Gadsup Ayugam: Bible for 1 John, 1 Peter, 1 Thessalonians, 2 John, 2 Thessalonians, 3 John, Acts, Colossians, Ephesians, Galatians, John, Jude, Mark, Matthew, Philemon, Romans, Titus

Formatted for Translators

©2022 Wycliffe Associates
Released under a Creative Commons Attribution-ShareAlike 4.0 International License.
Bible Text: The English Unlocked Literal Bible (ULB)
©2017 Wycliffe Associates
Available at https://bibleineverylanguage.org/translations
The English Unlocked Literal Bible is based on the unfoldingWord® Literal Text, CC BY-SA 4.0. The original work of the unfoldingWord® Literal Text is available at https://unfoldingword.bible/ult/.
The ULB is licensed under the Creative Commons Attribution-ShareAlike 4.0 International License.
Notes: English ULB Translation Notes
©2017 Wycliffe Associates
Available at https://bibleineverylanguage.org/translations
The English ULB Translation Notes is based on the unfoldingWord translationNotes, under CC BY-SA 4.0. The original unfoldingWord work is available at https://unfoldingword.bible/utn.
The ULB Notes is licensed under the Creative Commons Attribution-ShareAlike 4.0 International License.
To view a copy of the CC BY-SA 4.0 license visit http://creativecommons.org/licenses/by-sa/4.0/
Below is a human-readable summary of (and not a substitute for) the license.
You are free to:
The licensor cannot revoke these freedoms as long as you follow the license terms.
Under the following conditions:
Notices:
You do not have to comply with the license for elements of the material in the public domain or where your use is permitted by an applicable exception or limitation.
No warranties are given. The license may not give you all of the permissions necessary for your intended use. For example, other rights such as publicity, privacy, or moral rights may limit how you use the material.

Matthew

Chapter 1

1Mana yo kimi Abrahami agac Daviti Jisasin afoi yeyic akunkunuc yivic i. 2Abrahami Aisaikin afoi, Asaiki i Jekopi afoi. Jekopi i Judam ben afacava unan yifoi. 3Judai Peres nuc Zera nuc yifoi yenyinoi Tamar, Peresi i Hesronin afoi, Hesroni i Rami afoi.4Rami i Aminadapin afoi,Abinadapi Nasonin afoi, Nasoni Salmonin afoi.5Salmoni Boasin afoi, ben anoi Reapi i. Boasi Obedin afoi, ben ano Ruti i, Obedi i Jesin afoi.6 Jesi kin Devitin afoi, Deviti Solomonin afoi, ben anoi Uraian anaci.7Solomoni Reoboamin afoi, Reoboami Abijan afoi, Abija i Asan afoi.8 Asa i Jeosafetin afoi, Jeosafeti Joramin afoi, Jorami Ussain anacui.9Ussai i Jotamin afoi, Jotami Ahasin afoi, Ahasi Esakaian afoi.10Esakaia i Manesen afoi, Manese i Amonin afoi, Amoni Josaian afoi.11Josaia i Jeonai untava yinacui Bebilonic mini kinkaci yerere beno.12Bebiloni yerere bonkimi Jeonai Seltali afoi emi. Seltali Jerubabelin anacui emi. 13Jerubabel i Abiudin afoi, Abiudi i Eliakimin afoi, Eliakimi Azon afoi.14 Azo i Zadokin afoi, Zadoki i Akimin afoi, Akimi i Eluidin afoi.15Eluidi Elisa afoi. Elisa i Matteni afoi, Matteni i Jekopi afoi.16 Jekopi i Josepi afo Maria avafui, Jisasi ma magenim inim.17 Masidem akunkunu Abraami kake Jisasi ka i sigankare eriyebam akunkun.18Jisasi ni apamini mani asac pake apamemi. Jisasi ano Maria beni Josepi iye madukam mi Gotini Ayu Inta Maria arakim am baduakem.19 Ben avafu Josepi antekam bainta bemi sefo ben ana bantagim sinam ajorina ninani sefo opac yekadayic bayiim simam ukadarani indemi.20Mini vaya omarem inde vami, Koctini anjori kainkim yere sem," Josepi o, Deviti aga ko, Maria madam eyana ki inonavani i yeve fekano. Ne varafino, Maria arakim dukam inta i Koctini Ayo Inta mano demi.21 Maria afonita macdanai eni Jisasi ne sire avi dano, ne varafino beni banta anasi yeyi mada kinke yivikantem. " '22Masidem aindada ma fabarinimi, Kocti beyicavam bvainta ka siru kake nimi, manim sikem,23 Ake, banta iye mandukam inin mano amuc bagi urem am makatemi, Afo ben avi deni Emmuerine sinteno." Mini avic anui, "Kocti mayau mana bemi,"24Josepi beyic barantinke ukekum Kocti ni enjori ma sirani ureme avagundem mi Maria beyana ki urem maremi.25 Minuke mifo Maria banta namac iye rugemi an demi. Afo Josepi mini inta avic Jisasi ne sirem avic dem.
Chapter 2

1Eroti Kiniugani yamuci Jisasi Betlemie Judia magenoyoc indim baintauc ac urintapate Jeru saremic yereni seno, 2Jiusiayic Kimi inkem pagac madugaga? Mayauni benic bayo ac uritapata ic onareci bem mansiankarani yecumpe." 3Kin Eroti mini indiremi amuna indiric eno Jerusarepac beyouyabaci amuna indiriceno.4Eroti banta anasiuyic yicoyum Prisiuc namac lo siyimeyom baintauc yaramandemi,"inkepaci Jisasimi magateyafono," 5Yeni bemi sameno," Betlemic magusi Judia sireni Profetiuci sandugamino," 6Eni Betlemio, Juda macagimic Judauyic yicnonkac kipa iyem uganamino. Enkinke mana dafisinic yeremi senti anasi bantaca Israiric bausac dafisintemino.7"Erotic emamic indim baintauc yaremi bayo afotaci enina yindaemi. 8"Beni Betlemi sicinkaremi semi," oraekaci anufare anitac afaka recac seyanda maro bemi mantiankano.9Kimic siyimicdani Indideni yerere beno, beni aci urintapaten oneyom bayo yivigemi acnaricemi bemi aninta bankaci okapinemi. 10Bayo onareni ano yimayicamieno.11Naumpa undaeni onamic aninta ben ano Marianmac bani onareni yicon noyan ankareni mantiankeno yeyi unacike uvandenic kori nama ayocu undaenim adadauc ameno. 12Eroti beyimpa yebaege iye bokobani Kocti kayinka siyimerani ena asapate yen yimapai beno.13Yerere boni Koctinic ensoro kainka yeremi josepim samemi," Ucuke aninta namac ben anaonama yibece Isipic iyayono. Erotic aninta afakarem arirani indemino, mifac banaka samena obaeke yeno. 14Mini ayufomi, Josepi ukukemi aninta namac ben anon namc yivimaremi Isipic iyayemi . 15Mifa banimi Eroti fucimi. Iyeno Profetiuka siranim afotaemi. Isipic macusi sentika a reuc.16Erotic onanini indim baintauc bemi makasirayomi, anom arami kecmi. Bantau syickani Betlemic beyo, anintauc kanta orande mandeyoucni indibaintau yerae umaseyom kafani umacdem yirumani fucgem.17Mini bacya andac Profeti Jeremaia senim bayacni afotacicem. 18Ramake mana amani ifidemi kunisaceno indego. Reseli ben aga fandauc igem bami, mini bami ifidebani arac nanayuakam eicdemi.19Eroti fucimi ensoro Josepi Isipi bami kayinkac yeremi samemi, 20Ukuke aninta namac ben anon namac yivimareva Israili magafac bono, aninta aruman pukirani indeyouni aci fukeyo." 21Josepi ukukemi aninta namac ben anon namac yivinaremic Israilic magafac bemino.22Josepi indiremi Akelosi beyafom Erotinic macu kadem kini uicemi indiremi mifac binaninanic fedem Galili macafac bemi. 23Nasaretice seyom anom macusim obamino.
Chapter 3

1Judia banta iyebac bam makafa Yoni nom manyin kevayi siyimemi semi, 2"Yindum baigako inarum maku adekai yiteno." 3Mi benani Koctin avam bainta Asaiya baya siyimemi semi, "Maya nic aranic banta iye bam makafate aremi, Iyenamic ani uwic ankano, ayuc mandan antekano."4Joni kemori ayoka uwantan anene uremi arac nanki nan dumemi. Beni yunami findom nama afasam Bonkafumi.5 Afo Jeruslemiuc nama maside Judia mini makusinkake Jodeni nom benipate bevapaci yeno. 6Yeyic manda andau kar sinkune semi, Jodeni nonkim nom manyinkemi.7Afo amuno Farasiva Sadusic yonani nom mararani be benipaci yeno, beni yenani semi, "Yikeni manda memamo, iye emi samina yerere iyayintefe. 8Yidum baedana ayoku yayakam ira. 9Iyevaka bayani seko yikena bana konkim, 'yikeunama sifo Abrami bemi,' afo seni seci eni Kocti amakai Abrami agakuc manadan fabaritemi meyam onabaka.10Bani sasumen yayanukimi bemi, afo masiden yana ayoku akama iye iranimi akeyaremi ikakimi acnintemi. 11Eyandum baedanai seni nomarakanteuc, sentinaim yinanim semmai siruremi anom erarugami dukemi, amankac akantikena su iyen seni maranteu. Beni yikemi ayoitanamac ikafoyaba ic nom manyinkantemi. 12Beni ataya foko fo ic ondaremi maku mandan amandaremi masidem witiuc mandan asawaun manakim demi iyevac kipevar ikakimi yunkatemi.13Afo Jisasi Galili ken Jordani nompa ic yeraimi Yoni nom marankemi. 14Afo Yoni semi, "Eni semi nom mantikanonami suna mi eni se baunafa ic yena mino." 15Jisasi benani semi, ece anam mini make bano, macni faten yikeunamac uwandan mi Kocti sirukenimi antekantem. Afo Yoni eyo semi.16Afo beni nom mandemi, Jisasi agen ukam nonkike ukuken onami, inarun ona diyimi. Beni onevami Gotinic Ayointa nun kacna ci akem kumemi benkac kundo femi. 17Onami, inarumpate mana arani yemi semi, "Mana sentikac kukami. Semi anon simoyini emi benani."
Chapter 4

1Afo, ban anom Jisasim makasino vani Ayo Inta afapaci avigem bemi. 2Foti (40) nuram bac ayufum baci beni yunan orarem bakenimi, arani fugemi. 3Ban anom yeraemi benani macnin siremi samemino, "Ena Kotin Aka bante mana oyuc sinanaci kamanic ino." 4Afo Jisasi bemi macnin siremi yeraegem samemi, afantim macnin siremi santemino, banta yunankac ana eran manden iyem bantemino, afo umacdem baya Kotin ofenke yenim foni eran mandem bantemino."5Afo, ban anom bemi avikemi antekara ukam maku kimi maron demi mam mac amuntapac yani ukan naropaci maron ankaremi, 6macnin siremi bemi samemi, "Ena Kotin aka bante makapac indac ono, nevaraino afantimi macnin siremi santemino, 'Beni beyic enjorouc siyinkanani enkac dafisintenone', 'yiyankimi kundondan yanic uraya onkac akar iyen arinonamino."7Jisasi bemi macnin siremi samemino, "Enayac bac macnin siremi afan yokim santemino, 'eyic Iyena Kotinic erar onaran iyevac amam makano." 8Enayac bac, ban anom bemi avikem yanic ukara ukam makusapac maron demi mana magagekena maguyuci yocagemi, minikim ayoguguc banuc baci yocagemi. 9Beni macnin siremi samemi, "Ena akon noyankac kundae senkac mam sinaci umacden anecne emi amenteumpe."10Jisasi macnin siremi bemi samemi, "Magake ec-e bono ban anono! Nevaraino, "afan yokim macnin sigemino Eyic Iyeno Kotinkac anavaci, mam sianke vaci benic yokaric ana ono." 11Afo ban anom yere ankemi, afo ensorouc yeraeni ofa eno.12Afo Jisasi indimi Jonimi fakaman dumeno, Jisasi yere ec-emi Gariri makusimi bemi. 13Nasareti maku yere ec-emi Kapenamic ovami, Gariri un non anakac, Seburuni magafac bac Naptari uyic iyena maka abanapaci.14Mini ampamim fani Asaia sirunka kaci yo kademi, 15"Seburuni makafac bac Naptari makafac un nom benimpac oraekem Jodani non yankakemi, Gariri mapac ankum! 16Ayufunkim kumandu ka keyon inin bainta iyena omi oneno, mini amampac kumante you yacbac, fuke you yimam benimpac, yenkim baci on kemi."17Mini yamuke Jisasi kotin avaya kugandem siyimemi semi, "Yindun baekago, nevaraino, inarum maku adekaci yevemino."18Micnemi Gariri, un non avafaci bemi kar untava, Saimoni ena avic Pitai, ben afac ava, Endru base un nonkimi karuc dami yonemi, yeni noyac amaram baintauc one. 19Yenani Jisasi macnin semi, "Sen, sivakure, yikaci noyac fakeyoni urec banta yivigannagon yocyikano." 20Ese kugami mini baseuc yere reni bemi avakure benone.21Afo Jisasi migake bemi Jemsi nuc Joni nuc untava, Sebedi aka kanda yonemi, yeyic boti kimi yekanda yenyifo Sebedi namac base andukevan none. Yemi yarani, 22ese kugami mini boti vac ye yifom bac yere ec-eni bemi avakure benone.23Jisasi umacden Gariri, makafa yeukemi anom makukinka, kotin avaya inarum maku van sikam yiyimemi, ena ena yikuc kipa yinkemi. 24Benic baya Siria maku kinka boni mi, banta anasi umacden ena ena yikuc baka manda ayo inta yenkim ben yokeninuc Jisasi kipa yinkemi. 25Anon imin bainta Gariri keva Dekaporisi, Jerusaremi, Judia, baka Jodani meyan ofac bukenim maku kinka bemi avakure benone.

Chapter 5

1Jisasi onami amuna inimbainta yemi anufa i uremi. Jisasi ukumadimi beni yokam baintac bevapa yeno. 2Beni beavantike mani sirem seyime, 3Ayokuku uakano Ayo Inta kima amakaki iyeukano, innarum makui minakau yinda i. 4 Ayokuku uakano iyefi akuanene beniyi, nevara fino avabac uyikantem.5Ayokuku uakano iyenafi arac ayokuku ukam, yeni mana makakac yeyi kafanda amuna inteno. 6Ayokuku uakano iye aran pukem bac nokanac atekam abuava kam ayenafi, yeni uwekanteno. 7Ayokuku uakemi anom agunanene beni, nevarafino agunanene maranteno. 8 Ayokuku uakemi, iye anduntim umari iyeuke, yeni Koctin onanteno.9 Ayokuku uakemi avoku kumadinano, nevarafino Koctini agafandave ve sinteno. 10Avokuku uakeme iyenafi antekam avuava kana manda uginkeyom, inarum magui yegindai.11Eni ayokuku uakantem manda baya ma siankare na manda uakem, afo sentivickima umac sirenna manda baya mac siankeni. 12Amoyevac i anon amusin ono inarumpa i eni anon andada bemi. Mini asapake Koctini yogam baintau ma fena bageyouni umammi mareno.13Eni mana maka i sorim banami ikeni urena sori yebekem ase intenafi? Iyeva aseintem minu kame banta yikantim kaudareni yigam daman yosisic nateno. 14Eni mana magac oni banami. Anon makuma anukac uwantam iye mana opac bantem.15Minnukami banta anasi yeyi oni umumam iyen ayofateno,mandanni afotagic uranami naukimi masidem kika i kagatem. 16Eanana eni oni mini asa pake kakanayac eni avokuc oneyec enafo inarum makukim bam avic yanioc.17Yikeni macni indiri iyeva oc seni mana makakac lo siman manda irara yekau. Iye ukane, afo simam lo erairani yeko. 18Fuga ugami seni sego inarum bac mana maga kipantem mifo sentibaya iye vac i kipantem fanana bantem.19Iyefi Kocti abaya manaukam yumandam pasademi ben avic bac inarum makufake mandam pasacdantem. Afo iyefi dafidem ma sirukakemi inarum makuka yenyibi anoni intem. 20Seni sec yikeyic antekam anda ma magkacdafitau bac farasi yic abuabac mandam iye antekem iyevac mana inarum makufac urinonami.21Ahi idiru kanami feyukam ma sigam, Iye vac bainta arumam pukuno nevara fino iye fi banta arumam fuke i anom kokimmi binonami. 22Afo seni masideugam nani mani seko, iyefi be afac avau namac ma aran marankemi anom kokini item, eyi bec afac avanami manda ve sinte eni anom umani lo baintau yiyanki afakanonami, afo iyefio oene sinono igac makusimi umantim banonam.23Minugami eyandun tapake agouke ino maro agouke kandandakac iye duke eyafac ava namac umam dukei . 24mikakac agouke kandandakac yere e-eva maro sikuno sianka . Acnani eyafacava maro sikuno sire va eyi agouke maro agouka kandandakac da.25Eyic namuko namac ma kotiran fa asapac bebac akake benamac simam mana arakakio, minake eni namuko avimam lo bainta yiyam kim dana lo bainta avimam wada ayankim danam, beni emi mandam dumitem. 26Fukaukami eni eko dumim makike iye ukami mapac yino nami, eyi umadem sito oyui kipamam aninonami.27Eni idirukanamino minima sikam, 'iyebac ena avafu marano.' 28Afo seni sec iyefi ena ana onadema beyandun tinke onagarae i mini eni kumianda onam.29Afo ayanukampake na okama kumianda uvarana yomandam pasacde manda anono. Aboku manaino nami manapekena bunam mandam fasada micnake masidem bunam ikakim binagani. 30En ayan ukama manda ina ake yere anono micnake masidem bunam mande ikakim ani fo.31Macniva i sikeno iyefi be ana sasackarem bayiim kipam afam mandar amenafi. 32Seni macni siruke u iye fi be yana sasakena fi beni be ana mandani banta umorin inini em. Iye fi bema maranani yi beni ena ana i umori intem.33bani aci indi rukami, feyukama sikami, Eye umam ran iye bac simam fabaro masidem umam mare yananoni akanti na marera. 34Afo macni sikem iyeva inarumpa ke sire eyavaya madam kunkuyo, inarum makui Koctini anom eram bakimi, 35makakake sire iyeva eavaya mandam kunkuyo; mana maka i Kocti be agam damam kunku evam naroi; Jerusaremi be sire iye bac eavaya mandam kunkuyo; Jerusaremi i Koctini anom magui.36Iye bac anom inkande eyavaya simam kunkuyo, eni amagac mana kasi kafi efam acnoyo iye uwaranonami. 37Minuke mifo maniva ise, eyo eyo iyeve iyeve bac ise. Ne ara-ara baya masei, mini bayauc i bananom kinke yintem.38Eni indiganamino, 'Ogani ogan inda i abakuni abakun inda i. 39Afo seni mani sec, iyefi mandas uakana bem iyeva manda uanka. Afo iyefi manapa apa rufamina, ena avatifakena yobegana nac dufami.40Iyec enamac kopac avakurem birar indema eni sota dayudem marenafi eanana mamekena sota vac mara. 41Iye benama adeka bono bam erarurem sintenafi, mandara eyaka kiure bemanac bo. 42Iye fi andada vana indaina faya ame, iye fi andada vandema indaina acnaim iyeva ame.43Indika nami mam bayakim macni sikem, en anakac bayina avaba evac. Eye namuko mandac uanka. 44Afo seni se, eni namuko emma mandac uankevayina avaba ureva beni mandauc earankare okam mukuanka. 45Minuremi enafo inarumpa bayin agakic inonami. Beni ac i manda ba abogu ininabasi naro dami kemi, ac i manda ba abogu ininabasi kimi dami remi.46Ena iyefi ema avaba evayima avaba eve ne meyanac marante? Gabmani ni yokam baintau ma banta anasi uc oma umatire marau yacbaka avaba uyinka?

48Miniukame eni antekaiga enafo inarumpa bayi i antem
Chapter 6

1Oukure yeukure vaci enic antekan abuavac anasi banta onakobam yen yugankac uwara, mini ayac inarumpa eyafo bampate iyem maranonami. 2Andada iyeruke yuo yimirani, kam bofem dukam baintauc mam mackinkac namac ayana anasi banta yem manam yanic ogobam ufen areyonic ure bac iyevacdo. Fugan emi siankego, yeni aci yeyi ayac mareno.3Afo andada iyeruke you yimirante ec anam en ayan opatena ayan mano iyeva onano, nec en ayan ukam mano uwarenafi?4 Micnuinama enou yiminona emampac yimiranami afo enafo emampac onemi ayac amintemino.5Inantintei, iyevagac kam bofem dukam baintauc kege ogo. Yeni mam mackinka namac ayanafatac ukukage inantirani yiyemino, micneva anasi banta yonakovare. Fugan emi siankego, yeni yeyic ayac aci mareno. 6 Afo ikeye , yikena inantirani yike yimakin umpeceka, ona munkurekac yiken yifo emampac bemifo inantego. Afo ikem yifo emampac bem onaremi ayac yimintemino. 7 Yikena inantirani, amucna bayayuc mapac baintauc seyonic iyevac o, yeni indiekeni mayau amucna bayayuc sevanauc ic inditemino seno.8Mini ifo, yekacna iyevagac ogo, iken yifo onankemino, ne anenec bara inde eni ben indae.9 Macni inantirika ogo: Mayau sifo inarunkimpa, ecanan en avic antekano. 10 Ecanan enic kindomi yino. Ecanan enic ayim bano mana magagac inarumpac beninic urene.11Mayau simeno mana nurankena yunane.12 Mayausic manda andauc ukic sinkano, mayau mandai usinkeyo uyic manda andauc ukic yinkeguna ureve. 13 Mayau sivic eke yimam makantin iye devac ic mayau sivikano manda kinkeve.'14Yikena anasi bantau yic mandauc ukic yinkami, inarunpate iken yifo yikembac ukic yinkantemino. 15 Yikena enouyic manda andauc iyevac ukic yinkarami, yikembac iken yifo iyen ukic yinkatemino.16Miniuc namac yikena yunan ece inansintec ic iyevagac ific bundic ec, kam bofem dukam baintauc kege eno. Fugan igemi sinyinkego, yeni aci yeyic ayac mareno. 17Afo ikeye, yikena yunan ece inansintege, yicnonkim basafem acdekac ic ike yun sesec uregac, 18ic enoyic onantac yunan ece inanteyoni iye egac ic yigen yifo mana emampac bem, emampate yonemi ayac yimintemino.19Mana magagac onda anda iyevac ucyefano, bamina konkonuc ire banami umom baintauc ukac dare umorinteno. 20Inarumpatena ond anda vac ucyefago, bamina konkon mano iyen anankayintemi, umom baintauc bac ukac dare iyen umorinteno. 21Nafagac eni onda anda bantenafi, mifa ic en anduni bantemino.22Ogamano okingena omino, en ogan ayogugic uganami en okingac kagantemino. 23Afo en ogam mandai uganami, umacdem bunam ayufumi kantemino. Afo on enkim bagem ayufum kanam, anon ayufumi kantemino. 24Maya kantan dafisintac iyen yongantemi, mana afogaremi enan ayintemino, mayam pagic emi ena eci rantemino. Eni amanka Gotinic yokan namac mana magagagena yogan namac iyeu maran nonami.25Micnuga ic samego, eyic baru gar anon indiric iye ono, ne yunanamac nonamaga ne ey age ne unambacdo inte. 26Nunuc onano. Yeni yocde kore manan iyen ucyefenone, unan deyompa inarumpatena enafo yemi dafisemino. Eni yembac ic yesan kaga namino.27Iye eni eyic baru manan anonic irar anon indiric ec. 28Eni nevarac unambacdo var anon indiric ec. Atauc maga yana ba nar indeno, inkecnikac ure ampame yafo. Yeni iyen yokeno, yeni unambacdo iyen eno. 29Emi samego, Solomoni beyic anom bic namac micnagenkam unambacdouc iyen emino.30Goti atauc unambacdo uyinkaranami, mage ayum bagem saganami igagimi mandan acnintemino, nacde yaca emi unambacdo uankatenafino, ece kipa yokaric ono. 31Mini ifo, anon indiric iye ono, ne yunanac nec ne nona narec inken unambacdo ontekafuno?32Mapac baintauc mini vani afakeno, en afo inarumpate onankemino miniuc dukar indanau ge. 33Afo Goctini kindomi namac benic antekam anda namac afakaranami mini anecneuc emi amintamino. 34Mini ifo, sakanankena var anon indiric iye ono. Ena nuram mano beyarani anon indiric intemino mana mana nurami bey amankaci beyic umani dukemino.
Chapter 7

1Ena iyeva daime, embac iye daimantemi. 2Mini daminto ena daindanami embaci, minifoni emi umarugami arintec emi.3Fayaci sito pompom agagukam benim enafa abam okapenkena oneba, anon yaki en okampem baya iye onanagakeve? 4Ikenurec ena afa abanan seci,eana sito pomppom aga okampem benim uyenkaman ankano; embac anon yaki okampem bayave? 5Eye kantam aban dukanobe! Enare eyokampenkena yaki uyenkarebac,mikake abokuc onaric uremi eyafa abam okampenkena uyenkanonami.6Iyeba abogu yunam benim madam iyanuc yeme, eyic ba abogu ankararo mandam foruc yontapac ano, minageya yinkanto akaravareya dakaman sitosito ifo.7 Indaurananaci, emi ami. afaganono eni onanonami. Ona arinami diankatemi. 8Iyeucyac indae yafo, mareno, afaka noyou oneno, iyem bainta eni ona inkamintefe emi diankantemi. 9O iyec enkike, en akac sikoni aravan inantina onabam mandan aminteve? 10. O noyakan inantina meman mandeke aminteve?11Minic ugemifo, iye eni mandauc oneci abogu mandan anintauc yimefe, Enafo inarumpa beni avogu aneneuc benga inante youc yemenafi?12Minic mugemifo, ne anene bantauc uwar- ankakobara indefe, eyabac yemi minuc bac uyinka, mini bayani Kotinic yokam baintaci sirukami.13Sito onakim beyon asacka umpeka. iyena ona benim ani anamukemi abigemi mandakimi bintemi, afo amuna iniya bainta mini asa beno. 14Afo kipa ona benim ani, aniyocde afakare oremi bananabani maranonami.15Mibe uma yokam baintabare, sipisipi aka kana uemi mini unambadokimi uremi yemi, fukaukane afasam iyammi bemino.16Yenyic yunam akankaci yonanonami. Afo amankakaci bantauc avi yasankena akami maranateyafono,o ena avi yayakam bake? 17Miniasapate aboguc akami irintemi, manda yani manda akami iremi.18Awokuc yani manda akami iye irantemi, mandayani awokuc akam iye irintemino. 19Umacden yayuc awokuc akam iye irinanimi akefamani ikakimi acninteno. 20Yenyic yunan akami mikaci yonaman afotaci danonami.21Madeukana senani Iyeno o, iyeno o, seyou inarumpac urinteyau, iye ino, sentifo inarumpa beniyi, benic ayintac beni manaino. 22Amucna baintauci mini yamuc senani seni, Iyeno o, Iyeno o, en avickimi ano yokani marewacumpe, en avickimi ocemi sankevacupe. 23Mikaci yemi mandan afotac deci, emi iye onakecumpe, sicnaempac yankakano, eni manda uwaranon banamino sentecumpe.24Minicmukemifo, sentibaya indere abukukureyo yenyima onaroc i uwareno. 25Aci rem kumenimi nomi sayemi, iyena sisoba emi mac iyen pafasemi, nebarafi, onabam naro i uwantemi.26Afo amunoukam sentibaya indire, iye abukiranayou yeni oembaintake eyu naroc uwareno.27Anon ac dem nom sayem,sisobanama emi mini mac abekaranami manda pafasintemi.28Jisasi mini baya siman kiparanic, banta anasi ano indirimeno, siyimentinukare.29Anon eran dukeni kanaci siyimemi, iyen yenyic indim baintakanac semi.
Chapter 8

1Jisasi ayafate gumini, amuna iniyabainta anaem abakureno. 2Namon okagakabam bainta, ben okampa akonoyandem semi, Iyeno, eni ayimbanabe, sofaono simi ofaem.3 Jisasi ayan akudemi okaemi,semi, seni ofaerare. ofaimi kipemi.4Jisasi bem samemi,maro iye siyimeba, oreba, Gotini yokam baintaka sususin dano.Mosesi mini adabani sirami bemi.5Jisasi Kapenium kundemi,Romani yokambanta ofaeino bani Jisasimpa indaemi, 6 semi,Iyeno senti yokarinta, akarayam ukukam manda anbisi marem naumpa bako? 7 Jisasi samemi, orei ofa onteu,8Romani yokambainta semi, Iyeno,iye antekaunobe umpe, sentima iye binonami,pa makabe sinaka sofaem marano. 9 Seyabake,Iyena dafisiriukano beumpe,Aminukandae sei bono,yeno marasunani mareno. 10Jisasi indiremi,amoyurem siyimemi semi, pukabe Isarariku iye sam sirima namino semi.11Emi sameko, amuno ukami auritapate, akumintapate Abramiba, Isakiba Jekopi unama inarumpa nananteno. 12 Inarumpa barare seuni, ayufunkimi karudani, ifideni yibakur arafinteno. 13 Jisasi Romani yokam baintabani semi, bono, anduni munkeona andabani, ofaini mara nonamino.14Jisasi Pita ama oremi,Pita akon inini, umondam arebami o onemi. 15Jisasi ogaimi kakipami, ukukemi nani yofaemi.16Ayinkaki imi, Jisasimpa banama beyom baintaui yeromi,bayasoni abamar anemi, yibainta bai asofeno.17 Miniasapate,Isaiysa mani sirami, beni oma aka anabisi maranteno, siram bakemi.18Jisasi onanimi, amuno ubikami, meya ena ofa Garari birani siyime moni. 19Siyankan baya indi ukemi siyimeni, semi, yoyikam baintao inkempaka binteba, seyanda i bonteu. 20Jisasi bem samemi, afasam iyami masi i dukemi, numi madukemi, minukami banta aga ma iyan dukemi.21Ena Yokarinta semi, Iyeno eyosina sesifom maro masi fareka ono. 22Jisasi semi, sinaem yeno, eanam pukeni beya masifano.23Jisasi boutikim urini, beni yokarintau abakureni mikimi ureno.24 Iyena sisoba nama,anama non amuka adimi, bouti nom dabaemi.Jisasi mikim onkai dukami.25 Yokarintau bempa yereni,seni, mayau sofaono, Iyeno o pukonu nabare.26Jisasi yena semi, nebara fekefono,yinduni munke yomi kapa dukam siremi, ukukemi sisobanama anama sankami maro kakipemi. 27 Mini baintau amuna indiri eni seni, inkenukam bainta bena sina sisobaya nomba benabaya indeyafo?28Jisasi ena opa, ena makafa Gadarenesi oraimi, kambainta kimi bami bakemi, Jisasi nama mana kaki eno.Yeni bamasipate yeno, iyena eranamai yeno, mana asa iye binakomino seno. 29Yeni badureni seni, enama neka onuno, Gotin akako? mayau uman simirara maka yefono?30Mikai amuna forui mika nanineni, adekai bano. 31Bami abankemi semi, sisinkatebe, sisinkaeke forukina dano. 32 Jisasi siyinkemi semi, yanka ono simi, bami ademi, forukimi ofekemi onami yayeni ayafa undeni, nompi indaeni fukeno.33Yena foruka dafisakeyo, yayeni makusapai,maro uma bayani siyimeni, kambainta kimi bami sankeninani iyena siriure indeno. 34uma makuni, Jisasi onareni yeno. ye onareye sameni, mana maku e ebono.
Chapter 9

1Jisasi kanukim acdemi mecyan ofac oremi beyic magufa bemi. 2Yeni o fukam bainta yubasikac dukani abike yeno. Yengic indim onaremi, Jisasi mini ofuka bainta samemi," Sentikako, amoyono, enic manda anda kipa ankecumpe."3Manaca afan akereyou baintauc yereni yeyirani sire indireni seno, "Mana bainta Iyenomi madaic siankemi." 4Jisasi yenyic indim yonaremi semi, "Nevara yiken yinduntim manda indiri eka fono? 5Afo neve senu, enic manda anda kipemino ukuke bono senuno?'/ 6Micnugami yikeni indinonami banta akaci erani dukemi manda andauc mandani anintemi, beni mini ofukam bainta samemi, "Ukuke eyic yuwasic mandare, eyamapa bono."7Micnurami mini bainta ukukemi beyamapac bemi. 8Amucno mini onareni yinducdureni Koctin avici yanic eno, beyic erani banta anasi yimeninani. 9Mini kake Jisasi yankakem bemi onanimi mana bainta ben avici Matiu, moni mareyouyic seri mackimi kumantami. Beni samemi, "Sen sibakurono." Beni ukukemi abakuremi.10Jisasi mini makin yunan naran kumantani, takisi mareyou namac manda anda bareyouni amucno Jisasin namac benic yokar baintaunamaci ye kumandeno. 11Farisiuc onareni, seno, "Nevarac yikeyic tisa takisi mareyou namac manda anda eyou namac yunam nenafino?"12Jisasi mini indiremi, macni semi, "Banta anasi aci iye dukanani yotam iye onantemi ac dukayi mana onantemi. 13Mana neve sikenafi eni bebaci onano, 'Semi siyenimi agun anecneino akonke bayaino.' Seni antekeyou yarana yere yindum baekakobara yekauno, manda ando eyou yindum bae kakobani yecumpe."14Jonini yogam baintauc be bampa yereni seno, "Nevara mayauni Farasiuc namac masicde nuram yunam ece ka sukamukega funo, afo enic yokam baintauc yunam ece yukam iyem mukeno?" 15Jisasi macni siremi siyimemi, "Bayic eyouni amankakac bayika yebau akun anecne bantenafi? Afo mana nuram yintemi, bayic inanim bainta yenkinke binani yuyam eceni yukam munkinteno.16Mana bainta oyam unambadoni iyebac feyam unabagoda dantemino minurami dakagatemi iyenagaci dakakemi anaintemino.17Mini amakankaci anasi banta oyam waini feyam anamuntimi iyebaci danteno. Minurami mini anamuni fotinami waini bacyinami mini anamuni anaem kayintemino, micnugani oyam waini mandeni oyan anamuntimi dami waini namaci abogukac bantemino.18Jisasi fa mini andaugan siyimebani mana dafisim bainta yeremi agon noyam ankaremi semi, "Sentiramumi mageuami fugemifo mare ye oreva e ayam benka danana uguckano." 19Afo Jisasi beni ye ukukemi abakuremi bimi, benic yakam baintauc baci acnaem beno.20Onago, mana ininano 12 orandegaci anasiuyic aci dukayi Jisasin acnaempa yeremi beni bacdo arani ayogac emi. 21Mini ininano beyani semi, ''Sena benic bacdo ara ayogacureci seni asofantecumpe." 22Afo Jisasi mini ininano yobaicemi onaremi semi, "Siramuno, sadake bano, en andum munkinano ofa ini maranamino." Mini yamukukami mini inini ofa ini maremi.23Jisasi mini dafisim amakim undem yonani, amucna inim baintauc namac ufenuc areyom baintauc namaci beni kunicebano. 24Afo Jisasi semi, ''Marecbogo, mana aginta iyebaci fukemino, fani oni dukemino." Minic seninani amaruankareni imi siankeno.25Yeni mapa kumeno, beni naumpac undaemi mini akinta ayam um pakarami mini aginta ukukemi. 26Mini baya mano made kika ben yemi.27Afo Jisasi mikake bemi, kantan yukam avakam bainta abakureni beno, bacdeni seno, ''Devitin akako, akun anecne matikano." 28Jisasi naumkimi umpekemi, mini bainta kada be bapac yeno, Jisasi sigimemi, ''Yikeni indemi seni amakaka uvaratekafu?'' Yeni sameno, "Eyo iyeno.''29Jisasi yen yukam ayogac uremi siyimemi, ''Yiken yindun munkinagon andakaci mini andandac ampamintemino," 30micnimi yen yukam diyemi. Jisasi yemi eram bayakikem siyimemi, ''Onarec maya iyebagac indino.'' 31Afo mini bainta kada umacdepac mini bam siyime beno.32Fa mini bainta kada bami, afo, mana manda banuc upekam bainta avike Jisasi bapac yeno. 33Manda banuc mini bainta okike yankackami beni ani semi. 'Umacde yiduc dureni seno, "Manai Isralici micnugan abuc abac iye bakimi.'' 34Afo Farasiuc ano seni, ''Manda banucyic iyeno bemi manda banuc acnemino.''35Jisasi umacden anom maguva sito magu kika novami. Beni yenyic mam makikac bayayuc siyimevami, mam bayaic kindomi siyimevami, ara ara yic anene dukau kipayinkemi. 36Beni amuno yonarem bey arac yime, nevarai, yeni umantibac ayokukac iyem bami. Yeni sipisipigac dafitan bainta iyen yenkac ayogugic urem dafisemi.37Beni beyic yokam baintauc siyimemi, "Yunam akami amucna ugami bemino, yogam baintauc kantan ugami be none. 38Era okamuke bananac, yunan Iyeno siyinkanayac maro unafoko."

Chapter 10

1Jisasi beyic yokar intauc yicvimam demi beyic eran yimiremi bega ci manda ocenuc yivamam acnekai manda yikac anecne benim kipa yinkago.2Afo mini yogam baintauc yivickuc i maya Saimoni, (avic Pita), Andrun ben afaci, Jemisi Zebedin akac Joni ben afac ena 3Pilipi ba Batalamiu ba, Tomasi ba takisi mareni bainta Matiu; Jemisi Alpasiunin akac ka Tadaeus,. 4Saimon sealoti bac kutanugi im bainta Judas Iskariot5Siyankare afapate kar omademi Jisasi siyinkem. Beni indem yimiremi semi, "Iyevakaci ena magufac bogo mapac baintauc beyompac, ena Samaria magufa bac iyebaga umpegago . 6Bogo Isaraliuc beyom makim dompirugam sipsipiuc benone ; 7'afo bintevai maro siyime sevai, aci Inarum makuni acdekai yintemino.'8Yiku kipayinkare,fukeyou ukukayinkare, yikar ayam antecyinkare, mandac ocenuc benin yomandar acnure, eni fayugam mande fayugam yime. 9Iyevaga ci goli, silva, kopa, iyevakac unankim badec bo. 10Mandenoyom unam iyevakac iyapac mare bo, o aba anecneuu, akatinkenau, yunana mana ca anecneuc.11Inken anom imagu ya sito magusina sec urintefe, antekanayo uyac minikim yifaka, afo yenama bake baci yere yinka. 12Afo yen yimac urinte, ayayinda. 13Afo mini makim ma ayoguc bana, eyic ayokuc mikina da, onanom ayokuc iyevana, eyi ayoguc oveke bac mara.14Ema avicmar iye raya, ena avaya eye indiya, mini maguyac yerere binte, agantakena kayo yere dunduyare bac i bo. 15Fugabe emi sameko, Sodom, Gomora ma mareyon umare, mini baci arugeno inayem koc nurama yinanine .16Onano, eni sipisipi ken banaci sankaege i afasam iyanuc bapac i rego, afo eyogaga ci memageva ci daviseno nukev ci fegano. 17Banta anasi jigara ci fegano! Avigeni kansorouc bampa ci binte none! Avicmam maro mam makindeni yafin arintenone. 18Senarontireni emi avigeni iyena iyena davisiruc bapaci maro uguka yinkanteno, baya na mapac baintauc siyimin nona amankai yemi siyimi nonami.19En avicmam marondaya, eyevaga feke se nevec sentekafu. Mini yamu sinona bayani amintemi. 20Eya sinonanai, enafon ni ayointa enkinke sintem.21En afagaba avigem bintemini afagaba fugonovare, benafo beyaga minitemi. Anucbaci ukukeni mininteno yenyino yifouanamac fugogovare. 22 Amucna iniyabaintan emi mandai uankanteno sen tivickim, afo iye arar intefe arasa yamu, miyi pabantem. 23Ema mini magusima ariyave, enafagac iyayono, fugabe enani sego, iyevac Isarailic magusim ovananami Banta Agac yintemi.24Mana abakurim bainta beyic iyenon iyen yeankagemi, yogan bainta vac beyic davisim bac iyen yean kagemi. 25Amacnkai abakurim bainta bac beyic iyeno ke intemi yokam bainta ba amankaci davisim yokam bainta ke intem. Yena banano ma ofo na se umade uyani siman mandai minteno.26Micni mugaci iyevac yengigam fegago. Iye vac ic mana opa bananim afotagic mintemi, opatena anecne iye onanteno. 27Ne ayufumi samegafu, bayakom samegafu, dandake akam pem samekuna, nanamuntake sameno.28Iye vagaci fegano eno en arumam pukinani nare. Iyeva fegano enou arumar iyem pukintem ben agarai fegano o nama amugu namac i igamagufaci danayin ac gara fega. 29Sito monikac kantan nun kanda iyen yeminteno micnimugam magapac maya iyen pafasintemi. Eyafoni ayintim. 30Afo en acnoyo baci umacdemi yami dagemi. 31I ye vac fega, amucna numaci yeankare iyena anecne ugami banami.32Micni mugemifo iyeci sentivaya siyimintefe seyandai sesifom samenteuc inarumpac. 33Iye semi bantaukim umactisin kenafi. Seyando baci sesifon okangaci ayofan ankanteuc inarumpac.34Iyevac indeko seni avacbaga marec mana magagac kumegaunie abacbaga marec kumegaune, avaiyandadam mare kumeupe. 35Afo seni kumeguna bantauc beyafom mandauan kanovani kumeuc, akinta beyanom mandac uankantemi, benanafuc ano beyanafuc mandac ungantem. 36Mabeyon kinge banta namugoc mintenone.37Iye beyano afom abacba kukanenafi semi iyen abacba usikeno, iyec beyagac aramum abacbagugan enafi, semi iye ayokufi usinkeno. 38Iye beyic kekac ya mandarenac sivakurin tenafi, sen tivakurintim ayogufi iyen ugemi. 39Iye beyandum fakantenafi maro dopini intemi; afo iye beyandum senti siyinta maro dopirintenafi beni marari mana intemi.40Iye avikantenafi semi sivikantemi, iye semi sivikantenafi semi sisinkenimi avimikantemi. 41Iye Kotin abam bainta avikenafi benkikena ayac i maranonami afo ayokuc baintac avikantenafi, bangingena ayac maranonami.42 Iye mana sitoguc yimintegafe. Mana iyonnon ana amintefe mini senti yokam bainta i, fugan sirec samego, mini asapate beyic ayokuc iyen dopirintemi.
Chapter 112

1Jisasi avakuro noyom baintauc siyankan afac kankumade baintau siyim micdemi yerere yeyi sitifac maro baya siyimirani bemi.2 Nom manyinkevan Yoni karavusigim bemi, Jisasi bayayuc siyimem nonim indiremi , bantauc siyin karani Jisasi onarani beno.3 Jisasi oman onareni indaeno. Eya mini bainta bec yeva? a a ena bainta fi.4Jisasi siyimemi , nommayinkeni Yoni yevege begai maro samego nenecne one indegafe. 5Yogam puntinkeyo mage yugan oneno,yigan manda ugeyo mage yigan anteini ani nono, namon aga ana ugeyo mage yenyi namon sese emi , yagam iyeindeyo iniya bainta mage yagam indeno .fukan iniya baintauc yevege fugintinke ukukeno, andanda iye dukeyo yeni avogu bayan indeno . 6Sema mandac iyeusinkatege avokui maranagomi.7Mini baintauc ankapac bami , Jisasi Yoni nani anasi banta siyimemi. neonararagac eyu magufa begafono? sisowani yani kasava evan onararaga begafono ? 8Nenecne uganac onararaga begafono? nanayugan unam bacdo urukam baintan onararagac? fugauganai, miyiu nana yuga unambacdo urem kin amakim beno.9Afo iyen onararaga bega- Profetina?10 eyo, seni siyimego Profetim baci arugemi.Benani sire agan dukami bemi.ona,sesi yogam bainta nare sasankanami yigen yugam pac nare yemi.11Seni fuga ugane sire siyimego, anasiuc mageyon intauc kinkeve, nom mayin kevan Joni keva beyaone. Inarum bantimac kpa ugam beve, Jonim baci aruganami. 12Nom manyin kevan Joni baninkake mage magac yerami inarumpatena kindami anon umani maremi. Banta beyic erantoni mandauc maren yemi.13Feyukami frofetivac lo gimbac sirukage yom mage Jonibac semi; 14ena eyomsiana indevanteve? Elaisa yintemi. 15Iye agan dukenafi, ecanana indi.16Mage beyon iniya baintauc, yeni negagac sire senu, againtauc ke mageti magufac iyarare, kumanduke bem, ben aram ben aram e bem 17Semi, Mayauni, ufemi aruanke vanimi eni agon iye maganami. Mayauni sigun anecne mare vana, ific iyen danami.18Joni yerem yunam iye nem, waini nom iye nani, yeni seni, bani bekim bemi. 19Banta aga yeremi yunan nem nom nani yeni seni, oago, yunan nagarac emi dipaki emi, takisi mareyo baintauc namac manda anda uwareyom yiganda bemi! Avoku indim bana duke uwarana mini avokucino.20Jisasi mini siti yeukukaegen manaic siankemi, nevarafi anon avogu andanda uwandani, yindur iyem baigeno.21 Sigune siyinkeko Korasini, Sigune siyinkeko Betsaida,era andandama Tairic namac Sidoni kemac onine mini enkimi, siguno sirec dakac dakac ugan unam bacdo ure, eyagec yungugufa, 22koc nurama yinane, anon umana Tairic namac Sidoni kim yenine mini vac aruremi enkim yintemi.23Eye Kepanon,inde nami emi mandan inarumpac yani inteyafo? iyevaci, emi manda mempac fukam bainta beyompaci danteno.Era andandau ma Sodomi kim uwareyone mini enkimi uwareyone mini enkimi enkimi uwareno mini adan migai micni muge bem mageva fani migai micni mugem bantemi. 24 Seni emi sameko.Koc nurama yinane Sodomi maguni nana yugan intenofo eni iyevaci.25Mini gagugami Jisasi semi, emi yani ego, seifo, inaruma magai Koti,nevarafi avogu indim indin duke yom baintauc kimi ayofaru gage manda afotavi uegem anaga guke indir iye dukeyom baintauc kimi danami. 26 Eyo sentifo, mini varugami ayemi. 27 Sentifo umacden andada ugami semi simemi, afo mayavac iyevagugami benaga ona geno. afo mayavac iyevaci benafomi ona geno.benaga manai mayan kai bena ga manda afotafi inteno.28Sempac yeno, iye eni uman mare sempac yere aum mara. 29Senti yaye, burumakan agampen deyo yagem bemi. mini yaya mare sivaguro. 30Senti yaye, burumakan agampem deyo yagam bemi. mini yaye umariyen emi, sena amenuna andanda umarinyen intemi.
Chapter 12

1Sabati (Aundan )nuram, Jisasi witi anayo acbanaici aruman ackefem bemi.Benic aruguic (yokam baintau) yaranifugini witi dackacde nevano. 2Farasiu yonareni Jisasin same seni,"Onano,enic aruguic (yokam baintau) sabatiga andac iye awaranic enone."3Afo Jisasi siyimemi semi,"Deviti beyic bantaucnamac banimi aran pugenimic iye yandefono?" 4Kotin amac umpe-e agonic ugam breti beya nanosikam mande neno.5Lo iye yandeka,Sabatiga (Man nuram)mam mackim yokanine,mandafino? 6Emi samego,mam mackaba yankakageni emai beno.7Ena minima indigateve, Agonke eyonara siyenai. 8Nevaraino,Kotin agac sabati afoino."9Migake Jisasi ecem mam makin umpegem. 10Mana bainta ayam mandacukam banini,onareni indae seni,Sabatika yofaini amanafino?"Be eyo sirana mandaic tiankarani indaeno.11Jisasi siyimen sen,yigenkinke maya mana sipsipi dukanama sabatigama masikim kumpeina,iyec ofaintefono? 12Bantan anon anecne benafi,sipisipifi? Micni mukem,amamic Sabatiga yofainonami."13 Jisasi mini bainta samemi semi,"ayan agugono."Ayan agudami antegemi. 14Afo Farasiu ben arinayom ani afakeni baya uyirani acdeno.15Jisasi micnami yonarem bemi.Amuno ben avakurebeyo iniya baintau yofaemi. 16Senani iyevakai siyimeko, 17 Asaia sirukenim baya fukai emino,semi.18"Onano,seni ugacdu kageuna yokacr intave ,siyi gra enim inta,senti indim benkim bemino.Senti erani benkim banami Yentailiuc sentibaya iye indeyouni siyimintemi.19Beni osadem anon ific iye dantemi ,asapate benic ifi iye indintenoni. 20Beni baya iyen arintemi, iga iyen puntimintemi,mandauc antedemi icnaem micnintem. 21Afo ben avikimic ayufunkim beyo iniya baintauc yimoyintenon."22Afo mana inta ogam funtikam , anafim bagac bam,,Jisasimpa aviken yeno.Jisasi ofaurami anic semi onemi. 23Masiden iniya bainta onare yicnon acnure seni,"Mana Devitini akakafino?"24Farasiu indideni jisasi uwa renina indireni seni,"Mana bainta bam bainta iyen sankantemino,Besebulu avikimi ban sakanonami." 25 Afo Jisasi yenyic indinic onaremi siyimen semi,"Macdem dafisiruc managim bagenic yeyiranic ugada vada enic eran iyenru anteno.26Bananom bam sankene yeyiranc daimeno.Afo mickim inkenic ukukan teyafono 27Afo senic banano Belsebulanic erantonic sankaranave,yiken yikafanda iyenic erantagai yeni sankanteya? Micni siranayonkai yiken yikafanda manda umani maranteno.28 Afo sena Kotini erantona ban sankege,mage Kotini ayogum yigekimi yemino.29Mana eram bainta amackim iye eni umpe-e beninda andandau umorinte,ben iye ayanar uruke? 30Senama ie benive,semi namugouc emino,afo iye senamac manginic iye enafi,manmana ukeno.31Emi samego,masiden mandac andac namac mandaic sinona fayarimonteu,Afo Ayo Intam mandaic siankante,iyem fayaric onteu .32 Iye eni Kotin akac masidenic siankantefe,minim payaric iyen intemi.Mana makakabac inarumpacba.33 Ya mandar antecdanaic-i,agami avogugi-i.Enai ya mandam mandac urana-i ,agam mandaic-i.Ya be aganckai afotagimemi.34 Meman agafanda,manda uwarano uge,inkeni-e avogu sinte?Amugusin uwikagem benimi bicman danami. 35Avogu bainta avoguguc indintima bami uwaremi,afo manda bainta manda indintim uwikagami andan uwarem.36 Emi samego,koc nuranic inam,bantanasi yenafuni yeni nec mandac baya seyafo,yenafoni facbano bintenone.37Eh asinonafoni antec ankantem,ena eh asinonafoni emi mandac uankantemi."38Migaken manac-a mam mac dafisiruc nama mam mackim yo yokaric eyouni seni,"Tisa,eh andanda uwandac (ampandac) onarare." 39Afo Jisasi ukukaekemi yenani semi ,mandan uwareyom iniya baintau mana yamuci andanda ampamina onarani indeno.40 Jona kandac manavac ayufun namac bayan namac iyena noyac arackimi baremi,Banta akac beyabac-i maga anduntim kandac manavac ayufum bac kugaganda maga anduntim barantemi.41Ninive inya baintau kockai ukukaeni,mandan siankanteno.Make iniya baintau nama. Jona siran baiyasoni yinduni baigenone.Jonambac yankakagenimi oneno.42Sautifatena Kuin beyic bantanamac ukaemi manda siankantemi,make beyom baintau namac,maka arafatem yemi Solomonic avoku indini mana Solomoni yankakakemin mikim benimba onaram .43Manda bama mini bainta ginke yakagem,non iyebam magusika bemi kumandinanim makuvani afakam bimi, 44Maku iyembami semi "sentimakimi yevegec bonteu."Mikin orem onami banta iye bami maku antegem. 45Mac antecdemi mana yacman afapate kantanomande (7) mada banuc bemba arure manda eyouni yivikarani bemi,mikin yevakovam.Mini baintakiniuomi,beni kumandini anom mandacemi.Micnimintemino mackekena inyabaintagimi."46 Jisasi bantagin asevami,benanova ben afac-ava unnam macpa ukukakeni benama asiran dafitano.47Mayan ukukaekemi semi,"Enanova en afac avaunami mapaci yeveni enama asirani enkai dafitenone."48 Jisasi ukukaegemi mini bainta samemi semi,"Inken sentinona sentifacsiva unana?" 49Ayamponi yoakem semi," Onano,manami sentinova sentifativaunam benone! 50Iyec sentifo inarumpa beniyin ayin uwarantenafi,miyi sen tifativa sentonanai,sen tinoi."
Chapter 13

1Mini nurami Jisasi mac naunkinke acdemi un non auafaci o kumantami. 2Amucho ygami bn yeukuomi, boti gimi un kumanduini, yeni eyugaci ukukagano.3Afo Jisasi amucna anecne ugani baegam baya kinke siyimemino. Beni semi, "Indego, yunan yogevam bainta yunan yunue yokarani bemino. 4Yogam berami, manaca agami ayanan kugufami, numi yeraem yuren nemi.5 Manaca ayumi maga amucha iye vami, onacban uvikagam maga gimi kugufemi. Maga macmempac iye kumban kimi yocdami, ese gugami ampamemi.6 Afo mini yunan yum anuc iye kumimi, ac kaman yunkarami, acyan kem fugemi.7Mana ca ayumi avi ataya gimi kugufemi mini avi atayau ampamen anonic emi davac emi. 8Mana ca yunan yunuc ayokuc makagim kugufaimi amucna agami iremi, mana ca mana andareti yae iremi manaca kandac manavac bainta yac iremi, mana ca mana bainta siyan kanda yac iremi.9 Iyec beni agan dukantemi, ec anana indino."10Jisasinic yokar intaue yeraeni benani senone. "Nevaraci baekam baya kinke banta anasi siyime fono?" 11Jisasi yemi siyimemi. "Yigeni inarum magufac iye onar onan anecneuc beninani yigemi ayogue indiru ci yimici indigaraci ugamino, afo yemi iyen yimi kemino. 12Afo iyec dukenafi, enavaci minigac demi amintemino. Afo iyec iye dukenafi, benkike dukananim baci dafintemino.13Micnu kaci baekam baya kinke siyimeumpe; yeni onenofo, iyen onenone; yeni indenofa iyenindeni indintinafi indikara iyen enone.14 Inaem yinanim baya Asaia yenam siram bagenimi afotagi emi, macni sigenim, Ena indana indinonamifo, indintimi iyeugami indin maranonami; eni onanonamifo, iyeugami onanomi;15Afo mini inin baintauc yinduntimi ayufumi kagemi, indirani aniyokaraci enone, yogan onananinani mukurukenone, yagan indinayonafi yinduntike indire baegac yiyayonunavani uyaci dukenone.16Afo yigen yugan ayogugi ugemi, neuaraimo, yeni oneno, yagami ayogugi ugemi, nevaraino, yeni indeno.17 Seni fuga ugami sireci siyimego, amucha inaem yinanin baya siyime yom baintau ga antekeyam baintauc mage onegon onarani yiyevamifo iyen onenone, yeni mage indegon indiran yiyevamifo iyen indenone.18Indeno yunan yogevam baintaie yunan yunuc yoganinan sigan baegam baya indego. 19Afo iyefi inarumfatena baya indire indintim iye mareue, ban anomi yeman defaiman karuedemino; ayaufac yocman dan yunan yumino.20Yunan yum onacban uuikagam magagim yocdukani-ci ugemi, banta kotinic baya indirem esec amusinkim marenimi, 21anuci benkin iye kunbami, bagakaci avakuromi bintemino. Mini baya ginke uman yinami eseci yandintemino.22Yunan yum avi atayagim yocdukeyomi, banta mana magagakena anecneuga, umac asapate ondauc mare yomfoni Kotin avaya uyacimi agan iyen iremi. 23Ayogu magagim yunan yum yocdukeyomi, mini bainta Kotin avaya indirami indintimi kumandugara emi. Beni agami iremi, mana andareti yac iremi, bena yogenin amankaci, mana ca kanda manavoc bainta yac baga mana bainta siyankanda yaci iremi."24Jisasi ena baegam bayani siyimemi. "Inarum makuni, banta beyic magagimi avoguc yunan yummi yokeninici ygemino.25 Afo umacde yun dugami, yenyie namuge witi yocdayon kinkaci yumi kugufaman demi bemigo. 26Afo witi ampamevami manda ataya vaci ampamom bemi.27Maga afonic yogar intauc mare sameno, "Iyeno-o, ayeguc agan unugaci yogefono?Nafate ataya ye ampakenafino?"28 Beni siyimemi, "Namugo micnemino. Yogar intauc sameno afo amankegac oman darafonuno?"29Maga afo semi, 'iyeino. Neuaraino atayauc darafo binagopac witivaci darafinogomino. 30Ecanaci makantanda managim ampaminanaci yuman unafin yamuc yino. Mini yamuc unafevac, unafeyou siyimentee umpe, "Manda atayauc nare darac maniga agaranagon andauman degaci, witi sentic yunan makinaci dago."31Afo Jisasi ena baegam bayani siyimemi. Semi, "Inarum maguni mastacdi ayumi eninici ygami mana bainta beyic maga gimi mandemi yogemino. 32Mini ayumi ena anayunuc eninic iyen ugemino, sito ayun ugami bemino. Afo ampamen anonic emi, anayogim benin yayuc baci aruremi iyenaic ugami emi. Iyena yayic uimi, yan aga noyon nunuc mini ya eyaman kimi anan mare uvaremi."33Afo Jisasi ena baegam bayani siyimemi; "Inarum maguni yisti gaenagici ugemino, mana inin kanda manavac kapi farauan mandemi yisti namac baecdami famen iyenaici emimo."34Amueno banimi baegam baya ginke mana Jisasi siyimevamino mana baya fayac iyen siyimeuamino, baegam baya ginke mana siuimevamino. 35Afo profetiuc kimi sirarim baya benkaci munkemi Afo beni semi, "Baegam baya sirani sosa fonteumpe. Mana maga ampamonin kanke ayofagam bayani sentecumpe."36Afo Jisasi mini inin bainta yere yinkare naumi umpegemi. Benic yogar intauc yeraeni seni, "Yunankim ataya ampamoninan baegam baya ginke sena afotogi ure yenamac sismeno."37 Jisasi yemi siyimemi, "Ayoguc yunan yogeni-i beni Banta Agacino.38 Yunan anayoi mana magaino, afo avogue yunan yunuci, inarum fatena intauc one. Manda ataya yunuci bananon agafandaue one. 39Afo manda atayauci ban anon agafandauc one), afo manda atayauc yogenin namugoi ban anomino. Yunan unafin yamuci mana maga kagi ananin yamucino, afo yunan unafeyouni ensorouc one.40Afo, manda atayauc yure iga sarevami mana maga kagican afotagic intemino.41 Banta aga beyic ensorouc siyinkanani, benic magu ginke umar ampamenin anecneuc ga, iye antekan avuc avac eyou yumani avafaci danteno.42 Iga kayun devananin kimi dondankaruc dantenone, minigimi beni ific deni yivaguar aneni bantenone. 43Afo antekara ugeyounin akanaci geni ye yifoni magusac banenone. Iyeci agan dukantenafi, ecananac indino.44Inarum maguni anon mono ga ondauc mana magafac ayofageninici ukemino. Mana bainta afakaman demi ayofemi. Beni amusinkim oraemi, umacden anecneuc ayac ogovan dani ayac umanarami mini maga ayacemi.45 Afo enayac bac, inarum maguni macnin ugemi, mana bainta ayac uren ayac ogovan devam bainta ayoguc fuyagani afakeuami. 46Afo mana fuyac anom monokac ayac eyomi afakaman demi umacden dukan anecneuc ayakac dani ayacumanarami mini fuyac ayac emi.47Afo enayac bac, inarum maguni base un nonkim karuc deni, iye onar onan safurauci ye bacdemi. 48 Afo base uvikani, noyac amareyom baintauc difitamani eyugaci deno. Afo yeni kumanteni avoguc anecneuc yuman unankin deni, afo manda anecneuc yumani karucdenone.49Micni mana intemino mana kagi evanane. Ensoruc yeraeni mandaic eyou yuman ayogugic eyou ginke avafaci dantenone.50 Mandaic eyouni kayundevananin iga gimi karue dani, minigim ifideni yivagur aneni bantenone.51Yikeni agac umacden anecneugar indintim maregafono?" Benic yogar intauc "eyo" seno.52 Afo Jisasi yenani semi, "iyefi lo gimi tisai ugeni inarum magufatena yogar intaic ugeni mac afoi-i ugemino, feyamkena anecneuc baga oyan anecneuc bac beyic avoguc onda ginke mandan mapaci demino."53 Afo mini ginkaci Jisasi baegam baya ginke sagenim, kagi aremi, mini magu gake yere remi bemino.54Afo Jisasi beyic magafac oraemi anasi banta mam makinkaci siyime rami. Micne vanini ayac sinayonic iye ini yeni seni, "Nafate mana bainta avogue kunandin indinda bac mirikoric eninuc marenafino? 55Mac uvare vam bainta agac iyec bantenafi? Beni Marian agac iyec bantenafi? Jemsi, Josepi, Saimoni, va Judasiu, yifac yivac iyec bantenafi?56 Ben ayocmac yikeunamac, iyec bante yafo? Nafate mana anecneuc marenafi?"57Mini fonni yeni umani marenone. Jisasi yemi siyimemi, "Afo profeti benic maga fatenuvac ben ankum baci ben avic yanic iye intenone. 58Yeni minifac birivic iyen ormi amucna mirikori iyen uvaremino.
Chapter 14

1Afo mini yamui, Herocti beni yikocyuni ukanim bemi Jisasi abayani seyomi indemi. 2Beyi yockam baintau can siyimemi semi," Mana bainta Jon Bataisi ino, bamasikinke ukukakemino. Mini erani benkim yokemino."3Afo Herocti Yonimi fakaremi, damuremi demi, Herodias, beni Philipi ana ci bammi afo Philipi beni Herodin afa ci. 4Yoni benani semi, "mini amangkaki iye mintemino Koctin semi acao ukami sikemino." 5Yonimi Herocti aruman fukirani indemifo, beni banta anasiu yikani fekarayemi, yeni bemi onaekemi Koctini yokam bainta bami.6Afo Herocti magayom nuram yeraonimi. Herocdiasin aramummi yemam akoni make moni. Minim Herocti ano amusim anenne maremoni. 7Mini akinta indainanim anene amiric mana onteumpe, minisiremi ayan asikai demi.8Mini akinta ano beyaramumi aman aman amidanimi beni semi, "Jon Baptisi acnom mana kavekim akeyare kaci mare simeko," siremi semi. 9Mini akinta mini indaini indaurami, afo beni mini umani marenimi, beni banta ye ukukam ayam asikai demi sirukakemi semi, sena anasi banta yukanka sekuna bayani iye e anteumpe.10Joni karabusikim bami sondiau oreni ben acnomi akeyenoyo. 11Acnom akeyareni kavekim kufedeni mini akinta ameyomi beni maremi beyanomi maro amemoni. 12Yoninic yokarintau yeraeni Joni arumandam bami yemande masifareni Jisasimi maro samenoyo.13Afo yisami mini baya sameyomi indiremi yere e-emi botikimi anavafac makusapaci bemoni, sitikimi bayouni mini baya indireni makaka avakureni bebanipai benoyo.14 Jisasi yeremi yonanimi ansi banta ye bakunta yomi anon akun anecne mandemi yevayouni yofaemi.15Ayinkakic onimi yokar intauc yeraeni sameno, "Mana baintauc yuna ana iyevampa ic bami ayufumi kevano, anasi banta siyinkana makusinka be yunanu afakare nago."16Jisasi semi, "Yeni amanka iye bintenone, yikeni yunanuc afakare yimi nago." 17Mare bemi sameno, "Mayauni mana yacman breti namac kantan kauya namac manan dunkeumpe" sireni samenoyo. 18Jisasi semi, "mare sentimeko."19Jisasi anasi banta bani senini kumandenoyo. Afo mini mana yacmam breti namac kantan kauya namac mandemi, inarumpa onemi inantiremi kidikidi uremi beyi yokam baintauc yimini anasi banta yimenoyo. 20Mini yunam nayomi yimui kuremoni, yere e ayon arayui siyankan sikantapate kantan kumandemi basketi utinkemoni. 21Mana yacman tauseni bainta moyo, anasi ama iyen yandeno.22Beyi yokar intauc kani semi yikenare boti yemare meyan ofa bevakai seni anasi banta siyinkanayac boko. 23Anasi banta siyinkaranini boyomi beyaomi inan tirani anufai uremoni. Ayinkaki onimi beya omi mini anuc faci bemoni. 24Yokar intauc non acbanapa oraoyomi anon sisova yemi nom karando emi, mini boti mandem baye nayem emi aroriri emi.25Tri kiloki banurami mini anufante kundaemi non naropac ye bampaci yemi. 26Yokarintauc onayomi non naropa Jisasi yevanini anom fekarieni seni , " Ino bamino," sireni anon fekaric eno. 27Jisasi ayindemi semi, "Senumpo iye fekako erarure kac bako."28Pita indaemi semi, "Iyeno, ena bainta ve sina seni evanafac non amukac bono." 29Jisasi semi, "Yeno." Sentimi indiremi non amuga Jisasi benimpac bemi. 30Afo Pita sisovani onami acikami nonkimi kumpekemi semi, "Iyeno sofa ono."31Jisasi ayan akucdemi Pitami fakemi semi, "Andum munkir anda kipan dukanami, Pita. Nevara kar indiri eva." 32Jisasi nuc Pitinuc botikim undaoyomi eran sisowani kakipemi. 33Yokar intauc boti kinke yikon noyandeni Jisasi nani seni, "Fuka fuka ukami kotin agagukami banam mino."34Minureni nonkim kacdeni Yeneseret makusapac orenoyo. 35Mini makusim oraini Jisasimi onaic ureni bayani sirami oric yeric eno, mini amam pactenou Jisasi banimpac yic eva bayom baintauc yo yibikeni yeno. 36Yeni bem indaureni benic badoyam aneyokairani indaenoyo, benic badoyam aneyokaoyouni yen yici eseci kipemi.
Chapter 15

1Mam makai yinoniukeyou nama, mam makimi afani akare younama Jerusaremike Jisasi bapai udeni, yeni sen. 2 Nebara eni yokar intau baya iye indeyafo, fedafisiru sire-yom bayaye? Yeni yiyam nonode iyen neno." 3Beni siyimem semi, nebara feyan andaba indieka Gotini Siyangan ayum baya iye indekafono?4Goti semi, eyafom eyanom abayaya indeno, ena eyafom eyanom abaya iye indema ase umaramebe fukinonami.5 Ena sema, 'Iye nebe sintefe, eya fonara eyanonara, eni ne ofaira marante Gotim pate," 6Mini baintama, iye beyafom abaya iyen indene, mini asapate Gotin abaya enkim iyem bemi, mayao feyan andabaruidukeno.7Indini dukeko seba! Isaiya feyukami enani manin sirambemi, 8Mini inibainta yibantake, indeko seno, yen yindun nenka ku kami bemi. 9Yeyani yanieni, senka mam iyen seno, nebarafino, bantai ayini siyimeyom bani abakureyo."10Jisasi yaraekem, be yadeke demi seim,"indire, indikukanono-- 11Neonafoya, en ofairienai, dumiseona foni bantai fairi anami."12Inaem Jisasini yokarinta Jisasim same seni, Indefono, mam maka anarieyo mini bayayani yirami marenone? 13Jisasi siyimemi semi,Inarumpate sentifo ne yunana iye yodananim, daramani anintemi. 14Eyirano, yokam fotikam dafisiru mofo, akona okam fotikam abikemi bene makantanda masi pimi indainteno."15Pita mini bayasa Jisasimi indaemi, mini baekam baya baekana mauya indeno." 16Jisasi semi eyandaka fa ananauke beba? 17Iyeoneba neonabe, arapim gudemi yankagemi arafae bemino?18Ne gumbeke anduntinke urenafi, miyifoni bantai fairiemi.19 Nebarafino, anduntinke, manda indim bayani yemino, mane banta yirin anda, ena ana abafum umoreona anda fumara aginta umoreona anda enai andadan umoreyom anda, ena umai seankeonaba, ena are aseon andabe. 20Mini andauponi, bantai anduni fairi emi. Yiyami nonodeni yunami neyom poya, yinduni fairienai.21Mikake Jisasi yere yinkemi, Tai nama sidoni maguasapasi bemi. 22Mika oraimi, mikai Kenanaiti inini afotaki emi. Baduremi semi, "aboguki usikano, Iyeno, daviti akago? Sentiramun kimi mana a bami bako." 23Jisasi yebekem mana bayaya iyen siankem, beni yokarintau yeni Jisasimi abankeni, seni, "Sankanam bino, mauya sinaemi badom yebafo."24Jisasi samemi semim seni yekuna andabe, Isararigui oyokeyo komi semi yeumpe." 25Kabandarem yeremi Jisasi okampa akonoyam demi, semi, Iyeno, semi sofaono." 26Jisasi samemi semi, iyen antekantemi, anuyi yonam mandeke iyan akaku iye aminonami.27Mini inini semi, fukabe, Iyeno, minukemfo, kapa iyanuke yeyifoni nan ara pafasine, kapa iyami nembemino." 28Afo Jisasi samemi semi, anasio, yinkduni munkeyon anda kimi erarukanamino, indeonamitemino." Mikai benaramu ai kakipemi.29Mikake yererem Garari no adepa bemi, oremi ayafai unkumandemi. Amuno ukami bebapa yeno. Yibikeni yikan 30ukarakami, okamputinkami, a iye seyounama, yikanyin ukukana, ena ena yika duke yo namai yeno. Jisasin akantimi dami, beni yofaemi. 31Amuno ukami yindudurem onani a iye sauni, aseno, ukukeyoni antekeno, akan koekai antekemi, okam fotika onemi Isararuyi Gotin abi yanieno.32Jisasi beyi yokarintau, yarama manaka demi, semi, ano sigu nani manyinkeko, nebarafino, kamore nurani ureni senama beni, nani iye neyo. Fa iye siyikarare , nani iye nama dukako,asapa yom banim banim ina yandina yonare. 33Jisasini yokarintau, Jisasinani seni, inkepate mini nani mandanaya banta anasi nani aman kaki inteyafono, bantaba iyebapai boko? 34Jisasi beyi yokar intaukan semi nade breti dukeka, yeni seni, mana yama afatake, kantan omandem kamore kauyanama ino." 35Afo Jisasi siyimemi semi kumandeko makagake.36Beni mana yamare, afatake kantar omandem, bretiba kamore kauya Nama, mandemi susuirem, breti kidikidi uremi yokar intaui, yimini, yokar intau mandeni anasi banta yimeno. 37Banta anasi, amanka narigukami eno. Neyom yunan arayui mana yama afatake, kantan omande unami badeno. 38Mini nana neyoni, eriyeba tauseni baintaumoni, ananasi iyen yandeno. 39Minuremi, Jisasi banta anasi siyinkaremi, boutikim indauemi, ena makusapa Magadani bemi.
Chapter 16

1Farasiuc nama Sadusiuc bempai yereni amam makani reni indaeni, yotiviga andanda ayontakena. 2 Afo beni yenani semi, " ayinkagac iya eni semi amanka ayoku kugagani inaru koraniemino.3Banuranic iyami semi aci rintemi, nevaraino inarumi koranicemi, ayoni yenkem dacdemi, inarunkimpa onaremi semi ne kugakarafi, afo manna andanda ayonta yenkeina eye sinonami.4 Manda uwareyon iniya baintauc mage mana yamu ic andanda ampamina onarani indeno . Afo mana andandai iye intemi. Jonaninda manam bantemi, mini siremi Jisasi yere yingaremi bemi.5Yokam baintauc yivimikareni yuanam yeveke mararani beno . 6Jisasi yenani semi, "mive, ikeyogaga davisego, mam makinkena davisiruyi yisti agarai fegago." 7Yokam baintauc yeyani simar indireni seni, ikeunama yunami eye marerukauna misi. 8Jisasi indirem semi, "nevaragai sekafono, igenafuni umarugani amuna bayau sebami. Sito indiru kamino.9Ikeyi inditim iyen dukami, sena manayamam yunam ma manayamam tauseni iniyabaintau yimekuna, nade unana fa banafi.10 Akac manayamar afapate karomandem yunam anda ma eriyevam tausanibaintauc yimuna. Afo nade unanai fa mareyekafe.11Ingenic ure eye indeva seni yisti vara segaguna. Eyeyogaga i daviseno, manka dafiseyom baintauc yic yisti vani seunkumpe.12 Aci indireni seni yunanara sino, fegano mam dafisiru yic bayayani semisi.13Jisasi Sasarea ,Pilipi magufa yeremi, beyi yogam baintauc indaemi, semi, "neve seyafono banta agagare." 14 Yeni seni, Mana a seni Jon Batasi ino; mana a seni, Elijai; ena seni, Jeremaiyai, akac maya a seni profetimo." 15 Beni yenani semi, senani iyene segafono. 16 Saimon Pita sasamemi semi, "Eni fabam Gotin agac i banamino."17Jisasi yebegemi Saimon Jonan sasamemi, "Ayogu, Saimoni Jonan agac, fuga sigam bayani sanami , banta ginkevai. Inarumpate setifon samiya senami. 18Mini muganai emi sameko Pita, eni onabami banai enkai sesimai uwaranteu. Fugir ona iyevaci emi iyen dadantemi.19Seni inarun ona kakena ki amente. Ne mana magagac ec antefe inarumpa bai ec anteu." 20Jisasi beyi yogam baintauc siyimem. Yofaim bainta bemino sirec iyevagaci siyimeko.21Mini yamuke Jisasi kukandem beyi yogam baintauc siyimemi Jerusalemi ic bontego, dafisim baintauc kinke amuna umaru ci marantem, fukintem. Aka yevekemi ukukantemi kanda manaba nuranka. 22Peter avic mar avafac demi semi. "Mini aneneuc adeka iyem bantemi. Iyeno; mini aneneuc iyen ampamintemi enkac." 23Afo Jisasi yobae ekem Peter nani semi, "Sic naempac yankano Bananom! Eni semi asac uyatinkanami. Gotini andadakac iye dafisanami," Afo bantauyi andanda kaci dafisanami."24Jisasi beyi yokam bantauc siyimemi semi," Iye ic sen sivakurintefe, beyar avin karena ic, beyi kekac yaya ic mandaren sibakuri. 25Iye ic beyar ofa irarai intenafi, maro anana intemi. Iye ic senti siyir avakurintenafi, inayemi yebaekemi aum marantemi. 26Ne marantefe ena amuna anene dukage fugeve? Beyaum mararani negaintenafi?27Banta akaci beyic enjorouc nama ic beyafoni kakantimi kumintemi. Afo beni umadem bayintau yic aya ic yimitemi, yeni ne uwareyafo. 28Fugan sire emi sameko, Iye make manaka ukukakefe, banta akaci one vanami beyic umaden eran nama ic kumitemi.
Chapter 17

1Yamac afatapate mana nuram anaemi Jisasi yivikem bena-o nama Pitai, Jemisi, afo Joniva benafa-avaba, afo yeni mare ano anufa yenafo ureno. 2Beni ye yogaka ayogu gugami ukakemi. Ben ontake akege kemi, afo beni unambadogake eram omi kama anecmi.3Onago, meya anenema yenimi Mosesina, Ilaisanu namaci ani semi. 4Pita yebaekemi Jisasinac semi, "Iyeno, makaci ayogukaci banteu. Ema ayenim, Seni kanta manava---agom maci uwaranteu, mana enidari, afo mana Mosesi inda, afo mana Ilaisa inda."5Beni faasem bankimi, onago, kagagam konamano yecyimuga komani-yayikemi afo onago, mini mana ameni inarukike, semi, mana mini, "Sentiga kugane, mini intanani semi siyemi. Benawaya indeno." 6Mini disaipori indireni, yeni yontapake yandeni ano fekarimeno. 7Inemi Jisasi yeremi afo yemi yiru-urem semi, "Ukukago afo iyevaga fegago." 8Yeni yang kagakeno mini mana anene aye onenofo Jisasi mana oneno.9Afo yeni umbaeke anufake kumami, "Jisasi siyimemi, semi Mana kaim baya ena iye siyiminana baken Banta Aka fukakenicunama ukukantemi." 10Beni disaiporiu bemi indaemi, semi, "Nevara mini afam akaram baintau seni, Ilaisa benareva anca yi?"11Jisasi yebaeke semi, "Ilaisa yerem macde undada antekatem. 12Afo seni emi samego, Ilaisa ai yeraini, bemi iye onaieno. Yeyi yiyintai neanenefi uwarakeno Yebaekem mini asapate, Banta Akai anavisi yenyiyankike maratem." 13Beni nomayinkeva Joni nani sini beni disaipori indeno.14 Inaemi yeni obaekem amuno bankim yeno, mini mana bainta be bapai yemi, ben ogapa akonoya mukemi, afo semi. 15"Iyeno, sentigaga agunaugano, mini beni dugem manda anavisikin bemino. Beni mini igakimafi, nonkinafi yandemino. 16Seni bemi avike eni disaiporiu bampa beumpo, afo yeni bemi iye ofaeno."17Jisasi yebaekem semi, "Senana iyeindeyo anacnama inacem yeyom nama mandaigugami intemi, nacde nuram uganac seni enamac bakekafu? Nacde nurana seni enkimi agami ampamenafi? Bemi avike maka sebanakac yi." 18Mini nuraugami Jisasi beni anita ogike bami sakama anecmi.19Disaiporiuci Jisasi onama yeyindacureni afo indaeno, "Nevara yenamac iye avakunda aneckafu?" 20Jisasi yenam semi, "mominic yikenyi sito yindum munkemi. Fugacugane seni enani seci, yindum munkeyo anda kapacukami. yunac yunke ugana, eni 'amankaga mana anuva sec. Magake meyakac bono', afo mini bemi iyevacana amankagi intemi. 21(Momicnukam bami fani iye ukami sa-ankaman acninonami afo ogam mukure yu nam ocranonafoni.)22Maminic Yena Galili beni, Jisasi beyi disaiporicugani semi. "Banto Aka namdanic bantau yiyankimi danteno. 23Afo yeni bemi aruma fukiteno, afo kanda manava nuram yankakanami yebaekem ukukantemi." Beni disaiporiuc ano yiguanene mareno.24Yeni aci Kapenami yereno, banta anasiac bacpate monic mareyom baintau Pitawapac yereni senic. "Tisa nevara yikeyi takisi iye ayaec?" 25Pitai, "Eyo." Semi, afo Pita naumpa urimi, Jisasi bemi idaemi semi, "Nec Indiriga efono, Saimonio? Mana makakakena dafisirugo, yena monickuma mareyou bapate? Mini yenyi mana anenecginafi akac anamurufi?"26Mini Pita semi, "Anamurumo," Jisasi bena semi, "Momini aneneuka amankac iye ayainteno. 27Mini yenama monic mareyom bainta umantim iye yinkante, anonompa bogo, ukugac karudac, afo noyac dirifa anatapac yinanim. Mini ena bem awam osade, eni mini monic, afakanonam. Mare yebaeke monic mareyom baintau maroeyindanama sentinda nama yimeno."

Chapter 18

1Ese mini yamu Jisasini yokam baintau, Jisai bapa yereni seni ,"Iye i hanom dafinsin bainta intenafi inarupa?" 2Jisai sito intakac haramandem, avi ekem yem yibana dem. 3Semi," Fukaukane seni make emi sameko, ena yeveke sito intagaki eve, eni amanka inarum maku iye mara nonam.4Micni muka-i, iye mana intagac kacna inteveinarum maku enindam bemi. 5Iye mana intagac sen tivikim avickante, semi sivikanami. 6Afo senar indeyo intakaku sini uwaraco intefe, amankai onabam unam beyamentim kurem nom avarumkim kumpe kantem.7Onano bantanasi mana maka kakena anene varureni madai eyon, sigun ukane iyem bainta mini umaru uwarenafe! 8Amanca en ayanfi akarefi manda evana akefamar anure, amakaukami manapa akanamac ayanama iye kipam aum mara nonam.En okam ma sini ina utiekeva amo. Amanka ucam mi manapac okam nama iye kipam aum mara, afokantem okanama ikakem binam iye antekantem.10- 11Afo mana intacu iyeva mandaic uyinkako, make emi sameko, inarumpa yenyic ensoli sentifon ontimi gagakem bemi.12Eni ne indiri kac eva? Mayama mana umam sipisip dukanave, afo mana mikinke oyogana amangagac 99 yere anufac denaci, afo mana oyokenim ben afakate nafi? 13Afo bena afakene, fuga ugane, emi sameko mini bainta ano amoyukam mintemn fayaci mana oyokam sipisipi yevekemi afakarukemi amoyem. 14Manaic mukemi, yikeunamac sifo ayiraino mana manuckam intagacma oyokene.15Enafacava ema manda uankanave, orevaci benamac bayayac antega, bena en avaya indina aci avic ganami. 16Afo bena en avaya iye indina, afo manafi kantarafi yivicdevac kandac manavac ukeva antekevanami, baya antegantemi.17Afo bena yen yivaya iye indina, afo manteyouyac siyime, akac bena yen yivaya iye indina, afo ecana beni mapac baintauc monikuc yuyeyom baintauke ba.18Fuga ugane seni make emi samego, nene anenec mana magagacma uyakante inarumpacbacuyakan tecu, afo nec mana magaga ukikantefec inarumpacbaci ugigantecu. 19Yevege emi samego, yigekanda mana indinta de bake, yeni indaeyo anecne sentifo inarumpac beni yimintem. 20Kantarafi kandac manava sentivickim baguyin teyafo seni yen yibanaci bantecu."21Afo Pita Jisasivapac yeremi semi, ''Iyeno, nacdeyagac sentifactiva semi mandaic usinganagac seni benic manda utuc ankantekafu? Kantan afac omande yagafino?" 22Jisasi bemi yebegem samemi, "Iyevacino, mana yacmam opate omandem siyankam yamucino.23Minicmukgami inarum magu yokam manci mugemi kinucma beyic yogam bainta yokaruc yimirana enim. 24Afo beni kugandem yokam yimeni. Mana yogam bainta be vapac avige yeno anom monima bevapacken mandugami. 25Beni amanga beyic umaruc beyic dafisim bainta yevegem amieic iyen ukami, afo beyic dafisim, benamac benana akac namac umacdem anecne sarinuren moni manden yevekem amitem.26Benic yogam bainta akonoyankac kundemi semi, ''Sentic dafisiro agun arusinkano, yeveke eninda anecne umadem amentecu. 27Afo benic dafisim bainta agun aruremi amane siangemi.28Afo mini yogam bainta mapac kundemi agona yogam bainta onemi, benic mana unam mandukami. Amentim fakaremi semi, 'Ake siyacono ena simirana senave.' 29Afo agona yogam bainta agonoyankac kundemi semi, 'Agun arusinkano yeveke eninda anecne amentego.'30Acnam yenim yogam bainta sifogago semi. Afo bemi fagareni dumeno, beni mikim dukam bemi bena mareninuc yevegem yimentemi. 31Akona yokam bainta ne uware nafi, onaremi ano yifo ukami kemi, yereni yeyi dafisini sameno.32Afo mini bainta dafisim bemi araremi samem, 'Manda baintave. Seni eni umaruc sivim kankego. 33Agun aruankano ema sena sikun, aruankekuna ono?'34Beni dafisim bainta aranugam kaimi havi ekem banta yireyo yimi dukami hare vami yevekem umacdem acnene aya intem. 35Micni mukami sentifo inarumpa beni mini muan-kantemi, maya maya ena eyafavama eyandun tinkema akun iye aruake.

Chapter 19

1Afo Jisasi mini baiya simian kiparene,Galili magufanten Judiac anon magufai Jodani nom kacdem yemi. 2Anon (Amunac ) iniya baintan avakureni (hacnaini-e) oraomi,mifa yicgui yisofa (kipa) yinkemi3Farasiu yereni bemi amanmageni seni, "Bantama manac-a indintake beynac sankananim,mandafino?" 4Afo Jisasi ye ukukaekemi semi, "Eni yo iye yandefono,beni bantavac anasivac uwarenine?"5Yen uwareni sem, "Mini indintake beyano afon yere yinkem beyanac namac managinic intem?" 6Mini mukani make harahara (enaena)bai beyaone,madam benone. Micnimukemifo Koti hackac dananine maya iyen dakaganonami.''7Ye ukukaegei indae seni, ''Afo mini nevara Mosesi mayau sisimen sen,yena bahyic ukeyon dakacinka yo uwaramide mini ini sankano sigenafi?" 8Yemi siyimen semi, "Yikenyi indini erarr ugami evami yigen yinamac siyinkagovam amane siyinkemino,afo kugarantapa micniva ugagenaino. 9Emi samego,iye eni eyanac mandaic iye urukan sankare ena inin namac ninte,o enac marantefe,mamdan uwaranami;o iyem bainta eni anasin beyavafu sankarukenim marantefe,mandan uwaranonami.''10Jisasinic arguic Jisasin same seni,'' Afo min baintama beyanac namac micnurukanane,bayi iye -e fa bago.'' 11Jisasi samen semi,"Masideva amane sinteyaonoe,Koti yema yofainaninuc mana yimoyintenone. 12Mayaca yenyino macyinke yiramucbac iye bami mac yinkemi,manacenimi bantan hic yinkeno,mayaceyoni yenafuni isenone inarun maguvaro sireni.Iyec mana baiya mararic ugenafi,ecam be indi."13Jisasi ayan yicnonkadem inantiyinkanovani hanuc bevapa yivike marerami,beni arugui (yogam bainta-u) yiseno. 14Jisasi ukukaegemi semi, "Hanuc eca,sempa yego,nevaraino,inarun maku micnukeyou yindan bemino." 15Ayan yinonkadem ,inantiremi,migaken enafaci bem.16Afo, mana bainta Jisasimpa yeremisemi, "Tisa, nec avogu andanda uwande (inkeniga-urega) iye kipan aum maran tegafu?" 17Jisasin ukukaigem samemi semi, "nevara semi ayogugan indae sefono? Maya beyan avogui bemino, afo ena mini aum maranteve, lo fakah."18Mini bainta ukukaegen indacem sem, "Banta aruman iye fuge, banta anac iye mare' iye umore, u-ma-ac iye se. 19Eyano afon yivaya inde, eyar avaba-eona ure ena avabaac ame."20Fumara inta samesemi ," Masiden andanda uware-umpe. Nec enavar inde?" 21Afo Jisasi samen semi," Enah antekra yirarinteve, be eyi onda ena iye duknin amide Inarumpa icnain ayac mara, yimide afo ye sivakuro." 22Jisasi micni siranimi, mini fumara bainta onda dukayim bemisefo orr aruremi (agunanecne namac) bemi.23Jisasi beyi arugui siyimen semi, " Yigemi fugasireci (fugayugam) siyimego, onda dukeniyi anuyokra yurem inarumpa urintem." 24Yem baige samecgo, haman-ugami kemoli ucba oganayim ducdintemifo onda dukeniyi Inarumpa urirani anuyokramntem (anuyokantem).25Jisasini aruguc indire yicnon acnureni seni, "Afo iye mi Inarumpa urintenafi? 26Jisasi yen yonemi semi ,"bantau anuyokra minonamifo, Koctinamac mararic mararic mana inonami." 27afo Pita ye ukukacgemi samem semi," Onano macden andanda sic naimpa dei emi avakurego nec ena uwara?"28Jisasi siyimen semi," Fuga sire siyimego , ena nurama Kotin agac beyic kin sia ga kumandinage, sen sivakurageono siyankare afapate (tuelia sia)kanta siagac kumante Israili iniya bainta-u yonaic inonamino.29Iyei eyamagafi, eya fagavanfi, eyayofinafi, e yanonafonafi, eyagafandafi, o eyi maga hacnaini ure sivakurefe, yankagare mare, aun iye kipandac maranonami. 30Afo amuno acnari eyoumi yicnai evaniami yicnaic eiyouni (yinayouni) acnari inteno.
Chapter 20

1Ina rum makuc i maka afo kanac emi, banu ram bac i beyic yokam bainta uc yivic man ya kukusim demi. 2Inam beni mana Indiric ure mi beyic yokam baintauc manac urem ayac i ranni bemi sinyin kaman beyic kukusim demi.3Yebe kem bemic kandac mana awakac yokam baintauc yonam mi idol rike marketi kim ukukaka keno. 4Yemi siyimem, 'Eyandoc baka ya unam kim bogo, ne anene anteke nafi,' seni emi amenteu yeni yokam tapac beno.5Yema nac bekem orem, mana yamare mana o mande awau, akac yebekem mana yaman iyeyevam omandem manai ukem. 6Mana yacba i elevani awau yebe kem bemi, o yonami mana idorike ukukake keno beni siyimem, 'Nevara ka idorike kana ukukake kafo?' 7Yeni benani seni, 'Nevara ino, mayaba yerem yokam iyem simi dukeno, siyimemi yike yac ba ka kukusim uro ko.'8Ayin kakic imi, yunan afo beyic dafisim samem, 'Yokam baitauc yarare meyam yimeno, inaempac kena araeke ontapa da.' 9Yokam baintauc eleven awa kac yokam baintauc, namaci mana yiyac irememi. 10Acnam yokam baintauc yeni indiekeni anomi maran teumpe indiric menofo mana yiyac irim memi.11Yeyic yiyac mandare ye, uman indiri ic maka afon ameno. 12Yeni seni, icnayem yem yokam baintauc mana auwa kaci yokeno, yeunamac nama ci mana simiric monami yeu namaci anom uman yokam mare yamu so bunami anom aci sikemi.13Yunan afo siyimemi semi, 'Sikono, seni emi mana umar iyen amecu. Yikem meyam yimuna vani yimusin iye ekac? 14Nec eninda benafi, mandare bac, eyic asac bono, senti indinta ic seni anantac yokakom van yarana yeyou namac inaem yeyou namac mana yimiric inrani indec umpe.15Seni sesic andadau gani iye onte gafu sentin da ugan acnecne uge? Afo emi aranke nafi. Sesic avoku anda uware kuna?' 16Inain keno acnaric i nam mi, ananteno inacem mintem."17Jisasi Jerusarem mi uremi twelf fic a yokam bainta yivic mandarem ayana bemi siyimem. 18"Onano Jerusaremi ic urontec yano,banta agac avic mani anom man yokam bainta bac lo baitauc yiyan kimi deno. 19Yeni beni fukino vani sireni, acvimam mapac inin abasi yiyan kimi deni, manda uangeni yafi arureni maripo yasac aruman fukinteno, minukam mifo, beni kandac mana vac nuran yeu ukukantemi."20Jebedin anac bey akac kanda, yeyim mandaremi Jisasi bapac i yemi. Beni akon noyam ankaremi mana yac ci andada vani indaemi. 21Jisasi indaemi, "Nevara inde fono?" Micnuimi semi, "Sentika mana inta en ayan ukampa, kuman dinami, ena inta ayan opac kuman dinteno, enic masukim."22Jisasi siyimic demi, "Semi eni iyen indike sinda anam mi, eni amankaka senauna nomi antec fo?" Yeni sameni "Amankake." 23Beni siyimem sem, "Senti kapi kinke amami nano nami, afo siyan ukampa kumandin namac siyan opac kuman dini seni iyem yimenteuc, iyeuyinda bantenafi, afo sentifo antec yinkantemi. 24Ena kanyacman yokam baitauc indireni anon yiran anecne kar untava yimeno."25Afo Jisasi yaraman bey acde demi semi, "Yikeni ona keka fono, mapac baintau ic yivam baintauc mandaic uyinkare yeyic eraruc yenaro deno. 26Manu kam avucavaka yinke kim iya bac kac bano, iye yiken yicbana pate dafisiric i rara fi, Eni enou yic yokam bainta nare vac o. 27Iyec yigenkinke anom bainta intenafi, beyac yigenyic yokam baintai kac ci. 28Micnu kami Banta Acka yimi faya yena i, beni banta anasi banana bam yaum marako bani yemi."29Afo yena Jeriko yerere bomi, amucna inim baintam bemi avakureno. 30Afo mini aiyavafac, ogam dusinkam bainta kanda bakeno. Yekanda indemi Jisasi yanka kani, era rure ni areno. "Jisasi o Deviti akake, bende agun anecnec usin kano." 31Umadem iniy acbasi yise seni, kapi nare bago, yevekeni erarure areni, "Jisasio Devitin akake, akun anecne usin kano."32Jisasi ukukakemi yarem semi, "Ne anecne yinken kanda uwan yinkanu?" 33Ye kanda seni "Iyeno, bende kara yevege onarare." 34Afo Jisasi anon agunic uyin karemi yokam ayoka emi, akakaukami yen yogam ayo kukic ini Jisasin ye avakureno.
Chapter 21

1Afo Jisasi beyi yokam baitauc namac bemi Yerusaremic adekac oraeni betfakei Yereno, Olivi Anufac undaeni afo Jisasi kantan yokam baitauc yiyinkemi. 2Afo yenani semi, "Mecya ena makusim bogo, afo yikeni akakaeci onanonagomi, donkimi bey akacnamaci dumumandami bemino. Afo nar utecde mare simego. 3 Afo iyefi yiken nana minivam nevefi sinage, yikeni seci, 'Iyeno yokani dukeno,' afo mini bainta akakaemi mini donki manda yiminaci mare yinakomino."4Afo mana mini bayani feni profetiuc yiyimic duckakenimi. Jisasi semi, 5"Sasameno Saiyoni aramune, onano enic kimi evana faci yeno, bey yom mandam makakimi demi donki kaci yemi - donkin akac, akoyun naroc.'"6Afo yokam baintauc oreni nec jisasi senafi minin uwareno. 7 Yeni fumara donkimi abike yeraeni anecne mini dokin nanaroc dami, jisasi mini naro kumandemi. 8Amuna inim baintauc yeyic anecneuc mandan asa ci uwiseno, afo manaca yayanauc akeyareni mandan ana urinanin asaci uwiseno.9Afo amucna inim bainta acnatapac bami Jisasi namac amuna inim bainta icnaim yeni bacdeni seni, "Amoyono Devitin akac kare! Ayokukuc uakantemi iyec mini Iyenon avickim yenine! Benabi yanickukanono yacni ono. 10 Afo Jisasi yeraemi Yerusalemi umpekemi masicden inim bainta mandan onaicureni seni, "Iye fino? "11 Mini inim bainta yeveke seni, "Mana Jisasino profeti ino Nasaretic Gariric magusinkeno."12Afo Jisasi iyena mam mackin umpec emi mam makim yime ayac mare youni yivakuna ni mapaci acnemi, monima baede mare bau ya nunuc yime ayac mare youyi kandada manam karucdemi. 13 Beni yenani semi, "Yokim akateno, 'Senti mackim yukam mukam makimino,' afo yikeni mandani umom macki mamino. 14"Afo yokam futikauyaba yikam madaukauni bebenipa mam makimi yeraomi yiyofemi.15Afo mam bayakim mana makagackena indin dukauni anecne uwandani oneno. Afo yeni indemi, anakakucma mackim bacdeni seni, "Amoyono Deviti akackare," yeni anom yiram anecne mareno. 16Yeni benani seni, "Eni indefono mana baintau seyomi?" Jisasi yenani semi, "Eyo!Afo yikeni iyebaka yandeka, 'Sito inta akaku baka nami neyo intau yivantike anteckam yimoyini ameno?" 17Afo Jisasi yemi yere yikaremi iyena makusimi Beteni oremi yenamac ayufum bakemi.18Ena banurami mini iyena makusimi yeraemi,arani fukemi. 19Onami mana fiki yani ayavafa bami, beni onanimi mana aneneva iyebami ana mana bami beni semi, enayac bac akami iye iranonami, mini siramimini fiki yani esecukami fukemi.20Afo benic yokam banitau onareni, yinduc dureni seni, "Inkeniurena mana fiki yani kafukenafi?" 21Jisasi yemi yiyimemi semi, "Fukaukane seni emi sameko, ena senana omare indema amucna indiri iye inonami, mana yasac uwarekuna manac ba uwaranonamino,anuvai same se,kicde solwarac kumono, afo sinonac intemi.22Anduntinke ne anene ukara okam mukure indaintefe, mararic mana inonami ."23Jisasi mam mackim yerem, anoni ukam Pristeu nama bantaka yinoni ukeyo be bapa siyimebani yereni seni, iye emi siya eni manauware, iye emi eyosianaraya mana andanda uware,iyem baintai eyo siankenafi? 24Jisasi siyimen semi,"Seni mana indaini yindaonteumpe. Ena sem sisime, seni emi samenteu ne eranta mana andandau uwarekafu.25Joni nom manyinkeba inkem pate yenafi?Inarum patefi bantakinkefi?Yeyirani sireindeni seni," Mayau macnisenane, Inarumpateve ', beni macni yikeunamac kani sintemi, nebara benani iye indeka? 26 Afo,mayauna macni secmac bantaucpate ve senane,mayauni bantanasiuc gani fegecyaro,nevarfino yeni onamani amuno yikani fekeko, "nebarafi yeni umacde Jonin onamam Kotini yokam baintaino." 27Afo yeni Jisasin same seni, "Mayuni iye onakeumpe beyabai yenani semi, seyabai iye siyimenteumpe, iye mini indim amidena mini andanda uwarano senafi.28 Afo eni ikeni indirikaeva? Mana bainta kantar inta dukemi. Afo beni anar intakai oraimi semi 'sentikago make beba maro yokano waini yunankine.' 29Afo beni akai samemi, semi, 'iyebac anave,' afo, inaiemi beyic indini baedemi bemi.Mana baita oraemi inayen intami okani siremi semi. Beni indiremi semi 'seni bonteko ,iyeno' afo beni iye bemi.31Afo inkeni inta kandakinke yenyifo simi indeyafo?" Yeni seni, "acnarinta,"Jisasi yemi siyimemi,"fukaukane seni yikemi siyimeko, takisi maram baintau namac monko ininam Kotin amac makusim yeni urinteno yike iyeumbami. 32Afo Joni antekan asaci yemi, Afo,yigeni bekimi iye munkomi. Afo takisi mareyou bac monko ininami benkin indeno. Afo yigeni onarei ,yidum iye baicdeci Kotinkim iye indemino.33Kapinageci ena baegam baiya indego.Afo mano bainta, maga afo beni bagem. Benic waini naruci yogemi waini akec yevan kuganandemi, waini dafindan masic umandemi, dafisinayom mac yami ugami uwan demi waini yogeyom baintauc kaci dafi yinkemi ena magufaci beno.34 Afo waini agan kicdin yamuic onimi manaca yokar intauc siyinkami waini yogeyou bapate benic waini agan marankago vani siyinkani beno.35Afo vaini yogeyou benic yogar intauc fakareni manamana yami areno, enan aruman fudeni, ena oni areno.36Yebekemi amumcna yokam baintau siyinkemi,afo waini yogam baintau ogam magani waini yunan ofonic yokam baintauc uyinkeno. 37 Afo icnaemi vaini afo beyagaci sankemi semi, senti gaci onamani ayogugi uankantenone.38Afo waini yogeyou waini yunan afon agac onareni yeyirani seno, mana anar againo. Yic, ben arureyam beninda anecneuc marano.' 39Afo yeni mini intam fakareni,avike waini yuankinke fakaman mapac deni aruman fukeno.40Make bena mini waini yuna afo yene, naka beni uyinkantenafi mini waini yokeyouni? 41"Yeni bemi sameni, "Beni manda asapate yirurem manda baintau anankayinkarem, yenyi waini ena waini yokam bainta dem, inaema yunan korem amin nanim bainta amemi."42Jisasi yena semi "Eni baya akantenimi iye oneba, oni mac pakenim mac uwareyoni yifonkani e-eno. Manai iyenom pate; mayau sokanka abokuki emino?"43Micni ukai enani seko, Koti inarumi mandani enkinke ena iniya bainta aboku akami iyinayoni yimitemi. 44Iye mini onaro yandintefe umaci akarafantem. Iyen kaka pafasintenafi kidikidi intemi."45Yicnonic ukam pristi nama mam macka anonic ukeyou indireni mini baekam baya, yemi omare indeni mayau yani semi sino sire indeno.46 Bemi fakarani ayuci afakenofo, yeni fekeyo amuna iniya baintam bani, nebarafino amuna iniyabainta bemi onaekeni Gotini yokam bainta backo onaricmeno.
Chapter 22

1Jisasi baekam baya fate siyimen semi, 2Inarun kindomi ic, mana kim mano ben agac bayic ino bam sesac inic mugemi. 3Beyic yokam baintauc siyin kani yara rukau yivikaran benofo, amanka yeni iyen yeno.4Yeveken ena yokam baintau ic kim mano siyinkemi, semi, 'Yararukanou siyimeno, onago naru yunkamar antec dukauna. Sesic burumakauc arurec madam anecne antecman dego. Yego bayic ina yompage.5Mini van yeni iyen indeni yerere beno, maya beyic yunampac bim, eno beyic monic yokantac bemino. 6Maya ac kinic yokam baintauc fakareni, yiyorin yimicdeni, yiruman fukeno. 7Kim mano yisidemi beyic sondianuc siyinkani, afo yeni banta yirumam fukeyon baintauc yiruman kipareni yen yimac makuyuc ika sareno.8Afo beyic yokam baintauc siyimemi, ac ic bayic intac ino, afo yaregunou iyen anteckeno. 9Mini ifo ayana fata be amuena ini ya baintaui yonante siyimego yeko. 10 Yokam baintauc anon ayana fatac oreni umaden ini ya baintauc o yifakaman managac deno mandauc namac ayo kugu nama. Ma mini mac yagumkim yare youni mare uwikeno.11Afo kim mano naupac undem mini ini ya baiutauc yonam bemi mayan ona mi, ure bayic eyom unambacdo iyen urukami.12 Kim mano ben samemi, sikono inke nigac ec ure bayic eyom unambacdo kim i ye bafono? Afo mini bainta ic aya bac iyem bami.13Afo kim mano yokam baintauc gan semi, Agan ta ayanka mana nan damure ayufun nanan kenimpac acnogo. Mempa ific den avakur arafinanim pagec. 14Afo amuno ukami yarakemifo, kamoren ukac dukami.15Afo farisiuc oreni Jisasi ben avaya kac bam bure fakarar indir uwareno. 16Afo yeyic yonkan baintauc nama Erodian namac sinyinkani beno. Yeni Jisasinan seni, Tisa o, yeunama indinkeumpe. Eni fuga ugami sikemi Goctini ani siyimanamino. Eni maya nic umac indiruc kar iyen indemi yempa gic iyen anamino. 17Afo mayau sisimeno, inken indirikac eni eya? Mini lo ukan nafino monima Sisa bampac ayac eyo ne?18Afo Jisasi yenyic mandauc onaic uremi semi "Nevarakac semi Simam magega fono, yige kam bofem dukam baintauc ge? 19Ayac eyo monima yotigac onano sini." Migac banta on naniac avic namac bam monima mare ameno.20Jisasi semi "mana iyen on namac ayic nama gafi?" 21Yeni seni, "Sisa nindaino." Semi, afo Jasisi semi, "afo Sisa ninda anecne sisan amego, Kocti ninda Kocti nindaic."22 Afo yeni mini indireni yere sumi sami sa beni yere ankare beno.23Mini nurami mana ac Sadusic, fuckam baintauc iyen ukukanteno seyouni yere nic bemi indae 24seni, "Tisao, Mosesi semi, 'Banta an iye magem fukinami ben afac abam ben anac manden am mac ankantemino.25Mana yamar afac kar omanden untavani bage yomi, ananteno ambac iye magan fugen anasi yererami ben afac maremino. 26Afo ben anaenkeno oganic uren yererami, kandac manavac ka oremi, micnom bem umadempac mana yacmar afac kar omanden kaci oremino. 27Miyiu umaden yicnaempaci anasi fugemino. 28Icnaem fukam baintauc yeveke ukukana yon nurami, iyen ana kac beni bante nafino, ma mini ac unadempac mana yamar kar omandem untava ginkeve? Miyiu umadem bemi mandu kageno."29Afo Jisasi yevekem yen siyimemi semi, "Ananam manam mino, nevarafi, eni Koctin avaya fi Koctinic erani onoic iyen ukanamino. 30Icna yem fukan ini ya baintauc yeveke ukukana yom yamu ic, anasi banta bayic iyen eni, anasi manam banta kac iye maukinteno. Umacde inarumpac enjorouc kegem banteno.31Afo icna yem fukan ini ya baintauc yeveke ukukana yom na nunkupe, iyec yande ka Kocti yiken siyimine, semi, 32'Seni Abrami nic Kocti, Aisaki nic Kocti, Jekopi nic Koctim bego'? Kocti fuka uyic Kocti baino,ayum ba unyinda ino." 33Afo anasi banta mini indireni anonic ureni yeni yinducdeno, Jisasi yimam bayayuc siyimevanare.34Afo Farisiuc indeni Sadusic a sinayonic iye oni,oman yemare manapac uyeno. 35Maya yenkinke lo bayayauc onaic evam bainta ben amam makemi, mana indaini indemi - 36"Tisa o, inkeni anom lo bayayukana logim benafino?"37Jisasi ben samemi, "Iyenon eyi Koctin ey andun namac, eyic eranamac, eyic India namac ben ayeno. 38Mana minin anonic gugan uken acnan tapatena lo bayayino.39Afo mini acnayem patena lo bayani macnin ukemi- 'Agono en acnaka bananimi, eyar aye ona ayirigac ono. 40Ma mini lo baya kanda ka ic umadm louc namac Koctin avam mare baya mare beyom yokam baintauc munkugemi."41Afo Farisiuc managin oman yemar uge bami, Jisasi yemi indaini yinda emi. 42Beni semi, 'yikeni Kraisi nani inken indirikac eka? Beni iyen aga kac benafi?" Yeni ben sameni,"Devitin aka ci."43Jisasi yenani semi, inkecnigac ukana Deviti Ayo inta kim ben arena Iyeno, siremi, 44'Iyeno senti Iyenonan semi Iyeno, "Sen siyan ukampa kuman dono, Enic namukouc manam en akar akumpa ic danteko.'"?45Afo Deviti Kraisi nan 'Iyeno' sentin mi, inkenic urena ic beni Devitin akac benafi?" 46 Maya vac ben oveke baya vac iye sameni maya vac ben indairandac iyen indeno.
Chapter 23

1Jisasi anasi bantau baga ben avakuro noyom siyimem. 2Siyimemi semi, afanyo agareyom baintauc baga farisiguc lo baya vani yigemi siyimei se , mosasi uwaragenimi. 3Micnim mugami, yeni ne uwarano warac sinteyafo. Indireva uwara. Afo yeni ne avuava uwarante yafo, iye vaga yiva gunde uwara. Mini adandau uwarantego sire sinteyafo, iyen uwaranteno.4 Umarugan deva andandauc anda ureni, anasi banta yifunta deno. Yenafuni, iyevac gugami mana yufacden mini andandauc kun doyinteno. 5Yeni ne avoku andanda ucgac uware yafo, anasi banta yemana yona gowani indeno. Iyena yugam mukeni, yeyic iyagamana unambacdo arasa ic nani kuyeno.6Yeni iyena bantauc kumandeyom kack kuman diranana eno. Yunan neyom magusaga mam makinka namac.7 Yunana andandauc ayac eyom magusinka yonareya yen avokuc yaraic eya tisa ne segowano.8Iyevaga areva se, 'Tisao' se, Eni mana tisam manan dukanami, yige umade sentifac tiva manan bami. 9Mana bainta mana makaka avicdeca se, Senti fone sire iyevaga ic se. Yige yifo mi mana ukami dukami, beni inarumpaci bemi.10 Tisam bage sire iyevaga se, mana tisam manan dukanami, mini Kraisti.11Afo iye yigen yicbanampac iyeno benafi, beni yogam baintac mintemi. 12Iyec beyan yani intenafi, bemi danami mempankimi kumintemi, afo beyana dan kumi nane, bemi manda yani micteno.13Sigune siyinkego, afanyo agareyom baintauc baga Farasiguc kanyivan dukam baintauc! Eni anasi bantauc inarum ona munku yinkanami, enafu iyevaci umpeganonami, acdeka uriric ukeyou uyabac iyevaci. 14, 15Sigune siyinkego, afanyo agaregom baintauc baga Farisiguc kanyivar umunouc. Magagabe, non ugarebe, mana baintan afakare avigaran, afo afakare avike mare mani ure, embac kantanyaci ure mempa igamaguyic agagic mintemi.16Sigune yogam putinkegom dafisiruge, eni se, iye eni mam mac avi dare eram baya sefe, mini mana andanda iyemintemi. Iyec mini mam makim bam kori avidare se uwarantego se, mini indintagac eraruga.17 Yugam puntingam manda baintauc! Inkeni iyena benafi? Korifi, mam macga micni uege gori manda antemande nafi?18Iye mini uwarantego sire agonke eyom kanda yasa siren sintenafi,mana andanda iye mintemi. Iiye mini amirukanani narokakema sem uwarantego sintemi, migaga era ruga.19 Yogam puntinkan iniya baintauc! Inkeni iyecna benafi, yimi ganafi, a a kanda yasa agonke ugayi mandan yimigan mandan antec mandenafi?20Micni mugami, iye mini uwarantego sire, agonkec in kanda yasac avidare sintenafi, minigim beni andandauc kaci uwarantemi.21 Iye mini mam maka avicdarem, uwarantego sintena, iye mini gim benafi, miyinkaci uwaranonami.22 Afo iye inarum avicdarem uwarantego sintene, koti kumandenin kac avicdare uwarantego sinona, minigim kumantayin kac ic sire sinonami.23Sigune siankego, afanyo agaregom baintauc nama farisi kanyivar umunoc, anayo ginkena andandauc mandei, siyankan tinke manan kotin amanami. Afo yigeni aci iyena lo bayayuc ec acmi. Antekan avuavac uwaran baya yuga, banta daimim bayaya, banta avacbac im bayaya, erar indim maram baya. Avogugic minagomi, erarurema lo bayana avakurege. Afo ena lo bayayuc baga avakurogo. 24Yige yugam puntinkeko uge yigeni kipa magi mi, yuna kim baci, yomandan darani ami. Afo beniiyen onemi, iyena kemori yagam benic yunankim bami, mandemi nemi navitemi.25Sigune siyinkego, afanyo agaregom baintauc baga farisiguc baga kanyivar umunouc!Eni nan neyom youc mapa i sesec uranami,afo anduntim mi mandauc ic utikagemi. 26Eye ogam puntinkan farisi! Nan neyom youc nare sesec urananac ic mapac namac mare ankegatemi.27Sigunen tiyin kego! Afanyo agaregom baintauc namac farasi, kanyivar umunouc, efan bam masiken banami, mapaci avokufic uganami, mandan andantimi, fukam bayintauc yiyampau namac manda andandauc utigagemi.28 Eyac baci oganic muganami bantauc onan nani eni se seni auokui bego sanami fo, anduntimi kanyivar umunouc bac mandauc utikagemi.29Sigune, afon yo agaregom baintauc baga farasiuc ga kantan yivar umunouc! Frofetiuc namac antekekeyou yic bam masi ic manda antec man avo kufic ano.30 Eni se mayau sifo unama bage yon kac ma bagenige, mayauni iyevac mana yofa urec frofetiuc yirotina ci. 31Micnim muge mifo. Eyarara i sima esac de se mayauni frofetin areyom bainta aga fandauci beyamu.32Eni enanafu unam uwara yeyonuc ic mare manar amankagic anono.33 Eye memayuge, eye mema yuc yiga fandauc, inkenic ure kocti koctinanim nurami yeankante.34Micni mukai, onano, seni mini frofetin a avoku indin dukeyom baintauc ba afanyo agareyom baintauc siyin karaunani empac yeno. Mana ca yirure ci keka yasa ic danakomi; mana ca mam makimi yafi yotenare ic afo magusinke difitamam mapac i danakomi.35 Benic aya ci micnin ugemi, eni mini ayac mara nonami mana magagac anteke fukeyom iniya baintauc. Eborin avokun bainta kacke yem Sekaraiya Berakiya agac, eni mam mac namac agonke eyom acbanac aronami. 36Fugan sirec samego, umaden andanda mage bam iniya baintauc kaci yintemi.37Jerusaremi o, Jerusaremi o, frofetiuc empac siyinkaege raya eni onac bami yironami? Nacde yagac enaga fandauc oman yemar uegec managin dega fu, kokorima bey agaguc mandan bey ayan kin denini egac fu. Afo eni iyevaci eyo senami! 38Onano, en amaci mana amusimbac iyem bemi. 39Seni emi samego, iyevaci sonanonam mifo mini yamuc yina micni sinonam, iyenon avic tima yinono amoyaco.
Chapter 24

1Jisasi mamakim bakem bevam beni aruku bevapa yereni seni, onano meyam mamacke. 2Aka beni siyimemi semi, "yickeni umaden anene iye onecka? fucga ukame mana onabam ena onabam naroba iyem bantem.3Beni olivi anucka kumante bami, beni aruku emam bepa yereni seni, mayau sisimeno, nande mini umaru ampamin tenafi? Neanene ampaminam mana macka arayi itenafi?" 4Jisasi yemi siyimem, "Dafickaraya ono maya emi iyevacka mackasino. 5Amuno sentivikim yereni, 'mani sinteyo,' seni Jisasim becko sireni, amuno yempacki eni oyockanteno.6Indinonam enafa aruevana. Iyava pecka, mini anene ampamintem mifo. Macka arayi iyemitem. 7Ena kantri ena kantri nama arumintem, ena macku ena macku mana aruintem, andaro yintemi mackuni dimtem mana-a mackusingka.8 Mini umaden anene ham mackeyon anavisi kana mintem.9Afo anavisi amideni micka yere arumam pukinte, afongka akanteyo sentivitim. 10Amuno sentivitim humani, yeyirani umatiyin kanteyo. 11Uma yokam baintau yeukukake amunomi macka sinteyo.12Neveraino manda anda anonie e vanam avaba iyem bantem.13 Mayama erana emi, amangkai kipan tapabai fa bantem.14 Mana mam baya madempa siyiman maroram mana macka arayi item.15Ena mana macka onanama mandai kuckam inave, mini Danieal Gotini yockam bainta siruckan kai.16 Eanam Judia beyo anukimpacka iyayo ki.17 Iye manaro befe mackapa kunde eyama kinke mana anene iyeva mara. 18Ena yunakim beni, yevekem beyi unambada iyeva omara.19Sikunukane mini nuram anintau yimubacki uckeyo nama aninta maduke yoname. 20Okarm munckevanam mini nuram Sabati nama adinanim nuram iyeva yi. 21Anom umani bantem, mi mana macka kuckaran tapate yem macke ma iyevami yintem. 22Amancka mini nuuram backaki mintem, mana baintava iyem bantem, afo mi antekeyo yaresirem mi mini nuram backacki uyinkantem.23Afo mayama enantem, onano, mana Jisasino meyami. Jisasi no sina, iyeva inde. 24Umatickam yockam bainta yeremi beyi erara pawa yoavikantem, en avickem mandakim bira. 25Ona bani emi sameko.26Minimuckai emi sameko 'Ona, meyamini mapa bemino sina, mapa iyevabo, manamini naumkimi beno sina iyeva inde. 27Ahurintapate yankakem ah kumintapa afayu mintem, miniukam ukemi Goti naka yinanin nuram.28 Inkepama fukam safurauma bananimpa, mifai anom sumpanu uyetino.29Ese mini nuram ai maro ayufun kantem, ikona iyen kanyin-kantem, baoy pafasem kumintem, inarumpatena erani kasanintem.30Mininami Gotini yeveke yin saini afotaki inam, madempa beyom iniya baintau ifideni anevami, Gotinaka beyi eranama pawa nama midan oyonta kumintem. 31Beni beyi enyoli siyinkaranani ano ufeni asirani Gotini banasi madem kimpate oyuekem yeyuekem manacka dem.32Indira marano figi yasake, ayamam moro anunanun em ana makem, mini onaremi semi make ai kantemi sanam.33 Afo mini umaden anene oneve, eni indemi semi ai beni yini adeka onacka kukami bemi.34Fukaukane emi Sameko, mana iniya bainta iye fukam mini anene hampa mintemi. 35Inarunama mana makanama kipantem, afo sentivaya iyen kipantem.36Afo mini nuram na yamu, maya iyeva indikeno, enyoliba iyen idikeno, ben akaba, afo benafo mana idikem.37Mi Noanka ma ampamenini nurani mintemi Jisasini yinta. 38Mini nuram nom iye sakami, yunam ne, none ne, anasi ire mine vami, Noa akikim umpekem 39Iyeva indicami non yeyirafem, miniukam mitem. Goti naka yinanin nuram.40Kam bainta yunankim bami, mayam avikanam maya pabantem. 41Kantam inim witi anevam, mayam avikanam mayam bantem.42 Mini mukami sefo dafiseno, eni iyen indikanami eni dafisin yinanin nuram.43Afo indeno, ma afoma umom bainta mayinanim ayufum indirukene. Beni beyamaka dafisebanani iyen ukadanteno. 44Mini mukami eyabaka dafiseno, nevaraino banta ka iye indinona yamui i yintem.45Afo iye ayoku yokam bainta, beni dafisin yokar amidem semi, yunanai bentaimi kaka yimenafi? 46Amoya ono mini yokam bainta, yokevanam beni dafisin yeonene. 47Fukaukane seni make emi sameko beni dafisim bemi madem yokanka dafisino intem.48Afo mandai eni bainta beandum tinke semi, senti dafisini iyakai bemi. 49Mini siremi beyi yokam bainta arem, uremi non neyom baintau nama none yunane. 50Afo mini yogam baintai iyeno mana nurami yintemi beni yogam baintaiye indinanim yamu yintem. 51Afo beni iyeno bemi akefa akefa uremi bemi mandekem anana ukeyom baintau nama dukanam ifi dem beavakun arafin tem.
Chapter 25

1Inarum magu mancni mintemi, siyankar agintauc bantauc namac iye nogeyou,yeyic onuc mandareni bayic inayom onaram beno. 2Mana yacman avoguc indir iyedukani, ena yacmani avoku indini dukageno. 3Micnureni mini avoguc indir iyerukam agintau yeyic onuc mandare yeni, mana-ac basafem bac manare iyem beno. 4Afo avogu indim dukam agintauc basafem ana namac onuc nama i mare beno.5Bayic inaniyi agen iye yimi, yokam munkini barenone. 6Afo nurampa ic arani yemi,"Onano bayic inanive! Be onano.'7Umacde bantauc namac iye nokeyon agintauc ic yeno.Yeyic onuc mandani sitokadeno.8Avogu indim iye dukan acnam, avoguc indin rukau yani seni, mana-ac basafem simeko. Mayausic basafem kagipe-no. 9Afo avogu indiruc dukau siyimeni seni, mayau sinda amankagi iyen itemi, bega basafem dukanayompa yigenyida ayac ogo.10Yeni ayac iram bomi, bayic inaniyim yemi, iyefi migac bageni benamac ic bayic omapac beno, micni imi, ona munkemi. 11Icnaemi mapac nogeyon agintauc yereni seni, 'Iyeno/iyeno,yeunamac disinkano.' 12'Afo yen yivaya yiyimemi semi, 'Fugaugane, emi samen tecu emi iyen onagecu. 13Ankar ono, eni mini nuram iyen indiganam.14Micni uganic ugemi,Mana bainta enafa birani beyic yokam baintauc yaramam mareremi beyic andandauc dainden yimemi. 15Acnari iyimi yacman tauseni amemi, migackenom kantan tausenin amemi, migac uriyim mana tausenin amemi. Yemi yenyic abucavakaci yimemi, mini bainta be biran simpac bemi. 16Yacman tauseni mareni beni ena yacman tauseni uwaremi.17Eno kantan tauseni marayi ena kantan tauseni maro yocdemi maren yemi. 18Afo Mana tauseni marayi maro maga ucdemi beyic iyenonic Monic ayofemi.19Iyackaki imi mini baitauc iyeno yeremi yenama miniuc gar antegemi. 20Mana yacman tauseni maran yokam bainta yeraimi ena yacman tauseni amemi semi, "Dafisiro, mana yacman tauseni simenaci ena mayacman tauseni amam monic ic uwarego.' 21Benic iyeno macnin sirem samemi, 'Avokuki onamino, avogu eran yokam bainta. Emi amuna anecne kimi dana dafisinonami. Enic iyeno amusim marananinkim yeno.'22Kantan tauseni maran yokam bainta o baeken yerem semi, 'Iyeno, onano eni kantan tauseni simiranai, seni ena kantan tauseni amam monic baci uwareumpe.' 23Benic iyeno bemi samemi semi, avoguc eran yokam baintave! Eni sitoc anecne uckimi eran yokaric monam mino. Emi amucna anecne kimi dana dafisiric minonami. Enic iyeno amusim marananinkim yeno.'24Icnaem mana tauseni maran yokam bainta yeraemi semi, 'Iyeno, seni enic abucabac one indikec i, eni unafinonami iye yokeonafa, unafanamino ayun iye acnonafac. 25Seni anom fegaric ec i sefo, seni beci maro maga ucdec i eni tauseni ayofec u. Onano, ena rukana enindaino.26Benic iyeno yebaekem samemi semi, 'Eni manda ec afomana kenin yokam baintave, eni indikanamino, Seni iye yokekunafa unafeumpe, iye acneguna fatevac unafec umpe. 27Micniugaya, eni monicgukac dafiseyonkim senti monic devaone. Mage yunakac, sesic monic bac amam monic bac mage mare gaune.28Afo mini tauseni dafieke siyankam tauseni dukam yokam baintan amemi. 29Amucno ma amuna yimeye, yeyacba amucna ukami marantenone. Afo iyec micni ma iye ene, ne uwaranten nafi, benkinke dafinteno. 30Mini manda yokam bainta mandan ayufunkim karucdako,ificde yibakur ake yonkim.31Banta Agac beyic eranamac yinami amuna enjorouc ic benama bami beni beyic anon siyagac kumantantemi. 32Umacde mana magaga bau ye untami, beni anasi banta daimintemi, sipisipi kac dafiseyouna sipisipiuc daimeyoni minteno. 33Beni sipisipi-uc yuman ayan ugampac demi, memenuc ayan ocpac dantemi.34Ben ayan ukam pac bauyani King macni sintemi,'Yego, iyec Sentifonic avacbac mandukanono, marano inarumpac, mana maka uwarem uwandan andandauc. 35Sarani fugiya eni yunami simenami; nonani siyiya nomi simenami; enafate yevauna sivicman danami; 36Seni bayafo baunami unambacdo usinkanami; semi sic eva eni sofaonami; dumuke baunami se baunafa ye nami.'37Yena antekeyouni same seni, 'Iyeno, nande emi arampuvakac onarec yunan amekafu? Non nar ayikac non amegafu? 38Nande enafate yena gac avicman degafu? O bayafo banagac unambacdo uankegafu? 39Nandec ac ec bayafic dumukana gafic ye onegafu?' 40Afo kim mano yevekem yemi siyimintem, 'Fugan sirec siyimeko, iyen afac-avanac micnu ankante, semi micnu sinkanonami.'41Afo ben ayan ocpac banayou yani sintem, 'Yankakago, mandaic siankaruc keninuc, iye kipar ikakim bananom namac benic enjorouc yinda sesac uankaruc geningine, 42nevarafi saram pugiya, eni yunam iyen simenami; nonan siyevaya, eni nomi iyen simenac neumpe; 43Seni Ena fatenomumpo, eni siviceke iyen danami; suavapac baunami, unambacdo iyen simenami, sic evac kafi dumukauna fi avokukic iyen usinkan namino.'44Afo yeni same seni, 'Iyeno, nandec yeunamac onevauna araric eva, nona ayena, enafateno bec, bayafo bec, ac marana fi, karabusikim bana gafu mayauni iye ofaekafu? 45Afo beni yemi siyimemi semi, 'Fukaukane seni sameko, ena mayama mini abucabacguc iye uankeve, sena micnu sinkananaino. 46Yeni iyekipananim mandam maranteno. Afo bena antekananiyim iyevac kipan aumi marantemi.
Chapter 26

1Miniuc yorami, jisasi beyic bayayuc siman kiparemi, beyic yokarintauc kanic manisemi, 2"Indebamino kannuram anaempa omare indeyoc yamuci bantemino, mikaci Banta Ackai abike kekac yasaci maro iyinteno."3Anom yibic dukeyounamac, anaric ukeyou, omayemareni, yenyinokacbac daviteni Kayapasinec seyombaintaic mackim ye uwikeno.4Emam bayayuci sire umor asapate Jisasim aruman ayofarani indeno.5Yeni senic, omac nanayonkaci iyeno, mikac yiramic iyemaranteno."6Afo jisasi Betanic, Saimoni namomana baintaic mackim bemi, 7kandandakakena anuvem bami, anasi, erar amukuc em anom monikac bam basafemi, mare Jisasim anokim bayemi.8Jisasinamac nouyou anom yirami kani seni."fayac mare irara efono? 9Iyena monika ayaureya mandeke irocbaric ukeyou yimekamic."10Minisami Jisasi indiremi, manic semi, "Fayac mana ininic umar ameka.? Beni semi abokukic musinkemi.11Enamabaci irobaric ukeyou banteno, semi iyendukanonami.12Amunkuc basafema anasi mano mare soka afenimi, semma masivana yomino.13Enani fukaukamisameko,manac minusinkeninani macdem makacmakai benani sinteno."14Mana yenkie, avic Judasi Iskarioti,anon avic dukam bainta bampa oremi semi,15"nec simintefono, abiman ayankim danabe?"kandamanabac siankanda monic mandekeni ameno.16Mikackeukami, ayuc afakarem fakaman yiyankim yiminanuc indemi.17Mini kukaram yamuc omakaci Jisainamac noyou yere seni,"ikempakac maro anufarayaci mini omakac neyom yunam nanono?" 18Beni semi, "iyena magu benimpac orebaci mikac banta bemifo same sebaic, 'Tisa semi," sebekuna bakakic mebaci, en amaci senama noyouc namac, omakac neyom uyanami nanteumpe."19Jisasi siranic mana ureni beni yokarintauc omakac neyom yunami tesaeno.20Ayinkacki onimi,benamac noyouc namaci kumandemi nemi.21Kukande naruc nami, manim semi,"Fukaukami seko,yikenkike maya semi madan bantauc yiyakimi dantemino."22Mini baya umarukami yirinic mayamaya bemi indaeno,"Iyeno seyafuno?"23Beni yebekem semi,"Maya feretikim ayam senamac danani miyi fakaman yimintemino.24Banta Acka bintemino,avantim benan sikave. Sikune mini baintave,Banta Acka fakaman yiyankim dananive.Abokukic mintinaino mini baintac iyemadukakeyone."25Judasi bem fakaman yiminani semi."Iyeno seyafuno?"Benani manin semi,"Aci enafunic senamino."26Yunanuc necbami,Jisasi sikoni mandemi,okamukuremi,kidiman,kipakipa urem benamac noyou yimiremi, semi, Mandenako,Mana sentoino."27Benic nom kapi mandem susu sirem, mandan yimiremi semi,umadeukanac nako.28Mana sentic korami bayintemino,amuna iniya baintaucyic manda andauc kipa yinkac takec.29Indeko,mini yayackam eyen nanteko,fabakec i obeke yereci, yikenamaci sentifo amankimi nante yamumpe.30Ikuc dareni,orific Anufac ureno.31Afo Jisasi yenani manic sirem semi,"sem umantim danayomponi madeukam make ayufum yandec binakomi,afantimbaci sikemi,sipisipi ackakukac daviseba kuvitaranami,baruyem beninuc yererec iyani intemi.32Minic anaempac ukukeci, senare Garari magusapac bonteuc."33Pita benam manic semi, " amami macde enarosire iyande bintenofo, sen yanda iyem boteumpe. 34Jisasi benam manintemi, " Fukaukam enan seko, mako ayufunakam kokori bac iyedurukan kamore yaci umeranonami." 35Pita benani semi'" Enaropaci seyabaci fukonteumpe uma iyen siankanteko," minic mana benam nouyou yabac seno.36Mikake Jisasi yenamac Ketsamanic makusapac oremi siyiemen semi," Macka bakac meyanka ore sokam munkirare." 37Pita namaka sebedi akac kandanamaci obami andinic ebami anom umarukami maremi. 38Manic sirem siyimemi," se fukonuna bani anon saci kebako, senkac maka dafite bako."39Mikake sitokac oremi," Beyom makakic maroremi, okam mukemi, Manin semi," Sentifo, amankakic ukana, ecanam mana kaikim benimi yankakano. Senti ayira ino, ayintake. 40Yeman beyic yoka irantau yonani yonduk bami Pita nan manic semi," Fayaci, sitokac senka iye davisaba?" 41Davite okam munkebaci makasintimi iye ofekano. Ayo intac yofacirani emifo, mana erani yoi iyeino emino.42Kantan yackimem yebekem oremi okam mankemi. Manim semi,"Sentifo, manama iyen yankakanama mini noma nanunabe, eni ayini amankakic intemino." 43Obekem yerem yonani, yukanukami makebani dukebano . 44Yera yikaremi, yebekem kamore yaki mem okamukemi, yebeke okam bayani sem.45Jisasi obekem beyic yokarentauc bampa yermi manic dec beka? Fayaci abogukac duke bekaci yaum dec beka? Onaka, aci adekakic meno, Banta Acka fakaman manda baintauc yiyankim danayone. 46Ukukac ya, bono. Onako, sem vakaman dananim acdekai yeno.47Minic sebankakukami Judasi maya yenkike mikac yedemi. Amunoukanama, anon yibic dukeyouya, yinonkac beyouya se yeno, yenyi avac aneneuc nama yeno. 48Mikake Jisasim mandam yiyakim yiminani semi," Iyenac umac ontekafa miyino, miniba fakako.49Akakaukam Jisasi banka ndem semi," Iyeno beba!" siremi umac emi. 50Jisasi banani manic semi," Sikono nec uwarara, yefe uwarano. Mikake yeni yereni, iyam Jisasinka deni fakeno.51Onami, Jisasi namac bakeyo maya yenkike, beyic dukam baintakac dafisebam bainta, akam mi akefemi. 52Minic urami Jisasi benami semi," Yebeke bakenimkim eyic abagane (soparo) dano, soparo dukake iayouni mini soparo anta i kipa tenono. 53Eni indiman sentifo benimpa aranam, beyic siynkanda andakac benim enyorouc iyec simintenoc sebac?" 54Ikeni uranaci feyukam bayani afa akandeyom mare afotakic intenafi, mini micnurane?55Mikac Jisasi anom baintauci, uwikakayouni semi," Umom baintake sem fakare aronoc sirekaci soparoc bakam uwandare yeka? madem nuam anomam makim kumandec siyime banac iye fakam bakeke. 56Amamino, mana mininakomi, feyukam Koctinic yokam baintauc afar uwanda yomi mare afotakic intemino. " Benic yokarintauc bemana yera ankare iyayeno.57Miyiuc Jisasi fakaran yeyou ye abikei kaiyapasi yinonic ukam baintaba, afan youc akareyouc ya, anonic ukeyouc beyompaci beno. 58Afo Pita inaempac kukami ukemi abakurem yinom baintauc kokuc indeyompa bemi. Yinonic ukeyom baintauca daviseyou namaci ukumantemi ne anenevi uwaranayom onarani bami.59Afo mikake yinonic ukeyouya batakim yoke younamai uma bayayouc i sinkeno, inic sire aruman fukirani seno. 60Aeyom uma baya youka benic mandauc afakam, iyem bami. Inaem kam bainta undeni 61seni, Mana baintai semi, "Senifani Kotini anom macyakam ukadareci, kamore nuram mana uwaranteumpe sirem semino.62Yenyic yinom bainta ugukemi Jisasi nan manic semi, "Indairuc iyec dukeba? Nenkac sana yaci ma syonouc enan seyateno? 63Jisasi mana bayayaba iyen semi. Yenic anom bainta Jisasi nan manic semi," Seni Ayum benim Koctin abikimi, mayau sisimeno, eni Kraisi, Koctin acka kac bebac. 64Jisasi manic sirem, samemi, "Aci enafoni mini sana mino. afo emi sameko, make mana yamukake binonu onanonamino, Banta Acka ayan ukampa benim Eranta, konannaroc inarumpate kumintemi.65Yenyic yino bainta beyic bado dakac demi semi, "Manda bayayukami semifo! Faya enouyaba sekoba indeka? Onano, aci manda sentimi indenamino. 66Ne indirikac ekac? Yeni yebeke seni," Beyic umantaci fukinte mina."67Mikake ontim yikano kuntiankenic, yiyan anaure arenic,"seni 68mayauc sisime, emi Kraisi banamifo. Iyec mini emi arenafi?69Afo Pita mendac kotec yom kukusimi, kumantem bani banta anasiuyic yokam marenin akinta Pita banka yeremi semi," Eyabaci Jisasi kariri baintanama nokonami." 70Afo yen yokankaci umeremi, manic semi, " Seni iyen onakeko neukarac seba."71Yerarem onakac kundaimi, ena yokar akinta onaremi mickac beyouyani semi, "mana baintabaci Jisasi, Nasareti bainta namac bami. 72Eraruc kami uremi umeremi," Iyeukam onana baintaino!"73Sito kac baken, benamac bakeyou yereni Pitanan manic seno," Fukabe eni mana yenkike mopec, ena seona mini faci bemino." 74Mikacke yemi bakokuc siyinkem semi. "Mini bainta seni iye onakeko, micni sebami kokori asemi. 75Pita omare indemi. Jisasi sentim bayayare, kokori iyeba asi rukanami kamore yaci senam umeranonamino." Akam mikac dionim mapa obemic anon yuci arebami ific demi.
Chapter 27

1Make mana banuram yimi, macdem yinon prisiu nama Kotinic yokam bainta namac anasi banta beyounic emambaya sireni Jisasi mandam fukintim danteno. 2Yeni nani dumureni avikeni Pairati yinoni ukampa avike beno maro Pairati kamani anoc bainta ayankim demi.3Afo mini Judasi, bena mandam banta yiyinkam dem, afo onami Jisasi ano umatim ofekami, beni andum baedemi afo kantam-manava siyankam monic yebaekem maro anom prisiu nama yokam baintau nama yimemi. 4Afo emi, "aci seni manda andai eko mini beni umamba iye bam nare mandam yiram baintau yiyankim demi."Afo yeni seni, Momini nekac mayausa ukenafi? Yikenafo mini onako." 5Beni mini monikuc mare maro mam mapai anecmi, afo yebaeke bemi, afo mapa bemi maro benafo nambam aremi.6Anom prisiu ano mini monikuc mandeni afo semi,"amankaci mini monikuc deyokim danonami, afo narekac ayac ukami." 7Yeni mini baya manda manakim agankareni afo mini moniponi kare uwarenim makac ayac ayacureni enafate yevauni masifateho. 8Momini indinta mini macka macni sireni avideno,"Naremana makai" sireni make mana nuram baci avideno.9Bani Profet Jeremaia sirami bakemi make mandam afotakic emi, semi sirukakeyonka munkemi. 10Afo yeni yebaeke maka kave uwareyo uyi maka ayaeno, Iyeno senika munkemino.11Make Jisasi ukukemi kamani okampaki emi, afo kamani Jisasin indaem "Eni Ju yic Kina befono?" bemi sameni," eni senamino," 12Afo mini anom prisiu nama yokam baintau nama umam baya siankami, beni ayabac iye semi. 13Afo Pairati benan semi,"eni bayani emanan amofin eyone iye indenfono macdem umani enkimana denone?" 14Afo beni yebaeke mana baya iyevac semi, kamani omare anon indirigugami emi.15Afo make anon omaki evayomi kamani yenyi anda banimi banta anasi uyic yiyintac karavusi utuc yinkeno. 16Afo mini yamuci mandaic ukan evanin karavusi Barabasi bakemi.17Yebaku yomi Pairati semi iyena ecanam bintenafino? Barabasi nafi, Jisasi nana Kraisine seyofino? 18Beni indigemi Jisasim fakaman umam baya bare sireni ben ayankim deno. 19Beni koteyon siaga kumandugem bami, ben anac mana bayani bevapa semi,"Iyewa mana acnenei uankano beni umandaba iye bam baintaino kaimi baya onarukake kunai anon umani mareumpe.20Make mini anom prisiuc namaci yokam baintau namaci banta anasi yirac ukukano bayayui, seni Barabasinac ecanam bino, Jisasina aruman fukono. 21Kamaninic yokam baintauc yemi yindaemi,"yekanda kinke eyena ecananac, bintenafino. Sirani yeni seni "Barabasio." 22Pairati yena bapac semi,'seni bemi mini nakac uankanuno Jisasi Karaine sirena avic deyone?" Yeni macde yebaeke seni, "Afo bemi kekac yasac aruman fukuno."23Afo beni semi,"Ne umor anda beni uyinkenafi? "Afo yeni bacdumar acnureni eran bakukami reni, seni, "kekac yasac aruman fukono." 24Pairati mini onaremi beni mana anecneic iyen emi, afo umani kukareno, minomi banta anasi yukankac ayam nonoc emi, semi mana umani iye maranteumpe mana umanda iye bam baintai nare kuminaninka, yikenafo marago.25Macdem banta anasi seni, Amamifo ecanacna yic." 26Mini beni Barabasim ecami bemi, Afo keka yasa arokovani Jisasim yafi yafi otenaremi yeniyankimi demi.27Kamanimisondiau Jisasim avikeni yeyi opisi bampai beno. Oreni amuna sondianui manda baruyeno. 28Yeni ben ocgakena anene ayumandeni afo nare unambadoyami uankeno . 29Yeni aviyararem nantai kinu yinoka deyoni ureni wandeni anonka deno, afo ayac ukampaci noyam fakacakeno. yeni yickonocyam dunkucreni becontapiac yereni amaruankeni seni, Ayoku nurane Jiiusiuyic kinoc.30Yeni bemi agano kuctiankenoc, amecma fakaruckakeni noyam yamponi mandeni anomi afanata eno. 31Afo yeni mando avuava bemi ucakaremi, Yeni nare ucambado uankam mandac acnureni, afo beni ucnambado macdeni uankareni afo avike maro keka yasa aricranic beno.32Yeni afackeno, mini yeni ecrarucreni avikeni benacma mini kekac yacni marem bicnovare.33Kolkotacke secyom mackusaci yeni yerenoc, mini avikukamic, "Acnom Ayampa Mackunic." 34Yucifeni waini nocmi yeninacnovani amenoc, Afo beni sito nacmaro onemic, beni iyecnemi.35Afo yeni aci macro keka yasac bemi arumandenoc. Yeni beni ucnambacdo dacindeni mandeni kacti iyacranic ecno. 36Afo yeni kucmandenic benkac fanic dacfitenic backenoc. 37Bec acnompaci yeni benic avu awackugami simacdeni, afo seni "Manacmininoc Jisasi mini Jiusiuyic kininoc."38Benamac kantam umom bainta kandavaci keka yasac iyeno, mana ben ayanukampaci afo ena ayanopaci. 39Afo mini kacma yanke beni bemi acnom akacyami siankeno. Afo beni yeyic nomi karucdeno. 40"Afo semi, Eni mam maci kankare kandac manavac nuram mana uwararare senai, enafo ayayono! Ena Kotin Aka bante maripo yasakemakapac kumono!"41Yebaekem okam asacpate acnom prisiuc bemi uman siankeno, afanyo akareyo unamac acnaric ukeyou bakani, semi,42 "Beni enoun nana yofa akemi, afo becnao beyani iyen ofaemi. Beni Israliuc yic kimi. Ecanam benafo keka yasakec kumino, afo mini namaci yenama benkimi sindum baekante yamumpe.43Beni Koctin kimi indini anduni demi, ecanam Kocti macke bemi ofaino, afo Kocti manac indintackena emi ofa intemi. Benan semi, "Seni Koctin Akac ic beko." 44Mini asapatec umom baintauc be namac kekac yasac ma benamac beni manda baya benan semi.45Afo maro yamar afac mana omandan tac acnom ayufumi umacdem makagac davaemi maro amaka mana siyam eriyewam afuka oraemi. 46Amanka mana siyam eriyewam afuavani, Jisasi eram bakukam demi afo semi, "Sentifo, Sentifo, sonanayac macnu sinkeyafono?" 47Minikai mana-a ukukake bakeni indeno, yeni seni, "Beni Ilaisami aremino."48Akakaugami mayai iyayemi mana spansi maro waini nonkim daremi mini nomi, nanovani ameno. 49Afo umacdeukami yeni seni, "Bemi ecambano, Ecam banaya onano Ilaisa i yenac bemi ofaintenafi." 50Yebaeke Jisasi baduma anuremi afo beaumi demi fukemi.51Indeko, mam makim bakenim kamuna dakakemi anompate afendumpai kantakimi demi, afo anom makuni emi, afo anom onabanuci kogemi iraraemi. 52Bam masikuci diyemi, afo amucna inimbainta feyukam fukake youni yuni dukakeyoni ukukamam anandeno.53 Yeni bam masikinke macpaci yeno, afo icnaemi beni ukukemi antekara ukam makusa undaeno, afo amuno oneno.54Make mini amiuyic iyeno beyic amiuc namac omani dafitemi Jisasinkac beni onami anom makuni devami afo madem anecneuci afotaki emi, yeni anom fekarimeni macni seno, "Fugaukane mana Koctin Akakukamino."55 Amucna ininami Jisasimi Kalilike avakureni nenkai yeveni onevano. 56Miyiu sinke Meri Makdalani, Meri mini Jemisinuc Josepinuc yinoi, afo Jebedin akafandauc yinoi.57Mo mini ayinkaci, mana monic bainta Arimatiake, avici Josepi, beyac bac Jisasini disaiporim bakemi. 58Beni Pailatin oman onaremi afo Jisasin ovani indaemi. Afo Pailati beyic yokam baintauc kani sirani mandan bemi ameno.59Josepi Jisasin o mandemi, oyam efam kamunakimi ukemi60 Beni onacbami akefarem beyic bam masic uwanduka kenikimi maro demi. Afo beni anocna onabami abekaman bam masic onakaci uyacman eraruremi afo yereremi bemino. 61Makdalani kena Meri namac ena Meri namac bam masic bami ena avafaci kumandu kakeno.62Ena nuram mini umom anaepai prisiuc iyenou namac Parisiuc namac Pailati namac yebarueno. 63Yeni seni, "Anon dafisiro, mini umac bainta fabanikac semi, Kanda manavac nuram anaempa seni yebaeke ukukanteumpe. 64Micnu kami yiyimemi, benic bam masickaga eran dafisirikac evanaci kanda manava nuranicino, micni iyeinami benic disaiporiuc ano yereni bemi umorinteno, banta-anasi seni, "beni aci fukintike ukukemi," afo inaemi umac andamano anonic kukami intemi anatacpacma ukakenin intemi."65Pailati yenan semi, banta yibike marodayai bam masika eran dafisirikac oko.66 Afo yeni beni onabam onakaci yoman erareno, micnureni bam masika dafisinan baintauc yeredeno.
Chapter 28

1Mam nuran kac ac gupei nim;enanura yefe-emi, bamasipac Meri Megdalini vac Meri yeno. 2Idenko, anom maguni eno, Koctini anyorie inarumpake kudemi, on avekaman avafac denmi mini naro kumadenmi .3Ben-o-kake afayu kana kemi, beni adanda kec efari ugami emi. 4Daifisim bantauc anom fekariureni, fuckam baintauc kana eno.5Anjoro anasiu kac yeremi mani semi, "iyefekako, seni indikeco eni Jisasi nani afakanamin beni maripo yasa fukemi. 6Beni i yem beno aci ukukemi; bec sikac, yere onano Jisasi bac kenikac. 7Akakac bekac benic yokam bantauc yiyimeko'' beni fukintike aci-ukukeno, 'onano' benaren 'Garari acnariem beno, mifa ic bemi onanako mino." Mikac siyimunave."8Anasiu akakac bamasi patec yereni fekanamac anom yimusim eno. Iyayeni beni disaiporiu siyimirani beno.9Indenko; Jisasi yonaremi semi.ayoku nurane siyikemi"anasiu yereni ben agam fakareni mam siakeno. 10Afoc , Jisasi macni siyinkemi, iye vacka fekako maro sentifativa siyeminaya Garari bocko. Mifac semi sonan -teno.11Inaim anasiu bamic,indeko, manaca dafisiruc anom magufac oreni makac dafiteyom baintau yiyimeno nec adanda fabam enafi.12Anom baintau nama makac dafitau nam baya sire indireni . Anom oni ami-u yimeno 13Siyi meno ,"eno bac sameno, jisasi ni ;yokam bantau aiyufumi yereni benoc umoreno facyenamac dukaunami."14Mana baiya dafisim bankac oranam, yenama bemi amakaki uankateyamu, eni umam madam acnitemi. 15Ami oni madeni yesiram baya avakureno minibaya Juda kim ormi make fanana bemi.16Minu kami ilevenia disaipori Gararie anufac Jisasi mac siyi karukapac beno. 17Yeni onareni mam siakeno mana a kantam idiri eno18Jisasi yempa yeremimani semi, maden avic bemana amemi inarupake namac mana makakake namac. 19Umadem magufac orekaci sentic yokam baintauc yonarekaci nom mayikako.Sentic Fon avikibac benakac avikibac ayoita bac.20Yiyi mina yaci maside anene samuna uwarago. Enamac banami mana maka kaki patemi.

Mark

Chapter 1

1
2Bani profet aisaiya agadukakemi,"onano, Seni senti yogam bainta sasakamam yige vampa danami bemi, yigeyi ac uvisinovani. 3Mana bainta,bantauc iye bampate arama semi, Jisasini ac ategago."4Joni yeremi, bantavac iye vampa yeremi nom manyigemi, mani siremi semi, siguno sirega nom mandana i yigeyi manda anda ugiyikatemi. 5Masidem magu Judia keva , masidem batanasi jerusalemike be vampa oreni. yeni be bampate nom mareno Jodeni nokim, yeyi manda andavam siguno sireni. 6Joni kemori ayogac uwadugam unam bado uremi, arakim nam poke damemi, beni findom bac afasam aniva i nevami.7Beni yiyimemi, mani semi, "Mana baintava sinaipa yinanive, beni sembac yesagarem eram bainta i; Seni amakagi iye muge umpe sigo noyande kunde beni sukim damugam nan utu akaran. 8Seni nom poke i nom kanji ke'umpo, afo beni aiyo inta foni nom manyikatemi."9Mini fabanimi, mini yamu Jisasi nasaretike yemi Galilike, Jodani nokimi Joni Jisasim nom marakemi. 10Jisasi nokike ugukem onami inaru onda diyimi Ayo Inta, num kana agem bevaka kumemi. 11Mana arani inarumpate yemi sem , "eni siyikara ana intave. Seni anon simonu - ankego ."1212 Afo Ayo Inta bantavac iye vampa sasakarami bemi. 13Bantavac iye vampa beni foti nurani murem bami, bananom bemi magasemi, Beni afasam safurauc nama i bagemi, afo anseloc yereni bemi ofa-emi.14Joni fakamam damurami, mini anaipai Jisasi Galili yeremi Koti avaya yiyimemi. 15Beni semi, "mage mana nurami fabanemi, Kotini Kindomi Adeka i yeremi. Yidum baidega Koti avaya indigo."16Beni Galili non avayaman bemi, beni yonemi Saimoni vac Enrunuc basec nokim anami, yeni noya afakam baintauc mo. 17Jisasi yemi yiyimemi, yego,sen sivakurogo, seni banta yivikanagom yogam yoc yivikano. 18Yeni ese base mifac yerereni, ben avakureno.19Jisasi satoga iyaka kana bemi, beni yonemi Jemsivac Joninuc Jebedi agakanda ; yekanda kenukim beni base adukami. 20Beni Yarani yenyifo Jebedim nama yogam bainta mini kenukim yire yikareni ben avagureno.21Afo yeni kapeniumi yereno Sabatika, Jisasi mam makim oremi baya yiyimemi. 22Yeni yindui reno ben avaya indireni, beni lo indim baintauc yiyimenini muremi yiyimemi, iyeino, beni ayi dugayic uremi yiyimem.23Mana bainta yeyi mam makim bayi, manda spiriti dukayi baduremi. 24Semi, "Ne i mayau emi uwarakate yarafu nazareti kena Jisasi-o? Eni yere mayau anam kasikarara fono? Seni emi onage-uc, eni iye befec. Eni Atekana Kotin ogaka i banami!" 25Jisasi mini mada spiriti asidemi sem, "sadage beva benkike mapa kumono!" 26Mini manda spiriti mandam magapa anuman demi yere e-emi bemi, anom badem.27Maside baintanasi yidu i reno, yeyirani yeyani inda eno, "Mana i nefic? Oyam bayani nama eranaic! Beni mada spiriti yiyikami yeni ben avaya avagureno!" 28Ben avaya maside kimpai bemi Galili magusimpa.29Mam makinge mapa kundeni, Saimoni va Endru nu yimampai yevegeno, Jemsi va Joni nu nama.30Saimon ni anac benano aum ac anene mandem dugem bami, yeni Jisasim sameno benani. 31Beni yeremi, ayanka fakaremi ukugackemi; aun ac anene bemi yere ankemi, beni kugandem yunam kurem yimemi.32Mini ayika ac kupegevami, yeni yic eyouya bac manda spiriti dukauni be vampa yivige yeno. 33Anom magusim bam bantanasi onaga yec uyeno. 34Jisasi amuno yic eyom kaki ayikemi manda spiritiuc dukau yabac madam fasa yikemi,afo beni mini manda spiritiuc ac iye segovani siyimemi nevarafi beni yemi yonakagami.35Banurapa ugemi ,fac ayufum kagami; Jisasi banta iyevam avafac maro ogam mukemi. 36Saimoni vac benamac bageyou yaba i bemi afakevano. 37Yeni ben afakareni,"Yeni sameno, masiden emi afakeyo."38Beni sem,"Marayam adeka beni magusimpa orega,afo mini fabac mam baya siyimeno. Minuga i managa yego." 39Beni masidekimpa Galili bugane,yeyic mam makimpa mam baya yiyimemi manda spiritiuc madam fasa devami.40Anon namom dukam bainta bevampa yeremi; agon noyam duremi bemi inda emi, "Ena ayevana inteve, amakaga semi sofa iteva." 41Agun anene marakemi, Jisasi be ayam demi ayoga uremi, benani semi, "Sena siyenine. Oyani ono."42Manatri mada namomi bemi yere e-emi, beni miniga i oyani'em.43Jisasi erar uremi samidemi sankami bemi.44Beni bemi samemi, mayam bac iyevaga yiyimeno, afo bonoc, ec'yova manka dafitauc maro yoyivigano , ofa uwarana yoyivigemi en oc aic antekemi, Mosesi vac yen yiyimidukam ."45Minugami beni becmi maside bantanasi mini baya yiyimemi , Jisasi anom magusim amaka afota iye bintemi,afo beni opa magusimi bagemi.Afo bantanasi masidepate bec vampa i yevano.
Chapter 2

1Mana'ac nuram yakaga imi,Jisasi ovegem Kapeniumi yemi, yeni indeno naupa yevami. 2Amuno miniga yevageno ,minigim afoc ava iye bagemi, onagimbac i utikagageno. Jisasi yenama baya semi.3Mana'ac baintauc i karere ugam bainta avige bevampa yeno; eriyevam baintauc i donde avige yeno.4Yeni amaka ben adeka yiri iye ugakemi, nevarafic batanansi utikaga keno, mini mac narompa undeni Jisasi bam anoka makac gum kackareni karere ugam bainta Jisasi banka dam kumemi.5Yeyi bilipi onaremi, Jisasi karere ugam bainta mani siremi samemi, " Sentikago, enic manda anda a ic nonoc u'ake umpe. 6 Mana'a indim baintauc minikac kumatakeni, yen yirakim mani indiri meno, 7"Ikeniga urem mana bainta minugam baya senafi? Beni Koti nani Siman mada u'akemi! Maya vac manda anda iye sese intemi, Koti beya omi.8Agakaemi Jisasi beyic spiritigim indemi , yeya nec induru dukam. Beni mani siremi yiyimemi, "Nevarac yigeni mana indiruc marega? 9 Yenani seni nec ayogu bayaya senu? Mini karere bainta vaniseic eni manda anda ac i ugi ankego; o sec i, Uguke vac eyic yoc mandareva bono.10Afo omareva indego bata gac ano erani dukemi mana magaga kena manda anda yomandam fasadatemi," beni mini karere baintavani sem. 11"Seni emi Sasamego, ukukevac, eyic yoc mandareva eyamampa bono. 12Agaga uremi ugukemi beyi yoc mandaremi adem mapa kundemi bemi, banta ansic yogaka, minugami maside yinduc dureni Koti avi yani eni yeni seni, "mayauni manugan anene feni iyeva i onevac yamu".13Beni yevegemi non avayamami bemi, anom batanasi bec vampa yeromi beni Koti avaya yiyimemi. 14Yakagarem bemi livai onemi, alfusi agac takisi mareyom mac onaga kumatami, beni mani siremi samemi, "ukuge sivakurono," Beni ukugemi bemi avakuremi.15Jisasi livai amapa yuna nevami,amuna takisi mareyoyabac manda anda uwaram baintauc yunam benamac nevano, beni yogam baintau bac, yeni amuno bemi avakure beno. 16Indim baintauc nama farisiu bac, Jisasi onami manda anda uwareyom baintauc nama moni mareyouc nama yunam nevami, onareni beni yogam baintauc inda eno," Nevarac moni mareyom baintauc nama manda anda uwarau nama yunam nenafi?"17Jisasi mini baya indiremi yenani mani semi. "Batanasi vac yockina eran dukauyec, yeni yiyofananim baintavani iye yiyemi; yic dukauni yeni yiyofam baintavam afakeno. Afo seni atekam batanasi yofa irarac yegau, manda anda uwareyom batanasiuc yofa irani kumeuc."18Jonini yogam baintau bac anom indim baintauc yunam e-eni yugami mukevano. Afo mana-a baintauc yereni mani seno, "Nevarac Jonini yogam baintau bac anon indim baintau'yic yogam baintauc yunami e-ecyafo?" 19Jisasi yeyani semi, amakaga bayi eyonkac yinayonic yunam e-ateyafo, Bayic inani yenama banani, yeni yunami iye e-ateno.20Afo mana nuram yintemi bayic inanim bainta yenkinge binami mini nuram yeni yunami e-ecni yugam mukinteno. 21Mana bainta oyam unambado mandem feya dagakam unabadoga dem iye adukitemi, adugugam kinke dakagatemi,oyami feyakena dakadanami iyena mintemi.22Mana bainta iye oyam waini feyakena meme aradakim yafinonami. eya mineve,waini memen arada dakakatemi, waini vac meme arada oyogatemi, Iyeino, oyam waini oyam meme aradakimi yafinonami.23Sabati nurami Jisasi witi anayokimpa bemi, bampate beni yogam baintauc witi anonu mareno . 24Indim baintauc Jisasim mani sireni inda eno," Onano, nevarac minugam anda uwareyafoc, umodugam nuram sabatigac?"25Jisasi enayaba yiyimemi, "Yigeni afam yogim iye yandege, Deviti vac benama bom baintauc yarani fugemi. 26Abiata mam manka dafintaka, Daviti Koti amakim umpe-emi, Koti ogakac dugam breti mandemi neno,agoni mugemi, manka dafitauc nana nanteno, mana-a benama boc yauba i yememi?".27Jisasi semi, "Sabati banta yinda uwantemi. E-anam sabati yem iye dafisi. 28Minugami, Bantakai iyenoi, Sabati afova i."
Chapter 3

1Yevegemi Jisasi mam makim bemi, ayam manda ugam bainta bagemi. 2Mana,a bantauc adeka i beni afurevano, ben onana sabatiga mini baintavac ofa inaya , ben onanareya manda siagarani.3Jisasi ayam manda ugam bainta samemi, ukugano bantanasi yibanampac,". 4Afo beni bantanasi yiyimemi, "Sabatiga nuram ayogu anda uwarate yafo o manda uyikanteyafo; yofa inteyafoc yirumam fugiteyafoc?" yeni kapinagara meno.5Aran nama i yemi yonami, yen yira i uyac i kami, beni minivam umani mademi, beni mini bainta mani siremi samemi,"En ayam ana ono." ana urami ben ayam ayogugu emi.6Indim baintauc agaga ugami ade beno, Herodiasi nama bam baintauc baguyeno, yeni ac afakareya arumam fugirani.7Jisasi beni yogam baintauc namai iyena nompa i beno, anon bantanasi Galilikeva judake avagureno. 8Jerusalemike vac Idumeake vac Jodani orem yeukem Tai bac Sidoniki va i avakureno. Beya uwaram andadauc onareni, amuna baintanasi bec vampa yeno.1020Beni naupai bemi, anon baintanasi owege manac gim yeno, yeyac yunam nanayom yamubac iyebagemi. 21Ben akum mivan indireni, ben avigarani yeno ,yeni mani seno, "beni o-enimemi."22Indim baintauc Jerusalemike kundeni mani seno, "Belsebuli bekim bemi" beni manda spiritiuyic yinom bainta, Beni manda spiritiu yomandam fasac devayic."11Madac spiritiuc ben onareni, yeni ben arafim yigon noyan dureni badureni seni, "Eni Koti agai i banamino." 12Beni eran bayani yemi yiyimemi, ben afota iye dagovani.13 Beni anufa i uremi, afo ben ayeninuc yarani bevampa yenoc 14Beni tolfia ugakemi, ( beni yem yividem aposoloke semi) yeni benama bam-mi, yemi yiyikarana Kotin avaya maro yiyi minteno, 15yeni eran dukeni manda spiritiuc mandam fasa dateno. 16Tolfia bainta ugagemi, Saimoni: ena avic amemi Pita vec semi.15Yemi savi awamu awakurim eram yimem.17Jemsi Zebedi agac, Joni Jemsi afa ic, bemi ena avi i amemi Boanegesi ve semi, inarum kafamevam agac'ge; 18Afo Endru vac, Pilipi, Batalomiuc, Metiu, Tomasi, Jemsi Alfaeusim aga i, Tadius, Saimoni seloti nantike. 19Judas iskarioti, Jisasi madam namugoc yiyakim dayic.20Beni naupa i bemi, anon baintanasi owege managim yeno, yeyac breti nanayom yamu bac iye bagemi. 21Ben akum minivan indireni, ben avigarani beno ,yeni mani seno, "beni o-enimemi."22Indim baintauc Jerusalemike kumoni mani seno, "Belsebuli bekim bami" beni manda spiritiuyic yinom bainta, Beni manda spiritiuc yomandam fasac devayic."23Jisasi beya'om yemi yararemi mani semi, baigam bayafate," Igeniga urem bananom mano bananom sasakatenafic? 24Anom maguc nano kantagim ugadene, anom magunano bena uc iye ugukatemi. 25Mana makim beyouc kantagim ugadeye, mini mac erarurem iye ugukakatemi.26Afo bananona beyam namugo ena ugadene,beni erarurem iye ugukakatemi, masidepa i gaki antemi. 27Afo mana eram bainta amackim umpe-ec beni adadauc iye umorinonami, mini eram Bainta nantoc damurevac, beni andadauc bena makige marac.28Fuga seni yigemi yiyimego, Koti masideuyic manda anda ugiyikatemi, ayanam baga yeyaa sirukanayom bac, 29Iyefi Ayo intava aseve, Koti eni manda anda iye sese u'ankatemi, fanana beni manda anda bantemi." 30Jisasi mini sine, nevarafic yeni seni, "Beni manda spiriti dugemi."31Minugami benanova benafac ava unam yereni mapac ugukageni.Baya bevampa dam uremi, samina mapac kuminovani. 32Amuna bantanasi kumande bem yeugukakeni bemi sameno, "En anovac enafac ava unam bac en ayofi unam mapa i beni, enani afageyo."33Beni yevegemi siyimemi, "Iyeuya setinovac setifac siva unam beyac?" 34Beni yonami ben yeukure kumantami beni sem, "Onago, manamic setinovac sentifa siva unam beyoc! 35Iyefi Kotini ayira avagure bayive, miyic setifac siva, siyofi,sino unam beno."
Chapter 4

1Enayabai beni yevegem yiyimemi anonon avafac, amuna bantanasi yereni bemi yeugukami. Beni kenugim ade urem anonokim bankai, beni minigim kumandemi. Anon bantanasi anonom avafac bami. 2Amuna baigam bayani beni yiyimemi, beni yiyic mintimi mani siremi yemi yiyimemi.3"Indego! Mana bainta yunam yum yogarani nayofac bemi. 4Beni yogam bevami, Mana'a ayum ac avafa fafasine, nunuc yereni miniuc neno. 5Mana'a ayumi osa i fafasemi, amuna macga iye banka i. Agaga ugami apamemi,macga mam-mem iye bagemi.6Acge eran kari-en undemi mini yunam yum kafugemi,nevarafic anuc mamem iye kumpami. 7Mana'a ayum avi yarareni atasimi fafasem kumbam mi. Avi yararenim atani apamemi dademi, ayogu agam iye apamemi.8Mana'a ayum ayogu magakim fafasem kundem amuna yunami iyemi. Mana-a teti-a iyemi, mana a sigsti, mana'a handretic." 9Beni mani semi, "iye agam dukate indeno!"10Jisasi beya'om bami, tolfiac yogam baintauc nama bageyom baintauc i baigam bayavani bemi inda eno. 11Beni yemi yiyimemi, "Yigemi ac i yimemi Kotini Kingdomi opac baya anda. Mapa beyounic, yeni baigam bayafate inditeno. 12Yeni onatenofoc, eyo onatenofo, iye onateno, yeni inditenofoc, eyo inditenofoc, yeni onde iye inditeno, Koti vampa yindum baide yeyec, Koti yeyic manda anda sese uyikantemi.13Beni mani sirem yemi yiyimemi, " yigeni mana baigam bayac onde iye indemi?" Ikenika urega yigeni indi intega maside baigam bayayuc? 14Yogam bainta bayani yogemi. 15Mana'a asac fafasine, bayani mareno. Yeya indeye, Bananom agagac yeremi yomandam fasac demi mini bayac yindutim yogam.16Mana-a ayum oc magaga yogane; lyeuyafo baya indeuye, yimonama i mareno. 17Afo yeya anui iye dugakeyouyec, sato yamu i bageno. Mini bayaka uman yimeya manda uyikane, yeyic bilipi agaga ugami ugikeno.18Mana'avai avi yararenikim yogeno.Yeni baya indeuno, 19Mana magagakena andada vara yiyikara eya,mana magakakena andadauc dugaraya indeyafo ena andadau bac yimugenafi. mini andadau i Koti avaya dademi, ondem iye iyemi. 20Yeya ayogu magakim yogauye, yeni baya indire marauni yac agami apameno, mana-a tetia apamimi, mana a sigstia vac, andreti avac yesakarem amuna yac.21Jisasi yemi yiyimemi."Eya ona mare naupa yanavec, unakina maredefe o sagoc arafina mare defe? Eni mare ondeyom yadikai danami. 22Ayofagam anene iyevai opa bantemi, ayofaga aneneuc bena'uc afotaki iye mintemi. 23Iyefi agam duke indevateve, ec'anam beni indic!"24Beni mani siremi yemi yiyimemi, "Ne bayaya indege, ondega indego, yikeya amenuna vac yesakare ena vai migadem amitemi. 25Iyefi dukayive, afo enavai migaden amitemi. Iyefi iye dukayive.ne beni dukenafi' marateno."26Enayabac i beni semi, "Kotini kindomi mani mugemi, banta beyic yunam yumi magakim yogemi. 27Beni ayufumi barevamifo kuga imi ukugevami. afo yunam yum fotemi apamemi. beni iye onemi igenika urem apamenafi. 28Maga mano yunam yum minurami apamemi: anantai acna apamemi, inami agami apamemi,afo inaimi yunam agam feyemi anokim. 29Yunam afugami, beni yiyikarani soparo mandareni yunam maro akefareni mare yeno."30Enayabai beni semi, "Nefokeka i Kotini kindomi manda mana'o, o ikeni baigam bayafogeka i baide yemi yiyimente yarafoc? 31Sovini ayum kanaki mugemi , yeni yogeno, sato yunam yum ukami mana magagac bemi. 32Yodami,apamem iyena emi anayokim benim yunanuba i yesakemi iyena ugamemi, iyena ayamani apamemi, inarumpa bam nunuc i yereni anam uwarateno, mini agokom."33Amuna baigam bayani manugami beni yiyimemi, yeni indimam ayogugu ogovani, 34beni baigam bayafoni yemi yiyimevami. Beya bemi, beni mini baya andauc baidem beyic yogam baintauc yiyimemi.35Mini nuram ayigaki evami, beni mani sirem yemi yiyimem, "marayarac ena avafac bono." 36Batanasi yere yinkareni, Jisasim avic madareni, feya gumandim kenugimi o'kumandeni beno. mana'a kenuva i yenama beno.37Iyena sisovani gukaremi, nomi avandemi kenugimi umpekemi, adeka i mini kenugim nomi utigem.38Jisasi beya omi yinaipa i dugem bagemi sagokac anon dem. Yeni bemi orureni, seni,"Tisao, Mayau yani iye indanami mayauni adekac fukote yamu?" 39Beni ugukemi sisovani asemi, afo nomi samemi, "agec! gaki ano!" afo miniga i sisovac maro gaki emi.40Beni Yenani mani sem, "Nevara yigeni fegegac? Yigeni bilipi iyen dugami?" 41Yeni onom fegari eni yeyirani mani seno, "Beni iye bana i, sisova vac nom ben avaya indeyafoc?"
Chapter 5

1Yeni anon nom bam ena avafa i yereno, Gerasenesi magusim. 2Jisasi kenukinge adem mapa kumevami, mana bainta manda spiriti dukayi bec vampa yemi,baintauc fuom masi eyom masi kinke.3Banta fuom masi'am masikim bam baintai. Mayac bemi iye uyaganonami, nam fogevac iye daminonami.4 Amuna yac i damurami nan dakagemi. Mana bainta erani iye dukanami, bem fagatim.5Masiden ayufum bac bayamkom bac banta masi eyom masi kingevac anufatevac, beni bademi avayenim oc fokei ben ouc akefemi. 6Nempate Jisasin onaremi, bevampa iyayem yeremi ben arafim agon noyamdemi.7Beni iyenaga baduremi semi,"Nec seni emi uwaragano, Jisasi'o,yanafa ugam bam Kotin agage? Seni Koti avikimi emi inda ego, manda iyevaga usikano."8Beni benani semi, Mini bainta kinge mapa kumono,manda spiriti o."9Beni bemi indac emi, "En avic iyefic?" Beni sem, sen sivic i ami vec, mayauni amuno beyamu." 10Beni bemi inda uremi enayabac i inda emi, yevege ena yabac iye'vaga yemi yiyikano, mini magusim.11Amuna foruc sato anukimpa dafisami, 12yeni bemi inda'eni, seni, "mayau sisikamam fokim dano. 13"Minugami beni yiyikani beno; mini manda spiritiuc mapa ade kundeni fokim ofegeno, mini foruc anu kimpa iyayem kumemi nokimi kucpegeno ,amagac tu tauseni foru i nom namandeni fugeno.14Fonka dafisam baintauc iyayec beni yiyimeno,nenec apamenafic anom magusim bac mana'ac maguyu beyom kimpa bac, minugami bantanasi benoc mini onarani. 15Yeni Jisasi vampa yereni oneno manda spiriti dukam bainta, mini manda spiriti dukakenim bainta, miga i kumantagemi, beni ayogu indim mademi unam bado urem miniga kumantani; yeni fegeno.16Banta nasiva onauyec mini andadava apamim, manda spiriti dukam baintagim, ate'ideni yemi yiyimeno,yeni forugani yemi yiyimeno. 17Yeni, bemi sameno mayausi magac yerereva e'e'bono.18Beni kenugim aden udami, manda spiriti dugakenim bainta semi, enamac birare. 19Afo Jisasi eyo iye semi, afo benani semi, "eyamapa vac eyi bantagim oreva eni yiyimeno Jisasi ecna ofa eninam, beya emi ickeni urena avabac yoc avigenafic".20Afo beni yererem bemi gugandem Dekapolisi beyouni yiyimemi Jisasi ben ofain narec, maside baintanasi indire yindui reno.21Jisasi yevegemi genukim adu emi ena avafac bemi, amuna bantanasi yereni bemi yeugeno, non avafac banga i. 22Mana bainta manka dafitayic ben avic Jairusi, beni yeremi Jisasim onaremi, ben akantim agon noyamdem kundemi. ( 23Beni Jisasim inda urugemi yevege inda emi, semi, "Senti ramumi adekai fugiran evago, Seni emi inda ego, yerevac en ayam benka danana yevegem asofa ena fac ayum bano." 24Afo Jisasi benamai bemi ,amuna bantnasi bemi avagureni, ben adeka beni bemi avegeno.25Mana inini migimi bagemi,tolfiac oradegai beni igona onam yevami. 26Beni amuna doktau i yonemifo ofaini iye maremi, beyic andadauc yenkai masidenugami gaki emi, ofaim marasifoc beni ac anene iyena ugamem. 27Jisasin avaya indiremi, mini inini Jisasi anaimpa yeremi bantanasi utigaga kinke Jisasini unam bado arac ni ayoga emi.28Mini inini semi," Seya beni unam bado ayoka ege, Seni sisofate'uc." 29Mini sirem ayoga ine, migai igona onagenim gaki'emi, mini inim ben oc bo'urem onami beni ac gaki emi..30Jisasi agaga ugami indemi ben okinge beni eran iyayim. Bantanasi kinge bai emi semi, "Iye senti unambado ayoga ene?" 31Beni yogam baintauc bemi sameni, "Eni onano amuna bantanasi enka agac keno, eni semi, 'Iye siyoga eno sanami?" 32Afo Jisasi bai'emi yonam bemi iyec mini uwarenafi.33Mini inic'ni, indemi ne i benka abamenafi, beni fegemi dudumemi. Beni yeremi jisasi banka agon noyan duremi masidem fuga baya sasamemi. 34Jisasi mini inim samemi, Senti ramuno, eni bilipi emi ofa'emi. Bono arac sadagem ban namac,en ac i gaki emifoc."35Jisasi fac ac sevami, mana'ac baintauc mam manga dafitauni yereni seni, "Ena ramumi fuc i keno. Nevarac tisami uman ameva?"36Jisasi yeya sem baya iye indemi, beni mam makim dafitam dafisini i sasamemi,"Iye fegevac bilipi ono." 37Beni mayac benamac iye yegovani semi, Pita, Jemsi, Joni Jemsi afac avac yivi mandaremi bonoc. 38Mam maga dafitam bainta amapa i yeremi beni yonami bantanasi amuna kasayevami; yeni badureni anon ific devami .39Beni naukim umpe emi, beni yemi yiyimemi, "Nevara yigun anene marekac ifidega. anita iye fugemi fani onic dugemi." 40Yeni benani imi siakeno. Masidem mapa yiyikamam demi ,anita afombac anombac benamac bageyouc yivi madaremi anita benikim upe keno.41Beni agita ayakac fakaremi bemi samemi,"Talita, goum!" mini baya anda, Sato aginta o, Seni enani sego, ugukano . 42Agaka ugami mini aginta ukukemi bec'mi (tolfia orade dukam aginta).Yeni mini onareni yeni yindui reno. 43Beni eran bayani yemi yiyimemi semi, e'acna mayavac mana iye indego.Beni yemi siyimemi yunam amina nano.
Chapter 6

1Beni mifac yereremi beyi magusim yimi. Beni yogam baintauc bemi avagureno. 2Sabati yimi, beni yiyimevami mam makim. Amuno ben avaya indeuyec yindui reno. Yeni seni, "Igenifate mini bayani marene?" Mini indini iye amene?" Igeni ugam yokarac ben ayakige marenafic?" 3Manai mac uwarevam baintafic, Meri agac Jemsi, Joses, Judas, simonim yifac yiva i? Ben ayomagu yugonama iye beyafo?" Jisasi arac i manda u'akeno.4Afo Jisasi yemi yiyimemi,"Profeti maside magusim avi i dugemi, afo beyi magusimac beni mana agukim bac beya makim bac, avic dugemi." 5Beni anom yogani iye maratemi, mana mana yic baintauka ayam dem yeyic yic gaki ayikantemi. 6Beni anon andu i remi benkim iye bilipi am.Afo beni magusimpa nomi Koti avaya yiyimevami.7Afo Jisasi tolfiac beni yogam baintauc yararemi kantari uremi yiyigemi, beni eran yimidemi yiyikemi bega manda spiritiuc yomandam fasadago, 8Yemi yiyimemi mana anene iyevaga mare bogo, binona yadiva fakano- bretivac, unambac iyevaka maragi, monibac iyevaga badoc.9Su manavac yikantim inagofoc kantan unambado iyevaga ogo.10Beni yemi yiyimemi, "Yigeya makina ofegege, migim bega miginke yec ade bogo. makim fac bega miginge bogo. 11Mana maguya yigem iye yivikeyafo, yigen yivaya iye indige, yikantigena fompom dundun yaregai bogo, yeni inditeno yeya uwara andaka umani marateno."12Yeni benic bantanasi yiyimeno yindum begakovani. 13Yeni amuna manda spiritiuc mandam fasac devano, yeni amuna yic bantanasi basavem acyikareni yemi yisofayikeno.14King Heroti minivam indiremi, Jisasi avic, iyena ugan imi. Mana'a bantanasi seni, "Joni nom manyi keniyic fukan kicge ukugakemi, minugami mini eraruc dukemi mini yogam beni maremi." 15Maya'ac seni,"Beni Ilasaino."Maya'auc yaba i seni, "Beni profetino, Feya bageyom profetiuc mono."16Heroti mini indiremi semi, "feni seni Jonim amenic akefe umpe, afo yevegena ukugena." 17Heroti bantauc yiyikarani Jonim o fagareni dumeno, Herodiasi nani (beyafac anac Filipic),nevarafi Heroti bemi madugemi.18Joni Herotimi samemi, agoni ugayami eyafac anac maranami." 19Herodiasi Joni nam anom aramkami, Jonim aruman fugira indemifo, beni amagaki iye emi,20Heroti Joninani fegemi; Heroti indigakemi joni ayogu atekam bainta Koti ogakac bacmi, Heroti benka ayogugu uremi dafisevam. Bec sim baya indiremi amuna indiri emi arac umani maremi.21Mana nurami Herotim magayom nuram yimi anon yunami yukaremi beni kavmanikim yogeyom baintaubac yiruim baintauyic dafisiruc Galilic dafisiruc yarani yevami. 22Herodiasin aramum yeremi yen oyokac agomakemi, beya agomakane Herotivac beni dafisiruc anon yiyi karamemi. King nano mini agitami samemsamemi, sec vampa inda ono nevarac emi ayenafic, seni emi amite'uc."23Beni mini aginka samemi, "Nenevarac emi ayenafic inda inaga ameno, seya dafitana kingdomi abana dainde i ameteuc." 24Beni oremi beyanom samemi,"Seni nevara inda ono?" Benano semi, "Nom mayic kenim Jonim anon nanare." 25Mini akinta agaga ugami bec vamba oremi beni inda emi, semi,"Mage ugam Joni anom yasac uwantam yokim devac simenoc."26King nec anon agun anene maremi, bayani bani siman uyadukemi mini agintava inda enim, nevarafic ayorim maranani nani beyic anom dafisiruc yogakac. 27King mano beyic aruim baintuc yiyikaremi Jonim anon moro akefareya mareyegovani. Kinka dafisevam bainta oremi Jonim anom agefemi dumeyom magim bankac.28Beni Joni anom yocgim demi mini aginta mare amimi, mini aginta beyanom mare amemi, 29Jonini yogam baintauc mini indireni, yereni Joni oc yemandeni avige maro masikim masi eno.30Jisasini yokam baintauc Jisasi vampa yereni bemi sameno yeya uwaram yokara yiyimem bayayuc. 31Afo beni yemi yiyimemi, "Marayara bantavac iyevam magufa moro saudano."Amuno yereni benofoc, yeya yunam nanayom yamu bac iye dukageno. 32Afo yeni kenugim adu'eni banta iyevam magufac beno yeya'om.33Bantanasi yemi yonani beno, amuno yemi yoneno, maside magusige magakac iyayec beno Jisasi bevampac, bantanasi yecnare ovami Jisasiuni inaimi oreno. 34Yeni non avafac yereni, Jisasi anon bantanasi yonaremi agun anenec manyic kemi, nevarafic yeni sipisipi kana yenka dafisenim banta iye ban kanac. Afo beni gugandemi amuna andada yiyimem.35Ac kupegevami, benic yogam baintauc bec banka yereni sameno, "Manac baintauc iye bam magusa'i bami ac'i kupekemifo. 36Yiyikanaya adeka bam magusimpa beya yunam ayac ureya nago."37Jisasi yemi yiyimemi, "Yige yunam yem yimiya nacgo. "Yeni bemi sameno, Amana mayouc beyara karr andret kinagac bananim breti ayac urec yimiya nanteyafoc?" 38Jisasi yemi inda'em,"Nadec breti yeni dugeka? Begac onago."Yeni oreni afakareni seni, mana yamam bretivac kanta kauya dukeyoc."39Beni maside bantanasi yiyimemi dain'dec atasac gumando bogoc siremi semi. 40Yeni daindeni anret fiftia bagusimi guman deno. 41Beni manac yac'mam breti vac katam noyac mandemi, inarumpac kakac emi susu siremi mini breti kidiremi benic yogam baintauc yimini mandeni bantanasi yimeno. Beni katam noyabac i yenamac daimemi.42Yeni maside nec venic amakaki meno. 43Yimudani breti araya bac noya bac tolfiac unami utikeno. 44Mana yaman tauseni bantanasi yeni breti neno.45Jisasi beyi yogam baintauc akaga yiyikani kenugim adu'eni yenare beno ena avafac Betsaida, Beni bantanasi yiyikara bami. 46Bantanasi yererec bami, beni anufa i uremi ogam mugirani. 47Ayinkaki evami, kenu anon nom abanapac bami, afo beyac non avafac bakemi.48Jisasi yemi yonami anom fegarimeno kenu baikari imi, sisovani eran yiri memi yevampa. Banuram dakagara evami Jisasi yevampa yemi, non naroc yemi, beni yem yesakarem birani. 49Afo yeni ben onami non naro yeni, yeni indi'egeni bac'mi yemino sireni baireno, 50nevarafic ben onareni anom fekarimeno. Akaga ugami beni ac yindemi, beni yemi yiyimeni, erar ugako! mini senumpoc! Iye fekago!"51Jisasi yenamac kenugim adem undami, sisovac migai maro kagi'emi. Yeni anom yinduireno. 52Yeni onde indi iye meno nevarac bretivam sikenafic. Yen yinduni eranukagemi.53/v 53 Yeni nom kadeni ena avafac beno, afo yeni Kenesareti yereni kenu miga deno. 54Kenuc kinge ade mapa kumomi, agaka ukami bantanasi yemi yoneno, 55Yeni maside avafac iyaye oreni bantanasi yiyimeni, yic baintauc yeyic gugutakim yivige yeno, Jisasi beno sempa.56Igeni sato magusina beni benafic oc iyena magusinafic,oc kantrikin nafic, yeni yic baintauc yivige yunam meyani eyom magusina yeyafoc. Yeni Jisasi inda eni seni, e'ac'nayara eni unambado arac ayoga ogo, masidevac bena ayoka'ouyec yeyic yic i kagi evami.
Chapter 7

1Anom baintau bac mana'a indim baintauc Jerusalemike yereni bemi yeukeno.2Yeni yoneno mana'ac beni yogam baintauc yiyam iye ugirani fairi ugam yiyan namac breti nami 3Indim baintau bac Jiuc yunam iye narukeni yiyam ayogugu urec sesec ureni yunam nenno, nevarafic, yeni yinafuc yigaga unam yivayac ugorevano. 4Indim baintauc yunam meyani eyom magufate yereyec, yeni yunam iye narugeni nodureni yunami nenno, yeni amuna adadauc i fakarukeno yinafu yigagauc yiyiminuc, manem kapi,kurac,disic, yunam deya neyom sagobac i sese urugeyec.5Anon dafisiru bac lo idim baintauc Jisasimi inda eno, "Nevarac enic yogam baintauc yinafu yigagauc sirugam baya iye avagure yafoc, yeni yunam neyafoc yiyam iye ukiran?"6Beni yem yiyimem, Asaiya yigeyic mandavani sirugami. Umac baintauc. Afan yogimi agatemi, Mana bantanasi yivatinge semi manti sikeno afo yegeyic yidure neka ugami bemi. 7Fani senka mam senofo, bantauc yivaya mande yemi yiyimeno.'8Yigeni Kotini lo yivingare i bantaucyi avo ava erarure fakami." 9Jisasi yemi ena yaba yiyimem, "Yiken Kotini lo yinaini urei yigeyi avo ava anda avagurami! 10Mosesi semi, yigeyic yinoc yifoc yivaya vac avagurogo',Iyefi beya nombac beya afombac manda baya siyigege beni fukiri mana mintemi.'11Afo eni semi, mana bainta beya fombac beya nom nam sem, " nec nene ofa'irac sec vampate marefec mini koban, " (mini baigam bayafate sem,andadavec, Koti yemimic.) 12Afo eni bemi iye sasa minonami beya nom afom yofac inovani. /v 13 Minugami yigeya adadauc uwarane yige yinafu unam bampate marami, manac ugam adadauci yigeni uwarami."14Yevegemi bantanasi yararemi yiyimemi, "Seya senuna indego, yige maside, indi ugara ogo.15Andadavac mapac bananine manac bainta kinge,mini bemi iyec fari u'ackatemi benkina umpe kananim. Banta kingevac gumi nanine mini bemi fairi u'acgemi."17Jisasi bantanasi yerec yickaremi makim upegemi, Benic yogam baintauc i mini baigam bayavani bemi inda eno. 18 Jisasi semi, "Yigeni indic ugan iyec ami? Minukai yigeni iye indigamic, nec nene andadafic mapatevac bantakim upekenine, mini banta fairi iye muakantemi, 19nevarafic ben adutim iye bintemi, ben arakimi oremi mifate aramasipa bintem?"Mana bayakimi Jisasi simam faban emi maside yunam sesemugemi.20Beni sem, miniva banta kingeva kumenine mini bemi mandan fairi uacgemi. 21Banta adun tabatevac yecnine, manda indiru i yemi, bantavac anasi manda anda uwareyonafic, umoreyomfic, banta yirumam fugeyomfic, 22Enac anac namac manda anda uwareyonafic, ennac andada onareyac manda indim maranafic, afo amuna manda anda uwareya, ena uma siyikeya anam kayanac, ena yirac uman yimeya ena ayacnam yimanac, baya iye indeya oc'em andavac uwareyonafic, 23Madem mini mandac anda yige yindutigem yemi, miniuc i banta mandam anagayigemi.24Mifatec beni ugukemi Tai bac Sidoni magufac bemi. Mifatec mana magimi ofegemi, bantavac ben iye onagovani, bec bananimpa, beni iyec omanditem 25Mana inim bena ramum, sato agita manda spiriti dukayi indiremi yerem ben akatim yandemi.26Griki ininic, fonisia nantige yicgayic. Mini inini jisasimi inda emi,manda spiriti bena ramukim bam yomandam fasac dano vani.27Jisasi mini inini samem,"Anagagu nare yunam yimi dukegai. Mineka anagakuyic yunam mande iyanuc anuc yimifo." 28Mini ininic yevegemi bemi samemi, "Eyoc, iyeno, iyanuc anagakuyic yunam sagoc agatinke mandem nemi."29Jisasi mini inini samemi, "nevarafi eya senavec, eni amami binoc nami. Mini manda spiritiuc ena ramukinge ac i bemino." 30Mini inim yevege beyac makim oremi beyac ramum onemi, mini manda spiritiuc yere ec'em bemi.31Mini magu Taic yerereni Saidoni avafac Galili nompa oreni,migacke Decapolisic makusimpa beno. 32Manac agam uyagam ondem ac iye sevam baintami avige bevampa yeno, Jisasim avageno ayam benka danovani.33Banta kinge avige avafac maroreni, ben ofac agakim demi, agac'no ofakac kutiremi mandemi ben anafimi ayoga'emi. 34Minu remi inarumpa gaka'emi, ifidari uackami, bemi samemi,"Efata,"mini baya manic sigemi, "Diyenoc!" 35Ese i ben agami diyemi, avam maka tigakenim di'imi beni ani semi.36Jisasi yemi yiyimemi mayama iye yiyimegovani. Beni yemi agoni ugam muyigem, iyeino,yeni erarureni bayani senoc. 37Banta anasi mini baya indireni yinduc dureni, seni, "Beni maside anenec ayogu uwararimemi. Beni yagam uyagam dirani indemo, yivam makatigauc ac seno."
Chapter 8

1Mini yamu kimpai, yevegemi amuna bantanas yec uyeno, yeni yunam nanayom iye dukageno. Jisasi beyic yogam baintauc yararemi yemi yiyimemi, 2"Seni yec uyugam bantanasi vani sigu anene man'yigego, yeni senamac kanta manavac nurani ureni becni yunam iye nenoc. 3Seya yiyikanaya yeyi mampa yunam iye naram beyec,yeya asampa beyec o yanditeno. Maya'ac neckage yevenoc." 4Beni yogam baintauc yevegeni bemi samenoc, "Igenifatec breti mandeyac mana bantanasi yimiya nateyafoc, banta iye vampa?"5Jisasi yemi inda emi, nadec breti yigeni dukekac?" "Yeni seni Seveni'ac dukeyaroc."6Jisasi bantanasi yiyimemi magagac gumando bogo. Beni sevenia breti mademi susu sirem kidiremi. Beyic yogam baintauc yimini bantanasi yime beno.7Yeni mana'ac noyaba dukamimadem susu siremi, beyic yogam baintauc yiyimini mini noyabac mandeni bantanasi yimeno. 8Yeni nami yimu dani, neyac yereran arac yunanuc yureni seveni'ac iyena unakimi badeno, 9Amaka foc tauseni bantanasi nenoc. Minuremi beni yiyikani benoc. 10Agaka ugami benic yogam baintauc nama ic kenukim inda emi, afo yeni Dalmanuta magufac benoc.11Lo indim baintauc yereni Jisasi namac bayayuc senoc. Yeni bemi inda'eno, inarumpatena eran uwarana onarani, bem makasirani. 12Jisasi beyic ayoc intagim uman mandemi sem, "Nevarac mage beyom bantanasi andadac uwaranovam inda'eyafoc? Fuga ugami seni yigemi yiyimego, mana eran iye yimintemi mage bam bantanasic." 13Yem yere yickaremi,kenukim yevegem adu'emi ena avafac bemi.14Jisasini yogam baintauc yivim kareni breti iyec mare benoc. Yeni mana bretiva kenugim iye dugakenoc. 15Beni yemi yiyimemi, semi,"Fayac dafite bago indim baintauyic bac Herotini yisivam."16Jisasini yogam baintuc yeyirani baya sec ore'yerec eno breti iye dukeyo'nani. 17Afo beni minivam indiremi, beni yemi inda'emi, "Nevarac breti iye dukanam bayayuc sega? Yigeni iye onec i iye indamic? Yigeni indini iye dukaminoc?18Yigeni yogam dukamifoc,iye onami? Yigeni yagam dukamifoc,iye indami? Yigeni indegafec? 19Seya manac yamam breti manac yamam tauseni bantanasi nama kiduna, nac'dec unana utikagam breti arayuc marege?" Yeni seni, "tolfi'ac."20"Seya seveni'ac bretiva eriyevam tauseni baintanasi namac kidunave, nac'dec unanac breti arayuc utikagam maregec?" Yeni bem sameni, "Seveni'avec." 21Beni sem, "Yigeni onde iye indamino?"22Yeni Betsaida yereno. Mifac beyom baintauc i ogam afakam bainta avige Jisasi vampa yereni sameno, ben ayoka inovani. 23Jisasi ogam futigam bainta ayanka fakaremi avigem magusinge mapa kundemi. Ben ogakac agano kutiremi ben ayam benka demi, Jisasi bemi inda'emi, "Eni andadauc onefonoc?"24Yanafac gaka'emi sem, " Seni bantauc yonegoc yeni yayuc kana i orec yerec eyo." 25Enayaba i beni ayam ogakadami, mini bainta ogam magemi,ben ogam ayogugu imi, maside aneneuc ayoguc onari emi. 26Jisasi ben sasagam benac mapa bevami, samemi, "Magusim iyevaga bonoc.27Jisasic beni yogam baintauc nama i Casarea Filipic beno. Asapa bemi beyic yogam baintauc inda'emi, "Bantauc senani iyene sireya seyafoc?" 28Yeni mani sireni bemi sameno, "Joni nom manyigevayic. Mana'ac Elaijavec senoc,' aka enoni seni, Manac profeti."29Beni yem inda'emi,"Yigeni indi egec seni iyec begafuc?" Pita benani semi,"Eni iyenoc banami." 30Jisasi eran bayani yemi yiyimemi enouc iye yiyimegovani benani.31Beni gukademi yiyimemi, bantagac amuna umaru i maratemi, yinom baintauc namac manka dafitam yinom baintauc nama loc indim baintauc bemi yinaimi ameno, ben arumam fudami, kanta manavac nurami ukukatemi. 32Mini baya afota i yiyimemi. Afo Pita Jisasim avimam avafac demi asem'mi.33Jisasi bai'emi beyic yogam baintauc yonaremi Pitam asemi, "Sinaimpa yanka onoc, Banano'noc! Eyic indini Kotini andadaukac iye danami, bantauyic andadauka i eyic indini danami." 34Minugami bantanasivac beyic yogam baintauc yaramam managim demi, beni yemi yiyimemi, "Iyefic sena sivagurintene, beyam avikarena, beyic kekayac mandena semi sivaguric.35Iyefic beyam ofa'irara indene, beni oyoc kantemi, iyefic sen sivigim bac mam bayagac ben aum oyogene, beni iye gakiam aumi maratemi. 36Bantavac mana magagakena andadauc dugatemifoc, mini bainta i oyoc kantemi? 37Banta nec meyana yimitenafic ben aum ovegem mararani?38Magec beyom bantanasi iyefic senarafic sen sivayavam yiyoreyec, Bantaga i benani ayoritemi beya beni ategam enseliuc nama beyafoni eranama yinanicka."
Chapter 9

1Jisasi mani siremi yemi yiyimemi," Fukac sirec i yigemi yiyimego, mana'a baintauc magac ugukakauge iyec fucge i Kotini kindomi eranama yevana i onana gomi." 2Siks'siac nuram yaka'imi, Jisasi Pitam bac Jemsim bac Joniuc yivic mandaremi iyac anufac urenoc, yeya'omi. Yen yogakai baikemi. 3Beni unam bado efaric ugamemi, gakamani anemi, mana magagakena bainta amakac iye doc yinonamic.<<<<<<< HEAD2Yimonami beni kato waita yu fairaga ayanampa yunanewami. 3Inti waitaunampa judau yiyami seseurem yunami nevemono, naiyeyara, mini yenti wafa kena waitauyi antamino. 4Inti waitauyi mageti magufa yevem savimi inevemono, naiyeyara, wafakena anene ameure marewane, kapuyu, kurayu, kora'ya yau'u nampa.=======2Yimonami beni kato wait yu fairaga aiyanampa yunanevewami.3 Inti waitayunampa juda yiyami seseurem yunami nevemono, naiyeyara, yenti wafakena waitayui antamino.4 Inti waitayui mageti magufa yevem savimi nevemono, naiyeyara, wafakena Anne, kapuyu, kurayu,, koraya you nampa.>>>>>>> d092a098f900d7f097d50aec0721effbc7b927b94Elaiya bac Mosesi nuc ye beyokai afotagi enoc, yeni Jisasi nama i asevano. 5Pita Jisasimi samemi,"Rabi'o, ayogu ino yugonama managa banac, afo e'acnayarac kantam manavac mac uwayikano, mana enindai , mana mosesi inda, ena Ilaiya inda." 6(Beni iye indigam nec bayaya beni senafic, yeni fegenoc.)<<<<<<< HEAD5Anon intin waita jesumi intaemono, naugaya eni kato waitayuano seyani anom waita ya yu romudem yiyanui bu seseinti yunanu newam.=======5anon inti waita jesumi intaemono, naugaya eni kato waitayuano seyuya anon waita ya yu romudem yiyanyui be seseinti unanyui newam.>>>>>>> d092a098f900d7f097d50aec0721effbc7b927b9<<<<<<< HEAD6Yen yiyimem, aisaiyami kasinampa waiyafikem yigemi wau'u yuge sem mana ini waita semi yibukakem setivi yanievemono, minuga mifo ye yirai senampa neka wane. 7Fami seka mono waiya sevemono waita ya mante yemi yiyime mono.=======6Yen yiyimem, aisaiyami kasinampa waiyafikem yigemi way,u yuge seem. Mana ini waita semi yibukakem setivi yanievemono minugamifo ye yirai senampa neka wane.7 Fami ska mono waiya sevemono, wata ya mante yemi yiyimeno.>>>>>>> d092a098f900d7f097d50aec0721effbc7b927b97Gonam yeremi yemi dademi. mana arani gonan kinke yemi,"Macna senti Gac ino. Ben avayavac indego." 8Agakac ugami yeni yonaman yeugeno, yeni mayambac iye oneno, Jisasi beya omi bagemi.<<<<<<< HEAD8Yigemi kotinami ifadei wata ami awakurewane. 9Minisirem yiyimem iteniugaya kotin ami lfade eyi awu awa fakeve! 10Mossesi sem, yigem yinafo yami awakurogomini buyite fuginagone.=======8yigemi koi ami fade wata ami awakurewane.9 Minisirem yiyimem itenugaya koti ami fade eyi awu awa fakeve! 10Mosses sem ,yigen yinafom yami awakurogo mini buyite fuginayone.>>>>>>> d092a098f900d7f097d50aec0721effbc7b927b99Yeni anufate kucmami, beni yemi yiyimemi mayam bac iyevaga yiyimego, nec neneva yeyac oneyom, bantaka fu'em ugukena urinani gaga yiyimego. 10Afo mini andada ayomparam yekim bagemi, Yeyirani minivam senoc necvara "fuc'eya ugukeyonam" sigenafic.11Yeni Jisasimi inda'eno, "Nevarac indim baintauc seya Elaija ananta yintenafic?" 12Jisasi yemi yiyimemi,"Elaija ananta yeremi maside anene antekenafic. Nevarac agatenafic banta agac amuna anenegim umam marena bemi mandac si'akeyafoc? 13Afo seni yigemi yiyimego, Elaija yine, yeni yeyic ayini avagurenoc yeya nene benka uwararafoc, Benani Kotini afan yogim agatagemi."14Afo yeni yogam baintauc bampa yereni, yeni yonenoc amuna bantanasi yem yeugugami, indim baintauc yenamai bayayuc sec orec yerec enoc. 15Yeni Jisasin onareni, bantanasi yinduc dureni bevampa iyaye undeni bemi ayogugu uan'kenoc.16Jisasi beyic yogam baintauc inda emi, "Nevarac yegeni yenamac bayayuc sec oric yerec egac?17Maya bantanasi kinke semi,"Tisa'o, sentigac i evampa avige yegoc. Beni manda spiriti dukami miyic minurami ani iye sevago. 18Bemi inkandemi acnumam magapa demi, agarec avatige gumimi, avam makatemi, ben agarr ayam apusemi. Eni yogam baintauc yiyime i manda spiriti yomandan fasac dagovam sunani yeni iye minenoc." 19Jisasi yemi mani siremi yiyimemi, iyevac bilipi'am bantanasivec,nadeyaga yegenama begafuc? Nadec yakac yigeyic umani marekafuc? Ben avige sevampa yegoc."20Mini inta avige bevampa i yenoc. Mini manda spiriti Jisasim onaremi, agaka ugami mini inta avekarami. Mini inta yandem magaga kumimi ben avatinke agarec kumemi. 21Jisasic mini intan afomi inda emi, "Nac'dec yaga beni minukenafic?" Benafoc semi, "Anintagake minugemi. 22Bemi mande igakinafic nokimi anevami, bemi aruman fukirani. Afo eya nec nene uwarantevec, mayauc sigum kasinkareva sofa usickano."23Jisasi bemi samemi, "Eya amagaki ugevec'? Eya bilipi evec maside anene amaka i uwaranonami." 24Agaka ugami mini inta afoc baduremi sem,"Seni bilipi mego! Senti bilipi sofa onoc!" 25Jisasi bantanasi yonami yec vampa iyayec yami, beni manda spiriti asidemi sem, "Eni avam makatigam bac agam kandogam spiriti banami, Seni emi sasamegoc, ben kinge mapa kundevac,benkim enayaba iyevaga ofegano."26Manda spiriti iyenaga baduremi mini inta eran avekari uremi, ben kinke mapa yaka'em. Mini inta fukeyon ami dagem bagemi, amunoc seni" Beni fuic kemino senoc, 27Jisasi ayanka fakaremi diri aman yani u'ankemi.28Jisasi naumpa yerami, beni yogam baintauc yeya banka bemi inda'enoc, Ikeni ugayarac mayauni manda spiriti manda fasac iye deyarafuc?" 29Jisasi yemi yiyimemi,"Mana i fac manda spiriti fasac iye danonami, yogam mugim foge mana mandam fasac danonami."30Mifate yeni Galili asac yeni yesakeni benoc. Beni enoyabac iye indegovani, yeni igenifaga beyafoc, 31beyic yogam baintauc i yoc yivigevami. Beni yemi yiyimem, "Bantaka i mandam namugouc yiyakimi danagomi, bemi aruman fugitenoc. Beni fuc inani, kanta manavac nuram anaimpai ukukantemi." 32Afo mini baya simic onde iye indi eno, yeni fegeno ben inda irani.33Yeni Capenaumi yereno .Naukim iye umbemi beni yemi inda emi,"Nevara asapac yecga sevagec?" 34Yeni kapinagara menoc. Yeni asapa yeni yeyirani sevanoc iye i yanga ugenafic . 35Kuman domi, beni tolfiac beyic yogam baintauc yaraman demi yiyimemi, "Iyefic anaric irara indevantene, beyai arasabakiga ic, yogam baintauyic yogam baintava bac."36Sato inta avi'egem yem yibanampa deni. Ben arutim fakaremi yemi yiyimemi, 37"Iyefic manugam inta avimam sen sivigim devec, semi sivikanami; iyefic sem sivikanavec sena sivikanana'ino,iyefic sem sicsic kami bemi aviganami."38Joni benani semi, "Tisa'o mayac'auc en avikim manda spiritiuc yomandam fasac devayami, mayauni bemi agoni uan'geyaro, nevarafi beni mayauc iye sivagurevayic." 39Afo Jisasi semi, "Bemi iyevac agoni uankago, mayac minugam eran yogani sen sivigim iye maratemi, mayac manda bayac iye sintemi senani.40Iyefic yugonama iye namugo usikene beni yugonama sinda bemi. 41Iyefic sen sivigim mana kapi nom ya'ac minanivec, fugac seni emi samego, beni beyic meyami iye oyogatemi.42Iyefic manugam intaga seckim bilipi evayic uman aminana beyac yadene, mini ayogugu mintemi benac iyena oc mande amenta damure mare nokim maro aninona. 43En ayanac manda adac uwarevanavec, akefaman anoc. Mini ayoguino mana ayam dukec, iye gakiam aum marac, minevac kantam ayam dukanaya emi mandeya manda magusim anivec, iyevac dusiminanim igakim. 44(1)45Agarac manda andava uwadukana intevec, akefaman anoc. Minevac kantam akan dukanayac akefareya igakim anivec. 46(2)47En ogana manda anda uwadukanavec,ogam fitiman anoc. mini ayoguge mana oganama inarum magufa binona, katam ogam nama banane igakimi mande aniteno,48Sato maginuc iye fukiram fac bakim, iyevac futimevam igagim.49Maside icga magusim oveni yicnavisi marateno. 50Sorec ayogu i, afo soreva benic aseya gaki ene, ikeniga urec uwandanana i yevegem sorec kantenafic? Yugonama sore kanaga ugano, minugemifo enouc namaga mana sirakac banoc."
Chapter 10

1Jisasi mini magu yere e'emi Judia magu avafa i bemi Jodani nom ovenimpa , bantanasi ovegeni bevampa yenoc. Beni yevegem Koti avaya yiyimemi, fec beni yiyimevaga i bami beni minemi. 2Indim baintauc bec vampa yereni, ben makac sirani bemi inda'enoc, "Yugonamasi lo eyotigenafic banta beyanac sasakananim?" 3Jisasi yiyimem, "Mosesi nevec sirena yigemi yiyimenafic?" 4Yeni seni, "Mosesi eyo semi mini banta afan yoc uwandemi mini inim amidem sasakanami bintemi."5"Yigeni baya aram bantanasi bami Mosesi mana lo agademi yimemi," Jisasi mani sirem yemi yiyimem. 6"Kugarantapac Koti masiden anene mana magaka uwademi, 'Koti bantavac anasivac i uwaremi,'7Mini andaka i banta beyanom bac beyafom yere ec'emi beyanac nama managim bantemi, 8mini kanda mana buc mineno, Yekanda mana mana iye benoc yekanda mana buc mugeno.9Minukami Kotivac kantam mandem manakini urukana, e'acnam banta iye dackaga."10Yeni naukim bami, beni yogam baintauc i yevegeni bemi minivam inda enoc. 11Jisasi yemi yiyimemi,"Iyefic beyanac sasakarena ena iniya marene manda anda mini inicka uwarantemi. 12Afo mini iniya beyavafum sasakarena ena baintava marene, mini inic'ni manda anda uwarantemi."13Minugami yeni sato intakaguc yivige bevampa marerana beni yemi yiyoka inovanic, Jisasini yogam baintauc yemi yisenoc. 14Afo Jiasasi mini indiremi, bemi arankami yemi yiyimemi,"E'acya sato intakakuc sevampa yegoc, yigeni yemi iye dadago,Kotini kindomi minukau yindava i bemino.15Seni fugac sirec i yigemi yiyimego, iyefic sato intakana Kotini kindomi iye marene, inarum magusim iyec uritemi." 16Minuremi anagaguc ben ayakim yiviman demi ayogu baya yimemi ben ayam yen yinokac demi.17Beni kugandem bevami, mana baintac iyayem bevampa yeremi ben akatim agonoyam duremi inda'emi,"Ayoguke tisa'o, ikeniga urec iye kipam saum marano?" 18Jisasi semi, Nevarac semi sividec ayoguke seva? Mayavac ayogu iye bemi Koti bey'omi ayogu bemi. 19Koti avayauc yikeni indikami: 'Ena iyevaka arumam fugoc,ena bainta anac iyevaga manda anda uwaranka, iyevaka umorogoc, ena umac siankarec beninda anene iyevaga marac, eyafom bac eyanonuc yivayava indec."20Mana bainta semi, Tisa'o, mini bayayuc anintakage avagure yeva'uc." 21Jisasi ben onaremi bemi avabac memi. Jisasi mani sirem samemi, "Eni mana anenekimi afakanami. Maside anene eya dukanave meyani urevac mandeva andada iye dukauc yimec, minurevac inarumpa andadauc duka.Afo yenoc, sem sivagurono." 22Mini baya sirami manda indin mandemi agun anene mademi beni yereremi bemi, nevarafic beni amuna adadauc i dukemi.23Jisasi yonamam maroremi benic yogam baintauc yiyimemi, "Amuna andadauc dukanayom baintauc Kotini kindomigim iye uritenoc!" 24Jisasini yogam baintauc mini bayaka anon indiri meno. Afo Jisasi yevegemi yemi yiyimemi."Anugoc, Kotini Kindomigim uriteve anuc yodec urinonami! 25Amaka i kemoric andada adukeyom ubac andutim uritemifo, anon andadauc dukauni Kotini Kindomi iye uritenoc."26Yeni anon indiri ureni yeyirani senoc, "Iyec iyekipam aum maratenafic?" 27Jisasi yem yonemi yiyimemi, "Bantaukac amakak iyeic, afo Kotika iyec.Masiden anenec Kotinka amakaki mugemi." 28Pita gugandemi Jisasimi samemi, "Onanoc, mayauni masiden anene yerere yami emi avagureyamu."29Jisasi sem,"Fugac seni yigemi yiyimegoc, bantauga yeyimakafic, yeyifac yiva unanafic, yiyofific, yino yifo unanafic, anakagukafic, magafic, sen sivikim bac mam bayagakafic iyevac yerere veyec.30Yeni 100 vac yesakakam ayac iye maratenoc, yeya mana yamuga beyokac: mackafic, afa avafic, en ayofific, enano unanafic, anakagu bac magavanda bac,yirumam fugeyec, inaim yinanim yamuc, iye kimpam yaumi maranagomi. 31Afo amunova anari inayouyec yeni inaini minteno,iyefic inaini inani beni anaric mintemi."32Yeni asac yereni Jerusalemi uramic, Jisasi anaric mugemi bemi. Jisasini yogam baintauc yindu i renoc, ben anaina avagure bouyec yeni fegenoc. Jisasi beyic tolfiac yogam baintauc yiviman avafa demi yevegem yiyimemi nec'nene adeka benka apamintenafic. 33"Onago,yugonamac Jerusalemi i ureyamu, bantaga i aviman mam makac dafitam dafisiruc bac lo indim baintauc yiyakim danagomi. Yeni umac sireni amofic ureni aruman fudeni afo mapac beyon bantanasi yimiteno.34Yeni manda baya sakateno, yiganoc kuti acgeni,yan arureni, afo arumam fugitenoc. Kanta manavac nuram anaimpai yevegem ugukatemi."35Jemsiva Joninuc, Yebedi agakanda, Jisasi vampa yereni bemi samenoc,"Tisa'o, mayauya nec'nenevara ena inda onuna eyac uwarano."( 36Jisasi yekanda yiyimemi,"Nec seni yigekanda uwanyikano'varaka 37Yeganda seni, bende karavam eyo siranaka i enamac eni magusim kumandonoc, mayac ayan ukampa kuman dinanai enoc ayan opa kumandi."38Jisasi yevegemi yemi yiyimemi, "Yigekanda iye indikano, nevarac yikekandavac inda'ane. Yigekanda amagakac seya nanuna kapi kingena nom natekac o seya nom maranuna nom marategac?" 39Yeni Jisasim samenoc, "Bendeka amaka'ino," Jisasi yemi yiyimemi, Kapi kinkeva seya nanunavec, yigeni amaka i nanagomi, afo nona seya maranuna amaka yigeni nom maranagomic. 40Afo iyefic sen siyan agumpakafic siyam opa kuman dinanive, sentindava baga yimentekauc, mini iyeuya antekanyou yinda anufagemi."41Ena teni'ac Jisasini yogam baintauc mini indireni, yeni yiran anene manyigeno Jemsivac Joninuc. 42Jisasi beyac uemi yararemi yiyimemi, yigeni indikamino, bantauc i dafisim baintauc kana ureni enafatena bainta iniya dafisenoc,yeni eran ugameno enouc dafisirani.43Afo mini anda yigim iye bemi. Iyefic yigec kinke iyeno irara indevayive beya i yogam baintaka i, 44iyefic yigec kinke anari irara indevayive beya i yogam baintauyic yogam baintava bac. 45Banta'gac mana magakac yine bantauc ben ofac ogovara yena'i, yen yiyayirani yemi, ben aum yimidena amuna bantanasic yiyac yirani yemi."46Yeni Jeriko yereni. Jisasi beyic yogam baintauc bac amuna bantanasi nama Jeriko yerec yinkaremi, Temeusin agac, Batimeusi, andadauc inatevam bainta ogan afagam ac yavafa i kumatemi. 47Beni indemi Jisasi Nasaretikec, beni gukandemi bademi semi, "Jisasi'o, Devitic agagec, agun anene mantikanoc!" 48Amunoc aseno ogan afagam bainta, bemi sameno sadake banovani, iyenaga i baduremi sem, Deviti agagoc, agun anene mantikanoc!".49Jisasi o'ugukemi, bena samina yinoc semi. Yeni ogam afakam bainta ararene sameno, "Erar ugeva ugukanoc! Beni emi arenoc!" 50Beyi iyac amac umam bado fasac anuremi, ugukem Jisasi vampa yemi.51Jisasi bemi mani siremi inda'em,"Nec seni emi uwaraka'novara indevec?" Ogam afagam banta semi, "Tisa'o onarare." 52Afo Jisasi bemi samem, "Bono. Eni bilipi emi ofa emi." Ese ic beni yevegem onemi, afo beni asa i Jisasim avagurem bemi.
Chapter 11

1Yeni Jerusalemi yereni, yeni Betfege bac Beteni adeka i yereno Olivesi anuga, Jisaisi beyic yogam baintauc kanda yiyikaremi, 2yekanda mani sirem yiyimemi, ena avafac bam magufa bogo. Yiyekanda mini magusim umpe'kei onanagomi mayavac iye kumandugam donkim damurugam bantemi. Utudega marec sevampa yego. 3 Enova inda'ena sena, 'Na i rarac mineka sigec?' yigeni maniva segoc, 'Iyenoc yoganidukago siregac agaka urega marec magac yego."'4Yeni oreni oneno donki onaga mapa damurukam, yeni utufamic.5Mana-a baintauc migac ugukaka'geyouni yemi inda enoc, "Yigeni nai'rara mini donkim utufega?" 6Mini kanda yemi yiyimeno Jisasi yem yiyimim bayac, afo baintauc yemi e'ani marec beno."(7Yekanda mini donki avige Jisasi vampa marerami, unambado donki agoyumpa uvidami, Jisasi mini naroc kumandem bemi. 8Amuna bantanasi yeyic ayogu unam bado asac uwi senoc, afo maya'ac yac ayaman akefareni asac uwiseno.9 Ananta boyabac ben anaimpa yeuni badeni seni, "Kotim amoyuac kago! Koti ayogugu u'ankatemi mana bainta Iyenon avikim. 10Koti ayoguku uakatemi, yugonama sifoc Davitini Kindomi yinaninka! Kotin avikac yani ogo!"11Jisasi Jerusalemi yeremi mam makim umpe emi maside anene onam yeugemi. Ac kupegevami beyi tolfiac yogam baintauc namai Beteni beno. 12Ena nurami, Betanic yererec bami, bemi aran fugemi.13Nekagec onemi fikic yani amuna anac dukami, beni oren onarani, agam intatenafic, beni mini fikic yac adeka yeremi onami agami iye intagemi anac mana bagemi, bec agam irevam yamuga bagena. 14Jisasi mini yac'yani semi, " "Mayavac en agami ena yabac iye nateno," Beni yogam baintauc indeno.15Yeni Jerusalemi yereni, Jisasi mam makim upe'emi andadauc meyani eya ayac eyouc yic'gondani mapac kumeno. moniga kodeya yimam sagogubac i baigemi, nunuc meyani eya kumandeyomyoc baikemi. 16Beni yemi agoni uyigemi mana anene mam makim meyani akeyom marec mapa iye gumogovani sem.17Beni yemi yiyimidemi sem, "Iye agadukaga, 'Seti mac i maside yerec yogam mugam mac'ino'? Afo yigeni mande i umom baintauyic ayofeyom macgi mami no." 18Manka dafitam dafisiruc nama lo indim baintauc jisasi sim baya indireni, yeni ayugani afakeno ben aruman fukirani. Yeni ben agani fegeno, nevarafic bantanasi yindui reno bec yiyimim bayay foni. 19Ayigaki imi anom magu yerereni beno.20Banuranka yeni beni oneno mini fikic yac anuc kinke ayam kakam. 21Pita omare indire semi, "Tisa'o, onano! Fikic yac'yac bago siakanavec ayami gakemi."22Jisasi yemi yiyimemi, Kotikim billipi ogo. 23Fuga seni yigemi yiyimego, iyefic mana anuvara sena, ugukeva karusa eva yena nokim gumono', afo mini baintava kantan indim iye dukene,beya bilipi ene nefic beya sirac'nanine apamiri mana intemi, mini Koti ayinic uwarantemic.24Minuga i seni yigemi yiyimego: Maside anene ogam mukintikeva inda'evec, bilipi emic, eni marac nonami, Afo eninda mintemi. 25Eya ukukageva ogam mugevateve, mayavac manda ada uwaraka'rukana beni manda andavac ugi anka, Minuranami Enafo inarumpa bayic eni manda anda ugic akantemi." 2627Yeni ovege Jerusalemi yeno.Jisasi mam makim urevami, mam makac dafitam dafisiru bac, lo indim baintauc nama dafisiruc bec vampa yereni. 28Bemi inda eno, "Iyec mini eran amidukaya i miniuc uwarevac?"29Jisasi yemi yiyimemi,"Seni mana inda'ini yigemi inda ontego. Sem sisimiga afo seni yigemi yiyimeno, iye mini eran simiga seni mana andadauc uwarekafuc. 30Joniva nom mayic kenim, mini inarumpatefi banta kinke yinafic? Sem sisimego.31Yeyirani bayayuc seni mani senoc,"Yugonamaga sec, 'Inarum patevec senanec, beni mani sitem, 'Nagac igai benkim iye indekac?' 32Afo yugonama sekac, 'Bantauc kinkevec,' Yeni bantauc yigani fegeno, Maside bantanasi indi egeni Joni beni Profetino sinteno.33Yeni Jisasini indaini yevege sameni seni, "Mayauni iye indige yamupe." Afo Jisasi yemi yevegem yiyimemi, Seyan dobac iye yiyimentego, Iyeni erantaka mana andadauc uwarekafuc."
Chapter 12

1Jisasi baigam bayafonic yemi yiyimemi. Beni sem, "Mana bainta waini anayoc yogemi, mini anayoka kukuc ankamam yeuguremi, waini agam dasanananim masi i ufemi, mac uwandemi yunakac dafisinanim bainta ankemi, mini anayo mandegem baintauc yiyankim demi miniga dafisegovani. Minuremi beni yereremi iyac avafac bemi.2Waini afugami, beni yogam bainta sasakarami wainiga dafitam bainta vampa oreya mana'ac waini agam kidegic mini waini anayo kinke. 3Afo bemi fakareni, arureni sasakami iye mararani bemi.4Yevegemi yevampa ena yogam bainta sasakami bemi, orani arurec anom afadeni ayorino mu'ageno. 5Beni yevegem enava i sasagami bemi. miyiva bine,bemi aruman fugeno.Yeni amuno mini asapa minuc yigeno, mana'ac yireni mana'ac yirumam fugeno.6 Beni mana yogam baintavac fani bami sasakantemi, ayikara enin inta. Beni mana ugam bagenim inta yevampa sasakemi.Beni sem, 'Yeni sentikac avaya inditeno.' 7" Afo wainiga dafiseyouni yeyirani seni, Mayac beyafoni andadauc maratemifo. Marayara, bemi arumam fudeyara i, beninda aneneuc yugonama sinda inanifo.'8Yeni bem fakareni, aruman fudeni, waini anayokinke bemi mandam aneno. 9Minukami, nec waini anayo afoc uwafatenafic? Beni yeremi wainika dafiteyouc yiruman fudemi, mini waini anayoc mandem enouni yimitemi.10Yigeni mana afan yoc iyec yandekac? Mana baya mani sigem, Mac uwareyoni oni manda mugeno sireya yomanda fasac deyone, mini eran onino mac arasac ankeyomi .11Mana i Iyeno vampatec, minugami yigen sogaka i ayogugu ugemi." 12Mini anaimi Jiuc yic dafisiruc baya uwareno Jisasim fakarani ,nevarafic yeni indeno mini baigam baya yenani sirukami. Afo yeni bantanasi yigani fedeni ben yere e'ecni beno.13Yeni indim baintau bac Heroti akukinge yiyikarani beno, Jisasim mana'ac bayafoge makac sirani. 14Yini yereni, yeni mani sirec sameno, "Tisa'o, mayauni indicke yamupec eni fugasanom banami, nevarafic eni mayan agam iye feganamic. Eni fugac Koti avaya yiyimanami. Mini amanafic sisam takisi aminteyafo o iyefic?" 15Jisasi yeyic manda indim indiremi yemi mani sirem yiyimemi," Fayac semi magasega? Mana moni mareraga onano."16Yeni manac jisasi vampa mare yeno. Jisasi yemi inda'eno, "Iyen orac magac benafic?" Yeni seni, sisan indaic." 17Jisasi semi, "Sisa inda vanac Sisa ameno,afo Kotin inda vanac Kotim ameno."18Indim baintauc i yere inda eno, iye sena fugeyou kinke iye ugukateyafo, sevampa yego. Yeni bemi inda eni, seni, 19"Tisa'o, Mosasi mana afani agademi mayauc simidukami, 'Bainta afac ava fuic'nam becyana ic yere akatemi, afo yeni anuc iye mageno, mini baintac ben afac ava anac madena i, anuc magac, bec yafac avan indac.'20Seveni'ac untava bakinken; yen yivac anasi mandemi aninta iye magarani fugemi.21Mini anaimpate ogam inim mandemi am iye magarani beyandobac fugemi. Benava kanda yinaim patena oganimem. 22Seveni ac untavac mini ininka am iye makeno. Inaimi mini inindabac fugemi. 23Inaim fugakeyo kinke ugukami, iye anaga beni batenafic? Seveni'ac untava mini inini mandeni yeyinagi murugageno.24Jisasi semi, "Mana mini andava benai, yigeni anana mami, nevarafic yegeni Kotini afan yogikena bayavac beni erandabac iye indigami? 25 Yeya fugeyo kinke ugukeyec, yeni bayic iye minteno, yeni enyolo kana mugateno inarumpa.26Baintauga fuc gakinkevac ukugeyom baya, yigeni Mosesini afam yogikena iye yandega, sato ugac iga kenine, Koti Mosesim samemi semi, 'Seni Abraham, Aisak, Jekopi-ni Koti becumpe'? 27Beni fuc kauyic Kotiva benai, fac ayum beyouyic Koti bemi. Yigeni ana'nac mami."28 Lo indim bainta mayac yeremi yeya seyom baya indemi; Beni yonemi Jisasi ayogugu uremi yeyic indairuc yiyimevami. Beni Jisasimi inda emi, "Ikeni lo ic iyena ugenafic?" 29 Jisasi semi, "Anari ugam loic, yege Israiliuc indeno, Koti yugonamasi Iyeno, beya Iyeno bemi.
31Mini anaim patena lo i mana minic, eyam avabac ona ureva enava avaba'o.' ena lo'vac iyena iye mugemi, manac lo kanda anari ugemic."32Lo indim baintauc seni,"Ayoguge tisa'o! Eni fuga ugami senamic, Kotic beni maya bemi, mayabac ben anampa iye beno.33Yugonama bena avaba ono ,sindun'tapateva, indin kinkebac eran fogebagac, Enoya yivaba onoc, yugonama seyam sivabac una ureyam, mini lo kandava avagureyarec, mini andai maside ofac yesagakemi."34Jisasi onami atekam baya simi, Jisasi bemi samemi. "Eni Kotini kindomi adeka i banami." fec ireni Jisasim enayabac iye inda eno.35 Jisasi mam gugusim bemi bantanasi yiyimemi sem, "Lo indim baintauc ikenika ureya seya Iyeno Deviti aga beno seyafo ? 36Ayo inta Devitim indin amimi semi, "Iyeno senti Iyenomi mani siremi samemi," Siyan ugampa kumantanaka i enic namugouc mandan en akantim dano."37Deviti bena usac avidemi, Iyeno'o semi,' afo ikeni urena Iyeno Devitin akac benafic?" Anon bantanasi yimosinge ben avaya indeno.38Jisasi yiyimevapante beni mani sem, Lo indim baintauc yigara fegako, yeni iyac'ama unam bado ureni meyani eyom magusimpa niya yonareya ayogugu uyinkagovani,39yeni ayogu kumandim yoc mam makim bac yunam yec uyi'ec neyom sagoba i dugeno 40Yeni kento ininanuc umac siyikareni yeyi mac umoreno, yeni iya amac yogami mugeno bantauc yonagovani. Koc yamu i mini baintauc iyena umani marateno."41Jisasi ofa deyom tina adeka i mam makim kumantagemi; beni bantauc yonevani moni tinakim devano. Amuna moni baintauc i anom moni i tinagim devano.42Kento inini andadava iye dukayi yeremi katam sato moni kanda demi, peni amakac.43 Jisasi beyi yogam baintauc yararemi yiyimemi, "Fuga seni yigemi yiyimego, mana inin andada iye dukayi yigem bac yesakarem anom moni i demi ofa tinagim. 44 Yeni sato i denofoc afo mana kento inini, beya dukagenim masidem moni demi, ena monivac iye dukemi, yunam ayac urem nananim.
Chapter 13

1Jisasi mam makinge yererem bevami, mayac beni yogam bainta bemi samemi, "Tisa'o, Onano ayogu oyabac ayogu mac beninec!" 2 Jisasi bemi samemi, "Eni mana iyena mac onano? Mana oni agona osac iye mugukantemi, masidemi ugadarami magaka fafasintemi."3Jisasi Olivesi anugakai kumantami, mam mac bam avafac, Pita, Jemsi, Joni, Endru anami bemi inda eno beyac'om banka, 4 "Mayau sisimeno, nande mini aneneuc apamin'tenafic? Nec anene afotaki inana i mini andadauc apamin'tenafic?"5Jisasi gukademi yemi yiyimemi, Yigeya yakara ogo,yigem makac sifoc. 6Amuno sen sivikim yereni mani sinteno, seni Jisasi bec'umpe sireni yigem makasinteno.7Yigeni yiru eyom bayauc bac yiru eyom sisova bayayuc i indinagomi, iyevaga fegago; mini andadauc apamitemi, afo arasa yamuc iye yevemi .8Mana'ac magusikena baintauc yec ugukegeni ena avafatena magusikena nama i aruc intemi, mana magusikena King nano yec ugukakemi ena magusikena King nama i aruc itemi. Magun intemi mana'ac magusimpa, andacro minteno. Mana kukarani, anasiva am magarara ac navisi maranic minteno.9Yigeya dafisego. Yigemi yiviman kansolo yiyakim deni, yigemi mam makim yan yiriteno. Yigeni gavanau bac kinuc yogaka i ugukayic kanteno, sen sivikim, yigeni Kotic avaya yiyiminagomi. 10Ananta mam baya nare maside magusimpa yiyimidam mintemi.11Yeyayigena fakareya koppa yivige marorac, yigeni iyevaga fegaki ne bayaya yigeya sinagom. Mini yamu ic, yigeya sinagom baya yimintemi; yigeya sinagonaic, Ayo Inta sintemi. 12 Afac ava mandekem beyafac avam yiyankim danani yirumam fukiteno, yeyi foc unami yeyika fandauc yirumam fukiteno. Anitauc mano yeyinoc yifoc unam yimini, bantauc yemi yirumam fukiteno. 13Amuno sen sivikim yigemi uman yiminteno . Afo iyefic arasa yamu erarure ugukene, Mini bainta Koti ofac itemi.14"Yigeni onanagomi manda anene ugu'kakatemi, agoni ugenim magusampa," (mana afan yova yandanono ondeva indio) "Judia banono anukimpaka iyaye uroc, 15bantava mac naroc banani beni magapa kundem makim upe'em beyic andadauc iyevaga marac, 16iyefi anayofac banani'yic yevegem orem beyic unam badoc iyevaga marac.17Siguno yimuc bakic ukeyon ininanu bac aninta akagu nam yimeyon ininanu, mini yamuc yinaniga! 18Yugana mukevanai,mini andadauc sisova inanika iye apami. 19Mini nurami anon umarukami apamintemi, Kotiva gukandem mana magava uvareni yamuge yem mage yevenim, iyeino, minugam umani feni iyeva i apamemi. 20Afo Iyenova mini nuram akeyamam bakaki iye ene, masiden oyo'kanteno. Kotivac banta nasiva beya ugadugenim yenaro siremi, mini nuram akeyamam bagaki mintemi.21Mayava enam senac, Onano!, manamini Iyeno beno sina!'o 'Onano, meyami beno sina!' iyevaga indeno. 22Umac krasivac umac profetiuc yereni enac ugam andadauc i uwadeni Kotini bantanasi yivikanteno. 23Yigeya dafisego! Bani seni yigemi yiyimidu kanami.24Mini iyena umaruc kaki'anami, aci ayufum nanami kantemi, igona beyic omi iye kantem, 25bayoc inarumpate fafasem kumintemi, erarugam andadauc inarukimpa beninu kasanintemi! 26Yeni Banta'kac onevami gonakim yintemi, beyic eran namac iyena onamac. 27Afo beni beyic enselouc yiyikanani beni bantanasi yivikanteno, eriyevam avafate mana magava inarum bac ukakapante.28Fiki yasaga indim marago. Ayamakina nom banane oyan ana apamintemi, yigeya indinagomi ac i kantemi. 29Minugami, yigeya mini andadauc onevana fabaninage, yigeya indego beni yirec adekaki beno, ona adeka i bemi.30Fuga seni yigemi yiyimego, mage begom bantanasi iye fukami mini andadauc apamintemi. 31Inarum bac mana magavac oyokantemi, afo sen sivaya iyeva i oyokatemi. 32Mayavac iye indikeno beya yinanim nuram, enseliuc inarumpa beyou bac benagabac iye indikeno, yugonama sifo beya indigemi beya yinanim yamuc.33 "Yigeni yakarega! Dafisego, nevarafi yigeni iye indigami nec yamuga mini andadauc faban intenafi. 34 Beni mana bainta kanaki mukami, beya mac beyic yogam baintagac dafisinovam dafic ackaremi yereremi iya avafa bemi, mana mana bintauc i yogam yimemi, onaga dafisinanim bainta sasamemi ondeva dafiseno.35Minugemifo ayogugu uregac dafisego, yigeni iye indikamifoc nec yamuka mac afoc ovegem naumpa yintenafic; ayin kaga yintenafic,ayufun abanampaka yintenafic,kokori badi nanikaka yintenafic, o banurana yintenafic. 36Beni andudinam yerena yonanaka yondugafo. 37Nevac seyac yigenam sevana, seni masideuc yani sego: Dafisego!"
Chapter 14

1Kantam nuram anaimpa Kotic Israiliuc e'acya ayoguka bakeyom yamu bac breti yisivac iyevac bam nakeyom yamu yevami. Mam makac dafiteyom dafisiru bac lo indim baintauc ayuc afakareya Jisasim fakareya arumam fukirani. 2Yeni seni, "Omac yamu iyeva i fakate yamu, Bantanasiva onareya yiseya yiruim kukarana'yonani."3Jisasi Betani magusim Saimoni amakim bagemi namona dukagenim baintac, beni sagoka kuman devami, mana inini bevampa yemi, mana ayogu osac uwantam botoligim ayogu unda evam basafem maren yemi, anom monika bam basafem. Mini botoli duwaremi Jisasi anoka a'ackemi. 4Mana auc mini onareni yiran anene marakeno. Yec'yirani baya undeni mani seno, "Fayac mana basafem aman gaki enfic? 5Mana basafem (Tri andret kinakac) meyani ureya, moni mandena andadauc iye dukauc yimekami." Afo yeni mini inini aseno.6Afo Jisasi semi, "Yigeni bemi e'acrago. Fayac bemi uman amega? Beni ayogu anda semi uwan sicgemifo. 7Yigeni andada iye dukau nama i bamic, yigena ne nenec vara yiyecvana inteke yigeni amaka i ayogugu uyin kanagomi, afo seni yigenama iye banteuc. 8 Anasiva mini andada uwarara indenine, a'ic uwaremi, basafena sem atikenine mini anufasinkemi fugam masikim bonovani. 9Fuga sirec seni yigem yiyimego, igeni avafagafic mam baya yiyimege, mana magakac, mana iniya uwarane yiyiminteno, yeni benam omare inditeno."10Tolfia yogam baintauc bakinge, Judas Iskarioti, mam makac dafitam dafisiruc bampa bemi, Jisasim fakarena yen yiyankim darani.11Mam maka dafitam dafisiruc mini indireni, yeni yimoyureni seni mayauni emi moni amente yaro sireni sameno. Afo Judasi ayu'ic afakemi Jisasim fakamam yen yiyankim darani.12 Breti yisivac iyevam nam nuram yimi, yeni sipsipi arureni yukare neni mini nuram inditeno Kotiva Irailiuc e'acya ayoguka bakeyom. Beni yogam bintauc mani sireni bemi sameno, "Ikeni avafaka mayauc maro anufaraya i, eni agoke ugam yunam nateva?" 13Benic yogam bainta kanda yiyikaremi yiyimemi, " Iyena magusim orega, mana bainta iyena kurakim nom yamandaremi yevana i onanagomi .Bena avagurogo. 14Beya ofekananim makina yige kanda avagure umpe ega mac afom mani sirec sasamego, Tisa semi, " Igemic senti rumuc benafic, senti yogam baintau bac seyando bac yunam nekai omarec indeno Kotiva Israiliuc e'aya ayoguka bageyom?"15Beni yigemi yoc yivikantemi iyena ayogu rumuc yanafa bam. Mini rumuva mayauc anufasikago." 16Afo mini yogam bainta kanda yereni anom magusim beno. Yeni oreni oneno maside anene beya sim bani, afo yekanda yunam nanayom anufeno.17 Ayigaki imi, Jisasi beyic tolfi'ac yogam baintauc nama i yemi. 18Yeni sagoka gumanteni yunam nami, Jisasi semi, "Fuga seni yigemi yiyimego, mayavac senama yunam nevayi semi mandam namugo yiyankimi dantem." 19 Yeni anon yigu anene mareno, maya maya bemi inda'eno, Eni senarara seva sireni bemi inda'eno?"20Jisasi yeyic indairu yiyimidemi yemi yiyimemi, yigekinke tolfi'ac bankike, mayac breti mandemi senamac kurakim demi. 21Fuga Bataga i fugintemi, Kotini afan yokim benani agatemi. Mini bainta sikuno siangeko Banta agac'ka mandan namugo yiyan kim dananim! Mini ayogugu mintemino, benano bemi iyec magenai.22Yeni yunam nami, Jisasi breti mandemi susu siremi kidiremi. Yemi yimidemi sem, "Manac marago. Mana sen so'ifo." 23Beni kapi mandemi susu siremi yemi yimemi, yeni mandeni neno. 24Jisasi yemi yiyimemi, mana senti nare'ic, mana oyan ani uwi'seuc, nareva bayec nuna amunouc yani bayeteuc. 25Fuga seni yigemi yiyimego, seni yevege iye nanteuc mana waini agam, inaimi mini nuram yinai seni nanteuc Kotini oyam Magusim."26Yeni mana ic dareni, yeni Olivesi anufa ureno. 27Jisasi yemi yiyimemi, yige maside yami dinagomi, Kotini afam yogimi agantemi, Seni sipsipika dafitam bainta aruranami beni sipsipiuc i iyaninteno.'28Seya fukanuna kinkeva ukugege, Senare Galili ovateuc."29Pita benani semi, "Maside fedenic iyanintefoc, seni iyeva i."30Jisasi bemi samemi, Fuga seni emi samego, mageve_fugavec, mage ayufune_ kantaya kokori iye badurukana semi umec dasikano nami, kanta manavaki uremi semi iyec onarugeko sinonami." 31Pita erar uremi semi, " Seyac enamac fugoctege, Seni emi umac iye si'ackateuc." Beni yogam baintauc mana ugam bayani uwareno.32Jisasivac beyic yogam baintauc nama i mana magufa i beno, Ketsamanige seyompa, Jisasi beyic yogam baintauc yiyimemi, "magac kumantaga seni sogam mugono." 33Beni pita, Jemsi Joniuc yivic mandaremi yenama bemi, beni agun anene maremi anon indiri emi umani maremi, 34Jisasi yemi yiyimemi,seni sirac umani mareva i adeka i fugotego. Magac bega dafisego."35Satoka iyaka kana oremi, Jisasi magaga yandem kundemi ogam mugemi semi, amagki ugana inteve e'anam mana uman yakaga ino. 36 Beni sem, "Aba' Sentifoc, eni amaka i maside anene uwaranonami. Mana kapi sekinke mandam fasac dano. Senti siyini iyevaga avagurono, eyic ayira avagurono."37Beni ovegem yeremi yonani yeni yondukami, afo beni Pitam samem, " saimoni'o, fayac ondugeva? Amagakac mana yabac dafisinteva? 38Dafite yogam mugega, yigeni umantim iye ofegaki. Ayo Inta ayec bami, oc eran iye dugemi." 39Beni yevegem oremi ogam mukem,beni ogam, ogami mukemi.40Jisasi ovegem yeremi, beni yonami yondugami, nevarafi yen yogam umarugam dami. Yeni iye indikageno ne bayaya bemi samiteyafo. 41Kanta manava yamugi uremi yevampa yeremi yiyimemi, " Fayac yonduge bega yaum marega? Acge! Mini yamu i yeremi. Onagoc! Bantaga i aviman manda anda uwareyom yiyankimi denoc. 42Ugukago; Marayam bono. Onagoc, Mayac sem fakamam namugouc yiyankim dananiyic adekai yereno."43Fac Jisasi asevami, Judasi,tolfia yogam bantauc kinke beni yeremi, amunouc soparo bac yadiuc faka mandareni benamac yenoc, manka dafitam dafisibac, lo indim baintau bac,anari ugeyom dafisiru bac i yeno, 44Maya Jisasim avimam namugouc yiyan kim danani semi, seya amonanuna baintava fakarega ayogugu urega avige bogo." 45Judasi yeremi, agaka ugami Jisasi adeka yeremi sem, "Tisa'o semi," bemi amonem.46Jisasin naroc yiyan deni bemi fakeno.47Maya migac ugukaka geni beyic soparoc mademi mam maka dafitam dafisiric yogam bainta agam akeyemi. 48Jisasi yemi yiyimemi, " Yigeni umoreyom bainta fakarara yega, soparo bac yadiuc mandarec sem fakarara yega? 49Seni yigenamac masiden yamu mam makim bec yiyimevanai, yigeni semi iye fakami. Manava uwarane, Kotini afan yogim agatam afotaki inovani uwarami." 50Masideva Jisasin nama bageyouc ben yere e'eni iyaneno.51Mana fumara iya amac efan unambado bec yokac yakoremi Jisasim avakurem bemi. Bantauc bem fakarami, 52mini unam bado miniga ayuman demi yereremi baya'oc iyayemi.53Yeni manka dafitam dafisiruc bampa i Jisasim avige beno. Manka dafite youyic yinom dafisiru bac ,anari ugeyouya bac, lo indim baintau bac i Jisasi nama manakim beno. 54Pita necka kana bemi Jisasim avakurem, manka dafitam dafisin amac gukusimi beni ovagemi. Polisiuc nama i igakac kumantem iga ganevami.55Manka dafiteyom dafisiru bac masiden Jiuc kansolo bayayuc afakareya Jisasim amofin ureya aruman fukirani. Afo yeni mana bayava iye afakeno. 56Amuno umac bayayuc mare yeno ben amofin irani, afo yen yivaya manai iyemem.57Mana'ac ukugeni umac baya ben amofin ureni, yeni mani seno, 58"Mayauc indunami beni sem, 'Seni manac mam mac ugadanteuc yiyan poge uwandukam, afo kanta manava nurami ena mam mac uwarateuc, siyam fogeka uwaratekauc." 59Mini bayaya yeya sem manai iye ugagemi.60Manka dafitam dafisiruc bantauc kinke ukukemi Jisasim inda'eno, "Yeyic indairuc iye yiyi minteva? Ikeniga ukayac mana baintauc emi amofin eyafo?" 61Jisasi sadagemi bagemi, yeya inda'om baya yegem iye yiyimem. Yevegeni manka dafitam dafisini bemi inda'emi sem, "Eni iyeno bevac, Eni inarumpa bam Kotin akaka beva?" 62Jisasi semi, "Senupe; yigeni onanagomi banta agac Kotin ayan ugampa gumandinanic, inarukimpa gonakim anon eran nama yevana."63Manka dafitauyic dafisin beyic unam bado dakademi sem, "Ena baintauc iyevaga beyafo beya uwaram sego? 64Yigeni indemino, beya Kotim siman manda u'ackam. Yigeni nec bemi uwarakantega? Maside seni, beni auc murugemi, beni fukiri mana mintemi. 65Maya,ac agano kuti ankareni onta uyadeni yiyan poge areni benam seni, "bayayuc sagona seno!"Polisinuc bem aviman deni areno.66Pita koc magusim yinampa bami, manka dafitan dafisiruyic yogam akinta bec'vanka yeremi. 67Pitam Onami igac kanevami, mini akinta Pitan adeka oremi onaremi semi, "Eyandoba i Jisasi Nazareti kena bainta nama bagona. 68Afo Pita ume daremi,semi, "Seni bemi iye onakanavani sanami." Afo beni mac onaka orami. Kokori bademi.69Mini yogam akinta Pitam yevegem onaremi, adekac ugukakageyom baintauc yiyimemi , "Mana bainta yenamac bageniyic!" 70Beni yevegem umeremi. Satoka kana bageni migac ugukaka geyouni Pita nani seni, Fuga ugam eyandobac mope, eyacba i Galili bainta banami."71Afo Pita eran uremi manisemi,inarukimpaka urino, " Seni manac bainta iyeva'ic onagego yigeya benam sane." 72Kokori agaka ugami kantayaki urem bademi. Pita omaren indemi Jisasi bem sasamim baya: " Kantayaki urem kokori iye badurukana, kanta manvaki urec eni semi umerasi kanonami," Pita magakim agonoyam dem kundemi ifidem.
Chapter 15

1Banurapai, manka dafitauyic dafisiru bac anari ukauyabac lo indim baintauc maside kansolo yec uyu'eni. Jisasim nam poge damureni avige Pailetim maro ameno.2Paileti Jisasim inda emi, "Eni jiuc'yi Kinna beva?" Jisasi ben avaya yevegem samemi sem, " Eni mini sanano." 3 Manka dafitauyic dafisiruc amuna anene bemi amofin eno.4Paileti yevegemi bemi inda emi, "Ena inda'om iye siteva? Onano nadec anene emi amofin eyafoc?" 5Jisasi mana bayavac yevegem Pailetim iye samami, Paileti amuna indiri memi.6Maside orandeka i mana iyena mam fakam yamu yerami, Paileti mana bainta dumugeni ec ami yevampa bemi, dumugam baintavac inda,om. 7Barabasi nec seyom bainta dumugagemi, mana'ac baintauc kamanikim aruim kugareya mana'ac baintauc yirumam fugouc yaba i dumugakeno. 8Bantanasi Paileti vampa yereni bemi inda eno, feyac beya agenim anda uwaranovani.9Paileti yem yiyimemi sem, "YikeniJiuyic King ugidanam yigevampa binovara indega?" 10Beni indemi nevarafic umani amami manka dafitauyic dafisiruc Jisasim mandege ben ayakim deno. 11Afo manka dafitauyic dafisiruc batanasi yirac ugukayi karani badureni seni, Jisasi Barabasini magu marananifo, Barabasim ugidam bino,12Paileti yemi enayabac inda'emi sem, " Nec seni Jiucyi King uwarakano?" 13Yeni yevege badeno, "Kecka yasa aruman iyego!"14Paileti yemi yiyimemi, "Nec manda anda beni uwarenafi?" Yeni yevegeni iyenaga badureni seni, "Kecka yasa aruman iyego." 15Paileti yen yirac ayogugu uyinkarani, Barabasim utudami yec vampa bem. Afo Jisasin arureni mandekeni yen yiyangim deno, keka yasac iyegovani.16Aruim baintauc jisasim avige koc magusimi ureno, ( dafisiruc anom magusim ), masiden aruim baintauc yaraman deno. 17Yeni koran nani Jisasinka deni, avi yararenim nani mande baideni Jisasin anokim deno. 18Yeni minu akareni bemi sameni seni, "Ayogu nurane, Jiucyi Kingne!"19Yeni mana yadi mandeni anokim areni ontim agano kuti'akeno. Yeni Jisasim arafim yigonoyan duc'akeni, ben anon avic amirani. 20 Yeni mini andauc minu akareni, koran unam bado yomandam fasac deni, beni unam bodo uan'kareni, yeni avige mampa kumeno aruman keka yasac iyirani. 21 Mana bainta, Simoni Sairin nicge, yeremi mini magusim urirani (beni Alekenda vac Rufusinuc yifo bemi), yeni bemi avageno keka yan maranovani.22Yiruim baintauc Jisasim avige kolgotake seyom magufa ureno ( ena avic banta ayampauc bam magusim"). 23Yeni marasim wainigim baideni nano sire amemi beni iye nem. 24Yeni ben arureni kekayasac ireni, beni unam bado dainde mandeni kaunata iyaran neno, iyefic ayogu iyara innani beni unam bado mandemi daindeni mana mana yiruim baintauc marateno.25Banuram ac urevami yeni arureni keka yasac iyeno. 26Faran arasa i mana afani akadeni ben anom bananinka deno,manic sirec agareno "Jiucyic Kingne" 27Benama i katan umom bainta kandavac i yirureni keka yasac iyeno, mana bainta ayan ugampa iyeni ena bainta ayan opa iyeno.
29Iyeyafo ben yesakare boyaba i anaim baya siankeno, yinon anureni seni,"Aha! Eni mam mac ugadaremi kanta manava nuram yevege uwaratego senami, 30eyan ofa'eva keka yasake gumono!"31Manka dafitauyic dafisiru bac lo indim baintauc yeyandoba i manda siankeni, seni, "Enoni beni yofa emifo, beyani amaka iye ofa intemi. 32Ec'anam Iyeno Israiliyic kingmage keka yasage gumi, yugonama onareyara i bilipi ono." Yeya arureya keka yasac iyeyou yabac i manda siankeno.33Nam beloka i, ayufum mana maga yec dadem, bemi ayinkaki em, 34Ayinkaki imi Jisasi eraruremi badurem sem, " Eloi, Eloi, lama sabatani?" Mini baya mani sigem, " Senti Koti'o, senti Koti'o, nevarac semi yere e'eva?" 35Maya'ac mini adeka ukukakake youni mini baya indire seni,"Indego, beni Elaijami aremi sic."36Maya iyayem oremi yudevam waini nom matresi arasac demi, mana yadiga uguremi Jisasim mare aminan nanovani. Mini bainta semi,marayam becyam onana Elaija kundena keka yasake avimam magapac dac." 37Jisasi erarurem bademi migac yomarem fugemi. 38Unam bado mam makim damurukakeyom yanke abanac dakakam magakim kumem.39Aruim baintayic dafisim adeka ukukakemi Jisasim onami mini asac fukimi, beni sem, " Fuka ugane mana bainta Kotin aga ic." 40Anasiu ba i nenka ukukakeni oneno. Yenkige Maria Makdala magusinge vac, Maria ( Jemsivac Josepi nuc yino) Salomevac. 41Jisasi Galili banikac ben avagureya ofa ageyouno. Amuna ininanu bac i benamac Jerusalemi avakure urouc yaba i.42Ayinka yimi, nevarafi andadauc anufam nuram yevami, saganam Sabati nuram yinanimi, 43Josepi Arimatage migac yeremi. Beni kansoli kinke bemi, beni bantanasi yoganka ayogu avic dukayic bemi, beni Kotini Kindomi yinam onarani dafisevami. Josepi Paileti benigim oremi Jisasin oc vani inda emi. 44Paileti amuna indirimemi Jisasi fugami; beni yiruim baintayic dafisim araremi inda emi, Jisasi agac fugenafic iyefic.45Yiruim baintayic dafisim Paileti samim indiremi, beni Jisasi oc mandem Josepim amemi. 46Josepi iya amac efam unam bado ayac uremi. Beni keka yasake madam magapa demi, mini unam bado foke i ukuremi masikim maroremi, oc akeyare uwandukam masikim. Afo Josepi oc avekamam uyagemi mini masikac. 47Maria, Makdalini magusapate vac Maria Josepi anoc Jisasim masi'am masi i oneno.
Chapter 16

1Sabati nuram yakaimi, Maria Makdalini Magusabate vac,Maria Jemsin anovac, Salome basafem ayogu unda evam ayac ureni Jisasin oc a'ackarani yeno. 2 Anam nuram, banurampa, Yeni masipa beno ac urevami.3Yeyirani mani sire seno, "Iyec masika uyakam ocni avekamam yugonamac sikanteyafo?" 4 Miga yereni yeni yogam ma'egec deno, yeni oneno oc avekamam dukam, mini ocni iyena ugami bami.5Yeni masigim umpe eni oneno mana fumara iya amac efam unam bado uremi, yiyan ugampa kumantem bani, yeni yindu i reno. 6Beni yem yiyimemi, " Iyevaga yindu dogo. Yigeni Nasareti kena Jisasinara afakega, arumam keka yasac iyenec. Beni ac i ukukemi! Beni magac iye beno. Onago beya fu iyac deyonka. 7Afo bega beni yogam baintau bac Pitam bac yiyimego, Benare Galili bemi. Mifa i bemi onanagono, feya beya yigena yiyimenim."8Yeni masikinke mapa kudeni iyaye beno; yen yira ukukami yen yoic dundumemi. Yeni mana bayava iye seno nevarafi yeni anon fekantimi bakeno.9Anom banurampa anam nuram, Jisasi ukukemi Maria Makdalini magusinke benka nare afotaki emi, benkike seveni ac manda spiriti yomandan fayadayic.
11Maria yemi yiyimem, Jisasi fani ayubac i seni bemi onego, afo yeni ben avaya iye blipi eno.12 Mini andada animi kantano Jisasini yogam bainta kanda yeyic magufac bami, afo Jisasi ena bainta ayu emi mini kanda banka yemi. 13Yeni yevege oreni mana ac yogam baintauc yiyimeno, afo yen yivaya iye bilipi eno.14Inaimi Jisasini ileveni'ac yogam baintauc banka beni mare afotaki emi sagoka kumante yuna nami, beni yemi yisemi bilipi iye eya, yen yeyirac erarugam,nevarafic yeni iye bilipi eno indeno yeya Jisasim onana yevegem ukukam, fukintige. 15Jisasi yemi yiyimemi, "Maside magafac bega, maside baintanasi Koti avaya yiyimego. 16Iyefi indirena bilipi urena nom marene, beni iye oyokantemi, iyevafi bilipi iye ene Kotini kokimi oyokatemi.17Iyefi bilipi inanive benkimi yiyayinanim erani bintemi: Sen sivikimi manda spiritiuc yomandam fasac danteno. Yeni oyam bayayu i sinteno. 18Yeni yiyan foge i memauc fakateno, yeya fugeyon nom neyec, mini andada yemi manda iye muyikantem. yeya yic'eyouga yiyan deyec, yeni yofa ini marateno."19Mini anaimpa i Iyeno Jisasi mini bayayuc yiyimi demi, Koti bemi avigem inarumpaudami, beni Kotin ayan ugampa kumandemi. 20Beni yogam baintauc maside avafac beni ben avaya yiyimeno, Iyeno yenamai yogemi yogemi, afo beni andada uwaremi, beni eran bayaga i ampamem.

John

Chapter 1

1Feyugami Baya bagemino, mini Baya Kotin namaci bami, mini Baya Kotim bami. 2Mini Baya feyugami Kotin namaci bagemi. 3Umacden anecneuc benkimi uvaremi, mage uvandukenin anecneuc, bena iye vami mana anecne vac iye uvandukami.4Ben kimi ayum fa vani bami, ayum fa vani banta anasiu yic omi vami. 5Mini omi ayufun kin kevami, ayufum bemi iyen davac emi.6Koti mana bainta sankarami yemi, ben avic Yoni i. 7Beni on yinaninan facbaruren siyimina umacden inimbaintauc ben kin amankac birivic inteno.8Yoni mini ona bagenai, beni amankac mini onan siyimirani yemi.9Fuga omi, banta anasi kaga yinkananimi, mana magagac yimintemi.10Beni mana magagaci bami, mana maga ben kimi uvaremi, afo banta anasi bemi anufare iyen indigano. 11Beni beyic magu gimi yemifo benic banta anasi iyen avigeno.12Afo manaca inimbaintauc ben avigauni ben avic kim birivic eno, beni Kotin agagic ogo vani amankagic uyinkemi. 13Yeni koranic ayintagaino, oic ayintagaino, bantaic ayintagaino, iyeino, yeni Kotinic ayintac ampamenone.14Baya bantaic uemi, yenamac yenamac sicbanac kimi bagemi. Yenamac benic anon eran namac anon avic namac onecumpe, mini inta avic duka bemi, beni Kotimpaten yemino, afo ben kim avacbac namac fuga avucavac namaci uvikagamino. 15Yoni benani bacduremi facbaruren siyimemi, "Mana mini bainta vani seni siyimunaino, 'beni sen sicnaen yinani, sem baci yankagagemino, nevaraino, seni iye ampankaunami benare bamino."'16Ben kim avacbac anonic uren uvikagami, mini avacbac poni macde yigeunamac avogugic usinkemino. 17Mosasi lo manan yimemino, afo avacbac namac fuga avucavac namac Jisas Kraisimpate yemino. 18Maya vac Kotin iyen onarukemino, afo ben agac beni Koti bemi bey Afon anafaci bemi, beni bey Afom mandan afotagic emino.19Afo manai Yonin avaya ino, Yuda dafisiruc Yerusaremi magufate prisiuc namac Livaiuc siyinkani ben indairani bevankac yeraeni bemi indaeno, "Eni iyec befono?" 20Beni fuga siremi siyimemi, mana anecnevac iyen umerani, beni fuga siremi siyimemi, "Seni Kraisi va begaune." 21Afo yeni bemi indaeno, "Eni nec befono? Eni Elaisa befono?" Beni semi, "Seni iyeino." Yeni seno, "Eni profetic befono?" Beni yevegen siyimemi, "Iyeino."22Afo yeni indaeno, "Eni iyec befono, sisiminagaci yenamac sisinkac yuna baintauc maro siyimeno? Nevec eyarani sefono?" 23Beni siyimemi, "Seni afasam magafac bacdevan ameni becumpe. 'Iyenonic a mandan antec ankano, 'profet Aisaia micni siremi sirukamino."24Afo Farisiuci manaca baintauc siyinkani yerae, 25bemi indaeno, "Eni Kraisifi, Elaisafi, profetfi iye bantei, eni nagac eci nom manyinkefono?"26Yoni yemi yevegen siyimemi, "Seni nom poni nom manyinkecumpe. Afo maya yigen yicbanac kimi bemino, yigeni bemi iyen onarukamino. 27Beni sen sicnaemi yemifo, seni benic sendori nan utuc ankar amankagic iyen ugecumpe." 28Mana mini anecneuc Betani magugimi Yodani ena ofaci ampamemino, minifaci Yoni nom manyinkevami.29Ena nurami Yoni onami Jisasi bena vankac yevami, beni semi, "Onano, mecyamini Kotinic Sipisipi Agac mana magagac kena inimbaintauc yic manda andauc mandan karuc yinkanan ino. 30Manai benani seni secumpe, 'Maya sen sicnaen yinani i sem baci yankagagemino, nevarai, seni iye ampankaunami, benare bamino.' 31Seni bemi iyen onagacumpe, afo sena nom pona nom manyinkac yeguna foni Israeri inimbaintauc yugan kac beni afotagic intemino."32Afo Yoni facbaruremi siyimemi, "Seni onegunami Ayo Inta nun kacnaci inarumpate agemi kundaemi, ben naroci dofemi. 33Seni bemi onaic iyen ecumpo, bena nom manyinkano vana sisinkac yuno, semi sisimemi, 'Ena onanama Ayo Inta ben naroc ye kumandinani, beni Ayo Inta foni nom manyinkantemi.' 34Seni onareci siyimecumpe, mana Kotin agaci bemino."35Afo yevegen, ena nurami, Yoni beyic disaipori ganda namac ukukageni, 36onami Jisasi yemi yankagemi bevami, Yoni yemi siyimemi, Onago, Kotinic Sipisipi Agac ino."37Benic disaipori ganda indami micni sirani yeni Jisasin avakure beno. 38Afo Jisasi yovaevemi yonani ben avakure yami beni siyimemi, "Nevarac yigeni afakegafono?" Ye kanda bemi sameno, "Rabai" (mini baecdanami "Tisai") Eni nafagac mac befono? 39Beni yemi siyimemi, " Yeraec onago." Afo yekanda yeraeni bena van kin oneno, yekanda ben namaci mini nuram benamaci bageno, nevarai ayinkagic 4 kiroki ic emi.40Yoni sevana indem bainta ganda ginke maya Jisasin avakurem bim bainta Endrui, beni Saimon Pitan afaci. 41Beni bey avami Saimon Pitan nare onaremi samemi, " Mesaiami yenamac onecumpe."(Mesaia baecdanami "Kraisi"). 42Beni avigemi Jisasi vankaci maro rami, Jisasi bemi onaic uremi semi, "Eni Saimoni, Yonin agaci banamino. Mage en avic Sifasi" (mini baecdanami "Pita") nen sintenone.43Ena nurami, Jisasi Galilic birar emi, Filipin onaremi samemi, "Sen sivakurono." 44Filipi, Endru na Pitau, Betsaida taoni ginkeno bageno. 45Fililpi Natanielimi onaremi samemi, "Mini bainta Mosasinic lo yo gim bac profetiu yic yo gim, benana sandukageyom bainta yenamac onecumpe; beni Yosepin agaci bemi, Nasareti magu ginkeno bemino.46Natanieli bemi indaemi, "Mana avoguc anecne Nasareti magu ginke ampamintenafino?" Filipi bemi samemi, "Yerae onano." 47Jisasi Natanielin onami bena vankac yevami, beni benani semi, "Onago, mana fuga Israeri bainta ino, ben kin umac bac iyem bemino." 48Natanieli bemi indaemi, "Inkenic ureci eni semi sonagefono?" Jisasi bemi yevegen samemi, "Filipi emi iye ararukaya, eni onda yay anda gimi banaci, seni emi onecumpe."49Natanieli bemi yevegen samemi, "Tisa o, eni Kotin Agaci banamino! Eni Israeriu yic kimi banamino." Jisasi bemi yevegen samemi, 50"Seni enana sec, 'Onda anda gimi banac onecumpe suna foyaci,' eni birivic efono? Eni mana vac yankagare anon anecneuci onanonamino." 51Afo beni siyimemi, "Fuga ugami sireci emi samentecumpe, inarun ona diyinami, Kotinic enyorouc Banta Aga kac undae gundae evana eni onanagomino."
Chapter 2

1Kandac mana vac nuran yankagaimi, Galili magugimi anasi indani banta gac danteno, Jisasin ano mini gimi bami. 2Mini ginke Jisasi namac benic disaiporiuc namaci yareno.3Waini kipaimi Jisasin ano bemi samemi, "Yeni waini iyen dukenone." 4Jisasi bemi samemi, "Anasi o, nevaraci sena baunafac ye fono? Seni mini anecneuc uvaranuna acna iyen yigemino." 5Ben ano beyic yogam baintauci siyimemi, "Bena sinanin anecneuc uvararic anavac ogo."6Mini gim afac mana omandan onacban kac kura Yudauc ye yivucyiva gic eni mini gin non deni dukami bagemi. Mana onacban kura amankac 120 lita nomi fakantemi. 7Jisasi yemi siyimemi, "Non yacman man kura ginkac uvikago." Afo yeni yacde bacyimani mini kura avantaci maron deno. 8Afo yogam baintauc siyimemi, "Manaca yacde yunan kac dafitam bainta maro amego." Afo yeni yacde mare veno.9Yunan kac dafisin mini non waini ic ugan naren onemi, beni iyen indigami nafatec mini waini yenafi (yogam baintauc non yafageyuoni indigano). Afo beni anasi marananim bainta ararremi, 10bemi samemi, "Umadem baintauc avoguc waini nare yimeni narani, icnaemi erandac iyevan yimenone. Afo eni avoguc waini fakare bage mage mare yenamino."11Manai Jisasi acnaric uremi mana avucavac Kanac taoni gim Galili magafac uvaremi, beni beyic iyena avici yocyigarani, benic disaiporiuc ben kim birivic eno.12Afo Jisasi bey anona bey afacunan namacbeyic disaiporiuc namac Kapenaumi faci kundaemi mini gim manaca nurami bagemi.13Pasova adekac yimi, Jisasi Yerusaremi fac uremi. 14Jisasi yonani burimaka va sipisipi va nunuc mam mac kim sarin evano, monoc baegam baintauc baci mini gim kumantano.15Beni naruc mandemi mana yafi uvandemi, macdem baintauc yenyic burimaka va sipisipiuc namaci mam mac kinke yisisac uman mapac demi. Beni monoc baegam baintau yic agam monoguc kufitaman mana mana uremi, yenyic kandandauc arondan demi. 16Nunuc sarin am bainta gani semi, "Mana anecneuc mana ginke marec bogo. Sen Tifon amac kin mageti maguic iye ogo."17Benic disaiporiuc Kotinic yo gin santanani omare indeno, macni sigemi, "En amagani anon siyirici emino, micnugaci seni en amac avogugic ugano vani eran yogaric ecumpe. 18Afo Yuda dafisiruc mini baya indireni bemi maro indaeno, "Ema Koti yogar amicdukana mana anecneuc uvarevante, eni enac ugan avucavac uvande yenamac yotigano." 19Jisasi yemi yevegen siyimemi, "Mana mam mac anakaman acnuraci, kandac mana vac nuran acbana kimi ukukaman dantecumpe."20Yuda dafisiruc bemi sameno, "Mana mam mac 46 orande gimi uvandukaya, eni kandac mana vac nuran acbana kinac yevege ukukaman dantefono? 21Micnugami, Jisasi bey o gac mam magani sevami. 22Beni fukagenin kinke yevegen ukuka ankaranami, benic disaiporiuc mini baya Jisasi sirukagenimi omare indireni, yeni birivic eno23Afo beni Yerusaremi magugimi Pasova omac kac bani, bena enac ugan avucavaguc uvarevani onareni amucno ben avic kimi birivic eno. 24Afo Jisasi yen kim birivic iyen emi, nevarai yenani bani indigagemi, 25nevarai bemi maya vac banta vani amanakac iyen saminteno, nevarai beni banta gim bami beni indigemi.
Chapter 3

1Mana bainta bami, ben avic Nikodimasi bami, beni Farisi bemi Yudauc yicnom bainta bami. 2 Mini bainta ayufumi Jisasi vapac yeraemi, bemi samemi, "Rabai o, yenamac indigecumpe eni tisa be, Kotimpaten yenamino, nevaraino yenamac emi onauna ena enac ugan avucavaguci uvaranamino, maya ena uvarana anecneuc iyen uvarantemino, afo Koti benamac banami, beni amankaci."3Jisasi bemi yevegen samemi, "Fuga, fuga ugamino, maya amankac oyanic iye ugemi, beni inarum magu iyen onantemino." 4Nikodimasi bemi samemi, "Inkenic urenaci banta yevegem ben ano magantenafino bena ayogun kaganane? Beni bey anon arakin yevegen ena yacbac undainan bemi amankac yevegen iye magantemino, beni amankagafino?"5Afo Jisasi bemi samemi, "Fuga, fuga ugane, banta non kim bac Ayo Inta gim bac yevegen oyanic iye emi, beni Kotinic inarum magu gin iyen urintemi. 6Ne anecnefi o ampandanami, o bemino, afo ne anecnefi Ayo Inta ampandanami Ayo Inta bemino.7Eni anduc iye dono mini vana ema macni sirec samena, 'Yigeni yevege gaci oyanic ogo.' 8Sisova bena birar ayimpaci bemino, eni sisova a sevana indinonamino, afo nafatec yeraenaci nafagac benafi eni iyen onanonamino. Micni manan intemino, iyefi Ayo Inta gin oyanic inami."9Nikodimasi bemi yevegemi samemi, "Inkenigac urem mini anecne ampamintenafino?" 10Jisasi bemi yevegemi samemi, "Eni Israeri yic tisa banamino, afo eni nagac eci sena seguna anecneuc eni anufare indi ic iye efono? 11Fuga, fuga ugami sirec emi samentecumpe, yenamac indigauna anecneugani siyimecumpe, afo yenanamac onarukauna anecneugani siyimecumpe. Micnugaya eni yenamac sameguna iye maranamino.12Seni magagac kena anecneugana siyimanac iye birivic inteci, inkenic uregaci inarumpatena anecneugan samenac birivic integafono? 13Maya vac inarumpac iyen umbemino, afo maya inarumpate kumiyi mana ino, beni Banta Agac ino.14Mosasi afac magafac meman kun dondan yanic eninic ureni Banta Agac bac kun dondan yanic intenone, 15minifoni iyen inimbaintafi ben kim birivic inani iye kipan aum marantemino.16Koti mana magagac kena inimbaintau gani anon ayiric emi, mini foni bey Agac mana inta mana dukemifo, beni yimemi, afo iyefi ben kim birivic inani iyen oyogantemi, iyeino, beni iye kipan aumi marantemi. 17Koti mana magagac kena inimbaintauc koc yimino vara sankana yenai, iyeino, beni yen yivigano vani sankami yemi. 18Banta Kotin Agac kim birivic inani iyen oyogantemi, afo banta birivic iye inani, beni oyokemi, nevarai, beni Kotinic mana inta Agac avic kim birivic iyen emi.19Afo mana kogic anda macnimugemi. Mini omi mana magagac yemino. Afo banta anasi ayufun anda vani yiyemino, mini o nan iyen yiyemino, nevarai, yen yivucyivac mandaici ugami. 20Macden inimbaintauc manda andauci uvarenone, yeni onan iyen yiyevani on kac iyen yenone, nevarai yenyic manda andauc afotagic inanin agani yeni fegenone. 21Afo, fuga avucavac uvaran inimbaintauc, yeni on kac yenone, ena inimbaintauc yemi yonareni yenani omare indinteno, yeni Kotin ayini avakurenone."22Mini yankagaimi, Jisasi beyic disaiporiuc namac Yudia magafac beno. Beni yenamac bemi banta anasi nom manyinkevami. 23Afo Yoni vaci Ainoni magugimi Salini magu adekaci banta anasi nom manyinkevami, nevarai mini amampac amucna nomi bami. banta anasi be vankac yeraeni nom marevano. 24Nevarai mini yamuc Yoni karavusic iyen ovami.25Icnaemi Yoninic disaiporiuc namac mana Yuda bainta namac ye youc sesec ure avogugic ugar anda vani baya foni yirueno. 26Yeni Yoni vapac oraeni bemi sameno, "Tisa o, enamac Yodani nom mecyan ofac bagenim bainta, eni benana yenamac sisimeno, beni banta anasi nom manyinkevani bena vapaci macden inimbaintauc benone.27Yoni bemi yevegen samemi, banta mana anecne iye marantemino inarumpatena Koti ben iye aminane. 28Ne bayafi yigema siyimuna yigenafoni indigamino, seni macni sireci siyimecumpe, "Seni Kraisi va begaune,' iyeino, beni iye yigami senaren sisin kac yecumpe.'29Anasi iyefi banta maranani benanam mini bainta anac bantemino. Afo ben aganda ukukagemi banta anasi marananin amer indemi anon amusimi marem bemino banta anasi marananin amer indemi. Mini foni sen sirac kim simusin uvikemino. 30Ben avic yanic inanaci, sen tivic kumino.31Iyefi banta inarumpate yevanani beni macdem bainta yankagagemino. Iyem bantafi magagakeno bemi, beni magagackeno bemino. Micnugami beni magagakena anecneugani semino. Afo iyefi banta inarumpate yevanani, beni macdem bainta yankagagemino. 32 Beni indiren onarukan anecneugani facbaremi siyimemino, afo bainta vac bena siyimin bayauc iyem birivic enone. 33Afo iyem baintafi mini baya gim birivic emi beni Kotinani fuga sigemino simani erar intemino34Micnugami mini bainta Koti sankan yiganani, beni Kotinic baya siyimintemino. Nevarai Koti bemi Ayo Inta amimi, ben kin uvikagemi. 35Ben Afo bey Agac anon ayiric uremi macden anecne ben ayan kimi dam bemi. 36Banta Kotin Agac kim birivic inani, beni iye kipan aumi marantemi, afo ben Agac avaya arinani, beni iye kipan aun iye marantemi, Kotin aran anecne ben kim bantemi."
Chapter 4

1Jisasi Yonim bac yankagaremi amucna inimbaintauc disaipori ic uyinkaremi nom manyinkevami. Mini van beni indimi Farisiuc mini anecneuc uvarevanani indeno, 2(Jisasi benafo non iyem manyinkevami, benic disaiporiuci manyinkevano), 3beni Yudia magafac yereremi Galili magafaci bemi.4Beni Samaria magu ginkac oraem binami amankagic intemi. 5 Beni Samariaic mana taoni Sikari oraemi, mini maga adekaci Yegopi bey agac Yosepin amicdukami.6Yegopinic nom masic minigaci bemi. Jisasi iyakac yagenimi afogami, mini nom masic adekaci ye kumandemi. Igona amuni 12 kiroki amami bami. 7Mana Samaria inini non yafirani yeraimi, Jisasi bemi indaemi, "Non yactiminac nano." 8Benic disaiporiuc yunanuc ayac irani taonifaci bugano.9Afo mini Samaria inin bemi samemi, "Nagac eci eni Yuda bainta, semi Samaria inini non amena naran indaefono?" Yudauc namac Samariauc mana avucavac kin iyem benone. 10Jisasi bemi samemi, "Eni Kotinic avoguc anecne yimevanan indukagefi afo iyec emi indaenaci, 'Non yactiminac nano,' senafi, eni amankaci bemi indainami, beni emi ayum fa van nomi amirarimino."11Mini inin bemi samemi, "Iyeno o, eni bageti iyen dukanami, mom masici macmen ugami kumbemino? Eni nafagac ayum fa van nomi dukefono? 12Eni mayau sifon Yegopim baci yankagagecumpe indirici anamino, beni mana nom masic yenamac simicdemi, beni bey agafandauc namac benic safurauc namac mini ginke nevanone?"13Jisasi bemi yevegen samemi, "Maside iyefi mana nom masic kinke narami yevegen yiyem manam bantemino, 14afo iyefi sena amenuna non naranami ena yacbac yevegen iyen ayintemino. Afo, sena amenuna nomi ben kinke nom masic kacnac ugemi, ben kinke kumem mana bemi, iye kipan aum bemi amintemino."15Mini inim bemi samemi, "Iyeno o, mini non simeno, siminac naranan iye siyinac ovaege managac non yafiran iye yeno." 16Jisasi bemi samemi, "Ey avafun o avicmanare managac yeno."17Mini inin bemi yevegen samemi, "Seni banta iyen dukecumpe." Jisasi bemi yevegen samemi, "Eni antecire senamino, 'Seni banta iyen dukecumpe,' 18nevarai, eni mana yacman bainta dukageonami, afo mage benamac bana bainta en avafuva benaino. Ena senai, fugan senamino."19Mini inin bemi samemi, Iyeno o, seni mage indecumpe, eni profeti banamino. 20Mayau sifo unam mana anugaci man sevanone, Afo yigeni seci Yerusaremi magugimi banta anasiuc man sintenone. Iyeci fuga senafi?"21Jisasi bemi samemi, "Anasio, sena senuna gim birivic ono, mana nuran yintemino, mana anugac bac Yerusaremi magu gim bac yigeunamac sifon kac man iye sinagomino. 22Yigeni iye indigan anecne gaci man samino. Yenamac indigauna anecneu kaci man secyamumpe, nevarai yevegen yivigar anda Yudauc paten yigemino.23Micnugami, mana nuran yemino, mini nuram aci mage managaci yevemino, fuga man san inimbaintauc mayau sifon kac Ayo Inta gim bac fuga anda gim baci man siankantenone, micnugan inimbaintauc benkac man sego vani mayau Sifo afakemino. 24Koti Ayo Inta bemino, afo banta anasi bem man siankarani ayo inta gim bac fuga anda gim bagac man siankago."25Mini inin bemi samemi, Seni indirukecumpe Mesaia yinaninani (benani Kraisine senone). Bena yemi, macden anecneuc anufaremi baeden yenamac sisimintemino." 26Jisasi bemi samemi, mana mini seni beci, mage enamac a secumpe."27Afo mini acna gaci benic disaporiuc yeraeno. Yeni amucna indiric eni negac enaci anasi namac a senafino, maya vac iyen indaemi, "Nevarai eni afakefono?" haca "Nagac eci eni benamac a sefono?"28Afo mini inin beyic non Kura minigac yere remi yevegen taonifac oraemi, banta anasi siyimemi, 29"Yego, mana bainta sena macden anecne uvaragegunau gani sisimemino. Sena indunami mini bainta i Kraisic bantenafino?" 30Yeni taoni yerereni bena vankac yeraeno.31Mini acna gimi, benic disaiporiuc bemi avankeno, "Tisa o, yunan nano." 32Beni yemi siyimemi, "Seni yunan nanuna dukauna, yigeni iyen indigamino. 33Afo disaporiuc ye yirani amucna baya seno, "Maya nananinuc mare amicdukeyafono?"34Jisasi bemi siyimemi, "Sentic yunami bena sisinkac yunonic ayir avakundec benic yogan mandani maro kipantecumpe. 35Yigeni iyevac sego, 'Yunan unafinayon acna er iye van igona fa bemino.' Seni yigemi siyimecumpe, yugam macman yanic urec anayouc onago, mini yunanuc bani afugagemino unafogo vani. 36Iyeuyafi unafinayouni ayac mandeni aganuc baguyinayomi, iye kipan yaumi marantenone, minifoni iyefi yoganani vac iyefi unafinani vac managimi yimusim marantenone.37Micnugami mana baya fugan sigemino, 'Maya yocdami, eno unafemi.' 38Yige iye yocdan unafogo vani siyinkecumpe. Eno yocdan kimi, yigeni yena eran yogaric urami omar unafamino.39Mini inin siyimin baya indireni amucna Samaria inimbaintauci birivic eno, "Macden anecneuc sena uvaragegunauci beni sisimemino." 40Micnurani Samaria inimbaitauc bena vankac yeraeni, beni yenamac bano vani indaurami, yenamac kantan nurami bagemi.41Amucna inimbaintauci ben avaya indireni birivic eno. 42Yeni mini inini sameno, "En avaya va yenamac indirec birivic egaune, iyeino, yenamac senafoni ben avaya indireci onaunami, mana bainta benana mana magagac kena inimbaintauc yevegen yivigantemino."43Afo kantan nuran yankagaimi, mini gake Galili faci bemi. 44Jisasi beyarani facbaruren siyimemi, mana profeti beyic magugin avic iyen dukemino. 45Afo Galili magugin yeraini, avogugic ureni bemi avigeno. Yeni onami Yerusaremi magugim Pasova omac kac macden anecneuc uvarevami nevarai, Pasova omac kac ye yacbaci ovageno.46Afo beni ovegen Kana taoni gim, Galili magafac yeraemi, beni mini magugimi non ugam baecdami waini ic emi. Mana bainta Kapenaumi kinic ofisi gin dafita bemi ben agac ac evami bami. 47Beni indimi Jisasi Yudia fate Galilic yevami, beni oraemi Jisasi kundaena ben agac fugirani evami ayofano vani indaemi.48Afo Jisasi bemi samemi, "Enac ugan avucavaguc iye onei, eni iye birivic inonamino." 49Kinic ofisa bemi samemi, "Iyeno o, sen tigac iye fukana senamac yinac kumono." 50Jisasi bemi samemi, "Bono. En agac fani ayum bemino." Beni Jisasi siram baya birivic emi, yereremi bemi.51Beni asapac kumevami benic yogam baintauc ye onareni, bemi sameno, "En agac fani ayum bemino." 52Afo yemi inadaemi igona amun negagaci kuganden ayofan marenafino. Bemi yevege sameno, "Nurami wan kirokin ac yere ankemino."53Afo ben afo omare indemi mini acnagaci Jisasi bemi samemi, "En agac fani ayum bemino." Mini ampamin onareni, benamac ben amac kim ban inimbaintauc namac birivic eno. 54Manai kantarici emino Jisasi Yudia yereren Galili fac yeven enac ugan avucavac uvarami.
Chapter 5

1Mini anecneuc yankagaimi Yudau yic omac yimi, Jisasi Yerusaremi magugimi uremi. 2Afo Yerusaremi magugim sipisipi ona adekac mana non avarumi bemi, Arami baya gim Betsaida ven sire avic deno, mini amugapac mana yacman varanda bami. 3Amucna yic inimbaintauc, yugam mandaic ugana, yigan yiyan fukanuc mini ana barage gano. (4iyen uvantemi.)5Mana bainta 38 orande gac ac marem bam bainta minigac bemi. 6Jisasi onami minigac dugem bami, beni onami iyakaci minigac bami, beni mini bainta samemi, "Eni ayofan mararan ayenafino?"7Mini ac bainta bemi samemi, "Iyeno o, nom baeganam sen dondan minigin dananim bainta iyem bemino. Sena yunami, eno sen yankagaremi benare minigin kumemino." 8Jisasi bemi samemi, "Ukukano, eyic sagoc manare, bono."9Eseci mini bainta ayofan mandemi, beyic sagoc manaremi bemi. Mini nurami Sabati gaci bami.10Bemi onareni Yudauc ayofan mandukam bainta sameno, "Mana Sabati nuramino, eni eyic sagoc doye binona amankagic iyen ugemino." 11Beni yevegen yemi siyimemi, "Bena sen siyofam bainta semi sisimemino, 'eyic sagoc manare ukuke bono?"'12Yeni bemi indaeno, "Iyem baintac eyic sagoc donare ukuke bono senafino'?" 13Ayofan maran bainta iyen indigami iyec bemi samenafi, Jisasi bani opac ayufem bemi, nevarai mini magugac amucna baintauc uvikagami.14Icnaemi Jisasi mini bainta onami mam mac kim bami bemi samemi, "Indeno, eni aci ayofan maranamino! Ena yacbac manda anda iyevac uvarano, micninami en kac manda anecne iyen ampamintemino." 15Afo icnaemi mini bainta yereren oraemi maro Yudauc siyimemi, Jisasi ben ayofaran avogukac banani.16Afo mini avucavaguc poni Yudauc Jisasim mandaic uankeno, nevarai, beni mini avucavaguc Sabati nuran uvarevanani. 17Jisasi yemi yevegen siyimemi, "Sen Tifo mage fani yogemino, afo se, yacbac, yogecumpe. 18Miniuc poni Yudauc ben arirani ay afakeno, nevaraino beni Sabati mana va ugacdenai, Kotinan bey Afone sevam poyac baga, beni beyani mandan Kotin namac manaic evam po yacbaci.👉19Jisasi yemi yevegen siyimemi, "Fuga, fuga ugane, Aninta beyic ayintac mana anecne iyen uvarantemino, iyeino, bey Afon onevanan uvaran anecneuc manan ben Agac bac uvarantemi, ne anecfi ben Afo uvarevan anecneuc anan ben Agac bac uvarantemi. 20Nevaraino Ben Afo bey Agac avacbac uankaremi macden anecneuc bena uvarevan anecneuc yocagemi, afo beni mana anecneuc bac yankagaremi anon yogaruc baci yocaganami, minifoni yigemi yigan dantemi.21Ben Afo fukam baintauc ukukayinkaremi ayum fa van yimeninic uremi, ben Agac bac ayum fa van iyenafi bena ayinanimi amintemi. 22Ben Afo mana bainta iyen daimemi, iyeino, umacden daiminanin erani bey Agaci amic dukemi, 23minifoni ben Afon avic yanic eyonic ureni ben Agac bac avic yanic inteno. Banta iyefi ben Agac avic yanic iye intemi ben Afo ben sankenin avic baci yanic iye eno.24Fuga, fuga ugane, banta iyefi sen tivaya indirem bena sisinkac yunon kim birivic inani beni iye kipan aumi mandemi, Kotinic koc kac iyen ukukantemi, afo beni fugini yankagagemi iye kipan aumi mandukemi.25Fuga, fuga ugane, seni siyimecumpe, mini acna yemino, afo mage yevemino, fukam baintauc Kotin Agac avaya indireni ukukantenone, afo yena indinayouni ayum fani bantenone.26Ben Afo ayum fa van dukanic uremi, bey Agac baci amicdukemi, minifoni ayum fa van benkim bantemi, 27afo ben Afo koc indinanin erani bey Agac amicdukemi, nevarai beni Kotin Agaci bemi.28Mini van yinduc iyevac dogo, mana nuran yemino, fuke bamasic kim banayon inimbaintauc ben avaya indireni, 29fasapac acde yintenone. Avoguc avucavac uvarage inayouni iye kipan yaum maratenone, afo manda andauc uvarage inayouni Kotinic koc kac ukukantenone.30Seni mana anecne sesic siyintac iyen uvarantecumpe. Seni esec indeci, daimecumpe, sena daimonuna anteci gemino. Nevarai, sesic siyin iyen avakurecumpe, bena sisinkac yunonic ayini avakurecumpe. 31Afo senafo seyarana siyimeci, seni fuga iye sentecumpe. 32Ena bainta senan siyiminani bemino, seni indecumpe, bena senan siyiminanimi, beni fugan sintemino.33Emi Yoni vapac sankaraya oraonami, beni enani fuga baya siyimemino. 34Afo seni mini baya banta fate iye marecumpe. Iyeino, Seni micni senuna foni yigeni iye kipan yaum maranagomino. 35Yoni on kacnaci bemi beni kemi kagamani acnevaci, benic on kac sito kaci yimusim mareci bagegomi.36Micnugami, Sena dukauna bayai Yonim bac yankagagemino , mini yogaruc sen Tifo simicdukan yogaruci maranami maro kipantemino, sena mareguna yogaruci sen Tifo sisinkac yuna vani banta anasiuc siyimemino. 37Sen Tifo sema sisinkeniyi benafoni senani siyimicdukemino. Afo eni ben amen iyen induke, ben ondac manac yacbac iyen onarukanamino. 38En kim ben avaya arac kin iyem bemino, nevarai, bena sisinkac yunon kim birivic iyen anamino.39Eni man yo gin afakanamino, nevarai, eni mini ginken iye kipan saumi marantecumpe indirici anamino, afo mini yo gim manan senani sigaya, 40eni sena baunafac yerae iye kipan aum maranona vani iyen ayemino.41Seni ecaunam banta sivic yanic iyen emino, 42afo seni indecumpe yigen kim Kotinic avacbac iyen dukamino.43Seni se Sifonic eran namaci yevaunaci, yigeni semi iyen sivigamino. Afo eno beyic eran kin yerainaci, yigeni bemi aviganagomino. 44Inkenic uregaci yigeni birivic integafono, yigemi ena baintauci yivic yanic enone, yigeni Kotin kinke mana yivic yani in iyen afakamino?45Yigeni bey Afon kac koc simintemino sirec iyevac indego. Yigemi Mosasi koc yimintemino, yigeni ben kimi yindun dukagegomi. 46Yigeni Mosasin kim birivic ageci sen tivaya gim baci birivic iraromino, nevarai beni yo gim senani sandukami. 47Afo bena yo gin sandukanuc birivic iye inteci, inkenic uregac yigeni sen tivaya gim birivic integafono?"
Chapter 6

1Mini anecneuc yankagaimi, Jisasi Galili Un non ena ofac, mini fac avic deni Tiberiasi Un momi. 2Amucna inimbaitauci bemi avakure yevano, nevarai, yeni onami enac ugan avuavaguc uvandemi yic inimbaintauci yiyofevami. 3Jisasi anugac undaemi minigac beyic disaiporiuc namac kumandemi.4(Afo Pasova, Yudauyic omac, adekaci yemi.) 5Jisasi ogan yanic uren onami amucna inimbaintauc be vankac yami,nbeni Filipi samemi, "Nafagac breti ayac uranaya manauc amankac nanteyafono?" 6(Afo Jisasi mana baya simi, Filipin amamacden onarani beni semi, bena uvarananimi bani indigami.)7Filipi bemi yevegen samemi, "Tu handreti denari monoc kac breti macde maya maya sitoc bac nanayon amankagic iyen intemino. 8Mana disapori , Endru, Saimon Pita afac, Jisasimi samemi, 9" Mana inta mana yacman breti namac kantan noyac duka managim bemino, afo manauc amankagigac intenafino mana bagugine?"10jisasi yemi siyimemi, "Banta anasiuc siyimina gumandogo." Mini magugac amucna ataya bami. Afo mini inimbaintauc kumandeno, amankac 5,000 amami bano. 11Afo Jisasi mini breti manden susu siremi, kumantan inimbaintauc yimemi. Beni oganic anan noyac bac emi, yena nanyon amankaci. 12Afo bantq qnasiuc yimucdaimi, beni disaiporiuc siyimemi, "Yunan arauc yere ecanuc yogupago, kicnuranaci mana anecne vac iye oyogano."13Afo yeni mini mana yaman breti gake mini inimbaintauc naran arauc yogupaman dami 12 basgetin uvikemi. 14Icnaemi bena enac ugan avucavaguc uvarami banta anasiuc onareni, yeni seno, "Manai fuga siremi profeti mana magagac yevemino." 15Afo Jisasi yemi yonani bem fakar adekagic eno, ben avankarana kinic ino vani, beni yere yinkaremi yevegen beyakaci anugac uremi.16Ayinkagic imi beni disaiporiuc un nompac kumeno. 17Yen mana boti gin undaeni, un non kim Kapenaumi birano. Mini acna gin ayufun kevami, Jisasi yena vankac iyen yigami. 18Eran sisova evami, unomi eran karandoc emi.19Yeni puric beni 5 gake 6 kilomita amami oraeni onami Jisasi unon anac yevami, afo boti adekac yeraini, yeni fegeno. 20Afo beni siyimemi, "Senumpe! Iye fegago." 21Afo yeni boti gin urino vani bemi avigeno, eseci boti ena ofac magagac yena birare sen kac oraemi.22Mini nuran yankagaimi, banta anasic unon ena ofac ukukagageyouni onami ena boti vac minigac iyem vami, mana boti mana minigac bami Jisasi beyic disaporiuc namac minigin iyen umpekami, benic disaiporiuc yeyakaci yerere bugano. 23Micnugami, minigac manaca boti Tiberiasi fate minigaci yevami, mini magu adekaci Jisasi susu sirani breti neno.24Mini inimbaintauc onan Jisasi beyic disaiporiuc namac minigac iyem bano, mini inimbaintauci mini boti ginkac undaeni Kapenaumi Jisasin afaka beno. 25Icnaemi unon ena ofac omar onareni, yeni bemi indaeno, "Tisa o, eni nandec managac yefono?"26Jisasi yemi yevegen siyimemi, Fuga, fuga ugane, yigeni enac ugan avucavac uvarauna onanara sifakagegonaino, iyeino, yigeni breti naran yimuc kurinani sifakagegomino. 27Yigeni oyogananin yunanugan iye yogago. Ecegaci iye kipan yaum maranayon yunanu garac yogago. Micnugan yunanuc yigemi Banta Agaci yimintemino, nevarai yigeunamac Sifo Koti bemi anon avic amicdukemino."28Afo bemi yevege sameno, "Nagac uregaci yenamac Kotinic yogaruc maranuno?" 29Jisasi yemi yevegen siyimemi, "Macnimugemi Kotinic yogan. Yigeni bena sankan yeniyin kinac birivic ogo."30Afo bemi sameno, "Ne enac ugan avucavagac uvandanac yenamac onaregaci enkim birivic onuno?" Eni nec uvarantefono? 31Yenamac sifo unami afac magafac mana nevanone, macni siremi santemino, 'Beni inarumpatena breti nagovani yimemi."'32Afo Jisasi yemi yevegmi siyimemi, "Fuga, fuga ugane, Mosasi inarumpatena breti iyen yimemino, iyeino, sen Tifon inarumpatena fuga breti yigemi yimemino. 33Nevarai, Kotinic breti inarumpate kundaemi ayum fa van mana magagac kena inimbaintauc yimemino." 34Afo beni siyimemi, Iyeno o, mini breti macden yac simeno."35Jisasi yemi siyimemi, "Seni ayum fa van breti becumpe, beni iyefi sena banunafac yintemi bemi arandac iyen fugintemino, afo iyefi senkim birivic inani nonan dac iyen ayintemino. 36Afo yigemi siyimecumpe fuga sirec semi sonarukeci, yigeni birivic iye amino. 37Umacde iyenafi sen Tifo siminani beni sena baunafac yintemino, afo beni iyefi sena banunafac yinanimi seni fuga sirec avekaman iyen karucdantecumpe.38Nevarai seni inarumpate kumbecumpe, sesic siyin iyen uvaratecumpe,iyeino, bena sisinkac yunonic ayini uvarantecumpe. 39Mana mini sen sisinkayinic ayinino, bena simicdakauni seni mana vac yere iyen ecantecumpe, iyeino, arasapac yinanin nurami seni yemi ukuka yinkantecumpe. 40Nevaraino mini i sen Tifonic ayinino, umacde iyefi ben Agac onarem ben kim birivic emi beni iye kipan aumi marantemino, afo seni arasapac yinanin nurami bemi ukuka ankantecumpe41Icnaemi Yudauc bena seninani amucna baya seno, "Inarumpate kumbauna breti seni becumpe." v 42 Yeni seno, "Manai Yosepin agagafino, ben afonuc ben anonuc yenamac yemi yonagauno? Nagac enac beni senaci, 'Seni inarumpate kumbecumpe, senafino'?"43Jisasi yemi yevemi siyimemi, "Yige yiran amucna baya iye sego. 44Maya sena banunafac iyen yintemino, sen Tifo sen sisinkac yuno beni amankaci difitaman sena banuna fac simintemino, afo arasapac yinanin nuraminbemi ukuka ankantecumpe. 45Profetiuc kim santemino, 'Macde Koti siguru yimintemino.' Macde iyefi sen Tifom pate indiren siguru mandanani sempaci yintemino.46Seni maya vac Kotin iye onarukamino iyen secumpe, beni iyefi Kotimpateno, beni Kotin onarukemino. 47Fuga, fuga ugane, beni iyefi birivic inani beni iye kipan aumi dukemino.48Seni ayum fa van breti becumpe. 49Yigen yifo unam afac magafac mana nageni, yeni fugenone.50Mana breti inarumpate kumbemino, micnugami banta manaca naren iyen fugintemino. 51Seni ayum fa bauna breti beci, inarumpate kumecumpe. Iyefi mini breti gake manaca naren ayum fananam bantemi. Mini breti sena yimenunai sen so ino mana magagac kena inimbaintauc yinda bemino, yeni nareni ayum fani bantenone."52Yudauc yiran anecne mandeni ye yiran amucna baya yeni seni, "Mana bainta inkenic urec ben o nano varac senafino?" 53Afo Jisasi yemi siyimemi, "Fuga, fuga ugane, yigeni Banta Agac o narec, afo beni koran narec, yigeni ayum fanana banagomino.54Iyefi sen so nenafi, sentic koran nenafi beni ie kipan aumi dukemino, afo bemi arasapac yinanin nurami aoruranami ukukantemi. 55Nevarai sen so i fuga yunami, afo sentic korami fuga nomi. 56Iyefi sen so nenafi, sentic koran nenafi beni sen kim banaci, seni hen kimi bantecu.57Sen Tifo Ayum fa van semi sisinkaci seni se Sifonic erantaci ayum fa becu, afo iyefi sen nanani, beni sentic erantaci ayum fa bantemi. 58Mini breti inarumpate kumimi, yigen sinafu unan nareni fugeno. Iyefi mana breti nanani fanana ayum bantemi." 59Jisasi mana anecneugan siyimagenimi Kapenaumi mam mac kimi banta anasiuc siguru yimemi siyimagemi.60Icnaemi amucna disaiporiuc mini bayauc indireni, yeni seno, "Mana bayauc yigeunamac siguru simagenim anon umam bayauc ino, iyec amankac indintenafino? 61Nevarai, Jisasi beyic indintimi indini benic disaiporiuc miniugani amucna baya sami, beni siyimemi, " Mana baya yigen yiragac mandaic uyinkenafino?"62Inkenigac intenafino, yigeni onevan Banta Agac bana bagenimpac ure vanane? 63Ayo Inta ayumfa van yimemino. Afo o i ayum fa van iyen yimemino. Mini bayauc yigen siyimunauci Ayo Inta ino afo ayum fa gani yigemi yintemino.64Micnugaci manaca yigeni birivic iyen amino." Nevarai, Jisasi bani indigamino, iyem baintau gaci ben kim birivic iye inaci, iyec bemi avicman namugouc yiyan kin dantenafi. 65Beni semi, "Mini vani yigemi siyimunaino, mana bainta sena banunafac iyen yintemino, afo sen Tifo amankagic uankaranami sena banunafac yintemino."66Mini yankagaimi, benic amucna disaiporiuc yerereni beno, ena yacbac benamac iye beno. 67Mini acnaemi Jisasi 12 disaiporiuc siyimemi, "Yige yacbac yererec biran yiyenafino?" 68Saimon pita bemi yevegemi samemi, "Iyeno o, ena iye vapa gac yenamac bontegafuno? Eni iye kipan yaum maram baya dukanaci, 69yenamac birivic ureci onauna eni Antkam Bainta Koti beyani ugac dukemino."70Jisasi yemi siyimemi, "Seni macde yigemi seyani uyacman decumpe, afo maya yigen kinke ban anonic yogam bainta bemino." 71Afo beni Yudasi Saimon Iskarioti nani semino, beni 12 disaporiuc kinke kuntanuc uvandemi, Jisasin avicman namugouc yimintemino.
Chapter 7

1Miniuc yankaimi Jisasi Galili magafaci yeukevami, beni Yudia maga fac iye bintemi, nevarai Yudauc bemi aruman fugirani afakevano. 2Yudau yic iyon maran Mac omac adekaci yemi.3Ben afac unami sameno, "Mana magu yerere Yudia magafac bono, micninani enic disaiporiuc bac ena avoguc anecneuc uvareonauc onantenone. 4Maya vac mana anecne opac iyen uvaremino eno vac afotac bema onago vani,Ena mana anecneuc uvarante, amankacino umacdem mana magagac kena inimbaintauc yocyigano."5Ben afac unamac ben kim birivic iyen eno. 6Micnugami Jisasi yemi siyimemi, "Sentic mini acna iyen yigemino, afo yigen yic acna macden nuram sesac anan ugemino. 7Mana magagac kena inimbaintauc yigemi namugoic iyen uyinkantenonone, afo semi namugoic usinkenone, nevarai seni yenyic manda avucavavaguc gan facbarurec siyimeguna vani semi namugoic usinkenone.8Yigeyac omac kac urogo, seni mini omac kac iyen urontecumpe, nevarai sentic acna iyen yigemino." 9Icnaemi mini bayauc siyimicdemi, beni yevegemi Galilici bami.10Afo ben afac unam omac pac undaomi, icnaemi beyac bac uremi, afotac iye urini opaci uremi. 11Yudauc benani omac kin afaka noni, seno, "Nafagac beni benafino?"12Mini inimbaintauc yocbanac kinkac benani amucna bayauci sa nogeno. Manaca seni, "Beni avouc banta bemino." Eno seni, "Iyeino, banta anasi manda asapaci yivigem bevamino." 13Afo yeni Yudauc yigani fegeni benani afotac iyen sevano.14Afo omac yankagen acbanac kagic imi, Jisasi mam mac kin undaemi kuganden tisin emi. 15Icnaemi Yudauc yigan devani, seno, Mana bainta inkenic urenaci amucna anecneugan indigenafino? Beni siguru vac iye sigaino." 16Jisasi yemi yevegmi siyimemi, Sena tisin eguna sentinda vaino, iyeino, bena sisinkac yunon indaino.17Afo iyefi Kotinic ayin avakurirani, beni mana tisin eguna uga indigano, Kotimpatec yintenafino, sena sesic indintinke senunafino. 18Iyefi beyarana siyimevanani, bey avici yanic emino, afo iyefi bema sankaran yeninan siyimevana, beni fuga bainta bemino, ben kim iye anteckan avucavac iyem bemino.19Mosasi yigemi lo yimemino. Micnugaci maya vac yigen kinke lo iye avakuramino. Ne anda varaci semi siriran sifakac nogafono?" 20Masicde bemi yevege sameno, "Eni manda spiritin dukanamino. Iyec emi ariran afakenafino?"21Jisasi yemi yevegen siyimemi, "Seni mana yogan mandaunami, mini foni yigemi yigan demino. 22Mosasi yinda akecyan yigemi yimemino (mini avucavac Mosasim pate va yigenaino, yigeunamac sinafu unam pate yigemino), afo Sabati nurami yigeni banta yinda akecyamino.23Afo Sabati gac yigena banta anda akecyarec Mosasinic lo iye ugacdanteci, nagac egaci sena Sabati gac banta yiyofeguna van yiran anecne semi mantinkegafono? 24Bantaic onantac iye daimogo, afo ecegaci anteckan avucavac poyaci daimogo."25Manaca inimbaintauc Yerusaremi magu ginkeno seno, "Mana miyinac aruman fugiran afakevayafono?" 26Onago, beni afotaci baya siyime vani yeni mana baya vac bemi iyen siankenone. Yicnom baintauc bemi onageyafo, beni Kraisic benafi? 27Yenamac bemi onagecumpe, beni nafatenoc benafi. Afo Kraisi yinami, maya vac benani iyen indigantemino beni nafateno benafi.28Afo Jisasi bacduman acnuremi tisin emi semi, "Yigeni macde senani indigamino seni nafatec yevegafu. Micnugaci, seni sesic erantac iyen yecumpe, afo semi Kotin sisinkac yevaumpe, avucavac fugan sigemino, yigeni benani iyen indigamino. 29Seni bemi onageci, benamaci baunami sisinkac yecumpe."30Mini baya foni bemi fakare karavusic irani enofo, maya vac ben agec ayan iyen demi, nevarai bena fuginanin acna iyen yigami. 31Micnami, amucna inimbaintauci ben kim birivic eni, seno, "Kraisi icnaen yemi, beni enac ugan avucavguc mana vagac yankagaren uvarantenafi?" 32Banta anasiuc Jisasi nan sumisami sani Farisiuc indireni, yicnom prisiuc namac Farsiuc Jisasim fakago vani yeyic ofisauc siyinkeno.33Jisasi yemi siyimemi, "Seni yigenamac sito kac fa bageci, icnaemi seni bena sisinkac yuno vapac bontecumpe. 34Yigeni sifakanagomifo iyen sonanagomi, sena bonuna fac amankac iyen yinagomino."35Yudauc ye yirani bayauc sani yeukevano, "Nafagac mana bainta binagac yigeunamac iye onantegafuno? Beni Yudauc Griki magafac ban inimbaintauc namagac ovenaci minifac tisin em bantenaci senafino? 36Nevaraci mana baya senafi, 'Yigeni sifakanagomifo iyen sonanagomino, sena bonuna fac amankac iyen yinagomino'?"37Afo omac kipan nurami, Jisasi ukukaemi bacduremi siyimemi, "Iyeci nonan amer acyan kenafi, ecanaci sena banunafac yeraenaci non nano. 38Iyefi sen kim birivic inani, man yo gin siganic emi, ayum fa van nom ben arac kinke anon nomi kumintemi."39Beni Ayo Inta vani semi, iyeuyafi ben kim birivican inimbaintauci maranteno. Jisasi anon avic iye mandukemi, beni Ayo Inta iyen yimic dukami.40Manaca inimbaintauc, Jisasi siram bayauc indireni, seno, "Fuga ugamino, manai profet bemino." 41Manaca seni, "Manai Kraisi ino." Afo manaca seni, "Kraisi Galili fate yintenafino? 42Man yo gim semi, Kraisi Devitin anavasinuc kinke Betlihemi, Devitinic magu kinken yintemino.43Afo Jisasi siran baya vani banta anasi indir uvandeni ye yiran daindain eno. 44Manaca Jisasim fakare enofo, maya vac ben kac ayan iyen demi.45Icnaemi kamaninic ofisauc ovege yeraomi, prisiuc namac Farisiuc yemi indaeno, "Nagac igaci bemi avigec iye yegafono?" 46Mini ofisauc yemi yeve siyimeno, "Maya vac bena seninic ugam baya iyen sintemino."47Afo Farisiuc yemi yevege siyimeno, "Yige yacbac benic makasin kinaci yandegafono? 48Dafisiruc bac ben kim birivic eyafono, haca Farisiuc bagafono? 49Afo mana inimbaintauc lo iyen indigenone, yemi siyafunirukenone."50Nikodimasi (mana Farisi bana Jisasin ye onani) yemi siyimemi, 51"Yigeunama sic lo amankagac mana bainta koc amintenafino ben avaya iye indiruke, ne anda uvarenafi? 52Bemi yevege sameno, " Eyacbac Galili fatenoc befono? Kotinic yo gin yandare onano, mana profeti vac Galili fate iyen yigemino."53Icnaemi macden inimbaintauc ye yimac kinkac be ye eno.
Chapter 8

1Jisasi Olivi Anugaci uremi. 2Banurampaci beni mam mac kin ovegen yeraini, macden inimbaintauc yeraomi, beni kumandugemi sugu yimemi. 3Lo gin tisaic ugam baintauc namac Farisiuc mana banta mandukan inini avige yeno beni ena bainta namaci monkoc evani onareni fakeno. Bemi acbanac kimi mare ukuka ankeno.4Yeni Jisasin sameno, "Tisa o, mana inin ena bainta namaci monkoc evani fakeno. 5Afo Mosasinic lo gimi yenamac sisimemi, mini avucavac evananin inimbaintauc onacbac yirogo vani sigemino, afo eni nevec benani sintefono?" 6Yeni micni sirana bena sinanin baya indire mini fo ben koc amirani bam buyeno. Afo Jisasi makamemi magagac ofac poni saremi.7Bemi indaenana bami, beni ukukaemi yemi siyimemi, "Maya yigen kinke manda anda vac iye uvarevanani, ecanaci benare mana onacban mana inin agekac karucdano." 8Afo beni yevegem makamemi, magagac ofac poni saremi.9Afo yeni micni sira indireni mapac mana mana acdueni yerere beno, anom baintauc kake fumarauc kac kundaimi. Jisasim manan minigac yere ankeno, mini inin acbanac kin namaci. 10Jisasi ukukaemi mini inin samemi, "Anasi o, nafagac en koc amageyom baintauc beya fono?" Maya vac emi koc iyec amenafino?" 11Beni semi, "Iyeno o, mana bainta vac iye bemino." Jisasi bemi samemi, "Seyacbac emi koc iyen amentecumpe. Orae ena yacbac manda andaic iye ono."12Afo Jisasi yemi yevegemi banta anasi siyimemi, semi, "Seni mana magagac kena omi becumpe, beni iyefi sen sivakuremi beni ayufun kin iye bintemino, iyeino, ben kim ayum fanana kevan omi bantemino." 13Farisiuc bemi sameno, "Eni eyaranana sanami, en avaya fuga iyen sigemino."14Jisasi yemi yevegen siyimemi, "Sena seyarana seguna bayauc, seni fuga secumpe. Seni indigecumpe seni nafatec yevegaci, nafagac bontegafu, afo yigeni iyen indigamino seni nafatec yevegaci nafagac bontegafu. 15Yigeni bantaic avucava kaci daiyinkamino, afo seni yunai banta dainyinkarara yegaune. 16Afo sena banta dain ankanami fugan sentecumpe, nevarai seyakac iyem becumpe, iyeino, seni sen Tifo sisikac yuno namaci becumpe.p17Eyo, yigen yic lo gimi santemino, kantan bainta ganda manaic ugam baya seni, fuga sintenone. 18Seni seyarani siyimecumpe, afo sen Tifo sema sisinkeni beni senani siyimintemino."19Yeni bemi indaeno, "En afo nafagac benafino?" Jisasi yemi siyimemi, "Yigeni semi iye sonageci sen Tifom bac iyen onagamino, yigeni sema sonageci, sen Tifom baci onaganagomino." 20Beni mini bayauc mam magic monoc dan rumu gimi siyimevami, bemi iyen fakeno nevarai bena fuginanin acna iyen yigami.21Afo beni yevegen siyimemi, "Seni yerereci bontecumpe, semi sifakac nogeci yigeni yigeyic manda anda gimi fuginagomino. Sena beguna fac iyen yinagomino." 22Yudauc seno, "Benafo benar aruman fugiraraci senafino? Micni raraci beni senaci, " Sena bonunafac iyen yinagomino'?"23Jisasi yemi siyimemi, "Yigemi mana magagaci macdukenone, afo seni inarumpate yevecumpe. 24Micnugaci yigemi siyimecumpe yigeni yigeyic manda andauc kimi fuginagomino. Afo yigena senana birivic iye ec, inarumpate iyen yevemino seci, yigeni yigeyic manda andauc kim fuginagomino."25Micni sirani yeni bemi indaeno, "Eni iyec befono?" Jisasi yemi siyimemi, "Acnantapac yigemi siyimecumpe. 26Seni amucna anecneugani sireci yigemi yasi gacnaci dain yinkantecumpe. Micnugemino, sen sisinkac yuno beni fugan sigemino, afo bena sisimin bayauci mana magagakena inimbaintauc siyimecumpe." 27Bey Afonani siyimevani yeni anufare indi ic iyen eno.28Jisasi semi, "Jigeni Banta Agac kun dondan yanic ureci, yigeni semi sonanagomino, seni iyec begafu, afo seni sesic yogan iye mandukecumpe. Ne anecneugafi Sen Tifo siguru simenim, mini anecneugani seni secumpe. 29Bena sisinkac yuno senamaci bemino, senakac yere iyen sinkarukemino, nevarai seni macden yac ben ayevan anecneuci uvarecumpe." 30Afo Jisasi mini anecneugan siyimevani amucno ben kim birivic eno.31Jisasi ben kim birivican Yudauci siyimemi, "Yigeni sen tivayauc erarurec avakurageci, yigeni sentic fuga disaiporiuc ugeci, 32yigenj fuga avucavagac onanagomino, mini fuga avucavaci yigemi utuc yinkantemino." 33Yeni bemi yevege sameno, "Yenamac Abrahemin anavasinuc beci yenamac ena baintaic fayan yogam baintaic bac iyen ugec yamumpe, inkenigac eci eni se, 'Yigemi utuc yinkantemino sefono'?"34Jisasi yemi siyimemi, "Fuga, fuga, ugami sirec yigemi siyimentecupe, Umacde iyefi manda andaic evanani beni manda andaic fayan yogam baintaic bemino. 35Fayan yogam bainta mac kim macyoc iyem bemino, afo ben agaci minigim macyoc bemino. 36Micnugami ben Agac utuc ankarana fana bei, eni fuga siren utuc ankarana fani banonamino.37Seni yigemi indigecumpe yigeni Abrahemin anvasinuc bamino, yigeni semi sirirani sifakamino nevaraino sen tivaya yigen yindutim benic magu iyem bemino. 38Sena segunai se Sifo namac bec onauna anecneugani secumpe, afo yige yacbac yigen yifo siyiminuci uvarac bamino."39Yeni yeveni bemi sameno, "Yenamac sifo Abrahemi bemino." Jisasi yemi siyimemi, "Yigena Abrahemin agafandauc bageci Abrahemi uvaregenin yogaruci uvarararomino. 40Micnugaci, yigeni sen sirirani sifakamino, seni Kotimpate fuga baya indunan siyimecumpe. Abrahemi micni iyen emino. 41Yigeni yige yifonic yogaruci uvaramino." Yeni bemi sameno, "Yenamac monkoc avucavac kina mactinkeyaone, yenamac Sifo, Koti beyakaci bemino.42Jisasi yemi siyimemi, "Afo Koti yigen yifo bageninage, semi sivacbac iraromino, nevarai, seni Kotimpaten yeveci mage managaci becumpe, afo sesic siyintaga yevegaune, beni semi sisinkemino.43Nagac egaci sena seguna bayauc yigeni iye indegafono? Mini i nevaraino sena siyimeguna bayauc iye maramino. 44Yigeni yige yifo banano inda beci, yige yifonic ayiruc uvararani yiyemino. Beni acnantapate banta yiruman fugevam bemi beni fuga gin iyen ukukagemino nevarai ben kim fuga avucavac bac iyem bemino. Bena umac semi, beyinda ugami avakuremino, nevarai beni umac sigam bemi, beni umac avucavaguc yifo bemino.45Micnugaci, seni Kotinani fuga baya siyimegunaci, yigeni birivic iye amino. 46Maya vac semi iyen yotiganonamino, seni mana manda anda vac iyen uvandukecumpe. Seni fuga segunaci, yigeni nagac egaci semi birivic iye egafono? 47Beni iyefi Kotimpateno bemi beni Kotin avayauc indemino, yigeni iyen indamino nevarai yigeni Kotimpate iyem bamino."48Yudauc bemi yevege sameno, "Yenamac antekam bayan enani seci, beni Samaria bainta bami, manda spiriti ben kimi bemino." 49Jisasi yemi yevegen siyimemi, "Seni manda spiriti iyen dukecumpe, seni se Sifomi avic yanic egunaci, yigeni semi manda sivic damino.50Seni se sivic yanic iyen ecumpe, maya bemino, beni koc yimintemino. 51Fuga, fuga, sireci yigemi siyimecumpe, iyefi sena siyimeguna bayauc indiren uvaremi, beni fugir iyen onantemino.52Yudauc bemi sameno, "Mage emi aci onecyamumpe eni manda spiritin dukanamino. Abrahemi profetiuc namaci fugenone, afo eni se, 'iyefi sen tivayauc indiren uvaremi beni fugin iyen onantemino.' 53Eni yenamac sifo Abrahemi namac iyen yankagaganamino, beni fugemino. Profetiuc baci fugenone. Eni eyarani yankagagecumpe indiric iyevac ono."54Jisasi yemi yevegen siyimemi, "Afo sena se seyarana se sivic yanic onami, sena sivic yanic onuna fayar anecneino. Yigena benana secma yenamasic Koti bemino segon Koti, sen Tifo bemi beni sen tivic yanic emino. 55Yigeni bemi iyen onagamino, afo seni bemi onagecumpe. Afo sena benana iyen onagecumpe seci, seni yigen kacnac eci umac bainta bantecumpe. Micnugaci, seni bemi onageci ben avaya fakarukecumpe. 56Yigen yifo Abrahemi, sena ayum fana banunagac uvaranuna anecneuc onaremi, beni amusimi maremino."57Yudauc bemi sameno, "Eni 50 orande vac iye yankagage, eni Abrahemin onaruke sanamino?" 58Jisasi yemi siyimemi, "Fuga, fuga ugami sirec yigemi siyimentecumpe, Abrahemi iye ampankaci senare bagecumpe." 59Afo yeni onacbanuc yureni ben arirar omi, beni omanduemi mam mac kinke mapac acdem bemi.
Chapter 9

1Afo Jisasi yankagem bemi, beni mana onemi, bey anon arac kinke ogam futinkam bainta onemi. 2Benic disaiporiuc bemi indaeno, "Tisa o, iyeci manda anda uvandanaci mana bainta ben anon arac kin ogam futinkanac magenafino, mana baintafino haca ben ano afofino?"3Jisasi yemi yevegemi siyimemi, "Mana bainta vac ben anonuc ben afonuc ga manda anda iyen uvarenone, iyeino, minifoni ben kac Kotinic yogaruc amankac afotagic intemino. 4Yigeunamac bena sisinkac yunic yogarugac marano kagageninkage, ayufun kanaci amankac iyen yoganagomino. 5Sena mana magagac banunagaci, seni mana magaic omi becumpe."6Icnaemi Jisasi mini bayauc sagen demi, beni magagac agano kutiremi bey agano fo yoy uvandemi, ben ogan kac agagemi. 7Beni mini bainta samemi, "Siloami non avarun kim maro sesecono" (mini baecdanami "Sankemi"). Afo mini bainta yereren oraem maro sesec uremi ovegen onemi yemi.8Icnaemi ben acnagac ban inimbaintauc namac bema bana onan inantagenim bainta vani yeni sevano, "Mana mini baintaci kumanten inantevafino?"" Manaca seno, "Mini benino." Eno seni, "Iyeino, beganac ugam baintaino." Afo beni semi, "Mana senumpe."10Yeni bemi sameno, "Inken asapagac en ogan diyenafino?" 11Beni yevegen yemi siyimemi, "Mana bainta benani Jisasine sire avic dam bainta yoy uvandemi sen sogan kac agacdemi semi sisinkemi semi, 'Silaomi non avarun kim maro sesecono.' Micni siraci seni maro seseureci sogan onecumpe." 12Yeni bemi indaeno, "Beni nafagac benafino?" Beni yevegen yemi siyimemi, " Seni iyen onagecumpe."13Yeni ogam futinkagenim bainta avigen Faririsiuc vapaci beno. 14Mini nurami Sabati nurami bami Jisasi yoy uvandemi ogan diankemi. 15Icnaemi Farisiuc bemi yeve ge indaeno inkenic urenaci beni onenafino. Beni yemi siyimemi, "Beni yoni sogan kac acdaci, seseureci, mage onecumpe."16Manaca Fqrisiuc seno, "Mana bainta Kotimpateva yigenaino, nevarai beni Sabati gac iyen dafismino." Enon seni, "Inkenic urenaci manda anda uvarevanani beni micnugan avucavac uvarantenafino?" Afo ye yirani daimeno. 17Afo yeni ogam futinkagenim bainta yevege indaeno, "Eni nevec benani sefono, beni emi ogan diankemino?" Mini ogam futinkagenim bainta semi, "Beni profeti bemino." 18Afo Yudauc ogam futinkagen onam bainta vani fa birivic iye ini bageni, yeni ben ano afomi yareno.19Yeni ben ano afomi indaeno, "Mana en agagfino ena se ogam futinkami ben ano magemino? Beni inkenic urenaci mage onenafino?" 20Afo ben afo yemi yevege siyimeno, "Yenamac onagecumpe man bende sigacino, beni ogam futinkami macdukamino. 21Inkenic urenaci mage beni onenafi, bende iyen ingecumpe, afo iyec bami ogan diankenafi bende iyen onagecumpe. Ben indaurec indego, beni bantaici ugemino. Beni beyaran siyimintemino."22Ben ano afo mini bayauc semi, nevarai, yeni Yudauc yigani fegeno. Nevaraino Yudauc bani sireni mana yirakaci deno iyefi Jisasinana sena, beni Kraisi ino sinani, bemi mam mac kinke sankamani mapac dami, mam bac iye sini mapaci bantemi. 23Mini foni, ben ano afo seno, "Beni bantaic mugemino, ben indaogo."24Afo ena yacbaci ogam futinkagenim bainta ararman deni, bemi indaureni seno, "Eni Kotin ogan kac fuga seno. Yenamac bemi onagecumpe beni manda andaic eva ino." 25Mana anecne manan seni bemi indigecumpe, semi sogam fitinkagemino, afo mage seni amankaci onecumpe."26Afo yeni bemi sameno, "Inkenigac emi uankenafino? Inkenigac urenaci en ogan diankenafino?" 27Beni yemi yevgemi siyimemi, "Afo seni bani yigemi siyimecumpe, afo yigeni iyen indemino. Yigeni benic disaipori ic iraragafono?"28Yeni ben asicdeni sameno, "Eni benic disaipori banamino, afo yenamac Mosasinic disapori becyamumpe. 29Yenamac indigecumpe Koti Mosasin namaci asemino, afo yenamac iyen indigecyamumpe, manai nafteno benafino."30Mini bainta yemi yevegen siyimemi, "Manai iyen antegemino, yigeni bemi iye onageci nafateno benafi, micnugamifo beni semi sogan disenkemino. 31Yenamac indigecumpe Koti manda andaic an inimbaintauc yivaya iyen indemino, afo iyefi Kotin kac man siankema benic ayin avakurevananim, ben avayan indintemino.32Mana maga ampamin kake ogam futinkam macdukam bainta ogan diankarukam baya vac iyen indigecumpe. 33Mana bainta Kotimpate iye yigemi beni mana anecne vac iyen uvarararimi." 34Yeni bemi yevegeni sameno, "Eni manda andauc kin ampamono, eni mage yenamac mam baya sisimirarafono?" Yeni micni sireni bemi difitamani mapac aceno.35Jisasi indini bemi mam kinke difitani mapac acneno. Bemi onaremi samemi, "Eni Banta Agac kim birivic efono?" Beni yevegemi samemi, "Iyeno o, beni iyec benafino, seni amankac ben kim birivic ontecumpe?" 37Jisasi bemi samemi, "Bemi onanami, beni enamac a semino." 38Mini bainta semi, "Iyeno o, seni emi birivic ecumpe," beni micni siremi ben kac man siankemi.39Jisasi semi, seni yunai, mana magagac kena inimbaintauc dainyinkarani yecumpe, micnuranani yoyan iye neyou, onantenone, afo yogan oneyouni yogam futimintemino. 40Manaca Farisiuc benamac bageni mini baya indireni, bemi indaeno, "Yenamac bac sogam futinkenafino?" 41Jisasi yemi siyimemi, "Yigeni yogam futinkageninaci, yigen kim manda andauc iyem bararimi, afo yigeni seci, 'Yenamac onegunami, yenamac kim manda andauc fani bemino."
Chapter 10

1"Fuga ugami sirec yigemi siyimentecumpe, mana bainta sipisipi kugugin ona ginke iye umpegana manaca asapatec umpegemi, beni umon bainta bemino. 2Sipisipi ic ona ginke umpeganim bainta beni sipisipi gac dafitam bainta bemi.3Ona gac dafita bainta bemi diankemino. Beyic sipisipiuc yen yivic kac daren yarevani ben amer a indireni mapac acde kumeno. 4Macde mapac acduomi, beni acnaric urem bevani, sipisipiuc ben acnaemi beno, nevarai yeni ben amer a indigeno.5Yeni ena bainta iyen avakure bintenone, iyeino, yeni ben agani fegantenone nevarai yeni ena bainta amer a iyen indigeno." 6Jisasi mini baegam baya yemi siyimevani, yeni anufare ben avayauc indi ic iyen eno.7Icnaemi Jisasi yemi yevegen siyimemi, "Fuga ugami sirec yigemi siyimentecumpe, seni sipisipic ona becumpe. 8Bana yem baintauc, sena iye yigauna yem baintauc umon baintauc yenone. beni umom bainta bani, sipisipiuc yen yivaya iyen indenone.9Seni ona becumpe, iyefi sen kin yefecen umpegemi, beni ayum fani bantemino. Beni mini gin umpecen acduen emi avoguc atayauc afakaren nantemino. 10Umon bainta yenimi, beni umoruremi, aruren, anankayintemino. Seni yuna foni yeni iye kipan yaun uvikare marantenone.11Seni sipisipiuyic avoguc dafisini becumpe. Sipisipiuyic avoguc dafisin sipisipi ugani fugemino. 12Afo monogan yogevam bainta beni sipisipiuyic dafisira benai, sipisipiuc beninda iyem bamino. Beni onami afasan iyan yevami, beni dakaden iyayuimi afasan iyan sipisipiuc yivakundani mana mana uremi yirac manaremi bevami. 13Beni yereremi iyayemi, nevarai beni monogan yogevam bainta bemi, sipisipiu gani iyen indemi.14Seni sipisipiuyic avoguc dafisini baunami, seni sesic sipisipiuc yonagaunani, sentic sipisipiuc yeni semi sonagenone. 15Sen Tifo semi sonagaci, seni se Sifon onageci, seni sipisipiu gani fugontecumpe. 16 Seni ena sipisipiuc baci dukanani, yeni ena kuguginkena benone. Seni yen yivigec marerana mana kugugim beni sen tivaya indintenone, minifoni yeni mana baguginkenaic imi, yenkac mana dafisinana bantemino.17Mini foni sen Tifo semi sivacbac emino. Semi siruman fucdaci yevegec ukukantecumpe. 18Maya sen kinkena iyen ye dafintemi, iyeino, sena foni ecanani siruman fugintenone. Seni eran dukauna foni ecana sirurac fuceci, afo seni eran dukauna foni yevegec marantecumpe. Mana baya se Sifom pate marecumpe."19Mini bayauc poni Yudauc yevegeni ye yirani kantan kin daimeno. 20Amucno seni, "Beni manda spiritin dukemi ocenici emino. Nagac ega i yigeni beni avaya indegafono?" 21Ena baguginke seni, "Mana bayauc manada spiriti dukam bainta va senaino. Manda spiriti amankagac ogam futinkam bainta ogan diankantenafino?"22Afo Yerusaremi magugim omac acna yemi. Mini gin anon iyon yin acna yenimi, 23Jisasi mam mac kim Solomininic iyon maran undua anaci bemi. 24Afo Yudauc bemi yeukueni indaeno, "Eni yenamac iyakaci fakarukanaci yenamac amucna indirici ecumpe. Eni Kraisi bante, facbarure yenamac sisimeno."25Jisasi yemi yevegen siyimemi, "Yigemi siyimunac birivic iyen omino. Sena se Sifon avic kin yogageguna yogaruc, miniuc poni senani yigemi siyimemino. 26Miniuc onec baci yigeni birivic iye omino, nevarai yigeni sentic sipisipiuc iyem bamino.27Sentic sipisipiuc sen simer indenone. Seni yemi yonagaunani, smi sivakurenone. 28Seni iye kipa yaumi yimena yeni iye fugintenone. Eno vac sen siyan kinke iyen dafintemino.29Sen Tifo, yemi simicdukani, yeni enouc baci yankagageno, afo sen Tifon ayan kinke amankac maya iyen dafintemi. 30Sen Tifo namac seni maya becumpe." 31Yudauc mini bayauc indireni, yeni onacbanuc yureni ben arirar eno.32Jisasi yemi siyimemi, "Seni amucna avoguc yogaruci se Sifo patena yocyigecumpe. Afo mini yogaruc kinke inkecni yogaraci yigemi uman yimevagaci, semi sirirar egafono?" 33Yenamac en arira egunai mana avoguc yogan marana kafara ariran egaune, iyeino, eni Kotinan manda baya sana fonino, eni banta banamino, afo eyarani mandan Kotinici anamino."34Jisasi yemi yevegen siyimemi, "Yigeni bani indigararomino lo gin santane, 'Seni seci, " Yigeni kotiuci bamino?'" 35Afo bena yenani kotinuge siren yivic demi, yen kimi Kotin avaya yemino (Kotin avaya minigaci bantemino, ena gim bac baecmar iyen dantenone). 36Sen Tifo semi uyac demi mana magagac sisinkac yevaunaci yigeni senani seci, 'Eni Kotimi manda baya,' nevara seni seci, seni Kotin Agaci becumpe.'37Afo sena se Sifonic yogaruc iye maranaci, sen kin iye birivi ogo. 38Afo sena mini yogaruc bac maranac yigeni miniugandac birivic bac iye ege, sena mareguna yogaruc kagac birivic ogo, miniuc poni yigeni onareci indin maranagomino sen Tifo sen kimi baci seni ben kimi becumpe." 39Yeni bemi yevege fakarani enofo, ben yen yiyan kinke yereremi bemi.40Beni yevegemi yererem bemi Yodani yankagen ac urintapac Yoni acnantapac nom manyinkagenim magugimi oraemi, minigimi bagemi. 41Amucna inimbaintauc bena vankac yeraeni, yeni seno, "Fuga siren Yoni enac ugan avucavac bac iyen uvaremino, afo macden anecne mana bainta vana sagenimi fugan sevamino." 42Mini magugim amucna inimbaintauci birivic eno.
Chapter 11

1Afo mana bainta ben avic Lasarusi aci marevami. Beni Betani magugin keno bemi, Maria namac ben onana Mata ganda namac mana magugin keno bano. 2Maria Iyenon kac avoguc amunkuc evam basafen acdemi, bey anon yo foni ben agantac daoyemi, ben afaci Lasarusi bemi ac marevami.3Mini untanano Jisasi yen yimapac yino vani indaeni seni, "Iyeno o, onano, ena benana ayeni aci maremino." 4Jisasi mini vani indiremi, beni siyimemi, "Mini ac marenimi iyen fugintemino, iyeino, minifoni Kotinic eran afotagic inami Kotin Agac avic yanic intemi."5Afo Mata na ben onana Maria na Lasarusi uyani Jisasi anon avacbaci uyinkevami. 6Lasarusi ac marevanani beni indiremi, Jisasi kantan nuram baci bena vam magugim bami. 7Afo mini yankagaimi, beni disaiporiuc siyimemi, "Yicya Yudia magafac yevegec bono."8Disaiporiuc bemi sameno, "Tisa o, ma mage ugami Yudauc emi onacban arirani enone, afo eni yevege birani sanamino?" 9Jisasi yemi yevegemi siyimemi, "Mana nurami 12 awa gaci gagem bemino, afo bainta kagac bemi iyen yandintemino, nevarai beni mana magaic on kaci onemi bemino.10Micnugami, bena ayufun kim bemi, beni yandintemino nevarai ben kin on iyen kemino." 11Beni mini anecneugan siyimagen demi, siyimemi, "Yigeunamac sigono, Lasarusi oni dugemino, afo seni minifac beguna foni seni bemi aoruranami on dugan kinke ukukantemino."12Mini vani disaporiuc bemi sameno, "Iyeno o, bena on dugantemi, beni asofantemino." 13Afo Jisasi beni fukanani siyimevani, yeni yaun dena bareyonani semino indirici eno. 14Icnaemi Jisasi afotagic uremi siyimemi, "Lasarusi aci fugemino."15Seni yigenani indireci simoni ecumpe, sena minigac iye bageguna foni yigeni amankac birivic inagomino. Yicya yigeunamac bena vapac bono." 16Tomasi, Didimasine sire avic dam bainta, agona disaiporiuc siyimemi, "Yicya yigeunamac bac oraec Jisasi namac fugono."17Jisasi minigac yeraemi, beni onami Lasarusim bani eriyevan nurami masic urami bami. 18Betani magu Yerusaremi acdekaci bami, benic iyaci amankac kandac manavac kilomita amami bemi. 19Amucna Yudauci Mata nuc Maria nuc yifagan yirac avogugic uyinkarani yeno. 20Icnaemi Mata indimi Jisasi yevami, ben onaran bemi, Maria naumi kumantem bami.21Mata Jisasimi samemi, "Iyeno o, Ena managac bageninami, sen tifac iyen fukararimino. 22Afo mage vac, seni indecumpe eni ne anecne varafi Kotimpac indainami, beni amiric anan intemino." 23Jisasi bemi samemi, "En afac yevegemi ukukantemino."24Mata bemi samemi, "Seni indecumpe, beni icnaen arasapac yinanin nurami fukanayon inimbainta ukukevami beyandac ukukantemino." 25Jisasi bemi samemi, "Seni yevege ukukandac ayum fa vanda becumpe, 26afo iyefi ayum fana bananin kac sen kim birivic agemi, beni iyen fugintemino. Afo eni birivic efono?"27Beni Jisasimi samemi, "Eyo Iyeno o, seni birivic ecumpe eni Kraisi banamino, Kotin Agac, beni mana magagac yintemino." 28Beni mini baya siremi, yereren oraemi bey onanan benakac opac araran yeraimi. Beni samemi, "Tisa managimi yevemi emi aremino." 29Beni mini baya indiremi, agagen ukukemi bena vapac bemi.30Jisasi magu gin iyen yigami, beni Mata ben onama bagenim magu gim fani bami. 31Afo Yudauc, benamac naum beni arac avogugic uankageni onami Maria agagen ukukem mapac acdem bini, yeni ye avakure beno, yeni benani bamasi paci ific darani bemino indirici eno. 32Maria Jisasi vam magugac yeraemi bemi onaremi, ben agantin yanduemi, bemi samemi, "Iyeno o, ena managac bageninami, sen tifac iyen fukararimino."33Jisasi ben onami benamac yen Yudauc namac ific dami, benamac yen Yudauc baci ific dami, bemi ayo inta gim ben arac umar arimi, beni semi, 34"Nafagac bemi masic urukegafono?" Yeni sameno, "Iyeno o, yerae onano." 35Jisasi ific demi.36Afo Yudauc benani seno, "Onago beni Lasarusinan anon ayini dukagemino." 37Manaca seno, "Beni ogam futinkam bainta amankaci ogan diankemino, beni amankaci mana bainta vac ayofaranan iyen fugirarimino."38Icnaemi Jisasin yevegen ben arac kin anon umar arimi, beni bamasipac bemi. Mini bamasici on afaci bami, minigac onacbami uyackami. 39Jisasi semi, "Onacban avekaman fasapac dago." Mata, Lasarusim ben anano, Jisasimi samemi, "Iyeno o, beni fugimi eriyevan nurami yankagemino, afo mage mana acna gim ben o ampimi nemino." 40Jisasi bemi samemi, "Seni emi samecumpe, eni birivic evaci eni Kotinic erani onano."41Afo yeni onacban avekaman fasapac dami, Jisasi inarumpac kagacemi semi, "Sen Tifo o, seni emi susu siankecumpe eni semi mage indanamino. 42Seni indecumpe eni masicden yac semi indanamino, afo mana inimbaintauc sen yeukugauyani indireci macni secumpe, minifo yeyandac onareni senani ben Afon sankan yemino sireni birivic intenone."43Beni micni siremi, eraruren bacduman acnuremi semi , "Lasarusi o, fasapac acde kumono." 44Fukagenim bainta fasapac acdemi kumemi, ben agar ayana macdem bunampac davaravefo fa ukugami kumemi. Jisasi yemi siyimemi, "Utuc ankarec ecam bino."45Afo amucna Yugauc Maria namac yevageni Jisasi uvaran anecne onareni, ben kim birivic eno. 46Afo manaca inimbaintauc Farisiuc vapac oraeni Jisasi uvaranani maro siyimeno.47Afo yicnom prisiuc namac Farisiuc yaraman kansoro baguyureni seno, "Ne anecneci yigeunamac uvaranuno? Mana bainta enac ugan avucavaguc amucnan uvaremino. 48Yigeunamac ecanam fanana micnem bevanani, macden inimbainta ben kimi birivic evani, Romiuc yeraeni yigeunamasic magu namac maga namac anankayintenone."49Micni sami, mana bainta yen yicbanac kinke, Kaiafasi, beni mini orande gim yicnom prisi ugemi, yemi siyimemi, "Yigeni mana anecne vac iyen indigamino. 50Yigeni omarec iyen indamino mana bainta amankac macden inimbaintaugan fuginami yigemi avogugic uyinkantemino, afo iye micnimi, macdem maga namaci kipantemino.51Afo mana bayauc senimi, beyic ayintaga senai. Iyeino, beni mini orande gim yicnom prisi bemi, beni profeti baya senimi Jisasi macden inimbainta van fuginami amankagic intemino, 52macden inimbainta vananavaino, iyeino, micnuranami Kotin agafandauc mana mana ugan kinkake managim yeman mana baguic intenone. 53Afo mini nuran kake kugandeni Jisasin aruman fuginayon ayani afaka beno.54Afo Jisasi afotac Yudauc yugan anac iyen nogemi, beni ecemi afac maga acdekac bam magagimi Efraimi ge sire avic dan taoni gimi ovami. Beyic disaiporiuc namac mini gimi bami. 55Afo Pasova omac acdekac yini, amucna inimbainta macdem magafate Yerusaremi fac yeyan antecde sesac ugam Pasova yino vani beno.56Yeni mam mac kin ukukageni, ena namac maro a sire ena mare a sire eni, Jisasinani afakevano, "Yigeni inkenic indiri gac egafono? Beni omac kac yintenafino?" 57Afo yicnom prisiuc namac Farisiuc mana eran baya yimeno, iyefi Jisasinan indin nafagafi banani, yeni agagaec mare siyimiyaci yeni oman fakago.
Chapter 12

1Iyena Pasova Nuran yirar ugami afac mana omandan nuram fa vami, Jisasi Betani fac yemi, mini magugimi Lasarusin fukagenin kinke ukuka ankemi. 2Minigimi Jisasin yunan yunka ankami, Mata yunanuc dainden yimevami. Bantauc kandanda gac yunan nami Lasarusi beyabaci Jisasi namac kumanten nevami. 3Afo Maria anom mono kac ayac am basafen ana manaremi Jisasin acnagaci ye kumanduemi ben agantac acankaremi bey anon yo foni daon ankemi. Mini mac kim avoguc unda macdempaci uvikemi.4Jisasinic mana disaipori, Yudas Iskarioti, icnaem beni Jisasin avicman namugouc yiminani bemi, beni semi 5"Mini basafen amankaci 300 kina gac sarin ure, onda va monoguc iye dukan tinimbaintauc yimiric ugamino. 6Beni micni senimi beni fugava monoga ondauc iye dukam inimbaintau gara indena senaino, beni umon bainta bamino. Beni monoc unan kac dafitemi, nacdefi mini danayon umorirani semino.7Jisasi semi, "Ecanam beni mini basafem fakano, sem masic inayon nuran kena sesac uman danam bno. Yigeni iroc an inimbaintauc dukaric anan uganagomino. 8Afo seni yigen namac iyem bantecumpe."9Amucna inimbaintauc indeni minigim bani, yeni yeno, Jisasinan nanava yeyao, iyeino, yeni Lasarusi fukagenin kinke Jisasi ukuka ankarami mini gimi bani, bemac onarani yeno. 10Yicnom prisiuc, Lasarusim bac aruman fugirani, managimi baguyueni baya uyeno. 11Nevarai bena fukagen ukukanani amucna Yudauc yerere oraeni Jisasin kim birivic eno.12Ena nuran kugac imi, amucna inimbainta Pasova gac man sirani yeno. Yeni indemi Jisasi Yerusaremi magugim yinanini, 13yeni ánun ayamaru faka manareni Jisasi yinanin asapac oraeni bacdumar anureni, seno, "Hosana! Koti bemi avogugic uankantemino ben avic kim yinanine, Israeriu yic Kimino."14Jisasi donkin agac afakarem mandemi, mini naroc kumandemi, micni siren santami avakuremi, 15"Iye fegano, Saionin aramuno, onano, enic Kimi yemino, donkin agac kaci kumandugemino."16 Benic disaiporiuc ánantapac profetiuc Jisasinan sandukam maro amankagic ino van, iyen indigano. Afo Jisasin avic yanic ani, yeni mini omare indeno, mana mini anecneugani benani santami, yeni minin avakureni mini anecneuc bemi uvar ankenone.17Afo banta anasi minigac ukukage onami beni Lasarusin bamasic kinke araremi, fukagenin kinke ukuka ankanani ena inimbaintauc siyimeno. 18Mini avucavagaron sireni banta anasi onarani beno, nevarai yeni indemi beni mini avucavac uvaremi.19Micnugami Farisiuc ye yirani seno, "Onago, yigeni mana avoguc anecne iyen uvaranagomino, onago, macdem inimbainta bemi avakurenone."20Manaca Grikiuc baci Pasova gac banta anasi man siran uron kin ureno. 21Mini inimbaintauc Filipi bankaci beno, beni Betsaida taoni ginke Galili fateno bami, yeni bemi indaeni, seni, "Dafisiro, o, yenamac Jisasin onaranumpe." 22Filipi oraemi Endru samimi, Endru Filipi namac oraemi Jisasim maro sameno.23Jisasi yemi yevegemi siyimemi, "Banta Agac avic yanic inayon acna aci mage yeraemino. 24Fuga ugami sirec yigemi siyimego, mana witi agam magagin iye kugufen kundaen iye fugemi, fani beyakac bantemino, afo bena fugemi, amucna agami irantemino.25Afo mana bainta bena ayum bananinan anon indiric emi, beni iye kipan aun iyem marantemi, afo bena ayum fana bananinan anon indiric iye emi, beni iye kipan aumi marantemi. 26Afo mana bainta sentic yogan marantemi, ecanaci sen sivakurino, afo seni nafagac bantegafu, beyandac minifaci banami, sen Tifo ben avic yanic intemino.27Mage sen siraci umani siremino, afo seni nevec sentegafu? 'Sen Tifo o, mana acna gin siyayono'. Seni mini andagaic yecumpe 28Sen Tifo o, ecanan en avic yanic ugano." Afo mana ameni inarumpate yemi, semi, "Seni bani se sivic yanic urukeci, ena yacbaci yanic ontecumpe." 29Afo banta anasi minigac ukukagageni indireni seni inarun an semi sino. Ena inimbainta seni, "Enyoro benamac a semisino."30Jisasi yemi yevegen siyimemi, "Mana amena yenimi sen siyayirara yenaino, iyeino, yigen yiyayirani yemino." 31Mage mana nurami banta anasi Koti mana magagac kena inimbaintauc yivucyivac koc indiremi dain yinkantemi. Mage mana magagac kena dafisiric erani anankaman acnontecumpe.32Sema mana magagake kun dondan yanic uraci, seni macden inimbainta sesapac difitaman dantecumpe." 33Beni mini siyimenimi inkem fugirigac beni intenafi, mini vani siyimemi.34Banta anasi bemi yevege sameno, "Yenamac indunami Kotinic yo gimi semi Kraisi iye fugini ayum fananam bantemino. Inkenic eci eni seci 'Banta Agac kun dondan yanic intenone'? Banta Agac iyec benafino?" 35Jisasi yemi yevegen siyimemi, "Omi sito kaci yigenamac bantemino. Mini om yigenamac bananin kagaci nogo, minifoni ayufum yigemi davac iye intemino. Iyefi ayufun kin ninani iyen onantemi beni nafagac benafi. 36Mage yigen namaci mini om bemino, micnuganaci mini on kim birivic eci yigeni mini on agafandaic inagomino." Jisasi mini bayauc siremi ocmanduemi yere yinkaremi bemi.37Jisasi enac ugan avucavaguc amucna ugami uvaremifo, yeni ben kim birivic iyen eno 38minifoni profet Asaianic profeti baya maro amankagic emi, minigimi beni semi, "Iyeno o, yenamac siyimeguna bayauc maya vac iye ugami birivic enone, eni amankac eyic eran po yiyayiran yocyigana one yacbaci?"39Afo mini anda vani banta anasi amankac iye birivic eno, nevarai profet Asaia mini vandaci semi, 40Iyeno yen yogan futindemi, yirac eraru yinkemi. Afo iye micninami ye yogampo onareni, ye yirac kin indin mandac, seni amankaci avogugic uyinkararunai."41Asaia micni senimi nevarai benafoni Jisasinic erani onarukemi benani semi. 42Mini vandac iye indini amucna dafisin baintauc Jisasin kim birivic eni, Farisiu gan iye fegani, micnugani yeyic birivi van siman afotagic iyen eno, yeni Farisiuc umocdu yinkaraya mam mac kin iye umpeganayon agani fegeno. 43Yeni banta anasi yen yivic yani ogo vani anon yiyirici evami, yeni Koti yen yivic yanic ino van iyen yiyemi.44Jisasi bacduman acuremi semi, "Iyem baintafi sen kim birivic emi, beni sen kim mana va birivic intena ino, bena sisinkac yunon kim baci birivic emino, 45afo iyem baintafi sema sonemi, bena iyefi sisinkac yunon baci onemino.46Seni mana magagac on kacnaci yevecumpe, afo iyem baintafi sen kim birivic emi, beni ayufun kim iyem bantemino. 47Afo iyem baintafi sen tivaya indiren iye fakemi, seni iyem bemi dain ankantecumpe, seni banta dain yinkarara mana magagac yevegaune, iyeino, seni banta anasi yivigarani yevecumpe.48Afo iyem baintafi sen acnaen simicdema sen tivaya iye indintemi, beni yasi bemi bemi dain ankantemino. Sena siyimeguna baya foni bemi dain ankantemino arasapac yinanin nuram. 49Seni sesic indintac baya siyimecumpe, iyeino, sen Tifo sen sisinkac yuno, beni ne bayafi senuna sisimidemi, ne bayafi siyimenuna sisimemino. 50Seni indigecumpe ben avayai iye kipan yaun yiminino, micnugaci macdem baya segunauci sen tifo sen sisiminic ureci yigemi siyimecumpe.
Chapter 13

1Pasova man sinayon adekaci yemi. Jisasi indigami bena mana magagake yererem bey Afo vapac binanin acna yemi. Beni mana magagac kena inimbainta van anon ayini dukami, beni yenan ayen yemi arasapac mare kipemi. 2Bani bananom Yudas Isakarioti Saimonin agac, Jisasin avicman namugouc yimino van arac kin dukami. Afo yunan nan acbanac kimi,3Jisasi bani indigami ben Afom macden anecne ben ayan kim dukami. Beni Koti vapaten yevemi yeven Koti vapaci bintemi, 4Jisasi yunan nevan yereremi ukukem beyic iyac yageti ayucman demi. Beni tauri mandemi bey agec ukuman yeukemi. 5Beni nom bacyiman sivan kim demi beyic disaiporiuc yigan sesec uyinkaremi bey agec ukurukagenin tauri fo daon yinkemi.6Beni Saimon Pita vankac yeraimi, Pita bemi samemi, "Iyeno o, eni sen sigaraci sesecu sinkantefono?" 7Jisasi bemi yevegemi samemi, seni ne anecnefi uvareguna eni mage iyen indiganamino, icnaemi eni indin maranonamino." 8Pita bemi samemi, "Eni sen sigan iyen sesec inonamino." Jisasi bemi yevegen samemi, "Sena en agan sesec iye uankanave, eni sentinda iyem banonamino." 9Pita bemi samemi, "Eni siganana iye sesec ono, sen siyam bac sicnom bac sesec ono."10Jisasi bemi samemi, "Iyem baintafi non durukemi, beni no iyen dintemino, ben agananan sesec uankanonamino. Yigeni non durami yigen yofac avogugici ugemino, afo macdena yofac avogugic ugenaino. 11Jisasi bani indigami bemi iyec avicman namugouc yimintenafi, mini vani beni semi, " Macde va sesecuge avogugic uganaino."12Jisasi beyic disaiporiuc yigan sesecu yinkaman kiparemi, beyic yageti manaremi yevegen kumandemi, semi, "Yigeni mana avucavac uvanyinkaunaic anda indugegafono? 13Yigeni semi sareci, tisa o, seci Iyeno o, seci amino, afo yigeni antekam bayan samino. Seni tisa bei, Iyeno becumpe. 14Afo sena Iyeno namac Tisa namac bec, yigen yigan sesec uranaci, oganic uregaci eno yigandac sesecu yinkago. 15Seni micnogo vani yocyigecumpe, afo yige yacbac sena yigem micnu yinkaunaigac ogo.16Fuga ugami sireci yigemi siyimentecumpe, "Yogam baintai beni beyic dafisindac iyen yankagagemino, afo baya marem bevam bainta bema sankam bainta vac iyen yankagagemino. 17Ena mini anecneuc onagantei, ena mini anecneuc uvarantei eni avoguci maranonamino. 18Seni yigem macde va siyimegaune, afo seni iyeuyafi bani uyacman dukauna benone, afo mana mini i man yo santam maro amankagic ino vani secumpe. 'Beni iyefi senamac breti nanani beni sentic namugoic intemi.'19Yigemi mage siyimecumpe, mini anecne iye ampankaci, mini anecne ampaminaci yigeni birivic inagomino, Seni Seyakaci Becumpe. 20Fuga ugami sireci yigemi siyimecumpe, "Iyem baintafi sena sankanuna avigantemi, beni semi sivigantemino, afo iyem baintafi sema sivigantemi, beni bena sisinkam baci avigemino."21Jisasi mini baya sirami, benji ayo ina gimi umar aremi. Beni afotagic uremi semi, "Fuga ugami sireci yigemi siyimego ygen kinke mayan semi sivicman namugouc yiyan kin dantemino." 22Disaiporiuc ben onam ben onan ureni, beni iye naraci senafino sireni amucna indirici eno.23Mana disaipori, Jisasi benana ayeni, beni kandandagac Jisasin kac munkuemi dugami. 24Saimon Pita ayam po mini disaipori avavec uremi, semi, "Ben indaono beni iye naraci sagenafino." 25Afo beni Jisasin agekac munkugemi, bemi indaemi, Iyeno o, eni iye naraci sefono?"26Afo Jisasi bemi samemi, Seni breti mandec supu non kin dareci bemi amentecumpe. " Beni breti supu non kin daremi beni Yudasimi amemi, Saimon Iskariotin agaci. 27Afo icnaen Jisasi breti amicdami, bananom ben kin umpecimi Jisasi bemi samemi, "Ena ne anecnefi uvararare sinona, agage uvarano."28Afo mana bainta vac kandanda gac kumantageou iyen indigano Jisasi ne anda varaci Jisasi mini baya benani senafi. 29Manaca indimani, Yudasi monoc unam fakaruka bami, man sinayon omac kac nanayon yuna na anecneuc ayac en yino varac sankenafi, haca, iroc an inimbaintauc anecneuc yimino varaci senafino indirici eno. 30Yudasi breti mandemi, eseci yererem bemi. Ayufumi bami.31Yudasi buimi, Jisasi semi, "Mage Banta Agac ano avic mandanami, Koti ben kimi Banta Agac kimi anon avic marantemi. 32Afo Koti Banta Agac kim avic mandanami, Koti beyacbaci Banta Agac kim avic marantemi, afo beni esec manac yaci avic marantemi. 33An intaugo seni sito kac yigenamac fa bantecumpe. Senani sifakanagomino, micni Yudauc seni siyimecumpe, 'Sena begunafac iyen yinagomino." Afo mage yigem baci mini baya siyimecumpe.34Mage yigemi oyan lo yimentecumpe, yigeni amankac ena ugaci yivacbac uyinkago, seni micnurec yigen yivacbac egunaic uregaci, yige yacbac ena ugaci yivacbac uyinkago. 35Mini avucavac uvaranagom poni banta anasi yigemi yonantenone, yigeni sentic disaiporiuci bamino, yigena enau kim yivacbac dukege."36Saimon Pita bemi samemi, "Iyeno o, eni nafagac befono?" Jisasi bemi yevegen samemi, "Eni sena begunafac mage iyen sivakure yinonamino, afo icnaemi eni sivakure yinonamino." 37Pita bemi samemi, "Iyeno o, nagac evagaci seni mage en avakure iye bontegafuno? Seni enani fugontecumpe." 38Jisasi bemi yevegemi samemi, "Fuga ugami sireci emi samego, kokori iye a sigana, eni kandac manavac yaci senani umerare se, bemi iye onagauno sinonamino.
Chapter 14

1"Yigeni ecan yigen yirac umaruc iye uvikano. Yigeni Kotin kim birivic egaci, sen kim bagac birivic ogo. 2Sen Tifon amac kimi amucna rumu bemino. Iye bageninaci yigemi siyimiraruna ino, nevarai seni oraeci maro yigen yic magu sesac uman dantecumpe. 3Afo sena oraec maro sesac uman deci ovaegec ye yiviganac sen namac ovanagomino, micnuranaci sena banunagac, yige yacbaci banagomino.4Yigeni onagamino sena beguna asapac." 5Tomasi Jisasimi samemi, "Iyeno o, yenamac iyen onagecumpe ena banafac, inkenic uregaci yenamac mini asapac onanuno?" 6Jisasi bemi samemi, "Seni ani becumpe, seni fuga baya becumpe, seni ayum fa van becumpe, mana bainta sen Tifo vapac iyem yintemino, iyeino, sen kin nare yeraen intemino. 7Afo yigena sen sonagageci, sen Tifom baci onagararomino. Afo mage mana gacke yigeni bemi onageci, bemi aci onamino."8Filipi Jisasimi samemi, "Iyeno o, yenamac Sifon yotigaranami yenama sic siyin amankagic usinkantemino." 9Jisasi bemi samemi, "Filipi o, seni enamac iyakaci bageguna eni semi iyen sonarukanamino? Iyem baintafi sema sonarukemi, beni sen Tifon aci onemino. Inkecnigac eci eni se, 'Yenamac Sifon yotigano'? sefono.10Eni birivic iyec efono seni se Sifon kim baunami, sen Tifo sen kim benine? Macdem bayauc yigen siyimegunai, sesic indintaga siyimegaune, iyeino, sen Tifo sen kim ayum bayi beni beyic yogan maremino. 11Yigeni sen kim birivic ogo seni se Sifon kim baunami, sen Tifo beni sen kim bemino, haca iye micneci, sena yogeguna yogaruc kac onegaci birivic ogo.12Fuga ugami sireci yigemi siyimecumpe, "Iyem baintafi sen kim birivic emi sena yogeguna yogaruci baci yogantemino, afo beni mana yogaruc baci yankagaren anon yogaruc uvarantemino, nevarai seni se Sifo vapaci becumpe. 13Yigeni ne anecne varafi sen sivic kim indauraci, seni uvandanami minifoni sen Tifo anon avic bey Agac kim marantemino. 14Yigeni ne anecne varafi sen sivic kin indauraci, seni uvarantecumpe.15Yigena sen sivacbac usinkanteci, sen tivayauc lo gim bami avakurinagomino, 16afo seni se Sifo vapac inantenami, beni ena Avacbac yigen yiminami, yigen namac sipac bantemino. 17Beni fuga bayaic Ayo Inta ino. Mana magagac kena inimbaintauc bemi iye maranteno, nevarai bemi amankac iyen onanteno haca indiganteno. Afo yigeni bemi onagamino, nevarai yigen namaci ayum bemi, yigen kimi bantemino.18Yigemi aso intauc kacnac yere iyen yinkantecumpe, seni yige vapac ovaege yentecumpe. 19 Sito kaci bemino mana magagac kena inimbaintauc iyen sonantenone, afo yigeni sonanagomino. Micnugaci seni fani ayum baunaci, yige yacbac ayum fani banagomino 20Mini nurami yigeni indin maranagomino seni se Sifon kimi becumpe, afo yigeni sen kim bamino, afo seni yigen kimi becumpe.21Iyem baintafi sentic lo eraruren fakaruken avakureva, beni semivfuga siremi sivacbac emino, beni iyefi sema sivacbac emi, sen Tifo vaci bemi avacbac uankavanaci se yacbaci avacbac uankareci seni bemi seyaran yocagantecumpe." 22Yudasi (Iskariotin nara se) Jisasimi samemi, "Iyeno o, negac iyaci eni yenamac eyaran yotigareci mana magagac kena inimbaintauc iye yocyigantefono?"23Jisasi bemi yevegemi samemi, Iyem baintafi sema sivacbac emi, beni sen tivaya avakurintemino. Sen Tifo bemi avacbac uankevanaci, bende benamac yevantecumpe. 24Iyem baintafi sema sivacbac iye emi, beni sen tivayauc iyen avakurintemino. Mana bayauc yigena indami, sentinda va ino, iyeino, sen Tifo sen sisinkac yunon inda ino.25Seni yigen namac managac fa beci, mana anecneugani yigemi siyimecumpe. 26Micnugaci, Ayo Inta yigen Yiyayini yigen eran yiminani sen Tifo sen sivic kimi sankanami yintemino. Beni macden anecneuci yigemi siguru yimintemino. Afo beni yigen yic indin ukukayinkaranaci macdem bayauc yigen yimuna yevegen indin yimintemino. 27Seni yirac nanayini yigen namaci decumpe. Seni yigemi sesic yirac nanayini yimecumpe. Seni mana magagac kena inimbaintauc yiman yimiriga egaune. Yige yirac kin ecanaci umandac iye yirinac begaci, iye vaci fegago.28Yigeni indaci seni mana baya yigemi siyimecumpe, 'Seni yerereci bontecumpe, afo seni yige vapac ovegec yentecumpe.' Yigeni sema avacbac usinkeci, yigeni amankaci yimusim maranagomino, nevarai sen Tifo vapaci seni bontecumpe, sen Tifo beni sem baci yankagagemino. 29Mage yigemi siyimecumpe, mini anecne iye ampankaci, afo mini anecne ampaminaci, yigeni birivic inagomino.30Seni amucna baya yigen namac iyen sentecumpe, nevarai mana magagac kena dafisin aci yemino. Beni amankac semi iyen davac intemino, 31afo mana magagac kena inimbaintauc yeni indintenone, seni se Sifomi sivacbac uankecumpe, seni sen Tifo sisiminici ecumpe. Yicya managake ukukec bono."
Chapter 15

1"Seni fuga waini yani becumpe, afo sen Tifo waini anayo afo bemino. 2Sen kim ben agan iye irevan ayamaruc beni akecyaremi karucdemino, afo beni agan irevan ayamaruc afisaman avogugic uman demino, micnuranami amucna agan irantemi.3Yigen bani avogugic ugamino sena siyimuna baya foni. 4Yigeni sen kim bagaci, seni yigen kim bano. Waini yay ayaman anonko gim iye agac kemi agan iyen irantemino, micni manan ugemino, yige yacbac sen kin agackeci amucna agan iranagomino.5Seni waini yani becumpe, yigeni ayamaruci bamino. Iyem baintafi sen kin agaganac ben kin agac kanami benivamucna agami irantemino, nevarai, ena sen kin iye bantei mana anecne iyen uvaranonamino. 6Afo mana bainta sen kin iye banami, ayaman kacnaci akecyare karudami acyan kainani, minibayamaru yureni iga gin karucdami, iga gaman kagic antemino. 7Afo ena sen kin bananama, sen tivaya en kim bana, ne anecne varafi ema ayeninani inda vac ono, emi uvar ankantemino.8Mini avucavac poni sen Tifo anon avic maranaci, yigeni amucna agan iranagom poni seni yigemi yonamani sentic disaiporiuci bami. 9Sen Tifo sen tivacbac usinkanic ureci yigem bac yivacbac uyinkecumpe. Yigeni sen tivacbac kinac bago10Afo yigena sentic lo avakureci, yigeni sen tivacbac kimi bamino, afo seni micnureci se Sifonic lo avakureci, ben avacbac kimi becumpe. 11Seni mini bayauc yigen siyimuna foni sen simusin yigen kim banami mini foni yigen kin yigen yimusin uvikantemino.12Mana senti lo ino, sena yigen yivacbac uyinkegunaic uregac enaugac yivacbac uyinkago. 13Mana bainta anon avacbac mana vac yankagen iyen dukemino, bena bey agona vana amankac fuginanimi.14Yigeni sena siyimenuna anecneuc uvaranteci yigeni sen sigono banagomino. 15Yigenani sentic yogam baintauge sirec iyen sentecumpe, navarai yogam bainta benic dafisin ne anecnefi uvarenimi iyen onagemino. Yigenani sen sigono ugen secumpe, nevarai maden anecneuc se Sifom pate indunauc yigemi siyimecumpe.16Yigeni semi iyen ugac dukamino, iyeino, seni yigemi ugac dukecumpe yigeni amankac oraeci agan irago vani seni siyinkecumpe, yigena yocdanagon agami fani bantemino. Micnugemifo, yigena sen Tifom pac ne anecne varafi sen sivic kin indainami, beni emi amintemino. 17Mini anecneugani yigemi siyimecumpe, yigeni ena inimbaintuga yivacbac uyinkago.18Afo magagc kena inimbaintauc yigema namugoic uyinkevage, yigeni omaregac indego, yeni bani senaren namuoic usinkareni, yigemi namugoic uyenkenone. 19Afo yigena magagac kena inimbaintauc bani, magagac kena inimbaintauc yigemi yeyindaic ureni yigemi yivacbac uyinke vaci yen yivucyivaguc uvaranagomino. Afo yigeni magagac kena inimbaintauc iyem bamino, micnugaci seni yigemi ugac deci yigemi mana magagac ke fasapac acduini, mini anda foni yigemi namugoic uyinkantenone.20Yigeni omaregac indego sena yigen siyimuna baya, 'Yogam bainta beyic dafisindac iyen yankagagemino.' Afo sema mandaic usinkeni, yeni yigem baci mandaic uyinkatenone, afo yena sen tivaya indeni, yigen yivaya vaci indintenone. 21Yeni sen sivic gani macden anecneuc yigemi uvanyinkantenone, nevarai yeni bena sisinkac yunomi iye indigenone. 22Afo sena iye yeraec iye siyimicdukagegunani, yeni manda anda iyen uvandukararomino, afo mage yeni yeyic manda anda ayofanayon ani iyem bemino.23Afo iyem baintafi sema namugoic usinkemi, sen Tifom baci namugoic uankantemino. 24Afo seni yogaruc eno anic urec yen yicbanac kim iye uvandukagegunani, yeni manda anda vac iyen dukararomi, afo yeni bendekara, sen nama sen Tifon namaci namugoic usinkenone. 25Afo mana avucavac ampamenimi bani yeyic lo gin sandukageyomi mage afotagic ugemino. 'Yeni mana umandac iye vankake semi fayande ugami namugoic usinkenone.'26Afo seni yigen yiyayini sankanami sen Tifom pate yige banagompac yintemino, beni, Fuga Bayaic Ayo Inta ino. Beni sen Tifom pate yeraemi sentic yogarani siyimintemino. 27Yige yacbagaci ena inimbaintauc siyiminagomino, nevarai yigeni sen namac anantapate bagegomino.
Chapter 16

1"Mana bayauc siyimuna foni yigeni birivi gin iye yan dinagomino. 2Yigemi mam mac kinkake siyinkamani mapac daci man iyen sinagomi. Fuga ugamino, Mana acna acdekaci yevemino, banta yiram baintauc yigen yirureni yeni indiman Kotimi avoguc yogaric uankecumpe indirici intenone.3Yeni mini avucavaguc yigemi uvanyinkantenone, nevarai yeni sen Tifon iyen onageni, sem bac iyen sonagenone. 4Seni mini anecneugani yigemi siyimecumpe, micni siranam bageninamaaài mini acna yinaci yigeni sena siyimuna anecneugani omare indinagomi. Seni mini anecneugani acnantapac iyen siyimecumpe, nevarai seni yigen namac bagecumpe.5Afo mage bena sisinkac yuno vapaci seni bontecumpe, micnugaci yigen kinke maya vac semi iyen indaomino, 'Nafagac eni befono?' 6Afo mini anecneugana siyimuna foni yigen yirac kim yigun anecne uvikagemino. 7Afo seni fuga ugami sireci yigemi siyimecumpe, seni yigen yic avogugani bontecumpe. Nevarai sena iye bonami, yigen Yiyayin Bainta iyen yintemino, afo seni oraeci bemi sankanami yige vapac yintemino.8Afo bena yeraemi, yigen Yiyayin Bainta afotagic uremi magagac kena inimbaintauc manda andauga, anteckan avucavaguga, Kotinic ko gan yocyigantemi. 9Beni manda andauc afotag yocyigantemi, nevarai yeni sen kin iyen birivic eno. 10Beni afotagic uremi antekan avucavaguc yocyigantemi, nevarai seni se Sifo vapaci bontecumpe, afo yigeni semi iyen sonanagomino. 11Beni afotagi uremi Kotinic ko gan yocyigantemino, nevarai mana magagac kena dafisin koc kaci mage ukukagemino12Seni amucna anecneugani yigemi siyimentecumpe, afo yigeni benic anda van mage iyen indinagomino. 13Afo, Fuga Bayaic Ayo Inta yintemi, beni macden fuga avucavaguc kim ayuvic yinkantemino, nevarai beni beyarani iyen siyimintemino. Afo beni ne anecne varafi indinanimi siyimintemino, beni yinanin anecneugani yigemi siyimintemino. 14Beni sen sivic yanic intemino, nevarai ne anecneugafi yigen siyimecma uvarageguna anecneugani beni siyimintemino.15Macden anecneuc sen Tifo dukami, sentinda bemino. Micnugami, Ayo Inta macden inimbainta siyimintemino sen tivayauga, namac sentic yogaruc namac fugan sigemino. 16Sitoc acna gimi yigeni semi iye sonanagomino, afo icnaen sito kac bageci yigeni semi sonanagomino."17Afo manaca disaiporiuc ye yiran a sireni, seno, "Nevarac beni yigeunamac sisimenaci, sem, 'Sitoc acnagaci semi iye sonanagomino, afo icnaen sitoc acnagaci bageci semi sonanagomino, 'Nevarai seni se Sifo vapaci bontecumpe'?" 18Micnugani yeni seno, 'Sitoc acnagaci'? Yenamac iye indigecumpe beni ugaraci beni senatino."19Jisasi yonani ben indairar ami yemi siyimemi, "Yigeni mana anecneugaraci yige yiran indaoc nogafono, nevarafi sena segunai, 'Sitoc acnagaci semi iye sonanagomi, afo sitoc acnagaci bageci semi sonanagomino'? 20Fuga ugami, sireci yigemi siyimego, yigeni amucna bayauci sirec ific dec banagomino, micne vani magagac kena inimbaintauc yimusimi kimi banteno. Yigeni anon yigun anecne gimi banagomifo, afo icnaemi yigen yigun anecne baemani, yimusinici intemino. 21Anasi am magarani anon agun anecne gimi bantemi nevarai am magar acna yevamino. Afo icnaen am macdemi anavisic maragenin yankagainami, beni amusin kimi bantemino, nevarai beni banta mana magagac ampaminani amusim maremino.22Micnugaci, yigeni mage yigun anecne gimi bamino, afo sena yigen yevegec ye yonanami yigen yirac kim yimusin anecne uvikanami, amankac maya vac yigen yimusim mandan fasapac iyen dantemi. 23 Mini nuran yinaci yigeni mana anecne van semi iyen indainagomino. Fuga ugami sirec yigemi siyimego, yigeni sen Tifo vapac sen sivic kim macden anecneugan indaimi, yigemi yimiric anan intemino. 24Bana yenin kake semi mana anecne vandac sen sivic kin iyen indaurukamino. Yigeni indauregac marago, minifoni yigen yimusimi uviken amankagic uyinkantemino.25"Seni macden anecneugan yigen siyimunai, baegam baya ginke manan siyimagecumpe, afo icnaemi mini nuran yemino, baegam baya ginke iyen siyimentecumpe, iyeino, seni se Sifonan siyimenunai, antecdeci yigemi siyimentecumpe.26Mini nurami yigeni sen sivic kin indaurac seni macni sirec yigemi iyen siyimentecumpe, seni se Sifo vapac sogam mukurec yigenan indau yinkantecumpe iyen sentecumpe, 27nevarai yigen Yifo yigemi avacbac uyinkemino, nevarai, yigeni semi yivacbac usinkareci yigeni senani Koti vapate yevemino sireci birivic amino. 28Seni se Sifo vapate mana magagac yevecumpe. Afo seni mana maga yerereci seni se Sifo vapaci bontecumpe."29Benic disaiporiuc seno, "Onano, eni anteci re yenamc sisimanamino, baegam baya ginke iyen sanamino. 30Yenamac mage onecumpe eni macden anecneuc onaganamino, emi mana bainta vac amankac iyen indaintemino, Mini anda foni yenamac en kim birivic ecumpe, eni Koti vapaten yevanamino." 31Jisasi yemi yevegen siyimemi, "Yigeni magec birivic egafono?32Onagao, mana acna aci yemino, eyo, fuga siremi yemino, yigeni yererec mana mana inagomino, umacde yige yimac kinkaci oraeci, senakaci yere sinkanagomino. Micninagomifo seya kac iyem bantecumpe, sen Tifo senamaci bemino. 33Seni mana bayauc yigemi siyimunai, yigeni sen kimi nanayin maranagomino. Mana magagac yigeni umaruc dukamino, afo yigeni eraruregac bago, seni mana magaic erani arumani davac urukecumpe."
Chapter 17

1Jisasi bayauc siyimiman kiparemi, beni inarumpac onemi semi, "Sen Tifo o, mini acna aci yemino, eni mage ey Agac anon avic ameno, minifoni en Agac emi anon avic amintemino. 2Micnuremi beni macden inimbaintauc kac yicnonic ugano vani bemi erani amenamino. Beni ena amena inimbaintauc iye kipan yaumi yimintemino.3Iye kipan yaum marani macnimugemi, iye kipan yaum mandukan inimbaintauc emi onagenone eyakaci fuga Koti banamino, yeni onagenone eni Jisas Kraisin sankanami yemino. 4Seni enic anon avic mana magagac yocyigecumpe. Afo sena marano vana simena yogaruc aci mandaunami kipemino. 5Sen Tifo o, mana maga iye uvantaci seni enamaci beci, anon sivic dukagecumpe.6Seni ena simena inimbaintauc paci aci en avic siman afotagic ecumpe. Yeni enic banta anasi baya, eni semi simenani, yeni en avaya fakarukeni avakurenone. 7Afo mage macden anecne ena simenauc yeni onagenone, em paten yemino, 8nevarai macdem bayauc ena simena, yemi yimecumpe. Yeni mandeni fuga sireni onenone, seni evana faten yecumpe, afo ena sisinakanac yuna foni yeni birivic enone.9Seni yenani sugam muku yinkecumpe. Magagac kena inimbaintau gani seni sugam iye mukecumpe, iyeino, ena simena inimbaintau gani sugam muku yinkecumpe, nevarai yeni enindauci bami, enindauc sentindauci benone, afo seni yen kimi anon sivic marecumpe. 10Macden anecneuc sentinda beninimi eninda bemino, eninda benimi sentinda bemino, afo seni yen kimi anon sivic marecumpe. 11Seni mana magagac iyem becumpe, afo mana inimbaintauci magagac benone, afo seni evanafaci yecumpe. Sen Tifo o, eni Antekanove, ena simena inimbaintauc eyic erantinac dana bago, minifoni ende mana baric ugaunaic ureni yeni mana baric ugantenone.12Sena yenamac bageguna gaci seni enic erantimi dafitaunani yeni bagenone, eni mini inimbaintauc semi simicdukanamino. Seni yenkac dafitaunani, maya vac iyen oyogemino, afo maya beyakaci, beni oyokan agaci, minifoni Kotinic yo gin sigami maro amankagic intemino. 13Afo seni mage ena banafaci yentecumpe, seni mana magagac kena inimbaintauci mana anecneuc siyimecumpe, minifoni yen kin yimusin uvikemi amankagic intemino. 14Seni en avaya siyimunani, mana magagac kena inimbaintauc yemi manda indirici uyinkenone, nevarai yeni mana magagac keno iyem benone, sena mana magagac keno iye baunaici ugenone.15Seni yen yiviman mana magagac ke yivicman enafac iye dano vani indaecumpe, eni yen kac dafitanam mana magagac kena bainta mandaic iye uyinkano vani emi indaecumpe. 16Seni mana magagac keno iye baunaic ureni yeni mana magagac keno iyem benone. 17Eyic fuga baya yiminona foni eyic banta anasi ic uyinkanonamino. Enic bayai fugan sigemino.18Ena mana magagc sisinkanac yunaic ureci yemi siyinkaunani mana magagac benone. 19Yenaro sireci seni acyunkaci becumpe, minifoni yeyacbac acyunkac bantenone.20Seni mana anecne ugananava sogan iyen mukecumpe, iyeino, iyem baintafi sen kim birivic yeyic baya ginke sen kim birivic inayon inimbaintau ganda baci sogam mukecumpe. 21Minifoni yeni macde mana bantenone, micnure eni sen Tifo sen kim banaci, seni en kim becumpe. Amanakac ye yacbac ende gim bami, minifoni ena sisinkanac yuna van banta anasi birivic intenone.22Eni anon sivic semi simenaci, yemi yimecumpe. Minifoni ende mana baunaic ureni ye yacbac mana bantenone. 23Sen yen kim bauna eni sen kim banami, yeni fuga sire mana baric ugani, banta anasi onantenone, eni sisinanac yecumpe, afo eni sema sivacbac usinkanaic ure yemi yivabac uyinkanonamino.24Sen Tifo o, ena simena inimbaintauc sena bauna fac yeyacbac bago vani semi siyemino. Yeni sentic erani onantenone , eni mini eran simenamino, nevarai eni mana maga iye ampankaya semi sivacbac ageonamino.25Anteckana sen Tifo o, banta anasi emi iyen onaganone, iyeino, seni emi onagacumpe, senamac ban inimbainta semi sonagenone eni sisinkanac yecumpe. 26Seni enani afotagic ure yocyigecumpe, afo seni micni manan anani, ena sen avacbac usinkana yen kim bac banani, yeni ena avacbac uankar avucavac ena simena yen kim banami, seni yen kim bantecumpe."
Chapter 18

1Jisasi mini bayauc siyimic demi beni beyic disaiporiuc namac Kidroni non ena ofaci beno, mini faci mana anayo bami beni mini gimi beyic disaiporiuc namac umpeceni baguyevano. 2Afo Yudasi, ben avicman namugouc yiminani beni mini anayo fac onagami, nevarai Jisasi amucna yaci mini anayo gim beyic disaiporiuc namac bevami. 3Icnaemi Yudasi, mana bagu sondiauc yivic manaremi, manaca yinom prisiu yic ofisauc namac Farisiuc namac ramu va tosi va yiruir anecneuc namac manareni minifac beno.4Afo Jisasi, beni macden anecne ben kac ampaminanimi onagemi, beni ye ban kac oraemi yemi indaemi, "Yigeni iye narac afakegafono?" 5Bemi yevege sameno, "Nasareti fatena Jisasi nare." Jisasi yemi siyimemi, "Seni beni becumpe." Yudasi ben avicman yimeni beyacbac minigaci sindiauc namac ukukagami.6Beni yemi siyimemi, "Seni beni becumpe." sirani, yeni yicnaempate yandeni magapac kumeno. 7Beni yevegen yemi indaemi, "Yigeni iye narac afakegafono?" Yeni yevege bemi sameno, "Nasareti fatena Jisasi nare."8Jisasi yemi yevegen siyimemi, "Seni yigemi siyimecumpe Seni beni becumpe. Afo yigena senana sifake vanteci, manauc ecaya bogo." 9Mini ampamimi, bena siram baya maro amankagic emi, "Eni iyeuyafi simena ginke, seni mana vac iyen oyogecumpe."10Afo Saimon Pita, beni baenati dukagemi, kun datiremi yicnom prisic yogam bainta ayan ugam patena agami akecyamani acnemi. Mini yogam bainta avici Malakusi i. 11Jisasi Pitami samemi, "Eyic baenati yevege benic unan kim bacdono. Eni sen Tifo simin kapi amankac iye nano varafono?"12Afo mana bagu ginkena sondiauc yeyic dafisin namaga Yudauyic ofisau namac fakareni dumuman deno. 13Yeni avige bemi Anasinvapac nare beno, nevarai beni Kaiafasin anda bano, beni yicnom prisi mini orande gim bagenino. 14Kaiafasi, beni Yudauc yiman yimicdemi semi, mana bainta mana macden inimbaintau gan fuginami amankagic intemino.15Saimon Pita, beni mana disaipori namac Jisasin avakuremi bemi. Mini disaiporimi yicnom prisi bemi onagami, beni Jisasi namac yicnom prisi ic kugusin umpegeno, 16Afo Pita, beni mapac ongaci ukukagami. Afo mini disaipori yicmom prisi ban onaga, mapac kundaemi onagac dafitan namaci a siremi, Pitan avigen umpegemi.17Icnaemi anasi yogar inin, onagac dafita, Pitami samemi, "Eni eyacbaci mana baintaic disaipori bage onamino, haca eni eyafino? Beni semi, "Seni iyeino." 18Afo mini yogar inin namac ofisauc namac minigaci ukukage bageno, yeni iga ankun kaci sandukeni, ye yo kokoc evano, nevarai iyoni evano. Pita beyacbaci yenamac minigac ukukagemi, bey o kokoc evami.19Afo yicnom prisi Jisasimi indaemi benic disaiporiuc namaga bena tisin enin ugani. 20Jisasi bemi samemi, "Seni afotaci banta anasi siyimevacumpe. Seni macden yac mam mac kinkac, Yudauc ye baguyan kinkaci siyimevacumpe. Seni mana anecne vandac opac iyen sevacumpe. 21Eni nevarac semi indaefono? Sena siyimeguna indageyon inimbaintauc indaure indeno seni nevarac siyimevagafuno. Onano, mana inimbaintauci indigenone sena siyimageguna bayauc."22Jisasi miniuc sirami mana ofisa minigac ukukagagemi on difandemi semi, "Eni amankagac micni sire yinom prisin yevege samintefono?" 23Jisasi bemi samemi, "Sena mandaic sirec samena, micnin sire mandaic senamino seno, afo sena antekam baya samena, ne kafaraci sirefono?" 24Icnaemi Anasi fa dumugami bemi sankami yicnom prisi Kaiafasi vapac bemi.25Saimon Pita ukukagemi bey o kokoc em bami. Banta anasi bemi sameno, "Eni benic mana disaiporo banamino." Beni umeraremi semi, "Seni iyeino." 26Mana yicnom prisi ic yogam bainta ben ankun kinkena agan duvantimani acni bainta semi, "Seni em baci anayo gim benamac banaci onecumpe." 27Afo Pita yevegen umerevami, eseci kokori a semi.28Icnaemi Jisasim Kaiafasin amac kinke avigeni kamaninic anon ofisi fac beno. Banurampaci bani, yeni kamaninic anon ofisi gin iyen umpegeno, minigin undaeya manda avucavaguc uvaranayon agani fegeno, yeni amankagic uge Pasova yunan narani micneno. 29Afo Pailati mapac acden yena ban kac kundaemi semi, "Ne manda anda kagaci mana bainta amofin egafono?" 30Yeni yevege bemi sameno, "Mana bainta manda andaic iye evanani banaci, yenamac evanafac amankac bemi avigec iyen yirarunaino."31Micni sirami Pailatiyemi siyimemi, "Yigenafo avigec maroregaci yigeyic lo siganani avakundec koc amego." Yudauyic lo macnin sigemino, "Banta aruman fugini umoci dugemino." 32Bani Jisasi sirami bagemi, beni inkecni avucavac kinaci fugintenafi, yeni micni sem bayafoni Jisasi siram bagenimi maro amankagic emi.33Afo Pailati yevegemi kamaninic anom mac kimi umpecemi, Jisasin araremi samemi, "Eni Yudauyic kinac befono?" 34 Jisasi bemi yevegen samemi, "Eyic indintagac eni sefono, haca enoc emi senani samenafino?" 35Pailati bemi yevegen samemi, "Seni Yudac begafuno? Enic banta anasiuc namac yicnom prisiuci emi avige sena baunafac yenone. Eni ne anda uvandukanayafono?36Jisasi yemi yevegen siyimemi, "Seni mana magagac kena inimbaintau yic kin iyem becumpe. Afo sena mana magagac kena inimbaintau yic kima bagegunani, sentic yogam baintauc yenamac i yiru ureni semi amankac sivige Yudauc yiyan kin iyen yimiraromino. Afo seni mage mana magagac kena inimbaintauyic kin iyem becumpe." 37Afo Pailati bemi samemi, "Afo eni kinac befono?" Jisasi bemi yevegen samemi, "Eni senani kine senamino. Afo seni min vani mana kagagac ampamecumpe, afo seni mini vani mana magagac yecumpe, seni fuga baya siyimirani. Macden inimbainta iyefi fuga baya inda bantemi, beni sen tivaya indintemino."38Pailati bemi indaemi, "ne anecne fuga benafino?" Beni micni siremi, yevegen Yudauc marogun siyimemi, "Seni mana umandac mana bainta gin onecumpe. 39Afo yigeni yige yic lo dukamino, minifoni seni mana karavusi Pasova gac yigemi utuc yimecumpe. Afo yigeni Yudau yi kin utuc yinkano varac yiyenafino?" 40Yeni yevege bacduman acureni seno, "Mana bainta ecanam bano, Barabasi utuc simeno." Afo Barabasi eno yic anecneuc yiruren dafemi, beni umonino.

Acts

Chapter 1

1Tiofilusi o, ema bana afan sandan ameguna gimi, Jisasi kugandemi macden yogaruc maremi tisin ageninugani emi samecumpe, 2beni eram baya Ayo gimi bena yaraman dukan aposoriuc siyimic dami Koti bemi avigen inarumpac uremino. 3Beni anavisic mandemi dunkin yasac fukagemi, icnaemi ukukaemi yenkac afotagic ugemi, ben aron afuruc yocyigevami. Beni 40 nurami yenkac afotagic ugemi, Kotinic avoguc maguvani siyimevami.4Beni yenamac macde managim baguyugemi, beni eram baya ginke Yerusaremi magu yerere iye bogo vani yemi siyimemi, yeni minigac be ye Yifonic poromasi gac dafisego vani macni siremi siyimemi, "Yigeni sena sunai indirukamino 5Yoni fuga siremi nom poni yigemi nom man yinkemino, afo manaca nuran yankaganaci yigeni Ayo Inta gimi nom maranagomino."6Yeni managim buguyugeni bemi indaeno, "Iyeno o, mage mana yamugaci eni yevege Israeri magu ukukaman dantefono?" 7Beni yevegen yemi siyimemi, "Mini acnauga oc yamuguc yinaninani yigen yinda anecneva banac indinagonaino, mini i yigeunamac Sifo beyic eramponi indin uvandukemino. Benafo manan indigemino.8Afo mini yamuc Ayo Inta yigen kac yerainac eran mandeci, Yerusaremi namac macden Yudia namac Sameria maguginkac oraemi maga ara maro kipagan kac orainaci yigeni sentivam bantaici uganagomino."9Jisasi mini bayauc siyimicdemi, maside inarumpac mana kagake onami, bemi kun doyen urevami, mana konami yen yugan kac uyac dani bemi ena yacbac iyen oneno. 10Yeni inarumpac kagacke bena urevan onami, yinduc dimi, kantan bainta efan bacdo gim yen yacnagac ye ukukeno. 11Yekanda seni, "Yigeni Gariri baintaugo, nevarac yigeni managac ukukagegaci inarumpac mana kagakegafono? Mana Jisasimi yigen kinke inarumpac avigen urevac onanic uremi umbaegen kuminac onanagomino."12Yeni Orivi ge sire avic dan anugake ovage Yerusaremi yeraeno, Yerusaremi acdekaci bami, mána kilo mita amami bemi. 13Yeni yeraeni, yan amugapac ye baran rumu gimi ureno. Yen yiviguci, Pita, Yoni, Yemsi, Endru, Filipi, Batolomeu, Matiu, Yemsi Alfaeusin agaci, Saimoni Salotin ankunkinke, afo Yudasi Yemsi agaci. 14Yeni masicde managim beni yugam mukir indintac mánam banone anasiuc namac Maria Jisasin anon namac ben afacava unan namac.15Mini yamuc kinkaci Pita birivican inimbaintauc amankac 120 yicbanac kimi ukukaemi, semi, 16Sifactiva unan o, Kotinic yogim bam baya ampaminami amankagic intemino, mini baya Ayo Inta Yudasinani Devitin avantac dami semino, beni yivigem maro yocyigani Jisasim fakareni dumenone.17Nevaraino, beni yigeunamac kinkeno bemi, yigeunamac yogageguna yogani beyacbaci marevamino. 18(Afo mage mana bainta manda anda uvarankakena monoc mandemi maga ayac uremi, minigaci acnon nare magapac kumimi, ben arac foten uvandemi fasapac kumemi. 19Maside Yerusaremi magugim ban inimbaintauc minivan indireni, mini maga ye yivaya ginke "Akeldama" be sireni avic deno, minivani semi, "Koram bacyigam magai.")20"Micnugami minivani Sam Yogimi santemi, 'Ecananac mini magagim mana anecnevac iye vananaci, banta vac minigin iyevac bano'. 'Afo ecananaci mana bainta bena dafitagenin yogan marano.'21Mini amankagici intemino, nevaraino, mana bainta masiden nuram yigeunamac namac nogeni, beni Iyeno Jisasi bagemino, 22kugandem mini nurama Joni nom maraninkake Koti yigeunamac kinke bemi avigen urin nurami, beyacbac yigeunamac namac bemi yivam baintaic ugemi bena fukagen ukuken ureninan siyimino." 23Yeni katam baintan yuman deno, Yosepi ben avic deni Barsabasi, ena avic Yastusi, afo Matiasi namaci.24Yeni yogam muke seni, "Eni, Iyeno o, banta anasi yinduntin yonaganamino, micnuganamifo eni mandan afotagic ono mana kanda ginke inkenic eni uyacmant dukefono 25mana yogan dac aposori yogan Yudasi yererem beyic magu fac beninic magu marantenafino. 26Afo yeni yenan kaonta karucdami Matiasin avic kaci kumandini benamaci 11 aposorouc namac yandaman deno.
Chapter 2

1Pentikosi nuran yini, masicde mána mac kimi baguyuge bano. 2Yinduc dimi eran sisova a ganaci semi inarumpate kumemi, mini mac kim macdempac uvikemi ye kumante ban kimi. 3Yeni onami sitoc iga acnegan kacnac kemi macdem mána mána inimbaintauc kaci oman kumandemi. 4Macde yenkin Ayo Inta uvikaemi amankagic uyinkarani, yeni kugande ena ena baya ginken a seno.5Afo Yerusaremi magugim Yudauci bano, yeni Kotin kim yindun munkugeni Yudau yic lo avakuran inimbaintauc beni, macdem magafaten minigim yevano. 6Sisova a gacnac sini indireni amucna inimbainta yeman managinic ugeni amucna indirici eno, nevarai, macde yeni indemi maya maya yen yivaya ginken a sevano. 7Yemi anon yigan dani seni, ''Fuga ugane, manai Gariri inimbaintauci beni mayau sivaya iye indigaunone.8Nagac evagaci yigeunamac indegunayaci, yeni maya maya mayau ampamuna fatena baya ginke a seyafono? 9Yeni Patia, Midia, Elamitiuc, namac Mesopotamia inimbaintauc namac, Judia, Kapadosia, Pontus namac Esia, 10Frigia, Pamfilia, Isipi, Libia magafate bemi Sairini, Romi magufate bayu yevan inimbaintauga, 11Yudau namac yenyic man kim yindun baekau ya, Kritiuc namac Arabiauc seni, yenamac indegunani Kotinic eran yogaru gani mayau sivaya ginken senone."12Macde yemi yigan dami, indiruc anana ini, ye yirani seno, "Manai ne andafino?" 13Afo manaca amarure seni, "Yeni oyan waini anon narici urukenone."14Afo Pita 11 yogam baintauc namac ukukaemi, erauremi araren, yemi siyimemi, "Yuda baintauc namaga maside yigena Jerusaremi magugima ban inimbaintaugo, yigeni mana baya vac indego, mana anecne ampameninani yivigemi siyimentecumpe. 15Mana inimbaintauci eran non iyen narukenone yigena micni indiric evantege, manai mage 9 kiroki banurami bemino.16Afo manai profet Joelin kimi bani sirukamino. 17Icnaen yinanin nuran kinkaci,' Kocti semi, seni Ayo Inta bacyiranami macden inimbaintauc kaci kumintemino. Yigen yigafandauc, afon intauc baga aginta intauc baci profeti baya sintenone, fumarauc kainuc onani, ayogun baintauc baci kainuc onantenone.18Mini nuran yinanin kinkaci sesic senti yogar inimbaintau kac bacyiranan kuminani profesi bayauc sintenone. 19Seni enac ugan anecneuc inarun kac yocyigeci, magagac mirikoriuc yocyigana onanteno, korana, igava, ikuni konan kacnaci urintemi.20Ac keni baegen ayufunic inami, igona baegemi korani inami, mini acnaemi Iyeno yinani nuran yintemino. 21Micnugami iyefi Iyenon avic devanayon inimbaintauc iye kipan yaumi maranteno.'22Israel inimbaintaugo, mana baya sena senuna vac indego, Jisasi Nasareti bainta yigenamac banin kaci, Kocti bema sankan yenimi mandan afotac uremi yigemi yocyigemino, Koti ben ayankaci anon yogaruc uvaremi, enac ugan avucavaguc bac mirikoriuc baci yigen yicbanac kim uvarevaci, yigeni miniuc onarukamino. 23Koti mini bainta yigen yiyan kimi demi, beni micnirani bani indiman bagemi. Bemi manda baintauc dunkin yasac iyem poni aruman fugeno. 24Fukagenin kinke Kotin bemi ukuka ankemi, bemi ecami fugintin anavisic iyem maremi, nevarai fugin bemi amankac fakaren iyem bantemi.25Deviti benani sirukagemino, 'Seni Iyenon onaunami sen sacnagaci bami, nevarai, beni sen siyan ugampaci baci 'Seni iyem fegantecumpe. 26Micnugami sentirac ano amoyimi sentivan nano Kotinic avogugani siman fabaremi. Micnimi sen so vaci erarugemi dafisintemi.27Eni ecanac seni fukam baintauc bam magusim iyem bontecu, afo eni ecanan enic Anteckan Inta bamasic kim mandaic iyen intentemi. 28Eni semi ayum fa beyom magufac a yotigarukanaci bonteumpe, afo seni en ogampac ukukagana amusimi uvika sinkanonami.'29Sifactiva unano, 'Seni yigeunamac sinafu Devitinan siyimentecumped. Beni fugini masic enone, afo beni bamasic yigeunama namac fani mage mana nuram bemino. 30Micnugami, beni profeti bemi indingamino Kocti bemi promasic uankarami bagemi, micnuremi ben anavasinuc kinke mana benic magu mandemi kinic ino vani sirami bagemino. 31Ne anecnefi icnaen ampaminanimi onarukagemi, Kraisi fugintinke ukukananinani semino, beni fukam baintauc yic magusim iyem banami, ben o minigim ampin iyen nantemino.32Mana Jisasimi, Koti yevegen ukuka ankemino, yigeunamac masicde onarec yami, indigecumpe. 33Micnugami, beni ukukemi Kotin ayan ugampaci kumantemi bey Afom pate Ayo Inta promasic uankarukagenimi mandukagenimi, beni bacyirukaci, mage yigeni oneci indamino.34Deviti inarumpa iyen uremifo, beni semi, 'Iyeno sentic Iyenomi samemino, "Siyan ugampac kumantanagaci 35enic namugouc en agar agumpac mandan danavac ono.'" 36Micnugemifo, ecana masiden Israeriuc indego, mana Jisasimi Koti mandan Iyenonic uremi Kraisinic uman dami bemino, mini Jisasimi yigeni arurec dunkin yasa iyemino."37Afo yeni mini indirami, yirac koc yimini Pita namac macden aposoriuc siyimeno, ''sifativa unano, mayauni inkenigac onuno? 38Afo Pita yemi siyimemi, "Yigeni maya maya yindun baecde gaci, Jisasin avic kin nom marago, yigeyic manda andauc ugicdegaci, Ayo Intaic ayac marago. 39Nevaraino, beni yigen namac yigen yigafandauc namaga, nenkac ban inimbaintauc namac amucna inimbaintauc Iyeno yarananiu yacbaci promasic uyinkarukemino."40Beni amucna bayauc poni yankara ogo vani siyimemi semi, Yindun iye baecdukeyon inimbaintau garaci yankar ogo.'' 41Afo yeni ben avaya indireni nom mareno, mini nurami 3,000 inimbaintauci yindun baegeno. 42Afo yeni aposoriuc namac managim beni mam baya indireni, yugam mukure, breti kicdire neni Jisasin o dakaganan indevano.43Macden inimbaintauc kimi anon fegani yemi, nevaraino, amucna enac ugan avucavaguc namac eran yogaruc baci aposoriuc yiyan kinke ampamevanone. 44Macden birivicon inimbaintauc managin baguyueni macden anecneuc dainde mareni, 45macden yeyinda aneneuc sarina ure monoc mandeni iroc an inimbaintauci yimeno.46Mana mana nuram mam baya indirani mac kim baguyevano. Yeni ye yimac kinkac baci Jisasin o dakaganan indirani breti kicdire nevano. Yeni banta anasiuc namac yimusim mareni, avoguc yirac namaci yunanuc dainde nevano. 47Yeni Kotin avic yanic eni, macden inimbaintauc namac avoguc yirac kimi bano. Afo macden nurami Iyeno banta anasi yirac mandana yindun baecde yiyayin maran inimbaintauc yemani amucnaic oni urevano.
Chapter 3

1Mána nuran 3 kiroki ayinkagic emi, yugam mukir acna yimi Pita nuc Yoni nuc mam mac kugusimi umpegeno. 2Afo mana bainta bey anon arac kin agar ayam fukanimi doye mam mac ona Avoguge sire avic dan kaci maro reno. Masicden nurami bemi donare minigac maro ram bemi mam mac kugusin umpegaran uron inimbaintauc pate monoga anecneugani inantevami. 3Beni yonani Pita nuc Yoni nuc mam mac kin umpegarani uromi, beni anecneugani inantemi.4Pita nuc Yoni nuc ben ogampen kagacomi, Pita bemi samemi, ''Bende sonano.'' 5Mini bainta anecneuci simintenone indiric uremi ye kanda yonemi. 6Afo Pita semi, ''Seni silva namac kori namac iyen dukecumpe, afo sena dukauna anecne, emi amentecumpe. Jisas Kraisi Nasareti bainta avic kin, ukuke bono."7Pita ben ayan ugampac, fakaremi kun difitamar ukukarami, eseci mini bainta agar ayan erar uankemi 8karusacen ukukemi mini karere bainta kugandem bemi, Pita nuc Yoni nuc namaci mam mac kimi umpegemi, beni yan karusacen undae gundaue om bemi, Kocti avic yanic emi.9Macden inimbaintauc bemi onami beni agan darem bemi Kocti avic yanic evami. 10Yeni onami Beni Masicden nuram mam magic Avoguc Onagac kumantem banta anasiuc pac anecneugan inantagenim bainta bami. Mini anecne benkac ampamin onarami anonic uremi yemi yigan demi.11Masicden inimbaintauc managin iyaye orae onami anonic uremi yemi yogan demi, beni Soromoninic varanda gage sire avic dan kaci Pita nuc Yoni nuc namaci ukukagami. 12Afo Pita mini onaremi, banta anasiuc yevegen siyimemi, "Yigeni Israeri inimbaintago, yigeni yinduc iye dogo. Bende kagakec iye bago. Mana anecne bendesic magagakena avucavagic eran poya ukuka ankaunana agan darem benaino.13Beni Abrahami na, Aisaki na, Jekopiu yic Koctim bemi, yenamac sifo unan yic Koctim, beni beyic yogam bainta Jisasin anon avici amemi. Yigeni bemi yicnaen amicdeci fakaman Pailatin ayan kin dami, beni ecanam bino vani indemino. 14Beni Avogugic ugen, Antecken, umandac iye dukam Bainta yigeni yicnaen amicdeci, banta yiruman fugevam bainta yigen yimino vani inantemino.15Yigeni iye kipan yaun yimevam bainta aruman fugomino, bemi Koti fukagenin kinke ukuka ankaraci, mini ic witnasiuci yenamac becyamumumpe. 16Micnugami, ben avic poni mana bainta eran mandukaci mage yigeni bemi onamino. Jisasin kim birivicim poni mána bainta ben o avogugic uankarukaci macde yigeni onamino.17Micnugemifo, sifactiva unano, seni indecumpe yigeni iye indirukeci mini anda uvaramino, yigen yinom baintau baci micnenone. 18Micnugami, mini anecneugani Koti profetiuc yivantaci benic Kraisi anavisic marananinani bani sirukagenimi, mage minim facbar emino.19Micugemifo yige yindun baegago, Iyenon avakurinaci yigenyic manda andauc ugic yinkano. 20 Micnuranaci Iyeno yige banagon kac yeraenaci eran yimino, beni Kraisin sankanami yintemino, yigema ugacman yinkarukeni, beni Jisasi ino.21Bem Mánan inarum magu mandan dukanami amankac yevegem macden anecne mandan ukukananin yamuc yintemi, Koti mini vani feyampac beyic anteckan profetiuc yivantac siram bagenimi. 22Mosasi fuga siremi semi, 'Koti mána sen kacnac ugam profeti yigen yifacyiva unan yicbanac kinke mandani ukukantemino. Yigeni macden anecneugana bena sinaninuc anufaregac indego. 23Beni yigen yicbanac bainta bantemino, afo iyefi mini profeti sinanin indiren iye avakuremi, beni mandam marantemino.'24Fuga ugane, macden profetiuc Samueri banin kake yemi managac yeraimi, macde anecne mage mana yamuc kin ampaminaninani senone. 25Yigeni profetiuc yigafandauc bami Koti yigen yinafu unan kaci beyic kontraki simani uyac dukemino, beni Abraheminani semi, 'En agac kinke manan umacdem mána magagakena inimbaintauc avoguc marantenone.' 26Icnaemi Koti beyic yogam bainta mandan ukukaremi sankarami yigempac nare yemino, avoguc yigen yiminanin ani uvisemi, yigenyic manda andauc ugic yinkemino."
Chapter 4

1Pita nuc Yoni nuc banta anasiuc mam baya siyimami, prisiuc namac mam mac kac dafitam bainta namac Sadusiuc namaci ye van kac yeraeno. 2Pita nuc Yoni nuc banta anasiuc tisin eni Jisasi fukagen ukukanani siyimanani, yeni anon umani mareno. 3Acdekac ayufun karani ini, ena banuran antegarani yeni makantanda fakareni karavusi mac kimi dumuman deno. 4Amucna inimbaintauc mini baya indireni birivic eno, birivic on inimbaintauc amucnaice ureni 5,000 amami undaeno.5Ena banurami yenyic dafisiruc namac, anonic ugam baintauc namac lo gin indin dukam baintauc namac Yerusaremi magusim baguyeno. 6Yicnom prisi Anasi minigaci bami, Kaiafasi na Yoni na Aleksenda na yicnom prisin ankun kinke macde minigaci bano. 7Yeni Pita nuc Yoni nuc ye yicbanac kim mandan deni, indaeno, "Iyenic eran poyafi haca iyen avic kinaci mána anecne uvaregafono?"8Afo Pita, Ayo Inta ben kin uvikaimi, beni siyimemi, "Yigeni banta anasiu yic acnam baintauc namac yicnom baintauci bamino, 9Afo mage mana nurane, bende koc kac ukukaunai, avoguc avucavac ac bainta uankarec, inkenic urenaci mana bainta ayofan marenafino sirec yigena inda ane. 10Ecanaci yige macde Israeriuc inimbaintauc yigeni yic indintim bino, mana bainta yigen yugampac ac bac iye duken ukukagane, beni Jisas kraisi Nasareti kena bainta avic kimi ayofan mandemi ukukagemino, bemi yigeni dunkin yasac iyemponi aruman fucdami, afo fukan kinke Koti bemi ukuka ankemino.11Mana mini onacbami Jisas Kraisi mini onacbam baci yigeni mac uvaram baintauci yicnaenic urami, bemi apurintinkena onacbanici ugemino. 12Iye kipan yaum marani ena bainta vac iyem bemino, nevaraino, inarun agantim ena yivic bac iyem bemino."13Afo Yeni yonani Pita nuc Yoni nuc iye fegani eran namaci baya seno, yeni fayam baintauci beni, siguru vac iye sigauni bami yeni mini van indemi, yemi yigan dani, Pita nuc Yoni nuc yonani bani Jisasi namaci bageno. 14 Nevarai, yeni yonani ayofan mandukam bainta yenamac ukukagani, yeni mini van a sinayonic iyen uyinkemi.15Afo yeni kansoro bagusinke yekanda siyinkareni, ye yiran baya seno. 16Yeni seni, "Ne anecne mána bainta ganda uvanyinkanuno? nevaraino, yeni enac ugan avucavaci uvadani macde Yerusaremi magusinke onarukenone, afo yigeunamac amankac iyen ayofantecumpe. 17Afo mini baya banta anasiuc kim ben yen iye ino vani, yicya yigeunamac yen yiman yimic dana mini avic kac sire banta anasiuc iye siyimego." 18Afo yekanda yaraman deni Jisasin avic kim banta anasiuc iye siyimegovani yiman yimeno.19Afo Pita nuc Yoni nuc yemi yevege siyimeno, "Yigenafo daindec onago. Koti ogan kac amankagigac intenafino yigen yivaya avakundec Kotin avaya ecanane? 20Yenamac onarec induna anecneu gana siyimenuna asapac amankac iyen ecantecumpe."21Ena yacbac Pita nuc Yoni nuc yiman yimicdeni, ecani yeni beno. Yeni mána anecne mandaic urukanayon afakare uman yimirani indemifo iyen afakeno, nevarai, Pita nuc Yoni nuc mini avucavac uvaranani macden inimbaintauc Kotin avic yanic evano. 22Ayofana maram bainta beni 40 orande vaci yankagarem bami.23Pita nuc Yoni nuc utuc dani yeyic bantauc kimi oraeni yicnom prisiuc namac yicnom baintauc macden baya yema siyimenuci yemi maro siyimeno. 24Yeni mini bayauc indireni, managimi yivan deni Kotin areno, Iyeno o, eni inaruna, magava, nona, macden anecne minigim banuc bac uvaranamino. 25Eni Ayo Inta gimi eyic yogam bainta Devitim mayau sifon avantaic senamino, "Nevaraci mapac baintauc yiran anecne mareyafono, afo banta anasiuc manda anecneugan indeyafono?26Eni senamino, 'Mana magagakena kinuc namac yicnom baintauc Iyenon nuc Kraisi nuc namac yiruirani managim baguyeno.'27Fuga ugamino, Heroti nuc Pontius Pailatin nuc namac mapac inimbaintauc namac Israeri inimbaintauc mana taoni gimi baguyenone. Yeni enic anteckan yogam bainta, ben anon kac basafem bacyirukano, Jisasi namac yiruirani.28Ena acnantapac eyic eran po eyic indintim macden anecne micnogo vana uvandukana uvararani managin ye baguyenone.29Afo Iyeno o, yeni yiman yimem bayauc naroc onare eyic yogam baintauc eran yimina en avaya siyimago. 30Ey ayan yiyofanovan agucdanam bevana, enac ugan avucavaguc enic anteckan yogam bainta Jisasin avic kim yimino." 31Afo yeni yugam mukure kiparami, yena baguyugam magugac magun dimi, masicden kimi Ayo Inta uvikani, yeni eram baya ginke Kotin avaya siyimeno.32Amucna birivican inimbaintauc mána indintac bac mána yirakaci bano. 33Mayavac bena dukan anecneugani beyindave iyen semi, afo yeni macden anecneuc managim bàguyureni, dainde mána mararic manan eno. Aposoriuc onama Iyeno Jisasi fukagen kinke ukukeninani yeni anon eramponi siyimemi, afo benic anon avacbac macden inimbaintauc kimi uvikemi.34Macden inimbainta mana mana anecne vandac iroc iyen eno, nevarai, macdem magava maguc sarin ureni mini anecneuc kakena monoc 35mare aposoriuc yigantimi dani, yeni monoc mandeni dainde macden birivi inimbaintauc iyeuyafi yena amankagic iye ugauni yimimani amankagic uyinkeno.36Mána bainta Yosepi, aposoriuc benani Banabasi nen sire avic devano (mini baecdanami Eran Indin Yimevam Baintai), beni Livai ankun kinkenom bemi, Saiprusi magusapaci bagemi, 37beyic maga sarin uremi monoc mare aposoriuc yigantimi demi.
Chapter 5

1Mána bainta ben avic Ananaiasi bami, ben anac Safira namaci, mána maga ayac ogovani dani, ayaceno. 2Beni daindemi manaca beyan fakamanaremi, (mini vani, ben anac bani indigami) manaca aposoriuc yigantimi maro remi.3Afo Pita bemi samemi, "Ananaiasi o, nagac enaci bananon en arakin uvikaiyaci, Ayo Inta umac siankareci magagakena monoc dainde manaca eyani fakefono. 4Mini maga ayac iye ugami, eninda bagemino, icnaen ayac uraya marana mono kac enafo dafitageonamino. Nagac iyaci mini indin ey anduntim mini avucavac uvararan defono? Eni banta va umac siankananaino, Kotimino." 5Mini baya indemi, Ananaiasi minigac yandemi fugemi, mini ampaminan inden inimbaintauc anon yaci gemi. 6Fumarauc ben o davarave ukureni, doye maro masiceno.7Igona amun kandac manavac yankagaimi, ben anac ne anecnefi ampameninan, iye indini, minigin yefegemi. 8Pita bemi samemi, "eni sisimeno, magagac micnumaraci ayac eyafono?" Beni samemi, "Eyo, minicnan kacino."9Afo Pita bemi samemi, "Yige kanda, nagac egaci baya uyuregaci Iyenonic Ayo Inta amam macankegafono? Onano, en avafum maro masicam baintauc mini onagaci yeraenone, embaci doye bintenone." 10Eseci minigac yandemi ben agantim fugemi. Fumarauc naun umpece onami fukani, yeni doye ben avafun acnagaci maro masiceno. 11Man kim ban inimbaintauc baga inden inimbaintauc mini anecneuc ampaminan indemi anon yaci gemi.12Aposoriuc yiyankinke amucna mirikori va enac ugan avucavaguci banta anasiuc yicbanac kin ampamevami. Yeni Soromoninic rumu gimi baguyuge bano. 13Amucna birivic an inimbaintauc yenamac yevarani fegevano, yeni micnenofo, yemi yonaman yanici evano.14Amucna inimbaintauc Iyenon kim birivic eni yeni yiric anan eni, iye yandan inimbaintauci ye uvike amucaic eno. 15Micnam poni, yic inimbaintauc baci yivige anon ay avafac ban sagoc ana va, iyena siauc ginkaci yinkani bano. Pita mini ayana yankagem binam ben amaman amankac yenkac davacino vani micnevano. 16Amucna inimbaintauc baci Yerusaremi magu adecanagena taoni ginkake yic inimbaintauga manda spiritiuc mandaic uyinkarukan inimbaintauc baci yivige ye baguyugano, macden yiyofan mareno.17Afo yicnom prisi ukukemi, benamac bageyou (Sadusiuc); namac yenkim manda indiruc uvikaini, 18 aposoriuc manda indiric uyinkareni, yemi umacden inimbaintau yic karavusi mac kimi fakaman deno.19Micnami Iyenonic enyoro ayufumi karavusi mac onauc diremi mapac yivigen kundaemi, yemi siyimemi, 20"Oraec, mam mackin ukukaegaci banta anasiuc iye kipan yaum maranayom baya vaci siyimego." 21Yeni mini baya indireni kagarar acdekagic evani mam mackin umpeceni mini baya siyimeno. Afo yicnom prisi benamac bageyon baintauc namac macden Israeri dafisim baintauc namac baguyuge baya sirani, karavusi mac kinke aposoriuc yivige yego vani sondiauc siyinkani beno.22Sondiauc orae karavusi mac kin iye vani, yeni yevege oraeni siyimeno, 23" Yenamac karavusi mackin oarec onaunami macden onauc uyakami sondiauc onagac ukukagaci, yenamac ona direc onaunami, maya vac minigin iyem bami.24Afo mam mac kinkena sondiau yic dafisin namac yinom prisiuc mini bayauc indireni, yeni amucna indirici eni, mini acnaemi ne anecne ampamintenafino indirici eno. 25Icnaem mana bainta yeraemi yemi siyimemi, "Karavusi mac kin dana bageyom baintauc mam mac kugu gimi ukukage banta anasi mam baya tisin enone."26Afo sondiau yic dafisin beyic sondiauc namac oareni yivige yeno, banta anasi onacban yirinayon agani fecdeni, iyen yireno. 27Yeni yivige mare reni, macde yugampaci ukuka yinkeno. Yicnom prisiuc yemi indaeni, 28seno, "Yenamac yigemi eram baya sireci mini avic kac mam baya iye siyimego vani umoc duyinkaunac, iye indini yigeyic mam baya siyimiman Yerusaremi magusin uvikaman deci, mini baintaic fugin yenamac simofin irani yigemi yiyemino."29Afo, Pita aposoriuc namac yevege yemi siyimeno, "Yenamac Kotin avayan avakurontecumpe banta iyeino. 30Yenamac sifo unan yic Koti beni Jisasin ukuka ankemino, yigena dunkin yasac iyem pona aruman fugom bainta. 31Koti bemi onaman yanic uremi, bey ayan ugampaci dami ben acnagaci bemino, beni kin agagic ugemi yenamac siyayintemino. Beni Israeri inimbaintauc yindun baec yinkaremi yenyic manda andauc ugic yinkantemino. 32Yenamaci mini anecneuyic witnasi becyamumpe, Ayo Inta vacino, Koti ben avaya indauni bemi yimic dukemino."33Kanisorouc mini baya indireni, yeni anon yiran anecne mandeni aposoriuc yiruman fugirani indeno. 34Afo mana Farisi bainta ben avic Gamarieri bemi, beni lo gimi tisaic ugam bani, umacden inimbaintauc bemi onaman yanici evano, beni kanisorouc yicbanac kin ukukaemi eram baya ginke mini baintauc yivige mapac marogun da sito kac bago vani siyimemi.35Mini acnaemi, beni siyimemi, "Israeri inimbaintaugo, kapinagegac indego, ne anecnefi yigena mana baintauc uvayinkarana bayauc uvarac none. 36Bani manaca nuran yankagaimi, Teudasi ukukemi beyarani sivic dukauno becumpe sirani, manaca inimbaintauc amankac 400 amami benamac ye vanone. Bemi aruman fucdami, ben avakurageyon inimbaintauc dakacdeni iyaye mana mana uomi, mana anecnevac iyen ampamemino. 37Afo Teudasin acnaemi Yudasi Gariri magusinkeno yivic marevayon yamuc kinkaci ukukemi manaca baintauc yiviman besapac demi. Be yacbaci fucini, ben avakurageyo inimbaintauc yerereni mana mana eno.38Afo yigemi mage siyimentecumpe, mana baintauc kake nenkac begaci iyevac yiruogo, nevaraino, yena uvararana indeyon indirafi yogarafi bantaic indintac ampamevanami, yandintemino. 39Afo Kotin inda banaci, yigeni amankac iyen aruman fuginagomino. Yigeni onanagomino, Kotin namaci yiruiamino." Afo yeni mini baya indireni maro minigaci eceno.40Mini yankayaini yeni aposoriuc yaraman deni Jisasin avic kac sire iye siyimego vani umoc duyinkareni, ecani beno. 41Yeni kanisorouc baguginke yerere beno. Yeni Jisasin Avic kim yinavisic maranani Koti yemi yandaman danani yimusin marani beno, Jisasin Avic kim yinavisic maranani yimusimi mara beno. 42Mini yankagaimi macden nuram mam mac kina ena ena baintauc yimac kinkac yeukeni avoguc baya Kraisinani Jisasi ino sireni siyimevano.
Chapter 6

1Mana nuran acbanac kinkac, disaiporiuc amucnaic o urami, Griki magusapatena Yudauci Hibru uc amucna baya siyinkeno, nevarai, yeni macden yac yunanuc dainde yime beni yenyic kentoc ininanuc iyen yimevano.x212 disaiporiuc amucna birivi inimbaintauci yaraman deni siyimeno, "Yenamac Kotin avaya siyimin yogan yere ecec yunanuc daindec yimiran bonami iyen antegantemino. 3Afac ava unano, yigeni amankaci afac kantan omandan baintauc yige yicbanac kinkake yuman danagomino, avoguc yivic dukena, yenkin Ayo Inta uvikagana avoguc indin dukam baintauc yivicdagaci yenamac yivic danayaci mini yogantac dafisego. 4Afo yenamac yugam mukin yogan marac beci Kotin avaya siyimin yogandac marantecumpe."5Umacde mini baya indireni yimusimi mareno. Afo yeni Stivenimi avigeno, beni eran birivic evam baintan bami, Ayo Inta benkimi uvikagami, afo Filipi na Prokorusi na Nikano na Timoni na Parmenasi na Nikolausi Atioki magusapate Yudau yic man kin andun baecdukam bainta vaci avigeno. 6Birivi inimbaintauc mini baintauc yivigeni aposoriuc yugampac maro rani, yiyan yenkac deni yugam muku yinkeno.7Micnami Kotin avaya anonic emi ben yen imi, birivi inimbaintauc Yerusaremi magusimi amucnaic eno, amucna prisiuc baci oyam baya gim birivic eno.8Afo Stiveni, benkim avacbac namac eran dac uvikagami, beni enac ugan anecneuc baga mirikoriuc anasi banta yicbanac kin uvarevami. 9Afo manaca fayan yogan inimbaintauc utuc yinkarukam mam mac fridmani ve sire avic dan kinke, Sairini magusinke namac Alexandria magusinkena mam mac kinkake namac manaca Silisia magusinke namac Esia mam mac kinkake ukukeno. Yeni Stivenin namaci amucna bayauci sevano.10Afo Ayo Inta Stivenin indina amima senin bayauc yeni yevege bemi siankanayon amankagic iyen emi. 11Micnini yeni manaca baintauc kac kuntanuc urani yeni seno, "Yenamac indegunami Stiveni Kotin namac Mosasin namaci manda bayauc siyinkevamino"12Yeni banta anasiu ga, yicnom baintau ga, lo gin tisaic ugam baintauc yirac ukukarani, Stivenin ye fakareni kansorouc yugampac maro ukuka ankeno. 13Yeni umac witnasiuc yivige mare rani, yeni seno, "Mana bainta mana anteckam magu namac lo namagani manda baya sirani, avantac iyen fakemino. 14Nevavarino, yenamac indegunami beni semi Jisasi mana magu anankaremi Mosasi yenamac kin dan kumin avucavac baegarani semino." 15Macde kansoro gin kumantageyon inimbaintauc yugam ben kac ana duke onami ben oni enyoro ontanaci emi.
Chapter 7

1Yicnom prisi bemi indaemi, "Mana bayauc fugac seyafono?" 2Stiveni yemi siyimemi, sifactiva unan namac sentifo unan, kapinagegaci sen tivaya indego: Kotinic erani yigeunamac sifo, Abrahemin kaci afotagic emino, beni Mesopotamiac bemi, Harani magusapac iye ovami. 3Koti bemi samemi, 'ey ankunuc namac eyic maga namac yere ece sena yocaganuna magafagac bono.'4"Icnaemi beni Kaldia magafac yere ecemi Harani magusimi ovami, minigac bami, ben afo fucimi, Koti bemi avigemi managac yemino, mage yigena bam magagage. 5Koti bemi mini maga iyen amemino, iyeino, sitoc maga aravac agan dananinic ugam bac iyen amemino. Abrahemi am bac iye dukami, Kotin bemi promasic uankemino micnuremi, bemi mini maga ben namac ben anvasinuc icnaen yinayou yiminan yen yindaic ino vani samemi.6Koti bemi macni siremi samemi, ben anavasinuc sito kac ena magafac sito kac ovami, mini magafateno yemi karavusic urani fayan yogam baintaic ugami 400 orandegaci mandaic uyinke bantenone. 7'Afo Israeriuc yenyic yogaric uyinkeyon magafatenoni koci yimentecumpe,' Koti micni semi, 'afo icnaemi yeni miniginke fasapac yeraeni mana magugimi sen kac man sintenone.' 8Afo icnaemi Koti yife yinda akecyan lo Abrahemin amemi, micnurami Abrahemi Aisakin afoic uemi 8 nuran yankagaimi ben afe anda akecyemi, Aisaki Yekopin afoic imi afo Yekopi 12 yicnom baintauc yifoic emi.9Nevarai, yicnom baintauc manda indiric Yosepin uankareni, bemi Isipi magafac fayan yogam baintaic ino vani ayac urani, sankami bemi, micnenofo Kotin benamaci bemi 10benic macden umantinke ayayemi. Beni Yosepin avacbac namac avuguc indin namac Fero, Isipiu yic kin ogampac, amicdami, bemi Isipi magafaci kavanaic uankaremi, umacdem beyinda anecneuc kaci dafic ankemi.11Afo umacden Isipi magafac namac Kenani magafac anon yarani yimi, anon manda ampamimi, mayau sifo unam amankac yunan afakanayon ayac iyen bami. 12Afo Yekopi indimi Isipic witi va raisi va antiviriuc bami, beni yenamac sifo unami siyinkani beno. 13Afo yevege bon kimi, Yosepi bey afacava unam facbaruremi beni iyec benafi siyimemi, Yosepi ankunani Feron agankac bimi indemi.14Yosepi bey afacava unami siyinkani yevege orae Yegopin maro samina, macdem bey ankunuc, 75 inimbaintauc namac Isipic bino vani siyinkani beno. 15Afo Yekopin namac mayau sifo unan namac Isipi kumbeni fugeno. 16Yemi kandauye Sekemic, Abrahemi silva monoc po Hamonin agafandaupate ayac uram bamasic kimi maron masic eno.17"Afo promasic uranin yamuc yevami, mini promasi Koti Abrahemin uvar ankarukagenimi, Isipi magusim banta anasi anon uvikaric eni amucnaic eno. 18Micne vami ena kin ukukemi, Isipi magusin dafisemi, mini kin Yosepi nandac iyen indigami. 19Beni mayausic banta anasi umac siyinkemi, mayau sifo unan yirure mandaic uyinkemi, mage macdukan inta agaguc mandan afotagic urana yiruman fugirani yivankevami.20"Mini yamuc kimi Mosasim magemi. Beni Kotin ogan kac anon avogugic ugam bami ben afon amac kimi kandac manavac igona gaci dafisevano. 21Afo bemi doye mapac marogun dami, Feron aramum mandemi bey agagic uremi dafisevami anonic emi.22Mosasi masicden Isipi magusinkena avoguc indirukimi siguru maremi, afo benic yogantim bac ben avaya gim bac anon erani dukami. 23Afo beni 40 orandeic uimi, bey afacava unam, Israerin anavasinuc yonananin indini ben andutim yemi. 24Beni onevami Israeri bainta arurem mandaic uankevami, Mosasi ben kafaruremi Isipi bainta aruman fugemi. 25Beni indimani ben afacava unan omare indintenone Koti, ben ayan kimi, yemi yiyayevani, yeni omare iyen indeno.26Mini nuran yankagaimi ena nurami Israeriuc vapac oraen onani ye yiran yiruami, beni yekanda managim bago vani macni siremi siyimemi, 'Mana baintaugo, yige untavani bamino, ne gafaraci yige yiran mandaic egafono?' 27Afo agona mandaic uankenim bainta Mosasi avekaman nenkac demi samemi, 'Iyec emi dafisiric uankarenaci bendegac yasi ic ono siankarukaya fono? 28Eni nuran Isipi bainta aruman fugonaic ure sem bac siruman fugirara fono?'29Mosasi mini baya indiremi dakacden iyayemi, beni Midia magafaci maro anamuruic ugagemi, minifaci kantar intauc yifoic emi. 30"40 orande yankagaimi Sainai Anuic fayan magafaci, uc iga gen oyarevan kimi mana enyoro benkac ye afotagic emi.31Mini iga Mosasi onarami, bemi agan dami, acdekac oraen onaran bevami mana ameni Iyenon ofenke yemi, semi, 32'Seni enafo unanyic Kotim beci, Abrahemi na Aisaki na Yegopi uyic Kotim becumpe.' Mosasi mini baya indirami anon andiremi ouc dundun imi ena yacbac onananinic iyen emi.33Iyeno bemi samemi, 'Ey agantinke sendori ayucman fasapac dano, ena banagaci anteckan magagac ukukaganamino. 34 Isipi magusim sentic banta anasi umana marami seni fuga sirec onecumpe. Seni yenyic ifici indireci, yen yiyayirani kumecumpe, mage yeno, seni sankana eni Isipici binonamino.'35"Mana Mosasimi yeni yicnaen amenone, yeni macni sireni, ''Iyec emi dafisiric uankarenaci yasi ic ono sirukaya fono?' Mini Mosasim manan Koti dafisiric uankaremi yevegen yivigan baintaic urami Isipic karavusi ginke yivigen yemino. Koti bemi uc agac kin Mosasin kac afotagicin enyoro ayan kimi demi sankami bemino. 36Mosasi amucna mirikoriuga, ena ugan avucavaguc Isipi ga Koran non kina fayam magafac 40 orandegac uvaragen demi Isipi magusinke yivigemi mapac acden yemino. 37Mini Mosasi manan Israeri inimbaintauc siyimemino, 'Kotin mana profetin yigen yifacyiva unan kinke, sen kacnac ugami ukukaman dantemino.'38Mana bainta manan afac kacmapac Sainai Anugac enyoro benamac a semino, beni yigeunamac sifo unan namac bagemino, beni ayum fa van baya yigeunamac simirani maremino. 39"Afo mayau sifo unam ben avaya indirani, bemi avekaman nenkac deni, Isipigani yevege indenone. 40Mini yamu kimi yeni Eronin sameno, 'Mana kotin acnaric uen yenamac sivigem binanin uvan sinkano. Nevaraino, mini Mosasin Isipi magusinke yenamac sivigem mapac acden yemino, yenamac iyen indigecumpe, ne anecne benkac ampankenafino.'41Micnugami yeni mana burimaka agac aman uvandeni ofa mini aman amicdeni, yeni yimoyeno, nevarai, ye siyampo uvantan anecne vani. 42Afo Koti acnaen yimicdemi, ecani inarunkakena bayo gac man siankeno, micni siremi profetin yic yo gin santemi, 'Israeri inimbaintaugo, yigeni 40 orande gac afac magafac nogegon kinkac ofa mare simevaga fono?43Yigeni mana yirac kaci deci Morekin namac kot Refaninic bayoic seri gac mam maga, amanuc yige yuyampo uvandukanuc man siyinkarani maramino, micnugaci seni yigemi doyec Bebironi vac yankageci maro yinkantecumpe.'44"Yenamac sifo unami serigac mam maci fayam magafac dukagenone, oganic ugan Kotin Mosasin eram baya ginke samenimi, beni afan dac amam bac oneninic ugan uvarano vani samemi. 45Mini seri mac mayau sifo unam manareni Yosua namac mini maga mande yeyindaic ureni Kenani magagin umpegeno. ''Afo mayau sifo unam yugan kaci, mandemi anecne mini inimbaintauc yenyic maga ginke yivakundemi, mayau sifo unami yenyindaic ureni yimemi. Mini seri mam mac fananan bagemi Devit banin kaci yeraemi. 46Afo beni Kotini ayini afakemi, beni amankac mana magu Yegopinic Koti bananin mac uvarankarani indaemi.47 Afo Soromonin Kotin amac uvaranim bainta bemino. 48"Micnurami, Iyeno beni yanic ugan Koti bemi beni banta yiyampo uvandam mac kinkac iyem bemino, micni siremi profeti sirukamino, 49'Iyeno micni semi, inarum magui, sentic kinic sia ino, afo magai seni sigan deguna gac ino. Inkenic ugam magac yigeni ugan sinkararaci segafono? 50Sen siyam macdem mana anecneuc iye uvarenafino?'51"Yigeni baya aran inimbaintam bamino, yigeni yige yindura yaganuc kackena yindauc iyen akecyarukamino, yigeni ecami Ayo Inta beyic yogan iye maremino, mini avucavaguc yigena uvarami, feyugam yigen yifo unam uvarageyonic ugami amino. 52Inkenic profetiugaci yigen yifo unam mandaic iye uyinkeyafono? Yigen yifo unami acnantapac bana yageyon profetiuc yirevanone, mana Anteckam Bainta iye yigani, micnugaci mage yige yacbaci bantauc yivcman namugouc yiyan kin damino, minifoni yigayaci bemi aruman fugamino, 53yigemi enyorouc lo mandan yimeci maramifo, yigeni mini lo iyen fakamino."54Afo kansorouc mini bayauc indirami yirac ampicrarani Stivenin anon yiran anecne marankeno, 55micnami Stiveni Ayo Inta, benkin uvikagami, beni inarumpac maron onemi, beni Kotini erani onemi, Jisasi Kotin ayan ugampaci ukukagami beni onemi. 56Stiveni semi, 'Onago, seni onaunami inarum ona diyimi, Banta Ayac kotin ayan ugampaci ukukagemino."57Minigac kansorouc yagan kac yiyan uyac deni erarure bacdureni, umacde iyaye manacyaci Stiveni bankac oraeno. 58Stivenin fakareni difite taoni ginke mapaci marogun deni onacban arami banta anasi minigac ukukage onageni, yeni yeyic yagetiuc ayucdeni mana fumara agantimi yere reno, ben avici Sori i.59Afo Stivenin onacban arami beni Iyenon araremi semi, "Iyeno Jisasi o, sentic ayo inta marano." 60Beni agon noyan kac kundaemi bacdureni semi, "Iyeno o, yenyic mana anda yenkac. iyevac fakano. "Beni micni siremi, fugemi.
Chapter 8

1Bena fuginani Sori avoguc araci maremi. Micnuremi Sori kugandemi Yerusaremi maguginkac bagenim mam maguc anankayomi bemi. Macdem birivican inimbaintauc Yudia baga Samaria maguginkaci dakacde iyayoni aposoriuc mánan minigac bano. 2Kotin kim yindun munkugam baintauc Stiveninan anon yigun anecne mandeni, kunic ure masiceno. 3Sori mam mac anankayirani emi. Beni mana mana mac kinkac umpecemi banta anasi difitaman mapa demi, yivigem maro karavusigin demi.4Micnevani minivar iye indini 0birivican inimbaintauc miniginkac yeukeni mam baya siyimevano. 5Filipi mana taoni gimi, Samaria kumbemi Jisas Kraisinan siyimemi.6Amucna inimbaintauci Filipi siyimevam bayauc avogugic ureni indeno. Mána indintaci beni indeni, yeni enacugan anecneuc uvarevani oneno. 7Amucna inimbaintauc Manda spiritiuc amucna inimbaintau kim bageninuc bacdureni fasapac acdeno, amucno yigan yiyam fukan inimbaintauc baci yiyofa yinkemi. 8Micnini, mini taoni gin anon yimusimi mareno.9Afo mána bainta bami, beni Saimoni bemi, beni acnantapac manda spiriti gimi erar avucavaguc uvarevami, mini anecneuc uvarevami Samaria inimbaintauc yigan dani, benani avic dukam baintaino sevano. 10Amucno, yivic iye dukan inimbaintauc bac yivic dukan inimbaintauc bac ben kimi yeyic indin dukeni, seni, "Maná bainta i Kotinic anon erani dukemino." 11Beni mini erar anecneuc iyakaci uvarevami, yemi yigan devani, ben avaya indevano.12Afo Filipi avoguc baya Kotinic inarum magu namac Jisas Kraisin avic namagani banta anasi siyimini indire birivic ureni, nom mareno. 13Saimoni beyac baci birivic emi, nom maremi, beni Filipi namaci bagemi. Filipin onami enacugan avucavaguc uvarevami, bemi anon agami demi.14Afo Yerusaremi magusinkena aposoriuc indeni Samaria inimbaintauc Kotinic baya mandani, yeni Pita nuc Yoninuc siyinkani yena vapaci kumeno. 15Yeni kundaeni, Ayo Inta marago vani yugam muku yinkeno. 16Yeni Iyeno Jisas Kraisin avic kimi nom mána manyinkarami, Ayo Inta yen naroc iyen yevami. 17Afo Pita nuc Yoninuc nuc yen naroc yiyan deni yugam muku yinkarani Ayo Inta mareno.18Afo Saimoni yonani aposoriuc banta anasiuc kac yiyan dan kinke Ayo Inta marami, beni monoc yimemi. 19Beni semi, "Mini eran sembac simego, seyandac micnurec iyen inimbaintauc kagafi siyan dana amankac Ayo Inta marago."20Afo Pita bemi samemi, "Ecanan enic monoc enamac oyogano, nevaraino, eni Kotinic gifti monoc po ayac irani indanamino. 21Eni mána yogandac managin iyen duke, mána anecne managin eninda vac iyem bemino, nevaraino, en anduni Kotin namaci iyen anteckemino. 22Minugemifo, en anduntim benim manda avucavagan andun baecdevaci, Iyenompac ogam mukurananaci beni en andun mararan ayeninuc manda indiruc amankac utuc ankano. 23Emi onaunami en anduntim manda indiruc uvikagaya, iye anteckan anda gimi karavusic uganamino."24Saimoni bemi yevegen samemi, "Iyenompac ogam muku sinkaranaci, ena sena anecneuc senkac iye ampamino."25Pita nuc Yoninuc nuc Iyenonic baya afotagic ure siyimicdeni, Yerusaremi magusapac yevege beni, mam baya Samaria maguginkac siyime beno.26Afo Iyenonic enyoro Filipin samemi, "Ukuke sautifac, Yerusaremi fate Gasa kumban asapagaci bono." (Mini ani kacmac magafaci bemi.) 27Beni ukukem oraen onami, mána Itiopia bainta kuinic yogaric emi, beni kuin agagntimi bemi, anon avic dukemi kuinic monokac dafita minigac bami, Yerusaremi magusimi man sirani yevagemi. 28Beni beyic karisi gimi kumantemi yevegem bemi, profetiuc Asaianic yoginken yandevami.29Ayo Inta fililpimi samemi, "Mini karisi acdekac orae ukukano."30Afo Filipi iyayen minigac oraen, indevami profet Asaianic yoginken yandevami, bemi indaemi semi, "Ena yandana eni indi igac efono?" 31Bemi yevegen samemi, "Mána bainta iye sisiminage, inkenic uregaci seni indi ic onuno?" Beni Filipin araman dami, benamac karisi gin un kumandemi.32Mini Itiopia bainta afan yogim mánán yandevamino, "Bemi sipisipi gacnaci arirani avige benone, beni sipisipi gacnaci ayo akecyevam bainta ogampaci nanayugemi bemi, micnami beni avandac iyen osafemino. 33Bemi onaman mandaic uankareni iye anteckan koci siankeno. Ben anavasinanuc icnaen yinayouni iyeci benani siyimintenafino? Nevarai, bemi máná magagakena bena ayum fa bani sipaci marenone."34Afo mini Itiopia bainta Fililpimi indaemi, "Seni en indairare, eni sisimeno, iyenaraci mini profeti senafino, beyararaci senafino, haca enonaraci senafino?" 35Filipi bemi kugandemi Jisas Kraisinic avoguc baya gaken samem bemi.36Yekanda ayana bageni, nom bankaci yeraomi mini Itiopia bainta semi, "Onano, máná minin nomi bemino. Sena nom maranami, ne anecneci semi uyagantenafino?" 37(Feyan afan yogim mánágac iyem bemino.)38Afo mini Itiopia bainta beyic karisi minigac maro fakemi. Yekanda nonkin kundaeni, Filipi bemi nom marankemi.39Yekanda non kinke fasapac acde undaomi, Iyenonic Ayo Inta Filipin enafac yo avigem bemi. Mini Itiopia bainta bem bac iyen onemi, ecemi anon amusin kimi beyic asapac bemi. 40Afo Filipi Asotus magusac oraemi mini gacke mini magafac yeukemi mam baya macden iyena taoni ginkac siyimen yagemi Sisariaci yeraemi.
Chapter 9

1Afo Sori, fani eram bayauc siyinkemi Iyenonic disaiporiuc bac yiruman fugirani sevami. Beni yicnom prisi bankac oraemi 2afan yo Damaskasic mam mac kinkac kena uvandan amino vani indaemi. Beni iyenafi onanama Iyenonic ana avakurevan, anasifi haca bantafi fakaren yivigen Yerusaremi yirani indaemi.3Beni ayana bagemi, Damaskasic acdekac oraimi anducdimi mána on inarumpate eran karic em bemi yeukemi. 4Beni magagac yanden kumben indimi mána ameni bemi samemi, "Sori o, Sori o, eni nagac eci semi mandaic usinkefono?"5Afo Sori bemi yevegen samemi, "Iyeno o eni iyec befono?" Iyenonic bemi samemi, "Seni Jisasi bauna, eni semi mandaic usinkanamino, 6ece eni ukuke iyena taoni gin umpegano, minigimi emi ne anecnefi uvaranovani samintemino." 7Benamac bom baintauc ukukagami ayac iye sinayonic imi, amenanan indeno, mayam bac iye onani.8Sori magagake ukukemi, beni ogam magemifo, mána anecne vac iye onani, yeni ayam bacna fakareni avige Damaskasic beno. 9Beni kandac mánavac nurami ogam bac iye onani bemi, beni yunana nonuc iyen nemi.10Mána disaipori ben avic Ananaiasi bami beni Damaskasi magugimi bami. Bemi Iyeno kainkaci samemi, "Ananaiasi o!" Beni semi, "Iyeno o, seni máná minin becumpe."11Iyeno bemi samemi, "Ukuke, Anteckane sire avic dan a sac, Yudasin amakac oraevaci mána Tarsusi kena bainta ben avic Sori narac indaono, beni ogami mukem bemino. 12Beni kainkaci onevami mána bainta ben avic Ananaiasi yeraemi benkac ayan demi, amankac beni yevegen onano vani micnemi."13Ecemi Ananaiasi bemi yevegen samemi, "Iyeno o, mini bainta vani amucno fate indecumpe, beni Yerusaremi magusin enkac birivic an inimbaintauc yiruremi mandaici uyinkevamino. 14Beni yicnom prisiuc pate eran mandemi en avic dan inimbaintauc karavusic irani fakaman devamino." 15Afo Iyeno bemi samemi, "Bono, nevaraino, sentic yogam baintaic ino vani bemi avigecumpe, mapac inimbaintauga, kinuga, Israeri inimbaintauc kinkaci beni senani siyimen yeukintemino. 16Nevaraino, sen sivigan nacuman anavisigafi marananimi seni bemi yocagantecumpe."17Afo Ananaiasi yereren oraemi mini mac afakaremi, beni mini mackim umpegemi. Bey ayam benkac demi bemi samemi, "Sifactiva Sori o, Iyeno Jiasasi, asapac yanama enkac ye afotagic eni, eni amankac yevege ogan onevanana enkin Ayo Inta uvikano vani semi sisinkac yecumpe." 18Micni sevami eseci Sorin ogampenke noyac anda gacnac ugan anecne kugufami yevegen onemi, beni ukukemi nom maremi. 19Beni disaiporiuc namac manaca nurami Damaskasi magugim bagemi.20Eseci beni kungandemi Jisasinan Kotin agage siremi Yudauyic mam mac kim siyimemi. 21Iyeuyafi inden inimbaintauc yigan dani, yeni seno, "Mana baintaci mini avic dan inimbaintauci Yerusaremi magusin yirurem mandaic uyinkagenifino? Beni managac yenimi banta anasi fakaren yivigen yicnom prisiuc pac birani yemino. 22Micni sami Sori mam baya siyimintim anon erani maram bemi, Jisasinan Kraisi ino siremi siyimevani Damaskasic ban Yudauc yirac arevano.23Icnaemi amucna nuran yankagaimi, Yudauc ben arirani baya uyeno. 24Micni sire opac uvaram baya Sori bani indemi. Yeni ben arirani bayankona namac ayufun namac anon kugu onagac dafisevano. 25Micnami benic disaiporiuc ayufumi avige anon kugugac maro reni basgeti gimi ugicdami magapac kumemi.26Beni Yerusaremi magusin yeraemi, Sori disaiporiuc namac managinic irarini, yeni ben agani fegeni, bena disaipori ic uganani iye birivic eno. 27Afo Banabasi bemi avigemi aposoriuc bankac maro remi, siyimemi, inkenic urenaci Sori asapac Iyenon onaranaci, Iyeno benamac asenafi, beni inkecnic urenaci Damaskasic Jisasin avic kim iye fegan eran namac siyimageninu gani siyimemi.28Beni yenamac bemi, Yerusaremi maguana umpecen acduen evami. Beni eran namaci Iyeno Jisasin avic kimi siyimemi, 29Griki baya san Yudauc namaci baya foni aruevani, micnevani ben aruman fugirani aniyogevano. 30Afacava unam mini van indireni, bemi avige Sisariac marogun deni sankami Tarsusic bemi.31Mini anecne ampamini, macdem mam maguc Yudiaga, Gaririga, Samaria maguginkac nanayin baric ugeni maro erar eno. Yeni Iyenon agan fegeni Ayo Intaic avacbac kim bami, amucna inimbaintauc yindun bageno. 32Mini yamuc kinkaci Pita macdem mini amampac yeukagemi, beni Lida taoni gim baci Kotin kim birivic an inimbaintauc yonarani kumumi.33Minigimi beni mána bainta ben avic Aeneasin onemi, beni afac kandac manavac omandan orande gaci beyic sagoc kin dugem bami, beni agar ayam fukami bagemi. 34Pita bemi samemi, "Ainiasi o, Jisasi emi ayofemino. Ukuke eyic sagoc uvarano," micni sevami eseci ukukemi. 35Micnini, amucna inimbaintauc Lida magusim bac Saron magusinke mini bainta onareni yeni Iyenon kin yindun baegeno.36Afo Yopa magusimi mána disaipori inini bami ben avic Tabita (mini avic Griki baya fac baecdanami "Dokasi" nen sinteno) bagemi. Mini inini avogucavucava benkin uvikagami, irocan inimbaintauc yivacbac uyinkevami. 37Mini yamuc kinkaci beni ac anecne maremi fucini, yeni ben o sesecuankareni, yan amugapac ban rumu gimi maron dami bami.38Lida magu Yopa magu acdekaci bami, disaiporiuc indemi Pita minifac bani, yeni kantan bainta ganda siyinkani orae, ben avankeni seno, "Iyakac iye beva yenamac baunafac agagae yeno." 39Pita ukukemi yenamac bemi. Beni minigac oraini, yeni avigeni yam ban rumu gimi ureno, kentoc ininanuc ben acnagac ukukageni ific deni, Dokasi yenamac ayum fa ben andukuman dagenim bacdouc bemi yocageno.40Pita mini rumu ginke macde siyinkani mapac kundaomi, beni agon noyankac kundaemi, ogam mukemi, ben o vapac yo baegemi, beni semi, "Tabita o, ukukano." Afo beni ogam macdemi, Pitan onemi beni ukukaman kumandemi. 41Pita ben ayan kac fakaremi ayanocman yanic uman demi, beni Kotin kim birivican inimbaintauc namac kentoc ininanuc namac yaraman dani undaomi, bemi ayum fa bami yemi yimemi. 42Mana mini baya Yopa magusinkac ben yen ini, amucna inimbaintauc Iyenon kaci birivic eno. 43Afo Pita amucna nurami Yopa magusim Saimoni namac bagemi, beni safura andauc kac anecneuc uvarevam bainta bagemi.
Chapter 18

1Mini anecneuc ánaempaci Poli Atensi yereremi Korinic bemi. 2Mini avafac beni mana Juda bainta onemino, ben avic Akuilai, beni Pontusi magafateno bemi, beni bey anac Prisira namac Itali magu yereremi yemi. Klaudiusi masiden Judauc Romi magafac yere ece bogo vani siyinkemi. Poli yen yonarani bemi, 3beni yena yogan yogaric eva bemi, beni yenamaci bemi seri andukevami, yenyic yogani seri andukin yogani bami.4Poli masiden sabati nuram baya siyimemi, beni yenyic indin kaga yinkevami, Yudauc namac Grikiuc namaci. 5Afo mini ginkaci Sailasi Timotin namac Masedonia magu yerereni kundaomi, Poli mam baya siyimevami, Iyenonic Ayo Inta bemi eran baya siremi samimi beni Yuda inimbaintauc Jisas nani Kraisi bemino siremi siyimemi. 6Afo Yuda inimbaintauc mana yirakac beni bemi mandaic siankarami, Poli beyic bacdouc yen yugampemi dundun uman demi, yemi siyimemi, "Ecanaci yigen yic koran yigen yicnon naroc bano. Senkim mana umanda iyem bemino. Mage mana nuran kake kugandeci mapac inimbaintauc paci bontecumpe.''7Afo inaemi, beni yereremi mana bainta ben avic Taitius Jastusin amapaci bemi, beni Koctin kac man sevam bainta bami. Ben amac mam mac adekaci vami. 8Krispusi, mam makim anaric ugam bainta bemi, beni Iyenon kim birivic evani, ben amac kim ban inimbaintauc baci birivic evano. Amucna Korini inimbaintauc Polin avaya indireni, yeni birivic eni nom mareno.9Iyeno ayufumi kainkac Polin samemi, "Eni iyevac fegano, baya siyimevac, kapinage iyevac bano. 10Seni enamaci becumpe, mana bainta vac emi mandaic iyen uankantenone, seni amucna inimbaintauci mana taoni gim dukaunani benone. 11Poli minigim mana orande sikisi igona gaci bemi Kocti avaya banta anasiuc siguru yimevami.12Afo Galio Akaia magusapac gavanaic uini Yuda inimbaintauc Polin avigeni ko kac yeno. 13Yeni seno, "Mana bainta yirac mandani loc haya ugacdareni enac ugan ásapaci Kotin kac man senone."14Micni sirami, Poli a sirar imi, Galio Yudauc siyimemi, "Yigeni Yudauge, manai fuga siren iye anteckan anda benafi, haca, lo ugacdaganami, amankaci yigeni mandan ukukanagomino. 15Afo mana i bayauga, yiviguga, yigen yic lo banaci yigenafo vaci simar antegago. Seni mana andau kac yasi ic iyen ontecumpe."16Galio indir uwandemi ko magusake siyinkarani beno. 17Micnuini, yeni Sostenesim fakeno, beni mam mac kimi yinonic ugam bainta bani, koc magusac bemi manda yandaci areno. Afo Galio yena mini uvaranan umar indiric iyen emi.18Poli mini gim amucna nuram bagemi inaemi bey afacava unam yere yinkaremi sipi yemandaremi Siria magusapaci Prisila nuc Akuila nuc namac beno. Beni Senkria oraemi un non avafac bey acnon yo akecyemi , beni poromasic uvandukagemi, micnemi. 19Yeni Efesasi yeraeni, Poli minigaci Prisila nuc Akuila nuc yere yinkaremi, beyakaci mam mac kin umpecemi Yuda inimbaintauc namaci a semi.20Yeni Poli yenamac iyakac bano vani indaurami, beni ecemi. 21Afo beni yere yinkarem birar emi beni semi, ''Afo Kotinic ayina banaci, seni yige banagompac ovaege yentecumpe.'' Afo icnaemi beni sipi mandaremi Efesasi yereremi bemi.22Poli Siseria magusin oraemi beni Jerusalemi fatena mam mac kin undaemi, birvic an inimbaintauc a yindiremi, icnaemi Antioki kumemi. 23Poli manaca nuram minifac bagemi, beni yereremi Galesia namac Frigia magusinkac bemi macden disaiporiuc eraruyinkemi.24Afo mana Yuda bainta, ben avic Apolosi beni Aleksandria magufatenom bemi, beni Efesasi faci yemi. Beni ayogugic uremi baya semi beni Kocti avaya indigaraci ugami. 25Apolosi Iyenon avaya gim siguru avogugic uremi maremi. Beni Ayo Inta gin amusin kim bemi, beni a semi antecdemi Jisasinan siguru yimevami, afo beni Yoni nom manyinkevam manan onagami. 26Apolosi kugandemi mam mac kim eran namaci siyimevami. Afo Prisilanuc Akuilanuc bena sevan indireni, yeni ben avicman avafac deni avogugic ureni sameni, avoguc ure Kotin avakurinayon ayani sameno.27Beni Akaia maguginkac birani ayimi, afacava unam baya sireni erar amicdeni, ben avogugic ure avigago vani afan sandegeni Akaia maguginkac kena disaipoiuc yimeno. Beni yeraemi avogugic uremi iyeuyafi Kotinic avacbac kim birivican inimbaintauc anonic uremi yiyayemi. 28Apolosi anon eran namaci Yudauc, banta anasi yugan kac yen siman, mandaic uyinkaremi, yemi Koti avaya ginke Jisasinan Kraisi ino siremi siyimemi.
Chapter 19

1Mini anecneuc Apolosi Korinic bami ampamemi, Poli yampac magafac yankagen yemi Efesasi taoni gin yeraemi, manaca disaipori minigim bami yonemi. 2Poli yemi indaemi, "yigeni birivic omi, Ayo Inta marega fono?" Afo bemi yevege sameno, "Iye ino, yenamac Ayo Inta van iyevaci indigecyamumpe."3Poli semi, "Neginac yigeni nom maregafono?'' Yeni seno, "Yoninic nom manyinkantimino." 4Poli yevegen siyimemi, "Yoni banta anasi nom manyinkami, yindun baecde Kotin avakurogo vani nom manyinkemino. Beni banta anasi siyimemi, yeni amankac icnaen yinanin kac birivic ogo, beni, Jisasi ino."5Banta anasi mini indireni, yeni Iyeno Jisasin avic kim nom mareno. 6Afo icnaemi, Poli yen yicnon kac ayan demi ogam mukurami, Ayo Inta yen naroc yeraini yeni ena ena baya ginke a seni, profeti bayauc sevano. 7Amankac 12 baintauci nom mareno.8Poli kandac mana vac igonagaci mam mac kin umpecemi eran namaci siguru banta anasi fuga baya namac Kotinic inarum magu namagani siyimevami. 9Afo manaca Yudauc yirac erarureni baya iye indini, yeni Jisasin avakuran andaugani manda bayauc banta anasi yugampac sevano. Micnami, Poli yemi yere yinkaremi, disaiporiuc yivicmanaremi Tairanusi siguru yimevan rumu gim maro rukemi birivi ic anda ucbacdemi siyimevami. 10Mini kantan orande gimi micnom bevami, micnvani maside Esia magusim ban inimbaintauc Yudauc namac Grikiuc namac Iyenon avaya indeno.11Koti enac ugan avucavaguc Polin ayan kaci uvarevami, 12micnimi ankisipi namac yimuc patena badouc Polin ayogaurani maro yic inimbaintauc kac dani yiyofan marami, manda spiritiuc baci yenkinke acdevami.13Afo manaca Yudauc manda spiritiuc siyinkaman karucdauni mini ginkac yeukevano. Yeni Iyeno Jisasin avic darana, yenkin eran yeraina manda spiritiuc siyinkarani yeni, macni seno, "Mini Jisasin avic Poli daremi semi, Seni emi samecumpe, fasapac acdono." 14Mana yicnom prisi ben avic Skiva, beni afac kantan omandan intauc dukani yeni micnevano.15Mana manda spiriti yemi yevegen siyimemi, "Seni Jisasin onageci, seni Polin onagecumpe, afo yigeni iyeuga fono?'' 16Manda spiriti mini bainta ginke karusacem mini baintauc naropac oraemi yenyic eran davacuremi manda yandaci yiremi. Yeni mini mac kinke bacdo yigec iye vani, yirugan yifuruc namac mapac acdueni, dakacde iyayeno. 17Mini anda ampaminani masiden Yudauc namac Grikiuc, Efesasi magusapac ban inimbaintauc mini baya indeno. Yenkin anom fegan yini, Iyeno Jisasin avic anan yani eno.18Amucna birivi inimbaintau baci manda andauc namac yena manda avucavac uvarageyonuc siman facbareno. 19Amucno ban yogaric ageyon inimbaintauc baci yeyic afan youc mandareni mare managin baguyureni, macden inimbaintauc yugam kaci iga sareno. Yeni benic uman yandare onami 50 tauseni silva monoci bami. 20Micnimi, Koctin avaya eran namaci masidempac benyen emi.21Icnaemi, Poli beyic yogan Efesasi magusim kiparemi, Ayo Intaic eran poni Masedonia magusin oraen Akaia magusinke yankagen Yerusaremi birani indemi, beni semi, "Seni Yerusaeremi magugim bageci icnaemi Romi magafac biric anan ontecumpe. 22Poli kantan yogam bainta ganda, Timoti nuc Erastusi nuc siyinkani Masedonia beno. Afo beni yevegemi manaca nurami Esia magafac bantemi.23Mini gake yemi sitoc umandac Efesasi magusin Jisasin avakurin avucavagan iyem bami. 24Mana bainta ben avic Dimitriusi, beni silvau kac aneneuc uvareva bemi, beni yenyic Koti Atemisin aman uvaremi, monoc uvaran yogan mini anecneuc uvaran baintauc mare yimemi. 25Minugami, beni masidem mini yogaricam baintauc mandan managim baguyuremi siyimemi, "Bantaugo, yigeni indigamino, mana yogan tinken yigeunamac anom monoc uvarecumpe.26Yigeni onareci indemino, Efesasi magafac ànavaino, macden Esia magafaci mana Poli amucna inimbaintauc yirac baecman ena asapac demino. Beni semi, mana koti vac yiyam po uvandukan koti iyem bemino. 27Yigeunamac monoc uvareguna asapac anava uyagantena ino, yigeunamasic koti Atemisin avic bac erar iye vanami, benic iyena onaman fayar anecneici intenone. Yigeunamac masicden Esia magafac bac mana magagac bac ben kac manan man senone.28Yeni mini baya indirami, yiran anecne uvikani, bacduman acnureni seni, ''Atemisi, Efesasiu yic Iyeno ino.'' 29Masiden mini taoni ginkena inimbaintauc amucna indiric ureni, yeni mana indintac ana beni managin iyayeni iyaran mac kim manan umpegeno. Yeni Poli namac yoga nom bainta ganda fakaman deno Gaiyusi nuc Aritakusi nuc, yeni Masedonia fate yevano.30Poli mini inimbaintauc yicbanac kin umpegarar imi disaiporiuc umocduankeno. 31Afo Esia magafate manaca ofisauc yeni ben agandauc afan yo gim baya uvandeni bemi sameno, mini iyaram mac kin iye umpegano vani umocduankeno. 32Manaca inimbaintauc mana anecne van bacdure sami, manaca ena anecne van semi, mini foni anasi banta yicnonuc anana ini, amucna indiric eno. Amucna inimbaintauc nevarac ye baguyeyafo yeni iyen indigano.33Manaca inimbaintauc Aleksendan indir ameno, bemi Yudauc aveke baguyugam baintauc yugampac beno. Micnami Aleksenda ayan yanic uremi avavec emi, mini inimbaintauc kapinagana macni siren siyimiman amandarani. 34Afo yeni ben onami, Yuda bainta vani, macden inimbaintauc bacduman acnureni seni, "Atemisi Efesasiu yic Iyeno ino" mana yimentac deni micni se vami, igona amun kantar awa yankagemi.35Taoni ginkena kuskusi mini inimbaintauc mandan nanayuman demi, siyimemi, "Yigeni Efesasi baintaugo, inkenic baintac iye indirukenafino Efesasi taoni iyena Atemisinic mam mac banare, afo ben aman onacban inarumpate yanden kumbeninare?" 36Yigeni mini anecneu gani indigamifo, yigeni agagaurec mana manda anecne iyevac yemi uvanyinkago. 37Yigeni mana baintauc koc kac yivigec mare dukamino, yeni mam mac kinke mana anecne umor iye mareni, yigen yic anasi kotim manda baya iyen siankenone.38Micnugami Demetriusi namac silva gac anasi koti Atemisin uvaram baintauc namac yeni iye namagaci umaruc dukeyafo, koc onauc digami kamanin avantac koc indam baintauc minigim benone. Ecayaci yenafo yeyic umaruc koc kin antegago. 39Afo yigena ena anecneugana siman anteganteci, yige yic yicnom baintauc yonaregac siman antegago. 40Fuga ugane yigeunamac mage mana baguy uvandaunama yiran anecne ampameminani yigeunamac baya dukantecumpe." Beni micni siremi banta anasi siyinkani beno.
Chapter 20

1Icnaemi umaruc kipaimi, Poli beyic disaiporiuc ye onago vani yaremi. Afo beni baya siyimiman iraru yinkaremi Masedonia magafac bemi. 2Afo beni mini magugin kac bemi eraruyinkam bayauc siyimiremi, Grisi magafac bemi. 3Minifac bami kandac manavac igona yankagaimi, beni Siria magafac sipi marem birar evami Yudauc beni umar amirani baya uyeno. Micnimi beni Masedonia magaginkac oraen yevegem birani indin uvaremi.4Afo benamac yageyom baintauci Sopata ben afo Firusin agaci, beni Berea maguginkenoi, Aristakusi nuc Sekundusi, Tesalonia maguginkena birvi bainta ganda, Gaiyusi beni Debe maguginke, Timoti, Tikikusi, Trofimasi yeni Esia magafateno bano. 5Mini baintauc yenare Troasi magugin oveni yenama kac dafisevano. 6Yisi iye vam breti van indin nuran yankagaici yenamac Filipai maguginke sipi gimi yererec begunami mana yacman nuran yankagaici, yevankac Troasic oraecyamu. Minigac yenamac afac kantan omandan nurami bagecyamu.7Mini wiki acnan nurami, yenamac breti kicdire narani ye managim baguyuanami, Poli birivican inimbaintauc mam baya siyimemi iyakac bevami maro nurampagic emi. Beni ena banuran yererem birani indir uvandukami. 8Yenamac baguyugauna mac amugapac ban rumu gim amucna ramu uci bami.9Minigim mana fumara ben avic Eutikusi undua gaci kumantami, ogam mukimi mucdaron emi onkac baremi. Poli iyakac sam bevami, kandac manavac mac amugapate mini fumara yandem magapac kumini, kun donde onami, beni fukami. 10Afo Poli magapac kundaemi ben amugapac yafauremi baremi. Afo beni semi, "Yigeni umar indiric iyevac ogo, beni fani ayum bemino."11Afo inaemi Poli yevegen amugac rumu gin undaemi breti dakacden nemi. Yenamanac iyakac a sam bevami maro banuranic imi, beni yereremi bemi. 12Yemi yirac avogugic ini anon yimoyeno mini fumara ayum fa vani.13Poli yere ankarecyami yenamac acnaric ureci sipi gin Asosi oraeci, minigafi Poli yenamac bauna sipi gin urintemi. Mini i Polinic indinino, nevarai beni magagac birani indir uvaremi. 14Beni Asosi magusin oraici, yenamac bemi avicman sipi gin deci, Mitilene magusapac becyamu.15Yenamac minifaci sipi gin undaeci gake non kim becyami ena banurami Kiosi ailani mecyan avafac bami mana avafac oraecyamu. Afo ena nurami yenamac Samosi ailani gac oraeci, minigake becyami ena nurami Miletusi taoni gin oraecyamu. 16Poli sipi gim mana bemi Efesasi magu yankagem birani indemi, nevarai beni Esia magafac manaca nuram bac iye barani micnemi. Nevarai, amankagicma inam beni Pentikosi onarani, beni Yerusaremi magusapac agagem birani indemi.17Afo Miletusi magugim bemi, manaca baintauc Efesasi magusapac mam mac kim yicnonic ugam baintauc siyimina ben yerae onago vani siyinkemi. 18Yeni yeraomi beni semi, "Yigenafoni indigamino, sena Esia magafac oraec sigan dauna nuran kake, seni yigenamac inkenic barigaci evagafu, yigeni onarukamino. 19Seni sesic indin magapac deci Iyenonic yogan suvanom namaci mareci, amucna umani afakagecu, nevarai Yudauc semi mandaic usinkarani sevanone 20Yigeni indigamino seni mana anecne yigen amankac avoguc anecneuc yiyayinaninan siyimirani yevegec iyem fakevacumpe. Afo ne anecnaugarafi yigemi umacde bayuyankagafi, maya maya yimac kinkac siyimevacumpe, 21yigeni indigamino, Yudauc namac Grikiuc namac Kotimpac yindun baecdeya yigeunamasic Iyeno Jisas kim birivic ogo vani siyimevacumpe.22Afo mage indego, Ayo Inta beni sirac mandaci seni Yerusaremi magufac bontecumpe, afo minifac ne anecnefi senkac ampamintenafi seni iyen indigecumpe, 23 Ayo Inta semi sankarono vani sisimemino, masiden iyena taoni ginkac seni namac uman namaci senka dafitemino. 24Afo seni seyarani iyena anecne ino indiric iyen ecumpe, afo sena iyayeguna erarurec maro kipareci, afo Iyeno Jisasimpate mandukauna yogandac maro kipantecumpe, mini yogani, Kotin avacbagani siyimentecumpe.25Afo mage indego, seni indigecumpe macde yigen yicbanac kinkac beci Koti kinic ugananinana siyimageguno, yigeni enayacbac sen soni iyen onanagomino. 26 Micnugaci, seni mage yigemi facbarurec siyimentecumpe, mana bainta yigen yicbanac kinke oyoganami, mini i sentic umar ino. 27Nevaraino, seni mana baya vac yevegec iyem fakecumpe, macdem baya Kotinic ayirani yigemi siyimecumpe.28Micnugemifo, yigesagac dafiman ayogugic egaci, Ayo Inta yigen uyac yinkarukan inimbaintauc bagaci dafisego. Yigeni avogugic uregaci Kotinic man mac kim ban inimbaintauc kac dafisego, yemi bey agagic koram poni ayac urukemino. 29Seni indigecumpe sena yererec buonami afasan iyanuc yigen yicbanapac yeraeni yemi yere iyen ecantenone. 30Seni indigecumpe yigen yicbanac kinke manaca baintauc ukukaeni iye antekam bayauci sireni banta anasi indin anana uyinkarani yemi yivakurintenone.31Micnugemifo yigesagac dafisego. Yigeni mana vac omare indego, kandac manavac orande anduntimi, ayufum bac bayankon namac saum bac iye rani suvanon kim macden anecneugani siguru yimevacumpe. 32Afo seni mage Kotin namac benic avacbac kimi yinkecumpe, mana minifoni yigemi eraruyinkaremi, amankac Koti uyacdukan inimbaintauc yicbanakin anecneuc yimintemino.33Semi silva namac kori namac bacdou gandac iyen siyemino. 34 Afo yigeni indigamino, mana siyami yogan mandami semi siyayemino. 35Masicden anecne gimi seni uvareci yigemi yocyigecumpe inkenic uregaci yogan mandegaci erar iye dukan inimbaintauc yiyayintegafo, inkenic uregaci Iyeno Jisasi avaya omare yakac inac indintegafe, mini bayauc benafo senimi, 'yimi anda avoguci maranonamino, maran andai avoguc iyen maranonamino."'36Beni mini avucavagugan bayauc siyimicdemi, beni acnom magapac demi macde yenamac ogam mukemi. 37Yeni anonic ure ific deni Polin ye yafaure umac neno. 38Yeni anon yigun anecne mareno, bena macni siranani, bemi enayacbac ben or iyen onantenone. Icnaemi banamac aveye beni sipi bankac maro ankeno.
Chapter 28

1Mini nurama yigeunama ayokuki ureyama oraeyane,yigeunama onamam ayokuki ureyami mana mini ailani abici Malta. 2Yeni anasibanta mana makusike yira yimideni ayoku bayayu mayauyan sireni afo ika mayau sadantikeno,nebra anon aci demi afo mana makusimi iyol ukami eno.34
31/v30 Poli katan orandekaci bakemino beyana aya uram makine,afo beni ecani yeni anasibanta yebanone bena benipake./v31Afo beni Koctini magu iye kipam magubani siyimidemi afo Iyena Jisas sinan siyimemi semi afo maya iyeba ana manabainta bemi fakankomino.

Romans

Chapter 1

1Seni Poli, Jisas Kraisinic yogam bainta, aposoloic ono vani sararukemi, Koctinic mam baya siyimeno vani uyacman dukemi. 2Mana mini mam baya vani beni acnantapac beyic profetiuc kac anteckam afantim poromasic urukami. 3Bey Agagani sirukemi, beni Devitin ankunkinke mana magagakena ogimi ampankemino.4Fugin tinke ukukam poni, anteckan Ayo Intan bemi eran dukan Koctin Agagic ino vani facbar emi—mayausic Iyeno Jisas Kraisi. 5Ben kinken yenamac avacba namac aposolo yogan be siran avackundeci sindun munkuna foni mana magagakeno yicbanac kinke ben avigaro sireci mandukecupe. 6Mana magagac kenu yicbanac kinke, embaci Jisas Kraisin indaic ono vani ararukemino.7Mana afani umacde iyeuyafo Romic begon inimbaintauc yinda ino, Koctinic avacbakimi bamino, antekan inimbainta bagovani yararukemino. Avoguc yigen yindaino, afo Koctinuc Jisas Kraisinuc pate nanayin yigen kim bano.8Anantapac, sesic Koctim Jisas Kraisin kimi umacde yigemi susu siyinkego, nevaraino yigen yindun munkir anda vani umacden magafac ben yeninare. 9Kocti sentic (witnasim) bemino, sesic ayo inta foni ben Agagic mam baya gim yogecumpe, yigenani sec mana becumpe. 10Seni macden yac give vapac yirani sugam mukecumpe, inken asapagafi Koctinic ayina amankagic inage.11Nevaraino, seni yigen yonarani siyemino, amankac manaca Ayo Intaic gifti yigen yimenac, amankac eran maragovare. 12Sema siyenimi sena sindun munkugeguna fo yigen eran yimenac yigena yindun munkugampo sem bac eran simegovare.13Sifactiva unano, mage yinduc iye dogo vare, seni yige vapac yirani indegunami, (ani uyackagemi mage amankagici emino), mapac inimbaintauc kinke unafegunaic ureci amankac yigen kinke yunan unafontecumpe. 14Grikiuc kina anamuru uc kina, ayoguc indin dukeyou gina, oecen indin dukeyou gim yogani dukecumpe. 15Afo, seni Romic ban inimbainta mam baya siyimirani ukukagecumpe.16Afo seni mam baya vani sigaye anecne iyen marecumpe, nevaraino mam bayai Koctinic erani bemino, umacde iyeuyafo yindun munkugeyou yevegen yiviganino, Judauc yinda acnari inami Grikiuc minigacino. 17Nevaraino, yindun munkintake yindun munkintimi Koctinic antekan anda afotagic ugemino, yindun munkintake yindun munkintim, micni siren santamino, "antekan andagim beyouni yindun munkin anda foni fa ayum bantenone."18Afo Koctin aran anecne inarumpate umacden manda anda vac iye antekan inimbaintauc yigeci afotagic intemino, yeni iye antekan anda foni fuga sigam baya asapac uyagenone. 19Mana mini nevaraino, Koctinan indigeyomi yen yugankai bemino. Nevaraino, Kocti yemi kaga yinkarukemino.20Nevaraino, benic opac ban avoguguc, mini aviguci, iye kipan erandac Koctinic yankagan anecneuc, afotaci onenone, mana maga uvaraninkake, uvaran anecneuc kimi onarukenone. Koc yinanin yamuc ayàc iyen sintenone.21Nevaraino, yeni Koctinan indirukenofo, ben onaman yanic iyen eni, susu iyen siankenone. Eceni, yenyic indin anana uini, yen yinduntim avoguc bac iyem bami, ayufumi kagemi.22Yeni yeyaran avoguc indini dukecumpen senofo, iyeino yenkim ocemi bemino. 23Yeni fanana van Koctinic avoguc kagan onaman fukam bainta amana, nuna, er iyevan agan dukan safurauga, amuc anac nin anecneuc yiman kacnaci enone.24Micnugami Kocti yemi yimicman yen yindun yiyenin ampin anda va, ye yiran monkoc ogo vani siyinkemi. 25Koctinic fuga mandar umac kin deni, yen Uvarenin eceni be uvandan anecneuc kac mam seni yenyic yogaric eni, ben avic iye kipan yac yanic enone. Fugai.26Nevaraino, mini andaugani Kocti iye anteken yen yiyenin monkoc anda gim demi, nevaraino yen yinac mac ye yivafu namac eyon anda eceni iye antekan monkoc anda uvarenone. 27Baintauc bac oganici enone, ye yinac mac namac eyon anda eceni yeyirani yigona baintau gani iga yigemi. Mini baintauc yigaye andaic yigona baintauc namac ageyon anda foni yen yiyagenin andagaic áyác mande benone.28Nevaraino, Koctinan indinayon indindac iyen dukanone, beni iye anteckan andaic ogo vani yeyic indin fasapac mandan dani, yenyic indintim irandac iye vana monkoc indiruc yenkim uvikagenin yenkac dafisino vani ugic yinkemi.29Yenkim umacden iye anteckan andava, manda anda va, ena inda anecneugan yiyir anda va, enon mandaic uankare arir indin uvarar anda uvikagemino. Yenkim ena inda anecneuc mararan eran yiyini dukeni, ena namac arue asie ir anda va umac sire ena inda marar anda va mandaic ir indiruc yenkin uvikagemino. 30Yenkim yicnaem baya sir anda va, ena avic mandaic ir anda va, Koctinan iye yiyir andauc uvikagemino. Yeni oyam manda andauc uvanan deni, ye yino yifon yivaya iyen indeno. 31Yeni indin mareyon iye dukeno; yenkim yindun iye munkeno, ye yinduntinke ena ayir anda iye vani, ena avacbac uankar anda iyen dukeno.32Yeni Koctinic lo indintin dukenone, yena mini andauc uvareyouni fugin mararani yiyemino. Afo mini manda andauc uvararanna va eyaone, eno mini andauc uvareyou yacbaci siman erar uyinkenone.
Chapter 2

1Micnugemifo, yigeni ayác iyen sinagomino, máná magagac baintauci bamino, ena inimbaintauc koc yimegom poni yige yacbac koc kimi ukukagamino. Nevaraino, enama koc yimegouge, yige yacbaci mini avucavac uvaramino. 2Afo Kocti mini avucavc eyou koc yiminanimi yigeunamac indigecumpe, benic koc, fuga sigan kaci avackuremino.🇵🇬3Afo mana omarec indego, yige bantauge, yigena mini avuavc eyouna koc yimege yige yacbaci mini avucavac amino. Yigeni amagkagac Koctimnic koc kin yankagantegafono? 4Yigeni Koctinic avoguc avucavagu gani sito anecne idirigac egafono, bena agagaurem umar iye yimema, nanayugem benine? Yigeni iyec onegafono benic avoguc avucavaci, yofainaci yindum baegago vanino?5Afo yigeni yindun fakaman erarurec iye baegamino, yigeyani umaruc baguyoc bamino umaruc ma yinanin yamuc kena, mana mini i, Koctinic antekan koc opac ma bam afotagic inanin nuram. 6Ne avucavac ma uwarageyogka i Kocti mini avucvac kaci ayac ini yimimtem. 7afo iyeuyafo amankac erarure, avoguc avucavac uvaram pona anon yivic marena manda avucavac kim iye bauni Kocti iye kipam yaum yimintem.8Afo iyeuyafo yeyaranana indiyouyac bac, iyeuyafo fuga sigam baya indiren iyen avakuremi, benic umandac anon aran anecne vaci yintemi. 9Kocti anon umanda bac anon ac anecne yimintemi umacden inimbainta manda anecneuc uvarageyon ayac, Judauc acnaric uimi Griki minigac maranteno.10Afo yivic yanic emi, yonaman yanic uremi, afo nanayini ymintemi avoguc uvarayon inimbainta Judauc acnaric uimi minigac Grikiuc maranteno. 11Nevaraino Kocti umacden inimbainta mana yonaric manan emi. 12Umacden inimbainta lo iye vana manda anda uvarageyou yacbac oyogantenone, afo umacden inimbainta manda anda lo yevana uvarageyuoni yemi lo foni koc yimintemi.13Afo lo baya indauya Koctin ogankac antekeya one, afo lo avakurauni antekantenone. 14Nevaraino mapac inimbainta lo iye dukeyouni, yeni yeyic indintac lo sigan avakure none. Yenkim lo iye baya vaci, yeni yenafoni lo ici ugenone.15Minic avuavac guc foni yeni yoyivic manic andadac uvaranac yomi magec marara nonec lo uginec. Minic uponic yen yindun tai agam temino yen yiyigarac inanomi agam magemi enoukim siyimemino yekine, yenyic umac indin nano yemi madani 16Kotin oganga i uyac yinkemino. Mini nuram yinami Kotic opac ma bananim andadauc kac bac i banta anasi koc yimintemino, Krais Jisasin gine sesivayafoye17Afo eyaranac sema seni jus ukami bego sirema lo kimmac banteva Kotin avic bakai yanic ono, 18Afo ben avuavaguc ona karac ekai benic avogugu karac omare indegai madekai avogu uganikac oko nevaraino avagurono vanic lo kimi demino, 19Afo eni omare indeno okama dusin demma yeavimana danave eanana i omano vai ayufukimi sakano, iye unac manda andac uvarena anteyin kauye sitoc intaukem benic yoyiviken none, 20eni mini i lo kimi dukemic indika naminoc fukasikane, ikenurena enic bantim umani amenafi.21Enac enoc una umorana siyimanove, eni eyan dobagani iyec sefono enic umoric auyannac sevateve, eni umorefono? 22Eni siyimema semac mayac bayivac monkoc andavac iye bakac uvarako, eni monkoc andac uvare fono? enac umac Koctic nanac afo kevanteve, eni mam makim efono?23Yikeni yanic ugam egai yimoyoko lo kine, eni Koctim avoguc onaric eyic emi lo ugadanac mino? 24afo ''Koctim avikimi avoguc onarici mapac enim bantac enone nevaraino enanino,'' minic sigami agantemino.25Afo enac afe anda akec yantim ugama bateve enic lo, avagura namino, minu ganamac ena lo, ukadeve enic afe anda akec yanayomi onamanic fayaric mintenone. 26Afo, minuc kanama, afe anda iye akec yaru kananim bantamac lo kimac simana erarintene, benic fukava afe anda akeyenaino afe anda akeyako vani simani erare mino? 27Afo iyefi mayac bayi afe anda iye akec yarukema simana erarene benic lo kimic bemino? nevaraino enic duka namino lo akantane yife anda akec yare, minuc kayami enic lo ukac danamino.28Afo beni jus iyem bemi mapac uganac benaino; minukami afe akec yan onamani fayarec urami akeyemino. 29Afo beni jus bema fuka ukamac benec, afe anda anduntinke ukami akeyan temino beyic Ayo inta kimba, afan yokinaino. anom avimac yanic amam banta uke bantanasi kinkeva yenac inoc Koctin kinke ino.
Chapter 3

1Micnugemifo nec avoguc abuabac gac Jusi inin acbasi dugeyafo? Ne anecne mandan facbar inteyafo yife anda ackec yagam avucavac fo? 2Anon anecne i no masicdem asapake. Acnarugame Jusi ininacbasi gaci Kocti bey avaya gac dafisegovani demi.3Afo nacintenafi manac a Jusi inin acbasi ma erarure Koctin kim indigaracin avucavac ma iye dukeni? Amanac yeyic baya arin avucavac mano Kocti mayau nana indigarac evam avucava yomanda fasac dantenafi? 4Amagac iye vac mana ino. Ecananac Kocti mana fuga siga, Nevaraino masicdem mano umac mana sigauni benone. Bani yo kimi agantemi, "Eni eyavaya foni seni antekeumpe sinonam, afo mini avucavac gani masicde yogan kac koc amintenone."5Afo nacintenafi Koctinic antegam avucava manoma mayausic manda avucavac ma mandan facbarinam, nevec sentegafu? Amanac Koctinan macni sentegafu beyic aran anene ma myausac ma devami iyen antegemino? (Seni mana magagac kena ininacbasi ma indena seyonani sego.) 6Mini avucavac iyevac mana bantemi! Ingkenuc urenac i Kocti mana magagac kena ininacbasi koc yimintenafi?7Afo senti umac baya manoma Koctinic antegam baya ma afotac dema bema anon avic amene, nevaraci semi sonamam iye antegaunoc eyafo? 8Senana manac a mano ma sena, macni seno sire na sane. Maracyam manda anda uwarananac avuguc avucavac facbarino ma sane. Micni baya sauye Kocti beyic aran anecne yenkimi danten.9Afo nacugenafi? Yeunamac Jusi innin acbasi ena inin acbasi yesagkakegafu? Iyeino. Aci yeunamac Jusi vac Griki umac den nani simam mandac ecyamu. Yeunamasic kumic anda mano yeunamac umacdemi davac em. Koctinic yo kimi ba agantankac i sigemi:10Mana magagac manac bayi iye vac manan antegem, iyevac mana ino.11Manac bayi avoguc indin iyevac mana dukemi. Koctinan manac bayi beyandun tinke iyen afakemino. 12Umac demano Koctimi gicnainic uamenone. Umacde mano manac ugenone Koctin ogankac iyen antekagenone. Manac bayi avoguc avucavac uwarevayi iyen bemi, iye ino, manac bayi iyevac mana bem.13Yimer aini matic aingken ugemi. Yen yinafin tac i umac baya mana uwikagem. Yen yivar ana i memanic uwac kem bemi.14 Yen yivan tac i banta simam mandacim baya vac yiran anecne yimim baya mana uwekagem.15Yena yigan dare bompac i nare bacyem.16 Yena nompac i andanda mandan mandac ini mini yenyic avucavac ino.17 Yenkimi banta avacbac in avucavac iye bemi. 18Yeni Koctin nani iyen fegenone."19Mage indigec yamumpe nec lo mano sigenafi, mini i lo avagurau yani sigemi. Micnugami lo mano maside uyic yivam mandan makakintem, afo masicden ininacbasi Koctin ogankac ukukeni yena uwarageyon avucavac guc Koctin sasamintenone.20 Micnugami lo avagurin avucavac po iyevac mana manacbagi seni kumic anda iye ducke Koctin ogankac anteckego iyen sinonam. Iyeino. Lo ma bami mayausic kumic anda mandan afotagic urem yotivigarani.21Afo mage lo bemifo Koctinic amtekam avucavac mano yeunamakac facbarem. Mana baya i lo kim baga Koctinic yogam bantauc yic yokim mi agantemi, 22afo mini i Jisasin kac ma mugkena begkima indigarac auni Kocti yenani antekam ininacbasive sintem. Ena ani iyevac mana bemi.23Umacde mano kumic anda uwandeni Kocti namac iye bantenone, 24afo beyic agun anecne foni Jisas Kraisin kimi mayauni avacbac usinkaremi antekam inin acbasi uge sintemino.25Kocti Krais Jisasi fucinan benic nare mano iyefi bengkima indigarac auyic kumic anda sesec ino vani Krais Jisasin ugagemi. Kocti mayaunan antekam ininacbasive sirani mini avucavac uwadem yocyivigem, nevaraino feni Kocti beyic aran anecne banta anasi gac agagem iyan devammino.26 Afo mage mana nurum Kocti magausac beyaram mandan fabaremi mayau yotivigem beni antegarac ugem, micnugami iye uyafo Jisasin kimma yenyindun dena avakurinayo-u nani Kocti antekan ininacbasi uge sintemino.27Micnugami iye beyavic maren urintenafi? Manac bayi micni iyevac mana intem. Ne avuguc avucavac foye? Yogam maran foye? Iye ino, afo Koctin kim indigarac-e ben ugorin avucavac fonana i.28 Nevaraino mage omareyam indentec yam Koctin ogankac ma antegasuana i bengkima omare indec yamma ugorasuana avucavac mano i. Lo avakurin avucavac mano vaino.29Afo Kocti i Jusi ininacbasi yic Kocti manafi? Afo ena ininacbasi yic Kocti iyec benafi? Iyeino, beni ena ininacbasi yic Kocti bac i bemi.30 Micnugami, Kocti mana Kocti mana bemi, beni yo akegam baintauc bac yo iye akegam baintauc ma Koctin kim indigarac ena bem ukorin avucavac foni yenani antekam baintauc ge sintem.31Afo yeunamac Koctin kim omare indigaracin avucavac ma mandan anonic ege afo lo i onac manni sampi anecne ontecgafu? Iyeino, mini avucavac foni lo mandan erar ontecyamupe.
Chapter 4

1Abrahami beni mayau kacnac ugemi, beni mana magagac mayau sinac-u bemi. Micnugemifo, benani navec sentecyarafu ? 2Afo fuga siremma Abrahami antekam avucavac ma uwandanam ma mini avucavac manoma bemma mandan antekam baintac ene, afo amagkac bey avic maren urintemifo Koctin ogankac mini avucavac fo bemi mandan antekam baintac iyen intem.3 Nevec Koctin avaya kim sigenafi? "Abrahami Koctin kimi indigarac evami Kocti benani antegarac ugam bainta ven semi."4Banta ma yogam yocdem meyam marevane, mini andanda fa maran avucavac ga ino. Iyeino. Yogam yocde ma maragkac ino.5 Afo iyefi bena yogam iye marem ma Koctinan beyanduntinke indigarac ema Kocti nana kumi anda uware yoyic kumic i yomandan acnintemino sire indigarac inami Kocti enani antekam bainta ve sintem.6Deviti vaci macni semi, iyeuyafi Koctin ogankac ma anteckauni avoguc avucavac uware yafo iyec uware yafo yeni avoguc kac beni yimoyin tenone. 7Deviti macni vac i semi, yimoyin tenone iyeyaufi Kocti ma yenyic manda anda eca yigkarem ma yenyic kumic anda ma yomandan fasac dananim baintauc.8 Afo iyen inin bainta nic kumic anda ma Kocti yomandan fasac ma dananive yeni avoguc kac beni yimoyin tenone."9Yo akagam baintauc manac avoguc kac beyac yimoyin teyafo, yo iye akagam baintauc bagafi? Bani macni secyamumpe, "Arahami Koctinan omarem indigarac emma bem avagurin avucavac foni Kocti benani antegam bainta ve semi." 10Abrahami nebarigac uganac i Kocti benani antekam banteve senafi? Abrahami be yo akecyaru kanafi, iye agecyarukam? Be yo iye akecyarukami Kocti benani antegam bainta ve semi.11Abrahami o iye akarukemi Koctin kac andun dunkuremi Kocti nan indigarec imi Kocti benani antegam bainta ve semi. Micnugami Abrahami masicde yo iye akarukena Koctin kimma yindun dunkure na Kocti nan indigarac hau yifom bemi. Afo mini avucavac foni Kocti yenani antekan ininacbasi uge sintem.12 Abrahami manac a yo iye akagau yifo vac i bemi, mini i fana yo akarugau yaraino. Iyeino, yo akarena mayau sinacu Arahaminic avucavac ma avakun dena Koctin kac yindun dunkure na indigarac im,mini i Arahami ma o iye akaruke ma uwaram avucavac ino.13Feyugami Kocti Abrahamim bac ben agingkunuc umacdem mana maga yimirani semi. Afo Abrahami lo avakurin foya Kocti minic sena ino. Iyeino, Koctin ma anteckam avucavac fona ugorenim fo.14 Afo iyen ininacbasiu gacfi lo avakurau nana masicde andandauc lo manoma mandan yimene, afo Koctin nan ugore omare inidigarac in avucavac i fayar anecne mintem. Kocti ma siru kam baya vac i maro oyogantem.15 Lo ma bananna banta anasi ma iye avakuromi umami yimemi. Afo lo ma iye banane, banta anasi lo ugacdenone iye sentecyamu.16Arahami Kocti nan indigaracin avucavac foni Kocti Abrahami bac ben anavasim mana baya yiyimemi beyic agun anecne kim, moc mini andadauc i lo ma avakurau yinda manavaino. Iyeino. Masicden inin bainta Abrahami kacnac ma Kocti nan indigarac auyacbac i mini andandauc marantenone. Abrahami beni umacde mayau sinacu bemino,17 Koctinic yo kimma sigangac i sigem, "Seni emi mandan masicden ininacbasiuc yifo ecumpe." Abrahami Koctin ogankac i bagem beni beyandum Koctin kac dungkuru kagemmi, mini i oyam yaum iyeuyafo fukau yimicdem, iyevam andandauc yevegem mandan devam Kocti.18Masicden anecne ma Kocti uwararan sirukage nimi, Abrahami mini vam erarurem omarem indigrac emi Koctin kac davisevami. Mini avucavac foni beni amucna innin baintauc yifoc emi, Kocti ma sirukagenin gagic emi. En anavasiuni amucnac eni umacden mana maga uwikantenone, sirem Kocti samemino. 19Afo mini yamuc i Abrahami mana handreti orandec ukagem. Micnugami beyaram omarerm indemi semi, seni amagkac erarurec an iye magantec umpen semi. Ben anac Sera vac ayogum kagem amagkac am magaric iyen ugagem. Micnugemifo Abrahami Koctin kim omarem indigarac em ugorin avucavac i erar ugami ugagem.20Kocti mini andandauc uwararan sirukami, Abrahami mini vam kar indiric iye em Koctin kim indigarac urem ugorin avucavac iyen ecem. Iyeino, Koctin kim indigarac urem ugorin avucavac mano bemi mandan erar uangkami Koctin avic mandan yanic emi. 21Afo Abrahami beni omarem indigagem mino, Kocti ma sirugagenim baya i beni uwararic mana intem. 22Micnugami Kocti mini avucavac guc onemi Abrahami nan antekarac ugam bainta ve semino.23Mana baya i Koctinic yo kimi agantemi, Kocti benana antekam bainta vema sirukane, Abrahamin nandem manavara sirugena ino. Iyeino.24 Yeunamac kandem bagani sirukemi. Yeunamac bacma Kocti nandecmac indigarac urecma ugorege, afo Kocti Jisasi mayausic iyeno fukintinke mandan ukukemi.25 Bemi avicmam namugo-uc yiyagkim denone mayausic kumic andagac fuginovam, micnurem mayausic kumic anda yomadam fasac daram. Afo Kocti Jisasim fugintinge mandan ukugaram mayaunan antegam ininacbasive siran.
Chapter 5

1Koctin ogankac ma yeunamac ma sonac mam antegauc ane, mini i mayauna Koctin kim sindun dec ma benan indigarac in avucavac foni. Afo micnugami mayausic Iyeno Jisas Kraisi yeunamac Koctin kac mandan mana yirakac yinkemi. 2Mayauna sindun bengkim dec ma benan indigarac in avucavac foni Krais ani disinganac yami Koctinic agun anecne kim undec yami bantecyamu. Afo Kocti siviganovani dafisasuanami sivicdac yami benamac Inarum magusac avoguc kac umbantec yamu, mini avucavac mano mayauni amusin anecne simintem.3Minivanana simoy iye osuano, umana mayausac bac yinani nandac bagac simoyosuano, navaraino umaruc mano mayau ma Koctin kim ugorasuana avucavac mandan erar usingkantem. 4Umantima ugukaman erar ege afo umaruc ma yinanine amagac mana yomandan fasac dantecyamu, mini avoguc avucavac foni mayauni mandan erar usingkanac i Koctin kac dafisanami ovegem sivigantem. 5Koctinic ofaim kac ma dafisasuanave, faya davisec yaraune, iye ino. Nevaraino aci Kocti beyic Ayo Inta mayausim dukemino, beni banta avabac in avucavac mayau sirakac mandan anonic urem dantemino.6Mini yamuckima mayau seyarana sofaonuna eran na iye dukausuanami, Kocti mana nuram ugacdemi Kraisim dam kum fuc emi mayausic mandan anda kingke ovegem sivigemi. 7Fugaugane amangkac manacbayi antecgam bainta vare sirem iyen fugintem. Afo igkecnivafi inane amangkac i mana bayi be yarac mandan erar urukemi avoguc banta bam fugintem.8Fanana yeunamac kumic anda uwarasuanami Kraisi yofairam mayausic kumic anda kac kum pugemi. Mini avucavac foni Kocti mayau nana ayigarac evam avacbac i yotivigem. 9Anon anecne ugane, Kraisi ma kum fucima benic nare ma mayausic kumic anda ma sesecim foni Koctinic aran anecne kumic andau uwaran inni acbasi gac ma dananim arani yesankantec yamu.10Yeunamac fa Koctinic namugoc ugasuanami, Koctin aga Kraisi kum fuc emi mini namugo avucavac yomandan fasac demi yeunamac mandan Koctin namac mana aracka demi. Afo Kocti namac ma mana yiracka basuanave omarec yam indesuano, Krasinic ban toni Kocti mayau owegem sivigemi. 11Mana avucavac mana baino, mayausi Iyeno Jisas Kraisi, yeunamac mandan Koctin kac mana arac dacyami mage Koctinan simusin anecne marec yamupe.12Indigec yamumpe, mana bainta mano kumic anda uwandami, mini kumic anda uwaran foni manda anda mana magagac facbaremino. Afo mini manda anda mano fugini marenyemi. Afo fugin nano masicden inin bainta kinic emi, nevaraino masicden inin bainta mano kumic anda uwarenone. 13Lo iye facbarugami manda anda mini yamuc kimi bani bagem. Afo lo ma iye bagene, Kocti mana mana kumic anda ma anasi banta ma uwaran nani omaren iye indirarimmi.14Afo Adamin kake kugandem Mosesin kac ma yigami, fugin nano masicden inin acbasi mandan magapac i devami. Manaca inin bainta Adami ma baya aruren iye indin anda gacnac gac uware yaune, iyeino. Afo fugin nano micnugam inin baintauc bac i mandan magapac demino. Adami icnaim ma yinanim bainta kanac i ugagem. 15Afo Adaminic kumi anda vaga Koctinic agun anecne manaigac ugagenaino, iyeino. Manac bayinic kumic anda mano fugini umacdeugac facbaremi. Anonic ugam ma enimi, Kocti beyic agun necne fona manac bayim, Jisas Kraisim ma mayau simenim. Benic agunn anecne foni Kocti mayauni mandan antegan inin abasic em.16Micnugami, Koctinic amin avucavac bac mana bainta nic kumic anda mano mayausac i manacugam avucavac gac facbarenaino, iyeino. Mana baintanic kumic anda gac i Kocti masicden inin acbasi koc yimic dem macni siyingkem, umacdem mano anon umantimi banakomino. Afo Koctinic amin avucavac ge manic mugemino, anasi banta ma fa amucna kumic anda uwarami Kocti avacbac uyinkaremi yenani antegam inin bainta ve semin. 17Mana bainta mano a arurem baya iye indimi mini baintanic kumic anda gac i fugin nano mana magagac iyenoc emi masicdem inin bainta mandan magaginic emi. Micnugami iyefi Koctinic agun anecne ma maraniyinani Kocti yenani anteckan ininbaintave sintemi, yeni iye kipam yaun mandeni iyeno intenone, mini meyami mana bainta mano ma manden yocdan kac i. Mini bainta i Jisas Kraisi i.18Micnugami mana bainta mano Koctinic age baya ugadarami mini kumic anda kac i Kocti umacdem inin acbasi koc yimintem. Micnugam mano mana bainta mano antekam avucavac uwandami, Kocti mini avoguc avucavac kan omarem indiremi mayau masic de nani antekam inin acbasi ve semi.19Mana bainta mano a arurem baya iye indimi mini avucavac mano masicdem inin acbasi mandan kumic anda uwaran inin acbasi emi. Micnugemifo mana bainta mano baya indirem baya avakundami mini avucavac kac i masicdem inin acbasi antekam inin acbasic intenone.20Age baya ma anasi banta mandeni, mini age baya iye avagurenone. Mini avucavac foni anasi bantayic kumic anda anonic ugami emino. Micni ma omi Koctinic agun anecne yenkac bac i maro anonic ugami emi. 21Mana avucavac facbrin foni kumic anda mano fukini mandan iyenac em. Micnugemifoi mageve Koctinic agun anecne anonic ugemi, mayausic Iyeno Jisas Kraisinic yogam po Kocti mayau agun anecne usingaremi antegam inin acbasive sisinkanac yami iye kipam aum, banana aum marantecyam.
Chapter 6

1Afo mage nevec sentecyara funo? Amanac kumic anda mana uwarec ya bananaci beni mayau nanan agun anecne marem mana bantennafi? 2Iyevac mana ino. Yeunamac i fugam bainta kacnac i ugeyaramumpe, ingkecnic ureyarac i mini kumic anda kim bantecyarafu? 3Yeunamac i Krais Jisasi namac agacec yarami nomi marec yaramumpe, mini avucavac foni Kraisinic fugintim umacde maro ofegec yaramumpe. Yigeni mini vam oimarec iye indegac?4Nom maran avucavac foni Kraisi namac fucosuanami matikim masic enone. Afo beyic anon eran foni ben Afo Kraisim matikinge mandan ukukemino. Micnuranac yami yeunamac bac oyam aum maratec yamu.5 Yeunamac Kraisi namac agac ecyarami bena fuginic ecyarami fugeyamumpe. Manac mana ugemino benamac agac ecyarami yevegec fugintinke ukukantec yamumpe bena yevegem ukukanic urecyam.6Yeunamac i indinkec yamumpe, feyankena avucavac i ac i Kraisi namac maripo sasac i fukemino, micnugami manda anda mayau sinduntim ma eran yogaric evami yomandani kipantemi. Micnugacyami kumic andaic yogam baintac iyen onteyamu. 7Nevaraino, iyen bainta fi benic manda andauc ma fukanane beni manda anda gim iyen agackantem.8Afo yeunamac ac i Kraisi namac fugeyamumpe, micnugac yami yeunamac i erar indiric ugami ecyamumpe, iyevac kipan aumi benamaci maranteyamumpe. 9Yeunamac indinkec yamumpe, Kraisi ac i matikinge ukukemino, yevegem iyen fugintemino. Fugini bemma mandan magapac davac inanim erar iyen dukemi.10Ac i mana yac mana fugemino, mini avucavac foni fugin andaic erar mandan nonic emi. Afo mage iye kipam aumi dukemino, mage fanana ban bantimi Kocti manac bemino. 11Yige yacbac manac ugam indin mana vac i marago, yige yacbac i aci fuc eci kumic andaic eran kukusim iyen bamino, iyeino. Yigeni Krais Jisasi kim agac eci Kocti namac iyevac kipam bantim banagomi.12Manda anda ecam yigen yo bunan kac iyevac dafisino, mana yo bunami fugevam yo bunami bemi, micnagem kumic anda mano yicnom mandan anana uranaga mana yo buanic manda ayin avakurivec. 13Yigen yigan yiyankac kumic anda mano iyevac dafisi kumic anda uwarafo. Yigeni fukauna matiginke ma ukukagena fa bau kacnac i ugami, micnugemifo yigen yindun nac Koctin amicdegac antecgam avucavac uwaragi. 14Kumic anada mano yigen yinduntac iyenoc urem yigenic bantac iyen davisintem. Nevaraino, yigeni mage loic dafisintaga banaino, Koctinic agun anecne gimi bamino.15Loic dafisintim iyen becyaramumpe, afo ingkenigac ontecyarafu? Mage Koctina agun anecne gimi becyaramumpe, micnugac yami amankac i kumic andauc uwarantec yamumpe? Iyevac manaino. 16Yigeni iyen indigamino, yigena mana bainta ma yirac amicde ma bema avakurege, afo benic yogam baintac i inagomino. Fugaugane yigena kumic andaic yogam baintac ma ege, mini anda mano yigemi yiruman fugintem. Afo yigena Koctin avaya indirec ma avakurecge yigeni antegam ininacbasic inagomi.17Fugave, feni yigeni kumuc andaic yogam bainta bagegomino, afo icnami Kocti yivicmam bey avaya kim dac i mini bayani fuga sirec avakuromino. Mini vam Kocti nan susu sesuano. 18Yigeni kumic andaic dumin bainta gacnac i bagegomino, afo Kocti beni yivic demi mandan antegam avucavac gic yogam baintac emino.19Seni begam baya ginke mini avucavac guc ma onec uwaranani secgo, nevaraino yigeyic indiruc i kapanagac i sena sevauna baya yuc i agankarec iyen indamino. Feni yigeni yige yo bunam ecami manda andaic yogam baintac ugagem, afo yigeni anom manda anda uwaragegomino. Afo mage ecanac i yigen yo bunami antegam avucavac gic yogam baintac i, micnurec i Koctinic anasi bantac eci antekam ininacbasic inagom. 20Yigena kumic andaic yogam bainta ma bege, antegam avucavac gic yogam bainta iye banagomno. 21Afo ne avoguc anecne maregafe mini avucavac gucma fena uwaragegom, mini avucavac guc kacmana mage yiyorimi maramino. Mini avucavac kuc mano banta aruman fugemino.22Micnugami Kocti yigemi aci kumic andaic kukusingke yivigemino, afo micnuremi yigemi mandan beyic yogam baintac emi. Micnuranac i bengkinke avoguc anecne maranagomino. Mini ayacini iye kipan aumi maranagomino. 23Kumic anda ma beyic yogam baintauc ma meyam yimevami fugin nanaino. Afo Kocti ma fayugam yimevam meyani, iyevac kipan aum fanana ban aum. Mini aum ma marasuana i Krais Jisasi mayausi Iyeno ma yogam maran fo.
Chapter 7

1Yigeni iyec indirukega fono, sifactiva unano (nevararino, seni lo gin indin dukeyon inimbaintauci siyimego), lo banta gac dafitantemino bena ayum fa banane?2Afo banta mantan inini lo agantimi bemino ben avafu fana ayum banane, afo ben avafu fuginami, bay ininabagic ugan lo ginke utufemino. 3Afo, ben avafu ayum fana banama ena bainta namac sayen ovanami, benani monkoc ininen sintenone. Afo ben avafu fuginami, beni lo ginke utufemino, ena bainta namac sayen ovanani monkoc inine iyen sintenone.4Micnugemifo, sen sifactiva unano, yige yacbac lo gimi Kraisin o gimi dunkin yasac fukagegomino. Mana micnina Micninanimpo yige yacbac benkac agackago vanino, bena fugintinke ukukageninkage, micnonunafoni yigeunamac Koctin kin avoguc agan irantecumpe. 5Afo yigeunamac mana magaic anda gim baunami, manda andaic ayiruc lo gimi ukukagemi, yigeunamac kim fugiric agan iranovani yogevamino.6Afo yigeunamac mage lo ginke utuci kecumpe. Yigeunamac lo gimi fakaman daci fukagecumpe. Micnugam poni amankac loic feyan anda fasapac deci, Ayo Intaci oyan anda gim yogantecumpe.7Nevec yigeunamac sentegafu? Lo i manda andac benafino? Amankac iye micnugemino. Lo iye bageninac, seni amankac manda anda iyen onararunaino. Nevaraino, seni ena inda anecneuc mararan iyen indirarunaino, afo lo semi, "Ena inda anecneuc mararan iyevac indeno," sirukam ponino. 8Afo Mosesinic logimi ay uvicdemi macdem manda andaic ono vana siyenimi afotagic usinkemino. Nevaraino, lo iye vanami, manda anda fukemino.9Bani lo iyevac seni ayumi bagecumpe, afo Mosesinic lo yeraimi, manda anda yevegen aum maraci, afo seni fugecumpe. 10Mosesinic lo fa van maren yemino sunami, baecdemi fugini semi mare simemino.11Nevaraino, Mosesinic lo fo ay uvic inkaci manda anda semi makasemino. Mosesinic lo gimi semi siruman fugemino. 12Afo lo holi ic ugamino, Mosesinic lovac holi ic uem, antec kara uimi, afo avogugici ugemino.13Afo avoguc bam poyac, fugir ampan sinkenafino? Amankac iye ino. Afo manda anda ve, beni amankac avoguc anda gim manda anda ino siren yotigarare semifo, semi fugono vani ay ugic sinkemino. Mana mini i Mosesinic lo gim benkagic uinami, manda anda anon uvikaric inami amankac yandaric bac iyen intemino. 14Nevaraino, yigeunamac indigecumpe lo i Ayo Inta gimi bemino, afo seni mana magagac anda gimi becumpe. Semi ayackaci fayan yogan baintaic manda anda agantimi dumuman demino.15Afo nec uvaregafu, seni anufarec indintim iyen marecumpeo. Afo nefi sena uvararan indeguna iyen uvarecumpe, nefi sema sifogenim, uvarecumpe. 16Afo seni nefi iye uvarare seguna uvareci, lo namac mana indintaci becumpe, lo i avoguci bemino.17Afo mage uvareguna seya uvaregaune, manda anda senkim benin uvaremino. 18Afo senkim benin indegunai, iye antekan anecneuci senkim bemino. Avogu gan siyenimi senkimi bemino, afo seni amankac iyen uvarantecumpe.19Avoguc uvarare seguna iyen uvarecumpe, manda anda iye uvarare sunan uvarecumpe. 20Afo sena iye uvarare suna uvareci seya uvaregaune, afo senkim manda anda benin uvaremino. 21Seni onaunami, anon indin senkim benimi, avoguc uvararani siyemino, afo mage manda anda fuga sirem senkimi bemino.22Afo Koctinic lo gimi seni anon simusin anecne sindur inta ginke marecumpe. 23Afo ena andan sen sogim benimi onecumpe. Beni oyan anda sentic indintim ban namaci aruemino. Manda anda senkim benim poni fakarem dumuman dukemino.24Seni iye antekam bainta becumpe! Iyec semi fugin buginke utuc sinkantenafino? 25Koctimi, Jisas Kraisi mayausic Iyenon kimi susu siankecumpe! Afo Koctinic lo seni indintinken avakurecumpe. Afo se sogimi manda anda avakurecumpe.
Chapter 8

1Micnugemifo iyen ininbaintafi Jisas Kraisin kim mage beyouni, yenkim koc iyem bemino. 2Nevaraino, ayum ban Ayo Inta Jisas Kraisin kim beni semi manda anda ginke vac fugintinke vac utuc sinkarukemino.3Afo nefi lo amankac iye uvaranimi nevaraino, mana magagac anda gim erar iyen dukami, afo Koctin uvaremino. Beni bey Agac mana magagakena ogimi manda anda gac ayac ino vani sankami kumemino, afo beni mana magagakena manda anda koc kimi dukemino. 4Beni micnuranami lo gim siganuc yigeunamac kim amankagic intemi, mana magagac anda gim iye avakurecma, Ayo Inta gim beguna foni. 5Afo iyeuyafo mana magagakena anda gim beni mana magagakena adan avakurenone, afo iyeuyafo Ayo Inta gima beni Ayo Inta sevanuci avakurenone.6Nevaraino, mana magagac anda gim indin munkurukei, fuginino, afo Ayo Inta gim indin munkurukei, ayum fa banda nanayim bandac bac ino. 7Mana magagac anda indini Koctin namugoic uankar indinino, Koctinic lo gin iyem bemi, amankac bac iyem bantemino. 8Afo mana magagac anda gim ban inimbaintauc amankac Koctin amusin iyen amintenone.9Micnugemifo, mana magagac andagim iyem banamino, afo Ayo Inta gimi banamino, fuga sirema Koctinic Ayo Inta enkim banave. Afo iyefi Kraisinic Ayo Inta benkim iye vanami, beni benindava benaino. 10Afo Kraisi enkim banami, en oi manda andaic avacbac kimi fukemino, afo Ayo Intai, anteckan andaic avacbac kimi ayum fani bemino.11Koctinic Ayo Inta Jisasin fugintinke ukuka ankeni enkima banami, Kraisin fugintinke ukuka ankeni embaci ayum fa van beyic Ayo Inta gim magagac ogim amintemino, enkim ayum benine.12Afo, sifac tiva unano, yigeunamac yogani dukecumpe, afo mana magagac yogantin amankac mana magagac bantina ino . 13Nevaraino, ena mana magagac anda gim bei, enic fugin acdekaci yevemino, afo ena Ayo Inta gima bei, eyic manda andauc aruman fucde, fani ayum banonamino.14Amucna inimbaintauc Koctinic Ayo Inta yenkaci acnaric ugemino, yeni Koctin agafandauci benone. 15Nevaraino, yigeni dumu yinkevan ayo inta yevegec iye maramino feganagonani. Ececi ayun ayo intan maramino, mini foni yigeunamac badurec, "Abba, sen Tifo'o secumpe.16Koctinic Ayo Inta benafoni witnasic yigeunamac sic ayo inta gim usinkaraci yigeunamagac Koctin agafandauc becumpe. 17Afo yigeunamac ben agafandauc ma becyami, yigeunamac bac Kocti bey agafandauc yimiran dukan ondauc yigeunamac sinda bemino yigeunamac Jisas Kraisi namac managici ugeci mini onda afoic ontec yamumpe, amankac yigeunamac ma fuga sirec benamac sinavisic mandeci, avogukac bantec yamumpe.18Afo sena omarec indegunai, mage mana yamuc mareyon yinavisic benic erani amankagic iyen ugemino mini avoguc yigenamac afotagic usinkananin namac onaunane. 19Kocti uvandan anecneuc Koctin agafandauc afotagic inayon yamuc yonarani dafisemino.20Kocti uvandukan anecneuc yenyic avoguc iyem bemino, yenyic yiyintagaino, Kocti micnugano vani uvan dukemino, minigac dafisami mini yamuc yinami 21Kocti uvandan anecneuc fugintim dumugage fasapagic ueni Koctin agafandauyic ayoguc kimi bantenone. 22Nevaraino, yigeunamac indigecumpe magevac umacden anecneuc bacdeni anon yic anecne gimi benone.23Mini anecneuc manava bacdeyaone, yigeunamac Ayo Intaic acnantapatena yunan agan dukauno vaci sirakim bacdecumpe, , Kocti ye dakacman bey agagic usinkanovani dafisecumpe, fugin bu yevegem sivigantemino. 24Mini erar indin dukauna foni yigeunamac yevegem sivigemino. Afo mini erar indin dukauni foni iye onarukauna yintemino, iyec erar indiric uren ba oneninan dafisenafino? 25Afo yigeunamac iye onarukauna van erar indiric urec dafiseci, amankac sirac ocyac ureci mini van dafisentecumpe.26Mini ananan Ayo Inta avakundem yigeunamac erar iye dukaunagim sofaemino. Nevaraino, yigeunamac yugam mukeyon iye indirukaunami Koctinic Ayo Inta yeraemi sofa uremi anduntinke ific demi ogam muku sinkemino. 27Beni mini baintan yigeunamac sinduntin afakaman afotagic evam bemi beni Ayo Intaic indir onarukemino, nevaraino, beni Koctinic ayini avakuremi benkac munkugeyou yivantaci yofa uremi ogam munku yinkemino.28Yigeunamac indigecumpe iyeuyafi Koctin avacbac eyouyani, beni umacden anecne managin uvarenimi avogugani uvaremino, Kocti beyic yogantac yaraman dukeniu yindaino. 29Nevaraino, beni bana yonarukeniuni bani antecman dukemino, beni ben Agac kacnac ugago vani bani yemi yuman dukemino, mini foni beni amucna afac avaunkinke yen yivaic ugantemino. 30Kocti yema yuren antecman dukauni, beni yembaci yararukemino. Yema yararukeniuni, yemi antecmani dukemino. Afo bena yen antecman yinkarukeniuni yem baci beyic ayoguc uvika yinkarukemino.31Nevec mini anecneugani sentegafu? Afo yigeunamac sinda Kocti banami iyec mandaic usinkatenafi? 32Beni bey Agac iyen fakemino, yigeunamac umacde varo siremi avicman yimemino, inkecnic inanac yigeunamac bac umacden anecne fa iye simintenafi?33Iyec Kocti yivic dukan ininbaintauc koc yimintenafino? Koctim beni yenkafar uren antec yinke vaino. 34Iyec beni koc yimicdem dumu yinkantenafino? Kraisi yigeunamagan benanan fukemino, afo mini vac yankagaremi, beni fugintinke ukukagemino. Beni Koctin namac acnaric uren dafitemi, afo beni yigeunamasic magu mandukemi sofaemino.35Iyec yigeunamac Kraisinic ayintinke fasapac daiman sinkatenafino? Mana andauc kinke, umam mararafi, amucna indirafi, ena umar amirafi, yaran fugevanafi, bacdo yigekac iye dukarafi, uman yinaninafi, yiruin soparogafino? 36Micnin siren santemino, " Enic avogugani umacden nuram yenamac siruman fugec nana benone. Yenamac sonamani arogovan dukan sipi sipi gacnaci ugecumpe."37Mana mini umaruc kinke yigeunamac sivacbac evam baintaic eran poni mandukauno becyamumpe. 38Nevaraino sentic indindac se sinduntinke erani evaci macni onarici ecumpe, fugindac ayum fa vandac, ensorova, kamaniuga, mage benin anecneuga inaen yinanin anecneuga erandaga 39yanic uganafi macmempa kumbanafi ena anecneuc Kocti uvandukanafi mini anecneuc Koctinic ayin Jisas Kraisi mayausic Iyenon kim benin kinke amankac yigeunamac sivekaman nenkac iyen dantemino.
Chapter 9

1Kraisin kimi seni fugan sireci sego, umac iyen sego, afo sentic indinano Ayo Inta gimi sentic witnasi bemino, 2seni anon sigun anecnem marevaunami afo sen sinduntim sic emanam bemino.3Nevaraino, sema Kraisin kinke magakena sinkun kinkena sifativa unan naro sirema uman simicdem fasapac sisinkaman danami amankagici intemino.4Yeni Sen sinkunuc, Israeliuci benone. Yeni Koctin agafandaic ugeni, eran kagara, lo va, Koctinkac man sira, poromasiuc mandukenone. 5Kraisi yen yinafun kinken mana bu gim ampankemino-beni umacdempac yankagagan Kocti bemino. Ben avic iye kipan yac yanic imi amankagic intemi. Fugai.6Afo Koctinic promasic uranin iyen yandugemino. Umacde Israelic beyon ininbainta Israelin ankunkinkeno mana va beyaone, 7Umacde Abrahemin agafandauc anavasina fuga sire beyaone. Afo, "Aisakin kinken yigen yinavasinuc yarantenone."8Mana bu gin kena intauc Koctin agafandauga beyaone. Afo promisi maranayon intauci ben anavasinic ugenone. 9Nevaraino manai poromasic ugam bayanino: "Inaem mana yamuci seni yentecumpe, afo Seran afonintan amentecumpe."🇵🇬10Máná mána vaino, afo Rebeka vaci mana bainta gake ám mácdukemino, mayau sifone Aisakim—11nevaraino, mini intauc iye macdukami afo avoguc bac manda vac iyen uvandukenone, mini foni Koctinic yogantac yuman dukan kaci amankac ukukantemi, afo bena uvarenin poya ino beni yarenin ponino—12 benani micnin sigemi, "Ben ava bey afagic yogar intaici ugantemi" 13Miccni siren santan kaci ampankemi: "Jekopin avacbac eci, afo Esaumi manda sirac amecumpe."14Ne vec sirec yigeunamac sentegafu? Koctim kim iye antekan anda benafino? Amankac iyevac ino. 15Nevaraino, beni Mosasimi samemino, "Seni iyenafi avacbac uankanunan avacbac uankantecumpe, afo iyenafi sigun aru ankanunan sigun aru ankantecumpe. " 16Mini nevaraino, ben ayeni vaino, afo nevaraino, bena iyayeva vaino, afo Nevaraino, Kocti–ino, beni avacbac yocyigevaino.17Nevaraino, afan yo kinke Fereomi Kocti samemi, "mana mini anda gaci emi mandan ukuka ankecumpe, micnurec amankac sesic eran enkim yocyigarani ukuka ankecumpe, micnonuna foni amankac sen tivic umacden magafac siyime bintenone. 18Micnugami, Kocti iyenafi ben ayinanimi avacbac uankantemino, afo iyenafi ben ayinanimi, indintim onacbanic uankantemi.19Yigeni senani icnaemi sinagomino, "Nagac enac mayau gim fanana umaruc afakenafino? Afo iyec benic ayintim eraruren ukukenafino?" 20Ena asapate, banta o, iyec eni bec Kocti sevan avar arafe fono? Amanka gac uvandananin anecne uvarananiyim samintenafi, "Nagac iyac semi macni uvararic efono? 21Kave uvarevam bainta yo gac eran iyec dukenac mána yo fonána daindem avoguc anecneuc dananim kave uvanan denaci, ena kave macden yamuc aneneuc dananin uvanan dantenafino?22Inkenigac intenafi, Kocti beyic aran anecne yocyigarema, benic eran onago vana, ben aran anecne uvikagan kurauc anan kayiran randagem bempate sesac uman dukenine? 23Nagac intenafi, bena micninanimpo amankac yocyigarana beyic amucna avoguc avacbac kurauc naropac sesac umanbeyic avoguc kagaran dukenine? 24Iyenac beni ararukenafi, Judauc kinke mana varase, mapac inimbaintauc kinke yigeunamac bac, micnu sinkanami inkecnigac intenafi?25Beni Oseanic yogim baci sirukemi: " Sentic banta anasi iye bageyou yani sentic banta anasiven sentecumpe, afo iye siyagenin ininani sen tivacbagen sentecumpe. 26Bana yenana sirukagenim micnintemino, 'Yigeni sentic banta anasi iyen bamino,' minigaci yenani fanana van Koctin 'agafandauge sintemino.'"27Asaia Israeliuc gani bacduremi semino, " Israelin agafanda amucna ugami beni un nompatena eyu gacnaci ugenofo, manaca manan yevegec yivigantecumpe, 28nevaraino Iyeno beyic koc mana magagac siremi, umacden yogan agaga uremi kagicantemino." 29Asaia bana sirukagenimi, "Afo Iyeno umacden anecneuc beninda beni mayau sinavasin yere iye sinkarukagemi yigeunamac Sodom Gomorauc marayon uman kacnaci marararunaino."30Mapac inimbaintauc anteckan andavan iyen avakurevanone, afo yeni yindun munkir anda foni anteckan anda marenone. Minivan yigeunamac nevec sentegafu? 31Afo Israeliuc loic antekan anda avakurevanofo, mini gac iyen oraenone.32Ne anda varafino? Nevaraino yeni yindun munkir anda fo iyen avakurevanone, yogar anda foni avakurevanone. Yeni yandeyon on naroci yandenone, 33micni siren santamino, "Onago, seni Saioni anu naroc yandeyon onacbam bac umar andaic onabami dunkuman dukecumpe. Iyefi bena minigin andun munkurukemi agaye anecne iyen marantemino."
Chapter 10

1Sifactiva unano, sen sindun siyenim bac koctimpac yenan inantegunai, yevegen yivigano vanumpe. 2Nevaraino, seni yenana siyimunai yeni anon yiyini Koctinan dukenone, afo yena indin dukeyom poyaino.3 Nevaraino, yeni Koctinic anteckan andavan iyen indigeni, yenafoni yeyic anteckan andan uvarenone. Yeni Koctinic anteckan andagim iyem benone.4Nevaraino, Kraisi beni lo amankagic uman demino. Micnim poni umacde iyeuyafi yindun munkugeyou antekantenone. 5Mosasi sandukemino anteckan anda lo ginke yevanan: " Banta lo anteckan anda fona avakuremi mini anteckan anda foni fani ayum bantemino.6Afo yindun munkugeyon anda fona anteckan anda yigenimi macnin semi, " Ey anduntim iyevac seno, 'Iyec inarumpac urintenino? '(Mini foni, Kraisin un avige kuminonami); 7afo iyevac seno, 'Iyec fukeyou yiman benin masic kim kumintenafi?"' (mini foni, Kraisin fugintinke ukuka ankanonami).8Afo nevec mini sigenafi? "Mini baya en acnagaci bemino, en avantim bac en anduntim baci bemino." Mini i yindun munkim bayanino, minin yigeunamac siyimecumpe. 9Afo ey avantinke Jisasinan Iyenone sintefi, ey andun munkuruke, Kocti Jisasin fugintinke ukuka ankemino sintei, eni fani ayun banonamino. 10Nevaraino, banta bey anduntinken anteckan andavan andun munkurukemino, afo bey avantinken yevegen yivigananin siyimemino.11Nevaraino, afan yogim sigemino, " Umacde iyeuyafo benkac yindun munkugeni, yemi yigaye iyen yimintemino." 12Nevaraino, Judauc bac Grikiuc enac iyen ugenone. Nevaraino, mana Iyeno manan umacdeyic Iyeno bemino, afo beni ben avic deyou gimi, uvikagemino. 13Afo umacde iyeuyafo Iyenon avic deyouni, fani ayum bantenone.14Afo benkim yindun iye munkugeni, inkecnic ureyaci ben avic danteyafono? Afo benan iye indirukeni inkenic ureyac yeni benkim yindun munkinteyafono? Mam baya siyimin bainta iye banami inkecnic ureyac indintenafono? 15Afo, iye siyinkane, inkenic ureyac yeni mam baya siyiminteya fono?— Micni siren santemino, "Inken avogugigac ugenafi, avoguc anecneugan yimusim maram báya siyimeyou yigani!"16Afo yeni umacde mam baya gim iyen indenone. Nevaraino, Asaia semino, "Iyeno o, iyeuyac mayau siyimuna baya gim yindun mukeyafono?" 17Afo yindun munkir anda yenimi Kraisinic baya indena indeyom ponino.18Afo seni secumpe, "Yeni iyec indeyafono?" Eyo, fugaino. Yena siram bayani bani umacden magafaci benyen ugemino, yen yivaya umacden maga arasapaci ovemino."19Seni ena yacbac samecumpe, "Israeliuc iyec indirukeya fono?" Bani Mosasi sirukemino, "Seni yigen yirac ukukaranaci sitoc magu uc yivic dukeyou manda indiric uyinkanagomino. Seni yiran anecne ukukaranaci indir iye dukeyou yiran anecne man yinkanagomino.20Asaia eraruremi beni semino," Senan iye sifakageyouni sifakenone. Senan iye inda ageyou gaci ye afotagic ecumpe." 21Afo Israiliugani beni semino, "Baya arurena yirac erar urukeyou gaci umacden nuram siyan daunam bemino."
Chapter 11

1Seni macni sirec yinda irare, Kocti beyic anasi banta acnainic uyimenafi? Iyevac mana ino. Seyacbac i Israelic bainta becumpe. Abrahamin ana vac Bejameninic nantingke. 2Kocti beyic anasi banta acnainic iye uyimintemino. Feugami yenani inde vamino. O yigeni iye indirukegac Ilaisa nana Koctin avaya kim ma sigam. Ilaisa ma ogam mungkintim ma Koctim pac Israeli inin acbasi ma koc ma siyingkenimi. 3Macnin sirem sem, "Iyeno o yeni enic yogam baintauc yirumam fucdeni, enic kanda yauc ugacda vagacdac enone. Mage seyagac i baunani sirirani sifakanonone."4Afo nevec sirenac i Kocti Ilaisam sasamenafi? Macnin sirem sasamemi, seni bani seven tauseni bainta seyaran dec ugacdaunam beno yeni iyen yigonoyam angkare umac kocti bali kac mam iyen senone." 5Micnugami, magevage manac a inin bainta Kocti beyic agun anecne foni ugac demi mandam beyindac em.6Afo beyic agun anecne foni yevegem yivigemi, yena yogam maran foya ino. Iyeino. Afo yena yogam maram fona yivigene, benic agun anecneve fayar anecne intem. 7Nevec sentecyarafu. Mini avucavac gani Jusi inin acbasi afagevanofo, iyevac mana marenone. Afo Kocti ma ugacdukagenim inin bainta mana mini avucavac yengkim facbaremi. Umacde mano yenyindumi erar ugami ugagem. 8Koctinic yogim ma agantangkac i sigemi: "Kocti yemi mandan banta ma ongkac ma duganic urem, yogam mandan ayufun nannan urani andanda iyen onantenone, yagam mandan korani baya iyen indintenone, mage mana nuram bac manaic ugemino."9Afo Deviti vaci macni semino, "yena yeuyuena yunam narar inayom nurami mini yunam mano yenyic bam buemi safura ma areninic intem. 10Mini i yenyic manda avucavac kac i mini umani yengkac facbarintem, afo yogam bac mandan ayufun nannan uranayac i anecne iye onac, yigoum bac mandan ugacdaranayac i iye ukukago. Micni bantac mana sipac pago."11Mage seni macni sirec yindairare, "yena umantim yandone, sipagac yandonac i mini uman nano yemi mandan magapac davacenafi? Iyevac mana ino. Yena yadon foni Kocti mapackena inin acbasi yivicmam besacpa demi. Micnuranaya Israelic inin acbasi mini avoguc avucavac onacdeya yiyandanaya yiran anecne maragovani. 12Afo Israelic inin acbasi ma Koctin acnan amin foni Kocti umacdem mana magagac kena inin acbasi avoguguc uyingkemi, afo yena Koctinic avucavac ma ecam foni Kocti mapackena inin acbasi avoguguc uyingkemi. Micnugami Israeli inin acbasi ma ovegema Koctim pacma yeye Kocti umademanomi avoguguc uyingkantemino.13Afo mapakena inin acbasi yigenani mage seni sego, seni Koctinic yogam bainta yigen yicbanapac ma yoge bauno, seni mini yogam ma marebouna vani anon simoni ego.14Nevaraino micnuranayac i sentigonougic indin mandan ugukarana yac i yiganda mini avoguc avucvac gam. Micni avucavac uvwandec i manac a ovegec yivigantec u.15Kocti ma Israelic inin acbasi ma yiyingkaman dam foni mana magagac kena inin acbasi mandan besac ipandaman demi. Micnugami Kocti ma Israelic inin acbasi ma ovegem yivigene, yeunamac omarecyam indigec yamupe fukena matikim ban inin acbasi mandan oyanic uyinkantem. 16Afo nacintenafi acnarugama yunankinkena witi agam ma mande Koctin amimi, mini i macsicdem faruam upiaganuc bac i benindac intem. Afo yayanuc ma anteckanami yay ayamanuc bac i antekantem.17Afo manaca avoguc yay ayamani akecyareni acnenone, afo yigeni upagena afasam olifi yay ayamanuc, avoguc olifi yay ayaman kim maro agakemi avoguc yunam maranamino avoguc olifi yay anuc kinke, 18iyevac eyarani avoguc yay ayamane sire eyavic mare yanic o. Afo ena eyavic mare ureve, eni yay ayamam manova yay anuci mandan erara ananaino, iyeino yay anuc manon emi ayamani fakaman erar uankemino.19Afo yigeni macni sinagomi, "avoguc yay ayama ma ugacdem kumin foni seni minigim maro agagec umpe." 20Mini i fugaugamino. Nevaraino yena erar ure Koctin iye ugorom foni yay ayamana ugacdem kumeni an denone,"afo eni ukukamani erar onamino eyic erar ugorin foni. Eyavic mare yanugam iyavac uro, feganovacdec. 21Omarec indego, Kocti basegena olifi yay ayaman ugam anon kac ecam iyen bagemino, embac i micnintenino.22Omarec onegac indigarac ogo, Kocti avoguc avucavac bac erar avucavac bac i uwaremino. Micnugami, Jusi inin acbasi ma yicnainic uamem foni beni aran anecne yenkac facbaremino, afo Koctinic avoguc avucavac yigen kac facbarintem, fana benic avoguc avucavac kima bami. Afo micnima iye ugeve embac i yay ayaman kacnac i akecyaman acnintem.23Afo bana akecyarukakenim yay ayamanuc ma ovege avoguc avucavac kima yefekami, mandani avoguc yay anogku kac i agagantem. Kocti benana amagkac mandan agacying kantem. 24Micnugami, indin kamino, yigeni afasam olifi yay ayaman kacna bami Kocti mandemi avoguc olifi yasac agac mandem. Afo Jusi uge yeni avoguc yay ayamani bami sefo, yevegemi mini ayamanuc mandan avoguc olifi yasac agagantem.25Sifactiva ugo, ananigim iye vagovare, seni yigempac mana opac baya siman facbarirare, micnagec yigeyarani anon indini dukecyamumpe sinagonani mini opac baya siman facbarirare. Mini opac baya i manac a Israelic inin baintauc yindun i erar ugagem. Micni bantac bami Kocti mapac kena inin bainta bena ugac dukagenin denden yivic danami benic anasi banta kim yefegantenone.26Mini asapake Kocti umacdan Israeli inin acbasi yivigantem , ben avaya kima sigankagic intem: "Yofaim bainta Saionike yintemino, Yegopin angunkinke ma Koctin avaya ma iye avakure na ben avaya ma aran acnami beni yofaurem mini avucava guc yomandan acnintemino. 27Afo mana baya mage yenamac i undandec umpe, umacden yamuc mini baya gac mana ugukaec i yenyic kumic andauc yomandan fasac acnontec umpe."28Jusi inin acbasi amucno Koctin avaya vani namugoc enone, afo Kocti yige mapoakena inin acbasi yivigarani mini avucavac yengkim ecam facbaremino. Micnugemifo bayugami Kocti yemi ugacdaman demi avacbac uyingkemino nevaraino,Kocti yenyinacu unam nan omaren indemi mini avucavac uwaremino. 29Koctima banta anasi ma yararemma avoguc andadauc yimin avucavac i iyevac mana kipatem.30Bani yigeni Koctin avaya arin inin acbasi bagegomi, afo mage Jusi inin acbasi ma Koctin avaya indire iye avakurin foni yigenkim Koctinic avacbac facbarem. 31Micni asapake mana Jusi inin acbasi Koctin avaya indire iye avakurevanone. Afo yigena mini agun anecne marane mage yeyacbac i Koctinic agun anecne marantenone. 32Kocti baya arin avucavac ecami banta anasi yigankac oraime yeraime emi nevaraino, beyic agun anecne umacden inin acbasi kac mandan facbariranino.33Fugaugane, Koctinic avoguc avucavac bac benic avoguc kumandin bac benic anon indire uwikagarac ugami ugem. Mini avucavac kugam omareyam agankarecyam indentec yamumpo mayausi indiruc i maro afafagic intemino. Koctin avakurin a yacbaga avoguc indin anuc agankare afakam avucavac gam maro afafagic iric mana otec yamu. 34Afo iyec i Koctinic indini onacman kakagenac i bemi indir amenafi?35O iye i acnantapac Koctim andandauc amicdukanac i, Kocti mini ayac bemi yevegem andandauc amintenafi?" 36Bevapake vac bengkinke mana masicden anecne facbarugemino. Ben avic mana masicden nuram yanic (ec bano) osuano. Fugai.
Chapter 12

1Seni enani indecumpe mana mini,sifatibaugo,ayogu aranama,fabenim bunami emi eyosirei masidepai ameupe, anteckami, Kocti eyosemi.mana eni amami ayogu ofaini maranonami. 2Eyo iyeba seno mana magakena aneneukare,eyi indini senisi urebai uwandan oyani ono.mana mini ma ena uwarei omare indinonami ayokui,amakagi intemi ,Koctini ayini antekemi.3Mana seni sego,nevara sema ababa a simeninare,masideu iyeuya enacma beyafono mana mini amaka iye indirani yeni indimam yeyivi yaniureni yeyarani antedei anene uwareumpe indirieno.minuremi, yeni amaka indimam ayokuasapa dakami,amaka maya maya Kocti yimemi andum munkiranda.4Yigeunama manabunami dukeyami amuna aneneui mayau soka bemi,afo mana mana bunami mana iyenukemi. 5Mana mini mana ukan asapai, yigeunama iyefi amunofi manabunami Kraisi kim beyamu, maya maya manabunakai dafieyamu.6Yigeunamai mage ena ena eraru simidemi awacwabaci maiyau simemi. Afo mana erana amidema mam baya siyimeno sinonave, eanana mana mini fabarurena siaminana beni andum munki. 7Mana erana ofainave, eanana beni fabano.Afo mayama banta siyimim erana dukene,eanana beni baya siyimino. Afo mana erana ayogu anene vani eni mana acuni siyimenami,eanana beni siyimino. 8Afo mana erana amidukanafi, eanana beni manamini amino. Afo mana erana anarieve,eanana manamini ayoguki urena mandan fabarino.Afo mana erana manakima banama onema ayogu indinama aranama bei eanana manamini amoyinama mandan fabarino.9Ecanam ababa irandakim umatire anonabi iyemarano.Uma iyeseno bananoka; fakamam erarono neanene ayogu benafi. 10Ayogu indiriono ababa irandave sifatibauko,mayanafi enafi ababa ono. anon indiri eupe sindutike anon siyiri emino, andutike mayanafi enafi ayirandai.11Amuna indiri iye ono man abikim, iye fegano. Ayoitabraci anon indiri ono,erara ono. Anon indirika ono iyenonan, bem abimam eyandutim dano. 12Amoyono eni andum munkuremi anon indiri iye ini onamani anari onamino. Sandake beva eni umani iye afakanonami. faya ogamukono. 13Baya yiyiminani indireya abakurirani yiyeceno.Amuna ani bemifo afakareva ena afa abami ofa ono.14Ayogukika uyikano yena iyeuya emi manda uakanteyafo;ayoguki uakareva manda baya siakano. 15Amoyono yena iyenamaka amoyiteyafo; ifi dano yena iye namaka ifi decenafi. 16Amoyebai ayogu indin dukebai onamam ena ayokuki ono. indimam eyabi yanicirasapa iyeva inde, afo indicna iye dugeyom inim bacintaba yibikano. Acgackace anene iye uwararai sandakeba eni indeno.17Mayamba iyebaka ayaono bananoni bananomifo.Ayogu aneneuka uwarano maside anasi banta beyon abatifa. 18Mana amagaki iyecina,ena indinona amakai, ayogu bariono maside anasi bantanama.19Iyeva aran anene marano enanacosake,ayoguki uakano,afo mana mini asapai Koctini umanino.mini sikeno,'''Senana osake mana mini umani maranteko; seni umani yebaeke amenteko,Kocti mini semi.'' 20Afo eni namugoma asebanave,ayoguki uakano.Afo bena nonare sinave,yacaminacna nano.Afo ena mana mini uwarebe,eni anon umani onabami ikanama bamam ben anoncka danami.'' 21Ecanam bananom encka iye dafisino, ayogu indinama banana bananomi fekano.
Chapter 13

1Ecanan umacden ininbainta yicnonic ugeyon baintauc sinayon indire avakurogo, nevaraino yicnonic ir anda iyem bemino, Koctimpate yinanim manan ino. Yicnonic uge beyouni Koctin dani benone. 2Nevaraino, iyefi yicnonic ugeyou sinayon iye indeni, Koctin avayan arintenone; iyeuyafo Koctin avaya arinayouni, umani ye yigec manan dantenone.3Nevaraino dafisiruc avoguc avucavac uvareyou fegar iyen yimintenone, afo manda avucavac uvareyouni fegan yimintenone. Eni dafisiruc yigar iye fegarar ayenafi? Nefi avoguc bananinac uvarano, micne vanona foni avoguc avic amintemino. 4Nevaraino beni Koctinic yogam baintan enic avogugani bemino. Afo ena manda anda uvarevante, ankarac ono; beni yireyon soparoc fa iyen manden nomino. Nevaraino beni Koctinic yogam baintam bemi iyefi manda anda uvare vananin agec umani dantemino. 5Micnugemifo sinayonac indire avakurono, umar aminanim agan nanavaino, afo avoguc anda indinino.6Nevaraino, mini anda foni takisi ayac anamino. Dafisiruc Koctinic yogam baintauci beni, masicdem nuram yeni miniuc kaci yugan dukenone. 7Iyen indac mandukante ayagac ono: iyenac takisi benafi benac ayac ono: iyeninda benafi: iyeninda ayac benafi benac ayac ono; iyen agarac fege fono ben agarac fegano; iyenac avic yanicin benafi ben avigac yanic ono.8Eno yinda anecneuc icaen amirare sirecn iyeva marago, ecegac ena enavac yivacbac uyinkago. Nevaraino, iyefi acnagac bananim avacbac emi beni lo sigami avakundami amankagic emino. 9Lo macnin sigemino: "Ena inin aginta namac monkoc iyevac ono, banta arumar iyeva fugono, umor iyevac ono, anasi onare iyevac manda indiric ono," afo ena ena louc ma banami umacden managim manan bagu yugemino: "En acnagac bananin eyar avacbac eonaic urevac avacbac uankano." 10Avacbac anda mayan acnagac bananiyim mandaic iyen uankemino; micnugemifo, avacbac andai lo sigami amankagic ugemino.11Mana mini foni, mana yamuc onanamino, micnugemifo, máná nurám aci yankagemino, yon dugan ginke ukukago. Nevaraino, yigeunamac ye sivigananin acdekaci yevemino, acnantapac yigeunamac sindun munkoguna yamuc baci yankagaremi. 12Ayufun yankagaimi kagar acdekaci yevemino. Micugemifo, yigeunamac yicya ayufun kinkena yogaruc fasapac degaci, kagac kena unambacdo sigec ono.13Yicya kagagan avucavac kim banic urec avoguc biric ono, mana magagac kena omac andava eran non nare ocenic ir anda vac ecano; yicya monkoc andagin iye bono, anasi namac monkoc iran anon indiric iye ono, namugoic ir anda va ena manda indiric uankar andauc ecano. 14Iyenon Jisas Kraisin avicman sesindaic uregaci yigeunamac so manda andauc iye amegaci, benic ayir erar iye uankano.
Chapter 14

1Iyeuyafi Koctin ugoringkim ma erar iye ugauye, yivicmam yacnagac degac i erar uyingkagi. Iye onac dukanagon andandau gani yenamac eran baya iyevac segi. 2Iyefi erar ugoriric evayi, umacdem yunami nantem, afo iyefi benic ugorinna erar iye ugayi i saguc yunam mana nantem.3Afo iyefi masiden yunam ma nevayi i, saguc yunam mana nevayi nani iyevac manda indirec uwangkac. Afo saguc yunam mana nevayi, umacdem yunam ma nevayi nani iye antekam avucavac i uwaremino micni iyevac si. Kocti benbac i ugacdem avigemi. 4Eni iyec be enonic yogam banta mandan antegefono? Bena beyic yogam mandan erar enafi mandan fafasenafi, mini umani benic Iyenonic umanana bantem. Afo erar uremi ukukantemino, nevaraino, Iyeno mana mandan erar uangkarem mandan ukuka angkantem.5Mana bainta mana nuran nani ena nuranuc bac i arugemino indiric intemi. Afo ena bainta masicdem nuran nani manaic ugemino indiric intem. Micnugami, masicde maya maya mano omare agankare yac i indigarac ogi ne indirac dukeyafo. 6Banta mana nuram ugacdem Yananom indave sirem mini nuram ugac damandem, afo iyefi masicdem yunam ma nevayi i, miyi i Yan Anom nani omare indemi nemi, nevaraino, Kocti nan susu siremi mandem nem. Afo iyefi masicden yunama iye nevayive, Yan Anon nam omaren indemi manac a yunanuc agoremi. Beyacbac i Koctim pac sususem.7Mayau sicbanapake manac bayi iyevac mana beyic barani benida mana ino sintem. Afo manabayi beyic fugirani sentic uman nana ino iyen sintem. 8Fana saum marec bege, mini i Yan Anon inda mana ino, afo fugec yare, minivac i Yan Anon inda mana ino. Micnugami fugec yarafu, fa becyarafu, Yan Anon inda mana becyamumpe. 9Afo Kraisi bac i fucem yevegem fugintinke ukukemino,micnuem beni fukauyic Iyeno bac fa bauyic Iyenoc iram.10Afo eye, neverac i eyafac avanic avucavac dainde mandac siangkeve? Nevarac i eyafac avam simam mandaic uangkeve? Umacde mano indinkamino, Yeunamac umacdem mano Koctinic kokac ukukantec yamumpe. 11Koctinic yo gima agantangkac i sigemino, "seni Iyeno macnin sego, masidem mana magagac kena inin acbasi senka mana yigonoyan mare angkantenone. Umacde mano Koctin avic mana mandan yanic intenone."12Micnugac yami, umacde mana mana mano masicdem avucavac ma uwaragesuana Koctimi mini masicden avucavac sasamentec yamumpe. 13Micnugemifo, ena sifactifanic avucavac daindec mandac iye siangkano. Afo micni iye ecyara macnono, enon uman iye amesua nanac i kumic anda gim iyevac ufegacno.14Anonac Jisasi mano sentic indin mandan dirac i, mage onagarac ecumpe, iyen mana anecne beyagic fairic ugemino. Iyefi mana anecne vana fairic ugeno sene, afo miyinic bantine mini anecne fairic ugemino. 15Afo fairic ugam yunam ma mande nanam ma en afac ava ma mini avucavac gam umar afakanave, omarevac indeno, eni eyafac avami avacbac iyen uangkanami. Kraisinic fugin nano bemi aci ayac urukemino, yunanare sire eyafac avan arac mandan mandaic iyevac uangka.16Yigena mana anecne vana omarec indima avoguguc uganage, mini avucava kagac dafic man avoguguc ogo, micnagec mini avucavac iye dafisina eno-u mini vani manda anecne ve sive. 17Koctinic bare yunam bac non naraino. Iyeino. Antegam avucavac baga nanayugem bam avucavac baga yimusin anecne maran avucavac Koctinic Ayo Inta mano ma yimevam.18Iyefi mini avucavac ma avakundema Kraisinic yogam ma marene, Kocti benic avucavac kani amoyintem, afo banta anasi mini avucvac onac deni emi amoyu angkantenone. 19Micnugemifo, mana yirackac be uwaran avucavac mana avakurosua, afo masicden avucavac i Koctin ugorin avucavac eno-u madan eraru yinkan avucavac mana uwarasuwa.20Yunanare sire Koctinic yogam mandan mandaic iyevac o. Fugave, masicden yunami naranecne mana bemi. Afo mana yunam ma nanamma mini yunam manoma enom ma mandan yanduangkene, afo eni mini manda avucavac i uwaranami. 21Afo eni safurac nefo manda non nac nefo o ena avucavac gac uwarefo, mini avucavac mano ma en afacavam ma mandan yanduangkene, afo avoguguc mana intenino mini avucavac ma iye uwareve.22Enic ugorin nano ne indirac i mini andandauc gani mandan facbar uangkantenafi, mini i Kocti bac yigekada yic andanda mana ino.Manac bayi ma mana anecne bana avoguge sirem omaren indi nama ben arac ma mini anecne vana umaric iye ene, beni amoyintemino. 23Afo iyefi mini avucavac uwadukan nana kar indin dukem safura nene, umani dukemi, nevaraino, beni iyen indigemino, benic ugorini mini avucavac kac amangkagic ugenafi iyefi. Afo mana avucavac ma mayausi ugorin avucava ma amangkagic iye ugac ma uwarege, mini i kumic anda i.
Chapter 15

1Mage yiunama iye eran indin dukena yibimam ernou eran iye dukeyou anantapa dukeya eran iye eya,yikeunama senana osake simoni iyen onteyamupe afo anenema iye uwareyane. 2Mare yiyana maya maya yikeunama simoyeyanaci ben adebeyocu ayokuki uyikano, afo bemi eram mandena ukukano.3Kraisi beyi anon abikani iyen indemi, Nevara,mana bayani bani santakemi,Iyeuya manda baya seyafo yeni mana mini manda bayau enani sireni senaropa mandan deno. 4Mana neanene uka bani yeraceya akareya mini agarenoni mayausi inditai, simam antedeba eyara danam kuminava afo antekan indin amideba mana mini mam baya yigeunama indekuna amamino.5Mage Kocti bemi ayogu indiri uremi mana arakademi emi amidemi afo mana ukam indin daba enouyaba indireya kukandeya abakuroko Jisas Kraisine. 6Mage beni mana mini uwandemi mandan antedemi mana indita deba eni mage sususire mana avatikebaci seba Kocti mayau sifo iyeno Jisas Kraisi. 7Minukemifo mana a uyabaka yibikano, Kraisima ema abikenini ure, Koctimi iyena abi ameno.8Seni macni sego, Kraisi Jusi yuc fayam yogam baintac u-emi yofa urem yocyivigemi Koctin avaya fugan sigemi. Micnurem masicdem baya ma Kocti yen yinac-u unayimic dukageninkac i ampamemi. 9Afo eno-uyacbac benic agun anecne one ben avic mare yanic ogovam. Koctin avaya ma sigankac, "Micnugac i ena ininacbasi kim en avic mandan yanic ec i ic darec bac i en avic mandan yanic ontec."10Yebaekem semi, ''Amoyono, eye Jentaliuke, beyi anasi bantanamake.'' 11Afo enabake, Kocti abi yaniono, ena masideuna beonouke Jenyaliu; eanaya masiden inim baitau ben abi yanioko.''12Yemana baekemi Aisaya semi, ''Mana mini Jessi anukukamino,afo mana benana ukukaekemi masideuka yinoni uemi dafisitemino Jentaliuka.Afo Jentalicui ayogu indim mandeni benani inditenoni.''13Mage Kocti ayogu indin emi amidemi indiru uwikacakaremi amoyebaci ayogu aranama bebaci abakurono bani, afo Ayoitai erantaci bano bani.14Seni senana osake emi sameko, sentifa tibacuko. Seni sameko mana eni enanaosake ayoguku utikarukacnano, masde indiru uwikakemino. Seni emi sameko enouyabaka siyimeno.15Afo Seni mana afani sandei anon indiri eci emi mana a aneneu mandan antedei emi yebaekei indini amenteko,nevarai mana erani Kocti sememino. 16Mana erani mage Sena amaka beni yogambaitai okami Jisas Kraisi siakami Jentaili.mana yokani prisiu ayoku bayani Koctipa denoni. Seni amaka mana mini uwandaunani afo ayoku ofaimi jentailiu marenoni, mandan afota demino ayoita.17Afo seni anon simoni Jisas Kraisi nani ecupe afo Kocticni yokarukare. 18Afo seni make iyebaci bayani senteko mana a aneneukara eyosirena neanenebara kraisi mage amoyurena mini nurami seni indeko Jentaili ukare. Mana mini aneneu uwantenimi bani bayasirami uwandukami. 19Afo mana erana farenin unamake, afo mana mini ayoitai eranama. mana mini Jerusalemi keino,afo meya enafate yemi Illyricumi yeraemci, seni amakai masidem bayau maro yiyimenteko Kraisi abayaye.20Mana mini asapate senti indini ukukarai mam baya siyimeko, mana iyebai kraisi abi iye indikauni yiyimeko,mana mini indunai seni amaka iye mai uwarateko ena baitaua makakuma dafedanatokake. 21Mini sireni mini sire sandukami; ''Yena iyeuya iye indinteyafo benani mage bemi onateno,afo yena iyefi magema iye indeni mage inditeno.''22Minukaci sefo seni mage amuna yokani mareci emi yemam iye oneumpe. 23Afo mageve, Seni iyen iyaka bei mana makusim yofaeko, afo seni mage beci amuna orande mandeci emi onarandeci indeko.24Afo ikeni avafa Sena beke Spani, Sena indekunai emi yemam onarei inaemi bonteko,mage yekumandue enama bakei bonteko, inaemi Seni yikenama bei kipa nurami manakini ukeyami simoyonteyano. 25Afo mage Seni beko Jerusalemi Koctima abakurau maro yofairare.26Mage ayoku indiri uremi mesidonia namaka Achaia nama ayoku indim mandeni manakim deni anene iyerukena Koctima mam siakena abakureyouni yimenoni Jerusalemi. 27Eyo, yeni ayoku indiri eno,afo, fukaukane, yeni yeyi inditai moni yimenoni. Minu remi Jentiliu mage yofaureni yeni Ayo inta kinkemi ofaim maremi, yenke yofaim manukemi afo yebaekemi yemi yofairani mini aneneuke.28Minukemifo, Nandefi Sena macke mana yokana afo makema mandanama indekuna ecke yena macke indeye mini antekatemino, munkin Sena mage Spaini bei emi yera onarei bonteupe asapai. 29Seni indeupe nandefi sena ebanafa yekunave seni mage Kraisi senkim bai simoyeko beni yokarare.30Mage Seni sameko emi, sifatibao, mayausi iyenobe jisas kraisi, afo Ayoitaci ababanama, minuremi makatanda mandan manakin demi semi okam muku sikaremi semi koctipa mandan danami. 31Okam mukusikaranaci seni mage ana iye indeyom makusike ve Judia, afo semi yokam simidemi Jerusalemi mage ayoku yokari urena Koctima abakure younama. 32Okam mukusikek banakai Seni mage ebanafa yeraekai Koctini amoyini mandan fabari, minu ranaci seni mage manakini ureci enamaci sandake banteko.33Avacbac Kocti yikenamaci bantemi. Fugave.
Chapter 16

1Seni emi sameko mayau sonana Phoebe beni, iye mage mam makim yokam baita benafi Cenchrea, 2Mana emi samidei mage sonannami abimanci iyecnompaci dego.Mana uwande ayogu indi mande ofaure abagurono, afo ukukaebaci onana necanene uwaratenafi onanai eni ofacirandabai inde bantemi. Mage onanai beyarani omare indimam ayoguckiuremi mage yeracemi amuno yofaemi, afo sembai.3Ayogu nurane Prisela nu Aquila nugo,senti manayogam baintauke Jisas Kraisinkim, 4Iye fugenacfino sena yenama fabanocbani mage. Seni mage susu seko yenani, senana bacune,afo mana maside mam makika seceyouye Jentaili uke. 5Ayoguc nurane Koctini anasi banta yikeyi mam makima bekouke. Ayogu nurane sentifatiba unane Epaenetusi bekocuko, iyeci anari urena andum baekenafino Kraisi kine Esia.6Ayogu nurane Anasio,iye enani eran yokari enafino. 7Ayogu nurane Andronicusicnu juniasi.seni ecmi umai siakeko, afo senti mana yokantim dumuckeyom baitauke. Yeni iyena yinoni ukauni Jisasicni yokam baitau yibanapaci beyo, yeni bani Kraisi kim anariureni baci seni icnaemi yeko. 8Ayogu nurane Ampliatus, senti ayogu sifatibacugane iyenonckin.9Ayogu nurane Urbanus, yike unamati mana yokam baitave Kraisi, afo Stakisi senti ayogu sifatiba. 10Ayogu nurane Apeles, ayoguki onamino Kraisi kine.Ayogu nurane iyeuyafi mana mini makima iyebane Aristobulus. 11Ayogu nurane Herodion, sensigukikena baitaino. Ayogu nurane iyeuya Narcissus amakim beyafo, yena Iyenokim bauno.12Ayogu nurane Trifina nu Trifosa, iye eran yogari enafin iyenoka. Ayogu nurane sentifatiba ugane, bena eran yogari akenive iyenonan. 13Ayogu nurane Rufus, iyeno ukadukeni, afo benanoi sentinobai. 14Atogu nurane Asinkritus, Phlegon, Hermes,Patrobas, Hermas, afo afa abau iye benama bakenafi.15Ayogu nurane Filologusi nu Julia, Nereusi nama afo beyayofinamai, afo Olipasi, afo iyeuya Kocti abakureyafo benamai bakeno. 16Ayogu nurane enama manacauyabai antekam umai siyikeko. Maside inim bainta Kraisi kim bauni ayogu nurane senoni enani.17Mage seni emi erambaya sameko, sifatibao, indimam ayogu ono iyeuya yeni mage ena ena bayacuka siyimenoni nevarai ena bana indeona baya kanackaka ukenaino. Anacem yimeno yene. 18Mana mini inim baita yeni erarure mayausi Iyena Kocti abimam ye yindutim iyen denoni, afo ye yindun anana indeno. Yena ayogu bariukei ena onamam ayokuki uremi bayau siyimidemi yeyani indimam yindutim deni anene iyen uwarenoni.19Mana yena yankena bayana senaci iyen yeni indeno masideu. Seni simusimi mareu, mini ukemifo, embai yakakemi, afo seni enani sei ayogu indita be ayogu bariono, mana anene iyen uwareko bananoni anda. 20Kocti nanayin yimevayi acdekaci ban anon aruremi en agar agumpo dasacnantemi. Ecanana mayausic Iyeno Jisas Kraisinic avacbac enama bano.21Timoti, senti mana yogam bainta,eni ayogu nuramino, Lusius sinu Jesan, Sosipater, seni umaci siyikeupe. 22Seni Tertus, mana afani sandandeupe, emi ayogu nurane siakeumpe iyeno abikine.23Gaius, semi ayogugi usinkemino saiden inimbaintauc namage mam makine, enani ayogu nurane siakeko. Erastus, korigac uwantam makusinke, ayogu nurane siakeko ene, Kuatusinic afac avaunan namacino. 24Amankac Iyeno Jisas Kraisinic avacbac umacde yigenamac bano.25Mage enabi yani ureci emi mage mandan ukukarei sena sireckuna bayani binami Jisas Kraisi abaya siyimitenoni, sirekuna bayani feyukami mana mini opa ayofakakenimi feyugam, 26afo mage mana mini ba opa baya sirukakeyom, mana Kocticni yogam baintau sandeni mana mini mandekeba masidem magusim dano, ba siruka kenimi ena samidemi mana uwarano iyeva kipam aumi dukam Kocti ino, afo uwararani indeumpo manaca uni seni eni uwarano namino.27Jisas Kraisin kim Kocti ayoguc indin dukayi, ben avicmanan umacden nurami anonic ukantemino. Fugave.

Galatians

Chapter 1

1Poli yogam bainta ino, mini yogam banitai mana magac kena baitauc kinge baino, Jisasi Kraisi Kocti mayau sifo beni fugin tike mandan ukuckeno. 2Sen tifac tiva unam senamac, mankingac beyou Galesiac:3Avacbac namac nanayinamac mayau sifo Koctin namac Jisasi Kraisim pate. 4Kocti yikeunamasic manda anda kinge sivigarani Koctinic ayini avakuremi beyani amemino. 5Umacden yamuc ben avic yanic ugano. Fukave.6Kraisi nic avacbac kin arageniuc akaga ugami yevekec boci sinduc i recumpe. Anon sinduc recumpe ena ena mam bayayuc kinkac yevekekon nare. 7Ena mam bayani benova segauno, Mana bantauc Jisasin avaya ena siric uraga umam maranagonani secumpe.8Mayauyafi, inarumpatena ensorifi bani mam baya siyimeguna bayani sinaniyi ecanam beni mandaigac ino. 9Feni siyimi rukeci, mage yevegec siyimego, "bani maregom bayana maya siyimemi ecanam beni mandaigac ino." 10Seni mage koctim pate eyo sini maregafu banta fate fi? Banta arac manar ayokugic iraraga funo? Fanana banta arac manar ayokugic ec be ci, Kraisinic yogar inta iyem becumpe.11Mage omare indego vare, sifac siva unano, mana bayana siruke kuna bantaic baya baino. 12Seni banta fate va mare gaune, maya sisimenafi, Jisasi kraisin kin ayofagam bayani afotagic emino .13Yigeni indemino seni bani Judaisimi mankimi bageguna, bani koctinic anasi banta uman yimeci anagayirani agekuna ve. 14Amucnon senti magusinke sen yacnonuc bano fo, Judaisimi mam bayasimi seni acnaric mugac umpe. Micnin mukanici sen sifo unanyic mam bayayu kani anonic muren sikan ukami revamino.15Sesinon arac kim baunam, Kocti beyic avacbac kinka sarenimi, 16ben arac i ayogugim memino Mapac ini yacbasi kim benan siyimeno bare, Seni agaga urec anasi banta kin iyen yindaec umpe. 17Bani acnari uge yogeyom baintauc bampa Jerusaremi iyen urecu. Ecec ci Arabiac oreci ovekeci Damaskasi ci yecumpe.18Kandac manavac orande acnaim paci Jerusaremic undeci Cifasin onaic urec benama fitini nurami bageumpe. 19Seni ena yogam baintauc iyen yoneumpe Jemisim manai, Iyeno afac ava. 20Seni nec e banafa agaregafu, Koctin ogankac fugan sireci samego, seni minigim umac iyen sego.21Micnu reci seni mini magusin kac Siriac namac Cilisiac magusinkac be ucmpe. 22Judia Jisasin kac mam seyouni sonaic iyen ugeno. 23Micnic sikamanan yeni indeno, "Iyec beni yigeunamac mandaic usingebanafi beni mage yindum mukir anda bani siyimeno bani beni ankayirani agenin uge." 24Ne seni uwarekafu Koctin avci yani enone.
Chapter 2

1Fotini orande acnayempaci Banabasinuc Taitasinuc yivic manarec Jerusalemic yeveke ureuc. 2Sena urekunai, ayofaganim bayakaci, yenamac manar antekaran emam bayaya mapac iniya baintauc kimi sekunave. Seyakaci acnonic ugeyou namac secumpe, macnem indic ogobare seni sesic siyintac bayabam iyen iyayeci iyen iyayonte umpe.3Afo Taitusivage beni Krikim bemi senamac bani o akecyano bani erarukami eno. 4Umac baintauc emami yefece soneno, yike unamac Kraisi Jisasinic ayin dukekuna. Yemi yiyikarac mevami ikeunamac manam fayan yokam baintaic irani, 5afo yeunamac yen yirafim make iyen bego, macnem fugasigam mam baya iken namac banovare.6Afo iyeuyac acnonic ukau beyafo (yeni nec beyafo senkaci anon anecne baino, Kocti yempagic iyen intemino) - yenana acnoni ukauye sekunouni, senkaci mana anecne ba beyaone. 7Ena asapaci, yeni sonaci yu iye akecyage youni mam bayakim dafic yinkage umpe, macnem Pita ma yu akecyage youna mam bayakim dafic yinkageninic urege. 8Kocti beni Pita kinkaci yu akecyage yousimi yokemi, senkin kacbaci mapac iniya baintauc kimi yokemi.9Jems va Cifasi va Joniu, mam mac uvarana yonaic ugeyouni, onaic meno mini avacbac sen simikenimi, benkim munkir anda yey yiyan ugan namaci Banabasin de simeno. Mapac iniya baintauc kim bono vani mana uvareno, micnureni yeni yu akecyage yo bampaci binteno. 10Andanda iye duke you yan nana indeno bani yeni indaeno, ma mini andanda ugan uvararan siyevane.11Afo Cifasi Antiokic yeraci, ben ogan kaci secu, nevarafi beni iyen antegaci. 12Icnayemi manaca baintauc Jemsi bampate yeno fo, Cifasi mapac baintauc namaci nem bami. Afo ma mini bayintauc yeraomi, beni ecemi mapac iniya baintauc namac iyem bami. Yu akecyago ban seyou yigani fegemino.13Afo umacden Ju'uc ma kantan yivan dukeyo usimi agackano. Yenyic kantan yivan tinkena bayayuc manom Banabasim baci mandan yenamac minigin deno. 14Afo sena yonekunai yenyic avucavac mano fugasiren mam baya sigenima iye avakuroci, umacden yen yugankaci Cifasinan secumpe, "Ena Ju bema mapac iniya baintauc kacna be Juc kege iye bei, inkenic ure erarina yaci mapatena iniya bainta Ju kege bante yafo?"15Mayauni mactin karaci Jium becumpe mapac iniya baintauc manda kim beyouyaono; 16Yeunamac omaren indecu loic yokantac maya iyen anteckantemifo andun Jisas Kraisin kim munkuinam manai. Mayau yabac yunai Kraisin kin sindun munkuinaci anteckantecu Kraisin kin sindun munkurec manai loic yogaruc mano bai. Loic yogaruc mano mana bu iyen antekantemino.17Afo ikeunama Kraisin kin anteckara ir afakeci, ikeunamac baci, sonaman manda iniya baintaic ugecumpe, mini i Kraisi manda andac manam yanic enafi? Iyeukamino! 18Afo sena mini anecneuc anankare gunauc yevekec uvareci, seyani manam yoyivigeci lo ukare baunom becu. 19Mini'i lo kinke seni lo kimi fuckego, micnureci seni Koctin kim bantec umpe.20Seni Kraisin namaci fuckeumpe. Seni ba bageguno ba begaune, Kraisin senkim bemino Mage mana bani mana bugim begunai Koctin Agac kimi sindun munkurec becumpe, iyefi senar ayiren beyar simiyine. 21Seni Koctinic avacbac manar avafac iyen decumpe, logima anteckenin anda manar iyenac inami,afo Kraisinic fugini fayaric mintemino!
Chapter 3

1Galesiaugo, indiruc anana ugeniuge! Iyec yigemi umocdu yinkarukagafono? umacde yigen yugankaci Jisasi Kraisin mandar afotaci iyinayonic emi. 2Mana anece mana yigempate indin marare: Yigena Ayo Inta marami lo yogaric ompoyac maregafono, haca! indirec yindum munkegompoya fino? 3Yigeni indiruc ananac ugenafino? Ayo Intaic yogantac kugandeci, acka mage mana bugim maro kiparagafono.4Yigeni umani amucna anecneukimi fayande ugam maramino_fugama sirem banami fayande uganafino? 5Yigema Ayo Inta yimicdem amin yogani uvarenimi lo yogam marampoyafino, haca, yindun munkurec indempoyafino?6Abrahami Koctin "kaci andun munkim poni anteckam avic maremi." 7Oganic ure indeno, micnure yindun munkugeyouni Abrahamin agafandauci beno. 8Mam bayagimi onanami iyec mapacteno andun munkinami Kocti antec ankantemino, micnugami acnantapac mam baya Abrahami amemi semi , "Enkinken mana magagackena iniya baintauc avacbac 9marantenone." Yindun munkugauni avoguc avacbac marantenone Abrahamin namac, andun munkugarac evam bainta.10Umacde iyeuyafo loic yogantac yogauni "umam maran sifanankimi benone; afo micnin siren santemino, umacde iyeuyafi lo yogin santam iye avakunde uvareni umam maran sifanankimi benone." minin uvarantenone. 11Afo mage afotagici ugemino mayavac lo gimi Koctin ogankac iyen anteckec umpe, nevarafi, anteckauni yindun munkin anda gimi bantenone. 12Afo loic yindun munkir andava benaino, " Enai banta loic yogaric evanani lo ginac bano"13Kraisi yigeunamac loic uman maran sifanankinken utuc sinkarukemino, micni siremi agantemino umam maran sifananici ugagemino_ nevaraino, yogim santemino, "umacde iyeuyafi yasac iyeyouni umam maran sifanankimi benone." 14Kraisi Jisasin kinkemi mapateno gaci Abrahaminic ayoguc yintemino mapatenu Jisas Kraisin kinke yintemi, micnugami yindun munkir andafoni Kocti yimiran sirukan Ayo Inta igeunamac marantego.15Sifactiva unano, ecanagaci banta seyon asapac seno. Bantama uwandem simar erarugam baya, maya mandar avafac iyen dantemi, ena baya vac mini naroc mandar iyen dantemi, lo fona uwantananim. 16Afo mage Kocti andandauc yimiran sirugam baya Abrahamim namac ben "anavasim nani sirukemi." Amucno vara sirukena, iye ino. "ben kigke ampaminaniyi nani sigem," Beni Kraisi ino.17Afo mage seni mage manavani secumpe: lo ve 430 orande yankagaimi yemino. Kocti acnantapac uwandanin lo mandan fasapac iyen demi. 18Afo marananin anecne lo fate yigenin andandauci bana sigenim pateva yigenai. Kocti bani sirukageninuci amemi.19Afo, nevaraci lo benafi? Mini naroc enavac amugac dami, nevaraino, manda andauc fonino micnuganami inaem Abrahamin ana iye bapagafi yino bana Kocti yimiran sirukanici intemi. Acbanac bainta mano ensoroc kimi loi manar eraremi.20 Afo mage amucno ban kinke acbanac bainta mayanar iyen semi, Kocti manai.21Loi Kocti yimiran sirukan andandauc kimi acao sigenafi? Iye ugamino! Afo lo yimic dukam pona fanana bam bani yimic dukagemi anteckarac uge beyon andai fuga siren lo ginken yigemino. 22Mam baya mano manda anda dumuegem arafin demi. Kocti sivicman besapac darare sirema yimiran sirukan anda yindu munkir anda foni Jisasi Kraisin kinke mandan yindun munkugauni yimintemino.23Yindun munkir anda yirarugami lo yigeunamac dumuman dukami inaem yindun munkir anda afotagic emi. 24Afo lo yigeunamasic dafisirici uganimi Kraisi yemino, micnugami yindun munkir anda foni antec sinkantemino. 25Afo mage yindun munkir anda yenin poni lo yigeunamsic dafisiric iyen ugemi. 26Yigeni Koctin agafandauci bamino Jiasa Kraisin kim yindun munkir anda foye.27Afo yige amucno Kraisin kim nom mandugauc Kraisimi avicman yinduntin damino. 28Jiu namac Griki namac iyeve, fayan yogam bainta namac fana benim bainta namac iyeve, banta namac anasi namac iyeve, yigeni umacde Kraisin kimi bamino. 29Afo micnugaci yigena Kraisin indama beci Abrahamin anabasinami beci, Kocti yimiran sirukam maranagouci bamino.
Chapter 4

1Sena segunai mini andanda afoi, bena aninta bemi, beni fayan yogaric eyounamac enaic iyen ugemi, masicden maga dukembage. 2Afo benkac dafitau namac benindagac dafiteyou yigantim banami benafo ugacdanin yamugic intemi.3Afo minivagi-i ugemi, yigeunamac aninta bagunami mana magagakenaic andauc poni dumuman dukagemi. 4Afo mini yamuc yeraimi Kocti bey agac sankemi, anasiginke macimi, lo aragimi magemi. 5Afo beni micnimponi lo arafim bauni utuc yinkemi, mini foni manam be yagagic emi.6Afo nevaraino, yigeni ben agafandauc bami Kocti beyagagic Ayo Inta sankarami yigeunamac sinduntim bemi, ararem semi "Aba Sentifo'o" 7Afo micnu gayami eni enavac fayan yogar inta iyem banami.8Mesac mini yamuc Koctim bac iye onarukec mana magagakena eram foyac bac iyevan koctinuc kacbac fayan yogar intaic ugagegomi. 9Afo mage yigeni Koctin onarani yemino yigembaci Kocti yonaic memino, inkenigac yevegec iye antekem benic eranda iye vam lo andauc kim begafono?10Onano kugagenina oyan igona yenina ockac yenina orande yeninuge! 11Yigenamac yogauna yogaruc fayaric inaninani semi saci gemino.12Sensifactiva unano seni yigemi indaego, senkanac ogo, seyac bac yigen kacnaci ugego, semi mana andavac iyen uwantikam mino. 13Yigeni sonamino, sugimi sicim poni seni anantapac kugandeci mam bayani siyimecumpe. 14Sen sugin kena umanano yigemi amam magantimi yinkaci semi yifo iyenkeci ec iyen damino. Iyeino Koctinic ensoro sonaric murec saramino. Kraisi Jisasin benafon kege.15Yigenyic avoguc yimigami nafagac mage benafino? Afo seni yigemi siyimuna mini amankagicma emi, yigeni yige yugan durucdec se mana sonago. 16Micnugemifo, fuga baya siyimuna foyac ikenyic namukoic egafu?17Mana ayoguc kara emi manan yesapac darani erarugan eya ono. Emi mapac uyacman dukaya yenkin erarukano bano. 18Ayoguc anda barac umacden nurami erarugan ure amoyono, enamac banuna nuram mana bara seno.19Sentika fandauko, seni yevekec yikenani am mage yom sinavisikimi baunami Kraisi yiken kin yefekemi no. 20Seni mage ikenamac bec sesic baru manam bayecman antekarar ugami siyemino, nevarafi seni ikenani anon indiric kugamego.21Sisimego, iye ugac lo arafim barar indeka, ikeni lo bayani iyec indeka? 22Abrami kar inta kanda dukanani akantemino, manan fayan yokar aginta kac kena ifo manan avic inin kac kenai. 23Mana buci ayini ampamimi fayan yokar aginta kac mana magemifo, afo ba sikanckaci avic ininano ena inta magemi.24Amam magaruc kegem anecneuci bayec kantemi, ma mini inikandai mana yirackaci de anecne uwareyon kacnaci bano. Maya i Sinai Anufateno bemi anuc macyinkenimi fayan yokar intauc mo. Mini i Hagai. 25Agai i Arabia ic Sinai Anum bemi mage i Jerusalemim bemi, beni mage fayan yokar inini beyaga fandauc namac bemi.26Afo yampaci beni Jerusalemi 27i beyani bemi, beni mayau sinom bemino. Micnin siren akantemino, "Amoyono an iye mageono an iye mageona vare. Ific damar acnure bacde amoyono, eni iyeci am mageyom anavisic iye mareonove. Nevafi beyavafumi dukenin iniyacbaci yeankaremi ben avafum yere ecenin ini nano amucna intau kugami dukemino."28Afo ikeni, sifac siva unano, bani sikanic mureci Aisaki kacna i bamino. 29Mesac mini yamuci mana buci ayini ampami mageniyim mano mi Spiritic ayini ampamiyimi mandaic uankemino. Mage baci micnim memino.30Afo mam baya kimi neveci sigenafi? Fayan yokar aginta namac ben akac namac sankanam bino. Fayan yokar aginta akac mano avic ini yakac namac beninda andandauc iyen daimintemino. 31Micnin mugemifo, sivac siva unano, ikeunamaci fayan yokar iniyakafanda iyem bec umpe, avic iniyaka fandam becumpe.
Chapter 5

1Kraisi damukage kuna kinken utuc sinkemino. Erarure ukukevaci fayan yokam bainta uman mareninic ure mini umar arafim iyec bano. 2Seni Poli, sego, enafo amundanonawe Kraisi mano emi iyeukami ofaintemino.3Umacden baintuaci siyimeko yenafo yimunde yonuni lobaci awakuroko. 4Kraisin namac iyem banamino, iyec eni micnin tefono, lo emi antekanami Kotinic avacbaci iyen onanonami.5Spiriti kim sindun munkuinami, sikandevanaci anteckan anda bani dafisente umpe. 6Jisasin kine yimunde yonafi iye yimunde yonafi ena anecneucino, andun munkini avacbac kimi yokemino. 7Awokuc biric makeonamifo, iyec emi aosinke bayaci fuka sikenin anda iye awakurefono? 8Mana arani iyenon arayan yeona fate baino.9Sitoc yisim farawankimi dami famemino. 10Koctin kimi sentic indini bemifo eyacbac micnono. Iyec emi mandaic uankantenafi beni mini ayaci marantemino.11Sifac siva unano yimunde yonani secumpo, nakac eyaci umani siminteyafono? Micnin toni kekac yani ani uyackenimi amanda kemi. 12Iyeuyaci enic asapac uyakanteyafo yenafoni yenyic anda akami amankagic intemino.13Sivac sivac unano, awokuc bantimi yewamino, mini awokuc bantoni manda andaic iyewaci ono, ecewaci ayinamakac benofaim benofaim ecbano. 14Umacden lowe mana bayasim manam bemino, emi ayeninic mana baci urec enawani ayino. 15Afo ike yirani yiruec yisiec inakomponi umani maranakomi.16Spiriti kim banonafoni manda andaic iye inonami. 17Manda anda ayikarac enimi Spiritic namukom bemi, mini amankac manan Spiriti i manda andaic namukom bemino. Ben umarami ben umarami inakomponi mana anecnevac iyen inakomino. 18Spiritic indintac bewe, lo arafinic iyen inonamino.19Umacden manda yokaruke aci afotagic mukemino: anasi namaci bantan barenine anom manda andan uwarenone, 20umac kotinka mantira, uwac anene dukeyono, namukoc iyona, sampi indini benina, enaic anecne onami yikandenina, yiran anene mareyona,yindur umani yimeyona, daimir andam benina, 21enaic anecne vani indeonava, eran nomi namandeni anana mayonamac ena ena andauc namake. Mi sekunac ure akec ono, mini audauc inayouni Kotinic makusimi benin aneneuc iye maranteno.22Spritic akami benimi ayir andava, yimoyeyona, nanayuke beyona, nanayuken dafisir andava, ena amir andava, awokuc bara, andun munkinra, 23nanayukan eyon namac yenacu yeyic bam manar anteke, aneneukimi mana lowac iyem bemino. 24Kraisin indaic mukeyouye yenyic manda andauci kekac yani marem bemino.25Spiriti namac beke, yic Spiritic namac bec yec ono. 26Iyewaci ena aran amir andafi, umantin ankar andafi,enaic bani onanami iye baci siyino.
Chapter 6

1Sifac siva unano, iyeci manda andakin yandinte nafi, spiritic nanayin namakaci ofaurananaci yeveken ukukano. Ayokugic ure daficdevaci bano, eyandac amam makantin yandinone. 2Enaic umani ofaure kaci, Kraisin awayani awakurogo.3Maya beyarani amoyinanive, beyani umaci sintemi. 4Maya beyic yokarani amoyemi iyewaci ena samino. 5Maya maya beyic umani benafuni marantemino.6Iyeci ayokuc baric ukano bani samintenafi, ben namakaci ayokuc baraci marano. 7Eyani umac iyevaci seno, Koctimi iye baci umac siankanonam mino. Banta beni ne yunan ayunaci yokantenafi, mini yunan akam manan koyintemino. 8Manda anda uwandei manda ayaci anankayini banami maranonam mino. Iyeci Spritic indintac anecne intenafi, beni Spiriti kim banana bam bani marantemino.9Ayokuc anda uwararani iyewakaci afokano, beni ovekem yinananin nurami minic anomi koyinona mino. 10Mage igeunamac yokan duckeguna, umacden inim bainta ayogugic uyinkano, mi ma yindum munkin tima beyouye.11Siyamponi mana iyena afaruci sarec umpe. 12Mana bukac yimoyeyouni o ackecyano bani samintenone. Mini andan uwareyomi, Jisasin avitac umar iye mararani mini uwarantenone. 13Yu akecyeyouni lo iyevaci awakurenone, ike yu akec yaraya mini ban yimoyiranone.14Seni iyewaci simoyontec umpe, seni simoyonunai Jisasinic pukirani simoyontec umpe, micnenim poni mana makakackena manda andauci sinduntimi beninuc kipasinkem mino. 15Yu akecyante kafe iyec akecyante kafe mini anon onaric iyebakac ogo. Banta bey anduni baecdemi oyam bani afakananim, minin anon andandaino. 16Mini andandauci yinduntinken avakureyouni, avacbac namac akun anecne yen namaci bantemino. Yeni fuka Israiriuci beni Koctin indam bantenone.17Mage ecanam maya umar iye simino, se sukaci Jisasinic afuruci mandec nocumpe. 18Sifac sivac unano avacbaci iken namaci bantemino. Fukave.

Ephesians

Chapter 1

1Poli, Kraisinic yogam bainta Koctinic ayintac, Koctinic antekam ininabasi bam Efesesic magusim, iyefi Krais Jisasin kima erarugauni.2Ayoguc avacbac bac arac iyorin avucavac yigenkinici Kocti mayau sifo bac Iyeno Jisas Krasin pake.3Ecananac Kocti mayausic Iyeno Jisa Kraisin Afon avic yanic i, beni mayau ayogugic usingkem Ayo Intaic masicdem ayoguc kim inarum magusim Kraisin kimi.4 Kocti bani mayauni ugacdukem beyaran fena mana maga iye ampangkankac, micnuranacyam antekecyam bac manda avucava gan mayau simam mandaic iye ogoban ben ogankac.5Kocti mayau feyugam ugaman beyagagic emi Jisas Krasin kim, beyic ayoguc amusin anene kim beyic ayinkac.6 Mayau sivicman beyagagic ini benavic yanicimpo benic ayoguc avacbac kima mayau fayugam simim Mana ugama avabac ebayim.7Jisas Kraisin kimi yeunamac mandan utuc sinkarem beyic nare fo masicdem kumicanda yomadam fasacdem, benic anon agun anecne fo.8 Beyic anon agun anecne mayau naropac dem beyic masicdem anon indin bac indigaracim bac.9Kocti mayausac mandan fabacrem opac ocman dugam yogan beyic ayim, benkacma neverafi ayigarac evam, afo mini beni Kraisin kac yocyivigem,10 fena onem ma indimam dukagenim masidem anene vam, masidem anene mandan manakinicim, masicdem anene inarunkim bac mana maga naroc, umadem mandan mana acnon kac dem, Kraisi bac.11Kraisin kimi mayau ugacdaman amangkakiem. Yeunamac bani indiman decyam benic indiram masidem anene ma afotakic enim benic ayinkac.12 Kocti mayauni ugadaman amangkaki uranayam acnaric eyam erar indini marantecyam Kraisin kim, afo yeunamac amagac ben avic yanicini benic avogugam.13Kraisin kimi, eyacbac, omarema indena fuga baya, Koctin abaya gima ema obagema avicdukanam, bekim indigarac inami emi ugagantem bana sirukacgenigkac Ayo Intafo,14 beni simam facbarintem mayausic ampamiram amagkac yeunamac masidem anene ma fakarecyami, benavic yanic onteyam benic avogugam.15Afo mana andavani , bana sena induna enic eran ukorinan Iyeno Kraisin kim bac enic avabac masicde Koctinic antekam iniyacbasi gac ,16 seni saun iye dego Koctin pac sususec enam sesic sogam mukintim.17Seni sogam mugkego mayausic Iyeno Jisas Kraisinic Kocti masidem ayogugu yifo, beni aminteno Ayo Intaic ayoguc indim bac ayogu indin mandan afotakicim indin beni omare onagarac inkim.18 Seni sogam mugkeko en adun ogam kaganovam, micnuina eni omare indenovare erar indin pona bena en aram baga benic amucna g turn onim benic avogu andanda maranteyam umacde Koctinic antekan ininacbasi.19Sentic sokam mugkintim seni enani indauankego eni omare onano vani iyevac yandan anon andanda benic erantin mayau iyefi benana indigarac asuwana, benic anon eran yoganto.20 Mini i manac yom eran fona Kocti Kraisin fukintinkema ukukaman beyayanc ugam pac kumanduankemi inarum magusim.21 Kocti Kraisin kumanduankem umacden naroc dem daficdem beyic eranpo yogam yimem, bac masicde yivicma ragam. Kraisi i masicden anenegac dafisintem, mage mana nuram mana baino, afo icnaim bac yinaninkim.22Kocti umacden anecne Krasin agantin dem bemi beyic man namungkim yimem masicden anecne gac yincnoni inobam.23 Man namumi ben oi, benic uwikani umacden anecne gimi uwikagarac ugami ugem.
Chapter 2

1Afo eye, eyic manda anda baga enonic andada dafire maran anda foni fukagonami.2 Mini anda baga enonic andada dafire maran anda foni emi mandegem mana magaic avuava kim daya bagonami. Enic bare yambam banic eran ayintac i nogonam, mini banic yogani bantaic baya yomandan fasacdem baya arim bami.3 Bani micni banta ban ininabasi yicbanapac i bagecyamu,mana maga gakena avucava kim becyam sinduntac indintac ma siyebam avuava i uwarageyam. Mayauna mana maga gakena avuava kima bagesuanai Kotinic ,eran aran anecne mayaugac i bagem, masicdem mana maga gakena inimbantauc kacnac.4Afo Kocti beyic agun anene kim uwikagemi nevarafino beyic anon avabac foni mayauni avabac usinkemi.5 Mayauna enaic andada dafire maran anda kima fukasuanam, mayau madam Jisasin kim oyam aum simicdem ukukasigkarem beyic agun anene avuava foni mayau obegem sivigem.6 Kocti mayauni Jisasin kim mandem ukokasinkem, afo Kocti mayau madam inarum magusim Jisasi namac kumandusinkem,7 micnugami icnaima yinanim kimi beni amangkac mayauni iye vac yandanuna andada beyic agun anecne kim yotivicdem mayau Jisasin kim beyic avarim anda madan fabarintem.8Minukami benic agun avucava foyacbac mayausic eran avakurintoni obegem sivigem, afo mana evapakeva ino, Koctinic amintoni.9 Agun anecne i yokantoya ino iyeino, micnugami mana bayi mini bani baya iyebac i sintem. 10Nevarafino yeunamac Koctinic yogam baintauc, Jisasin kim avoguc yogama Kocti fena magau nandema dukagenim,micnugami minin avakurontecyam.o11Micnugami omare indeno bani mapac inimbainta namac maga gackena ogac i bagonam. Emi macni avic i reno "o iye akeyageniyi onaric meno " o akeyam avucavac fo " yeyokima mana magagakena avucavacma ye yiyampo uvaran anda.12 Mini yamuc ugami nempac i Jisasin kim bagonam.Eni anamuru gacnac Isreali inimbaintauc kac ugageonam.Eni ena inimbaintauc kacna i baya unde dam bayagagic i onam. Eni mana indini icnain nani iyen indenam. Eni Koctin kim iye bagonami mana magakac.13Afo mage Jisasin kim iyefi iyapacma Koctin kim bageono Jisasinic nare foni avicma beyacdekac demi.14 Beni mayausic avacbac i. Kantano mandegem manai im. Ben o ma dakacdakac imponi enom daimin avucavac ma bam madan acnem.15 Mini i age bayama sigam mandam fasacdem besim banta mandan oyanic urem begic avabac uvararan.16 Kraisim dukam inimbaintauc yivicmam mana bunanic Koctin kinic em Jisasinic fuginto, namugoi ir avucavac arumam fugem.17Jisasin yeremi beyic avacbac empac simam facbaremi iyefi iyapac bau vaga iyefi acdekac bau vac.18 Afo Jisasin kimi ikeunamac macde Koctinic Ayo Inta manam manaic umam mayau sifon kim demi.19Afo mageve yigeni mapac baintauc eno gacnac iye banagomi. Iyeino, yigeni Kotinic antekam inimbainta baya Kotin amackinkena inimbaintaic inagomi.20 Eni profetiuc bac Jisasinic yogam bainta agun angkaram naroi uvantagonam, afo jisasi beni osac onabanke bagem.21 Benkimi mini masidem maci madam managinic uranami Koctin amac kanaci Yan Anonkim urem anonic intem.22 Bekim mana eyabac i uwandegemi manakini uremi Kotinic aum maram maguic inonam Ayo Intakim.
Chapter 3

1Minivani seni Poli, yige mapackena baintauc kacnaci seni Jisasin kim dumim baintaic ugecu.2 Seni yikemi fuga siyinkego yigeni indin kamino ofaima Koctini avacbac kima yigenani simigam.3Manama agare gunai opac bayama senkac ma mandem afotagicim. Mini i ocmandugem fuga sigam baya sitokac simam facbarurec i yige vampac agarego.4 Afo ena mana baya yandeve, eni amangkac omare indigarac e senti anocna onagarac inni opac ocmandu fuga sigam baya Jisasin nare. Feni5 mana fugama sigam bayai mana magagackena bainta gac simam facbar iyen ugagem. Afo mageve Goctini Ayo Inta mano Koctinic yogam baintauc bac benic avam baintauc kaci simam facbarem, yeni Kocti beyic yogantac ugacdukage you.6Mana i opac fuga sigam bayai mapac kena baintauc baci mandegem Jisasin kim mana angkunic memi, afo yeni Koctin avaya gima Jisasin nana sigam omare inde.7 Seni Kocti avayaic yogam bainta ec Koctinic agun anecne foma simigam benic eran yogam fo.8Kocti mana yogam simidukem, minivac sena arasapac ugama masicde Koctinic antekam ininabasima banayon kim ma banam. Mini yogami seni mapackena inninbaintauc kim simam facbam Koctin avaya gim iyevac afakaric ugam andadauc uwikagem Jisasin kim. 9Koctinic yogama senkim dukami kagani marec mascneed Anika to go toidem inimbainta kimi bonte mini i Koctinic indini. Mini indini Kocti feni amucna orandegac i mandan ayofarukagem, beni umadem anecne uvarayi.10Mini indini mam namumi simam facbareno nevaraino Inarum magusim ma anon eran duke dafisau ma yerainde amucna gima fena beyougi bam Koctinic avoguc eran indin kim.11 Mana avucavac ma ampamenimi iyevac kipam indin Jisas Kraisi mayausic Iyeno gimi beni mandan kipemi.12Afo Kraisin kimi yeunama eran baga mayausic siyinkac bac mayau seyaran indimam erarec nevaraino mayausic indin bac bani benkimi erarugami emi.13 Micnugaci seni emi indaego iyevac amucna indiric ono nevaraino sena enana umam mareguna, mini i enic abogugare.14Momini bani Sesifo bacpa sikon noyan ankeko,15 bengkike masidem agkum inarum bac mana magagakena yivic dagemi.16 Seni sogam mungeko beni en amangkagic uankanovam, beyic anon avickim, mandam erarem beyic erampo Ayo Inta gim, iyefi engkima bam.17Seni sogam u munkego Kraisi en anduntim banovam enic indimam kingkuyim mano, micni foni agam damam erar inonami benic avacbac kim.18 Amangkac mini eran duke eyic indintac indimam kage, maside ininabasi namac Koctin kim indimam kingkuyau namac, nec benic anona fi, nec benic iyaga fi, nec benic yana fi, bac nec benic macmem,19 afo micnugami eni inde onanonano avabaga Kraisi kim, indintac obicdam maro anonic ukamem, bac eni Koctinic uwikantim uwikagarac i inonam.20Make bengkim beni amangkac uwandan iyakagic ini maside ma yeunamac inda egafu indevauna, masidem andada ma facbarevami beni erama magausim ma yogevampo,21 beni anon avic bantanasi kimbac Jisas Kraisi kimbac inam apaminayou kimbac fanana fanana bantem iyevac kipantem. Fugave.
Chapter 4

1Seni micnugaci, Iyenonic dumim bainta ma bauno emi furefure siankego antedeugam avakurono mini aranna aragag kim.2 Seni furefure siankeko sadakeukam be,mandan enon avabakin da.3 Erarukanac io mandan manakinicin abuavac Ayo Inta kim mandan erari agun anene fo.4Mana obac mana Ayo Inta bemi, manaugami ugem ema aragam fuga sigam kakugam indin po enic arantim.5 Afo mana Iyeno bem, mana indigaracim, mana nom maran,6 bac mana Kocti umacde yifo, beni umacde yicnokac bem umacde kimbac umacden anene kim.7Yeunama maya maya agun anene simicdukemi benic makagac Kraisinic aminto. Micniugami ugem Koctin avaya ma sigankac:8 "Bena ukukem inarumpa urene, beni dumin ininabasi yivicmam mapac dem, afo beni aboguc andanda mini ininabasi yimintem."9Nec mana baya anuc benafi,"Bena yeukukenim," bena yeukukam manavaino iyeino bena yemarem maga anduntim kumenin? 10Bena yemarem mana magagac kumeniyi mana yeukukem yanugam masidem inarun agun bac yesangkem yanugam urem, yanukudemi masicden anecne madan uvikem.11Kraisi yimemi manaca benic yogam baintaic ogovan, manaca ben avam baintaic ogovani, manaca ben avaya mare ena magufa maro yiyimin yogam bainta ogovam, mana a pasta bac tisanic ogovam.12 Beni mini yogaruc yimicmam eraru yingkarani beyic anteckam ininacbasiuc momini yogaruc po, Kraisin o mandan uvarantim.13 Be yo fanana uvaram bema yeunamac masicde maro mana ukorintac bac omare indigaracim Koctin agagam, afo yeunamac omare kakuecyami mini magagac oronteyamu Kraisinic uvikantim.14Kraisi mandan eraru sinkanacyam anagagucke iye banteyam un nom mano ma karando karando ema andandauc avekaman marore marere evanic, bac mayauni sivicmam iye acnintem yeyic sisova bayakim bac yeyic makasintim yeyic umac bayauc po.15 Micnugemi fo fuga baya mana senteyam avacbac kim, yeunamac yeampamec uronteyam benkim umacden asapake iyefi mayau sicnonic ugayi, beni Kraisi i.16 Kraisi mandan umacdem bunam eraruranam, afo madan agacdem manakinic urem afo masicdem anunaruc po mandan erar intem, afo masicdem bunam ma yoganane, mini i oi ampamem uremi mandani erarintem avabac kim.17Micnugaci eran siric ego manavam Yan Anonkim, enic bare mapakena ininbainta ma bam bantim iyevac bago, yenyic umac indiruc kim.18 Yenyic indini ayufunic ugemi, yenyic namugo avucavac po Koctinic bantimi iyem beno nevaraino yenyic manda avucavac gani omare iyen indenone , yen yinduni erarugami ugemi.19 Yeni yiyorini iyen dukeno, yenafosaken yemandani yeyo yimusin anecne gima fanana uvareyom masicdem iye anteckam avucavaguc.20Afo mini asapake Kraisin omare onagarac onam. 21Seni yevegec sego aci benani indirukaunami, benkim onagaunami, fuga baya Jisasin kimi bemi.22 Emi aci sasamic dukenone yomandan fasacda feyam avucavac ma engkim bam, feyam bainta yomandan fasac daran. Mini feyam bainta yogaruci mandan mandaic em beyic umac sigam avucavaguc po.23Emi yoagarukenone yeveke oyanic icni enic indintac Ayointakimi,24 afo oyam bainta vac mandan dani mini i Koctinic indintac uvantam bainta--- fugasigam antekam faindabac iyevam avucavac kim.25Micnugemifo, umac baya yomandam fasacdano, afo mayamaya fuga manavaci se agononamac, nevaraino yeunamac mana ankumi becumpe.26 Aran kanonamifo manda anda iyevac uvara. Ecanam ac iyevac kumpega enaran anecne naroc.27 Iye vagac ban anom kakacuanka.28Iyefi umore vananiyi yevegem iyevagac umori. Beni erarac urem yoga, bey ayampo, micnuremi andanda dukem enom ofaintem iyefi andanda vana maro afafagic inaniyin namac.29 Iyevac ecanam manda bayauc enavantike yi. Avoguc baya manavaci se enoma abuguvuc urem era uyinkananim baya, omare yenyic yiyintac, enavaya mano yofa intemi iyefi indinanimi.30 Iyevac Koctinic Ayo Inta umar ame, bem poni emi ugac dukemi icnama Inarum magufac urinona.31Masicdem ikac avucavac gac yomandan fasagac da, aran anecne,enonnamac asur abuavac, bac enom siman mandacim, umadem manda avuavaguc bac.32 Ena avacbac uanke,arac ame,enaic kumic anda earanke,fayugami Kocti Kraisi kim enic kumi anda earankeni nigac o.
Chapter 5

1Micnugemifo Koctin avaya indire avakurin intaigaci o, avoguc avacbac an agaguc.2 Avabac kinac no, afo Kraisi mayau avacbac urem beyam mayau simem, aboguc unda evam ofa vac agonke Koctin ameno.3Afo yigen yicbanapake iye vagac mana baya sego mongkoc anda varafi iye antekam anda varafi yunanan uvaruruin anda, mini avucavacguci iyevac manan antekemi Koctinic antekam ininbaintaukac. 4Ecanam ampin avucavac iye vano, ecanam ocem bayavac iye vano, iye antekam amam bayauc--- masicden manda andauc iyevac ma anteckenim. Micnugemifo susu mana vaci sego.5Mo manavan omare indeno, iyevac mongkoc anda, ampin anda bac yunanan uwaruruim bainta- mini i umac koctin kac man sau- mini avucavac guci bantenafi Kraisinuc Koctinuyic magusimi.6 Ecanam maya umac bayayupo makac iye siankano, nevarafino momini avucavaguc poni Koctinic aran anecne a iye indin ininabasigac mandan facbarintem.7 Minugemifo, yenkim iye bac agagac.8Bani ayufungkinic mugageomino, afo mage kagani iyenon kim banamino. Kakakena inimbainta kacnagac nono,9 [ kakakena yunan agami aboguc anene, antekam abuavac, baga fugasini]10 afo afakamarac facbaro nec Koctin ogankac abogugu enafi.11 Iyebac indigarac o agam bac iye irebam ayufum kinkena yogarugam, afo simarac facbaro.12 Mini i ayorin abuabac i opac uwaram andadauc simam facbarirani.13Micnukemifo mana andanda ma kagan nano mandan afotakic ene, mini amagac i onanonam.14 Masiden anene ma onanonave mini i kakani. Micnugami macnin sigem, "Ukukano, dugano, yeukukano fukau yicbanapake, Kraisi en naro i beyic kakani dantem."15Onamara ayoguguo eni igkeni barigac ukefe- iyebac indin iye dukau kacnac o afo indin dukau kacnakaci o. 16 Manda anda kinic iyebao nevaraino mage mana nurami manda yamui. 17 Micnugemifo, iyevac oem bantac ba, afo omare bac inde neci Yananonic ayini benafi.18Afo iyebac manda non namande sipakico, mini i avic mani iye indinona umantimi dantem. Minugemifo, uwikagarac kac Ayo Inta kim o,19 enonamac ben samin samin antekam ic kingke bac lotu ic kingke bac Ayo Intanic ic kingke bac,ic degac i aboguc musiki bac Yananom bampac uwaregac yike yinduntinke ukam,20 masidem nuram susu manavac ise masidem andada vam, mayausic Yananom Jisas Kraisin avickim Kocti mayau Sifo vapac,21 yigeyiram enoeno nan mandan facbaro Kraisinic abokugam.22Anasiuko, yike yibamac yikantini kac oki, Yananon kima inonac.23 Bantauc i yeyinac yicnonuc ukeno afo Kraisi bac i beyic anasibanta kac yicnonic ugem, afo Kraisi benaco yebegem yibikani.24 Minugami Kraisinic anasibanta ben akantinic onigac, anasiuc yeyivafun akantinigac masiden anene kin oc.25Bantauc, yibacbagac yike yinacmaguc oc, Kraisima beyic anasibanta yibacba urdem be yauma yimem. 26Kraisima be yaumma yimenim beyic anasibanta bam micnurem yemi mandan antec yinkarem, mandan antec yinkaram nom pona sese eyonic urem be yabayafo,27 micnurem yemi mandan besac damam aboguc andada kacnac item, iyebac i pipiagafi anangayugayu andadauc bantem, afo anteckarac ukemi manda vac iye bantem.28Micni asapake mana bac bantauc yeyinacmac yibabac o yeyoma avabac onicure. Iyefi be yanac avabac evayi be yo bac i avabac intem.29 Iyevac i mana bayi be yo bam afokantem, iyeino aboguc yunam amicdem aboguc dafisiric intem, Kraisima aboguc yonam yimicdem aboguguc uyickarem ma beyic anasibanta kacma daficyinkenim,30 nevaraino yeunamac begkimi mandan mana bunanic ugeyamu.31"Momini anda foni banta beyanoafo yere e-em beyanakac maro agagantem, afo makantandano mandan mana bunanic item."32 Mana ocmantugam fuga sigam baya i anon anene i---afo sena sebaunave Kraisin dacbac benic anasibanta bam.33 Micnugemifo masidem mano yike yinacmac gac avabac oc yike yo ma avabac onicurec, afo anasiuc yike yibacmac ma sinayom baya bac indirec avakuroc.
Chapter 6

1Anakakuko, yike yinoyifon aveya bai indeko Iyeno kinne, mini i antekam abuava ino.2 Yike yinoyifo ma sinayom baya bac avakoroko [ meni i Koctinic acnantapac sigam baya ino],3 "micninami emi avogugu uagkanami mana magakac iyakac banonamino."4Anuc yifouke, anuc yiran anene iyevac yimeko. Afo fayai avoguc mam indin baya baga Iyenonic abuabakan sigiminaya abakuroko.5Dumin yogam ininbaintauko, yikeyic mana magakakena iyenon yibaya inde gac fekantinke bac indikarao, eyanduntinke fukasire. Yen yibaya ma indeve Kraisin avaya bac i indinonam.6 Yikeyic iyenoc yivaya bac indirec avakuroc yena iye banayon nuram bac mini abuava foni yenyic indini mandan abogukuc uyinkanakom. Micnugami Kraisinic ainddim dumin yogam bainta kacnakaiom, iyefi Koctinic ayim yogam beyanduntike ma maranayi.7 Eyanduntinke bac yoga, omare kac indiko yikeni Iyenokac i yogam mana maga kackena ininbaintauc kaga yokanai ino,8 nevarafino yeunamac indikeko nec aboguc yogana maya maya ma maranagone,mini yoganic ayac ini Iyeno vabake maranakom mini ayacina maranayi i dumin yogam bainta bac iye dumin yogam bainta bac.9Iyenouko, yikeyic dumin yogam inimbantauc manac yom abuaba fokekac i yogam yimec. Mandac iye bac uyinkac. Eni indin kanamino iyec yigekandyic Iyeno ma bayi i Inarumpac i bem, afo benkimi mayanan amukarac evam abuava iyebem10Kipantapaci, erarukanac Iyenokim o benic erantim bac benic anon erantim.11 Koctinic aruin andanda bac made ogac o, micnure eni amagkac ukukamam erarugami inonami bananonic opac umac sigam indiram.12Afo mayausic aruire yo bac nare kinaino. Iyeino, mana maga kakena gabmani bac banuyic eran dacbac mana magagac dafitauyic manda ayufom abuava, bac inarum agunkac dafitam banuc. 13Micnugami Koctinic masidem aruin andada bai o, nevaraino ukukamani erar inonam momana manda nuramkine, inam masidem anene uwandademi ukukaman erar inonam.14Ukuke, eyic amuc nan mandan ono mini i fugasigam bayaino afo amimim kakena eran sota bac mandan o mini i anteka abuava. 15Afo su agarinda, mandan u're maro yiyime Koctin avaya kim benic avabagam. 16Masiden umantim eyic sangko Koctinan indikarac inac fakaman eraro, mini foni amagkac masiden iga namac yevam fago bananoninda yomandam fasac danonam.17Afo Kocti ma avicdukanarac madan indintim de madan acnokac atakio afo Ayo Intanic bainati i mini Koctin avaya.18 Masidem ogam mukintin bac indainkim, masidem nuram Ayo Inta kina ogam mugko. Mini indin namac masidem nuram daficmam abokukuco, micne vac eyic ogam mugkini masidem Koctinic antekam ininbainta bam mugku yinka.19Senande baga ogam mugko, baya siminovam sena sivam osafonam. Ogam munke banagac i seni Koctin avaya fuga sigam opac ma bam mandan afotakio.20 Koctin avaya bani seni ena magufakena dafisim bainta dumukec, micnukai seni amagkac iyen feganamac simam fabanotec, seni amagkac i sentec.21Tyikasi sentic aboguc sifactiva Iyenokim erar abakuriri evam yogam bainta, masidem andada bam yigemi siyimintem, siyiminac i yikeni indinakom seni inkecni yokarigaci ekafu. 22Seni yikevampac mini yogankac i sasagkeu, afo yikeni omarec indinakom yeunamac inkecni barikac ukekafu, micnugami beni yiyen yindum simam erar uyinkanovam.23Sadagebam abuavac sifativa kinic i, ababac bac indikaracim mayau Sifo Kocti bampake bac Iyeno Jisas Kraisim pakevac.24 Eananac agun anecne masideugim bac iyefi mayausic Iyeno Jisas Krasi ma avabac inaniyi iyefac kipanananim avabac fo.

Colossians

Chapter 1

1Poli, Koctinic ayinta Kraisi Jisasi nic yokam bainta namac, Timoty ikeunamac sivactiva, 2Kolosic Kraisin kim yindum munkuruke avakureyon afacava unam beyou. Koctinic avacbac namac nanayin namac yikenamaci bantemino. 3Kocti, Mayausic Iyeno Kraisi Jisasin Afomi susu siankeci mayauni umacdem yamuci sugami munku yinkec umpe.4Yikena Kraisi Jisasin kim yindum munkegon namac Koctinic banta avacbac egonani mayauni indec umpe.
6Mini bayanano akami iremi umacdempac mana magagac anonic mom bemino. Mini indirec Koctinic avacbac onaicomi yikenkimbac micnimemino.7Yikeunamatsic mana yokam bainta, Epafrasin kimi mini avacbac onamino, Kraisinic yokam baintam bemi afoiyegam yikeunama kandac bakani yokemino. 8Avacbac Spriti kim yimikeninani beni mayau sisimemino.9Mini avacba kar induna nuranke, mayauni saumbac iyen dec sugami munkuyinke umpe. Benic ayir onaic ir ayoguc indiruc Spiritikin uwikayinkano vani inan tiyinkec umpe. 10Iyenon ogankac ayoguc biric evan ikenyic bantin ayoguc andauc ampaminac Koctinar indir andagin anonic ogo vani inantiyinkec umpe.11Benic kagantim erar ugeve dafisir indiruc manar eraruyinkano bani sugami munkuyinke umpe. 12Sugami munku yinkec umpe, yimusin uwikaganac yikeunamac sifon susu siankago vani, benic kagantim be avakureyon iniya bainta maragovan sirukan andanda maragovani micnemino.13Anom manda anda ginge beni sivic egem beAgagic magusim demino. 14Ben Agac kimi yikeunamac utuc sinkarem mandauc yomanam acnir anda bemino.15Koctin Agaci opac bam Koctimi amamackemino. Umacden andanda uwarantim beni acnaric mukemino. 16Benkimi umaden andanda inarumpac namac mana magagac namac uwantemino, afotac oneyon andandava opatena namaci. Kinuc beyon maguva anon eranamac bana, yicnom baintava dafisiruc, umacdem beni uwandami benindam bemino. 17Beni acnantapagi ukami, benkimi umacden andanda fakagemino.18Mana buic acnom beninic emi, beni anasi banta yicnonic mugemi. Beni okegeugam bemi oc intaino fuckeyon iniya baintaukim, micnimugami umacden andandagin acnaric mugemi. 19Umacdem Kocti benim Jisasin kim bano bani Kocti arac ayokugic memi, 20Be Agac namac manam managinic uem unmacden andanda manam beyindac irani. Mana makagackena andandaukafi inarumpatena andandauc, Jisasinic nare maripo yasa bacyimponi Kocti umacden andanda manam managin demi manam beyindaic emino.21Ikeyacbaci, bani Koctin acnakac iyem bec ikeyic manda andagin namac indintim benic namukom bakegomi. 22Mage benic fukintoni manam managinic emino. Micnurem yigem manar antecyinkanac, mana mandavac yikenkin iye banac benic indintac bago vani, 23Koctin kim eandun munkure be, manar erare, mam baya indeona yere ece iye beve. Ma mini bayani umacdem mana makagac kena iniya bayinta siyimeno. Mana mam baya foni seni, Poli, yokam baintaic ec umpe.24Mage yikenan sinavisic mareguna simone umpe, Kraisin kim bauna foni mini sinavisic ampamemino, benic anasi banta baron sireci se sikeci manan decumpe. 25Koctin avaya amankagic ino bani anasi banta beyon, yenani Koctim pate mini yokan yici mandeci seni yokam baitac ukecumpe. 26Mana opatena bayani mana iniya baintauc yinda amucna orandekaci ayofagami. Mage benkac yindun munkeyo usaci afotagi emi. 27Mapac iniya baintauc ban yicbanac, yenkaci Koctini andanda opac bayagim benim onaic ogo bam Koctinic indin bami. Macnem Kraisi yigenkim banaci erarugec icnayem Koctin namac banagomi.28Mayauni benani secumpe. Ayoguc indiruc namaci umacden iniya baintauc yeyikec daficde be Kraisin kim amankagic ugac Koctin ogankac yivikec birani siyimecumpe. 29Benic eranano senkim eran yokaric ici anicyocde minivani eran yokaric ec umpe.
Chapter 2

1Yike Laodisia bekoc indego, mam baya maragovani anon aniciyokec umpe, amucnon suntin iyen sonagenone. 2Avacbac kim managim be yinduntim eran bana Koctinic opactena baya, Kraisin kim beninuc onaic ogo bani seni yokecumpe. 3Benkimi anon ayoguc indira, onaic iruc ayofagemino.4Macni sirukanayac ena ena bayayuc po iye makasego. 5Mana bugin yikenamac iyem beci, spiriti kim yikenamac becumpe. Kraisin kim manar antekec erarurec yindum munkurukac onec simonec umpe.6Kraisi Iyenon avikante, be kacnaga bano. 7Benkac eandum munkure anuc dafemar erarure, sameyonic ure sususevaci umacden andandagim benkaga andum munko.8Micnimugemifo ecanam maya yemandegem yenyinafu unamyic umac anda, mana anecneva facban iye ugan andagin iye dano, mana magakackena spiritiuc namaci beni, Kraisin namac iyem benone. 9Ben akec mana bugimi Koctinic umacden andanda bemino.10Yikeyacbaci benkimi bamino. Beni umacdem erar ra anecneuc yicnonic mugemino. 11Benkimi yikeyacbac yu aranda mana bugac akefare ukacman deyonicure Kraisin kim sesec ukamino. 12Benamaci nomarar andakimi masicaeci Koctinic erantimi yindum munkir andafoni ukukagamino, beni fukeyousinke bemi ukukankemino.13Yikeyic manda andaukim namac yu iye akefeyon andagim fucimi, yikemi benamac manar ukukayinkaremi yikeunamatic manda andauc manan karucdemino. 14Beni yikeunamac uwareguna manda andauc yomanam fasac demi umacdemi manam maripo yasaci iyemino. 15Kocti manom spiriti kim erarugan en dafitan andandauc aruman anankaremi maripo yasoni mini aruini benindac emino.16Micnimugemifo, ecam maya nona naruc negonuc iye daimino, o omac nurana oyan ikona va yaundan nuranuge. 17Mana yinanim amanucifo, anomi Kraisi ino.18Seyani manam makagim deko sire enjoroukac mantevanayou ecana yikenyic andandaginke yomandeke fasapac yikemi iye dago. Micnugan iniya bainta andanda onaremi manam beyic indintin dukemi miniugani sintemino. 19Beni acnonkac iyem fakagemino. Acnon kinken umacden anunaruc oginkac benyen emi managin fakagemino; mini inoke anonic ogovan Kocti dukamino.20Ena Kraisin namac mana makagackena spiriti andandauc kim fukei, nevarac mana makagakena anecne ugorefono: 21"Iye fakevaci, avantac iye devaci, aruaru iye ono"? 22Umadem mini andandauci bantauyic indintac bayasaci manda yonkantim manam bintemino. 23Yenafu manar ukukarukeyon mana seyani manam makaginic ego sire mana bugac mini louc dukeyonukaci ayoguc indini bemino. Micnugami miniuc mana bu mano ayirem marenin andandagim iyen ofaintemino.
Chapter 3

1Micnimugami Kraisin namaci Kocti yikemi manar ukuckayinkemifo, yanafac Kraisi Koctin ayan agumpac kumantenim magufatena andandauc karac afackago. 2Makagac kena andandauc ecekaci yanafac benin andandauc Kar indego. 3Nevarafi yikeni fucikami, yikenyic bani Kraisi namaci Koctin kimi ayofagemino. 4Kraisi yikenyic banino, icnayem afotagic inaci yikeyacbaci benamaci anon kagantim afotagic inagomino.5Yikeni mana makaga bec miniuc kinkagac fukogo_anasi fi banta fi ena avafunafi ena anackafi mareyona, iye anteckar andau ka, Mana makagackena yiyira, mandauc uwararan yiyenina, yeyarananan indeyonuci ena Koctinkac manteyomino. 6Ma mini anecneuc poni bayayareyon intauc kaci Koctinic arami yintemino. 7Bani yikeyacbaci mini andauc kimi beci uwarakekomino. 8Afo make mini anecne ukac ecako- yiran anene va yisiuegona, mandauc uwararan indegona, ena mandaic siankara, manda avucavac bayayuc yike yofenke sekonuke.9Ena umac iye siankano, bani feyankena bainta benic umac andauc namaci yomanam fasapac demi, 10make oyan andandauc onaic muremi miniuci manar uremi miniuci uwareniyi kacnagic monamino. 11Ma minigimi Griki va Jiuc beyon kinkenavaino, yu aranda akefeyon anda va iye akefeyon anda, enafate yevem magusinkena avucavakuc iye onaga, Skiti magusinkena, fayan yokam bainta, beyam fabam bainta, micnimugemifo Kraisi beni umacden andandam bemi,umacden andandagimi bemino.12Micnimugemifo Kocti ukacdukan iniya baintauc manauc ogo, anteckan andakim Koctin acnakac be, avacbac ce arackac ena ame, avarure ena ame, eyam manam makagin ukan de be, sacdakackeve dafiseno. 13Umacde ayokug andauc uwarec managinac bako. Afo Mayacbayi mayan namac uman dukei, Iyeno enic mandauc ecankeninic ureveci benic mandauc ecankano. 14Umacdem ma mini andandauc naropac avacbac andavac dukago, mini umacde anteckan andagimi banagomino.15Susu ukan sego, mana nanayintoni mana bugim mana yiken umacdem yaragemino, afo ecanaci Kraisinic nanayinano yiken yinduntac ben yokano. 16Ecanac Kraisin avaya yikenkin uwickaganagac umacden ayogu indinamagac ena samiregac manar eraruankago, ic yogim benin icguc namac Spiritikin dagenin igucdevanac yinduntin sususir anda uwickaganagac Koctimpac icdago. 17Yikeni baya sinagongin namac andanda uwaranagongin namac umacden Iyenon Jisasin avickim manavac uwarago. Micnimugemio Jisasin kinkagac mayau Sifom Koctimi susu siankago.18Anasiugo, yiken yiwafu unam yirafinikac ogo mini Iyenonkimi amankagugam mugemino. 19Afo bantauc, yiken yinamacgugac mandaic iye uyinkegac yike yirackac yimego. 20Afo anugo, umacden andandakina yiken yinoyifo sinayomi indirec avackurogo, nevarafi mini anda Iyenon araci amankagic memino. 21Yenyifounam, anuc yeyirac arogo mandauc iye uwayinkani anuci erarugeni bantenone.22Yokar iniya baintaugo, yikenyic anon sinaninac indirec avackurogo, migac ben onevana ben ogankac uwandec ben arac amankagic irar iyeva ogo, Iyenon akam fekegaci ayoguc yindun namagac uwarago. 23Uwaranagon andandauc, anasi bantauc kara uwaranagona ino, Iyenonani uwaranagomifo yiken yinduntim benin avucavacguc poyac uwarago. 24Yikeni indinkamino Iyenom paten yikeyic ayaci maranagomino. Mini Iyenon Kraisin dukegomino. 25Micnimugami mayampagic iyemintemi umaden andandagimi mana daimiric mintemino, iye anteckan andanda uwarevananiyi minic ayaci marantemino.
Chapter 4

1Dafisiruge, yikenyic yokam baintauci antecken ayogfic ugan andavaci uwanyinkago.2Yugam munkir andaginac eraroc bogo. Inantec susu sinagonkim mini andaginac ayogukic urec dafisego. 3Managim mayau yandakacbac munkusinke vanaci Koctim ben avaya sir ona diranagaci emankena baya Kraisinan siyimeno. Neverafi mini baya siyimuna kaci seni damukec becumpe. 4Yugam munkusinke vanaci sena siyimenuna vayayuci amankagic om bino.5Mapac iniya baintauc yugankaci ayogukuc indintakac bano, mini yafomi ayokugic kac urec bano. 6Ecananac umaden nurami en avayayuc avacbac namac benaci aseyino, micnuganami eni ayokugic ure ayindinona mino.7Afo senkac ampamenin andandauci Tikikusin siyiminac indinakomino. Beni mayau sifactiva ugami bemi ayoguc yogam bainta ino, Iyenon kin senamac mana yokam bainta ino. 8Mayausic andaucgan siyiminac indevam yiken yindundacbac manar eraruyinken ino vani yike vampaci bemi sankec umpe. 9Onimusi yikeunamac sifactiva ugami yikenkinkenon bemi ayoguc yokam baintam baci benamaci sankecumpe. Umacden andanda manakac ampameninuc yeni yikemi siyimintenone.10Aristakusi, senamac dumuman dam bayim bemi, yindur ayokugic uyinkam bayani siyinkemisino. Maki vacino, Banabasin afacava (benani yikeni bayani maramino; beni yinac avikago), 11afo Jisasi vacino, Justusinen sire bemi arenone. Ma mini rende yu akefar andagin beyouni sen sikona yokam bintauci Koctinic yokam mareni ayokugic usinkauni benone.12Epaprasi Jisas Kraisinic yokar inta yikenyic magusinkenom bemi ayokugici siyinkemisino. kotinic ayintin umacden yike yindun namac erarurec ukukagako vani beni anonic uren inan tiyinkemino. 13Bemi onevaunami yiken namac Laodisiac beyouyan namac Irapolisic beyouyan namakani beni eran yokarukami maremino. 14Luki Koctin avayakin eraruka namac Demasi kandan yikemi yindur ayokugic uyinkam bayani siyinkeniseno.1615Laodisia beyon afacava unam namac Nipan namac ben amac man seyou bampakaci yindur ayokugic ino bayani siyinkago. Mana16 yoginkena baya yandanteci Laodisiac mam mackim vac yandarec ovekec mifatena vakaci mare yandanago. 17"Iyenon kinkem man yokani mareona kagakac ogan dec mini yokarac uwarano," sirekaci Akipusin samego18Mana bayani seni Poli sensiyan kinkena ino. Sentic siyanarukarac omare indego. Koctinic avacbaci yikenamaci bantemino.

1 Thessalonians

Chapter 1

1Pol, Silvenesima bac Timoti Tesalonia Kocti yiuenama sifo, iyeno Jisasi Kraisini ababanama yindu paruyinka.2Masewden yamu kotinka susuve seyamu,yikenani sukam muku yinke yanamu.3Yikeni ayoku yokarani Kotinka sukam munku yinkec yamu,Kotini yokam ara amire rerure ukukeona Iyeno Jisas Krasinka.4 Afa ava Koctini abavakim bamino, mayau i inde onec Koctic beni ikem manda ukukarukemi. 5Kocti abaya yikenkim yemi anana iyesemi, Ayo Intai erantac mandan afotaki emi. Aiyo Inta mayausim bemi, beni yikeunamatim ayoku andau emi.6Yikeni mayau namac Jisasin ammi damino. 7Mini andabani Masadonia namac Akaia namac abanampa ena avuava ukanamino.8Enkike iyeno abaya ben yemi Masadonia Akaia mana iyem bamino, masiden am mampai bemino. 9Yeni seni, mayau sibanampa yeonave ena mukemino. uma Kocti ana eni ure fuka eran amam beni Kotinka yeona vare. 10Yeni seni eni ben aka inarupa tena bani dafisanami.Bani fukeyou yibanampate ukukemi. Mini Jisasim beni aran anene kike ututinkem mino. Yeni ben aka inarumpa temi dafiseyo.Mini Jisasi yike unam manda kinke sivikeno.Koctini era aran anene yinanimi iye marante-umpe.

Chapter 2

1Eni indeno sifativao yenama ebanafa yeguna mada baino. 2Eni indeno yenama mana-a umambac siyorim Philipai mareko. Yenama Koctinic erantimi sameteko emi Koctini baya sinaviseno.3Mayausi erankinke sini, mini i mandava ino fainana vaino bac umakaino. 4micnugami, yioyeunamac Kocti ogankac atekeyami Kocti, avaya sente yamo. mayau sevana, banta anon avic marano varaino, Kocti anon avic marano bam.5Minukayami, yeunama umacbaya vaino, yikeni indikamino, mini bayafo simam seyaran nana indim avu ava simam iye davacote, koctic beni idinkemi. 6Mayauni banta nasi anom yivic yimeko baraino, yigeyabakafi ena ininbainta, mayauni Jisasi kim beni yokam bainta irana mayausi abogui.7Micnugami yeunamac yigemi aboguguc yekemi, ugenkec yara, anuc yinama beagafand abogugu uwakemi amirac. 8Mana asabacke yikenan omarec indeyam. Mayauni Kocti avaya manava yikem yiyimirande yarauno, mayau sesi ban dabac. Yigeni mayausa anom andada omi. 9Omare indeko, sifactivao, mayausiu anom kayoc yokari. ayufunkim bac kagac bac yoke yam, miniure yikemdec, Koctin kim duckim baintau.10Eni onaganami Kocti bac onagem, ayokuku ugem, antekem. Umari iye ukam avuava mauyauni yikemdec, Koctin kim duckim baintau. 11mana asapake yikeni onagemi, mayauni yikemi onac mam yeyifoc ma beyaga fanda yonenim amakac. 12Minugami en innatiakec, erauankec sameyam Koctini abokuc antekam asac bono, beni emi aramam beyic abogu magumakusim dantemi.13Minukami Kocti avi umadem nuram yanionteyamu. Afo ena mayau bampake Kocti avaya made ma indire, mandarac kukunyo iye bac banta yibaya kacna inde. Kocti avaya ifo fokaukam sire bai mara. Mana baya nama iyefi Koctin ka indikarac ano yeyibanapac yokantem.14Sivactifao, Judia mac Koctini mam makim bacma Jisasi avakurauko. Manaukam umani maram yike yikono ma marananiukam,Jusi banta ma onic. 15 Jusi inim baintauc namac Jisasi bac Koctini yokam baintau yireno. Jusi manomana mayauni sivakundam mapac deno.Yeni Kocti ogankac iye antekam abuava i uwareno, afo yeni asidem inim bainta namuko ugakeno. 16 Yeni enou iye siyieko vani acaoseno eno inraum magu iye marako bam. Nevarafino yeyic manda uwikara ugami emi. Icnaimi yekim yeremi kipactemi.17Sifactivao, bagac yamuc kaci dainkake yamuc, sinduntinke bacino sogacke. Mayauna yikeugam yontim onarani ao idiriugam eyaro. 18Mayauni siyini yeke vapac yirani indinko. Seni poric manayabac yike bapac yirani indemko minugamifo bananom mano mayausic ani uyakemi. 19Neci mayausic indim bac amusin bac iyenoni atakac eyaona anukami enonan sikem? 20Eni mayausic avogu bac amusi bac.
Chapter 3

1Amankaino,mayauni amuna indiri eyamupe avokukukami intemino yebeke etens obanteyamupe .2mayauni Timotimi ,sankeumpe,mayau sifativa Gotini yokariemi Jisasi ivavani siyimitemino yikemi eraruyikanai nanayurei be indinakomino 3Mayauni minekunai uman iyemarakovare.yikeni indikamino minonovani mayauni dafisir usinkamino,4Fukave, mayauna yekenomabei, bani anantai siyimeumbe, mayauni umani maranteumpe, sirer sirukakekunai, make minem mino. 5Mini bani, seni amanka iyem dafisebanteumpe, sena sankekuna yikeni amankakai erarukekai bekafunbo. Umateni umatiranaka yandukantei, mayausi erani iraramemino.6Timoti yikemi yonaremi avoku bayani maremi mayauni maresisimemi yikenyi eranampa avabanama. Mayauyani yikena indeindeci ekonare mayaubai yikenadabai omare indeyamupe. Benonam benonam indini erani emino.7 Sifa tivao minomponi ikenyi eran indini mayausi umani oyausinkemino.8Ikeni, yananokima erarure bekom poni make mayauni ayum paveumpe.9 Mana simoyini Gotin okanka dukekunai ikeniurekai yekenani Gotin okanka susu senuno? 10Ayufunama bayakonamai eran inani inanteupe mayau iken yuntim yuneka yofairare.11Mayau sifo kotinama mayausi iyeno Jisasi nama, aca yotikanai yike bampai bonteumpe.12 Ieynoni avavai yikekim utikarakaino ben ava ava ekai enabandavakai avavaoko Mayauni ikemi yivava ekunakaino. 13Kocti beyi erani yiken yinduntimi dantemmino mayausifo Koctin okankai antekaraka ukako. Mayausi iyeno Jisasima umbekem kuminanim nurami antekeyounana Iyeno. Jisasi nama bantenone.
Chapter 4

1 Arasapa, sivitava, senama emi earn senate Iyeno Jisasi Kim banobam.Ena yenama kike marina ikenureKocti abakure bemi amusing smite, mlnukame abakurenona amuna uvaran Noam.2Afo eni indikanam inkeni Indira mayauni am amigafu Iyeno Jisasi Kim.3Mini i Koctin ayini, inkeniure monko andauc ouke yeuke intefo. 4Afo beni ayimino yike mayamaya yikeni indike, yike yinanama fuka sire bago aboku abuabakim yikeni Koctin okaka kumi anda iye ubaranakom. 5Mapac kena raini yeni Koctim iyeindikem beni eran iyeonakeno. 6mana umantim enanam enafacaba manuma iyeami eacnana Iyeno mana mini aruin uvaranke emi eran baya samemu.7Kocti yikeunamac madakim iye banobani saremi af antekackim banobam. 8Af iyefi mana baya madem iye abukurem Kocti beyi Ayointa amemi.9Sifatiba ni ababa e-eyam ano indikara eyamu, eni maya afan yo ebanafa saranoba iye indinonam, Kocti em yoakem enaba ababa ono. 10Fukaukane eni ubarano umade Mesedonia beyom sifatibau. Yeunamac erare mini yokam marako bani secyano. 11Yenunama emi eraruanke ananaeba eyi yokaruc en agankike marano en samenuna urebe. 12Mini ukemifo eyic antekam bira bantoni mapa baintau yindu maranonami, minemi mayanka iye munkinonami.13Afacaba yeunama emi iye samena, maya-a yum babe yoyac minukana akuanene iye marama iye dafintauc. 14Afo yikeunamac sinduntim inde Jisasi fuem ukukemi, Kocti Jisasi nama yikbikem yintemi iyefi una rugau. 15Mimu minukam yeunama Iyeno abayakim samirare yumdukau yesanke iyem binteno.16Beni Iyeno benafoni inarumpake kumintemi. Bemi eran banamaic yino ensoro ameraunama, koctini ufenu nama, Afo yikeunama fana baunoyou nare anantapa ukukante. 17Inaem yikeunama afa basu bauno, iyefi yererau, umade yenama konakim yanafa udobado onteyamu. Minemi yikeunama Iyeno nama bantemi. 18Mini mukeno, mini bayafo ena aboguki.
Chapter 5

1Anon indiri evanama mana nuram mana ockakena sifativa,emi amanka mana afar empa akandaeke daric iyemukem. 2Yikenafoni indikaranukam,Yananoma yinanim nuram ,umom baint ken aiyufumi yintemi. 3Yena sena,"make avoku nuramino sevami,"anom umani yenkim yintem.Amucbac inim am makarana anavisi marenic mintem.Yeni iyevac oc mandinteyo.4Afo, eye,sifativaunam,ayufunkim iyevano,mini nurama,umom baintake yina iyen anducdinonam. 5Yikeni kagakena agafanda bami, yikenama ayufum kinkena baintakaka bekau. 6Afo,yukonamac iye dukecbano enoma eyoni urecyukonama ukukakek dafitec bano. 7Ayufuma bareyou,bareno,afo non neyou ayufumi nomi neno .8Afo, yekeonama kakakeno ma banteke,yikeunamac dafise eran indim nama avabanama mandeke simukusakena sankoyic urec,indin iye kipan aum maram mandeke sicnon kakena atakio. 9Kotin yikeunamac uman marano vara enai,yikeunama iye kipam aum Jisasinkinke maranovani emi. 10Beni Kotin Akai yikeunamac kani fukemi,amankac yikeunama fabekuno namac fuke yonama,benamac manakim banovani. 11Micnimukami sefo ena ayokufic uanke,ena eraruanke,bani eonac ure.12Sifativa,Gotini yokam mareyo namac,Kotinic yokantim acnaric ena enka dafiseyo kaka ayoku dafisirikao. 13 Yikemi indaeko,yenac ayoku dafisiric ekai,Anon avacbacka yimeko,yena mareyom yokarukac.Yikeyiran ayokukaka bako. 14Sifatifa,mayauni yikemi eram baiyani siyimeko,anana varic ukeyo indirac yimec,indin iye dukanani,eran iye dukanani ofaeva,macdenamac ayokuc bario.15Maya em mandac uakeni,yeveke mandaic iyevac uanka,ayokukika mayamaya uyinkeva macdeu yacbaka avokufiuyinka. 16Amoyac ono macnen nurane. 17Macden nuram okam munko. 18Macden anenevam susu manavate,mini Kotini ayinino,Kras Jisasinkim.19Ayo Inta mandac iye sianka. 20Mandaic iyevate Kotini yokam bainta siram bayau. 21Macden anene abacmade onare,ayokuki inanim facka. 22Anayena ameno manda baitave.23Avacbac yimenin Koti,emi mandem antekra nintem,amanka emi macden indim nama onama,Jisasini yintac ayokukac banam yintem. 24Ema hareniyi antekukami kakemi,miyin uwarantem.25Sifativa,mayau yandacbagai yukam munkusinkako. 26Eyafac avam ayogu avikarikao. 27Yananom avikim emi sameko,mana yokim sikam baiya beva eyafac avam same. 28Iyeno Krais Jisasic avacbac enamac bantemi.

2 Thessalonians

Chapter 1

1Porie ,Sairasi,Timoti, namac tesalonikau kocti kim yiunamac sifo namac jisasim kim.2Benic avacb namac arac amini mayau sifo Koctim bemi Jisasi kim baci.3Madem nuram yikenani Koctim susu siakeyam yeu namac sifakvanare. Antekan andam bemi bekim indikara emi anona ukanami ena avbac inona anocna etemi.4yeu namac senao simo yic yami seyacmi Koctinic banta nasi ukare sadake beni adekac beni anom yinavisic mareni avakureno.5Koctini antekam koi beni andac banic avokuc bebenim maku sinavisic simenafi.6Minic i Koctini antekam anavisci emi yeni aminteno. 7emmi oyani uremi yeu namac sinavisic sime temic benimini uwaran temi.8iyefi Kocti avaya iye ideyou namakac Jisasin avaya edenofo iyec avakure younama mandam afac ikakimi dantem.9Yeni Koctini bantinke bac benic erantike bac yomandani iye bac gipam umantimi dantemi.10benac yemi mini uwaranani benana indi keyom inin abasi benavic yaniure yimo yinteno. minugami yeunamac testamoni eyarame yemi kunkun uyinkante yamuc.11Minukayami yikenani sokam mukuyic yinkante yamu yeunamsic sokam mukini Koctini aranni ekim bam Kocti onacman avokuki ino . 12yeunamac sogam mukimtimi Kocti beyic umadem indim bac avoku bac eran foni begim kukuure yemi yokam maranteyam yeunamac Jisasi avikimi sogam muka suvan onadem Koctin avic yanic ogovam. Mayauna yani item nevara ino Koctini avabac Jisasinkim bem.
Chapter 2

1Iyeno Krais Jisasini kumintacma benamac managinic onuna sifatifa ,yigemi indaego, 2yikenyic indim mandam amucna indiric inagonam,bam patefi,bayasinkefi,o afan sandam mayau sinke yintenafi,nec ampamintenafi.Jisasin yinanim yamuc aci yereno.3Maya emi iyevaka makacsi ena asapate.Mini iye yevanami mandac eyom afotagi intem. 4Miyim bem beyavic yanic em beyo marem.Kotine seyom mandasiankem ,ben avakureyou mandasiyinkem.Micni mukami,Kotin amackim kumanten beyani kotini emi.5Iyec indefono,enamac bec mini anecnevan samunave?6Macke bemi nec uyakenafi,onanamino,mini nuram yinami afotagic intem. 7Anom mandaic eyomi make yokemino.Maya ukam benkac uyackem mandam fasapakic intemino.8Afo mandaic eyou afotagic inteno; Jisasi beyavayafo yirinaniu.Yan Anom be kuminanim bayaso mandan bem fayaric intem.9Baiya iye indeyou bananonic eranamac yeremi umac sigam anecne uwaranteno. 10Macden umacga mandaugan namac.Mana andandave iyec mandaugam marenafi,nevaraino,yeni fugaic avacbac favanayom iyem marenone.11Mini ayaci Koti anana-ogo yokani yimintemino. 12Nevaraino,ye micnuranayon-ka yiyac intemi.Yena fuga yinduntapate iye marena mandaucma mandan yimukusin mandan deyouni.13Afo sifativa Kotin sususiankano,macden yamuc Koti enani sirukem.Acnaric ugan ya yaganie iye kipan aum mara.Ayo Inta ofainama fugasire indigarao. 14Anom Krais Jisasi en kagan maranovani Koti emi aramani demi ben avayafoni. 15Micni mukemifo,sifativao ,ukukaman erare fakaman kikiteno nec emi samigenafi,baiya samunavac yokinke samegunave.16Mayausi iyeno Jisas Kraisi benafu,Koti mayau Sifo mayau avacbaem,iye kipan avogu simem erarindim avacbakim sime, 17avogugiem anduntiken sikeni yokara baiyava mandan afotagi item.
Chapter 3

1Mage,sen sifactivauc, mayauyaraci yukam munku sinkako, Iyenon avaya agagaem binan yanic inayom, enkim beninic urene. 2Yenamackarac yukam munkec vanac manda baintauc namac ayufunkin beyon baintauc kinke mayau sivika. Umacdeva indirukeya ono.3Afo Iyeno sirenimi uvararic ana emi, yikem mana mana eran yimicdemi mandaucka ayogukic urem dafic yinkantemi.4Iyenonkimi yikenani indembec yaramumpe, yeunamac yigenkanda siyimuna uwararic manabac mini andandauc ogo. 5Amankaci Iyeno yiken yindun mandekem Kotinic avacbakim beci Jisasin erarure avakuro binagomi.6Make mayauni emi samego sifactivaunam, Jisasi Kraisi mayausic Iyeno ben avitim, yikeni yicnainic mayau sifactivauyic bantim benafi miyiu banayompac iyen banonami, nec mayauni emi samegafu,minigaci banagomi. 7Enafuni onanonami anteckam abucabac yeunamac uwarekuna. Baiya iyen indinayom baintauc namac yiken namac bantecu. 8Mana iniya baintauc bampate yunam fa iyem mandec necu. Micnin mukaci, yeunamac ayufun namac bayankom namac enac ukam yokani yeunamac eramarari mecyaramu. 9Mana yeunamac uwarekuna indini iye dukega. Micnimukaci, yeunamac mana uwarekuna onare eyabac uwarano.10Mayau yikeunamac beci, yeunamac yikemi siyimeko. Iyec iye yokantenafi, yunam iyevac nano. 11Yeunamac indunami manaca bani seni yiken yicnaimpac mandaic eyou yacbaci beno. Iyevaci yokeni eno yogampaci uyacyinkeno. 12Micneyou yani yeunamac siyimireci seci Iyeno Jisasi Kraisin iyevakac ecako, sacdagake yogam mareyaci yeyic yunam nako.13Afo ikeye sifactiva unam, iyevakaci ikeyindum ananaci ayokufic.14 Mayama yogim sirukana baya iye abakurem mini onarevaci banamaac iyevac ba. Minim onarem ayorintem.15 Bemi onamam namuko onaric iyevaco, afo eyafacavan onarikaco.16Iyeno beni yirac iyorini bemi benafuni yirac iyorin anda yikemi masicden yamuci namac masicde asapate yimintemi.17 Mana sentic a yindini, seni Poli sesiyamkinke umacden afandecu mana agararic mecu.18 Iyeno Jisasi Kraisinic avacbac ikeunamaci bantemi.

Titus

Chapter 1

1Pori, Kocti namac Jisasi Kraisinic yokarintam bemi, Koctinic anasi banta yindum munkir andakin eraruyinkan namac Koctin awaya indiren ben ukorir andakin amankagic ukan nani semi, 2iye kipar aum maranakon andakin namaci ukuckmar erarinakomi, bani ockekeukami Kocti beni umac iye siyim bemi, yimirani sirukemi. 3Be indiran yamuc yoraimi, siyimenovan senkim beyic indira baruc den simim wayasimi beawayani manar afotakigemi. Mana andanda uwaranunai Kocti mayausic sofaim baintaic awayakimi sickaci mana andanda uwarecumpe.4Taitusi, fugasiren sentikagic ugayi yikeunamac namac manaicuren erar indiric evayimpaci. Avacbac namac nanayin namac Koctim mayau Sifom pate namac Kraisi Jisasi yikeunamatsic sofaim baiyinta fate namac. 5Mana anda vani emi Kretic yere ankecumpe, amankac eni andandauc iye kipageninuc manar antege vaci umacdem magusinkac sena samenunaic ure mam mackinkac acnaric inayou ugacman dano.6Mankin acnaric inaniyi benkimi mana umandac iyevac vano, beni mana ininnanavac dukano, ben agafandauc ayokugic ure man inde vanayou beyaci manda andakinnafi vayayarir andagin yimofin iye inayouyac vago. 7Mini amankagic mintemino yokarukac dafisric ugeniyi, beni Koctin amackinkena yogarukac dafisric inami, mana umandac iyem bantemino. Beni eram vayaya asuir andauc iyevacino. Akaga aran iye marenaci, nonuc namande anana eyon andauc kin iye venaci, aruir andauc kin iye venaci, afo beyaranana iyevakac indino.8Miniuc iye enaci, banta benamacpac yimi yivicman den ayokugikac uyinkenaci, nec ayoguc benafi mini akonoikac ino. Ayoguc indiruc dukenaci, anteckem Koctin avakurem, beyic indintac namac bantin namac dafisino. 9Fugasigen anteckenim vaya indeninkagac fakamar erarino, micnugemi beni ayoguc indiruc enou siyimicmar eraruyinkaremi bem mandaic uankeyouni manar antegantemino.10Nevarafi amuncnom vaya arim vayayuc seyon iniya baintauc benone, macnem yuaranda akefeyon andakim beyouye . Yenyic vayayuci iye anteckam vayayucanam bemino. Yeni anasi banta makacdeni manda asac anan yivige benone. 11Amankaci mini andauc acao siyinkanteno. Iye siyimiric ukanuc siyimireni yiyorir andauc yimiege umacden ankunuci ukara yinkenone.12Maya indin dukam baiyinta yenkinke semi, "Kretaniuc umac vayayukugan se, mandaic kugan en yirevam safurauc mone, mana anecnevac iye uwaran yunam mana namanan kipeyounone. 13Mana fuga vayayugamifo, erarugan urec mandaic mano siyaci fugaugan sireyac anteckago.14Jiuc yic umac bayauc iye indekaci, fugasigan vayayan yifogare ece beyon baintauc andandauc uwaragovan sic iyevac uwarago.15Antecke beyousaci, umacden anecnekimi antecikantemino. Afo fain namac be yindur iye munkuruke youni, mana anecnekimvac iyen anteckemino. Nevarafi yenyic indintin namac ye indeyonuc namaci mandauci bemino. 16Yeni seni Koctimi onanke indinkego sintenofo, ye uwareyon andauc manon semi Koctimi onaic iyenugeyon sintemino. Yeni yifougami kare vayani arenone. Yeni Mana ayoguc anecnevac uwarevayavac iyen yonanonamino.
Chapter 2

1Afo eye, anteckananim bayayukaci seno. 2Anonic ugam bayintauc nanayunde yeyan manam makagin de veyaci, ye indinnayonkim anteckan yindun namac beyaci, avacbackin namac eraruge bago.3Anonic ukeyon ininnanuc baci mini amankagaci yeyani manam makaginic ureyaci umacden nurami bago, manda vayayuc enavar iyevac sego. Waini nonuc amucna ugan neyon andakim micnuwac iye keyaci, awoguc avucavacguc mage oyan iniyaginta siyimire yocyivikayaci 4yeyivafu unan namac yeyikafandauc namac ayoguc indin namac yivacbackin dukago. 5Anteckan indira varuc siyimire yocyivikayaci mac banayonkin ayokugic ure beyaci yenyivafu unam sinayonuc agokugic ure indire awakundeyac bago. Amankac yeni mana andandauc uwandani Koctin avaya iye arintenone.6Mini amankagaci fumara bayintauc baci erar uyinkana yaci ye indinnayonkin anteckan indin namac bago. 7Umacden andanda uwaranonagimi emi onaege awokuc yogaric evaino onarika ogo; afo andanda siyiminonakimi, eyam manam makaginic ure fugasigan ayokuc avucavackac yocyivikano. 8Antecken umandac iye vananim bayayaci seno, micnintoni namukoic irarinaniyi ayorintemmino, nevarafi beni yikeunamakan sinanimi mana manda bayayacbac iyen dukemmino.9Yogam baintauci umacden anecnekimi yenyic anon awayavac indire awakurogo. Yenamac yisiu iye eyaci yen yirakac manar amankagic uyinkago. 10Umor andauc iye ee eceyaci, anteckan andaukaci yocyivikago, micnimi Kocti mayausic sofaim bayintaic vaya siyimuna umacden anecne uwaranayon kimi yikamirantem mino.11Nevarafi, Koctinic avacbaci umacden iniya baintauc kimi afotakic emino. 12Mana makagackena indira varuckin namac Koctin ogankac iye anteckan andauc kin namac iye vano vani sisimemmino. Anteckan indin namac Koctin ogankac anteckec bec ayokuc avucavac kac mage mana makagac banovani sisimemmino 13yikeunamac onarani erar indini dukegunai, iyena Koctin namac Sofaim bayinta Jisasi Kraisinic kagani afotagic intemmino.Jisasi beyani simicden kun fukintoni yikeunamac manda kinke sivicmar antecsinkaremi yikeunamac manam beyindaic emino. Awokugickugan uren dukan iniya bayintan erar indini namaci ayokuc yokaruc marantenone.15Mini andandauc siyimicmar eraruyinkana yaci miniuc uwarako. Umacden eran namaci antecke bago vani siyimeno. Afo maya en avaya afoiyevac kano.
Chapter 3

1Yicnonkac dafisiric ukeyom bayintauc yirafinic ogovarac yeveke siyimeno, ayokugic ureyac yokaruc marakovan sina indireyac awakunde uwarako. 2Enavan manda vayayuc iye siyinkeyac, yisiurir andauc eceyaci, ena iniya baintauc ayokuc anda uwarani mifac ecyinkayac micnogo. Afo ayokugic uren umacden iniya baintauc yirafinic ir andavaci yocyivikago.3Nevarafi, yikeunamaci bani occenicmukeci bayani arewacumpe. Mana makagackena indira varuckin siyikarac ir andakim damukec mini andakimi bevacumpe. Manda andakim beci enaic andanda mandec dukarani siyikarac evacumpe. Enou sonaege yifokagoic ecci ben ena ayir anda iyen dukacumpe.4Micnugami Kocti yikeunamactsic sofaim bayintaic avar anda namac benic avacbac anda anasibanta kimi afotagic enimi, 5anteckan andauc yikeunamac uwaranauc manovaifo, benic agun anecne foni yikeunamac oveken sivikemino. Ayo Intaic erantaci yikeunamac sivicdem sesec usinkaremi manar oyanic usinkemino.6Mayausic sofaim bayinta Jisasi Kraisin kimi Kocti Ayo Inta yikeunamac uwikasinkemino. 7Beni mini anda uwarenimi, benic agun anecne andafo yikeunamac antecsinkanaci bananavam ban dukanuna indintoni yikeunamac Kocti beya kafandauc yindave siren dukenim andanda maram baintaic ontecumpe.8Mana fugasiren anteckam bayanino. Mini andandauc kar erarure senovani semi siyemino, micninami Koctin kim beyouni ayoguc yokaruc yenkin dukeninuc afakareni uwarantenone. Mana andandauc anasi banta kimi ayokuc namaci amucna intemino.9Afo kipa andandaukan yisiue yisiue iye ekaci, inken nantinkec be miniukani bacduvacduec eran bayayuc yisiuim bayayuc lovani iyevac seko. Mini andandauci mana anecnevac iyem bemi mini naroc ena anecnevac iyen uwarantemino. 10Yiken yiran daimir anda uwarananimi mifakac ekacdako, manafi kantayac samirante, 11onarac onano, beni miyin ayokuc anda ecemi manda anda uwaremi beni minikimi bemino.12Iyorevan okac Nikopolisi barani indirukecumpo, Atemasin nafi Taikikusi nafi siyinkana ena banonafac biyai, akevac Nikopolosic sena banonafac yeno. 13Akevac Jenasi beni lo onaic ukayi namac Apolosi namac siyinkanayac yego, micnimi mana anecva yenyigec iyen ampamintemino.14Anasibanta ayokuc yokaric ure andanda dukarar indinayon yokaruc mararac indego, micneni yeni amucna andanda dukantenone.15Senamac beyouni yikemi ayokugici siyinkenone. Yindum munkir andakin yikeunamac namac beyouyac ayokugic uyinkago. Koctinic avacbaci yike umacden namaci bantemino.

Philemon

Chapter 1

1Seni Pori Jisasi Kraisin avigani karavusim becumpe. Seni yigeunamac sifactiva Timotin namaci beci mana afan e vananafaci sanan decumpe Filimoni o, eni yenamac sigono, sigona yogam bainta banamino. 2Yenamac siyofi Apia baci afan sarankecumpe, yigeunamac sigona sondia Akipusi baci sarankecumpe. Afo yigen yimac kim man sirana yeyon inimbaintaupac baci afan san yinkecumpe. 3Yigeunamasic Kotin namac Iyeno Jisas Karaisi nic avacbac namac yirac ocyac ir avucavac bagac yigen kim bano.4Seni macden yac sena sesic suga mukintim yigen yivic deci, sesic Kotimi Susu siankecumpe, 5nevaraino, eni Iyeno Jisasin kin eran birivic ana vandac, Kotinic banta anasi yivacbac uyinkana vani seni indecumpe. 6Seni eyic birivi dainde yimana avoguc ampamino vani sugam mukecumpe, minifoni macden avoguc anecneuc yigeunamac Kraisin kin dukaunaugan vani eni indigarac inonamino. 7Sifactiva o, enic avacbac poni senkin simusin uvikaimi sirac avogugic emino, nevaraino, eni Kotinic banta anasi yivacbac uyinkana foni yen yirac eraru yinkanamino.8Micnagci, Seni macden erani Kraisin Kim dukeci emi amankaci ne anecnefi uvarano vani eran baya sireci samirarunaifo, 9eni ena avacbac uankan avucavac dukana foni semi uyac sinkemino. Seni Pori, ayogun bainta beci, mage Jisasi Kraisinic Karavusim becumpe.10Seni se sigac Onesmusi nani anon indiric eci emi indaontecumpe, seni karavusi gim beci bemi Kraisi nan samagecumpe. 11Afo beni bani emi avoguc yogaric iyen uankevamino, afo beni mage ende beni avoguc yogarici usinkemino. 12Seni bemi sankaunami evanafaci bemino, seni se sindun tinke bemi sivabac uankecumpe. 13Seni bem fakaranan senamac bemi enic yogan maremi sena Karavusi gim mam baya siyimanami beni siyayintemino.14''Afo seni enic ayin iye indaurukec mana anecne iyen uvarantecumpe. Seni avoguc anecneic iye usinkano, eyic ayin avakurinami amankagic intemino. 15Seni indunami mini and foni Onemusi sito kac emi yere ankemino. Sena indunami mini anecne ampamina eni yevevge bemi sipac avic danani enamac bantemino. 16Beni mage enic fayan yogam bainta iyem bemino, beni enic avoguc afacavam bantemino. Seni bemi anon avacbaci uankecumpe, afo seni indigecumpe, eni yankagare anon avacbaci uankanonamino, ben o gim bac Iyenonic kim bac.17Micnintemino, ena sen sivicman ey agonaic intei, emac sema sivigeonaic ono. 18''Afo bena ema manadaic uankarukanafi mana anecne eninda manden iye ayac urukanai, sisiminagaci eninda anecneuc kac ayac ono. 19Seni Pori, se siyan kinke mana afan sarecumpe. Seni senafoni yevegec ayac ontecumpe. Macnin sirarunaino, eni senkin dina dukanamino, mini anecne senkin dina dukanamino. Afo seni enani micni sirani iyen siyemino. 20Fuga ugane sifactiva o, amankaci eni mana anecne Iyenonic avic kim uvansinkanonamino. Ende Kraisin kimi munkugecumpe, micnugaci mini avucavac poni semi sirac avogugic usinkanonamino.21Seni indigecumpe, eni mana baya avakurinonamino, micnugaci mana afan evanafac sarecumpe. Seni indigecumpe, sena uvarano seguna anecneuc baci yankagare amucna anecnen uvaranonamino. 22Afo seni mana baya vaci emi samentecumpe, ey amackim mana rumu vaci baranuna sesac usinkano. Seni biriviic ecumpe yigenyic yugam mukin Koti indiremi amankagic usinkanaci yigena vapac ovevegec yentecumpe.23Epafrasi, sen sigono bemi beyacbaci Jisas Kraisnic karavusi ic ugemi, avoguc bayankonen yigemi siyinkemino. 24Oganic ana siyinkecumpe Maki na Aristakusi na Demasi na Luki, yeni sigona yogam baintauci beni yeyacbaci avoguc bayankone siyinkenone. 25Iyeno Jisas Kraisinic avacbac enic ayo inta namagac bano. Fugai.

1 Peter

Chapter 1

1Pita, Jisas Kraisinic aposoli yogam bainta, yige Koctinic anasibanta ma Pontus magusina, Galasia magusina, Kapadosia magusina, Esia magusina, Bitinia magusinkac yerere manamana ugecma anamuruke baugani semino,2 Iyeyaufi Kocti mayau Sifonic indintac ma ugackauni, Ayo Intanic antecgam yogamfo antekec Jisas Kraisin avaya indec avakurinagom. Afo Jisas Kraisinic nare mano yigemi sesecuyinkanac i Koctinic avacbac bac nanayin avucavac yigenkim uwikagaracintem.3Kocti yigeunamasic iyeno Jisas Kraisi Afon avicgac yanic-uga. Beyic anon agun anecne kimi oyam aun yimicdem avuguc bantim mandan singkemi Jisas Kraisim ma fugintingke ukukamfo. 4Afo beyic oyam aum ma yimicdukami mandac iye-evam iyevac kipananim aumi. Mini oyam aumi Inarumpac i yikarukami bemi.5 Iyeuyafi Koctinkim erar indiruganauni Koctinic eran yemi davac uyinkarukanami ovegema yivigananiyi sesecuremi bemi mana maga ma kipananim nurami facbarintem.6Mini avucavackugarac anonic urec yimoyogo. Micnugemifo, sitoc yamuckama umana maranagonkim bagac yimoyoyi.7 Umana yevami yigenyic erar indir ugorin avucavac i fogasiregac ugoregafe mini onarani umani ecam yemi. Mayausic erar indiricure ugorin avucavac i korivac i arugemi. Nveraino, gori i igagac ukarambac i maro mandac emi, afo yigeyic erar indiricure ugorin avucavac foni Koctin anon avic aminagomino, Jisas Kraisi ma yinanin nuram.8Yigeni bemi iye onacdukec i benani yiyigarac emi. Magevac ben iye onacdukec i benkimi yindun mungkamino. Afo anon amusin anecne yigenkimi uwikaci amangac asinagonic iyen-em.9 Yigeni aci mage maramino yigenacosake yigena erar indiricom foni, mini i ovegem ma yigen yivicdukanan. 10 Profetiuc afakamani avoguguc i enone ovegem yivigan avucavac kan, mini avabac ma yigenindac i naninan.11Nenuranac yintenafi neavucavacgac facbarintenafi Kraisinic Ayo Inta yekima bayi mano yiyimevami Jisas Kraisima marananin umaruc. Afo icnama anon avic marananin nandembaci yiyimemi.12 Mana bayai profetiuc kaci facbaremifo yeyaran yofairara seyaune, iyeino, yiyen yofairani senone. Mini anecnegugan sirukama mage yigemma Koctin avaya siyimauna siyimicdukane Inarumpake Ayo Inta ma kumenin foni. Ejoruc baci mini anecneuc onarani yiyigarac emi.13Micnugemifo ecananac yigenyic idini anauganagac i dafisegac yigeyic nirugac mandan antegagi. Mini avucavacfo yiyeyic erar indir mandan iyakagicurec dafisevami yigenkac mini avacbac iyi, Jisas Kraisima afotagicuema ovegem yinanim nuram.14 Anagaguc ma ana indanic uregac ani indirec bago. Iyevac o-ic manda ayiruc avakuro. Feni oc-em bantim beci avakuragegomi.15Afo yigema yararukayi i antekaracugam Koctin bemi, micnugemifo masicden anecne uwaranonagimi antegaciga.16 Yokimi santemino, "antegaragac ugano neveraino seni antegarac iugecumpe." 17Yigeni yigen "Yifove" sirec arayive beni mayamayanic yogam dainden onagarac evagin bemino. Micnugemifo magema yigena bane enafakena ininacbasima enafac birana fegantinke anon indiric ugama onigac ogi.18Fena yigeyic yinafu-unana yeyic manda baruc yereyimicde bugacma avaguram avucavagugan. Yigeni indigamino korivac silva kacnac maro mandac evam anecne foya yigemi yiyac-ugenaino. Iyeino. 19Krasinic avopguc nare fonino. Beni namom ben ogac iyevam avoguc sipisipi.20Mana maga iyevam yamuckimi Kocti acnarugami bemi ugacdukagem. Afo mayauna basuana yamukim maga maro kiparar evankimi Kraisi yigeunamacgare sirem facbarem yofairam.21 Bena facbaruem yofaim foni yiyeunamac Koctin kim indigarac ecyamu. Kocti bemi fugau yicbanapake ukukangkaremi anon avic amemi. Micnugac i yigenyic erar indin bac indintim bam ayini Kontin kimi dukami.22Fuga bayama avakuron foni antegarac-omi. Afo fuga sigam ayin foni agona ayiangkanonami. Ena ayiankarare amugukingeva ayiangka.23 Yigeni aci yevegec oyanic ugamino, yunanyuma maro mandac emac kipevam yunanyum foyaino, iyeino, afo fa avoguckac bam yunanyum fonino. mini yunayumi Koctin avayai. Mini bayai aun dukemi fanana bananim baya.24Nevaraino, "masicden ininbaintave yenyic bani atayagacnaci ugemi, afo yenyic anon yivic i yunankingena farawam kacnac i ugemi. Atani acyankanami farawami fafasintemino, 25afo Iyenon avaya iyevaci kipantem. Mana i Koctin avaya yiyema yiyimic-dugam.
Chapter 2

1Micnugemifo masicden manda avucavaguc, ena umac siangkanafi, ena umar amin avucavacgugac ecago. 2Anagac ma innamumpac ma macdukama nanan ayenin, manacugemi ayo inta nananin nan narac ayigaraci, mini avucavac foni ovegen avigan avucavac kimi anonic inonam.3 Afo ena nare oneve Iyeno i avogugucugami ugemi4Kraisi vapac yego beni favam fayaman evan onacbami bemino. Banta-anasi yicnanic uamicdukaiyifo mini onacbami Kocti avoguc oyugane sirem ugacdukemi.5 Yigeyacbaci favam fayaman evam onacban kacnac i bami. Kraisi vampac ma yenafoni Ayo Intagim mam sinona mac i mandan uwaranami. Micnureci Koctinic antegam yogam baintac u-eci Jisas Kraisin avickim yigeyic avoguc baruc Koctin ma ayigarac evami aminagomi.6Koctinic yogimi mini baya vani macnin sigem, "Onano, Seni mana erar onacbami Saionic decumpe, ugacdukam avoguc erar ugam onacbami. Iyeuyafi bengkim yindun mungkure na avakurinayo-uni yiyorin iye marantenone."7Iyeuyafi yeyindum benkim mungkouni yenkaci avoguc onacbanic emi. Mini onacbama mac uwaran baintaucma yifogem onacbamano mandan avoguc erar onacbanic emino" 8afo, "mini onabami asa bami banta-anasi yofi dupameno. Yena yandone nevaraino, yena baya indire iye avakuron fonino, mini onacbam kaci afacne yandenone."Afacne yandinayonani bani Kocti sirukageninkac ino.9Afo yigeni Kocti ugacdukam ininacbasim bamino, yigeni kinic prisiuc i bamino, yigeni antegam ininabasi bamino, yigeni Kocti beyarare sirem ugacdukam ininacbasim bamino. Micnugami mini avoguc avuavacgugan simam facbarar inagomino bena ayufunkingke yararem yivicman beyic avoguc kagacma dukanan.10 Feni yivic iye dukam ininbainta bagegomino, afo mage Koctinic anasibanta bamino. Feni yigeni Koctinic agunanecne iyen mandukagegomino, afo mage aci benic agunanecne maramino.11Sentigonougo, yigeni anamurucke beci fayar afoca kimi nomino. Afo yicnanicgac ogi yigeyic manda avucavacguc, mini avucavacguc mano yigenyic ayo inta namac anon aruini mandan facbarintem. 12 Mapac ininacbasi yicbanapac avoguc avucavac gac uwandec bago. Afo yena mandaic siangkeye, icnaimi yigeyic avoguc avucavac onacdeni Koctin avic yanicintenone bena yinanim nuram.13Iyenon avayavam omarec indeci masicden mana magagackena yivam baintauc yivaya indinagomi. Kimi yanugam bayin bac14 manamana magusingke gavmanin avam baintan avayavac gac indirec avagurogo, manda avucavac uwarau mandac uyinkare avoguc avucavac uwarau avoguguc uyinkagovani yemi yiyingkamandenone. 15 Kotinic ayinino avoguc avucavac uwarani, mini avucavac foni avoguc indinma iye rukena yigema mandac siyingkauni yivam mandan uyaganagomi.16 Avoguc kacma bana ininacbasi gevac i ba, mini avoguc avucavacfo eyic manda avucavac iyevac davaco. Koctinic fayam yogam bainta vac i ba. 17Avoguc avucavac gac masicden ininacbasi gac uwanyinkac ena ininacbasi ma Koctin kim bau bagac yiyiyinkagi. Koctinan fegegac i kin anon avic amegi.18Yogar inin baintago yigeyic iyeno yigenkac dafitauyic yivayavac indego. Nanayuge avoguguc uyinkam davisin baintauc yivaya manava indinagonaino,iyeino, afo mandac uyinkevam dafisin baintauc yivaya vagac indego.19 Koctin avaya indirec avakurinagon nana fayugama uman yimic ma marege, mini i avoguc avucavac ugamino.20 Afo yigena manda avucavac ma uwandama mini avucavac gana yan yiricma mini uman marege, ne avoguc anecne marantege mini avucavac gani? Afo yigena avoguc avucavac ma uwandama mini avucavac gare sire mandac uyinkare na yirige, Kocti mini avucavac gani anon ayiric ugami-emi.21Mini avucavac avagurogo vani Kocti yararukemi, nevaraino Kraisi vaci mini uman maremi yofairam. Kraisi ben onacdec avakurinagon ani yocyivigemi.22 Manda avucavac beni iyevac i uwaremi, umac sigam baya ben avantenke iyevac i sigemi. 23Bema mandac siangkane, yemi yevegem mandac iyen siginkemi. Anon umani maremifo yemi yivegem mandac iye uyinkem. Afo beyic bani Koctin ayangkimi demi beni antegam yasi antegam asapake bantayic uman daindem indevayi.24Yigeunamacsic masicden manda anda Kraisi umacden mandan beyamugac demi maripo yasac fugemi. Micnuranacgam manda anda uwarasuana sipac ec-anovan. Afo avogucgac becyam antegam avucavac avaguronovam. Bema arure afunana omfoni yigemi mandan avoguguc uyingkemino.25 Yige umacdemano sipisipi ma yerere manmanin amankac yerrerec bomi. Afo mage ovegeci avoguc Sipisipi Dafisin Bainta vampac iyemino, beni yigeyic ayo intagac avoguc dafisiric evayi.
Chapter 3

1 Mini ayipike emose anasi wate enawafu amenapaga wano. Minurate mana'a waita a'mose. Iyintewanu yeninama yi antaga abusitem. 2 E'ana fawari eni awogu anta yu .3 E'ana Mana magagakena eyage mante burano. 4 Au wunam mante avogu anene mose iyaka wananim mante aupem dano.5 Wafa ateka anasiu Gotipim intidukam. Mini wafakem awafu amenapa wam. 6 Mini ayimi Serami awakurem awafu amenapa bem awafu nanti seti anonave sem. Magemi banaga'i wamino emose awogu anta mose awakureve bu fegate.7Mini awafakem yige wata yu yige yinama nampa manafim ba. Awogu anta uwarano. Minuran mana anene yigenti auga mukinti bu uyagatem.8Kipanta made yu , mana intika ana wanagom,awagaraem, eno ayiranta watem, eno agunari inonam. 9 Yigemose sawi uyike wagana, yigemi yewagege mini buyogo. Savi waya yiyike wagana, ami isego, yige mini anta nako ami isego. Goti wapa yuga mukure sina yofaino. Goti yigem yarem minurage asumi marago.10Iyemose mana magagakena anene ayigara ewate,awuru uyade savi waya yu buseno. 11 Savi anta yu yerarena awogu anta awakurino. E'ana awogu anta afakarem awakurino. 12 Gotini augami awogu anta ewam ininabaga bem, ben agagam yeka bem. Bem bu awakurewam ininawa'i Gotimi yeka augam bumagevemi.13Emose awogu anta mose ewate ,iye emi savi uwakatene. 14 Emose awogu antafike umamare wate, amoyonam. Mana anenega fege waya bu fegano..15E'ana anonami enarapim wano. Made nuram rafide bega mana wayi mose yerave intaem naugaya Gotipim amakukum dukeve. Avogu anta nampa uwarago. 16 Awogu inti nampa wagana enomose en savi uwake wayim agayeya ritem. Naye yara mini enanti sawi anta ewana intiri item. 17 Awogu item, Gotini ayika umamareve avogu anta ewate.18Jisasimi seyuyani kumi mante fubuga. Bemi mana kumi wa iwam waita seyuyani kumi mantem fubem seyuya sivigem Goti adeka yem. Wata yimaka bem fubem, Aiyo agagi urem itavem. 19 Awogu awamu nampa bem Goti nami sawi awamu wapim maru yiyimem. 20 Noani kanaga Gotina mose iyinte'e yom . Noami sipi uwarewa kanafim, Gotimi eiti'a ininaba yofaem.21Manami wayegam wayamino. Minugami Gotimi awamupim yivigemi. Nom mara anta mano senuti kumi manta buratem. Minugami Jisasimi kumipim yema fubem senu aya urem afo'e ayan ugapa bem. 22 Jisasimi Gotini ayan ugapa bem. Inarufa untavem Ankero yu, yogaru nampa eranti bem manta amitem.
Chapter 4

1Minuka, Jisasi benaunapa maremi bemaraniureya seyuwa marateya. Iyewafi benaunapa umam maremote kumi,i yagatem. 2Mini watamanoni au,ama aumano wamatare binanim, watayi intika buwanonamifo,Gotini intika ayika binonam.3Emi wamatare binona kana mapawam waita anasi awuawa bu awakurofa, awogu intika wafa, saviawuawa, nonarante, nonage kasamaremo, afa waitamano awuawa umare amuna Gotika yigoyaum rade yemi anona,avi amirante emo. 4Yeintami auwem uwareveyare semo mini awuawa, minukami yemi savisawa waya sakemo. 5Yemi yeyi wayayu manawayi waita anasi nampa fawam waita anasi yeyi umam mare Gotini yoga itavitemo. 6Minugami yaumaram waya fukam waita anasi yiyimem.7Masiden aneni kiparantem adekagiem, minukafo awogu intiti mareveya afiseya sukama mukuma intiti erarofane. 8Masiden anenemanoni yanafa, awogu intiri,ono uakewayi yiyeno. 9Avim nampa ofaim maranayiure mana enom awosire enom ofao.10Manamana wayi eyi amoanene maranakomi, mana,a enom yofaono,atede Gotini yogaka maremaro fawarogo. 11Iyewafi asitemote, ranana Goti asino, iyewafi rafisem, ranana Goti beyi eranako yimino, mini anene uwaratemote Gotini Jisasi avipim anom avipim watem,watem bitemi, fukave.12Setika,ano ranana mini anenemanoni igamo again buyino emi, mana,a antudin anene yepim fawarem. 13Antudim iteniure Jisasi amuna umam maraniure marateya, amoyono semi simoyeve beni erantano auweniusikem. 14Emo Jisasi avipim watemote, emi asumi rukanonam, Minukam anona awamuan Gotini erantano senampa watem.15Ranam watayirim waitamano akurini buyofa, umam waita, savianta ewayi asuse anta. 16Iyewafi mono waita anasi umanto mraratemote buakaye buyo, atede, Ranam Goti be anomavi marano.17Gotini koano beni mono mapike agoyaratem. Senupikem agoyarem,Gotini waya wawakurewa yepike Nate aneni yitenafi? 18Afo"yemi awoguwaita anasi aupa yaumarami itepaka mono waya buyintewayi wateye? 19Minukamifo ranana iyewafi Gotini ayika umanto maremo benaunapa wogo amakukuga bemi.
Chapter 5

1Anon rafisiru yigenti ami makaunave, sem, iyemano Jisasini fugim waya maro siteye. 2Seyu Gotini watanasi rafisefa, minugafo eno intayika emi, ugamifo eyi ayika, Gotini emi ofaugafo bu agayeno intintano intagana wa. 3Anom waita yi ure Gotini watanasi mante mempapa irano. Minugagana amani ono. 4Minugami anom waitayu sima fawarem, emi ikipam awa- awa maranonam.5Manugam ayipim, yige fumara wata anoniurega yideka wago. Madeyu unamwado yigeure yira nampa ben ofa ofa ogo. Nayeyara avi yani evayi mante magapa ratem. Magapa en auranonam manta yani item.6 Minugami eyau rana magafim kumina, Gotini abogu ayamano manta yani-i.7 Eni umanti beka marora, nayeyara eka rafiakewemino.8Rafiseve amona! eni namugo, wananomi afa iyananta en arure narantemino. 9Amakukupim erarure be manta magafim da. Emi amakukum watanasi manayom umanti marevemono.10Sitoka au abisi-i maranona, Gotini maside awa-awa, bemi Gotini awa-awa nako arem, bemi eranti amem aboguakem.11 Bepimi bantano eranti. Fugave.12Semi amonaman Sairasi atekan afa awave, minugami agaragem dem semi ake nampa sasameupo fuga Gotini awa-awa.13 Babiloni kena inim, Goti avidukam, avogu waya Maki nampa siyikem.14 Enon ayir anta mano yigepim ba.Ara faru yige nampa watene Gotini watanasi.

1 John

Chapter 2

1Iya'ontano semi waiyami agante se'i, emi kuni buyono. Afo iyemo kumi'item mana yofaim waita Jisasi Goti aga awana waita bemi yofaitem.2 Jisasi kumipike yividuka yewa yegem masidem mana magafim wam waita nasi.3 Seyu bewapa beyami benati iteya beni ake waya fakafa.4Mana wayi semi Goti nanti intevege sevemi beni waya bu awakurem beni munatirem fuga bepim buvem.5 Iyemo fuga waya fakanayimi fugafua sirem i Goti benampa watemi.6 Semo Gotipim wate'i beni sagaga anta kaga nofa bemo wan antaga nofano.7Inta auwem akewaya agante ame'u, wafa waya samuna emi intaga.8 Ena auwem ake waya agate'i ame'u fuga jisasi yige nampawa, aiyufumano bewami, sagatano yiga.99Mana waita bemo oka bege sevemi beyafa wam bu ayievem bemi ayufupim fabemi.10 Iyemo beyafa awam ayinaniyi bemi oka wanani mana anene bu ya'akatemi.11 Iyemo beyafa awam ara umanti ame wayi bemi ayufupimi novem naugane, ayufumano augam futituga, anene yui bu amonatem.12Semi emi iyotano suno naugane yigenti kumi'i anonamanoni avipim, yiranano.13 Semi aganta watayupi rauno, emi inta anata agoyaraga sunave,fumara waita satani eranti yakagaga.14 Yige watayu intaga. Fumara wata eranti ruka. Gotinami yigeyirapi wananomi eranti araruparuka.15Buwa mana magafimba aneneyu aye, iyemo mana magafike anenemo ayitemi bemi Gotini buayitemi.16 Maside mana magafike yiga, aumi buamite Goti pagibuyiga.17 Mana mini maside manamagafike ayiru, iyauvitem Gotini ayiga wayi Goti nampa bugipa aum maratem.18Iyaontano araganonafim intanami muna kasi nampa waitayu yiteye.19 Yemi senupike bugam waita yu yago fega senu nampa buwa yentago fega. Yemi muna waita mono.20Emi ayomi mantaga emi fuga waya inta epimwa.21 Semi emi yuaga fuga waya yu intarukana minugami muna wayamano fuga waya item.22Iyewafi muna waita, Jisasi nanti semi buwane sewayi yemi muna waita yumono. Item waita mano semi wata aka buwane 23sinaniyi.Goti benampa buwatem.24Emo anata intana e's ana epimiwa. mini wata aka Goti amonaga.25 Mini kaga waya siga bemi bukipa aumi yimiduka.26 Waya agantem semi iyemi abigena iya ayipim bitenafi.27Emi asumi amemi marana Gotini ayo e'ana epim bena ofaurem agatitem.28 Bepim erarurega wago beyi kanaga yinanim simoyeveya ageya uroteya bepim bubeya sigayeya marateya.29 Emo intanam bemi ategana masidem seuba atekam antafim auweni ugeya wafa.
Chapter 3

1Amonago na'uga ayira yigen yifoe yimidukene, minimi Gotin agafatave sireya sefanu, mini seyuya mino. Minugamo mana maga mano seyuyani bu amonagam, nayeyara magamanomi Gotimi bu amonarukam.2 Ayigaraugami mage seyuyami Goti agafanta mino, manawayi amakagi buyugane seyuyapim. Jisasi fawarinanim amoneya inteya ugafu seyuyami ben amaka bafanu, minugapimi bemi amonama beyi umareya.3 Masideyu beka amakuk rukayi, nampa beka eraru wayimi atekarauma Jisasi waka wa.4Masideyu mose savi anta ewayi nampa umowa baya romugewayi minim kumi'ino5 . Amone inteuga, Jisasi mose mare fabarubem kumigu manta fafa ruka, bemi atekara ugam aga. 6Manawayi mose bepim wanonam kumi'i bu uwarano. Inenega kumi ose ewayimi Jisasimi bu intem amonaga.7Abogu iyaoru, emi rana manawayi abigem savi ayipa bubino. Atekan anta mose ewayimi bemi atekem, minuma Jisasi mose atekaniuga.8 Manawayi mose kumi uwarewami minimi wananoni anta eve,mempe agoyantake wananomano kumi uwantuka. Minugamo Gotin aga ano mare fawarugam,yema fawaruwemi wananomi manta savi uruka.9Iye mose Gotipikem rakano, kumi'i inenega buyono nayeyara Gotini anayumi epim ba. Bemi kumi inenega bu inanim nayeyara Goti kakem ram buga. 10Manafimi Goti agafanta nampa wananom agafanta manta fakagi uga: Mana'a wayi mose ateka anta buyevem minim Gotipikenaye, mana mose eyafa awa bu ayirukate minimi kumi'i.11Mana wawa mi anta fakem agoyantem intaga. Seyuya mose ena watanasi ayefanuna waya.12 Keni amakagi buyofane, wananoni awuawa mantem beyafa aya aruruka. Naugana bemi arene? Nayeyara wananoni anta emino, afo ben afa awa atekan anta ugam.13Setifa awa, bu amoyono, mana maga mano mose afoga'akana.14 Seyuya intagafo, fugintike mose yakagama aum mantukafu, nayeyara seyuyam yifa awa ayiga ugafuna. Manawayi mose bu ayikayimi fa fugintim wa. 15Iyewafi eyafa awa bu ayewate ai mini aruma fugewana. Emose wata aruma fuginona, bu gipa aum epim buwem.16Managakemi ayinti amone inteyare nayayara anonamano be aum seyuyaka kiparuka. Minugami seyuya aumba sifa awaka kiparafanunave.17 Minugamifo manawayi mose mana magagakena anene utu makem mifo, ben agun anene eno nanti bu makananim, minimi nau rena Gotini ayinti bepim fawaritene.18 Seti awogu iyaoruge, a nako ayiranta eve mote eyi awu awa nampa fuga anta ono.19Mineve yami, Gotini atekan anta nampa wafu, yimafopikem ben nampa wama sokeugafo.20 Seyuya yira ano mose uman dugana, Goti bemi anonayi uga yira amonama sito aneneyi item maside anene amonama kara uga.21 Ayigara ugafo seyuya yira ano mose bu umanduga mini Gotipim erarure wafu.22 Naye anene yugantose inta iyami,ese marateyare, nayeyara beni gagadukam baya awakunteya, ben ayikana anta mana ewa.23Minimi beyi kagadukam baya: Goti aga Jisasika masideyu yimakuku evega, ena watanasi ayeno, minuma beyi kagadukam waya mose yiyimidukam. 24 Mana wayi mose Gotini kagadukam waya rafisemi bepim erarurem bananiyi, mini Goti bepim ba wananim. Mineveya amonama Goti bemi seyuyapim ba, minuma ayo aga ose seyuyapim bayi yoyivigem.
Chapter 4

1A-yeno, masidem awamu amakukum bu-ono. Minugami mini awamu au-made amona, Goti wapakenafi, nayeyara amuna muna kasanampa waita-u mana maga-ga bugane. 2Minigakem, Goti-ni a-wamu amonanonam-masidem awamu amoyeu emi mini Jisasi mana magafikem au mantem yene. Goti wapakem. 3Minugami masidem awamu Jisasi ka yimo bu ewayi, mini Goti wapakem waye. Minimi muna Goti pikem awamuino, wafa intana rukanave yewane, a-ii mana magaga yigane.4Emi koti wapakenamono iya ontano eymi yakagano, nayeyara iye epim wayimi be mana magagakem be ke uga yi iwane. 5Yemi magagakemono; minugami naye yesinayomi magakemanamino, minugami magami yenta intewane. 6Seyu ya Goti ninta wafunave. Iyewa be Goti amonagayi seyu ya intatem. Be iye Goti ninta buvenafi, be se yu ya bu intanani. Minigakem seyuya fuga awamu nampa saui awamu amonama faware yamuno.7Ayeno maraya eno ayefa, mini antami Goti ninta mino, minugami masidem iye ayairanta rukayim. Bemi Goti pim fawarurem Goti amonem. 8Nanayayi iye ayiranta bu evenafi, be Goti ninta buvemino.9Mini antagakem Goti ni ayinti seyu yimuga yeradem magem. Minugami Goti beni mana iya-om sasakama manamagaga dem. Mayeyara be wami seyuya wafunave. 10Mini fimi ayintina, seyuya Goti bu ayeyamuna, benarem seyuyami ayimino, minuremi bemi benaga sasakami seyuyami kumi manta fafadem.11A-yeno minure Goti syuya ayimi, seyuya enowa ayefano. 12Imi manawayiwa Goti bu amonagam. Minure seyuya eno ayeya, Goti seyupim bem, afo beni ayinti seyuyapim avogugi em. 13Mini gakem seyu amone inteya seyu bepim wafunave, afo bemi seyuyapim bemino, nayeyara bemi mana-a awamu seyu yimikane. 14Mii-nii-mii, seyuya amoneya minigakem fawarure seya Goti benaga sasakama mana magagakem, yofaintino.15Iwewa amoyevem sem Jisasi Gotin aga. Goti bepim bemino afo bemi Goti bim bemino. 16Mii-nii-mii, seyuyaintareya amakukun e-yare, mini ayinti Goti senuntita rukane. Goti mi ayintino, minugami mana wayi iye mini ayintim wate. Goti pim ba wanona, Goti bepim wane.17Minigakem, mini ayinti seyuya amuga uwantama soke-em, minure seyuya ko kanaga erarusikatem, nayeyara be wami, minugami seyuya mana magaga beyamuno. 18Feganti ayintim buvene. Minugami, avogu ayinti feganti fafa itafevem, nayeyara feganti ami romugewa yi nampa uware-wayim. Afo manawayi iye fegayim. Be avogu urem ayintim bu uwakagam.19Seyuya ayewaveyare, nayeyara Goti seyu nare ayimino. 20Minure manawayi sem, "Semi Goti ayevege" afo bena wa-e ayiranta bu rukam, be mi muna waita. Maure manawayi iye ena wa-e bu ayevewafi iye be amonenafi, Goti bu a-yitem. Iyewa be bu amonenafi. 21Minugami, mini kaga waya seyuya be wapakem marafuna: iyewa Goti ayevenafi minurena bena wa-e wa a-yino.

Chapter 5

1Iyemose amakukum Jisasi Gotin aga, iyewa ben afoe ayem inaniyim be anim ba ayitemono. 2 Nayeyara seyu intage seyuya enom yiyeteyare Goti agafanta. Goti ayeya beni kagadukam waya awakurofa. 3 Minimi Gotini aiyintino: Minugami beni kagadukam waya rafima soke ofa. Mini kagadukam waya mano umanti enom bu ameno4Madeyu iye fawarugano Gotipike mana maga manoni eranti aruga. Gotipim agabeya yimakukum eya beni eran nampa mana magani eranti yakagaruka.5 Iyewa mana maga manoni eranti yakagagene? Yemo yimakukm emi semi Jisasimi Gotin aga ino.6Mini mana iyantano yiga nopim ba narefim: Jisasim nopim mana bu yiga, nopim ba narefim yiga. 7Miniga kamorea waita bemi bena siga. 8Ayomi, nomi, naremi.Mini kamorea mano mana yirakauga. mini kamorea mano mana waiya mana siga.9Seyuya wata semwaiya inteya, Goti sinanim waiyami wata awa yakagatem. Nayera benanim manoka ana sitem. Iyewa amakukum Gotin agapim ugayi benanim bepim wa. 10Iyemo amakukum buinaniyi Goti muna waitave siga, nayeyare bepim amakukum buem ben anipim sim waiya.11Waiya sima fawarewayi manamino. Goti yimiduka avoguka bam aumi. Mini aumi benagapim Jisasipi ba. Iye jisasi rukayi aumi maratew. 12Afo iye Jisasi burukayi aumi bumaratemono.13Mana waiya agante yigepa dege amakukum Jisasin avipim ugayi, yige omanta inte mareuno iyaka wanuna. 14Minugam Gotini ayinti awakureya mana anene yanti intanim beyi ayika intarem amitem.15 Minugami, seyuya omare amone Goti seyuya nanti intevem- Nayeyanti intainam amone inteya naye wafi intaina ofanami marateya.16Iyemose amonanam en afa kumi uwantukagana mini kumi ano fugika buakem, bemi augam mukinam, Goti aumi amino. Kumi ewayika sire sewauno, benam augam mukino busewau. 17Masidem savi antami kumi ino, mini kumiano fuginta bukipatem.18Seyuya intaga madem watanasi Gotipim watanasi raka, yemi kumi anta bu awakurevemono. Ive. Goti rafima soke emino benaga wami, Wananom ayam buratem.19 Seyu intagafu seyu Goti agawafu, minugam mana maga wananom amamenapa.20Seyu intagafu, Gotin aga, aiyiga intinti seyuya simewa. Minigaya Goti amonama sokeofa. Goti nampa agabega Gotin anim Jisasi. Jisasi fuga Goti, bemi aum bama anantare banaum afoe. 21Setigafantao masidem muna Gotika nepa wago.

2 John

Chapter 1

1Seni mam mackim acnaric ugeguno samenavaci eni Kocti ukacdanin iniyo enagafandaunamaci indeno, seni fuga sigenim bayayani segunai seyackagac segaune. 2Nevarafi, fuga sigenim bayani, mayau sindutimi benimi masicden nurami bananam bantemi. 3Kocti yikeunamac Sifo namac Jisasi Kraisi ben Akac nama fuga andagim namac ayiranda namaci. Afo avabac namac, agun acnecne namac nanayin namaci, mayaunamaci bantemino.4Afo seni anonic murec simoyecupe. Enagafandauc kinke yonaunani fuga sigam bayani avakurenone. Kocti uwarano sigam bayani yikeunamaci simenine. 5Seni mage anasio emi samego, oyan baya uwarano sigana sandar amegauno. Afo, acnantapac yigunamac indeguna bayani semi, ben ayin ben ayin onon sigemi. 6Afo man Kocini ayinino, bayani awackurono sigankac uguke avakuron. Manai avakurono sigam bayani acnantapac indena bayanino, mini sigeninkac munkue bono.7Nevarafi amucno mackasim baintauci magacmagac benono, yeni Jisas Kraisi mana makagackena bugim yenim bayani ayompenono. Miyi makasim bainta namac umac Kraisi namaci bemino. 8Esac dafiseno, yikeunamac yokeguna andandauc eni micnage oyogenone, afo eni minigac anon ayaci maranonamino.9Iye o'anariure bu kipantano waya. yemi Gotimi yen yirapim buwa. 10Jisasin awaya iye sevanani en amapac yina, avicman naumpa iyevacde a iyevac andeno. 11Iyec bemi ayandintenafi, benic manda yogani ofaemi.12Seni amucnabayani dukeci avanafac afan sararani indec upo. Afantilmi iyendantego. Iye indeno evanafac yerec en ontin aneci enama anisentecu, 13ugackam onanan akafandauci, emi ayandeyo.

3 John

Chapter 1

1Seni Yoni, mam mac kim yicnonic ugauno beci mana afan avoguc sifactiva Gaiyusi avoguc sifactiva vapaci sarecumpe, fuga sirem benkimi sen tivacbac bemino. 2Avoguc sifactiva o, seni enani macden anecne gim avogukac be, ac bac iye maran, eyic ayo inta gim avoguc biric ono vani sugam mukecumpe. 3Sifactiva unam ena anteckan avucavac kim bana vana mare sisimec indireci enani anon simoniecumpe. 4Sena simoyegunai, ena anecneugana simoyegunai simoyiriga egaune, sen tigafandauc anteckan avucava kima baci.5Avoguc sifativa o, eni fuga sire ey araci amicde afacava unan yiyaye enafateno vaci yiyayanamino, 6yeni avoguc avucavac uyinkana vani mam mackin enani siyimenone. Eni avoguc avucavac ure siyinkanani Kotin ayevan asaci benone, 7nevaraino, yeni Iyenonic avic kimi benone, mapatena inimaintau pate mana anecne vac iye marenone. 8Yigeunamac mini avucavac micnugan inimbaintauc uvanyinkanuna foni, yigeunamac bac fuga bayaic yogam bainta bantecumpe.9Seni afan sandaunami mam mac kinkena inimbaintau pac bimi, Diotrefesi, yenkac acnaric ugaranana ayeva bemi, yenamac iyen sivigemino. 10Afo sena yeraeci, bena macden uvaragenin avucavaguc avogugic urec oneci, yenama gana manda bayauc sageninuc bac onantecumpe. Bena uvarenin avucavaguc amankagic iyen uankami, beni afacava unam yivicman den avogugic iyen uyinkemino. Beni yivigarana on inimbaintauc umocdu yinkaremi mam mac kinke siyinkamani mapaci demi.11Avoguc sifactiva o, manda anda iyevac avakurono, avogugac avakurono. Iyefi avoguc anda uvarevanani i, beni Kotin indam bemino, afo manda anda uvarevanani, Kotinan iyen indigemino. 12Macden birivic an inimbaintauc Demetriasi nani avoguc bayauci siankenone, yeni benani senone, beni fuga baya gin avoguc bainta bemino. Yenamac baci benani secumpe, micnugemifo, eni indaganamino yenamac segunai fugan bayan secumpe.13Seni amucna anecneugan emi sandan amirani indecumpe, afo amankac yogin iyen sarantecumpe. 14Afo seni acdekac en onarani indecumpe, en onana sen sonevanac a sirani siyimino. Iyenonic avacbac enamac bano. 15Afacava unam baci avoguc bayankone siankenone. Seni mana mana afacavauc baci avoguc bayankone siyinkecumpe.

Jude

Chapter 1

1Juti, Jisasini yogam wata, Jemsi afa awa yemo yararukam, Gotini aiyika, Jisasini yogaka dukami.2 E' ana awa awa nampa faru'anene mano nampa agintano anoni ino emi.3Sifatiwa rafiseve yigemi aganyikeu, Goti yiviganami, minugai mage ena waya aganyikeu, erarugega yogega yigeyi yimakukumi fakama ake ega Goti ayuye namugo watayu yakagago.4 Mana'a watami monopimi afiuge wane, feyapa Goti semi ma mi'ni na'ni watami Gotini koka'i afiugane, Gotini awa awa mante fayantagi ewane. minuremi Jisasi avi yeyivege wane.5Magemi emi sasamirare, Ano'namano beyi watanasi egipikem yivigem marerem, abuyintam watayu yiruma fudukane. 6Eyo ankeroyu yenyi yogam manta burasukemi yewam magu ifade kukane, Goti fakarem eram nanako antaumaka, Gotini koga itavinayo .7sodomu, gomorayu Gotini augaka'i buatekam anta uware wami yemba'i yenyi magu wa'i iganako katayikem, mini savi antayu ewayi bukipam igafim bayi, awame i uyikemi. 8Minugami, kaimi amonewayi yeyugane muku yirugami sefo, Inarufakena ankero yu yanti sima savi emono .9Minugami ankero Maikori Mosesini auyanti wananom nampa asiburem , savi waya busemi, e'ana ano namano asibu aka. 10Mani watayu intama soke buyinti savi waya yem yamano yeyi intinti manta savi uruka.11 Ma'e ategago keni bim ayipim bewane, Mageyanti intare'i yoge wane, minuremi balamiyu savi marare emo .12Minugai yegemi ayofare aupa'i mini yunami yukare eno nampa ayewanami, ma'am watayui Goti augaka i ye yarantana itemo, yemi ai burewa konami, ma'e susuwa mano avige yigagana eva, ma'e mana yamano akam burakana ugane.13 Yemi bun nom fegana ram susuwa yanta yegaye maremo,yemi buge yige ewam ofumi. Minugami ayufukam magufim wantana watemo .14Enoki, Adami yogam waita, kasa nampa ure semi amonago. Ano namano amuna,amuna Ankerogu nampa yitemi. 15Bemi owayegem yinanim mana mana watami ko'i yigikatmi. Bemi yinanimi, iyewa savi anta emo, savi bu atekam waya sinayoyim wa yeyi savi antaka amonatemo.16 Ma mini watayu'i yira uma nampa, amum waya nampa,savisawa awu awa nampa enomi savi uwakewa .1717Sifatiwa intago mana waya mose Jisasi kato aga'ano sigimiduka.18 Mani sire semo enanti, arafagi inami savi waya siagare awakuritemo.19 Yemi savi waya yunako dakadak a emo, yemi mana magagakena yui vemi ayo aga burukemo .20Afo emi atekam amakuku ono ,Ayo aga nampa augami mukono.21 Gotini awa awapim wano, e 'anana jisasini faru anenemano avigena wanta na aumi marano .22Yofa'ega awa awa uyikago yeyin amakukum eram burukayim eran uyikago .23 Yofa urukeya mana'a igafim wami, yivi ege'ga igafike fafadago, enomi feganampa awa awa ure ofa ono .24Madem anonamno rafiakana bu rufamino nane, rafiakanami Gotini augakai itavinonane, atekam anta nampa amoyeve.25 Mamini mana Goti senuyam sividukam waita Jisasi senuyani Anona enavi yanafa urina, rafisinanonami, eyi era nampa, inaemwa, makewa, masidem nuram. Fugave.