Gaulapua: Bible for 1 Peter, 1 Timothy, 2 Thessalonians, 3 John, Galatians, Hebrews, Jude, Philemon, Philippians, Titus
Formatted for Translators
©2022 Wycliffe Associates
Released under a Creative Commons Attribution-ShareAlike 4.0 International
License.
Bible Text: The English Unlocked Literal Bible (ULB)
©2017 Wycliffe Associates
Available at https://bibleineverylanguage.org/translations
The English Unlocked Literal Bible is based on the unfoldingWord® Literal
Text, CC BY-SA 4.0. The original work of the unfoldingWord® Literal Text
is available at https://unfoldingword.bible/ult/.
The ULB is licensed under the Creative Commons Attribution-ShareAlike 4.0
International License.
Notes: English ULB Translation Notes
©2017 Wycliffe Associates
Available at https://bibleineverylanguage.org/translations
The English ULB Translation Notes is based on the unfoldingWord
translationNotes, under CC BY-SA 4.0. The original unfoldingWord work is
available at https://unfoldingword.bible/utn.
The ULB Notes is licensed under the Creative Commons
Attribution-ShareAlike 4.0 International License.
To view a copy of the CC BY-SA 4.0 license visit
http://creativecommons.org/licenses/by-sa/4.0/
Below is a human-readable summary of (and not a substitute for) the
license.
You are free to:
-
Share — copy and redistribute the material in any medium or
format.
-
Adapt — remix, transform, and build upon the material for any
purpose, even commercially.
The licensor cannot revoke these freedoms as long as you follow the
license terms.
Under the following conditions:
-
Attribution — You must attribute the work as follows: "Original
work available at https://BibleInEveryLanguage.org." Attribution
statements in derivative works should not in any way suggest that we
endorse you or your use of this work.
-
ShareAlike — If you remix, transform, or build upon the
material, you must distribute your contributions under the same
license as the original.
-
No additional restrictions — You may not apply legal terms or
technological measures that legally restrict others from doing
anything the license permits.
Notices:
You do not have to comply with the license for elements of the material in
the public domain or where your use is permitted by an applicable
exception or limitation.
No warranties are given. The license may not give you all of the
permissions necessary for your intended use. For example, other rights
such as publicity, privacy, or moral rights may limit how you use the
material.
Galatians
Chapter 1
1Paul ,ie naurata tame natamtamaol me naurata mataretoe avo,jesus krais me tame natavolo seie ie ipamamatange mule ke namatega.2Me iau me waikme emla ke narumpua Nagalaisia .3Nakewaige me natetawaiga ke tamara Natavolo me Jesus krais imai kiami .Chapter 2
1Eimul ke nalai sangaul pange, iau namule nala Jerusalem me natoke Barnabas, me Taitus emrenge emla.2Iau navira nala Jerusalem pa iau natoke nangonga kounge teata naliwole ipot mugula kire natamta me neiware. Iau nangongo nakaunga pagire eingare ke, napaunakire vileko, iau nawavel sapa avo.3Me Titus ie Grik,se emilua emgingin,eta tivul einge page so tipalue avo. 4waekme ire napokakangare timai tikou me tilei nanakem . Emviso luila ke Krais Jisas. Ire remore so tikeviem emkep urata sapa. 5Nasau tea emtoliami rounsio kiami avota, me emkeve nangonga onauna isio kiami.6Ire seime tivusoge ire ngata [Natavolo isouso tikeve navunga arigia tiavolem avo] -eio seime iau navuso ire aingare, ire tikeve nagol tea pagau avo.7Ke, arigia ire tilaeia vileko natavolo ikeve naurata imai kiau ke naliwole nasonga ila kire seime tipalure avo yo, Natavolo ikeve naurata page Pita so iliwole nasonga ila kire seime tipalure. 8Natavolo ie seie ikep urata luila ke Pita, ie naurata tame pagire seime tipalure avoio. Eio Natavolo, ivul iau so nawai nourata tame ke natamta me neiware.9Jems, Sifas, me Jon, seime natamta me neiware, tileingare pa tipei mule narumpua. Ire tilaknge nakewainga ke Natavolo, mogula ke iau me Barnabas sevaio emkeve napakilalanga. Ire relmore tiavolem pagem so emla , me ire tila kire seime eio tipalure avoio. 10Ire tivetaem volem, iami taio mataminana kire seime isouso tipaulo mulere avoio, eio navunga soknge iau remok page so akeve.11Taio Sifas imai Antiok, ke mate iau osik page, pa tivule vileko ie ikep rau. 12Laue talo natamtamaol tengere timai ke Jems avota, me Sifas tirenge seime ire Najuda avoio tikan. Nasau talo natamtamaol timai, ie ila aluailia pagire Najuda pa ie imotoure pa ire seime tingongo ulare pa napalunga.13Ire Najuda terenge pau tiwatagole naol napokakanga. Me Barnabas pau ie ileinge naroro ke naol napakakanga kire pau. 14Taio naleie regol vileko tiwatae nangonga onaunange tiavo, iau navul mutuke Sifas ke neiwol ainge matare so iom taio Najuda eisaela iom kungongo ainge pagire waem seime Najuda avoio?15Tnaem isigiem la iem volem emwai natamtamaol ke Najuda pa iem siangaem iwai Gentael avo.16Ta iem emwotai natamtamaol tea isou pa ipot nalnge ke naotolnga ke nourata avo, me naroro ke naogainga luila ke Krais.Pa nourata ke naotolnga tea isoupa ipot nalnge avo.17Takim so nalngara io tala luila ke krais, pa ita tako nalngara avo iami remomi so ie pa ipavotvote nagol siange? avo ngata onauna. 18So iau napei mulere navulnga ongare siangare, eio iau napalatike naotolnga. 19Pae naotolnga iau namate , eta iau namamata me nagingin gon ke Natavolo.20Pa iau tinugauau emilwa Krais ke naivalatnge. Eko iau volem nagingin avo, me krais ilulu kiau. Leginginga ke anok eio naginginga gon kie naogainga luila ke Natavolo Tualia, seie ikimiau me ikep mule pagau. 21Iau tinik so nakeve Natavolo lakewainga ipot iwai navunga sapa avo, paso ita tapot nalngara gon ke naotolnga eio , Krais imate sapa.Chapter 41 Iau navul vileko navunga ke tame eo ke namelamela , soge namelamela kaporia ngata eo iwai nauratatame sapa tea , so ie ilaeleare navunga tengere kietame. 2 Pa Ie sou igingin raunsio kire seime tilelere navunga ketame , isaupa naetne soknge tame matetoe ta ie itokore.3 Me ita muga io tawai namelamela pa nagol siange ke natatano igelgel alaita. 4 Me , Nasau Tia Natavolo matetoe pa imai, Natavolo ivule namelamela kie imai ke naiwe tia ta isige raunsio page nangoga ke naialanga .5 Eta Natavolo ikol mullere saeme tigingin raunsio ke nangoga ke naialanga.6 Eliakoko ita tawai namelamela kie. Papua vileko ie igule nanun nalnge kie Tua imai ilu kita me iem emkava "Aba, Tamaem" . 7 Eliakoko iom kusio Kuwai napakunga tame tiavo, iom kuwai namelamela, ngata ke natavolo.
8Pa Nasau talo iom kuotae Natavolo avota me seime erepasis ke natatano, eio tikeviem empot emwai nourata tametame kire , pa irengata eretavolo tiavolem . 9Eliakoko iami aotae Natavolo, avo iau nasou so navul vileko Natavolo ivul so iwotaiami o, page pua eisaeko la iami amule alapau knge naremo polpolia ke natatano, soknge ule avo me soknge eanga avo. Iami akim so agingin knge napakarkarnga pau?10Iom kukeve naleinga abinge ke naetnareme me natop paure me nasau me nalai tiatia. 11Iau namotou pagami pa vileko naurata nakeve pagami eio vileko iau nakepurata sapa me eianga avo.12Waek me, iau navetami, so iami apot awai iau, eta iau pa napot nawia iami. Pa iami akep rau pagau avo. 13Pa iami aotai vileko narivalnga tia taio kiami, pa iau naliole nasonga pagami muga. 14Tagule nasimou ke tinik ko isio kiau pa ikeve karnge pagami pa iami arika me apul rimemi pagau avo. Eio iami atokowau iwai Ensel avo nawai Krais Jisas.15Napavotvotnga kiami siang ilao? iau naliwol mot kiami vileko, so naroro tia iami isou pa atoke eromi imai kiau. 16Iami, atol aromi pagau pa iau naliwoliami pae nangonga onauna?17Ire relmore ule so titokoami ala kire ta, iom pum nalnge avo. Ire tikime so iami asio mange ta eio eremo puatia avo. Ire tikime so tikis kami asio mange paso iami remomi votvotia me awatae naremonga kire. 18Ie popue ngata page naremo siange page popue kie, Iom lemgol eio einge me popue so igingin kiami me iau.19Iau lekmelamela kaporporia, me pau iau remok ikarkar pagami iwai neiware tikarkar nasiknga eio iwai kuleie krais itoko muleita me ipot mange kita. 20Iau remok navinge ngata eta napule nangonga iau nakeve pagami, pa iau remok siange ngata pagami.21 Kuvul iaula, iom seie remok navinge so kugingin vulolo kire, iom kulonge nangonga ke naialanga avo? 22Pa eisae, nangonga isio vileko, Abraham lamelamela natamta lua, teia ke neiware ivoko sapa me teia ke neiware ie ewanewe mot. 23Tea ipot page neiware ivoko sapa pa iwatae lagol ke tinia , tea pau ipot ke neiware kie mot me ie iwatae navunga ikonomot.24Navunga eriko ita taleie iwai nanun sapa, neiware lua tikeve reva kontrak. Tea imai ke Nalolo Sinai me ie isike namelamela ke napanononga sapa. Eio Hagar. 25Eliakoko Hagai iunake Nalolo Sinai luila ke Arabia, ie iunake Jerusalem eko eliakoko, pa ie me lamelamela ke napanononga.26Pa Jerusalem ke eilut eio ikono savavange iwai ita tnara.27Pa nangonga tigeigeike ikono,"Natinigelgelnga, pa iom kusik avoio;kutang ipot me aoum livua, me atem kus pa iom kukarkar pae nasiknga molo imai; pa namelamela kusik sapare eio songan ngata page neiwe sei ewatamta."28Page iom, natamta, iwai Aisak, iami namelamela ke navitnga. 29Page nasau tea seie tisige gon ke anora me tikep siange page epa tisige gon ke nanuni. Tingtea iwai eliakoko.30Me nangonga ivul aisae?"Agule neiwe ke napanononga me tualia tila. Pa namelamela ke napanononga isouso ipote navunga ke namelamela navinga avo." 31Aisae pagire, waek me ita ko namelamela ke neiwe napanononga avo,ita ke neiwe navitnga.Chapter 5
1Page krais ita tinra ser. kumari votvot, aisae, kumari ulam me kukeve nasagula avo pavileio kupot nourata tame ke nasagula.2Kuleie, iau, Pol, sei navuliami so iami tipaluami, eio krais isou pa ipauloami avo.3Iau navul ipot kiami seime eio tipaluami so awatae navunga ke naialanga.4Iami akorarange krais,iami eio isoupa awata popue page nangonga ke naialanga avo; iom isoupa kilale nakewainga molonge kie avo.5Page Anunia volem,me naoguainga,ita tagingin tawaita me takeve nagol nalnge. 6Luila ke Krais Jisas epa tipalue me ire tipalue avoio eio navunga tea, so ire naogainga me nakimnga tivoko patia. 7Iom kuavel pua ngata. Seie ileileiom so kuatae nangonga onaunange? 8Nangonga ke naparungrungnga eio imai ke seie ikavaom io avo!9Yis polia ikeve bret itut. 10Iau remok rung luila ke aravainge so iom kutoke navunga teapau avo. Me sei ikep siange pagam eio pa itoke ekolnga siange, avo sei ngata.11Waek natamtame, so iau navul ipot page napalunga kiami, so iau pa napasiange namamatanga kiami page nagol iau napapalami so awatae nai valatnge. 12Page natamtamaol sei tingongo votvot page, iau nakimiami so atote tinia ngalua.13Waekme natamta, so iami nakimso agingin ke natinisernganga, me iami sovaio apainaknake naroro ke nakepnga nagol siangare avo. Iami sevaio akimre waemi me akep puare. 14Nangonga nakonoalanga ke Moses ipot malamalange luila ke nakonoalanga:" elo eisae, iom sevaio kukime waem iwai iom kukim muleiom.15Meso iom kulaue waem me pasiange avo, iom sevaio kuleilie pue ie me tiapau.16 Esae iau navuliami, me iami sevaio alala luila ke anunia nalnge eta iami sevaio akeve nasagula ke natavolo mate avo. 17 Nakimnga ke nagol siange ikime anunianalnge avo, anunianalnge itola page nagol siange avo, pa erelua osire polol, pa iom isouso iomtoum keve nagol tia ipot avo. 18 So iami alululuila ke anunia nalnge, naialange isou ikaukaukami avo.19 Pa eisae nurata kenagol mungange ipot mange, narelmo garange ipot naie nangol neigua me ipasiange nagol popue ke auwainge me relmore ikono ke nagol siange. 20 Napakurnga natavolo napokakanga, navorou ekepnga, natolpolnga arore, naosinga, nagalpotanga naremo, namataiknga, natepapaknga, nakepsosonga, me naopolnga. 21 Namata sonsonnga, nakepgaranga, naririalnga, me nagolsiangare trenge pau regolvileko.io navuliami munga apua, me eliakoko pau. ire seime tiginginpanga nagol siangare eriko,ire isouso titokore navunga ke natavolo lamulenga avo.22 Me natavolo anunianalnge ivirapagita so ikevire nagol eriko, atera pagire rolware, remora igelgel ,atera itawai, atera imate pua, takeppuare natamtamaol, takeve navunga onauna volem. 23 Ragol moiange, me tamunga puare . nagol eriko , naotolnga tia me ivul siange panga tiovo. 24 Me ire saeme ke yesus krais, ire tipamatange naremo siange mugange ke anore me ie lagol apuayo ke naivalatnge.25 Me tamamata gon ke Natavolo anunia nalnge,eta tagulonae ie tawa imuge ralalanga ta leiliako. 26Me aora ikep mule sapaita avo, tapailiu polta avo, matarakan polta panga revungaavo.Chapter 61 Waeke me soanal page waemi nawogaingare tiapau ikeve nagol siange ,eio iami erio awatapue natavolo anunia nalnge io,apaule la akep mule imai ke naroro mot . Me so apule io, iami sevaio aleilei muleiami pau .pa vileo natovanga ipot kiami pau la amol page nagol sainge pau. 2 Iami sevaio Paulo poliami page nagol patangare so tipot. pa eniko awatapue naotolnga ke krais.3 So iom tia remom so iom popham pagire terenge pau , eio pokaka muleiom, me kutoke anua avo. 4 Iami sevaio matamtoe mule lemiurata so popue taio akeviami page. me matamitoe mule lemaurata so popue taio akavaiami page. me matamito waemi terenge pau naurata page kiami me akavaiami page avo. 5 Pa ita Natamtaol tiatia pa teik ngate nangonga ita ragol takevire.6 so tia ipautiami page Natavolo langonga, eio iami sevaio atengai limivunga popuare arigiapage ketipaule. 7 Sevio apokakamuleami avo, Pa Natavolo isou pa tia ipagarange avo. nanga lagol eisae iom kugune spa kutoke anua tiatia iwai taiom kugune io. 8 Eta natamtamol seime tiwatapue naremo virange siange ke anore, epa titoke anua namatenga.Me ire seime tiwatapue Natavolo anunia nalnge, epa titoke anua namamatanga molonge ekauranga avo.9 Eta ita sevaio tamaia panga nagol popuare erekepanga avo. So ita taola avo, epa tatoke eva popue page nannga anore. 10 So lelengara page lawe tia so takeve nagol popue pagire natamtamaol eio sevio takeve popue pagire. me takep toutowoike ngata pagire ire nawogaingare.
11 Aleire nageiggeingare iau nageigei ke iwot kiami page iau vagek.12Alongo iami natamta erio votvotire ngata eio so apaluami. Ke akeve iwai nasae ire tikim so titoke napasis einge ke waire erore. Ire tiwota me timotou, pavile waire tiwotai so ire tivogai page natutunga ke yesos, pa ire tikimso tipasiangare.13Ire seime tipalumulere eio pa tiwatae naotainga avo, pa ire tikimso tipaluami so atoke napasis page iami tinimi.14Eio isouso navira mule page akpasis avo, nagol ke natatano imate pa naremo kiau eilut knge nai valatnge yesos krais sevaio kuiwatae nagol ke natatano avo. Philippians
Chapter 1
1Iau Pol me Timoti, iem nourata tamareme ke Krais Jisas iem emgeigeike nalaulau eniko ila kire natamtamaol seime titengai mulere page Krais Jisas 2seime ire tigingin Pilipai,tirengere eremariringa me erepaulongare ke narumpua.Nakewainga taio kiami me nate tawainga ke tamara Natavolo me Aravainge Jisas Krais.3Iau navul savurim page iau Aktavolo page nae vunoinge iau matak nana kami. 4Nae vunoinge ke iau lekpavulnga pagami, iau sevaio napavul itolaknge natini gelgelnga.5Iau nakeve nangonga ke natini gelgelnga page iami limi ginginga luila ke naol popue knge naetne matanga imai ise ailiakoko.6Iau remok votvotia page navunga tiavolemnga eio vileko, navola seie ipamunge nourata nalnge luila kiami ie pa ikeve ila la isou pa ipakaure ke naetne ke Jisas Krais.7Iau sevaio tinik igelgel pagami neiwolainge pa aisae me iau nakim iami ngata me iami neiwolainge tako alulu luila ke iau atek. Iami ta neiwolainge io ita rourata tiavolem luila ke nakewainga ke nasau iau nagingin luila ke kalabus me page nasau iau nagingin mange me naliliwole naol popue.8Natavolo ie inalpua pagau, pa aisae me iau nakim iami ngata itolaknge naremo sianganga ke Krais Jisas.9Iau napavul pagami vileko, so iami limikimnga pagire waimi tengere pau pa ipot ainge la ila ngata luila ke liminalnga.10Iau napavul page eniko pa aisae me iami pa avul pua page navunga soknge nalnge me nagol popuare, me iami pa akep rau avo ke naetne ke Krais.11Iau napavul pau vileko so iami pa apon panga nanga ke nagol nalnge soknge igon ke Jisas Krais, eta navirapanganga napasis ainge ke Natavolo.12Iau nakim iami waek natamtame so awotae nasae ipot kiau, eniko ipaule iau ke neinge naol popue ila ipot, eta natamtamaol sogan tinal page naol popue.13Page eniko, neiwol napalpungare me awainge ke Rom tiwotai vileko so iau navola tea nakalabus me nangongo ipot page naol popue ke Jisas Krais.14Waek natamtame votvotire ngata luila ke Ainge pa aisae iau nagingin ke kalabus eta ire votvotire me timotou tiavo ke tiliwole nangonga onaunange.15Tengere tiliwole Krais pa aisae me ire remore siange me naosinga me ire tengere tiliwole Krais pae narelmonga popue.16Ire aimul are tiliwole nangonga ke narelmo popue tiwotai so iau napot wai nagel ke naol nalnge.17Me ire seime tiliwol page Krais matanga eio ire tiliwol page nagol ke nalitainga me ke narelmo popue tiavo. Ire remore so pa tikeve iau tinik igelgel avo nasau iau nagingin ke kalabus.18Pa aisae? Page naroro eniko luila ke napokakanga avome nangonga onaunange,ire tivul ipot page Krais me page eniko iau tinik igelgel. II. Me pa iau tinik igelgel.19Me page eniko volem iau nawotai so iau pa nakorarange kalabus luila ke iami limi pavulnga me napaulonga ke nanun ke Krais Jisas.20Me iau tinik so nakeve navunga tia me ikeve iau mamaok avo, me itolaknge naremo votvotinga ke nae vunoinge, Krais pa itoke napasis ainge page iau anok, page nasau iau namamata avo me iau namate.21Ke iau so namamata eio Krais me page namatenga epa iau natoke nakolnga.22Me songe iau nakim so nagingin mamatangak luila ke anok, eniko eio nourata popue kiau.Me iau pa matak ikono page naroro soknge? Iau nawotai avo o.23Me iau nagingin mugula ke namatenga avo me namamatanga.Me nakimnga ainge kiau eio so nala me nagingin ke Krais,eniko eio popue ngata.24Me so nagingin ke anok eio popue,eio page popue kiami.25Me page naoguainga ke eniko, iau nawotai vileko so iau pa nagingin ta me natolakngami neiwol ainge ke tavoko voko ila ta me tini pa igelgel luila ke naoguainga.26Eta luila kiau iami pa remomi pua ainge ke tinimi igelgel luila ke Krais Jisas page naetne iau pa namule namai kiami.27Eta akep mule iami amai wai natamtamaol ke tiwata pue naol popue ke Jisas, eta page naetne iau namai ke nalei iami avo me naetne iau nagingin avo,iau pa nalonge amiol (napu),vileko so iami taio amari votvot luila ke nanun tea, page naremonga tiavolem ke tavoko ulara so tapaule naol nalnge.28Eta sevaio amotoure natamtamaol seime tigingin tiwai iami ami mili avo.Eniko eio iwai nounaknga kire ke titoke siange ainge kire,me page iami Natavolo itoko mule iami,eniko eio imai kie Natavolo.29Eta Ie ivul pua pagami page napasis ke Krais, eniko ke aoguai sapa page ie volem avo,me iami sevaio ala alu ke nakarkarnga naveinge me natini patanga page ie epasis pau.30Me page nagol tingtia ke naosinga me napalpunga iwai iami ale ie kiau,ailiakoko iami pa alonge kiau.Chapter 2
1Me songe nangonga tea ke ipavotvot iami luila ke krais, me songe iami agingin pua luila ke nakimnga kie, me songe nagol ke napavulnga luila ke Anunia Nalnge,me songe nakewainga me naremosianganga mugula kiami,2epa iami akeve iau tinik igelgel ngata songe iami remomi tingtia, me iami limigol ting tia ke nakimnga, me iami apot tiavolem luila ke anunimi,me iami sevaio remomi tiavolemnga ke apapote navunga tiavolemnga.3Iami sevaio akeve navunga tea ke matami ikono mule pagami volem avo, avome ke atoke napasis ainge.Avo me page nagol ke atol mule iami aroun, iami sevaio aleire waimi tengere popuare ngata pagami.4Iami tiatia sevaio matami ikono mule pagami volem avo, me iami sevaio aleire or matami ikono page nakarkarnga me naremonga kire waimi tengere pau.5Iami sevaio limigol tingtia wai nagol ke Krais.6Jisas ie Natavolo, me ie itoke naremonga vileko, so isio igngin wai Natavolo avo.7Me ie iguloman page napasis ainge kie me lava narenren.Me ie ipot wai natamtamaol ke natatano. Me ie ipot wai nourata tame volem.8Ie itolmule iroun me iwatae nangonga ke Natavolo ila iseknge namatenga, me ie imate ailut ke naigasange!9Eta Natavolo ivira page ie ila ailut ngata.Me ie ikeve napasis tea page soknge ailut ngata panga napasis tengere pau.10Natavolo ikev vileko,pa aisae me luila ke napasis ke Krais, natamtamaol neigur ainge ailut ke heven me knge natatano me ke natatano remua pa tikat aere page.11Natavolo ikev vileko songe natamtamaol ke nangonga vunoinge pa tivul ipot vileko, Jisas Krais ie Ainge, me ire pa tivira page napasis ainge ke tamara Natavolo.12Vileko ta, iami narumpua kiau ngata, iami sevame awatata pue iau lekgongonga, pange lawe iau nagingin kiami volem avo, me eniko sevaio ipot sogan page lawe iau nagingin kiami avo io pa.13Me page namotounga, iami sevaio avoko ulami so aunak vileko so iami narumpua seime Natavolo itoko mule iami o.14Me page navulnga vunoinge iami akevire, iami sevaio osimi avo o agongo tangtang avo.15Akep vileko ta iami pa apot wai natamtamaol tikep rau avo me tigingin pua, wai namelamela ke Natavolo tinre galtiatia avo.Akep vileko ta iami pa apot wai navavanga milmil mugula kire natang kikgare me nalongoilil gare ke natatano eniko.16Akis rungke nangonga mamatange ke Natavolo me page eniko iau pa tinik igelgel page naetne ke Krais lamainga.Me iau pa nawotai vileko so iau nawavel sapa tiavo avome me nakep sape nourata tiavo.17Me songe iau lek mamatanga imotoktok iwai natengainga so ikeve nourata ke ipavotvote naoguainga kiami, iau tinik igelgel pagami neiwol ainge.18Me page nagol tingtia iami sevaio atolak ngauau ke tinra igelgel.19Me iau remok rung luila ke Ainge Jisas so nagule Timoti imai kiami peilei, pa aisae iau nakim so nalongore navulnga popuare iami akevire, isou so eniko ipaulo iau pau.20Pa aisae, me iau lektamtamaol tea ie lagol tingtia iwai ie avo, seie sevame remua siangange pagami ngata.21Page aisae, me natamtamaoal tengere pau ire neiwol ainge ire sevaio tikeve nourata kire volem me ire remore panga navulnga ke Krais tiavo.22Me iami awotai nagol nalnge kie, tingtia wai namelamela ilongo pue tame langonga me iwatae, Timoti ie itolaknga wau emulua emkeve nourata luila ke naol nalnge.23Iau nalei puenge, songe navulnga tiwavel o tivoko pua kiami eta iau nagule Timoti imai pelei kiami.24Me iau remok rung luila ke Ainge pau vileko so iau pau pa namai towoi o.25Iau remok so popue vileko so egulonga Epafrodaitus imule imai kiami. Ie iau waek natamta me emulua lemourata tiavolem me emulua sevaio emvoko wai natamtamaol ke napaulongare, me ie igige iami limigonga iwai iau lekgaurata tame.26Pa aisae ie remua siange ngata me ie ikim ngata so angere agingin, pa aisae, me iami alongo so ie irival.27Onauna ie itoke narivalnga naveinge la towoi songe imate.Me Natavolo remua siange page, ie volem avo, Natavolo remua siange pagau pau, pa aisae ie tinia so iau nasouwe nakarkarnga me naremo sianganga sogan avo.28Eta iau remok ainge ngata songe nagule,eta iami pa tinimi igelgel page naetne iami pa aleie pau me iau pau pa tinik igelgel me remok itawai.29Atoke Epafrodaitus pua page narelmonga ke natini gelgelnga luila ke Ainge me akepuare natamtamaol seime tiwai ie.30Page nourata ke Krais volem towoi songe ie imate.Ie mate ila page emamatanga tiavo me imai ivoko kiau, ie itoke iami mulimi me imai ikeve nourata eniko.Chapter 3
1Iau waek natamtame, so napakaure nangonga, iau nakim so navul iami vileko iami sevaio tinimi igelgel page Ainge. Pa iau tinik itola ke navore nalaulau eniko iwot kiami pau tiavo, pa aisae eniko pa ipaulo ami so agingin pua.2Iami sevaio matami ikono pagire natamtamaol seime ire tiwai nagaune, ire sevaio ulare ke tikeve nagol siange, me matami ikono pagire natamtamaol seime tikim so tipasiange tinimi.3Ita seime tipaluita, eio seime ita sevame tapakilala page Nanun ke Natavolo. Eiota ita sevaio tinra igelgel luila ke Krais Jisas, pa ita relmora ikono panga navulnga ke anora tiavo.4Iau touk relmok so iau nasou panga navulnga ke tinra, me soge natamtamaol tea relmua so ie pa isou panga navulnga ke potira,eio iau napairilekire neiwol ainge.5Iau tipaluau ke naetne masa me tol, ke noulum mate ke Bensamin, me iau natamtamaol tiapau ke narumpua kire Hibru nagingin luila ke lo, me iau Parisi.6Iau relmok ainge so nakeve nourata ke Natavolo, pa iau nakep siange page narumpua ke Natavolo, me so matare ikono page lo me tiselele iau legol, epa iau legol siange tiavo.7Me iau naleire navulnga sogan ainge ta popuare eio tipot wai navunga sapa me iau nawatae Krais.8Eta ailiakoko iau naleire navulnga neigur ke natatano tiwai navulnga sapa page Krais Jisas Ainge kiau. Iau naguloman panga navunga neigur ainge, me iau naleire tiwai nasakir eta iau pa natoke Krais 9me nagingin luila kie.Iau napot nalngak panga iau legol nakevire ke nawatapue lo tiavo.Tiavo. Iau napot nalngak page naroro ke naoguainga page Krais,me ie imai ke Natavolo seie naoguainga pua.10Eta ailiakoko iau nakim so nawotae naselnga emir ivira mule page ie me iau nakim so natolaknge ie page nagol ke nakarkarnga aiknga. Me iau nakim so namapul nala napot ke nagol ke namatenga.11Eta page naroro tengere, iau isou pa nala ke naroro ke naviramulenga ke namatenga kie.12Iau nawotai vileko so natokore navulnga eriko avota, avome napot nalngak. Eta iau navoko ulak ke nakis rungke nagol ke Krais Jisas waita ie ikis rungke iau.13Waek natamtame, iau remok isou avo so natoke nagol eniko ta.Me relmok tiavolenga volem eio..Iau naguloman panga navulnga ke munga me iau navoko ulak soge natokore navunga pa tipot aimul.14Iau nawavel ulak ngata so naseknge namuli ke natoke nakolnga ke heven Natavolo ikavawau luila ke Krais Jisas.15Ita neiwol ainge tapot aingara o, ita sevaio remora vileko, me so iami remomi rolwe tia pau panga navunga tengere, Natavolo pa itole ipot mange kiami.16Me navunga soknge ita tatoke o, eio ita takis rungke.17Waek natamtame iami sevaio awatapue iau legol.Me iami sevaio alei pue nagol kire natmtamaol ire seime sevame tiwatapue iem lemgol.18Ire sogan tako tilala, page ire iau sevame nangongo toitoi pagami me ailiakoko iau navul iami pau itolaknge erok ulia ilele ipot kiau. Natamtamaol sogan ire tipot wai namili ke nai gasange ke Krais.19Natamtamaol airiko aimul pa titoke siange kire pa aisae nakimnga ke tinre ipot wai natavolo napokakanga kire me ire sevaio tinre igelgel so tikeve nagol ke namamanga. Ire relmore ikono kngare navulnga ke Natatano.20Me ita tasio wai natamtamaol ke heven me taroknge Ainge Jisas Krais pa ikorarange heven me imai itokoita.21Itolaknge namir ainge kie, Krais pa i paule ita tinra ipot wai ie tinia ngata me navulnga neigur ainge pa tisio vulolo kie.Chapter 4
1Eta waek natamtame, iau sevaio nakim iami ngata me iau nakim ngata so nalei iami. Iami eio natini gelgel kiau, me nakolnga iau natoke. Me page naroro eniko iami sevaio amari rung luila ke Ainge.Waekme iau nakim iami.2Iau navetaom Iodia me iau navetaom Sintike soge amari ke naremonga tiavolemnga luila ke Ainge.3Onauna ngata, iau nakim vileko iami seime takeve nourata tiavolemnga ngata iami sevaio apaulore neiware airiko. Seime ire tige nakarkarnga titolaknga wau me emkeve nourata ke Ainge ila me ila volem. Me itolaknge Klemen me iau waek nouratare tengere pau seime erepasis talo ke Buk ke namamatanga.4Natini gelgelnga luila ke Ainge nae vuno, me iau navul pau natini gelgelnga luila ke Ainge.5Akevire natamtamaol sevaio tileiknge nagol nalnge kiami pa aisae me Ainge taio towoi.6Iami sevaio relmomi siange page navulnga tea avo. Me navulnga aingur ainge, napavulnga me navetanga itolaknge nangonga savurim ila ke Natavolo.Akeve Natavolo isou ke ilei kngare navetenga kiami.7Me nate tawainga ke Natavolo eio ila ngata page narelmonga kita natamtamaol, isou ke irukale narelmonga kiami luila ke Krais Jisas.8Songe napakaure nangonga, waek natamtame, navulnga sokngare eio onaunange, navulnga sokngare isou ke itoke napasis ainge, navulnga sokngare eio nalngare, navulnga sokngare eio eregol tea siange avo, navulnga sokngare eio popuare, me songe so navulnga tea isou ke itoke napasis ainge eio iami sevaio relmomi ikono page.9Navulnga sokngare iami atoke erepautainga me atokore, me alongore me aleire luila kiau, iami sevaio akevire eta Natavolo ke nate tawainga pa igingin kiami.10Iau tinik igelgel pua ngata page Ainge pa aisae me ailiakoko, iami relmomi pagau pau.Onauna la onauna, iami sevaio relmomi so apaulo au munga me page naroro tiavo eta iami apaulo au tiavo.11Iau nangongo vileko so navul iami so iau namoro page navulnga tea avo. Pa iau nawotai ke tinik igelgel page navulnga sokngare iau lekva ke nae tiatia.12Iau nawotai ke napot wai natamtamaol ke lekvunga songan avo me natamtamaol lekvunga songan avo. Page naroro vunoinge me navulnga vunoinge, iau nawotai naroro kounge ke natoke nanga avo me lekva songan avo.13Iau nasou ke nakeve navunga vunoinge luila ke Krais ie seie sevame ipavotvot iau.14Me, iami akeve popue ke apaulo au ke teinge akarkarnga.15Iami narumpua ke Pilipai awotai matanga ke naol popue, nasau iau nakoraranga Mesedonia, narumpua tea ipaulo iau page nagol ke natengainga me natokonga tiavo, iami volem taiola sevame akeve.16Me pau nasau iau nagingin elo Tesolonaika, iami sevaio apaulo au panga navulnga sokngare iau nakimre toitoi.17Eniko iwai so iau napainake naroro ke natokore navaiau sogan avo, Tiavo. Me iau nakim so naleie navunga soknge Natavolo isou so ikeve pagami page nasau iami akep vileko.18Iau natokore navulnga ta neigur ainge me sogan ngata pau. Iau natokore navulnga iami akevire timai kiau ke Epaproditus soge kiau.Navulnga eriko tipot kunre popue me tiwai natengainga popuare Natavolo ikimre me tinia igelgel panga.19Natavolo kiau pa itengai iami navungata neigur ainge iami akimre,itolaknge navulnga popuare kie,luila ke napasis ainge ke Krais Jisas.20Me ailiakoko ie ta tamara,ie pa itoke napasis ainge nae vuno vuno.Onauna.21Iau nakeve nangonga ke natini gelgelnga pagire natamtamaol neiwol ainge naoguaingare luila ke Krais Jisas.Ire waek natamtame ire seime tigingin kiau ire tikeve nangonga ke natini gelgelnga iwot kiami pau.22Natamtamaol naoguaingare neiwol ainge siko tikeve nangonga ke natini gelgelnga iwot kiami. me ire narumpua seime tigingin ke nania ke Sisa tikeve nangonga ke natini gelgelnga iwot kiami.23Nakewainga ke Ainge Jisas Krais pa isio igingin ke iami anunimi.2 Thessalonians
Chapter 1
1Paul,Sailas me Timoti ire tigeigeike nalaulau eneko ila ke narumpua kire ire Tasolonaika luila ke napasis ke Natavolo, Ie tamara me Einge Jisas Krais.2Eta nakewainga me natetawainga imai ke tamara Natavolo kita me Einge Jisas Krais isoupa igingin kiami.3Iem sevaio emvul savurim toitoi page Natavolo, page waiem me iami.Enilo popue ngata, pa eisae me naoguainga kiami pa ipot votvotia ngata me nagol kiami ke nakimnga me atengai mule atemi page tea me seime pau, eio ipon-ngata.4Eta iem tiniem igelgel ngata iwai ta iem empavulre ire natamtamaol seime tigingin kngare narumpua ke Natavolo knge napano mania tengere,page enilo iwai iami lemigol.Iem tako empavulvulre page nagol kiami ke tinre mumun, menaremo votvotia kiami page nasau ire natamtamaol seime tipasilangami.Me pau page nakarkarnga iami atoke.5Eniko pa iwai nounaknga ke nalongonananga nalnge ke Natavolo. Navunga nasae pa ipot, eta silo,iami isou pa ala alu luila ke Kingdom ke Natavolo,pa eisae me iami aige neivo patange me iami remomi votvotia.6Natavolo pa ikeve nagol nalnge kie,iwai ie ikeve naivo patange me nakarkarnga page ire seime tikeve neivo patange me nakarkarnga pagami, 7me ipakaurange neivo me nakarkarnga kire natamtamaol seime tige nakarkarnga itolakngaem pa ikevire navunga eriko ke nasau,einge Jisas Krais tirenge ire Ensel timai luila ke namir kie. 8Itolaknge naringa navinge vavange, epa iparon mule nagol siange,me ikeve nakolnga siange,pagire natamtamaol seime tinal page Natavolo avo me ire seime tilongopue nangonga avo ke naol nalnge ke einge Jisas me tiwataie.9Ire pa tigingin alowai ngata ke namuli einge igingin knge ke namir me napasis einge kie,me ire pa titoke nakarkarnga ambeinge me siange pa igingin volem.10Ie pa ikevire navunga erilo tipot ke naetne enilo,nasau ie imai me pa ire natamtamaol kie tikeve napasis einge ngata ke ie, me ire seime tiwoguai pa kurire lua panga navunga erilo.Pa eisae,nounaknga kiem ke namamatanga kiem me nangonga iem emliwole pagami eio iami awoguaie.11Page pua elo,iem tako mataem nanakami page napakilalanga iem empakilala vileko,Natavolo kita epa ileiknge me kuria itokore nagol popopue luila kiami me nakavanga kie pagami.Iem empakilala pau vileko,ie isou pa itolaknge nateviranga kire pa vileko,nagol popopue pa itolaknge nourata popuare ngata iami akeve ke nawoguainga kiami itolaknge namir kie.12Iem empakilala pa navunga erilo pa vileko,page iami volem napasis Einge Jisas itoke page ie epasis.Iem empakilala vileko,ie taua pa ikeve napasis Einge me naleiknganga pagami page nakewainga ke Natavolo me Einge Jisas Krais.Chapter 2
1Eliakoko namulenge enilolo ke einge Jisas Krais kita,me ita pa talup me tigingin volem kie,iem emvetami waim me. 2So vilelo eta akilale karnge avo,nate senga me namotounga page nanun,me nagonga tia avo ke nalaulau tia iemi relmomi so emkeve imai kiami,iwai nounaknga page naetne elo ke Einge so ipot o.3Sevio natamtamaol tea ipagurou ami avo.pavileko naetne eio pa eimul ke nasau ire natamtamaol pa tilonge langonga avo,me tivul siange pa Natavolo, me natamtamaol ke nalongoilnga pa ipot mange,eio natamtamaol ke isolia me itoke siange. 4Eio natamtamaol seie sevame isalvetvet me ivira mule page ie ivul siange pae Natavolo me ivul ipot ke awaiange vileko ie volem ie Natavolo.5Kurim itoke pau ,ke nasau taio iau nagingin kiami ,iau navul liami pagire navunga erilo. 6Eliakoko ,iami awotai so nasae iwai naialanga page,me ke nasau kie ngata ipot malamalange. 7Pa eisaie nagol kounge ke nalongoilnga page nagonga ipot o,o,ila isou ire tiwuta mulei la .8Emul natamtamaol ke ilongoil page nangonga pa ipot mange,ie seie einge Jisas Krais pa ipamatenge page momotia ke ie awa.Me einge pa igulo tilnganga page ke ie lamulenga.9Nasau ke natamtamaol ilongoil page nangonga imai,ie pa itoke napaulonga ke satan me namirmir,erio nounaknga me napokakanga.10Me page napokakanga erilo kngare nagol popopuare avo ngata.Navunga erilo epa tipot ke ire seime pa tisolia page eisae,ire tiwatae nakimnga ke nangonga onaunange ke titoke namamatanga.11Page pua enilo Natavolo pa igulore page nourata tea siange,me ire pa tioguai page napokakanga. 12Me nagol pua enilo eio vileko,neiwol einge pa tipot ke kot.Eio ire seime sovame tiwogaie nangonga onaunange avo io,me page ire,tinre igelgel ngata ke ikeve nagol popuare avo.13Nae vuno,iem sevaio emkeve savurim ila ke Natavolo page iami,waekme,seime einge ikim iami.Pa vileko,Natavolo mate tou ami muga o ke natoko mulenga,me apot nalngami luila ke spirit me naoguainga ke nangonga onaunange.14Natavolo ie ikavami,pa vileko, naroro ke naol popue page iami,eta iami isou ke atoke Glori ke Jisas Kraist ie einge.15So vileko, waek me,amarinal me akis votvot kire nagol iem empautaiami panga engonga avo ke nalaulau kiami.16Eliakoko Einge kita Jesas Kraist ie taua, me Tamara Natavolo ie seie ikimta me ikeve namamatanga pagita igingin volem. Me navunga popue ita pa tatoke eimul luila ke nakewainga.17Gingin pua me kain gole relmom luila ke nagol neingur popopue ke nangonga ke Nàtàvolo.Chapter 3
1Eliakoko waekme, apakilala me apauloem, paso nagonga ke Aravaige ila peilei me pau esenainga ivira eilut iwai ta naevunovuno igingin kiami io.2Apakilala so iem isou pa emai empot ke mugula kire ire natamtamaol siagare, me ire natamtamaol tikeveve nagol siange. Pa eisae me ire neiwol reva nagol ke naoguainga avo.3Me arapuainge sevaio igingin towoi kiami paso ipavotvot iami me ileilei iami pagire ire natamtamaol siangare.4Iem atiem rung pagami luila ke Arapuainge isou pae iami akevire nagol tarengako me pau isou pae awatae ila volem nagol tarengako iem emvul votvot kami panga ko.5Paso Arapuainge isou ke ipauloami ke aleiknge nakimnga ke Natavolo me pae Kraist ige patange kita.6Eliakoko iem emvul votvot pagami, waem natamta, pae napasis ke Arapuainge Jesas Kraist ke iami sevaio apul rimemi pagre waimi seime reurata avo me tinre so tiwatare nagol sokngare atokokes kiem io avo. 7Iami pau anal panga iem lemgol popuare isou page iami awatagolre. Iem emgingin knge mugulangami iwai ire natamta me neiware taio tiroun mule page nakimnga kire ke tinre io avo.8Iem emtoko sape nanga kire terenge so emkolre avota io tiavo,pa, iem ulaem me votvotiem nourata ekepnga vong me nae,pa iem tiniem so emkeve karnge pagami tia avo. 9Iem emkeve nagol eko iwai so iem sapasapa me emkeve. Avo iem emkimso emkeve vileko ke iwai nounaknga ke iami so aleie me awatagol iem.10Lawe eio iem tarenge tagingin, iem emngongo ulaem pagami vileko, soge navolatia tinia so ikepuare avo, sevaio ikan kute. 11Iem emlongo vileko so terenge mugula kiami io eio tikevep urata me pau iami terenge pau eio sevaio apasiangange waimi revulnga. 12Eliakoko iem emvul votvot me emkeve narelmonga luila ke Arapuainge Jesue Kraist, soge ire natamtamaol eriko sevaio atere tiwai me titoko ereanga page ire eremonounounga.13Pa waek iami natamta emai sevaio atola ke akeve nagol nalnge kute. 14Soge navolatia tinia so iwatae lemngonga luila knge nalaulau eko avo io eio sevaio aleiknge me arenge alup me akep urata avo paso ie mamae. 15Iami sevaio aleie so namili kute, me avul ulami page so iami waimi.16 Arapuainge io natetawainga tame me isou pa ikeve natetawainga pagami ta nae vunovuno ko me panga nourata gegegia iami akevire. Eiota Arapuange pa tarenge tigingin volem.17Iau Pol me eniko iau lekwa naleiknganga nalaulau iwot kiami. Page iau vagek ngata,iau navore nalaulau eko. Eniko naroro iau navorevore pae. 18Pae nakewainga kie Arapuainge Jesus Kraist eio pa igingin kiami neiwol.1 Timothy
Chapter 1
1Iau Pol apostel tea ke Krais Jisas page lo ke Natavolo ie seie natamtamaol ke itokomulei ita me Krais Jisas sei ie natamtamaol i keve naterunganga, 2Me page iom Timoti, namelamela ngata kiau luila ke naoguainga, naremosianganga, nakewainga me natetawainga ke tamara Natavolo me Krais Jisas Ainge kita.3Iau nakime iom so kukeve nourata eko lawe iau nala Masedonia, iom sevaio kugingin Efesas pa aisae iom pa kungongo votvot pagire natamtamaol tiatia seime tikepso tipautaire ire natamtamaol page naremonga ke napavulnga roluwe.4Me pau ire sevaio titol talgare page napu kire tivureme avo. Pa enio isoupa ikeve naosinga me isoupa i paule nourata ke Natavolo avo, page nagol ke naoguainga.5Ailiakoko naremonga pua ke nangonga eniko eio vileko nagol ke nakimnga sevaio ipot ke nate popue me namata nalnganga me naoguainga onaunange.6Natamtamaol tengere tila vuruskire nagol nalnge o me tiwatare nangonga garagarange.7Ire tikim so tipot wai napautaigare ke lo, me ire matare inal pua ngata page navunga sokgare ire tingongo pagire avo me navunga sokgare ire tikime iom so kutokore.8Me ita tawotai vileko lo eio popue so natamtamaol tia iwatapue.9Ita tawotai pa vileko, lo eio kire natamtamaol nalgare avo,me eio kire natamtamaol seime tinre page lo avo me tiwatapue avo ire natamtamaol nagol nalnge ilulu kire avo me ire natamtamaol regol ke Natavolo avo. Lo eio kire natamtamaol seime tipamate mate gare tamareme me tnareme o nagol ke tipamate mate ngare natamtamaol tegere pau.10Me pau ie kire natamtamaol seime sevame tikeveve nagol neigau, me natamta seime tiwola mulemulere natamta, ire natamtamaol seime tikop kire nourata tamareme kire waere,me ire natamtamaol tipokakaka me tingongo napokakanga pagire waere tengere me tinre avo page napautainga ke nangonga onau nange.11Nangonga popue eko kie Natavolo Ainge ie remua isou kngawau me ikeve nourata eko pagau so nakeve.12Iau navul savurim page Krais Jisas ie Ainge kita pa aisae ie ipa votvot iau me mate touwau vileko iau isou pa nakeve ie lawa nourata.13Munga iau natamtamaol tea nakeveve nangonga siange siange page Ainge Natavolo, iau sevaio nakep siange pagire natamtamaol me napamunga munga napalpunga. Me ailiakoko iau natoke naremo sianganga ke Natavolo pa aisae iau nakime nagol ke naoguainga.14Me naremo sianganga ke Ainge kita iwaipon iau me ilupe nagol ke naoguainga me nagol ke nakimnga igingin luila ke Krais Jisas.15Me nangonga eniko ie nangonga popue tea mepa ipaule seie itoke wai Jisas imai siko tatano me imate so itokomulere natamtamaol ke nasagula. Iau natamtamaol tea nasagulae napairilekire neiwol nasagulare.16Me page pua eko iau natoke nakewainga, eta iau natamtamaol namunganga Krais Jisas ie iunake nagol ke nate tawainga.Krais Jisas ie ikeve eko wai nounaknga so ipaunakire natamtamaol songe tioguai ie so titoke namamatanga popue igingin nae vuno vuno.17Ailiakoko page iom king ke nae vuno vuno amkauranga avo, natamtamaol tileilei iom avo me iom toum volem Natavolo Aingam, napasis ainge me namir eio kiom ailiakoko me aimulmul.Onauna.18Iau natole nangonga eniko kiom,Timoti namelamela kiau pa aisae nangonga igingin munga kiom o me iom pa kupalpune napalpunga popue tea.19Kisike nagol ke naoguainga me naremo nalnganga. Page naetne iami apulrimime pagire,naoguainga kiami pa siange.20Waita Himenius me Aleksenra seime ire iau natolre ke satan so titoke napautainga eta tingongo geigei avo.Chapter 2
1Eta so navunga matanga, iau nakime iom so kukevire navetanga regol vileko,napavulnga, iom kutokore awainge mulre me kupavul me kukeve reva savurim ila ke Natavolo.2Napavulnga pagire Nasarara me ire gapman, eta ita atera itawai me tagingin pua, luila kngare nagol popuare me nalngare Natavolo ikimre.3Nagol enio popue la nalnge ngata ke Natavolo mate,se ie aratokomulenga tame.4Ie remua naveinge ngata ikim so neiwoleinge sevaio timule timai kie me tiwotae nangonga onaunange.5Pa aisae me Natavolo tiavolemnga me pau navola tiavolemnga isio mugula ke Natavolo me ita natamtamaol me navola eniko eio Krais Jisas.6Ie ikep mule wai nakolmulenga tame kire neiwol ainge, me iwai nounaknga ke ie laetne Natavolo mate touwe.7Page pua eniko, Natavolo mate tou wau so napot natamtamaol ke naliwole naol nalnge nawai apostel.Iau navul onauna.Iau napokaka tiavo.Iau napautainga tame kire seime ire Juda avo page nagol ke naoguainga me nangonga onaunange.8Eta iau nakim so neiwol ainge ke nania mate mate ko so tivira pagire vagere nalngare me tipavul, me atere ipapak me osire avo.9Me page naremonga tingtia, iau nakim so ire neiware sevaio titolre erevulnga popuare eta iruk alapuare tinre me matare ikono mule pua pagire.Ire sevaio tipavore tangtangke kurire lawa avo,avome titol goul,avome nagemgem me navunga popuare ngata.10Eta iau nakimre neiware soge tivore pua panga erevunga popuare sokgare isoupa iruk ala puare tinre me eniko pa ipotnae nagol Natavolo ikime me pau ipaunak pue nagol nalnge kire.11Neiware sevaio iwotai ke igingin pua me itol mule ronsio ke nae vuno vuno.12Me iau navul pua page neiware so ipautaire waia tengere pau avo, avo me ailut page natamta,me ie sevaio igingin mumun ngata.13Pa aisae me Natavolo ikaine Adam munga lapuata Iv.14Satan ipokakae Adam tiavo, me ie ipokakae Iv la ie ipot neiwe tea nasangulae.15Eta Natavolo pa itoko mulere neiware page nourata ire tikeve page nasik mela melanga me so ire votvotire ke tikisike nagol ke naoguainga me nagol ke nakimnga me tigingin pua ke naremonga popue.Chapter 3
1Nangonga eniko onaunange ngata isou ke neiwol ainge tioguae. Meso natamtamaol tea ikim so ipot wai namunganga ke narumpua ke Natavolo, ie ikime nourata popue.2Eta namunganga ke narumpua ( ke Natavolo) sevaio langol siange avo. Ie sevaio aiwe tiavolem. Natamtamaol eniko sevaio imari mugula me remua tiavolem, langol nalnge me ilei kngare neiwol ainge. Ie sevaio langol ke ipautaire neiwol ainge.3Ie sevaio langol ke neinga ke nako siange avo, me ipalpun peleilei avo, ie sevaio langol ke ikeve remua me ikimre neiwol ainge me sevaio ikim tangtangke mani avo.4Ie sevaio langol ke ileilei puare navunga ke lawa nania me ire lamelamela ire pau sevaio regol ke tilongo pue ie langonga me tiwatae ie.5Me so navola tea inal pua ke ileilei puare ie lavunga avo, aisae pa ie ileilei pue narumpua ke Natavolo?6Ie sevaio natamtamaol paua ipule remua avo pavileme ie ipon page nangol ke ivira mule mule page me imol ke nasangula wai satan.7Ie sevaio langol nalnge pagire natamtamaol mange are, eta ie isou so imol page nangol siange avo me napitpit ke satan.8Ire namunganga, ke narumpua( ke Natavolo) ire pau sevaio tikeve regol tingtia, tilala nal me tingongo lualua avo.Ire sevaio ti in tangtang wain avo o regol ke tikim tangtang ke.9Ire sevaio tioguae nangonga onaunange me tinal page navunga soknge eio onaunange knge namata nalnga.10Ire pau sevaio titoke nangonga puanganga muga lapuata ire tikep nourata pa aisae ire regol tia siange avo.11Ire reiware pau sevaio regol ke tilala nal me ire pau sevaio regol ke naogalnga avo.Ire sevaio timari mugula me timari pua panga navunga sokngare ire tikevire.12Ire namuganga ke narumpua ke Natavolo sevaio aiworeme tiavolem. Ire sevaio tileilei puare remelamela ngata me revulnga neigur ainge ke rewa nania.13Ire seime tikep pua mule pagire, ire timari rung me reoguainga votvotia ke tigingin pua me tiwatae Jisas.14Iau navore navunga eriko tiwot kiom, me iau nawotai so namai kiom eio towoi o.15Mesonge iau namai peilei avo, iau navore eta iami pa awotai me agingin luila ke nania ke Natavolo, eio narumpua ke Natavolo mamatange nae vuno vuno me eio ire natamtamaol seime reoguainga votvotia page nangonga onaunange.16Ita isou so tatol toganke nangonga onau nange me nagol ke Natavolo eio ailut ngata tiavo. Ie imai ipot natamtamaol, Anunia nalnge igongo ipot mange pae, ire ensel tilei ie, tiliwol le ipot ke napano vunoinge ke natatano me napano vunoinge ke natatano tioguaie me ie ivira ila heven ailut ke lagiro me lamer.Chapter 4
1Me Anunia Nalnge igongo ipot mange vileko, naetne tengere aimul pa natamtamaol regol ke naoguainga pa ikaura me tilongore nangongonga kire nanun ke napokakanga me pau tilongore napautainga kire nanun siangare.2Luila kngare nangonga napokakanga eriko, naremonga kire pa ivovo alelenga.3Ire pa tigongo ulare pagire natamtamaol songe tiwola avo me titokore nanga sokgare Natavolo ipapotire songe tiwolailaire mugula pagire natamtamaol naoguaingare me seime tinal page nangonga onaunange.4Pa navunga ta neigur Natavolo itolre or ikainre io popuare volem. Ita sevaio taleire wai navunga siangare avo, me ita sevaio tavul savurim page Natavolo me tatoke. 5Pa aisae, ie ipenpenre me ikainre tipot popuare page nangonga ke Natavolo me nagol ke napavulnga.6Me songe iom kuliwolre navunga eriko pagire iom waem, iom pa kupot wai nourata tame popue tea ke Jisas Krais. Waita iom kupot votvotim ke naoguainga page naetne iom kutoke napautainga popue ke nangonga me kuwatae.7Eta sevaio kulongore napu siangare ke natatano eko avo. Me iom sevaio kupau tai mule iom page nagol nalgare ke Natavolo.8Ita sevaio rawa naetne morua ke tapautaitaie anora ke tapaule,me tagingin luila ke nagol nalnge ke Natavolo pa ie isou pa ipaulo page navunga ta neigur ainge. Pa ie ikisike nangonga onaunange ke namamatanga ke ailiakoko me namamatanga ke aimul pau.9Nangonga eniko ie votvotia me onaunange ngata eta natamtamaol neiwol ainge sevaio tilonge me tioguaie.Page 10pua eniko ita sevaio tavoko ulara pa aisae ita raoguainga votvotia page Natavolo onaunange, sei ie natamtamaol ke itoko mule re natamtamaol, ire seime tioguai ie.11Iom sevaio kupavul puare natamtamaol me kupautaire panga navunga eriko.12Me sevaio natamtamaol tilei roun iom pa iom onaunangam avo, me kusio wai nounaknga pagire natamtamaol naoguaingare, page iom lemgongonga, iom lemourata, nagol ke nakimnga,me kumari rung page naoguainga me lemginginga sevaio nalnge.13Iom sevaio kuliwole nangonga me kupautai puare natamtamaol ke ipaulore isou pa iau namule namai.14Iom sevaio kuguloman page nategainga ke nourata ekepnga luila kiom io avo, eniko ie itengae pagom,wai nangonga propet iliwole me ire namuganga ke narumpua titol vagere ailut pagom.15Kuleilei puare navunga eriko.Kugingin luila kngare, eta ire natamtamaol pa tilei ie lemourata ipot popue.16Iom sevaio matam ikono mule pua pagom me kutoko puare napautainga. Me iom sevaio kukevire naeta vunoinge io,pa aisae eniko pa itokomule iom me ire natamtamaol tilonge longe lemgonga.Chapter 5
1Iom sevaio kungongo ulam pagire navolaigare avo, me kutokore tiwot wai iom tamame me kukeve nagol nalnge ke i paulore. Me pagire natamta onaunange, iom sevaio kutokore wai iom waem natamta me kukeve nagol nalnge ke ipaulore.2 Me kukeve nagol nalnge pagire neiware aingare me kutokore tiwai iom tname me pagire neiware onaunange iom sevaio kutokore tiwai iom waem luila knge nagol nalnge me naremonga popue.3Me kukep puare neiware, aiworeme timate ilao, neiware waere tengere ke tipaulore avo.4Me songe neiware tea ewatamta imate ilao ie lamelamela me tivuakire, ire sevaio titoke napautainga ke nagol nalnge ke nania kire munga ke tirone navulnga popuare tamareme me tnareme tikeve pagire.Pa aisae nagol eniko, Natavolo pa tinia igelgel me remua popue pagire.5Me neiwe, ie ewatamta imate ilao me ie lamelamela tiavo la waia natamta me neiware tea ke ipaule avo. Ie sevaio itolre ekarkarnga tila ke Natavolo me ipavul ilala ke Natavolo nae me vong ke Natavolo ipaule.6Eta neiwe tea,ewatamta imate ilao iwatae nakimnga ke tinia, neiwe eniko ie imateo, ie waita imamata ke tinia volem me ie anunia imate o.7Iom sevaio kuliwole nangonga eniko pagire neiware seime, aiworeme timate ilao ire me remela mela sevaio tikorarange nagol eniko avo.8Me soge natamtamaol tea isou so ikeve nagol nalnge pagire ie arigia avo, me ie waia ngata, eio iwaita ie iwatae nangonga onaunange tiavo me ie laoguainga imate o.9Luila ke narumpua ke Natavolo kutoke napasis ke neiwe, ewatamta imate ila o me ie ipavurusuke nalai tamta tol. Pa neiwe eniko ie neiwe tea iwole natamta tiawolem me ie igingin pua ke ie ewatamta.10Me ie sevaio neiwe tea lagol nalnge ngata ke ileilei puare ie lamelamela, me ikep puare natamtamaol seime ie inal pagire avo, me ipaulore natamtamaol naoguaingare, me ipaulore natamtamaol seime tilulu knge nakarkarnga, me ie imari votvot ke ikevire nagol nalngare.11Me iami narumpua sevaio atokore napasis kire neiware onaunange avo, aiworeme timate ilao.Pavileme aimul pau me ire tikim so tiwatae nakimnga ke tinre me tiwola pau me tipul rimere page Natavolo.12Page nagol eniko ire tikeve, ire tikeve namamanga mule pagire, pa aisae, ire tivul avo page nangonga soknge ire aore itole munga ke narumpua so tigingin sapa me tikeve nourata ke Natavolo.13Me ire tikeve nagol ke nakeptolanga me namate sapanga ipot, me ire tila tivaliuliu sapa kngare nania kire natamtamaol rolware. Me aore galgal me tikeve naosinga ipot mungula kire waere, me nangonga ire tikevire eio popuare tiavo.14Eta iau nakim so ire neiware onaunange, aiworeme timate ilao, ire sevaio tiwola pau me tisik melamela eta ire erimili, satan isou pa ipamolre avo.15 Iau navorere nangonga eriko pa vileko, ire neiware onaunangare, aiworeme timate ilao, ire tipul rimere page Natavolo o me tila tiwatare naroro ke satan.16Me songe neiwe tea mungula ke iom waem, ewatamta imate ilao, iom sevaio kukeve nagol nalnge page.Me so iom kukep vileko iom isou so kutole nakarkarnga sogan ailut ke narumpua avo, eta narumpua isou pa ipaulore neiware namormor tegere pau.17Ire natamtamaol naoguaingare sevaio tikeve napasis ainge ngata pagire namunganga kire seime ire tileilei puare, me ailut page, ire sevaio tikeve napasis ainge pagire natamtamaol seime ire tililiwole nangonga me tipautaire natamtamaol page nangonga ke Natavolo.18Pa aisae, nangonga ke Natavolo ivul, iom sevaio kuiale bulmakau aua avo so ie iruatatare wit,''me nourata tame''sevaio itoke nakolnga page nourata ie ikeve.19Iom sevaio kulonge nangonga avo songe natamtamaol tiavolemnga volem ikeve nangonga ailut page namuganga tea ke narumpua, sevaio natamtamaol lua avo me tol tiunak ipot songe tingongo ailut page namuganga eniko.20Songe tea igon mate ke ikeve nasangula, sevaio apanale natamtamaol eniko kire neiwol matare eta ire pau pa timotou ke tikep nasangula.21Ke Natavolo mate me Jisas Krais me ire ensel nalgare, iau nangongo ulak pagami vileko sevaio akinpiliae natamtamaol rolwe lagol avo me sevaio akep popue page natamtamaol tiavolemnga volem avo.22Iom sevaio kutol vagem ailut ke natamtamaol kurire me kupakilala peilei pagire avo.Me sevaio kuwatare natamtamaol tegere page naroro ke nasagula ekepnga avo.Iom sevaio kusio popuam me nalngam ke Natavolo mate.23Iom sevaio kuin nako volem avo, iom sevaio kuine waen polia pau isou pa ipaulore narivalnga sokgare sevame tigingin luila ke iom remon.24Nasagula kire tengere tikono mange me pa timunga pagire tila ket tikotimre. Me nasagula tengere tikou me pa tipot mange aimul.25Page nagol tingtia volem, nagol nalgare tegere tipot mange,eta nagol nalngare pau iom kukevire tikou epa tipot mange aimul pau.Chapter 6
1Seime ire tipot wai nourata tamareme sapa, eio sevaio tivoko pua me tingongo pua pagire eremariringa. Ire sevaio tikep vileko eta nagol me napasis ke Natavolo, me napautainga ke nangonga ke Natavolo sevaio siange avo. 2Me songe ire nourata tamareme sapa eremariringa tiwoguae Ainge, eio ire sevaio tilongoilil pagire avo, pa aisae ire eio waere natamta volem.Ire sevaio tikeve nourata ainge ngata pagire, pa aisae me eremariringa, ire sevaio tivoko ulare so tipaulore wai ire naoguaingare me tikimre ngata. Pa ire tipautaire me tivul ipot panga navulnga sogan nalgare.3Me songe natamta avome neiware tea ipautaire natamtamaol page nangonga rolwe tea me tinia so iwatare nangonga ke Ainge kita Jisas Krais avo.Me songe ire tinre avo so tiwatare nangonga nalngare ipaunake naroro nalnge page nagol nalnge ke Natavolo, 4natamtamaol eniko remua songe ie ila ngata, me tiavo. Ie ipon panga nangonga siangare.Nangonga ta neigur ainge eriko isou ke ipapote nagol ke nate o nakimnga siange , nagol ke namili me nagol ke tigal waere tengere pau remore me remore so waere tengere pau ire remore siange pagire. 5Me nagol ke namili nae siposipo mungula kire me naremonga sokngare sevame popuare avo. Ire sevaio tiko page nangonga onaunange.Me ire sevaio remore songe nagol ke (lotu) napavulnga eio pa ipaulore songe titoko revulnga (kago) me navulnga songan ke natatano eniko.6Eniko popue ngata, songe ita tawatae Natavolo remua me tapainake natini gelgelnga luila ke nagol ke Natavolo.7Page naetne ita tapot ke natatano eniko, ita teinge navunga tea imai avo.Me pau naetne soknge ita tamate, ita pa teinge navunga tea pau tiavo.8Eta ita sevaio tinra igelgel ngata panga nanga me navulnga sokngare ita rava (klos).9Me pange natamtamaol seime tikim tangtangke napot (mani)songan me navunga songan ke natatano eniko, ire pa timol panga nakarkarnga me natovanga songan. Ire pa timol luila ke nagol siangare songan me ire pa tiwolekire natamtamaol tila tiluke siange ainge songan.10Nagol ke napot (mani) ekim tangtanga eio nagol siasiangare ke natatano pua. Natamtamaol seime sevame remore me kurire page napot (mani) me navunga (kago), ire pa tipasilange naremonga popuare kire me titoke nakarkarnga me naremo sianganga ainge ngata.11Me iom, natamtamaol ke Natavolo iom sevaio kukorarange nagol (regol vileko) me kutokore nagol nalngare imai ke nanun ke Natavolo me nagol ke kis rungke naoguainga page naetne tiatia, nagol ke nakimnga, nagol ke naremo votvotnga me namari runganga me nagol ke nate tawainga.12Iom sevaio kupalpun ulam page napalpunga nalnge ke naoguainga. Kis rungke nakavanga soknge Natavolo matetou iom ke lemamatanga me ikeve namamatanga ke nae vuno vuno.Page nagol eriko volem iom kuvul ipot page naoguainga kiom ke natamtamaol neiwol ainge matare.13Iau nakeve nangonga votvotia iwot kiom ke Natavolo mate, seie ivulme navulnga neigur ainge titoke namamatanga, me page Krais Jisas, seie igongo onauna ke Pontius Pailet. 14Awatapuare lo ( nagavitnga) ke Natavolo pua ngata me sevaio alongoilil page lo (nagavitnga) eniko avo isou page naetne Ainge kita, Jisas Krais imule imai.15Ke naetne kie ngata, Natavolo pa ikeve namulenga ke Krais pa ipot malamalanga, Natavolo pa ikep pue Ainge kita seie (king) nasarara me ie tawa isio ailut kita me ie Ainge me ie volem pa ipot wai ita aramariringa.16Natavolo volem ie sevaio imate mate tiavo, me ie igingin nae vuno vuno ke navavanga naveinge. Me natamtamaol tea isou so ilei ie tiavo.Napasis ainge me naselnga eio kie volem, ke ailiakoko me nae vuno vuno. Onauna.17Kuvulre ntamtamaol napotare (mani man) ke natatano vileko, sevaio remore songe ire ngata me titol remore panga navunga kire sokngare pa tikaura avo.Ire sevaio titole remore page Natavolo. Ie volem takola sevame ikevire navunga sogan ainge popopuare isou so ita tinra igelgel.18Kuvulre so tikepuare waere tengere pau pa songe tigingin pua, me tikevire revulnga pagire waere tengere me tinre igelgel so titengaire waere seime reva avo io.19Page nagol eniko volem, ire pa tiparpon mulere page naremon nalnganga page navulnga pa tipot aimul eta ire pa tikis rungke namamatanga onau nange.20Timoti, iom sevio kuleilei puare navunga sokngare popuare iom kutokore io.Me sevaio kulongore nangonga sokngare kire natamtamaol isou so ipaule iom lem wogainga avo io.Nangonga gegegia kire natamtamaol remore so ire kurire nalnge ngata me tiavo ire tipokaka volem. 21Natamtamaol tengere tipotnai sapare navunga airiko eta ire tipavurusuke nagol ke naoguainga kire.Titus
Chapter 11Pol,naurata tame ke Natavolo me aposel ke Jisas Krais page naogainga kire Natavolo latamtamaol ie matetoure so ikeve nanalnga page nangonga unaunange tingtia page Natavolo lagol,2 Page namata kononga me namamatanga igingin ke Natavolo,seie ipokakaka avo, pa navitnga kie igingin muga lo me imai ke nasau eko.3 Knge nasau ie mate toue ie ipapote langonga page nagol ke naliwolnga naol kire seime ie iogaire page naialanga ke Natavolo arawarmulenga tame.4 Iot Kiom Titus,namelamela onaunange luila ke ita raogainga tiavolem. Nakewainga me natetawainga ke tamara Natavolo me tuwalia Jisas Krais arawarmulenga tame.5 Page pua eko Iau nakorarangaom kusio Crete, meta iom kutolpuare navulnga ke rekononga taio pakaurare avo io me kupakurire namariringa ke city ta neingur ko iwai eko nounakom ko.6 Namariringa sovaio tinia krik me esagula avo,ewanewe tiavolem,me lamelamela nawamongangare me sovaio tiririalnga me tilongoilil avo.7 Popuengata so namariring sovaio ipot namariringa ke lania remua muga lapuata isoupa imai ipot namariringa ke narumpua ke Natavolo,meta esagula avo.Ie sovaio awagalgal me tinia siangange avo,ikiskis atia me osia peleilei avo,iger page neinnga wine avo,mate anua me ilitaitai avo.8 Me ie sovaio ileileipuare waia me kepuare.Ie sovaio ikilala pua,lagol nalnge,tinia krik,me igavitvit.9 Ie sovaio ikis rungke naol onaunange me patange tako tipautai page ko,meta ie isou pa ipalvivire tengere pau page napautainga nalnge me iselelere seime tisapore.10 Pa navako naririalngare eingur ngata,navulsapangare me napokakangare,tavul page ire tako tipalure ko.11 Eko popue ngata so tipapalare.Pako tipamamae narumpua panga napautainga eriko eriunaknga avo ko so tipautai panga avo.12 Naru tame tia ivul,Cretans repokakanga siange,matare evolouta,viesngare me rekantangtangare siange.13 Nangonga ko onauna ngata.Eta,kuselelere tiatia,meta ire isou pa titang nal luila ke reogainga,14 sovaio kutol talngam panga Najew repu napokakanga kute me pau sovaio kuwatare nangonga naialanga kire seime tipul rimere page nangonga anaunange avo.15Ila kire seime tinre krik,regol ta vunoinge ko krik.Me ilakire seime rilmongare me tiogai avo,eio regol tia krik avo,pa utore me relmore rilmongare.16 Ire tisavaire so tiwotaie Natavolo,me regol itoltoie.Naririalngare me nalongoililngare eta isou pa tikeve naourata tia nalnge avo.
Chapter 2
1Iom Taitus, me iom sevaio kevire navunga iwatae nangonga.2Pautaire aingare pa naol nalnge ke nagol nagingin puanganga,nasau vuno sevaio kuwatae naroro kire natamtamaol nagaragara avo. Kuvulre sevaio remore votvotia page Natavolo page nasau popue me nasau siange.3Tingtia volem kuvulre neiware aingare vileko iwai ire natamta, page nagol ke naginginga rounsio me aouragalre waira avo, paso vileko eiota pautaire waem pae nagol popue.4Page naroro eko, sevaio tipautaire neiware onaunange so tikimre erewatamta me remelamela. 5Agingin pua, me aleileire waemi renia atoliami rounsio kire paso vilelo eta apalele Natavolo langonga avo.6 Pa eio nagol nalnge volem popue ngata so avulre natata onaunange sevaio talalanal page nagol popue.7Navunga vunoinge me kukeve ta kunake nagol popue. So iom pautaire page nagol nalnge me narelmo nalnganga, 8Potnae naol nalnge eta neiwol einge tivul siange avo, eta seie isaporaom eio isoupa mamaie pa ire rengonga siange tea ke tivulta avo.9 Pautaire napanonongare so tilongo pue eremariringa egol panga nourata ta neingurko,eta tipagelgelre me aorepol avo,10 Sovaio tikop kire avo,me tiunake naogainga popue,eta panga naroro neingur isoupa tikeve napasis popue page napautainga ke Natavolo sei arawarmulenga tame.11 Page nakewainga ke Natavolo ie ipotnai mule lawarmulenga pagire neiwolainge. 12 Ie ipautaita so tinra siange panga Natavolo napokakanga me nagolsiangare ke natatano,me tagingine nagol ke nagavitnga,me nagol nalnge, me Natavolo lagol ke nasau eko,13 Me ta matara ikono me tatol matara panga navulnga nalnalnge,ila isou pa Natavolo ainga ipotnaimule egiro page Krais Jisas seie arawarmulenga tame.14 Jisas ikepmule pagita me itoko muleita panga nangoga naialanga siangesiange me ipenpenta tapot nalngara kie ngata seime meikira page nourata nalnalnge ekepnga.15 Kungongo panga navulnga eriko,parenrenre neiwol sovaio tikevire, panal matare pa nakuranga taio kiyom.Sovaiyo navolatea ilei roun iom kute.Chapter 31Kupapolo ire matare sevaio titolmulere ronsio me tilongopuare namariringa me napakurngare,matare ikono panga nourata nalnalnge,2 sevaio aoregal me tiparpar avo,osire me tipalpun avo,atere popue me regol moiaunge pagire waere.3 Pa nasautia muga lo remora vovonge me talongoilil.Tiolekita tala tapot page naroro nalnge me tipanono kita panga nakilalanga me nakavainga siangare. Ita talul ke nanuni siange me matara sonsonre waera rivunga.Taririalnga me tinrasiangange pagire waera ngata.4 Me so nakepunganga ke Natavolo arawar mulenga tame imai ipot mange pagita natamtamaol page lakimnga,5 eko page nourata nalange tia ita takeve avo,me page ie lakewainga volem ie itoko muleita,eko page nawaliunga me nasiknga pawa ke Anunia Nalnge,6 Seie Natavolo ipagolai tangtangke ailut kita page Jisas Krais aratokomulenga tame,7 eta ie ikapinta tapot nalngara page nakewainga kie,meta ita tasou so tapot natamtamaol ke toko kes navunga ke namata kononga ke namamatanga igingin.
8Nangonga ko onaunange ngata.Iau kim iom so kuparaparangare nagol eriko,me sovalo seime tiogaie Natavolo epa tigavitvit pua page Natavolo lourata ekepnga.Nagol eriko popuare ngata pagire neiwolainge.9 Sovaio koutuke natangkiknga me naopololnga me nasege eninnga naparparnga taio ipapote nakurlelnga page nangonga naialanga.Nagol eriko tipatuve nagol nalenge tiavo la patangare tiavo.10 Tinim siange page seie ipapotpote namanganga mugula kiami io,eimul page nangonga napapalanga patia avo me palua.11Kuwotai puangata so natamtamaol lagol vileo eio ipul rimia page naroro nalnge me ikeve nagol siange ta ipasianga mule ie.12 so I nagule Artemas avo Tychicus iwot kiom, sovaio munimsiu kumoi kepauwau eko Nicopolis ko,pa napano namulemule ta Iau pa namaia siko me narokrokiom.13 kulau leleiom panga navunga songan ke isou pa tipaulom ke kugule Zenas nangonga naialanga tame me Apolos,meta isou pa timoro pae nagoltia avo.14 sovaio tapautaire rava ainger me namela me neiware ke tipot napanonongare ke nourata nalnge ta tawangakire seime rivunga avo io, eta revunga.15 Seime eko emrenge emgingin ko tivul utuwe avo leilei iwot kiami seime nakimnga ke naogainga ikono kiami io.Nakewainga ke aratavolo igingin kiami neiwol.Philemon
Chapter 1
1Iau Pol natamtamaol nakalabus page napasis ke Krais Jisas.Iau emilua waera Timoti emgingin me navore nalaulau eniko iwot kiom Pilimon, iom iem waem nalnge me ita rourata tingtia.2Iau navore nalaulau ila ke Apia pau, ie ita waera neiwe tia me page Akipus ie napalpunga tame tia kita page napalpunga ke Natavolo. Me iau navore pau pagire naoguaingare ke narumpua soknge tiluplup ke nania kiom.3Nakewainga me nate tawainga ke Natavolo ita tamara me Ainge Jisas Krais isou pa arenge agingin.4Nae vunovuno iau navul savurim ilake Natavolo me napavulvule Natavolo pagami ke iau lekvetanga.5Iau nalongo vileko so iom kukim kimre natamtamaol ke Natavolo ngata me iom kuoguai ngata page Jisas ie Ainge.6Iau sevaio napavul vileko so nalupnga kiom me iem isoupa ikeve naoguainga kita ke ipapote naremo nalnga kita me ita pa tanal pagire navunga nalgare sogan ita tatokore ke Krais.7Waek natamtam, iau tinik igelgel me atek i tawai ngata, page aisae,me iom kukim kimre ire natamtamaol neigur ainge ke Natavolo me page nangol eko iom kupavotvote ire relmore.8Eta, tagule iau votvotik ngata luila ke Krais ke nakeve nangonga pagom page nasae iom i soupa kukeve, 9Me page nagol ke nakimnga page tia pau ikaukauke tamulua, eta iau nangongo moiau pagom. Iau Pol, iau akolman o,me ailiakoko iau nakarabus page nourata ke Krais Jisas.10Ailiakoko iau navetaom page iau lekmelamela Onesimus, iau napautae page nagol ke Krais ke nasau elo iau nagingin ke karabus.Hebrews
Chapter 1
1Mugangatalo Natavolo ingongo pagire rasasame ke ie larutamareme page nasau songan me naroro gegegia.2Me knge naetnareme erekauranga Ie ingongo pagita gonke Ie Tuangata aua,se ie matetoue so itokore lavungata vunoinge.Page ie volem,Natavolo ipapote nagolta vunoinge ke natatano eko. 3Ke ie Tua ipaunake navavanga einge ke Natavolo,pa ie tingtia iwai tamengata.Ie ikiskiskire navulnga vuno ke Ie langonga.Eimul page Ie ipakaure nagol ke nasagula,lapata iroun imateknge nasarara einge vagia otai.4Ie epasis ipot einge me gegia pagire ensel. 5Page ensel seime Natavolo ivul,iom pa kupot kuwai namelamela me alavoko iau napot nauai tamam?6Lapata eimul Natavolo ikeve namelamela lautave kie imai iroun knge natatano eko,me ivul,iami ensel ke Natavolvo apakilala page ie taua.7Ie i keve nagonga eko pagire ensel vileko,"ie taua ikevire ensel tipot nanuni me larutametame tiwai naringa vavage."8Ie ivule Tua vileko,"Nasarara Larenren eio kiom Natavolo, igingin mot me ila."Nasarara Lavovo kiom ipon page nagol nalnge.9Iom kukime nagol nalnalnge me tinim siange page nagol siangesiange.Taiola Natavolo,am Tavolo,ie isauom page lavue ke natinigelgelnga einge ngata pagire waiem terenge pau.10Iange,mugalo iom tole natatano pua.Me heven eio ipot page iom vagem. 11Ire pa tikaura, me iom pa kugingin, ire pa timotmot tiwai namalo mugange. Chapter 2
1Eiota ita sevaio takis rungke naremonga ke nangonga eniko,ita talonge ilao.Pavile ita tawatae avo me tapapul rimera pae.Nangonga eniko.2 Muga ngata Natavolo ikeve nangonga ila kire ensel aore,nangonga eniko imari rung.Me natamtamaol ikeve nasagula me tinia avo page nangonga eniko,iepa itoke nakolga siange.3Eiota eisae so ita tako me tapapul rimera page nourata navinge ke natokomulenga? Eniko nagol ke tatokomulenga page ita ,ipot malamalange ke einge ie mot me pageire,seime tilonge pau.4Natavolo ikeve rung langonga page nalaganga gegeia me nourata kakakngare me ie ipotare natengainga ke nanun nalnge isou ke naremonga kie.5Natavolo itore ire ensel so tiwai namariringa ke natatano paua avo, soknge pa ipot eimul iwai ire tingongo.6Knge Natavolo langonga silaua tea, navolatea ivul vileko,"Natamtamaol ie nasae,tako iom remom songangan page ie?" avo namelamela natamta ke natamtamaol, tako iom kukep pue ko?"7 Iom kaine natamtamaol rounsio polia lia pagire ensel, iom pamere ie page nagiro me namir. 8Page ie volem eio Natavolo ikevire navulnga neiwol timai knge aia vulolua.Nagoltea isio mange avo.Me eiliakoko ita taleire navulnga neiwol timai knge vulolua avota.9Me ita taleie Yesos isio vulolo pagire ensel page nasau morua volem. Me page naremo sianganga kie Natavolo,eio ie itoke namuli kita natamtamaol me Natavolo ivira page ie me apata Natavolo ipavire mule me ikeve napakurnga me napasis einge page ie.10Eko popue page Natavolo,pa eisae,navulnga neiwol tipot tigingin ke ie me page ie, so itoko namelamela natamta songan timai tilu knge navavanga.Eko popue page ie,so iwai namuganga ke natoko mulenganga kire ila knge eponga page ematenga.11Pagire eriko seime so tipot popuare me erio popuare o so timai pure tiavolem.Eiota ie mamae ke ikava waia natamta pagire avo.12Ie ivul,"iau pa nasasanaie ampasis kire waek natamta,iau pa navou page iom luila ke nalupnga."13Me pau,"iau pa remok rung luila kie"me pau,"Aleie, siko iau me namelamela seime Natavolo ikevire pagau." Chapter 3
1Waekme ngata iami Seime limikavanga gulvek.Matami nana pau Yesos seie Aposel me Hetpris,ita remote isouknge me taliwole.2Ie iwatapue ngata Natavolo lagonga,page seie matetoue muga tingtia iwai Moses muga ikepue Natavolo lourata luila ke nangonga onaunange.3 Napasis einge ke Yesos imuga ngata page Moses,pa eisae, natamtamaol igolegole nania imai imule page nania Ie igolegole.4Me nania vunoinge natamtamaol igolegole,me nagolvunoinge eio Natavolo ikainre.5Moses iwatapue nagonga onaunage iwai lourata tame luila ke Natavolo lania, eta iliuole nagonga eimul. 6Pa Yesos ipinoni iwai namelamela imuga page nania ke Natavolo. Ita nania kie Natavolo so takis rungke navunga ke natinigelgelnga me tarok.7Pa anunia nalnge ivul vileko,"eliakoko,soge alonge egol,8Iami sevaio akis remomi kute,iwai muga tivumime tigingin knge natovaga einge ke navalim gorange.9Ke nasau elo tivumime tilonge lekgonga avo me titovauau me page nalai tamta lua tileie legaurata.10Vilelo ta tikeviau atek ipapak ta navul ,luila keremore ila aluai pagau.Ire tiwotae naroro iau matak toue pagire avo.11Eta osik pagire me navulvotvot kire vileko,onauna ngata iami asou so ala aluknge nania namaianga kiau avo.12Eta waikme,matami tikono mugula pagami , pavileme tia remua siange me ipulrimia page Natavolo mamatange.13Apavotvot muleami naie vuno, iretivuso" alavoko",pavileme tia mugula kiami,atia rung page napokakanga page nasagula.14Ita tasio tawai Krais waia ngata, soge ita takis votvotuke nauguainga kita luila kie matanga ke naurata ilake ekauranga.Chapter 4
1Me ita sevaio matara ikono,pavileme ita tapavurusuke navitnga ke Natavolo so tatoke lamaianga.2Ita talongo naol popue tingtia wai ire neiwol tilonge muga,me nagonga eko isoupa i paulore natamtamaol avo,seime isou so remore tiavolem avo luila ke naoguaiga me tilonge nagonga avo.3Ita natamtamaol seime ita taoguai,pa ita isouke tatoke napano ke namaianga,waita ei ivul ,iau pa nounake naosinga kiau,me lagonga onaunange vileko,ire pa isou so tilatilu luila ke napano iau navitke so nakeve namaianga pagire avo,naetne iau napakaurange nourata neigureinge kiau matanga ke natatano.4Ie igongo knge napano maniatia ke naetne masamelua, lapuata Natavolo imaia pae naetne masamelua aimul pae ie lourata neigurainge ei ikevire.5Me ie ivul pau vileko, me ire iso pa tila tilu luila knge napano souknge iau aok itole avo.6Me isou pa, natamtamaol tegere tila tilu lui knge napano namaianga kie. Me ire naiol tegere ke Israel tilonge naol popue,ire tila tilu knge napano ke namaianga avo pa aisae, ire tilonge lagonga avo.7Me Natavolo matetoue nasau tia pau ke ita tala taluknge napano ke namaianga.Nasau eniko eio,"eliakoko,"eimul ke naetne sogan tila, iwai ie ikeve nagonga page King Davit iwai nagonga igingin muga, "eliakoko so iami alonge Natavolo egol,sevaio akis rungke remomi avo."8Me so Josua ikeve napano ke namaianga pagire, eiopa Natavolo isopa igongo pa naetne tiapau avo.9Me naetne tia Sabat ke namaianga kire naiol ainge ke Natavolo takota.10Ire neiol seime timai ke namaianga ke Natavolo,eiopa imaia page nakarkarnga kie,iwai ta Natavolo ikeve kie io.11Me ita sevaio ulaulara ke tala talu luila ke napano knge namaianga,me ta isou pa so talongoilil me tapalele Nagonga avo,wai ire tikeve.12 Nagonga ke Natavolo mamatange me votvotia, ila ngata page bainat mate lua.Ie isou ke irevo ila ilu mugula knge remora, nanun me navolvol kita.Nagonga tako iwai Jas imari mugula inal pange naremonga kire naiol atere.13Navunga tia isou pa ikou ke ie erua avo. Navunga neigur tikono mange me ie ileire navunga neigur ita takevire. Ita pa tamari ke Natavolo erua me taliolre navunga vunoinge ita takevire.14 Me ita arava Hetpris tako me ie ila ilu luila ngata elo heven,ie Yesos, Namelamela Natamta ke Natavolo.15Eta ita sevaio takis rungke naremonga soknge ita taliliole. Hetpris kita isoupa remua siange me ikewaita, pa eisae,ita votvotira ke taruatae nasagula tiavo.Natovanga songaneinge sevame tipotot kita,eriko songan tako tipot kieo,so titove ie pau.Me ie ikeve nasagula avo.16Eta ita sevaio tamotou avo,me tala towoike Nasarara Larenren me naremosiangaga kie. Ita talakie,paeisae, ie natamtamaol ke naremo sianganga me iepa ikewai ta. Meso ita rava nakarkarnga,epa naremosiangaga kie pa ipauloita.Chapter 5
1Ire Hetpris eio ire seime Natavolo matetoure ke tipaulore natamtamaol ke tikeve nourata ke ipakaure nasagula.2Ie isou so ikeve nourata mosmos pagire me ire seime remore inal avo me ire seime tipokakare me seie vovotvotia ago.3Page pua eko,Ie sevaio ikeve natengainga ke ipakaure nasagula kire neiwoleigne me Ie pau.4Navola seie ipot hetpris,ie epasis einge me isou page itoke nourata page ie taua remua.Avo.Natavolo sevaio ikave ke itoke nourata iwai muga Natavolo ikave Aron.5Me Yesos Krestos ie pau vileko.Ie isou so ivira pamule epasis so ipot hetpris.Avo,natamtamaol matetoue so ikeve nourata.Ie ivule vileko,"Iom namelamela natamta kiau.Eliakoko napot iwai iom tamam."6Me ke nangonga lakononga tiapau,ie ivuso,pa iom kigingin hetpris",nae siposipo tingtia iwai Melkisedek."7Nae talo Krestos isio navola ke natatano,ie sevaio iraring votvot ilake Natavolo,me ie sevaio ikava votvot me itang songan.Ie iwotai,so Ie isou ke itokomule Ie,me Ie isou so imate avo.Ie ilonge napakilalanga kie,pa eisae me ,ie ivul avo page me irounmule page ie.Onauna ie namelamela natamta,me8 Ie ige nakarkarnga ta eneko ipautae ie ngata page nagol ke ipautae nangonga elo ta ige nakarkarnga.9Eneko ikeve ipot natamtamaol materua tia ke ipautae nangonga la neiol seime tiwatae Ie, eio isou pa tokomulere. 10Eio ta Natavolo matetoe me ikeve nourata namuganga hetpris,iwai Melkisedek.11Nangonga songan tako ke Yesos, me iem amelie orange ke empaunakami page nangonga pau eko,pa navaio,remomi inal page tiavo.12Iami apot naoguaingare molongata o.Me so isou so avoko ke apautaire tengerepau pa nangonga.Me tiavo.Iami amoro page naremonalnganga. Eta natamtamaol popuare tipautaiami page nangonga ekononga avo.Tia avo.Iami asu ta.13Ita tanal so ire eriko seime tisu ,erio ire namelamela kaporporia.Eta ire tinal page nagol nalngetea avo. 14Me nanga kakakngare eio kire seime natamtamaol tipot eingare.Ire natamtamaol vileio, ire titova salaun ke tikilale nasae popue me nasae siange,ta eliakoko ire tiuotai me remore inal.Chapter 6
1Popue, ngata ita sevaio tangongo page nangonga ke Yesus iwai munga ita tatoke. Ita sevaio tatoke napautainga sokngare kire seima eingare. Eta sevaio tapangun aera kngare nangonga page nagol ke napulnga narelmo, me remora rung page Natavolo me tapul rimera page nagol siagare sokngare mamatangare avo.2Me tipavotvote nangonga soknge, me page alngare terenge ke nawaliunga, me page navage etolnga ke nakuri, me tikeve nangonga pagire seime timate tila ''o''so tivira mule me tingongo ke Natavolo mate.3Popue so ita takeve vilelo so iwai Natavolo ivul popue pagita so takeve.4Eio isou avo pagire naoguaingare, naiware me natamta seime titoke navavanga ke Natavolo me ire titove natengainga ke Anunia nalnge.5Me titove nangonga ke Natavolo, me namir ke Natavolo paso eimul ipot mange.6Me ire timol page naoguainga. Naroro tiapau ke namapulnga pau tiavo.Pa eisae, me iwai ire tipatote namelamela natamta ke Natavolo ke nai gasange pau me tipamamaie ke naiwol einge matare.7Nasava i top ta natatano itoke nako.Natatano eniko ipapote nanga nalnge, paso natamtamaol tikumo. Eio natatano soknge itoke nagol nalnalnge imai ke Natavolo.8Page naolo itup ke natatano ta ipapote noura siange, eio popue avo pa towoi so siange, me eimul pa ikan la ikaura.9Me waime,iem emkeve nangonga kakange eniko page iami saime apul rimemi page.Ie emnal, iami ake pua navulnga I paunake so ie itoko mule iami. 10Pa eisae,Natavolo ie natamtamaol siange me i pul rimia page nourata popuare ita takeve page ire saime naoguaiga,tametame me tnetne,me paulo tangtang kire ke tikeve alnge enio.11Iem emkim ngata so iami tiatia sevaio avoko ulami me akis rungke narelmonga (naremonga)kiami me aronge nasau tia epa imai ipot iunake so i kepua mi.12Sovaio tapot tawai natamtamaol tolatolangare avo,me ita sevaio takeve iwai ire terenge pau naoguaingare saime reoguainga kakange,me tawainga me titoke navitnga ke Natavolo.13Page nasau talo Natavolo i vul navitnga page Abram,ie ivul onauna ngata eilut page ie epasis.Page nasae, me tiapau einge page tiavo.14Me ie i vul," iau pa napavore me nakeve narumpua me tivum kirekire pa tipot." 15Page naroro eniko,Abram itoke navunga soknge ivitike so ikeve,aimul ie ikisike remua me irok.16Ire saime tikeve nangonga eilut ke navola teia seie einge ngata pagire.Me nangonga epanalnga mugula ke ire lua,ire sevaio tikeve nangonga ailut ngata so tipakakaknge nangonga.17Nasau teia Natavolo ipapote narelmo pua kounge ke nangonga soknge ire narumpua so titoke navitnga kie,ie isoupa i mapul avo.Pa vilelo ta ie ivul onauna ngata eiluke ipakakange ie langonga.18Ie ikeve navunga eniko,page ie isou pa imapul avo.Enio navunga ke Natavolo pa ie ivul onauna iepa ikeve.Eta ita natamta me naiware pa tako tala takou,ita pa matara i wananakire navitnga me taronge iepa i keve pagita.19Navitnga eniko pa igingin iwai anga ke namamatanga kita.Anga eniko ila luila ngata ke navovo napatopnga ngata,kirimega ke namalo soknge tiparere ke temple.20Yesos imunga pagita tala talu ke navovo,ke ipauloita page nasae ,ie ipot laoia ke iginging mot,aimul page nourata ke melkisedek.Chapter 7
1Melkisedek ie, Nasarara ke Salem, me ie laoia ke Natavolo eilut ngata,Nasau tia Abram ipalpun la ipamatematengare Nasarara la tikaura ta ilala mule ila ta isosoke roromania ta ikevire napavorounga page. 2Me Abrem ipotare navulnga ie i tokore ke napalpunga me ipotare tipot sangauol me ikeve sangauol page i la ke Melkisedek.Eta tapapule napasis Melkisedek vileko, Nasarara nagol nalnge .Me ie Nasarara ke Salem pau.Me tapapule pau vileko Nasarara nate tawainge.3Melkisedek ie tame me tne tiavo,me ie tivuame tiavo.Me ie lava naetne tia ke tne isinge tiavo,me ie laetne tia pau ke namatanga tiavo.Igingin tingtia iwai namelamela ke Natavolo.Ie igingin iwai Laoia nae vunovuno.4Iami sevaio matami nanake Melkisedek,ie epasis einge.Matanga ngata ita tivura,Abram,ie itokore navulnga nalnalnge ke napalpunga,me ie ipotare tipot tiwai sangaul me ikeve arigia tia ila ke Melkisedek.5Ire saime namelamela ke Livai seime titoke nourata Laoia,ire waere sevaio tipotare rivunga,ire sevaio matare nanake seie Abram etuangare.6Melkisedek ie ipot ke narumpua ke Livai avo,me ie itokore navunga arigia ke Abram me i keve ipot napavorega ke Navitnga.7Eio onauna vileko,navolatia ikeve napavorega ke einge tia,natamtamaol tia itoke napavorega kie ie igingin vulolo kie.8Saime titolre rounsio pa titokore navuga sagaul me silaua, me ire telai mulere mepa tisio timamata. 9Ita isouso tavul vileko,Livai seime titoke sangaul me arigia me navunga ita taotaie me takeve sangaul me arigia ke navunga, ilake Melkisedek knge Abram vulolua. 10Pa eisae Livai ilulu knge tivua me anore,page nasau tia Melkisedek isosoke Abram.11Muga ire awaienge ke Israel titoke Lo, Eliakoko ivul me sevaio tikeve nourata namelame me page nourata tametame kire Livai ire tisouso ikevire ire neiwol tipot popuare, pa eisae me Natavolo ipavul page laurata tame tia pa ipot eimul, eio tingtia iwai taio Melkisedek,eio tingtia iwai Aron avo? 12page naetnge tia narumpua ke nourata tamatare timapul,me Lo sevaio imapul pau .13Me page seime navulnga eriko tingongopagire, eio ire seime tikep urata knge Alta avo.14Ita taotai o, einge kita ipot ke naolo ke Juda, Moses ivule alnge tia pagire so tipot Pris avo.15Navulnga nasae iem emvul malamala soge Pris tia pau ipot tingtia iwai Melkisedek.16Eio eilut page Lo ke natatano avo soknge ie ipot Pris, me ipot eilut ke naselnga igingin mot.17Me ipot iwai navotvotnga kie, ''iom pa kugingin Pris nae vunovuno tingtia iwai Melkisedek.''18Me Lo ke muga eliakoko titol salke, pa eisae, Lo eniko ule ke ipauloita avo.19[Lo ipapot nagol tia nalnge avo] . pa eisae me ie iwoke naroro tia ipot popue ngata ipairileke me naroro eniko, itapa tala towoi ke Natavolo.20Ie isou pa ikepsape Promis sapa, avo. Ire terenge pau tipot ke naetne soknge ire tipromis avo.21Page Natavolo ivul eilut onauna ngata Yesos ipot Pris, nangonga ke Natavolo ivul vileko, ''Einge ivul onauna eilut apuao, ie pa igingin Pris nae vunovuno, me ie ipulpule langonga avo.'''22Page vileko Yesos ikeve Kontrak, eio popue ngata me ipairileke Kontrak mugae.23Muga natamtamaol tipot tiwai Pris, pa eisae, ire timatemate me isou pa tigingin tiwai Pris avo.24Me Yesos igingin nae vunovuno, ie ikisike nourata Pris me ie arua tia avo.25Paso vilelo ie isou ngata ke itoko mulere natamtamaol timai towoi ke Natavolo page ie epasis, pa eisae,igingin me ipavul ke ipaulore Het Pris eniko isou pa ipauloita ngata.26Me Het Pris eniko, ieisouta nga ta. Ie esagula avo me ie nalnge. Ie itol mule Gulvek, aluawai ngata pagire natamtamaol seime tikeve nasagula.27Ie sevaio ikeve natengainga ke nae vuno muga page ipakaurange ie esagula. Me eimul ie isou pa ipakaure nasagula kire neiwol iwai Pris tikeve mugalo. Tiavo. Eio ikeve natengainga page naetne tia volemnga volem me itengai mule namamatanga kie.28Lo ikeve natamtamaol seime ulare avo, me ipot HetPris. me nangonga onaunange ipot eimul page Lo eio ipaunake namelamela natamta.Ie natamtamaol nalnge ngata me ie ipot namelamela lautave ke ipauloita me ie pa igingin volem.Chapter 8
1Nangonga matanga takeve ilao,eo vileko, engonga remua so ita arava Hetpris tia popue ngata tanilo imate gulvek knge Narenren ke Nasarara lautave vagia otai.2Me ikeveve lourata pris ke Natavolo lania mot,soknge Ie ikain ngata me natamtamaol tikaine avo.3Ire hetpris ta neigurainge ko ire reurata ke tikeveve natengainga me ofa matematere pa Natavolo.Eta Iesos pau Ie sevaio lavunga tia ke ikeve natengainga page pau.4So Iesos igingin tatano ,eio ie iwai Pris avo,pa eisae,Pris tako mot seie ikeveve natangainga iwai naotolnga ivul. 5Ire tikisike nourata Pris ke napakilalanga enia siko tatano,eneko iwai nounaknga elo gulvek.Eta iwai Natavolo ipangongoe Moses,lawetia ie ikimso igolegoleke navara,eio sevaio kuleilei pue me kuatapopue page elomolomo eio iau nounake iom page knge nalolo.6Me eliakoko Iesos itoke nourata pris i pairilekire pris terenge pau, pa eisae, Ie iwai naloulou ke i pavotvote kontrak paua ie imari eilut knge nangonga navuknga.7Kontrak mugae so popue kngata, eio pa kontrak paua tiavo.8Pa eisae Natavolo ileire nasagula kire awainge Eiota ivul, Einge ivul,alongo, Iau mataktoue naetne tiao so pa nakeve kontrak pawa ilupire Israel me Juda.9Kontrak eko tingtia pange nakeve pagire tivumime pae laue mugalo avo iwai nakevire tipot elo Isip.Ire tiwatae nangoga navuknga tiavo,eta iau Eingak napul rimek pagire.10Kontrak paua iau nakim so nakeve pagire Israe eio vileko.Iau navul vileko pa natole langonga knge kurire me knge remore. Me pa napot Natavolo kire me ire tiwai iau lektamtamaol.11Eta ire natamtamaol tisou so tipautaire reniapua me waere me tivulso,"iami sevaio aotai Einge," awainge pa tinal pagau ,ire sapasapa me ire erepasis.12Eta Iao remok popue pa gire me naguloman la matak sopkire eresagula.13Page nagonga"Kontrak paua ,"ie ikeve kontrak matanga e ipot mugangeo. Me navunga ipot mugange eio so ikaura me isolia ngata.Chapter 9
1Eniko Kontrak matangae laialanga me lagol ke napavulnga.Me nania ke napakilalanga talo knge.2nania tia ke napakilalanga ire tikelke.Knga navovo matanga natoto ke noul, me nanga ke namamatanga ke einge knga napano mania tia tipate navovo napatopnga.3Me kirimenga knge namalo taio navovo tia pau luila knge tipate"Navovo nalnge ngata." 4Nasomolong tikaine page gol ke narounga navene kunia puk, elo knge navovo, nakorol motnge tiruke page gol.Matanga talo ilulu knge, me natoto ke Aron,muga isalul me napotngare lua tigeigei ke nangonga sangaul knge.5Eilut knge nakorol awa, Ensal lua annunre tarilo me voere tiruk alale nakorol awa. Ensal lua tarilo knge napano mania lo,ealikoko iau isou pa so nakeve nangonga tiea paga navulnga eriko avo.6Eimul ke titol puare navulnga, ke naesiposipo ire Pris tila tilu knge navovo matanga go mange so tikeve reurata.7Knge nalai teatea Hetpris ie tawaange ngata ila ilulu knge Navovo lua page lo.Me ila sapaavo.Ie itoke natepo me ila ilu ke ikeve nategainga so irulmake nasagula kie me kire awainge matare ikonopua avome tikevire io.8Anunia nalnge iunakita vileko,nasau elo nania ke napakilalanga talo,ita rorora ke tala talu ke nania napatonga ipot mange avota.9Eko iwai nounaknga so iunakita panga navulnga sotipot ke nasau iko.Navalulnga me natengainga, ire tikeveve ila ke Natavolo,isou so ipenpenre ire natamtamaol irelo tikeve napavulnga lo relmore evo,eta ire tiwotai vileko so ire tikeprau avo.10Naialanga tarikok tingongo page nanga me na ko me paunga nangol gegegia ke ikevire awainge tipot nalgare.Ire tipavul panga navulnga ke potira golem.Ie ikeve naialanga pagire awaienge sot tiwatae ila ise knge naetne ieitol puare navulnga vunoienge.11Jisas Kris imai paua o me iwai Hetpris panga navulnga vunoienge tipot apua o.Ie ila knge nania nalnge ngata me ila ngata page nania mugange. Nania talo ire natamtamaol tikaine page vagere avo pa easae,me nania talo eio nania ke natatano avo.12Natepo eko ke meme mebulmaku avo,page ie tepua volem ie ila ilu ke nania ke napavulnga pa tiavolem.Me ie ikol muleita page nakolnga emoronga avo.13Soge ire awaintge erimuro panga nagol siangare ke Natvolo mate,eta ire pris titoke natepo ke meme me bulmakau me nalua ke bulmakau onaunange metitok tare page.Ire tikeve vilelo so tipot nalngare.14Me Jisas Kris tepua eio ila ngata panga navulnga eriko.Ie ikep rau avo me page napavotvonga ke Anunia Nalnge ie itengai mule iwai natengainga mamatange ila ke Natavolo.Me ie tepua ikaine potira ipot nalnge avo.Ie irulmakire ragol siangare ta vunoinge ko metasio nalgara knge Natavolo mate.15Me page pua enilo Jisas Kris iso naloulou knge Kontrak paua.Page ie lamatenga, irulmakire nasagula kire natamtamaol tigingin vulolo knge Kontrak paua.Me ie ikavare neiol einge so titoke navulnga ke namamatanga igingin.16Kontrak iwai natamtamaol teia ikim so itole knge nalaulau so iunak vileko so ie imate,pa lamelamela pa titokore navulnga ta kie lo.Matanga ke ire namelamela titokore navulnga,sovaio ire tinal popue so tamare imate o,eta itolre 17navulnga vunoienge ke lamelamela vagia.Pa eisae,natamtamaol relmua ikeve Kontrak ipot onaunange page naetne ke ie imate.Meso natamtamaol ikeve Kontrak imamata ta,ieo Kontrak enio ule avo.18Chapter 10
1Naotolnganga eko natomonainga volem navulnga popue so imai,eio navulnga kire ngata avota.Natamta me naiware seime timai towoi ke Natavolo isou paso tipot popuare page natengainga tea ire lawoia tikeveve page nalai teatea volem avo.2Pavile me, natengainga eriko pa tikaura ngata? soge natengainga eriko pa tipakaure nasagula me ire napakilalangare pa tipot nalngare page nasagula me lawe tea ire isou paso tilei knge nasagula avo.3Me natengainga erko tipapote naremonga ke nasagula ke nalainalai 4Natepo ke bulmakau me sipsip isou paso ipakaure nasagula tiavo.5Nasau tea Krais imai siko tatano,ie ivul,natengainga iami akime ngata avo,me napoti tea iom kutol mutuke pagau.6Knge naremonga tea pau,isou paso natengainga ke naringa me natengainga ke nasagula epakosnga iom tinim igelgel page tiavo."7Me iau navul vileko,"Kuleie, iau namai napot takola,nanngonga songan tikono knge Natavolo lalaulau eio nalnge pagau,ke napotnaie nangonga me nakimnga pagom. +8Ie ivul matanga,"Page natengainga avo,me page natengainga ke naringa avo pau,avome page natengainga ke nasagula iom kukime, avo me iom tinim igelgel page. Navunga eriko. Eriko eio natengainga taio sevame iwatatae naotolnga.'' 9Me eimul Ie ivul;''Kuleie,iau nagingin eilikoko so nawatae naremonga me nakimnga kiom."Eio ipakaure nagol mugange ke nagingin puanganga me ipapote nagol ke nagingin puanganga pau. 10Page naremonga me nakimnga ke Natavolo, iya tapot popuara apua o page natengainga ke Ie anua Jises Kraist ie taua me ipakaurange.11Ire Pris timari naetne tiatia ke tikeve nourata ke Natavolo. Me nourata eniko ke nasagula epakauranga ire tikeve eio isou so ipaulo tiavo. 12Me Kraist ikeve natengainga tiavolem me ie ipaukaurange nasagula me ie imate knge Natavolo vagia otai. 13Ie tako irokrok me ileire emili so tipot ke ie aia me itole aia eilut kngare. 14Page natengainga ie ipaulore narumpua tia seime Natavolo matetoure apuao so kie.15Anunia Nalnge ivul ipot pagita. Page naetne matanga ivul ilao. Chapter 11
1Alavoko naoguainga kita ipautaita ngata pagire navunga ita tarok ke tatokore me pau, navunga erora i leire avota. 2Ita tivurame tioguai, eio ta popue page naoguainga kire.3Onauna, page naoguainga ita taotai so Natavolo ivul me navunga neingur ti pot ,eio ta navunga neingur isou ke ti leie. Eio ikeve page nasae taleie avo.4Abel remua rung page Natavolo ta Natavolo i toke Abel latengainga me Ken avo. Page nasau elo ie ipot popue ke Natavolo mate me Natavolo igongo pua page natengainga kie me Abel imate o, me ie naoguainga kie ingongo ta.5Enok iwoguaie Natavolo ta Natavolo itoke ie, ta ilaie namatenga avo. "Me ire tikau kilkilke me tiseke avo." Page na sae, Natavolo i toko mule ie o.Nasau Natavolo i toke Enok avota, Enok ie nalnge ke Natavolo mate.6Natamtamaol iwoguai avo, isoupa i keve Natavolo tinia i gelgel avo.Elo popue ngata soge teia i kim soge ila towoi ke Natavolo ie popue ngata. So natamtamaol i la towoi ke Natavolo me remua rung page Natavolo igingin me Natavolo ikep popue pagire ire natamtamaol Seime tikau kilkilke.7 Pa nangonga volem Noah itoke napanalga page navuga kie ilaie avota, Ie lagol nalgare me ikaine Naoga ke iliwole narumpua kie. I kevilelo lapua ipamatenge namir ke Natavolo eko me ipot nasasa ke nagol nalgare me nagol ke naoguinga.8Abraham iwoguai, matanga talo ilonge nakavanga me i watae ila ke napano so ie itoke iwai ie lapano mot. Ta ie ila ipot, me ie i watae avo pa ila siang.Ie iwoguai me igingin ke natatano eko 9iwai natamtamaol ke ire terenge. Ie me Aisak me Jekop tigingin ke navara,me ire narumpua Natavolo ivulre so ikeve pagire.10Nae vunoinge ie irokrok so i leie nania votvotia,me nania ke Natavolo i papote nanalnga ke nangonga me nourata.11Page naoguainga volem, Sera i korarange nagol ke nasikmelamelanga,Abram iwoguai votvot so ipot iwai namelamela tamare.Tagule ie ipot iwai nakolman ngata, me ie laoguainga vilelo Natavolo i keve nangonga votvotia so ie pa isik melamela.12Pa vileio, navola tiavolemnga ipot nakolman ngata towoi ke imate, ie pa ipot namelamela tamare.Ire tipot songa ngata iwai naputom ke nagulvo me namaga paele i souso navolatia inine tiavo.13Ire natamta me neware eriko tiwogaie Natavolo la timate. Ire titoke navuga popuare Natavolo i vul votvot kire so ikeve pagire.Tiavo ire timari me tilaire navuga erilo alwai pagire ngata tinre igelgel pagire. Me ire mamare ke tivule.So iem emgingin ke natatano iwai natamtamaol ke napano rolwe. 14Soge ita talongore natamtamaol tikeve nangonga tiavolem ko,eio ita tanal, ire tikim so, tipaunake natatano mot kire.15So ire matare nanake napano manialo tiko rarange timai io, eio pa timule tila knge.16Ire tikim ngata so titoke natatano paua tiapau gegia page mugange.Eio Gulvek volem. Paso vilelo Natavolo i souso mamae page ire rengonga avo. Pa eisae,ie mate towe napanotia kire paua so tila knge.17Page naoguaiga volem, Natavolo itove Abram, page tua Aisak so iwai natengaiga. Ie lamelamela tiavolem ngata ke natengaiga.Page ie namelamela tipot. 18Nasau talo Natavolo i vule Abram, "page Aisak vole nativu pa erepasis tipot."19 Abram remua vileko,soge Aisak i mate, Natavolo isou pa ipamule. Soge onauna ngata, ita tangogo nakounga pa navunga eniko imai ipot.Abram itoko mule tualia ke namatenga.20Ke naogainga tipot, navunga tipot ke Aisak me ie ipapote napavorenga ke Jekop me Eso.21Jekop iwoguai so i mate,ta ipavorowe namelamela lua ke Joseph. Jekop i kataia me ivirapage Natavolo. 22Joseph iwoguae lawe elo towoi ke imate me ie ivul.Pa eimul pa ire Israel pa tiko rarange Isip me tila .Ta ie ivulre pa navunga terenge ire pa tikeve page ie volvolia.23Page naoguainga volem, Moses i pot, ire titol tonganke natop tol,tame me tne tileie namelamela popue ngata. Ire timotoure Nangonga ke Nasarara einge [King] tiavo. 24 Page naoguainga, Moses, eimul ie ila ipot navinge lo, ie imotou so i vul ipot so ie namelamela ke namelamela neiwe ke Faro tiavo.25Eta, ie i kimso ige nakarkarnga i tolangare natamta me neware ke natavolo me ie tinia so i pagelgele nagol ke natatano ke nasau polia ko avo.26Ie ileinge vileko so, nagol ke nawatanga Natavolo eio einge page nagol ke Isip. Pa eisae me,ie ilalae ekolnga.27Page naoguainga volem, Moses i korarange Esip.Ie imotoue naosinga ke Nasarara einge [King] avo, pa eisae ie ileie einge talo ikou luila kie.28Page naoguainga volem,ie iwotai so Natavolo i warmule elo Esip page natepo eilut ke naramo, eio ta natamtamaol ke ilaumatematenga namelamela loutavetave isou pa ipamatemategare namelamela natamta Israel.29Page naoguainga volem,tivut kisike natai kilkilwange me tila tipot ke natatano pitia.Nasau talo ire Isip titove so tiwatare natai imai iruk alare.30Page naoguainga volem, Jeriko egel ivilil iroun talo ire tilala valiu page naetne masa me lua.31Page naoguinga volem, Rehap, neiwe neigau tne ie imate itolakngare ire neiwol ke nalongoililnga pa iesae ie itokore natamtamaol ke nalei nananga ke natetawainga.32Nasae tengerepau pa nangongo page pau? Iau pa nalavurusuke ke naetne enio so iau napanale Gidion, Barak,Samson,Jeptai,David,Samuel33 me ire narutame [Prophet] .Page naoguainga volem, ire tila titokore namuli avoko page naremonalnganga ke atoke nangonga me ire tialare Lion aore.34Me naselnga ke naringa isamore tiavo me ire tapavurusuke napul mate me ire tinrepopue me tipot votvotire page napalpunga me timuga page namar nania rolware .35Ire neiware timateo pa tivira mule. Ire terenge pau pa tirikapagire ire tinre me isou pa tinreser avo page ire reviramule nganga pau. 36Ire tengere pau, titoke natovanga luila ke nangonga siangare, me ire tikanakire, tikaukaukire vagere me aere page naolo me titolre ke navovosiange.37Me ire tipamatengare page napotnge, me ire tivore tiwai luwa, me tipamatengare page napul. Ire tiruk alare page Sipsip me Meme kulkulre. Me ire regoltiatiavo, ire tirikapagire ngata, ire tivulraukire me tikepsiange pagire.38Ire tinre pae natatano avo, ire tivaliu sapa ke napano navalim gorange,ke nalolo me napot livlivua me natatano livlivore.39Onauna ngata natamta me neiware ire ko Natavolo tinia igelgel page naoguainga kire,me ire titoke nangonga avota, soknge Natavolo ivule.40Natavolo lamatatounga popue pagem, page nasae. So, iem emgigin avo, navunga songan isow pa tipotpua avo.Chapter 12
1Sovilelo,neiwol i valiuta iwai nagagau naveinge,ita sevaio takorarange nagol siange itova so ipamolta taroun me tatilake nasagula, ikep ikis mule namamatanga kita.Eta sevaio mosmos me tawavel ke nawavelnga eko.2Matara ila tagerapue Yesos, ie pua page nagol vuno me narelmonga pua kita.Natinigelgelnga einge iroge talo eio ta Yesos ige naigasange ie i pali ke ige neivo patange me namamanga avo.Eliakoko ie imate ke lavovo napatopnga ke tame vagia wotai eilut.3Sevaio relmora votvotia page, ire natamtamaol siangare tikep siange page,ie imari votvot me ige naivo patange ise eilut page,eta sevaio tanauleta ke tawatae kute.4Iami amari votvot me aelke natovnga ke nasagula la ala aseknge nakonoutnga ke natepo ilele.5Matami sop kire nangonga eriko avo,ire tivuliami page,''lemelamela,sevaio aleie patange me aruamule kute, so einge ipanal iami.''6Ainge sevaio ipanalnalre naiwol seime ie ikimkimre me ikanakire namelamela me itoko mulemulere.7Iami amari votvot me atimi iroun, soge Natavolo ipanal iami awai namelamela.Natavolo ipanalnalta iwai tamara me siko tatano tikeveve.8Soge teia itoke nangonga ke napanalnga avo,eio iwaita eio namelamela taio tame isoke avo io,9Tamaem siko tatano eio tipanalnal iem me iem emtoliem ke ire vulolore volem.Sevaio emtoliem emroun,emwatae tamaem Natavolo langonga eta isou so emamata igingin?10Narelmonga tiapau,Natavolo ipanalta pae popue kita me tapot nalngara iwai ie nalnge mot.11Soge Natavolo ipanalta io,epa ikevita takarkar.Lapua io ipapote nate tawainga me nagol nalnge ila kire seime titoke napautainga io.12Panalre vagem tivira tinal me aem ereluvua ulare avo.13Kaine rorom ke kulae,meta aem ta siange io ipot popue me ila.14Relmom popue pagire weam neiwol me kupot nalngam me Natavolo mate soge nasagula ikono eio I so kuleie einge avo.15Kulei iom pa kep me kulararange Natavolo lakewainga me nate sainge sevaio ikono me irikarika page namatenga eio avo .16Kuleie iom pa kep me nagol neigau ilulu kiom me waem seime tinal page Natavolo avo iwai iso page nanga livua tiavolem eio ilau kole lautave kie.18Iom kumoi ke nalolo kisike me kilale tiavo, Natavolo naringa i vava,natoroma, nakarkarnga navinge, namule me nava.19Iom kumoi ke napano teia napanalnganga ke nataule knge tiavo avo teia egol imai me imai la tikarilenga page elongonga avo.20Ire isou so tilonge nangonga votvotia imai ke Natavolo tiavo:"so narago tia imai towoi ke nalolo, eko eio tilamatenge page napotnge. 21Namotounga navige me nakarkarnga einge ipot ta vilelo ta Moses ivul,"tinik i motau ngata me nasamimi."22Pa iom kumoi ke nalolo Saion me Natavolo ie mamatange, Jerusalem ke Gulvo, ire Ensel eingur la eingur tinre igelgel.Chapter 13
1Nakimnga ke waim natamta savaio ikono ila. 2Sevaio gulotilgnanga me kepopue ila kire neiwol seime eio iom kunal pagire avo io, Natamtamaol terenge tikev vileko pagire natamtamaol me ire tileiknge so ire Ensel tiavo.3Matam nanakire natamtamaol ke navovo siange, wai so iom pau talo kire.Me matam nanakire pau waem seime titoke siange ke natamtamaol seime vagere.Wai iom pau talo kugingin kire .4Sevaio neiwoleinge tileiknge iom lem wolanga. Naolanga kounge sevaio ipot mange me popue.Eta Natavolo pa, ipasiangare ire seime tekeve nagol neigau pagire naulaulanga natamta,me neiware.5Me sevaio limilanga ipot popue me kimsongan ke navaiau me tinim igelgel page navaiau kiom mot avo,Natavolo ie ivul, epa ikorarangaom avo,me ie pa igingin kiom.6Eta tinra igelgel, me tavul vileko ,Natavolo ie akpaulonga, me pa namotou panasae,natamtamaol tia isou so ipa siangawau avo.7Kuleikngare iom amuganga, se iliwole Natavolo langonga pagom, me kulei popue page nourata ire tikeve. Me kutoke naoguainga iwai ire reva.8Jisas Krais,ie igingin iwai nola, alavoko,me nae vunovuno.9Sevako nagonga napokakanga ipavovonge iom relmom avo, me popue so iom atem rung me igelgel.Isou ke nangonga tia ke ipaulore natamtamaol ke relanga tiavo. 10Ita rania ke napavulnga soknge, narutame ke nania sevaio tileileipue nania ke tiliwolole nangonga me pau isou pa itoke nangonga tia avo. 11Me hetpris ipamategare narago,me itokore tepore tila ke Navovo Napatopnga ke ipenpenre nasagula, me iroukire anore ke nagel mange.12Eta, Jisas itoke siange elo ke nagel mange ke taun, paso, ie ikevire natamtamaol tipot nalgare page ie tepua.13Paso vilelo, ita pau tala tapot mange ke tatoke namamanga iwai ie itoke.14Pa iem lemba taun votvotia tea ngata siko avo, eta iem emtol mataem so lemba tea pa imai.15Page ie, eta, ita neiwol sevaio takev toitoi ke napasis einge ke Natavolo me tatoke natengainga ila ke Natavolo. Eta16 iom me iau, sevaio matara sop ke takev puare neiwol einge seime tigingin kita avo, pa eisae, Natavolo ie tinia igelgel page nagol vilelo. 17Kulongo pue nangonga me kutol muleiom kuroun pagire namariringa, paseime tileileire iami anunimi, eta ire pa tilaue nangonga, ke ire reurata. Kulonge nangonga, eta ire namariringa pa tikeve reurata ke natinigelgelnga me ire isou so osire avo, pa eio nagol popue avo.18Kuraring pagem, Eta iem pa relmuem popue me iem sevaio matem page namatenga popue ke nagolvunoinge ko.19Iau navuliami, iami isou ke akeve vileko toitoi, pa eisae, iau pa namule namai kiame towoi o.20Eliakoko, Natavolo ke naremo sianganga, iese ipango mulere ire namatengatenga, eio ie seie einge ileileire (sipsip),ie seie aravainge yesos me page ie tepua, ie ikeve Navuknga (Kontrak) me isio igingin. 21Isouriami me ikepue se iwatatae ie relmua.Ie isou pa ikeve navungatea pagita popue ngata me gegia kie. Eko ie Jisas Krais seie itoke napasis einge me nagiro igingin mot, Onauna.22Eiliakoko ,Napei mule narelmo kiami waek me, ke matami nanakire nagonga, iau navuliami me nounake nalaulau iwot kiami.23Aotai pua vileko, iem waem, Timoty ie isio igingin sapa me page ie, iau towoi ke namai nalei iami.24Eigule imai kire namariringa me naoguainga tameme me tneme.Me Eigule pau imai kire Itali.25Eta natetawainga isou ke igingin kiami awainge.1 Peter
Chapter 1
1Iau Pita, apostel ke Jisas Krais iau navore nalaulau eniko iwot kiami seime aoguai ie,Natavolo matetou ami kie.Iau navore iwot kiami seime agingin eio Pontus,Galeisia,Kapadosia,Eisia,me Bitinia.2Eniko isouknge naremonga ikonomot kie Natavolo tamara, iwatae nourata ke nakain golnganga kie nanun nalnge page nalongo puanganga me page natepo ruaruanga ke Jisas Krais.Eta Natavolo pa ikepuami me ikeviami atimi itawai nae vunovuno.3Ekopa tasanaie Natavolo ie seie aravainge Jisas Krais tame!Luila knge nakewainga navinge kie,ie ikeve nasiknga paua pagita so taoguai me taronge namamatanga igingin page namatenga me navira mulenga ke Jisas Krais.4Eniko eio natoko kesnganga soknge pa ikaura tiavo,pa isouso ipot erilmo avo,me pa isapasapa pau tiavo.Eniko kiom titole talo ikono heven.5Iom Natavolo eselnga taio iruk alaom page iom lemoguainga page natoko mulenga soknge eko iwanga so prek imai ipot elo knge naetne ke nakauranga.6Luila knge eniko iom tinim igelgel ainge ngata, page nasae, ailiakoko page nasau morua volem, iom pa kukarkar panga natovanga gegegia.7So vileko eiota i paunak popue page iom lemoguainga, eio soknge navulraunga isou so tapasou page gol soknge pa siange lawe teiao tiavo, tagule so titove knge naringa me pa isou avo.Eniko i pot so ipaunake naoguainga me napasis ainge, me namer, pagom page naetne soknge so Jisas Krais i mai ipot malamalnge.8Iami aleie Jisas page eromi avo me akime. Iami aleie ailiakoko tiavo me iami aogua ie me tinimi igelgel page Jisas ainge ngata.9Iami atoke limioguainga ainge o pa aisae, me page iami limioguainga eio takola Natavolo itoko mule iami knge nagol siangare.10Naremonga taniko ikono page natokomulenga, ke naru tamareme tisasanaie napaulonga soknge so I mai ikono pua me relmomi iwanana popue page.11Naveta loluainga eio taniko so tikim so tinal page seie me nasau soknge ngata eio nanun ke Krais ilulu kire iwai nounaknga so ie iliol mule muga ngata page nakarkarnga kie Krais me namer sokngare so tiwatae.12Eniko imai i malamalanga ila kire so ire isouknge so tipaulomulere tiavo, me iom, so ire tiliol page navunga sokngare eko ailiakoko tingogo pagami page, eio ire nangonga ke Natavolo tamareme tiliole iwatae napaulonga ke Anunia nalnge ke Natavolo soknge tigule heven imai panga navunga sokngare eio ire ensel matare ikono page so tileire io.13Eta iami sevaio akisrungke naremonga popue, atimi iroun page limiroknga luila knge napaulonga soknge so imai kiami so Jisas Krais so imai ipot mange.14Page iami namelamela ke nalongo puanganga, sevaio atolmule iami alaknge naremonga mugagare sokngare erewatatanga eio munga iami remomi ivovo io avo.15Iwaita seie ikavaom eio ie holi, iami pau pa apot holi knge limigol vunoinge io.16Iwata navorenga ikonomot knge Natavolo langonga,''sevaio apot holi, pa aisaie me iau holi.''17So iom kukava,''tamange''eio natamtamaol seie ke matetoutou puare nourata ke natamtamaol tiatia isouknge reurata tikevevire eio tako, eiota sevaio tavokovoko me tamotoutou ila isouke naetne ke nakauranga.18Iami awotai so Natavolo itokomule ami page gol me silva navunga sokngare pa siangare io tiavo,eiota iami sevaio awatare tivumime page nagol siangare erekepnga avo.19Avongata Natavolo ikol mule iami page natepo kepnalnge ke Krais,seie iwaita sipsip lamelamela tamta ewa napelpelnga me nounama avo io.20 Natavolo matetoue Krais mot lapuata eko navunga vunoinge tipot knge natatanoko, me naremonga eniko ikou la isou page lawe eniko eio takola imalamalanga pagita ko.21Page ie eio iami aoguaie Natavolo, seie ipavire mule knge namatenga me ikeve napasis ainge eiota lemioguainga me limiroknga eio talo luila ke Natavolo.22Iami sevaio akevire remomi la popuare ngata page nalongo puangaga page nangonga onaunange.Eniko page popue ke nakim polganga pagire waimi,eiota akim poliami tiatia me atimi popue volem me ila.23Iom kupot paom pau o, eio page nasege soknge pa siangare page avo,me page nasege soknge pa taseke namamatanga eio namamatanga me naginginga volemnga nga kie Natavolo langonga.24Pa natamtamaol neiwol tiwaita garas io,me pau ire erevorenga eio iwai palaua me garas navolouta.Garas eio pa timismis me palaua rua ruange pa timolmol.25Me nangonga ke Natavolo eio pa igingin volem me ila.Me nangonga eniko eio naol popue taio emliole iami page.Chapter 2
1Me sevaio akeve nagol siangare ke naroro ke napokakanga page tegere pau avo.Eta sevaio kupot natamtamaol ke napokakanga me naparungrunga page tegere pau avo. Sevaio kuvul nangonga soknge napokakanga io avo.2Iwataio ire namelamela paure meikire page nasu, tingtia volem,iom sevaio meikiom page nangonga ke ainge, page naroro eko iom isou pae pavotvote naoguainga kiom pae Natavolo.3So iom relmom inalgata onauna ngata so Ainge ie natamtamaol ke ikep puaom ngata.4Kumoi ke Jisas ie Ainge, seie iwai napot mamatange eio natamtamaol titola page, me Natavolo Ainge matetouwe iwaita napotnge popue ngata kie.5Me iami awai taio napotnge mamatange,Ainge ilupe ke ipapote nania ke nanuni ke ikeviom kupot pris nalgam ke kutegaire nategainga gegegia talo Ainge ikime me remua isou me tinia igelgel luila ke Jisas Krais.6Nangonga ke Natavolo igongo vileko,''kuleie ke saion iau nagune kona ston soknge iau matak towe gegia ngata,me seie iwoguaie ie isoupa mamae avo.''7 Iwai taio naleiknganga page Natavolo igingin kiom seie kuoguai ie. Me napotnge taio natamtamaol ke ikel nania tinia page avo, napotnge eniko eio ipot iwai napotnge terenge pau pure.8Me eio iwai taio napotnge ikevire natamtamaol titavul. Natamtamaol titavul pa ire tilongo pue nangonga avo.Ire matare towe ke ikeve nourata eko.9 Iami volem Natavolo mate touami, apot nalngami me akeve nourata Pris kie taua. Iami natamtamaol ke Natavolo ngata avul ipot panga navunga popuare Natavolo ikevire. Ie ikavami amai apot ke nagol ke natoroma me iami aluknge navavanga paua. 10Muga ngata iami agingin iwai natamtamaol onaunange ke Natavolo tiavo,me ailiakoko iami apot namelamela onaunange ke Natavolo pa muga iami atoke nakewainga ke Ainge tiavo me ailiakoko iami atoke nakewainga.11 Iami narupua seime iau nakim iami, iau nalei iami awai ire natamtamaol ke nania rolwe.Eiota iami sevaio akorarange nakimnga ke potimi soknge sevame ipalpun luila kiami.12Iom sevaio kunake nangol nalnge mungula kire natamtamaol tiwotae Natavolo avo io, ire tipasian gaom wai natamtamaol ke nasangula.Mepau ire pa tileie nourata popue kiom me tivira page Natavolo epasis page naetne Krais imule imai pau.13Me tavira page napasis Ainge ke Jisas, me tawatae nangonga kire natamtamaol seime erepasis me tiwatae nangonga pau kie king,pa aisae,king ie votvotia ngata.14Me pau ie matetouwe king,pa aisae, Natavolo igulore so tikep siange pagire seime tikeprau me pau ie ivul savurim page ire seime tikeve navunga nalnge.15Me pau eniko Natavolo relmua pagom so kukeve nangol nalnge,so iom kukeve vileko, natamtamaol seime tilongopue nangonga ke Natavolo avo iom pa kukevire aore mumun.16Kusio gorangam, me sevaio relmom itole nagol siange ke kukeve avo. Avo, kugingin kuwai nourata tame ke Natavolo.17Kunake nangol nalnge pagire awainge me kukimre awainge wai iom waem natamta, kumotowe Natavolo me kuvira page ie epasis.18Iami nourata tamareme, atengai mule iami ala ngata kire limiva aingare me agingin vulolo kire.Me pagire seime tikep puami avo eio iami sevaio agingin vulolo kire,avo. Iami sevaio akeve tingtia ila kire ire seime tikep siange pagami.Popue so iom sevaio tinim igelgel, page naetnareme iom kukilale nakarkarnga page natovanga gegegia 19me neivo patange pa aisae iom kuwotae amtavolo.20Me nakolnga popue soknge iroge natamtamaol seie ikep rau me itoke siange? Meso iom kukilale nakarkarnga page nagol nalnge iom kukeve, sevaio tinim igelgel pa aisae,Natavolo pa ikeve napasis ainge pagom.21Naremo pua tea Natavolo i kavami eio vileko, iami pau sevaio ainge nakarkarnga. Lawe elo Krais ige nakarkarnga me imate pangami.22"Ie iwai nounaknga pangami isou so iami awatae me akeve nangol tingtia iwai ie ikeve."23Krais ikeve nasangula tiavo.Me ie ipokakare natamtamaol tiavo. Lawe elo natamtamaol tikep siange page lo, eio ie ipamulere tiavo. Lawe lo natamtamaol tikim so tipamatenge io ie ipamule tiavo.Ie i tengai mule ila ke Natavolo seie namata konongae ke navunga vunoinge.24Natavolo ie volem ige arasangula ke ie anua lawe lo ie imate ailut ke naigasange, eta ita sevaio takeve nasangula avo me tawatae nangol nalnge.Jisas tinia prekprek me tepua ilele eta ikevita tapot popuara.25Onauna ngata iami awai sipsip taio isolia io, me ailiakoko iami amule amai ke Jisas o,seie iami amialanga me ami mamatanga.Chapter 3
1Page naroro eniko iami neiware naolaulanga sevaio atol mule iami aroun vulolo kire aiwomime. Kukev vileio ire pa tileie nagol nalnge iami neiware akeve, me ire isou pa tingongo avo me rengol isou pa ipaulore natamta ke tipul remore. 2Epa ire tileikngaom page nangol nalnge kukeve me remore popue.3Iami sevaio aunake popue kiami panga navorenga gon mange avo iwai,napavorenga nakuri lawa,navorenga page gol me alu kire amivulnga nalngare.4Avo,navorenga onaunange eio iom kupaunake luila knge atem,navorenga ke naginginga molo eio vileko.Sevaio kutol iom kuroun me tinim mumun. Eniko eio naveinge me navunga nalnge ke Natavolo mate.5 Ire neiware nalngare eio titolre tiroun me tigingin pua volem.Ire tiwotae nangonga onaunange ke Natavolo me ire tiwotai pa so tigingin pua knge aiworeme vulolore.6Tingtia volem page naroro eniko Sera ilongo pue Abraham langonga eta ipate so ie ainge.Iom pau kuwai namelamela ke Sera, so kumotoue nangol siange epa kukeve nangol nalnge volem.7Tingtia pau, iami natamta sevaio agingin kire aiwomime page narelmonga popue me nanalnga, pa aisae me, ire neiware ulaulare tiavo.Iami sevaio akep popue pagire aiwomime, pa aisae, neiware pau pa titoke namamatanga igingin.Iami sevaio akeve nangol eniko eta iwai narovalanga page lemipakilalanga avo.8Ke nangonga ekauranga,iami awainge sevaio relmomi tiavolemnga me akim poliami knge iami atemi me aroun mule pagami.9Sevaio kukep siange page waem seie ikep siange pagom io avo.Iom sevaio kukep popue pagire seime tikep siange pagom io,pa aisae, iom pa kutoke navunga nalnalngare page nangol iom kukeve.10Natamtamaol seime tikimso tigingin pua me titoke namamatanga popue,ire aore sevaio i ngongo paga nangoga siangare me tipokaka avo.11Ire sevaio tipul rimere panga nangol siangare me tikeve nangol popue volem.Ire sevaio tipainake naroro ke tikeve nangol popue me isou so atere itawai.12Ainge mate ikono pagire natamtamaol nalngare me ilongelonge repakilalanga.Me natamtamaol tikeveve nasagula io Natavolo remua popue pagire avo.13Seie pa ipasiangaom, songe iom kukim so kukeve navulnga nalnge? 14Me so, songe iom kutoke siange page nangol nalnge kiom, iom pa kutokore navulnga nalngare page.Sevaio kumotowe nasaie natamtamaol timotowe ie avo me sevaio relmom neigur page navunga tia avo.15Meso, atoke Krais Amivainge iwai navulnga popue ngata.Iami sevaio akoromot pagire natamtamaol eriliwolnga so iami awotae Natavolo me nangol popue kie. Iami sevaio angongo moiau pagire page nangol ke atolmule iami aroun.16Iami sevaio atoke naremo nalnganga imai ke Natavolo me seie ikep so ipasiange namamatanga popue kiami luila ke Krais epa mamare, pa aisae, iami natamtamaol ke nangol siange ekepnga tiavo.17Eio popue ngata songe Natavolo mate touom so kuinge nakarkarnga songe iom kukeve nangol nalnge me nangol siange avo.18Krais ie natamtamaol nalnge,me ie ige nakarkarnga page nasangula kita natamtamaol. Krais ikeve eniko so itokoita tamai towoi ke Natavolo.Tipamatenge Krais ke anua volem me nanun ke Natavolo ipa vire mule.19Knge nanun,Krais ila me iliwole nangonga pagire nanun sokngare timate knge kalabus.20Ire neiwol tivul avo page nangonga page lawe nakewainga ke Natavolo irongire page nasau ke Noa lo, page lawe enilo Noa ikaine naonga.Natavolo ileilei puare natamtamaol talo masa me tol volem page nasau ke naonga naveinge ipot.21Nako enilo iwai nounaknga ke nawaliunga, pa aisae, Natavolo itoko mule iami page nako ke nawaliunga.Nawaliunga eio ke irumakire nasangula kire natamtamaol avo.Me ke itokoami Natavolo ivira page Krais Jisas ke matmat.22Krais ila heven me igingin ke Natavolo vagia otai.Ire engel me ire aingare, me naselnga gegegia ke natatano sevaio timai knge ie vulolua.Chapter 4
1Eta Krais ige nakarkarnga kire natamtamaol ke ie tinia, eiota iami pau sevaio ainge nakarkarnga page Krais epasis.Eta ire natamtamaol seime tinge nakarkarnga ke tinre epa ire isoupa so tikev nasangula pau avo.2Pa aisae me ire natamtamaol vileko tigingin ke potire ta,ire isou pa so tiwatae ire relmore avo, me ire sevaio tiwatae Natavolo relmua.3Iami alala knge nangol ke narelmo mungange eio nangol eriko vileko nangol neigau, neintangtanga,naspaknga me napavulnga page natavolo napokakanga.4Ire pa remore so eniko nangol paua songe iami awatare avo me akevire nangol airiko nalngare avo ko, epa ire tivul siange pangami.5Page lawetia pa imai Natavolo pa ikotimre ire natamtamaol timamatata me ire natamtamaol timatemate o, page lawe enilo ire pa tiliwole Natavolo page nangol neigur ainge ire tikevire.6Page pua eniko Krais iliwole naol popue pagire natamtamaol ire seime timate o, pa aisaie, ire pa tipot ke kot ke Natavolo page anore me page anunre ire pa timamata luila ke Natavolo.7Naetne ke Ainge imai towoi o, eta naremonga kiami sevaio ipot popue me igingin rung page nangol ke napavulnga.8Ailut page navunga neigur, iami sevaio akimre waimi tengere pau ngata,pa aisae nangol ke takim songan kire waera eio irukalare nasangula songan ainge.9Aunakire nagol nalnge ke nakimnga me angongo tantang avo.10Natavolo itengaire nategainga tiwot kiami tia tia o, eta iami sevaio apaulore natamtamaol tengere pau. Ke iami atimi iami sevaio apaulore me aunake naremo sianganga ke Natavolo pagire.11Me so tia iliwole nangonga,eio ie sevaio isio iliwole nangonga ke Natavolo. Meso tia ipaulore natamtamaol, eio ie sevaio isio i paulore natamtamaol page napaulonga ke Natavolo. Page Jisas epasis,navunga neigur airiko sevaio tikeve napasis ila ke Natavolo.Namir me napasis ainge sevaio ila ke Jisas krais nae vuno vuno.Onauna.12Waekme,iami sevaio atokrai avo pagire natovanga gegegia pa tipot kiami wai naringa.13Tagule,me so nakarkarnga sokngare iami aigire page Jisas epasis, iami sevaio tinimi igelgel. Me vileko ta iami pa tinimi igelgel ngata so aleie nagiro ke Natavolo page naetne Jisas pa ipot malamalange.14Meso ire natamtamaol tikep siange pagami page Jisas epasis, iami sevaio tinimi igelgel.Pa aisae,Anunia nalnge arenge igingin.15 Me so iami ainge nakarkarnga, eniko sevaio ikeve iami apot wai natamtamaol ke tipamatengare natamtamaol o tikop me tilongoilil alelenga avo.16Me so kristen tia inge nakarkarnga, sevaio mamami page avo.Tiavo.Iami sevaio tinimi igelgel me eniko pa ikeve napasis ainge ila ke Natavolo.17Ailiakoko naetne ke kot naveinge ke Natavolo ikepso ipot kire narumpua ke Natavolo. Meso ipot mungula ke narumpua kita, navunga soknge pa i pot kire narumpua seime tiwatapue Natavolo langonga avo? 18Me songe ''ire natamtamaol nalngare tivoko ulare ngata so titoke namamatanga,epa aisae pagire natamtamaol sevame tikep nasangula,ire pa tipot ke Natavolo erua aisae? 19Eta ire kristen tinge nakarkarnga i sou pa so titole remamatanga ke Natavolo ainge vagia, se ie ipapote navunga neigur.Chapter 5
1Iau nakeve nangonga kakaknge pagire iami amimuganga. Iau pau iau namuganga tiapau, me iau seie nagingin me naleie nakarkarnga Krais ige, me iau seie pa naluluknge namer ke Natavolo ke lawe soknge Krais imule imai.2Page iami nourata tametame me tnetne ke Natavolo, aialapuare narumpua ke Natavolo page nate nalnge, iwatae iwai Natavolo ikime. Me sevaio remomi inal page nourata ekepnga soknge isouso akeve me sevaio natamtamaol tivuliami avo.3Sevaio atoke Natavolo mulia ke erio saime tiwatami io matare avo. Me sevaio akeve nagol nalnge ta narumpua taio tiwatami.4Me ke naetne namariringa ke narumpua naveinge imai, pa atoke nakolnga einge, igingin volem.5Me page alngare tingtia vilelo,imai onaunange natamta sevaio aroun mule pagami me atolmule iami vulolo kire aingare. Pa eisae, Natavolo iroun pagire seime tivira mule pangire me ie remua siange pagire saime titol mulere tiroun. 6Page vilelo iom sevaio kuroun mule pagom ke Natavolo mate me Natavolo pa ipeikom ke naetne ie matetowe. 7Ainge amikarkarnga me naremon neigurainge tila ke Natavolo, page eisae, me Natavolo remua ikono pagami.8Iami sevaio awanga me matami ikono, navola siange (Satan) ie namili kita, ie ivaliuliu iwai laion me ikaukilkilke natamtamaol ke ipamatenge me ikane. 9Kumari votvot me kis rungke naoguainga. Iom sevaio kuwotai vileko so ire naoguaingare ke natatano eniko ire pau tinge nakarkarnga tingtia pau me tigingin.10Molo avongata, me iami pa aige nakarkarnga ke natatano eko. Me Natavolo seie ipon page naremo siangaga, ie ikavami so agingin ke namer kie, me ie pa ipavotvote naoguainga kiami me ikep popue pagami. 11Natavolo ie votvotiagata me eselnga, me ie pa igingin nae vunovuno,Onauna.12Iau navore nalaulau eniko so napanal puami vileko so Silvanus ie waimi natamta nalnge tia ke ileileire puare nourata ngata. Iau nakeve nangonga kakaknge me navul ipot page nourata popue ke Silvanus ke naetne iau navore nalaulau eniko. Nangonga enoki iau navore ko eio onauna, iami sevaio amari votvot page nangonga eniko.13Neiwe eniko Babilo ko,ire natare towe pau,ivul eigule popue pau pagami.Mak pau ie namelamela kiau ivul eigule pau iwot kiom.14Apakisike eigule popue ila kire terenge pau me tinimi igelgel me apaunake nakimnga ke Natavolo.Nate tawainga ke Jisas Krais pa igingin kiami awainge.3 John
Chapter 1
1Iau navola einge John navore nalaulau eko ila ke waek ngata Gaius, seie iau nakimkime ngata. 2Waek popue,iau napakilala so iom pa kuginginpua pa nagol ta neingur io me pa kurival avo me anunin pa igingin pua. 3Iau tinik igelgel ngata, lauwe talo waem timai tivul ipot page iom lemgol nalngare me iom lemlanga nalngare. 4Natinigelgelnga kiau eko iwai natinigelgelnga terenge pau avo,imai nalongo so lekmelamela tilala luila ke nagol onaunange.5Waek nalnge,iom sevaio keve iom atem ngata page nourata keve mugula pagire waem me pau pagire narumpua terenge pau.6Seime tivul ipot page iom lemgol nalngare ke kukimre ire narumpua arigia pau ke sios.Iom keve nagol nalnge ngata ke kugulore tila ke naroro Natavolo ikime. 7Pae eisae ire tila tipot page Einge epasis, me titoke nagoltia kire ire neiwol arigia ke Juda avo. 8So vilelo, eio ita pau takeve tingtia iwai ire tikeve lo, me ta ita tapot nourata tametame ke nangonga onaunange.9Iau eio navore nalaulau ila kire ire arigia ke sios, me Diotrepas navola seie ikimso ipot matatanga pagire, tinia so itokoem avo. 10Me so iau namai, eio pa matak ikono pau page nagol ta neigur einge ie ikevevire io,me nangonga gegegia me siangesiange ikeve pagem. Ie ipon panga ie lagol eriko, eta ie itokore waia me ikepuare avo. Me pau ie ilitaire ire arigia seime tikim so titokore, la tipakaurangare tiko ke sios.11Waek popue, iom sevaio kuatae nagol siange kute, me sevaio kuatae nagol nalngare.Natamtamaol seie ikeveve nagol nalnge, eio ie ke Natavolo, me natamtamaol seie ikeveve nagol siange,eio ie iwatae Navolo tiavo.12Ire neiol naoguaingare tikeveve nangonga popue page Demetrias, me tivul ipot vileko, so ie eio navola nalnge luila ke nangonga onaunange pau. Iem pau emvul ipot page me iom kuotai iem lemngonga eio onaunange.13Iau lekvulnga neingur ke navore imai kiom, me iau tinik so navore navulnga neingur ko ilu ke nalaulau avo. 14Me ko nakim so nalei iom peilei,eta naleipue matam me tamilua tangongo. Natetawainga ke Einge imai ise 15eilut kiom. Waem tivul eigule popue iwot kiom. Pakesike lekua eigule popue ila kire waek me tiatia pau.Jude
Chapter 1
1Iau Jut,Jisas Krais lourata tame iau,me waek Jems.Iau navore nalaulau iwot kiami natamtamaol seime tamara Natavolo ikavami me ikimiami.Ie ileilei iami pa iami ke Jisas Krais.2Me naremo sianganga, nate tawainga page Natavolo tipot einge la einge ngata.3waik me iau navoko ulak pa nalaulau egeigeinga imai kiami page nagol soknge Natavolo ikeve ke itokomuleita.Eta iau remok so iau nageigei imai so navuliami so avoko ulami me akis rung ke narelmo eio Natavolo ikeve pagire natamtamaol naoguiangare. 4Iami awotai avo me ire narelmo tawainge page Natavolo avo io tikautale timai tilunge narumpua me tikeve napautainga ke napokakanga me tipapule alnge ke nakewainga ke Natavolo pae nagol siangare.Ire remore rung avo pae Einge,ie Einge kita Jisas Krais.Muga ngata lo Natavolo ivul vileko,ire natamtamaol ire sevaio tila tipot nalongonga ngata tea ke Natavolo,me pa tisolia.5Iami anal page nagol erio io, eta napapei matami pau.Eio iwai muga Einge itokomulere Israel tiko rarange Isip, paso eimul eta ipasilangare ire seime remore kie avo.6Me pau ire Ensel neingur tinre so tigingin pau avo pae napakurnga me namir Natavolo ikeve pagire,eta tikorarange nagano.Eta Einge ikaukau kire pae nalele me tigingin knge nagel nae ta vunovuno ko.Ie igalalare knge natoroma nagiso ngata io,me pa tiroge naetne ke nalongo nananga einge ke Natavolo.7Iwai ta Sodom me Gomra me ire nania tnetne towoi polol ire tikeve alnge tingtia iwai ire Ensel tikeve.Ire tiwotae nagol siange me tikeve nagol neigau ila gegia iwatae nate siange kire,vilelo ta titoke nakolnga siange ke naringa ekaurangae avo.Alngare erilo tipot mugao,remora iwananake me tawatae avo.8Ke nagol tingtia ire lo tiwatae nagol gegegia ke nakono vivitanga siange siange kire me tipasilange mule tinre.Ire tiraring me tikure Natavolo egol avo me tivul siange pagire Ensel heven pau.9Page nasau tea Ensel materua,Maikel me satan tikeve naupolnganga page Moses anua, Maikel ilongoil avo,me ikeve nangonga tia page satan avo.Me ivul vileko,"Einge volem pa isio pagom."10Pae natamtamol eriko tigongo siange page navunga sokngare tinal page pure avo. Ire tiwai navunga sapasapa ta kurire avo io,eta ire tiwatae nagol ke anora volem. Pae regol elota tipasilange mulere. 11Ire sevaio tileileire. Ire tilala tiwatae nagol ke Kein.Ire remore einge page navaiau napot,iwai Balan ikeve la tilupe esagula tiavolem. Paire tilongoil pae Natavolo, iwai Kora, page nagol elo eio tisolia.12Ire tiwai ta nakur ke natai ikou me irika pagire naoga. Ire taio tirika page naluplupnga popue kiami.Mamare avo,meso tikan eio remore pagire volem. Ire tiwai ta nagagau eako avome namule igigire, ire tiwai nai ta anua avo pae ie esau me tikulekire la timate alutnge palua. 13Ire tiwaita natai erevo imapalala einga ngata itolaknga regol siange siange, me namamanga kire ipaunak mulere iwai ta natai ngawa. Ire tiwai ta naputom tiwavelvel knge rorore avo. Natoroma nagiso, Natavolo mate toue pagire paeisae, nania taio pa tigingin knge nae vunovuno.14Inok ie natamtamaol masa me lua eimul pae Adam,eta ingogo wowoipua vileko, naleie Einge imai itolakngare vunovuno Ensel kie timai. 15Ie imai ke isivare me ilongo nanakire neiol, Ie ikim so ikevire natamtamaol ire remore rung page avo io, eio so tilaiknga mulere panga regol siangare tikevire, seime eresagula epa Natavolo ikevire tikilale kire ngata pae rengonga siange siange pae Ie.