To view a copy of the CC BY-SA 4.0 license visit
http://creativecommons.org/licenses/by-sa/4.0/
Notices:
You do not have to comply with the license for elements of the material in
the public domain or where your use is permitted by an applicable
exception or limitation.
No warranties are given. The license may not give you all of the
permissions necessary for your intended use. For example, other rights
such as publicity, privacy, or moral rights may limit how you use the
material.
John
Chapter 1
1Ha guyandiga gwa khalele ndinga, ndinga yene ya khalele nu Nzambi, ndinga yene ya khalele Nzambi.2 Ndinga yene ya khalele nu Nzambi ha luyandigu.3 Ima ikima ya saleye gwa Mwene, gushi go ata nu gima gimoshi gia khala gidi gia saleye go konda ndinga yene.4Gwa mwene gwa khalele monyo enji monyo yene wa khalele mwanya wa khalele mu lema mu katshi dia athu. 5Mwanya udi mu lema mu phipha enji phipha ya khalele go.6Gwa khalele nu muthu mu moshi wa tumiye gwa Nzambi, jina dienji Yowani.7 We jile ole themwe, ha gu ta gi themwe gia mwanya, mukunda athu akima a kwikile gwa mwene.8 Yowani gwa khalele go mwanya, uvi we jile mukunda nu gu ta gi themwe gia mwanya.9Ya khalele mwanya wa kielega wa nu hana semo gwa athu, mu phila ikima we jile haha ha mavu.10Wa khalele wa haha ha mavu, mavu ene a salamele mu njila yenji, uvi athu a ha mavu a mu jiyile go.11 We jile gwa athu a dimbo dienji uvi athu a dimbo dienji a mu tshiginile go.12Uvi gwa wanyi akima a mu yambele, wanyi a kwikile mu jina dienji, wa a hwile giyega gia gu kituga ana a Nzambi, 13wanyi a butugile go mu menga nu mu musunyi, to mu lozolo lwa muthu uvi mu lozolo lwa Nzambi.14Ebuna ndinga ya kitugile musunyi, we jile mu jinga mu katshi dietu. Ta monele khembo yenji, khembo ya fwanana nu mona mu moshi wa katugile gwa Tata, mona yonu wa khalele wa zala nu ima ya bonga nu masonga.15 Yowani wa tele gi themwe gienji tangwa a zwelele mu ndinga ya ngolo egi: " Yogu muthu nga zwelele mukunda nu mwene egi: " Muthu yonu udi muza gu nyima diami wa balegele gu twama diami; mukunda wa jingile gu twama diami".16Mukunda nu gu koma gwa mutshima wenji wa bonga ta zudile lusagumunu holu dia lusagumunu. 17Mukunda shigo ya haneye mu njila ya Moyize, uvi gutshigina nu masonga ejile mu njila ya Yesu Kilisto.18 Gushi go ata muthu wa monele Nzambi mu tangwa dikima. Kaka muthu mu moshi, Nzambi mwene ha khenji yonu wa butugile gwa Tata, mwene wa nu tu jiyishile nenji.19Tala gimbangi gia Yowani tangwa ba yuda a tumile katuga gu Yelusalemi nganga-nzambi nu enya gikanda gia ba levi ha guza mu mu hula egi: " Udi wa nanyi?" 20Mwene wa vutudile mu malembe nu gu konda gu tuna wa hanele mvutu egi: " Ngu shi gami nga Kilisto go." 21Hene a mu hudile egi: " Udi wa nanyi? Wa Eliya?" Wa zwelele egi: " Ngu shi gami nga Eliya go." A mu hudile egi: " Udi wa profeta?" Wa vutudile egi: " Ndo."22Gu nyima, a mu hudile egi: " Udi wa nanyi " mukunda tu vutuge ha gu hana mvutu gwa wanyi a tu tumile. Ikhi udi muzwela mukunda nu eye ha khaye?" 23Wa vutudile egi: " Eme nga dizwi dia muthu yonu udi mu kabuga mu katshi dia temu dia zala fufuta egi: " Londenu mwa bonga njila ya Fumu mu phila profeta Yezaya a zwelele ".24Gwa khalele hene athu a tumiye gwa afalisaye. A mu hudile egi:25 " Mukunda nu ikhi udi mu botiga athu mukunda ushi gaye wa Kilisto go, nga wa Eliya go, nga wa profeta go?"26Yowani wa a vutudile egi: " Eme ngu mu botiga nu meya. Mu katshi dienu gudi nu muthu mu moshi yonu mushi mu jiya go. 27Muthu mwene udi yonu udi muza gu nyima diami. Ngu shi nu giyega go gia gu mu jitulula shinga jia saphatu jenji." 28Ndaga jiji jia balegele gu Betania ha sambwa dia yolodani, gunu Yowani a khalele mu botiga athu.29Mu gilumbu gia hatele, Yowani wa monele Yesu khalele muza gwa mwene wa zwelele egi: " Talenu, muna dimeme dia Nzambi dia nu katula gubola gwa hoshia mavu. 30Yogu muthu yonu nga zwelele mukunda nu mwene egi yonu udi muza gu nyima diami udi wa ngu balega; mukunda wa jingile gu twama diami.31 Nga mu jiyile gami go uvi mukunda mwene a jiyiye gu Izrayele nge jile mu botiga nu meya."32Yowani wa tele gi themwe egi: " Nga monele Pheve ya fwanana nu yembe mu katuga gosa muza mu bulumuga enji mu magana holu dienji. 33Nga mu jiyile gami go uvi yonu wa ngu tumile ha gu botiga athu mu meya wa ngu lezele egi: " Yonu mu kima mba u mona pheve muza mu bulumuga nu gu magana holu dienji, mwene mba u botiga nu Pheve Santu". 34Nga monele, nga tele gi themwe egi udi Muna Nzambi."35Mu gilumbu gia hatele, tangwa Yowani a maganele nu alongogi muyadi,36 a monele Yesu wa khalele mu balega, Yowani wa zwelele egi: " Talenu, Muna dimeme dia Nzambi!"37Alongogi wanyi muyadi a vile phila Yowani a zwelele, hene a hatele Yesu. 38Tangwa Yesu a balumugile gu nyima wa monele a muza mu mu hata, wa a hudile egi: " Ikhi mudi mu tshigina?" 39A mu vutudile egi, " Rabbi( disongidila Longi ), gwi wa nu jinga?" Mwene wa vutudile egi: " Gizenu mu mone." Gu nyima ejile a monele hama a khalele mu jinga. A begele nenji gilumbu giene, mukunda ya khalele mu tangwa dia kumi.40Mu moshi mu katshi dia wanyi wa vile Yowani mu zwela enji wa mu hatele ya khalele Andre phangia Simoni phetelo. 41Mwene wa monele mu mbala ya thomo phangienji Simoni hene a mu lezele egi: " Ta mona Mesiya ( disongidila Kilisto). 42Wa batele phangienji gwa Yesu. Tangwa Yesu a mu talele wa zwelele egi: " Eye Simoni,Muna Yowani. U mu ka mu tamegeya egi Sefasi (disongidila seso).43Mu gilumbu gia hatele, tangwa Yesu a tshiginile gu katuga ha guya gu Galileya, wa taganele nu Filipo wa mu lezele egi '' Ngu hate". 44Filipo wa khalele ,mwenya gu Betesayida, dimbo dia Andre nu Phetelo.45 Filipo wa taganele nu Natanayele wa mu lezele egi: " Muthu yonu Moyize a sonegele mu mukanda wa shigo, nu ba profeta a zwelele ta mu mona, Yesu Muna Yozefi, mwenya gu Nazareti.46Natanayele wa mu lezele egi: " Keti gima gia bonga gia jiya gu katuga gu Nazareti?" Filipho wa mu lezele egi: " Giza u tale." 47Tangwa Yesu a mu monele muza gwa mwene wa mu lezele egi: " Tala mwenya gu Isalele wa kielega yonu gwa shi go nu mambo ata gabiyo:"48 Natanayele wa mu hudile egi: " Phila khi wa ngu jiya?" Yesu wa mu vutudile egi: " Gu twama Filipho a gu tamege, tangwa wa khala ha mu shina wa mutshi wa fige, nga gu monyi."49Natanayele wa zwelele egi " Longi udi wa Muna Nzambi! Udi wa Fumu wa gu Isalele!"50 Yesu wa vutudile egi: " mukunda nga gu leza egi nga gu monyi ha mu shina wa mutshi wa fige hene wa kwikila? Mba udi mu mona ndaga jia gu balega gu koma." 51Wa zwelele nji egi: " Mu masonga, masonga ngu mu gu leza egi, mba udi mu mona gosa gwa kanguga ba wanjio a Nzambi mu kanduga nu gu bulumugila Muna Muthu."Chapter 2
1Gu nyima ya ilumbu itatu, gwa saleye khinji imoshi ya makwela gu kanana gu Galileya Gina Yesu wa khalele gwene.2 Yesu nu alongogi enji a tamegeye gu khinji yene ya makwela.3Tangwa vinu dia hwile, Gina Yesu wa mu lezele egi: " Ashi nji nu vino go." 4Yesu wa mu vutudile egi : " Mukwetu, keti ndaga yiyi idi mu ngu talela? Tangwa diami khanji di kuwa go." 5Ginenji wa lezele athu a gisalo egi: " ndaga ikima a mbo mi leza i kitenu."6Gwa khalele hene mabungu a maseso a sambano a meya bayuda a khalele mu salela mukunda nu shigo jiawo jia gudi wova, konso dibungu dia khalele mu ngila giteso gia ba litre khama nga ndo khama jiyadi.7 Yesu wa a lezele egi: " Zalesenu mabungu nu meya.8 Gu nyima Yesu wa lezele athu a gisalo egi: " Zulenu meya ene lulu ngagi a batenu gwa muthu yonu udi mu twalesa khinji." A kitile nganyi.9Muthu wa khalele mu twalesa khinji wa phagele meya a balumugile vino, uvi gwa jiyile go gwi dia katuga (Uvi athu wanyi a gisalo a zangudile meya ene a jiyile gwi a katugile). Hene wa tamegele muthu wa khalele mu kwela wa mu lezele egi:10 " Muthu mu kima wa nu hana ha thomo matombe a bonga, gu nyima wa nu bata wanyi a bola tangwa athu akima a lauga. Uvi eye wa swegi matombe a bonga ti nu lulu ngagi."11Gidimbu gia khumbwa gia gu kanana gu Galileya gia khalele gia thomo Yesu a kitile, ha gu monesa khembo yenji, hene alongogi enji a kwikile gwa Mwene.12Gu nyima ya ndaga yene wa yile gu Kapernaum, Mwene, Ginenji, aphangienji nu alongogi enji, a kitile go gwene ilumbu ya vula.13Khinji ya pake ya bayuda ya phusanele Yesu wa yile gu Yelusalemi.14 Wa sangele mu katshi dia inzo ya isambu athu a khalele mu diga ngombe, mameme nu phijio. Athu a nu sombegesa falanga a khalele nji hene.15Hene wa londele fimbu ya shinga. Wa a kayele akima gawo nu gu a zola honze ya inzo ya isambu nu mameme nu ngombe. Wa phanzele falanga jia athu a nu sombegesa falanga, wa bishidile mesa awo. 16Wa lezele athu wanyi a khalele mu diga phijio egi: " Katulenu ima yiyi gwa leha nu haha. Bembenu gu kitula inzo ya Shami hama henu ha gu diga ima.17Alongogi enji a yibugile ndaga jia sonegeye gu mukanda egi: " Gikhesa gia inzo yaye mba gidi mu lema mu katshi diami ole tshiya."18 Hene mafumu a bayuda a mu lezele egi: " Gidimbu khi wa jiya gu tu leza egi udi nu giyega gia gu kita ndaga jiji?"19 Yesu wa a vutudile egi: " Phanzenu inzo Nzambi yiyi gu nyima dia ilumbu itatu ngu i zugise."20Mafumu a bayuda a zwelele egi: " Gwa balegele mvula makumi a wana nu sambano ha gu tunga inzo yiyi ya isambu, eye wa mbo i zugisa mu ilumbu itatu?"21 Uvi, wa zwelele nganyi mukunda nu inzo ya mwila wenji. 22Gu nyima ya gu zuga gwenji gu lufwa, alongogi a yibugile egi wa a lezele ndaga jiji hene a kwikile gu ndaga jia sonegeye nu gu ndaga jia zwelele Yesu.23Tangwa Yesu a khalele gu Yelusalemi gu khinji ya pake, mu tangwa dia khinji, athu a vula a kwikile mu jina dienji, ha gu mona idimbu ya khumbwa a khalele mu kita.24 Ata nganyi, Yesu gwa tshiginile go gu a hagela mutshima mukunda wa khalele mu a jiya akima, 25enji mukunda gwa khalele go nu funu athu a te gi themwe gia muthu muko, mukunda wa jiyile ndaga jia khalele mu katshi diawo.Chapter 3
1Gwa khalele mufalisaye mu moshi jina dienji Nikodemi wa khalele fumu wa ba yuda. 2Muthu mwene wa yile mu phipha gwa Yesu wa mu lezele egi :" Fumu tudi mu jiya egi udi wa longi wa katuga gwa Nzambi, mukunda gushi go ata muthu wa jiya gu lungisa idimbu yiyi udi mu kita, gula Nzambi gwa shi go n'enji."3Yesu wa mu vutudile egi :"Mu masonga masonga, gula muthu gwa butugile go mbala iko gwa jiyile go gu mona Gifumu gia Nzambi." 4Nikodemi wa hudile egi :" phila khi muthu wa jiya gubutuga nji gula udi gale mbuta? Keti wa jiya nji gu ngila mu vumo dia ginenji ha gubutuga nji ? "5Yesu wa mu vutudile egi : "Mu masonga masonga, gula muthu gwa butugile go gu meya nu gu gi Pheve, gwa jiyile go gu ngila mu Gifumu gia Nzambi. 6Yinyi ya butuga gu musunyi idi ya musunyi, yinyi ya butuga gu gipheve idi ya gipheve.7Gu yituga ndo gu ima nga gu leza egi :" ufete gubutuga mbala iko." 8Muphephe wa nuya gunu wa tshigina. Wa nu vwa makelele uvi wa nu jiya go gwi wa katuga, nga ndo gwi udi muya. Nganyi idi giteso gi moshi gwa yonu wa butuga gwa Pheve."9Nikodemi wa hudile egi :" phila khi ndaga yene ya jiya gu salama?" 10Yesu wa vutudile egi :" udi wa longi wa koma wa gu Isalele, ikwatshi ushi mu bagisa go ndaga jiene ? 11Mu masonga masonga, tudi mu zwela ndaga jinyi tudi mu jiya, tudi mu ta gimbangi gia ndaga yinyi ta monele. Lulu mushi go mu tshigina mute gimbangi gietu.12Gula nga mi leza ndaga jia haha ha mavu mushi mu kwikila go, phila khi mba mu kwikila gula nga mi leza ndaga jia gosa? 13Gushi go ata muthu wa kandugile gosa, kaka yonu wa bulumugile gosa, udi Muna-Nzambi.14Phila Moyize a zugishile nioga mu temu dia fufuta fufuta, giteso gi moshi nji,Muna muthu mba udi mu zugishiya 15mukunda yonu mu kima mba ukwikila gwa mwene, mba udi mu zula monyo wa mvula nu mvula.16Mukunda Nzambi wa tshiginile mavu akima , hene a hanele munenji mu moshi, mukunda yonu mba ukwikila gwa mwene mba a fi go, uvi mba udi mu zula monyo wa mvula nu mvula.17 Nzambi gwa tumile go munenji haha ha mavu mukunda nu gu belesa mavu,uvi mukunda mavu a guluge mukunda nu mwene. 18Yonu mukima udi mu kwikila gwa mwene mba gwa beleseya go, uvi yonu gwa nu kwikila go udi wa bela, mukunda gwa kwikille go mu jina dia Mona mu moshi wa Nzambi.19Ndaga ya nu benda ndola nu gu sambeseya, idi egi mwanya ufeto za haha ha mavu, uvi athu a tshiginile phipha, a tuna mwanya mukunda isalo yawo ya khalele ya bola. 20Mukunda yonu udi mu salela masumu udi mu tuna mwanya enji gwa shi go gu mwanya mu phila egi isalo yenji izoleye ha phelo.21 Mu tangwa di kima, yonu udi mu salela masonga, udi muza mu mwanya, nganyi isalo yenji idi mu lungisama nu gu tshiginiya gwa Nzambi mwa bonga."22Gu nyima, Yesu nu alongogi enji a yile gu khanda ya mavu a yudeya. Gunu a balegesele tangwa mukunda a khalele mu botiga. 23Yowani nji wa khalele mu botiga gu Enoni phene-phene nu salimi mukunda gunu meya a khalele gwene a vula. Athu a khalele muza gwa mwene ha gu zula mbotiga. 24Mu tangwa diene dinyi Yowani wa khalele khanji a ngila go mu bologo.25Gu nyima gwa zogele thembe mu khatshi dia alongogi a Yowani nu mu yuda mu moshi mukunda nu ndaga ya shigo ya gudi wova ha meso a athu. 26A yile gwa Yowani a mu hudile egi :"Longi, yonu mwa khalele n'enji gu khanda ya nzadi ya yolodani, yonu wa khalele mu haneya gimbangi, tala udi mu botiga, enji athu akima adi muya gwa mwene."27Yowani wa vutudile egi :" Gushi nu muthu mu moshi go wa jiya gu zula gima gula gima giene gia mu hwiye go gosa ." 28Enwe ha khenu mwa jiya guta githemwe ginyi nga zwelele egi :" Ngushi nga Kilisto go;" uvi nga zwelele egi :" Nga tumiye gu twama dienji."29Mukhetu yonu wa kwela udi wa yala yonu wa mu kwela uvi futa dia yonu wa kwela udi wa magana hene mu nenga, wa nu mona kiese gia vula ha guvwa dizwi dia yonu wa kwela. yene idi kiese giami gibeni. 30Mwa bonga mwene a kanduge eme ngu bulumuge.31Yonu udi muza gosa udi holu dia ima ikima. Yonu udi muza hoshia mavu udi wa ha mavu enji udi mu zwela ndaga jia hoshia mavu.32 Yonu udi muza gosa udi holu dia ima ikima. Udi mu ta gi themwe gia ima yinyi mwene a monele nu yinyi a vile, uvi gushi go muthu mu tshigina gi themwe gienji. 33Yonu gwa shi go mu tshigina gi themwe gienji wa nu bagisa egi Nzambi wa nu zwela ndaga jia kielega.34Mukunda yonu Nzambi a tumile wa nu zwela ndaga jia Nzambi, mukunda Nzambi wa nu mu zalesa sha nu Pheve yenji.35 Tata wa nu tshigina Mona hene a mu hwile ima ikima ha mago enji.36 Yonu udi mu kwikila gwa Mona udi nu monyo wa mvula nu mvula; yonu wa konda gulemvuga gwa Mona mba gwa zudi go monyo, uvi Nzambi mba udi mu mu vila khabu."Chapter 4
1Gwa dile Yesu wa vwa egi afalisaye a vile egi wa khalele mu kita gisalo nu gu botiga alongogi a gu balega Yowani, 2uvi Yesu mwene ha khenji gwa botigile go, uvi ya khalele alongogi enji.3 Wa katugile gu Yudeya ha gu vutuga gu Galileya.4Ya khalele nu funu gwa mwene ha gu balegela gu Samaliya.5 Wa kumile mu dimbo di moshi dia Samaliya, jina diienji Shishar, phene-phene nu mavu wanyi Yakobo a hwile mu nenji Yozefi.6Gunu gwa khalele nu wina dia meya dia Yakhobo. Yesu wa hwidile mukunda nu gu wenda a wendele hene a yile mudi tumbiga phene-phene nu wina diene dia meya. Ya khalele mu tangwa dia sambano. 7Mukhetu wa gu Samaliya we jile ha gu thaga meya hene Yesu a mu lezele egi : "Ngu hwe meya ngu nwe."8 Mukunda alongogi enji a yile gu dimbo ha gu sumba ima ya gudia.9Hene mukhetu wa gu Samaliya a mu lezele egi :" mukunda nu ikhi eye udi mu yuda, udi mu ngu lomba meya a gunwa, eme mukhetu wa gu Samaliya ?" Mukunda ba yuda a nu di visa go nu enya gu samaliya." 10Yesu wa vutudile egi : " Nga udi mu jiya makapho a Nzambi enji nanyi udi mu gu leza egi : " Ngu hwe meya a gunwa " nga eye wa mu lombi, enji nga udi mu gu hwa meya a monyo."11Mukhetu wa mu lezele egi : "Longi, ushi nu nzungu go enji wina didi dia leha. Gwi wa jiya gu zula meya a monyo ?12 keti udi wa mbuta ya gu balega Shetu Yakhobo yonu wa tu hwile wina enji mwene ha khenji wa nwile meya ene nu anenji nu shitu jienji ?"13Yesu wa mu vutudile egi :" Yonu, mba unwa meya wawa mba udi mu vwa luhungu,14 uvi yonu mba unwa meya wanyi mba ngu mu hwa, mba gwa vi nji luhungu go. Mukunda meya mba ngu mu hwa mba a kituga gwa mwene gito gia muta mba ukhala mu bulumuga mu monyo wa konda suga."15Mukhetu wa mu lezele egi :" Longi,ngu whe meya ene, mukunda mba ngule guvwa nji ndo luhungu, enji mba ngule guza nji ndo ha gu thaga meya wawa." 16Yesu wa mu lezele egi :" Nda , tamega mulumi'aye muze n'enji haha. "17Mukhetu wa mu vutudile egi :" Ngu shi nu yala go." Yesu wa mu lezele egi :" Wa zwela mwa bonga, ushi nu yala go;" 18wa zudiye gwa mala mu tano, yonu udi n'enji lulu ngagi gwa shi go mulumi'aye, ndaga wa zwela idi ya masonga."19Mukhetu wa mu lezele egi :" Longi ngu mu mona egi udi wa profeta.20 A shetu a khalele muza mu kumisa ha mulundu wuwu uvi eye udi mu zwela egi gu Yelusalemi guma gwa guya mu kumisa."21Yesu wa mu lezele egi :" Ngu kwikile, mukwetu eye egi tangwa didi muza mba mu kumisa go Tata ha mulundu wuwu, nga gu Yelusalemi.22 Mba mudi mu kumisa ndaga jinyi mushi mu jiya go. Tudi mu kumisa ndaga jinyi tudi mu jiya, mukunda gu guluga gu muza gwa ba yuda.23Tangwa didi muza, dia lunga lulu ngagi, mukunda athu a mayilago a nu tshigina gu sambela, mba adi mu sambela Tata mu gi Pheve nu mu masonga, mukunda Tata udi nu funu ya athu a nganyi a gu khala athu enji a isambu.24 Nzambi udi Pheve, athu adi mu mu sambela a feto gu mu sambela mu gi Pheve nu mu masonga."25Mukhetu wa mu lezele egi : "Ngu mu jiya egi Mesiya mba udi muza (yonu wa nu tamegeya egi Kilisto). Tangwa mba eza mba udi mu tu tendudila ima ikima ."26 Yesu wa mu lezele egi :"Ngudi nga Mesiya, eme ngudi mu solula n'eye."27Mu tangwa diene alongogi ejile mu zoga hene. A yitugile ha gumona egi wa khalele mu solula nu mukhetu, uvi ata mu moshi nu gu zwela ndo egi :"ikhi udi mu tshigina ?" nga ndo mukunda nu ikhi udi mu solula nu mukhetu yogu?"28Hene mukhetu mwene a bembele nzungu yenji ya meya, wa vutugile mu dimbo wa lezele athu egi :"29 Izenu mu mone yala mu moshi wa ngu leza ndaga ji kima nga kitile. Mbala iko wa jiya gu khala Kilisto ? 30A katugile mu dimbo, ejile mu mu sanga hene.31Tangwa dinyi, alongogi a khalele mu mu phusa nu gu mu leza egi :" Fumu, giza udie." 32Uvi mwene wa a lezele egi :" Ngudi nu madia a gudia wanyi mushi mu jiya go." 33Hene alongogi a zwelele ene nu ene egi :" mbala iko gudi nu muthu wa mu batela ima ya gudia ?34Yesu wa a lezele egi :"Madia ami adi gu sala luzolo lwa yonu wa ngu tumile nu gu lungisa isalo yenji.35 Keti mwa nu zwela go egi :" Gwa bega ngonda ji wana ha gu mona sungi ya gu katula ima?" Eme ngu mu mi leza egi :" Tuphulenu meso mu tale ilanga, mukunda tangwa dia lunga ha gu katula mbuto mu ilanga! 36Yonu udi mu katula ima mu ilanga mba udi mu zula lufutu nu gu zula mabundu a vula mukunda nu monyo wa mvula nu mvula, mukunda yonu udi mukuna, nu yonu udi mu katula ima mu gilanga mba a khala mu kiese akima.37Hene henyanyi hene hadi gingana gigi : "Mu moshi udi mu kuna, muko udi mu katula." 38Nga mi tumile ha gu katula yinyi mwa kunyile go. Ako a kitile gisalo, enwe mweza mu ngila mu gisalo gia bala.39Athu a gu Samaliya a vula a mu dimbo diene a kwikile gwa Yesu mukunda nu gimbangi gia mukhetu ginyi a zwelele egi :" Wa ngu leji ndaga jikima nga kitile." Hene40 athu a gu Samaliya ejile gwa mwene, a mu lombele ha gu bega n'awo ata ilumbu iyadi.41A vula a kwikile nji mukunda nu ndinga yenji.42 A lezele mukhetu mwene egi :"Ta kwikile go mukunda nu ndaga yinyi wa zwelele uvi mukunda ta vi gu matshi etu, enji tudi mu jiya egi yogu ngayi udi mwene mu gulushi wa mavu akima."43Gwa balegele ilumbu iyadi, wa katugile ha guya gu Galileya. 44Yesu mwene ha khenji wa zwelele egi gushi go ata profeta wa nu zula lukumu mu dimbo diawo.45 Tangwa a kumile gu Galileya, athu a gu galileya a mu yambele. A monele ndaga jikima a kitile gu Yelusalemi mu tangwa dia fete, mukunda ene nji a khalele gu fete yene.46Wa katugile gu Kanana gunu a baludile meya mu vinu. Gu Kapernawum gwa khalele, suta di moshi dia fumu munenji wa yala wa khalele mu kata. 47Tangwa a vile egi Yesu wa katuga gu Yudeya ha guza gu Galileya, wa yile gwa Yesu ha gu mu bondila a bulumuge ha gu belula munenji wa khalele phene-phene nu lufwa.48Yesu wa mu lezele egi :" Mudi mu mona ndaga jia gu yituga jia phila nu phila. Uvi mushi mu kwikila go ." Suta wa mu lezele egi :49"Longi, giza tangwa munani khanji a fwa go ."50 Yesu wa mu lezele egi :" Nda, munaye udi nu monyo ." Muthu mwene wa kwikile gu ndinga ya zwelele Yesu, wa yile.51Tangwa a khalele mu bulumuga, athu enji a gisalo ejile ha gu mu tagana a mu lezele egi munaye udi nu monyo.52 Wa a hudile egi tangwa khi mona a yandiga guvwa mwa bonga. A mu vutudile egi :" Hamene mu tangwa dia sambwadi, gimbefu gia mu katuga."53Hene sha mona a yindudile egi ndaga yene ya salama kaka mu tangwa dinyi Yesu a mu lezele egi :" Munaye udi nu monyo." Hene mwene ha khenji nu inzo yenji a kwikile.54 Ya khalele gilumbu gia giyadi Yesu a kitile gidimbu gia khumbwa tangwa a katugile gu yudeya ha gu vutuga gu Galileya.Chapter 5
1Gu nyima dia ndaga yene, fete ya ba yuda ya khalele mu salama, Yesu wa kandugile gu Yelusalemi. 2Gunu gu Yelusalemi phene-phene nu mufulo wa mameme, gudi nu gijiba gia nu tamegeya mu ndinga ya gi hebelo egi Beteseda enji gidi nu tu mifulo tu tano. 3Athu a vula wanyi a khalele nu misongo, nu wanyi a fwa meso, nu a malu a gifu, nu wanyi a misongo ya khonzo a khalele mu swama hene mu kinga tangwa meya a mbo nyigana.4 Mukunda wanjio wa Fumu wa khalele mu bulumuga mu tangwa di moshi ha gu nyigisa meya. Muthu mu kima wa khalele mu bulumuga ha thomo tangwa meya a khalele mu nyigana wa khalele mu beluga, ata gimbefu gidi gia phila khi.5Hene henyanyi ha khalele nu muthu mu moshi wa khalele nu malu a gifu mvula makumi a tatu nu nana.6 Tangwa Yesu a mu monele wa swama hene wa jiyile egi wa sala hene tangwa dia vula, wa mu hudile egi : "Wa tshigina gu beluga ?"7Muthu wa gimbefu wa vutudile egi :" Longi ngu shi go mu muthu wa jiya ngu ngu mba mu gijiba tangwa meya a mu nyigana mukunda tangwa ngu mu phaga muthu muko udi mu ngu diangela." 8Yesu wa mu lezele egi:" Zuga, zula gitanda giaye wenda ."9Mu tangwa diene dinyi muthu mwene wa belugile, enji wa zudile gitanda gienji wa wendele. Ya khalele mu gilumbu gia shigo.10Ba yuda a lezele muthu yonu wa belugile egi :" Idi mu gilumbu gia shigo enji wa jiyile go gu tuphula gitanda giaye." 11Wa vutudile egi: "yonu wa ngu belula wa zwedi egi, " zula gitanda giaye, wenda."12A mu hudile egi :" Nanyi muthu mwene wa gu leji nganyi egi " zula giitanda giaye wenda ?" 13Uvi muthu yonu wa belugile gwa khalele go mu jiya nanyi mukunda Yesu wa katugile hama hene mu giswegi mukunda nu gu vula gwa athu a khalele hene.14Gu nyima, Yesu wa mu sangele mu temphelo wa mu lezele egi : "Tala; wa beluga! gu kita nji ndo masumu, mukunda gima gia bola gile gu gu jila ndo."15 Muthu mwene wa yile mu bata sango yene gwa ba yuda egi idi Yesu wa mu belula.16Hene mukunda nu nganyi ba yuda a yandigile gu monesa Yesu phashi mukunda wa kitile ndaga yene mu gilumbu gia shigo. 17Yesu wa a lezele egi :" Shami udi mu sala nu lulu ngagi, n'eme nji ngu mu sala."18 Mukunda nu nganyi ba yuda a kambele nji phila iko ya gu mu shiya, mukunda ishi go kaka nu gu konda gu jitisa gilumbu gia shigo uvi mukunda wa khalele mu tamega Nzambi egi Shenji, enji mu di monesa egi wa fwanana nu Nzambi.19Yesu wa vutudile egi :"Mu masonga masonga, Mona gwa jiyile go gusala ndaga mwene ha khenji, katula yinyi Tata adi mu kita; mukunda ikima Tata adi mu kita, Mona nji udi mu ikita. 20Mukunda Tata wa tshigina mona enji wa nu mu bambugisa ndaga jia gu kita, nu gu mu bambugisa ndaga jia koma nu jinyi jiko mukunda mu khale mu katshi dia gu yituga.21Mukunda, phila Tata a zugishile mvumbi nu gu a hwa monyo wenji, Mona nji udi mu hana monyo gwa yonu adi mu tshigina. 22Mukunda Tata gwa shi go nzuji wa athu, uvi wa hanele gisalo gia gi nzuji gwa Mona.23 Mukunda akima a hane lukumu gwa Mona mu phila adi mu hana lukumu gwa Tata. Yonu gwa shi go mu hana lukumu gwa Mona udi mu tuna ha gu hana lukumu gwa Tata wa tumile Mona.24Mu masonga masonga, yonu mu kima udi mu vwa ndinga yami udi mu kwikila gwa yonu wa ngu tumile udi mu zula monyo wa mvula nu mvula enji mba gwa kwateya go, uvi mba udi mu balega gu lufwa.25Mu masonga masonga, ngu mu mi leza egi, tangwa dia kuwa, enji lulu ngagi, mvumbi mba jidi mu vwa ndinga ya Muna Nzambi, mvumbi jinyi mba ji vwa ndinga yene mba jidi mu jinga.26Mukunda Tata udi nu monyo gwa mwene ha khenji, nganyi, wa hwile Munenji ha gu khala nu monyo gwa mwene ha khenji 27enji Tata wa hanele giyega gwa Munenji ha gu sambesa mukunda udi Munenji.28Mu yituga go mu ndaga yene. Mukunda tangwa didi muza wanyi a kima adi gu majiamo mba a vwa ndinga yenji mba adi mu zoga, 29wanyi a kitile gu bonga mba adi mu futumuga gu lujingu , uvi wanyi a kitile gu bola mba adi mu futumuga ha gu sambeseya.30Nga jiyile go gu kita gima eme ha khami. Mu phila ngu mu vwa, ngu mu sambesa enji gu sambesa gwami gudi gwa masonga, mukunda nga nu kamba go luzolo lwami uvi luzolo lwa yonu wa ngu tumile.31 Gula nga ta kaka gimbangi gwami, gimbangi giene gi shi go gia masonga. 32Uvi gudi nu muthu udi mu ta gimbangi giami, nga jiya egi gimbangi adi mu ta mukunda nu eme gidi gia masonga.33Mwa tumile gwa Yowani,enji wa tele gimbangi gia masonga.34 Lulu ngagi gimbangi ngu mu zula gishi go gia muthu. Ngu mu zwela nganyi mukunda mu guluge. 35Yowani wa khalele mwinda wa khalele mu lema nu gu sema, enwe mwa vile kiese kaka tangwa di moshi mukunda nu semo yene.36Uvi gimbangi ngudi mu ta gidi gia gu balega gu koma nu ginyi gia Yowani, mukunda gisalo gia ngu hwile Tata ha gu lungisa, isalo yene ngudi mu lungisa idi mu ta gimbangi giami gwa Tata yonu wa ngu tumile.37 Tata wa ngu tumile, mwene ha khenji udi mu ta gimbangi giami. Mwa vile go ndinga yenji nga nu mona phila yenji ata mu tangwa di moshi.38 Ndinga yenji ishi go mu katshi dienu mukunda mushi mu kwikila go gwa muthu yonu a tumile.39Mwa phagele ha gu jiya mikanda ya sonegeye mukunda mwa nu yindula egi mu mikanda yene mba mudi mu zula monyo wa mvula nu mvula, mikanda yene idi mu ta gimbangi giami 40enwe mushi mu tshigina go guza gwa eme mukunda mu zule monyo.41Ngu shi mu zula go khembo gwa athu, 42uvi ngu mu jiya egi mushi nu gu tshigina gwa Nzambi go mu katshi dienu43Nge jile mu jina dia Shami, uvi mwa ngu yambele go.44 Phila khi mwa jiya gu kwikila, enwe mwa nu tshigina khunga jia athu, uvi mwa nu kamba go khunga jia nu katuga gwa Nzambi phamba?45Mu yindula go egi eme mba ngu mu mi funda gu twama dia Tata. Gudi nu muthu muko udi mu mi funda, udi Moyize yonu mwa hagele mutshima.46 Gula mwa nu kwikila gwa Moyize, nga mwa nu jiya nji gu kwikila gwa eme mukunda mwene wa sonegele mukunda nu eme.47 Gula mushi mu kwikila go gu mikanda yene, phila khi mwa jiya gu kwikila gu ndinga yami?"Chapter 6
1Gu nyima dia ndaga yene, Yesu wa zaugile mu sambwa dia gijiba gia Galileya ginyi gia nu tamegeya nji egi gijiba gia Tiberiade.2 Gimvuga gia athu a vula gia khalele mu mu hata mukunda athu a monele idimbu mwene a khalele mu kita gwa athu a gimbefu.3 Yesu wa yile gu khanda wa mulundu wadi tumbigile gwene hoshi nu alongogi enji.4(Pake, sungi ya fete ya bayuda ya khalele phene-phene.)5 Tangwa Yesu a tuphudile meso wa monele gimvuga gia athu a vula a khalele muza gwa mwene, hene a lezele Filipo egi: " Gwi ta jiya muya mu sumba mapha ha gu disa gimvuga gigi ?" 6(Yesu wa zwelele nganyi ha gu phaga Filipo mukunda mwene hakhenji wa khalele mu jiya ndaga ya gu kita.)7Filipo wa mu vutudile egi : " Khama jiyadi jia falanga jia mbo kuwa go ha gusumba mapha mukunda konso muthu ata gama gabiyo." 8Mu moshi mu katshi dia alongogi, Andre, phangia Simoni Phetelo, wa lezele Yesu egi :9 " Gudi haha mona yala mu moshi udi nu mapha a tano nu giswi jiyadi, uvi keti idi ya fwana mukunda nu gu vula gwa athu?"10Yesu wa zwelele egi : " Lezenu athu adi tumbige hoshi." ( hama hene ha khalele nu mwangu wa vula.) Hene athu adi tumbigile hosi a khalele guvula giteso gia mafunda a tano mu gimvuga.11 Yesu wa zudile gitshidi gia dipha, gu nyima wa vutudile matondo, mwene wa kaphele gwa athu wanyi a khalele a gudi tumbiga hoshi. Wa kaphele nji nu giswi giteso gi moshi mu phila a kitile enji athu ene a zudile mu phila atshiginile.12 Tangwa athu a dile akuta; mwene wa lezele alongogi egi: " Nonenu itshidi ya mapha innyi ya bega mukunda ata gima gile gu tota ndo."13A nonele a zalesele milongo kumi nu iyadi nu ya itshidi ya mapha, itshidi ya begele gu nyima ya gudia gwa athu akima. 14Hene, tangwa athu a monele gidimbu mwene a kitile, a zwelele egi: " Yogu udi yamakhidia mbikudi yonu ufeto za haha ha mavu."15 Tangwa Yesu a jiyile egi a feto guza ha gu mu kwata mu gingolo-ngolo ha gu mu haga fumu, mwene wa katugile genji hakhenji, ha guya gu mulundu.16Tangwa gingweze gia bwile, alongogi a bulumugile mu khelelego ya muta wa koma wa mungwa-mungwa.17 A ngidile mu wato a zaugile ha sambwa dia muta ha guya gu Kapernaum. (Mu tangwa phipha ya bwile, Yesu gwa khalele khanji eza go mu a sanga.) 18Muphephe wa vula we jile mu nyigisa muta.19Tangwa alongogi a ngidile mu wato, ayile mu ginano gia gu leha gwa gi tamina gia giteso gia kilometele makumi muyadi nu mu tano, a monele Yesu muza mu wenda holo dia meya ha guza gu khanda ya wato, hene woma wa a kwatele.20 Ata nganyi, mwene wa a lezele egi : "Yogo eme ! mu vi go woma." 21A tshiginile gu mu ngidisa mu wato, mu mbala imoshi wato wa yile mu phusana gonzia mavu gu khanda a khalele muya.22Mu gilumbu gia hatele, gimvuga gia athu wanyi a begele gu sambwa diko dia muta a monele egi gwa khalele go ata wato uko, kaka unu umoshi enji Yesu gwa ngidile go mu wato nu alongogi, uvi alongogi a yile ene hakhawo. 23( Ata nganyi gwa khalele nu ma wato ako a katugile gu Tiberiade phene-phene nu hama hanyi ene a dile mapha tangwa Yesu a vutudile matondo).24Tangwa gimvuga gia athu a monele egi Yesu nu alongogi a khalele go hama hene, a ngidile mu ma wato ha guya gu Kapernaum mu kamba Yesu.25 Tangwa a mu monele ha sambwa diko dia muta, a mu hudile egi: "Longi, tangwa khi weji gugu?"26Yesu wa a vutudile egi nu gu a leza egi: " Mu masonga, masonga, mushi go mu ngu kamba mukunda nu idimbu ya khumbwa inyi mwa monyi uvi mukunda mwa dile mapha enji mwa kutile.27 Sugisenu ha gu kita gisalo mukunda nu ima ya gudia inyi ya nu fwa, uvi kitenu gisalo mukunda nu ima ya gudia inyi ya nu jinga lujingu lwa mvula nu mvula lunu Muna Muthu mba a mi hwa, mukunda Nzambi Tata mwene ha khenji a hagele gidimbu holo dia muthu yonu a phonele."28Hene a mu lezele egi: " Ikhi ta jiya gu sala ha gu kita gisalo gia Nzambi?" 29 Yesu wa a vutudile egi: " Tala gisalo gia Nzambi gidi egi: enwe mu kwikila gwa muthu yonu wa tumiye."30Hene a mu lezele egi: " Gidimbu khi wa mbo kita mu phila egi tu mone, tu gu kwikile ? Ndaga khi u kita? 31A shetu a dile madia wanyi a hwiye mu temu dia zala fufuta, mu phila ya sonegeye egi: " Mwene wa a hwile mapha wanyi a katugile gosa ha gudia'."32Hene Yesu wa a vutudile egi: " Mu masonga masonga, ya khalele go Moyize wa mi hwile mapha a gosa, uvi ya khalele Shami udi mu mi hwa mapha a kielega wanyi a gosa. 33Mukunda mapha a Nzambi adi muthu yonu wa katugile gosa ha guza mu bata monyo gwa thotho ikima." 34Lulu ngagi wa a lezele Yesu egi: " Fumu, tu hwe mapha ene tangwa dikima."35Yesu wa a lezele egi:" Eme nga dipha dia monyo, yonu mu kima udi muza gwa eme mba gwa khala go mu nzala, yonu nji udi mu ngu kwikila mba gwa vi go luhungu. 36Mu phila nga mi lezele egi: " mwa ngu mona uvi mushi go mu ngu kwikila.37 Wanyi akima Shami a ngu hwile mba adi muza gwa eme, enji mba ngu bishila go ata phila khi yonu mba uza gwa eme.38Mukunda eme nga katugile gosa, ndo mukunda ngu sale luzolo lwami, uvi mukunda nu gu sala luzolo lwa yonu wa ngu tumile.39 Tala luzolo lwa yonu wa ngu tumile, ngule gu totesa ndo ata mu moshi mu katshi dia wanyi mwene a ngu hwile, uvi mukunda ngu a zugisa gu lufwa mu gilumbu gia suga.40 Mukunda luzolo lwa Tata ludi egi, yonu mu kima wa mona Mona nu gu mu kwikila a zule monyo wa mvula nu mvula, enji mba ngu mu zugise gu lufwa mu gilumbu suga."41Mafumu a bayuda a yandigile gu mu bogutila mu phila mwene a zwelele egi: " Eme nga dipha dinyi dia katugile gosa." A zwelele egi: 42" Keti yogu ishi go Yesu, muna Yozefi, yonu tudi mu jiya shenji nu ginenji?" Phila khi adi mu zwela egi: " Eme nga katugile gosa?"43Yesu wa a vutudile egi: " Sugisenu ma boguta mu katshi dienu.44 Gushi go nu muthu wa jiya guza gwa eme gula Tata yonu wa ngu tumile gwa mu bendele go ha guza gwa eme, enji mba ngudi mu mu zugisa gu lufwa mu gilumbu gia suga.45 A sonegele gu mikanda gwa ba profeta egi: " Mba adi mu longeya gwa Nzambi." Konso muthu yonu wa nu vwa malongi a Tata nu gu a tshigina, udi muza gwa eme.46Gushi go nu muthu wa monale Tata, kaka yonu wa katugile gwa Tata, mwene wa monale Tata.47 Mu masonga masonga, yonu wa nu kwikila udi nu monyo wa mvula nu mvula.48Eme nga dipha dia monyo.49 A shenu a dile madia wanyi a vula a hwiye mu katshi dia temu dia zala fufuta uvi a file.50Didi dipha dia katugile gosa, mukunda muthu mu kima wa mba udia dipha diene mba gwa fi go.51 Eme nga dipha dia monyo dia katugile gosa. Gula muthu wa zula dipha diene mudia, mba udi mu jinga tangwa dikima. Dipha dinyi mba ngu hana didi mwila wami mukunda nu monyo wa thotho ya mvimba."52Bayuda a vile khabu a yandigile gu haga thembe mu katshi diawo nu gu zwela egi: " Phila khi muthu yogu a jiya gu tu hwa mwila wenji?" 53Hene Yesu a zwelele egi: " Mu masonga masonga ngu mu mi leza egi gula mwa dile go mwila wa Muna Muthu nu gu konda gunwa menga enji, mba mu zudi go monyo mu katshi dienu.54Yonu mu kima mba udia mwila wami nu gunwa menga ami udi nu monyo wa mvula nu mvula, enji mba ngudi mu mu zugisa gu lufwa mu gilumbu gia suga.55 Mukunda mwila wami udi madia a moshi a kielega, menga ami adi gima gi moshi gia gunwa gia bonga. 56Yonu mba udia mwila wami nu gunwa menga ami udi mu katshi diami, eme mu katshi dienji.57Mu phila Tata wa monyo wa ngu tumile, enji mu phila ngudi mu jinga mukunda nu Tata, mu phila yene yonu udi mudia mwila wami, mba udi mu jinga nji mukunda nu eme. 58Didi dipha dinyi dia katugile gosa, ishi go mu phila ya dinyi a shetu a dile enji a file. Yonu mba udia dipha diene mba udi mu jinga mu tangwa dikima." 59Yesu wa zwelele ndaga jiene mu katshi dia inzo ya isambu, mu tangwa mwene a khalele mu longa gu Kapernaum.60Alongogi a vula, tangwa a vile ndaga yene a zwelele egi: " Wawa malongi a phashi, nanyi wa jiya gu a tshigina?"61 Yesu mu phila a jiyile mu mutshima wenji egi alongogi a khalele mudi bogutila mukunda nu ndaga yene, mwene wa a lezele egi: " keti ndaga yene ya mi budisa sakuba?"62Ikhi mba mu kita gula mba mwa mona Muna Muthu mu kanduga gosa gunu mwene a katugile ha thomo?63 Idi Pheve ya nu hana monyo. Mwila ushi go nu funu ata fioti. Malongi wanyi nga mi longele adi pheve nu monyo.64Lulu ngagi, idi mu katshi dienu wanyi ako a nu kwikila go." Mukunda Yesu wa jiyile katuga ha luyandigu egi wanyi a dile gu kwikila ndo ene mba a mu yegula. 65Mwene wa zwelele egi: " Idi mukunda nu nganyi nga mi lezele egi gushi go nu muthu wa jiya guza gwa eme gula Shami gwa mu hwile go njila."66Gu nyima ya ndaga yene, alongogi a vula a yile gawo a tunyile ha gu wenda nenji.67 Yesu wa lezele athumwa kumi nu muyadi egi: " N'enwe mwa tshigina guya genu?" 68Simoni Phetelo wa vutudile egi: " Fumu, gwa nanyi muko ta jiya guya?" Eye udi nu malongi a monyo wa mvula nu mvula, 69etwe ta kwikile enji tudi mu jiya egi eye wa Musantu wa Nzambi.70Yesu wa a lezele egi: " Keti ishi go eme nga mi phonele kumi nu muyadi, mukunda mu moshi mu katshi dienu udi diabulu?" 71Mwene wa khalele mu zwelela Yudasi, muna Simoni Isikaliote, mukunda mwene mu moshi mu katshi dia kumi nu muyadi, wa tshiginile gu yegula Yesu.Chapter 7
1Gu nyima ya ndaga jiene, Yesu wa yile gu Galileya mukunda gwa tshiginile go guya gu Yudeya mukunda bayuda a khalele mu kamba phila ya gu mu shiya?2 Lulu ngagi khinji ya bayuda nu ya thenta ya khalele phene-phene ha gu teya.3Hene aphangienji a mu lezele egi: "Katuga hama haha inda gu Yudeya, mukunda alongogi aye a mone nu ene isalo udi mu kita. 4Mukunda gushi go ata muthu mu moshi wa nu kamba gudi jiyisa gu meso a athu wanyi a nu kita ndaga gu giswegi. Gula udi mu kita ndaga jiene, di monese gwa mavu akima.5Mukunda ata aphangienji a khalele go mu mu kwikila. 6Hene Yesu a a lezele egi: " Tangwa diami khanji di lunga go, uvi tangwa dienu didi phembeni. 7Mavu a jiyile go gu mi yegula, uvi adi mu ngu yegula mukunda ngu mu ta gimbangi giawo egi isalo yawo idi ya bola.8Enwe, ndenu gu khinji, eme ngu shi go muya gu khinji mukunda tangwa diami khanji di lunga go." 9Gu nyima ya gu a leza ndaga jiene, mwene wa begele gu Galileya.10Uvi tangwa aphangienji a kandugile gu khinji, gu nyima nu mwene wa kandugile gwene, wa yile mu giswegi.11 Bayuda a khalele mu mu kamba gu khinji nu gu zwela egi: " Mwene udi gwi?"12Gwa zogele thembe ya vula mu katshi dia gimvuga mu ndaga ya khalele mu mu talela. Athu ako a khalele mu zwela egi: " Udi muthu wa bonga." Ako nji a khalele zwela egi: " Ndo, udi mu dimba athu." 13Uvi gwa khalele go nu muthu wa khalele mu zwela ndaga yenji ha phelo mukunda a khalele mu vwa woma wa bayuda.14Mu katshi dia khinji, Yesu wa ngidile mu inzo ya isambu wa yandigile gu longa. 15Bayuda a khalele mu yituga; a zwelele egi: " Phila khi Muthu yogu adi mu jiya ndaga jiji ji kima ? Mwene khanji a longuga go." 16Yesu wa a vutudile egi: " Malongi wawa ashi go ami, uvi adi a yonu wa ngu tumile.17Gula Muthu wa tshigina gu kita luzolo lwenji, mba udi mu jiya malongi wawa, gula adi mu katuga gwa Nzambi nga ndo ngu mu zwela mukunda nu mabanza ami ha khami.18 Yonu udi mu zwela mukunda nu mwene ha khenji udi mu kamba lukumu lwenji ha khenji, uvi yonu udi mu kamba lukumu lwa yonu wa ngu tumile, muthu mwene udi wa kielega enji gwa nu kamba go gununga gwenji.19Moyize gwa mi hwile go shigo ? uvi gu shi go ata muthu wa nu lemvugila shigo yene. Mukunda nu khi mudi mu kamba phila ya gu ngu shiya?" 20Gimvuga gia athu gia mu vutudile egi: " Udi nu pheve ya bola. Nanyi udi mu kamba ha gu gu shiya?"22Yesu wa vutudile nu gu a leza egi: " Nga kiti gidimbu gi moshi enwe mudi mu yituga mukunda nu gidimbu giene. 21Moyize wa mi lezele ha gumba anenu a mala mu mukanda wa phogo ( mukanda wene wa katugile go gwa Moyize uvi wa katugile gwa a khakha) enji mu gilumbu gia gu hwima, enwe mudi mu mba muthu mu mukanda.23Gula muthu mu moshi wa mbiya mu mukanda mu gilumbu gia guhwima mukunda nu gu konda gu shiya shigo ya Moyize, phila khi mudi mu ngu vila khabu mukunda nga belula muthu mu moshi mu gilumbu gia shigo?24Mu khadi go mu sambesa ha gu tala kaka gu meso uvi khalenu mu sambesa mu masonga."25Athu ako a gu Yelusalemi a zwelele egi: " Keti ishi go yogu adi mu kamba ha gu shiya ?26 Talenu, udi mu zwela ndaga jikima ha phelo, uvi ene ashi go mu mu leza ata gima. Keti mafumu ashi go mu jiya egi muthu mwene udi ya kielega Kilisto? 27Uvi etwe tudi mu jiya guma gwa katuga muthu yogu. Uvi tangwa Kilisto mba eza mu vutuga, gushi go nu muthu mba u jiya guma adi mu katuga."28Hene Yesu a yandigile gu longa mu ndinga ya ngolo mu katshi dia inzo ya isambu egi: " Enwe mudi mu ngu jiya nu gu jiya khungienu akima guma nga katuga. Eme nge jile go mu luzolo lwami, uvi yonu wa ngu tumile udi muthu wa kielega, mushi go mu mu jiya.29 Eme ngu mu mu jiya mukunda nga katuga gwa mwene enji mwene wa ngu tumile."30A yandigile gu kamba phila ya gu mu kwata, uvi gushi go nu muthu wa mu kwatele mukunda tangwa dienji dia lungile go. 31Athu a vula mu katshi dia gimvuga a kwikile gwa mwene a khalele mu zwela egi: " Tangwa Kilisto mba eza, keti mba gwa kiti go idimbu ya vula ya gu balega yiyi idi mu kita muthu yogu?" 32Ba falisaye a vila gimvuga gia athu a khalele mu boguta mukunda nu ndaga ya khalele mu talela Yesu, hene mafumu a nganga-nzambi nu ba falisaye a tumile masuta ha gu mu kwata.33Hene Yesu a zwelele egi: " Ngudi nenu ga ndambu ga ilumbu, gu nyima nngu feto vutuga gwa yonu wa ngu tumile.34 Enwe mba mudi mu ngu kamba uvi mba mu ngu monyi go; guma ngudi muya, mba mushi mu kuwa go ha gukuma gwene."35Bayuda a yandigile gudi zwelela mu katshi diawo egi: " Gwi mba guya muthu yogu mukunda etwe tule gu khala ndo nu phila ya gu mu mona? Keti udi mu tshigina guya mu katshi dia wanyi a phanzanele gwa ba greki ha guya mu a longa? 36Ikhi a tshigina gu zwela tangwa adi mu zwela egi: " Enwe mba mudi mu ngu khamba uvi mba mushi mu ngu mona go; hama ngu muya, mba mushi mu kuwa go ha guza hene."37Lulu, ha suga, mu gilumbu gia koma gia khinji, Yesu wa zugile wa yandigile gu longa egi: " Gula muthu udi nu luhungu, eze gwa eme a nwe. 38Yonu udi mu ngu kwikila, mu phila mikanda ya sonegeye idi mu zwela egi, gwa mwene mita ya koma ya meya a monyo mba idi mu zoga."39Uvi mwene wa zwelele ndaga yene mukunda nu pheve, inyi mba iza gwa athu wanyi mba a kwikila gwa mwene; pheve yene ya khalele khanji itumiya go mukunda Yesu wa khalele khanji a zula go lukumu.40Athu ako mu katshi dia gimvuga, tangwa a vile ndaga jiene, a zwelele egi: " Muthu yogu udi gibeni Kilisto." 41Uvi ako a zweleleegi: " Keti idi gu Galileya Kilisto a feto zoga? 42Keti mikanda ya sonegeye ishi go mu zwela egi Kilisto mba u zoga mu gikanda gia Davidi, enji gu Betelemi gu dimbo dinyi Davidi a khalele mu jinga?"43Hene gudi kapha gwa ngidile mu katshi dia gimvuga mukunda nu mwene. 44Athu ako mu katshi diawo a zudile ngindu jia gu mu kwatesa, uvi ata muthu mu moshi gwa mu kwatele go.45Tangwa masuta ejile mu vutuga, mafumu a nganga-nzambi nu ba falisaye a a hudile egi: " Mukunda nu ikhi mwadi gu mu bata haha ndo?" 46Masuta a vutudile egi: " Gushi go nu muthu wa zwelale nganyi katuga gu twama."47Ba falisaye a vutudile egi: " Keti mwa dimbiya n'enwe?" 48Mu katshi dia mafumu nu ba falisaye nanyi wa kwikila gwa mwene?49 Uvi gimvuga gia athu wawa khanji a jiya go shigo adi athu a shinjiye.50Nikodemi ( mu moshi mu katshi dia ba falisaye we jile mu mu mona gu twama ) wa zwelele egi:51 " Keti shigo yetu ya nu sambesa muthu gula khanji mu mu vwa go enji gula khanji ijiya go ndaga mwene a kiti?" 52A mu vutudile egi: " N'eye nji wa muthu wa gu Galileya? kamba wa mbo mona egi ata mbikudi profeta mu moshi gwa lendele go gu Katuga gu Galileya."53Gu nyima, konso muthu wa vutugile mu inzo yenji.Chapter 8
2Yesu wa kandugile gu mulundu wa mitshi ya ba olive.1 Mu gikhela gi kima, wa yile mu ngila mu inzo ya isambu, athu ejile gwa mwene. Wadi tumbigile enji wa yandigile gu a longa.3 Alongi a shigo nu afalisaye ejile mu bata mukhetu mu moshi wa kwateya nu gu kita uthambi. A mu hagele ha katshi dia gimvuga gia athu.4A lezele Yesu egi: " Longi, mukhetu yogu wa katuga mu kwateya mu kita uthambi.5Mu mikanda ya shigo, Moyize wa tu hwile nswa ha gu shiya athu a phila yiyi. Ikhi udi mu tu leza mukunda nu mwene?"6 A zwelele nganyi ha gu mu tela muheto mukunda nu gu mu funda. Uvi Yesu wa shiugile hoshi mu mavu wa yandigile gu sonega nu munwe.7Mu phila a khalele mu mu hula, Yesu wa zugile , wa hene a lezele egi: " Muthu yonu mu katshi dienu udi wa konda masumu a yandige gu mu kwemba muthu wa thomo maseso." 8Wa shiugile mu mbala iko ha gu sonega mu mavu nu munwe wenji.9Tangwa a vile ndaga yene, a yandigile gu katuga hama hene mu moshi mu moshi ha gu yandiga gwa ma mbuta. Gu nyima Yesu wa begele kaka nu mukhetu mwene wa hageye mu katshi diawo.10 Wa zugile enji wa mu hudile egi: " Mukhetu eye, Athu a gu fundi adi gwi? Gushi ata muthu go wa gu batudila ndola?" 11Mukhetu wa vutudile egi : " Fumu ata muthu ndo." Yesu wa mu lezele egi: " N'eme nji ngu shi mu gu batudila ndola go. Ginda gaye; gu kita nji ndo masumu."12Yesu wa lezele nji gimvuga gia athu egi: " Eme nga mwanya wa haha ha mavu; yonu udi mu ngu hata mba gwa wendi go mu phipha uvi mba udi mu jinga mu mwanya wa lujingu." 13Afalisaye a mu lezele egi: " udi mudi tela gimbangi gwaye ha khaye; gimbangi giene gishi gia kielega go."14Yesu wa a vutudile egi: " Ata ngu mudi tela gimbangi giami ha khami, gimbangi giami gidi gia kielega. Ngu mu jiya gwi nga katuga enji gwi ngu muya; uvi enwe mushi mu jiya go guma nga katuga nu guma ngu muya. 15Enwe Mudi mu sambesa ha gu talela mwila ; eme ngushi mu sambesa muthu go.16 Ata ngu mu sambesa, gu sambesa gwami gudi gwa kielega mukunda ngu shi ha khami go, uvi ngudi nu Tata yonu wa ngu tumile.17Mu shigo jienu, gwa sonegeye egi gimbangi gia athu muyadi gidi gia kielega. 18Eme ngu mu ta gimbangi giami ha khami, Tata yonu wa ngu tumile udi mu ta nu mwene gimbangi giami."19A mu lezele egi: " Shaye udi gwi?" Yesu wa vutudile egi: " Mushi mu ngu jiya go, mushi mu jiya nji go nu Shami; gula mudi mu ngu jiya, nga mudi mu jiya nu Shami." 20Wa zwelele ndaga jiene tangwa a khalele mu longa mu inzo ya isambu phene-phene nu hama ha nu swegeya ima ya funu uvi ata muthu mu moshi gwa mu kwatele go mukunda tangwa dienji dia khalele khanji di lunga go.21Wa a lezele nji egi: " Ngu muya gami. Mba mudi mu ngu kamba enji mba mudi mu fwa mu masumu enu. Mba mushi muza go hama hanyi ngudi muya. 22Bayuda adi zwelele ene nu ene egi: " Yonu wa zwedi egi: " Mwa jiyile go guza hama hanyi ngudi muya", keti wa tshigina guya mudi shiya?"23Yesu wa a lezele egi: " Mudi mwa athu a haha ha mavu; eme nga muthu wa gosa. Mudi mwa athu a haha ha mavu; eme ngu shi nga muthu wa haha ha mavu go.24 Hene ngu mu mi leza egi mba mudi mu fwa mu masumu enu. Mukunda gula mwa kwikile go egi NGUDI YONU UDI, mba mudi mu fwa mu masumu enu."25A mu hudile egi: " Udi wa nanyi?" Yesu wa vutudile egi: " Ndaga jinyi nga mi lezele katuga ha luyandigu.26 Ngudi nu ndaga jia vula jia gu zwela nu gu mi sambesa gu ndaga jidi mu mi talela. Uvi Yonu wa ngu tumile udi nu masonga; enji ndaga jinyi ngudi mu leza athu a ha mavu nga ji vile gwa mwene." 27A bagisele go egi wa khalele mu a leza ndaga jia Tata.28Yesu wa zwelele nji egi: " Tangwa mba mu tuphula Muna Muthu, hene mba mu jiya egi NGUDI NGA MWENE enji nga nu kita go gima gi moshi mu ngindu jiami. Mu phila Shami a ngu longele, idi mu phila yene ngu mu zwela ndaga jiene.29 Yonu wa ngu tumile udi n'eme, enji gwa ngu bembele go ha khami mukunda ngu mu kita kaka ndaga jinyi jia nu mu hwa kiese." 30Tangwa Yesu a khalele mu zwela ndaga jiene, athu a vula a kwikile gwa mwene.31Gu nyima Yesu wa lezele bayuda wanyi a kwikile gwa mwene egi: " Gula mwa kangama mu ndinga yami, mudi gibeni alongogi ami; 32mba mudi mu jiya masonga enji masonga ene mba adi mu mi katula mu gi higa." 33A mu vutudile egi: " Etwe tudi ta ana a Abalayama enji khanji tu khala mu gi higa gia muthu go; mukunda nu ikhi udi mu zwela nganyi egi? Mba mudi mu katuga mu gi higa."34Yesu wa a vutudile egi: " Mu masonga, masonga ngu mu mi leza egi, konso muthu yonu wa nu kita masumu udi muhiga wa masumu. 35Muhiga gwa nu khala go konso tangwa mu inzo; uvi muna fumia gisapha wa nu khala konso tangwa.36 Hene gula Muna Muthu wa mi katula mu gi higa, mba mu khala nji go ahiga.37Ngu mu jiya egi mudi mwa ana a Abalayama; uvi mudi mu tshigina gu ngu shiya mukunda ndinga yami ishi go mu katshi dienu. 38Ngu mu zwela ndaga jinyi nga monele gwa Shami, enwe nji mudi mu kita ndaga mwa vile gwa a shenu."39A vutudile egi: " Shetu udi Abalayama." Yesu wa a lezele egi: " Gula nga mudi mwa ana a Abalayama, nga mudi mu kita ndaga jia Abalayama.40 Lulu ngagi mudi mu kamba ha gu ngu shiya; eme muthu mu moshi nga nu mu mi leza ndaga jia kielega jinyi nga vile gwa Nzambi. Abalayama gwa kitile go ndaga jia nganyi. 41Mudi mu kita ndaga jia Shenu." A mu lezele egi : " Tu shi go twa ana a butugile mu uthambi; Tudi nu Shetu mu moshi Nzambi."42Yesu wa a lezele egi: " Gula Nzambi udi Shenu, nga mwa ngu tshigina, mukunda nga zogele enji nga katugile gwa Nzambi; nge jile go mu lozolo lwami, uvi mwene muthu wa ngu tumile.43 Mukunda nu ikhi mushi mu bagisa go ndinga jiami? Idi mukunda mushi mu tshigina gu ji vwa go. 44Enwe mwa katuga gwa diabulu, mwene shenu, enji mudi mu tshigina gu lungisa ndaga jia nu tshigina shenu. Wa khalele yonu wa nu shiya athu katuga ha luyandigu enji gwa kangamele go mu katshi dia masonga mukunda gwa shi genji go muthu wa masonga. Tangwa adi mu mba mambo, udi mu kita nganyi mu luzolo lwenji mukunda udi mwenya mambo enji udi sha mambo.45Uvi Enwe, mwa nu ngu kwikila go mukunda nga nu zwela ndaga jia masonga. 46Nanyi mu katshi dienu wa jiya gu leza egi nga nu kita masumu? Gula ngu mu zwela ndaga jia masonga, mukunda nu ikhi mushi mu ngu kwikila go?47 Yonu mukima wa katuga gwa Nzambi wa nu vwa ndaga jia Nzambi; uvi enwe mushi mu vwa go ndaga jia jiene mukunda mwa katugile go gwa Nzambi."48Bayuda a mu vutudile egi: " Keti tu shi go mu zwela mwa bonga egi udi wa mwenya gu Samaliya enji udi nu diabulu? 49Yesu wa a vutudile egi: " Ngu shi nu diabulu go, uvi ngu mu hwa Shami lukumu, uvi enwe mudi mu ngu vweza.50Eme nga nu kamba go khembo yami, Uvi gudi nu muthu mu moshi udi mu kamba enji udi mu sambesa. 51Mu masonga, masonga, ngu mu mi leza egi, gula muthu udi mu jitisa ndinga yami, mba gwa monyi lufwa ata fioti."52Bayuda a mu lezele egi: " Lulu ngagi ta jiya egi udi nu diabulu. Abalayama wa file nu ba profeta nji a file; uvi eye udi mu zwela egi: " Gula muthu mu moshi wa jitisa ndinga yami mba gwa phagi go lufwa ata fioti." 53Eye ushi go wa mbuta wa gu balega shetu Abalayama yonu wa file ishi nganyi go? Ba profeta nji a file. Udi mudi zula wa nanyi?"54Yesu wa vutudile egi: " Gula ngadi hwa khembo eme ha khami, khembo yene idi ya phamba. Shami yonu mwa nu tamega egi Nzambi wenu mwene muthu wa nu ngu hwa khembo.55 Enwe mwa mu jiyile go, uvi eme ngu mu mu jiya. Gula nga zwelele egi: " Ngu shi mu mu jiya go", nga ngudi nga mwenya mambo ole enwe. Ata idi nganyi, ngu mu mu jiya enji nga nu jitisa ndinga yenji. 56Shenu Abalayama wa nu vwa kiese ha gu mona gilumbu giami; wa monele gilumbu giene hene a vile kiese."57Bayuda a mu lezele egi: " Eye ushi gale nu mvula makumi a tano go udi mu zwela egi wa monele Abalayama?"58 Yesu wa a vutudile egi: " Mu masonga, masonga, ngu mu mi leza egi gu twama Abalayama a butuge, NGA khalele." 59A nonele maseso mukunda nu gu mu kwemba uvi Yesu wadi swegele enji wa zogele mu inzo ya isambu.Chapter 9
1Tangwa yesu akalele mubalega , wa monene gifofo gimoshi yandiga abutugile. 2Tangwedi alongeshi enyi amuhudile egie : " Fumu , nanyi wa salele masumu ? Muthu yogo kana shenji nu ginenji , mukunda a butuge gifofo?3Yesu wa avutudile egie : " shi go muthu yogo kana lo shenji kana lo ginenji asalele masumu, katshi idi mukunda gisalu gia nzambi gimonega gu meso a athu mu jina dia yesu . 4Tafete salo ipa ya yesu wa ngu tumine mu tangwa didi . Kana pipa ya bwa , muthu gwa lendele go gusala gisalu. 5Mu tangwa didi ngudi hadia mavu , ngudi mwanyia wa hadia mavu.6Tangwa yesu amanesele gu zwela ndaga jinyi wa mbila mate hoshi , wa salele poto - poto nu mate enji. Gu nyima wa zudile poto - poto inyi wa wasele gifofo ginyi ha katshi dia meso . 7Tangwedi wa lezele gifofo egie :" Nda uzwe meya mugiba gia siloe ( jima di mu zwele egie ngenji wa tumiye) " Gunyima muthu munu wayile genji muzwa meya na hene avutugile na meso asageya .8Tangwedi athu atu ngila nenji hehi nu wanyi a mumonene umu muya nu gulomba ima gudi athu gumatwanyi azwelele egie :" yogo gueshi go muthu munu wakalele mukala munjila mulomba athu ima ? " 9Athu ako azwelele egie:" yogo mwene " ako anyi akalele muzwele egie:" lo , gweshi mwene go yogo muthu wa mufana". Kashi mwene wa alezele egie yogo eme".10Ene amu lezele egie : " Tangwedi mukunda na khi meso aye adi ngagi a gukangula? " 11Mwene wa alezele egie muthu jina dienji yesu wa balumuna mate nu mavu hangenyi poto - poto wa nguwasele gu meso , wa ngu leza egie nda uzwa meya mu giyiba gia siloe" . Tangwa nga zwile meya gu meso meso akangugile hene nga yandigile gumona " . 12Ene amu hudile egie " muthu mwene udi guyi ? " mwene wa alezele egie : " ngushi mujiya go guma guadi".13Athu anyi abatele wa kalele meso afa , gifofo gudi afarisi. 14Tangwedi ya kalele mu gilumbu gia isambo ya bafarize ( sabbat) gwene yesu asalele potopoto, mavu wa fugisa nu mate , wa wasele gifofo hakhatshi dia meso hene meso akangugile. 15Tangwedi afarize amu hudile nji mbala iko egie mutshindo khi gifofo ginyi gia sageye meso hene gimumona ? gifofo gia alezele egie : " muthu munu wa fugishile mate nu mavu a kituga potopoto yene ya ngu wasele gumeso hene lulu ngagi ngu mu ma.16Afarize ako azwelele egie : " muthu yogo gweshi mukatuga gudi nzambi mukunda gweshi go mujitisa gilumbu gia isambo go ( sabbat) . " Ako egie mutshindo khi muthu wa masumu wa lenda sala ipa?" gunyima dia ndaga jinyi , afarize adi kapele mukanda jiyadi. 17Afarize a hudile nji mbala ya giyadi gudi muthu wakalele meso afwa egie : " Umu zwele nyi ikhi mukunda muthu munu wa gusagi meso?" muthu munu wa alezele egie : " muthu munu udi profeta ". 18Tangwa diadile gale gutamega shenji nu ginenji muthu munu wa diangele kala meso, wa sageye lulu na hene ayandigile mona. Gunyima dia gipapa atamegele shenji nu ginenji.19A ahudile egie : " yogo munenu umwa zwelele nyi ya butugile meso afwo , gifofo? lulu ngagi umu mona pila khi? 20Shenji nu gineji alezele egie : " tumu jiya nyi yogo munetu ,wa butugile gifofo . 21Lulu umu mona mutshindo khi , eswe tushi getu go mujiya ata jina dia muthu wa musagele meso mwene muhulenu mwene hakhenji udi muthu wa kula gale amileze.22Shenji nu ginenji akanene mvutu mukunda akalele nu woma wa ayuda mukunda ayuda adia ngele gale gudivisa egie mba akaya muthu wa gaswe mu inzo ya Nzambi yenu mba taya egie yesu udi mesiya , muna nzambi . 23Gishina gi nyi nyi shenji nu ginenji azwelele egie:" udi mukulupi , muhulenu wene hakhenji".24Mumbala ya giyadi , ayuda atanegele muthu wa butugile gifofo mumu lezele egie :" zwela gia makidia gumeso a nzambi nyi muthu mu nu wa gusagele udi muthu wa masumu." 25Tangwedi muthu munu wa avutudile egie : " eme ngushi mujiya gami go kama udi muthu wa masumu. Gima gimoshi ngumu jiya eme , nga kalele meso afua gifofo , lulu ngagi ngumu mona .26A mu hudile nji egie :" Gima khi muthu muna a gusalele ? mutshindo agutudile meso akalele a gushita ? " 27Nga milezele gale kensi enwe mushi munguva go. mukunda nakhi mu mulenyi muva nji ngaga yene tangwa diagaswe ? mushi mutshigina go gugituga milongeshi yenji? mwa tshigina ?28Amu shinga nene amu leza egie : "enwe mudi milongeshi yenji , kashi eswe tudi milongeshi ya mose . 29yogo tushi mujiya go umuza guyi?30Muthu wasageya meso afua wa avutudile egie : " Ngadi hula mwavula kana mushigo mujiya guma gumukatuga muthu munu . Kashi lulu mwene wangutugula meso wa asaga . 31Tumujiya nyi nzambi guenu va gulomba gua anyia musumu go ; kashi kana muthu udi mudihana nu gutshigina gwavula nzambi wenu muvila ."32Yandiga ha gusendesa gua mavu nu dilu khenji tuva gale go egie muthu wa tugudile mesa a gifofo gunyima wa asaga . 33Kana nga muthu munu ale gutuga gudi nzambi lo , gwa mbolo kuwa gu gusala ndaga inyi go. 34Ene a mu lezele egie : " eye wa butugile mumasumu , lulu umuku mbula gutulonga ? " Gunyima amukayele amuzola honze.35Tangwa yesu avile egie amuzolele mu inzo ya nzambi , wa tagenene nenji hene amu lezele egie : " eye umu kwila muna muthu ? " 36Muthu munu yesu asagele wa vutudile egie : " fumu nguleze udi nanyi mukunda ngumu kwikile gami? 37Yesu wa mulezele egie : " Wana monene , lulu ngagi mwenyio umu zwela nenji. 38Muthu munu wa mulezele egie " fumu , nga kwikila" tangwedi muthu munu wa mufugamele. "39Yesu wa zwelele egie : " ngejile hadia mavu haha mukunda mu gilumbu gia suga mba ngusambesa athu , wanyi adi ifofo a kwikidile mba amumona , meso mba adisaga ; wanyi enumona keshi akwikidilo go mba akituga ifofo ". 40Afarize ako akalele hene nenji , gu guva jindaga jinji amu hudile egie: " eswe nji tudi ifofo ? " 41Yesu wa avutudile egie :" kana nga mukalele meso afwa ifofo , nga mwasalele masumu go.Kashi lulu mu muzwele nyi " tumu mona" hene masumu enu adi kaka amijingidila.
Chapter 10
1Mu masonga, masonga, ngu mu mi leza egi, Muthu yonu wa nu la gu ngila ndo mu gizo gia mameme ha mufulo, uvi wa nu ngidila mu njila yekha, muthu mwene udi nzangi enji wa nu tambula ima ya athu.2 Uvi yonu wa nu ngila ha mufulo udi mutadi wa mameme.3Muthu wa nu tala gizo wa nu kangula mufulo. Mameme a nu vwa ndinga yenji enji wa nu tamega mameme enji mu ma jina awo ha gu a zola mu gizo.4Tangwa mwene adi mu zola mameme wanyi adi enji, wa nu magana gu twama diawo ene a nu mu hata; mukunda adi mu jiya ndinga yenji.5Mba ashi mu hata go mwenyi uvi a feto gu mu lenga; mukunda ashi mu jiya go ndinga ya mwenyi."6 Yesu wa a tele gingana gigi, uvi ene a bagisele go ndaga inyi a khalele mu a leza.7Yesu wa a lezele nji egi: " Mu masonga, masonga, ngu mu mi leza egi, ngudi nga mufulo wa mameme.8 Athu wanyi akima ejile gu twama diami adi nzangi enji athu a nu tambula ima ya athu ako, uvi mameme a vile go ndinga yawo.9Ngudi nga mufulo. Yonu mukima udi mu ngidila mu njila yami mba udi mu guluga; mba udi mu ngila nu gu zoga enji mba udi mu mona idi ya gudia.10 Nzangi wa nu za kaka mukunda nu gu kuya, gu shiya nu gu bolesa. Eme, nge jile mukunda mameme a zule monyo enji monyo wene u khale wa vula11Eme nga mutadi wa mameme wa bonga. Mutadi wa imeme wa bonga wa nu hana monyo wenji gwa mameme enji. 12Muthu wa gisalo gwa shi go mutadi wa mameme gwa shi nji go fumia mameme. Gula wa mona gibulu muza, wa nu bemba mameme wa lenga genji. Gibulu gia nu za mu a kwata nu gu a phanza. 13Wa nu lenga genji mukunda udi genji muthu wa gisalo gwa nu vila genji mameme khenda go.14Eme nga mutadi wa mameme wa bonga. Nga jiya mameme wanyi adi ami ene nji a nu ngu jiya.15 Tata udi mu ngu jiya eme nji ngu jiya Tata; nga nu hana monyo wami gwa mameme ami. 16Ngudi nji nu mameme ako ashi go haha mu katshi dia gizo. Idi ya bonga ngu a ngidise haha mu gizo, eze a vwe ndinga yami mukunda a vutuge mu gimvuga gi moshi a khale nu mutadi mu moshi.17Tala gikuma Tata a nu ngu tshiginila; nga nu hana monyo wami gu nyima nga nu u tambula.18 Gushi go ata muthu wa nu ngu tambula nayo, uvi nga nu u hana eme ha khami. Ngudi nu giyega gia gu u hana nu giyega gia gu u tambula. Shami wa ngu hwile giyega giene."19Gudikapha gwa ngidile mu katshi dia bayuda mukunda nu ndinga jiene.20 A vula mu katshi diawo a zwelele egi: " Udi nu diabulu enji udi mwenya malwi. Mukunda nu ikhi mudi mu vwa ndaga jienji?" 21Ako nji a zwelele egi: " Ndaga jiji adi mu zwela jishi go ndaga jia muthu udi nu diabulu. Keti diabulu wa jiya gu kangula meso a gifwa meso?"22Mu tangwa diene khinji ya gu tumbiga ya salamele gu Yelusalemi.23 Ya khalele mu sungi ya gishiyo yesu wa khalele mu wenda mu katshi dia inzo ya isambu, gu khanda ya kunji dia Salomo.24 Bayuda a mu jungile enji a mu hudile egi: " Ti nu tangwa khi wa jiya gu tu bemba mu katshi dia gudi hula? Gula udi wa Kilisto, tu leza nayo ha phelo."25Yesu wa a vutudile egi: " Nga mi lezele gala uvi enwe mwa nu kwikila go Ndaga jinyi nga kitile mu jina dia Shami jidi mu hana gi themwe giami.26 Enwe mushi mu kwikila go mukunda mushi mwa mameme ami go.27Mameme ami a nu vwa ndinga yami. Ngudi mu a jiya ene nji a nu ngu hata.28 Ngu mu a hwa monyo wa konda suga ene mba ashi mu fwa go enji gushi go nu Muthu wa jiya gu ngu tambula nawo ha mago ami.29Shami wa ngu hwile nawo udi wa balega athu akima gu koma enji gushi go nu muthu wa jiya gu a tambula gu mago a Shami. 30N'eme nu Tata, tudi muthu mu moshi." 31Hene bayuda a nonele nji maseso ha gu mu kwemba.32Yesu wa a vutudile egi: " Nga katuga gu mi leza ima ya bonga ya vula ya Shami. Idi mukunda nu gima khi mwa tshigina gu ngu shiyila?" 33Bayuda a mu vutudile egi: " Ishi go mukunda nu gima gia bonga ta tshigina gu gu shiya, uvi idi mukunda nu gu zweza; mukunda, eye, wa muthu, wa tshigina gudi kitula wa Nzambi."34Yesu wa a vutudile egi: " Keti ishi go ya gu sonega mu mikanda ya shigo egi: " Nga zwelele egi mudi mwa tu nzambi?35 Gula wa a tamegele egi tu nzambi, idi egi wanyi ndinga ya Nzambi ya kanele ( ndaga ya sonegeye gula ishi ya gu balula go), 36phila khi mudi mu leza yonu Tata a kungudile mafuta a santu, nu gu mu tuma haha ha mavu egi: " udi mu zweza", Mukunda nga zwelele egi: " Nga Muna Nzambi"?37Gula nga kitile go isalo ya Shami, nga mwa ngu kwikile go.38 Uvi gula ngu mu kita isalo yene, ata mushi mu ngu kwikila go, mwa jiya gu kwikila mukunda nu isalo yene; nganyi mba mudi mu jiya nu gu bagisa egi Tata udi mu katshi diami, eme ngudi mu katshi dia Tata." 39A Phagele ha gu kwata Yesu, uvi mwene wa shaugile nu gu tota gu mago awo.40Gu nyima Yesu wa yile ha sambwa dia Yolodani, muya mu khala hama hanyi Yowani a khalele nu gikalulu gia gu botiga athu.41 Athu a vula ejile gwa mwene a mu lezele egi: " Yowani gwa kitile go ata gidimbu gia khumbwa gi moshi, uvi ndaga gi kima a zwelele mukunda nu Muthu yogu jidi jia kielega. 42Athu a vula a kwikile gwa Yesu hama hene.Chapter 11
1Gwa khalele muthu mu moshi, jina dienji lazalo,wa khalele nu gu kata. Wa khalele muthu wa gu Betani, dimbo dia Mariya nu Malata phangi'enji wa mukhetu. 2Lazalo wa khalele phangia Mariya yonu wa kungudile Fumu mananashi, nu gu mu dipha malu nu sugi jenji.3A phangi'enji muyadi a akhetu a tumile muthu gwa Yesu ha gu mu leza egi :" Fumu, tala muthu yonu wa nu tshigina udi nu gukata." 4Tangwa Yesu a vile ndaga yene wa zwelele egi:" gukata gwene gu shi go gwa lufwa, uvi mukunda nu lukumu lwa Nzambi, enji mukunda Muna Nzambi a zule lukumu."5Yesu wa khalele mu tshigina Malata, nu phangienji wa mukhetu nu Lazalo.6 Tangwa Yesu a vile egi Lazalo udi nu gukata, wa balegesele ilumbu ya gubalega iyadi mu dimbo a khalele. 7Gu nyima wa lezele alongogi egi;"Tu vutugenu gu Yudeya."8Alongogi a mu lezele egi;" Fumu, mu tangwa didi ba yuda adi mu kamba phila gu gukwata udi mu tshigina gu vutuga gwene? "9 Yesu wa vutudile egi : gilumbu gi moshi gidi nu ma tangwa kumi nu muyadi gula muthu udi mu wenda mu mwanya, mba gwa shalumuga go, mukunda udi mu mona mwanya wa gifutshi."10Gula udi mu wenda mu phipha, mba udi mu shalumuga mukunda mwanya gu thugu.11 Gu nyima ya gu zwele ndaga jiene wa zwelele nji egi:" Futa dietu Lazalo udi gu tulo, idi ya bonga tu vutuge ha gu mu zugisa."12Alongogi a mu lezele egi :" Fumu, gula udi gu tulo udi mu zuga ." 13Yesu wa zwelele nganyi ha gu leza ndaga ya lufwa lwa Lazalo uvi ene a yindudile egi udi mu zwelela tulo.14 Hene Yesu a a lezele mayilago egi: " Lazalo udi wa fwa."15Ngudi gu mi vila kiese mukunda ndaga yene ya salama gu nyima diami, mukunda mu kwikile. Lulu ngagi tu vutugenu gwene." 16Thoma yonu wa diphasa wa lezele alongogi ako egi :"Tu yenu khungi ha gufwa nu Yesu."17Tangwa Yesu a kumile wa yindudile egi Lazalo wa lungisa ilumbu iwana katuga gilumbu gia a fundiye. 18Betaniya ya khalele phene-phene nu Yelusalemi giteso gia ilometele kumi nu tano. 19A yuda a vula ejile mu tala Malata nu Mariya ha gukapha phashi jia lufwa jia phangia'wo wa yala.20 Tangwa Malata a vile guza gwa Yesu, wa zugile muya ha gu mu tagana uvi Mariya wa begele monzo wa di tumbiga hoshi.21Malata wa lezele Yesu egi :"Fumu, gula nga wa khalele haha,nga phangia'mi a file go.22 Ata lulu ngagi ngudi mu jiya egi gima gi kima wa mbo lomba gwa Nzambi , udi mu gu hwa nagio." 23Yesu wa mu lezele egi : " phangia'ye u mu vutuga mu lujingu."24Malata wa mu lezele egi : " Ngudi mu jiya egi mba udi mu vutuga mu lujingu mu gilumbu gia suga gia gufutumuga gwa athu. " 25Yesu wa mu vutudile egi : " Ngudi nga lufutumugu nu lujingu; yonu udi mu ngu kwikila mba udi mu jinga ata gu nyima dia lufwa; 26uvi yonu udi nu monyo enji udi mu ngu kwikila mba gwa shi mu fwa go. Udi mu kwikila mu ndaga yene ?"27Wa mu lezele egi : " Eya, Fumu, nga kwikila egi udi wa Kilisto Muna Nzambi udi muza ha mavu. 28Gu nyima dia masolo, Malata wa tamegele Mariya mu giswegi wa mu lezele egi :" Longi udi haha, udi mu gu tamega." 29Tangwa a vile ndaga yene, wa zugile mu phushi muya gwa Yesu.30Yesu wa khalele ha songi ya dimbo hama Malata a mu sangele .31 Tangwa ma yuda a khalele mu inzo wanyi ejile mu tala Mariya ha gu mu katula uhote a monele phila a zugile mu zoga mu phushi a mu hatele, a yindudile egi udi muya gu majiamo ha gu dila.32 Tangwa Mariya a kumile hama Yesu a khalele, wa bwile mu malu enji nu gu mu leza egi : "Fumu, gula nga wa khalele hene phangia'mi nga gwa file go."33Tangwa Yesu a monele phila a khalele mu dila, nu ha gu mona phila a yuda ejile nenji a khalele mu dila, mwene wa vile phashi jia vula goshia mutshima enji pheve yenji ya di yangishile mwa vula.34 Wa hudile egi :" Gwi mwa mu fundile?" A mu vutudile egi : "Fumu, giza u mone." 35Yesu wa didile.36Hene a yuda a zwelele egi: " Talenu, wa tshiginile sha Lazalo!" 37Uvi a vula mu katshi diawo a zwelele egi :" Muthu yogu wa kangudile meso a gifofo, gwa jiyile go gu kita gima mu phila egi muthu yogu ale gufwa ndo ?38Hene Yesu a vile nji phashi jia vula, wa yile gu majiamo. Gunu hama ha londeye goshia mavu ha gu haga mufi, enji a kangele seso ha mufulo. 39Yesu wa zwelele egi: "Katulenu seso!" Malata phangia mufu lazalo wa lezele Yesu egi :"Fumu, henyaha mwila wenji udi mudi batugila, mukunda gwa balega ilumbu iwana katuga gilumbu gia file." 40Wa mu lezele egi: "Nga gu lezele go egi gula wa kwikila, mba udi mu mona khembo ya Nzambi?"41A katudile seso diene. Yesu wa tuphudile meso wa zwelele egi:" Tata, nga gu vutudila matondo mukunda wa nu ngu vila.42 Nga jiya egi wa nu ngu vila, ishi go mukunda nu athu wawa adi haha phene-phene nu eme ngudi mu zwela nganyi, uvi mukunda a kwikile egi eye wa ngu tumile."43Gu nyima ya guzwela, Yesu wa kabugile mu ndinga ya ngolo egi; "Lazalo zoga !" 44Mufi wa zogele; mago nu malu enji a gu jitshiga nu shinga jia milele, enji gu meso gwa gu tshiga nu mulele. Yesu wa a lezele egi :" mu jitululenu mu mu bembe aye!"45A yuda a vula ejile mu tala Mariya, a monele nu meso ima ya salele Yesu, hene a kwikile gwa mwene.46 Uvi ako a vutugile gwa afalisaye ha gu a tela ndaga phila jia balegele47Ma fumu a ji nganga nzambi nu afalisaye adi bungishile adi fetegesele egi :"Ikhi tu kita?" Muthu mwene udi mu sala idimbu ya vula. 48Gula ta mu bemba, athu akima a mu kwikila gwa mwene; enji enya gu Roma mba adi muza ha gu tu tambula dimbo.49Lulu ngagi, muthu mu moshi mu katshi diawo jina dienji Kayifa, wa khalele fumu wa nganga-nzambi mu mvula yene yinyi, wa zwelele egi:"Mushi go mu jiya gima.50 Mushi mu yindula go mu mabanza enu egi idi ya bonga muthu mu moshi a fwe, mukunda nu athu a kima, gula ndo tudi mu totesa dimbo di kima."51Ndaga yene ya zogele gwa mwene mukunda wa khalele fumu wa nganga nzambi mu mvula yene yinyi, uvi wa diangele gu zwela ha gu jiyisa gu twama egi Yesu mba udi mu fwa mukunda nu dimbo di kima;52 enji ya khalele go mukunda nu dimbo di kima, uvi mukunda nu ana-a-Nzambi wanyi a phanzanele a vutuge hama ha moshi. 53Katuga gilumbu giene, a yandigile gu kamba phila ya gu shiya Yesu.55Yesu gwa yandigile nji go gu wenda ha meso a ba yuda, uvi wa katugile genji ha guya mu dimbo di moshi phene-phene nu temu, mu dimbo dia nu tamegeya egi Efrayimi. wa yile mu khala gwene nu alongogi enji. 54Sungi ya pake ya ba yuda ya khalele phene-phene, athu a vula a kandugile gu Yelusalemi, ako a katugile mu membo ako ejile gu twama mukunda nu gudi katula masumu.56A khalele mu kamba Yesu, nu gudi hula ene nu ene tangwa a khalele mu temphelo egi :"Ikhi mudi mu yindula? gwa shi go muza gu fete?" 57Ma fumu a nganga-Nzambi nzambi nu afalisaye a hanele mukwala gwa athu , ha gu jiyisa hama Yesu adi mu khala mukunda nu gu mu kwata.Chapter 12
1Ilumbu isambano gu twama dia pake, Yesu we jile gu Betaniya dimbo dia lazalo yonu wa zugishiye gu lufwa. 2Malata wa mu hwile madia, lazalo wa khalele mu katshi dia wanyi a khalele gu mesa nu Yesu. 3Mariya we jile nu mulangi wa mananashi a thalo wa a phanzele mu malu a Yesu, enji wa yandigile gu mu kukumuna malu nu sugi jenji. Inzo ikima ya zalele nu vumba dia mananashi.4Yudasi isikaliote, mu moshi mu katshi dia alongogi, yonu wa yegudile Yesu, wa zwelele egi :5 " Mukunda nu ikhi nu gu diga ndo mananashi mu khama ji tatu jia mbongo ha gukaphela a sugami mbongo jiene? " 6Wa zwelele nganyi, mukunda mwene wa khalele mu tala a sugami, uvi mukunda wa khalele nzangi : wa khalele mubumbi wa mbongo enji mwene wa khalele mu zula ima ya khalele mu haneya.7Yesu wa zwelele egi : "bemba mukhetu yogu tedie. Wa katuga gu kita gima gigi ha gu yidiga lufwa lwami. 8 A sugami mba mudi mu khala nawo tangwa dikima, uvi eme mba mushi mu khala go n'eme tangwa dikima."9 Lulu ngagi a yuda a vula a vile egi Yesu wa khalele hene, ejile go mukunda nu Yesu, uvi mukunda nu gu mona Lazalo yonu Yesu a zugishile gu lufwa.10 Ma fumu a nganga nzambi a tele fondo ya gu shiya Lazalo; 11A zwelele egi idi mukunda nu mwene a yuda a vula a tu katuga ha gu kwikila gwa Yesu.12Mu gilumbu gia gu twama,athu a vula ejile gu fete, tangwa a vile egi Yesu udi muza gu Yelusalemi,13 a zudile thango jia samba , a zogele ha guya mu mu tagana, a khalele mu kaluluga mu ndinga ya ngolo egi :"ozana! lusagumunu gwa yonu udi muza mu jina dia Fumu , fumu wa isalele."14Yesu wa sangele muna phunda wadi tumbigile holu ; mukunda a sonegele egi : 15"ubangi go eye mukhetu wa siyoni ; tala, fumu waye udi muza udi holo dia muna phunda."16A longogi enji a khalele go mu jiya ndaga jiene gu twama, uvi tangwa yesu a hwiye lukumu, a yibugile egi ndaga jiene jia sonegeye mukunda nu mwene jia salama.17Lulu ngagi athu wanyi a vula a khalele nu Yesu tangwa a tamegele Lazalo gu majiamo ha gu mu zugisa gu lufwa, a tele gimbangi gwa athu ako. 18Mukunda nu nganyi, athu a zogele ha gu mu tagana, mukunda a vile phila Yesu a kitile gidimbu gia khumbwa. 19 Afalisaye a zwelele ene nu ene egi : "Talenu, mu shi go ata gima gia gu kita; talanu, phila athu adi mu mu hata."20Lulu ngagi gwa khalele nu ba greki ako a khalele mu katshi dia wanyi a kandugile ha guza gu fete. 21 A yile gwa filipo, muthu wa gu Betesayida gu Galileya ha gu hula egi : "Yala, tudi nu funu ya gumona Yesu." 22Filipo wa lezele Andre; Andre nu Filipo a yile mu leza Yesu.23Yesu wa a vutudile egi :" Tangwa dia kuwa, mukunda Muna Muthu a zule lukumu. " 24Mu masonga masonga, ngudi gu mi leza egi, kana mbuma ya ble kaka imoshi phamba ya bwa mu mavu nu gu fwa ndo, uvi gula ya fwa mba idi mu buta mbuma jia vula.25Muthu wa nu tshigina monyo wenji, mba udi mu u totesa, uvi yonu wa nu vweza monyo wenji haha hoshia mavu mba udi mu uswega mu mvula nu mvula. 26Gula muthu wa tshigina gu ngu salela, a ngu hate; mukunda hama hanyi ngudi, hene mba ha khala athu ami a gisalo. Gula muthu udi mu ngu salela, Shami mba udi mu mu hwa lukumu.27Monyo wami udi mu phashi mu tangwa didi :ikhi nga jiya gu zwela ? Ngu zwela egi :" Tata ngu guluse gu twama dia phashi jiji ? uvi idi mukunda nu tangwa didi eme nge jile.28 Tata, hana lukumu gu jina diaye." Ndinga ya zogele gosa egi ; " Nga hana lukumu gu jina diene, enji mba ngu di hana sha." 29Tangwa didi athu wanyi a khalele hene a vile ndinga yene a zwelele egi inyi nzaji ya bula, ako a zwelele egi :"wanjio weza mu mu leza ndaga."30Yesu wa vutudile egi : "Ndinga yiyi ya zogele go mukunda nu eme, uvi mukunda nu enwe.31 Lulu ngagi tangwa dia gu sambesa mavu a kima dia lunga : haha fumu wa ha mavu u mu kayeya.32Eme , tangwa mba ngu tuphudiya gosa, mba ngudi mu benda athu phene-phene n'eme." 33Wa zwelele nganyi ha gu leza athu phila mwene mba a fwa.34Athu a vutudile egi : Ta tangele mu mikanda ya shigo egi Kilisto mba u jinga mvula nu mvula. Phila khi udi mu zwela egi : " Muna Muthu mba udi mu tuphudiya haha ha mavu ha mu twala gosa?" Muna Muthu mwene nanyi ?" 35Yesu wa a lezele egi :" Mwanya udi mu katshi dienu tangwa gabiyo. Enwe wendenu tangwa mudi mu mwanya, mukunda phipha gu mi bwila ndo. Muthu yonu udi mu wenda mu phipha gwa nu jiya go guma adi muya.36 Tangwa mudi nu mwanya, mu kwikila gu mwanya wene mukunda mu kituge ana a mwanya." Tangwa Yesu a zwelele ndaga jiene gwa suga, wa vutugile muya mudi swega gwa leha.37Ata Yesu wa kitile idimbu ya vula gu twama diawo, ene a mu kwikile go 38mukunda ndinga ya zwelele profeta Yezaya ilungisame, mu phila a zwelele egi :"Fumu, nanyi wa kwikile gu sango yetu ? Gwa nanyi koko dia Fumu dia tuphudiye ?"39Mukunda nu nganyi, a kwikile go gu ndaga Yezaya a zwelele nji egi : 40"Wa a shiyile meso, nu gu akolesa mitshima, mukunda mba a mone nu meso, nu gu jiya mayele ha gu balula mitshima yawo, mba eze a vutuge, mba a abelule."41Yezaya wa zwelele ndaga jiene, mukunda wa monele lukumu lwa Yesu, enji wa zwelele mukunda nu mwene.42 Lulu ngagi, ma fumu a vula a kwikile gwa Yesu; uvi mukunda nu afalisaye a khalele mudi swega ha gula gukatudiya ndo mu inzo ya isambu. 43A khalele mu tshigina khunga jia lukumu jia athu; uvi jia lukumu lwa Nzambi ndo.44Yesu wa kabugile mu ndinga ya ngolo egi : "Yonu udi mu ngu kwikila, gwa shi go mu kwikila gwa eme phamba, udi mu kwikila nu gwa muthu yonu wa ngu tumile, 45enji yonu wa ngu mona wa mona yonu wa ngu tumile.46Eme nge jile ole mwanya haha hoshia mavu, mukunda yonu mu kima wa nu ngu kwikila a begi go mu phipha. 47Gula muthu udi mu vwa malongi ami, uvi gwa nu a salela go, ngu shi mu mu sambesa go; mukunda nge jile go ha gu sambesa athu a ha mavu, uvi ha gu a gulusa.48Yonu wa ngu tuna gami, nu gu konda gu kwikila gu malongi ami, gudi nu nzuji mu moshi mba udi mu mu sambesa : malongi nga longele ene mba a mu sambesa mu gilumbu gia suga. 49 Mukunda eme nga nu zwela go mu luzolo lwami. Khanda iko, idi Tata yonu wa ngu tumile, mwene wa ngu hwile giyega gia gu zwela ndaga jinyi ngudi mu zwela. 50Ngudi mu jiya egi shigo yenji idi monyo wa mvula nu mvula ; hene ndaga ngudi mu zwela, ngu mu ji zwela mu phila Tata a ngu lezele ha gu zwela ."Chapter 13
1Gu twama fete ya phaka iyandige, Yesu wa jiyile egi tangwa diene dia lungile ha gu katuga ha mavu mukunda nu gu vutuga gwa Shenji. Mu phila a tshiginile athu enji a kima wanyi a khalele hoshia mavu, mwene wa a tshiginile nu ha suga.2 Henyanyi, diabulu wa khalele wa ngiidisa gale mu mutshima wa Yudasi Isikaliote, muna Simoni ngindu jia gu yegula Yesu.3Yesu wa jiyile egi Shenji wa mu hwile giyega gia ima ikima ha mago enji, enji wa katugile gwa Nzambi mba udi mu vutuga gwa Nzambi.4 Wa zugile gu mesa a khalele mudia wa katudile mulele wenji. Gu nyima zudile gitemba gia mulele wa sudigile ha luketo.5 Wa mbile meya ha longa wa yandigile gu wova malu a alongogi enji nu gu a dipha nu gitemba gia mulele wunu a jitshigile ha luketo.6Wa kumile gwa Simoni Petelo, hene Petelo a mu lezele egi :"Fumu, u mu ngu wova malu ?" 7 Yesu wa mu vutudile egi : "Ushi go mu jiya ndaga yiyi ngudi mu kita lulu ngagi, uvi mba udi mu ijiya gu twama. 8Petelo wa mu lezele egi :" Ushi mu ngu wova go malu." Yesu wa mu vutudile egi :" Gula nga gu wovele go malu, mba ushi mu zula go ata ga kapho gu khanda wami. " 9Simoni Petelo wa mu lezele egi :"Fumu u ngu wovi kaka malu, uvi u mu ngu wova nu mutwe."10Yesu wa mu vutudile egi :" Muthu yonu wa zwa meya mwila ukima gwa shi go nu funu ya gu wova go nji malu mukunda mwila wenji udi gale wa phelegeta. Enwe mudi mwa phelegeta, uvi ishi go khungienu akima." 11(Yesu wa khalele mu jiya nanyi mba u mu yegula; hene a zwelele egi :"Mushi go khengienu akima mwa phelegeta ."12Tangwa yesu a manesele ha gu a wova malu, wa zudile milele yenji, wa vutugile ha mesa enji wa zwelele egi :" Enwe mudi mu jiya ndaga yinyi nga mi kitile ? 13Enwe mwa nu ngu tamega egi :" Fumu " nu Longi " mwa nu zwela masonga mukunda ngudi ya masonga Fumu nu Longi.14 Gula eme Longi nu Fumu nga mi wova malu, enwe mwa fete gudi wova malu mu katshi dienu mukunda eme nga mi leza mbandu 15mukunda mba mu khale mu kita phila nga mi kita.16Mu masonga ,masonga, ngu mu mi leza egi, muthu wa gisalo gwa shi wa balege go fumu wenji wa gisalo, nga yonu wa tumiya a khale wa balega muthu yonu wa mu tumi. 17Gula mudi mu jiya ndaga yene, mudi nu lusagumunu kaka gula mudi mu salela ndaga yene.18 Nga zwelele go ndaga yene mukunda nu athu akima, uvi ngudi mu jiya athu wanyi nga phonele ( nga zwela nganyi mukunda ndaga jia sonegeye mu mikanda ji lungisama ) : "Yonu udi mudia dipha diami mba udi mu tuphula gidiatelo gienji ha gu ngu yegula."19Lulu ngagi ngudi gu mi leza gu twama ndaga jiene ji salame mukunda gilumbu mba ji bwa mba mu kwikile egi ngudi yonu ufeto khala. 20Mu masonga, masonga, ngu mu mi leza egi, muthu yonu wa ngu yamba, wa yamba yonu nga tuma, enji wa yamba yonu wa ngu tumile ."21Tangwa Yesu a zwelele nganyi, pheve yenji wa bwile tunga-tunga wa tele gimbangi egi :" Mu masonga, masonga, ngu mu mi leza egi, mu moshi mu katshi dienu wa ngu yegula." 22 Alongogi adi talele ene nu ene, nu gudi hula egi nanyi Yesu adi mu zwelela.23Mulongogi mu moshi, yonu Yesu a khalele mu tshigina, wa khalele wa shiuga ha thulo ya Yesu gu mesa.24 Simoni Petelo wa kitile gidimbu gwa longogi mwene wa mu hudile egi:" Tu leze nanyi Yesu adi mu zwelela."25 Mulongogi mwene wa shiugile ha thulo ya Yesu wa mu hudile egi :" Fumu, muthu mwene nanyi?"26Yesu wa vutudile egi :" Yonu nga mbo hwa gitshidi gia dipha nga bonda mu meya mwene ." Tangwa a bondele dipha mu meya, wa hwile Yudasi Isikaliote, muna Simoni Isikaliote . 27Gu nyima dia gudia dipha, Satana wa ngidile mu mutshima wa Yudasi. Yesu wa zwelele nji egi :" Ndaga wa tshigina gu kita, i kite mu phushi-pushi."28Ata muthu mu katshi diawo a khalele gu mesa wa jiyile gikuma Yesu a mu lezele nganyi. 29Alongogi ako a yindudile egi, mukunda Yudasi udi muthu udi nu giyega gia gu bumba sandugu ya mbongo, hene Yesu a mu leza nganyi egi :" Sumba ima tudi nayo funu mukunda nu fete." Ako a yindudile egi Yudasi udi ne ya guhwa a sugami nga ndambu ga ima. 30Tangwa a zudile dipha, Yudasi wa zogele mbala imoshi ha guya. Ya khalele mu phipha.31Tangwa Yudasi a zogele muya, Yesu wa zwelele egi :" Lulu ngagi Muna-muthu udi mu zula lukumu enji Nzambi wa zula lukumu gwa mwene. 32Nzambi udi mu mu hwa lukumu gwa mwene ha khenji, udi mu mu hwa lukumu kaka lulu ngagi. 33Anami a mitumba, ngudi n'enu kaka tangwa gabiyo. Mba mudi mu ngu kamba, mu phila nga ba lezele ba yuda " hama ngudi muya, mba mushi mu kuma hene go" lulu ngagi ngu mu mi leza nji nu enwe.34Ngu mu mi hwa shigo imoshi ya pha egi, khalenu mudi tshigina mu katshi dienu mu phila nga mi tshignile ; hene mu khala mudi tshigina mu khatshi dienu.35 Nganyi, athu a ha mavu mba a jiyya egi mudi mwa alongogi enu, gula mudi mu di tshigina mu katshi dienu."36Simoni Petelo wa mu hudile egi :" Fumu, gwi udi muya ?" Yesu wa mu vutudile egi :" Guma ngudi muya, wa jiyile go gu ngu hata lulu ngagi, uvi mba udi mu ngu hata gu twama." 37Petelo wa mu lezele egi :" Fumu, mukunda nu ikhi nga jiyile go gu gu hata lulu ngagi ? Mba ngudi mu hana monyo wami gwa eye." 38Yesu wa vutudile egi :" Mba udi mu hana monyo waye gwa eme ? Mu masonga, masonga ngu mu gu leza egi,kolombolo dia mbo dila go gu twama eye u tune mbala ji tatu egi u ngu jiya go."Chapter 14
1Mutshima wenu uzudi phashi go. Kwikilenu gwa Nzambi, kwikillenu nji gwa eme. 2Mu inzo ya Shami ifundo ya gu khala idi ya vula. Gula nga ishi go nganyi, nga nga mi lezele,mukunda ngu muya ha gu mi londela hama ha gukhala. 3Gula ngaya ha gu mi londela hama ha gu khala, mba ngudi muza ha gu mi zangula mukunda hanyi nga mbo khala, enwe nji mu khale hene.4Mudi mu jiya njila yinyi ngudi muya." 5Thoma wa lezele Yesu egi :" Fumu, tu shi mu jiya go gwi udi muya ; phila khi twa jiya gujiya njila ?" 6Yesu wa mu lezele egi :" Eme, ngudi nga njila,masonga , nu monyo; gushi go nu muthu wa jiya guya gwa Tata konda gu balega gwa eme. 7Gula mwa ngu jiya, mba mudi mu jiya Shami; katuga tangwa didi mwa mu jiya enji mwa mu mona."8Filipo wa lezele Yesu egi :" Fumu, tu leze Tata, nganyi tu khale na yo mu katshi dietu." 9Yesu wa mu lezele egi : "Nga khala n'enu tangwa dia vula uvi mwa ngu jiyile go ti nu lulu ngagi, filipo ? Muthu yonu mu kima wa ngu mona, wa monaTata; Phila khi wa jiya gu zwela egi, " tu leze Tata ."10Enwe mushi go mu kwikila egi, ngudi mu katshi dia Tata, Tata nji udi mu katshi diami ? Ndinga ngudi gu mi leza, jia nu katuga go mu giyega giami ha khami ; uvi,idi Tata yonu wa nu jinga mu katshi diami udi mu kita gisalo Gienji. 11Ngu kwikilenu egi, ngudi mu katshi dia Tata, Tata nji udi mu katshi diami ; nga ndo ngu kwikilenu mukunda nu isalo yami .12Mu masonga, masonga, ngu mu mi leza egi : " Yonu udi mu ngu kwikila, mba udi mu kita ima yinyi nga nu kita, " mba udi mu kita ya balega gu koma mukunda ngudi muya gami gwa Tata.13 Nganyi ima ikima mudi mu lomba mu jina diami , mba ngudi mu ikita mukunda Tata a zule lukumu gwa Mona.14 Gula mwa lomba gima gi kima mu jina diami, mba ngudi mu gi kita.15Gula mwa nu ngu tshiigina, mu khala mu hata shigo jiami. 16Nganyi mba ngu bondila Tata, ha gu mi tumila muthu muko wa guza mu mi katula uhote, mukunda a khale mu katshi dienu tangwa dikima, 17Pheve ya masonga. Athu a ha mavu a jiyile go gu mu zula mukunda a shi mu mu mona nga gu gu mu jiya. Uvi enwe mudi mu mu jiya mukunda udi mu jinga n'enu enji mba ukhala mu katshi dienu.18Mba ngu mi bembi go ha khenu; mba ngu muza mu vutuga ha gu mi sanga. 19Gwa bega tangwa ga biyo mba mu ngu monyi nji go, uvi enwe mudi mu ngu mona. Mukunda ngu mu jinga, enwe nji mu jinge. 20Mu gilumbu giene mba mudi mu jiya egi ngudi mu katshi dia Tata, enwe mudi mu katshi diami, eme ngudi mu katshi dienu21Yonu mu kima udi mu hata shigo jiami nu gu ji salela,mwene yonu wa nu ngu tshigina; enji yonu udi mu ngu tshigina mba u tshiginiya gwa Shami, mba ngu mu tshigina nu gudi monesa mu katshi dienji." 22Yudasi ( Isikaliote ndo) wa hudile Yesu egi :" Fumu, mukunda nu ikhi udi mudi monesa gwa etwe, uvi gu mavu akima ndo ?"23Yesu wa vutudile egi : " Gula muthu wa ngu tshigina, ufeto hata malongi ami. Shami mba u mu tshigina enji mba tudi muza gwa mwene nu gu jinga n'enji.24 Yonu wa nu ngu tuna gwa nu hata go malongi ami. Malongi wanyi mwa nu vwa ashi ami go uvi adi a Tata yonu wa ngu tumile.25Ngu mu mi leza ndaga jiji, tangwa ngudi mu jinga mu katshi dienu. 26Lulu ngagi, Muthu yonu wa nu katula athu uhote,( Pheve-Santu, yonu Tata mba a mi tumila mu jina diami) mba udi mu mi longa ndaga jikima nu gu mi leza ndaga jikima nga zwelele.27 Nga mi bembela ngemba; nga mi hwa ngemba yami. Ngu shi mu mi hwa go mu phila mavu adi mu hana. Mutshima wenu ukhadi go mu gisagasaga nu guvwa woma.28Enwe mwa vile mu phila nga mi lezele egi : " Ngudi muya, mba ngu muza mu mi vutugila." Gula mudi mu ngu tshigina,mba mu khala mu kiese mukunda ngudi muya gwa Tata, mukunda Tata udi wa ngu balega. 29Lulu ngagi ngu mu mi leza ndaga jiene gu twama ndaga jiene ji salame mukunda mba mu kwikile tangwa mba ji salame.30Mba ngu zwedi nji go n'enu mwa vula, mukunda fumia mavu udi muza. Gwa shi nu giyega holo diami go, 31uvi mukunda mavu a jiye egi nga nu tshigina Shami, hene ngu mu kita kaka ndaga jinyi Tata a ngu hwile swa ya gu kita. Zugenu tu katuge haha."Chapter 15
1Nga mutshi wa bonga wa Vino Tata wami udi muthu wa nu sala mu gilanga.2 Wa nu khesa thango jikima jia nu buta go mabundu enji gu londa thango jinyi jia nu buta mabundu, mukunda thango jiene ji bute mabundu a vula.3Mudi mwa gudi londa mwa bonga mukunda nu malongi nga mi longele egi. 4Khalenu mu jinga mu katshi diami eme mu katshi dienu. mu phila luthango lwa jiyille go gu buta lwene ha khawo gula lu shi go lwa kangama nu mutshi wa vinu, nganyi mwa jiyile go gu buta mabundu gula mushi mwa kangama go nu eme.5Nga mutshi wa vinu, enwe mwa thango. Yonu udi mu katshi diami eme mu katshi dienji, wa nu buta mabundu a vula, mukunda gula ngu shi go mwa jiyile go gu kita ata gima.6 Gula muthu gwa shi go mu jinga mu katshi diami, mba u bishidiya mu phila luthango lwa wuma lwa nu bishidiya; gu nyima athu a nu nona thango jiene ha gu ji mba ha tshiya mukunda ji shidile7. Gula mudi mu jinga mu katshi diami enji malongi ami adi mu katshi dienu, mwa jiya gulomba ima ikima mwa tshigina mba mudi mu izula.8Lukumu lwa Tata ludi mudi monesa mu phila mudi mu buta mabundu a vula enji idi mu leza egi mudi mwa alongogi ami. 9Mu phila Tata a ngu tshigina, n'eme nga nu mi tshigina; enwe khalenu mu jinga mu katshi dia gu tshigina gwami.10Gula mudi mu hata shigo jiami, mba mudi mu jinga mu katshi dia gu tshigina gwami mu phila eme nga nu hata shigo jia Shami nu gu jinga mu katshi dia gu tshigina gwenji.11 Nga mi lezele ndaga jiene mukunda kiese giami gi khala mu katshi dienu enji kiese gienu gi khale gia lunga.12Shigo yami idi, di tshiginenu mu phila nga mi tshiginile.13 Gu tshigina gwa kielega gudi gwa gu hana monyo gwa ma futa aye14Mudi mwa ma futa ami gula mudi mu kita ndaga jinyi nga mi lezele. Mba ngu mi tamega nji go egi athu a gisalo, mukunda muthu wa gisalo gwa nu jiya go ndaga jia nu kita fumu wenji.15 Nga nu mi tamega egi mwa ma futa ami, mukunda nga mi lezele ndaga jikima nga vile gwa Shami.16Ishi go enwe mwa ngu phonele, uvi eme nga mi phonele nu gu mi tamega mukunda mu bute mabundu, enji mabundu enu a jinge mwa vula. Nganyi gima gikima mba mu lomba mu jina diami, Tata mba udi mu mi hwa nagio. 17Nga mi leza ha gu kita ndaga jiji mukunda mu khale mudi tshigina enwe nu enwe.18Gula mavu adi gu mi tuna mu feti jiya egi a ngu tunyile gu twama dia gu mi tuna. 19Gula nga mwa khalele athu a ha mavu, nga mavu a mi tshiginile ole athu enji; uvi mukunda mushi go athu a ha mavu enji mukunda nga mi phonele go mu katshi dia athu a ha mavu, hene mavu adi gu mi menga.20Mu khala mu yibuga ndinga yinyi nga khalele gu mi leza egi : " Muthu wa gisalo gwa nu balega go fumu wenji wa gisalo ." Gula a ngu monesele phashi, mba adi mu mi monesa n'enwe nji phashi; nga a hatele ndinga wami, nga mba a mu hata nji yenu. 21Mba adi mu mi kita ndaga jia phila ikima mukunda nu eme mukunda ashi go mu jiya yonu wa ngu tumile.22 Gula nga nge jile go ha gu zwela, nga a salele go masumu; uvi lulu ngagi ashi go nu phila ya gulomba khenda mukunda nu masumu awo.23Yonu udi mu ngu tuna, udi mu tuna nji Shami.24 Gula nga nga kitile go mu katshi dienu isalo yinyi ata muthu khanji a kita go, nga a kitile go masumu; uvi lulu ngagi a mona nu meso uvi adi mu ngu menga, nu gu menga Shami.25 Ndaga jiji jidi mu salama mukunda ndaga jia sonegeye mu mikanda ji lungisame mu phila ya sonegeye mu mikanda ya shigo egi : " Adi mu ngu menga mu ndaga jia phamba ."26Tangwa mba diza muthu yonu wa nu katula athu uhote, ( yonu wa katugile gwa Shami Pheve ya masonga ya katugile gwa Tata), mba udi muta gi themwe giami. 27Enwe nji mba mudi muta gi themwe giami mukunda mwa khalele mu katshi diami katuga ha luyandigu.Chapter 16
1Nga mi leza ndaga jiji ha gula gu bwa ndo.2 Mba adi gu mi kaya mu jinzo jiawo jia isambu; mukunda mu tangwa didi muza konso muthu mba u mi shiya mba udi mu indula egi udi mu kitila Nzambi gima gia bonga.3Mba a mu kita ndaga jiji mukunda a jiyile go nga Tata nga eme.4 Nga mi lezele ndaga jiji mukunda mu tangwa mba dila dia kuwa mukunda ndaga jiji ji salame, mba mu yibuge enwe ha khenu mu phila nga mi lezele. Nga mi lezele go ndaga jiene gu twama mukunda nga khalele mu katshi dienu.5Nga vutuga gwa muthu yonu wa ngu tumile; uvi gushi go ata muthu mu moshi mu katshi dienu udi mu ngu hula egi: " Gwi udi muya?" 6Mukunda nga mi lezele ndaga jiji, uvi mitshima yenu idi ya zala nu gikenene.7 Ata nganyi, ngu mu mi leza mu masonga egi: " idi ya bonga gwa enwe ngu vutuge gami; mukunda gula nga yile gami go, muthu wa gu mi katula khenda mba gweji go gwa enwe;uvi gula nga vutuga, mba ngu mu mi tumila nenji.8Tangwa mba eza, muthu mwene wa nu katula athu khenda mba udi mu mi leza Gifu gia ha mavu mu ndaga idi mu talela masumu, nu ndaga idi mu talela gununga nu gu sambesa _9 mu ndaga idi mu talela masumu, mukunda ashi mu ngu kwikila go; 10mu ndaga idi mu talela gu nunga mukunda ngu mu vutuga gwa Tata enji mba mushi mu ngu mona nji go;11 mu ndaga idi mu talela gu sambesa, mukunda muna fumu wa haha ha mavu wa sambeseye gale.12Ngudi nu ndaga jia vula jia gu mi leza, uvi mba mu bagisa go ndaga jiene lulu ngagi.13 Hene, tangwa Mwene, Pheve ya kielega mba eza mu vutuga, mba udi mu mi twalesa mu masonga; mukunda mba udi mu zwelela kaka ndaga idi mu katuga gwa mwene ha khenji; uvi ndaga jikima adi mu vwa, mba udi mu ji zwelela, mba udi mu zwelela ndaga jinyi mba jiza.14 Mba udi mu ngu hwa lukumu, mukunda mba udi mu zula ndaga jidi mu ngu talela ha gu mi leza najio.15Ima ikima ya Tata idi yami; hene ngu mu zwela egi Pheve mba idi mu zula ndaga jiami ha gu mi leza najio. 16Mu tangwa gabiyo, enwe mba mu ngu monyi nji go, gu nyima dia tangwa gabiyo nji, mba mudi mu ngu mona."17Alongogi ako adi zwelele ene nu ene egi: " Ndaga jia phila khi adi mu tu leza egi:" Mu ga tangwa gabiyo mba mushi mu ngu mona go; mu ga tangwa gako nji mba mudi mu ngu mona, " mukunda ngu mu vutuga gwa Tata?" 18Adi zwelele egi: ndaga khi adi mu zwelela egi:" mu ga tangwa gabiyo?" Tu shi getu mu jiya go ndaga khi adi mu zwelela."19Yesu wa jiyile egi adi nu funu ya gu mu hula miehu wa a lezele egi: " mu mudi hula mu ndaga nga katuga gu zwela egi: " Mu ga tangwa gabiyo mba mushi mu ngu mona go, gu nyima dia ga tangwa gako, mba mudi mu ngu mona?" 20Mu masonga masonga, ngu mu mi leza egi, mba mudi mu dila nu gudi hwa phashi, uvi athu a ha mavu mba a khala mu kiese; enwe mu katshi dia khenda, uvi khenda jienu mba jidi mu kituga kiese. 21Mukwetu wa nu nu khala mu khenda gula tangwa dienji dia gu buta dia kuya mukunda nu guvwa phashi. Uvi gula wa buta mona, gwa nu yindula nji go phashi jienji mukunda nu kiese gia guza gwa mona haha ha mavu.22Enwe nji, mudi mu khenda mu tangwa didi, uvi mba ngu mu mi mona nji; enji mutshima wenu mba udi mu khala mu kiese, gushi go ata muthu mba u mi katula kiese giene.23 Mu gilumbu giene, mba mushi mu nu hula go ata mwehu. Mu masonga masonga, ngu mu mi leza egi, gima gikima mba mu lomba gwa Tata mu jina diami, mba udi gu mi hwa nagio.24 Ti nu tangwa didi khanji mu lomba go ata gima mu jina diami; lombenu, enji mba mudi mu hwiya mukunda kiese gienu gi khala gia kuwa.25Nga mi lezele ndaga jiji mu phila egi mu konde gu bagisa, uvi mu tangwa didi muza ngu mu khala gu mi leza ndaga mu phila egi mu bagise uvi ngu mu mi leza jia Tata ha phelo.26Mu gilumbu giene, mba mudi mu lomba mu jina diami ngu shi gu mi leza go egi ngu muya mu bondila Shami mukunda nu enwe; 27mukunda Tata Mwene ha khenji wa mi tshigina mukunda mwa ngu tshiginile enji mukunda mwa kwikile egi nga katugile gwa Tata.28 Nga katuga gwa Tata, nge jile haha ha mavu, ngu mu zwela nji mbala iko egi ngudi mu katshi dia gu katuga haha ha mavu ha gu vutuga gwa Tata."29Alongogi enji a zwelele egi: " Tala lulu ngagi udi mu zwela ha phelo; ushi nji go mu zwela mu gu tungagana go.30 Lulu ngagi ta jiya egi wa jiya ndaga jikima, enji ushi gaye go nu funu muthu mu moshi a gu hule muhwu. Mukunda nu nganyi, ta kwikila egi wa katugile gwa Nzambi."31 Yesu wa a vutudile egi: " Mwa kwikila gia lulu ngagi?"32Talenu, tangwa di muza, eya, diene dieza sha, mba mudi mu phanzeya, muthu nu muthu gu inzo yenji, mba mudi mu ngu bemba ha khami. Uvi eme ngu shi ha khami go Tata udi nu eme. 33Nga mi lezele ndaga jiji mukunda mu zule ngemba mu katshi diami. Haha hoshia mavu mba mudi mu balega mu katshi dia phashi, uvi zulenu gikhesa; nga nungi mavu wawa."Chapter 17
1Yezu , gu nyima dia guzwele ndaga jinyi ja gaswe , wa tupudile meso gosa wazwele egie" Tata , tangwa dia lu , ngu , swangudisa munaye mukunda munaye agu swa ngudise " . 2Mutshindo wa muwhile gifumu hodia mvila ukhima mukunda nu guhana monyo wa mayilago gudi athu agaswe wa muwhile .3Monyio wa mayilago mukunda athu agu jiye , ye nzambi mu moshi wa makhi dia yenu watumine , yesu - klisto . 4Nga gu swangudishile hadia mavu , nga manesele gisalo wa ngu while. 5Tangwedi , Tata nguswangudise gutwama diaye nu guswanguluga nga kalele nago gutwama usale ima ikhima .6Nga jiyishile dijina diaye gudi athu a mavu wa ngu while . Akalele athu aye , eye hene wa ngu while nawo . a kwatele malongi aye . 7Tangwedi wowo a mu jiya egie ima ikhima wangu while imukatuga gudi eye. 8Mukunda nga alongele malongi wa ngu while . Ha azudile , nu gutaya egie nga katugile gudi eye nu eji eye wa ngutumine .9Ngenu samba mukunda nu ene .Ngenu samba go mukunda nu mavu , ngenu samba mukunda nu athu wa ngu while , mukunda adi athu aye. 10Ima ikhima idi yami , idi nji yayen hene ima yaye idi yami. Ngenu kala nu guswanguluga. 11Ngushi go mu lujingo lua ha mavu , ene adi athu a ha mavu , mukunda ngu mukatuga gudi eye. Tata wa longo a bambe mujina diaye , jina diwa nguwhile mukunda akale muthu mumoshi , masonga hangenyi eye nu eme mutshindo tudi hamoshi.12Tangwa nga kalele nawo, nga abambele mukunda nu dijina diaye wangu while .Nga abambele ata muthu mumoshi mukatshi diawo gwa file go , kaka mu na muthu wa gumwanga , mukunda malongi a nzambi alungise luzolo luaye nzambi . 13Lulu ngu muza gudi eye , ngumu aleza ngaga jiji ha mavu mukunda akale nu guswanguluga mukatshi diwo. 14Nga awhile malongi a nzambi hene athu ha mavu a atunine gaho mukunda eshigo athu a makhedia ha mavu , masonga mukunda eme ngushi go muthu wa ha mavu .15Ngushi mugu lomba go nyi eye wakatule hadia mavu , ngumu lomba nyi wabambe mukunda satana gua asumbi go. 16Mutshindo ngushi go muthu wa wa ha mavu , ene eshigo athu a hamavu go. 17Mu masonga a wove nu menga aye mukunda malongi aye adi masonga .18Mukunda wa ngu tumile ha mavu eme ngumu atuma gudi eye . 19Ngumu di hana mukunda nu ene adi hane mukunda nu masonga .20Ngenu samba go kaka mukunda nu ene pamba. 21Mukunda nu wanyi agaswe enu ngu kwikila mu njila ya ndinga ya nzambi akale ha moshi hangenyi eye Tata udi nu eme , eme ngudi nu eye . Ngumu samba akale ha moshi mukunda athu ha mavu akwikile egie eye wa ngutumine .22Nga awhile guswanguluga guwa ngu while mukunda akale hamoshi ha ngenyi eye nu eme. Tudi hamoshi . 23Eme nawo , eye nu eme mukunda akale sha hamoshi mukunda akale muthu mu moshi , mukunda athu hamavu ajile egie eye wa ngutumine , wenu ngukumbula mu gutshigina umoshi nu ene.24Tata wanyi wa ngu while ngumu kumbula ene akale hama ngudi , amone khembo yo ngudi nayo inyi wangu while gu matwama usale athu aha mavu.25Tata wa khenda , athu ha mavu a gugihile go eme nga jihile , 26athu wawa amujiye egie eye wa ngutumine nga alezele jina diaye , mba ngumu isale nji mukunda gutshigina guaye gudi eme gukale , nu gudi ene mukunda ngu kale nawo.
Chapter 18
1Gunjima dia guzwela jindaga jinji , yesu wa zahugila gu samwa dia giwanda gia cedron guakalele gila nga gia kalele muya mungila nu alongogi enji . 2Yuda , ufelo diga yezu , wakalele mujiya hama hene a hakalele mungila yesu. 3Tanzwedi yuda , wayile nu masuta , nu mafumu awo atumiye gudi mafumu a leta nu afadisayo mu pipa nu minda nu minda , nu torches nu mata mukunda mu gakamba yezu.4Yezu wa kalele mujiya ndaga jikhima jia kalele mubalega gu matwama , wa yile wa ahudile egie:" nanyi mu mukunda ?" 5Ene avutudile egie " yezu wa nazarete " .6Yezu wa alezele egie "Ene yago " , yuda wa mudigile wa kalele nji hene . 7Yezu wa zwelele nji egie:8Ngami leji gale nyi emeyogo " . Kana ya mukielega eme mu mukamba , bembenu athu wawa ako aye gawo. 9Ima yiyi ikhima imu balega idi mukunda na gulungisa luzolo lua nzambi: "Athu akhima wa ngu while , nga bidishile gami go ata muthu mimoshi ."10Tangwedi simon piele wa kalele nu mupata (pogo) wadile wamona pashi jia kalele mu wiya yesu wa tupudile mapa hene abatudile malchus watshi wa madia yenu wakalele musadi wa fumu . 11Lulu yezu wa lezele piele egie ."Vutula pogo mu gikhupa giayo! nga lendele gunwa go musangu uhu wa nguhu tata ?"12tangwedi gibuga gia masuta nu kapitenu ga wo nu mafumu aba yuda akwatele yezu mu mukunda mu ngoji. 13Amu batele yudi fumu anne ukwa givaji gia caiphe wa kalele fumu mu givo gi nyi ; 14Mwene nji wa zwelele egie mwa bonga muthu mumoshi afwe ha gifundo gia athu avula. Wa lezele ajuda .15Simoni piele wa labele yezu , nu mulongogi muko. Mulongogi mwene kalele gale mujiya gudi fumu munu , mwene ya ngidile nu yezu mu lupangi lupango . 16Simoni piele wa maganene genji honze ha mufulo wa lupango. Tangwedi mulongogi munu wa kalele mujihiya gudi fumu wa zogele mu solola nu mukhetu wa gisalo gumba fumu hene angidishile piele.17Mkhetu munu wa hageye mulangidila ha mufi wa kudile piele egie " egie eye ndji udi mulongogi wa yezu , takale mugumona muwenda nji ? " piele wa mu while mvutu egi eme logami ". 18Athu a tupungu nu mafumu a masuta akalele a magana munolu muwota tshiya tua igiye mukunda gilumbu giene guma gwa kalele guhuma gua bole . Piele wa magenene na wo muwota tshiya.19Fumu wa hudile muhi gudi yezu mukunda nu alongogi enji nu malongi enji hadia mavu. 20Yezu wa mu vutudile egie: Nga kalele mulonga malongi ami gudi athu hapelo , mu jinzo - janzambi , mu mahunji a athu mu meso a ayuda , nga swegele ata gima go gudi athu. 21Mwene yesu wa hudile fumu munu egie:" Mukunda na khi eye umu nguhula mihi yangago? "mihi ya ye mwabonga uhule athu ahatele malongi ami.22Tangwa yezu a hanene mvutu inyi , fumu wa masuta mimoshi wa muwhile mbata imoshi ya ngolo , wa mu hula "egie pila ya guvutudila fumu mvutu yo ina?" 23Yezu wa muvutudile egie :" kana nga zwedi mwabola , nguleza ngu zwela ikhi , kana nga hanyi mvutu ya bonga mukunda na khi wa ngu hua mbata ?" 24Hene Anne atumine yezu wa gukanda gudi caiphe.25Piele wa kalele mowota tshiya umu mona ndaga jinyi , ezile a muhula egie :"Eye ushi go mulongogi wa yesu?" wa tunine genji wa zwele egie;" Ata hene a zonda lo?" 26Musadi mu moshi wa fumu wa kalele sha malchus , piele abatudile watshi wa muhudile egie :"Ene nga kalele mu gumona nenji gu ilanga go?" 27Piele watunine nji tangwa mwene suswa ya dilo dile mu makolombo.28Abatele yesu gudi caiphe , gunyima amubatele gudi gouverneur mu gikela na gikela . Atu nine gu gungila gumba gouverneur mukunda ale gudi waso majilo hagudia paques. 29Fumu pilato wa zogele mu ahula egie :" Ikhi mweji mufundila muthu yogo? 30Ayuda amu vutudile egie;" Nga muthu yogo alegukale muthu wa bola tambolo gumuhana go gudi eye."31Pilato wa alezele egi:" Muzangulenu enwe hagenu muye mu musambesa mu shigo yenu ". Ayuda a muvutudile egi: "shigo yetu ishi mu tutuma go gushiya muthu ". 32Akalele muzwele ndaga jiji mukunda malongi a yezu alezele ndaga jia longele mukunda lufwa lua fete fwa mba azuge.33Tangwedi pilato wangidile nji gudi gouverneur , watamega yezu mu muhula egie " Eye udi totila ya ayuda ?" 34Yezu wa nu vutudile egie :"eye umu nguhula muhi uhu kana ayuda agutumu gu nguhula ndaga jiji ?" 35Pilato wamu vutudile egie:" Eme ngudi mu yuda ?" Athu a gikanda giaye gia ayuda nu , inganga - Nzambi agu hanene gudi eme mukunda ngugu sambesa , ndaga khi ya bola wasalele?"36Yezu wa mu lezele egi : " Gifumu giami gishi go gia hadia mavu nga gikale gia nganyi , alongogi nu athu enuva malongi ami ambolo lua mukunda ngule guhane ya lo gudi ayuda . Nu makhidia " gifumu giami gishi go gia hadia mavu ". 37Pilato wa muhudile nji egie :" Gia makhidia udi wa todial ? " Yezu wamu vutudile egie : " Hangenyi umu zwela nyi ngudi nga totila mukunda nu gi totila nga butugile hene nji mukunda nu nganyi ngejile hadia mavu mukunda nu guhana gutemu gia masonga . Athu akhima adi nu eme , adi muvua dizwi diami nu malongi ami.38Pitato wamu hudile egie :" masonga adi ikhi ? " Gunyima dia guzwela ngago , wazogele honze muleza ayuda egie :" Nga monene gami go ndaga ya bola gudi muthu yogo ". 39Mukunda nu ndaga jia mahamba enu , ngumu muhua muthu wa bologo yogo mukunda nu khinji ya paques. Tangwedi mu mukumbulanyi ngu muhue totshi la wa bayuda ?" 40Ayandigile gumbo milolo , azwelegi :" yogo lo , tuhue barabbase ! " mukunda barabase wa kalele ilu dia kalele mutshiya athu.
Chapter 19
1Nu pilatu wa zangula mutshi wa mumba . 2Masuta alonda wo gipu gia isongesa , ene a gi haga ha ludia mutwe wa yesu nu mulele wa gilema. 3A ile gudi mwene azwelegi: "Wa gilema , fumu wa ma juif" nu ene a mubetele nu mago wawo.4Gu ngima pilatu wa zoga nji wa zwelele gudi athu egi," tadi enu , nga mi batela muthu mwene hanze gudi enwe enwe mu mone egi nga mwene gami gubola gwa muthu yogo ngo". 5Hene yezu wa zoga ; wa kalele muya gipu gia isongesa ha ludia mutwe wenji nu mulele wa gilema .Pilatu wa zwela egi:"muthu mwene yogu !" . 6Ha mwene mambuta a mafuma a manganga nzambi nu mafumu ako ejile gudi yesu, Ene a zwelele mungolo nu nji azwelele egi" muhagenu ha mutshi wa gudikikisa , mu hage ha mutshi wa gudi kikisa :" Muzangulenu enue ha khenu mu muhage ha mutshi wa gu dikikisa nga mwenene gami egi wa shiyile ndo.7Ene a juif a kumbulula gudi pilatu : " tudi nu shigo yetu imu zwela egi afele gufwa mukunda wa dihagi mona ya Nzambi ," 8Pilatu wa dile wava nganyi , wa khalele nu woma wa vula. 9Wa vutuga nyi mu gumufundisa wa hule nji yezu :" Guwu muza ?,"lulu ngagi yezu nu gumuhwa ata mvutu ndo.10Pilatu wa mu hula egi : ushi mu nguhwa muvutu go? ushi mujiye egi ngudi nu ngolo ja gu mbemba nu giyega ja gu ubemba ? 11yezu wa muvutudila egi :" ushi gaye nu giyega ha ludi mi khuta jiny ja gu hwile nzambi gosa guahwa , nzanyi muthu wa ngu hana gudi aye udi nu masumu.12Mu mvutu yuji, pilatu wa yandiga gu mu bemba , a juif a zuelele mungo egi " Gula wa bemba muthu yoga , ushi gaye futa dia cesargo.Muthu wa gaswe udi mudiha fumu ha khenyi wa bemba cesar" . 13Pilato wadile waba nganyi , wa bata yezu hanze hama , hamo ha kalele mutamegeya egi" ha gifundo gia gusambeseya mugi ebelo , " Gabbatna".14Gia khalele gilumbu gia hule mulondeya paques , mu tangwa dia gisambano.Pilatu wa leza a juif."Tadienu , fumu wenu yowa!" . 15A zwelele mungolo : " Gundenu nawo gua leha , gindenu nawo gua leha ; muhage ha mutshi wa gudi kikisa ! "Pilato egi : " nga bendo hega fumienu ya mutshi wa gudi kikisa ?" mafumu a manganga nzambi a kumbudile egi:" Tushi getu nu fumu muko go kaka cesar. 16Nganyi , pilato wa hwa yesu mukunda nu gumuhaga ha ludia mutshi wa gudi kikisa .17Gu ngima a zangwile yezu , a muzola hanze , wa bata dikulushi ha khenyi guma gia kalele mutomegeya egi" Khanda ja mbanga ja mutwe grane," mu gibeleyo amutamega egi " Golgotha." 18A hagele yezu ha ludia mutshi wa gudi kikisa nu athu ako muyadi yezu ha katshi , mutshu mumashi gu kogo wa tata muko gu kogo wa mama.19Pilato nji wa hagele ha ludia kulushi gidimbu gi moshi .Gia kalele gia gusonega egi: " yesu wa gu nazalethe , fumu wa a juif " . 20Ma juif a vula a kalele mutanga gidimbu mukunda hama ha hagehe yezu ha ludia mutshi wa gudi gikesa ha khalele mu mvila mvila nu dimbo dia koma. Gidimbu gia kalele gia gudonega mu hebeleyo , mu latin nu mu grec.21Ma fumu a manganga nzambi a juif a zwelele gua pilatu egi : " usonega go egi" Fumu wa a juif " sanega egi , yago, ngayi wa zwedi egi :"ngudi fuma wa juif ." 22Pilatu wa kumbulula : " gima gi nga sonega , nga gi sonega ."23Gi ngima ha hagele yezu ha mutshi wa gudi kikisa , A zangwile milale yenji nu nyi a ikaphele mabugu awana bugu dimoshi mukunda nu suta dimoshi , nu dipiya dia mulele dimoshi a dimoshi , dipuya diene dieshi gutunga go, gu gosa nu hashi dia gumba musumu . 24Nganyi a dilezele , yogu wa leza muku , wo yo gu wa leza muko . "Tu ba wula mulele go , kashi tu utelenu ye njige tu tale yombo khala wa nanyi ." ima wu ya hwile mukunda ima ya sonegeye mu mukanda ilunga :" A kapele nyi milele yami ha khao , nu ene abudila mulele wami njege. "2526Masuta akitile ima inyi.Gina yezu , phangia yezu wa mu khetu , madiya mukaja clopashi nu mariya magdala .A khetu wawa akalele mu mwilamwila nu kulushi dia yezu. Yezu wadile wa mona ginenji nu mulongogi uyakalele mutshigina mu mvila , mwene wa leza gimenji egi: " mukhetu tala munaye ! " 27Gu ngima wa leza mulongoki egi:" Tala ginaye ! " mu tangwa dinyi mulongoki wa mukwata gu mago enji.28Gu nyima dienji yesu, mukunda wajiyile egi ima imuya nugu heta gu suga ya gulungisa ima ya sanegeye , wa zwela egi: " luhungu lwa ngukwa . " 29Longa di mashi dia matambe a bala dia zala dia hageye hene ; ene a mbile ginuga giene matombe abala a hagele gu mutshi a mu migile gu kano dienji. 30Tangwa dia nule yesu matambe a bala , wa zwela egi:" gua hwa." mwene wa bumwishile mutue nu mwene wafwa .31Gu ngima a juif , gia kalele gilumbu gia gudilonda, gu suga ha gulegi mvila wenji unangi go ha ludia kulushi mu paso , poso yene ya kalele nu funu ya vila , alombele gwa pilatu ha gubongela malu enji, nu nji ha gukatula mila ya . 32Hene masuta ejile myu bogola malu a muthu wa hathomo , nu muthu wa giyadi a hageye nu yezu ha ludia mutshi na gudi kikisa . 33A dile a heta hadi yezu, a mwenene egi wa figale genji mwaleha hene , ene nu gubogola malu enji ndo.34Mu tangwa dinyi , suta dimoshi dia mutabola lupatshi tangwa diene dimoshi menga nu mega a zoga. Muthu wa mwenene wa lezele ako , ima ya lezele ako ya kalele ya kielega. 35Mwene umujiya egi ima ya moni zwedi idi ya masonga ha gulegi nu enwe mu kwikile.36Ima iyi ya bwile ha gulegi ima ya sonegeye mu mukanda wa nzambi ilunge : " Ata gifwa gienji gi moshi mba giboga go." 37Ima iko ya sonegeye mu zwela egi:" mba mu trala mwene ya tobwele patshi.38Gu ngima dia ima ya gaswe , yasefu w'arimathe , mukunda wa khalele mulongogi wa yesu , mu giswegi mukunda nu woma wa a juif , wa lomba gwa pilatu ha guzangula mwila wa yesu . Pilato wa muhwene njila.Hene yozefi weza mu zangula mwila . 39Nikodeme nji weza, mwene wa ale gutuama mu phipha gwa yezu. Mwene wa bata ima ya gusombegesa nu mymhe nu aloes ulegi mikando kumi ya gilo.4041Hene ene azangwile mvila wa yezu a ulangele milele ya lin nu ya aromate ulegi mu pila gao a juif mukunda no gu mufunda. Guma gwa hageye ya mutshiwa gudi kikisa gwa khalele mu gilanga , mu gilanga gia khalele nu majamo umoshi apha ata muthu mu moshi khandji a fundiya mwene go. 42Mukunda mwa kalele gilumbu gia gudi longa mukunda nu a juif mukunda dijamo diakalele dia ukhete , ene a fundile yezu mwene.
Chapter 20
1Mu gi khela gia gilumbu gia thomo gia phoso , ga phipha ga kalele nji gwene , 2Hene , a zudile phushi mu za gwe simoni phetelo nu mulongogi miko yonu Yezu a tshigile , enji a zwelele egi : " A katula fumu mu majiamo , tushi mu jiyago gwi a mu hagi."3Hene , phetelo mu mulongogi muko a zogele muya gu majiamo . 4A ile mu phushi muya di awo akima , uvi yonu muko wa bagelele phetelogu phushi , wa kumile muthu wa thomo gu majiamo . 5Wa shiwugile ha gu tala mu katshi ; wa monele milele ya gu tumbiga hoshi mu mavu , wi gwa ngidile go mu katshi.6Simoni phetelo wa kumile gu nyima dienji mu ngidile mu katshi.Wa monele milele ya gu tu mbiga mu mavu . 7Nu ( milele ) gitemba ginyi gia hageye gu mutwe , gitemba gia kalele go hama ha moshi nu milele iko ya hageye hama hako .8Hene , mu longogi muko , yonu wa kumile muthu wa thomo gu majiamo wa ngidile nu mwene ; wa monele hene a kwikile . 9Mukunda ti nu henyanyi a kalele mu jiya go ngada ja sonegeye ja kalele mu zwela egi Yezu , imba u mu futu muga gu lufwa . 10A longogi a vutugile mu jinzo jawo.11Uvi , mariya wa maganele honze , mudila .Tangwa a kalele mu dila , wa shiwugile enji wa kalele mu tala mu katshi dia wina dia majiamo. 12Wa monele ma wanyo muyadi a sudiga milele ila phe , mu moshi gu mutwe , muko gu malu hama ha hageye mwila wa yezu. 13A mu lezele egi: " mukhetu eye mukunda nu ikhi udi mu dila ? " wa vutudile egi: " mukunda a katula fumu wami , ngu shi mu jiya go gwi a mu hagi?"14Tangwa a zwelele nganyi , wa balumugile wa mona Yezu wa magana mu malu , uvi jiyile go egi yagi Yezu . 15Yezu wa mu lezele egi : " mukhetu eye , ikhi udi mu didila? nanyi u mu kamba? wa kalele mu yindula egi muthu wa nu sala gisalo mu gilanga , hene a mu lezele agi; "Fumu , gula eye wa mu katula , ngu leze gwi wa mu hagi , ngu ye ngu mu zule"16Yesu egi : " maviya " wa balumugile enji wa zwelele mu ndinga yawo egi: "Rabbi" disongidila, "Longi". 17Yesu wa mu lezele egi : " u ngu kwati go , mukunda kanji ngu kanduya go gwa shami ; wi inda gwa aphangiami nu a leze egi nga kanduga gwa shami , udi shenu , nzambi wami udi nzambi wenu " 18Mavila wa magadala we jile wa leza alongogi egi: " Nga monyi fumu, " enji mwene wa ngu leza ndaga jiji.19Mu gingweze gia gilumbu giene , gilumbu gia thomo gia phoso , mifulo ya gisaphaga gia kalele a longogi ya kalele ya gu kanga mukunda nu woma a kalele mu vwa mukunda nu ma yuuda , yezu we jile mudi monesa mu katshi diawo wa magana , wa a lezele egi: " Ngemba ikale mu katshi dienu " . 20Tangwa a zwelele nga nyi , wa a lezele mago nu ji phanji"21Yesu wa a lezele nji egi : ngemba ikale mu katshi dienu ! mu phila shami a ngu tumile , n'eme ngu mu mi tuma ." 22Tangwa yesu azwelele nganyi gwa suga , mu phephe umoshi wa a phuphudile enji wa a lezele egi : " Zulenu pheve - santu. 23Yonu mba mu lolula masumu , mbadi mu mu loluga , yonu mba mu tuna gu lolula , mba gwa lolula go".24Toma , mu moshi mu katshi dia kumi nu muyadi gwa kalele go tangwa yezu ejile. 25A longogi ako amu lezele gu nyima egi :" Ta monyi fumu ." wa a lezele egi : " Gula nga monele go mago enji , nu hama ha khokheye sonzo enji gula nga mbile go munwe wami mu luphanji lwenji go , nga mbo kwikila gami".26Gwa bale gele ilumbu nana , alongogi a kalele nji monzo toma wa kalele hene mifulo ya gisapha ya kalele ya gu kanga , yesu wa monegele mu katshi diawo wa magana wa a lezele egi: " Ngemba ikale mu katshi dienu . " 27Wa lezele toma egi : " phusa munwe u ngidise gu mago ami ; enji phusa koko diaye di ngidise mu phanji yami ; u kala go mwenya gu konda gu kwikila , uvi kwikila " .28Toma wa vutudile egi " fumu wani udi wa Nzambi wami". 29Yesu egi : " Mukunda wa ngu mona , hene wa kwikila lusagumunu lu kale gwa athu wanyi a mu kwikila konda gu mona ".30Yezu wa kitile idimbu iko ya vula gu twama dia alongogi , idimbu yene ya sonegeleye go gu mukanda wuwu; 31Uvi ngaga jiko jia sonegeye mukunda mu kwikile egi yesu udi kilisto , muna Nzambi , enji ha gu kwikila nganyi , mba mudi mu zula lujingu mu jina dienji
Chapter 21
1Gunyima dia ndaga jiji, Yesu wejile nji mu gudileza gudi alongoki enji akalala gu khudia gizanga gia tiberiade . Talo mutshindo wa ile mu azogela: 2Simon pierre wa kalele Thomas wa kalele mutamegeya egie Didyme, Nathanael wa Cana egu Galileya , ana a Zebedeya , nu alongigi ako muyadi a Yesu . 3Simon pierre wa alezele egie"Ngaya gami muloga". Amulezele egie tshienu naye" Angidile mu watokene ayile , mu pipa inyi akwatele ata suyi imoshi go.4Guma guadile guakia amona Yesu gu khudia gizanga , ene amujile mwabonga go egie yenu . 5Hene Yesu a alezele egie : "mala na akweti, mudi nu gina gia gudia?". Ene a mu vutudile egie:" lo". 6Mwene wa alezele egie:" Mwenu lukonde gu kogo ya madia wa wato wenu , mumone , mu mukwata suyi jia file jia vula hene lukonde lua anemene gu guzole gonze.7Hene hanyi mulongoki munu Yesu akalele mutshigina mwa vula waleze piele egie "yogo Yezu tumu zuela nawo". Tangwa Simon piele evile egie yenu fumu Yesu wa zogele gonze musudigo mulele, gunyima wa dibetega mukwawo. 8Alongoki ako akalele gonze ejile mu wato, mukunda akalele gualeha go, hangenyi mugitamino gia ba metre 100. 9Tangwa dia zogele gonze, amonene tshiya twa makala tunu tua hageye jisuyi nu mapa .10Atudile ,Yesu wa aleza egie:"Batenu ndambu ya suyi jimua kwata ". 11Hene simon piele a ngidile mu wato , wa tulula lukondo nu 153 suyi jia koma , jiakinda gutanga jinyi jia zonda ,lukonde nu gubatuga lo.12Mu tangwa diane Yesu wa aleza egie izenu tudie"petit dejeuner".ata mulongoki mumoshi wa gumu hula egie "eye nanyi " gua kalele go.Mukunda azile egie Yenu fumu yesu. 13Mwene wejile wa zangula mapa wa ahua nu suyi . 14Ya kalele mbala ya gitata gumonega gutwama dia alongoki gunyima ya guzuga gu lufwa .15Gunyima dia petit dejeuner ,Yesu wa hudile simon piele ,"Simon muna yowani , eye wenu gutshigina mwavula , gubalege wanyi enu ngutshigina ? Mwene egie "Eya , fumu,"eye umu jiya nyi ngenu gutshigina."Hene yesu a mulezele egie:"Disa ana menene ami ". 16Mwene wa muhidile ndji mbala ya giyadi:"Simon , muna a yowani, eye wenu ngutshigina ?". Piele wa muleza egie " eya, fumu, eye umu jile nyi ngenu gutshigina ". Yesu wa mulezele egie " Bamba mameme ami".17Yesu wa muhidile nji mbala ya gitatu : , "Simon , muna Yowani "Eye wenu ngitshigina ?" Piele wa vile gikenene mukanda nu ima wa kele mu muhuala Yesu ambala ya gitatu,"eye wenu ngitshigina ? Mwene wa muleze egie : "Eye ujiwa ima ikima; Eye umu jile nyi nga gutshigina ". Yesu wa mulezele egie" Disa mameme ami ami ". 18Kielega , kielega ngumu guleza nyi , tangwa wa kalele mona mutumba wa kalele mudi sudiga mulele aye akaye nu nji wa kalele muya nu guwenda guma gukima gu wa kumbula. Tangwa mba ukola , mba umu kala musununa mago athu eka amu gusudiga mulele , ene mba akale mu gubata guma gukhima gi umu tuna nyi ngushi muya go."19Yesu wa wa kalele mu zwela ima iyi mukunda nu gujihisa athu egie mbandu ya lufwa khi piele mba awhile nzambi lukumo nu matondo .Gunyima dia guzwela ji ndaga jiji, yesu wa lezele piele egie:" Ngulabe".20Lulu piele wa balumile meso yunyima wa mona mulongoki Yesu akalele mutshigina mwavula, amuza nu gualaba . Wejile wa bwila Yesu ha mutshima tangua dia kelele mudia mugingueze , wazuele egie:"Fumu , muthu khi mba wahana gudi a mbenyi?" 21Piele wa monene hene azwela gudi Yezu egie :"Fumu ikhi mba usala muthu mwene ?"22Yezu wa mu lezele egie : "kana nga kumbule nyi a jinga nu mutangwa nuba nguza muvutuga mu mbala ya giyadi , mukunda nakhi eye umu kumbula gungila ndaga yene? Ngulabe tshie" . 23Lulu ngagi ngaga inyi wa wendele gudi athu akhima egie muthu mba ndiga yezu mba gueshi mufwa gendji go. Tangwedi yesu guazwele go gudi piele egie muthu mba ungudiga mba guafu genji go, wazwele egie kana nga kumbula inyi ajinga nu mutangwa mba unga zendji , eye umu ingila mukunda na khi?"24Mulongogi mwene mumoshi mwene umu hana gitemu gia ndaga jiene , eya tu mu jiya nyi gitemu gienji gidi gia gielega . 25Mukunda gudi nu ima iko ya vula Yezu asalele.Lulu nga ima inyi ikhima isonegeye , athu a hamavu ambolo kuwa go gu gutupula mukunda wene.
Acts
Chapter 1
1Teyofile, gu mukanda wa thomo nga sonegele ndaga jikima Yesu a yandigile gu kita nu gu longa,2 katuga gilumbu ginyi a kandugile gosa. Ya khalele gu nyima dia tangwa a hanele shigo ya Pheve-Santu gudi alongogi wanyi mwene a phonele, 3wanyi mwene adi monesele nu monyo gu nyima dia phashi. Mu ilumbu makumi iya wa khalele mudi monesa enji wa khalele mu longa mukunda nu Gifumu gia Nzambi.4Tangwa a khalele mu tagana n'awo, wa khalele mu a leza ha gukonda guya gwa leha nu Yelusalemi uvi ha nenga laji dia Tata mu phila a zwelele egi :" Mwa vile gwa eme egi 5Yowani wa khalele mu botiga nu meya uvi mba mudi mu botigiya gu Pheve-Santu mu ilumbu ga ndambu."6Tangwa a khalele hama ha moshi a mu hudile egi : " Fumu, keti idi mu tangwa didi wa mbo za ha guhaga Gifumu gia Isalele mu ndonga ?" 7Wa a lezele egi : " Ishi go gwa enwe ha gu jiya tangwa nga sungi yinyi Tata a hagele mu ufumu wenji . 8Uvi enwe mba mudi mu zula ngolo, tangwa Pheve-Santu mba eza mu mi bulumugila enji mba mudi mu khala ma themwe gu Yelusalemi gu Yudeya ikima gu Samaliya, nu gu suga ya mavu akima ."9Tangwa Yesu a manesele gu a leza ndaga jiene, mu phila a khalele mu tala gosa, wa kandugile mu tuta di moshi dia mu swegele gu meso awo.10 Tangwa a khalele mu tala gosa mu mbala imoshi, athu mu yadi a sudiga milele ya phembe ejile mu a phusana . 11A zwelele egi :" Enwe, athu a gu Galileya, mukunda nu ikhi mwa bega mu tala gosa ? Yesu yogu wa kanduga gosa, mba udi muza mu vutuga giteso gi moshi mu phila mwa mu mona mu kanduga gosa ."12Hene a vutugile gu Yelusalemi ha gu katuga gu mulundu wa mitshi ya ba olivie, mulundu unu udi phene-phene nu Yelusalemi, ha gitamina gia gilumbu gi moshi gia gu wenda.13 Tangwa a kumile, a kandugile gu sugu ya gosa, gunu a khalele mudi bungisa mbala nu mbala. A khalele,Petelo, Yowani, Yakhobo, Andele, Filipo, Thoma, Bartelemi, Matayo, Yakhobo muna Alfe, Simoni muthu wa gikhesa, Yude muna Yakhobo.14 A khalele khungi'awo akima muthu mu moshi enji mu kanga mutshima mu katshi dia isambu, nu akhetu wawa, Mariya gina Yesu, nu aphangi'enji a mala.15Mu ilumbu yene yinyi, Petelo wa zugile mu katshi dia aphangi, a khalele mu gimvuga athu khama imoshi nu makumi a yadi. Wa zwelele egi : " 16Aphangi, ya khalele mwa bonga ndaga jia sonegeye mu mikanda ji lungisame, mu phila Pheve-Santu a zwelele mu kano dia Davidi mu ndaga ya Yudasi, yonu wa lezele njila gwa wanyi a kwatele Yesu.17Mukunda wa khalele mu moshi mu katshi dietu enji wa zudile ga gitshidi ga ndambu ya mabula a gisalo gigi.18 ( magino muthu mwene wa sumbile gilanga nu lufutu lwa khabu enji, wa bwile nu mutwe mwene muthu wa thomo, mwila wenji wa batugile itshidi-itshidi.19 Ndaga yene ya jiyanele gwa athua kima katuga gu Yelusalemi gunu a hanele jina dia gilanga giene mu ndinga yawo egi :" hakeldama " disongidila egi :" gilanga gia menga .")20Mukunda nu nganyi a sonegele mu mukanda wa khunga egi :Bembenu gilanga gienji gi kituge gia phashi, muthu gu jinga ndo mu gilanga giene. Muthu wekha a gi zule ha gu gi tala ."21Idi ya bonga, gwa muthu mu moshi mu katshi dietu yonu wa tu hatele tangwa dikima gu meso a fumu wetu Yesu a khalele mu katshi dietu 22katuga mbotiga ya yowani ti nu gilumbu mwene a kandwishiye gosa mu katshi dietu, mu moshi katshi dia wanyi a khalele ba themwe a gufutumuga gwenji ." 23A hagele gu ma twama athu mu yadi, Yozefi wa khalele mu tamegeya egi Barsaba enji Yusutus nu Matiasi.24A lombele Nzambi egi :" Eye Fumu, udi mu jiya mitshima ya athu akima, mu katshi dia athu wawa muyadi tu leze nanyi wa phona mu katshi diawo,25 ha gu zula fundo mu gisalo dia bembele Yudasi yonu wa bolesele ha gu hata njila yenji. " 26A budile ubwadi. Matiasi wa phonneye ha gu tangeya mu katshi dia atumwa kumi nu mumoshi.Chapter 2
1Mu gilumbu gia patekote, a khalele akima hama ha moshi . 2Mu mbala imoshi, a vile makelele a katugile gosa ole makelele a muphephe wa ngolo we jile muzala mu katshi dia gisapha ginyi a khalele. 3Ma ludimi a tshiya ejile mudi monesa mu phila ya tshiya enji a tulugile holo dia akima mu katshi diawo.4 Akima gawo a zalele nu Pheve-Santu hene a yandigile guzwela mu ndinga jiko, phila pheve ya khalele mu leza konso muthu ha guzwela.5Mu tangwa diene gwa khalele nu ba yuda a khalele nu inzo gu Yelusalemi, athu a bonga mitshima a thotho ji kima a hoshia mavu.6 Tangwa makelele a zogele, athu ejile a vula mu katshi diawo a khalele mu yituga ha guvwa konso muthu mu zwela mu ndinga yenji. 7A khalele mu yituga nu gu zwela egi :" Mu masonga, ashi go athu a gu Galileya wawa adi mu zwela?8Mukunda nu ikhi tudi mu a vwa, konso muthu mu zwela mu ndinga yenji ya gu butugila ? 9Enya gu persia, Medes, gu elamite, nu wanyi a nu jinga gu Mezopotami gu yudeya nu gu Kapadose, gu pont nu gu Aziya,10 gu frigi gu pamfili, gu Egipito nu gu gi junga gia gu lybia phene-phene nu sirene, nu nzenza jinyi jia katuigile gu Roma,11 Ba yuda nu wanyi a kitugile ba yuda tudi mu a vwa mu zwela mu ndaga idi mu talela ngolo jia isalo ya Nzambi."12A khalele mu yituga enji a bwile gisaga-saga nu gudi zwelela ene nu ene egi :"ikhi idi disongidilagia ndaga yiyi ?" 13Uvi ako a khalele mu zwela egi :" adi a lauga matombe."14Uvi, Petelo wa zugile nu wanyi kumi nu mu moshi a tuphudile ndinga ha gu a leza egi :" Enwe athu a gu Galileya, nu enwe akima a nu jinga gu Yelusalemi, jiyenu ndaga yiyi, mu haga matshi mu ve ndaga ngudi mu zwela. 15Athu wawa a laugile go matombe mu phila mudi mu yindula, mukunda tudi mu tangwa dia tatu dia gilumbu.16Uvi, talenu ndaga ya zwelele profeta Yowele :" 17Mu ilumbu ya suga," Nzambi udi mu zwela egi :" Mba ngudi mu phanza Pheve wami gwa athu akima. Anenu a mala nu a akhhetu mba a khala mu tendula ndaga jia gu twama. Anenu adi mu kula mba a khala mu mona ndaga gimona meso, athu a kolale mba a khala mu lota nzoji.18Giteso gi moshi gwa athu ami a gisalo a mala nu a akhetu, pheve yami mba idi mu phanzana holo diawo enji mba a khala mu tendula ndaga jia gu twama.19 Mba ngu kita ndaga jia gu yituga gosa enji nu gu kita idimbu iko haha hoshia mavu, menga, tshiya nu mishi.20Tangwa mba di kituga phipha, ngonda mba ikituga menga, gu nyima gilumbu giami mba gidi muza, gilumbu gia koma gia Fumu. 21Hene konso muthu yonu mba u tanga jina dia Fumu mba udi mu guluga.22Enwe athu a gu Isalele, vwenu ndaga jiji : " Yesu wa gu Nazaleti udi muthu Nzambi a monesele mu katshi dienu mukunda nu ndaga jia koma nu jia guyituga, enji nu idimbu ya vula a salele mu ngolo jia Nzambi, mu phila mudi mu jiya enwe hakhenu ; 23mu mabanza a Nzambi, wa haneye gu mago enu enwe athu a bola mu phila Nzambi a kanele ndaga yene ha thomo, enwe mwa mu shiyile ha khulunji. 24Nzambi wa mu zugishile gu lufwa, nu gu mu katula mu phashi jia lufwa, mukunda lufwa lwa khalele go nu phila ya gu mu kwata.25Mukunda Davidi wa zwelele mukunda nu mwene egi :" Nga monele Fumu gu twama diami, mukunda wa khalele gu koko diami dia gi tata, mukunda ngule gu nyigana ndo. 26Hene mutshima wami udi mu kiese, enji ngu mu zwela nu kiese. Ata mwila wami wa gi muthu udi mu jinga mu gu haha mutshima.27Mukunda mba ushi mu bemba go monyo wami mu katshi dia lufwa, nu gu bemba mwila wa muthu waye u phole. 28Wa ngu lezele njila jia monyo; mba udi mu ngu zalesa tangwa mba ngu khala n'aye phene-phene."29A phangi, ngudi gu mi leza gu ndaga ya khakha wetu Davidi nu gutshigina; wa file enji wa fundiye, majiamo enji adi mu katshi dietu ti nu lulu ngagi.30 Phila a khalele profeta, wa jiyile egi Nzambi wa tele laji nu gu batula giba egi mba udi mu haga ha Gifumu muthu mu moshi mu katshi dia athu a gikanda gienji.31 Wa jiyile ndaga yene ha gudiangela nu gu zwela mu ndaga ya talele gufutumuga gwa Kilisto : mwene gwa bembeye go mu galunga ga athu a fwa enji mwila wenji wa botomogele go ."32Yesu mwene; Nzambi wa mu tuphudile, etwe akima tudi ta ba themwe a ndaga yene. 33Mu phila mwene a tuphudiye gu koko dia gi tata gia Nzambi, enji mu phila a zudile laji dia Pheve-Santu ya katugile gwa Tata, wa phanzele Pheve yene, mu phila mudi mu mona nu mudi mu vwa.34Mukunda Davidi gwa kandugile go gosa, uvi wa zwelele egi :" Fumu wa zwelele gwa Fumu wami egi, eye khala hoshi gu khanda ya koko diami dia gi tata, 35ti nu tangwa mba ngu haga mbeni jiami goshia malu aye." 36Hene athu akima a gu Isalele mu jiya mwa bonga egi Nzambi wa mu hagele Fumu nu Kilisto, Yesu yonu mwa hagele ha khulunji."37Tangwa a vile nganyi, a vile phashi gu mitshima yawo hene a zwelele gwa Piele nu gwa a thumwa ako egi : " Aphangi, ikhi tu kita ?" 38Piele wa vutudile egi :" Balumunenu mitshima, mu zule mbotiga khungienu akima mu jina dia Yesu-Kilisto mukunda nu ndolula ya masumu enu, nganyi mba mu zule makapho a Pheve-Santu.39 Mukunda laji didi mukunda nu enwe enji mukunda nu anenu, nu wanyi adi gwa leha, mu thalo ya vula mu phila Nzambi mba u a tamegele."40Nu ndinga jiko jia vula, a tele gimbangi nu gu a longesa; a zwelele egi :" Di kulumusenu mu khugo yiyi ya athu a bola." 41A vile ndinga, hene a zudile mbotiga, mu gilumbu giene athu adi lundile mu mu tango wa athu giteso gia mafunda a tatu.42 A khalele mudi kwatesa mu malongi a athumwa nu mu gimvuga, mu gudia mapha nu mu isambu.43Woma wa khatele muthu mukima, idimbu ya khumbwa ya vula ya salamele mu katshi dia athumwa.44 Wanyi a khalele mu kwikila, a khalele mu jinga hama ha moshi, ima yawo ikima ya khalele ya gimvuga, 45a khalele mu diga ima yawo nu gudi kaphela mu katshi diawo akima, konso muthu mu giteso a tshigina.46Nganyi gilumbu nu gilumbu a khalele mu kita ndaga mu phila imoshi mu katshi dia inzo-Nzambi enji a khalele mudia mapha mu jinzo nu gudi kaphela madia nu kiese nu gudi bulumwisa mu mutshima,47 a khalele mu kumisa Nzambi hene athu a atshiginile. Fumu wa khalele mu yiga thalo ya athu wanyi a gulushile gilumbu nu gilumbu.Chapter 3
1Gu nyima Piele nu Yowani a khalele muya gu inzo-Nzambi mu tangwa dia uvwa. 2Gwa khalele nu muthu mumoshi, wa butugile nu gifu mu kulu. Wa khalele mu bateya ilumbu ikima ha guza mu tuludiya ha mufulo wa inzo-nzambi unu wa nu tamegeya egi wa bonga; nganyi muthu mwene wa khalele nu phila ya gu lomba makapho a khenda gwa wanyi akima a khalele mu ngila mu inzo-nzambi. 3Tangwa a monele Piele nu Yowani a khalele muya mu inzo-nzambi, mwene wa a lombele makapho a khenda.4Piele wa nu Yowani a mu talele sha mwa bonga hene a mu lezele egi :" Tu tale ". 5Muthu mwene wa a talele, nu ngindu jia gu hwiya gima gi moshi gwa ene.6 Uvi Piele wa mu lezele egi :" Ngu shi nu wolo go nga nu mbongo, uvi gima ngudi nagio, ngu mu guhwa nagio. Mu jina dia Yesu-Kilisto wa gu Nazaleti, wenda !"7Piele wa mu kwatele mu koko dia madia, wa mu zugishile, mu mbala imoshi malu enji a maganele, idiatelo yenji ya malu ya bwile ya ngolo.8 Mu thambo dimoshi, gikata gia zugile wa wendele ; wa ngidile nu Piele nu Yowani mu inzo-nzambi nu gu wenda, nu gu thenya nu gu kumisa Nzambi.9Athu akima a monele egi udi mu wenda nu gu kumisa Nzambi. 10A monele egi ya khalele muthu yonu wa khalele tangwa dikima wa di tumbiga hoshi mukunda nu gulomba makapho a khenda ha mufulo wa inzo-nzambi unu wa nu tamegeya egi wa bonga; hene a yitugile ha gu mona ndaga ya salamele gwa gikata.11Mu phila mwene a khalele mu khulo ya Piele nu Yowani, athu akima ejile mu phushi ha gu mu sanga ha mufulo wa nu tamegeya egi wa Salomo nu gu yituga mwa vula.12 Tangwa Piele a monele nganyi, wa hudile athu egi :" Enwe athu a gu Isalele, mukunda nu ikhi mudi mu yituga ? Mukunda nu ikhi mudi mu haga meso enu gwa etwe, ha gu mona egi etwe ta kita ha gu wendesa muthu yogo mu giyega nu ufumu, nu khenda jietu ?13Nzambi wa Abram, wa Izaki, nu wa Yakhobo, Nzambi wa a shetu, mwene wa hana lukumu gwa muthu wenji wa gisalo Yesu yonu mwa hanele nu gu tuna gu twama dia Pilato, tangwa Pilato a tshiginile ha gu mu bemba. 14Enwe mwa bishidile musantu, muthu wa masonga, mwa lombele ha gu mi bembela muthu wa nu shiya athu.15Mwa shiyile Muna Fumu udi monyo, yonu Nzambi a zugishile mu katshi dia athu a fwa, etwe ta khalele ma themwe a ndaga yene.16 Lulu ngagi, mukunda nu lukwikilu mu jina dienji muthu yonu mudi mu mona nu mudi mu jiya wa zula ngolo mu jina diene. Lukwikilu lunu mwa haga mu jina dia Yesu lwene lwa muhwa ngolo mwa mona gu twama dienu.17Lulu ngagi, aphangi, nga bagisa egi mwa kitile nganyi ha gukonda gu jiya, mu phila mafumu enu a kitile. 18Mu phila Nzambi a zwelele ndaga yene mu kano dia athu wanyi a nu tendula ndaga gu twama akima egi Kilisto mba udi mu mona phashi, ndaga yene ya lungisama.19Balulenu mitshima, enji mu baluge mukunda a vanse masumu enu mukunda sungi ya gu hwima ya nu katuga gwa Fumu mwene ha khenji; 20enji mukunda mwene wa tumile Kilisto yonu wa phoneye mukunda nu enwe, udi Yesu.21Muthu mwene kaka gosa gu fete gu mu kwata ti nu tangwa dinyi ima mba i vutudiya mu phila Nzambi a zwelele mu kano dia ba profeta enji a ba santu a mu tangwa di kulu. 22 Moyize wa zwelele egi :" Fumu Nzambi mba udi mu zugisa mu katshi dienu Muthu wa nu tendula ndaga gu twama. Enwe mu feto vwa ndaga ji kima mba a mi leza. 23Mba imonega egi muthu mukima mba ula gu vwa ndo muthu mwene wa nu tendula ndaga gu twama mba udi mu shiyiya mu kkatshi dia athu."24Eya, athu wanyi a nu tandula ndaga gu twama a yandigile gu zwela katuga mu tangwa dia Samwele nu wanyi a mu hatele a zwelele nji mukunda nu ilumbu yiyi. 25Mudi mwa ana a athu wanyi a nu tendula ndaga gu twama, enji wanyi a gudi visa gunu Nzambi adi vishile nu a khakha jienu, mu phila Mwene a lezele Abram egi : " Ikanda ikima ya hoshia mavu mba idi mu zula lusagumunu mu njila ya munaye." 26Gu nyima ya gufutumuna muthu waye wa gisalo, Nzambi wa mu tumile n'enji ha thomo gwa enwe mukunda nu gu mi sagumuna nu gu sagumuna wanyi akima a bembele isalo yawo ya bola.Chapter 4
1Tangwa Piele nu Yowani a khalele mu zwela nu athu, nganga-Nzambi nu tulagi twa inzo-nzambi ejile mu kuma nu ba saduse. 2A vile khabu mukunda a thumwa a khalele mulonga nu gu jiyisa athu mu ndaga ya gu futumuga gwa Yesu mu katshi dia athu a fwa. 3Hene a akwatele nu gu a ngidisa mu bologo ti nu mu gikhela gia gilumbu gia hatele mukunda gingweze gia bwile. 4Uvi athu a vula mu katshi diawo a vile ndinga yene a kwikile enji a mala wanyi a kwikile a khalele ha giteso gia mafunda a tano.5Mu gilumbu gia hatele, mafumu awo, nu ma mbuta nu alongi a shigo adi bungishile gu Yelusalemi. 6Anna, fumu wa nganga-Nzambi, nu Kayifa, nu Yowani nu Alezandele nu wanyi akima a gikanda gia fumu wa nganga-Nzambi a khalele hene. 7A hagele Piele nu Yowani ha katshi-katshi diawo a yandigile gu a hula egi :" Mu ngolo nu jina dia nanyi mudi mu kita ndaga jiji ?"8Piele wa zalele nu Pheve-Santu wa a lezele egi :"Enwe mafumu a athu nu mambuta,9 gula mudi mu ngu hula mihu mu gilumbu gia magino mukunda nu ndaga ya bonga yinyi ta kiti gwa muthu mu moshi wa gikata, enji mudi mu tshigina mu jiye mu phila khi muthu mwene a baluga ?10 Idi ya bonga enwe athu a gu Isalele mu jiye egi idi mu jina dia Yesu Kilisto wa gu Nazaleti, yonu mwa shiyile ha khulunji, uvi Nzambi wa mu zugishile gu lufwa; idi mu njila yenji muthu yogu adi wa magana gu twama dienu nu mwila wa bonga.11Yesu-Kilisto udi seso dinyi athu a khalele mu tunga a bishidile, uvi seso diene dia kitugile seso dia ha khangwila.12 Enji gu guluga gushi go mu njila ya muthu muko mukunda gushi nu jina diko gosa nga haha hoshi dia haneye mu katshi dia athu ha gu gulugila."13hene a yitugile nu gu jiyaTangwa a monele egi Piele nu Yowani a khalele mu a leza ndaga nu gikhesa gi kima, a jiyile egi a khalele athu a phamba a konda gulonguga hene a yitugila nu gu yindula nu gu jiya egi Piele nu Yowani a khalele mu wenda nu Yesu. 14Tangwa a monele muthu yonu wa belugile wa magana n'awo, a monele nji go gima gia gu zwela.15Hene gu nyima a hanele mukwala gwa alongogi ha gu zoga mu inzo yinyi a nu sambesa ndaga, hene a yandigile gudi hula mu katshi diawo. 16A zwelele egi :" Ikhi twa jiya gu kita athu wawa ? Mukunda a katuga gu kita gidimbu gi moshi gia koma, gia mbo jiyana gwa athu akima a nu jinga gu Yelusalemi ; twa jiyile go gu ituna.17 Uvi ha gula ndaga yeneile gu phanzana ndo mwa vula mu katshi dia athu, tu a leze ha gu konda guzwela gwa athu mu jina diene." 18A tamegele Piele nu Yowani a a lezele ha gukonda guzwela nu gulonga mu jina dia Yesu.19Uvi Piele nu Yowani a vutudile egi :" Batulenu ha khenu gula idi ya bonga gu meso a Nzambi ha gu mi lemvugila, tu tune Nzambi. 20Uvi etwe, twa jiyile go gu tuna ha gukonda gu zwela ndaga yinyi ta monele nu ta vile."21Gu nyima ya gu hwa Piele nu Yowani woma, a abembele. Mukunda a khalele go mu mona ata gikuma gi moshi gia gu a hwila ndola ; enji mukunda athu akima a khalele mu hana lukumu gwa Nzambi mukunda nu ndaga jinyi jia salamele. 22Muthu yonu wa belugile gu gidimbu gia khumbwa wa khalele nu mvula jia gu butuga jia gu balega makumi a wana.23Tangwa a abembele, Piele nu Yowani a yile ha gudi mona nu athu awo, enji a ajiyishile ndaga mu phila mafumu a nganga-Nzambi nu mambuta a alezele. 24Tangwa a vile nganyi, a tuphudile ndinga gwa Nzambi mu zwela egi : " Fumu, Eye wa salele gosa, mavu, nzadi nu ima ikima idi mu katshi diayo, 25Eye nji mu njila ya Pheve-Santu wa zwelele mu kano dia muthu waye wa gisalo Davidi egi :" Mukunda nu ikhi ikanda ikima ya athu a masumu idi mu ndonga enji mukunda nu ikhi athu a yindudile ima ya phamba-phamba?26Mafumu a hoshia mavu akima adi bungishile hama ha moshi ha gu lwisa Fumu nu ha gu lwisa Kilisto."27Mukunda Elode nu Ponso Pilato adi bungishile nu athu wanyi a ikanda nu wanyi a gu Isalele ha gu lwisa Muthu waye wa gisalo wa bonga, Yesu, yonu wa kangudile mafuta. 28Adi bungishile mukunda nu gu kita ndaga jinyi koko diaye nu mabanza aye a kanele ha gu kita gu matwama.29Lulu ngagi, tala phila adi mu tu hwa woma enji phila adi mu hwa athu aye a gisalo gikhesa gia gu longa ndinga yaye. 30Mukunda tangwa wa mbo tuphula koko diaye ha gu belula; enji tangwa idimbu ya khumbwa nu ndaga jia gi yituga jidi mu salama mu jina dia musantu muthu waye wa gisalo Yesu ." 31Tangwa a manesele gusamba, hama hanyi adi bungishile ha nyiganele enji khungi'awo akima a zalele nu Pheve-Santu, a yandigile gu longa ndinga ya Nzambi nu gikhesa gikima.32Thalo ya vula ya athu wanyi a kwikile a khalele mudi bungisa mu mutshima umoshi nu monyo umoshi, enji ata nu muthu go wa khalele mu zwela egi ima yenji idi yenji ha khenji. Uvi a khalele mu haga ima yawo hama ha moshi. 33Ya khalele mu ngolo jikima, a thumwa a khalele mu longa nu guta githemwe gia gufutumuga gwa Fumu Yesu, enji a zudile lusagumunu lwa vula mu katshi diawo.34Gwa khalele go ata nu muthu mumoshi mu katshi diawo wa khalele mu konda gima ; mukunda ima ikima a khalele n'ayo, ilanga nu jinzo a khalele mu diga nu guza mu bata mbongo jia ima inyi a khalele mu diga 35nu guza mu tulula mbongo jiene gu malu a athumwa. Ebuna a khalele mudi kaphela konso muthu mu phila a khalele nu funu yayo.36Yozefi, muthu wa gikanda gia levi, muthu wa gu shipre yonu wa hwiye jina gwa a thumwa egi Barnabasi (disongidila muthu yonu wa nu hwa athu gikhesa ). 37Wa khalele nu gilanga gienji gi moshi; wa gi digile, ebuna we jile mu bata mbongo wa ji tuludile gu malu a a thumwa.Chapter 5
1Hene muthu mu moshi, jina dienji Ananiasi nu mukajie'nji Safira, a digile ndambu yawo ya mavu, 2wa katudile mu giswegi ga ndambu ga mbongo gu nyima ya gu diga (mukajie'nji wa jiyile ) hene ejile mu bata ga ndambu ga mbongo yinyi iko, wa tuludile gu malu a athumwa.3Uvi Piele wa mu lezele egi :" Ananiasi, mukunda nu ikhi satana a gu ngila gu mutshima ha gu gu leza umbile Pheve-Santu mambo ha gu katula ga ndambu ga mbongo wa katuga gu diga gilanga giaye ? 4Tangwa wa khala khanji udiga go gilanga, keti gilanga giene gia khalele go giaye ? Mukunda nu ikhi ngindu jia bola jia ngila mu mutshima waye ? Wa dimbile go athu, uvi wa dimbi Nzambi." 5Tangwa a vile ndaga yene, Ananiasi wa bwile hoshi nu gufwa. Woma wa vula wa kwatele athu mukunda nu ndaga yinyi a vile. 6Ana amala ejile a kangele mvumbi ha milele, a yile mu ifunda.7Giteso gia ma tangwa a tatu a balegele, mukajie'nji we jile mu kuma, gwa jiyile go ndaga phila jia balegele. 8Piele wa mu hudile egi :"Ngu leze gula mwa digi gilanga gienu mu thalo yiyi ?" Wa vutudile egi :" Eya, idi mu thalo yiyi."9Hene Piele a mu lezele egi : " mukunda nu ikhi mwa di visa nu mulumi'aye ha gu dimba Pheve ya Fumu ?" Tala athu wanyi ayi mu funda mulumi'aye adi haha ha mufulo, adi mu gu zula ha gu gubata honze." 10Wa bwile, mu mbala imoshi nu gufwa, ana amala ejile mu mu sanga wa fwa ; a mu batele a yile mu mu funda phene-phene nu mulumi'enji.11 Woma wa vula wa kwatele athu a dibundu, nu wanyi a vile yene.12A thumwa a khalele mu kita idimbu ya khumbwa yavula mu katshi dia athu. A khalele muudi bungisa hama ha moshi mu mbanda nzo ya Salomo.13 Ata muthu muko gwa khalele go nu gikhesa gia guza mudi bungisa n'awo ; uvi a khalele mu a tshigina mwa vula.14Thalo ya athu ya khalele mu yigama gwa Fumu, a mala nu akhetu a vula a kwikile. 15A khalele mu bata mbefo ha itanda ha gu a haga mu ma balabala mu ngindu egi tangwa Piele a mbo balega, givule gienji gi tshige athu a vula mu katshi diawo.16 Athu a vula a khalele mu katuga mu membo a mu khelelego ya Yelusalemi a khalele nji muza mu bata mbefu nu athu wanyi a khalele nu pheve jia bola, khungi'awo akima a khalele mu belulga.17Uvi Fumu wa nganga-Nzambi nu mambuta a dibundu wanyi a kima a khalele n'enji (athu a gimvuga gia asaduse ); a zalele nu giphi gwa a thumwa. 18A kwatele a thumwa ha gu a mba mu bologo.19Uvi mu katshi dia phipha, wanjio wa Fumu wa kkangudile mifulo ya bologo, wa a zolele honze enji wa a lezele egi :20" Gindenu mu maganele mu inzo-Nzambi ; mu yandige gu longa athu ndinga ya monyo. 21Tangwa a vile ndaga yene, a yile mu ngila mu inzo-Nzambi mu gikhela, hene a yandigile gu longa. Uvi tangwa nganga-Nzambi ejile nu wanyi a khalele n'enji, wa tamegele gimvuga gia mambuta a athu a gu Isalele, hene a tumile masuta gu bologo ha guya mu kamba a thumwa muza nawo gu twama diawo.22Uvi tangwa masuta wanyi a yile, a sangele go athu mu bologo, a vutugile muza mu a leza egi :23 " Ta sanga mifulo ya bologo ya gu kanga mwa bonga-bonga, enji athu a nu tala bologo a magana ha mufulo ; uvi tangwa ta kangula mufulo ; ta monele go ata muthu mu katshi ."24Tangwa fumu wa inzo-Nzambi nu fumu wa nganga-Nzambi a vile ndaga yene a vile khabu jia vula mukunda nu ndaga yene nu gu yindula ndaga gubwa gu twama. 25Hene muthu mu moshi ejile mu a leza egi :" Athu wanyi mwa mbile mu bologo, adi mu katshi dia inzo-Nzambi mu longa athu."26Hene fumu wa inzo-Nzambi nu tu lagi a yile mu a kwata gu konda gingolo-ngolo, mukunda a khalele mu vwa woma ha gukonda gu beteya gwa athu. 27Tangwa ejile n'awo, a a hagele gu twama dia gimvuga. Fumu wa nganga-Nzambi wa a hudile 28egi :"Ta mi tunyishile ha gu longa mu jina dinyi, uvi enwe mwa zalesa Yelusalemi nu malongi enu, enji mwa tshigina gu tu tuludila menga a muthu mwene."29Uvi piele nu alongogi a vutudile egi :" Etwe tu feto lumvugila Nzambi athu ndo;" 30Nzambi wa khakha jietu wa zugishile Yesu, yonu mwa shiyile ha mutshi wa magana. 31Nzambi wa mu hagele gu koko dienji dia gi tata ha gu khala Muna Fumu nu mugulushi ha gubata gu guluga gwa Isalele, nu gubata khenda jia masumu. 32Etwe tudi ta matemu a ndaga jiene, phila imoshi nu Pheve-Santu ya haneleNzambi gwa wanyi a nu mu lemvugila."33Tangwa athu a gimvuga a vile nganyi a vile khabu jia vula a tshiginile gu shiya a thumwa.34 Uvi mu falisaye mu moshi jina dienji Gamaliele, muthu wa longugile shigo, wa khalele mu hwiya lujito lwa vula gwa athu, wa zugile mu hana mukwala ha gu zola a thumwa honze tangwa di moshi.35Gu nyima wa a lezele egi :" Enwe athu a gu Isalele, salenu keba gu ndaga mwa tshigina gu kita athu wawa.36 Mukunda gudi tangwa dimoshi ; Thedasi wa zugila ha gudi monesa muthu, hene gimvuga gia athu giteso gia khama ji wana, adi bungishile gwa mwene wa shiyiye, hene wanyi akima a khalele mu mu lemvugila a phanzeye nu gu moneseya phamba. 37Gu nyima dia muthu yonu, Yudasi wa gu Galileya wa zugile tangwa dia tangeye nu gu sonegeya athu, enji ndambu ya athu, enji wa bendele ndambu ya athu gu khanda yenji. Mwene nji wa shiyiye, wanyi akima a khalele mu mu lemvugila a phanzeye.38Lulu ngagi ngu mu mi leza egi, mu phusana nji go athu wawa, a bembenu tedie, mukunda gula ndaga yiyi adi mu kita idi mu katuga gwa athu, yene i mu bela. 39Uvi gula idi mu katuga gwa Nzambi, mba mushi mu a nunga go ; jiyenu egi mudi mu lwisa Nzambi." Hene a tshiginile.40Gu nyima a tamegele a thumwa, gu nyima ya gu a beta, a a tunyishile ha gu zwela mu jina dia Yesu, hene a abembele muya. 41A zogele mu katshi dia gimvuga nu kiese ha gu mona egi a moneye athu a kielega ha gu moneseya phashi mu jina diene. 42Ilumbu ikima, a khalele mu balega inzo nu inzo nu gu ngila mu inzo Nzambi mu longa nu gu samuna ndinga egi Yesu udi Kilisto.Chapter 6
1Mu gilumbu giene tangwa thalo ya alongogi ya khalele mudi yiga, ba yuda wanyi a nu zwela gi greki a yandigile gubogutila ba yuda wanyi a nu zwela gi hebelo mukunda akhetu a mifidi a khalele go mu zudiya nu funu mu tangwa dia gu khapa madia.2A thumwa kumi nu muyadi a tamegele gimvuga gia alongogi a a lezele egi :" Ishi go ya bonga etwe tu bembe ha gulonga ndinga ya Nzambi mukunda nu guza mu kapha ima ha mesa. 3Phonenu, aphangi mu katshi dienu athu sambwadi a ifu ya bonga, a zala nu pheve, adi nu gingambi, twa jiya gu a haga ha gu kita gisalo giene.4 Mukunda etwe tu hatelele gisalo gietu gia gu longa ndinga, nu gu sambela."5Gimvuga gia athu a vile kiese ha gu vwa nganyi. Hene, a phonele Etienne muthu wa zala nu Pheve -Santu, nu Filipo, prokor, Nikanor, Timoni, Parmenasi , nu Nikolasi muthu wa gu Antiosi wa kitugile mu yuda.6 A kwikidi a batela athu ene gu twama dia a thumwa, ene a lombele Nzambi nu gu a haga mago.7Hene ndinga ya Nzambi ya khalele mu phanzana mwa vula enji thalo ya alongogi ya khalele mu kanduga mu phushi-phushi gu Yelusalemi. Nganga-Nzambi nji a lemvugile ha gu kwikila.8Hene Etienne wa zala nu khenda nu ngolo, wa khalele mu kita idimbu ya khumbwa ya vula mu katshi dia athu.9 Uvi athu ako a gimvuga gia inzo ya isambu inyi ya nu tamegeya egi inzo ya isambu ya athu wanyi a katugile mu gi higa gu Sirenia nu gu Alewandriya, nu ako a gu Silisia nu gu Aziya a bendumugile nu gu haga thembe nu Etienne.10Uvi a khalele go nu phila ya gu haga mutwe mukunda nu gi ngambi jinyi Pheve-Santu a khalele mu hwa Etienne ha gu zwela. 11Gu nyima a yile mu bondila athu wanyi ako mu giswegi ha gu zwela egi :" Ta vi Etienne mu zwela ndinga jia gu shingana Moyize nu Nzambi."12A lezele athu, nu mambuta, nu alongi a shigo ha gu bendumuga nu guya mu funda ha gu samba n'enji, hene a mu kwatele ha gu mu bata gu twama dia gimvuga.13 A batele matemu a luvunu a zwelele egi :"Muthu yogu udi mu zwela ndinga jia bola mukunda nu hama hetu ha santu nu gu vweza shigo. 14Mukunda etwe ta mu vi mu zwela egi Yesu yonu wa gu Nazaleti mba umu phanza hama haha nu gu balula shigo jinyi jia tu longele Moyize." 15Wanyi akima akhalele hene mu gimvuga a hagele sha meso awo gwa mwene ha gu mu tala, a monele egi meso enji a kitugile ole a wanjio.Chapter 7
1Fumu wa nganga -Nzambi wa zwelele egi :"Ndaga jiji jidi jia masonga ?" 2Etienne wa vutudile egi :" A phangi nu a tata, ngu venu : Nzambi wa lukumu wadi monesele gwa shetu Abram tangwa a khalele gu mezopotami, gu twama aye ha gu khala gu sharani, wa mu lezele egi :" 3katuga mu dimbo diaye nu athu aye, uye mu dimbo dinyi nga mbo gu gu leza ha gu tunga.4Hene a katugile mu dimbo dia Shalde ha guya mu tunga gu Sharani. Gunu gu nyima dia lufwa lwa Shenji, Nzambi wa mu batele mu dimbo udi mu jinga lulu ngagi. 5Gwa mu hwile go ata gima, nga nu ga gitshidi ga mavu ha gu hagela malu. Uvi wa mu hwile laji, (tangwa Abram a khalele wa konda mona) egi mba u mu hwa thotho ikima nu gwa athu a vumo dienji.6Nzambi wa mu lezele egi, athu a vumo diaye mba a jinga mu tangwa di moshi mu gi higa, athu a mu membo ene mba a kituga ahiga, mba adi mu moneseya phashi mvula khama ji wana.7 Nzambi wa zwelele egi, mba ngu mu sambesa athu a dimbo diene mba a khala ahiga, gu nyima mba a katuga mu dimbo diene muya mu ngu hwa lukumu hama hene." 8Hene a zengele nu Abram ndaga ya luyotisi, hene Abram a bwile sha Izaki yonu wa mbiye gu luyotisi mu gilumbu gia nana, Izaki wa bwile sha Yakhobo, Yakhobo sha a khakha kumi nu muyadi.9A khakha, nu giphi gia vula a khalele nagio gwa Yozefi, a mu digile ha gu bateya gu Egipito, uvi Nzambi wa khalele n'enji,10 wa mu salesele mu phashi jikima, wa mu hwile lukumu nu ungambi gu meso a faraon fumu wa gu Egipito. Faraon wa mu hwile giyega gia gu yala ima ikima ya gu Egipito nu gu yala jinzo jikima.11Nzala ya vula ya ngidile gu Egipito nu gu kanana; a shetu a monele go ima ya gudia.12 Tangwa Yakhobo a vile egi gu Egipito gudi nu ble ya vula, wa tumile a shetu mbala ya thomo.13 Mbala ya giyadi, Yozefi wadi monesele gwa aphangi'enji; hene gikanda giawo gia jiyanele gwa faraon.15Yozefi wa tumile aphangi'enji ha gu leza shawo Yakobo ha guza mu jinga gu Egipito, nu gikanda gienji jikima; athu makumi a sambwadi nu-a-tano mu gimvuga.14 Hene Yakhobo a bulumugile gu Egipito. Gu nyima, mwene-ha-khenji nu a shetu a file. 16A bateye gu Sishem, ha gu fundiya gu majiamo wanyi Abram a sumbile nu mbongo gwa ana a Amore gu Sishem.17Tangwa dia laji dinyi Nzambi a waganele nu Abram dia kumile phene-phene, athu a vudile gu Egipito,18 ti nu tangwa fumu muko a yalele gu Egipito; fumu mwene gwa jiyile go Yozefi. 19Fumu mwene wa dimbile athu etu nu guhwa a shetu phashi, mu phila egi a yandigile gu bishila ana a khalele mu butuga, mukunda ale gu jinga ndo.20Moyize wa butugile ha sungi yene. Wa khalele wa bonga gu meso a Nzambi, enji wa saseye kaka ngonda ji tatu mu inzo ya shenji.21 Tangwa a bembeye, muna Faraon wa mukhetu wa mu zudile ha gu mu sasa ole mune'nji.22Moyize wa longeye mu mayele a athu a gu Egipito; wa khalele nu ngolo jia gu zwelela, nu jia isalo yenji.23 Tangwa a lungishile mvula makumi-a-wana wa yindudile mu ngindu jienji ha guya mu tala aphanji'enji, ana a gu Isalele. 24Ha gumona muthu wa gu Isalele wa khalele mu hwiya phashi, Moyize wa yile mu mu ngidila ha gu mu salesa nu gu beta muthu wa gu Egipito. 25Wa yindudile egi phangi'enji wa mbo bagisa egi mu koko dienji, Nzambi udi mu tshigina gu a salesa, uvi mwene gwa bagishile go26Gilumbu gia hatele, we jile nji mu vutuga gwa athu a gu Isalele wa a sangele a mu mana. Wa phagele ha gu a waganesa; wa a lezele egi :" Mala, mudi mwa aphangi; mukunda nu ikhi mu mu di kita gubola? 27Uvi muthu yonu wa khalele mu kita phangi'enji gubola wa mu lutudile nu gu mu leza egi :"Nanyi wa gu haga nzuji mu katshi dietu ? 28Keti wa tshigina gu ngu shiya phila wa katuga gu shiya muthu wa gu Egipito yonu hamene ?"29Ha guvwa nganyi, Moyize wa lengele. Wa yile mu jinga mu gi nzenza gu dimbo dia Madiani, gunu wa butile ana muyadi a amala. 30Gu nyima dia mvula makumi-a-wana wanjio mu moshi we jile mu monana n"enji mu temu dia zala fufuta gu mulundu wa Sinayi mu katshi dia zenyi dia tshiya dia khalele mu lema mu gibunji gia mutshi.31Moyize wa monele tshiya twene, wa yitugile ha gu mona ndaga yene, tangwa mwene a phusanele ha gutala, wa vile ndinga ya Fumu mu zwela egi :32 "Eme Nzambi wa a shaye, Nzambi wa Abram, wa Izaki, nu wa Yakhobo." Moyize wa yandigile gu digima nu woma, phila ya gu tuphula meso a tale gu thugu.33Fumu wa mu lezele egi :" Katula saphatu jiaye, mukunda hama haha udi, hadi ha santu. 34Mu kielega nga mona phashi jia athu ami adi gu Egipito. Nga vi gu dila gwawo hene nge za ha gu a gulwisa. Lulu ngagi, nda; nga gu tuma gu Egipito."35Moyize yogu a mu tunyile, tangwa a zwelele egi :" Nanyi wa gu hagi nzuji mu katshi dietu ?" Mwene nzambi a tuma fumu wa gu a gulusa. Nzambi wa mu tumile mu njila ya koko dia wanjio yonu wadi monesele gwa Moyize mu gibunji gia tshiya. 36Moyize wa a twamezele ha gu a Zola gonze ya Egipito, gu nyima ya gu kita idimbu ya khumbwa nu ndaga jia gu yituga gu Egipito nu gu muta wa mungwa-mungwa wa banga, nu mu temu dia zala fufuta mu mvula makumi-a-wana.37 Kaka Moyize mwene wa lezele athu a gu Isalele egi :" Nzambi mba u mi tumila profeta mu moshi mu katshi dia aphangi'enu mba ukhala wa ngu fwana."38Mwene muthu wa khalele mu katshi dia gimvuga, mu temu dia zala fufuta nu wanjio wa mu lezele ndaga gunu gu mulundu wa Sinayi. Mwene muthu wadi monele nu a shetu, muthu mwene wa zudile ndinga ya monyo ha guza mu tu leza.39 Muthu mwene, a khakha jietu a tunyile ha gu mu lemvugila; a mu tunyile, enji mu mitshima yawo a vutugile gu Egipito. 40Mu tangwa diene dinyi, a lezele Aroni egi :" Tu kitile ga nzambi ga gitege ga mbo tu twalesa. Mukunda nu Moyize yogu wa tu zola gu Egipito, tu shi getu mu jiya go ndaga ya mu bwila ."Hene, a kitile ga gitege ga fwana muna ngombe a yandigile gu hana makapho, gwa gitege giene, nu guvwa kiese ha gu hwa lukumu gwa gima ginyi a kitile gu mago awo. Uvi Nzambi wa a zungile kunda, mwene wa a bembele mu sambele tu nzambi twa themwa jia gosa; mu phila ya sonegeye gu mukanda wa profeta egi :" Keti enwe mwa ngu hwile makapho a menga jia mbiji jia batudiye muminyo nu makapho ako tangwa mwa khalele mvula makumi-a-wana mu temu dia zala fufuta enwe ana a gu Isalele?43Enwe mwa tshiginile ga inzo ga thentha ga Moloki, nu gitege gia themwa ya nzambi Refani, itege inyi mwa kitile ha gu sambele; hene mba ngu mu mi bata gwa leha gu Babilonia."44A shetu a khalele nu ga inzo ga thentha ga khalele mu hana gi themwe mu katshi dia temu dia zala fufuta, mu phila Nzambi a hanele shigo tangwa a zwelele gwa Moyize, ha gu ga kita mu mbandu mwene a monele.45 Ga inzo gene a shetu, mu gu katuga gwawo, a ga batele mu dimbo diawo nu Yosuwa. Ya khalele tangwa a khakha jietu a tambudile mavu a athu wanyi Nzambi a kayele gu twama dia a shetu. Ya bagele nganyi ti nu gilumbu ginyi Davidi, 46a monele khenda gwa Nzambi; wa lombele ha gu tunga inzo mukunda nu Nzambi wa Yakhobo.47Uvi Salomo muthu wa tungile inzo mukunda nu Nzambi.48 Ata nganyi, muthu wa gosa gwa leha gwa nu jinga go mu jinzo jinyi jia tungiya gu mago a athu; mu phila mbikudi a zwelele egi; 49" gosa gudi kiti giami gia Gifumu, mavu adi hama hami ha gu haga malu. Inzo ya phila khi mwa jiya gu ngu tungila ?" Fumu udi mu hula egi, " hama hami ha gu hwimila hadi gwi ? 50Keti ishi go koko diami dia salele ima yiyi ikima ?"51Mwa athu a shingo jia ngolo a konda gu mba mitshima nu matshi gu luyotisi, enwe mwa nu haga gingolo-ngolo ha gu lwisa tangwa dikima Pheve-Santu, mwa nu kita nganyi mu phila a shenu a khalele mu kita. 52Mbikudi khi a shenu a monasele go phashi ? A shiyile mbikudi jinyi jia zwelele gu twama guza gwa muthu mu moshi wa kielega; lulu ngagi, enwe mwa mu yegudile, enji mwa mu shiyile,53 enwe mwa hwiye shigo gwa ba wanjio, uvi mwa ji salele go ."54Tangwa athu a gimvuga a vile ndaga jiene, a namanele gu mitshima, adi sumanale mazo, a vile Etienne khabu. 55Uvi mwene wa khalele muthu wa zala nu Pheve-Santu, wa nongele sha meso enji ha gutala gosa, wa monele khembo ya Nzambi. Wa monele Yesu wa magana gu koko dia giyala dia Nzambi. 56Etienne wa zwelele egi; " Talenu, ngu mu mona gosa gwa kanguga, Muna Muthu wa magana gu koko dia giyala dia Nzambi."57Hene athu a gimvuga a yandigile gu kabuga mu ndinga ya ngolo, nu gudi ngidisa minwe mu matshi, a yile mu mu bwila. 58A mu zolele mu dimbo mu ngolo, hene a yandigile gu mu kwemba maseso; matemu a tuludile milele yawo gu malu a mona yala mu moshi jina dienji Saulu.59Tangwa a khalele mu sonona Etienne maseso, mwene wa khalele mu samba Fumu egi ;" Fumu Yesu, zula monyo wami." 60Mwene wa fugamele ha mabongo, wa kabugile mu ndinga ya ngolo egi :" Fumu gu a tangela ndo masumu wawa. Tangwa a zwelele nganyi wa file."Chapter 8
1Saulu wa kumbudile lufwa lwenji. Hene Kaka gilumbu giene ginyi wa yandigile guhwa athu a dibundu dia khalele gu Yelusalemi phashi jia vula; a Kilisto a kima a phanzanele mu katshi dia Yudeya nu gu Samaliya, kaka alongogi a dile gu mwangana ndo.2 Athu a mitshima ya bonga a fundile Etienne a khalele nji mu nyongamana Mukunda nu lufwa lwenji. Uvi 3saule wa salele gubola gwa vula gu dibundu, wa khalele mu balega gisapha nu gisapha mu zola athu mala nu akhetu ha guya mu amba mu bologo.4Tangwa didi a kwikidi wanyi a mwanganele a yile mu longa sango ya bonga.5 Filipo wa bulumugile gu dimbo dia Samaliya muya mu longa malongi a Kilisto.6Tangwa athu a vula a vile nu gu mona idimbu inyi ya khalele mu kita Filipo, a hagele munongo ha gu hata ndaga mwene a khalele mu zwela. 7A vula mu katshi dia wanyi a khalele nu pheve jia bola jia a zogele nu guya nu gu kabuga mu ndinga ya ngolo; enji athu a gimbefu gia khonzo nu wanyi a malu a gifu a belugile. 8Hene kiese gia vula gia khalele mu katshi dia dimbo.9Uvi gwa khalele mu katshi dia dimbo muthu mu moshi jina dienji Shimo, wa khalele ha thomo muloji; wa khalele mu yitugisa athu a gu Samaliya, wa khalele mudi haga munanga. 10 Dimbo dikima dia Samaliya, alenge nu mambuta a khalele mu mu vila mwa vula; a khalele mu zwela egi : "Muthu yogu udi nu ngolo jia Nzambi, yonu udi mu tamegeya wa koma." 11Athu a khalele mu mu vwa ndaga jienji nu mudi hula mukunda nu wanga wenji.12Uvi tangwa a kwikile gu malongi a sango gudi Filipo, mu ndaga idi mu talela Gifumu gia Nzambi nu jina dia Yesu Kilisto, a zudile mbotiga, mala nu akhetu. 13Shimo mwene ha khenji wa kwikile; gu nyima ya gu zula mbotiga, hene a yandigile gu wenda nu Filipo enji tangwa a khalele mu mona ndaga jia gu yituga nu idimbu ya khumbwa, wa khalele mu yituga.14Lulu ngagi, tangwa alongogi Wanyi a khalele gu Yelusalemi a vile egi dimbo dia Samaliya dia kwikile gu ndinga ya Nzambi, a a tumile Phetelo nu Yowani.15 Tangwa a kumile, a sambele Nzambi Mukunda nu ene, mukunda a zule Pheve-Santu. 16Mukunda ti nu mu tangwa diene dinyi, Pheve-Santu ya khalele khanji ibulumuga go mu katshi diawo; a khalele a katuga gu zula mbotiga kaka mu jina dia Fumu Yesu. 17Hene Phetelo nu Yowani a a hagele mago, gu nyima a zudile Pheve-Santu.18Tangwa Shimo a monele egi Pheve-Santu ya bulumugile tangwa a longogi a khalele mu haga mago, mwene wa a hwile mbongo.19 Wa zwelele egi :" Ngu hwenu gio n'eme ngolo jiji mukunda yonu mu kima nga mbo haga mago a zule Pheve-Santu."20Uvi Piele wa mu vutudile egi :" Bemba mbongo jiaye gi fwe n'eye, mukunda udi mu yindula egi wa jiya gu zula kapho dia Nzambi mu njila ya gudi sumba nu mbongo. 21Eye ushi go nu kapho nga nu gima mu ndaga yiyi, mukunda mutshima waye ushi go wa magana mwa bonga gu twama dia Nzambi. 22Balula mutshima waye mu ndaga jiaye jia khu, sambela Fumu, mukunda Mwene a gu totesele mukunda nu ngindu jiaye jia bola. 23Mukunda ngu mu mona egi udi mu katshi dia gu lula, enji udi wa kangama mu shinga jia masumu.24Shimo wa a vutudile egi :" Ngu sambelenu Fumu mukunda ndaga jinyi mwa katuga gu zwela jile ngu gu bwila ndo."25Tangwa Phetelo nu Yowani a tele gimbangi nu gu longa ndinga ya Fumu, a vutugile gu Yelusalemi; mu njila a khalele muya nu gu longa sango ya bonga mu membo a vula a gu Samaliya.26Gu nyima wanjio mu moshi wa Fumu wa lezele Filipo egi :" Zuga, nda gu khanda ya gu sude ya mukidi mu njila ya Yelusalemi ha guya gu Gaza."( njila yene idi mu katshi dia temu dia zala fufuta ). 27Wa zugile hene a yile. Gunu gwa khalele nu muthu mu moshi wa gu Etiopia, muthu mwene wa gu tungula wa khalele nu giyega gia koma gu gisalo gia Kandase, fumu mukhetu wa gu Etiopia. Mwene wa khalele nu giyega gia gu tala ima ikima ya fumu mukhetu. Wa yile gu Yelusalemi ha guya mu samba. 28Ha guvutuga wa khalele wadi tumbiga mu katshi dia phusu-phusu, enji wa khalele mu tanga mukanda wa mbikudi Yezaya.29Pheve ya lezele Filipo egi :" Nda phene-phene nu phusu-phusu." 30Hene Filipo a yile mu phushi phene-phene n'enji, wa mu vile udi mu tanga mukanda wa mbikudi Yezaya, wa mu hudile egi :" Keti udi mu bagisa ndaga udi mu tanga?"31 Muthu wa gu Etiopia wa mu vutudile egi :" Phila khi nga mbo jiya , gula gushi go nu muthu wa jiya gu ngu salesa ?" Wa yandigile gu bondila Filipo ha guza mu mu sanga a ngile mu katshi dia phusu-phusu.32Gitshidi gia ndaga ya sonegeye gia khalele mu tanga mwenya gu Etioipia gia khalele mu zwela ngagi : " Wa bateye ole meme di mu bateya ha gibagelo; enji ole muna dimeme dia nu kangula go kano gu twama dia muthu udi mudi tongola, gwa kangudile go kano. 33Mu katshi dia gudi bulumwisa gu sambesa gwenji gwa khalele go gwa gu nunga. Gikanda gienji nanyi mba u gi longa ndaga jia mu ndonga ? mukunda lujingu lwenji lwa katudiye hoshia mavu."34Hene muthu wa gu tungula yonu a hudile Filipo egi :" Nga buba, ngu leze nanyi mbikudi adi mu zwelela ? Gwa mwene ha khenji to gwa muthu muko ?" 35Filipo ha gu mu vutudila mvutu wa yandigile gu mu tangela gitshidi gia ndinga ya mukanda wa Yezaya, enji wa mu longele gu ndaga idi mu talela Yesu.36Tangwa a khalele muya mu njila, a kumile phene-phene nu wina dia meya; muthu wa gu tongona wa zwelele egi :" Meya wawa; ikhi idi mu konda ngu zule mbotiga?"3738 Tangwa didi muthu wa gu Etiopia wa hanele mukwala ha gu maganesa phusu-phusu, hene a yile gu muta, Filipo nu muthu mwene wa gu tongona; Filipo wa mu botigile.39Tangwa a zogele mu kiawo, Pheve ya Fumu ya tuphudile Filipo mu gidiba, hene muthu wa gu tongona a dile gu mu mona nji ndo, uvi mwene wa vile kiese wa hatele njila yenji.40 Filipo wa yile mu kuma gu dimbo dia Azoti. Wa balegele gu khanda yene nu gu longa sango ya bonga mu membo akima ti nu gu Sezareya.Chapter 9
1Uvi Saulu, wa khalele mu hatela nu guya muhwa a Kilisto phashi enji ndaga ya gu kamba phila ya gu shiya alongogi a Fumu, ya kumile gwa fumu wa nganga nzambi 2hene a mu lombele mikanda mukunda ni jinzo jia isambu jia gu Damasi, mu phila egi gula wa sanga athu a gimvuga adi mu hata njila yene, mala nu akhetu mwene a abate a gu jitshiga shinga gu Yelusalemi.3Tangwa a khalele muya mu njila, wa monele egi a kumile phene-phene nu dimbo dia Damasi, mu gitulumwisa zenyi dia mwanya dia katugile gosa dia mu jungile; 4mwene wa bwile hoshi mu mavu enji wa vile dizwi mu mu leza egi :" Saulu, Saulu mukunda nu ikhi udi mu ngu hwa phashi ?"5Saulu wa zwelele egi :"Eye nanyi gia Fumu ?" Fumu wa vutudile egi :"Eme Yesu udi mu hwa phashi; 6uvi zuga, ngila mu katshi dia dimbo, gunu udi mu lezeya gima ufete kita."7Athu wanyi a khalele muya mu njila nu Saulu a maganele nu gu zwela ndo ata gima; a vile ndinga, uvi a monele go ata muthu.8Saulu wa zugile hoshi mu mavu, tangwa a kangudile meso, gwa khalele go nu phila ya gu mona ata gima; hene athu wanyi a mu kwatele mu koko ha gu mu bata gu Damasi. 9Wa khalele gwene ilumbu itatu wa konda gu tala, enji gwa dile go ata gima nu gunwa ndo.10Gwa khalele nu mu longogi mu moshi gu Damasi jina dienji Ananiasi; Fumu wa mu lezele gu nzoji egi :" Ananiasi." Mwene wa vutudile egi :" Eme yogu, Fumu." 11Fumu wa mu lezele egi: " Zuga, nda mu bala-bala dia nu tamegeya egi bala-bala dia dikikisa, mu inzo ya Yude, hula gwene muthu mu moshi wa katuga gu Tarse jina dienji Saulu; mukunda udi mu samba enji 12wa katuga mu mona mu nzoji muthu mu moshi mu jina dia Ananiasi mu ngila mu inzo nu gu mu haga mago, mu phila egi mwene a kangule meso a tale."13Uvi Ananiasi wa vutudile egi :" Fumu, nga nu vwa gwa athu a vula mu zwela ndaga idi mu tala muthu mwene, nu phila mwene a monesele athu aye phashi gu Yelusalemi.14 Mwene wa khalele nu giyega gia katugile gwa mafumu a nganga-Nzambi ha gu kwatesa haha yonu mu kima udi mu tanga jina diaye."15 Uvi Fumu wa mu lezele egi :" Nda, udi muthu nga phona ha gu jiyisa jina diami gwa aphagano, gwa mafumu nu gwa ana a gu Isalele; 16mukunda mba ngudi gu mu leza ndaga jikima jia phashi mwene mba a kutana najio mu jina diami."17Hene Ananiasi a yile mu ngila mu inzo. Wa mu hagele mago, enji wa mu lezele egi: "Phangi Saulu, Fumu Yesu yonu wadi monesa gu twama diaye mu njila tangwa wa khalele muza, mwene wa ngu tuma mukunda eye u mone enji u zale nu Pheve-Santu." 18Kaka mu tangwa diene, ima imoshi ya fwana iphusu ya yandigile gu zoga mu meso a Saulu, mu mbala imoshi wa yandigile gu tala; mwene wa zugile enji wa zudile mbotiga; 19wa dile ndambu ya madia ha gu zula gikhesa. Gunu wa begele nu alongogi enji gu Damas ilumbu ya vula.20Kaka mu tangwa diene, wa yandigile gu longa Yesu mu jinzo jia isambu egi Mwene udi Muna Nzambi.21 Wanyi akima a mu vile mu zwela nganyi a khalele mu yituga a zwelele egi: " Keti ishi go muthu yogu wa khalele mu phanza gu Yelusalemi athu wanyi akima a khalele mu zwela mu jina diene? keti gwa khalele go muza haha ha gu kwata athu nu gu a bata a gu jitshiga shinga gu twama dia mafumu a nganga-Nzambi/." 22Uvi, Saulu wa khalele mu zula ngolo jia vula wa khalele mu monesa ndaga jia gu yituga mu katshi dia ba yuda wanyi a khalele mu jinga gu Damasi nu gu a monesa egi Yesu udi Kilisto.23Gu nyima dia ilumbu ya vula, ba yuda a waganele ha gu mu shiya. 24Uvi fondo yawo ya jiyanele gwa Saulu. Mifulo ya khalele mu taleya mwanya nu phipha mukunda nu gu mu shiya .25 Uvi mu phipha imoshi alongogi a mu bulumugishile mu gibagi gia luphango mu katshi dia mulongo.26Tangwa a kumile gu Yelusalemi, Saulu wa phagele ha guya mu sanga alongogi, uvi athu akima a khalele mu vwa woma, nu gu yindula egi gwa shi go mulongogi. 27Uvi Barnabasi wa mu zudile ha gu mu bata gwa alongogi. Wa a tele phila khi mu njila,Saulu a monele Fumu,nu phila Fumu a mu lezele, nu phila gu Damasi, mwene a longele nu ngolo nu gudi zalula mu jina dia Yesu.28Mwene wa yandigile gu wenda nawo gu ngila nu gu zoga nu gu khala nawo gu Yelusalemi. Wa a longele nu gikhesa mu jina dia Fumu Yesu 29enji wa khalele mu solula nu gu haga thembe nu bayuda wanyi a nu zwela ki greki; uvi a khalele kaka mu kamba phila ya gu mu shiya. 30Tangwa a phangi a vile ndaga yene, a mu batele gu Sezareya enji a mu tumile gu Tarse.31Hene dibundu dia khalele mu ngemba mu katshi dia Yudeya ikima, gu Galileya nu gu Samaliya, a khalele mudi longa nu gu wenda nu woma wa Fumu nu mu ngolo jia Pheve-Santu, hene dibundu dia khalele mu koma. 32Lulu ngagi ya monesele egi, phila Petelo a khalele mu wenda mu gijwunga gikima, wa yile mu tala athu wanyi a kwikile a khalele mu jinga gu Lidia.33Gunu, wa taganele nu Muthu mu moshi jina dienji Eneyasi, wa khalele wa banda ha gitanda giteso gia mvula nana nu gimbefu gia khonzo.34 Phetelo wa mu lezele egi: " Eneyasi, Yesu-Kilisto wa gu belula. Zuga londa gitanda giaye." Mu tangwa diene wa zugile. 35Tangwa athu a khalele mu jinga gu Lydia nu gu Saroni a mu monele a kwikile gwa Fumu.36Tangwa didi gwa khalele gu Yope mulongogi mu moshi jina dienji Tabita, disongidila "Dorkas ". Mukhetu mwene wa khalele mu kita ndaga jia bonga jia vula nu gu vila a sugami khenda.37 Gilumbu gi moshi wa bwile mu gimbefu hene a file; gu nyima ya gu mu tshila meya, a mu tuludile mu sugu imoshi ya gosa.38Mu phila Lydia idi phene-phene nu Yope, a longogi a vile egi Phetelo wa khalele gwene, a tumile athu muyadi ha gu mu mona a mu bondile egi :" Iza n'etwe konda gu suginina."39 Phetelo wa zugile muya nu athu ene. Tangwa a kumile, a mu batele gu sugu yene ya gosa. Mifidi ikima ya maganele phene-phene nu mwene a khalele mu dila, nu gu mu leza tu zau nu milele yinyi Dorkas a khalele mu tunga tangwa a khalele nu monyo.40Phetelo wa zolele athu akima honze, wa fugamele, hene a lombele; gu nyima wa balumugile gu khanda ya mvumbi, wa zwelele egi :" Tabita, zuga !" Mwene wa zugile wa kangudile meso, tangwa a monele Phetelo wadi tumbigile hoshi. 41Phetelo wa mu kwatele mu koko wa mu zugishile. Tangwa a tamegele a kwikidi nu mifidi, wa a hwile n'awo wa monyo. 42Ndaga yene ya jiyanele gu dimbo dikima dia Yope, hene athu a vula a kwikile gwa Fumu. 43Gu nyima ya ndaga yene,Phetelo wa begele ndambu ya ilumbu gu Yope gu inzo ya muthu mu moshi jina dienji Shimo, yonu wa khalele mu londa ilema ya mbiji.Chapter 10
1Gwa khalele nu muthu mu moshi mu dimbo dia Sezareya jina dienji Korneyi, wa khalele fumu wa gimvuga gia masuta wanyi a khalele mu tamegeya egi a gu Italia. 2Wa khalele muthu wa mutshima wa bonga wadi hana gu ndaga ya Nzambi nu gisapha jienji gikima. Wa khalele mu hana mbongo jia vula gwa bayuda wa khalele nji mu samba Nzambi mwa vula.3Mu tangwa dia uvwa dia gilumbu, mwene wa monele sha ha phelo gu nzoji wanjio mu moshi wa Nzambi we jile gwa mwene. Wanjio wa mu lezele egi ;" Korneyi !" 4Korneyi wa talele wanjio nu woma hene a hudile wanjio egi: " Ndaga khi Fumu ?" Wanjio wa mu lezele egi :" Isambu yaye nu makapho wa nu hwa a sugami a kanduga gosa gu meso a Nzambi.5 Lulu ngagi tuma athu mu dimbo dia Yope ha guya mu tamega muthu mu moshi jina dienji Simoni, yonu wa nu tamegeya nji egi Phetelo. 6Udi mu inzo ya muthu yonu wa nu londa ilema ya mbiji wa nu tamegeya egi Simoni yonu gisapha gienji gidi phene-phene nu muta wa mungwa-mungwa."7Tangwa wanjio yonu wa khalele mu solula n'enji wa katugile, Korneyi wa tamegele athu enji a gisalo muyadi nu suta mu moshi wa khalele wadi hana gwa Nzambi mu katshi dia wanyi a khalele gu gisalo gienji. 8Korneyi wa a tele ndaga jikima phila jia balegele hene wa a tumile gu Yope.9Mu gilumbu gia hatele mu tangwa dia sambano, mu phila a khalele muya mu njila a kumile phene-phene nu dimbo, Phetelo wa kandugile holo dia kangu dia gisapha mukunda nu gu samba.10 Nzala ya mu kwatele enji wa kambele phila ya gudia ata gima. Uvi tangwa a khalele mu telega ima ya gudia; 11mwene wa monele gi mona meso, wa monele gosa gwa kanguga enji gima gi moshi gi muza mu bulumuga, gima giene gia fwana mulele wa koma udi muza mu bulumuga hoshia mavu, wa kwateya mu songi jiwana.12 Ha katshi diawo ha khalele nu mbiji jikima jidi nu idiatelo iwana-iwana nu mbiji jia nu wendela ha vumo nu tunjila twa gosa.13Hene zwi di moshi dia mu lezele egi :" Zuga, Phetelo, shiya udie !" 14Uvi Phetelo wa mu vutudile egi :" Ndo, Fumu mukunda khanji nga dile go ata gima gi moshi gia mvindu nga ginyi gia shigo." 15Mu mbala ya giyadi zwi diene die jile nji gwa mwene dia zwelele nji egi :"Gima ginyi Nzambi a mona gia bonga wa jiyile go gu gi mona mvindu."16 Ndaga yene ya salamele mbala jitatu mu mbala yiyi gima giene gia vutudiye gosa.17Tangwa Phetelo a khalele mudi hula ha gujiya gisongidila gia ndaga yene ya gimona meso, athu a tumiye gwa Korneyi, gu nyima ya gu teya ndaga ya balegele mu njila nu mu inzo ejile mu kuma ha mufulo. 18Ene a tamegele mu ndinga ya ngolo ha gu hula kana Simoni yonu wa nu tamegeya egi Phetelo udi hene.19Tangwa Phetelo a khalele kaka mu yindula nzoji ya gimona meso, Pheve ya mu lezele egi :" Tala, athu mu tatu adi mu gu kamba. Zuga,20 nda nawo. Uvi go woma ha guya nawo mukunda eme nga a tuma." 21Phetelo wa bulumugile wa lezele athu ene egi :"Nga Muthu mudi mu kamba, ikhi mwe jila?"22A vutudile egi :" Fumu mu moshi wa masuta jina dienji Korneyi, muthu wa bonga wa nu salela Nzambi, yonu gikanda gikima gia ba yuda gia nu tela gimbangi gia bonga wa longeye gwa wanjio wa santu wa Nzambi ha guza mu gubata mu inzo mukunda nu guvwa udi mu zwela." 23Phetelo wa a tamegele muza mu khala nawo monzo. Mu gikhela gia hatele, wa zugile muya nawo. A phangi ako a gu Yope a yile mu musumbiga.24Gilumbu gia hatele, a kumile gu Sezareya. Korneyi wa khalele mu a nenga, wa tamegele aphangienji nu mafut'enji a tshigina.25Tangwa phetelo a ngidile, Korneyi wa yile gu twama dienji wa bwile mu malu enji ha gu mu hwa lukumu.26 Phetelo wa mu zugishile, wa mu lezele egi :" Zuga, n'eme nji nga muthu."27Tangwa Phetelo a khalele mu solula n'enji, mwene nji wa ngidile monzo wa sangele athu a zala adi bungisa.28 Wa a lezele egi :" Enwe hakhenu mudi mu jiya egi idi shigo gwa muyuda ha gudi tumbiga hama ha moshi nu mu nzenza nga ha guya mu mu tala, uvi Nzambi wa ngu jiyisa egi nga jiyile go gutamega muthu mu moshi yonu udi nu mvindu to wa bola. 29Hene nge jile ya konda gu haga thembe tangwa wa ngu tamegele. Mukunda nu ikhi wa ngu tamegele ?"30Korneyi wa mu vutudile egi :" Gudi nu ilumbu iwana, kaka mu tangwa didi tangwa dia uvwa, nga khalele mu samba mu inzo yami hene, nga monele muthu mu moshi wa magana wa sudiga milele ya keji-keji.31 Wa zwelele egi :" Korneyi isambu yaye ya viya gwa Nzambi, enji Nzambi wa bambuga makapho wanyi wa khalele mu hwa a sugami. 32Tuma muthu gu Yope ha guya mu zula muthu mu moshi jina dienji Simoni yonu wa nu tamegeya egi Phetelo. Udi mu inzo ya muthu yonu wa nu sala gisalo gia ilema ya mbiji nu mwene jina dienji Phetelo udi phene-phene nu muta wa koma wa mungwa-mungwa.33 Hene nga gu tumila Muthu mu mbala imoshi uze, wa kita mwa bonga weza. Lulu ngagi tudi khungietu akima gu twama dia Nzambi ha guvwa ndaga Nzambi a gu jiyisa ha gu tu leza.34Phetelo wa kangudile kano wa zwelele egi :" Mu masonga, ngu mu jiya egi Nzambi gwa nu kapha go athu mu katshi diawo. 35Uvi mu katshi dia ikanda, yonu wa nu mu banga wa nu mu hwa lukumu nu gu mu salela mwene a nu phona.36Mwa nu jiya ndinga mwene a tumile gwa ana a gu Isalele, tangwa a khalele mu longa sango jia bonga jia ngemba jia Yesu Kilisto udi Fumu wa athu akima.37 Enwe mu mu jiya hakhenu ndaga ya balegele gu Yudeya ikima, ha guyandiga gu Galileya, gu nyima dia mbotiga yinyi Yowani a khalele mu longa ; 38ndaga ya talele Yesu wa gu Nazaleti, mu phila Nzambi a mu kungudile mafuta a Pheve-Santu nu gu mu hwa ngolo. Wa khalele muya nu gu kita mambote nu gu belula wanyi a khalele mu moneseya phashi gwa diabulu, mukunda Nzambi wa khalele n'enji.39Etwe tudi matemu a ndaga jikima a kitile mu membo a bayuda nu gu Yelusalemi, Yesu mwene a mu shiyile tangwa a mu hagele ha mutshi wa dikikisa. 40Muthu Mwene, Nzambi wa mu zugishile mu gilumbu gia tatu enji wa mu monesele, 41ishi go gwa athu akima, uvi gwa matemu a phoneye ha thomo gwa Nzambi, gwa etwe athu wanyi a nu dia nu gunwa n'enji tangwa a futumugile gu lufwa.42Mwene wa tu tumile ha guya mu longa athu nu guta gitemwe egi mwene wa phoneye gwa Nzambi ha gukhala nzuji wa athu a monyo nu wanyi a fwa.43 Idi mukunda nu mwene ba mbikudi akima a tele gimbangi egi, konso muthu yonu wa kwikila gwa Mwene mba udi mu mu totesela gu bola gwa masumu mu jina dienji."44Tangwa Phetelo a khalele mu zwela nji, Pheve-santu ya bulumugile holo dia athu akima wanyi a khalele mu vwa sango yene. 45Athu wanyi akima a gimvuga gia bayuda a batudiye luyotisi, wanyi a khalele mu wenda nu Phetelo a khalele mu yituga mukunda dikapho dia Pheve-Santu dia bulumugile nu holo dia aphanyi.46mukunda a yandigile guvwa aphanyi mu zwela mu ji ndinga nu gu kumisa Nzambi. Phetelo wa vutudile egi :" 47Keti twa jiya gutuna mbotiga ya meya gwa wanyi a zudile Pheve-Santu mu phila ta zudile ?"48 Hene mwene a zwelele egi a zule mbotiga mu jina dia Yesu-Kilisto. Gu nyima a tshiginile egi mwene a bege nawo ndambu ya ilumbu.Chapter 11
1Alongogi nu aphangi a khalele mu jinga gu Yudeya a vile egi aphanyi a tshigina ndinga aya Nzambi. 2Tangwa Phetelo a kandugile gu Yelusalemi, gimvuga gia athu wanyi a zudile luyotisi a yandigile gu boguta nu gu zwela egi :" 3Eye wayi mudi bungisa nu aphagano ha gudia nawo !"4Uvi Phetelo wa yandigile gu a tendudila ndaga mu phila jia balegele wa zwelele egi :" 5Nga khalele mu katshi dia isambu mu dimbo dia Yope hene nga monele gu gimona meso gima gi moshi gia fwana mulele wa koma gia katugile gosa nu ji songi jiwana. Gima giene gie jile mu ngu bulumugila.6 Nga khalele mu gi tala mwa bonga-bonga hene nga monele mbiji jia koma jia idiatelo iwana, mbiji jia mu gishitu, nu mbiji jia nu wendela ha vumo nu tunjila twa gosa."7Nga vile ndinga imoshi ya zwelele egi :" Eye Phetelo zuga, shiya, dia !" Nga vutudile egi : 8" Ndo, Fumu mukunda ishi go nu gima gia mvindu nga gia bola gia ngila gale mu kano diami."9 Uvi ndinga yene ya zwelele nji katuga gosa egi :" Gima ginyi Nzambi a tshigina egi gidi gia bonga, wa jiyile go gu gi mona egi gia mvindu." 10Ndaga yene ya balegele mbala jitatu gu nyima gima giene gia vutugile gosa.11Tala athu mu tatu a maganele gu twama dia gisapha ta khalele, a katugile gu Sezareya a tumiye ha guza mu ngu mona. 12Pheve ya ngu lezele ha guya nawo gukonda gu khala nu ngindu jiko. A phangi wawa mu sambano ta yile nawo mu ngila mu inzo ya muthu mwene.13 Wa yandigile gu tu tela phila a monele wanjio wa magana mu inzo yenji nu gu me leza egi :" Tuma athu gu Yope ha guya a zangule Simoni yonu wa nu tamegeya egi Phetelo. 14Muthu Mwene u mu gu jiyisa ndaga yinyi eye nu gisapha giaye mba mu gulugila."15Tangwa nga yandigile gu zwela, Pheve-Santu ya bulumugile holo dia mitwe diawo mu phila ya bulumugile gwa etwe ha luyandigu.16 Nga yindudile malongi a Fumu a zwelele egi :' Yowani wa botigile nu meya uvi enwe, mba mudi mu zula mbotiga ya Pheve-Santu."17Hene gula Nzambi wa a hwile mabula giteso gi moshi nu etwe ta kwikile gwa Fumu Yesu-Kilisto, hene ngudi nga nanyi ha gu khala mbeni wa Nzambi? 18Tangwa a vile ndaga jiene, a henele tedie a yandigile gu hana lukumu gwa Nzambi nu gu zwela egi :" Nzambi wa henele giyega gwa aphanyi ha gu balula mitshima mukunda a zule nu ene monyo."19Mukunda nu nganyi, wanyi a panzanele gu Yelusalemi mukunda nu phashi a moneseye yandiga ha lufwa lwa Etienne, a yile ti nu gu Finisia, Shipre,nu gu Antiose. A khalele mu jiyisa ndinga kaka gwa bayuda. 20Uvi ako mu katshi diawo wanyi a katugile gu Shipre nu gu Sirenia ejile gu Antiose ha gu jiyisa ba greki nu gu a longa sango ya bonga ya Fumu Yesu. 21Koko dia Nzambi dia khalele mu katshi diawo enji thalo ya koma ya athu a kwikile nu gu balula mitshima gwa Yesu.22Sango jia pha jia khalele mu a talela jia kumile gu matshi a Dibundu dia gu Yelusalemi; hene a tumile Barnabasi ti nu gu Antiose.23 Tangwa a kumile wa monele khenda jia Nzambi, wa vile kiese nu gu a hwa gikhesa ha gu kangama gwa Fumu mu mutshima wawo.24 Wa khalele muthu wa bonga, wa zala nu Pheve-Santu nu lukwikilu. Hene athu a vula a kangamele gwa Fumu.25Barnabasi wa yile gu Tarse mukamba Saulu. 26Tangwa a mu monele; wa mu batele gu Antiose. Mvula imoshi ya mundu, a vuganele nu dibundu enji a khalele mu longa athu a vula. Idi gu Antiose alongogi a tamegeye mu mbala ya thomo egi akilisto.27Mu tangwa diene dinyi ba mbikudi a katugile gu Yelusalemi ha guza gu Antiose. 28Mu moshi mu katshi diawo jina dienji Agabusi wa zugile mu longa mu ngolo jia Pheve egi nzala ya koma mba idi mu ngila mu mavu a mvimba. Ndaga yene ya bwile mu tangwa dia Klode.29Alongogi a zudile lukhanu lwa gu tuma mu phila ya lusadisu lwa konso muthu a phangi gu Yudeya.30 A kitile nganyi, a tumile falanga gwa mambuta gu mago a Barnabasi nu Saulu.Chapter 12
1Mu tangwa diene dinyi,Ntotila Elode wa kwatesele athu ako a gimvuga ha gu a monesa phashi. 2Wa shiyile Zake phangia Yowani gu phogo ya khusa.3Tangwa a monele egi ndaga yene ya hwile bayuda kiese, wa kwatesele nji nu Phetelo. Ya khalele mu ilumbu ya khinji ya mapha a konda khishi.4 Gu nyima ya gu mu kwatesa wa mu mbile mu bologo enji wa mu hanele gwa gimvuga gi wana gia masuta mu wana mu wana ha gu mu tala mwa bonga. Wa khalele mu yindula ha gu sambesa gu twama dia athu gu nyima dia khinji ya phage.6Phetelo wa khalele mu taleya sha mwa bonga -bonga mu katshi dia bologo, uvi athu a gimvuga a khalele mu mu lombela Nzambi mwa vula. 5Mu gilumbu gu twama Elode a mu sambese, Phetelo wa khalele wa swama ha katshi dia masuta muyadi ; wa gu jitshiga mu shinga jiyadi jia ibende enji masuta ako mu langidila ha mufulo wa bologo.7Mu mbala imoshi, wanjio mu moshi wa Fumu wa mu zogele mu gisagumwisa enji semo ya lemele mu katshi dia bologo. Wa betele Phetelo gima ha thenga enji wa mu zugishile nu gu mu leza egi :" Zuga mu phushi." Hene henyanyi shinga jia ibende jia jitulugile gu mago enji?8 Wanjio wa mu mezele egi :" Sudiga milele nu saphato jiaye." Phetelo wa kitile nganyi. Wanjio wa mu lezele egi :" Sudiga Gazau gaye u ngu hate !"10Phetelo wa hatele wanjio hene a zogele. Gwa jiyile go egi ndaga wanjio a khalele mu kita idi ya masonga. Wa yindudile egi wa lota nzoji.9 Tangwa a balegele gimvuga gia masuta a thomo nu a giyadi, a kumile ha mufulo wa ibende unu wa nu zogeya mu dimbo. Mufulo wene wadi kangugile wene hakhawo gu twama diawo. A zogele enji a bulumugile mu bala-bala hene mu mbala imoshi wanjio a bembele Phetelo.11Tangwa Phetelo adi jiyile, wa zwelele egi :" Nga mona gia makhiedia egi Nzambi wa tumi wanjio wenji mu moshi ,mwene wa ngu katula gu mago a Elode nu gu ndaga ya khala mu nenga bayuda." 12Gu nyima ya gu yindula nganyi, wa yile mu inzo ya Mariya, gina Yowani yonu wa hwiye jina dia Marko, gunu alongogi a vula a khalele adi bungisa gwene ha gu samba.13Tangwa a kokolele ha mufulo, mukhetu mu moshi wa gisalo jina dienji Rode we jile mu kangula.14 Tangwa a vile dizwi dia Phetelo, mu kiese gia vula, wa jimbidile ha gu kangula wa vutugile mu phushi ha gu jiyisa egi yonu Phetelo udi ha twama dia mufulo.15 Alongogi a mu lezele egi :" Udi wa muthu wa malwiyi." Uvi mwene wa hagele gingolo-ngolo ha gu a leza egi ndaga yene idi ya masonga. A mu lezele egi :" Idi wanjio wenji ."16Uvi Phetelo wa begele hene mu kokola tangwa a kangudile mufulo, a mu monele enji a yitugile mwa vula.17 Phetelo wa kitile gidimbu gi moshi gu koko ha gu a leza a khale tedie hene a yandigile gu a tela ndaga mu phila Fumu a mu zolele mu bologo. Wa a lezele egi :" Mu ta ndaga yiyi gwa Zake nu gwa aphangi ako." Gu nyima, wa katugile ha guya gu khanda iko.18Tangwa guma gwa kiele, mavanga a vula a zogele mu katshi dia masuta mukunda nu ndaga ya bwile Phetelo.19 Gu nyima dia gu mu kamba Elode nu mu phila a dile gu mu mona ndo, wa hudile mwiehu gwa masuta hene a hanele mukwala ha gu a shiya. Gu nyima, wa katugile gu Yudeya wa yile gu Sezareya ha gu khala gwene.20Elode wa vile khabu jia vula mukunda nu athu a gu Tire nu gu Sidoni. Ejile mu gimvuga gwa mwene. Gu nyima ya gu gukumbudisa Blastusi yonu wa khalele gilandi gia ntotila ha gu a salesa. Hene a lombele ngemba mukunda dimbo diawo dia khalele mu zula madia a khalele mu katuga gu dimbo dia ntotila mwene. 21Mu gilumbu giene gia haneye laji, Elode wa sudigile milele ya gifumu wa yile mudi tumbiga ha kiti ya gifumu; wa yandigile gu a longa.22Athu a kabugile mu ngolo egi :" Yiyi ndinga ya nzambi mu moshi ishi go ya muthu !" 23Kaka mu mbala imoshi wanjio mu moshi wa Fumu wa mu betele gima mukunda mwene gwa hanele go lukumu gwa Nzambi. Misobi ya yandigile gu mu tomba hene a file.24Uvi ndinga ya Nzambi ya khalele mu mwangana nu mu kula mwa vula. 25Barnabasi nu Saulu, a manesele gisalo giawo gu Yelusalemi. A vutugile hene henyanyi; a zudile Yowani yonu wa hwiye jina dia Marko.Chapter 13
1Lulu ngagi mudibundu dia gu Antionche gua kalele aprofeta nu malongi wawa ngayi Barnabas, Simeon (jina diko muthu ndombe) , Lucius de cyrène, Manahen (futa dia fumu Herode ), nu Saul . 2Tangwa dia kalele musambo Fumu Nzambi nu gudi hinda ima ya gudia pheve ya Nzambi ya lezele egie: "Hungulugenu Barnabas nu Saul aye asale gisaluo ginyi Nzambi a awhile tangua dia atamegele. 3Gunyima adihindile gudia hene akalele musamba, ayandigile guhaga athu mago mukunda nu gu atuma mu gisalu gia Nzambi.4Barnabas nu Sau alemvugile pheve ya Nzambi hene ayile gu Seleucie . guene gu nu hene ayile gu gizanga gia chypre. 5Tangwa dia kalele gu dimbo dia Salomine, ayandigile gulonga malongi a Nzambi mukatshi jia jinzo jia Nzambi jia ajuda. Azudile Jean Marc hangenui gapungu gawo. l6Tangwa dia zaugile Gizanga atudigile gu paphos, a monene Nganga ngombo mumoshi, profeta muyuda wa mambo jina dienji Bar yesu. 7wa kalele muthu wa gizanga gia Sergius Paulus wa kalele gouverneur gu gizanga ginyinunji muthu wa tema. Gouvernuer yogo wa temenege Barnabas mukunda wa kalele mutshigina guva malongi a Nzambi. 8Uvi Elymas wa nganga-ngombo gula idi muleza jina dienji wa tumine wanyi agaswe, wa kalele mudisadisa nu wanyi mu phila inyi mukanda Gouverneur atumine malongi a wanyi ako.9Uvi Saul, yenu wakelele mutameya nji egie Paul wakalele nu pheve ya Nzambi wa talele mwa bonga-bonga nganga-ngombo. 10Lulu ngagi wa muhudile egie: "Eye muna Satana, wa zala nu mambo, makhalelo aye abola, udi mbenyi jia thu enuzwela ndaga jia makhidia, eye mba ushi go gubemba gubebesanjila ya Nzambi?11Lulu ngagi tala kogo wa Nzambi udi mu gubeta, meso mba gufa mba ubwa gifofo. Mba ushi muko gumona tangwa go mu ilumbu ya gutwama. " Mbundu nu phipha mba ibwa gu Elymas, wa yandi a guya nu gutungana mukunda wa khalele mukanda mu thu a mukwate mu kogo aye mu musumbiga. 12Tangwa Gouvernuer a mwenene ndaga jia balegele, wa khalele gudihula , gunyima wa kwikidile malongi a khalele mutalela Fumu Yesu.13Pholo nu mafute nji azaugile gu Paphos , a tula gu Perge khanda gu khanda ya pamphila pamphilie. Uvi Yowani wa bembele guwene hene avutugile gu yelusalem. 14Pholo nu mafuta enji ayile gu Perge hene atudile nu gu antionche a pisidie. Gunu angidile mu inzo ya Nzambi mu gilumbu gia isambu ayile mukala hoshi . 15Tangwa atagnele gu mikanda ya mikwala ya Nzambi nu gunyi ya Aprofeta ma Fumu a nganga-Nzambi a tumine ji ngenji " egie. A phangi, kana mudi nu ndaga ya gutukwatesa giamakhidia athu agaswe, aswele.16Pholo wa zugile wa kitile gidimbu gu koko dienji hene wa yandigile gu zwela egi : " Enwe athu a gu Izalayele nu enwe ako mwa nu samba Nzambi hama ha moshi nu ba yuda, vwenu ndaga ngu mu zwela! 17Nzambi wa enya gu Izalayele wa phonele a khakha jetu, tangwa a kalele gu dimbo dia gu Ejipito, wa a kitudile gikanda gi moshi gia koma. Wa a zolele mu dimbo diene mu ngolo jenji ha khenji. 18Wa kangele mutshima wenji gwa athu ene mvula giteso makumi a wana mu katshi dia temu.19Gu nyima,tangwa a belesele ikanda sambwadi ya athu wanyi a kalele mu dimbo dia Kanana, wa hanele mavu awo gwa athu a gu Izalayele. 20Ndaga jiji ha gu salama ja lombele mvula khama jiwana nu makumi a tano Gu nyima wa a hagele ma nzuji ti nu mu tangwa dia profeta Samwele.21Gu nyima a lombele fumu. hene Nzambi wa a hwile Sawulu muna Kisi mu gikanda gia Benjamini, wa kalele fumu mvula makumi a wana. 22Tangwa a katudile Sawulu mu gifumu wa hagele Davidi ha gu kala fumu wawo. Nzambi wa zwelele ndaga jiji mukunda nu Davidi egi : " Nga mona Davidi muna Yese, nga tshigina muthu wa phila yiyi. Mba udi mu kita ndaga mu phila nga tshiginile egi a kite."23Mu katshi dia athu wanyi a butugile mu gikanda gi Davidi, Nzambi wa hagele Yesu ha gu kala mugulushi wa athu a gu Izalayele, mu phila a zudile lukhanu. 24Tangwa Yesu a kalele khanji a butuga go, Yowani wa kalele mu longa athu akima a gu Izalayele egi a balule mitshima, nu gu zula mbotiga. 25Tangwa Yowani a kalele phene-phene ha gu manesa gisalo gienji, wa kalele mu zwela egi: " Mudi mu yindula egi ngu di nga nanyi ? Ngu shi go nga muthu yonu mu di mu nenga . Uvi muthu yonu mudi mu nenga u mu za gu nyima diami. Ngu shi nga kuwa go ha gu mu kangula shinga ja saphatu gienji.'26Enwe aphangi wanyi a butugile mu gikanda gia Abalayami nu enwe ako mudi haha ha gu samba Nzambi hama ha moshi nu ba yuda, Nzambi wa mi tumile malongi wawa mukunda mu guluge. 27Mukunda nu Yelusalemi nu mambuta enji, a bagishile Yesu go enji a bagishile go ndaga jinyi ja sonegeye gu mikanda ya ba profeta inyi a nu tanga mu gilumbu gia gu hima. Hene, tangwa amu fundile a lungishile ndaga yene.28Ata a monele go gikuma gia ndaga inyi a kalele mu mu fundila mukunda a shiyiye a lombele gwa Pilato a gu mu shiya kaka. 29Tangwa a lungishile ndaga jinyi ja sonegeye gu mikanda mukunda nu mwene, a mu katudile ha khulunji a ile gu mu tumbiga gu majamo.30Uvi Nzambi wa mu zugishile gu lufwa. 31Gu nyima ya ilumbu ya vula wa kalele muya mu di monesa gwa athu wanyi a kalele mu wenda nenji njila imoshi katuga gu Galileya ti nu gu Yelusalemi. Tangwa didi athu ene adi mu longa ndinga yenji gwa athu a gu Izalayele32Etwe tudi mu longa ndinga ya bonga. Lusilu lunu Nzambi a zwelele gwa a khakha jetu. 33Weza mu lungisa ndaga yene gwa etwe anawo, tangwa a zugishile Yesu gu lufwa, mu phila ya sonegeye gu mukanda wa khunga ja giyadi egi : 'Udi wa munami, nga gu buta magino;" 34Tala phila Nzambi a jiyishile egi mba udi mu zugisa Yesu gu lufwa, mukunda mba ale gufwa nji ndo; wa zwelele ngagi : ' Mba ngu mu mi hwa lusagumunu lwami lwa kielega lunu nga salele lusilu gwa Davidi.'35Hene, udi mu zwela nji mu mukanda wa khunga egi : Mba ushi mu bemba go muthu waye ha gu fukha .' 36Mukunda Davidi wa lungishile lukanu lwa Nzambi mu tangwa dienji ha khenji, gu nyima wa file. Wa fundiye gu majamo phene-phene nu wanyi a mambut'enji, gu nyima wa fukhile. 37Uvi muthu wa zugishiye gwa Nzambi gu lufwa, gwa fukhile go.38Aphangi mu kala mu jiya mwa bonga egi, mukunda nu yesu tu di mu mi jiyisa egi, Nzambi wa nu katula athu gu masumu. 39Mwa feto jiya nji egi shigo ja Moyize ja kalele nu phila go ya gu katula athu gu gihiga gia masumu, uvi muthu mukima yonu wa nu haga mutshima gwa Yesu, Nzambi mba udi gu mu katula gu gihiga gia masumu akima.40Hene mu keba, gula ndo ndaga jiji ja zwelele ba profeta mba jiza mu mi bwila; 41Talenu mwa bonga, enwe athu wanyi mwa nu ngu zweza, mu kama mu yituga, mudi mu fwa, mukunda ngu mu kita ndaga mu tangwa didi dienu. Ndaga ji moshi mwa jiyile gu ji kwikila go, gula muthu gwa mi jiyishile najo go.'42Tangwa Pholo nu Barnabasi a kalele mu zoga mu inga ya isambu, athu a kalele mu a bondila egi: idi ya bonga enwe ha guza mu vutuga nji haha mu gilumbu gia isambu, ha guza mu tu leza nji ndaga jiji. 43Gu nyima dia isambu athu a vula wanyi a batugile ba yuda nu wanyi a kitugile ba yuda a hatele Pholo nu Barnabasi, hene a yandigile gu solula nawo, a kalele mu a bondila ha gu jinga kaka nu luzolo lwa Nzambi.44Mu gilumbu gia isambu gia hatele, dimbo dikima die jile mu zala hama ha moshi mukunda nu guvwa ndinga ya Fumu. 45Tangwa ba yuda a monele gu vula gwa athu, gingonzo gia a kwatele gu mitshima, a yandigile gu tuna ndaga Pholo a kalele mu longa, enji a yandigile gu mu shingana.46Hene Pholo nu Barnabasi a zwelele nu gikesa gikima egi ; Nzambi wa tshiginile egi, ha thomo tu ze ha gu longa ndinga ya Nzambi gwa enwe, uvi enwe mwa tuna genu ndinga yene, enji enwe hakhenu mudi mu yindula egi mwa jiya go gu zula monyo wa mvula nu mvula . Hene mu di ya kaka gwa athu wanyi a shi ba yuda go. 47Mukunda Fumu wa tu lezele egi : " Nga gu hagele u kale ole mwinda mukunda nu athu wanyi a shi ba yuda go, mukunda athu akima a guluge ti nu suga ya mavu.48Athu wanyi a shi go ba yuda, tangwa a vile nganyi, a vile kiese gia vula, hene a yandigile gu kumisa ndinga ya Fumu. Athu wanyi akima a soleye gwa Nzambi mukunda nu gu kala nu monyo wa mvula nu mvula, a kitugile a kilistu. 49Ndinga ya Fumu ya kalele mu mwangana khanda jikima.50Uvi ba yuda a yandigile gu sweswa akhetu ako a kalele mu samba Nzambi hama ha moshi nu ba yuda, nu mambuta a dimbo ha gu monesa Pholo nu Barnabasi phashi, nu gu a kaya ha gu katuga mu dimbo diawo. 51Pholo nu Barnabasi a phuphudile fuphi ya malu ha gu leza athu wanyi egi adi kapha nawo. A ile gawo gu dimbo dia Ikonwum. 52A kilistu wanyi a kalele gu Antiose a vile kiese gia vula, enji a kalele a zala nu Pheve Santu.
Chapter 14
1Gu ikonwum Pholo nu Barnabasi a ngidile mu inzo ya isambu ya bayuda a longele mwa bonga gibeni mu phila egi thalo ya vula ya bayuda nu ba greki a kwikile. 2Uvi bayuda wanyi a kondele gu kwikila a phushile pheve ya aphagano ha gu kita mavanga nu gu menga aphangi.3A balegesele ilumbu ya nu vula, nu gu longa nu gikhesa mu ngolo jia Nzambi a khalele mu ta gimbangi gu malongi mu khenda jienji. A kitile nganyi ha gu hana njila mukunda idimbu ya khumbwa nu ndaga jia gu yituga ji salame mu mago a Pholo nu Barnabasi. 4Uvi gimvuga athu a vula a mu dimbo adi kaphele: athu ako a yile mu lwega lwa bayuda, ako nji gu khanda ya athumwa.5Tangwa aphagano nu bayuda adi bungishile ha gu leza mafumu awo ha gu monesa Pholo nu Barnabasi phashi nu gu a kwemba maseso,6 tangwa a jiyile ndaga yene a lengele mu dimbo dia Likawonia, Listre gu Derbe nu gu khanda ya membo a phene-phene. 7Gunu a longele sango ya bonga.8Gu dimbo dia Listre, muthu mu moshi wa khalele wa gudi tumbiga hoshi, ngolo ndo gu malu, wa butugile malu a gifu hene a dile guwenda ndo. 9Muthu mwene wa khalele mu hata Pholo wa khalele mu longa. Pholo wa nongele meso wa monele egi muthu mwene wa khalele nu lukwikilu mukunda nu gu beluga. 10Hene a mu lezele mu ndinga ya ngolo egi :" Zuga " Muthu mwene wa zugile11Tangwa gimvuga gia athu a monele ndaga Pholo a kitile, a zwelele mu ndinga ya ngolo mu ndinga ya Ikonwum egi :" Tu nzambi tudi muza mu bulumuga twa kituga mu phila ya athu. 12A tamegele Barnabasi egi "Zeyis ", Pholo " Ermesi ",mukunda wa khalele kongo dia gu balega funu. 13Nganga Nzambi wa Zeyis yonu inzo yenji ya isambu ya khala ha twama dia mufulo wa dimbo wa batele ngombe nu tu itshidi twa itemba ha gu haga ha mufulo,mukunda mwene nu gimvuga a tshiginile gu tambiga makapho a gimenga.14Uvi tangwa athumwa, Barnabasi nu Pholo a vile ndaga yene, a taudile milele yawo, a ngidile mu phushi mu katshi dia gimvuga gia athu nu gu kabuga mu ndinga ya ngolo egi: 15" Athu, mukunda nu ikhi mudi mu kita ndaga ya ngagi ? Etwe nji ta athu giteso gi moshi nu athu akima adi nu ifu ya phila imoshi. Te za mu mi batela sango ya bonga mukunda mu bembe ndaga jienu jikima jia bola enji mu balule mitshima yenu ha gu vutuga gwa Nzambi wa monyo yonu wa salele gosa nu mavu, meya nu ima ikima idi mu katshi diawo. 16Mu tangwa di kulu, mwene wa hanele njila gwa ikanda ikima ha gu hata kaka njila jiawo.17Ata a bembele go ha guta gimbangi gienji, uvi mwene wa nu kita mambote mu phila mwene a nu hana mvula ya gosa nu sungi jia nu zola mbuto nu gu mihwa ima ya gudia nu gu zalesa mitshima yenu nu kiese. 18Ata a zwelele ndaga yene, Pholo nu Barnabasi a kangele njila gu gimvuga ha gu konda gu a hwa makapho a gimenga.19Bayuda ako a gu Antiose nu gu ikonwum ejile ha gu kumbudisa athu a gimvuga. A betele Pholo nu maseso nu gu mu bata gonze ya dimbo a yindudile egi mwene udi wa fwa. 20Uvi tangwa alongogi a mu jetele, mwene wa zugile wa ngidile mu katshi dia dimbo. Gilumbu gia hatele, wa yile gu dimbo dia Derbe nu Barnabasi.21Gu nyima ya gulonga sango ya bonga mu katshi dia dimbo nu gu kitula athu a vula alongogi, a vutugile gu Listre, gu Ikonwum nu gu Antiose. 22A khalele mu hwa alongogi gikhesa ha gu kangama mu lukwikilu nu gu a leza egi: " Idi mu njila ya phashi jia vula mba tu ngila mu Gifumu gia Nzambi."23Tangwa a hagele mambuta mu gimvuga gi kima gia athu wanyi a kwikile, enji gu nyima ya gu samba nu gutuna gudia mukunda nu gusamba a a hanele gu mago a Fumu mukunda a kwikile. 24A balegele gu pisidia a yile mukuma gu Pamfilia. 25A longele sango ya bonga gu Perga hene a bulumugile gu Atalia. 26Ha gu katuga hene a ngidile mu masuwa ha guya gu Antiose gunu aphangi a abembele gu mago nu mu khenda jia Nzambi mukunda gisalo giawo gia kumile ha suga.27Tangwa a kumile gu Antiose a tamegele gimvuga gia athu, a yandigile gu a tela ndaga gi kima Nzambi a salele mu katshi diawo nu phila mwene a kangudile mufulo wa lukwikilu gwa aphagano. 28 A balegesele tangwa dia vula nu alongogi ene.Chapter 15
1"Athu ako a katugile gu dimbo dia Yudeya, a yandigile gu longa a phangi a dibundu egi :" Gula mwa saleye go luyotoshi mu phila shigo jia Moyize jia zwelele, mba mu guluga go." 2Tangwa Pholo nu Barnabasi a hagele n'awo thembe jia vula, hene a phangi a phonele Pholo, Barnabasi nu athu ako ha gu kanduga gu Yelusalemi mu hula ndaga yene gwa a thumwa nu mambuta a dibundu.3Tangwa a tumiye gwa dibundu mu njila a balegele mu membo a Fenisiya nu Samaliya, a khalele muya nu gu longa athu wanyi adi aphani ha gu balula mitshima. Sango jiene jia hanele kiese gia vula gwa a phangi akima a dibundu. 4Tangwa a kumile gu Yelusalemi a yambeye gwa dibundu nu a thumwa nu mambuta a dibundu hene a a jiyishile ndaga jikima a salele nu Nzambi.5Tangwa didi a falisaye wanyi ako a kitugile a kilisto a zugile ha gu zwela egi : " Idi ya bonga ha gumba mu mukanda a kilisto wanyi a shi go ba yuda, nu gu a bangiga ha guhata shigo jia Moyize ."6 A thumwa nu mambuta a atamegele ha gukhala hama ha moshi mukunda nu gutala mwa bonga-bonga ndaga yene.7Tangwa a manesele ha gu zwela ndaga yene, Petelo wa zugile ha gu a leza egi :" A phangi'ami, nga jiya egi katuga mwa leha, Nzambi wa ngu phonele mu katshi dienu mukunda athu wanyi a shi go ba yuda, a vwe sango jia bonga, ene nji a kwikile. 8Hene Nzambi yonu u jiya mitshima ya athu, wa jiyishile egi mwene wa a tshiginile tangwa wa a bulumwishile Pheve-Santu, mu phila mwene a tu hwile n'etwe. 9Mwene gwa hagele go luswaswanu mu katshi dietu nu ene, mukunda Mwene wa a katudile mu masumu mukunda nu gu kwikila gwawo.10Tangwa didi, mukunda nu ikhi mudi mu phaga Nzambi, tangwa mudi mu haga ginemo holo dia a kilisto, ginemo ginyi a khakha a monele go phila ya gu bata? 11Uvi enwe mwa nu kwikila egi, etwe mba tu guluga mukunda nu khenda jia Fumu Yesu ; ene nji mba a guluga giteso gi moshi.12Athu akima a henele tedie mukunda nu guvwa Barnabasi nu pholo a khalele mu ta phila Nzambi a a hwile ngolo jia gu sala idimbu ya khumbwa nu gu kita ndaga jia phila nu phila mu katshi dia athu wanyi adi a phangi.13Tangwa Barnabasi nu Pholo a manesele guzwela, Yakhobo wa zwelele egi :" A phangi, ngu vilenu !"14 Simoni wa tu jiyishile phila Nzambi a yindudile ha thomo athu wanyi adi a aphani ha gu phona mu katshi diawo athu ako ha gukhala athu enji.15Ndaga jia zwelele ba profeta jidi muya njila imoshi nu ndaga jiene, mukunda gwa sonegeye gu mukanda wa Nzambi egi :16 " Gu nyima jia ndaga jiji, mba ngu muza mu vutuga ha gutunga inzo ya Davidi wa bwile, mba ngu i zugisa nu gu i londa. 17Nganyi athu wanyi nga phonele ha gukhala athu ami nu wanyi adi aphagano a zudile jina diami. 18Yene ndaga ya zwelele Fumu yonu wa salele ima ikima ya jiyanele mu tangwa di kulu.19Mukunda nu nganyi, ngindu jiami jidi egi twa jiyile go gu yangisa athu wanyi adi aphagano uvi a baludile mitshima gwa Nzambi ; 20uvi twa jiya gu a sonegela gu mukanda egi adi kebe, a bembe gudia mbiji jinyi jia nu haneya makapho gwa tu Nzambi twa itege, ha gu bemba uthambi nu ha gu konda gudia mbiji jia shiyiya gu konda gu batudiya muminyo nu gu konda gunwa menga. 21Mukunda katuga khukho jia mwa leha shigo jia Moyize jia nu longeya mu membo nu gu tangeya mu jinzo jia isambu ya ba yuda mu ilumbu ya shigo ."22Hene a thumwa nu mambuta nu athu akima a dibundu a monele mwa bonga ha gu phona Yude yonu wa khalele mu tamegeya egi Barnabasi nu Silasi athu a lujito mu katshi dia athu a dibundu ha gu a tuma nu Pholo nu Barnabasi mu dimbo dia Antiose. 23A hwiye mukanda wa gu sonega egi :" Etwe a thumwa nu mambuta adi a phangi'enu mu dibundu, ta mi tumila mbote enwe aphangi'etu wanyi adi aphanyi, a mu dimbo dia Antiose, dia Siriya nu Silisia.24Tudi muvwa egi athu ako wanyi a katugile gu khanda yetu ejile gu mi bwisa gisaga-saga mukunda nu ndaga a khalele mu zwela, ndaga jiene jia hanele phashi gu mutshima yenu. Ta a tumile ha guza mu longa ndaga jia phila yinyi. 25Hene twa monele egi mwa bonga tu phone athu ako ha gu a tuma gwa enwe njila imoshi nu Barnabasi nu Pholo aphangi ta tshigina. 26Wanyi a tshiginile ha gufwa mukunda nu gisalo nu jina dia Fumu wetu Yesu Kilisto.27Hene ta tuma Yude nu Silasi ha gu mi leza sango jia giteso gi moshi. 28Etwe twa zenga nu Pheve ya Nzambi ha gukonda gu mi haga ginemo giko, khuta ginemo gi moshi gia funu gidi : 29mu khadi go mudia mbiji jinyi jia haneya makapho gwa tu nzambi twa itege, nu gunwa menga a mbiji jiene, mwa jiyile go gudia mbiji inyi ya shiyiya konda gu batudiya muminyo, gu kita ndo uthambi. Gula mwa tuna ndaga jinyi, mba ikhala ya bonga sha. Mu bega mwa bonga."30Tangwa didi athu wanyi a tumiye, a kumile mu dimbo dia Antiose, a bungishile athu a dibundu, hene a hanele mukanda wene. A31 khalele nu kiese gia vula gu nyima ya gu tanga mukanda, hene a hwile athu a batele mukanda gikhesa. 32Yude nu Silasi a khalele nu ene ba profeta, a hanele malongi a leha gwa aphangi wanyi, mukunda nu gu a hwa gikhesa nu ngolo.33Gu nyima dia ilumbu inyi a balegesele, aphangi a dibundu a a vutudile mu ngemba, hene a vutugile ha gu sanga athu wanyi a a tumile. 34(Uvi Silasi wa monele egi ya bonga mwene a bege genji.") 35Uvi pholo nu Barnabasi a begele gawo gu Antiose, nu athu ako a vula, gunu a khalele mu longa gu jiyisa athu sango jia Fumu Nzambi.36Gu nyima ya ilumbu, pholo wa lezele Barnabasi egi :" Tu vutuge getu ha guya mu tala aphangi a dibundu wanyi adi mu membo wanyi ta khalele mu longa sango jia Fumu Nzambi, nu gu jiya phila khi adi mu jinga." 37Barnabasi wa tshiginile egi aye nu Yowani yonu wa khalele mu tamegeya egi Malako. 38Uvi Pholo wa tunyile go ha guya n'enji, mukunda mwene wa a bembele gu dimbo dia Pamfilia, enji gwa a salesele nji go gu gisalo.39Thembe jia gu balegela giteso jia zugile mu katshi diawo, hene adi kaphele, Barnabasi wa zudile Malako ha gu ngila mu masuwa aye n'enji gu gizanga gia shipre. 40Uvi pholo wa phonele Silasi, ha guya n'enji ; tangwa a tshiginile guya aphangi a dibundu a a hagele gu mago a Nzambi. 41Mwene wa balegele mu dimbo dia siriya nu gu silisia, gunu wa khalele mu hwa athu a dibundu ngolo nu gikhesa.Chapter 16
1Pholo wa kumile nji mu dimbo dia Derbe, nu gu listre, gunu mukilisto mu moshi mu jina dia Timoteyo yonu wa khalele muna mu yuda mu moshi wa mukwetu yonu wa kitugile mu kilisto, shenji wa khalele mu greki. 2Aphangi a dibundu a khalele mu dimbo dia listre nu gu Ikonwum a khalele mu zwela ndaga jia bonga mukunda nu mwene. 3Pholo wa tshiginile ha gu wenda nu Timoteyo, hene mwene a mu mbile gu luyotisi, mukunda bayuda wanyi a khalele mu jinga mu khanda jinyi a khalele mu jiya egi shenji wa khalele go muyuda.4Tangwa a khalele mu balega mu membo, a khalele mu jiyisa athu a dibundu ha gu lemvuga nu gu hata ndaga jinyi a thumwa nu mambuta a dibundu dia gu Yelusalemi a khalele mu zwela. 5Lukwikilu lwa athu a mabundu lwa kitugile ngolo, konso gilumbu thalo ya a kilisto ya khalele mu kanduga.6Pholo nu mafuta enji a balegele gu khanda ya frizia nu gu Galatia, gunu Pheve-Santu ya atunyishile ha gu longa ndinga ya Nzambi gu gizwiunga gia Aziya. 7Tangwa a kumile phene-phene nu gu Mizia, a kambele phila ya gu ngila gu Bitinia uvi pheve ya Yesu ya atunyishile.8 Hene a balegele mu njila ya Mizia ha guya gu dimbo dia Trowasi.9Mu phipha inyi Pholo wa monele gu nzoji :muthu mu moshi wa gu Masedonia wa magana wa mu tamegele ha gu mu leza egi :"Zauga gu Masedonia ha gu tu salesa." 10Tangwa a monele nzoji yene, mu mbala-i- moshi, ta zudile mabanza a guya gu Masedonia, mukunda ta bagisele egi Nzambi wa tu tamega ha guya mu longa sango jia bonga.11Ta ngidile mu masuwa ha gukatuga gu trowasi muya gu khanda ya Samotrase ; mu gilumbu gia hatele, ta kumile mu dimbo dia Neyapolisi. 12Tangwa ta katugile hene, ta yile ha thomo gu dimbo dia Filipho didi dimbo di moshi dia funu mu gizwiunga gia Masedonia mu gifumu gia athu a Roma. Ta swamele mu dimbo diene ilumbu ya vula. 13Mu gilumbu gia gu hwima, ta katugile mu dimbo diene ha guya phene-phene nu muta, ta yindudile egi, tu ye tu mone hama ba yuda a nu sambela. Ta khalele hene gu nyima ta yanndigile gu solula nu akhetu wanyi ejile mu tu tagana hene.14Mukhetu mu moshi mu katshi diawo jina dienji Lidia, wa khalele mu diga milele,mu dimbo dia Tiatire wa khalele mu hata ndaga ta khalele mu zwela enji wa khalele mu samba Nzambi mwa vula. Fumu Nzambi wa mu kangudile mutshima ha gu hata ndaga jia khalele mu zwela Pholo. 15Tangwa mukwetu mwene a zudile mbotiga nu athu a inzo yenji, ebuna wa yandigile gu tu bondila egi gula mwa mona mu masonga egi nga tshigina Fumu, idi ya bonga mu ze mu khale mu inzo yami ; hene ta monele go phila ya gu tuna16Gilumbu gi moshi, ta khalele muya gu isambu, mona mukhetu mu moshi wa khalele nu pheve ya gu phonga we jile mu tu tagana. Wa khalele mu zudila ma fumu enji mbongo jia vula mu gisalo giene. 17Mukhetu mwene wa yandigile gu tu hata nu Pholo wa khalele mu kabuga mu ndinga ya ngolo egi :" Athu wawa adi sadi jia Nzambi wa gosa! Adi gu mi longa phila ya gu guluga." 18Wa khalele mu kita nganyi ilumbu ya vula ti nu gunu Pholo a khalele go nu phila ya gu kanga mutshima. Hene Pholo a balugile mu leza pheve yene egi :" Nga gu leza mu jina dia Yesu Kilisto ha gu zoga gwa mona mukhetu yogu !" Hene Pheve yene ya zogele mu mbala-i-moshi.19Tangwa mafumu a mona mukhetu mwene a monele egi ngindu jia gadilo gawo jia katugile, a kwatele Pholo nu Silasi ha gu a bata gu twama dia mafumu a leta. 20Tangwa a a monesele gu twama dia nzuji, a zwelele egi :" Athu wawa adi bayuda, adi mu bata mavanga a vula mu dimbo dietu. 21Adi mu longa ndaga jia ifu jinyi jidi shigo gwa etwe athu a gu Roma ha gu tshigina nu gu hata.22Athu akima a vile khabu mukunda nu Pholo nu Silasi, ma nzuji a phasudile milele ya Pholo nu ya Silasi, a hanele mukwala ha gu a beta nu fimbu. 23Gu nyima ya gu a beta a a ngidishile mu bologo. A hanele mukwala gwa suta dia gu bologo ha gu a tala mwa bonga-bonga. 24Tangwa suta a zudile mukwala wa a ngidishile mu bologo dia mu katshi, ebuna wa a jitshigile malu mu gitshidi gia dibaya.25Ha gumona midi ya phipha, Pholo nu Silasi a khalele mu samba nu gu yimba khunga jia guhwa Nzambi lukumu, athu ako a bologo a kalele mu vwa. 26Mu gisagumwisa, mavu a nyiganele mu ngolo, makunji a bologo a nyiganele, mu mbala imoshi mifulo ya bologo ya kangugile, shinga jia ibende jia jitshigiye athu a bologo jia jitugile.27Suta wa nu tala bologo wa phaphumugile gu tulo, ebuna wa monele mifulo ya bologo ya gu kangula, wa zudile phogo yenji ha gudi shiya mukunda wa yindudile egi athu a bologo a lengi. 28Uvi Pholo wa kabugile mu ndinga ya ngolo egi :" Udi sadi go gu bola, mukunda tudi hene akima."29Suta dia bologo wa lombele tshiya, wa ngidile mu phushi nu woma, wa fugamele gu twama dia Pholo nu Silasi. 30Wa a zolele honze, wa a hudile egi :" Mafumu ikhi nga jiya gu kita ha gu guluga ?" 31A vutudile egi :" Kwikila gwa Fumu Yesu mba u guluge eye nu inzo yaye."32Hene a yandigile gu mu longa sango jia Fumu, nu athu wanyi a khalele mu inzo yenji. 33Kaka mu tangwa diene dia phipha suta wa bologo, wa a wovele phuta, enji wa zudile mbotiga mwene nu athu a inzo yenji akima. 34Wa batele Pholo nu Silasi gu inzo wa a hwile ima ya gudia. Wa vile kiese gia vula nu athu a inzo yenji ikima, mukunda mwene nu athu a inzo yenji a kwikile gwa Nzambi.35Mu gikhela, ma nzuji a tumile athu ha guleza suta dia bologo egi :" Bemba athu wanyi a vutuge." 36Suta wa jiyishile ndaga yene gwa Pholo egi :"Ma nzuji a tuma athu nu sango egi, ngu mi bembe muye, henyaha zogenu mu vutuge mu ngemba."37Uvi Pholo wa zwelele egi :" A tu betesele fimbu gu meso a athu, etwe athu a gu Roma ta kitile go ata gima gia bola. A tu mbile mu bologo, lulu ngagi adi mu tu zola mu giswegi ? Ndo ! ishi nganyi go ! eze a tu zole ene ha khawo." 38Ma suta a nu kengelela a vutugile muta sango jiene gwa ma nzuji, ene a vile woma ha guvwa egi Pholo nu Silasi adi athu a gu Roma. 39Ma nzuji ejile ha gu a bondila nu gu a lomba ndolula ; tangwa a zogele mu bologo, ma nzuji a lombele gwa Pholo nu Silasi ha gu katuga mu dimbo diene.40Tangwa Pholo nu Silasi a zogele mu bologo a yile mukhala mu inzo ya Lidia. Tangwa Pholo nu Silasi a monele aphangi a dibundu, a a hwile gikhesa, hene a katugile mu dimbo dieneChapter 17
1Tangwa a balegele dimbo dia Amfipolisi nu gu Apolonia, a kumile mu dimbo dia Tesalonika gunu gwa khalele nu inzo ya isambu ya ba yuda. 2Pholo, mu phila ya gikalulu gienji, wa yile mu inzo yawo ya isambu, gunu ilumbu itatu ya gu hwima wa khalele mu zwelesa n'awo mu ndaga ya mukanda wa Nzambi.3Wa khalele mu a tendudila nu gu a jiyisa phila ya sonegeye gu mukanda wa Nzambi egi Kilisto mba u moneseya phashi, mba u futumuga mu katshi dia athu a fwa. Wa kangudile mukanda wa Nzambi ha gu a tendudila egi ya khalele ya bonga Kilisto ha gufwa enji a futumuge mu katshi dia athu a fwa. Wa zwelele egi :" Yesu yogu ngudi gu mi jiyisa, mwene muthu udi Kilisto ." 4Athu ako mu katshi dia ba yuda a tshiginile, enji a vuganele gwa Pholo nu Silasi, athu wanyi adi ba greki a tshiginile giteso gi moshi nu akhetu a vula a lukumu ejile mu vugana nu athu ako a gimvuga.5Uvi ba yuda wanyi a aphanyi a vile gingonzo, hene a zudile athu ako a khu a mu bala-bala ha gu vugana n'awo mukunda nu gu zola mubulu mu katshi dia dimbo. A jungile inzo ya Yazoni, mukunda nu gukamba Pholo nu Silasi ha gu a bata gu twama dia athu. 6Uvi a a monele go, hene a kwatele Yazoni nu aphangi ako a dibundu ha gu a bata gu twama dia ma nzuji a dimbo nu gu kabuga egi :" Athu wawa adi mu twala mavanga mu membo, eza mu kuma haha. 7Athu wawa a yambeya mu inzo ya Yazoni adi mu shiya shigo jia Sezar ; adi mu zwela egi gudi nu muthu muko udi Fumu, jina dienji Yesu ."8Tangwa athu nu ma nzuji a vile ndaga yene, a vile khabu. 9Gu nyima a lombele mbongo gwa Yazoni nu athu wanyi ako, hene a a bembele ha guvutuga.10Mu phipha, aphangi a dibundu a tumile Pholo nu Silasi mu dimbo dia Bereya. Tangwa a kumile a ngidile mu inzo ya isambu ya ba yuda. 11Athu a gu Bereya a khalele athu a ngindu jia bonga jia gubalega athu a gu Tesalonika ; mukunda a yambele ndinga ya Nzambi nu luzolo lwa phushi- phushi ; konso gilumbu a khalele mu jigisa mwa bonga-bonga gu mukanda wa Nzambi ha gutala gula ndaga jidi mu a longeya jidi jia masonga. 12Hene athu a vula mu katshi diawo a kwikile, nu athu wanyi a ba greki, nu athu ako a vula a kwikile.13Tangwa ba yuda wanyi a gu Tesalonika a vile egi Pholo wa yile mu longa ndinga ya Nzambi mu dimbo dia Bereya, a ngidishile mubulu mu katshi dia athu. 14Hene henyanyi, aphangi a lezele Pholo ha guya gu khanda ya muta wa koma ; uvi a lezele Silasi nu Timote ha gu bega gu Bereya. 15Athu ako a yile mu twala Pholo ti nu gu dimbo dia Atene. Tangwa a mu bembele gu Atene, Pholo wa tumile Silasi nu Timote ndinga ha gu mu hata mu phushi.16Tangwa Pholo a khalele mu a nenga gu Atene, wa vile khenda jia vula ha gu mona egi dimbo dia khalele dia zala nu itege. 17Hene mu inzo ya isambu ; wa yandigile gu zwelesa nu ba yuda wanyi a khalele mu samba Nzambi nu gu mu kumisa, konso gilumbu wa khalele nji mu zwelesa nu athu wanyi a khalele mu tagana n'awo ha mbaji ya athu.18Athu ako a tema wanyi a khalele mu longa malongi a kistoyika nu malongi a epikira ejile mu haga n'enji thembe. A zwelele egi :" muthu yogu wa izwele-zwele ikhi adi mu tshigina gu zwela ?" Athu ako egi :" Udi mu tshigina gu tu jiyisa tu nzambi twa nzenza", mukunda udi mu longa sango jia Yesu, nu phila athu mba a zuga gu lufwa.19A batele Pholo gu twama dia gimvuga gia areyopaze nu gu mu hula egi :" Keti wa jiya gu tu leza, phila ya malongi wawa a pha udi mu longa ? 20Mukunda tudi mu vwa ndaga jia gu yituga udi mu zwela. Hene twa tshigina gu jiya gisongidila gia ndaga jiene." 21(Athu a gu Atene nu nzenza jinyi jia khalele mu jinga gu Atene, a khalele mu balegesa tangwa dia gu zwela nu guvwa ndaga jia pha !22Hene Pholo a zugile mu katshi dia gimvuga gia areyopaze,wa yandigile gu zwela egi :" Enwe athu a gu Atene, nga mona egi mwa nu sambela tu nzambi twa phamba mu phila ikima. 23Mukunda, tangwa ngu mu balega mu dimbo dienu, ngu mu mona hama henu mwa nu sambela, nga mona nji ha mesa gimenga gi moshi ha gu sonega egi :" Gwa Nzambi yonu tu jiya go." Hene nge za ha gu mi jiyisa egi mwa nu mu sambela mu gidiba, uvi mwa nu mu jiya go.24Nzambi yonu wa salele thotho ya mvimba, nu ima ikima, mwene udi Fumu wa gosa nu hoshi, mwene gwa nu jinga go mu jinzo jia isambu jia tungama gu mago a athu.25 Mwene gwa nu mona go funu athu a mu salele ata gima gu mago awo, mu phila ya gu mona egi gwa nu mona go ata gima, mukunda mwene muthu wa nu hwa athu monyo, nu muphephe wa gu hwimila nu ima ikima.26Gwa muthu mu moshi, Mwene wa salele ikanda ikima ya athu idi mu jinga hoshia mavu, Mwene wa hagele gu twama sungi jia fwana nu gu haga mididilo wa mavu awo a gujingila.27 Nzambi wa salele nganyi mukunda wa tshiginile egi athu a mu kambe, mukunda tangwa athu adi gu mu kamba, mbala iko a fete gu mu mona. Uvi Mwene gwa shi go mu jinga gwa leha nu konso muthu.28Mukunda nu ngolo jienji, etwe tudi nu phila ya guwenda, tudi nu monyo, tudi mu jinga mu phila gingana gienu gi moshi gidi mu zwela egi :" Etwe tudi ta ana a vumo dienji." 29Hene gula etwe tudi ta ane'nji, twa jiyile go gu yindula egi Nzambi udi wa fwanana nu itege yinyi muthu a sala nu wolo, nu utadi to nu maseso wanyi a salama mu mayele a muthu.30Hene Nzambi gwa nu tanga go mvula jinyi athu a khalele go mu mu jiya, uvi tangwa didi, Mwene udi mu leza athu akima ha gu balula mitshima.31 Mukunda Mwene wa hagele gilumbu mba a leza muthu yonu mwene a phonele ha gusambesa athu akima a hoshia mavu mu njila ya kielega. Nzambi wa lezele ndaga yene gwa athu akima tangwa Mwene a zugishile muthu yonu wa file."32Tangwa athu a gu Atene a vile ndaga ya guzugisa athu a file, athu ako a yandigile gu lela Pholo ; uvi athu ako a zwelele egi :" Mba tuza nji mu gu vwa mbala iko gu ndaga yiyi. 33Gu nyima, Pholo wa a bembele.34 Uvi athu ako adi bungishile gwa mwene, a kwikile, mu katshi dia athu ene gwa khalele Denisi, muthu wa gimvuga gia areyopaze, nu mukhetu mi moshi jina dienji Damarisi, nu athu ako nji .Chapter 18
1Gu nyima ya ndaga jiene, Pholo wa katugile mu dimbo dia Atene ha guya gu dimbo dia Kolinto.2 Gunu wa sangele muyuda mu moshi jina dienji Akilasi, muthu wa gu gijunga gia Ponti, wa katugile nu mukaj'enji Prisilia gu khanda ya gu Italia, ejile mu kuma mu dimbo dia Kolinto mukunda Klode wa hanele mukwala egi bayuda akima a feto katuga mu dimbo dia Roma, hene Pholo a yile mu a sanga.3 Pholo wa khalele mu jinga nu gusala n'awo gisalo, mukunda a khalele mu sala gisalo gia phila imoshi. Gisalo gia gu tunga thentha.4Pholo wa khalele mu longa mu inzo ya isambu ilumbu ikima ya gu hwima. Wa khalele mu bondila ba yuda nu ba greki.5 Uvi tangwa Silasi nu Timote a katugile gu Masedwane, Pholo wa zudile mbangiga gwa Pheve-Santu ha guhana gimbangi gwa bayuda egi Yesu udi Kilisto.6 Uvi ba yuda a khalele mu tuna nu gu mushingana, hene Pholo a yandigile gu lugumuna fuphi ya milele yenji ha gu a leza egi :" Menga enu a bwe holo dia mitwe yenu, ishi go ndaga yami, lulu ngagi ngu muya gwa athu wanyi adi aphagano."7Ha gukatuga hene, wa yile mu inzo ya Titusi Yusutusi, muthu wa khalele mu banga Nzambi. Inzo yenji ya khalele phene-phene nu inzo ya isambu ya bayuda. 8Krispusi fumu wa inzo ya isambu nu athu a familia yenji a baludile mitshima gwa Fumu Yesu. Athu a vula a gu Kolinto, tangwa a vile Pholo mu longa a baludile mitshima, ebuna a zudile mbotiga.9Mu phipha Fumu a lezele Pholo gu nzoji egi :" Guvwa ndo woma, zwela kaka, u hwenyi go tedie." 10Mukunda ngudi n'aye phene-phene. Gushi go ata muthu wa jiya gu phaga ha gu gusala gima gia bola, mukunda ngudi nu athu a vula mu dimbo didi." 11Pholo wa jingile hene giteso gia mvula imoshi nu gitshidi; wa khalele mu longa ndinga ya Nzambi mu katshi diawo.12Tangwa Galioni a khalele fumu wa privense ya Akaya, ba yuda adi vishile ha gu bendumuga gwa Pholo mukunda nu gu mu sala ndaga ya bola, hene a mu batele gu twama dia baya dia milonga.13 A zwelele egi :" Muthu yogu udi mu phaga ha gu leza athu ha gu samba Nzambi mu phila iko shigo jidi mu zwela ."14Tangwa Pholo a tshiginile gu zwela, Galioni wa lezele ba yuda egi :" Enwe bayuda, gula ya khalele gima gia konda masonga nga ndo ndaga ya gu shiya shigo, nga jiya gu tshigina tu zwelese n'enu.15 Uvi idi mukunda nu thembe mudi mu haga mukunda nu sango, nu ma jina adi mu tala shigo jienu,idi ya bonga mu manese ndaga yene enwe hakhenu. Ngu shi go mu tshigina ngu khale nzuji ha gu sambesa ndaga yiyi."16Galioni wa zolele athu a khalele gu baya dia milonga. 17Hene athu akima a kwatele Sostene yonu wa khalele fumu wa inzo ya isambu ya bayuda. A mu betele gu twama dia baya dia milonga. Uvi Galioni gwa vile go phashi gu ndaga yene a kitile.18Pholo wa begele hene ilumbu ya vula nu aphangi a dibundu, gu nyima wa katugile ha guya nu Prisilia nu Akilasi gu dimbo dia Siriya. Gu twama a katuge ha dibungu, wa kuludile sugi gu mutwe gu dimbo dia Senkreya mukunda mwene wa batudile ndevu gwa enya gu Nazaleti. 19Tangwa a kumile mu dimbo dia Efezo, Pholo wa bembele Prisilia nu Akilasi; mukunda wa tshiginile guya mu ngila mu inzo ya isambu mwene ha khenji ha gu zwelesa nu bayuda.20A hubile Pholo ha gu bega n'awo ndambu ya ilumbu, uvi mwene wa tunyile. 21Wa katugile genji, wa a bembele, enji wa a lezele egi :" Mba ngu mu za mu mi vutugila, gula Nzambi wa tshigina ." Wa katugile mu dimbo dia Efezo.22Tangwa Pholo ejile mu kuma mu dimbo dia Sezareya, wa kandugile ha guya mu hana mbote gu dibundu dia gu Yelusalemi, gu nyima wa yile gu dimbo dia Antiose. 23Gu Antiose, Pholo wa balegesele ndambu ya tangwa, gu nyima wa yile gu khanda ya membo a Galatia nu Frizia ha guhwa alongogi gikhesa.24Mu yuda mu moshi jina dienji Apolos, mwenya gu dimbo dia Alesandria wa kumile gu dimbo dia Efezo. Wa khalele muthu wa jiya gu zwela, nu gu jiya gutanga mukanda wa Nzambi.25 Apolos wa longeye mu njila ya gu jiya malongi a Fumu. Wa khalele muthu wa di hana gu gi pheve, wa khalele mu longa mwa bonga-bonga ndaga jia talela Yesu uvi wa khalele mu jiya kaka mbotiga inyi ya Yowani.26 Apolos wa yandigile gu longa nu gikhesa mu inzo ya isambu. Tangwa Prisilia nu Akilasi a mu vile mulonga adi bungishile n'enji, hene a mu lezele njila ya Fumu mwa bonga-bonga.27Tangwa a tshiginile guya gu dimbo dia Akaya, aphangi a dibundu a mu hwile gikhesa, enji a sonegele mukanda gwa alongogi a gu Akaya ha gu mu yamba. Tangwa a kumile gwene wa salesele athu a vula wanyi a kitugile a kilisto mu khenda jia Nzambi.28 Apolos wa khalele mu leza ba yuda gu meso a athu akima mu khenda nu ngolo jienji nu gu zala gwenji gwa gi pheve egi mukanda wa Nzambi udi mu zwela egi Yesu udi Kilisto.Chapter 19
1Tangwa Apolos a khalele gu dimbo dia Kolinto, Pholo wa balegele mu ba provense a gwa leha ti nu guza mukuma mu mbanza ya Efezo, gunu wa sangele alongogi ako. 2Pholo wa a hudile egi :" Keti mwa zangudile Pheve-Santu tangwa mwa kitugile a kilisto?" A vutudile egi :" Ndo, khanji tu vwa go ata fioti muthu mu zwela mukunda nu Pheve-Santu."3Pholo wa a hudile nji egi :" Mbotiga ya phila khi mwa zangudile?" A vutudile egi :" Mbotiga ya Yowani." 4Pholo egi :" Yowani wa botigile athu gu mbotiga ya gu balula mitshima. Mwene wa khalele mu leza athu ha gu haga mutshima gwa muthu yonu udi muza gu nyima dienji, muthu mwene Yesu."5Tangwa athu a vile ndaga yene, a zudile mbotiga mu jina dia yesu. 6Tangwa a hageye mago gwa pholo, Pheve-Santu ya bulumugile holo dia mitwe yawo hene a yandigile gu zwela mu ndinga jiko, nu gu zwela ndaga jinyi athu a lendele go gu bagisa.7 Mu gimvuga a khalele athu giteso gia kumi nu muyadi.8Pholo wa ngidile mu inzo ya isambu wa yandigile gu longa nu gikhesa mu ngonda jitatu. Wa khalele mu zwela nu bayuda mu phila egi a kwikile gu ndaga ya Gifumu gia Nzambi. 9Uvi athu ako a khalele mutwe ngolo nu gukonda gulemvuga, a khalele mu vweza isambu ya a kilisto gu twama dia athu, hene Pholo wa a bembele, wa zudile a kilisto ha gu a twala gwa leha. Ebuna wa yandigile gu longa ilumbu ikima mu inzo ya Tiranusi. 10Wa salele nganyi mvula jiyadi, hene athu akima a khalele mu jinga gu aziya, bayuda nu ba Greki akima a vile ndinga ya Nzambi.11Nzambi wa hatele gu sala ndaga jia guyituga mu njila ya mago a Pholo;12 hene athu a gimbefu a khalele mu beluga, enji Pheve jia bola jia khalele mu zoga, tangwa athu a khalele mu kwata milele nga itemba ya milele ya Pholo.13Uvi gwa khalele bayuda ako a khalele mu wenda mukunda nu gukaya pheve jia bola, a khalele mu salela jina dia Fumu Yesu ha gukaya pheve jia bola. A khalele mu leza athu a khalele nu pheve jia bola egi :" Nga gu leza ha gu zoga mu jina dia Yesu yonu udi mu longa Pholo." 14Athu a khalele mu sala ndaga yene a khalele ana-a-mala sambwadi a muthu mu moshi jina dienji Seva, yonu wa khalele fumu wa nganga-nzambi wa bayuda.15Pheve ya bola ya a vutudile egi ;" Eme ngu jiya Yesu nu Pholo; uvi Enwe mudi akwatshi ?"16 Pheve ya bola inyi ya khalele gwa muthu mwene ya kwatele bayuda, ya a betele mwa vula, hene a zogele mu phushi mu inzo yene a lengele gikhonga nu phuta mu mwila.17 Ndaga yene ya jiyiye gwa athu akima a bayuda nu ba greki wanyi a khalele mu jinga gu Efezo, enji woma wa a kwatele hene jina dia Yesu dia zangudile lukumu.18Mu katshi dia athu wanyi a kitugile a kwikidi a khalele muza mu funguna nu gu tshigina ndaga jiawo jia bola a khalele mu sala. 19Athu a vula wanyi a khalele mu sala gisalo gia wanga ejile mu bata mikanda yawo, ha gu iwokia ha tshiya gu meso a athu akima. Tangwa a tangele thalo ya mikanda yene, a monele egi ya khalele mu thalo ya mafunda a tano a ibende ya mbongo.20 Hene ndinga ya Fumu ya phanzanele nu ngolo ji kima.21Gu nyima dia tangwa, Pholo a manesele gisalo giene gu Efezo, wa zudile lukhanu ha gubalegela gu masedwane nu gu Akaya ha guya gu Yelusalemi, hene mwene a zwelele egi :" Gu nyima ya guya gunu, ngu fete mona nji dimbo dia Roma." 22Pholo wa tumile gu masedwane alongogi mu yadi Timote nu Eraste wanyi a khalele mu mu salesa. Uvi mwene ha khenji wa begele gu Aziya ga tangwa ga moshi.23Mu tangwa diene itumba ya koma ya zogele mu dimbo dia Efezo mukunda nu njila.24 Gwa khalele nu muthu mu moshi jina dienji Demetrusi, wa khalele mu londa ifwanisu ya ibende, wa khalele mu batela athu wanyi a khalele mu sala isalo ya mago, ha gu zula mbongo jia vula. 25Wa bungishile athu wanyi a khalele mu sala gisalo gia phila imoshi, ebuna wa a lezele egi :" Aphangi, mu khala mu jiya egi mu gisalo gigi tudi mu zula mbongo jia vula.26Uvi enwe mudi mu mona nu guvwa ishi go kaka gu Efezo phamba uvi idi nu gu Aziya phila Pholo yogu a kitula gimvuga gia athu ha gu a phusa a balule ngindu jiawo. Mwene udi mu a leza egi gushi go nu nzambi athu adi mu kita gu mago. 27Ndaga yene idi ya gigonsa mukunda ishi go athu mba adi mu vweza gisalo gietu, uvi mba adi mu vweza nu inzo ya isambu ya nzambi mukhetu wa koma Diane, gu nyima mwene mba udi mu totesa gukoma nu lukumu gwa athu akima a gu gijuinga gia gu Aziya, nu mu thotho ya mvimba a nu mu sambela.28Tangwa a vile ndaga yene, khabu jia a kwatele, hene a yandigile gu kabuga mu ndinga ya ngolo egi :" Wa koma eye Diane nzambi wa athu a gu Efezo." 29Dimbo di kima dia zalele nu makelele, enji athu akima a yile mu phushi ha mbaji ya khalele mu saleya saga. A kwatele Gayusi nu Aristake athu wanyi a khalele mu wenda nu Pholo wanyi a katugile gu Masedwane.30Pholo wa tshiginile gu ngila mu katshi dia athu, uvi alongogi a mu tunyishile. 31Ata athu ako wanyi a gu gijuinga gia Aziya wanyi a khalele mafuta a Pholo a mu tumile ndinga ha gula gungila ndo mu katshi dia gimvuga gia saga.32 Athu ako a khalele mu zwela gima gi moshi mu ndinga ya ngolo, ako nji mu zwela gima giko, mukunda gimvuga giene gia athu a khalele go mudi visa nu athu ako. Athu a vula a jiyile go gikuma gia gu vugana gwawo.33Hene bayuda a zolele Alexandre mu katshi dia gimvuga gia athu wanyi a vuganele ha gu mu haga gu twama dia athu. Alexandre wa salele gidimbu nu koko ha gu thendula ndaga yene gu twama dia athu.34 Uvi tangwa a jiyile egi udi muyuda a yandigile gu zwela mu ndinga ya ngolomu katshi dia gimvuga, mu giteso gia ma tangwa ayadi egi :" Wa koma gaye eye Diane nzambi wa athu a gu Efezo."35Ha suga galagi ga dimbo ga henesele gimvuga gia athu wanyi a vuganele wa zwelele egi :" Enwe athu a gu Efezo, nanyi mu katshi dienu ashi go mu jiya egi dimbo dia Efezo dia nu tala inzo ya isambu ya Diane wa koma nu itege ginyi ya katugile gosa ha gubwa haha ha mavu ? 36Ha gu mona egi ndaga jiji jishi jia gu hagela thembe go, mwa jiya gu bwisa mitshima nu gu yindula ha gusala konso gima. 37Mukunda enwe mwa twala athu wawa haha, a shi nzangi jia jinzo jia isambu go nga ndo adi mu vweza nzambi wetu wa mekhetu.38Hene gula Demetrusi nu athu wanyi a nu sala isalo ya mago adi nu ndaga ya gu funda muthu, bemba a funde, mukunda nu etwe tudi nu mafumu wanyi adi nu giyega gia gusambesa athu.39 Uvi gula mudi nu ndaga iko katula yiyi; mba a tu zengela n'ayo mu katshi dia gimvuga mu gilumbu gia nu batudiya ndaga.40 Gula nganyi, etwe tu keba mwa bonga, mukunda nu ndaga yiyi ya bwa, kana ndo mba tu fundiya egi :" Tudi mu sala mubulu nu gu phusa athu ha gu kolama, mukunda gushi go ata mavanga, enji mba tushi mu mona go phila ya guvutula ata gima ha gu leza egi tudi mu jiya gikuma gia guvugana gwa athu wawa adi mu haga makelele a vula ." 41Tangwa mwene a manesele ha guzwela nganyi, wa lezele gimvuga gia athu ha guya.Chapter 20
1Tangwa makelele a hwile, Pholo wa tumile athu ha gu tamega alongogi, ebuna mwene wa a hwile gikhesa. Gu nyima wa a hwile mbote ya suga ha gu a bemba aye gu Masedwane. 2Tangwa a khalele muya mu balega mu membo a khanda inyi wa khalele mu hwa a kilisto gikhesa, ebuna wa yile gu Grese. 3wa begele gwene ngonda jitatu; ha gungila mu masuwa ayegu provense ya Siriya, bayuda a waganele a gushiya Pholo, hene a zudile mabanza a guvutuga mu njila ya Masedwane.4Ha gu mu sumbiga gu Aziya, athu, a wendele n'enji ya khalele sopatere muna Pirusi muthu wa gu Bereya, Aristake muthu wa gi yadi mu katshi dia athu a gu Tesalonika wanyi a baludile mitshima, Gayusi muthu wa gu Derbe, Timoteyo, Tishike nu Trofine athu a gu Aziya.5 Athu wawa a yile gu twama ha gu mu kinga gu dimbo dia Trowasi. 6Gu nyima ya gilumbu gia khinji ya mapha a konda levire, ta ngidile mu masuwa gu dimbo dia filipe gu nyima dia ilumbu itano ta a sangele gu dimbo dia Trowasi. Ta salele hene ilumbu sambwadi.7Mu gilumbu gia thomo gia phoso, tangwa ta vuganele mukunda nu gudia mu gimvuga ha mesa a Fumu, Pholo wa yandigile gu leza athu a baludile mitshima egi mwene wa yindudile ha gu katuga mu gilumbu dia gu twama, hene a longele malongi ti nu mu midi ya phipha. 8Mwinda ya vula ya khalele gu sugu ya gosa gunu ta vuganele hama ha moshi.9Ha nela ya gisapha, mona yala mu moshi jina dienji Etike wadi tumbigile hene gu tulo twa vula. Mu phila Pholo a khalele mu longa tangwa dia vula, mona yala mwene wa khalele gu tulo wa bwile gosa gu etaze ya tatu wa tuphudiye wa fwa. 10Hene Pholo a bulumugile wadi sununile holo dienji , wa mu zudile ha mago. Wa zwelele egi :" Mudi yangisa go, udi nu monyo ."11Tangwa a kandugile gosa gu etaje, wa batudile mapha wa dile. Gu nyima ya gu zwela mwa vula ti nu mu gikhela-gikhela, wa katugile muya.12 A batele mona yala mwene nu monyo, ndaga yene ya katudile khenda gwa athu akima.13Etwe ta yile gu twama mu masuwa mukunda nu guya gu khanda ya dimbo dia Asosi, gunu twadi vishile ha guza mu zula Pholo, mukunda mwene ha khenji wa tshiginile ha guya gunu mu njila ya mu malu. 14Tangwa a tu sangele gu dimbo dia Asosi, ta mu zudile mu masuwa, hene ta yile gu dimbo dia Mitileni.15Gu nyima dia gilumbu gia hatele, ta katugile hene mu masuwa, hene ta yile mu kuma mu gilumbu gia hatele ha sambwa dia gitumbu gia muta wa kiyo. Mu gilumbu gia hatele ta zugile ta jile mu magana ha gitumbu gia samoni; mu gilumbu giko gia hatele ta kumile mu dimbo dia Mileti. Pholo wa zudile ngindu jia gu balega mu khulo ya dimbo dia Efezo, mukunda a tshiginile g16o gubalegesa tangwa dia vula gu provense ya gu Aziya, mukunda wa khalele muya phushi-phushi ha gukuma gu Yelusalemi mu gilumbu gia pantekote, gula phila ya khalele gwene.17Tangwa ta kumile mu dimbo dia Mileti, Pholo wa tumile athu ha guya mu tamega mambuta a dibundu dia Efezo. 18Tangwa a kumile gwa mwene, wa a lezele egi :" Enwe ha khenu, mudi mu jiya egi katuga gilumbu gia thomo ginyi nga tuludile malu ami mu dimbo dia Aziya, mu phila ya ikalulu yami nga khala n'ayo nga nu balegesa ga ndambu ga tangwa mu katshi dienu.19 Nga khalele mu salela Fumu nu gudi bulumwisa mutshima, nu masoji gu meso, nu phashi jia vula jinyi jia ndaga jia bola bayuda a khalele mu ngu kanina.20 Mu khala mu jiya egi nga nu mu mi swegela go ndaga jia funu. Nga khalele gu mi jiyisa nu gu mi longa sango jia bonga mu katshi dia dia athu akima nu guya inzo nu inzo.21 Mu jiya mwa bonga phila nga khalele mu longa bayuda nu ba greki mu ndaga ya gubalula mitshima gwa Nzambi, nu phila a feto haga mitshima gwa Fumu weto Yesu.22Lulu ngagi Pheve-Santu idi mu ngu leza ha guya gu Yelusalemi, ata ngu shi mu jiya ngada ya mbo ngu bwila gwene. 23Gudi nu ndaga imoshi idi mu ngu jiyisa Pheve-Santu egi, mu gilumbu gi kima phashi nu bologo jidi mu ngu nenga. 24Uvi eme ngu mu mona egi monyo wami ushi nu funu go, uvi eme nga tshigina guya kaka gu twama, mukunda nu gu manesa gisalo gia gu longa sango ya bonga mu phila nga gi zudile gwa Fumu Yesu, nu ha guta gimbangi gia sango ya bonga mu khenda jia Nzambi.25Lulu ngagi, nga jiya egi nga khalele mu katshi dienu mu longa athu sango jia Gifumu gia Nzambi, enwe mba mu monyi nji go meso ami.26 Hene ngudi gu mi leza magino egi, gula muthu mu moshi mu katshi dienu wa tota, ishi mu ngu talela go. 27Mukunda nga mi swegele go ata gima tangwa nga khalele gu mi longa ndaga yinyi idi mu talela luzolo lwa Nzambi.28Hene enwe mu keba enwe ha khenu, mu keba nu mameme wanyi Pheve-Santu a mi hwile ha gu tala, mu keba mwa bonga-bonga dibundu dinyi Nzambi a sumbile mu menga a munenji. 29Nga jiya egi ha gukatuga gwami, ibulu ya bala mba iza mu ngila mu katshi dienu, enji mba isalella go mameme ndaga jia khenda. 30Nga jiya egi ata mu katshi dienu, athu ako mba eza mu longa ndaga jia luvunu, mukunda nu gubemba athu gu khanda yawo.31Hene mudi keba. Mu jimbila go egi mu mvula jitatu jia mvimba, phipha nu mwanya, nga khalele gu mi longishila nu masoji gu meso.32 Lulu ngagi, nga mi bemba ha mago a Nzambi enji nga mi leza ha gu bambuga sango jia bonga nu khenda jienji jidi nu giyega gia gu mihwa gikhesa nu makapho mu katshi dia athu wanyi Nzambi a phonele.33Nga hagele go nzala ya mbongo nga ya wolo to ya millele ya muthu. 34Enwe mu jiya enwe ha khenu egi nga khalele mu kita gu mago ami ha khami ha gulungisa ima ikima nga khalele na n'ayo funu nu ya athu wanyi a khalele mu wenda n'eme.35 Gu ndaga jikima nga khalele gu mi leza egi mu feto haga ngolo ha gu salesa athu wanyi adi phete-phete, enji mu feto yindula ndaga jia zwelele Fumu Yesu mwene ha khenji egi : " Kiese gia vula gia nu khala ha gu hana, uvi kiese gia zonda ha gu zula."36Tangwa a zwelele nganyi, wa fugamele n'awo ha gusamba Nzambi.37 Khungi'awo akima a didile mwa vula nu gu bwila Pholo mu shingo ha gu mu hwa beze. 38A vile khenda jia vula mukunda nu ndaga yinyi a a lezele egi " mba mu monyi nji go meso ami. Hene a yile mu musumbiga ti nu gu masuwa.Chapter 21
1Tangwa tadi kaphele n'awo, ta ngidile mu masuwa, ta zudile mbala imoshi njila ha guya gu dimbo dia Kosi. Mu gilumbu gia hatele ta kumile mu dimbo dia Roda, katuga hene ta yile mu dimbo dia Patara. 2Tangwa ta monele masuwa a khalele muya gu khanda ya dimbo dia Fenisia, ta ngidile mu masuwa ene ha guya.3Tangwa ta kumile phene-phene nu gitumbu gia Shipre, ta balegele mu lwega gu khanda ya koko dia akhetu ha guya gu khanda ya gu Siriya. Tangwa ta kumile mu dimbo dia Tire, ta maganele ha dibungu, mukunda ha khalele ha dibungu dia gu zola ima mu masuwa.4 Gu nyima ya gu monana nu a alongogi, ta begele 'awo hene ilumbu sambwadi. Alongogi a lezele Pholo mu ngolo jia pheve ha gukonda guya gu Yelusalemi.5Tangwa ilumbu ya hwile mu dimbo diene, ta katugile mu dimbo diene, ta hatele njila yetu. Khungi'awo akima nu akaji'awo nu ana'wo a tu sumbigile ti nu songi ya dimbo. Gu nyima ta fugamele ha dibungu, ta lombele Nzambi, nu gu di hwa mbote ya suga.6 Etwe ta ngidile mu masuwa, ebuna ene a vutugile mu jinzo jiawo.7Tangwa ta manesele njietelo yetu gu khanda ya gu Tire, ta kumile mu dimbo dia Tolemiasi. Gunu ta hanele mbote gwa aphangi a dibundu, hene ta balegesele gilumbu gi moshi n'awo.8 Gilumbu gia hatele, ta katugile hene ha guya gu dimbo dia Sezareya. Gunu ta ngidile mu inzo ya Filipo yonu wa khalele longi wa sango ya bonga ; wa khalele mu moshi mu katshi dia athu sambwadi, hene ta begele n'enji. 9Muthu mwene wa khalele nu ana-a-akhetu mu wana, a khalele khanji a kwela go, enji a khalele mu bigula ndaga.10Ta balegesele hene ndambu ya ilumbu, profeta mu moshi jina dienji Agabusi, wa katugile gu dimbo dia Yudeya. 11We jile mu kuma hene, wa zudile mukaba wa Pholo, ebuna wadi gitshigile malu nu mago, wa zwelele egi :" Tala ndaga idi mu zwele pheve-Santu :" Idi mu phila yiyi ba yuda a gu Yelusalemi mba a jitshiga fumi'a mukaba wuwu, nu ha gu mu hana gu mago a aphagano."12Tangwa ta vile ndaga yene, etwe nu athu wanyi a khalele mu jinga hene ta bondile Pholo ha gu konda guya gu Yelusalemi.13 Ebuna Pholo wa vutudile egi :" Ikhi mudi mu kita, mukunda nu ikhi mudi mu dila nu gu monesa mutshima wami phashi? Jiyenu egi, ngudi ya gu yilama, ishi go mukunda ngu jitshigiye; uvi mukunda nu gufwa gu Yelusalemi mukunda nu jina dia Fumu Yesu." 14Ebuna ta monele egi Pholo wa tshiginile go gu tu vila, ta mu bembele nu thembe jienji hene ta zwelele egi :" Luzolo lwa Fumu lu salame."15Gu nyima ya ilumbu, ta zudile sagi jietu, ta kandugile gu Yelusalemi. 16A alongogi ako a gu Sezareya ejile n'etwe njila imoshi. Ejile nu muthu mu moshi mu jina dia Nazoni muthu wa gu Shipre, wa khalele longogi mu moshi mu kulu, a tu batele gu inzo yenji ha gu swama gwene.17Tangwa ta kumile gu Yelusalemi aphangi a tu yambele nu kiese.18 Mu gilumbu gia hatele, ta yile nu Pholo gu inzo ya Jake; ma mbuta akima a dibundu a khalele hene.19 Gu nyima ya gu a hwa mbote, wa yandigile gu a leza ndaga imoshi-imoshi yinyi Nzambi a salele mu katshi dia aphagano mu tangwa a khalele mu sala gisalo gia gu longa.20Tangwa a vile ndaga yene, a hanele lukumu gwa Nzambi, hene a mu lezele egi :"phangi udi mu mona, mafunda a athu nga gutshi mu katshi dia bayuda a kwikila. Adi visa ha gu talela kaka shigo. 21A vile egi wa nu longa bayuda wanyi akima a nu jinga ma katshi dia aphagano ha gu bemba gu hata shigo jia Moyize, nu gu a leza ha gukonda gumba ana'wo a mala gu mukanda, nu gukonda gu hata ikalulu ikulu.22Ikhi ta jiya gu kita ? Mba adi mu vwa egi, eye weji mu kuma haha.23 Hene, sala ndaga ikima yinyi ta mbo gu guleza. Haha tu di nu athu mu wana a salele lusilu gwa Nzambi. 24Zula athu ene, nda n'awo mudi wove, enji a futile mbongo mu phila egi adi kulule sugi jia gu mitwe. Nganyi athu akima mba a jiye egi ndaga jinyi a zwelele mukunda nu eye jia khalele jia mambo. Mba a jiye egi mu ikalulu yaye, wa nu hata shigo25Mukunda nu aphagano wanyi a kwikile, etwe ta a sonnegela nu gu a jiyisa ha gutuna gudia mbiji jinyi jia haneya makapho gwa tu nzambi twa itege, gu tuna gunwa menga; gu tuna gudia mbiji jia shiyiya konda gu batudiya muminyo nu gu tuna gu kita uthambi." 26Hene Pholo a zudile athu wanyi mu gilumbu gia hatele, wadi wovele n'awo, ebuna wa yile mu inzo ya isambu ha gu jiyisa sungi ya guhwa gwa ilumbu ya gudi wova nu gu funguna, ti nu gilumbu ginyi gia guhana makapho a muthu mukima.27Tangwa ilumbu inyi sambwadi ya khalele phene-phene ha guhwa, bayuda wanyi a gu aziya a monele Pholo mu inzo ya isambu, a phushile athu ha gu haga mavanga, hene a mu kwatele.28 A yandigile gu kabuga mu ndinga ya ngolo egi :" Enwe athu a gu Izrayele, tu salesenu !" Talenu muthu yogu wa nu longa athu akima ndaga jia gu tuna athu etu, nu gu tuna shigo jietu nu hama haha. Enji udi mu ngidisa ba greki mu inzo ya isambu nu gu bolesa hama-ha santu." 29Mukunda ha thomo a monele Trofine muthu wa gu Efezo wa khalele mu wenda n'enji mu katshi dia dimbo, hene a yandudile egi Pholo wa mu batele mu katshi dia inzo ya isambu.30Dimbo dikima dia kumile gisaga-saga athu a katugile khanda-nu-khanda mu phushi ha guza mu kwata Pholo. A mu nanele honze dia inzo ya isambu mu mbala imoshi a kangele mifulo.31Mu phila a khalele mu kamba phila ya gu mu shiya, sango jia kumile gwa fumu wa masuta egi, Yelusalemi idi mu katshi dia mavanga.32Hene a zudile masuta nu mafumu awo, ha gu bulumuga n'awo hama ha khalele athu. Tangwa athu a monele fumu wa masuta, nu masuta a bembele gubeta Pholo. 33Hene fumu wa masuta a phusanele phene-phene wa kwatele Pholo, enji wa hanele mukwala ha gu mu jitshiga nu shinga jiyadi jia ibende. Ebuna wa hudile kana udi nanyi, nu ha gu jiya ikhi a kitile.34Athu ako mu katshi dia gimvuga a yandigile gu kabuga mu ndinga ya ngolo ndaga iko, athu ako nji ndaga ya phila iko nji. Fumu wa masuta gwa monele go phila ya guzwela ata gima mukunda nu makelele, wa hanele mukwala ha gukwata Pholo nu gu mu bata mu bologo.35 Tangwa a kumile ha gikalo gia gukandugila, masuta a mu tuphudile mukunda nu mubulu wa batele athu a gimvuga.36 Hene gimvuga gia athu gia khalele mu a hata nu gu kabuga mu ndinga ya ngolo egi :" Mu shiye!"37Tangwa a tshiginile gu ngidisa Pholo mu inzo ya masuta, mwene wa lezele fumu wa masuta egi :" Keti wa jiya gu ngu hwa njila, ngu zwele ndaga imoshi ?" Fumu wa masuta wa zwelele egi :" Keti wa nu zwela ki greki ?" 38Keti ushi go Muthu wa gu Egipito yonu wa phushile athu ha gulwa ita, nu gu twala mafunda-a-wana a athu a mubulu mu katshi dia temu dia zala fufuta ?"39Pholo wa vutudile egi :" Eme nga muyuda wa gi dimbo dia Tarse gu Sisilia. Muthu wa gu dimbo dia funu. Nga gu bondila ha gu ngu hwa njila ngu zwele gwa athu wawa." 40Tangwa fumu wa masuta a mu hwile nswa, Pholo wa maganele ha gikalo, wa kitile athu gidimbu gi moshi gu koko. Tangwa athu a henele tedie, wa a lezele mu ndinga ya gi ebelo. Wa zwelele egi :Chapter 22
1"Aphangi a mala nu a tata, vwenu phila ngu samba gu twama dienu." 2Tangwa gimvuga gia athu a vile Pholo muzwela mu ndinga ya gi ebelo, a henele tedie. Wa zwelele egi :3" Eme nga muyuda, nga butuga gu Tarse gu Silisia, nga longugile mu dimbo didi, gwa Gamaliele.4 Nga longeye ha gu jitisa mwa bonga bonga shigo jia a shetu. Nga nu di hana gu gisalo gia Nzambi mu phila enwe mudi magino. Nga monesele njila yiyi phashi a gu ishiya; nga khalele mu jitshiga mala nu akhetu shinga, nu gu a ngidisa mu bologo.5 Fumu wa nganga-Nzambi nu mambuta a dibundu a jiya guta gimbangi gia ndaga jiji egi nga zudile mikanda ya katugile gwa ene mukunda nu aphangi a gu Damasi. Eme ha guya gwene, ya lombele ngu bate gu Yelusalemi wanyi akima a khalele mu hata njila yiyi a gu jitshiga shinga mu phila egi a zule ndola.6Tangwa nga khalele mu njila ha guya ngu kume phene-phene nu Damasi, mu mbala imoshi, ha gu kuma mu midi, semo ya bala ya manya ya katugile gosa ya ngu jietele.7 Nga bwile hoshi mu mavu, nga vile ndinga ya ngu lezele egi :" Saulu, Saulu, mukunda ni ikhi udi mu ngu hwa phashi?" 8Nga vutudile egi :" Eye nanyi Fumu ?" Wa ngu lezele egi :" Eme Yesu, muthu wa gu Nazareti tonu udi mu monesa phashi."9Athu wanyi a ngu hatele a monele semo yene, uvi a vile go ndinga ya muthu yonu wa khalele mu ngu zwelela.10 Nga hudile egi : "Fumu ngu kita ikhi?" Fumu wa ngu lezele egi :" Zuga, ginda gu Damasi; gunu adi mu gu leza ndaga ikima inyi wa feto kita." 11Nga monele go nu phila ya gu tala mukunda nu semo ya mwanya; hene nga twaleye gu Damasi gwa athu wanyi nga khalele n'awo.12Gunu nga sangele muthu mu moshi jina dienji Ananiasi, muthu wa khalele mu banga Nzambi nu gu hatela shigo, enji ba yuda wanyi a khalele mu jinga hene a khalele mu mu hanele gimbangi gia bonga. 13We jile mu ngu sanga, wa maganele mu khulo yami, wa zwelele egi :"Phangi'ami Saulu, kangula meso u tale ." Kaka mu tangwa diene, meso a kangugile nga mu monele.14Wa zwelele egi :" Nzambi wa a khakha jietu wa gu phonele mukunda u jiye luzololwenji, u mone muthu wa masonga, enji mukunda nu guvwa ndinga ya katuga mu kano dienji. 15Mukunda mba u khale wa themwe dienji gwa athu, ha gu a jiyisa ndaga jinyi wa monele nu jinyi wa vile. 16Hene lulu ngagi ikhi udi mu nenga ? Zuga, zula mbotiga, wova masumu aye nu gu tamega jina dienji."17Tangwa nga vutugile gu Yelusalemi, nga khalele mu samba mu inzo ya isambu, nga monele gimona meso. 18 Nga mu monele u mu ngu leza egi :" sasuga ha gu katuga phushi-phushi gu Yelusalemi mukunda mba a tshigina go gimbangi mba uta mukunda nu Eme."19Nga zwelele egi :" Fumu adi mu jiya ene hakhawo egi nga kwatesele mu mba mu bologo nu gu betesa athu wanyi akima a khalele mu gu kwikila mu jinzo jia isambu. 20Mu tangwa menga a Etiene longi waye a phanzanele, nga khalele hene, enji nga tshiginile ndaga yene, eme nga khalele mu langidila milele ya athu wanyi a mu shiyile." 21Uvi mwene wa ngu lezele egi :" Ginda mukunda ngu mu gu tuyma ha guya gwa leha, gwa aphagano."22Athu a mu hwile nswa ya gu zwela ti nu ha suga. Hene a kabugile mu ndinga ya ngolo nu gu zwela egi :" Katulenu muthu wa ngagi ha mavu, mukunda gwa kuyilego ha gu jinga." 23Mu phila a khalele mu haga makelele, mu bishila milele yawo, nu gu tuphula fufuta mu muphephe,24 Fumu wa masuta wa hanele mukwala ha gu ngidisa Pholo mu inzo ya masuta. Enji wa hanele mukwala uko ha gu mu beta fimbu, mu phila egi a zwele gikuma gia ndaga athu adi mu hagela makelele a phila yinyi mukunda nu mwene.25Tangwa a mu jitshigile shinga mukunda nu gu mu beta fimbu, Pholo wa hudile fumu wa masuta yonu wa khalele hene egi :" Keti idi mu mi hwa nswa ya gu beta mwenya gu Roma fimbu konda gu mu sambesa? " 26Tangwa fumu wa masuta a vile nganyi, wa yile mu jiyisa gumanda wa masuta ndaga yene egi :" ikhi udi nu funu wa gu kita ? mukunda muthu mwene udi mwenya gu Roma."27Hene Gumanda wa masuta a phusanele phene-phene n'enji wa mu hudile egi :" Ngu leze wa mwenya gu Roma?" Pholo wa vutudileegi :"Eya." 28Fumu wa fumu wa masuta wa zwelele egi : " Nga futile mbongo jia vula ha guzula nswa ya gu khala mwenya gu Roma." Uvi Pholo wa mu lezele egi :" Eme, nga butugile mwenya gu roma." 29Hene athu wanyi a tshiginile gu mu hula mwiehu, a katugile mu mbala imoshi. Fumu wa masuta wa vile woma wa vula tangwa a vile egi Pholo udi mwenya gu roma, mukunda wa mu jitshigishile shinga.30Mu gilumbu gia hatele, fumu wa masuta wa tshiginile gu jiya mu kielega kielega ndaga bayuda a khalele mu fundila Pholo. Hene mwene a mu jitudile shinga enji wa hanele mukwala gwa mafumu a nganga-nzambi nu wanyi a gimvuga gia koma ha gudi bungisa. Ebuna wa bulumugishile Pholo ha gu mu haga mu katshi diawo.Chapter 23
1Pholo wa nongele sha meso gwa athu a dingumba wa zwelele egi: " Aphangiami, nga jingile gu twama dia Nzambi nu ngindu jia bonga ti nu magino." 2Fumu wa nganga nzambi wa mbuta Ananiasi wa hanele mukwala gwa athu wanyi a maganele phene-phene n'enji ha gu mu beta gu kano.3 Hene pholo a mu lezele egi: " Nzambi mba udi mu gu beta gu gibagi gia kungudiya mukubu wa phelegeta. Eye udi hoshi mukunda nu gu ngu sambesa mu phila ya shigo idi mu zwela enji idi mu tangwa dinyi udi mu shiya shigo ha gu hana mukwala wa gu ngu betesa?"4Wanyi a khalele hene phene-phene n'enji a zwelele egi: " Eye udi mu shingana nganga-nzambi wa koma wa Nzambi?" 5Pholo wa zwelele egi: " Nga jiyile go Phangi egi, udi nganga-nzambi wa koma, mukunda a sonegele egi : " wa jiyile go gu zwele ndaga ya bola mukunda nu fumu wa athu aye."6Tangwa Pholo a jiyile egi mu katshi dia gimvuga gwa khalele nu ba saduse gu khanda iko nu ba falisaye, mwene wa zwelele mu ndinga ya ngolo gwa athu a gimvuga egi: " A phangi'ami, nga mu falisaye, mona wa mu falisaye. Idi mukunda nu givuvu nu gutshigina gu zuga gu lufwa gwa athu afwa hene ngudi mu sambeseya." 7Tangwa a zwelele nganyi, giphapha gia vula gia zogele mu katshi dia ba falisaye nu ba saduse hene gimvuga gia athu gia mwanganele. 8Mukunda ba saduse a nu zwela egi guzuga gu lufwa gwa nu khala go, nga ma wanjio nu ji pheve ndo, uvi ba falisaye a nu tshigina egi ima inyi ikima ya nu khala gwene.9Hene lungu lwa vula lwa zogele mu katshi diawo gu khanda ya tulagi mu gimvuga gia ba falisaye gwa zogele giphapha gia vula a khalele mu zwela egi: " Twa monele getu go gima gia bola gwa muthu yogu. Nanyi udi mu jiya gula pheve nga wanjio mu moshi wa mu leji gima?" 10Tangwa giphapha gia kola gia zugile, fumu wa masuta wa vile woma egi Pholo wa jile gu batudiya gitshidi-gitshidi gwa athu, hene a hanele mukwala gwa masuta ha gu bulumuga mukunda nu gu mu katula mu gingolo-ngolo mu katshi dia athu a gimvuga, ha gu mu bata monzia masuta.11Mu phipha ya guhata fumu wa maganele phene-phene n'enji wa mu lezele egi: " Uvi go woma, mukunda mu phila wa hanele githemwe mukunda nu eme gu Yelusalemi phila yene imoshi nji wa mbo ta gu Roma."12Ha kiele guma, bayuda ako a tele fondo nu gudia tushilu. A zwelele egi a jiyile go gudia nga gunwa gula ene khanji a shiya go Pholo. 13Wanyi a khalele ha giphungi gu fondo a khalele mu mutango wa gu balega athu makumi a wana.14A yile mu mona fumu wa nganga-nzambi nu mambuta ha gu zwela egi: " Etwe twadi hagi goshia gushinzama ha gu konda gudia ata gima gi moshi ti nu tangwa ta mbo shiya Pholo.15 Lwenyelu, gimvuga gia ma nzuji gi leze fumu wa masuta ha gu tu batela n'enji haha ha gu monesa egi mudi mu tshigina ha gu tala ndaga yenji mwa bonga bonga. Nganyi etwe tudi londe ha gu mu shiya gu twama mwene a kume haha."16Uvi muna phangia Pholo wa vile egi a khalele mu haga muheto, wa yile mu ngila mu inzo ya masuta ha gu fetegesa Pholo. 17Pholo wa tamegele fumu mu moshi wa masuta wa mu lezele egi: " Twameza mona yala yogu gwa fumu wa masuta, mukunda udi nu gima gi moshi ha gu mu leza."18Fumu wa masuta wa zudile mona yala mwene wa mu batele gu twama dia fumu muko wa masuta wa mu lezele egi: " Pholo yonu mwenya bologo wa tumi athu ha gu ngu tamega wa lombi egi ngu twameze mona yala yogu gu twama diaye. Mukunda udi nu gima gia gu guleza." 19Fumu wa fumia masuta wa kwatele mona yala mwene mu koko, wa yile n'enji mu gingenga wa mu hudile egi: " Ikhi wa tshigina gu ngu leza ?"20Mona yala wa vutudile egi: " Bayuda adi visa ha gu gulomba ubate Pholo ha mene gu twama dia gimvuga gia ma nzuji ha gu monesa egi adi nu funu ya gutala ndaga yenji mwa bonga-bonga.21 Uvi eye u tshigina go, mukunda gudi nu giteso gia athu makumi a wana a mu tela muheto. Athu ene adi tushilu ha gudi shinza ene hakhawo, a batula ha gutuna gudia gima nu gu konda gunwa ti nu tangwa a mbo mu shiya. Lulu ngagi, adi a gudi londa a mu gu nengela kaka eye."22Fumu wa fumia masuta wa bembele mona yala mwene gu nyima ya gu mu leza egi: " Guleza ndo ata muthu ndaga yiyi wa ngu leza." 23Gu nyima wa tamegele masuta muyadi wa a lezele egi: " Kambenu masuta khama jiyadi ha guya gu sezareya, nu ako makumi a sambwadi wanyi a nu wenda holo dia phunda, nu ako khama jiyadi wanyi a nu lwa nu mifula. Mwa mbo ya mu tangwa dia tatu mu phipha."24 Wa hanele mukwala ha gukamba phunda mukunda Pholo a mbo ngila holo diayo eze a vutudiye wa konda gima gia bola mu mwila gu twama dia Guvernere Felix.25Wa sonegele mukanda umoshi egi:26 " Eme Klode Liziasi ngu mu sonegela eye mwatha fumu wa koma Guvernere Felix, wa banda! 27Muthu yogu wa kwateye gwa ba yuda a tshiginile gu mu shiya uvi tangwa nge jile nu masuta ha gu mu hwa monyo, nga vile egi udi mwenya gu Roma.28Nga tshiginile gujiya mukunda nu ikhi mwene a fundiye, gu nyima nga mu batele gu twama dia gimvuga giawo.29 Nga jiyile egi wa fundiye mukunda nu ndaga ya khalele mu talela shigo yawo, uvi gwa khalele go nu ndaga imoshi a mu fundile ya khalele mu lomba lufwa nga ndo gu mu mba mu bologo.30 Uvi ha gujiya egi a tele fondo ha gu mu kita gima gia bola, nga gu tumile n'enji mu mbala imoshi nu gu lomba gwa athu wanyi a mu fundile ha guza mu zwela ndaga adi gu mu fundila gu meso aye. Mu bega mwa bonga !31Masuta a lemvugile gu shigo a hwiye : a batele Pholo ha gu mu twala mu phipha gwa Antipatrisi.32 Mu gilumbu gia hatele, masuta wanyi a nu wenda holo dia phunda ayile nenji, gu nyima ene hakhawo a vutugile mu jinzo jiawo. 33Tangwa masuta wanyi a nu wenda holo dia phunda a kumile gu sezareya, a hanele mukanda gwa guvernere, enji a hanele Pholo gu mago enji.34Tangwa Guvernere a tangele mukanda, wa hudile ha gu jiya gishina gia dimbo gia Pholo. Tangwa a jiyile egi udi mwenya gu Silisia,35 wa zwelele egi : " Mba ngudi gu mu vwa mwa bonga tangwa athu wanyi a gu fundi a mbo za mu zoga haha." Hene a hanele mukwala ha gu mu haga mu inzo ya Erode.Chapter 24
1Gu nyima dia ilumbu itano, fumu wa ma nganga nzambi nu mambuta ako nu ngambi mu moshi jina dienji Tertulusi a yile gwene. Athu wawa a fundile Pholo gwa Guvernere. 2Tangwa Pholo a maganele gu twama dia Guvernere, Tertulusi wa yandigile gu mu funda gwa Guvernere egi: " Mukunda n'eye hene tudi mu ngemba ya vula ngangu jiaye jidi mu bata ndaga jia bonga mu mavu etu. 3Tangwa dikima nu mu ikanda ikima tudi mu gu vutudila matondo mukunda nu ima ikima ya bonga udi mu kita, eye fumu Felix.4Hene ha gu tuna gu gu zula tangwa dia vula, nga tshigina u ngu vwe mwa bonga. 5Ta sangele muthu yogu udi muthu wa gi phupha mu phusa bayuda ha gu kolama nu gu twala athu ha gu bata mubulu. Udi fumu wa ga gimvuga ga moshi ga athu a gu Nazareti. 6Wa megele nji ha gu sebulula inzo yetu ya isambu hene ta mu kwatele.7Uvi Lisiasi, fumu wa masuta weji mu zoga, wa katula Pholo ha mago etu nu gingolo-ngolo hene a mu zangula.8 Tangwa wa mbo mu sambesa mukunda nu ndaga jiene, n'eye nji mba udi mu jiya gikuma ta mu fundila." 9Bayuda akima a fundile Pholo phila imoshi a zwelele egi ndaga jikima jidi jia masonga.10Tangwa Guvernere a kitile gidimbu gwa Pholo ha gu mu leza a zwele, Pholo wa vutudile mvutu egi : " Nga vile egi udi wa nzuji wa mavu wawa akima mvula jia vula, enji ngudi nu kiese gia vula ha gu gu tela eme hakhami.11 Wa jiya gu hudisa u jiye egi gwa balega ilumbu kumi nu iyadi katuga nga yile gu Yelusalemi mukunda nu gu samba.12 Tangwa a ngu sangele mu katshi dia inzo ya isambu, nga khalele go mu haga giphapha nu muthu enji nga phushile go athu ha gu zola mubulu; mu inzo ya isambu, nga mu katshi dia dimbo.13 Ene a jiyile go gu monesa gu twama diaye ndaga adi mu ngu fundila mu tangwa didi.15Uvi nga tshigina ndaga yiyi gu twama diaye egi nga khalele mu salela Nzambi wa khakha jietu mu njila yiyi ene adi mu tamega magino egi isambu ya ga dibundu. 14Ngudi kaka nu gu tshigina gu ndaga inyi ikima idi mu talela shigo nu inyi ya sonegeye gu mikanda ya ba profeta. Ngudi nu gutshigina gwa giteso gi moshi gwa Nzambi yonu athu wawa adi mu nenga, ha gufutumuga gwa athu wanyi a lukwikilu nu wanyi a konda lukwikilu ; nu gwa wanyi a masonga nu wanyi a konda masonga.16 Mukunda nu nganyi nga nu kita mu phila ikima mukunda ngu khale nu gukumbulula gwa bonga gu twama dia Nzambi nu gu twama dia athu mu ndaga jikima.17Gu nyima ya mvula jia vula, nge za mu bata lusadisu gu gikanda giami nu falanga jia gu hana makapho.18 Tangwa nga kitile nganyi, bayuda ako a gu Aziya a ngu sangele mu katshi dia inzo ya isambu ngudi mudi wova , ya khalele go nu gimvuga dia athu nga ndo mu katshi dia mavanga.19 Athu wawa adi neya gu leza lulu ngagi gu twama diaye ndaga adi nayo mukunda nu eme, gula adi nayo.20Gula nji nganyi athu wawa adi neya gu zwela ndaga inyi a monele ya bola nga khalele mu zwela tangwa nga khalele mu samba gu twama dia ma nzuji. 21Katulenu gima gi moshi kaka nga zwelele mu ndinga ya ngolo tangwa nga khalele mu katshi diawo egi: " Idi mukunda nu gu futumuga gwa athu gu lufwa mudi mu ngu sambesa."22Felix wa khalele wa jiya ndaga ya njila yene mwa bonga. hene, a tshiginile gu sambesa bayuda. Wa zwelele egi : " Tangwa Liziasi fumia masuta mba eza mu vutuga gu Yelusalemi, hene mba ngu sambesa ndaga yaye." 23Gu nyima wa hanele swa gwa suta ha gu vutula Pholo mu bologo enji ha gu mu hwa ga ndambu ga diphanda nu gu hana njila gwa ma futa enji ha guza mu mu batela ata gima to guza mu mu tala .24Gu nyima dia ilumbu, Felix we jile nu mukajenji Drusiye, wa khalele muyuda, wa tamegele Pholo ha gu mu vwa mukunda nu ndaga ya lukwikilu gwa Yesu Kilisto.25 Uvi mu phila Pholo a yandigile gu zwelesa nenji mu ndaga ya gu nunga, nu gudi yala, nu gu sambesa gunu gudi muza, Felix wa vile woma hene a zwelele egi : " Katuga wa jiya guya gaye : uvi tangwa mba ngu mona egi ngudi nu funu yaye mba ngudi mu gu tamega."26Kaka mu tangwa diene dinyi, wa yindudile egi Pholo wajiya gu mu hwa mbongo: mukunda nu nganyi wa khalele mu mu tamega mbala nu mbala ha gu solula nenji .27Gu nyima dia mvula jiyadi, Porkuisi Festusi wa kutugile Guvernere ha gu yinga Felix. Uvi Felix ha gutshigina gu hwa bayuda kiese, wa bembele Pholo mu bologo.Chapter 25
1Tangwa Festusi a kumile mu gitshidi gia mavu enji gwa balegele ilumbu itatu, wa katugile gu Sezareya ha guya gu Yelusalemi.2 Mafumu a nganga-nzambi nu manene a mu dimbo a bayuda ejile mu funda Pholo gu twama dia Festusi nu gu mu shishigisa mwa vula.3 A khalele mu lomba gwa Festusi gima gi moshi gia funu mukunda nu Pholo, ha guza mu mu vutula gu Yelusalemi mukunda nu gu mu shiya mu njila.4Uvi Festusi wa a vutudile mvutu egi pholo udi mu bologo gu Sezareya enji mwene ha khenji udi mu vutuga gwene. 5Mwene wa zwelele egi: " Bembenu athu enu wanyi adi nu giyega ha gu bulumuga n'eme . Gula gudi nu gima gi moshi gia bola gidi mu talela muthu mwene eze a mu funde."6Gu nyima ya gu balegesa ilumbu inana to kumi mu katshi diawo,mwene wa vutugile gu Sezareya. Mu gilumbu gia hatele wa yile mu inzo ya nu sambeseya athu wa tumile athu ha guya mu zula Pholo. 7Tangwa a kumile, bayuda a gu Yelusalemi a mu jetele, a yandigile gu mu funda mu ndaga jia mambo jinyi ene a khalele go nu phila ya gu leza egi idi ya kielega.8 Pholo ha gu samba wa zwelele egi: " Nga kitile go ata gima gi moshi gia bola gu ndaga idi mu talela shigo ya bayuda to gu gima gidi mu talela inzo ya isambu to gima gidi mu talela Sezar."9Uvi Festusi ha gutshigina gu hwa bayuda kiese, wa hudile Pholo egi : " keti wa tshigina guya gu Yelusalemi ngu gu sambese gwene mukunda nu ndaga jiji jikima?" 10Pholo wa vutudile egi: " Haha ngudi nga magana gu twama dia gisambeselo gia Sezar, hama ngu feto samba. Nga kitile go ata gima gi moshi gia bola gwa bayuda, mu phila udi mu jiya mwa bonga.11Gula nga kiti gima gia bola enji gula nga kiti gima gi mu lomba lufwa, nga tunyile go ha gufwa. Uvi gula ndaga adi mu ngu fundila jidi jia mambo, gushi go nu muthu wa jiya gu ngu hana gu mmago awo ha gu ngu shiya. Eme nga tshigina Sezar a ngu sambese. 12Hene Festusi gu nyima ya gudi visa nu athu a gimvuga wanyi a khalele mu mu hwa gutema wa zwelele egi: " Gula wa tshigina ha guya mu samba gu twama dia Sezar, ngu mu gu tuma gwa Sezar."13Gu nyima dia ilumbu gabiyo, fumu Agrippa nu Berenise a kumile gu Sezareya ejile mu tala Festusi.14 Gu nyima ya gu balegesa ilumbu ya vula, Festusi wa tele ndaga ya Pholo gwa fumu. wa zwelele egi: " Muthu mu moshi udi haha wa bembeye gwa Felix mu bologo.15 Tangwa nga khalele gu Yelusalemi, mafumu a nganga nzambi nu mambuta a dibundu a bayuda ejile mu funda muthu mwene nu gu lomba egi a kwateye.16 Uvi eme nga vutudile egi mu gikalulu gia enya gu Roma muthu gwa jiyile go gu kwateya mu kiese ha gu mu hana gu mago a athu wanyi a mu fundi, uvi muthu yuno wa fundiya u feto magana gu twama dia wanyi a mu fundi ha gu samba mu ndaga a fundiya."17Hene tangwa a kumi haha khungiawo akima nga maganele go ha guza; uvi mu gilumbu gia hatele nga yile mu inzo ya nu sambeseya athu hene nga hanele swa eze a bate muthu mwene.18 Tangwa athu wanyi a mu fundile ejile mu monega a mu funda, nga monele go ata ndaga imoshi ya bola ene a mu fundile. 19Kaka a khalele mu haga ga ndambu ga thembe mu ndaga ya isambu yawo nu ndaga ya khalele mu talela Yesu yonu wa file, yonu Pholo adi mu jiyisa egi udi nu monyo. 20Nga bwile gisaga-saga ha gu konda gu mona phila ya gu,manesa ndaga yene, nga mu hudile gula wa tshiginile ha guya gu Yelusalemi a sambeseye mukunda nu ndaga jiene.21Uvi tangwa Pholo a lombele ha gu bega genji mu bologo, ha gu nenga khanu ya suga ya fumu wa koma, nga hanele swa gwa masuta egi a mu tale mwa bonga ti nu tangwa dinyi mba ngu mu tuma gwa Sezar." 22Agrippa wa lezele Festusi egi : " Nga tshigina n'eme ngu vwe muthu mwene." Festusi wa mu vutudile egi: " Hamene, mba udi gu mu vwa."23Mu gilumbu gia hatele, Agrippa nu Berenise ejile nu lukumu; a ngidile mu inzo nu mafumu a masuta nu manene a mu dimbo. Mu swa ya Festusi, Pholo wa bateye hene. 24Festusi wa zwelele egi: " Fumu Agrippa nu enwe akima mudi haha mu katshi dietu, mudi mu mona muthu yogu; bayuda akima a ngu monele mu giswegi gu Yelusalemi enji haha a khalele mu lomba mu ndinga ya ngolo egi a shiyiye.25Uvi nga monele egi gwa kitile go ata gima gi moshi gia bola ginyi gia lombele egi a shiyiye; uvi mukunda mwene ha gu mona egi wa lombele ha guya gu twama dia fumu wa koma, nga tshiginile gu mu mi tumila nenji. 26Nga monele go gima gia gu sonegela fumu wa koma. Hene nga mu bata gu twama diaye eye fumu Agrippa, mukunda nu gu jiya gima gia gu sonega gu ndaga yiyi. 27Mukunda ngu mu mona egi idi ya bola ha gu tuma muthu wa bologo konda gu jiyisa ndaga mwene a fundiya."Chapter 26
1Agrippa wa lezele Pholo egi: " Wa jiya gu zwela ndaga yaye." Pholo wa tuphudile koko gosa wa yandigile gu samba egi:2 " Nga mona kiese gia vula, fumu Agrippa ha gu samba ndaga yami magino gu twama diaye mu ndaga ya ngu fundi bayuda;3 eye udi wa muthu wa tema mu ndaga idi mu talela shigo ya bayuda. Hene nga gu lomba u hage matshi ha gu ngu vwa mwa bonga.4Bayuda akima a mu jiya mwa bonga phila nga kula katuga gilenge giami mu katshi dia dimbo dietu nu gu Yelusalemi.5 A ngu jiyile mwa bonga katuga mwa leha enji adi nu ya gu tshigina egi nga jingile ole mu falisaye mu moshi yonu udi nu shigo jia ngolo jia gu balega shigo jia ga gimvuga gawo ga isambu.6Lulu ngagi nga magana haha gu twama diaye ha gu sambeseya mukunda nga nu haga mutshima gu laji dinyi Nzambi a hagele gwa a shetu. Mukunda nu laji didi ikanda ikima kumi nu iyadi a hagele mutshima gwa Nzambi egi mba udi mu lungisa lwenji hene a nu di hana ha gu mu hwa lukumu phipha nu mwanya.7 Idi mukunda nga nu haga mutshima gu ndaga yene, fumu Agrippa ba yuda adi mu ngu fundila.8 Hene mukunda nu ikhi ata muthu mu moshi mu katshi dienu gwa jiyile go kwikila egi Nzambi wa nu zugisa athu gu lufwa?9Mu tangwa di moshi nga yindudile eme ha khami ha gu kita ndaga jia vula ha gu lwisa jina dia Yesu wa gu Nazaleti. 10Nga kitile ndaga jiene gu Yelusalemi. Nga ngidishile akwikidi a vula mu bologo, mu giyega nga hwiye gwa fumu wa nganga nzambi, enji tangwa a lombele ha gu a shiya, nga tshiginile ndaga yene. 11Nga a hwile ndola mbala ya vula mu katshi dia jinzo jia isambu enji nga phagele ha gu leza a tune gu kwikila. Nga khalele mu a vila khabu jia vula enji nga a monesele phashi jia vula mu katshi dia membo a ginzenza.12Tangwa nga khalele mu kita nganyi nga khalele muya gu dimbo dia Damas nu giyega gia nganga nzambi;13 enji mu njila mu tangwa dia midi, fumu, nga monele thondolo gieji gieji gia katugile gosa gia khalele gia bala gia gu balega tangwa gia ngu jetele nu athu ta khalele nawo. 14Tangwa ta bwile mu mavu, nga vile ndinga ya khalele mu ngu leza mu ndinga ya gi ebelo egi: " Saulu, Saulu, mukunda nu ikhi udi mu ngu hwa phashi. Idi phashi ha gu di bula sakuba gu mutshi wa hageya gitshi."15Eme nga hudile egi: " Eye nanyi Fumu? Fumu wa vutudile egi: " Eme Yesu udi mu hwa phashi.16 Lulu ngagi zuga, magana mukunda gishina nga monega gu twama diaye, idi mukunda u khale muthu wa gisalo nu gu khala wa temu dia ndaga jikima udi mu jiya magino mukunda nu eme enji nu ndaga jinyi mba ngu gu leza gu twama; 17mba ngudi gu gulusa mu katshi dia athu wawa nu gwa aphanyi wanyi ngu mu gu tuma, 18mukunda nu gu a kangula meso nu gu a katula mu phipha ha gu a twameza gu mwanya enji mukunda nu gu a katula gu ngolo jia satana ha gu a bata gwa Nzambi, mukunda a zule gwa Nzambi ndolula ya masumu nu gu zula makapho mba ngu hwa wanyi nga phonele ha gu khala athu ami mukunda nu lukwikilua a hagele gwa eme."19Hene, mwatha Agrippa, nga tunyile go gu lemvuga gu gimona meso gia gosa; 20uvi, gwa athu wanyi a gu Damas ha thomo nu wanyi a gu Yelusalemi, enji nu gwa wanyi a gu khanda ya Yudeya nu gwa aphanyi, nga longele athu ha gu balula mitshima nu ha gu vutuga gwa Nzambi, mu katshi dia gu kita isalo ya bonga idi mu ,monesa egi a baludile mitshima.21 Idi mukunda nu gikuma giene bayuda a ngu kwatele mu katshi dia inzo ya isambu enji a tshiginile gu ngu shiya.22Nzambi wa ngu salesele ti nu magino, hene ngudi nga magana ha gu ta gimbangi gigi gwa athu a konda funu nu gwa athu a funu mu ndaga idi mu talela kaka ndaga inyi ba profeta nu Moyize a zwelele egi mba idi mu salama; 23egi Kilisto mba udi mu mona phashi, enji mukunda mwene a khale muthu wa thomo wa gufutumuga mu katshi dia athu afwa nu guya mu longa mwanya gwa ikanda ya bayuda nu gwa aphagano."24Mu phila Pholo a khalele mu ta ndaga yene tangwa a khalele mu samba, Festusi wa zwelele mu ndinga ya ngolo egi: " Pholo udi wa mwenya malwi; gu longuga gwaye gwa vula gwa gu bwisa mwenya malwi." 25Uvi Pholo wa zwelele egi : " Ngu shi nga mwenya malwi go, fumu Festusi uvi nga zwela nu gikhesa ndaga jia kielega nu mabanza a bonga. 26Mukunda fumu udi mu jiya egi ndaga jiji ngudi mu zwela gu twama dienji jidi jia kielega, mukunda ngu mu jiya egi gushi go nu ndaga mwene a shi go mu jiya; mukunda ata gima gia salamele go mu giswegi.27Udi mu kwikila gwa ba profeta, fumu Agrippa? Ngu mu jiya egi udi mu kwikila." 28Agrippa wa lezele Pholo egi: " Wa tshigina gu ngu longa mu tangwa gabiyo ngu kituge mu kilisto?" 29Pholo wa zwelele egi: " Ngu mu samba Nzambi egi mu tangwa gabiyo nga dia leha, ishi go eye phamba, uvi wanyi akima adi mu ngu vwa magino, a khale ole eme, gwa konda shinga jiji jia bologo.30Gu nyima fumu wa zugile, guvernere nu Berenise nu athu wanyi akima a khalele nawo hoshi a zugile; 31tangwa a zogele mu katshi dia inzo, a khalele mudi zwelela ene nu ene egi : " Muthu yogu gwa kitile go ata gima gi moshi gia bola gidi mu lomba egi mwene a shiyiye nga gu mbiya mu bologo." 32Agrippa wa lezele Festusi egi : " Muthu yogu ta jiya gu mu bemba gula nga gwa lombele go ha gu samba gu twama dia Sezar."Chapter 27
1Tangwa a zudile lukhanu ha gu ngila mu masuwa ha guya gu Italia, Pholo wa haneye nu athu ako a bologo gwa fumu wa masuta mu moshi wa gimvuga gia Angushi, jina dienji Yulwusi.2 Ta ngidile mu masuwa a moshi a Adramatwuimi wanyi a khalele muya gu khanda ya dibungu dia gu khanda ya Aziya. Ta bulumugile mu muta wa koma. Aristake, mwenya gu Masedwane wa gu dimbo dia Tesalonika wa khalele n'etwe.3Mu gilumbu gia hatele, ta maganele ha dibungu dia Sidoni, gunu Yulwuisi wa kitile Pholo ndaga jia funu enji wa hwile Pholo njila ha guya gwa aphangi ako mukunda a mu salese.4 Katuga hene, ta ngidile mu masuwa ta yile mu magana gu khanda ya gitumbu gia gu Shipre mukunda nu gudi swega mukunda nu muphephe, mukunda muphephe wa vula wa khalele mu katuga gu khanda ta khalele muya. 5Tangwa ta zaugile ha katshi katshi dia muta phene-phene nu Silisia nu Pamfili, ta kumile gu dibungu dia Mira gu Lisiya. 6Gunu, fumu wa masuta wa monele masuwa a moshi a Alexandriya a khalele muya gu Italia. Wa tu ngidishile mwene.7Ta wendele malembe malembe mu ilumbu ya vula, ta kumile gu nyima ya ilumbu ya vula phene-phene nu Kinide, mukunda muphephe wa tu hwile phashi jia vula enji ta balegele ha gudi swega phene-phene nu gitumbu gia Kretwa gu lwega lwa Salmone.8 Ta lugile mu khelelego ya muta mu phashi jia vula ti nu ha guya mu kuma hama ha moshi ha nu tamegeya egi dibungu di moshi dia bonga phene-phene nu dimbo dia Laseya.9Ta balegesele tangwa dia vula, tangwa dia bayuda dia gu tuna gudia dia balegele nji hene ya bwile phashi ha gu luga. Hene Pholo a hanele dibanza di moshi10 wa zwelele egi : " Aphangi, nga mona egi njila tudi muya ya mbo za mu bata phashi jia vula enji ta jiya gu totesa ima ya vula idi mu katshi dia masuwa nu ene masuwa nu monyo yetu."11 Uvi fumu wa masuta wa vile ndaga ya zwelele muthu wa nu bata masuwa nu ndaga wa zwelele fumia masuwa uvi gwa tshiginile go ndaga ya zwelele Pholo.12Mukunda dibungu diene dia khalele go dia bonga ha gu balegesa sungi ya madidi, hene athu a vula a khalele mu katshi dia masuwa a hanele dibanza dia gu balega hene mukunda nu gu tala gula phila idi gwene ha guya mu kuma gu Feniksi mukunda nu gu balegesa sungi ya madidi gwene. Feniksi idi dibungu di moshi dia guKreta, didi mu tala gu khanda ya gu thunda nu gu mbongo gwa matotelo a tangwa. 13Tangwa ga muphephe ga gu khanda ya gu mbongo ga budile, athu a khalele mu masuwa a yindudile egi adi muya mu kuma hama hanyi a kanele. A kangudile longo hene masuwa a yandigile guya mu khelelego ya gitumbu gia gu kretwa.14Uvi gu nyima dia ga tangwa gabiyo, muphephe wa bala wa nu tamegeya egi Erakiloni wa katugile gu khanda ya gitumbu ta katugile wa yandigile gu tu bula.15 Mu phila masuwa a khalele go nu phila ya guya gu twama mukunda nu muphephe, ta bembele muphephe wene u tu bate. 16Mukunda nu gudi tanina ta yile mudi swega gu khanda ya ga gitumbu ga moshi ga nu tamegeya egi Koda; enji nu phashi jia vula ta zudile wato wa khalele gu nyima dia masuwa ha gu tu salesa.17Tangwa a tuphudile wato, a kandele masuwa shinga. A khalele nu woma ha gumona egi a jiya gu kangama ha lusenga lwa sirtisi, hene a bulumwishile ima inyi ya nu wendesa masuwa hene muphephe wa yandigile gu tu twameza.18 Muphephe wa bala wa tu nyigishile; hene mu gilumbu gia hatele, a yandigile gu bishila ima ya khalele mu katshi dia masuwa mu meya.19Mu gilumbu gia tatu, athu a nu sala mu masuwa a yandigile gu bishila nu mago awo ima inyi a nu salela mu masuwa. 20Mu phila tangwa nu themwa jia khalele nji go mu zoga ilumbu ya vula, enji mu phila muphephe wa ngolo wa khalele kaka mu tu bula, ta katudile matangi a gu guluga.21Mukunda katuga ilumbu ya vula a khalele go mudia, pholo wa zugile mu katshi diawo wa zwelele egi: " Mala nga mwa hatele ndaga nga khalele gu mi leza ha gu konda gu ngila mu masuwa mukunda nu gu katuga gu Kreta, nga mwa monele go phashi jiji jia gu totesa ima.22 Lulu ngagi, ngu mu mi longishila ha gu khala nu gikhesa mukunda gushi go ata muthu mu moshi wa mbo fwa, uvi khuta masuwa phamba a mbo fwa.23Mu phipha ya magino, wanjio mu moshi wa Nzambi yonu udi fumu wami enji nga nu hwa lukumu, ( weji mudi monesa)24 wa zwedi egi: " guvwa ndo woma, eye Pholo. Eye ufeto ya mu samba gu twama dia Sezar tala , Nzambi mu gubonga gwenji udi mu gulusa athu akima udi nawo mu katshi dia masuwa.25 Hene, mala, zulenu gikhesa, mukunda ngudi nu lukwikilu gwa Nzambi egi ndaga yene idi mu salama phila mwene a ngu leji.26 Uvi etwe tu feto ya mu kangama ha lusenga ha ga gitumbu."27tangwa ta kumile mu phipha ya gilumbu gia kumi nu iwana, mu phila muphephe wa khalele mu tu bata mu katshi dia muta wa Adriyatike, ha guza mu mona katshi dia phipha, athu a nu sala mu masuwa a yandigile guyindula egi ta khalele phene-phene ha gu zoga gonze.28 A tesele gu leha gwa meya a monele egi gwa begele giteso gia ba metelo makumi ayadi, ha gu phusana gu twama fioti, a tesele nji a monele egi gu leha gudi gwa ba metelo kumi nu a tano.29 A vile woma ha gu mona egi twa jiya muya mudi kuma gu maseso, a mbile mu kiawo malongo a wana gu songi ya masuwa enji a lombele egi guma gukie mu phushi.30Athu a nu sala mu masuwa a kambele hama ha moshi ha gu bemba masuwa hene a hungumwishile gibeya mu kiawo mu masunga egi a tshigina hungumwisa malongo gu twama.31 Uvi pholo wa lezele fumu wa masuta egi: " Gula athu wawa a bega mu katshi dia masuwa mushi mu guluga go." 32Hene masuta a khesele shinga jia gibeya a gi bembele mu hungumuga.33Tangwa guma gwa yandigile gukia, pholo wa yandigile gu a bondila ha gudia. Wa zwelele egi: " Magino tudi mu gilumbu gia kumi nu iwana katuga tangwa mudi mu nenga nu gu konda gudia; mwa dile go ata gima. 34Nga mi bondila ha gudia sambu idi mukunda nu gu bonga gwa mwila yenu; enji ata muthu mu moshi mu katshi dienu mba gwa totesa go ata lusugi lu moshi lwa gu mitwe yenu."35 Tangwa a zwelele nganyi, wa zudile mapha wa vutudile matondo gwa Nzambi gu twama diawo akima. Wa khesele mapha ene itshidi itshidi wa yandigile gudia.36Khungiawo akima a zudile gikhesa hene a yandigile gudia.37 Ta khalele mu gimvuga giteso gia khama jiyadi nu makumi a sambwadi nu sambano ya athu mu katshi dia masuwa.38 Tangwa a dile a kuta, a bishidile phupha ya ble mu kiawo ha gu lelwisa masuwa.39Tangwa guma gwa kiele, a jiyile nji go khanda a khalele, uvi a monele hama ha moshi ha zala lusenga mu khelelego ya muta hene adi vishile ha gu twameza masuwa gu khanda yene.40 A jitudile malongo enji a a bembele mu hungumuga mu kiawo. Kaka mu tangwa diene, a jitudile shinga jia khayi jia nu twalesa gu nyima a tuphudile mulele unu wa nu khala gu twama dia masuwa mukunda u yandige gu phepha hene a yandigile guya gu khanda ya lusenga.41 Tangwa a kumile hama ha moshi hanyi meya a nu tagana nu ngolo a yile mu maganesa masuwa hene. Twama dia masuwa dia kangamele ha lusenga lwene phila ya gu nyigana ya khalele nji go, uvi nyima ya masuwa ya khalele mu tauga itshidi itshidi mukunda nu gitembo gia ngolo gia meya.42Ngindu jia masuta jia khalele jia gu shiya enya bologo mukunda ata Muthu mu moshi mu katshi diawo ale gu lenga ndo ha gu khasa.43 Uvi fumu wa masuta wa tshiginile gu gulusa pholo, wa a tunyishile ha gu konda gu kita gima gia nganyi enji wa lezele athu wanyi a jiya gu khasa ha gu bwa mu kiawo aye a zoge gonze.44 Gu nyima, athu wanyi ako a mbo hata holo dia mabaya ako holo dia itshidi ya masuwa. Idi nganyi ta zogele khungietu akima kele-kele gonze.Chapter 28
1Tangwa ta zogele mu ngemba, ta lezeye egi gitumbu giene gia nu tamegeya egi Malta.2 Enya gitumbu giene a tu sadishile mwa bonga, hene a hagele tshiya twa gu wota enji a tu yambele khungietu akima mukunda nu mvula ya nogele enji mukunda nu madidi.3Tangwa pholo a nonele iswaswa ya mitshi wa imbile ha jigo dia tshiya, giwuta gi moshi gia zogele mukunda nu gizuza gia tshiya gia kangamele gu koko dienji. 4Tangwa Enya gu dimbo a monele nioga ya kangama gu koko dienji, adi zwelele ene nu ene egi: " Muthu yogu udi ya kielega muthu wa nu shiya athu ata wa guluga mu muta, uvi masonga a nzambi a mu hwile go njila ha gu jinga."5Uvi mwene wa mbile nioga yene ha jigo dia tshiya enji gwa vile go ata gubala. 6A khalele mu nenga a mu mone wa kata nga ndo a bwe mu mbala imoshi a fwe. Gu nyima dia tangwa dia vula a monele egi ata gima gia bola gia salamele go, a baludile ngindu a zwelele egi mwene udi nzambi mu moshi.7Phene-phene nu hama hene, ha khalele nu gitshidi gia mavu gia fumu wa gizanga, muthu mwene jina dienji Publiyusi. wa tu yambele mwa bonga enji wa tu hwile ima ya gudia mu ilumbu itatu. 8Sha publiyusi wa khalele mu balegesa phulu-phulu ya menga. Tangwa pholo a yile mu inzo yenji, wa sambele wa mu haga mago wa mu beludile. 9Gu nyima ya ndaga yene, athu ako a ha gizanga giene a khalele nji mu kata ejile enji a belugile. 10Athu a hwile lukumu lwa vula. Tangwa ta khalele mudi londa ha gu katuga, a tu hwile ima inyi ta khalele nayo funu.11Gu nyima ya ngonda ji tatu, ta ngidile mu masuwa a moshi a gu Alesandriya a balegese sungi ya madidi ha gizanga giene, masuwa ene a khalele a gusonega egi ana a maphasa.12 Ta yile mu kanga gu dimbo dia sirakuze enji ta balegesele hene ilumbu itatu.13Katuga hene, ta ngidile mu masuwa ta yile mu kuma gu dimbo dia Regio. Gunyima ya gilumbugi moshi, muphephe u moshi wa gu khanda ya sude wa phuphudile mu gilumbu gia gi yadi ta kumile gu dimbo dia piteyoli.14 Ta sangele aphangi a tu tamegele ha gu bega nawo ilumbu sambwadi. Idi mu phila yiyi ta kumile gu Roma.15 Gunu tangwa, aphangi gu nyima ya gu vwa sango jietu ejile mu tu tagana ha zando dia Apwiyusi enji nu tu jinzo tu tatu. Tangwa pholo a monele aphangi, wa vutudile matondo gwa Nzambi enji wa zudile gikhesa.16Tangwa ta kumile mu dimbo dia Roma, pholo wa hwiye nswa ya gu jinga mu ngemba nu suta mu moshi wa khalele mu mu langidila.17 Gu nyima ya ilumbu itatu, pholo wa bungishile athu wanyi a khalele nu giyega mu katshi dia bayuda. Tangwa adi bungishile, wa a lezele egi: " Aphangi, ata nga kitile go gima gia bola gwa athu nu gu shigo jia a shetu, nga haneye ha gu mbiya mu bologo gu Yelusalemi gu mago a enya gu Roma.18 Gu nyima ya gu ngu sambesa, a tshiginile gu ngu bemba mukunda gwa khalele go nu gikuma gia gu ngu kwatela ha gu ngu shiya.19Uvi tangwa bayuda a tunyile ha gu salela luzolo lwawo, nga lombele ha guya mu samba gu twama dia Sezar, ata nganyi nga khalele go nu gima gia gu fundila enya dimbo dietu.20 Gishina giene nji, nga lombele ha gu mi mona ha gu mi leza egi idi mukunda nu luzolo lwa athu a gu Isalele a ngu kangesa shinga jia ibende."21A mu lezele egi: " ta zudile go ata mukanda u moshi wa katuga gu Yudeya idi mu talela ndaga yaye nga ata phangi mu moshi weji mu tu leza ndaga ya bola idi mu gu talela.22 Uvi ta tshigina tu jiye ngindu jiaye mukunda nu ndaga idi mu talela ga gimvuga gaga ga isambu, mukunda tudi mu jiya egi ga mu tunyila gwa athu akima."23A hagele gilumbu gi moshi ha gu tagana nenji, athu a vula ejile mu mu sanga hama hanyi a khalele mu swama. Mwene wa a tendudile ndaga yene nu gu ta gi twemwe gia Gifumu gia Nzambi. Wa phagele ha gu a longa ndaga idi mu talela Yesu, mu phila ya shigo ya Moyize nu mikanda ya ba profeta, katuga mu gikhela ti nu mu gingweze.24 Athu ako a yandigile gu kwikila ndaga ginyi mwene a khalele mu zwela uvi ako a khalele go mu kwikila.25Adi vishile go mu katshi diawo, hene a bembele pholo gu nyima ya gu zwela ndaga jiji egi: " Pheve-Santu ya zwelele nu gishina gwa a shetu mu njila ya Yezaya wa profeta. 26Wa zwelele egi: " Nda gwa athu wanyi a leze egi, mudi mu vwa gu matshi uvi mushi mu bagisa go; mudi mu tala nu meso enu uvi mushi mu mona go.27Mukunda mutshima wa athu wawa wa kituga wa kola, matshi awo adi mu vwa mu phashi, a bategele meso mu phila egi ale gu mona ndo nu meso awo enji nu gu konda gu vwa gu matshi awo nu gu konda gu bagisa gu mitshima yawo enji eze a ngu vutugile mukunda ngu a belule.28Jiyenu egi gu guluga gwa Nzambi gwa tumiye gwa aphagano mba adi mu vwa sango yene." 29Tangwa a zwelele ndaga jiene. Bayuda a katugile gawo: hene thembe jia vula jia zogele mu katshi diawo.30Pholo wa begele nawo mvula jiyadi jia mvimba mu katshi dia inzo yenji a khalele mu futila enji wa khalele mu yamba athu wanyi akima a khalele muza gwa mwene. 31Wa khalele mu longa ndaga ya Gifumu gia Nzambi nu gu longa ndaga jidi mu talela Fumu Yesu-Kilisto nu gikhesa gi kima. Gushi go nu muthu wa mu kangele njila.Romans
Chapter 1
1Pholo, muthu wa gisalo wa Yesu Kilisto wa tamegeye ha gukhala thumwa, wa hagele mu gingenga ha gulonga sango ya bonga ya Nzambi. 2Sango yinyi mwene a jiyishile katuga mwa leha mu njila ya ba profeta nu mu mikanda ya santu, 3mu ndaga idi mu talela Munenji yonu wa butugile mu gifwanisu gia muthu mu gikanda gia Davidi.4Mona mwene wa jiyiye egi udi muna Nzambi mu ngolo jia pheve Santu gu nyima ya guzuga gwenji gu lufwa. 5Mu njila yenji ta zudile mutshima wa bonga wa gimbuta ha gukhala a thumwa nu ha gu lemvuga mu nsadisa ya lukwikilu mu katshi dia ikanda ikima mukunda nu jina dienji. 6Mwa tamegeye mu katshi dia ikanda yene ha gukhala athu a Yesu Kilisto.7Gwa athu wanyi akima adi gu dimbo dia Roma, athu wanyi Nzambi a tshigina, athu wanyi a tamegeye ha gukhala athu a santu; khalenu mu ngemba ya koma idi mu katuga gwa Tata Nzambi nu gwa Fumu wetu Yesu Kilisto.8Ha gudiangela, ngu mu vutula matondo gwa Nzambi wetu mukunda nu lukwikilu lwenu ludi mu zweleya mu thotho ikima. 9Mukunda Nzambi yonu nga nu salela gisalo gia bonga gia gu jiyisa sango jia munenji nga mu zula mu githemwe mukunda nga nu mi haga mu isambu tangwa dikima. 10Nga nu lomba nji egi nga jiya guza mu mi tala gula Nzambi wa kangula njila mu luzolo lwenji.11Mukunda ngudi nu nzala ya guza ha gu mi mona, ha gu mi hwa mabula a gipheve mukunda nu ngolo jenu; 12to ha gudi hwa gikhesa mu njila ya lukwikilu lwetu akima.13Lulu ngagi, nga tshigina mu jiye egi, mbala jia vula nga nu kanesa ha guza mu mi tala uvi ti nu tangwa didi njila idi ya gu kanga, mu khala nji mu jiye egi ngu feto za ha gu zula mu katshi dienu ga bundu ga moshi mu phila nga zudile n'eme gwa athu ako a mitshima ya bonga. 14Ngudi nu fuga gwa ba Greki, gwa nzenza, gwa athu a tema nu gwa ikata. 15Hene, ngudi nu nzala ya vula ha gu jiyisa sango ya bonga gwa athu wanyi adi gu Roma.16Hene ngu shi nu sonyi go ha gu jiyisa sango. Idi ngolo jia Nzambi mukunda nu gu guluga gwa muthu mukima udi mu kwikila, idi mu talela thomo ba yuda nu ba greki. 17Mukunda idi mu njila ya sango yene, Nzambi adi mu monesa ngolo jenji mu njila ya lukwikilu mu phila ya sonegeye egi: " muthu wa masonga mba udi mu jinga mukunda nu lukwikilu".18Khabu jia Nzambi jidi mu katuga gosa ha guza holu dia ndaga jikima jidi jia masumu nu ndaga jinyi jikima jia mambo athu adi mu kita ha gu kanga masonga njila. 19Nzambi udi mu hana ndola mukunda nu ndaga jenji jinyi athu adi mu mona pwelele mu katshi diawo, mukunda Nzambi udi mu a monesa najio pwelele.20Katuga luyandigu ndaga jikima jia giswegi jidi mu talela Ginzambi nu ngolo jenji jia mvula nu mvula jia moneseye pwelele mu njila ya ima ikima ya salamele. Hene a shi go nu gima gia guzwela. 21Mukunda ata a jiyile Nzambi, a mu hwile go lukumu nu khembo. Mukunda ngindu jiawo nu mitshima jia kitugile jia phamba jia unzoba wa mu phipha.22Ata a nu zwela egi adi athu a tema, lulu ngagi adi a unga. 23Ole a hane lukumu gwa Nzambi adi mu sambela itege ya nu fukha ya muthu, ya ganjila, ya mbiji jia mabotela, nga ndo jia mbiji jinyi jia nu wendela ha vumo.24Hene, ha gu talela nzala jia mitshima yawo, Nzambi wa a bembele ha gu kita ndaga jia mvindu mukunda ha gu hwa mwila wawo sonyi mu katshi diawo; 25a phonele gawo njila ya luvunu a bemba njila ya masonga a Nzambi; a nu sambela gawo itege a bemba ha gu salela yonu wa gangele ima ikima yonu a feto hwa lukumu lwa mvula nu mvula. Amen!26Hene Nzambi wa a hwile nzala ya vula ya gu vugisa mwila wawo mu ndaga jia sonyi, mukunda akajiawo a bemba gawo gu salela phila inyi ya bonga ya gu vugisa mwila. 27Phila imoshi gwa mala a bemba njila ya bonga ya gu vugisa mwila nu akajiawo ene nji a zala nu nzala ya vula ya gu vugisa mwila nu aphangiawo amala, a mu kita ndaga jia sonyi hene Nzambi adi mu a hwa ndola mukunda nu ndaga jiawo jia bola.28Mukunda a tunyile Nzambi, hene mwene a abembele ha gu hata ngindu jinyi mwene a nu tshigina go, mukunda a kite ndaga jinyi jidi jia bola293031Enji adi a zala nu ndaga jinyi jia konda masonga, ndaga jia bola, ndaga jia waza, nu jia mambo. Adi a zala nu nzala ya ima, ya gu shiya athu,ya gu mana, ya gu zwela mwa vula, ya songi-songi, ya gu feta athu, ya gu konda gu lemvugila ibuti yawo. A shi gawo nu mayele a gu jiyila ndaga go, nu gu konda khenda.32Adi mu jiya mwa bonga egi Nzambi mba udi mu sambesa athu;mukunda athu adi mu kita ndaga jia phila inyi mba adi mu shiyiya. Ishi kaka ndaga jia nganyi a nu kita go; uvi adi nji mu zola ha phelo wanyi a nu kita ndaga jene.
Chapter 2
1Gu shi go nu gu lolula mukunda nu eye, muthu udi mu sambesa athu ako , tangwa adi mu sambesa athu ako udi eye udi ha gife ha khaye, udi mu sambesa mu kita giteso gi moshi ole ene. 2Tu di mu jiya egi gu sambesa gwa Nzambi gudi mukunda nu masonga a athu wanyi a nu kita ndaga ya phila yiyi.3Ha gu tala ndaga jiji, eye udi mu fisa athu adi mu salela ndaga jia fwana jiji, nu gu salela nji udi nu mabanza egi, udi mu longa gu sambesa gwa Nzambi? 4Udi mu bolesa gimvwama jidi gu tshigina gwa Nzambi, mukunda nu gubonga nu khenda jenji nu phila adi mu kanga mutshima wenji.5Eye udi mu kolesa mutwe waye, ushi mu tshigina gu balula mutshima waye go. Ndola ya koma idi mu gu nenga mu tangwa mba di vutuga Nzambi. 6Gu sambesa gwenji mba gu hata gisalo gia muthu nu muthu. 7Gwi athu a mu haga mitshima yawo ya bonga, mu gisalo gia Nzambi, a mu kamba lukumu nu monyo wa mvula nu mvula.8Enya mitshima ya bola a mula gu lemvuga ndo, adi mu kita ndaga jia bola, enji adi mu hwa Nzambi khabu. 9Phashi jia ngolo mba jidi mu bwila muthu mukima udi mu katshi dia gu bola. Athu a thomo adi a yuda, a giyadi adi athu wanyi a shi go ba yuda.10Uvi Nzambi mba udi mu hana lukumu, lujitu nu ngemba gwa athu wanyi akima a nu kita ndaga jia bonga, ha thomo ba yuda, gu nyima wanyi a shi ba yuda go. 11Mukunda Nzambi wa nu tshigina athu akima giteso gi moshi. 12Athu wanyi a shi ba yuda go adi mu jiya shigo jia Moyize go. A nu kita gawo masumu, hene mba adi mu fwa konda gu jiya shigo; uvi ene nji a nu kita masumu, hene shigo mba jidi mu a kesela ndola.13Nzambi gwa nu tshigina go athu egi mukunda a nu hata go shigo, uvi wa nu gu a tshigina mukunda a nu kita ndaga shigo jia nu tshigina. 14Athu wanyi a shi ba yuda go a jiya go shigo jia Moyize, uvi gula a nu kita mu luzolo ndaga jinyi shigo jia nu zwela, a nu di haga shigo mukunda nu ene ha khawo, ata a jiya shigo jene go.15Nganyi a mu leza egi, ndaga jia nu zwela shigo, a ji sonegele mu mitshima yawo. Mitshima yawo ya nu leza egi ndaga jene jidi jia kielega. Tangwa diko ngindu jiawo jia nu gu a belesa go, uvi tangwa diko jia nu a belesa. 16Mba i kala kaka giteso gi moshi mu gilumbu ginyi Nzambi mba a hana giyega gwa Yesu Kilisto ha gu sambesa athu gu ndaga jikima jinyi jidi jia gu swega mu mitshima yawo, mu phila ndinga ya bonga nga nu longa idi mu zwela.17Uvi eye muthu wa nu zwela egi udi wa muyuda, wa nu haga mutshima gu shigo, enji wa nu di monesa mukunda nu Nzambi waye, 18u feto jiya ndaga khi Nzambi a nu tshigina egi u feto kita, enji shigo jia nu gu longa ha gu sola ndaga jinyi jidi jia bonga. 19Wa nu yindula egi udi wa muthu yonu wa nu leza njila gwa ifwa meso: wa nu tangiza nji egi udi wa mwinda ha gu leza gieji gieji gwa athu adi mu phipha. 20Wa nu tangiza egi udi wa longi wa athu wanyi a jiya gima go, enji egi udi wa longi wa ana mitumba, mukunda wa nu haga mutshima egi, shigo jia nu gu leza ndaga jia kielega nu ndaga wa nu jiya.21Gula wa nu longa athu ako, mukunda ni ikhi wa jiyile go gudi longa eye hakhaye? U mu longa athu ako egi gu kuya ndo, keti eye wa nu kuya go? 22U mu longa athu ako egi gu kita uthambi ndo, keti eye wa nu kita go? Eye udi mu tuna nzambi wa itege, mukunda nu ikhi udi muya mu zula itege idi mu inzo nzambi?23Eye udi mu di leza egi udi mu katshi dia shigo, mukunda nu ikhi udi mu kwatesa nzambi sonyi? 24Jina dia nzambi didi mu moneseya sonyi mukunda nu eye mu phila ya sonegeye egi," Athu wanyi a shi ba yuda go adi mu monesa jina dia Nzambi sonyi."25Gula udi mu hata shigo, gu batula wa batudiye gu mukanda gudi nu funu; uvi gula wa nu hata go shigo udi wa fwana muthu yonu gwa batudiye go gu mukanda. 26Hene muthu gwa batudiye go gu mukanda, gula wa nu hata ndaga shigo jidi mu zwela, keti Nzambi mba gwa shi mu mu zangula go ole muthu yonu wa batudiye gu mukanda? 27Muthu yonu gwa batudiye go gu mukanda uvi wa nu hata shigo, mba udi mu gu funda eye muyuda yonu wa nu la gu hata ndo shigo, ata wa jiya sha mwa bonga shigo jene jia sonegeye, enji ata wa batudiye gu mukanda!28Mukunda muyuda wa kielega gwa shi go yonu udi mu monega gu meso a athu, nga ndo yonu wa batudiye gu mukanda. 29Uvi muyuda wa kielega udi yonu udi muyuda mu katshi dia mutshima, enji udi yonu wa batudiye gu mukanda mu katshi dia mutshima, gu batudiya gwene gwa gu mukanda gu shi go gisalo gia gia gu hata shigo jia Nzambi, uvi muyuda wa kielega gwa nu zula lukumu gwa athu go, uvi gwa Nzambi.Chapter 4
1Iki mbatuzwela nji gwa Abayama , khakha wetu wa moni gu mvila ? 2lulungagi Abayama wa nungishiye tata masonga mukunda nu yisalu ,wa lendele gudi zalula , uvi ishi gu gutwama dia nzambi go. 3Mutungagi ndinga nzambi imuzwela ikhi?"Abayama wa kumbudile nzambi, ya mu bateye gu kala tata masonga".4Lulu ngagi , muthu yonu udi mu sala gisalo, lwenji lu shigo mu kala gula yeji mu khenda , uvi ishigo ole gime gia mu hwiya zweleye gole. 5Gula muthu gwa shi go mu kita ata gima , kaka udi mukwikila gwa muthu umu sambesa athu ,lukwikilu lwenji ludi mu tangeya wa enya masonga.6Davidi wa sagumunine muthu yonu nzambi ya a monele mathu wa masonga konda gu tala isalo nu gu zwela wa mwenene gie mutu wa masonga ya egi gisalu edji wa zwelele: 7"Kiese gia vula gwa athu wanyi a hiya khenda enji a tigiya . 8Sagumuga gaye eye muthu yonu fumu gwa gu monele go nu gu bola"9Lusagumunu lwene ludi kaka mukunda nu athu weny a mbiye gu luyotoshi nu wanji khanji ambiya gu luyotoshi? luyotoshi tu mujiya egi"lukwikilu lwa mweneye gwa Abayama mu masonga enji" 10Phila khi kwatshi a mu wile na go? Abalama wa kedi muthu wa mbiye gu mu luyotoshi ula ndo ? gwa kedi geji go muthu wa mbiye gu mu buyotoshi.11Luyotoshi wa Abayama wa kedi ula ne gidimbo gia masonga gia lukwikilu gia zangwile gwa tomo mutagwa dinini wakolelego wambuye gale mu luyotoshi go guvi wa kalele chawo mu lukwikilu gwatu agaswe amu kwikila edji , nu mutagwa dia kedi nu gu mbila gole mu luyotoshi go. guvi a hajile gie atwa masonga. 12Akele athu ambiye mu mukanda , enji adile gu mbiya mu mukanda , go guvi wani a muwenda mu lukwikilu lwa chetu Abayama , lukwikila lwa kedi na yo mutagwa dia luyotoshi.13Tu jiye gi , ichi mukunda nu chigo ndo lagie dia haneye gwa Abayama nu wani mbo butuga gu nima dienji , nu athu mbeza gu nima dienji gifugo gia mavu , mba gi mukala gia wo mu masonga a wo nu lukwikilu. 14Guvi ngani afumwa gifugo a mu gi zangula mudjila chigo, ngani lukwikilu lwawo ludi lwa pamba enji lagie gu tugu. 15Guvi chigo yene kwatesa khabu , enji hama hani guchinu chigo ndo, gu kulula gwa chigo gu tugu.16Mukunda na ngani a fumwa gi fugo adi mukunda na lukwikilu gia wo , mu guthigina gwa kenda , mukunda lagie di lunge gwa athu mba butuga , ishi mukunda n'athu adi gosha chigo enji nu wanyi adi mukatshi dia lukwikilu lwa Abayama tata wetu akima. 17Mu phila ya geye egi :"ngagu solele tata wa ikanda ikima ya ha mavu. Udi shetu gu twama dio muthu ya tshiginile , nzambi wa nu hana monyo gwe athu afile enji wa nu tamega yima ya nu la gu jinga ndo ha gu jinga .Lujingo.18Ata mukunda nu phashi jikima jia honze - honze , Abalayama wa kwikile gwa nzambi, Hene , a kitugile akale tata wa ikanda ikima ya ha mavu , muphila ya mulezeye egi:"tala phila mba ikala , gikanda gia ye". 19Wa lebele go lukwikilu , gwa yindudile (ngeji) go egi mvila wenji udi wa hwila mwa leha wa kalele nu mvula khama enji mvula jia gu buta jia sara jia kalele jia balega .20Wi ha gu talela laji dia nzambi , Abalayami gwa bwishile go lukwikilu lwenji , wi wa begele mu katshi dia lukwikilu , nu gu hwa nzambi lukumu.nu gu wa nzambi lukumu . 21Guwu gienji gia kalele kaka egi nzambi ya mba ndi mu lungisa kaka ndaga jinyi a zwelele . 22Nganyi masonga a mu na migiye mu phila yene mukunda nu mwene.23Wi ishi go egie mukunda nu mwene ha khenji hene ya sonegeye egi wa na migiye masonga . 24Ya sonegaye nji mukunda nu etwe , egi nanyi mba u namigiya , gweswe gwa etwe ta nu kwikila gwa yonu wa zugishiye mu katohi dia athu afwa , Yezu fumu wetu . 25O mwene wa chiyiye mukunda nu gu bola gwetu lulu wa zugile mu lufwa mukunda a tu zwelele.
Chapter 5
1Ngagni twa kumbudiye mu gutshigina , tudi nu ngemba nu nzambi mu nfila ya fumu wetu Yezu klisto . 2Mukunda nu mwene tudi nji n'eswe nu dikapo dia gutshigina n'eswe tudi n'ago.Khungi yetu ya gaswe tudi kiese mu gutshigina gwa gukumisa nzambi .3Mwa vula nji , khungi yetu ya gaswe nji mu katshi dia pashi , tujiye mwa bonga egi pashi jo no buta gutatama nga gukanga matangi . 4Gu kanga mutshi guono buta guku mbulula , nu gukumbulula , gutangizegi mba nguheta . 5Gukumbulula gushi gudimba go.Mukunda gutshigina gwa nzambi gwa mbiye mu mutshima munjila ya pheve santu wa nzambi wa tuhwile.6Ha takalele ngolo ndo, Yezu wa file mu tangwa dia bonga mukunda nu egna masumu. 7Lugnelu muthu weshi masumo go wafile , muthu watshigine gufwa mukunda nu muthu wa bonga.8Nzambi wa leza gutshigina guenji gudi eswe , ngagni Yezu klisto wa file mukunda nu eswe ha tuakalele eswe mu masumu . 9Ha guleza egi ya kielega lugnelu egi menga enji a tu sumbile gudi tata nzambi mu khabu ja nzambi .10Ha takalele getu nji mbeni , wa tu hagele ha mashi nu nzambi mu njila ya gufwa gwa munenji wa dile wa tshigina , mukunda nu lujingu luenji. 11Ishi ngagni go , mba tu tupula ufumu wa nzambi mu njila ya fumu Yezu klisto mukunda nu mwene ta dibungishile.12Nzagni , masumu a ngidile mu mavu mukunda nu muthu mumoshi , hene gufwa gwa ngidile mu masumu , hene gufwa gua ngidile gwa athu agaswe , a gaswe a salele masumu. 13Hagni nu shigo , masumu a kalele mu mavu , masumu akalele nu ngolo go gu tuama diao.14Hene , lufwa lua zuedile giyega katuga tagwa dia Adam ti nu gwa Moyize , nu nyima dia wo , wani adile gu kita masumu go mudjila ya gu kulula gu jitisa shigo ya fanana Adami ya kitile Adami , yonu udi luse lwa muthu yonu mba uza. 15Uvi ishi go mahela a thugu a ha neye ole gifu mukunda nu gu bola gia muthu mu moshi , a vula afile , mukunda na khi ndo khenda jia nzambi nu makapho wanyi a nu katuga mu khenda jia muthu mu moshi , Yezu klisto , a haneye a vula gwa athu.16Gu shi gejigo nu kopa ya pila yinigo ole ya katugile gwa muthu mu moshi gwa salele masumu . Mukunda gu kanda yimoshi , gu nima dia muthu mu moshi gwa kitile gu bola hene gu sambesa gwa kitugile gu belesa ; enji gu kandayiko makapo a thugu a mu katuga mu njila ya gu sambesa yidi lufutu ya yima ya vula. 17Mukunda nu gu bola gwa mutu mu moshi , lufwa lwa ngidile munjila ya muthu mu moshi , hene avula a muviya khenda ja vula nu makapo mu masonga mba di mujinga njila ya Yezu klisto mwene a nji.18Hene mukunda nu gu bola gwa muthu mu moshi athu a kima a kitugile enya masumu , giteso gi moshi munjila ya muthu mu moshi gwe jile mu nungisa nu gu hana lujingu gwa athu a khima. 19Mukunda nu gu kolama gwa muthu mu moshi athu a kima akitigile enya masumu , giteso gi moshi mukunda nu gu unvuga gwa muthu mu moshi athwa kima mba a mu nungishiya.20Uvi shigo ye jile (mukunda) mukunda nu gu vudisa gu bola . Uvi hama hani adi masumu avula,kenda ja balegesa gu vula. 21Ndaga yiyi ya bwile mukunda masumu azudile giyega mu katshi dia lufwa .Enji kenda ji muzula giyega mu njila ya masonga mukunda nu lujingu lwa mvula na mvula mu Yezu klisto fumu wetu.
Chapter 6
1Lulu tuzwela nyi ikli ? Tangwedi tukala getu mumasumu mukunda nzambi athu vile jikenda ? 2lo ! eswe ta file mu masumu pila khi ta lenda gujinga mukhatshi dia masumu. 3Mushigenu mujiya go nyi eswe tazudile mbutshiga mukunda nu gujinga nu yesu - klisto , tazudile ndji mbutshiga mu gufa guenji.4Tangwedi mukunda nu mbutshiga , ta file nu yesu , tafundiye nendji tangwa tata nzambi azugishile mu lufwa mu ngolo yenji , eswe ndji tazugile nenji mukunda nu gujinga nenji lujingo lwapa , lua bonga. 5Kana tadi bungishila nenji mu lufa , mba tudibungisa nji nenji tangwa nzambi mba amuzugisa mulufa .6jiyenu nyi nzambi wa diangele guhaga ifu ya mwila wetu wa masumu nu yezu ha kulundji mukunda ikalulu yetu ya masumu ife mayilago , eswe tule gukale njilo athu a masumu. 7Mukunda kana muthu wafu , masumu enukatuga .8Jiyenu nyi kana tafile nu klisto , tumukwilenyi mba kala mujinga nenji tangwa diagaswe . 9Tumuziye nyi klisto wa zugile mu lufa , mba gwafu ge nji go mukunda lufa lutshigo nu jingolo ja gu mukwata .10Mwene wa file mukunda nu masumu mbala imoshi , lulu wazugile mukala nu nzambi ya monyiwo . 11Enwe mbafile mu masumu hene mwazugile nu yesu - klisto mwenu kala nu nzambi mukunda yezu - klisto .12Tanzwedi mubembi go mila yenu nu masumu mukunda nu nzala jia muvila . 13Guhana lo idiando ya mila yenu musalo masumu hanga ima ya guwongela. Dihanenu gudi nzambi , mila nu mionyio yenu mukunda mwa file hene mwazugile nu yezu , mudi athu a monyiwo idiando yenu ikale ya masongo gudi nzambi. 14Masumu alenda gumiyala go hangenyi mudi athu amulenga nukwala kashi mudi athu amujinga mu khenda jia nzambi.15Mukunda na khi ? Athu enosala masumu mukunda adi gu mashina nukwala , kashi ene anujinga mu khenda jia nzambi ? nganyilo. 16jiyenu mwabonga nyi kana mwaya musalela fumu mumoshi, enwe mwakumbula gumulemvugila tangwedi mudi apiga enji mukunda mba mufwa.Kana athu alemvuga gwa nzambi , mba umumikitula anendji.17Huenu nzambi matondo , mukunda takalele apiga a masumu , lulu ngagi mukenda ja nzambi mu mulongoga malongi mwalongeye . 18Nzambi wa mikatudile migipiga ya masumu , tangwedi na mudi apiga a ndaga jia bonga ji muswa ngudisa nzabi.19Ngumileza hangenyi athu a hamavu amuzuela ilumbu ikhima , na mukunda mudi genu athu. Thono mwakalele mujinga lujingu lua gisaga - saga lua bola mukunda mwakalele gudi hana muavula mu mambo a masumu .Lulu ngagi mujinga lujingo lua nzambi, dihanenu mayila go. muakalele apiga a masumu , luenyolu mujinga lujingo lua kinzambi , dihanenu mayilago gu mambo anyi nzambi wenu kumbula hangenyi mudi apiga a mambo muene. 20Tangwadi muakalele apiga a masumu mua kalele go apiga a mambo anyi nzambi enukumbula . 21Ikhi muazangudile tangwa mambo enu mihua ufutu lulu ngagi ? suga ya mambo ene kaka lufwa ?22Lulu ntangua nzambi gua mumikatula mu masumu , enwe na mwakuma apiga enji mayilago , suga ya mambo ene idi lufwa . 23Mambo a nzambi suga yayo idi monyo wa mayilago , wa mvula na mvula (ivo nu ivo) mukunda mambo a bonga nzambi wenu tuhua nawo mu luzolo luendji , adi monyo wa ivo na ivo utudi nawo mu gimvuga nu fumu wetu yesu - klisto.
Chapter 7
1Mujiya go phangi , mukunda ngu muzwela gwa thua a jigo shigo, mu jiya mukunda jigo yo mutala muthu u mujinga.2Hene , mukhetu wa makwela udi wa kangama no muluendji tangwa mujinga . Mujila ja jigo tangwa dia mujinga. 3Gula yala wafwa , gwashi wa kangama go mu shigo ya makwela. Tangwa didi mulumienji mu lunzingu.4Phila yi moshi a phangi , n'enwe , mu phila ya mwila ya klisto yo ngi wa shile mukunda no shigo hole mubwe athu a muthu muko.Gwa yogni wa zugishile mulu fwa mukunda shago tu bule ma mbuma mukunda no nzambi : 5Tangwa dio ta kelele mu mvila, ngindu jetu jakalele kaka mu masumu ya kangama no mvila wetu mu kunda no shigo ha gule tubute ma bundu a lufwa .6Uvi mutangwa didi ta katugile mu shigo , ta fuile mukunda na shigo ja tu kangele, hole tu salele pheve mu phila ye kha do mu phila ya mukanda wa mwa le ha.7Mba tu zwela ikhi ? shigo idi disumu gwa mwene ? ndo mukunda kana shigo ishi go gwene , nga lendele go gu jia disumu. Nga mwenene go gujiya go nzala ya gima ya gia muthu muko.Kana shigo yazwelele go. 8Mukunda no ji shigo , masumu a ngutumine mu ji nzala ja phila no phila, haguta meso gu yima gia gni.9Mukunda n'eme, tangwa shigo ja kele go , nga kele no mogno go , tangwa didi shigo jeza muzoga masumu azulo mogno. 10Shigo jia zoyile ha gu hana lujingu, uvi jia ngu batela lufwa.11Mukunda masumu a mwene phila ya gukitilo shigu ha go ngudimba .Masumu a kitele ji ji shigo mukunda ha go ngushiya. 12Ha gnagni , shigo ya bonga , gu kitilo gwejindji gwa bonga.13Ha gnagni yo muleza egie , gima gia bonga gia ngu shigile? ndo, gima gia ngushigile gidi masumu, masumu ene amwenene gi kwatshi phila adi: yo ngu shiye gu gima gia bonga, gia bwa gima gia gutuma mba gi bedijiya gwa mafumu a kama. 14Tu mu jiya egie shigo idi gi pheve , uvi eme , ngudi mugi muthu.Angudigile ele muhiga gu di sumu.15Mukunda yima yo ngo mukita ishigo mu mutshima wami.Ngu shi mukita yima ya ngo mutshigina go. ngo mutshita yima yo ngo mutuna. 16Uvi nga kita yima yo nga tuni, nga jiya egie shigo idi ya bonga.17Hima yi gnigni yidi muzoga gweme do, uvi disumu didi mweme. 18Gima gia bonga, gidi go mwene .Nzala ya gukita gima gia bonga gigi mwene, uvi phila guthu gu ya gukita.19Gima gia bonga gio ngumu tshigina gukita , ngushi mugikita go , kashi ngu mu vita gima gia bola , gio ngu mutshigina go. 20Kana nga kita gima gio ngu mutshigina go, ha gnagni ishi eme go ngumukita. 21Ngo mu mona mukatshi dieme shigo, tangwa dio gumu kita gima gia bonga, gima gia bola gia ngu jingidila22Ngono va kiese mu shigo ya nzambi gwa muthu udi mukatshi dieme. 23Uvi shigo iko yeza ji mungu buila mu mvila wa gaswe ya bata yitumba ya shigo igni yo ngo mutshigina go, Ha gnagni ya ngu kwata mu ji shigo dia disumu.Yidi mu mvila mu yitshidi yagaswe ya mvila .24Ngudi muthu wa phashi , nagni mbo ngu katula mupashi jiji jia mvila wa lufwa . 25Matondo gwa nzambi mukunda no Yezu klisto fumu wetu. Mukunda no ngagni , eme gibeni ngudi mukatshi diene, muphiga ya shigo ya nzambi , mukunda no mwila , ngudi pigha ya shigo ya disumu.
Chapter 8
1Gu shi ata gusambisama gu moshi mukunda nu wanyi adi mu Yesu Kilistu. 2Mukunda phila ya lujingu mu gi pheve mu katshi dia Yesu ya nu ngila shigo ya disumu nu ya lufwa.3Phila inyi, gima shigo jia kuyile go ha gu kita mukunda nu gu hwila gwa mwila, Nzambi wa kukishile ndaga yene; wa tumile munenji gibeni mu katshi dia mwila giteso gi moshi nu disumu mukunda nu mulambu wa disumu dia jingidila gu mwila. 4Wa kitile nganyi mukunda nu jigo dia lombele nganyi mukunda n'etwe, tu wendela go ima ya nzala ya mwila, uvi mu gi pheve. 5Wanyi a nu jinga mu phila ya mwila, a nu jingila mwila, uvi wanyi a nu jingila mu gi pheve, a nu kamba ima ya gi pheve.6Mukunda gu tshigina gwa mwila, gudi lufwa, uvi gu tshigina gwa pheve gudi lujingu nu ngemba . 7Mukunda gu tshigina mwila gudi mu tamegeya gimbeni gwa Nzambi, mukunda mwila wa nu lemvuga go gu jigo dia Nzambi, gwa lendele go. 8Athu wanyi adi nu ima ya mwila, a jiyile go gu hwa Nzambi kiese.9Mukunda nu nganyi, mwa nu jinga go mukunda nu mwila, uvi mu gi pheve, gula idi nganyi pheve ya Nzambi ya nu jinga mu katshi dienu. Uvi gula muthu mu moshi gwa shi go nu pheve ya Kilistu, Gwa shi muthu wenji go. 10Gula Kilistu udi mu katshi dienu, khanda iko mwila udi mu fwa mukunda nu disumu, uvi khanda iko pheve ya nu jinga mukunda nu masonga.11Gula pheve yenji ya zugishile Yesu gu lufwa ya nu jinga mu katshi dienu, yonu wa zugishile Yesu mu katshi dia athu a fwa wa nu hana lujingu gwa mwila wenu wa fwa, gu nyima pheve yene ya nu jinga mu katshi dienu.12Mukunda nu nganyi, aphangi, tu shi go nu gima gia gufuta gu mwila ole tu jinge mu phila ya mwila. 13Uvi mwa nu jinga mu gi muthu mba mudi mu fwa, uvi gula mwa nu jinga mu gi pheve mu mu jinga ha gu jiya nzala ya mwila.14Mukunda a vula a nu jinga mu pheve ya Nzambi, athu ene adi athu a Nzambi. 15Mukunda n'enwe, mwa zudile go pheve ya ndola nu gu banga nji, uvi mwa zudile pheve imoshi ya gutshigina inyi ta nu zwela egi: "Abba, Tata."16Pheve yene ya nu zwela nu pheve yetu egi tu di ana a Nzambi. 17Gula tu di ta ana a Nzambi, tu di athu mba a zula ima ya Nzambi mu khanda jiko: guma guko mba tu di mu zula ima ndonga imoshi nu Yesu, kana gibeni ta nu mona phashi nu mwene ha suga yenji ha gu zula lukumu nu mwene.18Hene ha gu mona egi phashi jia tangwa didi ji shi mu fwana go nu gubonga mba gu muza. 19Mukunda mavu akima adi mu nenga guza gwa Muna Nzambi.20Mavu akima adi nu ima ya phamba, mu shi mu luzolo lwenji go, uvi mu luzolo lwa yonu u mu tala mavu, mu katshi dia givuvu, 21mavu akima mba a mu kanguga mu gihiga wa ima ya bola ha gu zula diphanda dia lukumu lwa Nzambi. 22Mukunda ta nu jiya egi mavu akima a mu nyigana adi nji mu phashi jia bala ole mukhetu udi mu nenga gubuta mona ti nu magino.23Uvi ishi yene phamba go, uvi khungi'etu akima tu di mabundu agi pheve, ta nu phashi mu katshi dietu akima, mu gu tshigina gwetu, gu katuga gwa mwila wetu. 24Mukunda ta guluga mu katshi dia gutshigina; henyanyi gu tshigina gunu tudi mu mona gu shi go gutshigina tudi mu mona gu shi gutshigina, mukunda nanyi wa tshigina gu mona gima gia mu tshigina gale? 25Mukunda ta tshigina ima inyi ta nu mona go, tudi mu i nenga nu givuvu gi kima.26Phila imoshi, pheve ya nu tu sadisa nji mu gu konda ngolo. Mukunda tu jiya go gu lomba, uvi mwene gibeni ya nu samba mukunda n'etwe mu ima ta nu mona go. 27Mwene wa nu tala ima ikima idi mu tshigina gu jiya ngindu jia pheve, mukunda wa nu samba mukunda nu athu a konda disumu mu phila ya luzolo lwa Nzambi.28Tu mu jiya egi, ima ikima idi gu nyima ya wanyi a nu tshigina Nzambi enji nu wanyi Nzambi wa tamegeya ha gu lungisa luzolo lwenji. 29Mukunda wanyi Nzambi wa jiyile gu matwemena, wa londele ima mukunda nawo ha gu kala gifwa munenji, wa thomo ha katshi dia aphangi akima. 30Athu adi a jigo go, adi athu Nzambi a tamegele ha gu a longa.31Ikhi mba tu zwela mukunda nu ima yiyi? Gula Nzambi udi n'etwe, nanyi wa jiya gu kala mbeni wetu? 32Mwene wa swegele go munenji mu moshi uvi wa mu hanele mukunda n'etwe, mukunda n'enji mba tu hana go ima ikima nu mwene?33Nanyi mba u funda athu a phonele Nzambi? Kaka Nzambi wa nu lolula. 34Nanyi wa jiya gu belesa? Kaka Yesu Kilistu, yonu wa file enji udi nu funu, yonu wa futumugile mu katshi dia athu a fwa, udi gu koko dia gi tata dia Nzambi enji wa nu samba mukunda nu etwe.35Nanyi wa jiya gu tu kapha nu gu tshigina gwa Kilistu? I kala phashi, , gu beteya, nzala, guwenda thowa, lujingu lwa phashi ? 36A sonegele gu mukanda egi : " Mukunda nu eye athu a mu tu shiya mwa vula ilumbu ikima. Ta kituga getu ole mameme a mu twameseya ha gu shiyiya holu dia mabaya."37Gu ima inyi ikima, 38tudi athu a gu nunga mukunda nu yonu wa tu tshigina. 39Ngu di muthu wa gu nunga henyanyi gu lufwa go, monyo ya goChapter 9
1Ngu mu zwela ndaga ja kiele mu kilistu, ngu shi mu mba mambo go, gu jiya gwami gu mu ngu jiyisa gwa pheve-Santu, 2ngu di nu khenda nu phashi ja vula mu mutshima wami.3Ngu mu tshigina Yesu a ngu shinze tu di kaphe nenji mukunda nu gu tshigina gwa aphangi'ami wanyi ngu di nawo gilema gi moshi. 4Adi enya gu Izalayele. Adi a kumbudiya, lukumu, gudi visa, makapho a shigo, gu sambela Nzambi mu njila ya khunga nu ma laji. 5A khaga a gi shina gia Kilistu yonu udi holu dia ima ikima, Nzambi a mu sagumune mvula nu mvula. Amen!6Ishi mu zwela egi go egi ma laji a Nzambi a belele. Ishi nganyi go enji ishi gibeni ya kielega egi muthu mukima u mu jinga gu izalayele udi mwenya gu izalayele. 7Ishi go egi athu akima a mu gikanda gia Abalayama adi anenji, uvi mu njila ya Izaki mwene mba mu zoga ana a gifugo.8Idi mu leza egi, ana a nu butuga mu njila ya gi muthu a shi go ene ana a nzambi, uvi idi ana wanyi a teye laji adi ana a gishina. 9yene idi ndinga ya laji: " kaka mu sungi kaka yiyi, mba ngu za sara mba udi mu buta mona.10Uvi ishi yene kaka ndo, Rebeka nji wa mitile gwa yala mu moshi, shetu Izaki; 11mukunda ana a kalele khanji a butuga go, ata gima gi moshi gia bonga ndo nga ndo gia bola ndo, mukunda egi ngindu ja nzambi, ishi go mukunda nu isalo, uvi mukunda nu luzolo lwa yonu wa tamegele. 12A mu lezele egi: " Mona wa mbuta mba u mu salela galenge."13 Ya kalele ya kielega phila ya sonegeye egi: " Nga tshigina Yakobo, nga tuna Ezawu."14Ikhi mba tu zwela nji? Keti idi yene gu konda gwa masonga a nzambi? Ishi nganyi go. 15Hene wa lezele Moyize egi: " Mba ngu vwa khenda gwa muthu yonu ngu mu tshigina, mba ngu khenda gwa yonu nga tshigina." 16Hene ishi mu talela go muthu ngu mu tshigina, nga ndo yonu u mu zangula phushi, uvi idi mu luzolo lwa Nzambi ha gu vwa khenda.17Mukunda mikanda ya zwelele gwa Faraon egi; " Idi mu mabanza a funu hene nga gu tuphudile mukunda ngolo jami ji di monese enji mukunda gikanda giami gi jiyiye ha mavu akima." 18Hene, ya nu khenda gwa yonu a tshigina enji wa nu kolesa mutshima gwa yonu a tshigina.19Mba ngu leza gu nyima; mukunda nu ikhi a mu mona kaka gu bola ? Nanyi ata mbala imoshi wa hagele gingolo-ngolo ?" 20Ishi Nganyi go, muthu udi nanyi ha gui tuna mambo a Nzambi ? Nzungu ya uma ya jiya gu leza muthu wa i bumbile egi mukunda nu ikhi wa ngu kitile nganyi ?" 21Mubumbi wa nzungu gwe shi go nu gifumu ha gu zwela egi a zangula uma a u kitila nzungu ya funu enji ya bonga gibeni enji nzungu iko ya gu ko mu sala gisalo gilumbu nu gilumbu.22Ikhi nji nga jiya gu zwela mukunda nu Nzambi gula wa khabu jenji, enji gula tshigina gu leza ngolo jenji, kangenu mutshima mu tangwa mu mu nenga nzungu ya khabu idi mu za mu mwanga nu gu nietumuna. 23Mukunda ha gu leza gimvwama gienji gia lukumu gibeni holu dia nzungu ja khenda, yene ya yidigiye mukunda nu khenda jene. 24Hene idi mukunda n'eswe a mu tu tamega, mukunda nu ba yuda phamba ndo, uvi mukunda n'etwe akima.25Oze u mu zwela egi: " Mba ngu mu tamega ha khami wanyi a shi go athu ami, enji mafuta ami a luzolo wanyi a kalele go mafuta ami a luzolo. 26Mba mu kala nji nganyi ha gifundo giene gi mu zwela egi : " Mu shi genu mwa athu ami go." Henyanyi mba a tamegeya ana a Nzambi wa monyo."27Yezaya wa kalele mu kaluluga ha gu leza ana a gi Izalayele egi: " Gula gu vula gwa ana a Izalayele gwa kalele ole fufuta nu meya, mba gu mu kala nu wanyi a begele mba a guluga. 28Nganyi Nzambi ndaga ja zwelele mba udi mu ji lungisa gwa leha ndo mu phila ya gu lunga sha. 29Giteso gi moshi Yezaya wa zwelele nji gu twama egi : " Gula Nzambi wa itumba mba gwe shi mu bemba athu mba eza gu nyima dietu ha mavu mba mu kala ole Sodome nu Gomore.30Ikhi mba tu zwela nji ? Athu ako a kalele mu kamba masonga go nu ako mu jinga mu masonga, mukunda nu lukwikilu lwawo. 31Uvi Izalayele ya kalele mu kamba shigo ya masonga a i monele go32Mukunda nu ikhi? Mukunda a kalele mu i kamba go nu lukwikilu, uvi a hagele mutshima gu isalo yawo, 33ole phila ya sonegeye egi : " Talenu nga hagele gu siyoni seso dia gibunji ole seso dia gu hana sonyi. Yonu u mu kwikila gwa mwene mba a shi mu kwateya sonyi go."Chapter 10
1Aphangi'ami, ndaga nga nu tshigina mu mutshima wami ukima, enji ndaga jinyi nga nu lomba gwa Nzambi mukunda nu athu a gu Izalayele jinyiji: " ngu mu tshigina egi a vwe monyo. 2Ngu mu zwela mukunda nu ene egi adi mudi hana mwa vula gwa Nzambi, uvi ishi go mukunda nu ndaga jinyi adi mu jiya. 3Mukunda a nu jiya go phila khi Nzambi a nu tshigina athu. Hene a nu hata go njila yinyi Nzambi a nu tshiginila athu.4Kilistu udi mulungishi wa shigo jia Moyize, mu phila egi muthu mukima udi mu ji kwikila Nzambi a mu tshigine. 5Moyize wa sonegele ndaga jiji mukunda nu gu tshigina gunu Nzambi a nu tshigina athu wanyi a nu hata shigo egi; " Muthu yonu wa nu hata shigo wa nu jingila shigo."6Uvi mukunda nu gu tshigina gunu Nzambi a nu tshigina athu mukunda nu lukwikilu lwawo, a nu zwela egi:" Gu zwela ndo mu mutshima waye egi,Nanyi mba u kanduga gosa?"( idi mu leza gu vutuga gwa Kilistu haha ha mavu); 7Gu zwela nji ndo egi," nanyi mba u bulumuga goshia mavu gunu gwa nu kala athu a fwa?( idi mu leza ha guya mu kandwisa nji Kilistu ha kulunji).8Gu zwela gwa ndaga jiji gudi egi ikhi? "Ndinga ya Nzambi idi phembeni nenu mu katshi dia makano enu enji mu mutshima waye. Ndaga yene idi mukunda nu gu kumbulula gwaye mambo ta nu longa. 9Gula wa taya mu kano diaye egi Yesu udi Fumu enji wa mu taya mu mutshima waye egi Nzambi wa mu zugishile mu katshi dia athu a file, mba mudi mu vwa monyo. 10Muthu u feto gu tshigina Nzambi mu katshi dia mutshima wenji, enji nu gu zwela mu katshi dia kano wenji gu twama dia athu.11Mukanda wa Nzambi u mu zwela egi: " muthu mukima udi nu gu tshigina mu mutshima wenji, u mu jiya Yesu, Nzambi mba gwa shi mu mu hwa sonyi go. 12Mu katshi dia ba yuda nu athu wanyi a shi go ba yuda gukapumuna gu shi go. Khungi'awo akima adi nu fumu mu moshi wa nu tshigina muthu mukima wa mu tshigina. 13Muthu mukima mba u tshigina jina dia Yesu mba u mu vwa monyo.14Phila khi athu adi mu samba Nzambi gula mu mitshima yawo Nzambi mwene gwa shi nu bugu go. Phila khi athu a tshiginile Nzambi gula a vila go malongi enji? Phila khi a vile malongi ene gula ata muthu wa longele go? 15Enji, phila khi gu longa malongi ene gula Nzambi gwa tumile go athu a feto longa malongi ene? A sonegele egi; " Kiese gia vula gidi gwa athu a muza gu tu batela ndinga ya Nzambi.16Uvi athu ene akima a tshiginile go Nzambi, Yezaya wa zwelele egi," Fumu wami wa vile malongi etu? 17Gu tshigina Nzambi gudi gu vwa malongi enji, malongi ene adi ndinga ya Kilistu.18Lulu ngagi, ngu mu hula egi: " athu ene gwa vile go? GU longa gwawo gwa kumile mu mavu akima enji gwa ile ti nu gu suga ya mavu."19Enya gu izalayele a jiyile go egi Moyize wa kalele muthu wa toma wa zwelele egi: " Nzambi wa zwelele egi mukunda nu eme, mba mu shi mu tshigina athu ako ndo, athu adi a shi ami ndo; athu a unga. Eme mba ngu mi hwa njila ha gu a vila khabu.20Yezaya wa zwelele egi, athu wanyi a dile gu gukamba ndo, nga a hwile njila ha gu ngu mona. Nga di digile gwa athu a dile gu ngu hula ata gima go. 21Mukunda nu ana a Izalayele; Nzambi u mu zwela egi," Nga sununa mago ami holu dia wanyi a nu la gu ngu jiya ndo ilumbu ikima.Chapter 11
1Ngu mu zwela egi, Nzambi wa tunyile gikanda gienji? A vutudile egi; " ndo"; eme nji ngu di nga mwenya gikanda gigi. Abalayama udi mbutami wa mwa leha; eme ngu di mu gikanda gia Benjamin. 2Nzambi gwa bishidile go gikanda gienji ginyi a phonele mwa leha, mu shi mu jiya go gima gia zwelele mu mukanda wa Nzambi mukunda nu gu bogota gwa Eliya gu meso a Nzambi? 3Fumu Nzambi, athu a mana mu shiya jinganga jiaye jikima, a mana mu shiya ima ikima inyi ta nu salela mu isambu ta nu mu hwila lukumu; gwa bega kaka eme nji a mu kamba ha gu ngu shiya.4Nzambi, mvutu khi a vutudile Eliya? Nzambi wa zwelele egi; " ngu di nu athu mafunda makumi a sambwadi, wanyi nga haga athu ene, kanji gwa fugimina gu twama dia Nzambi ya Baal. 5Magino, gudi nu gu vula gwa athu ako a solele Nzambi mukunda nu khenda jienji.6Mukunda Nzambi gwa a solele go mukunda nu ndaga jinyi a kitile. Uvi mukunda nu luzolo lwenji lwa bonga. Gula ndo nga luzolo lwenji lwa bonga ya bola kala go luzolo lwa kielega. 7Ikhi ta jiya gu zwela ? Enya gu izalayele ishi akima go a zudile ndaga jinyi a kalele mu kamba. Kaka athu wanyi Nzambi a solele ha gu zula ndaga yene; uvi athu ako a kalele mu mona go phila ya gu bagisa ndaga yene go. 8Mu phila mukanda udi mu zwela egi: " Nzambi wa salele mu phila egi a jiyile go gu bagisa mu ngindu jawo go, nu gu konda gu mona gu meso awo, enji nu gu konda gu vwa gu matshi awo katuga gilumbu giene ti nu magino."9Davidi nji udi mu zwela egi; " ima yawo ya gudia ikale ole ima ya thambwe, enji a kangame mu ima yene, nganyi mba adi mu fwa, enji mba adi mu zula ndola. 10Meso awo a kangame mu phila egi a konde gu mona nji ata gima, a kale mu wenda a fumbamana tangwa dikima mukunda nu phashi jawo."11Ngu mu hula ngagi; " tangwa ba yuda a jimbidile njila, keti a bwile kimakulu?" Ndo, uvi mukunda nu masumu awo, athu ako a gulugile mu phila egi ba yuda a a vile gingonzo. 12Gula athu a membo ako a zudile lusagumunu mukunda nu masumu a ba yuda, enji gula athu wanyi a shi go ba yuda a zudile lusagumunu mukunda ba yuda a bwile, keti mba ishi mu kala ya bonga go gula ba yuda akima a guluga?13Haha ngu mu mi leza enwe athu mu shi ba yuda go, nga nu di zalula mu gisalo giami mukunda ngu di nga thumwa mukunda nu enwe athu wanyi a shi ba yuda go. 14Nganyi tangwa diko nga jiya gu benda aphangi'ami ba yuda ha gu mi vila gingonzo, nganyi ako mu katshi dienu mba a guluge.15Mukunda tangwa a tunyile ba yuda, we jile mu di visa nu athu ako. Hene gula wa tshigina nji ba yuda, athu wanyi a file mba adi mu vwa monyo. 16Gula muthu wa hana gitshidi gia thomo gia phamba gwa Nzambi, zwela nji egi ima ya gudia ya vula idi ya Nzambi. gula muthu wa hana mishisa ya mutshi gwa Nzambi, zwela nji egi thango jia mitshi yene idi yenji17Enya gu izalayele adi ole mutshi wa nu buta mabundu wa nu kunyiya, enji unu wa nu batudiya thango jiko. Eye muthu ushi gaye wa muyuda go, udi ole wa luthango lwa mutshi wa mu gishitu wa nu haga mabundu unu wa nu hageya hama hanyi ha batudiye luthango. Tangwa didi mishisa ya mutshi wene ya nu hana ngolo gu mutshi yene ya kunyiye, wa nu gu N'eye nji ngolo. 18Hene wa jiyile go gu vweza athu wanyi adi ole thango jia batudiye. Jiya egi ishi eye go wa nu kwata mishisa ya mutshi wene, uvi mishisa ya nu gu hwa ngolo.19U mu tshigina gu ngu leza egi; " a batudile thango jia mutshi wene mukunda ngu inge hama ha kalele luthango." 20Eya idi ndaga ya kielega. A batudile thango jene mukunda jia kalele nu lukwikilu go, hene wa inga hama ha batudiye luthango mukunda nu lukwikilu lwaye. Uvi wa jiyile go gudi zalula mukunda nu ndaga jene, u feto vwa woma. 21Mukunda, gula nga nzambi gwa bembele go ba yuda wanyi a fwana thango jinyi jia kalele thomo jia kwatana nu mutshi, jiye egi mba gwa shi mu gu bemba go.22Tala phila khi Nzambi a nu leza gu bonga gwenji nu khabu jenji; gwa shi nu khenda go gwa athu wanyi adi a bwa, uvi gula wa nu hata ndaga jenji jia bonga, mba udi mu gu salela mambote, uvi gula wa nu hata go ndaga jia bonga, nzambi mba udi mu gu katula.23Hene, gula ba yuda a yandiga nji gu kwikila, Nzambi mba udi mu a vutula a zule gifundo diawo dia thomo. 24Eye u shi go wa muyuda, udi wa fwana luthango lu moshi lwa mutshi wa mabundu wa batudiye mu gishitu, enji wa zogele go gu mutshi unu wa nu kuniya, uvi we jile mu lambigiya gu mutshi wene. Uvi ba yuda adi a fwana thango jia mutshi unu wa kuniye; hene mba i kala phashi go gwa Nzambi ha gu a lambiga nji gu mutshi unu wa thomo.25Aphangi'ami ngu mu tshigina gu mi jiyisa ndaga imoshi ya kielega inyi Nzambi a kalele mu swega mu phila mule gu kala ndo egi mudi mwa athu a tema. ndaga yene inyiyi: athu ako a gu izalayele a shi nu phila go ya gu jiya, uvi mba a shi mu kala kaka mu phila yene go, gula ndo athu akima a shi go ba yuda a gulugile.26Hene athu akima a gu izalayele mba adi mu guluga. Mu phila ya sonegeye gu mukanda wa Nzambi egi: " Mu gulwishi yonu udi muza u mu katuga gu dimbo dia Siyoni, mba udi mu katula gu bola gu kima gwa ana a Yakobo,27 hene mba ngu mu di visa nawo mu phila yene, tangwa mba ngu katula masumu awo.28Ba yuda a nu tuna gawo sango ya bonga, hene adi mbeni jia Nzambi mukunda nu mambote enu mu shi mwa ba yuda go. Uvi Nzambi wa a solele thomo ene, hene mukunda nu mambuta awo a mwa leha adi kaka athu mwene a nu tshigina. 29Mukunda Nzambi gwa nu katula go ndaga jinyi mwene a nu hana, ngindu jenji jia nu balumuga go mukunda nu athu wanyi mwene a phonele.30Enwe athu wanyi mu shi go ba yuda,mwa kalele mu lemvugila Nzambi go. Uvi tangwa didi Nzambi wa mi vila khenda mukunda ba yuda a nu mu lemvugila go. 31Phila imoshi nji mu tangwa didi ba yuda a nu lemvugila Nzambi go, hene wa nu mi vila khenda mu phila egi wa nu a vila nu ene khenda. 32Nzambi wa a bembele khungi'awo akima mukunda a kale athu wanyi a nu lemvuga go, mukunda wa jiya gu a vila khenda.33Nzambi udi nu gimvwama gia vula! Gu tema gwenji nu ndaga jinyi a nu jiya jia nu ya gwa leha! Nanyi wa jiya njila jenji? 34Mu phila mukanda udi mu zwela egi: Nanyi wa jiya ngindu jia Fumu Nzambi? Nanyi wa jiya gu mu longishila?35Nanyi wa nu hwa Nzambi gima mu phila egi Nzambi wa feto mu vutudila nagio?" 36Mukunda Nzambi wa salele ima ikima; ya nu katuga gwa mwene, enji ya nu jinga mukunda nu mwene. Lukumu lu kale nu Mwene mvula nu mvula. Amen.Chapter 12
1Ngudi gu mikwatesa mu ndaga ya nzambi anetu , mu gutshigina gwa nzambi , ha guleza mwila wenu ukhale ule gi makapu a mogno a santu nu agutshigina nzambi .idi mukumisa nzambi mu gipeve . 2Muwendi go ulegi egna ha mavu wa wa , khadienu a gulonda ha gubalumuna matangi enu. ngagni mba mujiye gutshigina gua nzambi , udi wa kuwanu gubonga.3Ngu muzwelegi , mukunda nu khenda ja ngu hwile , muthu mumoshi mukatshi dienu guadimoni go wa bonga mwene ho khenji , kashi mu gutema gua giteso gia gutshigina gwa muhwile nzambi.4Giteso gimoshi tudi nu ima ya vula mu mvila umoshi .nu ndji itshidi ya mvila ishi nu gisalo gimoshi . 5Giteso gimoshi nu eswe , tudi tua vula gu dibungisa mvila u moshi nu yezu klisto. konso muthu udi gitshidi gia mvila wa muko.6Tudi avula mugutshigina gua tuhwiye .Gula muthu muko nu kapo dia guzwela ima imuza , a gi kite mu giteso ya gutshigina guenji. 7Gula muthu udi nu dikapo dia gusalela ako, a asalele. muthu udi nu dikapo dia gulonga , a longe . 8Gula muthu udi nu dikapo dia guhana gikhesa , a hane gikhesa .Kana muthu udi nu dikapo dia guhana , a hane a hane nu kiese.Gula muthu udi nu dikapo dia gutwameza, a dikite mwa bonga.Gula muthu udi nu dikapo dia khenda , a dikite nu mutshima wabonga.9Gutshigina gukala gwaguadeleza go.Tuna gubola , kwatenenenu gu gubonga . 10Gutala gutshigina gwa pangiaye, khala nu kiese , ha gutala lujito, lukale gwenwe a gaswe.1113 Ha gutala gutema , ukhadi go uzwela gigi uzwela gigi, ha gutala matangi, khala mutshima umashi , ha tala ufumu, mu salele . 12Khalenu nu muva kiese mukatshi dienu egi, mba nguheta, mbanguzula khala nu gu kanga gua matangi mu pashi. Jingidilenu isambu. 13Funu ya ima ya santu ikale ya ye. Ndji salelenu guditshigina.14Sagumunenu agni a mihwa mpasi , sagumunenu nu nji mwashinji go. 15Khalenu nu kiese nu agni adi mu kiese .Dilenu nu agni a mu dila . 16Khalenu nu gutangiza khungi yenu yagaswe nu akwenu. Mukadi nu lulendo go muguta ngiza gwenu, kumbululenu wagni eshi nu ginwama .17Gukita gubola nda , gwa wagni a mokita gubola .Sala ima ya bonga gwa athu agaswe. 18Gula pila tangwa diko , khala nu ngemba nu athu a gaswe .19Guvutula gubola gu gubola ndo mbemba khabu ja nzambi ji sale .Mukunda a sonegene :"Eme ngu feti vutula gubola gu gobola.Eme mba ngu sambesa mavu mu guzwela gua fumu . 20Gula mbeni yaye udi nu nzala , muhwe ya gudi, gula udi nu luhungu, muhwe ya gunwa gula wa kita ngagni .Makala a tshiya mu muhaga ha mutwe wenji. 21Mu khala mu katshi dia gubola go, nzagni gubola gu mi balega go khalenu mu gubonga.
Chapter 13
1Muthu nu muthu mukatshi dienu alemvugile mafumu a mbula - matadi a mavu , mukunda mafumu agaswe Nzambi weno ahaga, gufumu gienu katuga gudi Nzambi . 2Athu enutuna gulemvuga mafumu a ha mavu , enutana gulemvuga Nzambi tangwedi athu enutuna gulemvuga mafumu a ha mavu, enudikambelo dikembe mukunda Nzambi mba umuasambesa.3Mafumu a ha mavu eshigo mukunda na guhua athu ndolo go ata guasalela gendji gubola go.Gubola.Mukunda nakhi mushi mukumbula guvua woma wa mafumu a ha mavu ? salenu mwabonga mukunda mba amikumbule . 4Jiyenu nyi adi asadi a Nzambi amu musalelo gisalo, mu mutalelo athu ha mavu mukunda enue mumone gubonga Lulu awilenu woma , mukunda kana mwasala gubola ene, awhiye gifumu gia bonga, gishi go gia pamba , lulu lenda guhana ndola gu ima ya bola . 5Mukunda na yo lemvugenu , ishigo mukunda kaka nu gulengandola , udi mukunda nu gutaya nu masonga enu.6Talenu mwabonga , mukunda nu gutaya gue nu futenu gitadi gia mbula - matadi mukunda enendji adi isadi ya Nzambi , ene enutala ima ya hadia mavu tangua dikhima , nu eswe athu. 7Huenu muthu gima ginyi gidi muya gudi mwene , taxe nu gitadi , lujito nu lukumu gudi athu afeten guhwa .8Lulu muthu mumoshi gutuna gulemvuga lo , thono ditshiginenu enue nu enue hangenyi Yezu klisto azwelele , muthu mukhima hamavu udi ya guka mbulo pangi enji mukunda nu gabamba mukwala wa mbile fumu Nzambi egie dikumbululenu enue nu enue apangi. 9Lulu nganyi malongi a Nzambi amuzwele egie: Gusambela itege lo, gusala uthambi nu makhajiane amuthu lo , gushiya muthu nakuvenu lo , gukuya lo gima gia muthu , gumenga muthu lo mukunda nu gima gienji.Ndaga jia ima ihi umuzwele egie"kala nu gutshigina gua pangi aye hangenyi eye wene gudikumbula eye akhaye". 10Guzumba lo nyi gutshigina guaye guhwe pangi aye jipashi gu mutshima.Hagutala ndaga jiji jikhima, Gutshigina gumulu ngisa gubamba mikwala ya nzambi ha mavu imuzwela egie"Ditshiginenu".11Lulu ngagi jiyenu nyi ntangua dilungu , zugenu gutalo. Mukunda gifumu gia Nzambi gi mu milomba guditshigina gudi mu mwila - mwila kana tabamba gutshigina . 12Pipa yaya nu guhua , guma gumulegie gukia , bembenu ima ya bola ya mupipa , sudigenu matha mu ngolo jia Nzambi mu njila ya mwanya .13Suangulu genu gu guwenda mu mwa nya , mukadi go gunyima dia matombe , guya lo nu guhala mwenda gu nyima dia lulendo , mudihanyi gu lujingo lua utambi wa akhetu nu amala go , gusalela gipala lo gu mwila apangienu nu gingonzo, guya lo nu gulwisa makem gudi aphangi, gu salela ndo mukwenu ndaga ja bola, jinyi mwene a swegele gosha mutshima. 14Di bambenu ha gusudiga Yesu Kilistu ole mata enu mukunda mu jimbile ima ya bola ya mwila ya holu dia mavu.
Chapter 14
1Kumbululenu muthu mukima udi nu lukwikilu lwa zonda nu lunu lwa leba nu gu sambesa ndo, gu dimba ndo. 2Muthu muko udi nu lukwikilu lwa koma lwa gudia ima ikima ya nu mi hwiya. Yonu udi nu lukwikilu lwa leba, yonu wa nu tuna ima ikima, yonu u mu hwiya mu dia mayiji a nu tamegeya egi ndunda. Lulu Nzambi udi mu tshigina gu mu yamba mukunda u mu swanguluga gudi mwene.3Muthu munu wenu dia dia ima ikima mukunda nu gutshigina guedji gueshi go nu ditangua dia gusambesa yenu wenu wenu tuna gudia ima ikhuma , gumuhua jipashi lo, Nzambi udi nu guswanguluga hagumu yamba. 4Tangwedi eye udi nanyi gusambesa muthu wa gisalo wa mukwenu! mukwenu?Ata muthu mwene udi nu gibingo nga gibela ndaga inyi imutalala fumu enji wa muzudile gu gisalo mba ununga mukunda fumu Nzambi yogo umu mukwatesa.5Tangwedi muthu mumoshi wa kalele mutangiza egie gilumbu gi moshi gia balega ilumbu iko, mukunda nu matangi anyi , mutho muko wa zwela egie ilumbu ikhima idi mutshindo umoshi. Athu enuzwela nganyi mukunda nuguhua fumu Yesu klisto lujito.Muthu nu muthu akale nu gutshigina tangwa dia mutangiza . 6Muthu mukhima umu dibamba gilumbu nu gilumbu mukanda fumu - Nzambi umu mubamba .yenu umudia ima ikhima mukunda umuhua fumu - nzambi matondo.yenu wenu tuna gudia ima ikhima lo, wenu dia kaka ndunda mukunda fumu - Nzambi umu muhua gutshigina.7Heshi nu muthu go mukatshi dietu wenu jinga mukunda nu mwene hakenji , muthu guenu fua go mukunda nu mwene hakhenji . 8Tumu jinga, ata muthu mumoshi gueno jinga go mukunda nu mwene hakenji, tumu jinga mukunda fumu - Nzambi yogo umu gutukwatesa eswe athu enji.Tangwedi kana tumu jinga, kana tumufwa mukunda tudi athu a Nzambi. 9Gutwama jia ndaga jiji, jiyenu nji Yesu klisto wa file hene azugile , udi nu monyo wenu jinga mukunda wanungila mwa gaswe ata mukunda nathu afwa ata athu a monyo.10Mukunda nu ikhi umusambesa pangiye ?Mukunda na ikhi umuhua pangiaye jipashi? kalenu mujiya nyi mba tumu magana musamba gutwama dia nzambi gugu tala ndaga jia sonegeye gu mukanda wa Nzambi egie: 11Ngudi nu monyo ya zwelele nzambi: "Mabonga akhima mba angufugamena gumatuama diami, ndinga jikima hadia mavu mba jinga tumbwisa mu ngimbo nu isambo.12Lulu ngagi , muthu mukhima mba udisambele ndaga yenji di gutwama dia Nzambi. 13Tangwedi tudisagisa go nugudi sambesa akwetu mukunda muthu wa tema gienu haga go diseso mungila ngalo ate muheto hama hamubalega pangienji.14Mukunda nu gataya ngumu jinga nu gutshigina gua Yezu klisto .Mweno wa zwelele egie gima gishi giabola go giene ha khagio , abola mukunda nu muthu munu wenu mona ima ikhima ya bola.Kana mukunda nu musa pangi aye wa niongota pambalo eye ushigo muwenda nu gutshigina . 15Gushiya muthu mukunda nu musa mukunda Yesu klisto wa file gale ha gifundo gietu.16Gubolesa ima yaye ya idigale ya bonga mukunda nu gufete nu gufunda athu. 17Mukunda gifumu gia Nzambi gishi mutalela go ndaga ya gudia nu gunua, giene gidi mukunda nu masonga Nzambi munjila ya guwhima, ngemba giese mu gimvuga nu peve - longo.18muhikima iyi , muthu wagaswe wenu salela klisto nu gutaya wenu monega muthu wa bonga gu meso athu. 19Muabonga tukambe guwhima mu njila ya ima ya bonga mu malongi agukwatesa akwetu aleba ha guzula jingolo.20Bembenu gubebesa gisalo gia Nzambi mukunda nu gudia ata ima ya gaswe idi gayo ya bonga gugudia , gubola gudi gudi muthu mba udia mukunda nu guta nzende . 21Ishi go mabonga gu gudia mbiji ya menga gu nua matondo , nu ima iko ya bola ya tuma pagieye gusala masumu.22Bamba gutshina gua ye gutwama fumu - nzambi , suenga gutaya gu nu gu muthima mukunda giese gidi nu muthu wenula gumona gubola lo mugima giatayele. 23Muthu wa gagwe udi matangi ayadi gutwama ya ima ya gudia , ndolo ya Nzambi imu munenga mukunda gitshigina guenji guenu gumuleza go gusala mambo a bonga.Muthu yogo umusala masumu.
Chapter 15
1Lulu ngagi, enwe mudi nu ngolo, kwatesenu wanyi a shi nu gikesa go, enji mu kala mu di zalula go enwe ha khenu. 2Muthu nu muthu a kwatese phangienji, yene idi ndaga ya bonga mukunda a balule mutshima.3Mukunda ata Kilistu gwa di zaludile go mwene ha khenji, uvi mu phila ya sonegeye egi: " Ndaga jia bola jidi jia wanyi a nu ngu shingana, mba jidi mu bwa holu dia mutwe wami." 4Mukunda ndaga jikima jia sonegeye, jia sonegeye ha gu tu longa, mukunda mu njila ya gu kanga mutshima nu gu hana gikesa mu phila malongi a nu hana gikesa, mukunda nu gu di fefela.5Nzambi yonu wa nu kanga mutshima nu gu katula phashi a mi hwe ngindu ji moshi mu katshi dienu mu njila ya Kilistu Yesu, 6mukunda nu ngindu jene ji moshi, nu ndinga imoshi ya gu zwela, mu hane lukumu gwa Nzambi sha Fumu wetu Yesu Kilistu. 7Hene di yambenu mu phila kilistu a nu mi yamba mukunda nu lukumu lwa Nzambi.8Mukunda ngu mu zwela egi:" Kilistu we jile muthu wa gisalo ha gu leza athu ma kielega a Nzambi, mukunda nu gu lungisa laji dia haneye gwa a shetu, 9nu gwa aphagano ha gu kumisa Nzambi mukunda nu khenda jenji. Mu phila ya sonegeye egi: " Mba ngu mu gu kumisa mu katshi dia aphagano nu gu yimba khunga ya lukumu mu jina diaye.10Mukanda udi mu zwela nji egi: " Kalenu nu kiese, thotho ikima, mu katshi dia athu enji." 11A sonegele nji egi: " Hanenu lukumu gwa Fumu, enwe ikanda ikima; athu akima mu kumisenu."12Yezaya wa zwelele egi: " Mu gikanda gia Isayi, mba mu zoga muthu mu moshi mba u bishidiya, uvi mwene mba u zuga ha gu yala ikanda ikima, ikanda mba idi gudi fefela gwa mwene.13Nzambi yonu ta nu di fefela gwa mwene a mi zalese nu kiese gikima, nu ngemba ikima mu katshi dia lukwikilu mukunda gudi fefela gwenu gu kale gwa vula mu ngolo jia pheve santu14Aphangi gu ndaga idi mu mi talela, nga tshigina egi mudi mu mutshima wa bonga, mudi mu jiya mwa bonga ndaga mu feto jiya, mudi nji nu mayele a gudi hwa malongi mu katshi dienu.15Lulu ngagi ngu mu mi sonegela nu gikesa gikima ha gu mi leza mu yindule ndaga jinyi mwa longugile ha thomo, mukunda nu mambote wanyi a ngu hwiye gwa Nzambi, 16ha gu kala muthu wa gisalo gia kilistu Yesu wa tumiye gwa aphagano, nga nu kita gisalo gia bonga gia gu jiyisa malongi a bonga a Nzambi; mukunda makapho a aphagano a tshiginiye mukunda pheve santu ya a kitule a bonga.17Nga feto vwa kiese mu katshi dia kilistu Yesu mukunda nu ndaga idi mu talela Nzambi. 18Mba ngu sonega go gima giko kaka ndaga jinyi kilistu a kitile mu katshi diami, ha gu bata aphangi ha gu lemvuga mu ngolo nu idimbu nu ima iko ya bonga, 19mu ngolo jia pheve santu, ha gu mona egi yandiga gu Yelusalemi, nu mu membo a mu mwila mwila ti nu dimbo dia Iliriya nga longele malongi a Kilistu.20Mu phila yene, ngu mu tshigina gu longa malongi a bonga, uvi ishi go hama hanyi athu a vile gale malongi ene, mukunda ha gu konda gu tunga holu dia kunji dia tungiye gwa .21 Mu phila ya sonegeye egi: " Gwa athu wanyi a longeye go malongi, ene mba adi mu mu mona gu meso, wanyi a vile go malongi ene, mba adi mu a bagisa.22Hene njila ya kalele ya gu kanga ha guza gwenu. 23Uvi, lulu ngagi, mvula jia vula jia balega, ti nu magino, ngu di nu uhote wa guza gu mi tala.24Hene, tangwa mba ngu ya gu Espania, ngu mu haga mutshima ha gu mi tala tangwa mba ngu balega, mu phila egi mba mu ngu sumbige, gu nyima ya gu vwa n'enu kiese tangwa mba tu di mona. 25Lulu ngagi, ngu mu ya gu Yelusalemi ha gu salesa a Kilistu adi gwene.26Mukunda ya kalele kiese gia vula gwa enya gu Masedwane nu a gu Akaya ha gu hana lusadisu mukunda nu athu wanyi adi gu yelusalemi adi mu phashi ya ima. 27Eya, ya kalele kiese giawo gia gu balega, enji mu masonga a feto kita nganyi ha gu salesa athu ene. Mukunda gula aphagano a zudile lusadisu lwa gi pheve gwa a kilistu, nu gu a salesa mu a hwa ima ya gu a salesa mu lujingu lwa gi muthu.28Gu nyima gula nga manesa ndaga jiji gwa suga, enji gula nga ya ha gu a hwa lusadisu gwa suga, mba ngu mu ya gu dimbo dia Espania, mu njila mba ngu mu za mu balegela mu dimbo dienu. 29Ngu mu jiya egi, tangwa mba ngu za, mba ngu mu za nu lusagumunu mwa Kilistu.30Lulu ngagi, ngu mu mi bondila aphangi'ami egi mu njila ya Fumu wetu Yesu kilistu nu mu gu tshigina gwa pheve ha gu haga ngolo ha gu samba Nzambi. 31Kitenu nganyi mu phila egi athu a gu dimbo dia gu Yudeya a nu tuna ha gu kwikila gu malongi a bonga, ale gu ngu kita ndo gima gia bola, enji a kilisto mu dimbo dia yelusalemi a tshigine lusadisu mba tu a batela. 32Nganyi, tangwa mba ngu mi jila nu kiese, mu luzolo lwa Nzambi, mba tu hima n'enu hama ha moshi.33Nzambi wa khenda a kale n'enu akima.Chapter 16
1Nga mi tumila Febe, phangi'etu wa mukhetu, yonu wa nu kita gisalo gu dingumba dia gu dimbo dia Senkre, 2mu yambenu mwa bonga mu jina dia Fumu Yesu Kilistu mu phila bonga ya a kilistu, enji mu mu kwatese mu ndaga jikima adi najio funu, mukunda nu mwene nji wa salesele athu a vula, n'eme mwene gibeni.3Mbote ya vula gwa Priska nu Akila aphangi'ami a gisalo mu Yesu Kilistu, 4a bolo shiyiya mukunda nu gu ngu gulusa. Ngu mu a vutudila matondo a vula, ishi eme ha khami go, uvi nu wanyi akima a dingumba dia wanyi ashi a kilistu go. 5Mbote ya vula gwa enya dingumba dia nu tagana mu gisapha giawo.6Mbote gwa Mariya yonu wa nu kita gisalo gia vula, 7mbote gwa Andromikusi, gwa Zuniasi, aphangi wanyi a kalele mu bologo, adi a thumwa a jiyanele mwa vula, a kitugile a thumwa gu twama diami. 8Mbote gwa Ampliyatus phangi nga tshigina, tudi nenji mu gimvuga nu kilistu, mwene nji wa kitugile thumwa gu twama diami.9Mbote gwa irbin phangi'etu wa gisalo mu kilistu, mbote iko gwa stakis phangi nga tshigina. Mbote iko gwa Apelesi yonu wadi monesele muthu wa gikesa mu ndaga jia kilistu. 10Mbote iko gwa wanyi a mu gisapha gia Aristobule. 11Mbote gwa Erodioni phangi'ami wa mu yuda, mbote iko gwa wanyi adi mu gisapha gia Narsise, adi mu gi kilistu.12Mbote gwa trifene nu trifoze a nu kita gisalo gia ngolo gia Fumu. Mbote gwa Perside futa diami mwene nji wa nu kita gisalo gia vula gui Fumu Yesu. 13Mbote gwa Rifis, mu kilistu wa gikesa wa phoneye mu gisalo gia Fumu, mbote iko gwa ginenji udi nji ginami. 14Mbote gwa Asinkritus flegoni, Ermes, patrobasi, Ermasi nu aphangi wanyi adi mu katshi diawo.15Mbote gwa filologe nu jili, nu Nere nu phangienji wa mukhetu, nu gwa Olimpasi, nu gwa a kilistu adi mu katshi diawo. 16Di hwenu mbote mu katshi dienu nu gudi kondeza. Enya mangumba ako a kilistu a mi tumila mbote.17Lulu ngagi, ngu mu mi bondila, ha gu yindula wanyi adi mu bata gudi kapha nu gu kita ima ya phamba, nu gu tuna malongi wanyi mwa a longele. Lengenu athu a nganyi. 18Athu ene a nganyi a nu salesa gawo Fumu wetu Kilistu go, uvi a nu salesa kaka mavumo awo, nu guya nu gu zwela izwele zwele ya gudimba athu mu ndaga jiawo jia mambo.19Mbandu yenu ya gu lemvuga, athu akima adi mu i jiya. Hene ngu di nu kiese mukunda nu enwe, mukunda nu nganyi nga tshigina egi mu kale nu gimbangi nu gu tema, gu ndaga jidi jia bonga, enji gu tuna ndaga jia bola. 20Gwa bega tangwa gabiyo Nzambi wa maweze a bwise satana goshia malu enu. Khenda jia Fumu wetu Yesu Kilistu ji kale mu katshi dienu.21Timote futa diami wa gisalo, nu aphangi'ami wawa, Lusiesu, Jazon, Sosipater a mi tumila lumene. 22Eme Tertiusi nga sonega mukanda wuwu, nga mi tumila lumene mu jina dia Fumu.23Gayusi wa mi tumila lumene. Eraste mubumbi wa falanga wa dimbo wa mi tumile lumene, nu phangienji Kwartusi. 24Khenda jia Fumu wetu Yesu Kilistu ji kale mu katshi dienu. Amen!25Tu vutulenu lukumu gwa nzambi, mwene udi nu giyega gia gu tu hwa gikesa mu lukwikilu lwenu, mu phila malongi a bonga nga mi longele adi mu talela Yesu Kilistu, enji mu phila tu di mu jiya ndaga jia kielega jinyi nzambi a swegele mvula jia vula. 26Uvi tangwa didi mikanda ya sonegeye idi mu leza mwa bonga bonga ndaga jia kielega, mukunda Nzambi wa mvula nu mvula wa tuna athu ha gu jiyisa ndaga gu ikanda ikima ya athu.27Nganyi a jiya gu haga mutshima gwa Yesu Kilistu nu gu mu lemvugila. Amen!Hebrews
Chapter 1
1Mu tangwa dikulu, Nzambi wa khalele mu zwela gwa a khakha mu njila ya ba profeta a vula mu phila jia vula. 2Uvi mu ilumbu yiyi ya suga, udi mu tu longa mu njila ya munenji, yonu a phonele ha gu khala mona wa gifugo gia ndaga jikima. Idi mu njila yenji Nzambi a salele thotho ikima. 3Udi muthu wa nu monesa lukumu lwa Nzambi. Udi mu bumba ndaga jikima hama ha moshi mu njila ya ndinga nu ngolo jenji. Gu nyima ya go wova masumu, udi wa di tumbiga gu koko dia gi tata dia Fumu udi gosa gwa leha.4Wa kitugile wa gu balega ma wanjio mu njila ya jina a zudile didi dia lukumu dia balega diawo. 5Mukunda wanjio khi mu katshi diawo khanji a zwela go egi: " Udi wa Munami wa yala, magino nga kituga nga shaye? Wa zwelele nji egi; " Ngu mu khala nga shenji, mwene Munami wa yala?"6Tangwa Nzambi a bulumwishile munenji wa thomo haha ha mavu, wa zwelele egi: " Ma wanjio akima a Nzambi a feto gu mu hwa lukumu." 7Mu ndaga idi mu talela ma wanjio , wa zwelele egi: " Mwene udi mu kitula ma wanjio pheve, nu athu a gisalo soga jia tshiya."8Uvi mukunda nu Munenji wa zwelele egi: " Gife giaye gia Gifumu , Nzambi udi hene tangwa dikima. Gishina gia Gifumu giaye gidi gishina gia kielega. 9Wa tshiginile masonga wa tuna ndaga jia bola, hene Nzambi, Nzambi waye a gu kungudile mafuta a santu a kiese a gu balega aphangi'aye."10Fumu, ha luyandigu wa hagele makunji a ha mavu, gosa gudi eye wa gu salele nu ngindu jiaye. 11Mba adi mu fwa, eye mba udi mu jinga, mba a mu bwa mambuta mu phila mulele wa nu kituga u kulu. 12Mba adi mu khala mu phila wa nu sudigiya gilumbu nu gilumbu, uvi eye udi gaye mu jinga phila imoshi mvula nu mvula.13Wanjio khi yonu Nzambi khanji a mu leza go egi: " Giza di tumbige haha gu koko diami dia madia ti nu tangwa nga mbo bwisa mbeni jiaye? 14Keti ma wanjio a shi go pheve jinyi jia nu salesa ha gu tumiya muya mu keba athu wanyi mba a guluga?Chapter 2
1Mukunda nu nganyi tu feto keba mu ndaga ta vile. Mukunda muthu gu tu dimba ndo.2Mukunda nu ndaga jia zwelele ma wanjo jia kalele jia kielega. Enji gu kulula shigo imoshi nu gukonda gu lemvuga gwa batele ndola. 3Phila khi etwe lulu tu feto kita mukunda tu zangule lugulugu lwa koma? Lugulugu lwene lwa kalele Fumu wetu mbala ya thomo enji ya kumbudile ayi vile. 4Nzambi wa zwelele mu njila ya idimbu ya khumbwa egi idimbu ya saleya ya phila nu phila, nu ndaga jia phila nu phila jia pheve santu ya kaphele muthu nu muthu mu phila ya luzolo, lwenji.5I shi gwa ma wanjo go Nzambi a vile mavu ha gutala ndaga yiyi tu mu zwelela. 6Uvi muthu mu moshi wa zwelele khanda iko egi: " Muthu udi nanyi mukunda u mu yindudile? nga ndo Muna muthu udi nanyi u mu kwatese?7Wa salele muthu ndambu gosha ma wanjo. Wa sudigile lukumu nu mambote. 8Nzambi wa hanele ima ikima gwa mwene, egi gwa mwene a hwiye ima ikima. Gwa bembele go ata gima gi moshi ha gu mu lemvugila. Lulu tu shi mu mona go ata gima gi moshi nu gu mu lemvugila.9Uvi tu mu mona yonu wa saleye mu ga tangwa ga moshi gosha ma wanjo: Yesu Kilistu, mukunda nu phashi nu lufwa lwenji, wa zudile lukumu nu khembo. Hene mu njila ya khenda ja Nzambi wa tuphudile lufwa lwa muthu nu muthu. 10Ya kalele ya bonga mukunda nu Nzambi mukunda ima ikima idi mu jinga mukunda nu mwene gwa mwene, nu ha gu twala athu a vula gu khembo. Ya kalele ya bonga11Mukunda yonu wa nu tambiga athu wanyi a tambigiye a nu katuga gwa muthu mu moshi. Mukunda nu nganyi gwa shi go nu sonyi ha gu a tamega nji egi aphangi. 12Wa zwelele egi: " Mba ngu mu jiyisa jina diaye gwa aphangi'ami, mba ngu mu gu yimbila khunga mu katshi dia gimvuga ."13Wa zwelele nji egi: " mba ngu mu mu hagela mutshima." Wa zwelele nji egi: " Tala, ngu di nu athu a ngu hwila Nzambi." 14Hene, mukunda athu akima adi ana a Nzambi a nu kapha mwila nu menga, nu Yesu wa nu kapha nawo ima, mukunda mu njila ya lufwa, wa belesele yonu wa kalele nu giyega gia gu shiya, disongidila diabulu. 15Ya salamele nganyi mukunda nu gu gulusa wanyi akima, mukunda nu lufwa a balegele mu njila ya gihiga.16Mu kielega ikima, gwa shi mu salesa ba wanjo go, uvi idi gwa gikanda gia Abalayama adi mu salesa. 17Mukunda nu nganyi, ya kalele nu funu mukunda nu mwene ha gu kala ole aphangi'enji mu phila ikima mukunda a kituge fumu wa nganga-Nzambi wa masonga nu wa khenda mu ndaga ja Nzambi, enji mukunda nu gu totesela enya masumu. 18Mukunda Yesu mwene ha khenji wa monele phashi enji wa phageye, lulu udi nu giyega gia gu salesa wanyi a nu phageya mu tangwa dikima.Chapter 3
1Aphangi'ami, gula mudi nu dikapho mu Gifumu gia Nzambi, mukunda mu shi nu gubola go mu mutshima yenu. Tshigenu Yesu udi nganga wa nganga Nzambi mu gitshidi gietu. 2Wa kalele wa gu konda gubola gu twama dia Nzambi. Wa mu solele mu gifwanisu gia Moyize. 3Enji Yesu wa kalele wa gu tshiginiya mwa vula mu lukumu ole Moyize mukunda muthu udi mu tunga gisapha udi nu gubonga gwa vula gwa gu balega gisapha giene. 4Muthu mukima udi mu tunga isapha, gwa shi go ole Nzambi, udi mutungi wa ima ikima.5Gula ta tala, Moyize wa kalele musadi wa kielega mu gifumu gia Nzambi; wa kalele temu wa mayilago mu ima ikima mba iza gu ma twama. 6Yesu muna Nzambi udi Fumu wa ima ikima ya salele Nzambi.7Hene, pheve ya Nzambi idi mu zwela egi: " Magino gula mwa vwa gu zwela gwenji, 8mu kolesela go mitshima yenu mu tangwa a kitile ilumbu makumi a wana nu phipha makumi a wana.9Ima yiyi ya bwile mu tangwa dia kalele a khakha; jiyenu a ngu hwile phashi; nga kitile mvula makumi a wana, a monele gisalo giami. 10Athu wawa a ngu hwile khabu mukunda nu mitshima yawo, ngu shi nu hama go. 11Mukunda nu khabu a ngu hwile mu gifumu gia Nzambi mba a shi mu ngila go.12Aphangi'ami kebenu, ngu shi mu tshigina go ha katshi dienu muthu mu moshi a kale nu mutshima wa bola, mukunda nu eme. 13Di hwenu ngindu jia bonga mu phila egi mitshima ya bola ile gu kala ndo.14Gula tu di nu gu tshigina gwa vula, ta haga Yesu mu mitshima yetu tu mu kala mafuta enji gu yandiga ha luyandigu ti nu gu suga gwa ndaga jikima. 15Ngambi ya Nzambi idi mu zwela egi: "gula mwa vwa gu zwela gwenji mu kolesela go mitshima yenu.16A kwatshi a vile gu zwela gwenji, uvi nu gu mu tshigina ndo? Ishi go ya kalele athu wanyi Moyize a zolele gu Egipito go?17 Ya kalele mukunda nu athu khi? Ya kalele go athu wanyi a kitile gu bola gwa mvumbi jiawo jia fundiye mu mavu a zala fufuta. 18Gwa athu khi mwene a zwelele egi mba a ngila go mu gifumu gia Nzambi, gula a kalele go athu a dile nu gu mu lemvugila. 19Tu di mu zwela egi mukunda nu mitshima yawo ya bola mba a shi mu ngila mu Gifumu gia Nzambi go.Chapter 4
1Ngagni tu kitenu ha gulegi mukatshi dienu muthu gu kanda ndo mu lagi dia zueleye ha gungila mu sango jabonga . 2Ngagni gu zwela gugu gua bonga gwa ezeye , gua kwatesele go, any adile gukala nu gutshigina ndo.3Hene a kumbudile gi eswe mba tudia hana ha mashinawo . 4Mwene wa zwelele mukunda nu gilumbu gia sambadi. 5Wa zwela ndji egi , mba gila gawo go mudia nu eme.6Hene , gudi nu athu ako , mba gwadi gawo hama ha moshi nu ame go mukunda , nu gubola . 7Nzambi wa zwela egi , avula mbashi muhima hama ha mase mujinga nu hame mukunda nu gubola guawo.8Gu ngima gia ilumbu ya viha nzambi wa zwelele gwa Davidi egi. 9Gu twama dia ilumbu yavila , gula mitshima yenu ishi ya bonga ndo, yosué wa khalele nu gu gujinga mu mutshima wendji. 10Guva khala ndji gilumbu gia gula ama a nzambi gu kita mudimo ndo. 11Nagny tu zulenu pushi ha gungila mu gima gia nzambi wa pungu nu maweze.12Ngangy mutshu mumashi gubega ndo ha gungila mu gima giendji . 13Ngagny ndaga ya nzambi ya balega gu bonga , yene ndji pogo ya mazo abala .ndinga ya nzambi yona batula ji shinga ja ima ya bola yona khala mu muthina wa muthu, sango ya bonga .ya nu ikaya.14Ngagni tudi nu fumu wa mafumu wa manganga nzambi . Tutshiginenu yezu muna nzambi. 15Gushi go nu fumu wekha wa balega yezu ha gu tutotesela gubola gwetu.Mwene gweshi gendji nu masugu go. 16Anetu gizenu gudi yezu muna nzambi amu vila ji khenda , a gu u kwatese.
Chapter 5
1Mukunda konso fumu wa fumu wa ma nganga nzambi wa phoneye mu katshi dia athu enji, wa hageye ha gu zwela mu jina diawo gu ndaga jidi mu talela Nzambi, mukunda a hane mu mbala imoshi makapho nu mulambu wa nu haneya ha gu katula masumu. 2Wa jiya gu khala muthu wa konda gima gwa wanyi a jiya go gima nu gwa wanyi a tota, ole mwene gu ndaga idi mu talela gu konda ngolo. 3Nganyi, mwene nji u feto hana mulambu wa masumu enji, mu phila a nu kita mukunda nu masumu a athu akima.4Gushi nu muthu wa jiya gu zula lukumu lwene mukunda nu mwene ha khenji go, uvi udi wa tamegeya gwa Nzambi, mu phila Aron a tamegeye. 5Phila imoshi, Kilistu gwa di hwile lukumu go ha gudi monesa Fumu wa mafumu a ma nganga Nzambi. Uvi Nzambi wa mu lezele egi: " Udi wa Munami, magino nga kituga nga shaye."6Phila imoshi wa zwelele nji hama hako egi: " Eye wa Fumu wa mafumu mvula nu mvula mu nswa ya Melkisedeki."7Mu ilumbu ya phashi mu gi muthu, Kilistu wa yandigile gu lomba mu njila ya isambu, nu gu lomba nu gu dila, nu gu haga makelele gwa Nzambi, yonu udi nu nswa ya gu tu gulusa gu lufwa. Mukunda nu gi santu gienji gwa nzambi, ndaga jenji jia tshiginiye. 8Ata wa khalele mona, wa longugile ha gu hana lujitu mu ilumbu ya phashi jenji.9Mukunda nu nganyi, wa kitugile muthu wa bonga, enji muthu yonu wa gulusa athu mvula nu mvula wanyi a feto gu mu lemvugila. 10Wa phoneye gwa Nzambi ha gu khala Fumu wa mafumu a nganga nzambi mu nswa ya Melkisedeki. 11Tu di nu ndaga jia vula jia gu zwela mukunda nu Kilistu, uvi idi phashi ha gu tendula mukunda mwa mbo bagisa go.12Hene mu tangwa didi enwe mwa feto khala mwa ma longi, mu di nji nu funu egi muthu muko eze a mi longe ndaga idi mu talela sango ya Nzambi. Mu di nu funu ya gu hwiya meya a gu nwa a bonga nu ima ya gudia idi mu hana ngolo! 13Mukunda muthu mukima gwa nwile go meya ene a bonga, gwa shi mu bagisa go ndaga ya sango ya kielega mukunda udi ti nu lulu ngagi ole mona mutumba wa butuga ilumbu yiyi. 14Uvi idi kaka mambuta a lunga ha gudia madia a nu hana ngolo mukunda a yigamele tangwa dikima ha gu swasugisa ndaga jia bonga nu jia bolaChapter 6
1Mutangwa didi , tshiyenu gu twama tu hetuenu malongi a gukula .Tutungi go jifondaso jiko jimubata lufwa mukunda nu gubalula mutshima gu ndaga jia bola tudihanenu gwa nzambi. 2Ata guyandiga gua malongi a ji mbotiga .Nu gumbiya mago , guzuga a guathu afilegale nugu sambisa gua ji mvula jia gaswe. 3Mba tumukita ondaga jia ngagni kana nzambi wa tshigina.4Idi ngagni athu a gazwe wagni nzambi wa katwile ophipha yilabwi gumeso ano mona mwinda , athwene avile gufula gua yima ya gosa , nathwako a dihanene mu pheve ya nzambi . 5No wagni avile gufula gua malongi a nzambi nu ji ngalo gia gaswe bajinga jimvula jigni . 6Kaji a bwile , nzambi , nzambi wa kitshile ya gaswe hale athwene avutwile wo nzambi. Ndaga gia ngagni mukunda a muvutula wo yezu mona wa nzambi hadila ya gukikisa ya mbala ya giyadi. A muhagile ele gima gia gumonegesa sogni gua thu agaswe.7Mukunda mavu amuzulo meya a mvula amubua tangua dia gaswe hadilendji ano buto mitshi ya bonga gua wagni anukita oyilanga, anubeto lusakumunu lua nzambi . 8Kandji kana mavu a buto oyisongesa nu makala , mavu ene anuhana go kiese gu mutshiema wendji nu tangua diko walenda guashinza. suga yendji anumbiya tshiya.9Ata tazwela ngegni , a phangietu amala, mambo a bonga a mukatuga mo mutshima wetu mukunda nenwe nu lugulusu luenu . 10Nzambi gueji go muthu wa mambo hagujimbila yima yenu ya bonga nu gutshigina gua gasue go ma kitshile mujina diendji, nu ndaga jo makita athu anosambilo nzambi nu gukamba hagukita yima ya bonga tangwa dia gaswe , ha gu musalela .11To nu tshigina gie khungienu aswe mukite gingolo - ngolo tii nu haguzoga , kua phila to muhaga o matangi. 12Tu shi mutshigina go mukale gimonia, kanji, mubwe athu agni adi azudile malaji mukunda no gutshigina no gu kingila.13Mutangwa dia nzambi gua kemu hana dilanji gua Abalayami , waba tudile mujina dia muene nzambi . Mukunda guejigo muthu wa balegela mwene nzambi . 14Wa zwela : "Mbango musakumuna mayilago, ana ye nu anendji". 15Muphila ignigni Abalayami wa sudile malaji agaswe a nzambi muphila ya gu kingagwe ndji.16Mukunda athu a gaswe anuzenga gua muthu udi fumu wendji.Gu dia gwa ndefu gudi gutshigina gue ndji gu yima ya gaswelele. 17Tangwa dia nzambi dia tshiginine gu dimonisa gia gaswe gua thu wagni a hwile dilaji, gubonga gueshi go no balugo go ha gu lungisa ndaga yendji , wono mba dikoko diendji. 18Wono kita ngagni hwule go ima iyadi kuambi go mambo. Eswe ta monene guma gua disuega , tuzulenu gi ghesa jia vula gu meso guendji.19Tudi nu matangi a vula ele ditondji dia gilabi digni dia kola dia mioyo yetu gu mitshima wa muthu. 20Yezu klisto wa dia ngele gungila guene gumatwamena guetu. Hene wabua fumu wama fumu wa gaswe muyilumbu jia gaswe ele miguala ya melechisedeki
Chapter 7
1Muthu muna melchisedeke, fumu wa gu salemi, nganga dia nzambi mu dilu wa tagenene mu abalahami tangwa dia guvitaga hene amusagumunine, gunyima mwene wezile wa shiyo mafumu a nyi agaswe. 2Abalahami wa muhwile muthu wa dikumi a kwatale. Jina dienji "melchisedeke " dimuzwelegi:"fumu wa masonga " nu wa gusalemi".Dimuzwelenji egie "fumu wa guhwima". 3Gwa kalele gendji nu ginendji , nu shendji nu afumiendji go,Gwakalele go nu gilumbu gia gusendesa nu giasuga mu lujingo.Mwene wa kalele nganga nzambi mayilago hangenyi yesu klisto muna nzambi.4Lulu tangizenu pilakhi akalele muthu wa koma.Khaketu abalahami wa muhwile dikumi dia ima ya tambidile gwayile gu ita. 5Athu a levi azudile mudimo wa ginganga ahwiye mukwala ya gutambula makapo gwa athu agaswe nugudi apangiayo agu isalele ata akalele athu a Abalahami. 6Kashi melechisedeke , wadile gukala lo muthu ya levi, wa zangudile makapo gwa Abalayami nu lusagumunu mukunda ya kalele nu malaji a nzambi.7Gua kalele nu mukwala go egie muthu wa mukulupi asagumune galenge. 8Hene , ata athu mbafwa gawo amutambula makapo hanyi imuleza egie muthu umutambulo makapo udi muthu wa monyo. 9Mukunda nu guzwelegie , levi wakalele muzula makapo wa kalela ndji mwafuta mukunda nu Abalayami. 10Levi wa kalele mu gianda gia khakendji Abalayami tangwa dia tagenene nu melechisedeke.11Tangwedi kama gisalo gia nzambi gia levi gikale giabonga , nzambi gwambolo tuma go nganga - nzambi weka mukunda nu gudiwenzegesa gua melechisedeke ngalo gua Abona. 12Jiye nu egie kana mudimo ya nzambi wabaluga, nu mikwala kubalumuga.13Muthu tumu zwelela ndaga jiji , udi mu gikanda gieka , ata muthu weka khendji asala galego monja nzambi. 14Lulu idi mwabonga fumu mietu yesu - klisto adi mu vumo dia juda , mu gikanda moise adile guzwelela lo ndaga ya nganga nzambi.15Ndaga tumuzwelela idi ya makhidia , kana nganga nzambi muko mba lukala hangenyi Melechisedeke. 16Nganga nzambi munu mba gweji , go mukunda nu mikwala ya kiputa kashi mukunda nu monyo wa mayilango. 17Mukunda malongi a nzambi amuzwela egie "Eye udi nganga - nzambi wa mayila go hangenyi melechisedeke".18Mukunda mukwala unu ukulu wakalele wa leba nu gubola hene watuniye. 19Mikwala uji ikulu ya moise ya kalele go ya bonga , tenukala mujibamba mukunda imutubata guguhata njila ya nzambi.20Gutaya gugu gushigo gutugu.Mukunda athu ako akumile a nzambi . 21Yesu klisto wa diangele gudita nu gudiva nu nzambi hene fumu nzambi azwelele egie mbangu shigo mubalumuna ata ndaga imoshi go mukunda eye udi nganga - nzambi wa mayilago , ivo na ivo.22Mukunda nu gudiva gugu guapa , yesu klisto wa kitugile wa makidia. 23Tangwa dikima gufwa gwakalele mubinda a nganga - nzambi akima gugusala gisalu gia nzambi mvula jia mvula , hene a nganga - nzambi akalele muhageya avula - vula . 24Mukunda yesu klisto udi ivo na ivo , gufwa lo , kifumu giendji mba gishi mubaluga go.25Tangwedi mwene udi ngendji yenu zwelelo athu gutwama dia nzambi . 26Tangwedi mwabonga tukale nganga - nzambi wa makidia udi yesu klisto.Gueshi gendji go nu masumu, nu gubola go, udi wa waha gutwana dia athu adi nu gubola. Udi wa koma gosa mu dilu.27Udi wa balego a nganga nzambi atomo .Gueshi gendji na ndaga ya guhana milambu mukunda nu masumu endji go, nu a athu endji.Mwene wa dihanene gale hakendji hangenyi mulambu ha gifundu gia athu agaswe . 28Mikwala ya kalele muhaga athu aleba mafumu kashi malongi a nzambi ahagele yesu klisto muna nzambi fumu wa mayilago, ivo nu ivo.
Chapter 8
1Lugnelugima tu mu zwelagidi ngagi : tu di nu fumu wa mafu wa nganga nzambi , udi wa khala gu koko wa tata nzambi gosa. 2Udi mwegna gukwatesa athu ako udi mu kwatesa muma mwa santu , udi nzo ya nzambi ya kielega ya fumu , gueshi muthu, wa butile go.3Hene fumu wa fumu wa nganga nzambi wa hageya mu ufumu mukunda nu guleza egi udi makapo , wa di hana gu gufwa .Hene , idi mwa bonga ha gukala nu gima gia guhana gwa nzambi. 4Lugnelu gula nzambi wa khalele hashi gwa bendele gukla muthu wa di hanene gwa nzambi ndo.mukunda gudi nu athu a muhana makapo gulegi mukhwala. 5A mu salele gidimbu nu givule dia ima ya gosa ya kielega ulegi moise wa lezeye gudi nzambi tangwa dia dile gi utunga nzo ya nzambi :"zui" nzambi egi :"honda ima ya gaswe ulegi ima ya gulezele ha ludia mulundu ."6Lugnelu ngai , yezu klisto wa zudile giyega gia gosa mukunda udi katshi na katshi wa bonga dia athu , wa hageye gu gutshina gwa nzambi. 7Ngagni gudivisa gwa muthu nu nzambi gwa khalele nu gubala go, hene , ya khalele mwa bonga go, ha muthu gudivisa nu nzambi mba ya giyadi go.8Hene , gula nzambi wa mona egi athu adi nu gabola , wa zwelegi , nzambi wa zwela egi talenu ilumbu imuza.gu matwama ,mba ngu londa gudi va gwa longo nu yelusami , nu gudi va gwa juda . 9Mba ikha go gulegi gudiva twa divile nu a khakha jao gu ilumbu nga akwalele mu koko ha gwazola mu mavu a khalele mu uhiga mavu a egibiti.gwa hagele gao ji ngolo go ha gudiva nu ame go , hene nga khe mula gwatala gami ndo, guzwela gwa nzambi.10. "Hene , tala gutshigina mba tudi va nu yelusalemi mu ilumbu imuza" nzambi udi muzwela."Mba ngu haga mikhwala mu matangi yao.Mba ngwa sonegena ndji mu mithima yao.Mba ngu kha nzambi wao, ene mbaklala gianda giami.11Mba gwa longi go muthu adi nendji mu mwila - mwila , ata pangiendji , nzambi egi gujiya gwendji, Hene athu a gaswe mba angujiya , gudi athu akula gale ,nu ana mitumba mukatshi diawo. 12Hene , mba ngudi gudileza mu gikita gwawo gwa ima ya bola nu ako, mba ngushi mutangizendji go gubola gwawo.13Wa zwelegi mba ngu"balumuna "gudivisa gwa athomo gwa bwa gu khulu.Gugni gu khulu mba gu tota.
Chapter 9
1Lulu ngagi , ata gudi visa gwa thomo khalele nu shigo ya talele isamba nu gifundu gia gu sambela nzambi haha ha mavu. lulu inzoya nzambi ya kitiye 2sugu ya thomo lulu ngagi ya khalele nu michele gadinga mesa a madia a yidigiye, ya tamegeye hama ha shigo3Lulu ngagi nyima gwa mulele wa giyadi gwa khalele nu sugu yiko ya tamegeye hama ha shigo. 4Mwa khalele nu di jigo dia tshiya twa wolo nu twa vumba dia ma nanashi. mua khalele nji nu sandugu ya gudivisa ya wolo .Mukatshi,mua khalele nu nzungu ya wolo nu madia mukatshi , mu hango wa ARON wa kemu monega ule githunthu gia mu gikhela nu ga mesa ga gudivisa . 5Mu katohi dia sandugu ya gudi vishila , ba wanjio a lukumu a nzambi gi vudivudi gia , wo gia tshigile ima ikima yinyi ya khalele mukatshiyi nu yiko ya ta lendele gu zuela go ikima.6Gu nyima ya ndaga yinyi gua londeye gi funda ye nganga ya nzambi wa ngidile mu katshi dia sugu ya katshi katshi dia inzo nzambi mu kita gisalo gia . 7Kaka mbuta wa ma nganga - nzambi wa beto ngila mu sugu ga giyadi mbala yi moshi mu mvula , endo mukunda nu ma kabua menga yene hana mu kunda nu muene nu masumu adile gu saleya mu luzolo ya hatu8Peve ya nzambi yene tu leza djila ya longo ya kadilego ya kanguga gula ne yini ya nzo ya nzambi ya tomo ya kadi hene. 9Ya khalele sago ya gufanesa dia taguedi .makapo nu mulambo yi mu haneya yidigo nu ngolo ya gujiya gua bonga gua mutu mulomba. 10A khalele mutalela ma bua gudia nu gu nua nu gu kuma gua pembe gibeni .dia khalele dji mikuala ya hatu à sonegele ti nu ditagua dia mikuala iko mbejiya gu haneya.11Klisto we jile gula né fumu wa nganga - nzambi mukunda nu mabua bonga wa balegele mukatia ma mbuta nu mu nzo nzambi ya bonga ya saleyego gu magua tu wani a khalelego atu a monio. 12Ya kalelego mukunda nu menga kombo nu mengedji gua ngidile mu gifundo gia longo mbala yi moshi pamba mu gu tu gulusa mvula na mvula.13Hunulu kana menga kombo nua ngombe nu gu tila fupi gu muna ngombe mukunda nuatu masumu mba kale mu gingenga mukunda nu nzambi gu gu wova muila wa wo. 14Mbala guti menga klisto mu djila peve ya mvula na mvula wa di hanele muene ha kedji gua konda mvindu gu tuama dia nzambi mbe mu wova ma banza bola hatu , lununu mba salele nzambi fumu. 15Hene ngani udi ngambi umu bungisa atu mu gudivisa gua mpa , mukunda gu fua guegile a gukula atu akedi gudivisa gu kulu , mukunda nu masumu awo wani atameye awiye gi fugo gia mayilago.16Mukunda nu gudivisa idi fumu ha gu belesa gufua gua mutu munu wa gi kitile. 17Lulu ngagi gudivisa guenekala nu funu gula gufua gudi guene , mukunda ushigago go nu funu gula mutu wa gi kitile yogo nu monio.18Tu jiye egi gudivisa gua tomo gua ka mulombe dji menga go. 19Mukunda noze wa hanele shigo gua tu haga sue, wa zangudile menga a ngombe nu akambo, nu meya , nu mulele ya gu tiga nu yima ya washa - washa , nu mutshi ha gu muangela mumbale moshi nu mukunda wa shigo nu hatu. 20Lunielu wa zuelele gie : wawa hadi menga ha gudivisa mutshindo ya zuelele nzambi21Pila imoshi yene wa muangele menga mu nzo nzambi nu malonga nu yima ya gaswe ya mu nzo nzambi. 22Shigo yi mu zuele gie yima ya ga swe yo ne woveya nu menga , kana menga guzoga ndo ho kenda gwa le viya go.23Tu jiye gie ya kelele funu egi dji photo ya yima ya gosa yi woveye nu mulambu wa mbiji ata ngani yima ya gosa ya kayo yi woveye nu mulambu ya bonga sha. 24Gu vu klisto gua ngidilego mu gi fundo gia gi santu gia tungiye mu magua tu, idi kaka gifaneso gini gia bonga gibeni . guvu diago wa ngidile gosa a gudi leza gu meswa nzambi mukunda neswe.25Wa ngidilego mukunda na gu mona pashi mbala na mbala ele ana kita mafumua nzanza - nzambi mu gifundo gia gi santu konso vmvula nu menga aka. 26Kana kedi ngani ya kene nu funu gua mwene agu mona pashi mbala na mbala gua yandigile mavu.gu vu lulu mbala imoshi wa ngidile mu suga dia tagua ya mu lezele hagu katula masumu mudjila ya gu di hana ha kedji hele mulambu.27Mutu ya ga swe ufeti gufwa mbala yimoshi gunima diedji gu sambesa mba gu kala. 28Gi teso gi moshi , klisto dji wa waneye mbala yimoshi ha gu katula masumu hatwavula , mbo mu vutuga mbala iyadi mbo shi dji muvutuga mutala mambwa masumu kanshi mambwa gu guluga watu wani amu kanga mutshima.
Chapter 10
1Mukunda shigo jidi givule vule ya yima yigni mba yi muza , ijigo gima yo to mumona lulu go . Wagni amuza gutwama dia nzambi ano khala go athu ala phe mukunda no mulambu wa nganga nzambi gwa no hana konso mvula . 2Gula ngagni tubembenu gu hana omila mbu iko? Muphila iyi , kana akalele a godiwofa mbala jimoshi , athu a wo mu mpala yimoshi phamba .A masumu.Hene amue nene guhana lukongo. 3Masonga diago athu a nokamu jindula omasumu awo a konso mvula. 4Mukunda menga ngombe nua khombo a lenda gukatula go masumu athu.5Mukunda no ngagni tagwa dia klisto weza ha mavu , wa zwelale gua nzambi egie: "wo no tshigina go mulambu wa menga ya mbigi go mulambu wa jima ya mo yilanga , hene wa kitile omuvila wami mukunda no milambu. 6Mulambu wa mbiji igni yo no wotshega ha jigo dia tshiyo dia gu betelela ha gukatula oma sumu athu ima ya ngagni yo no go guhwa kiese go. 7Hene eme nga swelele egie : wo nzambi eme monyo nge ji mukita yima yo wo no tshigina.Muphila ya sonegele mikanda yaji shigo mukunda ne me.8Yezu klisto wa zwelele hathomo egie: wono tshigina go mulambu wa menga ya mbyi go mulambu wa guwotsha ha tshia dia gubetelela na gu katula o masumu athu .Yima ya ngagni yo no gohwa kiese go.Kashi a no kita ngagni hagujitisa jigo jo maleza ngagni ha gukita . 9Hene wa swelele ndji: o nzambi , ngu dihaha ngeshi mukunda hagu kita yima yo wo notshigina.Nzambi wa katwile milambi ya ngagni ya mwale ha ya kalele muhanega mpala ya thomo.Hene ha yima igni ya gaswe wa hingishile klisto ele milambu. 10Yezu klisto wakitile yima yigni ya ke musthigina nzambi ,hene , mulambu wa yezu klisto wa ha nene o mulambu mbala yimoshi gwa suga , yo no katula masumu etu.11Kilumbu gia gaswe , a nganga - nzambi eswe a no zuga mukunda nu gukito gisalu gia ho; tangwa diagaswe a no hana milambu ya phila yi moshi, kashi milambu yene yo no katula go masumu. 12Mwene ha gnima dia gu hana mulambu mukunda no masumu wakhala masugu a gaswe mukogo diatata wendji . 13Banda gilumbu gignigni mbeni jendji wono jidiata nu malu. 14Mukunda no mulambu humoshi , wakitile gima gia bonga gudi nzambi.15Yima yne , yene pheve ya bonga yo motuleza , gu ma gnima ya guzwela egie: . 16Tala gifuta mba tudi kwata nao: gumagnima ya yilumbu yene , gwa suela fumu : mba ngo mumba mijigo mukatshi dia mitshima yao, wa lunda ji: mbango mwa sonegela mu pheve yao.17Mba ngushi muyindula go masumu a ata gubola gwao. 18Guma gudi gutotesela gwa masumu mulambu wa masumu wano khala go.19Munetu , tu hagenu mutshima hagu ngila hama ha shigo no menga yesu. 20Talo ndjila ya bonga no lujingu yo motuhana gu muila hendji. 21Mukunda twa khala no fumu wa ma fumu wa hayile nzambi mo ginzo gundji. 22Tshienu mage - mage nu mitshima ya bonga no gutshigina gu kima no mutshima wula phe.23Tukwateno no ngolo ja gaswe gisalu gietu gia godi felela , mukunda muthu watele dilaji udi wa makudiga . 24Tutangijilenu athu ako mukatshi dietu hagwa ho jingolo jia gu tshigina athu ako gidi gima gia bonga no gwa sadisa mu yima ya bonga. 25Tangwa dia gaswe tudi mone mujisambu , tu ghala go ele athu a ko anoya go muyisambu . Kashi tu di hwenu ji ngolo mukatshi dietu.Mukunda tumumona egie gilumbu yezu klisto mba usambisa athu gidi mundjila.26Kana ta jiya thomo ndaga jia mayila go , kashi to mukita kaka masumu miphila yetu.Ndaga jignigni jia uda go gukatula masumu etu mu phila yiyi. 27Tu kalenu kaka nu woma, mutangwa diatumukingingi guza gua muna muthu: Ndola nu tshiya twafula mba tu shiya mbeni ja nzambi.28Muthu wa gaswe wono jidisa go ji shigo jia moyize , mba amo mushiya gukonda gumuvila ji khenda, kana athu mu tatu go mu yadi ene ndji a to gitemue gia mambo mukunda n'endji. 29Haha ngagi, muthu wagaswe wa vweza menga a godi fisa nu nzambi n'athu gaswe kuvweza yo gula gima githugu, ata menga ene amukatula o masumu endji , muthu yogni wa vweza pheve ya katuga mu mutshima wa nzambi mbo mukita gikwandji ? ji Yezu egie: muthu wa ngai wa lenda guzula ndola ya koma.30Mukunda to mujiya egie : eme mba ngu wata athua kimbeni, eme mba ngu futula ndaga jia bola gwa wagni ano tshita ndaga jio mbola.Buji yenu muthu wa zwelele egie: "Fumu nzambi mba usambesa athu endji." 31Idi ngadajia whuma , kana muthu wabwa muheto wa nzambi.32Yindulenu yi lumbu ya ntomo mwenda nga mi lezele , yindulenu yitumba ya koma ma luile mu phashi. 33Mukunda no lukuikilu luao, atambuile gifumu y'athuako mutangwa dia gulua , akitile yima ya bonga , azudile ndji yima igni nzambi wazweghele mukunda nao.Akangele o jikano jia nkoy. 34Mukunda ,ma mwene ne khenda gwatu angidile mubologo , mutangwa dia ke go mizola yima , ma tshigine no kiese gia gaswe eye aye na yo.Mujiegie mufuete jiya egie mudi no givwama gia koma gi mu mukinga gia mvula jia konda suga.35Hene mukozu go, mukunda nzambi wa miswegele matabishi moshi akoma mukunda no gighesa gigni mudi nagio. 36Kwatenu mutshima hagu kito yima ya bonga ya nzambi wo mutshigina , no guzula ndaga jigni nzambi wa zwelele mukunda n'enue. 37Mukanda wa nzambi wo muzwele egi: ga tagwa gabi muthu yogni ufele guza wo muza.Muthu muene gueshi mushipa go.38Uvi , muthu yogni nga tshigina , mba wo mujinga. mukunda no lukwikilu luendji uvi muthu yogni wa futuga ndji gu magnima mba ngushi muva kiese go. 39Mushi go athu wagni aguvutuga gumagnima , mukunda no gu totesa mogno wao. tudi na kukuikila egie: tudi no monyo wa mvula no mvula.
Chapter 11
1Gukwabula gudi gutaya jindanga nu ima ya geswe ya guzangula . Adi ya mayilago mukunda na ima iko itenumona go. 2Nzambi wa kumbudile a khakha jietu mukunda nu gutigina gwayo. 3Mukunda nu gutshigina guetu hene athu enutshigine egie nzambi wa kitile dilu nu mavu nu ima ya geswe tenumona.4Abel , mukunda mu gitshigina gwenji hene ahanene makapo endji abonga abalega mukulu wendji Gayino.Mukunda nu gutshigina gunu hene nzambi akumbudile makapo anyi nzambi wa akumbudile.Mukunda nu gutshigina hene tenu tangiza Abel ata wa file gale.5Mukunda nu gutshigina hene Enoki ahile gosa nu monyo wakonda gufa ."Athu a mumonene mukunda nzambi wejila mu muzangula." mukunda gumatwama aye gosa , mukanda ya nzambi wa sonegele egie Enoki wa kalele muswanguluvisa nzambi. 6Muthu wa geswa umutshigina nzambi, umuya munjila ya nzambi nu gutshigina guenji , udi fumu wa athu ageswe enu mukanda.7Mukunda nu gutshigina hene nzambi adiangele gujihisa nowa ndaga ja lamba mba jiza gu matwama , nu woma wa nzambi. Nowa walondele masuwa mukunda gumba athu endji .Tangwa diakalele muhangiga wato wenji , wa fundile athu ageswe gudi nzambi mukunda nu gutshigina gwenji.Nzambi wa hwile athu a ha mavu ndola .8Abalayami , mukunda nu gutshigina , wa tayele nzambi tangwa dia mutumine guguya gu khanda ya mavu amutumina mukunda ba azule gifugo ginyi.Guakalele mujiya go guma gua kalele muya. 9Mukunda nu gutshigina gwendji a ile mukala gu khanda ya mavu ene hangenji mwenji .wa kalele mubanda gosha tenda mwene nu ISAAC, nu YAKOBO, mukunda nu gunenga malaji a awile nzambi. 10Iyi ikima , Abalayama wa kalele munenga gukanguga nu gutunga gwa dimbo dia koma (Mbanza) dinyi nzambi asalela fondasio nu pula.11Abalayama, mukunda nu gitshigina gwendji wakalele wa kolagale , mukajiendji gwakalele mubuta go, gekunya kashi nzambi wa muwile jingolo nu gifumu hene a asagele. Abalayama malaji a nzambi mukunda nu gutaya gwendji.Mwene wa kalele munenga lufwa . 12Tangwedi nzambi hene amuvile ana nu ajigulu avula .Athu abutugila avula hangenyi temwa gosa , ha ngenyi lusenga gukudia kiawo pila ya gutanga lo.13Akalele athu afwile nu gitshigina kashi nu gulungisa malaji a nzambi lo.lulu , amwenene malaji ene nu gu akumbula gua leha . athu ene amonene gu bonga gwa malaji go, alagetele go gubonga gwa malaji .ajile egie adi enyi hadia mavu . 14Athu akima enuzwela ndaga jiji, enukamba kapo diawo diahakawo .15Kana nga akalele nu matangi agukala muthoto nga ambolo vutuga gawo Tangwedi avutugile go, akalele mutshigina akala mu mavu abonga , wanyi adi gosa. 16Tangwedi nzambi guakalelenu ufutu go mukunda amutamege egie athu enji mwene wa alondele dimbo gosa.17Mukunda nu gutshigina , nzambi lombela Abalayama munendji mumoshi ,ISAAKI mukunda amushiye. Abalayama wamuwhile nendji mukunda wa kalele gale nu malaji avula a nzambi. 18Nzambi wa lezele Abalayama egie:"Mukunga nu ISSAKI , mbangu muguhwa athu avula" 19Abalayama wa tshiginine nzambi egie mba umuzugisa munendji ISSAki mu lufwa mu matangi enji mukunda mba umuza ndji.20IzAKI , mukunda na gutshigina , wasaguminele Yakobo nu Esau mukunda nu jindaga mbajiza gumatwama. 21Mukunda nu gutshigina yakobo , tangwa diadile egie ufwa wasagu munile ana agaswe a Joseph. Jakobo wa kalele muwendela gu muhango mwene nu gasamba. 22yozefi mukunda nu gutshigina , halungile tangwa dia gufwa guendji wa tamegele ana agu izayele mu aleza egie kana wafwa , ene guguvituga guenu gu izayele , mba muvumbulo ifa yami mba muyena yo gembo dietu .23Moyize , mukunda nu gutshigina , havaleye (habutugile) , shenji nu ginendji amuswegele mu ginda mukunda wa kalele wa bonga diago. 24Moyize , mukunda nu gutshigina guendji , wadile wakula watunile egie athu amutamega "egie muna FARAON wa mukhetu ginenji". 25Mwene wa kumbudile gu mona phashi nu athu a gikanda gia nzambi .Watunile gu mona kiese gia kumbi dia zonda. 26Moyize wa tshiginile sonyi ji mukwate ha gu hata Yesu Kilistu hene a tunyile gu hata gimvwama gia gu Ejipito. Mukunda mwene meso enji a kalele mu tala gu gifumu gia mayilago.27Mukunda nu gutshigina Moyize wa katugile gu Egypito .Guakalele genji nu woma totila , wa tshiginine jipashi hene akalele mutala gutwama gudi yesu klisto . 28Mukunda nu gutshigina , Moyize atayele gubamba mikwala ya Paques nu gubatula mitwe ya mbiji mukunda totila munu wa kalele mutangiza gushiya ana asomi a gu YIzayele mba abele .29Gugu zoga guawo nu Ezipito , mukunda nu gutshigina gwa Moyize , "Mere rouge" ahumile , ana gu Ezipito a azahugile hamalu. Tangwa dialabele athu gu Ezipito , adile angila , nzambi wa ashihileene agaswe. 30Mukunda nu gitshigina ibagi ya lupango lua Yericho ya bwile tangwa ana agu Yizayele ajetele hene gu nyima dia ilumbu isambwadi nzambi abwishile hoshi. 31Rahab, mukhetu wa ndumba mukhanda inyi, mukunda nu guyamba mawanzio a nzambi atumiye mu gitshigina guendji, nzambi wa mukatudila na njila ya lufwa nu athu akalele gutuna gulemvugila nzambi.32Ngaga khi jiko nguzwela! Tangwa dishigo dia guzwelela gitenu gia Gedeyoni , Baraki, Samsoni, Yefte, Dawidi,Samwela nu gitemu gia aprofeta. 33Mukunda nu gutshigina guawo , gu make mbe akalele mutambule ufumu nu membo a jimbenyi jiawo.Akalele musambesa athu hene nzambi awhile malaji aguasalesa.Mukunda nu jingolo ja nzambi , ashitile makano ayi supa nu jikoy. 34Akalele mujimo tiya twakalele mumba ambenyi jiawo.Akalele muhulu gu mazo apogo jia kalele muambiya akalele musageya misongo ya gueswe abeluga .Akalele abala gu makemba agaswe akalele mulwa mukunda akalele mukaya jimbenyi jiawo jikima .Twakalele mumba ambenyi jiawo.Akalele muhulu gu mazo apogo jia kalele mwambiya akalele musageya misongo ya gueswe abeluga .Akalele abala gu makemba agaswe akalele mulwa mukunda akalele mukaya jimbenji jiawo jikima35Akhetu ako mukunda nu gutshigina akalele munona apangi jiawo afile gale muzuga mu lufwa amuzula monyo.Athu ako atunine egie akatula go mupashi mukunda awhile jipashi tii mba bafwa gawo mukunda gunyima dia lufwa mba azule monyo wa bonga . 36Athu ako kalele mu alela, ako akalele muakupule fimbo tangwedi akalele mu amba mubologo. 37Athu ako akalele mwashiya nu maseso, ako akalele mu abatula itshidi iyadi nu shi : ako ashiyile nu jipago. Ene akalele musudiga ilema ya mameme nu jikhombo tangwa diakalele guya nu gu awendesa gisaga - saga , akalele athu agitugu , akalele mu awhua pashi , gu alela. 38Hadia mavu halungile go gukala nu athu a luholo lulu .Athu wawa akalele muwenda mu zelu nu mumilundu , akalele mukala mu mawina a maseso nu wanyi ako enukala hadia mavu.39Mukunda nu gutshigina guawo, nzambi wakumbudile athu ene agaswe kashi gua awhile go makapo a malaji a awhile go. 40Nzambi wa alungile ndaga jia bonga hene akumbudile gu ahaga athu abonga mayilago njila imoshi nu eswe akhima.
Chapter 13
1Gu tshigina gwa gi phangi gu khale kaka mu katshi dienu. 2Mu jimbila go gu yamba a nzenza, mukunda athu ako a yambele ma wanjio konda gu jiya.3khalenu mu yindula enya bologo, ha gu mona egi mudi mu mona nawo phashi. Khalenu mu yindula athu wanyi a nu moneseya phashi, n'enwe nji mu mone phashi adi mu mona. 4Muthu mukima a jitise makwela. Muthu mukima wa kwela a jitise mbeto ya makwela, mukunda Nzambi mba udi mu sambesa enya uthambi nu enya ndaga jia bola.5Mu gu wenda gwenu mu kala mu haga mutshima gu falanga go. Khalenu mu jingila ima mudi nayo, mukunda Nzambi mwene ha khenji wa zwelele egi: " Mba ngu shi mu gu bemba go ata gabiyo." 6Tu kalenu nu gikesa tangwa tudi mu zwela egi: " Fumu mwene wa nu ngu salesa, ngu shi mu vwa woma wa gima go." Ikhi muthu a jiya gu ngu kita?"7Yindulenu mambuta enu a dibundu wanyi a mi longele ndinga ya Nzambi, enji yindulenu ndaga jia bonga jidi mu katuga mu lujingu lwawo. Hatenu lukwikilu lwawo. 8Yesu Kilistu udi giteso gi moshi hamene, magino ti nu mvula nu mvula.9Mu kala go mu hata malongi a phila nu phila nu malongi a nzenza, mukunda idi ya bonga mutshima u zule gikesa mu njila ya luzolo, uvi mu njila ya ima ya gudia ndo inyi ya nula gu kwatesa ndo wanyi a nu lemvuga. 10Tu di nu gathamba ga gu tambigila ima mu katshi dia gisapha gia tenta, wanyi a nu kita gisalo mu katshi dia gisapha giene a shi nu nswa go ya gudia ima idi mwene. 11Menga a mbiji jinyi jia shiyiye mukunda nu masumu a nu balega gwa fumu wa nganga nzambi hama ha shigo, uvi mbiji jene jia nu wokieya go mu katshi dia dimbo.12Mukunda nu nganyi Yesu gwa fila mu katshi dia dimbo, uvi wa file gonze, mukunda menga enji a katule athu enji mu masumu. 13Tu zogenu gu ngando, tu ye gonze, tu ye gwa mwene mukunda a tu yegule mu phila a mu yegudile. 14Mukunda haha ha mavu tu shi getu nu dimbo go dinyi dia nu jinga mvula nu mvula.15Tangwa dikima tu hanenu lukumu gwa Nzambi, lukumu lwene ludi ole makapho a mu jina dia Yesu. Disongidila egi, ta jiyile gu hwila go ha gu kumisa jina dia Nzambi mu makano etu. 16Mu jimbila go ha gu kita ndaga ja bonga enji mu kala mu salesa aphangi'enu ako, mukunda Nzambi wa nu tshigina makapho a phila inyi. 17Kalenu mu lemvugila mambuta enu a dibundu, enji mu kala mu a vila. A nu langidila mionyo yenu, mukunda a feto jiyisa ndaga jene gwa Nzambi mukunda nu gisalo giawo. Gula mudi mu a lemvugila gisalo giawo a mu gi sala nu kiese, uvi nganyi ndo, mba a mu kita gisalo nu phashi, ebuna ndaga ja phila yiyi ja jiyile go gu mi salesa.18Kalenu mu tu sambela Nzambi tangwa dikima. Tu jiyenu mwa bonga bonga egi tu di nu mutshima wa bonga, mukunda tu di nu luzolo lwa gu kita ndaga ja bonga tangwa dikima. 19Uvi gima gia thomo gi ngu di gu mi bondila, mu kala mu samba Nzambi mu phila egi a ng hwe njila ya guza mu mi vutugila.20Nzambi wa zugishile Fumu wetu Yesu gu lufwa, mukunda nu menga enji. Yesu wa kitugile muthu wa koma yonu wa nu tala mameme. Mukunda nu menga enji, gudi visa gwa mvula nu mvula gwa nu monega. Nzambi wa ngemba a mi hwe ngolo mukunda nu gu kita ndaga jikima jinyi ja bonga jinyi a nu tshigina. 21A tu kitile mu jina dia Yesu Kilistu, ndaga jinyi mwene a nu mona ja bonga, enji tu hane lukumu gwa Yesu Kilistu mvula nu mvula. Amen.22Aphangi'ami, ngu mu mi bondila ha gu kita ndaga yiyi ngu mu mi leza mukunda nu gu mi hwa gikesa, mu kange mutshima ha gu ji vwa, mukunda ndaga jiji ngu mu mi sonegela gu mukanda wuwu jishi ja vula go. 23Nga tshigina mu jiye egi phangi'etu Timote wa zoga mu bologo. Gula weza mu phushi phushi, mba ngu mu mu zula ha guza nenji njila imoshi tangwa mba ngu za ha gu mi tala.24Hanenu mbote ya vula gwa mambuta a dibundu nu gwa a kilistu akima. Aphangi a gi Italia a mi tumila mbote. 25Luzolo lwa Nzambi lu kale mu katshi dienu.