¹Pamuntango, Karunga kwa shitire liwiru na livu. ²Livu kwa kalire muporongwa. Mundema nagho kwa kalire waungi. Mpepo ya Karunga kayiyunganga pantunda yamema.³Karunga mpo aghambire, "pa Kare rukenu". Makura ukenu a ruya. ⁴Karunga a mono rukenu, shiruwanawapa. A gaununa, ukenu kumundema. ⁵Karunga a kughu ukenu ashi "mwi" ano mundema aghu kughu ashi "matiku". Evi kwa kalire ngura-ngura na ngurova. liyuva lya kuhova.⁶Karunga aghamba, "pakare lime na pakatji kamema, ntani lime lyakuhangura mema atunde kumema. ⁷Karunga arughana mema nakutapera kulime vya mema ogho akalire kuntji yalime. Ngoli mo vyakalire. ⁸Karunga a kughu lime ashi "Liwiru". Kwa kalire ngurova na ngura-ngura, liyuva lya uviri.⁹Karunga aghamba ashi, "tanko mema na liwiru navintje vikukwate pa livango limwe tupu, Makura livu lya kukuta limoneke." Ngoli mo vyakalire. ¹⁰Karunga a kughu livu lya kukukuta "Udjuni", ntani mema gha kuponga ashi "mafuta". Avi mono ashi vina wapa.¹¹Karunga aghamba ashi, "pantunda ya livu pamene ntjitwe yira vimenwa vya mbuto na vitondo vya nyango vya kutenda ntanga da nyango dikare munda, kehe shino shikare murudi rwasho." Mo ngoli vyashorokire. ¹²Udjuni watendire ntjitwe, vimenwa avi tende ntanga damarudi ghado, ntani vitondo avitende nyango na ntanga munda, kunyima yamurudi ghado. Karunga avimoneshi vina wapa. ¹³Kwakalire ngurova na ngurangura liyuva lya utatu.¹⁴Karunga aghamba ashi, "Ukenu ukareko muliwiru mukugaununa mwi kumundema ntani vikare viyivito, vya mayuva na mumwaka. ¹⁵Mukare ukenu muliwiru mukutapa rukenu pa livhu. Avi kara ngoli.¹⁶Karunga arughana naukenu maviri ghamanene, ukenu waunene aupangere mwi ano ukenu waudidi aupangere matiku. Atende mbungururunka. ¹⁷Karunga aditura muliwiru diatapee ukenu pa livu, ¹⁸mukupangera mwi na matiku ntani nka na kugaununa mwi ku matiku. Karunga avimono ashi vina wapa. ¹⁹Evi kwa kalire ngurova na ngurangura kiyuva lya une.²⁰Karunga aghamba "Mema ghana yura navinamwenyo, ntani nka vidira vituke viyende muwiru vitunde pantunda ya livu munda ya liwiru.'' ²¹Karunga atende viwungo vyavinene vya mulifuta, shimpenka navinamwenyo navintje kutwara kutwara kumarudi ghavyo. Karunga a vimono ashi vinawapa.²²Karunga ava tungikire na kughamba ashi, "Karenu nyango dadingi ntani naku kakuvukitenu, yudenu mema ghamumafuta, vidira viku vukite pantunda ya livu." ²³Evino kwakalire ngurova na ngura-ngura, liyuva lya utano.²⁴Karunga aghamba ashi, "Livu ngalitende vianmwenyo, kehe shino kutwara kurudi rwasho, vikorama vya kuweka navininke vya palivhu, kumwe namakorama ghamanene ghapa livu, kehe shino kutwara kurudi rwasho." Mo vyakalire ngoli. ²⁵Karunga arughana vinamwenyo vyavinene vyapantunda ya livu kehe shino kutwara kurudi rwasho, vikorama vyakuweka navyo kumarudi ghavyo ntani navininke vyakaro muntjintwe pantunda ya livu kehe shino kutwara kurudi rwasho. Avi mono ashi vina wapa.²⁶Karunga aghamba ashi, niruwane murume kutwara kulifano lyande, kunyima ya makufano. Varenkite vapitakane pa ntjwi damulifuta, vidira vyamu wiru, vikorama vya kuweka ya livhu nayintje ntani natjintwe oyo ya karo pantunda ya livu. ²⁷Karunga atende mukafumu kutwara kulifano lyendi. Mulifano lyana umwendi amutendire. Mukamali namukafumu ava tendire.²⁸Karunga ava tungiki nakughamba ashi, "Kakarenu nyango yayiwa kumwe na kukuwederera. yudenu udjuni, kiumwe na kughupitakana. Pitakanenu pa ntjwi damulifuta, vidira vyamu wiru, ntani navininke navintje vyayendango pa ntunda ya livu." ²⁹Karunga aghamba ashi, "Kengenu, namupa vininke navintje vimwenwa vyamu yangu wantanga ovyo vyakaro pantunda yalivu nayintje, ntani kehe shino shitondo na nyango osho shakaro na ntanga munda yasho. Ngavi kara ndya kukwenu.³⁰Ku kehe vishitwa vyavinene vyapa livu, kukehe shidira shamuwiru, ntani kehe vino vyakaro muntjitwe yamu udjuni, ntani kukehe shino shishitwa shakaro naliparu lyakushetera nina tapa vimwenwa vya shinamahako vya ndya. Mo vya kalire. ³¹Karunga a monine vininke ovyo a rughanine. Vyawapire. Kwakalire ngurova na ngurangura, liyuva lya u ntayimwe.

¹Makura liwiru nalivhu avipu kuvishita, ntani vinamwenyo navintje vyayudamo. ²Muliyuvha lyaghuntambiri Karunga ayahulita virughana vyendi ovyo aruwanine ntani ghapwiyumuka momo muliyuvha lyaghuntambiri kuviruwana vyendi navintje. ³Karunga atungiki liyuva lyaghuntambiri kumwe nakulipongora, mukondashi mumwalyo mo ghapwiyumukire kuvirughana vyendi navintje ovyo ghaminine mulishito lyendi.⁴Ovino mbyo vishorokwa vyakuhamena kuliwiru nalivhu, opo vayishitire muliyuva linya ashitire Hompa Karunga livhu naliwiru. ⁵Kapi pakalire wiya pantunda yalivhu, ntani kundereko shimenwa shamulifuva osho mukonda Karunga kapi apangitire mvhura yiroke pantunda yalivhu, ntaninka kapi pakalire murwana wakulima. ⁶Ano ngoli lime aliyeruka likanduke pantunda yalivhu kumwe nakuyatekera livhu nalintje.⁷Hompa Karunga aghungu murwana kumbundu yalivhu, nko kumufudira munku mumayuru munku wamwenyo ntani akalire muntu unya munamwenyo. ⁸Hompa Karunga akunu shipata kwara kuupumeyuva, muEdeni, munya mo ghatulire muntu ghunya ghaghungire.⁹Pantunda yalivhu Hompa Karuna ashita kehe shitondo shimene shakuhafita pakushitamona ntani nauwa wandya. Ovino vyapakelilire na shitondo shamwenyo osho shakaliro mukatji kashipata, ntani nashitondo shaunandunge wauwa naghuwaudona. ¹⁰Mukuro aghutundiliri kuEden ghuyatekere shipata. Kutunda opo aghukugaunuka adiyakara dimukuro ne.¹¹Lidina lyamukuro wakuhova ngo Pishoni. Ngo wapupango mulivango nalintje lya Havilah, oko kwakaro ngorondo. ¹²Ngorondo dakulivango linya diwa. Kwakarako nako namawe ghamwe ghamulyo.¹³Lidina lyamukuro wauviri ngoGihoni. Oghuno kwapupanga mulivango nalintje lyaCushi. ¹⁴Lidina lyamukuro wautatu ngo Tigrisi, ano wawo kupupanga upumeyuva waAhuru. Waune ngo Eufratesi.¹⁵Hompa Karunga aghupu muntu unya nko kumutura mushioata shaEdeni ashiruwane kumwe nakushipakera mbili. ¹⁶Hompa Karunga atapa shipango kwa muntu unya shinakughambo ashi, "Kukehe shitondo shamushipata kuvura ulye nalimanguruko. ¹⁷Ano ngoli kushitondo shaunandunge naghuwa naudona nakulyakoshi. Olyo liyuva ngaulyako, vyaushiri ngaufa."¹⁸Makura Hompa Karunga aghamba ashi, "Kapishi viwa ashi mukafumu mukukara pantjendi. Kunimurenkera muvateli wamuwa kukwendi." ¹⁹Kutunda kulivhu Hompa Karunga aghungu kehe shikorama shamulivango kumwe navidira vyamuliwiru. Makura aviyita kwamuntu unya ayavikenge ashi vinke avura kuviruka. Ano ngoli mukafumu atapa lidina kukehe shishitwa momo ashitwenyine ndyo lidina lyasho ndyolyo . ²⁰Mukafumu unya nko kuruka madina vimuna navintje, kuvidira navintje vyamuliwiru ntani kukehe shikashama shapantunda yalivhu pamukafumu mwene kapi awanine muvateli wamuwa kukwendi.²¹Hompa Karunga atapa turo twakurarerera kumukafumu ghunya mpo aralire mukafumu Hompa Karunga aghupu rupati rumwe rwamukafumu unya kumwe nakuwapeka panyama opo gharughupilire. ²²Narupati runya aghupire Hompa Karunga kwamukafumu, aghungiteko mukamali nko kumuyita kwamukafumu unya. ²³Mukafumu aghamba ashi, "Ruvede runo oghuno kuna muhungita kuvifupa vyande kumwe narutu rwarutu rwande. Kurumutwenyashi mukamali, mukondashi kwamughupa kwamukafumu."²⁴Mbyovoshi mukafumu ngakashuva vashe navawina, ngakakukwatakana namukamali wendi, ntaninka ngavakakara rutu rumwe. ²⁵Navantje kwakalire muhere-here, mukafumu namukamali wendi, ano ngoli kapi vakufire ntjoni.

¹Ano liyoka kwa kalire namandunge kupitakana vikashama navintje ashitire Hompa Karunga. Alipura mukamali "Vyaushiri Karunga aghambo ashi, mwasha lyanga kwa kehe shitondo shamushipata?" ²Mukamali aghamba kuliyoka, "Kuvhura tulye kukehe nyango yakushitondo shamuno mushipata, ³ano ngoli vyakuhamena nyango yayimango kushitondo osho shakaro pakatji kashipata, Karunga aghambo, nakulyakoshi, ntani nakugumakoshi, ndi kufa."⁴Liyoka alitantere mukamali, "Kapi ngamufa. ⁵Karunga aviyivashi liyuva mantjo ghenu ngagha pahuka, ntani ngamukaranka yira Karunga, ngamuyiva uwa na udona." ⁶Opo amonine mukamali shitondo shawapera kukara ndya, ntani kushimona mo shina wapa, shitondo sho kwa fuupa mukurenkita umwe akotoke pandunge, aghupu linyango limwe ali. Aghupu limwe apeko nturaumbo wendi wakaliro naye, naye ali.⁷Mantjo ghavo navantje agha pahuka, ava dimubururashi muherehere vana kara ava tungu kumwe mahako ghaukuyu vaku vive naumwav. ⁸Ava yuvhu mushagharo waKarunga wakuyenda mushipata liyuva linatenderere, mukafumu namukamali wendi ava kuhoreke mukutjilitira ashi vashamoneka kwa Hompa Karunga muvitondo vyamushipata.⁹Hompa Karunga ayita mukafumu na kumupura, "Kuni una hamene?" ¹⁰Mukafumu aghamba ashi, "Nakuyuvu mushipata, nakara naghoma, konda muhere-here nakara. Mbyo nakuhorekere naughumwande." ¹¹Karunga aghamba, "Are ankutantero ashi muhere-here unakara? unali kushitondo osho namutantera ashi mwasha lyako ndi?"¹²Mukafumu aghamba ashi, "Mukamali wampa akare name, ndje anampo linyango lyakushitondo, mbyo nali." ¹³Hompa Karunga apura mukamali, "Vinke vi unarughana?" Mukamali aghamba, "Liyoka linankongo, mbyo nali".¹⁴Hompa Karunga atantere liyoka, "Morwa ove una virughano vino, lifinggo lyoye pantjoye muvimuna navintje navikorama vyapalivhu. Nalipumba lyoye ngaughovanitanga, ntani mbundu ndjongaulyanga mumayuva ghaliparu lyoye nalintje. ¹⁵Ngani tura unkore pakatji koye namukamali, napakatji ka ruvaro roye na rwendi. Ngamyona mutwe ghoye, ove ngaumyona shintintinya shendi."¹⁶Kwa mukamali aghamba ashi "nganiwederera unene kukora pakuwana mwanuke; ove ngauyuvhu kukora pakuwana vanuke. Ngauhora mukafumu ghoye, ano ngoli ndje ngakupangera."¹⁷Kwa Adamu aghamba ashi, "Konda una terere ovyo ana ghamba mukamali ghoye, ntani mbyo unali kushitondo, osho namutantera nakumurondora, kapishi ngamulye,' Mukonda yoye livu kunakulifinga; liparu lyoye nalintje ngauruwana unene ntani ngaulya. ¹⁸Ngavi kumenitira miya namushoni, ntani ngaulya vimenwa vyamumafuva. ¹⁹Ano mulitjimpa lyoye ngulya ndya, dogoro nkoko ngauvyuka mulivhu, nkoko vakughupa. Konda ove kumbundu watunda, kumbundu nkongauvyuka nka."²⁰Mukafumu aruku mukamali weni lidina lya Eva mukonda ndje akaliro nyokwa wavina monyo navintje. ²¹Hompa Karunga aruwanene Adamu na mukamali wendi vyuma vyavipapa ava dwateke.²²Hompa Karunga atantashi, "Weno muntu anafana yira atwe, anayiva uwa na udona. Mpongolishi weno kapishi vamupulitire atike nalighoko lyendi, aghupe kushitondo shamwenyo, alye, aparuke naruntje nakunaruntje." ²³Mpo amutjidire Hompa Karunga atunde mushipata sha Edeni, muka lima livu olyo vamughupa. ²⁴Karunga aghupu mukafumu atunde mushipata, ature Kerubimu kughupume yuvha washipata sha Edeni, na lighonga lya mundiro lya kupirauka kundjira nadintje, litakamite ndjira yaku shitondo sha monyo.

¹Mukafumu aviyivhire mukamali wendi Eva ntani akara namarutu maviri ntani ashampuruka Kayini. Aghamba, "Ame nayita mukafumu nalikwatitoko lya Karunga." ²Makura ashampuruka mughunyendi Abeli. Makura Abeli akara muweki wavimuna, ano Kayini kwakalire munandimi.³Kwakalire shirugho shakutapa ndjambo Kayini kwayitire nyango damulivhu ashi ndjambo ya Karunga. ⁴Uye Abeli, ghuye ayita utanga wavambeli namaghadi. Karunga atambura ndjambo ya Abeli, ⁵ano ngoli ndjambo ya Kayini kapi ayitambulire. Makura Kayini agarapire unene, ntani ghuye akara nantiye mushipara.⁶Karunga aghamba kwa Kayini, "Vinke unaarapere ntani vinke unakarere nantiye mushipara? ⁷Nankeshi uruwane vya uhunga, nove kapi vakutambura ndi? Ano ngoli nangeshi uruwane ovyo vinakaro kapishi muuhunga, ndjo kunakukarere palivero ntani yinashana yikupangere ve, ano ngoli ove unahepa kuyipangera."⁸Kayini aghamba na Abeli muunyendi. Kwakalire ngoli vavo mulifuva. Kayini akalire nankoko kwa muunyendi makura`amudipaya. ⁹Makura Karunga aghamba kwa Kayini, "Kuninko muunyoye Abeli?" Ghuye aghamba, "Kapi niyiva. Ame mukungi wamuunyande ndi?"¹⁰Karunga aghamba, "Vinke ovyo unarughana? Honde ya muunyoye kuna kundjita kutunda mulivhu. ¹¹Weno kunakukufingilira namulivhu, olyo linagharuko litambure honde ya muunyoye mumaghoko ghoye. ¹²Opo ngaulima lino livhu, kutunda pano kapi ngauyangura muyangu mwene. Ove ngoli tupu ngaukara wakurenda-renda muno muudjuni.¹³Kayini aghamba kwa Karunga. "Matengekero ghande manene. ¹⁴Mo, weno una ntjida palivhu lino namuntji, weno ame kunikara mulihoramo kushipara shoye. Kuni kara wakurenda-renda pano pantunda ya udjuni, ntani kehe ghuno ngangwano ngandipagha." ¹⁵Karunga aghamba kwendi, "Kehe uno ngadipagha Kayini, ngavamuvyutira ruatano naruvili ." Makura Karunga atura shineghedito pa Kayini kehe ghuno wakumuwana kapi vavure kumuhomokera.¹⁶Makura Kayini ghatundupo kushipara sha Hompa ntani mushirongo sha Nod, kughupumeyuva wa Edeni. ¹⁷Kayini ayivire ashi mukamali wendi ntani mulira akalire. Ghuye ashampuruka Enok. Ghuye adiki shitata nakushiruka Enok lidina lya monendi.¹⁸Ano Enok ghuye kwamushampurukilire mu Iradi. Iradi ayakalire sha wa Mehujagheli. Mehujagheli aya kara sha wa Methushagheli. Methushagheli aya kara sha wa Lameki. ¹⁹Lameki aya kwara vakamali vaviri. Lidina lyamukamali wendi ghumwe Ada, ntani ghumweya ndje Zila.²⁰Ada ashampuruka Jabali. Ghuye kwakalire sha wa mbovo vakalire mumatende ovo vakalire navimuna. ²¹Muunyendi lidina lyendi ndje Jubali. Ghuye sha kwakalire ghovo sha ghovo kavavetango marumbendo na mapali. ²²Ano ngoli Zila, ghuye kambororanga Tubali-Kayini, nakushambura vikugho na ngoporo. Muunya Tubali-Kayini wamukamali ndje Naghama.²³²⁴Lameki aghamba kwamukamali wendi, "Ada na Zila, teghererenu kuliywi lyande; anwe vakamali va Lameki, teghererenu kunkango dande. Ame nadipayire muntu ogho andemekire, mumatighona ogho adunditire. Nangeshi Kayini ngavamuvyutire rukando ntambiri, ghuye Lameki ngavamuvyutira rukando dimurongo ntambiri."²⁵Adamu aviyivire mukamali wendi waronka, ntani ayitanka monarume. Ghuye amuruku ndje Seth ntani nakughamba, "Karunga anampa waro monarume ghumweya anapingidiri mwa Abel, konda Kayini amupondekire." ²⁶Monarume kwamuiyita Seth ntani nakumuruka ashi Enoshi. Paruvede ndorunya vantu vavarekire kukugha lidina lyaKarunga.

¹Agha ngo makukwamo gharuvaro rwa Adamu. Liyuva olyo Karunga kwa ungire muntu , kwava ungire kulifano lyendi. ²Mukafumu namukamali ava ungire. A va tungiki makura a va ruku ashi vantu. Opo ava shitire.³Adamu apa a kalire namumwaka 130 a kara sha wamona wamukafumu kulifano lyendi kuruku rwalifano lyendi a muruku Seth. ⁴A parukire mwaka mafere ntantatu. A yakara sha wavana vavangi vavamati navavakadona. ⁵Adamu kwa parukire mwaka 930 makura a dohoroka.⁶Seth apa a kalire namwaka 105, aya kara vashe va Enosh. ⁷Muruku opo a ya kalire vashe va Enosh, a parukire mwaka 815 makura a ya kara sha wavana vavangi vavamati nava vavakadona. ⁸Seth a parukire mwaka 912 makura aya dohoroka.⁹Enosh a aya paruka mwaka dimurongo ntane aya kara vashe va Kenan. ¹⁰Muruku opo a ya kalire vashe va Kenan, Enosh a aya parukire mwaka 815. Aya kalire sha wavana vavangi vavamati nava vavakadona. ¹¹Enosh a parukire mwaka 905 makura a dohoroka.¹²Kenan apa a kalire namwaka, dimurongo ntano nambiri a ya karra vashe va Mahalaleli. ¹³Muruku opo a ya kalire vasheva Mahaleli, Kenan a parukire mwaka 840. A ya kara sha wavana vavangi vavamati nava vavakadona. ¹⁴Kenan kwaparukire mwaka 910 makura aya dohoroka.¹⁵Mahaleli kwa parukirere mwaka dimurongo hamboghumwe nantano aya kara vashe va Jaredi. ¹⁶Opo a ya kalire vashe va Jaredi, Mahalaleli kwaparukire mwaka 830. A ya kara sha wavana vavangi vavamati nava vavakadona. ¹⁷Mahalaleli kwaparukire mwaka 895 makura a ya dihoroka.¹⁸Jaredi kwa parukire mwaka lifere nadimurongo hamboghumwe nambiri, a ya kara vashe va Enoch. ¹⁹Opo a kalire vashe vaEnoch, a paruka mwaka mafere matano nantantatu. A kara sha wavavana vavangi vavamati navana vavakadona. ²⁰Jaredi kwa parukire mwaka 962 makura a dohoroka.²¹Enoch kwa parukire mwaka, dimurongo hamboumwe nantano, a ya kara vashe va Methuselah. ²²Enoch kwaruwananga naKarunga mwaka mafere matatu kuruku ya kukara vashe vaMethuselah. A ya kara sha wavana vavangi vavamati nava vavakadona. ²³Enoch kwaparukire mwaka 365. ²⁴Enoch karughananga naKarunga makura a dohoroka, Karunga a mu ghupu.²⁵Methuselah kwa parukire mwaka 187, a ya kara vashe vaLamech. ²⁶Muruku opo a ya kalire vasheva Lamech, Methuselah kwa parukire mwaka 782. A ya kara sha wavana vavangi vavamati nava vavakadona. ²⁷Methuselah kwa parukire mwaka 969. Makura a dohoroka.²⁸Lamech kwaparukire mwaka 182, a ya kara namonendi, wamumati. ²⁹A va muruku Nowa, nakughamba "Oghuno kwatupako ruvede rwakupwiyumuka kuvirughana vyetu, ntani na tjutju yakumaghoko mukonda yavirughana vyavidito, mukondashi ntundiliro ya hompa oyo a fingire."³⁰Lamech kwaparukire mwaka 595 muruku yakukara vashe va Nowa. A ya kara sha wavana vavangi vavamati nava vavakadona. ³¹Lamech kwaparukire mwaka 777. Makura adohoroka.³²Nowa kwaparukire mwaka mafere matano, a kara vshe vaShemu, Hamu, na Jafet.

¹Pashirugho osho vantu kwa valikire kukuvukita mughundjuni ntani vakadona vavo navo ava va shampuruka, ²vana vaKarunga vavamati ava vimono ashi vakadona kwava monilkilire nawa. Ava ku upiri vavene vakamali, kehe uno kutwara ndjegho anahoro umwendi. ³Hompa makura mpo aghambire ashi, "Kapi ngani shuvanka mpepo yande yino yikarere muvantu pana runtje mbyovyoshi vavo vapanyama vavo nka ngavaparuka mwaka 120.⁴Muma yuvha ngogho akumeho mamuturungu akalireko pa udjuni. Vanavavo vavakamali nava vavakafumu vamuliwiru vavo mapenda akaliro vavo nka kwafumanine kare-kare.⁵Ano Hompa opo amonine maudona avantu ana vhuka pantunda ya livhu vavo nka vyavidona vana kurughana. ⁶Karunga makura mpo gha kuvelire kwevi gha ghungire vantu vakare pa ntunda ya livhu, makura mpo akalire narugugho mumutjima wendi.⁷⁸Makura Karunga a ghamba, "Ngani djonaura vantu navantje ovo nashita muudjuni vantu na vikorama, ntani navinamwenyo vyakughovana palivhu, vidira vya muwiru, konda kuna kukuvera vinke ovyo navi shhitilire. Ano ngoli Nowa a kalire nauhunga kushipara shaKarunga.⁹Elino ndyo litmwititi lya Nowa. Nowa kwa kalire mukafumu wa uhungami, ntani kapi akalire naundjoni paruvede rwendi. Nowa kwayendire naKarunga. ¹⁰Nowa ayakara sha wa vana vatatu vavamati Semu, Hamu na Jafeta.¹¹Pantunda yalivhu kwakalire urunde kushipara sha Karunga, ntani kwayulire nyanya. ¹²Karunga mpo akengire udjuni, kwa yulire nanyanya, kehe shino shishitwa sho vashitire pa nyama kwa djonawire ndjira davo da pantunda yalivhu.¹³Karunga mpo arenkire Nowa, "Ame namono ashi ruvede runa tikimo rwakushayekita vishitwa navintje ovyo nashitire pa nyama, kondashi udjuni una yura nanyanya kupitira mumwavo. Awe, nganivadjonawira naUdjuni. ¹⁴Wapayikako wato wavitondo. Turamo nkonda ntani kuramburura munda na pantunda. ¹⁵Weno mo ngauli pangerera: munaure metera mafere matatu, mumpati metera dimurongo ntano, ntani mumutika metera dimurongo ntatu.¹⁶Dikirako ndunda kuwato, ntani makura manitirako metera yimwe kutunda kuwiru ya ntere. Turako livero kuruha rumwe rwa wato ntani turako ndondero yayifupi, yayireko, ntani yimwe yakuyerukilira. ¹⁷Tegherera, Ame tantani niyite ruhandjo rwarunene paudjuni, ruyadjonaure vishitwa navintjeya vyamonyo ovyo vyakaro kuntji ya liwiru. Navintjeya viankaro pantunda yalivhu ngavifa.¹⁸¹⁹Ame kunitura likukwatakano lyande nove. Ngaungena mu wato, nove, ntani navanarume voye, ntani mukamali ghoye, navakamali vavana voye. Ngauperekemo muwato kehe shinamwenyo shanyama, viviri viviri, ngaviparuke nove, shashikadi nashashirume.²⁰²¹²²Kehe shidira sharudi narudi, ntani vikorama kutwara rudi narudi, nakehe vinamwenyo vyakughovana palivu rudi na rudi, viviri vya kehe shino ngashiya koye ove ngauviparure. Pongeka ndya kehe dino dakukushuva-shuva dakulya ntani udipungure, kurenkitira ngadikare ndya koye navinamwenyo navintje." Makura, Nowa naye mbyo aruwanine mbyovyo. Kutwara navintjeya ovyo amurawilire Karunga, naye mo ngoli aviruwanine.

¹Makura Karunga aghamba na Noah ashi, ''Yiya nove nava kalipata lyoye, muwato mbyo vyoshi nakumono ove tupu muhungami pavantu ava. ²Pavikorama navintje vya kukushuka shimba vikorama ntambiri vya virume ntani ntambiri vya vkadi. Pavikorama va kudira kukushuka, shimba viviri vya virume na vya vikadi. ³Vidira vya kuyendera muwiru, ntambiri vya virume ntani ntambili vya vikadi, mposhi shirughana kehe shikorama na shidira ngavi kuvaratane nka pantunda ya livhu.⁴Ngapa pita mayuva ntambiri ngani renkita mvhura yiroke palivhu mayuva dimurongo ne ntani matiku dimurongo ne. Ngani djonaura palivhu vina mwenyo navntje ovyo na shita.'' ⁵Noah aruwana navintje evi amuraulire Karunga.⁶Opo rwayire ruhandjo palivhu Noah ghuye kwakalire namwaka mafere matano-namwaka umwe. ⁷Makura Noah, vana vendi, mukamali wendi, na vakamali vavana vendi navantje ava yendi kumwe muwato mukonda ya ruhandjo rwa mema.⁸Vikorama va kukushuka navikorama vya kudira kukushuka, vidira, navintje vyaku hovana palivhu, ⁹Viviri viviri, vyavi rume navi vyavikadi, aviya kwa Noah nakuronda muwato, yira momo tupu Noah amutantilire Karunga. ¹⁰Apa ghapwire mayuva ntambiri, ruhandjo rwa mema mpo rwa valikire palivhu.¹¹Opo atikire Noah mwaka mafere matano na mwaka umwe, mu mwedi wa uviri, mumwedi ngogho mumayuva murongo na ntambiri, ndyo lyo liyuva, marunone naghantje gha manene gha kuntji agha gharuka, ntani makende gha muliwiru nagho agha gharuka. ¹²Mvhura ayi vareke kumwe na kuwa palivhu mayuva ronane matiku na mwi.¹³Muliyuva ndyo lyo Noah na vana vendi, Sem, Ham, na Japhet, na mukamali wendi ntani vakamali vatatu vavana vendi ava rondo muwato. ¹⁴Vavo kwa rondire nakehe shikorama sha muwiya kutwara kurudi rwavyo, ntani navimuna kutwara kurudi rwavyo, ntani navikorama vya kughavana, navintje evi vyahovana ngo palivhu kutwara kurudi rwa vyo, ntani navidira kutwara kurudi rwa vyo, kehe shino shishitwa shakaro namavava.¹⁵Kehe vishitwa va shita na nyama ovyo vya kaliro na mpepo paru kwayire kwa Noah kumwe nakungena mu wato. ¹⁶Vikorama ovyo vya yendiro vya virume na vya vikadi ovyo vashita na nyama, avi ngene yira momo tupu avi muraulire Karunga. Makura Karunga aghara livero kunyima yavo.¹⁷Makura ruhandjo aruya pantunda yalivhu ayiroko mayuva dimurongo ne, ntani mema agha vhuka makura wato aghuyeruka. ¹⁸Mema mpo ngoli afikilire livhu nalintje, natni liwato ali pupana pantunda ya mema.¹⁹Mema agha furu unene ndundu dadinene nadintje adi ngene mumema, liwiru nalintje ali kufiki. ²⁰Mema agha furu kupitakana mpadi murongo na ntano kuwiru do ndundu.²¹Vinamwenyo navintje vya kaliro palivhu avi fu, vidira, vimuna, vikorama, navishitwa navintje ovyo vya tungiro mu nomora ya yinene, na vantu. ²²Vishitwa navintje ovyo vyatungiro palivhu, ovyo kavisheterango munku waliparu kupitira mumayuru, navintje vya fire.²³Makura vishitwa navintje ovyo vya kaliro pantunda yalivhu avavi djonaurapo, vantu na vikorama na vikora vya kughavana palivhu na vidira vya muwiru. Navintje avavi djonaura po. Noah tupu navo arondire navo mumwato mbo vahupaliropo. ²⁴Mema mpo akalire palivhu shirugho sha kutika mayuva lifere limwe nadimurongo ntano.

¹Karunga a vhuruka Nowa, vikorama navintje vyamuwiya, navimuna navintjee evi vyakaliro kumwe naye mulimuwato. Karunga arenke mpepo yipepe pantunda yalivhu, mema aghavareke kupwilira. ²Marunone ghakuntji na makende ghamuwiru avaghaghara, ntani mvhura ayishagheke. ³Mema aruhandjo aghapwilirir kadidi-kadidi mughudjuni, muruku rwamayuva 150 mema naghantje aghapwiliri naghantje.⁴Limuwato aliyasheyama mu mwedi wauntambiri, muliyuva lya murongo na ntambiri kumwedi, kundundu ya Aratati. ⁵Mema mpo atwikilire kupwilira dogoro mu mwedi wa murongo. Muliyuva lya kuhova kumwedi ndungu da ndundu adimoneke.⁶Muruku rwa mayuva, dimurongone, Nowa apaturura makende akuwato ogho aruwanine. ⁷Arupwita likorova likatuke nakukavyuka dogoro mema aghapwiliri.⁸Mpo atumine liputukuwa likakenge mema ntjene anapwiliri mughudjuni, ⁹ano ngoli liputukuwa kapi lya kawanine livango lyakutembera, alikavyuka mu wato, mukonda mema afikire livhu nalintje. Nowa aghorora lighoko lyendi nakughupa nakulingeneka muli muwato.¹⁰Makura ataterereko mayuvha matano na maviri atumukonka liputukuwa. ¹¹Liputukuwa alikavyuka kungurova. Kenga! Mukanwa kalyo kwakaliremo lihako lyaliteke lyaliteke lyaukuyu. Adimburura mema ana pwilirir pa livhu. ¹²Ataterereko nka matano namaviri, nakutuma nka liputukuwa. Ngoli kapi lya kavyukireko nka kukwendi.¹³Kwakalire kuviha vya mwaka mafere ntayimwe mumwaka waKuhova, mumwedi wakuhova, muliyuva lya kuhova mpo apwilire mema palivhu nununu. Nowa afikura mbando yakulimuwato akenge pandje, nakumona ashi, palivhu panakukuta. ¹⁴Mu mwedi waghuviri, mumayuva dimurongo mburi na ntambiri kumwedi, livhu alikukuta nyweenywe.¹⁵Karunga atantere Nowa, ¹⁶"Rupuka mu wato, nove, mukamali ghoye, vanarume voye navakamali vavo. ¹⁷Rupwita kehe vino vinamwenyo vikare nove-ano vidira na vikorama nevi vyaghovanango palivhu mppshi ngavikakuvhukite nakyuda livhu."¹⁸Nowa mpo arupukire navanavendi, mukadendi, na vakadi vavana vendi. ¹⁹Kehe shinamwenyo, vyakughovana palivhu, navidira nevi vyakuyenda palivhu, kutwara murudi rwavyo, avi tundu mu wato.²⁰Nowa a dikiri Karunga shidjambero, aghupu vikorama vimwe na vidira aka tapa ndjambo kushidjambero. ²¹Makura Karunga afumbwiri lidumba lyarupekwa a ghamba mumutjima ashi, "Kapi ngani finga livhu mukonda lya vantu, mpiri ngoli vighayadara vyadimutjima davo vyavidona, kutunda wanuke wavo. ndi ngani djonaurenka vinamwenyo yira momo navirughana. ²²Udjuni ngaukare ngoli, ruvede rwakukuna na kuyanguea, upyu na utenda, kwenye na kufu ntani matiku na mwi kapi ngavishagha."

¹Karunga kwa shwelilire Nowa navana vendi, aghamba kwavho ashi, ''kuvaratanenu, mukara vavangi muyede livhu. ²Vikorama navintje, vya palivhu na vidira mbyo ngavikaro ndya denu, rambangako na ntjwi da mumukuro. Navintje pakahero kavo navimupa mumaghoko ghenu.³Kehe shino shinamwenyo sha kuyenda ngashi kara ndya denu. Shika momo namupire vitondo vya nyango. Ano ngoli mpindi ngoli namupa navintje. ⁴Kundereko kulya nyama ya honde, ntundiliro ya mwenyo.⁵Kuhonde, kehe ghuno ngaghupo unyendi monyo nganimufutita, muutanga wavikorama ngani shitengeka, nganishifutita kehe uno ngaupo unyendi monyo, kuvara kutwara mumadipayo ghoye. ⁶Mukuwedererako, ogho ngadipayo muntu unyendi, naye muntu ngamudipayo, morwa mwene amughungo afane Karunga. ⁷Makura anwe, kuvaratanenu muyude livhu kumwe nakukuhanena ghu djuni mudima.⁸Karunga gha ghamba kwa Nowa na vana vendi vavamati vanya vatatu, ashi, ⁹''Natura po makukwatakano papenu naruvaro rwenu, navinamwenyo navintje ovyo munakara navyo. ¹⁰Vidira, vimuna na vikorama navintje pakahero kavyo vikare mumpangera yenu.''¹¹Nkango dino nakutulitapo makukwatakano nanwe odi nakumutantera ashi, ''Kundereko kapi ngavishoroka nka kudjonaura vinamwenyo na ruhandjo. Nakadidishi ruhandjo ngarudjonaura Udjuni. ¹²Karunga aghamba ashi, ''Shino ntjo shineghedito na turapo pakatji kenu na me navi namwenyo navinthe pakahero kavyo nashita pandunda yalivhu ovyo munakara navyo, muliparu lyenu nalintje. ¹³Naturapo likongoro pamaremo, olyo ngali neyedo likukwatakano lya pakatji kande nanwe.¹⁴Ngaliya po nganiyita maremo, likongoro ngalimoneka naruvara rwalyo munda yamaremo. ¹⁵Muruku rwa kumoneka nganimuyita niyamuvhurukite vitwenyidira ovyo naturapo pakatji kenu na vinamwenyonavintje pakahero kavyo, ruhandjo kundereko kapi ngarumoneka nka ruya djonaure vishitwa vya palivhu.¹⁶Likongoro ngalikara mumaremo, ntani lyalyo nganilimo. Mukurenkita nimuvhurukite viturapo vyande vanaruntje pakatji kande navinamwenyo navintje vya palivhu''. ¹⁷Karunga aghamba kwa Nowa, ''Shino ntjo shineyedito shavitumbukira ovyo naturapo pakatji kande na vinamwenyo navintje vyapalivhu.¹⁸Vana va Nowa vavakafumu ovo vatundiro likuruwato mbo va Shem, Ham, na Japhet. Ham apangere Kanaani. ¹⁹Vano vatatu mbo vana vaNowa, kutundapo udjuni aghukuyingipita.²⁰Nowa atameke na ghunandimi wendi mbyo a wedliremo kukunanga na vinyu. ²¹Mbyo anwinemo vinyu dimwe mpo akorwire. Arara mutende yakudira kufika.²²²³Ham mwenya Kannani, akenge vashe shintjentja, makura arupuka akatantere ko vaghunyendi. Makura Shem na Jafeti ava ghupu lirwakani ava likutura pamapepe. Ava yendi kangaranyima va ngene mutende, makura avafiki shavo, vavo kapi vapakireko vipara moyovyo shi manashi vakenga shintjentja sha shavo.²⁴Opo arambukire Nowa mumarovhu, awna mashongo kwavyo aruwanine monendi wamukadi kwendi. ²⁵Aghamba ashi, ''Kannaani nayifingi. Ham ngakakare shipika shavaghunyendi mulira lya vo.²⁶Atwikiri kughamba ashi, ''Karunga shwera lirago Shem, vantu vamushirongo shakanani vakare vapika vendi. ²⁷Karunga wande nenepita livango lya Jafeta, ntani renka mundi wendi ukare mutende ya Shem, renka vantu vamu Kanani vakare vipika vyavo.²⁸Muruku rwa ruhandjo Nowa aparuka mwaka mafere matatu na dimurongo ntano. ²⁹Mayuva naghantje gha Nowa aparukire palivhu mafere muvyu na dimurongo ntano ghamwaka, liparu lyendi mpo lyashayilire makura adohoroko.

¹Oru ndo ruvaro rwa vana vaNowa, Sema, na Hamu, ntani na Jafeta. Vana vavo vavakafumu ava vaya yitire kunyima ya ruhandjo.²Vana vavakafumu va Jafeti va Gomeri na Magogo na Madayi na Javani na Jubali na Meseki na Tirasi. ³Vana vavakafumu va Gomeri va Ashikenas na Lipati na Togarema. ⁴Ruvaro rwa Joveni kwa kalire vantu va Elisa, Shipaniya, Kipurusi na Rodesi. ⁵Vavo kwa kalire na vanyakulya ava va tungire kuntere na pavirudi vya mulifuta, ava mbo ngoli ruvaro rwa Jafeta, va kugaunukire mumarudi na muvirongo kehe yi mbunga kughamba liraka lyava vene.⁶Vana va Hamu-vavakafumu va kusi na Egipite na Libiya na Kanani. ⁷Vana vava kafumu va Kusi va Seba na Haviyara na Sabuta na Rama na Sabiteka vana va Rama vavakafumu va Seba na Dedani.⁸Kusi kwayitire mwanuke wamukafumu Nimuroti, oghu akaliro mpititi wamuhoverera wamune muUdjuni. ⁹Ghuye nka mukongo wamunene akaliro kushipara sha Hompa. Makura mpo ava tantilire ashi, ''Yira momo akalire Nimuroti, mukongo wamunene kushipara sha Hompa.'' ¹⁰Mukutameka kupangera kwendi kwakalire mu Babironi, namu Eriki namu Akadi, navintje vino mushirongo sha Babironiya.¹¹Opo atundire mushirongo shi ayendi mu Ausi, aka tunga ku Ninive na Rehoboti-Ira ¹²na Kara, Nareseni, pakatji kaNinive mushitata sha shinene mu Kara. ¹³Mizrami makura akara vashe va lidiya na vanamu na Rehabu na vanafetuhi, ¹⁴na vapaterusi na kasilihi na vakereta, omo mwatundiliro rudi rwa vafilisitani.¹⁵Kanani makura akara vashe va Sidoni, monendi wambeli ntani Heti. ¹⁶Ntani nka Jebusitesi, Amoritisi, , ¹⁷na Vaheti, na na Vareki, na Vasini, ¹⁸na Varevadi na Vasemali na Vahameti. Kunyima yavi makura malira ava Kanani agha kughona agha kuhanane muUdjuni.¹⁹Mururani washirongo sha Kanani kwatundilire kuSidoni shivyuke kuruha rwa Gerara shiyende dogoro kuGasa, ngoli kuruha rwa Sodomu na Gomora na Adima na Sebuyimu, Shiyende dogoro ku Rasa. ²⁰Oru ndo ngoli ruvaro rwa Hamu, vakaliro muvirudi, na muvirongo vyavo kehe yi mbunga kughamba liraka lya vavene.²¹Sema, nyakulya ruvaro rwa Ebere, mukurwa Jafeta, naye ayitire vana. ²²Vana vaSemu vavakafumu va eramu na Asuli na Arepakesadi na Rudu na Aramu. ²³Vana vava kafumu va Eramu na Huli na Gereta na Masheki.²⁴Arepakesadi akara vashe va Shela, Shela akara vashe va Eberi. ²⁵Eberi ayita vana vavakafumu vaviri; ghumwe aruku Peregi (lidina li kutanta muruhebeli ashi Makutavaghano), shirugho shendi mpo va kutavaghanine vantu vamuUdjuni. Lidina lya mughunyendi Jolitani.²⁶Jokitani akara vashe Alimodadi na Serefi na Hasaroni mavete na Jerahi, ²⁷na Hadoramu na Uzali na Dikira, ²⁸na Obali na Abimayeli na Seba, ²⁹na Ofire na Havira na Jobabu. Navantje ovo vana va Jokitani va kaliro.³⁰Shirugho oshi vakalire kwatungire kuMesa shivyuke ku Sefara dokoro kundundu da kuupumeyiva. ³¹Oru ndo ruvaro rwa Sema, rwakaro mumarudi ghavo namuvirongo vyavo, nkehe vano kughamba liraka lyava vene.³²Ghano ngo malira aruvaro rwa Nowa, moomu vakara kudimuhoko davo. Dimuhoko nadintje damuudjuni kwatundilira kuvana va Nowa kunyima yaruhandjo.

¹Apa udjuni mudima kwarughanitire liraka limwe tupu ntaninka kwakalire nankango dakukufana. ²Opo vayendire kuupume yuva, avakawanako livango muShinera kumwe nakutunga moomo.³Avakutantere vavene, ''Yiyenu, renkenu turughane ndopi nakudishora.'' Avayakara nandopi mulivango lyamawe nakughatutumikida yira shighuru. ⁴Avaghamba , ''Yiyenu, renkenu tukutungireko shitata shanaumwetu ntani litungo lyalyo lika tike kumaremo, nakurenka madina ghanaumwetu. Ntjene kapi tuvirughana, atwe ndi ngatuka kuhanena muuntungi mudima.''⁵Karunga asheghumuka aya kenge shitata ntani litungo lya vana vaAdamu eli vadikire. ⁶Karunga aghamba, ''Kenga, ava vantu vamwe tupu naliraka lyakukufana, ntantani vanatameke kurughana vino! Ntantani kwato nka evi ngavaghayara kurughana ngavivaditopo. ⁷Yiyenu,renkenu tusheghuke nakukapighaneka liraka lyavo okukunya.''⁸Makura Karunga ava hanaura kutunda mpopo nange dogoro nkoko wakahura udjuninakushayeka kudika shitata. ⁹Ano ngoli, lidina kwalitwenyine Babironi, mukondashi mpo Karunga ghapighanekire liraka lyamuudjuni ntani kutunda opo Karunga ava hanaura vayende muudjuni mudima.¹⁰Aghano makutavakano ghaSema. Apa Sema akalire namwaka lifere, ntani ayakalire vaArepakesadi mwaka mbiri kurukurwaruhandjo. ¹¹Sema akara namwaka mafere matano kuruku ayakara sha wavaArepakesadi. Ghuye akaranka sha wavana vavakafumu ntani vana vavakamali.¹²Apa Arepakesadi akalire namwaka dimurongo ntatu namwaka ntano, akara sha Sera. ¹³Ntani Arepakesadi akalire namwaka 403 kuruku yakukara sha Sera. Aya yitako vana vamwe vavakafumu ntani navana vavakamali.¹⁴Apa Sera akalire namwaka dimurongo ntatu, akara sha waEbere. ¹⁵Sera aparuka mwaka 403 kuruku yakukara sha waEbere. Aya karako nka navana nka vamwe vavakafumu ntani vavakamali.¹⁶Apa Ebere akalire namwaka dimurongo ntatu nane, akara sha waPeregi. ¹⁷Ebere aparuka mwaka 403 kuruku rwakukara sha Peregi. Akara nka sha wavana vamwe vavakafumu ntani vavakamali.¹⁸Apa Peregi kwakalire namwaka dimurongo ntatu nane, akara sha Reu. ¹⁹Reu akara namwaka 209 kuruku akara sha waRew. Ayitako nka vana vamwe vavakafumu ntani vavakamali.²⁰Apa Reu akalire namwaka dimurongo ntatu nambiri, akara sha waSerugi. ²¹Reu akara namwaka 207 kuruku rwamwaka akara sha waSerugi. Akara nka sha wavana vamwe vavakafumu ntani vavakamali.²²Apa Serugi akalire namwaka dimurongo ntatu, akara sha waNahoro. ²³Serugi aparuka mwaka mafere maviri kuruku rwakukara shaNahoro. Akarako nka navana vamwe vavakafumu ntani vavakafumu.²⁴Apa Nahoro akalire namwaka dimurongo mbiri nantane, akara shaTera. ²⁵Nahoro akara namwaka 119 kuruku rwakukara shaTera. Akakarako nka navana vamwe vavakafumu ntani vavakamali. ²⁶Kuruku Tera akara namwaka dimurongo ntano nadimurongo mbiri, akara shaAbiramu,Nahoro ntani Harani.²⁷Aghano ngo makutavatano ghaTera. Tera akara shaAbiramu, Nahoro ntani Harani, ano Harani akara shaRoto. ²⁸Harani adohoroka kumeho yavashe Tera mushirongo shendi sha mvharerwa, muUru muKarideniya.²⁹Abiramu ntani Nahoro ava kwara vakamali. Lidina lyamukamali wa Abiramu kwakalire Sarayi ntani lidina lyamukamali waNahoro kwakalire Milika, mona Harani wamukamali, ogho akaliro sha Milika naIsika. ³⁰Sarayi kwakalire ngandje, kapi akalire namona.³¹Tera aghupu monendi wamumati, Roto mutekurwendi mona Harani, ntani Sarayi ngumweyi yendi, mukamali wamonendi Abiramu, navantje ava tundu muUru muKarideniya, nakuyenda mushirongo shaKanani. Ano ngoli vayire kwaHarani nakuyatungako. ³²Tera akara namwaka 205 ntani kuruku ayadohorokire muHarani.

¹Makura Karunga nkokutantera Aburamu, "Tundamo mushirongo shenu na muvalikoro lyoye, na mumundi wavasho, ghuyende kushirongo sosho nakukunegheda. ²Ame ngani nenepita muhoko ghoye, ngani kutungike na kukunenepita lidina lyoye, makura ngaghu ntungipare. ³Nganitungika ava ngava katungiko, ano ngoli nganifingilira ava ngakufingiliro. Ano mumoye mo ngavatungikira dimuhoko nadintje dapa livhu.⁴Makura Aburamu ahapuka yira momu amutantilire Karunga, ano Roto nkokuyenda naye. Apa atundire Aburahamu muHaran ghuye mwaka dendi dimurongo nta-mbiri nantano. ⁵Aburamu nko kupitura mukamali wendi Sarayi, namonarume wamukurwendi Roto, nakuitura ungagho wavo, ogho vapongayikire navapika mu Harani. Nkokushapuka vayende kushirongo sha Kanani, ntani nakukatika kushirongo sha Kanani.⁶Aburamu kukulyatera shirongo, kuShikemu dogoro kuUshivi waMore. Ruvede oro vaKanani mbovana tungo shirongo osho. ⁷Karunga makura nko kumonekera Aburamu, nakughamba , "Shirongo oshi ngani shipa ruvharo roye." Makura Aburamu nko kudikira alitare Karunga ogho amumonikiliro palivango olyo.⁸Kutunda opo makur ayendi kushirongo sha ndundu kughupumeyuvha wa Beteli, makura akatomeka tende yendi, Beteli kughutokero ano Ai kughupumeyuvha. Nko kadikirako altare yaKarunga na kukugha lidina lya Karunga. ⁹Makura Aburamu nkokutwika ruyendo rwendi ku Negevu.¹⁰Ano mushirongo mwakalire lirumbu, makura Aburamu a ghurumuka a yende muEgipite mukukara mu tanko. Lirumbu kwa ditopa unene mushirongo, ¹¹Ano tupu atikire pepi nakungena muEgipite, nko kutantera mukamali wendi Sarayi ashi, "Kenga kuno, naviyivha ashi ove mukamali wamuwa. ¹²Ntjene ashi vaEgipite vakukenga nakughamba ashi, ogho ne mukamali wendi, " ngava ndipaya, ano ngoli ove ngava kakushuva namonyo. ¹³Kaghambe ashi ove mughunyande-kadona, ngavi ka ngwapere me mukonda lyoye, ntani ngava kampakera mbiri liparu lyande mukonda yoye.''¹⁴Apa ayatikire Aburamu mu Egipite, vaEgipite kwaya monine Sarayi mukamali wamuwa. ¹⁵Tupu vamumonine marenga agha mutwara kwa Faragho makura nkokukavitantera Faragho, ano Sarayi, nko kumuyita kwa Faragho. ¹⁶Faragho no kuruwana Aburamu mwamuwa konda ya Sarayi nakumupa shighunda shandjwi, ngombe vidongi vyavirume, vapika vavakafumu nakamali, vidongi vyavikadi na ngamero.¹⁷Makura Karunga nkokukutumina Faragho maghuvera ghakukushuva-shuva ghamangi mukonda ya Sarayi mukamali wa Aburamu. ¹⁸Faragho nko kutumina Aburamu nakumutantera ashi, "vinke wa nduwanena vya weno ame? Konda yanke wadira kutantera ashi Sarayi mukamali ghoye? ¹⁹Morwa nke wantantelire ashi mughunyoye-kadona, nika mughupe akare mukamali wande? Kutunda pano ghupa mukamali ghoye, nakutundamo uyende kehe kuno". ²⁰Ano Faragho nko kurawira vantu vendi vyakuhamena Aburamu, nakumutjida mo, na kupitura mukamali wendi novyo vawekire.

¹Abrahamu atundu mu Egipite ayendi ku Negi, naye namukadendi, ntani nana vintjeya evi akalire navyo. Roto naye ayendi kumwe navo. ²Abrahamu kwa kalire ntungi mu vighunda, shishiveri na ngorodo.³Atwikire naruyendo rwendi, kutunda pa Negeyi ayende ku Beteli, apa yakalire tente yendi pa shakare, pakatji ka Beteli na Ai. ⁴Ayendi kulivango oko atungire shidjambero pamuntango. Akughu lidina lya Karunga.⁵Ano Roto ogho ayendiro kumwe na Abrahamu naye kwa kalire na vivunda na tende. ⁶Ano shirongo kapi shava gwaninine mukutunga pamwe mukondashi vakalire na limona lya liyingi. Kapi vyava pulitilire kukara pamwe. ⁷Makura apa kara dimutangu pakatji kava shita vaAbrahamu na vava Roto. Ano vaKakanani nava Peresia navo kwa tungire mushirongo ruvede oro.⁸Kutundapo Abrahamu aghamba kwa Roto ashi, ''Pashakara shi nyengani pakatji kande nove, napakatji kava shita vande na voye. Atwe likoro limwe tupu. ⁹Shirongo na shintje shino nani kapi sha kuhamena? Twara kughuto ghuku gaunuke ko kwande. Ntjeneshi ove ghuyende kurumontjo, ame kuni yenda kurulyo. Nangeshi ove ghuyende kurulyo, ame kuni yenda kuru montjo.''¹⁰Makura ROto arerurura nakuntje a monoshi muramba wa Jorodani kwa wapa mema, mema nakuntje kutundilira kuZowa, yira shipata sha Karunga, yira shirongo sha Egipite. Evino kwa kalire, Karunga ghuye shimpe kapi adjonaura Sodomu na Gomora. ¹¹Makura Roto ahorowora mwene muramba wa Jorodani ayendi kughu pumeyuvha. Makura ava kugaghunuka kumwe naghunyendi.¹²Abrahamu atungu momo mu Kanani, ano Roto aka tunga mu Mbara da kukwamita muramba, dogoro ku Sodomu. ¹³Ano vantu vamu Sodomu kwakalire vadona kushipara sha Karunga.¹⁴Apa atundirepo Roto, Karunga atantere Abrahamu ashi, ''Mona kutundilira opo ghuna yimana, ghumone mboyera, Ucuma, Upumeyuva, na Utokero. ¹⁵Shirongo nashintje osho ghuna kumona, nganishikupa kumwe na ruvharo roye kuna runtje.¹⁶¹⁸Nganivhukita ruvharo roye yira mbundu ya Udjuni, ntjeneshi muntu kuvhura kuvarura mbundu ya udjuni, naruvharo roye naro ngaruvhura kuruvharura. ¹⁷Shapuka, ghu yende ghure na ghufupi washirongo, ame nganushikupa.'' Abrahamu admuna tende yendi, aya na kuya tunga pa maghunyandi gha mamure, mu Heburoni, nko atungilire Karunga shidjambero.

¹Pakalire pa mayuva gha Amarafeli, Hompa wa shina, Arioka, Hompa wa Ellasa, Kedoralaome, Hompa wa Elamu na Tidali, Hompa wa Goyimi, ²ava tulitapo vita vya kurwanita Bera, hompa wa Sodomu, Birasha, Hompa wa Gomora, Shinaba, Hompa wa Adima, Shemeba, Hompa wa Zeboyimu na Hompa wa Bela (parupe rumwe kushitwenya Zohara).³Muruku va Hompa navantje vatano ava kupakerere muliyana lya Sidimu ( parupe rumwe kulitwenya ashi lifuta lya mungwa). ⁴Kedoralayome kwa pangilire mwaka murongo na mwaka ntatu makura atameke ghukorokotji. ⁵Ano mumwaka wa murongo na ne, Kedoralayome na va Hompa ovo ka lire navo nko kuya na kuyahomona Refayimu mu Ashiteroti Karanayimu, vaZuzite mu Hamu, va Emite mushave Kiriyatayimu, ⁶na vaHerite mushirongo shavo shandundu sha Seyire, ghure na Eliparani, pepi na mburundu.⁷Kutunda opo ava kavyuka nakuya ku Eni Mishipati (kuyitwenya nka Kadeshi), na kufunda shirongo nashintje shava Amalekites, na va Amoriti vatungiro mu Hazezoni Tamara. ⁸Makura Hompa wa Sodomu, Hompa wa Gomora, Hompa wa Adima, Hompa wa Zeboyima, na Hompa wa Bela (kushitwenya nka Zohara) ava tundupo na kakuwapayikira vita mumuramba wa Sidimu ⁹mukuhomona Kedoralayomi, Hompa wa Elamu, Tidali, Hompa wa Goyimu, Amrafeli, Hompa wa Shina, Arioka, Hompa wa Ellasa; va Hompa vane nko kuhomona vatano.¹⁰Makura liyana lya Sidimu aliyura makwina ghamatata, ano yira va Homap va Sodomu na Gomora ava kuganda, ava were mo. Ava vashuvire ava kugandere kuntunda. ¹¹Makura va Hompa ava ghupu maghunga ogho naghantje gha Sodomu na Gomora na ndya nadintje na kukayenda na ndjira yavo. ¹²Ano apa vayendire, ava pitura Roto, Mona -rume wa mukurwa Abirahamu, ogho atungiro mu Sodomu, na navintje ovyo awekire.¹³Ghumwe ogho akahenino nko kuya nakuyatantera Abrahamu wa Heburoni. Ghuye kwatungire pa Ushivi ogho wakaliro wa Mamure, Amorite, ogho akaliro mukurwa-rume wa Eshikolu na Ameri, ovo vakukwatakanino kumwe na Abrahamu. ¹⁴Ano apa akayuvhire Abrahamu ashi vana nkore vanayakwata valikoro lyendi, nko kupititira vantu vendi 318 mulikuyombilito ovo vashampurukira mumundi wendi, nakuvatuma ghure yira kuDani.¹⁵Nko kugaghununa vantu vendi vakuvyuke navo pa matiku na kuva homona, nakuvatuma ghure yira Hoba, oyo yakaro kuumboyera wa Dmaskus. ¹⁶Nko kukavyuka nanavintje ovyo va wekire, na kupitura likoro lyendi Roto na viweka vyendi, navakamali na vantu vamwe.¹⁷Ano apa aka vyukire Abrahamu ku Kedoralayomi na va Hompa ovo akalire navo, hompa wa Sodomu arupuka mukukugwanekera naye pa liyana lya shave (kulitwenya nka ashi liyana lya Hompa). ¹⁸Melekizedeki, Hompa wa Salemu, nko kurupwita mboroto na vinyu. Wiye kwakalire mu pristeli wa Karunga kundagha-ndagha.¹⁹Amutungiki nakughamba ashi, ''Akutungike Abrahamu Karunga wa kundagha-ndagha, mushiti wa liwiru na livhu. ²⁰Vakutungike Karunga wa kundagha-ndagha, ogho atapiro vana nkore mumaghoko ghoye.'' Ano Abrahamu nko kumupa shighu-murongo shana vintje.²¹Hompa wa Sodomu nko kutantera Abrahamu ashi, ''Mpe me vantu ano ove ghuupe viweka vikare vyoye.'' ²²Abrahamu nko kutantera Hompa wa Sodomu, ''nayerura mahoko ghande muwiru kwa Karunga, Karunga wa kundagha-ndagha, mushiti waliwiru na livhu, ²³ashi kapi ngani ghupa ngodi, ruvya rwa ncama-kaku, ndi vininke vyoye, mposhi kapi ngamukaghambe ashi, Nangaghopeka Abrahamu. ²⁴Kapi ngani vighupa nkwandi ovyo vanali vamati-ghona nakutapera vantu ovo vanayendo name. Renkenu va Aneri, Eshikoli na mamure vaghupe maruha ghavo''.

¹Kunyima ya vino vininke nkango ya Hompa ayiya kwa Abram mundjodi, na kughamba ashi, ''Washa tjira, Abram! ame mupopeli ghoye ntani mfuto yoye yayinene.'' ²Abram aghamba, ''Hompa Karunga nke ghumpa me, shirugho sho na kutwikira kwato mona ntani mupingwa wa ndjugho yande ne Eliezer wa Damaskusi? ³Abram aghamba ashi,''Shirugho sho ghuna diri kumpa muhoko, kenga, lishampuruko limwe tupu mumundi wande kwakara mupingwa.⁴Makura nkango ya Hompa Karunga ayi muyere, na kughamba ashi, Oghu murwana kapi ngakara mupingwa ghoye; ngoli ogho ngatundo murutu rwana naghumoye ndje ngakaro mupingwa ghoye.'' ⁵Makura amurupwita pandje, ntani na kumutantera ashi, ''Kenga kuwiru ya makura ghuvarure mbungururu, ntjeneshi kughu divarura, na ruvharo roye naro mo ngarukara ngoli.⁶A pulire Hompa, ntani amu varere uhungami. ⁷Aghamba kwendi, ''Ame Hompa, ogho akuyitiro utunde mu Uri ya Chaldeans, nilupe livhu ngaghuli pinge.'' ⁸Aghamba ashi, ''Hompa Karunga, weni omo niyivashi ngonili pinga?''⁹Makura aghamba kwendi ashi, '' Ndjitire shikembe shamwaka ntatu, nashimpendje shashikadi shamwaka ntanu, na shikungwe sha mwaka ntanu, shi ndjwi, Nkuti ntani nali putukuwa lya lyanuke.'' ¹⁰Amuyitiri vininke navintje vino, ntani nakuviteda pavili, ntani nakutura kehe uno ruha rukupiruke kwa unyaro, mara kapi a gaghunune vidira. ¹¹Opo vyayire vidira kuvininke vunya atetawire. Abrahamu avi tjida vikayende.¹²Makura opo lya tokire liyuva, Abram aporokere muturo, makura mundema wakutjilita aghu karako. ¹³Makura Hompa aghamba kwa Abram ashi, ''Yiva ashi muhoko woye kapi ngava uyiva pantunda yalivhu olyo lya karo shi kapishi lyavo, ntani ngamu kara vipika nakumu pangera mumwaka mafere mane.¹⁴Ngani futita shirongo osho ngava karuwanena, ntani kunyima ya ruvede ngava tundamo nalimona lyalinene. ¹⁵Mara ngaghuyenda kuvasho mumpora, natni ngava kuvumbika mumwaka dakukurupa dadiwa. ¹⁶Mumwaka waune wakumeho shimpe nka ngava kaya kuno nka, muudona wa Amoritis kapi watika uhura wavo shimpe.¹⁷Liyuva opo lina urumuka ntani unaya mundema, kenga, muti wakumundiro ya poto ntani na shite sharamba avi piti pakatji kavininke vyavididi. ¹⁸Kutunda liyuva linya Hompa arughana likukwata kano na Abram, nakughamba ashi, ''Kumuhoko ghoye na kulitapa lino livhu, kutundilira kumukuro wa Egipite dogoro kumukuro waunene wa Euphrates- ¹⁹Va Kenites, Kenezzites, Kadmonites, ²⁰Va Hittites, Perizzites, Rephaites, ²¹Va Amorites, Canaanites, Girgashites, ntani va Jebusites.''

¹Makara Sara, mukamali waAbrahamu, kapi amu shampukilire mwanuke, mara akalire namupika wamukamali, vakaEgipte, walidina Hagara. ²Makura Sara aghamba kwaAbrahamu, ''Kenga, Yehova anakundenkito nidire kukara navana. Yenda ukarare namuruwani wande.Kuvura ngani waneko vana kwendi.'' Abrahamu ategherere kuliywi lya Sara. ³Kwakalire kunyima yaAbrahamu uye kwatungire mwaka murongo mulivango lyaKanana naSara, mukamali waAbrahamu, atapa Hagara, mupika wendi waEgipte, kwavyendi amu kware. ⁴Makura akara nashihoro naHagara, ntani apiti lira. Opo amonine ashi ana piti lira, vakondi mpo vashapukire kumantjo ghendi.⁵Makura Sarayi aghamba kwaAbrahamu, ''Mapuko nakaranagho mukonda yoye ve. Natapire mupika wande wamukamali akare shihora shoye, opo amonineshi anapiti lira, aghushentje kumantjo ghoye. ''Renka Jehova aghambe pakatji kande nove.'' ⁶Ano ngoli Abrahamu aghamba kwaSarai, ''Kenga pano, mupika woye wamukamali munkondo doye anakara, murughanene ovyo una kumughayarera.'' Makura Sarayi amuruwana mwamudona, atjayuka atunde kukwendi.⁷Muengeli waJehova amuwana pamurombe wamema mumburundu, mumurombe wakundjira yakuyenda kwaShuru. ⁸Aghamba ashi, ''Hagara, mupika waSarayi, kuni oko una kutundilira ntani kuni oko una tamba?'' ghuye aghamba ashi, ghuye alimburura ashi, ''Ame kuna tjayuka Sarayi.''⁹Muengeli waYehova amutantere ashi, ''Vyuka kwamuhona ghoye ukakare mumpangero yendi.'' ¹⁰Muengeli waYehova amutantereshi, ''Nganikupa ruvaro rwaruyingioro ngavadira kuvura kuvara.''¹¹Muengengeli waYehova shimpe amutantereshinka ashi, ''Kenga, ove nalira lyoye ntani ngaushampuruka mwanuke wamumati, ntaninka ngaumuruke lidina Isimayili, mbyovyoshi Yehova akuyuvire nkugho yaudito ghoye. ¹²Ghuye ngakara yira shidongi shamuwiya. Ghuye ngakatjida-tjida vakafumu ntaninka vakafumu navo ngavakamutjida, ghuye ngakakupangarako kuvakuru vendi navantje.''¹³Makura Hagara atapa lidina kwaYehova ogho aghambiro naye, ''Ove Karunga unakunkengo,'' Hagara aghamba ashi, ''Vyaushiri ngani twikira kumona ndi, nampindi momo ana mono kare?'' ¹⁴Mbyo ngoli vatwenyenanga vantu runone ashi Beere Lahai Roi, kenga, pakatji kaKadesh naBered.¹⁵Hagara ashampurukiri Abrahamu mona wamumati, ano Abrahamu amuruku Isimayili, ogho ashampurukire Hagara. ¹⁶Abrahamu kwakalire mamwaka ntantatu nantayimwe opo amu shampurukilire Hagara Ismayeli.

¹Opo Abrahamu anakara namwaka 99, Hompa amonekere Abrahamu nakumutanterashi, '' Ame Karunga wamunene. Yenda kumeho yande, ghukare wakupongokerera. ²Makura ngani turepo likukwatakano pakatji kande nove, ame nka nganikuvukita kupitakanena.''³Abrahamu atongamene nakunyongeka shipara shendi palivhu ano Karunga aghamba naye ashi, ⁴''Kwandeko me, taterera, likukwatakano lyande nove lya kara. Ngaukara she wavirongo vyavingi. ⁵Lidina lyoye kapi ngalikara nka Abrahamu, mara lidina lyoye ngalikara Abrahamu- ngoli nakutoghorora ukare she wavirongo vyavingi. ⁶Ame ngani vhukita unene ruvaro roye, ame nka ngani renka virongo vikare vyoye, ntani vaHompa ngavatunda moye.⁷Ngani turapo likukwatakano pakatji kande nove naruvaro roye ngarukukwamo navana vavo navantje likukwatakano lyavo ngali karererapo, nikare Karunga ghoye nakuruvaro roye oro ngarukukwamo. ⁸Nganikupa, naruvaro roye ngarukukwamo, livango linya watungire, livhu nalintje lyaKanana, naviweka vyakukarererapo, ntani ame nganikara Karunga wavyo.''⁹Karunga aghamba kwaAbrahamu ashi, ''koyeko ve, una hepa kukwatakana nawa likukwatakano lyande, pakatji kande nove naruvaro roye ngarukukwamo navana vavo navantje. ¹⁰Olino ndyo likukwatakano lyande, olyo ghukunga, lya karo pakatji kande nove naruvaro roye oro ngarukukwamo: Kehe mukafumu mukatji kenu vana kona kumurughana vyavamba. ¹¹Vakona kumurughana vyavamba panyama, eshi ngashikara shiyivito shalikukwatakano pakatji kande nove.¹²kehe mukafumu mukatji kenu ogho ana karo namwaka ntantatu vana vakona kumurughana vyavamba, ngavitwikire navana vavo. Ovino vina kundama novo vana kushampurukira mumundi ghoye noghu wakughura namalivawakukutunda kuva ntunda virongo ogho akaro ashi kapishi umwe wavana voye. ¹³Oghu vana kushampurukira mumundi woye nowo vana kughura namaliva vakona kumurughana vyavamba. Olino likukwatakano lyande ngalikara pa nyama ngalikare likukwatakano lyakukarererapo. ¹⁴Kehe uno mukafumu vapira kughana vyavamba pashipapa shendi sha nyama yendi ngava mughupako kuvantu vendi. Ghuye ana ghupupo likukwatakano lyetu.''¹⁵Karunga ghatantere Abrahamu, ''Kwamukamaliko ghoye Sarayi, kapishi ngaumuyitange Sarayi nka. Ngoli, lidina lyendi ngalikara Sara. ¹⁶Ngani mutungika, ano nganikupa mona pendi. Ngani mutungika ghuye ngakara nyokwa wadimuoko. VaHompa vavantu ngava tunda mwendi.''¹⁷Makura Abrahamu atongamene nakunyongeka shipara shendi palivhu, ashepe, nakughamba mumutjima wendi ashi, ''Mwanuke kuvura kumuyita mukafumu ana karo namwaka lifere? weni ngoli Sara, ana karo namwaka rontane, ghayite mona wamukafumu? ¹⁸Abrahamu atantere Karunga, ''Ndi Isimayeli ghakare namonyo kushipara shoye!''¹⁹Karunga ghalimburura, ''Hawe, mara Saramukamali ghoye ngawana mona wakafumu, makura ngamumuruke lidina Issaka. Ngani gwanekelita likukwatakano lyande naye navanandi ovo ngavamukwamo. ²⁰Kwendiko Ismayeli, nakumutungika nakumupa ruvaro ntani nganimuvukita kupitakanenena. Ghuye ngakara she waHompa ronambiri, ghuye ngani mutura ngakare namuhoko waunene. ²¹Mara likukwatakano lyande ngali karapo naIssaka, oghu ngakupa Sara muruvede ndoru mumwaka una kukwamoko.''²²Opo ghamanine kughamba naye, Karungaghayendi muwiru ghatunde kwaAbrahamu. ²³Makura Abrahamu aghupu monendi Ismayeli, nanavantje ovo vashampukira mumundi wendi novo ghaghulire namaliva ghendi, kehe mukafumu mukatji kavakafumu mumundi waAbrahamu ava rughana vyavamba panyama davo muliyuva limwe,momu amutantilire Karunga.²⁴Abrahamu kwakalire namwaka rontane nantaneopo vamurughanine vyavamba pashipapa sha nyama yendi. ²⁵Ismayeli monendi wamukafumu akalire namwaka ro natatu opo vamurughanine vyavambapashipapa sha nyama yendi. ²⁶Ndyolyo liyuva limwe Abrahamu na monendi Ismayeli mpo vavarughanine vyavamba. ²⁷Vakafumu navantje vamumundi wendi kwavarughanine kumwe naye vyavamba, kuturako novo vashampurukira mumundi wendi novo vaghulire namaliva kuva ntunda virongo.

¹Hompa kwamonikire Abrahamu pamaunyandi gha Mamre, ghuye Abrahamu kuna shungiri palivero lya tende yendi, mwi pamutwe katji waliyuva. ²Apa ashapukire amono vakafumu vatatu vana yimana kuuto wendi. Apa ava monine makura aduka palivero lyatende yendi, makura ava dukiri aka gwanekera navo ano atu ngoro kumwe nakunyongeka shipara shendi mulivhu.³Aghamba ashi, ''Hompa wande, ntjene nawana uwa mumantjo ghenu, nakanderere mwasha pitakana mupika wenu. ⁴''Renkenu nikayiteko tu mema, muya kukushe kumpadi denu, mupwiyumukeko muno mushitondo. ⁵Renkenu nimuyitire twakumakera, mu waneneko nkondo. Ano opo munana ntani mutwikira naruyendo rwenu, mukondashi nwe kunaya mumundi wa mupika wenu.'' ava limburura, ''Rughana tupu yira moomu una vighamba.''⁶Abrahamu ayendi mutend, atantere Sara ashi, ''Kwangulitako, ghupa vikumba vitatu vya utura wa naaka-naaka uduve ukange mboroto.'' ⁷Abrahamu adukiri ngombe, aka ghupa ntana yayiwa yakuneta, ayapa kwamukareli wendi, akwangulite kuyiwapayika. ⁸A ghupu maghadi na mashini na nyama, makura ava vikutuliri, evi vana kulya, ghuye kuna vayimanene mu mundulye.⁹Ava mupura ashi, ''Mukamali ghoye Sara ne kuni ana kara?'' ghavalimburura ashi, ''Mpwali mutende.'' ¹⁰Guye a ghamba, ''Kuna kukutwenyidira ashi, mumakwedi matano na mane mukamali ghoye Sara ngakuwanena mwanuke wamumati, shirugho sho ntjo ngani kaya nka.'' Sara ghuye kuna kuteghererera pa livero lya tende, eyi yakaliro kuruku yendi.¹¹Abrahamu na Sara kwakurupire unene, ghuye Sara apitapo pa mwaka dakuyita. ¹²Sara akushepe mwene, aghamba kwa ghumwendi ashi, ''Muntu ame nakurupo weno namukafumu wande akurupa, uwa munke nka niwana?''¹³Hompa apura Abrahamu ashi, ''Nke ana kushepa Sara nakughamba ashi, 'Kunivura kuyita mwanuke, ame nakurupa?' ¹⁴Ndi walye mpovili vyavidito vyamuvuro Karunga? yira moomu naghamba opo ngani kavyukirako kuno mwaka ogho una kukwamoko Sara nganiya muwana namona wamumati.'' ¹⁵Ano Sara akanana ashi, ''Kapi nashepe,'' mukondashi ghakalire na ghoma. A mulimburura, ''Hawe, una shepe.''¹⁶Makura vakafumu ava shapuka vayende nakukatwikira ruyendo kuSodomu. Abrahamu naye aka yenda navo ava tindikideko. ¹⁷Ano Hompa a ghamba ashi, ''Kapi nivura kuhorekera Abrahamu evi nakumurughanena, ¹⁸mbyevishi ruvaro rwendi ngarukara waunene wankondo, ano dimuhoko nadintje dapalivhu nganidi tungika mupitira mwendi. ¹⁹Mbyovyoshi ame kwamutoghorora ashi nga tantere vana vendi namulira lyendi lyakumeho ashi ngava limburukwe kudimuragho daKarunga, pakurughana virughana ovyo vya hungamo, ntani munduwanene navintje evi namu twenyidira.''²⁰Ano Hompa a ghmba ashi, ''Mukondashi rulilito rwa vaSodomu na vaGomora runene unene, mbyevishi ndjo davo di dito unene, ²¹ame naku urumuka nika kenge ntjeneshi vya shiri vavo kuna kurughana yira moomu yinaya ngwana yino nkugho, ntjene mo vyaushiri vavirughana. Ano kapishi mo, kuni kaviyiva nka.''²²Ano vakafumu vyukamo tunda panya, nakuka yenda kuSodomu, ano Abrahamu ayimana mpopanya kushipara sha Karunga. ²³Makura Abrahamu ashwene pepi nakupura ashi, ''Nava hungami navo kuna kuva djonaura kumwe nava dini Karunga ndi?²⁴Nangeshi omo mushitata vahungami dimurongo ntano. Navo kuna kava djonaurapo molyo livango un kudira kufera nkenda, morwa vahungami dimurongo ntano vana kara mo ndi? ²⁵vyaushiri nakuvurashi udjonaure vahungami kumwe nava dini Karunga. Ngoli kuvura urughane vahungami kumwe na dini karunga , ure nakara navy me vyo! kapi ngaka hungameka kupangura nani?'' ²⁶Karunga alimburura ashi, ''MuSodomu nange niwanemo vahungami dimurongo ntano shitata osho kuni kashishuva morwa vahungami mo ovo dimurongo ntano.''²⁷Makura Abrahamu alimburura ashi, ''Kenga, ame kuna kudivi mumantjo,nighambe naHompa, mpindi moomu nakara mbundu na mutwiti! ²⁸Pavahungami vano dimurongo ntano ntjeneshi papire vatano? mbyo ngoli mudjona wirapo shitata nashintje morwa vana piripo vahungami vatano ndi?'' Hompa alimburura ashi, ''Hawe, ntjene niwanemo vahungami dimurongo ne navatano, kapi nishidjonaura shitata.''²⁹Ghuye aghamba naye nakumupura ashi, ''ntjene ngoli mukawanamo dimurongo ne tupu?'' Karunga alimburura ashi, ''Naposhi nakushidjonaushi mukonda ya mbovo vantu dimurongo ne.'' ³⁰Abrahamu aghamba ashi, ''Hompa, washa garapa, mbyevishi me nahoro shimpe kughamba. Makura weni ntje uka wanemo dimurongo ntatu tupu?'' Hompa alimburura ashi, ''Napo nakuvirughanashi, ntjene niwaka wana mo dimurongo ntatu.'' ³¹Abrahamu a ghamba nka ashi, ''Hompa ndi kapishi ugarape, mbyevishi me nahoro shimpe kughamba. Ntjene ngoli dimurongo mbiri tupu mo?'' Hompa a limburura, ''Naposhi kunishishuva morwa mbovo dimurongo mbiri tupu.''³²Makura Abrahamu aghamba ashi, ''Hompa ndi kapishi ugarape, mbyevishi me kunahoro shimpe nighambe rwa kuhulilira. Gheee, ntjene ngoli ukawane mo vahungami murongo tupu?'' Hompa a limburura ashi, ''Naposhi kuni shuva morwa mbovo murongo.'' ³³Hompa apa amanine kughamba naAbrahamu, makura aka yenda , ano Abrahamu naye a vyuka kumundi wendi.

¹Va engeli vaviri kwayire ku Sodomu kungurova, shirugho shinya Roto kwashungire kuheka yaku Sodomu. Roto ava monine, ashapuka vagwanekere, ntani anyongeke shipara shendi mulivhu. ²Aghamba ashi, ''Nakanderere vampitit vande, Namukanderere mupirukire mumundi wavapika venu, karenumo kumatiku natani nka kukushenu kumpadi. Makura mushapuke muruvindwira ntani muyenda nandjira yenu.'' Ava limburura ashi, ''Hawe, kutukakara mukatji kankurumbara matiku.'' ³Ano ghuye ava kanderere shankondonkondo, mpo vayendire naye makura ava kangena mundjugho yendi. Ghaka vatere ndya nakuvakangera mboroto yakudira vishashita, ava li.⁴Ano kumeho yakurara, vakafumu vamu Nkurumbara, vakafumu vamu Sodomu, vadingilikidire ndjugho, navantje vanuke navakurona, navantje vakafumu vakaro mumaruha gha nkurumbara. ⁵Ava yita Roto, ntani ava mutantere ashi, ''Kuni vana kara vakafumu ovo vanayo kukoye matiku? Varupwite, mposhi tuvayive.⁶Makura Roto arupuka mundjugho kumwe nakuhara livero opo arupukiremo. ⁷Aghamba ashi, ''Namukanderere vakuruvande, mwasha kara nankedi dadidona. ⁸Kengenu, Ame kwakara navana vande vavari vavakadona ovo adira kuyiva kehe mukafumu, mpulitirenu, namukanderere, nuvarupwite , ntani muvaruwane kehe vino vyaviwa mumantjo ghenu. Ano navimweshi muruwana kuvakafumu vano mukondashi vanaya mumundulye wandjugho yande.''⁹Ava ghamba ashi, ''Yimana kuruku!''' Ava ghamaba nka, ''Oghuno muntundwa shirongo, weno anayakaro mupanguli wetu! Weno kutukupa kashitiko kakupitakana oko tuva shitikita.'' Ava tininiki shankondo vakafumu, kupiruka Roto, ntani avapa papepi vatjore livero.¹⁰Mara vakafumu ava rupwita maghoko ghavo, kumwe nakungeneka Roto mundjugho kumwe navo makura ava hara livero. ¹¹Makura vagenda vaRoto ava fiyere utwiku vakafumu ovo vakaliro pandje yalivero lyandjugho, navantje vanuke navakurona, ano varorokire mukushetayika mukuwana livero.¹²Makura vakafumu ava ghamba kwa ROto ashi, ''Wakara navamwe nka muno ndi? Kehe vatamweyi, vanavoye vavakafumu ntani navana voye vavkamali, na kaehe uno una kara naye ogho ghakaro munkurumbara, kava ghupemo munya. ¹³Mukondashi atwe kuna kalidjonaura livango linya, mukonda yavirundwira vya kukupirauka Hompa mpo vinamugarapita mbyo ana tutumu tuyahanaure livango lino.¹⁴Roto arupuka nakaghambita vatamweyi vendi, vavakafumu ovo vakutwenyidiliro kukwara vana vendi kumwe nakughamba ashi, ''Kwangurenu, tundenuko kulivango lino, mukondashi Hompa kuna kuya hanaura yino nkurumbara.'' Ano kuvatamweyi vendi kwamonikire muteghu. ¹⁵Opo lyakire lya ngurangura, va engeli ava tantere Roto, renka uyende ghupa mukamali ghoye navana voye vavili vavakamali ovo vana karo pano manashi vimushweda kulishitiko lyaudjoni wamunkurumbara.¹⁶Mara akugegerere, ano vakafumu vanya ava nyangura lighoko lyendi, kumwe nalighoko lyamukamali wendi, namaghoko ghavana vendi vavakamali, mukondashi Hompa kwamufelilire nkenda. Ava varupwita kumwe nakuvatura pandje ya nkurumbara. ¹⁷Opo vava rupwitire pandje, ghumwe wavakafumu aghamba ashi, ''Dukirenu maparu ghenu! mwasha kenga kuruku, ndipo mukare kehe kuno mulivhango lya kukena. Tjwayukirenu mumandundu mposhi kapishi vimushwede.''¹⁸Roto aghamba kukwavo, ''Hawe, nakanderere, vampititi! ¹⁹Vapika venu vana wana ushili mumantjo ghenu, ntani nka muna negheda nkenda yayinene mukuparuka mwenyo wande, ene ngoli kapi nivura kutjayukira mumandundu, mukondashi udona ngauya tika ano nganiya fa. ²⁰Kengenu, oyi nya nkurumbara yina karo kunya pepi unene mukudukiramo, ntani nka ndjo yayidid po. Nakanderere, mpulitirenu nitjwayukire munya (kapishi ndjo yayididipo?)ntani liyoghoka liparu lyande.''²¹Aghamba kukwendi, ''Ewa, name nakutapa lino lishungido, ashi kapi nihanaura nkurumbara oyo una twenya. ²²Kwangura! Tjwayuka momo, Ame kapi nirughana kehe vino dogoro ukatike kunya.'' Mbyovyoshi nkurumbara kwayi twenyanga ashi, Zowa.²³Liyuva lyayerukire pantunda yalivhu opo Roto akatikire Ku Zowa. ²⁴Makura Hompa mpo arokitire mu Sodomu na Gomora mundiro wakutunda kwa Hompakutundilira muliwiru. ²⁵Aghanaura nkurumbara dinya, matope naghantje, vantu navantje vakaliro munkurumbara kumwe navimenwa vakunine.²⁶Mara mukamali wa Roto, ogho ghakaliro kuruku yendi, kwa kengire kuruku, ano akushintunuka shighuru shamungwa. ²⁷Abrahamu ashapuka ngurangura yayinene mpo ayendire kulivango oko ghakayimanine kughuto wa Hompa. ²⁸Akenge palivhu kwara Sodomu na Gomora nakwara mavango naghantje gha matope. Ghakenge kumwe nakumona muti ghuna kuyeruko kutundilira palivhu yira muti wamundiro.²⁹Ano Karunga opo ghahanawire nkurumbara damumuramba, Karunga mpo avhurukire Abrahamu. Ghatumu ROto pantje yapakatji kalihanauro opo ghahanawire nkurumbara omo atungire Roto.³⁰Mara Roto ayendi atunde muZowa akatunge mumandundu navana vendi vavari vavakamali, mukonda ghakalire nautjirwe wakutunga muZowa. Ano mpo akatungire mulikwina lya mumandundu, naye navana vendi vaviri vavakamali.³¹Mbeli atantere muunyendi ashi, ''Shetu ana kurupa, ano kwato mukafumu kehe uno wakurara natwe kutwara mundjira ya Udjuni. ³²Yiya, renka shetu anwe vinyu, makura kutuyarara naye, mposhi tuwederere rudi rwashetu.'' ³³Ano avarenke shavo anwe vinyu matiku ghanya. Mbeli ayendi munda kumwe nakukarara na vashe, kapi aviyivire omo ghayaralire namonendi, nopo ghashapukire.³⁴Liyuva lya kukwamako mbeli atantere muunyendi ashi, ''Tegherera kuno, yona matiku kanirara navavava. Renka tumu renke anwe namuntji matiku nka,makura ghuyende munda ukarare naye, mposhi tuwederere rudi rwashetu.'' ³⁵Ano ava renke shavo anwe vinyu nka ogho matiku, ano muunya muntu ayendi kumwe nakukarara na vashe. Kapi ayivire opo aralire ndipo arupukiremo.³⁶Ano vana vaRoto navantje avakara namara ghashavo. ³⁷Mbeli kwashampurukire wamumati nko kumuruka Mowabu. Ghakalire vadimu wava Mowabu vanamuntji. ³⁸Ano muunyendi, kwashampurukire naye wamumati, mpo ghamurukire Bemami. Ghakalire mudimu wa vantu va Ammoni wanamuntji.

¹Abrahamu kwayendire kushirongo shambindakano yaNegevi, makura akatunga pakatji kaKadeshi naShuri. Akalire ntunda shirongo muGerari. ²Abrahamu kwatwenyine Sara mukamali wendi ashi, ''mpandjendi.'' Ano Abimelech hompa waGerari mpo atumine Sara vakamushimbe makura amughupu. ³Mara Karunga ayere abimelech kundjodi matiku, makura amutantere ashi mona, ove mukafumu wakufa mukondashi mukamali ogho una ghupu, akwara kare.⁴Opo Abimelech kapi akalire pepi naye makura aghamba ashi, ''Hompa, kuvura kudipagha nampiri vantu vaghuhunga mushirongo ndi? ⁵kapishi mwene avighambiro kukwande, ''oghu munyande wamukamali?'' mpiri mwene avighambire ashi, ''mukurwande wamukafumu.'' kwavirughanine vino muliywi lyamumutjima ntani namaghoko ghande ghakupira ndjo.''⁶Makura Karunga aghamba kukwendi kundjodi ashi, ''Nhii name naviyiva ashi ove kwavirughanine vino muliywi lyamumutjima mbyo wavirughanine ntani kani kukava mudira kutura ndjo kukwande, mbyo ngoli kanidiri kukupulitira udire kumuguma. ⁷Mbyo ngoli shi muvyute kwamukafumu wendi mukondashi uye muporofete. Ngakakuraperera, makura ngauka paruka. Mara ntjene kapi umuvyutako, viyive ashi nove mumundi woye nauntje kudima.''⁸Abimelech opo arambukire ngurangura ayita vakareli vendi navantje kwendi. Makura avatantere vininke navintje, ano vakafumu vanya ava kara naghoma waunene. ⁹Makura Abimelech ayita Abrahamu amutantere ashi, ''Vinke ovyo una kurughana kukwetu? vinke nadjona kukoye, evi una ndjitire me nashirongo shande ndjo yayinene? una rughana vininke ovyo vinadiro kuwapera.''¹⁰Abimelech aghamba kwaAbrahamu, Vinke vinakurenkito urughane vino?'' ¹¹Abrahamu amulimburura ashi, ''Ame kuna ghayara ashi, kwato ogho atjiro kurughana muno mulivango, ngavandipagha mukonda yamukamali wande. ¹²Ghuye mwene-mwene muunyande wamukamali, mona vavava wamukamali, mara kapishi mona vanane, mbyo ngoli akara mukamali wande.¹³Opo andenkitire Karunga nishuve mundi wavavava makura niyende tunda livango yenda livango, makura animutantereshi, una kona kunegheda ushiri ghoye kukwande ashi ove mukamali wande: Kehe livango twayendire ghuye kughamba, vyakuhamena kwande ashi, ''mukurwendi wamukafumu.'' ¹⁴Makura Abimelech aghupu vindjwi nangombe, navapika vavakafumu nava vavakamali, makura ava tapa kwaAbrahamu. Makura Abimelech avyuta Sara, mukamali waAbrahamu, kukwendi.¹⁵Abimelech aghamba, ''Kenga shirongo kumeho yoye. Tunga tupu kehe pano una shana.'' ¹⁶Aghamba kwaSara ashi, ''Kenga natapa kwamukuroye wamukafumu sirivera liyovi limwe. Mukufika kehe uno undjoni woye kukoye namumantjo ghavantu navantje ovo, noko kwanavantje, una manguruka kuyulilira.''¹⁷Makura Abrahamu araperere kwaKarunga , makura Karunga averura Abilemech, namukamali wendi, ntani navapika vavakamali mposhi ngavakare navana. ¹⁸Hompa kwarughanine vakamali navantje vamumundi waAbimelech vakare ngandje, mukonda yaSara, mukamali waAbrahamu.

¹Karunga ategherere nawa nawa kwa Sara yira momu aghambire ashi, Karunga ngamu rughanena yira momo avi mutwenyedera. ²Sara akara na lira nakushampuruka mwanuke wamumati mumwaka dendi dinya daukurupe, kutwara mushirugho osho atulirepo Karunga. ³Abrahamu makura aruku monendi ashi Isaka. ⁴Abrahamu mbyo aruwanine monendi vya vamba ghuye shimpe mayuva ghendi matano namatatu, kutwara omo amurawilire Karunga.⁵Kuno Abrahamu uye ana kara namwaka lifere limwe apa vamushampurukire mona wa mumati. ⁶Sara aghamba ashi, ''Karunga andjitiri vishepa; kehe uno ngayuvo vino ngatushepa kumwe.'' ⁷Aghamba nka waro ashi, ''Are watantero rumwe Abrahamu ashi Sara ngayamweka vana, ano weno namupa mwanuke wamukafumu mumwaka dendi da ghukurupe!''⁸Mona akuru nakutova, makura Abrahamu aruwana shipito shahsinene muliyuva eli vamutovikire. ⁹Sara akenge mona wamukafumu wa Haga mu Egipite, ogho ashampurukilire Abrahamu, kuna kudanauka.¹⁰Aghamba kwa Abrahamu ashi, ''rupwita mukamali oghu ws mupika na monendi wa mukafumu, oghu mona wamumati waghuno mupitka kapi ngapinga kumwe na monendi wamukafumu, na Isaka.'' ¹¹Vininke vino kwakolire unene Abrahamu mukonda ya monendi.¹²Makura Karunga atantere Abrahamu ashi, ''Vyashakukora konda yaghuno mwanuke, naghuno mupika wamukamali. Tegeherera kunkango dendi na navintje evi aghamab koye kumbinga yaghuno udito, mukondashi kupitira mwa Isaka mongauwanena ruvharo oru nakutwenyedira. ¹³Nka ngani renka uno mona wamukamali wamupika ngamutunde muhoko, mukondashi naye ruvharo roye.¹⁴Abrahamu arambuka ruvindwira rwarunene, aghupu mboroto na shipapa sha mema, avipa Haga, avi mutura pavipepe. Amupa, monendi kumutuma ayende, atundupo nakarendarenda mumburundu ya Bereseba. ¹⁵Apa apwire mema mushipapa sha mema, atura mwanuke munda ya shimwe sha vishwa. ¹⁶Makura akayenda, akugaunuka naye kanano kakutika pa uta wa nkandja weyo, aghamba ashi, ''kapi nahoro kumona opo ana kufera mwanuke.'' Nda ahokwera mukushungirapo, ayashura liywi lyendi nakulira.¹⁷Karunga ayuvhu liywi lya mwanuke, ano mu engeli wa Karunga ayita Haga kutunda muliwiru, aghamba kukwendi ashi, ''Vinke vina kuwano Haga? Washatjira, Karunga anayuvhu liywi lya mwanuke oku anakara. ¹⁸Shapuka damuna mwanuke, ntani mukumbwide, ngani mupenka mutunde muhoko wa unene.''¹⁹Makura Karunga amahura mantjo ghendi, ano amono litope lya mema. Ayendi na kayuda mema mushipapa, makura anwita mwanuke. ²⁰Karunga akara kumwe na mwanuke, makura akuru atungu mumburundu ano ayakara mukongo. ²¹Antungu mumburundu ya Parani, makura vawina ava muwanene mukadi wandundiliro ya shirongo sha Egpite.²²Pashiruwo osho kwayire Abimereke na Picoli mpititi wa va kavita va Abrahamu, aghamba ashi, ''Karunga kwakara nove mwanavintje evi wa ruwananga. ²³Mpo ngoli aghanine kwaKarunga ashi kapi ngaunkonga kumwe na ruvharo rwande, kumwe nantekuru dande. Neghede nakutulitapo mughano kushirongo osho ngautunga palihuguvaro yira momo nakuneghedire me, ²⁴''Abrahamu aghamba ashi, ''naghana.''²⁵Abrahamu ashivanene Abimeleki kuhamena litope lya mema eli vamushakanine vapika va Abimeleki. ²⁶Abimeleki aghamba ashi, ''Kapi niyiva ashi are aruwanino vininke vino. Kapi wavintantera kuuto weno. Ame kapi naviyuvho nange namuntji.'' ²⁷Abrahamu aghupu ndjwi na ngombe avi tapa kwa Abimeleki makura vantu vavirivo ava turapo mughano.²⁸Makura Abrahamu aghupu ndjwighona dadikadi ntambili mushighunda dikukarere. ²⁹Abimeleki aghamaba kwa Abrahamu ashi, ''Vinke vina kutanta vya dino ndjwighona ntambili dikukarere? ³⁰Makura ali mburura ashi, ''Edi ndjwighonakadi ntambili kughuditambura dinkarere Umbangi' ashi litope lino ame nalitimo.''³¹Makura kuyita livango lya Beresheba, mukondashi vaviri mpo vatulirepo mughano. ³²Ava tulikukwatakano na Bereshepa, kutunda po makura Abimereki na Pikoli mpititi wa vakavita avyuka kushirongo shava Filisiti.³³Abrahamu atapeke shitondo sha tamalisiki mu Beresheba. Panya akarere Karung, wanaruntje. ³⁴Abrahamu kwa kalire ashi munavirongo nyuku dadingi mushirongo shava Filisiti.

¹Kwashorikire muruku rwa masheteko a Abrahamu kwa Karunga. Ghuye aghamba kwa, "Abrahamu!" Abrahamu aghamba, "Ame ghuno." ²Karunga aghamba, "Ghupa monoye, oghu wahora, Isaka, muyende mishirongo sha Moriya. Ukamutape kundjambo ya lishwakerero kundundu, yomwe oyo ngani kunegheda." ³Muruvhundja Abrahamu a rongere, atomeke shidongi shendi, kumwe na kupukurura vakareli vendi vaviri na monendi Isaka. Atavaghura vikuni vya ndjambo yalishwakerero va yende kulivango olyo amushingononine Karunga.⁴Muliyuva lya utatu Abrahamu akambikida livango olyo vamutantelire kurere. ⁵Abrahamu nko kutantara vakareli vendi ashi, "Karenke mpopano nashidongi, name namonande na kuyenda kunya. Nakuyenda tuka raperere ntani tukavyuka. ⁶Abrahamu a damuna vikuni vya ndjambo yalishwakerero nko kutwika monendi Isaka. Ghuye mwene nko kushimba mundiro na mbere; ntani avayende navantje kumwe.⁷Isaka aghamba navashe Abrahamu ntani nakughamba, "Vava," ntani atanta, "Ame ghuno, monande." Aghamba, "Kengenu mundiro ntani navikuni mpoviri, ano ngoli kuninko shindjwighona sha kudjamba?" ⁸Abrahamu aghamba, "Karunga mwene kwatupa tupu shindjwighona sha ndjambo, monarume wande." Makura avatwikiri, navantjeya kumwe.⁹Opo vakakundamine palivango olyo Karunga amutantilire, Abrahamu a diki shidjambero, kuturapo vikuni. Nka kumanga monendi Isaka, nko kumurangeka pashidjambero pawiru yavikuni. ¹⁰Abrahamu aghorora lighoko lyendi, nko kughupa mbere yendi apondeke monendi.¹¹Makura muengeli wa Hompa amuyita muliwiru, nakumutantera ashi, "Abrahamu, Abrahamu!" ntani aghamba, "Ame ghuno." ¹²Aghamba "Washa tura lighoko lyoye pamumatighona, ndi uruwane kehe vino umuremeke, konda ashi weno nayiva ashi watjira Karunga, kumona ashi ove kapi unavuru kushweneka monarume ghoye, monarume ghoye ahuru ti, kukwande."¹³Abrahamu akenge kuwiru, nakumona ndjwighona kunyima yinakudingiri na mbinga dayo muvishwa. Kuruku rwendi, makura Abrahamu nko kukayita ndjwi aya djamba ndjambo yendi yalishwakerero palivango lya monendi. ¹⁴Kutundapo Abrahamu po ata lidina livango lyo ashi, "Karunga kwa tapa," ntani nanamuntji lino shimpe a vatangaukako ashi "Ndundu ya shitapero sha Karunga."¹⁵Muengel waKarunga shimpe avyukuruka kuiyta muliwiru Abrahamu mushikando shauviri ¹⁶ntani aghamba ashi--uno ngo umbangi waKarunga, momo una virughana vino udire kuntjweneka limpowe lyoye, ¹⁷na kutungika unene ruvaro roye ngaruvuke rutike pa ntungwedi dakuliwiru ndi musheke wakulifuta, ntani ruvaro roye nganikafika livero lyavanankore voye.¹⁸Muruvaro roye mongava tungikira mbunga nadintje pakehero kado damuudjuni, mukonda wa kwamine livhu lyande. ¹⁹Makura Abrahamu nko kulya mushighu, awnane vakareli vendi, vavyuke ku Bersheba, ntani ava katunga mu Bersheba.²⁰Muruku ro pa vamutantilire Abrahamu ayuvhu ashi, "Milika anatura pamaghoko vanuke ntani kwamukurwendi Nahor." ²¹Kwakalire mbeli Uzi, Buzi shikwama mbeli ntani Kemweli sha wa Aram, ²²Kesedi, Hazo, Pildashi, Jidlaf, ntani Betwel.²³Bethuel kwakalire vashe va Rebeka. Ovano mbo vana ntantatu ovo ayitire Milika pa Nahor, mughunya Abrahamu. ²⁴Mukadendi wauviri wa Nahor, Reuma, kwamuyitire Teba, Gaham, Tahashi, ntani Maka.

¹Sara kwa parukire mwaka 127. Ndo mwaka aparukire Sara. ²Sara kwa kadohorokilire mu Kiriath Arba, ndjo, Hebron, mushirongo sha Kanana. Abrahamu kwa guvire ntani kwamulilire Sara.³Makura Abrahamu mpo arambukire ayende kwa nakufa mukadendi, na kughamba ku vana va Heti, ashi, ⁴Ame mutunda shirongo pakatji kenu. Muhaterenu livango pakatji kenu nihore kemo mufe wande."⁵Vanarume va Heti mbyo valimbwilire nakutanta ashi, ⁶"Tuteghererenu atwe, mukurona wande. Ove U hompaghona wa Karunga wetu pakatji ketu. Horeka mufe ghoye kehe kuno una horere pa mayendo ghetu. Kundereko pakatji ketu ogho ngashweneko pa mayendo, uhorekepo mufe ghoye."⁷Abrahamu a shapuka na kukunyongamena ku vantu va mushirongo, vanarume va Heti. ⁸Ghuye a ghamba navo, na kutanta ashi, "Nke mumpulitira kuhoreka mufe wande, na kuntegherera na kukukwambera kwa Efron mona Zahar wa mukafumu konda yande. ⁹Muka mupure ntjeneshi kuvura gha ngulite mbira ya Makpela, oyo aweka lyalyo kwa karera kuntere yalifuva lyendi. Pa ntontjo ya kugwaneka, alingulite paveta likare livango lya kuhoreka vafe vande."¹⁰Opo Efron kwa shungilire pa katji ka vana va Heti, Efron wamu Hetite mpo alimbwire Abrahamu mukutwa kovyo va kakuyongire mumbongarero ya vana va Heti ovo vayire ku livero lya nkuru mbara ashi, ¹¹"Hawe, mukondi, nterere. Ame na kupa lifuva na limu mbira lyakaramo. Ame kuna kuvikupa ku meho ya vana vanarume vavantu vande. Ame nalitapo kukoye ghuhorekemo mufe ghoye."¹²Aburahamu mpo ghanyongikire mutwe kumeho ya vantu va mushirongo. ¹³Ghuye aghamba na Efron mumvhongatano nashi, "Nkeneshi unahoro, nakanderere ntegherere. Ame kuni futa lifuva. Ghupa maliva kwande, ame ngani horekangemo vantu vande."¹⁴Efroni mpo alimbwire Abrahamu ashi, ¹⁵"Nakanderere mukondi wande ntegherere. Oko kalivango kuna kara na mukosho wakutika ku mulyo mafere mane gha siliveri, nke vina karopo pakatji koye name? Horeka mufe ghoye," ¹⁶Abrahamu mpo ateghelire kwa Efron. Makura Abrahamu mpo ateghelire kwa Efron ntani avihita mukosho wendi kwa Efron wa siliveri osho vaka ghambire mushighamba navana va Heti, mafere mane gha siliveri, kutwara ku shiviha sha kutikiliramo sha mughuliti.¹⁷Makura lifuva lya Efron, olyo lya kaliro mu Makpela. olyo lya kwamino kwa Mamre, linya ndyo lifuva, rupako oro rwakaliromo, ntani vitondo vya kaliromo mulifuvha ntani nanavintje ovyo vya kundurukido murudi avipiti ¹⁸kwa Abrahamu gha ghure kumeho yavanarume va Heti, kumeho yavo vayiro mulivero lya nkururu mbara yendi.¹⁹Muruku yevi, Aburahamu a holikire Sara ogho akaliro mukamali wendi mu mbira ya Kaliro mulifuva lya Mekpela, olyo lya kukwamino ku Mamre, ngoli, Hebron, mushirongo sha Kanana. ²⁰Makura olyo lifuva na mbira lya kaliroko lya pitire kwa Abrahamu ashi ndje mwenya ungagho ghunya wa livango lya ku horeka vafe mulivhango lyatundiro kuvanarume va Heti.

¹Opo ngoli Abrahamu anakurupiliri, ano Hompa amutungiki kunavintje. ²Abrahamu mpo atantelire mukareli wande ogho aklire ndje mukorana po pavaruwani vendi nka akalire na mpangera ya navintje akalire navyo, "Tura lighoko lyoye munda ya ntambo dande ³ntani kuni kughanita kwa Karunga, Karunga wa liwiru na Karunga wa livhu, ashi kapi ngauka wanena monarume vana va Kanana, mukatji omo natura mundi wande. ⁴Ano ngoli ove ngauyende mu shirongo shande, na kuliro lyande, na kuwanena mukamali monande Isak."⁵Mukarelii aghamba kukwendi, "Nke ntjene ogho mukadi kapi ngakashana kunkwama kuno kushirongo? Ngani kavyute monoye mushirongo osho waya?" ⁶Abrahamu amutantere, "Viruwane ngoli ashi kapishi ngau kavyute monande kuno! Yehova, ⁷Karunga wa kuwiru, ogho angupire kundjugho ya vavava na kushirongo sha liro lyande, na kutwenyidira muwano wakukarerapo ashu, 'Kuruvaro roye nganitapa shino shirong, 'Ghuye ngakatuma muEngeli wendi kukoye, ntani ove ngaukawana mukamali wamonarume wande nkoko.⁸Ano ngoli nange mukamali ngakashwene kukukwama, makura ngaushutuka koghuno mughano wande. ⁹Ngoli ove kapi ngaukavyute monande okunya." Opo mukareli atura lighoko lyendi muntambo da Abrahamu mpititi wend, makura aghana kwendi kuhamena kovyo vininke.¹⁰Mukamali aghupu ngamero dimurongo da muhona wendi na kushapuka. Ghuye aghupu nka vikaushwi navintje kwa mpititi wend. Ghuye ashapuka nakuyenda kuruha shirongo Aram Naharayim, kushitata sha Nahoro. ¹¹Ghuye arenke ngamero ditongamene pandje ya nkurumbara kuntere ya litope lya mema ku ngurova, ndo ruvede vakavetanga mema vakamali.¹²Makura aghamba ashi, Yehova Karunga wa mpititi wande Abrahamu, ndenke vingwapere namuntji ntani nakunegheda likukwatakano lyakutikiliramo kwa mpititi yande Abrahamu. ¹³Kenga! Nayimana ku ntere ya litope lya mema, ntani na vanakadi vavarume vamu shitata nakurupuka vaya vete mema. ¹⁴Renka vishoroke weyo. Opo nikaghamba na mukamalighona nakanderere ghurumwita kandimbe koyempongolishi ninwemo, 'makura ghuye aghamba kwendi ashi, 'Nwa, ntani kunikanwita ngamero doye waro,' Makura murenkite akare ghumwe ogho unawavekere mupika ghoye Isaki. Povino kunikayiva ashi una negheda likukwatakano lyakutikilirimo kwa mpititi wande. "¹⁵Avikaya kumeho yaKumana kughamba, Rebeka arupuka na kandimbe kendi pa shipepe, Rebeka kwamuyita Betwel monarume wa Milika, mukamali wa Nahoro, Mukurwa Abrahamu. ¹⁶Mukadona kwakalire muwa unene ntani kapi agwanekera rumwe namurume pa nyama. Kapi ayivhire kehe murume. Aghurumuka kulitope, ayuda kandimbe kendi na kakanduka.¹⁷Makura mukareli aduka akakugwanekere naye nakughamba ashi, nakanderere mpeko tumema twatudidi mu kandimbe koye. ¹⁸"Aghamba ashi, "Nwa, muhona wende" ntani makura akwangulita kutura kandimbe kendi kulighoko nakumupa anwe.¹⁹Opo amanine kumupa mema, amutantere ashi, "Kuni kavhatera nka mema ngamero doye, dogoro mpopo dikamanena kunwa." ²⁰Mpo akwangwire nakuterayera na kandimbe kendi mu litemba, nakaduka nka kulitope akavhete mema gha ngamero nadintje.²¹Murume amukenge mushipore-pore akenge ntjeneshi Karunga ana wapayikiri ruyendo rwendo ndi hawe. ²²Pakumana ngamero kunwa mema, mukafumu arupwita linga dangorondo da vihiro ukahe wagho mulyo wa malivha, na muntjere wa ngorondo wa mulighoko lyendi wakuviha mulyo wamalivha akutika ku murongo, ²³nakupura ashi, "Ove mona re? Ntantere nakanderere, mpoyilimo ndjugho mumundi wavasho oyo tuvhura kukarara?"²⁴Ghuye amutantere ashi, "Ame mona Betwel wamukamali mona Milka wamukafumu, owo amuyititire Nahoro." ²⁵Amutanterenka ashi, "Atwe tunakara namushoni na ndya dadiyingi ntani nka na ndjugho yakurara.²⁶Makura murume anyongama naku panda Karunga. ²⁷Aghamba ashi, Yehova vamupande, Karunga wa muhona wande Abrahamu ogho adiliro kughupa liwenydiro na lihuguvaro lyaushiri kwa muhona wande,mwandeko Karunga ana mpititilire mundjira yakuvyukilira ku ndjugho ya liro lya muhona wande."²⁸Makura mukadona aduka akatanterako liro lyavawina kuhamena navintje vino. ²⁹Rebeka akalire namukurwendi wamukafumu wa lidina Rabani. Rabani adukiri kumukafumu ogho akaliro pandje kushitaura kulitope. ³⁰Apa amonine linga na muntjer mulighoko kya mughunyendi wamukadona, ntani opo ayuvhire nkango da Rebeka muunyendi wamukamali "Ovino mbyo anaghamba mukafumu kukwande, "Ayendi kumukafumu, ghuye kwayimanine kungamero kulitope.³¹Makura Raban aghamba, "Yiya, ove waragopa kwa karunga. Vinke una yimanenen pandje? Nawapayiki ndjugho, ntani na livango lya ngamero." ³²Mpopo mukafumu angene mundjugho makura adumpwita vininke vyakaliro pa ngamero. Ngamero kwadipire mushoni na ndya na mema vavapire akukusha mpadi na mpadi damukafumu akaliro naye.³³Avava tuliri ndya kumeho yavo valye, ngoli aghamba, "Kapi nilya dogoro nimane kughamba evi nighamba." Oko Labani atanta ashi, "Ghamba tupu." ³⁴Atantaashi, "Ame mukareli waAburahamu. ³⁵Karunga kwa vedukita muhona wande unene ntani ghuye kwakara muntu wamunene. Ghuye kwamupa vindwji ntani na ngombe, siliveri na ngorond, vakareli vavakafumu na vakareli vavakamali natni ngamero na vidongi.³⁶Sara, mukamali wa muhona wande kwa yitliire mpititi wande mwanuke wamukafumu muukurupe, makura atapa navintjeya ovyo awekire kukwendi. ³⁷Muhona wande andenkita nighane ashi, ngasha ghuka wanena monande mukamali waku kuruvaro rwa Kanana, mushirongo natura mundi wande. ³⁸Ngoli, una kona kuyenda ku liro lya vavava, na kulira lyande, ngaukawaneneko monande mukamali.'³⁹Anitantere muhona, 'Pamweya owo mukamali kapi ngaka nkwama. ⁴⁰Ngoli ghuye amutantere, Karunga, ogho nayendanga naye, nganikatuma mu engeli kumwe nove ntani ngaka kuwapekera ndjira yoye, mposhi ngauka wanene monande mukamali mukatji kaliro lyande na mu lira lya vavava. ⁴¹Ano ngoli ngaukamaunguruka mukumuwana wande ntjene ngaukaye kuliro lyande makura kapi ngavakaghukupa. Makura ngaumanguruka kumughano wande.⁴²Mpo nayitiki namuntji, ku litope, kughamba, 'O Karunga, Karunga wa muhona wande Abrahamu, nakanderere ntjene ngauruwane ndjira dande ditikiliremo-- ⁴³apano ame uno, nayimana kulitope lya memarenkita mukadona ogho ayanga nakuveta mema, mukadi ogho mitantera, "nakanderere mpeko tumema twatudidi mukandimbe koye ninwe ," ⁴⁴mukadi ogho aghamba "Nwa, ntani kuni kavetera ngamero doye" murenke akare mukamali ogho ahangura Karunga mona muhona wande.⁴⁵Kumeho ya kumona kughamba mumutjima wnde Rebeka arupuka na kandimbe kendi pa shipepe na kuyenda ku liptope aka vhete mema. Mpo naghambire nakanderere mpeko mema! ⁴⁶Akwangulita kughurumwita kandimbe kendi pashipepe aghamba ashi, 'Nwa, ntani kunika tapa mema ku ngamero doye nado.⁴⁷Animupura nakughamba ashi, Ove mpnare? Ghuye ashi, mona Betweli, monarume wa Nahor, oghunya ayotire Milika. Makura mpo namutulire linga kuliyuru lyendi ntani muntjere kumaghoko ghendi. ⁴⁸Ani nyongeke mutwe na kupanda Karunga, nakumupongora Karunga, ntani Karunga wa muhona wande akakware monarume wendi.⁴⁹Weno, ntjene unakuwapayikiri kunegheda shihoro shakutikiliramo na ushiri kwa Hompa wande ntantere, ano ntjene kwato, ntantere, mposhi ni piruke ku lighoko lya shilyo ndi lya rumontjo."⁵⁰Va Rabani na Betwel avalimburura nakughamba ashi, "vininke kuna tundu kwa Karunga; kapi tuvhure kughamba vya vidona ndi vyaviwa. ⁵¹Kenga! Rebeka uno kumeho yoye. Mughupe mu yende, mposho nga kakare mukamali wa mona muhona ghoye, yira momo avitanta Karunga."⁵²Mupika wa Aburahamu opo ayuvhire nkango davo anyongama na palivhu kwa Karunga. ⁵³Mupika a rongorora vininke vya siliveri na vininke vya ngorondo, na vyuma avitapa kwa Rebeka. Atapa nka ushwi wa ndiro kwa mukwerendi na vawina.⁵⁴Makura naye na mukafumu vakalire naye avali na kunwa. Avakara nkoko varare, ntani opo varambukire ngura-ngura avaghamba ashi, "Ntumenu nivyuke kwa muhona wande." ⁵⁵Mukurwendi wamurume navawina avaghamba ashi, Renkenu mukadona akare natwe mumayuvha amasheshu, mpiri mayuvha murongo, muruku ntani ngayenda."⁵⁶Ngoli ghuye avalimburura ashi, Mwasha ntjweneka, shirugho sha Karunga ana wapeke ndjira yande mpo ngolishi niyende kwa muhona wande." ⁵⁷Ava ghamba ashi, "kutuyit amukadona nakumupura." ⁵⁸Mpo vayitire Rebeka na kumupura ashi "Kughuyenda naghuno mukafumu?" Ghuye alimburura ashi, "Kuni yenda."⁵⁹Mpo vatumine mughunyavho Rebeka, kumwe na mukareli wendi wamukamali mu ugenda wavo na mukareli wa Abrahamu na vantu vendi. ⁶⁰Ava vedukita Rebeka, nakumutantera ashi, "Mughunyetu, ngaukare nyokwa mayovi na mayovi, ntani ruvharo roye ngarufike ndjira davanankore voye."⁶¹Makura Rebeka ashapuka, naye na mukareli wendi wamukamali ava rondo pa ngamero, ava kwama mukafumu. Mukareli aghupu Rebeka ayendi nandjira yendi. ⁶²Isaki kwa tungire mu Negevu, kwa kavyukire kutunda ku Beer Lahayi Royi.⁶³Isaka arupuka a ghayere lifuva ku ngurova, opo akakunkire na kumona, ngamero dado kunakuya! ⁶⁴Rebeka akenge, ntani apa amonine Isaka, a dumpuka pa ngamero. ⁶⁵Apura mukadi ashi, are unya mukafumu ana kuyendauro mulifuva ayatuwane?" Mupika aghamba ashi, "Ogho muhona wande." Mpo aghupire shituku shendi, makura akufiki.⁶⁶Mukamali a timwitiri Isaka navintje ovyo akarughanine. ⁶⁷Makura Isaka amuyita mu tende yavawina Sara na kughupa Rebeka, akare mukamali wendi, ntani amuholire. Isaka amushengawida kuruku rwanfa da vawina.

¹Aburuhamu nko kughuapako mukamali naye peke nka; Lidina lyendi kwakalire Ketura. ²Mpo a mushampurukira Ziurani, Jokishani, Meddani, Mediyani, Ishibaki, ntani Shuya. ³Joskishini a kara vashe va Sheba naDedani. Ruvharo rwa Dedani vavo vaAssariyani, vaLetushi, navaLeumu. ⁴Vana va Midiyani kwakalire vaEfayi, Efere, Hanoku, Abida, naElidiya. Navantje vano ruvharo rwa Ketura.⁵Aburahamu nko kutapa navintje ovyo a wekire kwa Isaki. ⁶Ano,une shimpe muyuni , nko kutapa mauywi kuvana vendi vavakafumu vapavhora vyendi nakuvatuma kushirongo shakughupumeyuva, va tunde kwa Isaki, vana vendi vavakafumu.⁷Aghano ngo mayuva ghamwaka ghaliparu lya Aburahamu a parukire, mwaka 175. ⁸Aburahamu a shetere rwakuhulilita nakufa pamwaka dadiwa daukurupe, mukurupe naliparu lyakuyura, nakukupakerera navantu vendi.⁹Isaki naIsimayeli vana vavakafumu ava kamuhoreka muliwe lyamakapela, mulifuva lya monaEfironi waZohari muHetite, pepina Mamure. ¹⁰Lifuva eli a ulire Aburahamu kuvana vavakafumu vaHeti. Aburahamu makura ava kamuhoreka momo namukamali wendi Sarah. ¹¹Kuruku rwa mfa daAburahamu, Karunga nko kutungika monendi wamukafumu Isaki, Isaki kwa tumgire pepi na Beri Lahayi Royi.¹²Runo ndo ruvharo rwa Isimayeli, mona Aburahamu wamukafumu, ogho yitire Hagari wamuEgipite, mupika wa Sarah, a yitilire Aburahamu.¹³Aghano ngo makuvaratano gha ruvharo rwaIsimayeli: Neboyiyo-mbeli ya Isimayeli, Kedari, Adibeli, Mibisamu, ¹⁴Mishamu, Dumahi, Missa, ¹⁵Hadadi, Tema, Jeturi, Nafisha, ntani Kedemeha. ¹⁶Vano vana va Isimayeli vavakafumu, ntani ghano ngo madina ghavo, kumukunda wavo, mauturo ghavo, navaHompaghona murongo navaviri.¹⁷Dino ndo mwaka daliparu lyaIsimayeli, mwaka 137. A shetere munku wakuhulilira nakudohoroka, kukupakerera navantu vendi. ¹⁸Kwa hovire kutunga kuHavilah ava yendi kuAshihuru, pepi tupu naEgipite, yira momu vayendire vamwe kuAsiliya. Ava katunga mukudira kukuyuva kehe uno mwendi.¹⁹Vino mbyo vilika vyakuhamena Isaki, mona wamukafumu wa Aburahamu. Aburahamu a kara vashe vaIsaki. ²⁰Isaki kwakalire namwaka dimurongo ne apa a ghupire mukamali wendi Rebeka, monakadi waBetweli wakuPaddani Arani,muunya wamukadi waRabani wamu Arameyani.²¹Isaki a raperere mukamali wendi kwa Karunga mukonga shi ngandje a kaliro,makura Karunga a limburura ndapero yendi, Rebeka mukamali wendi a kara namarutu maviri. ²²Mwanuke kwa kundundanitire kumwe naye, nakughamba, '' Vinke vina kuntjorkero ame?'' A pura Karunga kuhamena ovyo vininke.²³Karunga a ghamba kukwendi, Dimuhoko mbiri dina karomo mulira lyoye, ntani vantu vaviri ngava kugaunuka kukoye. muntu umwe ngakara nankondo kupitakana umyendi, ntani mukurona ngakakarera mwanuke.''²⁴Ano apa rwatikire ruvede rwakushampuruka, makura agha kara mapange mulira lyendi. ²⁵Mwanuke wakuhova aya wamugeha yira lirwakani lya huki. Ava muru Esau. ²⁶kuruku, muunyendi aya. Uye lighoko lyendi ana likwatere kushintintinya sha Esau. Ava mu ruku Jakopo. Isaki uye ana kara namwaka dimurongo ntambiri apa makamali wendi ava shampurukire.²⁷Vamati nko kukura ,Esau a kara mukongo wauyivi,; Ano Jakopo a kara mukafumu wakumwena ,ogho kakarango kehe ruvende mutende. ²⁸Isaki a horo Esau mukonda uye ka lyanga vikorama evi kakashananga , ene ngoliRebeka a horo Jakopo.²⁹Jakopo nko kutereka muhioka wamakunde. Esau aya a tunde kumafuva , ntani uye kwa yuvire shiri ndjara unene. ³⁰Esau a ghamba kwa Jakopo, mpeko ogho muhoka una tereke waugeha. Nakanderere, na rorora unene!'' Yino ndjo konda vamukughilire lidina Edomu.³¹Jakopo nko kughamba, pakuhoverera ngulite una nkondo ghoye .'' ³²Esau a ghamba uwa munke ngani wana mo ngoli mukona wande ame?'' ³³Jakopo a ghamba,'' pamuhova ghana kukwande,'' makura Esau a ghana mughano munkedi yinya mo a ulitire ukurona wendi kwa Jakopo. ³⁴Jakopo a pa Esau mboroto namuhoka wamakunde. A li nakunwa, makura a shapuka nakuyenda nandjira dendi. Munkedi yino Esau a shwaulire ukurona wendi.

¹Rukukutu makura arushoroka mushirongo, kukwama rukukutu oro rwashorokiro muruvede rwaAbrahamu. Issaka mpo ayendire kwaAbimelech, hompa wavaPhilistine kuGerari.²Makura Hompa amonekere kwendi nakughamba, ''Ghu urumuke kuEgipute, tunga mushirongo osho nganikutantera utunge. ³Kara momuno mushirongo, ngani kara nove nakukutungika, kukoye ntani namuhoko ghoye, nganitapa livhu nalintje, ntani nka ngani tikitamo mughano ogho nakughanine kwaAbrahamu vasho.⁴Ngani vhukita muhoko woye yira ntungwedi damuliwiru, ntani nganipa muhoko ghoye livhu nalintje lino. Kupitira mumuhoko ghoye marudi naghantje ghapa ntunda yalivhu ngavagha tungika. ⁵Nganivirughana vino mukondashi Abrahamu apulire liywi lyande ntani atikitiremo mpangero dande, vipango vyande, viyivito, ntani naveta dande.''⁶Issaka akatunga muGerari, ⁷Opo amupulire mukafumu walivango kuhamena mukamali wendi, a ghamba ashi, ''muunyande mukamali.'' Atjilire kughamba ashi, ''Uye ne mukamali wande,'' mukondashi aghayalire ashi, ''Mukafumu walivango lino kuvura amudipaghe aghupe Rebeka, mukondashi ghuye muwa shili.'' ⁸Kunyima Isaaka opo akakalire shirugho shashire, Abimelech Hompa wavaPhiliste a kenge pandje pamakende. Ano, Issaka kuna kukwaterere naRebeka, mukamali wendi.⁹Abimelech ayita Issaka kukwendi nakughambashi, ''Kenga, nani uyene mukamali ghoye. nke waghambilireshi, muunyoye wamukamali?'' Issaka amulimbururashi, ''mukondashi naghayalire me umwe kuvhura ghandipaghe makura amu ghupe.'' ¹⁰Abimelech a ghamba, ''vinke vi una rughana kukwetu? vantu vamwe ndi kavivarerupa kurara namukamali ghoye ndi ntani nka koyita ndjo kukwetu.'' ¹¹Abimelech arondora vantu navantje nakughamba ashi, ''Kehe uno nga gumo ghuno mukafumu ndi walye mukamali wendi ngatumudipagha.''¹²Issaka alimi munya mulifuva kumwe nakuyangura mumwaka wakukufana makura ayangura unene, mukondashi Hompa amutungikire. ¹³Makura mukafumu akara ngagho, ano ngoli mo kayanguranga dogoro ghayakalire ngagho wamunene. ¹⁴Akalire nandjwi dadiyingi, ngombe, ntani ghakalire namundi waunene. vaPhilistine ava mufere mfudu.¹⁵Matope ghanya vatimine vapika va vashe muruvede rwaAbrahamu vashe, vaphiliste vaghashayikitirepo mukufoteramo livhu. ¹⁶Abimelech a ghamba kwaIssaka, ''kayende utundeko kwetu, mukondashi nkondo doye diyingi kupitakana detu. ¹⁷Issaka atundupo panya ghakatulira mumuramba waGerari ano akatunga momunya.¹⁸Shikando shakukwamako nka Issaka atimiko matope ghamema, ogho kavatimanga muruvede rwaAbrahamu vashe. VaPhiliste kwagha shiyikitirepo nka muruku rwa mfa daAbrahamu. Issaka kwaghtire madina ghakukufana yira ngogho kavagha kughitanga vashe.¹⁹Opo vatimine vapika vaIssaka munya mumburundu, ava wanamo litope lyakupupa mema. ²⁰Vashita vaGerari ava kutangunita navashita vaIssaka, nakughambashi, ''Ogha mema ghetu.'' Issaka makura makura aruku litope linya ashi, ''Esek,'' mukondashi vakutangunitire naye.²¹Makura ava timi litope lya peke, ano ava kutangulita nka, waro, ano aliruku lidina lya, ''shitina.'' ²²ali shuvu nka linya nakukatima litope lyapeke, ano kapi vakamutangutire polyo. Mpo alirukire Rehoboth, nakughambashi, ''Hompaana turughanene nkonda yetu, ano weno ngavi tutompoka muno mushirongo.²³Makura Issaka ayendi akanduke kuBeersheba. ²⁴Hompa amoneke kukwendi ngoghanya matiku nakughamba ashi, ''Ame Karunga waAbrahamu vasho. Washa tjira, ame nove nakara ano kuni kutungika nakukuwederera muhoko ghoye, konda yamupika wande Abrahamu.'' ²⁵Issaka atungu mpopo shidjambero nakushiruka lidina lyaHompa. A tomeke tende, ano vapika ava timi litope.²⁶Makura Abimelech ayendi kwendi atundilire muGerari, kumwe naahuzzatha, Muholi wendi, ntani naPhicol, mukurona wavaKavita. ²⁷Issaka aghamba kukwavo, ''Vinke muna kuyera kukwande, shirugho osho anwe mwanyenga ntani nka wantjidako koye ve?''²⁸Makura ava ghamba ashi, ''Atwe tuna mono kareshi Hompa kumwe nove ana kara. Mbyo tuna tokorashi pana hepa kukara mughano pakatji ketu twe nove. Renka tukare nalikupakerero kumwe nove, ²⁹mposhi kapishi utu rughane udona, yra moomu twadira kukurughanena vyavidona, ntani nka twa kutekulire nawa nakukutjida mumpora, ano mbyo ana kutungiki Hompa.''³⁰Issaka ava rughanene shipito, ava lyi nakunwa. ³¹varambukire ngura-ngura yayinene ava fiyere nakuturapo mughano wanaumwavo. Makura Issaka ava tumu vayende, ntani ava mushuvu mumpora.³²Liyuva ndyolyo vapika Issaka avaya nakumutantera kuhamena kulitope vakatimine. Ava ghambashi, ''Tuna kawana mema.'' ³³Aliruku litope ashi, Shibah, lidina lya nkurumbara yinya ndjo Beersheba na namuntji lino.³⁴Esau opo atikire mwaka 40, aghupu mukamali wendi, Judi mona Beeri wamukamali wamu Hittite, ntani mona Besemath mona Elon wamukamali wavaHittite. ³⁵Vavo ava yita ruguwo kwaIssaka naRebeka.

¹Opo akurupire Issaka namantjo ghendi kapi kaghamonanga nawa, akughu Esau, monendi wamukuronapo, ghamutantereshi, ''Monande.'' esau alimbururashi, ''ame uno,'' ²Issaka aghambashi, ''Kenga kuno, ame nakurupa. Kapi niyiva liyuva lyamfa dande.³Mpo ngolishi ghupa ghupa virwita vyoye, ncunu yoye, uta ghoye wankandja, rupuka uyende ngoli uyende muwiya ukantjanene shikorama. ⁴Uyanterekere ndya daditovali, ndodinya nahora, ghukadiyite kwande mposhi niya lye nakukutungika kuuto nife.''⁵Makura Rebeka ghaviyuvu opo aghambire Issaka namonendi Esau. Esau ayedi muwiya ghakashane shikorama nakukashivyuta. ⁶Rebeka ghatantere monendishi, ''Kenga kuno, nayuvu vasho vana kughambito Esau mukuroye. ana ghambashi, ⁷''Ndjitire shikorama uya nterekere ndya daditovali, mposhi niyakutungike mulikaropo lyaHompa kumeho nife.''⁸Mposhi weno, monande, limburukwa kuliywi lyande momu nakukutantera. ⁹Yenda kushiunda, ukanditireko vimpendje vyaviwa viviri vyavyanukepo, niyatereke ndya daditovali davasho, moomu avihorera. ¹⁰Ove uyaditware kwavasho, mposhi ghakalye, ghakakutungike kuuto ghadohoroke.''¹¹Jakopo ghatantere Rebeka vawina, ''Kengenu, Esau mukurwande mukafumu wahuki, ano ame kapi nakara nahuki. ¹²Pamwe vavava kuvura vakankwate, kunikamoneka ashi ame mukukakukitaukira, kunikakuyitira lifingo kapishi litungiko nka.''¹³Vawina ava mutantere ashi, ''monande, shuva kehe lifingo likare pande. Limburukwa tupu kuliywi lyande na kuyenda, ghukaviyite kukwande . ¹⁴Jakopo ayendi aka shimpe vimpendje vyavyanukepo ghakaviyite kwavawina, vawina mpo vaterekire ndya daditovali momu vadishanena vashe.¹⁵Rebeka aghupu vyuma vyaviwapo vyaEsau , vyamonendi wamukuronapo, ovyo vyakaliro naye mumundi, avidwateke Jakopo, monendi wamwanukepo. ¹⁶Ghatura vipapa vyavimpendje vyavyanuke kumaghoko ghendi namuntingo yendi mwakudira huki . ¹⁷Ghatura ndya daditovali namboroto oyo ghawapayikire mulighoko lyamonendi Jakopo.¹⁸Jakopo ghayendi kuvashe nakuka ghambashi, ''Vava,'' vashe avalimbururashi, ''ame uno, ove are, monande ndi?'' ¹⁹Jakopo ghatantere vashe, ''Ame Esau monenu wambeli. Naruwana evi munantantere. Shungirenu ngoli mulye nyama nakadipagha,mposhi muntungike.''²⁰Issaka ghapura monendi, ''Weni mo una kashiwana pawangu-wangu, monande?'' ghalimburura ashi, ''Morwa Hompa Karunga ghoye ana shindjitiro.'' ²¹Issaka ghatantere Jakopo, ''Yiya pepi name, mposhi nikukwate, monande, niyiveshi vyashiri ve monande Esau ndi hawe.''²²Jakopo ayendi kuvashe Issaka, Issaka ghamukwata nakughamba ashi, ''Liywi ne lyaJakopo mara maghoko ne ghaEsau.'' ²³Issaka kapi amudimbulire, morwa maghoko ghendi hukihuki, yira maghoko ghamukurwendi Esau, ano Issaka ghamutungiki.²⁴Aghambashi, ''Vyaushiri ve monande Esau ndi?'' alimbururashi, ''Ame.'' ²⁵Issaka aghamba ashi, ''Yita ndya kukwande, nilye shikorama shoye, mposhi nikutungike.'' Jakopo ghayita ndya kwendi . Issaka alyi, makura Jakopo amuyitiri vinyu, ghanu.²⁶Makura vashe Issaka avamutantereshi, ''Yiya papepi name weno uncumite, monande.'' ²⁷Jakopo aya pepi ghancumita, ghanuku lidumba lya vyuma vyendi ghamutungiki. Aghamba ashi, ''Kenga, lidumba lya monande yira lidumba lya livango oli ana tungiki Hompa.²⁸Karunga ndi akupe ruha rwa mpepo ya muliwiru, a kupe ruha rwa maghadi ghapa ntunda ya livhu, ntani mbuto da dingi ntani na vinyu yayipe.²⁹Vantu ngava kurughanene, nadimuhoko ngadikutongamena. Kara mpititi waghuni voye, navana vavanane voye vavakafumu ngavakutongamena, kehe uno ngakufingo naye ngavamufinge, kehe uno ngakutungiko naye ngavamutungike.³⁰Apa tupu amanine Issaka kutungika Jakopo, Jakopo ghashondavere ghatunde kumeho yavashe Issaka, mukurwendi Esau ghangenemo kutunda kukushana. ³¹Naye ghaterekire ndya daditovali ghadiyita kwavashe. Gharenke vashe, ''vava, rambukenu mulye shikorama shi, mposhi muntungike.''³²Vashe Issaka avamulimburura ashi, ''Ove are?'' alimburura, ''Ame monoye, wambeli, Esau.'' ³³Issaka atukuka unene aghamba ashi, ''Are unya ana kashano shinya shikorama mbyo ana ndjitiri? nalyi kare navintje kumeho ghuye, mbyo namutungiki. Mulivango lyoye, anapu kumutungika.³⁴Esau apa ayuvire nkango davashe, ghalili unene naugara, ghatantere vashe, ''Ntungikenu name vava.'' ³⁵Issaka aghamba ashi, ''Muunyoye mo anaya muno mbyo anaya nkongo nakuyashimba litungiko lyoye.''³⁶Esau apura ashi, ''kapi vyahungama kumuruka Jakopo ndi? mukondashi akukitaukira rukando ruviri. Ghaghupire unankondo wande waUkurona,ntani kengenu weno anaya upu matungiko ghande nka.'' Makura aghamba, ''kapi muna ntulikiriko litungiko name ndi?'' ³⁷Issaka alimburura atantere Esau, ''Kenga namutura akare Hompa ghoye, mbyo namupe vaughuni vendi navantje vakare vapika vendi, ntani nambuto navinyu dadipe. Vinkenka vyavingi evi nikurughanena monande?''³⁸Esau apura vashe, ''Kapi muna kara nalitungiko nampindi limwe lyande ndi, vava? ntungikenu name vava.'' Esau ghalili kuyiyuka.³⁹Issaka vashe, ava mulimburura nakumutantera ashi, ''Kenga, livango olyo wakara ngalikara ure naungawo wapantunda yalivhu, ure nalime lyakuliwiru yaliwiru. ⁴⁰Nalighonga lyoye ngauparuka, ntani ngauruwanena muunyoye. Mara ntjene ngaukondje ngo kuturuka mudjoko yendi.''⁴¹Esau a nyenge Jakopo mukonda yamatungiko ogho vamupire vashe. Esau ghakutantere kumutjima mwene, ''Mayuva ghakulira vavava pepi ghana kara, apa ngaghapita ngani dipagha muunyande ⁴²Jakopo.''Nkango daEsau mona wambeli vaditantilire Rebeka. Atumu vamuyite Jakopo monendi wamwanukepo ghamutantereshi, ''Kenga, mukuroye Esau nakukushengawida naumwendi kuhamena koye mukuturapo lighano ngakudipaghe.⁴³mposhi weno, mona nde, ndimburukwe nakutjwayukira kuRabani, kwamukurwande wamukafumu, muHarani. ⁴⁴Ngaukakare naye shirugho shashifupi, dogoro ngakuture mukuroye, ⁴⁵dogoro ugara wamukuroye ngaumutunde, ntani ngavurame evi wamuruwana. mpo ngani tuma vakakushimbeko. Nke nimukombanitira namuvantje liyuva limwe?⁴⁶Rebeka antantere Issaka, ''Nakara nautjirwe waliparu mukonda ya vana vaHethi vavakamali. Nenge Jakopo ngaupepo umwe ngakare mona Hethi ngakare mukamali wendi, yira uno mukamali, umwe wavakamali vayitira moomuno, ndi uwa ngalikara liparu lyande?''

¹Issaka ayita Jakopo, amuvedukita, ntani amurawiri, ''Kapishi ngaukaupe mukamali kuvakamali vamuKanana. ²Rambuka, yenda kuPadana Amarama,kundjugho yaBethuela vashe vavanyoko, ntani kaupe mukamali nkoko, pakatji kavana vaRabani mukurwa vanyoko.³Karunga shetu wankondo naditje ndi akuvedukite, akurenkite ngauyite ntani nakukuvukita, mposhi ngaukare mushivaro shinene shavantu. ⁴Akupe shivedukito shaAbrahamu, kukoye, ntani nakumbuto yoye, mposhi upinge livango olyo kaukaranga, olyo atapire Karunga kwaAbrahamu.''⁵Makura Issaka atumu Jakopo. Jakopo ayendi kuPaddana Arama, kwaRabana mona Bethuela muka Arama, mukurwa Rebeka, vawina vaJakopo naEsau.⁶weno Esau anayamono ashi Issaka ana vedukita Jakopo ntani amu tumu ayende kuPaddana Arama, akaghupe mukamali nkoko. Ghuye amononka ashi Issaka anamuvedukita ntani anamupa muragho, ashi, ''Kapishi ngauka upe mukamali pakatji kavakamali vamuKanana.'' ⁷Esau amononka ashi Jakopo analimburukwa kwavashe navawina, ntani ayendi kuPaddana Arama.⁸Esau avi monine ashi vakamali vamukanana kapi vava holire vashe. ⁹Mpo ayendire kwaIsimayeli, ntani akaghupa, vakamali ovo ghakalire navo, Mahalata mona waIsimayeli wamukamali, mona Abrahamu wamukafumu, muunya Nebaioth wamukamali, akare mukamali wendi.¹⁰Jakopo ashapuka muBeersheba nakuyenda kuviha vyaHarana. ¹¹Aya palivango limwe ano akarara mpopo matiku naghantje, mukondashi liyuva lina toko. Aghupupo mawe ghamwe palivango, ataterepo, ano arara.¹²Aroto kumwe nakukenga ndjira yantungwedi palivhu. Adiyeruka dogoro muliwiru ano vaengeli vaKarunga kwasheghumuka pantungwedi. ¹³Mona, Hompa ayimanapo kumwe nakughamba ashi, ''Ame Hompa, Karunga wavasho Abrahamu, naKarunga waIssaka. Palivango mpopo una rara kuni likupa navarangekwa voye.¹⁴Muhoko ghoye ngaukara yira mbundu ya livhu, ntani ngamukuhanena kuutokero, upumeyuva, umboyera, naucuma. Kupitira moye ntani navarangekwa voye navakaliro navantje vapalivhu ngava veduka. ¹⁵Kenga, ame nove nakara,ntani kuni kukengera nkehe kuno uyenda. Nganikakuvyuta nka shimpe muno mulivango, ntani kapi ngani kushuvilira. Ngani kurughanena navintje evi nakutwenyidira.''¹⁶Jakopo arambuka paghuro wendi, aghamba ashi, ''Vya shiri vene Hompa mpwali muno mulivango ndi, ntani kapi naviyilita.'' ¹⁷Akalire naghoma ano aghamba ashi, ''Livango lino lyakara namatjilito! eyino kapishi ndjugho tupu nani nani ngoli ndjugho yaKarunga. Eyino ndjo heka yaliwiru.¹⁸Jakopo arambuka muruvindwira ano aghupu liwe olyo gha tulire kuntji yamutwe wendi. Kwali tulire likare ngundi ntani a terepo maghadi pantunda yalyo. ¹⁹A ruku lidina lyalivango Bethela, ano ngoli lidina lyankurumbara kwakalire Luz.²⁰Makura Jakopo akughanine mughano, nakughamba ashi, ''Nange Karunga ngakara name kumwe nakukankunga mushitaura eshi nakuyenda , ntani ngampe mboroto eyi nganilya, vyuma evi ngani dwata, ²¹mposhi ngani vyuke nawa kundjugho yavavava, ano Hompa ndi ngakara Karunga wande. ²²Makura lino liwe natura yira ngundi ngali kara shiyivito. Kunavintje una kumpa, vyashiri-shiri nganikupa vyakutika mumurongo.''

¹Makura Jakopo a shapuka, nakuyenda kushirongo shavantu vakuupumeyuva. ²Apa ana kuyenda a mono litope muliyana,ntani,nakukukenga shivunda shandjwi shina gombo nkoko. Mpo vavheranga vivunda vyandjwi, ano ngoli liwe lya karo kukanwa ka;litope linene unene. ³Apa vyaya pongire vivunda panya, vashita vamdjwi ana shindumunako limuwe kukanwa kalitope vavhetawire mema ndjwi davo, ntani valivyutidilireko nka liwe kukanwa kalitope, palivango lyalyo.⁴Jakopo a ghamba kukwavo, vaghunyande, kuni nko muna tundilili? Ava limburura, '' Atwe luma tundu kuHarani.'' ⁵A ghamba kukwavo, '' Mwamuyiva mona Harani wamukafumu Nahoro?'' Ava ghamba,'' Twa muyiva.'' A ghamba kukwavo,'' ⁶Mu wawa ndi? '' Ava ghamba, '' Mu wawa,ntani, kengenu kunya, Racel monendi wamukamaku unya ana kuyo nandjwi.''⁷Jakopo a ghamba, kengenu weno mutwekashi. Shino kapishi shirugh shakuwongera vivunda. nwitenu ndjwi denu nakuditwara muka dikunge.'' ⁸Ava ghamba , '' kapi tudi vhetera nkwandi vivunda navintje vina ya pongo kumwe.Vakafumu kuva kashindumunako liwe liwe kukanwa kalitope ,ntani tu vhetawia ndjwi.''⁹A hokwera mukughamba Jakopo navo, Rakera aya tiki nandjwi davashe, nge a di kungiro. ¹⁰Apa Jakopo a monine Rakera, mona waRabani wamukamali, mona vawina wamukafumu, nandjwi daRabani, mona vawina wamumakafumu, Jakopo aya kukwendi, a shindumuna liwe kukanwa kalitope , nakuvhetera shivunda shaRabani, mukurwa wva wina wamukafumu.¹¹Jakopo a ncumita Rakera nakudameka kulira. ¹²Jakopo a tantere Rakera uye likoro lyavashe, ntani ashi uye mona Rebeka wamukafumu. makura a duka nakukatantera vashe.¹³Apa Rabani aka mbudi yinya kuhamena mona muunyendi wamukamali, a duka vaka kugwanekere naye, amungumata, amu ncumita nakumuyita mumundi. Jakopo a tantere Rabani vininke navintje vino. ¹⁴Rabani a ghamba kukwendi, '' Ove shiri wamufupa vyande namjunyama yande. ''Makura Jakopo a kara navo ure wa mwedi umwe.¹⁵Rabani makura a ghamba kwa Jakopo ashi, ''Kuvhura ngau nduwanene ame nyara nyara ndi mora ove likoro lyande ndi? Ntantere, vinke ngavi karo mfuto yoye ?'' ¹⁶Rabani kwakalire nava vavakamali vaviri. Lidina lyaumwe wamukuronapo nge Leah,ntani lidina lyau wamwanukepo Rakera. ¹⁷Leah mantjo ghendi kwa tivilira , ene ngoli Rakera kwakalire narutu rwruwa nakumoneka nawa. ¹⁸Jakopo a holire Rakera, makura a a ghamba, '' Ngani kurughanena mwaka ntambiri mukonda Rakera, monoye wamwanuke po.¹⁹Rabani a ghamba, '' hasha tupu ashi ngani mukupe kukoye, kapishi ngani mupe mukafumu wapeke. kara name, '' ²⁰Makura Jakopo a rughanene Rakera mwaka ntambiri; ntani uye kwa vimonine yira mayuva tupu ghamasheshu, mukutwara kushihoro osho a kalire nasho kukwendi.²¹Makura Jakopo a tantere Rabani, '' Mpe mukamali wande, mayuva ghande ana pu-mpo ni mukware. ²²Rabani a pongeke vakafumu navantje mulivango nakuya kara nashipito.²³Kungurova,Rabani a upu Leah monendi wamukadona nakumutwara kwaJakopo, ogho a vhulire kuwombora. ²⁴Rabani a tapa kwamupikwendi Zilpa monendi wamukadona , a kare mupikwendi. ²⁵kungura ngura, kukenga, Leah, Jakopo a ghamba kwa Rabani Vinke vino una rughana kukwande? Kapi naryghanena nani ame Rakera ndi? Vinke ngoli una mpilikiri?²⁶Rabani a ghamba, '' Kapishi ndjo mpo yetu yakurenka ashi tu tape mwanuke hana ashi mbeli. ²⁷Tjiura tanko shivike shalikwareko nauno makadona, makura atwe ngatu kupa nka umwe mukuwedererako kunduwanena nka mwaka ntano na ntambiri.''²⁸Jakopo arughana ngoweyo nakumanita shivike sha Leah.Makura Rabani a mupa Rakera monendi wamukadona nka. ²⁹Rabani a tapa nka kwa Bilha monendi wamukadona Rakera a kare mupikwendi. ³⁰Makura Jakopo a yendi kwa Rakera , nka, ene ngoli a holire Rakera kupitakana Leah. Makura Jakopo a rughanene Rabani mwaka ntambiri nka.³¹Karunga a mono ashi Leah kapi kapi vamuhora, makura a gharura mukogha wendi, ene ngoli Rakera a kara ngandje. ³²Leah a kara namarutu maviri nakushampuka mwanuke wamumati, nakumuruka lidina Reubeni. Aghamba , '' Mukonda Karunga ana mono udito wande; vyaushiri weno mukafumu wande ka hora ngoli.³³Akara nka namarutu maviri nakushampuruka mwanuke wamumati. A ghamba, Mukonda Karunga ana yuvhu ashi ame kapi va hora, mbyo ana mpere nka uno mwanuke wamumati, '' Nakuruka lidina Simiyoni. ³⁴A kara nka namarutu maviri nakushampuka mwanuke wamumati, '' Weno paruvede runo nturaghumbo wande ka hafera ngoli, Mora namuyitire vanuke vatatu vavamati.'' Apa lidina lyendi ava muruku Levi.³⁵A kara nka namarutu maviri nakushampuruka mwanuke wamumati. A ghamba, '' Paruvede runo kuni panda Karunga. Makura a muruku monendi Juda; makura a shayeke kukara nka navanuke.

¹Rachel apa avi monine ashi kapi anayita navyendi Jocopo, Rachel ghayuvire mfudu muunyendi wamukadona. makura aghamba kwa Jacopo ashi, ''Mpe vanuke, ndi kuna fa.'' ²Ugara waJocopo aghumuyuvita kukora kumutjima Rachel. Makura aghamba ashi, ''Ame mulivega lya Karunga nakara, are akukwato mukuwana vanuke?''³Aghamba ashi, ''Kengenu, mukareli wande Bilha. Yendenu kwendi,mposhi ngani vhure kukayita vanuke pamatungi ghande,ntani ngani kakare navanuke kukwendi.'' ⁴Makura name mupa murughani Bilhayira mukamali wendi,makura jakopo a yendi kukwendi.⁵Bilha a kara namarutu maviri nakuyitira Jakopo mwanuke wamukafumu. ⁶Makura Rachel a ghamba,'' Hompa ana negheda,ntani ana yuvhu liywi yande nakumpa mwanuke wamumati.Mukonda yino a muruku Dani.⁷Bilha mupikwa wa Rachel, a kara nka namarutu maviri nakuyita mwanuke wauviri wa Jakopo. ⁸Rachel a ghamba,'' muvita ame kwa rwa namughunyande mbyo namudin,'' a muruku lidina nafutali.⁹Apa liya a monine ashi ana shayeke kuyita vanuke, a ghupu Zilipa, mupikwendi,nakumupa kwa Jakopo a mukamali wendi. ¹⁰Zilipa,mupikwa wa Liya, a yitire Jakopo mwanuke wamukafumu. ¹¹Liya a ghamba,'' Lino lirago!'' a muruku lidina Gada.¹²Makura Zilpa,mupikwa waLiya,a yitire Jakopo mwanuke wauviri wamumati. ¹³Liya a ghamba,'' Nina hafa! Mora vanuke ngava nkugha waruhafo.''Mpo a murukire Asher.¹⁴Reubeni a yendi mumayuva a kuyangura rukokotwa na kukawana rembu mulifuva. Uye aka yi yita kuva wina Liya. Makura Rachel a ghamba kwa Liya, ''Mpeko name rembu yamonoye.'' ¹⁵Liya a ghamba kukwendi , ''Vininke vyavididi kukoye,ashi ove ngo upe mukafumu wande? Una horo kughupa rembu yamonande wamukafumu,nka?'' Rachela ghamba, ''Ashi aya rare nove matiku ghanamuntji,mukukutjindja narembu yamonoye wamukafumu.''¹⁶Jakopo kwakatundire kulifuva ngurova. Lya a yendi valigwanekere naye nakughmba, ''Una hepa kuya kukwande,na kuhepa na rembu yamonande wamukafumu.' Mpo Jakopo aka ralire na Liya matiku ghanya. ¹⁷Karungaa tegherere kwa Liya ,nakukara namarutu maviri nakuyitira Jakopo mwanuke wautano. ¹⁸Liya a ghamba, 'Karunga ana mpa mfuto yande,mukonda natapa mupikwa wamukamali kwa nturaumbo wande.'' A muruku Issachar.¹⁹Liya a kara nka namarutu maviri nakuyitira Jakopo mwanuke wauntayimwe. ²⁰Liya aghamba, Karunga ana mpa ushwiwauwa. Weno nturaumbo yande ka mfumadeja ngoli,mukonda namuyitire vanuke vavakafumu ntayimwe.''A muruku lidina Zebuluni. ²¹Kuruku a yita mwanuke wamukadona a muruku Dina.²²Karunga a yita Rachel mundunge nakutegherera kukwendi. A murenke a kare namarutu maviri. ²³A kara namarutu maviri nakuyita mwanuke wamumati. a ghamba, 'Karunga ana ngupu ntjoni dande.'' ²⁴A muruku lidina Josefa,kughamba, Karunga ana wederereko nka kuvana vande vavakafumu.''²⁵Kuruku apa Rachel apa ana shampuka Josefa, Jokopo a ghamba kwa Rabani, ''Ntume ame,mposhi ni yende kumundi wande nakushirongo shetu. ²⁶Mpe vana vakamali vande navana vande ava na rughanena kukoye,na kuntjuva ni yende,wa yiva ashi ukareli munke nakupire ove.''²⁷Rubani a ghamba, ''Ntjene weno na wana lirago kumantjo ghoye,taterera,mukonda ashi ame nakuronga kurunita upongoki ashi Karungs a ntungike mukonda lyoye.'' ²⁸Makura a ghamba, ''Twenya mfuto yoye, ntani ame kuni kufuta.''²⁹Jakopo a ghamba kukwendi, ''Ove wa yiva ashi weni mo nakurughanena, ntani weni vimuna vyoye omo vakuvhukita kukwande. ³⁰Ove kwakalire navi vyvisheshu kumeho niye,ntani mbyo vina kuvhukita unene. Karunga a kutungika kukehe kuno na rughna ame. Dogoro weni ntani ngani ka tepwiramo varagweka vande?'''³¹Makura Rabani a ghamba, ''Vinke evi ni kufuta?'' Jakopo a ghamba, '' Ove kapi umpa kehe vino. ntjene tupu u nduwanena shininke shino ame, ame ngani lita utanga wandjwi doye nakudikunga. ³²Ndenke ni rughane mukatji ka utanga wandjwi doye namuntji,ni upemo vyamandjoto mandjoto ntani maruvara maruvara, ntani kehe vino vyavitipu mukatji kandjwi, ntani maruvara namandjoto mukatji kavimpendje. Vino mbyo vi karo mfuto yande.³³Nkenda yande ngayi ka kara umbangi kumeho ko,apa ove ngoya kenga mfuto yande. Kehe uno ana diro mandjoto mandjoto ntani mavara mavara mukatji kavimpendje, nandjwi, ntjene ngau kandwana nashimwe, ngashi kakara shi kuna shi vaka '' ³⁴Rabani a ghamba,' na vi tambura. renka vi shoroke kutwara munkango doye.''³⁵Liyuva ndjyolyo ndjo a upiremo Rabani vimpendje vyavirume evi vya kaliro va tulire na mavara ,navintje vya kaliro nalivara lyalikenu,ntani nanavintje vya kaliro naruvara rwarutipu mukatji kandjwi,nakuvipa mumaghoko gha vana vaJakopo vavakafumu. ³⁶Rabani a tura po nka ruyendo rwamayuva matatu pakatji kanaumwendi naJakopo. Makura Jakopo a kungire lipwiyumuko lya shighunda sha Rabani.³⁷Jakopo a upu tumutayi twatuteke twa kuteta twa hango ntani twaunyadi ntani twa ukuyu,ghavimoneke ukenu womatjapura kwava pakatji,gha rughana mayura ghamakenu. ³⁸Makura a upu dimutayi odo a tavawire kumeho yautanga wa ndjwi,kumeho yalitemba apa da yendire di ka nwe.avi rondwa apa vya yire viya nwe.³⁹Utanga wa ndjwi aghu rondwa kumeho ya vitondo; utanga wandjwi aghu yita maruvara,mandjoto gha vi vyavyanuke. ⁴⁰Jakopo a hangurako vino vyavyanuke, ene ngoli a vi tura virare vyavyo kuna pirukire kuvimuna vya maruvara ntani shivhunda nashintje sha ndjwi da Rabani daditipu. Makura a hangura mo ndjwi dendi mwene pandjendi ntani kapi adi tu lire kumwe nedi daRabani.⁴¹Kehe pano ndjwi dankondo mushivhunda kadi rondwanga, Jakopo kehe pano ka turanga vitondo kulitemba lyamema kuhemo yautanga, mpo kuvhura viyite mukatji kavitondo. ⁴²Ene ngoli apa darodwanga ndjwi dakutongama mushivhunda apa sha yanga, kapi ka turanga vitondo kumeho yavyo. vyakutongama vya Rabani, ntani dakuneta da Jakopo.⁴³Mukafumu uno kwa kalire ngawo yayinene. A kalire nashivhunda shashinene shandjwi, vapika vavakamali, vapika vavakafumu, ntani ngamery navidongi.

¹Makura Yakopu gha yuvire nkango da vanarume va Laban, kovyo va ghambire, "Yakopu anatughupu navintje ovyo vya kalire vya vavava ntani vyavyo kwa tundire kughungagho wavo nko awana ungagho nauntjeya uno." ²Yakopu mpo akengire rukengito rwa vanarume va Laban kuvipara vyavo ghuye kwa kwakengire naukaro wavo kukwendi una kutjindji. ³Makura Karunga mpo aghambire kwa Yakopu, "Vyuka kushirongo sha vasho naliro lyoye, ntani ame ngani kara kumwe nove."⁴Yakopu katuminen akuka yita Rakel na Leya ku lifuva ku vimuna vyendi ⁵ntani aghamba kukwavo, "Nakumona shebu nkedi dendi kukwande dina kutjindji, ano ngoli Karunga wa vavava ghuye ndje akaro name. ⁶Anwe mwayiva ashi ame kwarughanine shenu nankondo dande nadintjeya.⁷Shenu ana mpukita ntani ana tjindji ntjontjo yande rukando murong, ano ngoli Karunga kapi amu pulititi andjuvite tjutju. ⁸Ghuye kuna ghamba ashi, ovyo vimuna vya mavara mbyo ngavi karo na ntjontjo yande, "Makura vimuna navintje mbyo vya shampurukire vimuna vyavyanuke. Kehe shi aghamba ashi vimuna vyo vinakaro nashineghedito mbyo ntjontjo yoye; Makura vimuna navintjeya ngavi shampuruka vimunaghona vina karo naviyivhito. ⁹Mundjira yino Karunga ana ghupu limona nalintje lya shenu na kuli mpa ame.¹⁰Opo ngarukita ruvede rwa kuyita vimuna nakenge mundjodi yande vikungwe vyapo ovyo vya rondawiro na vimuna. Ovinya vikungwe kwa kalire vya mavara, ama didi nagha manene. ¹¹Vaengeli va Karunga mpo va ntantilire mundjodi ashi, 'Yakopu' ame mpo na pura ashi, 'Ame ghuno.'¹²Ghuye aghamba ashi 'Yerura mantjo oye ukenge vikungwe navintjeya ovyo vinakuvhukito utanga. Vyavyo kwakalire vya mavara, ghama didi naghamanene, konda ame namono navintjeya ovyo anakukurughana Labani. ¹³Ame Karunga wa Betel, oko wa wavikire ghumwe wangundi, oko wakughaninine kukwande. Weno shapuka ntani ove utundemo muno mushirongo nuyende kushirongo shoye osho vakuyitira."'¹⁴Rakel na Leya mpo alimbururrkire na kumutantera ashi, "Ngoli mpouli upingwa wetu mumjndi wava vava ndi?" ¹⁵Atwe kapi vatupangeranga yira tuvantunda virongo? Konda ghuye kwatughulita nakuvipita vimalivha ghetu. ¹⁶Kughungagho naghuntjeya ogho ana ghupu Karunga kwa shetu weno vyetu navana vetu weno ngoli kwa kehe na kutantera Karunga koye, viruwane."¹⁷Makura Yakopu ashapuka na kutura vanarume vendi navanarume vendi pa ngamero. ¹⁸Ava yendi na vimuna kumeho ngamero na viruwanita vayvo, rambangako navimuna ovyo kawana kuPadamu Aram. Makura ghuye atura pandje na kuyenda ku vashe Isak mushirongo sha Kanana.¹⁹Opo ayendire Laban aka kurure ndjwi dendi, Rakel mpo ngoli avakire vitjwandjo vya vashe. ²⁰Yakopu naye nka akongo Labani wa mu Aramen, pakupira kumutantera ashi ghuye kuna kuvyuka. ²¹Makura ghuye ayendi navininke vyendi na kukwanura aka rute mukuro, na kuyenda akapitirre kwara ku ndundu ya shirongo sha Gilid.²²Muliyuva lya utatu Laban mpo vamutantilire ashi Yakopu anapiti. ²³Ghuye kwa ghupire valiro lyendi ayende navo na kutwikira kuyenda ghure wa mayuvha matano na maviri muruyendo rwavo. Ghuye kwatwalire kundundu ya mushirongo sha Gilid.²⁴Makura Karunga kumatiku aya kundjodi ya Laban wamu Araminna kumutantera ashi, "Takamita kovyo waghambanga kwa Yakopu vikare vyaviwaw ndi vyavidona." ²⁵Laban mpo apitakanine Yakop. Opo Yakop ana tomeke shindjugho shendi mu ndundu da mushirongo. Laban naye aya ralire naliro lyendi mo mu ndundu ya mushirongo sha Gilid.²⁶Laban mpo aghambire kwa Yakop ashi, "Nke ovyo una rughana, ove kuna nkongo ame na kushimba vana vande vavakamali yira vakadorongo muvita? ²⁷Nke ghuna dukiri nalihoramo nakumona ukotoki kudira kuntanterako? Ndina kutumu na lidjobwano ntani nantjumo, ntani namarumbendo na vivetito. ²⁸Ove kapi unampulitiri nincumite vatekuru vande vavakafumu navatekuru vande vavakamali nivanke mba. Weno ove kunarughana uvaya.²⁹Odo ndo nkondo dande nikuruwane vya vidona, ano ngoli Karunga wa vasho kangambita yona matiku ntani mbyo anaghamba, "Takamita ashi vinke una kughamba kwa Yakop vikare vyaviwa ndipo vyavidona.' ³⁰Weno ove unatundupo konda ashi ove unavhuruka kumundi wa vasho. Ano ngoli vinke una vakere vitjwandjo vyande?"³¹Jakopo mpo a limbulire nakughamba kwa Labani, 'Mukondashi me kani kara nawoma ntani kanighayarashi kughungupa vana voye vavakamali kwande pankondo mbyo kani kuhorekere pakani tundupo. ³²Kehe uno ana vako vintjwantjwo vyande kapi nga diyama kuparuka. Kemeho yaliro lyrtu, na shiyivito kwa kehe vino vyande vyoye makura vighupe.' Ano Jakopo kapi ayivire ashi Racheli ndje ana vivako.³³Labani ayendi mushindjugho sha Jakopo, na muvindjugho vyava ruwani vavakamali, ano ngoli ghuye kapi aviwanine mo. Mpo ayendire mushindjugho sha Leya na kukangena mwaRebeka.³⁴Opo Racheli aghupire vintjwa-ntjwa vya mundjugho, avitura mushipuna shangamero kumwe nakushungira pantunda yavyo. Labani mpo akengire mumandjugho naghantje, ano kapi aviwanine mo. ³⁵Ghuye aghmba kuvashe ashi, ''Mwasha garapa, muhona wande, ashi ame kapi nivura kushapukapo kumeho yoye, konda ame kushidira nakara.'' ano mpo ashanani ene ngoli kapi ghaviwanine mo vintjwa-ntjwa vyendi.³⁶Jakopo mpo a garapire nakutangura naLabani. Ghuye amu tantere ashi, ''Nke undjoni wande? nke ndjo dande, odo una kuntjanena unene me? ³⁷mukonda una kenge muvininke vyande navintje nakara navyo. Vinke una ngwanene vininke vya mundjugho yoye? vintulire kumeho yande naliro lyande, mposhi vatupangure pakatji koye name.³⁸Mwaka dimurongo mbiri nakara nove. Vindjwi vyoye na vimpendje vyoye vyavikadi kapi vya pampura ndi nilyepo nampili shikungwe shoye pavimuna vyoye. ³⁹Ovyo valire vikashama kapi kani vikuyitiranga. Ene ngoli me kani kunyongamenango nalikombanito linya. Ove kehe pano kaghu mfutitanga kehe shimuna shina kombano, vikareshi vana vikwata kumatiku ndi kumwi. ⁴⁰Okunya nakakalire, mwi upyu wakantjolire unene, nalime lyangwanine matiku, kapi navulire kupara turo.⁴¹Mwaka dimurongo mbiri naya kalire mumundi ghoye. Nakuruwaninine mumwaka murongo nambiri muvana voye vavakamali vaviri, ano mumwaka ntayimwe nakukungira vimuna vyoye. Ove mbyo wantjindja ntjontjo yande rukando murongo. ⁴²Nkwandi Karunga wavavava, Karunga waAbrahamu, nogho atjira Issaka, ogho akaliro name, ushiri ndi wa ntuma kare mawoko-woko. Karunga akenga ruhepo rwande nakukenga ashi weni naruwana unene, mbyo ana vikushwenene kumatiku.⁴³Labani alimburura nakutanta kwaJakopo ashi, ''Vana vavakamali ne vande, vatekuru navo vande navimuna navyo vyande. Navintje ovyo una kukenga ne vyande. Ano ngoli nke nirughana namuntji lino kuvana vande vavakamali, ndi kuvana vavo ovo vayita? ⁴⁴ano weno renkenu tukare mulikukwatakano nove name, nakuvimbangipara nove name.''⁴⁵Makura Jakopo a ghupu liwe nakulitura ngundi. ⁴⁶Jakopo atantere vakaliro lyendi, ''Pongayikenu mawe''. Ano ava ghupu mawe nakughatura ngundi. Makura ava lyere nkoko kungundi. ⁴⁷Labani mpo ayitire Jega Sahadutha, ngoli Jakopo kwamuyitire Galeda.⁴⁸Labani a ghamba ashi, ''Oyino ngundi kuna kara umbangi wande nove namuntji. Mpo ngoli ngatulitwenya Gleeda. ⁴⁹Lyalyo nka kulitwenya Mizpa, mukondashi Labani kwaghambire ashi, ''Hompa akare pakatji kande nove, apa ngatuku gaunuka umwe naumwe. ⁵⁰Ntjeneshi ngauka hepeke vana vande vavakamali, ndi ntjene ngauka hepeke mukamali wapeke kughupako vana vande, mpili moomu vina karashi kwato ogho ana kara natwe, kenga, Karunga ndje mbangi pakatji kande nove.''⁵¹Labani a ghamba kwaJakopo ashi, ''Kenga po pashintishe nakukenga pangundi, oyo natura pakatji kande nove. ⁵²Oyo ngundi ndjo umbangi, osho shitondo ntjo umbangi, ashi ame kapi ngani pitakana pa yino ngundi kukoye, ntani nove kapi ngaupitakana po nakunduwana vyavidona. ⁵³Karunga waAbrahamu, naKarunga waNohori, Karunga wavashe vavo, ngapangure pakatji ketu.'' Jakopo aturapo muhano muutjirwe wavashe Isaaka.⁵⁴Jakopo a ghamba ngambo kundundu nakuyita vakaliro lyendi valye ndya. Vavo ava lyi nakutokwera matiku naghantje kundundu. ⁵⁵Ngurangura yayinene Labani arambuka nakuncumita vatekuru vendi vavakafumu na vana vendi vavakamali nakuvavedukita. Makura Laboni a vyuka nakuyenda kumundi wendi.

¹Yakop naye ayendi mundjira yendi, nko kukugwanekera na vaengeli vaKarunga. ²Opo avimonine Yakop aghamba ashi "Yino ndjo kamba yaKarunga" Makura mpo arukire livango lya Mahanaimi.³Yakop atumu ntuni diyendekwa mukurwendi Esau mushirongo sha Seire, ruha shirongo sha Edom. ⁴Nko kuvarawira, ashi "Yino mbudi ndjo mukakundikapo mukamuwana muhona Esau: Kwa yakara na Labani mbyo vinakurrangapito ndjira yande ya kuvyuka naruvede runo. ⁵Nakara na ngombe, na vidongi na mautanga, vakareli vavakafumu, na vakareli vavakamali navintje vino natwenyaura nkanda wayere wavyo. Mbyo nakutuma ngoli mbudi yino kwamuhona wande, mposhi ndi ghumfereko nkenda kushipara shoye."'⁶Ntumi adikavyuka kwa Yakop ashi,"Twayendire kwamukuroye Esau, mundjira anakara nakuya muya gwanekere. Na vakafumu mafere mane kumwe anakara navo." ⁷Makura Yakop mpo akalire nautjirwe waunene kumwe nakugarapa. Mpo nka atatitire kuhangura vakareli vendi muntanda ndi muvango maciri, kumwe na viweka vya akalire navyo mushikwavho kwavihangaulire paviri. ⁸Nko kughamba ashi, "Nampindi Esau aye aya homokere po mbunga yimwe oyinya yauviri yayo yiya kurundurure."⁹Yakop aghamba ashi, "Karunga wavavava vaAbrahamu na Karunga wavavava va Isaka, Karunga, ogho aghmbire kwande, mbyute mushirongo shoye na maghayaro nalikuyuvho nikare yira ve, ame ngaundu wanena uwa. ¹⁰Ame shimpe kapishi nimuntungi wakunegheda likukwatakano, lihuguvaro nalintje waruwanenea mupikoye, no po natavakanine mukuro wa Yorodan navinashimba vyande navintje weno lya namuntji nakara na mbunga dande mbiri.¹¹Na kandere mpopere mumaghoko ghamukurwande Esau, na kara na ghoma kumu homo wendi, manashi yampondeka name na vasheshughona kumwe na nyokwavho. ¹²Ano ngoli waghambire ashi "Ngani kuruwanena ghuwa, ruvaro roye ngaru rurenka ruvuke rushetakane pamusheke wamulifuta, oro ngavadira kuvura kuvarura konda ungi wavo."'¹³Matiku ghanya Yakop akarampopo naturoshi, Aghumu maghushwi ghamwe aweka agha pungulire Esau mukurwendi: ¹⁴Dimuruva mafere maviri ano vikungwe dimurongo mbiri, vindjwi vyavikadi navyo mafere maviri vya virume navyo vya shetakanine shivaro shavyo na vikungwe dimurongo mbiri. ¹⁵Ngamero dakuya weka dimurongo ntatu, navanavado , ndidi dimurongo nee, nantwedu murongo, dongi dadikadi murongo mbiri, na nanduyi murongo. ¹⁶Makura avitapa mumaghoko ava karelivendi, nkehe shino shighunda mpantjasho, makura nakuva rondora ashi, "Pitenu kumeho yetu mposhi vighunda vikunape."¹⁷Atapa marondoro kwa mukareli wendi wakuhova, nakughamba, Nkene ugwanekere namukurwande Esau akupure ashi, "Kware wahamena? kuni unatamba? Navyo vimuna vinakukarero kumeho vyare?" ¹⁸Makura ukavyute nkango kwendi ashi, "Vya mukareli ghoye Yakopu, ghuno untungi anatumu vya Hompa wendi Esau, naye mwene muruku rwande anakra nakuya."¹⁹Yakopu shimpenka atantere mukareli wambunga yauviri, mbunga ya utatu rambangako nava rume navantje va kwamino shighunda vimuna. Ashi, "munakona kutamununa kwa Esau yira momunya natantere mushita wakutanga, ashi, ²⁰"Mukareli ghoye Yakopu na kuya muruku rwetu . "Aghayalire ashi, "Kwaghayalire ghuye ature rumwemwe, walye kwakamufera nkenda akantambure." ²¹Makura ugagho mo wapiture ngoli kumeho yendi. Ghuye mwene matiku ghanya kwakalire mpopo pa ntanda yendi.²²Matiku Yakopo ahapuka, nko kughupa vakamali vendi vaviri vo apakera, vakarelivendi vavakamali vaviri, na vanarume murongo naghimwe. Avatumu vatavakane mukuro wa Yabokok. ²³Mundjira yavo ya kuyenda akavatume vatavakane mukuro nko kuvakengurura nawa-nawa dogoro kundame.²⁴Yakop ava mushuvu pentjendi, murume ghumwe aya nko kuya murwanita dogoro kukya liyuvha. ²⁵Murume opo adimbwire ashi kapi vana kukuvhura amutoghona pa nyonga, Nyonga ya Yakop mpo yagotokire muruku rwa kumurwanita. ²⁶Murume aghamba ashi, "Ntjuve niyende, liyuvha linaki, Yakob nko kughamba ashi, "Kundereko kukushuva ukayende, kukushuva ove, nkwandi dogoro ghundukike.²⁷Murume makura amupura ashi, "Are lidina lyoye" Yakop alimburura ashi, "Yakop." ²⁸Murume atwikiri kughamba, "kukutereka nakupya shi, kutunda pano ove kapi shive Yakop, ove Isa=ragheli. Mukonda unakondjo kurwa naKarunga na varume peke, mbyo ynavakete.²⁹Yakop atwikiri kupura, "Nakanderere ntantere lidina lyoye." Nko kumuputa shimpe, "Nke unakushanena kuyivha lidina lyande?" mpo amutungikire. ³⁰Yakop mpo arukire livamgo lyo ndyo Peniyeli, Nakughamba "Namono Karunga mantjo namantjo, monyo wande unaparuka."³¹Pa lya pumine liyuvha Yakop ghuye nakupita pa Peniyeli. Kuno ghuye nakukoka nyonga yendi. ³²Vantu vamu Isragheli nalyanamuntji lino kundereko kulya rutipa rwa kwato nyonga, mukonda unya murume kwa tapire urema parutipa rwa nyonga ya Yakop.

¹Yakopo akenge muwiru natni, mona, Esau uye kuna kuya ntani ghuye kwa kalire navakafumu mafere mafere mane. Yakop atapere vanuke pakatji ka Leya, Rakel ntani varughani vavari vavakamali. ²Makura aturapo varughani vavakamali kumwe navana vavo kumeho, aku kwama Leya ntani navana vendi, ntani akukwama Rakel na Josef ovo mbo vakuhulira. ³Ghuye mwene ayendi kumeho ava pitakana. A nyongamene palivhu rukando rwa kutika ku ntambiri, dogoro a yendi pepi na unyendi wa mukafumu.⁴Esau aduka vakugwanere, amutambura nawa amamatere pantingo ntani amuncumita. ⁵Makura ava lili. Opo akankukire Esau a kenge mukamali ntani na vanuke. aghamba ashi "Vare ovo vantu unakara navo? Yakopu aghamba, "Vanuke ovo ana tapa Karunga wa mbiri kwa mupika ghoye."⁶Makura varughani vavakamali avaya kumeho navana vavo, ntani ava kunyongamene. ⁷Akukwama Leya naye ntani na vanavendi navo avaya kumeho ntani ava kunyongamene. Muruhulilira Yosefu ntani Rakel avaya kumeho ntani ava kunyangemene palivhu. ⁸Esau aghamba, "vinke unatamba na mbunga nayintje eyi nagwanekere nayo?" Yakopo aghamba, "Tuwane nkenda kushipara sha muhona wande."⁹Esau aghamba ashi, "vinangwana, mukurwande.Tukika ovyo una karanavyo." ¹⁰Yakopu aghamba ashi, "Hawe, nakanderere, nanke nawana nkenda kushipara shoye, makura tambura ushwi wa mulighoko lyande ushiri, nakenge kushipara shoye ntani shasho yira kuna kukenga kushipara sha Karunga, ntani ove mbyo unantambura. ¹¹Nakandere tambura ushwi wande ogho nakuyitiri, mukonda ashi Karunga twa kuyuvha kuruwana vya nkenda kwande, ntani ame ovyo nakara navyo vya gwana." Yakopu amupampilikida ntani Esau amutambura.¹²Makura Esau aghamba, "renka tukare mundjira yetu kuni yenda kumeho yoye." ¹³Yakopu aghamba kukwendi, "Muhona wande avi yiva ashi vasheshughona vavo vanuke, ntaninka vindjwi na ngombe vyavyo kuna kuyamweka vana vado. Nangeshi ava vashingi unene nampiri liyuva limwe, vikorama navintjeya ngavifa. ¹⁴Nakanderere muhona ayende kumeho ya murughani ghoye. Ngani yenda kadidi-kadidi, yira momu vivhura vimuna vina karo kumeho yande, nomo vana kuvhura vanuke dogoro niye kwa muhona wande ku Seir."¹⁵Esau aghamba, "Renka nikushuvire vakafumu vamwe ovo nakara navo." Ano ngoli Yakopu aghamba ashi "Mukonda munke?'' Renka niwane nkenda kushipara sha mufumadekwa." ¹⁶Makura Esau liyuvha linya avareke kuvyuka ku Seyir. ¹⁷Yakopo ayendi ku Sukoti, akadike ndjugho ya mwene, ntani akdike hambo ya vikokrama vyendi mpongoli valikukire livango ashi ndyo Sukoti.¹⁸Opo akavyukire Yakopo ku Padan Aramu, aya tikire nawa-nawa munkurumbara ya Sekem, oyo yakaro mu livango lya Kanana. Aka rera pepi nankurumbara. ¹⁹Makura a ghuru liango aopo a tungire shundjugho shendi kuvanarume va Hamor, sha wa Sekem, nasiliveri da kutika ku lifere limwe. ²⁰Mpo atungirro shindjambero ashirukire lidina lya El Eloha Israghel.

¹Weno Dina, mona Reya wamukamali wavo naJakopo, kwayendire pandje akawane mukamali ghona wapandje. ²Shikemu mona Hamori wamukafumu wamuHeviti, mona Hompa warudi, ghamumono. Ghamughupu kumwe nakukarara naye, ghamurenkitire akombanite mfumwa. ³Shikemu kwatokominine unene Dina, mona Jakopo wamukamali. Ghaholire mukamali ghona unya ntani kamughambitanga naunongo.⁴Shikemu aghambita vashe, ashi, ''Kantjimbirenu mukamali ghona unya ayakare mukamali wande.'' ⁵Weno Jakopo anaviyuvu ashi monendi Dina vamurughana vyakuyita ntjoni. Vana vendi vavakafumu vavo opo kwakalire navimuna vyendi muwiya, ano Jakopo akwata mutjima dogoro nkoko vakayelilire.⁶Hamori vashe vaShikemu ava yendi kwaJakopo vakaghambe naye. ⁷Vana vaJakopo avaya vatunde muwiya opo vakayiyuvire mbudi. Makura avi vagarapita vakafumu. Vyavagarapitire unene mukondashi Shikemu adirulire Israelimukurara namona Jakopo wamukamali, morwashi shininke shakukara ngoli ndi nakushirughanashi.⁸Hamori aghamba navo, nakuvatantera ashi, ''Monande Shikemu ahora monoye wamukamali. Nakanderere tapa Dina kwaShikemu akare mukamali wendi. ⁹Ghakukwatakane natwe, tupe vana voye vavakamali, ntani mukughupira naumwenu vana vetu vavakamali. ¹⁰Kughutunga natwe, ntani livango kulikumangurukira mukutunga kumwe nakutjingitiramo ngeshefa, kumwe nakukara naunankondo wakukara nalimona.''¹¹Shikemu aghamba kuvashe vaDina nakuvakuru vaDina ashi, ''Renkenu niwane uwa mumwenu mumantjo ghenu, ntani nkehe vino muntantera kunimupa vyo. ¹²Ntomenenu viwonda vyavingi ndi vyavinene ntani ushwi moomo muna kukuyuva, ano ame kunitapa kehe vino muntantera, mara mpenu mukamali ghona akare mukamali wande.'' ¹³Vana vaJakopo ava limburura Shikemu navashe Hamori nalifumadekoshi, mukondashi Shikemu aruwanita muunyavo Dina vyakuyita ntjoni.¹⁴Avava tantere ashi, ''Atwe nakurughanashi vino vininke, tutape muunyetu wamukamali kukehe uno ogho vadira kughana vyavamba, vya ngoli ngaviyita lishwaghu kukwetu. ¹⁵Pashininke shimwe tupu tukuyuva nanwe: Ntjene ngava kurughane vya vamba yira moomu vaturughana twe, ntjene kehe mukafumu mukatji kenu ngava murughane vya vamba. ¹⁶Ntani ngatumupa vana vetu vavakamali, ano natwe ntani ngatughupa vana venu vavakamali panaumwetu, ntani ngatutunga nanwe kumwe nakukara vantu vamwe. ¹⁷Mara ntjene kapi muteghererera kukwetu nakukamurughana vya vamba, atwe ndi ngatughupa muunyetu makura ngatuyende.¹⁸Nkango davo dahafitire Hamori kumwe na monendi Shikemu. ¹⁹Mukafumu ghona kapi akuwolire kurughana evi vaghambire, mukondashi ghaholire unene mona Jakopo, ntani nka mukondashi ndje vafire likuto mumundi nauntje wavashe.²⁰Hamori namonendi Shikemu ava yendi keheka yankurumbara yavo nakughambita vakafumu vamunkurumbara, nakughamba ashi, ²¹''Ovano vakafumu vana kara pampora natwe, ano vapulitirenu muno mukutunga muno mulivango nakutjingitira mo ngeshefa, vyashili, livango lino linene kukwavo. Tughupenu vana vavo vavakamali vakare vakamali vetu, ntani nka tuvapenu vana vetu vavakamali.²²Nkwandi nelino likuyuvo ntani vatunga natwe vakafumu vano kumwe nakukara vantu vamwe: Nkene kehe mukafumu mukatji ketu vamurughane vya vamba, yira moomu vava rughana vya vamba. ²³Kapi ngavikara vimuna vyavo, nalimona lyavo, vikorama navintje vyetu ndi? Makura tukuyuvenu navo, ntani ngavatunga mukatji ketu.''²⁴Vakafumu navantje kwategherelilire kwa Hamori naShikemu, monendi. Kehe mukafumu ava murughana vya vamba. ²⁵Muliyuva lyautatu, vavo mukukors shimpe vana kara, vana vaJakopo vaviri vavakafumu [Semeoni naLevi, vakuru vaDina], kehe uno aghupu rufuro rwendi kumwe nakukahomona nkurumbara oyo yakaliroshi yayinene mukahorehore, ano ava dipagha vakafumu navantje. ²⁶Vadipaghire Hamori na monendi Shikemu namusho warufuro. Ava kamushimba Dina mundjugho yaShikemu kumwe nakuyendako.²⁷Vana vaJakopo vamwe avaya kuvimpu na kuyahanaura nkurumbara, mukondashi vantu varughanine muunyavo, vyakuyita ntjoni. ²⁸Ava ghupu vighunda vyavo, vidongi vyavo na navintje vyakalire munkurumbara namafuva ghayikundurukido. ²⁹Ungawo nauntje. Vana vavo na vakamali vavo, avava ghupu navininke navintje vyakaliro mumandjugho ghavo.³⁰Jakopo atantere Simeoni naLevi ashi, ''Muna ndjitiri maudito,mukunyengita kuvatungi mo vamushirongo, vaKanani na vaPeriti. Tuvasheshu mushivaro shetu. Ntjene vakupakerere kumwe, kumwe nakuyatuhomona, makura ndi kutuya dima, name namundi wande. ³¹''Mara Simeoni naLevi ava ghamba ashi, ''Shikemu ndi gharughanite tupu muunyetu wamukamali yira mushondeli ndi?''

¹Karunga nko kutantera Jakopo, ''Rambuka, ghuyende ukanduke kuBetheli, uka kare nkoko. Katunge shidjambero nkoko shaKarunga, ogho aku monikiliro opo watjayukire Esau mukoroye wamukafumu.'' ²Ano Jakopo a tantere mundi wendi nauntje na vantu ovo akalire navo ashi, ''Kombenu vaKarunga vavintjatjo ovo muna kara navo, kukenitenu, nakutjindja vyuma vyenu. ³Atwe tushapuke nakuyenda tukanduke kuBetheli. Ngani katungire Karunga shidjambero nkoko, ogho a ndimbuliro mumayuva gha maudito ghande, nakukara name nkehe kuno niyenda''⁴Makura nko kutapa vaKarunga vantjwatjo kwaJakopo ovo vakaliro mumaghoko ghavo, navimbilingwa vyakumatwi ghavo. Jakopo makura nko kuvivumbira munda yaushivi pepi naShikemu. ⁵Muruyendo rwavo, Karunga ava yitire utjirwe munkurambara odo dakaliro pepi navo, ano ngolin vantu vakalire nautjirwe wakushupura vana vavakafumu vaJakopo.⁶Ano Jakopo nko katika kuLuzi (yina karoshi, Betheli), oyo yakaliro mushirongo shaKanana, naye navantu vendi navantje. ⁷Ghatungu shidjambero nakulitwenya livango Eli Betheli, morwa oko nko aka muneghedire Karunga mwene, opo atjwayukire mukurwendi wamukafumu. ⁸Debora, mupakeli mbili waRebeka, nko kudohoroka. Ava kamuhoreka munda yaushivi kutunda kuBetheli, ano kava twenyangako Alloni Bakuthi.⁹Ano opo atundire Jakopo kuPaddani Aramu, Karunga amu monekere nka kumwe nakumutungika. ¹⁰Karunga a ghamba ashi, ''Lidina lyoye ne Jakopo, ano ngoli kapi ngava litanga nka Jakopo lidana lyoye ngoli ngali kara Israeli.'' Ano Karunga a muruku Israeli.¹¹Karunga nko kumutantera ashi,''Ame Karunga wankondo nadintje. Kara naruvaro na kukuvukita. Muhoko nambunga da dimuhoko ngadi tunda moye, ntani nka vaHompa ngava kara mukatji kavantu voye. ¹²Shirongo eshi napire Abrahamu naIsaaka nganishi kupa. Kuvantu vana kukwamo ngani tapa shirongo.'' ¹³Karunga nko kutundapo palivango linya a ghambire naye.¹⁴Jakopo a turapo ngundi palivango linya aka ghambire naKarunga, ngundi yaliwe. Nko tuterapo vinwa vyandjambo na kuterapo maghadi. ¹⁵Jakopo nko kulitwenya livango olyo vaka ghambire naKarunga, Betheli.¹⁶Muruyendo rwavo rwakutuda kuBetheli. Vavo shimpe ghure kutunda kuEphrati, Racheli atameke kushumita. Lishumito lyendi lidito lya kaliro. ¹⁷Nda akarera mulishumito lya linene, mushamurupikiti amu tantere ashi, ''Washa tjira, vya weno kughuwana mona umweya wamumati.'' ¹⁸Momo mukutangana , munku wendi wakutangana nko kumuta Beni-Oni, ano ngoli vashe kwamurukire Benjamini. ¹⁹Racheli a dohoroka nakukamuhoreka kundjira yaEphrath(oyo yina karoshi, Bethlehemu). ²⁰Jakopo nko kuturapo ngundi pambira yendi.²¹Israeli nko kuyenda nakutomeka tende yendi pepi nashighunda. ²²Nda Israeli ghatungira mushirongo shinya, Reubeni nko kurara naBilha shihora sha vashe, ano Israeli nko kukaviyuva. Weno Jakopo ana kara navana vavakafumu murongo navaviri.²³Vana vendi vavakafumu paLeya kwakalire Reubeni, mbeli yaJakopo, ntani Semeoni, Levi, Isaaka, ntani Zebuluni. ²⁴Vana vendi vavakafumu paRacheli kwakalire Josefa, naBenjamini. ²⁵Vana vendi vavakafumu paBilha, mupika wamukamali waRacheli kwakalire Dani naNafitali.²⁶Vana vavakafumu vaZilip, mupika wamukamali waLeya, kwakalire Gad, naAsheri. Navantje vano vana vaJakopo vavakafumu ovo vayitilire muPaddani Aramu. ²⁷Jakopo nko kuya kwaIsaaka, vashe, muMamre muKiriathi Arba (yayo ndjo tupu Hebro), oko vakatungire vaAbrahamu naIssaka.²⁸Issaka kwaparukire mwaka lifere limwe nadimurongo ntantatu. ²⁹Issaka kwashetilire munku wendi wakuhulilira ano a dohoroka, nakukagwanekera navadimu vendi, mukurupe wamukafumu agwanitiropo mayuva. Esau naJakopo, vana vendi vavakafumu, vakamuholikiro.

¹Ava kwakalire vamuhoko wa Esau (kava twenyanga nka ashi Edom). ²Esau aghupu vakamali vendi mu Kanani. Ava kwakalire vakamali vendi Ada mona wamukamali wa Elon wava Haititi; Oholibama mona wamukamali wa Ana, mutekuru wamukali wa Zibeyoni wava Hiviti; ³ntani Basema, mona Ishimaili wamukadona, mukurwa Nebayoti wamukadona.⁴Ada a shampuruka Elifazi kwa Esau, ntani Basema ashampuruka Reweli. ⁵Oholibama ashampuruka Jeush, Jolam, ntani Korah. Ava mbo vakaliro vana va Esau ovo vashampurukire kwendi munya mushirongo sha Kanani.⁶Esau aghupu vakamali vendi, vana vendi vavamati, vana vendi vavakadona, ntani na varwana navantje ovo vakaliro mumundi wendi, vimuna vyendi vya kuweka- ntani navintje vikorama vyendi vya kuku karera, ntani na viweka vyendi navintje, ovyo vya kaliro munya mushirongo sha Kanani, ntani na kuyenda mu shirongo osho shakaliro ghure kwa muunyendi Jakopo. ⁷Evino kwa virughanine mukondashi viweka vyavo kwakalire vingi unene kukwavo mukutunga kumwe. Livango olyo vatungire kapi livura kuvatera vimuna vyavo. ⁸Esau, kwamu yivi renka ashi Edomu kwaka tungire kundundu da mushirongo sha Seiri.⁹Avano kwa kalire vamuhoko wa Esau, vadimu va Edomiti kuma ndundu gha shirongo sha Seiri. ¹⁰Aghano ngo madina gha vana va Esau vavamati; Eliphaz mona wamukafumu wa Ada, mukamali wa Esau; Reul mona wamumati wa Basema, mukamali wa Esau. ¹¹Vana vavakafumu va Eliphaz mbo Temani, Omari, Zepho, Gatami ntani Kenazi. ¹²Timina, shihoro sha Eliphaz, mona Esau wamukafumu, ndje ayitiro Amaleki. Avano mbo vatekuru va Ada vavakafumu, mukamali wa Esau.¹³Avano mbo vana vavakafumu va Reul: Nahati, Zera, Shama, ntani Mizza. Avano mbo vatekuru vavakafumu va Basema, mukamali wa Esau. ¹⁴Avano mbo vana vavakafumu va Ohlibama, mukamali wa Esau, ogho akaliro mona wamukadona wa Ana ntani mutekurwa Zibeyoni wamukamali. Ayitire po pa Esau Jeush, Jalami, ntani Kora.¹⁵Edino mbunga darudi rwa ghu Hompa wa muhoko wa Esau; muhoko wa Eliphaz, mbeliya Esau: Temani, Omari, Zepho, Kenazi, ¹⁶Kora, Gatami, natni Amaleki. Oyino ndjo mbunga yarudi rwa Uhompa rwatundiliro kwa Eliphaz mushirongo sha Edomu. Vavo kwakalire vatekuru vavamati va Ada.¹⁷Avano mbo vambunga yarudi rwa ghu Hompa rwatundiliro kwa Reul, mona Esau wamumati: Nahati, Zera, Shama< Mizza, ovo mbo vambunga yarudi ya ghu hopma rwatundiliro kumuhoko wa Reul. Munya mushirongo sha Edomu. Vavo kwakalire vatekuru vavamati va Basema, mukamali wa Esau. ¹⁸Ovano kwakalire mbunga yarudi rwa ghu Hompa wa Oholibama mukamali wa Esau: Jeush, Jalam, Kora, oyino ndjo mbunga yalikoro lya Hompa rwatundiro mu muhoko wa mukamali wa Esau Oholibama, mona wamukamali wa Ana. ¹⁹Avano mbo vana vavakafumu va Esau ( ogho vayivire ashi Edom), ntani vano mbo va Hompa vavo.²⁰Avono mbo vana vavakafumu va Seiri wava Horiti, ovo vatungiromo munya mushirongo: Lotani, Shoba, Zibeyoni, Ana, ²¹Dishani, Ezer, ntani na Dishmani, ovano mbo varudi rwava Horiti, vatungiro mu Seiri mushirongo sha Edomu. ²²Vana vavakafumu va Lotani kwakalire Hori ntani Heman, Timina kwakalire mughunya Lotani wamukamali.²³Avano mbo vana vavakafumu va Shobali: Alvani, monahati, Ebali, Shepo, ntani na Onami. ²⁴Avano mbo vana vavakafumu va Zibeyoni: Aiah Ana. Oghuno Ana ndje akawanino lidiva lyamema ghama pyu. mu wiya, opo aka kungire vidongi vya Zibeyoni vashe.²⁵Avano mbo vana va Ana: Dishoni na Oholibama, mona wa Ana wamukamali. ²⁶Avano mbo vana vavakafumu va Dishon: Hemdan, Eshban, Ithran ntani Keran. ²⁷Avano mbo vana vavakafumu va Ezeri: Bilham, Zaavan ntani Akon. ²⁸Avano mbo vana vavakafumu va Dishman: Uz na Aran.²⁹Ava mbo vambunga yaliro lya Horiti: Lotan, Shobal, Zibeoni, na Anah. ³⁰Dishoni, Ezer, Dishman: Avano mbo valiro lya Horiti, kutwara mulikukwamo lyavo munya mushirongo sha Seiri.³¹Avano mbo va Hompa vapangiliro mushirongo sha Edomu kumeho ya kurenka ashi va hompa vapangere vana vavamati va Israel. ³²Bela mona wamukafumu wa Bora, apangere mu Edomu, ntani lidina lya nkurumbara yendi kwakalire Dinhabah. ³³Opo adohorokire Bela, makura Jacopo mona wa mukafumu wa Zera wava Bozra, apangere livango lyendi.³⁴Opo adohorokire Jacopo, Husham ogho akaliro mushirongo sha Temanite, apingirimo mulivango lyendi. ³⁵Opo adohorikire Hushm, Hadad mona wamukafumu wa Bedad ogho afundiro va Midianiti munya mushirongo sha Mowab, a kwamamo mulivango lyendi. Lidina lya nkurumbara yendi kwakalire ashi Aviti. ³⁶Opo adohorokire Hadad, makura Samlah wa ku Masrekah a kwamamo mulivango lyendi.³⁷Opo adohorokire Samlah, makura Shaul wa ku Rehoboth ya mukuro a kwamamo mulivango lyendi. ³⁸Opo adohorokire Shaul, makura Boal-Hanan mona wa mukafumu wa Akbor akwamamo mu livhango lyendi. ³⁹Opo adohorokire Boal-Hana mona wa mukafumu wa Akbor, makura Hadar a kwamamo mulivango lyendi. Lidina lya nkurumbara yendi ayiruku Pau. Lidina lya muakamali wendi Mehetabel, mona Matred wa mukamali, mutekurwa MeZahab wamukamali.⁴⁰Aghano ngo madina ghava mpititi ovo vatundiro kumuhoko wa Esau, kutwara mumbanga damarudi ntani namuma ruha gha shirongo, kutwara mumadina ghavo: Timna, Alvah, Jethet, ⁴¹Oholibamah, Elah, Pinon, ⁴²Kenaz,Teman, Mbzar, ⁴³Magdiel, na Iram. Avano mbo vakaliro vambunga yaliro muumpititi wamu Edom, kutwara kurutungito rwavo munya mushirongo vawekire. Oghuno ndje Esau, vashe va Edomitisi.

¹Jakopo kwa tungire mushirongo osho vsa tungire vashe, mushirongo shaKanani. ²Vino mbyo vilika vyakuhamena Jakopo . Josefa ,kalire mumatighona ogho a kaliro namwaka murongo nantambiri. kwakungire utanga wa ndjwi navakuru vendi. Ghuye kwakalire vana va Bilhah vavakafumu navava Zilpah,vakamali vavashe.Josefa a twara vitundwamo ovyo vya diliro kuwapera kuhamena kuvashe.³Ano Isreal a holire Josefa kupitakana vana vendi navantje mukonda ashighuye kwamuwanine muukurupe. A mu rughanene lirwakani lyaliwa. ⁴Vakuru vendi navo vavi kengire ashi shavo a muhora unene kupitakana vakuru vendi navantje. Ava munyenge ntani kapi kava ghamba naye kaunongo.⁵Josefa a roto ndjodi , makura ayi tantere vakuru vendi . Ava munyenge ngoli unene kupitakanena. ⁶Ava tantere ashi, '' na kanderere teghererenu kundjodi yino naroto.⁷Kengenu,atwwe kwa mangire vitungu vyarukokotwa mulifuva makura kenga, shitungu shande mbyo shina yeruka vyu , ntani kengenu, vyenu mbyo vina ya shikundurukida , vinyongamene kwasho.'' ⁸Vakuru vendi ava mu tantere ashi, ''Ove kuna horo utu pangere atwe ndi? kuvhura ngautu pangere atwe ndi?'' Ava mu nyenge unene mukond adandjodi dendi ntani nkango dendi.⁹A roto nka ndjodi yimwe a yi tantere vakuru vendi .A ghamba, '' Kengenu, narotoko nka ndjodi yimwe:Liyuva, kakwedi nantugwedi murongo nayimwedina nyongamene ame.'' ¹⁰A yi tantere vashe yira vakuru vendi nka, vashe ava mu shwenene. Ava ghamba vashe ndjodi munke yo una roto?Vanyoko name ntani vakuru voye ngatu ya kutongamene ve ndi?'' ¹¹Vakuru vendi ava mu fere mfudu, ene ngoli vashe ava ghayaradara ndjodi yinya nakuyi tulika mundunge.¹²Vakuru vendi makura ava yendi vaka kunge shivunda shashavo muShikemu. ¹³Isreal a ghamba kwa Josefa,'' Vakuru voye kapishi kuShikemu vana kakungira shivunda shetu ndi? Yiya, niya kutume kukwavo.'' Josefa a ghamba kukwendi, nina kuwapayikiri.'' ¹⁴A ghamba kukwendi, ''Yenda weno, kakengeko vakuru voye nashivunda shetu ntjene viwawa, nakundjitira mupindu. '' Makura Jakopo amu tumu mumuramba ya Heburoni, nakuyenda kuShikemu.¹⁵Mukafumu umwe a wana Josefa. kukenga, Josefa kwa yendawire tupu mulifuva .Makura mukafumu a mu pura, '' Vinke una kupapara?'' ¹⁶Josefa a ghamba, Kuna kupapara vakuru vande. Ntantere, nakanderere, kuninko vana ka kungira shivunda.'' ¹⁷Mukafumu a ghamba,'' Apa kava tundupo, kani va yuvhu kuna kughamb ashi, Tu yendenuko ku Dotani.''' Josefa a shupura vakuru vendi muruku nakuka va wana ku Dotani.¹⁸Ava mu kengere kuure, kumeho aya tike papepi navo, vavo kare vana kuyongo ashi vaya mudipaghe. ¹⁹Mukurwendi umwe a ghamba kuvakuru vendi ava kutantere vavene ashi, '' kengenu, uno muroti kuna kutika papepi. ²⁰Yiya kuno, renkenu tu mu dipaghe nakumu vhukumina mulikwina. Ngatu ka ghamba, Shikashama sha mu liro.' Ngatu kenge ashi vinke ngavi yo mundjodi dendi.''²¹Reubeni a vi yuvhire makura a mu popere mumaghoko ghavo. A ghamba twa sha mudipaghenu.'' ²²Reubeni a ghamba kuvaunyendi,'' Mwasha mupititenu honde. Muvhukuminenu mulikwina lyamumburundu, ene ngoli mwasha muguma'''-kuvhura ngava muvatere mumaghoko ghavongava mu vyute kuvashe.²³Tupu a ka tikire Josefa kuvakuru vendi, ava mu shutura lirwakani lyendi lyaliwa. ²⁴Ava mu ghupu nakumuvhumina mulikwina. Likwina olyo lya kaliro ashi mwato mema.²⁵Ava shungiri va lye. Ava kankura mantjo ghavo nakumona, vana ruyendo ovo vatundililiro kuGilead, na ngamero davo. Kwa tambire kuEgipite. ²⁶Judah a ghmba kuvakuru vendi, '' Vinke ngatu wanapo pakudipagha muunyetu tu horeke honde yendi?²⁷Yiyenu tu mu ulite kuva Ishmaelites ntani twasha mu gumenu lighoko mora ghuye muunyetu yira twe tupu,,,'' Vakuru vendi ava mutegherere. ²⁸Va midianite merchants ava piti kulikwina. Vakuru vendi ava mu deremo mulikwina. Ava mughlita kuva Ishmaelites nasiliveli rombiri. VaIshmaelites ava twara Josefa kuEgipite.²⁹Reubeni a vyuka kulikwina, a kengemo, Josefa mwato mulikwina. A taura vyuma vyendi. ³⁰A vyuka kuvauni na kughamba, '' Mumati mwato munya! ntani ame, kuni nko ni yenda?''³¹Ava dipagha shimpendje makura ava ghupu lirwakani lyaJosefa ava li doro muhonde. ³²Makura ava li yita kwashavo makura ghamba ashi, '' Tuna wana twe vino.Tuna kanderere vi kengenushi walye vyamonenu ndi kapishi vyamonenu.'' ³³Jakopo a vi dimburura a ghamba ashi vyuma vya monande. Josefa vikorama vyamuwiya kavimana kupapaura.³⁴Jakopo a taura marwakani ghendi nakughupa likeshe a ku manga mumbunda. A lili monendi mayuva ghamangi. ³⁵Vana vendi vavakafumu navavavakamalu ava yendi vakamushengawide, ene ngoli a shwena kumushengawida. A ghamba,'' Ngani kuyendera mushirongo shavafe naruguvo rwande rwa monande wamumati.'' Vashe ava mulilire. ³⁶Va Midianites ava ka mu ulita mu Egipite kwa Potipha, muporoshi wa pharaoh, mukurona wava takamiti.

¹Kwayire shirugho shinya Judasa ashuvire vaghuni vendi vavakafumu ghakakare kwaumwe wavakaAdullamite, walidina Hira. ²Akawana mukafumu wamuKanana walidina Shua ogho akaliro namonendi wamukamali, ghamu ghupu, nakukara naye panyama.³Ghakara marutu maviri kumwe nakuwana mona wamukafumu. Ava muruku Eri. ⁴Aya kara marutu maviri ano aya wana mona wamukafumu. Kamuyitanga Onani. ⁵Shimpe nka aya wana nka mona wamukafumu amuruku Shelani. KuKezibi vakamushampurukilire.⁶Judasa ghawanene Eri mukamali, monendi wambeli. Lidina lyendi Tamara. ⁷Eri, mona waEri wambeli,ghakalire mundjoni kushipara shaHompa. Hompa ghamudipagha.⁸Judasa atantere Onani, ''Yenda kwamukamali wamukuroye. Karughane shitumbukira shauswara kukwendi, nakuyitirapo mona mukuroye.'' ⁹Onani ghayivire ashi mona kapi nga kara wendi. Kehe pano kayendanga kwamukamali wamukurwendi, kakateteranga honde yendi palivhu mposhi kapishi ngatumbapeke mukamali wamukurwendi. ¹⁰Ovino karughananga vidona kushipara shaHompa. Karunga amu dipagha naye.¹¹Judasa atantere Tamara, ngumweyi yendi ashi, ''Kara ngoli mufiti kadi ,mumundi wavasho dogoro mpopo Shela, monande wamukafumu, ngakura.'' Ano ghuye akalire nautjirwe ashi, ''Naye kuvura ghafe, yira vakuru vendi.'' Tamara atundumo ayende mumundi wavashe.¹²Kuruku yashirugho shashire, mona Shua, mukamali waJudasa, mpo afire. Judasa vamushengawidire ghayende kuTimna nko ghaka shitikita ndwi dendi, naye naunyendi Hira waAdullamite. ¹³Tamara ghavamutantereshi, ''Kenga, tamweyi yoye kuna kuyenda kuTimna vakakugaunwine ndjwi davo.''' ¹⁴Ghashutura vyuma vyendi vyarutuvyaufita kadi naumwendi nalikeshe akudingilire naumwendi. Ashungiri paheka yaEnaim, oyo yakarero kushitaura shaTimna. Ghaka mona Shela ana kuru ano ngoli kapi vaghumupire akare mukamali wendi.¹⁵Opo ghamumonine Judasa aghayara ashi walye mushondeli mukonda ghakufikilire shipara shendi. ¹⁶Ghayendi kwendi kushitaura amu yita, ''Yiya, nakanderere renka nirare nove,'' ghuye kapi ayivire ashi ngumweyi yendi ano amupura ashi, ''Nke umpa nange opo urara name?''¹⁷Ghamutantere ashi, ''Kuni kutumina shimpendje shashanuke shamushiunda.'' Ghalimbururashi, kuvura umpe kehe shino nikare nasho dogoro ngaukashitume?'' ¹⁸ghamupura, ''Yira vinke ngoli evi nikupa?'' ghalimburura, ''Shinongonito shoye naruvya roye, nashinike osho ghuna kwateterere mumaghoko ghoye.'' Avimupa kumwe nakurara naye, ano akara marutu maviri.¹⁹Ghashapuka aka yendako. Aghupuko likeshe ghadwatako vyuma vyendi vyamufiti vyendi. Judasa atumu shimpendje naunyendi wakuAdullamite mposhi ²⁰ghakaghupe vininke vyendi vina karo mumaghoko ghamukamali ghunya, mara kapi aka muwanine.²¹Makura mukaAdullamite apura Mukafumu livango, ''Kuniana kara unya mukamali wakukughulita oghunya kakaro kushitaura shaEnaim musheli munya yashitaura?'' ghavamulimburura ashi, ''Kapi pakaranga wakukughulita pano.'' ²²Ghavyuka kwaJudasa nakamutantera ashi, ''Kapi nakamuwana.'' Ntani nka, mukafumu mwenya livango ana ghamba ashi kapi pakara vakamali vakushondera panya.'' ²³Judasa aghamba ashi, ''Akare ngoli avhulike vininke, kapishi ngavitufite ntjoni. Ano ngoli natumu shino shimpendje shashanuke, ene ngoli kapi una kamuwanapo.''²⁴Kuruku rwashirugho shamakwedi matatu mpo vatantilire Judasa, ''Ngumweyi yoye Tamara, gha shondera, ngoli, namarutu maviri ghendi maviri.'' Judasa a ghamba ashi, ''Muyitenu kuno vamu shore.'' ²⁵Opo vamurupwitire, ghatumu kwatamweyi yendi mbudi, ''Kumukafumu ogho aweko vino ndje ghantumbapeko.'' Aghamba nka ashi, ''Dimbururenu ashi shidimbulito naruvya ntani neshi shamumaghoko vyare vino.'' ²⁶Judasa avi dimburura nakughamba ashi, ''Muuhunga ana kara yira ame, kutunda opo nadira kumutapa akare mukamali waShela, monande wamukafumu.'' Kapi arara naye nka.²⁷Ghashiya shirugho shakushampuruka, taterera, vamapange vakaliro mulira. ²⁸Shirugho ashitikimo shakushampuruka umwe arupwita lighoko, mukamali wendi wamukurona aghupu rughodi ghamumanga kulighoko nakughamba ashi, ''Oghuno ndje ana hovo kurupuka.''²⁹Ghavyuta lighoko lyendi, taterera, muunyendi ghakahova kurupukamo. Mukamali aghamba ashi, ''Weni mo una kahova kurupukamo!'' Ano avamuruku Perez. ³⁰Unyendi naye mbyo gharupukire, ogho akaliro narughodi mulighoko lyendi, mbyo vamurukire Zera.

¹Josefa ava mu umumwita ku Egipite.Ano Potifara,lirenga lya farawo mukurona wa vakungi vendi ntani uye nka muEgipite, a muuru kuvaIshimayeli, ovo vaka mu yitiromo. ²Karunga a kara kumwe na Josefa makura aya kara mukafumu walirago. A tungu mumundi wa ntilyendi wamuEgipite.³Ntilyendi a mono ashi Karunga naye a kalire ntani Karunga a mutungikire mu navintje ka rughananga. ⁴Josefa a kara nalirago kumeho yaKarunga. Arughanene Potifara . Potifara a tura mukurona mumundi wendi nauntje, nanavintje evi a wekire, avi tura mulikeverero lyendi.⁵Kutunda shirugho osho amu tulire a kare muyenditi walipata lyendi nanavintje evi a weka,Karunga a tungike mundi wamuEgipite mukonda Josefa.Litungiko lya Karunga kwakalire navintje Potifar A kalire navyo mumundi wendi rambangako namulifuva lyendi. ⁶Potifara a tura navintje evi a weke mulitakamito lya Josefa. Uye kapi ka ghayaranga kuhamena kuvinke kehe vino kughupako ndya edi kalyanga. Josefa kwakalire wamuwa ntani kumoneka nawa.⁷Kuruku avi yakara ashi mantjo a mukamali wa ntilyendi paJosefa tupu ngolinakughamba, '' Renka u rare name.'' ⁸Ene ngoli uye a shwena nakughamba kwamukamali wa ntilyendi, '' kenga, ntilyande kapi ana kara nashinka kuvirughana navintje evi nakurughana mumundi, ntani avi tura avintje mulipakero mbili lyande. ⁹kwato nka umwe a karo nankondo muno mumundi kupitaka ame, uye kwato vininke evi a ntjweneka ame nkwani ove tupu, mukonda ashi ove mukamali wendi. Makura weni ni rughana vino vininke vyadona vya ndjo kwaKarunga?''¹⁰mukamali ka ghambanga kehe liyuva kwa Josefa, ene ngoli uye ka shwenanga kurara naye ndi a kare po wendi. ¹¹A paya liyuva limwe apa a yendire ashi aka rughane virughana vyendi mundjugho. Kwato wamumundi ogho a mumonino ovo vakaliro mumundi. ¹²a ka muwana navikoverero vyendi nakughamba, '' Rara name.'' Uye a shuvhu vyuma vyendi mumaghoko ghamukamali, a duka nakuyenda pandje.¹³Apa a monine ashi ana mushuviri vidwata vyendi mumaghoko nakudukira pandje, ¹⁴A kughu vakafumu vamumundi wendi, nakuvatantera, '' Kengenu, Patifara kwakayitire uno muhebeli kukwetu aya tu tinde. ¹⁵Ana kukwande ashi ana horo kurara name, mbyo natakuma. Uye mbyo ana shuvhu vyendi kukwande, kuduka, nakuyenda pandje.''¹⁶Uye a tuliki vidwata vyendi dogoro ntilyendi aka vyuka kumundi. ¹⁷Mukamaki a tanta omo vina yenda, '''Mupika ghoye wamuhebeli ogho wakayita kukwetu,kwaya aya aya tu dine. ¹⁸apa ana yuvhu kuna kutakuma , mpo ana dukire pandje nakushuva vyuma vyendi kwande.¹⁹Ntilyendi apa a yuvhire lifwatururo olyo amu tanilire mukamali wendi, '' Evi mbyo ana rughana mupika ghoye kukwande, '' A garapa unene. ²⁰Josefa ntilyendi a muupu nakumutura mudorongo, kulivango oko kava karanga vana dorongo vaHompa. Naye nko aka kalire nkoko kudorongo.²¹Ene ngoli Karunga kwa kumwe na Josefa nakunegheda litwedero muklitikitamo kukwendi. A mupa lirago mukumumona kwamukungi dorongo. ²²Mukungi dorongo a tapa vana dorongo navantje mulighoko lyaJosefa. ²³Mukungi vana dorongo kapi a kalire nashinka kwa kehe vino vininke vya kaliro mumaghoko ghendi, mukonda Karunga naye a kalire. Mwa kehe vino ka rughananga, Karunga kamuvedukitanga.

¹Vina kupwa tupu ovyo kuruku rwavyo, mupindi waHompa wa Egipitenamuduvi ava njono kwa ntilyavo. ²Farawo kwangarapilire ogho marenga ghendi maviri, mukurona wavapindi namukorona wavaduvi. ³Ava tura mudorongo mundjugho wamukurona wavakengeli, mudorongo yimwe noyo vatulire Josefa.⁴Mukurona wavakungi ava yita kwa Josefa, uye ava pakere mbili. ava kara momo mughunkwate shu-irugho tupu. ⁵Navantje muuviri wavo ava roto ndjodi-mupindi namuduvi wa Hompa Farawowa Egipite ovo vakaliro mudorongo-kehe uno mukafumu nandjodi yendi mumatiku ghamwe tupu, ntani kehe ndjodi kwakalire nalifwatururo lya yene.⁶Josefa aya kukwavo ngura ngura nakuya vamonako. kuvakenga, vavo kwaguvire. ⁷Apura marenga a Farawo ogho va kalire nagho muunkwate mumundi wa ntilyendi, '' Vinke vyo muna kumonekera muna guvhu namuntji?'' ⁸Ava mulimburura ashi, atwe muuviri wetu kuna roto ndjodi makura kwato a vhuro kuditu fwatulira .'' Josefa a ghamba ashi, '' kwato mufwaturuli a hameno kwa Karunga? Ntanterenu me, na kanderere.''⁹Mukurona wavapindi a tantere Josefa ndjodi yendi. Uye a ghamba kukwendi,'' Mundjodi yande me kuna mono shindjembere kuhemo yande. ¹⁰Mushindjembere kuna karamo dimutayi ntatu. tupu dina shoko, kare kuna kara mashokombwa ano ogho mashokombwa kare ghana pi mpop vene. ¹¹Nkinda ya Farawo muliwoko lyande yina kara. Mpo naghupu mandjembere nigha kamene munkinda ya Farawo, ano mpo na tapa nkinda mumaghoko gha Farawo.''¹²Josefa a mutantere ashi, '' Lifwatururo lyayo ndjolino. Dimutayi ntatu, mayuva matatu. ¹³Munda yamayuva matatu Farawo ngaku vyutira ukurona ghona vyoye, nakukuvyutira mu mberewa yoye. Ngaghu tura nkinda ya Farawo mulighoko lyendi, yira momo wakalire mupindi wendi.¹⁴Ene ngoli ka ngayareko name ntjene vika kuwapera ove, ntani nakanderere negheda likudidimiko kukwande. Ka twenye lidina lyande kwaFarawo nakuya ngupamo muno mudorongo. ¹⁵Ame kwakambadara mushirongo shavaHebeli. Pano nka kwato vyo nadjona kwa ntura tupu mudorongo maghoko ghoko.''¹⁶Apa a monine mukurona wavaduvi ashi mufatururo lina wapa, Aghamba kwa Josefa ashi,'' Name nakara nandjodi ano, kenga, vikumba vitatuvya mboroto kuna kara pamutwe wande. ¹⁷Pawiru yashikumba kuna karamo marudi naghantje va kangera nawa Farawo,ano vidira avi ya li mboroto nadintje edi vakangire mushikumba pamutwe wande.''¹⁸Josefa a limburura ashi, ' Lifatururo ndjolino. Vikumba vitatu mbyo mayuva matatu. ¹⁹Munda yamayuva matatu Farawo ngaghupa mutwe ghoye , makura ngakukulike kushitondo. Vidira ngavi ya lya rutu roye nu.²⁰Pakaya mayuva matatu paruvede oro a gwanitanga Farawo. A rughanene vapika vyendi navantje shipito. Uye a rupwita mukurona wavapindi namukurona wavaduvi, ava tura mukatji kavapika vendi. ²¹Uye a vyutire mukurona wavapindi kushirughana shendi, ano uye a tapa waro nkinda mulighoko lya Farawo. ²²Ngoli uye a kulike mukurona wavaduvi, shika momo avi fwatulire Josefa. ²³Ngoli mukurona wavapindi kapi a vhurukire Josefa, ene ngoli a mu vhurama.

¹Opo atikire kughuhura wa mwaka mbiri Farao a roto ndjodi, amono, anayimana kuntere ya mukuro wa Nile. ²Amono ngombe ntambiri kuna kutuntuka mumukuro waNile, kumoneka nawa ntani daneta, makura adi lyere mumbu. ³Amono, ngombe dimwe ntambiri adi tuntuka kunyima yado, dakudira kumoneka nawa ntani dakutongama. Adi yimana kumwe nadi unyado kuntere ya mukuro.⁴Makura ngombe dakudira kumoneka na kutongama adili ngombe dinya ntambiri dakumoneka nakuneta. Makura Farao a rambuka. ⁵Mpo aralire na kurota shikando sha uviri. Amono, dimutwe ntambiri da rukokotwa ntambiri dayimino ku shirwenge shimwe dakutotomoka ntani diwa. ⁶Amono, dimutwe ntambiri, dadidi da kukukwata edi dapyo kumpepo yaupumeyuva, avi bubuka kumeho yavyo.⁷Dimutwe dakutongama adi minipo dimutwe ntambili dakutotomoka na dimutwe dakuyura. Faragho arambuka, na kukenga , kwakalire ndjodi. ⁸Makura opo ya kalire ngura-ngura mpepo yendi ayi kara mughudito. Atumu na kayita vampure navantjeya nava konentu va Egipte. Faragho ava tantere ndjodi yendi, Ano ngoli kundereko ogho avhulire kuyimutontwena Faragho.⁹Makura mukurona wava kakutapera ndya a ghamba kwa Faragho ashi, "Namuntji nakughayara kuhamena ndjo dande. ¹⁰Faragho agarapa na vapikwendi, ntani nturenu mudorongo yavo vamukungango mungarere, name namukurona wavaka kuyota mboroto. ¹¹Atwe kwarotire ndjodi matiku ghamwe name naye. Twarotire muntu-kumuntu kutwara ku kukitontono lya ndjodi yendi.¹²Okunya naye twakakalire mumatighona wamu Hebeli, mupikwa wamukurona wa vakungi. Atumutantere kehe uno kutwara kundjodi detu. Atumutantere ghuye atutontwene kehe ghuno kutwara kundjodi yendi. ¹³Avikara ngoli yira anatutontwene kutwara movyashorokire. Faragho mpo amuvyutire pashirughana shande, ano ngoli ghunyande akumangerere."¹⁴Makura Faragho atumu nakayita Yosefu, ava murupwitamo wangu-wangu mudorongo. Aku kurura mwene, atjindji vyuma, angene kwa Faragho. ¹⁵Faragho aghamba kwa Yosefu ashi, "Kaniroto ndjodi , ano ngoli kundereko mutontoni wayo." Ame nayuva kuhamena ashi nange a uyuvhu ndjodi kuvhura uiyitontone." ¹⁶Yosefu amulimburura Faragh, nakughamba, "Kapishi mumwande. Karunga ngalimburura Faragho na mpora."¹⁷Faragho aghamba kwa Yosefu, "Mundjodi yande, animono, aniyimana kuntere ya Nile. ¹⁸Animono, ngombe ntambiri nakutnda mu Nile, dakuneta kumoneka nawa na kulyera mukatji ka mbu.¹⁹Animono, ngombe ntambiri adiya kunyima yado, dakukasha, dakudira kumoneka nawa, dakutongama. Kapi navimona rumwe muno muvirongo vya Egipte vya vidona ngoli. ²⁰Makura ngombe dakutongama dadidona adilipo ngombe ntambiri dakuhova dakuneta. ²¹Opo vamonine kudilyapo, nakuviyiva ashi van dili shimpe adikara momo dakalure dadidona. Mpo narambukire.²²Ani kenge mu ndjodi yande, na, kumona, dimutwe nambiri adibubuka kushirwenge shimwe, shakuyura ntani shakumoneka nawa. ²³Animono, dimtwe ntambiri dakukara, dadididi ntani dapya kumpepo ya upumeyuva adibubuka kunyima yado. ²⁴Dimutwe da kutongama adi minipi dimutwe ntambiri dadiwa. Ndjodi dino nadintje naditantilire vampure, ano ngoli kundereko wakudimfatwilire."²⁵Yosefa aghamba kwa Faragho,"Ndjodi da Faragho dakukufana. Nke ana kushana kurughana Karunga mbyo ana kuyita Faragho. ²⁶Ngombe ntambiri dadiwa mwaka ntambiri, ntani dimutwe dadiwa mwaka ntambiri. Ndjodi dimwe tupu.²⁷Ngombe dakutongama nakudira kumoneka nawa odo da dikwamino kuruku yado mwaka ntambiri, ntani nka dimutwe dadididi dakukukwata kumpepo ya upumeyuvha mwaka ntambiri dandjara ngadi kakarako. ²⁸Ovyo mbyo na ghambire kwa Faragho. Ovyo ana shana Karunga kurughana mbyo ana munegheda Faragho. ²⁹Kenga, ngaku kara mwaka ntambiri da muyangu wa unene mushirongo sha Egipte.³⁰Mwaka ntambiri da ndjara ngadi kwamako, na muyangu na untjeya ngava uvhurama mushirongo sha Egipte, makura lirumbu ngali vaveka shirongo. ³¹Lipemba kapinka ngavali vhuruka mushirongo mukonda ya lirumbu olyo ngali kwamoko, mbyovyoshi ngamu vipa unene. ³²Makura omo yayire ndjodi ruviri kwa Faragho mukonashi udito utundilira kwa Karunga, ntani nga kangura kuvirughana.³³Faragho a shan a mukafumu wa ndunge na ukonentu amuturure mushirongo sha Egipte. ³⁴Faragho aturemo vaforomani mudimukunda, nakuvarenka va ghupe mbuto ntano da muyangu wamu Egipte wa mwaka ntambiri da ndjara.³⁵Ngava pongayike muyangu wa mwaka dino daiwa dinakuya nakupongayika mbuto mumpangero ya Faragh, ndya ngava kadirughanite muma nkurumbara. Makura vapungure. ³⁶Odo mbuto ngadi pungukire mwaka nambiri dalirumbu olyo ngali kara mu Egipte. Shirongo kapishi ngashi veve mukonda ya ndjara."³⁷Nkango dinya kwa dipandre Faragho navapikwa vendi. ³⁸Fargho aghamba kuva pikwendi, "Ngatu muwana muntu wa ngoli, ogho nkaro na mpepo yaKarunga?"³⁹Faragho aghmaba kwa Yosefu, "Omo anavi kunegheda navintjey Karunga, ngoli kundereko nka wapeke wakukotoka wandunge. ⁴⁰Ove ngoli ngaukara mumbara, ntani kutwara minkangp doye ngaukara mukurona wa vantu navantjeya. Pashipuna sha uHopmpa mpo tupu ngni pitakanena pa poye. ⁴¹Faragho aghmaba kwa Yosefu ashi, "Kenga nakutura upangere Egipte nayintje."⁴²Faragho makura a shutura kalinga kendi kashiyivito sha uHompa na kukadwateka Yosefu kulighoko. Amu dwateke vyuma vyaviwa vya kuvembera, na kauketanga ka ngorondo muntingo yendi. ⁴³Makura amuyendita mulitemba lyendi lya uviri. Vakareli vendi makura ava yiyiri kumeho yendi ashi, "Twenu ngoro." Farasgho ana mutura ngoli akare mupangeli wa Egipte nayintje.⁴⁴Faragho aghamba kwa Yosefu, "Ame Faragho, ntani kuhupakove, pa umweshi nga vhuro kugumaura mpadi yendi ndi lighoko lyendi mu Egipte nayintje. ⁴⁵Faragho ayita lidina lya Yosefu "Zafenet-Paneya." Makura amupa Asenati, mona Potifera mupristeri wa Ono, akare mukamali wendi. Yosefu ayendi mushirongo sha Egipte.⁴⁶Yosefu kwa kalire na mwaka dimurongo ntatu opo a yendire mushirughana aha Faragho, Hompa wa Egipte. Yosefu atundu ku ghuto wa Faragho, na k yendauramo mushirongao nashintjeya sha Egipte. ⁴⁷Mu mwaka do ntambiri mushirongo kwa yangulire muyanggu wa uyingi.⁴⁸Uye apongoyiki muyangu naghuntje wa mwaka ntambiri ogho vayangwire mushirongo sha Egipte na katura ndya mumadoropa. Mukehe doropa kwa pongayikiremo mbuto damumafuva ogho ayi kundurukido. ⁴⁹Yosefu kwa pungulire mbuto yira musheke wa mulifuta yiyingi mpo ashayikire kuvara, mukondashi ya pitakainine pamuvaru.⁵⁰Yosefu kwakalire navana vavakafumu vaviri kumeho ya maka da ndjara, Asenata, monakadi wa Potifera mupristeli wa Ono, amuyitirire, ⁵¹Yosefu aruku lidina mbeli yendi Manase, aghamba, "Karunga ana mvhuramita ruhepo rwande naruntje na mundi wavavva nauntje." ⁵²Aruku monendi wa uviri Efrayim, mbyo vyoshi ghuye aghamba, Karunga anampa ruvharo mushirongo sha udito wande."⁵³Mwaka ntambiri da muyangu mu Egipte adi piti. ⁵⁴Makura mwaka da lirumbu adi vareke, momo tupu avighamba Yosefu. Lirumbu kwa kalire muvirongo navintje, ano ngoli muvirongo vya Egipte navimtje ndya dakaliromo.⁵⁵Opo shirongo nashintje sha Egipte sha kalire na ndjara, vantu navantje avayiyiri unene kwa Faragho kuhamena kundya. Faragho a ghamba kuvantu vamu Egipte ashi, "Yendenu kwa Yosefu na karughana evi aka ghamba." ⁵⁶Makura ndjara mpo ya gwanikire mushirongo nashintjeya. Yosefu makura apaturura tushete natuntje kumwe nakughulita kuvantu vamu Egipte. Lirumbu lya udito lya kaliro mushirongo sha Egipte. ⁵⁷Udjuni naghuntje kwayire kwa Yosefu mu Egipte vaya ghure ndya, mukonda shi lirumbu lya lidito lya kaliro muvirongo.

¹Weno Josefu anaya dimburura ashi nani ndya mo muEgipute. A ghamba kuvana vendi vavakafumu ashi, ''Vinke muna kuku kenga kenga?'' ²A ghamba ashi, ''Kengenu kuno, ame nayuvu ashi ndya mo muEgipute. Yendenu mughurumuke kunya mukatughilireko ndya kunya mposhi tuya pare ano kapishi tu fe.'' ³Vakuru vaJosefa murongo ava yendi vaurumuke vakaghure ndya muEgipute. ⁴Ano ngoli Jakopo kapia tumine Benjameni, muunya Josefa, na vakuru vendi, a ghamba ashi, ''Natjira shiponga kuvura shiye kwendi.''⁵Vana vaIsraeli ava yendi vakaghure novo vayendiroko, mukondashi rukukutu rwakaliro mo mu Kanana. ⁶Ghuye Josefa mupangeli washirongo. Ghuye ndje wakughulita kuvantu nantje vamushirongo. Vakuru vaJosefa avaya vaya kukwambere kukwendi nakunyongeka vipara vyavo mulivhu.⁷Josefa a mono vakuru vendi nakuvadimburura, makura ghuye a kughupuko kukwavo nakughamba nkango dadidona navo. A ghamba kukwavo, ''Kuni muna kutundilira?'' ava limburura ashi, ''Kushirongo shaKanana tuya ure ndya.'' ⁸Josefa a dimbulire vakuru vendi, mara vavo kapi vamudimbulire ghuye.⁹Makura Josefa a vuruka ndjodi dendi odo karotire da kuhamena kukwavo, anwe vandadi! Kunaya muya kenge kuruha rwa shirongo oko kwa diro mpangera yashirongo.'' ¹⁰Ava mulimburura, ''Hawe, Hompa wetu. Vantu voye kuna ya vaya ghure ndya. ¹¹Atwe natuvantje vana vamukafumu umwe. Atwe vakafumu vaushiri. Vantu voye twe kapishi vandadi.''¹²A ghamba kukwavo, ''Hawe, kunaya muya kenge ruha vyashirongo oko kwadirango mpangera yashirongo.'' ¹³Ava mulimburura, ''Atwe vapika voye tuva murongo navaviri twakaro vana vamukafumu umwe mushirongo shaKanana. Kenga, wamwanuke ana kara na vavava namutji ntani muunyetu umwe a dohoroka.''¹⁴Josefa a ghamba kukwavo, ''Ameshi mbyo namutantere, muvandadi nwe.'' ¹⁵Apa ngoli mpo vamu kona konanera. Muliparu lyaPharao, kapi ngamu tunda mo muno, nkwandi muunyenu wamwanuke ngaye kuno. ¹⁶Tumenuko unyenu umwe mukatji kenu ogho ayendo aka shimbe muunyenu. Kumungena mudorongo mposhi nkango denu vadi kona kone, ntjeneshi ushili mo mumwenu. vyashiri muliparu lya Pharao, vyashiri anwe vandadi.'' ¹⁷Ava ngeneke navantje mudorongo mayuva matatu.¹⁸josefa a ghamba navo muliyuva lyautatu, ''Ruwanenu vino makura mupare, mukondashi me natjira Karunga. ¹⁹Ntjeneshi muvakafumu vaushiri, renkenu mo umwe wenu akare mo mudorongo omo vana kumu kungira, anwe vakuhupako muyende, mutware ndya ndjara mumapata ghenu. ²⁰Mukayite muunyenu wamwanuke kwande ntani ngatuya dikengurura denu ashi vyashiri ndi ntani ngamu dira kufa.''Navo mo vavirughanine ngoli.²¹Ava kutantere naumwavo ashi, ''Atwe vyaushiri tuna vipura kuna kutuhepeka mbyevi twarughanine muunyetu morwa twa monine opo akombanitire mwenyo wendi opo arombire livatero kukwetu atwe kapi twamuvatilire. Mbyo ngoli ghuna kuyera uno udito kukwetu natuvantje.'' ²²Reubeni mpo ava limburulire ashi, ''Nani kapi navimutantilire nwe , 'Kapishi muture ndjo kogho mumati,' Anwe kapi mwayuvire? Weno kengenu ngoli honde yendi kuna kuyi tutondora natuvantje.''²³Vavo kapi vaviyivire ashi Josefa kuna kuva yuva, mbyevi pakalire mutoroki pakatji kavo. ²⁴A piruka atungwireko mughongo a lili. Makura ava pirukiri nka a ghamba navo. A ghupu Simeoni mukatji kavo makura amu mangere kumeho yavo. ²⁵Makura Josefa a rawiri vashitata shendi vayude ntjako davakuru vendi ndya, nakuvyutira-vyutira mo maliva ghavo muntjako davo, nakuvapa nkuta da muruyendo. Mo vavi varughaninine.²⁶Vakuru vendi mpo varondikire ndya davo pa vidongi vyavo makura ava tundu palivango olyo vakayende. ²⁷Ano ghumwe papavo amangununa muntjako yendi aghupu ndya ape shidongi shendi palivango lya kupwiyukira, amono maliva ghendi,. Muntjako yendi oyo a mangunine. ²⁸A tantere vakuru vendi, ''Maliva ghande vana kagha vyuta. Kengenu, vyavyo ne vino muntjako yande.'' Makura dimutjima davo a didompo ava piruka vana guvu vakukenge kenge naumwavo, ava ghamba ashi, ''Vinke nani evi ana rughana Karunga kukwetu?''²⁹Ava yendi kwaJakopo, shavo wa mushirongo shaKanana makura ava mutimwitira navintje ovyo vyakashorokiro. Ava ghamba, ³⁰''Mukafumu, Hompa washirongo a ghamba naugara kukwetu nakutughayarera ashi twe vandadi va mushirongo. ³¹Atumutantere, 'Atwe vakafumu vaghushiri. Kapishi tuvandadi. ³²Tuvamurongo navaviri twakaro, vana vamukafumu ghumwe tupu. Ghuno umwe apirapo, ntani wamwanukepo tuna mushuvu navavava ana kara mushirongo shinya shaKanana.'³³Makura mukafumu, Hompa washirongo, atutantere ashi, ''Pavino mpo nganiviyivira ashi anwe vakafumu vaushiri. Shuvenupo umwe muukuru wenu a kare name, ghupenu ndya mutware kumapata ghenu ndjara, yendenu. ³⁴Kayitenu muunyenu wamwanuke kwande. Nganiya yiveshi nwe kapishi vandadi, ntjene ashi nwe muvakafumu vaushili. Ntani nganiya mangurura ghunyenu kukwenu, ntani ngamuya rughana una ngeshefa mushirongo shino.''³⁵Kwayire yira muntjako davo mwato vintu, nani kehe muno muntjako davo kwakaliremo maliva mwakehe uno. Opo vamonine navo nashavo maliva muntjako davo vyava yitilire utjirwe. ³⁶Jakopo shavo mpo ngoli ava tantelire ashi, ''Muna shana nikombanite vana vande navantje. Josefa apirapo, Simeoni a yenda, makura muna horo nka mughupe Benjameni mutware. Navintje vino vininke kwande tupu vina tamba.''³⁷Reubeni a tantere vashe, nakughamba ashi, ''Ngamudipaghe vano vana vande vaviri vava mati ntjeneshi kapi ngani kamuvyuta Benjameni kukwenu. Muturenu mumaghoko ghande, ngani kamuvyute kukwenu shimpe.'' ³⁸Jakopo a ghamba ashi, ''Monande wamukafumu kapi nga yenda nanwe. Mbyevi mukurenu wamukafumu apirapo ntani pantjendi ana hupopo. Ntjene ngalimuyera lihudi mundjira omo ngamuyenda, makura ndi ngamundjitira mvhii naruguvo mulivango lino lyamundi.''

¹Lirumbu lya ditopire mushirongo. ²Kwa yirepo mpopo vamanine kulya ndya odo vaghulire muEgipte, shavo aghamba kukwavo, "Kayendenu shimpe; mukatuulire ko ndya dimwe."³Juda avatantere, "Anatokwere kututantera; kapi ngamumona shipara shande kwandi ngamukare namunyenu. ⁴Nkene ngamutuma mughunyetu natwe, ngatuurumunga tukamughulire ndya. ⁵Ano ngoli, kapi ngatukaghurumuka. Murume aghamba kwetu." Kundereko kumona shipara shande nkwandi mughunyenu ngamukare naye."'⁶Isragheli aghamba ashi, "Konda munke untekulira muvamudona mukuntanterame ashi ghuno murume akara namughunyendi wamukafumu."' ⁷Avaghamba ashi, "Murume atupura tumu pe mbudi yakuyulilira mulikoro lyetu. Aghamba, "shenu, shimpe aparuka? Mwakaranka namunyenu wamukafumu? Atumulimburura kutwara mumapuro apulire. Weni omo kasha tuviyive mbyo ngakaghamba, ashi yitenu mughunyenu aghurumuke?'''⁸Yuda aghamba kwavashe Isragheli, "Ntumenu namumatighona, Atwe kutushapuka tuyende, kutuparuka kapi tufa natuvantje, nanwe, na vanuke. ⁹Ngani muvyutirapo. Ngani akamufera mbiri. nkene kapi nganikmuvyuta kukwenu, nkene kapi nganiya mutura kumehoo yenu nanikara nimundjoni muukaro wande naghuntje. ¹⁰Ashi ndi kapi tunakuranga, weyo ndi tuna vyukiriko kare shiyendo shauviri."¹¹Savo Isragheli aghamba kwavo ashi, "Nkene ashi ngol, ruwane vino. Ghupenumo vyuma vyaviwa mushirongo muture mundjato. Mushimbire ogho murume, ushwi--ntani ushwi wa balam ntani ushiwampuka, vikwalidumba, mungongwera wa kunuka nawa, ndongo na mund. ¹²Ghupenu malivha ghakutika povyo munawana mumaghoko ghenu. Makivha ogho pamweya kwaghatuliremo vya kudira kuyivira.¹³Mupiture namughunyenu. Muyende kwaunya mukafumu. ¹⁴Karunga munankondo nadintje amuferenkenda kumeho ya ghunya, mposhi vakava tume mukayenavo, munyoye na Benyameni, nkene vanantjakana vanavande vanantjakana vene." ¹⁵Murume ghunya mpo atambulire ushwi, na maliva rukando ruviri vya kuhura pa muhogho kumwe na BEnyameni. Makura ava shapuka vayende muEgipte ntani mpo vakatire ksuhipara sha Yosefu.¹⁶Yosefu pa avamonine kumwe vanakara na Benyameni, mpo arawilire lirenga mundjugho vendi, "Yita vano varume mundjugho, dipagha ko shikorama kumwe na kushiwapayika, mposhi tuwane po muyusha navano vakafumu." ¹⁷Lirenga lyendi alirughana yira momu amutantelire Yosefu. Ayita varume kundjugho ya Yosefu.¹⁸Vakafumi vanya pakuyuvaha nkango odo ashi ndi vayende mundjugho ya Yosefa mpo shavawanine shitukutjima. Avaghamba ashi, "Mukonda ya maliva vaya tuvyutilire mu ndjugho yayinene po twaya ulire pakutanga, oruno ndo ruvede anawana rwakwetu. Atugharere ngatukare vipika vyendi, kumwe nakughupa vidongi vyetu." ¹⁹Mpo vashanine lirenga mya ndjugho ua Yosefa, avaghmbanalyo kuno vavo paliero lya ndjugho, ²⁰Avaghamba, "Muhona twa yire rukando rumwe kuhova tuya ure ndya.²¹Opo twatikire pa kamba yamapwiyumukiro, po twa fikulire ndjato, hawe, nkehe uno awana malivha ghendi mundjato, mpopo vya hukire mo vavituliremo, nanakara vyuka navyo mumaghoko ghetu vinakara. ²²Vimalivha vimweya tunakara navyo mumaghoko mbyo tunapitura ko ndya. Kundereko ogho tunayiva anturom malivha ghano mundjato detu." ²³Lirenga alighamba ashi, "Mpora yikare nanwe, kundereko ovyo mutjira. Karunga wenu na Karunga washenu ndje anaturo maliva mundjato denu. Nawanemaliva ghenu." Lirenga mpo lya rupwitire Simiyoni kwavo.²⁴Lirenga mpo lya twalire vakafumu vanya mundjugho ya Yosefu. Nko kukavapa mema, vakukushe kumaghuru. Atapa nka waro vidongi ndya davyo. ²⁵Mpova wapayikire ushwi wa Yosefa ogho ayire pa metaha, vayivire kare ashi navonka kuva wana muyusha momo.²⁶Po ayire Yosefa kumundi, avayita ghushwi ogho wakalire mumaghoko ghavo mundjugho, avanyongona palivhu kumeho yendi. ²⁷Mpo avapulire omo vakalire, "Shenu muwawa tupu, unya mukurupe wamukafumu mwayaghambire? shimpe muyumindi?"²⁸Avavyuta ashi, "Mukarelighoye shetu muwawa. Shimpe muyumi." Vavu ava tu ngoro kumwe nakutapa mfumwa kukwendi. ²⁹Opo akankwire mantjo ghendi amono Benyameni mughunyendi, vawina vamonendi, aghamba ashi, "Ndjeghuno ndje munyoye wamwanuke wa ghambire kwande?" Atdwikiri kughamba, "Karunga akufere nkenda, monarume wande."³⁰Ysefu atundumo wangu-wangu mundjugho. mbyovyo apire kaumutjima konda mughunyendi. Kwa shanine kwa kulilira. Mpo ayendire murugha rwa ndjugho yimwe akalilira momo. ³¹Aka kukusha kushipara shendi mpo akarupukire. Akwata mutjima pamwene, nko kughmba, "Tapenu ndya."³²Vashita avatapere Yosefu pandjendi ntani vaghinivendi navo pentjavo. Vantu vamu Egipte valyeliliro panya kwavatapilire keheghuno pantjendi. Makura vaEgipte kapi valyanga mboroto kumwe navaHebeli, konda shidira mumpo yava Egipte. ³³Vaghuni vendi ava shungiri kumeho yendi, mbeli kutwara paumbeli wendi, wamwanuke naye kutwara pawanuke wendi, avakukenga kenga, shitetu ashivawana. ³⁴Yosefa a tapere ndya kwavo dakalire kumeho yendi. Ano ngoli ndya da Benyameni kwakalire rukando rutano kupitakana ndya da vaghuni vendi. Avanu nalimanguruko ntani vavo vahafire omo vakalire naye.

¹Josefa nko kurawira lirenga lyamumundi wendi, nakughamba ashi, ''Tura ndya muntjako davakafumu, kutwara momo muntjako vana shimbi, nakuturamo vimaliva vyakehe uno muntjako damuyashamena. ²Tura nkinda yande, nkinda yande yashi siliveri, muntjako yamu yashameno yaghunya wamwanukepo, navimaliva vyendi mumahangu ghendi.'' Lirenga nko kukavirughana yira moomu amu rawilire Josefa.³murughundja, ano vakafumu nko kuva tuma vayende, navo navidongi vyavo. ⁴Tupu varupukire shitata mara kapishi ure unene, Josefa nko kutantera lirenga lyendi, ''Shapuka, uva kwame vakafumu vanya, ano opo ghukavawana, kaghambeshi, ''Nke muna pirwili uwa kuudona? ⁵Oyo nani kapishi ndjo nkinda anwitanga Hompa, na nkinda a rughanitanga mukupumbwa?mu ruwana udona, kovino vininke muna ruwana.''⁶Lirenga nko kuvaghupa nakughamba nkango dinya kukwavo. ⁷Vavo nko kumutanterashi, ''Morwa nke Hompa ana kughambera nkango do? vyakukara weno vapika voye mbo vakuvura kuvirughana vino vininke.⁸Kenga, maliva twa wanine muntjako detu da muyashamena, twakaghavyutire ghatunde kushirongo shaKanana. Ndi siliveri nangorodo da Hompa ndo tuvaka ndi? ⁹Kehe uno mupika ghoye uvi wanena, mudipaghe,ntani nka twe ngatukara vapika kwaHompa.'' ¹⁰Lirenga nko kughamba, ''Weno vishoroke yira momo una vighamba. Kehe uno niwanena nkinda ngakara mupika wande, ano vaunyendi kapi viva kundama.''¹¹Makura kehe mukafumu a kwangulita, nakudumpwita ntjako yendi palivhu, kehe mukafumu a shutura kuntjako yendi. ¹²Lirenga nko kutameka kukenga mumantjako. Kwatamekelire mwamukurona nakuya matira mwa mwanuke ano nkinda nko kuyayiwana mwaBenjamini. ¹³Makura nko kutavaura vikoverero vyavo. Kehe mukafumu nko kurongera shidongi shendi vavyuke kunkurumbara.¹⁴Juda navaghuni vendi nko kuya kundjugho yaJosefa.Ghuye shimpe mpwali nkoko, ano nko kuya nyongamena mulivhu kumeho yendi. ¹⁵Josefa nko kuvatanterashi, ''Vinke vino muna rughana? kapi mwaviyiva ashi mukafumu yira me kwato vyakumpuka ovyo vyahoramo?''¹⁶Juda nko kughamba, ''Nke tughamba kwaHompa? ndi weni omo tuku popera naumwetu? Karunga ana wana undjoni muvapika voye. Kengenu, atwe vapika vaHompa, natuvantje nogho vana wanene nkinda mulighoko.'' ¹⁷Josefa a ghamba ashi, ''Ghure name vyo nakuvirughanashi vyo me. Mukafumu ogho vana wanene nkinda mulighoko, ogho muntu ndje a karo mupika wande, ano ngoli anwe vakuhupako, yendenu mukanduke pampora kwashenu.''¹⁸Makura Juda nko kuya pepi naye nakughamba ashi, ''Hompa wande, nakanderere pulidira mupika ghoye a ghambe nganko mulitwi lyaHompa, ano washa pulitira ugara ghutwe kwamupika waye, ove muntu wamuhunga yira Pharao. ¹⁹Hompa wande apura vapika vendi ashi, ''Mwakara nashenu ndipo muunyenu wamukafumu?''²⁰Atu mulimburura Hompa, ''Twakara nashetu, wakukurupa, ntani namuunyetu wamwanuke ogho vawana muukurupe wavo. Ano ngoli muunyendi adohoroka, ngoli pantjendi ana hupopo palira lya vawina, ano vashe vamuhora. ²¹Makura a ghumba kuvapika voye ashi, ''Kamuyitenu kunu kwande niya mumone.'' ²²Kutunda opo, atu ghamba kwaHompa atwe, ''Mumati kapi aka pura kushuva vashe. Mukondashi nange ngashuva vashe, vashe ngava dohoroka.''²³Makura a mughamba kuvapika venu ashi, ''Nkwandi muunyetu wamukafumu ngatu kaghurumuka, ngatudire kumona shipara shanu nka.'' ²⁴Apa rwa tikiremo ruvede nka rwakukanduka kwamupika ghoye shetu, mpo twa kamutantilire nkango yakutunda kwaHompa. ²⁵Shetu nko kughambashi, ''Yendenu muvyukireko, mukangulire ndya.'' ²⁶Atwe nko kughamba, ''Kapi tuyenda tughurumuke. Ntjeneshi muunyetu wamukafumu una kara, ano ndi kutu yenda tughurumuke, atwe ndi kapi vikaturenkita tuka mone shipara shounya mukafumu.²⁷Mupika ghoye shutu atutantelire ashi, ''Mwayivashi mukamali wande kwandjitira vana vaviri tupu. ²⁸Umwe atundako kwande ano ani aghamba, ''Vyaushiri andembauka muma ruha, nakumumo kapi namu mona nka.'' ²⁹Weno ntjene mughupa nka noghuno kukwade, ano shiponga shimuwane, ngamu horeka me naukurupe wande wamvhii muruguvo rwaruhepo.''³⁰Weno, mbyovyoshi, opo nikatika kwamupika ghoye shetu, ano kamati kamuwato pato petu, lyalyo liparu lya shetu kwahuguvalita muliparu lya mumati, ³¹mukuvyuka ngoli, pakukakenga mumati kapi ana vyuka natwe, ngaka fa. Mupika ghoye ndi ngatukamuhoreka naukurupe wendi wahuki damvhii mupika ghoye shetu naruguvo rwa ruhepo. ³²Mupika ghoye ndje ana pingiromo mulivango lya shetu kuhamena mumati nakughamba ashi, ''Ntjeneshi kapi ngani kamuyita kukoye, ano ame ngani shimbe ndjo kuvavava dogoro naruntje,''³³Ngoli pano, nakanderere pulidira mupika ghoye akare muku pinganena mwamumati mukukara mupika kwaHompa, ano mushuve mumati akanduke navakuru vendi. ³⁴Weni mo nikanduka niyende kwavavava nangeshi mumati kapi ana kara name? nakutjira mukukakenga udona ogho ngaukayo pavavava.

¹Makura Yosefu kapi avhulire kudidimka kumeho ya vakareli vayimanino naye. Adameke kughamba ashi, "Kehe uno a ntjuve." Opo kundereko mukareli ayimanino na Yosefu apa ayivikire kuvakuru vendi. ²Adameke kulira, vaEgipte vaviyuvire, ntani nandjugho ya Faragho vaviyuvire. ³Yosefu aghamba kuvakuru vendi ashi, "Ame Yosefu. Vavava shimpe monyo wavo ndi? Vakuru vendi kapi vamulimbulire, konda vatukukire pakumumona.⁴Makura Yosefu atantere vakuru vendi ashi, "Yiyenu pepi name, nakanderere. "Avaya pepi. Aghamba ashi, "Ame Yosefu, muunyenu, oghunya mwa ulitire muEgipte. ⁵Mwasha guva ndi mugarape anwe umwenu mwangulitire kuno, Konda Karunga antumino kumeho yenu mukuya yoghora monyo. ⁶Mumwaka dino mbiri lirumbu lya kaliro mushirongo, ntani mwaka ntano odo ngadikaro ashi kundereko kulim andi kuyangura.⁷Karunga antuma kumeho yenu niyamutungire matwenyidiro ghenu palivhu, ntani mukumukungira maparu ghenu mulighoko lyalinene. ⁸Weno kapishi anwe mwantumine ano ngoli Karunga, anturo nikare sha waFaragho, muhona wa ndjugho yendi nayintje ntani muoangrli wa shirongo nashintje sha Egipte.⁹Kwangurenu nakuyenda kwa vavava mukavatantere ashi, "Ovino mbyo aghambanga monenu Yosefu. "Karunga antura muhona wava Egipte navantje. Mwasha kakuranga kuya kukwande. ¹⁰Ngaghu katunga mushorongo sha Goshen, ntani ngaukakara pepi name, nove navana voye, navana va vanavoye na untanga wa ngombe navintje wakara navyo. ¹¹Ngani vi kutwarera mkoko, shimpe kuna kara mwaka ntano da lirumbu, mposhi ngo kadire kukaya nauhutu, nove lipata lyoye, nanavintje wakara navyo."¹²Kenga, mantjo ghoye kumona namantjo ghamughunyande Bendjameni, aka nko kanwa kande kana kughambo kukoye. ¹³Mukatantere vavava lifumano lyande muEgipte nanavantje munaya muno. Kwangurenuko mukayite vavava kuno."¹⁴A mamatere muunyendi Bendjameni mumantjo nakulira, Bendjameni nakilira nmuntingo yendi. ¹⁵A ncumita vakuru vendi navantje nakuvalirapo. Kuruku rwavyo vakuru vendi avaghamba naye.¹⁶Mbudi yavishorokwa vaka vi tantilire vamumundi wa Faragho: "Vakura va Yosefa vana ya. "Vya hafitire unene Faragho navakareli vendi. ¹⁷Faragho aghamba kwa Yosefu, 'Tantere vakuru voye, 'va rughane vino: Perekenu vimuna vyenu nakuyenda kushirongo sha Kanani. ¹⁸Kawanenu shenu navakamapata ghenu nakuya kukwande. Ngani ya mupa uwa washirongo shaEgipte, nakuya lya maghadi ghashirongo.'¹⁹Wewno namurawiri, 'Rughanenu vino, ghupirenu vana nava kamali venu tukarukara mushirongo shaEgipte. Ka shimbenu shenu makura mukaye. ²⁰Mwasha kara nashinka kuviweka vyenu, kondashi uwa washirongo shaEgipte nashintje wenu."'²¹Vana vavaIsraeli vavirughanino ngoweyo. Yosefu ava pa turukara, kutwara kulirawiro lyaFaragho, nakuvapa nkuta ya mundjira. ²²Navantje avavapa vyuma vatjindje, ano ngoli Bendjameni kwamupire mafere matatu gha siliverli ntani marudi matano ghavyuma vyakutjindja. ²³Kuvashe a tumu vino: Vidongi murongo vyavikadi va rondikire mbuto, mboroto navimweya nka ngoli vyavashe vyamuruyendo.²⁴A tumu vakuru vendi nakuyenda. Aghamba kukwavo, mwasha tanguna muruyendo." ²⁵Ava yendi varupuke muEgipte, nakuya mushirongo sha Kanani, kwa shavo Yakopo. ²⁶Ava mu tantere ashi, "Yosefu shimpe muyuni, nani uye nka mupangeli washirongo nashintje shaEgipte. "Mutjima wendi aghutukuka, kapi avi pilire evi vamu tantilire.²⁷Ava mutantere nkango nadintje edi a ghambire Yosefu kukwavo. Apa a manine Yakopo karukara a tuminine Yosefa kaya mushimbe, mpepo yashavo Yakopo ayi kutura. ²⁸Isragheli a ghamba, "Makura. Monande Yosefa shimpe muyumi. Kuniyenda nikamunkenge kumeho ngani fa."

¹Isreal a tumbu ruyendo rwendi navininke navintje a kalire navyo na kuyenda ku Beersheba. Makura a kudjambere kwa karunga wavashe Isaki. ²Karunga a ghamba kwa Isreal mundjodi matiku, na kughamba,'' Jakopo,Jakopo.'' ³Ame uno.'' A ghamba ashi ,'' Ame uno Karunga, Karunga washo. Washa tjira kuurumuka ku Egipite, ngani kurughanena muhoko waunene. ⁴Ngani urumuka kumwe nove ku Egipite, ntani nahuguvara ashivyaka kuvyuta nka ntani Josefa nga fika mantjo ghoye namaghoko ghana umwendi.''⁵Jakopo a rambuka mu Beersheba. Vana vavamativa Isreal ava shimbi Jakopo shavo, vana vano, vakamali vavo, mutukarukara oto a tumine pharaoh tuya mushimbe. ⁶Ava upu vimuna vyavo ntani viweka vyavo ovyo vawanine mushirongo sha kanani. ⁷Mpo va yire Egipite , Jakopo ntani nalipata lyendi nalintje. A yire navana vendi vavakafumu ntani navana vendi navana vendi vavamati, Vana vendi vavakadona, na vana vavo, ntani narudi rwendi.⁸Oghano ngo madina gha vana Isreal vavakafumu va yendiro kuEgipite. Jakopo navana vendi,Rubeni, mona Jakopo wambeli; ⁹Vana va Rubeni vavamati, Hanoku, Parru, Hesironi na Karama; ¹⁰Vana vavamati vaSimiyoni, Jemuel, Jamini, Ohadi, Jakini, Zahara na Shaura, vana vavamati vamukamali wamu Kanani; ¹¹Ntani navana vavamati va Levi, Gerisoni, Kohath, ntani Merari.¹²Vana vavamati va Juda kwakalire Er, Onani, Shelah, Peresi ntani Zerah, [Mara Er na Onani va dohorokilire momunya mushirongo sha kanani]. Vana vavamati vaPeresi kwakalire Hesironi naHamul. ¹³Vana vavamati va Issachah kwa kalire vaTola, Pauh, Lobi na shimironi; ¹⁴Vana vavamati va Zebulum, kwakalire va Seredi, Eloni, , na Jahleel. ¹⁵Ava mbo vana Liya vavamati ovo ayitilire pa Jakopo mu Paddani Aramu, kumwe namonendi Dinah. vana vendi vavamati nava vavkadona kwatikire ku dimurongo ntatu nantatu.¹⁶Vana vavamati va Gadi mbo Zephon, Haggi, Ezboni, Eri, Arodi, ntani Areli. ¹⁷Vana vavamati Asher kwakalire Immah, Ishivah, Ishivi, ntani Beriah; ntani Serah nge a kaliro munyavo wamukadona. Vana va Beriah vavamati kwalire Hebeli ntani Malkiel ¹⁸Ava mbo vakaliro vana va Zilpah, ovo apire Rabani kwa monendi wamukadona Liya. Vana vavamati ava a yi tilire Jakopo kwakatikire kudimurongo ntambiri navantje.¹⁹Vana vavamati pamukamali wendi Rachel kwakalire Josefa na Benjameni. ²⁰Mu Egipite Manasseh na Ephraim kwava shampurukilire pa Josefa namukamali wendi Assenath, mona wamukadona wa mupiriteli Potifera. ²¹Vana va Benjameni kwakalire va Bera, Naamani, Ehi,Rosh, Muppini, Huppimu, na Arada. ²²Ava mbo vana vavamati va Rachel ava a yitilire Jakopo- dimurongo ne navantjeya.²³Mona Dani kwakalire Hushimu. ²⁴Vana va Nafutali kwakalire Jahzeil, Guni, Jezer, ntani shillemu. ²⁵Avano mbo vana va Jakopo vavamati ovo a shampukire Bilhah, Ovo a tapire Rabani kwamonendi wamukadona Rachel-navantje ntambiri.²⁶Navantje ovo va yendiro ku Egipite na Jakopo , ovo vakaliroshi vamuhoko vendi , kughupako vakamali vavana vendi vavakafumu, kwakalire navantje dimurongo ntambiri nantambiri. ²⁷Navana vavamati vaviri va Josefa ovo vakashampurukire kwendi muEgipite, vamulikoro ovo vayendiro ku Egipitekwakalire dimurongo ntambiri navantje.²⁸Jakopo a tumu Judah kumeho yendi kwa Josefa amu neghede ndjira kumeho kwa Goshen, ntani avaya mushirongo sha Goshen. ²⁹Josefa makura a wapeke litemba lyendi kumwe nakuyenda vakakugwanekere navasheIsreal mu Gosheni. Makura ava mumono, ava kudingire maghoko ,a lili ngudumuntingo yendi shirugho shashire . ³⁰Isreal a ghamba kwa Josefa ,''Weno ame weno tantani ni dohoroke, shirugho ame namono shipara shoye ,shimpe ni muyuni.''³¹Josefa a ghamba kuva kuru vendi na vashe, ''Ngani yenda nakukatantera pharaoh, nakughamba ashi, '' Vakuru vande navana vamumundi, twakakalire mushirongo sha kanani, vakaya kukwande. ³²vakafumu vakungi vimuna ,mpo ngoli va kalire kukunga vimuna . Ava yita vivunda vyavo ,utanga wa ngombe, navinke navintje 0vyo vakalire navyo.'³³Ngavi kaya shi, opo ngakukugha pharaoh nakukupura, 'Vinke vininke vyoye?' ³⁴Ovyo ngoka ghamba , ' Vapika voye kwa kalire vakungi vimuna kutunda wanuke wetu dogoro weno, natuvantje navandimi vetu, Rughanenu vino mposhi ngo tunge mushirongo sha Gosheni.kwa kehe mukungi vimuna ngashi kara shidira kuva Egipite.''

¹Ano Josefa angenemo na kutantera farao'' vavava na vakuru vande, vivunda vyavo,ngombe dawo nanavitjeya ,ovyo va weka ,kavayatiki kutunda kushirongo sha Kanani.mona, vawo mpovali mulivhu lya Goshini,'' ²Uye atwara vatano vamu vakuru vendi kwa farawo.³Farawo a ghamba kuvakuru vendi,'' Vinke virughana vyenu?'' Vavo avaghamba kwa Farao,'' Vangamba voye vashita,yira vanya kulyetu.'' ⁴Makura ava tanere Farao,'' Atwe kunaya muno mushirongo mukuyakara karugho tupu kakukwateramo.Kunya kwato maulitiro ghavimuna vyava rughani voye,kondashi lirumbu linakontora mushirongo sha Kanana.Makura weno renka varughani voye vatunge mu livu lya Goshini.''⁵Makura atantere Josefa,nakughamba,''Vasho nava kuru voye kunaya kukoye. ⁶Shirongo sha Egipte kumeho yoye shina kara.Renka vasho nava kuru voye vatunge muruhashirongo rwa ruwapo,shirongo sha Goshini.Nangeshi mpovali varume vakaroko mukashi kavo,vature vakare vakungi va viweka vyande.''⁷Makura Josefa a yitamo Jakopo vashe amu shorora kwa Farao.Jakopo a tungiki Farao . ⁸Farao aghamba kwa Jakopo,''shirugho shakuhura kuni waparuka?'' ⁹Jakopo a tantere Farao ,mwaka da ngenda dande 130.Mwaka daliparu lyande weno disheshu ntani da kukora.Ghagho kapishi mare yira ngogha vakalire na monyo vanya kulyande.'' ¹⁰Makura Jakopo ashwere Farao nakutunda kushipara shendi akayende.¹¹Josefa makura atapa uturo ku vashe nava kuruvendi.Uye kwa vapire uturo kwatelimo mushirongo sha Egipte,shirongo shashi wapo unene ,mushirongo sha Ramases,shika momo amu rawilire Farao. ¹²Josefa kataperanga ndya da ku vashe ,vakuru vendi ,nanavantje valipata vyava she,kutwara pa mpumbwe yashivaro.¹³Opo kapi makalire ndya mushirongo nashintje; lirumbu lyalidito ali karamo. Mushirongo sha Egipite namushirongo sha Kanani wa pomporoka mukonda yalirumbu lirumbu. ¹⁴Josefa a pomgeke maliva naghantje ghamushirongo sha Egipite namushirongo sha Kanani, mukughulita rukokotwa kuvatungimo. Makura Josefa a twara maliva mumbara ya Farawo.¹⁵Opo maliva naghantje gha shirongo sha Egipite na Kanani vaghapungwire, vaEgipite navantje avaya kwaJosefa nakughamba, T pe ndja nke tu fera mukenga koye mumantjo mukonda maliva ghetu ghapita?'' ¹⁶Josefa a ghamba , '' ntjene maliva ghenu a yenda , ¹⁷yitenu vimuna vimuna vyenu ame ni mupe ndya mulikutjindjo navimuna. '' Josefa ava pa ndya mukuktjindja natukambe, vivunda vyandjwi, utanga wangombe, navidongi. Uye kwava relire namboroto mukukutjindja navimuna vyavo mwaka ogho.¹⁸Opo wa pwire ogho mwaka, Ava kaya kukwendi mwaka wakukwamako nakuya ghamba, '' Atwe kapi ngatu horeka ntilyetu ashi maliva naghantje a pita,ntani vivunda vyangombe vya ntilyetu. Weno kwato nka ovyo vyahupoko evi ngamona nkwandi marutu ghet nashirongo shetu. ¹⁹Mukonda munke tu fera kumeho yoye, natuvantje na shirongo shetu? Tu urenu nashirongo shetu mukutjindja nandya, natwe nashirongo ngatu kare vapika va Farawo. tu pe mbuto mposhi natwe ngatu paruke nka kapishi tu fe, ntani ashi shirongo shasha djonauka .''²⁰Makura Josefa a ghuru shirongo nashintje sha Egipite shikare sha Farawo. Kehe uno muEgipite a ulita lifuva lyendi, mukondashi limbu lyalinene lyakaliro. Mundjira yino shirongo ashi kara shaFarawo. ²¹Kumbinga yavantu, ava tura vapika kutunda kumurundu waEgipite nange kuuhura nka umwe. ²²nkwandi livango tupu lyavaruti ndjo a dilire kuura Josefa, mukonda varuti vava pire mfuto. Kava lyanga kwevi kalya Farawo. mposhi vavo kapi vaulitire livango lyavo.²³Makura Josefa a ghamba kuvamba,'' Kengenu, ame namughu ntani nashirongo shenu namuntji shi kare sha Farawo. Weno kuno mpoyili ko mbuto yenu, nakuyikuna mushirongo. ²⁴Pakuyangura muna heha kutapo shautano kwaFarawo, ano maruha mane ngagha kara vyanaumwenu, mbuto damumafuva nandya daliro navana venu.''²⁵Ava ghamba, '' Ove una poere maparu ghetu. Weno tuna wa perer mumantjo ghoye. Ngatu kara vapika va Farawo.'' ²⁶Josefa a tura vino vi kare muragho ogho una kurughano mushirongo sha Egipite nanamuntji weno. Shishiutano kuhamena kwaFarawo. Livhu tupu lya varuti ndjo lya piliro lukara lya Farawo.²⁷Makura vaIsreal ava tungu mushingo ashEgipite, mumukunda wa Gosheni. Vantu vendi ava kawana vikewa momunya. Vavo ava kakuvaratana nakukakuvhutita unene. ²⁸Jakopo kwakaparukire mushirongo sha Egipite mwaka 70, ano mwak a daliparu lyaJakopo kwakalire 147.²⁹Apa rwa tikire ruvede rwaIsreal rwakudohoroka, a kughu monendi Josefa nakughamba kuwendi, '' Ame ntjene kwa wana muteku wauwa mumantjo ghoye, tura maghoko ghoye muntambo dande, mukunegheda ulimburukwi nalihuguvaro. Nakanderere kapishi ngau vhumbike muEgipite. ³⁰Apa ngani karara navavava, ove ngau ntjimbe nakukavhumbika mulivango lyavamama lyamayendo.'' Josefa a ghmba,'' Ame ngani vi ryghana yira momu muna vi ghamba.'' ³¹Isreal a ghamba,'' Nganene ame,'' ntani Josefa a ghana kukwendi. Makura Isreal a nyongeke mutwe pambete yendi.

¹Vyayire kuruku yavininke, ndjeunya atantilire Yosefu, "Kenga, vasho nakuvera avamu twara kuvanarume vendi vaviri, Manase ntani Efrayimu. ²Opo vamutantelire Yakopo, "Kenga monoye Yosefa anayatiki ayakumone, "Isragheli awana nkondo ashungiri pa mbete.³Yakopo atantere Yosefu, Karunga munankondo nadintjeya anamonekere mu Luzi mushirongo sha Kanana. Mbyo anantungiki ⁴ntani kuntantera ashi, taterera, nganikupa ruvaro, nakuruwederera. Ngani kurenka ghukare wadimuhoko dadingi. Vanavoye ngava kukwamo nganivapa shino shirongo ngashikare shiweka shakukarererapo.'⁵Weno vanarume voye vaviri, ovo wayitilire ve mushirongo sha Egipte kumeho nayire koye ame muEgipte, weno vande. Efraim ntani Manase ngavakara vande, yira momo vakara va Reuben ntani Simiyoni vande. ⁶Vana ovo ngauwana kutunda pavano ngava kara voye; ngavavavarwira kumadina ghavo kuruvaro rwavakuru vavo naku upingwa wavo. ⁷Ano ngoli kukwande ame, opo ngani katunda ka Padani, narunyando rwande Rakel adohorokire mundjira mushirongo sha Kanana, opo kwa hupiliro shimpe shinano tutike mu Efrat. Mbyonamu horekire momo mundjira ya Efrati (mwamo mu Betelhemu).⁸Opo va Iragheli vamonine vanarume va Yosefu, aghamba, "Vare vano?'' ⁹Yosefu aghamba kuvashe, "Ovano vanarume vande, ova apa Karunga pano. "Isragheli aghamba, " Vayite kukwande, mposhi nivatungike.'' ¹⁰Mantjo gha Isragheli kapi anakumona nawa konda ya ukurupe wendi, kapi amonine. Yosefa avayita pepi naye, a vancumita nakuva tambura.¹¹Isragheli atantere Yosefa, "Kapi navi tatererangashi ngani mona shipara shoyenka ano Karunga mbyo ana mpukitirinka niya mone vanavoye." ¹²Yosefu ava ghupu muliva lya Isragheli, makura a tongamene atu mutwe wendi mulivhu. ¹³Yosefu a vaghupu navantje, Efraimu kulighoko lya rulyo kurumontjo rwa Isragheli ntani Manase kurumontjo rwendi ghuye kurulyo rwa Isragheli, ntani kumwe nakuva shwegheda pepi naye.¹⁴Isragheli aghupu lihghoko lyendi alikambeke pamutwe wa Efraim, ogho akaliropo mwanuke, lighoko lyendi lyarumontjo alikambeke pamutwe wa Manase. Avindiki maghoko ghendi, konda Manase mbeli. ¹⁵Isragheli atungiki Yosefa, ghamba, "Karunga oghu kavakareranga vavava Abrahamu na Isaka, Karunga ogho kampakerango mbiri sogoro lyanamuntji, ¹⁶muengeli ogho a nkungo kumaudona naye atungike vamati vano. :idina lyande ngava kalitwenyange kumwe naghavo, na madina gha vavava Abrahamu na Isaka. Ngavakure ngava vuke pantunda ya livu."¹⁷Yosefa a pa amonine vashe vana kambeke lighoko lyavo lyarulyo pamutwe wa Efraimu, vya mulimbikire. A ghupu lighoko lya vashe ali dirute litunde pamutwe wa Efraimu liyende pamutwe wa Manase. ¹⁸Yosefa a tantere vashe, "Kapishi ngoli, vava; oghuno ndje mbeli. Turenu lighoko lyenu lya rulyo pa mutwe wendi."¹⁹Vashe ava vishwena nakumutantera ashi, "Naviyiva, monarume wande, naviyiva. Naye ngakakara muntu, ghuye ngakara wa munene, Mughunyendi wa mwanuke ngaka kapitakana mukurwendi na ruvaro rwendi ngaruka vhuka mudimumuhoko." ²⁰Isragheli ava tungike liyuvha lino nakunkango dino, "Vantu vamu Isragheli ngava katapa matungiko amadina ghenu nakughamba ashi, 'Karunga amurenke mukare yira Efraim kumeho ya Manase'."²¹Isragheli atantere Yosefa, "Kenga, ame ntantani nife, Ano ngoli Karunga ngakara nanwe, ngaka muvhyuta kushirongo shenu. ²²Koye, ove unakara kumeho yamuunyoye, kunakukupa ndundu oyo naghupire kuva Amaritesi na rufuro rwande na ghuta wande wankandja."

¹Makura Jakopo aka yita vana vendi, nakughamba ashi, ''Kagwanekerenu naumwenu kumwe, makura nimutantere ovyo ngavishoroko kumeho. ²Pongenu kumwe, nakuteghererera, vana vaJakopo. Teghererenu kwa Israeli, shenu.³Reubeni, ove monande wambeli, ove nkondo dande, kwakuwanine opo nakalire nankondo dadinene, ove walire nalifumadeko lyalinene, ntani nankondo dande. ⁴Ove una kara mema gharuhandjo ghana kupupo kehe kuno, ghaurara namukamali wande, ghau shwaukita ghuro wande, weno una kombanita lifumadeko.⁵Simeoni naLevi vantu namukurwendi. Virwita vyenu vya kurughana udona ngavikara marufuro ghenu. ⁶Mpepo yande, kapishi ngauye muvitimwitira vyavo, kapishi ngau gwanekere muvigongi vyavo, mbyovyoshi mutjima wande kwakara nalifumadeko kovyo. Muugara wavo vadipaghire vakafumu. Marufuro ghavo kava dipaghanga ngombe.⁷Ugara wavo ngavava fingilira morwa unene, ntani nalidiro liwapeko lyavo, lyaugara. Nganiya gaununa mwaJakopo ntani ngava kuhanena mushirongo shaIsraeli.⁸Juda, vakuru voye ngava kufumadeka unene,. Maghoko ghoye ngaghakara pantingo yavanankore voye. Vana vavasho vavakafumu ngava kutwera ngoro.⁹Juda ne nyime ghona, monande wamukafumu, una yendi ukare mumaghoko ghavo. Makura anyongama, akaruka yira nyime, yira nyime ghona. Are ogho avuro kumurambwita?¹⁰Mpango yauHompa kapi ngayikutunda Juda, ndipo mpango yamupanguli kapi ngayikutunda mukatjikama ghuru ghoye, dogoro opo ngaya Shilo. Udjuni ngau teghererera kukwendi.¹¹Amanga shidongi shendi kushindjembere, ano shidongi shendi sha shanuke kushindjembere shinya vatogholire, ghakushu vyuma vyendi muvinyu, ntani lirwakani lyendi muhonde yamandjembere. ¹²Mantjo ghendi ngagha geha yira vinyu, ano mayegho ghendi ngagha kena yira mashini.¹³Zebulani ngatunga kuntere yalifuta, ghuye ngakara kumarukenkera ghavikepa, ntani murudi wendi ngaunenepa dogoro kwaSidoni.¹⁴Issaka ne shidongi shankondo, kurara kuvivunda vya ndjwi. ¹⁵Ghuye kuvimonashi livango lyaliwa lyakupwiyukira ntani nashirongo shashiwa. Ngatongamena kumaudito ghendi nakuya kara mupika kushitumbukira.¹⁶Dani ngafutita vantu vendi muhoko umwe waIsraeli. ¹⁷Dani ngakara liyoka kuntere yashitaura, liyoka lyaushungu mundjira lyakushuma tukambe kumakondo, mposhi vashingi ngavawere kunyima. ¹⁸Kuna kutaterera liparu lyoye, Hompa.¹⁹Karunga-vanankore ngava kuhomona, morwa ngava kahomona kumandi ghavo. ²⁰Asheri ngakara nandya dadingi, ntani ngatapera ndya odo dawapero uHompa. ²¹Naphtali udito kumukombanita, ntani ngakara nava kwatititko vavawa.²²Josefa shindjwi shanyango yayiwa, shinyango shashiwa pepi nakwenye, dimutavi dako ngadi ronda kulikuma. ²³Vaponyi ngava muhomona nakumuroya ntani nakumurughana vyavidona.²⁴Mara ghuye ngumba yendi ngayi yimana ngoli, ntani maghoko ghendi ngaghakara nauyivi waungi mukonda yamaghoko gha nkondo daJakopo, mukonda yalidina lyaukungi vimuna, limwe lya Israeli.²⁵Karunga wavasho ngakuvatera ntani Karunga muna nkondo ngaku tungika namatungiko ghamuliwiru, matungiko ghamanene ghakaro kuntji, ntani namatungiko ghamashwe nashivarero.²⁶Matungiko ghavasho manene kupitakana matungiko ghavakundundu dava dimu ndipo vininke vyava dimu vya kundundu da dididi. Vakare pamutwe waJosefa, nampili kulikoli lyakumutwe wamona Hompa wamukafumu lya vakuru voye.²⁷Benjamini ne shimbungu shakufa kundjara ngurangura kulya ovyo vana dipagha, ano kungurova ghuye kugaununa ovyo ana kawana.''²⁸Aghano ngo marudi ro nambiri ghaIsraeli. Ovino mbyo vaghambire vashe opo vava pire matungiko. Kehe uno ava mupa matungiko ogho gha wapero. ²⁹Makura ava rawiri nakughamba kwavo ashi, ''Ame ntantani niyende kuvantu vande. Mvhumbikenu me nava dimu vande mulikwina lyamulivango lya Ephroni lyava Hittite, ³⁰mulikwina lya mulivango lya muMachpela, olyo lyakaliro pepi naMamre mushirongo sha Kanani, livango olyo aghulire Abrahamu kwa Ephroni wamu Hittite lya kuvumbika vimpu.³¹Okunya nko vaka vhumbikire Abrahamu namukamali wendi Sara, Okunya nko vaka vhumbikire Isaka namukamali wendi Rebeka, ntani nko nakavhumbikire Leya. ³²LIvango ntani nalikwina olyo vaghulire ku vantu vaHeth.'' ³³Opo amanine Jakopo kurawira vana vendi vavakafumu, makura aderere maghuru ghendi mu ghuro, makura a shetere rwa kuhulilira, na kuyenda kuvantu vendi.

¹Makura Yosafu apwiliri kushipara sha vashe, ava liliri, ghava ncumita. ²Yosefa ghan rawiri va kareli vendi va vavapangi va pange vashe. Va pangi mpo vamupangire Isragheli. ³Kwaghupire mayuva dimurongo ne. Mbyovyo ashi ogho ngo mayuva gha gha kuyura kupanga. Vaka Egipte kwa mulilire mayuva dimurongo ntambiri.⁴Ano mayuva napiti, Yosefu aghamba mu ndjuvho ya Farao, ashi, "Nkene aniwana nkenda kushipara shen, nakanderere ghambenu na Farao, ashi, ⁵Vavava vanganitire, ashi, kenga "Ame kuna kufa. Ngauka mhvumbike mu mbira yande narwanena mushirongo shande sha Kanana. Oko nko ngamukamvhumbika." weno mpulitirenu niyende nikahoreke vavava, ntni nganika vyuka. ⁶Farao alimburura, "Yenda ghukahoreke vasho, yira momo vakughanitire.⁷Yosefu mpo ayendire akahoreke vashe, vakurona va Farao ava yendi naye vakurona va mumundi, matimbi naghantje ghamu shirongo sha Egipte, ⁸na mundi naghuntje wa Yosefu na vakuru vendi na mundi wavashe. Ngoli vana vavo, ghutanga wa vindjwi, na vimuna vyavo ava vishuvu mushirongo sha Gosheni. ⁹Matemba na varondi nkambe navo ghava yendi naye. Kwa yendire mbunga ya yingi ya vantu.¹⁰Opo vatikire pa rupare rwa Atad kuruha rumwe rwa Yorodani, ava liliri ghunene naruguvo rwa runene. Yosefa apanga mfa da vashe vadilire mayuvha matano namaviri. ¹¹Vatungimo mushirongo sha Kanana, pakumona malira nkali ku Atad, ava ghamba ashi, "Oshino shilika sha ruguvo unene kuva Egipte. "O;yo livango mbyo kavaliyitiranga ashi Abel Mizraimu, lyakaro ku ghupumeyuvha. wa Yorodani.¹²Vana vendi mpo varughanine yira momo avarawilire Yakopo. ¹³Vanarume vendi avamushimbi kushirongo sha Kanana nakukamuhoreka mumbira ya muliwe mu shipata sha Makpela, pepi na Mamre. Abrahamu kwa ghulire mbira yamumawe kumwe na lifuva likare mayendo. Kwalighure lwa Efraim mu Hitite. ¹⁴Muruka ya kuhoreka shavo, Yosefa gha vyuka ku Egipte, ndje, kumwe na vakuru vendi, na navantje ovo vamutindikidiroko ku lihoreko lya vashe.¹⁵Opo amonine va kuru va Yosefu ashi shavo ana dohoroka, ava ghamba ashi, "Weni ntjene Yosefu agarapa natwe ntani shinpe anahoro ku vyuta udona nauntje ogho twamurughana?" ¹⁶Kwa murawire likarapo lya Yosefu ashi, Vasho kwa tantilire mbudi kumeho ya kufa ashi, ¹⁷tanterenu Yosefu vino, "Nakanderere ghupirapo viruwanadona vya vakuru voye ntani na ndjo davo dadidona vakuruwana!" Weno nakanderere ghupirapo vakareli va Karunga wa vasho." Yosefu gha lilipo vaghambire naye.¹⁸Vakuru vendi navo ghavayendi vaka nyongamene ku meho yendi. Ava ghamba ashi, "Kenga, atwe va kareli voye.'' ¹⁹Ano ngoli Yosefu avalimburura ashi, "Mwashakara na ghoma. Mulivango lya Karunga nakara ndi? ²⁰Kwenu nwe, mwahilre kunduwana udona, ano ngoi Karunga avitambilitilire ghuw, mukukunga monyo davantu vavangi, yira momo munaku mona namuntji. ²¹Mpo ngolishi mwashakara na ghutjirwe. Ame nganimupa nanwe na vana venu." Avashengawida murupe runya ntani aghamba naghufe nkenda ku dumutjima davo.²²Yosefu kwatungire mu Egipte, kumwe na liro lya vashe. Kwakalire mwaka lifere limwe na mwaka murongo. ²³Yosefu kwa monine vana va Efrayimu dogoro kuruvharo rwa utatu. Ghuye nka amonine vana va Makiri mona Manase, ovo vatulire pa ngoro da Yosefu.²⁴Yosefa atantere vakuruvendi ashi, "Ame kunakuyenda nikafe; ano ngoli mughushiri Karunga ngakaya kukwenu na kumu pititira mushirongo shino na kushirongo osho gha ghanine osho ngatapa kwa Abrahamu, kwa Isak, naku kwa Yakop. ²⁵Makura Yosefu arenke vanarume va Isragheli vaghane mughano. Aghamba ashi, "Karunga ngakaya kukwenu. Pa ruvede ndoro munakona kushimba vifupa vyande muno." ²⁶Makura Yosefu afu, na mwaka 110 ava muwavekeke makura avamutura mushikesha mu Egipte.

¹Oghano ngo madina ghava vana vaIsraeli vavakafumu ovo vayiro muEgipute naJakopo, kehe uno navikwalita vyendi: ²Reubeni, Simeoni, Levi, naJuda, ³Isaka, Zebuluni, naBenjamini, ⁴Dani, Naphtali, Gadi, naAsheri. ⁵Vantu navantje ovo mbo va ruvarwa rwa Jakopo vavo kwakalire dimurongo ntambili mu muvaro. Josefa kwa kalire kare muEgipute.⁶Makura Josefa navakuru vendi vavakafumunavantje, muhoko nauntje wafire. ⁷Ano ngoli vaIsraeli kwakalire naruvaro, mbyo vakuvukire unene muruvaro, ava kara nankondo, mushirongo shavo amuyura muhoko wavo.⁸Opo mpo a shapukire Hompa kuvaEgipute, umwe ogho a diliro kuyiva Josefa. ⁹A ghamba kuvantu vendi ashi, ''Kengenu, vaIsraeli vayingi ntani vavo nka nkondo kupitakana twe. ¹⁰Yiyenu, renkenu tuva neghede ndunge, vadire kukuvaratana, manashi vakuvukita mushivaro, ntani nka ntjene vita viye, kuvura ngakukwatakane navankore vetu, vaturwite, nakushuva shirongo shetu.''¹¹Ano mpo vatulirepo lirughanito lya lihepeko nakuvapa virughana vyaudito. VaIsraeli mpo vadikire nkurumbara yayinene yaPharao naRamesesi. ¹²Ano ngoli nampindi moomo va vahepikre vaEgipute, vaIsraeli mpo vakuvukitire unene na kukuhanena mushirongo. Ano va Egipute mpo va valikire kukoka vaIsraeli.¹³VaEgipute vatulire vaIsraeli nakuvaruwanita naukenya. ¹⁴Vaditopitire maparu ghavo mukuvapa virughana vyaudito mukudika mawe navirughana navintje vya mumafuva. Navintje virughana vyavo vyakalire vya udito.¹⁵Makura Hompa wavaEgipute a ghamba kuvakakushampurukita, umwe wavo ndje Shiphra naPua. ¹⁶A ghamba ashi, ''Ntjene ngava shampurukita vakamali va vaHeberu, vakengerangenu, opo ngava shampuruka. Ntjeneshi mwanuke wamukafumu vana shampuruka muna kona kumudipagha ano ntjeneshi wamukamali kumushuva tupu a pare, ¹⁷Ano ngoli vashumpurukiti mpo vakalire naghoma kwaKarunga ano kapi avi rughanine yira moomu avimurawilire Hompa wavaEgipute kukwavo, mulivango lyakuivadipagha, vavo ava shuvu vanuke vavamati vapare.¹⁸Hompa waEipute ava garapere nakuvatantera ashi, ''Nke muna rughanene vyakufana weno, ntani nke muna parwiri vanuke vavamati mulivango lyakuvadipagha?'' ¹⁹mukakushampurukita a limburura Pharao ashi, ''Vakamali vavaHeberu kapi vakara yira vakamali vavaEgipute. Vavo vakara naukoli ntani nka vavo kukushampurukita naumwavo kumeho yaku yita mushampurikiti kukwavo.''²⁰Karunga a kungu vakakushampurukita vano. Vantu ava yingipa mushivaro nakukara nankondo unene. ²¹Mukondashi vakakushampurukita vanya vatjilire Karunga, ghuye ava pe liro. ²²Pharao arawiri vantu vendi navantje, ''Muna kona kuvukuma kehe mwanuke wamukafuma ogho vana shampuruka, ano ngoli vavakamali kuvashuva vapare.''

¹Mukafumu warudi rwava levi a kwara mukamali waLevi. ²Mukamali a kara marutu marivi kumwe nakushampuruka mwanuke wamumati. Apa amonine ashi mwanuke wamumati mukanguki, a muhoreke dogoro makwedi matatu.³Opo a kalire ashi kapi a vura nka kumuhoreka, a ghupu shimbamba, ashiworonga nalirova namungongwera. Ghaturamo mwanuke a shitura pakatji kambu mumema kumarukenkera gha mukuro. ⁴Mukurwendi wamukadona a yimanene ure namukuro a kengere ovyo vimu shorokero.⁵Mona pharao wamukamali a ghurumuka kumukuro aka yowane ghuye mukareli wendi nakuyendaura kuntere yamukuro yamukuro. A mono shimbamba mukatji kambu gha tumu mukareli wendi akashishimbe. ⁶Opo ghashifikulire, gha mono mwanuke. Kashirugho, mukeke avareke kulira. Ghamufere nkenda nakughamba ashi, ''Oghuno umwe wavana vavaHeberu.''⁷Mukurwa wamukeke a pura mona Pharao wamukamali ashi, ''Kuvura niyende nikakushanene muhebeli wamukamali aya kuyamwekere uno mwanuke ndi?'' ⁸mona Pharao ghamulimburura ashi, ''Yenda.'' Mwanuke wamukadona ayendi aka wane vawina vamukeke.⁹Mona Pharao wamukamali a tantere vawina vamukeke ashi, ''Ghupa uno mwanuke ghumu ndjamwekere, kuni kufuta mfuto yoye.'' Mukamali a ghupu mwanuke amu yamwekange. ¹⁰Opo akulire mwanuke, ghamuyita kwa mona Pharao wamukamali, mbyo akalire monendi wamumati. Ghamuruku Mosesa nakughamba ashi, ''Mukondashi me namuyawiro mumema.''¹¹Opo a kulire Mosesa, ghayendi kuvantu vendi akavakenge upampi wavo. A mono muEgipute nakuhomona muHebeli, umwe wavantu vendi. ¹²Ghakenge mundjira yendi, mundjira munya, ano opo a monine ashi kwato ogho ana karoko, ghadipagha muEgipute kumwe nakuhoreka rutu rwendi mulivhu.¹³gharupuka liyuva lyakukwamako, ano amono, vakafumu vaviri vavaHebeli nakurwana. Ghatantere umwe ogho akaliro mulipuko ashi, ''Morwa nke una kutoghonena unyoye?'' ¹⁴mukafumu a ghamba ashi, ''Are akuturo ghukare mpititi namupanguli kukwetu? ove nakughayara ashi ghundipaghe yira moomu wadipayire muEgipute unya ndi?'' Ano MOsesa akara naghoma nko kughamba ashi, ''Ovyo narughanine nani vakuhupako vanaviyiva.''¹⁵Pharao opo aviyuvire , ashana kudipagha Mosesa. Ano Mosesa amu tjayuka Pharao kumwe nakukara mushirongo shavaMidiani. Okunya aka shungira kulitope. ¹⁶Mupristeri wavaMidiani kwa kalire navana va vakadona ntambiri. Ghavaya, vaya vete mema, vakayude litemba olyo vya nwenanga vimuna vya shavo. ¹⁷Muliti vindjwi aya anwite ndjwi, ano Mosesa ayendi kumwe nakukava vatera. Ano ava yudiri mautanga ogho vaveteranga mema.¹⁸Mukadona opo ayendire kuvashe ava kamupura ashi, ''Nke muna kakuvindukiri kuya kumundi namuntji?'' ¹⁹ava limburura, ''MuEgipute ana tuyoworo kulita ndjwi. Ndje nka ana tuvatero mema kuvetera muutanga. ²⁰Apura vana vendi, ''Kuni ana kara? nke muna mushiviri ogho mumati? kamuyitenu mposhi aya lye naye ndya.''²¹Mosesa apura mukukara namukafumu unya, ogho amu piro nka monendi wamukamali Zippora munkwara. ²²Ghawana mwanuke wamumati, ano Mosesa amuruku Gershom, aghamba ashi, ''Ame nakara mutungimo wamushirongo sha vana virongo.''²³Kunyima yashirugho shashire , Hompa wava Egipute adohoroka. Vantu vamuIsraeli ava shivana kuvirughana vyaupika. Ghava kughu mbatere, rushivano rwavo rwakatikire kwaKarunga mukonda yamango davo. ²⁴Opo a yuvire Karunga kulira kwavo, Karunga a vuruka likukwatakano lyendi naAbrahamu, naIsaaka naJakopo. ²⁵Karunga a monine vaIsraeliste, ano ava yuviri udito wavo.

¹Weno Mosesa shimpe akara mushita wavivunda vya Jethro tamweyi yendi, muruti waMidiyani. Mosesa a pipitire shivunda kuruha rwa ure namalitiro ano akatika kuHorebu, ndundu yaKarunga. ²Okunya muengeli waHompa a mumonekere mushite shamundiro mushishwa. Mosesa a kenge, ano amona, shishwa kuna kuhwama, ano ngoli shishwa kapi sha pire. ³Mosesa a ghamba ashi, ''Kuni shwena pepi nakumona eli limonekero. Mukonda munke shina kudira kupya.''⁴Apa Hompa a monine ashi ana shiuka aye kuntere muku mona. Karunga amu kughu kutundilira mushishwa nakughamba ashi, ''Mosesa, Mosesa.'' Mosesa a limburura, ''Ame uno.'' ⁵Karunga amutantere, ''Washa shwena nka pepi! ghupako nkaku kumpandi doye, elino livango una yimana livhu nakutulira ame.'' ⁶A wederereko, ''Ame Karunga wavasho, Karunga waAbrahamu, Karunga waIsaaka, naKarunga waJakopo.'' Ano MOsesa aku fiki kushipara, mukondashi akalire nautjirwe wakukenga Karunga.⁷Karunga a ghamba, ''Ame namona ruhepo rwa vantu vande vakaro muEgipute. Ame nayuva dimutaku davo konda yava Kurona vamushirongo vana kuvahepeko, kovyo nayiva kuhamena runyando rwavo. ⁸Ame naghurumuka mukuyava mangurura munkondo dava Egipute kumwe nakuvaghupamo mushirongo shinya nakuvatwara mushirongo shashiwa, shirongo shashinene, shirongo shapupango mashini naghushi, kuruha shirongo shaKanana, vaHeti, Amoli, Peresi, vaHevi, kumwe navaYebusi.⁹Weno mutaku waIsraeli unaya kukwande. Vavayingi, namona mundjira oyo vavahepekanga vaEgipute. ¹⁰Makura weno, Ove nakukutuma kwaPharao mposhi ghuka shimbe vantu vande, vantu vaIsraeli, muEgipute.''¹¹Ano ngoli Mosesa a ghamba kwaKarunga, ''Ame are, ashi niyende kwaPharao nakukashimba vantu vaIsraeli muEgipute?'' ¹²Karunga amu limburura ashi, ''Ngani kara kehe pano nove. Eshino ngashikara shiyivito kukoye ashi me nakutumo. Opo ngoka ghupa vantu muEgipute, ngamuya nkandereranga kuno kundundu.''¹³Mosesa a ghamba kwaKarunga, ''Opo niyenda kuvantu vamuIsraeli nakukava tanterashi, 'Karunga wa vanyakulyetu ana ntumu kukwenu,' ano opo ngava kampura me ashi, 'Are lidina lyendi?' vinke ngani kavatantera?'' ¹⁴Karunga alimburura, '' Ame ne ame.'' Karunga a ghamba, ''Ghuna kona kukavatantera vantu vaIsraeli ashi, ''Ame nakutumo kukwavo.'' ¹⁵Karunga a tantere Mosesa nka ashi, ''Ghuna kona kukavatantera vantu vaIsraeli nka ashi, 'Hompa, Karunga wavanyakulyenu, Karunga waAbrahamu, Karunga waIsaaka, Karunga waJakopo, ana ntumu kukwenu. Olino ndyo lidina lyande na naruntje, ntani nka oshino mo nganishi pungura mu maghano kumaruvaro naghantje.'¹⁶Yenda nakukapongeka vakurona vaIsraeli pamwe tupu. Ghukavatantere ashi, 'Hompa, Karunga wavanyakulyenu,Karunga waAbrahamu, Karunga waIsaaka, naKarunga waJakopo, ana monekere ano mpo ana ntantere ashi, 'Anwe a kengeranga kehe pano ntani nka kwavi monanga evi vamurughananga muEgipute. ¹⁷Ame navatwenyidiri mu kuvaghupa mu mahepeko ghamuEgipute nakuvatwara kushirongo shavaKanana, Hitite, Amori, Peresi, Heviti, naYebusi, shirongo shapupo mashini naushi.'' ¹⁸Kuvakakuteghererera. Ove navakurona va vaIsraeli muna kona kukayenda kwa Hompa wamuEgipute, nakukamutantera ashi, 'Hompa, Karunga Heberu, ana gwanekere natwe. Ano weno tuyendenu muruyendo rwamu mburundu, mposhi tuka djambe kwaHompa, Karunga wetu.¹⁹Ngoli nayiva ashi Hompa waEgipute kapi ngamupulitira muyende, nkwandi kupitira mulighoko lyakupongoka. ²⁰Ngani ghorora lighoko lyande nakuva homona vaEgipute navitetu navintje ovyo ngani ruwana mukatji kavo. Kutunda po, ngamupulitira muyende. ²¹Nganipa vano vantu uwa wakutunda kuvaEgipute, mposhi opo ngamuyenda, kapishi ngamuyende maghoko ghoko. ²²Kehe mukamali ngapura vamuvatere mawe ghamulyo gha siliveli nangorodo navidwata kuvaEgipute vamushinda na kehe mukamali ogho akaro mumundi wava mushinda. Ngamuvatura pavana venu va vakamali na vana venu va vakafumu. Mundjira yino ngamuvaka mauwa kuvaEgipute.''

¹Mosesa alimburura ashi, ''Ntjeneshi kapi vakavipura vyande ndi vakavitegherera vyande ano vaka ghambe yira, 'Karunga kapi ana kumonekere?' ²Hompa amu tantere ashi, ''Vinke ovyo una kara navyo mulighoko lyoye?'' Mosesa a limburura ashi, ''Mpango'' ³Hompa a ghamba ashi, ''Yivukumine palivhu, ano ayikushintumuka liyoka. Mosesa nko kuduka shingara nyima.⁴Karunga a tantere Mosesa, ''Lishwenene nakulikwata kumushira.'' Makaru nko kulishwenena nakulikwata liyoka. Alikushintunuka nka ayikara mpango mulighoko lyendi. ⁵''Evino mo vikara ngoli vakapure ashi Karunga, Karunga wava nyakulyavo, Karunga waAbrahamu, Karunga waIsaaka, naKarunga waJakopo, ndje ana kumonekero.''⁶Karunga a ghamba nka naye ashi, ''Tura lighiko lyoye munkwapa.'' Ano Mosesa nko kulitura munkwapa. Ano opo aka lighupiremo lighoko lyendi lina kara vingondwe , ukenu yira materengendje. ⁷Karunga a ghamba nka ashi, ''Tura nka lighokp lyoye munkwapa.'' Mosesa nko kulitura munkwapa, ano opo ali ghupiremo, kulikenga lina veruka nka, lina kufana narutu rwendi.⁸Karunga a ghamba ashi, ''Ntjeneshi kapi vakakupura-ntjeneshi kapi vakakutegherera kushitetu shakuhova dado ndo nkondo dande ndi vadire kupura, ngoli kuva kapura shitetu shauviri. ⁹Ntjeneshi shimpe kapi vaka pura kovino vitetu viviri dado nkondo dande, ndi vakadire kukutegherera, makura ghuka ghupe mema kumukuro nakughatera palivhu lyalikukuktu. Ogho mema ngaghakutintunuka honde palivhu lyalikukutu.''¹⁰Ano Mosesa a ghamba kwaKarunga ashi, ''Hompa Karunga ame muntu napuko kughamba, nampindi shirugho shakapito ndi opo ghuna tameke kughamba namupika ghoye. Ame kukuranga ngambito nashikokoma.'' ¹¹Karunga amu tantere ashi, ''Are ogho ashito kanwa kamuntu? ogho arenko muntu shipuru-puru ndi kwato kuyuva ndi kukenga ndi shitwiku? kapishi me, Karunga? ¹²Ngoli yenda, ano ame ngani kakara nakanwa koye nakukushonga ovyo ghughamba.'' ¹³Ngoli Mosesa a ghamba ashi, ''Hompa Karunga, nakanderere tumako naye peke, kehe uno ogho ghuna shana kutuma.''¹⁴Makura Karunga agarapa kwaMosesa. Aghamba ashi, ''Oghuno Aroni, mukuroye wamukafumu, wamuLevite? naviyiva ashi ghuye kughamba nawa. Navimweya nka, ghuye nakukukondawira mugwanekere naye, ano opo akumona, kakara naruhafo rwarunene mumutjima wendi. ¹⁵Ngaghu ghamba naye kumwe nakutura nkango dakughamba mukanwa kendi. Ngani kara nakanwa koye nakanwa kendi, ano nakumunegheda navintje ovyo ngamuruwana. ¹⁶Ghuye ngakughamberapo kuvantu. Ghuye ngakara yira kanwa koye, ano ve ngokara kukwendi yira me, Karunga. ¹⁷Ove kuughupa yino mpango mulighoko lyoye, oyo ngokarughanita vitetu.''¹⁸Makura Mosesa a vyuka kwaJeturo tamweyi yendi nakukavatantera ashi, ''Mpulitirenu mukuvyuka niyende kuvakaliro lyande ovo vana karo muEugipute nakukavakenga ntjeneshi shimpe kuna kuparuka,.'' Jeturo atantere Mosesa ashi, ''Yenda nambili.'' ¹⁹Karunga atantere Mosesa muMidiyani, ''Yenda, ghuvyuke kuEgipute, vantu navantje vashino kukudipagha vafa.'' ²⁰Mosesa nko kushimba mukamali wendi, navana kumwe nakuvatura pashidongi. Avyuka kushirongo shaEgipute, nakushimba mpango yaKarunga mulighoko lyendi.²¹Karunga aghamba kwaMosesa, ''Ntjeneshi ghuna vyuka kuEgipute, ngo kamurughanene Pharao vitetu navintje ovyo natura munkondo doye. Ano ngoli ngani ditopita mutjima wendi, ano kapi ngapulitira vantu vayende. ²²Ghuna hepa kukatantera Pharao ashi, 'Ovino mbyo ana ghamba Karunga ashi: Israeli monande wamukafumu, wambeli, ²³ntani nka nakutantere ve, ''Ghapulitire vana vande vayende, mposhi ngavayende mukunkanderera.'' Mara kutunda pano moomo una shwena kuvashuva vayende, ngani dipagha ngoli monoye wamukafumu, mbeli yoye.''²⁴Ngoli mundjira , apa vayayimanine morwa matiku, Hompa akugwanekere naMosesa nakushana kumudipagha. ²⁵Ano Zipora nko kughupa mbere yendi yayitwe na kurughana monendi vamba , nakukwita shikova kumpandi daMosesa. Kumwe nakughamba ashi, ''Kutunda pano ove shandungi wande mukonda yahonde.'' ²⁶Makura Karunga nko kumushuva pantjendi. Zipora aghamba, ''Ove shandungi kuhonde '' mukonda yavamba.²⁷Karunga atantere Arona, ''Yenda kumburundu ghukagwanekere naMosesa.'' Arona ayendi, aka kugwanekera naye kumburundu yaKarunga, kumwe nakumuncumita. ²⁸Mosesa atantere Arona nkango nadintje daKarunga edi amutumine ashi ashi akadighambe navitetu navintje vyaKarunga vya nkondo ovyo amu rawiliremukukaviruwana.²⁹Makura Mosesa naArona avayendi nakukapongeka vakondi yenditi vaIsraeli. ³⁰Arona nko kughamba nkango nadintje odo aghambire Karunga kwaMosesa. Mosesa a negheda vitetu vya nkondo daKarunga mushikenga mantjo ghavantu. ³¹Vantu ava pura. Opo vayayuvire ashi Karunga ana dimburura vaIsraeli nakukenga lihepero mo, ano nko kutongamena nakumufumadeka.

¹Muruku rwakushoroka vininke vinya, Mosesa naArona ava yendi kwaPharao nakukaghamba ashi, ''Ovino mbyo ana ghamba Yehova, Karunga wavaIsraeli, ashi: Shuva vantu vande vayende, mposho ngavakakare nashipito shande mumburundu.'' ²Pharao aghamba ashi, ''Are Yehova? vinke ovyo niteghererera kuliywi lyendi makura nitape vaIsraeli vayende? Kapi nayiva Yehova, ano nka kapi nipulitira vaIsraeli vayende.''³Ava ghamba ashi, ''Karunga wavaHebeli ndje ana gwanekero natwe. Renkenu tuyende ndjira yamayuva matatu mumburundu makura tukadjambe Yehova Karunga wetu mposhi kapishi ngatu homokere nalihamba ndi nalighonga.'' ⁴Ano Hompa waEgipute aghamba kwavo, ''Mosesa naArona, vinke muna kughupira vantu kuvirughana vyavo? kavyukenu kuvirughana vyenu.'' ⁵Pharao aghamba nka ashi, ''Weno vantu vangi vana karo mushirongo shetu, makura kuna kuvarenka vashayeke virughana.''⁶Muliyuva ndyolinya, Pharao atapa marawiro kuvantu ovo vavarughanitango navaforomani. Aghamba ashi, ⁷''Yira momo vyadilire kukarako pakare, washa tapa virwenge kuvantu vatende ndopi. Vashuve vayende vakapongayike virwenge vya naumwavo. ⁸Vikare momo ngavi karera, shimpe ngauva rawira shivaro shakushetakana shandopi odo varughana pakuhova. Kapishi ngaupulitire dadi sheshu, mukondashi vavo udwa. Mbyo vana kukuyitira pandje kumwe nakughamba ashi, 'Tuvapulitire vayende makura vakadjambe kwaKarunga wavo.' ⁹Yingipita virughana vyavakafumu vadire kuwana shirugho shakutegherera nkango davipempa.''¹⁰ovo varughitango vantu navaforomani ava yendi pandje. Ava ghamba ashi, ''Ovino mbyo ana ghamba Pharao ashi: Kapi ngani kupa me ve kehe shino shirwenge. ¹¹Ove naumoye ngauyendo ngauka shimbe virwenge kehe kuno ngauka viwana, mara viruwana vyoye kapi ngavite tepuka.''''¹²Makura vantu navantje ava kuhanene mushirongo shaEgipute vakapongayike madi ghavirwenge. ¹³Varughaniti ava twikiri kuva tininika makura ava vatantere ashi, ''Manitenu virughana vyenu, yira momo vavimupire virwenge kukwenu. ¹⁴Varughani vaPharao ava toghona foromani waIsraeli, mbovo vatulire vakengere varughani. Vakengeli varughani ava twikiri kuvapura, ''Vinke muna diri kurughana virughana vyenu momo vyawapera, nampindi yona ndi namuntji, yira momo mwavirughananga pakare.?''¹⁵Vaforomani, ovo vakaliro vantu vavaIsraeli, avaya kwaPharao nakuyamulilira. Ava ghamba, ''Vinke una kutekwira ngoli varughani voye? ¹⁶kwato rwenge oro vana tapa kuvarughani voye, mara shimpe kuna kutu tantera ashi 'turughane ndopi!' Atwe, varughani venu ntani nka vana tupumu weno, mara lipuko lyavantu voye.'' ¹⁷Ano Pharao kuna ghambashi, ''Anwe udwa! anwe udwa! muna ghamba asahi, ''Muyende mukadjambe kwaYehova' ¹⁸Ano weno yendenu muvyuke kuvirughana. Kwato rwenge oro vamupa, ano ngoli muna kona kurughana shivaro shandopi osho vana mupa shitikemo.''¹⁹Vaforomani vaIsraeli ava vimonoshi muudito vanakara opo vavi vatantilire, '' kapishi mukutepurure mushivaro rughanenu momo mwadi rughananga kehe liyuva .'' ²⁰Ava gwanekere naMosesa naArona vavo vana yimana pandje yalirombe apa vakatundire kwaPharao. ²¹Ava ghamba kwaMosesa naArona, ''Kuvura ngamu shane Yehova ngamu kenge makura ngamupe kashitiko, mukondashi muna turenkita vana ndjo kwaPharao navarughani vendi. Muna tura lighonga mumaghoko ghavo ngavatudipaghe.''²²Mosesa a vyuka kwaYehova aka ghamba ashi, ''Hompa nke una yitiri udito kovano vantu? Nke una ntumini kulivango lyakuhova? ²³Kutunda opo naya kwaPharao niya mughambite mulidina lyoye, a yita udito kovano vantu, ntani kapi una tura vantu voye vamanguruke kunavintje.

¹Karunga aghamba kwaMosesa, ''Weno kughukenga ashi nke nirughana kwaPharao. Ngauvimona vino, ngavarenka vayende mukonda ya unankondo wande walighoko lyande. Mukonda yaunankondo walighoko lyande, ngavarenka vatunde mumaghoko ghendi.''²Karunga aghamba kwaMosesa, aghamba ashi, ''Ame Karunga. ³Namonikire kwaAbrahamu, Isaaka, noku kwaJakopo ashi Karunga muna nkondo nadintje, mara kulidina lyande, Karunga, kundereko ogho andjiviro. ⁴Ame nka natulirepo likukwatakano navo, mposhi nganivape shirongo shaKanana, shirongo sho vakalire vavo shirongo shava ntunda virongo, shirongo osho vatapire. ⁵Kapishi mbyovyo tupu, nayuva shiliro shava Israeli ovo vanakaro mughuoika wavaEugipute, mpo nakuvuruka malikukwatakano ghenu.⁶Makura, aghamba nava Israeli, 'Ame Karunga. Nganiyamughupa ngamutunde mughupika wavakaEugipute, ntani nka nganiyamughupa munkondo davo. Nganiya muyoghora nankondo dande dakumoneka, Ntani nganiyamu twara kumpangwiro yayinene. ⁷Nganiya muvyuta kwanaumwande morwa anwe vantu vande, ame nganikara Karunga wenu, ogho amughupiro mughupika wava Eugipute.⁸Nganimuyita mushirongo sho naghanena ngani shipa Abrahamu, Isaka, naJakopo nganishimupa shikare mumpangero yenu. Ame Karunga.'' ⁹Mosesa opo avi tantilire vino vaIsraeli, kapi vategherelire kwendi mukonda yamalimbiliro naghupika wavo udito.¹⁰Karunga a ghamba kwa Mosesa ashi, ¹¹''Yenda utantere Pharao, hompa wavaEugipute, atantere vaIsraeli vatunde mushirongo shendi.'' ¹²Mosesa a ghamba kwaKwarunga ashi, ''Nkene vaIsraeli kapi vategherera kwande, Pharao nke akanteghererera, shirugho osho me kapi naghamba nawa?'' ¹³Karunga aghamba kwaMosesa naArona ashi. Avapa muragho wavantu vamuIsraeli kwaPharao, Hopma wavaEgipute, mukukarupwita vaIsraeli mushirongo shaEgipute.¹⁴Ovano mbo vampititi vamumandi gha shavo: Vana vaReubeni vavakafumu, mbeli yaIsraeli, kwakalire Hanoki, Pallu, Hezroni, naKarmi. Ogho ngo matimbi ghalira lya Reubeni. ¹⁵Vana vaSimeoni vavakafumu kwakalire Jemweli, Jamini, Ohadi, Zoha, naShauli- vana vaKananite vano mbo matimbi ghaSimoni.¹⁶Vano mbo vana vavakafumu vaLeni omo vakukwamena, kutwara omo vakukwamena kwakalire Gerishoni, Kohati, naMerari. Levi aparukire mwaka dakutika ku 137. ¹⁷Vana vavakafumu vaGerishoni kwakalire Libni naShimei, kutwara muliro lyavo. ¹⁸Vana vaKohata mbo vaAmiram, Izha, Herro, and Uzziel. ¹⁹Vana vaMerari vavakafumu kwakalire Mahli naMushi. Ovano kwakalire matimbi ghalira lyaLevite, momo vakukwamena.²⁰Amaram akwara Jochebedi vawina ghona, mpandja vashe. Ava yita Aaroni naMosesa. Amram aparukire mwaka 137 ano ntani adohorokire. ²¹Vana vavakafumu vaIzha kwakalire Kara, Nephegi, naZikiri. ²²Vana vavakafumu vaUzzieli kwakalire Mishaeli, Elzaphani, naSitiri.²³Aron akwara Elisheba, mona wamukamali waAmminadabi, mpandja Nahshoni. Amuyitiri Nadab naAbihu, Eleaza naItama. ²⁴Vana vavakafumu vaKora kwakalire Assa, Elkana, naAbiasaf. Avano ngo matimbi ghakaliro ghavaKorahite. ²⁵Eleaza, mona Aaron wamukafumu, kwakwalire ghumwe wavana vaPutiel vavakamali. mbyo ayitire limpowe avamuti phinehasi. Ogho ngo matimbi aku kwamo mulira lyaRevi.²⁶Aghano matimbi maviri Aaron naMosesa ngo a ghambilire Karunga ashi, ''Karupwitenu vaIsraeli mushirongo shaEgipute, nambunga davo davakafumu dakurwa. ²⁷Aaron naMosesa ava ghamba kwaPharao, Hompa waEgipute, mukuvapulitira vaghupe vaIsraeli vantu muEgipute. Vakufanine navaMosesa naAaron.²⁸Hompa opo a ghambire naMosesa mushirongo shaEgipute, ²⁹a ghamba ashi, '' Ame Hompa. Kamutantere Pharao, hompa waEgipute, navintje ovyo nikutantera.'' ³⁰Ano Mosesa a limburura ashi, ''Kapishi nimuwa mukughamba, ano andi yira vinke akanteghererera Pharao me?''

¹Hompa a ghamba kwaMosesa ashi, ''Kenga, ame nakutura ukare yira Karunga waPharao. Aaron muunyoye ngakara muporofete ghoye. ²Ove ngaughamba navintje evi ngani kurawira ghughambe. Aaron muunyoye ngaka ghamba naPharao mposhi ngapulitire vantu vaIsraeli ngava tunde mushirongo shendi.³Ano ngoli ame ngani ditopita mutjima waPharao, ntani ame ngani tura viyivito vyavingi munkondo dande, vitetu vyavingi, mushirongo shaEgipute. ⁴Ano ngoli Pharao kapi ngakakutegherera kukoye, ngoli ngani tura lighoko lyande pavaEgipute ntani nganiyita mbunga yavantu vakurwana, vantu vande, vantu vamu Israeli, kutunda mushirongo shaEgipute kumasheteko ghamanene. ⁵VaEgipute ngavandjiva ashi me Karunga opo nganitura maghoko ghande pavaEgipute ano nganivarupwitamo vantu vaIsraeli mukatji kavo.''⁶Mosesa naAaron ava virughana, kwavirughanine yira moomo ava rawilire Hompa. ⁷Mosesa kwakalire namwaka rontantatu, ano Aaron ghuye kwakalire namwaka rontantatu na ntatu opo vaka ghambire naPharao.⁸Hompa a ghamba kwaMosesa naAaron, ⁹''Opo akamurenka Pharao ashi, 'neghede shitetu,' makura ghukarenke Aaron, 'Ghupa mpango uyivukumine Pharao, mposhi yikakushintunuke liyoka.'' ¹⁰Ano Mosesa naAaron ava yendi kwaPharao, nko kukarughana yira momo ava rawilire Hompa. Aaron nko kuvukuma mpango kumeho yaPharao navaruwani vendi, ano ayili shintunuka liyoka.¹¹Makura Pharao mpo ayitire vakonentu navapuli vamuEgipute. Navo ava rughana vininke vyakukufana vyaupure. ¹²Kehe mukafumu avukuma shininke shendi palivhu, ano vininke vyavo avi kushintunuka mayoka. ¹³Mutjima waPharao kwaghuditopitire, ano kapi a tegherelire, yira moomu ava tantilire Karunga pamuhovo.¹⁴Hompa atantere Mosesa, ''Mutjima waPharao udito, ano ashwena kupulitira vantu vayende. ¹⁵Yenda kwaPharao ngurangura opo aka rupuka aka yende kumema. kayimane kuntere yamukuro uka gwanekere naye, makura uka ghupe mulighoko lyoye shininke osho shakushintunukiro liyoka.¹⁶Ghamba nka kwendi, 'Hompa, Karunga wavaHeberu, ana ntumu kukoye niya kutantere ashi, ''Pulitira vantu vayende, mposhi ngava kamuraperere kumburundu. Dogoro mpopano ve kapi ghuna kutegherera.'' ¹⁷Hompa ana ghamba ashi, ''Paweno ngoli mpo undjivira ashi me Karunga. Ame kuna kutoghona pamema wamukuro waNile nantjeshino shininke shina karo mulighoko lyande, ano mema kughalitjindja honde. ¹⁸Ntjwi odo dina karo mumukuro kudifa, mukuro kuupwilira. VaEgipute kapi vavura kunwa mema ghamumukuro.'''¹⁹Makura Hompa a ghamba kwa Mosesa, ''Tantera Aaron, 'A ghupe shininke nakughonyonena lighoko pamema ghaEgipute, ntani napadimukuro, tumuramba, madiva, ntani namatope naghantje, mposhi mema ghavo ghakutjindje ghakare honde. Virughane vino mposhi kumarunone ghamema muEgipute mukare honde pantjayo, nampindi muvindini vyavitondo ndipo vyamawe.'''²⁰Mosesa naAaron ava virughana yira momo ava rawilire Hompa. Aaron ghayerura mpango nakuyitoghona pamema, mumantjo ghaPharao kuna kuvimona navaruwani vendi. Mema naghantje ghamumukuro agha kushintunuka honde. ²¹Ntjwi damumukuro adi fu, mukuro aghutwikiri kunuka. VaEgipute kapi vavulire kunwa mema ghamumukuro, ntaninka honde kwakalire kehe murunone rwamema mushirongo sha Egipute. ²²Ano vapuli va vaEgipute varuwanine vininke vyakukufana naupure wavo. Ano mutjima waPharao kwauditopitire, ntani nka ashwena kutegherera kwaMosesa naAaron, yiya moomo avi ghambire Hompa ashi mo vikashoroka.²³Makura Pharao apiruka nakuyenda kumundi wendi. Ghuye nakutegherera kapi avi tegherelire vinya. ²⁴VaEgipute navantje kwatimine kwara kumukuro vashane mema ghakunwa, ano ngoli kapi vavulire kunwa mema ghene ghamumukuro wene. ²⁵Mayuva ntambiri ghapitiro kuruku rwa Hompa ahomokilire mukuro.

¹Makura Yehova atantere Mosesa ashi, ''Yenda kwaPharao ukamutantere ashi, 'Yehova ana ntantere ashi, ''Shuva vantu vande vayende mposhi ngavakankanderere me. ²Nange ushwena kuvashuva vayende, ngani hepikita shirongo shoye nashintje namankovovo. ³Mukuro ngaupupa wamankovovo. Ghagho ngagha kanduka dogoro mumbara yoye, mundjugho yoye yakurara, nakughuro ghoye. Ngaghayenda namumandjugho davapika voye. Ngaghayenda mumbunga yavantu voye, namumadiko ghoye ghamboroto, napavisha vyoye pakuduvira, ⁴mankovovo ngaghakuhomokera, nambunga yoye ntani navapika voya navantje.''⁵Yehova a ghamba kwaMosesa, ''Tantera Aaron ashi, 'Honyonona lighoko lyoye mpango yoye pantunda yadimukuro, dimuramba, matope namadiva ntani ghuyite mankovovo mushirongo shaEgipute. ⁶Aaron makura ahonyonona lighoko lyendi nampango pantunta yamema ghaEgipute, ano mankovovo aghaya kumwe nakufika shirongo shaEgipute. ⁷Ano vaupure ava virughana pashiumpure wavo;navo ava yitapo mankovovo mushirongo sha Egipte.⁸Makura Pharao ayita Mosesa naAaron nakughamba ashi, ''Rapererenu kwaKarunga mposhi ata tundite mankovovo name nambunga yande. Makura ngani renka vantu vayende, mposhi ngava kamudjambere.'' ⁹Moesa a ghamba kwaPharao, ''Kuvura ukare namfumwa yakuntantera ashi shirugho munke nivura kukuraperera naumoye, vapika voye, nambunga yoye. mposhi mankovovo ghatunde koye namundjugho denu ntani ghakare tupu mumukuro.''¹⁰Pharao aghamba, ''Yona.'' Mosesa a ghamba, ''Ngavikara yira moomo tupu una vighamba, mposhi ngauyive ashi kwato umwe wakukara yira Yehova, Karunga wetu. ¹¹Mankovovo ngaghamutunda, mundjugho denu, vapika voye, ntani nambunga yoye. Ngagha kara tupu mumukuro. ¹²Mosesa naAaron makura ava tundu kwaPharao. Makura Mosesa ayiyiri kwaYehova kuhamena mankovovo ogho a yitire kwaPharao.¹³Yehova arughana yira momo amu pulire Mosesa: Mankovovo agha fere mumandjugho, mulirombe, namumafuva. ¹⁴Vantu mpo ngoli vaghapongayikire pamandambo, shirongo ashi vareke kunuka lidumba lyalidona. ¹⁵Ene ngoli Pharao opo amonine ashi mahepeko ghana kutura kadidi, mutjima wendi aghukukutita kapi ategherelire kwaMosesa naAaron, yira moomu tupu avi ghambire Yehova.¹⁶Yehova aghamba kwaMosesa, ''Tantera Aaron, 'Honyonona mpango yoye mposhi ngayikushintunuke mwe mushirongo nashintje shaEgipute.''' ¹⁷Navo mo vavirughanine ngoli. Opo ahonyononine Aaron lighoko lyendi nampango kumwe nakutoghona mbundu yapalivhu, mwe mpo dabombilire vantu vamushirongo shaEgipute navikorama. Mbundu nayintje yapalivhu ayi kushintunuka mwe muvirongo navintje vyamuEgipute.¹⁸Vaupure navo ngoli mo vashetikire ngoli paupure wavo va yite mwe, ene ngoli kapi vavivulire. Makura mwe mpo ngoli dabombelire ngoli vantu navikorama. ¹⁹Ano vapuli mpo vaghambire kwaPharao ashi, ''Eyino ndjo nyara yaKarunga.'' Ano mutjima waPharao kwauditopitire, ano ashwenine kuteghererera kukwavo. Yira momo tupu avighambire Yehova ava tantilire Pharao omo a rughana.²⁰Yehova aghamba kwaMosesa, ''Rambuka ngurangura yayinene nakukayimana kumeho yendi opo ayenda kumukuro. Kamutantere ashi, ''Yehova ana tanta vino: Shuva vambunga yande mposhi vaka nkarere me. ²¹Ano ntjene kapi uva pulitira vantu vayende, ngani kutumina lidungi lyamwe koye, vapika voye, mbunga yoye, namundjugho denu. Mundjugho davaEgipute ngamuyuva madingu gha ndi, napalivhu napantjeya pakuyimana ngapa yura ndi.²²Ene ngoli muliyuva lyo shirongo shaGosheni nganishi tekura mwapeke, mushirongo omo vakara vantu vande, mposhi kwato mudingu wandi ngaghu karomo. Evi ngavi shoroka mukonda ngauyive ashi ame Yehova mukatji kashirongo. ²³Ano ngani katurapo ligaununo pakatji kavantu vande navantu voye. Shiyivito shino shankondo dande ngadi karoko yona.''' ²⁴Yehova mo avi rughanine, ano atumu ndi dadinene kundjugho yaPharao, ntani kundjugho davakareli vendi. Mushirongo nashintje shaEgipute, shirongo shavipire mukonda yamadingu ghandi.²⁵Pharao ayita Mosesa naAaron nakughambashi, ''Yendenu, kandjamberenu kwaKarunga wenu mushirongo shetu.'' ²⁶Mosesa a ghamba ashi, ''Nakuwapashi kuvirughana ngoli twe, ndjambo odo twarughananga kwaKarunga atwe ne shidira kuvantu vamuEgipute. Nangeshi tudjambe yino ndjambo eyino ndjambo vavo mumantjo kwavo shidira, kapi vatuvukuma mawe? ²⁷Hawe, ruyendo rwa mayuva matatu tuna kuyenda mumburundu tukadjambere mumburundu mposhi tukadjambere Karunga wetu, yira momo ana turawiri.''²⁸Pharao a ghamba, ''Kunimupulitira muyende nakukadjambera Hompa Karunga wenu mumburundu. Kapishi mukayende ure mukankandererepo.'' ²⁹Mosesa aghamba,''kenga ame kunakutundapo papoye, kuni karaperera kwaKarunga mandungi ghandi ghamushuve, Pharao, navapika voye navantu voye yona. Ene ngoli Pharao kapishi aku konge nka akadire kutapa vantu vayende vakadjambere Karunga.''³⁰Mosesa ayendi ashuve Pharao nakukaraperera Karunga. ³¹Karunga arughana momo avipulire Mosesa, atundita madingu ghandi kwaPharao, vapika vendi navantu vendi. Kwato oyo yahupirepo. ³²Ene ngoli Pharao akukutita muntjima wendi paruvede runo nka ntani kapi apulitilire vantu vayende.

¹Makura Yehova atantere Mosesa ashi, ''Yenda kwaPharao ukamutantereshi, 'Yehova, Karunga wavaHebeli, ana ghamba vino: Pulitira vantu vande vayende mposhi vakampande me.'' ²Ano ngoli ntjene ushwena kuva pulitira, ghuva shweneke nka shimpe, ³Makura lighoko lyaKarunga ngalikuyitira uvera waudona kuvimuna vyoye ovyo vina kara mushirongo-tukambe, vidongi, ngamero, hambo dangombe, nautanga wavindjwi. ⁴Ano ngoli Karunga ngakapangura pakatji kavimuna vyavaIsraeli navimuna vyavaka Egipute, mposhi kwato vimuna vyahameno kuvaIsraeli ngavikafo.⁵Yehova ana tulitapo ruvede, gha ghamba ashi, ''Yona mpo ngani rughana ovyo vininke mushirongo.'' ⁶Karunga mpo avi rughanine liyuva lyakukwamako: ngombe nadintje muEgipute adi fu, ngoli kwato vimuna vyamuIsraeli vyafiro, kwato nampindi shimuna shimwe. ⁷Pharao a kona-kona, makura, ghakengeshi, kwato shimuna shavaIsraeli osho sha firo nampindi shimwe. Ngoli mutjima wendi wakalire nankani, kapi ghapulitilire vantu vayende.⁸Makura Karunga a ghamba kwa Mosesa naAaron ashi, ''Ghupenu maghoko maviri ghamutwitwi mulidiko. Ove, Mosesa, ghuna kona kuvukuma litwitwi mumpepo ghavimone Pharao. ⁹Wawo kughukakara mbundu mushirongo mudima shaEgipute. Wawo ngaukayita vironda navimburu kuvantu nakuvimuna mushirongonashintje shaEgipute.'' ¹⁰Ano Mosesa naAaron ghava ghupu mutwitwi mulidiko nakuyimana kumeho yaPharao. Makura Mosesa avukuma mutwitwi mumpepo. Mutwitwi a ghuyita vironda kuvantu nakuvimuna.¹¹Vaupure kapi vavulire kumu kandana Mosesa mukondashi kwakalire navironda, mukondashi navo kwakalire navironda ntani nakuvantu navantje vamuEgipute. ¹²Yehova akukutiki mutjima waPharao, ano Pharao kapi a tegherelire kwaMosesa naAaron. Evino yira moomo Yehova ghatantilire Mosesa ashi Pharao mo gharuwana.¹³Makura Karunga ghatantere Mosesa ashi, ''Rambuka muruvindwira, uka yimane kumeho yaPharao, nakumutantera ashi, ''Yehova, Karunga wavaHebeli, ghana ghamba vino: ''Pulitira vantu vayende mposhi vaka mpande. ¹⁴Mposhi paruvede runo ngani katuma mauvera naghantje kukoye naumoye, Kuvakareli voye na kuvantu voye.Nganivirughana mposhi ngauyiveshi kwato wakukara yirame pa ntunda yalivhu napantje.¹⁵Pa weno ndi na worora liwoko lyande nakumuhomona nove navantu voye na ghuvera , ntani ndi namutunditamo mushirongo. ¹⁶Ngoli ku konda yino mbyo namupulitirilire muparuke:Mposhi nimuneghede una nkondo wande, mposhi lidina lyande valiyaure mughudjuni nauntje. ¹⁷Shimpe aghukuyerure naumoye kuvantu vande mukuvashweneka kuyenda.¹⁸Terera! Yona kuruvede runo ngani kayita likundungu lyalinene, olyo vadira kumona rumwe muno muEgipute kutunda liyuva olyo vashiwana dogoro mpapano weno. ¹⁹Makura weno, tuma vantu nakupongeka vimuna vyoye navininke navintje ovyo wakara navyo mushirongo vaviture mulivango lyakupungukwa. Kehe muntu navikorama ovyo vina karo mushirongo ovyo vadira kuyita mumundi- mawe ngagha kava wera, ano ngava fa.''²⁰Makura vakareli vamwe vaPharao ovo vapuliro munkango daYehova ava kwangura vakashimbe vapika vavo navimuna vyavo kumandi. ²¹Ngoli ovo vadiro kukutura munkango daKarunga ghava shuviliri vapika vavo navimuna vyavo mumawiya.²²Makura Yehova a ghamba kwaMosesa ashi, ''Ghorora lighoko lyoye muwiru, mposhi mvhura yamawe yiroke mushirongo shaEgipute nashintje, kuvantu navimuna, nakukehe shimenwa shamushirongo shaEgipute.'' ²³Mosesa a ghorora lighoko lyendi muwiru nampango yendi, makura Yehova atumu mandundumo, mvhura yamawe, namaruvadi pantunda yalivhu. ghuye arokita mvhura yamawe mushirongo shaEgipute. ²⁴Mpo kwakalire mandundumo, mvhura yamawentani namaruvadi ghakukuvonga namvhura yamawe, yayinene unene, oyo yadiro kushoroka rumwe mushirongo shaEgipute.²⁵Mushirongo nashintje shaEgipute, mvhura yamawe kwadjonawire vininke navintje mushirongo, vantu kumwe navimuna. Kwadjonawire kehe vimenwa navimuna mushirongo nakuteta kehe vitondo. ²⁶Nkwandi mushirongo shaGeshoni omo vatungire vaIsraeli, kapi mwakalire likundungu.²⁷Makura Pharao atumu vantu vakayite Mosesa naAaron. Ghavatantere ashi, ''Ame nadjono ruvede runo. Yehova muhungami, ntani name navantu vande tuva dona. ²⁸Rapererenu kwaYehova, mukonda maruvadi nalikundungu vingi unene. Ngani mupulitira muyende, ntani kapi ngamutunga muno nka.''²⁹Mosesa a ghamba kukwendi ashi, ''Opo tupu nitunda munkurumbara, kuni kaghorora maghoko ghande kwaYehova. Mandundumo kugha kashaya, ntani nka kapi kukara nka likundungu. Mundjira yino kughukayiva ashi ntunda yalivhu kwahamena kwaKarunga. ³⁰Ano ngoli kukoye navakareli voye, nayiva ashi kapi shimpe muna fumadeke Yehova, Karunga wenu.''³¹Weno dimucuko nangogo vyadjonauka, ngogo kwakulire, ano dimucuko kwatemunine. ³²Ngoli rukokotwa kapi rwadjonaukire murwa rwaro kwahulilire kumena. ³³Mosesa apa atundire kwaPharao namunkurumbara, ghaghorora maghoko ghendi kwaYehova: Maruvadi nalikundungu ghavi shaya, mvhura nayo ayi kaghuka.³⁴Pharao opo a monine mvhura, likundungu, namandundumo vina shaya, ghatura nka ndjo nakukuktika mutjima wendi kumwe navakareli vendi. ³⁵Mutjima waPharao aghukukuta, ano kapi apulitilire vantu vaIsraeli vayende, yira moomo avi ghambire Mosesa.

¹Hompa a ghamba kwa Mosesa, ''Kayende kwaPharao nakukutike mutjima wendi nadimutjima davapika vendi. Kuna virughana vino nineghede viyivito vya unankondo wandemukatji kavo. ²Kuna virughana vino nka mposhi ngo tantere vana voye navatekuru voye vininke ovyo narughana, omo natekulire vaEgipute mwamudona, ntani nomo navapire viyivito vyakukushuva-shuva vyankondo dande mukatji kavo. Omuno mundjira kuundjiva ashi ame Hompa.''³Ano Mosesa naAaron ava yendi kwaPharao nakukaghamba ashi, ''Shirugho munke ngo shwena kulididipita naumoye kumeho yande me? shuva vantu vande vakandughanene. ⁴Ano ntjene una kushwena kushuva vantu vande vayende, tegherera, yona ngani yita mambonde mushirongo shoye.⁵Ngaghaya fika pantunda yalivhu mposhi kwato ogho ngavuro kumona pantunda yalivhu, ngaghaya lya vininke navintje ovyo vyahupiro kumvhura yamawe. Ngagha lya nka vimenwa vyenu navintje ovyo ngavi karo mumafuva ghenu. ⁶Ngaviya yura mumandjugho ghenu, nedi davapika voye, ntani nedi davaEgipute- vininke ovyo vadira kumona vasho ndi vanyakulyoye vishoroke rumwe, kwato kundilira shirugho osho vaya pantunda yalivhu dogoro namuntji lino.'' Makura Mosesa arupuka nakuyenda atunde kwaPharao.⁷Vapika vaPharao ava ghamba kwendi ashi, ''Shirugho shakutika kuni oghuno mukafumu ngakara rutenda kwetu? shuva vaIsraeli vayende mposhi vakarughanene Hompa Karunga wavo. Kapi una kuvivuruka ashi Egipute vanayi hanaura?'' ⁸Mosesa naAaron ava kavayita nka kwaPharao, a ghamba kwavo ashi, ''Kayendenu mukarughanene Hompa Karunga wenu. Ano ngoli vantu munke vayendo?''⁹Mosesa a ghamba ashi, ''Kutuyenda navanuke kumwe navakurona, navana vetu vavamati nava vavakadona. Kutuyenda navivunda vyetu vyandjwi ntani nangombe, morwashi twe tukadane shipito shaHompa.'' ¹⁰Pharao a ghamba kwavo ashi, ''Ene ngoli Hompa akare nanwe, ntjene kunimupulitira muyende ntani navanuke. Kenga, muna kara nampepo dadidona mundunge denu. ¹¹Hawe! kayendenu, nwe vakafumu mukatji kenu, nakuka rughanena Hompa, mukondashi mbyo muna horo.'' Makura Mosesa naAaron ava vaghupumomumbunga yaPharao.¹²Makura Hompa a ghamba kwaMosesa ashi, ''Ghonyonona lighoko lyoye mushirongo shaEgipute kumambonde, mposhi ghahomokere mushirongo shaEgipute nakulya vimenwa navintje ovyo vyakaromo, vininke navintje ovyo gha hupitiremo mawe.'' ¹³Mosesa makura a ghonyonona lighoko lyendi nampango kushirongo shaEgipute, anoHompa ayita likundungu lya kuupumeyuva mushirongo nashintje mwi namatiku. Makura opo lya pumine liyuva, kakundungu kakuupumeyuva aka yita mambonde.¹⁴Makura mambonde aghayendi mushirongo shaEgipute kumwe nakukuywida mumaruha naghantje. Kapi vya shoroka rumwe vininke vyakukara matuku ghamambonde mushirongo, ntani nka kwato vyakufana weno ngaviyoko kunyima yavino. ¹⁵Agha fiki pantunda yalivhu napantje makura apa shovagana. Agha lyi vimenwa navintje vyamushirongo nanyango dakuvitondo odo yashuvidireko mvhura yamawe. Mushirongo nashintje shaEgipute, kwato vimenwa vya shinamahako ovyo vyahupiroko, kwato vitondo ndi vimenwa ovyo vyahupiro mumafuva.¹⁶Ano Pharao akwangulita kuyita Mosesa naAaron kumwe nakughamba ashi, ''Nina tura ndjo kwaHompa Karunga wenu nakukwenu. ¹⁷Makura weno, ngupirenupo ndjo dande oruno ruvede, ntani muraperere kwaHompa Karunga wenu ashi a ngu mfa dino ditunde kwande.'' ¹⁸Makura Mosesa ayendi atunde kwaPharao nakukaraperera kwaHompa.¹⁹Hompa ayita likundungu lyankondo lyakuutokero nakudamuna mambonde nakukagha tura mulifuta lyaligeha, kwato limbonde nampindi lyalididi lyahupiro munya mushirongo shaEgipute. ²⁰Ano Hompa akukutike mutjima waPharao, ano Pharao kapi apulitilire vaIsraeli vayende.²¹Makura Hompa a ghamba kwaMosesa ashi, ''Ghonyonona lighoko lyoye muwiru, mposhi kukare mundema mushirongo shaEgipute, mundema ogho vayuva.'' ²²Makura Mosesa a ghonyonona lighoko lyendi muwiru, ano mundema waunene aghuya mushirongo shaEgipute mumayuva matatu. ²³Kwato wakumona unyendi, kwato ogho ashuviro mundi wendi mumayuva matatu. Ano ngoli, navantje vaIsraeli kwakalire naramba mumavango ogho vatungire.²⁴Pharaoh aka kugha Mosesa ntani nakughambashi , ''kayendenu mukakarere Hompa wenu. Nalikoro lyoye nalyo ngaliyenda nove, ano ndjwi nangombe denu ngavikara kunyima. ²⁵Mosesa a ghamba ashi, ''Tupulitire utupe ndjambo ntani dokudipagha mposhi tukavitape kwaHompa Karunga wetu. ²⁶Ngombe detu diyende natwe, kwato nampindi likondo olyo ngatu shuva kunyima, mposhi tuna kona kuvitwara tuka karere kwaHompa Karunga wetu. Kapi tuyiva twe nanke ngatu kamukarera Hompa dogoro ngatukatike kunya.²⁷Ano Hompa akukutike mutjima waPharao, nakudira kupulitira vaIsraeli vayende. ²⁸Pharao a ghamba kwaMosesa, ''Kayende utunde kwande! kupakere shinka nashininke shimwe, ashi kapi ngo nkenga nka, liyuva olyo ngo kenga shipara shande, ngo fa.'' ²⁹Mosesa a ghamba ashi, ''Ove naumoye una vighambo. Kapi ngani mona shipara shoye nka.''

¹Makura Hompa atantere Mosesa ashi, ''Shimpe mpolili lihepeko limwe nganiyita kwaPharao naEgipute. Kutunda opo, ngamu tunditamo ngamuyende amu shuve muyende. Opo ngamushuva muyende, ngamutjidilira muyenderere. ²Rawira vantu ashi kehe uno mukafumu namukamali vakapure vamaparambo ghavo vyuma vyasiliveli navyuma vyangorodo.'' ³Weno Hompa ana renke vaEgipute vagarape ghahafite vaIsraeli. Shimpe nka, mukafumu Mosesa vyamuhafitire unene kushipara shavapika vaPharao navantu vamuEgipute.⁴Mosesa a ghamba ashi, ''Hompa ana ghamba ashi: Paruvede rwapakatji kamatiku kuniyendaura Egipute nayintje. ⁵Vambeli navantje vamushirongo shaEgipute kuva fa, kutamekera kwamona Pharao wambeli, ogho a shungirango kushipuna shindi shaumpititi, tuyende kumbeli wamupika mamukamali wapa shinu, navambeli navantje vavimuna.⁶Ano ngamukara namalirankali ghamanene muEgipute namuntje, ovyo vipiro kushoroka kapi nka ngavishoroka. ⁷Mpili mbwa kapi ngayihuda nka vaIsraeli, vakare vantu ndipo vikorama. Mundjira yino kumuyiva ashi nahangura vaIsraeli navaEgipute. ⁸Varuwani navantje, Pharao, ngavaya kwande nakuya tongamena kwande. Ngava ghamba ashi, 'yenda, ove navantu voye ovo vakukwamango!' Kutunda opo ngani rupukamo.'' Makura atundupo paPharao naugara waunene.⁹Hompa atantere Mosesa, ''Pharao kapi akutegherera. Ovino kapishi walye kunirughana vitetu vyavingi vyaviwa mushirongo shaEgipute.'' ¹⁰Mosesa naAaron varuwanine vitetukita kumeho yaPharao. Ano Hompa akukutike mutjima waPharao kapi apulitilire vantu vaIsraeli vatunde mo mushirongo shendi.

¹Karunga a ghamba kwaMosesa naAaron mushirongo shaEgipute. A ghamba, ²''Kwenu, mwedi ghuno ngo ngaukaro mwedi wakutamikita kumakwedi, ngo mwedi wakutanga mumwaka kukwenu.³Tantera mbunga yaIsraeli, 'Muliyuva lyamurongo lyamwedi ghuno vavo vana kona kehe uno kughupa ndjwi ghonapo ndi kampendje ghona vyava ghumwavo, kehe lipata lirughane vino, ndjwi ghona kukehe lipata. ⁴Nangeshi lipata lididi kundjwi ghona, mukafumu nalivero lyakukwamako mumaparambo ghavo vaghupe ndjwi ghona ndipo shimpendje ghonavalye mposhi yikuyende nashivaro shavantu. Yayo yina hepa kugwaneka mukulyako kehe uno, vana kona kughupa nyama yakugwaneka kulya vantu navantje.⁵Ndjwi ghona yoye ndipo shimpendje ghona shikare kwato shipo, kakungwe kamwaka umwe. Kughupako shimwe shamuvindjwi ndipo shamuvimpendje. ⁶Ove kushipungura dogoro muliyuva lyamurongo nane lyogho mwedi. Makura mbunga nayintje yaIsraeli vakona kudipagha vimuna ovyo kungurova. ⁷Muna kona kughupako honde yimwe nakuyitura kumaruha maviri ghalirunga napawiru yalikura verovyandjugho odo ngava lyera nyama oyo. ⁸Anwe muna kona kulya nyama oyo ngogho matiku, kuruku rwakuyiyota pamundiro shikando sha muhovo. kuyilya namboroto yahana vishashita, navitovita.⁹Nakuyilyashi ghuvishu ndipo kuyitereka mumema, mulivango lyakuyiyota pamundiro namutwe wayo, maghuru, navilyo vyayo vyamunda. ¹⁰Anwe nakupulitirashi mushuvideko nampiri kakadidi nange kungurangura. ¹¹Weyo mo una kona kuyilya: Ruvya una rupata, nkaku kumpadi doye, nampango yoye mulighoko. Ove ghuna hepa kuyilya pawangu wangu.¹²Karunga a ghamba vino: Ame ngani yendi shirongo mudima nashintje shaEgipute nakuhomwena vambeli nadintje davantu navikorama vyamushirongo shaEgipute. Ngani yita matengeko kuvaKarunga navantje vaEgipute. Ame Karunga. ¹³Honde ngayikara shiyivito pandjugho denu muruyendo rwande kukwenu. Nageshi namono honde, ame ngani kupitakana apa ngani kahomona shirongo shaEgipute. Shimpagwa shino kapi ngashi kukwenu ndipo shiyamudjonaure. ¹⁴Liyuva lino ngalikara liyuva lyalikuro kukwenu, olyo ngamu kadananga shipito shaKarunga; kumaruvaro ghenu- mpangero oyo vana kona kutura mumaghano ashi shipito shanaruntje.¹⁵Anwe ngamulye mboroto yahana vishashita muruvede rwamayuva ntambiri. Liyuva lyakutanga anwe ngamu ghupemo vishashita mundjugho denu. Kehe uno ngalyo mboroto yamushashu kutundilira liyuva lyakutanga nange lyauntambiri, muntu ogho ndje tupu kutunda kuvaIsraeli. ¹⁶Muliyuva lyakutanga kuna hepa kukara lipongo olyo ngamu ntulira ntere, ntani paliyuva lyauntambiri napo waro ngapa kara waro lipongo. Kwato shirughana sha kurughana mumayuva ghano, kughupako viterekwa ovyo ghalya kehe uno. Ntjosho tupu ntjo shirughana shakuvura kurughana anwe.¹⁷Muna hepa kudana shilika shino shamboroto yahana vishashita mukonda paliyuva lino nayitire vakavita venu kutunda kushirongo shaEgipute. Mposhi muna kona kulikengera liyuva lino nakulikoneka nakumaruvaro ghavantu voye ngayikarwe mpangero yanaruntje. ¹⁸Muna kona kulya mboroto yahana mushashu kutundilira ngurova yaliyuva lyamurongo nane mumwedi wakutanga kumwaka nange ngurova liyuva lyadimurongo mbiri namwe kumwedi ngo gho.¹⁹Mumayuva ogho ntambiri, narumweshi kuwana vishashita mundjugho denu. Kehe uno wakulya mboroto vana rughanata navishashita ndje tupu kumughupako kunkarapamwe yavaIsraeli, vikare ashi muntu wamuntunda virongo ndipo kwamuyitira mushirongo shenu. ²⁰Anwe nakulyashi vininke varughanita navishashita. Kehe kuno watunga, muna kona kulya mboroto yahana mushashu.'''²¹Makura Mosesa ayita matimbi naghantjeya ghavaIsraeli nakughamba kukwavo, ''Yendenu nakukahangura ndjwi ghona odo ngadi gwaneko mumapata ghenu nakukadipagha ndjwi ghona yapasovara. ²²Makura ghupa mushampo wabisopo nakughutupika muhonde oyo ngayikaro mushisha. Ghupa honde mushisha ukwite paliwiru yalivero nakumarunga vero maviri. Naghumweshi wakurupaghuka nange ngurangura.²³Karunga kwapitamo ahomone vaEgipute. Nange amone honde pawiru yashikura vero napamarunga vero maviri, ano ghuye kwapitakana livero lyoye nka kwato lipulitiro kuvana djunaghuli mundjugho yoye vaku homokere.²⁴Anwe konekenu vino. Oyino ngayikara kehe pano veta kukwenu nakumaruvarighenu. ²⁵Opo ngamukangena shirongo osho Karunga ngamupa, yira momu atwenyidira kuvirughaghana, konekenu veta yino yaukareli.²⁶Ntjeneshi vana venu ngavamupure, ''vinke vyo yina kutanta yino veta yaukareli?'' ²⁷anwe kuvatantera ashi, 'Yino ndjambo yaKarunga yalipito lyaKarunga, mukondashi Karunga kwapitaukire kundjugho davaIsraeli muEgipute opo aka homonine vaEgipute. Ghuye kwatulire mapata ghetu ghana manguruka.''' Ano vantu mpo vakunyongaminine nakuraperera kwaKarunga. ²⁸VaIsraeli ava yendi nakurughana yira moomo ava rawilire Mosesa naAaroni.²⁹Vyavyo kwashorokire pakatji kamatiku opo Karunga ahomokilire mbeli nadintje mushirongo shaEgipute, kuvarekera kumbeli yaPharao, ogho ashungiliro kulipundi lyendi, nakuvambeli navantjeya vavantu nakuvambeli nakuvambeli navantje vavimuna. ³⁰Pharao kwa rambukire matiku- ghuye, navaruwani vendi, navaEgipute mudima. Kwakalire malirankali ghamanene muEgipute, kundereko lipata omo dapilire mfa.³¹³²³³Pharao kwayitire Mosesa naAaron mumatiku ngogho nakughamba ashi, ''Rambukenu, tundenu mukatji kavantu vande, nanwe navaIsraeli. Kayendenu, karuwanenu Karunga, shika yira momo mwavighamba ashi mwa shana kuvirughana. Shimbenu mautanga navivunda, shika momo mwa ghamba, nakuyenda, ano ntungikenu name.'' VaEgipute kwakalire munkwangu yayinene mukuvatuma vatunde mushirongo, ava ghamba, ''Atwe natuvantje kutufa.³⁴Makura vantu ava ghupu ndombo yavo hana kuwedamo kehe vishashita. Viduviro kare kava vimanga manga pamakeshe ghavo kumwe naku kutwika pamapepe ghavo. ³⁵Makura vantu vaIsraeli ava rughana shika momo vava tantilire Mosesa. Vavo ava pura kuva Egipute vikwa siliveri, vikwa ngorodo namudwato. ³⁶Karunga arenkita vaEgipute vahafere vaIsraeli. Ano vaEgipute ava tapa navintjeya evi vava pulire. Mundjira yino, vaIsraeli mo vakupalire vaEgipute.³⁷VaIsraeli ava yendi kutunda muRamasesi vatambe kuShukoto. Shivaro shavo vavo nakukayendera ku 600,000 vantu vaparupadi, kupakererako navanuke. ³⁸Mbunga yakukuvonga nayo kwayendire kumwe navo, kumwe namautanga navivunda, nashivaro shashinene shavimuna. ³⁹Vavo ava kanga mboroto yahana mushashu nandombo oyo vatundire nayo kuEgipute. Kapi vatuliremo vishashita mukondashi vavo kwatundire muEgipute pankwangu kapi vavulire kuwapayika ndya. ⁴⁰VaIsraeli kwatungire muEgipute mwaka dakutika ku430.⁴¹Apa dapwire mwaka do 430, muliyuva ndyolyo, moKarunga aghupire vakavita vendi navantje vatunde mushirongo shaEgipute. ⁴²Oghano kwakalire matiku ghakugcunya, Karunga mpo ava yitire vatunde mushirongo shaEgipute. Ghano matiku ghaKarunga ghakuvura kukoneka vaIsraeli nakumaruvaro ghavo.⁴³Karunga aghamba kwaMosesa naAaron, ''Oyino ndjo veta yaPasovara: Kundereko munantunda virongo wakulya kumwe nanwe. ⁴⁴Nampiri ndi mupika wamuIsraeli mwaghura navimaliva, kulya ko nkwandi munyima yakumurughana vyamukanda.⁴⁵Vantunda virongo navarughani vakushoshweda nakulyakoshi kundjambo. ⁴⁶Ndjambo kudilyera mumundi ghumwe tupu, ntani narumweshi kushimba nyama kehe yino yirupuke mumundi wandjambo, ntani nakutjorashi kehe shifupa shayo.⁴⁷Nkarapamwe yaIsraeli yivure kukakoneka shilika shino. ⁴⁸Ntjeneshi munavirongo atunga nanwe naye ana horo kudana shilika shino shaPasovara kwaKarunga, navantje vakafumu vendi valiro nkwandi ava tume vakavarughane vyamukanda. Ntani aya mukuyadana shilika shino. Naye kuvura kukafana yira vantu ovo vashampurukira mushirongo. Vikareshi weni ndi weni kwato ogho avapira kurughana vyavamba wakulya kundya dino.⁴⁹Veta ndjoyino tupu ngayiruwana kwamutungimo namuntunda virongo ogho atungo mukashi kenu.'' ⁵⁰Ano VaIsraeli navantje ava rughana nawa-nawa shika momo Karunga arawilire Mosesa naAaron. ⁵¹Lyalyo kwatundilira liyuva lya udito apa Karunga ayitire vaIsraeli vatunde mushirongo shaEgipute mumbunga davo.

¹Karunga aghamba kwaMosesa, nakughamba, ²''Ntulire ntere vambeli navantje vavakafumu, mukonda mbo vagharuro maruvaro ghavakamali vavaIsraeli, akare muntu ndi shikorama. Ghuye wande.''³Mosesa aghamba kuwavantu, ''Liyuva lino likwatenu lighano, liyuva mwatundire muEgipute, mutunde mundjugho yaghupika, mughunankondo walighoko lyaKarunga mbyo muna tundili kunya kulivango. Kwato mboroto yaviashashita ngamu lya. ⁴Ngaghano mayuva ngomurupuka muEgipute, muwedi ngoghuno waAviv. ⁵Opo amuyita Karunga mushirongo shaKanana, Hititte, Amorite, vaHeviti navaJebusite,shirongo sho aghaninine matimbi ghenu ashi amupe shirongo sha yuro mashini na ushi wampuka muna kona kuyikenga nkedi, nakuyiraperera mwedi ogho unakukwamoko.⁶Ure wamayuva matano namaviri muna kona kulya mboroto dakudira vishashita, muliyuva lyautano na uviri tuna kona kuraperera tupandure Hompa Karunga. ⁷Mboroto yakudira vishashito tuna kona kuyilya moghano mayuva matano namaviri, kwato mboroto yakudira vishashita ngava mona mwenu. Kwato vishashita ngava mona mukatji kadimurudi denu.⁸Muliyuva olyo muna kona kughamba kwa vanavenu, ''Vino mukonda ya Hompa Karunga ovyo aruwana kwande opo nakurupire mu Egipute.'' ⁹Ovino ngavikara viyivito kulighoko lyoye, Shiyivito ngashikara pameho yoye. Dino veta daKarunga ngadi kara mukanwa koye,naliparu lyakukora mukonda Hompa Karunga atuyoghora mukutu ghupa mu Egipute. ¹⁰Mbyovyo shi ghuna kona kukwata mpangera dino kukehe mwaka paruvede oro vaturapo.¹¹Opo ngaka muyita Karunga mushirongo sha kananite, momo ashighanine koye nakuvanyakulyenu, ntani nopo ngatapa shirongo kukwenu, ¹²muna kona kutulira ntere kehe shino shakuhova kuyita kwaKarunga ngashi taghuro shivaro kwanyokwa. Navintje vikorama vya kuhova vyavirume, ngavikara vya Karunga. ¹³Kehe shidongi shakuhova shashirume kushiyoyita kushindjwi ghona. Ntjene shi kapi muna kushiyoghora, kushitjora ntingo. Ene ngoli kukehe mbeli wenu wamukafumu ngamuvayoghore.¹⁴Opo ngakupura monoye wamukafumu kuruku, ''Vinke vina kutanta vino?'' Ene ngoli ngomu tantere munoye wamukafumu, ''mukonda yalighoko lya Karunga lya kupama lyaka tughupiro mu Egipute, tutunde mu ndjuwo yaghupika ya Egipute. ¹⁵Opo Hompa farawo atu shwenikiro tuyende, Karunga mpo adipaghire vambeli navantje vava Egipute nava mbeli navantje vavi korama. Mbyo tuna kudjambera kwa Karunga nava mbeli navantje vavakafumu ovo vagharuro shivarero sha nyokwavo ano vambeli vakavafumu navantje vayowoke. ¹⁶Shino shikare shiyivito shakulighoko lyoye, ntani nashiyivito sha pashipara shoye, mukonda yaghuna nkodo wa Karunga kwaka tu tunditire mu Egipute.''¹⁷Opo ghapulitire Pharao vantu vayende, Karunga kapi ava pititilire mundjira ya shirongo sha filistine, nampili ngoli shakalire shirongo pepi. Karunga aghamba ashi, ''Mbunga narumweshi ngayikuvera, ntjene ngava mona vita, makura ngava vyuke mu Egupute.'' ¹⁸Mpo Karunga apititilire vantu mu mburundu vatambe kuli futa lyambu. Vantu vamu Isareli ava tundu mushirongo sha Egipute vana kuwapayikiri mukukarwa vita.¹⁹Moses apitura vifupa vya Josefa, mbyovyo shi Josefa kwaghanine va Israeli ashi, ''Karunga vyaghushili ngamu yoghora, ntani muna kona kupitura vi fupa vyande.'' ²⁰Va Israeli ava tumbu ruyendo rwavo vatunde ku Sukkoth, mbyo vaka tulire ntanda Etham kuntere yamburundu. ²¹Hompa ava pititiri kumeho murupe rwa ngundi yama remo yiva neghede ndjira. Matiku kungena mungudi ya mundiro ava pe shite. mundjira yino kwa yendire mwi namatiku. ²²Hompa kapi katunditangapo maremo kumeho yambunga pametaha ndipo ngudi yamundiro kumeho yambunga ya vantu kumatiku.

¹Makura Karunga atantere Mosesa, nakughamba, ²''tantera vaIsraeli ashi vavyuke vaya rarere kumeho ya Pi Hahiroth, pakatji kaMigdol nalifuta , kumeho yaBaal Zephon. Mukarare kulifuta mukuvyuke na Pi Hahiroth. ³Farawo nga ghamba vyakuhamena ku vaIsraeli, ''Vavo vanatetuka mushirongo. Mburundu yina vakonderekida mo.⁴Ngani ditopita muntjima wa Farawo, ano ghuye ngava tjidamo. Ngani ka wane mfunwa mukonda ya Farawo kumwe navakavita vendi. Va Egipute ngava yive ashi ame Karunga.'' Ano va Israeli navo ava viruwana momo vavatantilire. ⁵Makura hompa wa Egipute opo vamu tantilire ashi vaIsraeli vana hene makura ndunge daFarawo nedi davapika vendi adipirura varwanite vantu. Ava ghamba, ''vinke ovyo katu ruwana? Tushuvilire vaIsraeli ovo vatuvaterango.''⁶Makuara Pharao aghupu matemba ghendi akuwapayikire naku ghupa vaka vite vendi. ⁷Atoghororamo matemba mafere dimurongo ghambo umwe ntani nogho akughupoko naghantje ghamu Egipute, nava mpititi vavo nava ntje. ⁸Karunga gha ditopita mutjima wa Pharao, Hompa wamu Egipute, ano Hompa gha kwama va Israeli. Shirugho osho vavo va Israeli vana piti kare kuna kashamberera. ⁹Ene ngoli va Egipute avava kwama kumwe natukambe namatemba ghavo naghantje, varondi nkambe vendi, navakavita vendi. Ava kapinga ntanda yava Israeli opo vaka tulilire kulifuta pepi na Pi Hahiroth,kumeho ya Baal Zephon.¹⁰Opo Pharao ghayire pepi, va Israeli ava kankuka vakenge kumwe nakutetuka. Va Egipute vavo kuna kuva ndjundjira kuruku rwavo, mpova tetukire. VaIsraeli ava kughu kwa Karunga. ¹¹Ava ghamba kwa Mosesa, ''Mukonda shi omunya mwato mbira mu Egipute, mbyo kamutughupu namuvantje tu tundemo tuya fere mu mburundu? Vinke ovyo muna kututekulira weno, mutu ghupe tutunde mo mu Egipute? ¹²Evi kapishi twamutantilire mu Egipute? Twaghambire koye, ''Tushuve twe, turuwanene va Egipute.'' Ghashako tupu kuva ruwanena kapishi kuya fera mumburundu.''¹³Mosesa aghamba kuvantu, ''Kapishi mukare naghoma. Yimanenu dogoro mukenge livatero lya Karunga olyo amupa anwe namuntji. Anwe kapi ngamuva kenga makura va Egipute ova muna kukenga namuntji. ¹⁴Karunga ngamurwera nwe, ntani nka nwe ngamukayimana ndjikiti.''¹⁵Makura Karunga aghamba kwaMosesa, ''Vinke, Mosesa, ghuna kutwikilira shimpe kundjita me? Tantera vaIsraeli vayende kumeho. ¹⁶Damuna mpango yoye, ghuhonyonone lighoko lyoye pantunda yalifuta pakugaghunuke maruha maviri, mposhi vantu vaIsraeli varute lifuta palivhu lyaku kukuta. ¹⁷Karenushi munaviyiva ashi ame ngani ditopita dimutjima davaEgipute mposhi ngava vakwame muruku. Ame ngani fumanenepo mukonda yaPharao navakavita vendi navantje, matemba ghendi navarondi nkambe vendi. ¹⁸Mposhi vaEgipute ngava ndjive ashi ame Karunga opo ngani fumana mukonda yaPharao, namatemba ghendi navarondi nkambe vendi.''¹⁹Va Engeli vaKarunga, ovo vayendiro kumeho ya ntanda yava Israeli ngatundako nga yendere kunyima yavo. Ngudi yaliremo nayongayi tundako kumeho ya ngayi yendi ngayi yimane kunyima yavo. ²⁰Maremo ngaghaya pakatji kantanda yavaEgipute nantanda yavaIsraeli. Kwakalire liremo lyamundema kuvaEgipute, ano ali twedere ukenu matiku kuvaIsraeli, kuruha rumwe kapi rwa yire pepi naunyaro matiku naghantje.²¹Mosesa a honyonona lighoko lyendi pantunda yalifuta. Karunga avyutirepo lifuta nampepo yankondo yatundililiro kuupumeyuva matiku naghantje aghare lifuta panya palivango lyaku kukukta. Mundjira yino mema ghakuhangulire. ²²VaIsraeli kwavindakanine pakatji kalifuta palivhu lyaku kukuta. Mema aghatende likuma kurulyo nakurumontjo rwavo.²³VaEgipute ava vakwama. Ava yendi kuruku rwavo pakatji kalifuta tukambe natuntje twaPharao, matemba, navarondi nkambe navantje vaPharao. ²⁴Ano kungura ngura yayinene, Karunga anyongama amono vakavita vaEgipute vana pitakana ngundi yamundiro naliremo. Makura apiyaganeke vaEgipute navantje. ²⁵Makosho ghama temba ghavo agha djupaukako, ano varondi nkambe ava dere naudito. Ano vaEgipute ava ghamba ashi, ''Tokwenu tuva duke vaIsraeli, Karunga wavo kuna kuva vatera kukwetu.''²⁶Karunga aghamba kwa Mosesa ashi, ''Honyonona lighoko lyoye pantunda yalifutamposhi mema avyukirepo ghafikilire vaEgipute, matemba ghavo navarondi nkambe vavo.'' ²⁷Ano Mosesa mpo ahonyonona lighoko lyendi pantunda yalifuta, makura alivyukiri momo lyakara kare opo lyakire liyuva. VaEgipute ava pupiliri mulifuta, ano Karunga atindikiri vaEgipute pakatji kalyo. ²⁸Mema agha vyuka makura agha fikiliri matemba, varondi nkambe, vaPharao navakavita vendi navantje ovo vakwamino matemba kulifuta. Kwato naghumwe ogho aparukiro.²⁹Nampili ngoli, vaIsraeli kwayendire palivhu lyaku kukuta pakatji kalifuta. Mema kwakalire kulikuma lyavo kulighoko lyarulyo narumontjo. ³⁰Ano mpo ngoli Karunga ayogholire vaIsraeli liyuva lyo vatundire mumaghoko ghaEgipute, ano vaIsraeli ava mono vaEgipute vanafu kuntere yalifuta. ³¹Opo vamonine vaIsraeli nkondo dadinene daKarunga omo ava yogholire kuvaEgipute, vantu ava fumadeke Karunga, kumwe nakuhuguvara mwaKarunga namwa mukareli wendi Mosesa.

¹Makura Mosesa navantu vaIsraeli ava yimbi rushumo kwaKarunga. Ava yimbi, ''Ngani yimbira Hompa, ghuye mufundi wamunene; watukambe ntani namurambiti wako ogho vavhukuminine mulifuta.²Yehova ndje muna nkondo wande ntani narushumo rwande, a kara nka muyovoli wande, oghu Karunga wande, ntani nganimushamberera, Karunga wava vava, ghuye ngani mufumadeka. ³Yehova mukavita, Yehova lidina lyendi.⁴Ana vukumini Pharao namatemba ghendi ntani navakavita vendi mulifuta. Vakavita ovo atogholire Pharao ava mina ngana mulifuta lya mbu. ⁵Udami wamema aghuva fikiliri, ava dama mughudami yira liwe.⁶Lighoko lyoye lya rulyo, Yehova, lyafumana unene nankondo dadinene, lighoko lyoye lyarulyo lyafumana, Yehova, lyadimita vana nkore. ⁷Munkondo doye wadjonaura ovo vakaliro unankore nove. Watumine lishandu lyoye litundemo, avava dipagha yira madi. ⁸Ove ntjene aghu fudu munku ghoye mema kukugaunuka, mema ghakupupa kuyimana ndjikiti yira likuma, mema ghalitondo ku kukuta nywe-nywe dogoro kushiuko.⁹Vana nkore ava ghamba ashi, ''Ngani shupura, ngani kagaununa limona lyavo; lirwameno lyande ngalitikilira mo kwavo, ngani faneka lighonga; lighoko lyande ngalikava djonaura. ¹⁰Ano mbyo una fudire nampepo, ano lifuta aliva fikiliri, ava dama mumema ghaunankondo. ¹¹Are wakufana yira ve, Hompa, mukatji kavaKarunga? Are wakufana yira ve, mughunene namughupongoki, mulifumano mukukutangauka, mukurughana vitetu vyavinene?¹²Ghuna vitikitamo nalighoko lyoye. Lyarulyo, ntani udjuni aghuva mini. ¹³Ghuye kutikiliramo likukwatakano lyendi mbyo wapitilire mbunga oyo wava pititira kulivango lyakupongoka olyo a tunga.¹⁴Vantu ovo ngava viyuvho, makura ngava kankama naku kankama shituku tjima ngashivawana vantu ovo vatungo mufilishiti. ¹⁵Makura vahompa vamuEdomu ngava tukuka, vakavita vaMoab opo ngava kuguma, vimenwa navintje vyamuKanana ngavi yengumuka.¹⁶Ngava tukuka ntani naghoma ngauva wana. Mukonda yalighoko lyoye, ngava kara shimpe yira mawe dogoro vantu voye ngava kapite, kwaYehova- dogoro vantu ovo wayogholire ngava pite.¹⁷Ngau kavayita makura ngauya vatapeka mundundu yaupingwa ghoye, livango, Yehova, olyo watenda vatungemo, shidjambero, Karunga wetu, ovyo ghadika maghoko ghoye. ¹⁸Yehova ngapangera naruntje naku naruntje.''¹⁹Pharao a yendi natukambe twendi namatemba ghendi ntani navaforomani ava yendi kulifuta. Yehova aka vyuta mema ghamulifuta kwavo. Ano vantu vaIsraeli ava yendi mushirongo sha rukukutu pakatji kalifuta. ²⁰Miriyamu wamuporofete, muunya Aaroni wamukamali, a toghora ngoma, makura arupuka nayo ano vakamali navantje ava mukwama nangoma davo oku vavo kuna kudana. ²¹Miriyamu ava yimbiri; ''Yimba kwaYehova, ava fundire unene. Tukambe ntani navarambiti vato avava vhukumini mulifuta.''²²Makura Mosesa apititiri muIsraeli vayende kulifuta lya mbu. Ava rupuka vayende mumburundu yaShur. Ava yendi mayuva matatu kapi vawanine mema. ²³Ano avaya kuMara, ene ngoli kapi vanwine mema mukondashi mema ghako ghururu. Mbyo kava yitanga livango linya Mara.²⁴Ano vantu tapa runyeghenyo rwavo kwa Mosesa nakughamba ashi, ''Vinke tunwa?'' ²⁵Mosesa ayiyiri kwa Yehova, makura Yehova amu negheda shitondo. Mosesa ashi vukumini mumema, ano mema agha wapa kugha nwa. Opo Yehova ava pa muragho wakukwama kumwe nakuvasheteka. ²⁶A ghamba ashi, ''Ntjene muna tegherere nawa kuliywi lyaYehova Karunga wenu, ano rughanenu kushipara shendi, ntjeneshi aghu tegherere kumarawiro ghendi ntani nakukwama veta dendi nadintje- kapi nganimupa kehe lino lihamba olyo natulire muEgiput, ame Yehova muveruli wenu.²⁷Makura vantu avaya kwa Elimu, oko vakalire mumarunena ghamema murongo namaviri ntani navitondo vyauge. Ava tuliri ntanda kumema.

¹Vantu ava tumbu ruyendo vatunde muElimu, ntani nankarapamwe nayintje yavantu vaIsraeli ayiya mumburundu yaSin, oyo yakaliro pakatji kaElimu naSinayi, muliyuva lyamurongo nautano mwedi wauvili kuruku yakutunda mushirongo shaEgipute. ²Nkarapamwe nayintje yavantu vaIsraeli ava tapa runyeghenyo kwaMosesa naAaron mumburundu. ³Vantu vaIsraeli ava ghamba kwavo, ''Ndi katufere mumaghoko ghaHompa munya mushirongo shaEgipute opo katushungiranga kupoto danyama ntani twalire mboroto nakukuta. Kwatuyita mumburundu muya dipaghe nkarapamwe yetu nayintje kundjara.''⁴Makura Hompa a ghamba kwa Mosesa, ''Ngani rokita mvhura yamboroto kutunda muliwiru yiye kwenu. Vantu ngava yenda pandje ntani nakuponga kehe liyuva mposhi ngani vasheteke ngani kenge ntjeneshi ngava kwama veta dande. ⁵Ngavi kaya muliyuva lya untayimwe, ngava ponga rukando ruvili kupitakana apa vaponganga kehe liyuva, ntani ngava tereka ovyo ngava yita.''⁶Makura Mosesa naAaron ava ghamba kuvantu navantje vamuIsraeli, ''Ngurova kumuyiva ashi Hompa ndje amu ghupiro munya mushirongo shaEgipute. ⁷Ngurangura ngomu kenga uyerere waHompa, morwashi ana yuvhu rushivano rwenu. Atwe re kukoye tukushivanene?'' ⁸Mosesa a ghamba ashi, ''Ngamuviyiva vino opo ngamupa Hompa nyama ngurova ntani namboroto ngurangura ngomu kute. Mukondashi ghuye ana yuvhu rushivano rwenu muna shivana kukwendi. Are Aaron name? Rushivano rwenu kapi rwahamena kwetu, vina kara kumwe naHompa.''⁹Mosesa a ghamba kwa Aaron, ''A ghamba kunkarapamwe yavantu yavantu vaIsraeli, 'Yiyenu kumeho yaHompa, mukondashi ghuye ayuva rushivano rwenu.'' ¹⁰Ngavi kayashi, Aaron a ghamba kunkarapamwe nayintje yavantu vamuIsraeli, ashi vakengire kumeho yamburundu, ntani, nakulitura, uyerere waKarunga a ghumoneke pamaremo. ¹¹Makura Hompa a ghamba kwaMosesa, nakughamba ashi, ¹²''Nayuvu rushivano rwa vantu vamu Israel. Aghamba kwavo nakughamba ashi, 'Ngurova kumulya nyama, ntani ngurangura mboroto. Makura kuyiva ashi ame Hompa Karunga.''¹³Kwayire ngurova opo vyayendire ntani kufika kamba nayintje. Ano ngurangura mana adi were mukamba nayintje. ¹⁴Opo dayendire mana, palivhu lyamumburundu kwakalirepo tuninke twatudidi twakukara yira lime palivhu. ¹⁵Opo vavi monine vantu vamuIsraeli ava ghamba kwanaumwavo, ''Vinke vino?'' Kapi vavi yivireshi vinke vino. Mosesa a ghamba kwavo, ''Ndjo mboroto oyo ana mupa Hompa mulye.¹⁶Aghano mapango atapire Hompa: 'Muna kona kuponga, namuvantje, ndya odo muna horo kulya, kehe uno muntu mushivaro shavantu voye. Weno mo ngamuponga: pongenu namuvantje ngonya kehe uno muntu ogho atungo mutende yoye.'' ¹⁷Vantu vamuIsraeli ava rughana ngoli. Vamwe ava kupongeke vavayingi, ano vamwe vasheshu. ¹⁸Opo vavimetire kumwe nashimetito, ovo vapongiro vavayingi kwato ovyo vyava hupilirepo, ano ovo vapongiro vava sheshu kwato ovyo vyava piliro. Kehe uno apongere mukuwana ovyo a holire.¹⁹Makura Mosesa a ghamba kwavo, ''Kwato ogho ashuvopo kehe shino dogoro ngurangura.'' ²⁰Ene ngoli, kapi vategherelilire kwaMosesa. Vamwe ava vishuvida dogoro ngurangura, ano adi tameke kukara mavinyo nakunuka. Makura Mosesa ava garapere. ²¹Kavaponganga ngurangura nangurova. Kehe uno muntu kaponganga mukulya olyo liyuva. Opo lyaghenyine liyuva, makura avi gcuhuruka.²²Avi kaya nkashi opo vayapongire muliyuva lyauntayimwe ava wana mboroto dadingi, kehe ghuno lita mbiri. Vampititi navantje vamunkarapamwe avaya nakutantera Mosesa vino. ²³A ghamba kwavo, ''Evino mbyo ana ghamba Hompa: 'Yona ngalikara liyuva lyakupongoka, lya Sabata mulifumadeko lya Hompa. Kangenu ovyo muna horo kukanga, ntani terekenu ovyo muna horo kutereka. Vyakuhupako, navintje vitulirenu ntere vyanaumwenu dogoro ngurangura.''²⁴Avavitura ntere dogoro ngurangura, yira momo ava rawilire Mosesa. Ene ngoli kapi vyawolire, ndipo vikare mavinyo. ²⁵Mosesa aghamba ashi, ''Lyenu odo ndya namuntji, morwashi namuntji Sabata mukufumadeke Hompa. Namuntji kapi mukaviwana mumafuva.²⁶Ngamuponga muruvede rwamayuva ntayimwe, ano muliyuva lyauntambiri ndyo liyuva lyaSabata. Muliyuva lyaSabata kapi ngakukara mana. ²⁷Kwakalire shi muliyuva lyauntambiri vantu vamwe vakapongere mana, ano kwato ovyo vakawanine.²⁸Makura Hompa a ghamba kwaMosesa, ''Shirugho shakutika kuni ngamu shwena kutikitamo mpangero ntani naveta dande? ²⁹Kenga, Hompa ana mupa Sabata. Ano muliyuva lyauntayimwe ngamupa mboroto yamayuva maviri. Kehe uno ngakara mulivango lyendi, kwato ogho ngaruko mulivango lyendi, muliyuva lyauntambiri. ³⁰Makura vantu ava pwiyuka muliyuva lyauntambiri.³¹Vantu vamuIsraeli ava diruku ndya dino ashi, ''Manna.'' Vyavyo kwakalire vyavikenu yira ntanga dadikenu, utovali wavyo yira ntjira varughana kuushi wampuka. ³²Mosesa a ghamba, ''Evino mbyo ana panga Hompa: 'Litera damana ngomuditulike shirugho nashintje mposhi likutjindjo lyavantu vamuudjuni vamuhoko ghoye mposhi ngavayimone mboroto oyo namurelitire mumburundu, kuruku rwakumughupa mushirongo shaEgipute.''³³Mosesa a ghamba kwa Aaron, ''Ghupa poto nakuteramo litera yamana munda. Shitulike kumeho yaHompa ngashitulike kuvantu ovo ngavayoko.'' ³⁴Yira momo avi tantilire Hompa Mosesa, Aaron avi tuliki kuntere yalikwato lya wato munda. ³⁵Vantu vamuIsraeli kwakalire mana mwaka dimurongo ne dogoro vayatungire mo mushirongo. Vavilire dogoro vayire kumurudi washirongo shaKanana. ³⁶Weno litera murongo yaEfa.

¹Nkarapamwe nayintje yavantu vaIsraeli ghava kara naruyendo rwakuyenda mumburundu yandjo, kukwama lirawiro lya Hompa. Ava tuliri ntanda paRephidim, ene ngoli kapi kwakalire mema vantu vanwe. ²Ano vantu ava shivanene Mosesa nakughamba ashi, ''Tupe mema tunwe.'' Mosesa a ghamba ashi, ''Nke muna kutanguna name? Nke una kuntjetekera Karunga? ³Vantu vana kara nalinota lyalinene, ntani nka vavo kuna kutapa rushivano rwavo kwa Mosesa. Vavo kuna ghamaba ashi, ''Nke vyo una vayitiri kuno kuEgipute? Ghutudipaghe navana vetu, navimuna vyetu nalinota?''⁴Makura Mosesa alilire kwa Karunga, ''Vinke vyo nivura kuruwana novano vantu? vavo vana kuwapayikire kare vampondeke.'' ⁵Karunga atantere Mosesa ashi, ''Yenda kumeho yavantu, nakughupa vakondi vamwe vamuIsraeli. Ghupako varuwani vamwe ovo ngava kakuvatero mukutoghona mumukuro, makura muyende. ⁶Ame ngani kayimana kumeho yoye opanya paliwe lyaHoreb, makura ve ngaukatoghone paliwe. Mema ngaghatunda mo ogho ngava kanwa vantu.'' Makura Mosesa a rughana ngoli kumeho yava kurona vamu Israeli. ⁷Ghuye ayita livango linya Massa naMeriba mukonda yamashivano ghava Israeli, nakonda vavo kwasheteka Karunga nakughamba ashi, ''Ngoli Karunga mpwali mukatji ketu ndi mwato?''⁸Ano vakavita vaAmalek avaya nakuya homona vaIsraeli paRephidim. ⁹Ano Mosesa a ghamba kwa Joshua, ''Toghorora mo vakafumu vamwe nakuyenda navo pandje. Ngamu karwane nava Amalek. Yona me ngani kara pawiru yandundu navaruwani vande vaKarunga mumawoko ghande.'' ¹⁰Makura Joshua a rwana naAmalek yira momo vamurawilire, shirugho sho Mosesa, Aaron, naHuri vavo kunaka kanduka vayende pawiru yandundu.¹¹Shirugho sho a kukwatire Mosesa maghoko muwiru, vaIsraeli vavo kuna kufunda, opo apwiyumukitire maghoko ghendi, Amalek ghavareke kufunda. ¹²Opo ghaditopire maghoko ghaMosesa, Aaron naHuri makura ava ghupu liwe kumwe nakulitura kuntji ashungirepo. Pashirugho ntjosho, Aaron naHuri ava kwata maghoko ghendi vaghayerure muwiru, muntu ghumwe kuruha rwalighoko lyakalyo ano ghumwe kuruha rwalighoko lyakamontjo. Ano maghoko gha Mosesa kwaghayerulire ndjikiti dogororo liyuva kwakangena. ¹³Ano Joshua a fundu Amalek navantu nalighonga.¹⁴Karunga a ghamba kwa Mosesa, ''Tjanga vino mu mbapira nakuvivarura muvipura yera vya Joshua, mukondashi me ngani ghupilirapo navintje mu maghano ghava Amalek kuntji yaliwiru.'' ¹⁵Ano Mosesa adiki shidjambero nakushitwenya ashi, ''Hompa ndje mufundi wande.'' ¹⁶A ghamba, ''Mbyovyo shi lighoko kwaliyerulire muwiru kushipuna shaKarunga- osho ngashitapo mfuto kudimuhoko daAmalek nadintje.

¹Jeturo, mupiristeli waMidiyani, tamweyi yaMosesa, a yuvire navintje evi a rughanine Karunga kwaMosesa naIsraeli vantu vendi. A yuvire ashi Yehova a ghupa mo vaIsraeli muEgipute. ²Jeturo, tamweyi yaMosesa, Zipora, mukamali waMosesa, kuruku apa amu tumine kumundi, ³navana vendi vaviri vava kafumu, lidina lyaumwe wavana kwakalire Gereshomu, Mosesa a ghamba, ''Ame kwakalire mutjwayuki mushirongo eshi shakaliro ashi kapishi shetu.'' ⁴Lidina lyaumwe Eliyasera, Mosesa a ghamba, ''Karunga wavamama ndje kamvhatero. Ndje ghamvhateliro kurufuro rwaPharao.''⁵Jeturu, tamweyi yaMosesa, akaya navana va Mosesa va vakafumu namukamali waMosesa mumburundu oko vatulilire ntanda kundundu yaKarunga. ⁶A ghamba kwa Mosesa, ''Ame, tamweyi yoye Jeturo, kuna kuya kukoye namukamali woye navana vendi vaviri va vakafumu.''⁷Mosesa a yendi aka gwanekera kumwe natamweyi yendi, ana tongamene, makura amuncumita. Ava kupura kuhamena dimupindu davo nakuyenda mutende. ⁸Mosesa atantere tamweyi yendi evi navintje Hompa arughanine kwaPharao ntani navantu vamuEgipute mukonda yavaIsraeli, kuhamena maudito naghantje ogho vakugwanikilire nagho mundjira, ntani weni omo Yehova a vatelire vantu vendi.⁹Jeturo a hafa kuvininke navintje vyaviwa Yehova a rughanine kwavaIsraeli, mukuvavatera nakuvaghupa mumaghoko ghavaEgipute. ¹⁰Jeturo a ghamba ashi, ''Yehova vamupande, mukumuvatera anwe mumaghoko ghavaEgipute namumaghoko gha Pharao, nakuyoghora vantu mumaghoko ghavaEgipute. ¹¹Weno ame nayiva ashi Yehova munene kupitakana vaKarunga navantje, mukondashi vaEgipute opo vatekulire vaIsraeli mwamudona, Karunga a vatelire vantu vendi.''¹²Jeturo, tamweyi yaMosesa, a yita ndjambo yaliswakerero nakudjambera kwaKarunga. Aaron nava kurona navantje vaIsraeli avaya nakuya lya kumeho yaKarunga kumwe navatamweyi vaMosesa.¹³Liyuva lyakukwamako Mosesa a shungiri mukupangura vantu. Vantu ava yimana vana kukundurukida kutunda ngura-ngura dogoro ngurova. ¹⁴Vatamweyi vaMosesa opo vamonine navintje evi a rughanine kuvantu, a ghamba ashi, ''Vinke vyo una kurughana novo vantu? Morwa nke una shungiliri pantjoye ano vavo vantu navantje va yimane vakukundurukude kutundilira ngura-ngura dogoro ngurova?''¹⁵Mosesa a ghamba kwa tamweyi yendi ashi, ''Vantu kuya kukwande nakupura ndjira yaKarunga. ¹⁶Ntjeneshi vana kara nadimutangu, vavo kuya kukwande. Ame kutokora pakatji kamuntu umwe naunyendi, ntani nka me kuvaronga mpangero naveta daKarunga.''¹⁷Vatamweyi vaMosesa ava ghamba kukwendi ashi, ''Evi una kurughana kapishi viwa nawa nawa. ¹⁸Ove una hepa kukupa mudigho naumoye, nove ntani navantu ava una kara navo. Ghuno mudigho udito unene kukoye. Kapi uvi vhura kuvirughana pantjoye. ¹⁹Tegherera kukwande. Ame ngani kupa makorangedo, ntani Karunga ngakara kumwe nove, mukondashi ove ve mukarelipo wavantu kwaKarunga, ntani nka ve wakutapa mashivano ghavo kukwendi. ²⁰Ghuna hepa kuvaronga mpangera naveta. Ghuna hepa kuva negheda ndjira yakuyenda navirughana evi varughana.²¹Ntani nka ghuna hepa kuhoroghora vakafumu ovo vakaro naunongo muvantu navantje, vakafumu vafumadeko Karunga, vakafumu vaushiri ovo vanyengo kukara naufeke. Vaturange vigongi navantu, vakare vampititi mayovi, mafere, dimurongo ntano, ntani murongo. ²²Ngava pangurange vantu muvinke navintje vyavirerupo, ano ngoli maudito ghamanene ngavagha yitanga kukoye. Kumaudito naghantje ghamadidi, vavo ngava pangura vavene. Mundjira ya weyo ngavi rerupa kukoye, ntani ngava shimba maudito kumwe nove. ²³Ntjene ghu rughana vino, ntani ntjene ana kurawiri Karunga ashi virughane ngoweyo, ndi ngau vhura kudidimika, ntani nka vantu navantje ngava vhura kuyenda kumundi mu mpora.''²⁴Makura Mosesa a tegherere kunkango da tamweyi yendi nakurughana navintje evi a ghambire. ²⁵Mosesa a horoghora vakafumu vaunongo vamuIsraeli navantje nakuva tura vakare dimutwe davantu, vampititi vakupangera mayovi, mafere, dimurongo ntano, ntani namurongo. ²⁶Vavo kava panguranga vantu munkedi yayiwa. Maudito ghamanene kava ghatwaranga kwaMosesa, ano ngoli vavo ko naumwavo kavapanguranga maudito ghamadidi. ²⁷Makura Mosesa mpo a renkire vatamweyi yendi vavyuke, Jeturo a vyuka kushirongo shendi.

¹Mumwedi wautatu kutunda opo vatundire va Israeli mushirongo shaEgipute, muliyuva lyakukufana, avaya mumburundu yaSinayi. ²Apa vatundire paRefidimu nakuya mumburundu yaSinayi, avaya tulire mumburundu kumeho ya ndundu.³Mosesa ayendi aronde kwaKarunga. Karunga amuyita kundundu nakumutantera ashi, ''Tantera mundi waJakopo, vaIsraeli: ⁴Mwavikukengera ovyo narughanine kuvaEgipute, nomo namushimbilire mumavava gha likangakodi nakumuyita kwande. ⁵Ano ngoli, ntjeneshi mulimburukwa mukutegherera kuliywi lyande nakutikita mo makukwatakano name, ntani ngoli ngamukara limona lyande lyaliwa mukatji kavantu navantje, udjuni nauntje wande. ⁶Ngamukara untungi wava ruti namuhoko wakupongokakukwande. Odino ndo nkango ngau kaghamba kuvaIsraeli.''⁷Makura Mosesa aya nakuyita matimbi ghava Israeli. Nko kuvapa nkango nadintjeya yira momo adimurawilire Karunga. ⁸Makura vantu navantje ava limburura kumwe nakughamba ashi, ''Ngatu rughana navintje ovyo ana ghamba Karunga.'' Ano Mosesa nko kudi twara nkango dava Israeli kwa Karunga. ⁹Karunga nko kutantera Mosesa ashi, ''Nganiya kukwenu muliremo lyalididi mposhi vantu ngava yuvhe opo nganiya ghamba navo naku kupura ve dogoro ku naruntje.'' Ano Mosesa ayava tantere vantu vaIsraeli nkango yaKarunga.¹⁰Karunga a tantere Mosesa ashi, ''Yenda kuva Israeli. Namuntji na yona ngaukava pongwere kukwande, ntani nka kavatantere vaka kushe vyuma vyavo. ¹¹Kuwapayikirenu liyuva lyautatu, muliyuva lyautatu Karunga nga sheghumuka aye kundundu ya Sinayi.¹²Ghuna hepa kuturako murudi wakukundurukida ndundu nayintje vantu. Nakuvatantera ashi, ''Takamitenu nakuyendashi ukanduke ndundu ndi ugume murudi. Kehe ghuno nga kwato ndundu ngava mudipagha.' ¹³Nalighoko shi lya muntu lya kumukwata. Mbyovyo shi, ngava mupondeka na mawe ndipo kumuponya. Shikare shi shikorama ndipo muntu, vana hepa kumudipagha. Opo ngamuyuva mushagharo waliywi lya rumbendo, muna hepa kuya kulidi lyandundu.''¹⁴Makura Mosesa a ghurumuka atunde kundundu nakuyenda kuvantu. Makura apongwere vantu kwa Karunga nakuvarenka vakushe vyuma vyavo. ¹⁵Aghamba kuvantu, ''Kuwapayikirenu muliyuva lyautatu, mwasha yenda kuvakamali venu.''¹⁶Muliyuva lyautatu, yayo shimpe ngurangura, aku kara lindundumo namaruvadi vina kuyendo kumwe naliremo lyalididi kundundu, na mushagharo waunene- unene warumbendo. vantu navantje vamukamba ava kankama. ¹⁷Mosesa ayita vantu navantje vatunde mukamba vakagwanekere naKarunga, nakukayimana kulidi lyandundu. ¹⁸Ndundu ya Sinayi ayi kara tedi-tedi muti vanayifiki mukonda Karunga kwasheghukilire mu mundiro namuti. Muti aghu kanduka yira walitita, ano ndundu nayintje ayikunyunganga unene.¹⁹Ano mushagharo warumbendo aghu dameke unene-nene, Mosesa a ghamba, ano Karunga amu limburura muliywi. ²⁰Karunga nko kusheghumuka aye kundundu ya Sinayi, kuwiru yandundu, nakuyita Mosesa kuwiru yandundu. Makura Mosesa ashupuka ayende. ²¹Karunga atantere Mosesa, ''Ghurumuka ghuyende naku kukapukurura vantu, vasha taghuruka murudi mukuya vakenge Karunga, shingi shavo manashi vafa. ²²Renka va ruti ovo vanayo kukwande vakupongere- nakukuwapayikira liyo lyande- mposhi kapishi niva djonaghure kumwe navantu.''²³Mosesa a ghamba kwa Karunga, ''Vantu nakuvhurashi kuronda vaye kundundu ya Sinayi, mo ghuna turawiri.'' Vaturepo murudi wakuku kundurukida ndundu nakuyipongora kwa Karunga.'' ²⁴Karunga a ghamba, ''Ghurumuka ghuyende ghukashimbe Aaron akaye nove, ngoli washa pulidira varuti navantu mukutaghuruka murudi varonde vaye kuno kwa Karunga, ndi kuvura aya ndjonaure po.'' ²⁵Makura Mosesa aghurumuka ayende kuvantu nakughamba navo.

¹Karunga a ghamba nkango nadintje dino: ²''Ame Hompa Karunga wenu, ogho amu ghupo mushirongo sha Egipute, mutunde mumundi waupika. ³Mwasha karera vakarunga navo peke kumeho yande.⁴Washa kuruwanena naumoye lifano lyakushonga ndi kehe vino vyakuku fana vya muliwiru, ndi vyo vya nkondopekango vyapa ntunda yalivhu, ndi vyo vya karo kuntji yamema. ⁵Kapishi muvi tongamene ndi muvikarere, morwa me, Hompa Karunga wenu, ame Karunga wa mfudu. Ame kutengeka vanyakulya vavadona nakuyita kashitiko kuvana vavo, kuruvaro rwautatu noru rwaune kovo vanyengo ame. ⁶Ano me kunegheda shihoro sha shinene kumayovi kovo vahoro me novo vatikitango mo dimuragho dande.⁷Walye vyo wa ghambanga lidina lya Hompa Karunga ghoye, maghoko-ghoko, ame kugarapera ovo va twenyango lidina lyande maghoko-ghoko.⁸Vhuruka liyuva lya Sabata, ghuli pongore. ⁹Muna kona kurughana virughana vyenu navintje mumayuva ntayimwe. ¹⁰Ene ngoli liyuva lyauntambiri lyande me Hompa Karunga wenu. Muliyuva lyo mwasha ruwana kehe vino viruwana, ove, ndi vana voye vava mati ndi va vakadona, ndi varuwani voye va vamati, ndi varuwani voye va vakamali ndi vimuna vyoye, ndi muntundwa virongo ogho ana karo paheka yoye. ¹¹Mu mayuva ntayimwe Karunga atendire liwiru nalivhu, lifuta, na navintje ovyo vya karomo, mpo aya pwiyumukire muliyuva lyauntambiri. Mpo ngoli Hompa atungikire liyuva lyaSabata ghalikutulli pantjalyo.¹²Fumadeka vanyoko na vasho, mposhi ngaukare nashirugho shashire shakuparuka pantunda yalivhu olyo ghakupa Hompa Karunga ghoye. ¹³Washa dipagha kehe uno. ¹⁴Washa shondera.¹⁵Washa vaka kehe uno. ¹⁶Washa rundira mushinda woye. ¹⁷Washa ghupa vininke vya unyoye, washa ghupa mukamali waunyoye, muvereki wendi wamukafumu, muruwani wendi wamukamali, heve dendi, vidongi vyendi, ndi kehe vino vyakaro kwamushinda ghoye.''¹⁸Vantu navantje vamonine dimundundumo namaruvadi, ghava yuvhu namaywi gha rumbendo, ntani nka vamonine muti utunde mundundu. Opo vavimonine vantu, ava kankama nakuyimanene kuure. ¹⁹Ava tantere Mosesa ashi, ''Tughambite, kututegherera, washa pulitira Karunga a ghambe natwe, ndi kutu fa.'' ²⁰Mosesa a ghamba kuvantu ashi, ''Mwasha kara naghoma, Karunga kunaya aya tusheteke ashi lifumadeko lyenu likare pendi, mposhi mupire kudjona.'' ²¹Vantu va vayingi vayimanino ure, Mosesa ashenyene liremo lyalitipu omo akalire Karunga.²²Hompa a tantere Mosesa ashi, ''Ovino mbyo uka tantera vaIsraeli: 'Ove naumoye una vimono ashi naghamba novekutunda muliwiru. ²³Kapi ngamukutungira vaKarunga navopeke kuupako me, vaKarunga vasiliveli ndi vaKarunga vangorodo.²⁴Munakona kuntulira shidjambero sha pa ntunda yalivhu, munakona kudjamba po nandjambo yakukanda, ndjambo yambili, ndjwi nangombe denu. Kehe lino livango ngani horoghora lidina lyande ngali fumanene po, nganiya kwenu nganiya mutungike. ²⁵Ntjene ngamu ntungira shidjambero sha liwe, kapishi ngamulitunge na mawe. Ngakushonga ndi gha kutjokora, ndi ngomu gha nyateka. ²⁶Kapishi muyendange kushi djambero shande pa virondero mposhi muhere here wenu kapishi ngava umone.'''

¹Lino ndyo likukwamo vatura po kumeho yavo:²Ntjeneshi aghu ghuru mupika wavaHebeli, ana kona kurughana mwaka ntayimwe, ano wauntambiri ana hepa kuyenda ana manguruka hana kufuta kehe vino. ³Ntjeneshi kwayire kwayiyre pa naumwendi, ana kona kuyenda panaumwendi ghuye nka akare ana manguruka; ntjene a kwara, mukamali wendi naye ana kona kumanguruka vayende kumwe. ⁴Ntjene ngakamupe mukamali wendi, ayitita vana va vakafumu ndi vavakamali, mukadendi navanuke vana kona kukara namuhona, ana kona kuyenda pamwene hana kumutininika.⁵Ano ntjeneshi mupika aghayara kughamba ashi, ''Nahora muhona wande, mukamali wande, na vana vande, kapi niyenda nyara-nyara,'' ⁶Makura muhona wendi anakona kumuyita kwaKarunga palivero ndi likura vero, makura muhona kamutomone kulitwi na ntungo. Makura gho mupika ngamuruwanene naruntje.⁷Ntjene murume aghulita monendi wamukamali akare mupika, nakumutapashi nyara-nyara shika momo twa ruwanananga ku vipika vyavakafumu. ⁸Ntjene kapi ana hafere shimpe muhona wendi, ndi akare mukadendi, anakona kumuvyuta avyuke. Kapi akara na untu wauntu amughulite kuva ntunda virongo. Kundereko untu wauntu wakufana weyo. Kutunda po vamutekulire mwamudona.⁹Ntjeneshi muhona amu horoghora ngakare mukamali wamonendi, ana kona kumupa muteku umwe shika momo atekuranga monendi wamukamali. ¹⁰Ntjeneshi a kwarako mukamali umwe paumwendi, nakutepurashi ndya, vyuma, ndipo unankondo wankwara davo. ¹¹Ano ngoli nteneshi kapi ngatapa vino vininke vitatu kwamukamali, ana kona kuyenda ana manguruka hana kufuta kehe yino ntjontjo.¹²Kehe uno nga homokero unye mposhi amu dipaghe, ogho muntu naye kumudipagha. ¹³Ntjeneshi mukafumu kapi akukitaukire mukumutaterera, ano ngoli Karunga avi pulitiri vishoroke, ano ame nganimuwapayikira livango oko ngamutjayukira. ¹⁴Ntjeneshi umwe a homokere unyendi nakumudipagha muukotoki, nampindi kushidjambero shaKarunga ana kara kumughupako, mposhi naye mumudipaghe.¹⁵Kehe uno wakutoghona vashe ndipo vawina muna kona kumudipagha. ¹⁶Kehe uno wakuvaka unyendi- ndipo aka mughulite unyendi namaliva, ndipo ogho muntu vakamuwane mumaghoko ghendi- ogho muntu muna kona kumudipagha. ¹⁷Kehe uno wakutuka vashe navawina naye kumudipagha.¹⁸Ntjeneshi vakafumu ava rwana makura umwe atoghona unyendi naliwe ndipo ngomi, ano ogho muntu kapi ana fu, ene ngoli ana rara mumbete; ¹⁹makura pakumupwa mpumpu ano nakuyenda kurughanita vikorera, mukafumu ogho apo unyendi urema ana kona kufutira unyendi kuruvede oro ana kuhepeka, ntani nka ana kona kufutira unyendi kulitoghono. Ene ngoli mukafumu gho kapi vana muwanene undjoni walidipagho.²⁰Ntjeneshi muhona atoghona mupika wendi wamukafumu ndi mupika wendi wamukamali nashikwata, makura mupika adohoroka ashi mbyo vitundwa mo vyamulitoghono lyendi, ano murwana gho muna kona kumupa kashitiko. ²¹Mbyovyoshi, ntjene mupika a tungu paliyuva limwe ndipo maviri, kapi ngapakara maudona, mukondashi ghuye a wana lihepeko lyaupika.²²Ntjeneshi vakafumu vaviri ava rwana makura vatoghone mukamali wamarutu maviri ano lira litundepo, ene ngoli kapi ana kara naurema, mukafumu waundjoni ana kona kufuta kutwara momo mukafumu wogho mukamali ana tokora, ntani nka ana kona kufuta momo vatokora vapanguli. ²³Ene ngoli ntjeneshi urema po, ana kona kutapa liparu kuliparu, ²⁴lintjo kulintjo, liyegho kuliyegho, lighoko kulighoko, lighuru kulighuru, ²⁵kushora nove kukushora, shironda kushironda, ndipo shito kushito.²⁶Ntjeneshi muhona a toghona kulintjo lyamupika wendi wamukamali ndipo wamupika wendi wamukafumu kumwe nakulidjonaura, ano vana kona kumumangurura ayende mukondashi ana futu ko lintjo lyendi. ²⁷Ntjeneshi a bamuna liyegho lyamupika wendi, vana kona kumupulitira mupika ayende ana manguruka morwa liyendo ndyo mfuto yendi.²⁸Ntjeneshi hove ayi pumu mukafumu ndipo mukamaki ano afe, oyo hove vana kona kuyipondeka namawe, nyama yavo nakuyilya shi; ene ngoli mwenya hova nakumupashi undjoni. ²⁹Ene ngoli ntjeneshi oyo hove yapumineko umwe kare nakudipagha umwe, ano mwenyayo vamurondolire ano kapi ghayitulika, makura yikadipagheko umwe, oyo hove kuyipondeka namawe, ntani nka mwenyayo naye kumudipagha. ³⁰Ntjene a renke ashi nakuyoghora mwenyo wendi, ana kona kufutira liparu lyendi kutwara momo vana mutomene aku yoghore.³¹Hove ntjeneshi ngayi dipagha mwanuke wamumati ndi wamukadona, mwenya hove ana kona kurughana mbyovyo ngava mupura arughane. ³²Ntjeneshi ntwedu ayi dipagha mupika wamukamali ndipo wamukafumu, mwenya hove ana kona mwenya mupika maliva ghakutika dimurongo ntatu, ntani hove vana kona kuyipondeka namawe.³³Ntjeneshi muntu a fikura litope, ndipo a time litope ano nakulifika shi, makura hove, ndipo shidongi shiyaweremo, ³⁴mwenya litope litope ana kona kuvyutirapo shuma sho. Ana kona kutapa maliva kwa mwenya shimuna, ano shimuna shakufa kushikara shendi.³⁵Ntjeneshi hove yaumwe ayi rwana nahove yaunyendi ano yimwe podo hove mbiri yifepo yimwe, vana kona kughulita oyo hove yayiyumi nakukutapera ntjontjo yayo, ntani nka vana kona kuyi kugawinina nyama ya hove yakufa. ³⁶Ene ngoli ntjeneshi vavi yiva ashi hove yaugara, mwenyayo nashinkashi, mwenyayo ana kona kuvyutirapo hove yaunyendi, ghuye a ghupe yakufa.

¹Ntjeneshi mukafumu ana vaka hove ndi ndjwi ayi dipaghe ndi ghaulite, ana kona kufuta hove ntano muhove yimwe, ntani ndjwi ne mundjwi yimwe. ²Ntjeneshi muna widi vana muwana kuna kutjora a ngene, ntjene andunduna dogoro afe, murupe rwa ngoli kapi ngava pa kehe uno undjoni ogho ngamuruwano vyavidona. ³Ntjeneshi liyuva linaki kumeho a tjore, undjoni wakudipagha ngavaghu tapa kogho muntu ngamudipagho. ⁴Ntjeneshi shimuna shakuvaka ava kashiwana shashiyumi mumaghoko ghendi, vikareshi hove, shidongi, ndipo ndjwi, ana kona kufuta ruviri.⁵Ntjeneshi muntu aka lita vimuna vyendi muwiya ndipo muliyana makura aka kombanite vimuna vyendi, makura vikalye mulifuva lyavantu peke, ghuye ana hepa kufuta vya viwapo vyakutunda mulifuva ntani nevi vyaviwa vyakutunda mushikunino shendi sha vinyu.⁶Ntjeneshi mundiro aghu hwama nakukuhanena ukwate kumiya yakukakatero nambuto, mbuto yakuyimana, ndi livango lina pyerere, ogho ana ghushoro mundiro ana kona kumufutita.⁷Ntjeme muntu ana tapa maliva ndi vyuma kwa mushinda wendi vamupungwire, ntjene vana kavivakamo mumundi wendi, ntjene vana muwana muna widi, muna widi ogho ana kona kufuta ruvili. ⁸Ene ngoli ntjene muna widi kapi vana muwana, mwenya mundi ana kona kuya kumeho yamupanguli aya kenge ntjene ndje ana kwatoko nama ghoko ghendi kuviweka vyava mushinda wendi. ⁹Kwa kehe vino vininke, yikareshi hove, ndjwi, shikoverero, ndi kehe vino vininke vina kombano evi a ghamba umwe ashi, ''Osho shande,'' ovo vana kushirwero vakana kuya kumehoyamupanguli. Ogho muntu vawana undjoni ghakona kufuta ruvili kwamushinda wendi.¹⁰Ntjene muntu atapa shidongi shendi kwamushinda wendi, ndi hove, ndjwi, ndi kehe shino shikorama vamupungwire, ntjene shina fu ndi shina remana ndi vana shishimbi shasho kwato ogho ana shimono, ¹¹vakona kughana navantje kwa Hompa, ntjene mpwali umwe ana ghupo shininke shaunyendi. Mwene ana kona kuvitambura vino, ogho umwe kapi nga futa unyendi. ¹²Ene ngoli ntjeneshi kuna shimuvaka, ghakona kufuta mwenya shininke. ¹³Ntjene shimuna vana shitetaura mumaruha, umwe ana kona kuyita shimuna shikare umbangi. Kapi gha vura kufutira osho vana tetaura kare.¹⁴Ntjene muntu gharombo kehe shino shimuna kwamushinda wendi makura shimuna shikaremane ndi shikafe shipire kukara namwenyo washo ghuye ntilyasho pato, ogho muntu ghakona kufuta. ¹⁵Ene ngoli ntjene ntilyasho mpo ana kara mwene, ogho muntu kapi ghafuta; ntjeneshi shimuna kuna kashifutira, mbyovo vana kashifutira shiya rughane mbyo shikufuta.¹⁶Ntjene mukafumu ashongaura mukamali vapira kuvandekera rumwe, makura ntjene ghamu konge, gha kona kumukwara amu futire vighondwa vyo vyawapero. ¹⁷Ntjeneshi vashe vamukamali vana shwena kumutapa kwamukafumu, ghakona kufuta maliva ghakushetakana ghavi wonda ghavakamali vadira kuvandekera rumwe.¹⁸¹⁹Nakushuvashi murodi ghakare namwenyo. Kehe uno wakurara nashimuna vana kona kumudipagha.²⁰Kehe uno wakutapa ndjambo kuva Karunga navo peke hanashi Hompa vakona kumudjonaurapo. ²¹Washa djona muntundwa virongo ndi ghumuhepeke, nanwe mwakalire vatungimo mushirongo shaEgipute.²²Kapishi kuhepeka kehe uno mufiti ndipo mwanuke ogho akaro ashi kwato vashe. ²³Ntjene aghuva hepeke kehe pano, makura vayite lidina lyande, ame ngani yuva mutaku wavo. ²⁴Ugara wande ngauya shora, makura nganiya kudipagha narufuro, mukamali ghoye ngakara mufiti, ntani vana voye ngava pira shavo.²⁵Ntjene aghu korotita maliva kehe muntu mukatji kenu ovo vakaro ashi vahepwe, kapishi ukare yira mukorotiti maliva kukwendi ndipo ghumu tulireko rente. ²⁶Ntjene aghurombo mushinda ghoye shikoverero ashi kughushi vyuta, ghuna kona kushimu vyutira kumeho lika toke liyuva. ²⁷Osho ntjo shidwata shendi pantjasho, osho shidwata shapa rutu rwendi. Nke nka vyo aralita? ntjene gha ndjite, kuni muyuva, morwa me mufe nkenda.²⁸Kapishi kushwaura me, Karunga, ndi ufinge kehe uno mpititi wavantu.²⁹Kapishi ghuruvange kundjambera mbuto eyi una yangura na vinyu yamaghadi. Ghuna kona kumpa mbeli yoye wamumati. ³⁰Shimpe nka una kona kuvirughana kuhove doye naku ndjwi doye. Mayuva ntambiri dikare nanyokwado, ene ngoli muliyuva lyauntantatu una kona kuvampa. ³¹Ngamukara vantu vakupongoka. Mposhi nakulyashi kehe nyama vina dipagha vikorama muwiya. Ene ngoli, mwakona kuyipa mbwa.

¹Kapishi ghuka tape vitundwamo ovyo vinadiro ushiri kuhamena kehe ghuno. ²Kapishi ghuka kupakerere nava ndjoni vava kafafumu vambangi va kudira ghushiri. Kapishi ghukwame mbunga muku karuwana ghudona, ntani nka kapishi ghukarere ghu mbangi mukukoshonona maudito nakuhamena kuva vangi kumbunga muku donganita mpora. ³Kapishi ghurenkereremo shihutu muku mupangura kwendi.⁴Ntjene ghuna gwanekere na hove ndi shidogi sha muna nkore ghoye shasho shina kombana, ghuna hepa kushi mutwarera. ⁵Ntjene ghuna mono shi dongi sha muntu ogho akunyengo shina ganda murongerero palivhu, nakumushuva shi ogho muntu. Ghuna kona kumu vatera kumwe na shidongi shendi.⁶Kapishi ghu dorangide nkango da muhepwe pakumupangura. ⁷Kapishi ghukupakerere kwa vantu vakutapa mbundi odo dina diro kukara naghushiri, ndipo ghudipaye vahungami, ame kapi ngani ka negha vandjoni. ⁸Nakutambura shi mfuto yakurenkita vantu vakare ghutwiku ovo vana kumono, kurenkita vantu vavadjoni vakare ghushiri kunkango. ⁹Nakuhepekashi muntunda virongo, morwa mwa yiva liparu lyava ntunda virongo, ntani nanwe vantunda virongo mwakaliro mushirongo sha Egipute.¹⁰Mumwaka wa ghuntayimwe ngaghukune mbuto mulifuva lyoye naku pongayika muyangu. ¹¹Ene ngoli mumwaka wa untambiri ngaghulishuve ngoli kapishi ngo ghulime nakuli shuva lishokera, mposhi vahepwe mukashi ko vantu voye ngava lye. Ovyo ngava shuva mo, vikorama vya muwiya navyo ngavilye. Ngamu ruwane kumwe shikunino sha mandjembere na shikunino sha ndjwe.¹²Muma yuva ntayimwe ngaghuruwane viruwana vyoye, mara muliyuva lya ghuntambiri nga ghupwiyumuke. Ruwana vino mposhi hove navidongi vyoye ngaviwane lipwiyumuko, ntani nka navana va vapika voye vavakamali ntani nakehe muntunda shirongo ana hepa kupwiyumuka nakuwana lipeperero. ¹³Kwatenu lighano kwanavintje evi nakamutantera. Nakutwenyashi madina ghaKarunga peke, renkenu madina ghavo adopite mutunwa twenu.¹⁴Muna kona kuyenda muka ndughanene shipito mukantjamberere rutatu mwakehe mwaka. ¹⁵Ove wakukengera vipito vyamboroto yakudira vishashita. Yira momo namurawililire ashi ngamulya mboroto yakudira vishashata mumayuva ntambiri. Paruvede runya, nga mukamoneke kushipara shande mumwedi waAbibu, ogho vawapayikira shitambo shino. Kwakalire mumuno muwedi mwakatundire muEgipute. Ene ngoli kapishi ngamuya moneke kushipara shande maghoko-ghoko.¹⁶Ghuna kona kushamberera shipito shovyo wayangura, nyango doye odo wahova kulima opo mwakunine mumafuva. Ntani nka muna hepa kuvidanena shipito shovyo mwapungura kuuhura wamwaka, opo ngamupungura muyangu wenu wamumafuva. ¹⁷Vakafumu venu navantje vana kona kumoneka kushipara sha Hompa Karunga rutatu mwa kehe uno mwaka.¹⁸Nakughupashi honde yandjambo mundjambere me namboroto yakutura vishashita. Maghandi ghapashipito shapashidjambero shande nakughashupo shi matiku naghantje dogoro ngurangura. ¹⁹Ngamukayite nyango denu dakuhova odo mwahoroghora dadiwa mumafuva ghenu kundjugho yande, ndjugho yaHompa Karunga ghoye. Kapishi ngamuterekite shimpendje ghona mumashini ghanyokwasho.²⁰Ame nakuyenda nikatume muengeli kumeho yoye ngakakukunge mundjira yoye, nakakuyita kulivango olyo nawapayiki. ²¹Pura mwendi nakumufumadeka. Kapishi ukamutjoka tjoke, ghuye kapi ngakamughupirapo maundjoni ghenu. Lidina lyande mumwendi lina kara. ²²Ntjene ulimburukwe kunkango ndendi nakutikitamo navintje ovyo nakukutantera, makura me kuni muna nkore wavana nkore voye namuruwani kwakehe ghu muruwani ghoye.²³Muengeli wande ngapita kumeho yoye ngakuyita kuvaAmoli, vaHeti, vaFeresi, vaKanana, vaHevi, nakuvaYebusi. Ame ngani kava djonaurapo. ²⁴Nakunyongamena shi vaKarunga vavo, kuva karera, ndipo ghurughane ovyo vana kurughana. Ene ngoli ghuna kona kuva ghupa unankondo, nakubamaura ngundi davo damawe murufefere. ²⁵Ghuna kona kukarera Hompa Karunga ghoye, ntani ngatungika mboroto na mema ghoye. Ngani ghupa mo mauvera mukatji kenu.²⁶Kwato mukamali ngakaro wakudira kuyita ndipo ngatundo lira mushirongo shoye. Ngani kupa liparu lyalire. ²⁷Ame ngani tuma matjilito kumeho yoye, ntani nka ngani piyaghaneka vantu navantje ovo ngaugwanekera navo, ntani ngani renka vana nkore voye ngava tungwire dimughongo davo kukoye. ²⁸Ame ngani tuma mabonde kumeho yenu ngavagha tjide vatunde vatundeko vaHevi, vaKanana, navaHeti kumeho yenu. ²⁹Ame kapi nganiva tjidako vatundeko wangu kumeho yoye mumwaka umwe, manashi ngamudjonaka mushirongo, ntani vikorama vyamuwiya ngavi kuyingipita.³⁰Ngani rughana, ame ngani vatjida mo kadikadi vatunde mo kumeho yoye dogoro ngaukare naruvaro kumwe nakupinga shirongo. ³¹Ame ngani wapeka murudi ghoye wakulifuta lyambu dogoro kulifuta lyaPhilistine, ntani yitunde kumburundu dogoro kumukuro waEuphrate. Ame ngani kupa vantu vamushirongo vakare mumaghoko ghoye. Ngauva tjidemo vatundemo kumeho yanaumoye. ³²Kapishi ngauture likukwatakano navo ndipo navaKarunga vavo. ³³Kapishi ngava tunge mushirongo shenu, ndi ngava murenka murughane ndjo kukwande. Ntjene ngamukarere vaKarunga vavo, ovyo ngavikara livinde kukwenu.''

¹Makura Hompa aghamba kwaMosesa, ''Yiyenu kwande- nwe, Aaron, Nadab, Abihu, ntani navakurona rontambiri vavaIsraeli, kumwe nakukatongamena kukwande pashinano. ²Mosesa pantjendi ayo pepi name. Vakuhupako kapishi vaye pepi name, kwato muntu ogho ayo naye.''³Mosesa makura ayendi kumwe nakukatantera vantu nkango daHompa nadintje. Vantu navantje ava limburura naliywi limwe tupu nakughamba ashi, ⁴''Kuturughana nkango nadintje daKarunga yira momo ana dighamba.'' Makura Mosesa atjanga nkango daHompa nadintje. Muruvindwira Mosesa aka dika shidjambero palidi lyandundu ntani nakuwapeka ngundi murongo nambiri, mposhi mawe ghakwateremo marudi dimurongo nambiri ghavaIsraeli.⁵Atumu vaIsraeli vavamati vavanuke vakatape vininke vyakupwa kumwe nakukadjamba vitapa vyahove kwaHompa. ⁶Mosesa aghupu ukahe wahonde nakughutura pavisha, aghupu ukahe umwe kumwe nakughu mwayera pashidjambero.⁷Aghupu mbapira yalikwatakano kumwe nakuyidameka kuyivarwira vantu. Ava ghamba ashi, ''Kuturughana navintje ovyo ana ghamba Hompa. Kutuvikwama.'' ⁸Makura Mosesa aghupu honde nakuyimwayera muvantu. Aghamba ashi, ''Oyino ndjo honde yalikwatakano oyo arughanine nanwe muyimupa nwe nalihuguvaro nankango nadintje dino.''⁹Makura Mosesa, Aaron, Nadab, Abihu, ntani navakurona rontambiri vavaIsraeli ava yendi kumburundu. ¹⁰Ava mono Hompa wavaIsraeli. Kuntji yakumaghuru ghendi kwakalireko ulyatero wamawe, ukenu yira liwiru lyene. ¹¹Karunga kapi atulire lighoko lyendi kuvampititi vaIsraeli. Ava mono Karunga, ntani avalyi nakunwa.¹²Hompa aghamba kwaMosesa, ''Yiya kwande kundundu nakuyakara nkokuno. Ngani kupa ntishe yamawe naveta ntani nadimuragho odo nina natjanga, mposhi ngokadironge. ¹³Ano Mosesa ashungiri pandje namuvateli wendi Joshua ntani nakuyenda kuwiru yandundu yaKarunga.¹⁴Mosesa kwaghambire kuvakurona, ''Karenu mpapano nakututaterera dogoro ngatukaye kukwenu. Aaron naHur nanwe vana kara. Ntjene kehe uno ana karo nankango, kumushuva ayende kwavo.'' ¹⁵Makura Mosesa ayendi kuwiru yandundu, makura liremo ali fikiko.¹⁶Ghuyerere waHompa aghu tuliri kundundu yaSinai, makura liremo ali fikiko mayuva ntayimwe. Muliyuva lyauntambiri akughu Mosesa munya muliremo. ¹⁷Limoneko lyauyerere waHompa kwakalire yira mundiro wampire kuwiru ya ndundu mumantjo yaIsrael. ¹⁸Mosesa ghangene muliremo nakuyenda kuwiru yandundu. Ghuye kwa kalire kuwiru ya ndundu mayuva dimurongo ne ntani namatiku dimurongo ne.

¹Hompa gha ghamba kwa Mosesa, ²''Tantera va Israeli vangwapayikire vitapa ku kehe ghuno ovyo ghuna panga muntjima wendi. Ghuntambwire vitapa vyande.³Evino mbyo vitapa ovyo ghutambura kwavo: Ngorodo,silveli, ntani nangopora; ⁴shina liwiru, shina ghumbombo, makeshe gha makenu, ntani ghuki davimpendje; ⁵Vipapa vyandjwi vyavigeha vyakushunta; ntani vikuni vya untu; ⁶Namaholi gha muramba nalidumba lya kuwava; naku tutumukida lidumba lyaliwa; ⁷mawe gha mulyo ntani namawe gha mweya mukagha ture kuvi ninke vya mashwe ghamadidi.⁸Makura ngava ntungire ntembeli mposhi ngani tunge mukatji kavo. ⁹Ngamu viruwane nawa yira momo nimunegheda muma ghano ghenu omo ngamu vidika ntani navi kwatito ko navintje.¹⁰Makura ngo muruwane shi kesha shashitondo sha untu. Ghure washo ghukare wa mitera mbiri na harufa, muna ghufupi ghukare mitera yimwe naghukahe,ghure washo wamuwiru ghukare mitera yimwe naghukahe. ¹¹Ngomushi fike pa ntunda na munda ngorodo, ntani ngo muturepo murudi wa ngorodo pantunda.¹²Ngomuhemwineko ngorodo ne dalinga, ntani ngoviture kushikesha vikare maghuru mane, nalinga mbiri kuruha rwasho rumwe, ntani linga mbili kuruha runya rumwe. ¹³Ghurughane ngundi dauntu nakudifika nangorodo. ¹⁴Ghuna kona kutura po ngundi mulinga pashikesha, mukurenka ashi udamune shikesha shinya.¹⁵Ngundi dina hepa kukara mulinga dashikesha, kapishi ngava dighupe mo. ¹⁶Ngoturemo mushikesha veta odo ngani kupa. ¹⁷Ngo rughanenka shipundi sharufiko rwa ngorodo. Ghure washo ngaukare metera mbiri ntani naukahe wametera, ntani unene washo metera naukahe. ¹⁸Ngo rughane nka makerubi mavili ghakushambulitaku ngorodo ghakutura kughuhura washipuna shinya sharufiko.¹⁹Rughana musherubi umwe wakuuhura washipuna shinya sharufiko, sherubi yimwe yakughuhura umwe po. Ngava virughanite kushininke shimwe tupu nashipuna sharufiko. ²⁰Makerubi ghanya ghana kona kurupwita mavava ghavo muwiru ntani nakufika shipuna kumwe nagho. Sherubi dikuprukire naumwado na naumwado ntani nakukenga pakatji kashipuna shinya sharufiko. ²¹Ngoture shipuna shinya shankenda pawiru yashikesha, ntani nka ngo turemo veta odo nakukupa ngoli.²²Kushikesha ngani kagwanekera nove. Ngani ghamba nove mulivango lyande lyamuwiru pawiru yashipuna shinya sharufiko. Ngavi kara pakatji kavi sheburum vivili kuwiru yashikesha ngani ghamba nove kuhamena mapango ogho ngani kupa ghava Israel.²³Ngorughane ntishe yavitondo vya untu, ure wayo ngayikare metera mbiri dakukuwederera patatu, unene wayo ngayikare metera ntatu dakuku wederera patatu, ure wayo muna uwiru metera ntane naukahe. ²⁴Ngoshifike ngorodo ntani na kuturako murudi wangorondo pa wiru yasho.²⁵Ngo tureko livero ngaliku kundurukide rumwe muunene, namurudi wakukunduruka wagorodo yalivero. ²⁶Ngorwane linga ne dogorodo ntani nakuditura odo linga ne, oko ghakalire maghuru mane. ²⁷Makura do linga ngoture kulivero mukutenda livango lya ngundi, mukurenka ashi vadamune ntishe.²⁸Ngo rughane ngundi da vitondo vya untu ntani udifike na ngorodo mposhi ntishe ngavayi damune nayo. ²⁹Ngorughane visha, marutugho, vitutumukidiro, ntani visha vyakurughanitira pakutera vitapa vyavinwa. Ngaghu virughanite kungorodo. ³⁰Ngauture mboroto oyo ngayimoneko pantishe kumeho yande.³¹Ngaurughane shiyimaneno sha ramba ya ngorodo. shiyimaneno ngo shirughane nalitako lyasho ntani narupatji rwasho. Nkinda dako, maghoko ghakulitako, ntani dimucuko dako ngavadirughanite nashininke shimwe tupu. ³²Dimutavi ntayimwe dasho ngadirupukemo kuruha rwasho dimutavi ntatu ngadi rupuke ruha rumwe tupu, ntani dimutavi ntatu dashiyimaneno diyendo kuruha rwapeke.³³Mutavi wakuhova ngaukare nankinda ntatu varughana yira dimucuko, nalitako lyalihako nadimucuko. vikare navintje vina kufana kudimutavi nadintje ntayimwe dakurupuka ditunde mushiyimaneno sha ramba. ³⁴Pashiyimaneno paramba pene, pakatji, pakare nkinda ne dakurughanita yira kumucuko, nakuntji yamahako ghagho ntani namucuko.³⁵Pakare lihako kuntji yadimutavi dakuhova-ovyo arughanita kushininke shimwe tupu, ntani nakuntji yalihako kuntji yamutavi wauviri navyo nka vavirughana kuvininke vimwe tupu. Mundjira ykukufana mukare lihako kuntji yamutavi wautatu, vavirughana kushininke shimwe, vikare navintje vyakukufana kumutavi wauntayimwe odo dina kutunda kushiyimaneno sha ramba. ³⁶Mahako ghako ntani dimutavi nadintje kumwe tupu navyo, shininke shimwe tupu, ntani nashininke osho varughana kungorodo.³⁷Ghurughane shiyimaneno sha ramba ntani ramba ntambiri, ntani ghuturemo ramba mposhi ditape ukenu. ³⁸Vidamunito vyakontani tusha twako ngava turughane twa ngorodo. ³⁹Rughanita uyivi umwe wangorodo mukurughana shiyimaneno kwanavintje. ⁴⁰Kara naushiri ashi ngo rughane kunyima yavininke ovyo vana kakunegheda kundundu.

¹Ghuna kona kurughana nkongoro ndjugho yamakeshe murongo ogho vatendita kungodi dadireru ntani dashinaliwiru, shinaumbombo, ntani nashipapa sha shinaugeha rudi rwa Cherubimu. Evi ngavikara virughana vya muntu ogho ayivo kutenda. ²Kehe likeshe lyasaira muna ure walyo metera rombiri na ntantatu, ano mumpati metera ne. Makeshe naghantje gha shetakane mumetera. ³Makeshe matano muna kona kugha hondja kumwe, ntani nka makeshe matano ghamweya muna kona kugha hondja nagho kumwe.⁴Likeshe lyakuhova olyo vahondja kumukunkuro walyo ngauhondjereko ntungwedi murongo nantano lyangodi dashinaliwiru. Ogho makeshe ghamweya nka matano ogho vahondjakana, nako mo mwakurughanako ngoli. ⁵Ngaushambwireko tuhaki murongo ntano kulikeshe lyakuhova, ntani nka una kona kushambura tuhaki murongo ntano twakughuhura walikeshe lyauviri. ⁶Ngaushambwireko nka tuhaki murongo ntano twa ngorodo, makura makeshe kugha gwanikilita kumwe natuhaki, makura ghakare nkongoro ndjugho yimwe tupu.⁷Ngautende makeshe ogho vatungita kuhuki davimpendje, ngagha kare ukundumikiro wankongoro ndjugho: ghuna kona kurughana makeshe murongo nalimwe. ⁸Kehe ure walikeshe lina kona kukara ure wametera rontatu, ntani nakehe ufupi walikeshe una kona kukara metera ne. Makeshe murongo nalimwe ghana kona kushetakana. ⁹Makeshe matano ghuna kona kugha hondjakana ntani makeshe ntayimwe kwapantjagho nagho. Likeshe lyauntayimwe ngaulihondjere kumeho yandjugho ghona.¹⁰Una kona kuhondjerako makwarara rontatu kukehe shikondo sha likeshe olyo ngauhova kurughana, ntani namakwarara rontano, kulikeshe lyakuhulilira olyo vagwanikilita kulikeshe lyauviri. ¹¹Ghuna kona kurughana ngopora rontano makura ngauditure mumakwarara. Makura ngamu kakuhamitire namuvantje mundjugho yayididi mposhi ngayi kare ruha rumwe.¹²Kehe uno ukahe walikeshe ngaundjendjerera kunkongoro ndjugho, makeshe ghana kona kundjendjerera kuruku yandjugho ghona. ¹³Yina kona kukarako metera yalikeshe kuruha rumwe- ovyo vyahupiro muna ure wandjugho ghona vina kona kundjendjerera kuruha rwa nkongoro ndjugho kuruha rumwe ngava rufike. ¹⁴Muna kona kurughana nkongoro ndjugho vafikanga navipapa vyavikungwe vyakutupika mumbapa yayigeha, pantunda yasho vakundurukidako vaunyavo vavipapa ovyo vashunta.¹⁵Ghuna kona kurughana ngundi dakuvyukilira dakushitondo shauntu yandjugho nkongoro. ¹⁶Kehe muna ure wahuka una kona kukara nametera murongo, ntani muna ufupi muna kona kukara metera yimwe naukahe. ¹⁷Kehe ngundi vana kona kuyitjora makwina maviri ghakudigwanikilita. Ngundi nadintje ngoli mo mwakudi gwanikilita. ¹⁸Opo ngo rughana ngundi dankongoro ndjugho, una kona kurughana ngundi rombiri dakuruha rwa umboyera.¹⁹Ghuna kona kurughana nka matako dimurongo ne gha siliveli. Kuntji yado, maviri kukehe ngundi vyukita mumakwina ghado. ²⁰Kuruha rwauviri rwa nkongoro ndjugho, ruha rwa umboyera, ghuna kona kurughanako ngundi rombiri. ²¹Matako rombiri gha siliveli kukehe ngundi maviri, ntani ana kona kukara matako maviri kuntji yangundi yakuhova, ngundi mbiri kuntji yangundi yakukwamako, ntani dikukwame.²²Kuruku yankongoro ndjugho kuruha rwautokero, una kona kurughana ngundi ntayimwe. ²³Ghuna kona kurughana ngundi mbiri kuruku yankongoro ndjugho. ²⁴Ngundi dino una kona kudi gaununa kuntji, ene ngoli kudigwanikilita kuwiru dikare dakukufana. Dina kona kukara weno nadintje dakuruku yahuka. ²⁵Dikare ngundi ntantatu, namatako ghasiliveli. Ghakare matako murongo nantayimwe nakuntje, matako maviri kuntji yangundi, matako maviri nka kuntji yangundi vikakukwame ngoli.²⁶Ghuna kona kurughana mpanganyatji dashitondo sha untu- ngundi ntano dakuruha rumwe rwa nkongoro ndjugho, ²⁷mpanganyatji ntano dakuhuka yakuruha rumwe rwa ndjugho nkongoro, ntani mpanganyatji ntano dakuhuka yaruha rwakuruku rwandjugho nkongoro kughutokero. ²⁸Mpanganyatji dapakatji kahuka, odo, daukahepo, dina kona kutika uhuka nauhuka.²⁹Ghuna kona kufika huka nangorodo. Ghuna kona kurughana linga davo dangorodo, mposhi ngaukare uwekero naukwatero wampanganyatji, ntani una kona kufika ngundi dangorodo. ³⁰Ghuna kona kuturapo nkongoro ndjugho mukukwama likukwamo olyo vakuneghedire kundundu.³¹Ghuna kona kurughana makeshe gha shinaliwiru, shinaumbombo, ntani shinaugeha, nangodi dadireru, odo vatenditakuCherubimu, ntani virughana vyavakafumu vauyivi. ³²Ghuna kona kundjendjelita makeshe kungundi ne dauntu vakavita ngorodo. Ngundi do dina kona kukara namarova ghangorodo nasiliveli kulitako. ³³Ghuna kona kundjendjelita makeshe kuntji yashikesha, ntani una kona kukayita wato waumbangi. Likeshe kugaununa mpepo yakupongoka palivango.³⁴Ghuna kona kuturako rufiko kuwato waumbangi, oyo yakaro palivango lyampepo yakupongoka. ³⁵Ghuna kona kupingitirapo ntishe pandje yamakeshe. Ghuna kona kutenteka shitondo sharamba kuruha rwambindakano yantishe yaumboyera yankongoro ndjugho. Ntishe yina kona kukarera kuucuma.³⁶Palivero lya nkongoro ndjugho napo ngaghu rughanepo likeshe ndyolinya lyene-lyene, ngauli limbaure nangodi dakuposha da shinaliwiru, da shinaumbombo, ntani naugeha. ³⁷Olyo likeshe ngauli rughanena nangundi ntano dauntu, ntani nakava nangorodo, marova ghako ghana kona kukara nangorodo, ntani una kona kuhemwinapo ngoporo kulitako lyavyo.

¹Ngaghurughane shidjambero shavitondo vyauntu, Kubite ntano muure ntani naKubite ntano muunene. Shidjambero shina kona kukara shikwa mbando mumutika Kubite ntatu. ²Ghuna kona kushongerako mbinga dakufana yira da hove kumaghoko mane. Maruvinga kugha rughanena kumwe nashipirangi sha ndjambero, nakushivambayika nangoporo.³Ghuna hepa kurughanita virughanito vya shidjambero: tunyungu twakuyukwira mutwitwi, naviharaghuva, visha, marutugho gha foroko, navipana vyakutura mundiro. Ghuna hepa kurughana virughanito vino navintje na ngoporo. ⁴Ghuna hepa kurughana shikangero shapa shidjambero, kushirughana na ngoporo. Rughana linga yangoporo kukehe huka yakulighuru lya shikangero shapa shidjambero.⁵Ghuna hepa kutura shikangero shalikwe kuntji ya shidjambero, ghukahe shighurumuke kulitako lyasho. ⁶Ghuna hepa kurughana ngundi yashidjambero, ngundi davitondo vyaku kukuta vya untu, nakuvi vambayika ngoporo.⁷Ngundi muna hepa kuditura linga, ntaninnka ngundi muna kona kuditura dikare kumaruha maviri ghashidjambero, mushishimba. ⁸Ghuna hepa kurughana shidjambero shavipirangi, munda muyashame. Ghuna hepa kuvirughana momo vakakuneghedire vyo kundundu.⁹Ghuna hepa kurughana rugumbo rwa nkongoro ndjugho ya makugwanekero. Kuna hepa kukara dimukore kuucuma warugumbo, lindjendjerero lya ngodi dadireru lifere limwe muure waKubite. ¹⁰Vikulika vana hepa kukara kungundi dimurongo mbiri, nadimurongo mbiri damatako gha ngoporo. Dina hepa kukarako nka vikongo ovyo vina kwato kungundi, na ngodi da siliveli.¹¹Murupe rwa kukufana, kuruha rwaumboyera, kuna hepa kukara ko dimukoro lifere limwe Kibute muure ogho una tiko kungundi dimurongo mbiri, dimurongo mbiri shishungiliro sha ngundi da ngorodo, vinkongo vikwate kungundi, nangodi da siliveli. ¹²Omo rwa yenda rugumbo kuruha rwautokero kuna hepa kukara ko likeshe munaure Kubite dimurongo ntano. Kuna hepa kukara ngundi murongo navi tentekere kungundi murongo. ¹³Rugumbo runa hepa kukara muna ure Kubite dimurongo ntano kuruha rwaupume yuva.¹⁴Vikulika vyamakeshekuruha rumwe kumangeneno kuna hepa kukaradimurongo ntano munaure. Kuna hepa kukara nangundi ntatu ovyo vina karo navitentekero vya ngundi vitatu. ¹⁵Ano musheli yimwe makeshe ghakukulika munaure Kubite dimurongo ntano. Kuna hepa kukara ngundi ntatu navishungiliro vya ngundi ntatu. ¹⁶Livero lyarugumbo kuna hepa kukara likeshe lya munaure dimurongo mbiri Kubite. Likeshe lina hepa kulirughana mushinaghuwiru, da shinaupuru puli, nawalikeshe lyakulimbaura nangodi namakeshe gha linga yene yene, muvirughana vyakuhondja nantonga. Kuna hepa kukara ngundi ne navitentekero vine.¹⁷Rugumbo naruntje ngundi dina hepa kukara nangodi dasiliveli, vinkongo vya siliveli, na vishungiliro vyangundi vya ngorodo. ¹⁸Muna ure wa rugumbo muna hepa kukara Kubite lifere limwe, mumpati Kubite dimurongo ntano, na muure Kubite ntano nalikeshe lyalina lyene lyene vana tuliki kumaruha naghantje, navishungilito vya ngodi da ngopora. ¹⁹Navintje vino virughanito vyakurughanita munkongoro ndjugho ya magwanekero, navipandikito vya tende vyakunkongoro ndjugho ntani rugumbo vina hepa kuvirughana kungopora.²⁰Ghuna hepa kurawira vaIsraeli mukuyita maholi gha ndjwe ghakushopora nakudinda nawa, gharamba mposhi ngadi twere kehe pano. ²¹Mutende yavigongi, pandje yalikeshe lyateto kumeho yankongoro ndjugho oyo yakaro shikesha sha veta, Aaron na vana vendi vana hepa kutweda ramba kumeho yaKarunga, kutunda ngurova dogoro ngura-ngura. Vino vigwanitapo ngavikare mpangera yanaruntje mudimuhoko dava Israeli.

¹Ngaghuyite naghumoye Arona mukuroye wamukafumu na vanavendi vavakafumu- Nadaba, Abihu, Eleazar, ntani Ithamar-mukatji kava Israeli mpo ngava nkarere mushirughana sha varuti. ²Ghuna hepa kurughanena Aarona, mukuroye wamukafumu, vidwata vyakupongoka kukwande. Vino vidwata ngavimupe mfumwa nakumoneka. ³Ghuna hepa kughamba navantu navantje ovo vavo vayivi mumutjima, ovo natura mpepo yaunongo, mukurughana vidwata vyaAarona mukumupongora a nkarere me muuruti.⁴Vidwata ovyo ngava rughana ne kakoverero kapa nturo, shinyerera shapa mapepe, marughodi ghamakeshe, nalirwakani lya huki da ndjwi lya kurughanita, makoli- kayiwa, namaruvya ghamakeshe. Ana hepa kurughana vidwata ovyo ngava pongora kukwande. Vyavyo ngavikara vyamukuroye wamukafumu Aarona na vana vendi va vakafumu makura ngavankarere me varuti. ⁵Vankurungu vana hepa kuruwanita likeshe lyakutotokwa lyashina ghungorodo, shiliwiru, shighugehawiru naugeha waku vembera.⁶Vana hepa kuruwana shinyerera shapa mapepe kulikeshe lya shighungorodo, lyashinaghuwiru, lya shinaugeha wiru, na shinaugeha wakuvemberera wahuki dandjwi, namakeshe ghakukutotokwa. ⁷Ovino viruwana vya ghu yivi wankurungu. Tuna hepa kukarako navikweyo viviri pa mapepe twaku kwata mahura ghasho maviri. ⁸Ngama yikare yina kufana namapepe, kuna hepa kushiruwana sha kukukwatakana namapepe, osho ngava ruwana kulikeshe lyakutotokwa lyashinaghungorodo, shinaliwiru, shinanaghugeha,nashinaghugeha wakuvembera. ⁹Una hepa kukashimba tuwe tuviri twa mulyo nakututjokora mukutu tjanga madina ghavana va vaIsraeli va vakafumu.¹⁰Madina ghavo ntayimwe ghana hepa kukara paliwe limwe, ano madina ntayimwe ghana hepa kukara paliwe limwe nka, mumuyaro wavo momo vakukwamena. ¹¹Muviruwana vyo mutjokoli mawe, yira vyaku tjokora pamawe ghandiro, ghuna hepa kutjokwerapo pamawe maviri madina ghavana va vaIsraeli va vakafumu. Ghuna hepa kughawapeka kughatura ghukwatero wangorodo. ¹²Ghuna hepa kutura mawe naghantje maviri pa mapepe ghashinyerera shapamapepe, ngakare mawe ghakuvhukita Karunga vana vaIsraeli vavakafumu. Arona ngashimba-shimba madina ghavo kumeho Karunga pamapepe ghendi maviri nko shivhurukito kwaKarunga.¹³Ghuna hepa kurughana maghukwatero gha ngorodo ¹⁴na tumaghuketanga twa kuposha tuviri vya ngorodo yene yene yira ngodi, navikwatakanita pamwe kughukwatero.¹⁵Ghuna hepa kuruwana kakoverero kapanturo sha kutapa matokoro, ana hepa kushirughana mughuyivi wankurungu, kushiwapeka yira shinyerera sha kumapepe. Kushilimbaura nashinaungorodo, shinaliwiru, shinaugeha wiru, na shinaugeha wakuvembera wa huki da shinaundjwi, kulikeshe lya kutotokwa. ¹⁶Shina hepa kukara shikwambando. Ghuna hepa kupeteka shikoverero shapa mapepe paviri.Shina hepa kukara ghukahe umwe wakufana munaure ntani ghukahe umwe mumpati ghukufane.¹⁷Ghuna hepa kuturapo mutunda wamawe ghamundiro. Mutunda wakuhova ghuna hepa kukara wamawe gha rubia, topazi, na garaneta. ¹⁸Mutunda wauviri ghuna hepa kukara wa mawe gha emeralida, sappire, na diamande. ¹⁹mukutunda wautatughuna hepa kukara wamawe gha jasinita, gha agate, na ametista. ²⁰Mutunda waune muna kona kukara mawe gha berili, gha onise, na jasipari. Vina hepa kuviwapeka nakuvitura mughukwatero gha ngorodo.²¹Mawe muna hepa kugha wapeka nawa kutwara mumadina gha vana va vaIsraeli va vakafumu. Vana hepa kughatjokora yira patudeya twa ndiro, kehe lino lidina liyimanene pamuhoko ghumwe. ²²Ghuna hepa kuturapo pashikoverero shapa nturo maghuketanga vaposha kuvirughana vya ngorodo yene yene. ²³Ghuna hepa kuturako tundeya twa ngorodo, nakuvitura kumaruha kughuhura washikoverero sha panturo. ²⁴Ghuna hepa kukwatakanita ogho maghuketanga maviri gha ngorodo kushikoverero sha panturo.²⁵Ghuna hepa kukwatakanita maghuketanga vana posho maviri kumaghukwatero maviri. Vina hepa kukwata kushikoverero sha panturo nakushinyerera sha pamapepe kumeho. ²⁶Ghuna hepa kurughana tundeya twa ngorodo, nakuvitura kumwe kumaghuhura maviri ghaghuhura washikoverero sha panturo, kumakovhu ghambando munda yaghuhura.²⁷Ghuna hepa kurughanako nka linga mbili da ngorodo, ntani ghuna hepa kukwatakanita palivhu yamapepe maviri kumeho yashinyerera sha pamapepe, pepi namukunkero wakuwiru wangama ya shinaundjwi kunyerera ya pamapepe. ²⁸Muna hepa kushimanga shikoverero sha panturo kungondo dasho kumwe na ngondo da shinyerere sha pamapepe nangodi da shinaliwiru makura shikukwate kuwiru na ngama ya shinaundjwi mumbunda na shinyerera sha pamapepe. Ovino mundashi kapi vikugaunuke shikoverero sha panturo na shinyerera sha pamapepe.²⁹Ano ntjeneshi Aarona ana kuyendo mulivango lya kupongoka, ana hepa kushimba madina gha vana va vaIsraeli pamutjima wendi mushikoverero sha panturo morwa matokoro- tulito, mukukatwikira livhuruko kwa Karunga. ³⁰Ghuna hepa kutura nka Urimu naTumimu mushikoverero sha panturo morwa matokoro- tulito, morwa ngavi kare kumutjima wa Aarona ntjene ana yendi kumeho yaKarunga. Ovino Aarona vyamurenkitire kehe pano a shimba shimbe kehe kuno matokoro tulitopo kuvaIsraeli mu mutjima wendi kumeho yaKarunga.³¹Ghuna hepa kurughana rughodi rwa kumangita shinyerera mushuma sha shinaliwiru. ³²Shina hepa kukara muyashamena kumutwe namukatji. Oko shayashamena shina hepa kukara huki da shinaundjwi vikunduruke kughuhura mposhi kapishi ngashitaghuke. Ovino vina hepa kukara virughana vya mukakuhondja.³³Kumukunkuro yasho, kuna hepa kukara ngodi da pomegaranate ya shinaliwiru, shinaugeha wiru, shinaugeha wakuvembera vinaku kundurukido. ³⁴Ngendjo da ngorodo kuditura pakatji dikunduruke nakuntje. Vana hepa kutura ngendjo da ngorodo yene yene na mapomegaranate, ngendjo ya ngorodo yene yene na pomegaranate- navimwe ngoli- vyakundurukido lirwakani kumarughodi. ³⁵Marughodi ngagha kare kwa Aarona pakunkarera, Ghana hepa kuyuvhika mushagharo ntjeneshi kuna kuyenda mulivango lyakupongoka kumeho yaKarunga ntani ntjeneshi nakutundamo. Ovino ngavimurenkita mposhi kapishi afe.³⁶Ghuna hepa kurughanako mbandi ya ngorodo nakuyitjokora, yira kuna kutjokora tuwe twa ndiro, ''Ghapongore Karunga.'' ³⁷Ghuna hepa kuyimanga na ngodi ya shinaliwiru kumeho yaliwe lya turibani. ³⁸Yikare kehe pano kushipara sha Aarona, ana hepa kushimba kehe yino ndjo vana kutura vaIsraeli pakudjamba vitapa kwa Karunga. Tuwe twa turibani tuna hepa kukara kehe pano pashipara shendi makura Karunga atambura vitapa vyavo.³⁹Ghuna hepa kurughana lirwakani lyakutotokwa, nakurughana liwe lyaturibani kulikeshe lyakutotokwa. Ghuna kona kurughana maruvya, muvirughana vyamulimbaghuli.⁴⁰Vana vaArona ghuna hepa kuva rughanena marwakani, maruvya, namakoli ghamare ghakufumadeka nakumoneka. ⁴¹Ghuna hepa kudwakeka Arona mukuroye wamukafumu, navana vendi vavakafumu. Ghuna hepa kuva waveka, kuvatungika, nakuvapongwera kukwande, mposhi ngava nkarere varuti.⁴²Ghuna hepa kuva ruwanenako kotje twa makeshe mukuhoreka muhere-here wavo, ovyo ngavihoreko kutunda mumbunada dogoro mumatungi. ⁴³Aarona na vana vendi va vakafumu ngava dwate vidwata vino ntjene kuna kungena mutende yashigongi ndi ntjene kuna kuya kushidjamberomukuyankarera mulivango lya kupongoka. Vana hepa kuvirughana vino mposhi kapishi vandjone ndipo vafe. Eyino veta yakukarererapo kwa Aarona nakuruvharo rwendi kutunda kukwendi.

¹Weno evi mbyo nga muruwana muvure mukugaununa kwande ngava vure kumpa me yira me kukareli. Ghupa ntwedu ghona na ndjwi mbiri dadiro vito, ²mboroto yakudira vishashita, navikuki vya diro vishashita ovyo vaduva nama ghadi. Waro ghupa mboroto odo dadiro vishashita ghudi kwite maghadi. Ghuruwane mboroto naghutura wa naka naka naghu tura warukokotwa.³Ghuna kona kuvitura mushikumba sha kukukarera, ghuvi yitire mushikumba, nakuvinegheda kumwe na ntwedu ghona na ndjwi mbiri. ⁴Ove ghuna kona kuvi negheda kwa Aaron na vana vendi vavakafumu. Kulivero lya kungenena ghuyende mu ntjuwo yavigongi. Ghuna kona kukusha Aarona na vana vendi vavakafumu mu mema.⁵Ghuna kona kughupa lirwakani naku lidwateka Aarona kumwe na mbayikisa, ruvya rwaku shikoverero sha maghoko ghama fupi, na ntente da nkaku manga ruvya nawa nawa naku mudingira. ⁶Ghuna kona kutura marumbendo pamutwe naku tura likoli lyafumwa parumbendo. ⁷Makura maghadi gha kuwavekita naku gha mutura pamutwe naku muwaveka.⁸Ove ghuyite vana vendi vavakafumu naku vatura ndjafa. ⁹Ove ghuna kona ku dwateka Aarona na vanavendi vavakafumu. Navapa mbere nakutura ma rughodi kudi mutwe davo. Virughana vya uruti ngavikarera kwavo pana runtje paveta. Mundjira yino ghuna kona kutegherera nawa nakukenita marutu ghavo va Aarona na vanavendi vavakafumu va mpande me.¹⁰Namuvantje ngamu yitentwendu kumeho yashi ndjugho oyo varenkeranga vigongi, ano Aarona na vana vendi vavakafumu vana kona kuturapo maghoko ghavo pamutwe wavyo. ¹¹Ghuna kona nka kudipagha ntwedu kumeho yaKarunga kulivero lya ndjugho varu wanenanga vigongi.¹²Ghuna kona kughupa honde yimwe ya nwendu naku yitura kumbinga yakaro kushidjambero na nyara, nakutera honde yakughupako kuntji ya shidjambero. ¹³Ghuna kona kuhupa maghadi ogho gha fiko mumaruha ghamunda, nakufika lishuli na ngera namaghadi ghako, vishorere kushidjambero. ¹⁴Ano nyama ya ntwendu nka nashipapa shako narutoko,ghuna kona kuvi shora pandje yakamba. Kuvhura kukara vitapa vya ndjo.¹⁵Ove ghuna kona kughupa ndjwi ghona yimwe, na Aarona na vana vendi vavakafumu vana kona kutura maghoko pamutwe. ¹⁶Ghuna kona kudipaya ndjwi, makura kughupako honde kumwe nakutjakayikira munda yashidjambero. ¹⁷Ghuna kona kuteta ndjwi muvinoko nakuvikusha maruha ghamunda nama ghura ghako, ghuna kona nka kutura maruha ghamunda, kumwe navinoko namutwe wako, ¹⁸pashindjambero. Makura ghu shore ndjwi nayintje. Yayo ngayi shora ndjambo kwa Karunga, aroma yaghutovali, ntjambo oyo vana ruwana kwa Karunga namundiro.¹⁹Ghuna kona kughupa ndjwi yimweya, Aarona na vana vendi vavakafumu vavo vakona kutura maghoko pamutwe washo. ²⁰Makura ghuna kona nka kudipaya ndjwi nakughupa honde yimwe ghuture kushikondo sha litwi lyakurulyo lya Aarona nakuvikondo vya matwi gharulyo ghava vendi, kumapumbwara ghavo ghaku rulyo nakulipumbwara lyaku mpadi. Makura ghunakona kutjakayikira honde kuvi kondo yashindjambero.²¹Ghuna kona kughupa honde oyo yina karo kushidjambero namaghadi ghaku wavikita nakutjakayikira navintje kwa Aarona nalirwakani na vanavendi vavakafumu na marwakani ghavo. Aarona makura nga gaununa kwande,naku marwakani ,na vana vendi vavakafumu nama rwakani ghavo.²²Ghuna kona kughupa maghadi ghamwe gha ndjwi mushira, maghadi gha kumushira, namaghadi gha kundurukido vilya vyamunda,ovyo vya kundurukido mashuli nangera mbiri namaghadi ghako nalitungi lya kurulyo morwa oyo ndjwi yakatekete nakuyita kwande. ²³Ghupa muntje ghumwe wa mboroto, shikuki shimwe sha mboroto yimwe oyo varuwanita namaghadi, ntani na mboroto yimwe ghu ghupa mushikumba osho shina karo mboroto oyo vatenda hana vishashita kumeho yaKarunga.²⁴Ghuna kona kuvi tura kumaghoko gha Aarona namu maghoko gha vana vendi vavakafumu nakuva morora kumeho yande kumorora vitapa kumeho yande. ²⁵Ghuna kona kughupa ndya muma ghoko ghavo nakudi shorera pashidjambero shinya. Vavyo ngavi yangura aroma yande ya shuka,vyavyo ngavi kara ngoli ndjambo oyo yarenkito nikare kumundiro.²⁶Ghuna kona kutura kandiya ka ntjwi oyo va vedukita nakumorora mukonda ya vitapa kumeho yaKarunga oro ndoruha roye. ²⁷Ghuna kona kutura maruha kwande me ruha rwa vitapa ovyo nawaveka, namutungi ogho ghakaliro wavitapa vyakatekete nagha ntje ntete namatungi ogho vapire kwa Aarona na vanavendi vavakafumu. ²⁸Evi ngavi karererapo vya Aarona na vana vendi. Evi ngavi kara vitapa vya tundiliro ku vantu vamu Israeli vavitape kwaKarunga kutundilira kuvi tapa vya mpora.²⁹Olyo lirwakani lya kupongoka lya Aarona nalyo kulitulika lyamuhoko wendi ogho ngaghukayo kunyima yendi. Vavo ngava vawaneka nakuva tungika. ³⁰Vakatekete ova vamutompwere pakatji kavana vendi vavakafumu, ovo vayiro muka ndjuwo kashigongi ghona vaya mpande me muli vango lyakupongoka, vavo ngoli va dwate marwakani mayuva ntambiri.³¹Ghuna kona kughupa ntjwi oyo yakupongoka naku yiterekera kuli vango lya kupongoka. ³²Aarona na vana vendi vavakafumu vakona kulya nyama yinya na mboroto yinya yina karo kulivero lya kungenena ku ndjuwo ya magwanekero. ³³Vavo vana kona kulya nyama na mboroto oyo vavapire pakuva waveka naku vatungika vakare na ruha rwavo kwande. Kwato ogho ngayalyo ndya odo,mukonda vavo vakona kuku kutikira nakughana naku ntulikira. ³⁴Ntjeneshi yiku ghupeko nyama yapashindjambero oyo va waneka, mpili mboroto, oyo yina hupuko, yamurara liyuva lya kukwamako, makura muna kona kuvi shora. Ovyo kapishi nka vyakulya nka mukonda shi navitura ntere.³⁵Mundjira yino, kwama navintje ovyo nakurawiri ghu ruwane, ove ghuna kona kuvatekura va Aarona na vana vandi vavakafumu. Morwa mumayuva ntambiri ngaghuva wapayika. ³⁶Kehe liyuva ghuna kona kutapa ntwendu ndjambo ya ndjo oyo va ghupirapo. Ove ghuna kona kukenita shindjambero naku ghupirapo navantje, ntani nka ghuna kona kushiwaveka mposhi vikuhangure kwande. ³⁷Mumayuva ntambiri ghuna kona kuruwana nakuwapeka shidjambero, nakushitulira Karunga ntere. Kumanitilira shidjambero naku shigaghunwina. Kehe vi gumo shidjambero ngavi ku gaghunuka naKarunga.³⁸Ove ghuna kona kutapa kehepano kundjambo kehe liyuva ndjwi mbiri damwaka mbiri. ³⁹Ndjwi yimwe ghuna kona kuyi djamba ngura ngura, oyo yimwe kuyi djamba shitenguko.⁴⁰Na ndjwi yapa muhovo, na kuyitapa na efa murongo yaghutura wakuvonga naruha rwa ghune rwama ghadi gha hini ogho va ghupa ku oliva, naruha rwa ghune rwa hini yavinyu yakunwa pavitapa.⁴¹Ghuna kona kutapa ndjwi yaghuvili ku ngurova. Ghuna kona kutapa ntjambo yapo yira ndjoyinya ya ngura ngura, nakunwa ya kunwa yira mbyovyo vananwu kushidjambero shapa muhovo. Ovyo ngayi ndjangwira aroma yaghutovali, yayo ngayikara ntjambo yande vana ngwapayikiri namundiro. ⁴²Evi ghuna kona kukara kehe pa kushora ndjambo mulikukwamo lya ruvaro roye, palivero lyashindjuwo sha mbongarero kumeho yaKarunga, kuni ngatu gwanekera ngani ka vhure kughamba nove pa nyama?⁴³Oko nko ngatu kaku wana nava Israeli; shi ndjuwo ngava shi ngaghunwina uyerere kwande. ⁴⁴Ame ngani gaghununa shi ndjuwo shama gwanekero nashi djambero mukonda vino kwahamena kwande pentjande. Ame nka ngani gaghununa Aarona na vana vendi vavakafumu va mpande me mupristeli.⁴⁵Ame ngani paruka mukatji yava Israeli naku kara Karunga wavo. ⁴⁶Vavo ngava yiva ashi ame Hompa,Karunga wavo ogho ghava tunditiro mushirongo sha Egipute nivhure kukara mumwenu. Ame hompa,Karunga wavo.

¹Ghuna kona kuruwana shidjambero shakututumuka muti. Ghuna kona kushirughana nashitondo sha untu. ²Muure shina kona kukarametera yimwe, mumpatji metera yimwe. Shikare shikwambando, muure washo shikare metera mbiri. Ano muure wamuwiru washo shikare metera metera mbiri . Ntani mbinga dasho dikare ruha na ruha.³Ghuna kona kushi fika na lidumba lyashidjambero ntani nangorodo yenene-pawiru, namunda, ntani nambinga dasho. ⁴Ghuna kona kuruwanako nkoko mbiri dangorodo tuditure munda yankata kumaruha maviri. Nkoko dakona kukwata ngundi dikwate shidjambero.⁵Ghuna kona kuruwana ngundi nashitondo shauntu ntni ghuna kona kushifika nangoporo. ⁶Ghuna kona kuturapo muti pashidjambero kumeho yamakeshe yashitafura shakutapera ghumbangi. Ngavi kara kumeho yamakuyuvo kumeho yashitafura shakutapa ghumbangi, nkoko ngatukangwanekera nanwe.⁷Aarona ghakona kushora vyakunuka nalindumba kehe ngurangura. Ghuye anakona kuvishora pakutweda ramba, ⁸ntani Aarona kutweda ramba nka kungurova mposhi muti ghuvyukilire kumeho yaHompa kupitira mudimu ghoko. ⁹Ene ngoli wakona kutapa kapashi vyalimba vyapeke ndyolyo vyalimba lyapashidjambero, kani keheyino ndjambo yakushora mbuto shi ndjambo. Kapishi hukatapere vyakunwa pandjambo.¹⁰Aarona ana kona kutura likuyuvo lyambinga dasho rumwe mumwaka. Nahonde yavitapa vya ndjo odo varuwana ghuye ana hepa kuruwana po likuyuvo pashiruwo shimwe mumwaka nanaruntje kumuhoko ghoye. Evi ngavikupongwera Karunga.''¹¹Makura Hompa aghamba kwaMosesa, ashi, ¹²''Opo ngo ghupa shivaro shavantu vamushirongo shaIsraeli, ano kehe uno muntu ana hepa kutapa ko kantjontjo kuliparu lyamwene kwaHompa. Ghuna hepa kuruwana vino kuruku yakuva varura, mposhi ngapa dire kukara namaudito mukatji kavo pakuva varura. ¹³Kehe ghuno ogho va varura mushivaro ngava nga futa ghukahe wa shilinga yasiliveli, kutwara mushiviha shavihanga kare,yino harufa yashilinga kutu kayitapa kwa Karunga. ¹⁴Kehe uno vana varura, kutamekera kumwaka dimurongo mbiri shikandwite, mwa kona kumpa vino mbyo vitapa vyande me.¹⁵Opo vatapanga vantu vitapa kwande kuruwana lighupiropo kumaparu ghavo, vanangagho kapishi vatape vyavingi ene ngoli vatape harufa yashilinga, ntani vahepwe kapishi vatape vyavididi. ¹⁶Muna kona kuruwana lighupiropo lya maliva kwavaIsraeli ntani muna kona kuvanegheda kuruwana nandjugho yamakugwanekero. Shina kona kukara shiyivito sha vaIsraeli kumeho yande, muruwane muliparu lyenu.''¹⁷Makura Karunga a ghamba na Mosesa ashi, ¹⁸''Ove wakona nka kuruwana nka ngoporo yayinene yashisha. Ove wakona kutura pakatji nka ndjogho yamapwiyumukiro nashidjambero, ntani wakona kuturapo mema munda.¹⁹Aarona navana vendi vana kona kukuyogha kumaghoko ghavo nakumpadi davo pa mema. ²⁰Opo vayenda mundjugho yamagwanekero ndi opo vayenda pepi nashidjambero mukupanda me mukushora ndjambo, vavo vakona kuku kusha na mema mposhi vavo kapishi vafe. ²¹Vavo vakona kuku kusha kumaghoko ghavo na mpadi davo mposhi vavo vasha fa. Yino yina kona kukara veta yaAarona namuhoko wendi nauntje.²²Makura Karunga a ghamba naMosesa ashi, ²³''Ghupa mwara wakutotokwa: mafere matanoshekel wa mwe wamira, 250 shekel wakunuka nawa, 250 shekel vya kunuka ghutovali, ²⁴mafere matano shekel wakasiya, mukushetakana namafere shekel yakare kumwe namaghadi gha ndjwe. ²⁵Wakona kurughana maghadi gha kuwava ghakupongoka kumwe kumwe navitovalita kuruwana vya lidumba. Ngavikara maghadi gha kuwava gha kupanga gha ngwapera me.²⁶Wakona kuwava mundjugho yamagwanekero namaghadi, kumwe nashipuna sha matongweneno, ²⁷vitafura ntani navirughanita navintje nashiyimaneno sha ramba naviruwanita, navilimbaura vya pashidjambero. ²⁸Shidjambero sha kushorera ndjambo navimwe viruwanita navintje, kunyima opo shayimanena.²⁹Munakona kuvatura kuruha rwande mposhi vavo vapongoke kwande. Kehe ghuno ngavi vakwato vavo nkwandi navyo vyapongoka. ³⁰Ghuna kona kuwaveka va Aarona na vana vendi vavakafumu ghuva ture mukatji kande mposhi vavo vaka nduwanene me vya ghuruti. ³¹Ghuna kona kuva tantera va Israeli, ghano nkwandi akare maghadi ghakuwava ogho va gaghununa kwa Karunga kupitira mwenu vantu vadimuhoko venu.³²Vino kapishi ngamu viture pashipapa sha vantu, kapishi ngamu ruwane kehe ghano maghadi yira nga ghanya ghakufana, mukondashi agha kutulira Karunga. Muna kona kuvitura muma ghano. ³³Kehe ghuno ngaruwano vya shidumba yira vino, ndi kehe ghuno ngaturo vininke vyaku kufana kwa ghumwe, ogho muntu ngamu mughupekokuvantu vaaunyendi.''³⁴Karunga gha tantere Mosesa ashi, ''Ghupa viruhashitakite, onika, galibonuma, naviruha vya utovali kumwe navi vya kututumikidango vyene vyene. Kehe shino shikufane mundando. ³⁵Viruwane momo vya lidumba lya liwa. Vikufane yira shidumba shishiwa, ghutura namungwa, vyene vyene kuvitura ruha peke. ³⁶Ove ghuvi tjora ghure ghuvi vonga vonge mwamuwa. Kuvi kutulira vikukarere kumeho yashikeshe shama ghupiropo, muntjuwo yama gwanekero, oko nika gwanekera nanwe. Ove ngava kutwenya ashi wapongoka kwande.³⁷Olyo lidumba lyaliwa olyo ghuna ruwana, ove kapishi ghukuruwaneneko vyaku kufana yira ndyo lyana ghumoye. Ngavi kare vyaku pongokwa koye. ³⁸Kehe ghuno ngaku ruwanena kehe vino yira kuruwanita vya lidumba vana hepa kumughupako ku vantu vaghunyendi.''

¹Karunga a ghamba kwa Mosesa nakumutantera ashi, ²''Mona, ame kuna yita palidina Besareli mona wamukafumu wa Uri mona wamukafumu wa Huri, wakutunda kurudi rwa Juda.³Ame kwa yuda Basarena na mpepo yande, mukumupa ghunongo, likuyuvho, naukonentu, na marudi gha ghunkurungu wa pantu, ⁴kufaneka mafano gha ghunkurungu gha kuruwana mu ngorodo, shi shiliveli ntani ngopora, ⁵ntani kuteta nakutura mawe nakushonga vitondo- mukurughana maghunkurungu gha navantje ghakukushuva-shuva gha pantu.⁶Mukuwedako ku kwendi, kwa hangura Oholiyaba mona wamukafumu waAhisamaka, wakutunda murudi rwa Dani. Ame natura uyivi mudimutjima da navantje ovo vakaro naghunongo mposhi vavo varuwane navintje ovyo nakurawira. ⁷Vino kunahamenemo, tende yashingogi shikesha shaghumbangi, nashikesha shalikukwatakano, ntani nanavintje vikwa makukungu vyatende- ⁸ntishe naviruwanito vyayo, ghuye ghuyweko waramba na viruwanita vyayo navintje, shidjambero shakututumukida lidumba lyaliwa, ⁹shidjambero shakupakerera ndjambo naviruwanito vyasho navintjeya, ntani nashisha shashinene na shitantara shasho.¹⁰Kuna hamenemo marwakani ghakuruwanita- marwakani ghapongoko gha Aarona muruti navamwe pavana vendi vavakafumu, vanduwanenango mukuruwana viruwana vyaurutu. ¹¹Ovino kuna hamitirimo maghadi ghakuwavikita ntani shidumba sharupekwa sha kulivango lya kupongoka. Vano vankurungu vana kona kuruwana navintje vino shika momo navikurawira ove.''¹²Makura Karunga atantere Mosesa nakughamba ashi, ¹³''Tantera vaIsraeli: 'Munakona kukoneka mayuva ghaSabata yaKarunga, kwavi ngapa kara shiyivito pakatji kaKarunga nanwe dogoro nange kumaruvaro ghavantu venu. Mposhi ngava yive ashi ghuye Karunga, ogho amu tuliro nwe ntere mukare vamwene. ¹⁴Ano likare kukwenu ashi lyapongoka, muruwanenenu. Kehe uno ana kuncenuno vino ndje tupu kufa. Na kehe uno ana kuruwano Sabata, muntu ogho kumutetako kuvantu vendi. ¹⁵Viruwana kuvirughana mumayuva matano nalimwe, ngoli liyuva lyauntambiri olyo lya Sabata lya kupwiyuka pakuyura, lya pongoka kumantjo gha Karunga. Kehe uno wakuruwana viruwana muliyuva lya Sabata kamukandwira ku mfa.¹⁶Munkedi yino mo vaIsraeli vakunga liywi lino lya liyuva lya Sabata. Vavo vana kona kukoneka vino nange nakumaruvharo ashi likukwatakano lya naruntje. ¹⁷Sabata ngayikara shiyivito kehe pano pakatj kaKarunga navaIsraeli, mumayuva ntayimwe Karunga kwa ruwanine liwiru nalivhu, ano muliyuva lyauntambiri apwiyumuka nakupeperera.''¹⁸Apa a manitire Karunga kughamab na Mosesa pa ndundu ya Sinayi, ghuye amupa vitafura viviri vyalikukwatakano,varuwanitire ku liwe, kwa vitjangire ku livoko lya mwene.

¹Opo vamonine vantushi Mosesa nakukakara maranga mukuka dumpuka ku ndundu, ava kupongeke kudingilika Aarona na kughamba ashi, ''Yiya, turenkere shiperende osho ngashiyendango kumeho yetu. Kwendi ko Mosesa, mukafumu ogho akatughupiro mushirongo shaEgipute, kapi tuyiva shi vinke vina mushorokero.'' ²Ano Aarona ava tantere ashi, ''Ghupenuko linga da ngorodo odo dina karo kumatwi gha vakamamali venu, navimbilingwa vina karo kuvana venu va vamati nava va vakadona, nakuviyita kukwande.''³Vantu navantje ava ghupuko linga davo da ngorodo odo dakaliro kumatwi ghavo ava vitapa kwa Aarona. ⁴A tambura ngorodo kumaghoko ghavo adi tetaura neshi shakutetita makura aruwana shiKarunga shakufana shitana. Makura ava ghamba ashi, ''Ovano mbo vaKarunga venu, vaIsraeli, ogho aka mughupiro mushirongo sha Egipute.''⁵Apa avi monine vino Aarona, a diki shidjambero kumeho yashitana nakuvayivita, a ghamba ashi, ''Yona ngashikara shipito sha kufumadeka Hompa.'' ⁶Vantu ava kakuvinduka liyuva lya kukwamako nakuyaturapo ndjambo yakutweda mundiro nakudjamba po ndjambo yambili. Ava shungili valye nakunwa ava shapuka vashamberere nakudana.⁷Makura Hompa a ghambita Mosesa, ''Kwangura ghuyende kuvantu voye, ovo wakaghupa mushirongo sha Egipute, vana kudjonaura naumwavo. ⁸Vana kwangura kushuva liywi olyo nava rawilire. Vana tende Hompa walifano lyashikugho mushishwi sha shitana nakushikarera kumwe nakushidjambera. Ava ghamba ashi, 'Ogho ndje karunga wenu, vaIsraeli, ogho akughupiro ghutunde mushirongo sha Egipute.''⁹Hompa atantere Mosesa ashi, ''Nava mona vano vantu. Kenga, vavo kwa runda mutwe. ¹⁰Makura weno, washa shetekera ghu nkave. Ugara wande kughuva shora upyu navantje, mposhi nivadjonaure. Makura ngani renka nove na vana voye ngamukare muhoko wa unene.'' ¹¹Ene ngoli Mosesa a shetekereko kughambita Hompa Karunga wendi. A ghamba ashi, ''Hompa, morwa nke ugara ghoye udjonawira vantu voye, ovo wakaghupa mushirongo sha Egipute nakonda dadinene, nalighoko lyoye lya linene?¹²Morwa nke ngava ghambera vaEgipute ashi, 'Ghatughupa muEgipute nalighano lya lidona, ghuya vadipaghere kundundu ghuva kombepo vadongonoke pantunda yalivhu? Kuvyute ghugara ghoye waunene washayitira vantu voye litengeko lyakuhura po. ¹³Vhuruka vantu voye vaAbrahamu naIsaaka naIsraeli, vapika voye, omo wava twenyidilire dimughano danaumoye a ghuva tantere ashi, 'Ngani vhukita vana venu kupitakana ntungwedi damuwiru, ngani pa vana venu shirongo nashintje eshi navatwenyidira, ngavashipinga nashintje.'' ¹⁴Makura Hompa mbyo aku vyutire ugara wendi namatengeko kasha atape kuvantu vendi.¹⁵Makura Mosesa a piruka a yende kundundu, a shimbi pera mbiri da likukwatakano mulighoko lyendi. Pera odo kwadi tjanga mu maruha ghado naghantje, nakuntje kumeho nakuruku. ¹⁶Pera odo kwakalire virughana vya Karunga, vitjanga kwa kalire vya Karunga mwene, lyalyo kwa litjokwire pa mawe.¹⁷Joshua a yuvhu muyoyo wa vantu vana kukuyiyiro, a tantere Mosesa, ''Mpouli muyoyo mukamba yaKombata.'' ¹⁸Mosesa alimburura ashi, ''Kapishi maywi ghava fundi, ntani kapishi maywi gha vakombaniti, ene ngoli maywi gha vantu vana kuyimbo nakuyuva.''¹⁹Opo a tikire Mosesa pakamba, a mono shitana navantu vana kudano. Gha garapa unene. Gha vhukuma pera mulighiko lyendi nakuditjora kumatako gha ndundu. ²⁰Gha ghupu shitana osho vatendire vantu, ghashishoro, ghashikonko dogoro utura tura, nakuvitera mu mema. Makura ava renke vantu vamu Israeli va vinwe.²¹Mosesa a tantere Aarona, ''Vinke vana rughana vano vantu kukoye, ogho una vayitiri undjoni waunene kukwavo?'' ²²Aarona a ghamba ashi, ''Washa renka ugara ghoye ghukare waunene, mukalikuto. Wava yiva vantu, ntjene vana tameke kurughana vyavidona. ²³Vana mpura ashi niva rughanene Karunga gho ayendiro kumeho yetu.KwaMosesa mukafumu ogho katughupiro muhsirongo shaEgipute, kapi tuyiva ashi nke vina mushorokero.' ²⁴Mbyo vana ntantere ashi, 'egheghuno ana karo nangorodo, havighupeko. 'Mbyo vana mpa do ngorodo mbyo nadivukumini mumundiro,mbyo shina tundumo shino shitana.''²⁵Mosesa amono ashi vantu kuna kuyakutjindja (morwa Aaroni ana vapulitiri vatunde mundunge davo,vapulitire vanankore vava ruwanite ). ²⁶Mosessa ayimana mulivero lyaku kamba nakuhamba ashi, ''keheghuno ana karo kuruha rwaHompa, kaye kwande.'' VaLevitesi navantje ava mupongere. ²⁷Ava tantere ashi, ''Hompa, Karunga wava Israeli, ana tanta ashi: 'keheghuno mukafumu amange rufuro rwendi kuruha nakuvyuka muvyukiremo mungene livero tunda livero kamba nayintje, kumwena kudipaya,kumwe nakudipaya mukurwendi wamukafumu navaghunyendi ovo vakaranga navo navamushinda venu."'²⁸VaLevitesi ghava ruwana vyo ghava tantilire Mosesa. Liyuva olyo vantu mayovi matatu vafiro. ²⁹Mosesa atantere vaLevitesi ashi, '' vanamu tura muruwanene Hompa namuntji, kehe ghuno wenu aturo shiruwana kwamonendi wamukafumu namukurwendi wamukafumu, mposhi Hompa gha mupe matungiko.³⁰Liyuva lya ku kwamako Mosesa ghatantere vantu, ''muna tura ndjo yayinene unene. weno kuniyenda kwaHompa. Nikarombe lighupirepo kundjo denu odo mwatura.'' ³¹Mosesa avyuka kwaHompa nakuhamba ashi, ''Ovano vantu vana tura ndjo yayinene unene na kutenda shiKarunga sha ngorodo. ³²Ene ngoli weno, nakanderere vaghupirepo ndjo davo, ene ngoli ntjene kapi ghuva ghupirapo, ngupemo mumbapira oyo una tjanga.''³³Hompa a tantere Mosesa, ''Kehe uno a ndjoneno, ogho muntu ngani mughupa mumbapira yande. ³⁴Makura weno yenda, pititira vantu kulivango olyo nakutantere. Kenga, muengeli wande kwa yenda kumeho yenu. Ene ngoli liyuva lyo nganivapa kashitiko, ngani vashitikira ndjo davo.'' ³⁵Makura Hompa atumu lihamba muvantu morwa vatendire shitana, osho a rughanine Aarona.

¹Makura Yehova a ghamba kwa Mosesa, '' Yenda kutunda pano, nove na vantu ovo wakaghupa mushirongo sha Egipute. Yendenu kushirongo osho na tura mughano kwaAbrahamu, kwa Isaaka, ntani kwa Jakopo, opo na ghambire ashi, ²'Ame ngani tapa shirongo kuruvaro rwenu.' Ngani mutumina muengeli kumeho yenu, ntani ngani tjidamo vaKanani, Amoritesi, vaHeti, vaPeresi, nava Jebusi. ³Yendenu kunya kushirongo shinya shakupupa mashini ntani ushi, ano ngoli ame kapi ni yenda nanwe, mukondashi anwe vantu vakurunda dimutwe. Kuvhura nimudjonawire mundjira.''⁴Opo vayuvire vantu nkango dino dakutukukita, ava guvu, ntani kwato ogho adwatiro maurenga ghakulimbaura. ⁵Hompa ana ghamba kwa Mosesa ashi, ''Tantera vantu vaIsraeli, 'Anwe vantu vakurunda dimutwe. Ame ntjene ana kara mukatji kenu shirugho shimwe tupu, ame kuni mudjonaura po. Makura weno ghupenu maghurenga ghenu ghakulimbaura mposhi nitokore ashi vinke nivhura kuruwana nanwe.'' ⁶Ano vantu vaIsraeli kapi vadwatire maurenga ghakutunda kundundu yaHoreba kutunda panya.⁷Mosesa aghupu tende nakuyitombeka pandje yakamba, kanano tupu kakutunda pakamba opo vakalire. Ayiruku tende ya makugwanekero. Kehe uno kapuranga Hompa kehe vino kayendango kutende yamakugwanekero, pandje yakamba. ⁸Apa Mosesa kashananga kurupuka mutende, vantu navantje kava pamavero ghatende davo nakukengera Mosesa dogoro ana ngene. ⁹Kehe pano Mosesa kangenanga mutende, ngundi yaliremo kayi sheghumukanga nakuyimana palivero lya tende, Hompa a ghamba naMosesa.¹⁰Kehe pano vantu kava monanga ngundi yaliremo yina yimana palivero lya tende, kavashapukanga nakupanda, kehe uno palivero lya tende yendi. ¹¹Hompa kaghambanga kwa Mosesa shipara na shipara, yira momo a ghambanga muntu namuholi wendi. Makura Mosesa kavyukanga kukamba, ene ngoli mukareli wendi Joshua mona Nunu wamukafumu, mukafumu ghona, kakaranga mutende.¹²Mosesa a ghamba kwa Hompa ashi, ''Kenga, ove kuna kughambanga kukwande, 'Ghupa vano vantu ghuvature muruyendo rwavo,' ene ngoli ove kapi una ntantere ashi are utuma niyende naye. Ove kuna ghamba ahi, ''Nakuyiva palidina, ntani wa wana lirago kumantjo ghande.' ¹³Weno ntjene nawana lirago mumantjo ghoye, neghede ndjira yoye, mposhi nivhure kukuyiva nakutwikira kuwana lirago mumantjo ghoye. Vhuruka ashi uno muhoko vantu voye.''¹⁴Yehova alimburura ashi, ''Likaropo lyande ngaliyendapo nanwe kumwe nakumupa lipwiyumuko.'' ¹⁵Mosesa a ghamba kukwendi, ''Ntjeneshi likaropo lyoye kapi ngali yenda natwe, washa tughupapo pano. ¹⁶Ene ngoli, weni omo ngani yiva ashi nawana lirago kumantjo ghoye, name na vantu voye? kapi ngavi kara ashi ntjene ngauyenda natwe mposhi name navantu voye ngatu dimburure ashi twakushuva navantu vamwe vakaro pantunda yalivhu?''¹⁷Karunga a ghamba kwa Mosesa ashi, ''Ame ngani ruwana vino vininke ovyo muna pura, anwe muna wana lirago kumantjo ghande, ntani namuyiva palidina.'' ¹⁸Mosesa a ghamba ashi, ''Nakanderere neghede uyerere ghoye.''¹⁹Yehova aghamba ashi, ''Ame ngani renka uwa wande ngaupite kuuto ghoye, nakuhudita lidina lyande 'Yehova' kumeho yoye.Ngani kara naufe nkenda kovo ngani fera nkenda, ntani ngani negheda nkenda pava ngani fera nkenda.'' ²⁰Ene ngoli Yehova a ghamba ashi, ''Kapishi ngomu mone shipara shande, kwato ogho nga mono me nakuparuka.''²¹Yehova a ghamba ashi, ''Kenga, lino ndyo livango lyande; ngauyimane pano paliwe. ²²Opo ngaupita uyerere wande, ame ngani kutura mulikwina liwe nakukufika namaghoko ghande dogoro ngani pite po. ²³Makura ngani ghupako maghoko, nakumona mughongo wande ene ngoli shipara kapi ngo shimona.''

¹Hompa aghamba ashi, ''Teta mawe maviri yira limwe lyakuhova. Kuni tjanga pamawe nkango dinya dakaliro pamawe ghakuhova, mawe ghanya wa bomawire. ²Kuwapayikire ngurangura kumwe nakuronda kundundu yaSinayi, nakukarerapo naumoye kunya kwande pawiru-wiru ya ndundu.³Kwato ogho ngauyenda naye. Kapishi ngaupulitire kehe uno amoneke kuviha vya ndundu. Kwato ndjwi ndi ngombe odo ngadi lyero kumeho yandundu.'' ⁴Ano Mosesa aroro mawe maviri yira gha pamuhovo, nakurumbuka ngurangura yayinene nakukaronda kundundu yaSinayi, yira momo tupu amu rondolire Yehoha. Mosesa ashimbi mawe mulighoko lyendi.⁵Yehova a sheghumuka muliremo nakuyimana naMosesa mpopo, nakuyiyira lidina ''Yehova.'' ⁶Hompa apiti kumeho yendi nakuyaghura, ''Yehova, Yehova wa nkenda naKarunga wambili, Karunga wakudidimika, uwa wendi ghuyingi ntani nka alimburukwa, ⁷ghuye kufera nkenda ruvharo rwakutika kumayovi, a ghupepo udona, livipito, ntani na ndjo. Ene ngoli ghuye nakutatererashi ndjo. Nga futita ndjo da vashavo kuvana vavo ntani kuvana va vana vavo, ghure wakutika kudimuhoko dakutika kuntatu na ne.⁸Mosesa akwangura kukunyongamena palivhu kumwe nakupanda. ⁹Makura aghamba ashi, ''Nangeshi una mfere nkenda kumantjo ghoye, Hompa wande, nakanderere yenda pakatji ketu, mbyevishi vantu vano varunda dimutwe. Tughupirepo maudona ghetu kumwe na ndjo detu, ntani tughupe tukare upingwa ghoye.''¹⁰Hompa aghamba ashi, ''Kenga, ame kuna kuturapo likukwatakano. Kumeho yavantu navantjeya, ngani rughana vyankondo ovyo vya diro kukarako rumwe muudjuni ndi mu muhoko. Vantu navantje ava wakara navo ngova mona evi ngani vura kurughana, ame ngani kurughanena shinike shaudito. ¹¹Kwama marawiro ogha nakukupa namuntji. Ame ngani rupwitamo vaAmorite, Kananite, Heteti, Peresi, Heviti, naJebusiti kumeho yenu.¹²Katakamite washa kakukwatakana navantu vakuvirongo ovyo una tamba, ndi lihanauro ngavikuyitira mukatji kenu. ¹³Ene ngili, nkwandi ngaukatjore shidjambero shavo, kukahanaura mawe ghavo ghakupongoka, nakutetaura vitondo vyavo vyakupongoka. ¹⁴Kapishi ngaukapande kehe uno Karunga, Yehova walidina lyamfudu, ghuye Karunga wa mfudu.¹⁵Ano katakamite kapishi ngaukakukwatakane navantu vakuvirongo, mbyovyo vavo kukushondera kuva Karunga vavo, kumwe nakudjambera vakarunga vavo. Makura ghumwe wavo ngaka kukumuna nakulya ndjambo yendi, ¹⁶ano makura nakukaghupa vana vendi wamukamali ghupe vana voye va vakafumu, ntani vana vendi va vakamali, ntani vana vendi ngava kashonderera ku vaKarunga vavo, ntani ngava karenkita vana voye vavakafumu ngava kashondere kuva Karunga vavo. ¹⁷Kapishi ngaukakutendereko naumoye Karunga wavipempa wa kuyengumuna.¹⁸Ngaurenke shipito sha mborotoyakudira mushashu. Yira momo navikurawilire, ngaukalye mboroto yakudira tura vishashita mumayuva ntambiri ruvede raw kukarerapo mumwedi waAbibu, mposhi mumwedi waAbibu mpo wa tundire mushirongo sha Egipute.¹⁹Kehe uno mbeli, nampili kehe mbeli wamukafumu kuvi muna, ndipo kungombe ndi kuvindjwi. ²⁰Ngaufutire vambeli navantje vavi dongi nakupinganitiramo ndjwi, ene ngoli nange kapi una kushifutira, makura ghuna kona kushiteta ntingo. ghuna kona kufutira vambeli navantje vavana va vakafumu. Naumweshi wakuya kwande maghoko ghoko kukwande.²¹Kuvura ngauruwana mayuva ntayimwe, ene ngoli liyuva lyauntambiri ngaupwiyumuke. Nampindi paruvede rwa kupurura na pakutjora, wakona kupwiyumuka. ²²Ngaukengere shipito sha vi vike nambuto yayipe nashamuyangu, ntani ngaukengurure shipito shanyango pakupwa kwa mwaka.²³Rukando rutatu mumwaka vakafumu voye navantje ngava monekenge kumeho yaHompa Karunga, Karunga wa vaIsraeli. ²⁴Ngani tjidamo muhoko kumeho yoye nakunenipita dimurudi doye. Naumweshi nga ghupo livango olyo ashi likare lyendi opo ngauyenda ukamoneke kumeho yaHompa Karunga rukando rutatu mumwaka.²⁵Nakutapashi honde yakundjambi yina karo vishashita, ndipo kehe nyama kundjambo yashipito nakuyirangekashi. Muna hepa kukayita nyango dakuhoverera mumafuva ghenu kundjugho yande. ²⁶Nakutelikitashi shimpendje ghona kumashini gha nyokwasho.²⁷Hompa a ghamba kwa Mosesa, ''Tjanga nkango dino, mbyovyoshi ndo ngani dikita makukwatakano pakatji koye navaIsraeli.'' ²⁸Mosesa kwa kakalire nkonko na Yehova mayuva murongo na mayuva mane ntani namatiku; kapi a lyire ndya ndi anwe mema. Atjanga pamawe nkango damakukwatakano, nadimuragho murongo.²⁹Opo aka dumpukire Mosesa kundundu yaSinayi namawe maviri gha makukwatakano mu maghoko ghendi, kapi a yivire ashi shipsps shendi sha kushipsra kuna kumpayima pashirugho aka ghambire naKarunga. ³⁰Aarona navaIsraeli opo vamumonine Mosesa, opo vamonine ashi shipapa sha Mosesa sha kushipara kuna kuvembera, makura ava kara naghoma wakumushwenena pepi. ³¹Ene ngoli Mosesa ava yita, Aarona navampititi navantje vamumukunda avaya kukwendi. Makura Mosesa a ghamba navo.³²Kuruku yevino, vantu navantjeya vamuIsraeli avaya kwa Mosesa, makura ava tantere dimuragho nadintje odo aka mupire Hompa pandundu yaSinayi. ³³Opo amanine Mosesa kughamba navo, a fiki shipara shendi naliwiwili.³⁴Kehe pano Mosesa kayendanga kumeho yaYehova aka ghambe naye, kakughupanga liwiwili, nange mpopo aka rupukiramo. Opo aka rupuka, kwaya tantera vaIsraeli ovyo ana kamurawira aya ghambe. ³⁵Opo vamonine vaIsraeli shipara sha Mosesa kuna kuvembera, ghuye kuturako liwiwili kushipara shendi nange mpopo avyukira aka ghambe naYehova.

¹Mosesa a kughu nkarapamwe nayintje yavaIsraeli nakughamba kwavo ashi, ''Evino mbyo vininke ana rawiri Hompa ovyo murughana. ²Muna hepa kumana viruwana mu mayuva ntayimwe, ene ngoli kukwenu, muliyuva lyauntambiri ngalikara liyuva lya kupongoka, liyuva lya Sabata lya kupwiyumuk, kupongoka kwa Hompa. Kehe uno nga rughano virughana muliyuva linya ngavamudipagha. ³Kapishi ngomu hwameke mundiro mukehe muno mumandi ghenu muliyuva lya Sabata.''⁴Mosesa a ghamba kunkarapamwe yavaIsraeli nakughamba ashi, ''Evino mbyo ana kantantera Hompa.Tutapenu vitapa kwa Hompa, namuvantje muna karo namutjima wakutapa. ⁵Yitenu vitapa vyenu kwa Hompa- ngorodo, siliveli, ngoporo, ⁶shinaliwiru, shinaumbombo, makeshe gha ndjwi, huki da shimpendje, ⁷shipapa sha shindjwi sha shigeha ntani na shipapa sha kushunta, vikuni vyauntu, ⁸maholi ghamuramba, linukita lyaliwa lyamaholi ntani ⁹mawe ghamulyo na mawe ghamwe ghamulyo.¹⁰Kehe uno mukafumu akaro nauyibi naye ngaye ntani nakurughana navintje ovyo ana panga Hompa- ¹¹ndjugho natende yayo, shifikito shako, nkungo, mavero, vikugho, ngundi, ¹²ntani nka shikesha na ngundi dako, shipundi sha rufiko, ntani nalikeshe lya kushiviva.¹³Ava yita ntishe na ngundi dako, namudigho wavirughanito vyayo, ntani namboroto oyo yamonikiro, ¹⁴shiyimaneno sha ramba, navirughanito vyako, ramba dako, ntani namaholi gha ramba, ¹⁵ndjugho yashidjambero na ngundi dako, namaholi gha lidumba lya kunuka nawa natni namakeshe, nalikeshe lya kundjendjereralyaungeneno mundjugho; ¹⁶shidjambero sha kutapa vitapa vyakupya na ngoporo yasho ntani nangundi dako ntani virughanito vyako, ntani nashisha shashinene nalitako lyasho.¹⁷Ava yita vininke vyakundjendjerera kumwe na ngundi dako nalitako lyako ntani nalikeshe lya rugumbo rwa kungenena, ¹⁸na mpingetji datende da kundjugho ntani likeshe, kumwe namaghodi ghako. ¹⁹Ava yita shininke sha kushuta namakeshe gha kutambwira mavango gha kupongoka, nama keshe gha kupongoka. Kwa Aarona muruti ntani navana vendi va vakafumu, mposhi varughane uruti.''²⁰Makura marudi naghantje ghamu Israeli ghava shapuka nakuyenda vatunde kushipara sha Mosesa. ²¹Kehe uno a holire kuvirughana namuntjima wendi ogho akaliro nampepo yakuya ayitire vitapa vyendi kwa Hompa mulidako lya kandjugho kanya, navirughana navintje ovyo vyakaro munda yasho, ntani namakeshe ghakupongoka. ²²Avaya, vakafumu navakamali navantje, ovo vakaliro namutjima wakutapa. Avayita vingondo, vimbilingwa, linga, ntani namakwarara, navininke navintje vyamarudi gha ngorodo gha kudwata muntingo. Navantje ava tapa vitapa vya ngorodo vitapa kwa Hompa.²³Kehe uno akaliro nashinaliwiru, shinaumbombo, likeshe lya huki da ndjwi, ntani huki da shimpendje, shipapa sha ndjwi shashigeha, shipapa sha kushunta va vayitilire. ²⁴Kehe uno a rughana vitapa vya siliveli ndipo ngoporo nakuviyita vikare vitapa kwa Hompa, ntani ogho akaliro navikuni vyauntu vya kurughanita kehe vino vayitire.²⁵Kehe mukamali wauyivi ava ghupu huki da ndjwi nama ghoko ghavo ntani nakuyita ovyo ana ghupuko-shinaliwiru, shinaumbombo ndi walye makeshe gha ndjwi dahuki ndi shipapa sha kushunta. ²⁶Keheuno mukamali namuntjima wakupura nta i naghuyivi wakuposha huki da shimpendje.²⁷Vampititi ava yita mawe ghakukushuva-shuva mukugha tura ku Ephodi ntani navininke vyavididi vyakumashwe; ²⁸ava yita vitovalita ntani namaholi ghamuramba , nevi vyalidumba lya liwa, ntani nakututumikira. ²⁹VaIsraeli ava yita ndjambo yamaghoko ghoko mukutapa kwa Hompa; kehe uno mukafumu namukamali ovo vakaliro namutjima wakutapa vayitire vininke navintje ovyo atantilire Hompa Mosesa varughane.³⁰Mosesa ava ghamba kuvaIsraeli ashi, ''Kengenu, Hompa ana nkughu palidina kuBezaleli mona wamumati waHuri, murudi rwava Yuda. ³¹Ana ywida Bezaleli nampepo dendi, akare na nkondo, kuyuva, una ndunge, na kehe marudi gha ghunkurungu, ³²mukurughana vininke vya kufanayika ntani navirughana vya ngorodo, siliveli ntani ngoporo, ³³ntani nakuteta nakutura nakutura mawe nakukatavaura vikuni- mukurughana vininke navintje vya vya marudi ntani munkondo da mukafumu.³⁴Aviture mumutjima ngavironge, navantje vaOholiabi vana vaAhisamaki, varudi rwava Dani. ³⁵Anaviyuda nauyivi wamarudi mukurughana virughana navintje, mukurughana yira mayere, mushongi ndi mushambuli, shinaliwiru, shinaumbombo, ntani makeshe gha ndjwi, yira vaghupi huki. Vavo kwakara naunkurungu kuvirughana navintje, ntani vavo vafaniki va vanene.

¹Ano Bezaleli naOholiabe nakehe uno muntu ogho akaro nauyivi ogho ghapa Hompa uvyivi nakuyiva kurughana kehe vino virughana vya hepo kutunga upongoki mulivango lyakupongoka ghurughane kutwara momo ana vighamba Karunga.''²Mosesa ayita Bezaleli, Oholiabi, nakehe uno muntu wauyivi wandunge ogho ghapa Karunga uyivi, novo vakaro namutjima wakuvatera varughane virughana. ³Vawanine kwa Mosesa vitapa evi vayitire vaIsraeli varughaniteko livango lya kupongoka. Vantu shimpe vayitire vitapa vyakutunda kumutjima wendi kehe ngurangura kwa Mosesa. ⁴Mposhi vantu vauyivi ovo varughanine livango lya kupongoka kwatundire kuvirughana ovyo kavarughananga.⁵Mukafumu wakushonga atantere Mosesa ashi, ''Vantu kuna kuyita vyavingi vyakugwaneka vyakurughanita ovyo atu tantera Hompa Karunga.'' ⁶Mosesa ava rawiri ashi kwato nka umwe wamukamba ogho ayito nka vitapa vyavingi vyakurughanita kulivango lya kupongoka. Makura vantu ava shayeke kuyita maushwi. ⁷Vakalire navirughanita vyakugwanena vya virughanita navintje.⁸Vashongi navantje va vakafumu vakaliro pakatji kavo ava tantere vakuvatere navavereki murongo kutunda kurughodi rwarukenu, rwa shinaliwiru, rwa shinaumbundu nahuki da ndjwi osho vatenda Kerubimu. Ovino virughana vyavaBezaleli, mukafumu wakushonga unene. ⁹Keheh lino likeshe kwakalire nameta rombili nantantatu, unene walyo meta ne. Makeshe naghantje unene wagho umwe tupu. ¹⁰Bezaleli atura kumwe makeshe matano ghatura nka kumwe makeshe matano.¹¹Gharuwanita mbururu kumakeshu gha shinaliwiru kumakeshe gha kupakakana, gha ruwana nka momo ana ruwana kughuhura walikeshe pandje yalyo lyauviri. ¹²Gharuwanine mbururu damakeshe ghakuhova dimurongo ntani dimurongo ntano dakughuhura kuruku rwa makeshe ghauvili. ¹³Gharuwana vikwata dimurongo ntano vyakumakende vya ngorodo nakupakakana mposhi kandjugho kakupongwera Karunga kakare kuna kuna kukukwatakana.¹⁴Bezaleli gharuwana makeshe gha huki da vimpendje yira tende yakundjugho yakupongwera, gharuwana makeshe murongo nalimwe. ¹⁵Ure wa kehe likeshe wakalire meta dimurongo ntatu, unene walikeshe kwakalire meta ne. Makeshe murongo nalimwe ghakalire unene wagho umwe tupu. ¹⁶Ghatura kumwe makeshe matano ntani makeshe ntayimwe kughamweya. ¹⁷Gharuwanine mbururu dimurongo ntano kughuhura wa makeshe gha kuhova, mbururu dimurongo ntano ure wa kuhura walikeshe ogho vatulire kumwe kulikeshe lyauviri.¹⁸Bezaleli gharuwana vinkongo vyangoporo dimurongo ntano ava ditura kumwe mposhi shikare shininke shimwe tupu. ¹⁹Gharuwanine ndjugho yakupongwera yashifikito sha shipapa shashigeha osho ndjwi shakushunta, shakufitapo shimwe shiyende pantunda yasho.²⁰Bazeleli gha shongobka ngudi dakuyimana da shitondo shaghuntu mundjugho yakupongwera. ²¹Ghure wa kehe shakushonga kwakalire meta murongo, unene wado kwakalire meta yimwe naukahe. ²²Ngundi nadintje dakundjugho yakupongwera vadipakakanine kumwe. Ghavi rughanine kuvikwata navintje vyakundjugho. ²³Mo aruwanine ngundi nadintje dakundjugho: dimurongo mbiri muucuma.²⁴Bezaleli gharuwanine matako gha siliveli dimurongo ne diyende kuntji yavikwateli dimurongo mbiri. Matako gha siliveli maviri kuntji yashikwateli va vipakakane kumwe, ntani matako maviri gha siliveli kushikwata shimwe kuvigwanikilita kumwe, ntani matako gha siliveli mavili vagha gwanikilite kehe shino shikwata sha ndjugho. ²⁵Unene wa ndjugho yauviri, umboyera, gha ruwana vikwata dimurongo mbiri ²⁶namatako gha siliveli dimurongo ne. Kwakalire matako maviri gha siliveli kuntji yashikwata sha kuhova, matako maviri gha siliveli kushikwata shakukwamako, nevi vyakukwamitako.²⁷Kunyima yandjugho yautokero Bezaleli gha ruwanine vikwata ntayimwe. ²⁸Gha ruwana vikwata viviri muhuka yandjugho.²⁹Evino vikwata kwavigaunine kuntji yavyo, ene ngoli vikukwatakane pawiru mulikovhu limwe. Gharuwana shimpe viviri mushikwagho muhuka mbiri. ³⁰Kwakalire vikwata ntantatu, kumwe namatako gha siliveli. Kwakalire matoko naghantje gha siliveli murongo na ntayimwe, matako gha siliveli kushikwata sha kuhova, matako mavili gha siliveli kushikwata shakukwamako vitwikire ngoli.³¹Bezaleli gha ruwanine mpatji daghuntu ntano dakundjugho yakupongwera, ³²mpatji ntano dakuruha rumwe rwa kundjugho, mpatji ntano da kuvikwata vyakuruku yandjugho yakuutokero. ³³Gharenke ngundi dapatji da vikwata vyapakatji vitike uhura nauhura. ³⁴Ghafiki vikwata na ngorodo. Gharuwana makovhu ghako nangorodo, mposhi vivatere shikwata shampatji, ntani ghafiki vighalito nangorodo.³⁵Bezaleli gharuwanine makeshe gha shinaliwiru, shinaumbombo, na shipapa sha shinaugeha, ntani narughodi rwarukenu, namafano gha Kerubimu, virughana vyamukafumu ogho avi kushongero. ³⁶Gharuwana ngundi ne damakeshe, ntani adi fiki nangorodo. Gharuwanine ngundi da vikonko vya ngorodo, ntani nka gha ruwanine matako mane gha siliveli.³⁷Palivero ghaturapo likeshe lyakundjendjerera. Gharuwanitire shinaliwiru, shinaumburau, ntani shinaugeha, kurughanita rughodi rwaukenu, virughana vyavankurungu. ³⁸Gharuwananka vyakundjendjerera kungundi ntano nahuke. Ghafiki pawiru namuntere yado nangorodo. Matako ghavyo gha siliveli matano gha ngoporo.

¹Bezale gha ruwana wato wa shitondo sha ghuntu. Mughure kwakalire metera mbiri naukahe, mumpati metera limwe naukahe, ure wamuwiru mete yimwe naukahe. ²Ghuye alifikire munda na pandje na ngorodo dene-dene. Ngorodo kwadiruwanitire dikare murudi wakuwiru. ³Aghupuko ngorodo ne, namaghuru ghayo mane, namakwina ghayo maviri ghamadidi, kuruha rumwe, makwina ghamadidi maviri kuruha rumwe.⁴Gharuwana ngundi dashitondo shaghuuntu nko kudifika na ngorodo. ⁵Nko kuditura mu makwina gha wato, mukurenkita vashimbe wato. Aturapo likuyuvho lyakutendo rufiko rwa ngorodo yene-yene. ⁶Ghunene walyo watikire pa maruha maviri, ghunene walyo wakalire metera yimwe naukahe.⁷Bazaleli aruwanine kerubimu mbiri naukahe dahanara mungorodo naukahe wado mulikuyuvholyendi. ⁸Kerubemu yimwe kwakalire kughuhura walikuyuvho, kerubemu dimwe kwakalire kughuhura ghumwe. ⁹Kerubemu agha yandja mavava muwiru ghafike likuyuvho avapa mundulye wa unene mulikuyuvho lyavo. Kerubemu akukenge kushipara nakukenga pakatji kalikuyuvho.¹⁰bezela aruwana nka ntishe ya shitondo shaghuntu yayire metera mbiri,ghunene wayo wakutika metera yimwe,ghure wayo ghukahe wa metera yimwe. ¹¹Ghayifiki na ngorodo yene-yene,ayitura murudi wangorodo dakaliro pawiru. ¹²Gharenke vikurwavero vyakukudingilikida, vya vinene vitike mulighoko limwe, na dimurudi dalyo dakukudinga ngorodo. ¹³Gharuwana makwina mane ghamadidi ghangorodo nko kughatura muhuka ne, nkoko gha kalire maghuru mane.¹⁴makwina kwa ghatulire pepi navikwatavero vawape kushomeka ko vitondo, vyaghuntu, vawape kudamuna ntishe. ¹⁵Ghuye makura aruwana vitondo vyaghuntu, nko kuvitura ngorodo, mukurenkita shi vadamune ntishe. ¹⁶Ghuye makura aruwana vyuma vya wapero kutura pa ntishe-visha, marutugho, shikangero ntani namarupasa vyakuruwanita kushidjambero. Aviruwanitire nangorodo.¹⁷aruwana liywekero ramba lya ngorodo yene-yene. Aruwana kitako lyashiywekero na mumpati dasho. nkinda dasho, litako lya lihako lyako, nadimucuko vadiruwanitire ku ngorodo. ¹⁸Dimutavi ntano naghumwe odo va nenepitire kukehe ruha -dimutavi ntatu kwa dinenipitire kuruha rumwe, ntani dimutavi ntatu kwa dinenipitire kushiywekero sharuha rumwe. ¹⁹Mutavi wakuhova kwa kalire nkinda ntatu, nalihako palitako namucuko,nankinda ntatu kukehe uno mutavi vanenepitireko, nalihako palitako namucuko walyo.²⁰Paliywekero pene-pene kwa tulirepo, nkinda ne, namahako plitako kumwe nadimucuko. ²¹Mpolili lihako lyakaliro-kuruha rumwe, nalihako limwelyakaliro palitako muruha rwa uviri-naro kwa ruruwanitire kuruha rumwe, ntani nka lihako limwe lya kaliro munda ya ruha rwa utatu, naro kwaruruwanine ruha rumwe. Maruha naghantje ogho vanenepitireko matano na limwe mo ngoli vagharuwanine. ²²Mahako akaliro kuntji ya maruha naghantje gha kalire mumpora yimwe. Navintje varuwanine kwakalire mungorodo yene-yene.²³Bazela aruwana viywekero ramba na ramba ntambiri, vipiraulito navigangera navyo kwa vuruwanitire ku ngorodo. ²⁴Gharuwana viywekero ramba kuno matimbi gha kalire nauyivi wa ngorodo.²⁵Bazela aruwana shidjambero. Kwa shiruwanitire kushitondo shaghuntu. Ghure washo kwa kalire metera yimwe, huka kwa kalire metera yimwe. Mbinga kwa diruwanitire nkoko. ²⁶Ghafiki shidjambero na ngorodo- pawiru, mumpatji, na mbinga. Aruwanita dimurudi dakaliropo na ngorodo dasho.²⁷Aruwana makwina gha ngorodo, makura aroterere kuntji yalivero ku maruha maviri. Kuywekamo vitondo vya ghuntu, vyakushi shimbita. ²⁸Ghuye kwa ruwanitire vitondo vya ghuntu nko kuvitura ngorodo. ²⁹Ghuye nka kwa ruwanine dimurora da kupongoka na vikwa lidumba navintje, kuvivonga-vonga yira momo aruwana muruwani murora.

¹Bazela aruwana shidjambero sha kushwakerera ndjambo sha shitondo shaghuntu. Shakalire metera ntano munaghure ntani meta ntano muunene- mushikwa shimbangu- ntani meta ntatu mu ure wamuwiru. ²Ghuye ashongo mbinga makovhu ghasho mane kumutwe yira mbinga da hove. Maruvinga kwa gharughanitire kushintaghu shimwe nashidjambero, ghuye avambayikiko na ngoporo. ³Ghuye aruwana viruwaita navintje vyashidjambero- tunyungu twa mutwitwi, vihupuro, visha, marutugho gha nyara, navipana vyamundiro. Ghuye kwa virughanitire virughanito navintje vino nangoporo.⁴Ghuye aruwana shikango sha kushidjambero, rushungu rwa ngoporo rwakutura munda ya shidjambero, shighurumuke nange pashinko. ⁵Ghuye aruwana ngorodo dakumakovhu mane da kushikango sha ngoporo, mwakukwatera ngundi.⁶Besareli aruwana ngundida shitondo sha ghuntu adi vambayiki nangopora. ⁷Ghuye atura ngundi dipite mungondo pamaruha gha shidjambero, mukushishimba. Ghuye kwa ruwanine shidjambero shamuyashamena, kwa shirughaninitire kuvipirangi.⁸Besareli gha ruwana shisha shashinene sha ngoporo nautara washo wakuruwanita kungoporo. Ghuye kwa rughanine shisha shakutunda kuntarero dahameno kuvakamali ovo varuwanango kumangeneno nakutamba kutende yambongarero.⁹Shimpe aruwana rungumbo. Vindjendjerera kuucuma warugumbo kwakalireko marughado ghamakenu, metera lifere limwe muna ure wagho. ¹⁰Mavindo kwakalire na ngundi dimurongo mbiri gha ngoporo. Kwakalire nkongo vanungikire ku ngundi, kumwe na ngodi dashi shiliveli.¹¹Mundjira yakukufana, kumbinga yaruha rwaumboyera, akukara mavindo gha metera lifere limwe muna ure na ngundi murongo mbiri, matateko ghangoporo murongo mbiri, nkongo vanungikira kungundi, na ngodi dashi shiliveli. ¹²Mavindo gha kuutokero ghagho metera murongo ntano mu ure, nangundi murongo namatateko. Nkongo na ngodi da kungundi dashi shiliveli.¹³Rugumbo naro kwakalire na metera dimurongo ntano muna ghure kuviha vyaupumeyuva. ¹⁴Mavindo kuruha rumwe rwa mangeneno kwa kalire metera murongo nantano mu ure. Ghagho kwakalire nangundi ntatu. ¹⁵Kuruha rumwe rwa mangeneno gha rugumbo aku kara waro mavinda gha metera murongo nantano mughure, na ngundi ntatu namatateko matatu. ¹⁶Mavinda naghantje ogho gha kukundurukido rugumbo gha kuruwanita kulina lyakutotokwa.¹⁷Matateko gha ngundi kwa gharuwanine na ngoporo. Nkongo na ngoporo kwadirughanine nashi shiliveli, ntani viyambeka vyapawiru navyo kwa virughanita shiliveli. Ngundi nadintje da rugumbo kwa divambayika nashi shiliveli. ¹⁸Likeshe lyakulivero lya rugumbo metera dimurongo mbiri mughure. Likeshe kwa lirughanita kushinaliwiru, shinaumbombo, ntani nalikeshe lya rotoroto lya lina, lina ya kutotokwa, lya metera dimurongo mbiri mughure ntani meta ntano mughure wamuwiru, yira makeshe gharugumbo. ¹⁹Ngundi dako ne ntani matateko gha ngoporo na nkongo dashi shiliveli. Vifukito vyapa wiru vyado na ngodi vyakurughanita kushi shiliveli. ²⁰Vikwatito navintje vya rugumbo vya kuruwana na ngoporo.²¹Ovino mbyo vikonekwa vya nkongoro ndjugho, nkongoro ndjugho ya dimughano da makukwatakano, shika momo tupu vavi ghupire kukwama kumanangwiro gha Mosesa. Ovi kwakalire virughana vyava Revi kutwara mulipititiro lya Itamara mona wamukafumu waAarona muruti. ²²Besareli mona wamukafumu wa Uri wa mona wamukafumu waHuru, wakutunda murudi rwavaYuda, karuwananga navintje ovyo kamu rawiranga Karunga Mosesa. ²³Oholiyaba mona wamukafumu wa Abisamaka, wakutunda murudi rwava Dani, karuwananga kumwe naBesareli mukukara ashi mutjokoli, mukafumu wa uyivi muvirughana, mulimbauli mushiliwiru, mupurupuli,na huki da ndjwi da kutotokwa, ntani mulina ya kutotokwa.²⁴Ngorodo nayintje oyo varughanitire shirughan osho, muvirughana navintje ovyo vahamitilire kulivango lya kupongoka- ngorodo yakutundilira kuvimbumbira- kwa hulire pa dimurongo mbiri nantane ya kilograma ntani 730 sheke, kutwara mundando paruvede oro. ²⁵Shishiliveli osho shatundiliro mumpongatano kwa vihire mukumo wakutika kulifere limwe lya kilograma ntani 1,775 sheke, kutwara mundando paruvede oro, ²⁶ndipo beka yimwe tupu mwa mukafumu, vina kutanto ashi ghukahe wa sheke, vametire vamati sheke. Lifano lino lya tikire pa shivaro sha kehe ghuno va varulire mulivaruro, vakutamekera pamwaka dimurongo mbiri shikandwite dogoro vakurupe-603,550 vantu navantje mushivaro.²⁷Kilograma lifere limwe yashi shiliveli kwa yiruwanite mushisha sha livango lya kupongoka na ntateko yangundi- lifere limwe lya matatekero, kilograma yimwe mushisha. ²⁸Navihupe 1,775 sheke yashi shiliveli, Besareli kwa rughanitireko nkongo da ngundi, kufuka ndjumungu da ngundi nakuruwana ngodi dado. ²⁹Ngopora kufunda kuvidjumbira kwa vihire kilograma dimurongo ntano na mbiri ntani 2,400 da sheke.³⁰Navino ghuye aruwana marupasha gha muvero wa kungenena ghu tambe ku tende ya shigongi , shidjambero sha ngoporo, na shipana shasho sha ngoporo, navirughanita navintje vya kushidjambero , ³¹marupasha gha kurugumbo, marupasha gha kumangeneno gha rugumbo, navipandikito navintje vya taberinakuru, ntani navipandikito navintje vya kurugumbo.

¹Shinaliwiru, shinaumbombo, nangodi dadigeha dadiwa dakumoneka varuwana marwakani ghamawa ghaukareli palivango lya kupongoka. Ava ruwana lirwakani lya Aarona lya palivango lya kupongoka, yira momo Karunga atantilire Mosesa.²Bezalela gha ruwana vinyerera vya ngorodo ya shinaliwiru, shinaumbombo, na wanda waugeha wakuvembera, nakumarughodi ghamawa maviri. ³Ava shamnbura ngorodo mapapi nakuditetawira kutu ndarate, diruwane kushinaliiwiru, shinaumbombo, nakungodi dadi geha dadiwa dakumoneka, nakumarughodi ghamawa, viruwana vya vakafumu ovo vakaro nauyivi wavyo wakuviruwana.⁴Ava ruwana tukwegho twa kunyerera, tukwate maruha maviri kughuhura washo shikore. ⁵Kuvyuma vyakumoneka nawa vya kalire kumbunda yavyo yira vinya vikoverero vya mapepe pepe; kwavirughanine kuruha rumwe rwashikoverero shamapepe, kwarughanitire ngodi dadiwa dangorodo, shinaumbombo, yira momo Karunga atantilire Mosesa.⁶Vavo ava shongo mawe ghamulyo, ava kundiki oko dakalire ngorodo, ava ghatura naunakondo nakughatjanga mumadina gha vana va vaIsraeli, yira momo Karunga atantilire Mosesa. ⁷Besareli agha tura kumapepe mushikoverero sha mapepe akare livurukiro lyamawe muvana vakafumu vaIsraeli, yira momo Karunga atantilire Mosesa.⁸Ngaruwana shikambeka sha panturo, viruwana vyakafumu ovo vakaro nauyivi wavyo wakuvi ruwana, mushihondje shikare yira vinyerera, avashi ruhanita nangorodo, yashinaliwru, shinaumbombo, nangondi dadigeha dadiwa dakumoneka. ⁹Shakalire shikwashimbangu. Avashi petayikiri pashikambe shapa nturo rukando ruviri. Ruha rumwe rure ruha rumwe rufupi.¹⁰Vavo kwatulire dimuyaro ne damawe hamulyo, muyaro wakuhova Rubini, Topasi, naGarenedi. ¹¹Muyaro wauviri ngo ghuno Emeralidi, naSafire, naKawe. ¹²Muyaro wautatu kwa kalire Jasinti, Agate, naAmetisti. ¹³Muyaro waune Kilisolite, Kaveneliya, naOnikisi. mawe kwadikitire mumakwatero angorodo.¹⁴Mawe kwakali murongo namaviri, kehe pano lidina lyalo muvana vaisrael, vava kafumu, kehe vino vali timinine nalidina limwe mogho marudi murongo na maviri. ¹⁵Shikambe nga shi rughanena kuma ghuketanga tutjetjere yira ngodi, kwayi rutire k u ngorodo yeneyene. ¹⁶Vavo kwa rughanine vavo kwa rughanine makwatero maviri ghangorodo nalinga mbiri dangorodo, ngava digwanilikite odolinga mbiri ku maruha maviri gha shikambe shapa nturo.¹⁷Ngamuture tughuketanga tuviri twa ngorodo nga mudipwere linga mbiri kughuhura washikambe. ¹⁸Nga mudikwatite kumaruha maviri ghatuketanga kuma kwatero maviri. Ngamu dikwatite kumapepe gha shikambe sha nturo kumeho ya mapepe-pepe .¹⁹Nga varughane linga mbiri da ngorodo na kuditura kumaruha gha mwe ma viri gha kambe ka nturo, ku shi kodo kuharu rwa ghuhura. ²⁰Varughanine linga mbiri da ngorodo nga mudipwerere munda ku mapepe maviri gha kambe kapa nturo ghakumeho ya vinyerere. Yikunda me kumukunkuro kuwiru ya mugami mumbunda ya marwakani lya shikovero sha mapepe-pepe²¹Ngamumange shikambe shapa nturo nalinga dasho kushikoverero shamapepe-pepe nangodi dashinaliwiru, mposhi ngavi kolite kuughura shamapepe-pepe ghalirwakani mungama wamumbunda. Eshi shikambe shapantutro kapishi ngashi hondjonoke kushikoverero shamapepe-pepe. Evi vyapwa yira momo Karunga atantilire Mosesa.²²Bazaieia kwaruwanine lirwakani nangodi da shinaliwiru patjado, viruwani vya muhondji. ²³Shiditope pakushigharura pamutwe. Mukushiligharura lirwakani kughuhura ghu kundurukide lidire kutauka. ²⁴Mukunkuro walyo wapalivhu, ngava ruwaneko pa magaranate yashina liwiru, shina umbombo naghugeha na ngodi dadiwa.²⁵Ava rughana tutenda twa ngorodo yene yene, nga tureko tukandenda pakatji ka pomegarate kukundu rikida kulida kulivu nakuntje kushikondo sha mukunkuro, pakatji ka pomegarate. ²⁶Tutenda na pomegarate, tutenda na pomegarate, tutenda na pomegarate kushikondo sha mukunkuro wa Arona ngautulike.²⁷Vavo kwa rughanine lirwakani lya ngodi dadiwa lya Aroni na vana vendi va vakafumu. ²⁸Vavo kwa rughanine shituku na ngodi dadiwa na banti ya ngodi dadiwa, ngodi da munda damakeshe ghangodi dadiwa. ²⁹Namweye wangodi dadiwa da shina liwiru, shinaumbombo naugeha virughana vya vatungi. Ovino mbyo a tantilire Karunga Mosesa.³⁰Vavo kwa rughanine marupasha gha palivango kungorodo yene yene; ava tjokora, yira kuna timimo shikare shivito sha ''kupongora kwa Karunga.'' ³¹Kwashi hondjilire kushituku nakungodi yashinaliwiru pawiru yashituku. Mo atantilire Karunga Mosesa.³²Ano viruwana vya pantishe, natende ya shigongi, navintje vya pwire. Vantu vaIsraeli varuwanine navintje. Ava kwama dimuragho mo ava negheda karunga avitapa kwa Mosesa. ³³Ava yita varughani vapantishe kwa Mosesa kutende navirughanita vyavo navintje ngundi, vikwata livero, dimukore, tuhaki na hamara; ³⁴nashifikita shako shavipapa vya shindji sha shikungwe osho vagehita na ufikito washo wavipapa vya viwa, namakeshe gha kuvita. ³⁵shukesha shaukareli, osho sha karo ngundi na rufiko rwasho.³⁶Ava yita ntishe naviruwanita vyasho navintje, na mboroto da kudjambera. ³⁷Nashitenkeko sha ramba ya ngorodo yene-yene na ramba dasho da kuhupako, naviruwanita vyasho navintje na maholi ghamu ramba. ³⁸Nashidjambero sha ngorodo, na maghadi gha kuwavikita na mungongwera wakututuminikidira walidumba lya liwa, na likeshe lyakuviva palivero; ³⁹Nashidjambero sha ngoporo na shikangero shasho na nguni na dimudingo na lisha lyalinene naviruwanita vyasho navintje.⁴⁰Ava yita namakeshe gha kugumbako na tuhaki nahamara, namakeshe gha kugumbita kulivero; na rughodi nama kwatero gha tende; naviruwanito navintje vya mukareli wairuwani vyapa ntishe vya mutende ya kupongera. ⁴¹Ava yita marwakani ghamawa ngatuya kuvateliteko palivango lya kupongoka, marwakani ghakupongoka gha Aroni mu pristeli na vana vendi vavakafumu, mukuvatera va pristeli.⁴²Vano vantu vaIsraeli varuwana viruwana navintje vya Karunga ovyo atantilire Mosesa. ⁴³Mosesa kwa konakonine viruwana navintje nakumona ashi navintje vinapu. Mundjira momo avi shanine Karunga, mo avi rughanine. Makura Mosesa ava tungiki.

¹Karunga a ghamba kwa Mosesa shi, ²''Muliyuva lya kuhova mumwedi wamumwaka una kona kutoma tende ya makugwanekero gha mangeneno.³Muna kona kutura ntishe yakutapa umbangi, muna kona kuyifika ntishe nalikeshe. ⁴Muna kona kuyita ntishe munda ntani nakutura vininke vya karango pantishe nawa. Ntani muna kona kuya ngeneka shiywekero ramba kumwe nakutura ko ramba.⁵Ghuna kona kutura shidjambero sha ngorodo kuno muti kuna kutunda mushidjambero, kumeho yantishe yakutapera umbangi, ghufikeko nalikeshe kughungeneno. ⁶Ghuna kona tura shidjambero sha kushorera ndjambo kumeho ya tende yakupongoka. ⁷Ghuna kona tura shisha shashinene pakatji katende yamakugwanekero na shidjambero makura uturepo mema.⁸Makura una kona kuturako rugumbo rudingilike ko, makura umangeko likeshe kulivero lya rugumbo. ⁹Ghuna kona kughupa maghadi gha kupongoka, upongore livero na navintje vina karo munda. Ghuna kona kuvihangura nakuvimpa, nivipongore. ¹⁰Ghuna kona kuwaveka shidjambero na ndjambo ya lishwakerero na viruwanita navintje. Ghuna kona kushihangura shidjambero kwande makura ngashipongokerere kwande. ¹¹Ghuna kona kuwaveka shisha shashinene sha ngorodo napalitako lyasho, shihamene kwande.¹²Ghuyite Aarona na vana vendi va vakafumu pamangeneno gha tende pamagwanekero makura uyava yoye namema. ¹³Ghuna kona kudwateka Aarona vyuma vya shinauruti ovyo vineghedo ana hama kwande ghu muwavekere, ghu muture aku karere, mukura ghu muruwanene vya shinauruti.¹⁴Ghuyite vana vendi va vakafumu ghuvadwateke marwakani. ¹⁵Ghuna kona kuva waveka yira momo wa wavekire shavo mposhivanture me muruti wavo. Liwavekero lyavo ngalivarenka vakarerepo vantu vakuruwanena Karunga muyogholi wa navantje mukupititira vantu vavo.'' ¹⁶Vino mbyo aruwanine Mosesa. Gharuwanine vininke navintje vino.¹⁷Ghungeneno kwaghuruwanine muliyuva lyakuhova lya mwedi wakukwamako. ¹⁸Mosesa mpo atulireko ungeneno, kuturako ushingiliro walyo, likurwa vero, atura ngundi na nkongo dako. ¹⁹Ghaturako vya kufika mangeneno nakuturako tende, momo avi ghambire Karunga kukwendi. ²⁰Aghupu liruwaneno kumwe lya veta, makura alitura ntishe. Ghatura nka ngundi pantishe makura aturapo likuyuvo lyavyo aruwanine.²¹Atura likeshe afike ntishe yakutapera umbangi, kutwara momo avi ghambire Karunga. ²²Atura ntishe munda ya tende mulivango pongero, kughurundu wamangeneno, pandje yalikeshe. ²³Atura mboroto pantishe momo vya wapera kumeho yaKarunga, momo avi murawilire kukwendi Karunga.²⁴Atura ramba munda ya tende ya mapongero, yivatuke ntishe, kumukuro wa mangeneno. ²⁵Atweda ramba kumeho yaKarunga, momo amurawilire Karunga.²⁶Atura shidjambero sha ngorodo shakunda muti munda ya tende mulivango pongero kumeho ya likeshe. ²⁷Gha shwakererepo mungongwera wa lidumba lya liwa, momo avimutantilire Hompa Karunga.²⁸Gha ndjendjelita likeshe pamangeneno. ²⁹Gha tura shidjambero sha lishwakerero ndjambo pamangeneno, gha tende yamagwanekero. Gha djamba, ndjambo ya lishwakerero na ndjambo ya mbuto, momo avi ghambire Karunga. ³⁰Gha tura pakatji kaushungiliro ka tende ya makugwanekero na shidjambero, makura aturapo mema ghakukuyogha.³¹Mosesa, Aarona na vana vendi va vakafumu ava kukushu kumaghoko ghavo na kumaghuru mpopo pashisha, ³²kehe pano pakuyenda munda ya tende pongero, na kehe pano pakuyenda mukanduke kushidjambero. Vakukushire naumwavo , momo avi ghambilire Karunga kwa Mosesa. ³³Mosesa aturako rugumbo rudingilike mangeneno nashidjambero. Ghaturako likeshe kumangeneno. Mundjira yino, Mosesa amanine viruwana vyendi.³⁴Makura maremo agha fiki tende ya mapongero, makura uyerere wa Karunga aghu yuda mangeneno. ³⁵Mosesa kapi gha vhulire kungena mutende pongero mukonda liremo lya fikirepo, uyerere wa Hompa wa yudire livero.³⁶Nampindi momo vya kalire ngoli liremo valiupiremo mumangeneno, vantu vamuIsraeli ava vuru kutwikira naruyendo rwavo. ³⁷Ene ngoli ashi ndi liremo lya dundire mumangeneno, vantu ndi kapi vatwikilire naruyendo rwavo. Ndi vakalire dogoro ndyolyo liyuva vayalidamwinine mo. ³⁸Liremo lya Karunga kwa kalire mughungeneno muliyuva, mundiro nko wakalire matiku, ovyo vamonine mumburundu vantu navantje vamuIsraeli mundjira muruyendo rwavo.

¹Karunga kwayitire Mosesa nakumutantera kutumnda kutende ya shigongi, nakughamba ashi, ²''Ghamba navaIsaraeli nakuvatantera, 'Nangeshi kehe mukafumu wakutunda mukashi kenu kuna kuyita ndjambo kwa Karunga, kuyita mukukara ashi ndjambo yashikorama, shikareshi shakutunda mushivunda ndipo mughutanga.³Nangeshi ndjambo yendi ndjambo yakushwakerera kuna kutunda kushivunda, ghuye ana kona kudjamba shashirume shakupira shipo. Ghuye ashi ndjambere kulivero lya tende ya magwanekero, kurenkerashi natambura kumeho yaKarunga. ⁴Ghuye akambeke lighoko lyendi pamutwe wa ndjambo yakushwakerera, makura shasho kushitambura mulivango lyendi mukutulitapo likugho kumwe kumwe kwa naumwendi.⁵Makura ghuye ana kona kudipagha ntwedu kumeho ya Karunga. Vana va vakafumu vaAaroni muruti, ngava ghupa honde nakuyitjakayikira pashidjambero osho shina karo kulivero lya tende ya mbongarero. ⁶Ghuye ana kona kuyuva ndjambo yakushishwakerero nakuyitetaghura virama virama.⁷Ntani vana va vakafumu va Aaroni muruti ngava nkonkera mundiro wa shidjambero nakuwapayika vikuni pamundiro. ⁸Vana va vakafumu vaAroni, muruti, ngava tura virama, kuna kwateremo mutwe, na maghadi, pavikuni vina karo pa mundiro ghuna karo pashidjambero. ⁹Ngoli vilyo vya munda na maghuru ghasho ghuye ana kona kuvi kusha na mema. Makura muruti ngashwakerera navintjeya pashidjambero mukukarashi ndjambo ya kushwakerera. Ngavi yititapo lidumba lyaliwa kukwande, yayo ngayikarashi ndjambo vana nduwanene me pamundiro.¹⁰Nangeshi ndjambo yakudjamba yakushwakerera kuna tundu mughutanga, ghumwe wa shindjwi ndipo ghumwe wa shimpendje, ghuye ana kona kudjamba shashirume shapiro shipo. ¹¹Ghuye ashidipaghere kuviha vya ghumboyera wa shidjambero kumeho ya Karunga. Vana vaAroni, muruti, ngava tjakayera honde yashi kumaruha naghantje gha shidjambero.¹²Ghuye ashitetaghure muvirama kumwe namutwe washo na maghadi ghasho, makura muruti ature virama pavikuni ovyo vina karo pamundiro ogho ghuna karo pashidjambero, ¹³ene ngoli vilyo vya munda na maghuru ghashoi ghuye avi kushe na mema. Makura muruti nga djambe navintjeya, nakushwakerera pashidjambero. Yayo ndjambo yakushwakerera, ntani ngayi yititapo lidumba lyaliwa kwa Karunga, ngayikara ndjambo vana ruwana kumundiro.¹⁴Ntjeneshi yino ndjambo kwa Karunga kuna kara ndjambo yakushwakerera yavidira, ghuye avhure kuyita vikareshi ndjambo yendi, akare nkuti ndipo liputukuwa lya lyanuke. ¹⁵Muruti akona kushiyita sho kushidjambero, kutetako mutwe washo, nakushishwakerera pashidjambero. Ntani honde yasho kuyi shonyikidira kuruha rwa shidjambero.¹⁶Ghuye akona kughupamo shitungurura na maghura ghasho, na kuvhukuma vyo kuntere yashidjambero kuruha rwa ghupume yuva, mulivango lya dimutwitwi. ¹⁷Ghuye akona kushitaghura kupita mukatji kamavava, ene ngoli kapishi ashigaughunune mumaruha maviri. Makura muruti ngashishwakerera osho pashidjambero pavikuni vina karo pamundiro. Yayo ngayikara ndjambo yakushwakerera, ntani ngayi yititapo lidumba lyaliwa kwa Karunga, yayo ngayikarashi ndjambo oyo vana muruwanene pamundiro.

¹Opo ngayita kehe uno ndjambo ya mbuto kwa Yehova, ndjambo yendi yina kona kukara yaghutura wa nakanaka, ntani ngaterapo maghadi ntani kuturapo vyakukututumukidira. ²Ghuye nga tware ndjambo kuvana vaAroni va varuti nga kaghupa lighoko lya ghutura wa nakanaka na maghadi nevi vyakukututumukidira. Makura muruti ngakashore ndjambo kushidjambero nashiyivito sha ndjambo. Kuvikayita lidumba lyaliwa kwa Karunga, kuyikakara ndjambo vana muruwanene pamundiro. ³Kehe vino vika ghupoko kundjambo ya mbuto kuvikakara vya Aaroni na vana vendi va vakafumu. Vyavoyo vya pongoka kwa Yehova kutunda kundjambo ya Yehova ya kuruwana kumundiro.⁴Ntjene kuna kudjumbira mbuto ya ndjambo yakupira vishashita ovyo vana duviri mulidiko, yina kona kukara mboroto yaghutura wa nakanaka wakuvhonga na maghadi, ndipo mboroto yayikukutu yakudira vishashita, ovyo vatura maghadi. ⁵Ntjene mbuto ya ndjambo yoye yakuduva nashikango, yina kona kukara ya utura wa nakanaka wakuvhonga na maghadi.⁶Ghuna kona kuvigaununa nakuterapo maghadi. Oyino ndjo mbuto ya ndjambo. ⁷Ntjene mbuto ya ndjambo yoye yakutereka pashikango, yina kona kuyiruwana na ghutura wa nakanaka wakuvhonga namaghadi.⁸Muna kona kuyita mbuto ya ndjambo oyo varuwanita kovyo vininke kwa Karunga, ntani ngavakavinegheda kwa muruti, ogho ngakaviyito kushidjambero. ⁹Makura muruti ngaka ghupapo mbuto yimwe oyo ngayikareropo vitapa, ntani ghuye ngakavishorera kushidjambero. Ovyo ngavikakara vitapa vya kuruwanita kumundiro, ntani ngavikayita lidumba lyaliwa kwa Yehova. ¹⁰Ovvyo ngavikahupo ku mbuto ya ndjambo ngavikakara vya Aaroni na vana vendi va vakafumu. Vya pongokera kwa Yehova kutunda kundjambo yaKarunga ya kuruwanita kumundiro.¹¹Kwato ndjambo ya mbuto ngamukadjumbira kwa Yehova ngamuruwanita vishashita, kapishi ngamukavivarure, ndi kurutura ushi wampuka, yira ndjambo varuwanena Karunga yamundiro. ¹²Ngamukavitape kwa Karunga vya mbuto yakuhova, ngoli kapi ngava kaviruwanita ngavi kaviyite lidumba lyaliwa kushidjambero. ¹³Muna kona kutura mungwa kukehe ndjambo ya mbuto. Kapishi ngo pulitire mungwa walikukwatakano lyakutikiliramo na Karunga woye ngaukombane kundjambo ya mbuto yoye. Nandjambo yoye nayintje una kona kutapa mungwa.¹⁴Ntjene ghutape ndjambo ya mbuto yakuhova kwa Karunga, tapa mbuto daditeke dakuyota ngavaditwere mundya. ¹⁵Makura muruti ngaka shore ruha rwa mbuto yakutwa na maghadi nakuditutumukidira. Oyino ndjo mbuto ya ndjambo. ¹⁶Makura muruti ngaka shora ruha rwa mbuto yakutwa na maghadi ntani kuditutumikidira ngavikaneghedo ndjambo. Oyino ndjo ndjambo yakuruwanita kumundiro wa Yehova.

¹Ntjene mpwali ogho ana kutapo shitapa shendi shakutapa sha shikorama mughutanga wavimuna vyendi, shikareshi shashirume ndi walye shashikadi, ana kona kutapa shikorama mumpora kumeho ya Hompa. ²Akambeke maghoko ghendi pamutwe washitapa shendi ntani kushidapaghera palivero lya tende yamakugwanekero. Makura mona Aaroni wamumati kwa mwaya honde yasho kuruha rwa shidjambero.³Vakafumu ngava tapa vyavo kumaruha ghavitapa vya pamundiro kwa Hompa. Maghadi ogho ghafiko ndi ogho gha gwanikilito maruha ghamunda, ⁴ntani nangera mbiri na maghadi ogho ghakaro kwagho, namaghadi naghantje ghalishuli, nangera- ghuye nga ghupeko vino. ⁵Mona Aroni wamumati nga shore vininke vinya pashidjambero navitapa vya kushora, ovyo vina karo pavikuni ovyo vina karo pamundiro. Evino ngavitenda lidumba lya liwa kwa Hompa, ngavikara vitapa vyendi ovyo varughana kumundiro.⁶Ntjene mukafumu ngatape vitapa vyendi kwa Hompa vya kutundilira mushivunda, shashikadi ndi shashirume, ana kona kutapa, ana kona kutapa vitapa vyendi mumpora. ⁷Ntjene atapa ndjwi, makura ayitape kumeho yaHompa. ⁸Ngatura maghoko ghendi pamutwe washitapa shendi ntani kushidipaghera kumeho yamakugwanekero. Makura mona Aroni wamumati kwa mwaya honde yasho kumaruha gha shidjambero.⁹Mukafumu ngatapo shitapa shendi osho varughana kumundiro kwa Hompa. Maghadi, maghadi naghantje gha kumushira kugha teta ghatundeko gha kare pepi nashifupa sha mughongo, ntani namaghadi ogho gha fiko vyamunda ntani na maghadi naghantje ogho gha karo pepi namaruha ghamunda, ¹⁰nangera mbiri ntani maghadi ogho gha karo ko, na maghadi naghantje gha kulishuli, kumwe nangera- ngavi ghupako navintje vino. ¹¹Makura muruti ngavishora navintje pashidjambero vikare vitapa vya ndya kwa Hompa.¹²Ntjene mukafumu ngatape shimpendje, makura ghuye ngashitape kumeho ya Hompa. ¹³Ngature maghoko ghendi pamutwe washimpendje ntani kushidipagha kumeho ya tende yamakugwanekero. Makura vana vaAroni ngava mwagha honde yasho kumaruha gha shidjambero. ¹⁴Mukafumu ogho ngatapo vitapa vyendi ovyo varughana kumundiro kwa Hompa. Ngaghupamo maghadi ogho gha fiko maruha gha munda, ntani maghadi naghantje ogho gha karo pepi nevi vya munda.¹⁵Ngaghupamo nka ngera mbri ntani maghadi ogho ghakaromo, ogho gha karoko, ntani honde yalishuli na ngera. ¹⁶Muruti ngavi shora navintje pashidjambero vikare vitapa vya kupya vya ndya, mukutenda lidumba lya liwa. Maghadi naghantje gha tumbukira kwa Hompa. ¹⁷Ngavikara viyivito vya kukarerapo muvantu voye likutjindjo lya udjuni mukehe livango ngo rughana mumundi ghoye, ashi kapishi ngo lye maghadi ndi walye honde.

¹Karunga atantere Mosesa, nakughamba ashi, ²''Tantera vaIsraeli, 'Ntjeneshi muntu a djono ngoli kapishi muwina ana djono, a ruwane kehe vino araghura Karunga ashi ndi nakuviruwanashi, ntjene aruwana vininke ovyo ashweneka, ovino vyakukwamako mbyo vyakuruwana. ³Ntjeneshi muruti kughona a djono ngoli ana tura ghu ndjoni muvantu, ana hepa kudjambera ndjo yendi oyo naraghura ntwedu ya yanuke yina piro shipo kwa Karunga ya ndjambo ya ndjo.⁴Ana hepa kuyita ntwedu pamangeneno gha tende ya shigongi kumeho yaKarunga, akambeke maghoko ghendi pamutwe wayo, nakudipagha ntwedu kumeho ya Karunga. ⁵Muruti ogho vawaveka nga ghupe honde yimwe ya ntwedu nakuyitwara mutende yavigongi.⁶Muruti nga dove nyara muhonde na kuyimwayera rukando rutano narutatukumeho ya Karunga, kumeho yalikeshe lya kulivango lya kupongera. ⁷Makura muruti ature honde yimwe kumaruvinga gha shidjambero ya kututumikitira vidumba vya viwa kumeho ya Karunga, ovyo vya karo mutende yavigongi, nakutera honde yakuhupako yantwedu palitako lyashidjambero sha ndjambo yakushwakerera, osho shakaro mughungeneno watende yashigongi.⁸Ana hepa kughupako maghadi naghantje gha ntwedu gha kare ndjambo ya ndjo, maghadi ogho afiko vininke vya munda, namaghadi naghantje gha karo kuvilyo vya munda, namaghadi naghantje ghakaro kuvilyo vya munda, ⁹kungera mbiri na maghadi ogho gha karo ko, ogho gha karo kumaghura, maghadi gha kulishuli, na ngera- ghuna kona kuvighupako. ¹⁰Ghuye ngaviteteko, kuvitetako nakuvighupako ku ntwedu vikare vya kudjamba ndjambo da mbili. Ovino muruti ana hepa kushwakerera vilyo vino pashidjambero sha ndjambo yakushwakerera.¹¹Shikova sha ntwedu na nyama yakuhupako, mutwe wako na makondo navilyo vya munda narutoko, ¹²navintje vyakuhupara kuntwedu-ghuna hepa kuvitwara navintje pandje ya kamba kulivango lyakuku kushurura kwa Karunga, oko vakavhukuminaga mutwitwi, vihupe vana hepa kuvishwakerera nkoko pavikuni. Vana hepa kuvishwakerera vihupe nkoko vakateranga mutwitwi,¹³Ntjeshi mbunga yavaIsraeli yina djono ndjo yakudira kupanga, na mbunga yidire kuyiva ashi vavo vana djono nakuruwana viruwana kehe vino ovyo araghura Karunga ashi nakuviruwanashi, ntjeneshi vana djono, ¹⁴makura, oyo ndjo va varawira yinaya yuvikwa, mbunga yina hepa kudjamba na ntwedu ya yanuke morwa ndjambo ya ndjo nakuyi yita kumeho ya tende yavigongi. ¹⁵Matimbi gha mbunga kuyakambeka maghoko ghavo pamutwe wa ntwedu kumeho ya Karunga, ntwedu ngavayidapaghe kumeho ya Karunga.¹⁶Muruti ogho vawaveka ana hepa kughupa honde yimwe ya ntwedu nakuyitwara kutende ya vigongi, ¹⁷makura muruti ature nyara yendi muhonde nakuyimweyera rukando rutano naruviri kumeho yaKarunga, kumeho ya likeshe.¹⁸Ghuye ana hepa kutura honde yimwe kumaruvinga ya shidjambero osho sha karo kumeho ya Karunga, mwamo mo mutende ya shigongi, nakutera nka honde nayintje palitako lya shidjambero yikare ndjambo ya lishwakerero, olyo likaro mumangeneno gha tende ya shigongi. ¹⁹Ghuna hepa kughupako maghadi nakushwakerera pashidjambero.²⁰Ovino ngoli ana hepa kuruwana pantwedu. Yira momo ana ruwana na ntwedu ya ndjambo ya ndjo, ovino ngoli mo ngavikara kuntwedu, ano muruti mo ngoli ngatura likukwatakano na vantu, nakuvaghupira po. ²¹Ghuye nga shimba ntwedu pandje ya kamba nakuyishwakerera yira lishwakerero lya ntwedu yamuhovo. Oyino ndjambo yandjo kuvantu.²²Ntjeneshi mupangeli ana djono ngoli kapi ana yiviri oyo ndjo, aruwane kehe vino araghura Karunga ashi nakuvirughanashi, ano makura adjone, ²³makura oyo ndjo ana djono yi yivikwe kukwendi, ana hepa kukayita ndjambo yendi yashimpendje, shashirume shahana shipo.²⁴Ghuye ana hepa kukambeka maghoko ghendi pamutwe wa shimpendje nakushidipaghera mulivango omo vadipagheranga ndjambo yakushwakerera kumeho ya Karunga. Oyino ndjambo ya ndjo. ²⁵Muruti aghupe honde kundjambo ya ndjo na nyara yendi na kukayitura kumaruvinga ghashidjambero sha ndjambo ya kushwakerera, nakutera honde palitako lya shidjambero kundjambo yakushwakerera.²⁶Ghuye nga shwakerera maghadi naghantje pashidjambero, yira momo vadjamberanga maghadi ya mbili. Muruti mo ngoli nga tura likwatakano, ano mupangeli ngava mughupirapo.²⁷²⁸Ntjeneshi ghumwe mumwenu ana djono ndjo ana diri kuyivilita, aruwane kehe vino araghura Karunga nakuvimushweneka kuviruwana, ngoli aka dimburure undjoni wendi, makura oyo ndjo ana djono yi yivikwe, ana hepa kuyita shimpendje sha ndjambo yendi, shashikadi shapiro shipo, kundjo oyo ana djono.²⁹Ana hepa kukambe maghako ghendi pamutwe morwa ndjambo ya ndjo nakuyi dipaghera mundjambo ya ndjo kulivango lya ndjambo ya kushwakerera. ³⁰Muruti a ghupe honde yimwe na nyara nakuyitura kumaruvings gha kushidjambero kundjambo yakushwakerera. Ana hepa nka kutera honde nayintje yakuhupako palitako lya shidjambero.³¹Ana hepa kugha ghupako maghadi naghantje, yira momo vaghupanga ko maghadi naghantje mukudjamba ndjambo ya mbili. Muruti nga shwakerera pashidjambero mukutura lidumba lya rupekwa kwa Karunga. Muruti mo nga tura likukwatakano namuntu ogho nakumughupira po.³²Ntjeneshi muntu ayita shindjwi ashi yikare ndjambo ya ndjo, ana hepa kuyita ndjwi yayi kadi yapiro shipo. ³³Ana hepa kukambeka maghoko ghendi pamutwe wa ndjwi ya ndjambo ya ndjo nakuyidipaghera kundjambo ya ndjo kulivango olyo vadipagheranga vya ndjambo dakushwakerera.³⁴Muruti ana hepa honde yimwe ya ndjambo ya ndjo nanyara nakutura kumaruvinga gha shidjambero sha ndjambo yakushwakerera, nakutera honde yakuhupako nayintje kulitako lya shidjambero. ³⁵Ghuna hepa kughupako maghadi, naghantje yira maghadi gha ndjwi mukugha ghupako mukundjambera ndjambo ya mbili, ano muriti ashwakerere pashidjambero pawiru yakudjambera Karunga ndjambo oyo varuwana namundiro. Muruti makura atulitepo likukwatakano naye kundjo oyo a djona, nakumughupirapo.

¹Ntjene kehe ghuno ngaturo ndjo ghuye kapi ana kughamba umbangi omo avi monine vininke vyakuhamena ovyo vya tumbukiro kughu mbangi, nampili ndi kwavimonine ndi vyakuyuva kumahamenako, ghuye nga kara shitumbukira shendi. ²Ndi walye kehe uno ngakwato vininke vya Karunga ovyo arughana ashi kapi vya kena, ndiposhi marutu gha vikorama vya kunyata ndi ndi walye vikorama vyakufa vya kunyata yavimuna ndi vishitwa vya kunyata ovyo vya yendango pantunda yalivhu, nampili momo ana karashi kapi ana yivako vintu kuhamena ovyo twarughana, ana kara kapi ana kene ntani naundjoni.³Ndipo ntjeneagumu lidiro kukena lyaunyendi, navintje ovyo vina diro kukena, ntanintjene kwatoovyo ana yivako, makura ngatura ndjo opo ngavikushonga kuhamenako. ⁴Ndi walye ntjene muntu a kwangulire kughana na ngegho dendi a rughane mpepo dadidona, ndi kurughana vyaviwa, navintje ovyo ngarughana muntu kughana kwaku kwangulita, nampili kapi avi yiva kuhamenako, opo ngavi kushonga, makura ngaka ra munandjo, muvinke navintje vino.⁵Ntjene muntu umwe ana tura ndjo kukehe vininke navintje vino, atongonone ndjo yendi nayintje oyo ana tura. ⁶Makura ghuye ayite undjoni wavitapa kwa Hompakundjo oyo ana tura, shikoama shashi kadi, sha mushivunda, ndi walye shindjwi ghona ndi shimpendje, kushitapa sha ndjo ntani muruti nga rughana ndjambo yendi yakughupita ndjo yendi yapamakuyuvho.⁷Ntjene kapi avhura kughura shimpendje, makura kwayita undjoni wavitapa kundjo dendi maputukuwa maviri ndipo vankuti vavili kwa hompa, shimwe shandjo yendi oyo atura ntanishimwe shavitapa vya kupwa. ⁸Ngaviyite kwa muruti, ogho ogho nga tapo ndjo yimwe yakuhova- ghuye nga tjore mutwe kuntingo yasho mara kapishi ngaghu upilireko kurutu rwasho. ⁹Makura ngatetere honde kogho nga djambo kuruha rwa shidjambero, ntani ngatete honde yakuhupako pandje kuntji yashidjambero. Ovino mbyo vitapa.¹⁰Makura ngatape shidira shauvili shikare shitapa shakupwa, yira momo vavi raghulire, ntani muruti nga djamba ngoli ndjambo yendi kundjo oyo ana tura, ntani muntu ngava mughupirapo.¹¹Ene ngoli ntjeneshi kapi ana kuvhura maputukuwa mavili ndipo vankuti vavili, makura ngayite vitapa vyendi vya ndjo ephah murongo da utura davitapa. Kapishi ngaturemo maghadi gha lidumba lyaliwa, ngavi karashi vitapa vya ndjo.¹²Ngaviyite kwamuruti, ntani muruti nga ghupa maghoko mukukwateramo vitapa ntani nakuvishora kushidjambero, kuwiru yavitapa ovyo a rughanita Hompa vyapamundiro. Evino mbyo vitapa vya ndjo. Muruti ¹³makura nga djamba ndjambo yapamakuyuvho kughundjoni ogho ana tura murwana, ntani murwana ngava mughupirapo. Vihupwa vya vitapa ngavi kara vya muruti, kumwe na ndjambo davitapa vya mbuto.''¹⁴Makura Hompa a ghamba kwa Mosesa, ashi, ¹⁵''Ntjene kehe uno ngaturo ndjo nakumoneka kwato ushili kuvininke ovyo vya tumbukiro kwa Hompa, ene ngoli kapishi mo una vishanene, makura ngayite vitapa vyendi vya kutura ndjo kwa Hompa. Vitapa ngavikare ndjwi yapiro shipo mushivunda, mulyo washo kughuyereka na ndando yasiliveli oyo ya karopo- vitapa vya shekel- vikare vitapa vya kutapa ndjo. ¹⁶Ngatikitemo Hompa kovyo ana rughana muligwakilito lya lipuko na mpepo ya kupongoka,ntani nga wedako yautano kukwasho ntani nakushipa kwa muruti. Makura muruti nga rughana ndjambo kukwendi na shindjwi kundjo yavitapa, ntani muntu gho ngava mughupirapo.¹⁷Ntjene kehe uno ngaturo ndjo ntani kehe vino ovyo ana diri kurawira Hompa ashi vavi rughane, nampili akareshi kwato ovyo ana yivako, ngoli ghuye shimpe muna ndjo nga damune ndjo dendi. ¹⁸Ngayite ndjwi yina diro shipo mushivunda, namulyo washo una karopo, shitapa sha ndjo kwa muruti. Makura muruti ngarughana shitapa sha ndjo kutwara kundjo yendi oyo ana tura, ovyo ana yiva, ntani ngava mughupirapo. ¹⁹Shitapa sha ndjo, ntani ana tura ndjo kushipara sha Karunga.''

¹Makura Karunga a ghamba na Mosesa, ashi, ²''Ntjene umwe ature ndjo nakurughana vyavidona kwa Karunga nakumaparambo ghendi vyakudira lihuguvaro, ndipo vya kumushikita vakamaparambo, ³ndipo kutoghora ovyo vakombanita vakamaparambo kumwe nakukonga kuhamenako, ndipo kughana vipempa, ndi kehe omu vadjonanga vantu, ⁴ano ntjene ana djono na kumuwanena undjoni, ana kona kuvyuta kehe vino gha vakire ndi kufukayera, ndi ovyovamutulikita, ndi ovyo vya kombanino mbyo vaviwana.⁵Mukuwedererako, mukehe vino vya mughano wakupira ushili, ana kona kuvyuta mukuyura nakuwedererako shimwe shautano ku mulyo washo nakufuta navintje kwa mwenyavyo muliyuva ngava muwanena undjoni. ⁶Makura ana kona kuyita mfuto yendi yaundjoni kwa Yehova, shindjwi shakupongoka shakupira shito mughutangawa ndjwi osho shina kukosho mulyo wamaliva, kukara mfuto ya undjoni kwa muruti. ⁷Muruti nga ruwana likukwatakano kumeho ya Yehova, makura ngava mughupirapo kuhamena kogho undjoni ogho mwarughana.''⁸Makura Yehova a ghamba na Mosesa, ashi, ⁹''Rawira Aroni navana vendi vavakafumu, ashi, 'Oyino ndjo veta ya ndjambo yakushora: Ndjambo yakushora yina kona kukara kushikondo sha mundiro kushidjambero matiku naghantje dogoro ngurangura, namundiro washidjambero kughushuva ghutwere.¹⁰Muruti nga dwata vyuma vyendi vya likeshe, ntani kudwata mudwato wakuntji walikeshe. Ghuye nga ghupa mutwitwi ogho ngaghuhupo kumundiro ogho vashorera kundjambo kushidjambero, ntani ngatura mutwitwi kuntere ya shidjambero. ¹¹Ngakashutura lirwakani lyendi nakudwatako lirwakani peke ghaghu tware pandje yopo vakalire nakughutwara kulivango lyakukena.¹²Mundiro wakushidjambero kughushuva ghutwere. Wawo washa dima, makura muruti kuhameka vikuni kehe ngurangura. Ghuye kurongilikida ndjambo ya kushora yira momo ya wapera, makura kushorerapo maghadi gha ndjambo ya mpora. ¹³Mundiro ngau hwamange kehe pano kushidjambero. Wawo nakughudimitashi.¹⁴Oyino ndjo veta ya ndjambo ya mbuto. Vana vaAroni vavakafumu ngava djumbira kumeho yaYehova kumeho yashidjambero. ¹⁵Makura muruti ngaka ghupa lighoko lya kuyura lya ghutura wanakanaka wa mbuto ya ndjambo na maghadi nevi vya kutututmukidira ovyo vya karo pa mbuto ya ndjambo, makura ghuye ngavishorerera kushidjambero viyite lidumba lyakunuka nawa mukunegheda lidjambero.¹⁶Aroni navana vendi vavakafumu ngava lya kehe vino vyakuhupa kudjambo. Vana kona kuvilya hana vishashita mulivango lya kupongoka. Ngavavilyere mulipata mutende yamakugwanekero. ¹⁷Vana kona kuyiduva hana vishashita. Ame navapa kuruha rwavo rwa ndjambo yande yakuruwanita kumundiro. Yayo yapongokerera, yira ndjambo yandjo nandjambo yaundjoni. ¹⁸Kehe mukafumu wamukatji karuvaro rwa Aroni kuvhura kulyako, yalitokoro paveta naruntje muhoko ghoye naghuntje, vana ghupu kumundiro wa ndjambo varughanena Yehova, kukehe ghuno wakukwatako ngakara wakupongoka.''¹⁹Ano Yehova a ghamba nka kwa Mosesa, ashi, ²⁰''Oyino ndjo ndjambo ya Aroni navana vendi vavakafumu, ovyo ngava kadjumbira kwa Yehova muliyuva olyo ngava waveka kehe uno wavana vendi vavakafumu: ruha rwa murongo rwa ghutura wa nakanakayikare mbuto ya ndjambo yakukehe liyuva, ukahe wayo ngurangura ntani ukahe ngurova.²¹Vyavyo ngava virughana namaghadi pashipana sha kuduvira, apa shikamuka, ghukashiyite. Momo vanashiduvu mumaruha kundjambo mboroto ya ndjambo kwa Karunga viyite lidumba lya liwa kwa Yehova. ²²Mona wamukafumu wamuruti wamukondi ogho ghakuyakaro muruti wamukondi wamupe mukatji kavana vendi va vakafumu ndje wakukavi djumbira. Yira moomo vavi rawira kunaruntje, navintje ngavavi shorerere kwa Yehova. ²³Kehe mbuto yandjambo ya ndjambo yamuruti ngavayishora nayintje. Kapishi ngavavilye.''²⁴Yehova aghamba nka na Mosesa, ashi. ²⁵''Ghamba naAroni nakuvana vendi va vakafumu ashi, 'Oyino ndjo veta ya ndjambo ya ndjo: Ndjambo yandjo vana kona kuyidipaghera kulivango oko vadipagheranga ndjambo ya kushorera kumeho ya Karunga. Yayo yapongokerera. ²⁶Muruti wa kuyidjumbira kundjo ndje wakuyilya. Vana kona kuyi lyera mulipata lyakupongoka mulivango lya makugwanekero.²⁷Kehe shino sha kukwata nyama yasho kupongoka, ntani ntjene honde ghayi mwayere kukehe lino lirwakani, muna kona kulikusha, ruha oro shimwayere, mulivango lya kupongoka. ²⁸Ngoli poto walirovha omo vavitereka vana kona kuyitaura. Ntjene vayitereke mupoto yangoporo, vana kona kushiputja nakushikushurura mumema gha makenu.²⁹Kehe mukafumu mukatji kavaruti kuvhura kulya mukondashi ya pongokerera. ³⁰Ano ngoli kehe ndjambo yandjo ya kehe honde vanayita mutende ya makugwanekerovarughane likuyuvho mulivango lya kupongoka nakuyilya shi. Vana kona kuyishora namundiro.

¹Eyino ndjambo yaveta yakudira kukushuka. ²Oyo yapongokerero. Vana kona kudipagha ndjambo yino mulivango lya kudipagha yayo, makura vatjakayere honde yino kuruha rwa kehe shidjambero. ³Maneta naghantje vana kona kugha djambita: mushira wakuneta, ntani namaneta ghado naghantje gha karomo, ⁴ngera mbiri na maneta ghado, odo dakaro pepi na mbunda, ntani novyo vya fiko lishuli, na ngera- navintje vino vana kona kuvighupa mo.⁵Muruti ana kona kushora vininke vyo namundiro makura yikare ndjambo yakutapa kwa Karunga. Eyi ndjo ndjambo yakudira kuhungama. ⁶Kehe mukafumu mukatji kavaruti mbo vakulya ndjambo yino. Yayo vana hepa kuyilyera kulivero lya kupongoka mukondashi yapongonga.⁷Ndjambo yaundjoni kwakara yira ndjambo yadira kukushuka. Veta yado dakufana nadintje. Nyama yado yina kona kukara yavaruti ovo vana kudjambo ndjambo oyo. ⁸Muruti, waku djamba ndjambo yakehe uno ana kona kukara nashipapa sha ndjambo oyo.⁹Kehe ndjambo ya mbuto oyo vana kanga mushifoyo, ntani na kehe ndjambo vana kanga pashipana ndi shifoyo osho ngashikaro sha muruti ogho ana yitopo oyo ndjambo. ¹⁰Kehe mbuto vana tapa, yaku kukuta ndi yakuvhonga namaghadi , ngayi kara yina shetakana nayintje kuvana vaAroni.¹¹Dino ndo veta davitapa vya ndjambo mbiri edi ngava tapanga kwa Karunga. ¹²Ntjene mpwali ana tapo mukutapa mpandu, ana hepa kuyitapa nandjambo yavikuki vya kurughana vyahana vishashita, ene ngoli vyakuvhonga namaghadi, vikuki vyakurughanita vya hana vya kushashita, ano ngoli viture maghadi, ntani vikuki vyakurughanita kughutura warukokotwa wakuvhonga namaghadi.¹³Nashitambo nka shakutapa mpandu, ghuye ana hepa kuytitapa navikuki vya mboroto yakurughanita kuvishashita. ¹⁴Ghuye atape shimwe sharudi vya yino ndjambo yira kuna kashitapa kwa Karunga. Vyavyo kwahamena kuvaruti ovo vana katero honde ya ndjambo yambili pashidjambero.¹⁵Muntu ana kutapo ndjambo nashitambo sha kutapa mpandu ana hepa kulya nyama yendi yavitapa muliyuva lya ndjambo. Ghuye nakushuvapo shi kehe vino dogoro ngurangura liyuva lya kukwamako. ¹⁶Ene ngoli ntjeneshi ntjambo yendi yavitapa yashitambo shamughano, ndi shitambo sha kukuyuva ashi ana horo kutapa ndjambo, nyama yasho ana kepa kuyilya liyuva lyakutapa ndjambo, ene ngoli kehe vino vyakukuhupako kuvhura tupu kuvilya liyuva lyakukwamako.¹⁷Ntjene tupu, kehe yino nyama yina hupoko dogoro liyuva lyautatu ana hepa kuyishora. ¹⁸Ntjene tupu nyama yavitapa vyambili umwe ana yilyi muliyuva lyautatu, kapi ngavayitambura, ogho anayitapo kapi ngavamufuta, yayo ngayikara shinike shakupira kuwapa, ntani muntu ogho ngayilyo ngakara naundjoni wa ndjo dendi.¹⁹Kehe nyama yakuguma shininke sha kunyata kapishi vayilye. Vana kona kuyishora. Yira nyama nayintje, kehe uno wakukushuka ndje wakuyilya. ²⁰Ntjene tupu, kehe muntu wakunyata ana lyo nyama kehe nyama yakutunda kuvitapa vyakutunda kundjambo yambili yahameno kwa Karunga- muntu gho ngamughupa Karunga muvantu vendi.²¹Kehe uno wakuguma kushininke shakunyata,- nampiri shininke shakunyata ndipo shikorama shakunyata ndi vimwe vya kunyata, vininke vyavidona- ntani ntjene a lyiko kunyama yavitapa vya ndjambo eyi ya hameno kwa Karunga, ogho muntu Karunga ngamuhangura kuvantu vendi.''²²Makura Karunga a ghamba kwa Mosesa, ashi, ²³''Kaghambe kuvantu va vaIsraeli nakughamba ashi, 'Kapishi ngamulyange maghadi gha ngombe, ndjwi, ndipo ghavimpendje. ²⁴Maghadi gha shimuna osho shinafo hana kushidipagha, ndi maghadi gha kehe shimuna osho shina remano kuvikashama, kuvura tupu kugharughanita kushitambo peke, ene ngoli nakulyako shi.²⁵Kehe uno wakulya maghadi gha shimuna osho muntu a tapa ashi ndjambo yakushwakerera kwa Karunga, ogho muntu ana hepa kumughupamo mukatji kavantu vendi. ²⁶Kapishi kulya honde yakehe vino vya mumundi wenu, yikareshi yashidira ndipo yashimuna. ²⁷Kehe uno wakulya kehe honde, ogho muntu nga mughupamo muvantu vendi.''²⁸Makura Karunga a ghamba kwa Mosesa nakughamba ashi, ²⁹''Kaghambe kuvantu vavaIsraeli nakughamba ashi, 'Ogho wakutapa ndjambo yambili kwa Karunga ana hepa kuyita kuruha rwa ndjambo kwaKarunga. ³⁰Vitapa vya Karunga kuvirughana namundiro, ana hepa kuyiyita namaghoko ghendi. Ana hepa kuyita maghadi namshwe, kapishi mashwe a vhure kurenkita yikare vitapa kwa Karunga.³¹Muruti ana hepa kukashora maghadi pashidjambero, ene ngoli kandiya kukare ka Arona naruvharo rwendi. ³²Ghuna hepa kutapa litungi lyakurulyo kwa muruti ogho ana kudjambo oyo ndjambo ya mbili.³³Muruti, umwe wavana vaAroni, ogho a tapango honde ya ndjambo yambili namaghadi- ghuye kumupa litungi lyarulyompandu yavitapa. ³⁴Evi naghupa me kuvantu va vaIsraeli, kandiya kakare shitapa sha kupongoka, ntani litungi mbyo vitapa, nakuvitapa kwa Aroni muruti navana vendi vavakafumu vikare vitapa vyavo.³⁵Evino mbyo vitapa vya Aroni na vana vendi vavakafumu vya kutunda kuvitapa vya Karunga vya kurughana mundiro, muliyuva eli Mosesa ava tantilire mukukarera Karunga muvirughana vyavaruti. ³⁶Vino mbyo vitapa ana raghura Karunga mukuvitapa vitunde kuvantu vavaIsraeli, muliyuva olyo a pongolire varuti. Vyavyo ngavitapange kukwavo nakuruvharo rwakumeho.³⁷Dino ndo veta dakuhamena kundjambo yakushwakerera, vitapa vya mbuto, kudongwenenapo ndjo, vitapa vyakuvyuta, ntani ndjambo yavitapa vya mbili. ³⁸Kuhamena evi Karunga a rawilire Mosesa kundundu ya Sinayi muliyuva eli a rawilire vantu vavaIsraeli mukutapa ndjambo davo kwa Karunga mumburundu yaSinayi.''

¹Karunga kwa tantilire Mosesa, ashi, ²''Twara Aroni navana vendi vavakafumu kumwe naye, namarwakani namaghadi ghakuwavikita, ntwedu ya ndjambo ya ndjo, ndjwi yayirume, ntani nashikumba sha mboroto dahana mushashu. ³Pongeka mbunga nayintje kumangeneno kutamba kutende ya vigongi.''⁴Makura Mosesa arughana shika moomo Karunga amu rawilire, mbunga ayiya pamwe tupu kulivero lya tende yavigongi. ⁵Mosesa mpo a ghambire nambunga, ''Ovino mbyo Karunga ana rawiri mukuvirughana.''⁶Mosesa ayitire Aroni na vana vendi nakuvakusha na mema. ⁷Ghuye atura shikora paAroni nakumumanga mumbundayendi, amu dwateke likeshe nakuturapo shinyerera makura ashikokere nalikeshe lya kutotokwa lya ngama na kulimumanga.⁸Mpo amutulire kandjato kapanturo, nakuturamo urimu na tumimu. ⁹Ghuye atura shintjumperi pamutwe, ano kumeho aturako mbambi ya ngorodo, nkata yakupongoka, shika momo Karunga amurawilire.¹⁰Mosesa aghupu maghadi ghakuwavikita, awaveke taberinakuru na navintje vyakaliromo nakuvitulira ntere kwa Karunga. ¹¹Ghuye ashampere maghadi pashidjambero rukando rwakutika kurutano naruviri, ntani awaveke shidjambero naviruwanito vyasho, na shisha shakukushira namaghushungiliro ghasho, avi pongwere Karunga.¹²Ghuye atere maghadi ghakuwavikita ghamwe pamutwe wa Aroni nakumuwaveka nakumutulira ntere. ¹³Mosesa ayita vana vaAroni nakuvadwateka navikora. Ghuye ava manga ngama mumbunda davo ava dingili likeshe lya lina dingilikido kumutwe davo, shika momo Karunga amu rawilire.¹⁴Mosesa ayita ntwedu yakundjambo ya ndjo, na Aroni na vana vendi ava kambeke maghoko ghavo pamutwe wa ntwedu oyo vayitire kundjambo ya ndjo. ¹⁵Ghuye ayi dipagha, nakughupako honde nakuyitura pambinga da shidjambero na nyara yendi, akushura shidjambero, atere honde kulitateko lya shidjambero, nakuvitulira ntere kwa Karunga mposhi vitulitepo makugho kumwe kwavyo.¹⁶Ghuye a ghupu maghadi naghantje ogho ghakaliro pavilyo vya munda, shafiko lishuli, nangerambiri namaghadi ghako, makura Mosesa ashwakerere vino navintje pashidjambero. ¹⁷Ngoli Mosesa a shoro ntwedu, shipapa shayo, nyama yayo, kumwe na makondo, ghuye kwashwakelilire pandje yakamba, shika momo Karunga amu rawilire.¹⁸Mosesa ayita ndjwi yayirume ya ndjambo ya ndjo, na Aaroni na vana vendi ava kambeke maghoko ghavo pamutwe wa ndjwi yayirume. ¹⁹Ghuye ashidapagha nakushampera honde yasho kuruha kehe runo rwa shidjambero.²⁰Ghuye atetaura ndjwi rume murama virama nakushwakerera mutwe navirama namaghadi. ²¹Ghuye akushu vilyo vya munda na nyangwe na mema, makura a shwakerere ndjwi rume mudima pashidjambero. Oyi kwakalire ndjambo ya kushwakerera nakuyititapo lidumba lya liwa, ndjambo oyo varuwanine kumundiro kwa Karunga shika momo Karunga amu rawilire Mosesa.²²Mosesa ayitapo ndjwi rume yimwe, ndjwi rume ya mashwero, na Aroni na vana vendi vavakafumu ava kambeke maghoko ghavo pamutwe wandjwi rume. ²³Aroni ashi dipagha, makura Mosesa ghupu honde yasho yimwe nakuyitura kundungu yalitwi lya Aroni lya kurulyo, nalipumbwara lyalighoko lyendi lya rulyo, nalipumbwara lya lipadi lya kurulyo. ²⁴Ghuye ayita vana vaAroni, ghuye atura honde yimwe kundungu damatwi gha kurulyo, pamapumbwara gha maghoko ghavo gharulyo, namapumbwara gha mpadi davo da rulyo. Makura Mosesa ashampere honde yasho kukehe ruha rwa shidjambero.²⁵Ghuye a ghupu maghadi, mushira wamaneta, maghadi naghantje ghakaliro pavilyo vya munda, shifuka lishui, ngera mbiri namaghadi ghako, nalipepe lya kurulyo. ²⁶Vya kaliro mushikumba sha mboroto yahana mushashu osho sha kaliro kumeho ya Karunga, a ghupu shikuki shimwe shahana mushashu, nashikuki shimwe vakwita maghadi gha mboroto, na nkundo yimwe tupu, makura avitura pamaghadi napamapumbwara gha kurulyo. ²⁷Ghuye a vitura navintjeya mumaghoko gha Aroni, namumaghoko gha vana vendi nakuvawava kumeho yaKarunga mukukarashi ndjambo yankundo.²⁸Makura Mosesa avi vaghupu mumaghoko nakuvishwakerera pashidjambero ayi kara ndjamboya kushwakerera. Vyavyo avi kara ndjambo yatungiko nakuyititapo lidumba lya liwa. Ayikara ndjambo varuwana kumundiro kwa Karunga. ²⁹Mosesa a ghupu shiranda nakushiwaveka ayikara ndjambo ya nkundo kwa Karunga.³⁰Mosesa mpo a ghupire maghadi gha kuwakita na honde oyo yakaliro pashidjambero, ayitjakayere pa Aroni, pavikoverero vyendi, pavana vendi, napa vyuma vya vana vendi kumwe naye. Mundjira yino ghuye kuva tulira ntere Aroni navyuma vyendi na vana vendi na vyuma vyavo kwa Karunga.³¹Mosesa atantere Aroni na vana vendi, ''Terekenu nyama palivero lya tende yavigongi, nakuyilyera nkoko namboroto dina karo mushikumba sha tungiko, shika momo nakumurawire nakughamba, 'Aroni navana vendi vavakafumu mbo vayilyo.' ³²Nampindi vihupwa vya nyama nevi vya mboroto ghuna kona kuvishwakerera. ³³Nakadidishi kutundo po palivero lya tende yavigongi ghure wamayuva ntambiri, dogoro nange mayuva ghenu ghalipongoro ngagha tikemo. Karunga ngatungika anwe mumayuva ogho ntambiri.³⁴Vinke vyakurughana muliyuva lino- Karunga gha raghura mukuvirughana mukutulikapo likwatakano lyenu. ³⁵Anwe ngamukara mwi na matiku mumayuva ntambiri pamangeneno gha tende yavingongi, nakukoneka mpangero ya Karunga, mposhi kapishi ngamufe, mukondashi ovino mbyo ame vandawilire.'' ³⁶Makura Aroni navana vendi vavakafumu ava ruwana vininke navintje ovyo Karunga ava rawilire kupitira mwa Mosesa.

¹Muliyuva lyauntantatu Mosesa ayita Aroni na vana vendi va vavakafumu na vakurona vamuIsraeli. ²A ghamba kwa Aroni ashi, ''Ghupa ndume ntana vikare vitapa vya ndjo, na shindjwi shakudira shipo kulishwakerero, nakuvitwara kumeho ya Karunga.³Ghuna kona kughamba kuvaIsraeli nakughamba ashi, 'Ghupa shikungwe mukashitape kundjo ntani ntana na ndjwi ghona navintje vya mwaka dimwe ntani vya kupira shidira, ngali kare lishwakerero; ⁴ntani ghupa hove na shindjwi vikare vitapa vya ndjambo kumeho yaYehova, na ndjamboya mbuto ya kuvhonga na maghadi, mukondashi namuntji Yehova kwamumonekera.'' ⁵Makura vavo ava yita navintjeya ovyo araghulire Mosesa kundjugho yalipongero, ntani mbunga nayintje makura ava shwene nakuyimana kumeho ya Karunga.⁶Mosesa a ghamba ashi, ''Evi mbyo ana raghura Karunga ovyo muvhura kurughana, mposhi uyerere waHompa umoneke papenu.'' ⁷Mosesa a ghamba kwa Aroni ashi, ''Yiya pepi nashidjambero nakudjamba ndjambo ya ndjo nakushwakerera ndjambo, ntani likarapo likuyuvo poye na mbunga, nakudjamba ndjambo ya mbunga ghuva gwanikilite, yira momo avi panga Karunga.⁸Aroni mpo ayendire pepi nashidjambero nakudipagha ndume ntana ya ndjambo ya ndjo, oyo yakaliro yamwene. ⁹Ano makura vana va Aroni vava kafumu ava muyitiri honde, nakutupika nyara yendi muhonde kumwe nakutetera honde palitako lyashidjambero.¹⁰Nampiri ngoli, a hovo kushora maghadi, ngera, novyo vya fiko lishuli pashidjambero ndjambo yandjo, Yira momo avi raghura Karunga kwa Mosesa. ¹¹Nyama yayo na shipapa shayo avi shwakerere pandje ya kamba.¹²Aroni adipagha ndjambo yalishwakerero, ntani vana vendi vavakafumu ava mupa honde, ghuye mpo ayi shantjire kukundurukida shidjambero. ¹³Vavo ava mupa nka ndjambo yalishwakerero, kumwe namutwe kumwe nakushwakerera navintje pashidjambero. ¹⁴Akushu vilyo vya munda namaura ntani kumwe nakuvishwakerera pantunda yavyo vana shoro kare pashidjambero.¹⁵Aroni gha karerepo ndjambo da vantu- shimpendje, a ghupu ndjambo ya ndjo davo kumwe nakushidipagha, a shidjambere mukonda ya ndjo, yira momo tupu a rughanine vimpendje vya muhovo. ¹⁶A djamba ndjambo ya lishwakerero nakuvitapa yira momo tupu avi rawilire Yehova. ¹⁷A djamba ndjambo ya mbuto, a yuda lighoko lyendi na mbuto kumwe nakuyishwakerera pashidjambero, yakuwederera kundjambo yakushwakerera ngurangura.¹⁸A dipagha nka hove na ndjwi, eyi yahamenino kuvantu ashi yikare ndjambo, yambunga ya mbili. Vana vaAroni vavakafumu ava mupa honde, oyo atjakayilire kehe kuruha rwa shidjambero. ¹⁹Nampindi ngoli, ava teteko maghadi gha ntwedu nagha gha ndjwi, maghadi gha kumushira, maghadi gha kufiko vya munda, gha ngera, nogho gha fiko lishuli.²⁰Ava ghupu maruha naghantje ogho vatetireko na kuvitura pakandiya, makura Aroni ashwakerere maghadi pa shidjambero. ²¹Aroni atete nkundo nalitungi lya ruha rwa rulyo avi tapa kumeho ya Karunga, yira momo avi raulire Mosesa.²²Makura Aroni mpo a yerwire maghoko ghendi kuvantu kumwe nakuvavedukita ; makura a ghurumuka a tunde oko aka djambilire ndjambo ya ndjo, ya lishwakerero, ntani ndjambo ya mbili. ²³Mosesa na Aroni ava yendi mundjugho ya kupongera, ava karupukamo nka nakuvedukita vantu, na uyerere wa Karunga aghumonekere vantu navantje. ²⁴Mundiro aghutundu kwa Karunga nakuwaveka nandjambo yalishwakerero namaghadi gha kaliro pa shidjambero. Opo vavimonine vantu navantje vino, ava haruka kumwe nakukengera vipara vyavo mulivhu.

¹Nadabi ntani Abihu, vana va Aroni vavakafumu, kehe uno aghupu shipana shendi, kushitura kumundiro, ntani nakuturako lidumba. Makura ava tapa vitapa vya kudira kavikenga kumundiro kumeho ya Hompa, ovyo adilire kughamba Hompa vavitape. ²Ano mundiro aghurupuka kumeho ya Karunga ntani kumwe nakuvadipagha, kumwe nakufa kumeho ya Hompa.³Makura Mosesa aghamba kwa Aroni ashi, ''Ovino mbyo kaghamba Hompa opo a ghambire,'' ngani tapa mpepo yande yakupongoka kovo ngavayo pepi name. Nganimu kangura kumeho yavantu navantje.''' ⁴Mosesa akughu Mishaeli na Elzaphani, vana vavakafumu va Uzzieli nkwirikwa Aroni, ntani a ghamba kwavo, ''Yiyenu kuno nakuyadamuna vakuru venu muvaghupe mo mukamba kumeho yandjugho yakuraperera.''⁵Makura avaya pepi nakuvadamuna, vavo shimpe nda vadwatera vyaghuruti, vava ghupe mukamba, yira momo ava rawilire Mosesa. ⁶Makura a ghamba kwa Aroni na Eleazari ntani kwa Ithamari, vana vendi, ''Kapishi mupulitire huki da mumutwe dikare dana lishuviliri, ntani kapishi mutaghure vyuma vyenu, mposhi kapishi mufe, mposhi Hompa kapishi agarpe kulipongero lyetu nalintje. Mara pulitirenu valiro lyenu., mandi naghantje ghamuIsraeli, tuguve kwato una tura mundiro wa Hompa kumfa. ⁷Kapishi muyende pandje ya ungeneno wa tende yamagwanekero, ndi kumufa, maghadi gha Karunga gha kuwaveka nanwe ghana kara.'' Makura ava kwama yira momo ava raghulire Mosesa.⁸Hompa a ghamba kwa Aroni, nakughamba ashi, ⁹''Kapishi ghunwe vinyu ndi vinwa vya nkondo, ove, ndi vana voye vavakafumu ovo vana hupo nove, opo muyenda mutende yavigongi, mposhi kapishi mufe. Eshino ngashikara shiyivito shakukarererapo muhoko wavantu naghuntje ogho ngauyoko, ¹⁰mukushingonona pakatji kampepo yakupongoka na mpepo dakukukarera, ntani yakudira kukena neyi yakukena. ¹¹Mposhi ngo shonge vantu vamuIsraeli kuviyivito vya Hompa ovyo araghulire kupitira mwa Mosesa.''¹²Mosesa a ghamba kwa Aroni noku kwa Eleazeri ntani kwa Ithamari, vana vendi vavamati vahupiropo, ''Ghupenu vitapa vya mbuto ovyo vina hupopo kuvitapa vya Hompa varughana kumundiro, ntani lyenu ngoli mwahana vishashita kuntere yashidjambero, mbyovyoshi ndjo mpepo yayinene yakupongoka. ¹³Ngomuvilyere mulivango lya kupongoka, mukondashi ndjo mfuto yoye ntani ndjo mfuto yavana voye vavakafumu muvitapa vyavo kwa Hompa ovyo varughanine pamundiro, kwavino mbyo namu rawiri nimutantere nwe.¹⁴Mashwe ogho vana vakanda ntani matungi ogho vana twara kwa Hompa, ngamuvilyere mulivango lyalikene, nove navana voye vavakafumu nava vavakamali ntani nove lyenu ndya denu, mposhi kuna vitapa shi mfumwa yoye ntani vana voye vavamati vatunde kushidjambero vya kukwamako kuvitapa vya vantu vamuIsraeli. ¹⁵Matungi ogho mwatapire ntani mashwe ogho vakandire, ntani nakuyita vitapa vyamaghadi ovyo varughanine kumundiro, vaviwapeke kumeho ya Hompa. Ngavikara vyoye ntani navana voye vavamati mfuto yoye nanaruntje, momo ana rawiri Hompa.''¹⁶Makura Mosesa apura kuhamena shimpendje vitapa vya ndjwi, ntani nakuviwana shi vya pire. Mpo agarapire na Eleazeri na Ithamar, vana vavamati vaAroni vahupiropo, a ghamba ashi, ¹⁷''Nke muna diri kulya vitapavya ndjo munya mulivango lya ndjugho yakudjambera, shirugho sho vina kara nampepo yakupongoka, ntani shirugho sho Hompa ana mupa muvighupe mo munya mumuyaro, murughane likugwanekero kwavyo kuhemo yendi? ¹⁸Kengenu, honde kapi vanayi yita munda yandjugho ya kudjambera. Makura ndi munavi lyere munda yandjugho ya kudjambera mulivango, yira momo naraghura.''¹⁹Makura Aroni alimburura Mosesa, ''Kenga, namuntji vana rughana vitapa vyavo vya ndjo ntani vyakupwa kumeho ya Hompa, ntani ame vino vininke namuntji vina ntjorekere me. Ndi nina lyi vitapa vya ndjo namuntji, ndi vina kara vina wapa kulimoneko lya Hompa ndi?'' ²⁰Opo ayuvire Mosesa vino, ntani ngoli akuyuvire nawa.

¹Karunga a ghamba kwa Mosesa na Aroni, a ghamba ashi, ²''Ghambenu kuvantu vaIsraeli, nakughamba ashi, ''Vino mbyo vina mwenyo ngamuvura kulya muudjuni uno.³Muna kona kulya vikorama vya makondo ghakupanuka nakukughoyonga. ⁴Nampiri ngoli vikorama vimwe namakondo ghavyo ghakupanuka ntani kukughoyonga, nakuvilyashi, vikorama yira ngamero, mukonda kukughoyonga mara kapi shakara namakondo ghakupanuka. Mukonda ngamero kapi dakena kwenu.⁵Ntani shinkara-nkara, mukonda kukughoyonga mara kapi shina kara namakondo ghakupanuka, navyo vyanyata kwenu. ⁶Ndimba, mukonda kukughoyonga mara kapi akara namakondo ghakupanuka, anyata kukwenu. ⁷Shinguru, nampiri ngosho sha kara namakondo ghakupanuka mara kapi sha kughoyonganga, shanyata kukwenu. ⁸Kapishi ngamulye kehe yino nyama yavyo, ndi mukwate rutu rwavyo rwa kufa. Kapi vya kena kukwenu.⁹Ntjwi odo ngamuvura kulya odo dakaro mumukuro ndodo dakaro namangatero na ngandi, dikare nampindi damulifuta ndipo damumukuro. ¹⁰Ene ngoli navintje vinamwenyo navintje vya diro kukara namangatero na ngandi mulifuta ndipo mumukuro, kupakerera navintje vya yendango mumema na vinamwenyo vya tungo mumema- navintje ngavimunyenga nwe.¹¹Momo ngavimunyenga, nanwe nakulyashi nyama yavyo, ntani nka, marutu ghavyo ghakufa nakughakwatshi kughanyenga. ¹²Kehe shino shikorama shakaro mumema shakaro namangatero na ngandi ngavimunyenga.¹³Vino mbyo vikwa vidira ngamudira kuhora- nakulyashi nyama davyo mukondashi ¹⁴mwavitamburashi mwavidira, vampungu, ¹⁵makuvi na tukarukodi, ¹⁶lishambakodi na marudi ghavidira ghamavava ghamanene, navidira vyavitipu.¹⁷Muna kona nka kudira tukuru twa twanuke na tukuru twatukondi, madjokwi, ¹⁸tukakuru twa twanuke, ¹⁹nalishambakodi, na kehe rudi rwa karukodi, ntani nka tukapukupuku.²⁰Vimbumburu navintje vya yenditango namaghuru muna kona kudira. ²¹Makura muna kona kulya kehe vimbumburu ovyo vya kutuka ovyo vya yendango namaghuru mane ovyo vya karo nka namaghuru ghakukununga nunga momo ashwa mumbunga dagho. ²²Muna kona kulya marudi ghamwe gha kufana limbonde, setusetu, ntipere na mpadimpadi. ²³Ano ngoli navintje vimbumburu vya maghuru mane nga vimunyenga nwe.²⁴Ngamukara munanyata dogoro nange matiku nange muna kwata kurutu rwa kehe shino shikorama shakukufera. ²⁵Kehe ghuno nga damuno rutu rwavyo rwakukufera ana kona kukusha vyuma vyendi ovyo arughanitire akare ngoli ana nyata dogoro matiku.²⁶Kehe shino shikorama sha diro kukara namakondo ghakudira kukugaunuka nawa ntani kapi vya kughonyononanga vya nyata. Kehe uno wakuvikwata ngakara ana nyata. ²⁷Mukuwedererako kehe uno ngayendo avatere pakatji kavikorama movino vya kuyendita maghuru mane, ngava munyateka. Nampindi ogho nga gumo marutu ghavyo ghakufa nga nyata dogoro kumatiku. ²⁸Kehe ghuno nga damuno marutu gha kufa, ghuna kona kukusha vyuma vyavho ngavakara vana nyata dogoro matiku. Vino vikorama ngavinyata kukwenu.²⁹Vikorama vya kuyenda kadidi-kadidi palivhu, vino mbyo vikorama ngavinyato kukwenu: marudi ghavikwa kamunkondo, marudi ghavikwa mpuku na marudi ghavikwa mushuruwidi, ³⁰marudi gha viku, marudi gha makangara, marudi gha marughongoro naghantje gha nyata.³¹Vikorama navintje vyakuyenda kadidi, vino mbyo vikorama ngavinyato kwenu. Kehe ghuno nga kwato rutu rwavyo rwa kufa nganyata dogoro kumatiku. ³²Ntjene ngashifepo shimwe makura ngashiwere pa kehe shino, opo ngashiwera ngapakara pananyata, shikareshi pashitondo ndi, vyuma, pashipapa ndi mundjato ya vyuma. Nampindi shininke ndi nampindi nke vashirughanitanga, muna kona kushitura mumema, ngashikara shinanyata dogoro matiku. Makura ngashikene. ³³Kehe yino poto ndi kehe shino shikorama shakunyata ngashiwero mo, kehe vino ngavikaro mupoto ngavinyata ntani ngavi djonaura oyo poto.³⁴Kehe dino ndya ngava lya ngadikara na mema gha kutundilira kupoto wakunyata. Kehe vino vikwa mema ngavitundo kupoto yakunyata. ³⁵Kehe shino sha rutu rwavyo rwa kufa ngaruweromo ngarukara rwa kunyata, ntjeneshi mushininke shakughenyekera ndipo mulidoko lyalididi, muna kona kuvitetaura muvirama. Kapi vya kena natani ngavikara kapi vina kene kwenu.³⁶Marunone gha mema omo shina kara shikorama shakufa ngaghakara kapi ghana kene, ngoli kehe uno nga kwato rutu rwa shikorama shakufa ngakara ana nyata. ³⁷Ntjene kehe ruha rwa shikorama sha kufa ashi were pa mbuto vana kunu, oyo mbuto ngayikara kapi yina kene. ³⁸Ngoli ntjene mema ava gha tere pa mbuto, makura kehe ruha rwa shikorama shakufa shiwerepo, makura ngavikara kapi vina kene.³⁹Kehe shino shikorama ngashilyoko ngashifa, ano ogho nga kwato rutu rwa shikorama shakufa nga nyata dogoro kungurova. ⁴⁰Kehe uno wakulya shikorama shakukufera ana kona kukusha vyuma vyendi ano ngaka kena dogoro kungurova. Kehe uno wakudamuna rutu rwa shikorama ska kukufera nga kusha vyuma vyendi ntani nga kena dogoro ngurova.⁴¹Kehe shino shikorama shakuyenda palivhu kushidira. ⁴²Kehe vino vya kuyendita nalipumba nakuyendita maghuru mane, ndi kehe vino vya karo na maghuru ghamangi- Kehe vino vikorama vya kuyenda kadidi-kadidi palivhu, ovyo kapishi ngamuvilye kuvidira.⁴³Nakukunyatekashi naumoye navinamwenyo twakara navyo vya kuyenda kadidi, nakukunyatekashi naumoye ndi ghukuvhonge navyo. ⁴⁴Ame Hompa Karunga wenu. Muna kona kukupongora naumwenu, makura mupongoke, mukonda ame napongoka. Kapishi ngamukudjonaure naumwenu navikorama vya rudi runo vya kuyenda palivhu. ⁴⁵Ame Karunga, ogho akamughupiro mushirongo sha Egipute, Karunga wenu. Muna kona kukara vapongoki morwa me napongoka.⁴⁶Dino ndo veta da kuvikorama, vidira navinamwenyo vimwe vyo vya yendangomumema, na vinamwenyo vimwe vyo vya mbarandango palivhu, ⁴⁷kuhangura vikorama vya kunyata nevi vyakukena, pakatji kavinamwenyo navintje vya kulya nevi vya kudira kulya.

¹Karunga gha tantere Mosesa, ²''Ghamba navantu vamuIsraeli, nakughamba, 'Ntjene mukamali ngawane lira nakushampuruka mwanuke wamukafumu, ghuye ngakara mayuva ntambiri kapi ngakushuruka, yira momu gha dilire kukushuka apa kakaranga kushidira. ³Muliyuva lyauntantatu shipapa sha mwanuke wa mukafumu ana kona ngoli kumutwara kuvamba vakashitete.⁴Makura likenito lyavawina lya kushidira ngalitwikira nange mumayuva dimurongo ntatu- namayuva matatu. Ghuye kapishi nga kwate kehe shino shininke sha kupongoka ndipo kuya kuntembeli nange mayuva gha likenito lyendi lina pu. ⁵Ene ngoli nke ghuye nga shampuruke mwanuke wamukamali, ghuye nka kapi ana kushuka vivike viviri, mukonda ghuye ruvede rwa shidira shendi. Makura likenito lyavawina ngalitwikira dimurongo ntayimwe na ntayimwe.⁶Opo ngaghapwa mayuva gha likenito, ghana pu, gha mwanuke wa mukafumu ndipo mwanuke wamukamali, ghuye ngayita ndjwi ya mwaka umwe ngayikare vitapa vya kushorera, naliputukuwa ndipo nkuti vikare vitapa vya ndjo, kulivero lya ndjugho ya lipongo kwa muruti.⁷Makura ngavavitapa kumeho yaKarunga namakuyuvo ghendi ano nka ghuye nga kena kurupupo rwa honde yendi. Eyino ndjo veta kutwara muveta yamukamali owo ana shampuruko akare wamukafumu ndi wamukamali. ⁸Ntjeneshi ghuye kapi ana kuvura kutapa ndjwi ghona, makura ghuye ana kona kutwara maputukuwa mavili, limwe likare vitapa vya kushora ano elino limwe likare vitapa vya ndjo

¹Karunga atantere Mosesa naAroni, nakughamba ashi, ²''Kehe uno ana karo nashipapa sha kurutu rwendi sha kudunda ndi mavavi ndi vimburu vyakukukwatikita pashipapa sha rutu rwendi, makura ngaumutware kwa Aroni muruti wamunene, ndi kwaghumwe muvana vendi vavakafumu vavaruti.³Makura muruti nga kona kone lyo lihamba lina karo pashipapa sha rutu rwendi. Ntjeneshi hukipo po palivango lya lihamba kukutjindja dikare dadi kenu ntani ntjeneshi lihamba lina moneke kuntji ya shipapa, makura ngoli shipapa shina kwateke palihamba. Kuruku rwa kumukonakona varuti, ngamu mfwatulilire ashi kapi ana kene. ⁴Ntjeneshi vimburu vyapashipapa shendi vina kara ghukenu ntani vina monekererekapi vina ngene kuntji yashipapa, ntani ntjene huki dopo palivango lya lihamba kapi dina kutjindji ghukenu, makura muruti ana kona kupangura mo ghumwe ogho ana karo nalihamba mumayuva matano namaviri.⁵Mumayuva matano namaviri, varuti vana kona kumukona kona vamukenge ashi shimpe lihamba mpolilimo mumwendi kapi lyafa, ntjene kapi ngalikuhanena pashipapa. Ntjeneshi kwato, makura mona muruti ana kona kumuparamo mumayuva matano namaviri ndi ghakupitakanapo. ⁶Muruti ngamukonakone nka mumayuva matano na maviri vakengeshi ntjene lihamba hashako kapi ngalikuhanena kumeho pashipapa. Ntjeneshi kwato, makura varuti ngava mufwatulire ashi ana kene. Oru rumburu. Ana kona kakusha vyuma vyendi, ntani nga kena.⁷Mara ntjene vimburu kuna kukuhanena pashipapa kuruku opo akakuneghedire mwene kuvaruti ovo vamurenkitiro, ana kona nka kakunegheda nka shimpe mwene kuva ruti. ⁸Varuti ngava mukona kona ngava mone ntjene vimburu ngavi kuhanena shimpe pashipapa. Ntjene ngavi kuhana, makura varuti vana kona kumufwatulira kapi una kene shimpe. Ana kara nalihamba.⁹Opo ngawana umwe lihamba lya pashipapa, makura ana kona kumuyita kuvaruti. ¹⁰Varuti ngava kona kone mo ngava mo ngava mone shi shimburu kene pashipapa, ntjene huki dina kutjindji ukenu, ndi opo dundita nyama. ¹¹Ntjeneshi mpovili, uvera wavingondwe, makura varuti vana kona kumufwatulirashi kapi ana kene. Nakumupangura mo shi, mukonda ghuye shimpe kapi ana kene.¹²Ntjeneshi lihamba alikuhanene ndipo lifike shipapa nashintje sha muntu nalihamba litundilire kumutwe wendi dogoro kumpadi dendi, yira ure nakumona muruti, makura varuti vana kona kumukona kona vakenge shi ntjene lihamba lina fikiliri rutu rwendi naruntje. Ntjene mpoliri, ¹³makura varuti vana kona kumufwatulira gho muntu ana karo nalihamba vamukenite. Ntjeneshi navintje vina kutjindji ukenu, makura uye ana kene. ¹⁴Ene ngoli ntjene ngama yendi kuna kumonekera, ngakara kapi ana kene.¹⁵Varuti vana kona kumona nyama yakudunda nakumutantera gho kapi ana kene mukondashi shironda kapi shina kene. Ana kwateke lihamba. ¹⁶Mara ntjene shironda kutjindji ukenu nka shimpe, makura ogho muntu ana kona kuyenda kuvaruti. ¹⁷Varuti ngava mukona kone ngava kengeshi shironda sho shina kutjindji ukenu ndi. Ntjeneshi mo makura varuti ngava mufwatulire ogho muntu nga kene.¹⁸Ntjeneshi muntu kuna kuyuwa pa shipapa pamavavi, ¹⁹ano palivango opo panakuuyugho pana dundu ndi shimburu po, shina gehe makura una hepa kushinegheda varuti. ²⁰Makura varuti ngava mukona kone ngava kengeshi ntjene kuna kumonekera munda yashipapa, ntani ntjene huki dapo dina kutjindji ukenu, ntjene ngoli, makura varuti kapi ngava muyivite kapi ana kene. ana kwateke lihamba, ntjene vina kuvukita palivango opo akalire mavivi.²¹Ene ngoli ntjene varuti kuna kukona kona nakukenga penepo ne pato huki dadi kenupo. Ndi vyavyo kapishi kuntji yashipapa vyavyo ndi vina dongonoka makura ngamupanguremo mumayuva gho mayuva matano namaviri. ²²Ntjeneshi vina kuhanene unene pashipapa, varuti vana kona kumuyuvitashi kapi ana kene, ana kwateke lihamba. ²³Ene ngoli ntjenehi vimburu kuna kara palivango lyavyo kapi vinakukuhana, ano ngoli mavavi ghana poro, makura varuti kumuyuvitashi ana kene.²⁴Ntjeneshi shipapa shina pyi nanyama yasho yakupya kuya ngoli shinaugeha-kenu ndi palivavi lyalikenu, ²⁵makura varuti ngava kona kona vamoneshi huki dopo palivavi dina kutjindji ukenu, ntjene kapi kuna kumoneka kuntji yashipapa, ntjene mpovili, makura una kwateke lihamba. Ngapa tauka opo papyo, makura varuti ngava muyuvite ashi kapi ana kene, ana kwateke lihamba.²⁶Ene ngoli ntjene varuti vakona kone makura vawaneshi papo kapi pana kara huki dadikenu po palivavi, kapishi munda yashipapa ghuna dongonoka, makura varuti vana kona kumupanguramo mumayuva matano namaviri. ²⁷Makura varuti vana kona kumukona kona mumayuva matano namaviri, ntjene vina kuhanene hanene pashipapa, makura varuti vana kona kumuyuvitashi kapi ana kene. Ana kwateke lihamba. ²⁸Ntjeneshi mavavi ana karere tupu pamavango ghagho kapi ghana kuhanene pashipapa ene ngoli ghana dongonoka, ngoli ko kudunda kwakupya, makura varuti vana kona kumuyuvita ashi ana kene, kapi ana kara mavavi ghamangi ghapitakane gha mundiro.²⁹Ntjeneshi mukamali ndi mukafumu ana kwateke lihamba pamutwe ndi kushidjumu, ³⁰makura varuti vana kona kumukona kona gho muntu kalikwata lihamba lyo vakengeshi kulimoneka kuntji kupitakana pashipapa, ntjene shipo shinaugeha, dina poroka, ntjene ntjene mpoviliko, makura varuti vana kona kumuyuvitashi kapi ana kene. Pana putuka, ngolipakwateka lihamba lyo pamutwe ndi kushidjumu.³¹Ntjeneshi varuti vana kona kona lihamba lyakuyuwa vamoneshi lyalyo kapishi munda yashipapa, ntjene shipo pato huki dadi tipu, makura varuti ngava mupanguremo gho muntu ana karo nalihamba lya kuyuwa mumayuva matano namaviri.³²Mumayuva matano namaviri varuti ngava kona kone lihamba lyo vamoneshi ntjene lihamba ngali kuhana. Ntjene pashipo kapi pana kara huki dashinaugeha ntani ntjeneshi lihamba lina moneke kuntji ya shipapa, ³³Makura ana kona kukurura, ngoli palivango opo lina karere lihamba naku kururaposhi, makura varuti vana kona kumupanguramo gho muntu ana karo nalihamba lyo lya kuyuwa mumayuva matano namaviri ndi kuwedererako.³⁴Mumayuva matano namaviri makura varuti ngava kona kone lihamba lyo ngava kengeshi nange lina shayeke kukuhanena pashipapa. Nangeshi kapi lina kumonekerera kuntji kuntji lipitakane shipapa, makura varuti vana kona kumuyivitashi ghuye ana kene. Ogho muntu ana kona kukusha vyuma vyendi, makura nga kene.³⁵Ene ngoli ntjeneshi lihamba lya kuyuwa lina kuhanene pashipapa kuruku rwa varuti vo vamutantiliro ashi ana kene, ³⁶makura varuti ngava mukona kone shimpe, ntjeneshi lihamba kuna kukuhanena pashipapa, varuti kapi vahora pamoneke huki da shinaugeha. Muntu gho kapi ana kene. ³⁷Ngoli ntjeneshi varuti vamoneshi lihamba lya kuyuwa lina shayeke kukuhana na huki dadi shovagani kuna kushokera palivango lyo, makura lihamba lyo ngoli lina pu. Ana kene, makura varuti vana kona kumuyuvitashi ana kene.³⁸Ntjene mukafumu ndi mukamali ana kara mavavi gha makenu pashipapa, ³⁹makura varuti vana kona kukona kona muntu gho vamone ashi ogho mavavi ghana vareko kumoneka kaukenu, wakuputuka tupu opo shavipa shipapa, ngilo ana kene.⁴⁰Ntjene huki damukafumu dina poromoka mumutwe wendi, una karo likorongongo, ene ngoli ghuye ana kene. ⁴¹Ntjene huki dendi pashipara adi poromoka, ano mumutwe mwamo mwaporomoka huki, ngoli gha kena.⁴²Ngoli ntjeneshi pana kara vimburu vyaugeha naukenu palihenye lyendi ndi pashipapa shendi, olyo lihamba lyakudjonaura. ⁴³Makura varuti vana kona kumukona kona vamoneshi panadundu opo palivango lina karo lihamba palihenye lyendi ndi pashipara shendi pana karo ugeha naukenu, yira kuna kumonekera shi kapa kwateke lihamba po pashipapa. ⁴⁴Ntjene mpolilii, makura kutantashi ana kwateke lihamba lyo makura kapi ana kene. Varuti vana kona vya shiri kumuyuvita gho ashi kapi ana kene mukonda yalihamba lyendi lya pamutwe.⁴⁵Muntu gho ana kwateko lihamba ana kona kudwata vyuma vyavifupi maghoko, huki dendi ana kona kudimangununa, ntani ana kona kufika shipara shendi dogoro kumayuru ghendi makura ghuyiyire, 'Kapi ana kene, kapi ana kene.' ⁴⁶Mayuva naghantje ogho akwatikire lihamba kapi aakenine mukondashi ghuye kapi akena kolyo lihamba lya kuhanino, ana kona kukara pantjendi. Ana kona kutunga pandje ya ntanda.⁴⁷Lirwakani olyo lina kaghuro ghuvera wavingondwe, likareshi lirwakani lyahuki ndi lyangodi, ⁴⁸ndi kehe kuno kuruha rwa likeshe ndi kuruha rwa wanda wahuki, ndi shipapa ndi kehe shino varuwanita shipapa- ⁴⁹ntjeneshi shinamahako po ndi shinaugeha vina kugwanekere nalirwakani, nashipapa na wanda ndi ovyo varughanita, ndi kehe vino varughanita shipapa, makura vingondwe kukuhana makura muna kona kuvinegheda kuvaruti.⁵⁰Makura varuti vana kona kukona kona shivaro sha vingondwe makura vana kona kuhanguramo kehe shino shina karo navingondwe mumayuva matano namaviri. ⁵¹Ana kona kukona kona vingondwe mumayuva matano namaviri. Ntjeneshi vina kuhanene kumarwakani ndi kuwanda ndi kuwanda wahuki ndi kungodi, ndi kushipapa ndi kwa kehe vino varuwanita kushipapa, makura vingondwe, mushivaro shavyo kapi shina wapa. ⁵²Ana kona kugha shora gho marwakani, ntani kehe vino vyuma vya ngodi ndi shipapa ndi ovyo varuwanita kushipapa, ndi kehe vino vina karo navingondwe ovyo vana wana, vina kuneghedo lihamba. Manitenu vininke vyo kuvishorererapo.⁵³Ntjene varuti vana kona kona shivaro sho shina kumoneko vingondwe kapishi vikuhanene kumarwakani ndi kuvyuma ndi kuhuki ndi kuwanda, ndi kushipapa sha shiwa, ⁵⁴makura ngava rawira vakushe vyuma vyavo ovyo vawanine vingondwe, ana kona kuvikona kona muyuva matano namaviri ndi kupitakanapo. ⁵⁵Makura varuti ngava kona kone muvaro kuruku rwa vingondwe vininke vaka kushire, ntjeneshi vingondwe kapi vina kutjindji ruvara rwavyo nampindi kukuvukita, kapi vina kene. Ghuna kona kushora vininke vyo, nampindi kuni vingondwe vya gwanekera.⁵⁶Ntjeneshi varuti vana kona kona vininke vyo, ndi ntjeneshi vingondwe kuna handja kuruku opo vakavikushire, makura ana kona kushitaurako shakugwanekero naruha rwa lirwakani ndi walye kushipapa, ndi vyuma vya wanda. ⁵⁷Ntjene shimpe vingondwe kuna kumoneka kumarwakani, ndi kuvyuma vya wanda ndi kukehe shino varuwanita kushipapa, kuna kuhanita. Ghuna kona kuvishorora kehe vino vina karo navingondwe. ⁵⁸Marwakani ndi kehe vino vyuma ndi wanda wahuki ndi ngodi ndi shipapa ndikehe shino varuwanita kushipapa- ntjene una kushu vyo vininke ndi lindongo lina yendi makura vininke muna kona kuvi kusha rwauviri ngavikene.⁵⁹Odino ndo veta dakuhamena kuvingondwe vya marwakani gha huki ndi wanda, ndi kehe vino vya wanda ndi huki ndi ngodi ndi shipapa ndi kehe vino varuwanita nashipapa, ghuna kona kuviyuvitashi ana kene ntani kapi vina kene.

¹Karunga atantere Mosesa, nakughamba ashi, ²''Oyino ndjo veta yalikushururo kumuntu wakuvera vana hepa kumuyita kwa muruti.³muruti ana hepa kurupuka pandje yakamba mukukakona kona muntu ogho nakukenga ghuvera washipapa ntjene shiri ana veruka. ⁴Makura muruti araghure likushururo lya muntu ogho nakuyita vina mwenyo viviri, vidira vyaku kushuka, shikuni sha shitondo sha Sedari, likeshe lyalivero lyaligeha wakuvembera, nashishwa hisopa. ⁵Muruti amu rawire mukudipagherapo shidira shimwe pamema gha makenu mukanyungu kalirova.⁶Muruti a ghupe shidira shashiyumi nashikuni sha sedari, likeshe lyaligeha lyakuvembera nashishwa sha hasopa, nakudivida navintjeya ovyo, kumwe nashidira shashiyumi, muhonde yashidira osho vana dipagha mumema gha makenu. ⁷Makura muruti amwayere mema ogho rutano naruviri kumuntu ogho vana kukushururakughuvera, makura muruti ayuvite likushururo lyendi. Ngoli muruti a shuve shidira shashiyumi shukutukire shiyende muwiya.⁸Muntu ogho vana kushurura ana hepa kukusha vidwata vyendi, kukurura huki dendi nadintje, nakukuyogha mwene mumema, makura ana kushuka nawa-nawa. Kutunda ngoli po ana hepa kuyenda kukamba, ngoli ngakara pandje yatende yendi mumayuva matano namaviri. ⁹Muliyuva lyautano nauviri ana hepa kukurura huki dendi damumutwe nadintje, nakukurura ndjwedu dendi namkope. Ana hepa kukurura huki dendi nadintje, nakuyogha vidwata vyendi nakukuyogha mwene mumema, makura ana kushuka.¹⁰Muliyuva lyautano nautatu ana hepa kughupa ndjwi ghona mbiri dadirume dadiro vipo, ndjwi ghona yayikadi yadiro shipo, nashitatu- mughumurongo waghutura vana shuku nawa nakuvhonga namaghadi yira ndjambo yamahangu, nalimbwitiri limwe lyamaghadi. ¹¹Muruti ogho ana ruwano vya likushururo ayimike muntu ogho ana kushuruko, novyo vininke, kumeho yaKarunga pamangeneno gha tende yavigongi.¹²Muruti a ghupe ndjwi ghona yimwe podo ndjwi ghona mbiri nakudjambera kundjambo ya ndjo, kumwe namaghadi ghamwe, aruwane livyuto mwavo yikare ndjambo yalivyuto kumeho yaKarunga. ¹³Ana hepa kudipagha ndjwi ghona yimwe yayirume mulivango olyo vadipagheranga ndjambo yandjo, mulivango lya nkongoro ndjugho yamakugwanekero, ndjambo yandjo yahameno kwamuruti, kuruwana yira ndjambo yandjo, mukonda yaupongoki waunene.¹⁴Muruti ana hepa kughupa honde yimwe kumwe nakuyitura kushipapa sha kilitwi lya rulyo lyogho muntu ogho ana kukushuruko. Kulipumbwara lya kughoko lya rulyo, nakulipumbwara lyakulighuru lya rulyo. ¹⁵Makura muruti nga ghupe maghadi kundjwe nakughatera mushikandeko shalighoko lyendi lya rumontjo, ¹⁶nakutupika nyara yendi yarulyo mumaghadi ogho ana karo mulighoko lyendi lya rumontjo, nakumwayera maghadi ogho ghamwe nanyara yendi rukando ntambiri kumeho yaKarunga.¹⁷Muruti ature maghadi ghakuhupako mulighoko lyendi mukumutura kushipapa sha kulitwi lyakurulyo lya muntu ogho ana kushuko, kulipumbwara lya kulighoko lya rulyo, nakulipumbwara lyakurulyo lya lighuru. Ana hepa kutura maghadi ghano pawiru yahonde kundjambo ya ndjo. ¹⁸Ano maghadi naghantje ghakuhupako mulighoko lya muruti, ana hepa kughatura pamutwe wa muntu ogho ana kushuko, ano muruti nga rughana ngoli likukwatakano lyendi kumeho yaKarunga.¹⁹Makura muruti nga djamba ndjambo ya ndjo nakutulitapo naye nogho ana kushuko mukonda yakunyata kwendi, kuruku yakudipagha nakushwakerera ndjambo. ²⁰Makura muruti adjambe ndjambo yakushwakerera nandjambo yamahangu pashidjambero. Muruti kurughana ngoli likwatakano kwa muntu, makura akushuke.²¹Ano, ntjeneshi ogho muntu muhutu kapi ana kuvhura kuwana ndjambo, makura ana hepa kutapa ndjwi ghona yimwe yayirume yikare ndjambo yandjo yikare yalikuvyuto, mukutura likukwatakano kukwendi, nayimwe mushimurongo yaghutura vana shuku nawa vavhonga namaghadi yikare ndjambo yamahangu, nalimbwitili lya maghadi. ²²Kupakerera vankuti vaviri ndi maputukuwa gha ghanuke maviri, ntjeneshi kuvhura kuviwana, shidira shimwe sha ndjambo yandjo ano shimwe sha ndjombo yakushwakerera. ²³Mumayuva matano namatatu vana hepa kuvayita kulikushururo kwamuruti, kumangeneno gha tende yashigongi kumeho yaKarunga.²⁴Muruti aghupe ndjwi ghona ature ndjambo, nakughupa limbwitili lya maghadi gha ndjwe, nakuviyerura muwiru mukuvimonikita kwa Karunga. ²⁵Ghuye ana hepa kudipagha ndjwi ghona yandjambo yandjo, nakughupa honde yimwe yandjambo yandjo nakutura kughuhura walitwi lyakurulyo lya muntu ogho vana kushurura, kulipumbwara lya kulighoko lya rulyo, nakulipumbwara lya kulighuru lya rulyo.²⁶Makura muruti atere maghadi ghamwe mushikandeko sha lighiko lya rumontjo lyamwene, ²⁷nakumwayera nanyara yendi yarulyo maghadi ghamwe agha ana karo mulighoko lya rumontjo rukando rutano naruviri kumeho yaKarunga.²⁸Muruti makura nga ture maghadi ghamwe ogho ana karo mulighoko lyendi kughatura kughuhura walitwi lyendi lya rulyo kogho vana kushurura, kulipumbwara lyendi lyakulighoko lyarulyo, nakulipumbwara lyakughoko lyendi lyakulighuru lyarulyo, yara kulivango oko nka vatura honde yandjambo yandjo. ²⁹Ghuye ana hepa kutura maghadi naghantje ghakuhupako ogho ana karo mulighoko lyendi pamutwe waghumwe ogho vanakukushurura, mukuruwana likukwatakano kukwendi kumeho yaKarunga.³⁰Ghuna hepa kudjamba ghumwe wavankuti ndi maputukuwa gha ghanuke, ntjeneshi muntu ogho mbyo ana wana- ³¹ghumwe wandjambo yandjo ano ghumwe wandjambo yakushwakerera, yira ndjambo yamahangu- makura muruti aruwane ngoli likukwatakano namuntu ogho vana kushurura kumeho yaKarunga. ³²Oyino ndjo veta yamuntu ogho avero ghuvero washipapa, ogho ana kudiro kutikitamo ndjambo yene-yene kulikushururo.³³Karunga atantere Mosesa naAroni nakughamba ashi, ³⁴''Ntjene muna katika mushirongo sha Kanani osho nakumupa ngashikare shaghupingwa, ano ntjene nganitura vingondwe vyamundjugho ngavikuhanene mumandjugho mushirongo sha ghupingwa wenu, ³⁵makura ogho mwenya ndjugho ana hepa kuya nakuyatantera muruti. Ghuye ana hepa kughamba, 'Kun kumonekera vininke vya kufana yira vingondwe mundjugho yande.'³⁶Makura muruti nga raghura ashi ndjugho yikare yamuporongwa kumeho yakuyangenamo mukukenga lidimbururo lya vingondwe vyamundjugho, makura kwato shimpe omo mundjugho vyakutura kare vikare ashi vyakunyata. Dogoro nkoko ngayendera muruti mukukakenga mundjugho. ³⁷Ana hepa kukona kona vingondwe vyamundjugho nakukenga ntjeneshi kumakuma gha ndjugho vina kara, nakukenga walye nakumoneka shinamahako ndi shinaugeha ghana kutampo pantunda yalikuma. ³⁸Ntjeneshi ndjugho yina kara navingondwe, makura muruti ngarupukamo mundjugho nakughara livero lya ndjugho mumayuva matano namaviri.³⁹Makura muruti ngakavyukeko nka muliyuva lyautano nauviri nakuyakenga nakukonakona mukukenga ntjeneshi ovyo vingondwe vina kuhanene kumakuma gha ndjugho. ⁴⁰Ntjeneshi vina kuhanene, makura muruti araghura ashi ghupenuko mawe oko vina kara vingondwe vyamundjugho nakughavhukumina mulivango lyakunyata pandje yashitata.⁴¹Ghuye ngarenka makuma naghantje munda yandjugho vaghapare, vavo ngava ghupe munoko ogho vana para nakukaghuvhukumina pandje yashitata nakukavitetera kulivango lyakunyata. ⁴²Vana hepa kughupa mawe ghamwe kughatura mumavango omo ghana tundu mukughavyutitirapo, nakuruwanita munoko waghupe mukuramba ndjugho.⁴³Ntjeneshi vingondwe vina vyuka nakukuhanene mundjugho mo oyo vaghua mawe namakuma mbyo vaghapara nakuvivhukumina pandje yashitata makura mbyo vayiramburura, ⁴⁴makura muruti ghuye ana hepa kuyamo nakukonakona ndjugho oyo mukukenga ntjeneshi vingondwe vyamundjugho vina kuhanene mundjugho. Ntjeneshi ngoli, makura ovyo vingondwe vya ghushungu, ndjugho oyo yina nyata.⁴⁵Ndjugho oyo vana hepa kuyiyungurura. Mawe, vipirangi, namunoko naghuntje wakundjugho vana hepa kuvitwara pandje yashitata kulivango lya kunyata. ⁴⁶Viwedererako, kehe ghuno ngangeno mundjugho yo ruvede oro yayo vayipata ngakara ana nyata dogoro ngurova. ⁴⁷Kehe ghuno ngararo mundjugho mo ana hepa kukusha vidwata vyendi, nogho nga lyero mundjugho mo ana hepa kukusha vidwata vyendi⁴⁸Ntjeneshi muruti angene mundjugho mukukonakona nakukenga walye vingondwe vya mundjugho vina kuhanene mundjugho mo kuruku rwa kuyiramburura, makura, anongonone ashi vina dongonoka, ana hepa kuyivita likushururo lyandjugho.⁴⁹Makura muruti ana hepa kughupa vidira viviri mukukushurura ndjugho, navikuni vya sedari, nalikeshe lyaligeha lyakuvembera, nashishwa sha hayisopa. ⁵⁰Ana hepa kudipagha shidira shimwe pamema ghamakenu munkinda yalirova. ⁵¹Ana hepa kughupa vikuni vya sedari, vishwa vya hayisopa, shikeshe shashigeha shakuvembera, nashidira shashiyumi, nakuvidivida muhonde yashidira vana dipagha, mumema ghamakenu, nakumwayera ndjugho rutano naruviri.⁵²Ana hepa kukushurura ndjugho nahonde yashidira namema ghamakenu, nashidira shashiyumi, vikuni vya sedari, vishwa vya hayisopa, nalikeshe lyaligeha lyakuvembera. ⁵³Ngoli ana hepa kushuva shidira shashiyumi shikayende pandje yashitata mumburundu. Muvininke vino ana hepa kutura ngoli likukwatakanito lya ndjugho, nakukushuruka.⁵⁴Ovino ndjo veta kuvininke navintje vyakuhamena kughuvera wamukagh washipapa navimwe vyakuyititapo maghuvera, nevi vyakuyuwa, ⁵⁵navingondwe vyakuvyuma navingondwe vyamundjugho, ⁵⁶vyakudunda, vyavimburu, navi vya mavandangongo, ⁵⁷mukudimbulita murupe rwa kunyata nakukushuruka. Oyino ndjo veta yaghuvera wamukaghu washipapa navingondwe.

¹Karunga a ghamba kwa Mosesa ntani kwa Aroni, ashi, ²''Ghambenu kuvantu vamuIsraeli, nakughamba kukwavo, 'Ntjene mukafumu ana kara nauvera wamashu wakudira kutunda mughurume wendi mashu ghakufana ngoli ghanyata. ³Ghuye kapi akushuka kughuvera wamashu. Ndipo rutu rwendi omo rwayendanga namashu ndi kwarushayikita, kapi akushuka.⁴Kehe mbete ana kugheyamena ngayinyata ntani kehe vino ovyo ngashingira ngavi nyata. ⁵Kehe uno nga gumo mbete yendi ana kona kukusha vyuma vyendi ntani ngayowane mumema, ntani nganyata dogoro ngurova.⁶Kehe ghuno ngashungiro opo ashungira mukafumu wakuvera lishushiro, muntu ogho ana hepa kukusha vyuma vyendi ntani ayoghane mwene mumema, ntani ngakara muntu wakudira kukushuka dogoro ngurova. ⁷Kehe uno nga gumo rutu rwa muntu unya wakuvera ghuye ana kona kukusha vyuma vyendi ntani namwene a kukushe, mukondashi ghuye kwanyata ngoli dogoro ngurova.⁸Ogho ana nyato, ntjene afiyiri ogho ana kushuko pampo, muntu ogho akushe vikovererovyendi, namwene akukushe. Ghuye kwanyata ngoli dogoro ngurova. ⁹Kehe shifara ndi shipundi, apa ana shingiri muntu wauvera oghu, navyo vina nyata.¹⁰Kehe uno ana kugumo kehe shi ogho muntu nga nyata dogoro ngurova. Kehe ghuno nga shimbo osho ana shingiri muntu wakuvera, ndje kukusha vyuma vyendi namwene akukushe; ghuye nganyata ngoli dogoro ngurova. ¹¹Mukafumu ogho ana kuvero uvera ogho, ntjene agumu mukanguki, ghuye a hana kukusha maghoko ghendi pamuhovo, muntu wakufana ngoli ndje tupu kukusha vyuma vyendi, namwene akukushe, ghuye nga nyata ngoli dogoro ngurova. ¹²Kehe lirova eli ana kuguma mukafumu wauvera, vaghabamaure po, ano kehe shisha, eshi ana kuguma, vakukushe mumema ntani.¹³Muntu ntjene ana veruka kughuvera owo, a taterere mayuva ntambiri, ntani ana kona kukusha vyuma vyendi namwene akukushe mumema ghamakenu ghamurunone, makura akushuruke pampo. ¹⁴Muliyuva lyauntantatu atware maputukuwa maviri ndipo vankuti vaviri kulivero lya nkongoro ndjugho yaKarunga kundjugho ghona yamakugwanekero: Oko nko ngoli ngakatapa vidira kwamuruti. ¹⁵Muruti nga djambe ngoli shimwe, shikare ndjambo yandjo, ano eyi kwavo yandjambo yakushwakerera. Pankedi yaweno a rughanene ngoli ogho mukafumu ukareli wakahuro ko wapampo.¹⁶Ntjene mukafumu atundu honde mughukafumu wendi, ghuye kukusha rutu rwendi naruntje. Ghuye kunyata ngoli dogoro kungurova. ¹⁷Kehe shino varughana nalikeshe ndi nashipapa, ntjene pakuhanena honde vayikushepo. Ngavi nyata dogoro ngurova. ¹⁸Ntjene mukafumu ana rara namukamali, navantje mbo kukukusha ntani. Vavo kunyata ngoli dogoro kungurova.¹⁹Mukamali ntjene akara kukwedi, ghuye kunyata ngoli dogoro mayuva ntambiri, Kehe ghuno wakumuguma kunyata dogoro ngurova. ²⁰Kehe shino ashungira ndi ararepo paruvede rwendi rwashidira nasho kunyata.²¹Kehe ghuna wakuguma mbete yendi ana kona kukusha vyuma vyendi namwene a yowane mumema. Ogho muntu kapi nga kushuka dogoro ngurova. ²²Kehe ghuno ngagumo ovyo ngashungira ana kona kukusha vyuma vyendi nakuyoghana mwene mumema, muntu ogho nganyata dogoro ngurova. ²³Ngavikareshi vyavyo pambete ndi kehe kuno opo ngashungira, ntjene tupu ngayi guma, muntu ogho nganyata ngoli dogoro ngurova.²⁴Mukafumu ogho ana kararo namukamali ogho ana karo kushidira, makura honde yendi yimu gume nga nyata mumayuva ntambiri. Ano kehe yino mbete vana rara kunyata.²⁵Ntjeneshi mukamali atundu honde mayuva ghamangi ogho ana karoshi ndi kapishi ngo mayuva ghendi ghakushidira, ntjene ayi twikiri ngoli kumutunda, yikapitakane paruvede rwendi, oro akaranga kushidira, nganyata ngoli shirugho nashintje osho yina kumutunda honde, yira momu anyatire opo akalire kumwedi. ²⁶Ano ntjene mbete eyi ana rara nakehe shino ana shungiri paruvede oro, nasho kunyata. ²⁷Kehe ghuno nga gumu kuvininke ovyo, naye nganyata. Ghuye ndje tupu kukusha vyuma vyendi, ntani namwene akukushe. Ghuye kunyata ngoli dogoro ngurova.²⁸Mayuva gha kutunda kulidiko nange ghana pu, ghuye kutaterera mayuva ntambiri, makura kukushuruka ngoli pampo. ²⁹Mumayuva ntantatu atware maputukuwa maviri ndipo vankuti vaviri kwamuruti palivero. ³⁰Muruti ghuye nga djamba shidira shimwe, shikare ndjambo yandjo, ano eshi shidira shimwe sha ndjambo yakushwakerera. Pankedi yira ndjeyi a rughanene ngoli ogho mukamali ukareli kumeho yaKarunga yakupita honde.³¹Weno mo mwakuhangura vantu vavaIsraeli kunyata yavo, mposhi kapishi ngavafe kunyata yavo, mukudira kunyateka nkongoro ndjugho, omo nakatunga navo.³²Oyino ndjo veta yakehe mukamali ogho ana karo kushidira, ntani nakehe mukafumu ogho ana teto honde yendi kutunda mughukafumu wendi nakumurenkita anyate, ³³kehe mukamali ogho ana karo kumwedi ndi kehe mukafumu ana kuraro namukamali wakudira kukushuka pampo.''

¹Karunga a ghamba kwa Mosesa-vino vya kaliro kuruku rwa mfa da vana vavakafumu va Aroni, mpopo vavo vashwenine kwa Karunga ava fu. ²Karunga aghamba kwa Mosesa, ''Ghamba na Aroni muunyoye nakumutantera ashi nakuyashi paruvede kehe runo tupu mulivango lyapongoko unene munda ya nkonda, kumeho yashimbangu sha makugwanekero sha karo pa wato. Ntjeneshi ghuyew ngaviruwane, ghuye nga fa, mukondashi me kumoneka kuvilika vya mbando vya mbando yashimbangu sha makupakerero.³Ano weno mo Aroni ana kona kuya mushingi sha livango lyakupongoka. Ghuye ana kona kungena na ntwedu ghona yikareshi ndjambo ya ndjo, ntani shikungwe sha shindjwi shikare ndjambo yakushwakerera. ⁴Ghuye ature pakare lina yakupongoka, ntani ghuye ana kona kutura lirwakani lya furunga ya lina panaghumwendi ntani adwate kotje naturubina ya lin a. Oghano ngo marwakani gha kupmumemongoka. Ghuye ana kona kubwateka rutu rwendi mumema makura akudwateke mwene ovyo vidwata. ⁵Ghuye avhure kughupa vikungwe vyavimpendje vitunde kumbunga yavaIsraeli mukukarashi ndjambo yandjo ntani shindjwi shashikungwe shikare ndjambo yakushwakerera.⁶Ntani Mosesa ayitepo ntwedu yikare ndjambo yakushwakerera, oyo yikaroshi ya kwanaghumwendi, mposhi aturepo likushururo lya naghumwendi nalipata lyendi. ⁷Ntani ghuye aghupe vikungwe viviri vya vimpendje nakuvitura kumeho yaKarunga kulivero lyakungenena kuramba kutende yashigongi.⁸Makura Aroni arughane vya fungu fungu kuvimpendje ovyo viviri, shifungu fungu shimwe kwa Karunga, ano shino shimwe sha kushimpendje vahangura. ⁹Aroni ana hepa ngoli kuyitapo shimpendje osho fungu fungu ya kwa Karunga yina were, nakudjambera osho shimpendje shikare ndjambo ya ndjo. ¹⁰Ngoli shimpendje osho fungu fungu yina were yashimpendje vahahura sha hepa kushiyita namonyo kumeho ya Karunga, mukutulitapo likugo kumwe pakumutjida akayende shika shimpendje osho vahahura mumburundu.¹¹Makura Aroni ana hepa kuyitapo ntwedu yakudjambera ndjo, oyo ngayikaroshi ya kunaumwendi. Ghuye ana hepa kuturapo likushururo lya kwa naumwendi ntani nalipata lyendi, ghuye avhure kudipagha ntwedu yikare ndjambo ya ndjo danaumwendi.¹²Aroni ana hepa kughupa shipana shinayuro makara gha mundiro ogho vana sheghumuna kutunda kushidjambero kumeho ya Karunga, namaghoko ghendi ghana yuro manganganga gha kutotokwa gha lidumba lya liwa, nakuyita ovyo nakuyita munda ya lina. ¹³Munya ghuye ana kona kutura shipana pamundiro kumeho ya Karunga mposhi muti wakutunda kushipana ghuvilike mbando yashimbangu shadimughano da makugwanekero. Ghuye ana hepa kuvirughana vino mposhi kapishi afe.¹⁴Ghuye ana hepa kughupa honde yimwe kumwe nakuyimwayera nanyara yendi kumeho yambando yashimbangu shamakugwanekero. Ghuye atjakayere honde yendi yimwe nanyara yendi rukando ntambiri kumeho yambando yashimbangu sha makugwanekero.¹⁵Makura ghuye ana kona kudipaga shimpendje sha kundjambo ya ndjo, oyo yakuvantu nakuyita honde yasho munda ya karubina. Munya ghuye ana hepa kuruwana nahonde shika momo tupu ana viruwana nahonde ya ntwedu: Guye ana vhuru kuyitjakayera pambando yashimbangu sha makupakerero ntani nakumeho ya mbando yasho. ¹⁶Ghuye ana hepa kutulitapo vya likushururo lya kulivango lya kupongoka mukonda yaviruwana vya kunyata vya vantu vavaIsraeli ntani mukonda yaghupikipiki wavo na ndjo davo. Ghuye ana hepa nka kavirughanena vino tende yavigongi, oko Karunga atunga mukashi kavo, mulivango lya viruwana vyavo vya kunyata.¹⁷Kundereko wakungena mutende yavigongi nangeshi Aroni ana ngenomo mukukatulitapo likushururo lya mushingi sha livango lya kupongoka, dogoro nange guye arupukemo nakukamana kuruwana vya likushururo lya kwa naghumwendi neli lya lipata lyendi, ntani neli lya mbunga nayintje yavaIsraeli. ¹⁸Ghuye ana kona kutundamo omo nakuyenda kushidjambero osho sha karo kumeho ya Karunga nakuruwana vya likushururo lyasho, ntani ghuye ana hepa kughupa honde yimwe yantwedu nahonde yimwe yashimpendje nakukundurukida kukwita kumaruvinga gha shidjambero. ¹⁹Ghuye ana hepa kutjakayerapo honde yimwe nanyara yendi rukando ntambiri mukushikushurura nakushitulira ntere kwa Karunga, ghure naviruwana vya hano kukushuka vya vantu vavaIsraeli.²⁰Nangeshi ana mana kuwaveka shingi sha livango lya kupongoka, tende yavigongi, na shidjambero, ghuye ayitemo ngoli shimpendje sha shiyumi. ²¹Aroni ana kona kukambeka maghoko ghendi pamutwe washimpendje sho shashiyumi nakutongonona maghudito naghantje gha vaIsraeli, maghupikipiki naghantje, na ndjo davo nadintjeya. Makura ntani ana kona kutura ogho maghundjoni pamutwe washimpendje nakushituma shikayende mulikeverero lya mukafumu ogho ana kuwapayikiro mukupititira vimpendje avi tware mumburundu. ²²Shimpendje shina kona kutengena pashene namaghundjoni gha vantu kulivango lya matengekero. Munya mumburundu mukafumu ana kona kurenka shimpendje shiyende shinamanguruka.²³Makura Aroni ngoli kavyuka mutende yavigongi nakushutura marwakani gha lina ogho ana turako kumeho yakuyenda mushingi sha livango lya kupongoka, ntani ghuye ashuve marwakani ogho mpopo. ²⁴Ghuye ana hepa kubwateka rutu rwendi mumema mulivango lya kupongoka, nakuturako lirwakani lyendi, weno ana hepa kurupuka nakudjamba ndjambo yendi yalishwakerero na ndjambo yakushwakerera yavantu, ano mundjira yino kutulitapo likushururo lya kwa naghumwendi na lya kuvantu.²⁵Ghuye ana hepa kushwakerera maghadi gha ndjambo yandjo pashidjambero. ²⁶Mukafumu ghunya ana karenko shimpendje vahahura shiyende shinamanguruka ana kona kukusha vidwata vyendi nakubwateka rutu rwendi mumema, kunyima yavyo, ghuye kuvyuka tupu ngoli mukamba.²⁷Ntwedu yakundjambo yandjo nashimpendje sha kundjambo yandjo, odo honde vana yita mo mukuya ruwana vya likushururo mulivango lya kupongoka, vana kona kuyitwara pandje ya kamba. Kunya vavo vana kona kushwakerera vipapa vyavyo, nyama, nashi. ²⁸Mukafumu ogho ana shwakerero vilyo ovyo akushwe vidwata vyendi nakubwateka rutu rwendi mumema, muruku yavyo, ghuye avyuke ngoli mukamba.²⁹Oyino ngayikara kehe pano mpangera kukwenu ashi mumwedi ntambiri, paliyuva lyamurongo lya mumwedi, anwe muna kona kukudidipita naghumwenu ntani nakuruwanashi shiruwana, ghukareshi munamvharerwa ndipo muntundwa shirongo ogho atungo mukashi kenu. ³⁰Ovino ne mukonda paliyuva lino likushururo ngava liruwana kukwenu, mukumukushurura kundjo denu nadintje mposhi ngamu kene kumeho ya Karunga. ³¹Yino ndjo Sabata ya matungiko ya kupwiyumuka ku kwenu, makura nwe muna kona kukudidipita naghumwenu ntani nakuruwanashi shiruwana. Yino ngayikara kehe pano mpangero mukashi kenu.³²Muruti kurona ogho ngavawaveka nakumupongora mukukara muruti kurona mulivango lya she, ana kona kuruwana likukushururo lino nakutura pamarwakani lya lina, ghagho, marwakani ghakupongoka. ³³Ghuye ana kona kuruwana vya makushururo mushingi sha livango lya kupongoka: Ghuye aruwane vya likushururo lya kunkongoro ndjugho yavigongi na lya kushidjambero, ntani aruwane vya kulikushururo lya kuvaruti na lya kuvantu navantjevalipongero.³⁴Yino ngayikara kehe pano mpango kukwenu, mukuruwananga vya likushururo lya vantu vavaIsraeli mukonda ya ndjo davo, rumwe tupu mukehe mwaka.'' Vino kavaviruwananga shika momo Karunga avi rawilire Mosesa.

¹Hompa a ghamba na Mosesa, nakughamba ashi, ²''Ghamba naAroni namonendi wamukafumu, navantu navantje vamuIsraeli. Vatantere evi ana ghamba Hompa: ³Kehe muntu wakudipagha hove, ndjwi ndipo shimpendje mukamba, ndi ogho adipaghero pandje yakamba, kondashi ashidjambe- ⁴ntjene kapi anashiyita palivero lya ndjugho yavipangwira aya tape ndjambo kwa Hompa kumeho ya ndjugho, ogho muntu ngava muwana undjoni kovyo ana tete honde. Ana tete honde, ogho muntu vana kona kumughupa mukatji kavaunyendi.⁵Konda yoshino shipango mposhi vantu vamuIsraeli vayite ndjambo davo palivero lya ndjughoyavipangwira, kuvaruti ngayikara ndjambo yavitapa vya mbili kwa Hompa, kapishi vikare vitapa vya ndjambo mulivango lya kukena. ⁶Muruti ngatetangera honde kushidjambero sha Hompa kwa kungenena mundjugho ya vipangwira, nga shora maghadi ghayite lidumba lyalitovali kwa Hompa.⁷Vantu kapi vatapanga nka ndjambo kuviKarunga vya vimpendje, ovi vya renkango vikare yira vashondeli. Ovi ngavi kara vya kukarererapo kudimuhoko davo.'⁸Muna kona kuvatanterashi, 'Kehe ghuno muntu wamuIsraeli, ndi muntunda virongo ana karo mukatji kavo, wakutapa ndjambo yakushwakerera ndi kudjamba ⁹makura adire kuyiyita mulivero lya ndjugho yavipangwira mposhi gha tape ndjambo yendi kwa Hompa, ogho muntu vakona kumu ghupako kuvantu vendi.¹⁰Kehe muntu akaro mumundi wavaIsraeli, ndi kehe muntunda virongo atungo navo ghatete kehe yino honde, ngani mupirwira shipara shande ogho muntu wakuteta hoinde ntani ngani mughupako kuvantu vendi. ¹¹Mukondashi liparu lya shikorama kwa kara muhonde yasho. Natapa honde yavyo kwenu muyitetangere pashidjambero maparu ghetu, mukonda ndjo honde yadongononango, ndjo honde ya ghupangopo ndjo yamuntu.¹²Mpo ngoli nakutantera vantu vamuIsraeli ashi kwato wenu wakulya honde, ndi kehe muntundwa virongo atungo nanwe wakulya honde. ¹³Kehe uno muntu wamuIsraeli, ndi kehe muntundwa virongo atungo kumwe nanwe, wakuremeka nakudipagha shikorama ndi shidira sha kulya, ogho muntu gha nateto honde yasho kumwe nakufika honde yasho naudjuni.¹⁴Liparu lya kehe shina mwenyo ne honde yasho. Mbyo natantilire vantu vamuIsraeli ashi, ''Nakulyashi honde yakehe shinamwenyo, liparu lya kehe shinamwenyo sha parukango kwa kara muhonde yasho. Kehe uno wakuyilya vakona kumutetako.''¹⁵Kehe uno muntu wakulya shikorama sho shina kufero, sho vina remeke vikashama, ukareshi mo vakuyitira ndi muntundwa virongo ana karo mukatji kenu, ana kona kukusha vyuma vyendi nakuku kusha mumema, ntani nga kara ana nyata dogoro ngurova. Ntani nga kena. ¹⁶Ene ngoli ntjene kapi ana kushu vyuma vyendi nakukusha rutu rwendi ana kona ngoli kumufutita.

¹Yehova kwa ghambire kwa Mosesa, a ghamba ashi, ²''Ghambita vantu vamuIsraeli nakuvatanterashi, 'Ame Yehova Karunga wenu. ³Kapishi murughane vininke ovyo varughananga vantu vamuEgipute, oko mwa hovire kutunga. Kapishi murughane vininke ovyo varughananga vantu vamuKanana, kushirongo oko nakumutwara. Kapishi mukakwame ndjenditito davo.⁴Veta dande ndo murughana, ano vipango vipango vyande mbyo muvhura kukwama, mposhi muyendemo mwado, mukondashi ame Yehova Karunga wenu. ⁵Mposhi muna hepa kukwama mpangera na veta dande. Nange muntu adi kwama, ngaparuka mukonda yado. Ame Yehova.⁶Washa yendera likoro lyoye ove shintjentja, ame Yehova. ⁷Washa shwaura shintjentja vanyoko, mbo vanyoko, washa shwaura shintjentja sha vanyako. ⁸Washa shwaura shintjentja sha kehe uno mukamali wavasho, osho shintjentja sha vasho.⁹Washa shwaura shintjentja sha mpandjoye, vikareshi mpandjoye washitumbwena kuvasho ndi kuvanyoko, vikareshi mo vamushampurukira mumundi ndipo ure nove. ¹⁰Washa shwaura shintjentja mona monoye wamumati ndipo mona monoye wamukadona, shintjentja shavo ne shoye tupu. ¹¹Washa shwaura mona mukada vasho wamukadona, ogho atundo kulikoro lya vasho, mumone naye mpandjoye mwene-mwene.¹²Washa shwaura shintjentja sha muunya vasho wamukadi, likoro lya vasho. ¹³Washa shwaura shintjentja sha muunya vanyoko wamukadi ghuye likoro lya vanyoko. ¹⁴Washa shwaura shintjentja sha muunya vasho wamumati, mbyovyoshi, kapishi ngautike kwa mukamali wendi, vavo vanyoko ghona.¹⁵Washa shwaura shintjentja sha ngumweyi yoye, ghuye mukamali wa monoye, washa mushwaura. ¹⁶Washa shwaura shintjentja sha mukuroye wamukamali, washa shwaura mukuroye wamukafumu.¹⁷Washa shwaura shintjentja sha mukamali na monendi wamukamali, ntani washa ghupa mutekuroye mona monoye wamukafumu ndipo mutekuroye wamukadona mona monoye wamukamali ghumu shwaure, vaka liro lyoye, ogho ne ukenya. ¹⁸Washa kwara muunya mukamali ghoye akare mukamali ghoye wa uviri na kushwaura shintjentja shendi, shirugho sho ghuye mukamali ghoye muyumi.¹⁹Washa shwaura shintjentjamukamali ogho ana karo kushidira. ²⁰Washa kara nalidoho kumukamali wamaparambo ghenu nakukunyatikita pampo.²¹Washa tapa monoye vakamuture mumundiro, mposhi udjambere kwa Moleka, mukondashi washa shentja lidina lya Karunga ghoye. Ame Yehova.²²Washa rara namukafumu unyoye ghumuruwanite yira mukamali, ovyo vidona. ²³Washa rara nakehe shikorama nakukunyatikita naumoye nasho. Ndipo kehe mukamali akuneghede naumwendi kwa kehe shikorama arare nasho, kapi vya pulitira.²⁴Washa kunyateka naumoye mukehe vininke vya kufana ngoli, ndjira nadintjeya dino dina nyatikita dimuhoko, dimuhoko odo ngani tjidamo ditundemo kumeho yenu. ²⁵Livango ali nyata, mpo natengikire ndjo davo, ano shirongo ashirukumo vakalimo.²⁶Ove, mpo ngoli, wakona kukwama dimuragho dande na vipango, ntani kapishi ngauruwane kehe vino vyavidona, ndipo vaIsraeli ndi vantundwa virongo ovo vakaro kumwe nanwe. ²⁷Oghu ngo ukenya varuwanine vantu vamushirongo, ovo vatungiro kumeho yenu, makura weno shirongo shina nyata. ²⁸Mpo ngoli takamita nove shirongo kapi shikuruke kunyima omo una shinyateke, yira momo sha rukiremo vantu ovo vakaliromo kumeho yoye.²⁹Kwa kehe uno arughano vyavidona ngoli, muntu wa kurughana vya ngoli ngava mutetako kuvaunyendi. ³⁰Mpo ngoli shi una kona kukwama marawiro kapishi ghuku hamitire muvininke vya vidona ovyo kavakuhamitiranga mo muno kunyima yoye, mposhi mwasha kunyatikita naumwenu mukonda yavo. Ame Yehova Karunga wenu.'''

¹Hompa a ghamba naMosesa, nakughamba ashi, ²''Ghambita mbunga yavantu vamuIsraeli nakuvatanterashi, 'Muna kona kukara vakupongoka, morwa ame Hompa Karunga wanu napongoka. ³Kehe uno ana kona kufumadeka vawina navashe, ntani muna kona kufumadeka vipito vyaukareli. Ame Hompa Karunga wenu. ⁴Mwasha karera vakarunga vavipempa, ndi mukunambwire vakarunga vakarunga vavikuwo. Ame Karunga wenu.⁵Opo utapa ndjambo yambili kwa Hompa, una kona kuyitapa ashi vakutambure. ⁶Vana kona kuyilya ndyolyo liyuva una yitapa, ndipo liyuva lya kukwamako. Ntjene vihupepo dogoro liyuva lyautatu, vana kona kuvishora namundiro. ⁷Ntjene vana vilyi muliyuva lyautatu, oyo nyama yakunyata, kapi vayitambura, ⁸Kehe uno wakuyilya ana kona kushimba ndjo dendi morwa ana nyateke vakupongoka kwa Hompa, ogho muntu vakona kumutetako kuvantu vendi.⁹Pakukesha mumafuva ghenu, mwasha kesha mbuto da kuuhura wamafuva ghenu, ndi mupupure dimutwe da mbuto odo dina hupomo. ¹⁰Kapishi upongeke mandjembere naghantje ghamushikunino shoye. Ghuna hepa kushuviramo vahepwe na vantundwa virongo. Ame Hompa Karunga wenu.¹¹Washa vaka. ¹²Mwasha ghana lidina lyande muvipempa ndi ushentje lidina lya Karunga. Ame Hompa.¹³Washa hepeka mushinda ghoye ndi ghumu vake. Washa kurangekera mfuto yogho akurughanenango. ¹⁴Washa finga shifa matwi uture shininke kumeho yavo. Ene ngoli, tjira Karunga ghoye. Ame Hompa.¹⁵Washa finga vipangura vikare mulipuko. Washa negheda shihoro kuumwe morwa ruhepo, ntani washa negheda shihoro kuumwe morwa uye mulyo. Ene ngoli, futita maparambo ghoye muushili. ¹⁶Washa yendaura uhanite vipempa kuvantu, ngoli shana ukenge monyo wa maparambo ghoye. Ame Hompa.¹⁷Washa nyenga muunyoye ndi mukuroye wamumati mumutjima. Wakona kushwenena maparambo ghoye kapishi uku gawinine naye ndjo dendi morwa ndje. ¹⁸Washa vyuta udona ndi ukare nankoko navantu voye, ene ngoli hora maparambo ghoye momu wakuhora naumoye. Ame Hompa.¹⁹Muna kona kukwama vipango dimuragho dande.²⁰Kehe uno wakurara namuvereki wamukamali vatwenyidira kwa mukafumu, ngoli kapi vamufutira ndipo vamupe umanguruki, vakona kumutengeka. Kapi vamudipaghe mukondashi kapi vamupire limanguruko. ²¹Muntu ana kona kuyita vitapa vyendi vya ndjo kwa Hompa palivero lya ndjugho ya vipangwira- ghatape ndjwi yayirume. ²²Muruti ndje gha muruwanenopo makuyuvo gha ndjwi yayirume ayitape kwa Hompa kundjo odo ana ruwana. Makura odo ndjo ana tura vadimuupirepo.²³Opo uya mushirongo makura ngoyatapeke vitondo vya ndya, makura viture vikare ndya odo vashenekashi nakudilyashi. Linyango ngava likushweneka mwaka ntatu. Nakudilyashi. ²⁴Ngoli mumwaka waune linyango ngalipongoka, likare vitapa vya kupongoka kwa Hompa. ²⁵Mumwaka wautano kulya tupu ngoli linyango, kukara nakutaterera vitondo kuvura ngavi yime unene. Ame Hompa Karunga wenu.²⁶Washa lya nyama yayo shimpe nahonde yayo. Washa rughana vyaupure, ukontorore vaunyoye. ²⁷Walye mwatetanga huki denu damushikondo sha mutwe ndi muteturure ndjwedu denu. ²⁸Washa teta rutu roye kuvafe ndi uku fanayike parutu, ame Hompa.²⁹Washa shwaukita monoye akare mukamali wakukughulita, ndi muhoko ngauwa mukara vakamali vakukughulita makura shirongo ngashikara ungi wa maundjoni. ³⁰Muna kona kupongora mayuva ghande gha vipito nakufumadeka ndjugho ya kupongwera. Ame Yehova.³¹Washa yenda kovo vaghambango navafe ndi mpepo davafe. Mwasha vashana, ndi ngava kunyateka. Ame Hompa Karunga.³²Fangenu likuto kuvantu vakukurupa nakufumadeka vakurupe. Muna kona kutjira Hompa Karunga. Ame Hompa.³³Ntjene muntundwa virongo aya tungo nove mushirongo shoye, washa muruwana kehe vino vya lipuko. ³⁴Ogho muntundwa shirongo ana kara yira monoye- wakuyita una kara naye, muhore yira momu wakuhora naumoye, mukondashi nanwe mwakalire vatungimo mushirongo sha Egipute. Ame Hompa Karunga ghoye.³⁵Washa rughanita meta davipempa pakumeta muure, muufupi, ndi ukoli washo. ³⁶Muna kona kurughanita shiviha, shiviha tupu, muntjako, nalitera ntano. Ame Hompa Karunga, ogho amu ghupo mutunde mushirongo sha Egipute. ³⁷Muna kona kulimburukwa kumpangera dande nadimuragho dande nadintje, nakudiruwana. Ame Hompa.'''

¹Yehova a ghamba kwa Mosesa, ashi, ²''Ghamba navantu vamuIsraeli, 'Kehe uno mukatji kavantu vamuIsraeli, ndipo kehe muntundwa virongo atundo muIsraeli ogho atapo vana vendi kwa Moleki, vana kona kumudipagha. Vantu vamushirongo vana kona kumuvukumanga namawe.³Ame nka nganimutungwira shipara muntu gho nakutetako kuvantu vendi mukonda ana tapa monendi kwa Moleki, yira kunyateka livango lyande lyakupongoka ntani kushwaukita lidina lyande. ⁴Ntjene vantu vamushirongo vaferere kumuntu ogho pakutapa monendi kwa Moleki, ntjene kapi vana mudipagha, ⁵makura ame naumwande ngani katura unankore nashipara shande kogho muntu naliro lyendi, ntani ngani kamuteta na kehe uno wakuruwana vya runtjo nogho wakushondera naMoleki.⁶Nakumuntu oghunya wakughamba navafe ndipo oghunya wakughamba nampepo davafe mposhi vashondapare navo, ngani tura unkore washipara shande nogho muntu, ngani mutetako mukatji kavantu vendi. ⁷Mpo ngoli shi kutaenu naumwenu mukare vakupongoka, mukonda ame Yehova Karunga wenu.⁸Muna kona kuwata muragho na kughukwama. Ame Yehova namuturo mukare vakupongoka. ⁹Kehe uno wakufinga vashe ndi vawina vana kona kumudipagha. Ghana tuko vashe navawina, ngoli ghuye mundjoni, ntani ana wapere kufa.¹⁰Muntu wakushondera namukamali waunyendi, ndipo kehe uno wakuruwana vya rushonda namukadona wamaparambo- mukafumu namukamali vo vana shondero vana kona kuvadipagha. ¹¹Ntjene mukafumu gha rara namukamali wavashe, gha kenge muherehere wavashe. Navantje monendi wamukafumu namukamali wavashe vana kona kuvadipagha. Honde yavo ngayikare pa vavene. ¹²Ntjene mukafumu gha rara nangumweyi yendi navantje vana kona kuvadipagha. Vana tura ndjo. Vavo vandjoni ntani vana wapere kufa.¹³Ntjene mukafumu gha rara namukafumu unyendi yira namukamali, navantje vana ruwana vya shidira. Vavo vana kona kuvadipagha. vavo vandjoni ntani vana wapere kufa. ¹⁴Ntjene mukafumu akwara mukamali ntani nka akware vawina vogho mukamali, ovino vidona. Vana kona kuvashora navantje, ogho mukafumu navakamali, mposhi kapi ngapa kare vyavidona mukatji kenu.¹⁵Ntjene mukafumu gha rara nashikorama, ghuye vana kona kumudipagha, ntani muna kona kudipagha osho shikorama. ¹⁶Mukamali ntjene ashwenene kehe shikorama nakurara nasho, muna kona kudipagha mukamali na shikorama. Vana kuna kuvidipagha. Vavo vandjoni vana wapere kufa.¹⁷Ntjene mukafumu a ghupa muunyendi wamukamali, mona vashe wamukamali ndipo mona vawina wamukamali, nakukenga muherehere wendi, nakumona muherehere wendi, vyavyo vininke vya ntjoni. Vavo vana kona kuvatetako kumeho yavana va vantu vavo. Ghuye akenge muherehere wa mukurwendi wamukamali, ana kona kushimba undjoni wendi. ¹⁸Mukafumu ntjene arara namukamali ogho ana karo kushi dira nakukenga muherehere wendi, ghuye ana mono honde yendi yashidira nalitende lya honde yendi. Navantje mukafumu namukamali vana kona kuvatetako mukatji kavantu vavo.¹⁹Nakuvurashi vakenge muherehere wamuunya vanyoko ndipo muunya vashowamukamali, mukondashi ngaushwaukita liro lyoye lya pepi. Ghuna kona kushimba undjoni ghoye naumoye. ²⁰Ntjene mukafumu arara namukamali wa nkwilikwendi. Vavo ngava futa ndjo yavo, makura vavo ngavafa hana kukara navana. ²¹Ntjene mukafumu akwra mukamali wa nkwilikwendi ghuye mukurwendi shimpe muyumi, olyo lishwau. Ghuye kapi ana limburukwa kwa mukurwendi, ntani ame ngani kavaghupa vana vavo kehe upingwa vapinga kuvakurona vavo.²²Mposhi anwe muna kona kukwata veta dande nadintje nadimuragho dande nadintje, muna kona kudikwata mposhi osho shirongo nikamuyitira muyatunge kapi shimuruwane udona. ²³Mwasha kaghupa nkalito yavakamuhoko ogho ngani tjidamo morwa vavo vana ruwana navintje vyo, ntani me navasheteka.²⁴Namutantelire, ''Ngamukapinga shirongo shavo, ngani shimupa mukatunge mo, shirongo sha mashini naushi wampuka. Ame Yehova Karunga wenu, ogho ghamugaununo kuvantu vapeke. ²⁵Mposhi muna kona kuhangura pakatji kavimuna vyakukena nevi vyakudira kukena, ntani pakatji kavidira vyakukena nevi vya kudira kukena. Mwasha kuvhonga naumwenu navikorama vyakudira kukena, vidira ndipo kehe shishitwa sha kukokava palivhu, ovyo nagaununa mwahamena kukwande.²⁶Muna kona kukara vapongoki, mbyovyoshi me, Yehova, napongoka, ntani namugaununa kuvantu peke, morwa nwe mwa hamena kukwande.²⁷Mukafumu ndipo mukamali wakughamba navafe ndi wakughamba na mpepo davafe vana kona kumutwalita kumfa. Vantu vana kona kuvavhukumanga namawe. Vavo vandjoni ntani vana wapere kufa.'''

¹Hompa a ghamba kwa mosesa: ''Ghamba kuvaruti, vana vaAroni vavakafumu, nakughamba kwavo ashi, 'Kwato pakatji kenu ogho akukenito mwene kovo vafo mukatji kavantu vendi, ²kughupako vakaliro lyenu vapapepi- vawina, vashe, vana vendi vavakadona, vaghuni vendi vavakafumu, ³ndi vaghuni vendi vavakadona ovo vadiro kukwara rumwe ovo vahuguvaro mwendi, shirugho sho ghuye kwato mukafumu- kwendi ghuye adire kukukenite mwene.⁴Ngoli kapishi akukenite mwene kwava vakuhupako ntani akunyateke mwene. ⁵Varuti kapishi ngava kurure huki da mudimutwe davo ndipo kukurura ndjwedu davo da kushidjumu, kwato kuteta marutu ghavo. ⁶Ngava kare nampepo dakupongoka kwa Karunga wavo ntani kapishi ngava shwaghure lidina lya Karunga, mukonda muruti ngatapa ndya da Hompa davitapa, mboroto ya Hompa wavo. Mposhi muruti ana kona kukara wakupongoka.⁷Kapishi ngava kware vakamali varushonda ntani vakulinyateka, ntani kapishi ngava kware mukamali wakulikomba namukafumu wendi, mposhi kapishi nga vakugaunuke kwa Karunga wavo. ⁸Ngamutura kuruha rumwe, mbyevishi ghuye ndje atapango mboroto kwa Karunga. Ana kona kupongoka koye, mukondashi me, Hompa akurenko ve upongoke, ame napongoka. ⁹Kehe uno mona wamukadona wamuruti wakulinyateka mwene mukukara rushonda nga shwaukite vashe. Ana kona kumushora.¹⁰Ogho nga karo muruti wakuyeruka mukatji kavaghuni ndi vakuru vendi, ngavamuwaveka namaghadi pamutwe wendi, ntani ogho ngava toghorora mukudwata lirwakani lyauruti wakuyeruka, kapishi ngashuve huki dendi diwe nakutaghura vyuma vyendi. ¹¹Kapishi ayende kehe kuno mposhi rutu rwa kufa rumoneke nakumunyateka, nampindi rwa vashe ndi rwa vawina. ¹²Muruti wakuyeruka kapishi ngashuve livango lya likungiro lya ndjugho yakudjambera ndi walye akunge livango lya Karunga, mukondashi ghuye vana mutura akare muruti wakuyeruka pakumuwaveka namaghadi gha Karunga wendi. Ame Hompa.¹³Muruti wakuyeruka ana kona kukwara mukadona adiro kurara rumwe namukafumu akare mukadendi. ¹⁴Kapishi nga kware mukamali wakufita vyendi, mukamali vakomba, ndi walye mukamali wakukughulita. Kapishi nga kware vakamali varudi runo. Nga kware mukamali ogho adiro kurara rumwe namukafumu muvantu vanaumwendi. ¹⁵Mposhi kapishi nga nyateke vana vendi mukatji kavantu vendi, ame Hompa, ogho amupango upongoki.''''¹⁶Hompa a ghamba kwa Mosesa, nakughamba ashi, ¹⁷''Ghamba naMosesa nakumutantera, 'Kehe uno wa muhoko ghoye mukutwara mushirugho shavo ngakara narutu rwarudona, ka[ishi nga shwene kuvitapa vya ndya da Karunga wendi.¹⁸Kehe uno muntu nga karo narutu rwa rudona kapishi nga shenye kwa Hompa, yira muntu wakudira kumona ndipo wakudira kuyenda, wakudira nyara ndipo vakukutjindja marutu, ¹⁹muntu wakudira maghoko ndi maghuru, ²⁰vantu vakukara nakutunda mumughongo ndi wakupurumuka wamudidi ndi wamufupi, ogho akaro namantjo gha madona, valihamba, vavimburwa, ndi mukafumu ogho va remeka kuvilyo vyendi. ²¹Kwato muntu wamuhoko waAroni muruti ogho akaro narutu rwa rudona ngayo pepi nakuyatapa vitapa vyo varughana kumundiro vya Hompa. Muntu wakufana ngoli warutu rwa rudona: Kapishi ngaye pepi nga tape vitapa vya mboroto kwa Karunga wendi.²²Nga lya ndya da Karunga wendi, dikareshi dimwe da kupongoka unene ndi walye dimwe da kupongoka. ²³Ene ngoli, kapishi ngangene munda yamakeshe ndi ngaye pepi nashidjambero, mukondashi akara narutu rwa rudona, mposhi kapishi ngaya nyateke livango lyande lya kupongoka, mbyovyoshi me Hompa, avarenkitango vakare vana kupongoka.''' ²⁴Makura Mosesa a ghamba nkango dino kwa Aroni, kuvana vendi vavamati, ntani navantu navantje vamuIsraeli.

¹Karunga a ghamba kwa Mosesa, nakughamba ashi, ²''Ghamba kwa Aroni navana vendi, vatantere vatunde kuvininke vya kupongoka vya karo muvantu vamuIsraeli, ovyo vapungura kwande. Vasha shwaukita lidina lyande lya kupongoka. Ame Karunga. ³Kaghambe kwavo, kehe uno wamulira lyenu nga shweno pepi na ndjambo da kupongoka, odo vapangulira mbunga da vantu vamuIsraeli kwa Karunga, nga nyata pa mpo, muntu wa ngoli nakuvhurashi nka shi kushoroka kumeho yande. Ame Karunga.⁴Kwato wamulira lya Aroni gho ana karo nalihamba lya shipapa. Ndipo uvera wakushukumuka mema dona muurume wendi nga vhuro kulya kukehe ndjambo yakupongoka aruwana Karunga dogoro nga kene. Kehe uno nga kwato kehe shino sha kunyata mukukugwanekera na rutu rwa kufa, ndi namukafumu ogho ana karo nalihamba lya kushukumuka, ⁵ndi kehe uno nga kwato rutu rwa vikorama vya kukakamba vyo ngavimunyateko, ndi kehe uno munda ngamunyateko, kehe vino ngavimurenkito nga nyaterere nkwandi- ⁶ano muruti ogho nga kwato kehe uno gha nyato nga nyata dogoro matiku. Nakulyashi kehe vino vininke vya kupongoka, nkwandi dogoro nga kushe vyuma rutu rwendi na mema.⁷Opo ngalitoka liyuva, nga kena. Kuruku rwa kutoka ghuye kulya tupu ndya da kupongoka, mukonda ndya dendi. ⁸Nakulyashi shakukufera ndi osho vina dipagha vikashama, ovyo ngavikunyateko naumoye. Ame Karunga. ⁹Muruti ana kona kukwama mpangera dande, ndi ngava kara vandjoni va vanandjo, ndi ngamufa mukudira kumfumadeka. Ame Karunga gho amurenko mupongoke.¹⁰Kwato ogho nga karo pandje yalikoro lya varuti, kuwedererako navantu ovo ngava karo kwa mukareli Karunga ndi vakareli vendi, ngava lya kehe vino vya kupongoka.'' ¹¹Ngoli ntjene mukareli Karunga aghuru mupika namaliva gha mwene, ogho mupika ana kona kulya vininke ovyo ahangura kwa Karunga, likora lya mukareli Karunga na vapika vayitira mumundi wendi, navo vana kona kulya naye kwa mbyovyo vininke.¹²Ntjene mona mukareli Karunga gha kwara mukafumu gho adiro kurughanena Karunga, Ghuye nakulyashi kehe viyitapo vya kupongoka vya ndjambo. ¹³Ngoli ntjene mona mukareli Karunga wamukamali, mufiti vya ndipo vakugaunuka namukafumu wendi makura kapi akara namwanuke, ntani ntjene aka vyuka ghuye shimpe aparuke mundjugho yavashe, ghuye shimpe mudinkantu, kulya tupu kundya davashe. Ene ngoli kwato umwe adiro kuhana kulikoro lya mukareli Karunga wa kulya kundya damukareli Karunga.¹⁴Ntjene mukafumu ali kundya da kupongoka ghuye kapi anaviyiviri, ana kona kudifuta kwa mukareli Karunga; ana kona kuwedererapo shimwe kuvitapa avi vyute kwa mukareli Karunga. ¹⁵Vantu vamuIsareli kapi ngava dire kufumadeka vininke vya Karunga vya kupongoka ovyo vatulire kuwiru, vimoneke kwa Karunga, ¹⁶nakukuyita umwavo vashimbe undjoni va kulya ndya dakupongoka, ame Karunga ogho ogho avirenko vipongoke.¹⁷Karunga a ghamba kwa Mosesa, ashi, ¹⁸''Kaghambe kwa Aroni navana vendi va vakamfumu, nakuvantu navantje vamuIsraeli. Kaghambe ashi, 'Kehe uno muIsraeli,ndi ana tundo ure ana karo muIsraeli, pakutwara ndjambo- yikareshi yakutikitamo mughano ndipo yikareshi yalihoro lya mwene kundjambo, ndi atape kwa Karunga lishwakerero ndjambo. ¹⁹Ntjene vana horo kuyitambura, vana kona kutapako shikorama shashirume sha kudira ruvara shitunde kungombe, shindjwi ndi shimpendje.²⁰Ngoli nakutapashi kehe shino shakaro naruvara, kapi nganishitambura kughukahe ghoye. ²¹Kehe uno nga tapa ndjambo ya mbili kwa Karunga, yikare yakutikiliramo ndi mulishano lya mwene, shikorama sho shikare sha ndjwe-ndjwe, ntani vavhura kushitambura.²²Nakutapashi shikorama shakufa mantjo, sha kudira kuyenda, ndi shakuremana,ndi shakukara namavavi, ndi shakukara navironda, ndi shina kara naurwa. Nakuvitapashi kwa Karunga ashi vya ndjambo pamundiro pashidjambero. ²³Pakudjamba ndjambo yanaumoye kutapa tupu mpindi ngombe yayirume yayifupi ndi yayididi, ngoli ndjambo ya ngoli nakuyitamburashi.²⁴Nakutapashi shikorama kwa Karunga osho vaputaura, varemayika ndi vatuka. Nakuviruwanashi mushirongo shenu. ²⁵Nakudjambitashi mboroto yakurunga mumaghoko gha vantu vakuure, vimuna vya ngoli kuvimonashi vya nyata kwendi, kapi ngavitambura.''²⁶Karunga a ghamba kwa Mosesa nakughamba ashi, ²⁷''Ntjene shikembe, shindjwi ndi shimpendje vanashivara, shina kona kukara mayuva matano namaviri na nyokwasho. Kuvhura kushitambura kundjambo yalishwakerero kwa Karunga.²⁸Kapishi kudipagha ndidi ndi shindjwi kadi sha karo na monasho navintje muliyuva limwe. ²⁹Pakukudjambera kutapa mpandu ya ndjambo kwa Karunga, ghuna kona kukudjambera mundjira yayiwa akayitambure nawa. ³⁰Kuyilya muliyuva limwe olyo vana yidjambere. Kuyilya muliyuva limwe olyo vanayindjambere. Nakushuvaposhi kehe vino dogoro ngura-ngura yakukwamako. Ame Karunga.³¹Muna kona kukwama dimuragho dande, na kudishimbanga. Ame Karunga. ³²Kapishi ngamudire kufumadeka lidina lyande lyakupongoka. Ngani vipure ashi vantu vamu isareli munatambura mpepo yande yakupongoka. Ame karunga wenu gho amupongoro, ³³gho amuyitiro mutunde mushirongo sha Egipute ayakare karunga wenu. Ame hompa Karunga.''

¹Hompa a ghamba kwa Mosesa, ²''Ghamba kuvantu vamuIsraeli, nakughamba kwavo, 'Evino mbyo vihorowora vya vipito vya Hompa, ovyo ngamuyaghura opo ngamuponga mpepo ya kupongora; ngavikara vipito vya kehe liyuva.³Ngomurughana mayuva ntayimwe, ngoli liyuva lyauntambiri lya Sabatha lya kupwiyumuka, lipongero lya mpepo ya kupongoka. Kapishi ngomurughane kehe vino mukondashi liyuva lya Sabatha lya Hompa mumavango naghantje ogho mwatunga.⁴Evino mbyo vipito vahoroghora vya Hompa, lipongero lyakupongoka olyo ngayuvita kumahoroghoro gha ruvede: ⁵Mumwedi wakuhovamuliyuva lyaumurongo namane mukwedi kungurova, Hompa ngayatupita. ⁶Muliyuva lya murongo namatano mumwedi wakukufana ngashikara shipito sha mboroto ya Hompa. mumayuva ntambiri ngamulye mboroto dahana mushashu da Hompa.⁷Liyuva lyakuhova ngamuture shipito ngomulye kumwe muponge, kapishi ngomurughane virughana vyenu vya kehe liyuva. ⁸Ngomutapa vitapa vya ndya kwa Hompa mumayuva ntambiri. Liyuva lyauntambiri lya kuture shipito kwa Hompa, ntani muliyuva lyo kapishi ngamurughane virughana vyenu vya kehe liyuva.⁹Hompa a ghamba kwa Mosesa, nakughamba ashi, ¹⁰''Ghamba kuvantu vamuIsraeli nakughamba kwavo, 'Opo mwayire mushirongo osho namupa, ntani opo ngamuyangura muyangu wavyo, ngamuyite ntjako yakuhova ya nyango ya mbuto kwa muruti. ¹¹Ngayerura ntjako ya mbuto kumeho ya Hompa ntani nakuvitapa kwendi, mposhi ngava vitamburepo kwenu namuvantje. Muliyuva lya kunyima ya Sabatha mpo muruti ngaviyerura ntani nakuvitapa kwande.¹²Muliyuva olyo ngamuyerura ntjako ya mbuto ntani nakuvitapa kwande, muna kona kutapa shindjwi shashirume shamwaka umwe ntani shakudira shipo kuvitapa vya kupya kwa Hompa. ¹³Vitapa vya mbuto vina kona kukara viviri- mwa murongo gha ntjako ya ephah nautura wa kurunga namaghadi, vitapa vya kurughana kumundiro kwa Hompa, mukutenda lidumba lya liwa, ntani navitapa vya kunwa vya vinyu, mumetera yaune mulitera. ¹⁴Kapishi ngamulye mboroto, ndi walye mbuto yakukanga, dogoro muliyuva lyakukufana olyo mwayitire vitapa kwa Karunga. Evino ngavi kara viyivito vya kukarererapo kutwara mulikutjindjo lya vantu, mukehe livango olyo mwatunga.¹⁵Kutundilira muliyuva lya kunyima ya Sabatha- liyuva olyo mwayitire vitungu vya mbuto vya mbuto da vitapa- varenu vivike ntambiri vya kuyura. ¹⁶Ngomuvare mayuva murongo namatano, olyo ngalikaro liyuva lyakunyima ya sabata yaghutambiri. Ene ngoli ngomutape vitapa vya mbuto yayipe kwa Hompa.¹⁷Ngomuyite mumandi ghenu dimuntje mbiri odo varuwanita kumbiri yamurongo ya ephah. Ngaviruwanite ku utura wauwa ntani nakudi kanga navifulito, ngavikara vitapa vya nyango kwa Hompa nyango yakuhova. ¹⁸Ngamu tape namboroto vindjwi ntambiri vya mwaka ghumwe ntani vyahana shipo, ntwendu ya yanuke yimwe, ntani navindjwi vya virume vivili. Ngavi kare vitapa vyakupya kwa Hompa, navi tapa vya mbuto navi tapa vya vinwa, vitapa varughana kumundiro ntani nakutenda lidumba lya liwa kwa Hompa.¹⁹Ngomutape shikungwe kuvitapa vya ndjo, ntani vindjwi vivili vya virume vya mwaka ghumwe vyakundjambera, vikare vitapa. ²⁰Muruti ana kona kuvitura kumwe navintje na mboroto na nyango yakuhova kumeho ya Hompa, ntani nakuvitapa kwendi navindjwi vivili vyavirume. Ngavi kara vitapa vya kupongoka kwaHompa vya muruti. Ngomuruwane vininke vyenu muliyuva lyakukufana. ²¹Ngalikarako lipongero lya kupongoka, ntani kapishi ngomuruwane kehe shino shirughana. Evino ngavikara viyivito vyaku karererapo muku twara mulikutjindjo lya vantumumavango naghantje ogho mwatunga.²²Opo ngamuyangura muyangu wamushirongo shenu, kapishi ngomuvighupiliremo muhuka yamafuva ghenu, ntani kapishi ngomulye kumwe muyangu wenu. Ngomuvishuvire vanaruhepo ntani vantundwa virongo. Ame Hompa Karunga wenu.''²³Hompa a ghamba kwa Mosesa, nakughamba ashi, ²⁴''Ghambita vantu vamuIsraeli nakughamba ashi, 'Mumwedi wauntambiri, liyuva lyakuhova mumwedi ngalikara liyuva lya kupongoka lyalipwiyumuko kukwenu, namuvantje, livhuruko ngalikaro lyaveta marumbendo, lipongero lyakupongoka. ²⁵Kapishi ngo murughane kehe vino virughana, ntani ngomukudjambere mutape vitapa varuwana namundiro kwa Hompa.''²⁶Makura Hompa a ghamba kwa Mosesa, nakughamba ashi, ²⁷''Muliyuva lya murongo lya mwedi wauntambiri ndyo liyuva lya mapuliro. Ngalikara lipongero lya kupongoka, ntani ngomukudidipite naumwenu ntani nakukatapa vitapa vya Hompa pamundiro.²⁸Kapishi ngomurughane viruwana muliyuva linya mukondashi liyuva lya mapuliro, mukuruwana mapuliro gha naumwetu kumeho ya Hompa Karunga ghoye. ²⁹Kehe uno ngadiro kukudidipita mwene ngava mutetako kuvantu vendi.³⁰Kehe uno ngarughano virughana muliyuva linya, ame, Hompa, nganimudjonauramo mukatji kavantu vendi. ³¹Kapishi ngomurughane kehe ghano marudi ghavirughana muliyuva linya. Evino ngavikara viyivito vyakukarererapo kutwara mulikutjindjo lya vantu voye mumavango naghantje ogho watunga. ³²Liyuva lino ngalikare kwenu lya sabata lya lipwiyumuka lyakupongoka, ntani ngomukudidipite naumwenu muliyuva lyauntane lyamumwedi kungurova. Ngurova dogoro ngurova ngo kengere sabata.''³³Hompa aghamba kwa Mosesa, nakughamba ashi, ³⁴''Ghamba kuvantu vamuIsraeli, nakughamba ashi, 'Muliyuva lya murongo namatano lya mumwedi wauntambiri ngashikara shipito shauvando waHompa. Ngashidiyama mayuva ntambiri.³⁵Muliyuva lyakuhova ngamukare nalipongero lya kupongoka. Kapishi ngomurughana virughana vyokukukarera. ³⁶Mayuva ntambiri ngomukudjambere mutape vitapa varughana kumundiro kwa Hompa. Muliyuva lyauntantatu kuna kona kakara lipongero lya kupongoka, ntani ngamuruwane vitapa ovyo ngamutapa namundiro kwa Hompa. Elino lipongero lya kupongoka ntani kapishi ngomurughane kehe shino shirughana.³⁷Evino mbyo vipito vahoroghora vya Hompa, ovyo ngomuturashi mapongero gha kupongoka mukutapa vitapa vya pamundiro kwa Hompa, vitapa vya kupya ntani vitapa vya mbuto, vidjamberwa ntani vitapa vya vinwa, kehe shino muliyuva lyasho. ³⁸Evino vipito ngavikara viwederera kusabata kwa Hompa ntani navitapa vyenu, nkango denu nadintje, ntani vitapa vyenu vyaumanguruki ovyo ngamutapa kwa Hompa.³⁹Kutwara kuvipito vyauvando, muliyuva lyamurongo nautano mumwedi wauntambiri opo ngomuponga munyango yashirongo, ngomuture shipito shino sha Hompa mumayuva ntambiri. Liyuva lino ngalikara lya lipwiyumuko lya kupongoka, ntani liyuva lyauntantatu ngalikara shimpe lya lipwiyuko lya kupongoka.⁴⁰Muliyuva lyakuhova muna kona kughupa nyango dadiwa kuvitondo, dimutavi davitondo vyaundunga, dimutavi damahako davitondo vyavinene, vininke vya mudimuramba, ntani ngomupembura kumeho ya Hompa Karunga wenu mumayuva ntambiri. ⁴¹Mumayuva ntambiri kehe mwaka, ngomukushamberere shipito sha Hompa. Evino ngavikara viyivito vyakukarerera muvantu voye mulikutjindjo gha mavango naghantje ogho ngotunga. Ngomushamberera shipito mumwedi wauntambiri.⁴²Ngomutunge mutundjugho twatudidi mumayuva ntambiri. Kehe uno vashsmpurukira muIsraeli ana kona kutunga mutundjugho twatudidi mumayuva ntambiri, ⁴³mposhi valiro lyoye udjuni waudjuni wakumeho, ngava kushonge omo varughanine vantu vamuIsraeli vatunge mutundjugho twakufana ngoliopo navaghupire mushirongo sha Egipute. Ame Hompa Karunga wenu.'' ⁴⁴Mundjira yino, Mosesa ayaghura kuvantu vamuIsraeli shipito osho vahorowire kwa Hompa.

¹Karunga a ghambire kwa Mosesa, a ghamba ashi, ²''Rawira vantu vamuIsraeli vayite maghadi ogho vatenda kuoliva vayarughanite muramba, mposhi shite sha ramba shitwere.³Pandje yamakeshe kumeho ya mayuvamatano vadikire shindjuwo gona sha vigongi, Aroni ana kona kutwikira, kutunda ngurova dororo ngura ngura, kutulika ramba titwere kumeho yaKarunga. Eshi ngashikara shiturwapo shakukarererapo mudimuhoko davantu. ⁴Mukareli wamunene kehe pano ana kona kutura ramba yitwere kumeho yaKarunga, ramba dado pashiyimaneno ramba sha ngorodo.⁵Ghuna kona kughupa ghutura wa mboroto ntani nakukanga mboroto murongo nambiri. Mukehe mboroto muna kona kukaramo ephah mbiri yadimurongo. ⁶Makura aditure mudimuyaro mbiri, mwakehe muyaro mukare ntayimwe, pantishe yangoro yene-yene kumeho yaKarunga.⁷Ghuna kona kutura lidumba lya liwa lyene lyene kukehe muyaro wamboroto viyimanene vitapa. lidumba lino ngava lishorera Karunga. ⁸Kehe yino sabatha muruti wamunene kehe pa kutura mboroto kemeho yaKarunga kukwateramo vantu vamu Israeli, shiyivito shalikupongatano lyanaruntje. ⁹Evi vitapa ngavi kara vya Aroni na vanavendi vava kafumu vana kona kuvilyera palivango lya kupongoka, mukonda shi munya rwapo kuna tundiliri kuvitapa vyo gharuwana Karunga namundiro.¹⁰Weno mo vya shorokire opo mwanuke wamukafumu mona mukamali wamu Israeli, oghunya ghakaliro shi vashe vamu egipute, ogho gha yendiro pakatji kava Israeli. Ghuno ndje mwanuke wamu kafumu monawamukamali wamu Isreali ghakaliro naghunkore namukafumu wamu kamba. ¹¹Mwanuke wamukafumu ogho nga ghambo vyavidona mulidina lyaKarunga namughano waKarunga, ngoli vantu avayita Mosesa. Ghuye lidina lyava wina kwakalire Shelomith, mona Dibiri, wamukamali, ogho atundiro kurudi rwa Dan. ¹²Vavo kwamukwatilire mudorongo nange Karunga naghu mwendi nga kenite vino kwavo.¹³Makura Karunga aghamba kwa Mosesa, ashi, ¹⁴''Ghupa kehe ghuno mukafumu ghafingo Karunga pandje yakamba. Natuvantje ovo vamuyuviro vaturo maghoko ghavo padimutwe, lipongo nalintje vavhukume mawe.¹⁵Ghuna kona kufatwirira vantu vamu Israeli nakuvatantera ashi, 'Kehe ghuno ghafinga Karunga wendi ana kona kushimba likuyuvo lyaghu undjoni wendi. ¹⁶Kehe ghuno nga shwaghuro lidina lya Karunga ndje tupu kufa. Mapongo naghantje ana kona kukara naghushili nakupondeka namawe ghakare muntundwa virongo ndi muna mfarerwa wamu Israeli. Ntjene mpwali ngaghambo vyavidona kuhamena kwaKarnunga naye ngava mudipaya.¹⁷Kehe ghuno ngaghano palivhu muntu ghunyendi, naye ngava mupondeka. ¹⁸Kehe ghuno nga ghano vimuna vya ghunyendi naye ngava mufutita, mwenyo na mwenyo.¹⁹Kehe ghuno ngaremeko vamaparambo vendi, naye vana kona kuvi muruwana yira momu ana rughana ghunyendi: ²⁰Ntjene ughomone ghunyoye nove kuku ghomona, ntjene lintjo lina tomoka nove kukutomona, ntjene ghuna kura liyewo nove kuku kura. Mukonda ghuye kwayititapo ghurema kumuntu, Makura vyavyo kuvi murughana yira momo anarughana ghunyendi. ²¹Kehe ghuno ogho nga dipayo shikorama ghuye ngashifute nakehe ghuno nga dipayo muntu naye ana kona kufa.²²Ove ghuna kona kurughana yino veta kuvantu navantje akare muntundwa virongo ndi muna mvharerwa wamu Israeli, morwa ame Hompa Karunga woye.'' ²³Makura mosesa aghambita vantu vamu Israeli, navantu ovo varupwitiro mukafumu ghunya pandje yakamba, ogho aghanino Karunga. Vavo ava mupondeke namawe. Vantu vamu israeli mpo vatwikilire nelinya lirawiro lya Karunga kwaMosesa.

¹Karunga aghamba kwaMOsesa pandundu ya sinai, ashi, ²''Ghamba kuvantu vamu israeli nakuvatantera ashi, 'Opo muya ngena mushirongo osho ana kumupa Hompa, makura shirongo ngava shipa shitulike vasabatha vaKarunga.³Ngamukune muma fuva ghenu nakuwapeka vikunino vyenu vyamandjembere, ngamu pungure muyangu wenu wamwaka ntayimwe. ⁴Ngoli mwaka waghuntambiri ngo mwaka wakupwiyumuka mushirongo. Wawo kwaghupongora Hompa. Mwasha kuna muma fuva ghenu ndi ashi muwapeke muvikunino vyenu vyamandjembere.⁵Nambuto shi dendi da mpereyungu dakuku kulira dene nakuditjoramo shi ndi mupongayike mandjembere ogho ghayimo kuvindjembere evi vadira kuwapeka, mumwaka wa ngoli lipwiyumuko lya shirongo. ⁶Mumwaka ogho walipwiyumuko, mafuva ogho vadira kukuna, ngo ngagha mupo ndya kumwe navapika venu navaruwani venu navantundwa virongo ovo mwatunga navo, ⁷navimuna vyenu vyamumandi ghenu navikashama vyamuwiya. Kehe vino ngavi yimo mumafuva ogho vadira kulima, ovyo kulya tupu.⁸Varura mwaka ntano nambiri parutano naruviri, ditike pamwaka murongo ne nantano-nane. ⁹Ano liyuva lya murongo lya mwedi wauntambiri, liyuva lya lifero nkenda, tuma muntu afude mbendo, yikuhanene mushirongo nashintje.¹⁰Pankedi eyi ngaupongora ngoli mwaka murongo ntano makura ngauyivilite limanguruko lya vantu ovo vatungo mushirongo. mumwaka ogho maungagho naghantje vaghulitire mushirongo. Mumwaka ogho maungagho naghantje ngavagha vyutako kuva venyagho ndi kuruvaro rwagho.¹¹Mwasha kuna mumafuva ghenu ndi ashi mupungure mbuto edi dakukuliro dene ndi ashi mupongayike mandjembere ghamuvikunino vyenu vyamandjembere evi vadira kuwapeka. ¹²Mwaka nauntje ghu, wakupongoka owo ngaukaro wakupongoka kukwenu. Muna kona kulya ovyo vya vya yimo panaumwavyo vya mumafuva ghenu.¹³Ghuna kona kuvyutako kehe uno kuvininke vya mwene ovyo a weka mumwaka uno wakupongoka. ¹⁴Ntjene aughulita kehe linolivango kumaparambo ghoye ndi kughura kehe lino livango kumaparambo ghoye, nakukongashi ndi kurughana vya mapuko kwaunyoye.¹⁵Ntjene aghu ghuru livango kumaparambo ghoye, vikuyende nashivaro sha mwaka eshi ngalivura kuyita lifuva muyangu dogoro kumwaka yaliyitito, ogho ngaukwamoko. ¹⁶Ano mwaka ntjene dingi mwakughulita namo muvhuke, ano ntjene mwaka ghumwe tupu, rughulitito naro rughurumuke, mukondashi evi vana ghulita vikuyende nashivaro sha muyangu wamulifuva olyo. ¹⁷Mwasha furunyeka vaIsraeli vaunyenu, nani ngoli tjirenu Hompa Karunga wenu.¹⁸Limburukwenu kuveta nakuvipanda navintje vya Hompa Karunga, mposhi muyoghoke nakutunga mushirongo. ¹⁹Mumafuva ngamuyima muyangu, anwe ngamuwana navintje evi ngamushana kulya, ngamukara mumpora.²⁰Anwe ghumwe kuvura apure ashi, ''Vinke ngatulya mumwaka wauntambiri? kenga, kapi katukunu mumafuva ndi kunyanga muyangu.'' ²¹Hompa nga shweralirago mumafura mumwakaka wauntayimwe, ashi ngagha yime muyangu waungi wakugwanenena wamwaka ntatu. ²²Apa ngamukuna mumafuva ghenu mwaka ntantatu, anwe ngamulya shimpe evi mwayangulire mumwaka wantano nantayimwe, anwe ngamukara shimpe na ndya dinagwana, dogoro mpapa ngavikapira evi ngamukuma mumwaka ogho wapito.²³Livhu nakulighulitashi, mukondashi kapishi lyenu, lya Hompa. Anwe kuna fana vantundwa virongo ovo vapulitira tupu mulirughanite. ²⁴Livhu nampili kunalighulitashi, mwenyalyo shimpe kuna kara nankondo dakulighuruturura. ²⁵MuIsraeli unyenu nange ruhepo runa muwana makura kughulitapo lifuva lyendi, likoro lyendi mwene-mwene ndje wakuvura kuliyoghora ko.²⁶Ntjeneshi muntu ogho kapi akara naliro lyendi ovo apa limona, ngoli ntjene mungagho makura ana kara nalikuyuvo lya kutapa, ²⁷makura kwavara mwaka kutunda opo valighulita livango nakuvyuta mfuto kwa muntu ogho vali ghulitire. Ntani a vhura kuvyuta limona lyendi. ²⁸Ngoli ntjene kapi ana kuvhura kuvyuta livango lyendi kwa naumwendi, makura livango olyo a ghulita kulikara mumaghoko gha muntu ogho valighulita nange mwaka wakulilikida. Kumwaka wakulilikida, livango ngavalivyuta kogho muntu ali ghulitiro, makura mwenya limona ngava limuvyutidira.²⁹Ntjeneshi muntu aghulita ndjugho vakundulikida nalikuma munkurudoropa, makura ana hepa kulivyuta hana kutikita mwaka wakuyura kutunda opo ayi ghulita. Mumwaka wakuyura ngakara na unankondo wakupita. ³⁰Ntjeneshi ndjugho kapi vayitapa hana mwaka wakuyura, makura ndjugho oyo vakundurukida nalikuma munkurumbara ngayikara limona lya kukarererapo lya mughuli kumuhoko wendi. Kapi ngavayitapa mumwaka wakulilikida.³¹Ngoli ndjugho da kumambo odo da diro kukara namakura gha kundurukido ko ngavayitura shi livango lya lifuva. Kuvhura kughatapa, ene ngoli vana hepa kuvivyuta mumwaka wakulilikida. ³²Ngoli kunkurumbara davaLeviti, ndjugho yamuLeviti munkurumbara oyo yakaro shi yendi kuvhura kuyitapa kehe pano paruvede.³³Ntjeneshi umwe wamuLeviti kapi ana kutapa ndjugho oyo a ghulita, makura oyo ndjugho va ghulita munkurumbara oko yakarera vana kona kutapa mumwaka wakulilikida, kundjugho damunkurumbara davaLeviti ndyo limona lya mukatji kavantu vamuIsraeli. ³⁴Ngoli mavango gha kundurukido nkurumbara nakuvhura shi kughaghulita mukondashi limona lyakukarererapo lyavaLeviti.³⁵Ntjeneshi vatungimo vaunyenu vamushirongo ava kara vanaruhepo, ashi kapi ana kuvhura kukurera mwene, makura ove una kona kumuvatera yira momo ghuvura kuvatera muntundwa shirongo mposhi avhure kutunga mukatji kenu. ³⁶Nakumughupirako shi rente, ngoli fumadeka Karunga ghoye mposhi mukuroye ndipo muunyoye ngavhure kutwikira kuparuka nove. ³⁷Kapishi ngaumukorotite maliva makura ngaumufutite rete, ndipo ghumughulite ndya doye uwaneneko viyeramo. ³⁸Ame Hompa Karunga ghoye, ogho aka mughupiro mushirongo sha Egipute, mposhi nivhure kumupa shirongo sha Kanani, makura nikare Karunga wenu.³⁹Ntjeneshi mutungimo unyoye ana kara munaruhepo kumwe nakukughulita naumwendi kukoye, kapishi ngaumuruwanite yira mupika. ⁴⁰Mutekure yira mupika wakukumuna. Ana kona kukara yira munaruyenda ndjira. Ngakurughanena dogoro mwaka wakulilikida. ⁴¹Makura ngakushuva ayende, ndje na vana vendi navo, makura ngaka vyuka kumuhoko wendi na kulimona lya vashe.⁴²Mbyevishi vavo varughani vande nakaghupire mushirongo sha Egipute. ⁴³Kapi ngava vaghulita yira vapika. Kapishi ngamuvapangere kehe pano, ene ngoli fumadeka Karunga ghoye. ⁴⁴Kuvapika venu vavakamali nava vavakafumu, ovo muvhura kughupa mudihoko odo damukundurukido, kuvhura mughure vapika kwavo.⁴⁵Kuvhura nka mughure vantundwa virongo ovo vatungo mukatji kenu kumwe navaruyenda ndjira ovo vakaro nanwe, ovo vashampurukira mushirongo shenu, makura ngava kara limona lyenu. ⁴⁶Kuvhura kutapa vapika vakare upingwa wavana venu, vakwate yira limona, nakuvatura vakare limona lya mwenyo, ngoli kapishi ngamupangere vakuru venu vavakafumu kukatji kavaIsraeli kehe pano.⁴⁷Ntjeneshi muntundwa shirongo ndipo mutungimo wakukwateramo a tungo nanwe pakukwateramo anaya ngaghopa, makura umwe mutungimo wenu wamuIsraeli ana kara munaruhepo makura aka kughulite mwene kogho muntundwa shirongo, ndipo kwa umwe wamuhoko wavantundwa virongo, ⁴⁸kuruku rwa kughura mutungimo unyenu wamuIsraeli, kuvhura ngamukamughure mumuvyute. Umwe wamulikoro lyenu kuvhura ngamuvyute.⁴⁹Kuvhura nga kare nkwirikwa ndjegho muntu, ndipo mona nkwiri kwendi, ogho ngakamuvyuto, ndipo kehe uno wamuhoko wendi. Ndipo, ntjeneshi ana ngaghopa, kuvhura ngakuvyute mwene. ⁵⁰Ana hepa kutompwera namuntu ogho amu ghuliro, vana hepa kuvara mwaka kutamekera opo ghakughulitire mwene nange mwaka wakulilikida. Mfuto yendi yakuruku vana hepa kuyishetakanita mushivaro kumwe namupika wakukumuna, mumwaka odo gha vhura kutwikira kurughanena ogho muntu amu ghuliro.⁵¹Ntjeshi mwaka shimpe diyingi ko kumwaka wakulilikida, ana hepa kufuta mfuto ya kuruku mfuto yamaliva oyo yina karo mumwaka odo. ⁵²Ntjeneshi mwaka disheshuko kumwaka wakulilikida, makura ana hepa kutompwera namughuli ogho amu ghuliro kumwaka odo dina hupoko nange mwaka wakulilikida, makura ana kona kufuta mwaka dakuruku kutwara mumwaka.⁵³Mughuli ngakara yira mupika kwamukumunine kutwara mumwaka. Mughuli kapi ngamupangera kehe pano. ⁵⁴Ntjeneshi kapi ana kukuvyuta mwene kwevino, makura ngarughana dogoro mwaka wakulilikida, naye na vana vendi. ⁵⁵Kwande me vantu vamuIsraeli ne varughani. Varughani vande nakaghupire mushirongo sha Egipute. Ame Hompa Karunga ghoye.'''

¹''Kapishi ngomurughane shintjwantjwa, ntani kapishi ngamuka yimike lifano lya kushonga ndi ngundi da mawe, ntani mwasha tura kehe liwe lya kushonga mushirongo shenu ashi mutongamenangeko, ame Hompa Karunga wenu. ²Muna kona kakunga mayuva ghande gha lipwiyumuko nakufumadeka ndjugho yande ya kupongoka. Ame Hompa.³Nange ghamukwama veta dande na dimuragho dande nakuditikitamo, ⁴makura nganimupa mhura muruvede rwayo, livhu ngali kayangura mbuto dalyo, ntani vitondo vya mumafuva ngaviyima nyango davyo.⁵Muyangu wenu ngaghutwikira muruvede rwa kuyangura mandjembere, ntani muyangu wamandjembere ngaghukuwederera dogoro ruvede rwa kukuna. Ngamukalya mboroto yenu nakukuta nakutunga nawa oko mwa rughanena mandi mushirongo. ⁶Ngani tapa mpora mushirongo, kwato ovyo ngo rara navyo ovyo ngavikurenkito ghukare na ghoma. Ngani ghupamo vikorama vya shiponga, ntani vita kapi ngavipitamo mushirongo shenu.⁷Ngani tjida vana nkore venu, nakuwa kumeho yenu lighonga kulighonga. ⁸Vatano venu ngava tjida vantu lifere limwe, ntani vantu lifere limwe lyenu ngava tjida vantu mayovi murongo, vana nkore venu ngava kawa kumeho yenu kulighonga.⁹Ngani mukenga nambili ntani ngani murenka mbuto yenu yiyagure ntani nganimuvhukita, ngani yititapo likukwatakano nanwe. ¹⁰Ngamulya ndya odo vapungura kare-kare. Ngamurupwitamo ovyo mwapunguramo morwa ngamushana ndjugho ngamuturemo muyangu waupe.¹¹Ngani tura vakondi vende mukatji kenu, ntani kapi ngani nyeghenya. ¹²Ngani yenda mukatji kenu ntani ngani kaea Karunga wenu ntani ngamukara vantu vande. ¹³Ame Hompa Karunga wenu, ogho ghamutunditiro mushirongo sha Egipute, mposhi kapishi mukare vapikavavo. Ame natjorapo nkambo odo damupiro muremenena nakumurenka muyende kuvyukilira nakukankura dimutwe.¹⁴Ene ngoli nange kapi ngamu ntegherera, nakudira kukwama dimuragho odo nadintje, ¹⁵ntani nange ngamushwena mpangera dande nakunyenga veta dande, mposhi mudire kutikitamo dimuragho dande, ene ngoli tjorenupo makuyuvatano ghande-¹⁶Nange murughana vininke vino, makura name kuni rughana vino kwenu: Ame nganimumonita vihuna, mahamba na mpepo- mpepo ovyo ngavidjonauro mantjo ntani ngavi kukutika maparu ghenu. Ngamukona mbuto denumungosho, mukondashi vana nkore venu ngava kalya muyangu. ¹⁷Makura kuni ka,,ushweneka nashipara shande, makura vanankore venu ngava kadimufunde- vantu ovo vamunyengo ngava kamupangera, ngamukatjira, nampindi kwato gho ngakamutjido.¹⁸Nange kunyima yevi navintjevi kapi muna kuntegherera, ngani kamutengeka rukando ntambiri kupitakana pandjo denu. ¹⁹Makura ngani katjora likunenepito lyenu munkondo denu. Ngani renkita liwiru lyenu likare yira shikugho ntani livhu lyenu yira ngopora. ²⁰Nkondo denu kwato ovyo ngamudirughanita, mukondashi livhu lyenu kapi ngali yangura muyanguwalyo, ntani vitondo vyenu kapi ngavi yima nyango.²¹Nange muyenda name namakanyi nakudira kuntegherera, ngani kamuyitira likundungu rukando ntambiri, kushetakanita pandjo denu. ²²Ngani mutumina vikashama vimuhomokere, ngavamuvaka vana venu, nakudjonaura vimuna vyenu, ntani ngani kamusheshupita mushivaro ano ndjira denu ngadi katita.²³Nange kutunda pa pavininke shimpe kapi muna kutambura lipukururo lyande nakutwikira kuyenda name namakanyi, ²⁴name ngani muyenda namakanyi, ntani ame naumwande ngani kamutengeko vikando ntambiri mukonda ya ndjo denu.²⁵Makura ngani kayita vita kwenu ovyo ngavi vareko kuvyuta rughoko mukutjorapo likukwatakano. Ngamukaponga kumwe munkurambara denu, nakumutumina mahamba pakatji kenu nkoko, nakumutapa mumaghoko gha vanankore venu. ²⁶Ngani katetapo liyititopo lya ndya denu, vakamali murongo ngava kayota mboroto denu mulidiko limwe, ngava katapera mboroto kutwara muviviha. Ngamukalya ene ngoli nakukutashi.²⁷Ntjene kapi ngamuntegherera me, ene ngoli kuna kutwikira kukara naunankore name, ²⁸ngani kara munankore wenu muugara, ntani nganimutengeka nampindi rwa kupitakana parutano naruvili kutwara muundjoni wenu.²⁹Ngamulya marutu gha vana venu. Ngani djonaura mavango ghenu ghamanene, ³⁰ngani tjoraura vidjambero vyenu vya kututumuka muti, ngani vhukumina vimpu vyenu kwa Karunga wenu wamapempa. Ame naumwande nganimunyenga.³¹Ngani kapirura mandi ghenu ghakare marunda, nakukadjonaura ndjugho denu dakupongoka. Kapi ngani kahafera lidumba lyenu lya liwa kundjambo yenu. ³²Ngani kadjonaurapo shirongo. Vana nkore venu vo ngava kakaromo ngava katetuka kulidjonauko. ³³Ngani kamuhangawira mukatji kamuhoko, ngani kaghupamo vita kumwe nakukamukwama. Shirongo shenu ngashi kadjonauka, nkurumbara denu ngadi kakara marunda.³⁴Shirongo ngashikara naruhafo mumayuva ghakupwiyumuka, mulidjonauko ntani mumaghoko gha vanankore venu munakara. Paruvede oro shirongo ngashi kahafera mayuva ghasho ghalipwiyumuko. ³⁵Nampindi vikare shi vipempa kuvi shayikita, ngavi pwiyumuka, ngamukara ngoli, maruvede naghandje ogho kapi ngamukara name muliyuva lyaku pwiyumukira, opo ngamu tunga. ³⁶Kwenu ngoli nwe vashuva mushirongo sha vanankorwe, ngani mutumina utjirwe mudimutjima denu mposhi nampindi livhu lyalihango lina kuyungo mpepo ngalitetuka kwenu ngamutjira yira momu mwatjilire lighonga, ngamuwa nampindi kwato ogho ngamutjido.³⁷Ngamukuwera weranaumwenu momo ngamudukira mutjire lighonga, nampindi ngoli kwato ogho ngamutjodo. Kapi ngamukara nankondo da kuyina navanankore venu. ³⁸Ngamufera mushirongo, ntani shirongo sha vanankore venu ngashi kamukwangulita kumulya. ³⁹Ovo ngava huparo pakatji kenu ngava kara ruhupwa rwa ndjo davo, mushirongo sha vanankore vavo, mukonda ndjo da vashavo ngadiva nyateka.⁴⁰Ntjene wa djona ndjo, ndjo da vashavo ntani mwarughana kehe vino vyo kudjona vyo vyakuuliro ufuki kwande, ntani virughana vyavo vya kalire una nkore name- ⁴¹ovyo vina ndenkito nikare unankore navyo, navayita mushirongo shavankore vavo- ntjene kapishi vavakenya dimutjima davo vana kona kudi didipita. Ntjene ngava tambura matengeko gha ndjo davo, ⁴²opo nganimuyita nimuvhurukite likuyuvho natulirepo naJakopo, likuyuvho lyande naIsaka, likuyuvho lyande na Abrahamu, ntani nka ngani yita shirongo shimuvhurukite.⁴³Shirongo ngamushushuvira kwavho. Makura ngava turapo namayuva gha kupwiyumuka shirugho sho vipempa muna vishuvu vavo pato. Vana kona kuyafuta mapuko ghandjo davho mukonda naghumwavo vashayakitiro likukwamo ntani kunyenga veta dande.⁴⁴Makura va nyengire navintje vino, opo vakalire mushirongo sha vana nkore vavo. Kapi ngani va shweneka ndi ngani vasheteka makura ngani vamanita kuva djonaura nakuva ghupa kudimuragho davo. Ame Karunga wavo. ⁴⁵Ngoli kuli vatero ngani yita mukuvhurukita likuyuvho nama timbi ghavo, ovo naghupiro mushirongo sha Egipute ovo namonine mumuhoko davo.⁴⁶Dino ndo dimurawo dande, vashayikire na veta ashi Karunga gharenkire pakantji kavo na vantu vamu Isreali ndundu ya Sinai kwapitilire mwa Mosesa

¹Hompa a ghamba na Mosesa nakughamba ashi, ²''Ghambita vantu vamuIsraeli ghuvatantereshi, kehe uno wakughamba mughano wakukukarera kwa Hompa ruwanita ntambo dino dina kukwamoko.³Ntambo yoye yamulyo kwa mukafumu yakona kukara mwaka dimurongo mbiri diyeruke kumwaka dimurongo ntayimwe naviponda dimurongo ntano ya siliveli, kunyima yamaliva gha mukandjugho. ⁴Mukamali naye mwaka ndodo dakukufana ene mulyo wantambo yoye ya kona kukara viponda dimurongo ntatu.⁵Kuvareka mwaka ntano diyeruke mwaka dimurongo mbiri mulyo wamukafumu wakona kukara viponda dimurongo mbiri wamukamali viponda murongo. ⁶Vamwedi umwe viyeruke kumwaka ntano mulyo wantambo yamukafumu viponda vitano ya siliveli, wamukamali viponda vitatu vya siliveli.⁷Kutameka mwaka dimurongo ntayimwe viyeruke mukafumu mulyo wantambo yoye wakona kukara viponda muronga nantano, ngoli mukamali viponda murongo. ⁸Ngoli ntjene muntu ana turapo mughano ashi kapi avhura kufuta mulyo wantambo, ogho muntu vana kuvipa vakona kuyamunegheda muruti, makura muruti ndje akengo mulyo wogho muntu shi vingapi evi avura kutapa.⁹Ntjeneshi vana shanene shikorama osho Hompa kushitambura, kehe shino shipo sha shikorama vatapa kwa Hompa kushipongeka. ¹⁰Muntu kapishi ashi shintite ndi a ghupe shashiwa nakushuva dona ndi shashidona a ghupe shashiwa ntjene ashintita shikorama naunyasho, nasho nogho anashi shintito ngava pongoka.¹¹Ene ngoli, ntjeneshi muntu ana ghana ashi anatapa kwa Hompa makura shasho kapi sha pongoka, osho nakushitambura shi Hompa, ogho muntu ana kona kuyita shikorama kwa muruti. ¹²Muruti ngashi kenga mulyo washo, mulyo wakushi ghulita shikorama. Kehe yino ndando ana turapo muruti kosho shikorama, ogho ngo mulyo washo ghukaro. ¹³Ntjene mwenyasho ana shana kushiyowora, makura ghukahe wa mulyo washo kuva ghuwedera ghutike pa ndando yasho vana turapo.¹⁴Ntjene muntu ateta kuli vango lya mundi gha tape kwa Hompa ashi ghushwi wakupongoka, makura muruti kwa kenga mulyo walyo ndi ntjeneshi lidona ndi liwa. Kehe yino ndando nga turapo muruti, ndjo yiyendo ndjoyo. ¹⁵Ntjene mwenyalyo ana horo ghaliyowore ana kona kuwedererapo ghukahe wa mulyo walyo, mkura likare shimpe lyendi.¹⁶Ntjene muntu gha tura kuntere mavango ghendi ghamwe makura mulyo wagho ngaghakara ana kufana kumwe na mulyo wa mbuto vana tura vakune mumafuva-mwenya mundi ana kona kutapa pamulyo walyo viponda dimurongo ntano da siliveli.¹⁷Ntjene gha pongwere lifuva lyendi paliyuva lya mwaka wakughulilira, mulyo walyo ngaghu yimana. ¹⁸Ngoli ntjene nga pongerwa livuva lyendi muliyuva lya kupwa mwaka wakughulilira, makura muruti nga varura mulyo wa lifuva munomora da mwaka odo daghupoko nange mwaka waku ghulilira, mulyo walyo ngava ghu tepurura.¹⁹Nange muntu ana pongerwe lufuva lyendi makura ana shana kuli yoghora, ana kona kuwedererapo ghukahe wa mulyo walyo, lyalyo ngalikara lyendi. ²⁰Ntjane kapi ana liyowora, ndi ntjene aghulite lifuva lyendi kwa muntu ghumwe, kapi nga liyoghora nka. ²¹Ene ngoli, lifuva ntjene vana litapa mumwaka wavi lilikida, ngavi kara ghushwi waku pongoka kwaHompa, yira lifuva eli vana taperere kwa Hompa. Ngali kara lya muruti.²²Ntjene muntu gha tape lifuva lyendi eli ghaura, ²³ene ngoli lifuva kapi lyakara lihamene kulivango lyalikoro, makura muruti ngavarura mwaka daku lilikida, makura muntu ogho ana kona kufuta mulyo walyo ndolyo liyuva yikare ghushwi waku pongoka kwa Hompa.²⁴Mwaka wakulinegheda, lifuva kuli vyuta kwa muntu ogho vali ghura, kwa mwenya livango. ²⁵Navintje vi vya mulyo vana kona kuvi viha na viponda. Dimurongo mbili dakona kukushetakana na ponda yimwe.²⁶Kwato waku pongwera shikorama sha mbeli, mbyevi shi vikorama vya mbeli vyakara kare vyaHompa, dikare shi hove ndi ndjwi,vya Hompa. ²⁷Ntjene shi kapi sha pongoka mwene ngaka shighuro paliyuva lya kushighulita ntani nga wedera po nka ghukahe wamulyo washo. Ntjene shi shikorama kapi vana shiyoghora, ngava shi ghulita ku twara pa mulyo washo.²⁸Ogho muntu kwato ngoli evi gha twenyedera kwa Hompa, kwana vintje evi ghaweka, ghakare muntu ndi shikorama, ndi livango lya likoro, ngava vi ghulita ndi ngava viyoghore. Navintje evi nga twenyedera ngavi kara vya kupongoka kwa Hompa. ²⁹Kwato oghu ngava futira maliva ntjene ana twenyidiri shininke shakudira kurunduruka. Ogho muntu vana kona kumu dipaya.³⁰Kehe shino shaghumurongo mulifuva, vikare shi mbuto yamulifuva ndi nyango daku vitondo, ovyo vya Hompa. Vya pongoka kwaHompa. ³¹Ntjene muntu ana yoghora kehe shino sha ghumurongo, ana kona kuwedererapo sha ghutano pamulyo washo.³²Kehe shino shi muna sha ghumurongo, ndi kwa pitakana mundjira ya mwenyayo, sha ghumurongo vakona kushi pongwera kwa Hompa. ³³Mwenya vimuna kapishi gha shane sha shiwa ndi shashi dona, ntani kapishi avi shintite na unyasho. Ntjene ghavi shintita navintje, makura navintje nosho vana shintita kuvikara vya kupongoka kwato kuvo yoghora.''³⁴Odi ndo dimurawo gha tampiro Hompa kundundu ya Sinai kwa Mosesa da vantu vamu Israeli.

¹Karunga atantere Mosesa mutende yavigongi mu mburundu ya Sinayi. Ovino kwa shorokire muliyuva lyamuhovo mumwedi wauviri muruvede rwa mwaka wauviri kutunda opo vatundire vaIsraeli mushirongo sha Egipute. Karunga aghamba, ²''Wapayikenu livaruro lya vantu vamuIsraeli kehe vano mulira lyavo, mulipata lyashavo. Vavarurenu pamadina ghavo. Varurenu varume, kehe uno mukafumu, ³ogho ana karo namwaka dimurongo mbiri ndi mukughona. Vavarurenu navantje ovo vana wapero mukurwa muukavita wavaIsraeli. Nove naAroni muna hepa kutura shivaro sha vakafumu mumpongatano yaghurwi.⁴Mukafumu kehe uno murudi, litimbi mulira, ana hepa kukara koye ashi ndje mupititili warudi. Kehe uno timbi ana hepa kupititira vakafumu ovo vana wapero kurwa murudi. ⁵Oghano ngo madina gha matimbi ogho ngagha kuvatero kurwa: Kurudi rwa Rubena, Elizura mona-rume wa Shedeuri, ⁶murudi rwa Simiyoni, Shelumiyeli mona-rume wa Zurishadayi,⁷Murudi rwa Juda, Nahashoni mona-rume wa Aminadabai, ⁸murudi rwa Isasikari, Netaneli mona-rume wa Zuwari, ⁹murudi rwa Zebuluni, Eliyaba mona-rume wa Heloni,¹⁰Murudi rwa Efirayimu mona-rume wa Josefa, Elishama mona-rume wa Amihudi, murudi rwa Manase, Gamaliyeli mona-rume wa Pedahizuri, ¹¹murdi rwa Benjameni, Abidani mona-rume wa Gidiyoni,¹²Murudi rwa Dana, Ahiyezeri mona-rume wa Amishadayi, ¹³murudi rwa Asheri, Pagiyeli mona-rume wa Okarana, ¹⁴murudi rwa Gada, Eliyasafa mona-rume wa Deweli, ¹⁵namurudi rwa Nafitali, Ahira mon-rume wa Enani.''¹⁶Ovano mbo vakafumu vahorowire muvantu. Mukuyendita marudi ghavakughona vavo. Ngo matimbi ghavaIsraeli mumara ghavo.¹⁷Mosesa na Arona ava ghupu vakafumu vano, ovo vatjangire pamadina, ¹⁸muvakafumu vano ava pongeke vaIsraeli navantje muliyuva lyakuhova mumwedi wauviri.Makura kehe uno mukafumu wamwaka dimurongo mbiri ndi mukughona vadimbulire vakughona vavo. ¹⁹Makura Mosesa kuvatjanga muvivaruro mumburundu yaSinayi, yira momu ava rawilire Hompa mukuvirughana.²⁰Muvana vaRubeni, Mbeli yaIsraeli, ava varura madina ghavo naghantje na kehe uno mukafumu wamwaka dimurongo mbiri ndi mukughona ogho ana wapero vita, avava varwili kulira lyavakondi nalipata lyavo. ²¹Shivaro sha kutika 46,500 vakafumu vamurudi rwa Rubeni.²²Muvana vaSimiyoni ava varura madina ghavo naghantje na kehe uno ana wapero vita, avava varwili kulira lyavakondi nalipata lyavo. ²³Shivaro 59,300 vakafumu vamurudi rwa Simiyoni.²⁴Muvana vaGada ava varura madina ghavo naghantje nakehe uno ogho mukafumu wamwaka dimurongo mbiri nai mukughona ana wapero kurwa vita, avava varwili kulira lyavakurona nalipata lyavo. ²⁵Shivaro 45,650 vakafumu vamurudi rwa Gada.²⁶Muvana vaJuda ava varura madina ghavo naghantje nakehe uno mukafumu wamwaka dimurongo mbiri ndi mukughona ogho ana wapero kurwa vita, avava varwili kulira lya vakurona nalipata lyavo. ²⁷Shivaro 74,600 vakafumu varudi rwa Juda.²⁸Muvana vaIsasikari ava varura madina ghavo naghantje nakehe uno mukafumu wamwaka dimurongo mbiri ndi mukughona ogho ana wapero vita, avava varwiri kulira lyavakondi nalipata lyavo. ²⁹Shivaro 54,400 vakafumu vamurudi rwa Isasikari.³⁰Muvana vaZebuluni ava varura madina ghavo naghantje nakehe uno mukafumu wamwaka dimurongo mbiri ndi mukughona ogho ana wapero vita, avava varwili kulira lyavakughona nalipata lyavo. ³¹Shivaro 57,400 vakafumu vamurudi rwa Zebuluni.³²Muvana vaEfirayimu mona-rume waJosefa ava varura madina ghavo naghantje nakehe uno mukafumu wa mwaka dimurongo mbiri ndi mukughona ogho ana wapero kuyenda kuvita, avava varwili kulira lyavakurona nalipata lyavo. ³³Shivaro 40,500 vakafumu vamurudi rwa Efirayimu.³⁴Muvana vaManase mona-rume waJosefa ava varura madina ghavo naghantje nakehe uno mukafumu wamwaka dimurongo mbiri ndi mukughona ogho ana wapero kuyenda kuvita, vava varwire. ³⁵Shivaro 32,200 vakafumu vamurudi rwa Manase.³⁶Muvana vaBenjameni ava varura madina ghavo naghantje nakehe uno mukafumu ana karo namwaka dimurongo mbiri ndi mukughona ogho ana wapero kuyenda kuvita. Avava varwiri kulira lyavakondi nalipata lyavo. ³⁷Shivaro 35,400 vakafumu varudi rwa Benjameni.³⁸Muvana vaDana ava varura madina ghavo naghantje nakehe uno mukafumu wamwaka dimurongo mbiri ndi mukughona ogho ana wapero kuyenda kuvita, avava varwili kulira lyavakurona nalipata lyavo. ³⁹Shivaro 62,700 vakafumu varudi rwa Dana.⁴⁰Muvana vaAsheri ava varura madina ghavo naghantje nakehe uno mukafumu wamwaka dimurongo mbiri ndi mukughona ogho ana wapero kuyenda kuvita, avava varwili kulira lyavakondi nakulipata lyavo. ⁴¹Shivaro 41,500 vakafumu varudi rwa Asheri.⁴²Muvana vaNafitali ava varura madina ghavo naghavantje nakehe uno mukafumu wamwaka dimurongo mbiri ndi mukughona ogho ana wepero kuyenda kuvita, avava varwiri kulira lyavakurona nalipata lyavo. ⁴³Shivaro 53,400 mulira lya Nafitali.⁴⁴Mosesa na Arona nko kuvarura vakafumu vano navantje, kupakererako navakafumu murongo navaviri vayenditi vamarudi ghano murongo namaviri gha vaIsraeli. ⁴⁵Makura navantje vaIsraeli va vakafumu kutundilira mwaka dimurongo mbiri navakondi, navantje vakuvhura kurwa vita, avava varura kehe uno mumapata ghavo. ⁴⁶Ava varura shivaro 603,550 vakafumu.⁴⁷Ngoli vakafumu ovo vakafumu ovo vakaliro vana vaLevi kapi vava varulireko, ⁴⁸mukonda Karunga kwa tantilire Mosesa, ⁴⁹''Washa varura lira lya Levi ndi ghuvature kushivaro shanavantje sha vaIsraeli.⁵⁰Ngoli, tura vaLevi mivirughana vya kukengera nkongorondjugho yamagwanekero paveta, nakukeverera vashongaghuro vya munkongorondjugho navintje na navintje vyamo. VaLeviti vana hepa kushimba nkongoro ndjugho. Vana hepa kukeverera nkongorondjugho nakudika tende davo dikunduruke nkongorondjugho.⁵¹Ntjeneshi nkongorondjugho kuna kudiruka yiyende palivango nalyo peke, vaLeviti vana hepa kuyidamuna. Ntjeneshi kuna kuyitura, vaLeviti vana hepa kuyitura. Kehe uno muna virongo ogho ana kuyo pepi nankongorondjugho vana hepa kumudipagha. ⁵²Ntjeneshi vaIsraeli kuna kutura tende davo, kehe uno mukafumu ana hepa kutura pepi nalirembe lya hameno kumpongatano yavo yaghurwi.⁵³Makura, vaLeviti vana hepa kutura tende davo kukundurukida nkongorondjugho yamakugwanekero paveta makura ugara wande kapishi ghuyende kuvaIsraeli. VaLeviti vana hepa kukeverera nkongorondjugho yamakugwanekero paveta.'' ⁵⁴VaIsraeli ava ruwana navintjeya vino. Ava ruwana navintjeya ovyo arawilire Karunga kwa Mosesa.

¹Karunga atantere nka shimpe Mosesa naArona. ²''Kehe uno muIsraeli ana hepa kudika ntanda yendi paruwa, kumarembe kumandi gha vakashavo, vavo vature ntanda davo vakundurukide tende yavigongi kumaruha naghantjeya.³Vakundurukide ntanda kuupumeyuva watende yavigongi, oko lyapuminanga liyuva, kukare ntanda yavaJuda nakukara ntanda vanadiki murupe rwa ruwa. Nahashona mona-rume wa Aminadaba ghuye ndje muyenditi wambunga ya Juda. ⁴Shivaro shambunga shasho 74,600.⁵Rudi rwa Isasikari ana hepa kudikira ntanda yikwame kwa vaJuda. Netali mona-rume wa Zuwara ana hepa kupititira vakavita vaIsasikari. ⁶Shivaro shavo muligaghununo 54,400 vakafumu.⁷Rudi rwa Zebuluni vana hepa kutura ntanda vakwame kwa Isasikari. Eliyaba mona-rume wa Heloni ana hepa kupititira vakavita vaZebulini. ⁸Shivaro shavo muligaghununo 57,400.⁹Sshivaro nashinte muntanda da vaJuda 186,400. Vana hepa kuvatura muhovo.¹⁰Ano kuruha rwaucuma kuna hepa kutura ntanda ya Rubeni kuyitura rupe rwa ruwa. Mpititi wantanda yaRubeni ndje Elizura mona-rume wa Shedeura. ¹¹Shivaro muligaunuko shasho 46,500.¹²Simiyoni atulire ntanda akukwame naRubeni. Mpititi wambunga yaSimiyoni ndje Shelumiyeli mona-rume wa Zurishadayi. ¹³Shivaro shavo muligaununo 59,300.¹⁴Rudi rwa Gada rukwameko. Vampititi vambunga yaGada ghuye ne ndje Eliyasafa mona-rume waDeweli. ¹⁵Shivaro shavo muligaununo 45,650.¹⁶Shivaro nashintje shavakafumu vahamenino kuntunda yaRubeni, kutwara muligaununo lyavo 151,450. Vavo vana hepa kutura vauviri.¹⁷Vakukwamako, tende yavigongi yina hepa kutunda kuntanda neyi yavaLeviti yikare mukatji kantanda nadintje vana hepa kutunda mo muntanda muliraghuro limwe yira kuyangena muntanda. Kehe uno mukafumu ana hepa kukara mulivango lyendi, palirembe lyendi.¹⁸Kuruha rwautokero kuna hepa kukara lihanguro lya ntanda yavaEfurayimu murupe rwa ruwa. Mpititi wambunga yaEfurayimu ndje Elishama mona-rume waAmihudi. ¹⁹Shivaro mumuhanguro wavo 40,500.²⁰Vakukwamako rudi rwa Manase. Mpititi waManase ndje Gamaliyemona-rume wa Pedahazura. ²¹Shivaro mumuhanguro wavo 32,200.²²Runa hepa kukwamako rudi rwa Benjameni. Mpititi wa Benjameni ndje Abidana mona-rume wa Gidiyoni. ²³Shivaro mumuhanguro wavo 35,400.²⁴Muvaro wavo naghuntje muntanda yaEfurayimu 108,100. Avavatura vautatu.²⁵Kuruha rwaumboyera kuna hepa kukara dimuhanguro da ntanda da Dana. Mpititi wambunga ya Dana ndje Ahiyezera mona-rume wa Amishadayi. ²⁶Shivaro sha muhangu wavo 62,700.²⁷Mbunga yarudi rwa Ashera ntanda yavo ndjo yakukwama kuvaDana. Mpititi yaAshera ndje Pagiyeli mona-rume wa Okarani. ²⁸Shivaro sha muhangu wavo 41,500.²⁹Kukwamako rudi rwa Nafitali ndje Ahira mona-rume wa Enani. ³⁰Shivaro sha muhangu wavo 53,400.³¹Shivaro nashintje sha ntanda yaDana 157,600. Vavo vana hepa kuhulilira kutunda mo muntanda, munda yalirembe lyavo.³²Ovano vaIsraeli, muvaruro kutwara mumapata ghavo. Navantje avava varura muntanda davo, mumuhangu wavo, pa 603,550. ³³Makura vaLeviti kapi vava varulire kumwe nambunga yavaIsraeli, yira momo arawilire Karunga Mosesa.³⁴Mbunga yavaIsraeli ava ruwana navintjeya ovyo arawilire Karunga Mosesa. Ava tungu ntanda davo mumarembe ghavo. Ava tundumo muntanda vayende mumara ghavo, mukutwara mumapata ghava kughona vavo.