwokhuba wamanya ni ngessa yitatakire nawuusa yitawanyire? 27Syawene, wakhawukuye e talanta yange wata mu bbanka, ninakhakowoye nakhawukanire nichiwuye amagoba.28Mu muwukulekho e talanta eyo, muwerese oyo oli nende ekhumi. 29Oyo yesi yeesi oli nabyo, alyongerwakho, ne oyo otaasi nabyo, nende khalinakho alitusiwakho. 30Khandi musukune omukhosi owumamo echamu oyo erwanyi, musirema, eyiriba okhulira nokhusya ameno.Amakondi Nende Embusi31Omwana womutu nalicha mu luyaali lwaye, nende ba malayika nibali naye , alikhala hu sisaala syoluyaali lwo mwikulu. 32Ebyalo byosi byoosi biryewuusira mu moni chaye, manu alikawula mu batu amakhabi kabiri, nga omwayi lwakawula amakondi nende embusi. 33Alita amakondi khu mukhono kwaye omulungi, naye embusi khu mukhono omukooda.34Naye Omwenengo aliwoolera abali khu mukhono kwaye mulungi ati, Mwiche, enywe Bbabba bakayeresa enkhabi; mukabane owaami wensikhirano, Omwenengo wukabatekekhera okhutula esyalo ni silongewa. 35Olwokhuba nali njala mwamberesa esyokhulya, nali nowuluwo, mwamba esyokhunywa, nali mukeni enywe mwambukanira. 36Nali mbuma enguwo khandi mwanyambasa, nali mulwaye mwecha mwanjanjaba, nali mu jjera mwecha mwambona.37Ne abolerefu balimukowolamo baati, Omwami, lwali liina lukhwakhuwona noli njala, khwakhuliisa oba noli nowuluwo, khwakhuwa esyokhunywa? 38Lwali liina luhwakhuwona noli mukeni, khwakkhuwukanira, oba noli machula, khwakhwambasa? 39Lwali liina lukhwakhuwona nolwala, oba noli mu jjera khwakhuwona? 40Omwenengo, alikowoolamo ati, Mbawolera amasima, wuli simwakholeranga omutu, okhiramo owutono mu ba mwanaama, mwakholeranga ese.41Ne aliwoolera abali khu mukhono kwaye mukooda ati, Muntulekho, enywe abalaamiwa, muche mu muliro kutasima okwatekekherwa sitaani nende ba malayika baye. 42Khulwokhuba nali njala, mwawuma si mwamba, nali nowuluwo, mwanyima esyohunywa. 43Nabakeniya, mwakaana okhumbukanira, naba machula, mwaloba okhunyambasa, nali mulwaye, naba mu jjera, mwakhaya okhunfwakho.44Bosi balikowolamo baati, Omwami, lwali liina lukhwakhuwona noli njala, oba nowuluwo, oba noli mukeni, abo noli machula, oba nolwala, oba noli mu jjera, khwakaana okhukhuyeeda? 45Alibakowolamo ati, Mbawoolera amasima, syosi syoosi si mutakholeranga omutu okhiramo owutono khu bano, simwasikholeranga ese. 46Manu bacha okhutula awo, bengire musiwonereso sitaakama, ne abo abolerefu mu wulamu wutaliwawo.
Chapter 26Olukhwe Khu Yesu

1Yesu nikali kakhamala okhulomaloma bino byosi byoosi, kawoolera abeeki baye ati, 2Nga lu mumanyire, okhubitakho khuli endaalo chibiri emutwe__ ne Omwana wOmutu acha okhutewayo bamukhomerere.3Manu bakhawona bakhulutu nende abemeresi ba batu bewuusira mu ddokho ewa khawona mukhulutu, obakhulira olangiwa Kayafa, 4. bakhola olukhwe lwokhudiira Yesu mu ngira chowusiru bamwite. 5. Basilomaloma baati, Khutasikhola sino khu ludaalo lukhulutu,khuba Sinyala syaletawo akhediimo mu batu.Yesu Abakhiwa Amafuta Ebettani6Yesu nikali nali e Bettani mu daala lyomusaacha amanyiiwe nga Simoni mukenge. 7Omukhasi kecha yali nali nechupa yamafuta akawunya akhawowo, khandi nga kebbeyi, manu kakamuchukhakho khu mutwe nga lukali ni kekhaye khu meesa nalya. 8Ne abeeki baye nibawona sino, sibewulira wulayi. Beteeba baati, okhunyasa khuno khwasi? 9. Amafuta kabakhakusise khu bbeyi erubya bachiwa abaati.10Ne nga Yesu lu kali namanyire bino, kabawoola ati, Omukhasi ono mu mufambya si? Kankholeeye esitu sirayi. 11. Abaati mucha okhuba nabo wuli ludaalo, nange si ndabenge nanywe.12Olwokhuba omukhasi ono ni kanjukhirekho amafuta kano, asikholire natekekha okusiikhiwa khwange. 13. Mbawoolera amasima, emboosi yino ni yinawuulirwenge mu syaalo syosi, syakholire, sinalomwalomwenge mu khumwichulisa.Yuda Afukirira Okhulya Mu Yesu Olukhwe14. Olwo mulala khu ekhumi nababiri__ olangiwa Yuda Isikalyoti__ kacha eyiri bakhawona bakhulutu 15kabateeba ati, Siina si mwakhamba ni mbamudisya? Bamubalira enusu amakhumi kadatu echa silifwa. 16. Okhutula olwo Yuda kachaka okhukonyeresa engira yanyala kaliira mu Yesu olukhwe.Esyengolobe Esyomwami17. Oludaalo lusokha khu mbaga yemigaati chowusye wutali wubbakhe, abeeki ba Yesu becha yali bamuteba baati, Yena yodakha efwe khu khutekekhere yonalire Pasaka? 18Kabakowolamo ati, Muche mu siko eyiri omusaacha wundi mu muwolere muuti, Omusomesa awoola ati: Ebikha byange ebyatekekhewa biri ambi. Nja okhuliira embaga ya Pasaka alala nabeeki bange mu nyumba yawo. 19. Ne abeeki bakhola nga Yesu lukawoola, bacha batekekha embaga ya Pasaka.20Nisyola engolobe, Yesu kali ali okhulya alala nende ekhumi nababiri. 21. Khubali balya esyengolobe khumeesa, kawoola ati, Mbawolera amasima, mulala khwinywe acha okhundyamo olukhwe. 22. Abeeki bawuka nibelalikhirifu lukali khandi bachaka okhuteebana mulala syamulala baati, Masima si nise, Omwami?23. Yesu kakowolamo ati, Oyo okhosa nange mu bakuli nje onandyemo olukhwe. 24. Omwana wOmutu acha okhucha nga lu byawandiikiwa khuye. Naye chakanire oyo ocha okhulya mu Mwana wOmutu olukhwe! Syakhali esirayi omutu oyo natakhewuywe. 25. Awene awo Yuda, oyo owali nacha okhumulyamo olukhwe, kawoola ati, Masima si nise, Omusomesa? Yesu kakowolamo ati, Eee, niiwe.26Nibali nibasirya, Yesu kawukula omugaati, kakusabira enkhabi kakukhalakakhalakamo, kakuweresa abeeki baye, nawoola ati, Muwukule mulye; kuno nje omubiri kwange.27Khandi kawukula esikoombe, nikamala okhwebasa, kasiwa abeeki, nawoola ati, Muwukule mu nyweremo khu sino mwesi mweesi. 28Kano nje amabanga kange akelakano, akacha okhwidikha khu lwabangi olwokhulekherwamo ebibi. 29Mbawoolera nti, sinja khunywa khandi khusyamo syefwinyo okhutula olwalero okhwola khu ludaalo lundinywerakho efwinyo njaakha alala nanywe mu wenengo wa Bbabba.30Manu nibamala okhwemba olwembo, batula bacha khu lugulu lwa Seyituni. Yesu Alakula Khu Khwekaana Khwa Petero31. Yesu kabawoolera ati, Esiro syolwalero mweesi mucha okhuntulakho, mundekhe seɳɳene, nga lu syawandiikiwa siiti: “‘Nja okhukhubba omwayi, manu amakondi ko’musidwoli kacha okhusalanisiwa.’ 32. Naye ni ndimala okhusyukhisiwa, nja okhubatangiramo nje e Galiraaya.”33. Petero kakowolamo ati, “Ata nibakhulekha boosi, nange si ndikhulekha. 34. Yesu kamuwoola ati, Khuwolera amasima nti, Esiro syalero sino, edaywa niyitakholyokha, onabe wunekanire khadatu. 35. Petero naye kalangirira ati, Nende khunabe khufwa nawe, khaba sinja khu khwekaana. Manu nje abeeki bandi boosi lu bawoola batyo.Gesusemane36Manu Yesu nikamala kacha na beeki baye mu sifwo sibalanga Gesusemane kawoolera abeeki baye ati, Enywe mwikhale ano, Nje era nsabe. 37. Kawukula Petero nende abasoliri babiri aba Sebbedayo kacha nabo, nokhutula awo, kachaka okhwewunamira, nengisa nyiigi chamudiira. 38. Manu kabawoolera ati, “Engisa nyiingi chindi khu mwoyo, ata chinyala okhunjita. Enywe mudoɳɳe ano mumoke nange.”39. Nikasudakho wutono, kakwira omwoyo khwiroba no’weni kasaba ati, “Bbabba, singa sibeye sinyalikhana, wakhantusisekho esikoombe sino. Ne sitaba ngese lundakha, okhutusakho Ngewe lwodakha. 40. Nikamala kakowola eyiri abeeki baye kabawukana nibakona. Kateeba Petero ati, Basaacha enywe simwakhanyala khumoka nange ata essawa ndala? 41. Mumoke khandi musabe mutakwa mu khukhemewa. Omwoyo kudakha, naye omubiri nakwo munafu.42Khandi ekhabi lyokhubiri kasingira kacha okhusaba nawoola ati, Bbabba wange, nisitanyalikha esikoombe sino okhuntusiwakho okhutusakho nsinywe, okhudakha khwawo khwolerere. 43. Nikakowola khandi kabawukaana nibakona, olwokhuba emoni chawe chali chisidowire. 44. Olwasino, kabalekha lundi kakowolayo okhusaba ekhabi erwokhudatu, nasaba nasirala.45. Manu kakowola eyiri abeeki kabawoola ati, Enywe musikona nokhuwulukha? Muwone, esikha siri ambi okhwola esyo khuliiramo Omwana wOmutu olukhwe bamudisye mu makhono kababi. 46Musingire khuwewo! Nguno kolire owundyamo olukhwe!Yesu Adiriwa47. Ni kali asilomaloma, Yuda mulala khu ekhumi nababiri, koola. Kali nesidiiyikha syabali nebyoki, ebikhande nebiruga, nibatumiwe nende khawona mukhulutu nabemeresi babatu. 48. Wunanu omulyamo olukhwe kali amalire okhuwulirisaniya nesiddiikha esyo nokhubawa akhawonero khanakhosese: Oyo yindakwe musirifu nje yimudakha mu mukwekho; mu mudiire.49. Yuda nikoola, kelungikha Yesu nawoola ati, Amakheso, Labbi! kamukwa mu sirifu. 50. Yesu kamukowolamo ati, Omwicha, khola esikhuletire. Manu abasaacha becha basuda emutwe, bakwa khu Yesu bamudiira.51. Ne mulala khubali nende Yesu kachowolayo okukhande, katema okhutwi khwomukhosi wa khawona mukhulutu, 52naye Yesu kamuwoolera ati, Kowosa ekhande lyawo mu syondo, Olwokhuba abakhosesa amakhande, balifwa amakhande. 53Mubaasa sinyala okhulanga Bbabba, awene awo kantumira eye lya ba malayika okhutula mu legion ekhumi nachibiri? 54. Ne nibyakhabeye biityo ebyawandiikiwa byakholereye bitye? Ebiwoola biiti, bikhoyera okhuba bityo?55. Esikha esyo Yesu kawoolera esidiikha syabali awo ati, Ntangirira abajemu khu munjichire namakhande namalawukhi okhundiira? Mbeye wuli ludaalo ni nikhala ni somesa mu nyanyi che’nyumba ya Weere, simundiiranga. 56. Ne bino bikholekhire khu bya ba nnabbi bi bawandiika byolerere.” Abeeki boosi berukha balekha Yesu ayeɳɳene.Mu moni Cho’lukhikho lukali57. Abali nibadiye Yesu bamuyira eyiri Kayaafa, khawona mukhulutu, nende abasomesa bamalako nabatangirisi yi bali bewuusise. 58. Naye Petero kalondakho okhwola mu lwanyi lwa khawona mukhulutu nakendera khanayiro. Kengira kekhala akati wa basirikale okhuwona ebitulamo.59. Khawona bakhulutu na bolukhikho lukali boosi bakesakho okhukonyeresa owujulisi wowubaacha khu Yesu owukira bamwite. 60Ne baloba okhuwuwukana, nende syali siiti bangi baleeta owubacha. Babiri becha mu makhenerekha balangirira baati, 61. Omutu ono kawoola ati, Nyala okhulikulula enyumba ya Weere yino, nayombakhira mu ndaalo chidatu.62. Manu khawona mukhulutu kasingira kateeba Yesu ati, syocha khukowolamo?Wujulisi sina abatu bano wubakhufambya? 63. Ne Yesu kawulera wuwulera. Khawona mukhulutu kamuwoola ati, Nkhuwabira assi wokhulayira mu liita lya Weere mulamu: tuwoolere noli Kurisito, Omwana wa Weere. 64. Yesu kakowolamo kawoola ati, Siri nga luwooye. Ne mbawolera mweesi nti: okhutula olwalero, mucha okhuwona Omwana wOmutu nikekhaye khu mukhono mulungi okwoyo oli nowunyala woosi khandi nikechera khubiresi byomwikulu.65Awo khawona mukhulutu katandula enguwo chaye nawoola ati, Enomaloma yino, yifwotokheresa erita lya Weere! Siina esikira khwakonya owujulisi wundi? Muwone, mbawo abeene mwewuliriye emboosichaye embi echo echokhufwotokheresa! 66. Ne enywe mubasa si? Bakowolamo baati, Akhoyera okhufwa.67Awene awo bachaka okhumufuchakho amate mu weeni nokhumukhubba ebifuusi. Abandi bamupaama nibawoola baati, 68Ewe Kurisito, lakula yikhuli nanu mwene okhukhubbire?Petero Kekaana Yesu69. Esikha esyo Petero kali kekhaye erwanyi alwanyi nomukhana mulala khubakhosi ba khawona mukhulutu kecha yali. Kamuwoola ati, Ewe wesi obeye nende Yesu omu Galiraaya. 70. Naye kekaana lukali mu moni chabatu boosi ati, Ese simanyire byoli okhuwoola ebyo.71Nikamala kasingiriramo kacha khu siriwa, omukhana wundi kamuwona awo, kawolera abali bemire awo ati, Omusaacha ono yesi abeye nende Yesu omu Nasaresi. 72. Kekaana khandi nalayira ati, Omutu oyo ese si mumanyire!73. Ebikha bitono nibyabitawo, abali nibemire awo, becha eyiri Petero bamuwoola baati, Amasima kene, ewe oli mulala khu batu baye, olwokhuba engeri yo lomalomeramo, yikhuwuula. 74. Khandi Petero kekaana, nalayira ati, Omusaacha oyo ese simumanyire! Awene awo, edaaywa niyikholyokha. 75Manu Petero kechulisa Yesu bikawoola ati, Edaaywa niyisiri okhukholyokha, onabe wunekanire amakhabi kadatu. Katula erwanyi kalira lukali.
Chapter 27Yuda Kemika

1Niwakhya mu maweriweri, bakhawona bakhulutu boosi nabemeresi babaatu bekhala bawulirisaniya nga lubaneteremo Yesu. 2Manu bamuwowa, bacha bamudisya Pirato, owali Gafana.3. Naye Yuda, owalya mu Yesu olukhwe, nikawona ati bamalire okhumukhengera omusango kwokhufwa, kekhalaka kamala kakowosera bakhawona bakhulutu nabemeresi ba baatu, erubya chefwessa amakhumi kadatu, nawoola ati, 4. Nkholire esibi, Olwokhulya olukhwe khu mabanga katasikho omusango. Nabo bawoola baati, Ebyo nibyo siina khwifwe? Ebyo byawo omwene. 5. Manu Yuda nasukuna asi ebitundu byeffessa mu nyumba ya Weere, kawawo kacha kemika.6. Ne bakhawona bakhulutu bangala ebitundu byefwessa bawoola baati, Sikhalaka amalako okhuta erubya chino mu mbikhiro, olwokhuba chamabaanga. 7. Bamala bawulirisaniya okhuchikulamo omuka khu mulongi wamasyongo, eryokhusikhangamo abateende. 8. Sakira eroba eryo balilanga endalo yamabaanga nolwalero.9. Manu bi nnabbi Yeremiya bikawoola byolerera biiti: Manu bawukula ebitundu byefwessa, amakhumi kadatu, owukusi wabaana ba Yisirayiri, 10. Manu bachikhosesa okhukula eroba lyomulongi wentamu nga Weere lu kandagira.Yesu Mu moni Cha Pirato11. Awene awo, Yesu kema mu moni cha Gafana, ne Gafana kamuteeba ati, Niwe omwenengo wa Bayudaaya? Yesu kakowolamo kawoola ati, Yee, siri nga omwene lwolomalomire otyo. 12. Bakhawona bakhulutu nende abemeresi babatu nibali bamuwayirisa mu biitu bingi, sikakowolamo esitu syosi syoosi. 13Manu Pirato kamuteeba ati, Ewe khaba syowulira owujulisi wu bakhutakho wuno? 14. Naye Yesu si kabakowolamo, ata mu musango mulala__ sino syatangalasa Gafana lukali.15Wunanu yali nsambo ya Gafana okhubalekhuliranga omuwowe yi batu baba basabire khu wuli mbaga. 16Mu bikha ebyo, bali nomusibe wensambo mbi lukali olangiwa Bbalaba.17Manu esidiikha ni syali syewusise, Pirato kabateeba ati, Mudakha mbalekhulire nanu mwene: Bbalaba, nawo Yesu yibalanga baati Kurisito? 18Olwokhuba kali namanyire ati embalikha niyo eyikira bamudisya Yesu. 19Khandi Pirato nikali kekhaye hu sisaala syemisango, omukhasi waye kecha kamulakirisira emboosi ati, Otakholakho esitu syoosi khu mutu oyo otalikho owubi, olwokhuba mbeye nowunyakhani wungi nimuloota mu siro syaleero.20Ne khawona bakhulutu nabemeresi babatu bawooyawooya esidiikha syabatu basabe Pirato abalekhulire Bbalaba, naye Yesu amikiwe. 21Gafana kabawoolera ati, Nanu mwene khu bombi yimudakha mbalekhulire? Bakowolamo baati, Bbalaba. 22Naye kabateeba ati, Naye Yesu olangiwa Kurisito mukhole ntye? Bosi boosi bawoola baati, Mukhomerere!23Naye Pirato nabateeba ati, Akholire sibi siina? Ne bo bemeeda okhuyasira amukulu nibawoola baati, Mukhomerere! 24Manu Pirato nikawona ati, si bimuyeeda okhuchanakana nebiteebo, olwokhuba abatu bali bacha wusa lukali nokhwesasakula, kawukula amaachi kesaaba amakhono abatu boosi nibawona. Nawoola ati, Mbumakho omusango kwosi kwoosi khu mabaanga komutu ono, siri yimuli!25Ne abatu bosi boosi bakowolamo baati, Lekha amabaanga kaye kabe khwifwe nabaana befwe! 26Awo Pirato kabalekhulira Bbalaba. Naye nibamala okhunaala Yesu enkhoba, kabadisya Yesu bache bamukhomerere.Abasirikale Bakhomoola Yesu27Manu abasirikale ba Gafana bayira Yesu mu dookho lya Pirato, awo eye lyosi lyoosi lyecha lyamwewodokhaniya. 28Manu bamutusamo enguwo chaye, bamwambasa ekanju lyolukhoba lwamabaanga. 29Bamala bakata engata yamawa bamwambasa khu mutwe nga engule. Manu nibamudisya endawukhi mu mukhono kwaye mulungi. Ni bamala basigama emutwe waye, nibamukhomoola nibamudulira baati, Yindira ewe owowenengo wAbayudaya!30Manu bamufuchakho, khandi bawukula endawukhi bamukhubba khu mutwe, amakhabi namakhabi. 31Nibamala okhumukhomoola, becha bamumalamo ekanju bamwambasa enguwo chaye chene. Bamala bamutusa bamuyira okhumukhomerera.Okhukhomererwa32Nibali batula erwanyi, bawukanana nomusaacha otula e Sireni yi balanganga Simooni, becha bamuyinga okhwetwiikha omusalabba kwa Yesu. 33Boola awutu alangiwa Gologoosa (amakhulutu kasyo esifwo syesiwanga). 34Eyo bayeresa Yesu efwinyo okhunywa yibadubiremo ekakha; ne ni kayikhombakho, kakhaya okhuyinywa.35Nibamala okhumukhomerera, bakabanakabana enguwo chaye, nibakhubbirakho owululu. 36Manu bamala bekhala asi awo okhumulinda. 37Ne amukulu wOmutwe kwaye ni bawandiika omusango kubamufambya nikusoma kuuti: ONO NJE YESU OMWENENGO WA BAYUDAAYA.38Awene awo, bamukhomerera nabanyaka babiri, mulala hu mukhono mulungi, nowundi khu mukooda. 39Abatu abali nibabitirawo bamunyekanga nibayuya wusa emitwe chawe. 40Nibawoola baati, Ewe owali nonyala okhulikula enyumba ya Weere khandi wayombakhira mu ndalo chidatu, wewoniye omwene! Noli omwana wa Weere, wunanu yikha otule khu musalabba!41Mu ngeri nasirala nje yi bakhawona bakhulutu, abasomesa bamalako alala nende abemeresi babatu, yibamukhomoolera nibawoola baati, 42Oyo kawoniya abandi, naye omwene syanyala khwewoniya! Oyo nje Omwenengo wAbayisirayiri! Lekha kekhe khu musalabba khu khumale khu mufukiiriremo.43Kesika Weere. Lekha wunanu Weere amuwoniye naba namudakha, olwokhuba kawoola ati, Nise Omwana wa Weere. 44Khandi abanyaka ababa bakhomereywe alala naye bosi bamusindikhira amanyeko mu ngeri nasirala.Okhufwa Khwa Yesu45Okhutula mu saawa mukaaga okhwola mu saawa yomwenda esirema syadiira esyalo syosi syoosi. 46Ambi mu saawa mwenda echo Yesu kalira mukono lyamukulu ati, Eloi, Eloi, lama sabachi-thani?__ Amakhulutu mbo Weere wange, Weere wange, lwasina wundekhire? 47Manu abandi khu abo abali bemire awo nibawulira sino, bawoola baati, Ali khulanga Eriya.48Awene awo mulala khubo kerukha wangu kawukula esyangu. Kasinikha mu fwiinyo ndulu kasita khukada, manu kamuweresa anywe. 49Ne abadonηηire bawoola baati, “Mulekhe yenηηene. Kha khuwone Eriya naneche kamuwoniya.” 50Khandi Yesu nikalira mukono ly’amukulu, kamala kakwisa omwoyo.51Awene awo, enguwo yo mu nyumba ya Weere, yatandukhamo akati okhutula amukulu okhwolera erala asi. Manu esyalo syecha syatengerekha entanda cho’lwanda chadikhana. 52Ebirindwa byadikha byekukha khandi emibiri ch’abatu ba Weere bangi abali nibafwa balamukha. 53Batula mu ɳɳani, Yesu namalire okhusyukha mu bafu, bacha mu siko syolerefu manu bawonekhera abatu bangi.54Naye omusirikale mukhulutu alala nende abo bakali nabo nibalindire Yesu, nibawona okhutengerekha khwesyalo nende ebyo byoosi ebyekholekha becha batya lukali bawoola baati, Amasima kene ono abeye Omwana wa Weere! 55Awo wosi aliwo abakhasi bangi, nibemire nibewunjiranga ale. Bali balondire khu Yesu okhutula e Galiraaya okhumulabirira khu byetaago byaye. 56Mwabo mwalimo Malyamu Mangadalena, Malyamu ɳɳina Yakobba nende Yese,nende ɳɳina baana ba Sebbedayo.Okhusiikhiwa Khwa Yesu57Engolobe ni yali niyolerera, omusaacha muyiinda otula Arimaseya, olangiwa Yosefu kecha kola, yesi kali omweeki wa Yesu. 58Kacha eyiri Pirato, kamusaba omubiri kwa Yesu, Pirato kalagira bakumuwe.59Yosefu kawukula omubiri kakuwoya musuuka erafu. 60Kamala kakuta muɳɳani yaye mbyakha, yibali babachire mu lwanda, kamala kasindikisa okukina kukhongo kakwikalira khu ɳanni kamala kawawo. 61Malyamu Mangadalena nende Malyamu wundi bali bekhaye ni bewunjire eηηani.Owulindi Khu ηηani62Oludaalo lulondakho olw’okhwetekekhera, khawona bakhulutu nende aba Falisaayo bacha eyiri Pirato. 63Bamala bawoola baati, “Ssebo, efwe khwichulisa nga omubacha oyo nasiri mulamu kawoola ati, ‘Olunyuma lwe’ndaalo chidatu, nja okhusyuukhira khandi.’ 64Sakira wa esilagiro eηηani yirindiwe wulayi okhwola khu ludaalo lw’okhudatu. Atali esyo, abeeki baye banyala okhucha bebamo omubiri, ni bawolera abatu baati asyukhiiye manu owubacha wusemberekhayo wucha okhuba owubi lukali okhukhirakho owatangira.”65Pirato kabawoolera ati, “Enywe muli nende abasirikale balinda, muche muwone muuti eηηani bayirinda wulayi nga lu munyala.” 66Manu bacha batakho esikhamba khu kina lyali khu ηηani, batawo omulindi, bakhakhasa baati wuli siitu siri wulayi weene.
Chapter 28Okhusyuukhira

1Sabbiti ni yakhawa, mu maweriweri khu ludaalo lwamberi mu juma, Malyamu Mangadalena nende Malyamu wundi bawuuna okhucha bewunje eɳɳani. 2Awene awo, aliwo okhutengerekha khwe’syalo lukali, olwokhuba Malayika w’Omwami kekha assi okhutula Mwikulu, kecha en’aɳɳani, kasindikisa okukina, kakutusa khu mulyango kwe’ηηani kamala kakwikhalakho.3Enfani yaye yali ngo lumesya lwekhubba, ne nguwo chaye chali endafu nga amakina kenfula. 4Abalindi b’eɳɳani nibamuwona bamutya lukali batengerekha, manu baba nga bafwiye.5Ne Malayika kawoolera abakhasi ati, “Mutatya, olwokhuba manyire muli okhukonya Yesu, yi bakhomerera. 6Khaba syali ano; amalire okhusyukha mu bafu, nga lukawoola. Mwiche muwone abali nibamuteye. 7. Manu mumale muche wangu muwolere abeeki baye muuti: ‘Asyukhiiye okhutula mu bafu abatangiiyemo okhucha e Galiraaya. Eyo nje yi munamuwone wunanu mbawooleye.”8Manu abakhasi bawawo okhutula khu ɳɳani ni batiye, naye nga bechuye esangaalo lingi, berukha bacha bawoolera abeeki baye. 9Wangu wene Yesu kabawonekhera. Kabawoola ati, Mbakhesa, becha yali, bamwewowa mu makulu bamwinamira. 10Ni Yesu kabawoola ati, Mutatya. Muche muwolere ba mwanaama bache e Galiraaya; eyo nje yibanambonere.Amawulire Kabalindi11Abakhasi nibali khu ngira khu bacha, mulala khu balindi kacha mu siko kawunusa amawulire eyiri bakhawona bakhulutu kabekesa ebyekholekhire byosi byoosi. 12Bakhawona bakhulutu bali bakananire nabatangirisi nibabaweye esyokhukhola, bawa abasirikale akabbesa mu wungi, 13ni babawoola baati, Muli nokhuwoola muuti, Abeeki baye bechire akati mu wiire bamwiba ni khukona.14Amawulire kano ni kanolere Gafana, khu namwikuse khandi sino si sinaboose mu wudinyu. 15Manu abasirikale bawukula erubya bamala bakhola ngalubabawoola. Nolukano luno lwekesewa, lwasasanisiwa mu Bayudaaya okhwola leero.Owubkaha Owukhulutu16Manu abeeki ekhumi namulala bacha e Galiraaya, khu lugulu Yesu yikali abawooye bache. 17Nibamuwona, bamwinamira; ne abandi bakanakana.18Ne Yesu kecha yibali kawoola ati, Owunyala wosi woosi mukulu nende khu syalo wumberesiwe. 19Nolwesyo muche mukhole ebikha bye syalo syoosi abeeki, ni mu babatisa mu liita lya Sefwe, nende mu lyomwana, nende mu lyo Mwoyo Mwolerefu,20nimubasomesa okhulonda amalako kosi koosi kanabalagira, khandi mu manye masima muuti, ndi ni nanywe endaalo chosi choosi okhwola khu njakamo ye syalo.

Luke

Chapter 1

1Abatu bangi bamalire okhukesakho okhutekekha wulayi mu khuwandiika ebitu ebitukholekhiremo, 2wusa nga lu byesewa assi khwifwe nende abo abatusokha okhwewonera abene khandi nga bakhosi bemboosi. 3Nolwesyo, esse sessi samwene nga nimalire wunanu okhwekhalirisa wulayi nawuli situ okhutula khunjaka, syawonekhana sirayi sessi yindi okhuwandiika emboosi mu wulungifu eyiri enywe, omwolerefu Teefiro, 4khuwemewo omanye amasima kebitu biwasomesewa. Okhwiwulwa Khwa Yokana Omubatiisi khulakulwakho.5Mundaalo cha Kerode Omwenengo wa wuYudaaya aliwo khawona erita lyaye kali Sakaliya, owali owo mu Lulyo lwa bakhawona ba Abbiya; omukhasi waye Erisabeti yesi kali owolulyo lwa Alooni. 6Manu bombi bali balawota mu moni cha Weere, bakenderanga mu malako koosi nende ebidakhiwa byoMwami, nga bolerefu mu ngira chosi choosi. 7Ne sibalikho nabaana, khulwokhuba Erisabeti kali mukumba; khandi bombi bali bayesise emyaka.8Awo olwola Sakaliya, nikali nakhola omulimo kwowakhawona mu moni wa Weere, 9kangaliwa mu khalulu, okhulondana nensambo cha ba khawona bakhulutu, okhucha mu nyumba yOMwami okhuniyokhesa owubbani. 10Ne mu bikha byokhuniyokhesa owubbani nibyali byolire, abasabi abali ni bewusise boosi bali basabira erwanyi.11Awo malayika woMwami kamuwonekhera, nikemire oluwande lwomukhono mulungi kwo khuwolutali eyiri owubbani. 12Ne Sakaliya nikamuwona, kesindukha khandi amatichasi kamudiira. 13Ne Malayika kamuwolera ati: otatya, Sakaliya; khu lwokhuba okhusaba khwawo khuwuliiywe. Omukhasi wawo Elisabeeti anakhakhwiwulire omwana musyani, onakhamukulikhe erita Yokana.14Aliba esangaalo nokhwekhoya yuli, ne bangi abalisangalira okhwiwulwa khwaye, 15khuba aliba omukali mu moni choMwami. Ne syalinywa malwa oba esinywewa sibbakhe, khandi anakhechusiwe nende omwoyo mwolerefu okhutulira mu khwiwulwa khwaye.16Bangi khu batu ba Yisirayiri balikowosa eyiri Omwami Weere wawe. 17Khandi alichanakana mu moni choMwami, mu mwoyo nowunyala wEriya, okhukalukhaniya emyoyo cha basaawe okhukowola khu baana baawe nende banantakerakwa okhukowoola khu ngira yamakesi kowolerefu__ acha okhukhola abatu babe nga betekekhera Omwami18Ne Sakaliya kateeba malayika oyo ati, Sino ese na khasimanye ntye? Ese ndi mukofu nomukhasi wange yeesi achiririye mumyaka. 19Ne malayika kamukowoolamo ati, Nise Kawudyeri. Owemanga mu moni cha Weere khandi natumiwa okhulomaloma nawe nokhukhuwolera emboosi ndayi chino. 20Wunanu wona ocha okhuwulera khandi sucha khunyala okhulomaloma okhwolera erala khu ludaalo lu bitu bino lubiryekhola, khulwokhuba syofukiriye emboosi change, echicha okhwolerera mundaalo chabyo.21Ne abatu abali nibalindiriye Sakaliya erwanyi bawuka khu lwasi akhindire mu nyumba ya Weere. 22Ne nikatula erwanyi, sikanyala okhulomaloma nabo. Ne bamanya baati afunire okhuwonekherwa mu nyumba ya Weere, kasikala nakhosesa owuwonero yibali kasikala natanyala okhulomaloma. 23Endaalo chaye echokhuweresa nichawa, kakowolayo engo.24Bino nibiweye, omukhasi waye Erisabeesi kayera enda kamala embaka yemyesi chitanu kamenya mu wekisi. Kawola ati, 25Omwami kankholera sino', mu ndaalo chino kantusisekho ensoni mu moni chabatu. Okhulakula Khwokhwiwulwa Khwa Yesu.26Mu mwesi kwo mukaaga, Weere katuma Malayika Kawudyeri okhucha e Nasalesi mu siko sye Garilaaya, 27khu mukhaana otamanyire musaacha owali nafukirisanisye okhudekhera omusaacha yibalanga Yosefu, owomusikha sya Dawudi. Erita lyomukhaana otamanyire musaacha Malyamu. 28Malayika kacha yali kamuwoola ati, Yokakho ewe eweywe enkhabi! Omwami ali nawe. 29Malyamu kesindukha lukali khu lwemboosi chaye khandi kawuka okhukhesa okhwo sikhwekesa.30Ne Malayika kamukowolamo ati, Otatya Malyamu olwokhuba Weere akhuweye enkhabi. 31Manu wona ocha okhuwera enda wiwule omwana we sisyani, onakhamukulikhe erita oti Yesu. 32Oyo aliba mukali balimulanga baati omwana woyo oli amukulu lukali. Khandi Omwami Weere alimuwa esisala syowutuki esya simwana Dawudi. 33Khandi alifuka enyumba ya Yakobo endaalo choosi nolwesyo owenengo waye siwuliwawo.34Malyamu kateeba malayika ati, Siriba siitye sino ngese otamanyire musaacha? 35Ne malayika kakowolamo nawoola ati,Omwoyo mulafu acha okhukhwikhakho khandi amaani koyo oli amukulu lukali kacha okhukhuwutawutira. Manu nomwana yocha okhwiwula acha okhulangiwa omwolerefu, omwana wa Weere.36Ata nende omukhaana wenywe Elisabeeti ali nenda yomwana mu syani mu wukofu waye. Kuno nikwo omwesi kwaye kwo mukaaga, owalangiwanga omukumba. 37Khulwokhuba yiwuma esitanyalikha eyiri Weere. 38Malyamu kakowolamo ati, wona ese ndi omukhosi Womwami lekha simbekho nga lwowoye. Awo Malayika namala amulekha. Malyamu Akeniya Erisabeti39Mu ndaalo echo malyamu kasingira kaacha mangu musyalo syengulu mu siko sya Yuda. 40Kengira mu mako ka Sakaliya kakheesa Erisabeti. 41Ne Erisabeti nikawulira enkheesa ya Malyamu, omwana kachaka okhutumakala munda, manu Erisabeti kechusiwa nomwoyo mulafu.42khandi kalomalomera mu kono lyamukulu ngawoola ati: Oweresewe enkhabi mu bakhasi boosi, khandi ayeresewe enkhabi omwana yocha okwiwula! 43Ne lwasina mberesewa enkhabi, Syaba mbo Nηηina yo’Mwami wange keecha yindi? 44Khangu awo okhukheesa khwawo nikhwingiye mu matwi kange, omwana oli munda yange atumakaaye olwesangaalo. 45Ali ne’nkhabi owafukiriye ati Omwami bikamuwoolera biryolerera!” Olwembo Lwa Malyamu:46Ne Malyamu kakowolamo nawola ati: Ebibaso byange bifumya Omwami 47Nomwoyo kwange kusangalira mu Weere Omuwoniya wange,48Khulwokhuba kechulisise embeera yowulonga yomukhosi waye. Okhutula wunanu nokhwemeedayo ese nebikha byosi byoosi birinanga owenkhabi, 49Khulwokhuba omwene wunyala kankholeye ebikhulutu__ omulungifu nje erita lyaye.50Nesisa syaye sicha syola khu abo abamutya, okhutula mu lusse okhucha khulundi. 51Akholire ebyowunyala nomukhono kwaye; asalanisye abo abepakha mu bibaaso byawe ebyomukati.52Kerusisye abatuki khu bisaala byawe, akhusise abalonga. 53Abali nenjala abekusise nebitu birayi Ne abanyali aberusisye nibali makhono wusa.54Ayeedire omukhosi waye Yisirayiri, nikechulisa, okhuba owesisa 55Eyiri Yibulayimu nende esaaye lyaye endaalo choosi, nga Iukawolera ba seefwe.56Malyamu kamenya nende Erisabeti okhumala ambi emyesi Okhwiwulwa Khwa Yokana Omubatiisi. 57Manu endaalo cha Erisabeti okhwiwula nichola, kewula omwana omusyani. 58Abamusiribanire alala nende abesikha syaye nibawulira baati Weere akwiriye Erisabeti esisa singi siityo, beecha basangalira alala naye.59 Ne oludaalo lwo munaana nilwola becha okhukheba omwana oyo, bali badakha okhumukulikha erita lya simwana baati Sakaliya, 60ne ŋina kakowoleramo amukulu ati, “khaba! Acha okhulangiwa Yokana.” 61Bamuwoolera baati, “Musikha syawo simuli mutu yibalanga erita eryo.”62Bakholera simwana sidimbe nibadakha bamanye nga lukakhamulangire. 63Naye kabasaba ekina kawandikakho ati, Erita lyaye nje Yokana. Abatu baye bawuka.64Manu awene awo omunwa kwa Sakaliya kwekukha olulumi niluwololokha, Kachaka okhulomaloma, nikebasa omulongi. 65Owuti wecha wadiira abamusibiranire,khandi abatu boosi musyalo syengulu che wu Yudaaya beecha balomaloma khu biitu bino. 66Manu abo boosi ababiwulira bawuka mu myoyo chawe nibawoola baati, Naye omwana oyo kakhabe siina? Khulwokhuba omukhono kwOMwami kwali alala naye. Olwembo lwa Sakaliya.67Sakaliya simwana Yokana kechusiwa omwoyo mulafu, kachaka okhutumbula ebidiira khu mwana oyo nawola ati: 68Akinisiwe Omwami, Weere wa Yisirayiri, khulwokhuba asyaliye khandi anunuye abatu baye.69Khandi atusingisiye olwika lwowuwoniya mu nyumba yomukhosi waye Dawudi 70(nga lukasilomalomera okhubitira mu banabbi baye abolerefu abaliwo mundaalo enkhale, 71okhuwonesewa mu basiku befwe nende mu mukhono kwabo boosi abatatudakha__72Okhwekesa esisa khu ba kuuka yefwe nokhukhewulira endakaano yaye enjolereefu, 73Okhwoseresa esyechubo sikalayira eyiri kuuka yefwe Yibulayimu: 74okhutuwoniya efwe okhutula mu mukhono kwa basiku befwe, nokhutunyalira khu mukholere nga awuma sikhutya 75muwolerefu nende mu wulungifu mu moni chaye endaalo chefwe choosi.76Nawe, mwana wange, onalangiwe Nnabbi woyo oli amukulu lukali; khulwokhuba olitangira emutwe woMwami okhumuteresera engira, 77okhuweresa abatu baye amakesi kowuwoniya Okhubita mu khubalekheramo ebibi byawe,78Khu lwokhuba esisa syaye sirayi sya Weere wefwe, eryuba litutuliyeyo okhutula mwimukulu. 79Okhwadukhira abatu abo abekhala mu sirema nende mu sinikha syokhufwa, okhulungikha amakulu kefwe mungira ye mirembe.80Manu omwana kakhula khandi kemeeda okhuba omwomifu mu mwoyo; kamenya mu sibbarara okhwoola oludaalo lukekeserwa alafu mu Yisirayiri. Okhwiwulwa Khwa Yesu.

Chapter 2

1Mu ndaalo echo elako lyatula eyiri Kayisali Agusito eryabatu boosi okhubaliwa muwutuki woosi owa ba Roma. ( 2Khuno nje okhwali okhubala abatu okhwasookha okhubawo Kuleniyo ni kali nafuka Busuli. ) 3. Boosi bacha okhubaliwa nawuli mutu musiko syewawe.4Nende Yosefu yesi katula e Galiraaya musiko sye Nasalesi, kanina e Wuyudaaya, okhucha mu siko sya Daudi sibalanga baati Beserekemu, khulwokhuba kali wo munyumba khandi nga wo musiikha sya Daudi. 5Kachaayo keyandikise nende Malyamu, yikali nasubisise naye okhudekhya, nali nenda.6Nibali nibali eyo, endaalo chaye chokhwiwula choola, 7kewula omwana waye owamberi, omusyani. Kamuwikha mu nguwo echabaana badoto kamukoniya mu sidwooli khu lwokhuba mu nyumba ya bakeni simwalimo sifwo. Abaayi Nende Bamalayika.8Aliwo abaayi abekhalanga khu ttale ni balinda amakoondi kawe esiro mu wuleeka. 9Awo Malayika womwami kabawonekhera, noluyaali lwOmwami lwadukha lwabewodokhaniya, manu baatya.10Ne Malayika kabawoola ati mutatya, Khulwokhuba wona ndikhubaletera emboosi ndayi echesangalo eririba eyiri abatu boosi. 11Leero mu siko sya Dawudi kewuywe yimuli omuwoniya; nje Kurisito Omwami. 12Khano nje akhawonero yimuli: munawone omwana mudoto nibamuwoyire munguwo chabaana badoto niba mukonisye mu sidwooli.13Ne amangu ako aliwo nende esinawungi sya ba Malayika abe eye lwo mukulu, nibakiniya Weere baati, 14Oluyali lube eyiri Weere amukulu lukali, nende mu syalo emirembe chibe eyiri abatu basimiiwa.15Awo olwola bamalayika batula yibali okhukowola mukulu, abaayi bawoolanira baati manu khuche eBeserekemu khuwone esitu sino esyekholekhire, Omwami syatuwoleye. 16Nibasingira nibacha wangu nibawona Malyamu nende Yosefu, nomwana mudoto, nibamukonisye musidwooli.17Nibamala okhumuwona, bawunusa emboosi chibabawoolera khu mwana ono, 18boosi abawulira bawuka ebyabaayi bi babawoolera. 19Ne Malyamu kabiikha emboosi echo choosi nga achibasangakho mu mwoyo kwaye. 20Nabaayi bakowolayo ewawe, nibakiniya khandi nga baweresa Weere oluyaali khu lwebyo byoosi bibawona khandi nende bibawulira khulwokhuba byali wusa nga lu babawooleye. Yesu Ayiriwa Mu Nyumba Ya Weere.21Ne oludaalo lwomunana nilwola, nga nje ebikha ebyo’khumukheberamo, bamukulikha erita Yesu, lira malayika likali namuweeye nataba munda yanηina.22Ne’ndaalo nichola ech’okhulabisiwamo, babe abolerefu ng’amalako ka Musa lukali, Yosefu nende Malyamu batula awo bamwambusa e Yerusaalemi okhumwekesa eyiri Omwami 23(Nga lu syawandikiwa mu lako lyo’Mwami liiti wuli mwana musyani omwikulanda wa nηηina acha okhuwewangayo eyiri Omwami)”, 24nende okhuwayo okhwebasanga elako lyo Omwami nga lu liwoola liiti; “amawusi kabiri oba tu nawuruku tudoto tubiri.25Wunanu mu Yerusaalemi mwalimo omusaacha nga bamulanga Simyoni, kali mulungifu khandi nga atya Weere. Ngalindirira okhusangasiwa khwa Yisirayiri khandi omwoyo mulafu kamulikho. 26Oyo omwoyo mulafu kali kamwikulirawo ati ata khaba syalifwa natawona Kurisito wOmwami.27Manu nga kechuuye nomwoyo mulafu, kengira mu nyumba ya Weere. Wunanu abewusi ba Yesu nibali khu bali okhumwingisa mu nyumba ya Weere baati bamukholere nga amalako ka Musa kawoola, 28Simyoni kawukula Yesu kamukinga mu makhoono, kebasa Weere, kawoola ati: 29Omwami woluyaali, nga lu wasubisa, wunanu lekhula omukhosi wawo awewo mu mirembe.30Olwokhuba emoni change chimalire okhuwona owuwoniya wawo, 31wuwali wamwene watekekha mu moni cha batu boosi, 32owulafu wokhuwikhulirwa eyiri abatende khandi owulayi eyiri abatu bawo Yisirayiri.33Manu simwana nende nηηina bawuka lukali ebitu byali ni bimulomalomwakho. 34Khandi Simyoni kabasabira enkhabi manu kawolera Malyamu, nηηina ati: “Omwana ono ateywewo khu lwokhukwa n’okhusingira khw’abatu bangi mu Yisirayiri, nende okhuba akhawonero akhokhulomwalomwakho wubi, 35kho ebibaso bye myoyo mingi biwonekhe alafu. Khandi okukhande kucha okhufumita omwoyo kwawo kwosi.36Khandi aliwo nabbi mukhasi, Ana, omukhaana wa Fanweri owomusikha sya Aseri. Kali mukofu lukali; Kaba nende wamwe emyaka musanfu okhutula adekhe, 37ne khandi kaba mufwire nga kakhamala emyaka kinaana munya. Sikatulanga mu nyumba ya Weere, naye kabanga wusa omwo nasaba khandi nawonga; alala nende okhwekalikhira Weere esiro nesideete. 38Kolerawo ebiikha byene ebyo, kebasa Weere khandi kalomalomera abo boosi abali balindiriye okhuwonesewa khwa Yerusalemi ebidiira khu mwana oyo.39Ne Yosefu nende Malyamu nibamala okhwoseresa byosi byoosi nga amalako koMwami lukalagira, bakowolayo mu Galiraaya mu siko syawe syene esye Nasalesi. 40. Manu omwana oyo kakhula khandi kaba owamaani; nikechula amakesi, khandi enkhabi ya Weere ya mulikho. Omusimbukha Yesu Mu Nyumba Ya Weere.41Nawuli mwaka abewusi baye bachanga e Yerusaalemi khu muyumo kwa Pasaka. 42Manu, Yesu nikosa emyaka ekhumi na chibiri e chowukhulutu, baniina bacha khu muyumo, nga lubakholanga. 43Ne omuyumo ni kwawa, nibali nibakowolayo engo, omusimbukha ono Yesu, kadonηηa enyuma mu Yerusalemu. Ne sino abewusi sibasimanya. 44Ni babaasa baati ali alala nabo, bakenda oludaalo olulamba nga sibamuwona. Manu bachaka okhumukonya mu balebe bawe nende mu becha.45Nga lubatamwakaana, bakowolayo e Yerusalemi okhumumukonya. 46Endaalo chidatu nichabitawo bamwakaana nali mu nyumba ya Weere, nikekhaye akati mu bekesa, nga ali khubatekeresanga khandi nga’bateeba ebiteebo. 47Manu abo boosi abawulira bikali nawoola bawuka lukali amakesi kaye nende engeri yikali nga akowolamo ebiteebo.48 Naye abewusi baye nibamuwona, bawuka lukali. Manu nηηina kamuwolera ati, “Mwana wange, lwasina otubisisye oti? Ese nende latawo khu khukonyire nikhweralikhiriye.” 49Naye kabateeba ati; “Lwasina mubeye mungoonya?” “Mubeye simumanyire muti nkhoyera okhuba mu nyumba ya Bbabba?” 50Manu sibamanya sikali nabawoolera.51Manu kasingira kekha e Nasalesi nabo khandi kaaba omuwulise yibali. Naye nηηina kabiikha ebitu bino byoosi mu mwoyo kwaye. 52Yesu kemeeda okhukhula mu makesi nende mu mubiri nga adakhiwa nende Weere na’batu. Yokana Omubatiisi Atekekha Engira.

Chapter 3

1Kwali mwaka kw’ekhumi nende chitanu Tibberio Kayisaali nafuka __ Potio Pilato nje owali Gafana owe wuYudaaya, nga Kerode Taturachi owe Galiraaya, naye Firipo mwanaηηina nje owali owe Yitureya nende Turakoniita, Lusaniya Taturachi owali owe Abbilene__ 2mu bikha bya Ana nende Kayaafa nje abali ba khawoona bakhulutu, embosi ya Weere yechera Yokana omwana wa Sakaliya nali mu sibarara.3Kacha mu bitundu bya Yoludani byoosi, nga’wuliira okhubatisiwa khwo khweyolobya olwo’khutusiwakho ebibi.4Nga lusyawandikiwa musitawo sya Nabbi Yisaaya: Ekoono lyoyo olomalomera mu sibarara, Muterese engira yomwaami, mukololose engira chaye.5Wuli lukhookho lulichusiwa, Engulu chosi nebigingi biriisiwa. Engira chekodakoda chirikololwa, Ne echo echebisirikho chirikwalaasiwa. 6Khandi wuli mutu acha okhuwona owuwoniya wa Weere.7Yokana kawolera ebidiikha ebyali nibyetusiseyo okhubatisiwa naye ati, Enywe abaana benjokha! Nanu owabalawula muwone etiima licha okhwicha?8. Mwame esyamo esikhoyera okhuliinda okhweyolobya. Khandi mutakesakho okhulomaloma mu myoyo chenywe muuti, Khuli nende kukka yefwe Yibulaimu.Mbawolera nti, sinyalikha Weere okhukalukhaniya amakina kano kaaba baana ba Yibulaimu.9Eyaywa yatereywe musisikha syemisaala, nawuli musaala kutatakho ebyamo birayi kucha okhutemewa kusukuniwe mu muliro.11Yokana kabakowolamo ati, “Oli namakanju kabiri awekho oyo owuma, oli nende ebyo’khulya, yesi akhole atyo,” 10. Omukhuηηano kwamuteeba kuuti, “Khukhole si?”12Abasolosi bemisolo becha bosi okhubatisiwa. Bawoola baati musomesa khukhole si? 13Kabawoola ati, “Mutasolosanga okhukhisawo khusikero sibabawola.14. Wunanu abasirikale bandi bamuteeba baati, khunakhole si? Kabakowolamo ati, mutanyuulanga abatu erubya khandi mutayinganga abatu bibatakholire__ omusara kwenywe kubamalenge.15Abatu bali balindiriye nende essubi nibabasirisa mu myoyo chawe baati Yokana nje onyala kaaba Kurisito. 16Yokana kabakowolamo boosi ati, ndi khubabatisa namachi. Ne oyo owukhisakho amaani acha okhwicha, nebirato byaye sinkhoyera okhuwolola ensiya chabyo, nokhubatisa khwaye alibabatisa no’myoyo mwolerefu no’muliro.17Oluderu lwaye luli mu makhono kaye okhukhonja no’khuserecha amadette no’mukhuchi nokhuwunga eŋaano musyaki, no’mukhuchi namadette alibisamba nomuliro kutasima.”18 Ne mboosi chindi enyingi Yokana kabakhutira lukali khandi nabawulilira emboosi ndayi. 19Yokana nikakesakho okhwolobya Kerode owe’Ssasa olwa Kerodiya, mulamuηηene, ne ebibi bindi byoosi bikali nakholire, 20Kerode kabimedakho bino byoosi: kamudiira kamuta mu jeera. Okhubatisiwa Nende Ensiwukho Ya Yesu.21Abatu boosi nibali nibabatisiwa, Yesu yesi kabatisiwa. Khandi nikali nasaba, ekulu lyekukhawo 22ne Omwoyo mulafu kamwikhakho mu sifananyi syomubiri ngewusi. Nekoono lyatula mukuli niriwola liiti: Niwe omwana wange omukoosi, yindakha; mwiwe nkhusangaalira lukali.23Ne Yesu mwene nikali ambi okhwosa emyaka asatu echowukhulutu nje akachakira owuweresa waye. Kali mwana, sakira syabasiiwa nga wa Yusufu, omwana wa Eri, 24Mwana wa Matati, Mwana wa Lefi, mwana wa Mereki, mwana wa Yanari, mwana wa Yusufu,25 mwana Matasiya, mwana wa Amos, omwana wa Nakumu, mwana wa Esuli, omwana wa Nagayi 26Omwana wa Maasi, omwana wa Matasia, omwana wa Semeyini, omwana wa Yoseki, omwana wa Yoda27Omwana wa Yokanani, omwana wa Leesa, omwana wa Serubaaberi, omwana wa Seyalutiyeli, omwana wa Neeri 28Omwana wa Mereki, omwana wa Adi, omwana wa Kosamu, omwana wa Erumadamu, omwana wa Eri 29Omwana wa Yoswa, omwana wa Eliyesa, omwana wa Yolimi, omwana wa Mattati, omwana wa Leefi,30Omwana wa Simon, omwana wa Yuda, omwana wa Yosefu, omwana wa Yonaanu, omwana wa Eliyakimu 31Omwana wa Meleya, Omwana wa Meena, omwana wa Matasa, omwana wa Nasani, omwana wa Dawudi, 32omwana wa Yese, omwana wa Obbeedi, omwana wa Bowasi, omwana wa Saalumoni, omwana wa Nakusoni,33 omwana wa Aminadabu, omwana wa Aluni. omwana wa Kesironi, omwana wa Peresi, omwana wa Yuda 34Omwana wa Yakobo, omwana wa Isaaka, omwana wa Yibulayimu, omwana wa Teera, omwana wa Nakoli 35omwana wa Serugi, omwana wa Lewu, omwana wa Peregi, omwana wa Ebbeli, omwana wa Seela36Omwana wa Kayinani, omwana wa Alipakusadi, omwana wa Semu, omwana wa Nuuwa, omwana wa Lameki, 37omwana Misuseera, wa Enoki, omwana wa Jaredi, omwana wa Mahalaleeli, omwana wa Kayinani 38Omwana wa Enosi, omwana wa Seesi, omwana wa Adamu omwana wa Weere.Okhukhememwa Khwa Yesu.

Chapter 4

1Yesu, nikechuye nomwoyo mulafu kakowola natula mu Yoludani nga tangiriywe nomwoyo mulafu kacha mu sibarara, 2yikamala endaalo amakhumi kane nga akhemewa nende sitani, sikalya khu situ syosi mundaalo echo choosi, ne nichawa enjala yachaka okhumuluma.3Sitani kamuwoola ati, “noba noli mwana wa Weere, kalukhaniya ekiina lino lifukhe omugatti.” 4Yesu kamukowolamo ati, “syawandiikiwa siiti: omutu syacha khubawo khu lw’omugatti kwo’ηηene.’”5Sitani kamuyira kamuniniya amukulu khandi kamwekesa owenengo woosi owomu syalo. 6Sitani kamuwoola ati, Ndakhuwe ewe owunyala wuno woosi nowuyiinda wamwo, khubanga ese nawewa, era ngabirakho nawuli yindakha. 7Manu nonanyinamire, bino byoosi binaabe byawo.8Yesu kakowolamo nawoola ati, syawandikiwa siiti: Winamiranga Omwami Weere wawo khandi omukholerenge yeηηene.’”9Setani kamuyira e Yerusalemi kamuta khusirama sy’enyumba ya Weere, kamuwoola ati, “Nooba noli omwana wa Weere yema ano otuume okwe assi.” 10Khu lwokhuba syawandiikiwa siiti: “‘alikhutumira ba malayika baye bakhulindira erala; 11khandi ati, bali khudiririra mu mikhono chawe okhaye okhwekumula khu kina.12Yesu kakowolamo, namuwoola ati, Syalomalomwa siiti: otakhemanga Weere Omulongi wawo. 13Setani nikamala ebyokhumukhema byosi byoosi, kamulekhakho embaka okhwola ebikha byene lubiryola. Yesu Bamukhaya E Nasaleesi.14Manu Yesu kakowolayo e Galiraaya nali mu maani ko'mwoyo, enfuma yaye yaswaniya mu ngoongo choosi echisibiranire esyalo esyo. 15Kasomesa mu sinaggogi chawe, wuli mutu kamukiniya.16Kakowola e Nasaleesi, yikakhulira, oludaalo olwa sabbiti keecha kengira mu Sinaggogi, nga lu yali enkhola yaye. Kasingira keema okhusoma. 17Beecha bamuwa esitawo sya Nabbi Yisaaya. Nikali nabambula, kawukaana awutu abawandika baati:18Omwoyo wa Weere kandiikho, khulwokhuba kanjukhakho amafuta okhuwuulira amawulire malayi eyiri abaati. Kantumire okhulangirira okhulekhuliwa khwabawaambe nokhulimbula khwabawofwu, nokhulekhulwa khwa bali muwunyiki, 19okhulangirira omwaaka kwOmwami okwolukoosi.20Kawikha khu sitawo kasikowoseera omukhosi wo mu nyumba ya Weere, kekhala assi. Emoni chabatu bosi boosi abali mu Sinaggogi ba mukhadaasa, 21kachaka okhubawoola ati, leero ebyawandiikiwa binno byolereye mu matwi kenywe. 22Bosi boosi bamulomalomakho wulayi khandi bawuka lukali khu lwemboosi ndayi echali chitula mu munwa kwaye. Manu bateeba baati, Ono sinje omusoliri wa Yosefu?24Kakowolamo nawoola ati, mbawoolera amasima nti awumawo nabbi yesi ofukirirwanga mu siko sye wawe. 23Yesu kabakowolamo ati, Masima mulingaadakho olukaado luno muti: Omusawo, wewoniye wa mwene! Khola ano mu siko syewenywe bikhwawulira khuti wakhola mu Kaperanawunu.25Mbakhakhasa nti aliwo abafwire bangi mu Yisirayiri mu ndaalo cha Eriya, ekulu lyekaliwawo emyaaka chidatu nesitundu enjala nyingi yakwa mu syalo syosi syoosi. 26Eriya khaba sikatumiwa eyiri boosi, okhumalakho omukhasi mufwire owe Sereefasi mu syalo sya Sidoni. 27Khandi aliwo bangi abe bigenge mu Yisirayiri mu ndaalo cha nabbi Erisa, ne si yali khaba mulala khwabo owawonesewa okhutusaakho__ Naamani omusuli.28Nibawulira emboosi echo abatu boosi mu sinaggogi bechula ettima. 29Basiingira bamubirikisa erwanyi we siko bamuyira mu mbaka yolugulu lubombakhakho esiko syawe nga badakha okhumusindikha akwe era assi. 30Ne kababita akati wesidiikha kawawo. Yesu Kerusya Omusambwa mubi.31Kekhirira e Kaperenawumu mu siko sye Galiraaya kabasomesanga khu ludaalo lwa sabbiti. 32Bawuka olwokhwekesa khwaye, khulwokhuba emboosi yaye yaali nende owunyala.33Mu sinaggogi mwalimo omusaacha owalikho omusimu kwomusambwa mubi. Kalira nende ekono ekhongo. 34Ati, wuwi otukonyakho si Yesu omu Nasaleesi? Wichire okhutudimya? Khumanyire nga lwoli__ omwolerefu wa Weere!35Yesu kakhamukhira omusambwa mubi ati, Wulera!Mutulekho!Omusambwa kwa musukuna assi akati mu batu kwamutulakho nga si kumukholire khabi. 36Okhuwuka khwa badiira boosi boosi batebana abene na beene baati, Nsomesa siina yino? Khulwokhuba alagira nowunyala namaani emisambwa nichibatulakho! 37Enfuma yaye yemeeda okhuswaniya wuli watu, mu syalo esyo nebitundu bisibiranire. Yesu Awoniya Bangi38Yesu kasingira katula mu sinaggogi kacha mu daala lya Simoni. Wunanu Masalaηηene Simoni kali mulwaye w’omusuja mungi, bekalikhira Yesu amuyeede, 39Keecha kenama ali omulwaye kalagira omusujja, kwamutulakho. Musiikha syene esyo obeye omulwaye kasingira kachaka okhubakholera.40Ne eryuba khulicha okhukwa, boosi boosi abali nabalwaye abendwaye chitasi na sirala, bamuletera kabataakho omakhono wuli syamulala, kabawoniya. 41Manu, emisambwa chatula mu baatu bangi nichirira chiiti, Wuwi oli Mwana wa Weere! Naye kachiyalabira ka khaya nokhuchifukirira okhulomaloma, khuba chali chimanyire chiiti nje Kurisito.42Owire niwakhya Yesu katulawo kaacha mu sifwo atali batu. Abatu bali ni bamukoonya ne nibeecha boola yikali, bakesakho okhumukaniya atabatulakho. 43Ne kabawoola ati, Sinkhoyera okhuwulira enjiri yowenengo wa Weere mu biko bindi byosi, Khulwokhuba nje esyakira bantuma. 44Ne kemeeda okhuwuulira mu sinaggogi che wu Yudaaya.Okhulangiwa Khwa’beeki bamberi.

Chapter 5

1Oludaalo lundi Yesu kali nikemire khu nyanja eye Genesaleti, esidiikha ni simwewodokhanisye nibatekeresa emboosi ya Weere. 2Kawona amaato kabiri khu sigenya, akali nikalekhirwe nabanaabi abali nibosa enjero chawe. 3Kengira mu lyato lala khwako, eryali erya Simoni, kamuwoola okhulisudya khooyo wutono okhutula khu sigenya. Manu kekhala kasomesa esidiikha nali mu lyato.4Nikali namalire okhulomaloma, kawoola Simoni ati, Suda mulusiba, musukune enjero chenywe, munaabe. 5Simoni kakakowolamo kawoola ati, Omwami, khunyakhanire esiro syoosi ne yiwuma sikhudisisyekho. Ni khulwemboosi yawo, ndeese enjero. 6Manu nibakhola baatyo, badiisya eηηeni nyingi chene, atono wene enjero chawe ambi chikudukhe. 7Basakula abasyawe mu lyato liindi beche babayeede, becha bechusa amaato kombi no’khwibira kadakha okhwibira.8Ne Simoni Petero nikawona binno, kafumala khu makulu ka Yesu kawoola ati, “Tula ambi nange, Omwami wange; olwokhuba ndi omutu omukhosi webibi!” 9Olwokhuba ye nabasye bawuka khulwo wungi we’ηηeni chi bali badiiye, 10nasirala Yakobo nende Yokana nje lubali, abaana ba Sebedayo, abali ni bakholera alala nende Simoni. Yesu kawoola Simoni ati, Sutya; okhutula olwalero nokhuchanakana, onanabeenge abatu. 11Manu nibakobya amaato kawe khulukerekha, balekha byoosi baacha naye. Omusaacha Webikeenge.12Awo olwoola nikali mu siko sirala mwibyo, omusaacha kecha owali kechuuye ebikeenge. Ne nikawona Yesu, kakwa kafumala kamwekalikhira ati, Mwami wange, noba nokanya, onyala okhundabya. 13Manu Yesu kakolola omukhono kwaye kamudiirakho nga awoola ati, ndakha,laba! Awene naweene ebikeenge byamutulakho.14Manu Yesu kamukhutira nawoola ati, otawolerakho omutu yeesi, okhutusakho cha, weyekese eyiri khawona oweyo ebyokhwebasa ebyokhulabisiwa khwawo nga Musa lukalagira, okhuba omujulisi yibali.15Naye emboosi chaye chemeeda wemeeda okhusasaana, ebikanda biingi byewuusa okhuwulira nokhubawoniya amalwaye kawe. 16Naye Yesu kabatulangamo naacha mu bifwo byowekisi okhwekalikhira. Yesu Awoniya Owakokoomba.17Khu ludaalo lundi Yesu nikali nikekesa, Abafalisaayo nende abasomesa bamalako, abali nibatulire mu ngongo che Galiraaya nende wu Yudaaya nende Yerusalemi, bali bekhaaye19Nibatawona awokhumwingisira olwowungi wa batu, baniina amukulu khusirama badomola bamwisira khusitaanda syaye bamwoosa assi akati wesidiikha, mu moni cha Yesu. awo. 18Amaani ka Weere kali naye okhuwoniya owulwaaye. Wona abaatu baleeta omutu khu sitaanda owali nakokoombire, bakhenga amakesi okhumwingisa, nokhumuta mu moni chaye.20Manu Yesu nikawona okhufukiirira khwawe, kawoola ati, omwiicha, ebibi byawo bikhulekheywemo. 21AbaFalisaayo na’basomesa ba’malako bachaka okhuyingana abene nabeene nga bawoola baati, “Nje naanu ono olomaloma ebyo’khufwotokheresa? Nanu onyala okhulekheramo ebibi okhumalakho Weere yeηηene?”22Ne Yesu kamanya bi bali nibabasa kabateeba ati, “Lwasi mubasa bino mu myoyo chenywe? 23Esyangu nje esiri, okhuwoola oti, Ebibi byawo bikhulekheywemo, oba okhuwoola oti, Singira okende? 24Ne kho mwemewo mumanye muti omwana womutu ali nowunyala khu syalo okhutusakho ebibi.Kawoola omukongobafu ati, nkhuwoola, singira, okiinge omukekka kwawo okowoleyo engo.25Awo nawo kasingira mumoni chawe, kakiinga esyo sikali nakonirekho kaacha ewaye nakiniya Weere. 26Wuli mutu yeesi kawuka bamukiniya Weere. Beechula nokhutya khungi nibawoola baati, khuweene esitabangawo olwaleero. Okhulangiwa Khwa Leefwi.27Manu bino nibyawa Yesu katula kawona omusolosi womusolo erita lyaye Leefwi; nikekhaaye mu nyumba yibasoloseramo omusolo, kamuwoola ati, Noonde, 28Leefwi kalekha byoosi kasingira kamuloonda.29Leefwi kakholera Yesu owukeni owukhongo mu nyumba yaye, esikaanda esikhongo esyabasolosa omusolo nende abandi bakali nalya nabo. 30Naye AbaFalisaayo nabasomesa bamalako abefukiirira yawe khuwawe beηuluηunyira abeeki baye, nibawoola baati, “Siina esibaliisa no’khunywera alala nabasolosa omusolo, na’batu abali ne’bibi’?” 31Yesu kakowolamo kabawoola ati, “Abalamu sinje abadakha omusawo, okhutusako abalwaaye. 32Ne esse sineecha okhulaanga abolerefu, naye abali nebibi okhweyolobya. Yesu Atebewa Khu Khusiiba.33Bamuwoola baati, Abeeki ba Yokana basiiba amakhabi mangi, khandi nga bekalikhira Weere, nende abeeki Bafalisaayo baatyo, naye abawo bachanakana nokhulya nokhunywa. 34Yesu kabawoola ati, Munyala okhuwongya abakeni bomusaacha odekhisye enjala, nasiri nabo? 35Naye endaalo chiicha omusaacha odekhisye lwali batusiwakho; mu ndaalo echo nje lubaliwoonga.36Kabawolera olukaado luno ati: Awuma omutu otandula esiraka khu nguwo embyaakha kanabira khunguwo enkhale. Olwokhuba nakhola atyo, aba atandula esiyaakha, nende esiraka siyaakha sisichaana nesikhale.37Awumawo omutu owukula omwenge omuyaakha kakuchukha museero lyomwenge omukhale. Nakhola atyo, omwenge omuyaakha kuba kunatandule eseero, nomwenge kuba kunedikhe assi, neseero lya nyasikha. 38Khaba, omwenge muyaakha kuli nokhuchukhiwa mu maseero mayaakha. 39Khandi yiwuma omutu yeesi nikakhamala okhunywa omwenge mukhale owakhadakha omuyaakha, kakhawoola ati, omukhale kukhira.’” Omwaami We Sabiiti
Chapter 6

2Ne aba Falisaayo bandi bateeba baati, “Siina syeene esibakhosa esitali syamalako okhukhola khu sabbiiti? 1Awo olwoola khu ludaalo lwa ssabiiti nikali nabita mundalo che’ŋaano, abeeki baye bawukula ebikala by’eŋaano, nibabisiriitira mu byaaba byawe nibalya.5Khandi Yesu kabawolera ati, “omwana wo’mutu nje omwaami wa sabbiiti.” 3. Yesu kabakowolamo nawoola ati, Sino khaba simusisomangakho, Dawudi sikakhola nabasye nibali enjala? 4. Nga kengira mu nyumba ya Weere, kawukula emigaati chowolerefu kachirya khandi kayeresakho nende abo bakali nabo; ne khandi emigaati echo chali chomusiro abantu bandi okhuchirya okhutusakho ba khawona boηηene.”6.Khu sabbiiti lundi, kengira mu sinaggogi mu batu kasomesa, omwo nje omwali omutu owali nikekakada omukhono kwaye omulungi. 7. Awo aba Falisaayo nende abasomesa ba’malako bamukhadaasa emoni, nga badakha bawone na nawoniye omutu khu ssabbiiti, kho bemewo bamuteekho omusango. 8. Ne Yesu kamanya ebibaaso byawe namala awoola oyo owali nomukhono kwekakada ati, Singira weeme emutwe wawe. Kasingira kema.9. Awo Yesu kabawoola ati,nja okhubateba nti, esiri mu malako nje esiri khu lwa Sabbitti: okhukhola owulayi oba okhukhola owubi, Okhuwoniya owulamu nawo okhudimya? 10. Ne amala abatiingaala okhubewodokhaniya, na amala awola omulwaye ati, Kolola omukhono kwawo. Omulema yesi kakhola atyo, ne omukhono kwaye kwakowoola aweene. 11. Naye beecha balaluwa bachaka okhweηηuluηηunya abeene na beene nibatebana nga lubanakhole Yesu. Abatume Ekhumi Na’babiri.12. Lulala khu ndaalo echo Yesu katulayo nacha khu ntulo wo’lugulu okhusaba, kayira owire woosi nasaba Weere. 13. Awo owiire niwakhya, kalanga abeeki baye, mw’abo nadoolamo ekhumi na babiri, bano nikemawo nabakulikha ati nibo Abatume.14Simooni (oyo yikakulikha Petero), mwananηηina Andereya, Yakobbo, Yokaana, Firipo, Battulumayo, 15. Matayo, Tomasi, Yakobbo omusoliri wa Alufayo, Simoni owalangiwa Serote, 16. Yuda omusoliri wa Yakobbo, nende Yuda Isikalioti owamulyamo olukhwe. Enkhabi Nengisa17. Kekhirira nabo, nikema mu sifwo sikwalaafu. Ne esidiikha sikali esyabeeki baye alala nende abatu bangi abatula ewu Yudaya, yosiyosi nende e Yerusaalemi, nende abatula khunsa yenyanja ye Tuulo nende Sidoni, 18. Abeecha okhumuwulirisa nende okhuwonesewa amalwaye kawe. Ne abo abali basandisiwa nemyoyo mibi bawonesewa, 19. ne abatu boosi bakesakho okhumudirakho khwoηηene, khulwokhuba amaani kamutulangamo nikabawoniyanga boosi.20. Yesu katiingala abeeki baye, kabawoola ati: “Muli nende enkhabi abaati, khulwokhuba owen’engo owa Weere wenywe. 21. Muli nende enkhabi enywe enjala bayiluma ebikha bino khulwokhuba mwakhekute. Muli nende enkhabi enywe abalira mu sikha sino, khulwokhuba mwakhachekhe.22. Muli nende enkhabi abantu ni banabasyulenge, ni banakhayenge okhusuda ambi nanywe khandi nibabanyeka ni bakhaya erita lyeywe baati bi, khu lwo mwana wo mutu. 23. Musangalanga mu ludaalo olwo, mutuumanga amukulu olwesangaalo, khulwokhuba mumanye muuti omukawo kwenywe mungi mukulu. Khulwokhuba ba kuka yenywe nilwo lubakholanga ba nabbi baatyo.24. Ne Engisa chibawukanire enywe abanyali, khu lwokhuba mumalire okhwakaana okhukumisiwa khwenywe. 25. Engisa chibawukanire enywe abalisiwa wulayi wunanu, khu lwokhuba mulilumwa enjala. Endaalo chibawukanire enywe abachekha khulwa wunanu, khulwokhuba mu lirira khandi mwaba sirimooyi.26. Engisa chibawukanire enywe abatu boosi nibabalomalomakho wulayi khulwokhuba ba kuka yawe nje bakholanga ba nabbi bowubacha. Okhudakha Abasiku27Naye mbawoola enywe abambulirisa nti: Mudakhenge abasiku benywe, mubakholenge birayi abatabadakha, 28. muweresenge enkhabi abo ababawaaba, musabirenge abo ababakhola owubi.29. Omutu yeesi okhupama oluyi khuttama, omukalukhanisiryanga ettama lindi lyosi. Omutu yeesi nakhutusangakho enguwo yawo, otamukananga nokhuyira ekanju lyawo. 30. Wuli okhusabanga omuweresanga, okhuwukulangakho kwamani, otamusaba okhukhukowosera.31. Kholeranga abandi nga luwakhadakhire bakhukholere. 32Ne nimudakha abo ababadakha, mukawo siina kumulifuna enywe? Khulwokhuba nende abatu bali nebibi boosi badakha abo ababadakha. 33. Khandi nimukhola wulayi ababakhola wulayi, mukawo siina kumufuna? Khulwokhuba abakhosi bebibi boosi nilwo lubakhola. 34Khandi nimwasikha abo bamusubira okhubasasula, mukawo sina kumufuna? Ata abakholi bebibi boosi bawola abakholi bebibi basyawe, Nga basubira okhubasasula mu wichufu.35. Ne mudakhenge abasiku benywe, mubawolenge birayi, mubawolenge nga simusubira okhufuna esiitu syoosi. Awo omukawo kwenywe kuliba mungi, nanywe muliba baana boyo oli amukulu lukali, khulwokhuba ye wesissa eyiri abatasiima nende ababi. 36. Mube nende esisa, nga lata yenywe lwali nesisa. Okhukhengeranga Abandi emisango37Khandi mutakhengerenga abatu emisango, kho mwesi mukhaye okhukhengerwa. Mutakhisanga abatu emisango, mwesi mutakhisiwa. Mulekherengemo, mwesi mulirekherwamo.38. Mukabenge, kho mwesi mulikabiwa. Omukero mulayi, omusiinyire, omusakase okuli alala nikwichuliriye khandi nikwidikha, kulichukhiwa khu mubiri kwawo. Olwokhuba omukero kumukereramo abandi, nje kumulikererwamo mwesi.39. Khandi kabakaadira olukaado ati: Omuwofu kakhatangisa omuwofu wasye? Bombi sibaba nibanakwe mu liina? 40. Omusomi syakhira omwekesa waye, ne omutu yeesi yibasomesise wulayi aliba ngomusomesa waye.41. Siina esikhutingasa esikokha esiri khu moni ya wandayo, naawe olekhire osiwaawa siri khu moni yawo omwene? 42. Wakhawoola otye wandayo oti, Mwana wefwe, lekha nkhutusekho esikokha mu moni yawo,ne nga ewe omwene sikhukhasise okhuwona okuwawa mu moni yawo? Mubacha ewe, tangira atuse okuwawa mu moni yawo, kho wemewo onyale okhuwona wulayi otusemo esiri mu moni ya wandayo. Omusaala Ne Byamo Byakwo.43Awuma omusaala mulayi okwaama ebyaamo bibi, ata omusala mubi, okwaama ebyaamo birayi. 44. Wuli musaala kumanyikha olwebyaamo byakwo. Abaatu sibanoka entuli khu mukokwe, ata emusabbibbu khu musabakwa.45. Omuutu mulayi esirayi asitusa mu sanduku erayi eryomwoyo kwaye, nomubi esibi asitusa mu sanduku ebi eryo mwoyo kwaye. Mwebyo ebichuye mu mwoyo kwaye nibyo omunwa bikulomaloma. Omwombakhi mukesi nomusiru46. Munangirasi Omwami, Omwami, nenga simukhola embosi chi mbawoola? 47Ndabekese nga lwafwana oyo mutu owicha yindi manu kawulira emboosi change khandi kachita mukhola. 48Afwanana nga omutu owombakha enyumba, owayaba omusingi okhwola assi khu lwanda. Olwo enfula niyiicha, amaachi kakwa kakhubba enyumba eyo, sikanyala khuyidengaaniya khulwokhuba yombakhiwa wulayi.49. Ne oyo owulira emboosi change nakhaya okhukhola nga lundakha aba nga omwombakhi owombakha natayabire omusingi kumala. Manu ebikha omukhula okwamaani nikwecha kwakhubba enyumba eyo, kwayikwiisa yawerawo erala. Enfukirira Yo Mu Sirikale Wa Batu Emya

Chapter 7

1Yesu nikali amalire okhulomalomera abatu ebitu bino byosi, kasingira kengira e Kaperenawunu.2Eyo omukhosi womusirikale wa batu emya, yikali nayeresa oluyaali lukali, kali mulwaye nali ambi okhufwa. 3Omusirikale wa batu emya ono nikawulira enfuma ya Yesu katuma abakhulutu bandi aba Bayudaya basabe Yesu, keche awoniye omukhosi waye ono. 4Nibacha eyiri Yesu, bamwekalikhira nibawoola baati, Omutu ono akhoyera okhumukholera sino, 5khulwokhuba adakha esyaalo syefwe khandi sinaggogi yefwe njowatwombakhira.6Manu Yesu kacha nabo. Ne nikali kho kolerera ango womusirikale kamutumira abeecha baye nawoola ati, Omwami, otenyakhaniya okhwicha ewe omwene, olwokhuba ese sikhoyera ewe okhwingira mu nyumba yange. 7Sakira ese sinyalire okhutungukhirira okhwicha yoli. Ne lomaloma wulomaloma embosi, omukhosi wange anawone. 8Olwokhuba ese omwene ndi mutu owowunyala ne nga ndi nabasirikale bambira. Nimbola mulala nti, Cha, nacha; nimbola owundi nti, Yicha, nikecha. Nimbola omukhosi wange nti, khola sino, nakhola wusa.9Yesu nikawulira ebyo, kamuwuka, kakalukhanira esidiikha esyali nisimulonda kawoola ati, Mbawolera nti, simbonangakho omutu owenfukirira nga yino nende mu Yisirayiri mwosi. 10Abatu babali nibatumire bakowolayo engo bawukaana omukhosi nawonire. Yesu Asyukhisa Omusyani Womufiire11Ebikha nibyali byakhabitawo bitono, Yesu kacha mu siko sibalanga Neyini, abeeki baye nesidiikha syacha naye. 12Nikali kolerera omulyango kwesiko esyo, kawukanana nomulambo kwomutu nibakutusa erwanyi__ nga kwomwana muderwa owomukhasi, khandi kali omufwire. Esidiikha esikhongo okhutula mu siko syali naye. 13Ne omwami nikamuwona, omwoyo kwaye, kwacha khu mufwire kamuwoola ati, otalira. 14Wunanu kanina kacha kadiira khu sanduku, ne abali bakingire bema bawulera. Yesu kawoola ati, Musyani mbola nti singira! 15Omutu owali nafwiye kasingira kekhala kachaka okhulomaloma, Yesu kamukowoosera nηina.16Boosi bechula no’khutya bafumiya Weere nga bawoola baati, “Nabbi mukhongo atwichiremo,”khandi bawoola baati, “Weere kechire okhuyeda abatu baye.” 17Amawuliire kano akadiira khu Yesu kasalaana mu Wuyudaaya mwoosi nebyaalo biriranire. Yesu Nende YokanaOmubatiisi18Abeeki ba Yokanabamuwolera byosi ebyali byekholekhana. 19Awo Yokanakalangaa abeeki baye babiri kabatuma bache bamuteebe baati, Niwe ola owicha nawo khulindirire owundi? 20Ne abacha niboola eyiri Yesu bamuwoola baati, Yokanaomubatiisi atutumire yoli okhukhuteeba khuuti, Niwe ola owali owokhwicha, nawo khusubire owundi?22Wunanu kabakoowolamo ati, Muche muwolere Yokanaebyo bimuwene nende bimuwuliye: Abawofu bawona, abalema bakenda, abebikenge bawonesewa, abadimbe bawulira, abaffu basyukhira, abaati bawulirwa enjiri. 21Mubikha byene ebyo Yesu kawoniya bangi abali nendwaye, olumbe, ne myoyo mibi, khandi kawa bangi abali bawofu okhuwona. 23. Ali nenkhabi oyo otesindukha khulwange.24. Bawamuwanda ba Yokananibamala okhuwawo, Yesu kachaka okhulomaloma nesidiikha ebidiira khu Yokanaati: Siina syene simwachirira okhuwona mu sibarara? Ekada lidenganisiwa nembewo? 25. Nisitali siityo, ne siina simwachirira okhuwona? Omutu wambaye enguwo chiηηenaηηena?Khaba, wona abo abambala enguwo enyonjo echebbeyi, nende abo abakendera mukhwesangaasa baba mu nyanyi cha ben’engo. 26. Ne siina simwachirira okhuwona? Nabbi? Yee, mbawoolera, ono ntumaakhiririsakho erala nabbi.27. Ono nje yibawandiikakho baati, Wona wamuwaanda emutwe, oliteresa engira yawo. 28. Mbawolera nti, abo boosi abewulwa nobakhasi si aliba olikhira Yokaana; ne omuwere mu wenengo wa Weere nje owoluyaali okhira oyo.29. (Ne abatu boosi, ata nende abawoosa, nibawulira emboosi cha Yesu bemawo bafukirira baati engira ya Weere nje endayi, olwokhuba bali babatisiwire nende Yokaana. 30. Ni abafalisayo nabasomesa bamalako bakaana engira cha Weere olwukhuba sibabatisiwa nende Yokaana.)31. Wunanu, abatu bendalo chino ndabakeraniye khusi?Khandi bali nga si? 32. Balinga abaana bekhala mukhatale nibalangana baati:Khubakhubbiye amalere, khandi mwakhaya okhuhina; khwabembera oluwungu mwakhaya okhulira amasiika.33. Yokanaomubatiisi kecha nga syalya mere khandi nga syanywa mwenge, mwawoola muuti, Alikho omusimu. 34. Omwana womutu kecha nalya khandi nanywa, mwawoola muuti, Ono wokuliiras khandi mumesi, omwicha wa bawosa nende abakholi bebibi. 35. Naye amakesi kakhakhasiwa amasima na baana bako boosi. Yesu Achukhiwakho Amafuta Nomukhasi Webibi38nga lukema emukongo wa amakulu kaye nalira, kachaka okhudosya amakulu ka Yesu namasika. Namala keya amasika neffwiri lyaye, kamukwa khu makulu namala akachukhakho amafuuta. 36. Awo omu Falisaayo mulala kalanga Yesu okhulya naye esyengolobe, kengira mu nyumba eyo mu Falisaayo oyo kekhala okhulya. 37. Wona omukhasi mulala mu siko esyo owali omukholi webibi nikamanya nga Yesu kekhaye khu mere mu nyumba yo mu Falisayo kaleta e jagi yamafuta akakhawowo,39Ni omufalisayo owali namulangire nikawona bino, kalomaloma mu mwoyo kwaye nawoola ati, Omutu ono nikakhabeye nabbi, kakhamanyire omukhasi omudirakho ngalwafwana nga lwali ne bibi. 40Yesu kakowoolamo ati, Simoni, ndi nende sindakha okhukhuwolera. Kawoola ati, Musomesa, mbolere.41Aliwo abaatu babiri abali nekobi erwomuwoli werubya. Mulala kali amubanja e dinali bitaanu nowundi ataanu. 42Khu bombi awumawo owali nerubya chokhumukowosera. Kabalekheramo bombi. Wunanu khu bombi olikhira okhumudakha nje nanu? 43. Simoni kakowoolamo kawola ati, Mbasa nti oyo yikakhira okhulekheramo owali nekobi lingi. Namuwoola ati, okhengire wulayi.44. Nakalukhana natingala omukhasi oyo, nateeba Simooni ati, Owona omukhasi ono? Nengiye mu nyumba yawo. Waloba okhumba amaachi kokhweyosa amakulu, ne ono adosisye amakulu namasika kaye kakasimuula n’efwiri lyaye. 45. Ni ewe siwangwakho mu sirifu, ne omukhasi ono okhutula ningire mu nyumba muno syalekheranga okhukwa khu makulu kange.46. Siwumbakhire mafuta mumutwe kwange, naye ono kanjukhire amafuta khu makulu kange. 47. Nje sikira, khuwoola nti, ono asasiywe ebibi byaye bingi__ olwokhudakha khwaye khungi. Naye osasirwa khatono okhudakha khwaye khutono.48. Awo Yesu kawoola omukhasi ati, osasiywe ebibi byawo. 49. Ni abali nibekhaye nibalya naye, bachaka okhulomaloma abene nabene baati, ono nje nanu ata olekheramo ebibi? 50. Yesu kawoola omukhasi ati, okhufukirira khwawo khu khuwonisye; cha mirembe.Olukaado Lwomuwaanyi
Chapter 8

1Bino ni byawa, Yesu kakenda kenda mu biko nende mu ngongo kawunusa enjiri yowutuki wowenengo wa Weere. Ekhumi nababiri bali naye, 2nende abakhasi bandi bosi abawonesewa emyoyo mibi nendwaaye: Malyamu (owalangiwanga Mangudalena) owali nikatulakho dayimoni musanfu; 3Yowaana mukha Kusa, omulindi webitu byomunyumba ya Kerode; Susana; nabandi bangi. Abakhasi bano babayedanga mungeri yibali nibanyaliramo abeene.4Awo esidiikha sikhongo nisyali syewuusa alala nende abo abatulaanga mu wuli siko, nibeecha ali, na kaada olukaado luno ati: 5. “Omulimi katula okhuwaanya emwo yaye. Ne ni kali nawanya emwo, eyindi yakwa khu ntulo wengira; bayisenakirira, eyindi amayoni ko mu bbanga kayirya. 6Eyindi yakwa khu lwanda, niyamala okhumera, yemawo ya niyala khulwokhuba siyafuna wunyifu.7Emwo yindi yakwa akati mu mawa, amawa kamerera alala nayo, kayimira. 8Eyindi yakwa mwiroba layi. Yamera wulayi, yaama, wuli lumwo lwewula emoni emya ndala. Nikamala okhulomaloma emboosi echo, nalomalomera amukulu ati, Oli namatwi kokhuwulira, awulire.9. Abeeki baye bamuteeba olukaado luno si lwekesa. 10. Kabakowoolamo ati, Enywe muli nende enkhabi okhumanya ebyaama ebyowenengo wa Weere, ne abandi nomaloma mu ngaado, sibe mbo,Nende batingala, bakhaye okhuwona; nende bawulira, banyale owutategeera.11Amakhulutu kolukaado niko kano: owumwo nje emboosi ya Weere. 12Abo abokhuntulo wengira nibo abawulira, ne setani kecha abakhuula emboosi mu myoyo chawe bakhaye okhufukirira nende okhwonesewa. 13Ne abokhulwanda nje abawukula emboosi nesangaalo bayifukiriramo nibayiwuliiye ne nga bawuma emisi. Bafukirira wutono ne mu mubikha byokhukhemewa bamala bakwa.15Ne emwo eyo khuloba erayi abo nje abawulira emboosi mu mwoyo mukololofu, omulayi bayomiisa ni baama ebyaamo nokhwesimirisa. Etara eriri khu Sisindi 14. Ne emwo chakwa mu mawa, abo nje abawulira, ne nibacha mungira yawe bamikiwa nokhweralikhirira khwowulamu, nende owuyiinda na masangaalo kowulamu wuno sibakhula bawangala.16Si ali owambya etara naliifunikhira mu simwero oba mu lwalo wesitanda. Ne okhoyire ayite khu sisindi, kho niwo abengira bawonne owulaffu. 17Khulwokhuba awuma emboosi eyakisiwa eyitalikisuliwa, ata esyabikhiwa esitalimanyiwa syawonekha alafu. 18Nolwesyo mwerinde nowegenderefu nga lumutekeresa.Khulwokhuba, wuli oli nasyo aliwewa, ne wuli owuma nasyo nende esyo syabaasa ati ali nasyo sirimutusiwakho.Nηηina Yesu nende Bamwanaηηina20Omutu kamwekesa ati, “Mamawo nende bawandaayo bemire erwanyi, badakha okhukhuwona.” 21Ne kabakowolamo ati, “Mama nende bamwanaama nje abo abawulira emboosi ya Weere bayikholerakho. Yesu Awunjeesa Enfwinda 19. Awo nηηina nende bawandaaye ba Yesu nibeecha yaali, sibanyala okhumwolakho khu lwesidiikha.22Awo olwola, lulala khu ndaalo echo nikengira eryato nende abeeki baye. Kabawoola ati, Khwambukhe enyanja khuche engerekha. Ne bamala bacha. 23Awo nibali nibakherengeta, endoolo chamuyira. Embunga yamaani yecha, eryato lyaba nga erinebire, baaba mu khabi kha maani.25Ne abawoola ati: okhufukiirira khwenywe khuli ena? Batya bawuka lukali bawolana abeene nabeene baati, Ono nje nanu?Ata okhamukhira embunga namaachi byamuwulira. Okhuwoniya Khwomusaacha Owalikho Dayimoni 24. Abeeki baye becha ali bamusisimusa: ni baacha baati, omwani, omwami, khwibira!Kasingira kakhamukhira enfwinda owire wakwalala.27Ne Yesu nikatula mu lyato, nikola khulukerekha kakaana omutu owalikho dayimoni ngatula mu siko. Omuutu ono endaalo nyingi kali sikambala nguwo ata nokhukona mu nyumba, naye endaalo choosi nga amenya mu birindwa. 26. Bakobya eryato khulukerekha lwa Bageresene, esiri engerekha we Nyanja okhutula Galiraaya.28. Ne nikawona Yesu, kalomeralomera amukulu kasigama emutwe waye, kalomaloma nende ekono kali ati, Wufunana si Yesu, omwana wa Weere, oli amukulu lukali? Khwekalikhiye otamboneresa! 29. Olwokhuba Yesu kali alagiiye emyoyo mibi okhutula mu mutu oyo. Amakhabi mangi dayimoni chali chimudiiye, kaba nga owoyirwe amakhono namakulu, khandi nga alindiwa, kakhalakanga enjegere nayiriwa nende dayimoni naba ayenηene.30. Yesu kamuteeba ati, “Eriita lyawo niwe nanu?” Namukowolamo ati, “Lejioni,” khulwokhuba dayimoni bangi bali bamwingiramo! 31. Bamwekalikhira amakhabi mangi akhaye okhubalagira okhumutulakho okhucha mu liina litakama.32. Awo aliwo eyicho ekhongo eryembiichi, eryali lyayiira mu ngulu. Dayimoni chekalikhira Yesu achirekhe chingire mu mbiichi echo, Yesu kafukirira. 33. Awo ba dayimoni nibatula mu mutu bengira mu mbichi, eyicho lyatuuma lyekhirira lyakwa mu Nyanja lyamirikha.34. Olwo abaayi bembiichi nibawona ebyaliwo, berukha bayira emboosi echo mu siko syali ambi awo, nende mu byaalo, 35. nabatu batulayo okhuwona ebibeyewo, beecha eyiri Yesu bawona omutu oyo, owatulamo dayimoni, nikekhaye mu makulu ka Yesu nga kambaye enguwo, nga amakesi kaye nikamukowoyemo, batya.36. Nabo abasiwona, balomaloma ebyo ebyali khu musaacha__ owatusiwakho dayimoni kawona. 37. Ne abaatu boosi abesyaalo sya Abageresene ambi awo, bamwekalikhira Yesu atule mu syalo syawe, khulwokhuba owuti wungi wali wubadiiye. Awo kaniina mulyato kawawo.38. Nomuutu owatulamo dayimoni kamwekalikhira abe naye. Ni Yesu kamusiwula nawoola ati: 39Kowolayo engo, wekese abatu emboosi nga luchiri Weere chakhukholeye.Kakenda nikekesa abaatu mu siko syoosi Yesu bikali namukholeeye. Omukhana Mufu nOmukhasi Mulwaye40Awo Yesu nikakowoola, esidiikha syamusangalira, khulwokhuba bosi boosi bali bamulindiriye. 41Nomutuki erita lyaye Yayiro omukhulutu wesinagogi, kecha kakwa mu makulu ka Yesu, namwekalikhira kengire mu nyumba yaye. 42Khulwokhuba kali nomwana waye omukhana omudeerwa, owemyaka ambi ekhuumi nachibiri kali nga afwa. Ne Yesu nikali kho acha, nobidiikha byali atono okhumuminiangula.43Nomukhasi wali nalwaliye emyaka ekhumu nachibiri okhwidikhirira, ne nga awuma omuwoniya. 44Oyo kamutulira e mukongo, nadiira khu kemo lyenguwo yaye, mangu mangu okhwidihirira khwaye khwakama.45Yesu kateeba ati, nje nanu owundiyekho? Boosi bekaana, Petero kawoola Yesu ati, Omwaami, esidiikha sya bantu sikali nje esiri okhukhufwinyirira. 46Ne Yesu kabawoola ati, Aliwo owunediyekho; amaani kantuliremo.47Awo omukhasi, nikawona nga syanyala kawawo natamanyikhana, katulayo natengerekha, kakwa mu makulu kaye. Katumbula mu moni cha batu boosi esikirire kamwediirakho, khandi nga lwawoneyewo. 48Kamuwola ati, Mukhana, enfukirira yawo yikhuwonisye. Cha ne mirembe.49Ni Yesu nikali asilomaloma, omutu kecha natula mu nyumba ya Yayiro, omutuki we sinaggogi, namwekesa ati,Omukhana wawo afwiye. Otateganiya omusomesa khandi.” 50Yesu nikawulira bino, kawoolera Yayiro ati, “Otatya; fukiirira syoηηene, omukhaana wawo anawone.”51Awo Yesu nikoola khu nyumba ya Yayiro, natakanya mutu wundi okhwingira naye, okhumalakho Petero, Yokana, nende Yakobo, nende simwana nende nηηina mukhana. 52Awo abali nibalira, nibakhumula, Yesu nabawoola ati, Mutalira, khulwokhuba omukhaana syafwiye naye akona. 53Bamuchekheerera, khulwokhuba bali bamanyire baati omukhaana afwiye.54Ne Yesu kadiira omukhaana khu mukhono, nalomalomera amukulu ati, Mwana wange, singira! 55Omwoyo kwomukhaana nikukowolamo owulamu, ne amala asingira kema. Esikha syene esyo kalagira bamuwe esyokhulya. 56Abewusi bomukhaana bawuka esiwuko, ne Yesu nabawoola musyama ati mutawoolerakho omutu yesi yeesi ebyekholekhanire. Yesu Atuma Ekhumi Nababiri

Chapter 9

1Yesu nikamala okhulanga abeeki baye alala ekhuumi na babiri, kabayeresa owunyala namaani okhwirusiya dayimoni nende okhuwoniya amalwaye, 2kabatuma okhucha okhuwuulira owenengo wa Weere, nende okhuwoniya abalwaye.3Kabawoola ati: mutakinganga esitu syosi syoosi__ ata endawukhi, awuma ensawo, awuma ebyokhulya, ata efwesa, khandi mutabanga nende ekanju chibiri. 4Ne wuli nyumba mu munengirenge, mubenge omwo, era omwo nje mumuba mutulenge nimutula mu siko esyo.5Abatu abatabasangalirenge, nimunabenge nimutula mu siko esyo, mukhukhumulenge olufu lwo mu makulu kenywe, sibe nga owujulisi owubalumirisa. 6Manu baacha bewodokhaniya ebiko byosi byoosi, nibawuulira enjiri, nibawoniya abatu, na wuli awutu.7Awo omwenengo Teturachi, kawulira byosi byoosi ebyakholewa. Kakanakana lukali, khulwokhuba abandi bali bawoola baati Yokana asyuukhiye mu bafu, 8abandi baati Eriya kali awonekhire, ne abandi baati, ba nabbi bakhale, mulala khwabo asyukhiye. 9Naye Kerode kawoola ati, Natema khu Yokana omutwe. Ne oyo nje nanu omwene mboosi chakira awo chimbulira? Manu kakesakho okhumuwona. Yesu Aliisa Elifu Chitaanu10Awo abatume nibakowola, bamwekesa byosi byoosi bibali nibakholire. Ne abayiira entulo, muwekisi mu siko esilangiwa Besusayida. 11Ne ebidiikha nibyamanya, byamulondakho. Kabasangalira, kalomaloma nabo emboosi chOwenengo wa Weere, nende abo abali nowetaafu wokhuwonesewa kabawoniya.12Awo eryuuba lyali likoloobya, abo ekhuumi na babiiri beecha yaali, bamuwoola baati, sewula abatu bache mu biko nende mu byalo ebyewodokhanisye, bakonye ebyokhulya nende awokhukona, khulwokhuba ano khuli mu syalo lukkali. 13Kabakowolamo ati, Mu bayerese esiitu balye. Nibamwekesa baati, efwe khuwuma siitu okhutusakho emigaati chitaanu n ‘enηηeni chibiiri__ fwana khuche mukhatale khukule ebyo’khulya binamale esidiikha sino.” 14(Abasaacha baliwo nga elifu chitaanu). Nawoola abatume baye ati mubeekhase, mu bikanda bya abatu amakhumi kataanu kataanu.”15Abeeki bakhola baatyo.” Nibabeekhasa bosi boosi. 16Ne awukula emigaati chitaanu nende enηηeni chibiri, nasingisa emoni chaye mukulu, nikeebasa, nabikhalakakhalaka, nayeresa abatume baye okhukawula abatu. 17Balya, bekuta bosi boosi, abatume badoola ebyali nibikhukhumukhire bechusa ebimwero ekhumi na bibiri. Petero Kaatula Yesu Kurisito18Awo olwola, Yesu kali nga’saba ayenηηene, abeeki baye bali alala naye. Nabateeba ati, “mubasa ebidiikha bino binaanga nanu?” 19Bamukowolamo baati, abandi bakhulanga Yokana omubatiisi; ne abandi baati Eriya, ne abandi baati ba nabbi bakhale mulala khu abo alamukhire.20Nabawola ati: nanywe munaanga nanu? Petero nakowolamo namuwoola ati niwe Kurisito wa Weere. 21Yesu kabachwichwisa nabawolera ati, mutawolerakho omutu yeesi emboosi eyo. 22Nawoola ati sikhoyera omwana wo’mutu okhuwonawonesewa lukali nende okhwekaniwa nende abakofu nabawandiiki nabasomesa bamalako, ne khandi atekwa okhwitiwa, ne khuludaalo lwokhudatu asyukhisiwe abe omulamu khandi.23Nabawoolera bosi boosi ati:Omutu yeesi nadakha okhunondakho, kerekherese khu lwaye, akiinge omusalabba kwaye nawuli wukhya, kanoonde. 24Khulwokhuba wuli odakha okhuwoniya owulamu waye aliwukosiya, naye olikosiya owulamu waye khulwange aliwuwoniya. 25Sirayi sina esirigasa omutu okhulya esyalo syoosi, ne nga amalire okhuwukosiya, oba okhweyita omwene?26Khulwokhuba nawuli owundirirwa ensoni nende emboosi change, oyo nende omwana womutu alimudirirwa ensoni, lwalichira mu luyaali lyaye, nende olwa simwana nende mu lwa ba malayika abolerefu. 27Ne mbawolera amasima nti aliwo abemire ano, abatalikhomba khu khufwa okhwola lubaliwona owen’engo wa Weere. Okhukalukhanisiwa28Awo olwoola, olunyuma lwendaalo munaana, kayira Petero, Yokana nende Yakobo, kaniina khu lugulu okhusaba. 29Awo lukaali nasaba, efwani yemoni chaye yakalukhana, enguwo chaye chakalukhana chaaba endafu lukali ngolumesiya lwenkhubba.30 Abatu babiiri, Musa nende Eriya, 31bawonekha nibali mu'luyaali lubitiriye nibalomaloma nende Yesu. Khu khuwawo khwaye okhwali khucha okhwolerera mu Yerusalemi.32Petero nende bakali nabo bali bakunukha ne nibamokera erala, bawona oluyaali lwaye nende abatu babiri nibemire naye. 33Nga abasaacha nibali nibalekha Yesu, Petero kamuwola ati, Omwami wange, silayi efwe okhuba ano. Khwombakhe ebikaali bidatu__ silala syawo, esindi sya Musa, esindi sya Eriya. (Bino kabiwoola natamanyire byalomaloma.)34Nikali asilomaloma, esireesi syecha syabawiikha, baba nokhutya nga lubali nibakotera mu sireesi! 35Ekono lyatula mu sireesi, niriwola liiti, “Ono nje omwana wange, yinadoola; mumuwulire.” 36Ekono eryo nirilomalomire, beyakana nga Yesu ali yenηηene. Abeeki bakisa sinno bakhaya okhuwolerakho omutu ebyo bi bali ni baweene. Okhuwona Khwo’musyani Owalikho Omwoyo Mub37Oludaalo lulondakho, nibekha okhutula khu lugulu, esidiikha sikhoongo syamwakanira. 38Omusaacha mulala khubali mu sidiikha kalomalomera amukulu kawola ati, Omwekesa khwekalikhiye wewunje khu musyani wange khulwokhuba namwiwula omuderwa. 39Manu wona omwoyo mubi kumudiira, nikaayula; natachanatachana natusa efwobe mukhwanwa. Syamutulakho khangu khandi amalawo owulamu waye. 40Ne nekalikhira abeeki bawo okhukwirusiya ne sibanyala.41Yesu namukowolamo ati, Oo, enywe abemirembe chitafukirira khandi echakota, ndyakama liina okhuba nanywe nende okhubagumikirisa? Leeta ano omusyani wawo. 42Ata omusyani nikali khwasicha, omwoyo mubi kwamudiira kwamusukuna assi natachanatachana lukali lwene. Ne Yesu kawalabira omwoyo mubi, kawoniya omusyani, kamukowosera simwana.43Boosi bawuka lukali olwamaani ka Weere. Nibali basiwuka byoosi Yesu bikali nakholire, kawoola abeeki baye ati, 44Muwulirise wulayi emboosi chino chiindi okhubawolera: omwana womutu acha okhuwewayo mu mikhono cha batu. 45Ne khaba sibategeera sino si syekesa. Emboosi echo chakisiwa khubo, bakhaya okhuchitegeera, ne batya okhumuteeba amakhulutu ke’mboosi echo. Nanu Oliba Omukhongo Okhiririsa46Okhuyingana khwachaka mu beeki nga bakoonya okhumanya nanu oliba omutangirisi wawe. 47Ne Yesu ngalukamanya ebyali mu bibaso byawe, kawukula omwana muwere, na musudiya ambi naye. 48Kabawoola ati, wuli onasangalirenge omwana muwere ono mulita lyange anabenge kansangaliye ese; ne oyo onasangalirenge ese , anabenge asangaliye oyo owantuma;khulwokhuba okhira okhuba omutono mwinywe mweesi__ nje okhira owukhongo.49Yokana kawoola ati; Mwami wefwe khwawona omutu nikerusiya dayimoni mu litta lyawo khwakesakho okhumukaniya, olwokhuba simulala khwifwe. 50Ne Yesu kamuwoola ati, Mutamukaana,Khulwokhuba otaali musiku wenywe, ali khu luwande lwenywe.Okhuyingana Mu Samaliya51Endaalo chaye nichali nichiri ambi okhwoola okhuyiriwa mwikulu, Yesu kamalirira okhucha mu Yerusalemi. 52Manu katuma ba wamuwanda okhumutangirira, abacha mu lukoongo lwa Samaliya okhumutekekhera ebitu. 53Ne abatu sibabasangalira khulwokhuba kali acha e Yerusalemi.54Abeeki baye Yakobo nende Yokana nibawona bino, bateeba baati,Omwami, odakha khulange omuliro kwikhe okhutula mukulu kubasikhirise? 55Ne Yesu kakalukhana, kabawalabira, 56batulawo baacha mu lukoongo lundi. Ebidakhiwa Khwolonde Yesu57Awo nibali bakenda khu ngira, omusaacha kamuwoola ati, Ndakhulondengekho wosi woosi wonabenge nocha. 58Yesu kamukowolamo ati, Amabbwe kali nende owiina, n'amayoni kali nebiswi, naye omwana womutu awuma ata atta omutwe kwaye.59Nawoola omusaacha wundi ati; Nonde. Ne omusaacha kamukowolamo ati, Omwami, lekha male okhucha okhusiikha bbabba. 60Ne Yesu kamukowolamo ati; Lekha abafu basiikhe abafu basyaawe, ne ewe cha owuulire owenengo wa Weere.61Ne owundi kamuwoola ati, Ese ndakhulonde. Ne lekha mberi male okhucha okhusiiwula abo’munyumba yange. 62Ne Yesu kamukowolamo ati, Awuma mutu odiira esyuma sirima khandi katingaala emukongo, syaba nakhoyera muwenengo wa Weere. Yesu Atuma Nsanfu

Chapter 10

1Awo olunyuma lwebyo Omwami wefwe nadoola abeeki bandi amakhumi musanfu, nabatuma syababiri babiri okhumwetangirira okhucha mu nawuli siko omwene yikali natekekhire okhucha. 2Nabawoola ati, ekessa lingi, ne abakesi nje abatono. Manu mwekalihire Weere wabakesi atume abatu bayera bakhole omulimo kwaye mundalo yaye yokhukesamo.3Muche! Mbatuma enywe ngotukoondi tudotto akati mu manani. 4Mutacha nesawo, oba olukhoba, oba ebiraato, khandi mutakheesa omutu yeesi khungira.5Na wuli nyumba yimwingiramo, mutangirenge okhuwoola muuti; enkhabi chibe mu nyumba muno. 6Nimunabeengemo omasaacha wenkhabi, enkhabi chenywe chinamubengekho; ne nisitabeenge siityo, chinabakowolerenge. 7Mu nabeenge mu nyumba eyo, nga mulya, nga munywa khu byabeene nyumba, khulwokhuba omukhosi womulimo, akhoyera omusaara, mutatulanga mu nyumba ndala okhwingira mu yiindi.8Na wuli siko simwolangamo, manu nibabasangalira, mulyanga syosi syoosi sibanabenge nibabatereye mu moni chenywe. 9Muwoniyenge abalwaaye abali omwo, mubawolenge muuti. Owenengo wa Weere wubasudirekho ambi.10Ne nawuli siko simwolangamo bakhaya okhubasangalira, mutulanga mu makira ke siko esyo nimuwoola muuti, 11Ata nolufu lwo musiko syenywe, olweddiye khumakulu keffe khulubekhukhumulirakho Ne mumanye sino muuti: Owenengo wa Weere wusudire ambi. 12Mbawoola enywe nti Sodoma yiriba nokhuwonawonesewa okhutono okhukhirakho esiko esyo.13Endaalo chikhwakanire ewe, Kolusini! Chikhwakanire ewe, Besusayida! Khulwokhuba, ebyamaani byakholewa ewenywe, khamakha biba byakholewa e Tuulo, nende Sidoni, bano baba beyolobya khale, nibekhaye mu bicheere nekokhe. 14Ne, Tuulo nende Sidoni biriba no'khuwonawona okhulibakho kayikayi khuludaalo lwo musaango okhukhira enywe. 15Ne ewe, Kaperunaumu, olisingisiwa okhwola mu bireesi?Bbe, oliisiwa okhwoola e makombe.16Obawulira enywe, aba awulira esse, olekeresa enywe, aba alekeresa nange; ne oyo olekeresa esse aba alekeresa owantuma.17Abo Nsanfu, bakowola nesangaalo, ni bawoola baati, Omwami, nende ba dayimoni batuwulira mu litta lyawo. 18Kabakowoolamo ati: Nawona sitaani okhutula mukulu nakwa assi nga olumesiya. 19Muwone, mbaweye owunyala owokhusenaanga khu miyokha nende otwere echo'wusiba nende amaani koosi akomusuku khandi siwanabengewo esibakhola owubi khaba nawutono. 20Ne mutasangalira esyokhuba siiti ba dayimoni babawulira, ne musangaale okhuba ametta kenywe kawandikiwa mwikulu.21Awo musikha esyo Yesu, nikechuuye esangaalo mu mwoyo mulafu, kawoola ati; Nhwebasa ewe, Bbabba, Weere wekulu nesyalo, khulwokhuba bino wabikisa abakesi nende abasoma, ne wabiwikhulira abaana bayere. Eee, Bbabba, olwokhuba nje lusyadakhiwa siityo mu moni chawo.22Byoosi Babba nje owabiimba, awuma omutu omanyire omwana nga lwali okhutusakho simwana, nende okhumanya lata yefwe nga lwali, okhutusakho omwana, nende oyo, omwana yadakha okhumuwikhulira.23Namala akalukhanira eyiri abeeki baye nabawolera mu wekisi ati, chiri nomukisa emoni chiwona enywe bimuwona. 24Khulwokhuba mbawoola nti, ba nabbi bangi nende abenengo badakhanga okhuwona enywe bimuwona, ne sibasiwona badakha okhuwulira enywe bimuwulira ne khaba sibabiwulira.Olukaado LwoMusamaliya Mulayi.25Khuludaalo lundi, omulyepulyepu mu malako nikeema nga ateeba Yesu ati, Omusomesa,nkhoole si okhusikhira owulamu wutaliwaawo? 26Namukowolamo ati, syawandikiiwa siitye mu malako? Osisoma otye? 27Kakowolamo ati:Dakhanga omwami Weere wawo nomwoyo kwawo kwoosi nende ebibaaso byawo byoosi na maani kawo koosi namakesi kawo koosi dakha nokhusibiranire nga luwedakha omwene. 28Yesu kamukowolamo ati, Okowoyemo wulayi.Kholanga otyo, onabenge nowulamu.29Naye olwokhutadakha okhukhirwa, sakira kateeba Yesu ati, Owunsibiranire nje nanu? 30Mukhumukowolamo Yesu kamuwoola ati: Aliwo omutu owali atula e Yerusalemi nikekhirira e Yeriko, nikemawo akwa mu basiku. Bamwambula bamukhubba, ni bawaawo, bamulekha ngawumakho khatono okhufwa.31Khawona kali kekhirira khungira yene eyo, ne nikawona omusaacha oyo yibakhubbire, kakhededya, kamulekha awo. 32Nomu Leefwi yesi atyo, nikamuwona mu sifwo esyo kakhededya.33Naye Omusamaliya, nikali nakenda, kabita omusaacha akali: ne nikamuwona, kamudirira esisa. 34Kasuda ali, kamuwowa ebinyuwu byaye, kamuchukhakho amafuta nomwenge namuta khunsunkhiri yaye, namuleeta mu sifwo syabakeni abakona, kamulabirira. 35Oludaalo lulondakho kawukula erubya chibiri ensangasa kachiwa omwene nyumba, kamuwoola ati, Mulere, esitu syosi syoliba nokhosesise okhukhisawo ningowooye ndikhukowoserawo.36Nanu khu badatu bano yobaasa oti nje osibirana nomusaacha wakwa mu makhono kabasiku? 37Omulyepulyepu mu malako kamuwola ati, Oyo owamukwira esisa.Yesu kamukowolamo ati, Weesi cha okhole otyo.Mudaala lyawe Malisa Nende Malyamu38Nga Yesu nende abeeki baye nibali khungira nibawaawo, boola khu lukoongo, yi omukhasi olangiwa Malisa kasangalira Yesu mu daala lyaye. 39Ne omukhasi oyo kali nende mwanaηηina olangiwa Malyamu, owekhalanga mu makulu ko’mwami wefwe, natekeresa emboosi chaye.40Ne Malisa kalingi ne’mirimo mingi echokhukhola, ni keecha ali, namuwoola ati; “Omwami, syofwayo olwa mwanaama okhundekha okhuba nindidikhana senηηene? Manu muwoole kanjeedekho!” 41Ne Omwami wefwe kamukowolamo ati, Malisa, Malisa weralikhirira olwokhuba oli ne’bitu bingi, 42ne esidakhiwa siri sirala syonηene olwokhuba Malyamu adooyewo omukawo omulayi, okutalimutusiwakho. Okshusomesa Khwa Yesu Khu Khwekalikhira

Chapter 11

1Oludaalo lundi Yesu kali nga kekalikhira mu sifwo sindi. Nikamala, mulala khu beeki baye namuwoola ati, Omwami, tusomese okhwekalikhira, nga Yokana lukasomesa abeeki baye.2Kabawoola ati, Nimwekalikhira, muwoolenge muuti: Bbaabba,eritta lyawo lifumisiwe, Owen’engo wawo wiiche.3Tuwerese olwalero ebyokhulya byefwe ebya wuli ludaalo. 4Tulekheremo ebibi byefwe, Nga fwesi lukhulekheramo abatukhola owubi. Otatuyira mukhukhemewa okhutusakho otuwoniye eyiri Omusuku.5Namala abawoola ati, nanu khwiinywe oli nende omwicha, olicha ewaye musiro akati na muwoola ati, mwicha wange, mbole emigaati chidatu, 6khulwohuba omwicha wange kechire atula mu lukendo, ne sindikho nende sinakhamuwa kaalya. 7N'ola oli mu nyumba, nakowolamo ati, otankhedya. Ata nolwiiki lwiikale, esse nabaana bange, khumalire okhukona. Siinyala nasingira okhukhuwa esitu syoosi. 8Mbawolera nti, nende akakhaba natanyala khusingira kamuwa esyokhulya khulwokhuba mwicha waye, ne olwowutatya womusaacha ono asingira kamuwa mu wungi byoosi byadakha.9Sakira mbawoola nti: musabe khandi muliyeresewa; mukoonye muluwukaana; mukhubbe koodi mulikulirwawo. 10Khulwokhuba wuli mutu yeesi osaba ayiwewa; nende okoonya, kakaana; nokhubba koodi alikulirwawo.11Khandi, naanu khwiinywe abewusi basaacha, omwana wawo musyani nakhusaba eηηeni, namuwa enjokha? 12Oba namusaba ekki namuwa otwere? 13Nisiba enywe, ababi, mumanyire okhuweresa abaana benywe ebiyanwa birayi, senywe oli mukulu syalikhira lukali lwene okhuweresa omwoyo mwolelerefu abo abamusaba!” Yesu nende Beerusebuli14Yesu kali nga kerusya dayimoni eyali ni yitalomaloma. Awo dayimoni nikamutulakho, omudiimbe kalomaloma, esidiikha syawuka lukali. 15Ni abatu bandi bawoola baati, Okhubitira mu Beerusabuli omusyani wowenengo wa dayimoni, sakira kerusya dayimoni.16Ne abandi nga bamukhema nibadakha abekese akhawonero akhatula mukulu. 17Ne Yesu omwene nikamanya ebibaaso byaawe, kabawoolera ati: Wuli Owene’ngo woosi niwukawukhanamo wusikhirira ne nyumba niyikawukhanamo enyumba eyo yikwa.18Ne setaani nikawukhanamo omwene, owene’ngo waye wulyemawo wutye? Mboola bino khulwokhuba enywe muwola muuti nirusya dayimoni khulwa amaani ka Beerusabuli. 19Wunanu nisiba mbo nirusya dayimoni hulwa amaani ka Beerusabuli, ne ababalonda nabo berusya dayimoni khulwa maani kananu? Sakira abeene abo balibakhengera emisango. 20Naye nimba nirusya dayimoni khulwa Weere, syekesa siiti owenengo wa Weere wubecheeye.21Omutu wamaani oli nebirwaniso naliinda olwanyi lwaye, ebitu byaye biba birayi. 22Naye okhira oyo amaani namuseeta, amunyuula ebyokhulwanisa byaye bikeesika nasalaniya ebitu byaye. 23Oyo yeesi otali nange nje omusiku wange, khandi oteecha alala nange asalaniya.24Omwoyo mubi natula mu mutu, abita mu bifwo bitalimo maachi nakoonya awokhuwulukhira, nakhaywa. Nawoola ati, khangowoleyo mu nyumba yinatulamo. 25Nikoola, kakaana enyumba ni njeye wulayi nibayitimbire. 26Wunanu acha kaleeta emyoyo mibi chindi musanfu ababi okhukhira oyo omwene, wunanu bengira baaba omwo. Manu ebyo’lunyuma byomutu oyo, biba bibi okhukhira ebyatangira.27Awo olwoola nikali nalomaloma ebyo omukhasi wo musidiikha natusayo ekono lyaye nalomeralomera amukulu nawoola ati, Ali nenkhabi mama wakhwiwula khandi kakhukhusa. 28Kakowolamo ati, Okhukhirira erala bali nenkhabi abo abawulira emboosi ya Weere manu bayikholerakho.Akhawonero Kha Yona29Nga ebidiikha ni byemeeda, Yesu kawoola ati, oluse luno lubi. Lukoonya akhawonero khebyamayiya, ne si luliwewa akhawonero okhutusakho akhawonero kha Yona. 30Khulwokhuba nga Yona lukali akhawonero eyiri abatu ba Ninefe, nasilala omwana womutu nje lwaliba akhawonero eyiri oluse luno.31Omwenengo mukhasi owe mwalo we syalo, alyeema mu musango alala nende abatu boluse luno, kabakhisa omusango. Khulwokhuba, katula esyalo yisyaakama okhutekeresa amakesi ka Sulemani, ne wona, okhira Sulemani ali ano.32Abatu abe Ninefe balyeema mu musango alala noluse luno bakhira omusango, khulwokhuba beyolobya olwokhuwuulira khwa Yona, ne wonakho okhira Yona ali ano. Etaara Lyomubiri33Si ali owambya etaara kaalita mu wina, oba mukkati wesidubi, ne alita khu sisindi kho niwo abatu bawone nga lulyaadukha. 34Emoni yawo nje Etaara yomubiri kwawo, emoni chawo nichiba endayi, omubiri kwawo kwoosi kuba kwichuye owulafu. Naye nichiba embi omubiri kwawo kwosi kuba kwichuye esirema. 35Wona oti, manu, owulafu wuli mwiwe wukhaye okhuba esiirema. 36Nolwesyo omubiri kwawo kwoosi nikwichula owulafu, nga simuli esitundu sindi esyesiirema, kwosi kulichula owulafu ngetaara luyikhumulikhira nende owulafu waayo. Ebyengisa mukaaga.37Yesu nikali namalire okhulomaloma, omu Falisaayo kamulanga okhulya naye, manu kengira kekhala okhulya naye. 38Omufalisaayo nikawona kawuka khulwokhuba Yesu sikesaaba kho kemawo kaalya.39Manu Omwami kamuwoola ati, Enywe aba Falisaayo mwosa khumukulu wesikombe, nende khu wesikaye, ne mukkati mwinywe, muchuye omutolyo nende owubi. 40Enywe abatu basiru! Oyo owakhola ebyokhumukulu si nje mulala oyo owakhola ebyo mukkati? 41. Ne muwe abaati ebiri mukkati wolukaye, kho ebisikaye bibe ebirayi yimuli.42Ne endaalo chibawukanire enywe aba Falisaayo, khulwokhuba musasula Weere silala syekhumi esyo wuyiinda wenywe nebyomundalo neryani lyoosi, amasima no khudakha Weere mubibita43Mwakhakholire ebyemutwe nimutalekhireyo ebyenyuma nibitakholekhirwe. Endaalo chibakanire eywe aba Falisaayo, khulwokhuba mudakha ebisaala byo mu moni mu masinaggogi, nabatu okhubakheesera mu wutale. 44Endaalo chibakanire khulwokhuba mufwana ngebirindwa ebitalikho khawonero, abatu khubakendera nga sibamanyire.45Mulala khubasomesa ba malako omulyepulyepu, kakowolamo namuwoola ati, Omwekesa, nolomaloma ebitu bino otyo fwesi oba otunyeka. 46Yesu kabakowolamo ati, Mwesi abalyepulyepu ba malako, chibawukanire enywe khulwokhuba mutwiikha abatu emikukku chibatanyala. Enywe abeene chimutanyala khugenηηakho no’lwaala lwenywe okhubayeeda.47Endaalo chibawukaanire, khulwokhuba mwombakha ebirindwa bya ba nabbi, ne nga ba kuuka yenywe nje ababeeta. 48Nolwesyo muli bajulisi, khandi musiima ebikholwa bya ba kuukka yenywe khulwokhuba nje abeeta ba Nabbi nanywe mwombakha ebirindwa byaawe.49Amakesi ka Weere sakira kawola kaati, Ndi batumira ba Nabbi nende abatume abandi khwabo balibeeta, ne abandi balibataakho enkhiinda. 50Nolwesyo oluse luno amabanga ka ba nabbi boosi akedikha okhutula khukhulongwa khwe syalo, 51kutewe khu boluse luno okhutula khu mabanga ka Abbiri okhwola khu mabanga ka Zakaliya, owetewa akati wolutaari nende enyumba ya Weere. Yee, mbawoolera, aboluse luno baliba nomusango khu lwebitu bino byosi byoosi.52Endaalo chibawukanire enywe abasomesa balyepulyepu mu malako, khulwokhuba mwayira esisumuluso syamakesi. Enywe abeene simwengira, ni khandi mwakayira abali nibengira.53Yesu nikatula awo, aba Falisaayo nabasomesa bamalako nibachaaka okhumuyinganiya lukali lwene, nokhumukhemeresa emboosi nyingi 54nibamuteka emboosi eyinatule mu munwa kwaye.

Chapter 12

Okhulawula Nende okhukumiya 1Ebyo nibisiri awo, esidiikha syabatu bangi bola okhusenana, Yesu kachakira khu beeki baye nawoola ati: Mwerindenge amamera ka Ba Falisaayo, nje owubacha.2. Ne awuma esyawikhiwa esitaliwikhulwa ata nende esyakisiwa esitalimanyiwa. 3. Manu byosi byoosi bimwali nimulomalomeye mu siirema biriwulirwa mu mubasu, nende esyo simwali nimuweweteeye mukhutwi mu wekisi mu bisenge byomukkati siritumbukha amukulukhubisuli. 4. Mbawolera enywe, beecha bange nti, mutatyanga omutu yeesi owiita omubiri, namalire awuma esiindi syanyala okhukhola esikhirawo. 5. Ne nja okhubeekesa oyo yimuba mutyenge: Mutyenge oyo, naba namalire okhwita omubiri, ali nowunyala okhukhusukuna mu Geyena. Yee, mbawolera, mu mutye oyo.6. Otusoomba firi tutaanu sibatukusa enkhela chibiri? Awuma ata khalala Weere khanyala kebirira. 7. Masima kene, nende efwiri lyokhumitwe chenywe lyabaliwa. Mutatyanga; khulwokhuba enywe mukhira lukali otusoombafwiri tungi.8. Mbawoola nti, nawuli wuntumbulira mu moni chabatu, omwana womutu yesi alimutumbulira mu moni cha ba malayika ba Weere. 9. Ne olinekanira mu moni cha batu yesi alimwekanira mu moni cha ba malayika ba Weere. 10. Nawuli olomaloma emboosi hu mwana womutu alisasirwa, naye oyo ofwotokheresa omwoyo mulafu khaba syalisasirwa.11. Khandi nibabaletanga mu masinaggogi, nende eyiri abatukki, na bowunyala, mutatyanga nga lumulyewosakho ata khandi nga lu muliwoola, 12. khulwokhuba omwoyo mulafu alibasomesa musikha esyo, bimukhoya muwoole. Olukado Lwomuyiinda Musiru13. Omutu mulala musidiikha kamuwoola ati, Omwekesa, woola mwanaama akabane nange ebyowusikha. 14. Yesu kakowoolamo ati, Mutu ewe nanu owantaawo nga omukayi oba omukabi oba obakowosa alala we byowusikha wenywe? 15. Nabawoola ati, Mube moni! Mwerindenge okhwekomba khwoosi khulwokhuba owulamu wo mutu sinje ebitu bingi byaaba nabyo.16. Kabakadira olukaado luno ati: Aliwo omutu omuyiinda, endalo yaye yali yaama lukali. 17. Nabaasa mu mwoyo kwaye ati, Ndakhole ntye? Khulwokhuba sindi nende ebyaaki bindawuungemo ebirime byange. 18. Nawoola ati, sino nje sindakhole: nja okhukwisa ebyaaki byange bino, nkhubbe ebikhongo, omwo nje mu ndawuunge emere yange yoosi enyomu nende ebitu byange bindi. 19. Ndiwoola omwoyo kwange nti, Mwoyo kwange oli nende ebitu bingi ebirayi ebibikhirwe olwe myaaka mingi. Lya owulamu, lya, nywa khandi osangaale.20. Ne Weere kamuwoola ati: musiru ewe! Esiro syene sino owulamu wawo wunakhutusiwekho. Wunanu ebitu byotekekhire nanu olibiyira? 21. Manu atyo nje lwaba omutu yeesi owetekekhera owuyiinda khulwaye, ne khandi nga simuyiinda eyiri Weere. Otatya22. Manu Yesu kawoola abeeki baye ati: Nolwesyo mbawoola nti, muteralikhiriranga owulamu wenywe, simunalye, khaba nende emibiri chenywe, simunambale. 23. Khulwokhuba owulamu wukhira ebyokhulya nomubiri kukhira ebyokhwambala.25Nanu khu enywe mukhweralikhirira onyala kemeedakho ata esaawa ndala yonηene khu wulamu waye? 26Nimutanyala esikhira owutono, sina esiberalikhisa mu bindi? 24. Mubaase khu makhoofwa: khaba sikataaka khandi sikakesa, kawuma byaki ata nensawo; ate nga Weere akaliisa. Ne enywe simukhira amayoni amakhabi mangi!28Ne nisiba mbo Weere kambasa atyo enyaasi lyomundalo, eririwo olwa leero, ne wukhya balisukuna mu muliro, syalikhira okhumbasa okhukhirakho awo, Oo enywe abenfukirira ntono! 27. “Mutingale ebimuli byo’khutale nga bikhula. Khaba sibikhola mulimo oba no’khunaba. Ne mbawola nti, nende Sulemani mu luyaali lyaye lyoosi khaba sikaambalanga okhwakana nende esimuli silala khu nibyo.29Khandi mutatanga emyoyo chenywe khu si munalye oba si munanywe; mutasyelalikhira. 30Khulwokhuba ebitu ebyo byoosi bikonyewa nende abatamanyire Weere wo mukulu, ne latayenywe amanyire ati mubidakha.31Ne mukoonye owenenengo waye, ne ebitu bino byosi binakhabongerwekho. 32Otatyanga, ewe akhayicho khatono; khulwokhuba latayenywe asiima okhubayeresa enywe owenengo.33Mukuse bimuli nabyo, muwerese abaati. Mwetungirenge ensawo echitakofula, owuyiinda owutawaawo mukulu; omwiibi yatasuda, nende amasiriyi yikatonoonera. 34. Khulwokhuba owuyiinda wenywe yiwuli, nende emyoyo chenywe chosi nje yichiba. Okhuba Moni35Mwambalirenge erala ni mwetekekha okhukhola, namataara kenywe kasikalenge ni kadukha. 36Nga basaacha abalindiriye Omwami wawe okhukoowola okhutula khu mbaga yoweya, naliicha na kuuda khu lwiiki bamwikulirewo mangu mangu.38Siriba sirayi abakhosi omwami balyakaana nibetekekhire, akakheecha musisisimukho syokhubiri oba esyokhudatu. 37. Siriba esirayi eyiri abakhosi abo, omwami wawe balyakaana nibamoka. Masima mbawoolera nti alyambala kabekhasa khu mere keecha kabakawula.39Ne mu manye sino: muuti omwene nyumba nabeye ngomanyire omwiibi anerechere, kakhamokire, sikakhalekhire enyumba yaye okhukhalakiwa. 40Nenywe mweesi mwetekekhenge, khulwokhuba omwana womutu kakhechere mu sikha simutamusubiriramo.41Petero kateeba ati, Omwami, olukaado luno olukaadiye efwe nawo abantu boosi? 42Omwami kamukowolamo ati, Nanu oyo omubiikhi omwesikiwa, owamakesi, omwami waye yalilekhera abo mu nyumba yaye, okhubakaba emikawo chawe echemere mubikha byaayo? 43Siriba esirayi omukhosi oyo omwami waye naliicha, kamwakaana nakhola atyo. 44Masima mbawoola nti, alimusigira byoosi byali nabyo.46Manu Omwami womukhosi oyo, aliicha khu ludaalo lwatabaasiramo khandi mu bikha byatamanyire. Ali mutematema ebitundutundu, alimuwa omukawo kwaye alala nende abatafukirira. 45. Ne omukhosi oyo, naliwoola mu mwoyo kwaye ati, Omwami wange akhindire okhwicha,nachaaka okhukhubba abakhosi basaacha nabakhasi, nende okhulya, nokhunywa, namala ameera.47Ne omukhosi oyo omanyire omwami waye syadakha, ne amala akhaya okhutekekha ngo mukhongo waye lwadakha alikhubwa ebifuusi bingi. 48. Ne otamanya ne amala akhola ebyo ebimwoosa khu siwonereso okhukhubwa alikhubwa ebifuusi bitono. Ne nawuli awewa ebingi, balimukonyakho bingi; ne oyo yibabikhisa ebingi nje yibalikhira okhuteeba ebingi. Si mirembe Naye khwawukhana49Neecha okhuleta omuliro khu syalo, ni nakhadakhire kube nikwachaaka okhwadukha khale! 50Ne ndi nende okhubatisiwa khundi nokhubitamo, nga ndi nende endaalo okhwoola lusilyolerera!52Okhutula nende wunanu wuno alibaawo abatu bataanu mu nyumba ndala ni bakawukhanire mulala sya mulala, badatu nende babiri, khandi babiri nende badatu. 53Balikawukhana, latanηηene n’omwana waye, nηηina nende omukhana waye, khandi omukhaana nende masalaηηene, khandi masaala nende mukhomwana, ne mukhomwana nende masalaηηene.” Okhutafuta Ebikha 51. Mubaasa muuti necha okhuleeta emirembe khu syalo? Bbe, mbawoolera, naye okhwawukhana.54Kawoolera esidiikha ati: Nimuwona esireesi nisisiingira okhutula ewukwalyuba, muwangu muwoola muuti, enfula yinaakwe, khandi yiba yinakwe. 55Nimuwona omuyaka nikuwuucha nikuyira emwaaalo, muwoola muuti owiire wunaabe woluuya, khandi nje lusiba. 56Ababacha! Mumanyire okhukhebera enfwani yesyalo nekkulu. Ne siina esibakayira okhutafuta owiire wuno?57Khandi enywe abeene siina esibakayira okhwekhengera ebituufu? 58Khulwokhuba noba noocha nende okhuwabira ewomulamusi, kesakho lukali ni musiri khungira, okhuwulirisaniya nende okhuwabiiye ewomulamusi, ataasi awo okhuwabira anyala kakhuwayo ewomulamusi ne omulamusi anyala kakhuwayo ewomukhongo wejeera, nomukhongo wejeera kakhusindikha mu jeera. 59Nkhuwola nti, khaba syolitulamo, okhutusakho ngosasuye ekobi lyosi lyoosi.Mweyolobye oba Musikhirire.

Chapter 13

1Ebikha ebyo Yesu kaliwo nabatu abamuwolera ebyali nibyekholekhire e Galiraya nga Pirato lukali nadubanisye amabanga nende ebiwewayo byawe. 2. Yesu kabakowolamo ati, Mubaasa muti bino byekholekhire khu ba Galiraya bano khuba nje abakhirakho okhukhola ebibi mu ba Galiraya bandi boosi khulwokhuba basanda baatyo? 3Mbawoola nti khaba sinje siri! Ne okhutusakho nga mukalukhanisye emyoyo chenywe, nowulamu wene ata mwesi mucha okhusikhirira muutyo.4Oba abo ekhumi namunaana abafwa esiduuti namatakoola ke Siloomu kabakwakho__ Mubaasa muuti bano nje abali abonooni okhukhirakho abali mu Yerusalemu? 5Mbawolera nti, khaba! Nimutakalukhaniya emyoyo nowulamu wenywe, muli sikhirira ata mwesi.6Kabawolera olukaado ati: Omusaacha kali nomusaala kwaye omutuli, nga kutakirwe mundalo yaye, eyemisabbibbu, kacha okhuwona nikulikho esyamo, ne sikakaanakho syoosi. 7Sakira kawoola omukhosi owali nalabirira endalo kamuwoola ati, emyaka chidatu wunanu mbeyeenge ni nicha okhwewunja esyamo khu musaala kuno nga sinakaanakho syoosi. Kuteme kukwe! Lwasi kwonona eroba werere?8Ne omukhosi kamukowolamo ati, Omwami, Lekherakho omusaala kuno omwaaka kundi mulala, nja okhukwakira ngutekho ebikimusa. 9Nikulyama, wulayi okulekhawo, nikutalyama esyamo syoosi omwaaka kwicha, sirayi! Nikutaama, okutemawo.Omukhasi mulema Awonesewa OlweSabbiti.11ne aliwo omukhasi omulema wekhwesa owali ni kalemasiwa namaani ke myoyo chebikhyeno emyaaka ekhumi na munaana. Kali kekoda nga syanyala kakangamukha atta. 10. Khuludaalo lwa sabbiti Yesu kali asomesa mu ndala khu masinaggogi,12Yesu nikamuwona, kamulanga kamuwoola ati, Mukhasi ewe, olekhuywe muwunafu wawo. 14Khu lwe etima khu lwa Yesu okhuwoniya khu sabiiti Omukhulutu we sinaggogi kawolera abatu ati, Aliwo endaalo mukaaga echokhukholeramo emirimo. Manu mwiche muwonesewe mu ndaalo echo, okhulekha olwa sabiiti. 13. Kamutakho amakhono kaye, ebikha byene ebyo kanyala okhukangamukha kebasa nafumya Weere.15Omwami kamukowolamo ati, Enywe ababachirisi! Nawuli mulala khwinywe syawololanga endaawo yaye oba ensunkhiri yaye khu ludaalo lwa sabiiti kayitusa mu sidwoli kayiyira okhuηηwa amaachi?” 16Wunanu si sikhoyera omukhasi ono, omukhana wa Yibbulayimu, setani yikali ni kawowa emyaaka emilamba ekhumi na munaana, kalekhulwa khu ludaalo lwe’sabiiti okhutula mu byali byamuwowa?”17Nikawoola sino abali nibamuyinganiya baswala, naye abatu bosi boosi basangala olwebitu ebyamaani bikali nakhola. Engaado Cholumwo LwOmuyofu Namamera.18Yesu kamala kateeba ati, Owenengo wa Weere wufana wutye? Khandi nyala nawukeraniya khu si? 19Owenengo wa Weere wuli ngakhamwo khomuyofu, omutu khakawukula kakhataaka mundalo yaye. Khakhula khafukha omusaala, amayoni komubbanga mukeyikama mu masaga kakwo.20Khandi kateeba ati, Sina sinyala nakeraniya khu wenengo wa Weere? 21Siri ngamamera omukhasi ka kawukula katawula mu ntamu ekhongo eyo’wusye wubbaakhe okhwola nikakalukhaniya entamu yoosi.” Omulyango Munyiki.22Yesu kabita mu biko nende mu ngoongo, na’somesa nga lukali nabita okhucha e Yerusalemu. 23Mulala khu batu kateeba Yesu ati, “Omwami, abatu batono boηηene nje abaliwonesewa? 24Kakowoolamo ati, Mukesekho lukali khandi namaani mwingirire mu mulyango munyiki, khuba bangi, mbawoolera, balikesakho okhwingira ne si balinyala.25Omwene nyumba nasingira kekalawo omulyango, olyema eryanyi no khubba koodi ni wekweeda, nowoola oti, Omwami, twikulirewo.Ne alikowolamo ati, Ese simbamanyire khandi simayire yimutula. 26Awo nje lumuli mukowoola muuti, Khwalya khandi khwanywa nawe, khandi wasomesa mu makira kefwe. 27Ni alibakowoolamo ati, simbamanyire khandi simanyire yimutula. Mutule andi, enywe mweesi abakholi bebibi!28Yiribayo okhulira eyo, nokhusya ameno, nimuliwona Yibulayimu, Isaka nende Yakobo na ba nabbi boosi mu wenengo wa Weere, ne enywe mwabene ni musukunirwe erwanyi. 29Abatu balitula ewutula lyuba newukwa lyuba emukulu nemwalo, baliwukula ebifwo byawe mu muyumo kwomu wenengo wa Weere. 30Masima kene alibawo abo abenyuma abaliba emutwe, khandi abemutwe abaliba abenyuma. Esibeera Sya Yesu Khu lwa Yerusalemi.31Mu bikha ebyo balala khu ba Falisaayo beecha eyiri Yesu bawoola baati, Tula mu sifwo sino oche awutu andi. Kerode adakha okhukhwita. 32Kabakowolamo ati, Muche muwolere ebbwe eryo, Nja okhwirusya ebikhyeno mboniye abatu olwa leero nende muchuli, noludaalo lwokhudatu ndyoseresa emirimo change. 33Mungira choosi, ntekwa okhuchanakana mu moni olwalero nende muchuli noludaalo lulondakho__ masima yiwuma nabbi yeesi onyala okhufwira erwanyi wa Yerusalemi!34Oo Yerusalemi, Yerusalemi, Enywe abeeta ba nabbi khandi ni mu bakhubba amakina, abo abatumirwe yimuli, amakhabi mangi, nali ndakhire mboniye abatu benywe. Nga lunadakha okhuwuusa abaana benywe alala, ngengokho luyiwusa abayo mu mbaya chayo, ne simwafukirira! 35Wonna, enyumba yenywe yirekhirwe ngekunda. Mbawolera, simulimbona khandi, okhutusakho okhwola ebikha ebyo bimulyola mwawoola muuti, Ali ne nkhabi oyo owichira mu litta lyoMwami. Yesu Mu nyumba Yomu Falisaayo.

Chapter 14

2Manu aliwo omutu mu moni chaye owali omulwaye nikasiimba amakulu nende amakhono. 3Yesu kateeba aba Falisaayo nende abalyepulyepu bamalako ati, Sirayi okhuwoniya khu ludaalo lwa sabbiiti oba khaba? 1Olwe sabbiiti, Yesu nikeengira okhulya mu nyumba yomu Falisaayo owamanyikhana, bali nga bamwekhalirisa lukali.4. Nabo bawuleera wusa sakira okhwema khwisyo, kamudiirakho kamuwoniya, kamuseewula. 5. Kabateeba ati, nanu khwinywe oli nende omwana musoliri oba ensirusi yaye niyikwiiye mu nsulo olwe sabbiiti otanyala kayitusamo mangu khu lwe sabbiiti? 6.Khandi bawuma syoosi sibawola.8Omutu nakhulanganga khu mbaga yoweeya, otekhalaanga mu sifwo esyo luyaali, na lundi yinyala okhubaayo okhukhira oluyaali yibalanga. 7. Ni keecha kekhalirisa nga abakeni balange lubekhalira mu bifwo byembaga kabawolera olukaado ati: 9. Nisiba siityo owabalaanga mwembi nalicha kakhuwoola ati, Weresa omusaacha ono esisaala syawo.Awo olidiirwa ensoni okhukowola mu sifwo esyenyuma.10. Ne nibakhulanganga, ochanga wekhala mu sifwo esyenyuma, ni okhulaangire nikecha yuli, alikhuwoola ati, Omwiicha, singira osude eno emutwe. Awo oliba noluyaali mu moni chabatu boosi bawikhaaye nabo khu meesa yabakeni. 11. Olwokhuba omutu yeesi oweniiniya amukulu omwene, kakhesewe assi nende oyo oweyisa assi omwene acha okhuniinisiwa amukulu.12. Yesu kawoola noyo owali namusyasise ati, nokawulanga esyesideete oba esyengoloobe, otalanganga abeecha bawo, ata bamwanamawo, ata abesikha syawo, ata abayiinda abakhusibiranire; nokhola otyo bosi balikhulaanga oliba osasuywe.13. Ne nodekhaanga embaga, olanganga abawati nende abekakada nende abalema nabawofwu. 14. Manu oliweewa enkhabi. Nende aliwuma sibalikhutuunga, olitungiwa mu khusyukhira khwowolerefu. Olukaado Ludiira Khu Mbaga Ekhoongo Lukali.15. Ebikha ebyo mulala khu abo abali nibekhaaye nende Yesu khu mesa, nikawulira ebyo, kamuwola ati ali nende enkhabi oyo olirya khu muyumo kwowen'engo wa Weere. 16. Yesu kakowolamu ati: Waliwo omutu owali natekekha embaga nkhoongo kalanga abakeni bangi. 17. Ebikha bye mbaga nibyolire katuma omukhosi waye okhuwoola abalange ati, Mwiiche, olwokhuba byosi bimalire okhutekekhewa.18. Ni boosi bachaka okhwerira werira. Owamberi kawoola ati, Khu nakhakula endalo yange ndakha nje njiwone. Khwekalikhiiye ndekhereemo. 19. Owundi kawoola ati, Khu nakhakula amayeeyi kataanu, njo'khukeekesa okhulima. Nkhwekalikhiiye ndekhereemo. 20. Nowundi ati ese kho nakhadeekhya omukhasi nje esikira niteeche.21. Manu omukhosi oyo keecha kawoolera omukhongo waye ebyo. Manu omwene edaala kadiirwa etima kawoola amukhosi waye ati, Tula wangu oche mu makira nende mu tukira twesiko, oleete ano abawati, abekakada, abawofwu bemoni nabalema. 22. Omukhosi kawoola ati, Mukhongo wange, si wumbooye syekholire, ne khandi asiiriwo esifwo.23. Khandi omukhongo waye kamuwoola ati, Tula oche mu makira nende mu tukira, obawoole beche, kho enyumba yange yiichule. 24. Olwokhuba mbawoola nti bala abalangiwa, yiwuma ata mulala olikhomba khu mbaga yange. Esikhufuula Omweki Wa Yesu.25. Ebidiikha bikhongo byali bichaana naye, Yesu kakaluukhana kabawoola ati: 26. Omutu nanechenge yindi kakhaya okhusyuula simwana nende nηηina, no’mukhasi waye na’baana baye, bamwananηηina nende bambochoηηene__ Yee ata no’wulamu waye__ syanyala okhuba omweki wange. 27. Ne oyo yesi otakiingenge omusalabba kwaye omwene kanoonda sikakhaba mweki wange.28. Nisiba mbo mulala khwinywe adakha okhwombakha enyumba, otatangira kekhala kawona ebidakhiwa nibiriwo ebimala? 29. Nisitaba siityo naba namalire okhuyaba omusiingi nga syanyala okhuyimala, boosi abawona bachaaka okhumuchekha. 30. Nibawoola baati, omutu ono kachaaka okhwombakha enyumba yino ne si kayimala.`31. Oba mwenengo siina ochaaka okhuseeta eye eryowenengo wundi. Otatangira kekhala asi kabaliirira naba nanyala okhulwaana nali nekkana lyabalwaani omutwalo mulala okhwakaanana nola owa emitwalo chibiri? 32. Nisitaba siityo, ola naba nasiiri aleyi lukali atuma ba wamuwanda kasaba ebyokhuwulirisaniya. 33. Manu nasirala, nawuli mutu yeesi khwinywe otefirisenge byoosi byali nabyo, syananyalenge okhuba omweki wange.34. Omunyu mulayi, ne nikuba nikuwamo echamu lyakwo, kukowosewamo kutye echamu lyakwo lundi? 35. Kuwuma mugaso nende mundalo sikukimusa loba; bakusukuna erwanyi. Oli nende amatwi akokhuwulira, awulire. Olukaado Lwe Koondi Eryakota.

Chapter 15

1Olwoola, abasolosi bomusolo nende “abakholi be’bibi” bosi boosi bateranga okhwewusa alala okhumuwulirisa. 2Ne Abafalisaayo nende abasomesa ba’malako beηηuluηηunya nibawoola baati, “Omutu ono asudiya abali ne’bibi khandi alya nabo.”3Manu Yesu keecha kabakaadira olukaado luno ati: 4“Nisiba mbo mulala khwinywe aba nende amakondi kaye emya ndala manu erala khwako lyamukotakho, syalekha kala kyenda mu mwenda mu lwayiro kaacha kakoonya lira erala eriba nirikotire okhwoola lwa liwona? 5Manu namala okhuliwukaana, alikiinga khumabeka kaye nesangaalo6kacha engo. Alaanga abecha baye nende abasye abasibiranire naye kabawoola ati, Musangalirekho alala nange; olwokhuba nakanire ekoondi lyange eryali niryakota. 7Mbawoolera nti mu ngira nasirala alibawo esangaalo likhirawo mwikulu khu lwomukhosi webibi mulala okhweyolobya okhukhira abolerefu kyenda mu mwenda abatadakha khweyolobya. Olukaado Lwerubbiya Chakota.8Khandi nisiba mbo omukhasi aba nende amagome kesangasa ekhumi nakosyakho erala. Syawambya etaara, keya enyumba birayi kakoonya nowegenderefu okhwoola nalyakaana? 9Ne naliwukaana, alaanga abeecha baye nende abatu bamusibiranire alala kabawoola ati, Musangaalirekho alala nange; khulwokhuba mbukanire egome lyange eryali niryakota. 10Mbawolera nti mungira nasirala, liriba sangaalo mu moni cha ba malayika ba Weere olwomukhosi webibi mulala oweyolobya. Olukaado Lwomusyani Wakota.11Yesu kemeeda: ngawoola abatu ati, aliwo omutu owali nende abasyani baye babiri. 12Omuyere kawoola simwana ati, Bbabba, mberese omukawo khu myandu chawo. Manu sawe kabakabaniya ebyowuyiinda waye.13Olwoola olunyuma lwe’ndaalo echitasi nyiingi, omusyani muyere kawuusa ebyaye byoosi, kakenda kaacha mu syalo syeyale kachakachakiya ebitu byaye mu nsambo embi. 14Olwoola nikamala okhubirya byoosi, enjala nyiingi yecha yakwa musyalo omwo, kachaaka okhusaanda.15Keecha kewaayo ewomutu wesyalo esyo, owamuwayo kamusiindikha okhumwayiranga embichi. 16. Kola okhwekomba okhulya ebyola embiichi bichalyangakho, naye awuma omutu omuwa syoosi.17. Ne nikeyolobya, kawoola ati, abakhosi banga abomusaara aba bbabba abekuta ebyokhulya birayi byasikalawo, ne nga ese nfwira ano enjala! 18. Nja okhusiingira nje eyiri bbabba muwole nti: bbabba, nyasiise eyiri ekkulu nende mu moni chawo. 19. Sinsikhoyera okhulangiwa omwana wawo; mbire nga mulala khu bakhosi bawo abomusaara.20. Kasiingira kaacha eyiri simwana. Ne nikali nasiiri eyale, simwana kamuwona kamukwiira esisa; kerukha kamukwa mu sirifu, kamwekesa okhudakha khukali. 21. Oyo mwana kawoolera simwana ati, Bbabba, nyasiise eyiri ekkulu nende mu moni chawo. Sisinkhoyera okhulangiwa omwana wawo.22. Naye simwana kawoola abakhosi baye ati, Wangu! Muleete enguwo endayi eyikhira choosi muyimwambase. Mukakikhe empetta khu lwala mu mwambase ebiraato mu makulu kaye. 23. Muleete nende enηηombe ndaaga endayi khandi enulu mwiite. Khulye khusangaale. 24. Olwokhuba omwana wange ono kali afwiye ne asyukhiye khandi; kali akotire ne wunanu awonekhire.’ Khulwesiyo bachaaka okhusangaala.25. “Naye omwana waye omukhuluutu kali mundalo. Nikeecha nali ambi okhwola khu nyumba, kawulira enyembo na’makhina. 26. Khulwesyo kalaanga mulala khu bakhosi basimwana kamuteeba sina esichanakana. 27. Kamuwolera ati, ‘mwanamawo kechire.’ Lataawo amwitiiye enηηombe yamasinya olwokhuba awonekhire ni mulamu.28. Naye omusyani mukhuluutu kadiirwa etima lukali, kakaana nokhwingira mudaala. simwana katula eryanyi kamwekalikhira. 29. Ne kakowolamo kawoola simwana ati, Wona! Emyaaka chino miingi nga nkhukholera ngomuwambe yuli khandi sinkhutenguwangakho. Ata nawutono siwumbangakho ata akhameeme okhusangaala nabeecha bange. 30. Naye omusyani wawo ono, owalya emaali yawo alala nende ba malaaya nikeechire omwitiye enηηombe ndaaga enulu!’31. Simwana kamukowolamo ati, “‘Mwana wange, ewe wuli ludalo oba alala nange, khandi ebyange byosi byoosi byawo. 32. Ne omwekhoyo nende okhusangaala bikhoyire bibewo, khulwokhuba mwanamaawo ono kali afwiye alamukhire khandi; kali akotire awonekhire. Olukaado Lwo Mubiikhi Mukesikesi.

Chapter 16

1Yesu kawoolera abeeki baye ati: Aliwo omutu omuyiinda owali nende omubiikhi waye yibamuloopera baati konoona ebitu byaye. 2. Kamulaanga kamuteeba ati, siina sino simbulira khwiiwe? Mberese embaliirira yowubiikhi wawo, okhuba syocha okhwemeeda okhuba omubiikhi wange khandi.3. Omubiikhi ono kawoola mu mwoyo kwaye ati, Ndakhole ntye wunaanu? Olwokhuba omukhongo wange kantusiisekho omulimo kwange? Mbuma maani kalima, khandi ndi owensoni okhusabirisa__ 4. Manyire sinja okhukhola, nibananjirusye mu wubiikhi, abatu banambukaanire mu mayumba kawe.5. Manu kacha kalaanga wuli oli nende ekobi lyomukhongo waye. Kawoola owamberi ati, Omukhongo wange akhubaanja chinga? 6. Kamuwoola ati, ebikero byamafuta emya munana. Omubiikhi kamuwoola ati, Wukula ebaruwa yawo yibakhubanjirakho, wikhale wangu owandiike amakhumi kane. 7. Khandi kateeba owokhubiri ati, nawe obanjiwa si?’ Kamuwoola ati, “‘Ebidubi elifu ndala ebye’ŋaano.’ “Kamuwoola ati, ‘wukula ebaruwa yibakhubanjirakho owandiike emya munaana.’8“Manu omukhongo waye oyo keecha kamupaakhya omubiikhi otaasi omwesikwa oyo olwokhuba okholire ebyamakesi. Olwokhuba abatu besyalo sino bakesikesi mubikha byawe okhukhira abatu bomubasu. 9. Sesi mbawoola nti, mweyambirenge owiicha muwuyiinda wesyalo owuwawo, niwuliwawo kho mwanirisiwe mu wuyiinda wekulu.10. Oba omwesikwa khusiitu esitono lukali, nende khusikhongo aba mwesikwa. Naye otasi mwesikwa khu siitu esitono lukali, syaliba mwesikwa ata khu sikali. 11. Wunaanu ni munabenge abataasi besikwa khu wuyiinda we’syalo sino nanu olibabiikhisa (owuyiinda) owa’masima? 12. Khandi nimutabenge abesikwa khu esyo esyabene, esyenywe nanu olisibawa?13. Yiwumawo omukhosi anyala kakholera abakhongo babiri. Olwokhuba alirekhakho mulala kadakha owundi, oba alyomiirira khu mulala kalekeresa owundi. Simunyala okhukholera byombi Weere nende erubbya.14. Abafalisaayo, abadakhanga lukali erubbya, bawulira binno byoosi, bechusyula Yesu. 15Kabawoola ati, Enywe abelanga abolerefu mu moni chabatu, ne Weere amanyire emyoyo chenywe. Esyo sibalanga mbo syebbeyi ngali mu moni chabatu nje esitakhoyera mu moni cha Weere. Enjekesa Che meedakho.16. Amalako nowu Nabbi byalangirirwa okhwola khu Yokana. Okhutula awo, amawulire malayi akowenengo wa Weere kali okhuwuulirwa, khandi wuli mutu kengiramo sirifu. 17Syangu ekulu nende esyalo okhutulawo okhukhira enukuta ndala entono eyamalako okhumekukhakho.18. Omutu yeesi onerusyeenge omukhasi waye, kadekhya owundi anabeenge akholire owudamba, ne omusaacha oyo onadekhyenge omukhasi yiberusya, anabeenge akholire owudamba. Omusaacha muyiinda Nende Lasaro.21nga kekomba okhulya ebyalakakhanga okhutula khu meesa yOmuyiinda. Khandi nembwa chosi chechanga nichikhomberera amakonjo kaye. 19. Olwoola aliwo omutu omuyiinda owambalanga enguwo echoluyaali nende ebichiirakho ebirayi ebyebbeyi, nga asangaalanga wuli ludaalo mukhwedakha. 20.Khumulyaango kwaye bakoniyangawo omusabirisi olangiwa Lasaro, owali natemukhire temukhire amakoonjo22. Ebikha byola omusabirisi kafwa ba malayika bamukiinga bamuta mu lubafu lwa Yibbulayimu. Nomuyiinda yesi kola kafwa kasikhiwa. 23. Emakombe yi kali mu wuchuni, kasingisa emoni chaye kawonera Yibbulayimu aleyi, nende Lasaro nali mu lubafu lwaye.24. Kalomalomera amukulu kawoola ati, Bbabba Yibbulayimu, ngwire esisa otume Lasaro kenikhe olwala lwaye mu maachi kanyisyekho olulimi lwange, olwokhuba ndi mu wuchuni wamaani mu muliro kuno.25. Ne Yibbulayimu kamukowolamo ati, ‘Musyaniηηene, yichulisa oti no’siiri omulamu wafuna ebitu byawo ebirayi, ne Lasaro kafuna ebitu bibi, ne wunanu nje osangasiwa eno, nawe oli mu wuchuni wukali. 26. Notusisekho binno byoosi, akati wefwe nanywe aliwo olukhokho oluleeyi olwatewawo, abadakha okhwicha eno bakhayenge okhutwolakho, ata nende abadakha okhwicha eyo batabolakho.27. Kawoola ati, Manu nkhwekalikhiiye, Bbabba tuma Lasaro engo wefwe, 28. olwokhuba ndi nende bamwanama bataanu. Lekha ache abalawule bakhaye bosi okhwiicha mu sifwo esye’saando sino.29.Yibbulayimu kawoola ati, bali nende Musa nende ba Nabbi; ba bawulirenge abo. 30. Kamukowoolamo ati, Khaba, bbaba Yibbulayimu, Wichukhana mulala khu bafu katulamo kacha yibali, bakheyolobya. 31. Kamuwoola ati, Ne nibatawulira Musa nende ba Nabbi, ata nende mulala khu baffu akakhasyukha syali bafukiirisa. Esibi, Enfukiirira, okhukhola.

Chapter 17

1Yesu kawoola abeeki baye ati: Ebitu bikira abatu okhukhola ebibi biicha, ne chimwakaanire oyo yibiribitiramo. 2. Syakhali silayi oyo awoywe olukina mukosi lyaye asukuniwe mu kuyanja, okhukhira okhukayirira mulala khwabo abeyere.3. Mwerindenge. Mwanamawo nikononaanga, omukerakiranga, nikeyolobyaanga, omulekherangamo. 4. Ne nakhukholanga owubi amakhabi musanfu mu ludaalo lulala, khandi kakowola yoli amakhabi musanfu kawoola ati, Neyolobisye,omulekherangamo.5. Abatume bawoola Omwaami baati twongerekho enfukiirira! 6. Kabakowolamo ati, Muba nimuli nende okhufukiirira nga akhamwo akho muyofu, mwakhawooye omukhuyu kuno muuti, Wesyule wetake mu Kuyanja,manu kwakhabawuliiye.7. Nisiba nga mulala khwinywe ali nende omukhosi nga alimisa eŋombe oba nga kaya amakoondi. Si kakhamuwoola omukhosi waye naba natula mundalo ati, ‘Yicha wunaanu wikhale assi olye’? 8. Oba si kakhawoola ati, ‘Tereesa esye’ngolobe ndye, wetereese wulayi wuninde nindya khandi ninywa; khu wesi omale olye khandi onywe’?9. Si kakhamwebasise omukhosi waye oyo olwokhukhola byamuwooye? 10Manu mutyo mwesi nimunamalenge okhukhola byosi bimwawolewa okhukhola, muwoolenge muuti, khuli abakhosi abatakhoyera; ebikhoyera okhukhola nje bikhukholire.Ekhumi bawonesewa ebikenge.11. Wunaanu khu lukeendo lwaye naacha e Yerusalemu, Yesu kabita khu lwaakho akati wa Samaliya nende Galiraaya. 12. Ne nikali nikakhengira mu lukoongo lundi, abatu ekhumi abakenge bawukanana naye. Bema khanayiro. 13Balomalomera amukulu bawoola baati, Yesu mukhongo wefwe, tukwiire esisa!14. Nikabawona kabawoola ati, Muche mweyekese eyiri bakhawona.Nga lubali nibacha balabisiwa. 15. Naye mulala khubo, nikawona nga owonire, kakowola enyuma, nga akiniya Weere nekono ekhoongo. 16. Kakwa kafumala mu makulu ka Yesu nga amwebasa__ ni khandi oyo kali omu Samaliya.17. Yesu kateeba ati, Abalabisiyiwe sibabeye ekhumi? Ne bala mwenda bali? 18. Siwawonekhire ata mulala kakowola okhukiniya Weere okhutusakho omukeni onno? 19Manu kamuwola ati, siingira oweewo; enfukiirira yawo yikhuwoniisye. Okhwiicha Khw’owenengo Wa Weere.21ata abatu sibaliwoola baati, Wona wuli anoOba baati wuli ala Olwokhuba Owenengo wa Weere wuli mwinywe. 20. Olwola, nikali namalire okhuteebewa nende abaFalisaayo nga owenengo wa Weere lu wulichiramo, Yesu kabakowolamo ati, Owenengo wa Weere si wiicha nende okhwetegeresa khwa makesi kenywe,22. Kawoola abeeki baye ati, Endaalo chicha okhwiicha lumulyekomba okhuwona lulala khu ndaalo chomwana womutu, ne nga simuliluwona. 23. Manu abatu balibawoola baati, Ngula ali ala!Oba nguno ano! Muterukhanga ni mubalondakho. 24. Olwokhuba omwana womutu mu ludaalo lwaye luliba ngokhumyeesa, olumyesukha lwalafuya ekkulu okhutulira khuluwaande lulala okhucha khu lundi.25. Okhusokha atekwa okhusaanda lukali mu bitu bingi nokhwekaniwa naboluse luno. 26. Nga lubyali mu ndaalo cha Nuwa, biityo nje lubiriba nende mu ndaalo chomwana womutu. 27. Abatu bali ni balya,ni banywa,ni badeekha khandi nga badekhya, okhwoola khu ludaalo Nuwa lukengirira mu lyaato. Okhwoola nga enfula ya namadowa luyeecha yabasikhirisa boosi.28Nasirala nga lubyali mu ndaalo cha Luti. Abatu bali nga balya, banywa, bakula, bakusa, bataaka, khandi nga bombakha. 29. Naye khu ludaalo lula Luti lukatula mu Sodomu, omuliro nowunyotera lu byakwa okhutula mukulu byabasikhirisa bosi boosi.30. Siityo nje lusiriba, khu ludaalo omwana womutu lwaliwonekherakho. 31. Khu ludaalo olwo awuma oliba khusirama amukulu khu nyumba yaye, nebitu byaye, nga biri mukati, atekhanga okhubitusamo. Mu ngeri nasirala noyo oli mu ndalo atakowolanga engo okhwenda esitu syosi syoosi.32. Mwichulise omukhasi wa Luti! 33. Wuli Wuli okoonya okhuwoniya owulamu waye aliwukosya, naye wuli okosya owulamu waye, aliwuwoniya.34. Mbawoola nti, musiro esyo babiri abaliba khu sitanda sirala; mulala kakhayiriwe, nowundi alirekhewa. 35. Abakhasi babiri baliba nibasyeera alala khungina chamakhono mulala kakhayiriwe nowundi kakhalekhewe. 36Bateeba baati, Ena, Omwaami? Kabakowoolamo ati, Awaba omulambo nje engosya achewuusira.”. 37. Bateeba baati, Ena, Omwaami? Kabakowoolamo ati, Awaba omulambo nje engosya achewuusira.”

Chapter 18

1.Khandi Yesu kakaadira abeeki baye olukaado nga lu sibakhoyera okhuta esinani mu khusaba owutajjoηηa. 2. Kabawoola ati: “Aliwo omukayi we’misaango mu siko siindi otatya Weere khandi nga syafwa khu batu.5naye khu lwokhutamirira khwo’mufwire ono, ndamukaye nga lwadakha, khu akhaye okhunjoηηya no khu nechembangakho!’” 3. Manu aliwo omufwire mu siko esyo owechaanga yali nawoola ati, Ngayekho omusiku wange. 4. Olwamberi kakhaya okhufukiirira. Naye oluyuma kabaasa mu mwoyo kwaye ati, Anakhaba nintatya Weere khandi nga sinfwa khu batu,6. Naye Omwami kawoola ati, “Muwulire omukayi oyo otaasi omulungifu syawoola. 7. Manu nende Weere syalikaya abadoole baye, abamulirira esideete ne’siro? Alichiririra nabetusakho? 8. Mbawoola nti, alibakaya wangu, naye omwana womutu nikakheeche, alyakaana okhufukiirira khu syalo? Olukaado Lwomu Falisaayo Nende Omuwoosa.9. Khu bandi abali ni bebaasa baati bolerefu nga balekeresa abasyawe bandi, Yesu kabakaadira olukaado luno ati: 10. Abatu babiri bacha mu nyumba ya Weere okhwekalikhira, mulala mu Falisaayo owundi nga muwoosa womusolo.11. OmuFalisaayo kasingira kekalikhira ebimudiirakho omwene ati: Weere nkhwebasa olwokhuba sindi nga abatu bandi boosi__ ata nga abebi, abakholi bebibi, abadamba__ ata nga ono omuwoosa wemisolo. 12. Moonga enjala khabiri mu sabbiiti, ntaayo sirala syekhumi khu byoosi binfuna.13. Ne omuwoosa womusolo kemera ale. Kakhaya nokhusiingisa emoni chaye mukulu, kekhubba mu sirifu kawoola ati, Aa Weere wungwiire esisa ese omukhosi webibi. 14. Mbawoola nti omutu oyo okhulekha owundi ola, kakowolayo engo waye ngaweresiwe owolerefu mu moni cha Weere. Olwokhuba wuli oweniniya aliisiwa asi, ne oweyisa assi alininisiwa. Abaana Bayere Nende Yesu.15. Abatu boosi bali baleeta abaana abayere eyiri Yesu okhubesakho amakhono kaye. Naye abeeki baye nibawona sino, babakhamukhira. 16. Naye Yesu kalanga abaana abayere beeche yali nga awoola ati, Mulekhe abaana bayere beeche yiindi, mutabakaana, olwokhuba abali nga abo Owenengo wa Weere wawe. 17. Mbawoolera amasima nti, omutu yesi otalifuna Owenengo wa Weere nga omwana omuwere saliwingiramo ata nawutono. Omutuki Omuyiinda.18. Omutuki wundi kamuteeba nga awoola ati, Musomesa mulayi, nkhole si khonsikhire owulamu owutakama?” 19. Yesu kamuwoola ati wunangira si omulayi? Awumawo omulayi__ okhutusakho Weere yeηηene. 20. Amalako kano okamanyire: “Otakholanga owudamba, otetanga, otebaanga, otayinganga omutu syataakholire, otanga mu bbabbawo nende mamawo oluyaali. 21. Kakowolamo ati, Ebyo byosi byoosi nabidiira okhutula mu wudoto wange.22. Yesu nikawulira sino, kamuwoola ati, Olemukhirekho sirala. Kusa byooli nabyo byosi byoosi, obikabire abawati, awo kho obe nowuyiinda mukulu. Nomala otyo, wiiche wunoonde. 23. Ne nikawulira sino kadiirwa ettima, olwokhuba kali nowuyiinda wungi.24. Yesu kamwewunja kawoola ati, Nga sidinyu abayiinda okhwingira mu wenengo wa Weere! 25. Masima keene, syangu ensukhiri okhubita mu kheena khempiso okhukhira omuyiinda okhwingira mu wenengo wa Weere.26Abawulira sino bawoola baati, ne wunaanu naanu onyala okhuwona? 27. Yesu kabakowoolamo ati, Ebitanyalikha eyiri abatu binyalikha eyiri Weere.28. Petero kawoola ati, Wona, efwe khwalekha byoosi bikhwali nabyo khwakhuloonda! 29. Yesu kabawoola ati, Masima mbawoola nti, Awumawo omutu yeesi owalekha edaala lyaye oba omukhasi waye oba bamwanawaηηina oba abewusi oba abaana khulwo’wene’ngo wa Weere 30otacha khwakaana khandi amakhabi mangi mu ndaalo chino, nende mu ndaalo chiicha, owulamu owutaakama.” Yesu Khandi Alakula Khu Khufwa Khwaye.31. Yesu keecha kawukula ekhumi na babiri kabawoola ati, Khuli okhunina okhucha e Yerusalemi, nende ebyo byoosi ebyawandiikiwa ba nabbi ebidiira khumwana womutu bicha okhwolerera. 32. Acha okhudiisiwa abateende. Balimukhomoola, bamuyire wubi, khandi bamufuucheho amatte, nokhumukhubba nokhumwiita. 33. Khu ludaalo lwokhudatu alisyuukhira khandi.34. Abeeki khaba si bamanyirawo ata sirala khu ebyo. Amakhuluutu kabyo kabakisiwa bakhaya okhumanya bikawoola. Omuwofwu Osabirisa Awona.35Nga Yesu lukali nikolerera Yeriko, omuwofwu wemoni kali kekhaye khungira nasabirisa. 36Nikawulira esidiikha nisibita ambi kateeba ati siina esyo. 37Bamuwoolera baati Yesu omu Nasalesi abita.38Kalomalomera amukulu nga awoola ati, Yesu, mwana wa Dawudi, ngwiire esisa! 39Abo abali ni batangiiyemo bamukhamukhira bamuwoola awuleere, naye kemeeda okhulomalomera amukulu lukali ati, Mwana wa Daudi, ngwiire esisa!40Yesu keema kalagira omusaacha oyo bamuleete yali. Nikasuda ambi, Yesu kamuteeba ati, 41Odakha nkhukholere siina? Kamuwoola ati, Omwami, ndakha okhuwona.42Yesu kamuwoola ati, Funa okhuwona; okhufukiirira khwawo khukhuwoniisye. 43Awene naweene kafuna okhuwona, kamala kaloonda Yesu nakiniya Weere. Ne abatu boosi ni bawona sino, boosi bakiniya Weere.
Chapter 19

Sakayo Omuwoosa. 1.Yesu kengira mu Yeriko nikali nabitamo. 2. Omutu erita lyaye Sakayo; kalimukhuluutu wabasolosi bo'musolo khandi nga muyiinda.3. Kakhenga amakesi okhuwona Yesu nga lwali, olwokhuba kali mumbikkiti si kamuwona khu lwowungi wa batu. 4. Kerukha katangiramo kaniina omusaala mukhuyu ambi nende engira khwamuwone khulwokhuba Yesu kali acha okhubita khungira eyo.5. Ne Yesu nikoola musifwo Sakayo akali, katingaala amukulu, kamuwoola ati, Sakayo, yiikha wangu. Olwokhuba olwalero sikhoyera ese okhwikhala mu nyumba yawo. 6. Kekha mangu kamuwukanira ne’sangaalo. 7. Abatu nibawona beηηuluηηunya boosi baati, “Kengiye okhuba omukeni wo’mutu oli nende ebibi.8. Naye Sakayo Kasiingira keema kawoola Yesu ati, “Wona, Omwami! Esitundu sy’ebitu byange mbiwa abawati, nimba ni nakosobanyakho esitu syomutu yeesi mukowoserawo amakhabi kane. 9. Yesu kamuwoola ati, olwaleero okhuwonesewa khwichire mu nyumba muno, olwokhuba omutu ono yesi mwana wa Yibbulayimu. 10. Olwokhuba omwana wo mutu kecha okhukoonya nokhuwoniya esyo esyali syakota. Olukaado Lwe Enhera Ekkhumi.11. Abatu nibali basiwuliririsa ebyo, Yesu kacha mumoni kakaada olukaado, olwokhuba kali ambi nende Yerusalemi khandi olwokhuba bali babaasa baati Owenengo wa Weere wucha okhwoola mangu. 12. Sakira mbawoola nti: Aliwo omutu woluyaali owacha mu syalo aleyi, okhuba omwenengo khwamale akowole.13. Kalanga abakhosi baye ekhumi kabawa enkhera ekhumi, kabawoola ati, Musuwulenge okhwola lundikowoola. 14. Ne abasaacha baye bano boola bamusyuula, batuma bawamuwanda naweyeyo nga bawoola baati, Sikhudakha oyo okhuba omwenengo. 15. Olwoola nikakowola namalire okhuba omwenengo, kalagira balange abatu abo bakawa erubya, khwamanye amagoba kabafuna mu khusuwula khwawe.16Owamberi mwene keecha kawoola ati, Mukhongo wange, erubya yawo yewula echindi ekhumi. 17. Kamuwoola ati, Webale, omukhosi mulayi!Olwokhuba wali omwesikwa khu biitu bitono, manu ba nowunyala khu biko ekhumi.18. Owokhubiri yesi keecha kamuwoola ati, mukhongo wange erubya yawo yewula echiindi chitaanu. 19. Oyo yeesi kamuwoola ati, bamukhongo we biko bitaanu.20. Khandi owundi keecha kawoola ati, Mukhongo wange, wona, erubya yawo njino; yinabiikha nga njiwoyire mu sitambaara. 21. Olwokhuba nakhutya, oli omutu omudinyu lukali. Owukula syotabiikha, khandi waakessa byotataaka.22. Omukhongo waye kamuwoola ati, Nja okhukhukhengera omusaango olwemboosi chomunwa kwawo wa'mwene, omukhosi mubi! Wamanya oti ese ndi mutu mudinyu, mbukula bintabiikha, naakessa bintataaka? 23. Wunaanu sina syeene esyakhukayira okhuwa erubya yange abachurusi, sesi ninakhakowoye, si nakhayiwukuye niyirikho amagoba?24. Kawoola abatu abali nibemire ambi awo ati, Mu mutusekho enkhera yaye muyiwe oyo oli nende enkhera ekhumi. 25. Bamuwoola baati mukhongo wefwe, ali nenkhera ekhumi!26. Kabakowoolamo ati, nawuli oli nabyo alyongerwakho, ne oyo owuma nabyo, ata nende esitono syaali ni nasyo sirimutusiwakho. 27. Ne abo abasiku bange abatandakha ese okhubatukka__ mubaleete ano, mubeetere mu moni change. Enyingira yoluyaali.28. Yesu nikamala okhulomaloma ebyo, katangiramo, kaacha amukulu e Yerusalemi.30Muche mulukoongo luli emutwe wenywe, ne nimuba nimwingira omwo munawone omwana kwe nsukhiri, nikuwoyirwe, omutu yeesi kwatekhalangakho, mukuwolole mu kuleete ano. 29. Awo olwoola nikali nali ambi okhwoola e Besufage nende e Besaniya khu lugulu lubalanga olwa Seyituni, katuma khu beeki baye babiri nga awoola ati, 31. Ne omutu nabateeba ati, Mukuwololera si? Mu muwoole muuti, Omwami wefwe nje okudakha.32. Manu abo abatumiwa bacha bawona nga lukali abawooye. 33. Manu nibali nibawoolola omwana kwensukhiri, abeenekwo babateeba baati, Omwana kwe nsukhiri okwo muwolola kwaasi? 34. Bakowoolamu baati, Omwami wefwe nje okudakha. 35. Bakuleeta eyiri Yesu. Manu bakwalakho enguwo chawe, bekhasakho Yesu. 36. Manu nikali nakeenda, abatu baala enguwo chawe khungira.37. Manu nikali nali ambi okhwoola khusikhiriro syolugulu lwa Seyituni, esidiikha syosi esyabeeki bachaaka okhusangaala nokhufumya Weere nekkono ekhongo olwebyamakana byoosi bi bawona: 38. Ali nende enkhabi omwenengo owiicha n eriita lyomwami! Emirembe mukkulu, noluyaali amukulu lukali!39. AbaFalisayo bandi abali mu sidiikha, bawoola Yesu baati, Omwekesa walabira abeeki bawo 40. Kakowo Yesu kabawoola ati, Mbawoola nti abo nibawuleera, amakina kanakhumulire amukulu.41. Yesu nikasuda ambi nende Yerusalemi kawoona esiko, kasiririra 42. nga awoola ati, oba omanyire olwaleero luno ewe emboosi echikhuletera emirembe__ ne wunaanu chakisiwa mu moni chawo.43. Olwokhuba endaalo chicha okhwola, abasikku bawo bacha okhwombakha emigiiggo, bali khwewodokhaniya, balikhukayira emaande choosi, bali khusukuna assi, nabaana bawo abali musidda syolusito lwawo. 44. Sibalirekha ekina khu liindi, olwokhuba siwateegera ebikha byokhwicha khwa Weere yuli. Yesu Mu nyumba Ya Weere.45. Khandi kengira mu nyumba ya Weere. 46. Kachaaka okhwirusamo abali nibakusa ebiitu kabawoola ati, “Syawandiikiwa siiti”, “’Enyumba yange yinabenge nyumba yo’khusabiramo: Naye enywe muyikalukhanisye okhuba enηηungu yabanyakka.’”47. Wuli ludaalo kasomesanga mu nyumba ya Weere. Naye abakhuluutu mu nyumba ya Weere nende abasomesa bamalako nende abatangirisi babatu baliingi bakhenga amakesi okhumwiita. 48. Bakhaywa esyokhukhola; olwokhuba abatu boosi bali bomiriye khu mboosi chaye. Owunyala Wa Yesu wutebewa

Chapter 20

1Oludaalo lundi Yesu nikali nali okhwekesanga abatu mu nyumba ya Weere khandi nga awuulira emboosi ndayi, bakhawona bakhuluutu nabasomesa bamalako, alala nende abatangirisi ba batu, baniina baacha yali. 2Bamuteeba baati, Tuwolere wunyala si wokholeramo ebitu bino.Oba nanu mweene owakhuwa owunyala wuno?3. Kabakowolamo ati, Ese sesi nja okhubateba sino. Mu mbolerekho, 4. okhubatiisa khwa Yokana__ khwali khutula mukulu, oba mu batu?5. Manu beecha betesamo abene nabeene ni bawoola baati, Nikhuwoola khuti, khwatula mukulu, aba anatuteebe ati Lwasiina simwamufukiirira? 6. Ne nikhuwoola khuti, Khwatula mu batu, abatu bano boosi boosi baba bacha okhutukhubba amakina, khulwokhuba bafukirira baati Yokana kali nabbi.7. Manu bakowoolamo baati, Fwesi sikhumanyire yikhwatula. 8. Manu Yesu kabawolera ati, Sesi siniicha khubawoolera owunyala wunkholeramo ebitu bino yiwutula. Olukaado Lwabapangisa Be ndalo.9. Manu kacha mu moni nokhubakaadira olukaado luno ati: Abaawo omusaacha wundi owalima endalo ye misabbibu, manu keecha kayirekhera abalimi. Kaacha mu syalo sindi, yikakhinda. 10. Ne ebikha byokhunoka ebyaamo nibyola keecha kaatuma mulala khu bakhosi baye eyiri abaliimi ngadakha bamuweresekho khu byaamo byomundalo eyo. Naye abaliimi beecha bamukhubba bamwirusya makhono merere.11. Khandi keecha kaatuma omukhosi wundi, oyo yesi beecha bamukhubba, bamwambula bamuswasa lukali manu bamwirusya makhono mereere. 12. Khandi keecha kaatuma owokhudatu, oyo yesi beecha bamufumita bamusukuna erwanyi.13Omwene ndalo yemisabbibbu keteeba ati, Nnakhole ntye? Khantume omwana wange, omudakhwa; fwana bakhamutemo oluyaali. 14Ne abaliimi ni bamuwona, beecha bemonyana abene nabeene baati. Ono nje omusikha, bawoola baati, lekha khumwiite, owusikha wutusikalire.15Manu beecha bamusukuna erwanyi wendalo ye misabibu bamwiita. Omwene ndalo yemisabbibbu aba acha okhukholera sina abatu abo? 16Acha okhwicha manu asikhirise abakhosi abo manu endalo eyo ayikabe abatu bandi. Manu nibawulira sino, bawoola baati, Sitabakho siityo ata nawutono!17Ne Yesu kabewunja lukali namala abateeba ati, Esyawandiikiwa sino syekesa si: Ekina abombakhi libakhaya nje eryafuukha eggumu eryokhunsonda? 18. Nawuli mutu yesi owekumula khukina eryo acha okhusasakukha ebitundutundu, ne nirikwa khu mutu yesi licha okhumuminiyangula.19. Awo abasomesa bamalako nende bakhawona bakhuluutu bakhenga amakesi okhumudiira awo nawo, khulwokhuba bali batya abatu. Okhusasula Omusolo kwa Kayisaali 20. Nga lubali ni bamwekhalirisa wulayi, bamala batuma abakhemekeresi, abefuula okhuba abolerefu. Basuubira okhudiira Yesu mu mboosi chaye, khu banyale okhudisya abowunyala nende owutukki wa Masasa. Abakhemeresi becha bateeba Yesu baati:21. Omwekesa, efwe khumanyire khuuti olomaloma khandi biwekesa byamasima, khandi khaba si wekhubbira naye osomesa engira cha Weere mu masima. 22. Manu sifukirirwa efwe okhukhubbiranga Kayisaali omusolo oba khaba?23. Ne Yesu kamanya okhwefuula khwawe manu kabawolera ati, 24. Munjekesekho eddinaali. Esifananyi nende owuwandiike wulikho wa naanu?25Bawoola baati, Bya Kayisaali. Kabakowolamo ati, Manu muweresenge Kayisaali ebya Kayisaali, nende Weere ebya Weere. 26. Ne sibanyala bakaana emboosi yosi eyinyala okhudisa Yesu omusango okhutula mu mboosi chikalomaloma mu moni cha batu, bawuka bi kakowolamo ni bamala banyita chi. Okhusyukhira Nokhudekhesaniya27. Aba Sadukaayo bandi, abali nibawoola baati yiwuma okhusyukhira, beecha eyiri Yesu nesiteewo. 28. Nibawoola baati, Omwekesa,Musa ka tuwandiikira ati, mwanaηηina mutu nafwa kalekhawo omukhasi natewula naye abaana, omusaacha oyo ateekhwa okhudehya omufwire manu kewulira mwanaηηina wafwa oyo abaana.31khandi owokhudatu yesi kamudekhya byaba biityo. Manu nasirara batyo boosi musaanfu baafwa, nibatalehirewo abaana. 29. Wunaanu aliwo abasyani benda ndala musaanfu. Owamberi kadekhya omukhasi manu kaafwa natalekhirewo omwana. 30. Owukhubiri 32. Olunyuma lwabyo, omukhasi yeesi keecha kaafwa. 33. Ne wunaanu mu khusyukhira khwabafwa, omukhasi oyo aliiba wa naanu mweene? Khubanga boosi musaanfu bamudehyakho?34. Ne Yesu kabakowolamo ati, Abatu bendaalo chino badehya khandi badeekha. 35. Naye abo abakhoyera okhuba mu wulamu wiicha nende mukhusyukhira khwa bafwa, khaba sibalidekhya khandi sibalidekha 36khulwokhuba sibaliba basiifwa; khandi khulwokhuba bali nga ba Malayika. Baana ba Weere, khulwokhuba baana bokhusyukhira.37. Naye okhwema khubyaliwo munyasi, ata Musa yesi kekesa alafu ati abafu basyukhira, olwokhuba alaanga omwami ati Weere wa Yibulayimu, khandi Weere wa Yisaka, khandi Weere wa Yakobo. 38. Khaba si Weere wa bafu, naye owa balamu, khulwokhuba mu ye abatu boosi balamu.39. Balala khu basomesa ba malako bandi becha bakowolamo baati, Olomalomire birayi, omweekesa! 40. Okhutula awo yawumawo omutu yeesi owakesakho okhumuteeba ebiteewo bindi. Kurisito Musyani Wa Naanu?41. Khandi Yesu kabawoola ati, Bawoola batye nti Kurisito mwana wa Dawudi? 42. Khulwokhuba Dawudi omwene alomaloma mu sitawo sya Sabbuli ati: Omwami kawoola omwami wange ati: Yikhaala khu mukhono kwange mulungi 43. Okhwola lundikawukhaniya abaasikku bawo okhuba esisaala sya makulu kawo. 44. Dawudi amulaanga ati, Omwami waye. ne mwana waye atye?45. Ne abatu boosi nibali nibamutekeresa, Yesu kawoleera abeeki baye ati, 46. Mwerindenge abasomesa bamalako. Badakha okhukendera mu nguwo ndeyi badakha okhubakheesa nibali muwutale nende nibekhala mu bisaala byemutwe mu sinaggogi nende ebifwo byoluyaali khu mbaga. 47. Banyakula amayumba ka bafwire ne mukhweyekesa baba nokhwekalikhira khuleeyi. Ne abatu nga abo balisaandisiwa lukali.

Chapter 21

Esiyanwa Syo Mufwire. 1Nikasingisa emoni amukulu, Yesu kawona abayiinda abali nibata ebiyanwa byawe mu siibbo syenyumba ya Weere. 2. Khandi kawona omufwire mulala omuwati nga atamo owukhera wutono wubiri. 3. Kawoola ati, masima mbawoola nti omufwire ono omuwati ateyemo biingi okhukhira boosi. 4. Olwokhuba abatu abo boosi bataamo ebiwanwa byawe khu lwowuyiinda wawe; naye ono mu wumanani waye ateyemo byoosi byali nabyo muwulamu waye. Owuwonero Wendaalo Chisembayo5. Abandi khu beeki baye bali ni balomaloma khu nyumba ya Weere nga luyimekhamekhana namakina amalayi nebiwewayo eyiri Weere. Naye Yesu kawoola ati, 6. Bino bimuwona ano, ebikha bicha okhwoola ekina likhaye okhulekhewa khukina liindi; eritalisukuniwa assi.7. Bamuteeba nibawoola baati, Omusomesa, manu ebyo biribaawo liina? Khawonero si akhalibaawo ebyo nibyakhabe nibiri ambi okhubaawo? 8. Kabawoola ati: Mube moni bakhaye okhubakosya. Olwokhuba bangi abaliichira mu liita lyange, nibawoola baati, mbano niise oyo,khandi baati ebikha biri ambi okhwoola. mutabalondaanga. 9. Naye nimuwuliranga ebiita nende embukuma, mutesiindukha. Olwokhuba bino bikhoyera okhutangira okhwiicha, naye enjakamo siyicha khwiicha muwangu.10. Khandi kabawoola ati: Esyalo syakhaseete esyalo siindi, nowenengo wuliseeta owenengo. 11. Alibaawo embukuma ngali, mubituundu biindi, enjala nowulwaaye wamaani; alibaawo nende ebitiisya nende owuwonero wukali okhutula mukkulu.12Naye ebyo byoosi nibisiiri okhubawo, balibadiira, balibasaandya. Nga babayira mu sinaggogi nende mu majeera, nga babayira eyiri ebenengo nende abamasasa, ebyo byosi byoosi birikholewa khu lweriita lyange. 13. Sino siritulamo enywe okhuba abajjulisi yibali.14. Manu musite mu myoyo chenywe, mukhayenge okhutya niwusiiri bimulikowolamo. 15. Olwokhuba ndibawa emboosi namakesi nga yiwuma abasuku benywe boosi bi balinyala okhuyinganiya ata okhukaana.16. Ne muli liriwamo olukhwe ata nabeewusi, nabaana benywe, abekho, nabeecha, ata balala khwinywe baliitiwa. 17. Abatu boosi balibasyula khu lwange. 18. Naye ata nolufwiri lulala khu mitwe chenywe silulisikhirira. 19. Mu khwesimirisa mulifuna owulamu wenywe.20. Naye ni muliwona Yerusalemi nisyewodokhanisiiwe amaye, kho mumanye muuti okhusikhirira khwasyo khuli ambi okhwoola. 21. Manu mulekhenge abo aba Yudaaya berukhire khu ngulu; nabali akati wesiko, batasitulangamo; nabali mu byalo batengiranga musiko. 22. Chino nje endaalo echokhuwoneresewa olwokhwoseresa ebyo byoosi ebyawandiikiwa.23Nga siriba esyakhabi eyiri abakhasi bali nenda nende abanuniya mu ndaalo echo! Olwokhuba engisa yiriba nyiingi khu syalo nende ettima eyiri abatu abo. 24. Bacha okhwitiwa nowoki wa makhande, baliwambiwa bayiriwa mu byalo byoosi nga abawowe. Yerusalemi syakhasenakirirwe nabateende okhwoola endaalo chabateende luchiryolerera.25. “Alibaawo owuwonero khu lyuuba, khu mweesi nende khunηηiniηηini. Nende khu syalo, ebyalo byakhabe nende engisa nga batya olwokhuwoola khwo’kuyanja ne’nfinda. 26. Abatu balisirikhakho olwo wuti, ni balyelalikhirira khu lwebiicha khu syalo, olwokhuba amaani akomwikulu kacha okhudenganisiwa.27. Khu bikha ebyo baliwona omwana womutu ni kechera mu sireesi namaani noluyaali lukali. 28Naye ebitu bino ni bichaaka okhubaawo, mweme, musingisenge emitwe chenywe amukulu; olwokhuba okhuwonesewa khwenywe khuliba ambi okhwoola.29. Kabakaadira olukaado ati: Mwewunje omutuli nende emisaala choosi. 30. Nichisewukha, muwona ne mumanya abene muuti esirumbi siri ambi. 31. Manu mweesi muutyo, ni muwonanga ebyo ni bibaawo, mumanyanga muuti Owenengo wa Weere wuli ambi.32. Masima mbawoola nti, oluse lunno siluliwaawo ata nawutono, okhwola ebyo byoosi lubiribaawo. 33. Ekkulu nende esyalo biriwaawo, naye emboosi change sichiriwawo ata nawutono.34. Ne mwerindenge, emyoyo chenywe chikhaye okhusidowererwanga olwomulalukho, nowumeesi nokhwelalikhiranga olwo wulamu wuno, oludaalo olwo lukhaye okhubolakho ngomuteeggo nimutetekekhire. 35. Olwokhuba oludaalo olwo lwakhoole khu batu boosi musyalo syoosi.36. Naye enywe mubenge moni, mwekalikhirenge munyale okhukhepa ebyo byoosi ebicha okhubaawo, khandi munyale nokhwema mu moni cho mwana womutu.38khandi abatu boosi bawunaanga echuli okhucha yali mu nyumba ya Weere okhumuwulirisa. Yuda afukirira okhulya Mu Yesu Olukhwe 37Manu wuli ludaalo Yesu kemeedanga okhusomesera mu nyumba ya Weere, niweraanga naacha akkona khu lugulu olulangiwa olwa Seyituuni,

Chapter 22

1Awo embaga eyemigaati chitalikho amamera, eyilangiwa embaga yoKhubitakho, ni yali ambi okhwola, 2ne bakhawona bakhuluutu nabasomesa bamalako bali bayiiya amakesi akokhumalawo Yesu, nga batya abatu.3Awo setani kengira mu Yuda, yibalanga baati Isikarioti, mulala khu ekhumi nababiri. 4Kacha kateesa nende bakhawona bakhuluutu nabasirikale abalindanga enyumba ya Weere nga lwanaweyo Yesu.5Basangaala lukali bafukirira okhumuwa erubya. 6Kafukirira kakonya ebikha ebikhoyera byanamuwereyo yibali ataali abatu. Esyengolobe Sisembayo7. Awo khu ludaalo lwemigaati chitalimo amamera nilwola olwali lwokhukhengerakho omwana kwekoondi. 8. Yesu katuma Petero nende Yokana, nawoola ati, Muche mutekekhe akhunaliire embaga yoKhubitakho. 9. Bamuwoola baati, Odakha khuyitekekhere yena?10. Kabawoola ati, Ni munaabe nimucha okhwingira mu siko, mucha okhwakanana nende omusaacha onaabe ketwikhire esyongo yamaachi. Mu mulonde okhwola mu nyumba mwanengire, 11muwoole omwene nyumba muuti, Omusomesa ateeba: Enyumba yabakeni yiri yeena, mu ndaliire okhubitakho nabeeki bange?12. Anabekese enyumba ekhongo eyamukulu, eyipangirwe wulayi. Mutekekhere omwo. 13. Ni bacha bakaana ebitu nibiri nga Yesu lwabawoleye. Bamala batekekha embaga yokhubitakho.14. Awo ebikha nibyola, Yesu nabatume baye bekhala okhulya khumeesa. 15. Kabawoola ati, Nekombire lukali okhulya alala nanywe okhubitakho khuno nintoola okhusandisiwa. 16. Olwokhuba mbawolera nti, sindiirya ata nawutono okhwola ni siryolerera mu wenego wa Weere.17. Namalire okhuwukula esikombe, kasingisa amukulu kebasa kawoola ati, Muwukule sinno mukabane mwabene. 18. Olwokhuba mbawoolera nti okhutula olwaleero sindinywa khu byaamo byo mu sabbibu okhwola owenengo wa Weere niwuliicha.19. Khandi kawukula omugaati, kebasa kakukhalakamo, kabawa, nawoola ati, Kuno nje omubiri kwange okwawewayo khu lwenywe; mukholenge muuti khulwokhunjichulisa. 20. Mungeri nasirala, nibakhamala okhulya, kawukula esikombe, kawoola ati, Esikombe sinno nje endakaano mbyakha mu mabanga kange, akedikha khu lwenywe.21. Ni wona omukhono kwoyo ocha okhundyamo olukhwe kuli alala nokwange khumeesa. 22. Omwana womutu alicha nga lusyalagirwa, ne chimuwukanire oyo omulyamo olukhwe. 23. Bachaaka nibateebana abene nabeene khubo onyala kakhola esyo.24.Akwawo okhuyingana mubene nabeene obasirisiwa okhuba omukhongo wawe. 25. Yesu kabawolera ati, Abenengo babateende babafuka; nabo abali nowunyala babalanga abakhola owulayi.26. Ne enywe simuli muutyo. Olwokhuba, omukhongo mwinywe akhoyera okhuba omuwere, ne omutuki abenge ngomukhosi. 27. Omukhongo nje naanu, oyo owikhala khumeesa oba oweresa? Sinje oyo owikhala khumeesa? Ne esse ndi akati wenywe ndi ngomuweresa.28. Naye enywe ninywe abesimirisanga alala nange mu khukhemewa khwange. 29. Esse mbadisya owenengo, nasirala nga bbabba lukawundisya, 30. khumulye khandi khu munywere khumeesa yowenengo wange, mulikkhala khu bisaala byoluyaali ,ni mukhengera emisango ebiikha ekhumi na babiri ebya Yisirayiri.31. Simoni, Simoni, Setani asabire okhubasereecha ngengaano. 32. Ni nkhusabiye Simoni enfukirira yawo yitakowoola enyuma. Ne noliba nokowoye enyuma, osiiranga ba wandayo.33. Naye kamukowoolamo ati, Omwami, netekekhire okhucha nawe mu jjera ata nende mu khufwa. 34. Ne Yesu kakowoolamo ati, Nkhuwolera ewe Petero, edaywa leero siyicha khukholyokha, notanekaana amakhabi kadatu oti nsikhumanyire.35. Yesu kabateeba ati, Nga lunabatuma nimuwuma olukhoba, ensawo, ata nebiratto, aliwo simwakhaywa?Bakowoolamo baati, khaba. 36. Kabawoola ati, Ne wunaanu oli nolukhoba awukule, ata nende nensawo; naye otasi nesyoki, kusa enguwo yawo okule.37. Syawandiikiwa siiti: kabaliwa alala nabakholi bembi; Khandi mbawoolera nti sinno siri nokhwolerera mwise. Yee, esyambandiikiwakho siri khwola khu khwolerera khwasyo. 38. Abeeki baye bawoola baati, Wona, Omwami, khuli ano nebyoki bibiri. kabakowoolamo ati, esyo simala. Yesu Kekalikhira Khu lugulu lwa Seyituuni39Yesu katula nga lwatulanga kaacha khu lugulu lwa Seyituuni, abeeki baye bosi bamulondakho. 40Manu nikoola mu sifwo esyo, kabawoola ati, Mwekalikhire mukhaye okhukwa mu khukhemewa.41Keecha kabatulakho wutono akhabbanga khonyala wasukuna ekina, kasigama kekalikhira. 42Ngawoola ati, Bbabba, nudakha ntusekho esikombe sinno; ne siise nga lundakha okhutusakho syudakha ewe sikholewe.43. Malayika kamuwonekhera nga atula mukkulu namukumya. 44. Mu wuchuuni wungi, kemeeda okhwekalikhira nowumalirifu, oluuya lwaye lwaba nga amatoondo kamabanga ni katoonya assi khu loba.45Nikasiingira mukhwekalikhira keecha eyiri abeeki baye, kabawukaana nibakkona, nibaweyemo olwengisa. 46Kabawoola ati, esibakoniisye nisi? Musiingire mwekalikhire mukhaye okhwingira mukhukhemewa. Yesu Adiiriwa48ne Yesu kamuteeba ati, Yuda, olya mu mwana womutu olukhwe nomukwa mu sirifu? 47. Nikali nasilomaloma esidiikha syecha, nende oyo alangiwa Yuda, mulala khu abo ekhumi nababiri, nga abatangiriiye. Kasuda ambi nende Yesu okhumukwa mu sirifu,49Manu abalonderesi ba Yesu ni bawona esicha okhubawo, bawoola baati, Omwami, khuteme nakakhande kefwe? 50Manu mulala khwabo katema omukhosi wa khawona okhira owukhuluutu kamutemakho okhutwi okhwo’mukhono mulungi. 51Ne Yesu kakowolamo kawoola ati, “Yakama khwisyo syoηηene!” Kadiira okhutwi kakowosa khu yibali nibatemirekho kamuwoniya.52Yesu kawoola bakhawona bakhuluutu, nende abakhongo be nyumba ya Weere, na’bemeresi abali nibamwichiriye ati, Munjichiriiye nga omwemeresi wa bajjemu khu munjichire nebyooki, nendawukhi? 53. Wuli ludaalo ni nabaanga nanywe mu nyumba ya Weere, simwantakho omukhono kwenywe. Naye wunaanu bino nje ebikha byenywe__ esirema nje esifuka. Petero Kekaana Yesu54Bamukwakho bamuyira, bamwiingisa mu nyumba ya khawona okhira owukhuluutu. Ne Petero kalondakho nga kemera ale. 55Manu nibali nibamalire okhuwaana omuliro akati wolwanyi Petero kekhala assi nabo.58Esikha nisyabitawo, owundi kamuwona kawoola ati; Wesi oli mulala khwabo. Naye Petero kawoola ati Musaacha ewe, siniise! 56. Manu omukhaana mukhosi mulala kamuwona nikekhaaye muwulafu womuliro, kamwekhalirisa, kawoola ati, Omusaacha ono yeesi abeye naye. 57. Kekaana nawoola ati, Mukhasi ewe, simumanyire.59Nge esaawa enaamba ni yibitire, owundi kamukhadaasa kawoola ati, Masima ono yeesi kabeeye alala naye olwokhuba mu Galiraaya. 60Naye Petero kawoola ati, Musaacha ewe, simanyire syoli okhulomalomakho! Aweene awo nikali nasilomalomanga, edaywa yakholyokha.61. Manu Omwami kakalukhana katingaala Petero. Petero kakhewulira emboosi yomwami yikamuwoola ati, Leero edaywa ni yinaabe ni yitakholyokha, onanekaane amakhabi kadatu. 62. Katula erwanyi kaalira lukali amasika. Abalindi bakhomoola Yesu63Abasaacha abali nibalindire Yesu bachaaka okhumukhomoola nende okhumukhubba. 64Bamuwiikha mu moni, bamuteeba nibawoola baati,Lakula naanu okhukhubbire? 65. Nebindi biingi bamulomalomakho nibamunyeka. Yesu Mu moni Cha Pilato Nende Kerode66. Owiire nuwukhya, abakhuluutu babatu, bewuusa alala bombi bakhawona nabasomesa bamalako bakaanana, manu Yesu katangisiwamo okhucha yibali. 67. Bamuwoola baati, Noba ni niiwe Kurisito,Tuwolere. Yesu kabakowoolamo ati, Nende nimbawoolera, si munafukirire nawutono, 68nende lumbateeba si munakowolemo nawutono.69Naye okhutula wunaanu, Omwana womutu acha okhwikhala khu mukhono mulungi okwamaani ka Weere. 70. Boosi bamuteeba baati, Nolwesyo oli omwana wa Weere? kabakowoolamo ati Nga lu mulomalomire, muli batufu okhuwoola muuti niise oyo. 71. Bawoola baati, Wunaanu owujjulisi khudakha waasi? Khulwokhuba khwewuliriye efwe abeene okhutula mu munwa kwaye.

Chapter 23

1Ne esidiikha syoosi esyabatu syasiingira syamutangisa okhucha eyiri Pilato. 2Bachaaka okhumuwabira, nibawoola baati, Khwawukana omusaacha ono nakesakho okhukalukhaniya esyalo syefwe. Ayinganiya okhusasula khwomusolo kwa Kayisaali khandi keranga Kurisito, Omwenengo.3Pilato kateeba Yesu ati, Niwe Omwenengo Wa Ba Yudaaya? Yesu kakowoolamo ati, Yee, siri nga lwowoola. 4Pilato kawolera abatangirisi bakhuluutu nesidiikha ati, Sinakanire esitu syoosi esibi nomusaacha ono esyakhakira na mufunaana. 5Bemeeda nibawoola baati, Kaleeta ebidinyu mu batu boosi abe wu'Yudaaya munsomesa yaye. Kachaakira mu Galiraaya ne achanakanire okhwoola ano.6Ni kawulirisa bino, Pilato kateeba omutu ono naba mu Galiraaya. 7Ni keecha kaamanya ati Yesu kali muwunyala wa Kerode, kamutuma eyiri Kerode, owali mu Yerusalemi mu ndaalo echo.8Kerode nikawona Yesu, kali musangaafu, khulwokhuba mu ndaalo nyingi kabanga adakha okhumuwona. Okhwema khu bikali namuwuliyekho,kasubira okhumuwona nakhola ebyamayiya. 9Kamuteeba ebiteebo bingi naye Yesu si kakhamukowoolamo. 10 Bakhawona bakhuluutu na basomesa bamalako bali bemire awo, ngabakhuba olukhero lwokhuwayirisa Yesu.11Awenawo Kerode nabasirikale baye bamulekeresa bamukhomoola. Bamwambasa enguwo eyimekhamekhana, bamukowosayo eyiri Pilato. 12Khu ludaalo olwo Kerode nende Pilato beecha baba beecha__ enyuma era bali sibadakhana.13Pilato kalanga bakhawona bakhuluutu, abatukki nabatu, 14kabawoola ati, Muletire omusaacha ono yindi nga omutu osasamasa abatu nabakosya. Ne mukhemeresise mu moni chenywe mwesi mweesi mbukanire nga awuma akhabi khakholire. Syalikho ambi nende bi mu muteyekho.15Nende Kerode yesi atyo, kamutukowosera; nga lumuwona, yiwuma syasobisye esikhoyera okhufwa. 16Khu lwesyo, ndamuwe esiwonereso sitono nimala mulekhula. 17(Era syamukhoyeranga okhubalekhulilanga omuwowe mulala khuludaalo olwomuyumo.)18Nekkono erala mu kukhero, bawoola baati, Tutuseekho omusaacha ono! Otulekhulire Balaba! 19(Balaba kali mu jeera olwokhuleeta mu siko akhasasamalo nekhwita.)20. Pilato kadakha okhulekhula Yesu kalondamo ati, analekhule Yesu. 21Ne abatu bemeeda nokhukhumulira amukulu nibawola baati, Mukhomerere! Mukhomerere! 22Ekhabi lyokhudatu kalomaloma yibali ati: Khu lwasi? Akholire sibi si? Siyali situ syoosi simuwenekho esyomukhengera omusaango kwokhufwa. Khulwesyo nja okhumuwa esiwonereso sitono nimala mulekhula.23Neabatu bacha mu moni nokukhero nga bawoola baati, bamukhomerere: okukhero kwawe kwemeeda okhucha amukulu. 24Manu Pilato koola okhubawa sibali badakha. 25Kalekhula omusaacha owali nateeywe mu jeere olwokhusasamasa nokhwita, oyo yibali ni basabire, kawayo Yesu khu lwokhudakha khwawe. Okhukhomerera.26Nga ni bamutangisamo, badiira Simoni owe Kulene owali khu lukendo lwaye naacha mu syalo, bamutwikha omusalabba bamuwoola akukinge naloonda Yesu.27Abatu bangi mu wungi bamulonda, alala nabakhasi bandi abali nibalira nibelalikhirifu. 28Yesu kabakalukhanira kabawoola ati, Bakhana ba Yerusalemi, mutalira khu lwange; mulire khulwenywe nolwabaana benywe.29Ebikha bicha okhwola lumuliwoolera muuti, Bali nesangaalo abo abakuumba, enda chitewulakho nembeere chitanuniyakho! 30Ne Baliwoola engulu baati, Tukweekho! nende khu tugulu baati, tufunikhe!. 31Nisiba nga abatu nibakhola bino omusaala ni kusiiri omubiisi, ne siriba siitye khu musaala mwomu?32Abasaacha bandi babiri, abakholi bembi, boosi bayiriwa alala naye okhucha okhwitiwa.33Ne ni beecha boola mu situndu sibalanga baati Esiyanga, eyo nje yi beecha bamukhomerera, alala nende abakholi bebibi__ mulala khu mukhono kwaye mulungi, owundi khu mukooda. 34Yesu kawoola ati, Bbabba, basasire, olwokhuba si bamanyire bi bakhola. Bakabana enguwo chaye ni bakhubba owululu.35Abatu bema awo bewunja, ata abatukki bachaaka okhumudyawukhira. Nibawoola baati, Kawoniyanga abandi; kewoniyekho omwene naaba ni nje Kurisito omwana wa Weere omwangale.36Nabasirikale bosi batulayo bamuchekherera. Bamuweresa okhunywa omwenge ku balanga baati Finiga 37. khandi bamuwoola baati, Noba omwenengo wa ba Yudaaya, wewoniye omwene. 38. Emutwe womusalabba bawandiikawo emboosi echisoma chiiti: ONO NJE OMWEN’ENGO WA BA YUDAAYA.39. Mulala khu beebi kachaaka okhulomalomera amukulu nasesise Yesu omunwa ati: Si niwe Kurisito? wewoniye wamwene nafwe! 40. Naye omwibi wundi kamwolobya. kamuwoola ati, Sutya Weere, ni wesi oli khu musaango nasirala? 41. Efwe batukhengeye mu wutufu, olwokhuba khuli okhufuna ebitukhoyera olwebibi bi khwakhola; naye ono musaacha awuma sikakhola esibi.42. Awene awo kakalukhanira Yesu kawoola ati, Yesu, wunjichulisanga noliba niwicha mu wenengo wawo. 43. Ne Yesu kamukowolamo ati, nkhuwoolera amasima, nti olwalero onabe nange mu ndalo ya Weere. Okhufwa Khwa Yesu.44. Wunanu nichali nga chakhoola mu saawa nga mukaaga, esyalo syadira esirema okhwola mu saawa mwenda eche ngolobe, 45. olwokhuba omubasu kwakama okhwadukha. Olutiimbe lwomunyumba ya Weere lwatandukhamo khabiri.46. Yesu kaalachira mukkono lyamukulu ati, Bbabba, owulamu wange mbuta mu makhono kawo nikamala otyo, kayeera omuya kwaye okusembayo. 47. Omukhuluutu wa basirikale emya, ni kawona ebyali byekholekhire, kakiniya Weere nawoola ati, Amasima ono abeye omusaacha mwolerefu.48. Abatu bangi abali nibechire okkhwewonerakho bino, ne nibawona ebyekholekhire, bekhubba mu birifu ni bamala bawawo. 49. Ne abali ni bamumanyire, alala nabakhasi bosi abali ni bamulondire okhutula e Galiraaya, bemera aleyi, bewonerakho ebitu bino. Okhusikhwa Khwa Yesu51owali natafukirisanisye nende bibali bakholire. Kali atula mu siko sye wuYudaaya esye e Rimasaaya owali nalindiriye Owenengo wa Weere. 50. Wunanu abawo omusaacha yibalanga Yusufu, mulala khu bali bolukhikho, omulayi khandi omwolerefu,52. Kacha ewa Pilato, kasaba omulambo kwa Yesu. 53. Kakuwanula, kakuwowa mu nguwo eyebeyi, kakuta mu nηηani eyabachiwa mukiina, eyali ni yitasikhiwakhomo omutu.54. Lwali oludaalo lwo’khwetekekherakho, e sabbiti niyiri ambi okhuchaka. 55. Abakhasi abali nibechire nende Yesu okhutula e Galiraaya balonda Yusufu bawona enηηani no’mubiri nga lubakukoniyamo. 56. Bamala bakowolayo engo batekekha amafuta kakhawowo ne’bichirakho. Ne bawumula olwa sabbiti nga batamo oluyaali olwokhoseresa esilagiro. Okhusyukhira.

Chapter 24

1.Oludaalo lusokha mu juma, echulichuli, obakhasi bayira amafuta kabali nibatekekhire khunηηani. 2. Bakaana ekiina nirikhiringisiswe okhutula khu nηηani, 3ne ni bengira mukkati, sibakaana omubiri kwO’mwami Yesu.4. Nibali basitangalaye khu sibawene, awenawo bawona abasaacha babiri munguwo echiηηenaηηena nga olumesya nibemire ambi nabo. 5. Mu wuti abakhasi benama assi no’weni wawe khuloba, ne abasaacha ba bawoola baati, “Lwasiina mukoonyera omulamu mu bafu?6. Syali ano; kasyukhiye! Mwichulise nga lukabawoola, nikali nasiri ni nanywe e Galiraaya: 7. “Omwana wo’mutu akhoyerwa awereseweyo mu mikhono cha’bakholi be’bibi, akhomererwe ni khu ludaalo lwo’khudatu asyukhisiwe khandi.’”8. Awene awo bakhewulira embosi chaye. 9. Nibakowoolayo nibatulire khu nηηani, bawoolera emboosi chino choosi, abeeki baye ekhumi namulala nende abandi bosi boosi. 10. Kali Maliyamu Magdalena, Yowana, nende Maliyamu nηηina Yakobo, na’bandi babali nabo abekesa bino eyiri abatume.11. Ne sibakhakhasa abakhasi bibali nibabawoolera, khulwokhuba emboosi chawe bachiwona nge chiwumamo amakhuluutu. 12. Ne Petero, kasiingira kerukha kaacha khu nηηani. Ne nikenama, kawona ensibiro chen’guwo nichiri awo cho’ηηene, keecha kawaawo, nikewuunya omwene ebyali ni byekholikhire. Khu ngira okhucha Emawo.13. Khu ludaalo nasirala, babiri khu bo, bali bacha mu siko sibalanga Emawo, chali nge mayiro musanfu okhwola e Yerusalemi. 14. Bali balomaloma abene nabeene khu bitu ebyali nibikholekhanire.16ne si bafukirirwa okhumumanya. 15. Nibali khubalomaloma mukhukaniyaya khu bitu bino abene nabeene Yesu mwene kabasudakho ambi kakenda nabo;17. Awene awo kabateeba ati, Bitu sina byene bino bimukaniyayakho nimukenda? Beecha bema nibadindibaye, baba abelalikhirifu. 18. Mulala khu bo, olangiwa Kulyoppa, kamuteeba ati, Ewe oli mukeni muYerusalemi muno otamanyire ebikholekhanire mu ndaalo chino?19. Kabateeba ati, Bitu sina? Bamukowoolamo baati, Yesu owe Nasareti.Kali Nabbi, owamaani mu mboosi nende mu bikholwa eyiri Weere nende eyiri abatu boosi. 20. Ne bakhawona bakhuluutu nabatukki befwe bamuwayo okhukhengerwa, nokhwitiwa, ne bamukhomerera khu musalabba;21khwali khubasise khuuti, nje ocha okhuwoniya Yisirayiri. khandi khu bino byosi okhwekhola, akhabitawo endaalo chidatu okhutula ebitu bino bibewo.23naye si bakanireyo omubiri kwaye. Bakowoye batuwolera baati bawene okhwekesewa khwa bamalayika, abawoye baati mulamu. 22. Nokhwongerakho, balala khu bakhasi befwe batuwukisye. Echulichuli yo lwaleero bachiye khu nηηani 24. Ata nende balala khu mukanda kwefwe bacha bosi khu nηηani ne bakaana nasirala nga bakhasi lubawoola, no’mwene si bamuwona.”25. Kabawoola ati, “Muli basiru muutye khandi emyoyo chenywe nga chikhinda okhufukirira ba Nabbi bibaba ni balomalomire! 26. Si syali sikhoyera Kurisito okhusandisiwa khwamale kengire mu luyaali lwaye?” 27. Kachaakira khu Musa, nende ba nabbi boosi, nga abekesa ebyalomalomwa mu byawandiikiwa byoosi khu bimudiirakho.28. Ne nibali bolerera olukoongo lubali bachamo, Yesu kakhola ngo’bita okhwemedayo. 29. Ne bamwekweda na’maani baati, “Doηηa nafwe, khuba owire wirire; esirema sinatere okhudira.” Kafukirira kadoηηa nabo.30. Nikali khumesa alala nabo, kawukula omugaati, keebasa, kakhalakamo kachaaka okhubayeresa. 31. Awo emoni chawe chekukha bamumanya, namala abakotakho. 32. Betebana abene nabeene baati, Emyoyo chefwe mukkati wefwe sichibeye nichiya nga lwabeye nalomaloma nafwe khu ngira nga atuwikhulira ebyawandiikiwa?33. Basiingira khangu bakowoolayo e Yerusalemi. Eyo bakaanayo ekhumi namulala, nabandi nebewusise alala. 34. Khandi nga bawoola baati, situfu! Omwami asyukhiye khandi kawonekhera Simoni.” 35. Awene awo bano babiri bekesa abadoηηire ebyekholekhire khu ngira, nende engeri Yesu yi bamanyirisiramo nabaweye omugaati. Yesu Awonekhera Abeeki Baye.36. Nibali nibasilomaloma khwibyo, Yesu omwene kema akkati wawe, kawoola ati, “Emirembe chibe ni nanywe.” 37. Bakwa eηηaηηa khandi baatya, ni babaasa baati bawene esikhyeno.38. Kabawolera ati, “Lwasina muteganisiwa, no’khutekhakhasa khusingisiwa mu bibaso byenywe? 39. Muwone amakhono na’makulu kange. Nise samwene! Mundirekho khandi muwone; esikhyeno sisiba nomubiri namakumba, nga lu muwona ndi nabyo. 40. Nikamala okhulomaloma bino, kabeekesa amakhono kaye namakulu.43kayiwukula, kaalya ni bawona. 41. Ne nga nibali batakhakhasa khu lwesangaalo nokhutangalala, kabateeba ati, Mulikho ano nende esyokhulya syoosi? 42. Bamuwa enηηeni nsambe,44. Kabawoola ati, “Bino nje bi nabawoolera nisiri nanywe: wuli siitu sikhoyire syolerere esyali nisyawandiikiwa khwise mu malako ka Musa, ba Nabbi nende mu Sabbuli.”45. Kamala keekula ebibaaso byawe kho banyale okhumanya ebyawandiikiwa. 46. Kabawoolera ati, Bino nje byawandiikiwa: Kurisito alisanda khandi kasyukhira emakombe khu ludaalo lwokhudatu, 47nokhwenenya nokhulekherwa khwebibi biriwulirwa mu litta lyaye mu byalo byoosi, okhuchakira e Yerusalemi.48. Muli bajulisi be bitu bino. 49. Nja okhubatumira oyo bbabba yi kasubisa; naye mube mu siko okhwola lu mulyambasiwa amaani okhutula amukkulu.Okhucha Mwikulu.50. Nikali kakhamala okhubatangiriramo okhutula mu sifwo esye Batane, kasiingisa amakhono kaye amukulu kabawa enkhabi. 51. Ne nikali nali okhubawanga enkhabi, kabalekha kayiriwa mukulu.52. Bamwinamira bamala bakowoola e Yerusalemi nesangaalo eringi. 53. Basikala mu nyumba ya Weere, nibafumiya Weere.

John

Chapter 1

1Olwa’mberi lwene aliwo emboosi, emboosi yaba nende Weere, ne emboosi yaba Weere. 2. Oyo kaliwo khu lwa’mberi nende Weere. 3. Ebiitu byoosi byakholewa khu lwoyo; ataasi ye siwakhakholekhire siitu ata sirala esyakholewa.4. Owulamu wa’mulimo, owulamu waba omubasu kwa’batu. 5. Omubasu kwadukha mu siirema, ne esiirema sisyakutegeera.6Weechawo omutu Weere yi katuma; eriita lyaye nje Yokana. 7. Oyo keecha ngomujjulisi okhujulira ebidiira khu wulafu owo, khosibe mbo okhumubitiramo sinyalikhe abatu okhufukiirira. 8. Ye omwene sikali omubasu; keecha wusa ngo’wujjulisi khu mubasu.9. Owulafu owamasima owuweresa owulafu khu wuli mutu wali wiicha musyalo.10. Kali musyalo, esyalo syakholewa nga sibitira mu’ye, ne esyalo si syamumanya. 11. Keecha mu mako kaye, naye abali mu mako kaye sibamusangaalira.12Naye boosi aba’musangaalira, nje abafukiirira eriita lyaye, Kabawa owunyala okhuba abaana ba Weere__ 13. abaana abateewulwa namabaanga, ata okhudakha khwomubiri oba okhudakha khwo omusaacha, naye abewulwa Weere.14Emboosi yekhola omubiri khandi katwikhalamo. Khwawona oluyaali lwaye, oluyaali olwooyo owewulwa mulala yeηηene, owecha okhutula ewa Seefwe, nikechuuye esisa na masima. 15. Yokana kamulomalomakho. Kalomalomera amukulu nawoola ati, “Ono nje yinawoola nti keecha, ‘Oyo owiicha enyuma wange kankhira ese olwokhuba nje owali owamberi khwiise.’”18Si ali owali naweene khu Weere, naye Weere mulala, khandi oyo owikhaye mulubafu lwa Seefwe, akirire kamanyikha. Yokana Omubatiisi Kekaana Ati Sinje Kurisito. 16. Olwokhwiichula khwesisa syaye effwe feesi khwafuna esisa sirala olunyuma lwe esisa siindi. 17. Olwokhuba amalako kayeresewa okhubitira mu Musa; esisa na’masima byecha okhubitira mu Yesu Kurisito.21Bamuteeba baati, “Wunaanu niwe naanu? Niiwe Eriya?” Kakowolamo ati, “Siniise.” “Niiwe nabbi?” Kakowolamo ati, “bbe.” 19. Wunaanu wuno nje owali owujulisi owa Yokana Abayudaaya aba e Yerusalemi nga nibamutumira ba khawona nende Abaleefi okhumuteeba baati kali naanu. 20. Sikakhirwa khwekhalaka, kekhalaka alafu n'alafu ati, “Sinise Kurisito.”22. Lunyuma bawoola baati, “Niiwe naanu? Tuwe bikhunakowolemo abatutumire. Weranga naanu?” 23. Yokana kakowoolamo mu mboosi cha nabbi Yisaaya ati, “Ese ndi kkono lyo’mutu olomalomera amukkulu mu sibbarara, ati, ‘Mukololosere omwami engira.’”24. Wunaanu balala khu Bafalisaayo abali nibatumiirwe 25bamuteeba baati, “Khu lwasiina obatiisa nuba nga siniiwe Kurisito, oba Eriya, oba Nnabbi?”26. Yokana kabakowolamo nawoola ati, “Ese mbatiisa na’maachi, “Ne akati mwiinywe emire omutu yimutamanyire. 27. Nje oyo otula enyuma wange, nga ssesi sinyala okhuwolola ensiya che biraato byaye.” 28. Ebyo byoosi byakholewa e Besaniya engerekha wa Yoludaani, Yokana yikabatiisiranga. Yesu Ekoondi Lya Weere.29. Oludaalo lwalondakho Yokana kawona Yesu nikecha yali kawoola ati, “Wona, omwana we koondi owa Weere, otusawo ebibi bye syalo! 30. Ono nje yinali ninomalomakho nimboola nti, ‘Enyuma wange yiicha omusaacha owunkhira olwokhuba nje owali owamberi khwiise.’ 31. Ssesi simweene sinali nimumanyire, naye esyakira niniicha nimbatisanga na’maachi syali mbo ye amanyikhe mu ba Yisirayiri.”32. Awo Yokana kajjulira nawoola ati: “Nawona omwoyo natula mwikulu nga ewuusi kamusikalakho. 33. Ssesi sinakhamumayire, naye owantuma okhubatiisa na’maachi nje owamboola ati, ‘Ewe oliwona omwoyo nikeecha namubakho oyo nje olibatiisa no’mwoyo omwolerefu.’ 34. Ssesi nawona najjulira nti, “Oyo nje omwana wa Weere.” Abeeki Ba Yesu Aba’mberi35Oludaalo olwalondakho Yokana lundi kali awo nende abeeki baye babiri. 36Nikawona Yesu nabitawo, kawoola ati, “Wona, omwana we koondi owa Weere!”37Abeeki abo babiri nibawulira nalomaloma atyo, balonda Yesu. 38Yesu kekhewukha, kabawona nibamulonda, khandi kabateeba ati, “Mudakha siina?” bakowolamo baati, “Rabbi’’ (esyekesa siiti omwekesa), “Wamenya yeena?” 39Kakowolamo ati, “Mwiche,” “Manu munawone.’’ Manu bacha bawona yikali nikamenya, bamala oludaalo olwo naye. Chali ambi esaawa ekhumi.40Andereya, mwanaaηηina Simoni Petero, kali mulala khu babiri owawulira Yokana bikali nalomalomire khandi owali nalondire Yesu. 41Esya’mberi Andereya sikakhola nje okhukoonya mwanaaηηina Simoni kamuwoolera ati, “Khuwukanire Messaya’’ (nje Kurisito). 42Manu kamala kamuyira eyiri Yesu. Yesu kamutingaala kawoola ati, “Niwe Simoni omusyani wa’Yokana. Onalangiweenge Keefa” (nusikalukhaniya, nje Petero). Yesu Alanga Firipo Nende Nasanayiri.43Oludaalo olulondakho Yesu kakhengawo okhucha e Galiraaya. Ni kawukaana Firipo, kamuwoola ati, “Nonde.” 44Firipo, nasirala nende Andereya nende Petero, kali atula mu siko sye Besusaida. 45Firipo kawukaana Nasanairi kamuwoola ati, ``khuwukanire ola Musa yikawandiikakho mu malako, nende ba nnabbi bosi yibawandiikakho__ Yesu owe Nasaleesi, omusyani wa Yusufu.”46“Nasaleesi! Aliwo esilayi esyakhatula eyo?’’ Nasanayiri kateeba. Firipo kawoola ati, “Yiicha owone.” 47Yesu nikawona Nasanayiri nikeecha, kamuwoola ati, “Omu'Yisirayiri mwene nguno, otaasikho akhamoko khoosi.” 48Nasanayiri kateeba ati, “Wumanyire otye?” Yesu kakowolamo ati, “Nakhuwona niwali nosiiri mu musaala kwo mutuli Firipo natakhulanga.”49Manu Nasanayiri kalangirira ati, “Rabbi, niiwe omwana wa Weere; niiwe omwene’ngo wa’Yisirayiri.” 50Yesu kawoola ati, “Ofukiiriye olwokhuba nakhuwoola nti na khuwona assi wo’musaala kwo mutuli. Ocha okhuwona ebiitu bikali ebikhira awo.” 51. Lundi kemeeda ati, “Nkhuwoolera amasima, oliwona ekkulu niriikukha, nende bamalayika ba Weere nibaniina khandi nibeekha khu mwaana wo’mutu.”
Chapter 2

1Khu ludaalo lwo’khudatu oweeya waliwo mu Kaana esye Galiraaya. Nηηina Yesu kaliyo, 2ne Yesu nende abeeki baye boosi bali balangiiwe khu weeya.3. Efwinyo niyawa, nηηina Yesu kamuwoola ati, “Bawuma efwinyo yindi.’’ 4. Yesu kakowolamo ati, “Aa omukhaye, lwasiina wunyingisamo?” “Ebikha byange bisiiri okhwoola.” 5. Nηηina kawolera abakhosi ati, “Mukhole syoosi syabawoola.”6. Ambi awo aliwo entamu mukaaga echamaachi nichemire echabachiwa mumakina, echifwaana chiityo echakhosesewanga Abayudaaya khumisiro cho’khwoosa, wuli yitula nga yirimo amaachi akoola e galani okhutula khu makhumi kabiri okhwoola khu kadatu. 7. Yesu kawoolera abakhosi ati, “Mwichuse entamu na’maachi;” manu bachiichusa okhwoola khuminwa. 8. Namala abawoola ati, “Wunaanu mudayekho akandi muyirire omwemeresi wo’muyumo.” Bakhola baatyo,9. manu omwemeresi wo’muyumo kakhombakho khu maachi akali nikakalukhanisiiwe okhuba efwinyo. Byamukhasa okhumanya yiyitulire, asyakhaba mbo abakhosi abali nibadayire amaachi bamanya. Kamala kalanga wamwe yo’mweeya entulo. 10. Kawoola ati, “Wuli mutu kekherera kakawula efwiinyo ye’ndikho kho kaleeta eya juule abakeni ni bekutire; nawe obiikhire endikho yikhenerekhe wunaanu.”11. Sino, nje esya’maya esya’mberi syo’wuwonero, Yesu sikakholera mu Kaana esye Galiraaya. Atyo nje ni kakisula oluyaali lwaye, abeeki baye bamufukiririramo lukali. Yesu Atereesa Enyumba Ya Weere.12. Sino nisyawa kekhirira e Kaperenaumu nende nηηina nende bamwananηηina na abeeki baye. Eyo baliyo endaalo ntono.13. Ebikha bya Pasaka ya Bayudaaya nibyali nibiri ambi okhwoola, Yesu kaniina kaacha e Yerusaalemi. 14. Mu nyanyi che nyumba ya Weere kawukaanamo abasaacha nibakusa eηηoombe, amakoodi, nende nawuruuku, na’bandi nebekhaaye ambi na mameesa nibafunjisa erubbya.16Eyiri abali nibakusa nawuruku kawoola ati, “Bino mubituse ano! Munyala mutye okhukalukhaniya enyumba ya Bbabba okhuba akhatale!’’ 15. Kawukula ensiya kalukhamo omukoye kabanaalanaala kaberusya kabatusa erwanyi we nyumba ya Weere, byombi amakondi ne ηηombe; kasalaaniya erubbya chesangasa echa bafunjisi kafunikha emeesa chawe.17. Abeeki baye bechulisa baati syawandiikiwa siiti: “Okhudakha lukali enyumba yawo khuliindiya.” 18. Manu Abayudaaya bamudakhakho sino, “syamakana siina esyokhuwonerakho syunyala wekesa okhumanyisa owunyala wawo okhukhola bino byoosi?’’ 19. Yesu kabakowolamo ati, “Mukwiise enyumba ya Weere yino, esse nayisiingise khandi mu ndaalo chidatu.”20. Manu Abayudaaya bakowolamo baati, “Situyiriiye emyaaka amahumi kane nende mukaaga okhwombakha enyumba ya Weere yino, nawe ocha okhuyisiingisira mundaalo chidatu?” 21. Naye enyumba ya Weere yikali nalomalomirekho kwali mubiri kwaye. 22. Nikamala okhusyukhisiwa okhutula mu’bafu, abeeki baye bakhewulira bikali nawooye. Manu bafukiirira ebyawandiikiwa nende emboosi Yesu chikali nalomalomire.23. Ne nikali nali mu Yerusalemi khu muyumo kwa Pasaka, abatu bangi bawona ebyamakana byo’wuwonero bikali nakhola bafukiirira mu liita lyaye. 24. Naye Yesu sikabewa okhumwesika, olwokhuba kaba abamanyire boosi. 25. Sikadakha owujjulisi woosi owo mutu, olwokhuba kamanya esiri mu mutu.

Chapter 3

1Wunaanu aliwo omusaacha mu Bafalisaayo eriita lyaye Nikodemu, omuna’sikanda mu lukhiikho lwa Bayudaaya olutuki. 2Keecha eyiri Yesu esiro kawoola ati, “Rabbi, khumanyire khuti oli omusomesa otula ewa Weere. Olwokhuba yiwuma onyala okhukhola ebyamakana byo’wuwonero byukhola Weere nataasi naye”.3Mukhukowolamo Yesu kaatula ati, “Nkhuwolera amasima, yiwuma onyala okhuwona owene’ngo wa Weere okhutusakho nikewuuywe khandi”. 4Nikodemu kateeba ati, “Omutu anyala atye kewuulwa nimukhuluutu?” “Masima keene syanyala kengira ekhabi lyo’khubiri munda ya ηηina okhwiwulwa!”5Yesu kakowolamo ati, “Nkhuwoolera amasima, yiwuma onyala okhwiingira mu wene’ngo wa Weere okhutusakho nikewuuywe na’maachi no’mwoyo. 6Omubiri kwiiwula omubiri, naye omwoyo kwewula omwoyo.7Syo’khoya okhwesiindukha khu simboola, ‘oteekwa okhwiiwulwa wuyaakha.’ 8Embuunga yiwuchira yiyidakhira. Owulira embukuma yayo, naye syo’nyala okhuwoola yiyitula oba yiyicha. Siityo nje siri eyiri wuli wiiwulwa omwoyo.”9Nikodemu kateeba ati, “Sino sinyalikha siitye?” 10“Oli musomesa wa Yisirayiri”, Yesu kawoola ati, “Ne syumanyire ebitu bino?” 11Nkhuwoolera amasima, khuwoola bikhumanyire, khandi khuwa owujjulisi khu bikhuweene, naye ne’lusiba siityo batu enywe simufukirira owujjulisi wefwe.12Nomalomire yuli khu’bitu bye syalo ne syufukiirira; wunaanu onafukiirire otye ni nomalomire ebitu byo’mwikkulu? 13Yiwuma mutu wachakho mwikkulu okhutusakho oyo owatula mwikkulu__ omwana wo mutu.14Nga wusa Musa nikasingisa enjokha mu sibbarara, siityo omwana wo’mutu ateekwa okhusiingisiwa, 15kho nawuli omufukiriramo anyale okhufuna owulamu wutawawo.16“Atyo Weere nje lukadakha esyalo manu kawaayo omwana waye mulala yeηηene, kho nawuli omufukiiriramo akhaye okhukota naye abe no’wulamu owutaliwawo. 17Olwokhuba Weere sikatuma mwana waye mu syalo okhukhengera esyalo omusango, naye esyalo silokolewe okhubitira muye. 18Nawuli omufukiiriramo syakhengerwa musango, naye nawuli otamufukiiriramo asikala namalire okhukhengerwa olwokhuba syafukiriiye mu liita lyo’mwana wa Weere mulala yeηηene.19Yino nje enkhenga yo’musaango: owulafu wiichire mu syalo, naye abatu badakha esiirema musifwo syo mubasu olwokhuba ebikholwa byawe byali ebibi. 20Nawuli okhola esibi syadakha owulafu, khandi syanyala keecha mu’wulafu olwokhutya ati ebikholwa byaye banabyanjuluse. 21Naye nawuli obawo mu masima keecha mu wulafu, kho siwonekhe lwatu siiti syakholire sikholikhire, nisibita mu Weere.” Owujulisi Wa YokanaOmubatiisi Khu Yesu.22 Sino nisiweye, Yesu nende abeeki baye batula baacha mu syalo sye’Buyudaaya, yikamala ebikha nabo, kabatiisa. 23Wunaanu Yokana yesi kali abatiisa awutu alangiwa Ayenoni ambi nende Salimu, olwokhuba aliwo amaachi mangi, na batu bechaanga wuli sikha okhubabatiisa. 24. (Sino syaliwo Yokana ni batamuyira mu jeera.)25Okhuyiingana ’khwabalukhawo akati wa balala khu bekesa ba Yokana nende omuyudaaya wundi ebidiira khu musiro kwo’khweyosa. 26Beecha eyiri Yokana bamuwoola baati, “Rabbi omusaacha ola yiwali naye khu luwande lula olwa Yorudaani__ omusaacha yiwatusirakho owujjulisi__ sirayi, abatiisa, khandi wuli mutu ali okhucha yali.”27Khu sino Yokana kakowolamo ati, “Omutu anyala wusa okhufuna esimuweresewe okhutula mwikkulu. 28Enywe abene munyala okhujulira muti nawoola nti, ‘siniise Kurisito naye natumiwa emutwe waye.’29Omweeya aba wo’musaacha omudekhiisye. Omulobera okhola khu musaacha odekhiisye amulinda khandi kamutekeresera, khandi aba kechula esangaalo nawulira ekkono lyo musaacha odekhiisye, owusangaafu owo wange, ne khandi wichufu. 30Ateekwa okhuba amukkulu; esse nteekwa okhwiikha.31“Otula amukkulu ali amukkulu wa byoosi; otula khu syalo aba we syalo, khandi alomaloma ebyo mu syalo, otula mwikkulu ali amukkulu wa byoosi. 32Ajulira khu bya wene nende bya wuliiye, ne yiwuma ofukiirira owujulisi waye. 33Omutu osifukiriiye komisiise ati Weere mwesikwa.34Olwokhuba oyo Weere yikatuma alomaloma emboosi cha Weere, olwokhuba Weere amuwa omwoyo ataasi esyakamo. 35 Lataηηene adakha omwana khandi katta wuli siitu mu makhono kaye. 36Nawuli ofukiirira mu mwana ali no wulamu owutawawo, naye nawuli okhaya omwana syaliwona owulamu, olwokhuba ettima lya Weere limusikalakho.
Chapter 4

1Abafalisaayo bawulira baati Yesu kali afuna khandi abatiisa abeeki bangi okhukhira Yokana, 2asyakhaba mbo mu masima Yesu sinje owali abatiisa, naye abeeki baye. 3Omwami nikamanya sino, katula e Buyudaaya kakowolayo lundi e Galiraaya.4Wunaanu kali ali no’khubitira mu Samaliya. 5Manu keecha musiko mu Samaliya esilangiwa Sukali, ambi nende endalo Yakobo yikali naweye omusyani waye Yosefu.6Omwaalo Kwa Yakobo kwaliyo, ne Yesu, no’wujjoηηu wukali nawo mulukendo, kekhala assi amwaalo. Yali ambi esaawa yo’mukaaga. 7Omukhasi mu Samaliya ne keecha okhudaya amaachi, Yesu kamuwoola ati, “Wakhambakho esyo’khunywa?” 8(Abeeki baye bali bachiye mu siko okhukula ebyo’khulya.)9Omukhasi mu Samaliya kamuwoola ati, “Oli Omuyudaaya nange ndi omukhasi omusamaliya. Onyala otye onkhunsaba esyo’khunywa?’’ (Olwokhuba Abayudaaya sibakholagana nende Abasamaliya.) 10Yesu kamukowolamo ati, “Oba niwamanya esiyanwa sya Weere nende oyo oli khu khusabaanga esyo’khunywa, wakhamusabire khandi kakhakhuweye amaachi akowulamu.”11Omukhasi kawoola ati, “Omwami,” “Owuma siitu syo’khudayira khandi omwaalo muleeyi assi. Amaachi ko’wulamu kano onakatuse yena? 12Ewe okhirakho Seefwe Yakobo, owatuwa omwaalo khandi omweene kakunywamo, nende abasyani baye nende ebyaayo byaye na’mayicho kaye?”13Yesu kakowolamo ati, “Nawuli onywa khu maachi kano aliba no’wuluwo khandi, 14naye nawuli onywa amaachi kaamuwa syaliwulira wuluwo khandi, mumasima, amaachi kamuwa kaliba ensulo mu’ye akakhulukusa okhwoola mu wulamu owutawawo.”15Omukhasi kamuwoola ati, “Omwami, mberese amaachi kano nkhaye okhuba no’wuluwo khandi nakame okhwichaanga ano okhudaya amaachi.” 16Kamuwoola ati, “Cha, olaange wamwo omale okowole.’’17Omukhasi kakowolamo ati, “Mbuma wamwange.” Yesu kamuwoola ati, “Oli mutuufu nuwoola oti owuma wamwo. 18Esituufu siri siiti, wali kho nende bawamwo bataanu, no’musaacha yoli naye wunaanu wuno khaba siwawo. Siwakhalomaloma situufu syeene.”19Omukhasi kawoola ati, “Omwami,” “Ndi okhuwona nti oli Nnabbi. 20Ba sefwe bekalikhiriranga khu lugulu luno, naye enywe Abayudaaya muwoola muuti esifwo sikhuteekwa okhwekalikhiramo siri mu Yerusaalemi.”21Yesu kaatukhirisa ati, “Fukiirira bimboola, mukhasi ewe, esikha siicha okhwoola lumutakhekalikhire senywe khulugulu luno oba Yerusalemi. 22Enywe aba Samaliya mwekalikhira bimutamanyire; efwe khwekalikhira bikhumanyire, olwokhuba okhuwonesewa khutula mu ba’Yudaaya.23Naye esikha siicha okhwoola ni khandi syolire abekalikhira abatuufu lu balyekalikhira ssaawe mu mwoyo na masima, olwokhuba nje abekalikhira mungira saawe yakoonya. 24Weere mwoyo, na abamwekalikhira bateekwa okhumwekalikhira mu mwoyo nende mu masima.”25Omukhasi kawoola ati, “Manyire nti Mesaaya” (olangiwa Kurisito) keecha. Ne nikeecha, kakhatuwoolere ebitu byoosi.” 26Manu Yesu kalangirira ati, “Ese olomaloma nawe yuli niise oyo.” Abeeki Bakowola Khu Yesu Khandi.27Awene na’weene abeeki bakowola manu bawuka okhumuwukana nalomaloma no’mukhasi. Naye yiwuma owateeba ati, “Odakha siina?” Oba “Lwasiina olomaloma naye?”28Manu, omukhasi kalekha awo ensoongo yaye, kakowolayo mu siko kawolera abatu ati, 29“Mwiiche, muwone omusaacha wumboleye ebiitu byoosi binakhakholakho. Ono anyala okhuba ninje Kurisito?” 30 Batula erwanyi wesiko bachaaka olukeendo okhucha yaali.31Awene awo abeeki baye bamukhubbirisa baati, “Rabbi, lyakho esiitu.” 32Naye kabawoolera ati, “Ndi nende eby’okhulya binyala okhulya bi’mutamanyire.” 33 Manu abeeki baye bemonya abene nabeene baati, “Anyala okhubaawo omuleteeye ebyo’khulya?”34Yesu kawoola ati, “Ebyo’khulya byange,” “Nje okhukhola esyo owa’ntuma sikantuma nokhumalirisa omulimo kwaye. 35Simuwoola muuti, ‘Yisisikaaye emyeesi chine khwole khu kessa?’ Mbawolera, mwikule emoni chenywe muwone endaalo! Cholire echo’khukessa. 36Nende wunanu okessa afuna omusaara kwaye, nende wunanu okessa akessa esirime olwo’wulamu wutawawo, kho omutaaki nende okesa basangaalire alala.37Olukaado luwoola luuti, ‘Owundi ataaka no’wundi akessa’ lutuufu. 38Nabatuma okhukessa bimutakholera. Abandi bakhola omulimo okwamaani, nanywe mwafuna mu maani kaawe.” Abasamaliya Bangi Bafukiirira.39Bangi khu ba Samaliya okhutula mu siko bamufukiriramo khulwo’wujjulisi wo’mukhasi, “Kamboolera ebiitu byoosi binali nakholakho.” 40Manu Abasamaliya nibeecha yaali, bamukhubbirisa amenye nabo, kamenya endaalo chibiri.41Manu khu lwe’mboosi chaye bangi beene baba abafukiirira. 42 Bawoolera omukhasi baati, “Sikhusifukiirira okhweema khu biwawoola; wunaanu khwe’wuliriye abene, manu khumanyire khuuti omusaacha ono masima nje omuwoniya we syalo.” Yesu Awoniya Omusyani Wo’mukhongo43Endaalo chibiri echo nichabitawo kacha e Galiraaya. 45Nikoola mu Galiraaya, aba Galiraaya bamusangaalira. Bali bawene bikali nakholire mu’Yerusalemi khu muyumo kwa Pasaka, olwokhuba boosi baliyo. 44. (Wunaanu Yesu omwene kali kekesiise ati Nabbi syaba no’luyaali musyalo syaye syene).46Ekhabi lindi kakeniya khandi mu Kaana esye Galiraaya, yikali nakalukhaniisiye amaachi okhuba efwinyo. Manu yaliwo omukhongo wo mwene’ngo owali nende omwana mulwaye mu Kaperunaumu. 47Omusaacha ono nikawulira mbo Yesu kali kolire mu Galiraaya okhutula mu Buyudaaya, keecha yali kamusaba ache awoniye omusyani waye, owali ambi okhufwa.48Yesu kamuwoola ati,“Okhutusakho nga batu enywe nga muwene owuwonero we bya mayiya ne’biwukya,” “Simu’lifukiirira bbe.” 49Omukhongo wo mwene’ngo kawola ati, “Omwami, yikhirira omwana wange na’tafwa.” 50Yesu kakowolamo ati, “Onyala okhucha.Omusyani wawo anaabe mulamu.” Omusaacha kayira emboosi ya Yesu kawawo.51Nikali nasiiri khungira, abakhosi baye bamuwukanira namawulire baati omusyani waye kali mulamu. 52Nikateberesa okhumanya ebikha omusyani waye bikaberamo wulayi, bamuwoolera baati, “Omusujja kwamuweyekho ekulo khu saawa yo’musanfu”.53Manu simwana kasimanya ati sino nje esikha syene Yesu sikali namuwoleye ati, “Omusyani wawo anaabe mulamu.” Manu ye nende abomudaala lyaye bafukiirira. 54Sino nje esyali esyamayiya esyo’khubiri esya’khawonero Yesu sikakhola, nikakhatula e Buyudaaya okhucha e Galiraaya.
Chapter 5

1Esikha nisyabitawo, Yesu kanina kazcha eYerusalemi khu muyumo kwa Bayudaaya. 2Wunaanu aliwo mu Yerusalemi ambi nende esiriwa sya makoondi esidiba sya’maachi, esilangiwa mulwe Bulaniya siiti Basesuda khandi esyewodokhanisiiwa na’matakoola kataanu akalikho ebirama. 3Ano abatu bangi abatenyala bakonaangawo__ Abawofwu, abalema, ababbaangalala, (abalindanga amaachi: 4Olwokhuba malayika wa Weere kekhanga ebikha bindi mu sidiba nabiiryuusa amaachi: nawuli wekhiriranga okhwingiramo, amaachi nikabiiryukhire, kawonesewanga owulwaye woosi wu’kalingi nawo.5Mulala owali awo kali kakhalwalira emyaka amakhumi kadatu nende munana. 6Yesu nikamuwona nakonire awo khandi nga kasimanya ati kali mu mbera yino embaka endeeyi, kamuteeba ati, “Odakha okhuba wulayi?”7Omulwaye kakowolamo ati, “Omwami”, “Mbuma mutu onanjeede okhucha mu’sidiba amaachi nikabiiryukhire, ningesakho okhwiingira omutu wundi kanekherera emutwe.” 8Manu Yesu kamuwoola ati, “Singira! Wukula omukeka kwawo okende.”9Awene na’weene omusaacha kawona; kawukula omukeka kwaye kakenda. Oludalo sino lusya’berawo lwali lwe Ssabiiti,10manu Abayudaaya bawoola omusaacha owawonesewa baati, “Lwa Ssabiiti; erako likhulobera okhukinga omukeka kwawo.” 11Naye kakowolamo ati, “Omusaacha wambonisye kambooye ati, ‘Wukula omukeka kwawo okende’”.12Manu bamuteeba baati, “Nje naanu ono okhuwooye okuwukule manu okende?” 13Omusaacha wali nawonisiiwe bya’mukhaya okhumanya oba kali naanu olwokhuba Yesu kali amalire okhwingira mu sidiikha esyali awo.14Olunyuma Yesu kamuwukana khunyumba ya Weere kamuwoola ati, “Wona, oli mulamu khandi, yakama okhukholanga owubi kho esikhirawo owubi sikhaye okhukhwekholakho.” 15. Omusaacha kacha kawawo, kacha kawoolera Abayudaaya ati kali Yesu owamuwoniya. Owulamu Okhubitira Mu Mwana16Manu, olwokhuba mbo Yesu kali akholera ebitu bino khulwa Ssabiiti, Abayudaaya ba musandya. 17Yesu kabawolera ati, “Bbabba kamenya khumulimo kwaye nokhwola olwalero luno, nende esse ssesi, ndi okhukhola.” 18Khulwasino Abayudaaya bameedamo amaani okhukesakho okhumwita; sikali okhukhalaka essabbiti yo’nηene, naye kali alanga Weere okhuba latanηηene mwene, nikekhola mbo kakana nende Weere.19. Yesu kabakowolamo ati, “Mbawolera amasima, Omwana awuma syanyala okhukhola omwene, anyala okhukhola esyo’syonηηene syawona simwana nakhola, olwokhuba nawuli simwana syakhola no’mwana yesi asikhola. 20. Olwokhuba simwana adakha omwana khandi amwekesa byoosi byakhola. Eee, okhubawukya alimwekesa ata ebitu bikhongo ebikhira bino.21Olwokhuba nga simwana nasingiisa abafwiye kabawa owulamu, siityo no’mwana awa owulamu eyiri oyo yasangaliiye. 22. Simwana nga natakhengera yeesi omusango, naye kesika omwana mukhukhenga emisango choosi, 23. Manu boosi bate oluyaali mumwana nga nibata mu simwana. Otata oluyaali mu mwana syata oluyaali mu simwana, owamutuma.24. “Mbawolera amasima, nawuli owulira emboosi yange khandi kafukirira mu wantuma ali nende owulamu owutawawo khandi salikhengerwa omusango okhumukhira; atumirewo okhutula mukhufwa kaacha mu wulamu.25. Mbawolera amasima, esikha siicha khandi simalire okhwoola abafu lubaliwulira ekkono lyo mwana wa Weere ne abo abawulira baliba balamu.26Olwokhuba nga simwana lwali no’wulamu mu ye omwene, siityo ateeye mu mwana owulamu okhumubaamo omwene. 27Khandi omwene owunyala okhukhenga emisango olwokhuba nje omwana wo mutu.28Mutesiindukha khu sinno, olwokhuba esikha siicha abali mubirindwa byawe lubaliwulira ekono lyaye 29batula erwanyi – abo abakholaanga ebirayi balisyukhirira owulamu, ne abo abakholanga owubi balisyukhirira omusango.30Khulwange omwene yiwuma sinyala okhukhola; nkhenga omusango wusa nga nimbulira, nokhukhenga khwange khwamasima, olwokhuba sindakha okhwesangasa omwene okhutusakho oyo owantuma. Owujjulisi Owudiira Khu Yesu. 32Yiriyo owundi ojjulira nikangwira, khandi nga manyire nti owujjulisi waye khwiise wulimo amakhuluutu. 31. “Ninekholakho owujjulisi esse omwene, owujjulisi wange wuwuma amakhuluutu.33“Mwalakiirisa Yokana manu atusiise owujulisi owutufu. 34 Okhulekha mbo nfukirira owujjulisi wo wutu; naye esse nsitumbuula kho mube nga muwonesewa. 35. Yokana kali taara lyadukha khandi erimulikha, manu mwakhengawo olwe’sikha sitono okhusangaalira owulafu waye.36Esse ndi nende owujjulisi owusito owukhirakho owa Yokana. Olwokhuba emirimo chene chi Bbabba kamba okhumalirisa, khandi chiindi okhukholanga, chekesa chiiti Bbabba kantuma. 37Ne Bbabba owantuma omwene awa owujjulisi khubindiirakho. Simuwulirangakho ekkono lyaye oba nga lwafana, 38ata ne’mboosi yaye siyikhalangakho mwinywe, olwo’khuba simufukiirira oyo yikatuma.39Musoma ebyawandiikiwa no’khwegenderesa khungi ni mubasa muuti mu’byo mufuna owulamu owutawawo. Bino nje ebyawandiikiwa ebijjulira khwiise, 40ne mukhaya okhwicha yiindi okhufuna owulamu.41Sinfukirira batu okhunginiya, 42naye mbamanyire. Manyire nti muwuma khudakha khwa Weere, mu myoyo chenywe.43Niichire muliita lya Bbabba, ne simunfukirira; naye owundi yesi nikecha muliita lyaye, omwene mwakhamufukirire. 44Munyala mutye okhufukirira okhukinisiwa okhutula khu bene na’beene, ne si mutayo omwoyo okhufuna okhukinisiwa okhwo okhutula eyiri Weere oli mulala ye’nηηene?45“Naye mutabaasa muuti, nja okhubawabira eyiri Bbabba. Omuwabi wenywe nje Musa, yi mwatakho esubira chenywe. 46Muba nimwafukirira Musa, mwankhanfukiriye Ssesi, olwokhuba kambaandikakho. 47Ni nga nimutafukirira bikawandiika, munanyale mutye okhufukirira bimboola?” Yokana
Chapter 6

. 1Esikha sitono nisibitire, Yesu kambukha kaacha engerekha we nyanja ye Galiraaya (eyo nje nyanja ya Tiberiya), 2manu okudiikha kwa’batu kwa’mulondakho olwokhuba bawona owuwonero wa mayiiya wukali nakholire khu balwaaye. 3Manu Yesu kaniina khu luwande lwo’lugulu kekhala assi nende abeeki baye4Omuyumo kwa Bayudaaya okwa Pasaka kwali ambi okhwoola. 5Yesu nikasingisa emoni kawona okudiikha nikwiicha yali, kawoola Firipo ati, “Khunakule yena emigaati okhuliisa abatu bano?” 6Kateeba sino okhumuleba wusa olwokhuba mu mwoyo kwaye kali omwene amanyire sikali naacha okhukhola.7Firipo kamukowolamo ati, “Ata omusaara kwe myeesi munaana sikunyala khumala okhukula emigaati nawuli mutu kanyala okhulumakho!” 8Owundi khu beeki baye, Andereya, mwanaηηina Simoni Petero, kalomalomera amukulu ati, 9“Aliwo ano omusyani oli nende otugaati tutaanu nende otuηηeeni tubiri otutono naye tunatwoose yeena khu wungi wa’batu wuno?10Yesu kawoola ati, “Mwikhase abatu assi.” Musifwo esyo aliwo owunyaasi wungi, manu abasaacha bekhala assi, aboola ambi elifu chitaanu. 11Manu Yesu kawukula emigaati, kebassa kachikabaniyamo abo abali nibekhaaye balya nga nibali nibadakha. Kakhola atyo nasirala nende eηηeeni. 12Manu bosi boosi nibali nibaliye nibekutire, kawoola abeeki baye ati, “Muwuuse ebikhalichikhire¬. ebisikaaye atabaawo esinyaasikha.13Manu bawuusa bechusa ebidubi ekhumi na’bibiri ebikhalichikhire bye migaati chitaanu ebisikaaye khu bibali nibaliiye. 14Abatu nibamala okhuwona owuwonero we bya’mayiiya Yesu bikakhola, bachaaka okhuwoola baati, “Masima ono nje nabbi ocha okhwiicha mu syalo.” 15Yesu nikamanya ati badakha okhumufuula Omwene’ngo kwa’maani, katulawo lundi kaacha khu lugulu kaba eyo ayeηηene. Yesu Akenda Khu Maachi.16Engolobe niyoola, abeeki baye bekhirira baacha khu nyaaja, 17yibengirira mu lyaato bambukha okhucha e Kaperenaumu. Ebikha ebyo syali siirema, ne Yesu kali asiiri okhubekhubbaniyamo. 18Embuunga ya’maani yali yiwuucha na’maachi ni kasiikhukhire.19Nibali bakhafukakho mairo chidatu oba chidatu nesitundu, bawona Yesu nikeecha eyiri eryato mubali, nakendera khu maachi; manu batya lukali lwene. 20Naye kabawoola ati, “Niise; mutatya.” 21Awo bali bafukiriye okhumwiingisa mulyato ne eryato lyecha lyoola wangu khusikobero yibali nibacha.22Oludaalo lwalondakho esidiikha esyali nisiri khuluwande lundi olwenyanja beecha bamanya baati yaliyo eryato lala lyo’ηηene ne khandi Yesu sikali nalingiiyemo n’abeeki baye, ne bali baweyewo boηηene. 23Manu amaato kandi okhutula e Tiberiya kakoba ambi nende esifwo abatu yibali nibaliriiye emigaati Omwami chi kakawula namalire okhwebasa.24Esidiikha nisyamanya siiti Yesu nende abeeki baye sibaliyo, bengira mu maato baacha e Kaperenaumu nibakoonya Yesu. Yesu Omugaati Kwo’wulamu. 25Nibamuwukaana khu luwande lundi olwe’nyanja bamuteeba baati, “Rabbi ano wolirewo liina?”26Yesu kabakowolamo ati, “Mbawoolera amasima; muli okhungoonya, si lwokhuba nti mwawona owuwonero wa mayiiya wunakhola naye olwokhuba mwalya emigaati mweekutta. 27Mutakholereranga ebyo’khulya ebinyasikha wusa, naye mukholererenge ebyo’khulya ebiyiindira okhwola khu wulamu owutawaawo, Omwana Wo’mutu walibayeresa, olwokhuba oyo Weere seefwe nje yikatakho akhawonero akhamwomiisa.28Beecha bamuteeba baati, “Khuteekwa okhukhola siina okhukhola Weere byadakha?” 29Yesu kakowolamo ati, “Omulimo kwa Weere nje kuno: okhufukiiririra mu oyo yikatuma.”30Ne bamala bamuteeba baati, khawonero khamayiiya siina kholitusa khwawona kho khwakhufukiirira? Olikhola siina? 31Ba kuuka yefwe balya emmaanu musibbarara; nga nisyandiikiwa: ‘kaabawa omugaati okhutula mwikkulu okhulya.’’’32Yesu kabawoola ati, “Mbawolera amasima, siinje Musa obayeeye omugaati okhutula mwikkulu, naye nje Bbabba obaweresa omugaati okwa masima okhutula mwikkulu. 33Olwokhuba omugaati Kwa Weere nje oyo owiikha assi okhutula mwikkulu kawa esyaalo owulamu.” 34Bawoola baati, “Omwami,” “Okhuchazka no’lwalerero tuwe omugaati kuno.”35Manu Yesu kalangirira ati, “Niise omugaati kwo’wulamu. Oyo owiicha yiindi syalirumwa njala, nende oyo owunfukiiriramo syaliwulira owuluwo. 36Naye nga ni nabawoolera, mu mbweene ne khandi lwoosi simunfukiirira. 37Ebyo byoosi Bbabba bikaamba byakheche yiindi, nende nawuli wiicha yiindi sindimwiirusya.38Olwokhuba neecha okhutula mwikkulu owutakhola byange khuwange naye okhukhola oyo owantuma byadakha. 39Ne sino nje owantuma syadakha, ati nkhaye okhukosyakho ata silala khu bikambeye naye mbasiingise amukulu khuludaalo lusembayo. 40Olwokhuba okhudakha khwa Bbabba khuli mbo nawuli otingaala khu mwana khandi kamufukiirira aliba no’wulamu owutawaawo, khandi ndibasiingisa amukulu khuludaalo lusembayo.”41Khu sino Abayudaaya bachaaka okhumweηηuluηηunyakho olwokhuba kawoola ati, “Niise omugaati kwecha okhutula mwikkulu.” 42Bawoola baati, “Ono sinje Yesu, omwana wa Yusufu, simwana nende ηηina bakhumanyire? Lwasiina wunaanu anyaala okhuwoola ati, “Neecha assi okhutula mwikkulu?”43Yesu kakowolamo ati, “Mulekhe Okhweηηuluηηunya abene na’beene”. 44“Yiwuma onyala kecha yiindi okhutusakho nga Bbabba owantuma amusudya yiindi, ne khandi ndimusiingisa amukulu khu ludaalo lusembayo. 45Syawandiikiwa mu ba nnabbi siiti: “Balisomesewa boosi nende Weere.’ Nawuli otekeresa Bbabba khandi kamwekerakho keecha yiindi.46Yiwuma owawonakho Bbabba okhutusakho oyo owatula eyiri Weere yeηηene; oyo yenηηene nje owawona Bbabba. 47Mbawolera amasima, oyo ofukiirira ali no’wulamu owutawaawo.48Niise omugaati kwo’wulamu. 49Ba kuuka yenηηwe balya emmaanu okhutula mu sibbarara, ne bafwa.50Naye ano aliwo omugaati okutula mwikkulu, omutu kwanyala kalya kakhaya okhufwa. 51Niise omugaati mulamu okweekha assi okhutula mwikulu. Yeesi olya khu mugaati kuno, alibawo endaalo ne’ndaalo. Omugaati kuno nje omubiri kwange, kundiwayo khulwe’syalo.”52Manu Abayudaaya ni bachaaka okhuyiingana lukali abene na’beene, nibawoola baati, “Omusaacha ono anyala atye okhutuwa omubiri kwaye okhulya?” 53Yesu kabawoola ati, “Mbawolera amasima, okhutusakho nga mulya omubiri kwo mwana W’omutu khandi mwanywa amabanga kaye, muwuma owulamu mwinywe.54Nawuli olya omubiri kwange khandi kanywa amabanga kange ali no’wulamu wutawaawo, khandi ndimusiingisa amukulu khu ludaalo lusembayo. 55Olwokhuba omubiri kwange nje ebyo’khulya byene ne amabanga kange nje esyo’khunywa syene. 56Nawuli olya omubiri kwange khandi kanywa amabanga kange asikala mwiise, khandi ssesi mu ye.57Manu nga Bbabba mulamu nikantuma khandi ndiwo khu lwa Bbabba, ne siityo owundyaakho kakhabewo khu lwange. 58Kuno nje omugaati okwekha okhutula mwikkulu. Ba kuuka yenywe balya emmaanu bafwa, naye oyo olya khu mugaati kuno kakhabewo endaalo choosi.” 59Kalomaloma sino nikali nasomesa mu nyumba ya Weere mu Kaperenaumu. Abeeki Bangi Bekhenga Khu Yesu60Nibawulira sino, bangi khu beeki baye bawoola baati, “Khuno khusomesa khudinyu. Naanu onyala okhusifukiirira?” 61Nikamanya ati abeeki baye bali okhweηηuluηηunya khu sino, Yesu kabawoola ati, “Sino sibayira wubi? Ne nimuliwona omwana w’Omutu naniina okhucha yikalingi khale!62Yesu kabawoola ati, “Sino sibayira wubi? Ne nimuliwona omwana w’Omutu naniina okhucha yikalingi khale! 63Omwoyo kukaba owulamu; omubiri yiwuma sikukhola. ‘Emboosi chimbalomalomeye chino nicho omwoyo khandi nicho owulamu.64Ate nga aliwo abandi khwinywe abatafukiirira.” Olwo’khuba Yesu kali amanyire okhutula khale ba naanu khu abo abali nibatafukiirira khandi nende oyo owali wo’khumulyaamo olukhwe. 65Kemeeda okhuwoola ati, “Sino nje esyakira ni mbawolera nti yiwuma onyala okhwiicha yiindi okhutusakho nga Bbabba amunyaliiye.”66Okhuchaaka esikha sino bangi khu beeki baye bakowola enyuma nga sibasimulonda. 67Yesu kateeba ekhumi na’babiri ati, “Mwesi mudakha okhundekha?” 68Simoni Petero kamukowolamo ati, “Omwami, khunache eyiri naanu? Oli nende emboosi cho wulamu owutawaawo. 69Khufukiirira khandi khumanyire khuuti niiwe omwolerefu mwene wa Weere.”70Manu Yesu kakowolamo ati, “Esse khaba sinabangala, ekhumi nababiri? Ate nga mulala khwinywe, setani!” 71(Kali awoola Yuda, omusyani wa Simoni Isikaraoti, ata, nikali mulala khu ekhumi na’babiri, lunyuma kali wo’khumulyaamo olukhwe.]

Chapter 7

1Ebyo nibiweeye, Yesu kewodookhaniya mu Galiraaya, nga esichiririrwa adakha abe ale nende Buyudaaya olwokhuba Abayudaaya eyo bali baliindire okhumalawo owulamu waye. 2Naye omuyumo kwe si Yudaaya okwe bikaali nikwali nikunatere okhwoola,3bamwanaηηina Yesu bamuwoola baati, “Okhoyire otule ano ache mu Buyudaaya, kho abeeki bawo banyale okhuwona ebya mayiiya byokhola. 4 Yiwuma odakha okhufumwa lukali okhola ebiitu muwekisi. Nga nuli okhukhola ebiitu bino, weyekese eyiri esyalo syoosi.”5Olwokhuba nende ata bamwanaηηina beene sibamufukiiriramo. 6Nolwesyo Yesu kabawoola ati, “Esikha syange esituufu sitoola; khu lwenywe esikha syosi syoosi situufu. 7. Esyalo sisinyala khubakhaya, naye siinkhaya ese olwokhuba njulira nti esyalo bisikhola bibi.8Enywe muche khu muyumo. Ese nsiiri okhwoola okhucha khu muyumo, olwokhuba khu lwange esikha sisiiri okhwoola.” 9Nikamala okhuwoola sino, kasikala mu Galiraaya.10Ne, bamwanaηηina nibamalire okhucha khu muyumo, yesi kacha, ne sikachiira alafu, kacha muwekisi. 11Wunaanu khu muyumo Abayudaaya bakhuluutu batingachala nibateeba baati, “Omusaacha oyo ali yena?”12Mubidiikha aliwo okhuwewetana khukali khu ye. Abandi bawoola baati, “Musaacha mulayi.” Abandi bakowolamo baati, “Bbe, abacha abatu.” 13Naye yiwuma wamulomalamakho esiitu alafu nalafu olwokhutya Abayudaaya. Yesu Asomesera Khu Muyumo14Omuyumo nikwali nikwolire akati, kho Yesu kacha mulwanyi lwe nyumba ya Weere kachaaka okhusomesa. 15Abayudaaya bawuka bateeba baati, “Omusaacha ono kafuna atye amakesi kaati ate nga sikasoma?” 16Yesu kakowolamo ati, “Okhusomesa khwange si khwange esse omwene. Khutula eyiri oyo owantuma.17Oyo yeesi okhengawo okhukhola Weere byadakha, kakhafumbule oba okhusomesa khwange khutula eyiri Weere nawo nomaloma khulwange simweene. 18Oyo olomaloma omwene khulwaye akhola atyo okhwefunira oluyaali omwene khulwaye, naye oyo okhola khu lwo’luyaali lwo’yo owamutuma mutu wa masima; yiwuma sibi khu ye.19Musa si kabawa amalako? Ate nga yiwuma mulala khwinywe oliinda amalako. Lwasiina mukesakho okhunjitta?” 20Esidiikha syakowolamo siiti, “Olikho omusambwa.” “Nanu okesakho okhukhwiita?”21Yesu kabawoola ati, “Nakhola esyamayiiya sirala, ne mwawuka. 22Ate nga, olwokhuba Musa kabawa okhukheba (asyakhaba mbo sisyatula eyiri Musa, naye eyiri ba kuuka yefwe), mukheba omwana khu lwa Ssabiiti.23Wunaanu omwana nanyala kakhebewa khu lwa Ssabiiti kho amalako ka Musa kakhaye okhukhalakiwa, lwasiina muli ne’ttima nange olwokhuwoniya omutu mulamba khu lwa Ssabiiti? 24Mutakhenganga omisango okhwema khu mbonekha yoŋene, ne mukhengenge esituufu.” Yesu Nje Kurisito?25Khulwe mboosi eyo abatu bandi khubo mu Yerusaalemi bachaaka okhuteeba baati, “Ono sinje omusaacha yibali nibakesakho okhwiitta? 26Nguno ali ano, alomaloma alafu n'alafu, naye nga yiwuma mboosi yibamuwoola. Abowunyala masima keene bamalirisiise baati nje Kurisito? 27Naye khumanyire omusaacha ono yatula; Kurisito naliicha, yiwuma olimanya yatula.”28Manu Yesu, nasisomesera mulwanyi lwe’nyumba ya Weere, kayula ati, “Eee, mu manyire, khandi mumanyire yintula. Sindi ano khulwange, naye oyo owantuma mutuufu. Simumumanyire, 29naye ese mumanyire olwo’khuba ntula yaali khandi kantuma.”30Khusino bakesakho okhumudiira, naye yiwuma owamutakho omukhono, olwokhuba ebikha byaye byali bisiiri okhwoola. 31Ne, bangi mu sidiikha ba’mutamo owesike. Bawoola baati, “Kurisito naye naliicha, alikhola owuwonero w’amayiiya wungi kakhira omusaacha ono?” 32Abafalisaayo bawulira esidiikha nisiweweetana ebiitu nga ebyo khu ye. Manu abemeresi bakhuluutu nende Abafalisaayo batuma abaliindi be’nyumba ya Weere okhumudiira.33Yesu kawoola ati, “Ndi nanywe olwesikha sitono syene, niimala nja eyiri oyo owantuma. 34Mulingonya, naye simuliimbona; ne khandi andi simunyala khwiichawo.35Abayudaaya bawoolana abene na’beene baati, “Ena omusaacha ono yatekekha okhucha yikhutanyala khumuwona? Alicha abatu befwe yibasalanira mu Bayonaani, asomese Abayonaani? 36Siina sikekesa nawoola ati, “Mulingoonya ne simuliimbona; khandi simunyala khwiicha esse yindi?”37Khu ludaalo lusembayo khandi olukhongo olukhirira erala olwo’muyumo, Yesu kema manu kalomalomera mukono lya’mukulu ati, “Ni aliwo olumwa owuluwo, keche yiindi anywe. 38Nawuli wunfukiiriramo, nga esyawandiikiwa nisyakhawoola, ensulo cha’maachi kowulamu chiribisya nichimutulamo.”39Okhuwoola sino kali kekesa Omwoyo, okwa bamufukiiriramo kubalifuna olunyuma. Okhwoola ebikha ebyo Omwoyo kali asiiri okhubaweewa, olwokhuba Yesu kali atawewa oluyaali.40Nibawulira emboosi chaye, abatu bandi bawoola baati, “Masima ono nje nabbi.” 41Abandi bawoola baati, “Nje Kurisito.” Ne abandi, beteeba baati, “Kurisito anyala atye katula mu Galiraaya? 42. Esyawandiikiwa sisiwoola siiti Kurisito alitula mu lwiiwulo lwa Daudi khandi mu Beserekemu, esiko Daudi mukamenyanga?”43Manu abatu bakawukhanamo khu lwa Yesu. 44Abandi badakha okhumudiira, naye yiwuma owamutakho omukhono. Owutafukirira Wa bemeresi Ba Bayudaaya45Esyakamayo abaliindi be nyumba ya Weere bakowolayo eyiri abemeresi bakhuluutu nende Abafalisaayo, ababateeba baati, “Lwasiina simumuleetire?” 46Abaliindi bakowolamo baati, “Yiwuma walomalomakho nga omusaacha ono lwalonaloma.”47Abafalisaayo babakowolamo baati simwekesa siri nti mweesi ababachire?” 48Alikhowo omutukki yeesi mu Bafalisaayo owamufukiiriramo? 49Bbe! Naye esibbubbu sino esitamanyire malako balaame.50Nikodemu, owali nachiiye eyiri Yesu khale khandi owali owasyaawe, kateeba ati, 51“Amalako kefwe kakhengera omutu omusango nibatawulira siina syakhola?” 52Bakowolamo baati, “Wesi otula mu Galiraaya? Sitiingalemo, manu onawone oti nabbi syatula mu Galiraaya.”53Manu nawuli otula kacha ewaye.
Chapter 8

1Naye Yesu kacha khulugulu lwe Seyituuni. 2Echuli mu mawiiwi kawonekha lundi mu lwanyi lwe’nyumba ya Weere, abekhuηηaniya bamwewodokhaniya, manu kekhala assi okhubasomesa. 3Abasomesa ba malako nende a Bafalisaayo bengisa omukhasi yibadiira nakhola owudaamba. Bamwemekha mu sidiikha.4Bawoola Yesu baati, “Omwekesa, omukhasi ono kadiiriwa naali mu sikholwa syo wudaamba. 5Mumalako ka Musa katulagira okhukhubba amakina abakhasi nga bano. Wunaanu ewe owoola si?” 6Bali bakhosesa esiteebo sino nga okhumutekera, kho bakaane engira yo khu mufunaana. Naye Yesu kenama assi kachaaka okhuwandiika khu loba nolwaala lwaye.7Nibachanakana nokhumuteeba, kekolola amukulu kabawoola ati, “Ni aliwo khwiinywe otaasi ne’sibi, nje oba kekherere okhumukhubba ekina.” 8Lundi kagunama kawandiika assi.9Nibawulira sino, bachaaka okhuwawo syamulala, okhuchakira khu bakhuluutu beene, okhwoola Yesu lukasikala yeηηene, nomukhasi nikemire awo. 10Yesu kekolola kamuteeba ati, “mukhasiiwe, bali yena? Awuma omutu yeesi okhukhengeye omusango?” 11Omukhasi kakowolamo ati, “Yiwuna ata mulala, Omwami.” Yesu kawoola ati, “Ata Ssesi mbuma musango kukhukhengera.” “Wawo, wunaanu olekhe owulamu wawo owe sibi.” Owukhakhaffu Wo’wujjulisi Wa Yesu12Yesu lundi nikalomalomera abatu kawoola ati, “Niise owulafu we syalo. Nawuli wunonda syalikendera mu siirema, naye alifuna owulafu wo wulamu.” 13Abafalisaayo bamuyinganiya baati, aha weyekesiise nga omujjulisi wawo omwene; owujjulisi wawo siwukhola.”14Yesu kakowolamo ati, “Anakhaba nindi okhwetusira owujjulisi omwene owujjulisi wange wukhakhaffu, olwokhuba manyire yinatula lundi manyire yiinja. Naye enywe muwuma simumanyirekho yintula nende yiinja. 15Mukhengawo khulwowutu; Yiwuma mutu yinkhengera omusango. 16Naye niimba ninkhenga, binkhenga biba bituufu, olwo’khuba siindi seηηene. Neema nende Bbabba, owantuma.17Mumalako kenywe abene syawandiikiwa mbo owujjulisi wa batu babiri wuba wukhakhaffu. 18Ese niise owejjulirakho omwene; omujjulisi wange wundi nje Bbabba owantuma.”19Manu beecha bamuteeba baati, “Latawo ali yeena?” Yesu kakowolamo ati, “Simumanyire ata nende Bbabba.” “Muba nimumanyire, mwakhamanyire nende Bbabba yesi.” 20Kalomaloma emboosi chino nasomesa mu nyumba ya Weere ambi nende ebiwanwa abyatewaanga. Ne yiwuma ata mulala owamudiira, olwokhuba ebikha byaye byali bisiiri okhwoola.21Yesu khandi keecha kabawoola ati, Mbwawo, ne mwakhangoonye, ne mulifwira mu sibi syenywe. “Yiinja, simunyala okhwichayo.” 22Sino syakira Abayudaaya bateeba baati, “Acha okhweyitta? Sakira awoola ati yiinja simunyala khwichayo?”23Ne kemeeda ati, “Mutula assi ese ntula amukulu. Enywe muli besyalo sino; Ese siindi owesyalo sino. 24Nabawoolera nti mulifwira mu bibi byenywe; Nimutafukiirira muuti niise esyo sineranga, masima mulifwira mu bibi byenywe.”25Bamuteeba baati, “Niiwe naanu?” Yesu kakowolamo ati, “Esyo wusa simbeeye nineraanga okhutula khale.” 26“Ndi nabiingi ebyokhubawoolera mukhubakheengera. Naye oyo owantuma kesikikha, khandi simbuliye okhutula yali mboolera esyalo.” 27Sibategeera baati kali abawoolera ebidiira khu simwana.28Manu Yesu kawoola ati, “Nimulisiingisa amukulu omwana wo’mutu, kho mumanye muuti ndi esyo sineraanga okhuba, khandi nga yiwuma sinkhola simwene okhutusakho nomaloma wusa Bbabba sikansomesiise. 29Owantuma ali nange; sikandekhire seηηene, olwokhuba wuli sikha nkhola ebimusangaasa.” 30Manu nga nikalomaloma, bangi bamutamo enfukiirira yawe. Abaana Ba Yibbulayimu.31Eyiri Abayudaaya abali nibamufukiiriramo, Yesu kawoola ati, “Nimwomiirira khu nsomesa yange, muli beeki bange beene. 32Manu mulimanya amasima, namasima kalibafula abalekhule.” 33Bamukowolamo baati, “Efwe khuli bechukhulu ba Yibbulayimu khandi sikhubaangakho abawambe bo mutu yeesi. Onyala otye okhuwoola oti khulilekhulwa?”34Yesu kakowolamo ati, “Mbawoolera amasima, nawuli okhola esibi muwambe khu sibi. 36Manu omwana nakhulekhuula, olibeera erala omulekhule. 35Wunanu omuwambe awuma sifwo syolubeerera muddala, naye omwana aba nasyo endaalo choosi.37Manyire nti muli bechukhulu ba Yibbulayimu. Ate nga muli betekefu okhunjitta, olwokhuba muwuma sisenge syo khutamo emboosi yange. 38Mbawolera binawona ali Bbabba, nanywe mukhola bimwawulira okhutula eyiri senywe.”39Bakowalamo baati, “Yibbulayimu nje Sseefwe.” Yesu kawoola ati, “Nimuba nimuIi abaana ba Yibbulayimu,” “Manu mwakhakholire ebiitu Yibbulayimu bikakhola. 40Nga nisiri, mu maliriiye okhunjita, omutu obawoleeye amasima ati nawulira okhutula eyiri Weere. Yibbulayimu sikakhola biitu nga bino. 41Mukhola ebiitu senywe mwene byakhola.” Bayingana nibawoola baati, “Efwe sikhuli baana berwanyi,” “Bbabba yikhuli naye yeηηene nje Weere mwene.” Abaana Ba Setani42Yesu kabawoola ati, “Weere kaba ninje Senywe, mwakhandakhire, olwokhuba natula eyiri Weere ne wunaanu ndi ano. Khaba sinecha khulwange; naye kantuma. 43Lwasiina olulimi lwange silutegerekhekha yimuli? Olwokhuba simunyala okhuwulira bimboola. 44Muli ba senywe, Setani, khandi mudakha okhukhola Ssenywe byadakha. Kali mwiiti okhutula mu khuchaka, owutomiirira khu masima, olwo’khuba yiwuma amasima mu ye. Naba nabacha, alomaloma olulimi lwaye lwene, olwokhuba mubacha khandi simwana wo’wubacha.45Ate nga olwokhuba nomaloma amasima, simunfukiirira! 46Yiriyo omutu khwiinywe okhakhasa ati ndi no’musango kwe’sibi? Ninomaloma amasima, lwasi simunfukiiriramo? 47Oyo owa Weere awulira Weere byawoola. Esikira nimutawulira siri nti simuli ba Weere.” Okhwekhakhasa Khwa Yesu Omwene48Abayudaaya bamukowolamo baati, “Sikhuba batuufu nikhuwoola khuuti oli mu Samaliya khandi olikho emisimu?” 49Yesu kawoola ati, “Mbumakho emisimu,” “Naye ese nta mu Bbabba oluyaali nanywe simuntamo oluyaali.50Khaba siindi okhwekoonyera enfuma omwene; naye yiriyo oyikonya, khandi nje omukhengi we’misango. 51. Mbawolera amasima, omutu yeesi odiira emboosi yange, syaliwona khu khufwa nawutono.”52Khusinno Abayudaaya besindukha, “Wunaanu khumanyiiye erala khuti olikho emisimu! Yibbulayimu kafwa nende ba nabbi boosi baatyo, mbo nowoola oti amutu yeesi odiira emboosi yawo, syalikhomba khu khufwa. 53Oli mukali okhukhira Sseefwe Yibbulaimu? Kafwa, nende ba’nabbi boosi baatyo. Weranga naanu?”54Yesu kakowolamo ati, “Nineyeresa oluyaali omwene, oluyaali lwange luwuma makhuluutu. Laata yange, yimuwoola muuti nje Weere wenywe nje owumba enfuma. 55Amwakhaba ni’mutamumanyire, ese mumanyire. Ninakhawooye nti simanyire, nakhali mubacha nga enywe, naye mumanyire khandi ndiira emboosi yaye. 56Senywe Yibbulayimu kasangaalira esibaaso esyo’khuwona oludaalo lwange; kaluwona kaaba musangaafu.”57Abayudaaya bamuwoola baati, “Osiiri okhwosa emyaaka amakhumi kataanu echo’wukhuluutu.” “Ni khandi wawona Yibbulayimu!” 58Yesu kakowolamo ati, “Mbawolera amasima, Yibbulayimu nikali natewulwa, naliwo!” 59Khu’sino, badoola amakina bamukhubbe, naye Yesu kekisa, kanyololokhera erwanyi we’nyumba ya Weere. Yokana

Chapter 9

1Nikali naacha, kawona omusaacha owewulwa ni muwofwu. 2. Abeeki baye bamuteeba baati, “Rabbi, naanu owakhola esibi, omusaacha ono nawo abewusi baye, kho kewulwe ni muwofwu?”3. Yesu kawoola ati, “Omusaacha ono oba abewusi baye sinje abakhola esibi.” “Naye sino syekhola kho omulimo kwa Weere kuwonekhere mu wulamu waye. 4. Nga owiire luwusiiri wesideete, khuteekwa okhukhola omulimo kwooyo owantuma. Owiire wiicha, omutu yeesi yatanyala okhukhola omulimo. 5. Nindi mu syalo, niise owulafu we’syalo.”6Nikamala okhuwoola sino, kafucha khuloba, kakholamo edosi na’mate, kalita khu moni cho’musaacha. 7Kamuwoola ati, “Cha,” “Weyose mu diba lye Siloamu” (emboosi yino yekesa yiiti katuma). Manu omusaacha kacha keyosa, kakowola engo nawona.8Abamusibirana nende abamuwonanga enyuma era nasabirisa bateeba baati, “Ono siinje omusaacha wekhalanga nasabirisa?” 9 Abandi bawoola baati niye. Abandi bawoola baati, “Bbe, afwana wusa naye”. Naye omwene kataamirira ati, “Niise omusaacha ola.”10Bamuteeba baati, “Ne wunaanu emoni chawo chekukha chiitye?” 11Kakowolamo ati, “Omusaacha yibalanga Yesu katawula edosi kalita khu moni change. Kamboola okhucha mu Siloamu neyose. Manu nacha neyosa, ninamala nachaaka okhu’wona.” 12. Bamuteeba baati, “Omusaacha ono ali yeena?” kabakowoolamo ati, “Simanyire.” Abafalisaayo Bakonyeresa Ebidiira Khu Khuwoniya Okhwo13Baleeta eyiri Abafalisaayo omusaacha owabanga omuwofwu. 14Manu oludaalo lu Yesu kakholeramo edosi kalimbusa emoni cho’musaacha lwali lwa Ssabbiiti. 15Nolwesyo Abafalisaayo bosi bamuteeba engeri yikafuniramo okhuwona khwaye. Omusaacha kakowolamo ati, “Kata edosi khumoni change,” “Nesaaba, ni wunaanu mbona.”16Balala khu Bafalisaayo bawoola baati, “Omusaacha ono syatula ewa Weere, olwokhuba syadiira e’ Ssabbiiti” Ne abandi bateeba baati, “Omukhosi we’bibi anyala atye okhukhola ebya mayiya byowuwonero nga bino?” Manu bakawukhanamo. 17Mukhwakamyayo bakowola lundi eyiri omusaacha muwofwu bamuteeba baati, “Omulomalomakho si? Emoni chawo nje chikaliimbusa.” Omusaacha kakowolamo ati, “Nabbi niye.” 18Lwoosi Abayudaaya khaba sibafukiirira baati kali muwofwu khandi kafuna okhuwona okhwoola lubatumisa abewusi bo’musaacha. Bateeba baati,19“Ono musyani wenywe?” “Ono nje yimuwoola muuti kewulwa ni muwofwu? Ne wunaanu lwasiina awona?” 20Abewusi bakowolamo baati, “Khumanyire khuuti musyani wefwe, khandi khumanyire khuuti kewulwa nimuwofwu.” 21Ninga lwanyala okhuwona wunaanu, oba owakira kalimbukha, sikhumanyire. Mu’muteebe. Omwene mu’khuluutu; omwene anelomalomere.”22Abewusi bawoola sino olwokhuba batya Abayudaaya, olwokhuba Abayudaaya bali bamalire okhukhengawo baati oyo yeesi ofukiirira ati Yesu nje Kurisito bakhamute erwanyi we’nyumba ya Weere. 23Esyo nje esyakira abewusi nibawoola baati, “Mukhuluutu, mu muteebe.”24Ekhabi lyo khubiri balanga omusaacha owali omuwofwu. Bawoola baati, “Yeresa Weere enfuma,” “Khumanyire omusaacha ono mukhosi we’bibi.” 25Kakowolamo ati, “Oba mukhosi we’bibi oba khaba, simanyire. Esitu sirala simanyire, nali muwofwu ni wunaanu mbona!”26Bamuteeba baati, “kakhukholakho siina? Kekulawo atye emoni chawo?” 27Kakowolamo ati, “Malire khale okhubawoolera ne mukhayire okhuntekeeresa. Lwasiina mudakha khandi okhuwulira?28Mudakha okhuba abeeki baye, mwesi?” Manu bamunyeka baati, “Oli mweeki waye! Khuli beeki ba Musa! 29Khumanyire khuuti Weere kalomaloma nende Musa, naye khu musaacha ono, sikhumanyire ata yatula.”30Omusaacha kakowolamo ati, “Wunaanu sino syamakana! Simumanyire yatula ate nga kanimbusa emoni change. 31Khumanyire khuuti Weere sya’wuliirisa abakholi be’bibi. Awuliirisa omutu otya Weere okhola byadakha.32Yiwuma owulirangakho okhwikuliwa khwe’moni cho’mutu owewulwa nimuwofwu. 33Omusaacha ono aba natatula eyiri Weere, yiwuma sikakhakholire.” 34Khusino bakowolamo baati, “Ewe wasukuniwa musibi niwakhewulwa; onyala otye okhutusomesa!” bamala bamusukuna erwanyi. Owuwofwu Wo’mwooyo.35Yesu kawulira ati bamusukunire erwanyi, ne nikamuwukaana, kawoola ati, “Ofukiririra mu mwana wo mutu?” 36Omusaacha kateeba ati, “Nje naanu sebo? Mboolere manu nakhamufukiiriramo.” 37Yesu kawoola ati; “Wunaanu wakhamuwona; mu masima, nje oyo olomaloma nawe.” 38Omusaacha kawoola ati, “Omwami, nfukiirira,” manu kamwinamira.39Yesu kawoola ati, “Olwokhukhenga emisango neecha mu syalo muno, kho abawofwu baliwona ne abo abawona baliwofula.” 40Abafalisaayo bandi abali naye bawulira sino bateeba baati, “Siina? Feesi khuli bawofwu?”41Yesu kawoola ati, “Muba nimwali abawofwu, simwakhali no’musango kwe sibi, naye wunaanu nga nimuwoola muuti munyala okhuwona, omusango kwenywe kusikala nikuliwo.”
Chapter 10

1“Mbawolera amasima, omutu otengirira mumulyango kwesidwoli, naninira awuleka, mwibi khandi munyaka.” 2Noyo owingirira musiriwa nje omwayi wa’makoondi kaye.3Omuliindi we’siriwa amwikulirawo, na’makoondi kamuwulira ekono lyaye. Alanga amakoondi wuli litula erita lyalyo kakatangiramo nakatusa erwanyi. 4Nakatusa kosi koosi akaye natangiramo kamulondakho khulwokhuba kamanyire ekkono lyaye.5Ne amakoondi sikanyala okhulonda omutende, muwutuufu, kamwirukha khuba sikamanyire ekkono lyaye.” 6Yesu kakhosesa esifananyi sino munomaloma, ne sibamala bamanya syawoola.7Nolwesyo Yesu kakowolamo khandi ati, “Mbawolera amasima, nise omulyango kwa’makoondi. 8Abo boosi abantangirira okhwicha bali bebi khandi abanyaka, ni amakoondi sikabatekeresa.9Nise omulyango; oyo owunyingiriramo aliwonesewa. Alingira khandi kaatula, khandi kakaana olwayiro. 10Omwibi keecha wusa okhwiba khwonηηene no’khwita, no’khunyasa; Nichire banyale okhuba no’wulamu, khandi mu’wichufu.11“Nise omwayi mulayi. Omwayi mulayi awayo owulamu waye olwa’makoondi. 12Omwayi wo’musaara syaba mwene makoondi. Sakira nawona ennani niriicha, kerukha kalekhawo amakoondi. Awo ennani niringira mu’makoondi likasalaniya. 13Oyo musaacha kerukha olwokhuba aba mutu wo’musaara okhukhira okhufwa khu makoondi.14“Nise omwayi mulayi; manyire amakoondi kange kosi kaamanyire __ 15Nga Bbabba lukaamanyire nga ntyo seesi nje lu mumanyire__ khandi mbayo owulamu wange olwa makoondi. 16Ndi na’makoondi kandi akatali ke’sidwoli sino. Nkhoyire kosi ngaleete. Kosi kamanye ekkono lyange, kafukhe kesidwoli sirala no’mwayi mulala.17Esikira Bbabba nikandakha nje olwokhuba mbayo owulamu wange __ syoηene okhuwekowosera khandi. 18Awumawo owuntusakho, ne samwene mbwe’tusakho, khandi naba no’wunyala wo’khu wekowosera. Esilagiro sino nasifuna okhutula khu Bbabba.”19Khu lwe’mboosi chino, Abayudaaya khandi beecha bakawukhanamo. 20Bangi khubo bawoola baati, “Omusambwa kumuninire khandi akwiyekho eralu. Lwaasi khu mutekeresa?” 21Ne abandi bawoola baati, “Chino simboosi cho’mutu olikho omusambwa. Omusambwa kunyala kwawoniya omuwofwu?” Owutafukirira Wa Bayudaaya.22Syola esikha syo’muyumo kwo’khulabya e’Yerusalemu. Byali bikha byetoocho, 23Yesu kali akenda mu nyumba ya Weere mu sisenge sya Sulemaani. 24Abayudaaya beecha ba’mwewodokhaniya, nibawoola baati, “Onatugumaase okhwoola liina? Noba niwe Kurisito, twekese alafu.”25Yesu kabakowoolamo ati, “Nabawoolera, ne simufukirira. Ebya mayiya binkhola mu liita lya Bbabba binomalomera, 26naye simufukirira khuba simuli makoondi kange.27Amakoondi kange kawulira ekkono lyange; ngamanyire, khandi kanoonda. 28Ngawa owulamu wutawawo, khandi sikalikota endaalo choosi; manu awumawo olinyala kakansikhulakho mu mukhono kwange.29Bbabba, owakaamba, abakhira boosi; awuma yeesi onyala kakasikhula mu mukhono kwa Bbaaba. 30Ese nende Bbabba khuli sirala.” 31Khandi aba Yudaaya bawukula amakina nibadakha okhumukhubba,32naye Yesu kabawoola ati, “Mbekesise ebya magero bikhongo bingi okhutula eyiri Bbabba. Khu bino byoosi syamagero si esikira nimudakha onkhukhubba amakina?” 33Aba Yudaaya bakowolamo baati, “Sikhukhubba makina khulwebyo, naye khu lwo khufwotokheresa, Khulwokhuba ewe,omutu wutu, welanga okhuba Weere.”34Yesu kabakowolamo ati, “Sisyawandiikiwa mu malako kenywe, ‘simulomalomanga muuti muli ba weere? 35Nikabalanga “ba Weere,’ emboosi ya Weere yiyatula__ ne emboosi yawandiikiwa yitanyala yakhalakiwa __ 36Sibasitye eyiri oyo Weere (Bbabba) yikatekekha khulwaye kamutuma mu syalo? Lwasi munjolobya muuti neranga Weere khulwokhuba nawoola nti, ‘Ndi mwana wa Weere?’37Mutafukirira bimbola okhutusakho nga nkholire Bbabba byakhola. 38Ne’ ninsikhola, nende mukaana okhunfukiriramo, mufukirire ebya magero, bimumanyire khandi bimutegeera muuti Bbabba kandimo, ni Ssesi mulimo.” 39Khandi bakesakho okhumudiira, ni kabeyibakho.40Awo Yesu kakowolayo khulukerekha lwa Yoludani mu sifwo Yokana yikali abatisiranga mundaalo echatangira. Kabayo 41khandi abatu bangi beechanga ali. Nibawoola baati, “Nende Yokana sikakhola akhawonero khoosi akhamayiya, byoosi Yokana bikawoola khu musaacha ono byosi bituufu.” 42Ne khandi mu sifwo sino bangi bafukirira mu Yesu.

Chapter 11

1Wunaanu omusaacha yibalanga Lazaaro kali mulwaye. Kali atula e Betani, khulukoongo Malyamu nende Malisa mwanaηηina mu’bali bamenya. 2Malyamu ono, mbochoηηene Lazaaro ebikha ebyo nga mulwaye khusitanda, nje owali kachukha amafuta kakhawowo khu makulu ko’mwami nakasimuuye ne’fwiri lyaye.3Manu bambochoηηene bano bombi balakirisa emboosi eyiri Yesu baati, “Omwami, ola yoddakha mulwaye.” 4 Ne Yesu nikawulira binno kawoola ati, “Owulwaye wuno siwunamutuliremo okhufwa. Khaba, khulwenfuma ya Weere, omwana wa Weere afumisiwe okhubitira mu’wulwaye owo.5Yesu kadakha Malisa mwanaηηina Malyamu nende Lazaaro. 6Namawulire ko’khulwala khwa Lazaaro nikamwolakho, kasikala yikali endaalo chindi chibiri. 7Namala awoolera abeeki baye ati, “Khukowoleyo ewu Yudaaya.”8Ni bamuwoolera baati, “Rabbi,” “ Embaka ntono yakhabitawo a Bayudaaya nibakesisekho okhukhukhubba amakina, khandi nje yukowola?” 9Yesu kabakowolamo ati, “Esaawa sichiri ekhumi na’chibiri eche’siddete? Omutu nakenda esideete sikekumula, khuba aba awona olwo’wulafu we syalo.10Ne omutu nakenda esiro nje lu kekumula olwo’khuwuma owulafu.” 11Nikamala okhubawolera bino, kemeeda okhubawolera ati, “Omwicha weffee Lazaaro akonire; ne njayo okhumusisimusa.”12Abeeki baye bamukowolamo baati, “Omwami, naba nakona, keecha okhuba wulayi.” 13Yesu kalingi alomaloma khu khufwa khwaye, ne abeeki baye babaasa baati alomaloma khu khukona endolo cha nawuli ludaalo. 14Khu lwesyo kabawolera alafu ati, “Lazaaro afwiye,15ne khulwo wulayi wenywe, bidekire byaba biityo nintaasiyo, kho munyale okhufukirira. Ni khuche yali.” 16Naye Tomasi (olangiwa Didimo) kawoolera abeeki basye ati, “Ffesi khuche, khufwire alala naye.” Yesu Akumya Malyamu Nende Malisa17Yesu nikoola, kawukaana Lazaaro namalire endaalo chine munηηani. 18Bbesaniya syali ambi nende Yerusalemi mayiro echitoola chibiri, 19na Bayudaaya bangi bali bechire eyiri Malisa nende Malyamu okhuba’kumya olwo khufwirwa mbocho yawe. 20Malisa nikawulira ati Yesu keecha, kacha okhumwakanira, naye Malyamu kadonηa ango.21Malisa kawolera Yesu ati, “Omwami,” “singa wali ano, mbocho yange sikakhafwiye. 22Ne manyire nti nende wunaanu Weere anakhuwe syosi syo’namusabe.” 23Yesu kamuwolera ati, “Mbochowo anasiingire khandi.”24Malisa naye kamukowolamo ati, “Manyire keecha okhusiingira khu ludaalo lwo’khusyukhirirakho lula olwenjakamo.” 25Yesu kamuwoola ati, “Nise okhusyukhira khandi no’wulamu. Oyo offukiririra mwise keecha okhuba mulamu nende nafwa; 26Omulamu omufukiriramo sya’lifwa endaalo nendaalo, mufukirira bino?”27Malisa kamukowolamo ati, “Eh, Omwami, nfukiirira niwe Yesu, omwana wa Weere, owali wo’khwicha mu syalo.” 28Nikamala okhulomaloma chino, kakowolayo kalanga mwanawaηηina Malyamu khuntulo kawoola ati, “Omusomesa nguno ali ano,” ne khandi ali okhuteeba yoli.” 29Malyamu nikawulira bino, kasiingiraniramo kaacha yali.30Awo, Yesu kali atola mu lukongo, kali asiri mu sifo Malisa yikamuwukaana. 31Aba’Yudaya abali nende Malyamu mu nyumba, nibamusasira, nibawona nasiingira mangu mangu natula erwanyi, bamuloonda, ni babasa mbo acha okhulirira khu ηηani. 32Naye Malyamu nikola Yesu yaali namala amuwona, kakwa mu makulu kaye nawoola ati, “Omwami, nandi wali ano, mbocho yange sikakhafwiye.”33Yesu nikawona okhulira khwa Malyamu, na ba'Yudaaya bali bamulondakho bosi nibalira, keecha kachunisiwa lukali mu mwoyo nesibeera singi. 34Yesu kateeba ati, “Yena yimumukonisye?” Bamukowoolamo baati, “Yicha owone Omwami”. 35Yesu kalira.36Aba’Yudaaya bawoola baati, “wona nga lwabeye amudakha!” 37Na’bandi nabo bawoola baati, “Ono owekula omuwofwu wemoni sikakhamulobeye okhufwa?” Yesu Asingisa Lazaaro Mu bafu.38Yesu, nasiri mu sibeera singi, kasuda khusirindwa. Syali ηηungu nekina amulyango. 39Kabawoola ati, “Mutuseyo ekina,” Malisa mbochoηene muffu kamu’kowoolamo ati, “Ne omwami, esifundu sicha okhuba singi, khuba amalire muηηani endaalo chiine.” 40Yesu naye kawoola ati, “Sinabawoolera nti nimufukirira, mwakhawone enfuma ya Weere?”41Awenawo batusayo ekina, manu Yesu kewunja amukulu nawoola ati, “Bbabba nkhwebasa olwokhumbulira. 42Namanya niwumbulira wuli lunsaba, ni mboye sino khulwo wulayi wa batu bemire ano, banyale okhufukirira ni wantuma.”43Nikamala okhuwoola emboosi chino, Yesu kamala kalanga mukkono khongo ati, “Lazaaro, ttula erwanyi!” 44Omusaacha muffu katula erwanyi, amakhono na’makulu nimawowe no’tukoye nenguwo muweni. Yesu kabawoola ati, “mu mutusemo enguwo chesirindwa mumulekhe awewo.” Olukhwe Lwo’khwita Yesu45Manu Abayudaaya bangi abali nibechire okhusasira Malyamu, khandi bawona Yesu byakholire, bata enfukirira yawe khu ye. 46Ne abandi bacha eyiri Abafalisaayo babawolera ebitu Yesu bikali akholire.47Manu bakhawona bakhuluutu naba Abafalisaayo balanga olukhikho. Batebana baati, “Sinna sikhuba khukhole? Mbano omusaacha akhola ebya mangalima bingi. 48Nikhulekha kachanakana ati, wuli mutu anamufukiriremo, nabo aba Rooma baneche bayira esifwo alala ne’syalo syefwe.”49Awo mulala khubo, yibalanga Kayafwa, owali nakhola nga’ khawona mukhuluutu omwaka okwo, kabawoolera ati, “Awuma si mu manyire ata sirala! 50Simusiwona muuti sirayi yimuli omutu mulala afwa khu lwabatu okhukhira esyalo syoosi okhumaliwawo.”51Sikawoola sino khulwaye, ne nga khawona mukhuluutu omwaka okwo, kalakula ati Yesu acha okhufwirira olwe syalo sya Bayudaaya, 52khandi sikhulwe’syalo sino syo’ηηene naye khulwabaana ba Weere basalaana, okhubaleeta alala bekholemo mulala. 53Okhutula khulwo nokhucha emutwe bachaaka okhukonyeresa engira yo’khutusawo owulamu waye.54Nolwesyo Yesu kakama okhukenda mu lwichuye okhukhiririsa mu Bayudaaya. Okhumalakho kabatulamo kasuda mu sifo ambi ne’sibarara, mu lukoongo lulangiwa Efurayimu, yikaba nabeeki baye. 55Ebikha nibyali ambi ne’ndaalo chokhubitakho, echa Bayudaaya, bangi batula mu byalo baacha e Yerusalemi khu mikholo cho’khwelabya, Pasaka niyitola.56Bachanakana okhukonya Yesu, ninga lubali bemire ambi ne nyumba ya Weere, batebana abene nabeene baati, “Mubasa mutye? Syaneeche khu muyumo ata wutono?” 57Ne’ khawona mukhuluutu nabafalisaayo bali baweye ebiragiro baati niyabawo omutu onyala kamanya Yesu ali, abekesa banyala okhumudiira.
Chapter 12

1Nichidoηηire endaalo mukaaga omuyumo kwa Pasaka kwole, Yesu kola, e’Bbetani, Lazaaro yikasyukhisa mu baffu yikali kamenya. 2Ano esyengolobe syatekekhewa khu lwoluyaali lwa Yesu. Malisa kakawula, ne Lazaaro kali mulala khu bali khusyengolobe khumeesa. 3Maliyamu keecha kawukula e painti ndala eyamafuta kebeyi akakhawowo; ka kachukha khu makulu ka Yesu khandi kasimuula amakulu nefwiri lyo’khumutwe kwaye. Enyumba yosi yeecha yechula akhawowo khamafuta ako.4Naye mulala khu beeki baye, Yuda Isikarioti, oyo owali nacha okhumulyamo olukhwe kakaana nawoola ati, 5“Lwasiina amafuta kano sibakakusiise ne erubya cha khatuliremo bachiwa abaati? Kali kolamo omusaara kwo’mukhosi okwo mwaka omulamba.” 6Sikalomaloma sino khulwokhuba kali afwa khu baati, ni lwokhuba kali mwibi; nga omubikhi wensawo ye’rubya, keyeedanga ne’biri munsawo yi babikhangamo.7Yesu kamukoowolamo ati, “Lekha omukhasi abe,” syagendererwa, nti abiikhe amafuta kano, oludaalo olwo’khunsikhirakho. 8Enywe munabenge na’baati akati wenywe, ni simunabenge nange.”9Manu esidiikha sya Bayudaaya nisyola syamanya Yesu nali awo, beecha sikhulwa Yesu syoηηene no’khuwona Lazaaro, yikali nasyukhisise mu baffu. 10Bakhawona bakhuluutu bakhola entekekha yo’khwita Lazaaro yesi, 11khu lwokhuba ye nje owali akira Abayudaaya nibakalukhana baloonde Yesu khandi ba mufukiriremo. Enyingira Yo’luyaali12Oludaalo lwalondakho esidiikha sikhongo esyali nisichire khu muyumo syawulira mbo Yesu kali keecha okhwingira e Yerusalemi. 13Bawukula ensassa namasaga kensassa baacha okhumuwukaanira ni bakhumula, “Hossanah!” “Ali ne’nkhabi oyo owiichira mu liita lyO’mwami!” “Ali ne’nkhabi oyo omwe’wene’ngo wa Yisirayiri!”14Yesu kawukaana omwana kwe ensukhiri khandi kakwikhalakho, nga nisyawandiikiwa, 15“Otatya, oh omukhana wa Sayuni; wona, omwene’ngo wawo keecha, nikekhaye khu mwana kwe’nsukhiri.”16Mukhusokha abeeki baye si bamanya bino byosi. Syonηηene Yesu namalire okhuweresewa oluyaali nje abolera beechulisa baati ebitu binno byali byamuwandiikiwakho khandi nga bali bamalire okhumukholakho ebiitu binno.17Olwo esidiikha esyali naye nalanga Lazaaro okhutula muηηani khandi ka musyukhisa mu baffu syacha mu moni no’khuwunusa emboosi. 18Abatu bangi, khulwokhuba bali bawuliye baati kali akholire akhawonero khamayiya, batula baacha okhumuwukaanira. 19Sinno syakira Abafalisaayo bawoolanira abene khu beene baati, “Muwone, sinno siwuma yisituyira. Mwekhalirise ng e’syalo syosi sikhungulikhire ni simuloonda!” Yesu Alakula Khukhufwa Khwaye20Awenawo aliwo Abayonani mu batu bandi abali ni bechire okhusaba khu mukholo. 21Beecha eyiri Firipo, owali natula Ebetisayida mu Galiraaya, bali no’khusaba. “Ssebo,” ni bawoola baati, “khudahire okhuwona Yesu.” 22Firipo kacha okhuwolera Andereya; khandi Firipo nende Andereya bacha bawoolera Yesu.23Yesu kakowoolamo ati, “Esaawa yolire eyo mwana wo’mutu okhuweresewa oluyaali. 24Mbawoolera amasima, okhutusakho ngo’lumwo lweηηano lukwa mu loba khandi lwafwa, ludooηηa awo lwonηηene. Ne ni lufwa, lwiwula emwo chiindi enyingi.25 Omutu odakha owulamu waye, ali nokhuwukosya, noyo osyula owulamu waye mu syalo muno, aliwubiikha endaalo ne’ndaalo. 26Oyo yesi owunkholera akhoyire kanoonde; ni khandi andi, omukhosi wange yesi nje aliba. Bbabba aliwa oluyaali oyo owunkholera.27“Wunaanu omwoyo kwange kusandisiwa, khandi ndawoole ssi? ‘Bbabba, mboniye mu sawa ya wunaanu?’ Khaba, syali khu lwe’mboosi yene yino nje sinjosa khu sawa yino. 28Bbabba, eresa eriita lyawo oluyaali!” Awenawo ekkono lyatula mwikkulu, “Ndiweye oluyaali, khandi nja okhuliwa oluyaali.” 29Esidiikha syali awo khandi syawulira bikawoola siiti yali nge’nkhubba; abandi baati, kali malayika owali namulomalomeyemo.30Yesu kawoola ati, “Ekkono linno lichire khu lwowulayi wenywe, naye si khu lwange ese. 31Esikha sinno syo’khukhengera esyalo omusango; wunaanu Omusyani wo’mwene’ngo owe’syalo sinno acha okhwirusiwa.32Ne ese, nindisingisiwa okhutula khu syalo, bangi bakheche andi.” 33Kawoola bino okhwekesa enfwa yikali naacha okhufwiramo.34Esidiikha syabatu syawoolera amukulu siiti, “Khuwuliye ebitula mu’malako biiti Kurisito acha okhubawo oluberera, wunaanu onyala okhuwoola otye okhuwoola oti, ‘Omwana wo’mutu kakhasingisiwe amukkulu?’ Naanu ono omwana wo’mutu?’” 35Awo Yesu kabawoolera ati, “Mucha okhubakho no’wulafu mu bikha bitono muwichayo. Kenda no’siiri no’wulafu, esireema nisitadiira emoni. Omutu okenda mu sireema syamanya yacha. 36Tta okhwesika khwawo mu wulafu no’siiri naawo, khu obe mwana wo’wulafu.” Nikamala okhulomaloma binno, Yesu kawawo kabekisakho. Abayudaaya Bachanakana Mu’wutafukirira Waawe:37Nende Yesu nikali namalire okhukhola ebya’mangalima mumoni chaawe, basikala nibatafukirira muye. 38Sinno syali syokhwoseresa emboosi nabbi Yisaaya chikali alakuuye “Omwami, naanu owafukirira emboosi cheffe, khandi omukhono kwO’mwami kwekesewa naanu?”39Olwekhola eyo sibafukirira, olwokhuba, nga Yisaaya lukawoolera awutu andi: 40“Abekaye emoni khandi keta emyoyo chawe, ni sibawona nemoni chawe, no’khumanya mu myoyo chawe, sibakalukhana__ ni nakhabawonisye.”41Yisaaya kawoola binno olwokhuba kawona oluyaali lwa Yesu khandi kamulomalomakho. 42Nende byali bityo bangi nokhubatangirisi bafukirira mu’ye. Ni khulwa Bafalisayo nga sibanyala khutumbula enfukirira yawe mu lwichuye olwokhutya okhwirusiwa mu nyumba ya Weere; 43Khuba basangaliranga okhufumisiwa abatu okhukhira okhufumisiwa Weere.44Manu Yesu kalirira amukulu ati, “Omutu nikafukiriramo, syaba nikafukiriramo syoηηene, ne aba afukirira mu oyo owantuma. 45Naba ni kanewunja, aba awona oyo owantuma.46Nichire mu syaalo ngo’wulafu, sibe mbo awumewo owufukiriramo oba mu sirema. 47“Sibe eyiri omutu owulira embosi change nga syachibiikha, simukhengera musango. Khuba sinecha khukhengera esyaalo emisango, naye okhusiwoniya.48Aliwo omulamusi eyiri oyo owundeka ni khandi syafukirira embosi change; embosi yene eyo yinalomaloma yirimukhengera khu ludaalo lwenjakamo. 49Khuba sinalomaloma khu lwange, ni khulwa Bbabba wantuma kandagira nsikhoyire okhulomaloma nende nga lumba silomalome. 50Simanyire nti esilagiro sino syaye simuyira mu wulamu wutaliwawo. Ne wuli simbola nsiwoola wusa nga Bbabba lukambola nsilomalome.”
Chapter 13

1Syali esikha syolire esyo’muyumo kwo'khubitakho. Yesu kali kamanya ati ebikha byaye byali byolire ebyokhutula khu syalo ache eyiri Bbaaba. Nga lukali ni kadakhana na batu baye abali mu syalo, khulwo kabekesera erala okhudakha khwaye okhwamukulu. 2Esyengolobe ni syali sikawuliwa, ni awenawo setani kali amalire okhwingira mu Yuda Yisikarioti, omusyani wa Simoni, okhulya mu Yesu olukhwe.3Yesu kasimanya ati Bbabba kali amalire okhuta ebitu byosi muwunyala waye, ni khandi nga atula eyiri Weere ni khandi nga akowoolayo yaali; 5Namalire, kachukha amaachi khu beseni kachaka okhwosa abeeki baye amakulu, na basimuula netawulo yikali nikewoyire. 4No'lwasiino, kasiingira khu sideru, ketusakho enguwo yo khumukulu kewowa e tawulo musiwuno.6Kola khu Simoni Petero, owamuwoola ati, “Omwami, ocha okhunjosa amakulu Ssesi?” 7Yesu kamukowolamo ati, “Osiiri okhusimanya wunaanu sindi okhukhola, ne yiwiicha wiicha okhusimanya.” 8Petero kawoola ati, “Khaba,” “Siwakhose amakulu kange.” Yesu kamukowoolamo ati, “Okhutusakho nga nkhwosa, oba owuma owulala nange.” 9“Ni nje lusiri Omwami,” Simoni Petero kemeeda, “Simakulu konηηene, namakhono kange no’mutwe kwosi!”10Yesu kamukowolamo ati, “Omutu weyokire simudakhisa okhweyosa amakulu konηηene; omubiri kwosi muyonjo. Nawe oli muyonjo, ni sisiri siityo khwiywe mweesi.” 11Khulwokhuba kali amanyire owali naacha okhumulyamo olukhwe, nje esyakira awoole ati sisiri siityo khwinywe mweesi mbo muli bayonjo.12Nikali kakhamala okhuboosa amakulu, kambala enguwo chaye kakowoola mu sifo syaye. Kabateba ati, “Mu manyire amakhuluutu kesyo sinkholire khwiywe?” 13“Munaanga ‘Omusomesa’ khandi muuti “Omwami” khandi mu wulungifu, nje sindi. 14Wunaanu nisiri mbo esse, omwami wenywe khandi omusomesa, mbosiise amakulu, mwesi mwosaniyenge amakulu. 15Esse mbatereyewo esyokhuwonerakho musikholenge nga lumbakholeye.16 Mbawoolera amasima, awumawo omukhosi okhira omutangirisi waye, oba omutume okhira omutumire. 17Nga siri mbo wunanu mu manyire bino bitu, mwicha okhuweresewa enkhabi nimubikhola. Yesu Alakula Okhuliwamo Khwaye Olukhwe! 18“Simbajulisa mwesi; manyire abo bandoye. Ni sinno khwoseresa ebyawandiikiwa; “Oyo okabana nange omugati kwange asingisise ebisisiro byaye okhunwanisa.’19“Mbawoolera niwusiri nisitekholekha, nisiba mbo syolereye syakholekha mulifukirira muuti Nise oyo.” 20Mbawoolera amasima, oyo yesi offukirira omutu yesi yintuma afukirira esse; ni yesi owunfukirira afukirira oyo owantuma.”21Nikali namalire okhulomaloma binno, Yesu keecha kachunwa omwoyo lukali khandi katusa owujjulisi ati, “Mbawoolera amasima, mulala khwinywe acha okhundyamo olukhwe.” 22Abeeki baye bewunjanakho, nibakanakana oyo onasikhole.23Mulala khubo, omweeki Yesu yikali nadakha lukali, nga njo'mwegeηηirekho mu lubaffu. 24Simoni Petero kasakula khu mweeki oyo nawoola ati, “Muteebe naanu mwene yawoola.” 25Nasyegeηηire khu Yesu, kamuteeba ati, “Omwami, nje naanumwene?”26Yesu kamukowolamo ati, “Nje oyo yindawe omugaati kumalire okhukhosa mu munyu” Namalire okhukhosa omugaati kakuwa Yuda Yisikarioti, omusyani wa Simoni. 27Nga Yuda lukamala okhuwukula omugaati, setani namwingiramo. Yesu kamuwoola ati, “Syoli ambi okhukhola, sikhole muwangu,”28ne awuma ata mulala khubali khu sideru owamanya esyakira kamuwoola atyo. 29Khuba Yuda nje owali alinda esanduuku lye’rubbya, abandi babasa baati amuwoola okhucha akule khu byali bidakhiwa khu mukholo kuno oba awekho sitono eyiri abaati. 30Yuda nikamala wusa okhuwukula omugaati, natula awaawo. Khandi syali siro. Yesu Alakula Okhwekaana Khwa Petero31Nikali naweyewo, Yesu kawoola ati, “Wunaanu nje ebikha omwana wo’mutu okhufumisiwa, khandi Weere afumisiwe mu’ye. 32Nisiba mbo Weere afumisiwa mu’ye, Weere acha okhufumya omwana mu’ye omwene, ni khandi alimufumya mu wangu wene. 33“Baana bange, njo khuba ni nanywe mu bikha bitono. Mwicha okhungoonya, khandi nga lunawoolera aba Yudaaya, nje mwesi lumbawolera wunaanu wuno: Yinja, simunyala khwichayo.34“Elako yaakha limbawa: Mudakhane. Nga lumbeye nimbadakha, mukhoyire mudakhane. 35Olwa sinno abatu boosi beecha okhumanya baati muli beeki bange, Nimuba mudakhana abene na’beene.”36Simoni Petero kamuteeba ati, “Omwami, ochaaye?” Yesu kamukowoolamo ati, “Ese yinja, syonyala wanondakho wunaanu wuno, ne olinondakho olunyuma.” 37Petero kateeba ati, “Omwami, siina esikira nakhaya okhukhulonda wunaanu wuno? Niicha okhuwayo owulamu wange khu lwawo.” 38Ne awenawo Yesu kakowoolamo ati, “Okhakhasa oti onaweyo owulamu wawo khu lwange? Khuwolera amasima, edaaywa niyitakholyokha, onabe wunekaanire amakhabi khadatu!”
Chapter 14

1“Mutafukiriranga emyoyo chenywe okhwelalikhirira. Mwesike Weere; khandi munesike. 2Munyumba ya Bbabba mulimo ebisenge bingi; siba nisitakhabeye siityo, nakhabawoleye. Nja eyo okhubatekekhera esifo. 3Khandi ninja okhubatekekhera esifwo, nja okhukowola mbende khuche nanywe kho mwesi munyale okhuba andi.4Mu manyire engira eyicha esse yinja.” Yesu Engira Yicha Ewa Bbaabba 5Tomasi kamuwoola ati, “Omwami, sikhumanyire yocha, khunyala khutye okhumanya engira?” 6Yesu kakowoolamo ati, “Nise engira khandi amasima khandi no’wulamu. Awuma ocha ewa Bbaabba okhumalakho nga’bitiiye mwise. 7Nimuba mwamanya esse, mwakhamanyire Bbaabba wange yesi. Okhutula wunaanu, mu mumanyire khandi mwamuwona.”8Firipo kawoola ati, “Omwami, twekese Bbaabba esyo sinatumale.” 9Yesu kakowoolamo ati: “Si muumanyire, Firipo, nende nimalire okhuba namwe ebikha bireyi biiti? Oyo yeesi owumbwene awene Bbaabba. Onyala okhuwoola otye oti, Twekese Bbabba’?10Simufukirira muuti ndi mu Bbaabba, khandi Bbabba ali mwise? Emboosi chimbawoolera si change esse omwene. Naye cha Bbabba, owumenyiremo, oli okhukhola omulimo kwaye. 11Munfukirire nimboola nti ndi mu Bbaabba khandi Bbaabba kandimo; oba nisitaasi siityo mufukirire okhwema khu wujjulisi owe byamagero byene.12Mbawoolera amasima nti, oyo yeesi oli nenfukirira mwise acha okhukhola bi mbeye ninkholanga. Alikhola ne’bikhiira awo, khu lwokhuba nja eyiri Bbaabba. 13Khandi nja okhukhola wuli simusaba mu liita lyange, khusibe nti omwana anyale okhuleeta oluyaali eyiri Bbaabba. 14Munyala onkhusaba syoosi mu liita lyange, khandi ndisikhola.” Yesu Asubisa OMwoyo Omwolerefu15“Nimundakha, mulidiira bimbalagira. 16Khandi nja okhusaba Bbaabba, khandi acha okhubawa omukeraki wundi ocha okhuba nanywe endaalo choosi__ 17Omwoyo wa masima. Esyalo sisinyala khu mufukirira, khuba sisimuwona ata sisimumanyire. Ne'nywe mu mumanyire khulwokhuba amenyire nanywe khandi anababengemo.18Sinja khubalekha nga abafwire; nja okhwicha yimuli. 19Musikha sitono, esyalo sisicha khumbona khandi, nanywe mucha okhumbona. Khuba ndiwo omulamu, mwesi muliba balamu. 20Khu ludaalo olwo nje lumulimanyira muuti ndi mu Bbaabba, khandi mundimo, ni khandi ese mbalimo.21Oyo oli namalako kange manu kakakholerakho, nje owundakha. Oyo owundakha alidakhiwa nende Bbaabba, ni khandi Ssesi ndimudakha khandi namuwonekhera.” 22Awo Yuda (Otali Yuda Yisikarioti) kawoola ati, “Ne, Omwami, lwasiina ogenderera okhweyekesa yikhuli okhulekha okhweyekesera esyalo?”23Yesu kakowoolamo ati, “Nisiba mbo omutu yesi kandakha, aba acha okhufukirira okhusomesa khwange. Bbaabba acha okhumudakha, khandi khulicha yali khandi khwakhola naye edaala. 24Ne oyo otandakha syadiira ensomesa yange. Emboosi chinno chimuwulira sichange; cha Bbaabba owantuma.25“Binno byosi mbalomalomeeye ninsiri nanywe. 26Ne omukeraki, omwoyo mwolerefu, oyo Bbaabba yacha okhutuma mu liita lyange, acha okhubekesa ebitu byoosi khandi abechulise byoosi bimbawoleye. 27Emirembe mbalekhera; emirembe change mbawa. Simbayeresa emirembe nge syalo lusiwa. Mutalekha emwoyo chenywe chachunisiwa khandi mutaba no’khutya.28“Mumbuliye nimboola nti, ‘Mbwawo khandi ngowola yimuli.’ Nimwakhabeye mundakha, mwakhasangaaye khuba nja eyiri Bbaabba, khulwokhuba Bbaabba kankhira lukali. 29Mbawoleye wunaanu nibitakholekhana, sibe mbo nibikholekhana munyale okhufukirira.30Sinja khulomaloma namwe, khuba omusyani munawaami we syalo sinno keecha. Syali no’wunyala yindi, 31Ne esyalo sikhoyire simanye siiti ndakha Bbaabba ni khandi nkholera erala Bbaabba wange sikandagiiye. “Mwiche wunaanu; khuwewo .”
Chapter 15

1“Nise omutuli kwene, ni Bbaabba nje omulimi. 2Akhengakho wuli saga litaama mwise eritaamakho esyokhulya, ne na wuli saga lyamakho alikhalakira lyaama nalukali.3Enywe mwamala okhulabisiwa khu lwe mbosi china’balomalomera. 4Mundoηηemo, Ssesi mbadoηηemo. Awuma esaga lyaama esyaamo alyo’nηηene; liteekwa okhudoŋŋa khumutuli kwene. Ata mwesi simunyala mwatakho ebyaamo nimutandoηηiremo.5“Nise omutuli kwene; ninywe amasaga. Omutu nikandoηηamo, Ssesi namubamo, kaama ebyaamo bingi; ambuma awuma simwakhakhola. 6Omutu nantandoηηamo, aba nge'saga lyasukuniwa lyaniyala; amasaga kafaana kaatyo kadoolewa, kasukuniwa mu muliro khandi kasambiwa.7Ne nimundoηηamo ne mboosi change chabadoηηamo, musabe simudakha, sicha okhubaweresewa.8 Sinno nje esiweresa Bbaabba oluyaali okhuba mbo mwaama ebyaamo bingi, okhweyekesa mwabene okhuba abeeki bange. 9“Nga Bbaabba lukandakha, Ssesi ntyo nje lumbadakhire. Wunaanu mudoηηe mukhudakha khwange.10Nimudiira amalako kange, mucha okhudoηηa mu khudakha khwange, nga Ssesi lunadiira amalako aka Bbaabba khandi nadoηηa mu khudakha khwaye. 11Mbawoleye sino esangaalo lyange linyale okhubabaamo, khandi eryenywe libe erichufu.12Esilagiro syange nje sino: Mudakhane ngalumbeye nimbadakha. 13Okhudakha khukhirawo khuno khuwuma no’mutu yeesi, onyala kawayo owulamu waye khulwabeecha baye.14Muli beecha bange nimukhola sindagira. 15Sisibalanga abapakasi, khulwokhuba omupakasi syamanya omulimo kwo’mwene’ngo. Okhutusakho mbalangire abeecha, olwokhuba wuli sinasoma khu Bbaabba nsiibekesise.16Simwandoola, ne niise owabadoola khandi nabatuma muche mwaame ebyaamo__ ebyaamo ebiriyiindira. Kho Bbaabba alibawa syoosi simusaba mu liita lyange. 17Sinno nje esilagiro syange: mudakhane abene na’beene. Esyalo Sisyuula Abeeki18“Esyalo ni sibasyuula, musimanye muuti syasokha okhunsyuula. 19Ni mwakhabeye bo khusyalo, syakhabadakhire nga beenesyo. Nga lusiri, simuli bo khusyalo, naye nabadoola okhutula mu syalo. Nje esikira esyalo ni sibasyuula.20 Mwichulise emboosi chinabawoola: ‘Awuma omukhosi okhira omukhongo waye.’ Nga nibansandya, mwesi bakhabasandye. Nibafukirira ensomesa yange, mwesi bakhafukirire echenywe. 21Bacha okhubakhola baatyo khu lwe liita lyange, olwokhuba sibamanyire owantuma. 22. Mbasinecha nalomaloma nabo, sibakhabeye ne’sibi. Wunaanu, esyembi, bawuma esyokhuwosa olwe’sibi syawe.23Oyo otandakha syadakha nende Bbaabba yeesi. 25Ni sinno syo’khwoseresa ebyawandiikiwa mu malako kawe: ‘Bansyuula ataasi mboosi yoosi.’ 24Mba sinakhola owundi byatakhola mubo, si bakhabeye ne’sibi. Ni wunaanu bawene ebya magero bino, sisibakaniisye onkhusyuula esse nende Bbaabba.26“Omukeraki nikeecha, yindituma yimuli okhutula eyiri Bbaabba, omwoyo kwa masima otula mu Bbaabba, aliwa owujjulisi khwise. 27Mwesi mu khoyire mutuse owujjulisi, khulwokhuba mubeye nange okhutula munjaaka.

Chapter 16

1“Binno byoosi mbibawoleeye munyale owutakota. 2Bacha okhubasukuna erwanyi we nyumba ya Weere; amasima keene , ebikha bicha okhwoola siwukaanikhe mbo oyo yeesi obeeta alibaasa ati ali okhuwa Weere Sadaaka.3Beecha okhukhola ebiitu bifaana biityo khu lwokhuba sibamanyire Bbaabba oba esse. 4Mbawoleye sinno, kho musimanye muuti ebikha nibyoola mulichulisa muuti nabalawula. Sinabawoolera sinno mukhuchaaka khuba nali nanywe. Omulimo Kwo’mwoyo Mwolerefu5“Wunaanu nja yali oyo owantuma, ni awumawo khwinywe owunteeba ati, ‘Ocha yenna?’ 6Khu lwokhuba mboye ebiitu binno, mwichuye no’khwelalikhirira. 7Ne mbawolera amasima: Sirayi yimuli nti mbwawo. Okhutusakho nga mbweyewo, omukeraki sikakheche yimuli; ne ninja, ndimutuma yimuli.8Nikeecha, alita khu syalo omusango okudiira khu sibi, n’owolerefu no’khukhengerwa: 9Mungira ye sibi, olwokhuba abatu sibanfukiriramo; 10Mungira yo’wolerefu, khuba nja eyiri Bbaabba, yimutanyala mwambona khandi; 11Khandi mungira yo khukhengerwa emisango, olwo’khuba omusyani wo’wene’ngo we syalo sinno wunaanu kakhengerwa.12“Ndi nende bingi ebyo’khubawoolera, bimutanyala mwesimirisa. 13Ne yee, omwoyo wa masima, naliicha, alibalagirira mu masima kosi koosi. Syalilomaloma khu lwaye; alilomaloma khwibyo byawulira byoηηene, khandi keecha okhubawoleranga wuli sinabenge sicha okhubawo. 14Keecha okhuleeta oluyaali yindi nawukuye khubyange nakesakho bimanyikhe yimuli.15Ebyo byoosi ebya Bbaabba byange. Nje sikira nimboola nti Omwoyo aliwukula khu byange khandi alikhola bimanyikhe yimuli. 16“Mubikha bitono simucha khumbona, awene awo mubikha bitono nimumbona khandi.” Ekhwe’wunamira khwa Abeeki Khulifuukha Esangaalo17Balala khu beeki baye bawoolanira ebene na’beene baati, “Siina sikekesa nawoola ati, ‘Mubikha bitono simucha okhumbona, ni abitawo ebikha bitono mwicha okhumbona khandi,’ ‘olwokhuba Ndi khucha eyiri Bbaabba?” 18Bemeeda nibateeba baati, “Siina sikekesa nawoola ati, ‘Mubikha bitono’? Sikhutegeera byaba nawoola.”19Yesu kawona ati badakha okhumuteeba khu biitu binno, kho kabawoola ati, “Muli okhutebana abene na’beene sinekesa nimboola nti, ‘mubikha bitono simucha khumbona , khandi awene awo mubikha bitono mulimbona’? 20Mbawoolera amasima, mulye’wunamira khandi mulirira ne esyalo nasyo sisangaala. Mulye’wunamira, ne okhwewunamira khwenywe khulikalukhana khwaba esangaalo. 21Omukhasi owiwula omwana ali nowuchuuni olwokhuba ebikha byaye nibyolire; ne omwana waye naba ni kewuywe kebirira ensasakisi khu lwesangaalo lyaye nti omwana aba kewuywe mu syalo.22Wunaanu nanywe mwesi: Ebikha byenywe byo'khwewunamira byolire, ne ndibawona khandi mwasangaala, khandi aliwumawo olibatusakho esangaalo lyenywe. 23Khu ludaalo olwo muliwuma esyo’nkhuteeba syoosi. Mbawoolera amasima, Bbaabba alibawa naawuli simuliba musabire mu liita lyange. 24Okhwola wunaanu mutaasaba esiitu syosi syoosi mu liita lyange. Musabe munawewe, khandi esangaalo lyenywe liriba lichuffu.25“Nende mbeye no’malomeranga mu ngaado, ebikha biicha antalomalomerenge mu lulimi lwe’ngeri yinno ne ndabawoolerenge mu wukwalaafu ebidiira khu Bbaabba.26Mu ludaalo olwo munaasabenge mu liita lyange. Sindi khuwoola ati ndaasabe Bbaabba khu lwenywe. 27Khaba, Bbaabba omwene abadakha olwokhuba mundakha khandi mwafukirira muuti natula eyiri Weere. 28Natula eyiri Bbaabba nengira mu syalo; wunaanu ndikhutula mu syalo khandi ngowolayo eyiri Bbaabba.”29 Awo abeeki ba Yesu bawoola baati, “Wunaanu oli khulomaloma bikhutegeera wulayi ni awuma okhubita mungaado. 30Wunaanu khunyala okhuwona khuuti omanyire wuli siitu khandi sisidakhisa mutu yeesi okhukhuteeba ebiteewo. Sinno sikira khwafukirira khuuti otula eyiri Weere.” 31Yesu kabakowoolamo ati, “Mufukirira khunjakamo!”32 “Ne ebikha biri okhwicha, khandi byolire, lumulisalanisiwa, wuli otula kaacha engo waye. Mulindekha senηηene. Ne khandi sindi senηηene, khuba Bbaabba ali nange. 33“Mbawoleye ebiitu binno, sibe nti mwise munyale okhuba ne mirembe. Mu syalo sinno mucha okhuba ne’bidinyu. Ne mube bagumu be myoyo! Esse namala okhuyiingira esyalo.”
Chapter 17

1Yesu nikali kakhamala okhulomaloma sinno, kewunja amukulu khandi kasaba ati: “Bbaabba, ebikha byakhoola. Weresa Omusyani wawo oluyaali, kho Omusyani wawo Yesi akhuwe oluyaali. 2Khuba wamuwa owunyala okhukhira abatu bosi boosi sinyalikhe okhubawa owulamu wutawaawo eyiri abo bawamuwa.3Wunaanu wuno wulamu wutawaawo: banyale okhukhumanya, Weere mutuufu yenηηene nende Yesu Kurisito, oyo yiwatuma. 4Nkhuleteeye oluyaali khu syalo olwo’khumalirisa omulimo kuwamba okhukhola. 5Ni wunaanu, Bbaabba, mberese oluyaali noliwo no’luyaali lunali nalwo niindi nawe esyalo nisitachaaka. Yesu Asabira Abeeki Baye.6Nkhutumbuye eyiri abo bawamba okhutula mu syalo. Bali bawo; wabamba khandi baafukirira emboosi yawo. 7Wunaznu bamanyire baati wuli siwumbeeye situla yooli. 8Khuba nabawa emboosi chiwamba khandi baachifukirira. Basimanya no’wukhakhaffu baati natula yuuli, khandi baafukirira baati wantuma.9Mbasabira. Sindi khusabira esyalo, ne nsabira abo bawamba, khuba bawo. 10Bindi nabyo byoosi byawo, nikhandi byosi byoosi byoli nabyo byange. Oluyaali lwosilwosi lunjolirekho nilubita mwabo. 11Sinja khudoηηa mu syalo khandi, ne'bbo basiiri mu syalo, ne esse ndi okhwicha yuuli. Bbaabba mwolerefu, bakhingakire olwo’wunyala weriita lyawo__ eritta liwamba__ banyale okhuba sirala nga lukhuli ni nawe.12Ninali niindi nabo, nabakhingakiranga khandi nabaliinda wulayi okhubitira mu liita liwamba. Awuma owakotakho okhutusakho oyo owa’kholimirwa okhuddima ebyandiiko binyale okhwolerera. 13“Ndi okhwicha yuuli wunaanu, ne nomaloma ebiitu binno ninsiiri mu syalo, kho beeche banyale okhuba ne’sangaalo lichuffu eryange mukkati mubo. 14Mbaweye emboosi yawo khandi ne’syalo sibasyuuye, khulwokhuba sibasiiri besyalo nonkhukhirakho esse obeye we’syalo.15Okhusaba khwange sikhuli mbo obatuse mu syalo naye khuuti obakhingakirire eyiri omusukku. 16Bo sibe’syalo, nga Ssesi luntaasi wasyo. 17Boose no’wamasima; emboosi yawo masima.18Nga luwantuma mu syalo, mbatumire mu syalo. 19Khulwaawe nelabya samwene, kho bosi banyale okhulabisiwa mu’masima. Yesu Asabira Abafukiirisi Boosi20“Okhusaba khwange si khwawe bonηηene. Nsabira naabo abalifukiirira okhubitira muwubakha wawe, 21sibe mbo boosi babe sirala, Bbaabba, nga luuli wussa mwise ni Ssesi ndi mwiwe. Sinyalikhe bosi babe mwifwe kho esyalo sinyale okhufukiirira siiti wantuma.22Mbaweye oluyaali luwamba, banyale okhuba sirala nga lukhuli sirala: 23Esse mubo newe mwise. Sinyalikhe okhubaleeta alala elalira siretere esyalo okhumanya nti wantuma khandi wabadakha nga ni wandakha.24“Bbaabba, ndakha abo bawumberesise okhuba ni nange yiindi, khandi nokhuwona oluyaali lwange, oluyaali luwumberesise khulwokhundakha wandakha ne syalo ni sitalongewa.25“Bbaabba mwolerefu, asyakhaba mbo esyalo sisikhumanyire, esse nkhumanyire, ni khandi basimanyire baati wantuma. 26Nsikholire wamanyikhana yibali, ni khandi ndachiririre okhusikhola omanyikhane kho sibe mbo okhudakha khuwandakha khubabemo ni khandi sibe mbo esse simwene sinyalikhe mbabemo.”
Chapter 18

1Nikali namalire okhwekalikhira, Yesu katulawo nende abeeki baye bakhalakaniya edooma lye Kidulooni. Khuluwande lula yaliyo endalo eyo’musayituni, ye nende abeeki baye yibacha bengiramo. 2Wunaanu Yuda, owamulyamo olukhwe, kamanya esifwo, khulwokhuba Yesu kawukananiraangayo na’beeki baye amakhabi mangi. 3Manu Yuda keecha mundalo, nalagiirira omukaanda kwa basirikale abamaye nende abakhuluutu abandi okhutula eyiri abakhuluutu babakhawona nende Aba'Falisaayo. Bali bakiingire emimuli, amataara nende ebyooki.4Yesu, olwokhumanya byoosi ebyali nibicha okhumwekholekhakho, katulayo kabateeba ati, “Nje naanu yimudakha?” 5Bakowolamo baati, “Yesu owe Nasaleesi.” Yesu kawoola ati, “Niise oyo,” (naye Yuda owamulyamo olukhwe kali keemire awo nabo.)6Yesu nikawoola ati, “Niise oyo,” bakowolerayo emukoongo bakwa khwiroba. 7Kabateeba lundi ati, “Naanu yimudakha?” Khandi bawoola baati, “Yesu owe Nasaleesi.”8Yesu kakowolamo ati, “Mbawoleeye nti niise oyo, nimuba ni mungoonya, manu mulekhe abatu bano bawewo.” 9Sinno syakholewa kho emboosi chikali nalomalomire choseresewe chiiti, “Khaba sinakosya mulala khwaabo bawamba.”10Manu Simoni Petero, owali nende okukhande, kakusoolayo kaatema omukhosi wa khawona omukhuluutu, kamutemakho okhutwi kwaye okhwomukhono omulungi. (Omukhosi oyo eriita lyaye kali Maluko.) 11Yesu kalagira Petero ati, “Kowosayo okukhande kwawo! Khaba sinaanywe esikoombe Bbaabba sikambeye?” Yesu Ayiriwa Eyiri Ana.12Manu esikaanda esya’bamaye nende omuduumisi waasyo nende abakhongo aba Bayudaaya badiira Yesu. Bamuwoya 13manu okhusookha bamuyira eyiri Ana, owali mukhweηηene Kayaafa, Khawona omukhuluutu omwaka okwo. 14 Kayaafa nje owali nakerakiiye Abayudaaya ati syakhali sirayi omutu mulala okhufwira abatu. Okhwekaana Khwa Petero Okhwa’mberi15Simoni Petero nende omweeki owundi bali baloonda khu Yesu. Olwokhuba omweeki onno kali kamanyikha eyiri Khawona omukhuluutu, kengira nende Yesu mu lwanyi olwa Khawona, 16naye Petero kali no’khuliindira erwanyi amulyango. Omweeki wundi ola, owali namanyikhire eyiri Khawona omukhuluutu, kakowola, kalomaloma nende omukhana owali khu mirimo awo kengisa Petero.17Omukhana owali khu mulyango kateeba Petero ati, “Ewe syuli mulala khubeeki baye?” Petero kakowolamo ati, “Bbe siindi.” 18Embewo enyifu yalikho, manu abakhosi nende abakhongo beema bewodookhaniya omuliro kubali nibateyewo okhubalakala bafune embugumu. Petero yesi kali kemire nabo, ni kewukumya. Khawona Omukhuluutu Ateeba Yesu19Ebyo nibisiiri awo, Khawona omukhuluutu kateeba Yesu ebidiira khu beeki baye nende ensomesa yaye. 20Yesu kakowolamo ati, “Nalomalomera alafu eyiri esyalo,”Embaka nyingi “Nasomeseranga mu sinaggogi oba mu nyumba ya Weere, yi Bayudaaya boosi bewusiraanga. Yiwuma sinawoola mu wekissi. 21Wunteeba si? Teeba abo abambulira. Masima bamanyire binawoola.”22Yesu nikawoola sinno, mulala khu bakhongo owali ambi kamupaama oluyi mu weeni, kawoola ati, “Yino nje engeri yukowolamo mu Khawona mukhuluutu?” 23Yesu kakowolamo ati, “Nimbooye esiitu esibi, tusa owujjulisi owe’sibi esyo. Ne ninomalomire amasima, wumpamiiye ssi?” 24Manu Ana kamusindikha, ewa Kayaafa Khawona omukhuluutu, nibasiimuwoyire. Okhwekaana Khwa Petero Okhwo’khubiri Nende Okhwokhudatu.25Nga Simoni Petero lukali nikemire ni kewukumya, bamuteeba baati, “Ewe syoli mulala khu beeki baye?” Kasyekaana, nawoola ati, “Khaba siindi.” 26Mulala khu bakhosi aba Khawona omukhuluutu, omwikho owo’musaacha yi Petero kali natemirekho okhutwi kamuteeba ati, “Sinakhuwona nuli naye mundalo yi misabbibbu?” 27Khandi Petero kasyekaana, ne mu’sikha esyo edaywa yachaaka okhukholyookha. Yesu Mu moni Cha Pirato28Manu aba Yudaaya bataangisa Yesu okhumutusa ewa Kayaafa bamuyira mudookho lya Gafana owa’Baruumi. Esikha esyo yali echuli lukali, okhutadakha okhukhalaka omusiro kwawe aba Yudaaya khaba sibengira mwidookho; badakha banyale okhulya Paasaka. 29Manu Pirato katula keecha yibali kabateeba ati, “Musango ssi kwene kumufunana omusaacha onno?” 30Bakowolamo baati, “Aba nataasi omukhosi we’bibi,” “sikhwakhamukhuleteeye”.31Pirato kawoola ati, “Mu muyire enywe abene mu mukheengere omusango mu malako kenywe.” Abayudaaya bayingana baati, “Naye efwe khuwuma owunyala owiita omutu yeesi,” 32Sinno syekhola kho emboosi Yesu chikali nalomalomire okhwekesa engeri yenfwa yikali naacha okhufwa yoseresewe.33Pirato kakowolayo mukkati mwidookho, katumisa Yesu kamuteeba ati, “Niiwe omwene’ngo owa Bayudaaya?” 34Yesu kateeba ati, “Esyo sibaaso syawo omwene,” “nawo abatu bandi nje abakhuwoleeye ebindiirakho?” 35Pirato kakowolamo ati, “Ese ndi omu'Yudaaya?” “Babeye abatu bawo nende ba Khawona abakhuluutu abakhundeteeye. Siina syene syukholire?”36Yesu kawoola ati, “Owene’ngo wange siwe’syalo sinno. Wuba niwubeeye wuutyo , abakhosi bange bakhalwaanire okhukayira Abayudaaya okhundiira. Naye wunaanu Owene’ngo wange wutula mu sifwo siindi. 37Pirato kawoola ati, “Oli Omwene’ngo, wunaanu!” Yesu kakowolamo ati, “Oli omutuufu mu khuwoola oti ndi Omwene’ngo. Mu masima, olwasinno sakira newulwa, khandi olwasinno necha mu syalo, okhuwa owujjulisi khu masima. Nawuli syamulala oli khu luwande olwa masima kantekeeresa.”38 Pirato kateeba ati, “Amasima nje ssi?” Nasi no katula lundi erwanyi eyiri Abayudaaya kawoola ati, “Simona sinemakho okhumufunaana omusango. 39Naye nsambo yenywe esse okhubalekhulira omuwoye mulala musikha esya Pasaka. Mudakha ndekhule Omwene’ngo owa Bayudaaya?” 40Bayokerera amukulu nibakowoolamo baati, “Bbe, onno musaacha bbe! Tuwe Balaba!” Wunaanu Balaba kali omukhongo owa’khediimo.
Chapter 19

1Pirato kalagira batusewo Yesu nibamukhubba. 2Abasirikale balukha engule yamawa bayiita khumutwe kwaye. bamwambasa enguwo chifaana ewookha 3khandi balumirirakho okhucha yaali nibawoola baati, “Oluyaali lube naawe, Omwene’ngo wa Bayudaaya!” Bamala bamukhubba mumoni.4Pirato katula erwanyi khandi kabawoolera ati, “Muwone, nja okhumubatusira erwanyi mumanye muuti mbuma naye omusango kumuwenekho.” 5Yesu nikatula erwanyi nikambaye engule ya’mawa nende enguwo yo’luyaali eyifaana nga ewookha, Pirato kabawoola ati, “Omusaacha nje onno!” 6Muwangu ba’khawona na’bakhuluutu bawe balomalomera amukulu baati, “Mu mukhomerere! Mu mukhomerere!” Ne Pirato kabakowoolamo ati, “Mumuyire mu’mukhomerere. Ne esse, mbuma sinemakho okhumutaakho omusango.”7Abayudaaya batamirira baati, “Effe khuli nende elako, khandi okhwema khu lako eryo ateekwa okhufwa, khulwokhuba kelaanga okhuba omwana wa Weere.” 8Pirato nikawulira sinno, kemeeda no’khutya khandi kakowoolayo mu Ddookho. 9Nakowolayo, kateeba Yesu ati, “Otula yeena wene?” Naye Yesu sikamukiwolamo. Pirato kamuwoola ati,10“Syudakha khulomaloma nange?” “Syumanyire oti ndi no’wunyala owo’khukhulekhula, oba owo'khukhukhomerera?” 11Yesu kakowoolamo ati, “Siwakhabeeye no’wunyala khwise no’ba notakhabeeye niwawuweresewa okhutula amakkulu. Nolwesyo oyo owumbayo yuuli ali n’omusango okwe’sibi sikhirakho.”12Okhutula awo, Pirato kakesakho okhulekhula Yesu, ne aba Yudaaya bachanakana nokukhero baati, “Nimulekha omusaacha ono kawawo, simuba beecha ba Kayisaali. Yesi yeesi owelanga okhuba Omwen’engo aba ayinganiya Kayisaali.” 13Pirato nikawulira sinno katusa Yesu erwanyi kekhala khu sisaala syo’wulamusi musifwo simanyikhire nga ekiina lyo khu sigiigo, (mu bebulaaniya Gabasa)14Lwali oludaalo lwo’khutekekherakho ejjuma ye'mbaga yo'khubitakho, ambi we saawa yo’mukaaga. Pirato kawoola aBayudaaya ati, “Omwene’ngo wenywe nguno.” 15Ne bayokerera amukkulu baati, “Mutuseewo! Mutuseewo! Mukhomerere!” Ne Pirato kateeba ati, “Ndakhomerere Omwene’ngo wenywe?” Ba Khawona bakhuluutu bakowolamo baati, “Khuwuuma Omwene’ngo okhutusakho Kayisaali.” 16 Olunyuma lwa byoosi Pirato kamuwaayo yibali akhomererwe. Okhukhomererwa Manu abasirikale badoηηa nibalindire Yesu.17 Nikekiingiye omusalabba kwaye omwene, katula erwanyi kaacha musifwo sye’biwayanga (mu lulimi lwa Arameyiki esilangiwa Gologosa). 18Ano nje abamukhomerera, ne alala naye abandi babiri__ mulala khu wuli luwande ne Yesu akaati wawe.19Pirato kawandiika esilangiriro syateewa khu musalabba. Syasoma siiti: YESU OWE NAZALEESI, OMWENE’NGO WA BAYUDAAYA. 20Bangi khu Bayudaaya basoma esiwandiiko sinno, khu lwokhuba esifwo Yesu akakhomererwa syali ambi nende esiko sikhongo, ne esiwandiiko syali mu Arameyika, Latini nende Oluyonani.21Ba Khabona bakhuluutu bemulugunya eyiri Pirato, baati, “Otawandiika oti, ‘Omwene’ngo wa ba'Yudaaya, ne oti, omusaacha onno ketaakho ati, ‘Niise Omwene’ngo wa ba Yudaaya.” 22Pirato kakowolamo ati, “Simbandiikire, Mbandiikire.”23Abasirikale nibali bamalire okhukhomerera Yesu, bawukula enguwo chaye, bachikabaniyamo amakhabi kanne, wuli mulala abe nomukero kwaye, enguwo yo mukkati yasikala. Enguwo yinno siyalikho ekemo, ni yatungiwa mu suuka ndala okhutula amukulu okhwoola assi wayo. Bafukirisaniya abene na’beene baati khutayitandulamo, ne khu bite mu khalulu kho khuwone naanu onayiyire. 24Sinno syakholekhana ebyawandiikiwa byolerere ebiwoola biiti, “Bakabana enguwo change abene khubeene bakhubba nakhalulu khu lwe’byambalo byange.” Sinno nje abasirikale sibakhola.25Nηηina Yesu keema ambi no’musalabba kwa Yesu, omukhana wawe ηηina, Malyamu omukhaaye wa Kuloopa, nende Malyamu Mangadalena. 26Yesu nikawona ηηina awo, nende omweeki yikali nadakha lukali nibemire ambi, kawolera ηηina ati, “Mukhasi mudakhwa, omwana wawo ngunno,” 27khandi eyiri omweeki ati, “ηηinenywe nguyo.” Okhutula ebikha ebyo, omweeki ono kamuyira engo waye. Okhufwa Khwa Yesu28Olunyuma, okhumanya mbo wunaanu byoosi byali biweye, khandi mukhumanya mbo abyawandiikiwa binyale okhwolerera, Yesu kawoola ati, “Ndi no’wuluwo.” 29Ebbuka lyo mwenge mululu lyzli liteywe awo, bawukula esyangu basiinikhamo, baata esyangu khumudaya bamuta khu munwa. 30Nibamala okhumunywesa, Yesu kawoola ati, “Syakhawa.” Necho mboosi, kenamya omutwe kwaye nakhookhire ekkosi, kawayo omwoyo kwaye.31Awo lwali oludaalo lwokhutekekha, oludaalo lulondakho lwali lwa Ssabiitti lwenjawulo. Olwokhuba Abayudaaya sibadakhanga emibiri okhulekhewanga khu musalabba olwa Ssabiitti, basaba Pirato bakhalake amakulu emibiri bachiise assi. 32Abasirikale khulwesyo beecha khandi bakhalaka amakulu ko’musaacha wa’mberi owali nakhomereywe nende Yesu, naka’bandi abali nibadoηηire. 33Ne niboola khu Yesu bakaana mbo amalire okhufwa, sibakhalaka amakulu kaye.34Okhumalakho, mulala khubasirikale kachoma Yesu enfumo mu lubafu, amangu akko, wangu weene amabanga kafudumukha alala na’maachi. 35Omusaacha wa’wonna kawa owujjulisi, no’wujjulisi wutuufu. Amanyire ati awa owujjulisi wamasima, khandi asilomaloma wesi onyale okhufukirira.36Binno byakholekhana ebyawadiikiwa binyale okhwolerera: “Si yali kumba lyaye elirikhalakiwa,” 37khandi, ne siwandiiko siindi esiwoola siiti, “balyewunja khu oyo yibafumita.” Okhusikhiwa Khwa Yesu38Olunyuma, Yusufu owa’limasaaya kasaba omubiri kwa Yesu. Wunaanu Yusufu kali omweeki wa Yesu, naye muwekisi olwokhuba kali atya aBayudaaya. Olwokhufukirirwa nende Pirato, keecha khandi kayira omulambo. 39Kayerekesewakho Nikodemu, omusaacha owali nakeniyirekho Yesu essiro. Nikodemu kaleeta amafuta kakhawowo akeyera owusiito wako pawundi nsafu mutaanu.40Nibawukuye omubiiri kwa Yesu, banno babiri bakuwowa birayi mu nguwo chebeyi, nibakuteyekho amafuta kakhawowo. Sinno nje syakholewanga na Bayudaaya nge'nsambo chawe nibasiikha. 41Musifwo Yesu sikakhomererwamo, aliwo endalo, munno mwalimo enηηani mbyakha, omutu yeesi mwatasikhiwamo. 42Kulwokhuba lwali ludaalo lwa Bayudaaya lwo’khwetekekherakho ni khandi nge'nηηani yiri ambi, bayikoniyamo omulambo kwa Yesu.
Chapter 20

1Echuli chuli khu ludaalo lwa mberi olwejjuma, esiirema nisisiirikho, Malyamu Mangadalena kacha khu nηηani kakaana ekkina nibalitusiise khu mulyango kwe nηηani. 2Ne amala kerukha okhucha eyiri Simoni Petero nende omweeki wundi, Yesu yikadakhanga lukali, kawoola ati; “Omwami bamutusiise mu nηηani, khandi sikhumanyire yibamuteeye!”3Manu Petero nende omweeki wundibatulaniramo okhucha khu nηηani. 4Bombi bacha niberukha, ne omweeki wundi kerukha kasookha Petero khu nηηani. 5Kaguunama kawona enguwo cha liiri nichiri assi ne khaba sikengira mu nηηani.6Simoni Petero, owali naloondakho, nikoola kamala kengira mu nηηani. Kawona enguwo cha liiri nibachaalire awo, 7nende enguwo yi’bamusiikhamo eyali khu mutwe kwa Yesu. Enguwo yali yefumbiremo eyene, okhutulakhu ya liiri.8Mukhumalirikha omweeki wundi, owali nasookhire okhwoola khu ηηani, yesi kamala kengira mukkati. Kawona kafukiirira. 9 (Okhwola khu sikha esyo bali basiiri okhutegeera okhutula mu byawandiikiwa baati Yesu kali wo’khusyuukha okhutula mu baffu.) Yesu Awonekhera Malyamu Mangadalena 10Abeeki bamala bakowolayo mu mako kawe,11musikha esyo, Malyamu kasikala erwanyi we’nηηani naalira. Na siirira, kaguunama kewunja mu nηηani 12ne awona ba Malaika babiri, munguwo ndafu, ni bekhaye awo omubiri kwa Yesu akwali, mulala emutwe ne owundi emakulu. 13Bamuteeba baati, “Mukhasi ewe, lwasi olira?” kabakowolamo ati, “Bayirire omwami wange, khandi siimanyire yibamuteeye.”14Nga lukalomaloma atyo, kakalukhana ne awona Yesu nikemire awo, ne khaba sikamumanya. 15Yesu kamuwoola ati, “Mukhasi ewe lwasiina olira? Okoonya naanu?” Nabasirisa ati ono kali mulindi wendalo, kamuwoola ati, “Mukhongo wange, noba no’mutusisewo, mboolere yumuteeye, ndache namuwukaana.”16Yesu kamuwoola ati, “Malyamu.” Kakalukhana kamwewunja, kamuwoola mu lwa'Aramayiki ati, “Rabboni!” (Amakhuluutu mbo Omusomesa.) 17Yesu kawoola ati, “Otanediirakho khulwokhuba nsiiri okhukowola eyiri Bbaabba. Ne cha wakanane ba mwanaama obawolere oti, ‘Ndi okhukowolayo eyiri Bbaabba wange khandi senywe, Weere wange khandi Weere wenywe.”’ 18Malyamu Mangadalena kacha eyiri Abeeki nende amawulire akawoola kaati: “Mbwene Omwami!” kabawolera nga lukali nawoleywe ebiitu binno. Yesu Awonekhera Abeeki Baye19Engoloobe y’oludaalo lwene olwo, olwamberi mujjuma abeeki bali alala, emiryango ni miikale olwokhutya Abayudaaya, Yesu keecha kaabemamo kawoola ati, “Emirembe chibe nanywe!” 20Nikamala okhuwoola sinno, kekesa amakhono kaye nende mu mbaffu. Abeeki basangaala olubitiriiye nibawona Omwami.21Khandi Yesu kakowolamo ati, “Emirembe chibe nanywe! Nga Bbaabba lukantumire, Ssesi mbatuma.” 22Namalire okhubawoola bi no kabayererakho omuuya nawoola ati, “Mufune omwoyo mulafu. 23“Ni mulekherangamo omutu yeesi ebibi byaye, ebibi ebyo aba alekheywemo; Nimuba nimutabalekheeyemo, sibiba nibalekheywemo.” Yesu Awonekhera Tomasi24Wunaanu Tomasi (Olangiwa Didumo), owali mulala khu ekhumi na babiri, khaba sikali nabo Yesu nikeecha. 25Abeeki bandi bamuwoolera baati, “Khuwene Omwami!” Ne kabakowolamo ati, “Okhutusakho nimbwene embala che’misumaali mu makhono kaye khandi naata olwala lwange mu misumaali achali, khandi naata omukhono kwange mulubaffu lyaye, khaba sinakhasifukiirira.”26Ejjuma niyakhabitawo abeeki nibali mu nyumba khandi, nende Tomasi nali nabo. Nende enjikki chali chikaaywe, Yesu keecha kabemamo, kawoola ati, “Emirembe chibe mwinywe!” 27Ne kamala kawoola Tomasi ati, “Tta anno olwala lwawo; wona amakhono kange. Kolola omukhono kwawo wundiire mu mbaffu. Otakanakana khandi ofukiirire.”28Tomasi kakowolamo ati, “Omwami wange khandi Weere wange!” 29Yesu kamukowolamo ati, “Ofukiirira olwokhumbona, ne bali nenkhabi abafukiirira nibatawene khandi bafukiirira.”30Yesu kakhola owuwonero wa mayiya wungi mu moni cha beeki baye, ebitawandiikiwa mu sitawo sinno. 31Ne binno byawandiikiwa kho'munyale okhufukiirira muuti, Yesu nje Kurisito, Omwana wa Weere, khandi nimufukiirira munyale okhuba no’wulamu mu liita lyaye. Yokana
Chapter 21

1Oluunyuma khandi Yesu keyekesa eyiri abeeki baye, khu Nyanja ya Tiberio. Syaliwo mu mera yinno: 2Simoni Petero, Tomasi (olangiwa Didumo), Nasanayiri okhutula e Kaana mu Galiraya, abaana ba Zebedayo, nende abandi babiri khu beeki bali alala. 3Simoni Petero kabawoolera ati, “Esse nja okhunaaba,” bakowolamo baati, “Khunache nawe.” Manu bacha bengira mu lyaato, ne essiro esyo awuma sibadiira.4Echulichuli niwukhyeye, Yesu keema kulukerekha lwe Nyanja, ne abeeki sibamanya baati nje Yesu. 5Kabalanga ati, “Abeecha, simudiiye khunŋŋeeni?” Ne bakowolamo baati, “Khaba.” 6Kawoola ati, “Mufuube olutimba khuluwande lwo’mukhono mulungi okwe’ryaato manu munadiise khooyo esiitu.” Ne nibamala bafuuba olutiimba khu luwande olwo, manu badiisya enηηeeni nyingi olutimba lwabasidowera okhukhweesa.7Omweeki Yesu yikali nadakha kawoola Petero ati, “Nje Omwami!” Wangu wene Simoni Petero nikawulira emboosi echo nichelomaloma, “Nje Omwami,” kewoya esuuka (owali natewoyire enguwo khu mubiri kwaye) katuuma kakwa mu maachi. 8Abeeki bandi bengira mu lyaato, bakhweesa olutimba nende enηηeni chalimo, bo khaba sibali aleeyi no'lukerekha lwe Nyanja, bali eyaadi nga emya ndala okhutula khu lukerekha. 9Wangu nibakhatula mu Nyanja, bakaana ni aliwo esiggiri sirikho omuliro nende enηηeeni nichirikho, ne emigaati.10Yesu kabawoola ati, “Muleete khu nηηeeni chimwakhadiirakho.” 11Simoni Petero kengira mu lyaato kakhweesa olutiimba okhululeeta khu lukerekha. Lwali nilwichuuye enηηeeni khongo, echoola emya ndala na makhumi kataanu na chidatu, ata enηηeeni nichali nyingi chiityo olutimba khaba silwatandukha.12Yesu kabawoola ati, “Mwiche khulye emere y’echuli.” Ne awuma khaba mulala khu beeki owateeba ati, “Nawe niwe naanu?” Bali bamanyire birayi byene baati kali nje Omwami. 13Yesu katulayo, kawukula emigaati kabakaba, khandi kakhola nasirala nende enηηeeni. 14Lino nje eryali ekhabi lyo’khudatu Yesu okhweyekesa eyiri abeeki baye olunyuma lwo’khusiingisiwa okhutula mu baffu. Yesu Achwichwiisa Petero15Nibamalire okhulya, Yesu kawoola Simoni Petero ati, “Simoni mwana wa Yokana, masima keene wundakha okhukhira banno?” kakowoolamo ati, “Yee, Omwami,” “Omanyire oti nkhudakha.” Yesu kakowolamo ati, “Liisa amakoondi kange.” 16Khandi Yesu kawoola ati, “Simoni mwana wa Yokana, mu masima keene wundakha?” Kamukowolamo ati, “Yee, Omwami, omanyire oti esse nkhudakha.” Yesu kamukowolamo ati, “Liinda amakoondi kange.”17Khandi kamuteeba ekhabi lyo’khudatu ati, “Simoni mwana wa Yokana, wundakha?” Petero syamuchuna olwokhuba Yesu kamuteeba ekhabi lyo’khudatu ati, “Wundakha?” Kamukowolamo ati, “Mwami wange, omanyire byoosi; omanyire oti nkhudakha.” Yesu kamukowolamo ati, “Liisa amakoondi kange. 18Khuwolera amasima, niwali muwere omwene wambalanga khandi wachanga wosi woosi wodakha; ne nolikofula olibambula amakhono kawo, ne omutu wundi akhwambasa na’mala akhuyira yotadakhire okhucha.”19Yesu kawoola emboosi chinno okhwekesa Petero enfwa eyokhukinisiryamo Weere. Olunyuma lwe’syo kamuwoola ati, “Noonde!”20Petero kakalukhana kawona ati omweeki Yesu yikali nadakha lukali ali okhubaloonda. (Oyo nje owali nikesiiye khu mukoongo kwa Yesu mu’bikha byokhulya esyengoloobe owawoola ati, “Omwami, naanu ocha okhukhulyamo olukhwe?”) 21Petero namalire okhumuwona, kateeba ati, “Omwami, ne ono naye?”22Yesu kamukowolamo ati, “Nindakha adonηηe ni mulamu okhwoola lundikowola, esyo siri siitye yuuli? Ewe oteekwa okhunoonda.” 23Khu lwasin o, olugambo lwafuma mu bamwanaηηina luuti omweeki onno syalifwa. Naye Yesu sikawoola ati syalifwa; kawoola syonηηene ati, “Nindakha asikale ni mulamu okhwoola lundikowola, esyo siri siitye yuuli?”24Omweki onno nje otusa owujjulisi khu biitu binno khandi nje owabiyandiika. Khumanyire khuuti owujjulisi waye wa’masima. 25Yesu kakhola ebitu bindi bingi. Nisiba mbo wuli sirala khu’byo byawandiikiwa assi, mbaasa nti esyalo syoosi sisyakhabeeye ne’sifwo esibikhiwamo ebitawo ebyo nibyakhabeeye mbo byawandiikiwa.

Acts

Chapter 1

1Musitawo syange esyasookha, Teefwiro, nawandiika khu’byoosi Yesu bikatangira okhukhola n'okhusomesa 2okhwoosa khuludaalo lukayiriwa mwikkulu, namalire okhuwa ebiragiro okhubita mumwoyo mwolerefu eyiri abatume bakali nikangaaye. 3Okhuwonawona khwaye nikhuweeye, keyekesa omwene eyiri abatu banno kabawa bingi ebyomiisa biiti kali mulamu. Kawonekha yibali olwembaka eyikhira endaalo amakhumi kanne lundi kalomaloma khu wene’ngo wa Weere.4 Ekhabi liindi, nikali naalya nabo, kabawa esiragiro sinno: “Mutatula mu Yerusaalemi, ne mulinde esirawo Bbaabba sikasuubisa, simuwuliiye esse ninomalomakho. 5Olwokhuba Yokana kabatiisa nende amaachi, naye mu ndaalo chitaasi cheyale mucha okhubatiisiwa no’mwoyo omwolerefu.”6Ne wunaanu nibawukanana, bamuteeba baati, “Omwami, mu sikha sinno ocha okhukowosawo owene’ngo wa Yisirayiri?” 7Kabawoola ati: “Sisyenywe okhumanya ebikha oba endaalo Bbaabba chikatawo no’wunyala waye omwene. 8Naye mulifuna amaani omwoyo mwolerefu nabechirekho; khandi muliba bajjulisi bange mu Yerusaalemi, nende mu wu'Yudaaya nende Samaliya nende khu njakamo ye syalo.”9Nikamala okhulomaloma sinno, kayiriwa amukulu nibawona ne’moni chawe chene, ne esireesi simukisa akhaya okhuwonekha yibali. 10Nibali nibasikhadasise emoni mu bbanga nga nikali naacha, wangu wene abasaacha babiri nibambaye ebirafu beema ambi nabo. 11Bawoola baati, “Basaacha be Galiraaya, “Lwasiina mwemire anno nimutingaala mu bbanga? Yesu mwene onno, obatusiiwekho kacha mwikkulu, alikowola mungeri nasirala yi’mwamuwoneramo nacha mwikkulu.” Matiya Adoolewa Okhukowola Mu Sifwo Sya Yuda12Abatume beecha baakowola mu Yerusalemi nibatula khu luggulu lulangiwa olwa Seyituuni, olukendo lwe Ssabbiiti enaamba okhutula mu sikko. 13Niboola, bacha amukulu mu sisenge yibamenyanga. Abaliwo nje banno, Petero, Yokana, Yakobo nende Andereya; Firipo nende Tomasi, Batulomaayo nende Matayo; Yakobo omusyani wa Alufaayo nende Simoni Zerote, nende Yuda omusyani wa Yakobo. 14Boosi bewusira alala mu khusaba, nende abakhasi nende malyamu ηηina Yesu, nende bambochooηηene.15Mundaalo echo Petero keema mu bafukiirisi (esidiikha esyola ambi emya nende amakhumi kabiri) 16kawoola ati, “Baana befwe, ebyawandiikiwa byali no’khwoseresewa omwoyo omwolerefu bikalomaloma khale nabitira mu munwa kwa Daudi okhudiirana khu Yuda, owakhola nga omutangirisi wabo abadiira Yesu__17Khandi kali mulala khwiifwe khandi kakabana alala naafwe muwuweeresa wunno.” 18(Esiwanwa sikafuna olwesikholwa syaye sibi, Yuda kakula endalo; eyo kakwiira omutwe, omubiri kwaye kwadikha manu amala kaye kayombookha erwanyi. 19Wuli mutu mu Yerusalemi kawulira sinno, manu endalo eyo bayilanga mu lulimi lwawe baati, “Akerudama, amakhuluutu mbo, Endalo ya mabaanga.)20Petero kawoola ati, “Olwokhuba, syawandiikiwa mu sitawo sya sabbuli siiti, “’Esifwo syaye sirekhewa nga ekuunda; akhaye khubawo yeesi omenyamo,’ khandi, “’abewo owundi oyira esifwo syaye esyo’wemeresi.’21N'olwesyo sikhoyera okhudoola mu basaacha ababeeye nafwe ebikha byoosi Omwami Yesu bikengira no’khutula mwiifwe, 22Okhuchaakira khu khubatiisa khwa Yokana okhwoola khu bikha Yesu bikatutusiwakho naacha amukkulu. Olwokhuba mulala khubano ateekwa okhuba omujjulisi alala nafwe khu khusyuukhira khwaye.” 23Manu babaasa khu batu babiri: Yosefu olangiwa Balusaba (khandi nga alangiwa Yusito) nende Matiya.24Manu basaba baati, “Omwami omanyire omwoyo kwawuli mutu. Twekese naanu khu babiri banno yudooye. 25Okhuyira owuweeresa wowutume Yuda wukalekha okhucha yakhoyera.” 26Manu beecha bakhubba owululu, akhalulu khakwa khu Matiya; manu kabalirwa khubatume ekhumi na’mulala. EBIKHOLWA
Chapter 2

1Oludaalo lwa pentekoote nilwoola, boosi bali alala nibewusiise mu sifwo sirala. 2Wangu wene ekkono lyaduma nga embunga ya’maani nga yitula mukulu yechula enyumba yibali bekhaayemo. 3Bawona ebyali nibifwana ng’enimi cho’muliro echakawukhana chamala chakwa khuwuli otula. 4Bosi boosi bechusiwa nende omwoyo omwolerefu bachaaka okhulomaloma mu nnimi chiindi nga omwoyo oyo lukabanyalira.5Wunaanu mu Yerusalemi mwalimo Abayudaaya abatyanga Weere okhutula mu wuli syalo assi we kkulu. 6Nibawulira ekkono linno, esidiikha syeecha alala nisiwukka, olwokhuba nawuli syamulala babawulira nibalomaloma nawuli otula mu lulimi lwaye. 7Besindukha bawuka lukali, bateeba baati: “Manu abasaacha balomaloma banno boosi si Bagaliraaya?8Ne wunaanu lwaasi nawuli otula khwiifwe abawulira bibalomaloma mu lulimi lwawe lwene? 9Abapaazi, Abameedi nende Aberamiti; abekhali bo mu Mesopotamiya, wu'Yudaaya nende Kapadokiya, Ponto nende Asiya, 10Fulugiya nende Panfuliya, Misiri nende ebitundu bya Libya ambi nende Kuleeno; abakeni okhutula e Romma 11(Bombi Abayudaaya nende abachusiwa mu Wuyudaaya); Abakulete nende Abarabbu__ khuwulira nibalangirira ebyamakana bya Weere mu nnimi chefwe chene!”12Bawuka khandi bateηηeηηala, batebana abene nabeene baati, “sinno syekesa ssi?” 13 Abandi, bafwotekheresa nibawoola baati, “Abo banyweye omwenge mungi.” Petero Alomaloma Eyiri Esidiikhar14Manu Petero keecha keema nende ekhumi namulala, kasiingisa ekkono lyaye kalomalomera esidiikha ati: “Bayudaaya basyange nende enywe mweesi abamenya mu Yerusalemi, khambanyonyole sinno; mutekeerese wulayi bimboola. 15Abasaacha banno sibameeye, nga lumubasa. Chiri wusa esaawa chidatu eche chuli!16 Bbe, sinno nje esyalomwalomwa nende nnabbi Yoweeri nawoola ati: 17“’Mundaalo echisembayo, Weere awoola ati, Nja okhuchukha Omwoyo wange khu batu boosi. Abasyani benywe nende abakhana balilakula, abasyani benywe abasimbukha bacha okhuwonekherwa. Abasaacha bakhuluutu benywe baliroota ebirooto.18Ata nende abakhosi bange wussa, abasaacha nabakhasi, nja okhuchukha omwoyo wange mundaalo echo, manu balilakula. 19Ndyekesa obiwukya mwikkulu amukulu nende owuwonero khu’syalo assi, amabaanga no’muliro no’khuniyookha khwo’mwoosi.20Eryuuba lyakhakaluukhane esiirema no’mwesi kwaba amabaanga oludaalo lwo’Mwami olwoluyaali nilutoola. 21Ne nawuli olaanga eriita lyo mwami aliwonesewa4.22“Basaacha ba Yisirayiri, mutekerese sinno; Yesu owe Nasaleesi kali musaacha owatumiwa ni Weere yimuli nende ebyamangalima, ebiwukya nende owuwonero, Weere bikakhola akaati mwiinywe namubitiramo, nga enywe abene lumumanyire. 23Omusaacha ono kabayeresewa nende entekekha ya Weere ne’sichiiririrwa no’khumanya; nanywe, nimuyeedewa nende abatu babi, mwamwiita ni mumukhomerera khu musalabba. 24Naye Weere kamusiingisa okhutula mubaffu, kaamuwolola muwuchuuni wokhufwa, olwokhuba sisyali sinyalikha okhufwa okhumufwinyirira.25Daudi kamulomalomakho ati: “’Nawonanga Omwami wuli sikha naali yiindi. Olwokhuba ali khumukhono kwange omulungi, sindidengaanisiwa. 26N'olwesyo omwoyo kwange musangaafu khandi olulimi lwange lwekhoya; no’mubiri kwange kwoosi kulimenya mu khusuubira.27Olwokhuba syolindekha okhucha emakoombe, khandi syolirekha omwolerefu wawo kaawona okhuwola. 28Wumanyisiise otukira two’wulamu; olinjichusa esangaalo yuuli.”29“Baana befwe, nyala okhubawoolera nintatya nti, kuuka yefwe Daudi kafwa khandi bamusiikha nende enηηani yaye yiri ano nokhwola wunaanu. 30Naye kali nabbi khandi kamanya ati Weere kali amusubisiise esirayiro ati aliikhasa mulala khu bechukhulu baye khusisaala syaye syo’wutukki. 31Nikawona ebyali emutwe, kalomaloma khukhusyuukhira khwa Kurisito, ati khaba sikalekhewa emakoombe, ata no’mubiri kwaye sikuliwona okhuwola.32Weere asingissise Yesu Onno kamuta mu wulamu, khandi khuli bajjulisi bamasima. 33 Kekhasiiwe khumukhono mulungi kwa Weere, afunire omwoyo mwolerefu okhutula eyiri Bbabba kukasuubisa khandi achukhire erwanyi bimuwona wunaanu khandi bimuwulira.34Olwokhuba Daudi sikaniina mwikulu, asyakhaba mbo kawoola ati, “’Omwami kawoolera omwami wange ati: “yiikhala khumukhono kwange omulungi 35Okhwosa lundikhola abasikku bawo okhuba esiteeni syokhutakho amakulu kawo.’” 36“Nolwesyo Yisirayiri yoosi khayoomiise sinno: Weere akholire Yesu Onno, yimwakhomerera, okhuba Omwami khandi Kurisito.”37Abatu nibawulira sinno, bachuunwa omwoyo bawoola Petero nende abatume bandi baati, “Baana befwe khunakhole ssi?” 38Petero kakowolamo ati, “Mweyolobye manu mubatiisiwe, wuli mulala khwiinywe, mu liita lya Yesu Kurisito khulwokhulekherwamo ebibi byenywe. Khandi mulifuna esiwaanwa esyo’mwoyo omwolerefu. 39Esisubiso sye’nywe nende abaana benywe nende boosi abali aleeyi weene __ olwokhuba boosi omwami Weere wefwe baliraanga.”40Ne’mboosi chiindi nyiingi kabalawula; lundi kabekalikhira nawoola ati, “Mwewoniye abene okhutula mu lusse luno olwanyasikha!! 41Abo abafukiirira owubakha waye babatiisiwa, khandi ambi elifu chidatu bemeeda khu wungi wawe khuludaalo olwo. Okhukholera Alala Khwa Bafukiirira 42Bomiirira khunjekesa ya batume nende okhukholera alala, okhukhalakaanga omugaati nende okhusaba.43Wuli otula keechula owuti, khandi ebiwukisya nende owuwonero wa mayiya byakholewa nende abatume. 44Abafukiirira boosi bali alala khandi nga nawuli sibakhola sifwanana. 45Bakusaanga bibaliingi nabyo ne’biitu, bawanga nawuli otula nga owetaffu waye niwaliingi.46Wuli ludaalo bachanakanaanga okhuwukananira alala mu nyumba ya Weere. Bakhenganga emigaati mu madaala kawe khandi bachiraanga alala no’wusangaafu ne’myoyo mirala, 47nibakiniyaanga Weere no’khusangaalira okhudakha khwa batu. Manu Omwami kameedanga khuwungi wa bafukiiriraanga wuli ludaalo. EBIKHOLWA
Chapter 3

2Wunaanu omusaacha mulema okhutula nikeewulwa kakingiwaanga okhuyiriwa khu mulyango kwe nyumba ya Weere okulangiwa kuuti Omulayi, yibamutaanga wuli ludaalo okhusabirisa okhutula khwaabo abengiraanga mu nyumba ya Weere. 3Nikawona Petero nende Yokana nibali ambi okhwiingira, kabasaba bamuwe erubbya. 1Oludaalo lundi Petero nende Yokana bali bacha mu nyumba ya Weere mubikha byokhusaba esaawa mwenda eche'ngoloobe.4Petero kamukhadaasa emoni, Yokana yeesi atyo. Ne Petero amala awoola ati, “Tutingaale!” 5Manu omusaacha kabatekeeresa, nga asuubira okhubafunakho esiitu. 6Ne Petero amala awoola ati, “Efeesa oba e Saabbu mbuma, naye khankhuwe siindi nasyo. Muliita lya Yesu kurisito owe Nasaleesi, keenda.”7Kamusiingisa namudiiye omukhono kwaye omulungi, kamuyeeda asiingire. Wangu wene amakulu ko’musaacha nende ebidyengedye byafuna amaani. 8Katuuma khumakulu kaye kachaaka okhukeenda. Namala acha nabo mu nyumba ya Weere, nakeenda khandi natuumattuma, khandi nakiniya Weere.9Abatu boosi nibamuwona nakeenda khandi nakiniya Weere, 10bamumanyirisa nga nj’e omusaacha omwene ola owekhelaanga amulyango kwe’nyumba ya Weere na’sabirisa okulangiwa Omulayi, manu bechusiwa okhuwuka no’khutya olwe syali nisimwekholekhirekho. Petero Alomalomera Abatiingaasi11Omusabirisi nikali nasikhayiye khu Petero nende Yokana, abatu boosi bawuka khandi beecha nibeerukha nibacha yibali mu sifwo esilangiwa esya Sulemaani. 12Petero nikawona sinno, kabawoolera ati: “Basaacha ba Yisirayiri, lwasi sinno sibawukya? Lwasi mutwekhalirisa khwaba oti fwana khulwamaani kefwe oba owa were wefwe nje owakira omusaacha ono kakeenda?13Weere wa Yibbulaimu, Yisaaka nende Yakobo, Weere wa bakuuka yefwe, nje oweresise omukhosi waye Yesu oluyaali. Mwamuwayo okhwiitiwa, mwamwekaana mu’moni cha Pirato, ate nga kali akhengirewo okhumulekhuula. 14Mwekaana omwolerefu khandi omulungifu mwene manu mwasaba omwiiti okhulekhuliwa.15Mweeta omuchakirisi wo’wulamu, naye Weere kamusingisa okhutula mubafu. khuli bajjulisi basinno. 16Nende enfukiirira mu liita lya Yasu, omulema ono yimuwona khandi yimumanyire kayeresewa amaani. Khandi enfukiirira yaye mu Yesu nje’yikholire omusaacha ono yimuwona kaaba omulamu mwene nga mwesi lumuwona.17Wunaanu, baana befwe, manyire nti mwakholera muwutamanya, nasirala nga abemeresi benywe. 18Naye siityo nje Weere lukoseresa bikali nalomalomeeye mu ba nnabbi boosi nawoola ati, Kurisito waye kakhasaande.19Mweyolobye, manu, khandi mukowole eyiri Weere, kho ebibi byenywe binyala okhusanguliwawo, kho ebikha byokhukowola wuyaakha binyale okhutula ewa Weere, 20. khandi khwanyale okhutuma Kurisito, owangaliwa khu lwenywe__ ata Yesu.21Atekwa okhusikala mwikkulu okhwoola ebikha lubyakhoole nga Weere nikasuubisa khalekhale nabitira mu ba nnabbi baye abolerefu. 22Olwokhuba Musa kawoola ati, “Omwami Weere wenywe alibasingisira amukulu nnabbi nga esse okhutula mu batu benywe bene; muteekwa okhutekeresa byoosi byabawoola. 23Oyo yeesi otamuekeeresa alikawulirwa erala okhutula khu batu baye.’24“Masima keene, ba nnabbi boosi okhutula khu Samwiiri na’bandi, nga abangi lubabilomaloma, balakula khu'ndaalo chinno.” 25Khandi muli basikha ba nnabbi khandi abe ndakano ya Weere eyakholewa nende bakuuka yenywe. Kawoolera Yibbulayimu ati, ‘Okhubitira mu lwiwulo lwawo abatu boosi mu syalo baliwewa enkhabi.’ 26Weere lukasiingisa omukhosi waye, kasookha kamutuma yimuli abawe enkhabi nga’bakalukhaniya syamulala khwinywe okhubatusa mu’ngira chenywe embi.” EBIKHOLWA
Chapter 4

1Bakhawona nende omukhuluutu owaliindanga enyumba ya Weere nende Abasadukaayo beecha eyiri Petero nende Yokana nibali nibalomaloma na’batu. 2Badiirwa ettima lukali olwokhuba abatume bali basomesa abatu ebyo’khusyuukhira khwa Yesu mu baffu. 3Badiira Petero nende Yokana, ne olwokhuba yali engoloo9be, babata mu jeera okhwola oludaalo olwalondakho. 4Naye bangi abawulira owubakha bafukiirira manu owungi wawe wemeeda okhwola ambi elifu chitaanu.5Oludaalo olwa’londakho abatukki, abakhuluutu nende abasomesa bamalako bawukanana mu Yerusaalemi. 6Anna khawona okhira owukhuluutu kaliyo, kho nende Kayaafa, Yokana, Alikisaanda nende abasaacha bandi abomudaala lya khawona okhira owukhuluutu. 7Babaletera Petero nende Yokana bachaaka okhubateeba baati: “Maani siina oba liita siina limwakhosesa mu khukhola sinno?”8Manu Petero, nikechuuye omwooyo mwolerefu, kabawoolera ati: “Abatukki nende abemeeresi ba’batu! 9Nisiri mbo khuli okhulangiwa khuwoole olwaleero olwesikholwa sye’sisa esyekesewa omulema khandi nikhutebewa engeri yikawoneramo, 10manu mumanye sinno, enywe nende abatu boosi aba Yisirayiri: siri mu liita lya Yesu Kurisito owe Nasaleesi, yimwakhomerera naye Weere kamusiingisa okhutula mu baffu, nje omusaacha ono owemire yimuli owawona.11Ono nje “’ekina enywe abombakhi limwakhaya, erifuukhire ekhuluutu eryomunsoonda.’ 12. Owuwoniya siwakaniwa mu wundi yeesi, olwokhuba yiwuma liita liindi lyoosi assi wekkulu eryawewa abatu likhutekwa okhuwoneramo.”13Nga lubawona owumaliirifu wa Petero nende Yokana khandi bamanya baati sibasoma, abasaacha ba wuli ludaalo, becha bawuka bamanya baati abasaacha bano bali nende Yesu. 14Naye nga nibecha bawona omusaacha wali nawonire nikemire awo nabo, yali yiwuma sibalomaloma.15Beecha babalagira okhutula eyiri abolukhiikho, manu bewuusira alala. 17Naye okhukayira esiitu sinno okhwemeeda lukali mu batu, khutekwa okhulawula abasaacha bano bakhaye okhulomaloma lundi eyiri omutu yeesi mu liita linno.” 16Beteeba baati, “siina sikhunakholere abasaacha bano?” Nawuli mutu owamenya mu Yerusaalemi amanyire ati bakhola esyamayiya esiwonekha lukali khandi sikhunyala khusiyiinganiya. 18. Manu becha babalanga khandi bengira babalagira owutalomaloma oba okhusomesakho mu liita lya Yesu.19. Naye Petero nende Yokana bakowolamo baati, “Mukhengewo abene nisiba sirayi mu moni cha Weere okhuwulira enywe okhukhira Weere. 20. Olwokhuba sikhunyala okhukhaya okhulomaloma khu bikhwawona khandi bikhwawulira.”21. Nibamala okhubatiisyatiisya khandi babalekha bawawo. Sibanyala okhukhengawo nga nibanabawonerese, olwokhuba abatu boosi bali bakiniya Weere olwe’byali nibikholekhire. 22. Olwokhuba omusaacha wali nawonire mungeri yamangalima kali akhisa emyaaka amakhumi kane echo’wukhuluutu. Okhusaba Khwa’Bafukiirisi23Nibalekhuuywe, Petero nende Yokanabakowolayo eyiri abatu bawe bene babawoolera ebiitu byoosi bakhawona bakhuluutu nende abakhuluutu bebikha bibabawolera. 24. Nibawulira sinno, basiingisa amakkono kawe alala mu khwekalikhira Weere baati, “Omwami wo’wunyala woosi.” “Walonga ekulu nende esyalo ne‘nyanja nende wuli siitu sibirimo. 25. Walomaloma no’mwooyo omwolerefu nga obitira mu munwa kwo’mukhosi wawo, kuuka yefwe Daudi ati: “’Lwasi ebyalo biwalaba khandi abatu batekekha ebitaasimo?26. Abene’ngo be’syalo betekekhire nende abatukki bawe bewuusa alala okhuyiinganiya omwami nende owachukhiwakho amafuta waye.’27. Masima keene Kerode nende Pontio Pirato bawukanana alala nende abateende na’batu ba Yisirayiri musikko sikali okhujeemera omukhosi wawo omwolerefu Yesu, yiwachukhakho amafuta. 28. Bakhola amaani kawo no’khudakha bikhwali nikhutekekhire biiti bibewo.29. Wunaanu, omwami, baasa khu khutiisyatiisya khwawe manu onyalise abakhosi bawo okhulomaloma emboosi yawo na’maani makali. 30. Kolola omukhono kwawo kuwoniye khandi kukhole owuwonero we’byamayiya nende ebiwukya okhubitira muliita lyo’mwolerefu omukhosi wawo Yesu.” 31. Nibamalire okhusaba, esifwo sibawukananiramo syadenganisiwa. Manu boosi bechusiwa nende omwoyo mwolerefu khandi balomaloma emboosi ya Weere no’wuggumu. Abafukiirira bakabana Ebiitu Byaawe32. Abafukiirira boosi bali sirala mu mwoyo nende mu bibaaso. Yawuma ata mulala owawoola ati, “esitu sikali nasyo syali syaye yeηηene, naye bakabanaanga wuli siitu sibalingi nasyo. 33. Na’maani mangi abatume bemeedanga okhuwa owujjulisi khu khusyuukhira khwo’mwami Yesu, essisa siingi khandi syababangakho boosi.34. Echa awumawo omutu mubo owali nende sikekoomba. Olwokhuba wuli sikha abo abaliingi ne’roba oba amayumba babikusanga, ne baleeta erubbya chibakusiisemo. 35. Bachita mumakulu kabatume, nichikabiwa wuli mutu okhwema khu wetafu waye.36. Yusufu, Omuleefi okhutula e Kupulo, abatume yibatakho erya (amakhuluutu mbo omusyani okowosa mubasye amaani), 37. Kakusa endalo yikali nayo manu kaleeta erubbya kaachita mu makulu kabatume. EBIKHOLWA
Chapter 5

1Wunaanu omusaacha olangiwa Ananiya, alala nende omukhasi waye Safira, boosi beecha baakusa esitundu khu biitu byawe. 2. No’mukhasi waye yesi nga manyire wulayi, keecha kesikasira amabbesa kandi, naye kaleeta akasikaaye kaakata mu makulu kabatume.3. Manu Petero kateeba ati, “Ananiya, sitaani kechusiise atye omwoyo kwawo okhuwoola wabacha omwoyo mwolerefu khandi webiikhira erubbya chiindi khu chiwafuna mukhukusa eroba? 4. Eroba eryo notaalikusa siryali lyawo? Khandi no’malire okhulikusa, erubbya sichali muwunyala wawo? Siina esyakira wabaasa esiitu nga esyo? Syobachire abatu okhutusakho obachire Weere.” 5. Ananiya nikawulira sinno, kakwa assi kaffwa. Manu okhutya khungi khwadiira abo boosi abawulira ebyali nibyekholikhire. 6. Manu abasyani abasiimbukha becha batulayo, bawowa omubiri kwaye, bamukiinga bamutusa erwanyi bamusiikha.7. Ambi esaawa nga chidatu nichibitirewo omukhasi waye kecha, natamanyire esyali nisyekholekhire. 8. Petero kamut0eeba ati, “Mboolere, chinno nje erubbya ewe nende Ananiya chimwafuna mwiroba?” kakowolamo ati, “Eee, owungi nje owo.”10Awene naweene kakwa assi mu makulu kaye kaffwa. Manu abasyani basiimbukha beecha, bawukaana nafwiye, bamukiinga bamutusa erwanyi bamusiikha khuntulo awali wamwe. 9. Petero kamuteeba ati, “Mwakeenda mutye mwafukiirira okhukhema omwoyo wO’mwami? Wona! Amakulu kabatu abasiikhire wamwo kali amulyango, khandi weesi banakhukiinge bakhutusa erwanyi. 11. Okhutya khukali khwadiira e Kanisa yoosi nende abo abawulira ebitu binno. Abatume Bawoniya Baangi12. Abatume bakhola ebyamangalima owuwonero nende ebiwukiya mu batu. Abafukirisi boosi bakanananga alala musisenge sya Sulemani. 13. Yiwuma mutu yeesi owechanga okhubekhubbaniyamo, asyakhaba mbo abatu babawaanga oluyaali lukali.14. Asyakhaba siityo, abasaacha bangi nende abakhasi bafukiiririra mu mwami manu bemeeda khu wungi wawe. 15. Esyatulamo, abatu baletanga abalwaye khungira nibabakoniya khubitanda nende khu mikeeka baati fwana esiinikha sya Petero syakhabakwakho wusa khu’bandi nabita. 16. Ebidiikha byewuusa byosi okhutula mu biko ebye wodokhaniisye Yerusaalemi, nibaleeta abalwaye bawe nende abo abali nibasandisiwa ne’myoyo mibi, ne boosi bawona. Abatume basaandisiwa17. Manu khawona okhira owukhuluutu nende bakakholaganaanga nabo boosi, abali abomusikanda sya ba Sadukaayo, badiiriwa omutolyo. 18. Badiira abatume babata mujeera ya wuli mutu yeesi.19. Naye esiro nisyoola Malayika wo’mwaami kekula enjiki che jeera kabatusa erwanyi. 20. Kabawoola ati, “Muche, mweme mu nyumba ya Weere,” manu muwoolere abatu mu wichufu owubakha wunno owo’wulamu wuyakha.” 21. Owiire niwakhya bengira mu nyumba ya Weere, nga nibabawoola, bachaaka okhusomesa abatu. Khawona mukhuluutu nende bakakholaganaanga nabo niboola, balanga olukhiikho__ abakhuluutu boosi muwichufu aba Yisirayiri__ babatuma mujeera baleete abatume.22. Naye niboola mu jeera, abakhongo khaba sibabawukaanayo. Manu bakowolayo bawoola nga nibawene, 23. “Khuwukanire ejeera ninjikale wulayi wene, nende abaliindi nibemire khumiryango; naye nikhwikuyewo, yiwuma sikhuwukaniremo.”24. Nibawulira owubakha wuno, omukhongo oliinda enyumba ya Weere nende bakhawona bakhuluutu batya lukali, nibawuka siina esinatule mu biitu bino. 25. Manu omutu wundi kecha kawoola ati, “Muwone! Abasaacha bamwata mujeera mbala bemire mu nyumba ya Weere basomesa abatu.”26. Khwisyo, omukhongo kacha nende abasye baleeta abatume. Sibabaleta kwa’maani, olwokhuba batya baati abatu bannabakhubbe amakina. 27. Nibamalire okhuleeta abatume, babata mumoni cha bolukhiikho bawosesewe nende khawona mukhuluutu. 28. Kabawoola ati, “Khwabawa ebiragiro bya’maani owutasomesera mu liita linno” “Ne mwichusiise Yerusalemi nende ensomesa yenywe khandi mumaliriiye okhutukhisa omusango khulwa’mabaanga ko musaacha onno.”29. Petero nende abatume bandi bakowolamo baati: “Khutekwa okhutya Weere okhukhira abatu! 30. Weere wa bakuuka yefwe kasiingisa Yesu okhutula mu baffu __ yimwali nimwiitire nga mumuwanikha khumusaala. 31. Weere kamukhusa kaamuta khumukhono kwaye omulungi nga omusyani munawaami khandi omuwoniya kho aleete okhweyolobya nende okhulekherwamo khwe bibi eyiri Yisirayiri. 32. Khuli bajjulisi be biitu binno, nende omwoyo mwolerefu yesi atyo, Weere yi kawa abo abamufukiriramo.”33. Nibawulira sinno, basambikha khandi badakha okhubeeta. 34. Naye Omufalisaayo olangiwa Gamalyeri, omusomesa wa malako, owatewaangamo oluyaali na batu boosi, keema mu lukhiikho kalagira ati abasaacha abo bakhole nibabata erwanyi wutono.35. Kabalomalomera ati: “Enywe aba Yisirayiri, mubaase nakhwegenderesa simudakha okhukholera abasaacha banno. 36. Enyuma eyo Syuda katulayo, keraanga omukhuluutu, nende abasaacha ambi emya chine baba emukoongo waye. Ketewa, abali nibamulonda boosi basalanisiwa, byoosi byaweera erala. 37. Oyo naweyewo, echawo Yuda omu Galiraaya mundaalo echo’khubaliramo abatu kemerera esikanda sya’batu mukhujeema. Yesi ketewa, nende abalonderesi baye boosi basalanisiwa.38. Nolwesyo, mu sikha sino mbawa amakesi nti: Mulekhe abasaacha banno babe! Mulekhe bache! Olwokhuba esichiririrwa syawe oba sibakhola sya wutu wutu, sicha okhukwa. 39. Ne nisiba mbo situla ewa Weere, simunanyale okhukaana abasaacha banno; mucha okhweyakaana mbo nga muli okhulwanisa Weere.”40. Enomaloma yaye yabakalukhaniya. Balanga abatume babakhubba endawukhi. Manu babalagira owutalomaloma mu liita lya Yesu, babalekhula bawawo. 41. Abatume batula mu lukhiikho, nibasangaye olwokhuba bali babaliiywe nga abakhoyera okhusandisiwa khu lwe liita. 42. Nawuli wukhya, mu nyumba ya Weere nende khuwuli nyumba, sibalekhanga okhusomesa nende okhulangirira amawulire malayi baati Yesu nje Kurisito. EBIKHOLWA
Chapter 6

1Mundaalo echo owungi wa beeki nga luwali niwemeeda, Abayudaaya be wuYonaani bekanyiirisa khu Abayudaaya be Bbulaniya olwokhuba abakhasi bawe abafwire sibabafangakho mu khukaba ebyokhulya bya wuli ludaalo.2. Manu ekhumi na’babiiri bawusa abeeki boosi alala bawoola baati, “Sisyakhali sirayi efwe okhulekha owuweresa we’mboosi ya Weere khulwo’khuweresa khu mesa. 3. Baana befwe, khudoole abasaacha musaanfu okhutula mwiinywe abechusiwa no’mwoyo na’makesi. Khunabadisye owufunanyisiwa wuno 4manu khwedeke mu khusaba nende owuweresa we’mboosi.5. Esibaaso siino syasangaasa esikanda syoosi. Badoola Sitefano, omusaacha wechula enfukirira nende omwoyo omwolerefu; nende Firipo, Pulokolo, Nikanoli, Timooni, Pammena, nende Nikolaawo okhutula Antiyokiya, owakalukhanisiwa mu byo’wuYudaaya. 6. Baleeta abatu bano eyiri abatume, ababasabira khandi babatakho amakhono kawe.7. Manu emboosi ya Weere yaswana. Owungi wa beeki mu Yerusaalemi wemeeda lukali, nende owungi wa bakhawona wemeeda okhuta oluyaali munfukiirira. Sutefaano Adiiriwa8. Wunaanu Sutefaano, omusaacha wechula essisa na’maani ka Weere, kakhola ebiwukisa biingi nende ebyamangalima byo’wuwonero mu batu. 9. Okhuyingana khwachaka, nga khutula mu besikanda esyo mu Sinaggogi esya basaacha balekhule (nga ni syalangiwaanga) __ Aba’yudaaya be Kuleene nende Abalegesanderiya alala nende abe Kirukiya nende aba Asiya. Abatu banno bachaaka okhuyiingana nende Sutefano,10. naye sibanyala okhwekeraniya khu makesi omwoyo kukaba namuweye nga lukalomaloma. 11. Manu muweekisi bakhobya abasaacha bandi okhuwoola baati, “Khwawulira Sutefaano nalomaloma khumboosi echifwotokheresa Musa nende Weere.”12. Manu basangulusa abatu nende abemeresi na’basomesa bamalako. Badiira Sutefano bamuyira mu lukhiikho. 13. Baleeta abajjulisi bo’wubacha, abawoola baati, “Omutu onno syalekheranga okhulomaloma wubi khu sifwo syolerefu sinno nende khu malako. 14. Olwokhuba khwamuwulira nawoola ati Yesu ono owe Nasaleesi acha okhunyaasa esifwo sino khandi achuuse ensambo Musa chikatudiisya. 15. Boosi abali nibekhaye mu lukhiikho bakhadaasa Sutefaano emoni, manu bawona baati oweeni waye wali nga oweeni wa Malayika. EBIKHOLWA
Chapter 7

1Manu khawona mukhuluutu kamuteeba ati, “Bibakhufunaniya bituufu?” 2. Khu sinno kakowolamo ati: “Baana befwe nende ba Bbabba, muntekerese! Weere wo’luyaali kawonekhera kuuka yefwe Yibbulayimu nikali nasiiri mu Mesopotamiya, nataamenya mu Kalani. 3. Lekha esyalo syawo nende abatu bawo,’ Weere kawoola, oche mu syalo sindikhwekesa’4. “Manu katula mu syalo sya ba'Kaludaaya kamenya mu Kalani. Simwana namalire okhufwa, Weere kamutuma mu syalo sinno wunaanu yimumenyire. 5. Ano sikamuwa wusikha, ata okhukulu khulala okhwakhaloba. Naye Weere kamusuubisa ati ye nende olwiwulo lwaye balifuna eroba, asyakhaba mbo Yibbulayimu kali awuma omwana.6. Weere waye kalomaloma mungeri yino: ‘Olwiwulo lwawo luliba lukeni mu syalo sitaasi syawe, khandi baliba bawambe khandi basandisiwa emyaka emya chine. 7. Naye nja okhuwoneresa esyalo sibakholeramo nga abawambe,’ ‘Weere kawoola, ‘khandi olunyuma balitula mu syalo esyo banyinamire mu sifwo sinno.’ 8. Manu kawa Yibbulayimu endakaano yo khukhebewa. Khandi Yibbulayimu keecha kaaba simwana Yisaka kamukheba endaalo munaana nichibitirewo nikewuywe. Olunyuma Yisaka keecha kaaba simwana wa Yakobo, khandi Yakobo keecha kaaba simwana wa bakuuka yeefwe bakhuluutu ekumi na babiri.9. “Olwokhuba bakuuka yefwe abo batolyokhera Yusufu, bamukusamo nga omuwaambe mu Misiri. Naye Weere kali naye 10. manu kaamutusa mu wudinyu waye woosi. Kawa Yusufu amakesi khandi kamunyalisa okhudakhiwa Faraawo omwene’ngo wa Misiri; keecha kamuwa owa Gafana wa Misiri nende edookho lyaye lyoosi.11. “Manu enjala yeecha yakwa mu Misiri nende mu Kanani, yaleeta ensaando ngali, khandi bakuuka yefwe bakhaywa okhufuna ebyo’khulya. 12. Ne Yakobo nikawulira ati ebyo’khulya biri mu Misiri, katuma bakuuka yefwe ekhabi lisookha. 13. Khu lukeendo lwawe lwe’nkhabi lyokhubiri, Yusufu kawoolera bamwanaaηηina sikali, manu Faraawo keecha kamanya abedaala lya Yusufu.14. Sinno nisiweye, Yusufu katumisa simwana Yakobo nende edaala lyaye lyoosi, abali owungi wabatu nsanfu mutaanu. 15. Manu Yakobo kekhirira kaacha e Misiri, ye nende simwana yibafwira. 16. Emibiri chawe chakowosewa e Sekemu chasiikhiwa mu nηηani Yibbulayimu yikali nikakula n’erubbya khu basyani ba Kamoli mu Sekemu.17. “Nga esikha nisyali nisisuda ambi esya Weere okhwoseresa esisubiso syaye eyiri Yibbulaimu, owungi wa batu befwe mu Misiri wemeeda lukali. 18. Manu omwene’ngo wundi, owali natamanyirekho syoosi esidiira khu Yusufu, kecha mu wutukki wa Misiri. 19. Kasaandya abatu befwe khandi kafwinyirira bakuuka yefwe nga abayiinga okhusukuna abaana bawe beewo bafwe.20. “Esikha esyo nje Musa sikewulirwamo, khandi sikali mwana wa’nawuli ludaalo. Kalindirwa mu nyumba ya simwana okhumala emyeesi chidatu. 21. Nibamutusa erwanyi, omukhana wa Faraawo kamuwukula kamukhusa nga omusyani waye mwene.22. Musa kasomesewa mu makesi ka ba'Misiri khandi kaba wa’maani mukhulomaloma nende mu’bikholwa. 23. “Musa nikoosa emyaaka amakhumi kane echo’wukhuluutu, kakhengawo okhucha okhukeniyiira aba Yisirayiri basye. 24. Kawona mulala khubo nasandisiwa no’muMisiri, manu kacha okhumuyeeda mu khwesasusa nga keetta omu'Misiri. 25. Musa kabaasa ati abatu baye bene bakhamanyire baati Weere kali amukhosesa okhubanunula, naye khaba sibategeera.26. Oludaalo lwalondakho Musa kawukaana Abayisirayiri babiri abali nibalwaana. Kakesakho okhubakowosa alala nawoola ati, ‘Basaacha enywe, muli wandaayo khuwandaayo; lwasiina mudakha okhuwumisaniya?’ 27. ‘Naye omusaacha wali nasaandya owundi kasiindikha Musa entulo nawoola ati, ‘Naanu owakhuwa owutukki khandi omulamusi khwifwe? 28. Odakha okhunjita nga niweetire omuMisiri ekulo?’29. Musa nikawulira sinno, kerukha kaacha e Midiani, yikamenya nga omukeni khandi kewulirayo abasyani babiri. 30. “Emyaka amakhumi kane nichabitawo, malayika kawonekhera Musa mu nimi cho’muliro kuya musichakha ambi nende olugulu Sinayi.31. Nikawona sinno, katya okhutiingalayo. Nga nikacha okhwekhaliirisa, kawulira ekkono lyo’Mwami: 32. ‘Niise Weere wa bakukaawo, Weere wa Yibbulayimu, Yisaka nende Yakobo.’ Musa katengerekha no’wuti khandi nga sikanyala khutiingaalayo.33. Manu Omwaami keecha kamuwoolera ati, ‘Tusamo ebiraato byawo; esifwo siwemiremo esyo syolerefu nisyo. 34. Mbweneye erala okhufiinyirirwa khwa batu bange mu Misiri. Mbuliiye okhwerira khwawe khandi nikhire assi akhubalekhula. Wunaanu yiicha, nja okhukhutuma okowoleyo eMisiri.’35. “Ono nje Musa omwene ola yibekaana ne mboosi chino baati, ‘Naanu owakhuwa owutukki khandi owulamusi?’ Katumiwa okhuba omutukki khandi omuwoniya wawe nende Weere omwene, nga abitira mu malayika owamuwonekhera mu nyaasi. 36. Kabemerera okhutula mu Misiri khandi kaakhola ebiwukisa nende owuwonero we byamangalima mu Misiri, khu Nyanja ya mabanga khandi olwe myaaka amakhumi kane mu sibbarara. 37. “Ono nje Musa ola owawoola aba Yisirayiri ati, ‘Weere alibatumira nabbi oli ng’esse okhutula mu batu benywe beene.’38. Kali mu sikanda mu sibbarara, nende malayika owalomaloma naye khu Lugulu Sinayi, khandi nende bakuuka yeefwe; khandi kafuna emboosi enamu okhuchitwoosakho. 39. “Naye bakuuka yefwe bakhaya okhumuwulira. Musifwo syo’khumuwulira, bamwekaana bakowolayo eMisiri mu myoyo chaawe. 40. Bawoola Aroni baati, ‘Tukholere ba Were abanatutangirire. Olwokhuba omutu onno Musa owatutaangirira okhutula mu Misiri__ sikhumanyire esimwolirekho!’41. Esyo nje esikha sibakholeramo esilongalongwe mu mufwaano kw’emoosi. Basireteraanga ebiwanwa khandi bakholanga omwekhoyo nibata oluyaali mu bi makhono kawe kali nikakholire. 42. Naye Weere kabakalukhaniya kabatiingaasa okhwinamiraanga emibiri cho’mwikkulu. Sinno sifukiirisaniya nende esyawandiikiwa mu sitawo sya ba nnabbi siiti: “’Mwandeterakho ebiwanwa nende ebikhengeewa emyaaka amakhumi kane mu sibbarara, Oo nyumba ya Yisirayiri?43. Musingisiise amukulu eweema ya malaki nende eηηiniηηini ya weere wenywe Lefani, ebilongaloongwe bimwakhola okhwinamiraanga. Nolwesyo nja okhubayira mu khwoolwa’ aleeyi okhutuuma Babbulooni.46owasangaalira okhusiima khwa Weere khandi kaasaba anyale okhuweresewa esifwo esyokhumenyamo khwa Weere wa Yakobo. 44. “Bakuuka yefwe bali nende eweema eyo wujjulisi mu sibbarara. Yali yakholewa nga Weere nikali na laggiye Musa, okhuchaana nende omusono kukali naweene. 45. Nibamalire okhuweresewa e weema, bakuuka yefwe nibali assi wa Yoswa yibecha nayo nibawukula eroba okhutula mu makunda Weere kakali nikerusisyemo enja chindi khulwawe. Yasikala mu syalo okhwoosa mu ndaalo cha Daudi,49“ ‘Ekkulu nje esisaala syange, khandi esyalo nje esiteni syo’khukulu khwange. Nyumba yi’faana yiitye yolinyombakhira? Omwami aloomaloma__ Oba esifwo syange esyo’khujoηηolokheramo siriba yeena? 47. Ne kali Sulemaani owamwoombakhira enyumba. 48. “Asyakhaba siityo, oli amukulu lukali syamenya mu mayuumba akombakhiwa na’batu. Nga nnabbi lwawoola ati: 50. Omukhono kwange sinje okwakhola binno byoosi?’53enywe abafuna elako elyatewa mu nkhola okhubitira mu ba malayika naye mwakhaya okhulifukirira.” Sutefwano Akhubbiwa Amakina. 51. “Enywe abatu bamakosi amawangalafu, ne myoyo echitakhebewa namatwi! Muli wussa nga bakuuka yenywe: mwamenya nimuyinganiya omwoyo omwolerefu! 52. Yalikhooyo nnabbi yi bakuuka yenywe batasandya? Boola no’khwiita abo abalakula okhwiicha khwo’mwolerefu. Khandi wunanu mumuliiyemo olukhwe khandi mu mumikire__56“Kawoola ati, “Wona,” “Mbona ekkulu liikukhire nende omwana wo’mutu keemire khu mukhono mulungi okwa Weere.” 54. Nibawulira sinno, badiriwa etiima lukali khandi besya ameeno ali. 55. Naye Sutefano, nikechuye omwoyo omwolerefu, kewunja amukulu mwikkulu kawona oluyaali lwa Weere, nende Yesu nikemire khumukhono mulungi okwa Weere.57. Khu sinno basemba amatwi kawe, nibakhumulira mumakono kawe amukulu, bosi boosi bamwakukhira. 58. Bamukhuruudya bamutusa erwanyi we’siko bachaaka okhumukhubba amakina. Ebyo nibisiiri awo, abajjulisi beecha bata enguwo chawe khumakulu ko musyani omusiimbukha olangiwa Saulo.59. Nibali nibasimukhubba amakina, Sutefwano kekalikhira ati, “Omwami Yesu, wukula omwoyo kwange.” 60. Namala akwa khumakhumbo kaye nalira ati, “Omwami, otababalirakho esibi sinno.” Nikamala okhulomaloma atyo, endoolo chamuyira. EBIKHOLWA
Chapter 8

1Khandi Saulo kaliyo, nakhakhasa okhufwa khwaye. Ekanisa Yisandisiwa Khandi Yisalaanisiwa Endaalo echo okhusandisiwa okhwa’maani khwabalukhawo mu Kanisa eYerusalemi, khandi boosi okhutusakho abatume basalaanira woosi mu wu'Yudaaya nende Samaliya. 2. Abatu ba Weere beecha basiikha Sitefwano khandi bamulira lukali. 3. Naye Saulo kachaaka okhusakuula e Kanisa. Naacha enyumba khu nyumba, kakhurudya abasaacha nende abakhasi nabata mujeera. Firipo Mu Samaliya4. Abo abali nibasalaanire bawuulira emboosi na’wuli yibachiiranga. 5. Firipo keekhirira kaacha musiko sye Samaliya kalangirira Kurisito eyo.6. Ebidiikha nibyawulira Firipo khandi byaawona owuwonero we’byamayiya bikakhola, boosi bataayo omwoyo khu bikawoola. 7. Okhukhalachana, emyoyo mibi chatula mu bangi, nende abakongobafu bangi nende abalema beecha bawonesewa. 8. Manu aliwo omwekhoyo mukali mu siko esikhuluutu esyo. Simooni Omulosi10khandi abatu boosi, aba’mukulu nende abaasi, bamutekeresanga nibawoola baati, “Omusaacha ono nje amaani ka Weere akamanyikhanire nga’maani makali.” 9. Wunaanu okhumala esikha aliwo omusaacha yibalanga Simooni kaliingi alakula musikko khandi nga awukiya abatu boosi mu Samaliya. Kepakhanga ati kali wa’makana, 11. Bamulondaanga alwokhuba kali abawukiisye embaka engali nende amayiya kaye.12. Naye nibafukiirira Firipo nga nikasomesa amawulire amalayi ako’wene’ngo wa Weere nende eriita lya Yesu Kurisito, beecha babatiisiwa, abasaacha nende abakhasi. 13. Simooni omwene keecha kafukiirira khandi kabatiisiwa. Khandi kalondaanga Firipo nawuli awutu, katya olwo wuwonero wamaani nende ebyamayiya bikawona.14. Abatume mu Yerusalemi nibawulira baati Samaliya syali sifukiriiye emboosi ya’Weere, babatumira Petero nende Yokana. 15. Niboola, bekalikhira banyale okhufuna Omwoyo omwolerefu, 16. Olwokhuba Omwoyo omwolerefu kali asiiri okhwiikhakho khu mutu yeesi khwabo; bali bamalire wusa okhubatiisiwa muliita lyo mwami Yesu. 17. Manu Petero nende Yokana babatakho amakhono kaawe, beecha baafuna Omwoyo Omwolerefu.18. Simooni nikawona ati Omwoyo kali akabiwa nende okhutewakho emikhono cha’batume, kabawa erubbya, 19. nawoola ati, “Mumbekho ssesi owunyala wunno kho ssesi nawuli yindatengekho amakhono kange anyale okhufuna Omwoyo Omwolerefu.”20. Petero kakowolamo ati: “Erubya chawo chisikhirire naawe, olwokhuba, wabaasa oti onyala okhukula esiwanwa sya Weere ne’rubbya! 21. Owumakho esitundu oba omukawo muwuweresa wunno, olwokhuba omwoyo kwawo khaba simukololofu eyiri Weere. 22. Weyolobye mubibi binmo manu wekalikhire eyiri Omwami. Fwana kakhakhusaasira khulwokhuba ne’sibaaso ng’esyo mu mwoyo kwawo. 23. Olwokhuba mbona nti wichuye okutima khandi oli muwuwoye we’sibi.24. Manu Simooni kakowolamo ati, “Nekalikhirekho eyiri Omwami akhaye okhubawo syoosi khubyowooye esinanekholekho.”25. Nibamala okhujjulira nende okhulangirira emboosi yo’mwami, Petero nende Yokana bakowola eYerusalemi, nibawuulira enjiri mu ngoongo nyiingi echa Samaliya. Firipo Nende Omwesiyopiya.26Wunaanu Malayika wO’Mwami kawoola Firipo ati, “Cha emwaalo khungira __ engira ye sibbarara__ eyikhirira okhutula Yerusalemi okhucha e Gasa.” 28ne nikali khungira naacha engo kali kekhaaye khu sigaali esikhwesewa nende ensukhiri nasoma esitawo sya nnabbi Yiszaya. 27. Manu kachaaka olukendo, naali khungira kawukaana Omwesiyopiya omurade, omukhuluutu okhulira ebibiikhiro byoosi ebye’rubbya Kandake, nalulingiriiye owa Besiyopiya. Omusaacha onno kali achiiye e Yerusalemi okhwinamira Weere,31“Nyala ntye,” “Okhutusakho omutu wundi nikanyonyoye?” Manu kalaanga Firipo atuleyo kekhale naye. 29. Omwoyo kawoolera Firipo ati, “Cha eyiri esigaali sira obe ambi nasyo.” 30. Manu Firipo kerukha kaniina kaacha khandi kawulira omusaacha nasoma nnabbi Yisaaya. Firipo kateeba ati, “Otegeera byoli okhusomanga?” kakowolamo ati,32. Omurade kali asoma olunyiriri luno mu byawadiikiwa sino ati: “Kayiriwa nga ekoondi ericha okhukhengewa, khandi nga omwana kwe koondi nikuba ni kuwuleeye eyiri omubekki, manu sikachimbula omunwa kwaye. 33. Mukhuswasiwa khwaye keemewa enkhenga ya’masima. Nanu onyala okhulomaloma khu lwiwulo lwaye? Olwokhuba owulamu waye watusiwa khusyalo.”34. Omurade kateeba Firipo ati, “Mbolere, nkhusaba, naanu nnabbi byali okhulomalomakho, khu omwene oba omutu wundi?” 35. Manu Firipo kachaaka nende olunyiriri lwene lula olwebya-andiikiwa kamuwoolera amawulire malayi akadiira khu Yesu.3736. Nga nibakenda khungira, boola ali amaachi manu omurade kawoola ati, “Wona, amaachi ngano. Lwasiina simbatiisiwa?” 38. Manu kalagira okhwemekha esigaali. Bombi Firipo nende Omurade bekha baacha mu maachi manu Firipo kamubatiisa.39. Nibatula mu maachi, omwoyo wo’mwami wangu wene kayira Firipo, manu Omurade sikamuwonakho khandi, naye kadiira engira yaye kawawo nikekhoya. 40. Ne Firipo, kawonekha nali mu Azoto nakeenda, nawuulira enjiri mu bikko byoosi okhwosa lukoola e Kayisaliya.
Chapter 9

1Ebyo nibisiiri awo, Saulo kali asitiisatiisa nende emboosi echokhwiita abatume bo’Mwami. Kacha eyiri khawona mukhuluutu 2. kamusaba amuwe amabbaruwa ache mu nyumba cha Weere mu Damasiko, nisiba mbo nikakhawukanireyo yesi omuloondi we’Ngira, oba musaacha oba mukhasi kakhali wo’khubayira nga abawoye mu Yerusalemi.3Nikali nali ambi nende Damasiko khu lukendo lwaye, wangu wene owulafu okhutula mwikulu wamyesukha okhumwewodokhaniya. 4. Kakwa assi manu kawulira ekkono nirimuwoola liiti, “Saulo, Saulo, lwasiina wunsandya?”5Saulo kateeba ati, “Niiwe naanu, Omwami?” kakowolamo ati, “Niise Yesu, yuuli okhusandya.” 6. “Wunaanu siingira oche mu siko sikhoongo, manu ocha okhuwolerwa syotekwa okhukhola.” 7. Abasaacha bali nibakenda nende Saulo beema awo ni badindibaaye; bawulira ekkono eryo naye yiwuma yibawona.8Saulo kasiingira, ne nikaliimbula emoni yiwuma syoosi sikawona. Manu bamudiira khumukhono bamuyira mu Damasiko. 9. Kamala endaalo chidatu ni muwofwu, khandi sikalya oba kanywa esiitu syoosi.10Mu Damasiko yaliyo omweeki olangiwa Ananiya. Omwami kamulangira mu khuwiikhulirwa ati, “Ananiya!” kakowolamo ati, “Ee, Omwami.” 11. Omwami kamuwoola ati, “Cha mu nyumba ya Yuda khungira yilangiwa Engololofu bakhwekese omusaacha okhutula e Taluso olangiwa Saulo, olwokhuba ali okhwekalikhira. 12. Mukhuwonekherwa awene kawona omusaacha olangiwa Ananiya ni keecha okhumutakho amakhono kaye kho aliimbule.”13. Ananiya kakowolamo ati, “Omwami” “Mbuliiye ebiitu biingi khu musaacha onno nende owubi wukakhakhola khu bolerefu bawo mu Yerusalemi. 14. Khandi keechire ano nende owunyala okhutula eyiri bakhawona bakhuluutu okhudiira abo boosi abawoola khu liita lyawo.” 15. Naye omwami kawoolera Ananiya ati, “Cha! Omusaacha onno nje esyokhukhosesa syange esyangale okhukiinga eriita lyange mu bateende nende abene’ngo baawe nende mu batu ba Yisirayiri. 16. Ndimwekesa owungi wateekwa okhusaanda khu lweriita lyange.”17Manu Ananiya kacha khu nyumba kayingiramo. Nata amakhono kaye khu Saulo, kawoola ati, “Mwana weffwe Saulo, Omwami__ Yesu, owakhuwonekhera khungira nga niwali niwiicha ano_ kantumire ati khandi onyale okhuwona khandi wichusiwe nende Omwoyo Omwolerefu.” 18. Wangu wene, esiitu nga amakamba syakwa okhutula khumoni cha Saulo, manu kamala kawona khandi. Kasiingira kabatiisiwa, 19. manu nikakhamala okhulya khu’mere kakowolamo amaani kaye.20Katulaniramo kachaaka okhuwulira mu Sinaggogi ati Yesu nje omwana wa Weere. 21. Boosi abamuwulira bawuka khandi bateeba baati, “Sinje omusaacha owasiingisa ebidinyu mu Yerusalemi mu abo abalanga eriita linno? Ne sikechire ano okhubayira nga abawoye eyiri bakhawona bakhuluutu?” 22. Ebyo nibisiiri awo Saulo kemeeda lukali okhuba owa’maani khandi kadiisyanga ensoni Abayudaaya abamenya mu Damasiko ati Yesu nje Kurisito.23Endaalo nichabitawo nyingi, Abayudaaya bekhoba okhumwiita, 24naye Saulo kamanya olukhwe lwaawe. Esiro nende esideete bataanga emoni khu’miryango che sikko sikhoongo banyale okhumwiita. 25. Ne abaloondi baye bamuyiranga esiro nibamwiisira mu sidubi okhubitira mu sidomo esyali mu sida.26Nikeecha mu Yerusalemi, kakesakho okhweyambaniya khu beeki, naye bosi boosi bali bamutya, nga sibomiisa baati kali mweeki wamasima. 27. Naye kamuyira kamuleeta eyiri abatume. Kabawoolera nga Saulo khu lukeendo lwaye kali nawene Omwami khandi ati Omwami kali alomalomire naye, khandi nende nga mu Damasiko lukali nawuliiye ataasi okhutya muliita lya Yesu.28Manu Saulo kamenya nabo khandi kakendanga nikeyaaka mu Yerusalemi, kalomalomanga na’maani muliita lyo’mwami. 29. Kalomalomanga khandi kayingananga nende Abayudaaya aba’Yonaani, naye bakesakho okhumwiita. 30. Abasyaawe nibeecha basimanya, bamwiikhirisa bamuyira e Kayisaliya khandi bamwongula e Taluso.31Manu Ekanisa mu’Buyudaaya mwoosi, Ggaliraaya nende Samaliya bekhoyera mu bikha ebye’mirembe. Yomiisiwa; khandi nga yakhubbirisiwa nende Omwoyo Omwolerefu, yakhula muwungi, niyikhaye mu khutya khwo’Mwami. 32. Nga Petero nikali nabakeendamo mu syalo, kacha okhukeniyira abolerefu mu Luda.33Eyo kawukanayo omusaacha olangiwa Ayineya, owali nikakongobala no’wulwaye we sitaanda okhumala emyaaka munaana. 34. Petero kamuwoola ati, “Ayineya,” “Yesu Kurisito akhuwoniya. Siingira manu ofuumbe omukeeka kwawo.” Wangu wene Ayineya kasiingira. 35. Abo boosi abamenya mu Luda nende Saloomi bamuwona manu bakowola eyiri Omwami.36v 36 . Mu’Yopa yaliyo omweeki olangiwa Tabbisa (nisichusiiwiremo nje Dorika), owakholanga wulayi khandi nga ayeeda abawati. 37. Ambi mundaalo echo keecha kalwala kafwa, omubiri kwaye bakwooka bakuta mu sisenge syamukulu khugoroofwa.38Luda syali ambi nende Yopa; manu abeeki nibawulira baati Petero kali mu Luda, bamutumira abasaacha babiri yali nibamusaba baati, “Khukhusaba wiichekho yikhuli eno mu’wangu!” 39. Petero kacha nabo, ne nikoola bamuyira khugoroofwa amukulu mu siseenge. Abafwire boosi beema bamwewodookhaniya, nibalira khandi nibamwekesa amakanjuula nende enguwo echindi Dorika chikali nakholire nikali nasiri nabo.40. Petero kabatusa boosi erwanyi we’sisenge; namala asigama khu’makhumbo kaye kekalikhira. Kakalukhanira omulambo kwo’mukhasi yikwali kawoola ati, “Tabbiisa, siingira.” Kalimbula emoni chaye, nikawona Petero kasiingira kekhala. 41. Petero kamudiira khu’mukhono kamuyeeda keema khu makulu kaye. Manu keecha kalaanga abafukiirisi nende abafwire kamubekesa nimulamu. 42. Sinno syamanyikhana mu Yopa mwoosi, khandi abatu bangi bafukiririra mu mwami. 43. Petero kamenya mu Yopa esikha esiyera nende omubambi wa’maseero olangiwa Simooni.

Chapter 10

1Mu Kayisaliya yaliyo omusaacha olangiwa Koluneriyo, omukhongo mu maye akali ni kamanyikhanire nga eye lye’Siyitale. 2. Ye nende abomudaala lyaye boosi bali abesinani mu’nfukiirira khandi abatya Weere; kakabanga no’mwoyo mulala eyiri abo abaliingi no’wetaafu khandi nga kekalikhira Weere wulisikha.3. Oludaalo lundi ambi esaawa nga mwenda echesideete kafuna okhwekesewa. Keecha kawona wulayi wene malayika wa Weere, owecha yali kamuwoola ati, “Koluneriyo!” 4. Koluneriyo kamudangalirakho no’wuuti kateeba ati, “Siina syene, Omwami?” Malayika kakowolamo ati, “Okhwekalikhira khwawo nende ebiwanwa byoowa abawati byekesiseyo nge esichuliso eyiri Weere. 5. Wunaanu tuma abasaacha mu’Yopa bakowose omusaacha olangiwa Simoni yibalanga Petero. 6. Amenyire nende Simoni omubambi wa’maseero, omwene nyumba eyiri khuntulo wo’ kuyanja.”7. Malayika owalomaloma naye nikali namalire okhuwawo, Koluneriyo kalanga babiri khubakhosi baye nende omusikari owali omwesikwa munfukirira mulala khubamukholeranga. 8. Kabawoolera wuli siitu esyali nisikholekhire khandi kabatuma okhucha mu’Yopa. Okhuwonekherwa Khwa Petero.9. Ambi mu sideete oludaalo oluloondakho nga nibali khungira yaawe nibali ambi okhwoola mu sikko sikhongo, Petero kaniina amukulu khu sirama okhwekalikhira. 10. Kawulira enjala keecha kadakhakho esiitu okhulya, ne ebyo’khulya nibyali nibisitekekhewa, kecha kaaba ngo’loota. 11. Kawona ekkulu nirikukhire nesiitu nga ensuuka ekhongo nisiisiwa assi khusyalo nende ensoonda chasyo chine. 12. Syalimo enkholo ne’nkholo echebisolo, ebya makulu kane, alala nende ebyekhweesa assi ebyo’khusyalo nende amayoni akomubbanga.13. Manu ekkono lyamuwolera liiti, “Siingira, Petero. Yiita olye.” 14. Petero kakowolamo ati, “Masima keene bbe, Omwami!” Sindyanga esiitu syoosi esyo’musiro oba esibi.” 15. Ekkono lyamulomalomera enkhabi eryo’khubiri liiti, “Otalanga esiitu syoosi esyo’musiro Weere sikateresa.” 16. Sinno syakholewa amakhabi kadatu, ne wangu wene ensuuka yakowosewayo mwikkulu.17. Petero nikali nasikanaakana khu makhuluutu kokhuwonekherwa khuno, abasaacha abatumiwa nende Koluneriyo bafumbula enyumba ya Simoni yiyali manu beecha beema mu siriwa. 18. Balanga, nibateeba Simoni owamanyikhana nga Petero naaba nikamenya awo.19. Petero nikali nasibaasa khu khuwiikhulirwa, Omwoyo kamuwoolera ati, “Simoni, abasaacha badatu bali okhukhukoonya. 20. Manu siingira wiikhe assi we’goroofwa. Otakanaakana okhucha nabo, olwo’khuba mbatumire.” 21. Petero keecha assi kabawoolera ati, “Niise oyo yimuli okhukoonya. Lwasiina mwiichire?”22. Abasaacha bakowolamo baati, “Khutulire eyiri Koluneeriyo Omusirikale. Musaacha mulungifu khandi otya Weere, otewamo oluyaali nende abatu Abayudaaya boosi. Malayika omwolerefu kamuwoola akhuwoole wiiche ewaye kho anyale okhuwulira syowoola.” 23. Manu Petero keecha kabasangaalira kabengisa mu nyumba abasaacha abo baaba abakeni baye. Petero Mu’nyumba Ya Koluneeriyo. Oludaalo lwalondakho Petero katula okhuchaana nabo, nende balala khu bafukiriisi okhutula e Yopa bachiirakho.24. Oludaalo lwalondakho koola mu Kayisaliya. Koluneriyo kali abasubira okhwiicha khandi nawusiise alala abeekho baye nende abeecha baye abawambi.25. Nga Petero nikengira mu nyumba, Koluneriyo kamuwukanira manu kamukwa mumakulu no’khumwiinamira. 26. Ne Petero kamusiingisa kamuwoola ati, “Esse omwene ndi wussa mutu wutu.”28kabawoola ati: “Mumanyiiye wussa erala muuti sikhalaka amalako kefwe Omuyudaaya okhukholagana nende omuteende oba okhumukeniya. Naye Weere kanjekesiise ati, sinkhoyire okhulanga omutu yeesi nti wamusiro oba otakhoyera. 27. Nasilomalomanga naye, Petero kengira mukkati manu kawukaana omukaanda kwa batu omukali nikwewusiise, 29. Manu nibanaanga, necha atasi okhuyinganiya khwosi. Sakira nteba nti munangiiye si?”31kawoola ati, Koluneriyo, Weere awuliiye okhwekalikhira khwawo khandi akhewuliiye ebiwanwa byawo eyiri abawati. 30. Koluneriyo kakowolamo ati: “Endaalo chine echibitire mbeye munyumba yange ninekalikhira khu saawa nga yinno, esaawa mwenda echesideete. Wangu wene omusaacha munguwo echimekhamekhana keema mumoni change 32. Tuma e Yopa balange Simoni olangiwa Petero. Mukeni mu nyumba ya Simoni omubambi wamaseero, owamenya ambi nende okuyanja.’ 33. Sakira nkhutumiiye wiiche wangu, khandi sirayi wiichire. Wunaanu khuli ano feesi mumoni cha Weere okhutekeresa wuli syoosi Omwami syakhulagiiye okhutuwoolera.”35naye afukiirira abatu okhutula mu nawuli syalo abamutya khandi nga bakhola ebyolereeye. 34. Manu Petero kachaka okhulomaloma ati: wunaanu ntegeera nga nisiri esituufu siiti Weere yiwuma yikekhubbira36. Mumanyire owubakha Weere wukatuma eyiri abatu ba Yisirayiri, nabawoolera amawulire amalayi akomulembe okhubitira mu Yesu Kurisito, oyo Omwami wa byoosi. 37. Omanyire ebyakholekhana mu Buyudaaya mwoosi, okhuchakira mu Galiraaya olunyuma lwokhubatiisa Yokana khu kawuulira __ 38. Nga Weere nikachukha amafuta khu Yesu owe Naseleesi nende Omwoyo Omwolerefu nende amaani, nende nga lukabitanga nakhola wulayi khandi nawoniyanga abo boosi abaliingi mu maani komusukku, olwokhuba Weere kali naye.40naye Weere kamusiingisa okhumutusa mu baffu khu ludaalo olwo’khudatu khandi kamukhola kawonekhana. 39. “Khuli bajjulisi aba nawuli siitu sikakhola mu syaalo sya Bayudaaya nende mu Yerusaalemi. Bamwiita nibamuwanikhire khu musaala, 41. Sikawonekhera abatu boosi, naye nende abajjulisi ba Weere kali namalire okhwangala__ nende efwe abalya khandi khwanywa naye namalire okhusyuukhira okhutula mu baffu.42. Katulagira okhuwuulira eyiri abatu nende okhujjulira khuti nje oyo Weere yikaangala nga omulamusi owa’balamu nende abafu. 43. Ba nnabbi boosi bamujulirakho baati nawuli omufukiririramo afuna okhusasiirwa okhwe’bibi okhubitira muliita lyaye.”44. Petero nikali nasilomaloma emboosi chinno, Omwoyo Omwolerefu keecha khu boosi abawulira owubakha. 45. Abafukiirisi abakhebewa abali nibechire nende Petero bawuka okhuwona mbo esiwanwa esyo’mwoyo omwolerefu syali sichukhiiwe ata nende khu Bateende.46. Olwokhuba babawulira nibalomaloma mu nimi khandi nibakiniya Weere. Manu Petero kawoola ati, 47. “Aliwo omutu yeesi onyala okhukayira abatu banno okhubatiisiwa na‘maachi? Bafunire Omwoyo Omwolerefu wusa nga efwe.” 48. Manu kalagira ati babatiise mu liita lya Yesu Kurisito. Basaba Petero asikale nabo olwendaalo ntono. EBIKHOLWA
Chapter 11

1Abatume nende ba wandaye mu wuYudaaya mwoosi bawulira baati nende abateende bosi bali bafukiriiye emboosi ya Weere. 2N'olwesyo Petero nikacha e Yerusalemi, abafukiirisi abakhebe bamwolobya 3nibawoola baati, “Mwacha mu nyumba cha bataasi bakhebe khandi mwalya nabo.”4Petero kachaaka khandi okhubanyonyola wuli situla muwimbikkiti ngalusyali sikholekhanire: 5“Nali mu sikko sya Yopa ninsaba, ngo’loota nawona okhuwikhulirwa. Nawona esitu nge'suuka nkhongo nga yisiwa okhutula mwikkulu mumakoona kayo kane, yesewa okhwola anali. 6Nayewunjamo nawona ebisolo bya makulu kane ebyo’khusyalo, amanani ko’munyasi, ne bye’khwesa assi, na’mayoni komu bbanga.7Awenawo nawulira ekkono nirimbolera liiti, ‘Siingira, Petero. Yiita olye.’ 8“Nakowolamo nti, ‘Esitanyalikha, Omwami! Awuma esitalabisiwa oba esiitu syomusiro esyali syengirakho mumunwa kwange.’ 9“Ekkono lyalomaloma okhutula mwikkulu ekhabi lyo’khubiri, niriwoola liiti, ‘Otalaanga esiitu syoosi esyomusiro esya Weere sikoosa sikalabya.’ 10Sinno syakholekhana amakhabi kadatu, ni khandi syakhwesewa nisikowola mwikkulu lundi.11“Manu esikha syene esyo abasaacha badatu abali nibatumiwe yindi okhutula e Kayisaliya baakama ali enyumba yinali nimenyiremo. 12Omwoyo kambola okhutaba no’khukanakana okhucha nabo. bawandaye'fwe banno mukaaga bosi bacha nange, khandi khwengira nabo munyumba yo’musaacha. 13Katuwolera nga lukawona malaika nawonekheye mu nyumba yaye khandi kawoola ati, ‘Tumisa mu Yupa Simoni olangiwa Petero. 14Anabaletere owubakha owucha okhuwoniya enywe ne’nyumba chenywe.’ 15 “Nga lunachaaka okhulomaloma, Omwoyo Omwolerefu kabekhakho nga lukali atwikhirekho munjaaka.16Awenawo neecha nechulisa Omwami sikali nawooye ati: ‘Yokana kabatisa na’maachi, ne mulibatisiwa n'Omwoyo Omwolerefu.’17Ne nisiba mbo Weere nikabawa esiwanwa sifanana nga lukatuwa, effwe abafukiirira mu mwami Yesu Kurisito, nisse naanu owakhabasise okhuyinganiya Weere?” 18Nibawulira sinno, sibaba nesindi sibayinganiya khandi bafumiya Weere, nibawoola baati, “Sakira wunaanu, Weere aweye ata na'bateende okhusaba esirekhero esibawa owulamu.” Ekanisa Mu Antyokiya19Wunaanu abali nibasalaanisiwa olwokhusandisiwa khwaba nikhulondana nende Sutefwano bali bongukha paka Foyiniki, e Kupulo nende mu Antyokiya, nga bawolerakho owubakha a Bayudaaya bonηηene. 20Abandi khubo, abali nibatula mu Kupulo nende Kureeni bacha mu Antyokiya bachaaka okhubilomalomera a Bayonani boosi, nga babekesa amawulire malayi akaddira khu mwami Yesu. 21Omukhono kwo’mwami kwali nabo, bangi bafukiirira bakalukhanira Omwami.22Amawulire kano kolera mu matwi ke’kanisa ya Yerusalemi, bamala batuma mu Antyokiya. 23 Nikoola kawoona owujjulisi owesissa sya'Weere, kalimusangaafu khandi kabaggumya boosi badonηηe bamasima mu Mwami ne’myoyo chawe choosi. 24Kali musaacha mulayi, owechusiwa omwoyo Omwolerefu ne nfukiirira, abatu bangi baletewa eyiri Omwami.25Manu kacha e Tarusisi okhukonya Saulo, 26ne nikamuwukana, kamuleeta Antyokiya. N'olwesyo okhumala omwaka omulamba Bbalunabbanende Saulo baakanana ne’kanisa basomesa enamba ya’batu ngali. Abeeki nje olwali olusokha okhulangiwa abaKurisitaayo mu Antyokiya.27Mu bikha binno ba nabbi bandi bekha nibatula mu Yerusalemi nibacha mu Antyokiya. 28 Mulala khubo, olangiwa Agabo, kasiingira okhubitira mu’Mwoyo kalakula okhwicha khwe’njala eya’maani eyali yiicha okhuswaniya esyalo sya Buruumi syoosi (sinno syaliwo mu wutuki wa Kulawudiyo)29Abeeki, nga'maani ka wuli mulala lukali, bakesakho okhuyeeda bawandayawe abafukirisi abali bamenya mu bu’Yudaaya. 30Binno babikhola, nibalakirisa esiwanwa syawe eyiri abakofu nga basibisya mu nende Saulo. EBIKHOLWA
Chapter 12

1Syali ambi esikha siiti si Omwene’ngo Kerode sikadiriramo balala khu batu abali bekanisa, nga achiririra okhubasandya. 2Ketta Yakobo, mwananηηina wa Yokana no’kukhande.3Nikawona ati sinno syasangaasa a Bayudaaya, kacha emutwe okhudiira Petero yesi. Sinno syakholewa mu bikha byo’muyumo kwe’migaati echitaasi mibbakhe. 4Nibamalire okhumudiira, kamutta mujjera, kamuwayo eyiri ebikanda bine ebya basirikaale ebyalimo abasirikale bane bane mu wuli sikaanda. Kerode kagenderera okhumuta mu lwichuye omuyumo kwa pasaka nikuweye.5No’lwasino Petero kalindirwa mujjera, nayo ekanisa yatakho esinani mukhumusabira eyiri Weere. 6Esiro syokhwanuusa Kerode sikali natekekhire amuleete okhuwosesewa, Petero kali akonire akati wa basirikale babiri, ngawoyiirwe enjegere chibiri, na’balindi bo’khumulyango kwesiriwa bosi nibemire.7Awenawo malaika wa Weere kawonekhana no’wulafu waamulikha mu mujjera. Kakuudda Petero mu lubaffu kaamusisimusa. Kawoola ati, “Mangu mangu siingira!” manu enjegere chawololokha okhutula khumakhono ka Petero chakwa. 8Malayika kamuwola ati, “Yambala enguwo ne’birato.” Petero kakhola atyo. “Wekache omukhoba kwawo omale wunoonde,” malayika kachanakana.9Petero kamuloonda katula mujjera, binno kabikholanga nga syategera malaika bikali nakhoola byali nibyo ebikholewa; kakaala ati ali okhwolewesa. 10Babita khu baliindi basokha nabokhubiri bola khu mulyango kwesichuuma okwolerera esikko. Kweyikula okwene, bakubitamo. Nibali bakhakenda owuleyi wengira yo’musikko ndala khangu khangu malayika kamulekha.11Awo nje Petero amakesi akakowooleramo khandi kawoola ati, “Wunaanu manyire atali khukanaakana nti Omwami atumire malaika waye khandi kantusise mu makhono ka Kerode nende mwibyo byosi aba’Bayudaaya babeye nibasubira.” 12Binno nibyali byakhamuwakho, kamala kaacha mu nyumba ya Malyaamu nηηina wa Yokana, nga khandi alangiwa Maako, abatu bangi yibali bewuusiiye nibasaba.13Petero kakhokhona khu mulyango kwerwanyi, omukhosi mukhasi yibalanga Roda nje owecha okhuwona okhokhona khulwiki. 14Nikamanyirisa ekkono lya Petero, kasangaala esibitiriye kerukha kakowolayo natekuyeewo kawoola ati, “Petero ali khumulyango!” 15Bamuwolera baati, “Ebibaaso byawo bikotire. Nikacha mumoni nakowochola mu byawoola ati nje lusiri, bamuwoola baati, “Sinyala okhuba nje Malaika waye.”16Naye Petero kachanakana okhukhokhona, nibekulawo bamala bamuwona, bawukka. 17 Petero kekessa no’mukhono kwaye nga abawoolera bawulere khandi engeri Omwami lwamutusise mujjera. Kabawoolera ati, “Mwekese Yakobo nende bamwanaηηina khu mboosi chinno,” namala acha ewuleka, mu sifwo sindi.18Echulichuli, aliwo akhatabangukho khataasi khatono mu basirikale khubyali biibeye khu Petero. 19 Kerode nikamala okhukoonyeresa okhwamaani olwali nikhumukholeeywe khandi kakhirwa okhumwakaana, kakhemeresa na’baliindi kalagira betewe. Okhufwa Khwa Kerode Awenawo Kerode kacha e Serasiya natula e wu'Yudaaya kamenyayo wutono.20Kali nga’nyekana na batu ba Tiro nende Sidoni; beecha baba sirala bamusaba abafukiirire okhubawulirisa. Nibamalire okhusembewa nende Bbulasito, Kerode yikali nakhira okhwesika ng'omukhosi waye, basaba okhuba mirembe, khuba bali besika esyalo syo’mwene’ngo nga nje sibawa ebyokhulya. 21Khu ludaalo lwatekekhewa Kerode, nikambaye enguwo cho’wene’ngo, kekhala khu sisaala syo’wene’ngo waye khandi kalomaloma eyiri abatu.22Bakhumulira amukulu baati, “Linno kkono lya were, siryo’mutu.” 23Awo nawo, khuba Kerode sikali nawa Weere oluyaali, malayika wa Weere kamukhubba assi kaliwa ne’nyende kaffwa.24Naye emboosi ya Weere yemeeda yawunukha. 25Naye nende Saulo nibamalire emirimo chawe, bakowola nibatula e Yerusalemi, nga bakenda nende Yokana, nge’riita lindi alangiwa Maako. EBIKHOLWA
Chapter 13

1Mukanisa ya Antiyokiya baliyo aba’nabbi nabasomesa: , Simoni yibalanga Niga, Lukiyo owa Ssairene, Manayeni (Owali nikakhusiwa nende Kerode owali Gafana) nende Saulo. 2Nibali basiisaba Omwami khandi ngabasiiba, Omwoyo Omwolerefu kalomaloma ati, “Mungawulirekho nende Saulo khulwomulimo kunabalangira.” 3Nibamalire okhusiiba no’khusaba, babatakho amakhono kawe, babatuma bache. Mu Kupulo4Babiri khubo, nga lubatumiwa n'Omwoyo mulafu, bekha baacha e Selusiya bamala bambukha mu lyato boola e Kupulo. 5Niboola e Salamisi, bawunusa emboosi ya Weere mu sinaggogi cha Bayudaaya. Yokana kali nabo ngo’muyeedi waawe.6 Bakenda khusisinga syosi syoosi paka luboola e Pafoosi. Eyo baakanayo omulakusi O'Muyudaaya ni khandi nga mu nabbi wo’wubacha yibalanga baati Balisa Yesu, 7Kali mwicha wa Gafana we sisinga esyo, yibali balanga Sarugiya Paulo, omusaacha omukesikesi, nga'tumirwe eyiri nende Saulo, olwokhuba kali adakhire okhuwulira emboosi ya Weere. 8Naye Elima omulakusi (eryo nje eriita lyaye siryekesa) kabayinganiya nga kesakho okhukalukhaniya enfukiirira ya Gafana.9Naye Saulo, yibalikhandi nibalanga Paulo, nga kechusiwire no’Mwoyo Omwolerefu, kewunja nikekhalirisa Elimasi khandi kamuwoola ati, 10“Oli mwana wa setani omulabe wa wuli situla esilungifu! Wechula owubacha wa wuli ngeri no’tukodyo tubi, olyola ye mukhukodya engira engololofu echo Mwami?11Wunaanu omukhono kwo’Mwami kukhwikhirakho. Ocha okhuba omuwofwu, otawona owulafu we’ryuba olwesikha. Awo nawo, enanηoηo ne’sirema byamudiira, kachaaka okhudamadama, nakonyeresa onamudiire khumukhono amuwerekese. 12Gafana nikawona ebyekholekhire, kafukiirirawo, syamukhubba enηaηa khunsomesa yaliwo khu Mwami. Mu Pisidiya Antiyokiya.13khutula Pafwosi, Paulo nabasye bachiira khu lyato okhwola Periga mu Panfuliya, Yokana akabalekhera nakowoola e Yerusalemi. 14Okhutula Periga bacha Pisidiya Antiyokiya. Khulwesabiiti bengira mu sinaggogi bamala bekhala assi. 15Nibamala okhusoma okhutusa mu malako nende ba nabbi, abemeresi bo’musinaggogi batuma emboosi yibali nibawoola baati, “Baana befwe, ni muba nimulikho no’wubakha wo’khukumiya eyiri abatu, khubasaba mulomalome.”16Manu Paulo kasiingira nakhosesa amakhono kaye kawoola ati, “Abatu ba Isirayiri nende enywe Abateende basaba Weere, muntekerese! 17Weere wa batu ba Isirayiri kadoola baseefwe; kakhola bakhulakhulana mu bikha bibali mu Misiri, na’maani mangi kabatusa mu syalo esyo, 18kesimirisa ensambo chawe mumbaka ye myaka nga kane mu sibbarara,19kakwisa owutukki we’byalo musanfu mu Kanani kawa eroba lyawe eyiri abatu baye nga owusikhirano. 20Binno byoosi byakholewa mu mbaka yemyaka nga emya chine nende kataanu. Bino nibiweye, “Weere kabawa Abalamusi okhwoola khu’ndaalo cha Samwiri omu nabbi.21Nibamala abatu basaba Omwene’ngo, kabawa Saulo omusyani wa Kishi, owo’lwanyi lwa Benyamini, owatukka emyaka kane. 22Namalirewo Saulo, kakhola Daudi kaaba O'mwene’ngo wawe. Kawa owujjulisi owumudiirakho: kawoola ati, ‘Nakhakaana Daudi omusyani wa Yesse omusaacha omwoyo kwange yikudakha; acha okhukhola byoosi Esse bindakha akhole.’23Okhutula mulwiwulo lunno Weere asingisise kabatera Yisirayiri omuwoniya Yesu, nga lukasubisa. 24Yesu natecha, Yokana kawuulira okhweyolobya no’khubatisiwa eyiri abatu ba Isirayiri boosi. 25Nga Yokana lukali namalirisa omulimo kwaye, kawoola ati: ‘Mubasa nisse naanu? Sinise oyo. Khaba, ne owicha nintulirewo, nebirato byaye sinkhoyera okhuwolola.’26“Baana befwe, baana ba Yibbulaimu, khandi enywe abateende abatya Weere, siri yikhuli mbo emboosi yino eyo’wuwoniya nifwe bayitumiyiywe.” 27 Abatu ba Yerusalemi na batukki baawe sibategeera Yesu, ne mukhumukhengera boseresa emboosi cha ba nabbi chisomewa wuli lwa Ssabbiti.28Nende syakaaniwa nti ali awuma songa yikira kakhengerwa okwo’khufwa, basaba Pirato ketewe. 29Nibali bakhamalirisa byoosi ebyali byawandiikiwa khuye, bamutusa khu musalabba bamutta munηηani.30Ne Weere kamusyukhisa mu bafu, 31okhumala endaalo nyingi kawonekhera abo abakendanga naye okhutula e Galiraya nibacha e Yerusalemi. Nibo wunaanu abajjulisi baye eyiri abatu befwe.32“Khubawoolera emboosi ndayi: Weere sikasubisa ba seefwe, 33koseresise yikhuli,khu baana baawe, nasyukhisiise Yesu. Nga lusyawandiikiwa mu Zabbuli yo’khubiri siiti: “’Oli mwana wange omusyani; Olwaleero nfukhire Bbabbawo. 34Esikhakhasa mbo Weere kamusyukhisa mu baffu, owutawola, endalo chosi choosi, silomalomewakho mu mboosi chinno: “Nja okhukhuwa owo’lerefu khandi enkhabi cholereye echasubisiwa Daudi.’35 Ni sinno silomalomwakho ewuleka: “’Sulirekha omwolerefu wawo okhuwona okhuwola.’ 36“Daudi nikali kakhamala okhuwereesa ebigendererwa bya Weere mubikha mu bikha bya bye'mirembe kyaye, kamala kakkona; bamusiikha nende basimwana khandi omubiri kwaye kwawola. 37Ne oyo Weere yikasyukhisa mu baffu sikawona khu khuwola.38“Nolyesyo, baana befwe, ndakha mumanye muuti okhubitira mu Yesu okhulekherwamo ebibi byenywe khulangirirwa yimuli. 39Okhubitira mu’Ye nawuli ofukirira akhakhasiwa mu byoosi ebitakhanyalikhanire okhukhakhasiwa no’bitira mu malako ka Musa.40Mwegenderese muuti ba nabbi bibawoola bitabekholekhanakho: 41“‘Muwone, enywe abalekeresi, muwukke khandi musikhirire, khuba nj'okhukhola esiitu mu ndaalo chenywe simulitafukiirira, nende omutu akakhabawoolera.’”42Nga Paulo nende bali batula mu sinaggogi, abatu babalanga khu lwa Sabbiiti lulondakho bemeede okhulomaloma khu mboosi chinno. 43Ne esikanda nisyakhasewulwa, abangi khu ba’Yudaaya na bakalukhana okhucha mu ddiini e yo’buYudaaya balonda Paulo nende , abalomaloma nabo khandi babakhubbirisa okhuchanakana nibakendera musisa sya Weere.44Khu lwa sabbitti lulondakho ambi esikko syosi syoosi syewuusa okhuwulirisa emboosi yo’Mwami. 45Aba’Yudaaya nibawona ebidiikha, bechula omutolyo balomaloma emboosi chinyeka Paulo bikali nalomaloma.46Nawene awo Paulo nende babakowoolamo awuma khutya baati: “Khuteekwa okhulomaloma emboosi ya Weere yimuli mberi. Khuba enywe muyingana khandi simwebaasakho enywe okhukhoyera owulamu wutaliwaawo, wunaanu khakhukalukhane khuche eyiri abateende. 47Khuba sino Weere nje sikatulagira: “’Mbakholire mube owulafu wa’bateende, Khomunyale okhuleeta owuwoniya khusyakamo sye’syalo.’”48Abateende nibawulira si no, basangaala bawa emboosi ya Weere oluyaali; khandi boosi abali nibadoolewa olwo’wulamu wutaliwaawo bafukiirira. 49Emboosi yo’Mwami yalaanda mungoongo choosi.50Ne aba’Yudaaya bachuuba abakhasi batya Weere ab'oluyaali na basaacha batangiirisi mu sikko. Basiingisa omwoyo kwo khusandya Paulo nende , khandi baberusya mu sifwo syawe. 51Syatulakho okhusisimula olufu lwo mu makulu kaawe, okhuyinganisiwa khwawe bacha e Yikoniyamu. 52Ne abeeki khandi bechusiwa ne’sangaalo no’Mwoyo mwolerefu.
Chapter 14

1Mu Ikoniyo Paulo nende nga luchali nsambo chawe bacha mu Sinaggogi cha Bayudaaya. Eyo balomaloma wulayi na’maani no’khwoseresa aBayudaaya na’bateende bangi bafukiirira. 2Naye aBayudaaya abakaana okhufukiirira bengisa mu bateende omwoyo mubi bonoona embasa yawe eyiri abo’luganda.3Manu Paulo nende BBbalunabbabayirakhooyo ebikha, nibalomaloma no’khutatya eyiri Omwami, owakhakhasa emboosi yaye eyesisa kabanyalisa okhukholanga owuwonero wamayiya ne’biwukiya. 4Abatu be sikmo bawukhanamo; abandi baba khu’luwande lwa ba’Yudaaya, abandi baba khulwa Batume.5Aliwo okhukhobana akati wa Bateende na’baYudaaya, alala nabemeresi bawe, okhubabisya wubi n'okhubakhubba amakina. 6Ne beecha basimanya manu berukha baacha e Likoniiya mubikko bya Lusitula ne Deribe no’mungoongo chiriranire awo, 7yibacha mumoni n'okhuwuulira emboosi endayi. Mu Lusitura Nende Mu Deribe10khandi kalomaloma mukono lyamukulu ati, “Siingira weeme khumakulu kawo!” Mu bikha ebyo, omusaacha katuuma amukulu kachaaka okhukenda. 8. Mu Lusitura yaliyo omusaacha omulema wamakulu kombi nga kekhwesa wusa, okhutula mukhwiwulwa khwaye nga syakenda. 9. Katekeresanga Paulo na’wuulira. Paulo ka’mwekhalirisa, kawona nali nenfukirira eyokhuwonesewa11Esidiikha nisyawona Paulo byakholire, bakhumula mu lulimi lwa’Ikoniyo nibawoola baati, “Ba were bekhire mwifwe musifananyi sya’batu!” 12BBbalunabbabamulanga Sewusi, naye Paulo bamulanga Herume khuba nje owali omulomalomi omu’khuluutu. 13Khawona wa Sewusi, owali ne nyumba ya Weere erwanyi ambi nesikko, kaleeta amayeeyi ne’bimuli bikokhobe khusiriwa sye sikko khulwo’khuba ye nende esidiikha bali badakha boserese nga lubakhawa Weere esiwanwa.14 Na’batume bano BBbalunabb anende Paulo nibawulira binno, batandula enguwo chawe berukha mangu bengira mu Sidiikha, nibalomalomera amukulu baati: 15“Batu enywe, lwasina mu khola sinno? Fwesi khuli wusa batu, nge’nywe. Khubaletera emboosi endayi, khubawoolera mulekhe ebitu bitakhoya mu kowolere Weere mulamu, owakhola ekkulu nesyalo nenyanja nende nawuli esiri mu syalo. 16Khale khale, kalekha wuli syalo syakhola bisidakha.17Ne awuma lwatalekhawo esyokhulomalomakho: kekesiise esissa syaye nabawa enfula, okhutula mwikkulu nebirime byo’mwaka ne’birumbi; kabawa emmere mu wungi kechusa emyoyo chenywe ne’sangaalo.” 18Nende nibalomaloma emboosi chinno choosi, basikala no’wudinyu okhukayira esidiikha okhuleeta esiwanwa.19Ebikha ebyo aba’Yudaaya bandi beecha nibatula Antiyokiya nende Ikoniyo bayiira esidiikha sya’kwa khuluwande lwawe. Bakhubba Paulo amakina khandi bamukhwekhwesa bamutusa erwanyi we sikko, nibabaasa baati afwiye. 20Ne abeeki nibamala okhwewuusa olunyuma akali, kalamukha kakowoolayo mu sikko. Oludaalo lulondakho ye nende BBbalunabbabatulawo baacha e Deribe. Okhukowoola Mu Antiyokiya Mu Siriya.21Bawuulira emboosi ndayi mu sikko esyo khandi abeeki bangi ba’baloonda. Nibamala baacha mu Lisitura, Yikoniyamu nende Antiyokiya, 22nibomiisa abeeki khandi nibabakumya basikale mufukirira ya’masima. Bawoola baati, “Khutekwa okhubita mubidinyu okhwingira mu wene’ngo wa Weere.”24Nibamalire okhubita mu Pisidiya boola mu Panfuliya, 25khandi nibali bamalire okhuwulira emboosi mu Periga bekhirira Attaliya. 26Okhutula Attaliya bakowolerayo mu lyato okhucha Antiyokiya, yibali basiimiwa lukali mu siisa sya Weere,khulwo mulimo kubali bakholireyo. 23. Paulo nende BBbalunabbabadoola abakhuluutu mu wuli kanisa khandi, mukhusaba no’khusiiba, nga babawayo eyiri Omwami, yibali nibateyemo okhwesika khwawe.27Niboola, boola, bacha bawuusa eKanisa alala babekesa byoosi Weere bikali na’bakholeyemo khandi nga lukali kekuliye abateende omulyango kwe enfukirira. 28Eyo bekhalayo endaalo chasuda nibali na’beeki. EBIKHOLWA
Chapter 15

1Abatu bandi batula ewu’Yudaaya baacha Antiyokiya ni bali basomesa aboluganda baati: “Okhutusakho nga wakhebewa, okhwema khu’nsaambo Musa nga lukasomesa, sunyala khuwonesewa.’’ 2Sinno syaleetawo okhuyingana no’khukawukhana khukhongo mumbaasa akkati wa BBbalunabba nende Paulo na’basaacha batula Antiyokiya. Manu syaleeta Paulo nende Bbalunabba badoleewa, nabafukiirira bandi, bache e Yerusalemi okhuwona abatume nabakoffu olwembakha yinno.3Ekkanisa yabatuma nibacha, khandi nga bakendire babitta Fewonisiya nende e Samalia, babawolera nga abateende bali bakalukhanire. Kano mawuliire kasangaasa aboluganda. 4 Niboola e Yerusalemi, basangaalirwa mukkanisa nabatume nabakoffu, baboosera amawuliire ka byoosi Weere kakali abakholeyemo.5Ne abafukiirira bandi abomukanda kwa ba'Falisaayo basingira bawoola baati, “Abeteende batekwa okhukhebewa khandi bakhoyire bachire khumaloko ka Musa.” 6Abatume na’bakoffu bekhala okhwewunja mu mboosi echo.7Nibamalire okhunyonyola lukali, Petero kasiingira kabawoola ati: “Baana befwe, musimanyire muuti mubikha bibitirekho Weere kakhengawo ati Abateende bosi banyale okhuwulira owubakha waye bamala bafukiirira okhubitira mumunwa kwange. 8Weere, omanyire omwoyo, kekeesa mbo kabafukirira olwokhubawa kabawa omwoyo mwolerefu, nga fwesi lukatuwa efwe. 9Sikakawukhaniyamo effwe nabo, kalabya emyoyo chawe ngasibisya munfukirira.10Ne Wunaanu, lwasina mukhema Weere nimuta khumakosi ka beeki ejjogi eyitali yefwe ata eya bakuuka yefwe yibali nibatanyala besimirisa? 11Khaba! Khufukiirira okhubita musissa syo’Mwami wefwe Yesu nti khwawonesewa, bosi nga lubali.”12Olukhunηηana lwoosi lwa’wulera nga lubatekeresa Bbalunabba nende Paulo nibabawoolera ebyo’wuwonero wamayiya ne’byokhuwukiya Weere bikali akholire mu bateende nga wubabitiramo.13Nibamala, Yakobo kalomalomera amukulu ati: “Baana befwe, muntekerese. 14Simoni atunyonyoye nga Weere mukhusokha katwekesa okhufwayo khwaye nga’wukula mubateende abo abatu bakekowoseye.15Emboosi cha ba nabbi chifukirisaniya na sinno, nga lusyawandiikiwa siiti: 16 “’Nimalire binno niicha okhukowola nombakhe ewema ya Daudi yakwa. “Ebyanyasikha ndibyombakha, Khandi ndibikowosawo, 17khu batu badoηηirewo banyale okhukonya Omwami, khandi abateende baliba niriita lyange, omwami nje olomaloma, okhola ebitu binno’ 18ebibeye nibimanyikhanire emyaka chemukoongo.19“Khukhengawo khwange, no’lwesyo, khutasikhola syaba sidinyu eyiri abateende abali okhukalukhanira Weere. 20Okhumalakho khubawandiikire, nikhubawolera okhutalya ebyo’khulya ebinyasiwe nebilongalongwe, nga bitula mu wuddamba, enyama chebisolo bimikirwe nende mu mabanga. 21Khuba Musa bamuwuuliyekho mu wuli siko okhutula mu bikha byemukongo babisomanga mu sinaggogi khu wuli lwa Ssabbiiti.” Ebbaruwa Yolukhikho Eyiri Abateende ABafukiirira.22Manu abatume nabakoffu, ne Kkanisa yoosi, bakhengawo okhudoolamo abatu bawe begaate khu Paulo nende Bbalunabba bache Antiyokiya. Badoola Yuda (Olangiwa Bbarisaba) nende Siira, abasaacha babiri abali batangiirisi mu boluganda. 23Ninabo batuma ebaruwa Yinno: Abatume nabakoffu, abasyeenywe, Eyiri Abatende Bafukiirira Mu Antiyokiya, Siriya nende Kirukiya Amakheeso.24Khwawulira khuuti abasyefwe bandi batutulakho ataasi efwe okhubafukirira khandi khwabakhedya, khwatawula ebibaaso byenywe okhwema khubibalomaloma. 25Fwesi fweesi khufukirisanisye okhudoola khubatu bandi khwabatuma yimuli nabeecha befwe abadakhwa Bbalunabba nende Paulo __ 26abasaacha abewaayo owulamu wawe khu lwerita lyo’mwami Yesu Kurisito.27Nolwesyo khuli khubatumira Yuda nende Siira okhukhakhasa ne’mboosi yo’munwa bikhubawandiikira. 28Syawonekha okhuba sirayi eyiri Omwoyo Omwolerefu nende yikhuli okhutabasidowera mu wuli siitu syoosi okhubitira khubyetaggo binno: 29Mukhoyiire mutadiira khu byo’khulya ebiwereseweyo e'byemisambwa, amabaanga nenyama yebisolo bimikirwe nende owudamba. Munyale okhukhola wulayi nimulekhire binno bitu. Mweraba30Abasaacha batumiwa beecha bekha baacha Antiyokiya, yiboola bawuusa ekkanisa alala bamala babawa ebbaruwa yibayirire. 31Abatu bayisoma basangaala olwemboosi yo’khubakumiya. 32Yuda nende Siira, abali khandi ba nabbi, bawoola bingi okhukumiya nokhwomisa abasyaawe.33Nibamalirekho embaka nibaliyo, basewulwa nenkhabi ye mirembe okhukowoolayo eyiri ababatuma. 35Naye Paulo nende Bbalunabba badoηηa mu Antiyokiya, yibasomesa khandi bangi no khuwuuliira emboosi yo’Mwami. Owutafukirisaniya Akkati Wa Paulo Nende Bbalunabba36Olunyuma lwendaalo ntono Paulo kawoola Bbalunabba ati, “Khukowooleyo emukoongo khukeniye abasyefwe mu bikko byoosi yikhwawuulirakho emboosi yo’Mwami khuwone nga lubachanakana.” 37Bbalunabba kadakha ayire Yokana, yesi yibalanga Maako, ache nabo, 38naye Paulo sikasibaasamo okhuba esya makesi okhumuyira, okhuba ye kali abekawuyekho nibali Panfuliya khandi sikali nachanakanire nabo mumirimo.39Bali netafukirisaniya eyamaani akkati wawe eyatulamo balekhana. Bbalunabba kayira Maako bachira e Kupulo mu lyato, 40ne Paulo kadoola Siira bawawo, abasyaawe basemba babasewula khu Sissa syo’Mwami. 41Kabita mu Busuli nende mu Kurukiya, nata mu makkanisa amaani. EBIKHOLWA
Chapter 16

1Keecha koola e Deruba khandi nende Lusitula, eyali omweeki olangiwa Timosewo yikamenya, yinηηina owali Omuyudaaya khandi omufukiirisi, naye nga simwana kali omu Yonaani. 2Abafukiirisi mu Lusitula nende Ikoniyo bamulomalomakho wulayi. 3Paulo kadakha ache naye khu lukendo, manu kamukheba khulwa Bayudaaya abali nibamenya mu sifwo esyo, olwokhuba boosi bamanya baati simwana kali Omu Yonaani.4Nga nibali nibakenda okhutula mu sikko okhucha musiindi, batusanga ebyaliingi nibikhengirwewo nende abatume nende abakhuluutu mu Yerusalemi alwa batu okhukholerakho. 5Manu amakkanisa komiisiwa munfukiirira khandi kemeeda wuli ludaalo muwungi. Okhuwonekherwa Khwa Paulo Khwo’Musaacha Owe Makedoni6Paulo nende abasye bakenda mu syaalo esye Fulugiya nende Galatiya syoosi, nibamalire okhukaniwa nende Omwoyo Omwolerefu okhuwuulira emboosi mu syalo esya Asiya. 7Niboola khu nsalo ya Musiya, bakesakho okhwingira mu Bisuniya, naye Omwoyo wa Yesu sikabafukiirira okhwingira. 8Manu babitira mu Musiya bekhirira baacha mu Tulowa.9Musiro Paulo kafuna okhuwonekherwa okhwo’musaacha owe Makedoni nikemire namwekweeda ati, “Yiicha eno e Makedoni otuyeede.” 10Manu Paulo nikali namalire okhuwona okhuwonekherwa, khwetekekha wangu wene okhucha e Makedoni, nikhumaliirisa khuti Weere kali atulangire okhuwuulira enjiri yibali. Okhukalukhanisiwa Khwa Ludiya Mu Firipi11Nikhwatula e Tulowa khwengira mu’lyato khwacha muwukololofu e Samoserakiya, khandi oludaalo olulondakho khwacha e Neyapoli. 12Nikhwatula eyo khwakenda khwacha e Firipi, esitundu sya Rooma esikko esyemerera mu Disiturikiti eya Makedoni. Manu khwaba eyo endaalo echiyerakho. 13Olwa Ssabbiiti khwatula erwanyi wo mulyango okwe sikko khwaacha khu mwaalo, yikhwasubira okhuwukaana esifwo esyo’khwekalikhiramo. Khwekhala assi khwachaaka okhulomaloma nende abakhasi abali ni bewusise awo.14Mulala khwabo abatekeeresa kali mukhasi olangiwa Ludiya, owakusanga enguwo eche bbeyi okhutula mu sikko sikhuluutu esyo Suwatira, owali omwinamiri wa Weere. Omwami kekula omwoyo kwaye okhukowola mu wubakha wa Paulo. 15 Ye nende abatu abo’mudaala lyaye babatiisiwa, katulanga engo waye. Kawoola ati, “Nimuwona muuti ndi omufukiirisi mu mwami, mwiche mumenye munyumba yange.” Kecha katwegayirira. Paulo Nende Siira Mujeera.16Olundi nikhwali nikhucha mu sifwo e syo’khwekalikhiriramo, khwawukanana nende omukhana omuwambe owalikho omusambwa kukakhosesanga okhulakula ebiicha okhubawo. Kafunisa abeneye erubbya nyingi chene olwokhubalakula. 17Omukhana ono kalonda Paulo alala nende fweesi, nakhumuula ati, “Abasaacha banno bakhosi ba Weere oli amukulu lukali, ababawoolera engira eyo’khuwonesewa.” 18Sinno kasikhola endaalo nyingi lukali. Mukhwakamyayo Paulo kawona nga simuchuuna lukali manu kakalukhana kawoola omusambwa ati, “Muliita lya Yesu Kurisito nkhulagira omutulemo!” Esikha syene esyo omusambwa kwamulekha.19Ne abene mukhaana omuwambe nibawona baati esuubi lyo’khufuna erubbya liweeye, badiira Paulo nende Siira babakhuruudya babayira mu khatale eyiri abowunyala. 20Babayira eyiri abalamusi bawoola baati, “Abasaacha banno Bayudaaya, khandi bata esikko syefwe esikhuluutu mu khediimo 21bali okhwekesanga ensambo embi echitafukiirirwa efwe aba Rooma okhufukiirira oba okhukhola.”22Esidiikha syeyambaniya mu khukhubba Paulo nende Siira, manu abalamusi balagira babatusemo enguwo bakhubbwe. 23Nibamala okhubanalanaala lukali, babasukuna mujjera, balagira omulindi we jjera okhubalinda namakesi mangi. 24 Olwokhuwulira ebilagiro nga ebyo, kabata mujjera eyomukkati weene manu kabawowa amakulu kawe khu mayiingo.25Ambi musiro akaati Paulo nende Siira bekalikhiraanga khandi nibemba enyembo cha Weere, ne abawowe bandi babatekeresanga. 26Awene awo echa abawo okhudenganisiwa khwe’roba okhwa’maani lukali okhwecha khwadenganiya emisiingi che’jjera. Ekhabi lala emiryango che jjera choosi chekukha, nende enjegere chiri khunawuli mutu chanyikukha.28Naye Paulo kaalacha nawoola ati, “Oteyiita omweene! Fweesi khuli ano!” 27. Omuliindi we jjera kasisimukha, manu nikawona enjjikki che’jeera nichikukhire, kachowolayo okukhande kwaye atono wene keyite olwokhuba kabasa ati abawoye bali beyibire.29Omuliindi we’jjera kalangisa omuliro, kengira wangu natengerekha kakwa ali Paulo nende Siira. 30Keecha kabatusa erwanyi kabateeba ati, “Abakhongo, siina sinteekwa okhukhola kho mbonisiwe?” 31Bakowolamo baati, “Fukiirira mu Mwami Yesu, ocha okhuwonesewa__ ewe nende abomudaala lyawo.”32Manu beecha balomaloma emboosi yo’Mwami yaali nende boosi mu nyumba yaye. 33Mu saawa eyesiro eyo omuliindi we jeera kabayira kaboosa amawa kaawe; manu wangu wene ye nende abomudaala lyaye boosi babatiisiwa. 34Omuliindi we jjera kabaleeta munyumba yaye kabateerawo ebyokhulya; kechula esangaalo olwokhuba kali afukiriiye mu Weere__ ye nende abomudaala lyaye boosi.35Naye niwanuukha, abalamusi batuma abasirikale mujjera eyiri omuliindi we’jjera nende esiragiro baati: “Muwoolole abasaacha abo.” 36Omuliindi we’jjera kawoola Paulo ati, “Abalamusi balagiiye baati ewe nende Siira muwololwe. Wunaanu munyala okhuwaawo. Muche ne mireembe.”37Naye Paulo kaawolera abasirikale ati, “Batukhubba mu batu akaati nibataatuwosesiise, nende khuli ba Rooma khandi baatusukuna mujjera. Khandi wunaanu badakha okhutumalawo muwekisi? Bbe! Abeene beeche batutuse batuwerekese erwanyi.” 38Abasirikale beecha bawoolera abalamusi, manu nibawulira mbo Paulo nende Siira bali batu ba Rooma, beecha besindukha. 39Beecha okhubasangasa manu babayerekesa okhutula mujeera, nibabasaba batule mu sikko sikhongo.40Paulo nende Siira nibamalire okhutula mujjera, bacha mu nyumba ya Ludiya, yibawukaana abafukiirisi babakumya. Manu bamala bawawo. EBIKHOLWA
Chapter 17

1Nibali nibamalire okhubita Anfwipoli nende mu Apoloniya, beecha boola mu Sessaloniika, eyali esinaggogi sya Bayudaaya. 2Nga ensambo yaye luyali, Paulo kengira musinaggogi, mundaalo che Sabbiiti chidatu kayingana nabo mu byawandiikiwa,3nanyonyoola khandi nakhakhasa ati Kurisito syamukhoyera okhusandisiwa nokhusyuukhira mu baffu. Kawoola ati, “Yesu ono yindi okhubawulirirakho nje Kurisito.” 4Balala khu Bayudaaya bola bafukiirira beyimbaniya khu Paulo nende Siira, alala ne’sikaanda esya Bayonaani abatya Weere kho na’bakhasi aba’maani abataasi batono.5Naye Abayudaaya beecha baba nende embalikha; manu bawukula abatu babi okhutula mu khatale, bawuusa esidiikha bachaaka okhwesasaakula mu sikko sikhongo. Bacha wangu khu nyumba ya Yasooni nibakoonya Paulo nende Siira mbo babatuse erwanyi eyiri esidiikha. 6Naye nibatabawukaana, bakhuruudya Yasooni nende abafukiirisi bandi babayira eyiri abowunyala mu sikko esikhongo, nibakhumula baati: “Abasaacha banno abaletire akhediimo mu syalo syoosi wunaanu bechire ano, 7khandi Yasooni kabasangaalira kabengisa munyumba yaye. Boosi bali okhuyiinganiya amalako ka Kayisali, bawoola baati mbo aliwo omwene’ngo wundi, olangiwa Yesu.”8Nibawulira sinno, esidiikha nende abo’wunyala be sikko esikhongo syoosi basambikha. 9Beecha beyimirira Yasooni nende abandi bamala babalekhuula. Mu Beroya10Esiro nisyola siiti, abafukiirisi batuma Paulo nende Siira okhucha e Beroya. Nibola eyo, bacha musinaggogi sya Bayudaaya. 11Aba Beroya bali balayi okhukhira abe Ssesalonika. Olwo’khuba bafuna owubakha n'okhudakha lukali khandi bewunjaanga ebyawandiikiwa wuli ludaalo okhuwona Paulo bikawoola nibituufu. 12Bangi khuba Yudaaya bafukiirira, nasirala nga bangi khu bakhasi a Bayonaani abemeeresi nende abasaacha a Bayonaani bangi lubali.13Manu Abayudaaya mu Ssesalonika nibasimanya baati Paulo kali awuulira emboosi ya Weere mu Beroya, bachayo yosi, basalaniya ebidiikha nende okhubachuuba. 14Abafukiirisi wangu wene batuma Paulo khu Nyanja, naye Siira nende Timoseewo badonηηa e Beroya. 15Abasaacha abayerekesa Paulo bamuyira mu Asene bamulekha nende ebiragiro mbo Siira nende Timoseewo bamwegatekho wangu nga lusinyalikha. Mu Asene.16Paulo nikali nasibaliinda mu Asene, Omwoyo kwamuchuuna lukali okhuwona ati esikko sikhongo syali sichuuye ebifananyi ebilongalongwe. 17Manu kayingana nende aba Yudaaya musinaggogi nende aba’Yonaani abatya Weere, alala nende mu khatale wuli ludaalo nende abo ababangayo.18Omukanda kwa aba Epikulyo nende aba Firosoofwo bachaaka okhuyiingana naye. Balala khu bo bateeba baati, “Omunanaakisi ono akesakho okhuwoola ssi?” Abandi bawoola baati, “Ali nga okholerera emisambwa emikeni wussa.” Bawoola sinno olwokhuba Paulo kali awuulira emboosi endayi khu Yesu nende okhusyuukhira.19Manu beecha bamuwukula bamuyira mu lukhiikho lwa Aleyopago, yibamuwolera baati, “Khunyala okhumanyakho okhuwuulira okhuyakha khuno nga nikhuli khwooli okhutaawo?” 20Okhuleeta ebiitu ebiyaakha mu matwi kefwe, manu khudakha khumanye amakhuluutu kabyo.” 21(Aba’Asene boosi nende abateende abamenyayo bamala ebikha byawe nga bawuma sibakhola okhutusakho okhulomaloma nende okhutekeeresa emboosi njaakha.)22Manu Paulo keecha keema akaati mu lukhiikho olwa Aleyopago kawoola ati: “Basaacha ba Asene! Mbona nti mungeri choosi muli abanadiini lukali. 23Olwokhuba nga ninakenda okhwewodokhaniya natingaala wulayi ebiitu byenywe bimwinamira, nokhuwona nawona worutaari niyirikho owuwandiike wunno mbo: EYIRI WEERE OTAMANYIKHANIRE. Wunaanu yimwinamira nga esiitu simutamanyire nja okhulangirira yimuli.24“Weere owaloonga esyalo nende wuli esirimo nje Omwami owekkulu nende esyalo khandi syamenya mu byombakhe ebyombakhiwa nende amakhono ka’batu. 25Khandi syayeresewa nende amakhono ka’batu, nga odakha esiitu syoosi, olwokhuba ye omweene awa abatu owulamu nende okhuyera nende nawuli siitu syoosi.26Okhutula mu mutu mulala kakhola wuli syalo esya’batu, ati banyale okhwichusa esyalo syoosi; khandi kakhengawo ebikha byawe nende ebifwo byeene yibakhoyire okhumenya. 27Weere kakhola sinno abatu kho bamwolekho nalundi bache bamukoonye, akakhaba mbo syali ale okhutula khunawuli mulala khwifwe.28‘Olwokhuba mu ye khuliwo khandi khukenda khandi khwabaawo.’ Nga wusa abayiiya enyembo benywe nibawoola baati, ‘Khuli baana abolwiwulo lwaye.’ 29“Nolwesyo nga nikhuli abaana ba Weere, sikhukhoya okhubaasa khuuti afwana nende esabbu oba efwessa oba ekina___ ebikholewa nende amakesi no’khumanya khwo’mutu.30Khale Weere sikafwangayo khu wutamanya nga owo, naye wunaanu alagira abatu boosi woosi okhweyolobya. 31Olwokhuba katawo oludaalo lwalikhengera esyalo omusango mu wulungifu nabitira mu mutu yikatawo kekeesa owukhakhafu eyiri abatu boosi nikamusiingisa okhumutusa mu baffu.”32Nibawulira ebyokhusyuukhira okhutula mu baffu, abandi bamukhomoola, naye abandi bawoola baati, “Khudakha khandi okhukhuwulira khu mboosi yinno.” 33Khwesyo, Paulo katula mu lukhiikho. 34Abasaacha batono baloonda Paulo khandi bafukiirira. Mubo mwalimo Diyonusiyo, omunasikaanda esya Oleyopago, nende omukhasi alangiwa Damali, nende abandi alala nabo. EBIKHOLWA
Chapter 18

1Bino nibiweye, Paulo katula mu Asene kacha mu Kkoliinso. 2Eyo kawukaana Omuyudaaya olangiwa Akula, omwiwulanwa owo mu Ponto, owali nikakhecha okhutula mu Yitale nende omukhasi waye Pulisikira, olwokhuba Kulawudiyo kali alagiiye Abayudaaya boosi okhutula mu Rooma. Paulo kacha okhubawona, 3khandi olwokhuba kali omukhosi owa maweema nga nibali, kamenya khandi kakholera alala nabo.4Wuli lwa Ssabbiiti kayingananga mu Sinaggogi, nga akesakho okhukhobya Abayudaaya nende Abayonaani bamuloonde. 5Manu Siira nende Timoseewo nibeecha okhutula e Makedoni, Paulo kewaayo omweene yesi okhuwuulira nga ajjulira eyiri Abayudaaya ati Yesu nje Kurisito. 6Naye Abayudaaya nibayiinganiya Paulo bachaka okhunyeka, kasisimula enguwo chaye mu’khubayiinganiya nabawoola ati, “Amabanga kenywe kabe khumitwe cheywe chene! Nomiisa binomaloma.Okhutula wunaanu nende okhwemeedayo nja okhucha mu Bateende.”7Manu Paulo keecha katula mu Sinaggogi kaacha khu mulyango okulondakho mu nyumba ya Tito Yusito, omwikalikhiri wa Weere. 8Kulisupo, omutukki wa Sinaggogi, nende abomudaala lyaye boosi bafukiiririra mu’Mwami; khandi nende Abakkoliinso bangi abamuwulira bafukirira khandi babatiisiwa.9Oludaalo lundi esiro Omwami kalomaloma nende Paulo mukhuwonekherwa ati: “Otatya; chanakana nende okhulomaloma, otawulera. 10Olwokhuba ndi nawe, khandi yiwuma mutu ocha okhukhuseeta khandi akhuwumise, olwokhuba ndi nende abatu bangi mu sikko sikhongo sinno.” 11Manu Paulo kamenya omwaka nende esitundu, nga abasomesa emboosi ya’Weere.12Naye Galiyo nikali ni nje owesasa lye Akaya, Abayudaaya bakholera alala baseeta Paulo bamuleeta mu moni cholukhiikho. 13Bamuwabira baati, “Omusaacha onno,” ali okhukhobya abatu, “Mbo benamire Weere mu ngira echikhalaka amalako.”14Nga Paulo lukali nali ambi okhulomaloma, Galiyo kawoola Abayudaaya ati, “Nisiba mbo enywe Abayudaaya mwali mwekanyiisa khu siitu esitacha wulayi oba omusango okwamaani, syakhalimo amakhuluutu ese okhubatekeresa. 15Naye nga nisidiira khubiteebo ebidiira khu mboosi nende ameeta nende amalako kenywe keene__ abeene mubimaliirise. Esse sindaabe omulamusi khu biitu nga binno’’.16 Manu kecha kaberusya okhutula mu lukhiikho. 17Manu boosi bakalukhanira Sossene omukhuluutu owa Sinaggogi bamukhubbira mu moni cho’lukhiikho. Naye Galiyo sikafwayo bbe. Pulisikira, Akula Nende Apolo18Paulo badonηηa mu Kkoliinso olwesikha esiyera. Manu keecha kalekha abafukiirisi kawanikha amatanga kaacha e Busuuli, nali alala nende Pulisikira nende Akula. Natasiimbukha, kacha bamubekakho efwiiri lyaye e Kenkereya olwo’khwechuba khukali nakholire. 19Boola mu Efweso, yi Paulo kalekha Pulisikira nende Akula. Ye omwene kengira mu Sinaggogi kayingana nende Abayudaaya.20Nibamusaba abeekho nabo embaka ntono, kakaana. 21Ni nga nikawawo, kasuubisa ati, “Nakhakowole nikhuba okhudaha khwa Weere.” Ne awanikha amatanga okhutula mu Efweso.22 Nikakoba mu Kayisaliya, kaniina kaacha okhukheesa ekkanisa khandi kekhirira kaacha Antiyokiya. 23Nikamalakho endaalo echiyera mu Antiyokiya, Paulo kasiimbukhayo kakenda mu situndu sinno syosi syoosi nasiiri mu syalo sya Galatiya nende Fulugiya, nikomiisa abeeki boosi.24Ebyo nibisiiri awo omuYudaaya olangiwa Apolo, owiwulwa mu Alegezandereya, keecha mu Efweso. Kali omusaacha owasoma, nga amanyire lukali ebyawandiikiwa. 25Kali kekesewa wulayi engira yo’mwami, khandi kalomalomanga nende okhudakha lukali khandi kasomesanga khu Yesu mu wulungifu, nende kali amanyirekho okhubatiisa khwa Yokana khwoηηene. 26Kachaka okhulomaloma nga syatya mu Sinaggogi. Manu Pulisikira nende Akula nibamuwulira, bamulanga abakeniye engo waawe bamunyonyoola engira ya Weere mu wichuffu okhukhirawo.27Apolo nikadakha okhucha mu Akaya, abafukiirisi bamukhubbirisa khandi bawandiikira abeeki beeyo bamusangaalire. Mukhwoola, kali owowuyeedi wukali eyiri abo olwesisa abali nibafukiriiye. 28Olwokhuba kayinganiyanga lukali lwene Abayudaaya akaati mu batu, nga akhakhasa okhutula mu byawandiikiwa ati Yesu kali nje Kurisito.
Chapter 19

1Manu Apolo nikali naali mu Kkoliinso, Paulo kadiira engira kabitira mu katikati manu koola mu Efweso. Eyo kawukanayo abeeki band 2kabateeba ati, “Mwafuna Omwoyo mwolerefu nga nimwafukiirira?” Bakowolamo baati, “Bbe, khandi sikhuwulirangakho khuuti aliwo omwoyo mwolerefu.”3Manu Paulo kabateeba ati, “Ne wunaanu khubatiisiwa siina khumwafuna?” Bakowolamo baati, “Okhubatiisiwa khwa Yokana.” 4Paulo kawoola ati, “Okhubatiisiwa khwa Yokana khwali khubatisiwa okhwokhweyolobya. Kawoolera abatu okhufukiiririra mu oyo owiicha enyuma waye, nje, mu Yesu.”5Nibawulira sinno, beecha babatiisiwa okhwingira mu liita lyo’Mwami Yesu. 6Paulo nikabesakho amakhono kaye, omwoyo mwolerefu kabechakho, beemawo balomaloma mu nimi khandi bawoola ebicha okhubaawo. 7Bali ambi abasaacha ekhumi nende babiri boosi alala.8Paulo kengira mu Sinaggogi kalomalomera eyo namaani okhumala emyesi chidatu nga syatya, nayinganiya khandi nabakhobya ebiddira khu wene’ngo wa Weere. 9Naye abandi bakhaya; bakhayirira okhufukiirira khandi nga banyasa engira eya Weere alafu. Manu Paulo kabalekha. Kacha nende abeeki katesaanga nabo wuli ludaalo mu nyumba eyo’khwekeraamo mu Tulano. 10Sinno syachanakana siityo okhumala emyaka chibiri, manu Abayudaaya boosi nende Abayonaani abamenya mu syalo esya Asiya baawulira emboosi yo’Mwaami.11Weere kakhola ebyamayiya ebitabangawo nga abitira mu Paulo, 12khandi nende ebitambaara n'enguwo chaye ebyamwegeηηangakho nibabiyiriranga abalwaye baawe, endwaaye chawe chawonaanga khandi nende emisambwa emibi chabatulaangamo.13Abayudaaya bandi ababitaanga niberusya emisambwa mibi bakesakho okhukhosesa eriita lyo mwami Yesu okhutula khwabo abaliingi nibalikho emisambwa mibi. Bawolanga baati, “Muliita lya Yesu, Paulo lyawuulira, mbalagira mutule.’’ 14Abasyaani musanfu aba Sekewa omu Yudaaya omukhongo wabakhawona, bali bakholaanga sinno.15Oludaalo lulala omusambwa mubi kwabakowolamo kuuti, “Yesu mumanyire, khandi manyire ebidiira khu Paulo, nanywe niinywe banaanu?” 16 Manu omusaacha owalikho omusambwa mubi kabatuumirakho kabakhira boosi amaani. Kabakhubba enkhubba yeene eyabeerusya batula erwanyi wenyumba sichula khandi nibadaacha. 17Sinno nisyecha syamanyikha eyiri Abayudaaya nende Abayonaani abamenya mu Efweso, boosi badiiriwa owuti, khandi eriita lyo’mwami Yesu lyasingisiiwa mu luyaali olwa’mukulu.18Bangi khwabo abafukiirira wunaanu beecha mulwaatu okhweyolobya ebibi byawe. 19Bangi khwabo abakholaanga ebyeroko baletanga ebittawo byaawe alala nibabisaamba alafu. Nibabala ebbeeyi yabyo, byosi byoosi Efwessa elifu amakhumi kataanu. 20Mumbeera yinno emboosi yo’mwaami yasasaana lukali khandi yemeedamo amaani.21Bino byoosi nibiweeye, Paulo kakhengawo okhucha e Yerusalemi, nabitira mu Makedoni nende Akiya. Kawoola ati, “Nimalire okhubaayo,” “ntekwa okhukeniyakho e Rooma yosi.” 22 Katuma babiri khu bayeedi baye, Timoseewo nende Erasuto, okhucha e Makedoniya, ne omwene kadonηηa mu syalo sibalanga Asiya embaka eyiyerakho. Emyeero Mu Efweso23Ambi mubikha ebyo akwawo okhutawukha olwengira. 24Omwitanyi olangiwa Demeteriyo, owakholanga owuyumba wamasawo kefwessa owa Atemi kaleteranga abetaanyi basye erubya echitali ntono. 25Kabalanga boosi alala, na’betaanyi bandi bakali nafwananiya nabo emirimo, kabawoola ati; “Basaacha enywe, mumanyire muuti khufuna enyingisa endayi okhutula mu byasara binno.26Khandi muwona khandi muwulira nga omutu onno Paulo nasendaseendire khandi kakosya abatu bangi ano mu Efweso nende esyalo syoosi esya Asiya. Awoola ati ba were abakholewa na’batu khaba siba Weere ata nawutono. 27 Esidinyu siriwo siiti enfumwa ye’byasara byefwe sinje yoηene eyinakwe, naye nende enyumba ya were omukhongo Atemi yinemewe oluyaali, nende were mukhasi omwene, owinamirwa musitundu sya Asiya nende e syalo syoosi, acha okhunyakiwakho oluyaali lwaye olwo’wene’ngo.”28Nibawulira sinno, badiriwa ettima lukali bachaaka okhukhumula baati: “Atemi owa Efweso nje omukhongo okhira!” 29Wangu wene esikko esikhongo syoosi syatawukha. Abatu badiira Gayo nende Alisitaluuko, abakendanga nende Paulo okhutula e Makedoni, baacha nga omutu mulala okhwingira mu nyumba eye misanyo.30Paulo kadakha okhuwonekha eyiri esidiikha, naye abeeki sibamukanya. 31Ata nende abandi khu bakhongo besitundu, abeecha ba Paulo, bamutumira owubakha nibamwekweeda atakesakho okhucha kengira munyumba eye misanyo eyo. 32Olukhuηaano lwali mu wutawulirisaniya: Abatu bandi bali bakhumula esiitu sirala, ne abandi esiindi. Abatu bakhira owungi sibamanya ata lwasiina bali eyo.33Abayudaaya basiindikha Alekezanda emutwe, khandi abandi mu sidiikha bakhubba okukhero okwebiragiro yali. Kabawola bawuleere kho kewosekho eyiri abatu. 34 Naye beecha bamanya baati kali Omuyudaaya, boosi bakhubbira alala okukhero okhumala ambi esawa chibiri baati: “Atemi owa ba Efweso nje omukhongo lukali!”35Omukaraani owe sikko esikhongo kawuleesa esidiikha nawoola ati: “ Enywe abatu ba Efweso, Esyalo syoosi sisimanyire siiti esikko sikhongo esya ba’Efweso nje esyaliinda enyumba ya were eya Atemi omukhoongo nende esifananyi syaye esyakwa okhutula mwikkulu? 36N'olwesyo, khasita ebituufu binno sibinyala byekaaniwa, muteekwa okhuwuleera khandi mutatulaniramo okhukhola esiitu syoosi esibi. 37Muletire abasaacha banno ano, abakhaba mbo sibanyaka enyumba cha Weere oba bafwotokheresa were wefwe omukhasi.38Manu, nisiri mbo, Demeteriyo nende abetaanyi basye balikho no’khwekanyiisa khu mutu yeesi, enkhiikho njikule khandi abakhengi bemisango baliyo. Banyala okhuyira emisango. 39Ni aliwo esiitu syoosi esyemeedakho simudakha okhuleeta, siteekwa okhuwulirwa mulukhuηano lwa’malako. 40Nga ni siri, khuli mu wudinyu ow'okhukhengerwa omusango olwokhusasamasa olwebiitu ebikholirwe olwaleero. Mwisyo sibanyala okhusemba embeera embi yinno, nga lumuwuma esikira.” Nikamala okhulomaloma sin o, kasiiwula olukhuηηaano.
Chapter 20

1Okukhero nikwawa, Paulo katumisa abeeki khandi, nikamala okhubakumya, kabasiiwula kawawo kaacha e Makedoni. 2Kakeenda nabita mu situndu esyo, nalomaloma emboosi nyingi echikumya eyiri abatu, kho khalekhale koola mu wuYonaani, 3yikamenya emyeesi chidatu. Olwokhuba Abayudaaya bamukholera olukhwe nga nikali nali ambi akhwambukha okhucha e Busuli, kakhengawo okhukowolayo nabitira e Makedoni.4 Kacha nende Sopateri omusyani wa Paulo okhutula e Bereya, Alisutaluko nende Sekundo okhutula e Ssesaloniika, Gayasi okhutula e Derube, Timoseewo yesi, nende Turofwiimu okhutula mu situndu sya Asiya. 5Abasaacha bano bacha emutwe batulindira e Tulowa. 6Naye khwecha khwambukha okhutula e Filipi olunyuma lwe’mbaga ye migaati echitaasi mibbakhe, ne endaalo chitaanu nichibitirewo khweyimbaniya khu bandi mu Tulowa yikhwamala endaalo musanfu. Yutuko Asyukhisiwa Mu Bafu Etorowa7Khu ludaalo olwamberi mu Ssabbiiti khwecha alala okhukhalaka emigaati. Paulo kalomalomera abatu ne, olwokhuba kadakha awewo oludaalo oluloondakho, kachanakana nende okhulomaloma okhwolera erala musiro akaati. 8Yaliyo amataara mangi keene amukulu mu bisenge bye goroofwa yikhwawukananira.9Mu dinisa mwalimo omusyani omusiimbukha olaangiwa Yutuko, owali nakunukha endoolo lukali nga Paulo lukali nachanakana n'okhulomaloma. Manu endoolo nichamuyiingira, kakwa assi okhutula khu goroofwa eyokhudatu manu bamutusawo nafwiye. 10 Paulo kekha assi, kekhubba khu musyani omusiimbukha kamuwodookhaniya amakhono kaye. Kawoola ati, “Mutesiindukha, mulamu niye!”11Kamala kaniina khu goroofwa khandi manu kamekula omugaati kaalya. Nikamala okhulomaloma pakka owiire wanuukha, kawawo. 12Abatu bayira omusyani omusiimbukha engo nimulamu manu bakwa emyoyo lukali. Okhusewula Khwa Paulo Eyiri Abakhuluutu ba Efweso13Khwacha emutwe eyiri emeeri khwambukha khwacha Aso, yikhwali nikhucha okhubitira Paulo. Kali okholire entekekha yinno olwokhuba kali wokhuchayo namakulu. 14Nikatuwukaana Aso, khwamwiingisa mu meeri khwacha khwoola Emitulene.15 Oludaalo olwalondakho khwefuka okhutula eyo manu khwoola khwakobera khu Kiyo. Khandi oludaalo lwalondakho khwambukha khwacha Samo, ne oludaalo oluloondakho khwoola mu Mireeto. 16Paulo kali akhengirewo okhwambukha nabitira mu Efweso kho akhaye okhunyasa ebikha mu syalo sya Asiya, olwokhuba kali mu wangu okhwoola mu Yerusalemi, nisinyalikha, khu ludaalo olwa Pentekoti.17Okhutula e Mireeto, Paulo katumisa mu Efweso baleete abakhuluutu be kkanisa. 18Niboola, kabawoola ati: “Enywe mumanyiire erala endaalo choosi chinamenya nanywe, okhutula khuludaalo olwamberi lunoolera mu syalo sya Asiya. 19Nakholera Omwami nende omwoyo mulonga mulala nende amasika, anakhaba ninakhemewa lukali nende enkhwe echa Bayudaaya. 20Mumanyire muuti singanakanangakho okhuwulira esiitu syoosi esiri nowuyeedi yimuli naye nsomesiise lwatu khandi enyumba khu nyumba. 21Nalangirira eyiri Abayudaaya nende Abayonaani nti batekwa okhukalukhanira Weere mu khweyolobya khandi babe nende enfukiirira mu Mwami Yesu.22“Ne wunaanu, nyiingiwa nende Omwoyo, ndi okhucha e Yerusalemi, nga simanyire esinanekholekho eyo. 23Manyire nti mu wuli sikko esikhongo omwoyo omwolerefu kandawula ati ejjeera nende okhusandisiwa bintingaaye. 24. Nelubiba biityo, mbona nga owulamu wange sisitu yiindi, nisiba mbo nyala okhumala olukendo namalirisa omulimo Omwami Yesu kukamba__ omulimo okwokhuwa owujjulisi owe’njiri ye’sissa sya Weere.25“Wunaanu manyire nti yiwuma khwinywe bambitiremo nimbuulira Owene’ngo olimbonakho khandi. 26Nolwesyo, nangirira yimuli olwaleero nti mbuma musango khumabanga ka batu boosi. 27Olwokhuba singanakanire okhubatumbulira okhudakha khwa Weere khwoosi.28Mweriinde enywe abene nebyayo byoosi omwoyo Omwolerefu yikabakhola okhuba abakhebesi. Mube baayi abe kkanisa ya Weere, yikakula nende amabaanga kaye keene. 29Manyire nti ni nakhamala okhutulawo, ebinamiindi ebyalaba byakhabengiremo khandi yiwuma byayo bibirirekhawo. 30Ata nende okhutula mwinywe abene abatu balisiingira okhusakuula amasima kho basalaniye abeeki enyuma waawe.31Manu mwerinde! Mwichulise muuti mu mbaka ye myaaka chidatu sinakamanga okhubalawula sya mulala esiro ne esideete mu masika. 32“Wunaanu mbawayo eyiri Weere nende eyiri emboosi yaye eye’sissa, eyinyala yabombakha khandi yabawa owusikha mu abo boosi abalabisiwa.33Sinekomba Efwessa oba Esaabbu yo’mutu yeesi oba enguwo. 34Enywe abene mumanyire muuti amakhono kange kano kamberesiise ebiitu bindakha byoosi alala nende bangenda nabo. 35Mubiitu byoosi binakhola, nabekesa nti okhukhola na maani nga khuno khutekwa okhuyeeda abanaffu, nikhwichulisa emboosi Omwami Yesu omwene chikawoola ati: ‘Okhukaba khwa nkhabi okhukhira okhufuna.’”36Nikamala okhulomaloma binno, kasigama assi nabo boosi kekalikhira. 37. Boosi balira lukali nibamwewoyamo khandi nibamukwa mu sirifu. 38. Esyabadisya engisa lukali nje sikabawoola ati sibaliwona weni waye khandi. Manu bamala bamuwerekesa bacha naye khu meeri.
Chapter 21

1Nikhwamala okhukawukhana nabo, khwatulayo khwengira eryato munyanja lyewunja esikobero sye Koosi, oludaalo lulondakho khwacha e Rodo nikhutulawo khwacha e Patara. 2Khwakaana emeeri niyambukha niyicha e Foyiniki yikhwaninakho yadiira olukendo.3Nikhwali khucha okhwewunja Kupulo ngababita emukulu wayo, emeeri yatwosa mu Busuuli. Khwakoba e Ttuulo, emeeri yefwe yiyali niyicha okhutwikhula emikuku chayo. 4Yikhwakaana abeeki eyo, khwadonηηa nabo ejjuma enamba. Okhubitira mu Mwoyo basaba Paulo owutacha e Yerusalemi.5Naye ebikha byefwe nibiweye, khwasiingira khwawawo khulukendo lwefwe. Abeeki boosi nabakhasi bawe na’baana batuwerekesa khwatula mu sikko, khandi batwoosa khu sikobo yikhwasigama okhusaba. 6Nikhumalire okhusewulana, khwaniina khu meeri, nabo bakowoolayo engo.7Khwachanakana nolukendo okhutula e Ttuulo, khwakoba e Putolemaayi, yikhwakhesaniya nabasyefwe, yikhwadoηηa nabo okhumala oludaalo. 8Nikhuwawo oludaalo lulondakho, khwola e Kayisaliya khandi khwaba mu nyumba ya Firipo omuwuulisi we’njiri, mulala khu bo’musanfu. 9Kali nabakhana banne abali nibatadeekha abalakula.10 Nikhwali khwakhamalayo endaalo, nabbi olangiwa Agabasi katula assi e Buyudaaya. 11Kelungikha keecha yikhuli, kawukula olukhoba lwa Paulo, kawowa amakhono kaye namakulu nalwo, nawoola ati, “Omwoyo mwolerefu awoola ati, ‘Mungira yinno nje a Bayudaaya ba Bayerusalemi yibacha okhuwowa omwene no’lukhoba lunno khandi bamuweeyo eyiri abateende.’”12Nikhwawulira binno, effwe na’batu abali awo khwekwedda Paulo owutacha e Yerusalemi. 13Naye Paulo kakowolamo ati, “Lwasi mumoosa amasika ni mukhalaka omwoyo kwange? Ndi mwetekefu olwo’khutawoyewa khwonηηene, naye ata no’khufwira mu Yerusalemi khu lweriita lwo’Mwami Yesu.”14Nattanyala okhufukiirira, khwabiwaakho khandi khwawoola khuuti, “Okhudakha khwo’Mwami khukholewe.”16Abeeki bandi abatula e Kayisaliya bosi batweyimbakho khandi batuyira mu ddala lya Manasoni, yikhwali nokhuba. Kali musaacha otula mu Kupulo khandi nga mulala khu beeki batangira. Okhwola Khwa Paulo e’Yerusalemi 15. Sinno nisyawa, khwetekekhera khandi khwaniina khwacha e Yerusalemi.17Nikhwola e’Yerusalemi, abasyefwe batusangaalira lukali. 18Khuludaalo lulondakho Paulo nende efwe abadoηηire khwacha okhuwona Yakobo, nabakhuluutu boosi baliiwo. 19Paulo kabakhesa, kabakaniyayira lukali lwene Weere bikali nakholire mu Bateende okhubitira mu wuweresa waye.20Nibawulira sinno, bakiniya Weere. Nibamala nibawoolera Paulo baati: “Woona, mwaana wefwe, maliffu kanga aka’Bayudaya abanyalire okhufukiirira, ni khandi nga bafwira khulako. 21Bawoolerwa baati osomesa a Bayudaaya boosi abamenya alala na’bateende bakalukhane okhutula khu Musa, nibabawolera okhutakheba abaana bawe oba okhumenya niboseresa emiduunga che si‘Yudaya.22Khunakhole khutye? Paka banawulire baati wichire, 23nolwesyo khola nga lu khukhuwoola. Aliwo abatu banne abali ninafwe abamalire okhulayira. 24Yira banno batu, munyale okhwelabya khandi osasule amakobi, khu banyale okhubekewa emitwe chawe. Awo wuli otula amanye niyawuma amasima mubibakhulomalomakho, ne mbo ewe wamwene siwalekha owulilira mu malako.25 Ne eyiri abafukiirira Bateende, khubawandiikiye nikhubekesa esibaaso syefwe khuuti bakhoyire okhulekhana nemere ye’misambwa, okhutula khu mabanga okhutalya enyama yebyayo bimike nende esifwaabi syo’wudamba.” 26Oludaalo lulondakho Paulo kawukula abatu kacha okhwelobya nabo. Namala acha mu nyumba ya Weere okhuwa endaalo echokhulabisiwa chiriwa khandi esiwewayo sinyale okhutusiwa khulwa wuli mulala khubo. Paulo Adiiriwa27 Endaalo musanfu nichali chiri ambi okhuwa, balala khu Bayudaaya bandi okhutula mu Asiya bawona Paulo mu nyumba ya Weere. Basangulusa esidiikha sya batu, bamala bamudiira. 28Nibakhumula baati, “Basaacha ba Yisirayiri, mutuyeede! Onno nje omusaacha osomesa abatu boosi wuli awutu nabakawulakawula namalako kefwe mu sifwo sinno. Notusakho esyo, aletire a Bayoonani ambi ne nyumba ya Weere anyasise ne’sifwo syolerefu sinno.” 29(Bali bawene Turofilimu omu’Efweso nali naye mu siko esyo nali nende Paulo oludaalo lwali khu’wukhye nibasibasise baati Paulo amuletire mu sifwo syo’lerefu.)30Esikko syoosi syadumbukha na’batu batula mu wuli luwande niberukha. Baddira Paulo, bamubirikisa nibamutusa mu nyumba ya Weere, ebikha byene ebyo emiryango chebiriwa chekalwa.) 31Nibali bakesakho okhumwitta, emboosi cholera omukhulutu wabasirikale chiiti esikko sya Yerusalemi sitawukhire.32Kanguyirawo okhuwukula balala khu basirikale na’bamaye bekhirira eyali okudiikha kwali kukhubba Paulo, manu okudiikha kwa batu bali bamukhubba nibawona abasirikale na’bakhongo bawe nibecha balekherawo okhukhubba Paulo. 33Omukhulutu wa basirikale kola nadiira Paulo kalagira bamuwowe nenjegere chibiri. Namala ateeba ati ono kali nje naanu ni khandi kali akholire si.34Abandi mu kudiikha bakhumulanga esiitu sirala na’bandi esindi ne omukhongo nga lukali natengisa bibawolanga mukukhero nga syadisya masima okhwema khukukhero, kalagira ati Paulo bamuyire mu daala lyaye oba (Husiriwa sya Barakisi) 35Ne Paulo nikola khu madara kaniina amukulu, abasirikale bamukinga olwesidiikha okhwemeeda mukhutawukha no’wululu. 36Okunawungi kwa batu okwalondangakho kwemeeda okhukhumula kuuti, “Mu’mumalewo!” Paulo Alomaloma Eyiri Esidiikha37Abasirikale nibali ambi okhumwingisa mu barakisi, kasaba omukhuluutu wa basirikale ati, “Mwankhafukiirira nalomalomakho esiitu syoosi yoli?” Omukhongo kamuteeba ati, “Olomaloma oluyonani?” Naye kabakowolamo ati. 38“Siniwe Omumisiri owaleeta akhediimo watangirira ambi ano abeeti eliffu chine wabayira musichimi?”39Paulo kabakowolamo ati, “Ese ndi mu Yudaaya, otula mu Tarusisi mu Silisia omwiwulwa we’sikko sikhuluutu. Nkhusaba nomalomekho eyiri abatu.” 40Namalire okhufukirirwa nende omukhuluutu wabasirikale owo’wunyala, Paulo keema khumadara kakhosesa owuwonero okhuwunjeesa abatu. Nibawuleye bosi boosi, kabawolera mu lwi’Bbulaniya:
Chapter 22

1“Baana befwe nende ba Bbabba, mutekerese khu khwewosakho khwange.” 2Nibawulira nalomaloma mu lulimi lwe’Bbulaniya, boosi bawulera chi. Awo Paulo kawoola ati:3“Ndi mu Yudaaya, owewulwa mu Ttaaluso esyo mu Kirukiya nakhulira musikko sinno. Assi wa Gamalyeri, owasomesewa wulayi mu malako kaba kuka yefwe, naye nali omulwani wa Weere nga mwesi lumuli lero. 4Nasandyanga abaloondi be ngira yinno nimboosa khukhufwa, nadiiranga abasaacha nabakhasi nimbasukuna mu ma jjeera, 5nga bosi omulamusi mukhuluutu nenkhikho chaliwo chinyala okhujjulira. Ni khandi nafunaanga ebaruwa nichibatulamo nichichira bamwanaηηina mu Damasiko, khandi nachanga okhubenda nga bawowe nimbayira e Yerusalemi okhuwoneresewa mu jjeera.6“Ambi we’saawa mukaaga chesidete nga lunali nolerera Damasiko, wangu wene owulafu wamaani okhutula mukkulu wambonekhera wanewodokhaniya. 7Nakwa assi, nawulira ekkono nirimboola liiti, ‘Saulo! Saulo! Lwasi wumboniyawoniya? 8Nateeba nti, “’Niwe naanu, Omwami?’ “’Nise Yesu owe’Nazalesi, yoli okhusandiya,’ kakowoolamo.9Abali bamberekesa bawona owulaffu, ne sibategeera ekono lyoyo owali nalomaloma nange. 10Namuteeba nti, “’Nkhole ssi, Omwami?’ Omwami kakowolamo ati, “’Siingira weeme,’ oche mu Damasiko. Eyo banakhuwolere byoosi byolagiywe okhukhola.’ 11Abali bamberekesa bantangisamo nibandiye khu’mukhono banjosa e Damasiko, olwokhuba owulafu nga luwali owubitirira wanjofusa emmoni.12“Omusaacha yibalanganga Ananiya keecha okhumbona. Kali omusaacha odakha lukali Weere khandi nga alonda amalako khandi nga atewamo oluyaali lungi nende aba Bayudaaya abali bamenya eyo. 13Kema khuntulo anali kawoola ati, ‘Mwana wefwe Saulo, limbula!’ Awenawo nanyala okhumuwona.14“Manu kawoola ati: “Weere wa ba’Bbabba akhudooye ewe okhumanya esilaamo syaye nokhuwona amakira kaye makololofu nokhuwulira emboosi chitula mumunwa kwaye. 15Wicha okhuwa omujjulisi eyiri abatu khu byowene nende byowuliye. 16Ni wunaanu sina syolindire? Singira weme, bakhubatise khandi weyoke ebibi bikhuwekho,” no’langa erita lyaye.17“Ninakowolayo eYerusalem ninali ninsaba mu nyumba ya Weere, nali ngo’lota 18ne nawoona omwami nalomaloma ati, ‘Mangu! Tuula e Yerusalemi khangu khangu, khulwokhuba sibacha okhufukiirira owujjulisi wawo Namukowoolamo nti,19“Omwami, banno basaacha bamanyire baati natula mu khunηηano linno nacha mu lira okhuwowa khandi nokhukhubba abo abakhufukiriramo. 20. Na’mabanga koyo awakhufwirira Sitefw99ano keddikha, nemawo ninkhakhasa nininda enguwo chabo abali nibamwitta.’ 21Awenawo Weere kambola ati, ‘Cha; Niicha okhukhutuma ale eyiri abateende.’” Paulo Omwiwulanwa we’Rooma.22Okubbubbu kwa batu kwatekeresa Paulo koola kalomaloma binno. Wunaanu khubasiingisa amakkono kawe nibakhumula baati, ‘‘Mumumale khu syalo sinno omutu ofwana ati! Syakhoyera okhudonηηa nimulamu!” 23Nga lubali nibakhumula khandi nga basukuna enguwo chawe no’khuwanya oluffu amukulu, 24omukhongo weeye kalagira Paulo okhuyiriwa mu bbarakisi. Kabalagira bamukhubbe khandi bamuteebe lwasi abatu bali bamukhumusa baatyo.25 Nibali nibamukoniya khubamukhubbe, Paulo kateeba mulala khu’bakhuluutu bamaaye ati, “Siri mu malako enywe okhukhubba omwiwulanwa we’Rooma otakhengerwa musango?” 26Omukhuluutu wabasirikale emya nikawulira sinno, kacha eyiri omudumisi kamulopayo ati, “Ocha okhukholawo ssi?” “Ono musaacha mu Rooma.”27 Omukhongo weeye kacha eyiri Paulo khandi kamuteeba ati, “Mbolere oli mu Rooma?” Paulo kakowolamo ati, “Yee nje lusiri.” 28Omukhongo weeye kamukowolamo ati, “Nasasula erubbya nyingi khulwokhuba mwiwulanwa we’Rooma.” Paulo kakowolamo ati, “Ese ndi lwiwulwo lwe’Rooma.” 29Abo abali nibadakha okhumuteeba bakowolerayo wangu wene. Omukhongo weeye mwene kesindukha nikoola okhusimanya ati kali ateeye Paulo, omu’Rooma khu njegere. Mu Lukhikho.30Naye khu ludaalo lwalondakho, khulwokhuba omukhongo weeye kali adakha amanye esyene lwasi Paulo awabirwa na Bayudaaya, kamulekhula kalagira bakhawona bakhuluutu na bakhengi be’misango okhwewuusa. Naleeta Paulo khandi amwemekha akaati wawe.
Chapter 23

1Paulo kecha kakhadaasa abakhongo bolukhikho emoni kawoola ati, “Baana befwe, noseresise omulimo kwange eyiri Weere mu khutegeera khwange khulayi okhwola olwaleero.” 2Khu sinno omulamusi mukhuluutu Ananiya kalagira abali bemire ambi nende Paulo okhumupaama omunwa. 3Awo Paulo kamuwoola ati, “Weere alikhukhubba, ewe esidda sibabakha erangi erafu! Wikhala awo okhunkhengera, ngo’bitira mulako, khandi omwene wessi okhalaka amalako no’lagira oti nkhubwe!”4Abo abali nibemire ambi nende Paulo bawoola baati, “Okenda otye wanyeka omusabisa wa Weere mukhuluutu?” 5Paulo kabakowolamo ati, “Baana befwe, simbeye nintegeye nti nje omusabisa mukhuluutu; ne syawandiikiwa siiti: ‘Otalomalomanga sibi khu mutuki wa batu bawo.’”6 Naye Paulo, namanyire ati abandi khubo bali ba’Sadukaayo na’bandi bali ba’Falisaayo, nga balange mu lukhikho kawoola ati, “Baana befwe, ndi Mufalisaayo, omusyani wo’mu’Falisaayo. Nemire mu khuwosesewa olwokhuba nfukiirira mu khusyukhira khwa bafu.” 7Nikawoola sinno, okhuyiingana khwakwawo akaati wa ba'Falisaayo na Basadukaayo, nolukhikho lwakawukhanamo. 8(Abasadukaayo bawoola baati awuma okhusyukhira, khandi awuma ba’Malayika oba Emyoyo, naye Abafaalisaayo bafukiirira byoosi.)9Abawo okhukuudana okhukhongo, khandi nabasomesa bandi abamalako obolulyo lwa Bafalisaayo boosi basiingira bayingana namaani baati, “Yiwuma siitu sibi syoosi sikhuwona khu musaacha onno.” “Nisiba mbo omwoyo oba malayika amulomalomeyemo?” 10Okhuyiingana no’khukuudana khwemeeda lukali syoola omukhuluutu weeye katya ati Paulo banyala bamutandulamo otutundutundu. Kalagira abasirikale bekhe assi bamutuse khubatu namaani khandi bamuyire mubarakisi.11Esiro sirondakho Omwami keema ambi nende Paulo kawoola ati, “Wekuumye! Nga lwoweeye owujjulisi khwise mu Yerusalemi, sakira otekwa osikhole otyo nende e Rooma.” Olukhwe Lwo Khwiita Paulo12Echuli yilondakho Abayudaaya bekhoba khandi bekholamo esitole nga belayira okhutalya oba okhutaηηwa okhwola nga bettire Paulo. 13Abatu abakhira amakhumi kanne nje abali mulukhwe lunno.14Bacha eyiri omukhuluutu wa bakhawona nende eyiri abakhuluutu bawoola baati, “Khumalire okhwelayira owutalya siitu syosi syoosi okhumalakho nga khwittire Paulo. 15Wunaanu olwo, ewe nakhakhiikho nimusaba omukhuluutu wa basirikale okhumukowosa mumoni chenywe nga simuchiririra nje okhukonyeresa owujjulisi wamawulire matuufu khuye. Efwe khuli betekefu okhumwitta natola anno.”16Naye omwana musyani w’omukhana waawe Paulo nikawulira ebyo’lukhwe, kacha mubbarakisi kawoolera Paulo. 17Paulo awenawo kalanga mulala khubakhongo kamuwoolera ati, “Yira omusyani muwere onno eyiri omukhongo weeye; omuwolere oti, ‘ali nende syadakha okhumwekesa.”18Kamuyiira eyiri omokhongo weeye. Omukhongo weeye lye’mya kamuwoola ati, “Paulo, omuwoye, kantumiye omusyani kamala kansaba ndeete omusyani onno yoli olwokhuba ali nende syadakha okhukhwekesa.” 19Omukhongo weeye kadiira omusyani khumukhono, kamukowosa mulubaffu kamuteeba ati, “Siina syodakha okhumboolera?”20Kamukowoolamo ati: “Abayudaaya bafukirisanisye okhwicha bakhusabe Paulo aletewe mu lukhikho muchuli nga bekadiya baati badakha amawulire akamudirikho akakhira ako kawawulira. 21Otafukiirira ebyawe, olwokhuba abatu abakhira amakhumi kanne bamukonereye khungira munyaasi. Bamalire okhulayira owutalya oba okhunywa okhwola nga bamwittire. Betekefu wunanu, balindire owunyala wawo okhufukiirira okhusaba khwawe.”22Omukhongo weeye kasewula omusyani khandi kamulawula ati, “Otawoolerakho omutu yeesi oti wichire wambolera binno.” Paulo Achusiwa Okhucha E’kayisariya 23Manu kamala nalanga abasirikale babiri nabalagira ati, muwukule omukanda kwa basirikale emya chibiri, nsafu nga bo’khufarasi nende abandi emya chibiri abali namafumo bache a Kayisariya mu saawa chidatu esiro syolwo. 24Mutekekhere Paulo ensukhiri chanachirekho ewa Gafana Felikisi mumirembe awatali sibi okhumwolakho.25Kawandiika ebaruwa eyisoma yiiti; 26Kilaudyasi Lisia, Eyiri owo luyaali lukhongo, Gafana Felikisi: Nkhukhesakho. 27Omusaacha on o kadiiriwa na Bayudaaya khandi bali ambi okhumwiita, ne neecha nabasirikale bange namuwoniya, neecha nasimanya nti mwiwulanwa wa Rooma.28Nadakha nsimanye sibamufunana, sakira namuleeta mu lukhikho lwawe. 29Neecha nasimanya mbo sibamufunana syali sidirana na’malako kaawe, ne kali awuma omusango kwosi kwafunaniwa bamukhengere okwo’khufwa oba okhuwoyewa. 30 Ninekesewa olukhwe lubali batekekhire khu musaacha onno, namusindikha yooli muwangu. Nongera okhulagira abamufunana bekese ensonga chawe yooli.31Manu abasirikale, nga’boseresa ebilagiro, bayira Paulo musiro khandi bamwosera erala mu Antipatuli. 32Niwakhya balekha abakhubbi bensukhiri bayerekesa Paulo nabo bakowola ewawe mu bbarakisi. 33Abayerekesi niboola e Kayisariya, baweresayo ebaruwa eyiri Gafana bawayo nende Paulo.34Gafana kasoma ebaruwa kateeba esitundu sye’syalo sikali atulamo. Nikamanya ati atula mu Silisiya, 35kawoola ati, “Niicha okhuwulira omusango kwawo abakhufunana nibolire anno.” Awo nalagira ati Paulo alindiwe nabasirikale mudookho lya Kerode. EBIKHOLWA
Chapter 24

1Mu ndaalo chitaanu nichibitire khawona mukhuluutu Ananiya keecha kekha e Sirisiya nabakhuluutu bandi no’munamalako yibalanga Terutuulo, abeecha bawaayo emisango cha Paulo eyiri Gafana. 2Ne Paulo nikalangiwa, Terutuulo, kawayo omusango eyiri Felekisi ati: “Khubeye mu mirembe embaka endeyi nikhuli mu wutukki wawo, khandi okhuwona khwawo khwe’biri eyale khwaleeta enjukhachukha mu syalo sinno. 3 Wuli awutu mu wuli ngira, omukhuluutu Filekesi, khu binno khwanirisa byosi nesangaalo erye mbya ya mukulu.4Nolwo’khutakhujjoηηya ne’mboosi, nakhasabire otubeere essisa esikhunyalisa otuwulirisekho muwimbikiti. 5“Khwakaanire omusaacha onno mutu we’bidinyu, asiingisa engudana mu Bayudaaya mu syalo syoosi. Mutangirisi we’ddini lya ba Nasareti, 6kakesakho no’khwonoona enyumba ya8Nomuteberesakho wamwene wiicha okhumanya amasima katula mumisango chikhumuteyekho.” 9Abayudaaya begattakho mu khulumirisa niboomisa baati chinno misango choosi mituufu.10Manu Gafana nikali kakhamala okhumuwa ebikha nakhawonero okhulomaloma, Paulo kamukowolamo ati, “Manyire nti obeye omulamusi okhumala emyaka echiyera mu syalo siino; nolwesyo njokhutaawo okhwewosakho khwange nesangaalo. 11Onyala mu wangu okhukhakhasa niyitabitawo endaalo ekhumi nachibiri nacha e Yerusalemi mukhusaba. 13Khandi awuma onyala kakhakhasa mu moni chawo ebyo bibali okhuntaakho. 12. Abambawabira sibambukaana ninyingana no’mutu yesi yeesi mu nyumba ya Weere, oba ninsangulusa abatu mu sinaggogi oba mu sifwo syosi syoosi mu siko.14Nende biribiityo, nfukiirira nti ninamira Weere wa ba sefwe ngo mulondakirisi w'engira, yibalanga eddini. Nfukiirira mu na wuli sittu esifukirisaniya na malako nende esyawandiikiwa mu ba nnabbi, 16Nolwesyo nkhola lukali okhuwona mbo noseresa mu khu manya khwange namakesi kange okhwoseresa mu moni cha Weere na’batu. 15. Khandi ndi ne suubi mu Weere nga abatu banno, sitii alibawo okhusyukhira okhwa bombi abolerefu na’bakholi bembi.17“Nimalire embaka endeyi nimbumawo, nakowoola e Yerusalemi okhuleteera abatu bange ebiyanwa bya baati no’khwoseresa ebiwewayo. 18Mubyowuwangwa nali mwose nibambukaana ninkhola binno munyumba ya Weere. Sibambukaanakho ne’sidiikha sya batu, oba ninegatire wosi woosi mukhunyasa. 19Naye aliwo a Bayudaaya bandi mu syalo sya Asiya, abakhoyera okhuba ano mumoni chawo khandi baleeta okhweŋulunηunya khwawe nibaba nibali ne’mboosi khwise.20Oba banno abali anno bakhoyire beekese esibi sibambukaniremo nga lumbeye mumoni cho’lukhikho__ 21Okhutusakho sibeye siiti sirala sinkhubbiyekho wuuwi ninsiingiye akaati wawe: ‘Sinno nisyo esidiira khukhusyukhira khwa baffu nje esiikira nibambabira munoni chawo olwaleero.’”22 Awo Felikisi, owali mumanyirifu mu ngira yokhukaya, kasudya okhuwulirisa emboosi nawoola ati, “Lisiya omukhongo weeye lwalichira,” nje lundikhengera omusango kweηηwe.” 23 Kalagira omukhongo weeye lyemya okhulinda Paulo naye bamulekhera keyaake nende okhufukiirira abeecha okhumulabirira nebyetaago byoosi.24 Endaalo nichibitirekhowo Felikisi keecha no’mukhaye waye yibalanga Durusila owali omukhana muYudaaya. Kalangisa Paulo okhumutekeresa nalomaloma khu nfukiirira mu Kurisito Yesu. 25Ne Paulo nikali nalomaloma khu wulungifu, okhwefuka omwene, khandi nende okhukhengerwa omusango mundaalo chenjakamo, Felikisi keema katya khandi kawoola ati, “Chiwakhalomaloma chimala olwa wunaanu lekherawo! Onyala wawawo. Ne ni anabewo ebikha khandi nakhakhulange.”26Mubikha byene ebyo kali ne’suubi ati Paulo anyala kamukula, sinno syakira kamulangalanga khulalakhulala nalomaloma naye. 27Emyaka chibiri nichali chakhabita, Felikisi keecha kasikhirwa nende Porichisi Fesito, naye olwokhuba Felikisi kadakha okhusangaasa Abayudaaya, kalekha Paulo mujjeera. EBIKHOLWA
Chapter 25

1Endaalo chidatu Fesito nikolire mu syalo sinno, Fesito kaniina emukulu natula Kayisariya naacha e Yerusalemi, 2eyatula omukhuluutu wa bakhawona nabatangirisi aba'Yudaaya lubeecha mumoni cha Fesito bataawo emboosi echokhuwabira Paulo. 3Mukhubirikisya muwangu basaba Fesito, mukhudakha abakwire, Paulo akalukhanisiwe ayiriwe e Yerusalemi, khulwokhuba bali batekekha okhumwerinda khungira bamwitte.4Fesito kabakowolamu ati, “Paulo kawoyeerwa e Kayisariya, ne khandi samwene ndi okhuchayo mundaalo cha ambi. 5Mulekhe balala khubatangirisi benywe beeche khuchane bomiise bibafambya omusaacha oyo naba nende syakholire esibi.”6Namalire endaalo munaana oba ekhumi nabo, kamala kawawo kekhirira e Kayisariya, khandi oludaalo lulondakho kekhasa olukhikho kalagira baleete Paulo mumoni chaye. 7Nibaleetire Paulo, Abayudaaya abali nibatulire e Yerusalemi bamwewodokhaniya, bamuyingakho emisango chibatanyala okhukhakhasa. 8Awenawo Paulo kewosakho ati: “Awumawo sinkholire esibi esiddira khumalako ka baYudaaya oba akomu nyumba ya Weere oba eyiri Kayisali.”9Ne Fesito, olwokhudakha akwire Aba'Yudaaya, kawolera Paulo ati, “Ofukirira okhucha e Yerusalemi owosesewe mumoni change eyo khu bibakhuwabira binno?” 10Ne Paulo kakowolamo ati: “Wunaanu wuno ndi mumoni cha Kayisali, yinkhoyire khengerwe. Awuma syosi syoosi sinsobisye khu Ba'Yudaaya, nga lusimanyire wulayi wamwene.11 Nisiba siiti aliwo sinsobisye esikhoyerwa nkhengerwe okhufwa, singaana khufwa. Naye nisiba siiti aliiwo emisango chinteywekho na baYudaaya bano nichiba nichitalimo, awuma oli no’wunyala okhumbayo yibali. Njulira eyiri Kayisali!” 12Fesito namalire okhufukirisaniya no’lukhikho lwaye, kakhengawo ati, “Omalire wajjulira Kayisali. Wunaanu onache eyiri Kayisali!” Fesito Keteeba Khu Mwene’ngo Aguripa.13Endaalo ntono nichibitirewo omwene’ngo Aguripa nende Bberinike boola e Kayisariya okhuyeresa Fesito oluyaali. 14Nga lubali nibacha okhumalayo endaalo nyingi, Fesito kalomaloma khu mboosi cha Paulo no’mwene’ngo. Kawoola ati: “Aliwo amusaacha anno Felikisi yikalekha ngo’muwowe.” 15Ninacha e Yerusalemi, bakhawona bakhuluutu nabakhuluutu ba Bayudaaya bamutakho emisango khandi basaba akhengerwe. 16“Nabawoolera ati sisiri mu nsambo cha ba Rooma okhuwaayo omutu nateema mumoni cha’bamuwabira ne khandi bamuwa enkhabi okhwewosakho omwene okhwema khu bibamuwabiye.17Nibeecha anno nange, sinakhindya musango, nekhasa olukhikho oludaalo lulondakho, nalagira baleeta omusaacha mu lukhikho. 18Naba muwabira nibasiingira okhulomaloma, sibamutakho emisango chinali nimbasirisa. 19Okhumalakho, balikho notuwosiwosi tubamufambya otukudaniya nga tudiira khu ddini yawe nende khu musaacha wafwa yibalanga Yesu oyo Paulo yikali nalomalomakho ati mulamu. 20Sinamanya ngeri yokhutebereseramo emboosi echo; namuteeba nanyala okhufukiirira okhucha e Yerusalemi nje yaba awoseserwe emisango chino.21Ne Paulo nikajulira okhuwosesewa khube muwunyala wukhirawo, nalagira bakhole nibamwikalira okhwola lunakhanyalire okhumuyira eyiri Kayisali.” 22Awo Aguripa kawolera Fesito ati, “Ndakha okhumwewulirirakho omwene khu byo’musaacha onno.” Kamukowolamo ati, “Muchuli onamuwulire.” Paulo mumoni cha Aguripa.23Oludaalo lwalondakho Aguripa nende Bberiniike beecha no’luyaali lukali manu bengira abatekereesi mubekhala nabatangirisi be sikko sikhuluutu. Okhwema khu silagiro sya Fesito, Paulo kaletewa mubali. 24Fesito kawoola ati, “Omwene’ngo Aguripa, nende abali munno nafwe, muwona omusaacha anno! Abatu boosi abekhala e Wuyudaaya bawabiye omusaacha ono yindi mu Yerusalemi nende ano mu Silisiya, ni bakhubba olukhero baati syakhoyire khuba mulamu ata.25Nakaana nti awumakho nesisobyo syosi syoosi esikira abe nga keteewa, ne khulwokhuba ajjuliye eyiri omutuki mukhuluutu nakhengawo okhumusindikha e Rooma. 26Ne mbuma esilungifu syoosi sinyala okhumuwandikakho. Nolwesyo muleetire mweesi yimuli, okhukhirira elala eyiri ewe owo’luyaali Omwene’ngo Aguripa, nisinyalikha nikhumalire okhumuteberesakho khunyale okhumuwandiikakho. 27Khuba esse mbaasa si’siba syamakesi okhumuta muwikalire nintakaana omusango kwo’khumutakho.”
Chapter 26

2“Omwene’ngo Aguripa, nsimbaasa samwene okhuba ne’nkhabi eyokhwema mumoni chawo olwaleero nga lunewosakho khubitu aba’Yudaaya bibateyekho, 3no’khukhiririsa ewe oli no’wumanyirifu wenkhola nemidunga chaba Yudaaya. Nolwesyo, mbasaba muntekerese nokhwesimirisa. 1Awene awo Aguripa kawoola Paulo ati, “Ofukirirwa okhulomaloma ewe omwene.” sakira Paulo kakhosesa omukhono kwaye nachaaka okhwewosakho:4“Abayudaaya boosi bamanyire nga lunamenya okhutula mu wuwere wange, okhutula njaka owulamu wange mu syalo syange, nende ata mu Yerusalemi. 5Babeeye nibamanyire olwembaka ngali sinno banyala no’khuwa owujjulisi, nisiba mbo bafukiirira, baati okhwema okhutulira erala khu womu nende khusaga lyeddini yikhufukiriramo. Namenya ng’Omufalisaayo.6Nende wunaanu siri mbo khulwokhuba ndi nesuubi mu Weere bikalaka ba Bbaaba syaba nti ndi mukhukesewakho olwaleero. 7Khuno nje okhulakiwa khwebiikha ekhumi na’bibiri bikhulimo esuubi lyo’khuwona niryolerera nga lubadidikhana nibayeresa Weere esideete nesiro. Oo omwene’ngo, siri siityo khulwokhuba olwe’suubi linno nisyo esyemakho aba’Yudaaya bibanterakho omusango. 8Lwasi khwinywe musiyiira musibaso muuti sisinyalikha Weere okhusyukhisa abaffu?9“Ssesi samwene neecha nasimanya nti nkhoyire nkhole esinyalikha syoosi okhuyinganiya eriita lya Yesu owe Nasalesi. 10Nende nje lusyali sinakhola e Yerusalemi. Ne muwunyala wa ba Khawona bakhuluutu nata abolerefu bangi mujjera, ata nende okhwitiwa. Nakhubbirangakho akhalulu nga simbakwira. 11Makhabi mangi kanakendanga okhutula mu sinaggogi ndala okhucha muyiindi ningenderera babasandye, no’khukesakho okhubayinga no’khufwotokheresa. Mukhuwemukha khwange yibali, samwene nachanga nende mu bikko bya bateende okhubasandya.12“Mu ndala khu ngendo chinali ninja e Damasiko no’wunyala nokhutumiwa khwa ba Khawona bakhuluutu. 13Mu bikha nga sawa mukaaga chesideete, Oo Omwene’ngo, nga lunali nindi khungira, nawona owulafu okhutula mukkulu, ngawukhira oweryuba, nga wadukha okhunewodokhaniya nende abo bakhwali nabo. 14Fesi feesi khwakwa asi khuloba, nawulira ekkono nirimboola mu luliimi lwe Bbulaniya liiti, ‘Saulo, Saulo, lwasiina wunsandya? Sidinyu ewe okhutacha khu mayingo.”15Awo namala nateeba nti, ‘Niwe naanu, Omwami?’ Omwami kakowoolamo ati, “’Nise Yesu, yoli okhusandya.’ 16Wunaanu siingira omale weme tiiri. Nkhuwonekheye okhukhudoola obe ngo’mukhosi khandi omujjulisi webyo biwumbwenemo nende ebyo binja okhukhwekesa. 17Niicha okhukhuwoniya eyiri abatu bawo bene nende eyiri abateende. Ndi okhukhutuma yibali 18okhubekula emoni chawe obakalukhaniye obatuse musirema abate muwulafu, nokhutula mu maani ka setani bakowolere Weere, khu sinyalikhe bo bafune okhulekherwamo okhwe’bibi no’khufuna esifwo mwabo abalabisiwa nenfukiirira mwise.’19“Nolwesyo wunanu, omwene’ngo Aguripa, sinali ojjemera okhwekesewa khutula mwikkulu. 20Esisokha eyiri abe Damasiko, nende eyiri abe Yerusalemi na bewu'Yudaaya boosi na’bateende bosi, nawuulira nti bakhoyire beyolobye bakalukhanire Weere bakhakhase okhweyolobya khwawe okhubitira mubikholwa byawe. 21Nje esyakira aba Yudaaya bandiira mulwanyi lwe’nyumba ya Weere nga bakesakho okhunjitta.22Ne mbeye no’wuyeedi wa Weere okhwoola khu lwa leero, manu neema ano ninjulira eyiri abatono nabakhongo nasirala. Awuma simeedakho okhutuuma banabbi nende Musa bikawoola ati biribaawo__ 23ati Kurisito alisaanda nende, ng'owamberi okhusingisiwa mu baffu, kakhanjuluse owulafu eyiri abatu baye beene nende eyiri abateende.”24Nikolire awo Festo kamulya esiirimi mu khulomaloma khwa Paulo nikewosakho. “Okotire mu bibaaso byawo, Paulo!” Kakhamukha nekkono khongo ati, “Okhusoma khwawo khukali khuli okhukhuyira obe ngo’kwakho eralu mumutwe kwawo.” 25Paulo kamukowolamo ati, “Sindi mukwi welalu, Oo, omwolerefu Festo,” “Simbeye nimboola situfu khandi samwene. 26Omwene’ngo amanyire ebitu binno, manu nyala okhulomaloma nindi mulekhule yooli. Nichusiwa nti awumawo esimutumire ata sirala, khulwokhuba awuma esikholirwe mu ngodikodi.27“Omwene’ngo Aguripa ofukiiririra mu ba nnabbi? Manyire nti osikhola.” 28Olwo Aguripa kawoola Paulo ati, “Obaasa oti musikha sitono esyo onyala onkhunfukiirisa naba omukurisitaayo?” 29Paulo kamukowolamo ati, “Embaka tono oba ndeeyi__ Nsaba Weere okhutaba ssi ewe weηηene nende boosi abantekeresise olwa’leero banyale okhuba sindi, okhumalakho olwenjegere chinno.”30Omwene’ngo kasiingira, alala nende Gafana Berinike nabali bekhaye nabo. 31Nibatula musisenge, bali balomaloma mulala syamulala nibamonyesaniya, ni’bawoolana baati, “Omusaacha onno syali khukhola esinyala syamwosa khu khwitiwa oba okhuwoyewa.” 32Aguripa kawoola Festo ati, “Omusaacha onno aba kalekhuliwa khale nisiba mbo sikajjulira ewa Kayisali.”
Chapter 27

1Nisyakhengewawo siiti khunyala khwacha khu lyaato mu’Yitale, Paulo nabasibe bandi badisiwa khu mukhuluutu wa basirikale emya olangiwa Yuliyo, owali mulala khu yee lyo’wami. 2Khwaniina mu Meeri eyitula Adulamutiyo eyali niyiwawo okhucha mubikobo khuntulo we Nyanja mu syalo sya Asiya, khwacha olukendo khunyanja. Alisutaluko, e Makedoni okhutula e Ssessalonika, kali nafwe.3Oludaalo lulondakho khwakoba e Sidoni; nende Yuliyo, nesisa eyiri Paulo, kamufukiirira okhuchakho eyiri abeecha baye banyale okhumuwakho bikali nawuma. 4Okhutula awo khweta khu lukendo mu maachi khandi khwola mukhondo ya Kupulo khulwokhuba omuyaka kwali kutula yikhucha. 5Nikhwali khumalire okhubita mu Nyanja yebakaaye nikhukhalakanisye Kirukiya nende Pafuliya khusikobo, khwakoba Mula eyiri mu Lukiya. 6Awo omukhongo wa maye kakaana e meeri ya Alekesandareya eyali niyicha Yitaliiya batuta khu Meeri eyo.7Khwacha kaala emutwe endaalo nyinji khwali n’ebidinyu bingi okhukoba Kunido. Embewo sichafukiirira okhuchira khungira nungifu, khwakoba khu sikobo sye’khondo eya Kulete, eyewunjire Salumone. 8Khwakendera khu ntulo wenyanja mu wudinyu khwola mu sifwo sirangiwa esikobero silayi ambi ne’sikko sya Lasaya.9 Ebikha bingi bikhwakosya, no khuba khu maachi khwaba khwakhabi nga khutisya khuba ne’bikha ebyo byali bibitire ebyo’khusiiba. Sakira Paulo koola kabalawula ati, 10“Basaacha enywe, nsiwona olukendo lwefwe lwo’khwononokha lunaleete okhufirwa khungi enameeri ne’mikkuku, nende khuwulamu wefwe abene fesi. 11Ne omusirikale mukhuluutu wemya wolukendo esifwo syokhutekeresa Paulo bikali nalomaloma, ye kalonda khungeraka yo mufuki we meeri no’mwene meeri.12 Khuba emeeri achikoba si ali alayi lukali mu bikha bye’ttocho, abakhira owungi khwachanakana no’lukendo, nibagenderera okhwola Foyiniki nende embewo eyo. Sinno sifwo syali Kulete nga syewunja emakulu ambi ewukwa lyuba nende emukulu yewukwa lyuba. Enfwinda 13Embewo chitula emakulu nga chifuuta kaala, babaasa baati bakaanire sibali nibadakha; beesa enanga mumaachi nibakherengeta kala khu sikoobo sye Kulete.14Ebikha sibyabitawo, embunga eya’maani, eyilangiwa yiiti “wuyanja” yeeyera assi nga yitula khu sisinga. 15Emeeri yadiriwa ne’mbunga yamaani nga si sisinyalikha okhubita mu mbunga eyo; manu khwayikulira yatuyoola yatuyira. 16Nga lukhwabita mu khondo ya khasinga khatono khabalanga Kawuda, nga sikhusinyala okhwingira mu lyaato lyo khutuwoniya owulamu.17Nabasaacha nibakesakho okhukhesera khuntulo we meeri, nga babisya emikoye assi we meeri eyene yibe nga yidiriwa alala. Nga batya baati banakudiwe khu bichuma byali assi wa Suluti, besa ebitu assi ebyali amukulu wemeeri bacha ne’mbunga. 18Khwafuna okhukhubbiwa khwa’maani okhwe’nfwinda nti oludaalo lulondakho bachaaka okhusukuna emikkuku mu maachi.19Khu ludaalo olwokhudatu, basukuna ebitu bye meeri mu maachi namakhono kawe abene. 20 Ni awumawo omubasu ata eηηiniηηini echawonekhana endaalo chabitawo nyingi ne’mbunga yachanakana okhuwuucha, munjakamo khwawamo esuubi yo’khuwona.21Abasaacha olunyuma lwokhubawo nibawumakho esyokhulya olwe mbaka endeeyi, Paulo kasiingira khumakulu emutwe wawe kaamala kabawoolera ati: “Basaacha enywe, muba mwawulira okhukeraka khwange okhutachanakana nolukendo okhutula e Kulete; mwakhewonisye mwabeene okhwononokherwa no’khufwirwa. 22Ne wunaanu mbakhubirisa okhuba bagumu, olwokhuba awuma ata mulala khwinywe onakote, okhutusakho emeeri yicha okhwononewa.23Esiro sibitire malayika wa Weere oli nange khandi yimberesa kema nange 24kawoola ati, ‘otatya, Paulo. Otekwa okhugumira okhukesewakho mumoni cha Kayisali; ne khu lwesisa singi Weere okhuweye owulamu wa batu bosi boosi bokendire nabo mu meeri.’ 25Sakira musikale no’wugumu, basaacha enywe, khuba ndi nenfukiirira mu Weere nti sinakholekhane nga lukamboolera. 26Nende siri siityo, khutekwa okhwirukha khwole khulukongo lwa khasinga khandi.” Okhukhalichikha Khwe Meeri27Esiro sye’khumi nabine khwali khu siyiriwa oluwande lundi olwenyanja ya Aduliya, ambi akati wesiro abali khu meeri bacha okhuwunyirisa nibolerera khu lukongo. 28Bawukula esiipimo bawukaana amaachi nga kali efuti 120 okhucha assi. Ebikha bitono nibibitirewo bawukula esiipimo khandi bakera bawukaana amaachi nga kali efuti 90 okhucha assi. 29Mukhutya khuti khunasukuniwe khu makina, basukuna enanga chinne assi we meeri khwasaba wukhye.30 Mukhukesakho khwirukhe mu meeri, abali khu meeri besa eryato lyo’wulamu mu maachi, nibefwanirisa nga abanese enanga okhutula mu numa. 31Awo, Paulo kawolera omusirikale wemya nabasirikale ati, “Okhutusakho nga basaacha basikala ne meeri, simunanyale okhuwona.” 32Sakira abasirikale bakhenga emikoye chali chidiye eryato balirekha lyakwayo.33Owire niwali wusa ambi okhukhya Paulo kabakhubbirisa boosi balyekho. “Khuba endaalo ekhumi na chinne chali chibitire, nabawolera ati,” “Mubeye mukhutenga nimwewanikhire emyoyo khandi nga simulya__ mutalyakho syosi syoosi. 34Wunanu mbakhubbirisa okhulyakho esitu. Sidakhiwa khu mu beewo. Si ali ata mulala khwinywe onafwirwe ata akhafwiri khumutwe kwaye.” 35Nikamala wusa okhulomaloma sinno, kawukula kho khumugaati kebasa Weere mumoni chawe boosi. Awo kakukhalaka kachaaka okhulya.36Boosi bafuna amaani balyakho abeene. 37Nende nikhwali 276 feesi khu meeri. 38Nibali bakhamala okhulya wuli otula nga lukali nadakha, banguyisa emeeri nga basukuna emwo mu maachi.39Ne eryuba niryatula, sibamanyirisa olukongo, naye bawona eroba lyo’lusenye lyasondokherera mu Nyanja, bakesakho emeeri yikobe awene awo nisinyalikha. 40Becha bakhalaka enanga, chakwa munyanja mubikha byene ebyo, bakhalaka nemikoye echidiira emitalimbwa. Basingisa oluwande lwetanga olwe’mutwe, bacha khu sikobo esyo. 41Ne emeeri yatomera khu mugiggo kwo’musenye yadikhanamo. Engasi yawanda yaloba okhukalukhana, omutwe kwosi kwawukhanamo otutundutundu khulwamaani ke’nfwinda.42Abasirikale batekekha okhwitta abawowe okhubakayira okhwesoga beyibe. 43Ne omukhongo weeye emya kadakha okhuwoniya owulamu wa Paulo kecha kabakayira okhwoseresa entekekha yawe. Kalagira abali nibanyala okhusoga okhutuumira mu maachi mberi boole khu lukongo. 44Abadoηηire beddira khu bibajjo ne bitundu byembawo abyakhalikha khu meeri. Mu ngira yino wuli otula kola khulukongo awuma wudinyu. EBIKHOLWA
Chapter 28

1Nikhwamala okhwola khulukoongo, khwawukaana mbo esisinga syali sirangiwa Melita. 2Abewulanwa bo khusisinga beecha batwekesa essisa esitakaanikha. Batwakananira fweesi batuwambisirya omuliiro khulwokhuba enfula yali yikwa no’wunyifu nga wungi.3Paulo kawuusa otukhwi tunyerere omukanda, nikali natuta khumuliro, enjokha enkhola nhima, eyerusiwa olwo wubafu, yemwewowa khu mukhono. 4Ne abokhusisinga nibawona enjokha niyirerecha khu mukhono kwaye, balomaloma wuli otula eyiri owasye baati, “Omusaacha onno atekwa okhuba omwiti; asyakhaba mbo awonire okhufwira mu Kuyanja, omusango sikwicha khumukanya abe omulamu.”5Naye Paulo kakhukhumula omukhono enjokha yakwa mu muliro awumawo esyamwolakho esyakhabi. 6Abatu basuubira baati anasimbakane omubiri oba okhukwa awene awo afwe, ne nibalinda embaka endeeyi yabitawo nga awuma sibawona syoosi nisimwekholekhanirekho, bakalukhaniya ebibaaso byawe bawoola baati kali were.7 Aliwo ebyo’mbakhe byo’mukhuluutu we’sisinga, esyo olangiwa Pubuliyo katuyira ewaye yikhwamala endaalo chidatu natuliisa natusangaasa. 8Simwana kali muwuliri nimulwaye, nali no’muyaka kwo’khunyalala. Paulo kengirayo okhuwona, namalire okhumusabira, kamutakho amakhono, khandi kamuwoniya. 9Sinno nisyakholekhana abadoηηire abali abalwaye khu sisinga beecha khandi bosi bawonesewa. 10 Batuwa oluyaali mu ngira nyingi ne nikhwali khuli ambi okhusiingira khuwewo, batuwa ebyo byoosi bikhwali khudakha mu lukendo. Okhwola e’Rooma11Emyesi nichakhabitawo chidatu khwachaaka olukendo khu Kuyanja mu meeri eyali niyeyikamire endaalo che’ttocho khusisinga. Emeeri yali ey’Alekesandereya, nimbandikekho yiiti were khwana Kasito nende Polikisi. 12Khwola mu Sulakusa yikhwamala endaalo chidatu.13Nikhwatula awo khwola mu Regiyo. Oludaalo lulondakho embewo che’mwaalo chasiingira, oludaalo lulonda olwo khwola e Putiwoli. 14Awo khwakanawo abaana befwe abatulanga okhubakeniya khwamalawo ejjuma enaamba. Manu khutyo nje lukhwolera e Rooma. 15Abaana befwe eyo bali bawuliye baati khwali khwicha, batulira erala mu mukhuηηano kwa Apiyo, nende Enyumba echo’khukonamo chidatu chabawo echokhwakananiramo nafwe. Mukhuwonana na’basaacha banno Paulo kebasa Weere khandi kakowosewamo amaani.16Ne nikhwola mu Rooma, Paulo kafukiirirwa okhumenya ayeηηene, ngalindiwa no’musirikale. Paulo Awuulira e Rooma assi’wobuliindi 17Endaalo chidatu nichibitrewo kalaanga abatangirisi babatu baba Yudaaya alala. Nibali bakhesolosa, Paulo kabawoolera ati: “Baana befwe, nende mbuma sinkholire eyiri abatu befwe oba khumidunga cha ba’kuuka yefwe. Nadiriwa mu Yerusalemi bandiisya aba Rooma. 18Nibangonyeresakho badakha bandekhule, khulwokhuba bawona nga mbuma musango okwali kunfambya okhwitiwa.19Ne aba Yudaaya nibakaana, syanjulisa okhwola mumoni cha Kayisali__ si khuba mbo ndi no’musango okhuta khu batu bange. 20Sakira okhwema khu mboosi yinno nsabire okhubawona enywe nomalome ni nanywe. Siri sityo khulwe suubi eya Yisirairi okhuba mbo mboyirwe no’lujjegere luno.”21Bakowoolamo baati, “Khutafuna ebaruwa yoosi okhutula ewu'Yudaaya eyikhudiirakho, nende awuma baana beffwe abatulire eyo abatwekesise obikhufwakho oba bawoola syoosi esibi sikhudiirakho. 22 Ne khudakha khuwulire ebibaaso byawo nga lubiri, khuba khusimanyire khuuti abatu wuli awutu balomaloma ngasibadakhisa omukaanda kunno ebirayi.”23Batekekha okhwakanana nende Paulo khuludaalo lundi, nende okhwicha beecha muwungi musitundu akali namenyire. Okhutula echuli okhwola engolobe kabanyonyola no’khulangirira yibali owene’ngo wa Weere khandi kakesakho no’khubakhobya khubidiira khu Yesu okhutula khu malako ka Musa nokhutula mu ba Nnabbi. 24Abandi beecha bekutta wulayi bikabawoolera, ne abandi bakhayirira okhufukiirira.25Beecha bakaana okhufukirisaniya abene nabeene bachaaka okhuwawo Paulo namalire enomaloma yaye eyanjakamo ati: “Omwoyo mwolerefu kalomaloma amasima eyiri bakuuka yenywe nikawoola okhubitira mu nnabbi Yisaya ati: 26“’Cha eyiri abatu bano omale owoole oti, “Munawurirenge ne nga awuma simutegeera; Munawonenge ne nga awuma simwingisa.”27. Khuba omwoyo kwa’batu banno kwamala okhwikalwa; sibakhira khuwulira na’matwi kaawe, ne balimbiriye emoni chawe. nalundi bakhanyalire okhuwona ne’moni chawe, nokhuwulira na’matwi kaawe, nokhutegera ne’myoyo chawe khandi bakalukhana, khandi noola okhubawoniya.’28“Nolwesyo ndakha enywe okhumanya muuti okhuwonesewa khuno khwa Weere khwatumiwa eyiri Abateende, bacha okhutekeresa!”30Emyaka chibiri emiramba Paulo kamenya eyo mu nyumba yaye yikapangisa khandi kasangaliranga bosi boosi abechanga okhumuwona. 31Atali khutya nga’wuma abamutekatekaniya kawuulira owen’engo wa Weere khandi kasomesa ebidiira khu Mwami Yesu Kurisito.

Romans

Chapter 1

1Paulo, omukhosi wa Kristo Yesu, owalangiwa okhuba omutume khandi kateewa entulo khu lwe njiri ya Weere 2Enjiri yikasuubisa khalekhale niwusiiri nabitira mu ba nabbi mu byawandikiikiwa ebyolerefu. 3Ebidiira khu mwana waye, yi wiwulanwa waye owowutu kali omwichukhulu wa Daudi,4khandi owali mu khubitira mu Mwoyo omwolerefu kalangiwa no’wunyala okhuba omwana wa Weere nga asyukhisiwa okhutula mu bafu: Yesu Kristo Omwami wefwe. 5Okhumubitiramo nende khulweriita lyaye, khwafuna esisa nende owutume okhulanga abatu okhutula mu bateende okhuba nende owuwulise owutula mu nfukiirira. 6Khandi ewe wesi oli mu abo abalangiwa okhuba owa Yesu Kristo7Eyiri boosi mu Rooma abadakhiwa nende Weere abalangiwa okhuba abolerefu: esisa nende emirembe bibe nanywe okhutula eyiri Weere Sefwe nende okhutula eyiri Omwami Yesu Kristo.8. Okhutangira, nebasa Weere wange okhubitira mu Yesu Kristo khu lwenywe mweesi, olwokhuba enfukiirira yenywe yilomalomwakho mu syaalo syoosi. 9. Weere, oyo yinkholera no’mwooyo kwange kwoosi mu khuwuulira enjiri eyo mwana waye, mujulisi wange nga nawuli sikha nimbeechulisa 10mu khwekalikhira khwange mubikha byoosi; khandi nsaba nti wunanu khunjakamo khulwokhudakha khwa Weere engira yinyale okhunjikulirwawo niche yimuli11Ndakha okhubawona lukali kho nyale okhubataamo esiyanwa esyo mwoyo mbatemo amaani 12Okhwo, nje okhusangaaliranga alala nanywe mu nfukiirira ya wuli otula13. Sindakha mukhaye okhumanya, baana befwe, muuti natekekha amakhabi mangi okhwiicha yimuli (naye mbeye ngayirwa okhukhola ntyo okhwoosa wunanu) kho nyale okhufuna mwiinywe ebyamo, wusa nga lunafuna mu bateende. 14. Ndi nende omulimo mukali eyiri aba Yonaani nende abataasi aba Yonaani, bombi eyiri abakesi nende abasiru. 15. Sakira ndi nende amawofu okhuwuulira enjiri eyiri enywe mwesi abali mu Rooma16. Sisimambya ensoni khulwe njiri, olwokhuba maani ka Weere khu lwa oyo yeesi ofukiirira: okhuchakira khu ba Yudaaya, okhwoolera erala khu bateende. 17. Olwokhuba mu njiri owolerefu okhutula ewa Weere weyekesa, owolerefu owenfukiirira okhutula hunjaka ohwola hu njakamo, nga nisyawndiikiwa wusa siiti: “Omwolerefu anabenge mulamu olwenfukiirira.”18. Etima lya Weere liri okhwekesewa okhutula mwikulu khu boosi olwowutatya Weere nende owukhosi we bibi owa’batu abafwinyirira amasima nende owubi wawe, 19olwokhuba okhumanya ebidiira khu Weere byeta alafu yibali, olwokehuba Weere kasikhola muwulafu yibali20. Olwokhuba okhutula esyaalo silongewa ebirayi bitawonekha bya Weere owunyala waye owamaani owutakama no’wa Weere waye wo’wutu wonekheye erala, nga wutegerekhekha okhutula khwibyo ebyakholewa, kho abatu bakhaywe esyo’khwediisya. 21. Olwokhuba nende ni bamanya Weere, si bamuwa oluyaali nga Weere ata nende okhumwebasa, naye embaasa yawe yawumamo owuyeedi nende emyoyo chawe emisiru chabamo esirema.22. Abakhaba niberanga abakesi, bafuukha abasiru 23khandi bachuusa oluyaali lwa Weere otafwa batawo ebifananyi ebyakholewa okhufwanana nga omutu ofwa nende amayoni nende ebisolo nende ebyekhwesa assi24. Nolwesyo Weere kabawayo mu khudakha khwawe okhwowubi okhwe myoyo chawe mu wudamba no’khunyasanga emibiri chawe abene na’bene. 25. Becha bofwanamo amasima ka Weere bafuna owubacha, khandi benamira khandi bakholera ebitu ebyalongewa okhuhira Omulongi__ okinisiwa endaalo choosi. Amiina26. Olwa sino, Weere kabawayo eyiri owekoombi owensoni. Ata nende abakhasi baawe bachusa enkholagana yo’wuutu bakhola eyitaasi eyo’wutu. 27. Mu ngeri nasirala abasaacha bosi balekha enkholagana yo’wutu nende abakhasi khandi basambiwa nende owekombi owensoni abene na’bene. Abasaacha bakhola ebitacha nende abasaacha bandi, khandi bafuna mubene esiwonereso esibakhoyera khulwe mufuto kwawe28. Okhwemeedayo, nga nibatasibasa okhuba esirayi okhusikasa amakesi ka Weere, kabawayo eyiri ebibaaso ebibi, okhukhola ebyo ebitakhoyera okhukhola29. Becha bechusiiwa ne sambo mbi, owubi, omuluulu nende esifwabi. Bechuuye enkhiinda, owiiti, emyeero, owubacha nende okwoyo kubi. Bamoonyi, 30bawoolanira ebitacha, sibadakha Weere, banyekani, bepaaha khandi beniiniya; batawo amakira mangi akokhukhola owubi; sibawulira abewusi baawe; 31bawumamo bibaaso birayi, bawuma enfukiirira, bawuma mwoyo mulayi, si bafwaayo khu basyaawe3232. Abakhaba nibamanyire elako lya Weere ekololofu baati abo abakhola ebitu nga ebyo bakhoyera okhufwa, sibakama khu khwemeeda okhukhola ebiitu byene bino naye khandi bafukiirisaniya nende abo ababikhola.

Chapter 2

1.Ewe, nolwesyo, owuma syokhuwosa, ewe okhengera omusango owundi yesi, olwokhuba mu mbya yokhengeramo ola, oli okhweyiitta omweene, olwokhuba ewe okhenga omusango okhola ebitu nasirala. 2. Wunanu khumanyire khuuti enkhenga ya Weere eyiri abo abakhola ebitu ngebyo yiichira khu masima3. Manu ewe, omutu wusa nubakhengera omusango ne khandi ebitu nasirala nje byokhola, obaasa oti olyebachula enkhenga ya Weere? 4. Nawo wekesa owunyomi olwowuyiinda wesisa syaye, okhudiira kaala nende okhwesimirisa, nga syotegeera oti esisa sya Weere sikhuyira eyiri okhweyolobya?5. Naye khulwowutawulira khwawo nende omwoyo kwawo okuteyolobya, oli okhwebikhira ensando omweene eyokhuludaalo lwe’tiima lya Weere, enkhenga yaye enungifu luyiryekesewa. 6. Weere “Acha okhuwa nawuli mutu okhwema khu sikakhola.” 7. Eyiri abo abachanakana nende okhukhola owulayi bakonya oluyaali, enfuma no’wutafwa, alibawa owulamu owutawawo8. Naye eyiri abo abekonyera ebyawe khuwawe khandi abakhaya amasima manu balonda owubi, yiribayo ensando nende ettima. 9. Yiribayo owudinyu nende owuchuni eyiri nawuli okhola owubi: okhuchakira khu Bayudaaya, kho byole khu bateende;10naye oluyaali, enfuma nende emirembe eyiri oyo yeesi okhola wulayi: okhuchakira khu Bayudaaya, khu byole khu bateende. 11. Olwokhuba Weere sikekhubbira. 12. Boosi abakhola owubi kana nende amalako, khandi boosi abakhola owubi mumalako balikhengerwa nende amalako13. Olwokhuba abo abawuulira amalako sinje abolerefu mu moni cha Weere, naye nje abo abakhola amalako bikawoola abali langiwa okhuba bolerefu. 14. (Masima kene, Abateende, abatasi namalako, nibakhola nge’bitu nibidakhiwa mu malako, abeene mu beene lako niryo, ata nende abakhaba nibawuma amalako,15khasita bekesa baati owolerefu wa’malako wawandikiwa khu myoyo chawe, ebibaaso byawe byosi byekesa owujulisi, nende ebibaaso byawe wunanu bibolobya, wunanu khandi bibakwira.) 16. Sino sicha okhubawo khu ludaalo Weere lwa’likhengera omusango ebyaama bya’batu okhubitira mu Yesu Kristo, nga enjiri yange lu yilangirira.17. Wunanu ewe, ni weranga omwene omu Yudaaya; nuli khu malako khandi nga wefumya olwiikho lwawo nende Weere; 18. Numanyire oti okhudakha khwaye ndikhwoseresa ebikhirawo olwokhuba wasomesewa nende amalako; 19niwemanyire oti oli omwemeresi wa bawofu, owulafu waabo abali mu siirema, 20. omwekesa wa basiru, omusomesa wa baana bayere, olwokhuba mu malako mulimo amakesi namasima21. Ewe, sityo, osomesa abandi, siwesomesa omweene? Ewe owuulira khu khwiba, wiiba? 22. Ewe owoola oti abatu batakholanga owudamba, okhola owudaamba? Ewe otadakha ebilongalongwe, onyaka ebyomu nyumba ya Weere?23. Ewe owepakhira mu malako, ochalasa Weere nokhalaka amalako? 24. Nga nisyawandikiwa siiti: “Eriita lya Weere li fwotokheresewa mu Bateende khu lwenywe.”25. Okhukhebewa khulimo omugaso no’diira amalako bikadakha, ne no’khalaka amalako, oba oli nga oyo atahebewa. 26. Ni siba nga abo abatakhebewa badiira amalako nga lu kadakhiwa, si baliyiriwa nga abo abakhebewa? 27. Otakhebewa mu mubiri ni nga kosereesa amalako kakhakhengere omusango okhubakhira enywe amwakhaba mbo muli nende ebyo’wuwandiike nende okhukhebewa, muli bakhalaki ba malako.28. Omutu syaba mu’Yudaaya olwembonekha yokhumukulu yoηene, oba okhukhebewa omubiri okhwe’rwanyi. 29. Bbe, omutu mu’Yudaaya nali atyo mukati; khandi okhukhebewa nje okhukhebewa khwo’mwoyo, no’mwoyo, si khulwe’lako wandike. Okhukiniya khwo’mutu nga oyo sikhutula mu batu, naye khutula eyiri Weere.

Chapter 3

1.Manu, wulayi siina, owuli mu khuba omu Yudaaya, oba mugaso si okuli mu khukhebewa? 2. Biingi mungeri choosi! Mukhusookha khwa byoosi, beesikiwa nende emboosi chene echa Weere3. Nisiba mbo abandi sibali ne’nfukiirira? Owutaba ne’nfukiirira khwawe khumalawo enfukirira ya Weere? 4. Khaba nawutono! Weere khaabe owamasima, ne wuli mutu abe omubacha. Nga nisyawandiikiwa siiti: “Kho onyale okhumanyikha nuli omulungifu mu nomaloma khandi okhire no’khenga.”5. Naye owutasi owolerefu wefwe niwuleeta owolerefu wa Weere weyekesa wulayi, khunawole khutye? Khuti Weere musobya okhutuleetaekho ettima lyaye? (Ndi okhukhosesa embaasa yo’wutu.) 6. Masima kene bbe! Nisyakhali siityo, Weere kakhakhengeye esyaalo omusango atye?7Omutu owundi kakhayinganire ati, “Nisiba mbo owusiru wange niwutawo amasima ka Weere manu oluyaali lwaye lwemeeda, lwasina nsikhengerwa omusango nga omukhosi owe’bibi?” 8Lwasi sikhuwoola khuuti__ nga ni batuwayirisa baati nga abandi nibasiwoola baati khuwoola mbo__ “Khakhukhole owubi kho mutulemo owulayi?” okhukhengerwa omusango khwawe khukhoyera.9Wunanu khunamalirise khutye? Khukhirakho awo owulayi? Ata nawutono! Khumaliiye erala okhukhenga khuuti Abayudaaya boosi na’bateende nasirala bali mu sibi.10Nga lusyawandikiwa siiti, “Yiwuma omutu yeesi omulungifu, yiwuma ata mulala;11. Yiwuma omutu yeesi otegeera, yiwuma yesi okoonya Weere. 12. Boosi bakalukhanire, boosi alala bawuma mugaso; yiwuma okhola esirayi, ata mulala.”13“Emimiro chaawe biriindwa ebikukhire; ne’nimi chawe bakhola owubacha.” “Owusiba wamaradwaηi wuli khu minwa chawe.” 14“Eminwa chawe mwechula okhuwaaba nowuwalaba.”15. “Amakulu kawe mangu okhwiidisa amabanga; 16. Okhunyasa nende engisa bita akhawonero khungira chawe, 17khandi engira eye mirembe sibayimanyire.” 18. “Yiwumayo okhutya Weere mu moni chawe.”19. Wunanu khumanyire khuuti nawuli si lako liwoola, lisiwoola eyiri abo abali assi wa malako, kho sibe mbo nawuli munwa kuwuleresewe nende esyaalo syoosi sibekho omusango eyiri Were. 20. Nolwesyo yiwuma yeesi olilangiwa okhuba omwolerefu mu moni chaye olwokhudiira amalako; olwokhuba, okhubita mu malako nje mukhumanyira esibi.21. Naye wunanu owolerefu okhutula eyiri Weere, nolekhire amalako, khukholikhire khwa manyikhana, khu malako nende ba nnabbi bajulira. 22. Owolerefu wuno okhutula eyiri Weere wicha okhubita mu khufukiirira mu Yesu Kristo eyiri boosi abafukiirira. Yiwuma enjawulo,23olwokhuba boosi banyaasa khandi bakhaywa okhwoola mu luyaali lwa Weere, 24naye baweewa owolerefu wa wusa olwesisa syaye okhwecha okhubita okhuwonisiwa okhuli mu Kristo Yesu25. Weere kamuwayo nga esiwanwa esitusawo esibi, okhubitira mu nfukiirira mu mabanga kaye. Kakhola sino okhwekesa enkhenga yaye, khu lwokhwesimiirisa khwe’bibi ebyakholewanga khale ebitalekherwamo__ 26. Kasikhola okhwekesa enkhenga yaye ndayi khu ndaalo chino, kho abe owa masima khandi nga awa owolerefu abo abali nende okhufukiirira mu Yesu27. Manu, yena, eyiri okhwefumya? Yiwumamu. Mungeri siina? Khwisyo esyo’khulinda amalako? Bbe, naye khwisyo esye’nfukiirira. 28. Naye khwomiisa khuuti omutu aba omwolerefu okhubitira mu khufukiirira nolekhire okhulinda amalako.29. Weere nje Weere wa Bayudaaya boηηene? Sinje Weere owa’bateende bosi? Eee, owabatende bosi, 30nga ni aliwo Weere mulala yenηηene, oliwa abolerefu abakhebe olwenfukiirira khandi abatakhebewa okhubitira mu nfukiirira yene eyo31. Manu, wunanu, amalako khukamalewo olwokhufukiirira khuno? Khaba ata nawutono! Okhumalakho, khwomise amalako.

Chapter 4

1Manu wunanu khunawoole si khu Yibbulayimu, kuuka yefwe, sikafumbula mu mboosi yino? 2. Naba, mu masima, mbo Yibbulayimu kali omulungifu olwebikholwa, kali nesiitu esyokhwefumya __ naye nga si mu moni cha Weere. 3. Esyawandiikiwa siwoola siitye? “Yibbulayimu kafukiirira Weere, manu syamubalirwa nga omwolerefu.”4. Wunanu omutu nakhola, omusaara kwaye sikumubalirwa nga esiyanwa, naye kuba ngo’muddunga. 5. Ne, lu syakhaba siityo, eyiri omutu otakhola ninga kesika Weere olekheramo ababi, enfukiirira yaye yimubalirwa nga omwolerefu.6. Daudi alomaloma esitu nasirala nalomaloma khu nkhabi yo’mutu yi Weere kawa owolerefu nutusiisekho ebikholwa: 7“Bali nende enkhabi abo ba bibi byawe byalekherwamo, babibi byawe biwikhiwakho. 8. Ali nende enkhabi omutu yi mwami atalibalira esibi okhumubaakho.”9. Enkhabi yino ya bakhebewa boηηene, oba nabo bosi abatakhebewa? Khubeyenge khuwoola khuti enfukiirira ya Yibbulayimu yamuwewa nga owolerefu. 10. Syakholewa mungeri si? Syali namalire okhukhebewa, nawo nasiiri? Sisyali namalire, naye nasiiri!11Manu kafuna akhawonero akhokhukhebewa, omukhuru kwo khwomisa owolerefu kukafuna olwo khufukiirira nikali nasiiri okhukhebewa. Manu wunanu, nje saawe wa boosi abafukiirira naye nga basiiri okhukhebewa, kho owolerefu wubabalirwekho. 12Khandi yesi nje Saawe wa bakhebewa khandi nga si wukhebe wonηηene naye boosi abakendera mu ngira che’nfukirira nga Sefwe Yibbulayimu lu kakenda natakhebewa13Si syabitira mu malako mbo Yibbulayimu nende olwiwulo lwaye bafuna esisubiso mbo kakhabe omusikha we’syaalo, naye okhubita mu wolerefu owicha ne’nfukiirira. 14Nisiba mbo abo ababayo khu lwamalako basikha, enfukiirira yiwuma mugaso nende okhusuubisa khuwuma owuyeedi, 15olwokhuba elako lireeta owudinyu. Naye eyiwuma lako yiwuma okhunyasa.16Nolwesyo okhusuubisa khwiicha nende enfukiirira, khulwesisa yibe enkhabi khandi okhwoseresa eyiri olwiwulo lwa Yibbulayimu lwoosi__ si khu lwabo abo mu malako naye nende abo boosi abenfukiirira ya Yibbulayimu. Nje sefwe wa fwesi fweesi. 17Nga ni syawandiikiwa siiti: “Nkhukholire okhuba saawe owa’mawanga mangi.” Nje sefwe mu moni cha Weere, yi kafukiiriramo__ Weere okaba abafu owulamu kalanga ebitu ebitaasiwo byaba nga ebiriwo18Eyiwuma okhusuubira khwoosi, Yibbulayimu mu khusuubira atyo kecha kaba saawe owa’mawanga mangi, wusa nga nisyawoolerwa siti, “Olwiwulo lwawo lwakhabe lutyo.” 19Nga syakhendeye munfukiirira yaye, kawona amasima ati omubiri kwaye kwali khatono okhufwana wusa ngo’mufu__ nga ni kali ambi emyaka emya echo’wukhulutu ___ khandi nga enda ya Sala yoosi yali enfu20Asyaakhaba siityo sikakanaakana mu nfukiirira okhwema khubidiirak hu khusuubisa khwa Weere, naye komisiwa mu nfukiirira yaye khandi kawa Weere oluyaali, 21kasikhakhasa ati Weere kali nende owunyala okhukhola sikali nasubisise. 22Sakira “Syamubalirwakho siti mwolerefu.”

23. Emboosi chino mbo “Syamubalirwakho” si chawandikiwa khulwaye yeηηene, 24naye nende khu fweesi, ba Weere aliwa owolerefu__ eyiri efwe abamufukiiriramo owasingisa Yesu omwami wefwe okhutula mu bafu. 25. Kawewayo eyiri okhufwa khu lwe’bibi byefwe khandi kasyukhisiwa mu wulamu khulwo’wukololofu wefwe.
Chapter 5

1Nolwesyo, nga nikhumalire okhukhakhasiwa okhubitira mu nfukiirira, khuli nende omuleembe nende Weere okhubitira mu mwami wefwe Yesu Kristo, 2yikhwabitiramo khwoola okhufuna enfukiirira okhwingira mu sisa syaye mu khwemire wunanu. Khandi khwefumya mu khusubira khwo’luyaali lwa Weere3Si siityo syoηηene, naye efwe fwesi khwefumya mu nsando chefwe, olwokhuba khumanyire khuti okhusanda khwiwula okhwesimiirisa; 4okhwesimiirisa, khwiwula ensaambo; ensaambo, chewula ensubira. 5Khandi ensubira siyitumalamo amaani, olwokhuba Weere kachukha okhudakha khwaye mu myoyo chefwe nga akhosesa omwoyo omwolerefu, yikatuwa6Muwona, mubikha ebitufu byene, nikhwali nikhuwuma amaani, Kristo kafwa khu lwa bakholi abebibi. 7Si syangu omutu okhufwa nga afwira omutu mwolerefu, asyakhaba mbo omutu omulayi owundi anyala kewaayo okhufwa.8Naye Weere kekesa okhudakha khwaye okhwene yikhuli mu ngeri yino: ni khwali nikhusiiri abakholi abe’bibi, Kristo katufwira. 9Ne wunanu nga nikhutereseewe nende amabanga kaye, khucha okhuwonesewa khutye okhutula mu tima lya Weere okhubitira mu ye!10Olwokhuba nisiri mbo, nikhwali abasuku ba Weere, khwakowosewa yali okhubitira mu khufwa khwo musyaani waye, nikhumalire okhukowosewa, nga sya’maani, khuliwonesewa okhubitira mu wulamu waye! 11Sino sisiri siityo syoηηene, naye lwosi khuli abasangafu mu Weere okhubitira mu mwami wefwe Yesu Kristo, yikhwabitiramo wunanu okhufuna okhukowosewa alala.12Nolwesyo, wusa nga esibi nisyengira mu syaalo okhubitira mu mutu mulala, khandi okhufwa okhubitira mu sibi, khandi mu ngeri yino okhufwa khwecha eyiri abatu bosi boosi, olwokhuba bosi boosi banyasa 13Olwokhuba amalako nikatayeresewa, esibi syali siri mu syaalo. Naye esibi sisibaliwa atasi amalako14Ne lusyakhaba siityo, okhufwa khwafuka okhutulira erala mu ndaalo cha Adamu okhwolera erala mu ndaalo cha Musa, ata nende khwabo abatakhola esibi ni bakhalaka ebiragiro, nga Adamu nikakhola, owali esifwananyi syooyo ocha okhwicha. 15Naye esiyanwa si siri siityo, olwokhuba bangi nibafwa olwesisobyo syo’mutu mulala, esisa sya Weere nende esiyanwa esyecha khulwe’sisa syo’mutu mulala, Yesu Kristo, syamalaalira khu bangi!16Khandi, esiyanwa sya Weere sisiri nga esitula mu sibi syo’mutu mulala: okhukhenga omusango khwalonda esibi sirala syaleta okhukhengerwa, naye esiyanwa syalonda bangi abakhyama syaleta owolerefu. 17Olwokhuba siba mu bo, okhukhyaama khwa mulala, okhufwa khwafuka okhubitira mu mutu oyo mulala, okhukhirira erala abo boosi abawewa esisa sya Weere esibitiriye esyo’wolerefu balifukira mu wulamu okhubita mu mutu mulala oyo, Yesu Kristo.18Esitulamo, okhuba nga omukhyamu mulala ni katulamo abatu bosi boosi okhukhengerwa, nasirala siityo esitula mu mwolerefu mulala syali esyokhuwa owulamu eyiri abatu boosi. 19Khandi nasirala okhubita mu wutawulira wo mutu mulala nga owutawulira wo’mutu mulala niwaleetera abangi okhuba abakholi be’bibi, sityo okhubita mu khuwuulira khwo’mutu mulala bangi balikholewa abolerefu20Elako lyameedewakho kho owukhyaamu wemeede. Naye esibi yisyemeedera, esisa syemeeda lukali okhukhirakhoowo, 21kho nga, esibi nisyafuka mu khufwa, kho esisa syoosi sityo sinyale okhufuka okhubitira mu wolerefu okhuleeta owulamu owutaliwawo okhubitira mu Yesu Kristo omwami wefwe.

Chapter 6

1Khunawoole si, manu? Khuchanakane nende okhukhola owubi kho esisa syemeede? 2Yiwuma engeri! Khwafwa khulwe’sibi; khunyala khutye okhusimenyamo lundi? 3Oba simumanyire muuti efwe fwesi fwesi ababatiisiwa mu Kristo Yesu khwabatiisiwa mu khufwa khwaye?4Nolwesyo khwasiikhiwa alala naye okhubitira mu khubatiisiwa okhucha mu khufwa kho, wusa nga Kristo ni kasingisiwa okhutula mu bafu okhubitira mu luyaali olwa simwana, fwesi khunyale okhubawo mu wulamu owuyakha. 5Nikhuba ni khwawambanisiwa naye khuuti mu khufwa khwaye, masima lwosi khuliyambanisiwa naye mu khusyukhira khwaye.6Olwokhuba khumanyire khuuti owutu owukhale wefwe wakhomererwa alala naye kho omubiri kwesibi kumaliwewo, kho khukhaye okhuba khandi abaambe khu sibi 7olwokhuba omutu yeesi owafwa kalekhuuliwa okhutula mu sibi.8Wunanu nikhuba nikhwafwira alala nende Kristo, khufukiirira khuuti fwesi khulimenya naye. 9Olwokhuba khumanyire khuuti khasita Kristo kasingisiwa okhutula mu bafu, syanyala okhufwa khandi; okhufwa si khusimulikho owunyala10Enfwa yikafwa, kafwa khu sibi ekhabi erala; naye owulamu wali nawo, ali nawo nende Weere. 11Mu ngeri nasirala, mwebale abeene nga abafwa mu sibi naye abalamu mu Weere Kristo Yesu12Nolwesyo otakanya owutu we’sibi okhufuka mu mubiri kwawo okulifwa kho ofukiirire ebikholwa byakwo ebibi. 13Otawangayo ebitundu byo’mubiri kwawo eyiri esibi, nga ebyokhukhosesa mu wubi, naye mweweyo eyiri Weere, nga abo abatusiiwe mu khufwa okhucha mu wulamu; khandi muweyo ebitundu bye mibiri chenywe yaali nga ebyokhukhosesa mu wolerefu. 14Olwokhuba esibi sisicha okhubafuka, olwokhuba simuli mu wunyala owa malako, naye mu wunyala owesisa.15Wunanu sina? Khukhole esibi olwokhuba sikhuli mu malako naye khuli mu sisa? Yiwuma engeri! 16Si mumanyire muuti ni mwewayo eyiri omutu yeesi okhumufukiirira nga abaambe, muli abaambe eyiri oyo yimufukiirira oba muli abaambe be sibi, esitulamo okhufwa, oba owuwulise, owutulamo owolerefu?17Naye mwebase Weere mbo, amwakhaba ni mwaliingi abaambe mu sibi, mwafukiirira nende omwooyo mulala ensomesa yi babadisya. 18Mwalekhuliwa okhutula mu sibi manu mufukhire abaambe mu wolerefu.19Nta sino mu mbaasa yo wutu olwokhuba muli abanafu muwutu wenywe. Nasirala nga ni mwawangayo ebitundu bye mibiri chenywe mu wuwambe khu wudamba nende khu wukhosi owowubi owutakama, manu wunanu mubiweyo mu wuwambe khu wolerefu okhucha khu wulungifu. 20Ni mwalingi abaambe khu sibi, mwalingi abalekhule okhutula khu wolerefu. 21Wulayi siina wumwakesa mubikha ebyo okhutula mu bitu wunanu ebibadisya ensoni? Ebitu ebyo bitulamo okhufwa!22Naye wunanu nga nimuli abalekhuule okhutula mu sibi khandi muli abaambe khu Weere, amagoba kamufuna kabayira khu wolerefu, khandi esitulamo nje owulamu owutawawo. 23Olwokhuba omusaara kwe sibi nje okhufwa, naye esiyanwa sya Weere nje owulamu owutawawo mu Kristo Yesu omwami wefwe.

Chapter 7

1Khaba simumanyire, baana befwe__ olwokhuba ndi okhulomaloma nende abatu abamanyire amalako__ nga amalako kali no’wunyala khu mutu naba nasiiri mulamu?2Esyo’khuwonerakho, mu malako omukhasi owadeekha afukiwa nende wamwe khasita wamwe aba ni mulamu, naye wamwe nafwa, alekhuliwa okhutula mu malako akokhudekhesaniya. 3Manu no’lwesyo, nadeekhera omusaacha wundi wamwe nasiiri omulamu, alangiwa omudamba. Naye wamwe nafwa, alekhuliwa okhutula mwirako eryo nga wunanu simudamba, akakhadeekhera omusaacha wundi.4Manu, baana befwe, mwesi mutyo mwafwa khu lako okhubitira mu mubiri kwa Kristo, kho munyale okhuba abokundi, khu oyo owasingisiwa okhutula mu bafu, kho khunyale okhwamira Weere ebyaamo. 5Olwokhuba nikhwali nikhufukiwa nende owubi owomubiri, owekombi owubi owusiingisiwa nende amalako wali khumulimo mu mibiri chefwe, kho khwewula ebyaamo ebyo’khufwa.6Naye wunanu, okhufwira khu esyo esyali ni syatuwowa, khulekhuliwe okhutula mu malako kho khukholere mu ngira embyaakha eyo’mwooyo, okhulekha mu ngira enkhale eyo’wuwandiike.7Khunawoole khutye, manu? Amalako sibi nisyo? Masima bbe! Masima kene sinakhamanyire esibi nga nisiri okhutusakho okhubitira mu lako. Olwokhuba sinakhamanyire owekombi nga niwuli singa amalako sikawoola kaati, “Otekombanga.” 8Naye esibi, okhwakamya enkhabi okhunyalisa esiragiro, syewula mwise engeri choosi echo’wekoombi. Olwokhuba atasi amalako, esibi siba sifwiye.9Nga lunali omulamu atasi amalako; naye esiragiro nisyecha, esibi syasyukhirira owulamu manu nafwa. 10Nawukaana mbo esiragiro syeene esyo esyali masima esyokhuleta owulamu wunanu syaleta okhufwa11Olwokhuba esibi, nisyawukula enkhabi eyayeresewa namalako, syambacha, khandi okhubitira mu siragiro syanta mu khufwa. 12Manu siityo, elako lyolerefu, khandi esiragiro syolerefu, silungifu khandi sirayi.13Esyo esyali esirayi, khandi, syecha syaba okhufwa yindi? Yiwuma engeri! Naye esibi kho simanyikhe nga esibi, syewula okhufwa mwise okhubitira mu wali owulayi, kho okhubitira mu siragiro esibi sibe esibi syeene alafu. 14Khumanyire khuuti elako lyo’mwoyo; naye sindi owo’mwoyo, nakusiwa nga omuwambe khu sibi15. Sintegeera binkhola. Olwokhuba bindakha okhukhola sinkhola, naye bintadakha okhukhola nje binkhola. 16. Manu ninkhola bintadakha okhukhola nfukiirira nti amalako malayi17. Nga nisiri, sinsiiri ese omwene owasikhola, naye esibi esimenyiremo. 18. Manyire nti yiwuma esirayi esyamenyamo, amakhulutu mbo, mu wulamu wange nga omutu. Olwokhuba ndi nende okhudakha okhukhola esirayi, naye sinyala okhusikhola.19. Olwokhuba sinkhola sinje esirayi sindakha okhukhola; bbe, esibi sintadakha okhukhola__ sino njanakana ninkhola. 20. Wunanu ninkhola sintadakha okhukhola, si nsiiri nise osikhola, naye esibi esimenyiremo nje esisikhola. 21. Manu mbukaana elako lino nirikhola: Nindakha okhukhola wulayi, esibi siri wusa awo nange.22. Mu wutu wange wo’mukati nsangalira amalako ka Weere; 23. naye mbona elako lindi nirikhola mu bitundu byange ebyo’mubiri ebindi, nirilwanakana nende elako eryesibi syange nirindetera okhuba omuwoye owerako nirikholera mubitundu byange.24. Nga ndi omutu owe’bikosi! Nanu anamoniye okhutula mu mubiri kuno okwo’khufwa? 25. Weere kebasiwe__ okhubitra mu Kristo omwami wefwe! Manu siityo, ese omwene mubibaaso byange ndi omuwambe mu malako ka Weere, ne mu wutu mbeera eye’sibi ndi omuwambe assi we’lako lwe’sibi.

Chapter 8

1.Nolwesyo, yiwuma wunanu omusango eyiri abo abali mu Kristo Yesu, 2. Olwokhuba okhubitira mu Kristo Yesu elako eryo’mwoyo okwo’wulamu lyandekhula okhutula mwirako eryesibi nende okhufwa.3. Khuba erako biryali niritanyala khukhola khulwo’wunafu wo’wutu we’sibi, Weere kasikhola nga atuma omwana waye yeηene munfwani eyo’mutu we’sibi okhuba esiyanwa sye’sibi.Khulwesyo kakhengera esibi mu mutu owesibi, 4. kho ebidakhiwa ebyo’wolerefu owamalako wunyale okhutuwonekhamo mu wichufu, otabawo olwo’wubi owomubiri naye nga khulwomwoyo. 5. Abo abaliwo khulwowubi womubiri emyoyo chawe chiba khwibyo bimubiri kwaawe kwekomba; naye abaliwo khulwo mwoyo baliwo okhwema khuwekombi omwoyo bikudakha6. Ebibaaso ebyo’mutu mubi nje okhufwa, naye ebibaso ebifukiwa nende omwooyo nje owulamu nende emirembe; 7. Esibaaso esibi syakhabi eyiri Weere. Si siwulira amalako ka Weere, khandi sisinyala okhukhola siityo. 8. Abo abafukiwa nende owubi owomubiri sibanyala khusangasa Weere.9. Enywe, manu, abatafukiwa nende owubi owomubiri naye nende omwoyo, omwoyo wa Weere naba nikabamenyamo. Omutu yeesi otali nende omwoyo wa Kristo, si waKristo. 10. Naye Kristo kaba nakhulimo, omubiri kwawo mufu khu lwe sibi, ate nga omwoyo kwawo mulamu khu lwo’wolerefu.11. Khandi oyo owasyukhisa Yesu Kristo okhutula mu khufwa kaba nikamenya mwiinywe, oyo owasyukhisa Kristo okhutula mu bafu yesi alibawa owulamu mu mibiri chenywe echifwa okhubitira mu mwoyo kwaye, owamenya mwinywe.12. Nolwesyo, baana befwe, khuli nende omulimo__ ninga sikwemibiri chefwe echo’wubi, okhumenya nga nichidakha. 13. Olwokhuba nimumenya nga emibiri chesibi nichidakha, mulifwa; naye ni mumenya mu mwoyo muta ebibi byo’mubiri mu khufwa, muliba abalamu.14. Olwokhuba abo abatangirirwa nende omwoyo wa Weere baana ba Weere. 15. Olwokhuba simwafuna omwoyo obakhola mwaba abaambe lundi eyiri okhutya, naye mwafuna omwoyo okwo’mwaana. Khandi khu lwaye khulira khuti, “Abba, Bbaabba.”16. Omwoyo omwene ajulira alala nende omwoyo kwefwe ati khuli baana ba Weere. 17. Wunanu nikhuli abaana, manu khuli abasikha__ abasikha ba Weere khandi abakholera alala nende Kristo, khwaaba masima kene nikhukabana mu khusanda khwaye kho fweesi khube nga khukabanira alala mu luyaali lwaye.18. Mbaasa nti okhusanda okhwa wunanu sikhufwana nende oluyaali olulyekesewa mwifwe. 19. Ebyalongewa birinda nende amawofu nokhusuubira abaana ba Weere okhwekesewa.20. Olwokhuba ebilonge byali nende owuchuuni, ne silwokhudakha khwabyo, naye khulwokhudakha khwoyo owaleta owuchuuni, nasubira ati 21esironge syene sinetuse mu wuwoye owokhuwola syaletewa mu luyaali olwokhulekhuliwa okhwabaana ba Weere. 22. Khumanyire khuuti ebironge byosi bibeye byekaniya mu wuchuni owokhwiwula okhwolera elala mubikha binno23. Si bityo byoηηene, naye efwe abeene, abali nende ebyaamo ebyamberi ebyo’mwoyo, khuchunisiwa mukati nga nikhulinda okhuwukuliwa nga abaana ne’suubi, okhuwukuliwa okhwemibiri chefwe. 24. Olwokhuba mu khusuubira khuno khwawonesewa. Naye okhusubira okhuwonekha sikhusubira khwene bbe. Nanu osuubirira mwisyo sikamala okhufuna? 25. Naye ni khusubirira mwisyo sikhusiiri okhufuna, khusiriinda nende okhwesimiirisa.26. Mu ngeri nasirala, omwoyo atuyeeda mu wunafu wefwe. Sikhumanyire sikhukhoyire okhwekalikhira khufune, naye omwooyo omwene kengirawo khulwefwe mu wuchuni we mboosi chitanyala okhutumbuliwa. 27. Ne oyo okonyeresa mu myoyo chefwe amanyire ebibaso ebyo’mwoyo, olwokhuba omwoyo kengirawo eyiri abolerefu nga achiira khu bi Weere adakha.28. Khandi nsikhakhasa nti mu bitu byoosi Weere akholera ebirayi abo abamudakha, abalangiwa olwesigendererwa syaye. 29. Olwokhuba abo Weere kamanya khale kabafwananiya nende omwana waye, kho anyale okhuba owamberi akati mu bamwanaηηina bangi. 30. Nende abo bakangalamo, khandi kalanga; abo bakalanga khandi kabakhola abalungifu; abo bakakhola abalungifu, khandi kabawa oluyaali.31. Siina, manu, sikhunawoole mu khukowola mu sino? Weere naba nali nafwe, nanu onyala katuyiinganiya? 32. Oyo otalekha omwana waye mwene, naye kamuwayo khulwefwe fweesi__ khandi lwasi alala naye musisa syalituwa ebitu byoosi?33. Nanu oliwabira omusango kwoosi abo Weere bakangala? Weere nje owa owolerefu. 34. Nanu oyo okhenga omusango? Kristo Yesu, owafwa__ okhukhira awo, owasiingisiwa mu wulamu__ ali khu mukhono omulungi okwa Weere khandi otukwiira eyiri Weere.35. Nanu olitukawukhaniya okhutula khu khudakha khwa Kristo? Yiriba engisa oba owudinyu oba okhusandisiwa oba enjala oba okhuba sichula oba akhabi oba okukhande? 36. Nga nisyawandiikiwa siiti: “Khululwo khuli bakhufwa wuli ludaalo; Khuli nga amakondi kabacha okhwita.”37. Bbe, mubitu ebyo byoosi khukhirakho abawangusi okhubitira mu ye owatudakha. 38. Olwokhuba nsikhakhasa nti oba okhufwa oba owulamu, sibamalayika simisimu, siwunanu siyiwichayo, simaani koosi, 39siwuleeyi oba okhwiikha asi, oba esitu syoosi muwulonge, esirinyala okhutukawukhaniya okhutula khu khudakha khwa Weere okhuli mu Kristo Yesu omwami wefwe.

Chapter 9

1Ese nomaloma amasima mu Kristo__ khaba simbacha, ebibaaso byange bisyomiisa mu mwoyo omwolerefu__ 2. Ndi nende engisa engali nende owuchuni owutaakama mu mwoyo kwange.3. Olwokhuba nakhadakhire ese omwene mbwawibwe khandi nkhengewekho khu Kristo khu lwa’baana befwe, abo abolwiwulo lwange lwene, 4. Abatu ba Yisirayiri. Esyawe nje okhuwukuliwa nga abaana abolwiwulo olwo; esyawe oluyaali lutali lwa nawuli ludaalo, elakano, okhuweresewa khwamalako, enyumba yo’khwekalikhiramo nende ebyasubisiwa. 5. Esyawe nje bakuka yawe, khandi okhubatulamo nje okhukonyeresa owutu wa Kristo yikatula, nga nje Weere okhira boosi, okinisiwa endaalo choosi! Amina.6. Sisiri siti emboosi ya Weere yali yikhayire. Olwokhuba sisiri mbo boosi abatula mu Yisirayiri ba Yisirayiri. 7. Sisiri mbo olwokhuba batula mu ye boosi baana ba Yibbulayimu. Sinje siri. “Siri mbo okhubitira mu Isaaka olwiwulo lwawo nje mu lunalangirwanga.”8. Mu ngeri eyindi, abaana abo’mubiri sisiri mbo nje abaana ba Weere, naye nje abaana abasuubisiwa ababaliwa nga abolwiwulo olwa Yibbulayimu. 9. Olwokhuba khutyo okhusuubisa nje lukhwali mbo: “Mu bikha ebidoole nakhakowole, khandi Ssaala alifuna omwana omusyani.”10. Si esyo syoηηene, naye abaana ba Lebbeka bali nende mulala khandi saawe mulala, Ssefwe Yisaaka. 11. Ate nga, amakhwana nikatewulwa oba kakhola esitu esirayi oba esibi__ kho esigendererwa sya Weere mu khwangala sibewo: 12. silwa bikholwa naye khu lwoyo olanga__ bamuwolera baati, “Omukhulutu alikholera omuyere.” 13. Nga nisyawandiikiwa siiti: “Yakobo namudakha, naye Esau namusyuula.”14. Manu wunanu khunawole khutye? Weere kekhubbira? Khaba ata nawutono! 15. Olwokhuba awolera Musa ati, “Ndiba nesisa khu oyo yindi nesisa, khandi ndisaasira oyo yinsaasira.” 16. Manu sisiba sityo, nolwesyo, syema khukhudakha khwo’mutu oba amaani, naye okhusasira khwa Weere.17. Olwokhuba ebyawandiikiwa biwolera Falaawo biiti: “Nakhusiingisa amukuli khu lwe sigendererwa syene sino, khonyale okhwekesa amani kange mwiiwe khandi eriita lyange linyale okhuwuulirwa mu syaalo syoosi.” 18. Nolwesyo Weere ali nende esisa khu oyo yadakha okhufuna esisa, khandi angalasa yadakha okhuwangalala.19. Mulala khwinywe anambolere ati: “Ne wunanu lwasi Weere asitwolobya? Olwokhuba nanu oyinganiya okhudakha khwaye?” 20. Naye ewe niwe nanu, omutu wutu okhukowola mu Weere? “Esyakholewa sinyale okhuwoola owasikhola siiti, ‘Lwasi wankhola oti?" 21. Omulongi owentamu syali nende owunyala mwiroba lala eryo okhulongamo entamu eyemikholo emikhulutu ne eyindi nga yakhukhosesa wuli ludaalo?22. Ne singa Weere, nakhengawo okhwekesa etima lyaye kakhola owunyala waye okhumanyikha, khakira kesimirisira abo abamudiisa etima__ abatekekhewa okhusikhirisiwa? 23. Naba nikakhola sino okhukhola owuyiinda owo’luyali lwaye okhumanyikha eyiri ebitu bye sisa syaye, bakali natekekheeye khale oluyaali 24ata fwesi, bakalanga, sikhutula mu Buyudaaya mwoηηene naye okhutula nende mu Batende?25. Nga nawoola mu Koseya ati: “Ese ndibalanga ‘abatu bange’ abatasi batu bange; khandi ndimulanga ‘omukoosi wange’ otaasi omukoosi wange,” 26khandi, “Syakhekhole siityo mu sifwo syene mubawolerwa baati, ‘simuli batu bange,’ balilangiwa ‘abaana ba Weere mulamu.’”27. Yisaaya alirira amukulu ebidiira khu Yisirayiri ati: “Asyakhaba mbo owungi wa Bayisirayiri wuli nga omusenye okwo’khunyanja, batono abaliwonesewa. 28. Olwokhuba Weere acha okhukhenga omusango khu syaalo muwangu namaliiriye.” 29. Siri wusa nga Yisaaya nikawola khale ati: “Okhutusakho nga omwami owowunyala katulekha efwe olwiwulo lwaye, khwakhali khuba nga Sodoma, khandi khwakhali khufwana nende Ggomola.”30. Manu khunawoole khutye? Khuuti Abateende, abatakonyakho owolerefu, bawufuna, owolerefu owenfukiirira; 31naye Yisirayiri, owaloonda elako eryo’wolerefu khaba syafunire.32. Lwasi? Olwokhuba basironda si khulwe’nfukiirira wusa naye byaba oti byali bya bikholwa. Bekumula “khukina erye kumulwakho.” 33. Nga nisyawandiikiwa siiti: “Wona, nta ekina mu Sayuni erikira abatu bekumula khandi olwanda olubaletera okhukwa, khandi oyo omwesika syaliwambikha ensoni.”

Chapter 10

1Baana befwe, okhudakha khwo’mwoyo kwange no’khusaba eyiri Weere khulwa ba’Yisirayiri siri mbo banyale okhuwonesewa. 2. Khulwokhuba nyala nabawakho owujjulisi nti bo bali nesinani khu bya Weere, ne’sinani syawe sisiri khulwa’makesi kawe, oba okhumanya. 3. Khuba sibali nibamanyire owolerefu owiicha owutula eyiri Weere babasa batewo owawe, sibamala bewayo eyiri owolerefu wa Weere.4. Kristo nje syakamo syelako khu sinyalikhe owolerefu wube khu wuli mutu ofukirira. 5. Musa kanjulusa owolereffu mu ngira yelako! “Omutu okhola ebitu bino alibawo khu lwa’byo.”6. Ne owolerefu owubitira munfukirira wuwoola wuti: “Otasiwoola mu mwoyo kwawo, ‘Nanu olinina mwikulu?’” (Nje sino, okhwisa Kristo assi) 7. “Oba ‘nanu oliikha okhucha assi?’” (Nje sino, okhusingisa kristo mu bafu).8. Ne siwoola sitye? “Emboosi yiri ambi nawe! Yiri mu munwa kwawo nende mu mwoyo kwawo,” eyo nje, emboosi yenfukirira yikhulangirira: 9mbo nomala watumbula no’munwa kwawo oti, “Yesu nje Omwami,” khandi wafukirira mu mwoyo kwawo oti Weere kamusyukhisa mu bafu, oliwonesewa. 10.Situla khu’mwoyo kwawo oba ngo’fukirira okhu’funa owolerefu, khandi no’munwa kwawo obe nga weyolobya khandi wawonesewa.11. Nga ebyawandiikiwa lu biwoola, “Omutu yeesi omwesika syaliswasiwa.” 12Khuba awuma esikawukhaniya akati wo’mu Yudaaya no’muteende__ omwami mulala oyo mwami eyiri bosi boosi khandi awera erala enkhabi abo abacha yali, 13khuba, “wuli mutu olanga eritta eryo’mwami aliwonesewa.”14. Sinyalikha sitye, olwo, okhulanga eritta eryo oyo yibatafukiriramo? Khandi banyala batye bafukirira mu oyo yibabatawuliye? Khandi banyala bawulira batye awuma omutu obawuuliriiye? 15. Khandi banyala batye okhuwuulira okhutusakho nibatumirwe? Nga lusyawandikiwa siiti, “Nga syesimisa eyiri amakulu kabo abaleta amawulire malayi!”16. Ne abaYisirayiri boosi sibafukirira emboosi ndayi. Khuba Yisaya awoola ati, “Omwami, nanu owafukirira emboosi chefwe?” 17. Esyo’khwekhalirisa, enfukirira yitula khu khuwuulira owubakha, khandi owubakha wawuliirwa okhubitta mu mboosi ya Kristo.18Ne nteba nti: Sibawulira? Sikhakhasiwa bawulira: “Amakono kawe kawulirikha mu syaalo syosi syoosi,embosi chawe cholire esyaalo yisyakama.”19. Khandi nteeba nti: Yisirayiri siyatekegeera? Esisokha, Musa awoola ati, “nja okhuba owe’mbalikha khwabo abataali esyaalo;Ndibakhola mube ne’ttima khu’syaalo esitali no’khutegeera.”20. Ne Yisaaya mukhutatya awoola ati, “Naakaniwa nabo abatali nibangoonya; Nekisula samwene eyiri abo abatali nibangoonya.” 21. Ni naye ebidiira khu Yisirayiri awoola ati,“Oludaalo olulamba mbakaye amakhono kange eyiri omujjemu neyiri abatu abesibboli.”

Chapter 11

1Nteeba khulwo nti: Weere kasukuna abatu baye? awuma situ syoosi! Ese omwene ndi mu Yisirayiri, olwiwulo lwa Yibulayimu,okhutula munyumba ya Benyamini. 2. Weere sikasukuna abatu baye, bakamanya okhutula khale. Syomanyire ebyawandikiwa bibiwoola musiwandiko khu Erisa__ nga lukajjulira eyiri Weere khulwa baYisirayiri: 3“Omwami, betire ba nabbi bawo khandi batandula alutari; nise seηηene odoηηire, khandi bali okhukesakho okhunjita?”4. Naye Weere kamukowolamo atye? “Nerekheyekhowo elifu musanfu abo abatenamira Bbaali.” 5. Ni khandi, mu bikha bino yiriwo abasikalawo abadolewa khulwe’ssisa.6. Khandi nisiba olwe’ssisa, sisiba nisibawo olwebikholwa; nisyakhabeye siityo, essisa sisyakhasikaye nisissa. 7. Sina wunanu? Yisirayiri sikakonya ne’sinani syatafuna, naye abadoolemo bafuna. Abandi bali abawangalafu, 8nga lu syawandikiwa siiti: “Weere kabaawa omwoyo kwo’wubbungaafu, emoni batanyala okhuwona khandi namatwi batanyala okhuwulira, okhwola no’lwa leero.”9. Nende Daudi awoola ati: “Sinyalikhe emmessa yaawe okhuba olukirikiri khandi omubaso, esireeta okhwekumula khandi esikholimo yibali.” 10. Sinyalikhe emmoni chawe okhuba musirema bakhaye okhuwona, ne’mikongo chawe chikongobale emyaka ne’myaka.11. Khandi nteeba nti: “Bekumula bakwa bola no’wutasingira? Khaba nawutono! Ne, olwo’khwonoona khwawe, okhuwonesewa khwichiye abateende okhukhola aba Yisirayiri okhutuunya nembalikha. 12. Ne nikhuba okhwonona khwawe amakhulutu kakhwo wuyiinda we’syaalo, okhukota khwawe khwekesa owuyiinda w’abateende, owolerefu wo’wuyiinda wuno siwukhirawo!13. Ndikhulomaloma eyiri enywe abateende. Nende siri nti ndi mutume eyiri abateende ngesakho ngalusinyalikhana mu wuweeresa wange 14. nindi nesuubi mbo ngesakho okhusingisa abatu bange bene okhutuunya khandi mboniyekho abandi khubo.15. Nisiba nti okhulekhewa khwawe njokhukowosaniya ne syaalo, nokhufukirirwa khwawe khuliba khutye okhutusakho owulamu okhubitira mu khufwa? 16.Nisiba siti esiyaku sye’syamo siwewayo syamberi syosi syoosi siba syolerefu engota yosi yiba njolerefu; no’musi nikuba mwolerefu, siba siityo na’masagga kosi.17. Nisiba siiti amasagga kandi kakhalakirwekho, khandi ewe, nende oli omutwe kwa omunaasi kwo munyasi, bakhakhuyiimbakho esaga mu kandi, ni muyeedana khandi wunanu muyeedana okhulisiiwa amasanda katula khu misi cho mu naasi, 18. mutekhoya olwa masaga ako. Nimusikhola, mubase khu sinno: Simusiira mussi, ne missi nje chibadiira.19. Mwicha okhuwoola muuti, “Amasagga kakhalakiwakho khu sinyalikhe ese nyimbanisiwekho. 20. Asyakhaba siityo. Ne kakhalakiwakho olwowutafukirira, naye mweema khu nfuukirira. Ne otaba owewona, naye ba muti. 21. Nisiba mbo Weere sikalekheramo amasaga malonge, sikecha khu khulekheramo wesi.22. Webaasekho nolwesyo essisa nende owuwalaba wa Weere: owuwalaba eyiri abo abakhaywa, ne esisa yimuli, syaweresewa munyale okhuchanakana nesisa syaye. Atali esyo, mwesi mucha okhukhengewakho.23. Khandi nibatalumirira mu wutafukirira, becha okhubayimbaniyakho,ne olwokhuba Weere anyala okhubayimbaniya khandi. 24. Ni lwosi, nisiba mbo wakhengwakho okhutula khu munaasi kwo’munyaasi khulwe’mbeera, khandi kwakawuliwakho khulwe’mbeera kwawambanisiwakho khu munaasi mutaake, siriba syebbeyi siina khulwe’mbeera, amasaga kwawambanisiwakho khu musaala kwo’munaasi kwakwo!25Sindakha mube no’wutamanya khulwe’byakisiwa, baana befwe, bibe mbo mube nende owutabachiwa: Yisirayiri yibitire mu khukesewa khungi okhwomeranu mu bitundu okhwola enamba enjuchuffu eyabateende bengiramo.26. Nolwesyo aba Yisirayiri boosi baliwoneswa, nga lusyawandikiwa siti: “Omuwoniya olitula khu Sayuni; alikalukhaniya owutali wa Weere okhutula mu Yakobo. 27. Ni yino nje endakano yange nabo Nindiba ni mbatusakho ebibi byawe.”28. Ebidira khu njiri, abasuku bangi khu luwande lwawe; nebidira khu byo’khwangalamo, badakhiwa okhubita mu ba kuka yawe, 29khuba ebiyanwa bya Weere no’khulangiwa khwaye sisinyala khukalukhanisiwa.30. Nga lusyali emukongo eyo mwali abatawulira bibakeraka, eyiri Weere mwakanire essisa olwakhakisa khabo okhuba bajjemu, 31siri mbo bosi bajjemire sibe mbo boosi banyale okhwakana essisa sya Weere yimuli. 32. Khuba Weere kawowa wuli mutu yeesi mu wujjemu kho anyale okhuba nesissa khu boosi.33. Oo, okhwoloberera khwo wuyinda wa makesi no’khumanya khwa Weere! Nga sidinyu okhukonyeresa enkhenga yaye ye’misango, no’tukira twaye otutanyalikhana okhukonyeresa yitwakama! 34. “Nanu omanyire ebibaaso byo’mwami? Oba nanu obangakho mukeraki waye?”35. Nanu owangaakho Weere, kho sibe mbo Weere anyala kamusasula?” 36. Siri mbo bitula mumwene khandi okhubita mumwene khandi khumwene nje ebitu byoosi. Oluyaali lukowole yali emirembe choosi! Amina.

Chapter 12

1Nolwesyo, mbasaba enywe, baanabefwe, mukhumanya okhwe’ssisa sya Weere, okhuwangayo emibiri chenywe nga sadaaka enamu, enjolerefu khandi eyisangasa Weere__ sino nje esikholwa syenywe esyo’khusaba okhwo’mwoyo. 2. Mutafwananisiwa ne’khola yo’luse luno, ne mukalukhanisiwe nga mwosewa wuyakha mubibaaso byenywe. Kho mwiche munyale okhukesakho okhwoseresa no’khakhasa okhudakha khwa Weere lukhuli__ owulayi waye, owusangasa khandi owolerefu mu khudakha.3. Khuba okhubita mu khussasira khwaye khukamba mboola eyiri wuli mulala khwinywe: otebasangakho omwene okhukhiririsakho nga lwokhoyire okhuba, ne webasengekho no’khwekhengerawo khulengaala, ne’sipiimo syenfukirira Weere ya’khuweye.4. Nga lusiri mbo wuli mulala khwifwe ali no’mubiri mulala okuli nebitundu bingi, ne ebitundu binno wuli situla sisikhola nasirala wuli situla nomulimo kwasyo, 5. nolwesyo mu Kristo efwe abali abangi khukhola omubiri mulala, nawuli otula kekhola okhuba mulala khu bandi boosi6. Khuli nebirawo bikawukhanire, olwe ssisa syaye sikatuwa. Esirawo syo’mutu nisiba owunabbi, asikhosese okhwakaniyakaniya no’mukawo kwaye kwenfukirira. 7. Nikhuba khukawula abatu, akhoyire ayerese; nikhuba khusomesa, akhoyire asomese; 8nikhuba khukumiya abasye, akhoyire akumye; nikhuba okhuyeeda abawuma nabyo, abawenge nga syasosola; nikhuba khutangirira, abafuke no’wegenderefu; nikhuba okhwekesa essisa, asikholenge no’wusangafu.9. Okhudakha khutekwa khwaba okhwamasima. Musyuule esirangiwa essibi; mwebadde khwisyo esirayi. 10. Mwewengeyo khu lwa basenywe embeka ne’mbeka mu khudakhana nga bawandayo. Muweresaniyenge oluyaali okhukhirakho mwabeene.11. Mutakhaywanga esinani, nga muli abasangafu mu mwoyo okhuweresa omwami. 12. Musangalirenge mu suubi, obakumikirisi mu khuwonawona, abasabi mu nfukirira. 13. Mukabanenge na’batu ba Weere abali muwetafu. Musangalirenge abakeni.14. Muwenge enkhabi abo aba basandya; muwenge enkhabi ne mutawaaba. 15. Musangaalenge nabo abasangaala; mulirenge nabo abalira. 16. Mumenyenge mu wulayi enywe abene nabeene. Mutabanga no’khweniniya, ne banga omutu okholagana nabo abaasi. Otabanga owe wona weηηene.17. Otasasusanga eyiri oyo okhukholire essibi olwe’sibi wegenderesenge okhukhola esirayi mumoni chawuli mutu. 18. Nisiba mbo sinyalikha, okhwema khukhuwona khwawo, omenyanga mirembe nende nawuli mutu.19. Otesasusanga olwe’sibi, becha bange, ne olekhangawo embaka olwe’ttima lya Weere, khuba syawandikiwa siiti: “Siri yindi okhusasula; Nicha okhumusasula.”nje Owoola omwami. 20. Noluwande lundi: “Nisiba mbo omulabe wuwo ali njala, muliise;naba no’wuluuwo, muwe esyokhunywa. Mukhukhola siino, onabe owungikha amanda ko’muliro khumutwe kwaye.” 21. Otakhirwanga no’wubi, naye okhiranga owubi ne’birayi.

Chapter 13

1Wuli mulala khwinywe atekwa okhwewaayo khu bo’wunyala, khuba yiwuma owunyala owutatewawo ni Weere. Owunyala woosi owuliwo watewawo nende Weere. 2. Okhumalakho, oyo yesi yeesi ojjemera abo’wunyala aba ajjemera Weere sikatawo, ne abo boosi abasikhola balireta okhwekhengera omusango abeene.3. Abatuki sibadiira byoki khulwabakhola ebitufu, naye khulwabo abakhola owubi. Odakha okuba mulekhule eyiri abali muwunyala? Manu khola esitufu anakhusangaalire. 4. Khulwokhuba ye mukhosi wa Weere okhoyire okhukhufuka wulayi. Ne nokhola esibi ba muti, khuba syadiira syoki khu werere. Ye mukhosi wa Weere, owoseresa ettima okhuwa esiwonereso khulwabo abakhola owubi. 5. Nolwesyo, sikhoyeera okhugondera abali muwunyala, silwo khutya khwe’siwonereso naye khandi olwa’makesi ko’wiwulanwa.6. Sino syosi nisyo esikira khwasasula emisolo, khuba obo’wunyala bakhosi ba Weere, abawayo ebikha byawe muwichufu okhufuka. 7. Weresa wuli okhubanja syakhubanja: noba no’banjjiwa emisolo, ssasula emisolo; ni yiba enyingisa ye’syaalo, sasula okhwema khunyingisa yawo; ni luba luyaali, bawe.8. Awumewo ekobi lisikala, okhutusakho eryasikala okhudakhana mulala khu mulala, khuba odakha owasye aba koseresise elako. 9. Amalako, “Otabanga mudamba,” “Oteeta,” “Otebanga,” “Otekombanga,” Namalako kandi koosi akanyala kabawo, kembikitanisiwa mulako erala lino: “Dakha omuliranwa wawo nga luwedakha wamwene.” 10. Okhudakha khuwumakho esichuniya muliranwa. Nolwesyo okhudakha nikhwo okhwoseresa elako.11. Khandi khola sino, nomanyire ebikha byawunanu. Ebikha byolire yoli okhusingira mundoolo chawo, khu lwokhuba okhuwonesewa khwefwe khuli ambi wunanu okhukhirakho nga lukhwasokha okhufukirira. 12. Wunatere okhukhya; oludalo lwolereye ano. Manu khute abikholwa byesirema khuntulo khwambale ebyambalo byo’wulafu.13. Khwebisye wulayi nga bebikha bye’sidete, okhulekha mukhulirakana no’wumeesi, si mu wudamba, no’khwitana, no’khuba mukhukawukhanamo no’mutolyo. 14. Nisinyalikha, mwambale omwami Yesu Kristo, mukhaye okhubaasa nga lu munakiniye okhudakha esibi syo’mubiri.

Chapter 14

1Mu mufukirire oyo owefukirira nafu, atali okhukhengera emisango ali emboosi cho’khuyingana. 2. Enfukirira yo’mutu yimufukirira okhulya wuli situ, no wundi, oli nenfukirira nafu, alya eryani lyo’ηηene.3. Omutu yeesi olya byoosi atewunjanga wubi eyiri ola otalya, khandi eyiri oyo olya atolobyanga oyo otalya, khuba Weere kamufukirira. 4. Niwe nanu okhengera omukhosi wo’wundi omusango? Eyiri omukhosesa kemawo oba akwa. Khandi acha okhwema, khu lwokhuba O’mwami anyala okhumukhola kema.5. Omutu mulala ayira oludalo lulala okhuba lukhulutu okhukhira olundi; owundi naye ayira endaalo chosi nasirala. Wuli otula akhoyire muwichufu kekhakhasa mu bibaso byaye. 6. Oyo oyira oludaalo lulala okhuba lukhulutu, asikhola khu lwO’mwami. Oyo olya enyama, alya olwo’mwami, khuba kebasa Weere; khandi oyo otalya asikhola khu lwo mwami khandi kebasa Weere.7.Yiwuma mutu yeesi khefwe obawo khulwaye yeŋŋene khandi yiwuma mutu yeesi khwefwe ofwa khulwaye yeηηene. 8. Nikhuba abalamu, khuba abalamu khu lwo’mwami; khandi nikhufwa, khufwa khu lwo’mwami. Oba khuba abalamu oba khufwa, khuli bo’mwami. 9. Olwe’songa yinno, Kristo kafwa khandi kakowola muwulamu khosinyalikhe yee abe Omwami wa bombi abafu khandi nabalamu.10. Ewe, wunanu, khulwasi okhengera wandayo omusango? Oba lwasi wewunja wandayo ne’sirekeresi? Khuba fesi feesi khulyema khu sissala sya Weere esyo’khukhengerwakho emisango. 11. Syawandikiwa siiti: ‘“Mukhumanyira erala nga lundi omulamu,” alomaloma omwami, ‘wuli khumbo lirinsigamira; wuli lulimi lulyatula eyiri Weere.’”12. Manu wunanu, wuli mulala khwifwe aliwa ebimufwakho omwene eyiri Weere. 13. Nolwesyo khulekhere awo okhukhengeranira emisango abene nabeene. Okhutusakho, mwebaasemo okhutata esitu syosi esitekera oba omukhingakiro okukayira mwanamawo khungira.14. Nga mulala oli mu mwami Yesu, nfukirira muwichufu nti awuma emmere mbi mu yene. Ne naba omutu yesi oyira esitu syoosi okhuba sibi oba sichafu, olwo khuye siba sichafu. 15. Singa mwamamawo nanyigga khu lwesyo syolya, syuba no’syebisya mungeri yo’khudakha. Otabitira mu khulya wonona mwanamawo oyo Kristo yikafirira.16. Otafukirira syoyira syobasa oti sirayi okhulomwalomwakho nge’sibi. 17. Khuba owene’ngo wa Weere si situ nge syokhulya khandi no’khunηηwa, ne syowolerefu, emirembe ne’sangaalo mu mwoyo mwolereffu,18khulwo khuba omutu yesi yeesi oweresa Kristo mungira yino aba asangasa Weere khandi nga akhakhasiwa na’batu. 19. No’lwesyo khukhole esinyalikha na’maani okhukhola esituyira mu mirembe khandi nenfukirisaniya no’khwombakhana efwe abene nabeene.20. Otonoona emirimo cha Weere olwe’mmere. Ebyokhulya byosi byoosi biyonjo, si syakhaba sirayi omutu yeesi okhulya esitu syoosi esikira owundi okhwegumula. 21. Siba sirayi owutalya nyama oba okhutanywa omwenge oba okhuwola esitu syosi syoosi esinyala okhuletera wandayo okhukwa.22. Manu wuli syo’fukirira ebidira khu bitu bino bikhole akati wawo nende Weere. Wenkhabi mutu oyo oteyolobya omwene khu byakhakhasa. 23. Naye omutu otekhakhasa bamwolobya naba nalya, khu’lwokhuba okhulya khwaye sikhwefukirira; khandi wuli situ esitatula khunfukirira siba sibi.

Chapter 15

1Efwe aba’maani khukhoyire khwesimirise okhukwa khwa’banafu owutessangasa fwabene. 2. Wuli mulala khwifwe akhoyire assangase omuliranwa waye olwo wulayi waye, okhumwombakha.3. Ata Kristo yesi sikesangasa omwene, ne nga lusyawandikiwa siiti: “Okhunyeka khwabo abakhunyeka khungwiyekho.” 4. Khuba wuli situla esyawandikiwa mu ndaalo chabitta syawandikiwa okhutusomesa, kho sibe mbo okhubita mukhwesimirisa nende okhukumisaniya nende ebyawandikiwa khunyale okhuba nende essubi.5. Sinyalikhe Weere okaba okhwisimirisa nende okhukumisaniya abawe omwoyo wowulala mwinywe abene nga lumulonda Kristo Yesu, 6sibe siti no mwoyo mulala no munwa kwawo onyale okhuwa Weere oluyaali nende Bbabba owo’mwami wefwe Yesu Kristo. 7Mufukirisaniye, olwo, nga Kristo lu kabafukirira, khu sinyalikhe okhuleta okhukiniya khu Weere.8. Kho mbawolera nti Kristo afukhire omupakasi wa Bayudaaya, khu lwa masima ka Weere, okhukhakhasa ebisubiso bikakhola nende ba kuka yefwe 9. manu syolerere abateende banyale okhuweresa Weere oluyaali mu ssisa syaye nga lusyawandikiwa siiti: “Olwesyo nja okhukhukiniya mu bateende; “Ndyemba enyembo khu litta lyawo.”10. Khandi, siwoola siiti, “Sangala, oo abateende, nabatu baye.” 11. Khandi lundi, “Akinisiwe Omwami, enywe mweesi abateende, Khandi mu mwembe okhukiniya yali, mweesi abatu.”12. Khandi lundi, Yisaaya awoola ati, “Emisi cha Yese chicha okhutula amukulu, oyo olisingira okhufuka ebyaalo; Abateende balimusubiriramo.”13. Sinyalikhe Weere we’ssubi abechuse ne’sangalo lyosi ne’mirembe nga lu mumwesika ye, sibe mbo mutumbirira ne suubi okhubitira mu maani ko’mwoyo mwolerefu.14. Ese omwene nfukirira, baana befwe, nti enywe abeene mwechula owulayi, mwechusiwa no’khumanya nende omumanyirifu wo’khusomesaniya15. Mbawandikiye mu wumalirifu khu bitu bindi, nga ndi nga obechulisa khandi, olwessisa Weere sikamberesa, 16okhuba omuweeresa wa Kristo Yesu eyiri abateende omulimo kwo mwayi ni kulangirira emboosi ya Weere, sibe mbo abateende banyalirwe okhuba esiyanwa sifukirirwa eyiri Weere, nga byadolewa no’mwoyo mwolerefu17. Nolwesyo nfumisira mu Kristo Yesu mu wuweresa wange eyiri Weere. 18. Sinja khukesakho okhulomaloma ebitu bindi okhutusakho Kristo bikoseresa mwise nikambitiramo mu khutangirira abeteende okhufukirira Weere mwebyo bimbooye nende binkholire__ 19. Olwa’maani ko’wuwonero nende ebya’magero, okhubitira mu maani ko’mwoyo. Manu okhutula e Yerusalemi engira eyo okhwewodakhaniya okhwola Iruliko. Malire okhwanjulusa mu wichufu enjiri ya Kristo.20. Sibeyenge syokhulubirira khwange okhuwuulira enjiri okhwola Kristo yikali natamanyikhanire, manu sibe mbo sinakhabeye nombakhira khumusingi kwo’mutu wundi. 21. Nga lusyawandikiwa siiti: “Abo abatawoolerwa khuyee baliwona, khandi eyiri abo abatawulira balittegera.”22. Sino nisyo esikira amakhabi kayera mbeye nitekatekanisiwa okhwicha yimuli. 23. Ne wunanu awumawo awutu andi anyala nakhola omulimo mu bitundu bino, khandi okhutula khale mbeyenge emyaka mingi ni nekomba okhubawona,24ntekekha okhusikhola nindiba ninjiye e Sipeini. Ndi ne suubi okhubakeniya nimbitamo ni khandi khube nanywe munjedde khu lukendo lwange era, nimalire okhuba alala nanywe ebikha btono. 25. Wunanu, nende biri bityo, ndi khulukendo olucha e Yerusalami mu khuweresa khwabolerefu eyo26. Eyiri Makedoniya nende Akayiya bali abasangafu okhutusa sibali nasyo okhuwa abaati khwabo abolerefu abali mu Yerusalemu. 27. Bali basangafu okhusikhola esyo, khandi nasirala syali sikhoyera nga kobi yibali. Nisiba mbo abateende nibakabanirekho omukawo na Bayudaaya enkhabi cho’mwoyo, yibali khu Bayudaaya boosi okhuwona nti bakabanamo nabo enkhabi ye bye’syaalo.28. Wunanu nimalire kuno mudunga ni khandi nkhakhasise funire ebyamo bino, ndache e Sipeyini male mbakeniye ningowola. 29. Manyire nti ni nicha yimuli, ndakowole muwichufu nekhabi ya Kristo.30. Mbakhubbirisa, baana befwe, okhubitira mu mwami wefwe Yesu Kristo nende olwo’khudakha khwo mwoyo mwolerefu okhunegatakho mu khukhalabana khwange ni musabira eyiri Weere. 31. Munsabire sinyalikhe okhuwona esibi olwa batafukirira mu wuYudaaya nende emirimo change mu Yerusalemi chifukirirwe eyiri abolerefu eyo, 32manu sinyalikhe mu khudakha khwa Weere nyale okhwicha yimuli ne’sangalo khandi nikhuli alala nanywe khunyale okhujonηηolokha.33. Weere we mirembe abe ni nanywe mweesi. Amina.

Chapter 16

1Mbajjulira emwe eyiri mbocho yefwe Fayibe, omupakasi owe kanisa mu Kenkereya. 2. Nsaba mu mwakananire mu litta lyo’mwami nga batu ba Weere no’khumuwa owuyeedi woosi mu byadakha okhutula yimuli, khulwokhuba abeye wo’wuyeedi wamani eyiri abatu bangi, sesi nga nje khundi.3. Munkhesera Purisiila nende Akwiila, abakhosi basyange mu Kristo Yesu. 4. Abawayo owulamu wawe khu lwange. Siise senηηene naye khulwa makanisa kabateende koosi kabasangalira. 5. Munkhesere ata nende ekanisa eya bafukirira bewusiranga mu nyumba yawe. Munkherese omwicha wange Payineto, omu Kristo wasokha okhukalukhana mu sifwo sya Asiiya.6. Munkhesere Maliya, owakhola lukali khu lwenywe. 7. Munkhesere Androniko nende Yuniya, abalebe bange ababeye mu jjera nange. Bamanyikhanire lukali nga batume, khandi baba mu Kristo ese ninsiri. 8. Munkherese Ampuliyaato, yindakha mu Mwami.9. Munkhesere Urubbano, omukhosi wasyefwe mu Kristo, nende omwicha wange Sutaku yindakha. 10. Munkhesere Apelle, owakesewakho kakhakhasiwa mu Kristo. Munkhesere abo abo’mu nyumba ya Arisitobbulo. 11. Munkherese Kerodiyoni, omulebe wange. Munkhesere abo mu nyumba ya Narikiso abali mu mwami.12. Munkhesere Tolofayina nende Turufosa, abakhasi abo abakhola lukali mu mulimo kwo’mwami bamaani. Munkhesere omwicha wange Perusi omukhasi wundi okholire lukali emirimo mu litta lyo’mwami. 13. Munkhesere Turufusi, omwangale mu mwami, nende ηηina obeye maama wange sessi. 14. Munkhesere Asikuriito, Fulegooni, Kerume, Paturooba, Kerume nende bamwanama babali nabo.15. Munkhesere Filologo, Juliya, Nerewo nende mbochoηηene, nende Olimupa nende abolerefu boosi babali nabo. 16. Mukhesaniye abene nabeene ni mukwichana mu birifu. Eyiri amakanisa koosi aka Kristo balakirisira amakheeso.17. Mbakerakira, baana befwe, okhwerinda eyiri abo abaleta okhukawukhanamo khandi nabonona enfukirira yabasyawe nibayinganiya bibekire munsomesa ntuffu. Mube ale nabo. 18. Khuba abatu bembya nge’cho sibali okhuweresanga omwami wefwe Kristo, balonda amalekhe kawe kene. Bakhosesa enomaloma nterere nokhwefumya fumya ni babachirisa abatu batalikho musango.19. Wuli otula awuliye owulonga wenywe, manu ndi mwichufu ne’sangalo khu lwenywe; ne ndakha mube bakesi ambi khu wuli sirayi, khandi no’khutaba no’musango eyiri esibi. 20. Weere we’mirembe kecha okhusiriita setani mu makulu kenywe. Essisa swo’mwami Yesu sibe ni nanywe.21. Temisewo, omukhosi wasyange abakhesise, nende Lusia, Jasoni, nende Sosipateri, abeekho bange. 22. Ese, Terutiyo, owandikire ebbaruwa yiino, nkhukhesa mu litta lyo’Mwami.2423. Gayasi, owansangalira ne’kanisa yoosi ano yi sangalira, akhuwa amakheeso kaye. Erasito, omutangirisi we’siko sikhongo mu bye’mirimo nende mwanaama Kwaruto babakhesa.25. Wunanu eyiri onyala okhubatawo nabitira khu njiri yange khandi no’khumanyisa Yesu Kristo, okhwema khu khuwikhulirwa khwe’syama syakisiwa olwe’ndaalo nyingi echabitawo, 26. ne wunanu chakisuliwa khandi chamala chamanyikha nga chibitira mu biwandiko bya ba nabbi okhutula khu silagiiro sya Weere otalifwa khandi otalyakama, kho syolerere mbo ebyaalo byoosi binyale okhufukirira no’khumuwulira27. Eyiri Weere mukesi yeηηene aweresewe oluyaali endaalo choosi okhubitira mu Yesu Kristo!Amina.

1 Corinthians

Chapter 1

1Paulo, owalangiwa okhuba omutume wa Kristo Yesu olwo’khudakha khwa Weere, nende nomwanawefwe Sosenesi, 2eyiri ekanisa ya Weere mu Kkolinso, eyiri abalabisiwa mu Kristo Yesu abalangiwa okhuba bolerefu, alala nabo abali wuli atu woosi abafukirira ly’Omwami wefwe Yesu Kristo__ Omwami wawe khandi wefwe: 3. Essisa ne’mirembe okhutula eyiri Weere sefwe necho’Mwami Yesu Kristo chibe nanywe.4Nebasanga Weere khu lwenywe khu lwe’ssisa syabawa mu Kristo Yesu. 5Khuba okhubitira mu yee mwayindira mungira choosi__ munomaloma yenywe yoosi nende mumakesi kenywe koosi_ 6khulwo khuba owujjulisi wudiira khu Kristo wakhakhasiwa mwinywe.7No’lwesyo awuma simutali nasyo okhubitira mu sirawo syo’mwoyo nga lumulinda nga lumuli okhulindiriranga na’mawoofu omwami wefwe Yesu Kristo okhukisuliwa. 8Alibatamo amaani okhwola khu njakamo, khu munyale owutolobisiwa khu ludaalo lwo mwami wefwe Yesu Kristo. 9Weere, owabalanga okhuba sirala no’mwana wesisoliri Yesu Kristo Omwami wefwe, mwesikwa.10. Mbekalikhira, baana befwe, mu liita lyo’mwami wefwe Yesu Kristo, nti mufukirisaniyenge enywe abene nabeene sinyalikhe okhutabawo okhwawukhanamo mwinywe khandi mu’benge sitole mu bibaso nende mu myoyo. 11. Baana befwe, abandi okhutula mu nyumba ya Kulooye banjekesa baati aliwo emyeero mwinywe.12. Sinekesa nje siino: mulala khwinywe awoola ati, “Esse nonda Paulo,” owundi ati, “Esse nonda Appolo,” khandi owundi ati, “Esse nonda Kefwa,” kho no’wundi ati, “Nonda Kristo.” 13. Kristo kakawukhanamo? Paulo kakhomererwa khu lwenywe? Bakhubatisa mu liita lya Paulo?14. Nebasa nti esse sinabatisa ata mulala khwinywe okhutusakho Kurisipa nende Gayasi, 15. wunanu awuma onyala kawoola ati mwabatisiwa mu liita lyange. 16. (Yee, sessi nabatiisa enyumba ya Suteefano; okhutuma awo, sinichulisa ni nabatiisakho omutu wundi.)17. Khuba Kristo sikantuma okhubatiisa, ne okhuwuuliira enjiri__ sinkhosesa mboosi cha makesi ko’mutu, sitakira omusalabba kwa Kristo okhumaliwamo amaani kakwo.18. Olwokhuba emboosi yo’musalabba yowusirusiru eyiri abo abaddima, ne khwifwe abali okhuwonessewa niko amaani ka Weere. 19. Khuba syawandikiwa siti:“Nja okhusikhirisa amakesi ka’bakesi; Okhumanya khwa’bakesi nja okhukhufufuyasa.”20. Omukesi ali yeena? Omusomi ali yeena? Omuyingani we’ndaalo chino ali yeena? Khuba sinje Weere owakhola owusiru waba makesi kesyaalo? 21Khuba okhutula mu makesi ka Weere esyaalo okhubita mu makesi kasyo si syamumanya, Weere kasangala okhubitira muwusirusiru wubawuuliriramo okhuwoniya abo abafukirira.22. Abayudaaya babanja owuwonero we’byamagero nabo Abayonaani bakonya amakesi, 23. Naye efwe khuwuulira Kristo wakhomererwa: esyegumusa Abayudaaya no’wusirusiru eyiri abateende.24. Ne eyiri abo Weere balangire, bombi Abayudaaya na Bayonaani, Kristo maani ka Weere khandi amakesi ka Weere. 25. Khuba owusirusiru wa Weere wukesi okhukhirakho amakesi ko’mutu, khandi owukata wa Weere wukhira amaani ko’mutu.26. Baana befwe, mubasekho simwali nimulangiwa. Bangi khwinywe simwali bakesi okhwema khu mukero kwe’syaalo; simwali abalomaloma abandi babatekeresa; nga khandi simutula khu lwiwulo lwa’maddala ko’luyaali lukali. 27. Ne Weere kangala ebitu bisirusiru mu syaalo okhuswasa abakesi; Weere kangala ebitu bitali na’maani mu syaalo okhuswasa abamaani.28. Kangala abitu bya asi mu syaalo muno nende abyabisiwamo emmoni__ nende abitu ebitali_ okhutusawo ebitu abyakhabeye, 29khu sibe mbo awumewo onyala kamwelayirakho30. Siri mbo syali khulwaye kho mube mu Kristo Yesu, owekholire amakesi kefwe okhutula eyiri Weere__ oyo nje, owulungifu wefwe, okhwolerera khwefwe nende okhununuliwa khwefwe. 31. No’lwesyo, nga lusyawandikiwa siiti, “Mulekhe oyo owepakha, kepakhire mu mwami.”

Chapter 2

1Esse nga lunecha yimuli, baana befwe, sinecha ninyala okhulomaloma birayi oba na’makesi kakhirakho nga lu nawuulira yimuli owujjulisi khu Weere. 2Nakhengawo okhutamanya esitu syosi syoosi nimenyire nanywe okhutusakho Yesu Kristo khandi oyo owakhomererwa.3. Necha yimuli mu wukata no’khutya, khandi nintengerekha lukali. 4. Owubakha wange nende okhuwuulira khwange sikhwali namakesi khandi no’lulimi luli nembosi chikhobya, ne chali nebikholwa bya maani ko’mwoyo, 5kho enfukirira yenywe yinyale okhutesiira khu makesi ko’mutu, naye khu maani ka Weere.6. Ata nibiba bityo, effwe khukhola, khwalomaloma owubakha owa makesi mu bakhulutu, ne si mumakesi kabatu be ndaalo chino, oba abatuki be ndaalo chino, abecha okhuwumayo. 7. Khaba, khulomaloma khu makesi ka Weere ake’syaama, amakesi ako akakisiwa khandi Weere mwene ka katawo ngakatekekhera oluyaali lwefwe esyaalo nisitabaawo.8. Awumawo khubatuki bo luse luno abalumanya, khuba baba basimanya, sibakhakhomereye Omwami wo’luyaali. 9. Ata bityo, nga lusyawandikiwa siiti:“Awuma emmoni yiwene, awuma okhutwi khuwuliiye,awuma ebibaaso ebingisa Weere byatekekheye aboabamudakha.”__10. Ne Weere mwene kamala okhusituwikhulirakho okhubitira mu Mwoyo. Omwoyo kwene kukonyeresa wuli situla, ata nende ebitategerekhekha bya Weere. 11. Ni nanu mu batu omanyire ebibaaso byo’mutu okhutusakho syoηηene Omwoyo kwo’mutu oyo okumulimo? Mu ngira nasirala awumawo omutu yeesi omanyire ebibaso bya Weere okhutusakho omwoyo wa Weere.12. Si khwafuna Omwoyo we’syaalo ne Mwoyo otula eyiri Weere, khukhunyale okhutegera sira Weere syatuweye wusa. 13. Sino nje si khulomaloma, si mu mboosi chikhwa’somesewa namakesi ko’wutu ne’mboosi chi khwasomesewa no’mwoyo, nikwekesa owutufu wo’Mwoyo mu mboosi cho’mwoyo,14omutu owuma Omwoyo syafukiriranga bitu bitula mu mwoyo wa Weere, khuba bya wusirusiru yaali, khandi syanyala kabitegeera, olwokhuba byangaliwa no’mwoyo kwoηηene. 15. Omutu wo’Mwoyo ali namakesi kakhengawo mu bitu byoosi, ne yee omwene syanyala kakerakirwa no’mutu yeesi: 16. “Olwokhuba nanu omanyire ebibaso byo’Mwami khwanyale okhumukerakira?” Ne’fwe khuli nende ebibaaso bya Kristo.

Chapter 3

1Baana befwe, sinanyala okhubalomalomera nga obo’mwoyo naye nga abe’syaalo__nga abaana baddoto mu Kristo. 2. Nabawa amabeere, okhulekha ebyokhulya bigumu, khuba mwali mutoola okhubirya. Masima, musiri ata no’khwola.3. Musiri wusa abe’syaalo. Khulwokhuba nisiba asiriwo omutoolyo no’khunyekana akati wenywe, si musiri abe’syaalo? Simuli khwebisya nga abatu wusa? 4. Khuba omutu nawoola ati, “Esse noonda Paulo,” no’wundi awoola ati, Esse noonda Apollo,” simuba nimuli batu wutu? 5. Ne wunanu Apollo nje nanu, ne Paulo nje nanu? Bano boosi bakhosi wukhosi, bamwabitiramo mwamala mwafukirira__ ngo’mwami lu kabatekekhera wuli otula no’mulimo kwaye.6. Esse nataaka olumwo, Apollo kaluchukhirisira amaachi, ne Weere kalukhola lwakhula. 7. Manu oyo owataka oba oyo owachukhirisa si situ syoosi, naye Weere yeŋene, okhola ebitu byakhula.8. Omutu ottaka nende oyo ochukhirisira, baba nesigendererwa sirala, khandi wuli otula aliweresewa omukawo okhwema khu mulimo ku kakhola. 9. Khuba khuli bakhosi abakholera alala nende Weere; enywe muli ndalo yaye, enyumba ya Weere.10. Olwe’ssisa sya Weere si kamba, natawo omusingi mugumu nga omwombakhi mulyepulyepu, khandi omutu wundi ali okhukwombakhirakho. Ne nawuli mutu ali no’khuba omwegenderefu engeri yi kombakhirakho. 11. Khuba awuma owundi onyala okhutawo omusingi okhutusakho kula okwatewawo, nje Yesu Kristo.12. Ni nabawo omutu owongesa khukuno musingi nga akhosesa effessa, ebichuma, amakina kebeeyi, embawo, owunyasi, amakada, 13omulimo kwaye kwicha okhweyekesa sina sikuli, khu lwokhuba oludaalo lulikuleeta mu wulafu. Sinakisuliwe no’muliro, no’muliro kulipiima owulayi wo’mulimo kwa wuli mutu.14. Byaba nikombakhire ni biwona omuliro kunno, alifuna omusaara kwaye. 15. Ne nibiya byawawo, kecha okhufirwa omusaara kwaye; yee omwene kecha okhuwona, ne ngo’omutu lu keyiiba kefubatula owoki wo’muliro.16. Si musimanyire muti enywe mwabeene muli Kanisa ya Weere ni khandi muti Omwoyo wa Weere abamenyamo? 17. Omutu yeesi nikononanga ekanisa ya Weere, Weere ali mwonona; khuba ekanisa ya Weere njolerefu, ninywe ekanisa eyo.18. Mutebachanga mwabene. Nisiba mbo mulala khwinywe abaasa ati mukesi khu luse luno, akhoyire kekhole okhuba “Omusiru” khwanyale okhuba omukesi. 19. Khuba amakesi ake’syaalo sinno wusiru mu moni cha Weere. Nga lu syawandikiwa siti: “Adiira abakesi mu wukesikesi wawe.” 20. Ni khandi, “Omwami asimanyire ati ebibaso byo’mutu mukesi kesi wusirusiru werere.21. Manu sakira, awumewo okhwepakha khulwa’batu! Ebitu byosi byoosi byenywe, 22akakhaba Paulo oba Apollo oba Kefwa, oba esyaalo oba owulamu oba okhufwa oba ebya wunanu oba obye’ndaalo chiicha__ byoosi byenywe, 23nanywe muli ba Kristo, naye Kristo wa Weere.

Chapter 4

1Nolwesyo, abatu bakhoyire okhutuyira nga’bakhosi ba Kristo khandi nga ababiikhi be byama bya Weere. 2. Wunanu sikhoyera abo abayeresewa okhuba ababiikhi baba abesikwa3. Naye ese khu lwange nsiwona nga situ sitono ni nkhengerwa nanywe oba ni nkhengerwa ne koti cha’batu; ata ese omwene, sinyala khwekhengera ese omwene. 4. Mu khumanya khwange nkhwekhakhasa, ne sino si sikira nakhaya okhuba nomusango. Omwami nje owunkhengera.5. Nolwesyo mutakhenganga syoosi ebikha ni bitoola; mulinde okhwola omwami lwalichira. Alita alafu ebyo abyali nibyekisa musirema khandi alibakala ebigendererwa bye’myoyo chenywe. Ebikha ebyo nibiryoola wuli mulala alifuna omukawo kwaye okhutula eyiri Weere.6. Wunanu, baana befwe, ngeranisye bino bitu khu samwene nende Apollo olwo wulayi wenywe, khu sinyalikhe enywe mwekere khwifwe amakhulutu kemboosi chino, “Mutatuma ebyawandikiwa” Kho awumewo mwinywe omutu yeesi owicha okhukwira mulala ngakekesa okhukhiririsa owundi. 7. Khuba nanu obakhola okhuba abenjawulo okhutula khu mutu yeesi? Sina syooli nasyo syotayeresewa? Ni noba ni wasifuna, oba wayeresewa lwasi wepakha okhuba nga otayeresewa?8. Mbawo mwamala okhufuna, wuli simudakha! Mbawo mwamala okhuyiindiyala! Mufukhire bene’ngo__ khandi muli esyo efwe yikhutaali! Nakhekombire mube abene’ngo kho fweesi khu khunyale okhuba abene’ngo ni nanywe! 9. Khuba simbonekhera yindi siti Weere kamala okhutukhola abatume khu mudara mu makhenerekha, nga abatu bakhengerwa okwo’khufwa mu musse. Khwatewawo nge’syokhwelolera mu syaalo syoosi, eyiri ba malayika nende eyiri abatu10. Efwe khuli basiru khu lwa Kristo, naye enywe muli bakesi mu Kristo! Efwe khuli abanafu, naye enywe muli bamaani! Muyeresewa oluyaali, ne efwe khulekeresewa! 11. Okhwola khu bikha bi khulomalomeramo binno efwe khuwoonga enjala no’wuluwo, khuli mu bicheere, khubisiwa wubi no’khutochwa, khuwuma namadaala.12. Khukhola echo’luuya namakhono kefwe kano. Nikhulaamiwa, efwe khubasabira enkhabi; nibatubisya wubi, efwe khwesimirisa; 13. ni khuwayirisiwa, efwe khukowolamo no’wuloonga. Okhwola nebikha binno khwolire okhuba nge’bikokha ebye’syaalo, nge ebitu ebasyuliwa khu syaalo.14. Sindi huwandika binno okhubaswasa, naye mbalawula, nga baana bange bankhira okhudakha. 15. Nende omwakhaba mbo muli nende abakeraki emitwaalo ekhumi mu Kristo, simuli nende basenywe bangi, khu lwokhuba mu Kristo Yesu nafuukha senywe okhubita mu njiri. 16. Sakira mbakhubirisa okhunekeraniya.17.Khulwe mbosi yino ntuma Temisewo yimuli, omusoliri wange yindakha lukali, omwesikwa lukali mu mwami. Kecha okhubakhewulisa ebidiira khu wulamu wange mu Kristo Yesu, eyifukirisaniya nende binasomesa wuli atu mu wuli Kanisa. 18. Abandi khwinywe mufukhire besikhanyaali, oti fana simbeye ninja okhwicha yimuli.19. Ne nja okhwicha yimuli khangu, Omwami na nabe nakanyire, khu male niche ngonyerese si syoηηene esikira abatu banno nibalomaloma ne sikhanyaali, no’khuwona maani sina kabali nako. 20. Khulwo khuba Owene’ngo wa Weere si wuli mu khulomaloma wusa naye mu maani. 21. Siina simukhira okhudaha? Mudakha niche yimuli ne’ndawukhi oba mu khudaha nende omwoyo muloonga?

Chapter 5

1Mu masima syekesewa siti aliwo owudamba mwiinywe,ata no’wutakanikha mu batu batamanyire Weere: Omutu aba no’mukhasi wa simwana. 2Khandi nomala weniniya! Si mwakhabeye no’khwesindukhakho mwaba no’wuchuuni mwawukula omutu ngo’yo mwamutusa mu wulala wenywe?3. Nende sindi nanywe awo mu mubiri, ni ndi nanywe mu mwoyo. Ne khandi malire no’khukhenga omusango khu owakhola sino, oti fana mbeyewo omwene. 4. Nimuba nimwewusise alala mu liita lyo’mwami wefwe Yesu ni ndi nanywe mu mwoyo, khandi mu maani ko’mwami wefwe Yesu aba aliwo, 5. Mu muweyo omutu ngono eyiri Setani, kho esikholwa sye’sibi syo’mubiri sinyale okhusikhirisiwa khandi omwoyo kunyale okhuwonesewa khu ludaalo lwo’mwami.6. Okhwepakha khwenywe sikhulayi. Simumanyire muti otumera tutono tubita mu muwuumbo kwo’wusye wubakhe muntamu yoosi? 7. Mwetusekho amamera makhale mube owusye wukande wuyakha owuwumakho emmera__ amasima nga enywe lumuli.Olwokhuba Kristo, okhubitakho khwa pasaka yefwe khwamala okhuwewayo 8. Nolwesyo mulekhe khulinde omuyumo, nikhutali ne’mmera khale, emmera lye’tiima no’wubi, naye nende omuggati okutalimo amamera ko’khwesikana na’masima.9. Mbawandiikiye mu baruwa yange okhutakholera alala nende abatu abadamba na’besifaabi__ 10. No’khukhirisisa abatu bo’mufuto abe’syaalo abadamba, obo’muluulu, abanyaka, abe’misambwa abesyaalo sino. Mu ngira chifana chityo syakhabakhoyeye okhutula mu syaalo sino.11. Naye wunanu mbawandikira mukhaye okhukholagana no’mutu yeesi oweranga mwana wenywe ne akhola owudamba oba wo’mulalukho, owemisambwa, munyaka, oba omumeesi. Omutu ngoyo mutalyanga ata naye. 12. Syamagoba sinna yiindi ninkhengera abali erwanyi we’kanisa? Simukhengera abo abali mukati? 13. Weere alikhengera abo abali erwanyi. “Mwirusye omutu wembi yeesi ngoyo akati wenye.”

Chapter 6

1Ni abangawo mulala khwinywe oli no’wutawulirisaniya no’wasye, ni abangawo emboosi syakhoyire kachiyira eyiri abolerefu mu sikha syokhuchiyirira abesyaalo? 2. Musimanyire muti abolerefu nje abalikhengera esyaalo? Nisiba mbo mukhengera esyaalo, mubasa muti simunyala khukhenga otusango tutono tono? 3. Musimanyire muti nifwe abalikhengera ba malayika? Khulikhaywa khutye okhukhengera omusango khu bitu byo mu wulamu wendaalo chino!4. Nolwesyo, ni mubanga no’wutawulirisaniya mu mbosi ngecho mudole abakhengi bemisango ata abatu batali noluyaali mu kanisa! 5. Mbola bino okhubaswasa. Siwonekhana mbo mwinywe muwumamo omukesi onyala kakeraka owutawulirisaniya akati wabafukirira? 6. Okhutusakho, mulala khu boluganda acha mu malako okhuwabira owasye__ khandi sino musikhola mu moni cha batafukirira!7. Esyamasima siri mbo nga lumuli ne’misango mu makooti sino syekesa siti bibakhayiye erala. Lwasina simufukirira mwasobesewa? Lwasi simufukirira khalukhi babatana? 8. Okhukhira, enywe abeene okhulichana, khandi enywe abene ninywe abatana nimukhola owubi, ni khandi nga musikhola khu bafukirira basyenywe.9. Khaba simusimanyire muti abakholi be bibi si balisikhira owene’ngo wa Weere? Mutabachiwa: ata abadamba oba abe misambwa abasaacha badamba oba abasaacha khu basaacha oba abakhasi khu bakhasi, 10ata abebi, ata abo muluulu, oba abameesi, oba abachalasa abasyawe, nabanyaka okhusikhira owene’ngo wa Weere. 11. Khandi sino abandi khwinywe nje lumwali. Ne mwosewa, mwamala mulabisiwa mu liita lyo’mwami Yesu Kristo khandi no’mwoyo mwolerefu okwa Weere wefwe.12. “Wuli situ sifukirirwa yindi”__ ne wuli situla si syo’mugaso yindi. “wuli situ sifukirirwa yindi”__ ne sinja khufukiwa ne situ syoosi. 13. “Ebyokhulya biriwo olwe’nda khandi enda yiriwo olwo ebyakhulya”__ ne Weere alibisikhirisa byombi. Omubiri sikuliwo olwo’wudamba, ne khu lwo’mwami, khandi omwami aliwo olwo’mubiriri14. Olwo’maani kaye Weere kasingisa omwami mu bafu, khandi alitusingisa fwesi. 15. Simumanyire muuti emibiri chenywe mirala nende Kristo omwene? Sinanyalikhe ese okhuyira ebitundu bya Kristo khandi mbigaate alala no’mudamba? Esitanyalikha!16. Simumanyire muti oyo oweggatta alala no’mudamba aba mulala naye mu mubiri? Khuba siwolewa siiti, “Babiri bafukha omubiri mulala.” 17. Ne oyo oweggatta no’mwami aba sirala naye mu mwoyo.18. Mutule mu wudamba. Ebibi bindi omutu byakhola biri erwanyi wo’mubiri kwaye, noyo okhola owudamba konoona eyiri omubiri kwaye omwene.19. Osimanyire oti omubiri kwawo kanisa ya mwoyo mwolerefu, okhulimo, yiwafuna okhutula eyiri Weere? Ewe syoli khulwawo; 20mwakuliwa khu beyi khongo no’lwesyo muwerese Weere oluyaali ne’mibiri chenywe.

Chapter 7

1Wunanu khu bitu bimwawandikakho: sirayi omutu owutadekhya. 2. Ne okhwema khu sikhemo syo’wudamba, wuli musaacha okhoyire abe no’mukhasi waye, khandi wuli mukhasi okhuba no’musaacha waye.3. Omusaacha akhoyire koserese omulimo kwaye khu mukhasi waye, sityo nasirala no’mukhasi yesi eyiri omusaacha waye. 4. Omubiri kwo’mukhasi sikwaye khu lwaye yeηηene ne kwo musaacha. Mu ngira nasirala, omubiri kwo’musaacha sikwaye khulwaye yeηηene ne khu lwo’mukhasi.5. Mutemananga abene nabeene wuli otula eyiri owasye okhutusakho nimufukirisanisye khandi olwebikha, khu munyale okhwewaayo mu khusaba. Khandi mwiche alala olwokhuba setani anyala okhubakhema khulwo khuterinda khwe’mibiri chenywe. 6. Mbola sino olwe’mbulirisaniya, si khu lwe’lako. 7. Nakhokombire nti wuli mutu kakhabeye ngesse. Naye wuli musaacha ali ne’siwanwa syaye okhutula eyiri Weere; mulala ali no’mukawo kuno, owuundi ali na kula.8. Wunanu eyiri abatadekhya nende abakhasi bafwire mbola sino: sirayi owutadekhya, ata nga ese lundi. 9. Ne nibatanyala okhwerinda abene, bahoyire badehe, khuba sirayi ohudehya okhukhira okhuya no’wekombi10. Eyiri abadekhesaniya mbawa nge silagiro (sise, ne syO’mwami): omukhasi atekwa okhutaloba wamwe. 11. Naye nasikhola atekwa okhusikala natadekhire oba esindi balekhanira bakowosaniya ni wamwe. Naye omusaacha syatekwa khwirusya omukhasi waye.12. Eyiri abadoηηire mbawolera sino (ngese, si Omwami): Ni abawo owasyefwe yeesi kaba no’mukhasi otafukirira nafukirira okhumenya naye atamwirusyanga. 13. Ne ni abawo omukhasi nali no’musaacha otafukirira nomusaachaafukirira okhumenya naye atamulobanga. 14. Eyiri omusaacha otafukirira alabisiwa olwo’mukhasi waye; nende omukhasi otafukirira alabisiwa olwo’musaacha waye. Atali awo abaana benywe sibakhabeye bolerefu, ni nga lusiri, bo bolerefu.15. Ne otafukiirira nawangawo, mulekhe ache. Omusaacha wafukirira oba omukhasi sika muwoyewa mu mbya nga chino; Weere katulanga okhumenya mu mirembe. 16. Osimanyire otye, omukhasi, na’liwoniya wamwe? Oba, osimanyire otye, omusaacha ewe naliwoniya omukhasi wawo?17. Nende siri sityo, wuli otula adoŋenge mu sifwo mu wulamu Omwami sikamwakanamo mu ngeri Weere yikamulangiramo. Lino niryo elako lyange lindakha libe mu makanisa koosi. 18. Omutu kali mukhebe nalangiwa? Asikale ni mukhebe. Omutu kalangiwa natali omukhebe? Atakhebewa. 19. Okhukheba si situ nende okhutakhebewa si situ. Okhulinda ebilagiro bya Weere nje sibaliwa.20. Wuli mutu akhoyire asikale mu mbera yi kalimo Weere namulanga. 21. Wali muwambe no’langiwa? Sitakhuteganya__ noba nonyala lwana nisinyalikha olwekhulwe mu wuwambe. 22. Olwokhuba ola owali mudire nikalangiwa no’mwami yesi mulekhule mu’mwami; nasirala, ola owali mulekhule nalangiwa mu Kristo muwambe mu Kristo. 23. Enywe mwakuliwa ne beyi yamukulu; mutaba bawambe babatu 24. Baana befwe, wuli mutu, ngo’wufunanisiwa eyiri Were, mukhoyire mugoŋe mu mbera Weere yikamulangiramo.25. Wunanu ebidiira khubasisira: mbuma esilagiro esitula eyiri Omwami, ne mbawa enkhenga ngooyoo otusa esibaso syange omwene, nindi koti oyo owanyalirwa olwesisa syo’mwami okhuba omutu owesikikha. 26. Olwe mbera chiriwo, nsibasa nti sirayi omutu okhusikala nga luuli.27. Wadekha? Otakonya okhuloba. Siwadehya? Otakonya mukhasi. 28. Ne nomala wadekha, suba nokholire esibi; no’musisira nadekha, syaba nasobisye. Naabo abaddekha bacha okhwakana ebidinyu bingi mu wulamu wuno, khandi nakhadakhire okhubawoniya mu sinno.29. Sinekesa, baana befwe, siri nti ebikha bitono. Okhutula wunanu wuno khwabo abali nabakhasi bakhoyire bamenye nga’bawuma abakhasi; 30. Abo abalira nga’batalirangakho; abo abali ne’sangaalo, nga batalikho nalyo; abo abakula esitu syosi, oti fana esitali syawe; 31. Abo abakhosesa ebitu byo’mu syaalo, bamenye oti fana sibakholeganangakho nabyo. Olwokhuba emera ye syaalo sino yicha niyiwawo.32. Nakhadakhire enywe mube abalekhule awuma okhwelarikhirira. Omutu otadekhya kelalikhirira ebitu biddira khu mwami_ nga lwanyala kasangasa Omwami. 33. Ne oyo owadekhya aba nebibaso besyaalo sino nga lwanyala kasangasa omukhasi waye__ 34. Manu ebigendererwa byaye biba ebyakawukhanamo. Omukhana otadekha oba omusisira yeesi abawo no’khwelalikhirira eyiri ebitu bidira khu mwami byoηηene: nga esilubirirwa syaye khwewayo okhusangasa Omwami mubiri nende mu mwoyo. Naye omukhasi owadekha aba nebibaaso bye syaalo sino _ nga lwananyale okhusangasa wamwe.3535. Ndi okhuwoola binno khu lwo wulayi wenywe, okhutadakha okhubakayirira, ne munyale okhubawo mu ngira enungifu mu khutakawukhanamo nokhwewayo eyiri omwami.36. Ni nabawo omutu yeesi obaasa ati ali okhwebisya wubi khu luwande lwo’musisira yabeye nakhobisye, nachiririye atyo mu myaka nga kewulira ati ali no’khudekha asikholenge nga lwadakha. Syaba nakholire esibi. Badekhesaniye. 37. No’musaacha oba namaliriye mu mwoyo kwaye, yibatayingire nanyala okhweriinda mu wekombi wo’mubiri kwaye, khandi kakhengawo okhutadehya omusisira__ omusaacha ono yesi aba akholire esitufu. 38. Wunanu awo, oyo odekhya omusisira yesi akhola esirayi, naye otamudehya oba akholire no’wulayi okhukhirakho.39. Omukhasi yeesi, aba asi wa wamwe ebikha byoosi omusaacha nasiri mulamu. Ne wamwe nafwa, aba mulekhule okhudekhera omusaacha wundi ya’simire, naye akhoyire okhusikala ni wO’mwami. 40. Mu Khukhengawo khwange, kakhabeye ne’nsangalo ekali ni kakhadoηηire nga lwali__ khandi mbasa nti sesi ndi no’mwoyo wa Weere.

Chapter 8

1Wunanu ebidiira khu mmere eyawewayo khu misambwa: khumanyire khuuti fwesi khuli namakesi. Amakesi kakhudumbasa, naye okhudakha khwombakha. 2. Omutu obasa ati amanyirekho esitu syoosi asiri okhumanya syakhoyire okhumanya. 3. Naye omutu odakha Weere amanyikhanire nende Weere.4. Manu, sakira ebidiira khu mmere eyawewayo khu misambwa: khumanyire khuuti emisambwa si situ mu syaalo khandi khuuti awumawo Weere wundi okhutusakho mulala. 5. Olwokhuba nende aliwo babalanga ba “were”, mwikulu oba khu syaalo nga amasima lusibasirisiwa baati aliwo ba “were” bangi nende “abaami” bangi, 6. naye eyiri efwe aliwo Weere mulala yenηηene, Sefwe, yi bitu byoosi byatula khandi yi khuliwo khulwaye; nende omwami mulala, Yesu Kristo, yi bitu byosi byoosi yi byabitamo yi khuliwo khulwaye.7Naye sisiri mbo wuli mutu sino asimanyire. Abatu bandi abasiri mu munalo kwe emisambwa siba nti ni balya emmere nga yinno babaasa baati bayiweyeyo eyiri emisambwa, ni khulwohuba enfukirira yawe nafu, emmere yino bayiwona nge’yinyasikhire.8. Naye emmere siyitusudya ambi nende Weere; sikhuba nowubi woosi ni khutayiriye, ne ni yiwuma wulayi woosi nikhuyiriye. 9. Mwerinde, nende siri siityo, ekhosesa yo’wulekhule wenywe khutakira abanafu boola okhwegumula. 10. Khuba omutu yeesi owe’nfukirira ntono nawona ewe omanyire bino bitu no’liira mu khakaali khe’misambwa, syaba nanafune amaani yesi okhulya emmere eyiweyweyo khubawongeye misambwa?11. Sakira, mwanaamawo munaffu ono, Kristo yi kafiririra, kola kasikhirisiwa olwa makesi kawo kano. 12. Ni wonoona mu moni cha ba mwaanaamawo mu ngeri yino manu wayeresa ammaawa enfukirira yawe ntono, oba okholire esibi eyiri Kristo. 13. Nolwesyo, nisiba mbo sindya sikira mwanaama kakwa mu sibi, sindirya enyama lundi, kho nkhaye okhumuletera okhukwa.

Chapter 9

1Sindi mulekhule? Sindi mutume? Sinawonakho Yesu Omwami weffwe? Enywe simuli ebitula mu mulimo kwange mu mwami? 2. Nende nintaba omutume eyiri abandi, mumasima ndi omutume enywe yimuli! Olwokhuba ninywe sitampu yekesa owutume wange mu mwami.3. Khuno nje okhwewosakho khwange eyiri abo abanjikhalira onkhunkhengera omusango. 4. Sikhuli no’wunyala khu mmere ne byo’khunywa? 5. Sikhuli no’wunyala okhwewukulira omukhasi wafukirira, nga abatume nende bamwanaηηina mwami nende Keefa nga lubakhola? 6. Oba nise senηηene nende Bbalunaba abakhoyera okhukholanga emirimo kho khunyale okhwakana esyo’khulya?7. Mutu sinna onyala okhukhola ngo’musirikale khu lwaye omwene kamala kekabaniya omusara? Mutu sinna otaaka endalo ye’misabbibbu manu kakhaya okhulyakho ebyaamo byakwo? Nanu owaaya ebyaayo byaye kakhaya okhuηηwakhomo amabeere kabyo? 8. Mubaasa muuti binno mala kabilomaloma olwowunyala wange ngo’mutu wusa? Amalako sikawoola esitu nasirala?9. Khuba syawandikiwa mu lako lya Musa siiti: “Otawowanga omunwa kwe’ηηombe endaawo kho yiri okhusiriita enηηano alwanyi.” Mukaala muuti Weere eŋŋombe endaawo nje chabaasakho? 10. Masima awoola binno khulwefwe, si nje lusiri? Eeh, bino byatuwandikiwakho khulwokhuba olimya enηηombe nalima, nende omukhubbaki nakhubbaka, bakhoyire bakhole batyo nibali ne’suubi lyo’khukabanakho bibaba nibakesise. 11. Nikhuba nikhuwanyire emwo yo’mwoyo mwinywe, sikhukhoyera okhubakesamo ebituyeeda mu wulamu wo’mubiri?12. Nisiba mbo abandi baba nowunyala wo’khubafunamo owuyeedi niwubatulamo, sikhunyala khwa bafunamo ata okhukhirakho abo? Naye sikhwakhosesa owunyala wuno. Khu luwande lundi, khugumira wuli sicha khukhaye no’khwikalira engira ye’mboosi endayi eya Kristo. 13. Si musimanyire muuti abo abakhola mu nyumba ya Weere bafuna ebyo’khulya byawe mu nyumba ya Weere, nende abo abaweresa khu alutari bakabana khu biwewayo khu alutari? 14. Mungira nasirala, Weere kalagira ati abo abawuulira enjiri bakhoyera okhufuna owuyeedi wawe okhubita mu njiri.15. Naye esse si nakhosesa khu wunyala wuno ata. Khandi sindi khuwandiika bino ninsuubira nti munabinkholere. Khalukhi esse omwene nfwa okhukhira omutu onkhutusakho okhwewulira khwange. 16. Ne lwoosi anakhawuulira enjiri, sinno syoηηene sisikira newulira, khulwokhuba chimbukanire nintawuulira!17. Nimba nimbuliira mukhwewayo khwange omweene, ndi nesirawo; atali okhwewayo, ndi khukukhola khulwokhuba kwamberesewa okhwoseresa nga sinkhosesise owunyala khunawuulira oba nakukhola. 18. Nolwesyo omukawo kwange kuli yeena? Sinno syoηηene: nti mu khuwuulira enjiri sinyalikhe noserese mukhudakha khwange omweene khuwerere, khandi nga nsinkhosesise owunyala wange mu khuwuulira.19. Nende ndi mulekhule khandi nga sindi wo’mutu yeesi, nekhola samwene omudire eyiri nawuli otula, khu nyale okhuleeta bangi nga lu sinyalikha. 20. Eyiri aba Yudaaya neyira okhuba ngo’mu Yudaaya, khunyale okhuleeta aba Yudaaya. Eyiri abatukiwa namalako neyira okhuba ngo’wamalako, khunyale okhutusayo abali assi wa malako (nende ese sindi asi wamalako).21. Eyiri abo abatali namalako, nefula naba ngo’tali nako (nende ese sindi mulekhule mu malako ka Weere naye ndi assi wa malako ka Kristo), khunyale okhuyira abatali na’malako. 22. Eyiri abanaffu nafukha munafu, okhutusayo abanafu. Nefusise okhuba ebitu byoosi eyiri abatu boosi khu sinyalikhe mungira choosi echinyalikhana nyale okhuwoniyakho abandi. 23. Nkhola binno byoosi, khu lwe’njiri, kho nyale okhukabanakho enkhabi chayo.24. Simusimanyire muuti mu mbiro chokhukerana, aberukhi boosi berukha, naye mulala njofuna esirawo? Yirukha mu ngeri nge’yo kho ofune esirawo. 25. Wuli mutu yeesi okeraana mu musanyo abita mu meeko momu. Basikhola okhufuna engule eyitakhinda; naye khusikhola khufune engule yoluberera. 26. Nolwesyo, sinirukha nga mutu wirukha natali nende syagenderera; sinwana ngo’mutu oli okhukhubba embewo. 27. Khaba, nkhubba omubiri kwange khandi nakukhola okhuba omuwambe wange kho sinyalikhe nti nimaliire okhuwuulira eyiri abandi, ese samweene ntatusiwa mu bafuna esirawo.

Chapter 10

1Khuba si nakhadakhire enywe mube nga abatamanyire amasima, baana befwe, khuuti bakuka yefwe boosi bali assi wesiresi khandi boosi babitta mu kuyanja. 2. Boosi babatisiwa mu Musa musiresi nende mu kuyanja. 3. Boosi balya emmere yo’mwoyo 4khandi banywa esinywewa nasirala esyo’mwoyo; khuba banywa okhutula mu lwanda lwo’mwoyo olwacha nabo, ne olwanda olwo kali Kristo.5. Nende syali siityo, Weere sikali musangafu nabakhira owungi khubo; emibiri chawe chasalanisiwa woosi khusibarara. 6. Wunanu ebitu binno byakholekhana nga ebyokhuwonerakho bitekekhe emyoyo chefwe okhutaba mu bitu bibi nga bo lu bakholanga7. Mutaba abenamira emisambwa, nga bandi khubo lubali; nga lu syawandikiiwa siiti: “Abatu bekhala assi okhulya no’khuηηwa khandi basingira bekhola abatu batamanyire Weere bibakhola.” 8. Sikhukhoyire khukhole owudamba, nga bandi lubakholanga__ khandi mu ludaalo lulala abatu emitwalo chibiri nelifu chidatu bafwa.9. Sikhukhoyire khute omwami musikhemo, nga abandi lu basikholanga__ bamala betewa nenjokha. 10. Mutemulugunya, nga abandi lubakholanga__ bamala betewa nende malayika osikhirisa.11. Bino bitu byabekholekhakho nge’byokhuwonerakho khandi byawandikiiwa assi nga ebyokhutulawula, khwifwe okhwoseresa omulembe kuno bakwoleyekho. 12. Khuba, nisiba mbo mubaasa muuti muli bagumu, mwerinde mutakwa! 13. Awuma esikhemo esibadiira okhutusakho ebikhemo ebyo’mutu ebyawuli wukhya. Naye Weere wa masima; sya’libalekha mwakhemewa okhukhira amaani kenywe akakama. Naye nimuba mukhemeewe, kecha okhutawo engira yo’khutula mu bikhemo ebyo no’khwesimiriisa.”14. Nolwesyo, becha bange, mwewale ebilongalongwe. 15. Nomalomera abatu bakesi; mwekhengere mwabeene khu bimboola. 16. Sisiri mbo esikombe syo’khwebasa esikiranga khwebasa esikholwa sikhwoseresanga mu mabanga ka Kristo? Nende omuggati kukhukhalakanga kwosi khukukhalaka nikhwoseresa mu mubiri kwa Kristo? 17. Khulwo khuba aliwo omuggati mulala, effwe, abali abangi, khuli mubiri mulala, khuba fwesi khulya omuggati mulala okwo.18. Mubase khu batu ba Yisirayiri: sinje abo wusa abalya ebiwewayo abakhola khu alutari? 19. Ni wunanu nekesa mbo emmere yiweresewa ebilongalongwe oba esilongalonge, siba situ syoosi oba esilongalonge situ?20. Khaba, ne ebiwewayo bya bakafwiri bayeresa emisambwa, ne si Weere, khaba sindakha mukholere alala ne’misambwa. 21. Simunyala khuηηwa khu sikombe syO’mwami nende esye’misambwa syosi; sunyala khulya mesa chombi eyO’mwami nende khu ye’misambwa. 22. Okesakho okusingisa embalikha yo’mwami? Efwe khumukhira amaani?23. “Wuli situ sifukirirwa”__ ni siwuli situla siba syo’mugaso. “Wuli situ sifukirirwa”__ ni siwuli situla syombakha. 24. Awumewo omutu owekonyera ebirayi khulwaye, ne ebirayi akonyerenge abandi.25. Lya syoosi esikusiwa mu bbucha atali khukanakana mu myoyo chenywe, 26khuba, ‘‘Esyaalo syo’mwami, nende wuli si sirimo.” 27. Ni abawo balala khubataffukirira babalanga ewawe, “khu sideru ni mwadakha okhucha, lya wuli sibaba nibakhuweye atali okhwetebaniya mu mwoyo kwawo.28. Ne ni abawo omutu yeesi okhuwoola ati, “Bino babeye babiyeye emisambwa,” awene awo otalya, khu lwe’mboosi chibiri olwo’oyo olomalomire esyo no’lwo wulayi we’myoyo chenywe__ 29olwo’wulayi wo’mwoyo kwola, sinekesa, olwo kwenywe khulwokhuba, lwasina edembe lyange li khengerwa no’mutu wundi kakeraka khu khumanya khwange? 30. Nimba mulala khubalya nokhwebasa, lwasi nangirirwa khu lwo’khwebasa Weere khu lweso sindiiye?31. Nolwesyo, oba olya oba onywa oba syosi syoosi sukhola, sikhole syoosi khulwo’luyaali lwa Weere. 32. Otaletera omutu yeesi okhwegumula babe aba’Yudaaya, oba aba’Yonaani oba abe’nyumba ya Weere__ 33. Ata nende lungesakho okhusangasa wuli otula mu ngeri choosi. Khuba sindi khukonya ebirayi khu lwange ne’olwo wulayi wa abangi, khu banyale okhuwonesewa.

Chapter 11

1Mulondakirire enkhola yange, nga lu noonda enkhola ya Kristo. 2Mbafumya olwo’khunjichulisa muwuli situla no’khwediira khunsomesa, nga lu nachibosakho. 3. Wunanu ndakha mu simanye muuti omutwe kwa nawuli musaacha nje Kristo, khandi omutwe kwo mukhasi nje omusaacha, nende omutwe kwa Kristo nje Weere. 4. Wuli musaacha osaba oba kalakula nawikhire khu mutwe kwaye esitambara akuswasa.5. Naye wuli mukhasi osaba oba kalakula no’mutwe kutali muwikhe aswasa omutwe kwaye__ siba wusa nasirala oti fana omutwe kwaye mubeke. 6. Omukhasi natewowa esitambara khumutwe, akhoyera kabekakho efwiri; nisiba siswasa omukhasi okhukhengewakho efwiri oba okhubekewakho, akhoyire awiikhe esitambara khu mutwe kwaye.7. Omusaacha syakhoyire okhuwiikha omutwe kwaye, khuba niye esifanani nende oluyaali lwa Weere; ne omukhasi yee luyaali lwo’musaacha. 8. Khuba omusaacha sikatula mu mukhasi, no’mukhasi katula mu musaacha;9sisiri mbo omusaacha kalongewa olwo mukhasi, ne omukhasi khulwo’musaacha. 10. Olwe’mboosi yino, nende olwa’bamalayika, omukhasi akhoyire okhuba nakhawonero akhowunyala khu mutwe kwaye.11. Nende biri bityo, mu mwami, omukhasi syabawo atali omusaacha, oba omusaacha okhubaawo atali omukhasi. 12. Olwokhuba koti omukhasi katula mu musaacha, nilwo lusiri mbo omusaacha yesi kewulwa no’mukhasi. Ne wuli situla syoosi sye wa Weere.13. Mwekhengerewo abeene: sya masima omukhasi okhwinamira Weere no’mutwe kwaye ni kutasi omuwikhekho? 14. Sisiri mbo olwe ngeri ebitu lubyalongewa syatusomesa siiti omusaacha naba ne’fwiri ereeyi, simuswasa, 15. Ne nisiba mbo omukhasi naba nefwiri ereeyi, luba luyaali lwaye? Olwokhuba kawewa efwiri leyi, nge esyo’khumuwikhakho. 16. Ne ni aba naliwo odakha okhuyinganiya sino, khuwuma enkhola yindi__ nende amakanisa ka Weere koosi katyo.17. Munjekesa chilondakho chino, khaba simbasiima khuba enkhikho chenywe sichowulayi ne cho’lwo’wubi. 18. Esisokha mbulira nti wuli lu mwicha alala nge kanisa, abawo engawukhana mwinywe, khandi mu ngeri yindi nsifukirira. 19. Atali khukanakana atekwa okhubawo engawukhana kawukhana chino, mwinywe okhwekesa nanu khwinywe okhakhasiwa Weere.20. Ni mwewusira alala, si siba sye’ngolobe syo’mwami simulya, 21khuba nimuba nimulya, wuli mulala khwinywe acha mu moni no’khulya atali khulindana. Mulala asikala nali njala, no’wundi ameera. 22. Simuli na maddala kamunyala mwaliramo khandi mwanyweramo? Oba mulekeresa enyumba ya Weere khandi muswasa abo abawuma syoosi? Ndabawoole si! Ndabakiniye olwa sino? Khaba sinje lusiri!23. Khuba nafuna okhutula eyiri omwami seesi bimbosakho: omwami Yesu, khu ludaalo olwesiro lukaliwiramo olukhwe, kawukula omugaati, 24ne nikali namalire okhwebasa, kakukhalakamo nawoola ati, “Kuno nje omubiri kwange, okuliwo khu lwenywe; mukholenge sino olwo’khunjichulisa.”25. Mu ngira nasirala, nibakhamala esye’ngolobe kawukula esikombe, nawoola ati, “Esikombe sino nje endakano mbyakha mu mabanga kange; musikholenge, wuli lumunakanywenge, mukhunjichulisa ese.” 26. Khuba wuli lumunalyenge omugaati khandi mwanywa khu sikombe sino, munabenge mulangirira okhufwa khwo mwami okhwola lwalikowola.27. Nolwesyo, wuli olya khu mugaati oba kanywa khu sikombe syo’mwami mu ngeri yitakhoya omusango kunamukhirenge okhunyasa omubiri nende amabanga ako’mwami. 28. Omutu akhoyire okhwekhebera omwene na’talya omugaati nende okhunywa khu sikombe. 29. Khulwokhuba oyo yeesi olya khandi kanywa na tateeye oluyaali mu mubiri kwo’mwami aba alya khandi anywa okhwekhengera omusango omwene. 30. Sino nisyo esikira bangi mwinywe muli banaffu khandi abalwaaye, khandi abandi mwinywe muli bafu.31. Ne nikhuba mbo khwekhengera fwabene omusango, si khwakhakhengeywe musango. 32. Ni khukhengerwa omusango no’mwami, khuba khukerakiwa no’mwami wefwe khukhaye okhirwa omusango alala ne’syaalo.33. Manu olwo, baana befwe, ni mwichanga alala okhulya, mulindanenge. 34. Ne ni abangawo omutu yeesi oli njala, alyenge ewaye, kho ni mwakanana si tatulangamo okhukhengerwa omusango. Nende ni ndicha nakhameede okhubakolola.

Chapter 12

1Wunanu ebidiira khu biyanwa ebyo’mwoyo, baana befwe, sindakha mube abatamanyire. 2. Mumanyire muti ni mwali abakafwiri, mungira ndala oba eyindi mwali mwakosyewa ni mwayiriwa mu misambwa chitalomaloma. 3. Nolwesyo mbawolera nti, awumawo olomalomera omwoyo wa Weere kawoola ati, “Yesu akholimirwe,” khandi awumawo onyala kawola ati, “Yesu mwami,” okhutusakho nga ali no’mwoyo mwolerefu.”4. Ebiyanwa biriwo bingi ebikawukhanire, naye omwoyo kuli mulala. 5. Aliwo emirimo mingi echikawukhanire, ne Weere nje mulala oyo. 6. Aliwo enkhola nyingi, ne Weere wusa mulala oyo nje ochikhosesa mu batu boosi.7. Wunanu wuli mutu kayeresewa owunyala wo’mwoyo okhumukholeramo khu lwo’wulayi wa batu boosi. 8. Eyiri mulala aweresewa okhubitira mu mwoyo owubakha wa makesi, eyiri owundi kaweresewa owubakha wo’khumanya nabitira nasirala mu ngira yo’mwoyo,9eyiri owundi enfukirira no’mwoyo nasirala, 10no wundi amaani kebya mangalima, eyiri owundi owu nabbi, eyiri owundi okhukawukhaniya emyoyo, eyiri owundi okhulomalomera mu nimi, nende eyiri khandi owundi okhukalukhaniya enimi bichilomalomire. 11. Bino byoosi nibyo ebikholewa mulala khandi no’mwoyo omwene oyo,khandi kabawa nawuli otula, nga lwaba nakhengirewo.12. Omubiri kuli mulala, nende kwakholewa mu bitundu bingi; nende siri mbo ebitundu byakwo bingi, bikhola omubiri mulala. Nilwo lusiri nende Kristo. 13. Khuba effwe feesi khwabatisiwa no’mwoyo mulala okhwingisiwa mu mubiri mulala__ sibe khu ba Yudaaya oba aba Yonaani, abawambe oba abalekhule__ ne’fwe feesi khwaweresewa omwoyo mulala oyo okhunywa.14. Wunanu omubiri sikwakholewa esitundu sirala naye ebitundu bingi. 15. Nisiba mbo okhukulu khunyala okhuwoola khuti, “Khulwokhuba sindi mukhono, sindi sirala khu mubiri,” sisyakhakamya olwembosi eyo esitundu sino okhuba sirala khu mubiri. 16. Singa okhutwi khunyala khwawoola khuuti, “Khuba sindi moni, sindi sirala khu bitundu byo’mubiri,” sino si syakhakamya okhutwi okhuba sirala khu bitundu byo’mubiri. 17. Singa omubiri kwoosi kwali moni, esitundu syokhuwulira syakhabeye yena? Singa omubiri kwoosi kwali khutwi, esitundu syokhuwunyirisa syakhabeye yena?18. Ne mu masima Weere kapanga ebitundu mu mubiri, wuli situndu assiri khu mubiri nje akadakha sibe. 19. Nisyakhabeye mbo byoosi situndu sirala, omubiri kwakhabeye yena? 20. Nga lusiri, aliwo ebitundu bingi, naye omubiri mulala.21. Emoni siyinyala yawoola omukhono yiiti, “Sinkhudaha!” Nende omutwe sikunyala kwawoola okhukulu, “Sinkhudakha!” 22. Khu luwande lundi, ebitundu byo’mubiri obiwonekha okhuba binafu, sibyakhalekhekha nawutono, 23nende ebitundu bindi bikhubasa khuuti sibiri no’luyaali nawutono, khubiyira no’khwegenderesa khwamaani nge’syadikha. Ne’bitundu bitakhoya biyiriwa nolukoosi lukhiramo, 24. nebyo ebitundu bikhoyera khubidira atali khwegenderesa khwa’maani. Ne Weere kagatta ebitundu byo’mubiri khandi kabiwa oluyaali lukhiramo khu ebyo bitundu ebitali nalwo,25. khu akhaye okhuba engawukhana mu mubiri, ne nawuli situndu sibe syesigama khu situndu sindi. 26. Ni aba mbo aliwo esitundu syo’mubiri esisanda, wuli situndu sidoηηire syosi siba sisanda; ni aba esitundu siweresiwire oluyaali, wuli situndu siba sidoηηire sisangalira alala nasyo. 27. Wunanu muli mubiri kwa Kristo, ni nawuli mulala khwinywe ali situndu sirala khu syo.28. Nende mukanisa Weere kadoola okhusokha abatume, abokhubiri ba Nabbi, abokhudatu abasomesa, kalosakho abakhosi be byamangalima, na bebiyanwa byo’khuwoniya, nende abo abanyala okhuyeeda abasyawe, abo abali ne’biyanwa byo wutangirisi, nabo abalomaloma mu nimi echikawukhanire. 29. Boosi batume? Boosi banabbi? Boosi basomesa? Boosi bakhola ebya’mangalima?30. Boosi bayeresewa ebiwanwa byo’wuwoniya, boosi balomaloma mu nimi? Boosi bakalukhaniya? 31. Ne mulubirire okhwekomba ebiwanwa bikali.

Chapter 13

1Wunanu nja okhubekesa engira yikhira owulayi. Nimba ninomaloma mu nimi, echa batu nende echa ba malayika, ne nga sindi no’khudakha, mba nsikaye nge’sidde syo’lukhero oba nge’ndeke yibwangalikhana. 2. Ne nimba ne’siwanwa syo’wu nabbi ninyala okhufumbula embyama namakesi koosi, ne naba ne’nfukirira eyinyala okhutusawo engulu, ni mbuma okhudakha, mba sindi situ. 3. Ninyala okhuwa byoosi bindi nabyo eyiri abaati nende okhuwaayo omubiri kwange kusambiwe ne sindi no’khudakha awuma sinfuna.4. Okhudakha khwesimiirisa, okhudakha sisa. Okhudakha khuwuma embalikha, sikhwedakha khandi sikhwewulira. 5. Sikhuwalaba, sikhwekonyera ebyakwo, sikhudiriwa tima, sikhubikha bisobyo. 6. Okhudakha sikhusangalira mu sibi naye khusangalira mu bya masima. 7. Khu khingakira, khwesikikha, khusubiira, khwesimirisa.8. Okhudakha si khukhaywa. Naye eyiri owunabbi wucha okhwakama; eyiri enimi chiryakamisiwa; eyiri amakesi kaliwawo. 9. Khuba bikhumanyire bitundu tundu nende owunabbi wosi we’bitundu tundu, 10. naye owulungifu wene niwicha okhwicha, owutali wulungifu niwukotawo.11. Ninali muwere, nalomalomanga ngo muwere, nabasanga siyere, nakerakanga siyere, naye ninecha nakhula nata ebyesiyere emukongo wange. 12. Wunanu khuwonana naye khuwona amawulyeesi nga mu monero; ne olwo khuliwonana oweeni khu weeni. Wunanu manyirekho ebitundu; ne olwo ndimanya mu wichufu, nga lusiri mbo namanyikha mu wichuffu. 13. Nende wunanu bino bidatu bisikala: enfukirira, ensuubi nende okhudakha. Ne esikhiramo mu bino byoosi nje okhudakha.

Chapter 14

1Londa engira yo’khudakha khandi olubirire niwekomba ebiyanwa byo’myoyo, okhukhiririsa ebyo’wunabbi. 2. Khuba oyo yeesi olomaloma mu lulimi syaba nalomalomera abatu ne abalomalomera Weere. Mukhukhakhasa, aba awumawo omutegeera; byaba natumbula bimanyikkhana no’mwoyo kwaye kwoηηene. 3. Ne wuli olakula alomaloma eyiri abatu olwo’khubawa amaani nabomiisa, nabakumya no’khubakowosamo emyoyo. 4. Oyo yeesi olomaloma mu lulimi aba keyikusa omwene, ne oyo olakula aba kekusa ekanisa.5. Nakhadakhire wuli otula khwinywe olomalomere mu nimi, ne syakhabeye sirayi mwalakula. Oyo olakula ali amukulu woyo olomaloma mu nimi, okhutusakho nga akalukhaniya, kho ekanisa yinyale okhwombakhiwa. 6. Wunanu, basyange, nimba ni nicha yimuli ninomalomera mu nimi, syakhaba sirayi sina yimuli, okhutusakho nga mbaletera ebyo’khuwikhulirwa oba amakesi oba owunabbi, oba emboosi okhubekesa esyo’khukhola?7. Ata abyakhaba mu bitu bitali no’wulamu ebireeta amakono, nga akhaleere oba esiriri, ne ni bitaleeta amakono ko’khwawulamo, omutu amanya atye ekono liba niryemba okhutusakho nga’bawo esikira wakawukhaniya mu makono ako? 8. Khandi, nisiba mbo eturumbete niritatusa ekono lyatukha mu khulanga, nanu oba nanetekekhe okhucha mu bitta? 9. Sakira siri yoli. Okhumalakho nga mutumbula emboosi chitegerekhekha, omutu kakhamanya atye bimuba muwoye? Muba wusa nga balomalomera embewo.10. Atali okhukanakana aliwo enimi nyingi mu syaalo, ni awumawo olulimi lutalimo amakhulutu. 11. Nisiba mbo simbulira olulimi lwoyo olomaloma mba ndi muteende eyiri omutu oyo, yesi aba muteende yindi,12nje esiri sityo yi muli. Nga lu mulubirira okhufuna ebiyanwa byo’mwoyo, mukesekho okhukhiririsa ebiyanwa byo’mbakha ekanisa. 13. No’lwembosi eyo wuli yeesi alomaloma mu lulimi akhoyire kekalikhire anyale okhukalukhaniya byaba nawooye. 14. Khulwokhuba nimba ni nekalikhira mu lulimi, omwoyo kwange kuba kusaba, ne ebibaso byange biba wusa.15. Sakira nkhole ntye? Nicha okhwekalikhira no’mwoyo kwange, ne lwosi nja okhwekalikhira mubibaso byange; nicha okhwemba no’mwoyo kwange, no’khwemba khwosi nebibaso byange, 16nawo noba nofumya Weere no’mwoyo kwawo, omutu keyakana atye mwabo abatategeera kawoola ati, “Amina” khukhwebasa khwawo, khuba oyo syamanyire syoba noli okhuwoola?17. Onyala okhuba noli okhwebasa wulayi, ne ola mutu simwikufu. 18. Nebasa Weere khuba nomaloma mu nimi okhubakhira mweesi. 19. Naye mu kanisa nakhakhoyire nomalome emboosi chitanu echiwulirikhana echa’makesi echisomesa abandi okhukhira emboosi omutwalo mu nimi.20. Baana befwe, mulekhere awo okhubasanga nga baana bayere. Ebiddira khu sibi mube baana badoto, no’khubaasa khwenywe mube bakhulutu. 21. Mu lako syawandikiwa siiti: “Okhubitira mu nimi cha’batu batamanyikhanire nende eminwa cha bateende nja okhulomaloma eyiri abatu bano, nende siri sityo sibecha nkhuntekeresa,” awoola omwami.22. Enimi, olwo, nicho okhawonero, si eyiri abafukirira, ne olwa’batafukirira; owunabbi, wo wabafukirira si wa batafukirira. 23. Nisiba mbo ekanisa yoosi yicha alala ne nawuli mutu alomaloma mu nimi, nabatu bandi abatabamanyire oba obatafukirira ba bengiramo, sibanawoole baati mukwiye eralu?24. Ne nisiba mbo abatafukirira oba omutu otategeera kecha kengira bano boosi nibalakula, kecha okhufukirisiwa ati mwononi khandi alikhengerwa omusango nende boosi. 25. Khandi ebyama byo’mwoyo kwaye birikisulwa. Sakira alikwa assi kekalikhira Weere, nawuka ati, “Weere masima ali mwinywe!”26. Wunanu sina syeene sikhunawoole baana befwe? Nimuba ni mwichire alala, wuli mulala khwinywe ali nolwembo, oba embosi yokhukeraka, esyo’khuwikhulirwa, enimi oba okhukalukhaniya ni abawo amakhulutu ke’mboosi, bino byoosi bikhoyerwa okhwekhola khulwokhwomisa ekanisa. 27. Ni abawo olomaloma mu lulimi, babiri__ oba okhutakhiririsa badatu__ balomelome mulala sya mulala, ne omutu yeesi atekwa okhukalukhaniya. 28. Ni aba ni awuma omutu yeesi onyala kakalukhaniya, omulomalomi akhoyire awulere mu kanisa alomelome yenηηene nende Weere.29. Ba nabbi babiri oba badatu bakhoyire okhulomaloma, ne abandi bakhoyire betakerese obilomwalomwa nowegenderesa. 30. Ne ni abawo okhuwikhulirwa khu mutu yeesi obeye nikekhaye, omulomalomi osokha akhoyire awulere.31. Khuba mwesi munyala okhukhola owunabbi mulekhanira embaka khu wuli mulala anyale okhukerakiwa no’khwongerwa amaani. 32. Emyoyo cho’wunabbi chifukiwa ba nabbi. 33. Khuba Weere si Weere wo’khuduwuula, naye we’mirembe. Nga lubiri mu makhuηηaniro koosi akabolerefu,34abakhasi bakhoyire bawulerenge mu makanisa. Sibafukirirwa okhulomaloma, ne batekwa okhulongowala nga amalako lu kawoola. 35. Ni badakhanga okhweteeba esitu batebenge bawamwawe engo; khuba syensoni omukhasi okhulomalomanga mu kanisa. 36. Embosi ya Weere yachakira khwinywe? Oba ninywe mweηηene yiyolakho.37. Nisiba mbo omutu abasa ati munabbi oba ali ne’siwanwa syo’mwoyo, akhoyire afukirire bi mbawandikiye ati silagiro syo’mwami. 38. Namala kalekha bino, yesi omwene alirekhewa.39. Nolwesyo, baana befwe, mulubirire okhwekomba owunabbi, khandi mutakanyanga okhulomaloma mu nimi. 40. Ne wuli situ sikholewenge mu ngeri ndayi nende entekekha endayi.

Chapter 15

1Wunanu, baana befwe, ndakha okhubakhewulisa khu njiri yinabawuulira, yimwafuna khandi yimwemirekho. 2. Okhwema khu njiri yino mwawonesewa, nimuba mbo muyedirakho na’maani khu mboosi yinabawuulirira. Atali esyo, okhufukirira khwenywe khuba khwa wusa.3. Khuba binamala nafuna, nabibosera nga nje’bikhulutu binasokherakho: siri mbo Kristo kafwa olwebibi byefwe okhwema khu byawandikiwa, 4. Siiti kasikhiwa, khandi kasyukhisiwa khu ludaalo lwo’khudatu okhwema khubyawandikiwa,5khandi kawonekhera Petero nende ekhumi nababiri. 6. Namalire atyo, kawonekhera abafukirira abakhira emya chitanu mu bikha nasirala, abakhira owungi khwabo basiriwo balamu, nende abandi bamala okhukona. 7. Awene awo kawonekhera Yakobo, olunyuma kawonekhera abatume boosi,8khandi mu mamalirikha kabyoosi kambonekhera esse sessi, otewulwa nga abasyange lubewulwa. 9. Khulwokhuba nise okhiramo okhuba no’luyaali lwa assi, nsikhoyera no’khulangiwa omutume, khuba nasandya ekanisa ya Weere.10. Ne khulwe sisa sya Weere ndi sindi, ne sisa syaye yindi si syali sya wusa. Khaba, ese nakhola lukali okhubakhiraho boosi__ ate nga sise, ne sisa sya Weere esyali ni nange. 11. Nisiba, olwo, nali nise oba bo, bino nje bikhuwuulira, nende bino nje bi mwafukiriramo.12. Ne nisiba mbo siwuulirwa siiti Kristo kasyukhisiwa mu bafu, sinyalikha siitye abandi khwinywe okhuwoola muuti awumawo okhusyukha khwa bafu? 13. Ni aba ni awumawo okhusyukhisiwa khwa bafu, awo nende Kristo yesi syaba kasyukhisiwa. 14. Nende nisiba mbo Kristo sikasyukhisiwa, okhuwuulira khwefwe khuba khuwumamo amakhulutu ata ne’nfukirira yenywe.15. Esikhirakho awo, khuba efwe khwakaniwa okhuba abajjulisi bo’wubacha eyiri Weere, khuba khuweye owujjulirwa khu Weere khuuti kasyukhisa Kristo okhutula mu bafu. Ne sikamusyukhisa nisiba mbo amasima kene nti abafu sibasyukhisiwa. 16. Khuba nisinyala okhuba nti abafu sibasyukhisiwa, ata Kristo yesi syaba nikasyukhisiwa. 17. Ne nisiba mbo Kristo sikasyukhisiwa, enfukirira yenywe yiba yiwuma namakhulutu; muba musiiri mu bibi byenywe.18. Ata nende abo bosi abakona mu Kristo baba bakota. 19. Nisiba syoηηene mbo khulwowulamu wuno khuba khuli ne’suubi mu Kristo, khukhoyire khusasirwe okhukhirakho abatu bandi boosi.20. Naye Kristo mumasima kasyukhisiwa mu bafu, ebyamo bisokha ebyaabo abakona. 21. Khuba okhutula khu khufwa njo’mwatula omusaacha, okhusyukhira khwa bafu khwosi khwichira mu musaacha.22. Khubanga boosi mu Adamu bafwa, sakira mu Kristo boosi balikholewa baaba abalamu. 23. Ne wuli mulala mu bikha byaye: Kristo, esyamo asisokha;namala kakowoola eyiri abo abaye.24. Olwo enjakamo yiryola, naliba nawayo owe’nengo wa Weere eyiri Bbaabba naliba nasikhirisise boosi wuli wunyala, wuli wutuki nende nawuli maani. 25. Khuba alifuka okhwosa lwaliba nateye abasiku baye assi wa makulu kaye. 26. Omusiku okhenerekhayo okhwitiwa nokhusikhirisiwa nje okhufwa.27. Khuba yee “Kata wuli situla assi wa makulu kaye.” Wunanu ni siwoolewa siiti, “wuli situ” syakhateewa assi waye, siba syowaakhaafu siiti sino sisiba siwambaniyamo Weere mweene, owatta wuli situla assi wa Kristo. 28. Naba nakholire sino, olwo omwana mweene aliba omutwe khu yee owatta wuli situla assi waye, khusibe nti Weere anyale okuba byoosi mu byoosi.29. Wunanu nisiba mbo awuma okhusyukhisiwa, abo balikhola si ababatisiwa olwa baffu? Nisiba nti abafu si basyukhisiwa ata nawutono, lwasi abaatu babatisiwa khu lwawe? 30. Nende nga eyiri effwe, lwasi khweeta mu khabenje abeene wuli ssawa?31. Nfwa wuli ludaalo__ Esse nekesa mbo, banaa befwe__ nga lusiri mu masima nga lunekhoyera mwinywe mu Kristo Yesu Omwami wefwe. 32. Nisiri mbo nalwana nensolo cho’munyasi mu Efweso khulwe bitakhoya olwowutu, sina sinfuniremo? Nisiba mbo abaffu sibasyukhisiwa, “Mulekhe khulye khandi khunywe, Khuba muchuli khuli abo’khufwa.”33. Mutakosewanga: “Bokenda nabo ababi banyaasa ensambo ndayi.” 34. Kowolamo amakesi nga lukhoyire, manu okhaye okhwonona; khuba yiriyo abo abandi abatamanyire Weere__ Mboola sino olwokhubaswasa.35. Naye omutu anyala kateeba ati, “Abafu basyukhisiwa baatye? Omubiri kubasyukhisiwa nakwo kufana kuutye?” 36. Nga wusiru! Syo’wanya sisikowolamo owulamu okhutusakho nga sifwiiye.37. Nowanya, syo’taaka omubiri, okuliba, naye olumwo wusa, fwana olwe’ηηano, oba olwe situ sindi. 38. Ne Weere asiwa omubiri nga lwaba nawene oba nakhengirewo, ne nawuli lumwo aluwa omubiri kwalwo. 39. Omubiri kwoosi sikufanana: abatu bali ne’sikha syenyama, ebisolo biri nesikha sindi, amayoni esindi neηηeni esindi.40. Yiriyo nemibiri cho mwikulu khandi chabawo ne’cho musyaalo; no’luyaali lwe’mibiri cho mwikulu luli siikha sirala, lwe’mibiri cho’mu syaalo lundi. 41. Omubasu kuli nesikha syo luyaali, no’mwesi no’lundi neηηiniηηini olundi; ne’ηηiniηηini yikawukhana oluyaali neηηiniηηini yindi.42. Nolwesyo nje siriba nende okhusyukhira khwa bafu. Omubiri kuwanyiwa kufwa, khandi kwasyukhisiwa mu wutafwa; 43. Kuwanyiwa mukhulekeresewa, kusyukhisiwa mu luyaali; kuwanyiwa muwunafunafu, kwasyukhisiwa mu maani; 44kuwanyiwa omubiri mulonge kwasyukhisiwa omubiri kwo’mwoyo. Nisiba mbo aliwo omubiri mulonge, ni aba aliwo omubiri kwo’mwoyo kwosi.45Sakira syawandikiwa siiti: “Omuutu wasokha Adamu kecha kekhola esitu siramu” Adamu okhenerekha kafuukha mwoyo okaba owulamu. 46. Esyo’mwoyo sinje esyasokha, esya longewa nisyo esyasokha, esyo’mwoyo syalondakho.47. Omuutu wamberi kali atula muloba lyo’khusyaalo, omuutu wo’khubiri katula mwikulu. 48. Nga lu syali no’muutu wokhusyaalo, nje lubali abo abokhusyaalo; nende nje siri no mutu wo’mwikulu, nje siri nende bosi abo’mwikulu. 49. Nende wusa nga lu khwiwulwa na’makuumba mu nfaani yo’mutu wo’khu syaalo, nje lu khuliwukula enfaani yo’muutu wo’mwikulu.50. Nangirira yimuli, baana befwe, nti omubiri na’mabanga sikanyala kasikhira owene’ngo wa Weere, oba okhwakana ebiwaawo oba ebiwola byasikhira ebitawola. 51. Mutekerese, mbawolera ebyakisiwa: Fesi feesi sikhulikona, ne feesi khulikalukhanisiwa52mu khu myesukha, mukhutemya khwemoni, khukhulira khwe’turumbete yisembayo. Khuba eturumbete yiririra, abafu balisyukhisiwa owutawawo, manu khucha okhukalukhanisiwa. 53. Khuba owuwola wutekwa wambasiwa owutawola, nende owufwa no’wutafwa.54. Ebifwa ni byakhamala okhwambasiwa owutafwa,khandi khufwa khwambasiwa owutafwa, esyawandikiwa syolerere mu wutufu wasyo siiti: “Okhufwa khwamiriwa mu khuyiingira.” 55. “Ewe, Oo okhufwa okhuyingira khwawo khuli yeena? Eeh, okhufwa, entununu yawo yiri yeena?”56. Entununu yo’khufwa nje esibi, namaani kesibi nje elako. 57. Ne okhwebasa khuchire Weere! Atuwa okhuyiingira nga khubisirya mu Mwami wefwe Yesu Kristo.58. Nolwesyo, baana befwe abadakhwa, mwomiire. Awumewo esibadenganiya. Mweweeyo mu wichufu khu mulimo kwa Weere, khulwo khuba mu manyire muuti esinani syenywe mu mwami si sya wusa.

Chapter 16

1Wunanu ebidiira khu khusolosera abaatu ba Weere: Mukhole nga lunawoolera abaatu ba makanisa ka ba’Galatiya. 2. Khuludaalo lwamberi mu wuli juma, wuli mulala khwinywe atenge khuntulo erubya nabiikha okhwema khunyingisa yaye, nabiikha, ninicha awumengewo okhusolosa khukholewa.3. Awo ninola, nicha okhuwa amabbaruwa ko’khwanjula abo bamuba mukhakhasise no’khubatuma nebiwanwa byenywe e Yerusalemi. 4. Nisiba sidakhiwa sesi okhucha, banamberekesengekho.5. Nimalire ntyo ni mbitira mu Makedoniya, nakheche yimuli__ khulwo khuba njo’khuba nga nja okhutulira mu Makedoniya. 6. Fwana nakhabekho nanywe wutono, oba namalakho ettocho, khu nisinyalikha mwanjedakho khu lukendo lwange, wosi woosi amba ninja.7. Sindakha okhubawona wunanu okhutusakho okhubawonakho mabita; okhubakho nanywe embaka yiyera, Weere naba nakanyire. 8. Ne njo’khubawo mu Efeeso okhwoola khu Pentekoti, 9olwokhuba olwiki lukhongo olwe’mirimo mirayi lweyikuye yindi, khandi baliyo bangi abambinganiya.10. Nisiba mbo Temisewo kecha, mukhole esinyalikha ataba n’okhutya nali nanywe, khuba ali okhukhola omulimo kwO’mwami, nga sesi lundi. 11. Awumewo yeesi, olwo, onyala okhumukaana. Mu musewule keche yindi mu mirembe. Ndi okhumusuubira okhwicha nabafukirira. 12. Wunanu ebidiira khu mwana befwe Apollo: namukhubirisa lukali okhwicha yimuli nabafukirira. Kali simwetekefu okhwicha wunanu, ne kecha okhwicha naba nafunire embaka.13. Mwerinde; mwomiire munfukirira; mube batu bagumu; mube ba’maani. 14. Mukhole wuli situla mu khudakha.15. Mumanyire muuti enyumba ya Sitefano nje eyasokha okhukalukhanisiwa mu Asiya, manu bamala bewayo mu mulimo kwa’bolerefu. Mbakhubirisa, baana befwe, 16okhwewaayo mu cho nga bano nende eyiri nawuli mutu begatakho okhukhola, no’khukhalabana mucho.17. Nali musangafu khu Sitefano, Folutunaato, nende Akayiko olwo’khwola, khulwokhuba bamalire okhuleeta ebyali nibitolereye okhutula yimuli. 18. Khuba mwajoηηolosa omwoyo kwange no’kwenywe kwosi. Abatu bembya echo bakhoyera okhusimiwanga.19. Amakanisa akali mu situndu sya Asiya kabatumira amakheeso. Akwiila nende Purisilla babakheesa lukali mu mwami, ne kanisa eyiwukananira mu nyumba yawe. 20. Ba mwanawama boosi ano babosakho amakheeso. Mukhesaniye ni mukwichana mu birifu mu wolerefu.21. Esse Paulo, mbandiika amakheeso kano mu mukhono kwange. 22. Ni abawo omuutu otadakha Weere__ esikholimo simubekho. Yicha, oh Omwami! 23. Essisa syo’Mwami Yesu sibe ninanywe. 24. Okhudakha khwange khube ni nanywe mweesi mu Kristo Yesu. Amina.

2 Corinthians

Chapter 1

1Paulo, omutume wa Kristo Yesu olwokhudakha khwa Weere, nende Timoseo omusyani wefwe, Eyiri e kanisa ya Weere mu Kkolinso, alala nende abolerefu boosi mu Akiya: 2. Esisa nende emirembe bibe nanywe okhutula eyiri Weere Seefwe nende Omwami Yesu Kristo.3. Okhukiniya khube khu Weere khandi simwana w’Omwami wefwe Yesu Krisito, BbAabba owokhusasira khandi Weere owo’khugumya khwoosi, 4otukumya mu Wudinyu weefwe woosi, kho khukumye abo boosi abali muwudinyu nende okhukumya efwe abene nabeene khu khwafuna okhutula eyiri Weere.5. Olwokhuba wusa nga okhusanda khwa Kristo nga nihwiidikha mu wulamu wefwe, khutyo khwoosi okhubitira mu Kristo okhukumya khwefwe nje lukhwiidikha. 6. Nikhuba ni khuchunisiwa, siba sikumya no’khuwonesewa khwenywe; nikhukumisiwa, khuba khukumya khwenywe, esiiwula mwinywe okhwesimiirisa owukumu owokhusanda fwesi khu khusanda. 7. Khandi esuubi lyefwe mwinywe lyomiifu, olwokhuba khumanyire wusa khuuti nga nimukabana mu khusanda khwefwe, mutyo lwosi mukabana mu khukumya khwefwe.8. Sikhudakha mube nimutamanyire, baana befwe, ebidiira khu wudinyu wu khwasandisiwa mu syaalo sya Asiya. Khwali mu wudinyu owamaani, lukali lwene okhukhira amaani kefwe akanyalira okhwesimirisa, khwola nende okhwekaana owulamu. 9. Masima kene, mu myoyo chefwe khwabaasa khuuti khukhengeeywe okhufwa. Naye sinno syakholekha kho khuhaye okhwesika amaani kefwe naye khu Weere, osingisanga abafu. 10. Katwinulula mu khufwa okhwa’maani, khandi kakhatwinulule. Khumwene oyo nje khuhuteeye esuubi lyefwe khuuti anameede okhutwinulula,11nga ni mutuyeeda nende okhwekalikhira khwenywe. Manu bangi balitwebasira olwesisa esituweresewe mu khukowolamo okhwekalikhira okhwa’bangi.12. Wunanu khuno nje okhwepaakha khwefwe: khu khubaasa khwefwe khujulira khuuti khwebisiisye efwe abeene mu syaalo, khandi okhirira erala mu kholegana yefwe nanywe, mu wolerefu nende amasima ebitula eyiri Weere. Khukholire khutyo si khulwamakesi ake’syaalo naye khu lwesisa sya Weere. 13. Olwokhuba si khu bawandiikira esitu syoosi simutanyala okhusoma oba okhutegeera. Khandi nsubira nti, 14nga nimutegeeyekho wutono, mwiicha okhutegeera mu wichufu kho mutwesiimiremo wusa nga fweesi ni khulibesimiramo mu ludaalo olw’Omwami Yesu15. Olwokhuba nali omwomifu mu sino, natekekha okhusookha okhukhukeniya kho ofune khabiri. 16. Natekkekha okhukhukeniya niindi khu lukendo lwange okhucha e Makedoni khandi okhukowola yuuli okhutula e Makedoni, khandi khwobe nga wuntuma nindi khu lukendo lwange okhucha e Buyudaaya.17. Ninatekekha sino, nasikhola mu wokoyo? Oba nkhola entekekha change mu ngeri eye syaalo kho mu khuyeera khulala okhwo mbole nti, “Eee, Eee khandi nti Bbe, bbe?” 18. Naye mu masima nga Weere nali omwesikwa, owubakha wefwe yimuli siwuli mbo “Eee” khandi “Bbe.”19. Olwokhuba Omwana wa Weere, Yesu Kristo, owawuulirwa mwinywe nange nende Sirwano nende Timosewo, siwali “Eee khandi “Bbe” naye mu ye sibeyenge “Eee.” 20. Olwokhuba sisyamaani owungi wa makhabi ka Weere asubisiise kali “Eee” mu Kristo. Manu siityo okhumubitiramo “Amiina” siwoolewa nafwe khu luyaali olwa Weere.21. Wunanu Weere nje okira feesi efwe nanywe khwomiira mu Kristo. Katuchukhakho amafuta, 22khandi katutakho akhawonero khaye, khandi katutakho omwoyo kwaye mu myooyo chefwe nga rubbuni, okhwomiisa ebicha okhwiicha.23. Nanga Weere nga omujulisi wange nti syali esitekekhe nabalekha muwulayi nga nintakowola mu Kkoliinso. 24. Okhulekha mbo khusibatwiikha khu nfukiirira, naye khukhola nanywe khu lwe’sangaalo lyenywe, olwokhuba mu khufukiirira nje mu mubeera abakumu.

Chapter 2

1Manu naKhengawo mu bibaaso byange nti sindabakeniye khandi muwuchuuni. 2. Olwokhuba nimbachuniya, nanu osikala onkhusangaasa okhutusakho enywe banjuniisye?3. Nawandiika nga ni nawandiika ntyo kho nimba ni nicha kho nkhaye okhuchunisiwa nende abo abakhoya onkhusangaasa. Nabesika mweesi, nti mwesi mwakhasangaliiye alala nange. 4. Olwokhuba nabawandiikira okhubita muwuchuni nende okhwekanyiisa khwo’mwoyo nende amasika maangi, okhulekha okhubachuniya naye okhubamanyisa okhudakha khwange okhukali khumbadakhiramo.5. Omutu yeesi naleetire owuchuni, syaba nikanjunisye lukali nga nabachunisye enywe mwesi mweesi, okhwola khusikera nawulebe__ owutasyoosa abi lukali. 6. Esiwonereso esimubakho olwa’bangi simumala. 7. Wunanu mukhoyire okhumulekheramo khandi mu mukumye, kho akhaye okhuba nende okhwelarikhirira okhubitiriiye.8. Mbakhubbirisa, nolwesyo, okhwomiisa okhudakha khwenywe yaali. 9. Esyakira ni mbawandikiira nje okhuwona nimunyala okhubita mu khukhemewa mwaaba abawulise mu wuli siitu.10. Nimulekheramo omutu yeesi, sessi mulekheramo. Khandi sindekheyemo__ ni aliwo syosi esyo’khulekheramo__ Ndekheyemo mu moni cha Kristo khulwenywe, 11kho sitaani akhaye okhutukhira amakesi. Olwokhuba efwe sikhuli nga abatamanyire enkhwe chaye.12. Wunanu ni nacha mu Tulowa okhuwuulira enjiri ya Kristo manu nawukaana nga Omwami kali kanjikuliiye omulyango, 13. Lwosi sinali nimbulira emireembe mu bibaaso byange, olwokhuba sinawukanayo mwanawama Tiito. Manu nabasiiwula nti mubeyo nimala nja e Makedoni.14. Naye nebasa Weere, oyo otutangirirangamo mulukendo olwa Kristo khandi okhubitira mwifwe obakalanga nawuli awuutu akhaηηari akhokhumanya okhutula okhwaye. 15. Olwokhuba khuli aba Weere akhalekherekhe akha Kristo akati mwabo abali okhuwonesewanga nende abo abali okhufwaanga.16. Eyiri mulala khuwunya okhufwa: eyiri owundi, akhaηηari akhowulamu. Manu nanu owakanaakana mu mulimo nga okwo? 17. Okhukawukhana nende abangi, sikhuwoniya emboosi ya Weere khu lwa’magoba. Owutaba khutyo, mu Kristo khulomaloma eyiri Weere nikhumaliriiye, nga abaatu abatumiwa okhutula eyiri Weere.

Chapter 3

1Khuchakire okhwefumya abene khandi? Oba khudakha, nga abaatu bandi, amabbaruwa akatuseemba yimuli oba okhutula yimuli? 2. Enywe abene ninywe ebbaruwa yefwe, eyawandiikiwa khu myoyo chefwe, eyimanyikhire khandi eyisomewa nende wuli mutu. 3. Nga mwekesewa muti muli ebbaruwa okhutula eyiri Kristo, okhutula mu wuweresa wefwe, eyitawandiikiwa wino naye nende omwoyo owa Weere omulamu, atasi makina naye khu makina ke’myooyo echa baatu.4. Owomiifu nga wuno wefwe okhubitira mu Kristo khu lwa Weere. 5. Okhulekha mbo khuli abechufu mwifwe abene okhuwoola khuti khunyala okhukhola esiitu syoosi abene naye okhunyala khwefwe khutula eyiri Weere. 6. Atukholire khwaba abanyala nga abakhosi abendakaano embyaakha__ okhulekha abebbaruwa naye abo’mwoyo; olwokhuba ebbaruwa yiita, naye omwoyo akaba owulamu.7. Wunanu nisiba mbo owuweresa owaleeta okhufwa, okhwasaatiwa mu nukuta khwikina, khwecha nende oluyaali, kho aba’Yisirayiri bakhaye okhukhaηηaasa Musa mu moni khulwo’luyaali lwalyo, nende nisyali nga sifiirira siityo, 8. Owuweresa owo’mwoyo siwuliba wo’luyaali lukhirakho?9. Nisiba mbo owuweresa owukhengera abaatu emisango wo’luyaali, naye oluyaali lwo’wuweresa owuleeta owulungifu wulyaka ye! 10. Olwokhuba esyaali esyo’luyaali siwuma luyaali wunanu nusikeraniya khu luyaali olukhirawo. 11. Khandi esyo esyali ni sifwiririra syecha no’luyaali, ne esyo’luyaali lwo’luberera lu lyakaye!12. Nolwesyo, nga nikhuli nende okhusuubira nga khuno, khuli abamaani lukali. 13. Sikhuli nga Musa, owataanga esitambaara mu weeni waye okhukayira aba Yisirayiri okhuwona esyo esyalingi nisifiiririra.14. Naye ebibaaso byaawe byawumakho owoki, olwokhuba no’khwoosa wunanu esitambaara syene esyo syasikala nisitawikhuywe khu ndakaano enkhale ni yisomewa sitatusiiwakho bbe, olwokhuba mu Kristo mwoηηene nje mu situsiwakho. 15. Ata okhwoola olwaleero luno Musa nasomewa, esitambaara sibawiikha khu myoyo chawe. 16. Naye omuutu yeesi nakaluukhana eyiri Omwami, esitambaara situsiwawo.17. Wunanu omwami nje omwoyo, ni khandi omwoyo wo’mwami aba, abawo owulekhuule. 18. Manu efwe, abo’weeni owuwikhule khweekesa oluyaali olwo mwami, khukalukhanisiwa khwacha mu nfwaani yaye nende oluyaali lwemeeda, olutula ewo’mwami, oyo oli omwoyo.

Chapter 4

1Nolwesyo, khasita okhubitira mu sisa sya Weere khuli nende owuweresa wuno, si khuwaamo omwoyo bbe. 2. Okhukhirawo, khwewaaba ebyaama nende ebyensoni; khukaana okhukhola ebyowubacha, khandi sikhukodya emboosi ya Weere naye okhukawukhanakho, okhutaangawo amasima mu lwatu khwekhakhasa efwe abeene eyiri wuli muutu mu moni cha Weere.3. Ata nende enjiri yefwe yiwiikhulwakho esitambaara, yiwiikhiwakho eyiri abo abacha okhusikhirira. 4. were owoluse luno kawofusa ebibaaso ebyabatafukiirira, kho bakhaye okhuwona owulafu owenjiri eyo luyaali lwa Kristo, oli enfwani ya Weere.5. Olwokhuba sikhuwuulira abeene, naye Yesu Kristo nga Omwami, nafwe nga abakhosi benywe khulwa Yesu. 6. Olwokhuba Weere, owawoola ati, “Owulafu khawadukhe mu siirema,” kakhola owulafu waye wadukhira mu myooyo chefwe okhutuwa owulafu owo’khumanya oluyaali lwa Weere mu weeni wa Kristo.7. Naye khuli nende owuyiinda wuno mu mukka cheroba okhwekesa mbo amaani amabitiirifu kano katula eyiri Weere okhulekha okhutula yikhuli. 8. Khufwinyirirwa lukali khumaande choosi, naye sikhusasakulwanga; khudondobanisiwa, naye sikhukowola enyuma, 9khusandisiwa, naye sikhulekhewa; khukhubbwa assi, naye sikhusikhirisiwa. 10. Wuli sikha khukiinga mu mubiri kwefwe okhufwa khwa Yesu, kho owulamu wa Yesu wosi weyekese mu mubiri kwefwe.11. Olwokhuba efwe abalamu wuli sikha khuli okhuwangayo khu lwa Yesu, kho owulamu waye wuwonekhere mu mubiri kwefwe okufwa. 12. Manu siityo, okhufwa khuli okhukholera mwiifwe, naye owulamu wukholera mwinywe.13. Syawandiikiwa siiti: “Nafukiirira; nolwesyo nomalomire,” nende omwoyo kwene okwo okwokhufukiirira fweesi khufukiirira nolwesyo khulomaloma, 14olwokhuba khumanyire khuuti oyo owasingisa omwami Yesu okhutula mu bafu fweesi alitusiingisa alala nende Yesu atuleete yimuli mumoni waye. 15. Bino byoosi biriwo khu lwo’wulayi wenywe, kho esisa esyoolera abatu bangi sinyale okhutawo okhwebasanga khwoole okhwidikhirira khu lwo’luyaali lwa Weere.16. Nolwesyo sikhuwamo omwoyo. Asyakhaba mbo owulamu wefwe khu mukulu wuli okhunyasikhanga, naye mukati khuli okhukowosewanga wuyaakha wuli ludaalo. 17. Olwokhuba owulafu wefwe no’wudinyu owesikha wukha wutuleetera oluyaali olutakama olusidowa okhukhira choosi. 18. Manu khuta emoni chefwe okhulekha khu biwonekha, naye si khu bitawonekha. Olwokhuba ebiwonekha bya sikha wusa, naye ebitawonekha by’olubeerera.

Chapter 5

1Wunanu khumanyire khuti eweema eyokhusyaalo yi khwamenyamo niyirisikhirisiwa, khuli nende esyombakhe okhutula eyiri Weere enyumba eye mirembe ne mirembe mwikulu eyitombakhiwa nende amakhono aka’baatu. 2. Nikhubiindukha wusa, nikhwekombanga okhwambasiwa nende owumenyo wefwe owo’mwikulu, 3olwokhuba nikhwambasiwa, sikhulyakaniwa nikhuli sichula.4Olwokhuba nikhuba nikhuli mu weema yino, khubindukha khandi khusidowerwa, olwokhuba sikhudakha khwambuliwe naye khwambasiwe nende owumenyo wefwe owo’mwikulu kho omubiri kufwa kumiriwe nende owulamu. 5. Wunanu Weere nje owatukhola olwasino khandi atuweye omwoyo nga arubbuni, okhwomiisa esicha okhwiicha.6. Nolwesyo wuli ludaalo khuli abomiifu khandi khumanyire khuuti khasita khuba nikhuli engo mu mubiri khuli ale okhutula khu Mwami. 7. Khuliwo khu lwe’nfukiirira, okhulekha khulwokhuwona ne’moni. 8. Khuli abomiifu, mboola, khandi nakhadahire ohuba ale nende omubiri nabanga sirala no’mwami.9. Manu sakira esichiiririrwa syefwe nje okhumusangasa, oba khuli ango mu mubiri oba ale nakwo. 10. Olwokhuba fwesi khutekwa okhuwonekha emutwe we’sisaala esyo khukhenga emisango esya Kristo, kho nawuli otula anyale okhufuna esyo esimukhoyera olwebiitu bikakhola nasiiri mu mubiri, oba birayi oba bibi.11. Manu, siityo, khumanyire amakhulutu ako’khutya Omwami, khukesakho okhukhobya abaatu. Efwe sikhuli simanyikhanire eyiri Weere, khandi nsuubira nti simanyikhanire nende mu bibaaso byefwe. 12. Sikhuli okhukesakho okhwefumya yimuli khandi, naye khuli okhubawa enkhabi okhutwesiimiramo, kho munyale okhukowolamo mwaabo abesiimira mwisyo esiwonekha okhukhira esyo esiri mu mwoyo.13. Nikhuba nikhuli erwanyi we’bibaaso byefwe, khuli khutyo khu lwa Weere; naye ebibaaso byefwe byaaba nibiri awene biri khulwenywe. 14. Olwokhuba okhudakha khwa Kristo khutwoseresa, olwokhuba khumanyire khuuti mulala kafwira boosi, manu nolwesyo boosi bafwa. 15. Manu kafwira boosi, kho abo abalamu bakhaye okhuba abalamu khulwawe abene naye khulwoyo owabafwirira khandi kasingisiwa.16. Manu okhutula wunanu no’khucha mu moni awuma yikhutiingaala nikhwema khu mbaasa ye’syaalo sinno. Nende mu khutangira nikhwabaasa khu Kristo mu ngeri yino, sikhusiikhola khutyo. 17. Nolwesyo, omuutu yeesi naba mu Kristo, aba ali esilonge esiyaakha; ebikhale biba biweyewo, ebiyaakha nga biichire!18. Bino byoosi bitula eyiri Weere, owatukowosa alala khandi katuwa owubakha owukowosa abaatu alala. 19. Esyo Weere kali ali okhukowosanga esyaalo yaali mu Kristo nga khandi syababaliyekho ebibi byawe. Ne khandi katudiisya owubakha owo’khukowosa alala.20. Manu no’lwesyo khuli ba wamuwanda ba Kristo, oti fwana Weere kali akhubba omulanga okhubitira mwifwe. Khu bekweeda khu lwa Kristo: mukowole eyiri Weere. 21. Weere kamukhola oyo owawumakho esibi kaba esibi khulwefwe, kho mu’ye khunyale okhuba abalungifu ba Weere.

Chapter 6

1Nga abakhosi bakholera alala nende Weere basyange mbekweeda owutafuna esisa sya Weere khu werere. 2. Olwokhuba awoola ati, “Mu sikha esyokhudakha khwange nabawulira, khandi nende khu ludaalo olwo’wuwoniya nabayeeda.” Mbawolera, wunanu nje ebikha ebyokhudakha khwa Weere, khandi wunanu nje oludaalo lwo’khuwonesewa. 3.Khaba sikhuta esyo’kwekumula esikayira mu ngira yo muutu yeesi, kho wunanu owuweresa wefwe wukhaye okhwolobesewa.4. Naye, nga abaweresa ba Weere khwewayo mu ngira yoosi: mu womeranu wungi; 5mu khukhubbiwa, mu khuwoyewa nende mu wujjemu; mu mirimo midinyu, n’owutakona ndoolo nende enjala, 6mu sironyo, okhutegeera, okhwesimiirisa nende esisa; mu mwoyo omwolerefu nende mu khudakha khwawene; 7mu khulomaloma okhutufu khwene mu maani aka Weere; nende ebyo’khulwanisa ebyo’wolerefu mu mukhono omulungi nende omukooda.8. Okhubitira mu luyaali nende muwubacha, eriita ebi nende eriita erayi, khuli balayi naye khuyiriwa nga abetakho wusa; 9. Khumanyikhanire naye khuli nga abatamanyikhanire; khufwa ni nga khuliwo; khukhubbiwa naye nga sikhufwa; 10khweraliikhirira, naye nga khusangaala ebikha byoosi, nga abaati, ate nga khukira bangi baaba abayiinda; nga abawuma syoosi, ate nga khuli nende nawuli situ.11. Khulomalomire khuwereere yimuli enywe, Abakkoliinso, khandi khwikuyewo emyoyo chefwe mu wubaambali yimuli. 12. Khaba sikhwerekheeye okhudakha khwefwe okhubatulakho, naye mwerekheye okhwenywe okhututulakho. 13. Nga okhukowolamo owulayi__ nomaloma nanywe nga olomalomera abaana bange__ mwikule emyoyo chenywe chosi chibe emibaambali.14. Mutambasiwa ejoogi lala nende abatafukiirira. Wulala siina owuli akati wo’wulungifu nende owukafwiri? Oba khukholera alala siina owulafu wuwuba nawo nende esirema? 15. Kholagana siina eyiri akati wa Kristo nende Beliyali? Siina omufukiirisi syafananiya nende otaasi omufukiirisi? 16. Khufukiirisaniya siina okhuliwo akati we’nyumba ya Weere nende ebilongalongwe? Olwokhuba khuli enyumba ya Weere mulamu. Nga Weere lukawola ati: “Ndibamenyamo khandi ndikenda akati mu bo, khandi ndiba Weere waawe, khandi baliba batu bange.”17. “Nolwesyo mubatulemo khandi mwekawule, awoola Omwaami Mutadiranga khu siitu esichafu, manu nakhabawukanire.” 18. “Nja okhuba senywe yimuli, khandi muliba basyani nende abakhaana bange, awoola Omwami owowunyala.”

Chapter 7

1Manu nga nikhuli nende ebisuubiso bino, abecha abakoosi, khwelafuye abeene okhutula khu byoosi ebichafuwasa omubiri nende omwoyo, nga khwoseresa owulungifu mu khutya Weere.2Mututerewo esiseenge mu myoyo chenywe. Yiwuma yikhwasobeserya, yiwuma yikhukuliirirangakho, yiwuma yikhukhosesanga khwakhaya okhumusasula. 3. Sinomaloma sino okhubatakho omusango; nasiwoola khale nti muli nesifwo nga esyo mu myoyo chefwe khuti khwakhabawo oba khwafwa nanywe. 4. Ndi no’wukhakhafu wukali mwinywe; newulirira lukali lwene mwinywe. Nkhubbirisiwa lukali lwene; mu bidinyu byefwe byoosi esangaalo lyange liwuma syakamo.5. Olwokhuba nikhwecha mu Makedoni, omubiri kwefwe kuno kwawumakho okhujoηηolokha, naye khwasandisiiwa wuli yikhwakalukhaniranga__ emyeero erwanyi, owuti mukati. 6. Naye Weere, okumya abelarikhirifu, katukumya olwo’khwiicha khwa Tito, 7khandi silwokhwiicha khwaye khwoηηene naye nende okhusangasiwa khu mwamuwa. Katuwoolera okhwekomba khwenywe yindi, khulwange, kho esangalo lyange libe ekali okhukhirawo.8. Anakhaba mbo nabawa esibeera mu bbaruwa yange, sinjesindukhamo. Anakhaba mbo nayesiindukhamo__ mbona nti ebbaruwa yange yabadisya ettima, naye olwesikha sitono wusa__ 9naye nga wunanu ndi omusangaafu, silwokhuba nti mwaba ne’sibeera, naye olwokhuba nti esibeera syenywe syabayira mu khweyolobya. Olwokhuba mwali ne’sibeera nga Weere lukadakha manu khaba sikhwachunisiwa mu ngeri yoosi. 10. Esibeera syo’wa Weere sireeta okhweyolobya okhuyira abaatu mu khuwona manu awumawo okhweyolobya, naye esibeera sye’syaalo sireeta okhufwa.11. Muwone esibeera syo’wa were sino sisiwuuye mwinywe: Sikhulutu si, khusambikha siina okhwatulakho kho mubaase okhwelwanakho, ttima si, nduulu si, khwekomba si, sibadirirakho yena, wetekefu siina okhuwona mbo amasima kolewakho. Khu sino mweyekesiise okhuba abawuma musango mu mboosi yino. 12. Anakhaba mbo nabawandiikira, sinawandiika khu lwoyo owakhola owubi oba luwande lwoyo owakholewa owubi ne okhukhirira erala nti mu moni cha Weere mwakhawene abeene nga ni mwewayo yikhuli.13. Khulwa’bino byoosi khwukumisiwa. Okhwongera khuwukumisiwa khwefwe khwene, khwali basangaafu lukali okhuwona nga Tito nikali, olwokhuba omwoyo kwaye kukowosewamo amaani nanywe mweesi. 14. Nali nepakhire yaali khwinywe, khandi simuswasiise bbe. Naye nga nawuli sikhwawoola yimuli syali situufu, manu okhwepaakha khwefwe yimuli khu Tito khukhakhasiise okhuba owutuufu wosi.15. Nende okhudakha khwaye okhwa’maani okhwo mukati yimuli nikechulisa ati mweesi mwali abalonga, okhumuwukaanira no’khutya nende okhutengerekha. 16. Ndi omusangaafu nti nyala okhuba nende owomiifu wichufu mwinywe.

Chapter 8

1Ne wunanu, baana befwe, khudakha mumanye ebidiira khu sisa Weere syaweye amakanisa ke Makedoni. 2. Okhutula mu khukhemewa okhwa’maani, esangaalo lyawe ekali nende owuwati wawe owukali wawonekhera mu khukaba khwawe okhungi.3. Njulira nti bakaba nga nibanyala, ata no’khukhisawo abanyalira. Wusa khulwawe abeene, 4. batwekalikhira wangu wene olwokhudakha okhukabana nende abolerefu. 5. Manu sibakhola nga nikhwasuubira, naye bewaayo abeene okhutangira eyiri omwami kho khandi eyiri efwe mukhudakha khwa Weere.6. Manu khwakhubbirisa Tiito, nga nikali nateyewo enjaaka, khandi okhuleeta okhumaliirisa esikholwa sinno esye’sisa khuluwande lwenywe. 7. Naye wusa nga nimukhulakhulana mu biitu byoosi__ mu nfukiirira, mukhulomaloma, mu makesi, mu wumalirifu owamukulu nende mu ngeri yimutudakhiramo efwe__ muwone muuti lwosi mukhulakhulana mu sisa sino esyo’khukaba.8. Sindi okhubalagira, naye ndakha okhubakhema okhuwona owomiifu wokhudakha khwenywe nga ngerageraniya nende owa’baandi. 9. Olwokhuba mumanyire esisa syo’mwami wefwe Yesu Kristo, mbo akakhaba nikali omuyiinda, ni nga khu lwenywe kekhola omuwati, kho enywe okhubitira mu wuwati waye munyale okhuba abayiinda10. Ne khuno nje okhukeraka khwange ebidiira khu sikhira owulayi yimuli khu mboosi yino: omwaka kwaweye mwali bambeeri silwokhukaba khwoηηene naye nende okhuba mu mwoyo kudakha okhukhola mutyo. 11. Wunanu mumale omulimo, kho okhudakha khwenywe okhusikhola khuchaane nende okhusimaliirisa khwenywe, okhwema khu wunyali wenywe. 12. Olwokhuba okhudakha nikhuliwo, esiwanwa sifukiirirwa okhwema khu muutu syaaba nasyo, naye si khulwokhwema khu muutu syawuma nasyo.13. Okhudakha khwefwe sikhuli mbo abandi banyalirwe ne abandi bafwinyirirwe lukali, naye mbo abewo okhwakanakana. 14. Esikha sya wunanu okhudakha khwenywe okhukali khulikaba ebyetaagiwa byaawe, kho okhudakha khwawe khwoosi khukabe bimudakha. Abewo okhwakanakana, 15nga nisyawandiikiwa siiti: “Oyo owa’wusa bingi sikafuna bingi, nende oyo owa’wusa bitono sikafuna bitono byeene.”16. Nebasa Weere, owata mu mwooyo kwa Tiito okhufwayo nga ese khundi nakhwo yimuli. 17. Olwokhuba Tiito sikasangalira wusa okhukhubbirisa khwefwe syoηηene, naye ali okhwiicha yimuli nende okhudaha okhukhongo khandi nga omwene nje okhuchakire.18. Khandi khuli okhumutuma alala nende owasyefwe ofumisiwa nende amakanisa olwenkhola yaye khu njiri. 19. Esikhirawo nisi, kangaliwa nende amakanisa okhucha nafwe nga nikhukinga esiwanwa, sikhuwayo mu khukiniya Omwami omwene manu kho khwekese okhudakha khwefwe mu khuyeeda.20. Khudakha okhwekayakho okhwolobesewa mungeri yikhukholeramo okwo’khwewayo okwe’siyanwa sino. 21. Olwokhuba khuli okhuyira owuchuuni okhukhola esituufu, simumoni cho’mwami yeηηene naye nende mumoni cha baatu.22. Mu khumeedakho, khuli okhubatuma nende owasyefwe otukhakhasiise mu ngira chosi choosi ati atayo omwoyo lukali olwe’nfukirira, khandi nende okhukhirawo olwokhuba ali nende owesikwa wukali mwinywe. 23. Nga khulwa Tiito, wasyange khandi yinkhola naye mwinywe; ne khulwabasyefwe, bo babakha ba makanisa khandi no’luyaali lwa Kristo. 24. Nolwesyo mwekese abaatu bano esikhakhasa okhudakha khwenywe nende esikira ni khubenyumirisamo, kho amakanisa kanyale okhusiwona.

Chapter 9

1Sisyetaagisa ese okhubawandiikira ebidiira khu wuweresa eyiri abolerefu. 2. Olwokhuba manyire nga nimwetekekhire okhuyeeda, khandi mbeye newulira eyiri abaatu be Makedoni, nimbawoolera nti okhutula omwaka kuweye enywe abali mu Akaya mwali mwetekekhire okhukaba, khandi okhumalirira khwenywe khuweeye amaani bangi khubo okhukhola.3. Naye ndi okhubatumira abafukirisi kho okhwewulisa khwefwe yimuli mu mboosi yino khukhaye okhuba okhwawusa, naye kho mube abatekefu, nga ninawoola nti mube. 4. Olwokhuba abaatu abe Makedoni nibecha nange babawukana nimutetekekhire, efwe__ nikhutawoola esitu syoosi khwinywe__ khwakhaswaala olwokhutaba besikwa. 5. Manu nabaasa nti sikhoyera okhukhubbirisa abafukirira okhubakeniya niwusiiri no’khumaliirisa entekekha cho’khuwayo ebiwanwa bimwali nimulakire. Manu siriba esiwanwa esitekekhe, okhutaba nge’siwanwa sibataweyeyo no’myoyo mulala.6. Mwichulise sino: nawuli owanya nakekeresa no’khukesa khwosi alikesa nakekeresa, nende owanya natakekeresa alikesa natakekeresa. 7. Wuli muutu akhoya aweyo syakhengirewo mu mwoyo kwaye, ataasi okhwekanyiisa oba okhuyiingwa, olwokhuba Weere asangaalira okaba no’wusangaafu.8. Khandi Weere anyala okhukhola enkhabi choosi okhubabaakho, mu biitu byoosi, mu bikha byoosi mwaba ne’bitu byoosi bimudakha, muliba mu mirimo choosi emirayi. 9. Nga nisyawandiikiwa siiti: “Asalaniisye ebiwanwa byaye eyiri abaati; Owulungifu waye wumenya endaalo choosi.”10. Wunanu oyo okabira emwo omuwanyi nende omugaati nga ebyo’khulya alikabira khandi kameeda musibiikhiro syenywe khandi alibambaliyisa ekesa lyo’wulungifu wenywe. 11. Muliba abayiinda mu ngeri choosi kho munyale okhuba abalayi nawuli lumukaba, khandi okhubitira mwifwe okhukaba khwenywe khulayi khulitulamo okhwebasa eyiri Weere.12. Owuweresa wuno wumukhola sikhukaba wusa ebyetaago bya baatu ba Weere naye lwoosi widikha mu ngeri nyingi mu khwekesa okhwebasa Weere. 13. Olwe’ngeri yo’wuweresa abeene wumukhakhasise, abaatu balikiniya Weere olwowuwulise owuchiira mu khwewayo eyiri enjiri ya Kristo, nende mu wuwaani wenywe mu khukabana nabo nende nawuli otula yeesi. 14. Khandi nende mu khwekalikhira khwawe khulwenywe emyoyo chaawe chiritula yimuli, olwokhuba esisa sya Weere esibitiriiye abaweye. 15. Okhwebasa khuchire Weere olwe’siwanwa syaye esitawoolekhekha.

Chapter 10

1Mu wunafu nende mu wuloonga wa Kristo, mbekweeda__ Ese, Paulo, “Omuti” ninakananiya oweni khu weni nanywe, naye “Owa’maani” nindi aleyi! 2. Mbasaba nti ni niicha nkhaye okhuba na’maani nga ninsuubira okhuba eyiri abaatu bandi ababaasa baati khumenya mumbeera chesyaalo sino.3. Olwokhuba asyakhaba mbo khwamenya mu syaalo, sikhutawo okhulwana nga esyaalo lusikhola. 4. Ebyo’khulwaana bi khukhosesa khaba sinje ebyokhulwaana bye syaalo. Mu ngeri yindi, biri nende amaani ko’mwooyo okhusikhirisa ebifwo bya’maani5. Khusikhirisa amayiingani nende nawuli situkaania esyefwanirisa okhulwanisa amakesi ka Weere, khandi khuwaamba wuli sibaaso okhusikhola esifukiirira Kristo. 6. Khandi khuliba abetekefu okhusandya wuli sikholwa syo’wutawulira, khasita owulonga wenywe wolerera.7. Mutingaala wusa khu mukulu we’bitu. Ni abawo yeesi omwomiifu ati wa Kristo, akhoya abase lundi ati khuli ba Kristo wusa nga nali. 8. Olwokhuba nende newulise wusa nti khuwereere owunyala wo’mwami watuwa okhubombakha okhukhira okhubakwisa assi si sicha nkhunswaasa.9. Sindakha mbonekhe nga okesakho okhubatihirisya ne’bbaruwa change. 10. Olwokhuba abandi bawoola baati, “Ebbaruwa chaye nsito khandi chiyiinga, naye nga omuutu mwene syasangaasa nende okhulomaloma khwaye khuwumamo syoosi.”11. Abaatu nga abo bakhoya bamanye baati efwe nga lukhuli mu mabbaruwa kefwe nikhuwumawo, khuliba khutyo mu bikholwa nikhuliba nikhuliwo. 12. Sikhunyala okhwekeraniya khu bandi abepaakha abene. Nibepiima abene khu bene, khaba sibakesi.13. Efwe, asyakhaba siityo, sikhucha okhwepaaha okhukhira esikhoyera, naye khulikhayisirya okhwepaakha khwefwe khu muka Weere kukatuwa, omuka okwoola ata yikhuli. 14. Sikhulikhucha ale lukali mu khwepaakha khwefwe, nga nisyakhabeeye nikhutechire yimuli, olwokhuba khwoola ale nga enywe nende enjiri ya Kristo.15. Khandi sikhutuumya esikera nikhwepaakha olwemirimo echikholewa nende abandi. Okhusuubira khwefwe khuli mbo, nga enfukiirira yenywe niyemeeda okhukhula, omuka kwefwe mwinywe kuli bambaliya lukali, 16kho khunyale okhuwuulira enjiri mu byaalo biri ale ni nanywe. Olwokhuba sikhudakha okhwepakhira hu mulimo omutu wundi ku kamala okhukhola mu syaalo syaye.17. Naye, “Oyo owepaakha khakepaakhire mu Mwami.” 18. Olwokhuba sisiri mbo owepaakha omwene si nje osimiwa, naye oyo Omwami yasiima.

Chapter 11

1Nsuubira nti munanesimiirisire mu wusiru wange; naye lwosi muli okhukhola mutyo. 2. Ndi nende embalikha yimuli ne mbalikha ya Weere. Nabasuubisa khu wamwe yenywe mulala, khu Kristo, kho nyale okhubawayo nga omusisira muchweenufu yaali.3. Naye ndi no’wuti wusa nga Kaawa nikabachirisiwa nende olukesikesi lwe’njokha, emyooyo chenywe chinyala chayiriwa entulo okhutula khu masima nende owuchweenufu khu Kristo. 4. Olwokhuba omuutu yeesi nikeecha yimuli kawuulira Yesu wundi okhulekha Yesu yikhwawuulira, oba nimufuna omwoyo kukawukhanire khu kumwafuna, oba enjiri yindi okhulekha yimwafukiirira, mukhola wulayi okhumwesimiirisira.5. Naye simbaasa nti ndi wa’assi lukali eyiri “abatume abakhuluutu.” 6. Nyala owutaba omulomalomi omuteendekhe, naye ndi nende amakesi. Sino khusiteeye alafu mu moni yimuli mu ngeri yoosi.7. Syali sibi ese okhweyisa assi kho enywe musiingisiwe mu khuwuulirwa enjiri ya Weere yimuli khu werere? 8. Nanyaka amakanisa kandi nga ngafunakho owuyeedi kho nyale okhubakholera. 9. Khandi ni nali nanywe ni nalingi nende sindakha, si nali mukuku khu muutu yeesi. Olwokhuba abasyefwe abatula e Makedoni batusa bi nali nindakha. Neriinda simweene owutaba omukuku yimuli mu ngeri choosi, khandi nja okhuchanakana ninkhola ntyo.10. Nga mumasima amasima ka Kristo nikandimo, yiwuma muutu mu bitundu bya Yakaya olingaaniya okhwepaakha khwange khuno. 11. Khusiina? Olwokhuba simbadakha? Weere amanyire ati mbadakha!12. Khandi ndichaanakana okhukhola bindi okhukhola kho wabewo embaasa yaabo abadakha akhakisa okhubasiwa mbo bakana nafwe mu bitu bibepaakha nabyo. 13. Olwokhuba abaatu nga abo batume, bowubacha, abakhosi bo’wubacha, abefaananiya nga abatume ba Kristo.14. Ne sisiwukya, olwokhuba Sitani omwene kefananiya nga malayika wo wulafu. 15. Si siwukya, manu, abakhosi baye nibefananiya nga abakhosi bowulungifu. Enjakamo yawe yiriba nga ebikholwa byaawe nibikhoyera.16. Nondamo nti: Atabawo yeesi obaasa ati ndi omusiru. Naye nimubaasa mutyo, manu mumbukanire wusa nga ni mwakhakaniye omusiru, kho nyale okhwepaakhakho wutono. 17. Mu khwekhakhasa simweene nga nepaakha sinomaloma nga omwami lukakhali, naye nga omusiru. 18. Khasita bangi bepaakha nge esyaalo lu sikhola, seesi nepaakhe.19. Mwesimiirisa abasiru nga enywe lu muli abakesi! 20. Mu masima mwesimiirisira nende oyo obayira nga abaambe oba obakhosesera wusa oba obepaakhirakho oba oweyira emutwe oba obapaama mu weeni. 21. Mu nsoni change nfukiirira nti olwo’wunafu wefwe si watufukirira okhwola khwiisyo! Omutu yessi syakhengawo okhwepaakhirakho__ nomaloma nga omusiru__ khandi sesi nenyiira okhwepaakha.22. Abo be Bbulaniya? Sesi nje ndi. Abo ba Yisirayiri nibo? Seesi nje ndi. Bechukhulu ba Yibbulayimu? Sesi nje ndi. 23. Bakhosi ba Kristo? (ebibaaso bingotirekho okhulomaloma nti) ese nkhira awo. Nkholire lukali lwene, mbeeye mwijeera nawuli sikha, nkhubbiwa amakhabi na’makhabi.24. Amakhabi kataanu nakhubbiwa nende Abayudaaya embooko amakhumi kane nutusiisekho ndala. 25. Amakhabi kadatu nakhubbiwa nende enga, olundi bankhubba amakina, amakhabi kadatu nachukhiwa ne’meeri ni yadikhaniremo. Namala esiro ne’sideete alafu mu kuyanja, 26mbeeye wusa mu khuwawo. Mbeeye mu khabi okhutula mu basiku, mu khabi okhutula mu batu bange beene, mu khabi mu syaalo, mu khabi mu kuyanja; nende mu khabi okhutula mu basyefwe bo’wubacha.27. Nkholire khandi nakhenyukha oluuya khandi nga singona; manyire enjala nende owuluwo khandi mbeeye nga sinfuna ebyo’khulya; mbeeye munyifu khandi sichula. 28. Nutusiisekho ebitu bindi, wuli ludaalo mbukaana owusito owundiirakho owa’makanisa koosi. 29. Nje nanu omunafu, ese nakhaya okhuwulira owukata? Nanu oyiriwa mu sibi, ese nakhaya okhuya mukati?30. Ninteekwa okhwepaakha, ndyepaakhira mu bitu ebyeekesa owunafu wange. 31. Weere khandi simwana wO’mwami Yesu, ocha okhukinisiwa endaalo choosi, amanyire ati simbacha.32. Mu Damasiko Gafana assi wo’mwen’engo wa Aleta kakhola esiko sya Damasiko syalindiwa kho bandiire. 33. Naye banjisira mu sidubi okhubitira mu dinisa mu sida ne’fubatuula nabita mu makhono kaye.

Chapter 12

1Ntekwa okhuchanakana no’khwewulisa. Asyakhaba mbo yiwuma esyo’khufunamo. Ndichanakana nende okhuloota nende okhuwikhulirwa okhutula eyiri Omwami. 2. Manyire omuutu mu Kristo yi myaaka ekhumi na’chine enyuma owadiiriwa amukulu khu kulu lyo’khudatu. Oba syali mu mubiri oba erwanyi wo mubiri simanyire__ Weere amanyire.3. Khandi manyire nti omutu ono__ oba mu mubiri oba ali nende omubiri simanyire, naye Weere amanyire__ 4kadiiriwa paka mundalo ya Weere. Kawulira ebiitu ebitakhatuumbulwa, ebitu bi muutu atafukiirirwa okhuwoola. 5. Ndyepaakhira khu mutu nga oyo, naye sindyepaakha ese omweene, okhutusakho esidiira khu wunafu wange.6. Ata nende ni ndoolawo okhwepaakha, sinakhali musiru, olwokhuba nakhali nomaloma amasima. Naye khaba si nsikhola, sakira atabawo omuutu yeesi owumbaasakho lukali okhukhira nga nisidakhiwa ese okhukhola oba okhulomaloma. 7. Okhwerinda owuteefumya olwe’bitu bino ebya’maani ebiwukya ebyo’kkhuwikhulirwa, byali byantamo ewa mu mubiri kwange, omubakha wa Setani, okhunsandya.8. Amakhabi kadatu naalachira Omwami okhunsitusakho. 9. Naye kamboola ati, “Esisa syange sikhumala, olwokhuba amaani kange kaba molerefu mu wunafu.” Nolwesyo ndyepaakha no’khukhiririsakho nasirala no’wusangaafu khu wunafu wange, kho amaani ka Kristo kanyale okhunjoηηolokheraho. 10. Khakira, khulwa Kristo, nsangalira mu wunafu, mu manyeko, mu wukosi, mu khusandisiwa, mu bidinyu. Olwokhuba nimba omunafu, khandi mba na’maani.11. Nekholire okhuba omusiru omwene, naye enywe ninywe abanjosiise awo. Nkhoyera okhuba ni nakhali ninsembewa nanywe, olwokhuba sinseembewa okhuba khwabo abakhiramo owutono “abatume abakhira owulayi”, anakhaba ni ntaasi situ. 12. Ebiitu ebikira omuutu kaba omutume__ owuwonero, ebiwukisa nende ebyamayiiya__ byakholewa mwinywe nokhwesimiirisa okhukali. 13. Mwali mutye aba asi mu makanisa kandi, okhutusakho nga sinalikho omukuku yimuli? Munsaasire esisobyo sino.14. Wunanu netekekhire okhubakeniya enkhabi eryo’khudatu, naye nga sinja okhuba omukuku yimuli, olwokhuba sindakha bimuli nabyo naye ndakha enywe. Lwosi, abaana sinje abakhoya okhubiikhira abeewusi baawe, naye abeewusi nje abakhoyire okhubiikhira abaana bawe. 15. Manu no’wusangaafu wukali nja okhubakholera syoosi siindi nasyo nende ese owulamu wange samweene. Nimbadakha lukali, enywe munandakhe wutono?16. Nende nisyakhali sityo, simbeye mukuku yimuli. Manu, omukalangatanu nga lundi nabawambya mu makesi kange. 17. Nabatusakho esiitu syoosi nimbitira mu baatu ba nabatumira? 18. Nakhubbirisa Tiito okhwiicha yimuli khandi natuma owasyefwe naye. Tiito si kabatusakho esiitu syoosi, kabatusakho? Sikhwakholera mu mwoyo mulala khandi khwadiira engira nasirala?19. Okhutula khale mubeyenge mubaasa muti khubeeye khwewosakho abene yimuli? Khubeyenge khulomalomera mu moni cha Weere nga abali mu Kristo; khandi nawuli sikhukhola, beecha befwe abakoosi, syo’khubomiisa enywe.20. Olwokhuba ndi muti nti ninicha nyala owutabawukaana nga nindakha mube, khandi mwesi munyala owutambukaana nindi nga ni mudakha mbe. Ntya nti anyala okhubawo okhunyekana, omutolyo, ettima, okhukawukhana kawukhanamo, owubacha, okhumonyana, okhwekhuduumbasa, okhweniniya, owutefuka. 21. Ndi no’wuti nti ni nakheche khandi Weere wange kakhanjise assi yimuli, khandi nja okhunyoolerera bangi abakhola owubi okhusooha khandi nga sibeyolobya elwe’bibi, esibi syo’wudaamba nende owukendaani ne’bikholwa bindi bi beyingisamo.

Chapter 13

1Lino licha okhuba ekhabi lyange eryo’khudatu okhukhukeniyira. “Wuli siitu sitekwa okhumanyikha nende owujulisi wa babiri oba badatu.” 2. Namala okhubalawula ninali nanywe ekhabi eryo’khubiri. Wunanu sirondamo nintaasiwo: Nindikowola sindirekha abo abanyaasa okhusookha oba abandi boosi,3khasita muli okhudakha esyomiisa siiti Kristo ali okhulomaloma nikambitiramo. Si munafu okhubakholakho, naye wa’maani mwinywe. 4. Olwokhuba mu masima, kakhomererwa mu wunafu, ate nga aliwo khulwa’maani ka Weere. Nasirala, khuli banafu mu’ye, ate nga khulwa’maani ka Weere khuliba abalamu naye okhubakholera.5. Mwekhebere abeene okhuwona nimuli munfukiirira; mwekhebere abeene. Simumanyire muuti Kristo Yesu ali mwinywe__ okhutusakho nga, mu masima, mukwa amateebo? 6. Khandi nomiisa nti mulifumbula muuti khaba sikhwakwa amateebo.7. Wunanu khwekalikhira Weere khuuti simucha okhukhola esitu syoosi esibi. Si baatu okhuwona baati khubitire amatebo naye mbo mulikhola esikhoyera ata nende khube nga abakwiiye. 8. Olwokhuba yiwuma sikhwakhakhola okhuyiinganiya amasima, naye wusa khulwamasima.9. Khuli basangaafu nawuli lukhuba abanafu naye enywe muba abamaani; ne khandi okhusaba khwefwe khube wolerefu wenywei. 10. Sino nje esikira nimandiika ebiitu bino nimbumawo, kho ni niicha nkhaye okhuba omuwalaba mu khukhosesa owunyala wange__ owunyala Omwaami wukaamba olwo’khubombakhanga enywe, okhulekha okhubawukhaniyangamo.11. Esisembayo, baana befwe, mubeeyo. Mugenderere owolerefu, mutekerese bimbawoola, mube abebibaaso birala, mube mu mirembe. Khandi Weere wo’khudakha nende emirembe aliba nanywe. 12. Mukhesaniye syamulala nimukwiichana mu birifu mu wolerefu13. Esisa sy’omwami Yesu Kristo, nende okhudakha khwa Weere, nende okhukholera alala okhwo’mwooyo omwolerefu bibe ni nanywe mweesi.

Galatians

Chapter 1

1Paulo, omutume__ sikatumiwa na baatu, oba no’muutu naye nende Yesu Kristo nende Weere Bbabba, owamusyukhisa mu bafu__ 2nende ba mwanaama boosi ni nange,Eyiri amakanisa mu Galatiya:3. Esisa ne’mirembe yimuli okhutula eyiri Weere seefwe nende Omwami Yesu Kristo, 4Owewayo omwene khulwe’bibi byefwe okhutuwoniya oluse lubi olwebikha bino, olwokhudakha khwa Weere wefwe nende seefwe, 5. Okhoyire okhuwewa oluyaali endaalo ne’ndaalo. Amiina.6. Esse mbuka okhuwona nti mu bikha bitono mwanguyire okhulekha oyo owabalanga olwe sisa sya Kristo nende muli okhukalukhana nimulonda enjiri yindi __ 7ne mumasima eyitali nanjiri ata nawutono. Aliwo owujulisi wumala nga abaatu bandi bali okhubasukunanga mu khutamanya yimuli nende n’okhukodya enjiri ya Kristo.8. Asyakhaba mbo efwe, oba malayika okhutula mukulu nawuulira enjiri eyikawukhanakho khu’yira yi khwabawuulira akhoyire akholimirwe, endaalo choosi! 9. Nga lukhubeye nikhuwooye, khandi nsilondamo: Ni abawo owundi oli okhubawuulira enjiri, eyitali yira yimwali mwafukirira, akhoyire okholimirwe endaalo choosi! 10. Siri mbo ngesakho okhusimiwa na’baatu, oba nende Weere? Oba ndihukesakho okhusangasa abaatu? Nisiba mbo nali ngesakho okhusangasa abaatu, sinakhabeye mukhosi wa Kristo.11. Ndakha musimanye, baana befwe, muuti enjiri yi nawuulira si situ esyatewawo wusa no’muutu. 12. Sinayifuna okhutula khu muutu yeesi, oba bayinsomesa wusomesa; okhumalakho, nayifuna okhubita mu khuwikhulirwa okhutula eyiri Yesu Kristo.13. Khuba enywe muwuliye khubinfakho mu wulamu wange nindi mu si Yudaaya, nga lu nasandyanga ekanisa ya Weere ningesakho okhuyisikhirisa. 14. Nali khiririsa mu byo’wuYudaaya nga nkhirakho aba’Yudaaya bo’luse lwange nga nomirira erala khu midunga cha ba kuuka yange.15. Ne Weere, oyo owandola okhutulira erala mu khwiwulwa khandi kanaanga olwe sisa syaye, kasangala 16okhuwikhulira omwana waye mwise khu nyale okhumuwuulira mu bateende. Ese sineteebakho khu mutu yeesi, 17ata sinachakho amukulu e’Yerusalemu okhuwona oba abali abatume ese nintaaba, ne nacha mu wangu mu wuwarabbu olunyuma nakoowola e’Damasiko.18. Olunyuma lwe’myaka chidatu, Nanina nacha e’Yerusalamu okhunalana nende Petero namenya naye endaalo ekhumi na chitanu. 19. Sinawonakho khu batume bandi __ okhutusakho Yakobo, mwanaηηina wo’mwami. 20. Mbakhakhasa mu moni cha Weere nti bimbandika yimuli siwubacha.21. Olunyuma nacha e Siriya nende e Silisiya. 22. Samwene sinali manyikhanire eyiri amakanisa ko’mu wu’Yudaaya akali mu Kristo. 23. Kawulirangakho owulopere woŋene; “Omusaacha watuwalaniyanga wunanu awuulira enfukirira yikakesangakho okhusikhirisa,” 24. Khandi bafumya Weere khu lwange.

Chapter 2

1Emyaka nichibitirewo ekhumi nachine khandi nanina nakowolayo e’Yerusalemu, khu luno nende Balunabba. Nayira Tiito yesi. 2. Nacha olwokhuwikhulirwa nabatekekhera enjiri yinawuuliranga mu bateende. Ne sino nasikholanga eyiri abo abalingi nga batangirisi bonηηene, nga ntya nti nali nirukha oba nerukha khu werere.3. Nikhane ewe nende Tiito, owali ni nange, yesi kali kayiikiwa okhukhebewa, nende abe sikali mu’Yonaani. 4. Yino mbosi yasingira khu lwa baana befwe bandi abali babacha bali batwetawuyemo khumadara kakhwalikho nibakhemeresa khu khweyaaka khu khwali nakhwo mu Kristo Yesu nokhutukhola khube abawaambe. 5. Sikhwalekha bikhwalikho khu lwawe ata nalulala, khu sinyalikhe okhutusa amasima kenjiri okhusikala ni nanywe.6. Ne eyiri abo abasikala nga bakhunufu__ oba bali bakhulutu oba khaba binjakanira; khuba Weere syakhenga khu lubyawene khu mukulu- abo baatu sibongera syosi syoosi khu mbosi yange. 7. Khu luwande lundi, bawona baati nali mberesewe omudunga kwo’khuwuulira mu bateende, nga lusyali nende Petero lukali eyiri Abayudaaya. 8. Khuba Weere ,owali khu mulimo mu wuweresa wa Petero ngO’mutume eyiri Abayudaaya, yesi kali mu wuweresa wange nga omutume eyiri abateende.9. Yakobo, Petero nende Yokaana, abali bakinisiwa baba ensiiro, bamba fembi nende Balunabba omukhono mulungi okwo’wulala nibola bategeera esisa syambewa. Bola bafukirisaniya baati efwe khuche eyiri abateende, nabo eyiri Abayudaaya. 10. Syoηηene sibateeba syali efwe khukhoyire khuchanakane nokhwichulisa abaati, sirala wusa esyo sinali no’wuluwo okhukhola.11. Petero nikola okhwicha Antiyokiya, namuyinganiya moni khu moni, khulwokhuba kali muwakhafu khu luwande lutali lutufu. 12. Abaatu bandi nibatoola okhutula eyiri Yakobo, kalyanga na’beteende. Ne nibola, kachaka okhukowolera emukongo nabekawulakho abateende bano khulwokhuba kali atya abo bakali namanyire nga nje abaye abo’mukanda kwabakhebewa.13. Abayudaaya bandi bamweyimbaniyakho mu khwebachirisa khwaye nga bosi mu khwebachirisa khwawe ata Balunabba yesi kakota engira yikalikho. 14. Ni nawona nti sibali khulondakira engira ya masima ye’njiri, nola nawolera Petero mumoni chaawe boosi nti, “Ewe oli mu Yudaaya, n’omenyire ngo’muteende si ngo’muYudaaya. Sino siri sitye, wunanu, mbo oyinga abateende okhukhola ensambo cha Bayudaaya?15. “Efwe Abayudaaya khu lwowiwulanwa abataasi bakholi be’bibi bateende.’ 16. Khumanyire khuti omuutu syakholerwa wulayi olwo’khulonda amalako, naye khu lwe’nfukirira mu Yesu Kristo. Sakira efwe, fesi, khuteeye enfukirira yefwe mu Kristo Yesu kho khunyale okhukholerwa wulayi olwenfukirira mu Kristo ni si khuliwo khulinda elako, khuba okhulinda elako awumawo ata mulala olikholerwa wulayi.17. “Nisiba mbo khukonya okhukholerwa wulayi mu Kristo, syolerera mu wukhakhafu siiti efwe fwabeene khuli bakhosi be bibi, sino siba sikhakhasa siiti Kristo akhusa esibi? Khabaa sinje lu siri! 18. Singa no’mbakha si nasaakula, nakhabeye khakhasa nti ndi mukhalaki wa malako. 19. Khulwokhuba okhubitira mu lako nafwa khulwe’lako ho sinyalikhe ese okhubaawo omulamu olwa Weere.20. Nakhomererwa nende Kristo sinsiri mulamu, ne Kristo amenya mwiise. Owulamu wundimo mu mubiri, ndinawo olwe’nfukirira eyindimo olwo’mwaana wa Weere, owandakha kewayo khu lwange. 21. Sinyala nata elubeka esisa sya Weere, khuba nisiba mbo owolerefu wunyala wakaniwa okhubitira mu lako, Kristo kafwira werere!”

Chapter 3

1Enywe a Bagalatiya basiru! Nanu owabaloka? Mu moni chenywe abeene Yesu Krisito kekesewa musifananyi mu waakhafu ngo’wakhomererwa. 2. Ndakha okhweka wusa esitu sirala okhutula khwinywe: Mwafuna omwoyo okhutula khu khulondakirira elako, oba olwokhufukirira bimwawulira? 3. Muli wusa abasiru mutyo? Nimumalire okhuchaka no’mwoyo, muchakire wunanu okhukesakho okhwakana bimugenderera no’wunyala wo’mubiri?4. Mwasanda lukali khu werere__ nisiba mbo mu masima sya werere? 5. Weere kabawa omwoyo waye akhola ebyamangalima mwinywe khulwokhuba mulonda elako, oba khulwo khuba mufukirira bi mwawulira?6. Mubaase khu Yibbulaimu: “Kafukirira mu Weere, okhusiima khwamuweresewa ngo’mwolerefu.” 7. Musimanye, olwo, muuti abo abafukirira baba baana ba Yibulaimu. 8. Esyawandikiwa syekesa khale siiti Weere alikhola abateende baba bolerefu okhubitira mu nfukirira, khandi kasilangirira mu njiri niwusiri eyiri Yibulaimu ati: “Ebyaalo byoosi biriyeresewa enkhabi okhukhubitiramo.” 9. Sakira abali nenfukirira bali nenkhabi alala nende Yibulaimu, omusaacha we’nfukirira.10. Boosi abesika okhulonda amalako bali assi we’sikholimo, khuba syawandikiwa siiti: “Akholimiiywe omuutu yeesi otachanakana okhukhola wuli syawandikiwa mu sitawo sya malako.” 11. Simanyikhanire wulayi siiti awumawo yeesi olibaliwa okhuba wulayi mu moni cha Weere okhubitira mu mulako khulwo’khuba, “Abolerefu balibaawo olwe’nfukirira.” 12. Amalako sikema khu musingi kwe’nfukirira; khu luwande lundi siwoola siiti, “Omuutu okhola ebitu bino alibawo olwabyo.”13. Kristo katutusa mu siwaabo sy’elako kaba esiwaabo khu lwefwe, khuba syawandiikiwa siiti: “Owawaabiwa nje oyo yeesi owawanikhiwa khu musaala.” 14. Katukula efwe omukisa kwawewa Yibbulayimu kunyale okhwola khu bateende nikubitira mu Kristo Yesu, khu sibe mbo okhubitira mu nfukirira khunyale okhwakaana omwoyo ku katusubisa.15. Baana befwe, khambukule esyo’khuwonerakho okhutula khu biriwo mu wulamu wefwe. Nga yiwuma omuutu yeesi onyala katusakho oba kongera khu ndakaano yo’wuutu eyatewawo, khulwesyo nje lu siri khu situ sino. 16. Ebisubise byalomalomwa khu Yibbulayimu nende khu mwichukhulu waye. Esiwandiiko sisiwoola siiti “nende khu bechukhulu,” nisyekesa abaatu bangi, ne “khu mwichukhulu wawo,” esyekesa mulala, oyo nje Kristo.17. Sinekesa nje sino: Elako, eryaletewawo emyaka bina mwa satu olunyuma, sirimalawo enfukirisaniya eyali yiteywewo nende Weere syali sisubiso. 18. Nisiba mbo okhusikhira khwema khu malako, sisiba nisisyema khu sisubiso; ne Weere mu sisa syaye kawa Yibbulayimu okhubitira khu khusubisa.19. Wunanu, sina esyali sigendererwa sye’lako? Amalako kongerwakho khu’lwe bibi okhwoosa omwichukhulu yibasubisa lwalyoola. Amalako kateewa munkhola okhubitira mu bamalayika nende okhukhubbaniya. 20. Okhukhubbaniya, nende siri sityo, sikemerera oluwande lulala, ne Weere yee, ali mulala.21. Amalako nako, kayinganiya ebisubiso bya Weere? Khaba ata nawutono! Nisiba mbo amalako kaweresewa kanyale okhuleeta owulamu, olwo owolerefu wakhanyalire okhwicha nga wubita mu malako. 22. Ne esyawandiikiwa sikhengawo siiti esyaalo syoosi siri mu wuwaambe we’sibi, khu sibe mbo esyasubisiwa, nisiba syayeresewa okhubitira mu nfukirira mu Kristo Yesu, yinyalikhe okhuweresewa khu abo abafukirira.23. Enfukirira yino niyitecha, khwali basibe ba malako, nga khwekalirwa okhwola enfukirira luyi na’khawikhulirwe. 24. Elako lyatewawo litutangirire okhutwosa khu Kristo kho khunyale okhukholewa wulayi abolerefu okhubitira mu nfukirira. 25. Wunanu nge’nfukirira lu yichire, sikhusifukiwa na malako.” 26. Mweesi muli baana ba Weere okhubitira mu nfukirira eya Kristo Yesu27. khu lwokhuba mweesi ababatisiwa mu Kristo mweyaambasa mwabeene Kristo. 28. Si ali mu Yudaaya oba mu Yonaani, omuwaambe, oba otali muwaambe, omusaacha, oba omukhasi khuba mwesi mweesi muli mu Kristo Yesu. 29. Noba noli mulala khu Kristo, oba oli lumwo lwa Yibbulayimu, khandi abasikha okhwema khu sisubiso.

Chapter 4

1Sindi okhuwoola siri siti syamala syaba mbo omusikha aba mwaana, aba awuma enjawukhana no’muwambe, nende asyakhaba mbo njo’omweene wusikha nebitu byo’mufu. 2. Aba asiri assi wa balindi nabayeedi okhwoola khu ludaalo simwana lukatawo.3. Nje lusyali nikhwali nikhusiri baana, khwali mu wuwaambe we’bitu bikhira okhumanyikha mu syaalo muno. 4. Ne ebikha nibyali byakholerera, Weere katuma omwaana wuwe, owewulwa no’mukhasi, owewulwa assi we’lako, 5. okhununula abo abaali assi we’lako, khu khunyalirwe okhwangaliwa mu wichufu nga baana ba Weere.6. Khulwokhuba muli baana, Weere katuma omwoyo kwo mwaana waye mu myoyo chefwe, omwoyo olanga ati, “Abba, Bbabba.” 7. Siri mbo sy’osiri muwaambe, ne oli mwaana, nende khuba oli mwaana, Weere akholire oli khandi musikha.8. Enyuma eyo, nimwali mutamanya Weere, mwali bawaambe khu biitu ebitaali bya Weere. 9. Ne wunanu nga siri mbo mu manyire Weere__ oba mu manyikhanire nende Weere¬_ siri mbo abamanyire__ syakhaba sitye khandi nimukalukhanira ebyo ebinafu no’wulamu wengisa? Mudakha okhuba abawaambe babyo khandi?10. Mwoseresa endaalo khulutu ne mwesi nende ebirumbi ne’myaka! 11. Mbatiiye, khuba mukhuwona nyasise amaani kange khu lwenywe werere.12. Mbekweda, baana befwe, mube nga lundi, khuba nekhola nga enywe. Awuma simwankhola esibi. 13. Nga lumusimanyire, syali olwo’khuba no’wulwaye syakira nawuulira enjiri yimuli. 14. Asyakhaba mbo owulwaye wange wali esikhemo yimuli, simwanechusyula oba mwankhomoola. Okhutusakho, mwansangalira oti fwana nali malayika wa Weere, oti fana nali Kristo Yesu mweene.15. Sina esyakholekhana musangaalo lyenywe? Nyala okhuwa owujjulisi wuwoola wuuti, nimuba nimwasikhola mutyo mwakhetusisemo emoni chenywe mwachiimba. 16. Wunanu nfukhire musuku olwo’khubawoolera ebya masima?17. Abo baatu bali nesinani sy’okhubakalukhaniya, naye si lwo’wulayi. Sibadakha nikhwo okhubenamya no’khubayenyekha mututulekho khomunyale okhubaloonda. 18. Sirayi okhuba ne’sinani okhutusakho nga lwe’sichirirwa silayi, nende nisiba sityo wuli ludaalo. Okhutaba wusa nti syoηηene ndi nanywe.19. Baana bange abadakhwa, bandi nabo khandi mu wuchuni we’sasakisi okhwosa Kristo nakholewa mwinywe. 20. Nakhekombire okhuba nanywe wunanu nende okhukalukhaniya enomaloma yange, khulwokhuba ebibaso byange bikosobanire khu lwenywe.21. Mumbolere, enywe abadakha okhuba assi we’lako, simumanyire khu bidiira khu lako liriwoola? 22. Khuba syawandikiiwa siiti Yibbulayimu kali nabasoliri babiri, mulala kewulwa no’mukhasi muwaambe no’wundi kewulwa no’mukhasi otali muwaambe. 23. Omusoliri we’wulwa no’mukhasi muwaambe kewulwa okhwema khu wekombi wo’mubiri; no’musoliri w’omukhasi otali muwaambe kewulwa okhwema khu sisubiso.24. Bino biitu binyala okhukeranisiwa khu bakhasi baba nge ndakaano chibiri. Endakano ndala eyitula khu lugulu lwe Sinai ne lwewula abaana abakhabe bawaambe: ono nje Agali. 25. Wunanu Agali kema mu sifwo syo’lugulu olwa Sinai mu syaalo syabawarabbu manu lwakeranisiwa khu siko sya Yerusalemu, khulwokhuba ali mu wuwambe nabaana baye.26. Ne Yerusalemu eyiri amukulu si mambe, khandi nje ηηineffwe. 27. Khuba syawandiikiwa siiti;“Wekhoye, Oo omukhasi mukumba,Otewula baana; Sokha otalikhe no’khulira lukali,Ewe otali ne’nsasakisi; Khulwokhuba bangi bacha okhuba abo’mukhasi yibaloba Okhukhira abaana bo’mukhasi oli no’musaacha.”28. Wunanu enywe, baana befwe, nga Isaaka, muli abaana be’sisubiso. 29. Khu bikha ebyo omusoliri we’wulwa okhwema khu wekombi wo’mubiri keta omwana we’wulwa namaani ko’mwoyo. Nje lusiri nasirala wunanu.30. Ne ebiwandiiko biwoola si? “Yirusya omukhasi muwaambe no’mwaana waye, khuba omusyani wo’mukhasi mu waambe syalikabana mu wusikha no’musyani wo’mukhasi otasi muwaambe.” 31. Nolwesyo, baana befwe, sikhuli baana bo’mukhasi mu waambe ne khuli bo’mukhasi otasi muwaambe.

Chapter 5

1Syo’wulekhuule okhuba nti mu Kristo katukhola khwaba abalekhuule, mube bomiifu, olwo, mutafukirira mwatwikhiwa khandi ejoogi yo’wuwaambe. 2. Mudiire emboosi change! Ese, Paulo, mbawolera nti ni mufukiirira mwabeene okhukhebewa, Kristo syaba nali no’mugaso ata nawutono.3. Khandi nangirira okhukhakhasa eyiri wuli muutu owetusayo kakhebewa sibe mbo akhoyire alondakirire na’malako koosi. 4. Enywe abakesakho okhulungisiwa na malako enywe mube nga musimanyire muti mutula mu muyiito kwa Kristo; mwakwa okhutula mu sisa5. Ne khulwe’nfukirira khusikaye nikhulindirira okhubitira mu mwoyo owulungifu wu khulimo ne suubi. 6. Khuba mu Kristo Yesu ata okhukhebewa oba okhutakhebewa sikhuli no’mugaso oba amakhulutu. Esiitu esiriwo sy’oηηene esya makhulutu nje enfukirira nga yekesa eyeene okhubita mu khudakha. 7. Mwali mwirukha embiro ndayi. Nanu owabakhengakho khandi kabakaniya okhufukiirira amasima? 8. Enkhobya nge’yo siyitula eyiri oyo owabalanga.9. “Otumera tutono tukhola twaswaniya mu wusye wubbakhe woosi.” 10. Ndi no’wukhakhafu mu mwami nti simunasiwukule mungira yiindi. Oyo oli okhubasukuna mu khutawukha alisasula ekobi, akakhaba nanu.11. Baana befwe, nimba ni nsiwuulira okhukhebewa, lwasina nsisandisiwa? Mu ngira eyo omusango kwo’musalabba kwatusiwawo. 12. Ne eyiri abo ababachuuba, nakhadakhire mbo bache mu ngira yoosi khandi beradde abeene!13. Enywe, baana befwe, mwalangiwa okhuba balekhuule. Ne mutakhosesa eddembe lino okhweyingisa mu khukhola ebibi byo’mubiri; ne syakhakhoyire, mwayeresaniya enywe abeene khubeene mu khudakha. 14. Elako lyoosi lyateewa mu silagiro sirala: “Dakha okhusibiranire nga luwedakha wamweene.” 15. Nimusikala nimulumana no’khulichana abeene na beene, mwerinde khuba mwicha okhwola mumalanewo.16. Sakira mbola nti, mubewo khu lwo’mwoyo, simunakiniye esibi sy’okhudakha khwo’mubiri. 17. Okhudakha khwo’mubiri khukawukhana no’khudakha khwo’mwoyo, ne okhudakha khwo’mwoyo khwukawukhana no’khudakha khwo’mubiri. Biri mu makhaabi, sibe mbo sy’okhola byo’dakha okhole wamwene. 18. Ne noba n’otangiriywe no’mwoyo, syoba noli asi we’lako.19. Ebikholwa bibi ebyo’mubiri bya’lafu nje bino: owudamba, esifaabi, nende okhwitana; 20okhwinamira ebifananyi, no’wulakusi; owusuku, okhuyiirimbana, omutolyo, etima, owimani, okhwekawulanamo, okhwekholamo emikaanda, 21nende eyali; owumeesi, owutemo, ebiyuumo nende ebifaana biityo. Mbalawula, nga lunabalawulakho khale, nti abo abakhola ebifaana biityo, si balisikhiira owene’ngo wa Weere.22. Ne esyaamo syo’mwoyo nikhwo okhudakha, esangaalo, emirembe, okhwesimiirisa, esisa, owulayi, oweesikwa, 23owulonga, nende okhweriinda omweene. Esikhiira khu biitu bifaana biityo awuma elako. 24. Abo aba Kristo Yesu bakhomerera esibi syo’mubiri no’wuluwo no’khudakha khwasyo.25. Nga lu khuliwo khu lwo’mwoyo, khube mu muyiito kwo’khufukiwa no’mwoyo. 26. Sikhukhoyire khwaba ebewona, n’okhuchuuba nende okhukholera abasyefwe eyali.

Chapter 6

1Baana befwe, ni abawo yeesi odiywe mu sibi, enywe abali mu mwoyo mukhoyire mu mukowose khu ngira mu wuloonga. Ne mwerinde abeene oba mwesi munyala mwakhemewa. 2. Mukinganire wuli otula emikuku, ne mu ngira yino munyala okhwoseresa elako lya Kristo.3. Nisiba mbo omuutu abaasa ati ye situ ni nga si situ, aba kebacha omweene. 4. Wuli mulala akhebere ebikholwa byaye omwene. Awo nje anyala okhweninisirya omwene, natekeranisye khu muutu wundi, 5khuba wuli muutu akhoyire akinge omukuku kwaye.6. Yeesi omala kakerakiwa mu mboosi atekwa akabanemo ebirayi byoosi no’mukeraki waye. 7. Otabachirisiwa: Weere syanyala kakhomoolewa. Omuutu akesa byawanyire. 8. Oyo owanya okhusangasa ebikholwa byaye byo’mubiri kwe’sibi, okhwema khusikholwa syo’mubiri esyo alikesa okhusikhirisiwa; ne oyo owanya okhusangasa omwoyo, okhwema khu mwoyo alikesa owulamu owutaliwawo.9. Khutaluuwa mu Khukhola owulayi, khuba khubikha byeene ebiraayi khulikesa ekesa nikhuba sikhuweyemo amaani. 10. Nolwesyo, nga lukhusiri nakhakisa, khukhoyire okhukholanga abaatu boosi wulayi, okhukhirira erala eyiri abo abali mu nyumba eyabafukiirira.11. Muwone enukuta chinkhosesa owukali wacho nga lu mbandiika yimuli no mukhono kwange omweene! 12. Abo abadakha okhukhola akhawonero khalayi akhokhumukulu bakesakho okhubayinga mukhebewe. Esyo syoηηene esikira bakhola sino nikhwo okhuwona mbo batasandisiwa khu lwo’musalabba kwa Kristo. 13. Atali ata nende abo abakhebewa sibakholera khu malako, ate badakha mukhebewe khubamale beniniye khu lwe mibiri chenywe.14. Nkhoyera ntefumya okhutusakho nsikhola mu musalabba okwo’mwami wefwe Yesu Kristo, mu syaalo sibitira syakhomererwa eyiri ese, nende ese eyiri esyaalo. 15. Awumawo okhukhebewa oba okhutakhebewa sisyekesa; esibaliwa nisyo okhulongewa khuyakha. 16. Omulembe ne sisa kudire abalonda elako lino, nende eyiri Yisirayiri ya Weere.17. Khunjakamo, awumewo omuutu yeesi owundetera ebidinyu, khuba ndi no’tuwonero khu mubiri kwange olwa Yesu. 18. Esisa syo’mwami wefwe Yesu Kristo sibe ne’mwoyo chenywe, baana befwe. Amiina.

Ephesians

Chapter 1

1Paulo, omutume wa Kristo Yesu olwo khudakha khwa Weere, Eyiri abolerefu mu Efeeso, abesikiwa mu Kristo Yesu: 2. Esisa nende emirembe yimuli okhutula eyiri Weere sefwe khandi Omwami Yesu Kristo.3. Okhwebasa khuchire Weere khandi Bbaabba w’Omwami weefwe Yesu Kristo, owatuwa enkhabi mwikulu eyolereye mu mwoyo chikutuwa mu Kristo. 4. Khuba katudola muye esyaalo nisitalongewa okhuba abolerefu khandi esitolobisiwa mu moni chaye. Mu khudakha5khu lw’okhudakha kasitutekekhera khu wukuliwe okhuba baana baye okhubitira mu Kristo Yesu, okhwema khuntekekha ne’sangaalo ne’siraamo__ 6mu khumufumya oluyaali lwe’sisa, lwatuweye khu werere mu oyo yadakha.7Mu yee khwakanamo okhukuliwa okhubitira mu mabanga kaye, okhulekherewa ebibi, nga bibitira mu ntekekha yo’wuyiinda we’ssisa sya Weere 8sikatusindikhira namakesi kosi koosi, no’khutegera9Kamala kakhola khwamanya esyama sy’esiraamo syaye okhwema khu bichirirwa mu wulayi, wu katekekhera mu Kristo, 10byoseresewe ebikha nibyolire okhwoseresewa__ okhuleta ebiitu mu kulu nende mu syaalo alala asi wo’mutwe mulala, nende Kristo.11. Mu ye feesi khwadolewa, nikhumalire okhutekekhewa nga lu syali sitekekhekhirwe naye otekekha emirimo choosi okhwoseresa esyagendererwa mu khudakha khwaye, 12sinyalikhe efwe, abali nibasokha okhuba ne suubi mu Kristo, fana sibe olwo’khumufumya mu luyaali lwaye.13. Nende enywe mwesi mwekhubbaniya mu Kristo nimwawulira emboosi ya’masima, enjiri yo’wuwoniya wenywe. Ni mwamala okhufukirira, babatakho akhawonero mu ye, akh’omwoyo mwolerefu okwasubisiwa, 14oyo nje esikhamba syomiisa ensikhirano yefwe okhwoola owuwoniya wabo aba Weere__ khulwo khufumya oluyaali lwaye.15. Khulwe mboosi yino, okhutula ninawulira khubidira khunfukirira yenywe mu mwami Yesu no’khudakha khwenywe eyiri abolerefu, 16sinakamangakho okhwebasa khu lwenywe, nga mbakhewulira mu khusaba khwange.17. Nsikala ninsaba nti Weere owo’mwami Yesu Kristo, Bbaabba owo’luyaali, anyale okhubawa omwoyo wa’makesi no’khuwikhulirwa, sibe mbo munyala okhumumanya okhukhirakhowo. 18. Khandi nsaba sibe mbo emoni che’myoyo chenywe chekesewe muwulafu sibe mbo munyale okhumanya esuubi yikabalangiramo, owuyiinda wo’luyaali lwaye munsikhirano yabolerefu,19khandi muwunyala waye wutakeranisiwa owamaani khu lweffe efwe abafukirira. Owunyala owo wuli ngo’khukhola khwaye khwamakana mu maani, 20owunyala owo wukata mu Kristo nikamusyukhisa namutusa mubafu kamwikhasa khu mukhono kwaye mulungi mu wunyala wekulu, 21ale amukulu wenfuka khandi no’wulungifu, no’wunyala wutanyala khukalukhanisiwa, nende wuli daara erinyala okhuweresewa, si mu luse lwe’ndaalo chino choηηene naye nende mu ndaalo chiicha.22. Khandi Weere kata wuli siitu assi wa’makulu kaye khandi kamwangala okhuba omutwe kwa byoosi khulwe’kanisa, 23nje omubiri kwaye, oyo owichusa wuli siitu mu nawuli ngeri.

Chapter 2

1Ne enywe, mwali mwafwa mubikholwa byenywe nende ebibi, 2mu mwali nimwamenyera nimulondanga engira che’syaalo sino nende omutuki wowene’ngo we mbewo che’syaalo, omwoyo oli okhukhola wunanu mwabo abatawulira. 3. Efwe fesi feesi abali nibabamenyamo mu bikha bindi, nikhufumya owekombi we’mibiri chefwe nende okhwekoomba khwakwo ne’bibaaso. Nga bandi badoηηire bala, khwali mu wiwulanwa nga ebilonge eby’etima.4. Ne khu lwo’khudakha khwaye khukali yikhuli, Weere, omuyiinda mukhusasira, 5katukhola khube balamu nende Kristo nende khwali khwafwa mu sibi__ khu lwe’sisa mwawonesewa. 6. Khandi Weere katusyukhisa nende Kristo katwikhasa naye mu wunyala w’ekulu mu Kristo Yesu, 7sinyalikhe mbo mu luse lwicha anyale okhwekesa owuyiinda we’sisa sitakeranisiwa okhubitira mu sisa mwawonesewa8okhubita munfukirira__ khandi sino sisyali khulwenywe abeene, siwanwa sya Weere__ 9sikhulwebikholwa, awumewo okweniniya. 10. Khulwokhuba khuli mulimo kwa makhono ka Weere, akalongewa mu Kristo Yesu okhukhola emirimo mirayi, Weere chikali katekekha khale efwe khukhole.11. Nolwesyo, mwichulise muuti khale enywe abali abateende mulwiwulo nga mulangiwa “abataali bakhebe” naabo abelanga abeene “abakhebe” (esyo esikholewa mu mubiri namakhono kabaatu)__ 12. Mwichulise muuti mubikha ebyo mwali mwakawukhana nende Kristo, nga mwawukhanisiwa khu wiwulanwa mu Yisirayiri na’bateende eyiri endakano suubise, atali suubi khandi awawuma Weere mu syaalo.13. Ne wunanu mu Kristo Yesu enywe abali ale mwaleteewa ambi okhubitira mu mabanga ka Kristo. 14. Khuba ye omwene nje emirembe chefwe, okholire babiri mulala khandi asakuuye olusito, esida esikawula; abemyero, 15namaliyewo erala mu mubiri kwaye elako nebiragiro. Esikendererwa syaye nga nje okhulongawo mu ye omuutu muyakha okhutula mu babiri, nga nikhwo okhutawo emirembe, 16khandi mu mubiri mulala kuno kakanirise bombi khu Weere okhubitira khu musalabba, khu ketera amalala kawe. (owutafukirisaniya wawe)17. Kecha kawuulira emirembe yimuli abali ale nemirembe eyiri abali ambi. 18. Khuba okhubitira mu ye fwembi khuli nengira yitwosa eyiri Bbaabba mu mwoyo mulala.19. Mu ngira nge’cho, simusiri bateende khandi abekholagana wusa, ne muli ba’ango nende abaatu ba Weere mu nyumba ndala, 20eyombakhiwa khu musingi kwa batume nende ba nabbi, nende Kristo Yesu omwene nge’kina ekhulutu lyo’khunsonda. 21. Mu ye enyumba yoosi yawambanisiwa alala khandi yisingira okhuba enyumba enjolerefu ya Weere mu mwami. 22. Khandi mu ye enywe mwesi nje mumuli okhwombakhiwa alala okhuba owumenyo mu Weere mwamenya okhubitira mu mwoyo kwaye.

Chapter 3

1Olwe mboosi yino ese, Paulo, omusibe wa Kristo Yesu khulwenywe enywe abateende__ 2. Masima muwuliiye khu nfuka eyamberesewa mu sisa sya Weere khu lwenywe,3sibe siiti, esyaama syamanyikhana mwise okhubita mu khuwikhulirwa, nga lunamala okhuwandiika muwimbikiti. 4. Mu khusoma bino, wunanu, mwicha okhunyala okhutegeera okhumanya khwange khwo mukati mubyakisiwa bya Kristo, 5ebitamanyisiwa wusa eyiri abaatu mu mase kandi nga lusibikhuliiywe wunanu wuno okhubitira khu mwoyo okhwola mu batume bolerefu ba Weere nende ba nabbi.6. Esyakisiwa sino siri mbo okhubita mu njiri abateende nja’basikha alala na Bayisirayiri, bekhole omubiri mulala, abakabani baalala mu khusubisa mu Kristo Yesu. 7. Nafuukha mukhosi mu njiri yino mu khubitira musiwanwa sye’sisa sya Weere esya mberesewa mu okhubitira mu khukholanga khwa’maani kaye.8. Nende sibe ni ntakana nende abakamayo owutono mu baatu boosi aba Weere, esisa sino syamberesewa: okhuwuulira eyiri abateende owuyiinda wa Kristo owutakhakonyeresewa, 9khandi okhusyekesa muwukwalafu eyiri wuli mulala enfuka ye’byakisiwa bino, okhutula khale nakhandi ebyali byakisiwa mu Weere, owalonga nawuli siitu.10. Esigendererwa syaye syali siiti wunanu, okhubitira mu kanisa, amakesi ka Weere akatakama kanamanyikhe eyiri abatuki nabowunyala mu wubambali we kulu lyosi, 11okhwema khu khudakha khwo’wulamu wutawawo nga nje sikagenderera okhumalirisira mu Kristo Yesu omwami weefwe.12. Muye khandi okhubitira mu nfukirira muye kho khunyale okhwolerera Weere mu ddembe nende owukhakhafu. 13. Mbateeba enywe, nolwesyo, mutafwa emyoyo khulwokhuba olwensando yange khu lwenywe, nje oluyaali yimuli.14. Khulwe mboosi yino nsigama mu moni cha Bbaabba, 15eyitula enyumba yaye yoosi mukulu nende khu syaalo yibitusa eritta lyabyo. 16. Nsaba nti okhubitira mu wuyiinda wo’luyaali lwaye anyale okhubakumya namaani no’wunyala okhubitira mu mwoyo kwaye mu wulamu owo’mukati wo’wulamu wenywe,17kho sinyalikhe Kristo okhumenya mu myoyo chenywe okhubitira munfukirira. Khandi nsaba nti enywe, mwomisiwe khandi mutakiwe mukhudakha, 18munyale okhuba namaani, alala nabolerefu boosi, okhumanya owubambali no’wuleeyi nokhucha amukulu, naasi mukhwoloberera okhudakha khwa Kristo nga khwaka, 19khandi no’khumanya okhudakha khuno okhukhiririsakho amakesi__ munyale okhwichusiwa mu sigero syo’wichufu wa Weere.20. Wunanu eyiri oyo onyala okhukhola ebitapimikha okhukhirakho byoosi bikhusaba oba bikhusibasirisa, okhwema khu maani kaye akali munkhola mwifwe, 21oluyaali lumuchire mu kanisa nende mu Kristo Yesu mu luse lwoosi endaalo choosi! Amiina.

Chapter 4

1Ngo’musibe wo’mwami, olwo, mbakhubbirisa okhuba n’owulamu owukhoyera okhulangiwa khumwafuna. 2. Mubere erala abewombeekha khandi abaloonga; mube abesimirisa, nga wuli otula kesimirisa eyiri owundi mu khudakha. 3. Mukholenge esinani syoosi okhusikala mu wulala owo’mwooyo okhubitira mu sifundikho sye’mirembe.4. Aliwo omubiri mulala nende omwoyo mulala__ nga wusa lumwalangiwa eyiri esuubi lala nimwalangiwa__ 5. Omwami mulala, enfukirira ndala, embatiisa ndala; 6Weere mulala khandi Bbaabba wa boosi, oli amukulu wa byoosi, okhubitira mu byoosi khandi mu boosi.7. Naye eyiri wuli otula khwifwe esisa syatuweresewa nga Kristo lukasikabaniya. 8. Sino nje sikira nisiwolewa siti: “Nikanina amukulu, katangisamo abadiire baye mu lunyaalikhandi kawa abaatu ebiyanwa.”9. Emboosi (“kanina mwikulu” syekesa si okhutusakho mbo yeesi kekha asi, mu bifwo bye syaalo? 10. Oyo owekha nje mulala oyo owanina amukulu okhukhirakho ekulu lyoosi, khusinyalikhe okhwichusa esyaalo nebbanga lyoosi.)11. Syali mbo nje owaweresa abandi okhuba abatume, abandi okhuba ba nnabbi, abandi okhuba abawuulisi, abandi okhuba abaayi n’abasomesa, 12okhutekekha abaatu ba Weere okhuba bakhosi, kho sinyalikhe omubiri kwa Kristo okhwombakhiwa 13. okhwosa efwe feesi lukhulyosa owulala munfukirira nende mu makesi ko’mwaana wa Weere kho khumale khube abawangafu, okhwolera erala khu sikero esyo’wichufu wa Kristo.14. Olwo efwe sikhuliba bayere khandi, nikhuwubiwa ni khuyiriwa emukongo ne’mutwe nenfinda, nikhufuutiwa ano na ala nende wuli mbewo echo eche’nsomesa n’okhutanyalikha no’lukesikesi lw’abaatu mu mbya chawe mumakira k’owubacha. 15. Okhutusakho, okhulomaloma amasima mu khudakha, khwicha mu biitu byoosi okhumukhuliramo ye omutwe, nje oyo, Kristo. 16. Okhutulira mu ye omubiri kwoosi, kweyambaniya khandi kwadirana nende nawuli musiya okuwanirira okwasye, kukhula akwoηηene mukhudakha, nga luwuli situndu lusikhola omulimo kwasyo.17. Sakira mbawoolera sino, ninsyomisa mu mwami nti, simukhoyire mube nga’bateende lubakhola, mu bibaaso byawe ebyo’wutalimo. 18. Berimisiwa mu khutegeera khwawe bakawuliwa okhutula khu wulamu wa Weere khulwo’wutamanya wo’wugumu we’myoyo chawe. 19. Nibamala bakosya okhutegeera khwawe, bewayo mu bibatikidya khubakhola ebyo byoosi ebitakhoya, no’wudamba wuchiririra nokhudakha khwo wekombi khukhiririsa20. Enywe, nende siri siityo, simwecha okhumanya Kristo mu ngira eyo. 21. Masima keene mwawulira khandi mwasomesewa mu ye mu khulondakirira ebitufu biri mu Yesu. 22. Mwasomesewa, nibalondakirira owulamu wumwalimo, nibadakha okhumalawo embya chenywe nkhale, echiri okhwononewa no’wekombi wubachirisiwa;23wukholewa owuyakha mu nkhola ye’bibaaso byenywe; 24no’khwambala owuyakha wayo, owekholire okhuba nga Weere mu masima molerefu.25. N’olwesyo wuli otula khwinywe mutekwa okhweyambula owubacha khandi mulomalome mu wakhaafu eyiri okhusibiranire, khuba khuli baatu bo’mubiri mulala fwesi. 26. “Mutima lyenywe mutakhola esibi:” Mutafukiriranga eryuba okhukwa nimusiri nettima, 27khandi mutawa setani okhuba nende akedira komisirawo okhukulu.28. Oyo obeye nikeeba akhoyire owuteeba khandi, ne atekwa akhole, ngakhola esirimo omugaso, namakhono kaye omwene, kho sinyalikhe okhufuna syanyala okhukabanakho naabo abali mu wetaafu. 29. Mutafukiriranga enomaloma yitolerera okhutula mu minwa chenywe, nesyo syoηηene esibagasa mukhwombakha abandi okhwema khu byetago byawe, sinyale okhugasa abawulira. 30. Khandi mutelalikhirisanga omwoyo mwolerefu owa Weere, yimwatewakho naye akhawonero akhabosa khu ludaalo lwo’khuwonesewa.31. Wemalekho etima, ettima, no’wulalu, okhuyingana, no’khunyekana ne’bindi biri ngo’khutakwira abasyo. 32. Mube abesisa nende okhuyedana abeene nabeene, nimulekhanira, nga lusiri mu Kristo Weere kabalekhera enywe.

Chapter 5

1Mube abekeraniya Weere, nolwesyo, nga baana badakhwa 2khandi nga mwamenya muwulamu wo’khudakha, nga wusa Kristo lukatudakha khandi kewayo omweene khu lweffwe nga akhawowo kh’esadaka eyiwewayo eyiri Weere.3. Naye mwinywe si atekwa khubawo ata okhutumbula emboosi yo’wudamba, oba ebyo’mufuto oba omululu, olwokhuba bino sibirayi eyiri abaatu ba Weere bolerefu. 4. Oba ebiitu by’ensoni, enomaloma yo’wusirusiru oba eby’okhwewemula mu ngacho, ebiwumawo, ne mu sifwo syebyo okhwebasanga.5. Khuba khu sino onyala okhumanyira erala oti: Awuma omudamba, owo’mufuto oba owomululu__ omuutu wembya chino aba kenamira ebifwananyi__ oba omuutu ngoyo syaaba no’wusikha mu wene’ngo wa Kristo nende owa Weere. 6. Awumewo obabacha nemboosi wusa, khuba olwebiitu ngebyo ettima lya Weere licha khwabo abamujjemera. 7. Khulwa sino mutabanga sirala nabo.8. Khuba mwali khale mu sirema, ne wunanu muli mu wulafu mu Mwami. Mubewo nga abaana bo’wulafu 9(khuba esyamo syo’wulafu siba mu birayi byoosi, owulungifu, na’masima) 10khandi konyeresa ebyo ebisangasa Omwami. 11. Ni awumewo esyo’khukhola nebikholwa byesirema ebitaama ebyamo, ne okhutusakho okhubibakala alafu. 12. Khuba sy’ensoni ata okhutumbula abajjemu bibakhola mu ngiso.13. Ne wuli sibakalwa mu wulafu siwonekha, 14khuba owulafu nje owukira wuli situ syawonekha. Sino nje esikira bawoola baati: “Sisimukha, Oo ewe okona, singira otule mu bafu, khandi Kristo alikhwadukhirakho.”15. Ba mwegenderesa lukali, nga lwo’menya__ si nga abatali na’makesi naye nga abali na’makesi, 16ngo’khosesa wuli nkhabi, khulwokhuba endaalo che bibi. 17. Nolwesyo otaba musiru, ne tegeera okhudakha khwa Weere nga lukhuli.18. Otameera amalwa, sino sikhuyira muwiiti. Okhutusakho, yichusiwa no’mwoyo. 19. Mukerakanirenge nabasyenywe mu sabbuli, ne nyembo, nebiyiiye byo’mwoyo. Mwembe khandi mukhole enyembo mumyoyo chenywe eyiri Omwami. 20. Wuli sikha syoosi nawuli siitu mwebasenge Weere seffwe, mu litta lyo’mwami wefwe Yesu Kristo. 21. Wuli mulala khwinywe atyenge owasye okhwema khukhwisa mu Kristo oluyaali.22. Abakhasi, mute mu basaacha benywe oluyaali nga lumuta mu Mwami. 23. Khuba omusaacha nje omutwe kwo’mukhasi nga Kristo lwali omutwe kwe kanisa, omubiri kwaye, khuba nje omuwoniya. 24. Wunanu nge’kanisa luyita mu Kristo oluyaali, sakira abakhasi bosi, bate mu basaacha bawe oluyaali mu wuli situla.25. Abasaacha, mudakhenge abakhasi benywe, nga wusa Kristo lukadakha ekanisa khandi kewayo omweene khu lwayo 26kayikhola yibe njolerefu, kayilabya nayosa na’maachi okhubitira mu mboosi, 27khandi keyekesayo yali omwene nge’kanisa eyimekhamekhana, eyitalikho koondo oba situlukunya oba ata owulema woosi, ne njolerefu khandi eyiwuma okhwolobisiwa.28. Mungira nasirala, abasaacha bakhoyire okhudakha abakhasi bawe nge’mibiri chawe. Oyo odakha omukhasi waye kedakha omwene. 29. Ne khu syoosi, awumawo owali kasyulakho omubiri kwaye, naye akulisa khandi kakulabirira, nga wusa Kristo lwakhola ekanisa__ 30khuba khuli birala khu bitundu by’omubiri kwaye.31. “Ne khulwesyo omusaacha acho’khulekhanga Simwana nende nηηina keyimbaniya khu mukhasi waye, ne babiri banabeenge omubiri mulala.” 32. Sino nje esyamayiya esyekisa__ ne nomaloma khu Kristo nende Ekanisa. 33. Asyakhaba siityo, wuli mulala khwinywe yesi atekwa okhudakha omukhasi waye nga lukedakha omwene, khandi omukhasi atekwa okhuwa wamwe oluyaali.

Chapter 6

1Abaana, muwulire abewusi mu Mwaami, khuba sino situfu. 2. “Yeresa Bbaabbawo nende maamawo oluyaali” __ lino nje elako lisokha nesisubiso __ 3“khubinyale okhukhubera birayi khandi khonyale okhuyindira khusyaalo.”4. Ba Bbaabba, mutasandyanga abaana benywe; okhutusakho, mubakhuse mukhwekesewa ensambo cho’Mwami.5. Abawambe, muwulire ababakhulira khu syaalo no’luyaali no’khutya, no’mwoyo kwa’masima, nga lumwakhawuliiye Kristo. 6. Mubawulirenge si lwo’khukonya olukoosi emoni chawe nichibalikho enywe, ne nga bawambe ba Kristo, nga mukhola okhudakha khwa Weere nimwoseresa okhutula mu myoyo chenywe. 7. Muweresenge no’mwoyo mulala, nga’bayeresa omwami, si nga abakholera abaatu wusa, 8khulwokhuba mumanyire muuti Weere alikaba akhasiimo wuli yesi okhola wulayi, niwakhaba musibe oba omulekhule.9. Enywe abakhulira, mubisye abawambe benywe mungira nasirala. Mutabatisyatisya, nga lu musimanyire muuti oyo obakhulira bombi ni nanywe ali mukulu, khandi ye syasosola.10. Okhukheneresa, ba wa’maani mu Weere nende mu maani kaye. 11. Yambala enkhumba njichufu eya Weere khonyale okhwema okhulwanisa empanga choosi echa setani.12. Khuba okhulwana khwefwe sikhwo mubiri namabanga, naye khulwanisa abatuki, na bowunyala, na’maani kesyaalo syesirema na’maani ke myoyo mibi mu wuli bifwo byo’mukulu. 13. Sakira mwambale enkhumba mu wichufu echa Weere, khu sibe mbo endaalo mbi nichoola, khu munyale okhwema mu womiifu alala, khandi nimumalire okhukhola wuli situ, munyale okhwema.14. Yema owutatengana, no’lukhoba lwa’masima musiwuno, ne’saani yesichuma ya’masima mu sirifu mu wulungifu mu sifwo, 15khandi namakulu kawo kambasiwe owetekefu owutula mu njiri ye mirembe. 16. Mukhwongerakho khu bino byosi byoosi, wukula engawo ye’nfukirira, kh’onyale okhusimya owusaale woosi owo’musuku owadukha omuliro.17. Wukula ekofwira y’esibya eyo’wuwoniya nende okukhande kwo’mwoyo, nga nje mboosi ya Weere. 18. Khandi musabe mu mwoyo mu mbeera choosi ne’nsaba ya nawuli ngeri no’khwekweda. Nabino mu bibaaso, ba moni khandi ochanakanenge no’khusabira abolerefu boosi.19. Munsabirengekho sesi, sibe mbo wuli lunasama omunwa kwange, emboosi chimberesewenge kho sinyalikhe ese ntekwenge okhuwunusa ebyakisiwa byo’munjiri atali khutya, 20eyikira nimba omubakha akati wenjegere. Musabe kho sinyalikhe ese okhuyilangirira atali khutya, nga lunkhoyire.21. Tukiko, mwaanawama omudakhwa khandi omwesikwa mu suubi mu Mwaami, acha okhubawoolera wuli siitu, kho mwesi munyale okhumanya nga lundi nende sindi okhukhola. 22Ndi khumutuma yimuli khu mboosi nasirala, kho munyale okhumanya nga lukhuli, khandi anyale okhubakumya.23. Emirembe chichire abaana befwe, nende okhudakha alala ne’nfukirira okhutula eyiri Weere Bbaabba nende omwami Yesu Kristo. 24. Esisa sichire eyiri abo boosi abadakha Omwami wefwe Yesu Kristo no’khudakha khutafwa.

Philippians

Chapter 1

1Paulo,nende Temisewo, abakhalabani ba Yesu Kristo, Eyiri abolerefu boosi mu Kristo Yesu e Firipi, alala nende abalabirisi nende abadikoni: 2. Esisa nende emirembe bibe yimuli okhutula eyiri Weere Bbaabba weefwe nende Omwami Yesu Kristo.3. Nebasa Weere nawuli lumbechulisa. 4. Mukhubasabira khwange mwesi mweesi, nsaba ebikha byoosi nende esangaalo 5khulwo’wulala wenywe mu njiri okhutula khu ludaalo lusookha okhwoola leero, 6nga nkhakhasa sino, nti oyo owachaaka omulimo mulayi mwinywe alichiiririra nakwo akumalirise okhwoola khu ludaalo lwa Kristo Yesu.7. Situfu ese okhwewulira mu ngira chino nti khwinywe mwesi mweesi, okhutula nga lundi nanywe mu mwoyo kwange; khulwokhuba nende mbe nindi mu wuwoye oba nindi okhulwanirira nende olwokhwomiisa enjiri, enywe mweesi mukabana nange esisa sya Weere. 8. Weere anyala okhukhakhasa nga lundi ne sibeera syenywe khulwokhudakha khwa Kristo Yesu.9. Ne khuno nje okhusaba khwange: nti okhudakha khwenywe khwiichule khandi lukali lweene mu makesi nende okhwetegeresa ebyomukati, 10. kho munyale okhusungula ebyo ebikhira owulayi khandi nga bikwalaafu ebiwumamo ekhwe okhwoola khu ludaalo lwa Kristo, 11nibichuye ebyaamo by’owolerefu owiicha niwubita mu Yesu Kristo__ khu lw’oluyaali nende okhukiniya Weere.12. Wunanu, baana befwe, ndakha enywe mumanye, muuti ebyaliwo khwiise byameeda amaani mu njiri. 13. Esyatulamo, simalire okhweyekesa alafu okhubita mu balindi bo mudookho na’baatu boosi siiti: ndi mu njegere khu lwa Kristo. 14. Olwe’njegere change, baana befwe mu mwami abakhira owungi bafunire amaani okhulomaloma embosi ya Weere na maani mangi khandi nga sibatya ata khatono.15. Situfu siiti, aliwo abawuulira Kristo olw’embalikha nende omutolyo, ne abandi mu mwoyo mulayi. 16. Abomwoyo mulayi basikhola olwokhudakha, nga bamanyire baati natewa ano olwo khulwanirira enjiri. 17. Abo’mwoyo mubi bawuulira Kristo olwo khukonya oluyaali, lwo khwemanya abeene, ne si mu mwoyo mulayi, nga babaasa baati banyala okhundetera ebidinyu nindi muwoye.18. Ne sibi siina esiriwo? Esikhulutu syene siri siiti mu ngeri yoosi, nende khube olwebigendererwa byowubacha, oba ebitufu, Kristo awuulirwa. Manu khu lwa sino nsangaala. Situfu, khandi ndyemeeda okhusangaala, 19khulwokhuba manyire nti okhubita mu saala chenywe nende okhuyambiwa omwoyo kwa Yesu Kristo, ese esyanjolakho siritulamo okhulokolewa khwange.20. Nsubira nende okhudakha khungi nti awuma syoosi esirikira nadiirwa ensoni, nindiba na maani kamala kho syaaba siiti wunanu nende endaalo choosi Kristo alikinisiwa mu mubiri kwange, nende sibe mu wulamu oba mu khufwa. 21.Khulwange, okhubawo nje Kristo ne okhufwa nje amagoba.22. Ninjiririra okhuba omulamu mu mubiri, sino syekesa okhukhalabana khwo mugaso yindi. Ne manu siina siimba ndoolekho? Khaba simanyire! 23. Bino byombi binjakanira: nekomba okhutulawo mbe nende Kristo, sino nje esikhirira erala, 24ne sidakhisa lukali khulwenywe siiti ndoηηe nindiwo mu mubiri25. Sino ninsifukiirira, manyire nti nicha okhudoηηawo, khandi ndichiririra nanywe mwesi mweesi khu lwo khukhulakhulana khwenywe nende esangaalo mu nfukiirira, 26kho sibe siiti okhwema khu khuba khwange nanywe khandi esangaalo lyenywe mu Kristo Yesu liriichula khu lwange. 27. Mu ngeri yosi yoosi, mwebisyenge mungeri eyikhoyera enjiri ya Kristo. Kho, nende nichenge okhubawona oba okhubawulirisa syoηηene nimbumawo, mba manyire nti mwemire dungerere mu mwooyo mulala, nimulwana ngo omuutu mulala khu lwe njiri28simutisiwa khaba nakhatono nende abo ababayinganiya. Khano nje akhawonero yibali khaati khaba simwakhasalanisiwe, naye muwonisiwe__ khandi nende Weere. 29. Khulwokhuba syamala okhukhengewawo khu lweenywe mu liita lya Kristo silwo khumufukiiriramo khwoηηene, naye nende olwokhusanda khu lwaye, 30. nga lusiri siiti muli okhubita mu bidinyu bimwawona ni ndimo, khandi bimuwulira muti nsiiri nabyo.

Chapter 2

1Nimuba nimwafuna amaani okhutula mukhuba alala nende Kristo, nimuba nimwafuna emirembe okhutula mu khudakha khwaye, nimuba nimwafuna okhuba silala nende omwoyo, nimuba nimwafuna okhukoosa nende esisa, 2manu mwichuse esangalo lyange nga mufaana mutyo mu bibaaso, nimuba nokhudakha okhuli nga okhwo, nimuba sirala mu mwoyo nende mu sigendererwa.3. Mutakholanga syosi syoosi mu khukonya ebingi bye’syaalo oba amalala akatalimo, ne mu wulonga mubaasenge khu bandi okhukhira enywe mwabeene. 4. Enywe nawuli otula atiingale okhulekha khubyowulayi wenywe woηηene naye khu lwo wulayi wa baatu bandi.5. Embasa yenywe yikhoya yaba nasirala nende eya Kristo Yesu: 6. Owuli, mu khulondewa khwosi Weere, ne khaba sikebasakho ati kakaniya nende Weere, 7. ne kekhola kaaba nga esiitu esitaliwo, nga keyira mu mbera yo omukhosi,nga akholewa mu sifanani syo’mutu. 8. khandi nga awonekha mu sifanani ngo’muutu,kelongowasa omwenemanu kaba omulonga eyiri okhufwa__ nende okhufwa khwo khumusalabba!9. Nolwesyo Weere kamukiniya okhwola khu sifwo syakamayo okhuba amukulukhandi kamuwa eritta eriri amukulu wawuli ritta, 10. ati mu litta lya Yesu wuli khumbo likhoyera okhusigama, mukulu nende khu syaalo nende assi w’esyaalo, 11. khandi nawuli lulimi okhutumbula luuti Yesu Kristo nje omwami, khu lwo’luyaali lwa Weere Ssefwe12. Nolwesyo, abecha bange bakoosi, nga lumubanga abawulise__ si nimba nindiwo lwoηηene, ne okhukhirawo nimba nintaliwo__muche mu moni okhukholerera okhuwonesewa khwenywe mu khutya, nende okhutengerekha, 13khulwokhuba Weere nje okholera mwinywe kho munfukiirire okhukhola nga ye lwadakha.14. mukhole wuli situ nga simwekaniya khaba okhuyingana, 15kho mwemewo mube abolerefu khandi abakololofu, abaana ba Weere abawumakho embala mu luse luno olubi, mumekhamekhanira nga eηηiniηηini mu syaalo. 16. Nga lumwekesa emboosi yo’wulamu__ kho nemewo nepakhe khuludaalo lwa Kristo nti khaba sinerukha oba okhukhalabanira wusa17. Nende mbe ninjukhiwa erwanyi nga esy’okhunywa siwewayo khu siwanwa nende emirimo chitula mu khufukiirira khwenywe, ndi musangafu khandi nekhoyera alala nanywe mwesi mwesi. 18. Manu mwesi mukhoyire okhusangala nende okhwekhoyera alala nange.19. Nsubira mu mwami weefwe Yesu, okhubatumira Temisewo khangu yimuli, kho sesi mbe musangaafu ninfunire amawulire malayi akabatulakho. 20. Mbuma muutu wundi oli nga niye, ofaayo lukali lwene ofaayo khu wulamu wenywe no’mwoyo mulala. 21. Khulwokhuba nti nawuli otula afaayo khu byaye omwene, khaba syafaayo khu bidiira khu Yesu Kristo.22. Ne mumanyire muuti Temisewo kamala okhukhakhasiwa, khulwokhuba nga omwana nende simwana kankholeeye mu mirimo che njiri. 23. Nsubira, nolwesyo, okhumutuma khangu nimalire okhuwona nga ebiitu byange lubikenda. 24. Khakhasa khu lw’O mwami nti ese omwene nicha okhwicha khangu.25. Ne mbasa nti syetagisa okhubatumira Epafuloddito, omwana weefwe, omukhosi wasyange khandi omusirikale wasyange, khandi omutume wenywe, yimwatuma okhukhola khu byetagiwa byange. 26. Khulwokhuba kekomba okhwicha yimuli khandi mweralikhirifu khulwokhuba mwawulira muuti mulwaye. 27. Mu wutufu kali mulwaye mwene, khandi atono afwe. Ne Weere kamudiirira esisa, ne sinje yeηηene, ne ninange, okhumboniya owuchuuni wutawa.28. Nolwesyo esyo sikira nemeeda okhudakha okhumutuma, kho nimumuwene khandi mube basangaafu nange nkhaye okhweralikhirira lukali. 29. Mumusangalire mu litta ly’Omwami nende esangaalo lya maani, khandi muwe oluyaali abaatu bali nga ye, 30khulwokhuba kawumakho atono okhufwa khu lwe’mirimo cha Kristo, kata owulamu waye mu wudinyu kekhola owuyeedi wumutakhambeye.

Chapter 3

1Esikhenerekhayo, baana befwe, musangalire mu mwami! Awuma owudinyu ese okhubawandikira esitu nasirala khandi, khandi sino sibayeeda enywe. 2. Mwekhalirese embwa echo, abasaacha abo abakhosi be bibi, abo abakhengakhenga emibiri. 3. Khulwokhuba niifwe abakhebewa, nifwe abasabira mu mwoyo kwa Weere, abo’luyaali mu Kristo Yesu, khandi abatata okhwesikwa khwefwe mu mubiri4. Nende sibe siiti ese omweene ndi ne’mboosi yikira abawo okhwesika mu mubiri, ese ndi nende ebikhirawo: 5. Nakhebewa khu ludaalo lwo munana, olwa’baatu ba Yisrayiri, owolwanyi lwa Benya, Omuyudaaya mu wuyudaaya; mu bidiira khu bya malako Omufalisaayo;6ebidiira khufukirira ya’maani, nasandya ekanisa; ebidiira khu wolerefu wa mateeka, nga awuma esyokhwolobesewa. 7. Ne ebyo binabaasa nti magoba wunanu mbiwona nga okhufwirwa khulwa Kristo.8. Okhukhirakho awo, wuli siitu mbala nga khufwirwa khwerere nokeraniya nende owukali owukhirawo wo’khumanya Kristo Yesu omwami wange, khu lwaye nakosya byosi byoosi. Mbibaasakho nga ebikokha, kho nfune Kristo 9khandi nakaaniwe mu ye, ntaba mbo ndi nende owolerefu wange omwene owutula mu malako, naye nga owo owutula mu nfukiirira mu Kristo__ owolerefu owutula eyiri Weere khandi nga wutula munfukiirira. 10. Ndakha okhumanya Kristo nende amaani ko khusyukhira khwaye nende owulala wo’khukabana mu khusaanda khwaye, mbe nga ye omwene mu khufwa khwaye, 11manu olwesyo, nalundi, okhwola khu khusyukhira okhutula mu bafu.12. Simboola nti bino byoosi malire okhubifuna, oba nti namala okhukholewa omwolerefu, naye nsuda mu moni okhudiira esyo Kristo Yesu si kemakho okhundiira. 13. Baana befwe, simbaasa nti noola okhudiira esyo sindakha okhudiira. Ne nkhola esitu sirala: okhwibirira ebiri emukongo wange nokhulwanakana okhwola khwisyo esiri mu moni. 14. Nwanakana okhucha mu moni okhwola khu sichiririrwa okhuwangula esirawo Weere sikanangira okhucha mwikulu mu Kristo Yesu.15. Feesi feesi abakhulutu khukhoyera okhukenda nende embaasa yifwana yiiti. Ne mu sifwo sindi embaasa yawo niyawukhana, esyo syosi Weere alikhuyeeda okhusikolola. 16. Khwomiise wusa esyo sikhwamala okhufuna.17. Yimbaana nende abandi mu khulonda esyo’khuwonerakho syange, baana befwe, mudisaniye naabo abakendera mu makira kakhwabaweresa. 18. Ne, nga lumbawolera amakhabi na makhabi, khandi meeda okhubawolera ata nimooserakho amasika, bangi baliwo nga basiku bo’musalabba kwa Kristo. 19. Esichirirwa syawe nikhwo okhusakuula, Weere wawe nicho enda chaawe, khandi oluyaali lwawe luli mu soni chawe. Ebibaaso byawe biri khu biitu bye syaalo sino.20. Naye owikhalo weefwe wuli mwikulu. Khandi khulindirira na’mawofu omuwoniya okhutula eyo, Omwami Yesu Kristo, 21omwene, no’wunyala owakira kaata ebiitu byoosi asi waye, alikalukhaniya emibiri chefwe eminafu chafanana nende omubiri kwaye okwo’luyaali.

Chapter 4

1Nolwesyo, baana befwe, enywe bandakha khandi banekomba, esangaalo lyange nende engule, mutyo nje lumukhoyire okhwema na maani mu mwami, abeecha abadakhwa! 2Nekalikhira Ewodiya khandi nekelikhira Suntuke bafukirisaniye mu liita lyo’mwami. 3. Nje lusiri, khandi mbasaba, enywe abejjoogi lala, muyeede abakhasi bano abemirenge khu luwande lwange khu lwe njiri, alala nende Kerementi nende abakhosi basyange boosi, abo ameeta kawe akali musitawo syo’wulamu4. Musangalirenge mu mwami endaalo choosi. Ndasikowolemo khandi: musangale! 5. Owulonga wenywe weyekesenge mu boosi. Omwami ali ambi. 6. Muteralikhirira esitu syoosi, ne mu wuli siitu, nimubita mu khusaba no’khwekalikhira, nende mu khwebasa, mute okhusaba khwenywe eyiri Weere. 7. Ne omulembe kwa Weere, okukhirakho okhutegeera khwoosi, kunaliinde emyooyo chenywe ne’bibaaso byenywe mu Kristo Yesu.8. Mu khenerekha, baana befwe, nawuli syamasima, nawuli sikwalafu, nawuli situufu, nawuli syolerefu, nawuli sidakhiwa, nawuli syekombewa__ ni abawo esikhiririsa mu wulayi oba sibakiniya__ mu baase khu biitu nga ebyo. 9. Wuli siitu syoosi simweeka oba simwafuna oba simwawulira okhutula yindi, oba simwawona mwiise__ mu sitte mu’nkhola. Manu Weere we mirembe aliba nanywe.10. Nsangalira lukali mu mwami okhuwona nti mu sikha syakamayo mwekesise okhudakha khuyaakha yindi. Mumasima, mubanga nokhudakha, ne simwali n’enkhabi okhwekesa okhudakha okhwo. 11. Sindi okhuwoola sino olwokhuba ndi mu wetaafu, khulwokhuba neeka okhwenalisa ebiba nibiriwo mu mbeera yoosi. 12. Manyire amakhulutu ko’khuba mu wetaafu, khandi manyire sisyekesa okhuba ne’bingi. Manyire amakesi kokhwenalisa mu nawuli mbeera yiba niyiriwo, khuba khulya wulayi, oba khuba njala, oba khuba ne’biingi oba okhuba mu wudakhano. 13. Nyala okhukhola wuli siitu okhubita mwo’yo owumba amaani.14. Ne lwoosi syali sirayi enywe okhukabanira alala mu saando yange. 15. Okhukhira woosi, nga enywe, aba Firipi mumanyire, mu ndaalo chatangira mu khumanya ebye’njiri, ni nasingira okhutula e Makedoniya, awuma ekanisa eyakholera alala nange mu byo khukaba nende okhufuna, okhutusakho enywe mweηηene; 16khulwokhuba nende ni nali mu Sesalonika, mwantumiranga owuyambi amakhabi na makhabi ni nalingi mu wetaafu. 17. Si siri nti ngoonya esirawo, ne ngoonya esyo esinyala okhubaliwa khu luwande lwo wuyambi wenywe.18. Nafuna okhusasulwa mu wichufu khandi nende okhukhirawo; nfunire ebyo’khukhosesa bimala, nga lusiri siiti nfunire nende okhukhutula khu Epafuloddito ebirawo bimwantumira. Birawo byakhalosa, esiwewayo esifukiirirwa, esisangaasa Weere. 19. Ne Weere wange alikhola khu byetaago byenywe byoosi okhwema khu luyaali lwo’wuyiinda mu Kristo Yesu. 20. Eyiri Weere khandi Bbaabba oluyaali luche khu wuli muutu yeesi emirembe ne mirembe. Amina.21. Kheesa abolerefu bosi boosi mu Kristo Yesu. Baana befwe abali nange batuma amakheeso. 22. Abolerefu boosi babakheesa, okhukhirira erala abo abali mu nyumba ya Kayisaliya. 23. Essisa syo’mwami Yesu Kristo sibe mu myoyo chenywe. Amina.

1 Thessalonians

Chapter 1

1Paulo, Siira nende Temisewo, Eyiri Ekanisa mu ba Sessaloniika mu Weere sefwe khandi Omwami Yesu Kristo: Emirembe ne’sisa sibe nanywe.2Khwebasanga Weere wuli wukhya khu lwenywe mweesi, nikhubatumbula mu khusaba khwefwe. 3Khwichulisanga emirimo chenywe mu moni cha Weere khandi seefwe chimukhola munfukirira, okhudidikhana khwenywe nikhutangiriywe okhudakha, no’khwesimirisa khwenywe okhutangiriywe ne’suubi mu mwami wefwe Yesu Kristo.4. Khuba efwe khumanyire, baana befwe abadakhiwa nende Weere, khuuti kabadoola, 5khulwokhuba enjiri yeffwe yecha yimuli simuwangu khu lwe mboosi, ne khulwa’maani, no’mwoyo mwolerefu khandi no’womifu wo’khukhakhasa. Mumanyire engeri yikhwamenyamo nanywe khulwenywe.6Mwecha mwatwekeraniya khandi abo’Mwami;nende aliyo okhusanda khukali, mwasangalira owuweresa musangalo limwaweresewa no’mwoyo mwolerefu. 7. Sakira mwaba esyo’khuwonerakho eyiri abafukirira boosi mu Makedoniya nende mu Akayiya8. Owuweresa wo’mwami wa khubba eside syawulirikhana enje ni wubatulamo si mu Makedoniya mwoηηene nende Akayiya__ enfukirira yenywe mu Weere yimalire yamanyikhana wuli awutu woosi. Nolwesyo sikhukhoyire khulomalome esitu syoosi khu sinno, 9khuba bo abeene bekesa okhusangalirwa khwoosi khu baba nibatuwaye efwe. Bawoola nga lumwakalukhanira Weere okhutula khubilongalongwe okhuweresa Weere mulamu khandi owa masima, 10khandi no’khuliinda omwana musoliri okhutula mukulu, oyo yikasingisa mu bafu__ Yesu, oyo otuwoniya efwe ettima lya Weere eriri okhwicha.

Chapter 2

1Mumanyire, baana befwe muuti, okhukeniya khwefwe yimuli sikhwali khwa wusa. 2. Mukhusokha khwasanda khandi khwanyekewa mu Filipi, nga lumusimanyire, ne olwowuyeedi wa Weere wefwe khwenyiira khwabawoolera ebidiira khunjiri yaye nende syali mbo aliwo okhuyinganisiwa okhwa’maani3. Khuba okhwekweeda khukhukhola sikhutula munsobi oba mu bibaaso bibi oba sikhuli khukesakho okhubatekera. 4. Khulubeka lundi, khulomaloma nga baatu Weere bakamala okhukhakhasa mu wuweresa we’njiri. Sikhuli okhukesangakho okhusangasa abaatu naye Weere, okera emyoyo chefwe.5. Enywe mu manyire muuti sikhwakhosesa owunyoomi, oba khwambala ebiryembuli okhukisa omuluulu__ Weere nje omujulisi. 6. Sikhwali nikhukonya okhufumisiwa okhutula mu baatu, ata okhutula mwinywe oba omutu wundi yeesi. Nga batume ba Kristo khwakhabeye omukuku yimuli,7ne efwe khwali balonga mwinywe, nga maama lukakhalinda abaana baye badoto. 8. Khwabadakha lukali lwene nesangaalo khwaloba okhukabana nanywe si khunjiri ya Weere yoηηene no’wulamu wefwe wosi, khulwokhuba mwali mufukhire abadakhwa yikhuli. 9. Mu masima mwichulisa, baana befwe, okhudidikhana khweffwe nebidinyu bikhwabitamo; khwakhola esiro ne’siddete olwokhutadakha khube omukuku eyiri omutu yesi yeesi nikhwali khuwuulira enjiri ya Weere yimuli.10. Muli bajulisi, khandi Weere yesi, nga lu khwali bolerefu, abalungifu khandi abatolobisiwa nikhwali nanywe enywe abafukirira. 11. Khuba enywe mumanyire muuti khwakholagana nende nawuli mulala khwinywe nga Bbaabba lwakholagana nabaana baye beene, 12nga khubakhubbirisa, nga khubakumya no’khubasaba okhuba no’wulamu owukhoyera mu Weere, obalanga okhucha mu wene’ngo waye khandi no’luyaali.13. Khandi khwebasa Weere owutalekhera khulwokhuba, nimwali nimufuna emboosi ya Weere, yimwawuliranga okhutula yikhuli, mwayifukirira si nge’mboosi ya’baatu, ne nga lu yiri mu wutufu nga yiri, emboosi ya Weere, eyiri khu mulimo mwinywe abafukirira.14. Khuba enywe, baana befwe, mwaba abekeraniya khu makanisa ka Weere mu wu’Yudaaya, akali mu Kristo Yesu: mwawonawona okhutula khu baatu be’syaalo syenywe beene ebiitu nasirala amakanisa ako bikawonawona okhutula eyiri aba Yudaaya, 15abetta Omwami Yesu khandi Nabbi khandi batwirusya khwatula erwanyi. Sibasangasa Weere khandi bawalaba eyiri abaatu boosi. 16. Nibakhola amaani okhutukayira okhulomaloma eyiri abateende abakhanyalire okhuwonesewa. Mu ngira yinno bemeeda ni bakuchikha ebibi byawe okhwoola esikera. Ettima lya Weere libasingiriyekho munjakamo.17. Naye, baana befwe, nikhwakhalakiwamo okhubatulakho mu bikha bitono (muwutu, si mu bibaaso), okhwema khu khwekomba khukali khwakhola esinyalikha khubawone. 18. Khuba khwadakha khwiche yimuli__ okhukhiririsa ese Paulo, nasikhola, ningowocholamo__ naye setani katukayira. 19. Esyakhabaye esuubi lyefwe, esangaalo, oba engule sikhwakhabeye khucha okhufumya mu moni chO’mwami Yesu nikecha? Si ninywe? 20. Mu masima, ninywe okhwefumya khwefwe khandi ne’sangaalo.

Chapter 3

1Sakira nisyola efwe okhutasigumira, khwasiwona fwabeene okhwedoηηera mu Ateeni. 2. Khwatuma Temiseo, omusoliri wefwe, khandi omukhosi wasyeffwe mu Weere olwokhuwaanya nokhulomaloma enjiri ya Kristo, okhubawa amaani khandi no’khubakumya mu nfukirira yenywe, 3kho sibe mbo mutaba nokhudengana mu khukesewakho khuno khwoosi. Musimanyire wulayi muuti khwali khwatewawo khulwawe.4Mu masima, nikhwali nanywe, khwabawoleranga khuuti becha okhutusandya. Sino syakholekhana nga lukhwasilomalomanga, nga lumusimanyire. 5Khulwa sino, ninawona nti sinsinyala okhwemeeda okhusigumira, natuma ndakhe okhumanya ebifwa khunfukirira yenywe. Natya nimbasa nti mu ngira nasirala omukhemi anyala okhubakhema khandi na’maani kefwe kachira werere.6. Ne Temisewo khu kakhecha yikhuli natula yimuli khandi naye aletire amawulire malayi akadira khu nfukirira no’khudakha khwenywe. Atuwoleye ati enywe mwadoηηa mu bibaso byenywe nimwichulisa, ne khandi mwekomba okhutuwona, nga fwesi lukhwekomba okhubawona. 7. Nolwesyo, baana befwe, mukhwewunamira khweffwe khandi no’khusandisiwa khwakumisiwa khulwenywe khulwe’nfukirira yenywe.8. Khuba wunanu khuliwo muwukhakhafu khulwo womifu wenywe mu Mwami. 9. Khunyala khwebasa Weere khutye esimala khulwenywe nikhumukowosera ngabasasula esangaalo likhuli nalyo mu moni cha Weere khu lwenywe? 10. Esiro nesideete khusaba no’wulonga sinyalikhe effwe okhubawona khandi n’okhubawa simuwuma munfukirira yenywe.11. Wunanu Weere wefwe khandi Bbaabba omwene khandi Omwami Yesu kekule engira khunyale okhwola yimuli. 12. Sinyalikhe Omwami okhubameeda okhudakha khwenywe khwemeede nikhwidikha khu wuli mulala khwinywe khandi nabandi bosi, nga okhwefwe lukhuli yimuli. 13. Sinyalikhe okhubomiisa mu myoyo chenywe khandi sibe mbo muwumakho esyo’khubolobya khandi no’wolerefu mu moni cha Weere khandi seefwe omwami Yesu nikecha nabolerefu baye.

Chapter 4

1Mukhumalirikha, baana befwe, khwabekesa nga lu munyala okhukeenda khwo’khusangasa Weere, mu masima nga lumuli okhukeenda. Wunanu khubasaba khandi khubakhubirisa mu Mwami Yesu okhukhola sino khandi no’khukhirawo. 2. Khuba enywe mumanyire okhukeraka khukhwabayeresa olwo’wunyala wo’mwami Yesu.3. Lwo’khudakha khwa Weere nti ewe okhuyera okhulabisiwa: siiti okhoyera okhwekaana owudamba; 4siiti wuli mulala khwinywe mukhoyire okhweka okhufuka emibiri chenywe mungira enjolerefu khandi eyiyeresa oluyaali, 5si muwutali owekombi we’byachachi nga abesyaalo, abatamanyire Weere; 6khandi baati mungira nasirala awumewo okhola esibi khu mwanaηηina oba okhosesa enkhabi khu ye.Omwaami acha okhumuwoneresa khu lwe’bibi bifana bityo, nga lukhwamala nokhubawolera khandi khwabalawula.7. Khuba Weere sikatulanga okhuba abaatu abatali abolerefu naye okhukendera mu ngira cho’wulamu wolerefu. 8. Nolwesyo, oyo okhaya ensomesa yino syaba nakhayire omutu ne aba akhayire Weere, obaweresa omwoyo kwaye mwolerefu.9. Wunanu ebidiira khu khudakha khwa bafukiirira sibikhoyera khwa bibawandikira, khuba Weere kabasomesa enywe okhudakhana mwabeene nabeene. 10. Khandi mu masima kene, muli okhudakhana abeene nabeene okhutulira erala mu Makedonia. Ne khusibakhubirisa, baana befwe, musikhole okhukhiririsakho awo. 11. Mukhole sibe nge’sinani syenywe okhuba abawulerefu mu wulamu, okhukhola ebibadirakho khandi no’khukhola na’makhono kenywe, nga khwali khwabawolera, 12khu sibe mbo owulamu wenywe wa wuli ludaalo wuweresewe oluyaali na’berwanyi no’khutesikanga okhukholerwa no’mutu yeesi.13. Baana befwe, sikhudakha mube nga batamanyire ebidiira khwabo abakona endoolo, oba mutaba abewunamira nga abaatu badoηηire, abawuma esuubi. 14. Khufukirira khuti Yesu kafwa khandi kasyukhira lundi sakira khufukirira khuti Weere alireta Yesu na bafwa nibali mu ye. 15. Okhwema khu mboosi yO’mwami omwene, khubawoolera khuti efwe abasiri abalamu, abalekhewa okhwola khu ludaalo Omwami lwalikowolera okhutula mukulu, sikhulitangiramo mwabo abamala okhufwa.16. Khuba Omwami omwene aliikha okhutula mukulu, ne’siragiro sya’mukulu, ne’kono lya malayika mukhulutu khandi neturumbete liranga Weere, ne abo abafwira mu Yesu nje abalisookha okhusyukha. 17. Esyo nisyakhawa, efwe abasiri balamu khandi nga khwalekhewa khulidiirwa alala nabo mu bireesi khwakanana nende omwami mu bbanga. Manu khutyo khuliba nende Omwami endaalo echitaliwawo. 18. Nolwesyo mukumisyaniye ne’mboosi chino.

Chapter 5

1Wunanu, baana befwe, ebye’bikha nende endaalo sikhukhoyire no’khubawandikira enywe, 2khuba mumanyire wulayi wene muuti khu ludaalo lwo’Mwami aliicha ngo’mwibi mu siro. 3. Abaatu nibawoola baati, “Edembe no’wuwunjefu,” okhusikhirisiwa khulibolakho okhwa wangu wangu, nga owuchuuni wo’khulumwa ngo’mukhasi oli neenda, khandi sibalyefubatula.4. Ne enywe, abaana befwe, simuli musirema nti oludaalo olwo lubasindusise ngo’mwibi. 5. Enywe mwesi mweesi muli baana bo’wulafu, khandi muli baana besideete. Sikhuli baana besiro oba abesirema. 6. Sakira, khutaba nga’bandi abafwa oba abakona, ne khube moni khandi abefuka abeene. 7. Eyiri abo abakona, bakona esiro, nende abo abameera, bameera esiro8. Ne khuba efwe khuli be sideete, khube aberinda abeene, khwambale enfukirira no’khudakha nga esibya esyo’khusirifu, khandi ne’suubi yo’khuwonesewa nga esibya syo’khumutwe. 9.Khuba Weere sikatudoola okhusanda ettima lyaye naye okhufuna okhuwonesewa okhubitira mu mwami weefwe Yesu kristo. 10. Katufwiririra sinyalikhe efwe asyakhaba mbo khumoka oba khukona, khunyale okhuba alala naye. 11. Nolwesyo mukumisanie khandi mwombakhane, nga wusa mu masima lumuli okhukhola.12. Wunanu khubasaba, baana befwe, okhuweresa oluyaali abo abakhola na’maani mwinywe, abali amukulu wenywe mu mwami khandi abo ababakeraka mu byenfukirira. 13. Mubadirenge birayi no’luyaali lwamukulu mukhudakha khulwo mulimo kwawe. Mumenyenge nemirembe nabasyenywe. 14. Khandi khubakhubbirisa, baana befwe, mulawule abo abatakhola, mu khubbirise abanafu muyeede abatali na’maani, mugumikirise eyiri wuli otula.15. Syolererenge mbo awuma osasula owasye olwo’khumukhola wubi, ne mukesengekho okhuba abesisa eyiri syamulala. 16. Mubenge basangafu ebikha byosi byoosi; 17musabenge owutalekhera; 18mwebasenge mu wuli mbeera, khuba khuno njokhudakha khwa Weere yimuli okhubita mu Kristo Yesu.19. Mutasimya omuliro kwo’mwoyo; 20mutayiranga ebilakulwa no’khuwusawusa. 21. Kesangakho wuli situla. Mwedirenge khu sirayi. 22. Mulekhenge wuli sibi sye’ngeri choosi.23. Weere mwene, Weere we’mirembe, abalabyenge wosi woosi. Omwoyo wenywe yeesi, omwoyo no’mubiri kulindiwe nikuwumakho esyo’khulabisiwa mu bikha byo’mwaami weefwe Yesu Kristo bikechera. 24. Oyo owabalanga ye wa masima khandi n’okhukhola alisikhola.25. Baana befwe, mutusabirekho. 26. Mukhese abaana beefwe boosi nende okhubakwa mu birifu khwolerefu. 27. Mbawa omuduunga mu liita ly’Omwami okhuba ne’bbaruwa yinno muyisomere abaana befwe boosi. 28. Esisa syo mwomi wefwe Yesu Kristo sibe ni nanywe.

2 Thessalonians

Chapter 1

1Paulo, Sira, nende Temisewo, Eyiri e kanisa eya Basessaloniika mu Weere Bbaabba khandi Omwami Yesu Kristo: 2Esisa khandi ne’mirembe yimuli okhutula eyiri Weere Bbaabba khandi Omwami Yesu Kristo.3Khukhoyera ebikha byoosi okhwebasa Weere khu lwenywe, baana beefwe, khandi mu masima, khulwokhuba enfukirira yenywe yikhula niyemeeda, khandi okhudakha khwenywe okhwa wuli mulala khwali nakhwo khukhula nikhwemeeda. 4. Nolwesyo, mu makanisa ka Weere khwesiima khulwo’khwesimirisa nenfukirira mukhukesewakho khwenywe khumuli okhugumira khwoosi. 5. Bino byoosi wujulisi wekesa mbo enkhenga ya Weere ntufu, khandi nge’bitulamo mulibaliwa abakhoyera mu wene’ngo wa Weere, khumuli okhusandisiwa khulwaye.6. Weere wamasima: kecha okhusasula ebidinyu abo abaleeta ebidinyu khwinywe 7khandi acha okhusasula esaando eyiri abo ababasandya, nende eyiri efwe fesi. Sino sicha okhukholekhana ebikha Omwami Yesu lwalikisuliwa okhutula mukulu nali mumuliro kwadukha nali nende ba malayika baye bamaani. 8. Alisandiya abo abatamanyire Weere na batawulira enjiri y’Owami Yesu9. Bacha okhusandisiwa no’khuwonawona okhwendaalo choosi khandi balikalirwa erwanyi okhutula khukhubawo khw’Omwami khandi okhutula mu luyaali olwo’wunyala waye 10khuludaalo lwalikowolera okhuweresewa oluyaali eyiri abolerefu baye no’khuwukisiwa mu bafukiirira boosi. Sino sibayiriramo mweesi, olwokhuba mwafukirira owujulisi weefwe yimuli.11. Sino nga siri mubibaaso, khuchanakana no’khubasabira, sibe nti Weere wenywe anyala okhubabalamo echo’wutu, nabalanga, khandi okhwema khu maani kaye anyale okhwoseresa esigendererwa syenywe khandi nawuli sikholwa sirayi esyachakirisiwa nenfukirira yenywe. 12. Khusaba sino sinyalikhe eritta lyO’mwami Yesu linyale okhufumisiwa mwinywe, khandi enywe muye, okhwema khu sisa sya Weere khandi Omwami Yesu Kristo.

Chapter 2

1Esidiira khu khwicha khw’Omwami weefwe Yesu Kristo khandi no’khwewusa khwefwe khuye, khubasaba, baana befwe, 2okhutaba nokhudenganisiwa oba nokhusindusiwa khu biitu bindi ebilakulwa, okhuwaba oba ebbaruwa eyikhoyire okhutula mwifwe, niyiwoola yiiti oludaalo lwo’mwami lumalire okhwola.3oludaalo olwo lucha okhwola okhutusakho nga’khediimo khabeyewo khandi omuutu otamanyire malako nga ba mukisuuye, omuutu wakholimirwa okhwononewa. 4. Aliyinganiya khandi kefumya omwene okhuba amukulu wa wuli siitu sirangiwa siiti Weere oba alinamirwa, khwamale ketewo omwene mu nyumba ya Weere, khwamale omwene kelangirire okhuba Weere.5. Simwichulisa muuti ninali nanywe nabawoleranga ebiitu binno? 6. Khandi wunanu mumanyire esikira kasikala emukongo, abe nga kekesewa mu bikha byene ebitufu. 7. Khuba amaani k’esyama syo’khutamanya amalako syamala okhucha okhuhola emirimo; ne oyo okadiririsa wunanu acha okhuchanakana nakhola atyo paka lubalimutusa khungira.8. Kho wunanu otamanyire malako kho akisuliwe, khu’yo omwami Yesu nje yalitusa khu sisala no’muuya kwo munwa kwaye khandi kamunyaasa nakhosesa oluyaali lwaye nikecha. 9. Okhwicha khwoyo otamanyire malako khuliba okhulondakana ne’mirimo cha setani echekesewa mumakira koosi akefanirisa nga mayiya, no’wuwonero, ne’byo’khuwukya, 10khandi mu wuli sibi syoosi esibacha abo abasikhirira. Basikhirira khulwokhuba bakaana okhudakha amasima khandi bawonesewe.11. Khulwe’mboosi yino Weere abalakirisira owubacha wungi wa’maani kho banyale okhufukirira owubacha 12khandi sinyalikhe boosi okhukhengerwa abo abakaana okhufukirira amasima ne basangalira ebibi byerere.13. Ne khukhoyera wuli ludaalo efwe okhwebasa Weere khu lwenywe, baana befwe abadakhiwa omwami, khulwokhuba okhutula mumengisaniya Weere kabadoola okhuba nga muwonesewa okhubitira mu mirimo cho’khulabisiwa no’mwoyo khandi no’khubitira mu khufukirira mubitufu. 14. Kabalanga bino okhubitira munjiri yefwe, kho sinyalikhe akhukabana khu luyaali lwo’mwami Yesu Kristo. 15. Sakira, baana befwe, mwomiire khandi mweddire khunsomesa yikhwabosakho, mu mboosi yo’munwa oba mubbaruwa.16. Sinyalikhe omwami wefwe Yesu Kristo omwene khandi nje Weere seefwe owatudakha khandi olwesisa syaye katuwa okhukumisiwa okhutaliwawo khandi ne’suubi erayi, 17mukumye emyoyo chenywe khandi abomiise mu wuli sikholwa sirayi khandi ne’mboosi.

Chapter 3

1Mukhumalirikha, baana befwe, mutusabirekho sibe mbo owubakha wo’mwami wunyale okhusalana namaani khuweresewe oluyaali, nga wusa lusyali nanywe. 2. Khandi musabe khunyale okhuwona eyiri abasuku na’baatu babi, khuba sisiri mbo nawuli mutu ali nenfukirira. 3. Ne Omwami mwesikwa, khandi kecha okhubakumya khandi acha okhubakhingakira eyiri omusuku.4. Khuli no’wesikwa mu mwami khuti mu khola khandi munemeede okhukhola ebiitu bikhwabalagira. 5Sinyalikhe Omwami kemerere emyoyo chenywe mube no’khudakha khwa Weere khandi mukhwesimirisa khwa Kristo.6. Mu litta lyo’mwami Yesu Kristo, khubalagira, baana befwe, okhwewala wuli mufukirisi yeesi owikhala wusa atali khukhola mulimo ne khandi nga syalondakirira ensomesa yimwafuna okhutula yikhuli. 7. Olwokhuba enywe mwabene mumanyire nga lu mutekwa okhuloonda esyo’khwewonerakho syefwe. Efwe sikhwali abekhala wusa atali mulimo kwoosi nikhwali nanywe, 8oba khwalya emere yo’mutu yeesi atasi khuyisasulira. Khuluwande lundi, khwakholanga esiro nesideete, khwakhalabananga khandi khwakholanga namaani khukhukhaye okhuba omukuku khu mutu yeesi yimuli. 9. Khwakhola sino, khulwokhuba sikhuli no’wunyala okhufuna owuyeedi wuli wutyo, ne khukhunyale ekhwekhola esyo’khuwonerakho fwabeene khu mwesi mutuwonerekho.10. Khuba ata nikhwali nanywe, khwabawa elako lino: “Omuutu naba natadakha khukhola syakhoyerwa nokhulya.” 11. Khuwulira khuti abandi khwinywe mwikhala wusa. Sibali no’khufufukhana; naye bafufukhana mu mibiri. 12. Abaatu bembya yino khubalagira khandi khwabakhubbirisa mu Mwami Yesu Kristo bekhalise babe nga bakoonya emeere yawe ey’okhulya.13. Khandi ne eyiri enywe, baana befwe, mutajoηηanga okhukhola ebirayi. Oba esikhoyera. 14. Ne niwabawo omutu yeesi otawulira engeraka yenywe mu bbaruwa yino, mu mwekhalirise lukali. Mutakholagana naye, khwanyale okhuswala. 15. Lwosi mutamuyira okhuba omusuku, ne mumulawule ngo’mwana wenywe.16. Wunanu Omwami we’mirembe omwene abawe enywe emirembe ebikha byosi byoosi khandi mu ngeri yoosi Omwami abe nanywe mweesi. 17. Ese, Paulo, mbandiika amakheeso kano no’mukhono kwange, khano nje akhawonero khakawukhanakho mu bbaruwa change choosi. Nje lumbandiika. 18. Esisa sy’Omwami Yesu Kristo sibe ni nanywe mweesi.

1 Timothy

Chapter 1

1.Paulo, omutume wa Kristo Yesu okhwema khu silagiro sya Weere omuwoniya wefwe khandi owa Kristo Yesu esuubi lyefwe, 2Eyiri Temisewo omwana wange mutufu munfukirira: Esisa, okhusasira ne’mirembe okhutula eyiri Weere sefwe khandi Kristo Yesu Omwami wefwe.3. Nga lu nabakhubbirisa ni njiye mu Makedoniya, mube eyo mu Effeso munyale okhulagira abaatu bandi okhutasomesa enjiri yo’wubacha ni bachiririra 4oba okhuta esinani khu somesa engano chitalimo no’khubala enjiwulo chitakama. Chino chimeeda okhukudaniya okhukhira okhukhola omulimo kwa Weere__ okukhoyera okhutangirirwa nende enfukirira.5. Esilubirirwa sy’esilagiro sino nje okhudakha, okhutula mu mwoyo mulayi ne’mbasa ndayi ne’nfukirira ya masima. 6. Abandi bakota nibutula khu bino bachukhira mu nomaloma yitalimo. 7. Badakha okhuba basomesa bamalako, ne simanyire sibalomalomakho oba esyo sibekhakhasa mbo nisyo. 8. Khumanyire khuuti elako layi nisiba mbo omutu alikhosesa wulayi.9. Khusimanye syosi khuuti elako likholewa si khu lwa’bolerefu naye khu lwa bakhalaka amalako nende abeddiima, abatamanyire Weere na’bakholi be’bibi, abatali bolerefu nabatali ne’ddini; eyiri abo abetta basaawe oba baηηinawe, by’abeeti, 10by’abadamba nende abakwirikhani, abakusa abaatu basyawe nende ababacha__ nobakhola ebiitu bikawukhana ne’njekesa ya masima. 11. Esyo sikhakhasa enjiri eyo’luyaali eya Weere we mikisa yinaweresewa muwesikwa.12. Nebasa Kristo Yesu Omwami wefwe, owamberesise amaani, kambasakho okhuba omwesikwa, kambukula mu wuweresa waye. 13. Nende sibe mbo nali mufwoli khandi owoniyawoniya khandi omusaacha we’myero.Nekesewa esisa khu lwokhuba nakhola mu wutamanya no’wutafukirira. 14. Esisa syo’mwami weefwe syanjukhiwakho mu wungi, alala nende enfukirira no’khudakha okhuli mu Yesu Kristo.15. Ano aliwo enomaloma yamasima khandi eyikhoyera okhufukirirwa mu wichufu: Kristo Yesu kecha mu syaalo okhuwoniya abakholi be’bibi__ mwabo nise okhiramo owubi. 16. Ne khu lwe’mbosi yino nekesewa esisa khu sibe mbo mwise, omubi mu babi boosi, Kristo Yesu anyale okhubakala okhugumikirisa khwaye khutakama nge’syokhuwonerakho eyiri abo abakhabeye ni banyala okhumufukiriramo bafuna owulamu wutawawo. 17. Wunanu eyiri omwen’engo wo’wulamu wutawawo, otafwa, otawonekha, nga nje Weere yeηηene, akinisiwe no’luyaali endaalo choosi, Amina.18. Temisewo, mwaana wange, nkhuweresa engeraka yino okhulinda owunabbi owalomwalomwamwa khwiwe khale, sibe nti nobironda ocha olwaaane okhulwana khulayi, 19nga wediiye khu nfukirira no’khubasa khulayi. Abandi bakaana bino manu sakira beyinikha mu maachi ne’nfukirira yawe. 20. Mwabo nibo Khamenesi nende Alexanda, banawayo eyiri setani basomesewe ebyo’khutafwolanga.

Chapter 2

1Ese nkhubirisa, olwo, mukhusokha, ni mboola nti, mukhwekwedda, okhusaba, no’khwebasa bikholewenge khu lwa wuli muutu__ 2khu lw’abene’ngo nende abo boosi abali muwunyala, khunyale okhumenya mu mirembe khandi nga khumenya mu mbera cho wa Weere khandi no’wolerefu. 3. Sino siba sirayi, khandi sisangasa Weere omuwoniya weefwe, 4odakha abaatu boosi bawonesewe khandi okhwicha eyiri ekesi erya masima.5. Khuba aliwo Weere mulala nende okhubbaniya mulala akati wa Weere na baatu, omuutu Kuristo Yesu, 6ewewayo omwene nge’sirawo siwewayo olwa baatu boosi__ owujulisi waweresewa mu bikha byawo bitufu. 7. Khandi khu lwa sino nadolewa okhuba omuwaanyi khandi ngo’mutume__ Ndi khuwoola amasima, sindi khubacha__ khandi omusomesa owe’nfukirira ntufu eyiri abateende.8. Ndakha abaatu wuli awutu wosi woosi okhusingisa amakhono kawe molerefu mu khusaba, atali ttima oba okhuyingana. 9. Khandi ndakha abakhasi bambalenge enguwo chikhoyera, echibachirakho, atali khusuka amafiri oba effessa nende enguwo eche’beyi oba echitanyalikha mu wukusi, 10ne babe nebikholwa birayi, ebikhoyera ng’abakhasi abasaba Weere.11Omukhasi akhoyire okhuba oweka mu wuwulerefu khandi omulonga nga mwesikwa. 12. Nsinfukirira omukhasi okhusomesa oba okhuba no’wunyala wuba amukulu wo’musaacha; atekwa okhuba omuwulerefu.13. Khuba Adamu nje owasokha okhulongewa khu Eva kalongewa yesi. 14. Adamu sinje owabachirisiwa; nje omukhasi owabachirisiwa khandi kaba omukholi we’sibi. 15. Ne abakhasi baliwonesewa okhubitira mukhwiwula abaana__ nibaba mbo bachanakanira mu nfukirira, okhudakha no’wolerefu nokhwebisya wulayi.

Chapter 3

1Sino siba esyo’wesikwa esiwoola siiti: Ni abawo omuutu yeesi ota omwoyo kwaye okhuba omulabirisi, aba kekombire omulimo mulayi. 2. Wunanu omulabirisi atekwa okhuwuma esyo’khwolobesewa, omusaacha wo’mukhasi mulala, omwegenderesa onyala okhwerinda omwene, 3yi batamo oluyaali, osangalira abakeni, onyala okhusomesa, otewayo mu wumeesi, otali ne’myero, nga mulonga otali munyekani, otali mwekombi werubya.4. Atekwa okhufuka edaala lyaye birayi khandi nga siba nti abaana baye bamuwa oluyaali mu ngira choosi. 5. (Nisiba mbo omuutu yeesi syanyala okhufuka edaala lyaye lyene, anyala atye okhulabirira ekanisa ya Weere?)6Syakhoyire khuba omuutu owakhakalukhana wusa munfukirira, khu akhaye okhwekhudumbasa ni kefumya manu kamala kakwa mu musango kwa setani. 7. Atekwa khandi okhuba ne’nsambo ndayi naberwanyi, sinyalikhe okhutakwa mu khukeranisiwa khu batali ne’sisa khandi kakwisiwa mu mutego kwa setani.8. Abaddikoni, nasirala, bakhoyire okhuba abaatu ba masima babe abaatu abesikwa, abamasima, nga sibeyingisa mu by’amalwa mangi, ng’abatakoonyeresera mu nfuni yitalimo owesikwa. 9. Batekwa okhwomirira mu nfukirira ya masima yi bekesewa nibali nebibaso birayi. 10. Batekwa okhukesewakho mberi; ni awuma sibanyala bateberesewakho, bafukirirwe okhukhola owuddikoni.11. Mu ngira nasirala, abakhasi baawe babe bakhasi abakhoyerwa oluyaali, si balomilomi bo’wumoonyi ni abalonga khandi abesikwa mu wuli situla. 12. Omu Ddikoni atekwa okhuba owo’mukhasi mulala khandi atekwa okhulinda abaana baye ne’daala lyaye lyoosi wulayi. 13. Abo abakholire emirimo chawe wulayi baweresewa erita no’wemero wulayi mu baatu bagumisiwa mu nfukirira mu Yesu Kuristo.14. Anakhaba mbo nsubira okhwicha yimuli lwangu, ndi khubawandiikira amakerako kano sibe mbo, 15nimba ni khindire, mwicha okhumanya nga baatu lubakhoyire bebisye abeene mu nyumba ya Weere, yo nje nyumba ya Weere mulamu, etakoola, ensiiro khandi omusingi okwa’masima.16Amukulu w’ebiteebo byosi byoosi, owa Weere wakisiwa wamakana:Yee kawonekhana mu mubiri, komisiwa no’mwoyo,ba Malayika bamuwona, kawuulirwakho nab’enjiri mu byaalo, kafukirirwamo mu syaalo, kayiriwa mwikulu mu luyaali.

Chapter 4

1Omwoyo awoola mu wakhafu ati mu ndaalo chenkherekha abandi balirekha enfukirira balonda emyoyo mibacha ne’njekesa cha ma dayimoni. 2. Ensomesa yifwana yityo yitula mu baatu bekadya ababacha, abebibaso byalungiwa oti fwana basambiwakho ne’paasi yibalire.3. Bakaniya abaatu okhudekhya khandi babalagira okhutalya emere yindi, yi Weere kalonga yiriwe oba yiwukuliwe no’khwebasa naabo abafukirira khandi abamanyire amasima. 4Khuba wuli Weere sikalonga sirayi, khandi awumewo syoosi esikaniwa nisiba mbo sifunirwe no’khwebasa, 5khulwokhuba, syalabisiwa ne’mboosi ya Weere no’khusaba.6. Noba mbo wekesa emboosi yino eyiri ba mwanamawo, wicha okhuba okholire owuweresa wulayi owa Kristo Yesu, abakhusiwa mu masima ke’nfukirira khandi ne’njekesa ndayi yoba niwalondakirira. 7. Otedisaniyangakho khu ngano chitali cho’wa Weere, n’engano chabakhaye bakofu; ne esikhira wenase okhutya Weere. 8. Khwo okhunasa omubiri khuli no’mugaso, ne ebya Weere biri no’mugaso mungi mu biitu byoosi, nga wudiira khu silakano syo’wulamu wa wunanu no’wichayo.9. Yino nomaloma yo’wesikwa eyikhoyera okhufukirirwa khwoosi mu wichufu 10(khandi khu lwa sino khukhola mu khudidikhana), khuba khuli ne suubi lyefwe mu Weere wefwe mulamu, omuwoniya wa baatu boosi, khandi okhukhiririsa abo abafukirira.11. Lagira khandi somesa bino biitu. 12. Otakanya omutu yeesi kakhulekeresa mbo khuba oli muyere, ne taawo esy’okhuwonerakho mu bafukirira mu nomaloma, mu wulamu, mu khudakha, mu nfukirira no’muwulungifu. 13. Okhwola lundiicha, weweyo wamweene okhusomera enjiri abaatu mu lwichuye, mu khuwuulira enjiri no’khusomesa.14. Otalekhula esiwanwa syawo, siwayeresewa okhubita mu wubakha wo’wu nnabbi omukanda kwabakofu nikwali kukhwisakho amakhono. 15. Ba owesinani mu biitu bino; wewengeyo wesi weesi khu byo, kho wuli mutu otula awonenge enkhulakhulana yawo. 16. Wewunje lukali owulamu wawo n’ensomesa yawo nokhwekhalirisa. Bigumiremo, khulwokhuba n’osikhola, oliwoniya byombi wamwene nende abakhuwulirisa.

Chapter 5

1Otolobyanga omuutu mukofu n’etima, ne mukololenge nga luwakhawooleye latawo. Bisyanga abaatu bayere nga bamwanaamawo, 2abakhasi bakofu nga ba maamawo, nabakhasi bayere nga bambochowo, no’mwoyo mulungifu.3Muweresenge abakhasi bafwire oluyaali abadakha owuyeedi. 4. Ne omufwire naba nabaana oba abechukhulu, bano bakhoyire mukhusokha beeke okhuta eddini yawe munkhola nga batangira okhulabirira amadaala kawe khandi n’okhusasulanga abewusi bawe nende bakukayawe, khuba sino sisangasa Weere.5. Omufwire odakha owuyeedi wene khandi nga kalekhewa ayeηηene ne nga kata esuubi lyaye mu Weere khandi nga achiririra esideete ne’siro okhusaba khandi nikekweda Weere amuyeede. 6. Ne omufwire obawo olwa’masangaalo mufu nende akakhaba mulamu.7Muwerese abaatu engeraka yino, bosi kho awumewo owolobesewa. 8Ni abawo omuutu otayeeda abeekho baye, khandi okhukhirira erala eddala lyaye aba kekanire enfukirira khandi aba mubi okhukhirakho otafukirira9. Awuma mufwiire owandiikiwa mu sitawo sy’a bamufwire okhutusakho nga abisya emyaka cho’wukhulutu nkaga, khandi kali mwesikwa khu musaacha waye, 10khandi nga kali kamanyikhana olwebikholwa birayi, ngo’khulinda abaana, ngayeeda abali no’wudakhano, nga sangalira abakeni, koosa abolerefu amakulu, nga ayeeda abali mu bidinyu, khandi nga wesinani mukhwoseresa ebirayi Weere byadakha.11. Ne eyiri abafwire basiri bayere, mutabawandiikanga khu lunyaali olwo. Khuba owekombi wawe nibatusa khu khwewayo khwawe eyiri Kuristo, bola badakha okhudeekha. 12. Sakira bola beretakho okhukhengerwa omusango abeene, khulwokhuba baba bakhalakire osisubiso syawe syasookha. 13. N’otusisekho esyo, beyingisa mu nsambo cho’khwikhala awuma sibakhola, khandi bola okhwingira mu nyumba yino bacha mu yindi. Khandi sikhuwuma sibakhola khwoηηene, naye becha baba bamoonyi khandi abayerembukhana nga bakaniyaya ebibatakhoyera.14. Sakira ngeraka abafwire bayere badeekhenge bafune abaana banyale okhuliinda amadaala kawe awumewo okhuwa omusuku okhulomaloma ebiwumawo. 15. Mu masima kene abandi bamalire okhukalukhanira setani. 16. Ni abawo omukhasi yeesi owafukirira nali nabafwire mu daala lyaye, akhoyire abayeede okhukhira ekanisa lu yinasidowererwe khu lwabo, sinyalikhe ekanisa okhuyeeda abo abataali n’owuyeedi.17. Eyiri abakofu oba abakhulutu batangirira emboosi che’kanisa birayi bakhoyera okhumeedewakho oluyaali, okhukhirakho abo abakhola emirimo echo’khuwuulira nende okhusomesa. 18. Khuba esyawandikiwa siwoola siiti, “Otawowanga omunwa kw’eηηombe ndaawo niyiba niyisiriita enηηano,” khandi “Omukhosi akhoyeera omusaara kwaye.”19. Otakanyanga okhuwosesa omuutu mukhulutu yeesi okhutusakho nga kulikho abajulisi babiri oba badatu. 20. Abo abakhola ebibi, bolobisiwenge mu lwichuye, kho abadoηηire banyale okhulawulwa.21. Mbakhutira, mu moni cha Weere, khandi Kuristo Yesu nende ba Malayika bangale, okhwoseresa ensomesa yino atali khulekhayo, khandi nga mukhola awuma okhwekhubbira. 22. Mutanguyirisanga okhuta khu baatu amakhono khandi muteyingisanga mu bibi bya bandi. Werinde noli mwolerefu omwene.23. Lekhera awo okhunywa amaachi koηηene, khandi khosesangakho amalwa matono khu’lwenda yawo khandi no’wulwaye wawo wa wuli sikha. 24. Ebibi bya baatu bandi byalafu, byekherera okhwola mu bifwo bikhengerwamo emisango; ebibi bya bandi bibalonda emukongo. 25. Mu ngira nasirala, ebikholwa birayi byaalafu, khandi nende ebyo ebitali sibinyala khukisiwa.

Chapter 6

1Abo boosi abali asi we’joggi yo’wuwaambe bakhoyire bamanye abakhunufu bawe bakhoyerwa oluyaali lwichufu, sinyalikhe siiti erita lwa Weere no’khusomesa khwefwe khukhaye okhuchalaasiwa. 2. Abo abali nababayira abafukirira batabalekeresanga olwokhuba bafukiirisi basyawe. Atali esyo, bali no’khubaweresa ata no’khukhirakhowo, khuba babafunamo ngabo babayeresa mu mirimo chawe bo bafukirira, khandi bamakhulutu yi bali. Bino nje biitu bimukhoyire musomese khandi mubakhubirise bakhole.3Nisiba mbo aliwo omuutu yeesi osomesa ensomesa yo’wubacha nga siyifukirisaniya ne’ngeraka ey’Omwami wefwe Yesu Kurisito khandi khu nsomesa yo wa Weere, 4aba kebacha omwene khandi otamanyire syosi syoosi. Ali no’wekombi we’syaalo no’khuyingana no’khunyekana khu lwe’mboosi chitulamo echiri ne’mbalikha, okhulwanakana, enomaloma yinyasa ametta, ebibaaso bibi 5nende okhuyirimbana khutawa akati wa baatu bali bengusi n’owongo watawukha, abebewakho amasima khandi babasa baati ebya weere nje engira yo’khufuna owuyiinda.6. Ne ebya weere eyiri ola onyala kabikuta wuyiinda oba nfuni mbitirifu. 7. Khuba awuma sikhwaleta mu syaalo, khandi awumawo sikhunyala khwatusamo. 8. Ne nikhuba mbo khuli ne syo’khulya nesyo’khwambala, khukhoyire khwikusiwe n’ebyo.9. Abaatu badakha okhuba bayiinda bakwa mu wuuko khandi no’mubiitu bingi ebyo’wusiru, muwekombi wunyasa wata abaatu mu kunda khandi no’khusikhirisa. 10. Khuba okhudakha erubya nje engira ye’bibi bitali nasirala. Abaatu bandi, abekomba lukali erubya, bakota batula khu nfukirira khandi befumita abeene no’khwelalikhirira khungi.11. Naye ewe, omuutu wa Weere, yirukhanga olekhane ne biitu bino byosi byoosi, olondakirire owulungifu, owa Weere, enfukirira, okhudakha, okhwesimirisa, no’wulonga. 12. Lwana okhulwana khulayi okhwe’nfukirira. Wediire khu wulamu wutakama wuwalangirwa niwali otumbula enfukirira yawo ndayi mu lwichuye lwa’bajulisi bangi.13. Mu moni cha Weere, owa owulamu mu wuli situla, nende owa Kurisito Yesu, owali khwatumbula mu moni cha Ponsio Piraato katumbula wulayi ati, 14khukhutira okhulinda elako lino atali bbondo oba okhwolobisiwa okhwola Omwami wefwe Yesu Kristo,15Weere yalireeta mu bikha byaye__ Weere, ow’enkhabi khandi omutuki yenηene, omwen’engo wa Ben’engo khandi Omwami wa baami, 16oyo yeηηene otafwa khandi oli mu wulafu wutanyala khusudiwaakho, oyo omuutu yeesi yatawonakho khandi otawonekha. Oluyaali lwoosi lube naye na’maani no’wutuki endaalo choosi. Amina.17. Lagira abayiinda abali mu syaalo sye bikha bino okhutaba namalala oba batekiniya ata okhuba ne’suubi khu wuyinda wutali womifu, ne bate ensuubi lyawe mu Weere, otubbibira wuli sikhudakha khandi sikhwesangasiramo. 18. Balagire bakhole owulayi, okhuba abayiinda mu bikholwa birayi, nende okhuba abakabi khandi nga bafukiirira mu khukabana. 19. Mu ngira yino becha okhuba nga beyaliye owuyiinda abeene owutaliwa ngo’musingi mugumu olwe’bikha bichayo, kho banyale okhudiira no’khukumya owulamu weene owa masima.20. Temisewo, liinda ebyo bibakhuwa okhulinda. Lekhana n’embakha chitali cha Weere ne’bibaso byamayingane abaatu bi balanga okhuba makesi, 21ako abandi kabaatula ne mu khukhola batyo batula mu nfukirira.Esisa sibe ni nawe.

2 Timothy

Chapter 1

1Paulo, omutume wa Kurisito Yesu olwokhudakha khwa Weere, okhwema khu khusubisa okhwowulamu nga nje okhuli mu Kurisito Yesu, 2Eyiri Temisewo, mwana wange mudakhwa:Enkhabi, Esisa ne’mirembe okhutula eyiri Weere seefwe nende Kurisito Yesu Omwami wefwe.3Nebasa Weere, yimberesa, nga lubakuka yange lubakholanga, ne’bibaso byange bikwalafu, esiro nende esideete nkhwichulisa wuli sikha mu khusaba khwange. 4. Ni nichulisa amasika kawo, nekomba okhukhuwona, nkhonyale okhwichusiwa ne’sangaalo. 5. Banjichulisise enfukirira yawo ya masima, eyaliwo mu ndaalo cha ngukhwawo Lusi nende mamawo Ewuniike khandi, ndi mwomiifu nti, yiri mu ewe wesi.6Khu lwe’mbosi yino nkhwichulisa okhwewuchirisa mu esyoosyo syo’muliro esiwanwa sya Weere, esikhulimo okhubita mu makhono kange kanakhutakho. 7Khuba Weere sikatuwa omwoyo kwo’wuti, naye omwoyo kwa’maani, okwo’khudakha nende okwo’khwefuka fwabeene ne’nsambo.8. Sakira otaswala okhujuriranga omwami weefwe, oba okhuswala khu lwange omuwoye waye. Naye ne’yambaniyekho mu nsando olwe’njiri, olwa’maani ka Weere, 9owatuwoniya efwe khandi katulanga mu wulamu wolerefu__ si khulwe’siitu syoosi sikhwakhola ne khulwo khudakha khwaye khandi ne’sisa. Esisa sino syatuweresewa mu Kurisito Yesu nebikha ebyo nibitola, 10ne wunanu syakhawikhuliwa okhubitira mu khuwonekha khwo’muwoniya weefwe, Kurisito Yesu, owasikhirisa okhufwa khandi kaleta owulamu manu awuma okhufwa eyiri owulafu okhubitira mu njiri. 11. Khandi enjiri yino nadolewa okhuba omulangirisi wayo khandi omutume khandi omusomesa.12. Sino nje esikira nimbonawona nga lundi. Ata sityo nsinswala, khulwokhuba manyire yinafukiriramo, khandi nsimanyire nti anyala okhuliinda esyo si namubikhisa okhwoola khu ludaalo olwo. 13. Biwawulira okhutula yindi, birinde nga enjekesa yesikikha mu nfukirira, khandi no’khudakha okhuli mu Kurisito Yesu. 14. Linda omusingo mulayi kubakhubikhisa muwesikwa__ kulinde no’wuyeedi wo’mwoyo mwolerefu owatumenyamo.15. Osimanyire oti wuli muutu oli mu situndu sya Asiya kantulakho, no’teeyekho owe Fugeero nende Kerumogene. 16. Syolerere mbo Omwami kekese esisa khu nyumba ya Onesifolo, khulwokhuba kansangasaanga nikambuluusa nga syafaayo olwe’njegere chinabakho. 17. Khuluwande lundi, nikali nali e Rooma, kakonya lukali yinali okhwola lukambukana. 18. Manu omwami anyale okhumuwa essisa okhutula khu ludaalo olwo! Omanyire wulayi wene mu ngira nyingi chikanjederamo ni khuli mu Efweeso.

Chapter 2

1Ewe wunanu, mwana wange, ba mugumu mu sisa esiri mu Kurisito Yesu. 2. Ne biitu biwakhawulira ninomaloma mu moni cha bajulisi bangi wesike abaatu besikwa abanoole bosi baba abanyala okhusomesa abandi.3. Gumira ebidinyu nafwe ngo’musirikale mulayi owa Kurisito Yesu. 4. Awumawo omuutu okhola ngo’musirikale oweeta khu mirimo cha baatu ba wuli ludaalo__ odakha okhusangasa omudumisi waye. 5. Mu nfwani nasirala, omuutu naba nadakha okhuba omwirukhi, syafuna engule yo’muutu okhirire okhutusakho nga yesi kerukhire okhwema khu malako.6. Omulimi okhola na’maani njo’khoyeera okhuba wamberi okhukabana omukawo kwe’birime. 7. Baasa khu binomalomire, khuba omwami alikhuwa okhumanya niwusiri mu bino byoosi.8. Khewulira Yesu Kurisito, kasingisiwa okhutula mu bafu, kewulwa mu lulyo lwa Dawudi. Yino nj’enjiri yange, 9eyiri khukira nimbonawona okhwolera erala khu khuwoyewa enjegere ngo’mukholi we’bibi. Ne’mboosi ya Weere simbowe yenjegere. 10. Nolwesyo nesimirisa wuli situla khulwabangale, kho sinyalikhe bosi banyale okhuwonesewa okhuli mu Kurisito Yesu, no’luyaali lutaliwawo.11. Ano aliwo emboosi yikhoyera okhwesikiwa niyiwoola yiiti: Nisiba mbo khwafwa ni naye, efwe fesi khwakhabe abalamu naye 12. nikhwesimirisa, efwe fwesi khulifuka naye. Singa khumwekaana ye, Yesi acha okhutwekaana; 13. nikhutali abesikwa,alisikala nimwesikwa, khuba syanyala khwekaana omwene.14. Sikala no’bechulisa ebiitu bino. Balawule mu moni cha Weere okhunyekananga khu lwe’mboosi; sisyo mugaso, khandi sino syoηηene syonona abatekeresa. 15. Khola ngalusinyalikhana okhweyekesayo wamweene eyiri Weere nga mulala khubakhakhasiwa, omukhosi otadakha khuswasiwa khandi odiira birayi emboosi ya’masima.16. Lekhana ne’mboosi ch’owusiru, khulwokhuba abachibamo belyemeeda okhutamanya Weere. 17. Ensomesa yawe yirichanakana nge’konjo lya nawakhwaku. Mwabo mulimo Kumenayo nende Fireeto, 18abaatu bakota baatula khu masima. Bawoola baati okhusyukhira khwamala okhubawo, khandi banyaasa enfukirira ya’bandi.19. Nende biba bityo, omusingi kwa Weere kusikala ni mugumu, ne’mboosi chino nga chomiisiwa: “Weere amanyire abo abaye,” khandi, “Wuli otumbula no’munwa kwaye eritta ly’Omwami atekwa okhukalukhana no’khulekha ebikholwa by’embi.” 20. Mu nyumba engali mubamo ebiitu sibira ebyakholewa ne Ffesa nende silifa byoηηene naye ata ebye’mbawo n’ebyeroba; ebindi byemikholo mikhongo ne’bindi byaba bye’mikholo mitono. 21. Omuutu yeesi nikenyiirisa omweene okhutula mu sibi, aba acha okhuba esibya syo’mukholo mukhongo aba mwolerefu, owo’mugaso eyiri omukhulutu waye khandi otekekheywe okhukhola omulimo kwoosi omulayi.22. Yirukha muwekombi wubi owa’baraga, ni mulwanirire owolerefu, enfukirira, okhudakha ne’mirembe, alala nabo abadakha abalaanga Omwami no’mwoyo mulayi. 23. Mutasibirananga ne’situ syoosi esyo’khuyinganiya no’wusiru, khuba bino bereta okhunyekana24. Khandi omukhosi wo’mwami syatekwa khunyekana; okhutusakho, atekwa okhuba ne’sisa eyiri abaatu boosi, onyala okhusomesa, omuutu otakhakalukhana wusa. 25. Abo abamuyinganiya atekwa okhubakeraka kaala, mu suubi ati Weere acha okhubawa okhusaba esirekhero esibata khu ngira yokhumanya ebya’masima, 26khandi ati banyala okhukowolamo ebibaaso, banyale okhwefubatula mu mubaso kwa setani, owabayira okhuba abawoye kho bakhole byadakha.

Chapter 3

1Naye manya sino: alibaawo ebidinyu mu ndaalo echikhenerekha. 2. Abaatu becha okhuba abedakha abeene nabeene, abadakha erubbya, abensunga, abewulira, abanyekani, abatawulira bewusi bawe, abatebasa bi bawaweye, abataasi bolerefu, 3abawuma okhudakha, abatasaasira, abatefuka abeene, abawalaba, abatadakha sirayi, 4abenkhwe, abayuyukhana, abefwakho abeene, abadakha ebyamasangalo okhukhira okhudakha Weere5badakha okhwekholakhola nga bamanyire ebya Weere nibekaana amaani kamwo. Mutabanga nende syosisyosi nabo. 6. Bali nga abo abanyererekha bengira mu madaala manu bafumaalira abakhasi bakata khandi abadaamba, abasidoyererwa ne’bibi nibayiriwa nende wuli wekombi ne bibi byoosi ebitaasi nasirala, 7abo ebikha byoosi beeka, ne sibanyala okhufukiirira amasima.8. Nasirala nga Janesi nende Yambere abayiinganiya Musa, manu sityo abasaacha bano bosi bayiinganiya amasima__ abasaacha be bibaaso bitono, abo, okhwema khu nfukirira nga luyiri, bakhayiwa. 9. Ne sibalicha ale khulwokhuba, nga lusiri mu basaacha abo, owusiru siru wawe wulimanyikha eyiri wuli muutu.10. Ewe, nende siri sityo, manya ebyo byoosi ebitula mu khusomesa khwange, embeera cho’wulamu wange, esigendererwa syange, enfukirira, okhugumikirisa, okhudakha, okhwesimirisa, 11okhusandisiwa, engisa__ ebiitu ebyanawulingeri ebyanekholekhanakho nindi mu Antiyokiya, Yikoniyamu nende Lisitura, okhuwonawona okhwa’maani khunesimirisira. Naye Omwami kamboniya mu ebyo byoosi. 12. Masima, wuli odakha okhuba mu bya Weere mu Kurisito Yesu alisandisiwa. 13. Naye abaatu babi abakhubbakhubbaniya balicha mu wubi owukhukhirakho awo, nibabacha khandi boosi nibabachiwa.14. Ni nanywe, muchanakane nende bimwekire khandi mu malire okhufukirisiwa, khulwokhuba mu manyire khu lwabo bamwekerekho, 15khandi mutyo okhutula muwudoto mwamanya ebyandikiwa ebyolerefu, ebikira nimuba abakesi olwo khuwonesewa okhubita mu Kurisito Yesu.16. Ebyawandikiwa byoosi muuya kwa Weere khandi byo’mugaso mukhusomesa, no’khwolobya, mukhukololosa nende okhwekesa emeenya mu ngira engololofu, 17kho sibe nti omuutu wa Weere abe omwetekefu mwene mu wichufu okhukhola khu lwa nawuli mulimo mulayi.

Chapter 4

1Mu moni cha Weere nende echa Kurisito Yesu, olikhengera abalamu nende abafu, khandi okhwema khukhuwonekha khwaye nende owene’ngo waye, nkhukhutira nti: 2. Wuulira emboosi; ba omwetekefu mubikha nende ebikha nibiweye; kololosa, yolobya khandi okumye__ no’khugumikirisa khukali no’khukeraka khwo’khwegenderesa.3. Khuba ebikha bicha okhwola abaatu balobe okhutekeresa ensomesa entufu. Okhutusakho, eyicha no’muyiito kwo’khudakha khwawe, bacha okhwewusakho abasomesa bangi ababawoolera bi matwi kaawe kasiiya bikadakha kawulire. 4. Becha okhukalukhaniya amatwi kawe katule khu masima kakowole khu ngano. 5. Ne ewe, singisa omutwe kwawo mu mbeera choosi, wesimirisire owudinyu, okhole okwo’wuwuulisi, khola emirimo choosi mu sitongole syawo.6. Khuba ndi khuchukhiwa nge’syokhunywa siwewaayo, ni khandi ebikha byolire ebyange byo khuwawo. 7. Nwanire okhulwana khulayi, malire embiro change, nindire enfukirira. 8. Wunanu musyaki mulimo esyange engule yo’wulungifu, yi mwami, omulamusi omulungifu, yacha onkhuntwikha khu ludaalo olwo__ ne si khulwange seηηene, naye khulwabo boosi abekomba olwo’khuwonekhana khwaye.9Khola ngalusinyalikha wiche yindi khangu, 10. Eyiri Deema, khulwokhuba kali adakha esyaalo sino, kanyanjukha khandi kacha e Sesolonika, Kureseni achiye e Galatiya, naye Titto kacha e Dalamatiya.11. Luka yeηηene njoli nange. Wukula Maako manu wiche naye, khulwokhuba kanjeda mu wuweresa wange. 12. Natuma Tikiku okhucha mu Efweeso. 13. Noba wicha, ndetere ekooti linali ndekhire nende Kappo, mu Tulowa, nende ebitawo, okhukhirira erala amaseero.14. Alekisanda omwitanyi webyuma kankhola wubi lukali. Weere kecha okhumusasula khu bikankholire. 15. Wesi okhoyire omwerinde khu sino, khuba kayinganiya lukali owubakha wefwe. 16. Mu khwewosakho khwange khutangira awuma owangwira, nawuli muutu kantulakho. Sino sitabaliwa khu mutwe kwawe.17. Ne Weere kema khuluwande lwange khandi kamba amaani, manu okhumbitiramo emboosi yinyale okhusananisiwa khandi abateende boosi banyale okhuyiwulira. Awo nanyala okhuwonesewa okhutula mu munwa kwe’dalaηηi. 18. Omwami alimboniya okhutula mu wuli khabi khoosi akhanjicha emutwe khandi alingowosa mirembe mu wene’ngo waye owo’mukulu. Oluyaali lube naye endaalo choosi. Amina.19. Kheesa Purisilla nende Akwilla ne’daala lya Onesifolo. 20. Erasito kadoηηa Ekoliinso, naye nalekha Turofiimo e Milleto olwokhuba kali alwaala. 21. Kesakho nga lunyala wole ano esirumbi ni sitola. Yubbulu, Pudeni, Lino nende Kilawudiya babakhesa khandi nende bamwaanaama. 22. Omwami abe no mwoyo kwawo. Esisa sibe nawe.

Titus

Chapter 1

1Paulo, omukhosi wa Weere khandi omutume wa Yesu Kurisito khulwe nfukiirira yo’khwangala khwa Weere nende amakesi akamasima akatangisamo owa Weere__ 2enfukiirira nende amakesi akali khu khusuubira okhwowulamu owutakama, khu Weere, otabacha, kasuubisa enjaaka ye bikha niyisiiri, 3nende ebikha byaye ebidoole kaleeta owulafu okhubita mu khuwuulira okhwambeewa nesilagiro sya Weere omuwoniya wefwe.4. Eyiri Tiito, omusoliiri wange owamasima mu nfukiirira yefwe eyifwaanana. Esisa nende emirembe okhutula eyiri Weere Bbaabba nende Kurisito Yesu omuwonia wefwe. 5Esyakira ninkhulekha mu Kuleete syali nti onyale okhukololosa ebyasikala nibitaweeye khandi wangale abemeresi mu wuli siko nga lunakhulagira.6. Omwemeresi ateekwa okhuba owumakho esyo’khumwolobya, owadeekhya naye nga ali nende omukhasi mulala, omusaacha omweene abaana abafukiirira khandi nga sibeduba mu myeero echo’wutawulira. 7. Nga omulabirisi lu kesikiwa nende omulimo kwa Weere, ateekwa okhuba owumakho esyo’khumwolobya__ otasi owo’khwetwakhirisa, otanyiiga khangu, otewaayo mu wumeesi, otasi wemyero, syakoonya enfuni yo’wulyanga.8. Okhutusakho akhoyire okhuba osangalira abakeni, oyo odakha ebiitu ebirayi, owefuka omwene, omukololofu, omwolerefu khandi owe’nsambo. 9. Ateekwa oba owediira lukali khu wubakha ow’amasima nga lu kasomesewa, kho anyale okhukumya abandi mu njekesa ndayi eyikhoyera khandi no’khukayira abo abayinganiya ensomesa eyo.10. Olwokhuba aliwo abaatu ba sikhayi bangi, abalomaloma wusa khandi ababacha, okhukhirira erala abo abomukaanda okwa bakhebewa. 11. Bateekwa okhuwuleeresewa, olwokhuba banyaasa amadaala ni basomesa ebiitu bi batakhooyera okhusomesa__ nge esyo basikhola olwo’khwefunira owuyiinda owutasi ow’amasima.12. Ata mulala khu ba nabbi baawe kawoola ati, “Abe Kuleete ebikha byoosi babacha, kinamunyu, bakata khandi b’okuliira.” 13. Owujjulisi wuno wamasima. Nolwesyo, mubawalabire lukali, kho banyale okhuba nende enfukiirira endayi 14bakhaye okhutekeresa olugaambo lwe’ngano echa ba Yudaaya oba ebiragiro byaabo abakhaya amasima.15. Eyiri abalungifu, ebiitu byoosi bilungifu, naye eyiri abo’mufuto khandi nga sibafukiirira, yiwuma esilungifu. Mu masima, ebibaaso byawe nende okhumanya khwawe byoosi byo’mufuto. 16. Beranga okhuba nga nje abamanyire Weere, naye ebikholwa byawe bimwekaana. Sibanyalikha, sibawulira khandi sibakhoyera okhukhola esiitu syoosi esirayi.

Chapter 2

1Muteekwa okhusomesa okhuchira khu nsomesa endayi. 2Musomese abasaacha abakhulutu owutaba abameesi, abakhoyera oluyaali, abeefuka abeene khandi abalayi mu nfukirira, mu khudaha nende mu khwesimiirisa.3. Nasirala, musomese abakhasi abakhulutu babe nga nisibakhoyera mu khumenya khwawe, abatayinga baatu bibatakholire oba abafukiwa namalwa mangi, naye okhusomesa ebitu ebirayi. 4. Baatyo banyale okhusomesa abakhasi abayere okhudakha ba wamwaawe nende abaana baawe, 5okhuba abefuka abeene khandi abalungifu, okhukholanga emirimo mu daala, okhuba abesisa, khandi okhuwulira ba wamwaawe, kho akhaye okhubaawo yeesi onyeka emboosi ya Weere.6. Nasirala, mukhubbirise abasaacha abasiimbukha okhuba abefuka abeene. 7. Mu biitu byoosi mubaterewo esyo’khuwonerakho nimukhola ebirayi. Mukhusomesa khwenywe mwekese ensambo endayi, owumalirifu 8nende enomaloma endayi yibatanyala okhukhaya, kho abo ababayiinganiya bawambiwe ensoni olwokhuba bawuma esitu esibi esyo’khutulomalomakho.9. Musomese abawambe okhuwulira abakhoongo bawe mu byoosi, bakesekho okhubasangaasa, so sikhubamoonya, 10khandi bakhaye okhubeeba, naye bekese baati banyala okhuba abesikwa beene mu wichufu, kho mu nawuli ngeri bakhole okhusomesa khu Weere omuwoniya wefwe khube okhusangaasa.11. Olwokhuba esisa sya Weere esireeta okhuwonesewa siwonekhire eyiri abaatu boosi. 12. Situsomesa okhuwoola khuti, “Bbe” eyiri owutaasi wa Weere nende okhudakha okhwesyaalo, no’khumenya ni khwefuka abeene, abakololofu khandi mu wulamu wa Weere mu bikha bya wunanu. 13. Ni khusiriinda okhusuubira okhwe’nkhabi__ okhuwonekha khwo’luyaali okhwa Weere wefwe owamaani khandi omuwoniya, Yesu Kurisito,14owewaayo omwene khu lwefwe okhutwinulula fweesi okhutula mu wubi woosi khandi okhweteresera omwene owulungifu abaatu abaye beene okhukhola esyo esirayi.15. Bino manu, nje ebiitu bimukhoya okhusomesa. Mukumye khandi mwolobye nende owunyala wosi, woosi. Atabangawo yeesi okhulekeresa.

Chapter 3

1Yichulisanga abaatu okhuwulira abatuki nende abo’wunyala, okhuba abawulise, okhuba abetekefu okhukhola syosi syoosi esirayi, 2owutanyekanga omUutu yeesi, okhuba abedembe khandi abaloonga, nende okhwekesanga owuloonga owamasima eyiri abaatu boosi boosi.3. Enyuma era fweesi khwali abasiru, abatawulira, nga khubachirisiwa khandi nga khwawambiwa nende emiyumo nende amasangalo. Khwamenya mu ttima nende embalikha, nga khusyuuliwa khandi nga khwasyulana abeene nabeene.4. Naye esisa nende okhudakha khwa Weere omuwoniya wefwe nikawonekha, 5katuwoniya, si khulwe’biitu bilungifu bi khwali nikhukholire, naye khu lwesisa syaye. Katuwoniya okhubitira khu khwosewa khwo khwiwulwa khandi nende okhukalukhanisiwa wuyaakha nende omwoyo omwolerefu,6yikatuchukhakho olwo’wuyiinda okhubitira mu Yesu Kurisito omuwoniya wefwe, 7kho, ni khumalire okhufuna owolerefu nende esisa syaye, khunyale okhuba abasikha nikhuli nende okhusuubira owulamu owutaakama.8. Yino nje enomaloma eyo’wesikwa. Khandi ndakha mukhakhase ebitu bino, kho abo abesikira mu Weere babe abegenderesa okhwewaayo abeene okhukholanga ebyo ebirayi. Ebiitu bino birayi khandi byo’mugaso eyiri nawuli otula.9. Naye mwewale amakhaabi ko’wusiru nende ebitawo ebirimo endyo echokhwiwulwa nende amayingani nende emyeero ebidiira khu malako, olwokhuba bino biwuma nende omugaso khandi biri wusa awo biityo. 10. Lawula okawukhaniya lulala, khandi omale omulawule ekhabi eryokhubiri. Nomala otyo, mulekhe abe. 11. Onyala okhuba omwomiifu oti omuutu nga oyo kakota khandi wesibi; khandi kekhengeeye omweene omusango.12. Nintumaanga Atema oba Tukiko yuli, khola syunyala wiche yiindi e Nekapoli, olwokhuba nkhengirewo okhuba eyo mu bikha ebyetoocho. 13. Khola syosi syoosi esinyalikha okhuyeeda Seena omu na’malako nende Apolo mu lukendo lwaawe owone oti bali nende byosi byoosi bibadakha.14. Abaatu befwe batekwa okhweka okhwewaayo okhukholanga ebyo ebirayi, kho banyale okhweyosakho ebyetaago bya nawuli ludaalo bakhaye okhuba mu wulamu owutaasikho siwiingisa.15. Nawuli yindi naye akhutumira amakheeso. Kheesa abo abatudakha mu nfukiirira. Esisa sibenge nanywe mwesi mweesi.

Philemon

Chapter 1

1 Paulo, omuwowe owa Kurisito Yesu, nende Temisewo omwana wefwe . Eyiri Firimooni omudakhwa weefwe khandi omukhosi wasyefwe, 2eyiri Afiya mbochoyefwe, eyiri Achippasi omusirikale wasyefwe nende eyiri ekanisa eyo eyakananira mudaala lyawo. 3 Esisa sibe yuli ne’mirembe okhutula eyiri Weere seefwe nende Omwami Yesu Kurisito. Okhwebasa no’k husaba.4 Nebasa Weere wange ebikha byoosi nga nkhwichulisa mu khusaba khwange, 5khu lwokhuba mbulira enfuma yenfukirira yawo mu mwami Yesu no’khudakha khwawo eyiri abolerefu boosi. 6Nsaba nti sinyalikhe obe mukakalikhani mu khukaba khubye nfukirira yawo, kho sinyalikhe ewe obe no’khutegeera khwichufu okhwa nawuli siitu sirayi syoosi sikhuli nasyo mu Kurisito. 7 Okhudakha khwawo khumbeye esangaalo no’khugumisiwa khwamaani, khulwokhuba ewe, mwanawefwe, okowosise amaani mu myoyo cha’bolerefu. Okhwekalikhira Khwa Paulo Eyiri Onesimu.8Nolwesyo, nende nakhaba omumalirifu mu Kurisito no’khulagira okhole syo’khoyera okhukhola, 9ata siityo nkhusaba wusaba okhwema khu khudakha. Ese wunanu, nga Paulo__ omusaacha mukhulutu nende wunanu omuwowe mu Kurisito Yesu__10Nkhwekalikhira olwo omwana wange Onesimu, owafuliwa okhuba musyaani wange nindi mu njegere. 11Khale sikali wo’mugaso yooli, ne wunanu kekholire okhuba wo’mugaso yooli nende yindi. 12Ndikhumutuma yooli__ oyo oli omwoyo kwange kwene__ okhukowola yuli. 13Nakhekombire okhumusikasa yindi anyale okhuyira esifwo syawo mu khunjeda nindi mu njegere olwenjiri.14Ne sinadakha okhukhola esiitu syoosi ataasi okhukhwetebakho, kho sibe mbo owuyeedi wonakhole wube owokhwedakhira okhukhira okhuyingiwa. 15Oba nje esyakira kakhwekawulakho olw’ebikha bitono khusibe siiti nakowoola eyo asikalira erala16otaasi ngo’muwaambe naye oli wulayi okhukhirakho omuwaambe naye nga mwanaama omudakhwa. Mudakhwa lukali yindi ni khandi okhira okhuba omudakhwa yoli, khandi koti omwana weefwe mu Mwami.17 Manu nooba nimumbira okhuba mulala khwinywe, musangalire nga lu wakhansangaliye. 18Naba mbo abakholire esibi oba omumubanja esiitu syoosi, sibanje ese. 19Ese, Paulo, mbandiika sino no’mukhono kwange kwene. Nja okhukowosawo__ si khuwoola nti wumbanja ewe omweene. 20Ndi ne’suubi, mwana weefwe nti, nyala naba nebingasa okhutula yoli mu mwami; koosa amaani mu mwoyo kwange mu Kurisito.21No’khwekhakhasa khwosi olwo’wuwulise wawo, mbandiika yoli, ninsimanyire nti wicha okhukhola nalukali okhukhirawo nga lunsaba. 22Khandi sirala esyemeedakho: ntekekhere esisenge sy’abakeni, khuba nsubira okhukowosera okhubita mu khusaba khwawo23Epafura, omuwowe wasyange mu Kurisito Yesu, akhutumira amakheso. 24Nende Mariko, Arisitaako, nende Deema alala nende Luka, abakhosi basyange. 25Esisa sy’Omwami Yesu Kurisito sibe no’myoyo kwawo.

Hebrews

Chapter 1

1Khale khale Weere kalomalomanga nende ba kuuka yefwe nabitira mu ba nabbi amakhabi mangi khandi mu ngira nyingi, 2ne mu ndaalo chimalirikha chino alomalomire nafwe nabitira mu mwana waye, omusikha yi kangala owe biitu byoosi, khandi yi kabitiramo khukakhola ebiitu byosi byoosi. 3. Omwana oyo nje owulafu owekesa oluyaali lwa Weere khandi nje enfaani yaye yene, khandi nje olinda ebiitu byoosi okhubitira mu mboosi yaye eyamaani. Nikali namalire okhuwa okhulabisiwa khwe’bibi kekhala khu mukhono mulungi okwa simwana mukulu.4. Sakira kasikala nasirala nakhiririsa ba malayika oluyaali nga wusa eritta khu lyasikhira nje lulikhira akaawe. 5. Khuba nanu khu ba Malayika Weere yikawoolakho ati, “Oli mwana wange wo’wusoliri; olwaleero nfukhire Bbaabbawo”? oba khandi nti, “Nja okhuba simwana, naye abe mwana wange musoliri”?6. Oba khandi ati, Weere naba aleta omwikulanda waye musyaalo, awoola ati, “Bamalayika boosi aba Weere bamwinamire.” 7. Munomaloma khu bamalayika awoola ati, “Akhola bamalayika baba mbewo,Abapakasi baye baba ntambi che’miriro.”8. Ne khu mwana awoola ati, “Esisaala syawo syo’wene’ngo, Oo Weere siribawo endaalo choosi, khandi owolerefu wuliba wo’khuwuka mu wene’ngo wawo. 9. Wadakha owulungifu khandi wasyuula enkhola ye’bib; nkhulwesyo Weere, Weere wawo, akhuteye amukulu wabaasyo, nga’khuchukhakho amafuta kesangaalo.”10. Khandi awoola ati, “Mu njaka, Oo Omwami, watawo emisingi cho’khu syaalo ne’chomukulu kwaba mulimo kwa makhono kawo. 11. Bino bicha okhuwawo, ne ewe odoηηa; biritandukha nge’nguwo. 12. Olibifumba nge’joora; nge enguwo birikalukhanisiwa. Ne’we osikala nasirala, khandi emyaka chawo sichiryakama.”13. Malayika sina Weere yi kawoolakho ati, “Yikhala khu mukhono kwange mulungi okhwola lundikhola abasuku bawo baba siteeni sya’makulu kawo”? 14. Ba malayika boosi bayeresi bakholera mu myoyo abatumiwa akhuweeresa abo abalisikhira owuwoniya?

Chapter 2

1Efwe khutekwa khweyongerakho okhutaayo omwooyo no’wegenderesa, nolwesyo khwibyo bikhuwuliiye, khukhaye khutula khu sikhwalikho.2. Nisiba mbo owubakha walomwalomwa nende bamalayika wali wa masima, nende nawuli sinyasa nende esikhaya syafuna esiwonereso sikhoyeera, 3. khulinyala khutye okhwewoniya nikhuba mbo sikhufwiiyeyo khu wuwoniya wa’maani nga owo? Okhuwonesewa khuno, okhwasokha okhulangirirwa no’mwami, khwakhakhasiwa yikhuli naabo abayiwulira nibomisa baati ya masima okhutula khuye. 4. Weere yesi kajulira mu wuwonero, ebyekisa ne’bya mayiya, bitaasi nasirala, ne biyaanwa byo’mwoyo mwolerefu bikakaba olwo’khudakha khwaye.5. Sisiri mbo ba malayika nje abacha okhutuka esyaalo sicha, ambi nje sikhulomalomakho. 6. Ne aliwo esifwo omutu akayeresera owujulisi ati: “Musaacha sina ewe yobasakho, omusoliri wo’musaacha yofwakho lukali?7. Wamukhola kabakho asi wabamalayika wutono; wamwambasa engule yo’luyaali nenfuma 8khandi wata wuli situ asi wamakulu kaye.” Mu khutta wuli siitu asi waye, Weere awuma sikalekha esitaasi asi wo’wunyala waye.Khu bikha bino khutawona ebiitu byoosi assi wo’wunyala waye9. Naye khuwona Yesu, owakholewa okhuba assi wa ba malayika, wutono, wunanu owambasiwa engule yo’luyaali khandi ne’nfuma khulwokhuba kasandisiwa okhufwa, sakira khu lwe’sisa sya Weere sinyalikhe okhukhombakho khu khufwa khu lwa wuli muutu. 10. Mukhuletera abasoliri bangi oluyaali, syali syolerera siiti Weere oyo, yisyatekekherwa khandi okhumubitiramo wuli siramu okhubawo, sikhoyerwa abe nje omwene omuchakirisi wo’khuwonesewa khwolerefu khwawe nga’bitiye mu khusaandisiwa.11. Byombi oyo okhola abaatu baaba bolerefu nende abo abakholewa baaba bolerefu bo baba benyumba ndala. Sakira Yesu syadiriwa nsoni okhubalanga bamwanaηηina. 12. Awoola ati, “Nicha okhwatula eritta lyawo eyiri bamwanaama; mu lwichuye ese ndyemba enyembo ech’okhukhufumya.”13. Ni khandi, “nicha okhumutamo owesikwa.” Ni khandi, awoola ati, “mbano ndi ano, nabaana Weere bakambeye.” 14. Okhuba mbo abaana bali no’mubiri na’mabaanga, yesi kakabana nabo mu wulamu w’owuutu khu sibe nti okhubitira mu khufwa khwaye anyale okhumalawo oyo oli no’wunyala khu khufwa__ sibe siityo, khu musuku__ 15khandi anyale okhulekhula abadiriwa muwusibe olwo’wuti wawe olw’okhufwa.16. Mu masima sisiri mbo bamalayika nje bayeeda, ne siri khu bechukhulu ba Yibbulayimu. 17. Khulwe’mboosi yino nje’syakira kakholewa okhufwana nende ba mwanaηηina mu ngira choosi, khu sinyalikhe abe owe’sisa khandi omwesikwa nga khawona wamukulu mu mberesa eyiri Weere, khandi khu bibi bya’baatu binyale okhubalekherwamo. 18. Manu omwene khuba kasanda nikali nateemewa, ye anyala okhuyeeda abo ababitta mu khukhemewa.

Chapter 3

1Nolwesyo, baana beefwe abolerefu abakabana khu khulangiwa khwe’byo’mukulu, mute ebibibaaso byenywe khu Yesu, omutume khandi khawona mukhulutu yikhutumbula. 2. Kali mwesikwa eyiri oyo owamwangala, nga Musa lukali mwesikwa mu nyumba ya WEere yoosi. 3. Yesu kakanirwe okhuba okhoyeera okhuweresewa oluyaali okhukhirakho Musa, ngo’omwombakhi we’nyumba lwaba no’luyaali lukhira enyumba yeene. 4. Khuba wuli nyumba yombaKhiwa no’mUutu, ni Weere nje omwombakhi wa byoosi.5. Musa kali mwesikwa ngo’mukhosi mu nyumba ya Weere yoosi, ngajulira khu byali bicha okhulomwalomwakho mu ndaalo echicha. 6. Naye Kurisito wa masima ngo’mwana olinda enyumba ya Weere. Khandi khuli enyumba yaye, nikhuba khwediiye khu wugumu khandi ne’suubi likhwe’simiramo.7. Sakira, ngo’mwoyo mwolerefu nawoola ati: “olwaleero, nowulira ekono lyaye, 8. mutomya emyoyo chenywe nga lu mwakhola mu khediimo, mu bikha bimwali mukhemewa mu sibarara,9bakuka yenywe yibankhemera khandi bangesakho khandi okhumala emyaka kane nibawona binakhola. 10. Nje esyakira nindirwa ettima na’baatu boluse olwo khandi nawoola nti, “Emyoyo chawe chikota wuli ludaalo, khandi sibakhirire okhumanya amakira kange.” 11. Sakira nalangirira ni nerayira mutima lyange nti, sibalingira mu sifwo ambulukhira.’”12. Baana befwe musiwone muuti, awuma ata mulala khwinywe abali no’mwoyo mubi okutafukirira okukawukhana okhutula khu Weere mulamu. 13. Ne mukumisaniye wuli ludaalo, khasita lulangiwa olwaleero, awumewo ata mulala khwinywe owulirwa onyala komisiwa ne’bibi by’okhubachirisiwa omwoyo kwaye.14. khwecha okhukabana mu Kurisito nikhuba mbo khwediira khwomirirakho okhwola khu njakamo no’wesikwa khu khwali nakhwo nikhuchaka. 15. Nga lusyakhalomwalomwakho wusa siiti: “Olwaleero, nimuwulira ekono lyaye, mutomya emyoyo chenywe nga lu mwakhola mu kheddimo.”16. Bali bananu abawulira manu bamala bediima? Sinje Musa bakatangirira nabatusa mu Misiri? 17. Naye baatu si Weere ba kali nabo etima okhumala emyaka kane? Sinje abo abali nibasobisye, ne mibiri chaawe chakwa khu sibbarara? 18. Khandi nanu Weere bakewaaba okhutengira yawulukhira, nisitali abo abamujemera? 19. Wunanu khuwona khuuti sibanyala okhwingira, olwo’wutafukirira wawe.

Chapter 4

1Nolweso, okhutula khu sisubiso sy’okhwingira mu khuwumula khwaye, esisiriwo manu khube begenderesa awumewo yeesi khwinywe owakaniwa nakwiye okhutakhwolakho. 2. Khuba efwe fesi khubeye nikhuwulirwa enjiri, wusa bosi nga lubawulira; ne abayiwulira sibayita alala ne’nfukirira.3. Wunanu efwe abafukirira khwingira mu khuwumula nga wusa Weere khu kalomaloma ati, “Sakira nangirira ni nerayira mu tima lyange nti, ‘Sibalingira mu sifwo ambulukhira.’” Ne naye omulimo kwaye kakumala okhutula esyaalo nisilongewa. 4. Olwokhuba awutu andi kalomaloma khu ludaalo lwo musanfu mu mboosi chino: “Khandi khu ludaalo lwo’musanfu Weere kawumula emirimo chaye choosi. 5. Khandi kameedakho mu siwandiiko amukulu awoola ati, “Sibalinyala ata okhwingira mu siwulukhiro syange.”6Sisikala siiti abandi balingira mu khuwulukha okhwo, nabo abo abawulira enjiri niyiwuulirwa yibali ni siyengira, khulwokhutawulira khwawe. 7. Nolwesyo Weere khandi katekekha oludaalo lundi, kalulanga ati olwaleero, ne’nyumakho eyo ebikha nibibitirewo kalomaloma okhubitira mu Dawudi, nga lukali nawooye olwamberi ati: “Olwaleero,nimuwulira ekono lyaye, simwomyanga myoyo chenywe.”8. Khuba siba syali mbo Yoswa kali abaweye okhuwumula, Weere syaba nikakhalomalomire olunyuma khu bidiira khu ludaalo lundi. 9. Asikalawo, olwo, okhuwumula khwa sabbiti -khu lwa baatu ba Weere; 10khuba yeesi owingira mu khuwumula khwa Weere yesi awumula emirimo chaye omwene, nga wusa Weere lukakhola echaye. 11. Nolwesyo fwesi, khukhole esinyalikha okhwingira mu khuwumula okhwo, sibe mbo awumewo okwa na’londakirira enfwani yawe eyo’khutawulira12. Khuba emboosi ya Weere namu khandi yikhola. Yokiya okhukhira ekhande lyo’woki oluwande -no’luwande, niringira lyola no’khukabaniyamo omwoyo no’wulamu, enyingo no’wujunjuni; ebibaaso ne’bikholwa byo’mwoyo. 13. Awumewo syoosi esyalongewa esyakisiwa mu moni cha Weere. Wuli siitu sibikhuliwa syalekhewa machula mu moni chaye yikhutekwa okhwekesa embalirira eya wuli situla.14. Nolwesyo, khasita khuli nende khawona okhira mu boosi owabitira mukulu, Yesu omwana wa Weere, khwedire khwomirire khunfukirira yikhwaatula. 15. Naye sikhuli nende khawona mukhulutu otanyala khusasira no’khutuchunirwa no’wunafunafu wefwe, ne khuli noyo owakhemewa mu nawuli ngira, nga wusa fwesi lu khuli__ nende sikalikho ne’sibi. 16. Manu khwolerere esisala syo’wene’ngo sye’sisa no’wugumu, sinyalikhe efwe okhwakana okhutukwira ne’sisa situyeede mu bikha byefwe ebyo’khudakhiramo.

Chapter 5

1Wuli khawona mukhulutu adolewa mu baatu khandi katumiwa okhubakhikhirira mu mboosi chidirana nende Weere, okhuwa ebiwaanwa ne’biwewayo olwe’bibi. 2. Anyala okhudirana nabo abatamanyire kala nende abakota, khuba yesi omwene anyala kosewakho owunafu. 3. Sino nje esikira yesi kawayo ebiwewayo khu lwe’bibi byaye omwene, nende khu lwe’bibi bya baatu4. Awumewo oweewa oluyaali omwene; atekwa okhulangiwa nende Weere, wusa nga Aroni lukali. 5. Manu Kurisito yeesi siketaakho omwene oluyaali olwokhuba khawona mukhulutu. Ne Weere kamuwoola ati, “Oli mwana wange; olwaleero nekholire okhuba Bbaabbawo’’.6. Khandi awoola mu situndu sindi ati, “Oli khawona endaalo choosi mu ngeri ya Malikisadeki.”7. Mu ndaalo Yesu nikali khu syaalo, kewangayo mu khusaba nikekalikhira namaliro kamukulu namasika eyiri oyo owakhamununuye okhutula mu khufwa, khandi kawulirwa khulwokhuba kali mulonga mukhwewayo. 8. Nende nikali mwana, keka okhuba omuwulise okhutula mu ngeri yikawonawoneramo9khandi,nikakholewa omwolerefu kafukha ensulo y’owuwoniya khwa baatu boosi abamufukirira 10khandi kakhusiwa nende Weere okhuba khawona mukhulutu mu ngeri ya Malikisadeki. 11. Khuli nende bingi bikhunyala okhulomaloma khusino naye khaba si syangu okhusinyonyola khulwokhuba muli beeki ba kaala.12. Mu masima, nende siri mbo mu bikha bino mukhoyire okhuba abekesa, mudakha omuutu okhubasomesa ebisokherwakho byene ebya’masima ebidiira khu mboosi ya Weere khandi nga’beruula. Mudakha amabeere, si mere enyangalafu! 13. Omuutu yeesi naba nasiri khu mabeere, aba asiri mudoto, nga atoola okhumusomesa eby’owulungifu. 14. Naye eby’okhulya byomeranu bya baatu bakhulutu, abali namakesi akabakhola banyala okhwukawukhaniya ebirayi n’ebibi.

Chapter 6

1Nolwesyo khukhoyire khulekhe ensomesa yichakirwakho khu bidiira khu Kurisito khuche khu byo’wukhulutu, okhutataawo omusingi khandi okwokhweyolobya olwe’bikholwa ebituyira mu khufwa, nende eyenfukirira mu Weere, 2engeraka yo’khubatiisa, ey’okhubatakho amakhono, eyokhusyukhisiwa khwa bafu, nende okhukhengerwa mu wulamu wutaliwawo. 3. Nende Weere nafukirira, khwicha okhusikhola.4. Sisinyalikha eyiri abo abalikho nibekesewa, abakhombakho esiyaanwa sy’omukulu, abakabanakho mwoyo mulafu, 5abakhombakho owulayi we’mboosi ya Weere, namaani ak’oluse lwicha, 6ni baba mbo bakwa entulo sisinyalikha okhukowosewa mu khusaba esirekhero, khulwokhuba mukhufwirwa sino baba bakhomerera omwana wa Weere wuyakha lundi khandi bamuta no’khumuwemula mu lwichuye.7. Esyaalo sinywa mu nfula ni yiisikwakho khandi syewusa esirime syo’mugaso eyiri abo abakira syalimiwa sifuna enkhabi ewa Weere. 8. Ne esyaalo esiwula amaawa ne’nyaasi sisiri no’mugaso khandi siba mu khabi kh’okhukholimirwa. Mu njakamo sirisaambiwa9. Nende akhwakhalomaloma khuuti, abeecha abadakhwa, khwomisiwa olwe’biitu birayi khu lwenywe__ ebiitu bichaana n’okhuwonesewa. 10. Weere syasosola; syalibirira emirimo chawo nokhudakha khu wamwekesa nga luwayeeda abaatu baye khandi nga luchanakana n’okhubayeeda.11. Khudakha wuli mulala khwinywe okhwekesa enkhola ndayi yino nasirala okhwola khunjakamo, kho esuubi lyenywe lyolerere. 12. Sikhudakha enywe munafuwe, naye khwekeraniya abo okhubitira mu nfukirira no’khwesimirisa mukerame simwasubisiwa.13. Weere nikali nakhola esisuubiso syaye eyiri Yibbulayimu, khuba ali awuma owali namukhulira yaali kho amwelayire, kasikhola, 14nawoola ati, “Mu masima ndikhuwa enkhabi khandi nakhuwa abechukhulu mu wungi.” 15. Ne khandi mu khulinda no’khwesimirisa, Yibbulayimu kafuna sino sibamusuubisa.16. Abaatu belayira eyiri oyo obakhirakho, no’khulayira khukhakhasa esilomwalomirwe khandi syakamya okhuyingana khwoosi. 17. Khu lwokhuba Weere kadakha okhukhola embeera yitakalukhana eyaye khulwaye nga njakhaafu eyiri abakerami bebyo ebyasuubisiwa, kasikhakhasa nesilayiro. 18. Weere kakhola sino khusinyalikhe, okhubitira mu biitu bibiri ebitakalukhanisiwa ebitanyalikha Weere okhubacha, efwe aberukha okhwediira khu suubi eryatuweresewa kho khunyale okhugumisiwa okhwa’maani19. Khuli ne’suubi lino nge sy’okhwesirakho esyo’mwoyo, no’womifu ni nerindire. Singira mu siwonekhera mukati w’esawo gumu eyiri emukongo wo’lutiimbe, 20eyo Yesu, yikatusokha okhucha yikengira khu lwefwe. Yikolire okhuba khawona mukhulutu endaalo choosi, mu ngeri ya Malikisadeki.

Chapter 7

1Malikisadeki kali Omwene’ngo wa Salemu khandi khawona wa Weere owa’mukulu lukali. Kakanana nende Yibbulayimu nakowola natula yikali nakhirire abene’ngo khandi kamuwa enkhabi, 2khandi Yibbulayimu kamuwa sirala sy’ekhumi syawuli siitu. Okhusokha, eritta lyaye lyekesa, “Omwene’ngo wabolerefu”; nende lwosi, “Omwene’ngo wa Salemu” esyekesa “Omwenengo we’mirembe.” 3.Owawuma Bbaabba oba Maama, owawuma ebimulomalomakho, awawuma enjaako che’ndaalo oba enjakamo cho’wulamu, ngo’mwaana wa Weere asikala khawona endaalo choosi4. Baasa wusa owukhunufu wukali nawo: nende kuka yefwe Yibbulayimu kamuwa sirala sye’khumi esya wuli siitu sikali nanyakire!” 5. Wunanu elako lidakha abechukhulu ba Lefwi abali bakhawona okhusolosa sirala sy’ekhumi okhutula mu baatu__ nga nje, bamwanaηina__ nende syali mbo bamwanaηina bali bechukhulu okhutula mu Yibbulayimu. 6. Omusaacha ono, nende syali siityo, sikali wo’lwiwulo lwa Lefwi, ate nga kasolosa sirala sye’khumi okhutula khu Yibbulayimu khandi kamuwa enkhabi oyo owali nali nende ebisubiso.7. Khandi owawuma okhukanakana omuutu owaasi ngaweresewa enkhabi no’mukhira. 8. Mu ngira ndala, sirala sy’ekhumi syasolosewa na’batu bafwa; ne khu luwande lundi, syasolosewanga noyo owalangirirwa okhuba mulamu. 9. Omuutu ate nga anyala okhuwoola ati Lefwi, ofukirirwa okhusolosa sirala sye’khumi, kasasula esy’ekhumi okhubitira mu Yibbulayimu, 10khu lwokhuba olwo Malikisadeki ni kakanana nende Yibbulayimu, Lefwi kali asiri mu mubiri kwa kukaηηene.11. Nisiba mbo okhwolerera khwali wakhakaniwa okhubita mu wukhawona wa ba Lefwi (khu khwema khu malako akaweresewa abaatu), lwasi akhabayewo khandi okhudakha khawona wundi okhwicha__ mulala muntekekha yilonda eya Malikisadeki, okhulekha entekekha ya Arooni? 12. Niwabawo enjuukha ya owaba khawona, atekwa okhubawo wosi enjuukha ya malako.13. Ye yi biitu bino bilomwalomwakho kali wolulyo olwali lyo’lulimi lukawukhanire, khandi ali awumawo omuutu owali natula mu bo’lulimi olwa owali nikakhola khu Alutari, 14khuba syalafu siiti Omwami wefwe katula mu lwiwulo lwa Yuda, khandi okhwema khu sikha esyo mu lulyo lwa Musa sikalomalomakho syoosi khu bakhawona.15. Khandi efwe sikhulomalomire khandi bikhirakhowo ni aba mbo khawona ofwana nga Malikisadeki awonekha, 16oyo oba nafukhire kaba khawona otasi khu ngeraka yitali yentekekha yo’lulyo lwatulakho ne khu ntekekha eyo’wunyala ne yo’wulamu wutanyala khusaakuliwa. 17. Khuba syalangirirwa siiti: “Oli khawona wo’luberera, mu ntekekha ya Malikisadeki.”18. Elako lyatangira lyateewa khuntulo khulwo’khuba lyali nafu khandi nga sirigasa. 19(Khuba elako siryakhola syoosi syalungikhiwa),20. Khandi sisyali atali silayiro! Abandi bafukha bakhawona atali khulayira, 21ne kafukha khawona owali nalayire Weere nasimuwoye: “Omwami alayiiye khandi syalikalukhaniya esibaaso syaye: ‘Oli khawona endaalo choosi.’”22. Khulwo khulayira khuno, Yesu asikaaye omusiiro kwenfukirisaniya yikhirakho. 23. Wunanu abeeyewo bakhawona abo bangi, khuba okhufwa khwabakayira okhuchiririra okhuba khu mirimo; 24. ne khu lwokhuba Yesu abawo endaalo choosi, ali no’wu Khawona owutakama.25. Khulwesyo ye anyala okhuwoneserya erala abo abecha eyiri Weere nibamubitiramo, olwokhuba, aliwo olwokhubawoseresera endaalo chosi choosi. 26. Khawona oli atyo kolerera ebidinyu byefwe__ oyo omwolerefu, otalikho sibamwolobya, otalikho ekoondo, oli embesuule nabakholi be’bibi, ofumwa amukulu wekulu.27. Okhutakeraniya nende ba khawona bakhulutu bandi, si simudakhisa okhuwaayo ebiwanwa wuli ludaalo, okhusokha olwe’bibi byaye omwene, nende olwe’bibi bya’baatu. Kewayo nga siyaanwa khu lwe’bibi byawe lulala lwoηηene nga lu kewayo omwene. 28. Khuba elako lidoola ba khawona bakhulutu abataali na’maani; ne’silayiro, esyecha elako niririwo, sidoola Omusoliri, oyo owaweresewa owolerefu endaalo choosi.

Chapter 8

1Esyene sikhuwoola nje sino: Khuli nende oyo khawona mukhulutu, owekhala khu mukhono mulungi khu sisaala syo’luyaali mukulu, 2khandi owereesa mu saawo, mu weema ya masima eyateewawo nO’mwami, si no’muutu.3. Wuli khawona mukhulutu adolewa okhuweresa ebiwanwa byombi nende ebiwewayo, khandi sakira syali sikhoyeera ono yeesi kaaba ne’siitu syoosi esyokhuwayo. 4. Aba kali khu syaalo, sikakhabeye khawona, khuba abaatu bo balikho abawayo ebiyanwa ebilomwalomwakho ne’lako. 5. Bayereesa mu sawo sino nje okhufanana khandi esisiko syekesa ebiri mukulu. Sino nje esyakira Musa kalawulwa nikali ambi okhwombakha eyeema: “Okhoyiire osiwone oti okhola wuli siitu no’londakirira engeri yibakhukeranisiryamo noli khu lugulu.”6. Naye owuweresa Yesu wu kafuna wuli ngo’wukhulutu okhukhirakho owawe nge elako likayeresewa okhuba nga wamuwanda nga nje luliri amukulu we elako khale, khandi ebisubise byema khu musingi okwe’bisubiso bikhirawo. 7. Khuba nisiba mbo yiriwo esitali sibi ne’nsubisa yasookha, wakhawumirewo esifwo esikonyerwa owundi.8. Ne Weere kakaana ebisobyo na’baatu khandi Omwami alangirira ati: “Ebikha biri okhwicha, lundi nkhola endakano mbyakha ne’nyumba ya Yisirayiri khandi ne’nyumba ya Yuda. 9. Sisiriba nga endakano yinakhola nende ba kuuka yawe lu nabawukula no’mukhono okhubatusa mu Misiri, khuba sibasikala nibali no’wesikwa mu ndakano yange, nakalukhana nabakhubba omukongo, nje lwalangirira Omwami.10. Omwami alangirira ati, yino nje endakano yinja okhukhola ne’nyumba ya Yisirayiri ebikha ebyo nibibitire. Nicha okhuta amalako kange mu bibaaso byawe khandi ngawandiike khu myoyo chawe. Ndiba Weere wawe, nabo baliba baatu bange.11. Aliwumawo omutu olisomesa omusibiranire, oba omuutu eyiri mwanaηηina, nawoola ati, ‘Manya Omwami,’ khulwokhuba boosi balimanya, okhutula khu mutono mubo okhwoola khu obakhiramo. 12. Khuba ndibalekheramo owutali wolerefu wawe khandi sindichulisa ebibi byawe lundi.”13. Olwokhulanga yino ndakano “Njakha,” akholire eyasokha okhukofula; khandi esikofuye sibe nga esinatere okhukotawo.

Chapter 9

1Wunanu endakaano yasokha yalimo amalako ako’khwinamira nende ebifwo byolerefu ebyo’khu syaalo. 2. Eweema yateewa amakulu. Mu sisenge sisokha mwalimo esisindi sy’okhutakho etaara, emmesa no’mugaati Weere ku kawa nge siwanwa sirangiwa esyolorefu.3. Emukongo wo’luttimbe lwo’khubiri yaliyo esisenge sirangiwa esifwo esikhiramo owolerefu, 4esyali nende alitari yefwesa__ no’wubbani wuwikhekho owuwunya akhawowo khalayi nende Esanduku lye ndakaano. Lino Sanduku lyalimo emuka yefwesa ni yirimo emmanu, endawukhi ya Arooni eyasewukhakho amasaafu madoto, namakina kalikho amalako ke’ndakaano. 5. Amukulu we’sanduku aliwo ebakerubbi bekesa oluyaali lwa Weere, nibabambuye embaya chikhingakira esifunikho sye’sifwo syo’khusasira. Ne sikhunyala okhukhubba embakha khu biitu binno mu wuleeyi wunanu wuno.6. Wuli siitu nisyali syakhawa okhutekekhewa siiti, khawona bengiranga owutakonera mu sisenge syerwanyi okhukhola owuweresa wubatumiwa. 7. Ne khawona mukhulutu yeηηene nje owengiranga mu siseenge syo’mukati, khandi lulala mu mwaka, khandi owutakosa namabaanga kakawangayo khulwaye omwene nende khu lwe’bibi bya baatu bi baliingi nibakholire mu wutamanya.8. Omwoyo mwolerefu kalingi kekesa khu lwa sino ati engira okhucha mu sifwo esikhiramo owolerefu syali sitoola okhwikulwawo olwokhuba eweema yamberi yali yisyemire. 9. Sino nje esyo’khwekesa okhwola mu bikha bya wunanu, nga syekesa siiti ebiwanwa ne’biwewayo bibawangayo sibyali nibinyala byoosa okhutegeera khwo’mwekalikhiri. 10Byali syoηene olwe’mmere no’khunywa no’lwe’misiro cho’khwesaaba__ okhwe’rwanyi na’malako kabakholanga okhwola ebikha bye’bilagiro biyaakha.11. Kurisito nikecha nga khawona mukhulutu owe biitu birayi ebiri na ano, kabitira mu weema eyikhira khandi eyikhiririsa mu wolerefu eyitakholewa no’muutu, nje okhuwoola nti, sisirala khu byalongewa bino. 12. Sikengira khu lwa mabaanga ke’mbusi oba akeηηombe ndaawo; naye kengira lulala mu sifwo sikhiramo owolerefu na’mabaanga kaye keene, namalire okhufuna owuwoniya owutaliwawo.13. Amabaanga ke’mbusi na’kensirusi nekokhe ly’emoosi nakawanyirwanga khwabo abataliingi bolerefu mu misiro balabisiwe siwonekhe nga balaba khumukulu. 14. Amabaanga ka Kurisito kalyakaye, olwo, obitira mu mwoyo otafwa kewaayo omwene otalikho sibi syoosi, kalabya ebibaaso bye’myoyo chefwe mu bikholwa bituyira mu khufwa, khu sinyalikhe efwe okhuweresa Weere mulamu! 15. Khulwe’mboosi yino Kurisito nje wamuwaanda w’elakano yakha, eyiri abo abalangiwa banyale okhufuna owulamu we’nsikhirano__ wunanu mbo atufwiririye nga esiwewayo khu sinyalikhe balekhuliwe mu bibi assi we’ndakano yasokha.16. Yi siraamo yisiri, sikhoyera okhukhakhasa enfwa eyoyo owasikhola, 17khuba esiraamo sibaawo omuutu nafwiye; sibasikholerakho omuutu oyo owasikhola nasiri mulamu.18. Sino nje esikira nende elakano lyasokha niritatewa munkhola atasi mabaanga. 19. Ne Musa nikali namalire okhulangirira eyiri abaatu boosi ebilagiro koti lubiri mu malako, kawukula amabaanga ako’tumoosi, alala na’maachi, kawanya khu bitawo bya’malako nende khu baatu boosi nakhosesa owooya wekondi wufana mabaanga khumasaga kali khu lusala lwo mu Yisopu. 20. Kawoola ati, “Kano nje amabaanga ke’ndakaano, Weere kabalagiiye okhulinda.”21. Mu ngira nasirala, ka anya amabaanga khu Sanduku nende khu wuli siitu syakhosewewanga khu mikholo. 22. Masima, elako lidakha wuli siitu sikhosesewa okhulabisiwa na’mabaanga, khandi atasi okhwidisiwa khwamabaanga awumawo okhulekherwamo.23. Syali sikhoyera olwo, okhwekeraniya ebyo’mukulu byalabisiwa ne’biwaanwa naye ebyo’mukulu wene bibe nebiwanwa ebikhirakho binno. 24. Khuba Kurisito sikengira mu sifwo sikhiramo owolerefu esyakholwa omuutu wutu, esyali wusa okhwekeraniya esifananyi sy’owikhalo wa masima weene; kengira mukulu lyene, wunanu awonekhana mu moni cha Weere khu lwefwe.25. Oba sikengira ekulu okhwewaayo khu lwaye khandi na khandi, engira khawona mukhulutu yi kengirangamo wuli mwaka namabaanga akatali kaye omwene. 26. Olwo Kurisito kakhabeeye asanda mu biitu bingi okhutula khu khulongewa khwe syaalo. Naye wunanu awonekhanire lulala khu lwa boosi khu njakamo ye bikha okhumalawo ebibi okhwewaayo nge’siwanwa omwene.27. Nga wuli muutu lwali wo’khufwa lulala, no’lunyuma keme okhukhengerwa omusaango, 28sakira Kurisito kayewaayo nge’siwanwa lulala okhumala khu bangi ebibi; khandi aliwonekhana ekhabi lyo’khubiri, si khu lwe’sibi, naye okhuleeta owuwoniya khu abo abamulindiririye.

Chapter 10

1Elako liri wusa nga esisiko sye’biitu bingi ebiri okhwicha__ naye si masima keene. Khulwe’mboosi yino, sisinyalikha ata nawutono, okhubitira mu biwanwa bino nasirala okhulondwamo awuma okhulekherwa wuli mwaka no’kundi, okhukhola abaatu balabisiwa abo abasuda ambi no’khwekalikhira. 2. Nisyakhabeye sityo, sibakhakamire okhuba nga bawangayo? Khuba abekalikhisi bakhabeye balabisiwa lulala lwoηηene, khandi sibakhawuliye nibewulira nga bali ne’sibi mu bibi byawe. 3. Ne ebiwanwa ebyo sichuliso wuli mwaka olwe’bibi byawe, 4khulw’okhuba si sinyalikha amabaanga ka mawunwa nembusi okhumala khu baatu ebibi.5. Sakira, olwo Kurisito nikecha mu syaalo, kawoola ati: “Siwadakha ebiwanwa ne’biweresewa, naye omubiri kuwantekekhera ese; 6ne’biwanwa bye’bisolo bisambiwa nibimalawo ebibi si wabisangalira. 7. Wunanu nawoola nti, ‘Mbano ndi ano__ syambandikiwakho mu bitawo__ Nichire okhukhola syodakha, Oo Weere.’”8. Okhusokha kawoola ati, “Ebiwanwa nebiwewayo nende ebiwanwa bisambiwa siwabidakha, ata si wabisangalira.” (nende siri mbo elako lyadakha bikholewe). 9. Khandi kawoola ati, “Mbano ndi ano, nichire okhukhola by’odakha.” Akowoosa esyasokha khuntulo katawo esyo’khubiri. 10. Okhubitira mu khudakha khuno, khukholirwe okhuba abolerefu okhubitira mu siwanwa esy’omubiri kwa Yesu Kurisito lulala atali khukowolamo.11. Endaalo choosi wuli khawona lukemanga okhukhola emirimo che’ddini; ebikha byoosi nga’waayo ebiwanwa nasirala, ebitanyala okhutusakho ebibi. 12. Naye khawona ono nikawangayo esiwanwa sirala syoηηene khu lwe’bibi, kekhalanga khu mukhono mulungi okwa Weere. 13. Okhutula olwo, alindirira abasuku baye okhuteewa assi wa makulu kaye, 14khuba olwe’siwanwa sirala esyo, kamala okhulabya abo abali okhukholewa abolerefu endaalo choosi.15. Omwoyo mwolerefu yesi ajulira yikhuli khu bino. Okhusokha awoola ati: 16. “Yino nje endakano yindikhola nabo ebikha ebyo nibibitire, nje lwawoola Omaami. Ndita amalako kange mu Myoyo chawe, khandi ndikawandika mu bibaaso byawe.”17. Kamala kameeda ati: “ebibi byawe ne’bikholwa byawe ebikhalaka amalako sindibikhewulira. 18. Khandi bino yibyalekherwamo si asiiri esiyanwa syoosi khulwe’sibi.19. Nolwesyo, baana befwe, khasita khuli bagumu okhwingira mu sifwo esyolerefu esy’amukulu nga khu bitira mu mabaanga ka Yesu, 20okhubita khungira njakha khandi enamu eyatwikulirwa okhubitira mu luttimbe, nje omubiri kwaye, 21khandi khasita khuli nende khawona mukhulutu olinda enyumba ya Weere, 22khusude ambi nende Weere ne’myoyo cha masima echichuye enfukirira, nikhuli ne’myoyo echibakhirwekho chalabisiwa okhutula mu wuti we’bibi ne’mibiri chosewirwe na’maachi malafu.23. Khwediire atali khudengana mu nsubira khujulira, khuba oyo owatusubisa mwesikwa. 24. Khandi kha khubaase nga lu khunayedane abeene nabeene nikhwekesa okhudakhana nebikholwa birayi. 25. Khutawaamo omwoyo kwokhwewusanga alala, nga abandi lubali mu sambo yo’khusikhola, naye khugumisaniye__ khandi okhukhirira erala nga lu muwona oludaalo nga lulusuda ambi.26. Ne nikhugenderera okhukhola ebibi ne’simiiniye nikhumalire okhufuna amakesi ka masima, awuma esiwanwa olwe’bibi esyadoηηa, 27naye syoηηene okhulindirira owutti w’okhusubira okhukhengerwa omusaango no’kuliro okwaηeηeera okulirya abasuku ba Weere.28. Oyo yeesi owakhaya elako lya Musa kafwa atali sisa mu wujjulisi owa babiri oba badatu. 29. Osibasa otye omuutu akhoyire awoneresewe okhwakaye oyo osenakiriye omwana wa Weere mu makulu, oba obisisye amabaanga akendakano eyamuwaayo nge siitu sitali esyolerefu, khandi oyo owanyeka omwoyo ow’esisa?30. Khuba khumumanyire oyo owawoola ati, “Siri yiindi okhusasula;njo’khusasula, khandi no’lundi, “Omwami alikhengera abaatu baye.” 31. Siitu syakhabi okhukwa mu makhono ka Weere mulamu.32. Yichulisa echo ndaalo chiwali ni wafuna owulafu, niwali wemire khulwawo khu makulu kawo mubikhemo bisito ebyo’khukerana mu moni ch’ensando. 33. Ebikha bindi bakhunyekanga mu lwichuye khandi osandisiwa; khandi mu bikha bindi ni mwemire alala nabo bosi ababisiwanga batyo. 34. Wasasiranga abalingi mu jjera khandi wafukiriranga ne’nsangalo okhudiira nibayiiranga ebiitu byawo, khu lwokhuba mwamanya muuti enywe mwabeene mwali ne’biitu bikhira khandi eby’oluberera.35. Sakira mutasukuna owugumu wenywe; wicha okhubawa omusaara mukali. 36. Mudakhiwa okhwesimirisa kho sinyalikhe mbo nimukholire Weere syadakha, mwicha okhufuna sikasubisa. 37. Mu bikha wusa ebitono ebichayo, “Oyo oli okhwicha kechakhandi syacha okhukhinda.38. Naye Omwolerefu wange acha okhubawo okhubitira munfukirira.Khandi nisiba mbo akowolerera enyuma,sindabe musangafu naye. 39. Naye efwe sikhuli khwabo abakowolerera enyuma khandi abamaliwawo, naye khuli khwabo abafukikirira khandi bawonesewa.

Chapter 11

1Wunanu enfukirira yiri okhukhakhasiwa okhutula khu bikhusubira khandi khukhakhasa khwibyo bikhutawona. 2. Sino nje abakhalekhale sibasemberwamo. 3. Okhubitira mu nfukirira khutegeera khuti esyaalo syakholewa khulwe silagiro sya Weere, khusibe nti bibawona sibyakholewa okhutula mubiwonekha.4. Olwe’nfukirira Abbiri kawa Weere esiwanwa esikhirakho owulayi khu sya Kayini sikawa. Okhubitira khunfukirira kakhakhasiwa ngo omuutu mulungifu, nga Weere lukalomaloma birayi khu biwanwa byaye. Khandi olwenfukirira asilomwalomwakho nende kafwa.5. Olwenfukirira Enoka kayiriwa okhutula mu wulamu wuno, khusinyalikhe okhutabita mukhufwa; nga syanyala khwakanikha, khulwokhuba Weere kali amuyirire. Natayiriwa, kakhakhasiwa okhuba mulala khu basangasa Weere. 6. Khandi awuma enfukirira sisinyalikha okhusangasa Weere, khuba omuutu yeesi owicha yaali atekwa okhufukirira ati aliwo khandi ati asasula abo abamukonya mu masima.7. Olwe’nfukirira Nuwa, nibamulawula olwe’biitu ebyali nibitawonekha, mu khutya khwolerefu kombakha eryaato okhuwoniya edaala lyaye. Olwenfukirira yaye kakhengera esyaalo khandi kaba omusikha wo’wulungifu owicha olwenfukirira.8. Olwenfukirira Yibbulayimu, ni kalangiwa okhucha mu sifwo sikafunire olunyuma nga sye’nsikhirano, kafukirira kacha, nende syali mbo sikali namanyire yikali nacha. 9. Olwenfukirira kakhola edaala lyaye mu sifwo sisubise ngo’muteende mu syaalo sitali syaye; kamenya mu maweema, nga Yisaka nende Yakobo lu bakhola, abali abasikha naye abasubisiwa nasirala. 10. Khuba kali alindiriye okhucha mu siko esye’misiingi, omutekekhi no’mwombakhi nje Weere.11. Olwenfukirira Yibbulayimu, nende kali abitirekho emyaka__ nende Saala omwene owali mukumba__ kanyalirwa okhuba Omwiwusi khulwokhuba kamuyira okhuba wamasima owali nakholire naye esisubiso. 12. Nolwesyo okhutula khu musaacha mulala ono, khandi yee oli nga omulayi ngo’mufu, nje owatulamo abechukhulu mu wungi nga enηηiniηηini khwikulu khandi ng’omusenye kutabalikha okwo’khuntulo wenyanja.13. Abaatu bano boosi bali basiri balamu olwenfukirira khu bamala bafwa. Sibamala bafuna ebiitu bibabasubisa; syoηηene babiwona khandi babisangalira ni balikho khanayiiro. Khandi bafukirira baati bali sirala khandi bateende khu syaalo. 14. Abaatu bawoola ebiitu bifaana bityo bekesa baati bali okhukonya esyaalo esyawe khuwawe.15. Nisiba mbo bali babaasa khu syaalo sibali nibalekha, bali bakhabeye nebikha byo’khukowolayo. 16. Esifwo sya sino, bali bekomba okhucha mu syaalo sikhirakho sino__ esifwo syo’mukulu. Nolwesyo Weere siwansoni okhulangiwa Weere wawe, khuba kabatekekhera bo esiko sikhulutu.17. Olwenfukirira Yibbulayimu, Weere ni kamukesakho, kawaayo Yisaka nge’siwanwa. Ye ngo’waali nafunire ebisubiso kali ambi okhwita omwana waye mulala khandi nga nje omusoliri yeηηene, 18nende siri mbo Weere kali amuwooye ati, “Sinabitire mu Yisaka khu siwanwa syawo sinafukirirwe syamanyikha.” 19. Yibbulayimu kayingana nawa ensonga ati Weere anyala okhusyukhisa abafu, khandi kataamo engacho, kafuna Yisaka kakowoola okhutula mu khufwa.20. Olwenfukirira Yisaka kawa Yakobo nende Esau mu ngira yo’wulamu wawe wo’mu mooni. 21. Olwenfukirira Yakobo, nikali nafwa, kawa enkhabi mulala syamula khu basoliri ba Yusufu, khandi kekalikhira nikesiiye khu ndawukhi yaye. 22. Olwenfukirira Yusufu, nikali ambi okhufwa, kalomaloma khu lukendo lwabaana ba Yisirayiri nibatula Emisiri khandi kakeraka ebidiira khu makumba kaaye.23. Olwenfukirira abewusi ba Musa bamukisa okhumala emyeesi chidatu namalire okhwiwulwa, khuba bawona baati sikali wusa nga omwana owa wuli ludaalo, khandi sibali ni batya esilagiiro syo’mwenengo. 24. Olwenfukirira Musa, nikali nakhulire, kakaana okhumanyikhana nga omwana wo’mukhana wa Falaawo. 25. Kangalakho okhusandisiwa alala nabatu ba Weere okhukhira okhweyagalira mu masangaalo kesibi mu ndaalo ntono. 26. Kangalakho ebye’nsoni khu lwa Kurisito olwo’mugaso kukhira ebyo’wuyiinda w’Emisiri, khulwokhuba kali kewunjire emutwe khu lwesiraawo syaye.27. Olwenfukirira katula mu Misiri nga syatya ettima lyo’mwenengo; kesimirisa khuba kamuwona oyo otawonekha. 28. Olwenfukirira kalinda elako lyo’khubitakho nende eryo khuwanyakusa amabaanga, khu sibe mbo omwitti w’abaana bamberi akane okhunyala okhudiira khu baana bamberi ba Yisirayiri.29. Olwenfukirira abaatu babita mu Nyanja ya mabanga nga bakenda khu syaalo; ne aba Misiri ni bakesakho okhusikhola, bebira. 30. Olwenfukirira ebidda bya Yeriko byakwa, abaatu nibali bakhamala okhusyewodokhaniya okhumala endaalo musanfu. 31. Olwenfukirira omukhasi Malaya Rakhab, khulwo’khusangalira abakheeti, siketewa naabo abatali bawulise.32. Khandi bingi sinna binyala nawoola? Sindi ne’bikha binyala nalomaloma khu Gidiyoni, Balaka, Samusooni, Yosofati, Dawudi, Samwiri nende ba Nabbi, 33bano okhubitira munfukirira baamba owenengo wungi, batayo enkhenga y’okhwakaniyakaniya, khandi bafuna amagoba khu byali byasubisiwa; aboola bekala eminwa chamaddalaηηi, 34basimya ettima lye’miriro, khandi bawona owooki we’kikhande; owunafu wawe; wakalukhanisiwa waba amaani; khandi abecha bechusiwa amaani nibalwana khandi bakhira amaani ka basuku bateende.35. Abakhasi bakowoserwangayo abafu bawe, basyukhisiwirwe mu wulamu khandi. Abandi bakhubbwanga, balooberwa okhulekhuliwa khu sinyalikhe mbo okhwakana okhusyukhisiwa okhukhirakhowo. 36. Abandi bamisyoolewa, baswanduliwa, kho khandi abandi bawoyewa khu njeegere khandi bayiriwa mu jjera. 37. Bakhubbiwa amakina; bakhengwamo khabiri ne’misumeno; abandi batewa no’kukhande. Bakendanga nibambaye amaseero ka’makoondi, na’kembusi nabatalikho ne’siitu syosi syoosi nibasandisiwa nabayiriwa wubi__ 38esyaalo bbe sisyali sibakhoyera. Bayikananga mu sibbarara mungulu, nende muηηungu no’mumeena kali muloba.39. Bano boosi basimiwa olwenfukirira yawe, ata awumawo owafuna bikali nikasubisiwa. 40. Weere kali katutekekhera esiitu esikhiramo owulayi kho sibe mbo syoηηene nibali alala nafwe sinyalikhe bakholewe okhuba abolerefu.

Chapter 12

1Nolwesyo, nga lukhwawodokhanisiwa nende owungi wa bajjulisi bakhiraawo, khakhusukune era wuli siitu syoosi esikayira khandi esibi esitukachakachaniya muwangu, khandi khwirukhe no’khwesimirisa embiro echatukererwa. 2. Lekha khuute emooni cheefwe owutatemya khu Yesu, omuchakirisi khandi omwoseresi wenfukirira yefwe, khu lwe’sangaalo kataawo mu mooni chaye kagumira omusalabba, kakhoomola ensoni, khandi kekhala assi khu mukhono mulungi okwe’sisala syo’wutuki wa Weere. 3. Baasa khuyo owagumira okhuyinganisiwa khwengeri eyo okhutula mu baatu bakholi be bibi, kho wiche okhaye okhuba omujoηηu no’khufwa omwoyo.4. Mu khulwanakana khwawo olwe’sibi, osiiri otoola ata khusyo’khubenganisiwa okhwokhwidisa amabaanga kawo. 5. Khandi wibiriye emboosi eyo’khukumya eyibanjulayo nga abaana yiti: “Mwana wange, otasiyiranga okhukeraka khw’Omwami ngo’musaanyo,khandi otawaamo amaani nakhuwalabira, 6khuba Omwami akololosa abo badakha, khandi kasandya wuli mulala yafukirira ng’Omwana.”7. Gumira ebidinyu ng’okololwa; Weere abayira nga abaana. Mwana si otakololwa nende simwana? 8. Noba no’takololwa (Khuba wuli otula abita mu khu kololewa), wunanu muba muli baana berwaanyi khandi simuba nimuli abaana baye beene.9. Atenga efwe, fweesi khwali nende baseefwe bo’wuutu abatukololanga khandi khwabawanga oluyaali khu lwesyo. Khukhoyire okhuba balonga owakayee eyiri sefwe we’myoyo cheefwe no’wulamu! 10. Ba sefwe batukololanga efwe olwe’sikha sitono nga lu bawonanga baati sikhoyera; naye Weere atukolola khu lw’owulayi wefwe, khukhunyale okhukabanakho khu wolerefu waye. 11. Awuma okhukololewa khuwonekhanga okhuba khw’esangaalo naye okhwowuchuuni. Olunyuma, nende siba siityo, khwiwula ekkesa lyo’wulungifu khandi emirembe eyiri abo ababitira mu khusomesewa nga okhwo.12. Nolwesyo, mwomise amakhono kenywe mokoyo namakhumbo manafu. 13. “Mukwalase amakira ka makulu kenywe,” khu sibe abalema bataba abatenyaala, naye abawonire.14. Mukhole syoosi esinyalikha okhumenya mu mirembe nabaatu boosi khandi okhuba abolerefu; atali owolerefu awumawo oliwona Omwami. 15. Musiwone muuti awumawo omuutu yeesi otafuna esisa sya Weere khandi awumewo omusi kwoosi mululu okukhula okhuleeta ebidinyu khandi okhwonona bangi. 16. Muwone muuti awumawo omuutu okhola owudamba, otamanyire Weere nga Esawu, owakusa esideru sye’mere sirala kafwirwa owusikha waye ngo’mwaana musoliri osookha. 17. Olunyuma, nga lumanyire, nikali nadakha okhusikhira enkhabi yino, kakhayiwa.Kali syanyala khuletawo engalukhaniya mu bibaaso, nende syali nti kali akoonya enkhabi yinno namokoosa amasika.18. Siwichire khu lugulu olunyala lwadiriwakho khandi oluya no’muliro; mu sirema, okhwewunamira no’lukeka; 19khu turumbete yadulukha oba ekono ni rilomaloma emboosi echiri mbo abachiwulira basaba baati owumewo emboosi yindi eyilomwalomwa yameedewakho yibali, 20khuba sibali basinyala okhusigumikirisa esyali silagirwa siiti: “Nisiba mbo siti ata ensolo niyegeŋηa khu lugulu, yitekwa okhukhubiwa amakina.” 21. Embonekha yali eyiitisya okhwola Musa lu kawoola ati, “Ndi khutenga no’wutti.”22. Naye wichire khu lugulu lwa Sayuuni, mu Yesrusalemu yo’mukulu, esiko sikhulutu esya Weere mulamu. Wichire eyiri enkhuŋana ch’esangaalo cha malifu na malifu ka bamalayika, 23mu nyumba ya Weere ey’Omwana wamberi, owa metta kawandikiwa mukulu. Wichire eyiri Weere, omulamusi wa baatu boosi abakholewa abolerefu, 24eyiri Yesu omukayi we’ndakano mbyakha, khandi khu mabaanga kabakhiwa akalomaloma emboosi yikhira amabaanga ka Abbiri.25. Khola esinyalikha otakaana oyo olomaloma. Nisiba mbo sibeyiba nibamukanire oyo owabalawula khu syaalo, khulikhola khutye, nikhuba mbo khumwekalukhaniyakho owatulawula okhutula mukulu? 26. Okhutula mu bikha bira ekono lyaye lyadenganiya esyaalo, ne wunanu atusubisise ati, “Khandi lundi, sinja khudenganiya esyaalo syoŋηene naye ne’kulu lyosi.”27. Emboosi chino “khandi lundi,” chekesa okhutusawo ebyo ebinyala byadenganisiwa__ nje okhuwoola, ebiitu ebyalongewa__ khu sibe mbo ebyo ebitanyala khudenganisiwa binyale okhusiikala. 28. Nolwesyo, khasita khuli okhwakaana owenengo wutanyala khudenganisiwa, khwekhoye khandi khwekalikhire Weere mu khufukirirwa no’wuloonga no’khutya, 29olwokhuba, “Weere weefwe muliro kusikhirisa.”

Chapter 13

1Muchiririre no’khudakhana abeene khu beene nga’beekho. 2. Mutebirira okhusangaasa abateende, khuba nimusikhola abo abandi basangaasa ba malayika ata nibatamanyire3. Yichulisa abali mu wowowe oti fwana mwesi muli bawowe basyaawe, khandi abo abasandisiwa oti fwana mwesi mwabeene mwali musanda. 4. Okhudekhesaniya khukhoyera okhuweresewa oluyaali nende boosi, khandi esitanda sye’rya sirindiwenge mu wukwalaafu, khuba Weere alikhengera abekombi na’baddamba.5. Mwerinde okhutaba no’wekombi we’rubya khandi ebiitu bimuli nabyo bibamalenge, olwokhuba Weere awooye ati, “Sindibalekha;sindibasukuna.” 6. Sakira khuwoola no’wugumu khuti, “Omwami nje omuyeedi wange; sinja khutya. Siina omuutu syanyala okhunkhola?”7. Mwichulise abemeresi benywe, ababalomalomera emboosi ya Weere. Mubasekho ebitula mu wulamu wawe khandi mwekeraniye enfukirira yawe. 8. Yesu Kurisito ali nasirala ekulo no’lwaleero ne’ndaalo choosi.9. Mutayiriwa ne’njekesa ngeni. Sirayi emyoyo chefwe okhwomisiwa ne’sisa, okhulekha ne’byokhulya ebye’mikholo, ebiwuma omugaso, eyiri abo ababirya. 10. Khuli nende alutaari okhutula eyiri abo abakhola mu weema yibakhatanyala balirakho. 11. Khawona mukhulutu akinga amabaanga k’ebisolo kayira mu sifwo sikhiramo owolerefu nge’siwanwa sy’esibi siwewaayo naye emibiri chisambiwa erwanyi w’eweema.12. Sakira Yesu yesi kasandira erwanyi wo’mulyango kwe’siko sikhulutu akhukhola abaatu babe bolerefu okhubitira mu mabaanga kaye omweene. 13. Nolwesyo, mulekhe efwe wunanu, khuche yaali erwanyi w’ekambi, abaatu yibamenyamo khukinge okhuswala khu kakiinga. 14. Khuba ano sikhuli ne’siko sikhulutu esinyala syesimirisa, naye khuli okhukonya esiko sikhulutu sicha okhwicha.15. Okhubitira mu Yesu, nolwesyo, khakhwemeede okhuwayo eyiri Weere esiwanwa syo’khufumya___ khu syaamo sye’minwa chitumbula eritta lyaye. 16. Khandi mutebiriranga okhukhola ebirayi nokhukabananga nabasyenywe, khuba mu khuwaayo khwe’ngeri eyo Weere asangala. 17. Muwulire abatangirisi benywe khandi mubatengemo oluyaali mu wunyala wawe. Olwo nje ababaliinda nga abo abaliwayo embalirira. Mubawulirenge kho banyale okhukhola emirimo chawe ne’sangalo, okhulekha okhuba emikuku, sino sisyakhaba sy’omugaso yimuli.18. Mutusabirekho. Khumanyire khuti khuli nebibaaso birayi khandi khudakha okhubaawo mu luyaali mu ngira choosi. 19. Esse mbakhunuusa nimbakhubbirisa okhusaba kho sinyalikhe esse okhukowosewa yimuli khangu.20. Manu Weere we’mirembe, oyo okhubita mu mabaanga ko’mundakano eyitaliwaawo, owasyukhisiwa okhutula mu bafu Omwami wefwe Yesu, omwayi mukhulutu wama’koondi, 21abakangise nende nawuli siitu sirayi olwokhukhola byadakha, anyale okhukhola mwifwe ebyo ebimusangasa yaali, okhubitira mu Yesu Kurisito, oluyaali lumuchire endaalo choosi. Amiina.22. Baana befwe, mbakhubbirisa enywe mugumire emboosi yange y’okhubakhutira, khuba mbawandiikiye enywe ebbaruwa nyimbikiti yoηηene. 23. Ndakha musimanye muuti mwaanaηηinefwe Temisewo bamalire okhumulekhuula. Nikoola ebikha byoosi, nicha okhwicha naye yimuli okhubawona.24. Mukhese abatangirisi benywe nabaatu ba Weere boosi. Abo abatula Yitale babakheesa. 25. Esisa sibe nanywe mweesi.

James

Chapter 1

1 Yakobbo, omukhosi wa Weere nende Omwami Yesu Kurisito. Eyiri amawanga ekhumi nakabiri akasalaanira mu byalo: Amakheeso. Okhukesesewa Nende Ebikhemo. 2 Musibaase nga esangaalo erayi, baana beefwe, nawuli lumuwukaana ebibekesamo ebyamakhabi mangi, 3olwokhuba mumanyire muuti ebikhemo khu nfukiirira yenywe bireeta okhwesimiirisa.4Okhwesimiirisa khuteekwa okhumaliirisa omulimo kwakhwo kho munyale okhuba abaangafu khandi abaweeye, nga yiwuma simutaasi nasyo. 5Niyibayo yeesi khwinywe owuma amakesi, akhoyire ateebe Weere, okaba nomwoyo mulala eyiri bosi boosi awataasi sisobyo, khandi kakhasifune.6Naye naba nasaba, ateekwa okhufukirira ataasi khukanakana, olwokhuba oyo okanakana ali nga embuunga ey’okhukuyanja, eyifuuta khandi yakhubbiwa ne’mbewo. 7 Omutu oyo atabaasa ati aliwukaana syoosi okhutula eyiri Omwami; 8mutu we bibaaso_ bibiri, otaasi mwomiifu mu byoosi byakhola.9Owasyefwe mumbya cho’wulonga atekwa okhwekiniya musifwo syaye esyaamukulu. 10Naye ola omuyiinda ateekwa okhwekiniya mu sifwo syaye esya assi, olwokhuba aliwawo nge’simuli esy’omunyasi. 11Olwokhuba eryuuba litulayo nende ewubafu owusaamba khandi lyomiya esirime; esimuli syakhwo sikwa nende owulayi wanyasiwa. Mumbya nasirala, omutu muyiinda aliwaawo ata nasiikhola emirimo chaye.12Ali nende enkhabi omutu wesimiirisa mu khukesesewa, olwokhuba oyo obita mu bikhemo, alifuna engule yo wulamu Weere yikasuubisa eyiri abo abamudakha. 13Ni mukhemewa, atabawo owoola ati, “Weere kankhema.” Olwokhuba Weere syanyala khukhemewa ne’sibi, khandi syakhema mutu yeesi;14naye wuli otula akhemewa, no’khudakha khwaye khubi omweene, akhwesewa khandi kabachirisiwa. 15Manu, owekoombi niwumalire okhuyera enda, wiwula esibi; khandi esibi, nisimalire okhukhula, siiwula okhufwa. 16Mutabachiwa, baana befwe abakoosi.17Wuli siwanwa esirayi khandi esyolerefu situla amukulu, okhutula amukulu, nga biikha assi okhutula eyiri seefwe owowulafu wo’mwikulu, otakaluukhana nga ebiinikha ebikalukhanakalukhana. 18Kakhengawo okhutuwa okhwiiwulwa okhubitira mu mboosi eyamasima, kho khunyale okhuba nga ebyaamo ebyamberi bya byoosi bikalonga. Okhutekeeresa No’khukhola19Baana befwe abakoosi, mudiire sino birayi: Wuli mutu okhoyire abe mwangu okhutekeeresa, kaala mukhulomaloma khandi kaala mu khudirwa etima, 20olwokhuba etima lyo’mutu siriretawo owulungifu wo’wulamu Weere wadakha. 21Nolwesyo, mumalewo ensaambo mbi chosi choosi nende esibi esiwonekha, manu no’wuloonga mufukiirire emboosi eyabatakiwamo, eyinyala okhubawoniya.22Mutamala katekeresa emboosi, khandi mwebacha abeene. mukhole siyiwoola. 23 Omutu yeesi otekeeresa emboosi ne nga syakhola biyiwoola ali nga omutu owona oweni waye mu monero 24khandi, namalire okhwewona, awawo ne wangu wene kebirira nga lwafwana. 25Naye omutu otingaala wulayi mwirako ekololofu eriwa owulekhule, khandi kemeeda okhukhola sino, nga sikebirira syawuliiye, ne nga asikhola__ aliwewa enkhabi mu byakhola.26Omutu yeesi nikebaasa ati munadiini ninga syaafuka olulimi lwaye, kebacha omweene nende ediini yaye yiwumamo amakhuluutu. 27Ediini yi Weere sefwe afukiirira nga endayi khandi eyiwumakho embala yoosi nje yino: okhulinda abafuusi nende abafwiire mu wudiniyu wawe nende okhweriinda okhutanyaasiwa nende esyalo. YAKOBBO
Chapter 2

1 Baana befwe, nga abafukiirisi mu wo’luyaali weefwe Omwami Yesu Kuristo, mutakesakho okhwekesa okhwekhubbira. 2 Ni aba mbo omutu kecha mu lukhiikho lwenywe nikambaaye ebbangiri eye’saabu nende enguwo ndayi, nende omutu wambaye enguwo chebicheere yesi kecha. 3Manu nimwekesa oluyaali eyiri owambaaye enguwo ndayi mwawoola muuti, “Owiikhalo wulayi mbuno yikhala ano,” naye muwoola omutu omuwati muuti, “Ewe yema era” oba “yikhala assi mu makulu kange.” 4Simuba mwesosoyemo abeene khandi mwekhola abalamusi n’ebibaaso bibi?5Mutekeerese, baana befwe abakoosi: Weere khaba sikangala abo abaati mu moni ch’esyalo okhuba abayiinda munfukiirira khandi basikhire owene’ngo wukasuubisa abo abamudakha? 6Naye munyekire abaati. Abayiinda sinje ababanyikirisa? Sinje ababakhurudiya nibabayira mu kooti? 7 Khandi sinje abanyeka eritta lyaye erayi li mulangiwa?8Mwaaba nimudiira erako ly’owunawami eriwukaniwa mu byawandikiwa, “Dakha okhusibiranire nga niwedakha ewe omweene,” awo mukhola wulayi. 9Naye nimwekhubbira, munyasa khandi amalako kabadiira nga abakakhalaka.10Olwokhuba nawuli odiira amalako koosi ne khandi amala akwa awutu wandi aba akhalakire kosi koosi. 11 Olwokhuba oyo owawoola ati, “Otakholanga owudaamba,” khandi kawoola ati, “Otetaanga.” Nutakhola owudaamba ninga wiita, omalire okhuba omukhalaki wamalako.12Mulomalome khandi mukhole nga abo abacha okhukhengewa nende amalako akawa owulekhule, 13Olwokhuba okhukhengerwa awataasi esisa khwakhekesewe eyiri oyo yeesi oteekesa esisa. Esisa siri amukulu wenkhenga yo’musango! Enfukiirira nende ebikholwa.14Sirayi siina, baana befwe, omutu nikeranga ati ali ne’nfukiirira naye ebikholwa awuma? Enfukiirira nga eyo yinyala okhumuwoniya? 15Nisiba mbo mwanaηηinefwe oba mbocho yefwe awuma nguwo nende ebyokhulya bya nawuli ludaalo. 16Nisiba mbo mulala khwinywe amuwoola ati, “cha, nkhudakhisa obe wulayi; funa owubafu khandi olye wulayi,” ninga yiwuma syakholire khubyetaago byo’mubiri kwaye. Sirayi siina esyo? 17Mumbya nasirala, enfukiirira yoηene, niyitachiirakho ebikholwa, yiba nfu.18Naye owundi aliwoola ati, “Oli nende enfukiirira; ese ndi nende ebikholwa.” Njekese enfukiirira yawo eyiwumakho ebiholwa, khandi sesi nkhwekese enfukiirira yange nende ebyo binkhola. 19Mufukiirira muuti aliwo Weere mulala. Sirayi! Ata nende dayimooni chifukiirira chiityo__ khandi chitengerekha. 20 Musiru ewe, odakha owujulisi oti enfukiirira eyiwuma bikholwa yiwumamo amakhuluutu?21Kuka yefwe Yibbulayimu sikabaliwa okhuba omwolerefu nende sikakhola nikawayo omusyaani waye Yisaaka khu wo’lutaari? 22 Muwone muuti enfukiirira yaye nende ebikholwa byaye byali bikholera alala, nende enfukiirira yaye yali enjichufu olwesyo sikakhola. 23Khandi esyawandiikiwa syoseresewa esiwoola siiti, “Yibbulayimu kafukiirira Weere, manu kabaliwa okhuba omwolerefu,” manu kalangiwa omwicha wa Weere. 24 Muwona muuti omutu akholewa kaaba mulungifu olwebyo byakhola so si lwenfukiirira yoηηene.25Mumbya nasirala, Malaya Rakhabbu si kabaliwa okhuba omulungifu olwesyo sikakhola nikakoniya abakheeti kamala kababisya khu ngira yiindi? 26Nga omubiri okuwumamo omwoyo lukuba omufu, yiityo enfukiirira eyiwumamo ebikholewa yiba nfu. YAKOBBO
Chapter 3

1Bangi khwinywe mutebaasa okhuba abasomesa, baana befwe, olwokhuba mumanyire muuti efwe abasomesa khulikhengerwa no’wegenderefu wukali. 2Fwesi fwesi khukosya mungira nyingi. Niwabawo yesi yeesi otakosyangakho mu syawoola, mutu mukololofu, anyala okhulinda omubiri kwaye nimulayi.3 Nikhuta ebiitu mukhanwa we’nsukhiri okhuchikhola chifukiirire bikhuwoola, khunyala khwakalukhaniya ensolo yosi yoosi. 4Oba khakhuyire emeeri nge’syo’khuwonerakho. Achakhaba mbo ngali wusa chiityo khandi nga chifukwa nemiyaka cha’maani, chifukiwa nende engasi entono yene nawuli mufuki yadakhira okhucha.5Nasirala olulimi khatundu khatono khu mubiri, naye khanyala khaleeta okhwepaakha khukali. Basakho olukaka olukali lusambiwa nende akhaliro akhatono. 6Olulimi lwosi muliro, esyalo syo’wubi mu bitundu byefwe byo’mubiri. Lunyaasa omutu yesi yeesi, luta owulamu waye woosi khumuliro, khandi olwene geyena yaluta khu muliro.7Ebisolo bya nawuli mbya, amayoni, ebyekhwesa assi nende ebilonge byo mukuyanja biriindiwa khandi biriindwa no’mutu, 8naye yiwuma mutu onyala kaalinda olulimi. Sibi esitajoηηolokha, syechula owusiba owita.9Khukiniya Omwami wefwe khandi Bbaabba no’lulimi, khandi no’lwene olwo khukholimira abaatu, abakholewa munfwani ya Weere. 10 Mumunwa kwene okwo mutulamo okhukiniya no’khukholima. Baana befwe, sino sisyakhakholekhire.11Amaachi malayi nende akalimo chumbi kakhakhulukusa okhutula munsulo ndala? 12Baana befwe, omusaala kwomutuli kunyala kwamakkho emisabibbu, oba omuleere kwamakho osongola? Nomwalo kwa chumbi sikunyala kwatusa amaachi malayi. Amakesi Akamakhabi Kabiri.13Nanu omukesi khandi otegeera mwinywe? Asyekesenge no’wulamu waye owulayi, nebikholewa mu wulonga owutula mu makesi. 14Naye nimukisa embalikha embi nende omutoolyo mu myooyo chenywe, mutasyepaakhiramo oba mwekaana amasima.15“Amakesi” nga ako sikecha okhutula mwikulu naye ke’syalo, kawumamo owo’mwoyo, kasetani. 16Olwokhuba eyiba embalikha nende okhwedakhisa ebingi, eyo yibayo owutawulirisaniya nende nawuli sikholwa sibi. 17Naye amakesi akatula mwikulu okhusookha kweene malungifu; khulondekho emirembe__ okhudakha, ebibaaso, okhwewayo, okhwichuye esisa nende ebyamo birayi, owutekhubbira khandi owumalirifu. 18Abaleeta emirembe abataaka edembe basiingisa ekesa lyo’wulungifu.
Chapter 4

1Siina esireeta okhulwaana nende emyeero mwinywe? Sibitula mu wekoombi wenywe owulwaanira mwinywe? 2Mudakha esiitu naye simusifuna. Mwita khandi mwekomba, naye khaba simufuna simudakha. Munyekana khandi mwalwaana. Muwuma, olwokhuba simusaba Weere. 3Nimusaba simufuna, olwokhuba musaba ne’bichiririrwa ebibi, kho munyale okhukhosesa bimufuna musangaalo lyenywe.4Baatu badaamba enywe, simumanyire muuti owiicha ne’syalo nje owulekani ni Weere? Yesi yeesi okhengawo okhuwamba esyalo owiicha aba musuku wa Weere. 5Oba mubaasa muuti esyawandiikiwa siwola awawuma nsonga siiti omwoyo kukakhola okhutumenyamo kuli no’mutolyo mukali?6Naye atuwa esisa sikhirawo. Nje esikira esyawandiikiwa nisiwoola siiti: “Weere ayiinganiya abepaakha naye awa esisa eyiri abaloonga.” 7Manu, mweweyo abene, eyiri Weere. Mwekayekho Setani, khandi acha okhuberukhakho.8Musude ambi ni Weere ne yesi kecha okhwicha ambi nanywe. Mwesaabe amakhono kenywe, enywe abakholi be’bibi, khandi mulabye emyoyo chenywe, enywe ab’emyoyo chibiri. 9Mulire engisa, mulire amasika khandi mwayule. Mukalukhaniye enjekho chenywe chibe maliro nende esangaalo lyenywe libe okhwewunamira. 10 Mube abaloonga eyiri Omwami, khandi kecha okhubasingisa.11Baana befwe, mutalomalomeranga wubi abasyenywe. Yesi yeesi olomaloma wubi khuwasye oba kamukhengera omusango alomaloma wubi khu lako khandi alikhengera omusango. No’khengera elako omusango syoba nolidiira, naye oba wikhaaye okhulikhengera omusango. 12 Aliwo mulala yeηηene owa malako, oyo onyala kawoniya khandi kasikhirisa¬. Naye ewe__ niiwe nanu okhengera okhusibiranire omusango? Okhwepaakhira Khu byomuchuli13 Wunanu mutekeerese, enywe abawoola muuti, “Olwaleero oba muchuli khunache mu siko sino oba sira, khumaleyo omwaaka, khukhole ebyasara khandi khukhole erubya.” 14Lwasiina, no’khumanya simumanyire ebinabewo muchuli. Owulamu wenywe nisi? Muli enaηηooηηwe eriwonekhakho wutono nirimala likotawo.15 Mwakhali muteekwa okhuwoola muuti, “Nikhuba okhudakha khw’Omwami, nikhuba abalamu khulikhola sino oba sira.” 16Nga nisiri, mwepaakha khandi mwekiniya. Okhwepaakha khuli khuutyo siba sibi. 17Manu, oyo yesi yeesi, omanya esirayi syakhoyire okhukhola manu kakhaya okhusikhola, aba akholire esibi.
Chapter 5

1 Wunanu mutekeerese, enywe abaatu bayiinda, mulire khandi mwayule khu lwengisa chicha okhubabaakho. 2Owuyiinda wenywe wuwolire, khandi amasiriyi kaliiye enguwo chenywe. 3Esaabbu yenywe nende enfweesa bikhubbire enkherebende. Owukherebende wabyo wuliwa owujulisi khwinywe khandi wulirya emibiri chenywe nga omuliro. Mukisiise owuyiinda mu ndaalo chisembayo.4Muwone! Omusaara kumwakhaya okhutuunga abakhosi ababeta endalo chenywe kubalirirakho. Amaliro kabaatu bakesa kolire mu matwi k’Omwami owo’wunyala woosi. 5 Mumenyire khusyalo mu mwekhoyo nende okhwesangaasa abeene. Mwekhomesiise abeene mu ndaalo cho’khwiita 6 Mukhengeeye abaatu bawuma musaango khandi mwabeeta, abali nibatabayiinganiya. Okhwesimiirisa Mu Khusaanda7Mwesimiirise, manu, baana befwe, okhwoosa Omwami lwalikowolera. Muwone nga omulimi nalindirira endalo okhuleeta ebyaamo birayi khandi nga nikesimirisa musiruumbi nende mu nfula eyetoocho. 8 Muutyo mwesi, mwesimiirise khandi mube abomiifu, olwokhuba okhwiicha khw’Omwami khuli ambi.9 Muteŋuluŋunyaanga abeene nabeene, baana befwe, kho mukhaye okhukhengerwa omusango. Omulamusi kemire amulyango! 10Baana beefwe, nga esy’okhuwonerakho esy’okhwesimiirisa mu bikha by’okhusaanda, muwonere khuba nabbi abalomaloma mu liita ly’Omwami. 11Nga nimumanyire, khubabaasa okhuba abenkhabi abo abesimiirisa. Mwawulira okhwesimiirisa khwa Yobbu khandi mwawona Omwami sikaletawo mu khumaliirikha. Omwami kechuuye esisa nende okhusaasira.12Okhukhirira erala, baana befwe, mutechubanga__ silwekulu oba esyalo oba olwesiitu sindi syosi syoosi. Nimuwoola muuti “Eee,” Sibe eee, khandi nimuwoola muuti “Bbee,” Sibe Bbe, mulobe okhukhengerwa omusango. Okhwekalikhira Okhw’enfukiirira.13Aliwo khwinywe oli muwudinyu? Akhoya kekalikhire. Aliwo osangaaye? Akhoyire kembe enyembo echikiniya. 14 Aliwo omulwaaye mwiinywe? Akhoya alange abakhuluutu be Kanisa bamusabire khandi bamubakhe amafuta mu liita ly’Omwami. 15Khandi okhwekalikhira okhukholewa mu nfukiirira khucha okhuwoniya omutu mulwaaye. Omwami acha okhumusiingisa. Naba nikakhola esibi, alirekherwamo.16Nolwesyo mweyolobye ebibi byenywe abeene nabeene khandi musabire abasyenywe kho munyale okhuwona. Okhwekalikhira khwo mutu omulungifu khwamaani khandi khukhola. 17Eriya kali wusa mutu nga efwe. Kekalikhira nikomiisa ati enfula yikhaye okhukwa, khandi siyakwa khwiroba okhumala emyaaka chidatu ne’situndu. 18Khandi kekalikhira, manu ekulu lyaleeta enfula, khandi eroba lyatusa ebyamo byalyo.19 Baana befwe, nisiba mbo mulala khwinywe atulire khu masima ninga aliwo onyala kamukowosa, 20mwichulise sino: Nawuli okalukhaniya omukholi we’bibi okhutula mu sisobyo esyengira yaye alimuwoniya okhutula mu khufwa khandi kawiikha khu wungi we’bibi.

2 Peter

Chapter 1

1Simooni Petero, omukhosi khandi omutume wa Yesu Kurisito. Eyiri abo okhubitira mu wulungifu wa Weere wefwe nende omuwoniya Yesu Kurisito abafunire enfukiirira ey’ebbeyi ngali ng’eyefwe: 2 Esisa nende emirembe bibe byenywe mu wungi okhubitira mu makesi ka Weere nende aka Yesu Omwami weefwe. Okhukhola Okhulangiwa No’khudoola khw’aweene3 Amaani kaye amalayi katuweeye byosi byoosi bikhudakha khu lwo’wulamu nende owa Weere okhubitira mu makesi kefwe kakatulangiramo mu luyaali lwaye lweene nende owulayi. 4Okhubitira mu sino atuweeye ebisuubiso byaye ebya’maani khandi ebye’bbeyi engali, kho sibe mbo okhubibitiramo munyale okhukhola mu wulayi kho muwone owubi mu syalo owuletewa nende owekombi wubi.5 Olwemboosi yino yeene, mukhole lukali lweene okhumeeda khunfukiirira yenywe owulayi; khandi khu wulayi; amakesi; 6khandi khu makesi, okhwefuka abeene, khandi khu khwefuka abeene, okhwesimiirisa; khandi khu khwesimiirisa, owa Weere; 7khandi khu wa Weere, esisa esyowulala; khandi khu sisa esyowulala, okhudakha.8Olwokhuba nimuba nende ebiitu bino ebikhoyera mu wuungi, bicha okhubaliinda okhutula khu wutoseresa khandi owutakhulakhulaniya mu khumanya khwenywe khu mwami Yesu Kurisito. 9Naye omutu yeesi nabiwuma, aba awona ayembikiti khandi omuwofu, khandi aba kebiriiye ati amalire okhulafuyisiwa okhutula mu bibi byaye ebyabita.10Nolwesyo, baana beefwe, mube mweesi abetekefu okhukhola okhulangiwa khwenywe nende okhudolewa khw’aweeene okhungi. Olwokhuba nimukhola ebiitu bino, simulikwa ata, 11khandi mulifuna okhusangalirwa okhukali mu wene’ngo owutakama owo’mwami wefwe khandi omuwoniya Yesu Kurisito. Owu nabbi khu lw’ebyawandiikiwa12Manu nja okhubakhewulisaanga nawuli wukhya khu biitu bino, amwakhaba nimubimanyire khandi nga mwabyomiiriramo mu masima kamuli nako wunanu. 13Mbaasa sirayi okhukowosa okhukhewulisa khwenywe ni nsiriwo mu weema ey’omubiri kuno, 14olwokhuba manyire nti ndatere nasita awuleka, nga omwami wefwe Yesu Kurisito lwansinjekesiise mu wakhaafu. 15Khandi ndaakesekho nga lusinyalikha okhuwona nti nimalire okhuwaawo munanyaleenge okhwichulisa ebiitu bino.16Sikhwalonda nende amakesi engano echakholewa nga nikhwabawoolera ebidiira khu maani nende okhwiicha khwo’mwami Yesu Kurisito, naye khwali abajjulisi abawona ne’moni cheefwe khu luyaali lwaye. 17Olwokhuba kafuna oluyaali nende okhukinisiwa okhutula eyiri Weere Bbaabbaa ekono niryatula mu maani ko’luyaali, liiti, “Ono nje omwana wange, yindakha; yinsangaalira wulayi weene.” 18Efwe abeene khwawulira ekono lino eryatula mwikulu nikhwali naye khu lugulu olwolerefu.19Khandi khwawulira emboosi eyabanabbi ni yemeeda okhukhakhasiwa, khandi mulikhola wulayi ni muliyitakho omwooyo, nga owulafu niwadukha mu siirema, okhwoosa lu wanuukha echuli ensulwe yakheenga mu myooyo chenywe. 20Amukulu wa byoosi, mutekwa okhumanya muuti yiwuma owunabbi khu lw’ebyawandiikiwa okhwechawo wusa nende okhutafuta okhw’omunabbi omwene. 21Olwokhuba owu nabbi siwubangakho nende ensiwukho mu khudakha okhwo’mutu, naye abaatu balomalomanga okhutula eyiri Weere nga bekhirwekho amaani nende omwoyo mwolerefu. 2
Chapter 2

1 Naye aliwo ba nabbi ab’owubacha boosi mu baatu, lwosi wusa nga lu walibaawo abasomesa abowubacha mwinywe. Balingisa mu syaama eby’owubacha ebinyaasa, boola nokhukhaya Omwami ow’owunyala owabakula__ nibereetakho abeene okhunyaasa okhwawangu. 2Bangi baliloonda amakira kaawe akensoni khandi balinyekesa engira eyamasima. 3Mukuliira kwawe abasomesa bano balibakhosesa wereere nibabita mungano chibetereyewo abeene. Okhukhengerwa khwaawe khumalire embaka nikhubademberakho, khandi okhunyasikha khwaawe sikhubeeye mu ndoolo.4Olwokhuba nisiba mbo Weere sikalekheramo bamalayika nibanyaasa, naye kabatuma mu khufwa, nga’bata awanyiki mu dooma ry’esireema ngabalindirira okhukhengerwa omusaango; 5nga lwatalekheramo esyalo esyakhale nga lukaleeta enfula yanamadowa khu baatu baye abataali bo’wa Weere, naye kakhingakkira Nuwa, omuwuulisi ow’owulungifu, nende abandi musanfu; 6nisiba mbo kakhengera omusaango ebiko byawe ebikhuluutu ebya Sodoma nende Gomora nga’bisamba byakwa ekokhe, khandi kabakhola okhuba ebyo’khuwonerakho ebicha okhubaawo khu baatu bataali abo’wa Weere;7nisiba mbo kawoniya Loti, omusaacha mwolerefu, owajoηesewa nende owulamu owuchafu owabaatu abatamanyire amalako. 8(Olwokhuba omusaacha oyo omulungifu, okhubamenyamo nawuli ludaalo, kasandisiwa mu wulungifu wo’mwoyo kwaye nende ebikholwa ebikhalaka amalako manu kawona khandi kawulira)__ 9sino nisiba siityo, manu omwami amanyire nga nanyala okhukhingakira abaatu ba Weere okhutula khu bidinyu nende okhudiira abataasi abalungifu khu ludaalo olwo’khukhengerakho omusaango, nibasichanakana nende esiwonereso syawe.10Sino syamasima syene khwabo abalonda abalichaki olwebikholwa ebibi nibalekeresa owunyala. Mukhutatya nende okhwepaakha, abaatu bano sibatya okhunyaasa abaatu abalayi; 11ata nga nende ba malayika, abakhaba mbo bamaani lukali, sibaleeta okhuwaba okhwowubacha khu baatu bano mu moni ch’Omwami.12Naye abaatu bano bafwotokheresa mu biitu bibatategeera. Bali nga ebisolo ebiwalaba, ebironge ebimanyikhanire, ebyewulwa wusa okhudiiriwa nende okhunyasiwa, khandi wusa nga ebisolo boosi balimaliwawo. 13 Balisasuliwa nende owuchuuni khu lwo’wubi wubakholire. Esichiririrwa syawe nje okhukhola eby’omufuto esideete alafu. Baliwusa awo baatyo mu wuchaafu, nga beduwulya mu by’esyalo nibalya nibasangaala nanywe. 14N’emoni echichuuye owudaamba, sibaakamiya okhukhola owubi; bakhobya abataasi abagumu; balyepulyepu mu kuliira__ abakholimirwa!15Balekhire engira engololofu badamaana okhuloonda engira ya Bbalamu omusyaani wa Bbeyoli, owadakha omusaara okwo’wutaasi owolerefu. 16Naye kolobesewa khulwebikholwa byaye ebibi nende ensukhiri__ ensolo eyiwuma okhulomaloma__ eyalomaloma nende ekono ly’omuutu lyakayira eralu lya nabbi.17Abaatu bano nje ensulo echiwumamo amaachi nende enaηoηwe eriyiriwa nende embuunga. Esiirema esikali syene syeene syabiikhiwa khulwaawe. 18Olwokhuba batusa mukhanwa emboosi ech’okhwepaakha, nga bakholera khu khwekoomba okhw’owubi okhw’omubiri, basendekeresa abaatu abali okhwirukha wusa okhutula khwabo abamenya munsobi. 19Babasuubisa edembe, ate nga bo abeene bawambe abokhusikhirira__ olwokhuba omutu aba muwambe khu syoosi esiba nisimudiiye.20Nibaba nibawonire omufuto okw’esyalo okhubita mu Mwami weefwe khandi omuwoniya Yesu Kurisito khandi lundi basyewoyakanisyemo bakhira, baba wubi weene okhukhira nga nibali mukhuchaaka. 21Syakhababereye sirayi nibatakhamanyire engira enungifu, okhukhira okhuyimanya nibamala bayikhubba omukongo, esirayi esyabekesewa. 22Khubo engaado cha masima echiwoola chiiti: “Embwa yikowolera amalusire kaayo,” khandi, “embiichi yibookire yikowolayo okhwefulafusa mu madosi.”
Chapter 3

1 Abeecha abakoosi, yino nje ebbaruwa yange ey’okhubiri yimuli. Mbandiikire chombi nga echibechulisa nga mbakhubbirisa mu khubaasa okhwichufu. 2Ndakha mwichulise emboosi echalomalomewa enyuma era nende banabbi bolerefu n’ebilagiro ebyayeresewa nende omwami wefwe khandi omuwoniya okhubita mu batume benywe.3Okhusokhera erala, mutekwa okhutegeera muuti mu ndaalo echisembayo abachekheeresi baliicha, nibachekheerera khandi nibalonda ebyawe bibi bibadakha. 4Baliwoola baati, “Khuli yeena ‘okhwiicha’ khukasuubisa? Ala naala okhutula bakuuka yefwe nibafwa, ebiitu byoosi bichiiye wusa nga byaliingi okhutula khukhulongewa okhw’esyalo.”6 Nende emiichi chino choosi esyalo esyendaalo echo chakholewa khandi chanyasiwa. 7 Nende emboosi yeene ekulu lya wunanu nende esyalo bi bikhiiywe omuliro, nga bibiikhirwa oludaalo olwo’khukhenga omusaango nende okhunyaasa abaatu abataasi ba Weere. 5. Naye bakhengawo wusa okhwibirira baati khale khu lw’emboosi ya Weere ekulu lyaliwo nende esyalo syakholewa okhutula mu maachi khandi nende amaachi.8Naye mutebirira esiitu sirala sino, abeecha abakoosi: eyiri Omwami oludaalo luli nga emyaaka elifu, khandi emyaaka elifu chiri nga oludaalo. 9Omwami syacha kaala mu khwoseresa esisuubiso syaye, nga abandi mu khutegeera okhwakaala. Abesimirisira, nga syadakha ata mulala okhufwa, naye nawuli syamulala okhwiicha eyiri okhweyolobya.10Naye oludaalo olw’Omwami lwakheche nga omwiibi. Ekulu lirikhamyukhawo nende okhwaduulakha; ebiitu birinyasiwa nende omuliro, khandi esyalo nende nawuli bisirimo birirekhewa wusa.11Nga ebiitu byoosi byoosi lubirinyasiwa mu sambo yino, baatu ba mbya si bamuteekwa mube? Mukhoyire okhuba abalungifu khandi mu wulamu owowu Weere 12nga nimutingaala emutwe khu ludaalo lwa Weere khandi nowangu wokhwicha khwalwo. Oludaalo olwo lulireetawo okhunyaasa okhwekulu nende omuliro, naye owusambukhakho wulisambuukhira mu wubafu. 13Naye okhweriindira mu sisuubiso khutingaala emutwe khwikulu eyaakha nende esyalo esiyaakha, edaala eryo’wolerefu.14Manu siityo, abeecha abakoosi, nga nimutingaala emutwe khu sino, mukhole syoosi esinyalikha okhuba abawumakho ekoondo, abawumakho esyokhwolobesewa nende emirembe naye. 15Musimanye mu mwoyo muuti okhwesimiirisa okhw’Omwami weefwe khwekesa owuwoniya, wusa nga omwana wefwe omukoosi Paulo nikabawandiikira nende amakesi Weere kakamuwa. 16Awandiika nasirala mu mabbaruwa kaye koosi, nalomalomera mu bitu bino byoosi. Amabbaruwa kaye kalimo ebitu ebidinyu ebyokhutegeera, bi baatu abatamanyire nende abaatu abataasi balawufu na batamanyire bibasakuula, nga nibakhola ebyawandiikiwa ebindi, khu khunyaasa khwawe khweene.17Nolwesyo, abeecha abakoosi, khasita mu manyire sino, mube moni mukhaye okhuyiriwa no’khukota khw’abaatu abatamanyire amalako mumale mukwe okhutula mu bifwo byenywe ebyomiifu. 18Naye mukhulire mu sisa nende amakesi ako’mwami khandi omuwoniya Yesu Kurisito. Yali yibe oluyaali wunanu nende endaalo choosi! Amiina.

1 John

Chapter 1

1Esyo esyaliwo okhutula mu njaaka, esyo sikhwawulira esyo sikhwawona n’emooni chefwe, esyo sikhwewunja khandi namakhono kefwe kadiirakho__ sino nje sikhuwuulira okhudiirana n’emboosi yo’wulamu. 2Owulamu wawonekha; khuwuwene khandi khu wujulirakho, khandi khubawuulira owulamu wutakama, owali nende Bbaabbaa khandi wutuwonekheeye.3Khubawuulira ebyo bikhwali ni khwawona khandi khwabiwulira, khu sinyalikhe mwesi mube nafwe mu wulala. Nende owulala wefwe wuli nende Bbaabbaa no’mwaana waye, Yesu Kurisito. 4Khuwandiika bino khu khukire esangaalo lyefwe libe liichufu. Okhukendera mu wulafu.5Wuno nje owubakha wukhwawulira okhutula yaali khandi khubawolera khuti: Weere wulafu; mu yee muwuma ata esirema syoosi. 6Nikhwelaanga mbo khuli mu wulala naye ne nga khukendera mu sirema, khuba khubacha khandi sikhuba nikhubaawo mu masima. 7 Ne nikhuba mbo khukendera mu wulafu, nga ye lwali mu wulafu, khuba khuli nende owulala efwe abene nabeene, na’mabaanga aka Yesu, omwana waye, katulabya mu bibi byoosi.8Ne nikhuba nikhuwoola khuuti khuwuma sibi, khwebacha efwe abeene khandi amasima sikali mwifwe. 9Naye nikhweyolobya ebibi byefwe, yee mwesikwa khandi mulungifu khandi alitulekheramo ebibi byefwe khandi katulabya okhutula mu biitu byoosi ebitali bilungifu. 10Ne nikhwelaanga khuuti sikhwakhola sibi, khuba khumukhola okhuba mubacha nemboosi yaye yiba yiwuma sifwo mu wulamu wefwe. 1
Chapter 2

1 Baana bange abakoosi, mbawandiikira bino yimuli khu mukhaye okhukhola esibi. Naye ni awabaawo omutu yeesi okhola esibi, khuli nende oyo olomaloma eyiri seefwe khulwefwe __ Yesu Kurisito, oyo omulungifu. 2Omwene oyo nje esiwanwa khulwokhutusawo ebibi byefwe, khandi si khu lwefwe fweηηene naye olwe’syalo syoosi. 3Khumanyire khuuti khwolire okhumumanya nikhuba mbo khufukiirira ebiragiro byaye.4Omutu owoola ati, “Ese mu manyire’’, ne syakhola syalagira aba omubacha, khandi namasima sikaba nikamulimo. 5 Ne omutu yeesi nafukirira emboosi yaye, okhudakha khwa Weere khuba khwolereeye mu wichufu mu yee. Sino nje esyekesa nga khuli muye: 6Ne nawuli obaasa ati ali mu yee atekwa okhukenda nga Yesu nikakholaanga.7Abeecha bange bakoosi, sindi khubawandiikira elako yakha naye ekhale, li mwawulira okhutula mukhuchaaka. Esilagiro sikhale sino nje owubakha wu muwuliye. 8Atenga ndikhuwandiika esilagiro siyaakha; amasima kasyo kawonekhera mu yee nende mwinywe, khu lwokhuba esireema siri okhubita no’wulafu wichufu wumalire okhwadukha.9Omutu yeesi owekadiya ati ali mu wulafu ne syadakha mwanaηηina asiiri mu sirema. 10Oyo yeesi odakha mwanaηηina ali mu wulafu, khandi awumawo syoosi muye esikira kekumula. 11 Naye oyo otadakha mwanaηηina ali mu sirema khandi akeendera mu sirema; syamanyire yacha, khuba esirema simwikaye emoni.12Mbawandikira enywe, abaana bakoosi, khulwokhuba ebibi byenywe birekheywemo khulwe’ritta lyaye. 13 Mbawandiikira enywe, ba Bbaabbaa, khulwokhuba mu mumanyire oyo okhutula esyalo nisichaaka. Mbandiikira enywe, abasyaani basimbukha khulwokhuba munyalire okhukhira oyo omusuku. 14 Mbawandiikira enywe, abaana abakoosi lukali, khulwokhuba mu mumanyire seefwe. Mbawandiikira enywe, ba Bbaabbaa, khulwokhuba mu mumanyire oyo owaliwo okhutula esyalo ni sichaka. Mbawandiikira enywe, abasyaani basimbukha, khulwokhuba muli namaani, khandi emboosi ya Weere yibalimo, khandi mwamuwangula omusuku. Mutadakha Esyaalo.15 Mutadakha esyalo oba esiitu syoosi mu syalo. Ni wabawo oyo odakha esyalo, okhudakha khwa seefwe khuba sikhumulimo. 16Khuba wuli situla mu syalo__ owekoombi woosi wo’mutu webibi, nga owekombi we’mooni, ngo’khwepaakha khubyaali nabyo nende byakhola_ sibitula eyiri seefwe naye mu syalo. 17Esyalo no’wekoombi wasyo biwaawo, naye omutu okhola Weere byadakha abaawo endaalo choosi. Okhulawula Eyiri Abasuku Ba Kuriisto18Baana bange abakoosi, yino nje essawa yenjakamo; nende nga lu muwuliiye muuti omusuku wa Kuristo kecha, abatadakha Kurisito bangi bechire. Yino nje engeri yi khumanya khuuti essawa yakamayo yolire. 19 Batutulamo, ni syamasima sibali balala khwifwe. Khuba baba nibali balala khwifwe, bakhadoηηire nafwe; ne okhuwaawo khwawe khwekesa khuti ata mulala khubo sikali khwifwe.20Naye enywe mwachukhiwakho amafuta okhutula eyiri omwolerefu, khandi mwesi mweesi mumanyire amasima. 21Simbawandiikiye khuba si mumanyire amasima, naye khuba nti mumanyire khandi khuba awuma wubacha wutula mu masima.22Omubacha nje naanu? Nje omutu okaana ati Yesu sinje Kurisito. Omutu ngo’yo nje otadakha Kurisito__ kekaana sefwe nende omwana. 23Awuma mutu wekaana omwana oba nende Bbaabbaa; oyo yeesi ofukirira Bbaabbaa aba no’mwana yesi.24Siwone oti byowuliye okhutula mu njaaka bikhusikalamo. Nisiba siityo, wesi wicha okhusikala mu mwaana nende mu Bbaabbaa. 25Khandi sino nje sikasubisa efwe__ ata no’wulamu wutawa. 26Ndikhuwandiika ebiitu bino yimuli khu abo abali khukesakho okhubakodiya.27Ne eyiri enywe, amafuta kamwachukhiwakho okhutula yaali kabasikalamo, khandi simudakha omutu wundi okhubasomesa. Ne nga amafuta kamwachukhiwakho kabasomesa ebiitu byoosi khandi nga amafuta kano lukali kamasima, si bichupuli__ wusa nga lu kabasomesise enywe, musikale muye. Abaana ba Weere 28Khandi wunanu, baana bakoosi, muchanakane mu yee, sibe mbo nawonekha khunyale okhuba abakhakhafu no’khutaswala mu mooni chaye mu khwicha khwaye. 29Noba nosimanyire oti mulungifu, musimanyire muuti wuli okhola esitufu kewuywe naye.
Chapter 3

1 Okhudakha khwa seefwe khwakaaye okhutwinulukhiyekho, kho khulangiwe abaana ba Weere! Ne’syo nje lukhuli! Esikira esyalo syakana okhutumanya siri mbo si syamumanya. 2Abeecha abakoosi, wunanu khuli baana ba Weere, khandi sikhuliba ata batasimanya. Ne efwe khusimanyire khuuti ye nawonekha, khuliba nga yee, khuba khulimuwona nga wusa lwali. 3Wuli oli n’esuubi yino mu yee kelabya omwene, nga wusa omwene lukalaba.4Wuli okhola esibi akhalaka elako; masima, esibi khutadiira amalako. 5Naye mu simanyire muuti kawonekha kho anyale okhututusakho ebibi. Khandi mu yee muwuma esibi. 6Oyo oli muye syachiririra okhukhola esibi. Yiwuma ochanakana okhukhola esibi owali na muweenekho oba kamumanya.7Abaana bakoosi, mutakanya omutu yeesi okhubakosiya. Oyo okhola ebitufu mwolerefu, wusa nga lwali omwolerefu. 8Oyo okhola esibi aba wa setani, khulwokhuba setani akholanga ebibi okhutula khunjaaka. Esikira omwana wa Weere nga lukawonekha syali okhusaakula emirimo cho’musuku.9Awuma owewulwa khu Weere olichanakana okhukhola esibi, khuba olumwo lwa Weere lu musikalamo; syanyala khuchanakana mukhwonona, khulwokhuba kewulwa nende Weere. 10Yino nje engeri yikira khwamanya abaana ba Weere nje abali khandi khwamanya nabasetani ngalubali: omutu yeesi otakhola esitufu syaba mwana wa Weere; ata ola otadakha mwanaηηina. Mudakhane abene nabeene.11 Wuno nje owubakha wu mwawulira okhutula khunjaaka: khukhoyire khudakhane wuli otula. 12Otaba nga Kayini, owali wo’luwande lwo’musuku. Kamala keta mwanaηηina. Ni sina esyakira kamwita? Khulwe bikholwa byaye omwene ebyali by’omusuku nebya mwanaηηina byali bikololofu.13Mutesindukha, baana befwe, esyalo ni sibasyuula. 14Khumanyire khuuti khwabitira mu khufwa okhwola mu wulamu, olwokhuba khudakha abasyefwe. Omutu yeesi otadakha owasye asikala mu khufwa. 15Omutu yeesi otadakha mwanaηηina mwiti, khandi mumanyire awuma omwiti oli no’wulamu owutawaawo mu yee.16Sino nje esikira khwamanya okhudakha nisi: Yesu Kurisito kawayo owulamu waye khu lwefwe. Khandi khukhoyire khuweeyo owulamu wefwe khulwa basyefwe. 17 Ni wabaawo omutu yeesi oli n’emyandu nawona mwanaηηina oli mu wetaafu nawuma khumusasira, okhudakha khwa Weere khunyala khwamubamo khutye? 18Baana bakoosi, khutadakha ne’mboosi oba khu lulimi naye nebikholwa khandi mu masima.19Sino nje si khumanyirakho khuuti khuli khuluwaande lwa masima, khandi nje lu khuwuumusa emyoyo chefwe mu moni chaye 20nawuli lu myoyo chefwe chitukhengera omusaango okhutukhira. Khuba Weere nje omukhongo okhira emyoyo chefwe, khandi amanyire wuli siitu. 21Abecha bakoosi, nisiba mbo emyoyo chefwe sichitukhengera omusaango okhutukhira, khuli no’wugumu eyiri Weere 22khandi khufuna wuli siitu sikhusaba, khuba khuwulira ebiragiro byaye khandi khukhola ebimusangasa.23Khandi sino nje esilagiro syaye: okhufukirira mu litta lyo’mwana waye, Yesu Kurisito, khandi okhudakhana wuli otula nga lukatulagira. 24Abo abawulira ebilagiro byaye babawo mu yee, khandi yee mu bo. Khandi yino nje engeri yi khumanya khuuti atumenyamo: khusimanyire okhubitira mu mwoyo kukatuwa. 1 Yokana
Chapter 4

1Abeecha bakoosi, mutafukirira wuli mwoyo, ne musungulemo okhuwona oba kutula eyiri Weere oba khaba, khulwokhuba ba nabbi b’owubacha bangi batulire bacha mu syalo. 2Yino nje engeri yonyala wamanya omwoyo wa Weere: wuli mwoyo ofukirira ati Yesu Kurisito kecha mu mubiri atula eyiri Weere, 3ne wuli mwoyo otafukirira Yesu syatula eyiri Weere. Ono nje omwoyo otadakha Kurisito, yimuwuliye muuti ali okhwicha khandi na wunanu koola khale mu syalo.4Enywe, baana bakoosi, mutula eyiri Weere khandi mubakhirire olwokhuba obalimo mukhongo okhirakho khuyo oli mu syalo. 5Batula mu syalo khandi balomaloma okhwema nge’syalo lu siwona, khandi esyalo sibatekeresa. 6 Khutula eyiri Weere, khandi oyo yeesi omanyire Weere atutekeresa; naye oyo yeesi otatula eyiri Weere syatutekeresa. Yino nje engira yikhumanyiramo omwoyo okwa masima khandi nende omwoyo kw’owubacha. Okhudakha Khwa Weere N’okhwefwe7Abeecha bakoosi, khudakhane, okhudakha khutula eyiri Weere. Wuli mutu odakha kewuywe ewa Weere khandi amanyire Weere. 8Oyo yeesi otali nokhudakha syamanyire Weere khuba Weere khudakha.9Yino nje engeri Weere yikekeseramo okhudakha khwaye mwifwe: katuma mulala khandi omusyani waye yeηηene mu syalo kho khunyale okhuba abalamu okhubitira mu ye. 10 Khuno nje okhudakha: si mbo khwadakha Weere, naye khuba ye katudakha kaamala katuma omwana waye ng’esiwanwa esimalawo ebibi byefwe.11Abeecha bakoosi, nga Weere katudakha, fwesi khukhoyire khudakhane abene nabeene. 12Awumawo yeesi owawonakho Weere; naye nisiba mbo khudakhana abene nabeene, Weere atulimo khandi okhudakha khwaye khukholewa khwaba khwichufu mwifwe. 13Khumanyire khuuti khuli mu yee khandi yesi atulimo, khulwokhuba katuwa omwoyo waye. 14Khandi efwe khuwene khandi khujjulira khuuti Bbaabbaa katuma omwana waye okhuba omuwoniya owe syalo.15Nisiba mbo omutu yeesi afukirira ati Yesu mwana wa Weere, Weere amenyire mu yee khandi ali mu Weere. 16Khandi sakira khumanyire khwesika okhudakha Weere khwali nakhwo khu lwefwe. Weere khudakha. Oyo yeesi oliwo mu khudakha aba mu Weere, khandi Weere ali mu yee.17 Mu ngira yino, okhudaha khwichusiwa mwifwe khu khunyale okhuba no’wugumu khu ludaalo lwokhukhengerwakho omusaango, khulwokhuba mu syalo sino khuli nga yee. 18Awuma okhutya mu khudakha. Naye okhudakha khwichufu khwirusyamo owuti, khuba okhutya khukholagana nokhusandisiwa. Oyo omutu otya syalungikhiwa mu khudakha.19Khudakha khulwokhuba kasokha okhutudakha efwe. 20Ni abawo omutu yeesi owoola ati, “Ndakha Weere,” ni khane syadakha mwanaηηina, mubacha.Omutu yeesi otadakha mwanaŋŋina, yawonakho syanyala khudakha Weere, yatawonangakho. 21Khandi atuweeye esilagiro sino: oyo yeesi odakha Weere atekwa yesi okhudakha mwanaηηina.
Chapter 5

1Wuli muutu ofukirira ati Yesu nje Kurisito kewulwa Weere, khandi wuli mutu odakha Bbaabbaa adakha omwana waye yesi. 2Yino nje engeri yi khumanyiramo khuuti khudakha abaana ba Weere: mu khudakha Weere no’khukhola ebiragiro byaye. 3Khuno nje okhudakha khwa Weere; Okhufukirira ebiragiro byaye. Khandi ebiragiro byaye sibikhediya,4khuba wuli wiwulwa Weere akhira esyalo. Khuno nje okhuwangula okhunyalire okhukhiririsa esyalo, ata nenfukirira yefwe. 5Oyo nje nanu okhira esyalo? Oyo yeηηene ofukirira ati Yesu mwana wa Weere.6Ono nje owechera khu maachi na mabaanga__ Yesu Kurisito. Sikecha namaachi koηηene, naye namaachi namabaanga. Khandi mwoyo nje ojulira, khulwokhuba mwoyo masima. 7khuba aliwo bidatu ebijjulira: 8omwoyo, amaachi khandi namabaanga; khandi bidatu bino biri munfukirisaniya.9Khufukirira okhujulira khw’omutu, ne okhujulira khwa Weere nje okhukhira khulwokhuba nje owujjulisi wa Weere, khwawa khu mwana waye. 10 Yeesi ofukirira mu mwana wa Weere ali no’wujulisi wuno mu mwoyo kwaye. Naye otafukirira mu Weere amuteeye erwanyi okhuba mubacha, khulwohuba syafukirira owujjulisi Weere waweye khu mwaana waye.11Khandi khuno nje okhujjulira: Weere atuweye owulamu wutakama, ne owulamu wuno wuli mu mwaana. 12 Oyo oli n’omwana ali no’wulamu; oyo otali nende omwana wa Weere syali no’wulamu. Enomaloma Yikhenerekha13Mbandiika ebiitu bino yimuli enywe abafukirira mu liita lyo mwaana wa Weere khu munyale okhumanya muuti muli no’wulamu owutaliwaawo. 14Wuno nje owukhakhafu wukhuli nawo mu khwolerera Weere: khuuti nikhuba nikhusaba syoosi mu ngeri yo’khudakha khwaye, atuwulira. 15Khandi nikhumala khwamanya khuuti atuwulira__ wuli sikhusaba__ khumanyire khuuti khuli nende bikhusabire ebitula khu yee.16Ni wabawo omutu owona mwanaηηina nakhola esibi esitamuyira mu khufwa, akhoyire asabe khandi Weere acha okhumuwa owulamu. Nomaloma khwabo abe’sibi esitabayira mu khufwa. Yiriwo esibi esituyira mu khufwa. Sindi khulomaloma nti akhoyire okhwekalikhira khwesyo. 17 Okhukhola esitacha syoosi sibi, khandi aliwo esibi esitakhuyira mu khufwa.18Khumanyire khuuti omutu yeesi owiwulwa Weere syachanakana okhukhola esibi; oyo owewulwa Weere amulinda khandi omusuku syamutakho mbala. 19Khumanyire khuuti khuli baana ba Weere, khandi khuuti esyalo syoosi siri assi wo’wutuki w’omusuku oyo.20Khumanyire lwosi khuuti omwana wa Weere kechire khandi atuweye okhutegeera, kho sinyalikhe okhumanya oyo omutuufu. Khandi efwe khuli mu oyo omutuufu__ nende mu mwaana waye Yesu Kurisito. Nje Weere mutuufu khandi owulamu wutakama. 21Baana bakoosi, mweriinde enywe abeene okhutula khu bilongalongwe.

2 John

Chapter 1

1 Omukhuluutu, eyiri omukhaye mudoole nabaana baye, oyo yindakha mu masima__ khandi siise seηηene, naye na’bo boosi abamanyire amasima__ 2khulwa masima, akatumenyamo khandi kaliba nafwe endaalo choosi: 3Essisa, okhusaasira ne’mirembe okhutula ewa Weere sefwe khandi okhutula eyiri Yesu Kurisito, omwana wa Bbaabbaa, kecha okhuba nafwe mu masima no’khudakha.4Simbeye esangaalo kali okhwakana abaana benywe ni bakendera mu masima, wusa nga Bbaabbaa katulagira. 5Khandi wunanu, omukhaaye mukosi, simbandiikira enywe elako yakha naye eryo limbeeye nalyo okhutula mu njaaka. Nsaba nti khudakhane abeene nabeene. 6Khandi khuno khudakha: khu khukenderamo mukhuwulira eyiri ebilagiro byaye. Nga lu muwuliye okhutula mu njaaka, esilagiro syaye siri siiti mukendere mu khudakha.7 Ababacha bangi, abatafukirira mu Yesu Kurisito ngo’wechera mu mubiri, batulire erwanyi mu syalo. Omutu yeesi owe’mbya yino mubacha khandi otadakha Kurisito. 8Mweriinde owutakosiya byobeye nokholerera, naye sinyalikhe onyale okhuweresewa omukawo omwichufu.9Omutu yeesi owirukha kaaba emutwe khandi kakhaya okhuchanakana mu nsomesa ya Kurisito syaaba nali nende Weere; noyo ochanakana mu khusomesa ali nende bombi Bbaabbaa no’mwana. 10Omutu yeesi nisiba mbo kecha yoli ne’syaleta okhusomesa khuno, otamuyira munyumba yawo oba wamusangalira. 11Omutu yeesi omusangalira akabanamo naye mu bikholwa byaye bibi.12Ndi nende bingi ebyo’khubawandiikira yimuli, ne sindakha okhukhosesa empapula nende wino. Okhumalakho, ndi ne’suubi lyo’khubakeniya nomalome nanywe oweeni khu weeni, kho esangaalo lyefwe libe lichufu. 13Abaana bo mukhaana wenywe mwangale ba babatumira amakheeso.

3 John

Chapter 1

1 Omukhuluutu, Eyiri omwicha wange omukoosi Gayo, oyo yindakha mu masima. 2Omwicha mukoosi, nsaba sibe mbo onyale okhusangaala mu wulamu wulayi khandi nawuli siitu sikhuchiire wulayi, ata nga lusiri mbo omwoyo kwawo kuli okhucha wulayi. 3Syamba esangaalo lingi okhuba nende abasyefwe abecha banjekesa owesikwa mu masima khandi nga lu wachanakana okhukendera mu wesikwa wawo. 4Sindi ne’sangaalo lingi erikhira lino, okhuwulira nti abaana bange bakeendera mu masima.5Omwicha omukoosi, oli mwesikwa mu byokhola eyiri abaana befwe, nende babe mbo bateende yooli. 6Bawoolera ekanisa khu khudakha khwawo. Wicha okhuba okholire wulayi okhubaseewula ni bawawo mu ngeri eyikhoyera eya Weere. 7Syali wusa khu lwe’Ritta nti batula baacha, nga sibawereywe owuyeedi okhutula mu abatafukiirira Weere. 8Mukhoyera manu okhwekesa esangaalo eyiri abaatu ngabo kho khunyale okhukhola emirimo alala khu lwa masima.9Nawandiikira ekanisa, ne Diyotuleefe, odakha okhuba wamberi, kecha okhuba nga yiwuma sikhukholegana ninaye. 10Sakira ni niicha, niicha okhuta ebibaaso khu byakhola, okhutumoonya, no’khunyasa ametta kefwe. Natekutire ebyo, akhaya nokhusangaalira abasyefwe. Khandi akayira na’bo abadakha okhusikhola khandi kabata erwanyi we kanisa.11Omwicha omukoosi, otekeraniya khusibi naye khusirayi. Omutu yeesi okhola esirayi atula eyiri Weere. Omutu yeesi okhola esibi oyo atawona Weere. 12Demeteriyo alomwalomwakho nende nawuli mutu__ khandi atta na masima kosi akeene. Fwesi khumulomalomakho wulayi, khandi mu simanyire muuti owujjulisi wefwe wa masima.13Ndi nabingi ebyo’khubawandikira enywe, ne sindakha okhusikhola ntyo ne’kalamu nende wino. 14Nsuubira okhubawona mu ndaalo chawambi, khu khumale khulomalome oweeni khu weeni. Emirembe chibe nanywe. 15Abeecha ano nange babatumira amakheeso. mukhese abeecha eyo eritta khu litta

Jude

Chapter 1

1Yuda, omukhosi wa Yesu Kurisito khandi mwanaηηina Yakobo, Eyiri abo abalangiwa, abadakhiwa nende Weere Bbaabbaa khandi abalindiwa Yesu Kurisito: 2Esisa, emirembe nende okhudakha bibe byenywe mu wungi. Esibi Nende Engisa Eya Batamanyire Weere.3 Abeecha abakoosi, anakhaba mbo nali nende amawofu makali okhubawandiikira ebidiira khu wuwoniya wukhukabana, nabaasa nti nakhabawandikiiye ni mbakhubirisa okhwomiirira khu masima akali akaboosi abeesikwa abolerefu. 4Khu baatu abandi ebikholimo bi byawandiikiwakho khale wene babengiiyemo babekhalamo mu wekisi. Abatatya Weere, abakalukhaniya esisa sya Weere wefwe okhuba owudaamba khandi bekaana Yesu Kurisito Omwami wefwe mulala yeηene.5Amwakhaba mbo mumanyire bino byosi byoosi, ndakha okhubechulisa nti Omwami katusa abaatu baye mu Misiri, ne lunyuma amala asikhirisa abo abatamufukiirira. 6Khandi ba malayika abataliinda ebifwo byawe ebyo’wunyala naye baalekha edaala lyawe lyene__ bano kabaliindira erwanyi musiirema, nibawoyirwe nende enjegere echitakama khu lwokhukhengerwa omusango khu ludaalo olukhongo.7Mu mbya nasirala, Sodoma nende Gomola nende ebiko ebye’wodokhanisiye byewaayo ebyene eyiri ebikholwa ebyo’wudaamba nende esifwaabi. Bakhola nga esyo’khuwonerakho esyaabo abasanda esiwonereso esy’omuliro okutasima. 8 Mu mbya nasirala yene, abalooti bano banyaasa emibiri chaawe chene, bekaana owunyala baba khu baatu ababi.9 Atta nende malayika mukhuluutu Mikayiri, nikali nayingana nende setani khu lwo’mubiri kwa Musa, sikakesakho okhumutakho omusango okwo’wubacha, naye kawoola ati, “Omwami akhukhamukhire!” 10 Atte nga abaatu bano balomaloma ebinyekya khwibyo bibatamanyire; ne khwibyo bibamanyire wulayi weene, nga ebisolo ebitateesa__ ebyene bino nje ebiitu ebibanyaasa. 11Chibawukaanire abo! Bayirire engira ya Kayini; beyunire okhufuna amagoba mu mbya eche’ndaalo cha Bbalamu; Banyasiwa mu wujeemu wa Koola.12Abaatu bano bamaliyisa khu miyumo chenywe chimudakha, balya nanywe awuma khwegenderesa syoosi__ abaayi aberiisa abeene. Bireesi bitasimo enfula, ebifutiwa nende embuunga; emisaala echetoocho, echiwumakho ebyamo nibachikhuula__ chifwiirawo. 13Bali nge’fiinda eyamaani eyibira munsoni chawe; eηiniηini echakoyaana, esirema sikhira owukali syababiikhirwa emireembe choosi.14Enoka, owo’musanfu okhutula khu Adamu, kalakula khu baatu bano atti: “Wona, Omwami kecha nende elifu ne’lifu echa’bolerefu baye 15okhukhengera nawuli syamulala, khandi okhuwaabira boosi abatadakha Weere khu biitu bitali byo’wa Weere bibakholire mu wutadakha Weere, nende emboosi enjoki chi batadakha Weere chi bamulomalomirekho. 16Abaatu bano beηuluηunya khandi bakonya ebisobyo; balondakirira owubi wawe weene; bepaakha abeene khandi babbaka abandi khulwo’wulayi wawe abene. Omulaanga Mukhwesimiirisa.17Naye, abeecha abakoosi, mwichulise bi batume b’Omwami wefwe Yesu Kurisito bi bawoola khale. 18 Babawoolera baati, “Mu bikha ebisembayo alibaawo abakhomoosi abalirondakirira okhudakha khwawe okhutaasi khwa Weere.” 19Bano nje abaatu ababakawukhaniya, abalondakirira eby’esyalo khandi abawuma omwooyo.20Naye enywe, abeecha abakoosi, mweyombakhe abeene mu nfukiirira eyowolerefu khandi mwekalikhire mu mwoyo omwolerefu. 21Mweriinde mu khudakha khwa Weere nga nimulindirira esisa syO’mwami wefwe Yesu Kurisito okhubaleeta muwulamu owutakama.22Mube ab’esisa eyiri abo abakanakana; 23musikhule abandi okhutula mu muliro mubawoniye; eyiri abandi mwekese esisa, esikhubbaniyemo n’owuti__ nga mukhaya lukali enguwo echirimo amabbondo ko’wulichaki. Emalirisa yo’khukumiya24 Eyiri oyo onyala kabalinda owutakwa khandi kabata eyiri oluyaali lwaye owuma esisobyo nende omwekhoyo omukali__ 25eyiri Weere yeηene omuwoniya weefwe abe no’luyaali, okhukiniya, amaani nende owunyala, okhubitira mu Yesu Kurisito Omwami weefwe, endaalo choosi, nichitabawo wunanu nende emirembe ne’mirembe! Amiina.

Revelation

Chapter 1

1Okhuwikhulirwa khwa Yesu Kurisito, khu Weere kamuwa okhwekesa abakhosi baye esitekwa okhubaawo wangu. Kasikhola okhumanyikha nga’tuma malayika waye eyiri omukhosi waye Yokaana, 2ojjulira khu byosi byoosi bikawona__ nga nje, emboosi ya Weere nende owujulisi wa Yesu Kurisito. 3. Ali nende enkhabi oyo osoma emboosi echo’wunabbi wuno, khandi bali nende enkhabi abo abayiwulira manu bata khu mwooyo ebyawandiikiwamo, olwokhuba esikha siri ambi.4. Yokaana, Eyiri amakanisa musanfu mu syaalo sya Asiya: Esisa nende n’emirembe bibabekho okhutula eyiri oyo oli, khandi owali, khandi ocha okhwiicha, khandi okhutula eyiri emyoyo musanfu mu moni echesisala syaye esy’owen’engo, 5nende okhutula eyiri Yesu Kurisito, nga nje omujjulisi omwesikwa, omwana wamberi okhwiwuliwa okhutula mu bafu, khandi omutuki owa ben’engo abo’khusyaalo. Eyiri oyo otudakha khandi otutusiise mu bibi byefwe nende amabaanga kaye, 6khandi atukholire okhuba owene’ngo khandi bakhawona okhukholera Weere waye khandi Bbaabbaa __ oluyaali lube naye nende owunyala emirembe ne’mirembe! Amiina.7. Wona, kecha nende ebireesi, khandi nawuli moni yirimuwona,ata nende abo abamufumita;nende abaatu boosi abo’khusyaalo balirira khu lwaye.Manu nje siriba! Amiina. 8. “Niise ALUFWA nende OMEGA,’’ nje awoola Omwami Weere, “Oliwo, khandi owaliwo, khandi ocha okhwiicha, ow’owunyala woosi.”9. Esse, Yokaana, omwana wenywe khandi owasyenywe mu nsaando nende owene’ngo nende okhu gumikirisa n’okhwesimiirisa ebyefwe mu Yesu, byali khu sisinga Patimo khu lw’emboosi ya Weere nende owujjulisi wa Yesu. 10. Khu ludaalo Lw’omwami nali mu mwooyo, nawulira emukongo wange ekono ekhongo nga eturumbeete, 11eryawoola liiti: “Wandika khu lupapula byowona khandi obitume eyiri amakanisa musanfu: Efeeso, Sumuna, Perugamo, Suwatira, Saadi, Firaderufwiya nende Lawodikiya.”12. Natingachala mbone ekono eriri okhulomaloma nange. Ne ni natingachala nawona ebisiindi bye saabu musanfu ebya’mataara, 13khandi mu bi siindi bya mataara mwalimo mulala “Oli nga omwana wo’mutu,” nikambaaye eganduula nga lyoola assi khu makulu kaye nende olugosi olwe’saabu okhwewodookhaniya esirifu syaye.14. Omutwe kwaye nende efwiiri byali birafu nga owooya we’koondi, nga birafu nga amakina akenfula, khandi emoni chaye chali chimekhamekhana nga enimi ech’omuliro 15amakulu kaye kali koti omugasa okuli mukuliro kungi, nende ekono lyaye lyali koti ekono lya’maachi akabwomookha. 16. Mu mukhono kwaye omulungi kali adiiye eηiniηini musanfu, khandi mu khanwa waye mwatulamo okukhande okw’owoki eyi n’eyi. Oweni waye wali nga eryuba eryadukhira muwulafu walyo owukhirira erala.17. Ni namuwona, nakwa mu makulu kaye naba nga ofwiiye. Manu kantakho omukhono kwaye omulungi kawoola ati: “Otatya. Niise owamberi khandi niise osembayo. 18. Niise omulamu mwene; nali nfwiiye, khandi wona ndi mulamu emirembe nende emirembe! Khandi ndiiye ebisimuluso byo’khufwa nende esyaalo sya’bafu.19. “Nolwesyo, wandiika, byoweene, ebyawunanu nende ebiribawo yiwiicha. 20. Esyaama esy’eηiniηini musanfu chiwawona mu mukhono kwange omulungi nende esye bisiindi bye saabbu musanfu nje sino: ‘Eηiniηini musanfu nje ba malayika abamakanisa musanfu, khandi ebisiindi musanfu nje amakanisa musanfu.

Chapter 2

1Eyiri malayika we kanisa mu Efweeso wandiika oti: Chino nje emboosi ch’oyo odiiye eηηiniηini musanfu mu mukhono kwaye omulungi khandi nga akendera mu bisiindi musanfu eby’efweesa: 2. Manyire ebikholwa byenywe, emirimo chenywe echa’maani nende okhwesimiirisa khwenywe. Manyire nti si munyala okhugumira abaatu ababi khandi mukhemire abo aberaanga okhuba abatume naye nga sinje lubali, khandi nga mu baweene nga’babacha.3. Mwesimiirisa khandi mwagumira ebidinyu khu lwe’riita lyange, nga simuweeyemo. 4. Naye sino nsibatakho: mulekhire okhudakha khwenywe okhwamberi. 5. Mwichulise owuleeyi yi mwatula kho mwakwa! Mweyolobye manu mukhole ebiitu bimwakhola mu khuchaaka. Nimuteyolobya, ndiicha yimuli namalayo ebisiindi by’etaara lyenywe okhutula mu sifwo syaalyo6. Naye muli nasino khu lw’owulayi wenywe: simudakha ebikholwa bya Nikolayiti, seesi bintadakha. 7. Oli nende okhutwi, awulire omwooyo syawoolera amakanisa. Eyiri oyo owangula, ndimuwa owunyala okhulya khu musaala okwo’wulamu, okuli mu ndalo ya Weere.8. “Eyiri malayika ow’ekanisa mu Sumuna andiika ati: chino nje emboosi ch’oyo Owamberi khandi Osembayo, owafwa khandi kakowola mu wulamu. 9. Manyire owudinyu wenywe nende owuwati wenywe__ ate nga muli bayiinda! Manyire owubacha wabo abawoola mbo ba Yudaaya ne sinje lubali, naye nga luwusano lwa Sitaani.10. Mutatya olwebyo ebicha okhubasandya. Mbawoolera, omusuku acha okhuta balala khwinywe mwijeera okhubakhema, khandi mucha okhuwona esaando y’endaalo ekhumi. Mube abamasima, ata okhwoola khusikha esy’okhufwa. Khandi ndibawa engule ey’owulamu. 11. Oyo oli nende okhutwi, awulire omwoyo syawolera amakanisa. Oyo owangula syaliwumiya ata nende okhufwa okhw’okhubiri.12. “Eyiri malayika owekanisa mu Perugamo andiika ati: chino nje emboosi ch’oyo oli nende okukhande kwooki ewuleka ne’wuleka. 13. Manyire y’omenya__ yi Sitaani ali nesisaala sy’owenengo waye. Ate nga osikala owamasima khu lita lyange. Siwekaana enfukiirira yawo mwiise, ata nende mu ndaalo cha Antipa, omujulisi wange omwesikwa, yibetera mu siko syawo__ yi sitaani kamenya.14. Ne lusyakhaba siityo, ndi ne biitu bitono binkhwekanyisakho: oli nende abaatu eyo abeddiira khu nsomesa ya Bbalamu, owasomesa Bbalaki okhwingisa aba Yisirayiri mu sibi nga balya eby’okhulya bibaweresanga emisambwa khandi nende okhukholanga owudamba. 15. Mu mbya nasirala ewe weesi oli nende abo abediira khu khusomesa khwa Nikolayiti.16. Nolwesyo weyolobye! Nisitaba siityo, nja okhwicha wangu yuli khandi ndibalwaniya nende okukhande okwo’mukhanwa wange. 17. Oyo oli nende okhutwi, akhoya awulire omwoyo syawoola eyiri amakanisa. Eyiri oyo owangula, ndimuwa khu mannu eyakisiwa. Khandi ndimuwa ekina erafu eriri nende eriita eyaakha niriwandiikirwekho, nga limanyirwe nende oyo yeŋŋene olifuna.18. “Eyiri malayika owekanisa mu Suwatira andiika ati: chino nje emboosi ech’omwana wa Weere, owe’moni echememula ng’omuliro khandi owamakulu akali nga omugasa okuli mu kuliro kungi. 19. Manyire ebikholwa byawo, okhudakha khwawo nende enfukiirira, owuweresa wawo nende okhwesimiirisa, khandi nga wunanu okhola okhukhirakho nga niwakhola olwataangira.20. Asyakhaba siityo, ndi okhukhwekanyisakho mu sino: Ogumira omukhasi ola Yeseberi, oweranga okhuba nabbi omukhasi. No’khusomesa khwaye akodya abakhosi bange nabayira mu wudamba nende mu khulya ebyo’khulya bibaweresa emisambwa. 21. Muweeye ebikha keyolobye owubi waye, naye syakanya.22. Manu nja okhumukhubba khu sitanda esy’okhusanda, khandi nja okhukhola abo abakhola owudamba ni naye basande lukali weene, okhutusakho nga beyolobya khu makira kaye. 23. Ndikhubba abaana baye bafwa. Manu amakanisa kosi koosi kalimanya kaati niise oyo okonya emyoyo nende ebibaaso, khandi ndisasula nawuli syamulala khwinywe okhwema khu bikholwa byenywe nga lubiri.24. Wunanu mbolera enywe abasikaaye mu Suwatira, eyiri enywe abatediira khu nsomesa yaye khandi nga mutamanya Sitaani byalanga ati byaama byaye ebyo’mukati (sinja khubatakho enywe owusito wundi): 25. Mwediire wusa khu bimulinabyo okhwoosa lu nakheche.26. Eyiri oyo owangula khandi kakhola bindakha okhwoola khunjakamo¬¬,ndimuwa owunyala khubyaalo byoosi_ 27. ‘Alibafuka nende endawukhi eyesichuuma;alibasukuna nga ebikolonjo eby’entamu’__wusa nga ninfunire owunyala okhutula eyiri Bbaabbaa. 28. Khandi ndimuwa eηηiniηηini ey’echuli. 29. Oyo oli nende okhutwi, akhoyire awulire Omwooyo syawoola eyiri amakanisa

Chapter 3

1Eyiri malayika owekanisa mu Saadi andiika ati: chino nje emboosi ech’oyo odiira emyooyo musanfu echa Weere nende eηiniηini musanfu. Manyire ebikholwa byawo; oli nende eriita eryo’khuba omulamu, naye oli mufu. 2. Sisimukha! Yomiisa ebisikala ebiri ambi okhufwa, olwokhuba simbukaanire ebikholwa byawo nibichufu mu moni cha Weere wange.3. Nolwesyo, yichulisa, siwakhafunakho khandi wawulira; sifukiirire khandi weyolobye. Naye ni mutasisimukha, ndiicha nga omwiibi, khandi syulimanya bikha siina bindichiramo yuuli. 4. Ate nga oli nende abaatu batono mu Saadi abatachafuwasa enguwo chawe. Balikenda nange, nibambaaye ebirafu, olwokhuba bakhoyera5. Oyo owangula, okhubafwanana alyambala ebirafu. Sinditusa liita lyaye mu sitawo sy’owulamu, naye nditumbula eriita lyaye mu moni cha Bbaabbaa nende ba malayika baye. 6. Oyo oli nende okhutwi, akhoyire awulire Omwooyo syawoola eyiri amakanisa.7. “Eyiri malayika ow’ekanisa mu Firaderufwiya andiika ati: chino nje emboosi ch’oyo omwolerefu khandi owamasima, owadiira esisimuluso sya Dawudi. Nikekulawo yiwuma onyala kekalawo, khandi sikeekala yiwuma onyala kekula. 8. Manyire ebikholwa byawo. Wona, nteye yuli olwiki olwikule lu mutu yeesi atanyala kekala. Manyire nti oli nende amaani matono, ni olindire emboosi yange khandi khaba siwekaanire eriita lyange.9. Nja okhukhola abo abo luwusano lwa Sitaani, aberanga okhuba aba Yudaaya ate nga sibali, naye nga babacha__ ndibakhola becha bakwa asi wa makulu kawo kho bafukiirire baati nkhudakha. 10. Khasita odiiye esiragiro syange wesimirisa wulayi, seesi nja okhukhulinda okhutula khu saawa eyo’khukhemewa eyicha okhwikha khu syaalo syoosi okhukhema abo abamenya khu syaalo. 11. Niicha wangu. Yomiisa syuli nasyo, kho omutu wundi akhaye okhuyira engule yawo.12. Oyo owangula ndimufuula okhuba ensiiro mu nyumba ya Weere wange. Syacha okhuyitulamo lundi. Ndimuwandikakho eriita lya Weere wange nende eriita ly’esiko sya Weere wange, Yerusalemi embyakha, eyikha okhutula mwikulu okhutula eyiri Weere wange; khandi ndi muwandikakho eriitta lyange eyaakha. 13. Oyo oli nende okhutwi, akhoyire awulire Omwoyo syawoolera amakanisa.14. “Eyiri malayika ow’ekanisa mu Lawodikiya andiika ati: chino nje emboosi cha Amiina, omwesikwa khandi omujjulisi owamasima, omutuki webironge bya Weere. 15. Manyire ebikholwa byawo, nga syuli omunyifu oba omubafu. Siba nisinyalikha wakhabeye sirala khu byombi! 16. Manu olwokhuba oli omudunduumu__ nga syuli omubafu khandi nga syuli omunyifu__ ndi ambi okhukhufucha okhutula mukhanwa wange.17. Owoola oti, “Ndi omuyiinda; nafuna owuyiinda khandi mbuma sinekomba. Naye syumanyire oti oli omuwati, osasirwa, omuwofu khandi oli sichula. 18. Nkhukeraka wungulekho esabbu eyabita mu muliro kho onyale okhuba omuyiinda, nende enguwo endafu ech’okhwambala kho onyale okhuwikha khu wumachula wawo owensoni; nende amate ok’okhubakha khu moni chawo, kho onyale okhuwona19. Abo bandakha mbakhamukhira khandi mbakerakira. Manu ba omumalirifu, khandi weyolobye. 20. Mbano ndi ano! Nemire amulyango nkhoηonda. Omutu yesi yeesi owulira ekono lyange manu kekulawo omulyaango, ndingira khandi nalya ni naye, khandi yesi atyo nange.21. Eyiri oyo owangula, ndimuwa owunyala okhwikhala nange khu sisaala syange esy’owen’engo, wusa nga ni nawangula khandi nekhala assi nende laata yange khu sisaala esy’owen’engo waye. 22. Oyo oli nende okhutwi, akhoyire awulire omwoyo syawoola eyiri amakanisa.

Chapter 4

1Binno nibiweye natingala, nawona emutwe wange omulyango ni kwemire nga mwikule mwikulu. Khandi nende ekono linawulira olwamberi nirinomalomera ng’eturumbeete niriwoola liiti, “Yicha eno, male nkhwekese ebiri n’ okhulondakho bino nibiweeye.” 2. Wangu weene nali mumwoyo mu moni wange yaliyo esisaala esy’owen’engo nende owali nasikhaayekho. 3. Khandi oyo owasiikhalakho kali afwana, nga amakina akamekhamekhana aka Yasepi nende Sadiyo. Lufudu, ofwaana nende ekina lilangiwa mbo Sunalidi niryewodokhanisye esisaala syo’wen’engo.4. Okhwewodokhaniya esisaala sy’owen’engo byaliyo ebisaala bindi amakhumi kabiri nende bine eby’owen’engo, nga ababikhaayekho bali abakhulutu amakhumi kabiri nende bane. Bali bambaaye ebirafu nende engule che Sabbu khu mitwe chawe. 5. Okhumyesukha okhwekhubba khwatula mu bisaala by’owen’engo, amakono nende okhwadulukha khwe’nfula. Emutwe wesisaala sy’owenengo, yaliyo amataara musanfu akali nikamekhamekhana chino nje emyoyo musanfu echa Weere.6. Khandi emutwe we’sisaala sy’owen’engo yaliyo esyali ne’fwaana nga okuyanja okwegiraasi, niyimekhamekhana nga’makina akenfula. Akati weene, okhwewodokhoniya esisaala esy’owen’engo, yaliyo ebiitu ebyalongewa ebiramu bine, khandi nga bichuuye emoni, emutwe nende emukongo.7. Esironge esiramu esyamberi syali nga edalaηηi, esy’okhubiri syali nga esirusi, esyo’khudatu syali no’weeni nga omuutu, esyokhune syali nga ekholi eribburukha. 8. Nawuli sirala khubironge bine syali nende embaya mukaaga khandi nga siwikhiiwe nende emoni syosi syoosi, ata nende mukati w’embaya. Esideete nende esiro sibyakhayanga okhuwoola biiti: “Omwolerefu, omwolerefu, omwolerefunje Omwami Weere owo’wunyala wosi woosi,Owali, khandi oliwo, khandi oliicha.”9. Nawuli biramu bironge ni byawanga oluyaali, okhwinamirwa nende okhwebasa eyiri oyo owikhala khu sisaala sy’owen’engo khandi oliwo emirembe n’emirembe, 10abakhulutu amakhumi kabiri nende bane bakwa assi wooyo owikhala khu sisaala sy’owen’engo khandi bamwekalikhira oyo obaawo emirembe ne’mirembe. Baala engule chawe mu moni ch’esisaala sy’owen’engo ni bawoola baati: 11“Okhoyera, Omwami wefwe khandi Weere, okhufuna oluyaali nende okhwinamirwa nende owunyala, olwokhuba walonga ebiitu byoosi,khandi no’khudakha khwawo byalongewa khakira biriwo.”

Chapter 5

1Ni khandi necha nawona mu mukhono omulungi okwoyo owekhala khu sisaala esy’owen’engo esitawo esikhale nisirikho owuwandiike khu mbaande chombi khandi nisirikho emikhuuru musanfu. 2. Khandi nawona malayika owa’maani mwene nalangirira mu kono ery’amukulu ati, “Nanu okhoyera okhusangula emikhuuru chino khandi kekulawo esitawo?”3. Naye yiwuma mutu ata mulala mwikulu oba khu syaalo oba asi we syaalo owanyala okhwikula esitawo esyo ata no’khutingaalamo mukati wasyo. 4. Nalira khandi naalira olwokhuba yawumayo omutu owali nakhoyera okhwikula esitawo ata okhutingalamo mukati wasyo. 5. Ne mulala khu bakhulutu kamboolera ati, “Otalira! Wona, Edalaηηi ye gwanga lya Yuda, omulandira kwa Daudi awanguuye. Anyala okhwikulawo esitawo nende emikhuuru chasyo musanfu.”6. Khandi necha nawona ekoondi doto, niriri nga libakhengire, niryemire akati we sisaala esy’owen’engo niryewodokhanisirwe nende ebiloonge biramu bira nende abakhulutu. Lysali nende enjika musanfu nende emoni musanfu, nga nje emyooyo musanfu echa Weere nichatumiwa mu syaalo syoosi. 7. Kecha katusa esitawo mu mukhono omulungi okwooyo owekhala khu sisaala esy’owen’engo.8. Khandi nikali namalire okhusiyira, ebiramu bine ebyalongewa nende abakhulutu bala amakhumi kabiri nende bane bakwa assi mu moni cha khakoondi akhadoto. Nawuli otula kali nende erere khandi nibadiiye ebbakuli eche Saabu echichuuye owubbani, nga nje okhwekalikhira okhw’abolerefu.9Manu bemba olwembo oluyaakha baati: “Niiwe okhoyera okhuwukula esitawo esyonende okhwikula emikhuuru chasyo,olwokhuba wetewa,khandi namabanga kawo wakulira Weere abaatuOkhutula mu wuli gwanga nende oluliminende abaatu nende okwaalo. 10. Obakholire okhuba owen’engo nende bakhawona okhukholera Weere wefwe,khandi balituka khu syaalo.”11. Manu necha natingaala khandi nawulira ekono lya bamalayika abangi, nga bali elifu ne’lifu, khandi amakhabi omutwaalo. Bewodookhaniya esisaala esy’owen’engo nende ebiramu biloonge nende abakhulutu. 12. Mu kono eryamukulu bemba baati: “Okhoyera nje ekoondi edoto, eryetewa,okhufuna owunyala nende owuyiinda nende amakesinende amaani nende okhwinamirwa nende oluyaali nende okhukinisiwa!”13. Manu nawulira nawuli sironge mwikulu nende khu syaalo nende assi w’esyaalo nende khu kuyanja, nende ebyo byosi byoosi ebibirimo, nibyemba biiti: “Eyiri oyo owikhala khu sisaala sy’owen’engonende eyiri ekoondi edoto abe nende okhukinisiwanende oluyaali no’wunyala, na’maaniemirembe ne’mirembe!” 14. Ebiramu biloonge bine byawoola biiti, “Amiina,” khandi abakhuluutu bakwa assi bekalikhira.

Chapter 6

1Newunja nga akhakoondi khadoto lu khekula omukhuuru kusookha khu mikhuuru musanfu. Khandi nawulira sirala khu bironge bine nisiwoola mukono khongo nga enkhubba siiti, “Yicha!” 2. Newunja, nawona emutwe wange aliwo ensukhiri ndafu! Omwirusi wayo kali adiye oluyiingo, ne kayeresewa engule khandi kerusya natula ng’okhira ocha okhukhira.3. Akhakondi khadoto ni khekulawo omukhuru kw’okhubiri, nawulira esilonge silamu esy’okhubiri nisiwoola siiti, “Yicha!” 4. Olwo ensukhiri yindi ey’okhubiri enjalaba yatula eyifwana mabanga. Omwirusi wayo kaweresewa amaani okhuyiyira emirembe okhutula khu syaalo khandi n’okhukhola abaatu okhwitana abeene na’beene. Yee kayereswa okukhande okw’owoki embaande chombi.5. Akhakoondi khadoto ni khekula omukhuuru kw’okhudatu, nawulira esiloonge silamu esy’okhudatu nisiwoola siiti, “Yicha!” Newunja, khandi eyo mu moni change yaliyo ensukhiri mali! Omwirusi wayo kali adiye eratiri chibiri mu mukhono kwaye. 6. Khandi nawulira esyafuka nge’kono ery’esilonge sy’okhune nisiwoola siiti, “Sirala syo’khune esye’kilo eye ηηano khu lw’omusaara kwo’ludaalo, nende ekilo chidatu echamabere khu lw’omusaara kw’oludaalo, khandi otanyaasa amafuta nende amalwa!”7. Ne akhakoondi khadoto ni khekula omukhuru kw’okhune, nawulira ekono ly’esilonge sy’okhune nisiwoola siiti, “Yicha!” 8. Newunja, khandi awo mu moni change aliwo ensukhiri yisiwuukhire! Omwirusi wayo ngalangiwa ati okhufwa, amakombe nga kamulondakho na awambi emukongo waye. Baweresewa amaani okhukhulira sirala sy’okhune esy’esyaalo okhwitta nibikhosesa okukhande, enjala, ne’ndwaye, nende ekisolo ch’omwinyasi khu syaalo.9. Nikekula omukhuru kw’okhutaanu, nawona asi w’olutaari emyoyo echabo abali nibakhengewa olw’emboosi ya Weere nende owujjulisi wubali bomisise. 10. Balanga mu kono ly’amukulu, baati, “Siriyira mbaka si, omwami w’owunyala, omwolerefu, khandi owa masima, lw’olyolera okhukhengera abaatu b’okhusyaalo wabawoneresa olwa’mabanga?” 11. Wunanu wuli otula khubo kaweresewa eganjuula elafu, khandi bawolerwa okhulindakhokho wutono, okhwola enamba njichufu eya bakhosi basyawe, abaana bawe basoliri nabakhana, khubetewa wusa nga lubali bakholirwe.12. Newunja nga lukekula omukhuru kwo’mukaaga. Aliwo okhutenga khwamakana okhwe’syaalo. Omubasu kwachuukha kwaba siirema nga enguwo yekuniya eyakholewa muwoya we’mbusi, omwesi kwoosi kwakalukhana kwaba mabanga, 13nende eηiniηini khukulu chakwa khu syaalo, ng’emituli mibisi luchikwa nichitula khu musaala mutuli nikudenganisiwa no muyaka kufuuwa n’amaani. 14. Ekulu lyakhamyukhawo ngo’lupapula, lyafumbiwa, nende wuli ngulu ne’bisiinga byatusiwawo mu sifwo syabyo.15. Manu abene’ngo bo’khusyaalo, abasoliri ba bene’ngo, nende abakali mu maye, abayiinda, abamakana, nende nawuli muwambe no’mulekhule bekisa mu nηungu nende mu makina ko’khungulu. 16. Balaanga engulu namakina nibawoola baati, “Mutukwekho mutukise mu moni cho’yo owikhala khu sisala syo’wene’ngo nende khuttima lya khakondi khadoto! 17. Khuba oludaalo lwamakana olwe’tima lyawe lwolire, khandi nanu onyala ka ligumira?”

Chapter 7

1Bino nibyakhawa nawona ba malayika bane nibemire mu soonda chine eche’syaalo, nibadiririye amabewo kane ake’syaalo okhukayira embewo yoosi okhutawuucha khusyaalo, oba khu kuyanja oba khu musaala kwoosi. 2. Awo nawona malayika wundi natulira ewutula lyuba, nali no’mukhuuru kwa Weere mulamu. Kalanga mu kono khongo bamalayika bano bane abali nibayeresewa owunyala wo’khunyaasa esyaalo nende okuyanja: 3“Mutanyasa esyaalo oba okuyanja oba emisaala nikhutata omukhuuru khu weeni wa bakhosi aba Weere wefwe omulamu.”4. Khandi nawulira owungi wabo abali nibatewakho omukhuuru: 144,000 okhutula mu nyanyi choosi echa Yisirayiri. 5. Okhutula mu lwanyi lwa Yuda bali 12,000 abalikho omukhuuru, okhutula mu lwanyi lwa Leubbeni 12,000, okhutula mu lwanyi lwa Gadi 12,000, 6okhutula mu lwanyi lwa Asheri 12,000, okhutula mu lwanyi lwa Nafutali 12,000, okhutula mu lwanyi Manase 12,000,7. okhutula mu lwanyi lwa Simoni 12,000, okhutula mu lwanyi lwa Lefwi 12,000, okhutula khu lwanyi lwa Isaka 12,000, 8. ohutula mu lwanyi lwa Sebulooni 12,000, okhutula mu lwanyi lwa Yosefu 12,000, okhutula mu lwanyi lwa Benyamini 12,000.9. Bino nibyawa ne’wuunja emutwe wange aliwo okudiikha kwamaani eyiwuma onyala kakubala, okhutula mu wuli syaalo, wuli gwanga, abaatu no’lulimi, nibemire emutwe w’esisaala syo’wene’ngo nende emutwe wa khakondi khayere. Bali bambaye amaganjuula malafu nibadiiye amasaga ke’misaasa mu makhono kawe. 10. Khandi balira mukono lya’mukulu baati: “Okhuwonesewa khwa Weere weefwe, owikhala khu sisaala sy’owene’ngo, nende eyiri akhakondi khadoto.”11Bamalayika bosi boosi bali bemire nibewodokhanisye esisala sy’owen’engo no’khwewodokhana abakhulutu nende ebiitu Weere bikalonga bine. Bakwa khu makulu n’oweeni wawe emutwe we sisaala sy’owen’engo nibamwinamira nga bawoola baati: 12“Amiina! Enfuma no’luyaali na’makesi no’khwebasa no’khukinisiwa owunyala namaani bibe khu Weere weefwe endaalo choosi Amiina!”13. Awo mulala khu bakhulutu kanteeba ati, “Nibano abali mu maganjula malafu__ nje ba nanu, khandi batula yeena?” 14. Nakowoolamo nti, “Ssebo, omanyire.” Naye kawoola ati, “Bano nje abo abatulire mu khusandisiwa khwa’maani; bosise amaganjuula kaawe banyala okhukalabya bakakhola kalafuwa okhubita mu mabaanga k’akhakoondi khadoto.15. Nolwesyo, “bali mu moni chesisaala sy’owene’ngo sya Weere khandi bamuweresa esideete nesiro mu nyumba yaye; khandi ye owikhala khu sisaala sy’owen’engo kecha okhubabambulirakho eweema yaye. 16. “Si balikowolamo khandi okhuwulira enjala; si balikowolamo khandi okhuwulira owuluwo. Omubasu si kulibakhubba,” Oba owubafu wusaamba lukali. 17. Khuba akhakoondi khayere nga khali akati w’esisaala sy’owen’engo nje akhaliba omwaayi wawe; khalibatangirira eyiri ensulo cha’maachi ko’wulamu. Nende Weere alibasimuula wuli sika khu moni chawe.”

Chapter 8

1Nikekulawo omukhuuru kwo’musanfu, aliwo okhuwuleera mukulu okhwamala ambi esitundu sye saawa. 2. Khandi nawona malayika musanfu abeema awambi nende Weere, nende etuturumbete musanfu echabaweresewa.3. Malayika wundi, owali nakhakombe khe’saabbu, kecha nikema khu alutaari. Kaweresewa owubbani wungi okhuwaayo, alala no’khwekalikhira khwa’bolerefu boosi, khu alutaari y’esaabbu emutwe w’esisaala sy’owen’engo. 4. Omwosi kwo’wubbani, alala no’khwekalikhira khw’abolerefu boosi, byacha amukulu ewa Weere okhutula mu mukhono kwa malayika. 5. Awene awo malayika kawukula akhakombe kho’wubbani kakhechusamo omuliro okhutula khu alutaari, kakhasukuna khu syaalo; khandi awo wechawo okhuchanjaalikhana khw’enkhubba, okhududuma, okhumyesukhana khw’olumyesu n’okhudengana khw’esyaalo.6. Awo ba Malayika abali na’maturumbete musanfu batekekha okhukakhubba. 7. Malayika wasokha kakhubba eturumbete yaye nawene awo echawo amakina kenfula n’omuliro ni bidubaniye na’mabaanga, bino bya sukuniwa asi khu syaalo. Sirala sy’okhudatu esy’esyaalo sya sambiwa syawawo, sirala syo’khudatu esy’emisaala sya sambiwa, n’enyasi lifana wunyasi lya sambiwa lyawawo.8Malayika wo’khubiri kakhuba eturumbete yaye, n’esiitu syali ng’olugulu, lukhongo niludiye omuliro, syasukuniwa mu kuyanja. Sirala sy’okhudatu sy’okuyanja syakalukhana syafana mabaanga, 9sirala sy’okhudatu sy’ebiitu byalongewa mu kuyanja byafwa, khandi sirala sy’okhudatu sy’emeeri ch’ononewa10. Malayika w’okhudatu kakhubba enturumbete yaye khandi eηiniηini ngali, niyadukha ng’etoki, yakwa okhutula khu kulu khu sirala sy’okhudatu sy’emyaalo nende khusulo chamaachi__ 11eriita lye’ηiniηini lyali akhawukha kho’lubbawo. Sirala sy’okhudatu sya maachi kakalukhana amalulu, ne abaatu bangi bafwa olwa’maachi kakalukhana kaba malulu.12Malayika wo’khune kakhuba eturumbete yaye, khandi sirala syo’khudatu esyo’mubasu sya’khubbiwa, sirala syo’khudatu syo’mwesi nende sirala syo’khudatu sye’ηiniηini, kho sinyalikhe sirala syo’khudatu khubyo byakalukhana sirema. Sirala syo’khudatu syo’ludaalo syawuma owulafu khandi ne’siro syosi.13. Nga lunali ne’wunjire, nawulira ekhokhotole eryali niribburukha akati wembewo, nirilangirira mu kono khongo liiti: nga chibakanire!, chibakanire! Chibakanire khulwa’bamenyi bo khu syaalo, eturumbeete chicha khu khubbiwa nende ba malayika bandi badatu!”

Chapter 9

1Malayika wo’khutaanu kakhubba eturumbete yaye, khandi nawona eηiniηini eyali niyikwiye okhutula khu kulu paka khu syaalo. Eηiniηini yayeresewa olusumuluso lwe’syaalo asi ekotero. 2. Nikekulawo esyaalo syawasi kotero, omwoosi kwatulamo okuli nga mwoosi kwafudumukha nga okutula khu kuliro kukhongo eryuba nende amukulu bya maliyisiwa no’mwoosi okutula asi kotero.3. Ne mu mwosi mwatulamo ensike chekha khu syaalo chaweresewa owunyala owakakana nende ow’otweere cho’khu syaalo. 4. Chakaniwa okhutawumisa enyasi lyo’khu syaalo oba esyaamo ata omusaala kwoosi, naye abaatu abo boηηene abatalikho omukhuuru kwa Weere khu weeni wawe.5. Sichayeresewa owunyala okhubeeta naye okhubasandya khwoηηene okhumala emyesi chitaanu. Ne’ngisa chabakaana chali ngo’khuwochewa khw’otweere niyiwochire omuutu. 6. Mu ndaalo echo abaatu balyekomba okhufwa, ne sibali khwakana; balyekomba okhufwa, naye nga okhufwa khuliberukha.7. Ensike chali oti fwana ensukhiri echitekekhirwe eye. Khu mitwe chacho chambala esiitu siri nge’ngule ye’feesa, no’weeni wacho nga wufwana oweeni owabaatu. 8. Efwiiri lyacho lyali nge’fwiri lya’bakhasi, khandi na’meeno kacho kali nga ake’dalaŋηi. 9Chali nebyuma byambaliwa khu sirifu ebyali nge’bibya, khandi no’lukheero lwe’mbaya lwali nge’nkhubba ye’nsukhiri nyingi echikingire abalwani abeyuna okhucha okhulwana10. Chali n’emikhinga chalikho entununu ngo’tweere, khandi mu mikhinga chacho chali n’owunyala ow’okhusandya abaatu okhumala emyesi chitaanu. 11. Chali nende owali nga omwene’ngo obakhulira malayika wa asi, owali ne’riita mu lwe’Bulaniya nga nje Abadooni, ne mu Luyonaani nga nje Apolyooni. 12. Esiwonereso sisokha siweye; bibiri biriyo biicha.13. Malayika wo’mukaga kakhubba eturembete yaye, khandi nawulira ekono niritula mu njika chine echa olutaari ye’fweesa eyali mu moni cha Weere. 14. Lyawolera malayika wo’mukaaga owali ne turumbeete liiti, “Lekhula ba malayika bane bala abawoyewa khu mwalo mukali okwa Yufeerete.” 15. Ne ba malayika bano bane abali nibabikhirwe nibetekefu khu lwe’saawa yene yino, no’ludaalo khandi no’mwesi no’mwaka balekhuliwa okhwita esitundu syo’khudatu esyo’muutu yeesi.16. Owungi wabo abali baninire khu nsukhiri bali emilyoni emya chibiri. Nawulira owungi wawe. 17. Ensukhiri nabachirusya banawona mu khuwonekherwa bafwana baati: ebyuma byo’khusirifu byali ebya mabanga, nga cha rabboki, nende namuki ngo’khwadukha khwe’sibiriiti. Emitwe ch’ensukhiri nga chifana nge’mitwe che’dalanηi, ne mu minwa chacho nga chitulamo omuliro, no’mwosi no’muliro.18. Sirala syo’khudatu syo’mutu syetewa nende endwaye chino chidatu echo’muliro, omwosi nende omuliro kwe’sibiriti okutula mu minwa chacho. 19. Amaani ak’ensukhiri kali mu minwa chacho nende mu mikhinga chacho; khuba emikhinga chacho chali nge’njokha, echirikho emitwe chi chakhosesanga okhuwumisa abaatu.20. Abaatu boosi abali basikaye nibatetewa n’endwaye chino basikala nibateyolobisye emirimo cha makhono kawe; basikala nibatalekheye okhwinamira emisambwa nebilongalonge ebyakholewa mu feesa, saabu, mu mugasa, mu makina ne’mbaawo__ ebifwananyi ebitanyala khuwona, okhuwulira oba okhukenda. 21. Ata sibanyala okhweyolobya owiiti wawe, owukholi wa mayiya kawe, owudamba wawe oba owiibi wawe.

Chapter 10

1Olwo nawona malayika wa makana wundi nikekha asi okhutulo mukulu. Kawoyewa mu ganjula mu sireesi, nende lufudu amukulu wo’mutwe kwaye; oweni waye wali nge’ryuba, namakulu kaye kali nga’matakoola ko’muliro. 2. Kali adiye olupapula lutono, olwali lubambule mu mukhono kwaye. Kataaka okhukulu khwaye khulungi mu kuyanja no’khukulu khukooda mu syaalo,3manu kakhumula nekono kali ng’okhwaana khwe’dalaηηi. Nikamala okhukhumula, amakono akekhubba musanfu kaddulukha. 4. Ne enkhubba chino munsafu nichalomaloma, nali awambi okhuwandiika; ne nawulira ekono nirutula mukulu niriwola liiti, “Khubba omukhuuru khu mboosi echibeye mu khwadulukha musanfu ne syochiwandika.”5. Manu malayika ese yinali nimbwene nikemire khu kuyanja nende khu syaalo kasingisa omukhono kwaye mulungi eyiri ekulu. 6. Manu kamala kalayira mu litta lyoyo omulamu emirembe ne’mirembe, owalonga ekulu nebyo byoosi ebiririmo, esyaalo nebyo ebisirimo, no’kuyanja nebyo ebikulimo kamala kawola ati, “Siyecha khubawo esyo’khulindya ata nawutono lundi! 7. Naye mu ndaalo cha malayika wo’musanfu nichali chiri ambi okhukhubba eturumbete yaye, ebye’syama sya Weere bicha okhwolerera, wusa nga lukalangirira eyiri abakhosi baye banabbi.”8. Manu ekono linali nimbuliye okhutula mukulu khandi lyalomaloma yiindi liiti, “Cha, owukule olupapula luwikhule oluli mu mukhono kwa malayika owemire khu kuyanja no’khu syaalo.” 9. Ne nacha eyiri malayika namusaba kambe olupapula lutono. Kambola ati, “Luwukule omale olulye. Lwicha okhukalukhaniya enda yawo yiluluwe, ne’mukhanwa wawo lwicha okhuba lunyunyula ngo’wuwukhi.”10. Nawukula olupapula lutono okhutula mu mukhono kwa malayika nalulya. Lwali lunyunyula ngo’wuwukhi mu khanwa wange. Ne ninali nimalire okhululya, enda yange yaluluwa. 11. Bambolera baati, “otekwa okhulakula khu baatu bangi, ebyaalo, enimi nende abene’ngo.”

Chapter 11

1Naweresewa esibya esifwana nge’kadda nga esipiimo syo’khukerera khandi nawolerwa nti, “Cha okere enyumba ya Weere nende alutaari, khandi obale abasaba bali awo. 2. Naye otatakho esisenge sye’rwanyi; otasikera, khu lwokhuba syayeresewa abateende. Balisenakirira esifwo syolerefu okhumala embaka ye’myeesi 42.3. Nja okhuwa abajjulisi bange babiri owunyala, bamale balakule okhumala endaalo 1260, nibali mu byambalo byamaguniya.” 4. Chino nje’misaala mituli chibiri khandi ne bisindi bibiri ebya’mataara akeema mu moni cho’mwami owo’khusyaalo. 5. Nisiba mbo omutu yeesi akesakho okhubakholakho esibi, omuliro kutula mu minwa chawe chamalawo abasuku bawe. Yino nje engeri omutu yeesi odakha okhubakholakho abo owubi atekwa okhufwa.6. Bano baatu bali no’wunyala okhwikala ekulu enfula yikhaye okhukwa mu bikha bibaba balakula; khandi bali no’wunyala okhukalukhaniya amaachi kafukha amabaanga khandi bali no’wunyala owukhubba esyaalo no’lumbe lwawe olwa wuli nkholo mu bikha bibadakhiyemo. 7. Wunanu nibaba ni bamalire okhuwuulira emboosi, okusolo kucha okhutula yikwekhala kubaseete, kubakhise amaani, khandi kubeete.8. Emilambo chawe chicha okhukona khu makira ke’siko sikhongo, esifanirisiwa wusa syalangiwa Sodoma nende Misiri, eyo yosi Omwami wawe yibamukhomerera. 9. Okhumala endaalo chidatu ne’situndu abasaacha okhutula mu batu boosi, ebikha, enimi, ne’byaalo bicha okhwelolera emibiri chawe, khandi bachikayire okhusikhiwa.10. Abaatu bo’khusyaalo bacha wusa okhusangalira okhufwa bakowolayo batawo omuyumo no’khuweresaniya ebiyanwa, khulwokhuba ba nabbi bano babiri basandya abo abali abamenya khu syaalo. 11. Naye endaalo chidatu nesitundu ni chiweye omuuya kwo’wulamu okhutula eyiri Weere kwabengiramo, bema khu makuli kawe, okhutenga khwa’khubba abo abali ni babawene. 12. Olwo bawulira ekono khongo eritula mukulu niribawoola liiti, “Mwiche amukulu ano.” Bamala banina mukulu mu sireesi, abasiku baawe nibabewunjire.13. Mu saawa yene eyo aliwo embukuma yamaani nende eweema ye siko sikali yakwa. Abaatu elifu musanfu betewa mu mbukuma eyo, nabawonamo batenga lukali boola bawa Weere wo’mukulu oluyaali, 14engisa yo’khubiri yiweeye; engisa yo’khudatu yiicha wangu wene.15. Malayika wo’musanfu kakhubba eturumbete yaye, abawo amakono makhongo mukulu, kawoola ati: “Owene’ngo wo’khusyaalo wufukhire owene’ngo w’Omwami wefwe khandi owa Kuristo waye, khandi alifuka endaalo ne’ndaalo.”16. Khandi abakhulutu amakhumi kabiri nabane, abali nibekhaye khu bisaala byawe byo’wutuki mu moni cha Weere, benama oweeni wawe benamira Weere, 17nibawooola baati: “Khuwa okhwebasa yuli, Omwami Weere owamaani, oyo oliwo khandi owaliwo, khulwokhuba oyirire owunyala wawo wa’maani khandi ochakire okhutuka.18. Ebyaalo byali netima; khandi etima lyawo lichire. Ebikha byolire ebyo’khukhengera abafwa, n’okhuwa abakhosi bawo akhasiimo ba nabbi nabolerefu bawo nende abo abaweresanga eriita lyawo oluyaali, abatono nabakali__ no’khusikhirisa abo abasikhirisa esyaalo.”19. Olwo enyumba ya Weere mukulu yekuliwa, khandi mukati we nyumba ya Weere eryato lye’ndakano yaye lyawonekhana. Khandi echawo okhumyensukha khwe’khubba, no’khwaddulukhana khwe’khubba, okhudengana khwe’syaalo namakina kenfula masito ka’maani.

Chapter 12

1Esiwonero syamaani esyo’khuwuka sya wonekha mukulu: omukhasi nikambaye eryuba, no’mwesi asi wamakulu kaye ne’ngule ekhumi nachibiri eche’ηiniηini khu mutwe kwaye. 2. Kali ne’nda nga’lira mu wuchuuni nga lukali awambi okhwiwula3. Khandi akhawonero khandi khawonekhana mukulu: okuyokha okwamakana okufwana mabanga okwali ne’mitwe musanfu ne’njika ekhumi ne’ngule musanfu khu mutwe kwakwo. 4. Omukhinga kwakwo kweya sirala syo’khudatu sye’ηiniηini cho’khwikulu kwachichukha khu syaalo. Okuyokha kutisya kwema emutwe wo’mukhasi owali awambi okhwiwula, kho sibe mbo kunyale okhusenakirira nikunyoba omwana ebikha byoosi akewulirwa.5. Kewula omwana we’sisyani, omusoliri, ocha okhufuka ebyaalo byoosi no’lwayiro lwe’sichuuma. Khandi omwana waye kabbakhuliwa paka amukulu eyiri Weere no’khwola khu sisala syaye esyo’wutuki. 6. Omukhasi kerukha kacha mu sibarara musifwo Weere sikamutekekhera, yikakhalindiywe okhumala endaalo 1260.7. Khandi aliwo okhulwana eye mukulu. Mikayiri nende bamalayika baye balwanisa okuyokha, no’kuyokha kwosi nende bamalayika bakwo bosi balwaana nabo. 8. Naye sibali namaani kamala, sakira bakhirwa bafwirwa esifwo syawe mukulu. 9. Okuyokha kukali kwarugujiwa asi__ okuyokha okwa’khale okulangiwa omusiku oba setani, okosya esyaalo syoosi. Kwarugujiwa khu syaalo, nende ba malayika bakwo.10. Olwo nawulira ekono khongo okhutula mukulu niriwoola liiti: “Wunanu okhuwonesewa khwichire no’wunyala no’wenengo owa Weere weefwe, khandi no’wunyala wa Kurisito waye. Oba omuwaabi wa’baana beefwe, Oyo obawaabira mu moni cha Weere wefwe esideete ne’siro, amalire okhurugujiwa asi.11. Becha bamukhira okhubitira mu mabaanga akakhakoondi nende emboosi y’owujjulirwa wawe” sibadakha wulamu wawe lukali ata n’okhunywa okhutula mu khufwa. 12. Nolwesyo sangaala, enywe ekulu nende enywe abamenyamo! Ne chikhwakanire esyaalo nende okuyanja, khu lwokhuba omusiku kekhire asi yimuli! Kechusiwa ne’ttima, khulwokhuba amanyire ati ebikha byaye bimbikiti.”13. Ne okuyokha nikwawona kuuti kwali kurugujirwe khu syaalo, kwayiima omukhasi owali nikewuye omwana we’sisoliri. 14. Omukhasi kaweresewa embaya chibiri eche’khokhotole kali, kho sinyalikhe ye okhubburukha kole mu sifwo syamutekekherwa mu sibarara, yikakhalindiywe khu bikha, amakhabi n’esitundu sy’ebyo bikha, okuyokha yikutoola.15. Khandi okhutula mu munwa kw’okuyokha kwafucha amaachi ng’omwaalo, okhukhisa omukhasi khandi kamweyawo nikamubwomokhakho ngenfula yolukeka. 16. Naye esyaalo syayeda omukhasi syasama okhumira omwaalo okuyokha kukwabwomola okhutula mu munwa kwakwo. 17. Awo okuyokha kwadirwa ettima khu mukhasi kwatula okhuniya eye khu lwiwulo lwo’mukhasi__ 18abo abafukirira amalako ka Weere bomiisa owujjulisi wa Yesu.

Chapter 13

1Khandi okuyokha kwema khu ntulo wo’kuyanja. Okusolo Erwanyi wo’kuyanja.Khandi nawona okusolo nikwicha nikutula mu kuyanja. Kwali nenjika ekhumi ne’mitwe musanfu, ne’ngule ekhumi khu njika chakwo, ne khunawuli mutwe khwalikho eriita lyo’khufotokheresa. 2. Okusolo kunawona kwali kufwana ne’ngwe, ne kwali namakulu kafana nakenani no’munwa nga okweddalaηi. Okuyokha kwaweresa okusolo owunyala wakwo nesisaala syo’wutuki no’wunyala wubitirifu.3. Mulala khu mitwe cho’kusolo kwali nga kulikho ekonjo lya nawakhwaku. Esyaalo syosi syoosi syecha syawuka khandi syalonda okusolo. 4. Abaatu benamira okuyokha khu lwokhuba kwali kuweye okusolo owunyala, khandi bosi benamira okusolo khandi bateeba baati, “Nanu oli nga okusolo? Nanu onyala kakulwanisa mu’ye?”5. Okusolo kwaweresewa omunwa okufucha emboosi cho’khufwotokheresa khandi no’khukhosesa owunyala wakwo okhumala embaka ye’myeesi kane nachibiri. 6. Kwasama omunwa kwakwo okhufwotokheresa Weere, nesifwo sikamenyamo abamenya mukulu.7. Kwayeresewa amaani okhukhola eye nga kulwanisa abolerefu no’khubawangula. Khandi kwayeresewa owunyala khu wuli gwanga, baatu, enimi, nende nawuli syaalo. 8. Wuli mu menyi w’okhu syaalo alinamira okusolo__ abo boosi abatali na meta kawe mu sitawo syo’wulamu esya khakoondi khetewa okhutula mu khulongewa khwe’syaalo.9. Oyo oli no’khutwi, awulire. 10. Nisiba mbo omuutu akhoyire ayiriwe mu wuwaambe, mu wuwambe aliyiriwa. Ni abawo mbo wo’khwitiwa n’okukhande, no’kukhande alitiwa.Sino siba sidakha okhuba akhwekhalirikha, okhwesimirisa na’masima ka bolerefu.11. Awo khandi nawona okusolo kundi, nikutula mu loba. Kwali ne njika chibiri ngakhakondi, ne nga kulomaloma ngo okuyokha. 12. Kwekesa owunyala woosi nga owo’okusolo kwasokha mu sifwo syakula, khandi kwayinga esyaalo nabasimenyakho okhwinamira okusolo kwasokha, okwene konjo lya nawakhwaku elyali ni lyawona.13. Khandi kwakhola owuwonero wuwukya lukali, khandi nga kukhola omuliro nikukwa khu syaalo okhutula mukulu abaatu boosi nibakuwona mu wichufu. 14. Khulwo wuwonero kwaweresewa amaani okhukhola mu sifwo syo’kusolo kwasokha, kabachirisa abamenyi bo khu syaalo. Kabalagira okhutekekhawo esifananyi syo’luyaali lwo’kusolo nikwatewakho embala no’kukhande naye nga kusiiri kulamu.15. Kwaweresewa amaani okhuwa omuuya kwo’wulamu eyiri esifananyi esyo’kusolo kwasokha, kho kunyale okhulomaloma no’khukhola boosi abakhaya okhwinamira esifananyi okhwitiwa. 16. Okhumeeda khwisyo kwayinga wuli mulala, omutono no’mukali, omuyiinda no’muwati, omulekhule no’muwaambe, okhufuna akhawonero khu mukhono mulungi oba mu weeni, 17kho sibe mbo awumawo yeesi onyala okhukula oba okhukusa okhutusakho nga alikho akhawonero, nga nje eriita lyo’kusolo oba nj’enamba ye’riita lyakwo.18. Bino bidakha amakesi. Ni aliwo omutu yeesi owamakesi, akesekho abale enamba echo’kusolo, khulwokhuba enamba chakwo cho’muutu. Enamba chakwo chiri 666.

Chapter 14

1Khandi newunja, ne mumoni change aliwo akhakoondi nikhemire khu lugulu lwa Sayuni, ne alala nakho 144,000, abali neriita lyaye ne’rita lya simwana niryawandikiwa khu weeni wawe. 2. Khandi nawulira okhuwuuma okhutulira mukulu nikhuworoota nga okhuworoota khwa’maachi kerukha lukali khandi nga okhwadulukha khwenkhubba. Okhuwuuma khuno khunawulira khwali nga abakhubbi bamalere nibakhubba amalere kawe.3. Khandi bemba olwembo luyakha nga bembera esisala syo’wutuki khandi nga bembera ne bilonge biramu bine na bakhulutu. Awumawo omuutu yeesi owanyala okhweka olwembo okhutusakho bano 144,000 abali nibawonesewe okhutula khu syaalo. 4. Bano nje abo abali nibatanyasikha olwo khwekhubbaniya nabakhasi, khuba berinda ni bali endikho. Balonda Akhakoondi wuli yikhachanga. Bakuliwa okhutula mu basaacha khandi baweresewayo nga ebyamo bisokha eyiri Weere nakhakoondi. 5. Mu minwa chawe mwawumamo owubacha; bawumakho esyo’khubolobya.6Manu nawona malayika wundi nabburukha akati mu mbewo, ne kali nenjiri yitawawo eyo’khuwuulira eyiri abo abamenya khu syaalo__ eyiri wuli syaalo, khu nimi nabaatu. 7. Kawoola mu kono khongo, ati, “Tya Weere khandi muwe oluyaali, khulwo khuba esaawa yo’khukhengerwa emisango yolire. Mwinamire oyo owakhola ekulu, esyaalo, okuyanja ne’nsulo cha’maachi.”8. Malayika wo’khubiri kalondakho khandi kawoola ati, “Yikwiye! yikwiye nje Bbabbulooni ngali, eyakhola ebyaalo byoosi okhunywa omwenge okukwisakho elalu olw’owudamba wasyo.”9. Malayika wo’khudatu kabalondakho kabawola mukono khongo ati: “Ni abawo omuutu yeesi owinamira okusolo n’esifanani syakwo khandi kamala kafuna akhawonero khu weeni oba khu mukhono, 10ye, yesi, alinywa khu malwa aketima lya Weere, akachukhiwa mu maani matufu mu sikombe syetima lyaye. Alisandisiwa no’muliro kwadukha mu moni chaba malayika bolerefu nende Akhakoondi11. N’omwosi kutula khunsando yawe kuliniina endaalo ne’ndaalo. Awuma okhuwumula esiro nesideete eyiri abo abenamira okusolo nesifananyi syakwo, oba eyiri omuutu yeesi ofuna akhawonero khe’rita lyakwo.” 12. Sino sidakha okhuba abagumu okhwesimirisa khu luwande lwa’bolerefu abawulira ebiragiro bya Weere manu basikala ni bamasima eyiri Yesu.13. Khandi nawulira ekono okhutula mukulu niriwoola liiti, “Wandiika oti: Baweresewa enkhabi abafu abafwira mu mwami okhutula wunanu no’khuchanakana.” “Eee, Nje awoola omwoyo, “Baliwulukha mu mirimo chawe, khu lwokhuba ebikholwa byawe biribalondakho.”14. Newunja, khandi assi wange aliwo esireesi sirafu, ne khusireesi khwali khwikhayekho omuutu owali nga “omwana wo’muutu” nali nengule ye ssabbu khu mutwe kwaye ne’ngeso njoki mu mukhono kwaye. 15. Khandi malayika wundi katula mu nyumba ya Weere kalanga mu kono khongo oyo owali nikekhaye khu sireesi ati, “Wukula engeso yawo okese, khulwokhuba ebikha byo’khukesa byolire, ebyo’khukesa khwe’syaalo khulabire.” 16. Sakira oyo owali kekhaye khu sireesi kawuuba engeso yaye amukulu we’syaalo ne’syaalo sya’kesewa.17. Malayika wundi kecha katula mu nyumba ya Weere mukulu, khandi yesi kali ne’ngeso enjoki. 18. Lundi malayika wundi, nga nje olinda omuliro, katula khu alutari kalanga mu kono khongo oyo owali ne’ngeso enjoki ati, “Wukula engeso yawo enjoki owuse ebiwaku bye’misabbibbu che’syaalo, khuba emisabbibbu chakwo chilabire.”19. Malayika kawuuba engeso yaye enjoki khu syaalo, kawuusa emisabbibbu chasyo kachisukuna mu sikhunyiro sya’maani esyetima lya Weere. 20. Chasenakirwa mu sikhunyiro erwanyi wesiko, na’mabaanga kasulula nikatula mu sikhunyiro, nikanina nga ebikhandakiro by’ensukhiri olukendo oba owubambali efuti 1600 okhunina amukulu.

Chapter 15

1Nawona mukulu akhawonero khamaani khandi nga khamakana: malayika musanfu nende olumbe olusembayo amakhabi musanfu__ olusembayo, khulwokhuba mulwo etiima lya Weere liriba lyolereeye.2. Khandi nawona esyali sifwana ng’okuyanja kw’emonero okutawuywe no’muliro, nga kwemire ambi no’kuyanja, abo abali nibawanguye okusolo ne’sifwanani syakwo khandi amukulu wakwo ngo’wuungi we’ritta lyakwo. Badiira amalere akabayeresewa nende Weere3khandi bemba olwembo lwa Musa omukhosi wa Weere khandi no’lwembo lwa Khakoondi:“Bikali khandi byamakana nje ebikholwa byawo,Omwami Weere obakhira boosi.owakaniya khandi owamasima nje engira chawo,Omwene’ngo we’mirembe chosi choosi. 4. Omwami, nanu otalikhutya,No’khuleeta oluyaali khu riita lyawo? Khulwokhuba ewe weηene oli mwolerefu, ebyaalo byoosi biricha byakhwinamira mu moni chawo,khulwokhuba ebikholwa byawo bikololofu bimalire byakisuliwa.”5Bino nibiweye newunja mwikulu enyumba ya Weere, nga nje ensanduku eyo’wujulisi, eyekuliwawo. 6. Okhutula mu nyumba ya Weere mwatulamo bamalayika musanfu n’olumbe amakhabi musanfu. Nga bambasiiwe enguwo nyonjo, echimekhamekha nga bambasiiwe otujwenge twe feesa khu birifu okhwewodokhaniya.7. Nawo sirala khu bilonge bine ebilamu byawa bamalayika bano musanfu amabbakuli ke’feesa musanfu akechusiwa ne’tima lya Weere, obawo endaalo ne’ndaalo. 8. Khandi enyumba ya Weere yechusiwa n’omwoosi okutula khu luyaali lwa Weere nende khu maani kaye, yawuma omutu yeesi owakhanyala okhwingira mu nyumba ya Weere okhwola nga olumbe amakhabi musanfu olwa malayika musanfu niluweeye.

Chapter 16

1Khandi nawulira ekono elyamukulu okhutula mu nyumba ya Weere nirowoola ba malayika musanfu liiti, “Muche, muchukhe amabbakuli musanfu ake’tima lya Weere khu syaalo.”2. Malayika osokha kacha kachukha ebbakuli yaye khu lukerekha, amakonjo kachuna lukali kadiira abaatu abali nakhwawonero kho kusolo nga benamira esifwanani syakwo.3Malayika wo’khubiri kachukha ebbakuli yaye khu kuyanja, yakalukhana mabaanga nga’komusaacha mufu, nawuli silamu syali mu kuyanja syafwa.4. Malayika wo’khudatu kachukha ebbakuli yaye khu myaalo n’omunsulo cha’maachi, kafukha mabaanga. 5. Awo nawulira malayika olabirira amaachi nawoola ati: “Muli wusa mu khukhengerwa chino misaango, enywe abali nende abali, abo abolerefu, khulwokhuba mukhengire mutyo; 6khuba bedisa amabaanga kabolerefu bawo nende ba nabbi , khandi enywe mwabawa amabaanga okhunywa nga lubakhoyera.” 7. Khandi nawulira khu olutaari niyikowolamo yiiti: “Yee, Omwami Weere owamaani amasima no’khwakaniya, nje enkhenga yawo.”8. Malayika wo’khune kachukha ebbakuli yaye khu lyuba, ne’ryuba lyawewa amaani okhusamba abaatu no’muliro. 9. Basambiwa no’woki wo’wubafu khandi bawaaba eriita lya Weere, owali no’wunyala khu lumbe luno, ne bakaana okhweyolobya no’khumufumya.10. Malayika wo’khutaanu kachukha ebbakuli yaye khu sisala syo’wutuki syo’kusolo, no’wenengo wo’kusolo wakwa musireema. Abaatu bekukuna enimi chawe mu wuchuuni 11khandi bawaaba Weere wo mukulu khu lwa’machuuni kawe namakonjo, ne bakaana okhweyolobya khu ebyo bibali nibakholire.12. Malayika wo’mukaaga kachukha ebbakuli yaye khu mwaalo mukhongo Yufureeti, khandi amaachi kakwo kecha komerera okhutekekha engira Ya’bene’ngo batulira ewutula lyuba. 13. Olwo nawona emisambwa chidatu echali chifwana namakhere; chatula mu munwa kw’okuyokha, omunwa kw’okusolo, no’mu munwa kwo’mu nabbi mubacha. 14. Chali emyoyo che’misambwa echikhola owuwonero wa mayiya, nichitula erwanyi okhucha mu benengo be’syaalo syoosi okhubawuusa alala mukhulwana eye khu ludaalo lukhulutu olwa Weere wo wunyala woosi.15. “Mwekhalirise, nicha ngo’mwibi! Ali ne’nkhabi oyo osikala namoka khandi nga asikala ne’nguwo chaye, akhaye khusikala sichula nikanulukhire munsoni.” 16. Khandi bawuusa Abene’ngo alala mu sifwo silangiwa mu lwe’bbulaniya baati Arumagedoni.17. Malayika wo’musanfu kachukha ebbakuli yaye mu’mbewo, khandi mu nyumba ya Weere mwatulamo ekono khongo okhutula khu sisala sy’owutuki, niriwoola liiti, “Siweye!” 18. Awo echawo okhumyesukha khwo’wulafu, okhududuma, no’khumyesukha khwenkhubba khandi nende embukuma yitisya ey’esyaalo ey’amaani. Ali awumakhowo embukuma yitisya okhutula abaatu babe khu syaalo, okhutengerekha khwali okhwa’maani akabitiriye. 19. Esiko sikhulutu sya’kawukhanamo ebitundu bidatu, n’ebiko by’ebyaalo byawungulukha. Weere kakhewulira Bbabbilooni eya’maani khandi kayiwa esikombe esichuuye amalwa mululu ne’tima lyaye.20. Wuli sisinga syerukhayo n’engulu wakhaya okhuchakanawo. 21. Okhutula khukulu amakina kenfula masito akeratiri emya wuli litula kakwa khu baatu. Khandi bawaaba Weere okhwema khu lumbe olw’amakina kenfula, khu lwokhuba olumbe olwo lwali lw’amakana.

Chapter 17

1Mulala khu ba malayika musanfu owali ne’bbakuli musanfu kecha kambola ati, “Yicha, nja okhukhwekesa esiwonereso sya’malaya owa’maani, owikhala khu maachi mangi. 2. Nende abene’ngo bo khu syaalo abakhola owudamba khandi abatu bosi abo’khu syaalo bameera amalwa ko’wudaamba waye.”3. Khandi malayika kanginga kambira mu mwoyo khu sibbarara. Eyo nawonayo omukhasi owikhaye khu sisolo sifwana mabaanga esyalikho ameeta kafwotokheresa nga ali ne’mitwe musanfu ne’njika ekhumi. 4. Omukhasi kali kambaaye enguwo cho’mudowa kwa rabboki khandi nga mabaanga, khandi nga ffesa yimekhamekhana , namakina kebbeyi ako’wuyiinda. Kali adiiye esikombe sy’efeesa mu mukhono kwaye, nikwichuye ebiitu by’owuwemu ne’byowukhwe, nga bitula mu wudaamba waye. 5. Esiwandiiko sino syawandiikiwa mu weeni waye ni sisoma siiti: EBYEKISA BBABBILOONI SIKHULUTU MAMA WA BAMALAYA KHANDI NO’WUWEMU WE’SYAALO.6Nawona nti omukhasi kali nanyweye nameeye amabaanga ka bolerefu, amabanga kabo abali no’wujulisi khu Yesu. Ni namuwona, nesindukha lukali lwene. 7Awo malayika kamboola ati, “Lwasina wesindukha? Nicha okhukhwekesa esyama esyakisiwa esyo’mukhasi nende okusolo kukekhayekho okulikho emitwe musanfu ne’njika ekhumi.8. Okusolo, kuwawona kwaliwo, wunanu kuwumawo, khandi kulitula muliina litakama ni kumala kucha mu khusikhirisiwa khwakwo. Manu abaatu bamenya khu syaalo abali na’metta akatawandiikiwa mu sitawo esyo’wulamu okhutula esyaalo sichake balyesindukha lukali nibaliwona okusolo, khulwokhuba olwamberi kwaliwo, ni wunanu sikuliwo, ne khandi kuliicha.9. Sino sidakha owongo namakesi. Emitwe musanfu nje engulu musanfu omukhasi khukekhala. 10. Yiriyo abene’ngo bosi musanfu. Bataanu bakwiiye, mulala aliwo, owundi asiri okhwicha; ne namala kecha atekwa okhubawo esikha sitono.11. No’kusolo okwaliwo olwamberi, ne wunanu sikuliwo, nje omwen’engo wo munana. Ali mulala khu musanfu khandi yesi alinda okhusikhirisiwa khwaye.12. Enjika ekhumi chiwawoona nje abene’ngo ekhumi abatafuna owene’ngo, naye khulwe’mbaka ye’saawa ndala abalifuna owunyala wo’wutuki nga bene’ngo alala no’kusolo. 13. Bali ne’sigendererwa sirala khandi baliyeresewa amaani kawe no’wunyala wawe okusolo. 14. Bacha okhukhola eye nibalwanisa Akhakondi, naye Akhakoondi khalibayingira khulwokhuba nje Omwami wa baami khandi Omwene’ngo wa bene’ngo__ khandi ni naye balibawo abaaye balange, abadoole khandi abafukirisi besikwa.15. Khandi malayika kamboola ati, “Amaachi kawawona, Malaya yikekhala, nje abaatu, ebidiikha, ebyaalo ne’nimi.16. Okusolo nenjika ekhumi biwawona birisyuula Malaya. Birimwosa khu khusikhirira byamulekha machula; birirya omubiri kwaye khandi byamusamba no’muliro. 17. Khuba Weere abiteeye mu myoyo chawe okhwoseresa esigendererwa syaye olwokhufukirira okhuwa okusolo owunyala okhufuka, okhwosa emboosi cha Weere lu chilyolerera. .1818. Omukhasi yiwawona nje esiko sikhongo esifuka amukulu wa benengo bo’khu syaalo.

Chapter 18

1Bino nibiweye nawona malayika wundi nekekha okhutula mukulu. Kali no’wunyala wungi, khandi esyaalo syecha syamulisiwa no’wulayi waye. 2. Kakhumulira amukulu ne’kono lyo’wunyala ati: “Akwiiye! Akwiiye nje Bbabbilooni ngali! Asikaye edaala lye’bikhyeeno alala ne’myoyo mibi,aninirwe ne’bitu byo’mufuto bya nawuli sikha ne’nyooni y’emisiro. 3Khuba ebyaalo byoosi byanywa khumalwa kaye ake’ralu lyaye eryo’wudamba.Abene’ngo bo’khu syaalo boosi bamala okhukhola owudamba naye, Nabasuwusi bo’khu syaalo bayiindiyaye okhutula khu khuchakala khubitirifu okhwo’wuyiinda waye.4. Khandi nawulira ekono lindi okhutula mukulu nirilomaloma liiti: “Mu mutulemo, baatu bange,khu sinyalikhe enywe okhutakabana naye mu bibi byaye,kho munyale okhutafuna khu lumbe lwaye; 5khuba ebibi byaye byekholire akhafuumi okhwola mwikulu, khandi Weere kechulisise ebibi byaye bikakhola. 6. Mu mukowosere yesi nga lu kabawa;mu musasule amakhabi kabiri khu ebyo bikakhola.Mu mutawulire khabiri khu situndu mu sikombe syaye omwene.7. Mu mukhubbe nga lusinyalikha ne’nsandongo’luyaali n’owuyiinda nga bikewa omwene.Mu mwoyo kwaye kefumya, nokhwedakha ati;‘Nikhala nga nalulingiriiye; sindi mufwire, khandi sindimokosakho masika.’ 8. Nolwesyo mu ludaalo lulala Olumbe lwaye lulimuyira: okhufwa, okhulira ne’njala. Aliriiwa n’omuliro, khuba omukali nje Omwami Weere omukhengera omusaango.9. “Awo abene’ngo bo’khu syaalo abakhola owudamba naye khandi bakabana owuyiinda waye nibaliwona omwoosi kwo’khuya khwaye, balirira no’khumoosa amasika khu lwaye. 10. Nibatiiye lukali olwokhusanda, balyema ale khandi baalira baati: “’Wowe! Wowe, Oo esiko sikali, Oo Bbabbiloni esiko syamaani! Mu bikha bye saawa ndala engisa no’khusikhirira khwawo khwolire!’11. “Abasuwusi bo’khusyaalo balirira bamoosa amasika khu lwaye khuba awumawo yeesi olikula emikuku chawe ata olundi__ 12. Emikuku che’ssabbu, effeesa, amakina ke’bbeyi katali nasirala; nenguwo chifwana mabaanga, emisaala eche’mbewo, ne’mbya che’biitu ebikholewa mu meno kenjofu, embaawo ch’owukusi wamukulu, ebye’migasa, ebye bichuma na makina ke’bbeyi ngali. 13. Ne’mikuku cha Ninamooni nende bibata mu lyaani, owubbani, miira nende amafuta akawunya akhawowo, no’wusye wunusye, neηηano; eηηombe na’makoondi; enfarasi, ebiggali bikhwesewa; emibiri ne’myoyo cha’baatu14. Baliwola baati, “Esyaamo siwekomba sikhutulirekho ewe. Eby’owuyiinda wawo nende biwekhoyeramo byolobereye okhutakowosewa khandi.’15. Abasuwusi abakusa ebiitu bino khandi nibafuniremo okhuyindiwala okhumutulakho balyemera ale, no’wuti khulwo’khusaanda khu kalimo. 16. Balilira bamokoosa amasika baati:“’Wowe! Wowe, Oo ewe esiko sikhongo,esyambasiwa enguwo cha solume,ech’ewookha nende echifwana mabaanga,khandi ngo’mekhamekhana no’khwewikhakhoemigasa che’ssabbu, namakina kebbeyi nende eluru! 17. Mu saawa ndala owuyinda wakwo wamaani wusikhirisiwe!’ “Wuli mwiruusi w’emeeri mukhulutu, nabo boosi abalikho, nabo abafuna omusara khu meeri no’mu kuyanja balyeema ale nayo.18. Nibawona omwoosi okutula khu khusambiwa khwaye, baliwuka baati, ‘Ali khowo esiko sikhoongo nga sino?’ 19. Baliwanyakho olufu khu mitwe chawe, nibalira no’khu mokoosa amasika nibawoola baati: “’Wowe! Wowe, Oo esiko sikhoongo,eyiri boosi abali mu meeri khu kuyanjabafuna owuyiinda nibabitira mu wuyiinda waye!” mu sawa ndala amalire okhusikhirisiwa! 20. Wekhoye khu lwaye, Oo Ekulu!Mwekhoye, enywe abolerefu nende abatume nende ba Nabbi!Weere amukhengeye omusaango mungeri yikababisiryamo.’”21. Khandi malayika wamaani mukhulutu kecha kakiinga ekina eryakana no’lukina kalisukuna mu kuyanja namala awoola ati: “Yino nje embya esiko sikhulutuesya Bbabbilooni yisirisukuniwa asi,okhutakaaniwa lundi. 22. Enyembo cha bakhubbi ba malere n’abembi, abakhubbi bamalere, nenturumbete,sibaliwulirikha khandi.Awuma omuutu yeesi owowusubusi olyakanikha mwiywe khandi.Ekono lyo’lukina lusyasiririwulirikhana khandi.23. Owulafu we’taara siwulyaddukha mwiwe lundi. Ekono lyo’mweya nende ery’oddekhisyeSiririwulirikhana mwinywe khandi.Abasuwusi bawo nje abaliabasaacha bakhunufu be’syaalo.Okhubitira mu wulakusi wawo esyaalo syoosi syakosewa. 24. Okhubitira mu yee kakaniwamo amabaanga, ka banabbi nende aka bolerefu,nende abo boosi abali ni betewa khu syaalo.”

Chapter 19

1.Bino ni byawa nawulira esyafuka nge ekono ely’amaani lyabaatu bangi okhutula mukulu ni riwoola liiti: “Alleluyah! Owuwoniya no’luyaali khandi na maani bya Weere wefwe, 2. khulwa masima no’khukhenga khwakaniyakaniya khwaye. Akhengera omudamba wa’maaniowakosya esyaalo olw’owudamba waye.Kemeye okhwo khu kamukowosera khu lwamabanga kabakhosi baye.”3. Khandi kalomalomera amukulu lundi ati: “Allelluyah!Omwoosi okumutulakho kuniina amukuluemirembe ne mirembe.” 4. Abakhulutu amakhumi kabiri nabane ne’bilonge bine byakwa asi byenamira Weere, owali nikekhaye khu sisala syo’wenengo. Khandi balira baati: “Amiina, Alleluyah!”5. Olwo ekono lyatula khu sisaala syo’wene’ngo niriwoola liiti: “Weere wefwe afumwe eyiri abakhosi baye abo abamutya, abatono, n’abakali!”6Olwo nawulira esyafuka nga esidiikha syamakana, nga’maachi kakholomokha lukali khandi nga okhwaddulukha khwe’nkhubba, niyikhumula yiiti: “Alleluyah! Omwami weefwe Weere Owamaani koosiOmwami afuka.7. Khusangale khandi no’wusangafu aweresewe oluyaali! Khuba oweya wakhakondi wolire,ne omweya yesi ketekekhire. 8. Enguwo cha fulyungu, endayi chiwonekha khandi nyonjochimuweresewe okhwambala.”(Fulyungu ndayi chemirewo khu lwebikholwa bilungifu ebya’bolerefu.)9. Awo malayika kambolera ati, “Wandiika oti, ‘Bali nenkhabi abo abalangiwa khu weeya okhulya esye’ngolobe na khakondi!’” khandi kameedakho ati, “Chino nje emboosi ntufu echa Weere.” 10. Okhuwulira sino namukwa mu makulu okhumwinamira yee. Ne kamboola ati, “Otasikhola! Esse ndi mukhosi wasyo nende ba mwanamawo abeddira khu wujulisi wa Yesu. Yinamira Weere! Khuba owujjulisi wa Yesu nje omwoyo kw’owunabbi.”11. Nawona ekulu niryemire nirikule ne awo mu mooni wange mbona ensukhiri ndafu, omwirusi wayo alangiwa Ow’enfukirira khandi khandi Mutufu. Alamula kakaniya khandi akhola eye. 12. Emooni chaye chiri ngo’muliro kwekeeka, khandi khu mutwe kwaye khulikho engule nyiingi. Ali ne’riita libamuwandiikakho nga omuutu yeesi syalimanyire okhutusakho yee omweene. 13. Kambaaye ensibiro echenikhiwa mu mabaanga, ne’riita lyaye nje Emboosi ya Weere14. Amaye ko’mukulu kali kamulonda, nikali khu nsukhiri ndafu mu wungi nikambaaye enguwo cha fulyungu, endafu enyonjo. 15. Okhutula mu munwa kwaye mutulamo okukhande kwoki okw’okhulwanisa ebyaalo byoosi. Acha okhutukira endawukhi yesichuuma,” Acha okhukhunyira enfwinyo mu sikhunyiro syetima lya Weere owo’wunyala woosi. 16. Khulusibiro lwaye nende khutaango lyaye khulikho eriita ewandike liiti:17. Khandi nawona malayika nikemire mu lyuba, owalirira mu kono lyamukulu eyiri amayoni koosi akali akati mu mbewo ati, “Mwiche mwewuse alala okhulya esye’ngolobe sya Weere, 18kho munyale okhulya omunofu okwa’benengo, abakhongo mu maye, nende abasaacha ba’maani abe nsukhiri nababafuka, khandi ne’minofu echa baatu boosi, abatali bawambe, nabawambe abatono na’bakali.”19. Awo nawona okusolo nende abene’ngo b’esyaalo na maye kawe nibewusise alala okhukhola eye okhuseeta omufuki we’nsukhiri ne’ye lyaye. 20. Naye okusolo kwadiiriwa, nakwo baliwo ba nabbi bo’wubacha abali nibakholire owuwonero wa mayiya mu litta lyakwo. No’wuwonero wuno kawukhosesanga okhubachirisa abo abali nende akhawonero kho kusolo khandi nga benamira esifananyi syakwo. Bombi basukuniwa mu nyanja y’omuliro okwa’maani nibalamu.21. Abasikaye betewa no’kukhande okwatula mu munwa okwo mwirusi we’nsukhiri, na mayoni koosi kecha keyinyaka enyama yabyo.

Chapter 20

1Khandi nawona malayika nikekha natula mukulu, naali no’lusumuluso ly’erina litakama mu mukhono kwaye nadiye okujjegere okukhongo. 2. Kecha kadiira okuyokha, okuyokha kula okwakhale, omusuku, oba setani, kamuwowa okhumala emyaka elifu ndala. 3. Kamusukuna mulina eritakama, khandi kamwikalirawo khandi kakhoma nikomisira erala , olwo- khumulindirayo kho akhaye okhubachanga khandi ebyaalo ata okhumala emyaka elifu lu chakhawe. Sino nisiweye, atekwa okhulekhuliwa khu bikha bitono.4. Nawona ebisaala byo’wutuki khu abo abaweresewa owunyala okhuba abalamusi. Khandi nawona emyoyo chaabo abali nibakhengewakho emitwe khu lwo wujjulisi wawe khu Yesu khandi khu lwe’mboosi ya Weere. Sibali nibenamiye okusolo oba esifwananyi syakwo khandi sibali bateywekho akhawonero khu weeni wawe ata no’khumakhono kawe. Basyukhisiwa bafuka nende Kurisito emyaka elifu.5. (Abadoηηa sibasyukhira baba no’wulamu okhwola emyaka elifu ndala lu chawa.) Khuno nje okhusyukhira khusokha. 6. Bali nenkhabi khandi bolerefu abo abali mu khusyukhira khusokha. Okhufwa khw’okhubiri khuwuma amaani khwabo, ne becha okhuba bakhawona ba Weere khandi aba Kurisito khandi balifuka naye okhumala emyaka elifu.7Emyaka elifu ndala nichakhawa, setani alilekhuliwa okhutula mu jjera yaye 8. khandi alitula kacha okhubacha ebyaalo mu mbaande choosi chine ech’esyaalo__ Gogo nende Magogo__ okhubawusa mukhulwana. Mu wungi wawe bali ngo’musenye okuli khu ntulo w’ebikobero.9. Bakenda mu nyiriri nibakhalakaniya owubambali esyaalo khandi bewodokhaniya owumenyo wa baatu ba Weere, esiko syakhira okhudakha. Naye omuliro kwekha okhutula mwikulu kwabasikhirisa. 10. Khandi omusuku, owa’babacha, kasukuniwa mu nyanja mu muliro kwadukha murutu, eyo okusolo nende ba nabbi bowubacha yibali basukuniwe. Balisandisiwa esiro n’esideete endaalo nendaalo.11. Olwo nawona esisaala syo’wutuki sikali esilafu noyo owali nasikhayekho. Esyaalo nende ekulu byerukha okhutula mu moni chaye, khandi wawumawo esifwo syawe. 12. Khandi nawona abafu, abakali na’batono, nibemire mu moni ch’esisaala syo’wutuki, nebitawo byawikhulwa. Esitawo sindi syawikhuliwa, nga nje esitawo syo’wulamu. Abafu bakhengerwa emisaango okhwema khu bibali nibakholire nga lusyalisyawandiikiwa mu bitawo13. Enyanja yaleta abafu abayirimo, okhufwa namakombe byaleta abafu ababirimo khandi wuli muutu kakhengerwa omusaango okhwema khu bikholwa byaye nga lu byali. 14. Awo okhufwa namakombe byasukuniwa mu nyanja yo’muliro. Enyanja yo’muliro nje okhufwa khwo’khubiri. 15. Omuutu yeesi owakaniwa nga eriita lyaye siryawandikiwa mu sitawo syo’wulamu, kasukuniwa mu nyanja yo’muliro.

Chapter 21

1Khandi nawona ekulu yaakha ne’syaalo siyaakha, khuba ekulu lisokha nesyaalo sisokha byali biweyewo, ne ali wawumawo khandi okhuwona okuyanja. 2. Nawona esiko sikhulutu esyolerefu, Yerusalemi mbyakha, yekha niyitula mukulu okhutula eyiri Weere, niyitekekhirwe ng’omweeya yibambasise wulayi nga bamwambasira wamwe.3. Khandi nawulira ekono ekali niritula mu sisaala sy’Omwaami niriwoola liiti, “wunanu owikhalo wa Weere wuli nabaatu, khandi acha okhumenya nabo. Bacha okhuba baatu baye, khandi Weere mwene acha okhuba nabo khandi abe Weere wawe. 4. Acha okhubeeya wuli sika khu moni chaawe. Siwalibaawo okhufwa khwoosi oba okhulira oba esibeera oba owuchuuni, khuba entekekha nkhale y’ebiitu yakamire.”5. Oyo owali kekhaye khu sisaala sy’owutuki kawoola ati, “Ndi khukhola wuli situla wuyakha!” awo kawoola ati, “wandika sino asi, khuba emboosi chino chesikiwa khandi ntufu.” 6. Kamboola ati: “Siweye. Nise Alufwa khandi Omega, Enjaka khandi Enjakamo. Eyiri oyo oli no’wuluwo nja okhumuwa okhutula mu nsulo ya’maachi ko’wulamu atasi amakusi7. Oyo owangula alisikhira bino byoosi, ni khandi ndiba Weere waye khandi aliba musoliri wange. 8. Ne abati, abatafukirira, abawalaba, abeeti, abadaamba, abakhola ebyamayiya bye’syaalo, abenamira ebilongalonge khandi na’babacha boosi__ esifwo syawe siriba mu nyanja y’omuliro. Khuno nje okhufwa okhwo’khubiri.”9. Mulala khuba malayika musanfu owali na mabbakuli musanfu amechufu ak’olumbe kecha kamboola ati, “Yicha, ese nja okhukhwekesa omweeya, omukhasi wa khakondi.” 10. Kamala kanginga kambira mu myoyo khu lugulu lwamaani khandi oluleeyi lukali, kanjekesa esiko sikhongo esyolerefu, Yerusalemi, nga situla mukulu ni siikha okhutula eyiri Weere.11. Syadukha no’luyaali lwa Weere, na makesi kamukulu kali nga amakina kebbeyi, nga egirasi yo’khu alitaari, eyimekhamekha. 12. Yali nesida syamaani, esireeyi nebiriwa ekhumi nabibiri, nende ba malayika ekhumi nababiri khu biriwa. Khu miryango khwalikho ameeta ni kawandikiwakho ameeta k’ebikha ekhumi nabibiri ebya’Yisirayiri. 13. Yaliyo ebiriwa bidatu khu mukhono kwe’wutula lyuba, bidatu okhutula e’mukulu, bidatu okhutula emwaalo nende bidatu okhutula ewukwa lyuba.14. Esida sye’siko sikhulutu syali ne’misingi ekhumi nachibiri, khucho khwa wandiikiwakho ameeta ka batume ekhumi nababiri abakhakondi. 15. Malayika owalomaloma nange kali no’mudaya kwa sabbu okwokhukerera esiko sikhulutu, ebiriwa byaasyo nebidda.16. Esiko syali syakerewa mu wubambali no’wuleeyi okhwakanakana kakera esiko sikhulutu nesikerero esyo kasyakana mbo siri emita 12,000 mu wuleeyi no wubambali nasirala khulooba no’khucha amukulu. 17. Kakera esidda syasyo syaba emikhono mikolole 144 mu khubala khwo muutu, malayika yikali nakhosesa.18. Esidda syali syakholewa mu makina kebbeyi akalangiwa, “Jasipari” esiko sye saabu njerere, nga egirasi. 19. Emisingi che’sidda sye’siko chali chakholewa nende amakina ka nawuli mbya akebbeyi ngali lukali. Omusingi kusookha kwali okwa’makina akalangiwa Jasiperi, okwo’khubiri kwali nende akalangiwa Sapire, okwo’khudatu amakina kakwo kali kalangiwa Agate, naye okwokhune kwali nende akalangiwa, “Emeralidi” 20ne okwo’khutanu kali kalangiwa Onikisi, ne okwomukaga kali kalangiwa Kareneliyani, na’makina ako kwo’musanfu kali kalangiwa Yelo Kuwarisi nako munana kali kalangiwa Berili amakina ko’musingi kwo’mwenda kali kalangiwa Topassi akokwe’khumi kali kalangiwa Chalisedoni okwe’khumi nandala Takwoyise naye okwe’khumi nachibiri kwaba kulangiwa Amesisiti.21. Ebiriwa ekhumi nabibiri byali nibyo Parili ekhumi nachibiri. Wuli siriwa syali syakholewa mu Parili ndala. Engira ngali che’siko chali chakholewa mu sabbu njerere, eyiwonekherera nga egirasi. 22. Si nawona enyumba ya Weere mu siko, khulw,okhuba Omwami Weere okhira mu byoosi khandi nakhakondi nje enyumba ya Weere.23. Esiko sisyali sidakha eryuba oba omwesi okhwadukhirakho, khuba oluyaali lwa Weere luyiwa owulafu walwo ne khandi akhakondi nje etaara lyasyo. 24. Ebyaalo birikendera khu wulafu wasyo ne khandi aben’engo be’syaalo syoosi bacha okhuleta ebyo’wuyinda byawe musyo. 25. Awuma oludaalo ata lulala ebiriwa lubirikalwa, khuba aliwumawo esiro eyo.26. Oluyaali no’khukiniya khw’ebyaalo biriretewa musyo. 27. Yiwuma esiitu syoosi esitasi syolerefu esirisingiramo, ata wusa no’mutu yeesi okhola eby’ensoni oba eby’owubacha, okhutusakho abo boŋŋone ameeta kaawe akawandiikiwa mu sitawo sya khakondi esyo’wulamu.

Chapter 22

1Olwo khandi malayika kanjekesa omwalo kwa maachi k’owulamu, amalafu nge’moni ya chumbi, nikakherengeta okhutula mu sisaala sya Weere ne’sya khakondi. 2. Nikekhirira akati wengira ekhongo ey’esiko sikhulutu. Khu nawuli luwande lwo’mwaalo waliyo omusaala kwo’wulamu, nikwiwula ebirime, ekhumi nabibiri eby’ebyamo, nibiwula ebyamo byakwo wuli mwesi. Namasafu k’omusaala nga kokhuwoniya ebyaalo.3. Aliwumawo lundi esikholimo. Esisaala sy’owutuki sya Weere ne sya khakondi biriba mu siko, nende abakhosi baawe balimukholera. 4. Baliwona oweeni waye, khandi erita lyaye liriba khu weeni wawe. 5. Aliwumayo khandi esiro. Aliwumawo lundi owetaafu we’tara oba owulafu w’eryuba, khuba Omwami Weere alibawa owulafu. Manu khandi nje abacha okhufuka endaalo nendaalo.6. Malayika kamboola ati, “Chino mbosi cha masima khandi ntufu. Omwami, Weere w’emyoyo cha ba nabbi, katuma malayika waye okhwekesa abakhosi baye ebitu ebitekwa okhubawo mu bikha bitaasi bya aleyi.” 7. “Wulirisa, ese ndi okhwicha mu wangu wene! Ali ne’nkhabi oyo odiira emboosi cho’wunabbi owe’sitawo sino.”8. Ese, Yokaana, nise mulala owawulira khandi nawona ebiitu bino. Khandi ni nali nimbuliiye no’khubiwona, nakwa asi namwinamira mu makulu ka malayika owali nabekesa eyiri ese. 9. Ne kamboola ati, “Otasikhola! Ese ndi mukhosi wasyenywe nende abasyenywe ba nabbi naabo boosi abalinda emboosi ech’esitawo sino. Yinamira, Weere!”10. Olwo kambolera ati, “Otawikha khu mboosi ch’owunabbi we sitawo sino, khu lwokhuba ebikha byolire. 11. Lekha oyo okhola esibi ache mu moni no’khukhola esibi; khandi oyo omubi yesi akhoyire abe mubi; mulekhe oyo okhola wulayi ache wusa mu moni no’khukhola wulayi; khandi mulekhe oyo omwolerefu achanakane okhuba omwolerefu.”12. “Wulirisa, ndi okhwicha mu wangu weene! Esirawo syange siri nange, ne khandi ndiwa wuli mulala okhwema khu byaliba nakholire. 13. Nise Alpha nende Omega, Owamberi khandi Okhenerekha, Ochaka khandi Osembayo.14. “Bali ne’nkhabi abo aboosa ensibiro chawe, kho banyale okhuba no’wunyala khumusaala kwo’wulamu khandi kho babe nga babita mu biriwa okhwiingira mu siko. 15. Erwanyi yiriyo embwa, abo abakhola ebyo’wulakusi, ebyo’wudamba, abeeti, abenamira ebilongalonge nende nawuli muutu odakha khandi okhwoseresa ebyo’wubacha.16. “Ese, Yesu, ntumire malayika wange okhubawa owujjulisi wuno eyiri amakanisa. Nise omusi khandi omwichukhulu wa Dawudi, khandi eηiniηini yadukha lukali echulichuli.”17. Omwoyo no’mweya bawola baati, “Yicha!” lekha oyo owulira awole ati, “Yicha!” Omuutu yeesi oli nduwo, mulekhe keche; khandi oyo yeesi odakha, mulekhe awukule esiyaanwa syawerere esya’maachi ko’wulamu.18. Ndawula wuli muutu owulira emboosi cho’wu nabbi echesitawo sino: niwabawo omuutu yeesi omeedakho khu mboosi esiitu syoosi khwebyo, Weere alimumeedakho olumbe olwalomwalomwakho mu sitawo sino. 19. Ni khandi ni aba omuutu yeesi otusakho emboosi mu sitawo sino esyo’wunabbi, Weere alimutusakho omukawo kwaye khu musaala kwo’wulamu khandi no’mu siko syolerefu, ebyalomwalomwakho mu sitawo sino20. Oyo yeesi owa owujjulisi we bitu bino awoola ati, “Yee, ndi khwicha wangu wene.” Amiina, yicha/ Omwami Yesu. 21. Abaatu Essisa sy’omwami Yesu sibe na’baatu ba Weere. Amiina.