¹Naomi, oyaana, den yedi o: N bisalo, n bua ki lingi apo u kaanu ke a yema n yamani. ²Naani ŋan den yen caa ki ŋua boasa, yua ya tuonsoanba kiliegi yeni ki tie ti kpiilo kaa? Diidi dinla ñiagu o baalendi okpaangu³Wali ki tieni tulale, ki yie a tiadi yaadi n ŋani ki cie, ki gedi u jalu po. ŋan da tuo Boasa n bandi ke a ye li kani, hali wan ban je ki go ño ki gbeni. ⁴ O ya gedi ki ba duani ya yogunu ŋan kpaagi ki bandi wan duani naani. ŋan gedi ki ŋoagidi o taana, ki duani. O ba waani a ŋan ba tieni yaala.⁵ Luta den goa ki yedi: N ba tieni ŋan yedi yaala kuli.⁶O den gedi u jalu po ki tieni o yaana n den yedi o yaala kuli. ⁷Boasa den dini ki go ñuni ke o pali den mangi o den gedi ki duani (okpaandi) bonkogiyenli kani. Luta den tieni dindini ki gedi ki ŋoagidi otaana kani ki duani.⁸Ku yagisiigu Boasa den jie ki fundi ki tibini ki diidi ki laa ke pua o taana kani.⁹ O den yedi: a tie ŋmeyo? o den yedi n tie Luta, a tuonsoanlo; tandi a fiabu ki ŋoagini mini a tuonsoanlo kelima apia li sanu.¹⁰Boasa den yedi: Li miali Diedo n seligi a n bisalo! ŋan cua n kani ki naa lingi jawaaba, yaaba n luo bi yaaba n pia yeni, li doagidi a buama ki cie ŋan den kpa tieni yaala kuli.¹¹ Moala ŋan da go jie liba kuli n bisalo : n ba tieni a po ŋan ba yedi yaala kuli kelima u dogu yaaba kuli bani ke a tie pomoano¹²Li tie moamoane ke n pia u sanu ki kubi yi ama li pia toa yua n pia u sanu ki cie nni.¹³ ŋan duani ne hali lan faa. Saala o ya sua ke o bua ki taa ŋa ki kubi ŋa nani lan bili ke o pia u sanu ki taŋa maama, wan taa ŋa, o yaabua mo, hali u tienu po mini wani n ba taa ŋa ki kubi a. Duani hali lan faa.¹⁴O den dua o taana kani hali lan ban yendi. O den fii hali ke li daa yendi Boasa ki den bua ban bandi ke pua duani u jalu nni.¹⁵ O den pugini ki yedi Luta: tandi ŋan ŋuagi ya kpalibu ki mubini bu baŋanla. o den tandi o kpalibu ke o biigi (ku kpaangu) nani baa buodi luoba. ki tuni o, li yaa puoli o dengua ki gedi u dogu po.¹⁶Luta den guani o yaana Maomi kani ke o yedi: Naani fini n bisalo lige? Lane Luta den togidi o Boasa n den tieni o po yaala kuli.¹⁷ O go den pugini ki yedi: o puni nni o kpaandi babuodi luoba ki yedi nni, a kan guani a yaana po nukuomu. ¹⁸Lanwani Naomi den yedi; Duani a yama, n bisalo hali ŋan ba bandi laa bonla kuli nba juodi maama, kelima Boasa kan pa o yuli fuodima dinla kaa gbeni laa bonla.

¹Boasa den gedi ki ban kali u dogu buliñoabu kani, mi maama n kadi naani. Noami calo Elimeleki kpiilo, Boasa n den maadi yua ya maama den tagini ki baa pendi likani. Boasa den yedi o: "Fini ŋmeŋme, cua ki kali ne." O den cua ki kali. ²Boasa den ta niba piiga u dogu nikpela siiga. O den yedi kali mani nekanba. Bi den kali.³Lani o den yedi Elimeleki kpiilo yeni: "Noami ñani Moabi diema ki goa ki kpeni. O kuadi ti kpiilo Elimeleki kuanu. ⁴N sua ke li pundi min waani a ki go yedi a ŋan daa u u dogu yaaba leni ti nikpela nintuali. A ya bua ki da u, ŋan daa u. A yaa bua mo ŋan waani nni min bandi, kelima oba kuli naa pia sanu ki cie ŋa laa maama po. A ya puoli mini n go pia u sanu. O joa yeni den goa ki yedi: "n baa daa u."⁵Boasa den yedi a ya daa Noami kani u kuanu ya daali a go baa taa Luta yua n tie Moabi yua ke o calo yua kpe yeni diegu nda boli. ⁶O joa yeni den goa ki yeni: N kan fidi ki da u kelima n jie n piama po. N puni a u sanu han daa, kelima mini wani kan fidi.⁸⁷n yogunu Isalele diema nni nilo ya da bonla bi ki lebidi, yendo yen pidi o cacaagu ki teni o lielo lan doagidi ke ki dunga cuo. Li den tie seedi Isalele diema nni. ⁸Yua n den pia u sanu den yedi Boasa: "ŋan da u, o den pidi o cacaagu ki teni Boasa.⁹Lanwani Boasa den yedi a nikpela leni u dogu yaaba kuli: "Yi tie seedinba dinla ke n daa Noami kani Elimeleki leni kilijoni leni Makiloni n den die yaala kuli.¹⁰Ki go taa Makiloni kpepuoli Luta, yua n tie Moabi yua, ki baa baa o calo po u buolu. Yeni o kpiemo faali baa sedi o buolu nni, o yeli kan bodi o kpiiba siiga leni o dogu nni. Yi tie seedinba lipo dinla."¹¹Yaaba n den ye u dogu buliñoabu kani leni anikpela kuli den yedi: "Ti tie a seedinba, Li Miali Diedo n teni ke ya pua n baa kua a diegu nni yeni n ya tie nani Lasela leni Lea yeni, bani ya poliediba n mali Isalele yaaba buolu yeni. A ya paalu n doagidi doagidi Yufilata buolu yaaba siiga, a yeli n kpedi Betelema nni.¹²Li Miali Diedo n teni o pua yeni n maa apo a bila boncianla, ke a diegu n nandi leni pelitisa yaagu, Tamala n den mali yua Juda po.¹³Boasa den taa Luta ke o tua o pua. Wan den kua o kani, Li Miali Diedo den teni ke Luta taa ku tugu ki mali bonjaga. ¹⁴Bi puoba den yedi Noami: "Li Miali Diedo n baa ti kpiagidi, wani yua teni ke ŋaa luo buolu dinla. ¹⁵Laa biga yeli baa kpedi Isalele yaaba siiga. Laa biga baa goa ki kaani a jigi ki kubi ŋa a nikpedi nni, kelima a biyuaga n mali o. Wani a biyuaga yeni, o cie apo ba bonjalalele."¹⁶Noami den ga ki biga yeni ki ŋmabi ga, ki tua ki biyualo. ¹⁷O yieninlieba yaaba n tie puoba den yedi: "Noami baa bonjaga." Bi den yini o Obedi. Wani n mali Isayi, Esayi mo mali Dafidi,¹⁸Peletisa yaaba yela n tie ne: Peletisa den mali Hetisiloni, ¹⁹Hetisiloni mo den mali Lami, Lami n maa Aminadabi,²⁰ Aminadabi mo n maa Nasoni, Nasoni n maa Salima, ²¹Salima n maa Boasa, Boasa n maa Obedi. ²²Obedi mo n maa Isayi, Isayi n maa Dafidi.

¹Piiga n cilie, ya hmaalo yi Adadi ya piiga n dantaali daali, o bado bali maama leni o []oabonli n den baa tieni daali den pundi. Jufinba yinalinba den sugini ke bi baa paadi ba laa daali. Ja li kan tua yeni, li den lebidi ke Jufinba n paadi ba. ²Jufinba den taani ban den yeye ya dogi nni, o bado Asuelusi diema kuli nni, ki tuogi leni yaaba n den lingi ki baa kpa ba kuli. Nilo kuli den fidi ki baa tuogi ba lan gedi kaanu kelima i nibuoli kuli jie ba ke li kandi.³A baditiebila leni bi yudancianba leni a koanbala leni bi badibaanba den sedi Jufinba puoli kelima bi den jie Malidoke. ⁴Bi den jie Malidoke kelima o den pia u paalu boncianla o bado diegu nni, ke o yeli mo ñani mi diema kuli nni kelima o paalu den pugidi. ⁵Jufinba den pedi bi yibalinba kuli leni mu jugisiemu, ki kpa ki bolini ba. Bi dewn tieni yaaba n nani ba yeni kuli nani ban bua maama.⁶U dociamu Suse nni, Jufinba den kpa ki bolini jaba kobimuu. ⁷Bi den kodi Jufinba yibali Hamedata bijua Hamana bijaba bila piiga yeni kuli. Bani bila piiga yeni yela nne: Palisanta, Dalifani, Asipeta, ⁸Palata, Adalia, Abitada, ⁹Palimasita, Alisayi, Alidayi leni Fajesata. ¹⁰Ama baa den taa bi piama.¹¹Laa daali bi den waani o bado ban den kpa u dociamu Suse nni ya niba coali n pundi ya bianu. ¹²O bado den yedi o pobado Esita: Jufinba kpa ki bolini u dociamu Suse nni jaba kobimuu, leni Hamana bijaba bonba piiga yeni kuli. Li ya tie yeni nekanba, li baa tie lede a diema yaama n sieni nni ? A go bua be ? A baa ba la.¹³Esita den goa ki yedi o: Fini o bado ya laa ke li hani, han pa ya Jufinba n ye Suse nni u sanu ba go tieni saala moko nani a ñoabonli n den bili ke li baa tieni maama dinla, ki go joani Hamana bijaba bonba piiga yeni mo ban joani bi nibiadiba ya daagu po. ¹⁴O bado den ñani li ñoabonli ke bi tieni yeni. Bi den kpaani li ñoabonli yeni Suse nni, ki joani Hamana bijaba ban den kpa yaaba bonba piiga yeni.¹⁵Ya Jufinba n den ye Suse nni go den taani Adadi hmaalo piiga n dannaali daali, bi den kpa jaba kobitaa Suse nni. Ama baa den taa bi piama. ¹⁶Ya ajufinba n den sieni ki yeye mi diema nni den taani ban ye ya dogi nni kuli ki moandi ki baa ga bi yula. Bi den kpa yaaba n den nani ba siiga niba tuda piilele n tudamuu, ki ga bi yula bi yibalinba kani, ki go faabi leni ba. Ama baa den taa bi piama.¹⁷Laa bonla kuli den tieni ya hmaalo n yi Adadi ya piiga n dantaali daali. Jufinba den fuodi li piiga n dannaali daali, ki tieni mi jaanjiema ki mangi bi pala. ¹⁸Ya Jufinba n ye Suse nni den taani li piiga n dantaali daali leni li piiga n dannaali daali ki tuu bi yibalinba bi panli ki fuodi li piiga n danmuuli daali, ki tieni mi jaanjiema ki mangi bi pala. ¹⁹Li tie lani yaa po ke ya Jufinba n ye i tnkundugi nni, teni ke ya hmaalo n yi Adadi ya piiga n dannaali daali tie bipo jaanma daali. Bi ye tieni mi jaanjiema ki je ki mangi bi pala ki go soani bi lieba po.²⁰Malidoke den diani li bontienkaala yeni kuli togida, ki go soani a tila ya Jufinba n ye o bado Asuelusi diema leni yaaba n ye foagima kuli po. ²¹O den bili ke binli ban ya gagidi ya hmaalo n yi Adadi ya piiga ²²n dannaali leni o piiga n danmuuli ki tieni mi jaanma, kelima laa dana tie ban den ga bi yula bi yibalinba kani ki faabi leni ya dana. Laa hmaalo den tie bi pabiidili n lebidi ki tua pamanli ya hmaalo, bi paboanli daali den lebidi ki tua jaanma daali. Binli kuli bi den baa tieni mi jaanjiema ki jemangi bi pala laa dana, ki soanibi lieba po mi jiema, ki go pa a luoda bu paabu.²³Jufinba den niani u ñoanianu ke bi baa tuoMalidoke n diani yaala kuli, ki ya tiendi mijaanma binli kuli. ²⁴Kelima Agogi buolu yua Hamedata bijua Hamana Jufinba yibali, den jagi ke o baa kpa ba. O den toani tiatia ki bua ki bandi wan baa kpa ki bolini ba ya daali. ²⁵Ama Esita den kua kilaa o bado ke o ñani o ñoabonli ki diani ke Hamana n den jagi ya yanjagibiadili k bua ki bolini Jufinba yeni n goa ki baa o yulu po,ke ban joani wani leni o bijaba kuli ku daagu po ki soadi ba.²⁶Li tie lani yaa po bi yini laa daali pulimi. Pulimiyeni ñani pudi kadi ki bua ki yedi tiatia. Kelima Malidoke n den diani ya tiliyaa po, leni bani ²⁷Jufinba n den laa yaala leni yaala n den tieni ba kuli yaa po. Bi den jagi ki bili bani biba po leni bi yaabila leni yaaba n baa lebidi ki tua Jufinba kuli yaa po, ke binli kuli bi baa tieni mi jaanma a danlieda yeni. Bi baa ya hua Malidoke n den diani yaala ki ya tiendi mi jaanma yeni lan bili ban ya tiendi ya yogunu. ²⁸Bi baa ya tiadi laa dana po ki tiendi mi jaanma nifiima n tu niffma. Dogu kuli nni leni diebiga kuli nni, diegu kuli baa ya jaani laa jaanma. Jufinba siiga pulimi dana kan bodi hali abada,bi puolihuani kan sundi lipo.O pobadi Esita Abisayili bisalo leni Jufi yua Malidoke go den diani a tila kimaadi ki pugini ban kpa diani ki yedi yaala Pulimi jaanma yeni po u fidu.³⁰Bi den soani a tila yeni ya Jufinba n ye o bado Asuelusi diema nni a kobiga n piiliedi n diebileleeda nni. ³¹A tila yeni den pia mi maama yaama n duandi bi niba yama.A tila yeni den tundi Jufinba ke ban ya jaani pulimi jaanma yeni lan bili ban ya jaani ma ya dana, leni bani biba mo n den bili bi yula po leni bi puolihuani po maama. Ban tieni nani ban den jagi maama bi ñoalolima leni bi bubula yeni. ³²Lanwani Esita ñoabonli yeni den saa moamoani ban den bili yaala pulimi jaanma po yeni ke bi diani ki bili.

¹2 Ama n yi nani yaala n hani tienma ki bua yaala n bia ya tienma. Yi pidi n niba gbandi, ki kogidi bi nandi ki haani a kpaba. ²Yi hmani n nibuoli gbannandi yi pidi bi gbandi ki mudi bi kpaba. ³Yi jia ba bonjenajena nani ban sagi ya nandi li bobili nni yeni, nani ban haani ya nandi li bobili nni yeni. Li tie lani yaapo ke ya yogunu ke yi ti kpaani ki miadi Li Miali Diedo ke wan faabi yi, o kan guani yi liba. O baa buli o nunga laa yogunu, kelima yi soani yaa tuona n bia."

¹Jesu leni o hoadikaaba n den nagidi Jelusalema, ki pundi Betifaje dogu nni, ki kuu O life Tiidi juali, o den soani hoadikaaba lie ² ki yedi ba: Suagi mani ya dobiga n ye yi liiga na. Yi ya ban pundi ya yogunu, yi baa la ke o hun]ua luo ki se leni o biga. Yin lodi ki cuani ba npo ne. ³ Nilo ya yedi yi liba, yin goa ki yedi o: Ti Daano n bua ba. Tontoni o baa cedi yin cuani ba.⁴Lankuli den tieni ke o sawalipualo n den pua ya sawalo n tieni:⁵ Waani mani Siyono dogu yaaba ke bi bado kpendi bikani na. O dingi boncianla, ki jagi o hunbo, Li tie hunbisaagili, o hun]ua yaa biga.⁶Bi hoadikaaba den gedi ki ban tieni Jesu n waani ba maama. ⁷ Bi den cuani o hun]ua leni li hunbisaagili ki maani bipo bi tiadi ke Jesu jagini. ⁸ Ku niligu siiga bi tianba boncianla den ladi bi tiadi u sankunu nni, bi tianba mo den pedi i tibensoangi ki ladi u sankunu nni.⁹Yaa niligu n ye Jesu liiga leni yaagu n hoa o puoli kuli den kpaani ki tua: Dafidi Bijua n baa ti pagidi. U Tienu n seligi yua n kpendi wani o Diedo yaa yeli nni. U Tienu yua n ye hali tanpojoma n baa ti pagidi.¹⁰ Wan den kua Jelusalema, li den paki u dogu nni yaaba kuli ke bi tua: One tie hme?¹¹ Ku niligu den goa ki tua: Li tie Jesu, o sawalipualo, Galile ya Nasaleti yua.¹²Jesu den kua U Tienu diegu nni ki deli ki ]ani yaaba n kuadi leni yaaba n da kuli lienni, ki tudi ki luni bi ligilebidiba kpagidi leni a kpaajekuada bonkalikaala.¹³ O den yedi ba: Li diani: Bi baa yi n diegu i jaandi diegu. Ama yinba wani teni li tua a concona wuonkaanu. ¹⁴A juama leni a diama den nagini o kani U Tienu diegu nni ke o paagi ba.¹⁵Ama bi kopadicianba yudanba leni li balimaama bangikaba n den laa wan tieni ya bonlidikaala yeni, ki gbadi ke a bila kpaani U Tienu diegu nni ki tua: Dafidi Bijua n baa ti pagidi, Dafidi Bijua n baa ti pagidi, bi pala den beni boncianla.¹⁶ Bi den yedi o: A gba ban maadi yaala? Jesu den goa ki yedi ba: Mm. Naani yi daa cogi ya maama n tie na: A teni ke o binwaala leni yaaba n daa haani kuli pagi a honhanla?¹⁷ Jesu n den fii bikani, o den ]ani u dogu nni ki gedi ki ban duani Betani.¹⁹Wan den goa u dogu ku tasoanpanpangu, mi koma den cuo o.¹⁸ O den laa bu kankanbu u sankunu ki jadi ki gedi bukani. Ama waa den laa pu bupo kali ti faadi bebe. O den yedi bu: Han dan go luoni pu kuli hali abada. Lanyogunu bu kankanbu den kuodi.²⁰O hoadikaaba den la lani, li den paki ba ke bi buali o: Be n teni ke bu kankanbu kuodi tontoni nanda? ²¹Jesu den goa ki yedi ba: N waani yi i moamoani, yi ya pia li dandanli ki naa maliti yi pala nni ke li baa tieni bi li kan tieni, yi baa tieni ki cie min tieni bu kankanbu na yaala. Baa yi ya yedi li naa juali: Fii ki ban lu a yuli mi ]incianma nni, li baa tieni.²² Yin baa jaandi ki mia yaala kuli leni li dandanli, yi baa baa la.²³Jesu n den kua U Tienu diegu nni ki bangi bi niba, bi kopadicianba yudanba len i Jufinba nikpeliba kuli den cua ki yedi o: Li laa bali yaa po yo ke a tiendi li naa bonla? Hme puni a laa bali?²⁴ Jesu den goa ki yedi ba: N moko baa buali yi bonyenla. Yi ya waani nni, n moko baa waani yi ya bali yaa po ke n tiendi laa bonla.²⁵Jan n den batisi bi niba yeni, o den baa li bali tanpoli po bi, bi nisaaliba kane? Bi den juogi bi siiga ki yedi: Ti ya yedi ke o den baa li tanpoli po, o baa yedi ti: Be yaa po ke yii den daani o maama? ²⁶Ti yaa yedi: Bi nisaaliba yaa kane, ti jie ku niligu,kelima bikuli nua ke Jan den tie sawalipualo. ²⁷Lani yaa po bi den goa ki yedi Jesu: Tii bani ba. O den yedi ba: N moko kan waani yi yaa bali yaa po ke n tiendi laa bonla.²⁸Yi tama be? O joa den pia bijaba lie. O den yedi o bijakpelo: N bijua, gedi ki ban soani dinla n duven tiidi kuanu nni.²⁹O den goa ki yedi o baa: mii caa. Ama lan den yen waamu o den lebidi o yama ki gedi.³⁰ Laa joa den yedi o bijalielo mo yeni. Wani mo den goa ki yedi o: N Daano n baa gedi. Ama waa den gedi.³¹O leepo n tieni o baa n bua yaala? Bi den goa ki yedi o: O bonkpelo te. Lane Jesu den yedi ba: N waani yi i moamoani, bi lubigaaba leni a poconcona baa kua yi liiga U Tienu diema nni. ³²Kelima Jan den cua yikani ki wangi yi mi teginma sanu maama, ama yii den tuo ki hoadi o maama. Bi lubigaaba leni a poconcona den tuo o maama, ama yinba n den la lani, yii den yuandi ki lebidi yi yama ki daani o maama.³³Go cengi mani kpanjatoama. O diedaano den ye ki hu o duven tiidi kuanu. O den kpa li nagili ki lindi u, ki gbini ku buogu ku tangu po ban baa hanbidi duven naankani. Ki go paani li pagili o duven tiidi siiga. Lani o den guuni o kuanu bi koaguudiba, Ki fii ki gedi u dogu.³⁴ Li bonluonkaala n den beni ya yogunu, o den soani o naacenba bi koaguudiba kani ke ban gaa o kuanu bonluonkaala.³⁵Bi koaguudiba den cuo o naacenba ki pua yendo ki kpa one, ki lugidi o taalo mo a tana.³⁶ O koadaano yeni go den soani naacentoaba, yaaba n yaba ki cie bi kpiaba. Bi koaguudiba den soani bani mo nani ban den soani bi kpiaba maama.³⁷ Lani o den yuandi ki soani o bijua bikani ki yedi: Bi baa fangi n bijua wani.³⁸Ama bi koaguudiba n den la o bijua, bi den yedi biyaba: One n tie o faajielo. Cedi tin kpa mani ki diedi o faali.³⁹ Lani bi den cuo o ki ]ani o u kuanu puoli po ki kpa o.⁴⁰Yeni o koadaano ya ti cua daa, o baa soani laa koaguudiba lede? ⁴¹Bi den goa ki yedi o: O baa bolini laa nibiadiba ya bolinma n bia, ki go guuni o kuanu nitoaba, yaaba n baa tendi o kuanu bonluonkaala li yogunu ya pundi.Jesu den yedi ba: Naani yi daa cogi i Diani nni ya maama n tie na? Bi tanmaaba n den yie ki luni ya tanli tua li tanpuuli tanjigi. Likuli ]ani o Diedokani, li tie bonlidikaala ti nuni po.⁴³Lani yuaa po n waani yi, bi baa ga yikani U Tienu diema, ki teni ya nibuolu n baa baadi mipo li bonluonkaala.⁴⁴ Yua n baa laa tanli po kuli baa kuakua, lin baa yua yaa po mo baa tua wagima.⁴⁵Bi kopadicianba yudanba leni Falisieninba n den gbadi Jesu n puapua yaa kpanjama, bi den bandi ke o maadi leni bane.⁴⁶ Baa ke bi den moandi ki baa cuo o, bi den jie ku niligu kelima ku den nua ke Jesu tie sawalipuale,

¹Ku tisoanpanpangu, bi kopadicianba yudanba leni Jufinba nikpeliba kuli den taani ki juogi ke bi baa teni ban kpa Jesu. ²Bi den loli, ki gedini o ki ban teni o Pilata yua n den tie gufeneeli.³Jedasa, yua n den janbi Jesu n den la ke bi jia wani Jesu buudi ki kadi ke bi baa kpa o, o den mua ke o yaa bi janbi o, ki den taa a kujapien-piitaada ki gedini bi kopadicianba yudanba leni bi nikpeliba kali ki yedi: N tieni ti tuonbiadi ki janbi yua n naa pia tagili. ⁴Bi den goa ki yedi o: Lani mo nan hua tii? Li hua fine. ⁵Judasa den luni i ligi yeni U Tienu diegu nni ki ]ani ki gedi ki ban soadi o yuli.⁶Bi kopadicianba yudanba den gandigandi i ligi yeni ki yedi: Laa pundi laa ligi n kua U Tienu litiagu nni, kelima li tie mi soama yaa ligi. ⁷Ban den juogi, bi den taa laa ligi ki da o maado kuanu, ke u tua bi canba kupiikaanu. ⁸Lani yaa po ke bi yi laa kuanu mi soawulima kuanu hali dinla.⁹Lani, o sawalipualo Jelemi n den maadi ya maama den tieni: Bi den taa kujapiena piitaa, Isalele yaaba n den biigi ki sua ke o dunga pundi maama. ¹⁰Bi den taa yi ki da o maado kuanu, Nani o Diedo n den yedi maama.¹¹Jesu den sedi gufeneeli nintuali. Gufeneeli den buali o: A tie Jufinba bado bi? ¹²Jesu den goa ki yedi: Fini n yedi yeni. Bi kopadicianba yudanba leni bi nikpeliba den tabi o, ama waa den guani liba. ¹³Lane Pilata den yedi o: Haa gba ban tabi a yaala kuli po? ¹⁴Jesu naa den lebidi o maamaba. Li den paki gufeneeli.¹⁵Mi pendima jaanma kuli, gufeneeli den maani ki faabi kadibiyenga, ku niligu n mia wan faabi yua. ¹⁶Laa yogunu bi den pia kadibiyenga ke bi yi o Balabasa ke bi niba kuli bani o biadima po.¹⁷Ku niligu n den taani, Pilata den yedi ba: Yi bua min faabi yipo hme, Balabasa bi, bi Jesu ban yi yua Kilisiti? ¹⁸Kelima o den bani ke bi cuo Jesu ki cuani o li bujiali kani kelima li nunponbiadili po. ¹⁹Wan da den ka o bujioakaanu po mo, o pua den soani u tondu ki yedi o: Han da kua o naa niteginkoa maama nni, kelima ya ]iagu n pendi ne, n la fala boncianla ti dangidi nni kelima opo.²⁰Bi kopadicianba yudanba leni bi nikpeliba den tundi ku niligu ke bi mia Pilata wan faabi Balabasa ki teni ban kpa Jesu. ²¹Gufeneeli Pilata go den yedi bi: Bani bonba lie siiga yi bua min faabi yipo hme? Bi den goa ki yedi o: Balabasa. ²²Pilata den yedi ba: N nan baa tieni Jesu, ban yi yua Kilisiti mo lede? Bikuli den goa ki yedi o: Ban joani o li dapoanpoanli po.²³Gufeneeli den yedi: O tieni be biadime? Bi den tangi ke li pa ki cie: Ban joani o li dapoanpoanli po. ²⁴Pilata n den laa ke o maama ki baa sedikaanu lipo, o den taa mi ]ima ki nidi ku niligu nintuali ki yedi: Mii pia tagiliba o naa niteginkoa soawulima nni. Li hua yinbe.²⁵Ku niligu kuli den goa ki yedi o: O soama n baa tinba leni ti bila po. ²⁶Lani, Pilata den faabi bipo Balabasa. O den teni ke bi pua Jesu i baliji, ki teni o bi nuu nni ban ban joani o li dapoanpoanli po.²⁷Gufeneeli Pilata minteela den kuani Jesu wani gufeneeli diegu nni wan ja ti buudi naani, ki taani bi cagili kuli ki lindi o. ²⁸Bi den landi o tiadi ki golini o bu kpalimoanbu. ²⁹Bi den taa i konkoni ki piani nani ki badifogiliga yeni ki cibini o, ki mubini o jienu li kankagili. Bi den gbaandi o nintuali ki ]uadi o nani o tie o bado yeni ki tua: Ti fuondi a, fini Jufinba bado.³⁰Bi den siini opo ti ]isandi, ki taa li kankagili ki pua o yuli po. ³¹Ban den ]uadi]uadi o yeni ki gbeni, bi den goliti bu kpalibi ki goa ki lani o o ya tiadi ki ]ani o ki gedini o ki baan joani o li dapoanpoanli po.³²Ban den caa, bi den tuogi Silena dogu yua ke bi yi o Simono, ki tieni o u paalu ke o bugi Jesu dapoanpoanli. ³³Bi den pundi ban yi ya kaanu Goligota, lani n bua ki yedi ku Yukuokuogu kaanu. Bi den teni Jesu ya duven n kali leni ya ]oagu n to ke wan ]o. ³⁴Ama wan den leni o waamu, waa den ]uni.³⁵Ban den joani o li dapoanpoanli po bi den taa o tiayiekaadi ki toani tiatia ki boagidi ti. ³⁶[Bi den tieni yeni ke o sawalipualo n den maadi ya maama n tieni: Bi den boagidi n tiayiekaada bi siiga, ki toani tiatia n liadicianli po.] Lani, bi den kali ki jii o. ³⁷Bi den kpa ki tabini ki yini o yuli po yaa diani n waani yaala yaa po ke bi cuo o: One n tie Jesu, Jufinba bado.³⁸Bi den joani sanjabi lie a dapoanpoana po ki taani leni o, yendo o jienu po, o yua mo o ganu po. ³⁹Bi santagiba den sugidi o, ⁴⁰ki fegini bi yula ki tua: Fini yua n baa mudi U Tienu diegu ki goa ki maa gu dana taa, ga a yuli naa. A ya tie U Tienu Bijua, han jiidi li dapoanpoanli po.⁴¹Bi kopadicianba yudanba leni li balimaama bangikaaba leni bi nikpeliba kuli mono den ]uadi o yeni ki tua: ⁴²O den ga nitoaba ki nan kan fidi ki ga o yuli. O ya tie Isalele yaaba bado moamoani, wan jiidi li dapoanpoanli moala na, lanwani ti baa tuo ki daani o.⁴³O dugi U Tienu po, U Tienu ya bua o moamoani, wan nan ga o moala. ⁴⁴Kelima o yedi: N tie U Tienu Bijua yo. Ban den taani ki joani o leni yaa sanjaba a dapoanpoana po moko den sugidi o.⁴⁵Ki cili u yensiicocolu, li biigili den tieni ki tinga kuli ki ya caa hali li yenlebidili. ⁴⁶Li yenlebidili po yeni, Jesu den tiani boncianla: Eli,Eli lama sabakitani? Lani n tie: N tienu, n Tienu, be yaa po ke a haa nni? ⁴⁷Yaa niba n den ye likani bi tianba n den gbadi, bi den yedi: O yi o sawalipualo Elia.⁴⁸Tontoni bi siiga nni yendo den sani ki ban taa u cietuogu ki pagini u mi ]inmiligima nni ki fiini li kankagili, ki yugidi ki teni o ke wan ]o. ⁴⁹O lieba den yedi: Cedi mani tin la Elia ya baa cua ki ga o. ⁵⁰Jesu go den tiani ke li pa, ki cabi o naano ki kpe.⁵¹Lanyogunu U Tienu diegu nni kpalidoaginkaabui den padi siiga nni, ki cili tanpoli ki ban jiidi tinga, ki boagidi kaani lie. ⁵²Ki tinga den digibi, a tana den yagidi. Akakula den yaadi, U Tienu nigagidihanba yaaba n den kpe siiga, boncianba den fii bi tinkpiba siiga. ⁵³Bi den ]ani a kakula nni. Jesu fiima bi tinkpiba siiga puoli, bi den kua u dogagidiko nni ke bi niba boncianla laa ba.⁵⁴Minteela kobiga yudaano leni yaaba n den taa leni ki ji Jesu kuli n den laa mi tindigibima leni yaala n tieni kuli, ti jawaandi den cuo ba boncianla, ke bi yedi: ⁵⁵Moamoani, one den tie U Tienu Bijua yo. Bi puoba boncianla moko den ye likani ki se foagima ki diidi, Jesu n den ]ani Galile ke yaaba n ciani o ki todi o o yema po. ⁵⁶Li den pia bi siiga Magidala yua Maliyama, leni yua n den tie Jaka leni Josefi naa, leni Sebede bila yaa naa.⁵⁷Ku joafangu yogunu ya piado n yi Josefi ki tie Alimate dogu yua den cua. O moko den tie Jesu hoadikoa. ⁵⁸O den gedi Pilata kani ki baa mia o wan teni o Jesu o kpiemo, Pilata den yedi ban teni.⁵⁹Josefi den taa o kpiemo ki bobini o len kpalipanbu, ⁶⁰ki duani o o kakupanli nni, wan den teni ke bi gbini yaala ku tangu nni. O den bindi ku tanpabigu ki biini li kakuli ]oabu ki ban kuni. ⁶¹Magidala yua Maliyama leni Maliyama toa den ye likani ki ka ki tiegi li kakuli.⁶²Lan fii ki fa, lani n tie li boginli daali fiifaama, bi kopadicianba yudanba leni Falisieninba den taani ki gedi Pilata kani ki yedi o: ⁶³Ti daano, ti tiadi ke laa boandi daano n da den fo yaa yogunu, o den yedi ke dana taa ya pendi ke o baa fii bi tinkpiba siiga. ⁶⁴Lani yaa po han teni ban ya ji li kakuli hali dana taa daali ke o hoadikaaba n dati cua ki su o, ki yedi bi niba ke o fii bi tinkpiba siiga. Laa boandiyuami ji baa bia ki cie li bonkpiala.⁶⁵Pilata den yedi ba: No mani yaaba n ji nne. Gedi mani ki ban jiidi li kakuli yin fidi maama kuli. ⁶⁶Bi den gedi li kakuli po ki tieni ku tanpabigu yeni po ya maalima ke o nilo ya biidi bi baabandi, ki sieni bi jiidikaaba.