Bible

Matthew

Chapter 1Ovuovu Ijesu(Irk. 3:23-38)

¹Iwe itọpa oshụkụ Ijesụ Ikristi ozi Idevidi anavi ozi Abrahamụ. ²Abrahamụ ọnọvi ada Aiziki, di Aiziki vi ada Ijakọbụ, di Ijakọbụ vi ada Ijụda ọnri ẹnyarani. ³Ijụda vi ada Pẹrẹzi ọnri Izẹra zirẹngwụ Itamari, Ipẹrẹzi ọvi ada Ihezironi, di Ihezironi vi ada Irama.⁴Irama vi ada Amminadabụ, di Ammina-dabụ vi ada Inaashoni, di Inaashoni vi ada Isarimoni. ⁵Isarimoni ovi ada Iboazi zirẹngwụ Irahabụ, Iboazi vi ada Obedi zirẹngwụ Irụtụ, Obedi vi ada Ijesse. ⁶Ijesse vi ada Idevidi Oshinọyi, Idevidi vi ada Isoromoni zirẹngwụ ose Ụraya.⁷Isoromoni vi ada Irehoboamụ, Irehoboamụ vi ada Abija, Abija vi ada Asa. ⁸sa vi ada Ijehoshafatụ, Ijehoshafatụ vi ada Ijoramụ, di Ijoramụ vi Oshụkụ Ụzziya.⁹Ụzziya vi ada Ijotamụ, Ijotamụ vi ada Ahazi, Ahazi vi ada Ihezekaya. ¹⁰Ihezekaya vi ada Imanasse, Imanasse vi ada Amoni, di Amoni vi ada Ijosaya. ¹¹Ijosaya vi Oshụkụ Ijekoniya ọnri ẹẹnyarani ini umẹ ana si fụwa ni Ibabironi.¹²Inaama ana fụwa ni Ibabironi da, Ijekoniya vi ada Isheatieri, Isheatieri vi Oshụkụ Izerụbaberi. ¹³Izerụbaberi vi adi Abiụdi, Abiụdi vi ada Eriakimụ, di Eriakimụ vi adi Azọri. ¹⁴Azọri vi ada Izadoki, Izadoki vi ada Achimụ, di Achimụ vi ada Eriụdi.¹⁵Eriudi vi ada Ereaza, Ereaza vi ada Imattani, di Imattani vi ada ̈Ijakọbụ. ¹⁶Ijakọbụ vi ada Ijosẹfụ ọvi Imeri, zirẹngwụ ọ̣za ana zi mi Ijesụ, ana shi Ikristi. ¹⁷Evereze bo, fini ụmẹ Abrahamụ ne tu Idevidi vi ẹwụrẹna, fini Idevidi ne tu ẹfi ana si kụ wa ni Ibabironi zẹ vivi evereze ẹwụrẹna, ọnri fini ẹfi ana si fụwa ni Ibabironi ne tụ ụmẹ Ikristi, zẹ vivi evereze ẹwụrẹna.A mẹmẹ ma Ijesu(Irk. 2:1-7)¹⁸Ọmima Ijesụ Ikristi mẹmẹ ya yi, Ọnyani Imeri va naa si irenụ za yi Ijosefụ, ama dẹ tangwa va zi gẹ, ee re ka Imeri oo zirẹyẹ zirẹngwụ Ifẹ Ọnini. ¹⁹Ijosẹfụ ọva aani, vi ọni irẹiza, ọnri ko zi si kọnọ mụshi nyọ ini orere. Fụvavọ, doo si ka ono bebe yi o tẹtẹ.²⁰O me ro inọpati isẹnẹni, di angẹni ̣Ananyiyi sẹngwụ zụọ ineyi ụra, dọ ka, "Ijosẹfụ ozi Idevidi, asụ̣ụ shangwa ini ọdidi Imeri vẹni ose awụ pẹngwụ, fụvọki ozi ono zirẹyẹ aani, vana vẹ zirẹngwụ Ifẹ Ọnini. ²¹Ọ vaa mozi ọnọrụ, Irẹsha ọnụ vaa shọ ọnọvi Ijesụ, fụvọki ọnọ va di aza aani tụ fini aichama anini.²²Isẹnẹni bo ẹ mẹ doti isa ana ka fidi Ạnanyiyi zirengwụ ọkisẹ nin ọ zụ sẹ ka. ²³"Ree, ọnyẹnẹ ana ra zi yiyẹ ọnọrụ, vee zirẹyẹ, do mozi ọnọrụ, ana vaa shi irẹsha ni Immanụẹni" - ọshafụsha aani ọnọvi ka, "Oshomoshi ọ ya bẹrẹ yi."¹¹Dẹ ngwụ ireshi na, de ri ozi ọnọ ọnri ọnya aani Imeri. Dẹ nyima, de va kụẹtẹ kụọ. Dẹ fụ apoti ẹnẹ zạ, dẹ yi ina ni si igoonụ, shi etụrari anaa ri ra ọnri etụrari ọsa ene si sisi ẹngwụ, de siọ mi Ijesụ ireiza. ¹²Di Oshomoshi tụwaje yụ wa ini ụra, ka asẹ varama ni di Ihẹrọdụ; fụvavọ dẹ na zi oze ọsa, dẹ ni irekụra nini.

Chapter 2Ọnụvira nin ẹ na zama Ijesu

¹Inaama ana ma Ijesụ da, ini Ibetirẹhẹmụ ọi Ijụdiya, ini umẹ Ihẹrọdụ, oshinọyi, anẹrụ ọnụvira nini fụri aki izi ọyi tu fụrẹ, dẹ vẹ Ijerụsanẹmụ, dẹ fọ ka, ²"yere ozi ọnọrụ ana ma, anavi Oshinọyi ani Ijụ ya kẹ? Yee re uzọmi aani aki izi ọyi tụ furẹ, di va vẹ, ki ya vava kuẹtẹ yọ." ³Ụmọni Ihẹrọdụ, oshinọyi wu irẹyi ọnọni, dọ kụ ọtụtụrụma gẹba, shi ani Ijuu nin ana ya pee.⁴Ihẹrọdụ ọshi oshirẹsụ arụfa nin bo ọnri ọchẹriwe aza aani vaabẹ, dọ fọwa ka, yere izẹna ka ava yaa ma Ikristi kẹ?" ⁵Dẹ kaa yọ ka, "Ini Ibẹtirẹhẹmụ ọi Ijụdiya yọ, fụvọka avọ amẹ chẹrẹ tụni iwe aani zirẹngwụ ọkisẹ nin. ⁶'Ama, ẹwụ Ibẹtirẹhẹmụ, ini ẹtẹ Ijụdiya, ọzi vi ẹwụ o weyi fụ boo ini oshirẹsụ Ijụdiya nin, fụvọka fini akaakana awụ oni oshirẹsụ vaa jinẹ fụrẹ, ana va ku aza ani Isrẹni zi.'"⁷Di Ihẹrọdụ bebe shi anẹrụ onụvira nin, dọ fọ wa ka, yere ẹfi ọni ụzọmi ọnọ si chi kẹ.? ⁸Dọ tụ wa ni Ibẹtirẹhẹmụ, dọ ka, "Na wa tangwa nee si afụ ozi ọnọ, ẹfi ọnụ re re ozi ọnọ nin da, zi itu va ka yi mi, di ma na va kụẹtẹ fẹkẹẹ."⁹Ẹmẹ wụ irẹyi ono oshinọyi ka da, de si fụ aa naa, di ụzọmi ene bidi re, tụọvidi anini poro, dọ na dinẹ tụni aki izị ozi ọnọ ya gẹdẹ-gẹdẹ. ¹⁰Eme ri ụzọmi ọnọ, dẹ jụjẹ ẹtẹtẹrẹ.¹¹Dẹ ngwụ ireshi na, de ri ozi ọnọ ọnri ọnya aani Imeri. Dẹ nyima, de va kụẹtẹ kụọ. Dẹ fụ apoti ẹnẹ zạ, dẹ yi ina ni si igoonụ, shi etụrari anaa ri ra ọnri etụrari ọsa ene si sisi ẹngwụ, de siọ mi Ijesụ ireiza. ¹²Di Oshomoshi tụwaje yụ wa ini ụra, ka asẹ varama ni di Ihẹrọdụ; fụvavọ dẹ na zi oze ọsa, dẹ ni irekụra nini.Aa si Ijesu zue nọ Ijipti¹³Ẹmẹ zina da, di angẹni ọi Ananyiyi sẹngwụ zụ Ijosẹfụ ini ụra, dọ kaa ka, "Kwẹtẹ, si ozi ọnọ ọnri ọnya aani, du we zụe ni Ijipti. Dụ wa yi zọ poro ne tụ ẹfi ọnim ra ka wụ, fụvọki Ihẹrọdụ vee si ka ọnọ wụ ozi ọnọ." ¹⁴Irafụ ọnọ, di Ijosẹfụ kwẹtẹ dọ sị ozi ọnọ ọnri ọnya aani ni Ijipti. ¹⁵Dẹ yi zọ poro ne tụ ụmọni Ihẹrọdụ si sụ. Ọnọni ọọ mẹ, fụvi isa ọno Oshomoshi ka tẹtẹ, zirengwụ ọkisẹ ka, "Fini Ijipti ọnim shi ozi ami fụrẹ."Aa wụ ezinụvọ nin¹⁶Ihẹrọdu me ve re ka anẹrụ ọnụvira ẹnẹ vana si ọni mi isiya, dayi kụọ kokoro. Dọ tụ ka naa wụ ezi inụvọ anẹrụ bo ana yi Ibetirẹhẹmụ ọnri ọkakoro aani, ana ra vi ezi irayi ẹẹva davachi, fini ẹgẹ ono ye fisụe fi inụvọ, anẹrụ ọnụvira ẹnẹẹ.¹⁷Ọnọni ọmẹ fụvọ isẹna ka tẹtẹ, zirẹngwụ Ijeremaya ọkisẹ ka, ¹⁸"Aa wụ ọngwẹ Iraama, ọngwẹ oreree ọnri ọkika rẹsụshi ọbani, Irechẹẹni oojorere yi ezi aani, ọ zi zẹ di efufu-ẹngwụ, fụvọki ezi aani ee sụ vasha bo."Aa si Ijesu varama vẹ fụri Ijipti¹⁹Ụmọnị Ihẹrọdụ sụ da, di angẹni ọi Ananyiyi ọnya sẹngwụ zụ Ijosẹfụ ini ụra ini Ijipti, dọ ka, ²⁰"Kwẹtẹ dụ wa si ozi ọnọ ọnri ọnya aani, ni ẹtẹ Isrẹni, fụvọki ene ne si kẹnẹ wụ ozi ọnọ ee sụ da." ²¹Di Ijosẹfụ kwẹtẹ, dọ sị ozi ọnọ ọnri ọnya aani, dẹ varama vangwụ ẹtẹ Isrẹni.²²Ama, umonị ẹwu ki Achenọsi, oshinọyi ana di Ihẹrọdụ irẹsụ inẹtẹ Ijụdiya nin, da angwa ee sho ọ nini izọ. Inaama ọnọ, di Oshomoshi kọọ ọnọ inụra da, dọ fizọ ni okakoro Iganini, ²³dọ na ra ini irẹkụra ana shi Inasarẹti. Ọnọni ọmẹ ki isa ọnọ ọkisẹ nin ka tẹtẹ, ọ sẹ ka "Ani Nasarẹti ana vaa shiọ.

Chapter 3Ijọọnụ Ọsami o teni oze tẹtẹ (Imk. 1:1-8; Irk. 3:1-18; Ijọ. 1:19-28)

¹Ini ọkụshi ẹnẹ, ljọọnụ ọsami, ọ vẹ ini ụnọmi ljụdiya, dọ ka irenụbe-ọiza ka, ²"Rinẹ varama, fụvọki ijọva ineekụ ọ kavape." ³Fụvọki ọnọvi ọza ana ka irẹyi aani zirẹngwụ Aizaya ọkisẹ ka, "Ọ nyi ọngwẹ ọza ọnya, o ne nowụ ini ụnọmi ka, "Teni oze Ananyiyi tẹtẹ, Teni oze aani doti ọvọrọ ẹtẹrẹ.'"⁴Ọmẹyani, Ijọọnụ ene chire aụrụ ana si ẹyi lrankụmi shi ita aani, dọ zẹ si ibaanụ ụpa kara ọtẹ aani. Akụvariva ọnri ẹfụ ọnọvi isari aani. ⁵Ani Ijerụsnẹmụ ọnri ani Ijụdiya bo bẹri ani irẹkụra nin bo ana varakara okụfa ljọdani ẹẹ tụra na. ⁶Ẹ dụvọ aichama nini, dọ mi isami yụ wa ini okụfa Ijọdani.⁷Ama, o me re ka Ifarisi nin ọnri Isadụsi ẹrụrụ ẹ kava vẹ, ki ẹnị ava mi isami, dọ ka yụ wa ka, "Ẹwụ nini ezi ibe, ẹnẹ ka wụ ọnọ nini ki we zụe fini ọikụ Oshomoshi anaa vẹ?" ⁸Tụ ẹtụtụ, ana va siọ zụ kụ we rinẹ varama nini da. ⁹Asụ ụ ne roo, dụ wa ka ini akaakana awụ nini ka, 'Yaa nyi Abrahamụ anavi adayi da.' Di ma ka yụ wụ nini ka, Oshomoshi va zụ si irẹta ẹnẹni vara ezi yi Abrahamụ.¹⁰Ini ọmẹyani, a si iraga pe ẹpa ọchi nin da, fụvavọ, ọchi bo ana ra zi tụ ẹtụtụ ọiza, vana vaa ma, de nee ngwụ ini ira. ¹¹Ẹmi vana si enyi mi isami yụ wụ nini doti we rinẹ varama nin. Ama, ọza anaa vẹ inaama mi, ọọ bani fụ mi, ma zi ya ọza ọnọ vọrọ ka ochema ivata aani. Ọni ọnọ vaa si ifẹ ọnini bẹri ira mẹ isami yụ wụ nini.¹²O teni ̣opo ọnri ọpẹpẹ aani chauvọ da, ọnọ va sii tụ akụ, do ve peshe ẹtẹrẹ, do pere akụ tụni ụfọ aani, ama afẹchi vọnọ vaa rira ini ira ene rei zụe mi poro-pooro.Ijọọnụ ọ mẹ isami yi Ijesu(Imk. 1:9-11; Irk. 3:21-22)¹³Ụmọnọ di Ijesụ fụri Iganini vini okụfa Ijọdani ve tụ Ijọọnụ, doti ọ mi isami yọni. ¹⁴Ama, di Ijọọnụ ka, "Eeye ẹwụ ọnọ vọrọ kọ mi isami yi mi, dụ waa vi ida mi?"¹⁵Di Ijesụ voshi ka, "Navọ doti ọ vọọ ya, fụvọki ọọ vọrọ ki ya si isẹnẹ sẹrẹ bo vini ọmimẹ." Di Ijọọnụ vaa zẹ yọ.¹⁶A mẹ mi isami yi Ijesụ kẹnẹ, dọ tụ fini enyi vẹ. Re, a mẹ fụ ineekụ sha yọ, do re ifẹ ọnini ka o chi vẹ, venebiri obenekụkụ, dọ ve kụo. ¹⁷Re, ọngwẹ ọ vẹ fụri ineekụ ka, "Ozi ami ọnim ngwụayani yi, inẹ ami oshine tụo kokoro."

Chapter 4Eshu ọ zama Ijesu re (Imk. 1:12-13; Irk. 4:1-13)

¹Umọnọ di Ifẹ Ọnini si Ijesu shirẹ ni ni ụnọmi, deshu na moore. ²Ijesu mẹ bawẹ ẹkụshi ẹbẹẹrẹva, ọọdụ ọnri irafụ da, di ụngwẹ aa kụọ. ³Di ọmọzare ọnọọ vẹ, dọ kaa yọ ka, "Aavika ozi Oshomoshi ọnụvi, si umọ ka yi irẹta ẹnẹni kẹ vara ivụrẹdi." ⁴Ama di Ijesu voshi ka, "A chẹrẹẹ ka, 'aivi zirẹngwụ ivụrẹdi renya ọnọ ọza va zi mẹshẹ, ama zirẹngwụ irẹyi bo ana ra jinẹ vẹ fini irenụ Oshomoshi.'"⁵Ụmọnọ, deshụ si Ijesu ni irẹkụra ọnini ọnọ, dọ siọ na tu ini ogegerege irẹsụ itẹmpụrụ, ⁶dọ kaa yọ ka, "Aaviki Ozi Oshomoshi ọnụvi, ji vanyẹtẹ, fụvọka a chẹrẹẹ ka, "Ọ va si umọ ka yi angẹni aani kẹ mọgụvọ yụ wụ, de chema wụ tụni ụvọ, doti a sụ na ji igege."⁷Di Ijesụ ọ kaa yọ ka, "Aa zẹ chi chẹrẹẹ ka, 'Wa zi bẹdọ mọ Ananyiyi Oshomoshi awụ re." ⁸ Di eshụ zẹ siọ ni ni irẹsụfa ana nẹba kokoro, dọ si ijọva irẹkụra renyi renyi ana yini ẹshẹ ọnọni ọnri ụbani ani zụọ. ⁹Dọ kaa yi Ijesu ka, "Isẹnẹni boo ạna va sii yụ wụ, wa zẹ kụ waa va kụẹtẹ yi mi."̇¹⁰Ụmọnọ, di Ijesụ kaa yọ ka, "Zi kavana yi mi, ẹwụ ẹshụ! Fụvọki aa chẹrẹẹ ka, 'Ụ va vaa kụẹtẹ yi Oshomoshi ọna nyụ wụ, ọni rẹnya ọnụ vaa fẹkẹ."' ¹¹Umọnọ, deshụ fida aani, di angẹni nini va mi ozida yọ.Ijesu ọ vẹrẹ ụkọrọ Iganini(Imk. 1:12-15; Irk. 4:14-15)¹²Ijesu mẹ wụ ka aa zi Ijọọnụ, de chiree tụni ijaarụ, dọ varama ni Iganini.¹³Dọ fụri Inazarẹti na ra ini Ikapanọmụ, ana yini ụtọ irefụ Iganini, ana yini ẹtẹ Izebụrọni ọnri Inafitaani.¹⁴Ọ vọvọ mẹ fụvọ di isẹna ka zirẹngwụ Aizaya ọkisẹ, ọ zụ sẹ kaa,¹⁵"Ẹwụ ẹtẹ Izebụrọni ọnri ẹtẹ Inafitaani, ana yi ọgụri ụtọ irefụ, aa pari Ijọdani fụ, anavi Iganini ani Ijẹntaini nini! ¹⁶Aza ana yatụ ini oozi ee re ẹtofei ọbani da, shi ẹnẹna yatụ ini okakooro ọnri ụmama isụ ọwọza, vọni ẹtofei zẹ ngwụ ne tụ."¹⁷Fini ẹfi ọnọ, di Ijesu vẹrẹ do showụ irẹnụbe-ọiza ka, "Rinẹ varama fini aichama wụ nini, fụvọki ijọva ineekụ ọọ kavape da."Ijesu ọ shi ozube isenyi ẹẹna(Imk. 1:16-20; Irk. 5:1-11)¹⁸Ijesụ maa zụsẹ ini ụtọ irefụ Iganini, oo re anẹrụ ẹnyara ẹẹva, Isimoni anaa shi Ipita, ọnri Andụrụ ọnyarani, ke nee asha ngwụ enyi, fụvọki ozụbe isẹnyi ẹnẹvi.¹⁹Di Ijesụ kaa yụ wa ka, "Wa vẹ, dụ wa vatụra mi nini, ki mva vara wu, aza ẹna za aza, veni ụma za isenyi nini aavọ." ²⁰Dẹ ne asha anini tẹtẹ ini ụmụmọ, dẹ vatụraa.²¹Ijesu mẹ zụsẹ fizọ, do ze re anẹrụ ẹnyara ẹẹva ọsa, Ijemsi ozi Izebedi ọnri Ijọọnụ ọnyarani, dẹ yi ini ẹpa bẹri Izebedi ada nini, dee teni asha anini gẹ, di Ijesu shụwa, ²²dẹ navọ ẹpa ọnri ada aninị, ini ụmụmọ, dẹ vatụri Ijesụ.¹⁹Fụvavọ ọzatụrọza ene re dụ, ene weyi fụ keekere ini ofi ẹnẹni, dọ zẹ zụ aza nini ki ẹvọvọ mẹ, avaa shi ọzọnọ, ezene weyi fụ keekere ini ijọva ineeku. Ama ọza ana ra mẹẹ, dọ zẹ ka yaza nin, ọni ọnọvi ọza ana bani fụ bo ineekụ. ²⁰Fụvọki ma ka yụ wụ nin kaa, ọọ zi viki ọmimẹ ẹtẹrẹ awụ nin fụna ayi oyofi ọnri Ifarisi nini, wai zụa ngwụ ini ijọva ineekụ-ọiza.

Chapter 5Ijesu ọ karenube ọiza ini irẹsufa(Irk. 6:20-23)

¹Ijesu me re aza ọkọni ẹnẹ, dọ shi rẹ nini irẹsufa. Ọmẹ yatu da, di eziafu aani vetụo. ²Dọ sha irenụ aani, dọ zụ wa isa, ka: ³Ẹdabẹrẹ ọnọ vi yi aza na vi onriwa ini ifẹ, fụvọki ijọva ineekụ-ọiza vi ayi anini. ⁴Ẹdabẹrẹ ọnọ vi yi ẹnẹnaa jorere, fụvọki Oshomoshi ve fụfụ wa.⁵Ẹdabẹrẹ ọnọ vi yi ẹnẹna nyi ivefu shẹshẹ, fụvọki ẹni ẹnẹ vaa ri ọgụ ẹshẹ. ⁶Ẹdabẹrẹ ọnọ vi yi ẹnẹni ungwẹ aa kụ ọnri ẹnẹni onyi aa kụ fụvọ irẹiza ọmimẹ, fụvọki inẹ vaa sha wa. ⁷Ẹdabẹrẹ ọnọ vi yi ẹnẹna nyi ayụva, fụvọki e vee re ayụva dọ. ⁸Ẹdabẹrẹ ọnọ vi yi ẹnẹnọ vi ki ẹ nyi ọtụtụrụma ọnini, fụvọki e vee re Oshomoshi.⁹Ẹdabẹrẹ ọnọ vi yi aza enee ji irazi, fụvọki ezi Oshomoshi ana vaa shụ wa. ¹⁰Ẹdabẹrẹ ọnọ vi yi aza anaa mụya ri fụvi isẹnẹsẹrẹ, fuvọki ijọva ineekụ-ọiza vi ayi anini.¹¹Ẹdabẹrẹ ọnọ vi yụ wụ, aza ra kụ ụ ụfụ, dẹ mụya rụụ fụvi ọdọwụ awụ, ọnri dẹ ka irẹyi ọshimi ana vi apinẹ shụ wụ fụvọ ami, ¹²Jụjẹ, di inẹ awụ oshine kokoro, fụvọki ọgụ ọbani yi ineekụ yụ wụ. Avọ amẹ si ụya ri ọkisẹ nin ana vidi vẹ tụ wụ nini fuvọ ọdọwụ.Irẹyi inọpati anọ ọnri ẹtofei(Imk. 9:50, 4:21; Irk.14:34-35, 8:16)¹³Ẹwụ nini ọ vi anọ yi ẹshẹ. Ama anọ ra si ụshine aani neta, sa va kụ si mẹ kọ varama shine kẹ? Ọi kụ nyi isa va zụ siọ mẹ fụni ka va shaa, dạ kụ afụ shio. ¹⁴Ẹwụ nin ọnọ vi ọpa yazạ. Irẹkụra ana yi ini irẹsụfa ọ ma zụ si ẹngwụ tẹ.¹⁵Ọza me fụ ọpa, da si uji kụo, ama da si ọ gẹ ọchi irakọ-ọpa, dọ si ẹtofei yi aza ana ineeshi. ¹⁶Navọ di ọpa awụ nini ọ za inọvidi aza, dẹ zụ re ụkọrọ ọiza awụ nin, doti ẹ zụ sụga yi Ada awụ nini ana yi ineekụ.Ijesu ọ shafụ ofi Imosisi sha(Irk. 16:17)¹⁷Asụụ ro ki ma vẹ ve dụ ofi navẹki ọkisẹ nini. Maa zi vẹ ki me ve dụ wa sha, ma vẹ ki ma va sụ wa vi ini ọmimẹ. ¹⁸Irẹiza ma kaa yụ wụ nini ka, poro di ineeku ọnri ẹshẹ ọ parafụ, ọ zi nyi irẹyi ọchi ọnya ana va ji sha ini ofi vụvụrụ, ama ọn bo vaa sẹ.¹⁹Fụvavọ ọzatụrọza ene re dụ, ene weyi fụ keekere ini ofi ẹnẹni, dọ zẹ zụ aza nini ki ẹvọvọ mẹ, avaa shi ọzọnọ, ezene weyi fụ keekere ini ijọva ineeku. Ama ọza ana ra mẹẹ, dọ zẹ ka yaza nin, ọni ọnọvi ọza ana bani fụ bo ineekụ. ²⁰Fụvọki ma ka yụ wụ nin kaa, ọọ zi viki ọmimẹ ẹtẹrẹ awụ nin fụna ayi oyofi ọnri Ifarisi nini, wai zụa ngwụ ini ijọva ineekụ-ọiza.Irẹyi inọpati ọikụ ọmimẹ(Irk. 12:57-59)²¹Waa wụ nini amẹ kaa yụ wa, ini ụmọkụkụ ka, "A sụ wụ ọza, ọza ana ra wụ ọza, vana vaa veyi ki ayọtụnẹ ishọji." ²²Ama ma kaa yụ wụ nin ka, "Ọza ọna kwayi ọza ọfụva aani, vana vaa yini ivi ishọji. Ọza ana ra zẹ ka yi ọza ọfụva aani ka, ọzi zarẹsụ, "vana vaa yini ivi," ama ọza ana ra ka yọ ọza ka. 'Ẹwụ Ọnụra!' vana yini ivi ineekụ ira.²³Fụvavọ, waa si isi irafẹkẹ aa ni ini ọpẹtẹ, dụ tamayi kụ wa nyi irẹyi ọza ọfụva wụ tụ ininẹ. ²⁴Navọ isi irafẹkẹ ọnọ tụni ọpẹtẹ, dụ wa varama ne teni akaakana ẹwụ ri ọza ọfụva awụ, du wa vaa tangwạ va mẹ isi irafẹkẹ awụ.²⁵Jantụ pe ọza ọni ẹwụ riọ ra nyi irẹyi kaa, fini noze, ụ ma ni ni ikootụ nini, ọọ zi vavọ, ọ va sụ wụ yi ọmọkarẹyi, dị mọkarẹyi sụ wụ chire ọnọpa ụvọ, da vọ kụ sụ wụ tụ ini ijaarụ. ²⁶Irẹiza ma kaa yụ wụ, wai zụa jinẹ fizọ poro dụ we sụta awụ bo.Irẹyi inọpati osisi ẹchẹngwụ(Irk. 12:17)²⁷Wa wụ kaa ka da, ka, 'Asụụ sẹrẹka.' ²⁸Ama ma ka wụ nini ka ọza ne ree re ọnyẹnẹ, di eyi ani ra zi fini ẹngwụ aani, o pee sẹrẹka da ini ọtụtụrụmạ.²⁹Iri ụvọri awụ ra mẹ kụ wa ji gege, tụọ jesi, dụ we nee ta. Fụvọka, ọọ dashi ka, aka ọnya ini ẹchẹngwụ awụ ọ da ne ta, fụni ka e ne ẹwụ ụvọta ngwụ ineekụ ira. ³⁰Ụvọri awụ ra mẹ kụ wa ji gege, da kụra, dụ we nee ta. Fụvọka, ọ dashi ka, aka ọnya ini ẹchẹngwu awụ ọ da kụra, fụni ka e ne ẹwụ ụvọta ngwụ ineekụ ira.Irẹyi inọpati oyiyi ẹngwụ tẹtẹ oserọva(Imt. 19:9, Imk. 10:11-12; Irk. 16:18)³¹A zẹ ki kaa, ka, 'ọza e ne re yi ose aani, ọ si iwe ivenụ yọ.' ³²Ama maa ka yụ wụ nini ka, ọza e ne re yi ose aani, ọọ zi vika fụvi irẹka ọsisẹ, ọ mẹẹ ki ọọ sẹrẹka. Ọza ana ra nyi ọnẹẹ ene yi tẹtẹ da, vana zẹ sisi sẹrẹka.Irẹyi inọpati eku ọshishi³³Zẹtụọ, wa zẹ wụ da, kaa ka yi anụmọkụkụ ka, 'Asụụ shiekụ apinẹ, ama mị isa ọnụ ra shiekụ aani yi Ananyiyi. ³⁴Ama ma kaa yụ wụ nini ka, asụ shiekụ vụvụrụ; asụụ si ẹbẹẹba shiekụ, fụvọki izọ ono Oshomoshi yatu tụ. ³⁵Asụụ si ẹtẹ shiekụ, fụvọki izọ ọni Oshomoshi kụa afu shị, navẹki Ijerụsanẹmụ, fụvọka irẹkụra oshinọyi ọbani ọnọ vi.³⁶Asụụ si irẹsụ awụ shiekụ, fụvọka wai zụa mẹ ki ẹyi awu ọnya ọ vi ọvuọvụ, navẹki ojooji. ³⁷Ama navọ di irẹyi awụ ọ vi, 'Ee ee' navẹki 'Eiye eiye', isẹnẹ ra funi ẹneni da, vana fidi eshụ vẹ.Ọsisi aichama vaya ọnọfụụva ayi³⁸Waa wụ, ka kaa ka, "Ọza ọọ tụ wụ iri ọnya, ẹwa zẹ tụọ iri ọnya; Ọza ọọ tụ wụ anyi ọnya, ẹwa zẹ tụọ anyi ̣ọnya." ³⁹Ama ma kaa yụ wụ nini ka, ọza ọ mẹ wu ọshimi, a suu si atọ. Akikọnọ, ọza ọ nya wụ arifẹ ini okụra ụvọri, zẹ vara okụra ụvọfa yọ.⁴⁰Ọza ọ shi wu irẹka ini ikootu, dọ dọ wụ abada, si aụrụ ọtụnẹ aani bẹrẹ yọ. ⁴¹Ọzatụrọza ana ra si ụkata za wụ zụsẹ imeeri ọnya; kụafụza zụsẹ imeeri ẹẹva. ⁴²Ọzatụrọza ọna ra pa wụ isa, siọ yọ, asụ vara irama ki ọza ene re si ki ọna di isa zere fini ụvọ awu.Sirẹyi ọnivi awụ(Irk. 6:29-30)⁴³Waa wụ nini, ka kaa ka, 'Ụ bẹdọ sirẹyi ọza ọfụva awụ, ama dụ kwayi ọnivi awụ nini.' ⁴⁴Ama, ẹma kaa wụ nin ka, sirẹyi ọnivi awu dụ wa tụozụrenụ yi azẹna mụya rụ wụ. ⁴⁵Fụvọ dụ wa zụ vi ozi ada wụ ana yi ineekụ. Fụvọki ọni ọnọmẹ ki ọyi ọsha kụ ọzọshimi ọnri ọzọiza, ọni ọnọmẹ ki orishi ọzụ kụ ọzọiza ọnri ọzọshimi.⁴⁶Aaviki ezene sirẹyi awụ kẹnẹ ọnụ sirẹyi aani, yere ọgụ ana yi inaani.? Ọdi maana nini warama mavọ? ⁴⁷Wa ku ẹẹnyara wụ renya, sẹnẹ ụụ mẹ ọnụsi fụni ẹzẹna vọ? Ẹnẹna zi yo Oshomoshi warama mavọ? ⁴⁸Fụvavọ wa bẹdọ vi ọgigụ nini venebiri Adayi ẹbẹẹba mẹ gụ.

Chapter 6Asụụ garogu ọiza ọnụ ra mẹ

¹Si eyi pẹngwụ awụ nini, doti asi ọviki waa mẹ ụkọrọ ọiza inọvidi aza, fụvọ de zu rewụ nini. Aa vavọ yọ, we ze re ọgụ dọ fini ụvọ Adawụ ana yi ineekụ. ²Fụvavọ, waa mọiza, asụ showụ ẹngwa awụ, vene ọfatụvakụ nini mẹẹ mẹ ini Isinagọgụ, ọnri inorere, di aza ẹzụ ga wa. Irẹiza ma ka yụ wụ nin ka, ẹẹ dọ ọgụ anini da.³ Ama, waa mẹ ọiza, asụ zẹẹ ki ụvọfa awụ ọọ yẹ isa ọni ụvọri awụ aa mẹ. ⁴Doti ọiza ọnụ waa mẹ ọvi ini angwụmi. Adawụ ene rewụ ini angwụmi, vee si ọgụ aani yụ wụ.Ozurenu ọni Ijesu zụ eziafụ aani(Imk. 11:25-26, Irk. 11:2-4)⁵Waa tụozụrenụ, asụ mẹ vene ọfatụvakụ nini. Fụvọki ee si ki ẹnẹ dinẹ tụozụrenụ ini Isinagọgụ ọnri ini orere di aza e zụ ree wa. Irẹiza ma ka yụ wụ, nini ka ẹẹ dọ ọgụ anini da. ⁶ Ama, waa tụozụrenụ, ngwụ irẹngwụ awụ na, gụoze awụ, dụ wa tụozụrenụ shi Ada awụ ana yini angwụmi, ụmọnọ Ada awụ ene ree ẹtẹ ini angwụmi vee si ọgụ aani yụ wụ. ⁷Waa tụozụrenụ nini, asụụ vatụra irẹyi kẹnẹ kẹnẹ nini, vene Ijẹntaini nin mẹẹ mẹ, fụvọki ee ro ka a vaa wụ ozụrenụ anini fụvọ irẹyi ọrụrụ.⁸Fụvavo, asụụ fama wa, fụvọki Ada awụ nin ọ yẹ isẹnẹ ọvọrọ kụ wa nyi, dụ va tangwa fisụe nini. ⁹ Fụvavọ, wa maa ni tụozụrenụ nini; Ada ayi ana yi ineekụ, ya da yi irẹsha wụ. ¹⁰Navọ di ijọva awụ ọ vẹ. Di ya mẹ osisi awụ inẹshẹ venebiri ọ mẹ ya ineekụ.¹¹Si isari irajini yi yi. ¹²Si aichamai ayi vaya ayi venebiri imẹ si aichama azẹnẹsa vaya anini. ¹³ Asụụ zayi nangwụ ini amore, ama dọitụ fini ụvọ aza ẹshimi. Fụvọki ijọva vi ayi awụ, ụkata vi ayi awụ, ụga vi ayi awụ, poro-pooro. Aami.¹⁴ Fụvọki waa si aichama aza vaya anini, Ada awụ ana yi ineekụ, dọ zẹ si aichama wụ vayawụ. ¹⁵ Ama, waa zi si aichama aza vaya anini, Ada awụ ọizụa si aichama wụ vayawụ.Asụụ kụ irafẹkẹ awụ gẹneyi¹⁶ Waa ba awẹ nini, a sụụ sụ-eyi vene ọfatụvakụ nin anaa vẹngwụ shi doti aza ẹ zụ yẹ ki ẹẹ ba awẹ. Irẹiza ma ka yụ wụ, ẹẹ dọ ọgụ anini da.¹⁷Ama, waa bawẹ nini, nyineyi awụ, dụwa si angwẹ mụna eyi-irẹsụ, ¹⁸ doti asi azẹnẹsa yẹ kụ waa bawẹ nini, ọchishi Ada awụ nin ana yini angwụmi kẹnẹ. Ada awụ nini enee re ẹtẹ ini angwụmi vaa si ọgu yụ wụ nini ini orere.Teni ogu awụ tẹ tụni ineekụ(Irk. 12:33-34)¹⁹ Asụụ kụ ogụ tẹ yi ẹngwụ awụ nin inẹshẹ, izi idegụ ve zụ dụo sha, do ze kụrẹ ọnri ki izẹni oyi va zụ chaka, do ne yi o. ²⁰ Ama, kụ ogụ tẹ yi ẹngwụ awụ nin ineekụ, izi idegụ rai zụa dụo, do ze kụrẹ, di oyi nini rai zụa chaka ireshi nee yi o. ²¹Fụvọki izi ogụ awụ nin raa ya, izọ ọni ọtụtụrụma awụ nini zẹ va yi ya.Ẹtofei ọnri oozi(Irk. 11:34-36)²² Iri vi ọpa yi ẹngwụ ọza. Fụvavọ, iri awụ oo zoza, ẹtofei vaa ngwụ ini ẹngwụ awụ bo. ²³ Ama, iri awụ oo dụvi, ẹngwụ awụ bo ve shi yi oozi. Fụvavọ ọọ viki ẹtofei ana yini inẹ awụ vi oozi obooro, oozi ọnọ mẹ va bani tụ kẹ! ²⁴ Ozenya ọi zụa fẹkẹ ọga ẹẹva, fụvọki ọ vaa kụayi ọnya, doo si irẹyi ọsa; ọọ zivọ vavi, dọ kụayitụra ọnya, dọ vasi eyi wụ ọsa. Wai zụa fẹkẹ Oshomoshi, dụ zaa fẹkẹ ogụ.Asụụ shafasha isẹnẹ yinẹshẹ(Irk. 16:13, 12:22-31)²⁵Fuvavọ ma ka yu wu nin ka, asụ nyi ariro inọpati ẹshẹ awụ ka, sụ vaa ri navẹki sụ vee fụ ọnri ki sụ vee si kụ ẹngwụ nini. Ifẹ ọza we re zi fụni isari, navẹki ẹngwụ ọza we re zi fụni ita? ²⁶ Ree ụnomi nin ana yi ẹbẹẹba, e me chire, ẹ ma faa de ve ne pere tụni ụfọ, ama Ada awụ nini, ana yi ineekụ aa pa wa. Navẹki wa zi nyi ụbani fụni ụnomi nini?²⁷ Yere ọnya ini awụ nin, ana vazụ zirẹngwụ afasha, dọ dụvọ ọnya tụni ifẹ aani kẹ? ²⁸Sẹnẹvẹ dụ wa shafasha inọpati aụrụ nini? Roo irẹyi ododo ana chi tụni avi, ẹ mẹẹ fụ. Ẹzi makanya, ẹ ma ngwụ-owụ shi ita. ²⁹ Di ma kaa yụ wụ nini ka, Isoromọni mẹ nyi ụbani netu, azẹ zi mẹẹ ẹngwụ vene ọnya ini ododo ẹnẹẹ.³⁰ Oshomoshi ra vọvọ si ụzoza kụ avi, ọnu wee re rajini, ama ụfụọ, de ne ngwụ ini ira, ụụ we ro ka ọizụa si ita ene zoza fụnavọ kụwụ ẹngwụ nini? Ọdọwụ awụ nini oo weyi. ³¹Fụvavọ asụ shafasha ka, "Si vaa rii" navẹki "Si vee fụụ" ọnri ka "Si vee chire."³²Fuvọki isẹnẹni ọni Ijẹntaini ee si zizi. Ada awụ nin ana yi ineekụ, ọ yẹ ki ọvọrọ kụ wa nyi isẹnẹni nini. ³³ Ama, bidi si ijọ̣va aani ọnri ọmimẹ-anasẹrẹ aani da, ụmọnọ, dọ vaa si isa anavọ bo tụọ yụ wụ nini. ³⁴Fụvavọ, asụ shafasha fụvọ ụfụọ, fụvọki ụfụọ ọnọ vaa shafasha ẹngwani, ọkụshi ọza-ọza ọọ nyi ọshimi ana yi inaani.

Chapter 7Asụụ mẹ ishọji yi aza (Irk. 6:37-38, 41-42)

¹Asụụ me ishọji aza, doti asa mẹ ishọji awụ. ²Fụvọki ishọji ọnụ ra mẹ yi aza, ana vaa mẹ yụ wụ, ọnyụmọ ọnụ ra si mẹ isa yi ọza, ana vaa si mọ yụ wụ.³Sẹnẹvẹ dụ wee re ẹchichi ana yini iri ọza ọfụva wụ, ama we zi re ọchi ọvọvọrọ ana yini iri awụ? ⁴Ụmẹ va zụ kaa yi ọza ọfụva awụ ka, "Navọ ma si ẹchichi ana yini iri awụ kụra, inaama ọni ọchi ọvọvọrọ yini iri awụ?" ⁵Ẹwụ ọfatụvakụ! Bidi si ọchi ọvọvọrọ ana yini iri awụ da, ụmọnọ dụ ree ẹtẹ ẹtẹrẹ, dụ wa zụ si ẹchichi ana yini iri ọza ọfụva awụ kụra.⁶Asụụ si isa ana vi ọnini yi irezi nini; asụụ zẹ si ireweyi tẹtẹ tụ inọvidi ụra nini. Ọọ zi vavọ, ẹẹ vaa kụafụ shio parafụ, ụmọnọ dẹ vara eyi, dẹ na wụ va sha.Wee fisue, wee si isa, wee fu oze(Irk. 11:9-13, 6:31)⁷Fisụe ava si ọ yụ wụ nini, sii ụ ve ree. Fụoze, ava naa yụ wụ. ⁸Fụvọki ọzatụrọza ana ra fisụe, o ve ree dọọ, ono re sisi, o ve ree; ọza ọna ravi ka o fụoze, ava naa yọ ọ.⁹Yere ọza ọnya ini awụ nini, ono ozi aani ve fisụe ivụrẹdi, dọ si irẹta yọọ kẹ? ¹⁰Navẹki oo fisụe isenyi, dọọ si isẹchichi yọ ọ kẹ?¹¹ Aaviki ẹwụ nin azẹ ẹshimi ọ yẹ a mẹẹ mẹ si isa ozoza yi ezi awụ nini, ụmẹ si ve roo ki Ada awụ nini ana yi ineekụ ọ zaa si isa ozoza yi aza ana raa fisụe fini ụvọ aani? ¹²Fụvavọ, isatụrisa ọnụ re sii ka aza ẹ mẹ ka wụ vẹ, ọnụ ra zẹ mimẹ ka wa na, fụvọki ọnọni ọ vi ofi ọnri irẹyi ọkisẹ nini.Oze tẹẹrẹ ọnri oze ọgana(Irk.13:24)¹³ Zi oze wẹẹrẹ ngwụ ireshi nini, fụvọki ọchọfọ ọnri oze ana nangwụ izi aza ye vụrii, vana gana. Aza na zi oze ọnọ vanaa rụrụ. ¹⁴Ama, ọchọfọ aani vana nyi wẹẹrẹ, dọ faana, ọna ngwụ inẹshẹ poro-pooro, aza chee kẹnẹ ene ree.Ẹtụtụ ọchi ana sii yẹ ọchi(Irk. 6:43-44) ¹⁵ Si eyi pe ẹngwụ awụ nini fụvọ ọkisẹ anapẹ nini, ana si ụpa atẹmẹ kụẹngwụ, ama ọdụmi odụvi ẹnẹvi ininẹ. ¹⁶Ụ vaa yẹ wa zirẹngwụ ẹtụtụ anini. Ọza wa va zụ fa osinkara finẹsụ agagana, navẹki a fa ezụ finẹsụ ọchi ikeyi? ¹⁷ Ọchi ozoza vanaa tu ẹtụtụ ozoza, di ọchi ọshimi tu ẹtụtụ ọshimi.¹⁸ Ọchi ozoza ọi zụa tu ẹtụtụ ọshimi, navẹki ọchi ọshimi dọọ tụ ẹtụtụ ozoza. ¹⁹Ọchi bo ana ra zi tu ẹtụtụ ozoza, vana vaa da nyẹtẹ, dẹ nee ngwụ ini ira. ²⁰Fụvọki zirẹngwụ ẹtụtụ anini, ọnụ va si yẹ wa.Azẹnaa si irenu fẹkẹ Oshomoshi(Irk. 13:25-27)²¹ Aivi aza bo ana shi mi Ananyiyi, Ananyiyi ọnọ vaa ngwụ ini ijọva ineekụ-ọiza, ọọ zi vi ẹnẹ naa mẹ osisi Ada ami ana yi ineekụ renya. ²²Aza ẹrụrụ va kaa ini ọkụshi ọnọ ka, Ananyiyi, Ananyiyi, ii wa ra zi kisẹ ini irẹsha awụ, ọnri ka ini irẹsha awụ ya dụ azeeshi nini jinẹ, di zẹ mi mụkọrọ oshishozeyi renyi renyi ini irẹsha awụ? ²³ Ụmọnọ, mvaa kaa yi wa ini orere, ka 'Maa zi yẹ wụ vụvụrụ! Fụrẹ meyi nini, ẹwụ ọnụkọrọ ọshimi nini!'Azẹnẹva ana dareshi(Irk. 6:47-49)²⁴Fụvavọ, aza bo ana ra wụ irẹyi ami, dọ vatụraa, vee venebiri ọnụvira ana dareshi aani tụni irẹsụ rẹta. ²⁵Orishi mẹ zụ, di ọshaara enyi vẹ, ashi mẹ kụ, do tụ ireshi ọnọ, ozi wụo, fụvọki a daa tụni irẹsụ rẹta.²⁶Ama, ọzatụrọza ana ra wụ irẹyi ami, dọ ra zi vatụraa, vee venebiri ọnụra ana dareshi aani tụni irẹsụ ẹyẹrẹ. ²⁷Orishi mẹ zụ, di ọshaara enyi vẹ, da ashi kụo, do tu ireshi ọnọ, do wuo. Owiwụ aani vana rata.²⁸ Ụmọni Ijesu ka irẹyi ẹnẹni ta da, isa bo ọnọ zụ wa dọ vi oshishozeyi yi aza ọkọni ẹnẹẹ. ²⁹Fụvọka ọọ zụ wa vene ọza ana nyi ụmọ, ọ zi vene oyofi nini.

Chapter 8Ijesu ọ fụ ọnikụ ọbani ọnya ikụ sha(Imk. 1:40-45; Irk. 5:12-16)

¹Ụmọni Ijesu chi fini irẹsụfa vẹ da, di aza ọkọni vatụraa. ²Ree, ọni ikụ-ọbani ọnya me vetụo, dọ kụẹtẹ inọvidi aani, dọ ka: "Ananyiyi, ọọ viki we si, ụva zụ mẹ ki ma ni." ³ Di ijesu tanụvọ kaniọ, dọ ka, "Mee si, Ẹngwụ awụ ọ nii." Ụmụmọ di ikụ-ọbani aani ta.⁴ Di Ijesu kaa yọ ka, "Ree ki wa zi ka yi ọzọnyọnyi. waa na, na si ẹngwụ zụ arụfa, dụ waa na mi isẹ ọni Imosisi si shẹtẹ ka mẹ, doti ọvi iveenụ yụ wa kẹngwụ awụ ọ nii."Ọga ashoja ẹchẹshi ani Iromu(Irk. 7:1-10 ⁵ Ụmọni Ijesu ngwụ Ikapanamụ, di oshirẹsụ ashoja ani Romani, vetụo, dọ ka, ⁶ "Ananyiyi, ozida ami osụafụ sụavọ, doo rụmanya ineshi." ⁷Di Ijesu kaa yọ ka, "Maa vẹ di ma vaa fụọ ikụ sha."⁸ Di oshirẹsụ ashoja ọnọ tụoshi, dọ ka, "Ananyiyi ma zi fụ ọza ọnụ va zụ ngwụ ireshi aani, shai si renu kaa ki ẹngwụ ozida ami ọ nii." ⁹ Ẹmi nyẹmbẹ vana yini afụ ọnụmọ, dim zẹ nyi ashoja nin ana yi inafụ ami, ma kayi ọnọni kaa na, dọ na. Maa kayi ọsa kọ vẹ, dọ vẹ, ọnri ka ma kayi ozida mi ka, 'mẹ ọnọni', dọ mẹẹ." ¹⁰ Ijesu mẹ wụ irẹyi aani, do shieyi, dọ va kayi ẹnẹna vatụraa, "Ini irẹiza ma ka yụ wụ nin, mei rire ọza ana nyi ẹngwụ ọdọwụ ọnọni ini ẹtẹ Isrẹni da."¹¹ Ma kaa wụ, aza vavẹ fi izi ọyi jinẹ fụrẹ, ọnri izi ọyi zi ngwụ ẹtẹ dẹ yatụ pe Abrahamụ, Aiziki ọnri Ijakọbụ ini ijọva Oshomoshi, dẹ gaa ri isari. ¹²"Ama, ẹnẹna vi ezi ijọva ẹshẹ ọnọni vene vee ne ngwụ ini oozi ẹshẹshẹ, ẹnẹ va yaa jorere, dẹ za kụra anyi." ¹³Di Ijesu ka yi oshirẹsụ ashoja ọnọ ka, "Wa na, ọ si ya yụ wụ venebiri ụmẹ nyi ọdọwụ." Di ẹngwu ozida o nii, ịnẹfi ọnọ gẹdẹgẹdẹ.Ijesu ọ fụ azẹrụrụ ikụ sha(Imk. 1:29-34; Irk, 4:38-41) ¹⁴ Ụmọni Ijesu ngwụ ireshi Ipita, oo re ọnyi ose Ipita mẹ sụ tẹtẹ, di iiva aa mẹẹ. ¹⁵Di Ijesu va sụvọ kaniọ ụvọ, di iiva ọnọ fini ẹngwa aani. Ụmọnọ do kwẹtẹ, do suwa ọzọga.¹⁶Ome tụ orụva, da kụ azẹrụrụ ana nyi ifẹ azeeshi vetụo. Ọọ si irẹyi aani dụ ifẹ azeeshi ẹnẹ jinẹ, dọ zẹ fụ wa ikụ bo sha. ¹⁷Inoze ọnọni, da si irẹyi ana zirẹngwụ Aisaya ọkisẹ kaa, ka: Ọni ụvọta ọọ si ẹngwụ aani di ikụ ayi ọnri ẹngwụọzi renyi renyi sha.¹⁸ Ijesu me re aza ọkọni ana varakaraa, dọ kẹẹ fizọ, dẹ ni ni akajinẹ irẹfụ Iganini. ¹⁹Ụmavọ oyofi ọnya do vetụo, dọ ka, "Ọzụọzisa, mva vatụra wụ irasha tụri irasha ọnụ raa nọ. ²⁰Di Ijesu kaa yọ ka "Irada ẹẹ nyi ụsi anini, avọ ọni ụnomi nini mẹ zẹ nyi irẹngwẹ, ama Ozi Ọza ọ zi nyi izọnọ vaa si irẹsụ tụ.²¹Oziafụ aani ọsa ọ kaa yọ ka, Ananyiyi daka yi mi oze, di me ne okụ ada mi da. ²²Ama, di Ijesu ka, "Vatụra mi, dụ wa navọ di okụ nini eene okụ anini."Ijesu ọ za opomu dinẹ (Imk. 4:35-41; Irk. 8:22-25)²³ Ijesu mẹ ngwụ ẹpa di eziafụ aani vatura ngwụọ. ²⁴Ashi ọbani ọ kwẹtẹ inẹsụ irefụ, netụ ka, enyi ọ da kụ ẹpa. Ama di Ijesu aa sụara. ²⁵Di eziafụ aani vetụo, dẹ shaa, dẹ ka, "Dọ yi tụ Ananyiyi, Yee ve vụri o."²⁶ Ijesu ọ kaa yụ wa ka, "Sẹnẹvẹ dụ wee shangwa nin?" ọdọwụ awụ nin o weyi! Dọ va kwẹtẹ, dọ tu ashi ọnri irefụ ofụvọ, da ashi za dinẹ keeri. ²⁷Do shi azẹnẹ eyi, dẹẹ ka, "Yee re ẹngwụ ọza, ọnọ nọnị vi kẹ,? ọni ashi ọnri irefụ wụ irẹyi tuọ irenụ?Ijesu ọ du ifẹ azeeshi jinẹfini ẹngwụ azẹnẹẹva(Imk. 5:1-20; Irk. 8:23-39)²⁸Ẹfi ọni Ijesu vẹ aka ọfụva irẹkụra Igadareni, di anẹrụ ẹẹva ana nyi ifẹ azeeshi ve tụo. Ini irikụta ẹnẹ fụrẹ vẹ, bẹri ọikụ ọshimi; ọzi nyi ẹzẹna va zayi naa zi oze izọ parafụ. ²⁹De nowụ zẹtẹ, dẹẹ ka, "Sẹnẹ kụ ẹyi rẹwụ gẹ kẹ?, ẹwụ ozi Oshomoshi? Ụwa vi izọni kụwa vaa mụya riyi, di ẹfi ayi ọ tangwa ve tụ?"³⁰ Ụmavọ, ụra ẹrụrụ ẹnyi anaa tẹẹtẹri ini ọgụrẹ wa. ³¹Di ifẹ azeeshi ẹnẹ dipẹ yi Ijesu ka, "Waa dụ yi jinẹ, navọ diya nangwụ ininẹ ụra ẹnẹni." ³² Ijesu ọ va kaa yi wa ka, "Waa na nin!" Ẹ mẹ jinẹ vẹ, dẹ nangwụ ininẹ ụra ẹnẹ, di ụra ẹnẹ bogidi zụechi fini irẹsụfa ọnọ, nangwụ ini irefụ, de vụ shi inenyi.³³ Di ẹ̵nẹna pa ụra ẹnẹ zụe fizọ, nangwụ ini irẹkụra, na ki isa boo ana mẹ, inọpati ẹnẹ ọnọvi ka ẹ nyi ifẹ azeeshi. ³⁴ Di ani irẹkụra ẹnẹ boo jinẹ vẹ, vetu Ijesu. Ụmọni ee ree, dẹ dipẹ yọ ka ọ jinẹ fini ọkakooro ọnọ.

Chapter 9Ijesu ọ fụ osuẹngwụ ọnya ikụ sha(Imk. 2:1-12; Irk. 5:17-26)

¹Ijesu ọọ ngwụ inẹpa jinẹ, ni irẹkụra aani. ²Ree, asi osụẹngwụ ọnyi tụni ụpoto vetụo. Ome re ọdọwụ anini, di Ijesu kaa yi osuẹngwụ ọnọ ka, "Ẹwụ ozi, ngwareyi sha. Aa si aichama wụ vayawụ da."³Di oyofi ẹnyi aa kaa inakaakana ẹngwụ anini ka, "Ọnọrụ ọnọni ọọ ka isa aanyisi." ⁴Ijesu ọọ yẹ oo nero, dọ ka, "Sẹnẹvẹ dụ we ro isa ọshimi ini ọtụtụrụma awụ nini? ⁵Yere ana rẹngwụ fụ ka ka ki, 'Asi aichama awụ vayawụ,' navẹki, 'kwẹtẹ dụ wa zụsẹ?' ⁶Ama dụ wa yẹ, ki Ozi Ọza ọọ nyi ụmọ ọ sisi aichama aza vayani inẹshẹ. "Dọ kaa yi osuẹngwụ ọnọ ka," kwẹtẹ, si ụpoto awụ, dụ wa neeshi awụ."Ijesu ọ shi Imatiu(Imk. 2:13-17; Irk. 5:27-32) ⁷Di ọnọru ọnọ kwẹtẹ, do neshi aani. ⁸Ụmoni aza ọkọni ẹnẹ re isa ọnọ, oo shụweyi, dẹ si ụga yi Oshomoshi ọna si ụmọ ẹngwụ ọnọni yi aza. ⁹Ijesu mẹ fizọ dọ na, oo re ọnọrụ ọnya anaa shi Imatiụ, ana yatụ tụni ajẹngwụ iza ya dọ imaana. Dọ kaa yọ ka, "vatụra mi." Dọ kwẹtẹ, dọ vatụra a.¹⁰Ijesu mẹ yatụ ọnọ vaa ri isari ineshi, ree, di aza ẹrụrụ ẹnaa di maana ọnri anaichama nini bẹrẹ Ijesu ọnri eziafụ aani risa. ¹¹Ụmọni Ifarisi nini ree, dẹ kaa yi eziafụ aani ka. "Sẹnẹvẹ di ọzụọzisa awụ nini ọnri ọdimaana nini shi anaichama nini, gaa risari kẹ?"¹²Ijesu mẹ wụ, dọ ka, "Aza ẹni ẹngwụ ra zi zi, e mee si ọmọzikụ, ẹnẹngwụ aazị renya enee si ọmọzikụ. ¹³ Na kọsụẹ isẹnẹ vi afụ irẹyi ọnọni, 'Ayụva ọni mee si, aivi isẹvọ.' Ma zi vẹ vaa shi ẹnẹ naa mẹtẹrẹ ka e rinẹ varama, ama anaichama nini."Irẹyi inọpati awẹ (Imk. 2:18-22; Irk. 5:33-39)¹⁴Ụmavọ di eziafụ Ijọọnụ vetụo, dẹ ka, "Sẹnẹvẹ di ẹyi, ọnri Ifarisi nini aa bawẹ ẹfi bo, ama eziaf̣ụ awụ ẹ ma bawẹ?" ¹⁵Di Ijesu fọ wa ka, Aza ọza anaa nyi ọnẹẹ, wa va zụ nyi inoodu ụmọni ọva ni ra yizọ pe wa? Ama, ẹfi aa vẹ ana va sii si anavi ọva fini akaakana anini, ụmavọ dẹ va bawẹ.¹⁶Ọzi nyi ọza ana vasi ita ọwọọwa, dọ gẹ za aụrụ ọkụkụ, aa vọvọ mẹ, ita ọwọọwa ọnọ vana vaa naa fini aani, dọọ vika ụmavọ ọnọ va kụ naa fu.¹⁷Navẹki di ave eche ọwọọwa shini ampo ụpa eche ọkụkụ, aa vọvọ mẹ, ampo eche ọkụkụ ọnọ vana vaa na, di eche ọnọ vaasha, di ampo ụpa ọnọ nyẹmbẹ si du, ama ampo ụpa ọwọọwa, anaa va eche ọwọọwa shi, dọ ma nyi ene du."Ozi Ijairọsi ọnri ọnyẹnẹ ọnaa sụvọ kani aụrụ Ijesu(Imk. 5:21-43; Irk. 8:40-56)¹⁸Ijesu maa ki karẹyi ẹnẹni yụwa, di ọdọvidi ani Ijụụ nini ọnya vẹ, do nyima irẹsu yọ, dọ ka,"Ozi ami ọnyẹnẹẹ vene shẹshẹ su, ama vẹ wa va sụvọ awụ tụra, ka ọ vaa sha kwẹtẹ." ¹⁹Di Ijesu ọnri eziafụ aani kwẹtẹ dẹ vatụra a.²⁰Ree, ọnyẹnẹ ọnyi ana si irayi ẹwụrẹ̵̵̵̵̵̵̵̵va ee re isufẹ, ọọ vẹ inaama Ijesu, dọ si ụvọ kani ụtọ aụrụ aani. ²¹Fụvọki ọọ kaa yẹngwụ aani ka, "Ọọ viki ma zụ si uvọ kani aurụ aani, mva dashi" ²²Ama, do vareyi, do ree, dọ ka, "Ẹwụ ozi ọnyẹnẹ, nyi ọtụtụ-rụma ọdọwụ awụ ọọ mẹ wụ dashi da. "Di ẹngwụ ọnyẹnẹẹ ọnọ ni ini iwakati ọnọ.²³Ụmọni Ijesu ngwụ ireshi ọdọvidi ani Ijụụ ẹnẹ, do re ofụ-ofeere nini ọnri aza ọkọni anaa suọkụ nyamaa. ²⁴Dọ ka,"Wa na, ozi ọnyẹnẹẹ ọnọ o zi su, ọọ sụara. "Ama de nyụ-nyi isiya.²⁵A mẹ dụ aza ọkọni ẹnẹ tụẹshẹ da, Ọọ ngwụ irẹngwụ, dọ si ụvọ zaa ụvọ, di ozi ọnọ kwẹtẹ. ²⁶Di irẹyi ọnọni garashi ini okakooro ọnọ.Ijesu ọ sha ogueyi ẹẹva irii²⁷Ijesu mẹ fizọ, di ogụri ẹẹva vatụraa, dee nowụ ka, "Nyi ayụva yi yi, Ẹwụ Ozi Idevidi!" ²⁸ Ụmọni Ijesu ngwụ ireshi vẹ da, di ogụri ẹnẹ vetụo. Ijesu fọ wa ka, "Ụwa dọwụ ki mvaa zụ mẹ ọnọni? "Dẹ voshi ka, "Ẹẹn Ananyiyi."²⁹Di Ijesu si ụvọ kani wa irii, dọ ka, "Ọ vọvọọ ya yụ wụ nin venebiri ọdọwụ awụ nini," ³⁰di irii anini sha. Di Ijesu tụrawa ụtọ ka asẹ navọki ọzọnyọnyi ẹwụ irẹyi ọnọni." ³¹Ama di azẹnẹva ẹnẹ, na gara irẹyi ọnọ shi, ini ọkakooro ọnọ bo.Ijesu ọ mẹ ki evuvu ọ karẹyi(Imt. 12:22-24) ³²Aza ẹnẹẹva ẹnẹ maa na, aa si evuvu ọnya, ọni ifẹ azeeshi yini ẹngwụ aani ve tụ Ijesu. ³³Amẹ dụ ifẹ azeeshi ọnọọ fini ẹngwụ aani da, di ọnọrụ evuvu ọnọọ karẹyi. O shi aza ọkọni ẹnẹ eyi, dẹ ka, "Aza zi rire ẹngwụ isa ọnọni ini Isrẹni yẹẹyẹ da!" ³⁴Amaa, di Ifarisi nin aa kaa ki, "Ụkata oshirẹsụ azeeshi ọnọ si dụ wa jinẹ."Ijesu ọ nyi ayụva yi aza ọrụrụ(Imt. 9:35-38; Irk. 10:2)³⁵Ijesu ọọ ngwụ irẹkụra ẹnẹ bo, shi oweyi, shi ọbani. Dọọ zụwa ini Isinagọgụ anini, dọ ka irenụbe-ọiza ọi ijọva ineekụ, dọ fụ aza ikụ ọnri ẹngwụọzi renyi renyi sha. ³⁶O me re aza ọkọni, dọ nyi ayụva yụ wa fụvọki ẹẹ nyi ọkatẹngwụ, do kụ dụ ẹnbo eyi. Dẹ kụ si mẹ atẹmẹ ana ra zi nyi ọkụatẹmẹ ri.³⁷Dọ kaa yi eziafụ aani ka, "Isa rarẹ anavi ẹẹ rụrụ, ama, ọnụkọrọ irarẹ nini ẹzi rụrụ. ³⁸ Fụvavọ, jantụ tụozụrenụ shi Ananyiyi ana nyi isa irarẹ, ka ọ tụ ọnụkọrọ nini ngwụ inaarẹ."

Chapter 10Ijesu ọ shi eziafụ ẹwụrẹva (Imk. 3:13-19; Irk. 6:12-16; Ụkọ. 1:13)

¹ Ijesu ọọ shi eziafụ aani ẹwụrẹva vaabẹ, dọ si ụmọ yụ wa ka, ẹẹ dụ ifẹ azeeshi jinẹ, doti ẹẹ fụ aza iku̇ ọnri ẹngwụọzi anini renyi renyi sha.²Ọmẹyani, irẹsha eziafụ ẹwụrẹva ẹnẹ yi. Ọzi ipaapa ọnọ vi Isamoni ana zẹ shishi Ipita, ọnri Andụrụ ọnyara aani; Ijẹmsi ọnri Ijọọnụ ọnyara aani ana vi ezi Izebedi. ³Ifiripi, Ibatoromeu, Itọmọsi, ọnri Imatiụ ọdimaana, Ijẹmsi ozi Afiyọsi ọnri Itadiyọsi. ⁴Isimoni ọnavi Iziroti ọnri Ijudasi Iskariọti ọna vaa bafụ aani.Ọ mẹ vọrọ ka eziafụ Ijesu ẹẹ mụkọrọ(Imk. 6:7-13; Irk. 9:1-6, 10:3-12) ⁵ Ẹnẹ ewụrẹva ẹnẹni ọni Ijesu tụ itụ jinẹ, dọ kaa yụ wa ka, "Asụụ ni izẹni anarima dọwụ nin ra, ọnri ka asụụ ngwụ irẹkụra ani Isamariya ọnyọnyi." ⁶Akikọnọ, na we ne tụ atẹmẹ ọi ireshi Isrẹni ene vụ; ⁷Ụ maa na, wa ka irenụbe-ọiza ka, 'Ijọva ineeku ọ gụrẹtẹ da.'⁸Ẹnẹngwụ raa zi, fụ wa yọ sha; enene sụ; sha wa kwẹtẹ, ọnikụ ọbani nini, mẹwa nii; dụ wa dụ ifẹ azeeshi nin jinẹ. Ọọfẹ ọnụ dọ, ọọfẹ ọnụ ra siọ yụ wa. ⁹Asụụ si igonụ, isiriva, navẹki ikụpa tụni irapa awụ nini. ¹⁰Asuu za ampo wa jinẹ nin, navẹki aụrụ ọsa, navẹki ivata ọ nyi orụpa, navẹki ọchi ọkẹtẹ fụvọka ọnụkọrọ vanaa si isari aani yi.¹¹Irẹkụra tụri irẹkụra ọnụ ra ngwụ, ọọ vi ka ọbani navẹki oweyi, ụ si ọza ebebaani ana va zụ dọ wụ pẹngwụ, dụ wa ya pee netu ẹfi ọnụ vaa fizọ. ¹²Ụmẹ ngwụ ireshi ọnọ nini, dụ kụ aza bo. ¹³Aaviki ireshi ọna sẹrẹ yọọ, navọ doti ẹngwọrọ awụ ọ ya bẹrẹ wa. Ama aaviki ọzi vi ireshi ọna sẹrẹ, navọ doti ẹngwọrọ awụ ọọ varama ve tụ wụ.¹⁴Ẹnẹna ra zi dọ wu nin, navẹki ẹnẹna ra zi zẹ wụ irẹyi awụ nin, waa fini reshi ọnọ navẹki irẹkura ọnọ, bani ezi fini ụfụ awụ sha tụzo. ¹⁵Ini irẹiza ma kaa yụ wụ nin ka, ọ vaa rọ Isodomi ọnri Igomọra ẹngwụ ini ọkụshi ishọji fụni irẹkụra ẹnẹ.A vaa mụya ri eziafụ Ijesu(Imk. 13:8-13; Irk. 12:11-12, 21:12-19)¹⁶Ree, ma tụ wụ nin jinẹ vene atẹmẹ ini akaakana ọdụmi nini, ootụ dụ we nụvira vene isẹchichi nini, ama mẹ vene onekụkụ ana raa ma mẹ ọshimi. ¹⁷Si eyipẹtẹ yi aza nin! Aza vaa za wụ nin nangwụ ini iragụ, ẹẹ vaa si inori tụ wụ nin ini isinagọgụ anini. ¹⁸ Ụmavọ daa za wụ nin ni inọvidi igomina shi oshinọyi nini fụvọ ami, doti ọsi mi iveenụ yụ wa ọnri anarima dọwụ nini.¹⁹ Ụmọnẹ ra za wụ nin chirewa ụvọ, asụụ shafasha ki sẹnọvọri kụ wa ka nin, navẹki ụmẹ vaa ka nin. Fụvọki a vaa si isẹnụ ra vaa ka yụ wụ nin ẹfi re si tụ. ²⁰Fụvọki ọzi vi ẹwụ ọnọ vaa karẹyi, ama ifẹ Ada wụ nin ọnọ vaa zirẹngwụ awụ karẹyi.²¹Ẹnyara vaa sẹngwụ chirewa ụvọ kaa wụọ, di ada za ozi aani chirewa ụvọ kaa wụọ. Ezi vaa kwẹtẹ tụ ada ọnri ọnyi dẹ mẹ ki a wụ wa. ²²Aza bo vaa kwayi awụ fụvọ irẹsha mi. Ama ọna raa sẹngwụdọ ne tu ẹtẹ ọna vaa dọọ tụ. ²³Ụmọni ẹ raa mụya rụ u nin ini irẹkụra ọnya, zụe fi izọ, du wa ni irẹkụra ọsa nini, fụvọki irẹiza ọni maa ka yụ wụ ka, wai zụa zi irẹkụra bo ana yi Isrẹni ta, di Ozi Ọza ọ vaa varama vẹ.²⁴ Ọza ana kọsụẹ isa, o me fụna ọzẹna zụọ isa, navẹki di ozida fụna oshirẹsụ aani. ²⁵Ọza a naa kọsụẹ vọnọ vọrọ ko vene ọza a naa zụọ isa, di ozida vene oshirẹsụ aani. Aaviki a shi adarẹshi Ibezebọọbu da, irẹsha ana vaa shi anrẹshi aani me ve dụvi tụ kẹ!Ẹni ọvọrọ ki ọza o shangwa ani (Irk. 12:2-9)²⁶ Fụvavọ asụ shangwa anini, fụvọki ọzi nyi isẹnẹ kụokụ ana ra zaa si zụ, navẹki ana tẹ, ọ na ra zaa yẹ. ²⁷Isẹnim ra ka yụ wụ ini oozi, kaa ini eyi-gede; ọnụ ra si ụtọ awụ wụ, showụ aani inẹẹsụ ireshi.²⁸ Asụ shangwa ẹnẹ naa vaa zụ wụ ẹchẹngwụ, dẹẹ ma zụ wụ ifẹ. Akikọnọ, ụ nyi angwashi ọza ana va zụ wụ ifẹ ọnri ẹchẹngwụ ineekụ ira. ²⁹Naveki aivi ikọvọ anaa na ụnomi ọnyọpandede ẹẹva? Tụavọ-tụavọ ọ zaa nyi ọnya ana vaa javọ di Oshomoshi ra zaa yẹ. ³⁰Ama ẹyi irẹsụ awụ vana zika. ³¹A sụụ shangwa, wa nyi ụbani fụna ọnyọpandede ọrụrụ nin.³²Fụvavọ, ana raa karẹyi ami inọvidi aza ẹnẹni, ẹmi zẹ va karẹyi aani inọvidi Ada mi ana yi ineekụ. ³³Ama ọza ene re yi mi tẹtẹ inọvidi aza, vọni ẹmi ze vee yi tẹtẹ inọvidi Ada mi ana yi ineekụ.Ikristi ọnọ vi ipaapa inẹshẹ(Irk. 12:51-53, 14:26-27; Ijọ. 12:25)³⁴Asụụ ro ka ẹngwọrọ ọnim za vẹshẹ ọnọni, ọzivi ẹngwọrọ, ama itakovi ọnim za vẹ. ³⁵Fụvọki mva mẹ ki ozi ọnọrụ o veyi irazi ka ada aani, di ozi ọnyẹnẹ veyi irazi ka ọnya aani, di ose ozi, veyi irazi ̣ka ọnyi ọva aani. ³⁶Anreshi ọza ẹnẹ vaa vi ọnivi aani.³⁷Ọza ene re sirẹyi ada navẹkị ọnyi fụna mi, ọzi fụ anavi ayi ami, onri ọza ene re sirẹyi ozi fụna mi, ọzi fụ anavi ayi ami. ³⁸Ọza ene re zi chema ọchi-avashi aani doti ọ vatụra mi, ọzi fụ anavi ayi ami. ³⁹Ọza ene re si ifẹ ẹshẹ aani, vọnọ vaa jaavọ. Ama ọza ọni ifẹ ẹshẹ aani raa jaavọ fụvọ ami ve ree si.Oshomoshi ọnọọ si ọgụ yi ọza(Imk. 9:41; Irk. 10:16; Ijọ. 13:20)⁴⁰ Ọza ana ra tanụvọ dọ wụ, ọnọ tanụvọ dọ mi, ọza ana tanụvọ dọ mi, ọnọ tanụvọ dọ ọzẹna tụ mi. ⁴¹ Ọza ana ra tanụvọ dọ ọkisẹ, fụvọki ọkisẹ ọnọvi, o vee re ọgụ ọkisẹ dọ; ọza ana ra tanụvọ dọ ọnirẹiza fụvọkị ọvi ọnirẹiza, o vee re ọgụ ọnirẹiza dọ.⁴² Ọzatụrọza ọna raa mẹ ọgụvọ yi ozenya ini ezi-eweyi ẹnẹni, fụvọki ẹ vi eziafụ ami, shọvi ipa enyi ofifu kẹnẹ ọnọ ka yụ wa, ma kaa yụ wụ ini rẹiza ka, ọzi nyi ọgụ aani me ve vụ."

Chapter 11Ijesu ọnri Ijọọnụ Ọsami

¹Inaama ọni Ijesu kaa yi eziafụ aani isẹnẹ vaa mẹ da, dọ fi izọ ni irekụra anini na zụwa isa, dọ zaa ka irenụbe. ²Ọmẹyani, ẹfi ọni Ijọọnụ wụ ijaarụ inọpati isa ọni Ikristi aa mẹ, dọ tụ eziafụ aani itụ: ³ka ẹna fọ ọ ka, "Ẹwụ ọnọ wa vaa vẹ navẹki ye zi ọzọnẹsa?"Ijọọnụ Ọsami ọ tụ itụ netu Ijesu⁴Di Ijesu tụoshi ka, "Wa na nin, wana ki tụ yi Ijọọnụ isẹnụ re navẹka isẹnụ wụ nin. ⁵Ogụrii nini ee ̣retẹ, Osụafụ nini aa ̣zụsẹ, ọnikụ-ọbani nini vana mẹ ẹngwụ nii, ogụtọ aa ̣wụ irẹyi, aza ene su,̣ a sha wa kwẹtẹ, a ki irenụbe-ọiza yi onriwa nini. ⁶Ẹdabẹrẹ ọnọvi yi ọzạ na razi mọikụ shi mi."Ijesu o voshi irẹyi tụshi Ijọọnụ(Irk. 7:24-35)⁷Eziafụ Ijọọnụ mẹ zi na, Ijesu dọ vẹrẹ aa karẹyi yi ạzọkọni ẹnẹ inọpati Ijọọnụ, "Sọnụụ ni ni ụnọmi ne re nini ke?" - avi ọna ashi e sheni wa yọ? ⁸Navẹki sẹnụ jinẹ ne re - ọnọrụ ana kụẹnya ana nyi fẹnẹfẹnẹ wa yọ? Inireiza, ẹnẹna raa kụẹnya ana nyi fẹnẹfẹnẹ vana ra ireshi oshinọyi nini.⁹Navẹki sẹnụ jinẹ ne re nini ke - ọkisẹ wa yọ? Ọvọvọvi, maa kaa yụ wụ ki ovene funa ọkisẹ kokorọ. ¹⁰Ọnọni vi ọza ana bidi chẹrẹ isa tẹtẹ inọpati aani ka, 'Ree, maa tụ ọnitụ ami tụọvidi awụ ana va kụoze sha yụ wụ.'¹¹Ireiza maa ka nin, ini akaakana ẹnẹ nọviki a ma zirẹngwụ ọnyẹnẹ, ọzi nyi ọzạ ana nyi ubani ini anini fụni ljọọnụ Ọsami. Tụavọ-tụavọ ẹzẹna nyi ụbani one weyi fụ boo ini ijọva ineekụ-ọiza, vana nyi ụbani fụ o. ¹²Furi ụmẹ Ijọọnụ Ọsami vaa ngwụ ụmaani, ọna fụrẹ a si ụkata ngwụ ijọva ineekụ-ọiza, ọnụkata nin renya enee re e dọ.¹³Fụvọki ọkisẹ nini ọnri ofi vana fụrẹ aa kisẹ dọva nyi ki Ijọọnụ ọ vẹ; ¹⁴Aaviki ko zeweyi dọ zẹ, ọni ọnọ vi Enija ana kọ vaa vẹ. ¹⁵Ẹzẹna raa nyi ụtọ ọ wụ.¹⁶Sọ nim vaa si evereze ọnọni mọrọ kẹ? Oo vene ezi eweyi anaa mere-nyinyi inorere dẹ yatụ, dẹ shẹngwụ, dẹ ka yẹngwụ ¹⁷ka, 'Yee fụ ofere yụ wụ, wa zi nyẹzẹ. Ya karẹsụ shi, wezi sụne nini.'¹⁸Ijọọnụ mẹ vẹ, dọ ra zi ri isạri shi eche do re zi fụ, dẹ ka, 'Ọ nyi ifẹ azeeshi.' ¹⁹Ozi Oza mẹ vaa vẹ, dọ ri, do fụ, dẹ zẹ ka, 'Avụ ree, ọ ri isari avụka-avụka ọnri o fụ eche ọnọvi, dọ zẹ vi vi ọta ọdimana ọnri anaichama nini.' Ama, ụkọrọ ụvira ọnọ dụvira renụ."̣Anirẹkụra ẹnẹ ẹzi di Ijesu wụ(Irk. 10:13-15)²⁰Di Ijesu vẹrẹ ee du irẹkụra ọnọ ya mukọrọ oshishozeyi bo ẹngwụ, fụvọka ezi rinẹ varama. ²¹Oo dụ wụ kụ, ẹwụ Ikorazini! Oo dụ wụ kụ, ẹwụ Ibẹtisaida! Aaviki aa mụkọrọ oshishozeyi ẹnẹni ini rẹkụra Itaire ọnri Isidọni, vene aa mẹ mẹe ini irẹkura awụ nini, o yeen sikụ ene vụ ita ọvẹngwu-shi ọnri atitọ ọvẹngwụshi, dẹ yaan rinẹ varama. ²²Ama, ọkụshi ishọji vaa rọ Itaire ọnri Isidomi ẹngwụ fụna awụ nini.²³Ẹwụ Ikapanọmụ, ụwa vana kẹni ka va kaụ shirẹ nangwụ ineekụ ọiza? Ọzi vọọ vi ineekụ ọrọkọtọ ene vee ne wụ ngwụ. Fụvọki aaviki Isodomi ana ya mụkọrọ oshishozeyi ana mẹ ininẹ awụ, ẹ yaan va yi inaani ve tu rajini. ²⁴Ama, ma kaa yụ wụ ka, "ọkụshi ishọji vaa rọ Isodomi ẹngwụ fụna awụ."Ijesu ọ mẹ otoowụ ifooshi yi aza(Irk. 10:21-23)²⁵Ini ẹfi ọnọ di Ijesu ka, "Ada, ana nyi ẹbẹẹba ọnri ẹtẹ, ma sụga yụ wụ, ẹwụ ọnọ vi Ananyiyi, ineekụ ọnri ẹshẹ, fụvọki isẹnẹni vọnụ si tẹ yi ẹnẹna nyi uvira ọnri ọyiyẹ, dụ si ọ zụ ẹnẹna ra zi nyi ọyiye, venebiri ezi eweyi nini. ²⁶Ada, avọmẹ vivi, fụvọka ọ ngwụmi eyi ẹtẹtẹrẹ. ²⁷Ada ami ọ si isa bo chire mi ụvọ da; ọzi nyi ọzọnyọnyi ana yẹ Ozi, ọchishi Ada; ọnri ki ọ zi nyi ọzọnyọnyi ana yẹ Ada, ọchishi Ozi, ọnri ọzatụrọza ọni Ozi re si kọnọ si ọ zụ²⁸Waa vẹ, vee tụmi nin, ẹwụ nin a naa ma akanya, di ẹnya a ngwụ, mva si ifoshi yụ wụ nini. ²⁹Chema ọparaka ami dụ wa kọsụẹ fini ụvọ ami, fụvọki ọza shẹshẹ ọ ni ọtụtụrụma aani vanẹtẹ ọnim vi; u vee re ifoshi dọ yi ẹngwụ awụ nin. ³⁰Fụvọki ọparaka ami ọ rọngwụ, di ẹnya ami fẹrẹ.

Chapter 12Isẹnọ vọrọ ki ya mẹ ini ọkụshi ifooshi(Imk. 2:23-28; Irk. 6:1-5)

¹Ini ọkụshi Isabaati ọnya, di Ijesu aa zi irarẹ akụ parafụ. Ụngwẹ ma kụ eziafụ aani, dẹ vẹrẹ aa ji akụ ẹnẹ, di ẹ riọ. ²Ama Ifarisi nini me re wa, dẹ kaa yi Ijesu ka, "Avụre, eziafụ awụ ma mi isa aanyisi ini ọkụshi Isabaati."³Ama Ijesu dọ kaa yụ wa ka, "U wa zi ri re ka nin, iṣa ọni Idevidi mẹ, ụngwẹ maa kụọ ọnri aza ana ya pee? ⁴ Dọ ngwụ ireshi Oshomoshi na, dọ na ri ivụrẹdi ọna si tụ nọvidi Oshomoshi, ọnọ viki isa aanyisi yọ, ki ọ riọ, shi ẹnẹna ya pee, ọọ si fini arụfa nini.⁵Ụ we re zi ree ini iwe ofi ka, arụfa nini mẹmẹ ngwụ ni itẹmpụrụ ini ọkụshi Isabaati, dẹ mẹ isa aanyisi da ra zi jivi yụ wa? ⁶ Ama, ma kaa yụ wụ nini ka, ọza ọnya ana nyi ụbani fụni itẹmpụrụ yi izọni.⁷Waa yaan yẹ isẹni irẹyi ọnọni si zụ, 'Ayụva ọni msi, aivi isẹvọ; wa zi yaan jivi yi ọza ana zi rivi. ⁸ Fụvọki Ozi Ọza ọnọvi, Oshirẹsụ ọkụshi Isabaati."Ijesu ọ fụ osuvọ ọnya ikụ sha ini ọkụshi ifooshi(Imk. 3:1-6; Irk. 6:1-11)⁹Ụmonotu, di Ijesu kwẹtẹ fizọ, dọ ngwụ ini isinagọgụ anini na. ¹⁰Ree, ọ nyi ọnọrụ ọnyi ene sụvọ izọ, di Ifarisi nin fi Ijesu ka, "Ọwa sẹrẹ ka afụ ọza ikụ sha ini ọkụshi Isabaati?" Doti e re oze jivi yọ ka ẹ mẹ ivi.¹¹Di Ijesu kaa yụ wa ka, "Ọwa nyi ọzọnyọnyi ini akaakana awụ nini, ọnọ viki ọ ̣nyi atẹmẹ ọnya, di atẹmẹ ọnọ zina ngwụ ụsi ana nyinẹ ini ọkụshi Isabaati, dọ ree ze nee turaa jinẹ fini ụsi ọnọ? ¹²Dọ va si vị ọza ana nyi ụbani funi atẹmẹ! Fụvavọ, ọ sẹrẹ ka, a mẹ ọiza ini ọkụshi Isabaati."¹³Di Ijesu va kaa yi ọnọrụ ọnọ ka, "Tanụvọ jinẹ" Ọ mẹ tanaa, di ụvọ aani varama ni nụdi aani venebiri ụvọ ọfụva. ¹⁴Ama, di ifarisi nini va jinẹ na shọma, dee si oze ẹnẹ vaa si wụọ.Irẹyi ọnọ ọkisẹ ka ọ ọ sẹ¹⁵Ẹngwụ mẹ karẹyi yi Ijesu, dọ tụ fizọ. Di aza ẹrụrụ vatụraa, dọ fụ ẹnbo ikụ sha. ¹⁶Dọ jọọ ụmọ yụ wa ka, asẹ navọka aza ẹ yẹ ki ọni yọ, ¹⁷fụvọ di isa ọna ka tẹtẹ zirẹngwụ Aizaya ọkisẹ, ọ va sẹ kaa,¹⁸"Ree, Ozida mi ọnim ni yi; ọnim ngwayani, di inẹ ami shine tụo. Mva si Ifẹ ami tụraa, ọnọ va si mẹ ishọji yi Ijẹntaini nini."¹⁹Ọ zaa nyi ẹshankata, o zee nowụ tụẹshẹ; ọzọnyọnyi ọi zụa wụ wọngwe aani ini orere.²⁰ Ọ vaa si ụmẹnẹ pe ẹnẹna ra zi nyi ụkata mẹshẹ. Ọ zaa wụ enene vee sụ, netụ ẹfi ọnọ, ọ vaa si ishọji ọna vọrọ tụẹba. ²¹Dọ vika ini irẹsha aani, Ijẹntaini nini vaa nyi ọkụayitụra ana nyi ụfụ shẹtẹ.Ijesu ọnri Ibezẹẹbụ(Imk. 3:20-30; 11:14-23;, 12:10)²²Ụmẹ onotụ, da asi ogụri ọnyi anavi evụvụ, di ifẹ azeeshi yini ẹngwụ aani, vetu Ijesu. Di Ijesu fụọ ikụ shaa, di ọnọrụ ọnọ va kụ zụa karẹyi, doo retẹ. ²³ Aza ọkọni ana yizọ voni osheyi, dẹ ka, "Ụwa ki ozi Idevidi ọni ọnọrụ ọnọn vi?"²⁴Ama, Ifarisi nin mẹ wụ inọpati irẹyi oshishozeyi ọnọni, dẹ ka,"Ọnọrụ ọnọni ọi zụa dụ ifẹ azeeshi fụrẹ aza ẹngwụ, ọọ ̣zi vi zirẹngwụ ụkata Ibẹzẹbọbụ ana vi oshirẹsu ifẹ azeeshi nini." ²⁵Ama, Ijesu mẹ yẹ ise ene ro, dọ kaa yụ wa ka, "Ijọva tụri ijọva ana ra zi nyi ọma ọnya vana va tụosụsụ ọnri ki irẹkụra, navẹki ireshi ana ra zi nyi ọma ọnya, ẹ zaa nyi ụfụ shẹtẹ.²⁶Aaviki eshụ ọ dụ eshụ jinẹ, ọnọ viki ẹ zi nyi ọma ọnya. Ijọva aani mẹ va zụụ nyi ụfụ shẹtẹ? ²⁷Aaviki ma sụkata Ibẹzẹbọbụ dụ ifẹ azeeshi jinẹ, yere ụkata ọni ezi awụ nini aa si dụ wa jinẹ kẹ? Fụvọka ezi awụ nin ẹnẹ vaa mẹ ọjishi yụ wụ nini.²⁸Ama, aaviki Ifẹ Oshomoshi ọni maa sii dụ ifẹ azeeshi jinẹ, ọnọ viki ij̇ọva Oshomoshi o chi ve tụ wụ nin da. ²⁹Ọza mẹ va zụụ ngwụ ireshi ọnụkata nee yi ẹnya aani, ọọ zivi ka ọ savọ sụ ọnụkata ọnọ da. Ẹfiavọ ọnọ va zụụ si kụ ẹnya aani fụrẹ reshi. ³⁰Ọza ana raa zi ya bẹrẹ mi, vana kachire mi, ọza ana raa zi pe mi peregụ, vana garaa vasha.³¹Fụvavọ, ma kaa yụ wụ nin, a vaa si aichama ọnri isa aanyisi boo vayi ọza; ama azẹ zaa si aichama vayi ẹzẹna ka isa aanyisi shi Ifẹ Ọnini. ³²Ọzatụrọza ana ra karẹyi ene ree zi ze shi Ozi Ọza, a vaa siọ vayi aani. Ama, ọzatụrọza ana ra karẹyi ene ree zi ze shi Ife Ọnini, a zẹ zaa siọ vayi aani inẹshẹ ọnọni, navẹki inẹshẹ ana vaa vẹ.Ọchi ọnri ẹtụtụ aani(Irk. 6:44-45)³³Mẹ ọchi zoza, ẹtụtụ aani ve zoza, navẹki mẹ ọchi ọshimi, ẹtụtụ aani zẹ va vi ọshimi, fụvọka ẹtụtụ ọchi ana sii yẹ ọchi. ³⁴Ẹwụ nini ezi ibe, ọ mẹvi ka azẹshimi ọnụ vi nini, ụ mẹmẹ va zụụ karẹyi ọiza nini kẹ? Fụvọka, fini irẹyi ọrụrụ ana yini ọtụtụrụma ọza, ọna si karẹyi. ³⁵Ọza ọiza vanaa mẹ isa ọiza, fụvọki isa ọiza ono sho inẹ, ọnri ka ọza ọshimi, fini isa ọshimi ene sho inẹ ọnọ si mẹ ọshimi.³⁶Ma kaa yụ wụ nini ka, ini ọkụshi ishọji, aza vaa kụrenụ anini inọpati irẹyi ana ra zi zarẹsụ ẹnẹ ka. ³⁷Fụvọki irẹyi irenụ awụ, ọnọ vaa mẹ wụ rishi, irẹyi irenụ awụ ọnọ zẹ va zẹ mi mẹ wụ rivi."Azẹnyi ee si ami ọi Ijoona(Imk. 8:11-16, 29-32)³⁸Ụmotu, ọyofi ọnri Ifarisi ẹnyi dẹ tụ Ijesu oshi, dẹ ka, "Ọzụọzisa, yee si ki ye re ọtẹrẹwa fini ụvọ awụ." ³⁹Ama, di Ijesu voshi, dọ kaa yụ wa ka, "Evereze azẹshimi ọnri ọsẹrẹka nin ee si ọtẹrẹwa. Ama, ọ zi nyi ọtẹrẹwa ana vaa si zụ wụ nin, ọọ si fini ọtẹrẹwa ayi Ijoona ọkisẹ. ⁴⁰Ijoona mẹ mẹ ẹkụshi ẹẹta ọnri irafụ ẹẹta ininẹ isenyi ọbani, avọ ọni Ozi Ọza mẹ vaa mẹ ẹkụshi ẹẹta ọnri irafụ ẹẹta ininẹ ẹtẹ.⁴¹Irẹkụra Inineve vaa veyi ka evereze ọnọni ini ishọji, da jivi yọ. Fụvọki ee rinẹ varama ẹmẹ wụ irenụbe-ọ̣iza ọni Ijoona ka. Ama ree, ọza ene fụna Ijoona yi izọni.⁴²Ọnyẹnẹẹ ọnavi oshinọyi ana yi aka ụvẹtẹ, vaa veyi ka aza evereze ọnọni, dọ jivi yọ. Ọnyẹnẹẹ ọnọ vana fụri irasha ọgọdọ vẹ, ka, ọnọ va ̣wụ ụvira ayi Isoromọni, ama ọza ana bani fụ Isoromọni yi izọni.Aza ana va fini rama Oshomoshi(Irk. 11:24-26)⁴³Ifẹ ana raa zi ni, ra jinẹ fini ẹngwụ ọza da, dọ parafụ e si ẹtẹ ana wara, doo si ifooshi, ama, o me ree. ⁴⁴Ụmotụ dọ ka, 'Mva varama nini ireshi ọnim tụ fụrẹ. Ọ mẹ varama da, do netụ ka ee shi ireshi ọnọ, de teni ọ. ⁴⁵Dọọ varama na kụ ifẹ azeeshi shimba ọsa ene dụvi fụo vatụrẹngwụ, ẹnbo dẹẹ gẹ varama ni naani na ra. Ọvavirama ọzọnọ, doo si dụvi fụni ọmẹ ya ini ipaapa. Avọ gẹdẹ-gẹdẹ ọnọ vaa vi yi evereze ọshimi ọnọni."Ọnyi Ijesu ọnri ẹnyara aani(Imk. 3:35; Irk. 8:19-21)⁴⁶Ijesu maa ki karẹyi yi aza ọkọni ẹnẹ, ree, ọnya aani ọnri ̣ẹẹnyara aani dẹ dinẹ tụni ẹshẹshẹ, dee si ki ene pee karẹyi. ⁴⁷ Di ọzẹnyi vẹ va kaa yọ ka, "Ree, ọnya awụ ọnri ẹẹnyara awụ ẹ dinẹ tụni ẹshẹshẹ, ee si ki enee pewụ karẹyi."⁴⁸Ama, di Ijesu voshi yi ẹzẹna kaa yọ, "Ẹnẹvi ọnyi ami ọnri ̣ẹẹnyara ami?" ⁴⁹Dọ va tani ụvọ shi eziafụ aani, dọ ka, "Ree, ẹnẹni ẹnẹvi ọnyi ami ọnri ẹnyara ami! ⁵⁰Ọzatụ-rọza ana ra mẹ isẹni Ada mi ana yi ineekụ si, ọzọnọ ọnọvi ọọnyara ami ọnọrụ, ọọnyara ami ọnyẹnẹẹ ọnri ọnyi ami."

Chapter 13Ọza one ne chire ọina(Imk. 4:1; Irk. 8:4-8)

¹Ọkụshi ọnọ, di Ijesu jinẹ fini ireshi, dọ na yatụ tụni ụtụ-ụbobo irefụ. ²Di aza ọkọni varakaraa, dọva ngwụ inẹpa, dọ nạ yatụ tụ naani, di aza ọkọni ẹnẹ dinẹ tụni ụtụ-bobo.³Ụmavọ di Ijesu ee pe wa karẹyi ọrụrụ ini ụshioche. Dọ ka, "Ree, ọnaarẹ ọnyi ọ jinẹ tụra, do ne chire ọina. ⁴O mee chire wa, di ẹnyi javọ tụni ụtọ oze, ụnomi mẹ vẹ, dẹ tọ wa ̣ri. ⁵Ọina ọsa, ẹ javọ tụ nẹtẹ irẹta ọni ezi ra zi ya ẹtẹrẹ. O zi kụ dẹ chi, fụvọki ezi ọ zi nyinẹ inaani. ⁶Ama, ọyi mẹ jinẹ vẹ, de sira, de su vasha fụvọ kẹ zi nyi ẹpa.⁷ Ọina ẹsa ẹ javọ tụni ikeyi. Ụmọni ikeyi ẹnẹ aa fụ, dẹ zaa wa ri. ⁸Ọina ẹsa ẹ javọ tụ inẹtẹ ozoza, dẹ tụ ẹtụtụ, ẹnyi vi avaavọ oze ẹchẹshi, ẹnyi vi oze ẹbẹrẹva, ẹnyi vi oze ofụrẹwụ. ⁹Ẹzẹna ra nyi ụtọ ana si wụrẹyi, ọ wụ."Isẹnẹ mẹ ki Ijesu ọ karẹyi ini ụshioche(Imk. 4:10-12; Irk. 8:9-10, 10:23-24)¹⁰Di eziafụ Ijesu ve tụo dẹ kaa yọ ka, "Sẹnẹvẹ dụ wa karẹyi yi aza ọkọni ẹnẹni ini ụshioche kẹ?" ¹¹Di Ijesu tụwoshi, dọ kaa yụ wa ka, "Aa si oze tẹtẹ yụ wụ nin, kụ wa nyi ọyiyẹ inọpati oshishozeyi ana yini ijọva ineeku ọiza, ama azẹzi siọ yi wa. ¹²Fụvọki ọzatụrọza ana ra nyi, vana vaa si bẹrẹ yi. Ama, ọzatụrọza ana ra zi nyi, ọi che ọnọ ra nyi, vana vaa dọ fụrẹ ụvọ.¹³Fụvavọ ọni ma si ụshioche ka ireyi yi wa; Fụvọka, ọ daka vi ka ẹ sha iri sha, ọ zi nyi ise nee re. Ee si ụtọ pẹtẹ poorọ, ẹ zi wụ, ẹi zaa yi yẹ. ¹⁴Ẹtore ana Aizaya ree vana sẹ ini ẹngwụ aza ẹnẹ, kaa, 'Ụ vaa wụ nin, ama wa zaa nyi ọyiyẹ nini; Ụ vaa shari sha nin, ama ọ zaa nyi isa ọnụ vee re nini.¹⁵Fụvọki ọtụtụrụma anini vana kata, utọ anini ọma wụ rẹyi, dẹ kụ iri kụokụ, fụvọ di asẹ si iri anini retẹ, navẹki ẹsi ụtọ anini wụ rẹyi, navẹki ọtụtụrụma anini ọ nyi ọyiyẹ, fụvọ de zụ varama ko Oshomoshị vẹ, di ma vaa fụ wa ikụ sha.¹⁶Ama, ẹdabẹrẹ ọnọvi yi iri awụ fụvọki ee retẹ, di ụtọ awụ aa wụ irẹyi. ¹⁷Ini irẹiza, ma kaa yụ wụ nin ka, ọkisẹ ẹrụrụ ọnri ẹnẹna mẹ anasẹrẹ, e si ki ene re ẹngwụ isa ọnụ wee re nini, ama de zi ree. Ee si ki ẹnẹ wụ ẹngwụ isa ọnụ wa wụ nini, ama dẹ ra zi wụ.Aa shafụ ụshioche ọina ọnọọ sha(Imk.4:13-20; Irk. 8:11-15)¹⁸Ọmẹyani, batọ tụni ushioche ọnaarẹ ene nee chire ọina. ¹⁹Ọza ana wụ irẹyi inọpati ijọva ineekụ ọiza, do re zi yee, di eshụ vẹ, dọ vaa kụ isẹne chire tụni ọtụtụrụma aani. Ọnọni ọvi ọina ene chire tụni ụto oze.²⁰Ọina ene chire tụ nẹtẹ irẹta, ọnọvi ẹzẹna wụ irẹyi ọnọ, dọ dọọ rụjẹ-rụjẹ, ²¹tụavọ-̣tụavọ, do ̣ra zi nyi ẹpa shẹtẹ, dọ shavọ inẹfi keere. Ụmọni ẹkatẹgwụ ọnri uya vẹ, fuvọ irẹyi Oshomoshi ana zi dinẹ ininẹ anini, dẹ varama.²²Ọina ene chire tụni akaakana ikeyi, ọnọvi ẹzẹna wụ irẹyi Oshomoshi, ama afasha ana yi inẹshẹ renyi renyi ọnri apẹ ana yini ogụ ọdidu, ẹẹ za irẹyi Oshomoshi ọnọ mụnẹ, dọ mẹ ki asi ọ zụ tụ ẹtụtụ. ²³Ọina ene chire tụni ẹtẹ ozooza, ẹnẹ vi ẹzẹna wụ irẹyi Oshomoshi, do yee. Ọ tụ ẹtụtụ, ẹnyi avaavọ oze ẹchẹshi, ẹnyi ẹbẹrẹta, di ẹnyi vi ofụrẹwụ."Ụshioche akụ ọnri avi ọshimi²⁴Di Ijesu zẹ si ụshioche ọsa zụ wa, dọ ka, "Ijọva ineekụ ọiza o vene ezene chire ọina ọiza tụni irarẹ aani. ²⁵Ama, aza mẹ tasụ inaafụ, dọ ọnivi nini ve chire ẹtụtụ ẹshimi ọsa vafụra akụ ono chire, dẹ zi na. ²⁶Ụmọni akụ ẹnẹ chi, dẹ tụ ẹtụtụ, avi ọsa ẹnẹ, dẹẹ sha, dẹẹ fụ.²⁷Ezida ẹzẹna nyẹtẹ ọnọ me vetụo, dẹ kaa yọ ka, 'Oshi, kẹni ki ọina ọiza ọnụ chire tụni irarẹ awụ? Ọmẹ zi di avi ọsa chi vafụraa?' ²⁸Dọ kaa yu wa ka, 'Ọnivi ọnọ mọnọni.'̣ Ezida aani dẹ kaa yọ ka, 'Ụwa ki ye ne fụwa kụra kẹ?'̇̇²⁹Di ọza ọna nyẹtẹ ọnọ ka, "Eiye, fụvọki wee fụ avi ọsa ẹnẹ, ụva zụ fu anava aku bẹrẹ wa. ³⁰Navọ dẹ gẹẹ fụ vabẹ netụ ụmọni mva si kụ isa irarẹ gụ. Ụmo re ̣tụ kima kụ isa rarẹ ami, di ma ka yi ọmụkọrọ nin ka, "Savọ tụ avị ọsa ẹnẹni kụra, pere wa gụ, dụwa rụ wa ira, ama dụwa pere anavi akụ dụwe teni ọ tụni ufọ ami."Ụshioche ọina imọsitadi ọnya(Imk. 4:30-32; Irk. 13:18-19)³¹Umavọ, di Ijesu ̣ze chụshi ọsa zụ wa. Dọ ka, "Ijọva ineekụ ọiza o venebiri ọina imọsitadi ọni ọnọrụ ọnyi dọ siọ, do chire tụni irarẹ aani. ³²Ọina ọnọ, ono weyi fụ ini ọina bo. Ama, ọmẹ chi, dọ si fụ, dọ ọchi aani bani fụni ọchi ọsa nin ana yi ni irarẹ ọnọ. Dọ varạ ọchi ọbani ọni ụnomi nini vẹ vaa da irẹngwẹ tura avọ aani."Ụshioche ọva ọ naa mẹ ka isa owu (Imk.4:33-34; Irk. 13:20-21)³³Di Ijesu zẹ chụshi ọsa zụ wa ka."Ijọva ineekụ ọiza o venebiri ọva ọni ọnyẹnẹẹ ọnyi vafụra ifụrawa ipa ẹẹta do sio wụụ."³⁴Isẹnẹni boo vọni Ijesu si ụshioche ka yi aza ọkọni, ọ zi nyi ọnọ ka yụ wa, dọ ra zi vi ụshioche. ³⁵Isẹnẹni ọ maan vi, doti isẹna a bidi ka tẹtẹ zirẹngwụ ọkisẹ niṇ, ka, "Mva sharenụ ami karẹyi ini ụshioche. Mva karẹyi isa anatẹ fụri ụmẹ ana si ẹshẹ shẹtẹ."Aa shafụ ụshioche akụ ọnri avi ọshimi sha³⁶Ụmọnotu, di Ijesu fini akaakana aza ọkọni ẹnẹ dọ ngwụ ireshi. Eziafụ aani ee vetụo, dẹ ̣kaa, "Si afu irẹyi ushioche avi ọshimi ana yi inaarẹ ọnọ zụ yi". ³⁷Di Ijesu voshi ̣ka, "Ẹzẹna chirẹ ọina ọiza ọnọ, ọnọvi Ozi Ọza. ³⁸Irarẹ ọnọ vi ẹshẹ; ọina ọiza ẹnẹvi ezi ijọva ineekụ ọiza. Avi ọshimi ẹnẹvi ezi eshụ, ³⁹ọnivi ene chire wa ọnọvi eshụ. Ọkikụ isa rarẹ gụ, ọnọvi ọikọta ẹshẹ; ọmụkọrọ nin, ẹnẹvi angẹni nini."⁴⁰Fụvavọ, venebiri amẹ pere avi ọsa, da rụ wa ira, avọ ọnọ mẹ vaa vi ini ọikọta ẹshẹ. ⁴¹Ozi ọza vaa tụ angẹni aani nini jine, dee ve pere isa bo ana mẹ aichama, ọnri ẹnẹna mẹ ivi fi neekụ ọiza, ⁴²dee ne wa ngwụ ni ira a naa za gidọọ, dẹẹ yi izo, dee sụne, dẹẹ kụra anyi. ⁴³Ụmavọ, ẹnẹna manasẹrẹ, dẹẹ zira venebiri ọyi ini ijọva Ada anini. Ẹzẹna ra nyi ụtọ, ọ wụ.Ụshioche isọkatarishi ọna si tẹ tụni ẹtẹ⁴⁴Ijọva ineekụ ọiza o venebiri ogụ ana tẹ tụ inẹtẹ. Ọnọrụ ọnyi o ne ree, dọ siọ tẹ. Ini ụjẹ aani, dọ na ni isa ọnọ nyi bo, dọ siọ shi ẹtẹ ọnọ. ⁴⁵Ijọva ineekụ ọiza o ze vi vene osofụ enesi ireweyi ebeebe aani. ⁴⁶Ụmọnọ re ireweyi ebebani ọ̵nya ana nyi ụbani kokoro, dọ na na isa ọnọ nyi bo, dọ si ẹkẹshi aani shi ọ.⁴⁷Ijọva ineekụ ọiza oo ze vi vene asha ene nengwụ ini refụ, dọ za isenyi renyi renyi. ⁴⁸Ome shi, di ozụbe isenyi ẹnẹ tụraa jinẹ va ngwu ụtụ-bobo. Dẹ va yatụ, de ̣pere ozoza aani shi ini isa, ama ene re zi zoza bo vana vaa sha.⁴⁹Aanọ mẹ vaa vi ini ọikọta ẹshẹ. Angẹni nini vaa vẹ, dẹ vaa ku aza ẹshimi fini aza ọiza. ⁵⁰Dee ne wa ngwụ ini ira ana za gidọọ, izẹnẹ vaa ya jorere, dẹẹ kụra anyi.Ani Inazarẹti ẹ zi tanụvọ di Ijesu⁵¹Irẹyi ọnọni we ye wụ nini da?" Di eziafụ aani zẹ ka, "O yeyi da." ⁵²Di Ijesu ̣va kaa yụ wa ka, "Fụvavọ oyofi ana ra vara ọziafụ̣ da, yi ini ijọva ineeku ọiza, o vene ọza ana nyi reshi, dọ tụ isạ ọkụkụ ọnri isa ọwọwa jinẹ fini ogụ aani." ⁵³Ijesu mẹ si ụshioche ẹnẹni zụ wa da, dọ fizọ.⁵⁴Di Ijesu va ngwụ ni ọkakooro aani, do zụ aza isa ini Isinagọgụ anini. Uvọ ọnọ si zụ wa do shụweyi, dẹ ka, "Yere izi ọza ọnọni dụ ụvira onri isa oshishozeyi ẹnẹni fụre ̣kẹ? ⁵⁵Aivi ozi ikafinta ọnọ yi? Aivi Imeri ọnọvi ọnya aani? Aivi Ijemsi, Ijosẹfụ, Isimoni ọnri Ijụdasi ẹnẹ vi ẹnyara aani? ⁵⁶Ẹ̣nyara aani anyẹnẹẹ bo wa ra zi yi iẓoni peyi? Yere izọ nọ ye ri isẹnẹni bo dọ kẹ?"⁵⁷Ayi ọ kụwa tụo. Ama Ijesu ọ ̣kaa yụ wa ka, "Ọzi nyi ka ọkisẹ ọ ma nyi ụbani ọchishi ini irẹkụra aani ọnri ini ovụovụ aani." ⁵⁸Ọzi mụkọrọ oshishozeyi ọrụrụ izọ fụvọki ẹ ̣zi nyi ọdọwụ.

Chapter 14Ijọọnụ Ọsami mẹmẹ su(Imk. 6:14-29; Irk. 3:19-20, 9:7-9)

¹Inụmavọ, di Ihẹrọọdụ Itẹtirachi wụ irẹyi Ijesu. ²Dọ ka yi ezida aani ka, "Ijọọnụ Ọsami, ọ sha kwẹtẹ fini isụ da. Fụvavọ ụkata ẹnẹni aa mụkọrọ ini ẹngwụ aani."³Fụvavọ Ihẹrọọdụ ̣ọ bidi za Ijọọnụ da, dọ kụ isa shaavọ, dọ siọ tụni ijaarụ fụvi Ihẹrodiasi, ọna vi ose Ifiripi, ọnyara aani. ⁴Ijọọnụ a kaa yọ ka, "Ofi ọ zi zẹ kụ wa siọ mi ose awụ." ⁵Ihẹrọọdụ yaan wụ ọ, ama do shangwa aza, fụvọki ẹ zaa vene ọkisẹ.⁶Ama, ọ maa mẹ ọtitamayi ọkụshi ana si maa, ozi ọnyẹnẹ Ihẹrodiasi ọ nyẹzẹ ana ngwụ Ihẹrọọdụ eyi ini akaakana aza. ⁷ Ọọ va mi otowụ, do shekụ ka ọni vaa si isẹni o ree fi fisụe yọ ọ.⁸Ọnya aani mẹ kaa yọ da isẹnọ vaa ka, dọ ka, "Si irẹsụ Ijọọnụ ọsami tụni ọnyaa va yi mi izọni." ⁹Dẹ ẹngwụ oshinọyi vashi fụvọ isa ono fisụẹ, ama, fụvọka oo shekụ da ini akaakana ẹni ene pee aa risa, dọ si ụmọ yụ wa ka ẹna mẹẹ.¹⁰Dọ tụ ki ana da Ijọọnụ irẹsu ini ijaarụ ¹¹Dẹ si irẹsụ aani tụni ọnyaa yi ozi ọnyẹnẹ ọnọ, dọ si ọ netu ọnya aani. ¹² Di eziafụ aani va si okụ aani ne nee. Ẹ mẹ mọnọni da, dẹ na kaa yi Ijesu.Ijesu ọ si isari pa aza akashi oze ẹẹshi(Imk. 6:30-40; Irk. 9:10-12; Ijọ. 6:1-13)¹³Ijesu mẹ wụ da, dọ ngwụ ẹpa fizọ nangwụ irasha ana jomi. Aza ọkọni mẹ wụ, dẹ si ụfụ-ụfụ vatụraa fini irẹkụra ọnọ. ¹⁴Ijesu ọ vẹ ve tụ wa, do re aza ọkọni. Ọ̣ọ nyi ayụva yụ wa, dọ fụ ẹnẹnẹ ẹngwụazi ikụ sha.¹⁵Orụva me tụ, eziafụ aani e vetụo, dẹ ka, "Izọni vi irasha aani aza ra zi ya, ẹfi ọ si zina. Kaa yi aza ọkọni ẹnẹni kẹ na, doti e zụ re isari shi ini irẹkụra ana gụrẹ wa."¹⁶Ama di Ijesu kaa yụ wa ka, "Ọ zi vọrọ ka ẹna. Si isari yụ wa dẹ riọ." ¹⁷Dẹ kaa yọ ka, "Yaa nyi ivụrẹdi ẹshi, ọnri isenyi ẹẹva." ¹⁸Di Ijesu ka, "kụọọ va mi."¹⁹Di Ijesu kaa yi aza ọkọni ẹnẹ ka yatụ tụni avi. Dọ si ivụrẹdi ẹshi ọnri isenyi ẹẹva ẹnẹ, do veyi shirẹ, do kụ Oshomoshi avọ, dọ da ivụrẹdi ẹnẹ, dọ siọ yi eziafụ aani, di eziafụ aani gaa yi aza ọkọni ẹnẹ. ²⁰ Ẹnbo ẹẹ risa, di inẹ anini shi. Di isari ana vẹtẹ, dẹ kụọ shi ụji ẹwụrẹva, do shi. ²¹Ẹnẹna risa vi anẹrụ ọpati akashi oze ẹshi. Azẹ zi za anyẹnẹ ọnri ezi eweyi ika bẹrẹ wa.Ijesu ọ zụsẹ inẹẹsu enyi Imk. 6:45-53; Irk. 6:15-21)²²Ụmụmọ dọ kaa yi eziafụ aani ki ẹngwụ ini ẹpa, dẹ dọvidi aani nangwụ ini aka ọsa, dọ kaa yi aza ọkọni ẹnẹ ka ẹẹ na. ²³ Ọ mẹ ka yi aza ọkọni ẹnẹ da kẹẹ na, di ọni renya shirẹ ni inẹsụfa na tụozụrenụ. Di ọ yi izọ nangwu orụva. ²⁴Ụmavọ, di ashi aa kụ, dọ si ẹpa anini vashirẹ-vachi inakaakana irefu, ẹmẹ si zi gọdọ fini ụtụ-bobo.²⁵Ini ajuveini, di Ijesu aa zụse ini irẹsụ enyi nee tụ wa. ²⁶Eziafụ aani me ree kọ zụsẹ ini irẹsụ enyi, di irẹgashi ngwụ wa ẹngwụ, de nowụ tụẹshẹ ini angwashi ka, "Arijẹnụ bẹdọ va yọ." ²⁷Ụmụmọ di Ijesu kaa yụ wa, "nyi ọtụtụrụma nini, ẹmi yọ, asu shangwa nini!."²⁸Ipita o tụoshi dọ ka, "Ananyimi, aaviki ẹwụ yọ, si ụmọ ka yi mi, ki ma zụsẹ ini irẹsụ enyi ve tụ wụ." ²⁹Ijesu dọ ka, "Wa vẹ" Di Ipita jinẹ fini ẹpa, dọ zụsẹ ini irẹsụ enyi nee tu Ijesu. ³⁰Ama Ipita me re ashi anaa kụ, da angwashi ngwụọ ẹngwụ. Ụmọnọ dọ vẹrẹ aa ngwụ ini enyi na, do ve nowụ tụẹshẹ ka, "Ananyimi, dọ mi tụ!"³¹Ụmụmọ di Ijesu tanụvọ yi Ipita, do tụraa jinẹ vẹ, dọ va kaa yọ ka, "Ẹwụ ana nyi ọdọwụ oweyi, sẹnẹvẹ dụwa ma ayi ẹvẹẹva ³² Ụmọni Ijesu ọnri Ipita ngwụ ini ẹpa, di ashi anaa tụ za dinẹ. ³³Di eziafụ Ijesu ini ẹpa nyima irẹsu yọ, dẹ ka, "Ini ọi rẹiza Ozi Oshomoshi ọnụvi."Ijesu ọ fụ ọza ọnikụ ọnya sha Igenesareeti (Imk. 6:53-56)³⁴Ẹ mẹ jinẹ fini enyi ọnọ da, dẹ nangwụ irẹkụra Igẹnẹsarẹti. ³⁵Aza ana yi izọ me re Ijesu, de yẹ ẹ, dẹ tụ itụ̣ ni rasha bo ana varakara wa, dẹ si ẹnẹ ngwụọzi bo vetụo. ³⁶ Dẹ dipẹ yọ ka, ọ navọ doti ẹnẹ sụvọ kani ụtọ aụrụ aani kẹnẹ, ẹmẹya ana kaniọ, vọni ẹngwa anini ni.

Chapter 15Ido ani ụmọkụkụ Ijuu nin(Imk. 7:1-13; Ijọ. 6:15-21)

¹Di Ifarisi ọnri ọyofi ẹnyi fụri Ijerụsanẹmụ ve tụ Ijesu, dẹ ka, ² "Sẹnẹvẹ di eziafụ awụ ra ma vatụri isa oshẹtẹ azẹkụ ayi?" Fụvọka ẹma nyinụvọ anini dẹ vaa risa." ³Do voshi ka, "Sẹnẹvẹ dụ yi ụmọ Oshomoshi tẹtẹ fụvi isa oshẹtẹ awụ nini?"⁴Fụvọki Oshomoshi ọ kaa ka, "Sụbani yi ada awụ ọnri ọnya awụ" ọnri ka, ọza ọna ra kọshimi ada navẹki ọnyi aani vene vee su. ⁵Ama wa kaa nini ka, "Ọza ana ra ka yi ada aani naveki ọnyi aani ka, isa ọnọ vọri ki ma si mẹ ọgụvọ yụ wụ nini, maa siọ mi irẹiza yi Oshomoshi da?" ⁶Ọikụ vọri ki ẹngwụ ọzọnọ ọ sụbani yi ada aani. Ini oze ọnọni, wa vara irẹyi Oshomoshi osusu fụvi isa oshẹtẹ awụ nini.⁷Ẹwụ nini, ọfatụvaku! irẹiza ọni Aisaya ka tẹtẹ inọpati awụ nini. ⁸'Aza ẹnẹni vana si irenu kẹnẹ sụbani yi mi, ama ọtụtụrụma anini ọ gọdọ yi mi. ⁹Enyima irẹsụ yi mi ini osusu, fụvọki ụmọ aza ẹnẹẹ zụwa.'"Isẹnee du ọza ẹngwụ(Imk. 7:14-23; Irk. 6:39)¹⁰Di Ijesu zẹ shi aza ọkọni ẹnẹ pẹngwụ, dọ kaa yụ wa ka, "Batọ dụ wa ̣nyi ọyiyẹ nini. ¹¹Ọ zi nyi isa ọna ngwụ ini irenụ ọza ana vaa mẹ ka asi ọvi ọnini. Akikọnọ, isẹnẹ jinẹ fini irenu ọza vẹ ọnọ mẹ ki asi ọza vi ọnini."¹²Ụmavọ di eziafụ Ijesu, vetuo, dẹ ka, "Ụwa yẹ ka Ifarisi nini aa mọikụ ẹmẹ wụ irẹyi ọnọ?" ¹³Di Ijesu voshi yụ wa ka, "ọchi bo ọna Adami ẹbẹẹba re zi chire vọni e vee fụ rẹpa rẹpa. ¹⁴Nụwa avọ, ọzụọza oze ene gụri ẹnẹvi. Aaviki ogụri ọ si ogụri zụ oze, ẹnẹ viva vene vee zina ngwụ inụsi."¹⁵Ipita tụoshi ka, sha-afụ ụshioche ọ̣no zụ yi." ¹⁶Ijesu ka, "Ẹwa zẹ nyi nyi ọyiyẹ nin? ¹⁷Ọ vọrọ ko yewụ nini ka, isạri ana ri vana ngwụ ininẹ, da na ngwụọ vasha?¹⁸Ama isa ana ra jinẹ fini irenụ ọza, vana vẹ fini ọtụtụrụma. Isa ẹnẹni, ẹnẹ mẹẹ ki asi ọza vi ọnini.¹⁹Ini ọtụ̣tụrụma ọni aroo ọshimi jinẹẹ fụrẹ, ọwiwụ ọza, irẹka-ọsisẹ, amedu-asuu, uyi oyiyi, ọdi divenu apinẹ, odidụ ọza inaama. ²⁰Isẹnẹni ene dụ ọza. Ama aiviki ọza ọna ra zi nyinavọ dọva risa.Ọnyẹnẹ ana kụayitụra Oshomoshi(Imk. 7:24-30)²¹Di Ijesu jinẹ fi izọ nangwụ ini irẹkụra anashi Itaya ọnri Isidoni. ²²Ree, ọnyẹnẹ ani Ikenaani ọnyi kọ jinẹ vẹ, do nowụ ka, "Nyi ayụva yi mi, Ananyimi, Ozi Idevidi! Ifẹ azeeshi aa zama ozi ami ọnyẹnẹ, ini ẹfitụrẹfi." ²³Ama Ijesu ọ zi tuoshi ọnyọnyi. Eziafụ aani ee vetụọ dẹ dipẹ yọ ka, "Dụọ kẹnẹ avana fụvọki o nowụ vatụra yi."²⁴Di Ijesu tụoshi ka, "azẹ zi tụ mi shi ọzọnyọnyi ọsi fini atẹmẹ ireshi Isrẹni ene vụ. ²⁵Ama dọ vetụo, dọ ka, "Ạnanyimi, mẹ ọgụvọ yi mi." ²⁶Do voshi ka, "Ọzi sẹrẹ ka a si isari ezi eweyi yi ezi-irezi."²⁷Dọ ka, irẹiza yọ Ạnanyimi, ama ezi-irezi nyẹmbẹ risa ọna javọ fi̇ni itevụrụ ọga aani. ²⁸Di Ijesu tụoshi ka,"Ẹwụ ọnyẹnẹ ọnọni, ọdọwụ awụ ọọ bani, Ọvọvọ ya yụ wụ vene ụme sio," ẹfi ọnọ, di ozi ọnyẹnẹ aani si dashi.Ijesu ọ fụ aza ẹrụrụ ikụ sha ²⁹Ijesu ọọ fi izọ, dọ ni ni ọgụri irefu Iganini, dọ shirẹ na yatụ tụni irẹsụfa ana yi izọ. ³⁰Aza ọkọni ee vetụo. Dẹ kụ osụafụ, ogụri, evụvụ, osụ-ẹngwụ, ọnri aza ạna nyị ẹngwụọzi renyi renyi ọsa vetụo, di Ijesu fụwa ikụ sha. ³¹Do shi aza ọkọni ọnọ eyi eme re ka evụvụ aa karẹyi, osụ ẹngwụ mẹ kwẹtẹ, osụafụ aa zụsẹ ọnri ogụri nini ee re tẹ. Dẹ si ụga yi Oshomoshi Isrẹni.Ijesu ọ zẹ si isari pa aza akashi oze ẹẹna(Imk. 8:1-10)³²Di Ijesu shi eziafụ aani, dọ kaa yụ wa ka, "Ma nyi ayụva yi aza ọkọni ẹnẹni, fụvọ kẹẹ yape mi fini ẹkụshi ẹẹta, ẹzi va nyi isa ẹnẹ vaa ri. Me zi si kẹ na, avi ki ẹzi ri isari, da si ewu vene kuweyi inoze." ³³Di eziafụ aani, fọọ ka, "Izi ve ye re ivụrẹdi ọna va fụ aza ọkọni ẹnẹni ini ụnọmi ọnọni? ³⁴Di Ijesu fọwa ka, "Ivụrẹdi ya ọnụ nyi nini?" Dẹ ka, "Ivụrẹdi shimba ọnri isenyi chee." ³⁵Ụmavọ di Ijesu kaa yi aza ọkọni ẹnẹ kẹ ya tụ tụni ẹtẹ.³⁶Ọọ si ivụrẹdi shimba ọnri isenyi ẹnẹ, dọ kụ Oshomoshi avọ tụọ, dọ di ivụrẹdi ọnọ, dọ siọ yi eziafụ aani. Di eziafụ ani gaa yi aza ọkọni ẹnẹ. ³⁷Aza bo ẹẹ risa, di inẹ shawa. Eme pere ewuri anavọ, do shi uji shimba. ³⁸ Ẹnẹna ri isari ọnọ vi anẹrụ akashi oze ẹna, azẹzi za anyẹnẹ ọnri ezi eweyi ika bẹrẹ. ³⁹Ụmavọ di Ijesu va kaa yi aza ọkọni ẹnẹ ka ̣ẹna, dọ ngwụ nẹpa ni ọkakooro Imagadani.

Chapter 16Ifarisi nin ee si ami oshishozeyi(Imk. 8:11-13; Irk. 11:16; 12:54-56)

¹Ifarisi ọnri Isadụsi nini e vee tụ Ijesu dẹ zamare. Dẹ kaa yọ, kọ si ami zụ ẹni fini ovụrụkụtụ. ²Ama dọ tụoshi, dọ kaa yụ wa ka, "Ụmẹ orụva retụ, 'dụ kaa nini ka ẹtẹ vee zoza, fụvọki ovụrụkụtụ ọnọọ ovi."³ Aaviki ini ọnẹnẹ yọ, duụ kaa nin ka, ẹtẹ o zee zoza fụvọki ovụrụkụtụ yi naani, do ze shoozi. Waa yẹ nini ami ọni ovụrụkụtụ si zụ, ama wa zi yẹ ami ọni efi si zụ nini. ⁴Evereze oodụvi ọnri ayi ọsẹrẹka nini ee si ami, ama ọzi nyi ami ana va si yụ wa, ọchishi ami ọi Ijoona. Inaani di Ijesu fụrẹ wa ụvọ, dọ na.⁵ Ẹfi ene eziafụ aani tụ akọsa, dẹ tamayi ka ẹnẹ zi si ivụrẹdi. ⁶Di Ijesu kaa yụ wa ka, "Seyi pẹngwụ awụ nini dụ wa yarazi nin, fụvi ̣ọva Ifarisi ọnri Isadụsi nini. ⁷Di eziafụ aani gee roo inakaakana anini, dẹ ka, "Fụvọki yazi za ivụrẹdi ọnyọnyi chauvọ yọ." ⁸Ijesu ọ yẹ isa o nee ro, dọ ka, "Ẹwụ nini ana nyi ọdọwụ oweyi, sẹnẹvẹ dụ we roo inakaakana awụ nin kaa fụvọki wa zi za ivụrẹdi ọnyọnyi nini yọ?"⁹Waa zi yiyẹ nini, navẹki waa zi tamayi ivụrẹdi ẹshi ana ga yi aza akaashi oze ẹshi, ọnri ka, waa zi yẹ uji ya ana kụ ewụri ọna vẹtẹ shi? ¹⁰ Navẹki ivụrẹdi shimba ọni aza akaashi oze ẹẹna ri, ọnri ụji ya, ana kụ ọna vẹtẹ shi?¹¹Sẹnẹvẹ do re zi ye wụ nin ka ma zi karẹyi inọpati ivụrẹdi yụ wụ nin kẹ?" Si eyi pẹngwụ awụ nini, dụ wa seyi petẹ yi ̣ọva Ifarisi ọnri Isadụsi nini. ¹²Ẹfiavọ dẹ va yẹ ka ọzi vi ̣ọva ọna si ivụrẹdi wụ ọnọ ka, ama ọ si seyi petẹ yi ọzizụ Ifarisi ọnri Isadụsi nini.Ipita ọ dụvọ ka Ijesu ọ vi Ikristi(8:27-30; Irk. 9:18-21; Ijọ. 6:67-69)¹³Ini ẹfi ọnọni, Ijesu mẹ vẹ ini ọkakoro ana gụri Isesaria Ifiripi, dọ fọ eziafụ aani ka, "Ẹni aza kaa ki Ozi Ọza ọvi kẹ? ¹⁴Dẹ ka, "Azẹnyi ki Ijọọnụ Ọsami, azẹnyi ki Enaija; di azẹnẹsa ki Ijeremaya, navẹki ọnya ini ọkisẹ nini." ¹⁵ Dọ ka yụ wa kaa, "Ama, ẹnẹ ẹwụ nin ki mavi kẹ? ¹⁶Isaimọni Ipita, dọ ka, "Ẹwụ ọnọvi Ikristi, Ozi Oshomoshi ana ra."¹⁷Ijesu oo tụoshi, dọ kaa yọ ka, "Ẹdabẹrẹ ọnọ vi yụ wụ Isaimoni ozi Ijoona, fụvọka ọzi vi ẹchẹngwụ ọnri anya ọnọ shafụ irẹyi ọnọni sha yụ wụ, ama Ada mi ana yi ineekụ. ¹⁸Maa zẹ kaa yụ wụ tụọ ki, ẹwa vi Ipita, ini rẹsụ irẹta ọnọni ọni mva da ichọọchi ami tụ. Ọchọfọ ineekụ ọrọkọtọ ọi zụe fụna ini irẹkụ.¹⁹Maa si ikọkọrọ ọi ijọva ineekụ-ọiza yụ wụ. Isatụrisa ọnụ raa sụ inẹshẹ vana vaa sụ ineekụ, isatụrisa ọnụụ raa ngwara inẹshẹ, vana vaa ngwara ineekụ. " ²⁰Ẹfiavọ, di Ijesu si ụmọ kaa yi eziafu aani ka, a sẹ ka yi ọzọnyọnyi kọni ọvi Ikristi.Ijesu ọ karẹyi inọpati isụ aani(Imk. 8: 31-33; Irk. 9:22) ²¹Fụrẹ ẹfiavọ, di Ijesu vẹrẹ aa ka yi eziafụ aani ki ọni bẹdọ vaa ni Ijerụsanẹmụ naa rụya isẹrụrụ ini ụvọ azẹkụ, oshirẹsụ arụfa nin beri oyofi nini, dẹ wụọni, daa va sha ọni kwẹtẹ ini ọkụshi ọfụta. ²² Inaani di Ipita dọ siọ ni oboka, dọ tụo ofụvọ ka, "Isọnọni ọva zi gọdọ yụ wụ Ananyiyi, isọnọni ọ va zi gọdọ yụ wụ." ²³ Ama di Ijesu vareyi, dọ kaa yi Ipita ka, "Parafụ ni naama mi, ẹwụ eshu!" ọmọza sẹdụ ọnụ vi, fụvọki wa zi tẹsi yi isa ana vi ayi Oshomoshi, ama isa anẹshe.̣"Sẹnee funi ifẹ ọza kẹ(Imk. 8:34-9:1; Irk.9:23-27; Ijọ.12:25)²⁴Di Ijesu va ka yi eziafụ aani ka, "Aaviki ọ nyi ẹzẹne re si ki ọnọ vatụra mi, o re ki ọnọ yi ẹngwụ aani tẹtẹ, dọ si ọchi-avashi aani, dọ vatura mi." ²⁵Fụvọki, ọzatụrọza one ree si ka ọna dọ ife awọni tụ, vene vee nee ta, ọzatụrọza ene ree nee ifẹ aani ta fụvọ ami, o ve ree si. ²⁶Yere ọgụ ọna yi inaani yi ẹzẹna nyi ẹshẹ ọnọni bo, ama do ne ifẹ aani ta? Sẹni ọza va zụ si dụdi ẹshẹ aani kẹ?²⁷"Fụvọki, Ozi Ọza vaa vẹ ini ụga Ada aani bẹri angẹni aani nini. Ẹfi ọnọ, ọva si ọgụ ọzọọza yọ venebiri ọmimẹ anini. ²⁸Irẹiza, ma ka yụ wụ nin, azẹnyi inakaakana awụ nin, ana dinẹ tụzọni, ene zee seyi gẹrẹ isụ poro netụ efi ọne ve si re ki Ozi Ọza oo chi vẹ ini ijọva aani."

Chapter 17Eziafụ ẹẹta e ree ọvivara ẹngwụ Ijesu inẹsufa(Imk. 9:2-13; Irk. 9:29-36)

¹Inaama ẹkụshi shinọnyi, di Ijesu ̣si Ipita, Ijemisi onri Ijọọnụ ọnyara aani, dọ sụ wa bẹrẹ ẹngwụ shirẹ irẹsụfa ana nẹba kokoro. ²Da vara Ijesu ẹngwụ ineyi anini. Eyirẹsụ aani dọọza venebiri ọyi, aụrụ aani dọ vụẹtẹ bẹnẹ-bẹnẹ venebiri ẹtofei.³Dee ve re ka, Imosisi ọnri Enaija, ẹ jinẹ vetụo, de pe aa karẹyi. ⁴Di Ipita tụoshị, dọ kaa yi Ijesu ka, "Ananyiyi, ozoza ki ya kụ yi izọnani. Aaviki we si, mva ji ajẹngwụ ẹẹta, ọnya yi wụ, ọnya dọ vi ̣ ayi Imosisi, dọ ọsa zẹ vi ayi Enaija."⁵Ọ ma ki karẹyi inụvọ, egụshi ana feyi kokoro dọ vakụ wa, di ọngwẹ ọnya fini egushi ọnọ dọ ka, "ọnọni vi ozi ami ọnim ngwụayani, ọni ina ami shine tụ, We bee atọ nin." ⁶Ẹfi ẹni eziafụ aani wụ irẹyi ọnọni, da angwa shụwa kokoro, de veyi kwẹtẹ. ⁷Ẹfiọnọ di Ijesu ̣vẹ dọ sụvọ kani ụwa dọ ka, "kwẹtẹ nin, asụụ shangwa nini." ⁸Ẹmẹ veyi shirẹ, dọ viki Ijesu renya ene kụe re.⁹Ẹ mee chi vẹ fini irẹsụfa ọnọ, di Ijesu ̣si ụmọ kaa yu wa, dọ ka, "Asụụ si etoore ọnọni zụ ọzọnyọnyi pooro netụ ẹfi ọni Ozi Ọza vaa sha kwẹtẹ fini akaakana ẹnẹ ne sụ da." ¹⁰Eziafụ aani ẹ ̣fọọ ka, "Sẹnẹvẹ di ọyofi nini ka ki Enaija bidi vaa vẹ?"¹¹Di Ijesu ̣tụoshi, ka, "Enaija vaa vẹ ini irẹiza, dọọ vaa si isa bo varama tụni udi aani." ¹²Maa ka yụ wụ nini, Enaija ọ vẹ da, ama dẹ ra zi yẹ. Akikọnọ, dẹ misa ene zeweyi sho. Inoze ọnyọnya ọnọ, ọ ni Ozi Ọza vaa rụya inụvọ anini. ¹³Ụmọnọ di eziafụ aani va yẹ ka Ijọọnụ ọna mi isami, ọnọ karẹyi aani.Ijesu ọfụ ẹzẹna nyi obo ikụ sha(Imk. 9:14-29; Irk. 9:37-43)¹⁴Ẹfi ẹnẹ vẹ vetụ aza ọkọni ẹnẹ, ọnọrụ ọnya, o vetụo, do kụẹtẹ tụ nọvidi aani, dọ ka, ¹⁵"Ananyimi, nyi ayụva yi ozi ami, fụvọki ọ nyi ikụ obo, dọ rụya kokoro. Fụvọka ẹfitụrẹfi ọnọ siọ sẹdụ nengwụ ini ira ọnri enyi. ¹⁶Maa siọ ve tụ eziafụ awụ nin, ama ẹizụ fụọ ikụ shaa."̇¹⁷Di Ijesu ̣tụoshi ka, "Evereze ọna ra zi nyi ọdọwụ ọnri ene nye-eyi, yere ishi̇ mva raa pewụ nin tụ kẹ?" Ishi mva zụ sẹngwụdọ irẹyi awụ nin netụ kẹ? Si ozi ọnọ vetụ mi." ¹⁸Di Ijesu nyẹngwụrẹyi shi ifẹ azeeshi ọnọ, dọ dụọ jinẹ fi nẹngwụ aani, ozi ọnọrụ ọnọ, dọ dashi ini ụmụmọ.¹⁹Ini ẹfi ọnọ eziafụ Ijesu de vetụo ini oboka de ka, "sẹnẹvẹ di raizụ dụ ifẹ azẹẹshi ọnọ jinẹ kẹ?" ²⁰Di Ijesu kaa yụ wa ka,"fụvọ ọdọwụ oweyi awụ nini. Ini irẹiza ma ka yụ wụ nin, aavika wa nyi ọdọwụ ene weyi venebiri ọina imọsitadi, ụva zụ kaa yi irẹsụfa ̣ ọnọni ki "kwẹtẹ, fizọ ̣nangwụ akizọ," dọ vọvọ vi. Ọzi nyi, isa ọnụ rai zụa mẹ nini. ²¹Ama, ẹngwụ ifẹ azeeshi ọnọni ọ zaa jinẹ aa zi vi zirẹngwụ ozụrenụ ọnri awẹ.Ijesu ọ zẹ karẹyi isụ aani(Imk. 9:30-32; Irk. 9:43-45)²²Ẹmẹ yi Iganini, di Ijesu kaa yi eziafụ aani ka, "Aava si Ozi Ọza chire aza ụvọ, ²³dẹ wụọ, ini ọkụshi ọfụta, da shaa kwẹtẹ," Eziafụ aani mẹ wụrẹyi ọnọni, dẹ ngwụ anini che, di inẹ anini si dụ.Irẹyi ẹkẹshi imaana ọtitụ²⁴Ẹmẹ ngwụ Ikapanamụ, anẹrụ anaa dọ ẹkẹshi imaana, de vetụ Ipita, dẹ ka, "Ọzụọzisa awụ nini, ̣waa tụ imaana ireshi irafẹkẹ navẹki ọ ma tụ? ²⁵Do voshi, "kaa ọọ tụ" Ama Ipita mẹ va ngwụ ineshi na, dọ vi̇ki Ijesu ọnọ bidi karẹyi sho ka, "Isaimoni ụmẹ re irẹyi ọnọni tụ kẹ"? Ẹni oshinọyi ẹshẹ di imaana fini ụvọ anini? Eziẹtẹ navẹki azẹga?"²⁶Ipita mẹ kaa ka, "Fini ụvọ azẹga." di Ijesu ka yọ ka, "Ọọvọ si ya, eziẹtẹ vaa na natụ fini imaana ọtitụ. ²⁷Ama, doti asụ mẹwa ọikụ, wa ni ni irefụ, dụ we ni iwọ ngwụ nenyi,̣ isenyi ipaapa ọnụ re tụra jinẹ vẹ. Shaa irenụ, ụ vee re ẹkẹshi enyisụẹ, wa siọ yi ẹnẹna di maana, yi ẹmi ọnri ẹwụ nini.

Chapter 18Ene fu keekere (Imk. 9:33; Irk. 9:46-48)

¹ Ini ẹfi ọnọ, eziafụ aani de vee tụ Ijesu, dẹ fọọ ka "Ene fụ kẹ ini ijọva ọi ineekụ?" ²Di Ijesu shi ozoweyi ọnya pẹngwụ aani, dọ siọ tụni akaakana anini, ³dọ ka, "Ini irẹiza, ọọ zivi ka ii vene ezeweyi nin, wai zụa ngwụ ijọva ineekụ.Asụụ mọza ngwụ ini aichama(Imt. 5:29-30; Imk. 9:42-48; Irk. 17:1-2)⁴ Fụvavọ, ẹzẹna ra vẹngwụ shẹtẹ vene ozoweyi ọnọni, ono fụ kekere ini ijọva ineekụ. ⁵Ẹzẹ ne re si ẹngwụ ozoweyi ọnọni ọzọga ini irẹsha mi, vene ze si si mi ọzọga. ⁶ Ama ẹzẹna ra mẹ ki ọnya ini ezeweyi ẹnẹ ana dọ mi wụ ka ẹ chamai, ọ dashi fu ke zu irẹta ọkwọsẹ gẹ ọbẹ, dee ne ngwụ ini irefụ.⁷ Ẹshẹ, oodụ ụ kụ fụvọ umẹ ọsisẹdụ ọni yaa. Aa yẹ ka ụmẹ ọshimi ọnọni vaa vẹ, ama oodụ ọzọnọ kụ, ọni ụmẹ ọshimi ọnọni va zirẹngwu aani vẹ. ⁸Ụvọ awụ navẹki ụfụ awụ raa mẹ ki wa mi isa ọshimi, daa neta. Ọọ dashi kụ wa ngwụ ini ẹshẹ poro-pooro rụvọ ọnri ufu irẹjiji, funi ka si ụvọ ẹviva ọnri afụ ẹviva nangwụ ineekụ ọrọkọtọ.⁹ Iri awụ raa mẹ, kụ wa mẹ isa ọshimi, tụọ nẹta. Oo dashi kụ wa ngwụ ini ẹshẹ poro-pooro bẹri iri ọnya fụni ka ne wụ ngwụ ini ira ana za poro-poorọ bẹri iri awụ ẹviva.Ụshioche atẹmẹ ene vu(Irk. 15:3-7)¹⁰ Navọ dụ we re kụ wa zi seyi wụ ezeweyi ẹnẹni. Maa ka wụ angẹni anini ọnitụ Oshomoshi, va naa veyi shirẹ ẹfi boo re Ada mi ana yi ineekụ. ¹¹Fụvọki ozi ọza vana vẹ va ji aza ene vụ tụ.¹² Ụme roo tụ kẹ? Ọza raa nyi atẹmẹ ẹchẹshi, dọ ọnya inaani vụ, ọ wa ra za navọ ẹchẹshi ọ fụrẹ ọnya ana vọ tụni irẹsụfa, do si ọnya ene vụ na? ¹³ Aavika o re ọnya ọnọ, ọ va jụjẹ aani fụni ẹchẹshi ọ furẹ ọnya ene re zi vụ. ¹⁴ Ini oze ọnyọnya, ọzivi Ada awụ ana yi ineekụ, ki ọnya ini ezeweyi ẹnẹni, ọ vara ovivụ.Ọzọfụva awụ raa mẹ wụ irẹyi¹⁵ Ọnyara awụ, raa mẹ ọshimi ka wụ vẹ, na dụ wee ne tụo, ẹwụ riọ anava, dụ wa kaa yọ ọshimi ọnọ ra mẹ ka wụ vẹ, aiviki o bewatọ, ọnọvi kụ waa dọ ọnyara awụ ọnọ varama da. ¹⁶ Ama, aaviki ọ zi bewatọ, si ọza ọnya navẹki ẹẹva bẹrẹ ẹngwụ awụ, fụvọki ini irenụ onivenụ ẹẹva navẹki ẹẹta ana va ya yẹ irẹiza irẹyi.¹⁷ Aaviki ọ zi bewatọ, ka yi ichọọchi, ọ zi ve be ichọọchi nin atọ, ụmavọ dụ kụ siọ venebiri Ijẹntaini ọnri ọdimaana.¹⁸Ini irẹiza, ma kaa yụ wụ nin, isatụrisa ọnụ ra sụ inẹshẹ, vana vaa su ineeku. Isatụrisa ọnu ra ngwara inẹshẹ, vana vaa ngwara ineekụ. ¹⁹Di ma zẹ ki ka yụ wụ nin ka, aaviki ẹẹva ini awụ nini, ẹẹ si ọma vọnya ini isẹne re fisụe, Ada mi ana yi ineeku vana va mẹẹ yụ wa. ²⁰Izẹni aza ra gụ ẹẹva navẹki ẹẹta peregụ ini irẹsha ami, mva vini akaakana anini.Ụshioche ozida ana ra zi nyi ayụva(Irk. 17:4)²¹ Ụmavọ, di Ipita vẹ va fi Ijesu ka, "Ananyimi" ụpẹrika ya ọni ọnyara ami va chamai yi mi, di ma va tangwa si aichama aani vayani kẹ? Ụpẹ shimba wayọ? ²²Di Ijesu voshi ka, "Maa zi ka yụ wụ ki ụpẹ shimba, ama otu ụpẹ ẹbẹrẹta-rẹwụ inoze shimba."²³ Fụvavọ, ijọva ineekụ o vene oshinọyi ọnya one si ka ọna bere ezida aani aa mi ishuro ẹkẹshi ọnọ si yi wa. ²⁴Ọmẹ vẹrẹ kẹnẹ dọ siọzu, da si ozida ọnya vetụo ana riọ ụta itarẹnti ampo ẹbẹrẹva-rẹwụ. ²⁵Ọmẹ ra zi nyi ẹkẹshi ve sụta, di ọga aani ka na ọnri ose aani, shi ezi, vabẹri isa ọnọ ra nyi bo doti o sio sụta ọnọ ri.²⁶Inaani, dị ozida aani nyima, dọ va kụẹtẹ, dọ ka, "Ẹwụ ọga mi nyi ayụva yi mi, mve sụta ọnim rụ ụ boo." ²⁷Inaani, di ọga aani sụta ọnọ riọ vayani, dọ fụrẹ ụvọ kọọ na.²⁸ Ozida ọnyọnya ọnọ mẹ va nẹshẹ, do re ọza ọni ọnri ọ gẹ vi ozida, ana riọ ụta idinari ẹchẹshi, dọ sụvọ shio ọbẹ, dọ ka, 'Si mi ụta ọnụ ri mi.' ²⁹Ama di ozida ọfụva ọnọ kụẹtẹ dọ dipẹ ka, "Nyi ayụva yi mi, mve sụta ọnim rụ ụ."³⁰ Ama, di ozida ipaapa ọnọ yii. Akikọnọ do nee ngwu ijaarụ netụ ụmẹ ọnọ ve zụ sụta ọnọ riọ. ³¹Ụmọni ezida anavọ re isa ọnọ mẹ, di ayi kụ wa. Dẹ na kaa yi ọga anini isa boo ọnọ mẹ.³² Inaani, di ọga ozida ọnọ shiọ, dọ ka,"Ẹwụ ozida ọshimi ọnọni, maa sụta ọnụri boo vayawụ fụvọki wa dipẹ yi mi. ³³Dọviki, waizụ vayi ọzọfụva awụ vene mmẹ vaya wụ?"³⁴ Di ayi kụọ ọga aani, dọ siọ chire ẹnẹna sụya ri ọza ụvọ netụ ụmẹ ono ve si sụta ọnọri boo. ³⁵Avọ ọni Ada ami ana yi ineekụ mẹ zẹ va mimẹ yụ wụ nini aaviki ọzọnyọnya awụ nini ọzi si aichama ọnyara aani vayani fini ọtụtụrụma aani."

Chapter 19Irẹyi oyiyi ọnyẹnẹ tẹtẹ(Imk. 10:1-12; (Irk. 16:18)

¹Ijesu mẹ karẹyi ẹnẹni da, dọ fụri Iganini nangwu ọkakoro ayi Ijụdiya ana yi akajinẹ okụfa Ijọdani. ²Aza ọkọni ẹ vatụraa, dọ fụ wa ikụ sha.³Ifarisi nini e vetụo, dẹ moore, dẹ kaa yọ ka, "Ọọ wa vọrọ ka ọza o yi ose aani, dọ diwe yọ ka ọnọ zi kụ nyi?" ⁴Di Ijesu voshi ka, "Ụ wee re zi re kaa ki, ọza ana mẹ wa fini ivẹrẹ, ọ mẹ wa ọnọrụ ọnri ọnyẹnẹ?"⁵Ọza ana mẹ wa vana kaa ki, 'Fụvọ ọnọni ọni ọnọrụ vaa navọ ada aani bẹrẹ ọnya aani, dọ na vabẹrẹ ose aani, dẹnẹ viva si vi ọnya ini ụpẹngwụ?' ⁶Fụvavọ ẹzi kụa vẹva, ama dẹ si vara ọnya ini ụpẹngwụ. Fụvavọ, isẹni Oshomoshi ra za vaabẹ da, a sọ nyi ọzẹna shawa shi."⁷Dẹ kaa yọ ka, "Sẹnẹve di Imosisi si ụmọ yiyi ki ya diwe yose ayi, doti ya zẹ dụ wa na kẹẹ?" ⁸Di Ijesu kaa yụ wa ka, "fụvi ọtụtụrụma ọkata ọnụ nyi nin ọnọ mẹ ki Imosisi ọ kaa yụ wụ nini ka, u ve zụ yi ose awụ nin, ama ọzi vavọ mẹ vi fini ivẹrẹ. ⁹Maa kaa yụ wụ ka, ọza ana re yi ose aani, dọ zivi fụvi irẹka ọsisẹ, dọ na si ọnẹẹ ọsa, vana sẹrẹka; ọnọrụ ọna ra zẹ na si ọnẹẹ ene yi tẹtẹ da, vana zẹ si sẹrẹkạ."¹⁰Di eziafu Ijesu kaa yọ ka, "Aavika avọ mẹ viyi ọnọrụ ọnri ose aani, ozi zoza ki ọza ọ nyi onẹẹ. ¹¹Ama di Ijesu kaa yụ wa ka, "Ọzi vi aza bo ẹnẹ va zụ dọ ọzizụ ọnọni, ọchishi ẹnẹna soze yi, ẹnẹ va zụ dọ. ¹²Fụvọka ọ nyi osụretụ ẹna vọvọ ya fi ininẹ ọnya anini vẹ, ama dọ nyi osụretụ ẹnyi, ọnọ vika aza ẹnẹ vọvọ mẹ wa, dọ zẹ nyi ẹnẹna mẹngwa anini osụretụ fụvọ ijọva ineeku. Ọza ana ra zụ dọ ọzizụ ọnọni, navọ doti ọ dọọ."Ijesu otụozụrenụ yi ezeweyi(Imk.10:13-16; Irk.18:15-17)¹³Umavọ da ku ezoweyi vetụo doti ọ sụvọ tụra wa, dotị o tụozụrenụ yụ wa, ama di eziafụ aani ee dụ wa ẹngwụ. ¹⁴Di Ijesu ka, "Navọ di ezeweyi ẹnẹni ẹ vi idami, asa jiwa-oze, fụvọka ijọva ineekụ vi ayanini." ¹⁵Ọmẹ sụvọ tụra ezi ẹnẹ da, dọ fi izọ, dọọ na.Ozi ọmụsha ana vi opisa(Imk. 10:17-31; Irk. 18:18-30)¹⁶Ọnọrụ ọnyi o vetu Ijesu, dọ kaa yọ ka,"Ọzụọzisa, yere isa ọiza onim bẹdọ va mẹ doti ma nyi ẹshẹ poro-pooro?" ¹⁷Di Ijesu kaa yọ ka, "Ọmẹ zi dụ fọ mi inọpati isene zoza? Isa ọnya kẹnẹ ono zoza, ama, we ve si kụ wa ngwụ ini ẹshẹ poro-pooro, wa si ụmọ aani mụkọrọ."¹⁸Di ọnọrụ ọnọ ka, "Yere ụmọ ọnovi?" Di Ijesu kaa yọ ka,"Asụụ wụ ọza, asụụ sẹrẹka, asụụ yi ụyi, asụụ divenụ apinẹ, ¹⁹si ụbani yi ada awụ ọnri ọnya awụ, sirẹyi ọzọfụva awụ vene ẹngwụ awụ."²⁰Di ọnọrụ ọnọ kaa yọ ka, "Isẹnẹni bo vọnim vatụra. Sẹnẹ kụ vọ mi kẹ?" ²¹Di Ijesu kaa yọ ka, "Wee si kụwa gụ, na dụ wa na nogụ ọnụ ra nyi, doti wa gaa yi ọniriwa nini, ụva nyi ogụ ineeku; dụ wa va vatụra mi." ²²Ama, ọmụsha ọnọ mẹ wụ isa ọni Ijesu ka, dọ si ayiodụ fizọ, fuvọka ọ nyi ogu ọrụrụ.²³Di Ijesu kaa yi eziafụ aani ka, "Ini irẹiza ọnim ka yụ wụ, ọ vaa ngwụẹngwụ ka ọpisa nin ẹ ngwụ ini ijọva ineekụ-ọiza. ²⁴Maa zẹ kaa yụ wụ ka, Ọọ rọ engwụ yi irankụmi ka ọzi iri ọrishi jinẹ fụni ka opisa nin ẹ ngwụ ijọva Oshomoshi."²⁵Eziafụ aani mẹ wụ, dọ vi isẹne shụweyi, "Ẹna va zụ dọ tu aavọ kẹ? ²⁶Ijesu o re wa, dọ ka, "Aa si tụni ayi aza, ọzi vi isa anạ va zụ mẹ, ama aa si tụni ayi Oshomoshi, isa bo vi ọmimẹ." ²⁷Ụmavọ di Ipita voshi dọ kaa yọ ka, "Ree ya navọ isabo di vatụra wụ. Sẹni vaa nyi aavọ kẹ?"²⁸Di Ijesu kaa yụ wa ka, "Ini ireiza ma kaa yụ wụ nin ka, inẹshẹ ọwọọwa, efi ọni Ozi Ọza va yatụ tụni ogede aani, ẹwu nin ọnọvi kọ vatụra mi, va yatụ tụri ogede ẹwụrẹva, ini ụmẹ ishọji ayi irẹkụra ẹwụrẹva ayi Isrẹni.²⁹Aza bo ọnọvi kẹ navọ ireshi, ẹnyara anẹrụ, ẹnyara anyẹnẹ, ada, ọnyi, ezi navẹki ẹtẹ fụvọ irẹsha ami, ẹ vaa dọ ini oze ẹchẹshi, dẹ zẹ riọgụ ẹshẹ poro-pooro. ³⁰Ama, ẹrụrụ ana vi ọzi ipaapa, vavi ọza ene keke, ene keke, vavi ọza ipaapa.

Chapter 20Ụshioche anụkọrọ ana dọ tuni ụbazi

¹Ijọva ineekụ o vene ọnaarẹ ana kwẹtẹ ini ọnẹnẹ viri-viri, do ne si ọnụkọrọ, ana vaa mụkọrọ ini ụbazi aani. ²Ẹ mẹ gẹ sofụ yẹngwụ, dọ gẹrẹngwụ yụ wa ka, ọni ve sụwa Idẹnariọsi ọnya ini irẹkụshi; dọ ka ẹẹ ni inụbazi aani.³Ọọ varama jinẹ inọpati iwakati ọfụta, do ze re ọnụkọrọ ọsa ana dinẹ kẹnẹ ini ofụ. ⁴Dọ kaa yụ wa ka, "Ẹwụ nin ọ zẹ, ngwụ inụbazi ami, dụ wa na mụkọrọ nin ki mve si isẹnẹ ra sẹrẹ yụ wụ nini. "Dẹva na vẹrẹ ụkọrọ.⁵Ọọ zẹ jinẹ inọpati iwakati ishinọnyi ọnri iwakati ishinna dọ viki isọnyọnya ọnọ mẹ. ⁶Ini ụpọnya tụọ, inọpati iwakati ẹwụrọnya, ọọ zẹ jinẹ tụra, do re ọnụkọrọ ọsa nin ana zẹ dinẹ kẹnẹ. Dọ kaa yụ wa ka, 'Sẹnẹvẹ dụ dinẹ kẹnẹ nin, di ọ ra zi nyi ọnụ waa mẹ nini finọnẹnẹ?' ⁷Dẹ kaa yọ ka, "Fụvọki ọzi nyi ọzọnyọnyi ana shiyi na mụkọrọ." Dọ kaa yụ wa ka, "Ewu nin ọ zẹ ngwụ ini ụbazi, dụ wa na mụkọrọ nin."⁸Orụva me tụ, di ọza ana nyi ụbazi kaa yi ọga ọnụkọrọ aani ka, "Shi ọnụkọrọ ẹnẹ, di we sụwa ụta, vẹrẹ finị ene keke nangwụ ọi paapa." ⁹Ụmọni ọnụkọrọ ana dọ ini iwakati ẹwụrọnya vẹ, de si wa idẹnariọsi ọnya-ọnya. ¹⁰Ụmọni ọnụkọrọ ipaapa nin vẹ, de ro ka ẹni vaa dọọ fụnavọ. Ama, dọviki idẹnariọsi ọnya ọni ọzọnyọnya anini dọ.¹¹Ẹfi enesi wa ụta da, dẹ rifụfụ, de netụ ọza ana nyi ụbazi. ¹²Dẹ ka 'Iwakati ọnya ọni ọnụkọrọ ẹna vẹ keke si mụkọrọ, ama we si ẹyi rụwa ụta ẹbẹbẹ, ẹyi ọnọ viki ya mụkọrọ fụ, di vana yini ọyi fini ọnẹnẹ.'¹³Di ọza ana nyi ụbazi ọnọ tụoshi, dọ kaa yi ọzọnya ra anini ka, "Ọtami, ọ zi ̣nyi isa ọshimi ọnim mẹ kawụ vẹ. Ụ wa ra zi zẹ mi ku va di idẹnariọsi ọnyạ?" ¹⁴Dọ isẹna ra vi ayawụ, dụ wa si zi oze awụ. Ẹmi ono zeyi ki mve si anụkọrọ ene keke vẹ ụta ọnyọnya ọnim si yụ wụ nin.¹⁵Navẹki ma zi nyi ụmọ ki me no isa ọnim nyi o me zemeyi? Navẹki ụ waa kụshini nin fụvọ ki ma shụvọsha." ¹⁶Avọọ mẹ vivi, one keke vaa vi ọni-paapa, di ọni-paapa vi one keke."Irẹyi inọpati ẹkẹshi imaana ọtitụ(Imk.12:13-17; Irk.20:20-26)¹⁵Di Ifarisi nini na shọma ẹmẹ mẹ vee re Ijesu za ini rẹyi aani. ¹⁶Dẹ tụ eziafụ anini beri aza Ihẹrọọdụ nin ne tu Ijesu. Dẹ ka, "Ọzụọzisa, yaa yẹ ki ọni irẹiza ọnụvi, dụ wa zụ aza oze irẹiza Oshomoshi. Wee me si ki ọza ọji zụwụ ọnri wa ma ni ọza remeyi inakaakana aza. ¹⁷Kaa yi yi isuro. Ọ wa vọrọ ki yee si imaana yi Isiza navẹki ọzi vọrọ?"Ọnyi eziafụ Ijesu ẹẹva o fisụe ụdi yi ezi aani(Imk. 10:35-45; Irk. 22:24-27)²⁰Inaani, di ọnyi ezi Izebede ọnri ezi anẹrụ aani vetụ Ijesu. Oo nyimarẹsụ yọ, do fisụe isa fini ụvọ aani. ²¹Di Ijesu fọọ ka, "Sẹnẹ ya wu ọtụtụrụma ọnụ we si?" Do tụoshi ka,"Si ụmọ kaa ki ezi anẹrụ ami ẹviva ẹnẹni, kẹ zụ yatụ ini ijọva ineekụ awụ, ọnya inụvọọri, ọsa inụvọọfa."²²Ama di Ijesu tụoshi ka, "Waa zi yẹ isa ọnụ wee fisụe aani? Ụ we ve zu fụ fini ipa ọnim ve ye fu ọmẹyani nin?" Dẹ kaa yọ ka, "Ii ve zụ fụo." ²³Dọ kaa yụ wa ka, "Maa vana yẹ ka u vee zụ fụ fini ipa ami. Ama ini kụ wa yatụ tụni ụvọọri ọnri ụvọọfa ami, ọzi vi ẹmi ọnọ vaa mẹ ọnọ, fụvọki Ada mi o teni ọ tẹtẹ da yi ẹnẹnọ va siọ yi." ²⁴Ụmọni eziafu aani ẹẹwụ anavọ wụ irẹyi ọnọ, dẹ mọikụ kokoro shi ẹnyara ẹviva ẹnẹ.²⁵Ama, di Ijesu shiụ wa pe ẹngwụ, dọ ka, "Waa yẹ nin ka ọdọvidi anarima-dọwụ nini vana si ụkata ku wa zi, di azẹbani anini a mụ ụmọ tụra wa rẹsụ. ²⁶Ama ọzi bẹdọ vọvọ ya ini akaakana awụ nini. Akikọnọ, ọzatụrọza ene re si ka ọnọ nyi ụbani ini akaakana awụ nin vọnọ vọrọ ka ọvi ozida awụ nini, ²⁷ọnri ki ọzatụrọza ene re si ka ọnọvi ọdọvidi ini akaakana awụ nin, bẹdọ vi ozida awụ nini. ²⁸Venebiri Ozi Ọza mẹ ra zi vẹ ka ava mozida yọni, ama ọọ vẹ ka ọnọ va mozida, dọ ọnọ si ẹshẹ awọni dụdi ayi aza ẹrụrụ.Ijesu ọ sha ogueyi ẹẹva irii(Imk. 10:46-52; Irk. 18:35-43)²⁹Ẹ mẹ jinẹ furi Ijẹriko, di aza ọkọni vatụraa. ³⁰Ọọ nyi oguri ẹẹva ana yatu tụni ụtoze. E mẹ wụ ki Ijesu aa parafụ, de nowụ ka, "Ananyiyi, Ozi Idevidi, nyi ayụva yiyi." ³¹Di aza ọkọni ẹnẹ aa tụ wa ofụvọ ka ẹ navọkụ. Ama, de nowụ fụnavọ ka, "Ananyiyi, Ozi Idevidi, nyi ayụva yiyi."³²Umavọ di Ijesu pẹkafụ, dọ shụ wa, dọ fọọ wa ka, "Sẹni we si ki ma mẹ yụ wụ nini?" ³³Dẹ kaa yọ ka, "Ananyiyi, ye si, kiye re ẹtẹ." ³⁴Inaani, di Ijesu nyi ayụva yu wa, dọ si ụvọ kani iri anini. Ụmụmọ, dẹ vẹrẹ ee retẹ, dẹ vatụra wa.

Chapter 21Ijesu ọ shirẹ ikẹtẹkẹtẹ ngwụ Ijerụsanẹmụ(Imk.11:1-10; Irk.19:28-38; Ijọ.12:12-18)

¹Ijesu ọnri eziafụ aani maa kavape Ijerụsanẹmụ, de tụ Ibẹtifage ọgụri Irẹsụfa Onivi, inaani di Ijesu tụ eziafụ aani ẹẹva itụ, ²do kaa yụ wa ka, "Wa ni irẹkụra ana gụrẹyi nini, waa ngwụ izọ kẹne, ụ vee re ikẹtẹkẹtẹ ana za chire tụzọ bẹri ozi aanị. Ngwara waa, dụ wa za wa vetụ mi. ³Ọọ nyi ọzạ ana karẹyi shi wụ niṇ inọpati aani, dụ wa kaa yọ ka, "Ananyiyi o sụ wa onino," ụmụmọ ọzọnọ vaa navọ ka kụ wa vetụ mi."⁴ Isẹnẹni vana mẹ fụvọ di irẹyi ana ka tẹtẹ zirẹngwụ ọkisẹ ọ zu gẹ. ⁵"Ka yi ozi Izayọni ọnyẹnẹ ka, 'Oshinọyi awụ nini aa vẹ vetụ wụ, ọza ana vẹngwụ shẹtẹ, dọọ shirẹ ozi ikẹtẹkẹtẹ."'⁶Inaani di eziafụ aani na mi isa ọni Ijesu kẹ mẹ. ⁷Dẹ si ikẹtẹkẹtẹ ọnri ozi aani, dẹ tụ aụrụ anini tụra wa, di Ijesu shirẹ tura. ⁸Ẹrụrụ ini azọkọni, de tụ ita anini tụ noze, di aza ẹnyi ji avọ ọchi, dẹ tụọ tuni oze.⁹Di azọkọni ana yi inọvidi ọnri irama, dee nowu ka,"Hosanna! ozi Idevidi! Ẹdabẹrẹ ọnọvi yi ọza ana vẹ ini irẹsha Ananyiyi! Hosanna ini ẹbẹẹba keekere!" ¹⁰Ijesu mẹ ngwụ Ijerụsanẹmụ da, di irẹkụra boo sheni. Dẹ ka, "Ẹnẹ vi ọza ọnọni kẹ?" ¹¹Di azọkọni voshi ka "Ijesu ọkisẹ fụri Inazarẹti ana yi Iganini yọ."Ijesu ọ ngwụ ini itẹmpụrụ(Imk.11:15-19; Irk.19:45-48; Ijọ. 2:13-22)¹²Umọnọ ngwụ ini itẹmpụrụ, dọ dụ aza ana sofụ ini ireshi Oshomoshi jinẹ. Dọ tụ itevụrụ ene ye che ẹkẹshi ụvọ vakụ, shi irẹfu ̣ẹnẹ yaa na onekụkụ. ¹³Dọ ka yụ wa ka, "A chẹrẹẹ ka, "A vaa shi ireshi ami, ireshi ana yaa tụozụrenụ, ama dụ varaa tụni ireshi oyi nini." ¹⁴Inaani, ogụri ọnri osụafụ nini, ee vetụo ini itẹmpụrụ, dọ fụwa ikụ sha.¹⁵Ụmọni Oshirẹsụ arụfa nini ọnri ọyofi nin re ụkọrọ oshishozeyi ọni Ijesu mẹ, ọnri ụmẹ ẹnẹ wụ ki ezeweyi nin ee nowụ ini itẹmpụrụ ka, "Hosanna yi ozi Idevidi," di ayi aa kụ wa. ¹⁶Dẹ kaa yi Ijesu ka, "Ụwa wụ irẹyi ọni azẹnẹ aa ka?" Di Ijesu kaa yụ wa ka, "Ẹẹn! ụwe re zi re ka ini iwe ọnini nin ka, "Fi ini irenụ ezeweyi onri ezinụvọ nin, ọni ụga va ya vi ọgigụ'?" ¹⁷Dọ fụri ida anini, dọ ni irẹkụra Ibẹtani, dọ na sụ izọ.Ijesu o chi ọchi Ifigi ọnya eku(mk. 11:12-14, 20-24)¹⁸Ini ọnẹnẹ, Ijesu mẹ varama ni Ijerụsa-nẹmụ dị ụngwẹ aa kụọ. ¹⁹O re ọchi ifigi ọnya inoze. Ọ mẹ gụrị ọchi ọnọ, o zi re ẹtụtụ ọnyọnyi ini irẹsụ aani, ọchishi avi renya. Dọ kaa yọ ka. "Wai zụ kụa tụ ẹtụtụ pooro, ụmụmọ, di ọchi ọnọ wẹngwụani.²⁰Eziafụ aani me ree, do shụweyi, dẹ ka, "Ọchi ọnọni mẹ mẹ dinẹ si wẹngwụani kẹ?" ²¹Di Ijesu voshi ka, "Irẹiza ma ka yụ wụ nin, wa nyi ọdọwụ, dụ ra zi ji ayi ẹvẹva nin, ọ zi vi isa ana mẹ shi ọchi ọnọni kẹnẹ ọnụ̣ vaa mẹ nin, ama ụ va zụ kaa yi irẹsụfa ka, 'Fụ kwẹtẹ we zina na ngwụ ini irefụ,' dọ vi ọmimẹ. ²²Isa ọnụ̣ re fisụe ini ozụrenụ awụ, dụụ nyi ọdọwụ, ụ ve ree dọ."Ẹnẹsi ụmọ yi Ijesu ọnọ si mụkọrọ(Imk. 11:27-33; Irk. 20:1-8)²³Ijesu mẹ ngwụ ni itẹmpụrụ da, oshirẹsụ arụfa nini ọnri azẹkụ azẹnẹ de vetụo, ọ maa zụ aza isa, dẹ ka, "Yere ụmọ ọnụ wa si mi isẹnẹnị ọnri ka ẹnẹ si ọ yụ wụ?" ²⁴Di Ijesu voshi dọ kaa yụ wa ka, "Ẹmi zẹ va fọ wụ nin ipẹpẹ ọnya. Waa voshi aani yi mi mva kaa yụ wụ nin ụmọ ọni maa si mẹ isẹnẹni.²⁵Izi isami ọi Ijọọnụ, fụrẹ vẹ kẹ? Fi ineekụ wa yọ, navẹki fidi aza? Dẹ va kwa siọ nita ka, "Aaviki yaa ka ki, fi ineekụ yọ, ọ va fọ yi ka, "Sẹnẹvẹ dụ ra zi va dọọ wụ nin kẹ?' ²⁶"Ama ya kaa ka, Fi idi aza yọ, yee shangwa azọkọni," fuvoki ẹnbo vene re Ijọọnụ vene ọkisẹ." ²⁷Dẹ voshi yi Ijesu ka, "ya zi yẹ." Dọ zẹ kaa yụ wa ka, "Ẹmi nyẹmbẹ ma za ka yụ wụ nin ụmọ ọni ma si mị isa ẹnẹni."Ụshioche ezi ẹẹva²⁸Ama, sẹnẹ ẹwụ nin ro? Ọnọrụ ọnyi ọ nyi ezi anẹrụ ẹẹva. Do ne tụ ọni paapa dọ ka, 'Ozi, na mụkọrọ ini ubazi ami irajini.' ²⁹Do ozi aani voshi ka, "Ma zaa nọ, ama ụmotụ dọ vara ọtụtụrụma aani, dọ naa mụkọrọ ọnọ. ³⁰Ọnọrụ ọnọ, ọ tụ ozi aani ọfụva, dọ zẹ karẹyi ọnyọnya yọ. Do ozi ọnọ voshi ka, "Ada mi mva nọ," ama ọzi vaa nọ.³¹Ini ezi anẹrụ ẹviva ẹnẹ, yere ana mẹ osisi ada anini kẹ?" Dẹ voshi ka, "Ọzi ipaapa." Di Ijesu kaa yụ wa ka, "Ini irẹiza ma ka yụ wụ nin, ọdimana ọnri ọsẹrẹka nini vaa ngwụ Ijọva Oshomoshi tụ wụ nini. ³²Fụvọki Ijọọnụ ọ vẹ tụ inoze ana vọrọ, ama wazi dọọwụ nini. Ama ọdimana ọnri ọsẹrẹka nini ẹẹ dọọ wụ. Shi ụme ri re isa ẹ̣nẹ̣ni nin, we zi rinẹ varama, wai zẹ di dọọwụ nini.³³Batọ tụni ushioche ọsa nini. Ọ nyi ọnọrụ ọnyi ana nyi ẹtẹ. Dọ da ụbazi, dọ fọva kara, dọ chi okoro, iza ya kwọrọ ẹtụtụ eche. Dọ da ireshi oserẹtẹ, dọ si ụbazi ọnọ chire ọkụrarẹ nini ụvọ̣. Dọ jinẹ ni irẹkụravabẹ ọsa. ³⁴Ẹfi ọni asi fa ẹtụtụ maa gurẹtẹ, dọ tụ ezida ẹnyi ne tụ ọkụrarẹ ẹnẹ ka ẹna di ẹtụtụ awọni vẹ.³⁵Ama di ọkụrarẹ ẹnẹ za ezida ẹnẹ, de tụ ọnya, dẹ wụ ọsa; de ne ọsa akụkụ. ³⁶Dọ zẹ tụ ezida aani ọsa ana rụrụ fụni ọi ipaapa, di ọkụrarẹ ẹnẹ si ụya rụ wa vene ọi ipaapa nin. ³⁷Inama aani, di ọza ọna nyẹtẹ ọnọ tụ ozi aani ụvọta na, dọ ka, 'Ẹẹ vaa si ụbani yi ozi ami.'³⁸Ama, ọkụrarẹ ẹnẹ me re ozi aani ọnọ, dẹ geyi, dẹ kaa, ozi ọnọni ọnọ vaa kụ ogụ ada aani. A navọ di ya wụọ, di ya si ogụ aani vara ayayi. ³⁹Di ọkụrarẹ ẹnẹ siọ ni irama ụbazi, dẹ wụọ.⁴⁰Ụmọni̇ ọnọrụ ana nyụ ụbazi raa vẹ, sẹnụ ro ki ọ vaa mẹ ọkụrarẹ ẹnẹ kẹ?" ⁴¹Dẹ kaa yi Ijesu ka, "Ọ vaa wụ azẹshimi ẹnẹ bo vasha, dọ si ụbazi ọnọ yi ọkụrarẹ ọsa nin, ana vaa si ẹtụtụ ana vi ayi aani yọọ, ẹfi retụ."⁴²Di Ijesu kaa yụ wa ka, "Ọnọviki we zi ri ree ka ini iwe ọnini kaa, 'Irẹta ọni ọtụrireshi nini yi tẹtẹ, ọsi vara obooro irẹta ana nyi ụbani tụni ireshi. Ananyiyi ọnọ vọ vọ mẹ, dọ vi oshishozeyi.⁴³Fụvavọ, ma kaa yụ wụ nin ka, ijọva Oshomoshi vana vaa dọọ fini ụvọ awụ nini, da si ọ yi irẹkụravabẹ ọsa ana vaa tụ ẹtụtụ. ⁴⁴Ọzatụrọza ene re zina nya irẹta ọnọni, vana vaa sẹ ripiripi. Ama, ọza ọni irẹta ọnọ ree zina nya, vọnọ vaa kwọrọ̣ vasha.⁴⁵Ụmọni arụfa ọbani nin ọnri ifarisi nini wụ ụshioche ẹnẹ, dẹ yẹ ka ẹni ọnọ karẹyi shi. ⁴⁶Dee ve bee kẹnẹ zaa, ama de shangwa azọkọni ana gụ, fụvọki aza vana si ọ vene ọkisẹ.

Chapter 22Ụshioche aza ana shi nọ ini ọnẹẹ ọnyinyi(Irk. 14:15-24)

¹Ijesu ọọ zẹ karẹyi yụ wa ini ushioche ka, ²"Ijọva ineekụ oo vene oshinọyi ọnya, ana kwẹnya ụpe ọnyi-nyi ọnẹẹ yi ozi aani. ³Dọ tụ ezida aani kẹ na shi ẹnẹna tụshi kẹ vi nupe ọnọ, ama dẹ ra zi vẹ.⁴Di oshinọyi zẹ varama tụ ezida aani ọsa, 'Kaa yi ẹnẹna si iwe shi ka, "Re, ma mẹ isari tẹtẹ da. Maa zẹ wiwụ ụnọ ọrụrụ tẹtẹ ọnri ki mami isa anavọ bo da. Vee pe mi rupe nini.'"⁵Ama ẹ zi shọ irẹyi, dẹ zii na, ọnyi ọ si zi oze irarẹ aani, dọ sa si zi oze ofụ aani. ⁶ Di ẹnẹ ẹnavọ za ezidạ ẹnẹ, dẹ mụya rụwa rụshi rụshi, dẹ wụ wa. ⁷Di ayikụ oshinọyi ọnọ, dọ va tụ ashoja aani, dẹ na wụ ọwụọza ẹnẹ, dẹ ri irẹkụra anini ira⁸Inaani, dọ kaa yi ezida aani ka, "Ẹfị ọnyi-nyi ọnẹẹ ọnọ o tu da, ama ẹnẹna tụshi ẹ zi bẹri. ⁹Fụvavọ, wa ni noze ọbani, izẹni oze ya gẹ bo, dụ wa na shi ẹzẹnụ re re, ke ve pe mi rupe. ¹⁰Di ezida aani jinẹ ni noze ọbani, de pere aza ene re gụ, shi aza ọiza, shi ọshimi. Di ireshi ẹnẹ yaa rụpe ọnọ, do shi yi aza.¹¹Ụmọni oshinọyi ngwụ ireshi ọni azẹga nin yatụ shi, do re ọnọrụ ọnyi izọ ene ra zi kụẹnya ana si sọnẹẹ. ¹²Di oshinọyi va kaa yọ ka, 'Ọtami, ụme re dụ ngwụ izọ naani vẹ, du ra zi kụẹnya ana si sọnẹẹ kẹ?' Ama di ọnọrụ ọnọ rai zụ voshi.¹³Inaani, di oshinọyi kaa yi ezida aani ka, 'Sụ ọnọrụ ọnọni rafụ rụvọ, du we nee jinẹ ngwụ ini oozi rim-rim, izi ayaa jorere, da kụra anyi.' ¹⁴Fụvọka aza ẹrụrụ ana shi, ama aza chee ana nii.Irẹyi inọpati ẹkẹshi imaana ọtitụ(Imk.12:13-17; Irk.20:20-26)¹⁵Di Ifarisi nini na shọma ẹmẹ mẹ vee re Ijesu za ini rẹyi aani. ¹⁶Dẹ tụ eziafụ anini beri aza Ihẹrọọdụ nin ne tu Ijesu. Dẹ ka, "Ọzụọzisa, yaa yẹ ki ọni irẹiza ọnụvi, dụ wa zụ aza oze irẹiza Oshomoshi. Wee me si ki ọza ọji zụwụ ọnri wa ma ni ọza remeyi inakaakana aza. ¹⁷Kaa yi yi isuro. Ọ wa vọrọ ki yee si imaana yi Isiza navẹki ọzi vọrọ?"¹⁸Ama Ijesu ọ yẹ isa ọshimi ene rọ, dọ kaa yi wa ka, "Sẹnẹvẹ dụ wa mọmire re nin kẹ, ẹwụ ọjọza-vene nini? ¹⁹Ẹ̣kẹshi imaana ọnụ dọ nin, si ọ zu mi." Dẹ va tu idẹnariọsi tu ẹshẹ zụọ.²⁰Di Ijesu fọọ wa ka, "Ẹnẹ nyi ụmọma ọnri irẹsha ọnọni?" ²¹Dẹ voshi ka, "Isiza yọ." Di Ijesu kaa yụ wa ka, "Si isa ana vi ayi Isiza yi Isiza, dụ wa si ayi Oshomoshi yi Oshomo-shi." ²²Ụmọni ẹwụ ọnọni da, do shuweyi. Inaani, dẹ fi ida aani, dẹ na.Oku nin va sha kwẹtẹ fini isụ(Imk. 12:18-27; Irk. 20:27-40)²³Ini ọkụshi ọnọ di Isadụsi ẹnyi, ana kaa ki ọshisa kwẹtẹ ọzi yi naani, de vetụo. Dẹ fọọ ka, ²⁴"Ọzụọzisa, Imosisi ọ kaa yi ka, 'Ọnọrụ ree su, dọ ra zi mozi, ọnyara aani ọnọrụ vaa kụo ose aani ogu doti ọ zụ mozi yi ọnyara aani."²⁵Ọọ nyi ẹnyara ishimba, di ọi paapa nyi ọnẹẹ, dọva nyi ko osụ, ama dọ ra zi mozi, di ọfụva kụo ogụ. Avọọ ọfụva ọnri ọfụta, pooro ²⁶nangwụ ọfụ-shimba mẹ ya. ²⁷Inamani, di ọnyẹnẹ ọnọ ve sụ. ²⁸Ini ụmẹ ọshisha kwẹtẹ, ẹni ọnyẹnẹ ọnọ vaa vi ose aani, ini ẹni shimba ọnọ."²⁹Di Ijesu voshi yụ wa ka, "Wee nyeeyi nini da, fụvọki wa zi yi iwe ọnini ọnri ụkata Oshomoshi." ³⁰Fụvọki inọpati ọshisha kwẹtẹ, ẹma nyọnẹẹ navẹki ọva. Akikọnọ, ẹ si mẹẹ angẹni ineekụ.³¹Inọpati ọshisha kwẹtẹ fini isu, ọnọviki wezi ri re ka, ini isa ọni Oshomoshi kaa yụ wụ nini ka. ³²"Ẹ ma vi Oshomoshi Abra-hamụ, Oshomoshi Aiziki ọnri Oshomoshi Ijakọbụ nini. Oshomoshi ọ zi vi Oshomoshi ẹni ene sụ, ama Oshomoshi ẹnẹna yizọ." ³³Ụmọni aza ọkọni wụ ọnọni, di isa ọnọ zụ wa shụweyi.Yere ụmọ ene fụ keekere(Imk.12:28-34; Irk.10:25-28)³⁴Ụmọni Ifarisi nin wụ ka Isadụsi nini e zi re oshi va yi Ijesu, de pere ẹngwụ gụ. ³⁵Ọza ọnya ina anini ana vi ọyofi, dọ fọọ ipẹpẹẹ ọnọ si zama ree. ³⁶"Ọzụọzisa, yere ụmọ ene fu keekere inofi kẹ?"³⁷Di Ijesu kaa yọ ka, "Si ọtụtụrụma awụ boo sirẹyi Oshomoshi Ananyiyi, vabẹri ifẹ awụ ọnri inẹ awụ." ³⁸Ọnọni ọnọvi ụmọ ipaapa, ọni o ze fifụ.³⁹Ụmọ ụpọfụva, oo vene ọi ipaapa, "Sirẹyi ọnọfụva awụ vene ụmẹ sirẹyi ẹngwụ awụ. ⁴⁰ Inẹsụ ụmọ ẹviva ọnọni, ọ ni ụmọ bo ọnri ọkise ̣nini dinẹ tụ."Ẹni Ikristi vi ozi aani kẹ?(Imk.12:35=37; Irk. 20:41-44)⁴¹Ọmeyani Ifarisi nin me pipere gụ, di Ijesu fọwa ipẹpẹẹ. ⁴²Dọ ka, "Sẹnụ ro inọpati Ikristi nin kẹ?" Yere Ozi ọza ọnọvi kẹ? Dẹ voshi ka, "Ozi Idevidi."⁴³Di Ijesu kaa yụ wa ka, "Ọmẹzi di Idevidi ini ifẹ shọọ Ananyiyi ka, ⁴⁴'Ananyiyi ọọ kaa yi Ọnanyimi ka, "Yatụ tụni ụvọri ami, netụ kima mẹ ọnivi awụ izụ vaa kwafụ shi?'"⁴⁵Aaviki Idevidi ̣ọshi Ikristi 'Ananyimi,' ọmẹ vasi vi Ozi Idevidi?" ⁴⁶Ọ zi nyi ẹzẹna zụ voshi irẹyi ọnọ ọnri ki fụri ẹfiavọ ọikụ nyi ẹzẹna zai ku fọ ipẹpẹẹ tụọ.

Chapter 23Ijesu ọ ka ọfatụvakụ nin ọnọ(Imk.12:38-39; Irk. 43, 46, 52; 20:45-46)

¹Ini ẹfi ọnọ di Ijesu karẹyi yi aza ọkọni ẹnẹ ọnri eziafụ aani. ²Dọ ka, "Ọyofi ọnri Ifarisi nin vana yatụ tụni irẹfụ Imosisi." ³Fụvavọ ụmọ bo ẹnẹ ra ka yụ wụ nin, wa mẹ nini, dụ wa si eyi pe wa nini. Ama asụ fama isẹnẹ ẹ mẹ, fụvọki ẹ ma mẹ irẹyi ẹnẹ ka ki aza ẹẹ mẹ.⁴Irẹiza yọ, e kụne ẹnya ọrata, ọna ngwẹngwu ọziza, de chema tụra aza. Ama ẹni nyẹmbẹ ẹ za si ozigege ọnya kaniọ. ⁵Isẹnẹ ẹ mẹ bo, vẹnẹ mẹ doti aza e ̣zụ re wa. Ampo ẹnẹ si gẹngwụ ana chẹri irẹyi Oshomoshi tu, vẹnẹ mẹ bani, dẹ zẹ gana utọ aụrụ anini.̣̣⁶Ee si irasha ọbani izẹni aza ra ya rụpe ọnri irẹfụ ọbani ini Isinagọgụ,⁷e ze si ki a kụ ẹni ụkụ renyi ini ofụ, doti aza ẹ shi ẹni 'ọzuọ-zisa.'⁸Ama, azẹ zi bẹdọ shụ wụ 'ọzụọzisa,' fụvọki ọzụọzisa ọnya ọnụ nyi nini, ẹwụ nin bo vi ̣ẹnyara. ⁹Asụ shi ọzọnyọnyi Ada ini ẹshẹ, fụvọki Ada ọnya ọnụ nyi nini, Ada ọnọ vana yi ineekụ. ¹⁰ A sụụ ze zi zẹẹ ka a shụ wụ ọzuọzisa, fụvọki ọzụọzisa ọnya ọnụ nyi nini, ạna vi Ikrisṫi.¹¹Ama ẹzẹ ne re fụ ini akaakana awụ nin, ọnọ va vi ozida awụ nini. ¹²Ọza ana ̣ra si ẹngwụani tụẹba, vana va kaachi, ọza ana ra kẹngwụani chi vana va kashirẹ.Ifarisi ọnri Isadụsi nin ẹẹ si da(Imk. 12:40; Irk. 11:38-44; 20:47)¹³Ama, oodụụ kụ nin, ọyofi ọnri Ifarisi nin, ọfatụvakụ! Wee gụoze ineeku̇ ọiza shi aza. Ẹwụ nyẹmbẹ wa zi ngwụọ, wa zi navọ ki ene nesi kẹ naa ngwụọ, kẹ ngwụọ. ¹⁴Oodụụ kụ nini Ọyofi ọnri Ifarisi nini, ọfatụvakụ! fụvọki we dụ ireshi osokụ nini sha, ụma mẹ ọsisi zụ ozụrenụ ọgọdọ. Ishọji ivi one fụ, ọnụ vee re dọ nini. ¹⁵Oodụụ kụ nin, ọyofi ọnri Ifarisi nini, ọfatụvakụ! Fụvọki, wa jinẹ irefu nangwụ inẹte ̣dụ we re ki waa vara ọza ọnya, ọọ vara ọnya da, du zẹ mẹ avaavọ ẹẹva ki ọ vi ozi ineekụ ọrọkọtọ vene ụmẹ ̣ ya nini.¹⁶Oodụụ kụ nini, ẹwụ ogụri ọna zụ ọza oze, ẹwụ nin ana ka, "Ọzatụrọza ọna ra si itẹmpụrụ sheku, ọzi nyi isọnọ ọbẹrị, ama, ẹzẹna ra si igonụ tẹmpụrụ shiekụ," ọ ngwụ ireyi ekụ ọnọ shi." ¹⁷Ẹwụ ogụri ọnụra nini! Yere onefu kẹ, igonụ navẹki itẹmpụrụ ọna mẹ ki igonụ ọvara ọnini?¹⁸Onri, "Ọzatụrọza ọna ra si ọpẹtẹ shieku, ọzi nyi isọnọ ọbẹrị. Ama ẹzẹna ra si isẹnẹ asi tụraa ọpẹtẹ shieku," ọ ngwụ inini irẹyi ekụ ọnọ shi. ¹⁹Ẹwụ ogụri nini!. Yere onefụ kẹ, Isa ana si tu nẹsụ ọpẹtẹ, navẹki ọpẹtẹ ọna si isa vara ọnini?²⁰Fụvavọ, ẹzẹna ra si ọpẹtẹ shiẹkụ, va na shiekụ zi rẹ ọpẹtẹ ọnri isa bo ana yi inaani. ²¹Ẹzẹna ra vaa si Itẹmpụrụ shiekụ, ọọ si Itẹmpụrụ shiekụ ọnri ẹzẹna ra inaani. ²²Ẹzẹna ra si ineekụ shiekụ, ọọ si, ogede Oshomoshi ọnri ẹzẹna ỵatụ tụni irẹsụ ogede ọnọ shiekụ.²³Oodụụ kụ nin ọyofi ọnri Ifarisi ọfatụvakụ nini! Wee si oche-ẹwu ̣inoze ẹnyi ọnri isẹpẹ, ama wa zi mẹ ọnasẹrẹ ini ofi nini, ọjiji ishi obooro, ayụva ọnri ọdọwụ. Ama isẹnẹni bo vọnọ vọrọ kụ wa mẹ bẹrẹ anavọ. ²⁴Ẹwụ ogụri ana si aza zu oze nini, wa navọ ishishine ene weyi, dụ wa mụnẹ irankụmi ọvụọvurụ!²⁵Oodụụ kụ nin, Ọyofi ọnri Ifarisi nini, ọfatụvakụ! Fụvọki waa nyini irama ipa ọnri ọnyaa ọrisa nin, ama ininani oshi yi avụka ọnri osisi ẹchẹngwụ. ²⁶Ẹwụ Ifarisi ogụri nin! Savọ nyini ininẹ ipa ọ̣nri ọnyaa ọrisa da nini, doti ẹshẹshẹ awụ nini nyẹmbẹ ọzẹ va zụ vara ọnini.²⁷Oodụụ kụ Ọyofi ọnri Ifarisi ọfatụvakụ nini! Fụvọki wee veni irikụta ene kụazi, di ẹshẹshẹ aani zoza, ama di ininani shi yi ọchụkụ aza ene su da ọnri isẹnẹ ra zi ni bo. ²⁸Inoze ọnyọnya, wee vene aza ẹnaa mẹtẹrẹ ini eyi aza; ama inẹ awụ nin, o shi yi ofatụvakụ ọnri aichama. ̣̇²⁹Oodụụ kụ, ọyofi ọnri Ifarisi ọfatụvakụ nini!. Waa da irikuta ọkisẹ, du ze teni irikụta ọmẹtẹrẹ nini. ³⁰Waa kaa nin ka, "Aaviki, yaa yaan yi inẹshẹ ini ụmẹ adayi nini, yazi yaan va bẹrẹ wa nyi ụvọ tụni isu okisẹ nini." ³¹Fụvavọ ẹwụ nin nyẹmbẹ, wa divenụ ki ezi azẹna wụ ọkisẹ ọnụ vi nini.³²Ẹwụ ni nyẹmbẹ, waa si gu oshishi ọni ada wụ nini mẹ. ³³Ẹwụ nin ana vi isẹchichi, dụzẹ vi ezi ibe, ụụ mẹmẹ va javọ fini ishọji ivi ineekụ ọrọkọtọ nini kẹ?³⁴Fụvavọ, ree, ma tụ ọkisẹ, ana nyi ụvira ọnri ọyofi shụ wụ nini. Ụva wụ ẹnyi nini, dụ kani wa zọchi, ẹnyi vọnụ ụ ve tụ ini Isinagọgụ awụ nini, dụ dụ ẹnyi jinẹ fini irekụra ọbani ọnya na ngwụ ọsa. ³⁵ Ọvarẹsụ aani ọnọvika, anya ẹzẹna mẹtẹrẹ bo ana ji shẹtẹ vana vaa vini irẹsụ awụ nini, fini anya Ebẹni ọna vi ọmọnasẹrẹ, nangwụ anya Izakaraya ozi Ibarakaya, ọna wụ inakaakana aka ọnini ọnri ọpẹtẹ ireshi Oshomoshi. ³⁶Ini irẹiza, ma kaa yụ wụ nini, isẹnẹni bo vaa vini irẹsụ evereze ọnọni.Ijesu o sụne (Irk. 13:34-35)³⁷Ijerụsanẹmụ, Ijerụsanẹmụ, ẹwụ ana wụ okisẹ nini, dụ nee rẹta shi ẹnẹna tụ shụ wụ nini! Ụpẹrika ya ọnim si si ki me pere ezi awụ nin vabẹ venebiri ọnyụshẹ, mẹẹ pere ezi aani tụni avaka aani, ama we zi voo si nini! ³⁸Ree, ireshi awụ nin vana navọ yụ wụ nini ki ọ vạra osụsụ. ³⁹Ma kaa yụ wụ nini, wei kụe re mi nini fụri ụmaani nangwụ efi ọnụva ka ki, "Ẹdabẹrẹ ọnọ vi yi ọna vẹ ini iresha Ananyiyi.'"

Chapter 24Irẹyi ọni Ijesu ka tẹtẹ inọpati ireshi Oshomoshi(Imk. 13:1-2; Irk. 21:5-6)

¹Ijesu mẹ jinẹ fini Itẹmpụrụ, dọ naa inoze. De eziafụ aani vetụo, dẹ si ireshi Itẹmpụrụ zụọ. ²Dọ tụoshi, dọ kaa yụ wa ka, "Avụ we re isa ẹnẹni?" Ini irẹiza, ma kaa yụ wụ, ọzi nyi irẹta ọnya ana vaa vọ tụrọsa ụmọnọ re wụ nyẹte."Ami ana va yinaani ini ọikọta(Imk.13:3-23; Irk.17:23-24; 21:7-24³Ọ mẹ yatụ tụni irẹsụfa Onivi, dị eziafụ aani bebe vetụo, dẹ kaa yọ ka,"Ka yi yi ẹfi ọni isẹnẹni va tụrẹsụ?" "Yere ami ọni ve re ini ọvivẹ ọnụ va varama vẹ, ọnri ini ọikọta ẹshẹ ọni ya?" ⁴Ijesu o voshi ka, "zẹngwụ awụ nini doti a si ọza va za wu nin nyeyi. ⁵Fụvọka aza ẹrụrụ vaa vẹ ini irẹsha mi, dẹ ka, 'Ẹ ma vi Ikristi,' dẹ va za aza ẹrụrụ nyeyi.⁶Ụ vaa wụọsha irẹkụ ọnri irenụbe ọi irẹkụ. Ree, asu navọ ka chire ụ angwa, isẹnẹ bo vaa mẹ, ama ọikọta ọi titụ. ⁷Irẹkụra va kụẹte tu irẹkụra ọnri ki ijọva zẹ va kụẹtẹ tụ ijọva. Ọshashi va yi inaani ọnri ka ẹtẹ va jagodo ini irasha renyi renyi. ⁸Ama isa ẹnẹni bo, ee venebiri ọnyẹnẹ ọna shẹshẹ aa barẹyẹ.⁹ A vaa tụ wụvọ tụni ụyọọri, dẹ zẹ wụ ụ. Anẹshẹ bo vaa kụayi awụ fụvi irẹsha ami. ¹⁰Inaani aza ẹrụrụ vaa sẹdụ finị ọdọwụ, dẹ bafụ ẹngwụ, dẹ̣ za kụayi ẹngwụ. ¹¹Ọkisẹ apinẹ ẹrụrụ vaa jinẹ vẹ, dẹ zọza nyeyi̇.¹²Fụvọki aichama va garashi, osisi azạ ẹrụrụ ve fụofụ.

¹⁴ A vaa ka irenụbe-ọiza ijọva Oshomoshi ọnọni, da siọ mivenụ yi anẹshẹ bo. Ụmavọ di ọikọta vaa vẹ.¹⁵Fụvavọ we re isaanyisi ọna tu irasha osụsụ, kọ dinẹ tụni irasha ọnini, veni ọkisẹ Idaniẹni mẹ kaa "(ọza na ra ka isa ọnọni, ọ nyi ọyiyẹ)," ¹⁶navọ ẹnẹna yini Ijụdiya e zụechi na shirẹ irẹsụfa, ¹⁷aza ạna yi inẹsụ ireshi a sio chi shẹtẹ, kọnọ vaa si isọnsọnyi fini neshi, ¹⁸ọnri ki ọza na yini irarẹ, asọ vi neshi vaa si aụrụ.¹⁹Ama oodụụ wa kụ, ẹnẹnọ viki ẹ nyi eziweyi ọnri ẹnẹna yozi irẹvafụ inẹfi ọnọ! ²⁰Wa tụozụrenụ ki echi ọzizụe awụ nini, asọ vẹshẹ ini ụmọgụ navẹki ini ọkụshi isabatti. ²¹Ụya ọshimi ene rei ri re yẹyẹ, ẹshẹ mẹ fụrẹ vẹ vetu umanị, vaa vẹ. ²²Ọchishi ka ada ọkụshi ẹnẹ kụra, ọ zi nyi ẹzẹna vaa dọtụ, ama fụvọ ẹnẹna nii da, a vaa kara ọkụshi ẹnẹ keere.²³ Ụmavọ, ọnyi ẹzẹ na ka yụ wụ ka, "Ree, Ikristi yi navẹka Ikristi vọnọ," asu dọ zẹ. ²⁴Fuvọka Ikristi anapẹ ọnri ọkisẹ anapẹ nin vaa vẹ, dẹ mụkọrọ oshishozeyi ẹbani ẹbani ọnri ụnna renyi renyi zụ, fụvọ de zụ zọza nyeyi; paapa, shi aza ọnọ vi ki ẹẹ nii. ²⁵Ree, ma kaa yụ wụ nin tẹtẹ da, doti ẹfi o ve tangwa tụ.²⁶Fụvavọ, a ka yu wụ, nin "Ree ọ yi ini ni ụnọmi, asụ jinẹ ni ni unọmi. "Navẹki re, ọ yi ini rẹngwụ," asụ dọ wa wụ. ²⁷"Fụvọki inyanya mẹẹ ri fụri izi ọyi tụ fụrẹ nangwụ izi ọyi ya ngwụ ẹtẹ, avọ ọni ọvivẹ Ozi Ọza mẹ vaa vi. ²⁸Irasha tụri irasha ọni okụ ụye ra ya, izọ ọni ụba nini peregụ tụ.Ozi Ọza mẹmẹ vaa varama vẹ(Irk.13:24-31; Irk. 21:25-33) ²⁹ Ama ẹfi ọni ụya ọbani ọkụshi ẹnẹ ra si parafụ, ọyi ve shozi, ụfẹ ọ zaa vụ, ụzọmi nin de zina fini ovụrụkụtụ, ụkata ẹbẹẹba nin ve sheni.³⁰Umavọ ami Ozi Ọza va jinẹ vẹ ini ovụrụkụtụ, anda ana yi nẹshẹ bo, va nyi ọkikarẹsụshi. E ve re Ozi Ọza ma vẹ ini egụshi ovụrụkụtụ, inụkata shi ụga ọbani aani. ³¹Ọ vaa tụ angẹni aani, one ve fụ ikakanchi inọngwẹ ọbani, do pere aza ana nii gụ fini aka ẹnina ẹshẹ, fini akọnyi ini ovụrụkụtụ naa ngwụ akọsa.³²Kọsụẹ irẹyọọyẹ fini ọchi ifigi. Ụmọnụ re re ki ọ shavi, da avi aani jinẹ vẹ, ụva yẹ ki irẹsụ ọ kavape. ³³Avavọ, ẹfi ọnụ re re isẹnẹni bo, o tụ kụ wa yẹ ka ọ si gụrẹtẹ, ọ yi ini oze ovuovụ.³⁴ Irẹiza ma ka yụ wụ, evereze ọnọni ọ zaa parafụ, ọchishi ki isẹnẹni bo mẹ. ³⁵Ineekụ ọnri ẹshẹ ọnọni vaa parafụ, ama irẹyi ami ọ za parafụ.Ọzi nyi ẹzẹna yẹ ọkụshi ọnri iwakati ọnọ(Imk. 13:32-37; Irk. 17:26-36; 12:42-46)³⁶ Inọpati ọkụshi ọnri iwakati, ọ zi nyi ọzạ ana yẹ, shi angẹni nin ana yi ineekụ, shi Ozị, ama Adayi renya.³⁷ Venebiri ụmẹ Inoa mẹ ya, avọ ọvivẹ Ozi Ọza mẹ vaa vi. ³⁸ Vene ọmẹ vi ini yẹyẹ ọ ni ọshaara enyi rai vi vẹ, dẹẹ ri, dee fu, dẹẹ nyọnẹẹ, dẹẹ si ga poro netu ishọni Inoa ngwụ inẹpa, ³⁹ẹ zi yẹ inọpati ọshaara enyi netu ki ọọ vẹ dọ kụ wa na bo, avọ ọnọ mẹ vaa vi Ozi Ọza mẹ ra vaa vẹ.⁴⁰ Ụmavọ ọnọrụ ẹẹva va yini irarẹ, ava sị ọnya, da navọ ọfụva. ⁴¹ Anyẹnẹ ẹẹva dẹ kụsa, ava si ọnya, da navọ ọfụva. ⁴²Fụvavọ, navọ dụ wa seyi pẹtẹ fụvọki wa zi yẹ ishọni Ananyiyi vaa vẹ.⁴³Ama yẹ ọnọni, ka aaviki adareshi ọ yẹ ẹfi ọni oyi vaa vẹ inaafụ, ọ yeen teni ẹngwụ zio, do sere ẹtẹ, ọ zaa navọki oyi ọ chaka oze dọ va kwẹnya ireshi. ⁴⁴ Fụvavọ teni ẹngwụ tẹtẹ, Ozi Ọza vaa vẹ inẹfi ọnụ re zi ro.⁴⁵Ẹnẹ vi ozida ọnọ, ọnị ọga aani dọrenụ, dọ zẹ vira kẹ, ọni ọga aani si mi oshirẹsụ ireshi kọ si isari yi anireshi aani ini ẹfi anasẹrẹ? ⁴⁶Ẹdabẹrẹ ọnọ vaa vi yi ozida ọnọviki ọga aani mẹ vẹ, o vetụo ka ọ mẹ anasẹrẹ. ⁴⁷Ini irẹiza ma kaa yụ wụ nini, ki ọga aani, va siọ mo oshirẹsụ tụri ogụ ọnọ nyi bo.⁴⁸ Ama ozida ọshimi ra kaa ininẹ aani ka, "Akẹni ki ọga ami ọ za jantụ vẹ," ⁴⁹Dọ vẹrẹ, do tụ ezida ẹnavọ, dẹẹ ri, dee fụ, dị ọnri ofụeche nini gẹ fụeche; ⁵⁰Ọga ozida ọnọ va vẹ ini ishọni ̣o re zi ro, ini wakati ọnọ ra zi yẹ. ⁵¹Ọga aani va sẹẹ ripi-ripi, dọ mẹ ẹshẹ aani venebiri ẹshẹ ọfatụvakụ nin, izẹnẹ va yaa jorere, dẹ ri anyi.

Chapter 25Ụshioche ọi ozioshi ẹẹwu ana rai yi yẹ ọnọrụ(Irk. 12:35-38; 13:25-28)

¹Ụmavọ, ijọva ineekụ vee vene, ezi anyẹnẹẹ ẹwụ ana ra zi yiyẹ ọnọrụ ana si irakọpa anini, de netụ ọmụsha ana shẹshẹ aa nyi ọnẹẹ. ²Ẹnẹshi vi ọnụra, dẹ ẹnẹshi vị ọnụvira. ³Ẹnẹna vi ọnụra mẹ si irakọpa anini, ẹ zi za angwẹ chaụvọ. ⁴Ama ẹnẹna vira mẹ si irakọpa anini, ẹẹ za angwẹ tụni chaụvọ.⁵ Ẹfi ọni ọza ạna va nyi ọnẹẹ razi vi vẹ, di ẹnbo aa sụara. ⁶"Ama inajirafụ, da wowụ ka, ọza ana vaa si ọnẹẹ ọ jinẹ vẹ, vee netụo nini."⁷Inaani, di ezi anyẹnẹẹ ẹnẹ, ana ra zi yi yẹ ọnọrụ kwẹte, de teni owụ rakọpa anini. ⁸Di ẹnẹ na vọnụra dipẹ yi ẹnẹna vira ka, "Daka si angwẹ yi yi, fụvọki ọpa yi e mii na." ⁹Ama di ẹnẹna vira tụoshi ka, "Ọmẹ vi ka ọ za fụ ẹyi rẹwụ nini, na we netụ ẹnẹna nangwẹ, doti wa shi yẹngwụ awụ nini."̇¹⁰Ẹ mẹ jinẹ na shi angwẹ, di ọmụsha ana nyi ọnẹẹ vẹ, di ẹnẹ ne teni ẹngwu anini tẹtẹ, vatụraa nangwụ̣ izẹnẹ ya rụpe, de gụoze. ¹¹Ini rama aani, ẹnẹna vọ mẹ varama vẹ, dẹ ka, "Ọga yi, ọga yi, noze yi yi." ¹² Ama, dọ tụoshi ka, "Irẹiza ma ka yụ wụ nin, ma zi yẹ wụ nini." ¹³Fụvavọ, seyi pẹtẹ nini, fụvọki wa zi yẹ ọkụshi navẹki wakatiỤshioche ẹkẹshi ana si yi ezida kẹ siọ sofụ(Irk. 19:11-27)¹⁴ Ọsi vene umọni ọnọrụ ọnyi ọ va ni irẹkụravabẹ ọsa, dọ shi ezida aani, dọ gi ogụ yụ wa. ¹⁵Dọ si ampo ẹshi yi ọza ipaapa, dọ si ampo ẹẹva yi ọzọfụva, dọ va si ampo ọnya yi ọzọfụta. Di ọzọza dọ ọpa ekẹshi ọna mọrọ ọyiyẹmẹ anini, dọ ọnọrụ ọnọ zi nasha. ¹⁶Ọna di ampo ẹshi, dọ si ayani sofụ, dọ riọgụ ampo ẹshi tụra a.¹⁷Avọ ana dọ ampo ẹẹva mẹ zẹ si ayani sofụ, dọ riọgụ ampo ẹẹva tụraa. ¹⁸Ama di ozida ana dọ ampo ọnya ̣na chi ụsi, dọ si ẹkẹshi ọga aani tụọ.¹⁹Ọ me si ku kokoro ọ̣ni ọga anini nasha, dọ varama vẹ ka, ezida ẹnẹ ẹ va mi ishuro ẹkẹshi ọnọ si yụ wa kẹ si sofụ. ²⁰Ozida ana si ampo ẹshi yi, ọ si ampo ẹshi ọsa tụra vẹ, dọ ka, "Ọga mi, wa si ampo ẹshi yi mi, ree ma riọgụ ampo ẹshi tụraa." ²¹Di ọga aani kọ nyarụkọrọ, ozida ọiza ana dọrenụ! Wa siọ zụ ka ava zụ dọ u renụ ini isa che. Mva si isa ọrụrụ chire ụvọ. Ngwụ ireshi ve pe mi jụjẹ."²² Di ozida ana dọ ampo ẹẹva vẹ, dọ ka, "Ọga mi wa si ampo ẹẹva yi mi, ree ki ma riọgu ampo ẹeva ọsa tụraa." ²³ Di ọga aani kọ ka, "nyarụkọrọ, ozida ọiza ana dọrenụ!" Wa si ọ zụ ka ava zụ dọ ụ renụ ini isa chẹ. "Mva si isa ọrụrụ chire ụvọ. Ngwụ ireshi ve pe mi jụjẹ."²⁴ Inaani di ozida ana di ampo ọnya vẹ, dọ ka, "Ọga, ma yẹ wụ ki ọza ana teyi ẹtẹ ọnụ vi, izụ re zi chire tụ, ọnụ ya fa, we pere izẹnụ re zi ye che ẹtụtụ gara." ²⁵ Angwa ene shimi, ọnọ mẹ ki ma na chi ụsi, dim si ẹkẹshi awụ tẹ tụọ. Dọ mi isa ana va ya wu yi.²⁶ Ama ọga aani tụoshi, dọ ka, "ozida ọkụmi ọshimi, wa yẹ ki izim ̣ra zi chire tụ ọnim ya fa ọnri ki izim ra zi che garạ tu, ọnim ye pere." ²⁷Fụvavọ, ụ yaan si ẹkẹshi ami na tu ineeshi ẹkẹshi, mmẹ vẹ aani, dim yaan dẹ ẹkẹshi ami varama ọnri ọtụụrẹsụ.²⁸ Fụvavọ, di ampo ọnya ọnọ fini ụvọ aani, dụ wa siọ yi ozida ana nyi ampo ẹẹwụ. ²⁹Fụvọki ẹzẹna nyi vana va nyi tụọ, dọ nyi tụọ kokoro. Ama ẹzẹna razi nyi isọnsọnyi, isa che ọnọ nyi vana va dọ fụrẹ ụvọ. ³⁰"Ne ozida ana ra zi za rẹsu ọnọ ngwụ inozi ẹshẹshẹ, izọni oreere ọnri anyi ọriri vaa ya."Ishoọji ọikọọta³¹ Ụmọni Ozi Ọza ọnri angẹni aani vaa vẹ ini ụga, ụmọnọ dọ yatụ ini ogede ụga aani. ³² Anẹshẹ bo keekere ve peregụ tụ inọvidi aani, dọ vẹrẹ, dọ tụ aza fini aza venebiri ọkwatẹmẹ ri, mẹ tụ atẹmẹ nin fini akaakana ẹvụ. ³³ Ọ vaa kụ atẹmẹ tụni akụvọri, ama dọ kụ ẹvụ tụni akụvọfa.³⁴ Ụmavọ di oshinọyi ka yi ẹnẹna yini akụvọri aani ka, "Waa vẹ nin, ẹwụ ana Ada mi si ẹdabẹrẹ yi, ngwụ ini ana vaa ya wụ, ini ijọva ene teni tẹtẹ yụ wụ nin fini ẹfi ana fụrẹ si ẹshẹ kẹtẹ. ³⁵ Fụvọki ụngwẹ ma kụ mi, wa si isari yi mi, onyi ma kụ mi, wa yi mi enyi fụ; ẹfi ọni mi vi ọzọga, wa dọ mi tụ neshi. ³⁶Mmẹ tụafụafụ, dụ vi ita kụmi ẹngwu; ẹngwụ ma zi mi, dụ sim kụ, mmẹ yini ijaarụ, dụ si mi vẹ."³⁷ Ụmavọ ẹnẹna mẹ anasẹrẹ dẹ tụoshi, dẹ ka, "Ananyiyi yere ụmọni si re ki ụngwẹ a kụ wụ, di si isari yụ wụ kẹ? Navẹki ọnyi ma kụ wụ di kenyi yụ wụ fụ kẹ? ³⁸Yere ẹfi ọni si re kụ wa vị ọzọga, di dọọ wụ ngwụ reshi kẹ? Navẹki wa tụafụafụ di vi ita kụ wụ kẹ? ³⁹ Yerẹ ẹfi ọnim si re kẹ ẹngwu a zụ wụ, navẹki ụ yini ijaarụ, di sụ wụ vẹ kẹ? ⁴⁰Ụmavọ di oshinọyi tụoshi, dọ kaa yụ wa ka, "Ini irẹiza ma ka yụ wụ nin, isẹnụ ra mẹ yi ọza ẹnẹ weyi fụ, ini ẹnyara mi, ẹmi ọnụ mẹ yi.⁴¹ Ụmavọ dọ kaa yi ẹnẹna yi na akuvọfa aani ka, "Tụ fụrẹmeyi nin, ẹwụ nin ene chekụ, nangwụ ineekụ ira poro-pooro, ene teni tẹtẹ yi eshụ ọnri angẹni aani. ⁴²Fụvọki ụngwẹ ma kụ mi, wa zi si isari yi mi, onyi ma kụ mi, wa si enyi yini fụ. ⁴³Mmẹ vị ọzọga, wa zi dọ mi ngwụ ireshi; ma tụafuafụ, wa zi vi ita kụ mi, ẹngwu ma zi mi ọnri ki mẹ yi ini ijaaru, wa zi zama mị."⁴⁴ Ụmavọ, ẹnbo vaa ṿoshi, dẹ vaa ka, "Ạnanyiyi, yere ẹfi ọni si re ki ụngwẹ navẹki onyi aa kụ wụ, navẹki wa vi ọzọga, navẹki wa tụafụafụ, navẹki ẹngwụ ma zi wụ, navẹki ụ yini ijaarụ, di razi fẹkẹ wụ kẹ"? ⁴⁵Ụmavọ, do voshi ka, "Irẹiza, ma ka yụ wụ, isa ọnụ razi mẹ yi ezene weyi fụ ini azẹnẹni, ẹmi ọnụ razi mẹ yi. ⁴⁶Ẹnẹni vana va ngwu ini ụyọọri poro-pooro, ama ẹnẹna mẹ isa anasẹrẹ, vana vaa yi nẹshẹ poro-pooro.

Chapter 26A mẹmẹ shọma irẹyi Ijesu ka vaa wụọ(Imk. 14:1-2; Irk. 22:1-2; Ijọ. 11:45-53)

¹Ijesu mẹ karẹyi ẹnẹni ta da, dọ kaa yi eziafụ aani ka, ²"Waa yẹ ki inaama ẹkụshi ẹẹvạ, upe ọpiparafụ aa vẹ, avaa si Ozi Ọza tụẹshẹ doti a kaniọ za ọchi-avashi."³Di ọdọvidi arụfa nini ọnri azẹkụ nini, pere ẹngwụ gụ ini ivishẹ oshirẹsụ arụfa anaa shi Ikayafasi. ⁴Dẹ shọma amẹ vaa si apẹ za Ijesu doti a zụ wụọ. ⁵Fụvọki ẹẹ kaa ka, "Ọzivi ama rụpe aani, doti asi efụra naa yi inakaakana aza.Ọnyẹnẹẹ ọnyi ana si ụbani yi Ijesu (Imk. 14:3-9; Ijọ. 12:1-8)⁶Ụmọni Ijesu yi Ibẹtani, ini reshi ọnikụ ọbani anaa shi Isimoni, ⁷Ọmẹ ri isari da, doo shifẹ, ọnyẹnẹẹ ana za ipanava etụrari ana katarishi o vetụ Ijesu, dọ vaa shio rẹsụ. ⁸Ama eziafụ aani me re, dẹ mọikụ ka, "Sẹnẹ vẹ da maan zi isa, de mioshi kẹ?" ⁹A yaan zụ na, de re ẹkẹshi ebebani fi naani, da siọ yi ọnriwa nini."¹⁰Ijesu oo re inẹ anini, dọ kaa yụ wa ka, "Ọmẹzi dụ wa kụọ kata ọnyẹnẹ ọnọni ẹngwụ nin kẹ? Isa ozoza ọnọ mẹ yi mi. ¹¹ Ẹfi bo ọni ọnriwa nini si yape wụ nini, ama, ma zi yape wụ nin ini ẹfi bo.¹²Fụvọki ọ mẹ va etụrari ọnọ shimi ẹngwụ, ọọ mẹẹ fụvi onine mi. ¹³Ini irẹiza ma kaa yụ wụ nini, irasha tụri rasha ana ra ya karẹyi irenụbe-ọiza inẹshẹ keekere, isẹni ọnyẹnẹ ọnọni mẹ, a vaa kaa, da siọ tamayi aani.Ijụdasi ọna si Ijesu zụ¹⁴Ụmavọ di ọnya ini ẹnẹ ẹwụrẹva, ọna shi Ijụdasi Isikariọti, netụ̣ oshirẹsụ arụfa nini. ¹⁵Dọ ka,"Sụ vaa si yi mi nini,̣ di ma siọ chirewụ nin ụvọ?" dẹ mọ ẹkẹshi isiriva ofụrẹwụ yọ. ¹⁶Fụri ụmavọ, do si oze ọ mẹ vaa si Ijesu chirewa ụvọ.Ijesu ọnri eziafụ aani ẹẹ risari Upe Ọpiparafụ(Imk. 14:12:21; Irk. 22:7-14, Ijọ. 13:21-30)¹⁷Ọmẹyani ini ọkụsḥi ipaapa upe ivụrẹdi one remewụ, di eziafụ Ijesu vetụo, dẹ fọọ ka,"Izẹ nụ we si ki ye teni ọnụ va ya ri iṣari ụpe-ọpiparafụ." ¹⁸Dọ ka,"Waa nini iboro netu ọnọrụ ọnyi, dụ wa kaa yọ ka, 'Ọzụọzisa ka, "Ẹfi ami o vee tụ, ini ireshi awụ ọni ẹmi ri eziafụ ami va yaa ri ụpe-ọpiparafu.̣"'" ¹⁹Di eziafụ aani mi isẹni Ijesu ka yụ wa, dẹ na mẹ isari ụpe-ọpiparafụ.²⁰Ini orụva, di ọnri eziafụ aani ẹwụrẹva yatụ ẹ nẹẹ vaa risa. ²¹Ẹ maa risa, dọ ka, "Irẹiza ọni ma kaa yụ wụ nini ka, ozenya ini awụ niṇ vaa si mi zụ." ²²Di ẹnbo karẹsụshi, dẹ vẹrẹ aa fọ ọ ọnyọnya ka, "Ananyimi, ini irẹiza, avọ zivi ẹmi?"²³Do voshi ka, "Ẹzẹni ẹmi riọ gẹ aa jụvọ ngwụ ọnyọnya ọnọ vaa simi zụ. ²⁴Ozi Ọza vaa na, vene amẹ chẹrẹ inọpati aani. Ama oodụkụ ọnọvi yi ẹzẹna vaa zirẹngwani si Ozi Ọza zụ! O yeen zoza fụ, ki asa maa." ²⁵Di Ijudasi, ạna vaa siọ zụ fọọ ka, "Ẹmi wa yọ ọzụọzisa?" Dọ kaa yọ ka, "Ẹwa sirenụ awụ kaa."Ijesu ọ si isari oruva kẹtẹ (Imk.14:22-26; Irk.22:14-20, 39; 1Ikọ.11:23-25)²⁶Ẹ maa risa, di Ijesu si ivụrẹdi, do tụo-zụrenụ tụọ, dọ daa, Dọ siọ yi eziafụ aani, dọ ka, "Dọ, ri ọ nini. Ọnọni ọnọ vi ẹngwụ ami.²⁷Dọ si ipa, dọ kuavọ, dọ siọ yụ wa, dọ ka, "Fụo nin, ẹwụ nin bo. ²⁸Anya irẹzẹ ami yi ana va shẹtẹ yi azẹrụrụ, doti asi aichama vaya aza. ²⁹Ama ma kaa yụ wụ nini, mazi kụe fu ini ẹtụtụ eche ̣iwaini ononi netụ ọkụshi ọnọ, ọni ẹmi rẹwụ nini vee fuo ini ọwọọwa ini ijọva Adami."Ijesu ọ kaa ki Ipita ve yi ọni tẹtẹ(Imk. 14:27-31; Irk. 22:31-34; Ijọ13:36-38)³⁰Ẹmẹ jashẹ da, dẹ jinẹ tụra na shiri irẹsụfa Onivi. ³¹Ụmavọ di Ijesu kaa yụ wa ka, "Ẹwụ nin bo va jigege inẹngwụ ami inaafu rajini," fụvọka a chẹrẹ tẹtẹ ka, "Ụvọ va za ọkụatẹmẹ ri, di atẹmẹ aani bo si garashi," ³² Ama ẹfi ana ra sha mi ̣̣kwẹtẹ, mva dọvidi awụ nini nangwụ Iganini."³³Ama di Ipita kaa yọ ka, "Aza bo raa jigege inẹngwụ awu, ma za jigege." ³⁴Di Ijesu kaa yọ ka, "Ini irẹiza ma kaa yụ wu ka, ini irafụ rajini, doti ụkọkọrọ ọva tangwa nowu, u vee yi mi tẹtẹ ụpẹta." ³⁵Di Ipita kaa yọ ka, "Shọọ vi kim vee sụ fụvọ awụ, me zee yụ wụ. Dọviki irẹyi ọnya ọni ẹnbo aa ka.Ijesu o tụozụrenụ ini ụbazi Igẹstimani(Imk.14:32-42; Irk. 22:39-46; Ijọ. 18:1)³⁶Ụmavọ, di Ijesu ọnri eziafụ aani ni irasha a naa shi Igẹtsimani, dọ kaa yi eziafụ aani ka,"Yẹtẹ tụzọni doti ma ni akajinẹ na tụozụrenụ." ³⁷Dọ si Ipita ọnri ezi Izẹbẹdi ẹviva bẹrẹ ẹngwụ, di inẹ aani si dụ, dị ẹngwụ aani si vashi. ³⁸Ụmavọ dọ kaa yụ wa ka, "Inẹ ami odụ kokoro netụ ki mee vee sụ. "Dinẹ tụ izọni, we pemi serẹtẹ nin."³⁹Dọ kava nọvidi che, do veyi kụẹtẹ, do tụozụrenụ. Dọ ka, Adami, "Aaviki ọ va vi mẹ, navọ di ipa ọnọni ọ paramifụ. Ọzivi mme sio, ama ọzivi ụme sio. ⁴⁰ Do ve tụ eziafụ aani kẹ sụara, dọ kaa yi Ipita ka, "Wei zụ pemi serẹte tụ iwakati ọnya? ⁴¹Wee serẹtẹ dụ wa tụozụrenụ doti asụụ nangwụ azamare. Ini irẹiza, ifẹ ee si ama, ẹchẹngwụ ọzi zẹẹ.⁴²Dọ varama na ụpọfụva, na tụozụrenụ. Dọ ka, "Ada mi, ọọviki ọnọni ọizụa paramifụ, ọọzivi kim fụo, osisi awụ ọvi ọmimẹ. ⁴³Ọ me varama vẹ, do vetụ wa ke sụara fụvọki ara ya wa eyi. ⁴⁴Dọ zẹ fụrẹ wa ụvọ, dọ na tụozụrenụ ụpọfụta, dọviki irẹyi ọnyọnya ̣ọnọ ka.⁴⁵Ụmavọ di Ijesu vetu eziafụ aani dọ kaa yụ wa ka,"Ụ wa si sụara, dụ wee shifẹ nin?" Ree, iwakati ọnọ o si tụ, ana va si Ozi Ọza chire anaichama nin ụvọ. ⁴⁶Kwẹtẹ nin, di ya na. Ree, ọzẹna vaa si mi zụ, ọ si gụrẹ ẹtẹ."Ọnivi nin ẹ za Ijesu(Imk. 14:43-50; Irk. 22:47-53; Ijọ. 18:3-11)⁴⁷Ọ ma ki karẹyi, di Ijụdasi, ọnya ini ẹnẹwụrẹva ẹnẹ vẹ. Di aza ọkọni vakụo fidi oshirẹsụ arụfa nin ọnri azẹkụ nin. Dẹ kụ orobo ọnri itakovi chaụvọ. ⁴⁸Inaani ẹzẹna vaa si Ijesu zụ, dọ kaa yụ wa ami ọnọ vaa mẹ, "Ọza ọnim ra sirenụ kụrenụ aani, ọni yọ, wa za nin."⁴⁹Ụmụmọ do vee tụ Ijesu, dọ ka, "Maa kụ ụ, ọzụọzisa," do sirenụ kụo irenụ. ⁵⁰Di Ijesu kaa yọ ka, "Ọtami, Mi isa ọnụ ra vẹ va ṃẹ", inaani dẹ vẹ, dẹ za Ijesu.⁵¹Ree, di ozenya ini ẹnẹna ya bẹri Ijesụ tụ itakovi, dọ ka ozida arụfa ọbani yọ, dọ daa ụtọ neta. ⁵²Ụmavọ di Ijesu kaa yọ ka, "ki itakovi awụ varama ngwụ ini ishi aani, fụvọki ẹnẹna si itakovi wụ ọza, itakovi ana va si wụ wa. ⁵³Ụwa kẹni ki mai zụa shi Adami, dọ tụ ene fụna angẹni inijọni ẹwụrẹva vẹ ọmẹyani? ⁵⁴Ama isẹna chẹrẹ tẹtẹ ọ ra vara ọmimẹ, isẹnẹni ra zi mẹ?"⁵⁵Inụmavọ di Ijesu kaa yi aza ọkọni ẹnẹ ka, "Fụvọ ami ọnụ waa si kụ itakovi ọnri orobo vẹ, kụ wa vaa za mi nini venebiri oyi? Ẹyini-eyini ọnim si yatụ tụni Itẹmpụrụ, di maa zụ ạza isa, ama wa zi vaa za mi nini. ⁵⁶Isẹnẹni bo ọ mẹ fụvọ isẹni ọkisẹ nini chẹrẹ tẹtẹ ọ zụ gẹ." Ụmavọ di eziafụ aani fụrẹ ụvọ, dẹ kwafụ kwechi.Ijesu ini ọvidi Ikayafasi(Imk.14:53-65; Irk.22:54-55; 63-71; Ijọ.18:12-14, 19-24⁵⁷Di ẹnẹna za Ijesu vaa tụọvidi ni idi Ikayafasi arụfa ọbani, izọni ọyofi ọ̣nri azẹkụ nini pere ẹngwụ gụ tụ. ⁵⁸Ama, di Ipita vatụraa fụri irasha ọgọdọ, da va tangwa ngwụ ini ofenje arụfa ọbani. Ọọ ngwụ ireshi, dọ yatụ pe oserẹtẹ nini, doti o re izẹnọ va nyi iresụ tụ.⁵⁹Ọmẹyani oshirẹsụ arụfa nini ọnri azẹbani bo de si oze ana va sii divenụ apinẹ tụraa, doti e re oze wụọ. ⁶⁰Ẹ zi re ọzọnyọnyi anini, shi̇ ọmẹvi ki apinẹ ẹrụrụ ẹẹ jinẹ vẹ. Inaamani di ọnivenụ ẹẹva jinẹ vẹ. ⁶¹dẹ ka, "Ọzọnọni ọ kaa ka, 'Mve zụ wụ Itẹmpụrụ Oshomoshi, dim si okụshẹta daa varama.'"⁶²Di arụfa ọ̣bani kwẹtẹ fọọ ka, "Wa zi nyi oshi ọ nụ va tụụ?" Ivenụ isẹẹ dọọ kụ wụ aani? ⁶³Ama di Ijesu chiji. Di arụfa ọbani kaa yọ ka, "Ma si ụmọ kaa yụ wụ ini irẹsha Oshomoshi ana nyi ife, ka yi yi, ẹwụ ọ wa vi Ikristi Ozi Oshomoshi?" ⁶⁴ Di Ijesu voshi yọọ ka, "Wa si irenụ awụ kavọ da. Ama ma kaa yụ wụ, fụri ụmaani na, ụ ve re Ozi Ọza ka ọ yatụ tụni akvọri ụkata, dọọ vẹ ini egụshi ẹbẹẹba."⁶⁵Ụmavọ di arụfa ọbani na aụrụ aani, dọ ka, "Ọ ka isaanyisi!" Ọmẹzi di kụe si si onivenụ nin kẹ? Ree, ọmẹyani, wa wụ isaanyisi ọnọ ka da. ⁶⁶"Sụ ro nin kẹ?" Dẹ tụoshi ka, "Ọsẹri ka o sụ."⁶⁷Dẹ jatẹ kụo-eyi, de tụo, dẹ nya arifẹ, dẹ ka, ⁶⁸"Ẹwụ Ikristi, kisẹ yi yi. Ẹnẹ nyaụ isa kẹ?"Ipita o yi Ijesu tẹtẹ ki ọnọ zi yẹẹ(Imk. 14:66-72; Irk. 22:56-62; Ijọ.18:15-18, 25-27)⁶⁹Efiavọ Ipita ọọ yatụ tụni ofenje, di ozida ọnyẹnẹẹ ọnyi vetụo, dọ ka, "Ẹwa zẹ bibẹrẹ Ijesu Iganini." ⁷⁰ Ama do yi ni akaakana azabo, dọ ka, "Ma zi yẹ inọpati isẹnụ wa ka."⁷¹Umọnọ jinẹ nini ọchọfọ, di ozida ọnyẹnẹẹ ọsa ze re, dọ kaa yi aza ana yizọ ka, "Ọnọrụ ọnọni, ọnọ zẹ bibẹri Ijesu Inazarẹti." ⁷²Do yi, doo shiekụ, dọọ ka. "Ma zi yẹ ọnọrụ ọnọ."⁷³Ome kụ che, di ẹnẹna dinẹ tụzọ vẹ, dẹ kaa yi Ipita ka, "Ini rẹiza, wa vị ọnya ina anini, fụvọki ụmẹmẹ karẹyi ọọ siụ tụẹshẹ." ⁷⁴Inaani dọ vẹrẹ doo chekụ, doo shiekụ, "Mazi yi ọnọrụ ọnọ," ụmụmọ di ụkọkọrọ nowụ. ⁷⁵Di Ipita tamayi irẹyi ọni Ijesu ka tụrama ka, "Doti ụkọkọrọ tangwa ve nowụ, ụ vee yi kụwazi yẹ mi ụpẹẹta" ụmạvọ, dọ jinẹ ni nẹshẹshẹ, do jorere.̣

Chapter 27A za Ijesu netụ Ipirẹti(Imk. 15:1; Irk. 23:1-2; Ijọ. 18:28-32)

¹Eyi mẹ ni, di ọdọvidi arụfa nin ọnri azẹkụ nin shọma a mẹ vaa zi Ijesu doti a wụọ. ²Ẹẹ zaa, dẹ sụọ, dẹ siọ ne chire Ipairẹti ọna vi gomina ụvọ.Ijụdasi mẹmẹ si Ijesu zụ³ Ijudasi ọna siọ chire wa ụvọ mẹ re ka a jivi isụ yọ da, do rinẹ varama, dọ si ẹkẹshi isiriva ofurẹwụ ọnọ dọ, dọọ varama yi ọdọvidi arufa ọnri azẹkụ nini, ⁴dọ ka, "Maa chamayi ini ka ma si ọza ọna ra zi ̣nyi ivị chire wụ nin ụvọ." Ama dẹ ka, "Yere ọna gẹ yi tuọ? Na mẹ ene re zeweyị. ⁵Do ne ẹkẹshi ọnọ tẹtẹ ini itẹmpụrụ, dọ jinẹ na ne doro ẹngwu aani.⁶Ọdọvidi arụfa nini ẹẹ si ẹkẹshi ọnọ, dẹ ka, "Ofi ̣ọ zi zẹ ka ẹnẹ va ẹkẹshi ọnọ bẹri ẹkẹshi ana si tẹ, fụvọka ẹkẹshi anya ọnọ vi." ⁷Dẹ gẹ shọma ka asi ẹkẹshi ọnọ na shi ẹtẹ, ọne ve zụ ne oku ọzọga tụ. ⁸ Fụvavọ ọna si shi ẹtẹ ọnọ "Ẹtẹ Anya" ve tụ rajini.⁹ Ụmavọ di irẹyi ọni Ijeremaya ọkisẹ ka tụrama va si sẹ; ka, "Ẹsi ẹkẹshi isiriva ofụrẹwụ ana vi irishi, ọ ni ani Isrẹni ji tụraa, ¹⁰dẹ ka siọ shi ẹtẹ, enee noku ọzọga tụ vene ụmọ ọni Ananyiyi si yi mi."Ipairẹti ọ fọ Ijesu ipẹpẹẹ(Imk. 15:2-5; Irk. 23:3-5; Ijọ. 18:33-38)¹¹Ijesu mẹ dinẹ tụọvidi Igomina, di igomina fọọ ka, "Ẹwụ ọnọ wa vi oshinọyi ani Ijụ nini?" Di Ijesu voshi ka, "Wa kavọ." ¹²

¹³Di Ipairẹti fo ̣ọ ka, "Wa zi wụ isẹna kashi wụ bo aani?" ¹⁴ Ama ọ zi voshi ọchi ọnya, dọ vi isẹnẹ shi igomina eyi.Ẹ ji ivi yi Ijesu(Imk. 15:5-15; Irk. 23:13-25; Ijọ. 18:39-19:16) ¹⁵Ọmimẹ oshẹtẹ ayi igomina ọnọvi ka, aa mani aa rụpe, dọ kaa yi aza ọkọni ka ẹ ni ̣ani ijaaru ọnya, ene ve si ka fụrụvọ yi ẹ̣ni. ¹⁶Ụmavọ, ọ nyi ani ijaarụ ọshimi ọnya anaa shi Ibarabasi.¹⁷Fụvavọ, e me peregụ da, di Ipairẹti fọ wa ka, "Ẹnụ we si ki ma fụrụvọ yụ wụ nini? Ibarabasi wa yọ, navẹki Ijesu ọnaa shi Ikristi? ¹⁸Ọ yẹ ki ẹ si Ijesu ve chire ọni ụvọ ini ayamkụ. ¹⁹Ọmẹ yi yatụ tụ izọnọ yaa jishi, di ose aani tụ vetụo ka, "Asụụ nyi ụvọ tụni irẹyi ọnọrụ ọna ra zi nyi ivi aa vọọ. Fụvọki maa rụya kokorọ ini ụra ọnim ra inọpạti aani rajini."²⁰ Ọmẹyani di ọdọvidi arụfa ọbani nin shi azẹkụ nini, shi aza ọkọni ẹnẹ, dẹ kụ shụwa inẹ, ki ẹ ka ki ene si Ibarabasi doti e roze wụ Ijesu. ²¹Di Igomina fọọ wa ka, "Ẹni we si kaa fụrụvọ yụ wụ nini ini enẹ viva?" Dẹ ka, "Ibarabasi." ²²Di Ipairẹti ka, "Sẹnụ ki ma si mi Ijesu ọnaa shi Ikristi?" De voshi ka, "Kaniọ za ọchi-avashi."²³Umavọ dọ fọọ ka, "Ọmẹzi, yere ọshimi ọnọ mẹ kẹ?" De nowu fụavọ, dẹ ka, "Kaniọ za ọchi-avashi." ²⁴Ipairẹti me re ka ọzi nyi isa ọnọni va zu mẹ, ama, akikọnọ, di efura ava ngwọ, do si enyi, dọ nyina avọ aani, inọvidi aza ọkọni ẹnẹ, dọ ka, "Ma zi nyi ivi ini anya ọza ana ra zi nyi ivi aani. Ree tụọ yẹngwụ nini."²⁵Di aza ọkọni ẹnẹ ka, "Anya aani vaa yini irẹsu ayi, shi ezi rama ayi. ²⁶"Ụmavọ dọ fụri Ibarabasi ụvọ yụ wa, ama dọ ka asi ijampa tụ Ijesu, dọ vaa si ọ chire wa ụvọ, ka ẹ na kaniọ zọchi-avashị.Ashoja nin ẹ mẹ Ijesu isiya(Imk. 15:16-20; Ijọ. 19:2-3)²⁷ Ụmavọ di ashoja igomina zaa Ijesu nangwụ ni ọba ayi ijọva, de pere ashoja boo gụ. ²⁸Dẹ va tụọ afụafụ, dẹ si aụrụ ovivi chiree. ²⁹Dẹ si amụ-ikeyi kụo irẹ̵sụ, dẹ si ọchi-ọkẹtẹ tụọ ụvọ. De kuẹtẹ tụọvidi aani, dẹ mẹẹ isiya ka, "Oshinọyi Ijụụ nini yi!"³⁰Ẹẹ jatẹ kụo, dẹ va dọọ ọchi-ọkẹtẹ ọnọ, de fuo yọ inẹsụ ụpẹrika. ³¹Ẹ mẹ mẹẹ isiya da, dẹ tụ aụrụ ọnọ fụrẹ ọbẹ, dẹ si aụrụ ayani, de chire yọ, dẹ vaa tụọvidi ka, ana kani ọ za ọchi avashi.A kani Ijesu za ọchi avashi(Imk. 15:21-32; Irk. 23:26-43; Ijọ. 19:17-27)³²Ẹ mẹ jinẹ tụẹshẹ, de re ọzẹnyi ọna fụrẹ Isaireni, ọni irẹsha aani vi Isimoni, ọni ẹnẹ si ẹkẹka za, ko chema ọchi-avashi aani. ³³De ne tụ irẹkụra ana shi Igọrigọta, ana yẹ tụni, "Irasha ọchụkụ rẹsụ." ³⁴Dẹ si eche ana nyirẹyi yọ ko fụo. Ama ọ mẹ daare, ọ zi zẹ fu o.³⁵Ẹ mẹ kaniọ zọchi-avashi da, dẹ chi pẹmpẹmpẹ, dẹ siọ ga aụrụ aani shẹngwụ avọ, ³⁶dẹ yatụ, de seree. ³⁷Dẹ chẹrẹ irẹka ẹnẹ kụzaa tụni ẹbẹẹba rẹsu aani ka, "Ọnọni ọnọ vi Ijesu oshinọyi Ijụ nini."³⁸Oyi ẹẹva ana kani zọchị bẹrẹẹ, ọnya yi akụvọri, di ọfụva yi akụvọfa. ³⁹Di ẹnẹnaa parafụ aa kụọ ụfụ, dẹ sheni irẹsụ, ⁴⁰dẹ ka, "Ẹwụ yị, ẹwụ ọna ka kụ ve wụ itẹmpụrụ, dụ si ẹkụshi ẹẹta daa varama, ji ẹngwụ ụ tụ kẹ! Aavika Ozi Oshomoshi ọnụ vi, chi fini ọchi-avashi ọnọ!"⁴¹Avọ ọni ọdọvidi arufa ọbani nin vaberi oyofi nin, shi azẹkụ nin ma mẹ isiya ka, ⁴²"Ọ dọ azẹnẹsa tụ, ama ọizụ dọ ẹngwụ aani tụ, ọnọvi oshinọyi ani Isrẹni. Navọ doti o chi fini ọchi-avashi, ụmavọ ọni va dọọwụ.⁴³Ọ kụeyi tụra Oshomoshi, navọ doti Oshomoshi ọ va jọọ tụ ọmẹyani, aavika Oshomoshi o si ka ọna fụre ụvọ. Fụvọki ọ vana kaa ka, 'Ẹ ma vi Ozi Oshomoshi.''' ⁴⁴Avọ ọni oyi ana kani zọchi bẹrẹ mẹ za kụọ ụfụ.Ijesu mẹmẹ su ini ọchi-avashi(Imk. 15:33-41; Irk. 23:44-49; Ijọ. 19:25-30)⁴⁵Ọmẹyani, fini iwakati ọfụ shinọnyi, di oozi shi irasha bo nangwụ iwakati ọfụ shinna. ⁴⁶Inọpati iwakati shinna ọnọ, di Ijesu nowu tụẹshẹ, dọ ka, "Eri, Eri rama isabachitani?" ọnọ vi ka "Oshomoshi ami, Oshomoshi ami, ọ mẹ zi du varama ka mi kẹ?" ⁴⁷Ụmọni azẹnyi ẹnẹ na dinẹ tụ zọ, dẹ wụ, dẹ ka, "Ọọ shi Enaija."⁴⁸Inafụ ọnọ, di ozenya anini zụechi na si ikanka, dọ jọọ ngwụ ineche ọna si vẹrẹyi, dọ jọchi ngwụọ, dọ tanaa yọ ko fụo. ⁴⁹Di ẹnẹna vọọ ka, "Navọ di ye re aavika Enaija vaa vẹ va jọọ tụ." ⁵⁰Ụmavọ di Ijesu zẹ varama nowu tụẹshẹ, dọ va fụrẹ ifẹ aani ụvọ.⁵¹Di ita ana si ji itẹmpụrụ sha tụoze ẹẹva fụri ẹbẹẹba netu ẹtẹ, di ẹtẹ sheni, di ida nin sha vasha. ⁵²Di irikụta nini sharenụ, aza Oshomoshi bo ana sụara ini isụ, dẹ sha kwẹtẹ. ⁵³Dẹ jinẹ vẹ fini irikụta ọ mẹ sha kwẹtẹ da, dẹ ngwụ irẹkụra ọnini, dẹ sẹngwụ zụ aza ẹrụrụ.⁵⁴Umọni ọga ashoja ẹchẹshi nin ọ̣nri enene sere Ijesu me re ẹtẹ me zizi, ọnri isa bo ana mẹ, di angwa shụwa kokoro, dẹ ka, "Ini irẹiza, Ozi Oshomoshi ọnọvi." ⁵⁵Anyẹnẹ ẹrụrụ ẹna vatụra Ijesu fụri Iganini, ka ẹnẹna mi osisieyipe aani ana izọ, taneyi ere fụri irasha ọgọdọ. ⁵⁶Imeri Imagidareni, Imeri ọnyi Ijemisi ọnri Ijosẹfụ vabẹri ọnyi ezi anẹrụ Izebede, vana bẹrẹ wa.A mẹmẹ ne oku Ijesu tuni ụsi irẹta(imk. 15:42-45; Irk. 23:50-56; Ijọ. 19:38-42)⁵⁷Orụva me tụ, di opisa ọnọrụ ọnyi fụri Arimatiya, ọni rẹsha aani vi Ijosẹfụ, dọ zẹ vi vi oziafụ Ijesu vẹ, ⁵⁸Ọ ve tụ Ipairẹti, do fisụe oku Ijesu. Di Ipairẹti kaa yụ wa ka, a fụrẹ ụvọ yọ.⁵⁹Ijosẹfụ ọ si okụ ọnọ, dọ si ita ọvụọvụ, ọna nii, dọ si chire okụma, ⁶⁰do nee tụni irikụta ọwọọwa, ọnọ chi tụni irẹta yẹngwa aani. Do zina irẹta ọbani kụoze irikụta ọnọ, dọ fizọ. ⁶¹Imeri Imagidareni ọnri Imeri ọsa vana yị izọ, de yatụ veyi ki irikụta ọnọ.Oserẹtẹ nin ee sere irikụta Ijesu⁶²Ini eyinẹshẹ aani ana vi ọkụshi Isabatti, di ọdọvidi arụfa ọbani nin shi Ifarisi nin, pere ẹngwu netụ Ipairẹti. ⁶³Dẹ ka, "Ọga, ya tamayi ka anapẹ ọnọ mẹ yẹshẹ, ọ kaa ka, 'Inaama ẹkụshi ẹẹta, mva sha kwẹtẹ,' ⁶⁴Fụvavọ, mi ụmọ doti e re ka irikụta aani vana yini osisere nangwụ ụmọni ẹkụshi ọfụta. Ọọzivavọ, eziafụ aani va zụ ne yi okụ aani, ̣'dẹ ka yi aza kọ sha fini isụ da' ọnọ vika apẹ ọikọta ono ve dụvi fụ ọi paapa."⁶⁵Di Ipairẹti kaa yụ wa ka, "Si oserẹtẹ, do ne sere izọ." ⁶⁶Dẹ na, de sere izọ. Dẹ mẹ ami tụni irẹta ọnọ, ki asọ nyi ẹzẹna kani ọ.

Chapter 28Ijesu ọ sha kwẹtẹ fini isụ(Imk. 16:1-10; Irk. 24:1-12; Ijọ. 20:1-18)

¹Isabatti mẹ zẹtẹ da, ini ajụvenị ọkushi ipaapa ọsẹ, di Imeri Imagidareni ọnri Imeri ọsa vẹ, de ve re irikuta ọnọ. ²Ree, ẹtẹ o jụdụdo, fụvọki angeni ayi Ananyiyi ọnya o chi fụrẹ ẹbẹẹba vẹ, do ve zina irẹta ene si kụ irikụta ọnọ fi naani, dọ yatụ tụra a.³Ọsisi ẹngwụzụ aani, o venebiri inyanya, di aụrụ aani aa vụẹtẹ bẹnẹ-bẹnẹ. ⁴Angwa do shi oserẹtẹ ẹna yizọ, dẹ bani, dẹ sẹdụ nyẹtẹ, dẹ si mẹ ezene sụ da.⁵Di angẹni ọnọ kaa yi anyẹnẹ ẹnẹ ka, "Asi angwa shụ ụ nini, ma yẹ ki Ijesu, ana kani za ọchi-avashi ọnụ we si nini. ⁶Ọ zi kụ yi izọni, fụvọki ọ sha kwẹtẹ da, venebiri ọ mẹ ka gẹdẹ-gẹdẹ. Waa vẹ nin, ve ree izi Ananyiyi bidi sụ tẹtẹ tụ. ⁷Jantụ na ka yi ẹziafu aani, 'Ọọ sha kwẹtẹ fini akaakana ẹni ne su da. Ree, ọ tụọvidi awu nini a ni Iganini. Izọ ọnụ ve ye ree nini, "Ree ma ka yụ wụ nini da."⁸Di anyẹnẹ ẹnẹ sẹsẹ fini irikụta aani ini angwashi ọnri ụjẹ zụe na ka yi eziafụ aani. ⁹Ree, di Ijesu ne tụ wa, dọ kaa, "Ma kụ nini." Di anyẹnẹ ẹnẹ vẹ, dẹ za afụ Ijesu, dẹ vakụẹtẹ kụọ. ¹⁰Di Ijesu kaa yụ wa ka, "Asụ kụ shangwa nini. Naa ka yi ẹnyarami nini, ka ẹẹ ni Iganini. Izọ ene ve ye re mi."Isẹni oserẹtẹ nin ka¹¹Anyẹnẹ ẹnẹ ma na, di ẹnyi ini oserẹtẹ ẹnẹ, ngwụ ini irẹkụra na, dẹ na ka yi arụfa ọbani Oshomoshi nini, isẹnẹ mẹ bo. ¹²Ụmọni arụfa ọbani Oshomoshi ne tu azẹkụ nin, dẹ geyi inọpati irẹyi ọnọ, dẹ si ẹkẹshi ọbani yi oserẹtẹ ẹnẹ, ¹³dẹ kaa yụ wa ka, "Ka yi aza nini ka, 'eziafụ Ijesu e vee yi okụ aani inafụ, imaa sụara.'¹⁴Igomina raa wụ irẹyi ọnọni, iva mẹ ka ọ dọzẹ, di kụ isene shụ wa angwa kụra." ¹⁵Di oserẹtẹ ẹnẹ dẹ ẹkẹshi ọnọ, dẹ mi isa ana kẹ mẹẹ. Irẹyi ọnọni ọ vaa garashi ini akaakana ani Ijụụ, dọ yi inaani vetụ rajini.Ijesu ọ si ẹngwụ zụ eziafụ aani(Imk. 16:14-19; Irk. 24;36-51; Ijọ. 20:19-23)¹⁶Di eziafụ Ijesu ẹwụrọnya ni Iganini, dẹ shirẹ irẹsụfa ọni Ijesu ka yụ wa ka ẹ nọ. ¹⁷Ụmẹ ene re, dẹ fẹkẹẹ ama, dẹ ẹnyi aa jọọ irẹka.¹⁸Ijesu o ve tu wa, dọ kaa yụ wa ka,. "A si ụmọ bo ineekụ ọnri inẹshẹ yi mi da. ¹⁹Fụvavọ, ngwụ irẹkụravabẹ bo na, dụ wa kụ eziafụ va yi mi nini. Dụ wa mi isami yụ wa, ini irẹsha Ada ọnri Ozi ọnri Ifẹ Ọnini.²⁰Waa zụ wa ka ẹ vatụra isa bo ọnim ka yụ wụ nini. Ree, ma ya bẹrẹ wụ nini pooro, nangwụ inaama ẹshẹ."

Mark

Chapter 1Ijọọnu Ọsami o teni oze tẹtẹ yi Ijesu(Imt. 3:1-12; Irk 3:1-18; Ijọ. 1:19-28)

¹Ọnọni ọnọ vi ivẹrẹ irenube ọiza Ijesu Ikristi Ozi Oshiomoshi.² Vene a mẹmẹ chẹrẹẹ ini iwe Aizaya ọkisẹ Oshomoshi, ka,"Re, maa tụ ọnitụ ami dọvidi ami ene vee teni oze tẹtẹ yụ wu.³ Ọngwẹ ana shi aza ini ụnọmi ka,'Teni oze Ananyiyi tẹtẹ; navọ di oze aani ọ vọrọ.'"⁴Ijọọnụ ọ vẹ, dọọ sami ini ụnọmi, dọ zaa karenube isami ọnri oririnẹ varama ọnri ọsisi aichama ayi vayayi. ⁵ Di ani irẹkụra Ijudiya bo ọnri ani Ijerusanẹmụ bo jinẹ ve tu o. Ọ sami yụ wa ini okufa Ijọdani dẹ dụvọ aichama aanini. ⁶Auru ana si upa irankụmi gẹ ọni Ijọọnụ ụ chire, dọ va si ibaanụ upa-uye sụ ọtẹ, dọọ ri akụvariva ọnri ẹfụ inụnọmi.⁷Ọ karenube ka, "Ọọ nyi ọza anaa vẹ, ana kata fu mi, ma zi fụ ana vaa ngwara orupa ivata aani. ⁸Enyi ọnim si sami yụ wụ nini, ama ọn vana vaa si Ifẹ Ọnini sami yụ wụ nini.Eshu mẹmẹ zama Ijesu re1:9-13 (Imt. 3:13-4:11; Irk 3:21-22:4:-13; Ijọ. 1:32-34)⁹Ini ụmavọ di Ijesu fụrẹ Inazarẹti ini Iganini nọ izọni Ijọọnụ yaa sami yi aza, di Ijọọnụ sami yọ ini Okufa Ijọdani. ¹⁰Ijesu mẹ jinẹ fini enyi ọnọ, do re ka ẹbẹba ọ na sha, di Ifẹ Ọnini shira chi ve ku o fụrẹ ẹbẹba venebiri obenekuku. ¹¹Di ọngwẹ ọnya fụrẹ ẹbẹẹba ka, " Ẹwụ ọnọ vi Ozi ọnim ngwayi ani. Inẹ ami o shine tu wu kokoro.¹²Umotu di Ifẹ Ọnin turaa na ngwun ini ụnọmi. ¹³Dọ yi ini ụnọmi mẹ ẹkụshi ẹbẹrẹva, izọ di eshu mọọre. Ọnri uye-inavi ẹnẹ gẹ yizọ, di angẹni nini yizọ, dẹẹ fẹkẹ ẹ.Ijesu ọ shi ozube isenyi nin1:14-20 (Imt. 4:12-22; Irk 4:14-15; 5:1-11; Ijọ. 1:35-51)¹⁴Ẹfi ana va za Ijọọnụ tụni ijaaru da, di Ijesu vẹ Iganini, doo showu irenube ọiza Oshomoshi, ¹⁵dọ ka, "Ẹfi o tu, Ijọva Oshomoshi ọ si kavape. Rinẹ varama dụ wa nyi ọdọwụ ini irenube ọiza Oshomoshi nini.¹⁶Ijesu maa zụsẹ iniụtọ Irefu Iganini, do re Isimọni ọnri Andụrụ ọnyara Isimoni ẹ maa si asha za isenyi ini irefu ọnọ, fụvọki ozube-isenyi ẹnẹ vi. ¹⁷Di Ijesu kaa yụ wa ka, "Waa vẹ, vatụra mi nini, mvaa vara wụ nini ozube aza. " ¹⁸Ụmụmọ dẹ navọ asha aanini tẹtẹ, dẹ vatụra a.¹⁹Ijesu mẹ zẹ zụsẹ nọvidi che, do re Ijẹmisi ọnri Ijọọnụ ana vi ezi Izebede ini ẹpa aanini dee teni asha. ²⁰Ọ shụ wa, dẹ navọ ada aanini Izebede ọnri ezida aani tuni ẹpa, dẹ vatụra Ijesu.Ijesu ọ nyi ụmọ(Irk. 4:31-37)²¹Umotu dẹ ngwụ irẹkụra Ikapanọmụ ini ọkụshi Isabati. Di Ijesu ngwụni Isinagọgụ, dọ zụ wa isa. ²²Do shuweyi ọ mẹmẹ aa zụwaisa vene ẹzẹna nyi ụmọ, aivi vene ọyofi nini.²³Ini Isinagọgụ ọnọ, di ọnọrụ ọnyi ana nyi ifẹ azeeshi ee nowu tụẹshẹ, ²⁴dọ ka, "Ijesu ani Inazarẹti, sẹnẹ kụ ẹyi ri ẹwụ gẹ kẹ, ụ waa vaa wụ yi vaasha? Maa yẹ ẹzẹnụụ vi, ẹwụ ọnọ vi ọza ọnini Oshomoshi. ²⁵Di Ijesu nyẹngwụrẹi shi ifẹ azeeshi ọnọ ka, "Navọkụ! jinẹ fini ẹngwụ aani. ²⁶Di ifẹ ọshimi ọnọ nowu tụẹshẹ, do jookuẹtẹ, dọ jinẹ fini ẹngwụ aani.²⁷Aza bo ana yizọ vono sheyi, dẹ kụaa fọ ẹngwụ ka, Sẹnẹ vọnọni kẹ? Isọọzụ ọwọọwa wa yi? Ọ si ụmọ karẹyi shi ifẹ azeeshi nini, dẹ wụrẹya aani. ²⁸ Di irenube inọpati Ijesu si garashi ini ọkakooro Iganini.Ijesu ọ fụ aza ikụ sha(Imt. 9:9-13; Irk. 5:27-32)²⁹Ẹfi ẹnẹ jinẹ fiini Isinagọgụ da, dẹ nọ ineeshi Isaimọni ọnri Andụrụ, di Ijẹmisi ọnri Ijọọnụ kụafụza wa. ³⁰Ini ẹfi ọnọ, ọnyi ose Isaimọni vọni iva za sụtẹtẹ, dẹ va kaa yi Ijesu inọpati aani. ³¹Inaani, di Ijesu vẹ, dọ za ụvọ kwẹẹtẹ; iva ana yarẹ ẹ dọ ta fụrẹngwụ, dọ vẹrẹ doo si wa ọzọga.³²Ini oruva ishọ, ọyi mẹ ngwẹtẹ da, dẹ kụ ọnikụ nini ọnri ẹnẹna nyi ifẹ azeeshi ve tu o. ³³Di irẹkụra bo peregụ na ngwụ ọpanfuoze. ³⁴Ọ fụ aza ikụ renyi renyi sha, dọ dụ ifẹ azeeshi fini ẹngwụ aza ẹrụrụ, ama Ọ zi navọ ifẹ azeeshi ẹnẹ ki ẹ karẹyi fụvọki ẹ yẹ ọzọnọ vi.Ijesu ọ karenube ọiza Iganini(Imt. 4:23; Irk 4:42-44)³⁵Ọ shakwẹtẹ ini ajuveyini, ẹtẹ mẹ razi fifeyi dọ ni izẹnẹ jomi, na tuozurenu. ³⁶Di Isimoni ọnri aza ọnọn rụwa gẹ yi izọ, ve kue si o. ³⁷E me ve re, dẹ kaa yọ ka, "Azabo venee si wu o."³⁸Dọ ka, "Waa vẹ di ya nọ irasha ọsa nini, ini irẹkụra ana varakara izọni, di ma zụ karenube ọiza yụ wa. Fụvavọ ọnim si vẹ izọnani." ³⁹ Ọ ziọ varakara Iganini bo, dọọ karenube ọiza, ini Isinagọgụ, dọ dụ ifẹ azeeshi nin bo jinẹ.Ijesu ọ fụ ọni ikụ ọbani ikụ sha(Imt 8: 1-4; Irk 5:12-16)⁴⁰Ọnikụ-ọbani ọnyi o ve tu o, dọ dipẹ yọ, do kuẹtẹ dọ kaa yọ ka, "Aaviki oozeweyi, ụ va zụụ mẹmi ẹngwụụ ni." ⁴¹Di Ijesu ini ayụva tanụvọ kaniọ, dọ ka, "Oo zemeyi, vara ọnini." ⁴²Ụmụmọ di ikụ-ọbani ta fini ẹngwụ aani, dọ vara ọnini.⁴³Di Ijesu kọọnọ, dọ ki ọọ na. ⁴⁴Dọ kaa yọ ka, "Navọ du we re kụ wazi ka yi ọzọnyọnyi, ama na si ẹngwụ awụ zụ arufa, dụ wa mẹ isẹni Imosisi si ụmọ ka, ana vaa siọzụ ki ẹngwụ awụ ọ si ni.⁴⁵Ama, ọ mẹ jinẹ tụra dọ kaa yi aza bo, doo showu irẹyi ọnọ varakara netu ki Ijesu ọi kụ zụ shẹngwụsha zizi, fụvavọ dọ kụa yi izẹnẹ jomi, di aza a fụri irasha bo vee tu o.

Chapter 2Ijesu ọ fụ osuẹngwụ ikụ sha(Imt 9:1-8; Irk 5:17-26)

¹Ọ mẹ varama vẹ Ikapanọmụ inaama ọkụshi che, da wụ ka ọ yi ineeshi. ²Di azẹrụrụ peregụ tụzọ na ngwụni ọpanfuoze netu ka aza e zi re irasha si ụfụ shi, di Ijesu karenube ọiza yụ wa.³Inaani di anẹrụ ẹẹna chema ọza ene suafụ suavọ ve tu o. ⁴Ẹmẹ raizụ chema na ngwu izẹni ọ ya fụvọ azọkọni ana yi izọ, dẹ fụ utu izẹni Ijesu ya, dẹ si odoro chi o shẹtẹ.⁵Ijesu me re ọdọwụ aanini, dọ kaa yi osuafụ suvọ ọnọ ka, "Ẹwụ ozi, aa si aichama awụ vaya wụ. ⁶Ọyofi ẹnyi ana yatụ tụzọ dee roo ini ọtụtụrụma aanini ka, ⁷"Ọzọnọni mẹ va sii ka ẹngwụ irẹyi ọnọni kẹ? Isaanyisi ọnọ ka aani no. Yere ẹzẹna va zụụ si aichama ọza vaya ọza, ọọzivi Oshomoshi renya?"⁸Ụmụmọ di Ijesu yẹ ini ifẹ isenee ro. Dọ kaa yụ wa ka, "Ọmẹzi du me nee ro ẹngwụ isẹnẹni ini ọtụtụrụma awụ nin kẹ? ⁹Yere ana rọ ẹngwụ fu ki ma ka yi osuafụ suavọ ọnọni kẹ, 'Aa si aichama vaya awụ' navẹki 'Kwẹẹtẹ, kara upoto awụ, dụ wa zụsẹ'?¹⁰Ama, doti wa zụ yẹ nini ki Ozi Ọza ọ nyi ụmọ ini ẹshẹ ki ọ si aichama ọza vaya ọza, dọ kaa yi osuafụ suavọ ọnọ ka, ¹¹"Maa ka yụwụ, kwẹẹtẹ, kara upoto awụ, dụ waa neeshi awụ." ¹²Ụmụmọ dọ kwẹẹtẹ, dọ sẹ kara upoto aani, dọ zụsẹ jinẹ tụra fineeshi ọnọ ineyi aza bo, dọvi isene shuweeyi, dẹ va si ụga yi Oshomoshi, dẹ ka, "Yezi meen rire ẹngwụ isọnọni yẹẹyẹ."Ijesu ọ shi ọdimaana ọnyi(Imt 9:9-13; Irk 5:27-32)¹³Ijesu ọ zẹ jinẹ tụra nọ ini ọgụrẹ adagu enyi ana yi izọ, di azọkọni ẹnẹ bo vaku o, dọ zụwa isa. ¹⁴Ọ maa paraafu do re Inẹvi, ozi Afiọsi, ki ọ yatụ tụni ajẹngwụ ọdimaana nini, dọ kaa yọ ka, "Vatụra mi," Ọ kwẹẹtẹ dọ vatụra a.¹⁵Ijesu maa risari ineeshi Inẹvi, di ọdimaana shi anaichama nin bẹri eziafụ aani e pee risa izọ, fụvọki ẹ rụrụ, dẹ vatụra a. ¹⁶Ụmọni ọyofi nin ẹnẹna vi Ifarisi re ki o pe anaichama nini ọnri ọdimaana nini risa, dẹ fọ eziafụ aani ka, "Ọmẹzi di Ijesu e pe anaichama nini ọnri ọdimaana nini risa kẹ?"¹⁷Ẹfiẹni Ijesu wụ irẹyi ọnẹẹ ka, dọ va kaa yụ wa ka, "Ọza ọni ẹngwụ ani ni o zee si ọmọzikụ; ọchishi ọzẹnẹ ẹngwụ aani razi ni. Ma zi fụvọ aza ọiza vẹ, ama fụvọ anaichama nini."Irẹyi inọpati awẹ(Imt 9̇:1-17; Irk 5:33-39)¹⁸Ọmẹyani, eziafụ Ijọọnụ Ọsami ọnri Ifarisi nin aa bawẹ inụvọ, di azẹnyi ve tu Ijesu, dẹ ka, "Ọmẹzi di eziafụ Ijọọnụ ẹnri Ifarisi nini aa bawẹ, ama di eziafụ ayi ẹwụọni razi bawẹ kẹ? ¹⁹Di Ijesu kaa yụ wa ka, "Ẹzẹnaa nyiọnẹ, wa vaa yi izọ di aza aani yi ini ụngwẹ? Ọmẹviki ẹzẹna nyiọnẹ yi yizọ, ẹi zụa da ẹngwụ aanini ụngwẹ.²⁰Ama, ọkụshi vaa vẹ ọna vaa si ọnọrụ ọnaa nyiọnẹ fini akaakana aanini; ẹfiavọ ọnẹ vaa bawẹ. ²¹ Ọzi nyi ọza anaa gẹ ita ọwọwa ku ita ọkụkụ. Ọọvọvi, ọzi nyi ki ita ọwọọwa ọnọ ọzaa naa kụra fini ita ọkụkụ ọnọ, doo si duvi funa ọ mẹ bidi ya.²²Ọzi nyi ẹzẹnaa va eche ọwọwa shi ovi ọkụkụ; aaviki aa va eche ọwọwa tụni ovi ọkụkụ, eche ọwọwa ọnọ vana vaa chaka ovi ọnọ, shi ọvi shi eche dee mishi. Akikọnọ, va eche ọwọwa shi ini ovi ọwọwa."Irẹyi inọpati ifooshi(Imt 12:1-18; Irk 6:1-5)²³Ini ọkụshi Isabati, di Ijesu ọnri eziafụ aani aa zi oze iraarẹ apaapa paraafu, di eziafụ aani va fa apaapa. ²⁴Di Ifarisi fọ ọ ka, "Re, ọmẹzi di eziafụ awụ a mẹ isẹnẹ razi sẹrẹ ini ọkụshi Isabati kẹ?"²⁵Dọ kaa yụ wa ka, "We zi re ka nini, isẹni Idevidi mẹ ụngwẹ maa kụ ọ, ọnri azẹna ya pee --- ²⁶ọ mẹmẹ ngwụ ireshi Oshomoshi, ẹfi ọni Abiata vi oshirẹsụ arụfa keekere, dọ na ri isari ana yini ọpẹtẹ, ọnọ razi vọrọ ki ọ ri, ọọsifini arụfa nin renya, dọ vaa zẹ yinaani si yi aza ana ya pe e?"²⁷Di Ijesu ka, "Isabati vana mẹ yi ọza, aivi ọza ana mẹ yi isabati. ²⁸Fụvavọ Ozi Ọza ọnọ vi Ananyiyi, dọ viọ tụra ọkụshi Isabati nyẹmbẹ.

Chapter 3Ijesu ọ fụ osụvọ ọnya ikụ sha(Imt 12:9; Irk 6:6-11)

¹Ụpọsa di Ijesu zẹ ngwụni Isinagọgụ, dọ va nyi ọnọrụ ene suvọ ana yi izọ. ²Di azẹnyi ana yi izọ ana sieyi pe Ijesu, dee zi aaviki ọ vaa fụ ọza ikụ sha ini ọkụshi Isabati, doti e zụ re irẹyi ẹnẹ va sii za.³Di Ijesu kaa yi osuvọ ọnọ ka, "Kwẹẹtẹ wa dinẹ ini akaakana aza bo. ⁴Dọ fọ aza bo ka, "Ọ wa vọrọ ka a mẹ ọiza ini ọkụshi Isabati navẹki a mẹ ọshimi, a dọ ọza tụ navẹki a wụ ọza?" Ama, de chiiji.⁵Di Ijesu vareyi re wa varakara, fụvọ ọtụtụrụma ọkata aanini, di inẹ aani si du tu wa, dọ kaa yi osuvọ ọnọ ka, "Tana ụva awụ." Di ọnọrụ ọnọ tana ụvọ, di ụvọ aani vanudi. ⁶Di Ifarisi ẹnẹ jinẹ, ụmụmọ dẹ vẹrẹ ee bere ezirama Ihẹrọdụ nin shiọma ẹ mẹmẹ vaa wụ Ijesu.Azọkọni e ne tu Ijesu ini ụtọ irefu(Imt 12:15-16; Irk 6:17-19)⁷Umotu, di Ijesu ọnri eziafụ aani fiizọ nọ ini irefu, di azọkọni ụnọmpa vatụra a fụri Iganini ọnri Ijudiya, ⁸shi ẹnẹna fụri Ijerusanẹmụ, Idumiya ọnri akajinẹ enyi Ijọdani, ọvarakara Itaya ọnri Isidoni. Ẹ mẹ wụ inọpati isa ọiza ọnọọ mẹ yi aza, di azọkọni ụnọmpa ve tu o.⁹Di Ijesu kaa yi eziafụ aani ka ẹ si ẹpa oweyi ọnya tẹtẹ yi ọni, fụvọ asi azọkọni ẹnẹ doti asi ẹ va na piri ọni. ¹⁰ Ọnikụ ẹrụrụ ẹrụrụ venee si ki ẹnẹ sụvọ kani ọ, fụvọki ọ fụ azẹrụrụ ikụ sha.¹¹Ụmẹ tụrụmẹ ọni ifẹ azeeshi nini zee re, one sii kuẹtẹ tuni ọvidi aani, dee nowu tuẹshẹ, dẹ ka, "Ozi Oshomoshi ọnụụ vi." ¹²Dọọ kawọnọ ka, asẹ si ọn zụ.Ijesu ọni ọnitụ aani(Imt 10:1-4; Irk 6:12-16)¹³Ọ shirẹ irẹsụfa na, dọ shi ẹnene zeeyi, dẹ shirẹ ne tu o. ¹⁴Ọ ni ẹnẹwụrẹva (dọ shụwa ọnitụ) ana vaa yaa pee, dọọ tụ wa na karenube ọiza, ¹⁵ọnri ka doti ẹ nyi ụmọ ọnẹ va sii dụ ifẹ azeeshi jinẹ fini ẹngwụ aza. ¹⁶Ẹnẹwụrẹva ọnọ ni, ẹnẹ vi: Isaimọni ọnọ shi Ipita;¹⁷Ijẹmsi ozi Izebede, ọnri Ijọọnụ ọnyari Ijẹmsi, ọnọ shi Iboanẹjisi (ezi apavana Oshomoshi), ¹⁸ọnri Andụrụ, Ifiripi, Ibatoromiyu, Imatiyu, Itọmọsi, Ijẹmsi ozi Afeyọsi, Itadiọsi, Isaimoni ọna nyi ọyaya, ¹⁹ọnri Ijudasi ozi Isikariyọti ana vaa bafụ aani.Ijesu ọnri Ibẹzẹẹbu(Imt 12:22-32; Irk 11:14-23; 12:10)²⁰Umotu dọ neeshi, di azọkọni vaku o na ngwụrẹshi, netu ka ezi roze risa. ²¹Anreshi aani mẹ wụ, de si o na ki ẹ naa na zaa vẹreshi, fụvọki ẹ kụa kaa ka, "Irẹsụ aani ọzi kụ gụ." ²²Ọyofi nin ana fụri Ijerusanẹmụ mẹ vẹ, dẹ ka, "Ifẹ azeeshi Ibẹzẹbụ ọnaa zama a," ọnri ka, "Zirẹngwụ oshirẹsụ ifẹ azeeshi ọni Ijesu a sii dụ ifẹ azeeshi jinẹ."²³Ijesu ọ shi wa pe ẹngwụ, dọ kaa yụ wa ini ụshioche ka, "Eshu mẹmẹ va zụ dụ eshu jinẹ kẹ? ²⁴Ijọva ana razi si irenu vi ọnya ọi zụa nyi ụfụ shiẹtẹ. ²⁵ Ireshi ana razi si irenu vi ọnya ọi zua nyi ụfụ shiẹtẹ.²⁶Aaviki Eshu ọ kwẹẹtẹ tu ẹngwụ aani, dọ si ga, ọi kụ nyi ụfụ shiẹtẹ, ayi aani ta da aavọ. ²⁷ Ọzi nyi ẹzẹna va zụ ngwụ ireshi ọnụkata ne yi o uyi doo re mẹ, ọchishi ki ọ savọ sụọ ọnụkata ọnọ orupa, ụmavọ ọnọ va zụ yaa kụ ọ ẹnya.²⁸Ini irẹiza, aichama ezianẹshẹ bo vana vaa sii vayaanini, shi isaanyisi bo ẹnẹ ka fineenu. ²⁹Ama, ẹzẹna ra ka isaanyisi shi Ifẹ Ọnini, Oshomoshi ọ zaa siọ vayaani, ama dọọ rivi aichama poro pooro." ³⁰Ijesu ọ maan karẹyi ọnọni fụvọki ẹ kaa ka, "Ifẹ azeeshi ọnọ nyi."Ẹnyara Ijesu ọnri ọnyi aani(Imt 12:46-50; Irk 8:19-21)³¹Umotu, ọnyi aani ọnri ẹnyara aani anẹrụ ẹ vẹ dẹ dinẹ tu inẹshẹshẹ. Dẹ tu shi o, ki e nee si o inọfirọfira. ³²Azọkọni vana yatụ varakara a, dẹ kaa yọ ka, Ọnyi awụ ọnri ẹnyara awụ anẹrụ yi inẹshẹshẹ ee si wụ."³³Do tuoshi ka, "Ẹnẹ vi ọnyi ami ọnri ẹnyara ami anẹrụ kẹ? ³⁴Ọọ zamẹtẹ varakara, do re ẹnẹna yatụ dokoro varakara a, dọ ka, "Re, azẹnẹni ẹnẹ vi ọnyi ami ọnri ẹnyara ami." ³⁵Ọzatụrọza ana ra mẹ osisi Oshomoshi ọnọ vi ọnyarami ọnọrụ, ọnyara ami ọnyẹnẹ ọnri ọnyi ami."

Chapter 4Ụshioche ọzene chire ọina(Imt 13:1-9; Irk 8:4-8)

¹Ụpọsa dọ vẹrẹ dọọ zụazisa ini ụtọ irefu, di azọkọni ụnọmpa varakara a. Ọ ngwụ ini ẹpa ana yi inẹẹsụ enyi dọ na yatụ tụnaani. Di azọkọni ẹnẹ bo yini ụtọ irefu. ²Ọ zu wa isa ẹruru ini ushioche, dọ ka yụ wa ka:³"Batọ nin, ọnaarẹ ọnọ ọ kwẹẹtẹ ne chire ọina. ⁴O mee chire wa, ẹnyi ẹ javọ tu ini oze, di unomi nin va tọyọ ri. ⁵Ẹnyi ẹ javọ tụni irẹsụ irẹta ana razi nyi ezi, ụmụmọ dẹ chi fụvọki ẹtẹ ọnọ ọzi nyinẹ.⁶Ọyi mẹ sha tura wa, dẹ va wẹngwani, fụvọki ẹzi nyi ẹpa shiẹtẹ, de su vasha. ⁷Ọina ọsa ẹ javọ tụni ikeyi, ẹ maa fụ shirẹ, di ikeyi za wa ri, dẹ razi tụ ẹtụtụ ọnyọnyi.⁸Ọina ọsa ana javọ tuni ẹtẹ ozoza, ẹ maa fu, dẹẹ tụ ẹtụtụ, dẹẹ yara, di ẹnyi tu ofurẹwụ, di ẹnyi tụ ẹbẹrẹta, di ẹnyi tụ ẹchẹshi. ⁹Dọ va kaa yu wa ka, "Ẹzẹna ra nyi ụtọ, ọ siọ wụrẹyi!"Isẹnẹ mẹ ki Ijesu ọọ karẹyi ini ụshioche(Imt 13:10-17; Irk 8:9-10)¹⁰Ụmẹ ọnọ si vọ Ijesu renya, di ẹnẹna gurẹ ẹ, bẹri eziafu aani ẹwurẹva fọ ọ ipẹpẹ inọpati ushioche aani. ¹¹Dọ kaa yu wa ka, "Ẹwụ nini vọni Osbomoshi si isoshishozeyi ana tẹ ini ijọva ineeku ọiza aani zụ. Ama ẹnẹna yini ẹshẹẹshẹ vana si isa bo zụ ini ụshiọche. ¹²Ẹ vaa sha iri sha, doo vene ki ee reẹtẹ, ama e zi re isọnsọnyi; dẹ shụtọ sha do vene kẹẹ wurẹyi, ama ọzaa ngwụ wa ụtọ; ọọzi va vọ, ẹ yaan rinẹ varama, di Oshomoshi vaya aanini.Ijesu ọ shafụ ụshioche ẹzene chire ọina sha(Imt 13:18-23; Irk 8:11-15)¹³Dọ va fọ wa ka, "Ụshioche ami ọzi ngwu wụ nin ụtọ? Ụshioche ami ọsa ana vọ bo mẹmẹ vaa ngwụ wụ ụtọ nin aavọ? ¹⁴Ọnaarẹ ene chirẹ ọina, ọnọ vi ezene chire irẹyi Oshomoshi. ¹⁵Ọina ana javọ tụni ụtoze vi ẹnẹna wụ irẹyi ọnọ, ama di Eshu vẹ, dọ tụ ọ fụrẹ wa ọtụtụrụma.¹⁶Ọina ana javọ tụni ẹtẹ irẹta ẹnẹ vi ẹnẹna, wụ irẹyi ọnọ, ụmụmọ dẹ si inẹ oshine dọwụ. ¹⁷Ẹ zi nyi ẹpa shiẹtẹ ini ọtụtụrụma aanini, fụvavọ dẹ nyi ọdọwụ ini eẹfi keere. Umotu di ụmẹ ụyọọri vẹ, navẹki daa mụyaarụ wa fụvọ irẹyi ọnọ, ụmụmọ dẹẹ si sẹdụ.¹⁸Ẹsa ana vọ ẹnẹ vi ene chire tụni ikeyi. Ẹ wụ irẹyi ọnọ ¹⁹ama ọkiku ayi tura isa ẹshẹ, irivene ogu ọnri osisi isa eshẹ ọsa anavọ, mẹ ngwụ wa inẹ, dẹ za irẹyi ọnọ ri, ọi va zu tu ẹtutu ọnyọnyi. ²⁰ Ẹnene chire tuni ẹtẹ irarẹ ozoza ẹnẹ vi ana wụrẹyi ọnọ dẹ siọ mukọrọ, dẹ tu ẹtụtụ ụpẹ ofurẹwu, ụpẹ ẹbẹrẹva ọnri ụpẹ ẹchẹshi ọi ẹtụtụ ene chire.Azẹma va uji ku irakọpa(Imt. 5:15; 10:26; 13:12; Irk. 8:16-18)²¹Di Ijesu kaa yụ wa ka, "A wa zẹẹ si irakọpa ngwụreshi, daa va uji ku o, navẹki daa si ọ tụni inafụafụ ode? Aa si ọ ngwụreshi, dee zu o gẹ ọchi ọpa. ²² Ọzi nyi isẹna sitẹ, dọọ vi ka azẹ zaa yẹ, ọnri ki, ọzi nyi isẹnẹ yi ini angwụmi, dọọ vi ka ọ zaa siẹngwụ zụ ini eyigede. ²³Aaviki ọ nyi ẹzẹna nyi utọ ana si wụrẹyi, navọ ọ siọ wụ irẹyi!"²⁴Dọ kaa yụ wa ka, "Sụtọpeẹtẹ tuni irẹyi ọnụ waa wụ nini, fụvọki ọnya ọnuụ ra si mọ isa yi ọza, ọna va sii mọ yụ wụ, daa vana si gụọ yụ wụ. ²⁵ Fuvọki ẹzẹna nyi ọna va sii gụ ọ yi, ẹzẹna razi nyi, oi che ọnọ nyi, vana vaa dọ fini ụvọ aani.Ụshioche ọzene chire ọina²⁶Dọ zẹ kaa ka, "Ijọva Oshomoshi o vene ọnọrụ one chire ọina aani tụni ẹtẹ. ²⁷Ọọ sụ inaafu, dọọ sha ini eyivovo, di ọina ọnọ chi, dọọ fụ, ama ọ zi yẹ ọ mẹmẹ ziọ. ²⁸ Ẹtẹ ọnọ ụvọta ọnọ tụ ẹtụtụ yi ẹngwụ aani; ọ savọ mẹ ki ọ chi, dọ vaa fụ, doo nyi azaga, dọ va kụ ezi vovo. ²⁹Apapa ọnọ ra si vi, ụmụmọ dọọ si ifọ aani dọọ na faa vẹ, fuvọ ki isararẹ ọ si vi.Ushioche ikọpati ọina imọsitadi(Imt. 13:31-32; Irk.13:18-19)³⁰Ụpọsa dọ zẹ ka, "Yere isa ana va zụụ si ijọva Oshomoshi mọrọ kẹ, navẹki yere ụshioche ana va zụ sii shaafụ sha kẹ? ³¹O vene ọina imọsitadi ene weyi fu ini ọina bo ana yini ẹshẹ. ³²Tuavọtuavọ, eme chire e, dọ fu, dọ si bani fu ọchi ẹtutu ọsa ana yi ini ụbazi, dọ shavọ ẹbani ẹbani, ọni unomi nini da irẹngwẹ tụni irifufu aani."³³Ụshioche ẹrụrụ, venebiri ọnọni, ọni Ijesu si karẹyi Oshomoshi yụ wa netu ẹgẹ ọnọ va zụụ ngwụ wa ụtọọ tu. ³⁴Ọzi nyi irẹyi ọnọ ka yụ wa dọ razi vi ini ushioche. Ama ụmẹ ọnọ ra si vi Ijesu ọnri eziafụ aani renya, dọọ sharẹyi bo afụ sha yụ wa.Ijesu ọ si ụmọ za opoomu dinẹ(Imt. 8:23-27; Irk. 8:22-25)³⁵Ini ọkushi ishọ, oruva me si tu, dọ kaa yụ wa ka, "Navọ di ya nọ aka ọfụụva nini. ³⁶Ijesu ọ ngwụ ini ẹpa da ini ụmavọ, inaani dẹ navọ azọkọni ẹnẹ, dẹ si ọ vatụrẹngwu na. Azẹrụrụ ẹnẹ vatụra a ini ẹpa ayianini. ³⁷Ụmavọ gẹdẹgẹdẹ, di ashi ọshimi nyima aa kụ, dọ kụ enyi shi ini ẹpa ọnọ, dọ gamo shi yi enyi.³⁸Ama Ijesu ọn vana sụtụ tuni otimtim inaama ẹpa, dọọ sụara. Dẹ sha a kwẹẹtẹ, dẹ ka, "Ọzụọzisa, ọzi jụ wụ areyi ki yee vee su?" ³⁹Ọ kwẹẹtẹ, dọ tụ ashi ọshimi ọnọ ofuvọ, dọ kaa yi irefu ka, "Ẹgwọrọ! zụvọ dinẹ!" Di ashi ọnọ zụvọ dinẹ, di ẹta za keri."⁴⁰Dọ fọ wa ka, "Ọmẹzi du wee shiangwa nin kẹ? Dọọviki wa zi nyi nyi ọdọwụ nini? ⁴¹Di angwashi ọbani si ngwụ wa ẹngwu, dẹ kụa fọ ẹngwu ka, "Yere ẹngwụ ọza ọni ọzọnọni vi kẹ, di ashi ọnri irefu aa wụrẹyi tụ ọ irenu?"

Chapter 5Ijesu ọ fụ onuvu ana yi Igẹrasini ikụ sha(Imt. 8: 28-34; Irk. 8:26-39)

¹Dẹ ziọ va ngwụ akajinẹ irefu na ngwụ ọkakooro Igẹrasini. ²Ijesu maa jinẹ fini ẹpa vẹ, ụmụmọ di ọnọrụ ọnyi ana nyi ifẹ azeeshi jine fini irikuta ve tu o.³Ini irikuta ọni ọnọru ọnọ ra. Ọzi nyi ọza ana kụ zụ za a chire; azẹzi vana zụ si ẹba enyisuẹ za a chire. ⁴Ụpẹrika ana si ishẹkishẹkẹ ọnri ẹba enyisuẹ zachire, ama dọ ji wa vasha. Ọzi nyi ọza ana nyi ụkata ana va zụ za a chire.⁵Shi irafụ shi ọọdụ ọnọ sii yi ini irikuta ọnri irẹsụfa, dọọ si ọngwẹ tuẹba nowu, dọọ si irẹta ana rẹ, dọọ si ọ tọ ẹngwụ aani anava. ⁶O me re Ijesu fụri irasha ọgọdọ, do zuechi ne tu o, do nyimarẹsụnẹtẹ yi Ijesu.⁷Dọ va si ọngwẹ tuẹba, do nowu ka, "Sẹnẹ kụ ẹmi rẹwụ gẹ kẹ, ẹwụ Ijesu, Ozi Oshomoshi ana nyi ụbani fu bo? Maa si Oshomoshi ụvọta dipẹ yụ wụ, asụ mụyari mi." ⁸Fụvọki ọ bidi vọọ kii ka, ka, "Tụjinẹ fini ẹngwụ ọnọrụ ọnọni, ẹwụ ifẹ azeeshi."⁹Di Ijesu va fọ ọ ka, "Sẹnẹ vi irẹsha awụ?" Do tuoshi ka, "Iresha ami ọnọ vi Irijọni, fụvọki yaa rụrụ." ¹⁰Ọ si ụpẹrika dipẹ yọ ka asọ dụ ẹni fini ọkakooro ọnọ.¹¹Ini ẹfi ọnọ, ụra ẹrụrụ nin yini ọkakooro ọnọ ana tọọẹtẹri ini irẹsụfa, ¹²dẹ dipẹ yi Ijesu ka, "Dụ yi na ngwụ ini ẹngwụ ụra ẹnẹni, navọ di ya ngwụ ini ẹngwụ aanini." ¹³Dọ navọ wa; di ifẹ azeeshi ẹnẹ tụjineẹ fini ẹngwụ ọnọrụ ọnọ, dẹ ngwụ ini ẹngwụ ụra ẹnẹ, di enbo bụdụ chi irẹsụfa ọgọọgọrọ ọnọ na ngwụ ini irefu. Ọpati ụra akaawụ ani irefu ọnọ mụnẹ¹⁴Di ẹnẹnaa kụ ụra ri si zue, dẹ na kaa zizi ini irẹkura ọnọ ọnri ọkakooro izọ bo isene re, di azẹrụrụ jinẹ, dẹ na si iri re yi ẹngwu aanini. ¹⁵Inaani de ve tu Ijesu, de re ọnọrụ ọnọ, ana nyi ifẹ azeeshi Irijọni oshẹtẹ, ki ọ yatu, do chire auru, di irẹyi aani kwa vaajioze; di angwa si wa shi.¹⁶Enene re isa oshishozeyi ana mẹ tu ọnọrụ ana nyi ifẹ azeeshi ọnọ, dẹ kaa yi ẹnẹna vẹ, isa bo mẹmẹ ziọ, dẹ zẹ ki karẹyi inọpati ụra ẹnẹ. ¹⁷ Dẹ vẹrẹ, dẹẹ dipẹ yọ ki ọ fini ọkakooro awụọnini.¹⁸Ẹfi ọnọ vaa ngwụni ẹpa, di ọnọrụ ana bidi nyi ifẹ azeeshi ọnọ va dipẹ yọ ka ọ navọ di ọnọ ya pee. ¹⁹Ama Ijesu ọzi zẹ yọ, akikọnọ dọ kaa yọ ka, "Waa neeshi awụ, du we ne tu aza wụ, dụ wa kaa yụ wa isẹni Ananyiyi mẹ yụ wụ, ọnri ayụva ọnọ nyi yụ wụ. ²⁰Dọ fizọ, dọ naa showu zizi isa ẹbani ọni Ijesu mẹ yọ, ini irẹkụra anaa shi Idẹkaponisi, dọvi ireyi ene shi aza bo eyi.Ozi Ijairọsi ọnyẹnẹ ọnri ọnyẹnẹ ọni anya aa vaa fiini ẹngwụ aani(Imt. 9:18-26; Irk. 8:40-56)²¹Ẹfi ọni Ijesu zẹ varama na akajinẹ, ini ẹpa, di azọkọni varakara a, ọ mẹ yi ini ụtọ irefu. ²²Di ọnya ini ọdọvidi Isinagọọgụ, anaa shi Ijariọsi vẹ, o me re dọ vakuẹtẹ tuọvidi. ²³Dọ dipe yọọ ụmọnyi ụpọsa ka, "Ozi ami ọnyẹnẹ ana vi ozioweyi shishishi e vee su o. Miyarẹ wụ, daka va si ụvọ tụra dọti ọzụ dashi, dọ zụ mẹshẹ." ²⁴Inaani dọ vatụra a, di azọkọni nini vaku o.²⁵Ọ nyi ọnyẹnẹ ọnyi ani anya vaa fini ẹngwụ aani fụri irayi ẹwụrẹva. ²⁶Ọ rụya kokoro inụvọ osiọzikụ nini, netu ka ọ na ogu aani bo tụọ; akikọnọ ọnọ sẹrẹ ki ọọ dashi, di ikụ aani e duvi tụọ. ²⁷Ọ mẹ wụ inọpati ụkọrụvọ Ijesu, dọ zi irama aani, ini akaakana azọkọni, dọ na si ụvọ kani auru aani.²⁸Fụvọki o roo ka, "Aaviki maa zụ si ụvọ kani auru aani, ẹngwụ ami vaa ni." ²⁹Ọ mẹ si ụvọ kani ọ, irẹiza, di anya anaa va si zadinẹ, dọ yẹ ini ẹchẹngwụ aani ki aa fụ ọni ikụ sha da.³⁰Ụmụmọ di Ijesu yẹ ki ụkata ọ jinẹ fini ẹngwụ aawọni. Dọ vareyi ka aza ọkọni ana vaku o, do fisue ka, "Ẹnẹ si ụvọ kani mi auru?" ³¹Di eziafụ aani fọọ ka, "Wee re azọkọni mẹ fụ ku wu, ụ za fi fọ ka, "Ẹnẹ si ụvọ kani mi?" ³²Ama di Ijesu zamẹtẹ varakara doti o zu re ẹzẹna vọọ mẹ.³³Fụvọki ọnyẹnẹ ọnọ ọ yẹ isẹnẹ me ini ẹngwụ aawọni, do vee shangwa, di ẹngwụ aani aa bani. Ọ vẹ, do ve kuẹtẹ tụ ọ ọvidi, dọ ka irẹiza bo yọ. ³⁴Di Ijesu kaa yọ ka, "Ẹwụ ozi ami, ọdọwụ awụ ọ mẹ wụ ẹngwụ ni da. Waa na ini ẹngwọrọ, ki a fụ wụ ikụ sha da."³⁵Ọ maa ki karẹyi inụvọ, di azẹnyi ana fidi ọdọvidi Isinagọgụ vẹ, dẹ ka, "Ozi awụ ọnyẹnẹ o fu su, ọmẹzi dụ waa di da, Ọzuọzisa, ifẹ shirẹ kẹ?"³⁶Ama Ijesu mẹ sụtọnya irẹyi ẹnẹẹ ka, dọ kaa yi ọdọvidi Isinagogi ka, "Asu shiangwa. Nyi ọdọwụ kẹnẹ." ³⁷Ọ zi navọ ki ọzọnyọnyi ọ vatụra ọni, ọchishi Ipita, Ijẹmsi ọnri Ijọọnu ana vi ọnyara Ijẹmsi. ³⁸Ẹ mẹ ngwụ ireshi ọdọvidi Isinagọgụ, de re aza maa sụọkụ, dee sune, dẹẹ jiorere.³⁹Ụmọni Ijesu ngwụ ireshi ọnọ, dọ kaa yụ wa ka, "Ọmẹzi di ayi awụ nin meen du, dụ waa jiorere nin kẹ? Ozi ọnọ ozi su; ara ọnọọ sụ. ⁴⁰Dee nyi o unyi. Ama, dọ navọ wa tụ inẹshẹshẹ, ọchishi ada ozi ọnọ ọnri ọnyi ozi ọnọ ọnri ẹnẹna yape e renya ẹnẹ vatụra a ngwụ ireshi ne tu ozi ọnọ izọnọ ya.⁴¹Ọ sụvọgẹ ozi ọnọ, dọ kaa yọ ka, "Talitha koum," ọni ọshafụ sha aani vi, "Ẹwụ ozi ọnyẹnẹ, kwẹẹtẹ dinẹ." ⁴²Ụmụmọ di ozi ọnọ kwẹẹtẹ dọọ zụsẹ (ozi irayi ẹwụrẹva ọnọvi). Dọ vi isa ọnọ vi ki o shuweeyi ẹtẹẹtẹrẹ. ⁴³Dọ kawọnọ ki asẹ kaa yi ọzọnyọnyi. Dọ kaa yụ wa ka, ẹ si isari yọ ri.

Chapter 6Ee yi Ijesu tẹtẹ Inazarẹti(Imt.13:53-58; Irk. 4:16-30)

¹Ijesu ọ jinẹ fiizọ, dọ nọ irẹkụra aani, di eziafụ aani vatụra a. ²Ọkụshi Isabati me tu, di Ijesu zụ aza isa ini Isinagọgụ. Azẹrụrụ ana wụ irẹyi aani vono sheyi. Dẹ ka, "Yere izọnọ za ẹngwụ irẹyi ọnọni fụrẹ kẹ?" "Yere ẹngwụ ụvira ana si yọ aani kẹ?" "Yere ẹngwụ ụkọrọ oshishozeyi ọnọ si ụvọ aani mẹ aani kẹ?" ³Aivi ikapẹnta ọnọ yi, ana vi ozi Imeri, dọ vi ọnyara Ijẹmsi ọnri Ijosesi, ọnri Ijudasi ọnri Isimọni? Aivi ọni ẹnẹ ẹnyara aani anyẹnẹ zẹ yi yi izọni pe yi?" Di ayi si kụ wa tu Ijesu.⁴Inaani, di Ijesu kaa yụ wa ka, "Ọkisẹ ọma mẹ ki ọ zi nyi ụbani, ọchishi ini irẹkura aani ọnri ini akaakana aza aani ọnri ovuovu aani." ⁵Ọi va nyi ụkọrọ oshishozeyi ọnọ zụ mẹ, ọchishi ọnikụ nin che ọnọ kụ avọ tụra, dọ fụ wa ikụ sha. ⁶Arimadọwu anini dọ vi isene shieyi. Umotu dọ varakara irẹkụra eweweyi ana yi izọ bo, dọọ zụ wa isa.Ijesu ọ tụ eziafụ aani ẹwụrẹva jinẹ(Imt. 10:5-15; Irk. 9:7-9; 19-27)⁷Umotu dọ shi eziafụ aani ẹwụrẹva, dọ vẹrẹ aa tụ wa ẹẹva ẹẹva a jinẹ ẹ tụra, dọ si ụmọ yụ wa ka ẹ sii fụrẹkụ ifẹ azeeshi, ⁸ dọ kaa yụ wa ka asẹ za isọnsọnyi ini ụsoze aanini, ọchishi ọchọkẹtẹ --- asẹ za ibụrẹdi, navẹki ẹpamọ navẹki ẹkẹshi ini ọta aanini --- ⁹ẹ va zụụ kụ ivata, ama asẹ chirẹ auru gụ ẹẹva.¹⁰Dọ kaa yụ wa ka, "Ireshi tụrireshi ọnụ ra ngwụ nini, yi izọ nangwụ ụmẹ ono re tu kụ wa fizọ nini. ¹¹Aaviki ọ nyi irẹkụra ẹnẹ razi ya tanụvọ dọ wụ nini, navẹki de rezi bewatọ nini, ẹfi ọnụụ ra fi izọ nini, bani edudu fini ụfụ awụ nini, dụ wa siọ mẹ ivenu yụ wa nin.¹²Dẹ jinẹ tụra, de nee showu yi aza ki ẹ varama fini aichama aanini. ¹³Dẹ dụ ifẹ azeeshi ẹrụrụ jinẹ, dẹ si angwẹ sisi ọnikụ ẹrụrụ, dẹ fụ wa ikụ sha.Ijọọnụ Ọsami mẹmẹ su(Imt. 14:1-12; Irk. 9:7-9, 19-20)¹⁴Oshinọyi Ihẹrọdụ o re irẹyi ọnọni wụ, fụvọki irẹsha Ijesu ọ si garashi ẹtẹtẹrẹ. Azẹnyi ka, "Ijọọnụ Ọsami ọnọ sha va vẹ fineeku, fụvavọ ọnọ maan si nyi ụkata ụkọrọ oshishozeyi ọnọni." ¹⁵Di azẹnẹsa ka, "Enaija yọọ." Di azẹnyi ka, "Ọkisẹ ene vene ọkisẹ anụmọkụkụ ọnọ va zụụ vi.¹⁶Ama, Ihẹrọdụ mẹ wụ irẹyi ọnọnini, dọ ka, "Ijọọnụ ọnim darẹsụ, ọna sha kwẹẹtẹ aan no." ¹⁷Fụvọki Ihẹrọdụ ọ tụ ka ana za Ijọọnụ, do chire tụni ijaaru, fụvọ Ihẹrọdiya (ose Ifiripi ọnyara Ihẹrọdụ), fụvọki ọ si ose ọnyara aani mẹ ọnẹẹ.¹⁸Fụvọki Ijọọnụ ọ kaa yi Ihẹrọdụ ka, "Ọzivọrọ ki ọ si ose ọnyara aani mẹ ọnẹẹ." ¹⁹ Fụvavọ di Ihẹrọdiya kụa kụayi aani, doo sioze ọnọ va si wụ ọ, ama ọi va zụ wụ ọ, ²⁰fụvọki Ihẹrọdụ venee shiangwa Ijọọnu; ọ yẹ ka ọnirẹiza ọnri ọzọnini ọnọ vi, ọnọ razi si navọ ki ọ nyi isẹnẹ mẹ. Aaviki oo batọ tuni irẹyi aani, inẹ aani venee du, tuavọtuavọ dọọ wụ irẹyi aani rụjerụjẹ.²¹Di oze ọni Ihẹrọdiya ee si va tụ yọ ini ọkụshi ọni Ihẹrọdụ aa rupe ọkụshi ana si ma a, di Ihẹrọdụ meto isari yi ọnụkọrọ aani bo ọnri oshirẹkụ aani nin bẹri oshirẹsụ Iganini nin bo. ²²Di ozi Ihẹrodiya ọnyẹnẹ ngwureshi vẹ, va nyẹzẹ zụ wa, dọ vi inoshine yi Ihẹrọdụ ọnri azẹga aani. Di oshinọyi ọnọ va kaa yi oziọnyẹnẹ ọnọ ka, "Fisue isatụrisa onu ree si, mvaa si ọ yụ wụ."²³Di Ihẹrọdụ sheku ka, "Isatụrisa ọnuu ree fisue fini ụvọ ami, shọọ daka vi ocheva ijọva ami, mva siọ yụ wụ." ²⁴Di oziọnyẹnẹ ọnọ jinẹ ne fisue inụvọ ọnyi aani ka, "Sọnọvọri kime fusue aani kẹ?" Ọnyi aani dọ ka, "Irẹsụ Ijọọnu Ọsami." ²⁵Ụmụmọ dọ ne tu oshinọyi, dọ kaa yọ ka, "Mee si kụwa si irẹsu Ijọọnụ Ọsami tuni ọpari yi mi ọmẹyani."²⁶Irẹyi ọnọni o du oshinọyi inẹ, ama oi vezu yi fụvọ eku ọnọ shi ọnri fụvọ azẹga aani. ²⁷Inaani, di oshinọyi tụ ọnya ini ọkụrẹku aani ki ọ na da Ijọọnụ irẹsụ vẹ. Di ọkụrẹkụ ọnọ va ngwụ ini ijaaru na, dọ na da a irẹsụ. ²⁸Ọọ si irẹsụ aani tụni ọpari vẹ, dọ si ọ yi oziọnyẹnẹ ọnọ, di oziọnyẹnẹ ọnọ va si ọ yi ọnyi aani. ²⁹Eziafu Ijọọnụ mẹ wụ, dẹ vẹ, dẹ va si oku aani, de ne nee tụni irikuta.Ijesu ọ si isari yi aza akashi oze ẹshi ri(Imt. 12:13; Irk. 9:10-17; Ijọ 6:1-13)³⁰Ọnitụ Ijesu nin ẹ varama ve tu o, dẹ kaa yọ isa bo ẹnẹ mẹ, shi isẹnẹ zụ aza. ³¹Dọ kaa yụ wa ka, "Ẹwụ nin renya ọ vatụra mi nọ irasha ana jomi, du we ne shifẹ nini." Fụvọki aza vanaa na dẹẹ vẹ, shi isari dẹ razi nyeyi ri. ³²Inaani, di ẹni renya ngwụni ẹpa nọ irasha ana jomi.³³Ama aza e re wa ẹ maa fi izọ, di ẹrụrụ ẹrụrụ aanini yẹ ki ẹni yọ; dẹ shara, dẹ si ụfụfụ zuechi na ngwụ izọ furẹ irẹkụra bo, dẹ vana jitụ wa na ngwụ izọ. ³⁴E me tu ụtọ irefu, do re aza ọkọni, dọ nyi ayụva yụ wa fụvọki e vene atẹmẹ ana razi nyi ọkụatẹmẹri. Inaani, dọ zẹ vẹrẹ aa zụ wa isa ẹrụrụ erụrụ.³⁵Ụmọni ọyi ta, di eziafụ aani ve tu o, dẹ ka, "Izọnaani ọ jiomi ọnri ki ẹfi ọ si zina. ³⁶Kaa yụ wa ki ẹ ngwụ ini iboro ọnri irẹkụra eweyi ana gụrẹ izọni doti ẹ na shi isa ẹnẹ vaa ri."³⁷Ama do tuoshi, dọ ka, "Ẹwụ nin ọ si isari yụ wa ri." Dẹ fọ ọ ka, "Ụ wa ki ya na shi ibụrẹdi idẹnari akawụ di ya si ọ yụ wa ri?" ³⁸Di Ijesu fọ wa ka, "Ivụrẹdi ya ọnụụ nyi tụzọ nin kẹ? Na zama." Ẹfi ẹnẹ na zama, dẹ ka, "Ibụrẹdi ẹshi ọnri isenyi ẹẹva."³⁹Di Ijesu si ụmọ kaa yi aza bo ki ẹ ga ẹngwụ tụrasha renyi renyi, dọti ẹ yatụ tuni aviofuofu. ⁴⁰Dẹ yatụ, azẹnyi ini oze ẹchẹshi, azẹnyi ini oze ẹbẹvarẹwụ. ⁴¹Ọ si ivụrẹdi ẹshi ọnri isenyi ẹẹva ẹnẹ, dọ veyi shirẹ, dọ tuozurenu dọ va da ivụrẹdi ẹnẹ dọ siọ yi eziafụ aani, dọ kaa yụ wa ki ẹ ga a varakara. Avọ ọnọ mẹ zẹ gi ga isenyi ẹẹva ẹnẹ nagẹtẹ.⁴²Enbo ẹ ri di inẹ aanini shi! ⁴³De ve pere ẹwuri ivụrẹdi ẹnẹ, do shi uji ẹwụrẹva, bẹri ewuri isenyi ẹnẹ. ⁴⁴Anẹrụ ana ri ini ivụrẹdi ẹnẹ vi akawụ ozẹẹva tụra akashi.Ijesu ọ zụsẹ inẹẹsụ enyi(Imt. 14:22-23; Ijọ 6:16-21)⁴⁵Ụmụmọ dọ kaa yi eziafụ aani ki ẹ ngwụni ẹpa, dẹ tụọvidi aani na ngwụ akajinẹ irefu, nangwu Ibẹtsaida, dọ ka yi aza ọkọni ana gụ ki ẹẹ na. ⁴⁶Ẹ mẹ zina, dọ shirẹ irẹsụfa na tuozurenu. ⁴⁷Oruva me si tu, di ẹpa ọnọ tu akaakana irefu, dọ si vọ ọnyrenya tụnẹẹsụ ẹtẹ.⁴⁸Umotu di Ijesu re ki ashi aa kụ ẹpa aanini, dọọ kata wa ẹngwụ. Inọpati iwakati ọfụụna ini ajuveyini, dọ zụsẹ inẹẹsụ irefu ne tu wa. Dọ mẹ kọ naa vaa para waa fu. ⁴⁹Ama e me re ki ọọ zụsẹ inẹẹẹsụ enyi, dẹ kẹni ki arijẹnụ yọ, dẹ kowu sha, ⁵⁰fụvọki angwa oo shu wa e me re. Ụmụmọ dọ kaa yụ wa, ka, "Nyi ayiọvi nini! Ẹmi yọọ! Asuu shi angwa nini!"⁵¹Ọ ngwụ ini ẹpa pe wa, di ashi anaa kụ zadinẹ keri, dọ vi irẹyi ene shuweeyi kokoro. ⁵²Fụvọki ẹ zi yi yẹ ọshafụsha ụkọrọ oshishozeyi ivụredi ẹnẹ, fụvọki ọtụtụrụma aanini ọ kata.Ijesu ọfụ azẹrụrụ ẹrụrụ ikụ Igẹnisẹrẹti(Imt. 14:34-36)⁵³Ẹfi ene tu akajinẹ, dẹ ngwụ irẹkura Igẹnẹsarẹti, dẹ za ẹpa aanini chire. ⁵⁴Ẹ mẹ jinẹ fini ẹpa kẹnẹ, di aza yẹ ki Ijesu yọ, ⁵⁵dẹ zue garashi ọkakooro ọnọ bo, dẹẹ kụ ọnikụ nin vẹ ini upoto aanini, ve tu o, irasha tụrirasha ẹnẹ ra wụ ki ọ ya.⁵⁶Irẹkụra tụrirẹkụra ọnọ ra ngwụ, dẹẹ kụ ọnikụ nini vẹ ini ofu, dẹ dipẹ yọ ka ọ daka navọ di ẹnẹ maan si ụvọ kani ụtọ auru aani kẹnẹ; aza mẹ ya irika ana si ụvọ kani ọ, vanaa fụ ikụ sha.

Chapter 7Ofi anụmọkụkụ one si chire ani Iju nin ụvọ(Imt. 15:1-9; Irk. 11:37-41)

¹Ifarisi nin shi ọyofi ẹnyi ana fụri Ijerusanẹmụ vẹ, e perẹngwụ varakara Ijesu.²E re ka eziafụ Ijesu ẹnyi ẹ si ụvọ ana razi ni ri isari, dẹ razi bidi nyinavọ. ³(Fụvọki Ifarisi nin ẹnri Iju nin razi nyinavọ, ẹ ma risari, fụvọki ẹ ta isoshẹtẹ azẹkụ aanini ku. ⁴Ifarisi nin ra fụrẹ ofu vẹ, ẹẹ zi fụenyi , ẹ ma risa. Avọ ọni ofi renyi renyi mẹ yinaani, vene ọnyinyina ikọpụ, oji, ọnya-ọrisa ọnri ode ẹnẹ yatụ tụ risari.)⁵Di Ifarisi ọnri ọyofi nin fọ Ijesu ka, "Ọmẹzi di eziafụ awụ ra ma vatụra isoshẹtẹ azẹkụ kẹ, fụvọki ẹ ma nyinavọ dẹ va risari?"⁶Ama dọ kaa yụ wa ka, "Aizaya ọ kaa tẹtẹ inọpati ẹwụ nin ọfatụvaku ka, 'Irenu kẹnẹ ọni azẹnẹni aa si si ụbani yi mi, ama ọtụtụrụma aanini ọ gọdọ yi mi. ⁷Irafẹkẹ osusu ọni ẹ si yi mi, ama dẹ zụ aza ofi anẹshẹ, dẹ si ọ mẹ ọmimẹ aanini.'⁸Wa fụrẹ ụmọ Oshomoshi ụvọ, dọvi ki isoshẹtẹ anẹshẹ ọnụụ taku nini." ⁹Dọ zẹ kaa yụ wa ka, "Ụ wa ki ọ vọọ sẹrẹ nin ki wee yi ụmọ Oshomoshi tẹtẹ, du we roze mẹ isoshẹtẹ awụ nini!" ¹⁰Fụvọki Imosisi ọ kaa ka, 'Si ụbani yi ada awụ ọnri ọnyi awụ', ọnri ka, 'Ẹzẹna ra ka ọshimi ada aani navẹki ọnyi aani, vana bẹdọ vee su.'¹¹Ama ẹwụ nin vana kaa ka, 'Ozi ra kaa yi ada navẹki ọnyi ka, "Ọgụvọ ọnụụ yeen re dọ fini ụvọ ami, vi Ikobani, ọnọ vi ka, a si ọ yi Oshomoshi da" --- ¹²ọnọ vi ki ụ kaa yọ aavọ ki asọ nyi isa ọnọ kụ mẹ yi ada aani navẹki ọnyi aani. ¹³Ọnọvi ki isoshẹtẹ ọnụụ jivẹtẹ nin, vọnu wa sii kụ ụmọ Oshomoshi sha; bẹri isa renyirenyi ene vene ọnọni, ọnọviki waa mẹ nini."Isẹnaa vara ọza arimani(Imt. 15:10-20)¹⁴Ọ varama zẹ shi azọkọni ẹnẹ, dọ kaa yụ wa ka, "Ẹwụ nin bo, bematọ, doti irẹyi ami o ye wu nini. ¹⁵Ọzinyi isọnyọnyi ana fini ẹshẹshẹ ngwụ ini ẹngwụ ọza dọọ vara ọzọnọ tuni arimani. Ama isa ana jinẹ fini ẹngwụ ọza vẹ ọnọọ mẹ ki ọ vara arimani. ¹⁶Ẹzẹna ra nyi ụtọ ana sii wụrẹyi, navọ ọ wụ.¹⁷Ụmọni Ijesu fụri azọkọni ẹnẹ ụvọ da, dọ ngwụ ireshi, di eziafụ aani fọ ọ inọpati ụshioche ọnọ. ¹⁸Di Ijesu ka, "Dọọvi ka oi ze yi ye ẹwụ nin nyẹmbẹ? Wa zi yẹ nini ka isẹnẹ ra nwgụ ini ẹngwụ ọza fini ẹshẹẹshẹ ki ọma vara ọza tuni arimani, ¹⁹fụvọki ọi zua ngwụ ini ọtụtụrụma aani, ama inẹ ọnọọ ngwụ, izọ va zụ yee she vaa sha.?" Irẹyi ọni Ijesu ka aani, ọnọ si mẹ isari bo ọnini.Ọdọwụ ọnyẹnẹ ani kụ ọtụtụrụma tụra Ijesu(Imt. 15:21-28)²⁰Dọ ka, "Isẹnẹ jinẹ fini ẹngwụ ọza ọnọ vara ọza tuni arimani. ²¹Fuvọki fini ọtụtụrụma ọza ọni aro ọshimi fụrẹ, irẹka ọsisẹ, uyi, ọwiwụ ọza, ²²ọsisi ose-onose navẹki ọva-ọnọva, ọkikweyi tụrisọza, ọshimi ọmimẹ, ọjijọzavene, osisi ẹchẹngwụ, ayamkụ, ọkika ọshimi ọza, ọkikụ ẹngwụ tuẹba, ụra ọmimẹ. ²³Isa ẹshimi ẹnẹni bo ana fini inẹ vẹ, ẹnẹẹ vara ọza tuni arimani."²⁴Ọ kwẹẹtẹ fiizọ dọọ nọ ọkakooro irẹkụra anaa shi Itaya ọnri Isidọni. Ọ ngwụ ireshi ọnyi, ''do rezi si ki ọ nyi ẹzẹna yẹ ki ọni yi izọ, ama dẹ va sisi yẹ. ²⁵ Ama ẹfi ọni ọnyẹnẹ ọnyi ọni ifẹ azeeshi a zama ozi ani ọnyẹnẹ, wụ inọpati aani, dọ sẹsẹ vẹ, do ve kuẹtẹ tuni ọvidi aani. ²⁶Ani Igiriki, fini ụvọrẹkụ Isironfẹnishiya, ọni ọnyẹnẹ ọnọ vi. Dọ dipẹ yọ ka o pe ọni fụ ifẹ azeeshi ana zama ozi awụọni fụrẹ ẹngwụ.²⁷Di Ijesu kaa yọ ka, "Navọ di ezi nin ẹ vidi ri isari di inẹ aanini o shi da. Fụvọki ọzi sẹrẹ ki isari ezi, ka ji ọ yi irezi nin." ²⁸Ama di ọnyẹnẹ ọnọ tuoshi, dọ kaa yọ ka, "Ananyimi, maa vọvọ yẹ; shi irezi ana yi ini afụ itevuru nyẹmbẹ zẹ rii ri fini ewuri isari ezi ana javọ shiẹtẹ."²⁹Di Ijesu kaa yọ ka, "Fụvọki wa maan ka, waa na ki ifẹ azeeshi ọnọ ọ jinẹ fini ẹngwụ ozi awụ da." ³⁰Ọ mẹ varama neeshi, do ne tu ki ozi awụọni ọ sụtụ tuni ode, do re ki ifẹ azeesh ọnọ ọ jinẹ fini ẹngwụ aani da.Ijesu ọ fụ evuvu ikụ sha³¹Di Ijesu zẹ jinẹ fụri ọkakooro Itaya, dọ zi Isidọni parafu na ngwụ Irefu Iganini, dọ shirẹ na ngwụ ọkakooro Idẹkaponisi. ³²Dẹ si ọzọnyi ene gutọ, dọ ra ma zụ karẹyi kokoro, dẹ dipẹ yọ ki ọ sụvọ tụra a.³³Ọ si ọnọrụ ọnọ fini akaakana azọkọni nọ oboka, dọ ka ezigege aani ngwụ ọ ụtọ ẹviva, dọ jatẹ tụni igege aani, dọ va si ọ kani irarẹ ọnọrụ ọnọ. ³⁴ Do veyi shirẹ, do shifẹzẹtẹ, dọ kaa yọ ka, "Ephphatha", ọni ọshfụ sha aani vi, "Na!" ³⁵Ụmụmọ, dọ vẹrẹ a wụrẹyi, isẹnẹ za irarẹ dọ ngwara, dọ kụ zua karẹyi ẹtẹrẹ.³⁶Di Ijesu kawọnọ ki asẹ kaa yi ọzọnyọnyi. Ama ọ maa kawọnọ tu, avọ ẹnẹ ma showu aani tụọ. ³⁷O shuweeyi kokoro, dẹ ka, "Isa bo vọnọ mẹ ẹtẹrẹ. Shi ogutọ nin vọnọ mẹ dẹ zua wụrẹyi, shi evuvu nin dẹ zụa karẹyi.

Chapter 8Ijesu ọ si isari yi aza akaashi oze ẹẹna(Imt. 15:32-39)

¹Ini ụmavọ, dọ zẹ nyi azọkọni ana razi nyi isari ẹnẹ vaa ri. Di Ijesu shi eziafu ani, dọ kaa yụ wa ka, ²"Ma nyi ayụva yi aza ọkọni ẹnẹni, fuvọki ọ si mẹ ẹkụshi ẹẹta ẹnẹ fụrẹ ya pe mi dẹ razi nyi isari ẹnẹ vaa ri. ³Ẹmẹ razi ri ri isari aani, aaviki ma kaa yụ wa ki ẹẹ neeshi, ewu ve zuu kuweyi ini oze, fụvọki irasha ọgọdọ ọni ẹrụrụ ẹrụrụ aanini fụrẹ vẹ." ⁴Di eziafụ aani tuoshi ka, "Izi ve yee re ivurẹdi ana vaa sha azẹrụrụ ẹnẹni inẹ, ini irasha ana maan jomi aan kẹ?"⁵Di Ijesu fọ wa ka, "Ivụrẹdi irẹgụ ya ọnụụ nyi nin?" Dẹ voshi ka, "Ishimba." ⁶Dọ kaa yi aza ọkọni ẹnẹ ki ẹ yatu tunẹtẹ. Dọ si ivurẹdi shimba ẹnẹ, dọ mavọku, dọ da a, dọ si ọ yi eziafụ aani ki ẹ na gaa yụ wa.⁷Ẹẹ zẹ nyi nyi isenyi che. Ọ zẹ mavọkụ tụọ, dọ siọ yi eziafu aani ki ẹ zẹ gaa yụ wa. ⁸Ẹ ri isari di inẹ aanini shi, di ewuri isari anavọ shi uji shimba, e me pere. ⁹Aza ọkọni ẹnẹ e tu ọpati akashi oze ẹẹna. Inaani, di Ijesu kaa yụ wa ki ẹẹ na. ¹⁰Ụmụmọ, di ọ ọnri eziafu aani ngwu ẹpa dẹ nọ ọkakooro Idamanuta.Ani Ifarisi nin ee si ami fụri ẹbẹẹba(Imt. 16:1-4; Irk. 11:16, 29)¹¹Umotu di Ifarisi nini jinẹ ve tu o, dee pee a nyi eshankata, dẹ kọ si ami fụri ẹbẹba zụ ẹni, dẹẹ siọ zama a re. ¹²O shifẹzẹtẹ ini ifẹ, dọ ka, "Ọmẹzi di evereze ọnọni e si ami kẹ? Ini irẹiza, ma kaa yụ wụ nin, ọzi nyi ami ana vaa si yi evereze ọnọni." ¹³Inaani, dọ fụrẹwaụvọ, dọ varama na ngwu ini ẹpa, dọ ziọ na ngwụ akọsa.Ijesu ọ tụ eziafụ aani ofuvọ(Imt. 16:5-12; Irk. 12:1-12)¹⁴Ọmẹyani, eziafụ aani e shayi ki ẹnẹ zi za ivụrẹdi chaụvọ, dọ vi ki ivụrẹdi ọnya kẹnẹ ẹnẹ nyi tụni ẹpa. ¹⁵Di Ijesu ve fuwautọ ka, "Si eyipetẹ du we zue kavana yi ọva Ifarisi nin ọnri ọva Ihẹrọdu."¹⁶Di eziafụ aani ve pengwụ kaa ka, "Fụvọki ya zi za ivụrẹdi chaụvọ yọ no." ¹⁷Ijesu ọ yẹ isẹnee ro ini ọtụtụrụma aanini, dọ fọ wa ka, "Ọmẹzi du we ro ka fuvọ ku wa zi za ivụrẹdi yọ nini kẹ? Wa zi vana nyi nyi ọyiyẹ nin aavọ? Aani ọni ọtụtụrụma awụ nini mẹ we vishi kụ nyi dọọrọ?"¹⁸Wa nyi iri, we me sio rẹtẹ nini? Wa nyi utọ, wa ma siọ wurẹyi nini? Wa zi tamayi nini? ¹⁹Ụmọnim ga ivụrẹdi ẹshi yi aza akaawụ oze ẹẹva ri akaashi, uji ya irika ene shi yi ewuri ivụrẹdi ọnụụ pere nini? De voshi, ka, "Ẹwụrẹẹva."²⁰Ụmọnim ga ivụrẹdi ishimba yi aza akaawụ oze ẹẹva, uji ya irika ene shi yi ewuri ivụrẹdi ọnụụ pere nini? Dẹ voshi ka, "Ishimba." ²¹Dọ va fọwa ka, "O zi yi ye wu nini?"Ijesu ọ sha oguri ọnyi iri Ibẹtisaida²²Ẹ vẹ Ibẹtisaida. Di aza ana yi izọ si oguri ve tu Ijesu. Dẹ dipẹ yọ ki ọ suvọ kani ọ. ²³Ijesu ọ za oguri ọnọ ụvọ, dọ siọ jinẹ fini irẹkụra ọnọ. Umẹ ọnọ jatẹ tuni iri aani da, dọ si ụvọ tụra, dọ va fọ ọ ka, "Ọwa nyi isa ọnuu wee re?"²⁴Ọ veyishirẹ, dọ ka "Mee re aza ana simẹ ọchi anaa zụsẹ." ²⁵Inaani, dọ zẹ varama kuvọtụra iri, di ọnọrụ ọnọ va shari sha, di ẹtoore aani va nudi, do kwe reẹtẹ ẹtẹrẹ. ²⁶Di Ijesu ka yọ ki ọọ neeshi, dọ kaa yọ ka, "A sụụ ngwụ iboro na."Ipita ọ siọsụ ọzẹni Iĵsu vi(Imt. 16:13-20; Irk. 9:22-27)²⁷Ijesu ọnri eziafu aani a ziọ nọ irẹkura Isiserea Ifiripi. Ẹ maa na inoze, dọ fọ eziafu aani ka, "Ẹni aza kaa ki maa vi kẹ?" ²⁸Dẹ tuoshi ka, "Azenyi ka 'Ijọọnu Ọsami,' di azẹnẹsa ka, 'Enaija, di ẹnyi ka, 'Ọnya ini ọkisẹ nini.'"²⁹Dọ va fọ wa ka, "Ẹni ẹwụ nin ka ki ma vi?" Di Ipita tuoshi ka, ẹwụ ọnọvi Ikristi." ³⁰Di Ijesu kawọnọ ka asẹ kaa yi ọzọnyọnyi inọpati awọni.Ijesu ọ karẹyi inọpati isu ọnri ọshisha kwẹẹtẹ aani(Imt. 16:21-28; Irk. 9:22-27)³¹Dọ vẹrẹ a zụ wa ka, Ozi Ọza vaa rụya inoze ọrụrụ, ọnri ki azẹku, arufa ọbani nini, ọnri ọyofi nini, vee yi o tẹtẹ, a vaa wụ ọ, ama dọọ sha kwẹẹtẹ inaama ẹkụshi ẹẹta. ³²Irẹyi ọnọni vọnọ shashi yụ wa. Inaani ọni Ipita ya shi ọ tuoboka, doo tuofuvọ.³³Ama di Ijesu vareyi re eziafụ aani, do du Ipita ẹngwu, dọ ka, "Ẹwu azeeshi, tụ fụrẹmeyi. Wa zi kụ ọtụtụrụma awụ tụra isa Oshomoshi, ama waa kụọ tụra isa anẹshẹ." ³⁴Inaani, dọ shi eziafu aani ọnri aza ọkọni gụ, dọ ka, "Aaviki ọ nyi ọzọnzọnyi enee si ki ọ naa vatụra mi, ọ bẹdọ yi osisi ẹngwụ aani tẹtẹ, dọọ si ọchi-avashi aani, dọ va vatura mi".³⁵Fuvọki ọzatụrọza one re si ki ọna di ifẹ aani tụ, vene vee vu o. Ọzatụrụza ene re ne ifẹ ani ta fụvọ ami ọnri fụvọ irenube ọiza, ve ree be. ³⁶Ọgụ isọnọ vi yi ọza ki ọ dụ ẹshẹ bo za, di ifẹ aani si jaavọ.? ³⁷Yere isa oni ọza va zụụ si dọ ifẹ aani irẹsụ kẹ?"³⁸Ọzatụrọza ana ra nyụshi fụvọ ami ọnri irẹyi ami ini evereze ọnọni ana kụẹngwụ vi aichama ọnri irẹka, Ozi Ọza vaa nyụshi aani umẹ ọnọ ra vẹ ini ụga Ada aani vabẹri angẹni ọnini nini."

Chapter 9Ijesu ọ vara ẹngwụ ineyi eziafụ aani ẹẹta(Imt. 17:1-13; Irk. 9:28-36)

¹Di Ijesu kaa yụ wa ka, "Ini irẹiza, ma kaa yụ wụ nin ki azẹnyi yi izọni ene rezee su dọ tangwa va nyi ki e re ki ijọva Oshomoshi ọ vẹ bẹrẹ ụkata aani. ²Inaama ọkụshi ishinọnyi, di Ijesu si Ipita ọnri Ijẹmsi shi Ijọọnụ, dẹ gẹ zi na shirẹ Irẹsụfa ana nẹba, di ẹnrenya kẹnẹ yi izọ. Inaani, di Ijesu varẹngwụ tuweyi. ³Di auru aani kụa da mana mana, dọọ vuẹtẹ bẹnẹbẹnẹ, dọ vụẹtẹ netu ka ọzi nyi ọnyinita ana vọọ va zụụ nyinita ini ẹshẹ dọ vọọ vụẹtẹ."⁴Inaani, di Enaija ọnri Imosisi fụrẹshi wa, dee pe Ijesu karẹyi. ⁵Di Ipita kaa yi Ijesu ka, "Ọzụọzisa, ozoza ki yaa yi izọni, navọ ya ji ajẹngwụ ẹẹta; ọnya vi ayi awụ, ọnya vi ayi Imosisi, dọ ọnya vi ayi Enaija." ⁶(Ọi kụ yẹ ọmẹ vaa ka, fụvọki angwa o shi wa.)⁷Di egushi vaku wa. Ọngwẹ ọnya dọ jinẹ finaani vẹ, dọ ka, "Ozi ami ọnim ngwayini yi. Batọ tuni irẹyi aani nini." ⁸Ụpọnyụpọnya, ẹ mẹ vareyi, ei ve ku re ọzọnyọnyi, ọchishi Ijesu renya.⁹E mee chi fini irẹsụfa, di Ijesu kawọnọ ki asẹ ka isene re yi ọzọnyọnyi, ọọzi vi ki Ozi Ọza sha kwẹẹtẹ fini isu da. ¹⁰Dẹ si isẹnẹni bo tuni ayi, ama dẹẹ fọ ẹngwụ isue ka, sẹnẹvi ọshafụ sha "ọshi sha kwẹẹtẹ fini isu."¹¹Dẹ fọ ọ ka, "Ọmẹzi di ọyofi nini kaa ka, "Enaija ọnọ vidi vaa vẹ?" ¹²Di Ijesu kaa yụ wa ka, "Irẹiza yọ ki Enaija ọnọ vidi vẹ dọ va isa bo rama tudi aani. Ọmẹzi da chẹrẹ ka Ozi Ọza vaa rụya ini oze ọrụrụ ọnri ki aza vana vee re e chẹgẹ sụvọza vene ẹzẹna razi nyi ọnọ bẹri? ¹³Ama, ma kaa yụ wụ nini ki Enaija ọ vẹ da, dẹ misa ene zeweyi sho venebiri iwe ọnini mẹ ka inọpati aani."Ijesu ọ dụ ifẹ azeeshi fiini ẹngwụ oziọnọrụ ọnyi(Imt. 17:14-21; Irk. 9:37-43)¹⁴Ẹfi ene ve tu eziafụ aani, de re ki azọkọni nini ẹ varakara wa, di ọyofi nin e pe wa nyi ẹshankata. ¹⁵E me re Ijesu kẹnẹ, do shuweeyi, di azọkọni ẹnẹ zuechi ne tu o, dẹ kụ ọ. ¹⁶Di Ijesu fọ eziafụ aani ka, "Yere ishankata ọnụ wee pe wa nyi nin kẹ?"¹⁷Di ọzọnyi ini azọkọni ẹnẹ tuoshi ka, "Ọzụọzisa, ma si ozi ọmụsha ami ve tu wụ. Ọọ nyi ifẹ azeeshi ana razi navọ ki ọzụ karẹyi. ¹⁸Dọọ taaku, dọọ sẹ ẹ riẹtẹ; doo kuafụfụ ineenu, dọ kụ anyi gẹ, di ẹngwụ aani ta shirẹyi. Ma kaa yi eziafụ awụ ki e pe mi dụọ jinẹ fini ẹngwu aani, ama ẹi zụ mẹ." ¹⁹ Dọ tuoshi ka, "Ẹwụ nini evereze, ana razi nyi ọdọwụ, yere ẹfi ọnim va yaa pe wụ nini tu kẹ? Yere ẹfi ọnim va pe wu nin siẹngwụdọ tu? Si ọ ve tu mi."²⁰Dẹ si oziọnọrụ ọnọ ve tu o. Ụmẹ ọni ifẹ azeeshi ọnọ re Ijesu, ụmụmọ dọ mẹ ki agiri ọ za oziọnọrụ ọnọ. Ọ sẹdụ nyẹtẹ, doo kuafụfụ ineenu. ²¹Di Ijesu fọ ada aani ka, "Yere ẹfi ọnọ fụrẹ maan ya?" Di ada aani ka, "Ọ mẹ fụrẹ vi ozueyi." ²²Ụpẹrika ono si ne ngwụ ini ira navẹki ini enyi, doo sioze ki ọnọ wụ ọ. Miyarẹwụ, aaviki ọ nyi isa ọnụ va zụụ mẹ tụọ, vayayi dụ wa mẹ ọgụvọ yi yi."²³Di Ijesu kaa yọ ka, "'Ụ vanaa fọ ka aaviki ụ va zụụ mẹ ẹ'? Isa bo vi ọmimẹ yi ọza ana nyi ọdọwụ." ²⁴Ụmumo, ada ozi ọnọ do nowu tuẹshẹ ka, "Maa dọwu! Mọgụvọ yi arimadọwụ ami!" ²⁵Ijesu me re ki azọkọni ẹnee zuechi vẹ, dọ tụ ifẹ azeeshi ọnọ ofuvọ ka, "Ẹwụ ife azeeshi evuvu ọnri ụtọ ogigu, maa si ụmọ kaa yụ wụ, jine fụrẹngwụ, asụkụ varama ngwụ ini ẹngwụ aani."²⁶Di ifẹ azeeshi ọnọ nowu tụẹshẹ, dọ mẹ ki agirii ọ za oziọnọrụ ọnọ ẹtẹtẹrẹ, dọ jinẹ fini ẹngwụ aani. Do si vene ki oziọnọrụ ọnọ o fusu, netu ki azẹrụrụ vanaa kaa ka, "O fusu." ²⁷Ama, di Ijesu za a ụvọ kwẹẹtẹ, di ozi ọnọ kwẹẹte dinẹ.²⁸Ijesu mẹ ngwụ ireshi, di eziafụ aani bebe fọ ọ ka, "Ọmẹzi di raizụ dụ ifẹ azeeshi ọnọ jinẹ kẹ?" ²⁹Dọ kaa yụ wa ka, "Azẹ ma zụ dụ ẹngwụ ẹnẹni jinẹ ọchishi ki zirẹngwụ ozurenu ọtitụ."Ijesu ọ zẹ karẹyi inọpati isu ọnri ọshisha kwẹẹtẹ aani(Imt. 17:22-23; Irk. 9:43-45)³⁰Ẹ jinẹ fi izọ de zi Iganini parafu. O zi si ki ọzọnzọnyi ọ yẹ izẹni ẹn ya, ³¹fụvọki ọọ zụ eziafụ aani isa. Dọva ka yụ wa ka, "Avaa si Ozi Ọza chire anẹshẹ nin ụvọ, dẹẹ wụ ọ. Aa si ọ wụ da, inaama ẹkụshi ẹẹta, dọ varama sha kwẹẹtẹ." ³²Ama irẹyi ọnọni o zi ye eziafụ aani, angwashi ọi va navọ ki ẹ fọ ọ.Ẹnẹ vi ẹzẹne fu bo?(Imt. 18:1-5: Irk. 9:46-48)³³Inaani, dẹ ngwụ Ikapanọmụ. Ẹfi ọnọ ngwụ ireshi da, dọ fọ wa ka, "Itọọni isọnụ waa ni inoze nin kẹ?" ³⁴Ama de chi o riji. Fuvọki e bidi ee pẹngwụ nyi ẹshankata ini oze ka yere ezene fu inaanini. ³⁵Ọ mẹ yatụ, do shi eziafụ aani ẹwụrẹva vabẹ, dọ kaa yụ wa ka, "Ọọ nyi ọza enee si ki ọ naa vi ọdọvidi, ọ savọ vi ọnekeke ini aza bo ọnri ozida yi aza bo da."³⁶Ijesu ọ si ozioweyi ọnya dọ siọ tuni akaakana aanini. O chema chaụvọ dọ kaa yụ wa ka, "Ọzatụrọza ana ra dọ ẹngwụ ozioweyi ọnọni ³⁷ini irẹsha ami, ẹmi ọnọ zẹ di dọ aavọ; aaviki ọ ọnyi ọza ana dọ mi, ọzi vi ẹmi renya ọnọ dọ, ọ zẹ di dọ ẹzẹna tụ mi vẹ."Ọzẹna razi kachire yi vana ya bẹrẹ yi(Irk. 9:49-50)³⁸Di Ijọọnu kaa yi Ijesu ka, "Ọzụọzisa, yee re ọzọnyi ọ naa si irẹsha awụ dụ ife azeeshi jinẹ fini ẹngwụ aza, di za dinẹ, fụvọki ọ maa vatụra yi." ³⁹Ama di Ijesu kaa yụ wa ka, "Asụ za a dinẹ, fuvọki ọzinyi ọzọnyọnyi ana vaa mụkọrọ oshishozeyi ini irẹsha ami ana vaa firaa varama na karẹyi ọshimi inọpati ami."⁴⁰Ọzatụrọza ana razi kachire yi, vana ya bẹrẹ yi. ⁴¹Ọzatụrọza ana ra si ipa kenyi yụ wụ fu fụvọki ọi Ikiristi onụụ vi, ma kaa yụ wụ ini irẹiza, ọgụ aani ozee vu.Asụụ mẹ ọza na mẹ abojinyee(Imt. 18:6-9, 5:13; Irk. 17:1-2, 14:34-35)⁴²Ọzatụrọza ana ra mẹ ki ọnya ini ezioweyi ẹnẹni ki ọ mẹ abojinye, ọva dashi yọ ki a sụ irẹta-ọkụayi za ọbẹ, dee ne ngwu ini irefu. ⁴³Ụvo awụ ra mẹ kụ wa mẹ abojinye, da a kụra. Ọ dashi kụ wa ngwụ ini ẹshẹ poro pooro bẹrẹ ụvọ ọnya, funa ku wa nyi ụvọ ẹviva dụ wa ngwụ ineeku ira ene re me mi. ⁴⁴Afụ awụ ra mẹ kụ wa mẹ ọbajinye, daa kụra. Ọdashi ku wa ngwụ ineeku ọiza rẹngwu irẹjiji funa kụ wa ngwụ ineeku ira, izọni ikokoromi aanini re me su, di ira aani re me mi.⁴⁵Ụfụ awụ ra mẹ kụ wa mẹ abojinye, daa ne ta; ozoza ku wa vi ọjafụ na ngwụ ini ẹshẹ popooro funi ki wa nyi ụfụ ẹviva, dụụ na ngwụ ineeku ira, ⁴⁶izọni ikokoromi aani re me ye su, di ira aani re me ye mi.⁴⁷Iri awụ ra mẹ ku wa mẹ abojinye, tuọ ne ta. Oozoza ku wa si iri ọnya ngwụ ineeku ọiza, funi ku wa nyi iri ẹviva de ne wu ngwụ ineeku ira, ⁴⁸izọni ikokoromi aanini re me ye su, di ira aani re me mi.⁴⁹Fụvọki, a vaa si iraa mẹ ẹngwụ aza bo ọ nyi ushine anọ. ⁵⁰Anọ vi isa ozoza, ama ushine anọ ra si finaani, ụ mẹmẹ vaa mẹ ki ọ varama nyi ushine? Navọ dụ wa nyi anọ ini akaakana awụ nin, di ẹngwọrọ ọ yini akaakana awụ nini."

Chapter 10Aa fọ Ijesu inọpati oyiyi ẹngwụ tẹtẹ esereva(Imt. 19:1-2; Irk. 16:18)

¹Ijesu ọ kwẹẹtẹ fi izọ, dọ nọ ọkakooro Ijudia na ngwụ akajinẹ Okufa Ijọdani, di azọkọni nin ze ve tu o. Dọ zaa zụ wa isa venebiri ọ mẹ mii mẹ. ²Di Ifarasi nin ve tu o dẹ zaa mọọre, dẹ fọ ọ ka, "Ọwa vọrọ ki ọva, o yi ose aani?" ³Dọ voshi ka, "Yere ụmọ ọni Imosisi mẹ yụ wụ nin kẹ?" ⁴Dẹ voshi ka, "Imosisi ọ si oze yi ọnọru ki ọ chẹrẹ iwe ivenu ono si yi o, dọtangwa va dụ ọ."⁵Di Ijesu ka, "Fụvọ ọtụtụrụma ọkata awụ nini ọnọ si chẹrẹ iwe ofi ọnọ. ⁶ Ama fini ivẹrẹ ẹshẹ, 'Oshomoshi vana mẹ wa ọnọrụ ọnri ọnyẹnẹ.'⁷'Fụvavọ, ọnọrụ vaa fụrẹ ada aani ọnri ọnyi aani ụvọ dọọ vabẹrẹ ose aani, ⁸di ẹnẹviva si vabẹ ini ẹchẹngwụ ọnya. Fụvavọ ẹi kwaa vi ẹchẹngwụ ẹẹva; ẹchẹngwụ ọnya ẹnẹ kụ vi. ⁹ Fuvavọ, isẹni Oshomoshi kụvabẹ da, asi ọzọnzọnyi ga wa shi."¹⁰Ẹfi ẹnẹ yi ineeshi, di eziafụ aani zẹ fọ ọ inọpati irẹyi ọnọni. ¹¹Dọ kaa yụ wa ka, "Ọzaturọza ene re yi ose aani, dọ na nyi ¹²ọnẹ ọsa vana sẹrẹka. Ọnyẹnẹ ana raa fụrẹ ọva aani ụvọ, dọ na nyi ọva ọsa, vana sẹrẹka."Ijesu ọ mẹ ẹdabẹrẹ yi ezueyi nin(Imt. 19:13-15; Irk.18:15-17)¹³Umotu dẹ kụ ezioweyi aanini ve tu Ijesu ki ọ si ụvọ kani ụwa, ama di eziafụ aani tu wa ofuvọ. ¹⁴Ẹfi ẹni Ijesu voo re, inẹ aani ozi shine tụọ, dọ ka yụ wa ka, "Navọ di ezioweyi ẹnẹni e ve tu mi, asụụ za wa dinẹ, fụvọki ẹngwụ aanini ẹnẹ nyi ijọva Oshomoshi.¹⁵Ini irẹiza, ma kaa yụ wụ nin, ọzatụrọza ana razaa dọ ijọva Oshomoshi vene ozioweyi, ọnọvi ki ọ zaa ngwụ inaani." ¹⁶Inaani, do chema ezi ẹnẹ chaụvọ, dọ sụvọ tụra wa irẹsụ, dọ tuozurenu ẹdabẹrẹ yụ wa.Opisa ọnyi ọ na fọ Ijesu ipẹpẹẹ(Imt. 19:16-30; Irk. 18:18-30)¹⁷Ẹfi Ọnọ vẹrẹ ụsoze aani, di ọnọrụ ọnyi zuechi ve tu o, do kuẹtẹ tụọvidi, dọ fọ ọ ka, "Ẹwụ Ọzụọzisa Ọza Ọiza, sọnọvọri ki ma mẹ ana vaa si mi nyi ẹshẹ poro pooro kẹ?" ¹⁸Di Ijesu ka, "Ọmẹzi dụ waa shi mi ọza ọiza kẹ? Ọzinyi ẹzẹna vi ọza ọiza, ọchishi Oshomoshi renya. ¹⁹Waa yẹ ofi Oshomoshi bo: 'Asụụ wụ oza, asụụ sẹrẹka, asuu yuyi, asuu divenu apina, asụụ mọzari, si ụbani yi ada awụ ọnri ọnyi awụ'."²⁰Di ọnọrụ ọnọ ka, "Ọzụọzisa, isẹnẹni bo vọni maa mẹ mmẹ furẹ vi ozueyi. ²¹Di Ijesu re, do sirẹyi aani. Dọ va kaa yọ ka, "Ọ nyi isa ọnya ana vọ wụ. Na na isa ọnụụ nyi bo, dụ wa siọ yi onriwa nin, ụ vaa nyi ogu tụ ineeku ọiza. Ọọ ta wụ mẹ dụ wa vavẹ, dụ wa vatụra mi." ²²Ama di ẹngwu aani si vashi fụvọ irẹyi ọnọni; di ọnri inẹ-odu fi izọ, fụvọki ọ nyi ogu ọrụrụ.²³Ijesu o reẹtẹ varakara dọ kaa yi eziafụ aani ka, "Ọmẹ vaa ngwẹngwụ tu yi ẹnẹna vi opisa dẹ va zụ ngwụ ini ijọva Oshomoshi!" ²⁴Irẹyi ọnọ ka aani, dọvi isene shi eziafụ aani eyi. Ama di Ijesu varama kaa yụ wa ka, "Ẹwụ nin ezi, ọmẹ vaa ngwẹngwụ tu dava zụ ngwụ ini ijọva Oshomoshi! ²⁵Ọ rẹngwụ yi irankụmi ki ọ zi iri ọrishi parafu funi ki opisa ọ ngwụ ini ijọva Oshomoshi."²⁶Irẹyi ọnọni o shuweyi ẹtẹẹtẹrẹ, dẹẹ kụa fọ ẹngwụ ka, "Yere ọza ana va kụ zụ dọọtụ avọ kẹ? ²⁷Di Ijesu re wa, dọ ka, "Aavi ini ayi ẹyi ọza yọ, ọzi vi mẹ, ama ọzi vọ vi yi Oshomoshi. Fụvọki isa bo vi ọmimẹ yi Oshomoshi." ²⁸Di Ipita vẹrẹ dọ kaa yọ ka, "Re, ya navọ isa bo, dii vatụra wụ."²⁹Di Ijesu ka, "Ini irẹiza, ma ka yụ wụ, ọzi nyi ọzọnya ọnọviki ọ furẹ ireshi aani ụvọ, navẹki ọnyara aani ọnoru, navẹki ọnyara aani ọnyene, navẹki ọnyi aani, navẹki ada aani, navẹki ozi aani, navẹki ẹtẹ aani, fụvọ ami ọnri fụvọ irenube ọiza, ³⁰ene rezee ree dọ varama ụpẹ ẹchẹshi ini ẹshẹ ọnọni: ireshi, ẹnyara, ọnyi, ezi ọnri ẹtẹ, vabẹrẹ ụyọọri fụvọ ọdọwụ; shi ẹshẹ poro pooro anaa vẹ. ³¹Ama azẹrụrụ ana yi ọvidi ọmẹyani, vee keke; ẹnẹne keke ọmẹyani, vaa dọ ọ ọvidi."Ijesu ọ varama zẹ karẹyi inọpati isu ọnri ọshisha kwẹẹtẹ aani(Imt. 20: 17-19; Irk. 18:31-34)³²Ẹmẹ yini oze a shirẹ nọ Ijerusanẹmụ, di Ijesu tụọvidi aanini. Do shi eziafụ aani eyi, di ẹnẹna vatụra wa shiaangwa. Inaani, di Ijesu zẹ shi eziafụ aani ẹnẹwụrẹva tụoboka, dọ vẹrẹ a kaa yụ wa isẹnẹ vaa mẹ ọni ini ẹfi ene re zee ku: ³³"Re nini, yaa shirẹ nọ Ijerusanẹmụ, izẹnẹ va yaa si Ozi Ọza chire arụfa obani nin ọnri ọyofi nin ụvọ. Ẹ vaa mishọji isu yọ, dẹ va si ọ chire Ijẹntaini nini ụvọ. ³⁴Ẹ vaa mẹ isiya, ẹ vaa wọrọ atẹ ku o, ẹ vaa nya inori, dẹ va wu ọ. Ama inaama ẹkụshi ẹẹta, ọ vaa sha kwẹẹtẹ."Ijemsi ọnri Ijọọnụ e fisue udi yi ẹngwụ aanini tụ ineeku(Imt. 20:20-28)³⁵Ijẹmsi ọnri Ijọọnu, ana vi ezi Izebede, de ve tu Ijesu, dẹ ka, "Ozuọzisa, yee si kụ wa mẹ isatụrisa ọnii re fisue aani yi yi." ³⁶Dọ fọ wa ka, "Su wee si ki ma mẹ yụ wụ nin?" ³⁷Dẹ ka, "Navọ di ya yatụ pe wu ini ụga awụ, ọzọnya ọ yini akụvọri awụ di ọzọfụva yini akụvọọfa awụ."³⁸Ama di Ijesu voshi, ka, "Wa zi yẹ isa ọnụ wee fisue nin. U we ve zuu fu fini ipa ụya onim ve yee fu? Navẹki ụ wa va zụụ siengwụdọ isami ana vaa mẹ yi mi nin?" ³⁹Dẹ kaa yọ ka, "I va zụụ mẹ ẹ. "Di Ijesu ka, "Ipa ọnim vee fu finaani, u vee fu finaani nini. Isami ana vaa mẹ yi mi, avaa mẹ ẹ yụ wụ nini. ⁴⁰Ama, aivi ẹmi ọ vaa ni ọza ana vaa yatụ tụ akụvọri ami navẹki akụvọfa ami; e teni ọ tẹtẹ yi ẹnẹna va si ọ yi da."⁴¹Ẹfi ẹni eziafụ aani ẹẹwụ anavọ wụ inọpati irẹyi ọnọni, dẹ vẹrẹ a mọiku shi Ijẹmsi ọnri Ijọọnu. ⁴²Di Ijesu va shi wa pẹngwụ, dọ ka, "Waa yẹ nin ki ẹnẹnee re vene ọdọvidi Ijẹntaini nin vanaa mirifuna yụ wa, di azẹbani aanini a mụmọ tụra wa irẹsu.⁴³Ama ọzi vọvaavi ini akaakana awụ nini. Ọzatụrọza ene ree si ki ọ naa nyi ụbani ini akaakana awụ nini va savọ vi ozida, ⁴⁴di ọzatụrọza enee si ki ọnọ vi ọdọvidi ọ savo vi ọrishi aza bo. ⁴⁵Fụvọki Ozi Ọza ọzi vẹ ki a va mozida yi ọni, ama ọ vẹ ki ọnọ mozida yi aza, di ọnọ si ẹshẹ awụọni tẹtẹ, doti a si ọ dudi yi azẹrụrụ."Ijesu ọ sha Ibatimiyọsi ọguri iri(Imt. 20:29-34; Irk. 18:35-43)⁴⁶Ẹ zi ọ tu Ijẹriko. Ẹfi ọni Ijesu ọnri eziafụ aani bẹri azọkọni a varama fụrẹ Ijẹriko, Ibatimaosi oguri anaa pa isa, ana vi ozi Itimaosi, dọ yatụ tuni ụtọ oze. ⁴⁷Ọ mẹ wụ ki Ijesu aani Inazarẹti ọnaa paraafu, do vẹrẹ e nowu ka, "Ijesu, Ozi Idevidi, nyi ayụva yi mi!" ⁴⁸Di azẹrụru a tu oguri ọnọ ofuvọ ka ọ navọkụ. A maa kaa yọ ki ọ navọkụ, avọ ono mee nowu tụọ ka, "Ozi Idevidi, nyi ayụva yi mi!"⁴⁹Ijesu ọ zụfụdinẹ, dọ ka, a shi ọ yi ọni. Ẹ shi oguri ọnọ, dẹ ka, "Nyi ayọọvi! Kwẹẹtẹ! Ọọ shi wụ.' ⁵⁰Ọ tụ auru ne ta, do ji kwẹẹte, do ve tu Ijesu.⁵¹Di Ijesu tuoshi ka, "Su wee si ki ma mẹ yụ wụ?" Di oguri ọnọ ka, "Irabayi, mee si ki maa si iri ami reẹtẹ." ⁵²Di Ijesu kaa yọ ka, "Waa na. Ọdọwụ awụ ọ fụ wụ ikụ sha da." Ụmụmọ dọ vẹrẹ dọ ku zụ e reẹtẹ, dọ vatụra Ijesu na ini oze.

Chapter 11Aa si ụbani yi Ijesu va ngwụ Ijerusanẹmụ(Imt. 21:1-11; Irk. 19:28-40; Ijọ 12:12-19)

¹Ẹfi ene tu Ijerusanẹmụ, dẹ gụri Ibẹtifagi ọnri Ibẹtani, ini rẹsụfa Onivi, di Ijesu tụ eziafụ aani ẹẹva, ² dọ kaa yụ wa ka, "Wa nọ irẹkụra ana veyikayi nin. Waa ngwụ izọ kẹnẹ nin, u vee re ikẹtikẹtẹ oweyi ana razi shishirẹ yẹyẹ, ngwara a dụ wa si ọ ve tu mi nini. ³Aaviki ọ nyi ẹzẹna fọ wụ nin ka, 'Sụ waa mẹ ọnọni tụni kẹ?' Dụ kaa yụ wa ka, 'Ananyiyi o si ka o nee no o; Ọ vaa si ọ tụ varama vẹ ụmụmọ.'"⁴Ẹ mẹ va na, de re ikẹtikẹtẹ oweyi ana zachire tuni ozovuovu inẹshẹẹshẹ, dẹ ngwara a. ⁵Di azẹnyi ana dinẹ tụzọ fọ wa ka, "Ọmẹzi dụ waa ngwara ikẹtikẹtẹ oweyi ọnọ nin kẹ?" ⁶Dẹ karẹyi ọni Ijesu ka yụ wa ki ẹ ka, di azẹnẹ navọ wa ki ẹẹ na.⁷Eziafụ ẹviva ẹnẹ ẹ si ikẹtikẹtẹ oweyi ọnọ ve tu Ijesu, dẹ tụ auru aanini ku o irami, doti Ijesu ọ zụ shirẹ ẹ. ⁸Di azẹrụrụ tụ ita aanini dẹ tụọ tụni oze, di ẹnẹnavọ ji avọ-ọchi ẹnẹ tụ tụni oze. ⁹Di ẹnẹna yini ọvidi aani, shi ẹnẹnaa vatụra a, si ọngwẹ tụẹba, dẹ ka, "Hosana! Ẹdabẹrẹ ọnọ vi yi ẹzẹnaa vẹ ini irẹsha Ananyiyi. ¹⁰Ẹdabẹrẹ ọnọ vi yi ijọva ada ayi Idevidi anaa vẹ! Hosana yi Ada ayi ana yi ẹbẹba keekere!"Ijesu o chi ọchi ifigi eku(Imt. 21:18-19)¹¹Inaani, di, Ijesu ngwụ Ijerusanẹmụ na, dọ nọ ini itẹmpụrụ, dọ zamisa bo varakara. Umotu, di ẹfi si zina, dọ kụ eziafụ aani ẹwụrẹva, dẹ ziọ nọ Ibẹtani. ¹²Ini eyinineyishẹ aani, ẹ mẹ varama vẹ fụri Ibẹtani, di ụngwẹ aa kụ Ijesu.¹³O me re ọchi ifigi fụri irasha ọgọdọ, dọ na zama aaviki onvee re ẹtụtụ inẹẹsụ aani, ama ọ mẹ ngwụzọ, avi kẹnẹ ono re, fụvọki ẹfi ẹtụtụ ozi ti tu. ¹⁴Dọ karẹyi shi ọchi ọnọ ka, "Ọzi nyi ẹzẹna va kụụ ri ẹtụtụ finẹẹsụ awụ poro pooro." Di eziafụ aani ẹ wụ ọ mẹ vọọ ka.Ijesu ọ dụ ẹnẹnaa sofu ini ireshi Oshomoshi jinẹ(Imt. 21:12-17; Irk. 19:45-48; Ijọ. 2:13-22)¹⁵E tu Ijerusanẹmụ, dọ ngwụ ini itẹmpụrụ na, dọ dụ ẹnẹna sẹ ofu ini itẹmpụrụ finaani. Itẹbụrụ ẹnẹne che ẹkẹshi ọnri irẹfụ ẹnẹna na unomi onekuku vọnọ vagara. ¹⁶Ọzi navọ ki ọzọnyọnyi ọ si isa ọnina zi itẹmpụrụ parafu.¹⁷Ọ zụ wa, dọ ka, "Aiva vana chẹrẹ ẹ ka, 'Ireshi ami vana vaa shi ireshi ozurenu yi irẹkụra bo'? Ama wa vara a tuni ireshi oyi nini." ¹⁸ Arufa ọbani nin ẹnri ọyofi nin mẹ wụ irẹyi ọnọ ka, dee si oze ẹnẹ vaa zi wụ ọ. Ama de ve shiangwani fụvọki, isa ọ nọọ zụ wa vene shi aza ọkọni nin bo eyi. ¹⁹Ẹfiẹni oruva tu, dẹ fini irẹkụra ọbani ọnọ.Kọsụẹ irẹyọọyẹ fiini ọchi ifigi one chi eku(Imt. 21:20-2̀2)²⁰Ẹ maa zi oze parafu ini ọnẹnẹ, de re ki ọchi ifigi ọnọ o su na ngwụ ẹpa aani. ²¹Di Ipita va tamayi, dọ ka, "Irabayi, re! Ọchi ọnụụ chieku ọsi wẹngwani."²²Ijesu ọ tu wa oshi, dọ ka, "Nyi ọdọwụ ini Oshomoshi. ²³Ini irẹiza, ma kaa yụ wụ nini, ọzatụrọza ana ra kaa yi irẹsụfa ọnọni ka, 'Kwẹẹtẹ du we ne ẹngwụ awụ ngwụ ini irefu,' dọ razi sha ayi ẹvẹẹva, ama dụ nyi ọdọwụ ki isọn ka ki ọ vaa mẹ, avọ oni Oshomoshi mẹ vaa mẹ ẹ.²⁴Fụvavọ, maa kaa yụ wụ nini: Isa bo onuu ra fụvọ aani tuozurenu, duu fisue aani, nyi ọdọwụ ku we re dọ da, ọ vaa vi ayi awụ. ²⁵Ụmẹ ọnụụ ra dinẹ, dụ wa tuozurenu, ụ bẹdọ re ku wa si aichama azabo vayaanini, doti Ada wụ ana ineeeku ọva zụ si aichama awụ vayawụ. ²⁶Ama, waa zi si aichama ọza vayani, Ada awụ ana yi ineeku ọza si aichama awụ vayawụ."Yere ụmọ ọni Ijesu aa si mụkọrọ oshishozeyi?(Imt 21:23-27; Irk. 20:1-8)²⁷Ẹ varama ngwụ Ijerusanẹmụ. Ijesu maa zụsẹ ini itẹmpụrụ, di arufa ọbani nin, ọyofi nin ọnri azẹkụ nin ve tu o. ²⁸Dẹ kaa yọ ka, "Yere ụmọ ọnụ waa sii mẹ isẹnẹni, ọnriki, ẹnẹ si ụmọ yụ wụ kụ wa mẹ wa kẹ?"²⁹Di Ijesu kaa yụ wa ka, "Mmvaa fọ wụ nin ipẹpẹ ọnya, waa ka yi mi nin, ẹmi zẹ vaa kaa yụ wụ nin ụmọ ọni maa si mẹ isẹnẹni. ³⁰Ọsisami Ijọọnụ, fineeku wa yọ, navẹki finụvọ anẹshẹ? Tụmoshi nini."³¹Dẹ gaa nita dee pẹngwụ nyi ẹshankata, dẹ ka, "Aaviki ya kaa ka, 'Fineeku yọ,' dọ ka, 'Ọmẹzi di razi va dọ ọ wụ?' " ³²Ama ya kaa ka, 'Finụvọ anẹshẹ'...." Dee shiangwa aza fụvọki azabo ẹ dọ zẹ ki Ijọọnụ vi ọkisẹ. ³³Inaani dẹ voshi yi Ijesu ka, "Ya zi yẹ." Di Ijesu va kaa yụ wa ka, "Ẹmi ọni ọi za ki kaa yụ wụ nin ụmọ ọni maa si mẹ isẹnẹni."

Chapter 12Ụshioche inọpati anẹrụ ana si ụbazi chirụvọ(Imt. 21:33-46; Irk. 20:9-19)

¹Inaani, di Ijesu vẹrẹ a zụ wa isa ini ụshioche. Dọ ka, "Ọnọru ọnyi ọ dụbazi ivaini dọ ji ọvọ kara, dọ chi okoro ana yaa mẹ eche tuni ẹtẹ, dọva dareshi ana nẹba ọni oserẹtẹ vaa ya, dọva si ụbazi ọnọ yi ọnaarẹ anaa si eyi pe ụbazi ọnọ. Ọ mẹ mẹ ta, dọ naasha. ²Ini ẹfi ọna sẹrẹ, dọ tu ozida aani ọnya ki o ne tu ọnaarẹ ẹṇẹ doti ọ ḍọ wa ẹtụtụ ụbazi irayi ọnọ vẹ. ³Ama, dẹ za ozida ọnọ, de tuo, dẹ dụ ọ varama ruvọ osusu.⁴Dọ zẹ tụ ozida aani ọsa na, dẹ sha a irẹsụ, dẹ mẹ ụshi nyi ọ. ⁵Ozida ọsa ọnọ zẹ tụ na, vẹnẹ wu. Ụvọ ẹnẹ si za ọi ipapa, ẹnẹ si za ezida bo, ọnọ tụ ne tu wa; e tu ẹnyi, dẹ wu ẹnyi.⁶Ama ọ nyi ọza ọnya ana vọ, ana vi ozi aani ọnọ ngwuayi aani. Ọni ọnọ tụ ne tu wa kọọta. Dọ ka, "Ẹ va si ụbani yi ozi ami." ⁷Ama, di ọnaarẹ ẹnẹ ka yi ẹngwu ka, Ẹzẹna vaa kụ ogu aani yi, navọ di ya wụ ọ, doti ogu ọnọ ọ si vi ayayi."⁸Ẹ za a, dẹ wụ ọ, de nee jinẹ fini ụbazi ọnọ. ⁹Sọni ẹzẹna nyi ụbazi vaa mẹ kẹ? Ọ vaa vẹ, dọọ wụ wa va sha, dọ va si ụbazi ọnọ chire azẹnẹsa ụvọ.¹⁰Wa zi ki ka irẹyi ọnọni ọni iwe ọnini ka nini? 'Irẹta ọni ọdareshi nin yi tẹtẹ ọnọ vi oboro irẹta ana si za ireshi dinẹ.' ¹¹Ọnọni vana fụri idi Ananyiyi vẹ, dọ vi isene shiyieyi.'"¹²Dee si oze ki ẹ nẹ za Ijesu fuvọki ẹ yẹ ki ẹni ọni Ijesu e chushi shi, ama fụvọ azọkọni ana yi zọ, dẹ naavọ, dẹ na.Ipẹpẹẹ inọpati imaana ọtitụ(Imt. 12:15-22; Irk. 20:20-26)¹³Inaani, dẹ tu Ifarisi nin ẹnri ezirama Ihẹrọdụ nin ne tu Ijesu ki ẹ si irẹyi irenu va irepa yọ. ¹⁴Ẹ mẹ vẹ, dẹ ka, "Ọzụọzisa, yaa yẹ kụ wa ma zamẹgọgọ ọza dụ a va karẹyi, ọnri ki wa ma niọzaremeyi. Ya yẹ ki irẹiza ọmimẹ Oshomoshi ọnụ waa zụ aza. Ọwa vọrọ ki yee si imaana yi Isiza vavẹki ọzi vọrọ? U wa ki yee si, navẹki a sii si? ¹⁵Ama, Ijesu ọ yẹ ki anapẹ ẹnẹ vi, dọ fọ wa ka, "Ọmẹzi dụ wa mọmire nin kẹ? Si ẹkẹshi idanari ọnya vẹ, di me re."¹⁶ Ẹ si ọnya ve tu Ijesu, dọ fọ wa ka, "Ẹnu ụmama ọnri irẹsha aani yini ẹkẹshi ọnọni kẹ?" Dẹ ka, "Ọi Isiza." ¹⁷Di Ijesu voshi ka, "Si isẹnẹ vi ayi Isiza yi Isiza, dụ wa si isẹnẹ vi ayi Oshomoshi yi Oshomoshi." Oshi ọni Ijesu si yụ wa dọvi isẹne shuweyi.Ipẹpẹẹ inọpati ọshisha kwẹẹtẹ fiini isu(Imt. 22:23-33; Irk. 20:27-40)¹⁸Inaani, Isadusi nin ana razi dọ zẹ ki ọza a varama sha kwẹẹtẹ fini isu, de ve tu o, dẹ fọ ka. ¹⁹Ọzụọzisa, Imosisi ọ chẹrẹ tẹtẹ yiyi ka ọnọrụ ra nyọnẹ, do su dọ razi ma ozi, ọnyara aani va zụụ kụ ose aani ogu, doti ọ zụ mozi yi ọnyara aani ene su."²⁰Ẹnyara anẹru ishimba yinaani, ana vi ọzọku aanini ọ nyi ọnẹ dọ razi mozi dọ tangwa ve su. ²¹Inaani, di ọgụẹva aani kụ ose aani ogu, dọ razi zẹ mozi do ve su. Avọ ọmẹ zẹ vi vi yi ọgụẹta aani. ²²Ọzi nyi ẹzẹna mozi ini ẹni ishimba bo de ve su. Ini ọikọta aani, di ọnyẹnẹ ọnọ nyẹmbẹ ze su. ²³Ini ọshisha kwẹẹtẹ, ụmẹ ẹnẹ ra na sha kwẹẹtẹ, yere ẹzẹnọ vaa vi ose aani kẹ? Fụvọki ẹni ẹnyara ishimba ẹnẹ nyi ọ ọnẹ."²⁴Di Ijesu kaa yụ wa ka, "Aivi isẹnẹ mẹ wụ nin nyeeyi yi, fụvọki wa zi yẹ irẹyi iwe ọnini navẹki ụkata Oshomoshi nini? ²⁵Fụvọki ụmẹ ana ra sha fini isu, azẹ ma nyi ọnẹ navẹki ọva, navẹki aa si ọnẹ ga, fụvọki ụmavọ di aza bo ku vene angẹni.²⁶Ama, inọpati ọshisha kwẹẹtẹ, wa zi ki kaa ini iwe Imosisi, ọ mẹ yini ụnọmi, Oshomoshi me pee karẹyi, ka 'Ẹmi ọnọ vi Oshomoshi Abrahamụ, Oshomoshi Aiziki ọnri Oshomoshi Ijekọbụ.' ²⁷Aivi Oshomoshi azẹne su ọnọ vi, ama Oshomoshi azẹna yi ẹshẹ ọnọ vi. Wee nyeeyi nin."Yere ụmọ one fu bo?(Imt. 22:34-40; Irk. 10:25-28)²⁸Ọzọnya ini ọyofi nin ọ vẹ, dọ wụ irẹyi ẹnẹ gaa ka, do wụ ki Ijesu ọ voshi ẹtẹrẹ. Dọ fọ ọ ka, "Yere ofi ene fu ini ofi bo kẹ? ²⁹Di Ijesu voshi ka, "Enefu ini ofi bo ọnọ vi ki, 'Batọ, ẹwụ nin Isrẹni, Oshomoshi Ananyiyi vi ọnya. ³⁰Ụ bẹdọ si ọtụtụrụma awụ bo, ifẹ awu bo, ayi awụ bo ọnri ụkata awụ bo fẹkẹ Ananyiyi Oshomoshi awụ." ³¹Ofi ọfuva ọnọ vi ka, 'U bẹdọ sirẹyi ọzọ ọfụva awụ vene ẹngwụ awu.' Ọ zi nyi ofi ọsa ene funa ẹnẹni."³²Di ọyofi ọnọ ka, "Ọzụọzisa, wa voshi ẹtẹrẹ. Irẹiza ọnụ ka ki Oshomoshi vi ọnya ọnri ki ọzi nyi ọzẹnẹsa ene vene. ³³Ki ya si ọtuturuma ayi bo ọnri ọyiyẹ ayi bo ọnri ụkata ayi bo sirẹyi Oshomoshi, di ya zẹ sirẹyi ọzọfuva ayi vene imẹ sirẹyi ẹngwụ ayi, o funi ka a mẹ isẹvọ anaa rira ọnri isẹvọ anavọ bo yi Oshomoshi. ³⁴Ẹfiẹni Ijesu re kọ si ụvira voshi, dọ kaa yọ ka, "Wa zi gọdọ yi ijọva Oshomoshi." Inaama ọnọ, ọzi va nyi ẹzẹna zai kụ fọ ipẹpẹẹ ọsa.³⁵Ijesu maa zụazisa ini itẹmpụrụ, dọ voshi ka, "Ọmẹzi di ọyofi nin a kaa ki, Ikristi vi ozi Idevidi? ³⁶Idevidi nyẹmbẹ ọ kaa, ini Ifẹ Ọnini, ka, 'Ananyiyi ọ kaa yi Ananyimi ka, yatụ tuni ụvọri ami netu ẹfi ọnim va sii si ọnivi awụ mẹ irẹfụ ọnụụ vaa kụafụ tụra. ³⁷Idevidi nyẹmbẹ vanaa shi ọ 'Ananyiyi,' ọọvọvi, Ikristi mẹ zẹ va sii vi ozi Idevidi?" Inẹ-oshine ọni azọkọni si batọ tuni irẹyi aani.Ozi ẹzẹni Ikristi vana vi kẹ?(Imt. 22:41-46; Irk. 20:41-44)³⁸Ijesu maa zụ wa isa, dọ kaa yụ wa ka, "Yarazi inụvọ ọyofi nin enee sirẹyi auru ọgọdọ ochichire, dee si kaa kụ ẹni ini akaakana ofu, ³⁹dee zee sii si ki ẹnẹẹ yatụ tuni irẹfụ enefu ini isinagọgu ọnri irasha enefu izẹna ya rupe. ⁴⁰Dẹẹ si apẹ dọ ose-okuu nin ireshi aanini, dẹẹ tuozurenu ọgọdọ doti aza e zụ re wa. Azẹnẹni ẹnẹ vaa dọ ishiọji ivi ene fu.Osoku ana tụ ẹkẹshi ene fu bo(Ijọ. 21:1-4)⁴¹Umavọ, di Ijesu yatụ veeyika irasha apoti ẹkẹshi irafẹkẹ ini itẹmpụrụ, do re ẹnẹnee ne ẹkẹshi ngwụ inaani. Di opisa ọrụrụ si ẹkẹshi ọbani tuni apoti ọnọ. ⁴²Umotu di ose-oku onriwa ọnyi jinẹ vẹ, do ve ne ẹkẹshi epini ẹẹva ngwụ ọ.⁴³Ijesu ọ shi eziafụ aani, dọ ka yụ wa ka, "Ini irẹiza, ma kaa yụ wụ nin, ose-oku onriwa ọnọni ọnọ tụ fu ini aza bo ana tụ ẹkẹshi tuni apoti ọnọni. ⁴⁴Fụvọki enbo vana si che fini isa ụnọmpa ẹnẹ nyi. Ama ose-oku ọnọni vana kụ isa bo ọnọ yanaa si mẹshẹ tẹtẹ, ini arimanyi aani."

Chapter 13Ijesu ọ kisẹ inọpati Itẹmpụrụ ọnri iramụfụọ mẹ vaa vi(Imt. 24:3-14; Irk. 21:25-28

¹Ijesu maa zụsẹ na fiini itempụrụ, di ọnya ini eziafụ aani shi ọ dọ ka, "Ọzụọzisa, avu we re, irẹta ẹnẹni shi ireshi ana si wa da vi oshishozeyi!" ²Dọ kaa yọ ka, "Avu we re ireshi ẹnẹni mẹ bani tu, ọzi nyi irẹta ọnya ana vaa vọ tụra ọsa rẹsụ, ene rezee zina nyẹtẹ."³Ọ mẹ yatụ tuni irẹsufa Onivi, ana veyika itẹmpụrụ, di Ipita, Ijemsi, Ijọọnụ ọnri Andụrụ nin shi ọ tụni oboka, dẹ fọ ọ, ka, ⁴Kaa yi yi, yere ẹfi ọni isẹnẹni vaa sii mẹ kẹ? Sẹnẹ vaa vi ami ana va sii yẹ ụmẹ ono re tu kẹ?"⁵Di Ijesu vẹrẹ, dọọ kaa yụ wa ka, "Si eyi peẹtẹ nini, asụụ navọ ki ọzọnyọnyi ọ za wụ nin nyeeyi. ⁶Azẹrụrụ vaa vẹ ini rẹsha ami, dẹẹ ka, 'Ẹmi ọnọ vi Ikristi,' dẹẹ za azẹrụrụ nyeeyi.⁷Waa wụ ọsha irẹku ọnri ekuku irẹkụ, asụụ tụainẹ nin; isẹnẹni bo bẹdọ vaa mẹ, ama ụmẹ ọikọọta oi ti tu. ⁸Fụvọki irẹkụravabẹ ẹrụrụ vaa kwẹẹtẹ tu ẹngwụ, ijọva ẹrụrụ vaa kwẹẹtẹ tu ẹngwụ. Ẹtẹ vaa jibora irasha ẹrurụ, ụngwẹ vaa yinaani. Isẹnẹni bo vene vee vene ọnyẹnẹ ana vẹrẹ aa barẹyẹ.⁹Sieyipeẹtẹ nini. Ẹ vaa za wụ nangwụ inọvidi iragụ ọnụmọ nin, e vee tu wu nin ini isinagọgụ. Ụ vaa dinẹ tụni ọvidi igomina ọnri oshinọyi nini fụvọ ami, dọ zụvi ivenu yụ wa. ¹⁰Ama a bidi vaa showu irenube ọiza yi ẹshẹ keekere.¹¹Ụmẹ ẹnẹ ra za wụ nin, dẹ sụ wụ chire wa ụvọ, asụụ tụayinẹ inọpati irẹyi ọnụụ vaa ka; Fụvọki ini wakati ọnọ, a vaa si irẹyi ọnụụ vaa ka yụ wụ; ọzi vi ẹwụ ọnọ va kụụ karẹyi ụmavọ, ama Ifẹ Ọnini. ¹²Ọnyara vaa si ọnyara chire wa ụvọ ki ẹ wụ ọ; ada vaa si ozi aani chire wa ụvọ ki ẹ wụ ọ. Ezi va kwẹẹtẹ tu ada shi ọnyi, dọọ mẹ ka wụ wa. ¹³Aza bo vaa kụayi awụ fụvi irẹsha ami. Ama ọzatụrọza ana ra nyi ọsiẹngwụdọ na ngwụ irẹsụ, ana va dọọ tụ.¹⁴Aaviki we re isaanyisi ki ọ dinẹ tụ irasha ana razi sẹrẹ (ọzatụrọza ana ra ka iwe ọnọni ọ daka sụtọpeẹtẹ, doti o ye ẹtẹrẹ) navọ di ẹnẹnayi Ijudiya ẹ kwafụkwechi shirẹ irẹsụfa na ya, ¹⁵asi ẹzẹna yinẹẹsụ ireshi chi shiẹtẹ na ngwụ ireshi, navẹki ọ na si isọnsọnyi finaani, ¹⁶asi ẹzẹna yi oziẹshẹ varama neeshi na si auru aani.¹⁷Ama, ọvaa ngwụ ọnirẹyẹ nin ọnri ọnyiozi inụvọ nin, ẹngwụ ini ẹkụshi ẹnẹ! ¹⁸Tuozurenu nin ki a sọ mẹ ini ụmẹ ọgụ. ¹⁹Fụvọki ẹkụshi ọngwẹngwụ ọbani ene rezi ri re ẹngwụ aani yẹẹyẹ, Oshomoshi mẹ fụrẹ mẹ ẹshẹ, ọnọ vaa vi, ọnri ki ọzi vọ kụa vi poro. ²⁰Ọchishi ki Ananyiyi yini ẹkụshi ẹnẹ da kụra, ọzaa nyi anẹshẹ ana vaa dọọtụ. Ama fụvọ ẹnẹna ni renyi, ẹnẹna Ananyiyi ni, ọ yini ẹkụshi ẹnẹ da kụra.²¹Ụmavọ, aaviki ọnyi ẹzẹna ka yụ wụ ka, 'Re, Ikristi yi!' navẹki 'Re, ọni vọnọ!' asụụ dọọ wụ nini. ²²Fụvọki Ikristi anapẹ ọnri ọkisẹ anapẹ nin vaa jinẹẹ shi ẹshẹ, dẹẹ mẹ ụkọrọ oshishozeyi renyi renyi ẹnẹ va sii jiọzavene, shi ẹnẹnọ vi ki a ni renyi. ²³Sieyipeẹtẹ nini! Ma tụwaje nin da, di ọkụshi ishọ o ve tu.Ọvivarama vẹ Ozi Ọza(Imt. 24:29-31; Irk. 21:25-28)²⁴Ama, inaama ọngwẹngwụ ọkụshi ẹnẹ, ọyi vee shoozi, ụfẹ ọi kua vụ, ²⁵ụzọmi nin vaa javọ fini ovurukutu, shi ụkata ineeku nini vene vee sheni. ²⁶Ụmavọ, e vee re Ozi Ọza ki ọọ vẹ ini egushi bẹri ụkata ọbani ọnri ụga. ²⁷Ụmavọ, dọ va tụ angẹni aani, doo pere ẹnẹni ọ ni renyi fini aka-ẹnina ashi ọnri fini ẹgẹtẹ na ngwụ ẹgẹ ovurukutu.Si ọchi ifiigii kọsụẹ irẹyọọyẹ(Imt. 24:32-35; Irk. 21:29-33)²⁸Kọsụẹ irẹyọọyẹ fini ọchi ifigi. Ụmọni avọchi aani ra vẹrẹ aa shavi, dụụ yẹ ki ọshashi o si tu. ²⁹Ụmẹ ọnuu zee re ki isẹnẹni bo a mẹ, dụụ si yẹ ki ọvivẹ Ozi Ọza o sheni pe, ki ọ si gụrẹ ovuovu.Yere ụmẹ ọni iwakati ọnọ vaa vẹ?(Imt. 24:36-44)³⁰Ini irẹiza, ma kaa yụ wụ nin ki evereze ọnọni ọzaa parafu poro ne tu ẹfi ẹni isẹnẹni bo vaa mẹ. ³¹Ineeku ọnri ẹshẹ vaa parafu, ama ọzi nyi ẹfi ọni irẹyi ami va sii parafu. ³²Ama inọpati ọkushi ọnọ navẹki iwakati ọnọ, ọzi nyi ẹzẹna yẹ, shi angẹni ineeku nin, navẹki Ozi; ama Ada renya.³³Sieyipeẹtẹ nini! Zamẹtẹ, fụvọki wa zi yẹ ẹfi ọnọ vaa vi nin. ³⁴O vene ọnọrụ anaa nasha, dọ si ireshi ani chire ozida aani ụvọ, dọva si ụkụrọ ọnọ ọzọza vaa mẹ yụ wa, dọ kaa yi oserẹtẹ aani ki a sọ nyi ẹfi ọnọ si sụara.³⁵Fụvavọ, sieyipeẹtẹ nin, fụvọki wa zi yẹ ẹfi ọni adareshi ọnọ va sii vẹ reshi; ọ zụụ vi ini oruva, ini ajirafụ, ụmẹ ọni ụkọkọrọ re nowu, navẹki ini ọnẹnẹ. ³⁶Aaviki ọ vẹ ini asigiri, asụụ navọ ki o ve tu kụ waa sụara nin. ³⁷Irẹyi ọnimaa ka yụ wụ nin aani, ọnim za kii ka yi aza bo: Sieyipeẹtẹ!"̄

Chapter 14A mẹmẹ shọma ki a vaa wụ Ijesu(Imt. 26:1-5; Irk.22:1-2; Irk.11:45-53)

¹Ẹkụshi ẹẹva ọnọ kụ vọ doti Upe Ọpiparafu (anaa shi Ipasova) ọnri Upe Ibụrẹdi Ene Re Me Wu o tu. Di arufa ọbani nin ọnri ọyofi nin ee roo ẹ mẹ mẹ vaa bebe re Ijesu za, di ẹnẹ wụ ọ. ²Dẹ vaa kaa ka, "Ọzi vi amaa rupe inụvọ aani, doti asọ vana nyi ezigi ini akaakana aza."Ọnyẹnẹ ana si angwẹ ọkatarishi muna Ijesu ẹngwụ(Imt. 26:6-13; Ijọ. Ijọ.12:1-8)³Ijesu mẹ yi Ibẹtani ini ireshi Isimoni ana vi ọnikụ ọbani, ọ mẹ vẹngwụ zirẹ izẹnẹ yaa risa, di ọnyẹnẹ ọnyi si apanava anabasita eturari ebebaani ana nyirishi, dọ ngwụ ireshi ve tu o. Ọ ji apanava ọnọ irenu, dọ va eturari ana yinaani shi Ijesu irẹsụ. ⁴Ama dọ nyi azẹnyi ana mọikụ. Dẹẹ rifufu, dẹ ka, "Sẹnẹvẹ da manaa za isa mishi kẹ?" ⁵A yaan zụ na eturari ọnọni ẹkẹshi ene funa idẹnari irẹkẹchẹshi, daa si ọ yi onriwa nini." Inaani, dee du ọnyẹnẹ ọnọ ẹngwụ.⁶Ama, di Ijesu ka, "Naavọ shẹ nini. Ọmẹzi dụ wa daifẹshirẹ nin kẹ?" Isozoza ọnọ mẹ yi mi no. ⁷Ẹfi bo ọnụụ nyi onriwa pe ẹngwụ nini, ụmẹtụrụmẹ ọnuu ree si, ụ va zụụ mẹ ọiza ka wa na, ama ọzi vi ẹfi bo ọnim va sii yaa pe wu nini. ⁸Ọ mẹ isa ọnọ va zụụ mẹ da: ọ si angwẹ sisi mi ẹngwụ tẹtẹ zi onine mi. ⁹Irẹiza mka yụ wụ nini, irasha tụrirasha inẹshẹ bo ana ra yaa karenube ọiza, isẹni ọnyẹnẹ ọnọni mẹ vana va sii karẹyi, daa si ọ tamayi aani."Ijudasi o sioze ki ọnọ si Ijesu zụ lju nin(Imt. 26:14-16; Irk. 22:3-6)¹⁰Ụmavọ, di Ijudasi Iskariọti, ana vi ọnya ini eziafụ aani ẹwụrẹva, na ne tu arufa ọbani nini, doti ọ zụ si Ijesu chire wa ụvọ. ¹¹Arufa ọbani nin mẹ wụ, di inẹ aanini shine, dẹ mẹ otowu ki ẹn vaa si ẹkẹshi yọ. Dọ vẹrẹ e si oze ọnọ va sii si ọ chire wa ụvọ.Ijesu ọnri eziafụ aani e teni ẹngwụ tẹtẹ zi Upe Ọpiparafu(Imt. 26:17-25; Irk. 22:7-14; Ijọ. 13:21-30)¹²Ini ọkụshi ipaapa Upe Ibụrẹdi Ana Razi Nyi Ọva, ẹ mẹ si atẹmẹ mẹ isẹvọ Upe Ọpiparafu da, di eziafụ aani fọ ọ ka, "Yere irasha ọnụ wee si ki ye ne teni tẹtẹ ọnụụ va yaa ri isari Upe Ọpiparafu kẹ?" ¹³Dọ tụ eziafụ aani ẹẹva, dọ kaa yụ wa ka, "Ngwụ ini iboro na nin, ụ vaa gẹrẹ ọnọrụ ọnyi ana za ovi enyi. Vatụra a nin. ¹⁴Vatụra a na ngwụ ireshi ọnọ ra ngwụ nin, dụ wa kaa yi ẹzẹna nyi ireshi ọnọ ka, 'Ọzụọzisa ka, "Yere irẹngwụ ọzọga ami ọnim va yaa bere eziafụ ami ri isari Upe Ọpiparafu?"'¹⁵Ọ vaa si irẹngwụ ọgana ene teni tẹtẹ tuni ọtụrọsa zụ wụ nini. Mẹ eto tẹtẹ tụzọ yi yi. ¹⁶Di eziafụ aani fi izọ dẹ ngwụni irẹkụra ọnọ na. De ne tu ki ẹ mẹ eto isa bo tẹtẹ vene ọ mẹ kaa gẹdẹ gẹdẹ, dẹ va mẹ eto isari Upe Ọpiparafu tụzọ.¹⁷Oruva me tu, di Ijesu ọnri eziafụ aani ẹwụrẹva gẹ vẹ. ¹⁸Ẹ mẹ yatụ dẹẹ risa, di Ijesu ka, "Irẹiza maa ka yụ wụ nin, ọnya ini awụ nin, enee pe mi risa vaa bafụ ami." ¹⁹Ẹngwụ enbo dọ si vashi, di ọzọnyọnya aanini aa fọ ka, "Ọzi vi ẹmi, navẹki ẹmi wa yọ?"²⁰Di Ijesu voshi yụ wa ka, "Ọnya ini ẹwụ nin ẹwụrẹva, ọni ẹmi riọ gẹ aa ji ivụrẹdi ngwụ ọnya ọmẹyani yọ. ²¹Fụvọki Ozi Ọza vaa na venebiri Iwe Ọnini mẹ kaa tẹtẹ. Ama, o du ọzọnọ ku, ana vaa zirẹngwụ aani bafụ Ọzi Ọza! Ọ yaan dashi fu ki azẹzi ma a."Isari oruva ọikọọta Ananyiyi(Imt. 26:26-30; Irk. 22:15-20; 1Ikọ. 11:23-25)²²Ụmẹnẹẹ risa, di Ijesu si ivụrẹdi, dọ tuozurenu tụnaani, dọ da a, dọ si ọ yụ wa, dọ ka, "Dọ mi, wa ri ọ. Ẹngwụ ami yi." ²³Dọ si ipa eche ẹtụtụ ivaini, dọ si avọkụ yi Oshomoshi, dọ si ọ yụ wa, di enbo fu finaani. ²⁴Dọ ka yụ wa ka, "Anya irẹzẹ ami yi, anya ana va shiẹtẹ yi azẹrụrụ. ²⁵Ini irẹiza, ma kaa yụ wụ nini, me zi kue fu ini etụtụ ivaini ọnọni fụri ụmaani na ngwụ ọkụshi ishọ, ọnim ku ze vee fu o ini ọwọwa, ini ijọva Oshomoshi."Ijesu ọ kisẹ inọpati Ipita(Imt. 26:31-35; Irk. 22:31-34; Ijọ. 13:36-38)²⁶Ụmẹ ẹnẹ jashẹ fini iwe ashẹ da, dẹ gẹ zi shirẹ nọ ẹbẹba irẹsụfa Oniivi. ²⁷Di Ijesu kaa yụ wa ka, "Ẹwụ nin bo vaa vaa fụrẹmi irama, fụvọki a chẹrẹ ẹ ka, 'Mve fu ọkụatẹmẹri isa, di atẹmẹ aani garashi.'²⁸Ama ẹfi ana ra sha mi kwẹẹtẹ da, mvaa tụọvidi awụ nini na ngwụ Iganini." ²⁹Di Ipita kaa yọ ka, "Shọọ daka vi ki aza bo ẹ va fụrẹ wụ irama, ẹmọni ọzaa va fụrẹwụ irama."³⁰Di Ijesu kaa yọ ka, "Irẹiza maa ka yụ wụ, irafụọni dụ ụkọkọrọ ọ tangwa ve nowu gụ ụpẹẹva, u vee yi kụ wa zi yẹ mi ụpẹta. ³¹Ama di Ipita ka, "Shi mee deke vee suu bẹrẹ wụ, me zee yi ki ma zi yẹ wụ." Di enbo mẹ otoowu ọnyọnya ọnọni na gẹtẹ.Ozurenu Ijesu ini ụbazi Igẹsitimani(Imt. 2:36-46; Irk. 22:39-46)³²Ụmẹne tu irasha anaa shi Igẹtisemani, di Ijesu kaa yi eziafụ aani ka, "Yatụ tụ izọni zimi nin ki maa na tuozurenu." ³³Dọ si Ipita, Ijẹmsi, ọnri Ijọọnụ vabẹrẹngwụ, di ẹngwụ aani si vashi, dọ kụ ayi gẹ odede. ³⁴Dọ kaa yụ wa ka, "Inẹ ami o du ne tu ki mee vee su. Dinẹ tụzọni, dụ wa sieyipeẹtẹ nini."³⁵Ijesu ọ zụsẹ tụọvidi che, dọ vakuẹtẹ, dọ tuozurenu ka, aaviki ọ yaan viimẹ, di iwakati ụyọọri ọnọni ọ va para ọni fu. ³⁶Dọ ka, "Abba Ada ami, isa bo vi ọmimẹ yụ wụ. Pe mi si ipa ụyọọri ọnọni jesi. Aivi ini osisi ami, ama ayawụ."³⁷Ọ varama vẹ, do ve tu wa ki ẹẹ sụara, dọ va fọ Ipita ka, "Isaimoni, ụ vanaa sụara? Wai zụ sieyipeẹtẹ mẹ iwakati ọnya? ³⁸Sieyipeẹtẹ dụ wa tuozurenu, doti asụ na ngwụ ini azamare, Ifẹ e si ki ọnọ mẹ, ama ẹchẹngwụ ọ vashi. ³⁹Dọ zẹ kavana yụ wa na tuozurenu, dọ zẹ vatụra ozurenu ọnyọnya.⁴⁰Ọ mẹ zẹ varama vẹ ụpọsa, do ve tu ki ẹẹ sụara fụvọki ara yi yawa eyi, dẹ razi yẹ isọvọri ki ẹ ka yọ. ⁴¹Ọ varama vẹ ụpọfụụta, dọ fọ wa ka, "Ụ waa si sụara, du wee shifẹ nini? Ooze! Ẹfi o si tu. Re nini! Ẹẹ vaa si Ozi Ọza chire anaichama nin ụvọ. ⁴²Kwẹẹtẹ nini, ki yaa na. Re nini, ọzẹna vaa si mi chire wa ụvọ ọ si zi gụrẹ yi."Ijudasi ọ si Ijesu zụ ọnivi aani(Imt. 26:47-56; Irk. 22:47-53; Ijọ. 18:2-12)⁴³Ọ maa ki karẹyi, di Ijudasi ọna vi ọnya ini ẹnẹwụrẹva vẹ, di azọkọni ana za itakovi ọnri orobo vatụra a vẹ, fidi arụfa ọbani nin ọnri ọyofi nin, shi azẹkụ nin. ⁴⁴Ẹzẹnaa bafụ aani, ọ si ami yụ wa da ka, "Ọzatụrọza ọnim ra sirenu kurenu, ọni yọọ. Za a, dụ wa si ọ na nin, dụ wa sieyipe nini." ⁴⁵ Ẹfi ọni Ijudasi vẹ, ụmụmọ do ne tu Ijesu, dọ ka, "Ọzụọzisa", do sirenu ku o irenu. ⁴⁶Inaani, di ụvọ aanini za a, dẹ taaku.⁴⁷Ama, di ọzọnya ini ẹnẹna dinẹ pe wa, tụ itakovi aani, dọ ka ozida oshirẹsụ arụfa yọ, dọ da ụtọ kụra. ⁴⁸Di Ijesu fọ wa ka, "Ẹmi ọnụ wa kụ itakovi ọnri orobo shi avọ kụ wa vaa za venebiri oyi nini?" ⁴⁹ Ẹfẹ ọnim si ya pe wụ nini eyinieyini, di maa zụ aza isa ini itẹmpụrụ, wa zi za mi nini. Ama ọnọni vana mẹ doti irẹyi iwe-ọnini ọva si sẹ." ⁵⁰Di ẹnẹna ya pe Ijesu bo fụrẹụvọ, de ku zue.⁵¹Di oziọmụsha ọnyi, ana si auru isiriki kẹnẹ javafa ọn zẹ vatụra Ijesu. Anẹrụ mẹ zaa, di auru isiriki aani si tụ, tụ wa ụvọ, ⁵²dọ naavọ yụ wa, di ọn ri afuafụ zue fiizọ.Aa za Ijesu ni ni ọvidi azẹkụ nin(Imt. 26:57-68; Irk. 22:54-55; Ijọ.18:13-14, 19-24)⁵³Dẹ va Ijesu tụọvidi ne tu oshirẹsụ arụfa. Arụfa ọbani nini, azẹkụ, ọnri ọyiofi nini, vana gụ pe e. ⁵⁴Di Ipita vatụra a fi irasha ọgọdọ, dọ ziọ na ngwụ ofenje oshirẹsụ arụfa, dọ yatụ pe oserẹtẹ nin anaa waira.⁵⁵Ọmẹyani, arụfa ọbani nini ọnri azẹkụ Iju nin bo venee si ivenu ẹnẹ va si ne Ijesu ngwụrẹyi, doti ẹ zụ wụ ọ. Ama ẹzi ve re ọnyọnyi. ⁵⁶Fụvọki azẹrụrụ ẹ divenu apinẹ ku o, ama ivenu aanini ọzi vaji ẹngwụ.⁵⁷Azẹnyi ẹ kwẹẹtẹ dẹ divenu apinẹ ku o; dẹ ka, ⁵⁸"Yaa wụ ka ọ kaa ki, 'Mvee wu itẹmpụrụ ọnọni ana si ụvọ da, dim da itẹmpụrụ ọsa ana razi sụvọ da ini ẹkụshi ẹẹta.'" ⁵⁹Tuavọ tuavọ, ivenu aanini ọzi vaji ẹngwụ.⁶⁰Oshirẹsụ arụfa ọ kwẹẹtẹ dinẹ ini akaakana aanini, dọ fi Ijesu ka, "Wazi nyi oshi ọnụ waa tụ? Sẹnẹ azẹnẹni divenu kụ waa mẹ ke?" ⁶¹Ama do chiiji, dọ razi voshi ọnyọnyi. Di oshirẹsụ arụfa deni fọ ipẹpẹẹ ka, "Ẹwụ ọnọ wa vi Ikristi ozi Oshomoshi Anẹdabẹrẹ?" ⁶²Di Ijesu ka, "Ẹmi yọ; u vee re Ozi Ọza ụmọnọ ra yatụ tụni ụvọri ụkata dọọ vẹ bẹrẹ egushi ẹbẹẹba."⁶³Di oshirẹsụ arụfa na ẹngwụ aani auru, dọ ka, "Ivenu sii ku zee sii si kẹ? ⁶⁴ Waa wụ isaanyisi ọnọ ka nini. Sẹnu wee si ki ya mẹ nini? Di enbo jivi yọ ki ọ vọrọ ki o su. ⁶⁵Di azẹnyi vẹrẹ dẹ wọrọ atẹ ku o, dẹ si isa ku e eyi, dẹẹ nyaisa, dẹ kaa yọ ka, "Kisẹ di ye re!" Di ọga aanini za a, de tu o.Ipita o yi ki ọnọ zi yẹ Ijesu(Imt. 26:69-75; Irk. 22:56-62; Ijọ. 18:15-18, 25-27)⁶⁶Ipita mẹ yi ẹtẹẹtẹ ini ofenje, di ọnya ini anyẹnẹ ana vi ezida oshirẹsụ arụfa ve tu o. ⁶⁷O re Ipita kọ waira, dọ kavapee, dọ zama ẹtẹrẹ. Dọ kaa yọ ka, "Ẹwụ a zẹ bi bẹrẹ Ijesu ani Inazarẹti." ⁶⁸Ama di Ipita yi ki aiv ọni, dọ ka, "Mazi yẹ isẹnụ waa ka; irẹyi ọnụ waa ka ọi vana ngwụ mi ụtọ." Inaani, dọ jinẹ nini ofenje. Ẹfi ọnọ, di ụkọkọrọ nowu.⁶⁹Ama, ọnyẹnẹ ozida ana yi izọ dọ kaa yi ẹnẹna dinẹ tụzọ ka, "Ọnọrụ ọnọni vi ọnya inaanini!" ⁷⁰ Ama do ze yi ụpọsa. Umotu, ẹnẹna dinẹ tụzọ dẹ kaa yi Ipita ka, "Ọzi nyi ọjirẹka ki ọnya inaanini ọnụụ vi, fụvọki ẹwụ zẹ vivi ani Iganini."⁷¹Dọ vẹrẹ doo chi ẹngwụ aani eku, dọọ sheku ka," Ma zi yẹ ọnọrụ ọnụ waa karẹyi aani." ⁷²Ụmụmọ, di ụkọkọrọ nowu ụpọfụụva. Inaani, di Ipita tamayi irẹyi ọni Ijesu ka yọ, ka, "Dụ ụkọkọrọ o ve nowu gụ ụpẹẹva, u vee yi mi gụ ụpẹta." Fụvavọ di ẹngwụ aani vashi, do sune.

Chapter 15Aa za Ijesu ni ni ọvidi Ipaireti igomina(Imt. 27:1-2, 11-14; Irk. 23:1-5; Ijọ. 18:28-38)

¹Ini ọnẹnẹ viriviri, di arufa ọbani nin ọnri azẹku, shi ọyofi nini, bẹrẹ azẹkụ Iju bo, gẹeyi. Ẹ sụ Ijesu ụvọ, dẹ si ọ na. Dẹ si ọ ne chire Ipaireti ụvọ. ²Di Ipaireti fọ ọ ka, "Ẹwu ọnọ wa vi oshinọyi Iju nini?" Di Ijesu tuoshi ka, "Ẹwụ a ka avọ." ³Di arụfa ọbani nini kụ irẹka ẹrụrụ ẹrụrụ ku Ijesu.⁴Ụpọsa di Ipaireti fọ ọ ka, "Ọzi nyi oshi ọnụ waa tụụ? Re irẹka renyi renyi ẹnẹ kụ za wụ. ⁵Ama di Ijesu razi kụ tụ Ipaireti oshi, dọ vi isene shieyi.⁶Ini ẹfi Upe Ọpiparafu, Ipaireti vanaa si anẹngwa ọnya, ọni aza ree si, dọọ na a tụ yụ wa. ⁷Dọva nyi ọzọnyi anaa shi Ibarabasi, ana yini ẹngwa bẹrẹ ẹnẹna gẹ wụ ọza, ẹ maa kụụ chire ijọva. ⁸Di azọkọni ẹnẹ ve tu Ipaireti ki ọ mẹ isọnọ bidi mẹ yi ẹni.⁹Di Ipaireti voshi ka, "U wee si ki ma fụrẹ oshinọyi Iju ụvọ yụ wụ nin?" ¹⁰Fụvọki ọ yẹ ki ayamkụ ọnọ mẹ ki arufa ọbani nin ẹ za Ijesu ve chire ọni ụvọ. ¹¹Ama di arụfa ọbani ẹnẹ ne tu azọkọni ẹnẹ, dẹ tụwairẹkụ ki e nowu tụẹshẹ ka, akikọnọ Ibarabasi ana ra fụrụvọ yi ẹni.¹²Di Ipaireti varama tu wa oshi, ka, "Sọnuu vee si ki ma si mẹ oshinọyi Iju nin aavọ? ¹³Dẹ varama nowu tụẹshẹ, dẹ ka, "Kani ọ za ọchi avashi!"¹⁴Di Ipaireti va fọ wa ka, "Yere ọshimi ọnọ mẹ kẹ?" Dẹ varama nowu fuavọ ka, "Kani ọ za ọchi avashi!" ¹⁵Ipaireti venee si ki ọ nọ mẹ azọkọni ẹnẹ inẹ shine. Fụvavọ, dọ fụrẹ Ibarabasi ụvọ yụ wa. Dẹ nyi Ijesu ijampa, di Ipaireti si o chire wa ụvọ ki ana kani ọ za ọchi avashi.Ashoja nin ẹ mẹ Ijesu isiya(Imt. 27:27-31; Ijọ. 19:2-3)¹⁶Di ashoja nin vaa tụọvidi na ngwụ ini ọba ijọva, dẹ shi ashoja anavọ bo vabẹ. ¹⁷Ẹ si auru oshinọyi anyẹrẹ chire Ijesu, de ku o okurẹsụ ikeyi. ¹⁸ Dẹ vẹrẹ a jiọsiya, dẹẹ kụ ọ, dẹ ka, "Oshinọyi Iju, yaa kụ wee!"¹⁹Ẹ nya a ọchiọkẹtẹ inẹẹsụ, dẹ jatẹ ku o, de kuẹtẹ isiya yọ vene ki ẹ naa fẹkẹ ẹ. ²⁰Ẹ mẹ mẹisiya da, dẹ tụ auru oshinọyi ipọpụrụ ene chire e, de ve chire e auru ayaani yọ, dẹ vaa tuọvidi na ngwụ izẹna va yaa kani ọ za ọchi avashi.Aa kani Ijesu za ọchi avashi(Imt. 27:32-44; Irk. 23:26-43; Ijọ. 19:17-27)²¹Dẹ si ẹkẹka za Isaimọni ana vi ada Anẹksanda ọnri Irufọsi, ọ mẹ furi irẹkụra ọsa aa paraafu, ki o chema ọchi avashi Ijesu.²²Di ashoja ẹnẹ za Ijesu na ngwụ irasha ọnaa ashi Igọrigọta (irasha anaa shi ọchụkụ irẹsụ). ²³Ẹ si eche iwaini ọna vafura irafọnọ ana rama misa ziọza, anaa shi imaya, yọ, ama do yi ki onozi fu. ²⁴Ẹ kani ọ za ọchi avashi, dẹ si ita aani che ụshii, doti ẹ siọ yẹ aka ene vee tu ashoja ọzọọza, dẹ ga a shi ẹngwụ avọ.²⁵Ini wakati ọfuta ẹnẹ si kani ọ za ọchi avashi. ²⁶Dẹ chẹrẹ ivi ẹnẹ ki ọ ri tuni ọpari ka, "Oshinọyi Iju nini." ²⁷Di ẹ kani oyi ẹẹva bẹrẹ ẹ tụni ọch avashi, ọnya yini akụvọri aani, di ọsa yini akụvọfa. ²⁸Aani ọni irẹyi ọni iwe ọnini ka, ka, "A zaika bẹrẹ ẹnẹne du ofi," mẹ mẹ sẹ.²⁹Di ẹnẹna zioze parafu a kụ ọ fụ, dee sheni irẹsu ki ọ vọvọ sẹrẹ, dẹ ka "Ihin! ẹwu ana kaa ka u vee wu itẹmpụrụ, dụụ varama da a ini ẹkụshi ẹẹta, ³⁰dọ ẹngwụ awụ tụ, du we chi shiẹtẹ fini ọchi avashi!"³¹Avọ ọni arụfa ọbani nini, shi oyofi nin ẹn mẹ zẹ gẹ a jiọisiya ka, "Ọ dọ azẹnẹsa tụ, ama ọi zụ dọ ẹngwụ aani tu. ³²Navọ di Ikristi ọna vi oshinọyi Isrẹni, o chi vẹ fini ọchi avashi doti ye re, di ya zụ dọọ wụ," shi ẹnẹna kani za ọchi avashi bẹrẹ ẹ vana za ji jiọisiya.Ijesu mẹmẹ su ini ọchi avashi(Imt. 27:45-56; Irk. 23:44-49; Ijọ. 19:28-30)³³Ụmẹ ono tu iwakati ọfushinọnyi, di ẹtẹ bo shoozi na ngwu iwakati ọfụshinna. ³⁴Ini iwakati ọfushinna, di Ijesu si ọngwẹ tụẹba, do nowu, ka, "Ẹloi, Ẹloi, lama sabachthani?" Ọnọ vi ka, "Oshomoshi ami, Oshomoshi ami, ọmẹzi dụụ yi mi tẹtẹ kẹ? ³⁵Azẹnyi ini ẹnẹna dinẹ tụzọ mẹ wụ irẹyi ọnọni, dẹ ka, "Re ki ọọ shi Enaija."³⁶Di ọzọnyi sẹ zuechi na ka eche ana vẹrẹyi, dọ va a shi ikanka, dọ va ka ọchiọkẹtẹ ngwụ ọ, dọ tanaa yi Ijesu ki o fu o. Di ọnọru ọnọ ka, "Di ye re aaviki Enaija vee chi o shiẹtẹ." ³⁷Inaani, di Ijesu nowu tụẹshẹ, do su. ³⁸Di ita ana si ji itẹmpụrụ, sha tụ oze ẹẹva, fụrẹ ẹbẹba na ngwu ẹtẹẹtẹ.³⁹Ẹfi ọni ọga ashoja ọna dinẹ tụni ọvidi Ijesu re o meme su, dọ ka, "Inirẹiza, ọnọrụ ọnọni vi Ozi Oshomoshi." ⁴⁰Ọ nyi anyẹnẹ ẹnyi ana zẹ yi izọ anaa taneyi re fụri irasha ọgọdọ. Ẹngwu aza veni Imeri Imagdarini, shi Imeri (ọnyi Ijemsi ana vi ozueyi ọnri Ijose), shi Isaromẹ. ⁴¹Ẹfi ọ nọ yi Iganini, ẹẹ vatụra a, dẹ fẹkẹ ẹ. Anyẹnẹ ẹrụrụ ọsa ẹ zẹ ki kụafụza shirẹ vẹ Ijerusanẹmụ.A mẹmẹ ne oku Ijesu(Imt. 27:57-61; Irk. 23:50-56; Ijọ. 18:38-42)⁴²Oruva me tu, fụvọki ishọ ana sii teniẹtẹ tẹtẹ, ọmẹviki ineyineyishẹ aani ọnọ vi ọkụshi Isabaati, ⁴³di ọnọru ọnyi anaa shi Ijosefụ ani Aramatiya vẹ izọ. Ọza ana si ụbani ini ijọva irẹkura, dọọ nyi irebatọ ijọva Oshomoshi ọnọ vi. ⁴⁴Dọ si ayiọvi ne tu Ipaireti, do fisue ki a si oku Ijesu yi ọni. Do shi Ipaireti eyi ki Ijesu ọ dinẹ su da; dọ shi ọga ashoja ọnọ, dọ fọ ọ ki Ijesu we su da.⁴⁵Ọga ashoja ọnọ mẹ kaa yi Ipairetu ki Ijesu o su da, di Ipaireti si oku aani yi Ijosẹfụ. ⁴⁶Ijosẹfụ ọ shi ita isiriki tẹtẹ da oshẹtẹ. O chi o fini ọchi avashi, dọ sita isiriki ọnọ chire okuma, do nee tuni irikuta ana chi tuni irẹta. Dọ tụ irẹta ọsiri ne ku irenu irikuta ọnọ. ⁴⁷Imeri Imagdarini, shi Imeri ana vi ọnyi Ijosesi, e re izene ne Ijesu tụ.

Chapter 16Ijesu ọ sha kwẹẹtẹ fiini isu(Imt. 28:1-8; Irk. 24:1-12; Ijọ. 20:1-20)

¹Ọkụshi Isabati mẹ parafu da, di Imeri Imagdarini ọnri Imeri ana vi ọnyi Ijẹmsi, ọnri Isaromi shi eturari ọnẹ va sii muna oku Ijesu. ²Ini ọnẹnẹ viriviri ọkụshi ipaapa ọsẹ, ọyi manaa jinẹ kẹnẹ, ẹ na ngwụ irasha ọni irikuta Ijesu ya da.³Dẹẹ fọ ẹngwụ ka, "Ene vee peyi tụ irẹta ọnọni ụvọ fineenu irikuta kẹ?" ⁴Ẹ mẹ zama ẹbẹẹba, de re ka, a tụ irẹta ọnọ ụvọ fiizọ da, fụvọki irẹta ọnọ ọ bani kokoro.⁵Ẹ ngwụni irikuta na, de re oziọmụsha ene chire auru ọvụọvụ, dọ yatụ tụ akụvọri, do shuweeyi. ⁶Di oziọmụsha ọnọ kaa yụ wa ka, "Asuu shiangwa nin. Avi Ijesu ani Inazarẹti ana kani za ọchi avashi ọnu wee si nini. Ọ shakwẹẹtẹ da! Ọ zi yizọni. Re irasha ana tụ ọ tụ. ⁷Ama, waa na, wa na kaa yi eziafụ aani shi Ipita ka ọ tụọvidi awụ nin aa nọ Iganini. U vee re izọ, vene ọ mẹ ka yụ wụ nin."⁸Ẹ tụ jinẹ, de zue kavana yi irikuta ọnọ; di irẹgashi za wa, dọ vi isene shuweeyi. Ẹ zi kaa yi ọzọnzọnyi fụvọ angwashi.⁹Ijesu mẹ sha kwẹẹtẹ ini ọnẹnẹ viriviri ọkụshi ipaapa ọsẹ, dọ vi ki Imeri Imagdarini, ọnyẹnẹ ọni Ijesu bidi dụ ifẹ azeeshi ishimba fini ẹngwụ aani da, ọnọ bidi si ẹngwụ zụ. ¹⁰Dọ na, dọ na kaa yi ẹnẹna bidi ya pe Ijesu, do ne tu ki e cheẹngwụ, dẹẹ jiorere. ¹¹Ẹ wụ ki ọ yẹshẹ, dẹ wụ ki Imeri Imagdarini o re da, ama dẹ razi dọ wụ.Ijesu ọ siẹngwụ zụ eziafụ aani ẹẹva(Irk. 24:13-35)¹²Inaama ọni isẹnẹni bo mẹ da, dọ siẹngwụ zụ azẹnẹẹva inoze renyi, ẹ maa zụsẹ fiini irẹkụra ọnọ. ¹³Ẹ na, dẹ na kaa yi eziafụ Ijesu anavọ, ama ẹ zi dọ wa zẹ.Ijesu ọ siẹngwụ zụ eziafụ aani ẹnẹ ẹwụrọnya(Imt. 28:16-20; Ijọ. 20:19-23; Ọmi. 1:3̈-49)¹⁴Ụmọtu, di Ijesu siẹngwụ zụ eziafụ aani ẹnẹwụrọnya izẹnẹ yaa risari, do duwẹngwụ fụvọ arima nyi ọdọwụ ọnri ọtụtụrụma ọkata aanini, fụvọki ẹ zi dọ enene bidi re wụ ki ọ sha kwẹẹtẹ. ¹⁵Dọ kaa yụ wa ka, "Ngwụ ẹshẹ bo na, dụ wa na karenube ọiza yi aza keekere. ¹⁶Ẹzẹna ra dọwụ, da mẹ isami yọ, ọ na va dọọ tụ; ẹzẹna razi dọwụ, vana vaa jivi yi.¹⁷Ami ẹnẹni vaa vatụra ẹnẹna dọwụ; Ẹ vaa dụ ifẹ azeeshi jinẹ fụri azẹngwụ ini irẹsha ami. Ẹ vaa si irẹkụra ọwọwa karẹyi. ¹⁸Ẹ vaa sụvọ za isẹchichi, aaviki e fu isẹnẹẹ wụ ọza, ọ zaa zama wa. Ẹ vaa sụvọ tụra ọnikụ nini, dẹ dashi.Ijesu ọ shirẹ nọ ẹbẹẹba idi Oshomoshi(Irk. 24:50-53; Ọmi. 1:9-11)¹⁹Ananyiyi mẹ pe wa karẹyi da, da si ọ shirẹ na ngwụ ineeku, dọ yatụ tụni akụvọri Oshomoshi. ²⁰Di eziafụ aani fi izọ, dẹ naa karenube ọiza irasha bo, di Ananyiyi sụvọ pe wa ini ụkọrọ ẹnẹẹ mẹ, ana mẹ ki irẹyi aani ọ sụfụ shiẹtẹ zirẹngwụ ami ana vatụra wa.

Luke

Chapter 1Isẹnẹ mẹ ki Iruku ọ chẹrẹ iwe ọnọni

¹Azẹrụrụ e bidi si ki ẹnẹ si ọkọọka chẹrẹ isa inọpati isa ana mẹ da ini akaakana ayi, ²venebiri ẹ mẹ si ọ chire yi ụvọ gẹdẹgẹdẹ, ẹyi ana vi onivenu ọnri ọnitụ irẹyi ọnọ fini ivẹrẹ. ³Ini ayami, ọ vọọ sẹrẹ, ọmẹviki maa tụrafụ isẹnẹni bo ẹtẹẹtẹrẹ fiini ivẹrẹ, di maa chẹrẹ iwe inọpati isẹnẹni ini ọkọọka yụ wụ, Itiofirọsi, ana nyi ụbani fu. ⁴Ọ maan vi, doti wa zụ yẹ irẹiza ana yini isẹna zụ wụ da.Irẹyi ọna ka tẹtẹ inọpati Ijọọnụ⁵Ini ụmẹ ọni Ihẹrọdụ si vi oshinọyi Ijudiya, ọ nyi arufa ọnyi anaa shi Izẹkaraya ana fụri adubo Abija. Ose aani anaa shi Enizabẹti ana vi ozi Aarọni. ⁶Ẹnẹ ẹviva vi ọnirẹiza ini ọvidi Oshomoshi, dẹẹ vaatụri ofi ọnri ụmọ Ananyiyi. ⁷Ama ẹ zi mozi, fụvọki Enizabẹti vi ọgụọri, di ẹnẹ ẹviva si vọzọkụ kokoro ini ụmavọ.⁸Ometu, di Izẹkaraya dinẹ tuni ọvidi Oshomoshi, dọọ mụkọrọ arufa aani ana ga tu o, ⁹vene amẹ mi mẹẹ fini iyẹyẹ, ọni ọnọ vi arufa ana vaa ngwụni Itẹmpụrụ Ananyiyi, na ri eturari ira. ¹⁰Di azọkọni nin a tuozurenu inẹshẹẹshẹ ini ẹfi anaa ri eturari ira.¹¹Umotu, di angẹni Ananyiyi siẹngwụzụ Izẹkaraya, dọ dinẹ pe ini akụvọri ọpẹtẹ ana yaa ri eturari ira. ¹²Ẹfi ẹni Izẹkaraya re e, di ayi tụọinẹ, di angwashi ngwụ ọ ẹngwụ. ¹³ Ama, di angẹni ọnọ kaa yọ ka, "Izẹkaraya, asuu shangwa, fụvọki Oshomoshi ọ wụ ozurenu awụ da. Ose awụ Enizabẹti vaa ma ozi ọnọrụ. Irẹsha ọnụụ vaa shi ọ ọnọvi Ijọọnụ.¹⁴Ụ vaa nyi ụjẹ ọnri inoshine, ọnri ki azẹrụrụ vaa jụjẹ ụmẹ ana ra maa. ¹⁵ Fụvọki ozi ana vaa nyi ụbani ini ọvidi Ananyiyi ọnọ vi, Ọ zi bẹdọ fu eche iwaini navẹki eche ọkata; Ifẹ Ọnini vee shi o inẹ fininẹ ọnyi aani.¹⁶Ọ vaa mẹ ki ani Isrẹni ẹrụrụ ẹrụrụ ẹ varama ka Oshomoshi aanini Ananyiyi vẹ. ¹⁷Ọ vaa nini ọvidi Oshomoshi zirẹngwụ ifẹ ọnri ụkata Enaija. Ọ maan vaa mẹ dọ zụ vara ọtụtụrụma ada ka ezi aanini na, doti ẹnẹnaa mẹ akamawụ, ẹ va zụ vatura oze ụvira ẹnẹnaa mẹ anasẹrẹ --- doti o teni aza tẹtẹ yi Ananyiyi."¹⁸Di Izẹkaraya fọ angẹni ọnọ ka, "Sọnim va si yẹ ki irẹyi ọnọni vaa mẹ kẹ? Fụvọki maa si vọzọkụ, di ose ami nyẹmbẹ si bo kokoro. ¹⁹Di angẹni ọnọ voshi ka, "Ẹma vi Igebrẹni anaa dinẹ tuni ọvidi Oshomoshi. Aa tụ mi ki ma va karenube ọiza ọnọni yụ wụ. ²⁰Re! u vee gurenu, dụ waa ma kụ zụ karẹyi na ngwụ ọkụshi ọni isẹnẹni bo vaa mẹ, fụvọki wa zi dọrẹyi ami, ana vaa mẹ inẹ ẹfi ana sẹrẹ, wụ."²¹Ọmẹyani, aza ẹ dinẹ ee zi Izekaraya. Do shụ wa eyi ki Izẹkaraya deke vee ku ini itẹmpụrụ o. ²²Ama, ọ mẹ jinẹ vẹ, ọi kụ zụ karẹyi shụ wa. Dẹ si yẹ ki ọ nyi ẹtẹ ono re ọ mẹ yini itẹmpụrụ. Ọmẹviki o gurenu da, dọ kwa sụvọọ karẹyi yụ wa. ²³Ọkụshi ọnọ si mẹ irafẹkẹ aani mẹ parafu da, dọ neeshi aani.²⁴Inaama ọkụshi ẹnẹni, di ose aani, Enizabẹti e zirẹyẹ, dọ siẹngwụ tẹ mẹ ụfẹ ẹshi. ²⁵Dọ ka, "Isa ọni Ananyimi mẹ yi mi yi, ọ mẹ si eyi ayụva re mi, dọ kụshi fụrẹmeyi inọvidi aza."Irẹyi ọna ka tẹtẹ inọpati Ijesu Ikristi²⁶Ini ụfẹ ọfụshinọnyi, di Oshomoshi tụ angẹni anaa shi Igebriẹni, nọ irẹkụra Inazarẹti ana yini Iganini, ²⁷dọ tụ ọ ne tu ozioshi ana razi yi yẹ ọnọrụ ana si irenu za tẹtẹ yi ọnọrụ anaa shi Ijosẹfụ, ana fụri ovuovu Idevidi. Irẹsha ozioshi ọnọ, ọnọvi Imeri. ²⁸ Di angẹni ọnọ ve tu Imeri, dọ ka, "Ma kụ wụ ee. Oshomoshi o reweyi ẹtẹtẹrẹ! Ananyiyi ọ yabẹrẹ wụ." ²⁹Ama, Imeri mẹ wụ irẹyi ẹnẹni, dọ shaga sheeyi, doo roo ka, yerẹ ẹngwụ ụkụ ọni ọnọni zẹ vi kẹ.³⁰Di angẹni kaa yọ ka, "Imeri, asuu shiangwa, fụvọki Oshomoshi o reweyi da. ³¹Re, u vee zirẹyẹ, dụụ ma oziọnọrụ. Irẹsha ọnụụ vaa shi ọ ọnọ vi, "Ijesu." ³²Ọ vaa nyi ụbani, daa shi ọ Ozi Oshomoshi ene fu bo. Oshomoshi Ananyiyi vaa si ọ shirẹ ogede oshuku aani, Idevidi. ³³Ọ vaa ri oshinọyi ini ovuovu Ijekọbụ poro pooro, ọnri ki ijọva aani ọzaa ta poro pooro."³⁴Di Imeri fọ angeni ọnọ ka, "Ọmẹmẹ va zụ vọọ vi, mmẹ razi yi yẹ ọnọrụ ọnyọnyi?" ³⁵Di angẹni ọnọ voshi, dọ kaa yọ ka, "Ifẹ Ọnini vaa vaku wu, di ụkata Oshomoshi ene fu bo dọ vaku wu. Fụvavọ ozi ọnini ọnụụ vaa ma, Ozi Oshomoshi ọna vaa shi ọ.³⁶Re, Enizabẹti ọni ẹwụ riọ vi anda, ọn nyẹmbẹ vene ze zi zirẹyẹ ini orubo aani. Irẹyẹ aani ọ gụ ụfẹ ishinọnyi da, ẹzẹnọviki a kụkụ aa shi ọgụọri. ³⁷Fụvọki ọzi nyi isẹni Oshomoshi raizua mẹ." ³⁸Di Imeri ka, "Re, ọnyẹnẹ-ozida Ananyiyi ọnim vi. Navọ dọva si vi yi mi vene ụ mẹ ka a." Inaani, di angẹni ọnọ fi izọ.Imeri ọ nọ ini ireshi Enizabẹti na kụ ọ³⁹Inaani, di Imeri kwẹẹtẹ, dọ nọ irekụra Ijudiya ana yini irẹsụfa. ⁴⁰Dọ ngwu ireshi Izẹkaraya na kụ Enizabẹti. ⁴¹Inaani, ẹfi ẹni Enizabẹti wụ ụkụ aani, di ozi ana ya inẹ mọsha, di Enizabẹti shi yi Ifẹ Ọnini.⁴²Di Enizabẹti siọ ọngwẹ tuẹba, do nowu ka, "Ẹdabẹrẹ ọnọ vi yụ wụ ini akaakana anyẹnẹ, ẹdabẹrẹ ọnọ vi yi ozi ana yini inẹ awụ. ⁴³Ọmẹzi dọvi ka ọnyi Ananyimi ọnọ vẹ ve tu mi kẹ? ⁴⁴Re, ẹfi ọnim wụ ụkụ awụ kẹnẹ, di ozi ana yini inẹ ami mọsha yi ụjẹ. ⁴⁵Ẹdabẹrẹ ọnọvi yi ọnyẹnẹ ana dọwụ ki irẹyi ọni Ananyiyi ka, vaa vii mẹ."Imeri ọ ji ashẹ ụga gono Oshomoshi⁴⁶Di Imeri ka, "Maa sụga yi Ananyiyi, ⁴⁷di ifẹ ami jụjẹ ini Oshomoshi ana dọmtụ.⁴⁸Fụvọki ọ si ayụva re ẹmi ozida aani ana razi bẹri. Fụri ẹfiaani naa, evereze bo vana va kụụ shi mi, ọza ana nyi ẹdabẹrẹ. ⁴⁹Fụvọki Oshomoshi ana nyi ụkata ọnọ mẹ isa ọbani ẹnẹni yi mi, ọnri ki irẹsha aani vi ọnini.⁵⁰Ayụva aani vana vaa yinaani poro fụri evereze naa ngwụ evereze, yi ẹnẹ naa nyi angwashi aani. ⁵¹Ọ si ụvọ aani si ụkata aani zụ; ẹnẹnaa kụ ẹngwụ tụẹba ini oriro ọtụtụrụma aanini vọnọ garashi.⁵²O chi ezi oshinọyi ẹrụrụ-ẹrụrụ fini ogede da, dọ ka onriwa nini shirẹ. ⁵³Ọ si isọiza yi ẹnẹni ụngwẹ aa kụ ri da, ama dọ tụ opisa nin inẹ osusu.⁵⁴Ọ mọgụvọ yi Isrẹni ozida aani da, doti ọ zụ si ọ tamayi nyi ayụva yụ wa ⁵⁵(vene ọ mẹmẹ kaa yi oshuku ayi nini) anavi Abrahamụ ọnri ezirama aani poro pooro."⁵⁶Di Imeri ya pe Enizabẹti mẹ ọpati ụfẹ ẹta dọvanyi ki ọ varama neeshi aani.A mẹmẹ ma Ijọọnụ Ọsami ⁵⁷Ẹfi me si tu ki Enizabẹti ọ mozi, dọ ma oziọnọrụ. ⁵⁸Anadubo ọnri anda aani mẹ wụ ki Ananyiyi ọ nyi ayụva ọbani yi Enizabẹti, de pee jụjẹ.⁵⁹Ụmẹ ọnọ gụ ẹkụshi ishinta, dẹ va ji ozi ọnọ ụma. Ẹ yaan yọ "Izẹkaraya," ana vi irẹsha ada aani. ⁶⁰Ama di ọnyi aani sẹ tuoshi ka, "Eiye o, Ijọọnụ ọna vaa yọ." ⁶¹Dẹ kaa yọ ka, "Ọzi nyi ọzọnyọnyi ana ri avọ ini anda awụ nini."⁶²Dẹ sụ ụvọ karẹyi yi ada aani, dẹ fọ ọ ka yeri irẹsha onoo si ki a yi ọ. ⁶³Di ada ozi ọnọ ki a si ọpari yi ọni; a si ọpari yọ, dọ chẹrẹ ẹ tụ ọ ka, "Irẹsha aani vi Ijọọnụ." Dọ vi isẹne shi enbo eyi.⁶⁴Ụmụmọ, di irenu Izẹkaraya na, di irarẹ aani ngwara, dọ vẹrẹ dọ kụa karẹyi, dọọ sụgaa yi Oshomoshi. ⁶⁵Di angwa shi ẹnẹna ra vara kara wa bo. Di irẹyi ẹnẹni bo garashi varakara irẹkụra Ijudiya bo ana yinẹẹsufa. ⁶⁶Di ẹnẹna wụ irẹyi ẹnẹni bo si ọ tuni ọtụtụrụma aanini, dẹ ka, "Yere ẹngwụ ozi ọni ozi ọnọni vaa vi aavọ kẹ?" Fụvọki ụvọ Oshomoshi ọ ya bẹrẹ.Izẹkaraya ọ kisẹ tẹtẹ⁶⁷Di Izẹkaraya, ada ozi ọnọ, shi yi Ifẹ Ọnini, dọ kisẹ ka, ⁶⁸"A si ụga yi Ananyiyi, Oshomoshi Isrẹni, fụvọki ọ vẹ vaa mọgụvọ yi yi, dọ shi aza aani varama.⁶⁹Ọ si ọpani ọdọzatụ kwẹẹtẹ da, ana vaa dọyitụ ini ovuovu Idevidi, ⁷⁰vene ọ mẹ kaa zirẹngwụ irenu ọkisẹ ọnini ini iyẹyẹ. ⁷¹Ọ vaa dọyii tụ finụvọ ọnivi ayi ọnri ẹnẹnaa kwayi ayi bo.⁷²Ọ maan vaa mẹ doti ọ zụ siọ nyi ayụva yi adayi nini ọnri ki doti ọ zụụ siọ tamayi irẹzẹ ọnini aani, ⁷³ana vi eku ọnọ shi yi Abrahamu ada ayi, ⁷⁴ ka, inaama ọnọn jiyitụ fini ụvọ ọnivi ayi da, ki yaa fẹkẹ ọni, ini arimeshiangwa, ⁷⁵ini ọnini ọnri ọmimanasẹrẹ inọvidi aani ini ẹshẹ ayi.⁷⁶Avọ ọnọ mẹ vi, ẹwụ ozi, ọkisẹ Oshomoshi ana nyi ụkata fu bo ana vaa shi wụ, fụvoki ụ vaa tụọvidi Ananyiyi ne teni oze aani tẹtẹ, duu ze ti teni aza tẹtẹ zi ọvivẹ aani, ⁷⁷ọnri ki ụ vaa si ọyiyẹ inọpati ọdidọzatụ yi aza aani, zirẹngwụ ọsisi aichama aanini vaya aanini.⁷⁸Avọ ọnọ mẹ vaa vi fụvọki Ananyiyi ọọ nyi ayụva yi yi tunẹ tunẹ, fụvavọ ọyi-ọnẹnẹ ana fụrẹ ẹbẹba vaa vẹ vaa mọgụvọ yi yi, ⁷⁹dọọ shaa tụra ẹnẹna yatụ tụni oozi ọnri ini ụmama isu-ọwụọza. Ọ maan vaa mẹ doti ọ zụ si oze ẹngwọrọ zụ yi."⁸⁰Di ozi ọnọ si fụ, dọ si kata ini ifẹ, dọ yi ini ụnọmi netu ọkụshi ono tu ki ọ si ẹngwụ zụ Isrẹni ini orere.

Chapter 2A mẹmẹ ma Ijesu Ikristi(Imt. 1:18-25)

¹Ini ụmavọ, di Isiza Ọgọsitọsi mofi ki a na za anẹshẹ bo ika. ²Ọnọni vi ipaapa ana vaa za aza ika ụmọni Ikwirinọsi vi igomina Isiriya. Fuvavọ, di ọzọọza nọ irẹkura aani na si³ irẹsha tẹtẹ ini ọzizazika ọnọ.⁴Ijosẹfu nyẹmbẹ vana zẹ ki kwẹẹtẹ furi Iganini ini irẹkuri Inazarẹti, na ngwụ Ijudiya, zẹ na ngwu irẹkuri Idevidi ana shi Ibẹtirẹhẹmu, fụvọki ovuovu Idevidi ọnọ fụrẹ. ⁵Ọnri Imeri ana si irenu za tẹtẹ yọ, enee zirẹyẹ, ẹnẹ gẹ na si irẹsha tẹtẹ.⁶Ẹ mẹ yi izọ, di ẹfi si tu ki ọ mozi. ⁷Dọ ma ozi ọnọru, ozi ipaapa aani, dọ si ita para a, dọ si ọ tụ irasha ọni isụpa yaa risa fụvọki e zi re irẹngwụ ya ini ireshi azẹga.Angẹni nin e ne tu ọkụatẹmẹri nin⁸Ọ nyi ọkụatẹmẹri nin enee sere isụpa aanini ini ọkaakoro izọ, inaafu. ⁹Di angẹni Oshomoshi si ẹngwu zụ wa, di ụga Ananyiyị sha varakara wa, di angwa shiwa kokoro.¹⁰Inaani, di Angẹni ọnọ kaa yu wa ka, "Asu shi angwa nini, fuvọki irenube ọiza ana vaa si ujẹ̣ ọbani yi aza bo ọnim za yụ wụ nini. ¹¹Aa ma ọdọzatu yụ wụ nin irajini, ini irẹkura Idevidi! Ọni ọno ̣vi Ikiristi Ananyiyi! ¹²Ami ana va si zụ wụ nin yi: u vee re ozi ana si ita para, da si ọ sụtụ tụ izẹni isụpa yaa risa."¹³Afụọnọ-afụọnọ di angẹni ẹrụrụ ẹrụrụ jinẹ fineeku ẹbẹẹba ve tu angẹni ipaapa, dẹẹ sụga yi Oshomoshi, dẹ ka, ¹⁴"Ụga vi ayi Oshomoshi ana yi ẹbẹẹba keekere, ẹngwọrọ ọ va yinaani yi aza bo ini ẹshẹ, ọnọviki inẹ aani o shine tu".¹⁵Angẹni ẹnẹ mẹ varama nineeku da, di ọkwatẹmẹrị ẹnẹ ka yi ẹngwụ ka, "Navọ di ya nọ Ibẹtirẹhẹmu, di ye ne re isẹnẹ mẹ izọ, ọni Ananyiyi si zụ yi." ¹⁶Dẹ nọ izọ̣ inọfira-ọfira, dẹ ne tu Imeri ọnri Ijosẹfụ, de re ozi ọnọ ki a si ọ sụtụ tuni irasha ọni isụpa yaa risa.¹⁷Inaama one re ozi ọnọ da, dẹ kaa isẹna ka yụ wa inọpati ozi ọnọ. ¹⁸Aza bo ana wụ irẹyi ọni ọkụatẹmẹri ẹnẹ ka yụ wa vono shieyi. ¹⁹Ama, di Imeri ee roo inọpati irẹyi ọnọ wụ bo, dọ si ọ tụni ọtụtụrụma. ²⁰Di ọkụatẹmẹri ẹnẹ varama, dẹ suga yi Oshomoshi ini isa bo ẹnẹ wụ ọnri ene re, venebiri a mẹ kaa yụ wa gẹdẹgẹdẹ.Aa yi Ijesu irẹsha²¹Ẹkụshi ishinta mẹ gụ, da ji ọ ụma, da yọ Ijesu, ana vi irẹsha ọni angẹni si yọ dọ tangwa va nyi ki e zirẹyẹ aani.²²Ụmẹ ọnị ọkushi ana ji tẹtẹ ki ẹ si vara ọnini si gụ, venebiri ofi Imosisi mẹ ka, di Ijosẹfu ọnri Imeri si ozi ọnọ va yi Ananyiyi ini itẹmpụrụ Ijerusanẹmu. ²³Vene a mẹ chẹrẹ ẹ tụni ofi Ananyiyi ka, "Ozi ọnọrụ ipaapa ọnyẹnẹ, vana va sha tụ renyi yi Oshomoshi." ²⁴Dẹ si "obenekuku ẹẹva navẹki onekuku ẹẹva," mẹ isẹvọ yi Oshomoshi, venebiri a mẹ kaa tụni ofi Ananyiyi.²⁵Re, ọ nyi ọnọru ọnyi ana yi Ijerusanẹmụ, ọni irẹsha aani vi Isimiọni, dọ vị ọnirẹiza, dọ nyi afụ shiẹtẹ ini ọdọwu. Dọọ nyi irebatọ ọdọzatụ ene vee fufu Isrẹni, di Ifẹ Ọnini ya bẹrẹ ẹ. ²⁶Ifẹ ọnini ̣ọ siọzụ ọ da ka, ọ zaa si eyi gẹrẹ isu dọtangwa ve re Ikiristi ọni Oshomoshi aa tụụ vẹ.²⁷Di Ifẹ ọnini si Isimioni ngwụni itẹmpụrụ. Ụmẹ ọni ada Ijesu ọnri ọnyi aani si ọ vẹ ini itẹmpuru, ọ mẹ vi vi ozinụvọ, dẹ va mẹ ido yọ venebiri a mẹmẹ sio shiẹtẹ zirẹngwụ ofi. ²⁸Di Isimiọni dọ ozi ọnọ chaụvọ, dọọ sụga yi Oshomoshi, dọ ka, ²⁹"Ananyiyi, navọ di ozida awu ọ fụrẹshẹ ụvọ ini ẹngwọrọ, ọmẹyani, vene irẹyi awu mẹ siọ zụ."³⁰Fuvọki iri ami o re ọdidọtu awụ da, ³¹ọ nụụ mẹ tẹtẹ ini eyi aza bo: ³²Ẹtofei ana vaa mẹ ọsizụ yi Ijẹntaini nin, ọnri ana vaa si ụga yi aza awụ, ani Isrẹni nini."³³Irẹyi ana aza ka inọpati ozi ọnọ vene shi ada aani ọnri ọnyi aani eyi. ³⁴Di Isimioni tuozurenu ẹdabẹrẹ yụ wa, dọ ka yi Imeri, ọnyi ozi ọnọ, ka, "Re ozi ọnọni, vana ni tẹtẹ fụvọ ọsisẹdụ ọnri ọkikwẹẹtẹ aza ẹrụrụrụ ini Isrẹni, ọnri fụvọ ami one yi tẹtẹ --- ³⁵ọnri ka itakovi vaa ji ngwụ ọtụtụrụma awụ --- doti a zụ si aaro ọtụtụrụma aza ẹrụrụ ẹrụrụ zụ."³⁶Ọkisẹ ọnyẹnẹ anaa shi Ana, vana yi izọ. Ozi Ifanụẹni ọnyẹnẹ ana vi ụna Asha ọnọ vi. Ọ si vọzọkụ kokoro. Irayi ishimba ọni ọnri ọva aani gẹ ra inaama ọnọ yẹ ọnọrụ da, ³⁷dọ si irayi ẹbẹrẹna turẹẹna mẹ ose-oku. Ọzi nyi ẹfi ọnọ si fini itẹmpuru, ama dọọ si awẹ ọnri ozurenu ọtitụ fẹkẹ Oshomoshi, ọọdụ shi irafu. ³⁸Ini iwakati ọno gẹdẹgẹdẹ̣, dọ ka va pe wa, dọ vẹrẹ aa si avọọkụ yi Oshomoshi, dọọ karẹyi inọpati ozi ọnọ yi aza bo ọnọ vi ki ẹẹ nyi iribatọ ọshishi Ijerusanẹmụ varama.Aa si Ijesu nọ Inazarẹti³⁹Ẹ mẹ mẹ isẹnẹ vọrọ ki ẹ mẹ bo da, vene ofi Oshomoshi mẹ ka a, dẹ varama ni Inazẹrẹti, ana vi irẹkụra aanini ini ọkakooro Iganini. ⁴⁰Di ozi ọnọ fụ dọ si kata, dọọ viraa tụọ, dọ ọiza ọfẹ Oshomoshi yarẹ ẹ.Ijesu ọ ni ni Itẹmpụrụ ọmẹ vi vi ozueyi⁴¹Ada aani ọnri ọnyi aani vana nọ Ijerusanẹmu naa ri Upe Ojijinẹ irayi irayi. ⁴²Ụmẹ ọnọ gụ ozi irayi ẹwurẹẹva, dẹ zẹ nọ izọ na rupe ọnọ ini ụmẹ ana sii na. ⁴³Ẹ mẹ mẹ ọkụshi ana sii ri upe ọnọ ta da, dẹ varama a neeshi, ama di Ijesu dinẹ tụ Ijerusanẹmụ, di aada ani ọnri ọnya aani razi yẹ. ⁴⁴Ẹ kẹni ki ọ vatụra ẹnẹni ẹnri wa gẹ aa zi; ẹ mẹ zụsẹ ọkushi ọnya da, dẹ vẹrẹ ee si o ini akaakana anda ọnri ọta aanini.⁴⁵E me rezi re, dẹ varama nọ Ijerusanẹmu ne si o. ⁴⁶Inaama ẹkụshi ẹẹta, de ve re ini itẹmpụrụ ki ọ yatu ini akaakana ọzuọ̣zisa nin, doo bewaatọ, dọọ fọ wa ipẹ̣pẹẹ. ⁴⁷Enbo ana wụ irẹyi aani vọni ọyiyẹ ọnri oshi ọviva aani shieyi.⁴⁸E me re, do shuweyi. Di ọnyi aani ka, "Ẹwụ ozi ami, ọmẹzị du maan mẹ shi yi kẹ? Avu we re, osiku ọni ẹmi ọnri ada awụ furẹ ee si wu, di kụ ayi gẹ odede! ⁴⁹Di Ijesu fọ wa ka, "Sẹnẹvẹ du we si mi nin kẹ? Wa zi yẹ nin ki im bẹdọ vaa yi ineeshi Ada ami?" ⁵⁰Ama isẹnọ si irẹyi ẹnẹ ka, o zi ye wa.⁵¹Inaani dọ vatụra wa varama nọ Inazarẹti, dọọ wụrẹyi tụ wa irenu. Di ọnyi aani si irẹyi ẹnẹni bo tuni ọtụtụrụma. ⁵²Ama, di Ijesu a fụ tụọ ini ẹchiẹngwụ ọnri ụvirạ, di Oshomoshi aa mẹ ẹdabẹrẹ yọ, di aza ee sirẹyi aani funa avọ.

Chapter 3Irenube Ọiza ọni Ijọọnụ Ọsami karẹyi inọpati aani(Imt. 1:1-8; Imk. 1:19-28)

¹Ini irayi ana gụ ọ ẹwụrẹshi ọni Itiberiọsi Isiza fụrẹ ri oshinọyi, Ipọntiusi Ipaireti mẹ vi igomina tu Ijudiya, di Ihẹrọdụ vi oshirẹsụ Iganini, di ọnyara aani Ifiripi vi oshirẹsụ ọkakooro Ituriya ọnri Itirakonitisi, di Inisaniasi vi oshirẹsụ Abireni, ²ini ụmẹ ọni Anasi ọnri Ikayafasi si yini udi oshirẹsụ arụfa, di Ijọọnụ, ozi Izẹkaraya, wụrẹyi Oshomoshi ini ụnọmi.³Ọ ngwụ ọkakooro ana varakara Ijọdani na dọ na karenube isami oririnẹ varama doti a zụ si aichama aanini vaya aanini.⁴Vene a mẹmẹ chẹrẹẹ tuni iwe irẹyọka Aisaya ọkisẹ, ka, "Ọngwẹ ọza ene nowu ini ụnọmi, ka, 'Teni oze Ananyiyi tẹtẹ, mẹ ẹ dọ vọrọ.⁵Osusuu bo vene vee funa, irẹsụfa ọbani ọnri oweyi bo vene vee chii nẹtẹ, oze ana zara bo vana vaa vọrọ, irasha ana nyi kụnivi-kụnivi bo vana vaa vara tuni oze, ⁶azabo vee re ọdidọtụ Oshomoshi.'"⁷Inaani, di Ijọọnụ ka yi azọkọni ana vaa sami ka, "Ẹwụ nin ezi ibe, ẹnẹ kawọnọ ku we zue yi ọikụ Oshomoshi anaa vẹ nin kẹ?⁸Fụvavọ, navọ wa tụẹtụtụ ana siọzụ ku waa nyi oririnẹ varama nin, asuu nee ro o ininẹ awụ nin ka, 'Yaa nyi Abrahamu ana vi ada ayi,' fụvọki Oshomoshi va zụụ si irẹta ẹnẹni vara ezi yi Abrahamụ.⁹Ọmẹyani, a va iraga eyi ka ẹpa-ọchi da. Fụvavọ ọchi bo ana razi tụẹụtụ ọiza vana vaa da, dee ne wa ngwụ ira."¹⁰Inaani, di azọkọni nin vẹrẹ dẹẹ fọ ọ ka, "Sọnii vaa mẹ aavọ?" ¹¹Dọ voshi ka, "Ẹzẹna ra nyi auru ẹẹva, ọ si ọnya yi ẹzẹna razi nyi. Ẹzẹna ra nyi isọri, ọ vọọ zẹ mi mẹ."¹²Ọdimana nin ẹ zẹ vi vẹ va sami, dẹ fọ ọ ka, "Ọzụọzisa, sọnii bẹdọ vaa mẹ kẹ?" ¹³Dọ kaa yụ wa ka, "Asụụ dọ ẹkẹshi funa ọpa ana ku wa dọ nini."¹⁴Di ashoja ẹnyi ẹn zẹ fọ ọ ka, "Ẹyi ọn wọ? Sọnii bẹdọ vaa mẹ? Dọ kaa yụ wa ka, "Asụụ sụkata dọ ọzọnyọnyi ẹkẹshi, asụụ zẹn nyapinẹ ku ọzọnyọnyi nin. Navọ di ẹkẹshi enee siwu, ọ fụ wụ nin.¹⁵Ụmẹ anaa ka ani, aza vana kueyipe, dẹẹ nyi irebatọ Ikristi ana ka ọ vaa vẹ, dọ vi isa ene shi aza bo eyi, dee ro o ini ọtụtụrụma aanini ka, uwaki Ijọọnụ ọnọ vi Ikristi ana ki ọ vaa vẹ. ¹⁶Di Ijọọnụ voshi ka, "Ini ayami, enyi ọni maa sii sami yụ wụ nin, ama ọzọnyi aa vẹ ana nyụkata funa mi, ọnọviki ma zi fụ anaa ngwara orupa ivata aani. Ifẹ Ọnini ọnri ira ọnọn vaa sii sami yụ wụ nini.¹⁷O teni ọpo ọnri ọpẹpẹ aani chaụvọ da, ọnọ va sii tu akụ do ve peshe ẹtẹtẹrẹ, doo pere akụ tụni ụfọ aani, ama afẹchi aani vọnọ vaa rira ini ira ene rei zue mi poro pooro.¹⁸Isẹrụrụ ẹrụrụ ọnọ si tụwa ụkata, ọ maa karenube ọiza yụ wa. ¹⁹Ijọọnụ ọ tụ Ihẹrọdụ, ana vi oshirẹsụ ọkakooro Igaanini, ofuvọ, fụvọki ọ na si Ihẹrọdiyasi ana vi ose ọnyara aani, dọ si ọ mẹ ose, shi isọshimi renyi renyi ọsa ọnọ mẹ, ²⁰fụvavọ, di Ihẹrọdụ ro onbo vabẹ, dọ za Ijọọnụ, do chire tụni ijaaru.Ijọọnụ ọ mẹ isami yi Ijesu(Imt. 3:13-17; Imk. 1:9-11)²¹Ome ve tu, daa sami yi aza bo, da zẹ si sami yi Ijesu. Ọ maa tuozurenu inụvọ, di ẹbẹẹba na tẹtẹ. ²²Di Ifẹ Ọnini chi vẹ venebiri obenekuku, dọ va ku o. Di ọngwẹ fụrẹ ineeku ẹbẹba vẹ ka, "Ẹwụ ọnọ vi Ozi ami ọnim sirẹyi aani, inẹ ami o shine tu wu."Irẹsha oshuku Ijesu nin(Imt. 1:1-17)²³Ijesu vi ọpati irẹyi ofurẹwụ, dọ vẹrẹ ụkọrọ irenube ọiza aani. Ozi Ijosẹfụ ọnọ vi (vene aza me ro o) di Ijosẹfụ ọn vi ozi Iheri, ana vi ozi Imatati. ²⁴Imatati ọn vi ozi Irẹvi, ana vi ozi Imẹriki. Imẹriki ọn vi ozi Ijanai, ana vi ozi Ijosẹfụ.²⁵Ijosẹfụ vi ozi Imatatiyasi, ana vi ozi Emọsi. Emọsi ọn vi ozi Inahumi. Inahumi vi ozi Esiri, ana vi ozi Inagayi. ²⁶Inagayi vi ozi Imaati, ana vi ozi Imatatiyasi. Imatatiyasi ọn vi ozi Isemeyi ana vi ozi Ijosẹki. Di Ijosẹki ọn vi ozi Ijoda.²⁷Ijoda vi ozi Ijoanani, ana vi ozi Iresa. Iresa ọn vi ozi Izerubabẹni, ana vi ozi Isaratiyẹni. Isarratiyẹni ọn vi ozi Ineeri, ²⁸ana vi ozi Imeriki, Imeriki ọn vi ozi Adi, ana vi ozi Ikosamu. Ikosamu vi ozi Erimadamu, ana vi ozi Eeru. ²⁹ Eeru ọn vi ozi Ijoshua ana vi ozi Eriyez. Eriyeza vi ozi Ijorimu, ana vi ozi Imatati. Imatati ọn vi ozi Ineevi.³⁰Ineevi ọn vi ozi Isimioni, di Isimioni ọn vi ozi Ijuda. Ijuda vi ozi Ijosẹfụ, ana vi ozi Ijonamụ. Ijonamụ vi ozi Ẹniyakimu, ³¹ana vi ozi Imiriya, ana vi ozi Imẹna. Imẹnavi ozi Imatata, ana vi ozi Inatani, ana vi ozi Idevidi. ³²Idevidi vi ozi Ijeese ana vi ozi Obeedi. Obeedi ọn vi ozi Iboazi, ana vi ozi Isaamọni. Isaamọni ọn vi ozi Inaashoni.³³Inashọni vi ozi Aminadabu, ozi Adiminu, ana vi ozi Aani. Aani vi ozi Ihẹzirọni ana vi ozi Ipẹrẹzi. Ipẹrẹzi vi ozi Ijuda. ³⁴Ijuda vi ozi Ijekọbu, ana vi ozi Aiziki, ana vi ozi Abrahamu. Abrahamu vi ozi Itẹra, ana vi ozi Inahọri, ³⁵ana vi ozi Isẹrugi. Isẹrugi vi ozi Irewu, ana vi ozi Iperegụ. Iperegu vi ozi Eberu. Eberu vi ozi Ishera.³⁶Ishera vi ozi Ikainaani. Ikainani vi ozi Afakzaadi ana vi ozi Ishẹmu. Ishẹmu vi ozi Inoa. Inoa vi ozi Iramẹki, ³⁷ana vi ozi Imẹtusẹra, ozi Enọọki. Enọọki vi ozi Ijarẹdi, ana vi ozi Imaharareeni, ozi Ikainaani. Ikainaani vi ozi Enọọsi, ana vi ozi Isẹti, ³⁸ozi Adamụ. Adamụ vi ozi Oshomoshi.

Chapter 4Eshu ọ zama Ijesu re(Imt. 4:1-11; Imk. 1:12-13)

¹Inaama ọna mẹ isami yi Ijesu da, do shi yi Ifẹ Ọnini, dọ varama fụri Okufa Ijọdani, di Ifẹ Ọnini aa zaa zi ini ụnọmi, ²izọni eshu ya moore mẹ ẹkụshi ẹbẹrẹva. Ini ọkụshi ẹnẹnbo, Ijesu ọzi ri isari ọnyọnyi; ọ mẹ naa mẹẹ ta, di ụngwẹ vaa kụ ọ.³Di eshu kaa yọ ka, "Aaviki Ozi Oshomoshi ọnụụ vi, sụ ụmọ kaa yi irẹta ọnọni ki ọ vara tuni ibụrẹdi." ⁴Di Ijesu voshi ka, "A chẹrẹ ẹ ka, 'Aivi isari renya ọni ọza vaa sii mẹ ẹshẹ.'"⁵Inaani di eshu si Ijesu na shirẹ irẹsụfa, dọ sẹ si ọfirọfira si ijọva ẹshẹ bo zụ ọ ini ẹfi keere. ⁶Di eshu kaa yọ ka, "Im vaa si ụmọ irẹkụra ẹnẹni bo ọnri ụbani aanini chireụvọ. A si ọ chiremvọ da; ẹzẹne re zemeyi, mva zụụ siọ yọ. ⁷Fụvavọ, aaviki ụ vaa zẹ nyimarẹsụ dụ wa fẹkẹ mi, isẹnẹni bo vaa vara ayawụ."⁸Ama di Ijesu voshi, dọ ka, "Aa chẹrẹ ẹ ka, 'Oshomoshi awụ Ananyiyi renya ọnụụ vee nyimarẹsụụ yi, ọni renya ọnụụ vaa fẹkẹ.'"⁹Umotu, di eshu si Ijesu ni Ijerusanẹmu, dọ si ọ na tuni ogegerege irẹsụ itẹmpụrụ, dọ kaa yọ ka, "Aaviki Ozi Oshomoshi ọnụụ vi, ji na nyẹtẹ. ¹⁰Fụvọki a chẹrẹ ẹ ka, 'Ọ vaa si ụmọ yi angẹni aani nin ki e ve sere wụ,' ¹¹ọnri ki, 'E vee chema wụ tụẹba, doti asuu na tụfụ shi irẹta ọnyọnyi.'"¹²Di Ijesu voshi, dọ ka, "A kaa ka, 'A sụụ zama Oshomoshi awụ, Ananyiyi, re.'" ¹³Ụmẹ ọni eshu zama Ijesu re da, dọ fi izọ, dọ savọ naavọ tu ụpọsa.Ijesu ọ vẹrẹ ụkọrọ aani Iganini(Imt. 4:12-17; Imk. 1:14-15)¹⁴Inaama ọnọ, di Ijesu varama ni Iganini ini ụkata Ifẹ Ọnini. Di irenube inọpati aani garashi ini ọkakooro ọnọ bo. ¹⁵Dọ vẹrẹ aa zụ aza isa ini Isinagọgụ aanini, di aza bo sụga yọ.Ani Inazarẹti nin e zi si Ijesu(Imt. 4:1̀-17, 13:53-58; Imk. 1:14-15, 1-6)¹⁶Di Ijesu na ngwụ Inazarẹti, irẹkụra ana ya pa a. Dọ ngwụ Isinagọgụ ini ọkụshi Isabati, vene ọmẹ mii mẹ, ọ kwẹẹtẹ dọ ka Iwe Ọnini Oshomoshi tụẹshẹ. ¹⁷Aa si ụpa iwe Aisaya ọkisẹ yọ. Ọ mẹ fụ ụpa iwe ọnọ, do re irasha ana chẹrẹ ẹ tụ ka,¹⁸"Ifẹ Ananyiyi ọ va ku mi, fụvọki ọ yi mi ụkatani ki maa karenube ọiza yi onriwa nini. Ọ tụ mi kima showu ọninatụ yi ẹnẹ na zasụ, di maa zẹ sha oguri nin, iri de kuu reẹtẹ, di ma zẹ ji ẹnẹnaa mirifuna yi tụ, ¹⁹di maa showu irayi ọni Ananyiyi va sii veyi ọiza aani ka anẹshẹ."²⁰Umotu, di Ijesu kara ụpa iwe ọnọ, dọ si ọ yi ọsieyipiwe, dọ na yatụ. Di aza bo ana yini Isinagọgụ kụ feyishi o. ²¹Di Ijesu nyima irẹyi ọkika yụ wa, dọ ka, "Irajini ọnọni, ọni irẹyi ọni iwe ọnini ka sẹ, vene u mẹmẹ wụ ọ nin sirọni." ²²Aza bo ana yi izọ vanaa ka ọiza aani, do shuweeyi fụvọ irẹyi ọiza anaa jinẹ fineenu aani o zoza kokoro. Dẹẹ fọ ka, "Aivi ozi Ijosẹfụ yii?"²³Dọ kaa yụ wa ka, "Ọzi nyi ọjijirẹka ka, u meenvee chụshi irẹyi yi mi nin ka, 'Ọmọzikụ, fụ ẹngwụ awụ ikụ sha. Isa bo ọnii wụ kụ waa mẹ Ikapanọmụ, zẹ mẹ wa ini irẹkụra awụ.' ²⁴Ama dọ kaa yụ wa ka, "Ini irẹiza, ma kaa yụ wụ nin ka, ọzi nyi ọkisẹ anaa tanụvọọ dọ ini irẹkụra aani."²⁵Ama, ini irẹiza, maa kaa yụ wụ nin ka, osoku ẹrụrụ ẹnẹ yi Isrẹni ini ụmẹ Enaija. Inụmavọ, da za orishi dinẹ gụ irayi ẹta ri irẹjiji. Di ụngwẹ ọbani yi ẹtẹ Isrẹni keekere. ²⁶Ama, azẹzi tụ Enaija shi ọzọnyọnyi aanini, ọchishi osoku ọnya kẹnẹ ana yi Izarefati ini ẹtẹ Isodọmi. ²⁷Ọnikụ ọbani ẹrụrụ ẹnẹ yi Isrẹni ini ụmẹ Enaisha ọkisẹ, ama ọzi nyi ọzọnyọnyi aanini ana fụkụsha, ọchishi Inamaani ana vi ani Isiriya renya.²⁸Aza bo ana yini Isinagọgụ mẹ wụ irẹyi ẹnẹni bo, dẹ mọikụ kokoro. ²⁹Dẹ kwẹẹtẹ, dẹ si ẹkẹka si Ijesu fini iboro shirẹ na tuni ọgọgọrọ ẹbẹẹba irẹsụfa, ana si irẹkụra aanini shiẹtẹ tụ, doti ẹ zụ tụọụvọ nyẹtẹ. ³⁰Ama, dọ zi akaakana aanini parafu na ngwwụ irasha ọsa.Ọnọrụ ọni ifẹ azeeshi a zama(Imk. 1:21-28;)³¹Inaani, dọ nọ Ikapanọmu, irẹkụra ọbani ana yi Iganini, dọ nyima a zụ wa isa ini ọkụshi Isabati. ³²Dọ vi isẹne shuweeyi inụvọ ọnọ sii zụazisa, fụvọki ụmọ ọnọ sii karẹyi.³³Ọ nyi ọnọrụ ọnyi ana yini Isinagọgụ ọnọ, ana nyi ifẹ azeeshi, dọ si ọngwẹ tụẹba nowu ka, ³⁴ "Eyee! Sẹnẹ kụ ẹyi ri ẹwụ gẹ kẹ, ẹwụ Ijesu ani Inazarẹti? Ụ wa vẹ ku wee vee vu yi iri? Ma yẹ ọzẹnụụ vi; ẹwụ ọnọ vi Ọza-Ọnini Oshomoshi!"³⁵Di Ijesu tụ ifẹ azeeshi ọnọ ofuvọ, dọ ka, "Si irenu awu kuoku, dụwa jinẹ fini ẹngwụ ọnọrụ ọnọni!" Ifẹ azeeshi ọnọ me nee ọnọrụ ọnọ nyẹtẹ da ina akaakana aza, dọ va jinẹ fini ẹngwụ ani, ama dọ razi tanava inoze ọnyọnyi. ³⁶Di irẹyi ọnọ shi aza bo eyi, fụvavọ dẹ kụa kaa yẹ ẹngwụ ka, "Ẹngwụ irẹyi isẹnẹni vi kẹ? Dọọ si ụmọ ọnri ụkataa kaa yi ifẹ-azeeshi ẹnẹ kẹ jinẹ, di enbo jinẹ fini ẹngwụ ọnọrụ ọnọ." ³⁷Fụvavọ, di irẹyi Ijesu nyima a garaashi irasha tụrirasha ini ọkakooro izọ bo.Ijesu ọ fụ azẹrụrụ ẹrụrụ ikụ sha(Imt. 8:12-17; Imk. 1:29-34)³⁸Di Ijesu fini Isinagọgụ, dọ ngwụ ini ireshi Isaimọni na. Ụmavọ, di iva ọkata aa mẹ ọnyi ose Isaimọni. De pe e dipẹ yi Ijesu ki ọ fụọikụ sha. ³⁹Di Ijesu dinẹ vaachire, dọ tụ iva ọnọ ofuvọ, di iva ọnọ ta fụrẹ ẹngwụ. Ụmụmọ dọ kwẹẹtẹ, dọ nyima e si wa ọzọga.⁴⁰Ẹfi ọni ọyi anaa ngwẹtẹ, di aza kụ ọnikụ renyi renyi ve tu Ijesu. Ijesu ọ kụvọ tụra ọzọnyọnya aanini, dọ fụ enbo ikụ sha. ⁴¹Ifẹ azeeshi nin vana zẹ ji jinẹ fini ẹngwụ azẹrụrụ aanini, dee nowu, dẹ ka, "Ozi Oshomoshi ọnụụ vi!" Di Ijesu tụ ifẹ azeeshi ẹnẹ ofuvọ, dọ razi navọ ki ẹ karẹyi, fụvọki ẹ yẹ ki ọni ọnọ vi Ikristi.Ijesu ọ karenube ọiza varakara ziizi(Imk. 1:35-39)⁴²Eyi mẹ sini, di Ijesu jinẹ nọ irasha ana jomi. Di azọkọni nin si o vangwụ zọ. E me re, de rezi si ki ọ fụrẹnvọ. ⁴³Ama, dọ kaa yụ wa ka, "Mai zụa mẹ ki maa zi karenube ọiza inọpati ijọva Oshomoshi irẹkụra ẹrụrụ ẹrụrụ ọsa, fụvọki isa ana fụvọ aani tụ mi vizọni yi." ⁴⁴Inaani, dọ yini irenube ọiza ọkika ini Isinagọgi bo ana yi Ijudiya.

Chapter 5Ijesu ọ vara ozube isenyi ẹẹna eziafụ ipaapa aani(Imt. 4:18-22; Imk. 1:16-20)

¹Umotu, Ijesu mẹ dinẹ tuni ụtọ adagu Igẹnisarẹti, di aza gụ varakara a, dee batọ tuni irẹyi Oshomoshi. ²Di Ijesu re ẹpaa ẹẹva ana za dinẹ tụni ụtọ adagu; di ozube-isenyi nin jinẹ finaani, dẹẹ nyina asha aanini. ³Di Ijesu ngwụni ọnya ini ẹpaa ẹnẹ, ana vi ayi Isimoni, dọ kaa yọ ki ọ kaavana fini ụtọ enyi che. Dọ yatụ pe wa tunaani, dọọ zụ aza isa.⁴Ijesu mẹ karẹyi ta da, dọ kaa yi Isaimọni ka, "Si ẹpa ọnọ nọ irasha ọni enyi ya nyinẹ, du we ne asha awụ ngwenyi dụ wa siọ za isenyi." ⁵Di Isaimọni voshi, dọ ka, "Ọga, fụri irafụ ọnii fụrẹ a mụkọrọ, dii rezi re isenyi ọnyọnyi za, ama fụvọ irẹya ọnụụ ka, mvee ne asha ngwụ enyi." ⁶E me ne asha ngwụ enyi, dẹ za isenyi ụnọmpa netu ka asha aanini aa ji. ⁷De miuvọ shi aza aanini ana yini ẹpa ọfụva ki ẹ va mọgụvọ yi ẹni. Ẹ vẹ, de pe wa kụ isenyi ngwụni ẹpaa ẹviva, de shi nakarẹsụ netu ka dee chi ngwụ enyi.⁸Ama, ụmọni Isaimọni Ipita re isẹnẹ mẹ, dọ vakuẹtẹ tuni ọvidi Ijesu, dọ ka, "Ananyimi, kavana yi mi fụvọki anaichama ọ nim vi." ⁹Fụvọki ọni shi ẹnẹna ya pe e vono shieyi, e me re isenyi ụnọmpa ọni ẹni vishi za. ¹⁰Ijemsi ọnri Ijọọnụ, ezi Izebede, ẹ bẹrẹ ẹnẹni ẹnri Isaimọni gẹ a mụkọrọ. Di Ijesu kaa yi Isaimọni ka, "Asuu shiangwa, fụvọki fụri ẹfi aani na, aza ọnụụ va kụụ za." ¹¹Ụmẹ ẹnẹ si ẹpa aanini vini ụtọ-ubobo da, dẹ fụri isa bo ụvọ, dẹ vatụra Ijesu.Ijesu ọ fụ ọnikụ ọbani ọnyi ikụ sha(Imt. 8:1-4; Imk. 1:40-45)¹²Ijesu mẹ yini irẹkụra ọnyi, di ọnikụ-ọbani ọnyi zẹ yi iyi zọ. Ẹfi o no re Ijesu, dọ vakuẹtẹ tụọvidi, dọ dipẹ yọ ka, "Ananyimi, aaviki wee si, ụ va zụụ fụ mi ikụ sha." ¹³Inaani, di Ijesu tanụvọ na kani ọ, dọ ka, "Mee si, vara ọnini." Ụmụmọ di ikụ-ọbani ọnọ tụ fini ẹngwụ aani.¹⁴Di Ijesu kọọnọ ki a sọ kaa yi ọzọnzọnyi, ama dọ ka, "Na wa na si ẹngwụ awụ zụ arụfa, doti wa mẹ idanboro ọni Imosisi si ụmọ ka kaa mẹ, fụvọki wa vara ọnini da ọnri ka doti a zụ si ọ mi ivenu yụ wa."¹⁵Ama, di irenube inọpati irẹyi Ijesu vanaa garashii fuavọ. Di azọkọni nin vẹ va wụ ọ maa zụ aza, dọọ fụ wa ikụ sha. ¹⁶Ama, di Ijesu aa si ẹfitụrụrẹfi fini akaakana aanini nọ irasha ana jomi naa tuozurenu.Ijesu ọ fụ osuẹngwụ ọnyi ikụ sha(Imt. 9:1-8; Imk. 2:1-12)¹⁷Ome tu ọkụshi ọnyi ini ụmavọ, di Ijesu aa zụ aza isa. Ifarisi nin ọnri ọzụaza-ofi nin ana fụri irẹkụra renyi renyi ini ọkakooro Iganini ọnri Ijudiya shi ẹnẹna fụri Ijerusanẹmu, dẹ yatụ tụzọ. Di ụkata Ananyiyi ya bẹrẹ Ijesu ọnọ sii fụ aza ikụ sha.¹⁸Umotu, di anẹrụ ẹnyi chima ọnọrụ ọnyi ana vi osuafụ-suavọ tuni upoto vẹ. Dee si oze ki ẹ naa si ọ ngwụreshi va tụni ọvidi Ijesu. ¹⁹E ̄zi ve re oze zi si ọ ngwụreshi, fụvọ azọkọni ana yi izọ. Dẹ va shirẹ tuni irẹsụ ireshi ọnọ, dẹ zi utu chema ọnọrụ ọnọ shiẹtẹ ini odooro ọnri upoto ini akaakana aza, va tuni ọvidi Ijesu.²⁰Ijesu me re ọdọwụ aanini, dọ ka, "Ẹwụ ọnọrụ ọnọni, aa si aichama awụ vayawụ." ²¹Di oyofi nin ọnri Ifarisi nin vẹrẹ aa fọ ipẹpẹẹ ka, "Ẹnẹ vọnọni, ọnaa ka isaanyisi kẹ? Ẹnẹ va zụụ si aichama vaya ọzai, ọọzivi Oshomoshi renya?"²²Ama, di ẹngwụ karẹyi yi Ijesu, dọ yẹ isenee ro, dọ tuoshi, dọ ka, "Ọmẹzi dụ wa jọirẹka ini ọtụtụrụma awụ nin kẹ? ²³Yere ana rẹngwụ fu ki a ka, 'A si aichama awụ vayawu,' navẹki, 'Kwẹẹtẹ dụ waa zụsẹ'? ²⁴ Ama, doti wa zụ yẹ nin ki Ozi Ọza ọ nyi ụmọ ọnọ va zụ sii si aichama vaya aza ini ẹshẹ, maa kaa yi ẹwụ ọnikụ ka, 'Kwẹẹtẹ, kari upoto awụ, du waa neeshi.'"²⁵Ụmụmọ, dọ kwẹẹtẹ ini eyi aanini, dọ kara upoto aani ana bidi si ọ sụtẹtẹ tụ. Inaani, do si fu a neeshi, dọọ sụga yi Oshomoshi. ²⁶Irẹyi ọnọ dọvi isene shi aza bo eyi, dẹ va kwa sụga yi Oshomoshi. Di angwa shu wa, dẹẹ kụa kaa ka, "Ya si ọwọwa re irajin oo."Ijesu ọ mẹ ọdimaana ọnyi oziafụ aani(Imt. 9:9-13; Imk. 2:13-17)²⁷Inaama isẹnẹni, di Ijesu jinẹ fi izọ, do re ọdimana ọni irẹsha aani vi Inẹvi ki ọ yatụ tụni ajẹngwụ ẹnẹ yaa dọ imaana. Dọ kaa yọ ka, "Vatụra mi." ²⁸Inaani, di Inẹvi kwẹẹtẹ, dọ fụrẹ isa bo ụvọ tẹtẹ, dọ vatụra a.²⁹Umotu, di Inẹvi si Ijesu ọzọga ẹtẹtẹrẹ ineeshi aani. Dọ si vi ki ọdimaana ẹrụrụ ọnri azẹnẹsa ana yi izọ, vẹnẹ gẹ aa risa. ³⁰Ama, di Ifarisi ọnri ọyofi nin, aa rifufu, dẹẹ kaa yi eziafụ Ijesu ka, "Ọmẹzi du wee pe ọdimaana ọnri anaichama nin ri du we fu nin kẹ?" Di Ijesu voshi, dọ ka, "Ẹzẹna dashi, ẹ zi nyi isẹnẹ si osiọzikụ tụ, ³¹ọchishi ẹnẹna razi dashi. ³²Aivi azẹnaa manasẹrẹ ọnim vẹ va shi ki e rinẹ varama, ama ki anaichama nin e rinẹ varama."Aa ọ Ijesu ipẹpẹẹ inọpati awẹ(Imt. 9:14-17; Imk. 2:18-22)³³Dẹ kaa yọ ka, "Eziafụ Ijọọnụ nin vana si ẹfi bo bawẹ, dẹẹ tuozurenu, shi eziafụ Ifarisi nini. Ama eziafụ awụ vanaa ri, dee fu." ³⁴Di Ijesu fọ wa ka, "Ọwa nyi ọza ana va zụụ mẹ ki aza ọnụrụ anaa siọnẹ ẹ yini awẹ, ẹfi ọnọ yi ya pe wa? ³⁵Ama, ọkụshi aa vẹ, ana va sii si ọnọrụ anaa siọnẹ fini akaakana aanini, ụmavọ, ẹ vaa bawẹ."³⁶Di Ijesu zẹ karẹyi yụ wa ini ụshioche, ka, "Ọzi nyi ọza ana vaa na auru ọwọwa dọọ gẹ za auru ọkụkụ. Aaviki ọ vọvọ mẹ, di auru ọwọwa ọnọ si du, ita auru ọwọwa dọọ ma sẹrẹ ita auru ọkụkụ ọnọ.³⁷Ọzi nyi ọza anaa va eche ọwọwa shi ovi ọkụkụ. Aaviki ọ nyi ẹzẹna vọvọ mẹ, eche ọwọwa ọnọ vana vaa chaka ovi ọnọ, di eche si va sha, di ovi nyẹmbẹ si mishi. ³⁸Ama, eche ọwọwa vana bẹdọ vaa va shi ovi ọwọwa. ³⁹Ọzi nyi ẹzẹne fu eche ọkụkụ da, dọọ ki eche ọwọwa ọni ọ nee si, fụvọki ọ vaa kaa ka, 'Ọkụkụ ono zoza fu.'"

Chapter 6Eziafụ Ijesu ẹ fa apaapa ini ọkụshi ifooship(Imt. 12:1-8; Imk. 2:23-28)

¹Ini ọkụshi Isabati ọnyi, di Ijesu aa zi irarẹ akụ paraafu. Di eziafụ aani ji akụ ẹnẹ, dẹ si ụvọ sisi o, dẹẹ ri ọ. ²Ama, di Ifarisi ẹnyi ka, "Ọmẹzi du waa misa ana razi vọrọ ini ọkụshi Isabati nin kẹ?"³Di Ijesu voshi ka, "We zi vene ri re e ka nini, isẹni Idevidi mẹ ẹfi ọni ụngwẹ aa kụ ọ, ọnri anẹrụ ana yape e? ⁴Ọ ngwụ ireshi Oshomoshi na, dọ ri ini ibụrẹdi ana yini ọvidi Oshomoshi, dọ zẹ yinaani da yi anẹrụ ana ya pe e, shọmẹ daka vi ki arufa nini renya ọnọ vọrọ ki ẹẹ ri ọ." ⁵Inaani, di Ijesu kaa yụ wa ka, "Ozi Ọza ọnọ vi Ananyiyi ana nyi mọ tụri Isabati."Ijesu ọ fụ osuvọ ọnyi ikụ sha(Imt. 12:9-14; Imk. 3:1-6)⁶Ini ọkụshi Isabati ọsa, dọ ngwụ Isinagọọgụ na, dọọ zụazisa izọ. Ọnọrụ ọnyi yi izọ ene su ụvọọri. ⁷Ọyofi ẹnri Ifarisi nin ana yi izọ, dẹ sieyi pe e, dee be e, aaviki Ijesu vaa fụọzikụ sha ini ọkụshi Isabati, doti ẹ zụ re isa sụvọza, ẹnẹ vaa ka ki ọ mẹ. ⁸Ama, Ijesu ọ yẹ isenee ro, dọ kaa yi osuvọ ọnọ ka, "Kwẹẹtẹ, dụ wa dinẹ tuni akaakana azabo." Inaani, di ọnọrụ ọnọ kwẹẹtẹ, dọ dinẹ tụ izọ.⁹Di Ijesu kaa yụ wa ka, "Me fisue irẹyi ọnya nini, ọ wa vọrọ ka a mọiza navẹki ọshimi ini ọkụshi Isabati; ọ we ze ki a dọ ọza tụ, navẹki a wụ ọza ini ọkụshi Isabati?" ¹⁰Dọ zama wa bo varakara, dọ kaa yi ọnọrụ ọnọ ka, "Tana ụvọ awụ tụẹshẹ." Dọ vọvọ mẹ, di ụvọ aani varama nudi aani. ¹¹Ama, di ayi kụ wa, de gee roo ka sẹnẹ ẹn va zụ sii mẹ Ijesu.Ijesuvọ shi ọnitụ ẹwụrẹva(Imt. 10:1-4; Imk. 3:13-19)¹²Ini ụmavọ, di Ijesu shirẹ nọ ini irẹsụfa na tuozurenu. Dọ si irafụ ọnọ bo tuozurenu shi Oshomoshi. ¹³Ụmọni eyi ni da, dọ shi eziafụ aani pe ẹngwụ; dọ nii ẹnẹwụrẹva inaanini, dọ zẹ shi wa ọnitụ (apostẹri).¹⁴Irẹsha ọnitụ ẹnẹ vi, Isaimọni (ọnọ zẹ shi Ipita) ọnri Andụrụ ọnyara aani, shi Ijemsi, Ijọọnụ, Ifiripi, Ibatiromiewu, ¹⁵Imatiyu, Itọmasi, Ijemsi ozi Afeọsi, Isaimọni anaa shi Izirọti. ¹⁶Ijudasi ozi Ijẹmsi, ọnri Ijudasi Isikariọti ana va kụ vara ọbọzafụ.Azẹrụrụ ẹrụrụ e si Ijesu vẹ(Imt. 4:23-25, 12:15-16; Imk. 3:7-12)¹⁷Umotu di Ijesu ọnri ụwa chivẹ fini irẹsụfa, dẹ dinẹ tuni oziẹshẹ bẹrẹ eziafụ aani ọkọni ọnri azẹrụrụ ẹrụrụ ana fụri Ijudiya ọnri Ijerusanẹmu, shi ụtọ-irefu Itaya ọnri Isidọni. ¹⁸ Ẹ vẹ kene ve be e atọ, ọnri ki a zẹ fi fụ ẹni ikụ sha. Azẹni ifẹ azeeshi aa zama vana zẹ fi fụ ikụ sha. ¹⁹Di azabo aa bụdụ, dee si oze ki ẹnẹ sụvọ kani ọ, fụvọki ụkata ọfifụ aza ikụ sha vana jinẹ finẹ ẹngwụ aani. Dọ fụ enbo ikụ sha.Ụjẹ ebebaani(Imt. 5:1-12)²⁰Inaani, di Ijesu kureyi shirẹ re eziafụ aani, dọ ka, "Ẹdabẹrẹ ọnọ vi yi ẹwụ nin onriwa, fụvọki ijọva Oshomoshi vi ayawụ nini. ²¹Ẹdabẹrẹ ọnọ vi yi ẹwụ nin ọni ụngwẹ aa kụ ọmẹyani, fụvọki inẹ awụ nin vee shi. Ẹdabẹrẹ ọnọ vi yi ẹwụ nin anaa jiorere ọmẹyani, fụvọki u vee nyunyi nini.²²Ẹdabẹrẹ ọnọ vi yi wụ nin, aza raa kwayi awụ nin, de yi wu tẹtẹ, dẹẹ kụwụfụ nin, fụvọ Ozi Ọza. ²³Jụjẹ ini ọkụshi ọnọ, du wee jirẹga rụjẹ nin fụvọki u vee re ọgụ ọbanii dọ ineeku nini. Avọ ọni oshuku aanini mẹ mẹ shi ọkisẹ nini ini ụmavọ.²⁴Ama, o duwuku, ẹwụ nin opisa, fụvọki we re ẹngwọrọ awụ dọ nin da. ²⁵O duwuku, ẹwụ nin ana ri shinẹ da ọmẹyani, fụvọki ụngwẹ vaa kụ wụ nin umono re tu. O duwuku, ẹwụ nin ene nyunyi ọmẹyani, fụvọki u vaa vẹngwụshi, dụụ zẹ jiorere nin ụmono re tu.²⁶O duwuku nin, aaviki aza bo aa ka ọiza awụ, fụvọki avọ ọni oshuku aanini mẹ mẹ shi ọkisẹ anapẹ nini.Sirẹyi ọnivi awụ(Imt. 5:38-48, 7:12)²⁷Ama, maa kaa yi ẹwụ nin enee batọ, "Sirẹyi ọnivi awụ nini, du waa mọiza shi ẹnẹnaa kwayi awụ nini. ²⁸Du waa mẹ ẹdabẹrẹ yi ẹnẹnee chiwu nin eku, dụ waa tuozurenu yi ẹnẹnaa mụya rụ wụ nini.²⁹Ọọ nyi ẹzẹna nyawụ arifẹ ini okura ọnya, vara ọfụva yọ. Ọọ nyi ẹzẹna dọ wụ auru, tụ ọtụnẹ aani bẹrẹ yọ. ³⁰Si yi aza bo ene re fisue isa finụvọ awụ nini. Aaviki ọza ọ si isa awụ na, asụụ fọ ọ ki ọ si ọ varama yụ wụ.³¹U me re si ki aza ọ mẹ shi wu, avọ u mẹ ra mẹ shu wa. ³²Aaviki azẹne sirẹyi awụ renya, ọnụụ ze si sirẹyi aanini, yere ọgụ ana yinaani kẹ? Fụvọki anaichama nini nyẹmbẹ vene ze sii sirẹyi ẹzene sirẹyi aanini. ³³Aaviki aza ana mẹ wụ ọiza renya ọnụụ zẹ mi mọiza yi, yere ọgụ ana yinaani? Fụvọki anaichama nini nyẹmbẹ vana vọọ zẹ mi mẹ. ³⁴Aaviki aza ene vee si wu uta varama ọnụụ zere isa, yere ọgụ ana yinaani? Anaichama nin nyẹmbẹ vene ze zii zere ẹngwụ isa, fụvọki e vee re e dọ ọ gụ varama.³⁵Ama, sirẹyi ọnivi awụ, dụ waa mẹ wa ọiza. Zere ọza isa, asụụ kwueyitụra ki o vee si o varama, fụvọki ọgụ ọbani ọnụụ vaa ri, dụụ si vi ozi Ada ayi ẹbẹẹba Keekere, fụvọki ọn nyẹmbẹ vana mọiza yi ẹnẹna razi yẹ avọ, shi aza ẹshimi nin. ³⁶Nyi ayụva vene Ada awụ mẹ nyi ayụva.Asụụ mishọọji yi aza(Imt. 7:1-5)³⁷Asụụ mishọọji, azẹzaa mishọọji yụ wụ. Asụụ jivi yi ọza, doti asa zụ jivi yụ wụ. Si a aichama aza vaya aanini, doti a zụ si aichama awụ vaya awụ.³⁸Si yi aza, a vaa si yụ wụ, ụnọmpa --- ọna pa zẹtẹ, dee shiniọ vabẹ, do shi dọọ ka vaa sha --- ọ vaa va shi wu usi. Fụvọki ọnya-ụmọ ọnụụ si mọ yi aza ọna va sii mọ varama yụ wụ³⁹Inaani, do zẹ karẹyi yụ wa ini ụshioche, ka, "Oguri wa va zụụ si oguri ọsa zụ oze? Ọọ vọ mẹ, ẹnẹviva vana vaa sẹdụ ngwụ ụsi, navẹki aivavọ? ⁴⁰Oziafụ o me funa ọzẹnaa zụ ọ isa, ama ẹzẹna ra zụ isa ẹtẹrẹ da, do si vene ẹzẹnaa zụ ọ isa.⁴¹Ọmẹzi du wee re ẹchichi ana yini iri ọnyara awụ, ama wa zi tẹsi ọvọvọrọ ana yini iri ẹwụọni. ⁴²Ụ mẹ va zụụ kaa yi ọnyara awụ ka, 'Ọnyara ami, navọ me pewu si ẹchichi ana yini iri awụ,' ụmẹni ẹwụ nyẹmbẹ rezi re ọvọvọrọ ana yini iri awụ? Ẹwụ nin ọfatuvaku! Savọ tụ ọvọvọrọ ana yini iri awụ da, ụmavọ du we zu reẹtẹ ẹtẹtẹrẹ si ẹchichi ana yini iri ọnyara awụ.Ẹtụtụ ọchi ọna sii yẹ ọchi(Imt. 7:1̈-20, 12:33-35)⁴³Fụvọki ọzi nyi ọchi ọiza anaa tụẹtụtụ ọvivụ, navẹki ọchi ọvivụ anaa tụẹtụtụ ọiza. ⁴⁴Fụvọki ẹngwụ ẹtụtụ ọni ọchi ọzọza ra tụ anaa sii yẹ. Fụvọki azẹ ma fa ezu fini ọchi ikeyi, navẹki oromi fini ọchi agaagana.⁴⁵Isa ọiza ana yini inẹ ọza ọiza, ọnọ mẹ ki ọọ mẹ ọiza. Isa ọshimi ana yini inẹ ọza ọshimi ọnọ mẹ ki ọ mẹ ọshimi. Fụvọki fini isa ẹrụrụ ẹrụrụ ana yini inẹ ọni irenu yaa karẹyi jinẹẹ vẹ.Azẹnẹva ana da ireshi(Imt. 7:24-27)⁴⁶Ọmẹzi dụ waa shi mi, 'Ananyimi, Ananyimi,' ama wa zi vatụra isa ọni maa ka nin kẹ? ⁴⁷ Ọzatụrọza ene re ve tu mi, dọ wụrẹyi ami, dọ vatụra irẹyi ami, mvaa kaa yụ wụ nin isono vene. ⁴⁸Ọzọnọ o vene ọnọrụ anaa da ireshi, dọ chiẹtẹ nyinẹ, dọ mẹ oshiẹtẹ ireshi ọnọ tụnẹẹsụ ida. Ụmẹ ọni ọshara enyi vẹ, dọ da nya ireshi ọno, ama dọ rai zụ sheni ọ, fụvọki a da ẹtẹrẹ.⁴⁹Ama, ọza ana wụrẹyi ami, dọ razi vatụra a, o vene ọnọrụ ana da ireshi tuni ẹtẹ osusu, dọ razi mẹ oshiẹtẹ. Ụmẹ ọni ọshara enyi da nya ireshi ọnọ, do wu nyẹtẹ ụmụmọ, di ireshi ọnọ wu zẹtẹ bo.

Chapter 7Ijesu ọ fụ ozida ọga ashoja ẹchẹshi ikụ sha(Imt. 8:5-13)

¹Inaama ọni jesu karẹyi ọnọọ ka yi azẹnẹ da, dọ ni Ikapanọmụ.²Dọva nyi ọ̣ga ashoja ụvọrẹkụ ẹchẹshi ọnya, anạ nyi ọrishi ọnya ono sirẹyi ani kokoro. Di ẹngwu aa zi ọrishi ọnọ, netu ki o vee su. ³Ọga aani mẹ wu inọpati Ijesu, dọ tu azẹku Iju nin shi o ki ọ vẹ va fụ ozida awụọni ikụ sha. ⁴Ẹfi ene ve tu Ijesu da, dẹ dipẹ yọ kokoro, dẹ ka, "Ọ vọrọ kụ wa zụ mọgụvọ yi ọnọru ọnọni, fụvọki oo funa avọ. ⁵Fụvọki o sirẹyi irẹkuravabẹ ayi ẹtẹẹtẹrẹ; ọni ọnọ vana da Isinagọgụ ọnọni yi yi."⁶Di Ijesu vọọ kụ vatụra wa na. Ama ụmọnọ zi gurẹ ireshi aani, di ọga ishoja ọnọ tụ ẹta aani, ki ẹna gẹ rẹ ẹ, doti ẹ kaa yọ ka, "Ananyiyi, asụụ mẹ akanya vẹ ida ami, fuvọki ma zi fụ ọza ọnọ vọrọ kụ wa ngwụ ireshi aani. ⁷Fuvavọ, me zi ro ki ma fụ ọza ọnọ vọrọ ki o ve tu wu, ama karẹyi ọchi ọnya kẹnẹ, ana vaa fụ ozida ami ikụụ sha. ⁸Fụvọki ẹmi nyẹmbẹ vi ọnụmọ, dim nyi ashoja nin ana yini afụ ami. Maa ka yi ọzọnya aanini ki ọọ na, dọọ na, maa ka yi ọsa ki ọọ vẹ, dọọ vẹ. Maa ka yi ozida ami, ki ọ maan mẹ, avọ ọmẹ vaa mẹ."⁹Ijesu mẹ wu irẹyi aani, diirẹyi aani sheeyi, dọ vareyi ka azọkọni anaa vatụra, dọ ka, "Ma kaa yụ wụ nin, me zi meen ri re ẹngwu ọdọwu ọnọni yẹẹyẹ, shi ini Isrẹni." ¹⁰Ụmọni ẹnẹna tụ varama tu ireshi, de ne tu ka ozida ọnọ ọ si dashi.Ijesu ọ sha ozi osoku ọnyi ene su va vẹshẹ¹¹Inaama ọnọni, di Ijesu nọ irẹkura anaa shi Inaini. Di eziafu aani ọnri azọkọni kuafụza a. ¹²Ọ maa gụrẹ ọchiọfọ irẹkụra ọnọ, do re ka asi oku ozi ọnọru ọnyi, ọni ọnyi aani vi ose-oku, aa vẹ. Di azẹrụrụ̣ vatura ose-oku ọnọ fini irẹkụra ọnọ. ¹³Ananyiyi me re ọnyẹnẹ ọnọ, dọ nyi ayụva yọ. Dọ kaa yọ ka, "Asuu ku sunee". ¹⁴Inaani, dọ shirẹ, dọ suvọ kani odooro ana si chema oku ọnọ. Di ẹnẹna za oku ọnọ dinẹ sii. Dọ kaa yo kạ, "Ẹwụ ozi ọmụsha, mi ku wa kwẹẹtẹ". ¹⁵Di ọnọru ene su da oshẹtẹ, kwẹẹtẹ yatu, dọ vẹrẹ aa karẹyi. Di Ijesu si ọ yi ọnyi aani.¹⁶Inaani, di angwashi ngwụ enbo ẹngwu, dẹ kụa sụga yi Oshomoshi, dẹ ka, "A si ọkisẹ ọbani ọnya kwẹẹtẹ ini akaakana ayi da." ọnri ka "Oshomoshi ọ vẹ va mọguvọ yi aza aani da." ¹⁷Di irenube ọnọni inọpati Ijesu garashi Ijudiya keekere ọnri ọkakooro aani bo.IjọọnụỌsami ọ tụ eziafụ aani shi Ijesu(Imt. 11:2-19)¹⁸Di eziafu Ijọọnụ ka yọ inọpati isẹnẹni bo. ¹⁹Inaani, di Ijọọnụ shi eziafụ aani ẹẹva, dọ tu wa shi Ananyiyi ki ẹ na kaa ka, "Ẹwụ ọnọ wa vi ẹzẹna kaa ki ọ vaa vẹ, navẹki yee si ọzẹnẹsa?" ²⁰Efi ẹnẹ gụri Ijesu, dẹ kitụ yọ ka, "Ijọọnụ Ọsami ọnọ tụ yi shi wu ki ya fọ wụ ka, "Ẹwụ ọnọ wa vi ẹzẹna kaa ki ọ vaa vẹ, navẹki yee si ọzẹnẹsa?'"²¹Ini iwakati ọnọ, di Ijesu ọ fụ aza ikụ irenyi renyi sha, dọ dụ ifẹ azeeshi jinẹ furẹ aza ẹngwụ. Dọ sha oguri ẹrụrụ nin iri. ²²Ijesu o voshi, dọ kaa yụ wa ka, "Ụmẹ ọnụụ ra zi na nin, kaa yi Ijọọnu nin, isa ọnụụ re ọnri ọnuu wụ nini. Oguri nin ee reẹtẹ, osuafụ nin aa zụsẹ, da fu ọniku ọbani nin ikụ sha, di ogutọ nin aa wurẹyi, daa sha aza ene su nini vaa vẹ ẹshẹ, daa karenube ọiza yi ọnriwa nini. ²³Ẹdabẹrẹ ọnọ vi yi ọza ana razi zuvọdinẹ ini ọdidọ mi wụ fuvọ ọmimẹ ami.Ijesu ọ karẹyi inọpati Ijọọnụ Ọsami(Imt. 11:7-19)²⁴Ọnitu Ijọọnụ nin mẹ zina da, di Ijesu nyima irẹyi ọkika yi azọkọni nin inọpati Ijọọnụ, dọ ka, "Yere isa ọnụụ ne re ini ụnọmi nin? Ọchi ọfụụfụ ọni ashi aa kụ ziaani ziavọ wa yọ? ²⁵Yere isa ọnụụ ku wee ne re nin? Ọnọru ene chire auru fẹnẹ-fẹnẹ wa yọ? Batọ nin, ẹnẹna kụ ẹnya ọnyirishi, dẹ̣ẹ mẹ ẹshẹ ọnyirishi, vanaa yini ivishẹ oshinọyi. ²⁶Yere isa ọnuu ne re nin? Ọkisẹ wa yọ? Avọ ọmẹ vi; ma kaa yụ wụ nin ki, o vene funa ọkisẹ.²⁷Ọni ọnọ vi ọzẹna chẹrẹ ẹ tẹtẹ inọpati aani ka, 'Re. ọnitụ ami a tuọvidi awu, do ne teni oze tẹtẹ zi wu.' ²⁸Maa kaa yụ wu nini, ini aza bo ana ma fini inẹ ọnyẹnẹ, ọzi nyi ana bani fu Ijọọnu. Ama, ọzene weyi fu bo ini ijọva Oshomoshi ọ nyi ụbani fu Ijọọnụ²⁹(Ụmọni aza bo, shi ọdimana nin wụrẹyi aani, dẹ kaa ka Oshomoshi vi ọnirẹiza, fuvọki a mẹ isami jọọnu yụ wa da. ³⁰Ama di Ifarisi nin ẹnri ẹnẹna yẹ inọpati ofi Iju nin ẹtẹtẹrẹ, razi zẹ mẹ isa ọni Oshomoshi ka yụ wa ki ẹẹ mẹ, fụvọki Ijọọnu ọi mi mẹ isami yụ wa).³¹"Sọnim va zụụ si aza evereze ọnọni mọrọ kẹ? Sọne vene ke? ³²Ee vene ezueyi ana mẹrenyinyi ini ofu, dẹ gẹ yatụ, dẹ kaa yi ẹngwụ ka, 'Yee fu ofere yụ wụ, wa zi nyẹzẹ. Yaa jashẹ oku yụ wụ, we zi sune.'³³Fụvọki Ijọọnụ Ọsami ọ vẹ, ọ zi ri ibụrẹdi, ozi fu eche, dụụ ka, 'Azeeshi aa zama a.' ³⁴Ozi Ọza ọ vẹ, dọọ ri, doo fu, dụụ ka, 'Re, ọrisa avụkavụka ọnri ofueche ọnọ vi, dọ zẹ vi ọta ọdimaana nini ọnri ọta anaichama nini!' ³⁵Ama, tamayi yẹ nin ki ezi ọni ụvira ma bo ẹnẹẹ dọirenu."Ijesu ọ nọ ineeshi Ifarisi ọnyi³⁶Umotu di ọnya ini Ifarisi nini tụ shi Ijesu ki o ve pe ọni risari. Ẹfiẹni Ijesu tu ireshi aani, dọ yatụ tụ izẹnẹ yaa vaa risari. ³⁷Dọva nyi ọnyẹnẹ ọnyi ana vi anaichama ọna yini irẹkụra ọbani ọnọ. Ẹfi ọnọ wụ ki Ijesu aa risari ineeshi Ifar̄si ọnọ, dọ si angwẹ eturari anabasita viizọ. ³⁸Ọ mẹ dinẹ tụnaama Ijesu, doo sune, di ẹgọ aani a ka shi Ijesu ụfụ, dọsi ẹyi irẹsụaani nyeyi ọ fụrẹ ụfụ, dọ si irenu ku o ụfụ, dọ va angwẹ eturari ọnọ shi o ụfụ.³⁹Ẹfi ọni Ifarisi ọna tushi Ijesu re isọnọni, dọ kaa yi ẹngwụ aani ka, "Aaviki ọnọrụ ọnọni vi ọkisẹ, ọ vọrọ kiọ yaan yẹ ọnyẹnẹ ọnọni ọnri ẹngwụ ẹzẹni ọnyẹnẹ ọnaa sụvọ kani ọ aani vi; ọ yaanyẹ ki anaichama ọnọ vi." ⁴⁰Di Ijesu tuoshi, dọ ka, "Isaimọni, ọ nyi irẹyi ọni mee si ki ma kaa yụ wụ." Dọka, "Ọzụọzisa, ka a!"⁴¹Di Ijesu ka, "Ọ nyi ọzọnyi enee zere aza ẹkẹshi, dọ nyi ọnụta ẹẹva ọna ri ọ ụta. ⁴²Ọnya ọ ri ọ ụta idẹnari akava rẹchẹshi, di ọfụụva ri ọ ụta idẹnari ẹbẹrẹva rẹẹwụ. Ẹ mẹ rai zụ si o ụta ẹnẹ ri ọ, dọ si ọ vaya ẹnẹviva. Ọ mẹ maan si vi aani, yere ẹzẹne vee sirẹyi aani fu ini ẹnẹviva kẹ?" ⁴³Di Isaimọni voshi, dọ ka, "Ma kẹni ki ọnọ si vayaani fu yọ." Di Ijesu kaa yọ ka, "Waa jishi ẹtẹrẹ."⁴⁴Di Ijesu vareyi ka ọnyẹnẹ ọnọ, dọ kaayi Isaimọni ka, "A vu wee re ọnyẹnẹ ọnọni. Ma ngwụ ireshi awụ vẹ, wa zi ka enyi yi mi ki ma si ọ nyina afụ, ama ọnyẹnẹ ọnọni ọ kẹgọ shi mi afụ, dọ si ẹyi irẹsụ aani nyeeyi ọ. ⁴⁵Wa zi sirenu ku mi, ama fụri ẹfi ọnọ fụrẹ vẹ ọnọọ sii sirenu ku mi afụ.⁴⁶Wa zi va angwẹ shi mi irẹsụ, ama ọnọọ va angwẹ eturari shi mi afụ. ⁴⁷Fụvavọ, di ma kaa yụ wụ, aichama aani, ọpa ọnọ rụrụ tu, a si ọ vayaani da --- fụvọki o sirẹyi Oshomoshi kokoro. Ama, ẹzẹna si aichama aani vayaani che, vene sirẹyi Oshomoshi che."⁴⁸Inaani, dọ kaa yi ọnyẹnẹ ọnọ ka, "A si aichama awụ vaya wụ da." ⁴⁹Di ẹnẹni ọnrụ wa gẹ yatụ aa risari vẹrẹ a kaa yi ẹngwụ ka, "Ẹnọnọni vi kẹ, ana vanabẹ a si aichama ọza vayaani. ⁵⁰Inaani, di Ijesu kaa yi ọnyẹnẹ ọnọ ka, "Ọdọwụ awụ ọ dọwụ tụ da. Waa na ini ẹngwọrọ."

Chapter 8Anyẹnẹ nin anaa vaatụra Ijesu ziizi

¹Ini ene rezi ku, di Ijesu vẹrẹ aa varakara ngwụ irẹkụra renyi-renyi zi, dọọ karenube ọiza, doo showu inọpati ijọva Oshomoshi. Di eziafụ aani ẹnẹwụrẹva ya pe e, ²bẹrẹ anyẹnẹ ẹnyi ana bidi dụ ifẹ azeeshi jinẹ fini ẹngwụ aanini, da bidi zẹ fụ wa ikụ sha da: ọza vi lmeri anaa shi lmagdereni, ọnọviki a dụ ifẹ azeeshi ishimba fini ẹngwu aani. ³Ijoana, ana vi ose lkuza, ọga anụkọrọ lhẹrọdụ; Isuzana; shi aza ẹrụrụ ẹrụrụ, ẹnoviki fini ampo aanini, dẹẹ mụgụvọ renyi renyi yụ wa.Ụshioche ikọpati ọnaarẹ one chire ọina(Imt. 13:1-9; Imk. 4:1-9)⁴Azọkọni nin mee peree gụ, di aza a vẹ vee tu o fụri irẹkụra renyi renyi, di Ijesu karẹyi ọnya yụ wa ini ụshioche, ka: ⁵"Ọnaarẹ ọnyi o ne chire ọina. O mee chire wa, di ẹnyi javọ tụni utoze, da kụ afụ shi wa parafu, di unomi nin tọọwari. ⁶Di ẹnyi javọ tụni irẹsụ̣da, ẹ mẹ chi kẹnẹ, dẹ wẹngwani va sha, fụvọki ọzi nyi enyi.⁷Ẹnyi ẹ javọ tụni akaakana ikeyi, di ẹnri ikeyi gẹ fụ, di ikeyi za a ri. ⁸Ama ẹnyi ẹ javọ tuni ẹtẹ ozoza, dẹ fụ, dẹ tụ ẹtụtụ ụpẹ ẹchẹshi funa ono chire." Inaama ọni Ijesu ki isẹnẹni da, dọ shụ wa, dọ ka, "Ẹzẹna ra nyi ụtọ ọnọ sii wụrẹyi, navọ ọ wụ."Isẹnẹ mẹ ki Ijesu ọọ karẹyi ini ụshioche(Imt. 13:10-17; Imk. 4:10-12)⁹Di eziafụ aani fọ ọ ki sẹnẹ vi ọshafụsha ụshioche ọnọni. ¹⁰Dọ ka, "A si ọyiyẹ inọpati ashiri ijọva Oshomoshi yụ wụ nin da, ama ụshioche maa si karẹyi yi azẹnẹsa; 'aaviki e reẹtẹ poro, ẹ zaa yẹ isene re; ẹẹ sụtọpeẹtẹ poro, ozee ye wa.'Ijesu ọ shafụ ụshioche ọnaarẹ one chire ọina sha(Imt. 13:18-23; Imk. 4:13-20)¹¹Ọmẹyani, ọshafụsha ụshioche ọnọ yi: ọina ọnọ vi irẹyi Oshomoshi. ¹²Ẹna javọ tụni ụtoze, ẹnẹ vi ẹnẹna wụreyi ọnọ, ama di eshu vẹ, dọ tụ irẹyi ọnọ fini ọtụtụrụma aanini, doti ̣asẹ dọwụ, dọ vana nyi ki a dọwaatụ. ¹³Ana javọ tụnirẹsụda, ẹnẹ vi ẹnẹna wụrẹyi ọnọ, dẹ si ụjẹ dọ, ama dẹ razi nyi ẹpa. Ẹ dọwụ ini ẹfi keere, ama ini ẹfi azamare, dẹ si sẹdụ.¹⁴Ọina ẹna javọ tụni akaakana ikeyi vi aza ana wụrẹyi ọnọ, ama ẹ mẹ vaa na inoze, di ariro ẹshẹ ọnri ẹkẹshi ọdidụechi bẹri ushine ẹshẹ ọnọni, za irẹyi ọnọ ri, fụvavọ dẹ razi tụẹtụtụ. ¹⁵Ama, ọina ana javọ tuni ẹtẹ ozoza vi ẹnẹna si ọtụtụrụma ọiza, ana nyi irẹiza, wụreyi ọnọ, dẹ siọ tuni ayi aanini, dẹẹ si ụmẹnẹ ọnri ọsiengwụdọ tụẹtụtụ.Irakọpa vone zuu gẹba(Imk. 4:21-25)¹⁶Zẹ yẹ nin, ka, ọzi nyi ọza enee fu irakọpa dọ va ọnyaa ku o, navẹki dọọ si ọ tụni afụafụ ode. Akikọnọ, doo zu o gẹ ọchi ọpa, doti aza bo ana ra ngwụ ireshi vẹ, e zu re etẹofeyi aani. ¹⁷ Fụvọki ọzi nyi isa ana tẹ, ana ra zaa sii zụ, navẹki isa ene bebe mẹ, ana ra zaa yẹ, dọọ si vi isa ana yẹ ini ẹtofeyi. ¹⁸Fụvavọ, batọ ẹtẹẹtẹrẹ, wa wụ nin; ọzẹna ra nyi isa, vana vaa sii bẹrẹ yi; ama ọzẹna razi nyi, shi isa ono ro ki ọnọ nyi vana vaa dọ fụrẹụvọ."Ẹnyara Ijesu ẹnri ọnyi aani(Imt. 12:46-50; Imk. 3:31-35)¹⁹Umotu, di ọnyi aani ọnri ẹnyara aani ve tu o, ama dẹ raizụ kavape e fụvọ azọkọni ana yi izọ. ²⁰Dẹ kaa yọ ka, "Ọnyi awụ ọnri ẹnyara awụ ẹ dinẹ tuni ẹshẹẹshẹ, ee si ki enee re wu." ²¹Amạ di Ijesu voshi, dọ kaa yụ wa ka, "Ẹnẹna wụ ireyi Oshomoshi, dẹ si ọ mukọrọ, ẹni ẹnẹ vi ọnyi ami ọnri ẹnyara ami."Ijesu ọ za opoomu dinẹ(Imt. 8:2̂3-27; Imk. 4:35-41)²²Ọkushi ọnyi, di Ijesu ọnri eziafụ aani ngwụni ẹpaa, dọ kaa yụ wa ka, "Navọ di ya nọ akajinẹ adagu ọnọni." De si fu a na. ²³Ama, ẹ maa na, di ara si Ijesu dọ. Di ashi oduvi ọnyi vẹrẹ a kụ inẹẹsụ adagu, di ẹpa aanini e shi yi enyi anaa ngwọ ọ, ọnọviki o ve zuu chi wa irẹnya.²⁴Di eziafu Ijesu ve tu o, dẹ sha a, dẹ ka, "Ọga! Oga! Ye vee su o!" Dọ sha kwẹẹtẹ, dọ tụ ashi ọnri enyi anaa dabụdụ, ofuvọ, dẹ za dinẹ keri. Di ẹtẹ tẹtẹ sii. ²⁵Inaani, dọ kaa yụ wa ka, "Yere ọdọwụ awụ nin kẹ?" Di angwa shi wa. Ẹ mee shiangwa, avọ ono mee ze shuweeyi. Dẹẹ kaa yi ẹngwụ ka, "Ẹni ọza ọnọni vana vi kẹ, dọọ si ụmọ karẹyi yi ashi ọnri enyi, dẹẹ wụrẹyi tụ ọ irenu?"Ijesu ọ dụ ifeẹ azeeshi fiini ẹngwụ onuvu ọnyi(Imt. 8:28-34; Imk. 5:1-10)²⁶Dẹ ngwụni ẹpa ne tu okakooro Igerasẹnẹsi ana yi akẹnẹ irefu Iganini. ²⁷Ijesu me chi shi ẹtẹ, di ọnọru ọnyi fụri irẹkụra ọnọ, ọni ifẹ azeeshi ẹrụrụ aa zama, vẹ ve tu o. O si ku ọni ọnọru ọnọ ku chire auru, dọ razi kụ ra reshi, dọsiviki ini irikuta ọnọ kụ ra.²⁸O me re Ijesu, dọ si owu zẹtẹ, dọ vakuẹtẹ tụọvidi, do nowu tuẹba ka, "Ṣenẹ kụ ẹmi ri ẹwụ gẹ kẹ, ẹwụ Ijesu ozi Oshomoshi Adayi Ebẹẹba Keekere. Mi yarẹ wụ, a sụụ mụya ri mi." ²⁹Fuvọki Ijesu ọ si umọ kaa yi ifẹ azeeshi ọnọ ki ọjinẹ fini ẹngwụ ọnọrụ ọnọ. Ụmẹ tụrụmẹ ọnọ sii zama a, shọmẹ daka vi ki a si ẹba sụ ọ, dee sere e. Ẹfi ẹnyi, dọ ji ẹba aani vasha, di ifẹ azeeshi ọnọ tura a na ngwụ ini ụnọmi.³⁰Di Ijesu fọ ọ ka, "Sẹnẹ vi irẹsha awụ?" Dọ ka, Ọkọni", fuvọki azeeshi ẹrụrụ ẹnẹ ngwụ ẹ ẹngwụ. ³¹Di azeeshi ẹnẹ dipẹ yọ ki asọ dụ ẹni na ngwụ ụsi bọm bọm.³²Ini ẹfi ọnọ, di ụra ẹrụrụ nin aa risa ini irakasha irẹsụfa izọ. Di azeeshi ẹnẹ dipẹ yọ ki ọ navọ di ẹnẹ na ngwụ ininẹ ụra ẹnẹ. Di Ijesu zẹẹ wa. ³³Di azeeshi ẹnẹ jinẹ fini ẹngwụ ọnọru ọnọ na ngwụ ininẹ ụra ẹnẹ. Di ụra ẹnẹ bụdụ chi fini irẹsụfa ọnọ na ngwụ ini adagu ọnọ, di enyi mụnẹ wa bo.³⁴Ẹnẹnaa pa ụra ẹnẹ me re isẹnẹ mẹ, de zue na kaa ini irẹkụra ana yini ọvarakara izọ bo. ³⁵Fụvavọ, di aza jinẹ ne re isẹnẹ mẹ. E ve tu Ijesu, de re ọnọru ọni ifẹ azeeshi jinẹ fini ẹngwụ aani, ki ọ yatụ tuni iragada Ijesu, do chire auru, di ivefu aani si vanẹtẹ; di angwa shi wa.³⁶Inaani, di enene re isẹnẹ mẹ, kaa yi aza, Ijesu mẹmẹ fụ ọnọrụ ani azeeshi a zama, ikụ sha. ³⁷Umotu, di aza bo ana yi ọkakooro lgẹrasinẹsi kaa yi Ijesu ki ọ jinẹ fini irẹkụra awụọnini, fụvọki angwashi ọshimi ọsi ngwụ wa engwụ. Di Ijesu ngwụ ini ẹpaa, ẹnẹ vaa varama.³⁸Di ọnọru ani ifẹ azeeshi jinẹ fini ẹngwụ aani na dipẹ yọ ki ọ naa kụafụza, ama di Ijesu ka yọ ka, ọọ na, dọ ka, ³⁹"Varama neeshi awụ, doti wa na kaa, isa bo ọni Oshomoshi mẹ yụ wụ." Di ọnọrụ ọnọ vaturoze a na, doo showu ngwụ irẹkụra ọnọ bo inọpati isa ọni Ijesu mẹ yọ.Ijesu ọ fụ ozi Ijairọsi ọnyẹnẹ ọnri ọnyẹnẹ ọni anya aa va ini ẹngwụ aani ikụ sha(Imt. 9:18-26; Imk. 5:21-43)⁴⁰Ijesu mẹ varama, di azọkọni na kụ ọ kaanẹ rụjẹ rụjẹ, fụvọki enbo vanaa nyi iribato ani. ⁴¹Inaani, di ọnọru ọnyi anaa shi ljairọsi, ana vi ọdọvidi lsinagọọgụ, ve tu Ijesu, dọ vakuẹtẹ tụovidi, dọ dipẹ yọ ki ọ vẹ ineeshi awụọni, ⁴²fụvọki ozi aani ọnyẹnẹ ọnya, ana vi ọpati irayi ẹwụrẹẹva, o vee su. Ijesu mẹ vatura a na inoze, di azọkọni nin bụdụ varakara a.⁴³Ọ nyi ọnyẹnnẹ ọnyi ana yi izọ ọnọviki anya vanaa vaa fini ẹngwụ aani fụri irayi ẹwụrẹẹva, di ẹkẹshi ọnọ nyi bo ta no tụọ. Ama dọ razi nyi ọza ana zụ fụ ọ ikụ sha. ⁴⁴Dọ zi irama Ijesu na kani ụtọ auru aani; ụmụmọ, di anya anaa vaa fini ẹngwụ aani zadinẹ.⁴⁵Di Ijesu ka, "Ene sụvọ kani mi?" Ụmọni enbo yi ki aivi eni, di lpita ka, "Oga, azọkọni a bụdụ varakara wụ, dẹẹ si ẹngwụ piri wụ no." ⁴⁶Ama di Ijesu ka, "Ọzọnyi ọ sụvọ kani mi, fụvọki maa yẹ ki ụkata ọ jinẹ fini ẹngwụ ami."⁴⁷Ụmọni ọnyẹnẹ ọnọ re ki ọnọizua si ẹngwụ tẹ, di irẹgashi si ngwụ ọ ẹngwụ, dọ jinẹ vẹ, dọ vakuẹtẹ tụni ọvidi Ijesu. Do kaa ini eyi aza bo, isẹnẹvẹ di ọni sụvọ kani ọ, shi a mẹ mẹ fụ ọni ikụ sha ụmụmọ. ⁴⁸Di Ijesu kaa yọ ka, "Ẹwụ ozi ami, ọdọwu awụ ọ mẹ wụ dashi da. Waa na ini engwọrọ.⁴⁹Ijesu maa ki karẹyi inụvọ, di ọzọnyi fini ireshi ọdọvidi lsinagọọgụ ve, dọ ka, "Ozi awụ o fu su o. Asụụ kụ tụ Ọzụọzisa akanya." ⁵⁰Ama Ijesu mẹ wụ, dọ tụ Ijariọsi oshi, ka, "Asuu shiangwa; nyi ọdọwu kẹnẹ, ki ọ vaa dashi."⁵¹Ijesu mẹ tu ireshi ọnọ, dọ razi zẹ ki aza ẹ vatụra ọni ngwụ ireshi, ọchishi Ipita, ljọọnụ, ljẹmsi, shi ada ozi ọnọ ọnri ọnyi aani. ⁵²Dọ va si vi ki, aza bo venee sune, dẹẹ jiorere yọ, ama di Ijesu kaa yụ wa ka, "Asuu ku sune nin, ozi ọnọni o zi su; ara ọnọọ̣ sụ." ⁵³De nyi Ijesu unyi, fụvọki ẹ yẹ ki ozi ọnọ o fu su.⁵⁴Ama, di Ijesu za ozi ọnọ ụvọ, do nowu shọ, dọ ka, "Ẹwụ ozi, kwẹẹtẹ!" ⁵⁵Di ifẹ ozi ọnọ vavẹ, dọ kwẹẹtẹ ụmụmọ. Di Ijesu ka yụ wa ka ẹ si isari yọ ri. ⁵⁶Dọ vi irẹyi ene shi ada ozi ọnọ ọnri ọnyi aani eyi, ama di Ijesu kawọnọ ki asẹ kaa yi ọzọnzọnyi, isẹnẹmẹ aani.

Chapter 9̄Ijesu ọ tụ eziafụ aani jinẹ(Imt. 10:5-15; Imk. 6:7-13)

¹Ọ shi eziafụ aani ẹnẹwụrẹva, dọ si ụkata ọnri ụmọ yụ wa tụra azeeshi bo ọnri ikụ bo rẹsụ. ²Dọ tụ wa jinẹ ki ẹ na karenube ọiza ijọva Oshomoshi, ọnri ki ẹ zẹ fụ aza ikụ sha.³Dọ kaa yụ wa ka, "Asuu za isọnyọnyi ini ụsoze awụ nin --- asuu za ọchi ọkẹtẹ, navẹki ọta ẹkẹshi, navẹki isari, navẹki auru ọsa. ⁴Ireshi tụri ireshi ọnuu ra ngwụ nin, yi izọ poro netu ụmẹ ọnụụ va sii fiizọ nin.⁵Irasha tụrirasha ọnẹ razi ya tanụvọ dọ wụ nini, bani edudu afụ awụ nin sha, ẹfi ọnụụ ra fiizọ nin, dụ wa si ọ mẹ ivenu yụ wa nini." ⁶Inaani, de si fu aa na, dẹ zi irẹkụra eweyi bo, dee showu irenube ọiza, dẹẹ fụ aza ikụ irasha bo.Ayi Ihẹrọdụ oshinọyi ọ si gẹba(Imt. 14:1-12; Imk. 6:14-29)⁷Umotu di Ihẹrọdụ wụ inọpati isẹnẹni bo, dọvi isene shieeyi, fụvọki azẹnyi vanaa kaa ki Ijọọnụ Ọsami ọnọ sha kwẹẹtẹ fini akaakana enene fu su, ⁸di azẹnyi aa kaa ki Enaija ọnọ siẹngwụ zụ, di azẹnyi za kii ka ki ọnyaini ọkisẹ ụmọkụkụ nin ẹnẹ sha kwẹẹtẹ. ⁹Di Ihẹrọdụ ka, "Maa yẹ ki ma da Ijọọnụ rẹsụ, ama ẹnim vaayẹ ki maa wụ irẹyi ẹnẹni inọpati aani an kẹ?" doo sioze ki o no re.Ijesu ọ si isari yi aza akaashi oze ẹẹshi ri(Imt. 14:13-21; Imk. 6:30-44; Inọ. 6:1-14)¹⁰Ẹfiẹni ọnitụ nin varama vẹ, dẹ kaa yọ isa bo ọnẹ mẹ izẹnẹ nọ bo. Inaani, dọ shụ wa pe ẹngwụ nini oboka, di ẹni renya nọ irẹkụra ọnaa shi Ibẹtisaida. ¹¹Ama, ẹfiẹni azọkọni nin wụ inọpati izẹnẹẹ nọ, dẹ vatụra a. Dọ tanụvọ dọ wa, dọ karẹyi yụ wa inọpati ijọva Oshomoshi, dọ fụ ọnikụ nin ikụ sha.¹²Umotu di aveeku, di ẹnẹwụrẹva ve tu Ijesu, dẹ ka, "Wa zẹ navọ di azọkọni ẹnẹni ẹ nọ ini iboro ọnri ọkakooro izọni, doti e ne si izẹnẹ vaa sụ ọnri isari ẹnẹ vaa ri, fụvọki izọni o si ne ta chiẹngwụ." ¹³Ama, dọ kaa yụ wa ka, "Ẹwụ nin o si isari yụ wa rii." Dẹ voshi ka, "Ya zi nyi pari ivụrẹdi ẹẹshi ọnri isenyi ẹẹva fu --- ọchishi kii na shi isari va yi azẹnẹni. ¹⁴(Anẹrụ ana yi izọ bo vi akawụ oze ẹẹshi). Di Ijesu kaa yi ẹnẹwụrẹva ka, "Navọ doti ẹ ga ẹngwụ tụ oze ẹẹva rẹwụ renyi renyi, doti ẹ vọọ yatụ."¹⁵Dẹ vọọ mẹ. Dẹ kaa yi aza bo ki ẹ yatụ. ¹⁶Di Ijesu si ibụredi ẹẹshi ọnọ ọnri isenyi ẹẹva ọnọ, dọ kụrẹyi shirẹ, dọ tụozurenu ẹdabẹrẹ tụ ọ, dọ sẹ ẹ, dọ va ga a, dọ si ọ yi eziafụ aani ki ẹ gaa yi aẓọkọni ẹnẹ. ¹⁷ Enbo ẹ ri, di inẹ aanini shi, de pere anavọ gụ --- ana vẹtẹ bo do shi uji ẹwụrẹva.Ẹni Ijesu vi?(Imt. 16:13-19; Imk. 8:27-29)¹⁸Umotu, di Ijesu renya aa tuozurenu, di eziafụ aani yi izọ pe e. Dọ fọ wa ka, "Ẹni azọkọni nini ka ki ma vi kẹ?" ¹⁹ Dẹ voshi ka, "Ijọọnụ Ọsami. Ama, azẹnyi ki Enaija ọnụụ vi, di azẹnẹsa ki ọnya ini ọkisẹ ụmọkụkụ nin ọnọ sha kwẹẹtẹ."²⁰Inaani, dọ fọ wa ka " Ẹni ẹwụ nin kaa ki ma vi?" Di Ipita voshi ka, "Ikristi Oshomoshi. ²¹ Ama, dọ kawọnọ ẹtẹrẹ ki asẹ kaa yi ọzọnzọnyi,Ijesu ọ kisẹ inọpati isu aani(Imt. 16:20-28; Imk. 8:34, 9:1; Ijọ. 12:25-26)²²dọ ka, "Ozi Ọza bẹdọ rụya inoze ẹrụrụ, di azẹkụ nin, arufa ọbani nin ọnri ọyofi nin yi o tẹtẹ ki ẹnẹ zi yẹ ẹ; a vaa wụ ọ, ini ọkụshi ọfụụta dọọ sha kwẹẹtẹ."²³Inaani, dọ kaa yụ wa ka, "Aaviki ọ nyi ọzẹnee si ki ọnọ vatụra mi, ọ bẹdọ yi ẹngwụ tẹtẹ, doo chema ọchi avashi aani vatụra mi eyinieyini. ²⁴ Ọzatụrọza ene re zune ẹshẹ aani, vee nee ta; ama ọzatụrọza ọni ẹshẹ aani ra mishi fụvọ ami, vene teni ọ tẹ. ²⁵ Ọgụ sẹnẹ yinaani yi ẹzẹna ri ọgụ ẹshẹ bo, ama di ifẹ aani mishi?"²⁶Ọzatụrọza ana ra nyụshi ami navẹki irẹyi ami vọni Ozi Ọza vaa nyụshi aani ẹfi ọnọ ra vẹ ini ụga aani, ọnri ụga Ada aani, ọnri ụga angẹni ọnini nini. ²⁷Ama di ma kaa yụ wụ, inirẹiza, azẹnyi yi izọni ana razaa si eyi gẹrẹ isu poro ne tu ẹfi ọne ve sii re ijọva Oshomoshi."Ijesu ọ si ẹnvwụ zụ eziafụ aani ini ụga aani(Imt. 17:1-8; Imk. 9:2-8) ²⁸Inaama ọpati ẹkụshi ishinta ọni Ijesu karẹyi ẹnẹni, dọ si Ipita, Ijọọnụ ọnri Ijemsi bẹrẹ ẹngwụ nini irẹsụfa na tuozurenu. ²⁹Ọ maa tuozurenu, di eyi aani varọsa, di auru aani si vara ọvụọvụ bẹnẹbẹnẹ.³⁰Re, di anẹrụ ẹẹva, Imosisi ọnri Enaija, pe a karẹyi, ³¹ana siẹngwụ zụ ini ụga bẹrẹ uzoza. Dẹ karẹyi inọpati ọnina ọni Ijesu aa vaa na, ọnọvi ki ọ vaa jantu zarẹsụ ini irẹkụra Ijerusanẹmụ.³²Ẹfi ọnọ, di ara gẹnẹ lpita ọnri ẹnẹna yi izọ pe e eyi, ama ẹfi ọni ara ta fụrẹ wa eyi, de re ụga aani, shi anẹru ẹẹva ana dinẹ pe e. ³³Ẹ maạ fụri izẹni Ijesu dinẹ tụ, di Ipita kaa yọ ka, "Oga, ozoza ki ya yi izọni. Navọ di ya ji ajẹngwụ ẹẹta; ọnya yụ wụ, ọnya yi Imosisi, di ọnya vi ayi Enaija." (Ọ zi yẹ isẹnọ karẹyi aani.)³⁴Ọ maa karẹyi ọnọni inụvọ, di egushi vaku wa, di angwa shu wa ẹ maa ngwụni egushi ọnọ. ³⁵Di ọngwẹ ọnya jinẹ fini egushi ọnọ, dọ ka, "Ozi ami yi, ọni ọnim ni; batọ tụni irẹyi aani nini." ³⁶Ẹfi ọni ọngwẹ ọnọ karẹyi da, dọ kụ si vọ Ijesu renya. Dẹ si irenu kuoku inumavọ, dẹ razi ka ọnyọnyi ini isene re yi ọzọnzọnyi.Ijesu ọ fụ ozueyi ọna nyi obo ikụ sha(Imt. 17:14-18; Imk. 9:14-27) ³⁷Ini eyineyishẹ aani, ẹfi one chi fini irẹsụfa ọnọ, di azọkọni na gẹrẹ wa. ³⁸Re, di ọnọrụ ọnyi fini akaakana azọkọni si ọngwẹ tụẹba nowu ka, "Ozụọzisa, mi yarẹ wụ, pe mi re ozi ami ọnọrụ ọnọni, ọni renya ọnọ vi ozi ọnim ma. ³⁹Avuere, ọ nyi ifẹ azeeshi anaa zama a, dọọ mẹ ki oo nowu asigiri; dọọ mẹ ki agiri ọọ za a, doo kuafụfụ fineenu. Ọzi nyi ẹfi ọnọ sii naavọ, di ẹngwụ aani bo kụ vi anava anava. ⁴⁰Maa dipẹ yi eziafụ awụ ki e pe mi fụ azeeshi ọnọ jinẹ fini ẹngwụ aani, ama ẹi zụ mẹ."⁴¹Ijesu ọ voshi, dọ ka, "Ẹwụ nin evereze ọna razi nyi ọdọwụ,dụụ kụ ẹngwụ shi isọshimi nin, yere ẹfi ọnim va yaa pe wu nini tu kẹ, izimvaa si ẹngwụ dọ irẹyi awụ nin nee tu? Siozi awụ vẹ." ⁴²Ozi ọnọ maa vẹ, di ifẹ azeeshi ọnọ za, dọ sẹ ẹ riẹtẹ, dọ mẹ agiri za a. Ama,di Ijesu tụ ifẹ azeeshi ọnọ ofuvọ, dọ fụ ozi ọnọ ikụ sha, dọ si ọ yi ada aani varama.⁴³Inaani, di ụbani Oshomoshi shi aza bo eyi. Isa bo ọni Ijesu mẹ vene shi aza bo eyi, dọ kaa yi eziafụ aani ka,Ijesu ọ varama zẹ kisẹ inọpati isu aani(Imt. 17:22-23; Imk. 9:30-32)⁴⁴"Navọ di irẹyi ẹnẹni ọ ngwụ ụ nini ụtọ ẹtẹrẹ; a vaa bafụ Ozi Ọza, da si ọchire anẹshẹ nin ụvọ." Ama, irẹyi ọnọni o zi ye wa. Isẹna tẹ ọnọ vi yụ wa. Fụvavọ ẹ zi yẹ ọshafụsha ⁴⁵irẹyi ọnọ, ama dee shiangwa, dẹ razi zai fisue.Yere ezene fu bo?(Imt. 18:1-5; Imk. 9:33-37)⁴⁶Umotu, di ẹshankata si ngwụ wa akaakana inọpati ẹzẹna nyi ụbani fu inaanini. ⁴⁷Ama, fụvọki Ijesu ọ yẹ isenee ro ini ọtụtụrụma aanini, dọ si ozueyi ọnya pe ẹngwụ, ⁴⁸dọ kaa yụ wa ka, "Ọzatụrọza ana ra tanụvọ dọ ozi ọnọni ini irẹsha ami, vana tanụvọ dọ mi; ọzatụrọza ana ra tanụvọ dọ mi, vana tanụvọ dọ ẹzẹna tụ mi vẹ. Fụvọki ọzatụrọza ene re weyi fu inakaakana awụ nini ọnọ nyi ụbani fu."Ẹnẹna razi kachire yi vana yabẹrẹ yi(Imk. 9:38-40)⁴⁹Di Ijọọnụ si tuoshi, dọ ka, "Ọzụọzisa, yee re ẹzẹnaa fụ ifẹ azeeshi ini irẹsha awụ, dii za a dinẹ, fụvọki ọ ma vatụra yi." ⁵⁰ Di Ijesu kaa yụ wa ka, "Asụụ za wa dinẹ nini, fụvọki ẹzẹna razi kachire wụ nini, vana ya bẹrẹ wụ nini."Irẹkụra ẹnyi ini ọkakooro Isameriya ezi si Ijesu⁵¹Ẹfiẹni ọkụshi ana va sii si ọ nọ ẹbẹẹba aa kavaape, dọ kụ eyi tụra ki Ijerusanẹmụ ọni ọnaa vaa nọ. ⁵²Dọ savọ tụ aza tụọvidi da, dẹ na, na ngwụ irẹkụra Isameriya ne teni isa bo tẹtẹ zi o. ⁵³Ama, azẹna yi izọ ẹ zi tanụvọ dọ, fụvọki Ijerusanẹmụ ọnọ kụeyitụra ki ọnaa vaa nọ.⁵⁴Ẹfiẹni eziafụ aani, Ijemsi ọnri Ijọọnụ, re isẹni azẹnẹni mẹ, dẹ ka, "Ananyiyi, ụ wa ki ya si ụmọ shi ira fụri ẹbẹẹba vẹ, doti o ve vu wa iri?" ⁵⁵Ama, dọ vareyi, dọ tụ wa ofuvọ, ⁵⁶dẹ fiizọ aa nọ irẹkụra oweyi ọsa.Ẹnenee si ki ẹnaa vaatụra Ijesu(Imt. 8:19-22)⁵⁷Ẹfi ẹnẹẹ na inoze, di ọzọnyi kaa yi Ijesu ka, "Mvaa vatụra wụ nọ irasha tụrirsha ọnụụ ra nọ." ⁵⁸ Di Ijesu kaa yọ ka, "Irada nin ẹ nyi ụsi ọnẹẹ ra, unomi ẹbẹẹba nin ẹ nyi irẹngwẹ, ama Ozi Ọza ọzi re irasha si irẹsụ tụ."⁵⁹Umotu, di Ijesu kaa yi ọzẹnẹsa ka, "Vatụra mi." Ama, dọ ka, "Ananyiyi, navọ di ma savọ ne ne ada ami da." ⁶⁰ Ama, di Ijesu kaa yọ ka, "Navọ di enene su e ne oku aanini. Ama, ini ayawụ, na we ne showu irenube ọiza ijọva Oshomoshi irasha keekere.⁶¹Inaani, di ọzẹnẹsa ka, "Ananyiyi, mvaa vatụra wụ, ama navọ ma savọ na kụ anreshi ami nyooda." ⁶²Di Ijesu tuoshi, dọ ka, "Ọzi nyi ẹzẹna si ụvọ za ẹdụ, dọọ ka aba, dọọ vareyii re irama, ana va zụụ ngwụni ijọva Oshomoshi."

Chapter 10Ijesu ọ tụ eziafụ ẹbẹrẹẹta rẹẹwụ jinẹ(Imt. 8:19-22)

¹Inaama isẹnẹni di Ananyiyi ni aza ẹni ẹbẹrẹta rẹwụ ọsa, dọ tụ ẹnẹvẹẹva jinẹ tụọvidi aani, na ngwụ irẹkụra bo ọnri irasha bo ọni ọn nyẹmbẹ ee teni ẹngwụ tẹtẹ ki ọn vaa nọ. ²Dọ kaa yụ wa ka, "Isirarẹ ọ gụẹtẹ, ama ọnụkọrọ nin ẹzi nyiọya. Fụvavọ tuozurenu nin ka Ananyiyi ana nyi isararẹ ki ọ tụ ọnụkọrọ nin na fa isararẹ aani.³Fu waa na nini. Re, maa tụ wụ jinẹ nin vene eziatẹmẹ ini akaakana irada nini. ⁴Asụụ za ọta ẹkẹshi nin, navẹki ampo ụsẹ-oze, navẹki ivata; asụụ vana kụ ọzọnyọnyi inoze nini.⁵Ireshi tụrireshi ọnụụ ra ngwụ nin, savọ kaa yụ wa ka, 'Ẹnwọrọ ọ va si vi ayawụ nin ineeshi ọnọni!' ⁶ Aaviki ọ nyi anẹngwọrọ ọna yi izọ, di ẹngwọrọ awụ si yarẹ ẹ, ama aaviki ọzi nyi anẹngwọrọ ineeshi ọnọ, di ẹngwọrọ awụ va ka wụ vẹ. ⁷Yi ineeshi ọnọ poro, dụ waa ri, du wee fu isẹnẹ ra si yụ wụ, fụvọki ọ vọrọ ki anụkọrọ o re ọgụ ụkọrọ aani dọ. Asụụ jinẹ fineeshi ọnya naa ngwụ ọsa.⁸Irẹkụra tụrirẹkụra ọnụụ ra ngwụ nin dẹ tanụvọ dọ wụ nini, ri isari ọnẹ ra si yụ wụ nini, ⁹dụ wa fụ ọnẹngwụọzi nin ikụ sha. Dụ wa kaa yụ wa nin ka, 'Ijọva Oshomoshi ọ kavape wụ nin da.'¹⁰Aaviki ọ nyi irẹkụra ọnụụ ngwụ nin dẹ razi tanụvọ dọ wụ nin, jinẹ tụra ni ni ẹshẹẹshẹ irẹkụra ọnọ, dụ wa kaa nin ka, ¹¹'Shi edudu irẹkụra awụ nin ene ku yi afụ vọni bani shiẹtẹ yụ wụ nini! Ama, yẹ nini ka: Ijọva Oshomoshi ọ si zi gụrẹ.' ¹²Di ma kaa yụ wụ nin, ini ọkụshi ishọọji, ọ vaa rọ Isodọmụ ẹngwụ funa irẹkụra ọnọ.Irẹkụravabẹ nin ene yi ki ene zi rinẹ varama(Imt. 11:20-24)¹³O du wu ku nin, ẹwụ nin ani Ikorazini! O du wu ku nin, ẹwụ nin ani Ibẹtisaida! Aaviki ayaan mẹ ụkọrọ oshishozeyi ọna mẹ ini ẹngwụ awụ nin ini ẹngwụ ani Itaaya ọnri ani Isidọni nin, o yeen si ku one rinẹ varama, dee chire auru isẹmsẹ, dẹẹ yatụ tụni atitọ. ¹⁴Ama, ọvaa rọ ani Itaaya ọnri ani Isidọni nin ẹngwụ funa awụ nin ini ọkụshi ishọọji. ¹⁵Ẹwụ nin ani Ikapanọmụ, asuu ro ki a vaa ka wụ nin ụvọ shirẹ na ngwụ ineeku ẹbẹẹba nini? Eiye o, ineeku ọrọkọtọ ọna vaa sụ wụ chii nọ nini.¹⁶Ẹzẹne re batọ tụni irẹyi awụ, vene batọ tụni irẹyiami; ẹzẹne re yi wu tẹtẹ, vene yi mi tẹtẹ; ẹzẹnẹ yi mi tẹtẹ, vene yi ẹzẹna tụ mi vẹ tẹtẹ."Eziafụ ẹbẹrẹẹta rẹẹwụ ẹẹ za irenube aanini vẹ¹⁷Di ẹnẹ ẹbẹrẹta rẹwụ ẹnẹ na, dẹ varama vẹ rụjẹ rụjẹ, dẹ ka, "Ananyiyi, shi azeeshi nin nyẹmbẹ vene nyimarẹsụ yi yi ini irẹsha awụ." ¹⁸Di Ijesu kaa yụ wa ka, "Re, mee re Eshu mee zinaa chi vẹ fụri ẹbẹẹba vene inyanya. ¹⁹Re, ma si ụmọ yụ wụ nin da kụ wa si ọ sụfụ shirẹtụra isẹchichi nin ọnri iku nin irẹsụ, shi ụkata ọni ọnivi nin nyi bo, dọọ ma nyi isẹnẹ mẹ wụ nin. ²⁰Tuavọtuavọ, asụụ jụjẹ fụvọki ifẹ azeeshi ee nyimarẹsụ yụ wụ nin kẹnẹ, ama waa jụjẹ nin fụvọki a chẹrẹ irẹsha awụ nin gadaba tụ ineeku ẹbẹẹba."Ijesu ọ jụjẹ inọpati irenube ẹnẹbẹrẹẹta rẹẹwụ(Imt. 1:25-27, 13:16-15)²¹Ini ẹfi ọnọ gẹdẹgẹdẹ, di inẹ aani shi yi ụjẹ ini Ifẹ Ọnini, dọ ka, "Maa sụga yụ wụ, ẹwụ Adami, ana nyi ineeku shi ẹshẹ ọnọni, fụvọki waa si isẹnẹti tẹ yi ọnụvira nin ọnri ẹnẹna nyi ọyiyẹ, dụ si ọ zụ ẹnẹna razi nyi ọyiyẹ, ẹnene vene ezueyi. Avọmẹvi, ẹwụ Adami. fụvọki ọ ngwụweyi ẹtẹẹtẹrẹ."²²Adami ọ kụ isa bo yi mi da; ọzi nyi ẹzẹna yẹ ẹzẹna Ozi vi, ọchishi Ada renya ọnọ yẹ; ọzi nyi ẹzẹna yẹ ẹzẹna Ada vi, ọchishi Ozi ọnri ẹnẹni ngwụ ọ eyi ki ọ nọ si ọ zụ."²³Inaani, dọ vareyi ka eziafụ aani, dọ kaa yụ wa ini oboka ka, "Ẹdabẹrẹ ọnọ vi yi ẹnẹnee re isọnuwee re nini. ²⁴Di ma kaayụ wụ nini, ọkisẹẹrụrụ ọnri oshinọyi ẹrụrụ enee si ki e nee re isẹnẹni, de rezi re wa; dee siki ẹnẹ wụ irẹyi ọnụ waa wụ nini, dẹ razi wụ."Ani Isameriya anayụva²⁵Umotu, di ọyofi ọnyi ọnaa zụ aza inọpati ofi Iju nini kwẹẹtẹ, dọ vaa mọọ re, dọ ka, "Ọzụọzisa, sẹnọ vọrọ ki ma mẹ di ma zụ ri ọgụ ẹshẹ poro pooro?" ²⁶Di Ijesu fọ ọ ka, "Sọni a chẹrẹ tụni ofi Imosisi?" ²⁷Ọ tuoshi, dọ ka, "U vaa si ọtụtụrụma awụ bo, ifẹ awụ bo, ụmẹ nyẹngwụ nyẹngwụ bo, ọnri ivefu awụ bo sirẹyi Ananyiyi ana vi Oshomoshi awụ; duu sirẹyi ọzọfụụva awụ vene umẹ sirẹyiẹngwụ awụ." ²⁸Di Ijesu kaa yọ ka, "Wa voshi ẹtẹrẹ. Vọọ na mẹ; ụ vaa nyi ẹshẹ poro pooro."²⁹Ama, di ọzụọzisa ọnọ ee si ki ọnọ kụ dọnọ rishi, dọ ka, "Ẹnẹ vi ọnọfụụva ami kẹ?" ³⁰Di Ijesu voshi dọ ka, "Ọnọrụ ọnyi ọ fụri Ijerusanẹmụ aa nọ Ijẹriko. Do ne zina ngwụ oyi nin ụvọ, dẹ dọ isẹnọ nyi bo, de tu o vangwushi, do gamo su.³¹Dọ va nyi arụfa ọnyi ọna si zi oze ọnọ, dọ na fụrẹshi ọzọnọ; o me re e, dọ sha zi oze ọsa. ³²Avọ ọni Inẹvaiti ọnyi ọn mẹ zẹ ve tu izọ, do re ọnọrụ ọnọ, dọ sha zi oze ọsa.³³Ama, ani Isameriya ọnyi maa jinẹ tụra dọ si zioze ọnọ, do ve tu ọnọrụ ọnọ izẹni ọ ya. Ẹfi ono re, dọ nyi ayụva yi ọnọrụ ọnọ. ³⁴O ne tu o, dọ sụ anava aani, dọ va angwẹ ọnri eche ivaini shi anava aani. O chema a tụra ikẹtikẹtẹ aani, dọ si ọ ni ni ireshi azẹga, dọ sieyipe izọ. ³⁵Ini eyineyishẹ aani, dọ si idẹnari ẹẹva yi ẹzẹna nyi ireshi ọnọ, dọ ka, 'Pe mi sieyipe; isa tụrisa ọnụụ ra varama nobẹrẹ, mva si ọ yụ wụ ụmọnim ra vẹ.'³⁶Ini azẹnẹẹta ẹnẹni, yere ọnụụ ro ki ọ vi ọnọfụụva ọnọrụ one ne zina ngwụ oyi nin ụvọ?" ³⁷Di ọzụọzisa ọnọ ka, "Ẹzẹna nyi ayụva yi ọnọrụ ọnọ yọ." D Ijesu kaa yọ ka, "Na wa vọọ naa mẹ."Ijesu ọ ni ineeshi Imata ọnri Imeri³⁸Umotu, ẹ mẹ yini ụsoze, dẹ ngwụ irẹkụra oweyi ọnyi, di ọnyẹnẹ ọnyi ọnaa shi Imaata si o ọzọga ineeshi aani. ³⁹Imaata ọnyi ọnyara ọnyẹnẹ ọnaa shi Imeri; dọ yatụ pe Ijesu, dọọ wụ irẹyiaani.⁴⁰Ama, di Imaata aa mẹ kiti kiiti, dọọ kụẹnya isari ono vee sii siọzọga. O vee tu Ijesu, dọ ka, "Avu we re ọnyara ami mẹ navọ ẹmi renya ki maa kụẹnyi isari? Fụvavọ pe mi kaa yọ ki ọva mọgụvọ yi mi." ⁴¹Ama, di Ananyiyi voshi, dọ kaa yọ ka, "Imata, Imata, waa shafasha inọpati isẹrụrụ, ⁴²ama isọnya chọ ọnọ sẹrẹ. Imeri ọ ni one fu bo da; ọna razaa dọ ọ fụrẹ ẹ ụvọ."

Chapter 11Ozurenu Ananyiyi(Imt. 6:9-13; Imk. 7:7-11)

¹Ẹfi ọni Ijesu yi irasha ọnyi aa tuozurenu, di oziafu aani ọnya kaa yọ ka, "Ananyiyi, zụ yi a mẹmẹ tuozurenu vene Ijọọnu mẹmẹ zụ eziafụ aani."²Di Ijesu kaa yụ wa ka, "Waa tuozurenu, kaa ka, 'Ẹwụ Oshomoshi Ada ana yi ineeku, navọ ya si ụbani yi irẹsha awụ ana vi ọnini. Navọ di Ijọva awụ ọ vẹ.³Si isari irẹkụshi ayi yi yi eyinieyini.⁴Si aichama ayi vaya ayi, vene i mẹ si aichama ọzọọza ana ri yi utavaya aanini.Asụụ za yi na ngwụ ini azamare.'"⁵Di Ijesu kaa yụ wa ka, "Yere ọza ọnya inawụ nin ana vaa nyi ọta, dọ vee tuo ini ajirafu, dọ kaa yọ ka, 'Ẹwụ ọtami, zere mi ivụrẹdi ẹẹta de, ⁶fụvọki ọtami ọnyi ana yini ụsẹ-oze ọ shẹshẹ va ngwụ mi ireshi, ama ma zi nyi isari ọnyọnyi si yọ.' ⁷Di ẹzẹna yi inineeshi ve tuoshi ka, 'Asu kuọ kata mẹngwu. Me chire oze da, di ẹmi ri ezi ami si sụ. Mai zụa kwẹẹtẹ vaa si ivụrẹdi yụ wụ.' ⁸Maa kaa yụ wụ nin ka, shọọdaka vi ka ọ zi kwẹẹtẹ va si ivụrẹdi yụ wụ fụvọki ọta aani ọnụụ vi, ọ vaa kwẹẹtẹ vaa si ọpa ivụrẹdi ọnuu ree si yụ wụ, fụvọki wa zi navọ ki ụshiọnyi ọ za wụ dinẹ fini isa ọni wee fisue aani.⁹Maa zẹ kaa yụ wụ nin ka, fisue isa ọnu wee si, a vaa si ọ yụ wụ; wee si o, u vee re; wee fu oze, oze vaa na yụ wụ. ¹⁰Fụvọki azabo ene re fisue, ene re e dọ; ẹzẹnee si isa, venee re, ọnri ki, ẹzẹne re fu oze vana vaa na oze yi."¹¹Yere ada ini akaakana awụ nin ọnọvi ka, ozi awụ re fisue isenyi, dọ si isẹchichi yọ kẹ? ¹²Navẹki oo fisue ajẹ, dụụ si iku yọ? ¹³Fụvavọ, aaviki ẹwụ nin anaichama ẹ yẹ a mẹmẹ si isa ozoza yi ezi awụ nin, ọmẹ fufu vaa vi ka, "Ada awụ nin ọ si Ifẹ Ọnini fụri ẹbẹẹba va yi ẹnẹne ree fisue aani fini ụvọ aani."Ẹnẹ si ụkata yi Ijesu kẹ?(Imt. 12:22-30; Imk. 3:20-27)¹⁴Umotu, di Ijesu aa du ifẹ azeeshi renu ogigu fini ẹngwu evuvu. Umẹ ifẹ irenu ogigu ọnọ si jinẹ, di evuvu ọnọ kụ zụa karẹyi, do shi aza ọkọni ẹnẹ eyi. ¹⁵Ama di azẹnyi ka, "Ukata Ibizẹbọbu ana vi Oshiresụ ife azeeshi nin, ọnọ sii dụ ifẹ azeeshi jinẹ."¹⁶Di azẹnẹsa zamaare, dẹ ka ọ si ọtọrẹwa furi ineeku ẹbẹẹba zụ ẹni. ¹⁷Ama Ijesu ọ yẹ isenee ro, dọ kaa yụ wa ka, "Ijọva ana raa ga dẹ veyi irazi kẹngwụ, vanaa gara; ireshi ana raa ga dẹ veyi irazi kẹngwụ venee wu.¹⁸Aaviki Eshu ọ veyi irazi kẹngwụ aani, ijọva aani mẹmẹ va zụụ dinẹ kẹ? Fụvọki waa kaa nin ki ụkata Ibizẹbọbu ọni maa si dụ ifẹ azeeshi jinẹ. ¹⁹Aaviki ụkata Ibizẹbọbụ ọni maa si dụ ifẹ azeeshi jinẹ, ụkata isẹni eziafụ awụ nin aa sii dụ waa jinẹ kẹ? Fụvavọ ẹni ẹnẹ vaa mishọji awụ nin. ²⁰Ama, aaviki ozigege Oshomoshi ọni maa sii dụ ifẹ azeeshi jinẹ, ọnọ vi ki ijọva Oshomoshi ọ ka wụ vẹ nin da.²¹Ọnukata ana kụẹnya irẹku ree sere ireshi aani, ọzi nyi isa ana va zụụ kani ogu ireshi aani, ²²ama, ọnụkata ọsa ene funa a ra vẹ, dọọ tụ ọ ẹnya irẹkụ, doo yi ogu aani bo. ²³Ẹzẹna razi ya bẹrẹ mi vana veyi irazi ka mi; ẹzẹna razi va bere mi pere vanaa gara a shi.²⁴Aaviki ifẹ azeeshi ọ jinẹ fini ẹngwụ ọza, ọọ zi irasha ọni enyi razi ya a na, doo si irasha ono ve yee shifẹ. Aaviki oi ve re, dọọ ka, 'Mvaa varama nineeshi ọnim fụrẹ.' ²⁵Ọ mẹ vẹ, do ve tu ka, e shi izo,̣ de teni ọ. ²⁶Umavọ dọọ varama na ku ifẹ azeshi ishimba ọsa ene duvi fu ọnyẹmbe,̣ dẹẹ va ra izọ. Ụmavọ di ọvavirama ọzọnọ si duvi funa ọmẹ bidi vi."Ẹzẹna nyi ẹdabẹrẹ ebebaani²⁷Ụmọni ọ karẹyi ẹnẹni inụvọ, di ọnyẹnẹẹ ọnyi si ọngwẹ tuẹba funa ọngwẹ azọkọni ẹnẹ, dọ ka, "Ẹdabẹrẹ ọno ̣vi yi ọnyẹnẹ ana ma wụ, dọ kawụrẹva." ²⁸Ama, di Ijesu tuoshi ka, "Ẹdabẹrẹ ono fufu vi yi ẹnẹna wu irẹyi Oshomoshi, dẹ si ọ mukọrọ."Azẹnyi ee fisue amiinụvọ Ijesu²⁹Azọkọni ẹnẹ maa rụrụ tụọ, di Ijesu vẹrẹ a kaa ka, "Evereze ọnọni vi evereze aichama. Evereze ọnọni e si ọtọrẹwa, ama ọzi nyi ọtọrẹwa ana vaa sii zụ ọ ọchishi ọtọrẹwa Ijona. ³⁰Fuvọki, Ijona mẹmẹ kụ vi ọtọrẹwa yi ani Ininivaiti nin, avọ ani Ozi Ọza mẹ zẹ vaa vi ọtọrẹwa yi evereze ọnọni.³¹Ọnyẹnẹ Oshinọyi aka Ụvẹtẹ vaa bẹrẹ evereze ọnọni kwẹẹtẹ ini ọkụshi ishọji, dọ jivi yụ wa, fuvọki, ọ fụri irasha ọgọdọ fuufu vẹ, dọ va wụrẹyi ụvira Isonomooni. Ama, re nini, ẹzẹne funa Isonomooni yi izọni pe wu nin.³²Ani Inineve nini vaa bẹrẹ aza evereze ọnọni kwẹẹtẹ ini ọkụshi ishọọji, dẹ ji ivi yọ, fụvọki e rinẹ varama ẹfi ọni Ijona karenube yụ wa. Re nin ki ẹzẹne funa Ijonạ yi izọni pe wu nin.Ẹtofei ini ẹngwụ(Imt. 5:15, 6:22-23)³³Ọzi nyi ọza ọnọ vi ki, ọọ si irakọpa fu, dọọ si ọ tụ irasha ana tẹ, navẹki dọọ va uji ku o. Ama, doo zu o gẹ, doti ẹnẹna ngwụ ireshi vẹ, e re ẹtofeyi. ³⁴Iri awu ọnọ vi irakọpa ẹngwụ awụ. Iri awụ re zoza, di ẹngwu bo shi yi ẹtofeyi, ama, iri awụ re duvi, di ẹngwụ awụ bo shi yi oozi. ³⁵Fụvavọ, navọ wa si eyi peẹtẹ du we re ki ẹtofeyi ana yini ẹngwụ awụ ọzi vi oozi. ³⁶Aaviki ẹngwu awụ bo o shi yi ẹtofei, dọ razi nyi aka ana vọ tuni oozi, ụmavọ di ẹngwụ awụ nin si mẹẹ venebiri irakọpa mẹ ra sha ẹtofeyi aani tụra wụ."Ijesu ọ tụ Ifarisi nin ọnri opisa nin ofuvọ(Imt. 23:1-36; Imk. 12:38-40; Irk. 20:45-47)³⁷Ụmọni karẹyita da, di Ifarisi ọnyi shi ọ ka ọ va ri isari ineeshi awụọni, di Ijesu ngwu ireshi na, dọ yatụ, dọọ risari. ³⁸Do shi Ifarisi ọnọ eyi ka, Ijesu ọzi savọ nyina avọ dọ tangwa vaa risari.³⁹Ama di Ananyiyi kaa yọ ka, "Ẹwụ nin Ifarisi va naa nyina irama ipa okenyi ọnri ọnya-ọrisa, ama inẹ awụ nin o shi yi afasha ọnri irẹyi ọshimi ọmimẹ. ⁴⁰Ẹwu nin ọnura! Aivi ẹzẹna mẹ ẹshẹẹshẹ ọnọ zẹ mi mẹ ininẹ? ⁴¹Si isẹnẹ yininẹ ọnri ọnya-ọrisa awụ yi onriwa nin, ụmavọ isa bo vaa nii yụ wụ nin.⁴²Nyairiwa, ẹwụ nin Ifarisi, fụvọki ụụ tụ ocheẹwụ ọzanyi ọnri ụnẹ, shi avi ẹpẹ ọsọọsa, ama, dụ waa sieyiwụ ishọọji ana sẹrẹ ọnri osisirẹyi Oshomoshi. Ọ vọrọ ka, waa mi ishọji irẹiza du we sirẹyi Oshomoshi nin, du wa zẹ mii mẹ isa ọsọọsa ana vọ.⁴³Nyairiwa, ẹwụ nin Ifarisi, fụvọki udi ana yi ọvidi ọnuu si ku wa yatụ tụ ini Isinagọọgu nin, du wee si ki aa si ụbani yụ wụ nin, aaviki aa kụ wụ nin ini ofu. ⁴⁴Nyairiwa nin, fụvọki irikuta ọna razi mẹ ọtọrẹwa tụ, di aza shirẹ ẹ paraafu dẹ raa zi yẹ, ọnuu vene nin."⁴⁵Di ọnya ini ọzụọza ofi nin kaa yọ ka, "Ẹwụ ọzụọzisa, irẹyi ọnụụ ka aani zẹ vi vi ụfụ yi ẹyi nyẹmbẹ." ⁴⁶Di Ijesu ka, "Nyairiwa, ẹwụ nin ọzụọza ofi! Fụvọki wee kune ẹnya ọrata yi aza, ama ẹwụ nin ọma si ozigege awụ kani ẹnya ọnọ.⁴⁷Nyairiwa nin, fụvọki waa tụra irikuta yi ọkisẹ nin, ama oshuku awụ nin ẹnẹ wụ wạ. ⁴⁸Wa divenụ nin, dụụ sụvọtụọ nin, fụvọki oshuku awu nin ẹnẹ wụ wa, di ẹwụ nin tụra irikuta yụ wa.⁴⁹Fụvọ irẹyi ọnọni ọni Oshomoshi, ini ụvira aani, kaa ka, 'Mvaa tụ ọkisẹ ọnri ọnitụ nin shi wa, dẹ mụyari wa, dẹẹ wụ ẹnyi. ⁵⁰Evereze ọnọni ọnọ vaa nyi ivi anya ọkisẹ bo ẹnẹ ji fini ivẹrẹ ẹshẹ. ⁵¹Fini anya Ebẹẹni na ngwụ anya Izakaraya, ana wụ ini akaakana ọpẹtẹ ọnri ireshi Oshomoshi. Avọ ọmẹ vi; ma kaa yụ wụ nin ka, evereze ọnọni ọnọ vaa rivi aani.⁵²Nyairiwa, ẹwụ nin ọzụọza ofi Iju nin, fụvọki wee chire oze shi irẹiza ọyiyẹ, dụụ si ụkọkọrọ aani chaụvọ; ẹwụ nin nyẹmbẹ ọzi ngwụ ireshi, ama waa ji ẹnẹna aa ngwụ ireshi oze"⁵³Inaama ọni Ijesu fi izọ da, di ọyofi nin, ọnri Ifarisi nin aa kachiree, dẹ bere aa nyi ẹshankata inọpati isa ẹrụrụ, ⁵⁴dee si oze ọnọ va sii karẹyi ọnọ va sii ngwụ irẹpa aanini.

Chapter 12Ijesu ọ kawọnọ inọpati ọfifatụvaku(Imt. 10:26-27)

¹Umovetu, azọkọni mẹ wara gụ, netu ki dẹẹ kụafụ shị ẹngwụ, di ijesu savọ vẹrẹ a kaa yi eziafụ aani ka, "Yarazi yi ọva Ifarisi nin, ana vi ọfatụvaku.²Ama ọzi nyi isa ana si tẹ ana razaa si zụ; ọi zẹ nyi isa ana tẹ ana razaa yẹ. ³Fụvavọ isẹnu ra ka ini oozi, a vaa wụ ọ ini ẹtofeyi; isẹnu re bebe ka tụ ọza ụtọ ininẹ irẹngwụ, e vee showu aani inẹẹsụ ireshi.Ẹnọ vọrọ ki ye shiangwa aani?(Imt. 10:28-31)⁴Ẹwụ nin ọta ami, ma kaa yụ wụ nin, a suu shiangwa ẹnẹna vaa wụ ẹchẹngwụ, ana razi nyi isọsa ẹnẹ va zụ mẹ paravọfu. ⁵Ama, mvaa kawọnọ inọpati ẹzẹnu ve shiangwa aani nin. Shangwa ọza ana va zụ wụọza, dọ zẹ nyi ụmọ ọnọ va sii ne ọza na ngwụ ineeku ira. Irẹiza maa kaa yụ wụ nin, shiangwa aani.⁶Aivi ẹkẹshi enyisụẹ ẹẹva ana na ọnyọpandẹdẹ ẹshi? Tuavọtuavọ, ọzi nyi ọnya inaanini ene shayi aani inọvidi Oshomoshi. ⁷Ama, para nagwụ eyi iresụ awụ vọni Oshomoshi zika tụ wụ irẹsụ. Asuu shiangwa ni. Waa nyi ụbani nin funa ọnyọpandede ẹrụrụ.Ọdidọ Ijesu ivenu inọvidi aza(Imt. 10:28-31)⁸Ma ka yụ wụ, ọzaturọza ana ra dọmivenu inọvidi aza, Ọzi Ọza vaa dọivenu inovidi angẹni Oshomoshi nin, ⁹ama ẹzẹne re yi mi tẹtẹ inọvidi aza, vene vee yi ọnyẹmbẹ tẹtẹ inọvidi angẹni Oshomoshi nin. ¹⁰Ọzaturọza ana ra kachire Ozi Ọza, a vaa si ọ vaya aani, ama ẹzẹna ra ka isanyisi shi Ifẹ Ọnini, azẹ za si ọ vaya aani.¹¹Aaviki ẹ za wụ dinẹ tụni ọvidi Isinagọọgụ, oshiresụ nin ọnri anụmọ nin, kụ wa va kụrenu awụ nin, asuu tụayinẹ ka irẹka sụụ vaa kụ, navẹki irẹyi sụụ vaa ka. Fụvọki¹² Ifẹ Ọnini vaa zụ wụ isa ọnọ vọrọ ku wa ka ini iwakati ọnọ.Ụshioche inọpati opisa ọnụra¹³Inaani, di ọzọnyi fini azọkọni ana yi izọ kaa yọ ka, "Ọzuọzisa, kaa yi ọnyara ami ki ọ ga ogu ọna mẹ tẹtẹ yi yi, doti ọ si ayami yi mi." ¹⁴Di Ijesu voshi ka, "Ẹwụ ọnọrụ, ẹnẹ mẹ mi ọkarẹyi naveki anakaakana tụra wụ nin kẹ?" ¹⁵Di Ijesu kaa yụ wa ka, "Yarazi nin, asụụ shafasha osisi ẹshẹ; ọzi vi ogu ọkikụ gụ ọnọ vi ẹshẹ."¹⁶Inaani di Ijesu karẹyi onya yụ wa ini ụshioche, dọ ka, "Opisa ọnya yinaani, di isa-irare aani mẹ ẹtẹrẹ ¹⁷do ve ro ini ọtuturuma ka, 'Sọnim vaa mẹ, fụvọki ma zi nyi ọngwa ọbani ọnim va kụ isa irarẹ ami shi?' ¹⁸Dọ ka, 'Maa yẹ isọnim vaa mẹ. Mvee wu ọngwa ami, dim da ana bani funa ọnini, dim ṽa kụ isa irare ami bo shi o. ¹⁹Mva ka yi ozu ami ka, "Ẹwu ozu ami, wa nyi isa ẹrụrụ tụni ọngwa ana vaa mẹ irayi ọrụrụ, shifẹ ẹtẹtẹrẹ, ri du wee fu, dụ waa mẹrẹ ẹngwụ awụ.'"²⁰Ama di Oshomoshi kaa yọ ka, 'Ẹwụ ọnụra, irafụ ọnọni, mvaa dọ wụ ifẹ; ẹnẹ kụ vaa nyi ogu ọnụụ pere gụ kẹ?' ²¹Avọ ọ mẹ va vi yi ẹzẹne pere ogu gụ yi ẹngwụ aani, ama dọ razi vi opisa ini eyi Oshomoshi."Aaro ẹshẹ(Imt. 6:25-34)²²Di Ijesu kaa yi eziafụ aani ka, "Fụvavọ, ma kaa yụ wụ nin, asuu shafasha ẹshẹ awụ nin, ini ka, isọnuu vaa ri, navẹki isọnuu vee chire. ²³Fụvọki ife ọza o funa isari, di ẹngwụ ọza funa ita.²⁴Zama unomi ọnyọpandede re deere; e me chire, ẹ ma fa, ezi nyi ụfọ navẹki ọngwa, ama Oshomoshi aa pa wa. Wa nyi ụbani fu unomi ẹnẹni ini ozeturoze! ²⁵Yere ọza ọnọvi ina awụ nin, ọnọvi ki afasha aani va zụụ di ụvọ ọnya bẹrẹ ọkụshi irẹsụ ani kẹ? ²⁶Aaviki waizụ misa shishishi ọnọni, ọmẹzi dụ wa shiafasha ini anavọ?²⁷Zama ododo nin re deere, ẹ mẹmẹẹ fụ. Ẹma mụkọrọ, ẹ ma ngwẹ owu, ama Isoromooni mẹ nyi ụbani tu, ọ zi nyi auru ene zoza vene ododo ẹnẹ. ²⁸Aaviki Oshomoshi ọ jauru chire ododo inavi, ana yinaani rajini, ama ụfụọ de nee ngwụ ini ira, ọzi nyi ọjirẹka ki ọ vaa jauru ene funa ododo ẹnẹni chire wu; ọdọwụ awụ nin o deke weyi, o!²⁹Asuu kụ ọtụtụrụma awụ bo tụra isọnụụ vaa ri navẹki isọnuu vee fu; asuu shiafasha ẹshẹ. ³⁰Fụvọki ẹkụravabẹ bo ana ye ẹshẹ enee si ịsẹnẹni; Ada awụ nin ọ yẹ ki ọ vọrọ kụ wa nyi isẹnẹni.³¹Ama sioze ụ mẹmẹ vaa ngwụni ijọva aani; a vaa si isẹnẹni bo gụ ọ yụ wụ nin. ³²Asuu shiangwa, ẹwu nin iragụ oweyi, fụvọki inoshine Ada awụ ọnọ vi ki ọ nọ si ijọva aani yụ wụ nini.Teni ogu awụ nin tẹtụ ineeku ẹbẹẹba(Imt. 6:19-21)³³Na, wa na ga ogu awụ nin, dụ wa si yi onriwa nin. Ji ampo ẹkẹshi ene rezee bo yi ẹngwụ awụ nini --- ize ineeku ana razaa ta, izẹni oyi rei zue teree pe, ọnri izẹni idegu rei zu yee du o sha. ³⁴Fụvọki izẹni ize awụ ra ya, izọ ọni ọtụtụrụma awụ zẹ va yii ya.Ezida ana sieyi peẹtẹ³⁵Kara auru ọgọdọ awụ shirẹ dụ wa si ọta za sụ, dụ wa navọ doti ọpa awụ nin ọọ zaa, ³⁶du we vene aza enee zi ọga aanini ki umẹ ọnọ ra varama vẹ fini upe ọsisiọne, do fu oze, doti ẹnẹ sẹsẹ na oze yọ.³⁷Edabẹrẹ ọnọ vi yi ezida ẹnẹ, ọni ọga aanini ve tu ki e teniẹngwụ tẹtẹ ee zi ọni, dẹ razi sụara, ụmọnọ ra vẹ. Ini irẹiza, ma kaa yụ wụ nin, ọ vaa kara auru ọgọdọ aani shirẹ, dọọ si ọta za, dọọ kaa yụ wa ki ẹ yatụ, dọọ si ụvọta aani si isari yụ wa. ³⁸Aaviki, ọga ọ vẹ ini iwakati ụpọfụva, navẹki iwakati ụpọfụta inaafụ, do ve tu ki ẹ zi si sụ, ẹdabẹrẹ ọnọ vaa vi yi ezida ẹnẹ.³⁹Zẹ yi yẹ nin ka, aaviki adareshi ọ yẹ ẹfi ọni oyi vaa vẹ, ọ zaa navọ ki oyi ọ chaka ọn reshi ngwụ ve tu ọni. ⁴⁰Ẹwụ nin o ze ti teniẹngwu tẹtẹ, fụvọki wa zi yẹ ẹfii ọni Ozi Ọza vaa vẹ.Ọrishi ọnirẹiza ọnri anakụvi(Imt. 4:45-51)⁴¹Di Ipita ka, "Ananyiyi, ẹyi eziafụ awụ renya ọnụ wee chushi irẹyi ọnọni yi, naveki aza bo?" ⁴²Di Ananyiyi ka "Maa kaa yi aza bo ana vi ọga-anụkọrọ, ana nyi irẹiza ọnri ụvira, ọni ọga aani vaa si ezida anavọ chirụvọ ki ọ si isari yụ wa ini ẹfi ana sẹrẹ? ⁴³Edabẹrẹ ọnọ vi yi ozida ọnọ oga aani ve tu ki ọọ zitụ ana tụ ọ, ụmẹ ọnọ ra vẹ. ⁴⁴Ini irẹiza, ma kaa yụ wụ nin, ọ vaa si ọ mẹ oshirẹsụ tụri ogu aani bo.⁴⁵Ama aaviki ozida ọnọ o ro ini ọtụtụrụma ka, 'Ọga ami vee ku dọvanyi ki ọ vẹ,' do nyima ee tu ezida ọnọrụ shi ọnyẹnẹ, dọọ ri, doo fu netu ki dọọ mẹreche, ⁴⁶oga ozida ọnọ vaa vẹ ini ọkụshi ọnọ razi nyi iribatọ aani ọnri ẹfi ọnọ razi yẹ, dọọ sẹ ẹ piripiri, doo ne e tụ irasha ọni ẹnẹna razi nyi ọdọwụ ya.⁴⁷Ozida ọnọviki ọ yẹ isọni ọga awụọni ee si ki ọ nọ mẹ, dọ razi vatura vaa dọ utu shi ẹngwụ. ⁴⁸Ama ozida ana razi yẹ isọni ọga aani ee si ki ọ mẹ, dọ misa ana sii dọ utu, dọọ dọ utu che. Ama, aza bo ana si isa ana nyiọya yị, isa ana nyiọya ana va nyi iribatọ aani finụvọ aani; avọ ọmẹ zẹ vi vi yi ọza ana si isẹrụrụ chirụvọ, e vee fisue isene funavọ fiinụvọ aani.Ọgigarashi ọni Ijesu si vẹ(Imt. 10:34-37)⁴⁹Ma vẹ vaa kaira tuni ẹshẹ, ọ maa vi ki ira ọnọ o si nyimaa za. ⁵⁰Ama, ma nyi isami ọnọ vọrọ ki a mẹ yi mi, ama ẹngwụ ami ọ vashi, ọchishi ki ọ ta mẹ!⁵¹Ụ wa kẹni ki ẹngwọrọ ọnim si vẹ va yi ẹshẹ? Eiye, di ma kaa yụ wụ nini, ọgigara shi ọnim si vẹ. ⁵²Fụrẹ ẹfi aani na, azẹnẹẹshi vaa yi ineshi ọnya, dẹẹ garashi, di ẹnẹẹta kwẹẹtẹ tu ẹnẹẹva; avọ ọni ẹnẹẹva mẹ vaa kwẹẹtẹ tu ẹnẹẹta. ⁵³Ada vaa kwẹẹtẹ tu ozi, ozi vaa kwẹẹtẹ tu ada, ọnyi va kwẹẹtẹ tu ozi aani ọnyẹnẹ, oziọnyẹnẹ vaa kwẹẹtẹ tu ọnyi aani, ọnyi-ọva vaa kwẹẹtẹ tu ose-ozi aani, avọ ose-ozi mẹ vaa kwẹẹtẹ tu ọnyi-ọva aani."Ọtẹrẹwa ọna yinaani ọmẹyani(Imt. 16:2-3)⁵⁴Ijesu vana za ki kaa yi azọkọni ka, "Aaviki wee re ki egushi o mine tu aka ọni ọyi yaa ngwẹtẹ, ụmụmọ dụụ kaa ki orishi a vẹ, dọ vọọ vi rẹiza. ⁵⁵Aaviki ashi ana fụri ụvẹtẹ ọnaa kụ, dụụ ka, "Irivu ọshimi vaa yinaani," do vọọ si vi. ⁵⁶Ẹwu nin ọfatụvaku, wee re ọtẹrẹwa ẹbẹẹba ọnri ẹtẹ nin, waa yẹ isọnọ siọ ka, ọmẹzi dụụ razi yẹ isọni ụmẹ ọnọni aa ka nin?Sirẹyi ọnivi awụ(Imt. 5:25-26)⁵⁷Ọmẹzi dụụ ramaa karẹyi tụzi irẹyi ya yi ẹngwụ awụ nin kẹ? ⁵⁸Fụvọki aaviki ọnivi awụ ọ shi wụ irẹka itụni ọvidi ọmọkarẹyi oweyi, navọ dụ wa ka ẹngwụ awụ irẹ̣yi ụmẹ ọnụụ yi yini oze aa nọ ini ikotu nin, doti aso vene tura wụ ngwụ idi ọmọkarẹyi ọbani, doti asi ọmọkarẹyi ọnọ na si wụ chire ọnọpa ụvọ, ene vee ne wu ngwụ ini ijaaru. ⁵⁹Di ma kaạ yụ wụ, wa zaa jinẹ fiizọ vẹ ọchishi ki ẹkẹshi ọnụụ rụta ta wu si."

Chapter 13Rinẹ varama doti asa na mishọọji yụ wụ

¹Ini ụmavọ, di azẹnyi ana yi izọ̣ kaa yọ inọpati ani Iganini nin ọni Ipairẹti wụ, dọ va anya aanini fura isẹvọ aanini. ²Di Ijesu tuoshi, dọ kaa yu wa ka, "U wa kẹni ki ani Iganini ẹnẹni bo vi anaichama funa ani Iganini anavọ fụvọki ẹ̣ maan rụya?" ³Di ma kaa yụ wụ nin, aivi avọ; ama aaviki we zi rinẹ varama nin, avọ ọni ẹwụ nin bo mẹ ze ve vii vuri.⁴Navẹki ẹnẹwu ri ishinta ọni ireshi ana nẹba wu nya Isinoamu, dọ wu wa, u wa kẹnẹ ka ẹnẹ vi anaichama fu azẹnavọ ini Ijerusanemụ. ⁵Mi ka eiye. Ama aaviki we zi rinẹ varama nin, avọ ọni ẹwụ nin bo mẹ ze ve vii vuri".Irẹyọọyẹ ọni ọchi ifiigii ana razi tụẹtụtụ zụ yi⁶Di Ijesu karẹyi ini ụshioche yụ wa ka, "Ọ nyi ọzọnyi ene chire ọchi Ifigi ọnya tụni ụbazi aani, dọọ vẹ vaa zama aaviki ọn vee re ẹtụtụ, ama do reme re ọnyọnyi. ⁷Di ọnọru ọnọ ka yi anụkọrọ ene teni ụbazi ka, 'Fụri irayi ẹẹta ọnim fụrẹ aa vẹ ini ụbazi ọnọni vaa zama ẹtutu, dim re me re. Sẹ ẹ vasha. Ọmẹzi dụ navọ ki ẹtẹ ọnọni oo mishi kẹ?'⁸Di anụkọrọ ene teni ụbazi ọnọ voshi, dọ ka, 'Savọ navọ ini irayi ọnọni renya da, di ma chi ẹtẹ varakara a, di ma si isa ana si ẹtẹ ze tụọ. ⁹Aaviki ọ tụ ẹtutu ini irayi ọsa, dii yẹ ki ọ vọvọ zoza, ama aaviki ọ zi vọvọ vi, dụ wa sẹẹ ne ta.'"Ijesu ọ fụ ọnyẹnẹ ọnyi ikụ sha ini ọkụshi ifooshi¹⁰Ini ọkụshi Isabati ọnyi, di Ijesu aa zụ aza isa ini Isinagọgu. ¹¹Dọva nyi ọnyẹnẹ ọnyi ana yi izọ, ọni ifẹ azeeshi ụkụmi a zama, dọ kụ cheku, dọ razi kụ zụ vọrọ dinẹ ẹtẹrẹ, fụri irayi ẹwụrishinta.¹²Ẹfiẹni Ijesu re ọnyẹnẹ ọnọ, dọ shi ọ, dọ ka, "Ẹwu ọnyẹnẹ ọnọni ma fụ wụ ikụ sha da. ¹³Ọ kụ avọ tụra, ụmụmọ di ẹngwu aani tana, dọ si ụga yi Oshomoshi. ¹⁴Ama, di ayi kụ ọdọvidi Isinagọgụ ọnọ fuvọki Ijesu ọ fụ ọza iku sha ini ọkụshi Isabaati. Fụvavọ, di ọdọvidi Isinagọgụ tuoshi, dọ kaa yi azọ̣kọni ana yi izọ ka, "Ọkụshi ishinọnyi ana si tẹtẹ ka sii mụkọrọ; ụ va zụụ vẹ ini ọkushi ẹnẹ bo, daa fụ wụ ikụ sha, ama asụụ vẹ ini ọkụshi Isabaati nin."¹⁵Di Ananyiyi tuoshi ka, "Ẹwu nin ọfatụvaku! Ọza ọnyọnya awụ nin wa ra ma si ẹfi ẹnyi ngwara ikẹtẹkẹtẹ navẹki ụnọ awụ nin fụri izẹna za wa chire tụ ne fuenyi ini osue, ini ọkụshi Isabaati? ¹⁶Fụvavọ, inoze ọnyọnya, ọ wa razi vọrọ ki ọnyẹnẹ ọnọni, ọna vi ozi irama Abrahamụ, ọni Eshu zachire fụri irayi ẹwụrishinta, ki a ngwara orupa ọna si za a chirẹ ini ọkushi Isabaati?"¹⁷Ijesu mẹ karẹyi ẹnẹni da, di ụshi si nyi ẹnẹnaa kachire bo; ama di inẹ azọkọni bo ana yi izọ shi yi ụjẹ fụvọ isa ụga ọnọ mẹ.Ụshioche inọpati ọina imọsitadi ọnya(Imt. 13:31-33; Imk.4:30-32) ¹⁸Inaani di Ijesu ka, "Sẹni ijọva Oshomoshi vene, ana va zụụ si ọ mọrọ kẹ̣? ¹⁹O vene ẹtụtụ imọsitadi ọni ọza si, dọ ne e tu ini ụbazi aani, dọ chi, dọ vara ọchi ọbani, di unomi ẹbẹẹba da irẹngwẹ tụni avọ-ọchi aani.²⁰Ụpọsa, dọ ka, "Sọnim vaa si ijọva Oshomoshi mọro kẹ"? ²¹O vene ọva ọni ọnyẹnẹ vafura ayi ikere ẹẹta na ngwụ ụmẹ ọnọ va sii garashi ayi ọnọ bo.Oze ana nyi dẹẹrẹ(Imt. 7:13-14, 21-23)²²Ijesu maa nọ Ijerusanẹmụ, dọọ shaa tụ irẹkụra eweyi eweyi ọnri irẹkura ọbani nini, dọ zụ wa isa. ²³Di ọza ọnyi kaa yo ka, ̣"Ananyiyi, aza che kẹnẹ ana wa va dọo ̣tụ?" Di Ijesu ka yụ wa ka, ²⁴Si kamarenu du we re kụ waa zụ zi oze dẹẹrẹ ọnọ parafu, di ma kaa yụ wụ nin, fụvọki azẹrụrụ ẹrụrụ vee si ka ẹ̣naa ngwụ ireshi, ama ẹi zụa ngwụ ọ.²⁵Obonotu di adareshi ọnọ kwẹẹtẹ ne chiroze, ẹfi ọnọ du dinẹ tuni ẹshẹẹshẹ, du wee fu oze nin, dụụ ka, "Ananyiyi, Ananyiyi, navọ ya ngwụ ireshi!' Doo ve tuoshi, dọ ka yụ wa ka, 'Ma zi yẹ wụ nin, ma zi yẹ izọnụụ fụrẹ vẹ nini!' ²⁶Dụụ vaa voshi nin ka, 'Yaa ri, yee fu inọvidi awụ; wa zụ aza isa ini adubo ayi.' ²⁷Ama, dọọ va voshi ka, 'Ma kaa yụ wụ, ma zi yẹ izụ fụrẹ vẹ nini. Tụfụrẹmeyi nin, ẹwụ nin ọnụkọrụvọ ọshimi!'²⁸Ụ vaa yini une ọsisụ, dụ waa rianyi nin, ụmẹnụụ ze re Abrahamụ, Aiziki ọnri Ijakọbụ, bẹri ọkisẹ nini, ini Ijọva Oshomoshi, ama dee ne wu nin jinẹ. ²⁹Ẹ vaạ vẹ furi aka ọni ọyi tụ̣ furẹ, aka ọni ọyi yaa ngwụ ẹtẹ, aka ẹbẹẹba ọnri aka ẹtẹtẹ, deẹ̣ gẹ yatụ, dẹẹ risari ini ijọva Oshomoshi. ³⁰Yẹ nin ka, ẹnẹnaa sieyiwụ vaa vi ọdọvidi, ẹnẹna nyi ụbani fu vaa vi ene keke."Ijesu o sune yi Ijerusanẹmụ(Imt. 23:37-39)³¹Inaama ẹfi keere, di Ifarisi ẹnyi vẹ va kaa yọ ka, "Fi izọni wa na fuvọ̣ki Ihẹrọdi ee si wu ọwiwụ." ³²Di Ijesu ka, "Na ka yi irada ọnọ ka, 'Ree, maa dụ ifẹ azeeshi jinẹ fụrẹ aza ẹngwụ, di maa fụ aza ikụ sha irajini, ụfụọ ọnri ụfụọkụra ọni ụkọrọ ami vaa ta mi mẹ. ³³Tuavọtuavọ, ọzi ̣vọrọ ki ma zụvọdinẹ irajini, ụfụọ ọnri ụfụọkura, fụvọki azẹ ma zeẹ̣ kia wụ ọkisẹ irasha ọsa, ọchishi Ijerusanẹmụ.³⁴Ẹwụ Ijerusanẹmụ, ẹwu Ijerusanemu, anaa wụ ọkise nin, du wee ne akụkụ shi ẹnẹna tụ shu wu nini. Ụpẹrika ọnim sii si ki ma ji avaka ku wu nin vene aụshẹ mẹẹ ji avaka ku ezi aani, ama dụụ rezi voo si o nini. ³⁵Avue re ireshi awụ nin mẹ ̣si japopo. Maa kaa yụ wụ, we zee re mi nin, ọchishi umẹ ọnuu ra kaa nin ka, 'Ẹdabẹrẹ ọnọ vi yi ẹzẹna vẹ ini irẹsha Ananyiyi.'"

Chapter 14Ijesu ọ nọ ineeshi Ifarisi ọnyi

¹Ini ọkụshi Isabati ọnyi, di Ijesu nọ ineeshi ọdọvidi Ifarisi ọnyi na ri isari, di aza kụeyi pe e. ²Dọ va nyi ọnọrụ ọnyi ọnadinẹ tụni ọvidi aani, ọni ẹngwụ aani wu. ³Di Ijesu fọ ẹnẹna yẹ inọpati ofi Iju, ọnri Ifarisi nin ka, "Ofi wa kaa ki ọvọrọ ki a fụozikụ sha ini ọkụshi Isabaati, navẹki ọ zi vọọ ka?"⁴Ama de chiriji. Inaani di Ijesu za ọnọrụ ọnọ ụvọ, dọ fụọikụ sha, dọ ka yọ ki ọọ na. ⁵Dọ kaa yụ wa ka, "Ẹnọvi ini awụ nin ọni ozi aani ọnọru navẹki ụnọ aani vee zina ngwụ ikanga ini ọkushi Isabaati dọ razaa tụ ọ finaani ụmụmo?" ⁶De rei zu re oshi va tụni isẹnẹni.Ọzizụ inọpati arimakụẹngwụ tụẹba⁷Ijesu me re ki ẹnẹna tụshi ki ẹ va risa venee si irasha ụbani ẹnẹ va yatụ tụ, dọ karẹyi yụ wa ini ụshioche ka, ⁸Aaviki aa tụshi wụ nin vẹ izana yaa siọnẹ, asụụ yatụ tụ irasha ụbani nin, fụvọki ọzụụvi ki ẹzẹnẹsa yi izọ ananyi ụbani funa awụ nin ana zẹ ti tụshi vẹ izọ. ⁹Ụmọnọ ẹzẹna tụshi ẹwụ nẹviva ra vẹ, dọọ kaa yụ wụ ka, "Kwẹẹtẹ yi ọzọfụvọ ọnọ, dọva si eyiụshi fiizọ na yatụ tụrasha ene weyi fu keekere.¹⁰Ama, aaviki aa tụ shi wụ vi irasha, na wana yatụ tụ irasha ene weyi fu keekere; ẹzẹna tụ shi wụ ra vẹ, dọọ kaa yụ wụ ka, 'Ọta ami, kwẹẹtẹ waa shirẹ nẹbẹẹba.' Ẹfi ọnọ dụụ nyi ụbani ini eyi aza ọni ẹwụ rụ wa gẹ yatụ. ¹¹Fụvọki ọzẹna ra si ẹngwụ aani tụẹba, vana vaa kaa chi; ọza ana raa kẹ ẹngwụ aani chi, daa siọ tụẹba."¹²Di Ijesu zẹ kaa yi ọnọrụ ana tụ shi o ka, "Aaviki wa shi aza ki ẹ va risa, asụụ shi ọta awu, ẹnyara awụ, anda awụ navẹki ọpisa nin ana yi ni adubo awụ, fụvọki aavi ẹni kẹnẹ ọnụụ tụ shi, ẹni nyẹmbẹ vaa tụ shu wu ụmẹ ẹnẹ raa misa, dee si wa atọ varama.¹³Ama, aaviki waa rupe, tụshi onriwa nin, Osuafụ nin ọnri ogurii nin. ¹⁴Ụ vaa nyi ẹdabẹrẹ, fụvọki azẹneni ei zue suwatọ. Fụvọki eve suwatọ ụmẹ ọni azẹiza raa sha kwẹẹtẹ."Ụshioche inọpati ọnọrụ ọna mẹ iari gụẹtẹ(Imt. 22:1-10)¹⁵Ozọnya ini ẹnẹna yatụ pe Ijesu izẹnẹ gẹ yaa risa mẹ wụ irẹyi ọnọni, dọ ka, "Ẹdabẹrẹ ọnọ vi yi ọza ọnọviki ọ vaa risa ini ijọva Oshimoshi!' ¹⁶Ama di Ijesu kaa yọ ka, "Ọ nyi ọnọru ọnyi ana mi isari gụụ, dọ tụ shi azẹrụrụ. ¹⁷Ẹfi ana mẹ isari da, dọ tụ ozida aani ki ọ na shi aza ọnọni bidi kaa yi tẹtẹ ka, 'Waa vẹ nin, ki isari ọ si vi.'¹⁸Di enbo ee si irẹka a kụ ki ene zee rozee vẹ. Ọi ipaapa ka, 'Ọ nyi ẹtẹ-irarẹ ọnim shi, ọvọrọ ki ma na zama a, mai daka zụa vẹ.' ¹⁹Dọ ọsa zẹ ka, 'Maa shi ụnọ ẹẹwụ ọni mee si ki ma na zama re. Mai daka zua vẹ. ²⁰Dọ ọsa zẹ ka, 'Maa shẹshẹ nyi ọnẹẹ, fụvavọ mei dekee rozee vẹ.'²¹Ozida ọnọ mẹ vẹ, dọ karẹyi ẹnẹni bo yi ọga aani. Di ayi kụ adareshi ọnọ, dọ kaa yi ozida ọnọ ka, 'Ini ọfirọfira, jinẹ tụẹshẹ tụni ọvanijoze ọnri ikọrọ bo ini irẹkụra ọnọni, dụ wa na shara aza vẹ, aavi oguri yọ, aavi onriwa, aavi osuafu suavọ yọ, dụwa kụwa vẹ.' ²²Di ozida aani ka, 'Ọga, maa mẹ isa ọnụụ ki ma mẹ boo da, ama irasha ọvivọ ọni aza va zụụ ya.'²³Di ọga aani kaa yọ ka, 'Jinẹ tụra na ini ovanjoze ọnri ụtụtọ-oze bo ana varakara irẹkura ọnọni, du we re kụ waa shara aza va ngwụ, doti ireshi ami o zu shi.' ²⁴Di ma kaa yụ wụ nini, ọzi nyi ọza ọnya ini ẹnẹna bidi tụ shi ana vaa da isari ami ree.'"Yere isẹni ọza va zụụ mẹ dọọ si vara oziafụ Ijesu kẹ(Imt. 10:37-3̄8)²⁵Ọmẹyani, azọkọni ẹ vatụra Ijesu, dọ vareyi ka wa, dọ kaa yi wa ka, ²⁶Aaviki ọ nyi ẹzẹna kamvẹ, do rezi sirẹyi ami funa ada aani, ọnyi aani, ose aani, ezi aani, enyara aani ini anẹrụ shi ini anyẹnẹ, shi ẹshẹ ọnyẹmbẹ, ọi zụa vi oziafụ ami. ²⁷Ọzaturọza ana razi chema ọchi avashi aani, doti ọ vatụra mi, ọi zua vi oziafụ ami.²⁸Yere ọza ọnya inawụ nini, enee si ki ọnaa dareshi ọtụrọsa ana nẹba kokoro, dọọ ma bidi yatụ di one ro o, ọpa ẹkẹshi ọni ireshi ọnọ vaa ri, doti ọnọ yẹ ọn ra nyi ẹkẹshi ana vafụ daa fụrẹẹshi. ²⁹Ọọzivavọ, ụmọnọ ra si ireshi ọnọ kẹtẹ da, dọ raizụ daa ta, aza bo ene ree re e vana vaa jọisiya, ³⁰dẹ ka, 'Ọnọrụ ọnọni ọ nyima aa dareshi, ama ọizụ da fụrẹshi.'³¹Navẹki, yere ọshinoyi ana va ne pe ọshinọyi ọsa kụrẹkụ, dọọ ma bidi yatụ doti a jizụ ọ, aaviki ọ va zụụ si anẹrụ akashi-oze-ẹwụ veyiki Oshinọyi ọfụva ana nyi anẹrụ akashi-oze-ofu? ³²Ọọzivavọ, ụvọrẹkụ Oshinọyi ọsa ọnọ mẹ yi yi irasha ọgọdọ, ọnọ vaa ni aza ne tu oshinọyi ọfụva ọnọ ki ẹ na fọ ọ, isẹnẹ nvaa mẹ di irazi ọ fụrẹtẹ. ³³Fụvavọ, ọzọnyọnyi inawụ nini ana razi fụri isọnọ nyi bo ụvọ, ọi zụa vi oziafụ ami.Anọ ọni ushine aani ta finaani ọmakụ nyi isẹna zụ si ọ mẹ(Imt. 5:13; Imk. 9:50)³⁴Anọ vi isa ozoza, ama aaviki ushine aani ọ ta finaani, a mẹmẹ va zụ si ushine aani varama vẹ? ³⁵Ọi kụ zụa mẹ ẹtẹẹ ze; azẹzi vanakụ zụa vaa fura isa ana mẹ ẹtẹẹ ze. A vaa va a sha. Ẹzẹna ra nyi ụtọ ana sii wụrẹyi, navọ ọ si ọ wụrẹyi."

Chapter 15Ụshioche inọpati atẹmẹ ene vu(Imt. 18:12-14)

¹Ẹfiavọ, di ọdimana nin bo ọnri anaichama ọsa nin ee vee tu Ijesu, de vee baatọ. ²Di Ifarisi nin ọnri ọyofi nini gẹ aa rifufu, ka, "Ọnọrụ ọnọni vanaa navọ ki anaichama nini ẹẹ kavaape ọni, dọ vana bẹ zee pe waa risari."³Di Ijesu karẹyi ini ụshioche yụ wa ka, ⁴"Ẹnọvi inaawụ nini, ọnọviki, aaviki ọ nyi atẹmẹ ẹchẹshi, dọ ọnya inaani vu, dọ ra zaa fụri ẹbẹrẹẹna-rẹwurishinna anavọ ụvọ tụni ụnọmi, doo si ọnya ọnọ na, netu ẹfi ono ve sii re? ⁵Ụmẹno ree re e, dọọ si ọ tụiza, dọọ jụjẹ.⁶Ụmẹnọ rạ vẹreshi, dọọ shi ẹta aani ọnri anadubo aani gụ, dọ ọ ka, 'Pe mi jụjẹ nini, fuvoki mee re atẹmẹ ami ene vu.' ⁷Maa kaa yụ wụ nin ka, avọ ọni ụjẹ mẹ vaa yi ineeku inẹẹsu anaichama ọnya ene ree rinẹ varama, funa aza ẹberẹẹna-rewu-rishinna ana vi ọmanasẹrẹ, dọ razi nyi ka e rinẹ varama.Ụshioche inọpati ẹkẹshi enyisụẹ ene vu⁸Navẹki, yere ọnyẹnẹẹ ana nyi ẹkẹshi isiriva ẹẹwu di ọnya inaani vu, do re zee fu ọpa, doo shi ireshi bo, dọ ọ vẹngwụnẹtẹ doo si o netu ẹfi ono ve si re e? ⁹Ụmono ree re e, dọọ shi ẹta aani, ọnri anadubo aani gụ, dọọ ka, 'Pe mi jụjẹ nin, fụvọki, ¹⁰ mee re ẹkẹshi ami ene vu.' Ma kaa yụ wụ nin ka, avọ ụjẹ mẹ yi inọvidi angẹni Oshomoshi nin inẹẹsu anaichama ọnya ene ze rinẹ varama."Ụshioche inọpati ozi ọrita riowu¹¹Inaani, di Ijesu ka, "Ọnọrụ ọnyi ọ nyi ezianẹrụ ẹẹva, ¹²di ana vi ozueyi ka yi ada aani ka, 'Daa, ga ogu awụ, dụ wa si ene tu mi yi mi.' Inaani, dọ ga ogu aani yụ wa.¹³Ini ẹkụshi ene rezi ku, di ozi aani ana vi ozueyi pere ẹnya ọnọ nyi bo, dọ nọ irẹkura ana gọdọ fụri ireshi, dọ gara ogu aani bo sha zirẹ ẹshẹ ọrita riowu ọnọ mẹ. ¹⁴Ogu aani bo mẹ taa ri, di ọshashi ọbani gara shi irẹkura ọnọ, di isa bo taụvọ.¹⁵Dọ na si ẹngwụ aani mẹ anabarọ yi oziẹtẹ irẹkụra ọnọ ka, ọ si ụkọro yi ọnii mẹ; di ọzọnọ aa tụ ọ naa si isari yi ̧ụra ri ini irarẹ aani. ¹⁶Ụngwẹ ọ kụ ọ netu ki ̣ọ yaan zụ si inoshine ri apara anaa sii yi ụra a ri, fụvọki ọzi nyi ẹzẹna zẹ si isọnsọnyi yọ.¹⁷Ama ụmọni eyi aani si fa, dọ ka, 'Ezida ada ami ẹrụrụ a naa ri isari dọọ vọwa ẹtẹ, ama di ụngwẹ e wure mi izọni. ¹⁸Mva fi izọni varama nee tu ada ami, dim kaa yọ ka, "Ada ami, ma chamayi inọvidi Oshomomshi ọnri inọvidi awụ. ¹⁹Mại kụ fụ ẹzẹna vaa shi ozi awụ; navọ di ma vi ozida awụ ọnya.'"²⁰Di oziọmụsha ọnọ fi izọ dọ vẹ idi adani. Ọ yi yi irasha ọgọdọ di ada ani re e, dọ nyi ayụva yọ. Oo zuechi na gẹrẹẹ, dọ shara a ku ayi, dọ si irenu ku o ụsha.²¹Di ozi aani kaa yọ̣ ka, 'Daa, maa chamayi ini ovidi Oshomoshi ọnri ini ọvidi awụ. Ma zi fụ ẹzẹna vaa shi ozi awụ.'²²Di ada aani kaa yi ezida aani ka, 'Sẹ na wa na si auru ene zoza fu bo vẹ, ve chire yọ, si ochingege tụ ọ ụvọ, dụ wa zẹ kụ ivata tụ afụ. ²³Za ozi ụnọ ene shiẹngwụ, dụ wa wụ ọ nini. Navọ di yaa rupe nini, di yaa ri di yee fu. ²⁴Fụvọki, ozi ami o bidi su, ama ọmẹyani, ọ yẹshẹ. O bidi vu, ama ọmẹyani, mee si o re.' Inaani dẹ vẹrẹ aa rupe.²⁵Ẹfiavọ, ozi aani ọzọku ọ zi yi ineeshi; ọ naarẹ. Ọ maa vẹ, dọọ gụrẹreshi, dọ wụ irashẹ ọnri ẹzẹ rẹyi. ²⁶Dọ shi ozida ọnya, dọ fọ ọ ka, yere isẹnaa mẹ izọni kẹ. ²⁷Di ozida ọnọ kaa yọ ka, 'Ọ̣nyara awụ ọ varama vẹreshi, di ada awụ wụ ozi ụnọ ọnya one shiẹngwụ̣ fụvọki ọ varama vẹ ini ẹngwọrọ.'²⁸Di ozi ọzọkụ ọnọni mọiku, dọ razi zẹẹ ngwu ireshi. Di ada aanị jinẹ vẹ va dipe yọ.²⁹Ama, di ozi ọnọ tu ada aani oshi ka, 'Ree, maa si irayi ọrụrụ si ẹchẹngwụ ami pe wụ mụkọrọ vene ozida, me zi du ofi awụ ọnyọnyi. Ọzi nyi ụmọnụụ si si ẹvụ yi mi ka, ma si ọ rupe yi ọta ami nini. ³⁰Ama, ozi awụ ana kụ ogu awụ na mishi yi ọsẹrẹka nini ọ vẹ, dụụ wụ ozi ụnọ ene shiẹngwụ yọ.'³¹Di ada aani kaa yọ ka, 'Ẹwụ ozi ami, ẹfi bo ọnụụ si ya pe mi, isọnim nyi bo vi aya wụ. ³²Ama ọ vọrọ ka, yaa jụjẹ di yaa rupe, fụvọki, ọnyara awụ ọnọni o bidi su, ama, ọ yi ẹshẹ ọmeyani. O bidi vu, dii varama re e.'"

Chapter 16Ọsiepe ụkọrọ ana razi nyi irẹiza

¹Di Ijesu zẹ kaa yi eziafụ aani ka, "Ọ nyi opisa ọnyi ana nyi ọsieyipụkọrọ anaa sieyipe ụkọrọ aani; da va kaa yi opisa ọnọ ka, ọzọnọ e mi ogu aani ishi. ²Di opisa ọnọ shi ozida ọnọ dọ fọ ọ ka, 'Sẹni maa wụ inọpata awụ aani kẹ? Va mushuro ụ mẹ mẹ misa bo yi mi, fụvọki, wai kụ zụa vi ọsiepe ụkọrọ ami.'³Di ọsieyipụkọrọ ọnọ fọ ẹngwụ aani ka, 'Sọnim vaa mẹ, ọga ami mẹ dọ udi ọsieyipụkọrọ fụrẹ mi ụvọ aani kẹ? Mazi nyi ụkata ana va zụụ bẹtẹ, ọnri ki ụshiọnyi ọ zaa navọ ki ma na pa aza isa. ⁴Maa yẹ isọnim vaa mẹ doti aza ẹ zụ dọ mi ngwụreshi, ụmẹna ra dọ ụkọrọ fụrẹ mi ụvọ da.'⁵Di osieyipụkọrọ ọnọ shi ọzọọza ana ri ọga aani ụta, dọ fọ ọza ipaapa ka, 'Ụta ya ọnụ waa ri ọga ami? ⁶Di ọzọnọ tuoshi ka, 'Angwẹ igarụwa ẹchẹshi.' Dọ kaa yọ ka. Dọ mi iwe ụta ọnọni, sẹ yatụ, dụ wa chẹrẹ ẹbẹrẹvarẹwụ.' ⁷Di osieyipụkọrọ ọnọ ze fọ ọnuta ọsa ka, 'Ụta awụ ya? Di ọnụta ọnọ ka, 'Akụ ampo idọhọ ẹchẹshi. Dọ kaa yọ ka, 'Dọ mi iwe ụta awụ, dụ wa chẹrẹ ẹbẹrẹẹna.'⁸Di ọga aani gono ọnukọrọ ọnọ, ọnọviki ọzi nyi irẹiza fụvọki ọ mẹ ụvira. Fụvọki ezi anẹshẹ ẹ nyi ụvira enee sii pe ẹngwụ mẹ, funa ezi etofei nini. ⁹Di ma kaa yụ wụ nini, si ẹkẹshi ọnụụ si akụvi nyi zọta nini, doti ẹ zụ dọ wụ tụ irasha poro pooro ụmọni ẹkẹshi ọnọ ra ta.¹⁰Ẹzẹna ra nyi irẹiza ini isa shishishi vana zẹ nyii nyi irẹiza ini isa ana nyọya. Ẹzẹna razi nyi irẹiza ini isa shishishi ọi za nyii nyi irẹiza ini isa ana nyọya ¹¹Aaviki wa zi nyi irẹiza ini ẹkẹshi ọnụụ si akụvi nyi, ẹnẹ vaa si ogu ebebaani chire wu ụvọ? ¹²Aaviki wa zi nyi irẹiza ini ụ mẹ mẹ sụvọ za ẹkẹshi azẹnẹsa, ẹnẹ vaa si ẹkẹshi ụvọta awụ yụ wụ?¹³Ọzi nyi ozida ana va zụụ fẹkẹ ọga ẹẹva. Ọ vaa kụayi ọnya doo sirẹyi ọfụva, naveki, dọọ si ẹchiẹngwụ aani fẹkẹ ọnya, dọọ sieyiwụ ọfụụva. Wai zụa fẹkẹ Oshomoshi ọnri ogu."Ofi ọni Imosisi mẹ(Imt. 11:12-13, 5:18, 31-32; Imk. 10:11-12)¹⁴Ifarisi nini ọnọviki, e sirẹyi ekeshi, mẹ wụ irẹyi ẹnẹni bo, dẹẹ jọisiya. ¹⁵Dọ kaa yụ wa ka, "Waa kụ dụ waa rishi ini eyi anẹshẹ nin, ama Oshomoshi ọnọ yẹ ọtụtụrụmama awụ nini. Isẹni anẹshẹ nini si tụẹba vi ishẹrẹ ini eyi Oshomoshi.¹⁶Ofi ọnri irẹyi ọni ọkisẹ nin chẹrẹ ẹ zafụshiẹtẹ poro ve tu ụmẹ Ijọọnu Ọsami. Fụri ẹfiavọ, daa karenube ọiza ijọva Oshomoshi, di ọzọọza aa sii kamarenu ki ẹnẹ ngwụ ọ. ¹⁷Ama, ọ rẹngwụ ka ẹbẹẹba ọnri ẹtẹ ẹ parafu, funa ki ọngwẹ irẹyi ọnya ini ofi ọ vara osusu.¹⁸Ọnọrụ tụrọnọrụ ene ree yi ose aani tẹtẹ, dọ na nyọnnẹẹ ọsa, vana sẹrẹka. Ọnọrụ ana ra zẹ va si ọnyẹnẹ ene yi ọva aani tete, dọ si ọ mẹ ọnẹẹ, vana sẹrẹka.Opisa ọnyi ọnri Inazarọsi¹⁹Ọ nyi opisa ọnyi ana kụ ẹnya ọkatarishi, di ọ ri ẹshẹ eyini eyini. ²⁰De chema ọpisa ọnyi anaa shi Inazarosi ọni ẹngwụ aani kụvi anava anava, ²¹doo si ka, ọnọ ri ewuri isara ana javọ fi inẹẹsu iteburu opisa ọnọ. Shi irezi nini vene vee ree yi ọ anava.²²Umotu di ọpisa ọnọ fusu, di angeni nini ve chema a na yatụ pe Abrahamụ. Di opisa ọnọni on ze fusu, de nee. ²³Ọ kụreyi shirẹ ineeku ira, izọnọ yaa rụya, do taneyi re Abrahamụ irasha ọgọdọ,do re ki Inazarọsi ọ yatụ pe e.²⁴Do nowu ka, 'Adaa Abrahamụ, nyi ayụva yi mi dụ wa daka tụ Inazarọsi ka, ọ ji igege ngwụenyi doti ọ tọ enyi tụ mi irarẹ, di irarẹ ami o fuofu, fụvọki ụya ọni maa ri ini ira ọnọni o chiẹngwụ.'²⁵Ama, di Abrahamụ ka, 'Ẹwụ ozi, tamayi yẹ ka, inẹshẹ ọnụụ mẹ ku we re isọiza awụ dọ, di Inazarọsi ọn ze re isọshmi aani dọ inẹshẹ ọnọ mẹ. Ama, ọmẹyani ọ yini ẹngwọrọ tụ izọni, di ẹwụ ọni yini ụyoori. ²⁶Ọọsi fini ọnọ, ụsi bọmbọm ọ ji yi akaakana, ana razaa navọ ẹnenee si ki ẹnaa fụri aka ayi vee tu wu izọ ẹ zụ ve tu wu, ọnri ki ọzi nyi ẹzẹna va zụụ fụri akizọ vee tu yi akizọni.'²⁷Di opisa ọnọ ka, 'Ma dipẹ yụ wụ, Ada Abrahamụ, daka tụ ọ nọ ineeshi ada ami ²⁸fụvọki ma nyi ẹnyara anẹru ẹẹshi, dọti ọ na tụwaaje doti asi ẹni zẹ va ngwụ ini ụya ọnọni.²⁹Ama, di Abrahamụ tuoshi ka, 'Ẹnyara wụ nin ẹ nyi irẹyi ọni Imosisi ọnri ọkisẹ nin chẹrẹ pe ẹngwụ; navọ dẹ dọrẹyi aanini mụkọrọ.' ³⁰Di opisa ọnọ tuoshi ka, 'Aivi avọ Ada Abrahamụ, ama ọza ra sha fineeku ne tu wa, e vee rinẹẹ varama.' ³¹Di Abrahamụ zẹ tuoshi ka, 'Aaviki ẹzi dọrẹyi Imosisi ọnri ọkisẹ nini wụ, ẹi za di dọọ wụ shi ọza raa daka sha fineeku ne tu wa.'"

Chapter 17Aichama ọnri oririnẹ varama(Imt. 18:6-7, 15, 21-22; Imk. 9:42)

¹Di Ijesụ kaa yi eziafụ aani ka, "Ọzi nyi ọjirẹka ka isẹnyi va zụụ mẹ ki ya chamayi, ama ọzẹni aichama zirẹngwụ aani vẹ, o nyairiwa! ²Ọ vaa dashi yọ ka, a sụ irẹta ọkụọsẹ ọbani za ọbẹ, dee ne e ngwụni irefu, fu ki, ọ za ọnya ini ezueyi ẹnẹni nyeeyi.³Siepe nini. ẹngwụ Aaviki ọnyara awụ nini ọ mẹ ọbajinyee, nyẹngụrẹyi ku o nini. Aaviki o rinẹ varama, vayaani nini. ⁴Aaviki ọ mẹ isene rezi ze ka wụ vẹ ụpẹ ishimba ini irẹkụshi, dọ varama vẹ ụpẹ ishimba ve tu wu, dọ ka, 'Mee rinẹ varama,' ụ bẹdọ si aichama aani vayaani!"Irẹyi inọpati ọdọwụ(Imt. 17:20)⁵Di ọnitụ aani nin kaa yi Ananyiyi ka, "Da bẹrẹ ọdọwụ ayi." ⁶Di Ananyiyi ka, "Aaviki wa nyi ọdọwụ ene weyi vene ifụnẹ imọsitadi, ụ vaa kaa yi ọchi ọbani ọnọni ka, 'Fu rẹparẹpa dụ wa na ngwụni irefu,' dọ vọọ vi, ụ mẹ ka a.Ozida ana razi nyi ọnọ bẹri ọnii vi⁷Yere ọzọnya inawụ nin, ana vaa kaa yi ozida aani anaa mukọrọ inaarẹ aani navẹki anaa si eyii pe atẹmẹ aani ka, 'Sẹ va yatụ wa risari,' aaviki ọzida ọnọ ọ shẹshẹ fi inaarẹ vẹ? ⁸Aivi ọ vaa kaa yọ ka, 'Si isari tụira yi mi, ụmọnọ ra si vi, dụ wa sụ ibaanụ zọtẹ, dụ wa kụ ọ va yi mi, di ma ri, di me fu. Ẹfiavọ, ụ va zụụ ri, duu fu?'⁹Ọzọnọ ọzaa kụ ozida ọnọ avọ fụvọki ọ mẹ isa ọnọ kaa yọ kọ mẹ, navẹki ọ wa vaa kụ avọ? ¹⁰Avọ gẹdẹgẹdẹ ọnọ vọrọ ki ẹwụ nin ọ zẹ mii mẹ. Ụkọrọ ana si yụ wụ ra ta wụ mẹ bo, ọ vọrọ kụ wa kaa nin ka, 'Ozida ana razi nyi ọnọ bẹri ọnii vi, isọnọ vọrọ ki ya me, ọni yaa mẹ.'"Ọ vọrọ ki yaa mẹ avọọkụ¹¹Ijesu maa ni Jerusanẹmụ, dọ si zi ọtẹfi ana sha Isameriya ọnri Iganini tụ. ¹²Di ọniku ọbani ẹẹwụ ve tu o, ọ mẹ ngwụ irẹkụra oweyi ọnyi. Dẹ dinẹ tụrasha ana gọdọ fụri izọnọ ya, ¹³dẹ si ọngwẹ tụeba nowu ka, "Ijesu, Ọzụozisa, nyi ayụva yi yi."¹⁴Ẹfi ono re wa, dọ kaa yụ wa, ka, "Na wa na si ẹngwụ awụ nini zụ arụfa nini." Ẹ maa na inoze, di ikụ aanini fụ sha. ¹⁵Ọnya inaanini me re ki a fụ ọni ikụ sha, dọ varama, dọ si ọngwẹ tụẹba aa sụga yi Oshomosi. ¹⁶Do ve nyimarẹsu yi Ijesu, dọ kụ ọ avọ. Ani Isameriya ọni ọzọnọ vi.¹⁷Inaani, di Ijesu ka "Aivi enẹẹwụ nin ana fụ ikụ sha? Ẹni ishinna anavọ wọ? ¹⁸Ọzi nyi azẹna varama inaanini va sụga yi Oshomoshi, ọchishi ani irẹkụra ọsa ọnọni? ¹⁹Dọ kaa yọ ka, "Kwẹẹtẹ wa na. Ọdọwụ awụ ọ fụ wụ ikụ sha da."Ijọva Oshomoshi yi ininẹ awụ(Imt. 4:22-28, 37-41)²⁰Ifarisi nini mẹ fọ ọ ka yere ụmẹ ọni ijọva Oshomoshi va sii vẹ, di Ijesu tuoshi ka, "Aivi ọza mẹ sieyipeẹtẹ tu ọnọ vaa mẹ ki ijọva Oshomoshi ọ vẹ. ²¹Navẹki daa ka, 'Re, ọ yizọni navẹki ọ yizọ. Fụvọki ijọva Oshomoshi vana yininẹ awụ."²²Dọ kaa yi eziafụ aani ka, "Ẹfi aa vẹ, duu si ku we re ọnya ini ẹkụshi ọni Ozi Ọza vaa yaa ri oshinọyi, ama we zee re e nini. ²³Ụmavọ, dẹ kaa yụ wụ nin ka, 'Re e izọ̣, re e izọni. Ama asụụ jinẹ navẹki we zuechi vatụra wa, ²⁴fụvọki vene inyanya mẹmẹẹ ri, dọ sha fụri aka ọnyi na ngwu aka ọsa ini ovurukutu, avọ ọni Ozi Ọza mẹ vaa vi ini ọkụshi aani.²⁵Ama ọ savọ vaa ri ụya renyi renyi, di evereze ọnọni yi o tẹtẹ. ²⁶Ọ mẹmẹ ya gẹdẹ gẹdẹ ini ọkushi Inoa, avọ ọ mẹ vaa ya ini ọkụshi Ozi Ọ̣za. ²⁷Ẹẹ ri, de fu, dẹẹ nyọnẹẹ, dẹẹ si ozi ga a, netu ọkushi ọni Inoa ngwụni ẹpa, di ọshaara enyi vẹ, do vu enbo irii.²⁸O ze vi vene isẹnẹmẹ ini ụmẹ Irọọti, ẹẹ ri dee fu, dẹẹ sofu, dee chire isa, dẹẹ dareshi. ²⁹Ama ọkụshi ọni Irọọtu jinẹ fụri Isodomu, di ira ọnri ajiji emi ọyi gidọ bani fụrẹbẹẹba vẹ venebiri orishi, do ve vu enbo iri.³⁰Avọ gẹdẹgẹdẹ ọnọ mẹ zẹ va vii vi ini ọkụshi ana vaa si Ozi Ọzaa zụ. ³¹Ini ọkụshi ọnọ, asụụ navọ ki ẹzẹna yini ẹbẹba ireshi o chi vẹ va kụ ogu aani fineeshi, asụụ zẹ ni navọ kị ẹzẹna yini oze-ụkọrọ ọ varama vẹ.³²Tamayi ose Irọọti nini. ³³Ọzatụrọza ene ree si ki ọnaa ta ẹshẹ awụọnii ku, vọni ẹshẹ aani vaa jaavọ; ama ọzatụrọza ọni ẹshẹ aani ra javọ vu, vana ji ẹshẹ aani tụ.³⁴Di ma kaa yụ wu nin, azẹnẹva va gẹẹ sụtụ tụni ode ọnya inaafụ. A vaa si oṇya, daa navọ ọfụụva tẹtẹ. ³⁵Anyẹnẹ ẹẹva va gẹẹ kụsa ini irẹta-ọkụọsẹ. A vaa si ọnya, daa navọ ọfuụ̣va tẹtẹ. ³⁶Azẹnẹva va gẹẹ yini oziẹshẹ; a vaa si ọnya, daa navọ ọfụụvạ tẹtẹ.³⁷Dẹ fọ ọ ka, "Ananyiyi, izẹnọ vi kẹ?" Dọ kaa yụ wa ka, "Izẹni oku su tu, izọ ọni ụbạ nini peree shi."

Chapter 18Ụshioche inọpati ọmọkarẹyi ọnyi ọnri osoku ọnyi

¹Inaani, dọ karẹyi yụ wa ini ụshioche, inọpati ọ mẹmẹ vọrọ ki ẹẹ tuozurenu, ọnri ẹ mẹmẹ ra zaa navọ ki ọdọwụ aanini o sira, ²dọ ka, "Ọ nyi ọmọkarẹyi ọnyi ini irẹkụra ọnyi one reme shiangwa Oshomoshi, dọ rama ma dụbani yi aza.³Dọ va nyi osoku ọnyi ini irẹkụra ọnọ, ene vee tu o, ụmẹtụrụme, dọ ka, 'Pemi mi ishọọji ini akaakana ẹmi ri ọnivi ami.' ⁴Oo si ku ọnọ fụrẹ nee tu o, do rezi si kọ naa mọgụvọ yọ, ama ẹfi ọnọ damẹ, dọ kaa yi ẹngwụ aani ka, 'Shọmedakavi ki ma zi nyi angwashi Oshomoshiu ọnri ki ma maa dụbani yi aza, ⁵tuavọ-tuavọ, fụvọ ose-oku ọnọni ana razi navọ mi shifẹ, mvee pee mẹ ẹ doti a tuoshi tụni irẹyi aani ini oze ana sẹrẹ, doti asọ kụ si ụmẹtụrụmẹ damifẹshirẹ.'"⁶Inaani, di Ananyiyi ka, "Batọ tụni irẹyi ọni ọmọkarẹyi ọna razi nyi irẹiza ọnọ ka. ⁷Ụ wa kẹnẹ ki Oshomoshi nyẹmbẹ ọ zaa tuoshi ana sẹrẹ tụni irẹyi ẹnẹnọ ni renyi, anaa si ọọdụ shi irafụ sunee shi o? Oshomoshi we vee turafụ ini irẹyi aanini? ⁸Maa kaa yụ wụ nini ki o vee pe wa mishọji ini ọfirọfira. Shọọdaka vọọ vi, ẹfi ẹni Ozi Oza raa vẹ, o we vene vee tu ọdọwụ inẹshẹ rẹiza?"Ụshioch ani Ifarisi ọnyi ọnri ọdimaana ọnyi⁹Inaani, dọ zẹ karẹyi ini ụshiọche yi ẹnẹnee ro ki ẹni vi ọmanasẹrẹ, dẹẹ si eyi wụ azẹnẹsa, dọ ka, ¹⁰"Anẹrụ ẹẹva ẹ shirẹ nini itẹmpụrụ na tuozurenu --- ọnya vi Ifarisi, di ọfụụva vi ọdimaana.¹¹Ana vi Ifarisi ọ kwẹẹtẹ dinẹ, dọọ tuozurenu inọpati ẹngwụ aani, dọ ka, 'Oshomoshi maa kụ wụ avọ ki me zi vene azẹnẹsa ana vi ọdajiọza, anarima-manasẹrẹ, ọsẹrẹka --- navẹki vene ọdimaana ọnọni. ¹²Ụpẹẹva ọnim sii bawẹ ini ọsẹ-ọsẹ. Mii si oche-ẹwụ isa bo ọnim nyi.'¹³Ama, ọdimaana ọnọ dinẹ tụrasha ọgọdọ, dọ razi vana veyishirẹ nẹ ẹbẹẹba, ama dọ vẹngwụshi, dọ ka, 'Oshomoshi, nyayụva yi mi, ẹmi anaichama.' ¹⁴Di ma kaa yụ wụ nini, ọnọru ọnọni ọ varama neeshi di ẹngwụ razi jeebe venebiri ọzi ipaapa, fụvọki ẹzẹne re chimẹngwụ aani tuẹba, vana va kaachi; ama ẹzẹna ra ka ẹngwu aani chi, vana va sii tụẹba."Ijesu ọnri ezieweyi(Imt. 19:13-15; Imk. 10:13-16)¹⁵Di azẹnẹ zaa sii si ezi-inụvọ vee tu o doti ọ sụvọ kani wa, ama ẹfi ẹni ẹziafụ aani re e, dẹẹ tụ wa ofuvọ. ¹⁶Ama, di Ijesu shi waa va ka ẹngwụ aani vẹ, dọ ka, "Navọ di eziọweyi nini e ve tu mi, a sụụ jiwoze. Fụvọki, ẹngwụanini ẹnẹ nyi ijọva Oshomoshi. ¹⁷Inirẹiza, maa kaa yụ wụ nini ki ọzaturọza ana razaa tanụvọọ di ijọva Oshomoshi vene ozueyi, ọzi nyi ọ mẹ va zụụ ngwụnaani."Ọzọnyi ene sirẹyi ẹkẹshi fu Oshomoshi(Imt. 19:16-30; Imk. 10:17-31)¹⁸Di oshiresụ ọnyi fọ ọ ka, "Ọzụọzisa ọiza, sẹnọvọrọ ki ma mẹ di ma zụ kụ ẹshẹ poro-pooro ogu kẹ?" ¹⁹Di Ijesụ kaa yọ ka, "Ọmẹzi dụ waa shi mi ọzọiza kẹ? Ọzinyi ẹzẹna vi ọzọiza, ọchishi Oshomoshi renya. ²⁰Waa yẹ ụmọ ana yinaani bo --- asụụ pe ose onose navẹki ọva ọvọnọva sụ, asụụ wụ ọza, asuu yụyi, asuu divenu apinẹ, sụbani yi ada awụ ọnri ọnyi awụ." ²¹Di oshirẹsụ ọnọ ka, " Isẹnẹni bo vọnim vẹrẹ ọmimẹ mmẹ fụrẹ vi ozueyi."²²Ijesu mẹ wụ ki ọ maan ka, dọ kaa yọ̣ ka "Ọ̣ nyi isa ọnya ọna vi vọ. Ọ vọrọ kụ wa na ogu awụ bo, dụ wa gaa yi ọnriwa nini, ụ vaa nyi ogu ineeku ọiza --- waa vẹ, wa vatụra mi." ²³Ama, ẹfi ẹni oshirẹsụ ọnọ wụ isẹnẹni, di ẹngwụ aani vashi, fụvọki ọ nyi ẹkẹshi kokoro.²⁴Inaani, Ijesu me re, di aani si du, dọ ka, "Ọ ngwẹngwụ ki opisa ọ ngwụni ijọva Oshomoshi! ²⁵Fụvọki ọ rọ ẹngwụ yi irankụmi ki ọ zi iri-ọrishi parafu, funa ki opisa ọ ngwụni ijọva Oshomoshi.²⁶Di ẹnẹnaa wụ irẹyi ẹnẹni ka, "Yere ẹzẹna va zụụ dọọtụ aavọ?" ²⁷Di Ijesu voshi, dọ ka, "Isẹna razi vi mẹ yi aza, vi ọmimẹ yi Oshomoshi."²⁸Di Ipita ka, "Inaayayi, yaa navọ isa bo ọnii nyi tẹtẹ da, dii vatụra awụ." ²⁹Inaani, di Ijesu kaa yụ wa ka, "Inireiza, maa kaa yụ wụ nin ki ọzi nyi ọza ọnya ana navọ ireshi, navẹki ose, navẹki ẹnyara, naveki ada ọnri ɔnyi, navẹki ezi, fụvọ irẹyi ijọva Oshomoshi, ³⁰ene re zee re ene funa ẹnẹni bo dọ inẹshẹ ọnọni, navẹki ẹshẹ anaa vẹ, ana vi ẹshẹ poro-pooro."̄Ijesu ọ kisẹ inọpati isu aani(Imt. 20:17-19; Imk. 10:32-34)³¹Inaama ono pere eziafụ aani ẹwụrẹẹva gụ da, dọ kaa yụ wa ka, "Re nini, yaa shirẹẹ ni Ijerusanẹmu, isa bo ọni ọkisẹ nin chẹrẹ inọpati Ozi Ọza vaa sẹ. ³²Fụvọki a vaa si ọ chire Ijẹntaini nin ụvọ, dẹẹ mẹisiya, dẹẹ mụshi nyi ọ, dẹẹ wọrọ atẹ ku o. ³³Ụmẹ ẹnẹ ra nya ijampa da, dẹẹ va wụ ọ, dọ varama sha kwẹẹtẹ ini ọkụshi ọfụụta aani."³⁴Ọzi nyi ene ye wa ini isẹnẹni bo, di irẹyi ọnọni vi isa ana tẹ yụ wa, di irẹyi ana ka bo rezi ye wa.Ijesu ọ sha oguri ọnyi iri(Imt. 20:29-34; Imk. 10:46-52)³⁵Umotu, Ijesu mee shenii pe irẹkura Ijẹriko, dọ va nyi oguri ọnyi ana yatụ tuni ụtọ oze, dọọ pa isa; ³⁶ẹfi ọnọ wụ ki azọkọni nin aa paraafu, dọ fọ ki sọna maan aa mẹ. ³⁷Da kaa yọ ki Ijesu ani Inazarẹti ọ naa paraafu.³⁸Di oguri ọnọ nowu tụẹshẹ, dọ ka, "Ijesu ozi Idevidi, nyi ayụva yi mi." ³⁹Di ẹnẹna tụọvidi Ijesu tụ oguri ọnọ ofuvọ, dẹ kaa yọ ki ọ navọkụ. Ama, ụmavọ onoo nowuu fuavọ, dọ ka, "Ozi Idevidi, nyi ayụva yi mi."⁴⁰Di Ijesu dinẹ sii, dọ ka si ọnọrụ ve tu ọni. Ẹfi ono oguri ọnọ si gụrẹ ẹ, di Ijesu fọ ọ ka, ⁴¹"Sọnu wee si ki ma mẹ yụ wụ?" Dọ voshi, dọ ka, "Ananyiyi, mee si ki maa zụụ si iri ami retẹ."⁴²Di Ijesu kaa yọ ka, "Dọ ẹtore awụ. Ọdọwu awụ ọ fụ wụ ikụ sha da." ⁴³Ụmụmọ, dọ vẹrẹ do kwee si iri aani retẹ, dọ vatụri Ijesu, dọọ sụga yi Oshomoshi. Ẹfi ana aza bo re isọnọni, dẹ sụga yi Oshomoshi.

Chapter 19Ijesu ọnri Izakiyọsi

¹Ijesu ọ ngwụ Ijẹriko, dọọ para irẹkụra ọnọọ fu. ²Do re ọnọru ọnyi ọni irẹsha aani ri Izakiyọsi. Oshirẹsụ ọdimana nini ọnọvi, dọ zẹ vi opisa.³Doo si ki onee re ẹzẹni Ijesu vi, ama dọ rai zụ re fụvọki azọkọni e guoshi, ọnri ki ọzoweyi ọnọ vi ini ụgọdọ. ⁴Dọ sẹ zuechi nọvidi na dọvidi azọkọni ẹnẹ na shirẹ ọchi isikamọ doti o roze re Ijesu, fụvọki Ijesu vaa jantụ zi oze ọnọ paraafu.⁵Ẹfi ọni Ijesu ngwụ izọ, dọ kureyi shirẹ, dọ kaa yọ ka, "Izakiyọsi, sẹsẹ mẹ ẹ du we chi vẹ fụvọki irajini ọnọni, mbẹdọ vẹ ineeshi awụ va ya." ⁶Do chi vẹ ini ọfirọfira, dọ kụ ọ kanẹ rụjẹ rụjẹ. ⁷Aza bo me re isọnọni, dẹ vẹrẹ aa rifufu, dẹ ka, "Ọ naa kụ ọnọrụ ọnọviki anaichama ọnọ vi ini ireshi aani."⁸Di Izakiyọsi kwẹẹtẹ, dọ kaa yi Ananyiyi ka, "Re, Ananyiyi, ocheẹva ogu ami vọnim sii yi onriwa nin, ọnri ki, aaviki ma mọzari dim yẹ, mii vairama yọ, avaavọ oze ẹẹna." ⁹Di Ijesu kaa yọ ka, "Ọdidọtụ ọ ngwụ ireshi ọnọni vẹ irajini, fụvọki Izakiyọsi nyẹmbẹ vi ozi Abrahamụ. ¹⁰Fụvọki, Ozi Ọza vana vẹ ve si azene vu doti o roze dọ wa tụ."Ụshioche ikọpati ezida ọna si ẹkẹshi yi ki ẹ siọ sofu(Imt. 25:14-30)¹¹Ẹ maa wụ irẹyi ẹnẹni, dọ vọọ kụa karẹyi na ini ụshioche, fụvọki ẹ si zi gụrẹ Ijerusanẹmụ, ọnri ki di azọkọni ẹnẹ kẹni ki ijọva Oshomoshi a vaa si ẹngwụ zụ ụmụmọ. ¹²Fụvavọ, dọ kaa yụ wa ka, "Ọzọbani ọnyi ọ jinẹtụra nọ irẹkura ọgọdọ ki ọnọ na dọ ụmọ ọni, ọni va sii mẹ ijọva, ki ọnaa varama vẹ.¹³Dọ tangwa va na, dọ shi ẹni ẹwụ ini ezida aani, dọ si ẹkẹshi imaina ẹwụ yụ wa, dọ kaa yụ wa ka, 'Dọ mi wa si ọ sofu nini netu ẹfi ọnim va sii varama vẹ.' ¹⁴Ama, anrẹkụra aani e zi sirẹyi aani, netu ka dẹ tụ aza ne tu o, dẹ ka, 'Ẹnẹ raa zẹ ki ọ mijọva tụra ẹni irẹsụ.' ¹⁵Ọ mẹ dọ ijọva da, dọ varama vẹ, dọ shi ezida aani ọnọ si ẹkẹshi yi ki o nee si ki ọnọ yẹ ọgụ ẹnẹ ri ini ofu ẹnẹ sẹ.¹⁶Ọzi ipaapa mẹ vẹ, dọ ka, "Ananyiyi, maa ri ọgụ ẹẹwụ tụra ẹkẹshi ọnụụ si yi mi." ¹⁷Di ọzọbani ọnọ tuoshi ka, 'Nyarụkọrọ ẹwu ozida ọiza. Fụvọki wa mẹ ki ma dọwụrenu ini isa oweyi, ma si ụmọ yụ wụ inẹẹsụ irẹkụra ẹẹwụ.'¹⁸Di ọfụụva ọn zẹ vẹ, dọ ka, 'Ọga ami, ma ri ọgụ imina ẹẹshi tụra ẹkẹshi ọnụụ si yi mi.' ¹⁹Di ọzọbani ọnọ kaa yọ ka, 'Ẹwụ, na sieyipe irẹkụra ẹẹshi.'²⁰Di ọsa vẹ, dọ ka, 'Ọga ami, dọ ẹkẹshi awụ, ụ mẹmẹ si ọ yi mi, avọ ọnim mẹ sụọ tụni ita tẹ, dọ mi, ọni yi. ²¹Angwa awụ venee shi mi fụvọki ọzọkata ọnụụ vi. Irasha ọnụụ razi mẹ tụ ọnụụ yaa si, irasha onuu rezi chire tụ ọnụụ yaa fa.'²²Di ọzọbani ọnọ kaa yọ ka, 'Irẹyi irenu awụ ọnim va sii mishọji yụ wụ, ẹwụ ozida ọshimi ọnọni. Ụ mẹ yẹ ki ọzọkata ọnim vi, ki irasha ọnim razi sitẹ tụ ọnim yaa si, ki irasha ọnim rezi chire tụ ọnim yaa fa. ²³Ọmẹzi dụụ razi si ẹkẹshi ami na tẹ tụni ireshi ẹkẹshi doti ma dọ ẹkẹshi ami vabẹrẹ ọtụrẹsụ?'²⁴Di ọzọbani ọnọ kaa yi ẹnẹna dinẹ tụzọ ka, 'Dọ ẹkẹshi imaina ọnọ fụrẹụvọ nin, dụ wa vaabẹrẹ ọi ọzẹna ayi aani vi ẹẹwụ.' ²⁵Dẹ kaa yọ ka, 'Ananyiyi, imaina ẹẹwụ ọnọ nyi no.'²⁶'Maa kaa yụ wụ nini, aza bo ana nyi vana vaa sii bẹrẹ yi, ama ẹnẹna razi nyi vana vaa dọ ọi che ẹnẹ nyi fụrụvọ. ²⁷Ama, kụ ọnivi ami ẹnẹni ene rezi si ki ma vi oshinọyi awụọnini vizọni, dụ wa wụ wa vasha inọvidi ami.'"Azẹẹ si ụbani yi Ijesu ọ maa vaa ngwụ Ijerusanẹmụ(Imt. 21:1-11; Imk. 11:1-11; Ijọ. 12:12-19)²⁸Ọmẹ karẹyi ẹnẹni da, dọ si ụsẹ tuoze, dọọ ni Ijerusanẹmụ.²⁹Ụmene tu irẹkụra Ibẹtifage ọnri Ibẹtani nangwụ irẹsụfa ọnaa shi Onivẹti, dọ tụ eziafụ aani ẹẹva, ³⁰ka, 'Wa ni irẹkura ọna gụrẹ. Waa maani a ngwụ iirekụra ọnọ kẹnẹ, u vee re ozi ikẹtẹtẹ ọna razi shi shirẹ yẹẹyẹ. Ngwara a, doti wa za ve tu mi nin. ³¹Aaviki ọ nyi ẹzẹna fọ wụ nin ka, 'Ọmẹzi dụ waa ngwara a nin?' kaa yọ ka, Ananyiyi ee si ki o nee no o.'"³²Ẹnẹna tụ mẹ ngwụ izọ, de ne tu ozi ikẹtẹkẹtẹ ọnọ vene Ijesu mẹ ka yụ wa gẹdẹgẹdẹ. ³³Ẹ maa ngwara ozi ikẹtẹkẹtẹ ọnọ, di ẹnẹna nyi kaa yụ wa ka, "Ọmẹzi dụ waa ngwara ozi ikẹtẹkẹtẹ ọnọ nin kẹ?" ³⁴Dẹ ka, "Ananyi ee si ki o nee no o." ³⁵Dẹ si ọ ne tu Ijesu, dẹ tụ auru inẹshẹẹshẹ aanini ku ikẹtẹkẹtẹ ọnọ irama, dẹ si Ijesu tụra a. ³⁶Ọmẹ yi inẹẹsu ikẹtẹkẹtẹ aa na, dẹ tụ ita aanini tụni oze yọ.³⁷O mee vee tu izẹni Irẹsụfa Oniifi ya wụrọ chi, di azọkọni ẹna vi eziafụ aani vẹrẹ dẹ si ọngwẹ tụẹba, dẹẹ jụjẹ, dẹẹ sụga yi Oshomoshi ini ụkọrọ ẹbani ẹbani ene re da, ³⁸dẹ ka, "Ẹdabẹrẹ ọnọ vi yi Oshinọyi ana vẹ ini irẹsha Ananyiyi! Ẹngwọrọ ineeku ọiza ọnri Ụga ini ẹbẹẹba keekere!"³⁹Di Ifarisi ẹnyi ẹna bẹrẹ azọkọni ẹnẹ kaa yọ ka, "Ọzụọzisa, tụ eziafụ awụ ofuvọ ki isẹnẹẹ mẹ aan bo, ki ẹ za a dinẹ." ⁴⁰Di Ijesu voshi ka, "Aaviki azẹnẹni ẹ si irenu kuoku, irẹta nini vaa si ọngwẹ tụẹba dẹẹ karẹyi."Ijesu ọ jiorere fụvọ Ijerusanẹmụ⁴¹Ijesu maa zi gụri Ijerusanẹmụ, di une jiavọ yi irẹkụra ọbani ọnọ, ⁴²dọ ka, "Ọmaavi kụ yaan yẹ ini ọkụshi irajini isẹnaa si ẹngwọrọ yụ wụ nini! Ama, isẹna tẹ ini eyi awụ nini ọnọ vi yụ wụ nini ọmẹyani.⁴³Fụvọki ọkushi ẹnẹ vaa vẹ, di ọnivi awụ nini fọva vara kara wụ nini, dẹẹ vara kara wụ nini, dẹẹ piri wụ nini fini irakasha ẹnina. ⁴⁴Ẹ vaa ka wụ isa nin, du sụẹtẹ nini, shi ẹwụ shi ezi awụ nini. Ẹ zaa navọ ki irẹta ọnya ọ tụra ọsa, fụvọki wa zi yẹ ẹfi ọni Oshomoshi si kwẹẹtẹ ki ọ naa vaa dọ wụ tụ nin."Ijesu ọ ngwụni ireshi Oshomoshi(Imt. 21:12-17; Imk. 11:15-19; Ijọ. 2:13-22)⁴⁵Ijesu ọ ngwụni itẹmpụrụ, dọ dụ ẹnẹnaa sofu ini izọ, jinẹ, ⁴⁶dọ kaa yụ wa ka, "A chẹrẹ ẹ ka, 'Ireshi ozurenu ọni ireshi ami vaa vi,' ama wa vara a tụni irasha ọni oyi nin vuutẹẹ tụ nini."⁴⁷̄Inaani, di Ijesu kụ si eyinieyini aa zụ aza isa ini itẹmpụrụ. Arụfa ọbani ọnri ọyofi nin shi oshirẹsụ nin, dee si o ki ẹnẹ wụ ọ, ⁴⁸ama e zi re oze ẹnẹ va zi wụ ọ, fụvọki aza bo vana sụtọpeẹtẹ, dee batọ tụni irẹyi aani.

Chapter 20Ẹnẹ si ụmọ ọnọni yụ wụ?(Imt. 21:23-27; Imk. 11:27-33)

¹Ọkụshi ọnyi, Ijesu maa zụ aza isa ini itẹmpụrụ, dọọ karenube ọiza, di arụfa ọbani nini, ọyofi nin bẹri azẹkụ nin ve tu o. ²Dẹ kaa yọ ka, "Kaa yi yi, yere ẹngwụ ụmọ ọnụ waa sii mẹ isẹnẹni? Navẹki ẹnẹ si ụmọ ọnọni yụ wụ?³Di Ijesu tuoshi ka, "Ẹmi zẹ va fọ wụ nin ipẹpẹẹ ọnya, Kaa yi mi nini inọpati ⁴isami Ijọọnụ. Ineeku ọiza ọnọ wa fụrẹ navẹki fiini ụvọ anẹshẹ?"⁵Dee roo ini akaakana aanini ka, "Aaviki ya kaa ka, 'Fineeku ọiza yọọ,' ọva fọ̣ yi ka, 'Ọmẹzị dụ ra zi dọọwụ nini?' ⁶Ama, aaviki ya va kaa ka, 'Finụvọ anẹshẹ yọọ,' aza bo vene ve ne yi irẹta, fụvọki ẹ dọzẹ ka Ijọọnụ vi ọkisẹ."⁷Fụvavọ dẹ voshi yi Ijesu ka, ẹnẹ zi yẹ izọ dọ ụmọ fụrẹ. ⁸Di Ijesu kaa yu wa ka, "Ẹmi nyẹmbẹ ọizaa ki kaa yụ wụ nini, ụmọ ọni ma zirẹngwụ aani mẹ isẹnẹni bo."Ụshioche aza ana dọ ki ee sieyipe ụbazi(Imt. 21:33-46; Imk.12:1-12)⁹Di Ijesu karẹyi ọnọni yụ wa ini ụshioche ka, "Ọnọrụ ọnyi ọ kụ ụbazi, dọ si ọ yi aza ana vaa mụkọrọ irarẹ ọnọ, dọ jinẹ ni ẹkụravabẹ ọsạ, do ku izọ. ¹⁰Ụmọni ẹfi si tu, dọ tu ozida aani ọnya ki o ne tu aza anaa mụkọrọ ini ụbazi ọnọ ki ẹ fa ẹtụtụ va yi ọni, ama di azẹnaa mụkọrọ ini ụbazi ọnọ, za ozida ọnọ, dẹ tụavọ osusu varama.¹¹Inaani, di ẹzẹna nyi ụbazi ọnọ varama ̣zẹ tụ ozida aani ọsa, de ze tu o, dẹ mụshi nyi ọ, dẹ tụ ọ avọ osusu varama. ¹²Dọ zẹ va tụ ozida ọfụụta, dẹ zẹ taanava, de ne e jinẹ.¹³Di ẹzẹnana nyi ụbazi ọnọ ka, "Sẹnim vaa mẹ kẹ? Mvaa tụ ozi ami ọnya ọnim sirẹyi aani. Ọnyiki ẹ vaa dụbani yọ. ¹⁴Ama ụmọni ẹnẹnaa mụkọrọ ini ụbazi ọnọ re ozi aani, dẹ shọma ini akaakana aanini ka, "Ozi aani ana vaa ku ogu aani yi." Dẹ ka, "Navọ di ya wụ ọ, di ọgu ọnọ ọ si vara ayaayi."¹⁵De nee jinẹ fini ụbazi, dẹ wụ ọ. Sẹnuu ro ki ẹzẹna nyi ụbazi ọnọ va sii mẹ azẹnẹ kẹ? ¹⁶Ọ vaa vẹ, dọọ wụ anụkọrọ ẹnẹ vashạ, dọ va si ụbazi ọnọ chire azẹnẹsa ụvọ." Ẹmẹ wụ irẹyi ọnọni, dẹ ka, "Asi Oshomoshi zẹ ẹ!"¹⁷Ama Ijesu ọ vareyi re wa dọ ka, "Sẹnẹ vi ọshasha irẹyi ana chẹrẹ tẹtẹ ka: 'Irẹta ọni ọtụrireshi yi tẹtẹ, ọ ṣi vara oshiẹtẹ ireshi ọnọ'? ¹⁸Ọza ọna ra sẹdụ nya irẹta ọnọ vaa gara vaasha. Ama ọzẹni irẹta ọnọ ra sẹdụ nya vọnọ vaa kụọrọ.Irẹyi inọpati imaana ọtitụ(Imt. 22:15-22; Imk. 12:13-17)¹⁹Fụvavọ di ọyofi nini ọnri arụfa ọbani nin e si oze ki ẹna za ini ẹfi ọnọ gẹdẹgẹdẹ. Fụvọki ẹ yẹ ki ẹni ono chushi irẹyi shi. Ama dee shi angwa aza anayi izọ. ²⁰Dẹ va si eyi pe e, dẹ tụ aza na ki ẹna mẹ apẹ ki ọmanasẹrẹ ọnẹni vi, doti e nee be, de zu roze jivi yọ zirẹngwụ irẹyi irenu aani, fụvọki ee si ki ẹ naa za, di ẹnẹ si ọ chire ofi ọnri ụmọ igomina ụvọ.²¹Dẹ fọ ọ ka, "Ọzụọzisa, yaa yẹ ki irẹyi ana vọrọ ọnụụ ka, dụ waa zụ aza irẹiza ana vọrọ, wa ma zẹ mi mọzaremeyi, ama dụ waa zụ aza irẹiza irẹyi inọpati oze Oshomoshi. ²²Ọwa vọrọ ki ya tụ imana yi Isiza navẹki ọzi vọrọ?"²³Ama Ijesu ọ yẹ apẹ anini, dọ kaa yụ wa ka, ²⁴"Si ẹkẹshi Idẹnari ọnya zụ mi nini. Yere ẹzẹni irẹsha ọnri ụmama aani yinanikẹ? Dẹ voshi ka, "Ụmama Isiza yọ."²⁵Dọ kaa yụ wa ka, "Ọọvọvi, avi dụụ si isa ana vi ayi Isiza yi Isiza, dụụ si isa ana vi ayi Oshomoshi yi Oshomoshi." ²⁶Ẹi va zu si irẹyi irenu aani za ini eyi azẹnẹ, ama, di oshi ọnọ va yụ wa shuweeyi, dẹ sirenu kuoku.Ọshisha kwẹẹtẹ fiini isu wa yinaani?(Imt. 22:23-33; Imk. 12:18-27)²⁷Ụmọni Isadusi ẹnyi, ẹnẹna kaa ki ọshisha kwẹẹtẹ fini isu ọzi yinaani, ve tu o, ²⁸dẹ fọ ọ ka, "Ọzụọzisa, Imosisi ọ chẹrẹ tẹtẹ yi yi ka ọza re su, di ose aan razi mozi, ọnyara aani va zụụ kụ ose aani ọnọ ogu, doti ọ zụ mozi yi ọnyara aani ene su.²⁹Ọ va nyi ẹnyara ishimba, di ọi ipaapa aanini bo nyi ose, di ọnọru ọnọ su, di ose ani razi mozi. ³⁰Avọ ọmẹ zẹ vivi yi ọzọfụva ana zẹ kụ ọnyẹnẹ ọnọ ogu. ³¹Ọzọfụta ọ zẹ kuogu, para na ngwu ọza ọfu ishimba ana kụ ọ ogu, ọ zi nyi ana mozi, de su. ³²Inaamani, ọnyẹnẹ ọnọ do su. ³³Ụmẹ ana va sii sha azẹne su kwẹẹtẹ fini isụ, yere ẹzẹnọ vaa vi ose aani inaanini kẹ? Fụvọki ẹni ishimba ẹnẹ si ọ mẹ ose."³⁴Di Ijesu kaa yụwa ka, "Anẹshẹ nini ẹnẹẹ nyi ọnẹ, dẹẹ zaa si si ọnẹ ga ọza. ³⁵Ama, ẹnẹni Oshomoshi ra kaa ki ọvọrọ ki ẹ sha kwẹẹtẹ fini isu ẹi kụa nyi ọ̣nẹẹ navẹki ẹ si ọnẹẹ ga ọza. ³⁶Ẹi zụ kue su, fuvọki ẹn ri angẹni nin ẹ si vi ẹbẹẹbẹ, dẹ zẹ vi ezi Oshomoshi, fụvọki Oshomoshi ọ sha wa kwẹẹtẹ fini isu da.³⁷Ama, Imosisi nyẹmbẹ ọ si ọ zu ka, a sha ẹnene su kwẹẹtẹizẹna ya karẹyi inọpati Iriku anaa rira, izẹnọ ya shi Ananyiyi, Oshomoshi ayi Abrahamu, ọnri Oshomoshi ayi Aiziki, ọnri Oshomoshi ayi Ijakọbu. ³⁸Oshomoshi ọ zi vi Oshomoshi azẹne fu su, ama Oshomoshi ana yara ọnọ vi fụvọki aza bo vana yara tueeyi."³⁹Di ọyofi ẹnyi tuoshi ka, "Ọzụọzisa, waa voshi ẹtẹrẹ. ⁴⁰Ẹi va kụ zai fọ ọ ipẹpẹẹ ọsa.Ozi ẹzẹni Ikristi vi kẹ?(Imt. 22:42-46; Imk. 12:35-37)⁴¹Di Ijesụ fọ wa ka, "Ọmẹzi di az a kaa ki Ikiristi vi ozi Idevidi kẹ? ⁴²Fụvọki Idevidi nyẹmbẹ ọ kaa ini iwe ashẹ ụga ka, Ananyiyi ọ kaa yi Ananyiyi ka, 'Yatu tụni ụvọọri ami, ⁴³poro ne tu ẹfi ọnim va si ọnivi awụ mẹ irasha ọnụụ vaa kụ afụ shi.' ⁴⁴Idevidi vanaa shi Ikristi, Ananyimi; Ikiristi mẹmẹ zẹ va sii vi ozi Idevidi kẹ?"Ijesu ọ kawọnọ inọpati ọyofi nin(Imt. 23:1-36; Imk. 12:38-40)⁴⁵Di aza bo wụ ọ maa kaa yi eziafụ aani ka, ⁴⁶"Yarazi ini ẹngwụ Isadusi nini, enee si ki ẹnee chire auru ọgọdọ, dee ze si si ki aza ẹ kụ ẹni ini ofu, dee ze si si ki ẹnẹẹ yatụ tụni irasha ene fu keekere ini isinagọọgu ọnri iza yaa rupe. ⁴⁷Dee ze yi yi ogu ose-oku nini fineeshi aanini, dẹẹ tuozurenu ọgọdọ, doti aza e zuu re wa. Ẹngwụ azẹnẹni ọni Oshomoshi vaa jivi ene fu yi."

Chapter 21Ọiza ọni osoku ọnyi mẹ yi Oshomosho(Imk. 12:41-44)

¹Ijesu ọ kụreyi shirẹ, do re opisa nin, ẹ maa si ẹkẹshi tụni irasha ẹkẹshi ini itẹmpuru. ²Do ree osoku oniriwa ọnyi ki ọnọ zẹ si ọnini ẹẹva tụzọ. ³Dọ ka, "Ini irẹiza ma ka yụ wụ nini, osoku onriwa ọnọni ọ mẹ fu ini aza bo. ⁴Azẹnẹni bo vana yini isẹrụrụ ẹnẹ nyi si va mẹ irẹiza. Ama, osoku ọnọni, ini arimanyi aani ọnọ ya si isa bo ọnọ nyi tẹtẹ, ọnọ yaan a si pẹngwụ aani.E vee wu ireshi Oshomoshi(Imt. 24:1-2; Imk. 13:1-2⁵Azẹnyi maa karẹyi inọpati itẹmpụrụ, amẹmẹ si irẹta ozoza renyi renyi teni ọ ọnri ẹkẹshi anaa tu, di Ijesu ka; ⁶Isa bo ọnu wee re nini aani, ẹkushi aa vẹ ọnọ vi ka, irẹta ọnya ọ za vọ tụra ọsa rẹsụ dọviki azẹzi wu nyẹtẹ."Ụmẹ ọikọọta ẹshẹ(Imt. 24:3-14; Imk. 13:3-13⁷Dẹ fọ ọ, ka, "Ọzụọzisa, yere ụmẹ ọni isẹnẹni va sii mẹ kẹ? Sẹnẹ vi isẹnẹ va si ọ zụ ka isẹnẹni bo vaa mẹ"? ⁸Di Ijesu tuoshi ka, "Si eyi pẹgwụ awụ nin, doti asi aza mẹ wụ nin apẹ. Fụvọki azẹrụrụ vaa vẹ ini irẹsha ami, dẹẹ ka, "Ẹmi ọno vi Ikristi," ọnri ka, "Ẹfi ọ si kavape. Asụụ vatụra wa. ⁹"Ụmọnụụ ra wụ ekuku irẹku renyi renyi, asuu shangwa nin, fụvọki isẹnẹni bo va savọ mẹ, ama ọikọta ẹshẹ ọzaa mẹ ụmụmọ."¹⁰Inaani, dọ kaa yụ wa ka, "Ẹkụravabẹ ọnya va kwẹẹtẹ tu ẹkụravabẹ ọsa, di ijọva ọnya kwẹẹtẹ tu ijọva ọsa. ¹¹Ẹtẹ vaa jibora, di ụngwẹ ọnri ikụ yinaani irasha ẹrụrụ. Isa ẹrụrụ ẹrụrụ ene vee chirọzangwa vaa mẹ, di ami ẹbani ẹbani va siẹngwụ zụ fụri ineeku ẹbẹẹba.¹²Ama, di isẹnẹni bo ọ va mẹ, ẹ vaa za wụ nini, dẹ mụyari wụ fụvọ ọdọwu awụ nini. Ẹ vaa za wụ nini nangwụni isinagọgụ, dee chire wu nini tụni ijaaru. Ẹ zẹ va zẹ za wụ nini nangwụ inọvọdi oshinọyi ọnri Igomina nin fụvọ irẹsha ami. ¹³Ọnọni vaa yụ wụ nin oze ku wa divenu inọpati ami.¹⁴Fụvavọ, nyi ọ tụni ọtụtụrụma kụ we zee ne roo poro ụ mẹmẹ vaa kụrenu awụ nin, ¹⁵fụvọki mvaa si irẹyi ọnụụ vaa ka ọnri ụvira yụ wụ nini, ọnọsiviki ọnivi awụ nin bo ẹi zue pe wu nyishankata navẹki ẹ kụrẹyi awụ nin sha.¹⁶Ama, ada awụ ọnri ọnyi awụ nin nyẹmbẹ, shi ẹnyara, shi anda ọnri ọta awụ nini vaa si wụ chire ọnụmọ nin uvọ, dẹẹ vana wụ azẹnyi inawụ nin. ¹⁷Aza bo vaa kuayi awụ nin fụvọ irẹsha ami. ¹⁸Ama, ọnya ini ẹyi irẹsụ awụ nin ozee vurii. ¹⁹Aaviki wa siẹngwụdọ, ụ vaa dọ ẹngwụ awụ tụ nin.Isẹnava sii yẹ ki ee vee vu Ijerusanẹmụ irii(Imt. 24:15-21; Imk. 13:14-19)²⁰Ụmọnụụ ze re ki anirẹkụ nin ẹ varakara Ijerusanẹmụ, ụmavọ dụụ yẹ nin ki ẹfi ana va sii wu o, ọ si kavape. ²¹Ụmavọ, navọ di ẹnẹna yi Ijudiya e zue na shirẹ irẹsufa, di aza ana yini akaakana irẹkura, ẹẹ fiizọ. Ẹ zaa navọ ki aza ana yini ọkakooro ẹẹ varama ngwụ irẹkụra ọnọ. ²²Fụvọki ẹkụshi ene ve sii siatọ ọni ẹkụshi ẹnẹ vaa vi, fụvọ di isa bo ana chẹrẹ tẹtẹ ọ va si sẹ.²³Ọnirẹyẹ nin ọnri ọnyi ozinụvọ nin ẹ nyieriwa ini ẹkụshi ẹnẹ! Fụvọki ọngwẹngwụ ọbani vaa yini ẹtẹ ọnọ, shi ọikụ ọbani Oshomoshi ana vaa kwẹẹtẹ tu aza ẹnẹ. ²⁴Avaa si ifọ wụ azẹnyi, daa kụ wa mẹ ọrishi ini irẹkụra renyi renyi, ọnri ki Ijẹntairi nini vaa fụ ve Ijerusanẹmụ ini irẹkụ, pooro netu ẹfi ọni ụmẹ aanini vaa paraafu.Ozi Ọza ana nyi ụga vaa vẹ ini egushi(Imt. 24:29-35; Imk. 13:24-31)²⁵Ami vaa yini ọyi, ufẹ, uzọmi ọnri ẹtẹ. Anẹshẹ nin vaa yini ọngẹngwụ, dẹẹ yini iragashi fụvọ ọkụ enyi irefu ana sụrẹyi dọọ da bụdụ. ²⁶Ewu vee ku aza eyi fụvọ angwashi ọnri isa ọọsa ẹnẹẹ nyi irebatọ ki o ve tu ẹshẹ bo. Fụvọki a vee sheni ụkata bo ana yini ẹbẹẹba.²⁷Ụmavọ dee re ki Ozi Ọza aa vẹẹ ini egushi bẹri ụkata ọnri ụga ọbani. ²⁸Ama, ụmẹ ọni isẹnẹni re nyima a mẹ, kwẹẹtẹ dụ wa kureyi shirẹ fụvọki ọdidọtu awụ nini aa kavaape."²⁹Di Ijesu karẹyi ọnya yụ wa ini ụshioche ka, "Re ọchi anaa shi ifigi ọnri ọchi anavọ. ³⁰Ụmẹ ọnụụ ze re ki ọọ shavi, dụụ siọ yẹ nini ki irẹsụ aa kavaape. ³¹Avọ ọnọ mẹ zẹ vi vi, ki ụmẹ ọnuu ze re ki isẹnẹni aa mẹ, dụ wa ye nin ki ụmẹ ọni Oshomoshi va sii mẹ ijọva aani aa kavaape.³²Inirẹiza, maa kaa yụ wụ nin ka, evereze ọnọni ọ zaa paraafu di isẹnẹni bo ẹ va mẹ. ³³Ineeku ọnri ẹshẹ vaa paraafu, ama irẹyi ami vaa yinaani poro pooro.Sieyipe ẹngwụ awụ nin³⁴Ama, sieyipe ẹngwụ awụ nini, doti asi irazama eche ọnri iragashi ẹshẹ ọnọni na tụ ọtụtụrụma awụ nin ụkụmi, ana vaa mẹ ki ọkụshi ishọ ove tu wu nin asigiri venebiri irẹpa. ³⁵Fụvọki aza bo ana yini ẹshẹ ọnọni ọnọ vaa fụrẹẹ shi.Ijesu ọ si ẹnvwụzụ eziafụ aani(Imt. 28:1̈-20; Imk. 16̈:14-18; Ijọ. 20:19-23;³⁶Ama, teni ẹngwụ tẹtẹ ẹfi bo nini, dụ waa si ẹfi bo tuozurenu nini doti wa zụ nyi ụkata ọnụụ va sii tụụ fiini isẹnẹ vaa mẹ bo aani, doti wa zụ dinẹ tụni ọvidi Ozi Ọza nin."³⁷Ụmavọ di Ijesu kụa zụ aza isa inọọdu ini itẹmpụrụ, dọọ jinẹ inaafụ na yini irẹsufa anaa shi Irẹsụfa Oniivi. ³⁸Ini ọnẹnẹ viriviri, di aza bo e vee tu o ini itẹmpụrụ na wụ irẹyi aani.

Chapter 22A mẹmẹ shọma fụvọ Ijesu(Imt. 26:́1-16; Imk. 14:1-2; Ijọ. 11:45-53)

¹Ụmọni Upe Ibụrẹdi ene reme wu, ọna zẹ shii shi Upe Ọpiparafu, si terepe, ²di arụfa ọbạni nin ọnri ọyofi nin aa nọma ẹ mẹ vaa mẹẹ wụ Ijesu, fụvọki ee shiangwa isẹni azẹnẹ va zụụ mẹ.³Inaani, di Eshu va ngwụninẹ Ijudasi Iskariọti ana vi ọnya ini eziafụ Ijesu ẹwụrẹva. ⁴Di Ijudasi ne tu arụfa ọbani nin ọnri ọga isoja itẹm'ụrụ nin, dẹ gẹ nọma ọ mẹ va mẹẹ bafụ Ijesu yụ wa.⁵Di inẹ aanini shine, dẹ zẹẹ ki ẹni vaa si ẹkẹshi yọ. ⁶Di Ijudasi zẹẹ, do vee si oze ọnọ va sii si Ijesu chire wa ụvọ ini oboka ọni azọkọni nin razi ya.Ijesu mẹmẹ teni ẹngwụ tẹtẹ zi Upe Ọpiparafu(Imt. 26:17-19; Imk. 14:12-16; Ijọ. 13:21-30)⁷Ọkụshi Upe Ibụrẹdi ene reme wu, me tu, ana zẹ vi ọkụshi ọni aza sii wụ ozi atẹmẹ Upe Ọpiparafu. ⁸Di Ijesu tụ Ipita ọnri Ijọọnụ ka, '"Naa, wa na meto isari Upe Ọpiprafu tẹtẹ ọnii vaa ri nin." ⁹Dẹ fọ ọ ka, "Yere irasha ọnii va yaa meto ọnọ kẹ?"¹⁰Dọ tuoshi ka, "Batọ nini, aaviki wa ngwụ irẹkụra ọnọ, ọnọru ọnyi ana za ovi enyi vaa gẹrẹ wụ nini. Vatụra na nywụ ireshi ọnọ raa ngwụ nin. ¹¹Kaa yi adareshi ọnọ ka, 'Ọzụọzisa ki ya fọ wụ ka, "Yere izọni irẹngwụ azẹga ọni ẹmi ri eziafụ ami va yaa ri isari Upe Ọpiparafu ya?"'¹²Ọzọnọ va si irengwụ ọbani ọnya ọne teni tẹtẹ tụẹbẹẹba zụ wụ nini. Teni isa bo tẹtẹ tụzọ nini. ¹³Inaani, dẹ na, de ne tu ki a teni izọ tẹtẹ vene Ijesu mẹ kaa gẹdẹgẹdẹ. Inaanii, dẹ mẹ Isari Upe Ọpiparafu tụzọ.Isari oruva ọikọọta(Imt. 26:20-30; Imk. 14:17-26; 1Ikọ. 11:23-25)¹⁴Ẹfi me tu ẹnẹ vaa risari, di Ijesu yatụ pe ọnitụ aani bo. ¹⁵Inaani, dọ kaa yụ wa ka, "Mee zi ẹfi ọnọni poro ki ọvẹ di me pe wu nin ri isari Ọpiparafu ọnọni di ma tangwa vana na rụya. ¹⁶Di ma kaa yụ wụ nini, Mai kụa ri ọ poro netu ụmẹ ọna vaa sii ri ọ ini ijọva Oshomoshi."¹⁷Inaani, di Ijesu si ipa, dọ mẹ avọọkụ yi Oshomoshi, dọ ka, "Dọ, dụ wa ga a nini. ¹⁸Di ma kaa yụ wụ nini, mei kue fu ini ẹtụtụ ọchi ivaini ọnọni poro netu ẹfi ọni ijọva Oshomoshi va sii vẹ."¹⁹Dọ si ibụrẹdi, dọ mẹ avọkụ yi Oshimoshi, dọ da a, dọ si ọ yụ wa, dọ ka, "Ọnọni ọnọ vi ẹngwụ ami ana si misẹvọ fụvọ awụ nini. Vọọ mẹ nini, du wa si ọ tamayi ami nini." ²⁰Ẹfi ẹnẹ risa da, dọ zẹ si ipa vene ọ mẹ bidi mẹ, dọ ka, 'Ipa ọnọni ọnọ vi irẹzẹ ọwọọwa ini anya ami, ene che shiẹtẹ yụ wụ nini.²¹Ama, sieyipeẹtẹ nini. Ẹzẹna vaa bafụ ami, ee bere mii risari ọmẹyani. ²²Fụvọki a mẹmẹ kaa tẹtẹ ki Ozi Ọza vaa na, avọ ọnọ mẹ vaa vi. Ama, odu ọnọru ọnọ o nyeiriwa, ana ra zirẹngwụ aani bafụ ami. ²³Dẹ vẹrẹ aa fọ ẹngwụ ki ẹnọvi inaanini ana maan vaa mẹ.Yere ẹzene fubo?Imt. 20:25-28, 19:28; Ilk. 10:42-45; Ijọ. 13:1-17)²⁴Umotu, di ẹshankata si ngwụ wa akaakana inọpati ezene fu keekere inaanini. ²⁵Dọ kaa yụ wa ka, "Oshinọyi Ijẹntaini nini ẹnẹ vi ọga yi aza aanini, dọ zẹ va si vi ki ẹnẹna nyi ụmọ tụra wa irẹsụ ọni aza re ki ẹ vi azẹnaa mọiza yi aza aanini.²⁶Ama, asọ vọọ vi inakaakana awụ nini. Akikọnọ, navọ di ẹzẹne fu inakaakana awụ nini, ọ si vara ozioweyi; navọ di ẹzẹna nyi ụbani fu, ọ si vara ozida yi ẹnẹnavọ. ²⁷Aa ka a zama, ene vene fu kẹ, ini ẹzẹna yatụ daa kụ isari tụọvidi ọnri ozida anaa si isari vaa yọ? Aivi ẹzẹna yatụ anaa kụ isari tụọvidi aani? Tuavọ tuavọ, mi yini akaakana awụ nini, di maa mozida awụ nini.²⁸Ama, ẹwụ nini ọnọ yape mi poro ini azamare ami. ²⁹Maa si ijọva yụ wụ nini vene Adami mẹ si ijọva yi mi, ³⁰doti wa zụụ ri, du wee fu nini ini ijọva ami, dụụ va yatụ tụni ogede, dụ waa mishọji yi ovuovu ẹwụrẹva ana yi Isrẹni.Ijesu ọ kaa yi Ipita ka o vee yi ki ọnọ zi yẹ ọni(Imt. 26:31-35; Imk. 14:27-31; Ijọ. 13:36-38)³¹Isaimọni, Isaimọni, navọ wa yẹ ki Eshu venee si ki wa si vi ayawụọni nini, doti ọ nọ zụụ peshe wu nin vene akụ. ³²Ama, mee pe wu nin tuozurenu da, doti ọdọwụ awụ nin ọ zụ nyi afụ dinẹ ẹtẹrẹ. Ụmẹ ọnụụ ra varama kamvẹ, navọ dụ wa tụ ẹnyara awụ nin ụkata."³³Di Ipita kaa yọ ka, "Ananyiyi, mee teniẹngwụ tẹtẹ kim vaa vaatụra wụ ngwụni ijaaru ọnri ini isu." ³⁴Di Ijesu voshi ka, "Ipita, di ma kaa yụ wụ, dụ ụkọkọrọ o ne nowu irajini ọnọni, u vaa kaa gụ ụpẹẹta kụ wa zi yẹ mi."Irẹyi inọpati ụmẹ ẹngwẹngwụ³⁵Inaani, di Ijesu kaa yụ wa ka, "Ẹfiẹnim tụ wụ jinẹ nin, dụụ razi za ampo ẹkẹshi, navẹki ampo isari, naveki ivata, ọwa nyi isa ọnuu si nini, duu rezi ree nin?" Dẹ voshi ka, "Ọzi nyi." ³⁶Dọ va kaa yụ wa ka, "Ama, ọmẹyani, ẹzẹna ra nyi ampo ẹkẹshi, ọ za a; shi ampo isari. Aaviki ọ nyi ọzẹna razi nyi itakovi, ọ na na auru ẹshẹẹshẹ aani doti ọ siọ shi itakovi ọnya.³⁷Di ma kaa yụ wụ nini, isa ana chẹrẹ tẹtẹ inọpati ami vaa gẹ. 'Di aza ee si eyi ẹzẹna bẹrẹ ẹnenee du ofi re.' Fụvọki isẹni ọkisẹ nin ka inọpat ami ọnaa mẹ aani." ³⁸Inaani, dẹ ka, "Ananyiyi, re! Yaa zi itakovi ẹẹva." Dọ kaa yụ wa ka, "Ọno o ze."Ijesu ọ na tuozurenu ini Irẹsụfa Ọniivii(Imt. 26:36-46; Imk. 14:3̀-42)³⁹Ẹfi ẹnẹ ri isari oruva da, di Ijesu aa shirẹ nọ ini Irẹsụfa Onivi, vene ọ mẹ mii mẹ, di eziafụ aani vatụra a. ⁴⁰Ẹfi ẹnẹ ngwụ izọ, dọ kaa yụ wa ka, "Tuozurenu ki asụụ na ngwụni azamare nin."⁴¹Dọ zụsẹ che fi izẹnẹ ya, do kuẹtẹ, dọ tuozurenu, ⁴²dọ ka, "Aaviki osisi awụ ọnọ vi, si ipa ọnọni jesi kavana yi mi. Tuavọ tuavo, aivi osisi ami ọna vaa mẹ; osisi awụ, ọna vaa mẹ."⁴³Inaani, di angẹni ọnya chi fụrẹ ẹbẹẹba vẹ, dọ siẹngwụ zụ ọ, dọọ tụ ọ ụkata. ⁴⁴Fụvọki ọkatẹngwụ ọnọ ya ini ẹfi ọnọ, dọ sikamarenu dọọ tuozuenu poro kẹnẹ; di ẹfi enee tu o si vene anya mẹ raa tọ shiẹtẹ kitipọ kitipọ.⁴⁵Ẹfi ọnọ tuozurenu da, dọ kwẹẹtẹ, dọ varama ne tu eziafu aani, do vetu ki ẹẹ sụara, fụvọki ayi aanini o si du, ⁴⁶dọ fọ wa ka, "Ọmẹzi dụ waa sụara nini kẹ? kwẹẹtẹ dụ waa tuourenu nini, doti asụ na ngwụni azamare nini."Aa za Ijesu(Imt: 26;47-56; Imk. 14:43-50; Ijọ. 18:3-11)⁴⁷Ọ maa ki karẹyi inụvọ, di azọkọni nin ngwụ ve tu o, bẹri Ijudasi ana vi oziafụ aani ọnya ini ẹnẹẹwụrẹva, dọviki ọni ọnaa zụ wa oze. Dọ kavape Ijesu, dọ su irenu kuo irenu, ⁴⁸ama Ijesu kaa yọ ka, "Ijudasi, Ozi Ọza ọnụ waa sirenu kurenu, dụ waa si ọ bafụ aani?"⁴⁹Ẹfiẹni ẹnẹna dinẹ gụri Ijesu re isa anaa nọvidi, dẹ ka, "Ananyiyi, ụ wa ki ya ji itakovi ngwụ wa?" Inaani, di ọzọnya inaanini si itakovi, ⁵⁰dọ ji ọ ngwụ ozida oshirẹsụ arụfa ọnya, dọ da ụtọ ụvọri aani kụra. ⁵¹Di Ijesu ka, "Kai, oo ze!" Ọ sụvọ kani ọ ụtọ, di ụto aaani varama tudi aani.⁵²Di Ijesu kaa yi arụfa ọbani nini, ọdovidi itẹmpụrụ nini, shi azẹkụ nini enee sio ọziza ka, "U wa jinẹ shiẹshẹ ve tu mi nini, dụụ kụ itakovi ọnri orobo vene ki oyii ọnụ wa vaa wụ nini? ⁵³Ẹfi ọnim si yini itẹmpụrụ pe wu nini eyinieyini, wazi sụvọ kani mi nini. Ama, ẹfi awụ nin yi, ọnri ẹfi ụkata oozi."Ipita o yi ka ọnọ zi yẹ Ijesu(Imt. 26:57-58, 69-75; Imk. 14:53-54, 66-72; Ijọ.18:12-18, 25-27)⁵⁴Dẹ taaku, de tura a na, dẹ za a na ngwụ ireshi oshirẹsụ arụfa. Ama di Ipita vatụra wa fi irasha ọgọdọ. ⁵⁵Ẹfiẹnẹ kaira tuni akaanana ofenje ireshi ọnọ da, dẹ yatụ varakara ira ọnọ, di Ipita va na yatụ vafura wa.⁵⁶Ọnyẹnẹ ozida ọnyii me re ki ipita ọ yatụ pi ira ọnọ, dọ feishi o, dọ ka, "Ọnọrụ ọnọni nyẹmbẹ vana ya pe e." ⁵⁷Ama, di Ipita yi, dọ ka, "Ẹwụ ọnyẹnẹ, mazi yẹ wụ."' ⁵⁸Ẹfi ọnọ damẹ, di ọzẹnẹsa re e, dọ ka, "Ẹwụ zẹ vi vi ọzọnya raanini." Ama, di Ipita ka, "Ẹwụ, ọnọrụ, ma zi bẹrẹ wa."⁵⁹Ẹfi ọni ọpati iwakati ọnya mẹ parafu da, di ọnọrụ ọsa shigeri, dọ ka, "Ini irẹiza, ọnọrụ ọnọni nyẹmbẹ vana yape wa, fụvọki ani iganini ọnọ vi." ⁶⁰Ama, di Ipita ka, "Ẹwụ ọnọrụ, ma zi yẹ isa ọnụ waa ka." "Ụmụmọ, ọ maa ki karẹyi inụvọ, di ụkọkọrọ nowu.⁶¹Di Ananyiyi vareyi re Ipita, di Ipita tamayi irẹyi ọni Ananyiyi ka, ọmẹ kaa yọ ka, '"Di ụkọkọrọ o ne nowu irajini, u vee yi kụ wa zi yẹ mi gụ ụpẹẹta." ⁶²Di Ipita jinẹ tụra, dọ naa jiorere.Aa za Ijesu nọ ini ikootu(Imt. 26:59-68; Imk. 14:55-65; Ijọ. 18:1-24)⁶³Inaani, di anẹrụ anee sere Ijesu aa mẹisiya, dee tu o. ⁶⁴Dẹ vita kuo eyi, dẹ ka, "Kisẹ zụ yi! Ẹnẹ nyaụsa kẹ?" ⁶⁵Dẹẹ ki isa reni renyi shi Ijesu, dẹẹ ki isaanyisii shi ọ.⁶⁶Ẹfiẹni eyi ni kẹnẹ, di azẹkụ irẹkụra nini pere gụ, shi arufa-ọbani nini ẹnri oyofi nini. Dẹ za a na ngwụni ikootu, ⁶⁷dẹ ka, "Aaviki ẹwụ ọnọ vi Ikristi, kaa yi yi." Ama, dọ kaa yụ wa ka, "Aaviki maa kaa yụ wụ, wa zaa dọọzẹ nini, ⁶⁸ọnri ki maa fọ wụ nini, wa zaa voshi nini."⁶⁹Ama, fụri ẹfiaani na, Ozi Ọza vaa yatụ tụni aka ụvọọri udi ụkata Oshimoshi." ⁷⁰Di enbo ka, "Ọnọ vi ki Ozi Oshimoshi ọnụụ vi aavo?" Di Ijesu kaa yụ wa ka, "Avọ ụ mẹ ka nini." ⁷¹Dẹ ka, ọmẹzi di yee sii si onivenu kẹ? Fụvọki ẹyi nyẹmbẹ ọ si ụtọ ayi wụ fineenu aani da."

Chapter 23Aa za Ijesu ne tu Ipaireti igomina(Imt. 27:1-2, 11-14; Imk. 15:1-5; Ijọ. 18:28-38)

¹Di enbo fu kwẹẹtẹ, de za Ijesu vi inọvidi Ipaireti. ²Dẹ vẹrẹ dẹẹ kụrẹka ku o, dẹ ka, "Ya za ọzọnọni ki oo zụ anrẹkụra ayi isọshimi, dọ kaa yụ wa ki asẹ si ụbani Isiza yọ ọ, dọọ kaa ki ọnyẹmbẹ vi Ikristi, ki ọn vi oshinọyi."³Di Ipaireti fọ ọ ka, "Ẹwụ ọnọ wa vi Oshinọyi Iju nin?" Di Ijesu voshi, dọ ka, "Avọ ụ mẹ ka." ⁴Di Ipaireṭi kaa yi arufa ọbani nin shi azọkọni nin ana yi izọ ka, "Me zi re abojinye ọnyọnyi ọni ọnọrụ ọnọni mẹ." ⁵Ama de shi geri geri, dẹ ka, "Ọọ tu aza irẹkụ, dọọ zụ aza isa varakara Ijudiya, fụri Igaanini poro va ngwụ izọni nyẹmbẹ."⁶Ipaireti mẹ maan wụ, dọ fọ wa ki ani Igaanini ọ nọ wa vi. ⁷Ọ mẹ yẹ ki afụ ụmọ ọi Ihẹrọdụ ọnọ ya, dọ kaa yụ wạ ki ẹ si ọ ne tu Ihẹrọdụ fụvọki ọn nyẹmbẹ vana yi Ijerusanẹmụ inụmavọ.Aa zẹ si Ijesu nọ ini ọvidi Ihẹrọdụ⁸Ẹfi ẹni Ihẹrọdụ re Ijesu, di inẹ aani shine kokoro, fụvọki oo siku ọnọ fụree si ki ono re e. Ọ bidi wụ inọpati aani da, do vee si ki o nee re isa oshishozeyi ọno vaạ mẹ. ⁹Di Ihẹrọdụ fọ Ijesu ipẹpẹẹ ẹrụrụ ẹrụrụ, ama di Ijesu chi o riji. ¹⁰Di arụfa ọbani nin ẹnri ọyofi nini dinẹ, dẹẹ si ọikụ kụrẹka renyi renyi ku o.¹¹Di Ihẹrọdụ ọnri ashoja aani aa kụ Ijesu ụfụ, dẹẹ mẹ isiya, De chire Ijesu auru ifaari, dẹ va siọ varama tushi Ipaireti. ¹²Fụvọki Ihẹrọdụ ọnri Ipaireti ẹ kụ si vi ita (fụvọki ọnivi ẹnẹ bidi vi dọva nyi ki ọkụshi ishọ o tu).Aa mẹ ishọọji isu yi Ijesu(Imt. 27:15-26; Imk. 15:6-15; Ijọ. 18:39, 19:17-27)¹³Inaani, di Ipaireti shi arụfa ọbani nini gụ, shi oshirẹsụ irẹkụra nin, shi azọkọni nini, ¹⁴dọ kaa yụ wa ka, "Wa si ọnọrụ ọnọni vetu mi nini, ki ọọ za azaa nyeeyi, ama maa fọ ipẹpẹẹ da ineyi awụ nini, me zi ve re abojinye ọnyọnyi ini ọnọrụ ọnọni inọpati isa bo ọnụụ kaa ki ọ mẹ nini.¹⁵Me zi re isọnsọnyi ọnụụ ki o ̣mẹ nini, shi Ihẹrọdụ nyẹmbẹ ozi re isa ọnọ mẹ, fụvọki ọ za a varama tushi mi; re nini, me zi re isonsọnyi ọnọ mẹ ana vaa mẹ ki a wụ ọ. ¹⁶Fụvavọ, mvaa mụyaari ọ, dim fụrẹụvọ." ¹⁷Dọvasivi ki inẹkụshi upe ishọ, ọ ma nyi ki Ipaireti ozị fụrẹ anẹngwa ọnya ụvọ yi Iju nini.¹⁸Ama, di enbo nowu tụẹshẹ ụponya, dẹ ka, "Si Ijesu waa na nin, dụ wa fụrẹ Ibarabasi ụvọ yi yi!" ¹⁹Ibarabasi vọnene ngwụ ijaaru fụvọki ọ kachire anụmọ nini ini irẹkụra ọnọ, ọnri ki ọ wụ ọza.²⁰Di Ipaireti teni pe wa kareyi, doo si ki ọ nọ fụrẹ Ijesu ụvọ. ²¹Ama, de nowu, dẹ ka, "Kani ọza ọchi avashi, kani ọ za ọchi avashị." ²²Dọ fọ wa ụpọfụụta ka, "Ọmẹzi du wee si ki a wụ ọ nin, yere ọshimi ọni ọnọrụ ọnọni mẹ? Me zi re isọnyọnyi ọna vaa mẹ ki a mẹ mishọji isu yọ; fụvavọ, aaviki maa mụya ri ọ da, mvaa fụrẹụvọ yụ wụ nini."²³Ama, de shigeri, dẹ si ọngwẹ tụẹba, dẹ ki ene si ki a kani ọ za ọchi avashi. Di ọngwẹ ọni enbo a sii nowu mẹ ki Ipaireti ọ zẹ ẹ wa. ²⁴Inaani, di Ipaireti mẹ isa ene fisue aani. ²⁵Dọ fụri Ibanabasi ọna si tụni Ijaaru, ụvọ; ẹzẹnọ vi ki ọ̣ va irẹkụra zii, dọ zẹ wụ ọza, fụvọki avọ ọni aza me si o. Ama, dọ si Ijesu chire wa ụvọAa kani Ijesu za ọchi avashi(Imt. 27:32-44; Imk. 15:21-32; Ijọ. 19:17-27)²⁶E mee tura a na inoze, de re ọzọnyi anaa shi Isaimọni ana fụrẹ Isirene, dọọ furi irẹkụra ọnọ ọ vẹ, dẹ taaku, de chima ọchi avashi tụra, dọ za a vatụra Ijesu.²⁷Di azọkọni ụnọmpa vatura a, shi anyẹnẹ anavẹngwụshi, dẹẹ jioreree yọ. ²⁸Ama, di Ijesu vareyi ka wa, dọ ka, "Ezi-anyẹnẹ Ijerusanẹmu, asuu sune fụvọ ami nini, ama sune fụvọ ẹngwụ awụ nini ọnri fụvọ ezi awụ nini.²⁹Fụvọki, ẹkụshi ẹnẹ a vẹ ana va yaa kaa ka, 'Ẹdabẹrẹ ọnọvi yi ọgụọri nini shi ishi-ozi ana razi ma, shi irẹva ana razi pa ozi.' ³⁰Ụmavọ, dẹ kụ vẹrẹ a kaa yi ifege ini ka, 'Zina nyayi,' dẹẹ kaa yi irẹsụfa ka, 'Wu, wa va ku yi.' ³¹Fụvọki, aaviki ẹẹ mẹ ẹngwụ isẹnẹni ẹfi ọnọ ọchi si vi ofuofu, ọmẹmẹ fufu vaa vi aavọ ụmẹ ọni ọchi ra si wẹngwani?"³²Dẹ si anẹrụ ẹẹva ọsa ana vi oduofi bẹri Ijesu ọnẹẹ va naa wụ.³³Ụmẹ ene tu irasha anaa shi "Ọchụkụ irẹsụ," dẹ kani Ijesu za ọchi avashi vabẹri oduofi ẹẹva ẹnẹ --- ọnya yini ụvọọri, di ọfụụva yini ụvọọfa. ³⁴Di Ijesu ka, "Adami, si aichama vaya aanini fuvọki ẹ zi yẹ isẹnẹẹ mẹ." Inaani, dẹ mẹ ipẹmpẹmpẹ tụra auru Ijesu, dẹ ga a shi ẹngwụ avọ.³⁵Di aza dinẹ e reẹtẹ, di oshirẹsụ nin aa mẹisiya, dẹ ka, Ọọ dọ azẹnẹsa tụ. Navo doti ọ dọ ẹngwụ aani tụ, aaviki ọni ọnọ vi Ikristi Oshomoshi, ana vi ọza ana ni."³⁶Shi ashoja nini vanaa mẹisiya, dẹgụrẹ ẹ, dẹẹ si eche okata anaa nyirẹyi yọ, ³⁷dẹẹ kaa ka, "Aaviki ẹwụ ọnọvi Oshinọyi Iju nin, dọ ẹngwụ awụ tụ." ³⁸Dẹ chẹre ̣ẹ tụẹbẹba irẹsụ aani, ka, "Oshinyọyi Iju nin yi."³⁹Di ọnya ini oduofi ẹẹva ẹnẹ, ọna kani za ọchi avashi, dọ kụ Ijesu ụfụ, dọ ka, "Aivi ẹwụ ọnọ vi Ikristi? Dọ ẹngwụ awụ tụ, dụ wa dọ yi tụ." ⁴⁰Ama, di ọfụụva aani tụ ọ ofuvọ, dọ ka, "We me shiangwa Oshomoshi, navẹki aivi ishọọji ọnyọnya ana si yi yi? ⁴¹Inirẹiza, ẹyi ọn vanaa jivi ana sẹrẹ yi, fụvọki irẹyi ọshimi ọnii mẹ ọnọ mẹ ki a mishọọji ọnọni yi yi. Ama, ọnọrụ ọnọni ọzi nyi isọshimi ọnọ mẹ."⁴²Inaani, dọ ka, "Ijesu, tamayi ami ụmẹ ọnụụ ra ngwụ ni ijọva awụ." ⁴³Di Ijesu kaa yọ ka, "Inirẹiza, maa kaa yụ wu, ụ vaa yaa pe mi ineeku ọiza irajini."Ijesu mẹmẹ su(Imt. 27:45-56; Imk. 15:33-41; Ijọ. 18:28-30)⁴⁴Ụmẹ ono tu ọpati iwakati ọfụshinọnyi, di oozi si shi na ngwụ iwakiti ọfụshinna, ⁴⁵di ọyi si ngwụẹtẹ. Inaani, di ita ene si ji itẹmpụrụ zi akaakana na tụ oze ẹẹva.⁴⁶Ijesu ọ siọngwẹ tuẹba, do nowu, dọ ka, "Adami, maa si ifẹ ami chire wu ụvọ." Ẹfi ọnọ maan ka da, do su. ⁴⁷Ụmẹ ọni ọdọvidi ashoja-ẹchẹẹshi re isẹnẹ mẹ, dọ sụga yi Oshomoshi, dọ ka, "Ọzi nyi ọjirẹka ka ọnọrụ ọnọni vi ọmanasẹrẹ."⁴⁸Ụmẹ ọni azọkọni nini, ene pere gụ ki ene ve reẹtẹ, re isẹnẹ mẹ izọ, dẹ jụvọ kurachi, fụvọki ọ zụ wa ẹngwụ. ⁴⁹Ama di ẹnẹna yi Ijesu bo, shi anyẹnẹ ana vatụra a fụri Iganini, vana dinẹ tụ irasha ọgọdọ, dẹẹ taneyii re isẹnẹni bo.A mẹmẹ ne oku Ijesu tụni ụsi ininẹ irẹta(Imt. 27:57-61; Imk. 15:42-47; Ijọ. 19:36-42)⁵⁰Dọ va nyi ọnọrụ ọnyi ana yi izọ ọni irẹsha aani vi Ijosẹfụ, ana bẹ tuni iragụ Azẹku.̣ Ọzọiza ọnri ọmanasẹrẹ ọnọ vi. ⁵¹Ọzi nyi efi ọni ọnọrụ ọnọni si sụvọ tuni ọma Iragụ Azẹkụ nini. Anrẹkụra Arimatiya ana yi Ijudiya ọnọ vi; dọ vi ẹzẹnee si ijọva Oshmoshi.⁵²Di ọnọru ọnọni ne tu Ipaireti, dọ ka ọ si oku Ijesu yi ọni. ⁵³Do chema chi, dọ si ita isiriki ozoza chire e okuma, do ne e tuni irikuta ana chi tuni irẹta ana razi bidi ni ne ọzọnzọnyi tụ.⁵⁴Ọkụshi Otiteniẹngwụ-tẹtẹ ọnọ ọkụshi ọnọ vi, dọọ gụrẹ ajuveni ọkụshi Isabati. ⁵⁵Di anyẹnẹ ana vatụra Ijesu fụrẹ Iganini vatura ọnọrụ ọno,̣ de ne re itikuta ọnọ, shi a mẹmẹ si oku Ijesu tụnaani. ⁵⁶Dẹ varama, dẹ ne teni eturari ọnri ororo tẹtẹ. Ome tu ọkụshi Isabati, de shifẹ vene ụmọ mẹ kaa.

Chapter 24Ijesu ọ sha kwẹẹtẹ fiini isu(Imt. 28:1-10; Imk. 16:1-8; Ijọ. 20:1-10)

¹Ini ọnẹnẹ viriviri ini ọkushi ọsẹ, dẹ si isẹna sii teni oku ẹngwụ ọnẹ bidi meto aani tẹtẹ da chaụvọ vini irikuta. ²De re ki a tụ irẹta ọnọ ụvọ fini irikuta. ³Ẹẹ ngwụni irikuta na, ama e zi re oku Ijesu Ananyiyi inaani.⁴Irẹyi ọnọ mẹ shagashuweyi, di anẹrụ ẹẹva ọni auru aanini a vụẹtẹ bẹnẹbẹnẹ fụrẹshi wa ini asigiri, dẹ dinẹ pe wa. ⁵Angwa o shii anyẹnẹ ẹnẹ de nyimarẹsụ keyingwụ ẹtẹ, di anẹrụ ẹnẹ kaa yi anyẹnẹ ẹne kạ, "Ọmẹzi du we si anẹshẹ ini akaakana ẹnẹne fu su nin kẹ?⁶Ọzi yi izọni, fụvọki a sha a kwẹẹtẹ da! Tamayi irẹyi ọnọ ka yụ wụ nini ẹfi ọnọ yi Iganini, ⁷ki a vaa za Ozi Ọza, da a si ọ chire anaichama nini ụvọ, dẹ kani ọ za ọchi avashi, ama ọ vaa varama sha kwẹẹtẹ ini ọkụshi ọfụụta."⁸Di anyẹnẹ ẹnẹ va tamayi irẹyi ọnọ, ⁹dẹ varama fiini irikuta ọnọ na karenube isẹnẹni bo yi ọnitụ Ijesu ẹwụrọnya ẹnri eziafụ aani anavọ bo. ¹⁰Dọ vọọ va si vi, di Imeri Imagidarini, Ijoana, Imeri anavi ọnyi Ijemsi, shi anyẹnẹ ẹsa ana vatụra wa na karẹyi ẹnẹni bo yi ọnitụ Ijesu nin.¹¹Ama di irenube ọnọni si vene irẹyi ọna razi zarẹsu inọvidi ọnitu nini; dẹ razi dọrẹyi anyẹnẹ ẹnẹ wụ. ¹²Tuavọ tuavọ di Ipita kwẹẹtẹ, do zuechi na ngwụni irikuta, do nyimarẹsụchi dọọ zama irikuta, dọviki ita ene si chire e okuma renya ono re. Di Ipita fi izọ dọ neeshi, doo ro o poro, di isẹnẹ mẹ rezi ye.Ijesu ọ si ẹngwụ zụ aza ini oze Ẹmausi(Imk 16:12-13)¹³Umotu, di ẹnẹẹva gaa zụsẹẹ nọ irekụra oweyi anaa shi Ẹmausi ini ọkụshi ọnọ gẹdẹgẹdẹ, ọnọ vi ki ụsẹ imairi ishinọnyi fụri Ijerusanẹmụ ọnọ vi. ¹⁴Dẹ gaa nita inọpati isẹnẹ mẹ bo.¹⁵Dọ va si vi ki, ẹ maa nita na, dẹẹ fọ ẹngwụ ipẹpẹẹ, di Ijesu ọn nyẹmbẹ zụsẹ ve tu wa, dẹ gẹ kụaa zụsẹẹ na. ¹⁶Ama dọ nyi isẹnẹ mẹ ki asẹ yẹ ki ọni yọ.¹⁷Di Ijesu fọ wa ka, "Irẹka isẹni ẹwụ nin ẹviva manaa kụ inoze kẹ?" Dẹ dinẹ tụzọ ini ayoodu. ¹⁸Di ọ̣nya inaanini ọni irẹsha aani ri Ikiriopasi tuoshi ka, "Ọnọvi ki ẹwụ renya kẹnẹ ọnọ razi yẹ isẹnẹ mẹ Ijerusanẹmụ ini ẹkụshi keere ọnọni aavọ no?"¹⁹Di Ijesu fọ wa ka, "Sẹnẹ mẹ kẹ?" Dẹ voshi ka, "Isẹnẹ mẹ inọpati Ijesu ani Inazarẹtị, ọna vi ọkisẹ ọbani ini ọmime ọnri irẹyi ọkika inọvidi Oshomoshi ọnri aza bo ²⁰shi arụfa ọbani nini ọnri Oshiresụ ayi nin mẹmẹ si ọ chire ani Iromani nin ụvọ ki a mishọọji isu yọ ọnri a mẹmẹ wụ ọ za ọchi avashi.²¹Ama, ya nyi iribatọ oshẹtẹ ki ọni ọnọ vaa ji Isrẹni tụ. Avọ ọmẹ vi, ọnri kk ọọsi fini ẹnẹ, paapa ọmẹ vi ki ọnọni ọnọvi ọkụshi ọfụụta ọni isẹnẹni bo fụrẹ mẹ.²²Ama, zẹ tụọ, anyẹnẹ ẹnyi ini a kakaakana ayi ẹ mẹ isẹne shi yi eyi; ẹ sha ni ni irikuta ini ọnẹnẹ viriviri. ²³Ẹfi ene rezi re oku aani, ẹ mẹ vẹ, dẹ va kaa yi yi ka ene re angẹni nin ini ẹtoore ana ka ki ọ yẹshẹ. ²⁴Ọnọru ẹnyi ọni ẹyi rụ wa gẹ ya ẹnẹ zẹ ni nọ ini irikuta, de ne tu ki irẹyi ọni ạnyẹnẹ ẹnẹ ka vi irẹiza. Ama e zi re e."²⁵Di Ijesu kaa yụ wa ka, "Ọnụra ọni azẹnẹni vi, ọni ọtụtụrụma aanini rama fira nyi ọdọwụ ini isa bo ọni ọkisẹ nin ka! ²⁶Ọwa ra zi sẹrẹ ki Ikirisiti ọ rụya ẹnẹni bo doti ọ ngwụni ụga aani?" ²⁷Inaani, di Ijesu vẹrẹ fini Imosisi na ngwụni ọkisẹ nin bo, dọọ sha wa afụụsha, dọọ si ọ zụ wa, isẹni iwe ọnini ka bo inọpati ọni nyẹmbẹ.²⁸Ẹ maa zi gụrẹ irẹkụra ọ nẹẹ nọ, di Ijesu mẹ veneberi ki ọnaa si ụsẹ awụọni nọvidii tụọ. ²⁹Ama dẹ dipẹ yọ ka, "Yi izọni pe yi, fụvọki oruva a kavaape ọnri ki ọyi kọ ta." Inaani, di Ijesu ngwụ ireshi, dọ yi izọ pe wa.³⁰Inaani, ẹfi ọnọ yatụ ki o nee pe wa risari, dọ si ibụrẹdi, dọ tụozurenu ẹdabẹrẹ tụ ọ, dọ sẹ ẹ, dọ si ọ yụ wa. ³¹Ụmavọ di iri aanini sha, dẹ va yẹ ki ọni yọ, do pevu fiini akaakana aanini. ³²De kue pe ẹngwụ kaa ka, "Kavọ ki ọtụtụrụma ayi vana manaa ji peepe ẹfi ọnọọ karẹyi yi yi inoze, ọ maa shafụ irẹyi iwe ọnini sha yi yi."³³Di anẹrụ ẹẹva ẹnẹ kwẹẹtẹ ụmụmọ, dẹ varama a nọ Ijerusanẹmu. Di ene tu ki ọnitụ Ijesu ẹnẹwụrọnya, shi ẹnẹna ya pe wa, e pere gụ, ³⁴dẹ wụ ki ẹẹ kaa ka, "Ananyiyi ọ si sha kwẹẹtẹ inirẹiza, ọ si ẹngwu zụ Isaimọni da." ³⁵Dẹ va kaa isẹni iri aanini re inoze, shi a mẹmẹ si Ijesu zụ wa ẹfi ọnọ si sẹ ibụrẹdi.Ijesu ọ siẹngwụ zụ eziafụ aani(Imt. 18:16-20; Imk. 16:14-18; Ijọ. 20:19-23; Ọmi. 1:6-8)³⁶Ẹ maa karẹyi ẹnẹni, di Ijesu nyẹmbẹ dinẹ tụni akaakana aanini, dọ kaa yụ wa ka, "Ẹngwọrọ ọ ya bẹrẹ wụ nini." ³⁷Ama, di ezizi za wa, di angwa shuwa, dẹ kẹnẹ ki aneku ọnẹni re.³⁸Di Ijesu fọ wa ka, "Ọmẹzi dụụ kụ ayi gẹba nin kẹ? Ọmẹzi dụ waa sha ọtụtụrụma awụ nin ẹvẹẹva? ³⁹Re avọ ami ọnri afụ ami nin, ẹmi nyẹmbẹ yi. Sụvọ kani mi du we re nin. Fụvọki aneku ọma nyi ụpẹngwu navẹki ọchụkụ, vene u me re ki ma nyi nini." ⁴⁰Ẹfi ọnọ maan ka ta da, dọ va si avọ ọnri afụ aani zụ wa.⁴¹Ezi si si zụ di dọzẹ ki irẹiza yọ fụvọki inẹ aanini o shi yi ụjẹ̣, di irẹyi ẹnini bo shuweeyi. Di Ijesu fọ wa ka, "Uwa nyi isọnsọnyi tụzọ ana va zụụ ri nin?" ⁴²Dẹ si isenyi ọna si ra wu yọ, ⁴³ dọ si ọ, dọ ri ọ inọvidi aanini.⁴⁴Dọ kaa yụ wa ka, "Efi ọnim si yape wu nin, ma kaa yụ wụ nin ki isa bo ana chẹrẹ tuni ofi Imosisi ọnri ọkisẹ nin, shi Ashẹ Idevidi bo, vaa sẹ."⁴⁵Inaani, dọ sha wa ọtụtụrụma sha, doti irẹyi iwe onini ozu ye wa. ⁴⁶Dọ kaa yụ wa ka, "Aani ọna mẹ chẹrẹ ẹ, ka, Ikiristi vaa rụya, dọ sha kwẹẹtẹ fini akaakana ẹnene su ini ọkụshi ọfụụta. ⁴⁷Irenube oririnẹ varama ọnri aichama ọsi si vayọza vene vee showu aani ini irẹsha aani ini irẹkụra keekere ana yẹshẹ, vẹrẹ fụri Ijerusanẹmụ.⁴⁸Onivenu isẹnẹni bo ọnụụ vi nini. ⁴⁹Re, mvaa si isẹni Adami motowu aani yụ wụ nin tuu shi wu nini. Ama savọ dinẹ tụ Ijerusanẹmu nini netu ẹfi ọni ụkata Oshomoshi va sii vaaku wu nini fụri ẹbẹẹba."Ijesu ọ shirẹ nọ ẹbẹẹba idi Oshomoshi(Imt. 16:1̇-20; Ọmi. 1:9-11)⁵⁰Inaani, di Ijesu va wa tụọvidi netu ẹfi ẹnẹ si gụrẹ Ibẹtani. Ọ kụravọshirẹ, dọ tụozurenu ẹdabẹrẹ yụ wa. ⁵¹Ọ maa mẹdabẹrẹ yụ wa, umotu, dọ fụrẹ wa ụvọ, de chema shirẹ na ngwụ ineeku ẹbẹẹba.⁵²Inaani, dẹ fẹkẹ ẹ, dẹ varama vẹ Ijerusanẹmụ, di inẹ aanini shi yi ụjẹ. ⁵³Dẹẹ si ẹfitụrẹfi yini itẹmpụrụ, dẹẹ sụga mẹ ẹdabẹrẹ yi Oshomoshi.

John

Chapter 1Ikristi ọnọ vi irẹyi Oshomoshi

¹Ini ivẹrẹ, irẹyi yi naani, di irẹyi ọnọ ya pe Oshomoshi, di irẹyi ọnọ vi Oshomoshi. ²Ọnọni ọ ya fini ivẹrẹ pe Oshomoshi. ³Isa bo va naa zirẹngwụ aani mẹ. Ọzi nyi isa ọnya ana mẹ da, dọviki aivi zirẹngwụ aani ana si mẹẹ.⁴Ini inẹ aani ọni ifẹ ya. Ifẹ ọnọ, ọnọ vi ẹtofei aza bo. ⁵Ẹtofei ọna zaa ini oozi, ama oozi ọizụ zaa mụnẹ.⁶Ọnyi ọza ọnyi anaa shi Ijọọnụ, ana tụ fidi Oshomoshi vẹ. Ọọ vẹ vene onivenụ, ka ọnọ va divenụ inọpati ẹtofei ọnọ, doti aza ẹẹ zirẹngwụ aani dọọ wụ. ⁸Ijọọnu ọzi vi ẹtofei ọnọ, ama ọọ vẹ va divenụ inọpati ẹtofei ọnọ.⁹Ẹtofei obooro, ana si ẹtofei zụ aza bo ọọ vẹ inẹshẹ.¹⁰Ọọ yi nẹshẹ, ama, anẹshẹ ẹzi yẹẹ, shọmẹdaka vika, zirẹngwụ aani ana si mẹshẹ. ¹¹Oo ve tu aza aani, ama aza aani ẹẹ zi dọọ.¹²Ama ọzatụrọza ana ra dọọ tụni ẹshẹ anini, dẹ nyi ọdọwụ ini irẹsha aani, ọ yụ wa oze ki ẹ si vi ezi Oshomoshi. ¹³Azẹzi ma wa zirẹngwụ anya navẹki ẹchẹngwụ, navẹki zirẹngwụ osisi ọza, ama zirẹngwụ osisi Oshomoshi.¹⁴Irẹyi ọnọ ọ vara ọza, dọ ra ini akaakana ayi. Yee re ụga aani da, vene ụga Ozi ọnya chọ, ana fi idi Ada aani vẹ, do shi yi ọiza-ọfẹ ọnri irẹiza. ¹⁵Ijọọnụ ọọ divenu inọpọti aani, do nowu ka, "Ọza ọnim ka irẹyi aani yi ka, 'Ọza ana vaa vẹ inaama mi, ọọ bani fụna mi, fụvọka ọọ yi naani tụ mi.'"¹⁶Ẹyi bo o re ọiza-ọfẹ tụra ọiza-ọfẹ fini oshishi aani. ¹⁷Aa zirẹngwu Imosisi si ụmọ jinẹ vẹ, di ọiza-ọfẹ ọnri irẹiza zirẹngwụ Ijesu vẹ. ¹⁸Ọzi nyi ọza ene re Oshomoshi yẹyẹ da, Ọni renya chọ ọnọ vi Oshomoshi, ana yi ini irakasha Ada ni, ọnọ vaa si ọ zụ da.Iveenu ọi Ijọọnụ Ọsami inọpati Ijesu(Imt. 3:1-12; Imk. 1:1-8; Irk. 3:1-18)¹⁹Iveenụ ọni Ijọọnụ mẹ, ụmọni ani Ijuu nini tụ arụfa ọnri Inivati nini fụri Ijerụsanẹmụ ne tụo, dẹ fọọ ka, "Ẹnụ vi kẹ"? ²⁰Ijọọnụ o divenụ, dọ ka, "Aivẹmi ọvi Ikristi ọnọ." ²¹Dẹ zẹ va fọọ ka, "Sụ vi aavọ"? Enaija ọnụ wa vi? Oo tụoshi ka, "Ma zivi Enaija." Dẹ zẹ fọọ ka, "Ẹwụọ wa vi ọkisẹ ọnọ"? Do voshi ka "Eiye."²²Ẹfiavọ dẹ fọọ ka, "Ẹnụ vi kẹ, ye roshi na ka yi ẹnẹna tụ yi? Ụmẹ ka inọpati ẹngwụ awụ kẹ"? ²³Oo tụoshi ka, "Ẹma vi ọngwẹ ene nowụ ini ụnọmi: 'Teni oze Ạnanyiyi doti ọ vọrọ,' venebiri Aizaya mẹ ka."²⁴Aa tụ Ifarisi ẹnyi. ²⁵Di ẹ fọọ ka, "Ọmẹzị dụ ̣va mẹ isami yi aza, waa zi vi Ikristi ọnọ, navẹki Enaija, navẹki Ọkisẹ ọnọ?"²⁶Ijọọnụ ọ tụ wa oshi ka, "Ma si enyi mẹ isami. Ama ọnyi ọza ana dinẹ tụṇi akaakana awụ nịn, ọnụ ra zi yẹ nini. ²⁷Ọni ọ naa vẹ inaama mi, orụpa ivata ẹzẹni ma zi fụ ana ngwaraa." ²⁸Isa ẹnẹni ẹẹ mẹ ini irẹkụra Ibẹtani, aka jinẹ Ijọdani, izi Ijọọnụ yaa mẹ isami.Ijọọnụ Ọsami ka Ikristi vi Ozi Oshomoshi(Imt. 3:13-17; Imk. 1:9-11; Irk. 3:21-22)²⁹Ini eyinẹshẹ aani, Ijọọnụ o re ki Ijesu ọ vi idani, dọ ka, "Ree, ozi Atẹmẹ Oshomoshi ana va kụ aichama anẹshẹ kụra. ³⁰Ọza ọnim karẹyi inọpati aani yi, ka, 'Ọza anaa vẹẹ inaama mi, ọọ bani fụna mi, fuvọka ọọ yi naani tụ mi' ³¹Ma zi bidi yẹ, ama maa vẹ, vaa si enyi mẹ isami, doti e roze si ọ zụ ezi aani Isreni nini."³²Ijọọnụ ọ divenụ ka, "Mee re ka Ifẹ Oshomoshi oo chi fụri ẹbẹẹba vene obenekụkụ , do kụ tụraa. ³³Ma zi seyi za a, ama ọza ana tụ mi ki ma mẹ isami ini enyi, 'ọọ kaa mi ka, ọza ọnu ze re Ifẹ Oshomoshi oo kụ tụraa', dọ yi inẹẹsụ aani, ọni ọ̣nọ vaa si Ifẹ Ọnini mẹ isami. ³⁴"Mee ree da, dim divenụ ka Ozi Oshomoshi ọnọ vi."Eziafụ Ijesu ipaapa ³⁵Zẹtụọ, Ijọọnụ ọnri eziafụ aani ẹẹva mẹ gẹ dinẹ ineyi-nẹshẹ aani, ³⁶de re ki Ijesu aa parafụ, di Ijọọnụ ka, "Ree, ozi Atẹmẹ Oshomoshi yi!"³⁷Eziafụ aani ẹviva ẹẹ wụ, ọọ mẹ maan kaa, dẹ vatụra Ijesu. ³⁸Ijesu mẹ vareyi, do re ka ẹẹ vatụra ọni, dọ fọọ wa ka, "Sụ we si nini"? Ẹẹ tụoshi ka, "Irabayi (ana vi ọ̣zụọzisa), izụ ra kẹ?" ³⁹Dọ kaa yụ wa ka, "Ve re nini." Inaani, dẹ vẹ ve ri izọ ya; dẹ ya pee ini shọọ, fụvọka ọpati iwakati ẹẹwụ ọni ẹfi ọnọ vi.⁴⁰Ọnya ini ẹnẹva, ana wụ Ijọọnụ mẹ karẹyi, dọ vatụra Ijesu, ọnọ vi Andụrụ ana vi ọnyara Isaimọni anaa shi Ipita. ⁴¹Ọnyara aani Isaimoni ono bidi re, dọ kaa yọ ka, "Yee re Imezaya ọnọ da" (ana vi: Ikristi). ⁴²Ọọ siọ vee tụ Ijesu, di Ijesu ree, dọ ka, "Ẹwa vi Isaimọni ozi Ijọọnụ, Ikefasi ọna kụ vaa shụ ụ" (ọni ọshafụsha aani vi: Ipita).Ijesu ọ shi Ifiripi ọnri Inataniẹni⁴³Ineyi-nẹshẹ aani, ụmọni Ijesu aa vaa ni Iganini, oo re Ifiripi, dọ kaa yọ ka, "Vatụra mi". ⁴⁴Ani Ibẹtisayida ọ̣ni Ifiripi vi, irẹkụra Andụrụ ọnri Ipita. ⁴⁵Ifiripi oo re Inataniyẹri, dọ kaa yọ ka, "Ọza ọni Imosisi karẹyi aani ini iwe ofi, dọ ọkisẹ nini zẹ ki karẹyi aani, yee ree da. Ijesu ozi Ijosẹfu ani Inazarẹti yọọ.⁴⁶Inataniyẹri o tụoshi ka, "Ọ wa nyi isa ọIza ana va zụụ jinẹẹ ve fụri Inazarẹẹti"? Di Ifiripi kaa yọ ka, "Vẹ, dụ we ve ree." ⁴⁷Ijesu o re Inataniyẹri kọ tụra ọni vẹ, dọ kaa tụọvidi inọpati aani ka, "Ree, ani Isrẹni obooro, ọni amẹri ra zi yi nẹngwụ aani!" ⁴⁸Inataniyẹri ọọ fọọ ka, "Ụ mẹmẹ yẹ mi"? Di Ijesu tụoshi ka, "Di Ifiripi tangwa vaa shụ ụ, ụmẹ yatụ tụni afụ ọchi Ifigi mee re u."⁴⁹Di Inataniyẹri voshi ka, "Irabayi, Ozi Oshomoshi ọnụ vi!, Ẹwụ a vi Oshinọyi ani Isrẹni!" ⁵⁰Di Ijesu fọọ ka, "Fụvọki maa ka ki mee re ụ inafụ ọchi Ifigi ọnụ wa si dọ zẹ? Ụ vee re isẹnẹ bani fụna ọnọni." ⁵¹Di Ijesu kaa yọ ka, "Ini irẹiza, ini irẹiza, ma kaa yụ wụ nin ka, ụ vee re ka ẹbẹẹba ọọ na, di angẹni Oshomoshi nin aa shirẹ, dee chi inẹẹsụ Ozi Ọza."

Chapter 2Ijesu ọ nọ izi ya nyọnẹẹ Ikana

¹Ini ọkụshi ọfụta aani, ọnyi izana ya si ọnẹẹ ini irẹkụra Ikana, inẹtẹ Iganini, di ọnyi Ijesu yi izọ. ²Aa shi Ijesu ọnri eziafụ aani vẹ izọ.³Eche anini mẹ ta, di ọnyi Ijesu kaa yọ ka "Eche anini ọikụ vọ." ⁴Di Ijesu tụoshi ka, "Ẹwụ ọnyẹnẹ, sụ ve tụ mi tụ kẹ? Ẹfi ami oi titụ." ⁵Di ọnya aani kaa yi eziafụ aani ka, "Isatụrisa ọnọ raa ki yụ wụ, mẹẹ nini."⁶Ọọ nyi oji irẹta ishinọnyi ana yi izọ ọni ani Ijụụ nini si nyina ẹngwụ. Ọnyọnya ọ dọ ọpati enyi igarọọni oofụ nangwụ ofụrẹ-ẹwụ. ⁷Di Ijesu kaa yụ wa ka, "Na denyi shi inoji ẹnẹ. Dẹ denyi shi ụwa," de shi naka irẹnụ. ⁸Dọ kaa yi eziafụ ẹnẹ ka, "Yi naani ka, du wa sio yi oshirẹsụ irajẹ ọnọ." Dẹ kaa na yọọ.⁹Oshirẹsụ ọgisa ọnọ mee fụ enyi ana vara tụ ni eche. Ọ zi yẹ izi a siọ fụrẹ vẹ, (ama eziafụ ana denyi ọnọ ẹẹ yẹ). Ụmavọ dọ shi ọnọrụ ana si ọnee, ¹⁰dọ kaa yọ ka, "Aza bo vana bidi si eche ene zoza fụ jinẹ vẹ, da va tangwa si anapọ jine ụmọnọ ọzọza si fụ kokoro, dọ mẹrẹ wa. Ama ẹwụ asi ozoza aani tẹ tụ mani."¹¹Ụkọrọ oshishozeyi ipaapa ọni Ijesu mẹ Ikana inẹtẹ Iganini yi, dọ zirengwụani sụga aani zụ, di eziafu̇ aani dọ ọ wụ.¹²Inaama ọnọni, di Ijesu ọnri ọnyani, shi ẹnyara aani ọnri eziafụ aani nangwụ ini Ikapanọọmụ, na mẹ ẹkụshi chee izọ.Ijesu ọ ngwụ ini itẹmpụrụ(Imt. 21:12-13; Imk. 11:15-17; Irk. 19:45-46)¹³Ụmọni ụpe ọpiparafụ ani Ijuu nini me vee tụ, di Ijesu shirẹ ni Ijerụsanẹ̣mụ. ¹⁴Do netụ ka osofụ nini aa nanụ ụnọọ, shi atẹmẹ ọnri obenekụkụ, shi ẹnẹna vara ẹkẹshi, ẹẹ yatụ tụ ineeshi Oshomoshi.¹⁵Di Ijesu si ̣ijampa ọnọ sị dụ ẹnbo jinẹ fini itẹmpụrụ, shi ụnọọ, shi atẹmẹ nin. Dọ vi itevụrụ ọnri ẹkẹshi anini gara. ¹⁶ Dọ kaa yi ẹnẹna aa na obenekụkụ nini ka, "Kụ isẹnẹni fi izọni. A sụ vari ireshi Ada mi tuni ofụ nini."¹⁷Di eziafụ aani tamayi ka, aa chẹrẹ tẹtẹ ka, "Ọshishẹngwụ sha mẹ isa yi ireshi awụ̣, ọnọ vaa wụ mi." ¹⁸Ụmavọ di ọdọvidi ani Ijụụ nini fọ ọ ka, "Yere ọtẹrẹwa ọnụ va sii zụ yi, onụ wa si mẹ isa ẹnẹni?" ¹⁹Di Ijesu voshi ka, "Wụ itẹmpụrụ ọnọni, ini ẹkụshi ẹẹta mva daa varama."²⁰Di ọdọvidi ani Ijụụ nini fọ ọ ka,"Itẹm-pụrụ ọnọni ana si irayi ẹbẹrẹva-rishinọnyi da, ọni ụwa ka kụ ve teni da, ini ẹkụshi ẹẹta?" ²¹Ama, ẹngwụ aani ọnọ vi itẹmpụrụ ọnọ ka. ²²Ụmọni a shaa kẉẹtẹ fini isụ da, di eziafụ aani tamayi kọ bidi kaa tẹtẹ, dẹ isena aa chẹrẹ tụ ni iwe ọnini, shi irẹyi ọni Ijesu ka yụ wa.Ijesu ọ yẹ ọtụtụrụma aza²³Ụmọnọ yi ini Ijerụsanẹmụ ini ụpe opiparafụ, aza ẹrụrụ ẹ nyi ọdọwụ ini iresha aani, eme ree ọtẹrẹwa ọnọ mẹ. ²⁴Ama Ijesu ọ zi vẹngwụ sha yụ wạ, fụvọki ọọ yẹ wa bo. ²⁵Ọ zi nyi ka ọza ọ savọ zẹ na karẹyi ọza yọ, fụvọka ọọ yẹ isẹnẹ yi inine ọza.

Chapter 3Ijesu ọnri Inikodemọsi

¹Ọọ nyi Ifarisi ọnyi anaa shi Inikodemọsi, ọnya ini ọdọvidi ani Ijuu ọnọvi. ²Ọza ọnọni oo ve tụ Ijesu inaafụ, dọ ka, "Irabayi, yaa yẹ ka ọzụọzisa ana fidi Oshomoshi vẹ ọnụ vi, fụvọka ọ zi nyi ẹzẹna va zụụ mụkọrọ oshishozeyi ẹnẹni Oshomoshi ra zi ya bẹrẹ ẹ."³Di Ijesu tụoshi ka, "Inirẹiza, inirẹiza, ọọ zivi ki e teni ọza ma, ọi zụe re ijọva Osho-moshi." ⁴Di Inikodemọsi fọ ọ ka "A mẹmẹ va zụ teni ọza ma ini ụmẹ ọnọ si vi ọzọku?" Ọ wa va kụ zụụ varama ngwụ ininẹ ọnya aani?"⁵Di Ijesu voshi ka, "Inirẹiza, inirẹiza, ọza ọizụa ngwụ ini ijọva Oshomoshi aa zivi ka asi enyi ọnri Ifẹ maa." ⁶Ozi ana ma ini ẹchẹngwụ, vi ọza ẹchẹngwụ, di ana ma zirẹngwụ Ifẹ, vi Ifẹ."⁷A si ọ shụweyi ki ma kaa ki aa bẹdọ ve teni ụ ma. ⁸"Ashi va naa kụ ni aka ene zee yi kẹnẹ, dụ wa wụọ irẹyi, ama wa zi yẹ izọ fụrẹ, navẹki izọnọ. Avọ ọ mẹ ya yi ọza ọ̣ni Ifẹ ma."⁹Inikodemọsi ọọ zẹ tụoshi ka, "Isa ẹnẹni mẹ va zụ mẹ kẹ?"

¹¹Ma kaa yụ wụ inirẹiza, isa ọni yẹ, ọni yaa ka, di ya divenụ inọpati isi re da. Tụavọ-tụavọ, wa zi dọ iveenụ ayi wụ nini.¹²Ma a karẹyi isa ẹshẹ yụ wụ, dụ ra zi dọ mi wụ nini, ụ mẹmẹ va dọ ọ wụ ma karẹyi isa ineekụ? ¹³Ọ zi nyi ọza ana shirẹ nẹbẹẹba da, ọọ zi vi ẹmi Ozi Ọza ene chi fi ineekụ vẹ.¹⁴Venebiri Imosisi mẹ si isẹchichi tụ ẹbẹẹba ini ụnọmi, a vọ amẹ vaa si Ozi Ọza tụ ẹbẹẹba, ¹⁵di aza bo ana raa dọ ọ wụ, ẹ zu nyi ẹshẹ poro-pooro.¹⁶Oshomoshi oo sirẹyi anẹshẹ poro netụ ka, ọọ si Ozi aani ọnya chọ yi anẹshẹ ka, ọzatụrọza ana raa dọ ọ wụ, o zee sụ, ama dọ nyi ẹshẹ poro-pooro. ¹⁷Oshomoshi ọ zi tụ Ozi aani vẹshẹ ka ọ va ji ivi yi ẹshẹ, ama ka, aa zirengwụ aani di anẹshẹ tụ. ¹⁸Osho-moshi ọzi ji ivi yi ẹzẹna dọ ọ wụ, ama Oshomoshi ọ ji ivi yi ẹzẹna ra zi dọwụ da, fụvọka, ọ zi di irẹsha Ozi aani ọnya chọ wụ.¹⁹Ọnọni ọ vi afụrẹyi ishọji ọnọ: ẹtofei ọ ngwụ ẹshẹ vẹ, ama aza ee sirẹyi oozi fụvọka ọmimẹ anini vi ọshimi. ²⁰Fụvọka ẹzẹna ra mẹ ọshimi vana a kụayi ẹtofei. Ọ ma vị ini ẹtofei doti a si ọshimi ọnọọ mẹ va tụẹshẹ. ²¹Ama ẹzẹna mẹ irẹiza vana vị ini ẹtofei doti aza ee zụ re ka ọ mẹ isa Oshomoshi si."Ijesus ọnri Ijọọnụ Ọsami²²Inaama ọnọni, di ijesu ọnri eziafụ aani ni Ijụdiya. Ẹmẹ gẹ yi izọ ini ẹfi chee, di ọ mẹ isami yi aza. ²³Ijọọnụ ọni vana za mi mẹ isami yi aza ini Enọọni ana gụrẹ Isanimị fụvọki enyi ọrụrụ yi izọ. Di aza a vẹ vetụo, dọ mẹ isami yụ wa. ²⁴Azẹi zi za Ijọọnụ tụ ini ijaaru ini ẹfi ọnọ.²⁵Ụmavọ di ẹshankata ngwụ ini akaakana eziafụ Ijọọnụ ọnri ani Ijụụ inọpati ẹngwụ ọnyinyina. ²⁶Ee ne tụ Ijọọnụ, dẹ ka "Irabayi, ọza ene ve tụ ụ akẹnẹ Ijọdani ọ nụ karẹyi aani, ree, ka ọọ mẹ isami yi aza, di aza bo nee tụo."²⁷Di Ijọọnụ tụoshi ka, ọza ọizụe ri isa dọ ọọ zivi ka a siọ yọ fụrẹ ẹbẹẹba. ²⁸Ẹwụ nini nyẹmbẹ va zụụ divenụ ki ma kaa ka 'Aivi ẹmi ọno vi Ikristi', ka, 'A tụ mi dọvidi aani.'²⁹Ẹzẹna vaa nyi ọnẹẹ, ọnọ nyi ose aani. Ọmẹyani ọta aani ọna dinẹ pe, dọ wụ ọngwẹ aani, oo beree jẹ, ọọ wụ ọngwẹ ọta aani; ọnọni ọnọ vi ka ụjẹ ami ọọ gụ. ³⁰Ọ bẹdọ vaa kashirẹ tụọ, de mee weyi tụọ.Ijesu vana fụrẹ ẹbẹẹba vi inẹshẹ³¹Ọza ene chi fụrẹ ẹbẹẹba ono fụni aza bo. Ọza ana fụri ẹshẹ vẹ, vi anẹshẹ kẹnẹ, dọọ karẹyi ẹshẹ. Oza ene chi fi ineekụ vẹ ọnọ fụna aza bo ³²Ọọ divenụ isa ono re ọnri ọnọ wụ da, ama ọzi nyi ẹzẹna divenụ aani wụ. ³³Ẹzẹna divenụ aani wụ, ẹẹ sụvọ tụọ ka Oshomoshi vi irẹiza.³⁴Ọza ọni Oshomoshi tụ vẹ va naa karẹyi aani. Fụvọki Oshomoshi ọ ma si ọnya mọ Ifẹ aani yi aza. ³⁵Adaa oo sirẹyi Ozi, dọ kụ isa bo chire ụvọ. ³⁶Ọza ana raa kụ ọtụtụ-rụma tụra Ozi Oshomoshi, ọnọ nyi ẹshẹ poro-pooro, ama ẹzẹna raa mẹ akamawụ shi Ozi ọnọ, o zee re ẹshẹ. Ọikụ Oshomoshi yi inẹẹsụ aani."

Chapter 4Ijesu ọnri ọnyẹnẹ ani Isamariya

¹Ijesu mẹ yẹ ki Ifarisi nini ẹẹ wụ da ka ọ naa nyi eziafụ, dọ naa mẹ isami yi aza fụni Ijọọnu, ²ama, dọ si viki eziafụ Ijesu ẹnaa mẹ isami, aivi ọni nyẹmbẹ. ³Dọ fụri Ijụdiya, dọ zẹ varama ni Iganini.⁴Ama, ọ sẹrẹ ki, ọ va zi Isameriya parafụ. ⁵Fụvavọ dọ vẹ irẹkụra ọnyi anaa shi Isika ini ẹtẹ Isameriya, ọgụri ẹtẹ ọni Ijekọbụ si yi Ijosẹfụ ozi aani.⁶Ikanga Ijekọbụ yi izọ. Inọpati iwakati shinọnyi, Ijesu oo ve tụ ikanga ọnọ, dọ yatụ peẹ, fụvọka ọ tụọ ọ.? ⁷Ọnyẹnẹ ani Isameriya ọnyi ọ vẹ va denyi, di Ijesu kaa yọ ka, "Kenyi yi mi fụ." ⁸Fụvọki eziafụ aani, ẹ ngwụ irẹkụra naa na shi isari.⁹Di ọnyẹnẹ ani Isameriya ọnọ tụoshi ka, "Ọ mẹ ya di ẹwụ Ijuu ee fisue enyi fini ụvọ ẹmi ani Isameriya?" Fụvọki ani Ijuu nini ọnri ani isameriya nini ẹẹ ma nyi ọrigẹ. ¹⁰Di Ijesu voshi, dọ kaa yọ ka, "Aaviki wa yaan yẹ irẹiza ọni Oshomoshi mẹ yi ụ ọnri ẹzẹna kaa yụ wụ ka kenyi yi mi, ụ yaan fọ ọ, dọ yaan si enyi ifẹ yụ wụ."¹¹Di ọnyẹnẹ ọnọ kaa yọ ka, Ananyimị wazi nyi isodenyi, di ikanga nyinẹ. Izẹnụ ve yee re enyi ifẹ ọnọ fụrẹ? ¹²Ụ wa bani fụni Ijekọbụ adayi ana chi ikanga yi yi, di ọni nyẹmbẹ fụ inaani, vene ezi aani ọnri isụpa aani me ze fi fụ?"¹³Di Ijesu voshi yọ ka, "Oonyi vaa varama kụ ọzatụrọza ene ree fụ ini enyi ọnọni, ¹⁴ama oonyi ọi kụa kụ ọzatụrọza ene ree fụ ini enyi ọnim va si yọ, oonyi ọi kụa varama kụọ poro-pooro. Akikọnọ, enyi ọni mva si yọ, vana va vara osụe ininẹ aani, ene cho-sere poro-pooro."¹⁵ Di ọnyẹnẹẹ ọnọ kaa yọ ka, "Ananyimị, daka si enyi ọnọ yi mi doti a si oonyi kụ kụ mi, domotori ki maa vẹ izọni vaa denyi." ¹⁶Di Ijesu kaa yọ ka, "Na shi ọva wụ, dụ wa varama vẹ izọnị."¹⁷Di ọnyẹnẹe ̣ọnọ o voshi ka, "Mazi nyi ọva." Di Ijesu voshi yọ ọ ka, "Irẹiza ụ kaa ki, 'Ma zi nyi ọva," ¹⁸fụvọki, waa bidi nyi ọva ẹshi. ọnụ nyi ọmẹyani ọzi vi ọva awụ. "Irẹyi ọnụ ka vi irẹiza."¹⁹Di ọnyẹnẹ ọnọ ka, "Ananyimi mee re ka ọkise ọnụ vi. ²⁰Adayi nini vana fẹkẹ Osho-moshi ini irẹsụfa ọbani ọnọni, ama ẹwụ ka Ijerụsanẹmu ọnọ vi izọ vọrọ ka aza ẹ ya mẹ irafẹkẹ."²¹Di Ijesu kaa yọ ka, "Ẹwụ ọnyẹnẹ ọnọni, dọ mi wu ka, ẹfi aa vẹ ana rai kụa fẹkẹ Adaa ini irẹsụfa ọnọni navẹka ini Ijerụsanẹmụ. ²²Waa fẹkẹ isa ọnụ ra zi yẹ nini. Ẹ ya a yẹ isa ọni ya fẹkẹ, fụvọka, ọdidọtụ vana fidi Ijuu nini vẹ.²³Ọmẹ ra vi, iwakati aa vẹ, ẹfi ọnọ o tụ da, ọni ọnirẹiza nini vaa fẹkẹ Adaa ini ifẹ ọnri ini irẹiza fụvọki, ẹngwụ aza ẹnẹ ọni Oshomoshi ee si ka ẹ fẹkẹ ọni. ²⁴Oshomo-shi vi Ifẹ. Ẹnẹ naa fẹkẹ ẹ bẹdọ fẹkẹ ẹ ini ifẹ ọnri ini irẹiza."²⁵Di ọnyẹnẹ ọnọ kaa yi Ijesu ka, "Maa yẹ ka ọdọzatụ anaa shi Ikristi aa vẹ. Ọ vaa si afụ isa bo zụ yi ụmọnọ raa vẹ." ²⁶Di Ijesu kaa yọ ka, "Ẹma vi ọzọnọ, ene pe wụ karẹyi."²⁷Ẹfiavọ, di eziafụ aani varama fini iboro vẹ. Ọọ shụweyi ka oo pe ọnyẹnẹ aa karẹyi, ama, ọzi nyi ẹzẹna zai fọ ọ ka," Sụ wee si?" navẹka, "Sẹnẹvẹ dụ wee pe e karẹyi."²⁸Ọnyẹnẹ ọnọ ọ fụri isodenyi aani ụvọ, dọ varama ngwụ ini iboro na kaa yi aza ka, ²⁹"Waa vẹ nini, dụ we ve re ọnọrụ ọnya ana kaa yi mi, isa bo ọnim mẹ tụrama. Ọnọnị ọi zụa vi Ikristi, naveki ọni yọ?" ³⁰Ḍẹ fini irẹkụra ọnọ ve tụo.³¹Ụmavọ, di eziafu aani aa kaa yọ ka, "Irabayi, ri isari." ³²Ama di Ijesu kaa yụ wa ka,"Maa nyi isạri ọnim vaa ri, ọnụ ra zi yẹ inọpati aani nini." ³³Di eziafu aani aa fọ ẹngwụ ka, ọzi nyi ẹzẹna si isari va yọ, navẹki ọ nyi?"³⁴Di Ijesu kaa yụ wa ka, "Isari ami ọnọ vi ki ma mẹ osisi ẹzẹna tụ mi, di ma mẹẹ na zẹtẹ." ³⁵Aivi ụ kaa nini ka, 'Ọọ si vi ụfẹ ẹẹna, doti a tangwa va kụ isa irarẹ gụ nin.' Maa kaa yụ wụ nin zama, irare awụ nin, ụ vee re, ẹẹ si vi da, enee pere. ³⁶Ẹzẹna re pere isa irarẹ gụ, vee re ọgu, dọ zẹ kụ ẹtụtụ gụ yi ẹshẹ poro-pooro, doti ọ vi ka ezene chire isa ọnri ezene pere gụ ẹ zụ jụje.³⁷Fụvọki, irẹiza ana kaa ka, "Ọza ọnya o chire, di ọzẹnẹsa fa, do peree gụ." ³⁸Maa tụ wụ nin, kụ we ne pere isa irarẹ ọnụ razi mụkọrọ aani. Azẹnẹsa ẹnẹ mụkọrọ, ama ẹwụ nin ọnọ aa kụ ọgu aani."³⁹Ani Isameriya ẹrụrụ ana yi irẹkụra ọnọ ẹnẹ dọ wụ fụvi irẹyi ọni ọnyẹnẹ ọnọ ka yụ wa ka, "Ọọ ka isa bo ọnim mẹ tụrama yi mi. ⁴⁰Ani Isameriya ẹnẹ me vetụo, dẹ dipẹ yọ ka, ọ ya pe ẹni; dọ yizọ mẹ ẹkụshi ẹẹva tụọ.⁴¹Aza ẹrụrụ ọsa, ẹẹ dọwụ fuvọ irẹyi ọnọ ka. ⁴²Di ẹ kaa yi ọnyẹnẹ ọnọ ka, "Aiku vi fụvi irẹyi ọni wụ renya ọnọ mẹ yi ̣dọọ wụ, ẹyi nyẹmbẹ ọ bidi wụ da, di yẹ ka inirẹiza, ọnọni ọnọ vi ọdọzatụ anẹshẹ."Ijesu ọ fụ ozi ọzọbani ikụ sha⁴³Inaama ọkụshi ẹẹva ẹnẹ, di Ijesu fi izọ ni Iganini. ⁴⁴Ijesu nyẹmbẹ ọ kaa ki ọkisẹ ọ zi nyi ụbani ini irẹkụra aani. ⁴⁵Ụmọni Ijesu ngwu Iganini, ani Iganini nini ẹ kụọ kanẹ, fụvọki, ẹni nyẹmbẹ ẹ ri ụpe ọpiparafụ, de re isa bo ọnọ mẹ Ijerụsanẹmụ.⁴⁶Di Ijesu varama vi Ikana ini ẹtẹ Iganini, izẹni ọ bidi ya si enyi vara eche. Ọnụkọrọ oshinọyi ọnyi yi izọ, ọni ẹngwụ ozi aani, ana yi Ikapanọmụ, ra zi ni. ⁴⁷Ọ mẹ wu ki Ijesu ọ fụri Ijụdiya va ngwụ Iganini, do ne tụ Ijesu, dọ dipẹ yọ ka, ̣ọ va fụ ozi ọnọrụ awọni ana razi dashi, ikụ sha.⁴⁸Di Ijesu kaa yọ ka, "Wa zaa dọọ wụ nin, ọchishi kụ ree ọtẹrẹwạ ọnri isa oshisho-zeyi." ⁴⁹Di ọnụkọrọ ọnọ dipẹ yọ ka, "Ananyimi, daka vẹ di ozi ami ọ tangwa ve sụ." ⁵⁰Di Ijesu kaa yọ ka, "Waa na, ozi awụ ọ dashi da." Di ọzọnọ dọ irẹyi Ijesu wụ, dọ na.⁵¹O mee chi na, di ezida aani vara gẹrẹ ẹ, dẹ kaa yọ ka, ozi aani ọ si da shị. ⁵²Dọ fọ wa ka yere ụmẹ ọnọ si nyima aa daashi? Dẹ voshi ka, "Irẹri inọpati iwakati ọfụri-shimba ọni iva ọnọ fụrẹ ẹngwụ."⁵³Umavọ, di ada ozi ọnọ tamayi ka ẹfiavọ ọni Ijesu si kaa yọ ni ka, "Ozi awụ ọọ dashi," di ọni ọnri anireshi aani, dọ Ijesu wụ. ⁵⁴Isa oshishozeyi ọfụva ọni Ijesu me, ọ mẹ, jinẹ fụri Ijụdiya va ngwụ Iganini.

Chapter 5Ijesu ọ fụ ọza ikụ sha Ibẹtisida

¹Inaama ọnọni, ọnyi ụpe ọnya ọni ani Ijụụ nini ri, di Ijesu shirẹ ni Ijerụsanẹmụ. ²Ọọ nyi adagụ-enyi ana gụrẹ izọ, ọchọfọ-atẹme Ijerụsanẹmụ. Aa shi adagụ ọnọ Ibẹtisida ini irẹkụra Ihibụrụ. Ajẹngwụ ẹẹshi ẹ vara kara a. ³Ọnikụ ẹrụrụ nini, ogụiri nini, osụafụ ọnri osụẹngwụ nini vana sụtụ shi izọ. ⁴Fụvọka ọnyi ụmọni angẹni Ạnanyiyi sii vẹ, vaa wụ enyi ọnọ, dọvika ọnikụ tụri ikụ ana raa bidi ji ngwọ, aa mẹ wụọọ da, vọni ẹngwụọzi aani va ta.⁵Ọọ va nyi ọnikụ ọnyi ọniviki ọọsi mẹ irayi ofụrẹwụ-rishinta izọ. ⁶Ijesu me ̣re ka ọ sụtụ tụ zọ, dọ yẹ ka oosi kụ ọnọ fụrẹ yi izọ, ọọ fọ ka, "Ụ wee si kụ wa dashi?"⁷Di ọnikụ ọnọ tụoshi ka, "Ananyimị, ma zi nyi ọzene vee chema mi nangwụ inenyi ọnọ. Di ma naa ngwụ izọ, ọzẹnẹsa o chi ngwụọ da." ⁸Di Ijesu kaa yọ ọ ka, "Kwẹtẹ, kari ụpoto awụ, dụ wa zụsẹ."⁹Ụmụmọ, di ẹngwụọzi aani ta, dọ kari ụpoto aani, dọ zụsẹ. Ọkụshi ishọ vi Isabaati.¹⁰Di aani Ijuu nini kaa yi ọnọrụ ọna fụ ikụ sha ka, "Ọkụshi Isabaati ọni irajini vi, dụ yẹ ka ofi ọ zi zẹẹ, kụ wa zi ụpoto." ¹¹Do voshi yụ wa ka, "Ẹzẹna na fụm iku sha ọnọ kaa yi mi ka, 'Kari ụpoto awụ dụ wa zụsẹ.'"¹²Dẹ fọ ọ ka, "Ẹnẹ vi ọnọrụ ọnọ ana kaa yi wụ, kụ wa kari ụpoto awu, dụ wa zụse?" ¹³Ama, ẹzẹna fụ ikụ sha, ọọ zi yẹ ẹzẹnọ vi fụvọki Ijesu oo bebe jinẹ fi inakaakana aza ọkọni ana yi izọ.¹⁴Inaama ọnọ, Ijesu oo ve ree ini itẹmpụrụ, dọ kaa yọ ka, "Ree, aa fụ ụ ikụ sha da, asi kụ varama ni ini aichama, doti asi isene fụni ẹngwụọzi ọnọ mẹ ụ." ¹⁵Di ọnọrụ ọnọ fi izọ, dọ na kaa yi ani Ijuu nini ka, Ijesu ọnọ fụ ọni ikụ sha.¹⁶Di ani Ijuu nini aa kụọ kata Ijesu ẹngwụ fụvọka, ọọ mụkọrọ oshishozeyi ini ọkụshi Isabaati. ¹⁷Di Ijesu voshi yi wa ka, "Adami aa mụkọrọ vetụ ụmaani, di ẹmi nyẹmbẹ aa mụkọrọ." ¹⁸Fụvọ ọnọni, di ani Ijuu nini kwe soze ọwi wụọ, ka aivi ka ọọ ngwụ ofi anini, ka ọọ mụkọrọ ini ọkụshi Isabaati, ama ka ọọ zẹ shi Oshomoshi Adaa aani, dọ sẹngwụ aani mọrọ Oshomoshi.Ụụmọ ọni Ozi Oshomoshi nyi¹⁹Ijesu ọ tụ wa oshi ka, "Inirẹiza, Ozi ọizụ aa mẹ isọnyọnyi yẹngwụ aani, ọchishi ono re ki Ada awọni aa mẹ. Fụvọka isatụrisa ọni Ada ra mẹ ọni Ozi aani zaa mi mẹ. ²⁰Fụvọka Adaa ọọ sirẹyi Ozi, dọ si isa bo ọnọ mẹ zu ọ. Ọ vana vaa si isa ẹna bani fụna aani zụọ, doti ọ zụ shụ wụ nini eyi.²¹Adaa mẹ sha oku kwẹtẹ, dọ si ifẹ yọ, avọọ Ozi ọnọ mẹ zee si ifẹ yi aza ono ree si ki ọni aa si ifẹ yi. ²²Ada ọ zaa mi ishọji yi ọzọnyọnyi, fụvoki ọ si ishoji bo chire Ozi aani ụvọ, ²³doti ọzọza ọ si ụbani yi Ozi venebiri ọ mẹ si ụbani yi Ada. Ọza ana ra zi si ụbani yi Ozi, ọ zi si ụbani yi Ada ana tụọ.²⁴Inirẹiza, ẹzẹna raa wụ irẹyi ami, dọ di ẹzẹna tụ mi wụ, ọọ vaa nyi ẹshẹ poro-pooro, ọọ fi ini isụ, nangwụ inẹshẹ da, azẹikụ a ji ivi yọ ọ.²⁵Maa ka irẹiza yụ wụ nini ka, ẹfi aa vẹ, ụmẹ ọnọ gẹdẹ-gẹdẹ yi, ọni oku nini vaa wụ ọngwẹ Ozi Oshomoshi, di ẹnẹna wụ sha kwẹtẹ.²⁶Adaa mẹmẹ nyi ifẹ inẹngwụ aani, avọọ ọmẹ zẹ mi mẹẹ ka Ozi ọ nyi ifẹ inẹngwụ aani. ²⁷Oshomoshi ọọ si ụmọ yi Ozi da ka ọmẹ ishọji, fụvọka Ozi Ọza ọnọvi.²⁸A si ọnọni shụ wụ nini eyi, fụvọki ẹfi aa vẹ ọni aza ẹna yi ini irikụta bo vaa wu ọngwẹ aani, ²⁹dẹ jinẹ vẹ: di ẹnẹna mẹ ọiza, dẹ ngwụ ini ọshisha kwẹtẹ ẹshẹ poro-pooro, ọnri ẹnẹna mẹ ọshimi, ngwụ ni ọshisha kwẹtẹ ayi ishọji.Ẹnẹ di iveenu irẹyi Ijesu kẹ?³⁰Mẹi zụa mẹ isọnsọnyi yi ẹngwụ ami, isi mi wụ fidi Adami ọni maa sii ji ishi. Ishọji ami vi irẹiza fụvọka, aivi isa ẹnẹ zemeyi ma mẹ, ama isa ene ze Adaa ana tụ mi eyi. ³¹Aavika ẹmi ọna divenu irẹyi ẹngwụ ami, iveenụ ami ọ za vi irẹiza. ³²Ama, ọnyi ọzẹnẹsa ana vaa divenụ tụ ni irẹyi ami, di ma vaa zụ yẹ ki iveenụ ọnọ vi irẹiza³³Waa tụ netụ Ijọọnụ nini da, dọ ki irẹiza. ³⁴Aivọvi kim ve nee si iveenụ aza, maa ka irẹyi ẹnẹni, doti e roze dọ ọ wụ nini tụ, ³⁵Ijọọnụ vi ọpa anaa za kokoro, du nyi inoshine ini ẹtofei ọnọ, ini ẹfi keere.³⁶Ọọ nyi iveenụ ene fụna ayi Ijọọnụ inọpati ami, fụvọka ụkọrọ ọni Adami si mi, ọni maa mẹ, ẹẹ siọ zụ ka Adami ọ tụ mi. ³⁷Adami ana tụ mi nyẹmbẹ ọọ divenụ inọpati ami. Wai wiwụ ọngwẹ aani, wei ze ri ree ọ mẹmẹ ya nini inẹfi ọnyọnyi. ³⁸Irẹyi aani ọ zi nyi ininẹ awụ nini, fụvọki wa zi dọ ọzọnọ ọtụ wụ nini.³⁹Waa ki iwe Ọnini kokoro nini, fụvọka wee ro ka ụ vaa nyi ẹshẹ poro-pooro nini. Iwe Ọnini ọnọ nyẹmbẹ oo divenụ inọpati ami, ⁴⁰ama, wa zi zẹẹ kụ wa vi idami, doti wa zụ nyi ẹshẹ poro-pooro.⁴¹Me zi si ki aza ee gono mi, ⁴²ama, maa yẹ ki wa zi nyi osisi Oshomoshi inẹngwụ awụ nin.⁴³Maa vẹ ini irẹsha Ada mi, wazi dọ mi wụ nini, ama, azẹnẹsa raa vẹ ini irẹsha ẹngwụ aani, ụ vaa dọ ọ wụ nini. ⁴⁴Ụ mẹmẹ va zụụ dọ wụ ini ụmọni ụ waa ga ẹngwụ awụ nini, dụ ree zi si ụga ana fidi Oshomoshi renya?⁴⁵A sụ ro ki mva si irẹyi awụ nini tụ Adaa rẹka. Imosisi ọnụ kụeyi tụra nini, ọnọ si irẹyi awụ nini tụ Adaa rẹka. ⁴⁶Waa di Imosisi wụ, ụ vaa dọ mi wụ nini, fụvọka ọ chẹrẹ isa inọpati ami. ⁴⁷"Waa zi di isa ọnọ chẹrẹ tẹtẹ wụ, ụ mẹmẹ vaa di irẹyi ami wụ."

Chapter 6Ijesu ọ si isari yi aza ọkọni(Imt. 14:13-21; Imk. 6:30-44; Irk. 9:10-17)

¹Inaama isa ẹnẹni bo, Ijesu ọọ jinẹ nị aka irẹfụ Iganini, ana zẹ shii shi Itibẹriyasi. ²Aza ọkọni ẹ vatụra fụvọka ee re ụkọrọ oshishozeyi ọnọọ mẹ ini ẹshẹ aza ẹnẹ ngwụazi. ³Ijesu ọọ shirẹ irẹsụfa ọbani, di ọnri eziafụ aani yatụ tụ inẹẹsụ irẹsụfa ọnọ.⁴Ụmọni ụpe ọpiparafụ̣ aa gụrẹtẹ. ⁵Ijesu mẹ kụreyi shirẹ, do ree ka azọkọni aa vẹ, di ọ fọ Ifiripi ka, "Izi iva ya shi isari doti aza ẹnẹni ẹ zụ ri isari?" ⁶Ama Ijesu vana siọ zama Ifiripi re fụvọka ọọ yẹ isa ọ vaa mẹ.⁷Di Ifiripi tụoshi ka, "Yaa daka shi ivụrẹdi ampo ẹẹva, da ka ozoza ọ da ri che-che, dọ zu fu." ⁸Di oziafụ aani ọnya, a naa shi Andụrụ ọnyara Ipita ka a yi Ijesu ka, ⁹ọọ nyi ozi ọnọrụ oweyi ọnya ana nyi ivụrẹdi ẹẹshi ọnri isenyi oweyi ẹẹva, ama izi ọ̣nọ vaa fụ tụ inakaakana aza ụnọmpa ẹnẹni kẹ?"¹⁰Di Ijesu ka, "Ka a yi aza ẹnẹ ka ẹ yatu, izọ ọ nyi avi kokoro. Di aza ẹnẹ yatu. Ọpati akaashi oze ẹshi ọni aza ẹnẹ vi. ¹¹Di Ijesu dọ wa ivụrẹdi ọnọ. Ọ mẹ kụ Oshomoshi avọ tụọ da, dọ ga a yi aza ẹna yatụ. Dọ zẹ ga isenyi ọnọ ọpa ana fụ ọzọza yụ wa. ¹²Ụmẹnẹ ri, di inẹ anini shi, di Ijesu kaa yi eziafụ aani ka, "Pere ewụri ana vọ gụ, doti a si ọ nyi ene dụ sha."¹³Dee pere ewụri ana vọ fi ini ivụrẹdi ẹẹshi ọnọ. Oo shi ụji ẹwụrẹẹva. ¹⁴Ụmẹ aza ẹnẹni re oshishọzeyi ọnọ ọ mẹ, dẹ ka, "Inirẹiza, ọza ọnọni ọnọvi ọkisẹ anaa vẹ ẹshẹ." ¹⁵Ụmọni Ijesu yẹ ka ẹẹ va si ọni ri oshinọyi ẹkẹẹka, di ọni renya fi nakaakana anini varama shirẹ ni irẹsụfa ọbani ọnọ naa ya.Ijesu ọ zụsẹ inẹsụ enyi(Imt. 14:22-33; Imk. 6:45-52)¹⁶Ụmọni orụva tụ, di eziafụ aani varama chi na ini irefụ ọnọọ. ¹⁷Ẹẹ ngwụ ẹpa dẹ jinẹ irefụ aa ni Ikapanọmụ. Ẹtẹ o si shoozi da, di Ijesu rai vivẹ vetụ wa. ¹⁸Ụmotụ, di ashi ọbani aa kụ, di enyi kụa da bụdụ.¹⁹Ẹ mẹ zụsẹ ọpati imairi ẹẹta navẹki ẹẹna, de re ka Ijesu aa zụsẹ inẹẹsụ enyi kavape ẹpa anini vẹ, di angwa ee shụwa. ²⁰Dọ kaa yụ wa ka, "Ẹmi yọ! A si angwa shụwụ nini." ²¹Dee si ka ẹnẹ di Ijesu ngwụ ini ẹpa, di ẹpa anini tụ izẹ ẹ nọ ụmụmọ.Aza ee si Ijesu²²Ineyi-nẹshẹ aani, di aza ọkọni ini aka jinẹ irefụ ọnọ ze pere gụ vee re Ijesu, fụvọka ẹẹ ka, ẹpa ọnya kẹnẹ ọnọ yi izọ. Dẹ zẹ va yi yẹ ka Ijesu ọ zi vatụra eziafụ aani ngwụ ini ẹpa ọnọ, ọchishi eziafụ aani renya ẹnẹ na. ²³Ama ọọ nyi ẹpa ọsa ana fụri Itibẹriyasi vẹ, dọ yi ọgụri izi ẹ yaa ri ivụrẹdi, Ananyiyi mẹ tụozụrenụ, dọ mẹ avọkụ da.Ijesu vi isari ana fụrẹ ẹbẹẹba vẹ²⁴Ụmẹ aza ẹrụrụ ene re ka Ijesu ọnri eziafụ aani ẹikụ yi izọ, dẹ ngwụ ini ẹpa, ee si Ijesu ni Ikapanọọmụ. ²⁵Ụmẹ ne ree aka jinẹ irefụ, dẹ fọ ọ ka, "Irabayi, yere ụmẹ ọnụ vẹ izọni kẹ?"²⁶Di Ijesu tụ wa oshi ka, "Inirẹiza, wee si mi nini, aivi fụvọka wee re oshishọzeyi, ama, fụvọka waa ri ivụrẹdi, di inẹ awụ nini shi. ²⁷A sụ zụechi isari ene vee dụ, ama, wee zụechi isari ene ree me dụ, ana vaa si ẹshẹ poro-pooro yi ọza, isari ọni Ozi Ọza ọni Oshomoshi sụvọ tụra vaa sii yụ wụ."²⁸Dẹ fọ ọ ka "Si i bẹdọ vaa mẹ, di ya zụ mẹ ụkọrọ Oshomoshi kẹ?"²⁹Di Ijesu tụoshi ka, "Ọnọni ọ vi ụkọrọ Oshomoshi: ka kụ ọtụtụrụma awụ tụra ọza ọnọ tụ vi inẹshẹ."³⁰Di ẹ va fọ ọ ka, "Yere ụkọrọ oshishozeyi ọni ụ vaa sii zụ yi, di ya zụ dọ wụ, yee ree. Si u vaa mẹ?" ³¹Ada yi nini ẹẹ ri imaana ini ụnọmi, vene a mẹ chẹrẹ ẹ ka, 'Ọọ si isari fụri ẹbẹẹba va yụ wa ri."'³²Di Ijesu tụ wa oshi ka, "Inirẹiza, aivi Imosisi ọnọ si isari fụrẹ ẹbẹẹba yi ada wụ nini. Ada mi anaa si isari obooro yụ wụ nini fụrẹ ẹbẹẹba ọnọ si yụ wa. ³³Fuvi ki isari Oshomoshi ọnọvi ana fụrẹ ẹbẹẹba vẹ va si ẹshẹ yi anẹshẹ. ³⁴Dẹ kaa yọ ka, "Ananyiyị, waa si isari ọnọni yi yi ẹfi bo."³⁵Di Ijesu kaa yụ wa ka, "Ẹmi a vi isari anaa si ẹshẹ poro yi ọza; ụngwẹ ọikụa kụ ẹzẹna raa ka mi vẹ, Onyi ọikụa ku ẹzẹna raa kụayitụra mi. ³⁶Ama, ma kaa yụ wụ nini, kụ wee re mi da, ama wa zi dọọ wụ nini. ³⁷Ọzọtụrọza ọni Ada mi raa sii mi vaa ka mi vẹ. Ma zaa dụ ẹzẹna raa vẹ varama.³⁸Mee chi fụrẹ ẹbẹẹba va mẹ isa ẹzẹna tụ mi, aivi isim si ki ma mẹ, ama isa ẹzẹna tụ mi. ³⁹Isa ọni ẹzẹna tụ mi yi, ka a sim vụ ọzọnyọnyi ini aza ọnọ kụ chire mi ụvọ, ama di ma zụ sha wa kwetẹ fini isụ inọkụshi kọọta. ⁴⁰Fụvọka ana Ada mi si ka ọzọtụrọza ene ree re Ozi awọni, dọ nyi ọdọwụ inaani, dọ zụ nyi ẹshẹ poro-pooro, dim sha a kẉẹtẹ ini inọkụshi kọọta.⁴¹Di aani Ijuu aa rifufu fụvọ ka ọọ kaa ka, "Ẹmi a vi isari ene chi fụri ẹbẹẹba vẹ." ⁴²Dẹ ka, "Aivi Ijesu Ozi Ijosẹfụ ọni yẹ ada aani ọnri ọnyani yi? Ọ mẹ vaa si kaa ki, 'Mee chi fụre ebẹẹba vẹ."⁴³Di Ijesu voshi yụ wa ka, "A sụ kụ rifụfụ ini akaakana awụ nini. ⁴⁴Ọzi nyi ẹzẹna va zụụ ka mi vẹ, ochishi Ada mi ana tụ mi re tụra a, di ẹmi zẹ sha a kwẹtẹ inọkushi kọọ̣ta. ⁴⁵Aa chẹrẹ ẹ tẹtẹ ini iwe ọkisẹ nini ka, "Oshomoshi ọnọ vaa zụ ọzọọza." Ọzọọza ana za wụ, dọ nyi ọkikọsụẹ fidi Adami, vaa ka mi vẹ.⁴⁶Ọọviki ọzọnyọnyi o re Adaa da, ọọ si fini ẹzẹna fidi Oshomoshi vẹ, ene re Adaa da. ⁴⁷Inirẹiza, inireiza, ẹzẹna raa dọ mi wụ ọọ nyi ẹshẹ poro-pooro.⁴⁸Ẹmi a vi isari anaa si ẹshẹ obooro yi ọza. ⁴⁹Ada wụ nin ẹẹ ri imana ini ụnọmi de sụ.⁵⁰Isari ene chi fụrẹ ẹbẹẹba vẹ yi, doti ọza ọ zụ yi inaani ri di a sio sụ. ⁵¹Ẹmi a vi isari ẹshẹ ene chi fụrẹ ẹbẹẹba vẹ. Ẹzẹna raa ri ini isari ọnọni vana vaa yẹshẹ poro-pooro. Ẹngwụ ami ọ vi isari ọnọ ọni mi va sii yi anẹshẹ.⁵²Di ani Ijuu nini vẹrẹ aa mọikụ ka, dẹẹ vareyi ngwụ ẹngwụ irenụ ka, "Ọza ọnọni mẹmẹ va zụ si ẹngwụ aani vara isari yi yi ri kẹ?" ⁵³Ụmavọ, di Ijesu tụ wa oshi ka, "Inirẹiza, inirẹiza, ọọ zi vi ka ụ ri ẹchẹngwụ Ozi Ọza, dụ ze fụ anya aani, wa zaa nyi ẹshẹ poro-pooro nini.⁵⁴Ọzatụrọza ana raa ri ẹchẹngwụ ami, do fu anya ami bẹrẹ ẹ, ọọ nyi ẹshẹ ana raa mata. Mva sha kwẹtẹ ini ọkụshi kọọta. ⁵⁵Ẹngwụ ami vi isari obooro, di anya ami vi enyi obooro ene fụ. ⁵⁶Ẹzẹna raa ri ẹchẹngwu ami, do fụ anya ami, ọọ yi ininẹ ami, dẹ ẹmi zẹ yi ininẹ aani.⁵⁷Venebiri Adaa ana nyi ẹshẹ poro-pooro mẹ tụ mi vẹ ẹshẹ, dim zirẹngwụ aani aa mẹ ẹshẹ, avọọ ọni ẹzẹna raa ri ẹchẹngwụ ami mẹ vaa zirẹngwụ mi mẹ ẹshẹ. ⁵⁸"Isari ene chi fụrẹ ẹbẹẹba vẹ yi. Ọ zi vene ọni ada wụ nini ri de sụ. Ẹzẹna raa ri isari ọnọni vana vaa yi ẹshẹ poro-pooro." ⁵⁹Ijesu maa zụ aza isa ini ireshi Osbomoshi ana yi Ikapaṇọmụ, ọnọ ya karẹyi ẹnẹni.Irẹyi anaa mẹ ka ọza mẹshẹ poro-pooro(Imt. 16:13-20; Imk. 8:27-30; Irk. 9:18-21)⁶⁰Eziafụ Ijesu ẹrụrụ ẹẹ wụ irẹyi ọnọni dẹ ka, "Irẹyi ọ̣kata ọọ zụ aani no. ẹnẹ va zụ dọ ọ kẹ?" ⁶¹Di Ijesu fọ wa ka, "Irẹyi ọnọni wa kụ nini ayi?" fụvọka ọọ yẹ ka eziafụ awọni aa rifụfụ?⁶²"Ụmẹ vaa ka nini we re ki Ozi Ọza ọọ varama aa shirẹ ni ẹbẹẹba ọnọ bidi ya?" ⁶³Ifẹ ọnọọ si ẹshẹ yi ọza, ẹchẹngwụ ọizụa siọ yi ọza. Irẹyi ọni maa zụ wụ nini vi Ifẹ ọnri ẹshẹ.⁶⁴Tụavọ-tụavọ, ẹrụrụ awụ nini ọ zi dọ mi wụ. Fụvọki Ijesu ọọ yẹ fini ivẹrẹ ẹnẹna raa zaa dọ ọ wụ, shi ẹzẹna vaa siọ chire aza ụvọ. ⁶⁵Di Ijesu ka, "Isim kaa yụ wụ nini yi ka, ọ zi nyi ẹzẹna va zụụ ka mi vẹ, ọọ zivi ka Adaa ọnọ soze yọ."⁶⁶Eziafụ ẹrụrụ ẹẹ va fụrẹ irama fụvi irẹyi ọnọni. ⁶⁷Di Ijesu fọ eziafụ ẹwụrẹva aani ka, "Ẹwụ nin wa zẹ vaa va fụrẹ mi rama?" ⁶⁸Di Ipita anaa shi Isimoni tụoshi ka, "Ananyiyi, ẹni kụ vee ne tụ? Ẹwụ ọnọ nyi irẹyi ana si ẹshẹ poro-pooro yi ọza, ⁶⁹yaa dọ ụ wụ, di yẹ da ka ẹwụ a vi Ọza Ọnya ayi Oshomoshi.⁷⁰Di Ijesu ọ kaa yụ wa, "Aivi ẹmi a ni ẹwụ nin ẹwụrẹẹva, ama di ozenya awụ nini vi eshụ." ⁷¹Ijụdasi, ozi Isimoni Isikariyọti, ọni ọọ ka, fụvọka ọni, ọnya ini ẹwụrẹẹva ẹnẹ ọnọ vaa si Ijesu chire aza ụvọ.

Chapter 7Ijesu ọnri ẹnyara aani

¹Inaama ẹnẹni, Ijesu ọọ ni irasha ọsọsa ini ẹtẹ Iganini, O zi si ka ọnọ ni Ijụdiya fụvọka aani Ijuu nini vene si oze ẹnẹ va si wụọ. ²Ụmavọ, ụpe ẹnẹẹ shi, Ụpe Ajẹngwụ ọ si gụre ẹtẹ.³Di ẹnyara aani kaa yọ ka, "Fi izọni, dụ wa ni Ijụdiya, doti eziafụ awụ de zụ ne re ụkọrọ ọnụ waa mẹ. ⁴Ọ zi nyi ọza ana mẹ isa inangwụmi, do si ka aza ẹ yẹ oni. Waa mẹ isa ẹnẹni, sẹngwụ awụ zụ anẹshẹ.⁵Fụvọka, ẹnyara aani nyẹmbẹ ẹ zi dọ ọ wụ. ⁶Fụvavọ, di Ijesu kaa yụ wa ka, "Ẹfi ami ọi ti tụ, ama ẹfi bo vi ẹfi yi wụ nini. ⁷Ẹshẹ ọi zụa aa kwayi awụ nini. Ama ọọ kwayi ami fụvọki maa kaa, ki ụkọrọ anini vi ụkọrọ ọshimi.⁸Ụvazụ shirẹ ni ni ụpe ọnọ nini. Ma zaa nọ fụvọka ẹfi ami ọi ti tụ. ⁹Ọ mẹ ma nka yụ wa da, dọ ni Iganini.Ijesu ọ nini Ụpe Ajẹngwụ¹⁰Ama, ụmọni ẹnyara aani ni ini ụpe ọnọ da, di ọ ni nyẹmbẹ bebe shirẹ ni izọ̣. ¹¹Di ani Ijuu nini ee sio ini ụpe ọnọ, dee fisụe ka, "Izọ ya?"¹²Aa karẹyi aani kokoro inakaakana aza ọkọni ana gụ. Azẹnyi ka, "Ọza ọiza ọnọ vi." Di azẹnyi ka, "Eeye, ka ọọ kụ aza nyeyi." ¹³Ama, ọzi nyi ẹzẹna zai karẹyi aani tụẹshẹ fụvọka ee shangwa ani Ijuu nini.¹⁴Ụmọni ụpe ọnọ vọ che dọ ta mẹ, di Ijesu shirẹ ngwụ ni itẹmpụrụ, do zụ aza isa. ¹⁵Ọọ shi ani Ijuu nini eyi, dẹ ka, "Ọza ọnọni mẹ maan si yẹ isa kẹ? ọ zi ni ini ishụkụrụ ọi yẹyẹ?" ¹⁶Di Ijesu tụoshi ka, "Isi maa zụ aza, ọzi vi ayami, ama ẹzẹna tụ mi yọ.¹⁷Ọ ọnyi ẹzene si ka ọni aa mi osisi aani, ọza ọnọ vaa yẹ aivi ka irẹyi ẹngwụ ami maa ka, navẹki idi Oshomoshi ọno fụrẹ vẹ, ¹⁸ọzatụrọza ana raa karẹyi ẹngwụ aani, vene si ụbani ẹngwụ aani, ama, ọzatụrọza ene ree si ubani ẹzẹna tụọ, vi ọni irẹiza, ọzi nyi aichama ini ọzọnọọ.¹⁹Imosisi wa ra zi si ofi yu wụ nini? Tụavọ-tụavọ, ọzi nyi ọza awụ nin ana vatụra ofi ọnọ. Sụ wee si kụ wa wụ mi tụ nin kẹ? ²⁰Di aza ọkọni ẹnẹ tụoshi ka, "Wa nyi ifẹ azeeshi. Enee si ki ọni aa wụ ụ?"²¹Di Ijesu tụoshi ka, "Maa mụkọrọ ọnya, dọ shụwụ nin eyi, ²²Imosisi ọ si ụmọ yụ wụ ki waa ji ọza ụma nini, (aivi Imosisi ọnọ fụvọ aani vẹ, ama fụri avọshụkụ), dụ waa ji ozi ụma nin ini ọkụshi Isabaati.²³"Waa ji ozi ụma ini ọkụshi Isabaati, dụ we re ki we zi dụ ofi Imosisi nini, sụ wa mẹ ọikụ shi mi tụ nini, fụvọki maa fụ ọza ikụ sha ini ọkụshi Isabaati? ²⁴A sụ kụ ji ishi eyi-eyi nini, ama wa si irẹiza mẹ ishọji nini."Ijesu ọnọ vi Ikristi ọnọọ²⁵Di aza ẹnyi ana fụrẹ Ijerụsanẹmụ ka, "Aivi ọza ene si ka ẹni aa wụ yi? ²⁶Ree, ọ karẹyi ini eyi-gede dọ raa zi nyi ẹzẹna karẹyi yọ. Ma zi kẹnẹ ki ọdọvidi nini ẹ yẹ ka ọnọvi Ikristi, ọ wa vọ vọ vi? ²⁷Yaa yẹ izọ ọzọnọni fụrẹ, ama ụmẹ Ikristi ra vẹ, ọ zi nyi ọza ana yẹ izọ ọ fụrẹ vẹ.²⁸Di Ijesu si ongwẹ tụebe aa zụ wa ini itẹmpụrụ,"Dọ ka waa yẹ mi, dụ yẹ izi mi fụrẹ vẹ nini. Aivi ẹma tụ ẹngwụ ami vẹshẹ, ẹzẹna tụ mi vọni rẹiza. Wa zi yẹ ẹ nini. ²⁹Maa yẹ ẹ fụvọka ọnọ tụ mi fi idi aani vẹ.Ijesu ka ọni vaa ni irasha ọsa³⁰Ee si ka ẹnẹ zaa, ama ọzi nyi ẹnẹna si ụvọ ka niọ fụvọka ẹfi aani oi ti tụ. ³¹Ama aza ẹnyi ini aza ọkọni ẹnẹ, ẹẹ dọ ọ wụ, dẹ fọ ka, "Ụmọni Ikristi ọnọ raa vẹ, ọ wa vaa mụkọrọ oshishozeyi fụni ọni ọza ọnọni mẹ?" ³²Ifarisi nin ẹ wụ ka aza ọkọni ẹnẹ tangwa aa karẹyi Ijesu, di arụfa ọbani nin ẹnri Ifarisi nini tụ ọnọọpa anini ka ena za a vẹ.³³Di Ijesu ka, "Mva yi yaa pe wụ nini chee, di ma va varama netụ ẹzẹna tụ mi. ³⁴Ụ vee si mi ama we zee re mi nin, Wai zụa vẹ izi maa nọ nini."³⁵Di ani Ijuu nini aa fọ ẹngwụ ka, Izi ọza ọnọni vaa na nọ, di yee me zụ re e? Ọ wa vaa ni Igiriki, izi ani Ijụụ nini gara shi, dọ naa zụ ani Igiriki nini isa? ³⁶Sẹnẹvi irẹyi ọnọ ka, "Ụ vee si mi, ama we zee re mi nini. Wai zụa vẹ izi maa nọ nini?"Ijesu ka ọni vi enyi ẹshẹ ³⁷Ini ọkụshi ọvarẹsụ ọbani ụpe ọnọọ, di Ijesu kwẹtẹ dinẹ, dọ si ọngwẹ tụẹba ka, "Ọọ nyi ẹzẹni onyi aa kụ, o vee tụ mi, do vee fụ enyi.³⁸Ọza ọna raa dọ mi wụ, enyi ana sẹshẹ yọza, vee si fi ininẹ ọzọnọọ jinẹ vẹ, venebiri iwe ọnini mẹ kaa."³⁹Ama ọ karẹyi ọnọ inọpati Ifẹ Ọnini, ana vaa si yi azena raa dọ ọ wụ; Oshomoshi ọi si si Ifẹ Ọnini yi aza ini ẹfi ọnọ fụvọki Ijesu ọi ngwi-ngwụ ini ụbani aani.Ẹshankata ọ ngwụ inakaakana aza⁴⁰Azẹnyi ini aza ọkọni ẹnẹ mẹ wụ irẹyi ẹnẹni, dẹ ka,"Irẹiza, ọkisẹ ọnọ yi." ⁴¹Di azẹnẹsa ka "Ikristi ọnọ yi." Ama da azẹnyi ka, "Iganini ọni Ikristi ọnọ wa furẹ vẹ?" ⁴²Iwe ọnini wa raa zi kaa ki Ikristi ọnọ vana vaa fini ovoovụ Idevidi ọnri ki irẹkụra Ibẹtinẹhẹmu, izi anda Idevidi chi fụrẹ?"⁴³Dọvika azẹnẹ ẹsi ga inọpati aani. ⁴⁴Azẹnyi ina nini esi ka ẹnẹ za a, ama ọzi nyi ẹzẹna si ụvọ ka ni ọ.Ọdọvidi ani Ijuu nin ẹ zi dọ Ijesu wụ⁴⁵Di ọnitụ ẹnẹ varama ve tụ arụfa ọ̣bani nin ọnri Ifarisi nini, ẹ fọ ọnitụ ẹnẹ ka, "Sẹnẹvẹ dụ raa zi za a vẹ nini?" ⁴⁶Di ọnitụ ẹnẹ ka, "Ọi nyi nyi ẹzẹna maan karẹyi vene ọza ọnọni yẹ yẹ."⁴⁷Di Ifarisi ẹnẹ fọ wa ka, "A wa zẹ ji ẹwụ nini nyẹmbẹ vene da? ⁴⁸Ọọ wa nyi ọdọvidi ọnyọnyi navẹki Ifarisi ọnyọnyi ana dọ ọ wụ da? ⁴⁹Ama, aza ọkọni ẹnẹni ana zi yẹ isa ofi ka. "Ekụochi ya wa irẹsu."⁵⁰Di Inikodemọ̣si, (ọnya ini Ifarisi nini, ẹnẹ bidi ve tụ Ijesu) fọ wa ka, ⁵¹"Ofi ayi waa ji ivi yi ọza doti ọ tangwa va wụ irenụ ọzọnọ, da yẹ isa ọ mẹ?" ⁵²Dẹ voshi yọ ka, "Ani Iganini ẹwụ wa zẹ vi?" Zama du we re ka ọzi nyi ọkisẹ ana fụri Iganini vẹ."⁵³ Inaani, di ọzọọza varama neeshi aani.

Chapter 8Aa za ọsẹrẹka ve tu Ijesu

¹Ijesu ọọ shirẹ ni irẹsụfa Onivi. ²Ini ajụveni, dọ zẹ vi ini itẹmpụrụ. Aza ẹrụrụ ẹẹ vẹ, dẹ yatụ dọ zụ wa isa. ³Di ọzụọza ụmọ nini ọnri Ifarisi nini si ọnyẹnẹ ọnyi ẹnẹ za ka ọọ sẹrẹka inụvọ ve tụ Ijesu. Dẹ si ọ tụni akaakana.⁴Dẹ kaa yi Ijesu ka, "Ọzụọzisa, aa za ọnyẹnẹẹ ọnọni izọ yaa sẹrẹka. ⁵Ini ụmọ Imosisi ọ kaa ki, a si irẹta wụ ẹngwụ aza ẹnẹni; ụ mẹ ka inọpati aani kẹ?" ⁶Irẹyi ọnọni vẹnẹ si vi irẹpa yọ, doti e re isa sụvọ za, ji ivi yọ. Ama, di Ijesu nyima, dọ si ụvọ ọ chẹrẹ isa tụ nẹtẹ.⁷Ẹ mẹ vaa fii fọ ọ, di Ijesu kwẹtẹ, dọ ka, "Ọọ nyi ọzọnyọnyi ini akaakana wụ nini, ana rai chi chamayi, ọzọ ọnọ ọ bidi ne irẹta nya." ⁸Dọ zee nyima, dọ sụvọ chẹrẹ isa tụ nẹtẹ.⁹Ụmẹ ẹ maan si wụ, dẹ vẹrẹ aa fi izọ ọnyọnya, vẹrẹ fini ọzọku nini. Ụmono tụ, dọ si vi Ijesu ọnri ọnyẹnẹ ọnọ renya. ¹⁰Di Ijesu kwẹtẹ, dọ fọ ọ ka, "Ẹwụ ọnyẹnẹ, ẹnẹna va tụrẹka irẹyi awu wọ? Ọ wa nyi ọza anini ọnya ana ji ivi wụ." ¹¹Dọ voshi ka, "Ọ zi nyi Ạnanyimi." Di Ijesu ka, "Ẹmi nyẹmbẹ ma zi ji ivi yụ wụ. Waa na, asuụ̣ kụ chamai."Ijesu ọnọ vi ẹtofei ẹshẹ¹²Di Ijesu zẹ kaa yụ wa ka, "Ẹmi ọnọ vi ẹtofei ẹshẹ, ọza ana raa vatụra ami, ọ zaa zụsẹ ini oozi, ọ vaa nyi ẹtofei ẹshẹ." ¹³Di Ifarisii nini kaa yọ ka, "Waa divenụ ẹngwu awụ, iveenụ ọnọ ọ zi vi irẹiza."¹⁴Di Ijesu tụ wa oshi ka, "Maa daka divenụ ẹngwụ ami, irẹiza ma ka. Maa yẹ izi mi fụrẹ vẹ, dim yẹ izi maa nọ, ama ẹwụ nini ọzi yẹ izim fụrẹ vẹ, navẹki izi maa nọ. ¹⁵Waa jishi nini inoze ẹchẹngwụ; ẹ mazi mi ishọji yi ọzọnyọnyi. ¹⁶Ama, shi maa daka jishi, ishọji ami vi irẹiza, fụvọki mazi vi irenya, ama ma ya pe Adami ana tụ mi.¹⁷Ini ofi awụ nini, aa chẹrẹ ka, azẹnẹva raa divenụ tụ ini irẹyi, irẹyi ọnọ vi irẹiza. ¹⁸Maa divenụ inọpati ẹngwụ ami, di Adaa ana tụ mi zẹ divenụ inọpati ami.¹⁹ Dẹ fọ ọ ka, "Ada awụ wọ?" Ijesu o tụoshi ka, "Wa zi yẹ mi navẹ̣ki Adaa mi nini. Waa yaan yẹ mi, ụ yaan zẹ yi yẹ Adaa ami nini." ²⁰Ọọ karẹyi ẹnẹni akiza yaa tụ ẹkẹshi ini itẹmpụrụ ọ mẹ zụ wa da, ọzi nyi ẹzẹna za a fụvọki ẹfi aani oi titụ.Ijesu ka ọna nọ idi Oshomoshi²¹Dọ zẹ varama kaa yụ wa ka, "Maa na, ụ vee si mi nin, dụ sụ ini aichama awụ nini. Wai zụa vi izi maa nọ nini." ²²Di ani Ijuu ẹnẹ ka, "Ọ wa vaa wụ ẹngwụ aani?" Fụvavọ ọnọ wa si ka ki, 'Wai zụa vi izi maa nọ nini?"²³Di Ijesu kaa yụ wa ka, "Ẹshẹ ọnọni ọnụ fụrẹ vẹ nini, Ẹmi vana fụrẹ ẹbẹẹba vẹ. Ayi ẹshẹ ọnọni ọnụ vi nini; mazi vi ayi ẹshẹ ọnọni. ²⁴Fụvavọ ma si kaa wụ nin ka, ụ vee sụ ini aichama awụ nini. Aziviki ụ dọ wụ ka, 'ẸMI YỌỌ,' ụ vee sụ ini aichama awụ nini."²⁵Dẹ fọ ọ ka, "Ẹnụ vi?" Di Ijesu tụoshi ka, "Ẹzẹni mi kaa yụ wụ nini fini ivẹrẹ ki maa vi." ²⁶Ọọ nyi isa ọrụrụ ọni mi yaan zụ ka, di ma si ji ivi yụ wụ nini. Ama, ẹzẹna tụ mi vi ọni rẹiza; onri ka, isim wụ fini ụvọ aani, ọni maa ka yi anẹshe.̣" ²⁷Ẹ zi yẹ ka irẹyi Adaa ọnọ kaa yụ wa.²⁸Ijesu ka, "Ụmẹ ọnụ raa si Ozi Ọza tụẹẹba da, ọnụ vaa yẹ nini ka, Ẹmi yọọ ọnri ka isa Adaa zụ mi, ọni maa ka, ọzi nyi isọnsọnyi ọnim da mẹ yẹngwụ ami. ²⁹Ọzọna tụ mi, ọọ ya bẹrẹ mi ọnri ki ọzi fụrẹ mi ụvọ fụvọka isọ si mi, ọni maa mẹ ini ẹfi bo." ³⁰Aza ẹrụrụ ẹ di Ijesu wụ, ọ mẹ maan karẹyi ẹnẹni.Ẹnẹ vi ada ani Ijuu nin?³¹Di Ijesu kaa yi ani Ijuu ana dọ ọ wụ ka, Waa dinẹ tụ ni irẹyi ami, ẹfiavọ ọnụ vi eziafụ ami irẹiza nini. ³²Ụ vaa yẹ irẹiza, di irẹiza ọnọ tụ wụ nini fini ọrishi. ³³Dẹ tụoshi ka, "Ezi irama Abrahamụ ọni vi, ọzi nyi ụmẹ oni si vi ọrishi yi ọzọyọnyi. Ụ mẹ va sii ka ki, A vaa tụ yi fini ọrishi."³⁴Di Ijesu voshi ka, "Inirẹiza, inirẹiza, ọnim kaa yụ wụ nin ka, ọzatụrọza ana raa chamai vi ọrishi aichama. ³⁵Ọrishi ọ ma ra ineshi poro-pooro. Ozi ọnọ ra ineshi poro-pooro. ³⁶Fụvavọ, ozi raa ngwara awụ tẹtẹ, a vaa ngwara ụ tẹtẹ ini irẹiza.³⁷Maa yẹ ka ezi rama Abrahamụ ọnụ vi nini. Ama, we si kụ waa wụ mi nini fụvọka irẹyi ami ọzi re irasha ya ini ọtụtụrụma awụ nini. ³⁸"Maa ka irẹyi ọnim re fidi Adaa mi, dẹ ẹwụ nini zaa mi isa ada wụ ka yụ wụ nini."³⁹Dẹ tụoshi ka, "Abrahamụ vi ada yi." Di Ijesu kaa yụ wa ka, "Waa yaan vi ozi Abrahamụ, ụ yaan mẹ isọni Abrahamụ ṃẹ nini. ⁴⁰Ama, wee si kụ wa wu ̣ẹmi ana karẹiza, ọnim wụ fidi Oshomoshi yụ wụ nini. Abrahamụ ọ zi mẹ ẹnẹni. ⁴¹Isa ada wụ nin mẹ, oni wa mẹ nini." Dẹ kaa yọ ka, "A zẹ zi sẹrẹka ma yi, Adaa ọnya ọni nyi: ana vi Oshomoshi."⁴² Di Ijesu kaa yụ wa ka, "Aaviki Oshomoshi ọ si vi anda ụ nini, ụ we vee sirẹyi ami nini fụvoki ida Oshomoshi ọnim fụrẹ vẹ. Ọnọ tụ mi vẹ; mazi tụ ẹngwu ami. ⁴³Sẹnẹvẹ di irẹyi ami re zi ye ụ nini kẹ? Fụvọki wai zụa wụ irẹyi ami nini. ⁴⁴Ayi ada wụ eshụ ọnụ vi nini, ọnri ki we si kụ wa mẹ isa ọni ada wụ nin si. Ọwụọza ọnọvi fi ini ivẹrẹ, ọnri ọ ma dinẹ tụ ini irẹiza fụvọka irẹiza ọzi yi ininẹ aani. Ọọ nyi apinẹ, ọ mẹ ya gẹdẹ-gẹdẹ, ọnọ sii zụ aavọ, fụvọka ọnapinẹ ọnọvi, dọ vi ada apine.⁴⁵Ama, fụvọki maa karẹiza, wazi dọ mi wụ nini. ⁴⁶Yere ọza ọnya awụ nini ana va zụ kaa ki ma chamayi? Maa va karẹiza, sẹnẹvẹ dụ raa zi dọ mi wụ nini? ⁴⁷Ẹzẹna vi ayi Oshomoshi, va naa wụ irẹyi Oshomo-shi; waa ma dọ wụ nin fụvọki wazi vi ayi Oshomoshi nini.¹⁰Dẹ vaa fọ ọ ka, amẹmẹ shawụ irii kẹ? ¹¹Do tụoshi ka, "Ọza anaa shi Ijesu ọọ tụvụ, dọ kụo mụna mi irii, dọ ka, waa ni inadagụ Isinoamụ, dụ wa na fụenyi." Dim na fụenyi, dim kụe retẹ." ¹²Dẹ fọ ọ ka, "Izọ ya?" Do tụoshi ka, "Ma zi yẹ."⁵⁰Aivi ụbani ẹngwụ ami oni mee si; ọ nyi ọza enee si ụbani, dọọ mẹ ishọji. ⁵¹Inirẹiza, inireiza, ma ka yụ wụ nini, ẹzẹna raa vatụra irẹyi ami ọikụ ve re isụ."⁵²Di ani Ijuu kaa yọ ka, Yaa yẹ ọmẹyani kụ waa nyi ifẹ azeeshi. Abrahamụ ọnri ọkisẹ nini ee sụ, ama ẹwụ ka, "Ọnyi ọza ana vatụra irẹyi ami, o zee ri isụ." ⁵³Wazi bani fụni ada yi Abrahamụ ene sụ, navẹki we fụna? Ụwa bani fụni ọkisẹ nini ene ze sii si sụ da. Sẹnụ shi ẹngwụ awụ kẹ."⁵⁴Di Ijesu tụoshi ka, "Aavi ẹmi aa sẹngwụ ami tụẹẹba, ụbani ọnọ ọzi vi isọnsọnyi; Ada mi ọnọ si mi tụẹẹba, ọnụ ki ọ vi Oshomoshi awụ nini. ⁵⁵Wazi yi yẹ Ọni nini, ama ẹma yẹ Ọni. Ma ki mazi yẹ ẹ, 'dim si vi anapinẹ vene ụ nini.' Maa yẹ ẹ, dim sụvọ za irẹyi aani. ⁵⁶Inẹ ada wụ nini Abrahamụ o shine ini orire ọkụshi ami. Oo ree di inẹ aani shine."⁵⁷Di ani Ijuu ka, "Wa zi gigụ irayi ẹbẹrẹẹva-rẹẹwụ, dụ re Abrahamụ da?" ⁵⁸Di Ijesu kaa yụ wa ka, "Inirẹiza, inirẹiza, ma ka yụ wụ nini, da tangwa va ma Abrahamụ, ọnim fụrẹ yi inaani." ⁵⁹Ụmavọ, dẹ kụ irẹta ka, ene vee ne Ijesu yọ. Ama, di Ijesu vụtẹ, dọ jinẹ fini itẹmpụrụ.

Chapter 9Ijesu ọ sha ogueyi ọnọrụ ọnya irii

¹Ijesu maa paraafụ, do re ogụri ọnọvi ka avọ aa mẹ maa. ²Eziafụ aani ẹ fọ ọ ka, "Irabayi, ẹnẹ chamayi kẹ, ọnọrụ ọnọni navẹki ẹnẹna maa, ana mẹ ka maa ogụri?"³Di Ijesu voshi ka, "aivi ọnọrụ ọnọni, navẹki ẹnẹna maa ẹẹ chamayi. Ama, fụvi di azụ zirẹngwụ aani sụkọrọ Oshomoshi zu. ⁴Mi bẹdọ mụkọrọ ọzẹna tụ mi ini ụmọọdụ, fụvọki irafụ aa vẹ ọni ọzọnyọnyi rai kụ zụa mụkọrọ. ⁵"Ẹmi a vi ẹtofei ẹshẹ ini ụmọni mi yi nẹshẹ."̇⁶Inaama ọni Ijesu karẹyi ẹnẹni da, ọọ jatẹ tụ inẹtẹ, dọ siọ mẹ ụvụ, dọ kụo mụna irii. ⁷Dọ kaa yọ ka, "Waa na, na fụenyi ini adagụ Isinoamụ (ọni ọshafụsha ani vi: ọtitụ)." Dọ ọnọrụ ọnọ na, do fụenyi, do kụe retẹ.⁸Ẹfiavọ, di anadụbo ọnọrụ ọnọ ọnri ẹnẹna bidi ree, ọọ maa pisa, aa fẹngwụ ka, "Aivi ọnọrụ anạ bidi yatụ tụ iẓọni, dọ pisa aavọ yi?" ⁹Azẹnyi ka, "Ọni yọọ" Di azẹnẹsa ka, Eeye, oo ve nee.̣ Ama, do tụoshi ka, "Ẹmi yọ."̇³²Ẹshẹ mẹ fụrẹ vẹrẹ, azẹ zi wi wụ yẹyẹ, ki a sha iri ọza one gụ iri fini inọ ọnyani jinẹ vẹ. ³³Ọza ọnọni ra zi fidi Oshomoshi vẹ, ọizụa mẹ isọnyọnyi." ³⁴Di ẹ tụoshi ka, "Ini aichama ọbani ana ya ma wụ, dụ waa zụ yi isa?" De nee na jinẹ.Ifarisi nin ee si afụ ireyi ọnọọ¹³Dẹ si ọzọnọ ene bidi gụri vetụ Ifarisi nin. ¹⁴Ọkụshi Isabaati ọni Ijesu tụvụ, dọ siọ sha irii. ¹⁵Ụmọnọ, di Ifarisi nini zẹ fọ ọ ka, ọ mẹmẹ shawụ irii kẹ? "Ọọ kụ ụvụ mụna mi irii, dim na nyina, dim kụ ve retẹ ọmẹyani."¹⁶Di Ifarisi ẹnyi ka, "Ọzọnọni ọzi fidi Oshomoshi vẹ fụvọka ọzi si ọkụshi Isabaati tẹtẹ yi ụkọrọ." Di azẹnẹsa ka, anaichama mẹ va zụụ mụkọrọ oshishozeyi ẹnẹni?" Dẹ si ga tụ oze ẹẹva. ¹⁷Dẹ zẹ fọ ogụri ọnọ̣ ka, Sụ ka inọpati aani, ọmẹvi ka ọnọ sha wụ iri aani.̣ Di ezene bidi gụri ọnọ ka, "Ọkisẹ ọnọ vi." ¹⁸Ani Ijuu ẹnẹ ẹ zi dọ zẹ ka ọzọnọni oo bidi gụri, ọọ zi vi ẹfi ẹnẹ vaa shi ọnya aani ọnri ada aani, dẹ fọ ọ wa.¹⁹Dẹ fọ ada ọnri ọnyi aani ka, "Ozi awụ nini wayọ, ọnụ kụ wa maado gụri? Amẹ maawa yọ?" Ọmẹ mẹ vee retẹ ọmẹyani." ²⁰Di ẹnẹna ma tụoshi ka, "Yaa yẹ ka ozi ayi yi ọnri ka o gu iri fini ininẹ. ²¹Ọ mẹmẹ vee retẹ, ya zi yẹ. Ẹzẹna sha irii, ya zi yẹ. Fọọ nini. Ọikụ vi ozoweyi, ọ vaa zụ voshi yi ẹngwụ aani."²²Angwashi ọni ọnyani ọnri adani si tụoshi, fụvọki ani Ijuu ẹẹ si ọma vi ọnya ka, azẹna ra kaa ki Ijesu vi Ikristi vana vaa dụ fini Isinagọgụ. ²³Fụvavọ, ọni ọnyani ọnri adani si ka kẹ fọ ọ, ọikụ vi ozi weyi."²⁴Dẹ zẹ varama shi ọnọrụ ene bidi guri ini ụpọfụva, dẹ kaa yọ ka, "Si ụga yi Osho-moshi. Yaa yẹ ka ọnọrụ ọnọ anaichama ọnọvi." ²⁵Ẹfi ọnọ, di ọnọrụ ọnọ tụoshi ka, Ma zi yẹ tụka anaichama ọnọvi. Isa ọnya ọni mi yẹ ọnọ vika, ma bidi gurii, ama mee retẹ ọmẹ̵yani."²⁶Dẹ fọ ọ ka, "Sọ mẹ shụ wụ kẹ? Ọ mẹ mẹ sha wụ irii?" ²⁷Do ṭụoshi ka, "Ma bidi kaa yụ wụ nini da, we zi batọ nin. Sụ zee si ki wa varama wụ nini? "We zi si kụ wa vara eziafụ aani nini, navẹ!.²⁸Dẹ kụọ ụfụ, dẹ ka eziafụ aani ụ vi, ama di ẹyi vi eziafụ Imosisi. ²⁹Yaa yẹ ka Oshomoshi o pe Imosisi karẹyi, ama, yazi yẹ izi ọnọni fụrẹ vẹ."³⁰Di ọzọnọọ tu wa oshi ka, "Irẹyi oshisho-zeyi yọ ka wazi yẹ izọ furẹ vẹ nin, ama ọ sha mi irii da." ³¹Yaa yẹ ka Oshomoshi ọ ma wụ ọngwẹ anaichama, ẹzẹna raa mi isa ọnini, dọ za mi osisi Oshomoshi, ọnọ wụ ọngwẹ aani.³²Ẹshẹ mẹ fụrẹ vẹrẹ, azẹ zi wi wụ yẹyẹ, ki a sha iri ọza one gụ iri fini inọ ọnyani jinẹ vẹ. ³³Ọza ọnọni ra zi fidi Oshomoshi vẹ, ọizụa mẹ isọnyọnyi." ³⁴Di ẹ tụoshi ka, "Ini aichama ọbani ana ya ma wụ, dụ waa zụ yi isa?" De nee na jinẹ.Aza ene gu irii tụni irẹyi Oshomoshi³⁵Ijesu mẹ wụ ka, ẹ dụ ọzọnọ jinẹ fini isinagọgụ. Do sio, do ree, dọ fọ ọ ka, ụ wa di Ozi Ọza wụ?" ³⁶Di o voshi, dọ ka, Ẹni ọzọnọọ vi kẹ Ananyimi, di ma zụ dọ wụ?" ³⁷Di Ijesu kaa yọ ka,"We ree da, Ọni ọ nee pe wụ karẹyi aani."³⁸Di ọnọrụ ọnọ kaa, "Maa dọ wụ Ananyimi." Dọ fẹkẹ ẹ.³⁹Di Ijesu ka, "Maa vẹ ẹshẹ va mi ishọji doti ẹnẹne zi retẹ, e retẹ, di enene e nee retẹ, e zụ gụri." ⁴⁰Ifarisi ẹnyi ana ya pee, mẹ wụ irẹyi ẹnẹni, dẹ fọ ọ ka, "Ẹyi wa zẹ vi ogụrii?" ⁴¹Di Ijesu kaa yụ wa ka, "Aaviki we gụri nin, wa zaa nyi aichama nini, ama, ọmẹyani, 'Yee retẹ,' aichama awụ nini vana yi yinaani."

Chapter 10Ụshioche osere atẹmẹ

¹"Ini irẹiza, maa ka yi wụ nini ka, ẹzẹna raa zi zi oze ngwụ ireshi atẹmẹ, ama dọvika ọ zi irasha ọsa shirẹ ngwụ ireshi, ọzọnọ vi oyi ọnri ọjọzẹnya. ²Ẹzẹna raa zi oze ngwụ ireshi ọnọ vi ọkụatẹmẹ zi.³Di oseroze noze yọọ. Atẹmẹ nini vaa wụ ọngwẹ aani, di ọọ shi atẹmẹ aani irẹsha, dọọ kụ wa jinẹ nẹshẹ. ⁴Ụmọnọ raa kụ ayani bo jinẹ vẹ da, di ọ yi inọvidi anini, dẹẹ vatụraa, fụvọka ẹ yẹ ọngwẹ aani.⁵Ẹ zaa vatụra ọzọga, ama akikọnọ e vee zụe kavana yọ, fụvọki ẹ zi yẹ ọngwẹ azẹga. ⁶Ijesu o chụshi irẹyi ọnọni yụ wa, ama isẹnọ si irẹyi ọnọọ ka o zi ye wa.Ijesu ọshafụ ụshioche ọnọọ sha⁷Di Ijesu ze kaa yụ wa ka, "Ini rẹiza, Ẹma vi oze ireshi atẹmẹ." ⁸Aza bo ana bidi vẹ dim va vẹ vi oyi onri ọjọzẹnya, ama atẹmẹ nini e zi bewa atọ.⁹Ẹma vi oze ana ngwụ ireshi. Ẹzẹna raa zi ida mi ngwụ ireshi, vana vaa dọ tụ, dọọ ngwụ ireshi, dọọ jinẹ, do o re ọriri ofụo-ofụ. ¹⁰Oyi ọ ma vẹ, ọọ zivi ki o ve yi ụyi, dọ wụ ọza, ọnri ka, do du isa sha. Maa vẹ doti aza ẹẹ nyi ẹshẹ: dẹẹ nyọ ini ẹtụra-ẹtụra.¹¹Ẹma vi ọkụatẹmẹ zi obooro. Ọkụatẹmẹ zi obooro vana si ẹshẹ aani tẹtẹ yi atẹmẹ nini. ¹²Ozida ana dọ, de sio ụta ko sere atẹmẹ, ọzi vi ọkụatẹmẹ zi, aivi ọni nyi atẹmẹ. Oo re ka odụmi aa vẹ, dọ fụrẹ atẹmẹ nini ụvọ, do o zụe, di ọdụmi ọnọ yi ini atẹmẹ za, dọ gara wa sha. ¹³Oo zụe fụvọka, a dọọ, de sio ụta. Ọzi seyi pe atẹmẹ ẹnẹ.¹⁴Ẹma vi ọkụatẹmẹ zi obooro. Maa yẹ ayami, di ayami yẹ mi. ¹⁵Adaa ọ yẹ mi, di ẹmi zẹ yi yẹ Adaa, di mi si ẹshẹ ami tẹtẹ yi atẹmẹ. ¹⁶Maa nyi atẹmẹ ọsa nini ana zi yi ineeshi atẹmẹ ọnọni. Mi va kụ waa vẹ, di ẹni zaa wụ ọngwẹ ami, di ẹnbo vara ọnya ini afụ ọkụatẹmẹ zi ọnya.¹⁷Isa Adaa si sirẹyi ami yi. Maa si ẹshẹ ami tẹtẹ, di ma zẹ zụ si ọ varama. ¹⁸Ọzi nyi ọza ọna vaa zụ di ẹshẹ ami fụrẹ mi ụvọ, ama ma si ẹshẹ ami tẹtẹ. Maa nyi ụmọ ọ si si ẹshẹ ami tẹtẹ, ọnri dim zẹ nyi ụmọ ọ si siọ varama. Ada mi ọ si ụmọ ọnọni yi mi."¹⁹Di irẹyi ẹnẹni sụ ẹshankata inakaakana ani Ijuu nini. ²⁰Di ẹrụrụ anini ka, "Ọọ nyi ifẹ azeeshi, irẹsụ aani ọzi gụ. Si ụ wee baatọ tụ nini." ²¹Di azẹnẹsa ka, Irẹyi ẹnẹni ẹzi vi irẹyi ọza ọna nyi ifẹ azeeshi. Azeeshi wa va zụ sha ogụeyi iri?"Ọdọvidi ani Ijuu ẹẹ ji Ijesu rẹka²²Ẹfiavọ vi ẹfi ẹnẹ si rụpe ọtitamayi ọvi vara ireshi Oshomoshi ọnini Ijerụsanẹmụ. ²³Ụmẹ ọgụ ọni ẹfi ọnọ vi. Di Ijesu aa zụsẹ izi aa shi ajẹngwụ Isoromọni, inọvidi itẹmpụrụ. ²⁴Di ani Ijuu nini varakara a, dẹ fọ ọ ka, "Ishụ vene si ki ya yinị ọjiji ụ rẹka tụ kẹ? Aaviki ẹwụ ọnọ vi Ikristi ọnọ, kaa, yi yi ini eyigede."²⁵Di Ijesu tụoshi ka, "Maa kaa yụ wụ nini, ama wa zi dọ wụ nini. Ụkọrọ oshishozeyi ọni ma si irẹsha Ada mi mẹ, ẹẹ divenụ irẹyi ami. ²⁶Tụavọ-tụavọ, wa zi dọ wụ fụvọki ụ wa zi vi atẹmẹ ami nini.²⁷Atẹmẹ ami vana wụ ọngwẹ ami, dẹ ẹ vatụra ami. Maa yẹ wa. ²⁸Maa si ẹshẹ poro-pooro yụ wa. Ẹikụ ee sụ ọnri ọzọnyọnyi ọizụ aa dọ wa fụrẹ mi ụvọ.²⁹Ada mi ana kụ wa yi mi ọọ bani fụni aza bo. Ọzi nyi ẹzẹna va zụ dọ wa fi ini ụvọ Adaa. ³⁰"Ẹmi ọnri Adaa vi ọnya." ³¹Di ani Ijuu ẹnẹ kụ irẹta ka, ene ve nee irẹta.³²Di Ijesu tụoshi ka, "Maa mụkọrọ ozoza-ozoza, ọni Ada mi si yi mi ki ma mẹ ini eyi awụ nini. Yere ọnya ini ụkọrọ ẹnẹ ọnụ fụvọ aani, ee ve ne mi rẹ̣ta nini"? ³³Di ani Ijuu ẹnẹ tụoshi ka, "Ye zi ne wụ rẹta fụvi ụkọrọ ozoza ọnyọnyi, ama fụvi irẹyi ofoto ọnụ ka. Ẹwụ ọza kẹnẹ kẹnẹ aa si ẹngwụ awụ mọrọ Oshomoshi."³⁴Di Ijesu fọ wa ka, "Azẹ zi chẹrẹẹ tụ ini iwe ofi awụ nini ka, "Ori onụ vi nini?"³⁵Aavika ọọ shi ẹnẹni irẹyi Oshomoshi vetụ, Ọnri ka, (ọza ọizụa vara irẹyi iwe ọnini), ³⁶Ụ wa vaa kaa nini ka, ẹmi ana Ada mi ni, dọ tụ mi vẹ ẹshẹ aa ka ofoto, 'fụvọki maa ka ki Ozi Oshomoshi ọni mi vi'?³⁷ A si ụ dọ mi wụ nini, aaviki aivi ụkọrọ Ada mi maa mẹ. ³⁸Ama, aavika maa mẹ wa, di isa ụkọrọ ẹnẹ ka yụ wụ inọpati ami, shi waa zi dọ irẹyi ami wụ, dụ wa zụ yẹ nini ka, Ada mi yi ininẹ ami, di ẹmi zẹ yi ininẹ aani." ³⁹Ee si ki ẹnẹ zẹ zaa, ama dọ tụ fụrẹ wa ụvọ.⁴⁰Di ọ zẹ varama ni akajinẹ̣ Ijọdani, izi Ijọọnụ bidi yaa mi isami yi aza, dọ naa yizọ. ⁴¹Di aza ẹrụrụ zẹ vetụo, dẹ ka, "Inirẹiza, Ijọọnụ ọzi mụkọrọ oshishozeyi, ama isa ọnọ ka inọpati ọzọnọni bo vi irẹiza". ⁴²Di aza, ẹrụrụ dọ ọ wụ izọ.

Chapter 11Inazarọsi me sụ irẹkụra Ibẹtani

¹Ọ ọnyi ọzenyi anaa shi Inazarọsi di ẹngwụ aa ziọ, ani irẹkụra Ibẹtani ọnọ vi, irẹkụra Imeri ọnri ọọnyara aani ọnyẹnẹ ana shi Imata. ²Imeri ana si eturari mụna ngwụ Ananyiyi, dọ si ẹyi-rẹsụ aani nyee afụ Ijesu, ọni ẹngwụ aa zi ọọnyara ani Inazarọsi.³Di ẹnyara anyẹnẹẹ ẹnẹ tụshi Ijesu ka, "Ananyiyi, ree, ẹngwụ aa zi ọzọnụ sirẹyi aani." ⁴Ijesu mẹ wụ itụ ọnọ, dọ ka, "Ẹngwụọzi ọnọni ọzi vi ọi sụ, ama aa vaa si ụga Oshomoshi zụ, da zẹ zirẹngwụ aani si Ozi Oshomoshi tụẹba."⁵ Ijesu o sirẹyi Imata, shi ọọnyara aani ọnyẹnẹẹ, ọnri Inazarọsi. ⁶Ijesu mẹ va wụ ka ẹngwụ aa zi Inazarọsi, dọ mẹ ẹkụshi ẹẹva tụọ izẹnọ ya. ⁷Ụmonotụ, dọ kaa yi eziafụ aani ka, "Wa vẹ ya varama ni Ijụdiya nini."⁸Di eziafụ aani ẹẹ kaa yọ ka, "Irabayi, ọmẹyani ani Ijuu nini e si ka ene ne wụ irẹta. Ụ zaa varama ni izọ?" ⁹Di Ijesu tụoshi ka, "Aivi wakati ẹwụrẹva ọnọ vi ẹtofei ini irẹkụshi? Ọza a zụsẹ ini ọọdu, ọ zaa ji gege, fụvọka ẹtofei ẹshẹ ono si re ẹtẹ."¹⁰Ọmẹrayiya, ọọ zụsẹ inaafụ, ọ vaa ji gege fụvọka ẹtofei ọzi yi ininẹ aani. ¹¹Ụmọnọ karẹyi ẹnẹni da, dọ kaa yụ wa ka, "Ọtayi Inazarọsi aa sụara, ama, maa na, ma na sha a fini ara."¹²Di eziafụ aani ka, "Ananyiyi, aaviki ọ sụara, ọ vaa sha." ¹³Ijesu vana karẹyi inọpati isụ aani, ama de ro ka ara obooro ọnọ ka. ¹⁴Di Ijesu shụ wa ka, "Inazarọsi o sụ da."¹⁵Inẹ ami o shine, fụvọ awụ nini, ki ma zi yi izọ dụ nyi ọdọwụ nini. Waa vẹ ye ne tụo." ¹⁶Di Itọmọsi, anaa shi Ididimọsi, kaa yi eziafụ anavọ ka, "Waa vẹ nini, di ẹyi ri Ijesu o ne sụ vabẹ.Ijesu ọ sha ọza fini isu¹⁷Ijesu mẹ naa vẹ do ve tụ ki Inazarọsi ọọ si mẹ ẹkụshi ẹẹna ini irikụta, ¹⁸ Ibẹtani ọgụri Ijerụsanẹmụ, ọpati imairi ẹwụrẹshi ọnọvi. ¹⁹Ani Ijuu ẹrụrụ ẹẹ vẹ ki ene fufu Imata ọnri Imeri ini ọnyara anini ene sụ. ²⁰Imata mẹ wụ ki Ijesu aa vẹ, do ne tụo, ama Imeri vana yatu tụ neshi.²¹Di Imata kaa yi Ijesu ka, "Ananyiyi, ọọnyara ami o zi yeen sụ, wạ yaan yi izọni. ²²Tụavọ-tụavọ, maa yẹ ka isatụrisa ọni ụ ree fisụe fini ụvọ Oshomoshi, ọ va mẹẹ yi wụ." ²³Di Ijesu ka yọ ka, "Ọọnyara awụ vaa sha kwẹtẹ."²⁴Di Imata tụoshi ka, "Ma yẹ ka ọ vaa sha kwẹtẹ ini ọkụshi ọshisha kwẹtẹ aza bo, ini ọkụshi kọọta." ²⁵Di Ijesu kaa yọ ka, "Ẹ maa vi ọshisha ọnri ifẹ; ẹzẹna raa dọ mi wụ, sho sụ, ọ va mẹshẹ. ²⁶ Ẹzẹna raa yi inẹshẹ, dọ dọ mi wụ, ọ zi nyi ọ mẹ ve sụ. Ụ wa dọ ọnọni wụ."²⁷Do tụoshi ka, "Ee, Ananyiyi, maa dọọ wụ ka ẹwụ a vi Ikristi ọnọ, Ozi Oshomoshi, anaa vi inẹshẹ. ²⁸Ọ mẹ si ọnọni ka, dọ shi Imeri tụni oboka, dọ ka, "Ọzuọzisa yi izọni, ọọ shụ wụ." ²⁹Ọ mẹ wụ, dọ sẹ kwẹtẹ ne tụo.³⁰Ẹfiavọ, Ijesu vana yi yi izi Imata ne tụo, ọi ngwi ngwụ izẹni irẹkụra ya. ³¹Ụmọni ani Ijuu nini, enee fufuo inẹ ineshi re ka ọọ si kwẹtẹ a jinẹ, dẹ vatụra. De ro ko o nee sụne ini irikụta aani. ³²Ụmọni Imeri ve tu izi Ijesu ya, do ree, dọ va kuẹtẹ ini afụ aani, dọ ka, "Ananyiyi waa yaan yi izọni, ọọnyara ami o zi yeen sụ."³³Ijesu me re ka oo sụne, di ani Ijuu ana vatụra dẹni ze sune, di irẹyi ọnọ kani Ijesu kokoro, dẹngwụ aani vashi ini ifẹ. ³⁴Dọ ka, "Izu ụ tụọ sụ tẹtẹ tụ nin kẹ." Dẹ tụoshi ka Ananyiyi ve ree." ³⁵Ijesu o sune.³⁶Di ani Ijuu ẹnẹ ka, "Avụ re ọ mẹmẹ sirẹyi Inazarọsi!" ³⁷Di azẹnyi ina anini ka, "Ẹzẹna zụ sha ogụri iri, wa rai zụ raa mi mẹ ki asi ọzọnọni su?"Inazarọsi ọ sha fini isụ³⁸Di irẹyi ọnọni zẹ kani Ijesu ọtụtụrụma, dọ ni ini irikụta aani. Irikụta ọnọ vana yini ụtafa, da vi irẹta kụo. ³⁹ Di Ijesu kaa yu wa ka, "Chemi irẹta ọnọ fi noze nini." Di Imata, ọnyara Inazarọsi ene sụ ka, "Ananyiyi, oku ọnọ ọ sii vẹrẹ aa vụ. Ọọ gụ ẹkụshi ẹẹna ọnọ fụrẹ sụ." ⁴⁰Di Ijesu fọ ọ ka, "Mazi kaa yi wụ ki, ụ vee re ụga Oshomoshi waa dọ mi wụ."⁴¹De chima irẹta ọnọ fi noze. Ijesu ọọ kụreyi tụẹba, dọ ka, "Adaa, ma kụ ụ avọ fụvọka ụụ bematọ. ⁴²Maa bidi yẹ ki ụụ bematọ inẹfi bo, ama, fụvọ aza ọkọni ana varakara mi, ọni ma si ka a, doti ẹ dọ wụ ka ẹwa tụ mi.⁴³Ọ mẹ maan ka da, dọ nowụ tụẹẹba ka, "Inazarọsi, jinẹ ve!" ⁴⁴Di ezene sụ ọnọ jinẹ vẹ. Afụ ọnri avọ aani vana si ita sụụ, da si ita sụụ eyi aani, Di ijesu kaa yụ wa ka, "Ngwara a nini, dọ ọ na."Ani Ijuu ẹẹ shọma Ijesu(Imt. 26:1-5; Imk. 14:1-2; Irk. 22:1-2)⁴⁵Inaani, ani Ijuu ẹrụrụ ana vi idi Imeri, ee ri isi Ijesu aa mẹ, dẹ dọ wụ. ⁴⁶Di azẹnyi fi izọ na kaa yi Ifarisi nini, isa ọni Ijesu aa mẹ.⁴⁷Di arụfa ọbani ọnri Ifarisi nini pere ẹngwụ gụ, dẹ ka,"Si vaa mẹ kẹ? Ọzọnọni ana mụkọrọ oshishozeyi ẹrụrụ ẹnẹni. ⁴⁸Yaa maan va ni aavọ, aza bo va dọ ọ wu; ẹfiavọ di ani Iromụ nini va dọ yi ẹtẹ ọnri irẹkụravabẹ ayi."⁴⁹Di ọzẹnyi ana shi Ikayafasi ana vi ọdọvidi arụfa ọbani ini irayi ọnọ, kaa yi wa ka, "Ọzi nyi isa ọnụ yẹ nini. ⁵⁰We zi roo nini ka ọza ọnya re sụ yi aza bo, ọ mẹ funi ki irekụravabẹ bo vụri."⁵¹Aziviki ọni ono ro o dọ maan ka, ama ọọ kisẹ ki Ijesu o sụ yi irẹkụravabẹ bo, fụvọka, ọnọvi arụfa ọbani ana yi ineshi Oshomoshi irayi ọnọ. ⁵²Aizẹ vi vi irẹyi irẹkụravabẹ kẹnẹ, ama doti ẹ zụ pere ezi Oshomoshi ana gara shi irasha bo gu. ⁵³Fụrẹ ẹfiavọ, dẹ kụ aa shọma ẹmẹmẹ vaa wụ ijesu.⁵⁴Fụvavọ, Ijesu ọikụ zụsẹ inakaakana aza ini eyi-vovo. Ọọ fi izọ, dọ ni irẹkụra anaa shi Efiremụ ini ẹtẹ ana gụri ụnọmi, di ọnri eziafụ aani na yi izọ. ⁵⁵Ụpe Ọpiparafụ ani Ijuu nini oo vee tụ, di aza ẹrụrụ fi irẹkụra ọna varakara shirẹ ni Ijerụsanẹmụ ka, ẹnẹ na mẹ ido ọmimẹ ẹngwụ nii, di ishọ o ve tụ.⁵⁶De e si Ijesu ini itẹmpụrụ, dẹ ẹ fọ ẹngwụ ka, "Ụ we ro ka, ọ zaa vẹ ini ụpe ọnọni. ⁵⁷Oshirẹsụ arụfa nini ọnri Ifarisi nini ẹẹ sụmọ kaa da ka, ọọ nyi ẹzẹna yẹ izi Ijesu ya, ọ ka a, doti a zụ na za a.

Chapter 12Imeri ọ si ụbani yi Ijesu(Imt. 26:6-13; Imk. 14:3-9)

¹Ọ mẹ si vọ ẹkụshi ishinọnyi di upe ọpiparafụ oo tu, di Ijesu vẹ Ibẹtani izi Inazarọsi ọni Ijesu sha fini isu ya. ²Da mi isari yi Ijesu izọ. Imata aa ga isari, di Inazarọsi bẹ tụni ẹnẹna yatụ, ee pe Ijesu ri isari. ³Di Imeri si ipanava etụrari ọkatarishi ọnya, dọ vaa shi Ijesu afụ, dọ va si ẹyi-rẹsụ aani e nyee Ijesu afụ. Di agu ọiza etụrari ọnọ shi ireshi bo.⁴Di Ijụdasi Isikariyọti, ọnya ini eziafụ aani ana vaa si Ijesu chire wa ụvọ ka, ⁵"Sẹnẹvẹ da razi na etụrari ọnọni ọpati ampo ẹẹta, da yaan si ọ yi oniriwa nini?" ⁶Ijụdasi vana maan ka kẹnẹ, ọzi viki o sirẹyi oniriwa nin, fụvọ dọ zụ roze yi fini ẹkẹshi ọnọ, fụvọki oyi ọnọ vi, di ampo ẹkẹshi zẹ yini uvo aani, doo yi ẹkẹshi fi inaani.⁷ Di Ijesu tụoshi ka, "Navọ doti ọ mẹẹ tẹ ọkụshi ene ve sii ne mi. ⁸Oniriwa nini vana yini akaakana awụ nini ẹfi bo. Ama, ẹma zaa yini akaakana awụ nini ẹfi bo.̣"Iju nin ẹ shọma ka wụ Inazarọsi(Imt. 21:1-11; Imk. 11:1-11; Irk. 19:28-40)⁹Iju ẹrụrụ ẹẹ wụ ka Ijesu yi izọ, dẹ vẹ ka ene ve zi ijesu ọnri Inazarọsi ọnọ sha fi ini isu. ¹⁰Di arụfa ọbani ẹnẹ geyi ka ẹnẹ zẹ wụ Inazarọsi nyẹmbẹ; ¹¹fụvọki, fụvọ Inazarọsi ọni ani Ijuu ẹrụrụ si varama fi ida anini na vatụra Ijesu.Aa si ụbani yi Ijesu, ọ maa va ngwụ Ijerụsanẹmụ¹²Ini ẹyinẹshẹ aani, di azọkọni vẹ ini upe ọnọ. Ẹfi ẹnẹ wụ ki Ijesu aa vẹ Ijerụsanẹmụ. ¹³dẹ ji avi ụda na gẹrẹ ẹ, dẹẹ̣ ka, "Hosanna! Ẹdabẹrẹ ọnọvi yi ẹzẹna vẹ ini iresha Ananyiyi, ana vi Oshinọyi Isrẹni."¹⁴Ijesu o re ozi Ikẹtẹkẹtẹ ọnyi, dọ shirẹ ẹ, vene a mẹ chẹrẹ ẹ tẹtẹ ini iwe ọnini ka, ¹⁵"A sụ shangwa, ẹwụ ozi ọnyẹnẹ Izayọni. Ree, Oshinọyi awụ nini, ọọ shirẹ ozi ikẹtẹkẹtẹ aa vẹ."¹⁶Isẹnẹni o zi yee eziafụ aani oshẹtẹ; ama ụmẹ asi Ijesu tụẹba da, dẹ vaa tamayi isa chẹrẹ tẹtẹ inọpati aani, ọnri isa aza mẹ shi o.¹⁷Di azọkọni ẹnẹ divenụ ka, ẹni yi izọ ọmẹ shi Inazarọsi fini irikụta, dọ sha a fini isụ. ¹⁸Fụvọ irẹyi ọnọni ọni azẹrụrụ ọsa nini si jinẹ na gẹrẹ Ijesu, fụvọka ẹ wụ ka ọ mẹ ụkọrọ oshishozeyi ẹnẹni. ¹⁹Di Ifarisi ka yi ẹngwụ anini kaa, "Re, ọzi nyi isẹnụ va zụụ mẹ nini. Ẹwụ nin o re ki ẹshẹ bo ọ vatụraa da."Igiriki nin e si Ijesu vẹ(Imt. 16:24-25; Imk. 8:34; Irk. 9:23-24)²⁰Ọ ọnyi ani Igiriki ẹnyi anaa shirẹ naa mẹ irafẹkẹ ini upe ọnọ. ²¹Di azẹnẹni netu Ifiripi ana fụrẹ Ibẹtẹsayida, irẹkụra Iganini vẹ, dẹ ka, "Adamị, yee si ki ye re Ijesu. ²²Di Ifiripi na kaa yi Andụrụ, dẹ gẹzi na kaa yi Ijesu.²³Di Ijesu ka yụ wa ka, "Ẹfi o tụ ana vaa si sụga yi Ozi Ọza. ²⁴Inirẹiza, inirẹiza, ma ka yụ wụ nini, ka ifinẹ aku raa zi javọ ngwụ inẹtẹ, do sụ, ma kaa dọ vọọ ya yi ẹngwụ aani; ama aaviki o sụ, dọ varama chi, dọ va nyi ẹtụtụ ọrụrụ.²⁵Ẹzẹne ree si irẹyi ẹshẹ aani vee vụ o; ama ẹnẹna raa zi mẹ ọni ẹchẹngwụ si inẹshẹ ọnọni, vaa si ẹshẹ aani tẹ poro-pooro. ²⁶Aaviki ọnyi ẹzẹnaa fẹkẹ mi, ọ vatụra mi; ka izim raa ya, ọni ẹnẹna fẹkẹ mi zẹ va yii ya. Adaa vaa si ụbani yi ẹzẹna raa fẹkẹ mi.Ijesu ọ karẹyi inọpati isu aani²⁷Ọmẹyani, ọtụtụrụma ami oo du. Si mvaa ka? Mmi vaa ka ki 'Adaa, dọ mi tụ fini ẹfi ọnọni?' Eeye, fụvọka isim fụvọ aani vẹ ẹshẹ yi. ²⁸"Adaa, sụga yi irẹsha awu." Inaani di ọngwẹ ọnya fụrẹ ẹbẹẹba vẹ ka, "Maa vidi sụga yi irẹsha ami da, mi ze ve teni mẹ ẹ. ²⁹Di azọkọni ana dinẹ wụ ọngwe ọnaa karutu. Di azẹnyi ka, "Angẹni ọọ karẹyi yọ."³⁰Di Ijesu voshi ka,"Ọngwẹ ọnọni ọzi vẹ fụvọ ami, ama, fụvọ awụ nini. ³¹Ẹfi ishọji ẹshẹ ọnọni oo tu da Ọmẹyani: e vee ne oshinọyi ẹshẹ ọnọni jinẹ.³²Ụmẹ a raa si mi tụẹẹba fi nẹshẹ da, mi vee tụra aza bo pe ẹngwụ ami." ³³Irẹyi ọnọni vọnọ ka, doti aa siọ zụ ẹngwụ isụ ono vee su.Iju nin ẹ zi dọ Ijesu wụ³⁴Di azọkọni ẹnẹ tụoshi ka, "Yaa wụ fi ini iwe ofi ka Ikristi ọnọ vana vaa ya poro-pooro. Ụ mẹ va sii kaa ki, 'A vaa si Ozi Ọza tụẹba?' "Ẹnẹ vi Ozi Ọza ọnọ?" ³⁵Di Ijesu kaa yụ wa ka, "Ẹtofei va yi inaani pe wụ nini ini ẹfi che. Waa zusẹ ini ẹfi ọni ẹtofei yi yi inaani, doti a si nangwụ ini oozi. Ẹzẹna zụsẹ ini oozi ọ ma yẹ izọnọ. ³⁶Di ẹtofei ọnọ wụ nini, ọ mẹ yi ya pe wụ nini, dụ wa zụ vi ozi ẹtofei nini." Ijesu mẹ karẹyi ẹnẹni da, dọ fizọ, do ne vụ tẹ.³⁷Shọmẹ daka viki Ijesu ọ mụkọrọ oshishozeyi ọrụrụ inọvidi anini, ọzi nyi umọni ẹ si dọọ wụ, ³⁸doti irẹyi ọni Aizaya ọkisẹ ka, ọ zụ gẹ ka: "Ananyiyi, ẹnẹ dọ irẹyi wụ kẹ. Ẹnụ si ụvọ ụkata Ananyiyi zụ kẹ?"³⁹Fụvọ irẹyi ọnọni, ẹizụ dọọ wụ, fụvọka Aizaya ọọ zẹ ki ka kaa, ⁴⁰"Oo gụ wa eyi da, dọ zẹ mẹ ka ẹ nyi ọtụtụrụma ọkata, ọzivavọ, e ve zụụ retẹ, dẹ vana nyi ọyiyẹ, de rinẹ varama, dim dọ wa tu."⁴¹Aizaya ọ karẹyi ẹnẹni fụvọka, oo re ụga Ijesu, dọ karẹyi aani. ⁴²Tụavọ-tụavọ, ọdọvidi Ijụụ nini ọrụrụ ẹ dọ Ijesu wụ, ama fụvọki ee shangwa Ifarisi nini, ẹ zi siọ zụ, doti asẹ ne gụ wa, ki asẹ kụ vini Isinagọgụ. ⁴³E sirẹyi ki ẹnẹ dọ ụga fini ụvọ aza, fụna ka ẹnẹ dọ ụga fini ụvọ Oshomoshi.Ma zi vẹ va mẹ ishọji ⁴⁴Di Ijesu nowụ tụẹshẹ ka, "Ẹzẹna raa dọ mi wụ vana zẹ di dọ ẹzẹna tụ mi wụ, aivi ẹmi renya ọni dọ wụ." ⁴⁵Ezene ree mi, oo ze rire ẹzẹna tụ mi vẹ.⁴⁶Maa vẹ inẹshẹ vene ẹtofei ka, ọzatụrọza ana raa dọ mi wụ, ọ zaa yini oozi. ⁴⁷Ọzi vi ẹmi ọnọ vaa ji ivi yi ẹzẹna raa zi wụ irẹyi ami, dọ razi vatụraa. Maa vẹ ki ma va dọ anẹshẹ tụ, ma zi vẹ va mishọji yi anẹshẹ.⁴⁸Ọ ọnyi ẹzẹna vaa mi ishọji yi ezene yi mi tẹtẹ, dọ raa zi dọ irẹyi ami wụ. Irẹyi ọnim ka ọnọ vaa mi ishọji yọ ini ọkụshi kọọta. ⁴⁹Ma zi karẹyi ẹngwụ ami. Ada ami ana tụ mi ọnọ si irẹyi ọni mva kaa yi mi ọnri mmẹ mẹ vaa ka a.⁵⁰Maa yẹ ka irẹyi Oshomoshi vi ẹshẹ poro-pooro, irẹyi ọni ma ka yi, vene Ada mi mẹ karẹyi yi mi, avọ mmẹ za ki kaa."

Chapter 13Ijesu ọ nyina afụ eziafụ aani(Irk. 22:24-28)

¹Dọ tangwa va nyi ka vaa ri Ụpe Ọpiparafụ. Ijesu ọ yẹ kẹfi o tụ da ọnọni va fụrẹ ẹshẹ ụvo varama ni idi Adaa. Oo sirẹyi ẹnẹna vi ayi aani ana yi inẹshẹ. Do sirẹyi anini ne tu ẹtẹ, ²Ụmavọ, eshụ ọ ngwụ Ijụdasi ọtụtụrụma ana shi Isikariyọti, ozi Isaimọ̣ni kọ si Ijesu chire wa ụvọ.³Ijesu ọọ yẹ ka Ada aani, ọ kụ isa bo chire ọni ụvọ da, dọ zẹ yi yẹ ka idi Oshomoshi ọnọni fụre, ọni za vi varama ni idi Oshomo-shi, ⁴ Di Ijesu kwẹtẹ fini isari, dọ tụ aụrụ ono chire tụra, do si vi ọtụnẹ aụrụ. Dọ si itawẹẹni kara ọtẹ. ⁵Do kenyi tụni ipaanụ, dọ vẹrẹ aa nyina eziafụ aani afụ, dọ si itawẹẹni ọṇo si kara ọtẹ aavọ ee nyee wa ụfụ.⁶ Ome tụ idi Isaimọni Ipita, di Ipita fọ ọ ka, "Ananyiyi, Ụ wa vaa nyina afụ ami?" ⁷Di Ijesu tụoshi ka, "Isi maa mẹ, o zee ye wụ ọmẹyani, ama o ve ye ụmoree tụ." ⁸Di Ipita ka, "Wa zaa nyina afụ ami." Di Ijesu kaa yọ ka, "Maa zi nyina afụ awụ, ọzi nyi isẹm ri ẹwụ kụ nyi vabẹ." ⁹Di Isaimọni Ipita kaa yọ ka, "Ananyiyi, aivi afụ ami kẹnẹ ọnu vaa nyina, ama ụ vaa zẹ nyi nyina avọ shi irẹsụ amị."¹⁰Di Ijesu kaa yọ ka, "Ọza a fụ enyi da, ọikụ zẹ nyi ka ọ varama na fụ enyi, ọchishi ka ọ nyina afụ aani kẹnẹ. Ẹngwụ aani ọ ni da. Waa nii nin da, ama aivi ẹwụ nini bo." ¹¹(Ijesu ọọ yẹ ẹzẹna vaa si ọni chire ọnivinin ụvọ. Fụvavọ ọnọ si ka ki, "Aivi ẹwụ nini bo ọnọni.")¹²Ijesu mẹ nyina wa afụ da, do chire aụrụ aani varama da, ọọ yatu, dọ fọ wa ka, "Ụwa yẹ isi ma mẹ yụ wu nini? ¹³Waa shi mi 'Ọzụọzisa' ọnri 'Ananyiyi' irẹiza ̣ọnụ ka nini, isi mi vi vọnọọ. ¹⁴Ọọ va vi ka, ẹmi Ananyiyi ọnri ọzụọzisa ọọ nyina ụfụ awu nini, ọ vọrọ ka ẹwụ nini ọ zẹẹ nyina ẹngwụ afụ. ¹⁵Maa mẹ ọsisi zu wụ nini, fụvọ dẹ ẹwụ nini ọ zẹẹ mẹ veni mmẹ mẹ yụ wụ nini.¹⁶Ini rẹiza, maa kaa yụ wụ nini ka, ozida ọzi bani fụni oshi aani, ọnitu ọzi fụna ẹzẹna tụọ itụ. ¹⁷Waa yẹ isẹnẹni, ọdabẹrẹ ọnọ vaa vi yụ wụ, waa mẹẹ nini. ¹⁸ Aivi ẹwụ nini bo maa karẹyi aani. Maa yẹ ẹnẹ ọnim ni da, ama isi aa chẹrẹ tụni iwe ọnini doti ọ zụ ge: 'Ẹzẹna ri isari ami, oo vareyi irazi kami, dọọ bafu ami.'¹⁹Maa karẹyi ọnọni tụọvidi yụ wụ nini, doti ọ tangwa va mẹ, ụmọ ra mẹẹ da, dụ wa zu dọ wụ ka, 'ẸMI YỌ. ²⁰Irẹiza ma kaa yụ wụ nini ka, ẹzẹna raa dọ ọzatụrọza ọnim raa tụ, ọzọnọ ọ zẹ di dọ mi. "Ẹzẹna raa zẹ va dọ mi, ọọ dọ ẹzẹna tụ mi."Ijesu ọ ka aa vaa si ọni chire ọnivi nin ụvọ(Imt. 26:20-25; Imk.14:17-21; Irk.22:21-23)²¹Ijesu mẹ si irẹyi ọnọni ka, di ọtụtụrụma aani ee sheni, dọ ka, "Irẹiza ọ vi ka ozenya awu nini vaa si mi chire ọnivi ụvọ." ²²Di eziafụ aani vareyi nee re ẹngwụ, de e roo ka, ẹni ọọ karẹyi aani kẹ.²³Ọnya ini eziafụ aani, ọni Ijesu sirẹyi aani kokoro, ọọ yatu gụrẹ ini itevụrụ isari. ²⁴Di Isaimọni Ipita si ụvọ karẹyi yọ ka, "fọ kaa, ẹnọ karẹyi aanị.̣" ²⁵Di oziafụ ọnọ sẹngwụ va zirẹ Ijesu, dọ fọ ọ ka, Ananyiyi, ẹnọ vi kẹ?"²⁶Di Ijesu ka, Ọza ọnim raa ji ivụrẹdi ngwụ enyi, dim si ọ yi, ọnọ vi ọza ọnọ." Umọnọ ji ivụrẹdi ngwụ enyi da, dọ si ọ yi Ijụdasi ozi Isaimọni ọnaa shi Isikariyọ̣ti. ²⁷Ẹ mẹ ri isari ta da, di azeeshi ngwụọ inẹ. Di Ijesu kaa yi Ijụdasi ka, "Jantu mẹ isẹnụ raa va mẹ."²⁸Ọ zi nyi ẹzẹna yẹ isọ maan si ka yọ ini ẹnẹna yi ini itevụrụ pee, ²⁹di azẹnyi ro ka Ijesu vana kaa yọ ka, "na shi isọ ana vọrọ ka shi fụvọ ụpe-ọpiparafụ, navẹki, ọ si isa na yi oniriwa nini, fụvọka ọni ọnọ za ampo ẹkẹshi. ³⁰Ijụdasi mẹ di ivụrẹdi ọnọ da, dọ jantụ jinẹ ụmụmọ. Ọ umavọ irafụ o si tụ.Ijesu ọ si irẹzẹ ọwọọwa shiẹtẹ ³¹Ijụdasi mẹ na da, di Ijesu ka, "Ẹfi ootụ ka asi ụga yi Ozi Ọza, azẹ sụga yi Oshomoshi dụga ini ozi." ³²Oshomoshi vaa zirẹngwụ aani sụga yọ. Ọ va jantụ suga yọ. ³³Ẹwụ nini ezi ami, maa yi ya pe wụ nini ini ẹfi che. Ụ vee si mi nini vene mmẹ kaa yi ani Ijuu nini ka, 'Wai zụa vẹ izi maa nọ nini.' Avọ mmẹ zaa ki ka yụ wụ nini.³⁴Maa si ụmọ ọwọwa yụ wụ nini ka, we sirẹyi ẹngwụ nini. Sirẹyi ẹngwụ nini venebiri mmẹ sirẹyi awụ nini. ³⁵Wee sirẹyi ẹngwụ nini, ọzọọza vaa yẹ ka eziafụ ami ọnụ vi nini."Ijesu ọ kaa ka Ipita vee yi ka ọnọ zi yẹ ọni(Imt. 26:31-35; Imk. 14:27-41; Irk. 22:31-34)³⁶Di Isaimọni Ipita fọ ọ ka, "Izi ụ waa nọ, Ananyiyi?" Di Ijesu ka, "Wai zụ aa vatụra mi ni izi ma nọ ọmẹyani, ama, Ụ vaa vatụra mi vẹ umoretụ." ³⁷Di Ipita fọ ọ ka, "Ananyiyi, sẹnẹvẹ dim maizụa vatụra ụ ọmẹyani? "Mva si ẹshẹ ami tẹtẹ yụ wụ." ³⁸Di Ijesu tụoshi ka, "Ụ wa vaa si ẹshẹ awu tẹtẹ yi mi? "Maa ka yụ wụ ini irẹiza ka, ụkọkọrọ ọi si e nowụ, dụ wa va tangwa ka ki wa zi yẹ mi."

Chapter 14Ijesu ọnọ vi oze nangwụ idi Oshomoshi

¹"Asi ụ zẹ ka ọtụtụrụma awụ o sheni. Di Oshomoshi wụ, dụ wa zẹ di dọ mi wụ bẹrẹ. ²Ini ineeshi Ada mi, irẹngwụ erụrụ ọnọ yi naani. Ọọ zi yaan vi avọ, mi yaan kaa yụ wụ nini. ³Fụvọki mee ne teni irasha tẹtẹ yụ wụ da, mva varama vẹ vaa dọ wụ nin pẹngwụ, dọ vi ka, izi mi raa ya, ọni ẹwụ nini zẹ vaa ya.⁴Waa yoze nangwu izẹni maa nọ nini". ⁵Di Itọmọsi kaa yi Ijesu ka, "Ananyiyi, ya zi yẹ izẹni waa nọ, imẹmẹ vaa yẹ oze ọnọ". ⁶Di Ijesu kaa yọ ka, "Ẹma vi oze, dim vi irẹiza ọnri ẹshẹ; ọ zi nyi ẹzẹna ra vaa vị idi Adaa, ọọ zi vi zirẹngwụ ami. ⁷Waa yaan yẹ mi, ụ yaan zẹ yi yẹ Ada mi. Fụri ụmaani vaa na, waa yẹ ẹ nin, dụ ze ri ree nini da."⁸Di Ifinipi kaa yi Ijesu ka, "Ananyiyi, si Adaa zụ yi, ọnọ vaa fụyị." ⁹Di Ijesu tụ Ifinipi oshi ka, "Wa zi yi yẹ mi ini ẹfi ọnim fụrẹ ya pe wu nini? Ọzatụrọza ene ze ree mi, oo re Adaa da. Ụ mẹ zụ si ka ki, a si 'Adaa zụ yi ke?"¹⁰Wazi dọ wụ, ka mi yi inịnẹ Adaa, di Adaa yi ininẹ ami? Irẹyi ọni maa kaa yụ wụ nini, ọ zi fi ini aaro ami vẹ, ama Adaa ana ra ininẹ ami ọ naa mụkọrọ aani. ¹¹Dọ mi wụ, ka mi yi ininẹ Adaa, di Adaa yi inịnẹ ami, navẹki wa dọ mi wụ fụvọ ụkọrọ ẹnẹ nyẹmbẹ.¹²Irẹiza ma kaa yụ wụ nini, ẹzẹna raa dọ mi wụ, vaa mụkọrọ ọnim mẹ, di ọọ vana zẹ mẹ fụna avọọ, fụvọki maa ni idi Adaa. ¹³Isatụrisa ọ nu ree fisụe ini irẹsha ami nini mva mẹẹ, doti a zụ si ụga yi Adaa ini ozi aani. ¹⁴Wee fisụe isọnsọnyi ini irẹsha ami, mva mẹ ẹ.'Ijesu o woto Ofufu-Ọza yi eziafụ aani¹⁵Wee sirẹyi ami, ụ va vatụra ụụmọ ami. ¹⁶Mva tụozụrenụ shi Adaa ka, ọ tụ ofufu-ọza shi ụ nini, dọ ọ tụ ofụfụ-ọza ọsa ana vaa yaa pe wụ nini poro-pooro, ¹⁷Ifẹ ọi irẹiza. Ẹshẹ ọi zụa dọọ wụ fụvọka ẹ zi yẹ, ọi ze ri ree. Ama ẹwụ nini ọọ yẹ ẹ fụvọka ọ ra pe wụ nini, ọnri ka ọ vaa ininẹ awụ nini.'¹⁸Maa zaa navọ ụ nin renya. Mva varama vee tụụ nini. ¹⁹Ini ẹfi keere tụọ, anẹshẹ eikụ e re mi, ama ẹwụ nini ve rii re mi. Fụvọka mi yẹshẹ, ụ vaa me eshe nini. ²⁰Ini ishọnọ, ụ va yẹ ka mi yi ininẹ Adaa, di ẹwụ nin zẹ yi ininẹ ami, ọnri ki ẹmi yi ininẹ wụ.²¹Ẹzẹna yẹ ụmọ ami, dẹ vatụraa, ẹnẹ ̣vi azẹnẹ sirẹyi ami. "Ada mi vee sirẹyi ẹzẹne ree sirẹyi ami, di ẹmi nyẹmbẹ sirẹyi aani, dim sẹngwụ zụọ. ²²"Di Ijụdasi (ana ra zi vi Isikariyọti), dọ fi Ijesu ka, "Ananyiyi, sẹnẹvẹ dọvika ẹyi kẹnẹ ọnụ vaa sẹngwụ zụ, dụ raa zaa sẹngwụ zụ ẹshẹ bo?"²³Di Ijesu voshị, dọ kaa yọ ka, "Azẹne ree sirẹyi ami, vaa sụvọ zarẹyi ami. Ada mi vee sirẹyi aani, di ẹmi ri Ada mi gẹ vaa ra pee. ²⁴Azẹne ree zi sirẹyi ami, ọ zaa sụvọ zarẹyi ami. Irẹyi ọnu waa wụ nini, vana fidi Adaa ana tụ mi vẹ, aivi fini ụvọ ami.²⁵Maa bidi karẹyi ẹnẹni yụ wụ mmẹ ya pe wụ nini. ²⁶Fụvavọ, ofụfụ-ọza ọnọọ, ana vi Ifẹ Ọnini ọni Adaa vaa tụ vẹ ini irẹsha ami vaa zụụ nini isa bo, dọ zẹ tama wụ ayi nin, isa ọnim bidi ka yụ wụ nini. ²⁷Maa si ẹngwọrọ yụ wụ nini. Ẹngwọrọ ami ọnim si yụ wụ nini. Ọ zi vi ẹshẹ mẹ siọ yi ọza ọnim siọ yụ wụ nini. Asi ụ navọ ka ọtụtụrụ-ma awụ nini o sheni. Asi angwa zẹ shụ ụ nini.²⁸Waa wụ ki ma kaa yụ wụ nini ka, 'Maa na, dim za vi varama ve tụ ụ nini.' Wee sirẹyi ami ụ yaan jụjẹ nini, fụvọki maa ni idi Adaa, Adaa ọna bani fụna ami. ²⁹Ọmẹyani ma kaa yụ wu ̣nin da, doti ọ tangwa va mẹ fụvọ du wa zụ nyi ọdọwụ ụmọnọ raa si mẹ.³⁰Maizụ kụe pe wụ nini karẹ̣yi, fụvọka oshinọyi ẹshẹ ọnọni ọọ vẹ. Ọ zi nyi ụkata tụra mi. Ama fụvọ doti ẹshẹ ọ yẹ ka mee sirẹyi Adaa, ³¹ụmọ ọni Adaa si yi mi ọni maa mẹ. Waa vẹ di yaa fi izọni nini."

Chapter 15Ijesu ọ vi ọchi Ivaini Oboro

¹"Ẹma vi ọchi ivaini obooro, di Ada mi vi osieyi-pe ụbazi. ²Avọ-ọchi ana raa zi tụ ẹtụtụ bo ini ẹngwụ ami, vana vaa daa neta, de teni avọ-ọchi anaa raa tụ ẹtụtụ, ka o teni tụ ẹtụtụ tụọ.³Waa nii nini da, fụvi irẹyi ọnim ka yụ wụ. ⁴Yi ininẹ ami, dẹ ma zẹ yi ininẹ awụ nini. Venebiri avọ-ọchi mẹ ṛai zụa tu ẹtụtụ yi ẹngwụ aani aa daa fini ọchi, avọọ u mẹ rại zụa tụ ẹtụtụ wa zi yi ininẹ ami nini.⁵Ẹma vi ọchi ivaini, dụ vi avọ-ọchi nin. Ẹzẹna raa yi ininẹ ami, dim yi ininẹ aani, ọnọ vaa tụ ẹtụtụ kokoro. Ọzi nyi isi ụ vaa zụ mẹ maa zi ya bẹrẹ ụ nini. ⁶Ọnyi ọza ana raa zi yi ininẹ ami, e vee neta, vene avọ-ọchi dọ wẹngwani, de pere wa, nee wa ngwu ini ira, dẹ rira vaa sha. ⁷Waa yi ininẹ ami, di irẹyi ami yi ininẹ awụ, fisụe isa ọnụ ree si, a vaa mẹ yụ wụ.⁸Ụga ọnọvi yi Ada mi, kụ waa tụ ẹtụtụ kokoro, dụ siọ zụ ka, eziafụ ami ọnụ vi nini. ⁹Mee sirẹyi awụ nini vene Ada mi me sirẹyi ami. Dinẹ tụ ni osisi ami nini.¹⁰Waa vatụra ụmọ ami, ụ vaa yini osisi ọnim nyi yụ wụ nini, vene mme vatura umo Ada mi, dim dinẹ tu ni osisi aani. ¹¹Maa karẹyi ẹnẹni yụ wụ, doti ụjẹ ami ọ yi ininẹ awụ, doti ụjẹ awụ o roze gụ.¹²Ọnọni ọọ vi ụmọ ami, kụ we sirẹyi ẹngwụ vene mmẹ mẹ sirẹyi awụ nini. ¹³Ọzi nyi ọza ana nyi osisi, ene fụni ọnọni ka, ọza ọ si ẹshẹ ẹngwu aani tẹtẹ yi ọta aani.¹⁴Ọta mi ọnụ vi, waa mi isa ọnim si ụmọ ka yụ wụ nini. ¹⁵Mẹikụ shụ wụ nin ozida, fụvọka ozida ọ ma yẹ isọga aani aa mẹ. Maa shụ wụ nini ọta mi, fụvọki isa bo ọnim wụ fidi Ada mi, ọnim kụ wa yẹ nin.¹⁶Aivi ẹwụ nini ọ nii mi, ama ẹmi a nii wụ nini, dụ wa zụ na tụ ẹtụtụ, di ẹtụtụ awụ ọ yi naani, ọ maan ya, fụvọki isatụrisa ọnụ ree fisụe fi inụvọ Adaa ini irẹsha mi, ọ vaa siọ yụ wụ nini. ¹⁷Ụmọ ọni mi si yụ wụ yi, ki, we sirẹyi ẹngwụ nini.Ijesu ka anẹshẹ va kụayi eziafụ nin¹⁸Ẹshẹ raa kụayi awụ nini, yẹ ka ẹẹ bidi kụayi ami dẹ tangwa va kụayi awụ nini. ¹⁹Wa yaan vi ayi ẹshẹ, ẹshẹ yaan sirẹyi awụ venebiri ayani. Ama fụvọki maa tụ wụ fi inẹshẹ dụ raikụ vi ayi ẹshẹ, ọni ẹshẹ aa sii kụayi awụ.²⁰Tamayi ki ma kaa yụ wụ nini ka: 'Ozida ọzi bani fụna ọga aani.' Ooviki ẹ bidi mụya ri mi, ẹzẹ va mi mụya rụ wụ. E ̣dọ irẹyi ami wụ, ẹ vaa dọ irẹyi awụ wụ. ²¹Ẹ vaa mẹ isa ẹnẹni bo shi wụ fụvi irẹsha ami, fụvọka, ẹ zi yẹ ẹzẹna tụ mi. ²²Ọọ yaan vi ki mazi vaa karẹyi yụ wa, ẹ zi yaan nyi ivi, ama ọmẹyani e ze ree kụ.²³Ọza ana raa kụayi ami, vana zẹ kị kụayi Ada mi. ²⁴Aaviki mazi yaan mi mụkọrọ ẹrụrụ ọnọvi ka ọzẹnẹsa ọ zi mimẹ inakaakana anini, ẹ zi yaan nyi aichama; ama ee re ụkọrọ ẹnẹẹ, tụavọ-tụavọ dẹ kụayi ami ọnri Ada mi. ²⁵Ama ọnọni vana mẹ ka, di irẹyi ana chẹrẹ ini ofi anini ọ sẹ, ẹẹ kụayi ami tụ ni osụsụ.²⁶Ụmọni ofufu-ọza ọnọ, ọni mva tụ shụ wụ fidi Adami ra vẹ; ana vi ifẹ irẹiza fidi Adaa, ọ vaa mi iveenụ inọpati ami. ²⁷Ẹwụ nini ọ zaa di divenụ ami, fuvọka waa ya pe mi nini fi ini ivẹrẹ

Chapter 16

¹"Maa karẹyi ẹnẹni yụ wụ fụvọ asụ na varama nini. ²E vee ne wụ nini jinẹ fini isinagọgụ. Ẹfi aa vẹ, dọvika, ẹni ana wụ ụ nin, de ro ka ẹna mụkọrọ yi Oshomoshi.³Ẹ vaa mẹ isa ẹnẹni fụvọka ẹ zi yẹ Adaa navẹki ẹmi. ⁴Maa karẹyi ẹnẹni tụọvidi yụ wụ, ẹfiavọ dụ wa zụ tamayi ki maa bidi ka a yụ wụ nini ụmẹ ree tụ. Ma zi karẹyi ẹnẹni yụ wụ fini ivẹrẹ, fụvọki maa ya pee wụ nini.Isa ọni Ofufu-Ọza vaa mẹ⁵Ama me nee tụ ẹzẹna tụ mi ọmẹyani, ọzi nyi ọza awụ nin ọnyọnyi ana fọ mi ka, 'Izi ụ waa nọ?' ⁶Ama fụvọki ma karẹyi ọnọni yụ wụ nini, di inẹ awụ nin sidụ. ⁷Ama inirẹiza ma ka yụ wụ ka, o vee zoza ki ma na. Fụvọki maa zi na, ofufu-ọza ọnọ ọ zaa vẹ, ama maa na, mva tụọ ọ shi ụ nini.⁸Ụmọni ofufu-ọza ọnọ raa vẹ, ọ vaa si aichama ẹshẹ zụ, shi irẹiza ọmimẹ ọnri ishọji: ⁹inọpati aichama, fụvọka ẹ zi dọ mi wụ; ¹⁰inọpati ọmimẹ anasẹrẹ, fụvọki maa ni idi Adaa, weikụ ee ree mi nini; ¹¹ọnri ka ini ishọji, fụvọki aa ji ivi yi oshinọyi ẹshẹ ọnọni da.¹²Maa nyi isa ẹrụrụ ọni mi yaan ka, ama o zee ye wụ nin ọmẹyani. ¹³Ama ụmọni Ifẹ anaa si irẹiza zụ ọnọ raa vẹ, ọ vaa zụ wụ nini naa ngwụ ini irẹiza bo. Ọ zaa darẹyi kaa yẹngwụani. Irẹyi ọnọ raa wụ, ọni ọ vaa kaa yụ wụ, dọ kaa yụ wụ nini isa ẹna vaa mẹ. ¹⁴Ọ vaa si ụga yi mi, fụvọka ọọ vaa si fini irẹyi ami, dọ kaa yụ wụ nini.Ijesu ọ si ẹngwụ zụ Imeri Imagdareni(Imt.28:9-10; Imk.16:9-11) ¹⁵Isa bo ọni Ada nyi vi ayami. Ọnọ mẹ ki ma kaa yụ wụ nin ka Ifẹ Ọnini vaa sii fiini isa ana vi ayami, dọọ kaa yụ wụ nini. ¹⁶Ini ẹfi keere, wei kue re mi nin; ọọ zẹ naa daa mẹ che, duu ze re mi nini."¹⁷Ụmavọ, di eziafụ aani ẹnyi aa fọ ẹngwụ ka, "Sẹnẹvi afụ irẹyi ọnọ ka yi kaa, 'Ini ẹfi chee, wei kụe re mi,onri oo ze ku cheẹ, ụ vee re mi nini,' ọnri ka, "fụvọki maa ni idi Adaa'?" ¹⁸Fụvavọ dẹ ka." Ọ mẹ kaa aani kẹ, ka inẹfi chee?" ya zi yẹ irẹyi ọnọ ka inọpati aani."¹⁹Ijesu oo re ka ee si ka ẹni vaa fọ ọni, dọ fọ ka, "Sụ waa fọ ẹngwụ tụ ka sẹnẹvi afụ irẹyi ọnim ka, oo ku chee wei kụe re mi nini. Oo ze ku chee ụ vee re mi nini." ²⁰Inireiza, inireiza, maa kaa yụ wụ nini ka, ụ vee sụ ne, dụ waa mụnayi nini, di anẹshẹ aa jẹ. Ọtụtụrụma awụ nini vee dụ, ama inẹ oodụ awụ vaa vara ụjẹ. ²¹Ọnyẹnẹ raa barẹyẹ, dọọ nyi inoodu fụvi ozi ọnọ vaa ma. Ama, o si ozi ọnọ ma tẹtẹ, di ayi shio, fụvi ụjẹ ọnọ vaa nyi ka, ono mozi da.²²Waa nyi inẹ oodụ ọmẹyani, mva varama re wụ, di ọtụtụrụma awụ nini oo shi yi ụjẹ ọni ọzọnyọnyi rai zụa dọ fini ụvọ awu nini. ²³Ini ọkụshi ishọnọ, wei kụa fọ mi ipẹpẹẹ ọnyọnyi. Irẹiza ma ka yụ wụ ka, waa si irẹsha ami fisụe isọnyọnyi fini ụvọ Adaa, ọ vaa siọ yụ wụ nini. ²⁴Vẹ vangwụ ụmaani, wei fi fisụe isọnyọnyi ini irẹsha ami. Fisụe, ụ vee ree dọ, dụ ụjẹ awụ oo shi nini.Ijesu ọọ fụrẹkụ ẹshẹ da ²⁵Maa si ụshioche karẹyi ẹnẹni yụ wụ nini, ama ẹfi aa vẹ, ọnim rai kụa sii ụshioche irẹyi karẹyi yụ wụ nini, dim kụa sha irẹyi sha kaa yụ wụ nini inọpati Adaa.²⁶Ini ọkụshi ọnọ, ụ vee fisụe ini irẹsha ami, ma zi kaa yụ wụ nini, kim vee bere wụ tụozụrenụ shi Adaa yụ wụ. ²⁷Adaa nyẹmbẹ oo sirẹyi awụ fụvọki wee sirẹyi ami, dụ dọ wụ ka idi Adaa ọnim fụrẹ vẹ. ²⁸Maa fi idi Adaa vi inẹshẹ. "Tụọvidi, ma fini inẹshẹ, dim zaa varama ni idi Adaa."²⁹Di eziafụ aani ka, "Ree, waa shafụ irẹyi sha yi yi ọmẹyani, wa zi ka ụshioche irẹyi. ³⁰Yaa yẹ ọmẹyani ki waa yẹ isa bo, ọikụ nyi ka ọza ọ fọ ụ ipẹẹpẹ. Fụvi ọnọni, yaa dọ wụ ka idi Oshomoshi ọnụ fụrẹ vẹ." ³¹Di Ijesu voshi ka, "Ụ wa vaa dọ wụ nini ọmẹyani."³²Ree, ẹfi aa vẹ, oo vene tụ da, dụ gara fụrẹ mi irama nini, di ọzọọza aa neeshi aani. Tụavọ-tụavọ, ma zi vi renya, fụvọka Adaa ọọ ya pee mi. ³³Maa karẹyi ẹnẹni yụ wụ, dụ wa zụ nyi ẹngwọrọ inẹ ami. Ụ vee re ẹkata-ẹngwụ ọnri ụyọọri inẹshẹ, ama sikamarenụ: maa fụrẹkụ ẹshẹ da.

Chapter 17Ijesu otụozụrenụ yi eziafụ aani

¹Ijesu mẹ karẹyi ẹnẹni da, dọ vi eyi shirẹ dọ ka, "Adaa, ẹfi ọnọ otụ, sụga yi Ozi awụ, di ozi awụ ọ zẹ sụga yụ wụ, ²venebiri ụmẹ si ụmọ yi ọ fụvi aza bo, di zụ si ẹshẹ poro-pooro yi ẹnẹnụ si chire e ụvọ.³Ọnọni ọ vi ẹshẹ poro-pooro ka, ẹ zụ yẹ ụ renya ana vi Oshomoshi ọnri Ijesu Ikristi ọnụ tụ. ⁴Maa si ụga yi wụ inẹshẹ. Maa mukọrọ ọnu si yi mi ki ma va mẹ bo da. ⁵Ọmẹyani, Adaa, si ụga u zu; ụga ọni ẹmi rẹwụ nyi da tangwa va mẹshẹ.⁶Maa si irẹsha awụ zụ aza ọnụ kụ yi mi inẹshẹ . Ayawu ẹnẹ vi, du kụ wa yi mi, ẹẹ sụvọ zarẹyi awụ. ⁷Ẹẹ yẹ ki isa bo ọnụ si yi mi vana fi idawụ vẹ; ⁸fụvọki maa karẹyi ọnụ si yi mi bo yụ wa da. Ẹẹ dọ mi wụ, dẹ yẹ ini irẹiza ka, idawụ ọnim fụrẹ vẹ, dẹ zẹ di dọ wụ ka ẹwụ aa tụ mi vẹ.⁹Maa tụozụrenụ yụ wa. Ẹni ọnu si yi mi, ama ma zi tụozụrenụ yi anẹshẹ bo, ama ẹnẹnụ si yi mi fụvọka ayawụ ẹnẹ vi. ¹⁰Isọni mi nyi bo vi ayawụ, di ayawụ vi ayami, dim zirẹngwụ anini nyi ụga. ¹¹Maikụ yi inẹshẹ, ama aza ẹnẹni yi inẹshẹ ọnri ki mee vee tụ wụ. Adaa Ọnini, daka kụ wa tẹ ini irẹsha awụ ọnụ si yi mi, dẹ zụ vi ọnya, ẹmi rẹwụ mẹ vi ọnya.¹²Mmẹ ya pee wa, ma kụ wa tẹ ini irẹsha awụ ọnụ si yi mi. Maa seyi pe wa. Ọ zi nyi ọzọnyọnyi anini ene vụ, ọzi vi ọza ovivụ ana bẹrẹ wa, doti irẹyi ana chẹrẹ tẹtẹ tụ ini iwe ọnini, ọ zụ sẹ. ¹³Maa vi ida wụ ọmẹyani, maa karẹyi ẹnẹni mmẹ ya pe wa inẹshẹ, fụvi di ma zụ si ụjẹ oshishi yụ wa. ¹⁴Maa karẹyi awụ yụ wa, di anẹshẹ̣ aa kụayi anini fụvọki ẹ zi vi ayi ẹshẹ vene mmẹ raa zi vi ayi ẹshẹ.¹⁵Mee zi fisụe ki wa kụ wa fụrẹ ẹshẹ, ama, dọ wa tụ fi inụvọ ọza ọshimi ọnọ. ¹⁶Ẹ zivi ayi ẹshẹ ọnọni, vene mmẹ ra zị vi ayi ẹshẹ. ¹⁷Si irẹiza awu shawa tụ, irẹyi awụ vi irẹiza.¹⁸Maa tụ wa ni nẹshẹ, vene u ̣mẹ tụ mi vi nẹshẹ. ¹⁹Fụvọ anini maa shẹngwụ ami tụ yụ wa, doti ẹ zu ̣shẹngwụ anini tụ ini rẹiza.²⁰Aivi ẹni kẹnẹ ọnim otụozụrenụ yi, ama shi ẹnẹna vaa zirẹngwụ anini dọ mi wụ, ²¹ki ẹnbo ọ vi ọnya, vene ẹwụ Adaa, mẹ yi ininẹ ami, di ẹmi zẹ yi ininẹ awu. Ma tụozụrenụ kẹ zụ yi ininẹ ayi doti anẹshẹ ẹ zụ dọ wụ kẹ waa tụ mi.²²Ụga ọnu si yi mi, ọni ẹmi zẹ si yụ wa, doti ẹ zụ vi ọnya vene imẹ vi ọnya. ²³Ẹmi yini ininẹ anini, dụ yi ininẹ ami, doti ẹ zụ vara ọnya bo, fụvọ di anẹshẹ ẹ yẹ ka, ẹ waa tu mi, ka mee sirẹyi anini vene ụmẹ sirẹyi ami.²⁴Adaa, mee si ka ẹnẹ ọnụ si yi mi, ẹ yi izi mi raa ya, dẹ ree ụ̣ga ami; ụga ọnụ si yi mi di tangwa va mẹshẹ, fụvọka wee sirẹyi ami.²⁵ Adaa ọni rẹiza, anẹshẹ ẹ zi yẹ wu, ama, ẹ maa yẹ wụ, di ẹnẹni yẹ ka ẹ wa tụ mi. ²⁶Maa mẹ kẹ yẹ irẹsha wụ. Avọọ mmẹ va mi mẹ tụọ kẹ yẹ wụ, fụvọ di osisi ọnụ nyi yi mi, ọ zụ yi ininẹ anini, ọnri ka di ma yi ininẹ anini."

Chapter 18Ashoja ẹẹ za Ijesu (Imt.26:47-56; Imk.14:43-50; Irk. 22:47-53)

¹Ijesu mẹ karẹyi ẹnẹni da, di ọnri eziafu aani jinẹ ni akẹnẹ osụsụụ Ikidirọni, dẹ ngwụ ụbazi ọnyi ana yi izọ na. ²Ijudasi ana si Ijesu chire ọnivi nini uvọ, ọọ yẹ izọ fụvọki Ijesu bidi ni izọ bẹri eziafụ aani. ³Di Ijudasi kụ ashoja ọnri ọga ashoja ẹnyi fidi arụfa ọbani ọnri Ifarisi ninị, dẹ kụ irakọpa ọnri itọọchi, shi enyarẹkụ, dẹ ni izọ.⁴Ijesu mẹ yẹ irẹyi ene vee tụ ọni. Dọ kava nọvidi ne tu wa, dọ fọ wa ka, "Ẹnụ wee si nini?" ⁵Dẹ voshi ka, "Ijesu ani Inazarẹti." Di Ijesu kaa yụ wa ka "Ẹmi yọọ," Ijudasi anaa va si ọ chire wa ụvọ ọ dinẹ pe wa.⁶Ijesu mẹ tụoshi kẹnẹ kaa, "Ẹmi yọ ọ," dẹ kava naama, dẹ sẹdụ nyẹtẹ. ⁷Dọ zẹ teni fọ wa ka, "Ẹnụ wee si nini kẹ?" Dẹ tụoshi ka, "Ijesu ani Inazarẹti."⁸Di Ijesu voshi ka, "Ma kaa yụ wụ nini ka ẹmi yi. Ọmẹvi ka ẹmi ọnụ wee si nini aavọ, navọ di aza ẹnẹni ẹẹ na. ⁹Ọnọni ọọ mẹ doti irẹyi ọnọ ka, ọ maa tụozụrenụ ka, "Me zi vụ ọnyọnyi ini aza ẹnụ kụ yi mi."¹⁰Ụmavọ, di Isaimọni Ipita tụ itakovi dọ si ọ ji ụtọ ụvọọri, Imakọọsi ozida arụfa ọbani. ¹¹Di Ijesu kaa yi Ipita kaa "Vi itakovi awụ rama tụni apara aani." Ụ wa ki asi mfu ini ipa ana Adami si yi mi?"A si Ijesu nọ ini ọvidi Anaasi(Imt.26:57-58; Imk.14:53-54; Irk.22:54)¹²Di ashoja ẹnẹ ọnri ọdọvidi anini, shi ọga aani Ijuu nini dẹ zi Ijesu dẹ sụọ. ¹³Dẹ bidi si ọ ni idi Anaasi, ana vi anda ose Ikayafaasi. Ọza ọnọni ọnọ vi arụfa ọbani ireshi Oshomoshi irayi ọnọ. ¹⁴Ikayafaasi ọnọ si ụmọ yi ani Ijuu nini ka, o vee zoza ozenya ree su yi aza bo.Ipita ọ kaa ka ọnọ zi yi Ijesu(Imt.26:69-70; Imk.14:66-68; Irk.22:55-57)¹⁵Di Isaimọni Ipita ọ vatụra Ijesu vabẹri oziafụ aani ọsa. Arụfa ọbani ọọ yẹ oziafụ ọfụva ọnọni. Oziafụ ọnọ vatụra Ijesu na ngwụ ofenje arụfa ọbani ọnọọ. ¹⁶Ama, Ipita ọni vana dinẹ tụ inoze inẹshẹ shẹ. Di oziafụ ọsa ọnọ, ọni arụfa ọbani yẹ jinẹ na karẹyi shi ozi ọnyẹnẹẹ ene sere oze, dẹ si Ipita ngwụ ireshi.¹⁷Di ozi ọnyẹnẹẹ ọnọni fọ Ipita ka, "Aivi ọnya ọnụ vi ini eziafụ Ijesu?" Di Ipita ka, "Eiye, mazi bẹ." ¹⁸Ezida arụfa ọbani ọnri oserẹtẹ itẹmpụrụ nini ẹ kaira aremi, de ẹ waira fụvọki ashi aa za inẹfi ọnọ, di Ipita ọni zẹ dinẹ pe wa aa waira.Anaasi ọ fọ Ijesu ipẹpẹẹ inọpati ọzizụ aani(Imt.26:59-66; Imk.14:55-64; Irk.22:66-71)¹⁹Di arụfa ọbani ọnọ aa fi Ijesu isue inọpati eziafụ aani, ọnri ka isẹnọ zụ wa. ²⁰Di Ijesu tụoshi ka, "Ineyi gede ọnim ya karẹyi yi anẹshẹ. Di maa zu aza ini isinagọọgụ, shi ini itẹmpụrụ inẹfi bo ọnri izi aza peregụ tụ. Ọzi nyi isi mi ka inangwụmi. ²¹Ọmẹzi dụ wa fo ̣mi kẹ? Fọ aza ana wụ irẹyi ọnim ka yụ wa." Ree, azẹnẹni ẹ wụ isa ọnim ka.²²Ijesu mẹ maan tụoshi da, di oserẹtẹ ọnya ana dinẹ pe Ijesu nya arifẹ, dọ ka, "Avọ ụmẹ wa voshi yi arụfa ọbani." ²³Di Ijesu tụoshi ka, "Maa ka ọna zi gẹ, divenụ aani nini, Ama aavi irẹiza ọni ma ka, sụ va nya mi arifẹ tụ?" ²⁴Di Anaasi ki ẹ si Ijesu netụ arụfa ọbani Ikayafaasi, a mẹ sụọ da.Ipita o yi ka ọnọ zi yẹ Ijesu ụpọfụva(Imt.26:71-75; Imk.14:69-72; Irk.22:58-62)²⁵Isaimọni Ipita ọọ dinẹ dọ waira izọ. Di aza fọ Ipita ka, "Aivi ọnya ini eziafụ aani ọnụ vi?" Di Ipita yi, dọ ka, "Ma zi bẹ tụọ." ²⁶Di ozida arụfa ọbani ọnyi ana vi anda ẹzẹni Ipita dụtọ aani kaa, ime re zi ree ẹwu riọ ini ụbazi?" ²⁷Di Ipita ze yi, ki aivi ọni. Inafụnọ di ụkọkọrọ nowụ.Aa zẹ si Ijesu nọ idi Ipairẹti(Imt.27:1-2, 11-14; Imk.15:1-5; Irk.23:1-5)²⁸Di ashoja ẹnẹ si Ijesu inọnẹnẹ viri-viri fidi Ikayafaasi na ngwụ idi Igomina ani Iromụ nini. Ani Ijụụ ẹẹ zi ngwụ ini ofenje ireshi ijọva, fụvọka sẹ nyi ẹvụụvụ, doti ee roze ri isari ụpe-ọpiparafụ. ²⁹Fụvavọ, di Ipairẹti jinẹ ve tu wa, dọ fọ wa ka, "Sẹnẹvẹ vi ivi ọnụ wa si para ọzọnọni kẹ"? ³⁰Dẹ tụoshi ka, "Ọzọnọni raa zi yaan vọzọ ọshimi, ya zi yaan za ve tụ wụ nin."³¹Di Ipairẹti ka, "Si ọ na, dụ wa na mi ishọji yọ ini oze ụmọ awụ nini." Di ani Ijuu ẹnẹ ka,"Ya zi nyi ụkata ọmimẹ ishọji isụ yi ọzọnyọnyi." ³²Ẹẹ maan ka doti irẹyi ọni Ijesu si zụ inọpati oze ọnọ va zi su, ọ zụ gẹ.³³Ẹfiavọ, di Ipairẹti zẹ varama ngwụ ini ivishẹ aani, dọ shi Ijesu, dọ fọ ọ ka, "Ẹwa vi oshinọyi ani Ijụụ?" ³⁴Di Ijesu tụoshi ka, "Ụwa karẹyi ọnọ yẹngwụ awụ, navẹki aza ẹẹ karẹyi ami yi wụ?" ³⁵Di Ipairẹti voshi ka, "Ma zi vi ani Ijụụ, navẹki ani Ijuu ni ni ọnụ wa vi? Aza awụ ọnri arụfa ọbani nini ẹ za wụ va mi, sụ mẹ?"³⁶Di Ijesu tụoshi ka, Ijọva ami ọzi vi ayi ẹshẹ ọnọni. Ijọva ami ra yaan vi ẹshẹ ọnọni, ụmavọ, di ezida ami yaan vụrẹvụ, di aa zi yaan si mi chire ani ijuu nini ụvọ. Ama, ijọva ami ọzi fụri izọni vẹ." ³⁷Di Ipairẹti fọ ọ ka, "Oshinọyi ọnụ wa vi." Di Ijesu voshi ka, Irẹiza ụ ka ki oshinọyi mvi. Isẹna ma mi vẹshẹ tụ yi, ki ma divenụ irẹiza. Ẹzẹna vi ọni rẹiza, va si utọ tụni irẹyi ami."Aa mẹ ishọji isu yi Ijesu(Imt.27:15-31; Imk.15:6-20; Irk.23:13-25)³⁸Di Ipairẹti fọ ọ ka, "Sẹnẹvi Irẹiza"? Ọ mẹ maan fọ ọ da, dọ zẹ jinẹ ne tụ ani Ijuu nini, dọ kaa yụ wa ka,"Me zi re ivi fini ụvọ ọzọnọni." ³⁹Ama, ọ mẹ vi ki, ini isa oshẹtẹ awụ nini, ọvọrọ ki ma fụrẹ ani ijaarụ ọnya ụvọ yụ wụ nin ini ụpe ọpiparafụ; "Ụ wee ve si ki ma fụrẹ oshinọyi ani Ijuu ụvọ yụ wụ nini?" ⁴⁰De ze nowụ ka, "Eeye, aivi ọzọnọni, ama Ibarabaasi." Ibarabaasi anạ vi oyi, dọ daaji ọza.

Chapter 19Aa si Ijampa tu Ijesu

¹Inaani, di Ipairẹti za Ijesu, dọ nya a ijampa. ²Di ashoja ẹnẹ si ọchi ikeyi mẹ okurẹsụ oshinọyi. Ee kụ Ijesu yọ, de chire e auru angẹrẹ. ³De e tụo, dẹ ka, "Maa kụ wee, Oshinọyi Ijuu nini," dẹẹ nya a isạ.⁴Di Ipairẹti zẹ jinẹ na kaa yi Ijuu ẹnẹ ka, "Maa si ọọ jinẹ vaa yụ wụ nini, dụ wa yẹ ki me zi re ivi inẹngwụ aani." ⁵Di Ijesu jinẹ vẹ, ọnri auru angẹrẹ oshinọyi ono chire, shi okụrẹsụ ikeyi ikeyi oshinọyi ene kụ o. Di Ipairẹti ka yụ wa ka,"Ree, ọza ọnọ yi. ⁶Arụfa ọbani ẹnẹ ọnri ọnụkọrọ itẹmpụrụ me re Ijesu, dee nowụ kaa, "A kani ọ zọchi, a kani ọ zọchi." Di Ipairẹti kaa yụ wa ka, "Si ọ wana kani ọ zọchi yẹngwụ awu nini, fụvọki me zi re ivi inẹngwụ aani."⁷Di Ijuu ene tụoshi ka, "Yaa nyi ofi, venebiri ofi ọnọ mẹ kaa, o vee sụ fụvọka ọọ ka ki Ozi Oshomoshi ọnọni vi." ⁸Ipairẹti mẹ wụ irẹyi ọnọni, di angwa sho tụọ. ⁹dọ zẹ varama ngwụ ireshi na fọ Ijesu ka, "Izụ fụrẹ vẹ?" Ama ọ zi tụoshi.¹⁰Efiavọ, di Ipairẹti fọ Ijesu ka, "Wa zi tụ mi oshi? Ụ wa yẹ ki maa nyi ụkata ọfifụrẹ wụ ụvọ, dim zẹ nyi ụkata ọkikani wụ zọchi. ¹¹Di Ijesu tụoshi ka, "Wa zi nyi ụkata ọnyọnyi tụra mi para ọni Oshomoshi ra si wụ fụrẹ ẹbẹẹba. Fụvavọ, ẹzẹna si mi chire wụ ụvọ, ọnọ nyi aichama fu.¹²Inaama ọni Ijesu maan voshi da, di Ipairẹti ee si oze ka ọnọ fụrẹ ẹ ụvọ, ama di Ijuu nini ee nowụ ka, "Aaviki waa fụrẹ ọzọnọni ụvọ, wai ku zu vi ọta Isiza. Ọzẹna ra si ẹngwụ aani mẹ oshinọyi vana kaa chire Isiza." ¹³Ipairẹti mẹ wụ irẹyi ẹnẹni, dọ si Ijesu jinẹ vẹ, dọ va yatụ tụni ụdi ishọji aani, anaa shi Ogede Irẹta."Igabata" ọni ani Ihibụrụ nini shiọ.¹⁴Ụmotu, inọpati iwakati ishinọnyi, ọni ẹfi vi, ini ẹkụshi ọni Ijụụ nini si teni ẹngwụ tẹtẹ yi ụpe ọpiparafu. Di Ipaireti kaa yi Ijuu nini ka, "Re, Oshinọyi awụ nin yi." ¹⁵Dẹ si ọngwe tụẹba ka, "Siọ fi izọni, siọ fi izọni, aa kani ọ zọchi!" Di Ipaireti fọ wa ka, Maa kani Oshinọyi awu nini zọchi?" Di Arụfa ọbani ka, "Yazi nyi oshinọyi ọsa ọchishi Isiza." ¹⁶Ụmavọ, di Ipairẹti si Ijesu yụ wa, ka na kani ọ zọchi.Aa kani Ijesu za ọchi-avashi(Imt.27:32-44; Imk.15:21-32; Irk.23:26-43)¹⁷ Dẹ si Ijesu jinẹ, do chema ọchi-avashi ọnọ yengwụ aani, dẹ si ufufu aa ni izẹna shi, "Irasha Ọchụkụ Irẹsu." anavi "Igọgọta" ini irẹkụra Ihibụrụ. ¹⁸Ẹẹ kani Ijesu za ọchi-avashi, bẹrẹ azẹnẹ ẹẹva ọsa izọ, dẹ si Ijesu tụ ni akaakana azẹnẹ viva ẹnẹ.¹⁹ Ipairẹti ọọ chẹri isa, dọ siọ gẹ ẹbẹẹba ọchi-avashi ọni Ijesu ya. Ọọ chẹrẹ ẹ ka, "IJESU ANI INAZARẸTI, OSHINỌYI IJUU NINI." ²⁰Di Ijuu ẹrụrụ ee ree, dẹ kaa fụvọki, ọgụrẹ iboro irẹkụra ọna kani Ijesu zọchi-avashi tụ. Irẹkụra Ihibụrụ ọnri Iratini shi Igiriki ana si chẹrẹ isa ọnọni.²¹Di arụfa ọbani nini kaa yi Ipairẹti ka, "Varaa fini 'Oshinọyi Ijuu nini', da chẹrẹ ka, Ọza ọnọni ka, 'Ẹ ma vi Oshinọyi Ijuu nini.'"" ²²Di Ipairẹti tụoshi ka, "Isim chẹrẹ, ma chẹrẹ ẹ da."²³Ashoja ẹnẹ mẹ kani Ijesu zọchi-avashi da, dẹ ga auru aani tụ oze ẹẹna, di ishoja ọnyọnya si aka ọnyọnya ini ita ẹnẹ. Dẹ zẹ si ọtụnẹ aani. Ama, ọtụnẹ aani vana vọọ vi ita ọnya, ọzi nyi iza ya gẹẹ. ²⁴Dẹ kaa yẹ ẹngwu ka, "Asi naa, ama a navọ di ya ji pẹpẹmpẹ tụọ, di ya yẹ ẹzẹna raa vaa siọ." Ọnọni ọọ mẹ fụvọ di irẹ̣yi ana chẹrẹ tẹtẹ tụ ni iwe ọnini ọ ge ka: Ẹẹ ga auru ami shi ẹngwụ ụvọ. Dẹ ji pẹpẹmpẹ tụra ọtụnẹ ami." Isẹni ashoja ẹnẹ mẹ vọnọ.²⁵Di ọnyi Ijesu shi ọọnyara aani, ọnri Imeri ose Ikirọpasi shi Imeri Imagdarini, ẹẹ dinẹ pe ọchi-avashi ana kani Ijesu za. ²⁶Ijesu me re ọnya aani ọnri oziafụ o ne sirẹyi aani, ka ẹ dinẹ gụrẹ ẹngwụ, dọ kaa yi ọnya aani ka, "Ẹwụ Ọnyẹnẹ re ozi awụ." ²⁷Dọ kaa yi oziafụ ọnọ ka, "Re ọnyi awụ!" Fụrẹ ẹfiavọ, di oziafụ ọnọ siọ neeshi.Ijesu mẹmẹ su(Imt.27:45-56; Imk.15:33-41; Irk.23:44-49)²⁸Inaama ọnọni, di Ijesu ka,"Onyi aa kụ mi." doti isa a chẹrẹ tụ ni iwe ọnini ọ zụ gẹ, fụvọki ọọ yẹ ka isẹni aa tụ ọni va mẹ, ọọ mẹ bo da. ²⁹Aa si ipa eche ana nyirẹyi tu izọ. Dẹ si ikanka, dẹ jọ ọ ngwu eche ọnọ, dẹ va ka ngwụ ọchi, dẹ tana shi Ijesu irenụ ko fụo. ³⁰ Ijesu mẹ di eche ana nyirẹyi ọnọ da, dọ kaa, "Ọ ta mẹ." Oo nyimarẹsụ, dọ zifẹri, do sụ.³¹Di Ijuu nini kaa yi Ipairẹti ka, o che wa afụ doti a kụ wa fi izọ ọmẹvi ka ọkụshi ẹngwu otiteni yọ, fụvọ doti asi oku anini gẹ ọchi-avashi ini ọkụshi Isabaati (Ọkụshi Isabaati vi ọkụshi eebebani yụ wa). ³²Di ashoja ẹnẹ vẹ, de che ọza ipaapa afụ, dẹ ze che ọza upọfụva afụ, ẹnẹ viva ana sụ zọchi pe Ijesu. ³³Eme ve tụ Ijesu de ree ka oo sụ da, fụvavọ e zi che afụ.Ashoja ọ jọ ọbọdọ ngwụ Ijesu ³⁴ Ama, di ọnya ini ashoja ẹnẹ si ọbọdọ aani, dọ jọ ọ ngwụ Ijesu akamava. Ụmụmọ, di anya ọnri enyi ka jinẹ va shitẹ. ³⁵Ẹzẹni isọnọni vi eyi aani, de ree, ẹnẹ divenụ irẹyi ọnọ, iveenu aani vi irẹiza. Ọọ yẹ ka irẹyi ọnọn ka vi irẹiza, dụ wa zụ dọ wụ nini.³⁶Ẹnẹni bo vana mẹ ka a si isẹna chẹrẹ tụ ni iwe ọnini ọ gẹ, ka,"Ọchụkụ aani ọnyọnyi ọzaa chaka." ³⁷Zẹtuọ, aa chẹrẹ ẹ tụ irasha ọsa ka, "E vee re ọza ana ji ọbọdọ ngwụ."A mẹmẹ ne oku Ijesu(Imt.27:57-61; Imk.15:42-47; Irk.23:50-56)³⁸Inaama isẹnẹni, di Ijosẹfụ ani Arimatiya, oziafụ Ijesu ọnya (ana si ẹngwụ tẹ fụvọ angwashi Ijuu) nini, na fọ Ipairẹti ka ọ wa vaa zụ si oku Ijesu yi ọni. Di Ipairẹti zẹẹ yọ ka, ọ na si ọ. Inaani, di Ijosẹfụ va si oku Ijesu fi izọ. ³⁹Di Inikodemọsi ana vidi bebe ve tụ Ijesu inaafụ, ọnọ zẹ vi vẹ. Dọ si etụrari ọni ụrata aani vi ẹfi ampo anọ ẹẹva, ana si Imaya ọnri Arosi mẹ.⁴⁰Dẹ si Ijesu, dẹ si ita ọvụọvụ ọnri etụrari ọnọ chire Ijesu okụma, venebiri ani Ijuu mẹẹ mẹ. ⁴¹Ụbazi ọnyi yi iza ya kani ọ zọchi-avashi, dọ nyi irikụta ọnọvi ka azẹi ni ne ọza tụ. ⁴²Fụvọki ọkụshi otiteni ẹngwu, ọnọvi yi ani Ijuu, irikụta ọnọ ọ gụrẹ wa, de ne Ijesu tụ zọ.

Chapter 20Ọshisha kwẹẹtẹ Ijesu

¹Ini ọnẹnẹ viri-viri, ini ọkụshi ipaapa ọsẹ, ẹtẹ mẹ rai fifeyi, di Imeri Imagdarini vẹ ini irikụta ọnọ, do re ki aa tụ irẹta ụvọ fi ineenụ irikụta da. ²Do zụe ne tu Ipita anaa shi Isaimọni ọnri oziafụ ọsa ọni Ijesu sirẹyi aani, dọ kaa yi wa kaa, "Ẹẹ si Ananyiyi fi ini irikụta, ya zi yẹ izi ẹ siọ tụ."³Inaani, di Ipita ọnri eziafụ anavọ ni ini irikụta ọnọ. ⁴Dẹẹ ge zụechi na, ama dọ vi ka eziafụ ọsa ẹnẹ ẹ dọvidi Ipita nangwụ izi irikụta ya. ⁵Ee nyima, de re ka ita ene si chire okụma yi izọ, ama ẹ zi ngwụ ininẹ aani.⁶Ipita Isaimọni ọọ vetụo, dọ ngwụ irikụta na. Oo re ka ita ẹnẹ yi izọ̣, ⁷shi ita anasi para irẹsụ aani. Ita aka irẹsụ ọnọ vana ji tụ irasha renyi yengwụ aani, ọzi vabẹrẹ ita ọsa anavọ.⁸Ụmavọ, di eziafụ ọsa ene bidi zụe ve tu irikụta ọnọ, zẹ ngwụ inaani na. Ee ree, dẹ dọwụ. ⁹Ve tụ ụmavọ, ẹẹ zi yẹ iwe ọnini mẹ ka ki Ijesu vaa shaa fi ini isụ. ¹⁰Di eziafụ ẹnẹ vaa varama neeshi.Ijesu ọ si ẹngwụ zụ Imeri Imagdarini(Imt.28:9-10; Imk.16:9-11)¹¹Ama di Imeri dinẹ tụ ini ẹshẹẹshẹ irikụta do sụne. Oo mee sụne, do nyima a ji eyi ngwụ ini irikụta ọnọ. ¹²Do re angẹni ẹẹva ana kụẹnya ọvụọọvu̇, kẹ yatụ. Ọnya ọọ yatụ tụ aka irẹsụ, dọsa yatụ tụ aka izi ufu ya, izi a bidi si okụ Ijesu sụ tẹtẹ tụ. ¹³Dẹ fọ ọ ka, "Ẹwụ ọnyẹnẹ, su wee sune tu?" Dọ tụ wa oshi ka, "Fụvọka ẹẹ si Ananyimi fi izọni, ya zi yẹ izẹ siọ na tụ."¹⁴Ọ mẹ maan ka da, dọ vareyi rama doo re ka Ijesu ọ dinẹ tụ izọ, ama ọzi yẹ ki Ijesu yọ. ¹⁵Di Ijesu fọ ọ ka "Ẹwụ ọnyẹnẹ, sụ wee sune tụ kẹ? Ẹnụ wee si?" Di Imeri ro ka ẹzẹna sere ụbazi ọnọ yọ, dọ ka, "Ọga ṃi, aavi ụ siọ fi izọni, kaa yi mi izi ụ ra siọ na tu, di ma zụ na siọ fi izọ."̇¹⁶Di Ijesu tụoshi ka,"Imeri." Ọọ mẹ vareyi, dọ si irẹkụra Ihibụrụ tụoshị ka, "Irabboni" (irẹsụ aani ọnọvi "Ọzụọzisa"). ¹⁷Di Ijesu kaa yọ ka, "Asụ sụvọ kani mi, fụvọki mai shishirẹ ni idi Adaa, ama, netụ ẹẹnyara mi, dụ wa kaa yụ wa ka, mva shire ni idi Adami ọnri Adawụ nini, Oshomoshi ami ọnri Oshomoshi awu nini. ¹⁸Di Imeri Imagdarini vẹ va kaa yi eziafụ nini anavọ ka, "Mee re Ananyiyi da," dọ karẹyi ẹnẹni yi mi.Ijesu ọ si ẹngwụ zụ eziafụ aani(Imt.28:16-20; Imk.16:14-18; Irk.24:36-49)¹⁹Orụva me tụ, ini ishọọnọ ana vi ọkụshi ipaapa ọsẹ, eziafụ nini me gụoze shẹngwụ izi ẹ ya fụvọka ee shangwa ani Ijuu nini. Di Ijesu va dinẹ tụ inakaakana anini, dọ ka, "Ọ si vi ẹngwọrọ yụ wụ nini." ²⁰Ọ mẹ maan ka da, dọ sụvọ ọnri akamava aani zụ wa. Di eziafụ nini jụjẹ e me re Ananyiyi.²¹Di Ijesu zẹ kaa yụ wa ka, "Ọ si vi ẹngwọrọ yụ wụ nini. Venebiri Adaa mẹ tụ mi, avọ mmẹ za titụ ụ nini." ²²Ijesu mẹ karẹyi ọnọni da, dọ tụ ifẹ kụ wa, dọ kaa yụ wụ ka, "Di Ifẹ Ọnini nini. ²³Ọzatụrọza ọni ụ raa si aichama aani vayi aani, avaa siọ vayi anini. Ọzatụrọza ọni ụ raa zi si aichama vayi aani, a zẹ zaa siọ vayi aani."Itọmọsi ọ zi dọọwụ²⁴Itọmọsi anaa shi Ididimọsi, ọnya ini eziafụ ẹwụrẹẹva, ọzi yi zọ ụmọni Ijesu vẹ. ²⁵Ụmotụ, di eziafụ anavọ kaa yọ ka, "Yee re Ananyiyi da." Dọ kaa yụ wa ka, ochishi kim re ami isho inụvọ aani, di me ne ozigege ngwụọ ọnri ka di me ze ne ozigege ngwụ akamava aani, di ma vaa zụ dọọ zẹ."²⁶Inaama ọkụshi shinta aani, di eziafụ aani zẹ chiroze shẹngwụ tụ neeshi. Itọmọsi dọ yi izọ pe wa. Di Ijesu ngwụ ve tụ wa inoze ogigụ, dọ dinẹ tụ nakaakana anini, dọ ka, "Ọsivi ẹngwọrọ yi wụ nini." ²⁷Dọ va kaa yi Itọmọsi ka, "Si ozigege awụ kani izọni, dụ we re ụvọ ami. Zẹ si ụvọ awụ tụ inakaakana aani. Asụ kụ jọọrẹka, dọ wụ."²⁸Di Itọmọsi tụoshi ka, Ọnanyimi ọnri Oshomoshi ami."²⁹Di Ijesu kaa yọ ka, "Waa dọ wụ fụvọka, wee re mi. Ọdabẹrẹ ọnọvi yi ẹnẹ ne zi re mi, ama dẹ dọọ wụ."Isẹnẹ mẹ ka aa chẹrẹ iwe ọnọni³⁰Ijesu ọọ mụkọrọ oshishozeyi ẹrụrụ ọsa ini eyi eziafụ aani, ọnọvi ka a zẹ zi chẹrẹ tụ ini iwe ọnọni. ³¹Ama aa chẹrẹ ẹnẹni, dụ wa zụ dọọ wụ nini ka, Ijesu ọ vi Ikristị, ana vi ozi Oshomoshi. Ini ọdidọwụ, ụva nyi ẹshẹ ini irẹsha aani.

Chapter 21Ijesu ọ si ẹngwụ zụ eziafụ ishimba

¹Amẹ mi isẹnẹ bo da, di Ijesu zẹ si ẹngwu zụ eziafụ aani ini irefụ Itiberiyasi. Ọ mẹmẹ si ẹngwu zụ yi. ²Isaimọni Ipita ọnri Itọmọsi anaa shi Ididimọsi, shi Inataniyẹni ozi ani Ikena inẹtẹ Iganini, bẹrẹ ezi Izebedi ọnri eziafụ Ijesu ẹẹva ọsa ẹnẹ gẹ ya. ³Di Isaimọni Ipita kaa yi wa ka, "Maa na zi isenyi ini irefụ." Dẹ tụoshi ka, "Ẹyi nyẹmbẹ vaa vatụra wụ." Dẹ nangwụ ẹpa na. Ama poro inaafụ ọnọ, ẹ zi ree isenyi za.⁴Eyi mẹ ni, ini ọnẹnẹ, di Ijesu dinẹ tụ ụtọ irefu ọnọ. Ama eziafụ ẹnẹ, ẹzi yẹ ka Ijesu yọ. ⁵Di Ijesu ka yụ wa, "Ẹwụ nin ezi ọmụsha, ụwa nyi isẹna vaa zụ ri?" de tụoshi ka, "Eeye." ⁶Dọ ka yụ wa ka, "Ne asha awụ nini ngwụ aka ụvọri ẹpa ọnọ, ụ vaa zi isenyi nini." Irẹiza ẹmẹ ne asha ọnọ ngwụ enyi, di asha anini zi isenyi ọrụrụ, netu ka, eizụ tụra a.⁷Di oziafụ ọni Ijesu sirẹyi aani kaa yi Ipita ka, "Ananyiyi yọ." Isaimọni Ipita mẹ wụ ka, Ananyiyi yọ, do chire aụrụ aani ọnọ vidi tụ tẹte, do ji ngwụ enyi. ⁸Di eziafụ ọsa nini yini ẹpa, dee tụra asha ọnri isenyi ọnọ, (fụvọka ee gụrẹ ụtọ-ụbobo. Ọpati afụ irẹka ẹchẹshi nangwu ụtọ-ụbobo ọnẹ ya). ⁹Ẹ mẹ jinẹ fini ẹpa vaa ngwụ ụtọ-ụbobo, de ri ira aremi, dẹ kụ isenyi shi ini ira ọnri ivụrẹdi dẹ ri isari.¹⁰Di Ijesu kaa yụ wa ka, "Si vẹ ini isenyi ọnụ za nini." ¹¹Di Isaimọni Ipita shirẹ, do tụra asha ọnọ jine fi inenyi, ọnri isenyi oshishi. Isenyi ẹchẹshi-rẹbẹrẹva-rẹwurẹta ẹnẹ za, tụavọ-tụavọ asha anini ọzi naa.¹²Di Ijesu kaa yi wa ka, "Va ri isari ọnẹnẹ nini." Ọzi nyi eziafụ aani ọnyọnyi ana fọ ọ ka, "Ẹnụ vi kẹ?" Ẹẹ yẹ ka Ananyiyi yọ. ¹³Di Ijesu dọ vẹ, dọ si ivụrẹdi ọnri isenyi ọnọọ yụ wa. ¹⁴Ụpọfụta ọni ijesu si ngwụ zụ eziafụ aani vọnọ ọmẹ shaa fini isụ da.Ijesu ọnri Ipita¹⁵Ẹ mẹ ri isari ọnẹnẹ da, di Ijesu fọ Isaimọni Ipita ka, "Isaimọni ozi Ijọọnụ, ụ we sirẹyi ami funa azẹnẹni anavọ me sirẹyi ami?" Di Ipita ka "Ananyiyi waa yẹ ki mee sirẹyi awu" Di Ijesu kaa yọ ka, Waa si isari yi atẹmẹ ami. ¹⁶Dọ zẹ fọ ọ ụpọfụva ka, "Isaimọni ozi Ijọọnụ, ụ we sirẹyi ami?" Di Ipita tụoshi ka, "Ananyiyi, Waa yẹ ki mee sirẹyi awụ." Di Ijesu kaa yọ ka,"Si eyi pe atẹmẹ ami."¹⁷Dọ fọ ọ ụpọfụta ka, "Isaimọni ozi Ijọọnụ, ụ we sirẹyi ami?" Di ọtụtụrụma Ipita dụ, fụvọka Ijesu ọ fọ ọ ini ụpọfụta ka, "Ụ we sirẹyi ami." Dọ ka, Ananyiyi, Waa yẹ isa bo, waa yẹ ka mee sirẹyi awu." Di Ijesu kaa yọ "Si isari yi atẹmẹ ami." ¹⁸Irẹiza maa kaa yụ wụ, ụ mẹ yi ini ọmụsha, ụụ kụẹnya dụ ni izẹnẹ zewụeyi, ama, waa vi ọzọkụ, dụụ gana avọ, di ọzẹnẹsa kụẹnya shi wụ ẹngwụ, dọ si ụ aa ni izụ ree zi si kụ wa nọ.¹⁹Ijesu ọọ maan ka, doti ọ sio ̣zụ ẹngwụ isụ ọni Ipita vee sụ, ana vaa si ụga yi Oshomo-shi. Ọ mẹ maan kaa da, dọ ka yi Ipita ka, "Vatụra ami."Oziafu ọni Ijesu sirẹyi aani²⁰Ipita ọọ vareyi do re ka oziafụ ọni Ijesu sirẹyi aani aa vatụra ẹni. Oziafụ ọnọni ọnọ si ẹngwụ vazirẹ Ijesu izi ẹ yaa ri isari, dọ fọ ka "Ananyiyi, ẹnẹ vaa si ụ chire aza ụvọ kẹ?" ²¹Ipita me ree, dọ fọ Ijesu ka, "Ananyiyi, sẹnẹ ọza ọnọni vaa mẹ."²²Di Ijesu kaa yọ ka, "Mee si kọ yi inaani netu ẹfi ọnim va si vẹ, yere ana gẹụ inaani, vatụra mi." ²³Di irẹyi ọnọni si gara shi inakaakana ẹnyara nin, ki oziafụ ọnọ o zee su. Ama Ijesu ọ zi ka yi Ipita ki oziafụ ọnọ o zee su. Ama, mee si ki ọ yi izọ netu ki maa varama vẹ, yere ana gẹụ."Irẹyi ọikọọta²⁴Ọnọni ọvi oziafụ ọna divenụ isẹnẹni, dọ chẹrẹ tẹtẹ, yaa yẹ ka iveenụ aani vi irẹiza. ²⁵Ijesu ọ zẹ misa ọrụrụ ọsa, ọnọ vi ka aa chẹrẹ ẹnbo tẹtẹ, me zi ro ki ẹshẹ bo vaa zụ dọ iza raa chẹrẹ tụ

Acts

Chapter 1Ifẹ Ọnini ọni Ijesu mẹ otoowu aani

¹Itiofinọsi, ini iwe ọnim bidi chẹrẹ tụshi wụ, ma kaa yụ wụ ụkọrọ bo ọni Ijesu nyima aa mẹ, ọnri ọ mẹmẹ aa zụ aza isa, ²poro netu ẹfi ọna si si ọ nẹbeẹ̣ba, inaama ọnọ zirẹngwụ ụkata Ifẹ Ọnini si ụmọ yi ọnitụ nini ọnọ ni da. ³Inaama ọnọ rụya da, dọ va siẹngwụ zụ wa inoze renyi renyi, ọna mẹ ki asi ọshisha kwẹẹtẹ aani vi isa ọna vaa jirẹka. Ọ si ẹkụshi ẹbẹrẹva siẹngwụ zụ wa, dọ kaa yụ wa inọpati ijọva Oshomoshi.⁴Ini ẹfi ọnọ sii nee re ọnitụ aani nin, dọ kaa yụ wa ki asẹ jinẹ fụri Ijerusanemụ, ama ẹẹ dinẹ zi otowụ Ada, inọpati irẹyi ọnọ ka ka, "Wa wụụ fini irenu ami nin, ⁵ka, ini rẹiza, enyi ọni Ijọọnụ si mẹ isami yụ wụ nin, ama Ifẹ Ọnini ọna va sii mẹ isami yụ wụ nin ini ọkụshi ene rezee ku."Ijesu ọ nọ ẹbẹẹba(Imt. 28:16-20; Imk. 16:14-19; 24:49-52)⁶Ẹfi ene pere gụ, dẹ fọ ọ ka, "Ananyiyi, ẹfi ọnọni ọnụ wa vaa si si ijọva ani Isirẹni nin varama yụ wa?" ⁷Dọ kaa yụ wa ka, "Azẹzi mẹ kụ wa yẹ ẹfi ọnri ụmẹ ọni Ada si ụmọ aani ji yi isẹnẹni. ⁸Ama, ụ vaa dọ ụkata nin ẹfi ọni Ife Ọnini ra vaku wu nin da, dụụ vi onivenu ami ini Ijerusanẹmu, shi Ijudiya bo ọnri Isameriya na ngwụ izitizi ẹshẹ bo."⁹Ẹfi ọni Ijesu karẹyi ẹnẹni bo ta da, ẹ mẹ veyi shirẹ, dee re ẹbẹẹ̣ba, de re ki a si Ijesu shirẹ, di egushi gu o shi, de rezi ku re e. ¹⁰Ẹ mẹ fi feyi shi ẹbẹẹba gogogo, dee re Ijesu maa shirẹẹ nẹbẹẹba, de re anẹrụ ẹẹva ene chire auru ọvụọvụ ki ẹ dinẹ pewa ini asigiri. ¹¹Dẹ ka, "Ẹwụ nini anẹrụ Iganini, sẹṇẹ vẹ dụụ dinẹ tụ izọ nin, du veyi shẹbẹẹba nin kẹ? Ijesu ọnọni, ana si fini akaakana awụ nin shirẹ na ngwu ineeku ọiza, vaa varama vẹ inoze ọnyọnya ọnụụ re ki a si ọ na ngwụ ineeku ọiza."Imatayasi ọ da Ijudasi irẹsụ(Imt. 27:3-10)¹² Inaama ọnọ, dẹ varama vi Ijerusanẹmụ fụri Irẹsụfa Onivii, ọna gụri Ijerusanẹmu, ọna vi ụsẹ ọ̣kushi Isabati ọnya. ¹³Ẹmẹ ngwu, dẹ shirẹ nini ọturọsa izẹnẹ ra. Ẹnẹna yi izọ vi, Ipita, Ijọọnụ, Ijemsi, Anduru, Ifiripi, Itọmọsi, Ibatiromewụ, Imatiyu, Ijemisi ozi Afọọsi, Isaimọni Ọnyiọyaya, ọnri Ijudasi ozi Ijemsi. ¹⁴Enbo vana vụvọbẹ, dẹẹ mọnya, dẹ si ẹngwụ aanini tụni ozurenu ọtitụ poro, bẹrẹ anyẹnẹ ẹnyi ọnri Imeri ọnyi Ijesu, ọnri ẹnyara Ijesu.¹⁵Ini ẹkụshi ẹnẹ, di Ipita kwẹẹtẹ dinẹ ini akaakana ẹnyara anọdọwụ nini, di enbo vi ọpati aza ẹchẹshi tụrofu dọ ka, ¹⁶Ewụ nin ẹnyara ami, ọ vọrọ ki yaa mẹ isẹni iwe ọnini ka, ọni Ifẹ Ọnini ka yi Idevidi, inọpati Ijudasi ọna va aza tụọvidi dọ zụ wa oze na va zii za Ijesu.¹⁷ Fụvọki, ọzẹnya ọnọ bidi vi ini akaakana ayi, dọ nyi ọgiga ini ọgụ ọna yini ụkọrọ ọdọwụ ọnọni. ¹⁸(Ọmẹyani, ọzọnọni ọ si ẹkẹshi ọnọ dọ fini ụkọrụvọ ọshimi ọnọ mẹ, dọ na shi ẹtẹ, ini ẹtẹ ọnọ ono ye zina fụri irasha ọna nẹba, dọ si vi ki irẹsụ ọnọ si dọvidi, di ẹngwụ aani sẹ vasha, di ivu aani bo kashẹshẹ. ¹⁹Aza bo ana yi Ijerusanẹmụ ẹ wụ inọpati irẹyi ọnọni, fụvavọ, dẹ kụa shi ẹtẹ ọnọ "Akẹndama," ọni ọshafụ aani vi, "Ẹtẹ Anya."²⁰ Fụvọki aa chẹrẹ tụni Iwe Isaamụ, ka, Navọ di ẹtẹ aani ọ vara osusu, Asi ọzọnyọnyi na ra ini ẹtẹ ọnọ.''Navọ di ọzẹnẹsa ọ dudi ọnọ yaa mẹ oshirẹsụ.'²¹Fụvavọ, ọ vọrọ ki ya ni ọzọnya fini anẹrụ ana vatụra yi ini ẹfi bo ọni Ijesu Ananyiyi a sii jinẹ, dọọ ngwụreshi ini akaakana ayi, ²²vẹrẹ fini ẹfi ọni Ijọọnụ si mẹ isami yọ netu ẹfi ọna si si ọ fini akaakana ayi nẹbẹẹba, ọzọnọ bẹdọ zẹ vi vi ẹzẹna vi onivenu ọ̣shisha kẉẹẹtẹ aani." ²³Ẹ si ẹzẹnẹva jinẹ vẹ, Ijosẹfụ ọnaa shi Ibasabasi, da zẹ shii shi ọ Ijọsitọsi ọnri Imatayasi.²⁴ Ẹ tuozurenu, dẹ ka, "Ẹwu Ananyiyi, waa yẹ ọtụtụrụma aza bo, fụvavọ siọ zụ yi ẹzẹnụụ ni ini azẹviva ẹnẹni, ²⁵ana vaa dudi Ijudasi ini ọshishi ọnọni ọnri ụkọrọ ọnitu ọni Ijudasi mẹ abojinye inaani, dọ si zi oze ayaani na." ²⁶Ẹ mẹ mẹ ipẹpẹmpẹ, dọ vi ki Imatayạsi ẹnẹ va ni, da zaika bẹrẹ ẹnẹwụrọnya ana vọ.

Chapter 2Ifẹ Ọnini o chi vẹ ini ọkụshi Ipẹntikọsi

¹Ẹfiẹni ọkụshi Ipẹntikọsiti tu, di ẹnbo pere tụrasha ọnya. ²Di ọkụ sụ fineeku ẹbẹẹba ini asigiri, venebiri ashi ọbani mẹmẹẹ kụ, do shi ireshi ọnẹ yatụ tụ bo. ³De ve re irarẹ nin ene vene ira ana ga tụra ọzọnyọnya aanini. ⁴Di enbo shi yi Ifẹ Ọnini, dẹ vẹrẹ dẹẹ ka irẹkụra renyi renyi, vene Ife Ọnini mẹmẹ si ọ yụ wa ki ẹẹ ka.⁵Ini ụmavọ, ọ nyi Iju ẹnyi ọnọ vi ki Ijerusanemụ ẹnẹ ra, dẹ vi aza Oshomoshi ana fụri irẹkụravabẹ bo ọna yini ẹshẹ. ⁶Ẹfi ẹnẹ wụ ọkụ ọnọni, di azọkọni peregụ, dọ shagashuweeyi fụvọki aza bo vana wụ ireyi ẹnẹẹ ka ini irẹkụra ọzọnyọnya aanini. ⁷Oo shuwa eyi, dẹ sharenu sha, dẹ ka inireiza, aivi ani Iganini ọni aza ana kareyi aani vana vi aavọ?⁸Ọmẹzi di eyi bo vaa wụrẹyi ọnẹẹ ka ini irarẹ irẹkụra ana ya ma yi kẹ? ⁹Ani Ipatiya nini, ani Imẹdisi nini, ani Enamiti nini, ẹnẹna ra tụ Imẹsopotemiya, Ijudiya ọnri Ikapadoshiya, Ipọntusi onri Eshiya, ¹⁰Ifirigiya onri Ipamifiniya, Ijipiti ọnri aka ẹnyi ini Inibiya ọna gụrẹ Isireni, shi azẹga ana furi Iromu, Ipita ọ karẹyi ini ọdẹdẹ Isoromoni¹¹Iju nini ọnri ẹnẹna razi vi Iju ama dẹ nyi ọdọwụ ini Isẹni Iju nini dọwụ, ani Ikireti ọnri Arabụ nini, ẹyi bo aa wụrẹyi ọnẹẹ ka inọpati ụkọrọ ọbani Oshomoshi ini irarẹ ayi.¹²Enbo vono shieyi, dọ shaga shuweeyi, dẹẹ kaa yi ẹngwụ ka, "Sẹnẹ vi ọzarẹsụ irẹyi ọnọni kẹ?" ¹³Ama, di azẹnyi aa jụ wa isiya, dẹ ka, "Eche ọwọwa ọne fu ọnaa mẹrẹ wa."Ipita ọ karenube ọiza ini ọkụshi Ipẹntikọsi¹⁴Ama, di Ipita dinẹ pe ẹnẹwụrọnya ọnavọ, dọ si ọngwẹ tụẹba, dọ ka yụ wa ka, "Ẹwụ nin anẹrụ Ijudiya ọnri ẹwụ nin bo ọnọ vi ki Ijerusanẹmụ ọnụụ ra nin, navọ dụ wa yẹ isọnọni nini; batọ tụni irẹyi ami nini. ¹⁵Fụvọki, azẹnẹni ezi fueche vene u me roo nini, fụvọki iwakati ọfụụta ini ọnẹnẹ ọnii ya.¹⁶Ama, isẹna zirẹngwụ Ijọeni ọkisẹ ka yi: ¹⁷Oshomoshi ka, 'Ini ọkụshi ọikọta ọnọ vaa vi, Mva va Ifẹ ami ku anẹshẹ bo. Ezi aụ nin ini anẹrụ shi ini anyẹnẹ vaa kisẹ, ezi ọmụsha awụ nin ve reẹtẹ, ọnri ki azekụ awụ nini vaa rụra renyi renyi.¹⁸Ini ẹkụshi ẹnẹ, shi ezida ami ini anẹrụ shi ini anyẹnẹ vọnim vaa va Ifẹ ami ku; ẹ vaa kisẹ. ¹⁹Mvaa si isoshishiozeyi zụ ini ovurukutu ẹbẹẹba, dim mẹ ọsizụ ini ẹshẹ ana yi ẹtẹẹtẹ aani, anya, ira ọnri areyi irivu.²⁰Ọyi vaa vara oozi, di ụfẹ vara anya dọ tangwa vanyi ki ọkushi ọbani Ananyiyi one re zi re ẹngwụ aani yẹẹyẹ o tu. ²¹Dọọ sivi ka, ọza tụrọza ọna ra shi irẹsha Ananyiyi vana vaa dọọtụ.'²²Ẹwụ nin ani Isrẹni, batọ tụni irẹyi ẹnẹni: Ijesu Inazareti, ọza ọni Oshomoshi si zụ wụ nini ki ọni ọnọ vi ọza ebebaani ọna karẹyi aani zirẹngwụ ụkọrọ ẹbani, isa oshishozeyi, ọnri ọsizụ ọni Oshomoshi mẹ zirẹngwụ aani, ini akaakana awụ nini, vene ẹwụ nin nyẹmbẹ mẹ yẹ. ²³Aa si ọnọni chire wụ ụvọ nini zirengwụ eto ọni Oshomoshi me tẹtẹ ọnri ọyiyẹ aani; ama dụụ wụ ọ nini ụmẹ ọnụụ kani ọ za ọchi avashi nini, zirẹngwụ oduofi nin. ²⁴Ama di Oshomoshi sha a kwẹẹtẹ, dọ naatụ fini ọngwẹngwụ ọna yini isuọwọza, fụvọki isuọwụọza ọi zụ taaku.²⁵Fụvọki Idevidi ọ karẹyi inọpati aani, ka, 'Ẹfi bo ọnim si re Ananyimi ini ọvidi ami, fụvọki ọ yini aka ụvọri ami, ana mẹ ki asim tụainẹ. ²⁶Fụvavọ ọtụtụrụma ami o shi yi ụjẹ, di irarẹ ami jụjẹ. Ọnri ka, ẹchẹngwụ ami vaa nyi ọkụayitụra ini irẹyi Oshomoshi.²⁷Fụvọki wa zaa fụri ifẹ ami ụvọ yi Ineeku Ọrọkọtọ, dọ va na si vi kụụ vaa navọ ki Ozi Ọnini awụ ọ vụ vasha. ²⁸Wa shafụ oze ẹshẹ sha yi mi; ụ vaa navọ ki me shi yi ụjẹ ineyi awụ.'²⁹Ẹwụ nin ẹnyara ami, mve zuu juvọkurachi karẹ̣yi yụ wụ nini inọpati Idevidi: oo su, de nee, di irikuta aaani ya pe yi turajini. ³⁰Fụvavọ, ọkisẹ ọnọ vi, dọ yẹ ki Oshomoshi ọ sheku bẹri ireji yiọni ka, ọnvaa si ozi aani ọnya shirogedẹ aani. ³¹Ọọ nyi ẹtoore ọnọni tụọvidi, fụvavọ dọọ karẹyi ini ọpati oshisha kwẹẹtẹ Ikristi, dọ ka, 'Azẹzi shiayi aani tụni Ineeku Ọrọkọtọ, dọ va na si vi ki ẹchẹngwụ aani ọ vụ vasha.'³²Ijesu ọnọni --- Oshomoshi ọ sha a kwẹẹtẹ, dọ si vi ki ẹyi bo vi onivenu aani. ³³Fụvọki a si ọ shirẹ nẹbẹba da, da si ọ na tụni aka ụvọri Oshomoshi, ọnri ki ọ dọ Ifẹ Ọnini ọna motowu aani yọ finụvọ Adayi da, fụvavọ ọ va Ifẹ Ọnini ọnọ vaku yi da; ọnu wee re,dụ waa wụrẹyi aani nin aani.̣³⁴Fụvọki, Idevidi ọ zi shirẹ ni ineeku ẹbẹẹba, ama dọ ka, 'Ananyiyi ọọ ka yi Ananyimi ka, "Yatụ tụni aka ụvọọri ami, ³⁵netu ẹfi ọnim va sii si ọnivi awụ mẹ irẹfụ ọnụụ vaa kụ afụ awụụ shi."' ³⁶Fụvavọ, navọ di ovuovu ireshi Isrẹni nin bo ẹ yẹ ki ọzi nyi ọjirẹka ka Oshomoshi ọ si Ijesu mẹ Ananyiyi ọnri Ikristi (Ọdazatụ) da; Ijesu ọnọni ọnụụ wụ ini ọchi avashi nin."³⁷Ẹfi ẹnẹ wụ irẹyi ọnọni, dọ kani wa ọtụtụrụma, di ẹngwụ aa jụ wa ebe, dẹ fọ Ipita ọnri ọnitụ nin anavọ ka, "Ẹwụ nin ẹnyara ayi, sẹnọ vọrọ ki ya mẹ kẹ?" ³⁸Inaani, di Ipita kaa yụ wa ka, "Rinẹ varama, doti a mẹ isami yi ọzọnuọnya awu nini, ini iresha Ijesu Ikristi, doti a zụ si aichama awụ nin vayawụ nini, du vee re ọiza Ife Ọnini dọ nini. ³⁹Fụvọki otoowu ọnọni vana yinaani yụ wụ nini, shi ezi awụ nin, shi aza bo ana yi irasha ana gọdọ fiizọni; shi azẹrụrụ ẹrụrụ ọni Oshomoshi Ananyiyi vaa shi."⁴⁰Ọ karẹyi renyi renyi ọnọ si divenu yụ wa, dọ tụ wa ụkata, dọ ka, "Di ẹngwu awu nini tu fini evereze ọshimi ọnọni." ⁴¹Inaani, dẹ dọ irẹyi aanini wụ, da mẹ isami yụ wa; aza akashi oze ẹẹta (3,000) ẹnẹ vabẹrẹ wa ishọnọ. ⁴²Dẹ vashi irenube ọiza ọzizụ aza vene ọnitụ Ijesu nin mẹẹ mẹ, ọnri ka dẹẹ nyi iragụ anọdọwụ, ini ẹ mẹmẹ gẹ a ga isari ri, ọnri ọtituozurenu vaabẹ.⁴³Di angwashi ngwụ aza bo ẹgwụ, dẹ va mẹ isa oshishozeyi ọnri ọtẹrẹwa renyi renyi zirẹ̣ngwụ ọnitụ nini. ⁴⁴Aza bo ana dọwụ vana gẹ aa ra, di ẹnbo gẹ aa mọnyọnya. ⁴⁵Dẹẹ na ogu ọnri isẹnẹ nyi bo, dẹẹ ga a yi aza vene ọngwẹngwụ ọzọọza mẹ bani tu.⁴⁶Inaani, dẹ si ọma vọnya eyinieyini ini itẹmpụrụ, dẹẹ gẹ a ri isari ineeshi ẹngwụ, fineeshi ọzọnya na ngwụ ọsa, dẹẹ si ụjẹ ọnri ivefu ọiza ga isari ini akaakana aanini. ⁴⁷Dẹẹ sụga yi Oshomoshi, di aza bo ee re wa eyi. Eyinieyini ọni Ananyiyi a si si ẹnẹnọ dọtụ bẹrẹ wa.

Chapter 3Ipita ọ fụ osuafụ ikụ sha

¹Irẹkụshi ọnyi, di Ipita ọnri Ijọọnụ aa ni ni itẹmpụrụ, ini ọpati agogo ẹta ini ọọdụ, ẹfi ana sii tuozurenu. ²Dọ va si vi ki ọ nyi ọnọrụ ọnyi one suafụ amẹ fụrẹ ma a, dee chema vaa tụni ọchiọfọ itẹmpụrụ anaa shi Ozoza eyinieyini, doti o roze pa ẹkẹshi finụvọ ẹnẹna ngwụni itẹmpụrụ. ³Ẹfi ono re ki Ipita ọnri Ij̣ọọnụ aa vaa ngwụ itẹmpụrụ, dọ pa wa ẹkẹshi.⁴Ipita ọnri Ijọọnụ ẹ feyi shi o, di Ipita ka, "Vareyi re yi." ⁵Osuafụ ọnọ ọ veyika wa, doo zi ki ẹ vaa si isa yi ọni. ⁶Ama, di Ipita ka," Ma zi nyi ẹkẹshi, ma zi nyi ọmọ, ama isa ọnim nyi, ọnim vaa si yụ wụ. Ini irẹsha Ijesu Ikristi Inazarẹti, waa zụsẹ."⁷Ipita ọ za a ụvọri, do tura a shirẹ, ụmụmọ di ụkata ngwụ osuafụ ọnọ ẹpẹpẹtụfụ ọnri atafụ ụfụ aani. ⁸ Di osuafụ ọnọ ji shirẹ, dọ kwẹẹtẹ dine, dọ vẹrẹ aa zụsẹ; ọ vatụra Ipita ọnri Ijọọnụ ngwụni itẹmpụrụ, dọọ zụsẹ, doo jii shirẹ, dọọ sụga yi Oshomoshi.⁹Aza bo e re ọ maa zụsẹ, dọọ sụga yi Oshomoshi. ¹⁰Ẹ mẹ yẹ ki ọnọrụ anaa pa aza ẹkẹshi ini Ọchiọfọ Ozoza itẹmpụrụ yọ; isa ana mẹ shi osuafụ ọnọ vene shuweeyi, dẹ sharenu sha.Ipita ọ karẹyi ini ọdẹdẹ Isoromoni¹¹Ọ mẹ zi Ipita ọnri Ijọọnụ, di o shi aza bo eyi, de zuechi ve tu wa ini ọdẹdẹ itẹmpụrụ ọnaa shi Ọdẹdẹ Isoromọni. ¹²Ẹfi ọni Ipita re isẹni bo, dọ tụ azẹnẹ oshi, dọ ka," Ẹwụ nin ani Isrẹni, ọmẹzi di irẹyi ana mẹ meen shuweyi nin, duu feyishi yi nini, venebiri ki ụkata ọnri ọnini ayi ọnii si mẹ ki ọnọrụ ọnọni ọọ zụsẹ?¹³Oshomoshii Abrahamụ, Aiziki ọnri Ijakọbụ, Oshomoshi ada ayi nini, ọnọ si ụbani yi ozida aani Ijesu, dọ si ọ tụẹba. Ọni ọnọ vi ọza ọnụụ si chire Ipaireti ụvọ, duu yi o tẹtẹ nin ẹfi ọni Ipaireti kaa ki ọ naa vaa fụrẹụvọ. ¹⁴Wee yi Ọza Ọnini ọnri Ọmanasẹrẹ tẹtẹ nini, dụụ fisue ki akikọnọ a fụrẹ ọwụọza ụvọ yụ wụ nini.¹⁵Waa wụ Ẹzẹna si Ẹshẹ Shiẹtẹ nini, ẹzẹni Oshomoshi sha kwẹẹtẹ fiini su --- ẹyi bo vi onivenu irẹyi ọnọni. ¹⁶Ọmẹyani, zirẹngwụ ọdọwụ ini irẹsha aani --- ọnọrụ ọnọni ọnụ wee re aani nin, dụụ yẹ nin --- irẹsha ọnyọnya ọnọni ọnọ yi ọ ụkata. Ọdọwụ ọna vẹ zirẹnwụ Ijesu ọnọ si ẹngwọrọ ẹchẹngwụ ọgụrigụ inọvidi awụ nini.¹⁷Ọmẹyani, ẹwụ nin ẹnyara ami, maa yẹ ka ini arimayẹ ọnụụ ya mẹ isẹnẹ ụmẹ nini, vene oshirẹsụ awụ nin mẹ zẹ mi mẹ. ¹⁸Ama, irẹyi ọni Oshomoshi ka tẹtẹ zirẹngwụ ọkisẹ nin ka, Ikristi aani vaa rụya, ọni ọnọ va sẹ da aani.¹⁹Fụvavọ, rinẹ varama nini, dụ wa varama ka Oshomoshi vẹ, doti azụ nyina aichama awụ nini sha, doti ẹfi ọti tụ wụ nin ụkata ọ va zụ vẹ fiidi Ananyiyi; ²⁰ọnri ki doti ọ tụ Ikristi vẹ, ọna ni tẹtẹ yụ wụ nini da, ọna vi Ijesu.²¹Ọni, ọnọ vi ọza ọni ineeku ọiza bẹdọ vaa dọ poro netu ẹfi ana va sii teni isa bo varama, ana vi irẹyi ọni Oshomoshi ka inọpati aani fụrụmọrụmọ zirẹngwụ ọkisẹ nin. ²²Inirẹiza, Imosisi ọ kaa ka, Oshomoshi Ananyiyi vaa si ọkisẹ ene vene mi kwẹẹtẹ fini akaakana ẹnyara awụ nini. U vee batọ dụụ wụ irẹyi bo ọnọ vaa ka yụ wụ nini. ²³Dọọ si vi ki, aza bo ana razi wụ irẹyi ọkisẹ ọnọ venee vee vuri fiini akaakana aza Oshomoshi.'²⁴Avọ ọnọ mẹ vi, di ọkisẹ nin bo fụri ẹgẹ Isamụẹni na ngwụ ẹnẹna vẹ inaama aani, karẹyi tụẹshẹ, de showu isẹnẹ vaa mẹ bo ini ẹkụshi ẹnẹni. ²⁵Ezi ọkisẹ ọnụụ vi nin, dụụ zẹ vi vi ezi irẹzẹ ọni Oshomoshi pe oshuku awụ nin mẹ, ẹfi ọnọ kaa yi Abrahamụ ka, 'Ininẹ ọina awụ ọna va yaa mẹ ẹdabẹrẹ yi ovuovu ireshi bo ọna yini ẹshẹ ọnọni.' ²⁶Inaama ọni Oshomoshi si ozida aani kwẹẹtẹ da, ẹwụ nin ọnọ bidi tụ ọ shi, doti ọ zụ mẹ ẹdabẹrẹ yụ wụ nini ụmẹ ọnọ raa mẹ wụ nin rinẹ varama fini aichama awụ nini.

Chapter 4Aa za Ipita ọnri Ijọọnụ nọ ini Ikootu

¹Ipita ọnri Ijọọnụ maa karẹyi yi azẹnẹ, di arufa ọnri ọseipe itempụrụ bẹri Isadusi nin ve tu wa. ²Di inẹ aani du kokoro, fuvoki Ipita ọnri Ijọọnu aa zụ azẹnẹ inọpati Ijesu meme su, di Oshomoshi mẹ ki ọ sha kwẹẹtẹ fiini akaakana ẹnenefu su vavẹshẹ. ³Ẹ za wa, dẹ kụ wa na tụni ijaaru neyishẹ fụvọki oruva o tu da. ⁴Ama, di azẹrụrụ ana wụ irẹnube ọiza ọnọ ka, dọ̣ọwụ; anẹrụ ana dọọwụ vi ọpati akashi oze ẹẹshi.⁵Ineyineyishẹ aani, di ọdọvidi aanini, azekụ ọnri ọyofi nini, peregụ tụ Ijerusarẹmụ. ⁶Anasi, ana vi oshirẹsụ arụfa yi izọ, shi Ikayafasi bẹri Ijọọnu onri Anẹkzandẹra, shi anda oshirẹsụ arụfa bo vana yi izọ. ⁷Ụmẹ ẹnẹ si Ipita ọnri Ijọọnụ tụni akaakana aanini da, dẹ fọ wa ka, "Zirẹngwụ ụkata ọnri iresha ẹzẹnụụ maan si mẹ nin?"⁸Inaani, Ipita me shii yi Ifẹ Ọnini, dọ kaa yụ wa ka, "Ẹwụ nin ọdọvidi ọnri ẹwụ nin azẹkụ, ⁹aaviki wa fọ yi inọpati isa ọiza ọnii mẹ yi ọnọrụ ọnikụ ọnọni --- yere ụkata ọnii si fụ ọ ikụ sha? ¹⁰Me si ki ẹwu nin ọnri ani Isrẹni bo ẹ yẹ ka, ini irẹsha Ijesu Ikristi ọi Inazarẹti, ọnụụ wụ tụni ọchi avashi nini ọnri ọni Oshomoshi sha kwẹẹtẹ fiini isu --- zirẹngwụ aani ọna zi fụ ọnọrụ ọnini ana dinẹ tụwụọvidi nin aani ikụ sha.¹¹Ijesu Ikristi vi irẹta ọni ẹwụ nin, vene ọtụrareshi, sieyi wụ, ama da va si ọ mẹ oboro irẹta ireshi. ¹²Ọzi nyi ọdidọtụ ini ọzẹnẹsa, fụvọki ọzi nyi irẹsha ọsa ana si yi anẹshẹ ini ẹshẹ ọnọni ọnii vaa zirẹngwụ aani nyi ọdidọtụ.Iragụ anọdọwụ nin ẹ tuozurenu¹³Ụmene re ayọọvi Ipita ọnri Ijọọnụ, dẹ vana zẹ va yẹ ki aza kẹnẹ kẹnẹ ana razi zi kiwe ẹnẹ vi, do shuweeyi; dẹ shẹshẹ vaa yẹ ka idi Ijesu ọnẹ bidi ya. ¹⁴Ama, ọzi nyi isa ọnẹ zụ ka shi wa, fụvọki e re ki ọnọrụ ọna fụ ikụ sha ọ dinẹ pe wa.¹⁵Ama, inaama ẹnẹ si ụmọ kaa yi onitụ ẹnẹni da ki ẹ fini iragụ awụọni, dẹ va na nọma. ¹⁶Dẹ ka, "Sọnii va sii mẹ azẹnẹni kẹ? Fụvọki aza bo ana yi Ijerusanẹmụ ẹ yẹ ka zirengwụ aanini ana si mụkọrọ ọshishozeyi; yai zụa shi ọ apinẹ. ¹⁷Ama, doti asi ireyi ọnọni na garashi fuavọ, i vaa kawọnọ ki asẹ kụ kareyi yi aza ini irẹsha ọnọ." ¹⁸Dẹ shi Ipita ọnri Ijọọnụ, dẹ si ụmọ kaa yụ wa ka, asẹ kụ karẹyi vụụvụrụ naveki ẹ zụ aza isa ini irẹsha Ijesu.¹⁹Ama, di Ipita ọnri Ijọọnụ voshi, dẹ ka, "Ọwa vọrọ ini eyi Oshomoshi ki a vatụra irẹyi ayawụ nini naveki a vatụra irẹyi Oshomoshi; mi ishọọji irẹyi ọnọni nini, deere. ²⁰Yai zụa sirenu kuoku ini irẹyi ọkika inọpati isẹnii re, dii zẹ wụ inọpati aani da."²¹Inaama ẹnẹ zẹ teni ka Ipita ọnri Ijọọnu ọnọ da, dẹ fụrẹ wa ụvọ ki ẹẹ na. E zi re oze ẹnẹ va zi mụya rụ wa. Fụvọki azenẹ bo va naa sụga yi Oshomoshi fụvọ isẹni Ipita ọnri Ijọọnụ mẹ da. ²²Ọnọrụ ọna fụ ikụ sha ini oze oshishozeyi aani o funa irayi ẹbẹrẹẹva.²³Inaama ana fụri Ipita ọnri Ijọọnụ ụvọ da, de vẹ tu aza aanini, dẹ kaa yụ wa isa bo ọni arụfa ọbani ọnri azẹku nin ka yụ wa. ²⁴Ẹmẹ maan wụ da, dẹ vabẹ siọ ọngwẹ tuẹba tuozurenu shi Oshomoshi ka, "Ananyiyi, ẹwụ ọnọ mẹ ẹtẹ, shi ineeku, shi irefu, ọnri isa bo ọna yininẹ aanini. ²⁵Wa karẹyi zirẹngwụ Ifẹ Ọnini zirẹngwụ irenu ozida awụ, ana vi ada ayi Idevidi, ka, 'Ọmẹzi di ayi kụ irẹkụravabẹ Ijentaini nini, di aza aanini nyi aaro ọshimi ọshimi ini ọtụtụrụma aanini kẹ?'²⁶Wa kaa ka, 'Oshinọyi anẹshẹ nin ee pere ẹngwụ vabe, di ọdọvidi aanini pere ẹngwụ gụ veeyika Oshomoshi Ananyiyi ọnri Ozi aani, Ikristi.'²⁷Ini irẹiza, Ihẹrọdụ ọnri Ipontiyusi Ipaireti bẹri Ijẹntairi nini onri ani Isrẹni nini ee pere gụ ini irekụra ọnọni fụvọ Ijesu, ozida awụ ọnini, ọnụụ ni tẹtẹ renyi. ²⁸De pere gụ ki ẹ naa vaa mẹ isa bo ọnụụ sụvọ awụ mẹ eto aani tẹtẹ.²⁹Ọmẹyani, Ananyiyi, zama otoowu ụyọọri one wu shi yi, dụ wa tụ ezida awụ ọtuṭuṛụma doti ẹ zụ si ayọọvi karenube awụ. ³⁰Tanụvọ awụ wa si o fu iku sha, dụ wa si ami ọnri ụkọrọ oshishozeyi zụ ini irẹsha Ijesu ozida awụ ọnini." ³¹Inaama ọnẹ tuozurenu da, di irasha ọnẹ dinẹ tụ sheni, di enbo si shi yi Ifẹ Ọnini, dẹ si ayọọvi karenube ọiza Oshomoshi.Iragụ anọdọwụ nin ẹ va isa ọni enbo nyi bẹ³²Azẹrụrụ ana dọwụ vana nyi ọtụtụrụma ọnya ọnri ifẹ ọnya. Ọzi nyi ẹzẹna kaa ka isọni ọni nyi vi ayawụọni renya, akikọnọ dẹ gẹ nyi isa bo vabẹ. ³³Di ọnitụ ẹne aa si ụkata ọbani showu ivenu aanini inọpati ọshisha kwẹẹtẹ Ijesu Ananyiyi, di ọiza ọfẹ ọbani yarẹ enbo.³⁴Ọzi nyi ọzọnyọnyi ini akaakana aanini ana rụya isọnsọnyi, fụvọki ẹnẹna nyi iwe ẹtẹ ọnri ireshi inaanini vanaa na wa, ³⁵dẹẹ si ẹkẹshi aani na tụni irigada ọnitụ nini, daa va ga a yi aza zirẹngwụ ụya ọzọọza mẹmẹ bani tu.³⁶Ijosẹfụ ana vi Inẹvaiti, ọnọrụ ọni ọnitụ nini shi Ibanabasi (oni ọshafụsha aani vi Ozi Ọtụọzụkata) ana fụri Isiprọsi ³⁷ọọ na ẹtẹ aani, dọ si ẹkẹshi aani vi ni iragada ọnitụ nini.

Chapter 5Ananayasi ọnri Isafira

¹Ọnọrụ ọnyi ana shi Ananayasi bẹri Isafira ose aani, ọ na ẹtẹ aani, ²dọ yini ẹkẹshi ẹtẹ ọno si tẹ (ose aani ọ zẹ yi yẹ inọpati aani). Dọ si anavọ va tụni iragada ọnitụ nini.³Amaa, di Ipita ka, "Ananayasi, ọmẹzi di Eshu kushi wụ ọtụtụrụma kụ wa nyapinẹ yi Ifẹ Ọnini, dụụ yini ẹkẹshi ẹtẹ ọnọ si te kẹ? ⁴Ụmẹ ọnụ razi ni na ẹtẹ ọnọ, aivi ayawụ ọnọ vi? Inaama ọnụ na da, ai vi ẹwụ ọnọ zẹ nyi nyi ụmọ tụra a? Ọmẹzi du roo ini ọtụtụrụma awụ kụ maan vaa mẹ? Aivi aza ọnụ nyapinẹ yi, ama Oshomoshi." ⁵Ananayasi mẹ wụ irẹyi ẹnẹni da, dọ sẹdụ nyẹtẹ, dọ tụfẹ ọikọọta, di angwụashi ọbani ngwụ ẹnẹna wụ irẹyi ọno ẹngwụ. ⁶ Di ezi ọmụsha ẹnyi ve chire e okuma, dẹ si ọ jinẹ ni ni ẹshẹshẹ, de ne ne e.⁷Inaama iwakati ẹta, di ose aani ngwụ ireshi vẹ, ama ọ zi yẹ isẹnẹ mẹ. ⁸Di Ipita kaa yọ ka, "Kaa yi mi dee re, avọọ ụmẹ wa ni na ẹtẹ ọno nin?" Dọ ka, "Avọ yọ."⁹Inaani, di Ipita kaa yọ ka," Ọmẹzi dụ gẹ nọma kụ wa mọ, ifẹ Ọ̣nini Ananyiyi, re nin kẹ? Re, afụ anẹrụ ene ne ne oku ọva awụ ki ẹ yini ọpanfuoze, ẹni ẹnẹ zẹ va sii si ẹwụ nyẹmbẹ jinẹ." ¹⁰Ụmụmọ, di Isafira sẹdụ, do su tụni iragadạ Ipita. Ezi ọmụsha ẹnẹ mẹ vẹ, de re ki o fu su, de chema jinẹ, de ne ne pe ọva aani. ¹¹Di angwụashi ọbani shi ichọọchi bo, ọnri aza bo ana wụrẹyi ẹnẹni.Aa mẹ ụkọrọ oshishozeyi ẹrụrụ ẹrụrụ¹²Di ọnitụ nini aa mẹ ụkọrọ oshishozeyi ọnri ami renyi renyi inakaakana aza. Enbo vana gẹ yini ọdẹdẹ Isoromoni. ¹³Ọzi nyi ọzẹnẹsa ana nyi ọtụtụrụma na vabẹrẹ wa, ama di aza aa si ụbani yụ wa kokoro.¹⁴Tuavọ tuavọ, di anọdọwụ nin aa rụrụụ tụọ yi Ananyiyi, shi anẹrụ shi anyẹnẹ vanaa vaabẹrẹ wa, ¹⁵netu ka dẹ kụ ọnikụ nin vashi oze, ini upoto ọnri aanga, ka ụmọni Ipita raa parafu, di ụmama aani ọ zụ shaku azẹnyi inaanini. ¹⁶Di azọkọnị fụri ọkaakoro Ijerusanẹmụ vẹ, dẹ kụ ọnikụ renyi renyi, shi ẹnẹna nyi ifẹ azeeshi vẹ, da fụ enbo ikụ sha.Aa za ọnitụ nin, da zẹ fụrẹ wa ụvọ¹⁷Ama, di oshirẹsụ arụfa kwẹẹtẹ, shi ẹnẹna ya pe e (Isadusi nini); de shii yi ayamkụ fụvọ ụkọrọ oshishozeyi ẹnẹẹ mẹ, ¹⁸dẹ za ọnitụ Ijesu nini, dẹ kụ wa tụni ijaaru ijọva.¹⁹Tuavọtuavọ, inaafụ, di angẹni Ananyiyi na oze ọba ijaaru, dọ ku ̣wa jinẹ, dọ ka" ²⁰Na, wa na dinẹ tụni itẹmpụrụ, dụ wa karẹyi Ẹ̣shẹ Ọwọọwa ọnọni zụ aza nini." ²¹Ẹfi ẹnẹ wụrẹyi ọnọni da, dẹ ngwụni itẹmpụrụ na ini ajuveyini, dẹ naa zụ aza isa. Ama, di arụfa ọbani ọnri ẹnẹna ya bẹrẹ ẹ, shi iragụ opoze nin vaabẹ ọnri azẹkụ ani Israeni nini, dẹ tụ ki a na kụ ọnitụ Ijesu nin fini ijaaru vẹ.²²Ama, ashoja ana na ezi re wa ini ijaaru. Dẹ varama va kitụ yụ wa. ²³ "Yee ne tu ki ọba ijaaru vene chire ẹtẹẹtẹrẹ, di oserẹte nini dinẹ tụni oze. Ama, ẹfi ọnii na oze, ye zi re ọzọnyọnyi ini ininẹ aani."²⁴Ụmọni ọga ashoja itẹmpụrụ ọnri oshirẹsụ arufa nin wụ ireyi ẹnẹni, dọ shaga shuweeyi, fụvọki ẹ zi yẹ ọvairẹsụ irẹyi ẹnẹni. ²⁵ Di ọzọnyi va kaa yụ wa ka, "Anẹrụ ọnụụ kụ shi ini ijaaru nin ẹ dinẹ tụni itẹmpụrụ a zụ aza isa."²⁶Inaani di ọga ashoja ọnri ashoja aani na za wa vẹ. Ẹzi si ụkata za wa, fụvọki ee shangwa ki aza vee ne ẹni irẹta. ²⁷Ẹmẹ za wa vẹ da, dẹ kụ wa tụni ọvidi ani opoze nini. Di arufa ọbani a fọ wa, ²⁸dọ ka, "Yaa ka yụ wụ nin ki asụụ kụ zu ̣aza ini irẹsha ọnọni nini, tuavọtuavọ isa ọnụ waa zu ̣aza nin ọ si gara shi Ijeusanẹmụ; wee si ka anya ọnọrụ ọnọni ọ ya yi irẹsụ nin."²⁹Ama, di Ipita ọnri ọnitụ nin anavọ voshi ka, "Oshomoshi ọnii bẹdọ wụrẹyi aani aivi irẹyi aza. ³⁰Oshomoshi ada ayi nini ọnọ sha Ijesu kwẹẹtẹ, ụmẹ kani ọ za ọchi avashi dụụ wụ ọ nin. ³¹Oshomoshi ọ si ọ tụẹba ini aka ụvọri aani,̣ dọ si ọ mẹ ozi oshinọyi ọnri ọdọzatụ, doti ọ si oririnẹ varama ọnri ọdidụvọ aichama yi Isrẹni. ³²Ọnivenu isẹnẹni ọnii vi; avọ ọni Ifẹ Ọnini ọn mẹ zẹ di divenu isẹnẹni; Ifẹ Ọnini voni Oshomoshi si yi ẹnẹna si irẹyi aani mụkọrọ."³³Ụmọni iragụ azẹkụ nin wụrẹyi ọnọni, di aikụ wa kokoro, dee sioze ki ẹnẹ wụ ọnitu Ijesụ nin. ³⁴Ama, di Ifarisi ọnyi ọnaa shi Igamanieni, anaa zụ aza ofi, ana aza bo si ụbani yi, dọ kwẹẹte, dọ̣ si ụmọ kaa ki asi ọnitụ ẹnẹ jinẹ ini ẹfi keere savọda.³⁵Inaani, dọ kaa yụ wa ka, "Ẹwụ nin ani Isrẹni, zama irẹyi ọnọni re ẹtẹrẹ nini, du we roo kokoro nin, isọnụụ nyi tụni ọtụtụrụma kụụ va sii mẹ azẹnẹni. ³⁶Fụvọki ini ụmọnyi, Iteudasi ọ kwẹẹtẹ, dọọ si ẹngwụ aani tụẹba ki ọ nyi isẹnọni vi. Di azẹrụrụ, ọpati aza akaava (400) na bẹrẹ ẹ. Ọzi nyi izono tu da wụ ọ, di ẹnẹna vi eziafụ aani si garashi, di irẹyi aani si vi osusu. ³⁷Inaama aani, Ijudasi ani Iganini ọn zẹ kwẹẹtẹ, ini ụmẹ ana sii za aza ika, dọ tọọ aza ku ẹngwụ. Shi ọni vana zẹ wi wụ, di eziafụ aani bo si garashi.³⁸Ọmẹyani, maa kaa yụ wu nin, kavana yi azẹnẹni, dụ wa navo wa shẹ nin. Fụvọki aaviki aaro ọnri ọmimẹ aanini vi aaro anẹshẹ, a vaa fụrẹkụ aanini. ³⁹Ama, aaviki aaro ọnri ọmimẹ Oshomoshi yọ, wai zụa fụrẹkụ aani nini; ọzọmayẹ ọọ na da mẹ, duu vee re ki Oshomoshi ọnu wee pee kụrẹkụ nin." Di irẹyi aani ngwụ wa ụtọ.⁴⁰Inaani, dẹ shi ọnitụ Ijesu ẹnẹ, de tu wa. Dẹ va si ụmọ kaa yụ wa ki asẹ kụ karẹyi ini Irẹsha ọnọ. Dẹ va fụrẹwa ụvọ. ⁴¹Dẹ fiini iragụ opoze, dẹẹ jụjẹ kaa aa za ẹni ika bẹrẹ ẹnẹna mụyari, da mụshi nyi, fụvọ Irẹsha ọnọ. ⁴²Inaama isẹnẹni, dẹẹ si eyineyini, yini itẹmpụrụ ọnri fini ireshi ọnya na ngwụ ọsaa showu ka Ijesu ọnọ vi Ikristi.

Chapter 6Aa ni ọnọgụvọ ishimba

¹Ụmavọ, di eziafu Ijesu nin aa rụrụụ tụọ, di Iju nin ana pa ini ẹtẹ Igiriki nin, dọ si vi ki irẹkụra Igiriki ẹnẹẹ ka, vẹrẹ a tụrẹka Iburu nini, fụvọki ẹẹ sieyiwụ osoku aanini eyinieyini, aaviki ẹẹ ga isari yi aza.²Di ọnitụ Ijesu ẹnẹwụrẹva shi eziafụ aani ọkọni gụ, dẹ ka, "Ọzi sẹrẹ ki ya navọ irẹyi Oshomoshi tẹtẹ fụvọ isari ọgiga. ³Fụvavọ, ẹwụ nin ẹnyara ayi, ni anẹrụ ishimba fini akaakana awụ nini, ana dọrenu, de shi yi Ifẹ Ọnini ọnri ụvira, doti ya si isari ọgiga chire wa ụvọ. ⁴Ini ayi ẹyọni, ẹfi bo ọni va sii tuozurenu, di yaa mụkọrọ irenube ọiza ọni Oshomoshi si chire yi ụvọọ nọvidi."⁵Di irẹyi ọnẹ ka shine aza bo. Inaani, dẹ ni Isitivini, ana vi ọnọrụ ene shi yi ọdọwụ ọnri Ifẹ Ọnini, Ifiripi, Ipronchurọsi, Inikanọrụ, Itimọni, Ipamẹnasi ọnri Inikolausi ana vi Ijẹntairi fụri Antiyọki. ⁶Di anọdọwụ ẹnẹ sụ wa vinọvidi ọnitụ Ijesu nin, di ọnitụ nin tuozurenu yụ wa, dẹ sụvọ tụra wa irẹsụ.⁷Avọ ọni irẹyi Oshomoshi mẹmẹ aa garashi tụọ, di eziafụ Ijesu aa rụrụụ tụọ ini irẹkụra Ijerusanẹmụ, di arufa ẹrụrụ ẹrụrụ kụa si irẹyi ọdọwụ mụkọrọ.Aa za Istivini⁸Ụmavọ, di Isitivini si shi yi ọiza ọfẹ Oshomoshi ọnri ụkata, dọọ mụkọrọ oshishiozeyi ọnri ọsisizụ ẹbani ẹbani ini akaakana azẹnẹ. ⁹Ama, di iragụ azẹnyi anaa shi Isinagọgụ Aza ana Natụ kwẹẹtẹ tu o; ẹnẹnaa vaatụra ọzizụ Isirini ọnri Aneksandụra ẹnẹ vi, di ẹnyi fụri Isisiriya ọnri Eshiya. Dee pe Isitivinii nyi ẹshankata.¹⁰Ama, ẹi zụ veyika ụvira ọnri Ifẹ Ọnini ọni Isitivini aa sii karẹyi. ¹¹Inaani, dẹ mẹ ochirirenu yi azẹnyi doti ẹ kaa ka, "Yaa wụ Isitivini mẹ karẹyi isaanyisi shi Imosisi ọnri Oshomoshi."¹²Dẹ tụ azẹnẹ irẹkụ, shi azẹkụ aanini, shi ọyofi aanini, de ne tu Isitivini dẹ za a, dẹ si ọ ne tu iragụ azẹkụ nin. ¹³ Dẹ shi onivenu anapinẹ nin vẹ, dẹ ka, "Ọzọnọni vanaa karẹyi ene rezi ze shi irasha ọnini ọnọni ọnri ofi nin poro. ¹⁴Fụvọki yaa wụ ki ọ kaa ka Ijesu ani Inazarẹti ọnọni vaa chaka izọni bo vaa sha, doo du isoshiẹtẹ ọni Imosisi si chire yi ụvọ bo." ¹⁵Di ẹnẹna yini iragụ azẹkụ ọnọ bo feyishi o, de re ki eyi aani o vene eyi angẹni.

Chapter 7Irẹyi ọni Istivini ka

¹Di oshirẹsụ arụfa ka, "Irẹiza ọni isẹnẹni wa vi?" ²Di Isitivini voshi, dọ ka, ewụ nin ẹnyara ami, shi ewụ nin ada ami, batọ tụni irẹyi ami nini: Oshomoshi ana nyi ụga ọ siẹngwụ zụ adayi Abrahamụ ẹfi ọnọ si yi Imẹsotopemiya, dọ tangwa vanyi ki ọ na ra tụ irẹkụra Iharani; ³dọ kaa yọ ka, 'Kwẹẹtẹ fụri ẹtẹ irẹkụra awụ, dụ wa navọ anreshi awụ, dụ waa nọ ẹtẹ irẹkụra ọnim va sii zụ wụ.'⁴Inaani, dọ kwẹẹtẹ fụri ẹtẹ irẹkụra ani Ichaadiya nini, dọ na ratụ Ihanani; inaama ọni ada aani fu su, di Oshomoshi si vini ẹtẹ izọni, ọnụụ ra nini aani. ⁵Ọ zi si ọnyọnyi ini ẹtẹ ọnọ yọ, shi irasha che ọnọ va zụụ si ụfụ ụ shi. Ama, shi ọmẹ daka vi ki Abrahamụ ọzi ma ozi, dọ mẹ otowu yọ ki ọn vaa si ẹtẹ ọnọni yọ, dọ vara ayaani ọnri ayi ezirama aani.⁶Di Oshomoshi maan kaa yọ ka ezirama aani vaa si ẹfi keere ra ini akaakana anrẹkụra ọsa nini, ọnri ki anrẹkụra ẹnẹ vaa za wa ọrishi, dẹẹ mẹ irẹyi ọshimi ka wa na mẹ irayi akaava (400). ⁷Di Oshomoshi ka, 'Ama, mvaa mishọọji yi irẹkụravabẹ ọnẹ vaa mọrishii yi. Inaama aani, ẹ vaa varama vaa fẹkẹ mi izọni.' ⁸Inaani, di Oshomoshi si ireji ụma ọjiji yi Abraamụ; inaani di Abrahamụ ma Aiziki, dọ ji ọ ụma ini ọkụshi ọfụshinta. Aiziki dọ ma Ijekọbụ; di Ijekọbụ ma ezi ẹwụrẹva ana vi oshuku oshirẹsụ ụna ẹwụrẹva ana yi Isrẹni.⁹Fụvọki oshuku oshirẹsụ ẹwụrẹva ẹnẹni ẹ nyi ayamkụ yi Ijosẹfụ, dẹ na a yi anrẹkụra Ijipiti, ama di Oshomoshi ya bẹrẹ. ¹⁰Dọ ji ọ tụ fini irẹkụ ana ku tu o bo. Dọ sieyi ayụva re Ijosẹfụ, dọ si ụvira yọ ini ọvidi Ifarao, oshinọyi Ijipiti,ana si ọ mẹ Igomina Ijipiti ọnri anreshi aani.¹¹Umotu, di ọshashi yini irekụra Ijipiti ọnri Ikenaani, di ụya ọbani vẹrẹ aa ri aza, di oshuku adayi nini rezi re isari ri. ¹²Ama Ijekobu mẹ wụ ki isari yi ẹtẹ Ijipiti, dọ tụ ada ayi nini ụsoze aanini ipaapa. ¹³Ini ụsoze ụpọfụụva, di Ijosẹfụ siẹngwụzụ ẹnyara aani, di Ifarao ọn nyẹmbẹ kụ zẹ yẹ anreshi Ijosẹfụ.¹⁴Di Ijosẹfụ tụ ẹnyara aani varama ki ẹ na kaa yi ada aani Ijekọbụ ki ọọ vi Ijipiti, di ọni shi anreshi aani bo si vi ẹbẹrẹta rẹwụ rẹshi. ¹⁵Fuvavọ di Ijekọbụ chi na ngwụ Ijipiti, de su izọ, shi ọni shi adayi nini. ¹⁶De chema oku aanini ni Ishẹkẹmụ, de ne wa tuni irikuta ọna yini ẹtẹ ọni Abrahamụ si ẹkẹshi isiriva shi finụvọ ezi Ihamọ ini irẹkụra Ishẹkẹmụ.¹⁷Ẹfi ọni otoowu ọni Oshomoshi mẹ yi Abrahamụ e vee tu, di aza aani vẹrẹ aa fụ tụọ, dẹẹ rụrụ tụọ ini ẹtẹ Ijipiti, ¹⁸poro netu ẹfi ọni Oshinọyi osa ri ini ẹtẹ Ijipiti, oshinọyi ana razi yẹ inọpati Ijosẹfụ. ¹⁹Di oshinọyi ọnọni aa ji aza ayi nin vene, dọọ mụyaari yi adayi nin etẹtẹrẹ, dẹ mẹ wa ki ẹ kụ ezinụvọ aanini tụni ijamba doti asẹ zụ mẹshẹ.²⁰Ụmavọ ana si mi Imosisi; do zoza kokoro inọvidi Oshomoshi, dẹ si ụfẹ ẹẹta pa a ineeshi ada ani. ²¹Ẹmẹ si ọ tụni ẹshẹẹshẹ, di ozi ifarao ọnyẹnẹ si ọ mozi ma, dọ pa a venebiri ozi aani.²²Aa pa Imosisi, da zụ ọ ụvira ani Ijipiti nini bo, dọ nyi ụbani ini irẹyi ọkika ọnri ini ọmimẹ. ²³Ama, ọ mẹ gụ irayi ẹbẹrẹva, dọ ngwụ ọ ọtụtụrụma ki ọ na kụ ẹnyara aani ezi Isreni. ²⁴Imosisi me re ki aa mụyaari ozi ani Isrẹni ọnya, dọ dọirẹvụ vụ, do fu ozi ana Ijipiti isa, dọ wụ ọ nyẹtẹ. ²⁵Dọ kẹni ki o vee ye ẹnyara awụọn nin ki Oshomoshi ọnaa zirẹngwụ awụọni jiwaatụ, ama ozi voo ye wa.²⁶Ineyineishẹ aani, do ve tu ani Isrẹni ẹnyi ki ẹẹ zirazi; doo si ki o nee ji wa, doti ẹẹ mọnyọnya, dọ ka, "Ewụ nin anẹrụ, ẹnyara ọnụụ vi nini, ọmẹzi dụ waa tẹngwụ anava nin kẹ? ²⁷Ama, ẹzẹna rivi ini irẹyi ọnọ, dọ tụ Imosisi ụvọ finoze, dọ ka, "Ẹnẹ mẹ wụ oshirẹsụ ọnri ọnishọọji tụra yi irẹsụ kẹ? ²⁸Ụ wa zaa vaa wụ mi vene ụ mẹ zẹ wụ aani Ijipiti ọnọ irẹri?²⁹Imosisi mẹ wụ irẹyi ọnọni, do zue fụri Ijipiti; dọ si vara ọzọga ini ẹtẹ Imidiya, izọnọ ya mozi ọnọrụ ẹẹva. ³⁰Inaama irayi ẹbẹrẹva, di angẹni siẹngwụzụ ọ ini ụnọmi ọna yini Irẹsụfa Isinayi, ini ira ọnaa za ini aviofuofu.³¹Imosisi me ri ira ọno, do sheeyi; omaa kavaape ki ọno ne re ira ọnọ ẹtẹrẹ, dọ wụ ngwẹ Ananyiyi ka, ³²'Ẹmi ọnọ vi Oshomoshi ada awụ nini, Oshomoshi Abrahamụ ọnri Aiziki ọnri Ijekọbụ.' Di angwashi si ngwụ Imosisi ẹngwụ, dọ rai va kụ zụ zai re ira ọnọ.³³Di Ạnanyiyi kaa yọ ka, "Tụ ivata fini ụfụ awu, fụvọki irasha ọnụụ dine tụ aani vi ẹtẹ ọnini. ³⁴Ọzi nyi ọjirẹka ki mee re ụya ọni aza ami aa ri ini ẹtẹ Ijipiti; maa wụ owu aanini, dim chi vẹ ki ma va dọ wa tụ; waa vẹ ọmẹyani, ma vaa tụ wụ ni Ijipiti.³⁵Imosisi ọnụụ yi tẹtẹ nini ishọ̣, dụụ ka, 'Ẹnẹmẹ wụ oshirẹsụ ọnri ọnishọọji tụra yi kẹ?'--- Imosisi ọnyọnya ọnọ ọni Oshomoshi tụ ki ọ va moshirẹsụ ọnri ọjiọzatụ awụ nin. Oshomoshi ọ tụ ọ zirẹngwụ angẹni ọna siẹngwu zụ Imosisi ini aviofuofu. ³⁶Imosisi ọ kụ wa jinẹ fụri Ijipiti inaama ọnọ misa ọshishozeyi ọnri ọsizụ renyi renyi ini Ijipiti ọnri ini Irefu Iridi, shi ini ụnọmi ini irayi ẹbẹrẹva. ³⁷Imosisi ọnyọnya ọnọ kaa yi ani Isrẹni nini ka, 'Oshomoshi vaa si ọkisẹ ọnya kwẹẹtẹ yụ wụ nin fini akaakana ẹnyara awụ nin, dọọ vi ọkise vene mi.'³⁸Ọza ọni maa karẹyi aani ọnọ vi ẹzẹna yini iragụ inụnọmi ọnri angẹni ana karẹyi yọọ ini iresufa Isinai. Ọnọrụ ọnọni ọnọ vi ẹzẹna ya pe ada ayi nini; ọnọrụ ọnọni ọnọ vi ẹzẹna dọ irẹyi anaa si ẹshẹ yi azạ fiidi Oshomoshi va yi yi. ³⁹Ọni ọnọ vi ẹzẹni adayi nini razi zẹ si ụmọ aani mụkọrọ; dẹ tụọụvọ kavana fiini akaakana aanini, ọnri ka, ini ọtụtụrụma anini de va eyi ki Ijipiti. ⁴⁰Inụmavọ, dẹ kaa yi Erọọni ka, 'Pe yi mẹ ori nini ana vaa kụ yii zi. Aaviki ini ayi Imosisi ọna kụ yi fụri ẹtẹ Ijipiti, yọ, ya zi yẹ isẹnẹ na mẹ ẹ.'⁴¹Inaani, dẹ bẹ ozi ụnọ, dẹẹ mẹ isẹvọ yi ori ọnẹ bẹ, dẹẹ jụjẹ fụvọ isẹnẹ si ụvọ aanini bẹ. ⁴²Ama, di Oshomoshi varama ka wa, dọ fụrẹ wa ụvọ ki ẹ kụkụ fẹkẹ ụzọmi nin ini ovurukutu, vene amẹ chẹrẹ tuni iwe ọkisẹ nini ka, 'Ụ wa wụ isụpa mẹ isẹvọ yi mi nini ini irayi ẹbẹrẹva ọnụụ yini ụnọmi nin, ẹwụ nin anreshi Isrẹni?⁴³Waa tanụvọ dọ itabanakụ Imonẹki ọnri ọi ụzọmi Irẹfani, shi ọi ori ọnụụ bẹ ọnụ waa si fẹkẹ wa: mva si wụ nin kavaana fuu jinẹ izẹni Ibabirọni ya.'⁴⁴Ada ayi nini ẹ nyi itabanaku ivenu ini ụnọmi, vene Oshomoshi mẹ sụmọ karẹyi yi Imosisi ki ọ mẹ ẹ venebiri ẹngwụ ana si zụ ọ, ono re. ⁴⁵Ọnọni ọnọ vi ajengwụ ọni ada ayi nini si mẹ ayaanini, di ẹnri Ijọshụa si ọ̣ va ngwụ ẹtẹ aanini. Ineyi adayi nini, dẹ kụ ogu irẹkụravabẹ nin ọni Oshomoshi dụ fiini ẹtẹ ọnọ dẹ si ọ mẹ ayaanini. Di ajẹngwụ ọnọ yini ẹtẹ ọnọ netu ụmẹ Idevidi, ⁴⁶di Idevidi re eyi ayụva Oshomoshi, dọ ọ fọ ki ọn we ve zuu si irasha ọni Oshomoshi Ijekọbụ vaa ra.⁴⁷Ama, Isoromoni ọnọ da ireshi ọnọ yi Oshomoshi. ⁴⁸Tuavotuavo, Oshomoshi ana Nẹba Fu Bo ọ ma ra ini ireshi ọna si ụvọ da, vene ọkisẹ nin mẹ kaa ka, ⁴⁹'Ineeku ọnọ vi ogede ami, di ẹtẹ vi irasha ọkwafụshi ami. Yere ẹngwụ reshi ọnụụ vazụụ daa yi mi kẹ? di Oshomoshi voo fisue, navẹki sẹnẹ vi irasha ifooshi ami kẹ? ⁵⁰Navẹki aivi ụvọ ami ọnọ mẹ isẹnẹni bo?'⁵¹Ẹwụ nin azẹnẹni, wa nyi ọtụtụrụma ọkata nini chiẹngwụ, wa zi jụma ini ọtụtụrụma ọnri ụtọ awụ nini, dụ waa si ẹfi tụrẹfi kavaana yi Ifẹ Ọnini nin; dụ waa mẹ vene ada awụ nin mẹẹ mẹ. ⁵²Yere ọkisẹ ọnọvi ki ada awụ nin ọzi mụya ri kẹ? Ọkise ana vidi vẹ dọva nyi ki ọza ana vi Ọza Ọnini ọ vẹ vọnẹ wụ; di ẹwụ nin nyẹmbẹ zẹ si vara ọbọzafụ ọnri owụọza anaa wụ ọ vene ada awụ nini, ⁵³ẹwụ nin ọnọ dọ ofi ọni angẹni nin si shiẹtẹ, ama dụụ razi si ọ mụkọrọ nin."Ee ne Istivini irẹta⁵⁴Ẹfiẹni iragụ azẹkụ ẹnẹ wụrẹyi ẹnẹni, di ayi kụ wa kokoro, dẹ rianyi shi Isitivini. ⁵⁵Ama, fụvọki ọzene shi yi Ifẹ Ọnini ọnọ vi, ọ mẹ veyi shi ẹbẹẹba, do re ụga Oshomosho; do re Ijesu mẹ dinẹ tụni aka ụvọọri Oshomoshi. ⁵⁶Di Isitivini ka, "Re, mee re ẹbẹẹba ki ọ fụ sha, di mee re ki Ozi Ọza ọ dinẹ tụni aka ụvọọ̣ri Oshomoshi."⁵⁷Ẹfiẹni iragụ azẹkụ ẹnẹ wụrẹyi ọnọni, dẹ ku ạvọ ku ụtọ, dẹ si ọngwẹ tụẹba, dee nowu, di enbo kụọgiri zuechi ne tu Isitivini. ⁵⁸De tura a fini akaakana irẹkụra ọnọ, dẹ vẹrẹ ee ne irẹta, di onivenu aanini tụ abada aanini,dẹ kụọ pẹ ozueyi ọnya anaa shi Isọọrụ.⁵⁹E mee ne Isitivini irẹta, dọọ shi Ananyiyi, dọ ka, "Ijesu Ananyiyi, tanụvọ dọ ifẹ ami." ⁶⁰Do kuẹtẹ, dọ si ọngwẹ tuẹba, do nowu ka, 'Ananyiyi, asu za aichama ọnọni ika bẹrẹ yụ wa." Ọ mẹ maan ka da, dọ sụara na.

Chapter 8Isọọrụ ọ mụyari anọdọwụ nin

¹Isọọrụ ọ sụvọtụni isu aani. Fụri ishọ dẹ vẹrẹ aa si ụyọọri ọbani ri ichọchi ọna yi Ijerusanẹmụ fụvọ ọdọwụ aanini; di anọdọwụ nin bo garashi ọkakooro Ijudiya ọnri Isamariya, ọchishi ọnitụ nin ọna razi bẹrẹ wa. ²Di anẹrụ ẹnyi ana nyi angwashi Oshomoshị ne ne oku Isitivini, dẹ karẹsụshi yọ. ³Ama, di Isọọrụ mụyari ichọọchi kokoro; dọọ ngwụ ireshi ireshi, nee tura anẹrụ ọnri anyẹnẹ anọdọwụ nin, dọ kụ wa shi ini ijaaru.Ifiripi ọ karenube ọiza Isameriya⁴Tuavọtuavọ, di anọdọwụ ana garashi ọkakooro ẹnẹ aa karenube ọiza varakaraa ziizi. ⁵Ifiripi o chi ni irẹkụra Isamariya, do nee showu yụ wa inọpati Ikiristi.⁶Ẹfiẹni azọkọni nin wụ, dẹ zẹ si iri aanini re ụkọrọ oshishozeyi ọni Ifiripi mẹ, di enbo sụtọpeẹtẹ, dẹẹ wụrẹyi ọnọọ ka bo. ⁷Ifẹ azeeshi ẹ tụjinẹ fiini ẹngwụ azẹrụrụ ọni ifẹ azeeshi aa zama, dẹẹ kowuu sha, da fụ azẹrụrụ ene suafụ suavọ ikụ sha. ⁸Inaani, di aza bo a jụjẹ ini irẹkụra ọnọ.⁹Inụmavọ, ọọ nyi ọnọrụ ọnyi ini irẹkụra ọnọ ọni irẹsha aani ri Isaimọni ana bidi aa mirakụọ; dọọ bidi aa mẹ isoshishozeyi zụ ani Isameriya nini, dọọ mẹ ki ọzẹna nyụbani ọnọni vi. ¹⁰Ani Isamariya nini bo, vẹrẹ fiini ẹnẹni ọ tare fu bo na ngwụ ẹnẹna nyụbani fu bo enee batọ tụni irẹyi aani. Dẹ ka, "Ọzọnọni ọnọ vi ụkata Oshomoshi anaa shi Ọnyankata." ¹¹Fụvọki o si ku ọnọ fụrẹ aa mirakụọ zụ wa one sii batọ tụni irẹyi aani.¹²Ama, ẹfi ẹni Ifiripi karenube ọiza ijọva Oshomoshi ọnri irẹsha Ijesu Ikristi yụ wa, dẹ dọwụ, da mẹ isami yụ wa, shi anẹrụ shi anyẹnẹ aanini. ¹³Isaimọni ọn nyẹmbẹ vana zẹ di dọwụ, da mẹ isami yọ, dọ kụ kụa si apada yaa pe Ifiripi. Ẹfi ono re ami oshishozeyi ọnri ụkọrọ ẹbani ẹbani anaa mẹ, do sheeyi kokoro.¹⁴Ẹfiẹni ọnitụ Ijesu nin ana yi Ijerusanẹmụ wụ ki ani Isameriya nin ẹ dọ irẹyi Oshomoshi wu dạ, dẹ tụ Ipita ọnri Ijọọnụ ne tu wa. ¹⁵Ẹfiene tuzọ, dẹ tuozurenu yụ wa, doti ẹ va zụ nyi Ifẹ Ọ̣nini. ¹⁶Fụvọki, poro ve tu ụmavọ, Ifẹ Ọnini oi vi vaku ọzọnyọnyi inaanini; irẹsha Ijesu Ananyiyi renya one si si mẹ isami yụ wa. ¹⁷Inaani, di Ipita ọnri Ijọọnụ kụ avọ tụra wa, de re Ifẹ Ọnini dọ.¹⁸Ẹfiẹni Isaimọni re ki Ifẹ Ọnini ọ ngwụninẹ aza zirẹ ọkikụavọtụra ọni ọnitụ Ijesu nin kụavọ tụra aza, dọọ mẹ ki ọna vaa si ẹkẹshi yụ wa. ¹⁹Dọ ka, "Zẹ si ẹngwụ ụkata ọnọni yi ẹmọni, doti ọza tụrọza ọnim raa kụvọtụra ono re zu re Ifẹ Ọnini dọ."²⁰Ama, di Ipita kaa yọ ka, "Shi ẹwụ shi ẹkẹshi awụ o ne vurii, fụvọki wee ro ki ụ va zụụ si ẹkẹshii shi irẹiza ọfẹ Oshomoshi. ²¹Wa zi nyi ọrigẹ navẹki ọgiga ini irẹyi ọnọni, fụvọki ọtụtụrụma awụ ọzi dinẹ ẹtẹrẹ ini ọvidi Oshomoshi. ²²Fụvavọ rinẹvarama fini aichama awụ ọnọni, dụ wa tuozurenu shi Ananyiyi, ọnyiki ọ vaa si oriro ọtụtụrụma awụ vaya wụ. ²³Fụvọki mee re ki ụụ yini ẹchipa ayamikụ ọnri ẹsụ aichama."²⁴Di Isaimọni tuoshi ka, "Pe mi tuozurenu shi Ananyiyi, doti asi isẹnụụ ka va mẹ mi."²⁵Ẹfiẹnẹ divenu da, dẹ karẹyi Ananyiyi da, di Ipita ọnri Ijọọnụ varama ni Ijerusanẹmu, dee showu irenube ọiza yi irẹkụra ani Isameriya nin ẹrụrụ ẹrụrụ.Ifiripi ọnri osuretu ani Etiopiya ²⁶Angẹni Ananyiyi ọ kaa yi Ifiripi ka, "kwẹẹtẹ waa ni ni oze ana yi aka ụvẹtẹ ana fụri Ijerusanemụ ni Igaza." (Oze ọnọni vi oze ana yi irasha ana jomi.) ²⁷Dọ kwẹẹtẹ, dọ na. Dọ va nyi ọnọrụ ọnyi ana fụri Etopiya, dọ vi osuretu ana nyi ụmọ ẹtẹẹtẹrẹ ini afụ Ikandẹẹsi ana vi oshinọyi ọnyẹnẹ irẹkụra Etopiya. Ọni ọnọ si eyi pe ogu oshinọyi ọnọ bo. Ọza ọnọni vana furi Ijerusanemu va mirafẹkẹ. ²⁸Ọ maa varama neeshi, dọ yatụ tụni ikẹkẹ ovurata aani, dọọ kiwe Ayizaya ọkisẹ.²⁹Di Ifẹ Ọnini kaạ yi Ifiripi ka, "Waa nizo,̣ dụ wa na dinẹ pe ikẹkẹ ovurata ọnọ." ³⁰Di Ifiripi ve zuechi ne tu o, dọ re kọọ kiwe Ayizaya ọkisẹ, dọ fo ̣ọ ka, "Iwe ọnụ waa ka waa ngwụ wụ ụtọ? ³¹Di ani Etopiya ọnọ tuoshi ka, "Ọ mẹmẹ va sii ngwụ mi ụtọ, ọchishi ki ọza sha afụ aani sha yi mi?" Dọ dipẹ yi Ifiripi ki ọ shirẹ ikẹkẹ ovurata awụọni doti ọ yatụ pe ọni.³²Irẹyi ọna chẹrẹ tụ izi ani Etopiya ọnọ aa ka ọnọ vi ka, "A va a tụọvidi venebiri atẹmẹ, ọnaa sii ni izẹna va yaa wụ ọ, vene ozipa atẹmẹ ana navọkụ shẹẹ inọvidi ẹzenaa kụẹyi inẹngwụ aani, dọ razi sharenu aani." ³³Aa mụshi nyi ọ, da mishọọji ana razi sẹrẹ yọ. Ọ wa nyi ẹzẹna va zụụ miweọji ezirama aani? Fụvọki a wụ ọ fụrẹshẹ ọnọni."³⁴Di osuretu ọnọ va fọ Ifiripi ka, "Miyarẹ wụ, kaa yi mi, ẹni vi ọzẹni ọkisẹ ọnọni aa karẹyi aani kẹ, ẹngwụ aanni ọ waa ka, navẹki ọzẹnẹsa?" ³⁵Di Ifiripi nyima, dọọ si irẹyi iwe ọnini ọnọnii karenube ọiza yọ inọpati Ijesu.³⁶Ẹ mẹ yini oze aa na, de ve tu enyi ọnyi, di osuretu ọnọ kạ, "Ree enyi izọnaani. Ọ wa nyi isẹnaa jimoze ana raa zaa mẹ ki a mẹ isami yi mi?" ³⁷Di Ifiripi ka, "Aaviki waa si ọtụtụrụma awụ bo dọwụ, a va zụụ mẹ isami yụ wụ. Di ani Etopiya ọnọ voshi ka, "Ma nyi ọdọwụ ki Ijesu Ikiristi vi Ozi Oshomoshi." ³⁸Inaani di ani Etopiya ọnọ kaa ki a za ikẹkẹ ovurata ọnọ dinẹ. Ifiripi ọnri osuretu ọnọ ee chishiẹtẹ, dẹ ngwụni enyi, di Ifiripi mẹ isami yọ.³⁹Ẹfiẹnẹ tụ jinẹ fini enyị vẹ, di Ifẹ Ananyiyi si Ifiripi nạ, di osuretu ọnọ reiku re e, ama dọ vaturoze aani aa na, dọọ jụjẹẹ na. ⁴⁰Ama di Ifiripi na siẹngwụzụ ini irẹkụra Azotusi, dọọ ngwụ okakooro ọnọ ziizi, dọọ karenube ọiza ini irẹkụra bo, poro nangwụ Isisariya.

Chapter 9Isọọrụ mẹmẹ vara oziafụ Ijesu(Ọmi. 22:3-16, 26:9-18)

¹Ama, di Isọọrụ e wi woto shi ọnitụ Ijesu nin, ki ọn vaa wụ eziafụ Ananyiyi nin; do ne tu oshirẹsụ arụfa, ²dọ kaa yọ ka ọ si iwe yi ọni na yi Isinagọọgụ nin ana yi Idamasikọọsi, ka aaviki ọ nyi oza ọnọn re ana bẹ tụni Oze ọdọwụ, shọọvi anẹrụ navẹki anyẹnẹ, doti ọnọ sụ wa, di ọnọ kụ wa vẹ Ijerusanẹmụ.³Ini ụsoze aani, ọ maa gụrẹ Idamasikọọsi, ụpọnyụpọnya di ẹtofeyi fineeku sha varakara a; ⁴dọ sẹdụ nyẹtẹ, dọ va wụ ongwẹ ọnaa fọ ọ ka, "Isọọrụ, Isọọrụ, ọmẹzi dụ waa mụyaari mi kẹ?"⁵Di Isọọrụ voshi ka, "Ẹnụụ vi kẹ Ananyiyi?" Di Ananyiyi ka, "Ẹmi ọnọ vi Ijesu ọnụ waa mụyaari; ⁶ama, kwẹẹtẹ, ngwụ irẹkụra ọnọ na; a vaa kaa yụ wụ Isẹnụụ bẹdọ vaa mẹ. ⁷Di anẹrụ ẹnẹn ri Isọọrụ gẹ a zụsẹ sharenu sha, fụvọki ẹẹ wụ ọngwẹ ọnaa karẹyi, ama e zi re ọzọnzọnyi.⁸Di Isọọrụ kwẹẹtẹ fiini ẹtẹ dinẹ. Ọ mẹ sha iri aani sha, o zi re isọnsọnyi; dẹ va sụvọza, dẹ siọzụ oze na ngwụ Idamasikọọsi. ⁹Do rezi reẹtẹ mẹ ẹkụshi ẹẹta, shi isari ọ zi ri, shi enyi o zi fu.¹⁰Ọọ nyi oziafu ọnyi ọna yi Idamasikọsi ọ naa shi Ananayasi. Di Ananyiyi kaa yọ ini ẹtoore ka, "Ananayasi." Dọ ka, "Re, ẹmi yi, Ananyiyi." ¹¹Di Ananyiyi kaa yọ ka, "Kwẹẹtẹ waa ni ni ọvanjoze ọnaa shi Isitireti; aaviki waa ngwụ ireshi Ijudasi, fisue Isọọrụ ọnyi ana fụri Itasọsi, ọni irẹsha aani ri Isọọrụ, u ve nee tu ki ọọ tuozurenu. ¹²Isọọrụ o bidi re da ini ẹtoore kaa ọzẹnyi anaa shi Ananayasi ọ ngwụ ireshi vẹ, dọ sụvọtụra ọni doti ọnọ zụ varamaa reẹtẹ."¹³Ama, di Ananayasi voshi ka, "Ananyiyi, azẹrụrụ ẹ kareyi ọzọnọni yi mi da, inọpati isọshimi ọshimi ọnọ mẹ shi aza ọnini Ijerusanẹmụ. ¹⁴Arụfa ọbani nini ẹ si ụmọ yọ ki ọ za aza bo ana dọrẹyi awụ wụ izọni, ¹⁵ama, di Ananyiyi kaa yọ ka, "Na we ne tu Isọọrụ, fụvọki maa ni ọ vene ẹnyụkọrọ ami da, ene vee chema irẹsha ami na a yi Ijẹntairi nini, oshinọyi nini, ọnri ezi Isrẹni nini; ¹⁶fụvọki mva siọ zụ ọ ọpa ụya ọnọ bẹdọ vaa ri fụvọ irẹsha ami."¹⁷Inaani, di Ananayasi fi izọ, dọ ngwụreshi na. Ọọ kụvọ tụra a, dọ ka, "Ẹwụ Isọọrụ ọnyara ami, Ijesu Ananyiyi ana siẹnngwụ zụ wụ ẹfi ọnụụ̣ yinoze aa ve, ọnọ tụ mi ve tu wu doti iri awu ọ zụ sha, ọnri ka dụ wa zẹ nyi nyi Ife Onini." ¹⁸Ụmụmọ, di isọnyi ene vene akika javọ fiini iri aani, dọ varama ee rẹtẹ; do kuẹtẹ, da mẹ isami yọ; ¹⁹dọ risari, dọsi ụkatanyi." Dọ yi Idamasikọsi pe eziafụ nin mẹ ẹkụshi ẹrụrụ.Isọọrụ o showu Ijesu ini Isinagọọgụ²⁰Iziizọ doo showu Ijesu ini Isinagọgụ ka, Ijesu vi Ozi Oshomoshi. ²¹Ẹnẹna wụrẹyi aani bo vono sheyi, dẹ ka, "Aivi ọnọrụ ọnọni ọnọọ wụ ẹnẹna shi irẹsha ọnọni Ijerusanẹmụ aavọ? Ọọ zẹ vẹ izọni ki ọnaa vaa si orupa sụ wa ne tu arụfa ọbani nin aan no." ²²Ama di ụkata Isọọrụ aa banii tụọ, dọọ siọ kata Iju nin ana yi Idamasikọ̣si ẹngwụ ọ maa si ọ zụ wa ki Ijesu ọnọ vi Ikristi.Isọọrụ o zue fụri Idamasikọsi²³Inaama ọkụshi ẹrụrụ, di Iju nini na nọma ẹ mẹmẹ vaa wụ ọ. ²⁴Ama, di Isọọrụ si aaro aanini yẹ. Dẹẹ si ọọdụ shi irafụ sere ọchiọfọ, doti ẹ zụ wụ ọ. ²⁵Ama, di eziafụaani ne e ngwụni uji, de vạ zi ọvọ ana ji varakara irẹkụra ọnọ za a chi inaafụ.Isọọrụ yi Ijerusanẹmụ²⁶Umẹ ọni Isọọrụ vi Ijerusanẹmụ da, oo sioze ki ọnọ vẹngwu bẹrẹ eziafụ Ijesu nin ọna yi izọ, ama di enboo fụvọ angwashi, fụvọki ẹzi dọ zẹẹ ka oziafu Ijesu ̣ọnọn zẹ vi vi. ²⁷Ama, di Ibanabasi za ve tu ọnitụ nini, dọ kaa yụ wa Isọọru mẹmẹ re Ananyiyi ini oze, shi Ananyiyi mẹmẹ kareyi yọ da, shi Isọọrụ mẹmẹ si ayoọ̣vi karayi ini irẹsha Ijesu ini irekura Idamasikọsi.̣²⁸Di Isọọrụ ọnri wa re ẹngwụ a maa ngwụnini Ijerusanẹmụ, daa jinẹ. Dọ si ayọọvi kareyi ini irẹsha Ijesu Ananyiyi, ²⁹do pe Iju nini anaa ka irẹkụra Igiriki, nyi ẹshankata, ama dee sii sioze ẹ mẹmẹ vaa wụ ọ. ³⁰Ụmọni ẹnyara ạnọdọwụ nin wụ, dẹ si ọ va ingwụ Isisẹriya, dẹ kaa yọ ki ọọ ni Itasọsi.A mẹmẹ fụ Eniyasi ikụ sha³¹Avọ ọ mẹ vi, di ichọọchi bo ana yi Ijudiya, shi Iganini onri Isameriyạ nyi engwọrọ, dẹẹ fụ tụọ, dẹẹ zi ini angwashi Aanyiyi, ọnri ayọnẹtẹ Ifẹ Ọnini, di ichọọchi a rụrụụ tụọ. ³²Ipita maa ngwụ ọkakooro ọnọ bo ziizi, dọ ze vi ve irẹkụra Inida ve tu anọdọwụ nin ana ra izọ.³³Izọ ono ye re ọnọrụ ọnyi ọnaa shi Enayaasi, ana vi osuẹngwụ, dọ yini asụtụ tụni ode gụ rayi ishinta. ³⁴Di Ipita kaa yọ ka, "Enayaasi, Ijesu Kristi ọ fụ wụ ikụ sha. Kwẹẹtẹ dụ wa kara ode awụ," dọ kwẹẹtẹ ụmụmọ. ³⁵Di aza b́o anaa ra Inida ọnri Isharọni re ọzọnọ, dẹ varama ka Ananyiyi vẹ.Aa sha Idọkasi kwẹẹtẹ fiini isu³⁶Dọ va nyi oziafu ọnyi ọna yi Ijopa, ọniirẹsha aani vi Itabita, ọni ọshafụsha aani vi "Idọkasi." Ọnyẹnẹ ọnọni vi ọnụkụrụvọ ọiza, dọ nyi ayụva yi onriwa nini. ³⁷Umovetu, di ẹngwụ zi o,̣ do su. Ụmẹnẹ fụ oku aani enyi da, dẹ si ọ tụni irẹngwụ ini ọtụrọsa.³⁸Ọmẹ vi ki Inida ọ gurẹ Ijopa, di eziafụ Ijesu nin wụ ki Ipita yi izo, dẹ tụ anẹrụ eẹ̣va ne tu o, dẹ dipẹ yọ ka, "Mụsọfira wa ve.̣" ³⁹Di Ipita kwẹẹtẹ vatụra wa. Ọ mẹ vẹ da, dẹ si ọ shirẹ na ngwụni irẹngwụ ọtụrọsa ọnọ, di osoku nin bo dinẹ pe e, dee sune, dẹ si auru bo ọni Idọkasi gẹ yụ wa ẹfiọnọ ya pe wa, zụ ọ.⁴⁰Di Ipita kaa yi enbo ki ẹ jinẹ, do kuẹtẹ, dọ tuozurenu: ọ veyi ka oku ọno,̣ dọ ka, " Itabita, kwẹẹtẹ." Inaani, dọ sharii; o me re Ipita, dọ kwẹẹtẹ yatụ. ⁴¹Di Ipita sụvọ gẹ ẹ, dọ za a kwẹẹtẹ; dọ shi anọdọwụ nin ẹnri osoku ẹnẹ, dọ si ọnyẹnẹ ọnọ yụ wa reyireyi. ⁴²Aa wụrẹyi ọnọni varakara Ijopa bo, di azẹrụrụ dọ Ananyiyi wụ. ⁴³Di Ipita va ya pe ọnọrụ ọnaa shi Isaimọni ọni ụkọrụvọ aani vi ọtụmpasha ọmimẹ, dọ mẹ ẹkụshi ẹrụrụ ini irẹkụra Ijopa.̣

Chapter 10Ipita ọnri Ikọniriọsi

¹Ọ nyi ọnọrụ ọnyi ọna yini irẹkụra ọbani ọnaa shi Isẹsiriya, ọni irẹsha aani vi Ikọnẹriyọsi, dọ vi ọga ashoja ẹchẹshi tụni ụvọrẹkụ anaa shi Ụvọrẹkụ Itaani. ² Ọ jẹngwụ ngwụ irafẹkẹ kokoro, dọọ si ẹfitụrẹfii fẹkẹ Oshomoshi bẹri anreshi aani bo; dọọ si ẹkẹshi ụnọmpa yii onriwa nini, dọọ si ẹfi bo tuozurenu shi Oshomoshi.³Ini ọpati iwakati ọfụshinna, do re ẹtoore ana feeyi yọ ẹtẹẹtẹrẹ, do re angẹni Oshomoshi ọ maa vẹ vee tu o. Di angẹni ọnọ shi ọ, dọ ka, "Ikọniriyọsi!" ⁴Ikọniriyọsi ọ feyi shi o, di angwa shi o kokoro, dọ ka, "Ada ayi, ọmẹ ya kẹ?" Di angẹni ọnọ kaa yọ ka, "Ozurenu awụ ọnri ọiza ọnụ waa mẹ yi onriwa nin ọ shirẹ nẹbẹẹba inọvidi Oshomoshi da, ana vi irẹiza ọmimẹ ọna vaa tamayi aani poro. ⁵Ọmẹyani, tụ aza ni irẹkụra ọnaa shi Ijoopa ne tu ọnọrụ ọni irẹshani vi Isaimọni, ọnaa shi Ipita, doti ẹ na si ọ vẹ. ⁶Ọ ra pe ọnọrụ ọni ụkọrụvọ aani vi ọtụmpasha ọmimẹ, ọni irẹsha aani vi Isaimọni, di ireshi aani yini ụtọ irefu."⁷Inaama ọni angẹni one pe karẹyi zi na da, di Ikọniriyọsi shi ezida reshi aani ẹẹva bẹri ashoja ọnya ọna jiẹngwụ ngwụ ụkọrọ aani ẹtẹrẹ jinẹ fini akaakana ẹnẹnee sere e. ⁸Di Ikọniriyọsi kaa yụ wa isẹnẹ mẹ bo, dọ va tụ wa a ni Ijoopa.Ẹtoore Ipita⁹Ini eyineyishẹ aani ini ọpati iwakati ọfụshinọnyi, ẹ mẹ yini ụsoze aanini, dẹẹ zi gụrẹ irẹkụra ọbani ọnọ, di Ipita shirẹ tụra ẹbẹẹba ireshi na tuozurenu. ¹⁰Di ụngwẹ vaa kụ ọ, doo si isẹnọ vaa ri. Ama, azẹnẹ maa misari, da si ẹtoore yọ re, ¹¹do re ki ẹbẹẹba ọ na tẹtẹ, do re ọnya ọnyi onee chii fụri ẹbẹẹba vẹ, shi isene vene ita ọgana onee chii fụri ẹbẹẹba, da za a ini aka ẹnina aani e chii vini ẹtẹ. ¹²Di uye ọ nyi ụfụ ẹẹna renyi renyi gụ ininaani, shi uye enee tura ini ẹtẹ, bẹrẹ unomi ẹbẹẹba nini.¹³Inaani, di ọngwẹ ọnya kaa yọ ka: "Ipita, kwẹẹtẹ, dụ wa yinaani wụ ri." ¹⁴Ama, di Ipita ka, "Ananyiyi, ma zi vọ zụa mẹ; fụvọki ma zi ri ri isẹna razi ni yẹẹyẹ." ¹⁵Ama, di ọngwẹ ọnọ deni zẹ kaa yọ ụpọfụụva ka, "Isẹni Oshomoshi vara ọnini da, asụụ shi ọ isẹna razi ni." ¹⁶Ọ maan mẹ gụ ụpẹẹta; inaani da va si ọnya ọnọ shirẹ varama nẹbẹẹba ụmụmọ.¹⁷Ẹtoore ọnọni me shi shi Ipita eyi, di afụ aani razi shi sha sha yọ, di ẹnẹni Ikọniriyọsi tụ shi dinẹ tụni ọchiọfọ ẹfi ana zụ wa oze na ngwụ ireshi ọnọ da. ¹⁸Dẹ si ọngwẹ tụẹba, de fisue ki izọ ọni Isaimọni ọnaa zẹ shii shi Ipita wechi tụ.¹⁹Ipita mee ri roo inọpati ẹtoore ọnọ, di Ifẹ Ọnini kaa yọ ka, "Re, anẹrụ ẹẹta ee fisue awụ. ²⁰Kwẹẹtẹ, we chi ne tu wa , dụ wa vatụra wa na. Asuu yi kụ wa zi vatụra wa fụvọki ẹmi ọnọ tụ wa." ²¹Inaani, di Ipita chi ne tu anẹrụ ẹnẹ, dọ kaa yụ wa ka, "Ẹmi ọnọ vi ọza ọnu wee fisue aani nini. Sẹnẹ za wụ vẹ nin kẹ?"²²Dẹ kaa yọ ka, "Angẹni ọnini Oshomoshi ọ kaa yi ọga ashoja ẹchẹshi, ọnaa shi Ikọniriyọsi, ọna vi ọmanasẹrẹ, dọọ fẹkẹ Oshomoshi, di eyi yẹ ẹkụravabẹ Iju bo, ki ọ tụ aza ve tu wu ki ẹ va kaa yụ wụ ku we ve tu o ineeshi aani, doti o zu batọ tụni irenube ọiza ọnụụ vaa kaa yọ." ²³Inaani, di Ipita shụ wa ngwụ ireshi ki ẹ va pe ọni. Ini eyineyishẹ aani ini ọnẹnẹ, dọ kwẹẹtẹ vatụra wa, di ẹnyara anọdọwụ ẹnyi fụri Ijoopa kụafụza a.²⁴Ini eyineyishẹ aani dẹ ngwụ Isẹsiriya. De ne tu ki Ikọniriyọsi venee zi ẹni; de ne tu ki ọ shi anda aani bo, shi ẹta aani bo gụ.²⁵Dọva si vi ki Ipita mẹ ngwụreshi, di Ikọniriyọsi vakuẹtẹ tụni iragada aani, dọ vaa fẹkẹ ẹ. ²⁶Ama, di Ipita za ụvọ kwẹẹtẹ, dọ ka, "Kwẹẹtẹ dinẹ. Ọza vene wu ọni ẹmi zẹ vi vi."²⁷Ipita mee pe e karẹyi, ọ ngwụ inineeshi do ne tu ki azẹrụrụ e pere gụ. ²⁸Dọ kaa yụ wa ka, "Ẹwụ nin nyẹmbẹ ọ yẹ ki ọzi sẹrẹ ki Iju o pe ẹzẹna razi vi Iju nyi ọrigẹ domotori ki ọ na kụ ani ẹkụravabẹ ọsa ineeshi aani. Ama, Oshomoshi ọ si ọ zụ mi ki asim kụ shi ọzọnyọnyi anarimani. ²⁹Isẹnẹ mẹ ki ma vẹ, dim rezi pe wa nyi ẹshankata ẹfi ọnụụ si tụshi mi vọnọ. Ọmẹyani, o tu kụ wa kaa yi mi isẹnẹ vẹ dụụ tushi mi."³⁰Di Ikọniriyọsi ka, "Ẹkụshi ẹẹna tụrama, ini ẹfiaani gẹdẹgẹdẹ, mmaa tuozurenu ini iwakati ọfụshinna ineeshi ami, dim re ọnọrụ ọnyi ọna dinẹ tụni ọvidi ami, do chire auru ọnaa vụ bẹnẹ bẹnẹ. ³¹Dọ ka, 'Ikọniriyọsi, Oshomoshi ọ wụ ozuurenu awụ da, ọnri ki ọiza ọnụ waa mẹ yi onriwa nin ọ tama Oshoshi ayi inọpati awụ da. ³²Fụvavọ, tụ ọza ni Ijoopa ki ọna shi ọnọrụ ọni irẹsha aani vi Isaimọni, ọnaa shi Ipita va yụ wụ. Ọnọrụ ọnaa shi Isamọni, ọni ụkọrụvọ aani vi ọtụmpasha ọmimẹ, ọna ra tụni ụtọ irefu, ọnọ ra pe.' ³³Ọnọ mẹ ki ma sẹ tushi wu; waa mẹ ẹtẹrẹ dụụ vẹ. Ọmẹyani, ẹyi bo o pere gụ tụzọni inọvidi Oshomoshi ki ye ve batọ tụni irẹyi bo ọni Oshomoshi kụ wa va ka yi yi."Ijẹntaini nin ẹ wụ irenube ọiza³⁴Inaani, di Ipita sharenu dọ ka, "Inirẹiza, maa si yẹ ki Oshomoshi ọ ma mẹ aka. ³⁵Akikọnọ, ọzatụrọza ọna raa fẹkẹ ẹ, dọọ mẹ ana sẹrẹ ini ẹkụravabẹ bo, ọnọọ tanụvọọ dọ.³⁶Waa yẹ nin itụ ọnọ tụshi ani Isrẹni nin ẹfi ono showu irenube ọiza ẹnwọrọ zirẹngwụ Ijesu Ikristi, ọna vi Ananyiyi yi aza bo --- ³⁷ẹwụ nin nyẹmbẹ ọ yẹ isẹrụrụ ana mẹ ini ẹtẹ Ijudiya bo, vẹrẹ fụri Iganini, inaama isami ọni Ijọọnụ showu aani; ³⁸isa bo ana mẹ inọpati Ijesu ani Inazarẹti, Oshomoshi mẹmẹ si Ifẹ Ọnini bẹri ụkata ni ọ renyi. Dọọ ngwọọ ziizi, dọọ mẹ ọiza yi aza, dọọ fụ ẹnẹni eshu a zama bo ikụụ sha, fụvọki Oshomoshi ọ ya bẹrẹ ẹ.³⁹Onivenu isa bo ọni Ijesu mẹ ọnii vi, isa bo ọnọ mẹ ini ẹkụravabẹ Iju nin ọnri ini Ijerusanẹmụ. Ẹẹ wụ ọ ẹfi ẹnẹ kani ọ za ọchi avashi, ⁴⁰ama di Oshomoshi sha a kwẹẹtẹ ini ọkụshi ọfụụta, dọ navọ ki aza e re, ⁴¹aivi aza bo ene re, ama onivenu nini ọni Oshomoshi ni tẹtẹ tụọvidi ki ene vee re --- ẹyi ene pe e ri, dii pe e fu inaama ọnọ sha kwẹẹtẹ fini akaakana enene fu su.⁴²Dọ si ụmọ kaa yi yi ki yee showu, di yaa divenu yi aza ki ọni ọnọ vi ẹzẹni Oshomoshi ni tẹtẹ ki ọ vaa mishọọji yi anẹshẹ ọnri aneku bo. ⁴³Ọni ọni ọkisẹ nin bo divenu yi, doti aza bo ana ra dọọwụ e zu re ayụva aichama aanini dọ zirẹngwụ irẹsha aani."Ijẹntaini nin ẹ dọ Ifẹ Ọnini⁴⁴Ipita maa karẹyi ẹnẹni inụvọ, di Ifẹ Ọnini vaku enbo enee batọ tụni irẹyi aani. ⁴⁵Azẹna bẹ tụni aka anọdọwụ ọjụma nin --- ẹnẹna vatụra Ipita vẹ bo --- vono sheyi, fụvọki Ifẹ Ọnini vana zẹ vi vaku Ijẹntaini nin nyẹmbẹ.⁴⁶Fụvọki ẹ wụ Ijẹntaini ẹnẹ bo maa si irarẹ renyi renyi karẹyi, dẹẹ si ọ sụga yi Oshomoshi. Di Ipita si tuoshi, dọ ka, ⁴⁷"Ọwa nyi ẹzẹna va zụụ tere enyi kavana yi azẹnẹni dọ ki asaa mẹ isami yụ wa, azẹnẹni ọnọ vi ki ee re Ifẹ Ọnini dọ vene ẹyi me ze re dọ?" ⁴⁸ Inaani, dọ kaa yụ wa ki a mẹ isami yụ wa ini irẹsha Ijesu Ikristi. Inaani, dẹ kaa yọ ki ọ ya pe ẹni mẹ ẹkụshi ẹrụrụ tụọ.

Chapter 11Ipita ọ karenube ọiza yi Ichọọchi

¹Ọmẹyani, ọnitụ Ijesu nin ẹnri ẹnyara ini ọdọwụ nin ana yi Ijudiya ẹ wụ ki Ijentaini nin nyẹmbẹ ẹẹ dọ irẹyi Oshomoshi wụ. ²Ẹfiẹni Ipita shirẹ vi Ijẹrusanẹmu da, di ẹnẹna bẹ tụni ụvọrẹkụ ụma ọjiji vee duẹngwụ ki ọzi mẹtẹrẹ; ³dẹ ka, "Wee pe ẹnẹna razi jụma mẹ ọrigẹ, du wee pe waa risari!"⁴Ama, di Ipita vẹrẹ a sharẹyiafụ sha yụ wa ngwụnẹ ngwụnẹ, do ka, ⁵Ẹfiọni maa tuozurenu ini irẹkụra Ijọpa, dim re ini ifẹ ki ọnya e chii vẹ, dọ si mẹi isa ọgana enee chi fụrẹ ẹbẹeḅa vẹ, de doro o ini akẹnina. Do chi ve tu mi. ⁶Dim feyi shi o, dim ze ro inọpati aani. Dimre isụpa ọnyụfụ ẹẹna o nee re ini ẹshẹ ọnọni, uye inavi nini, uye ana kụ irachi tura, ọnri unomi enee shira ini ovurukutu.⁷Umotu, dim wụ ọngwẹ ana kaa yi mi ka, "Ipita, kwẹẹtẹ, wụ ọ dụ wa ri ọ." ⁸Dim ka, "Ananyimi, ma zi vọ zụa mẹ; ọzi nyi isẹnẹ razi vi ọnini navẹki isẹnẹ razi ni o ne si ngwụ ineenu ami yeẹ̣yẹ." ⁹Ama, di ọngwẹ ọnọ ze tuoshi ụpọfụva fụrẹ ẹbẹẹba, dọ ka, "Isẹnẹ Oshomoshi ra mẹ ọnini, asụụ kaa ki ọzi ni. ¹⁰Ụpẹẹta ọnọ vọọ mẹ, da va kụ onbo keekere varama shirẹ nẹbẹẹba.¹¹Umotu, dim re anẹrụ ẹẹta ana dinẹ tụnọvidi ireshi izẹnii ya; Isisariya ọna tụ wa fụre ve tu mi. ¹²Da sụmo kaa yi mi ini Ifẹ ki ma vatura wa, ọnri ki asim sieyiwụ wa ki Ijẹntaini ọnẹ vi. Ọnọrụ ishinọnyi ẹnẹni ẹnẹ kụafụza mi na, dii ngwụneeshi ọnọrụ ọnọ na. ¹³Dọ kaa yi yi ọ mẹmẹ re angẹni ana dinẹ tuneeshi ani dọ ka, "Tụ aza ni Ijopa doti ẹ na si Isaimọni anaa shi Ipita vẹ. ¹⁴Ọ vaa kaa yụ wụ irenube ọiza ana vaa mẹ ki a dọ wụ tụ --- shi ẹwụ shi anreshi awụ."̣¹⁵Mmẹ vẹrẹ ọkikarẹyi yụ wa, di Ifẹ Ọnini chi tụra wa vene ọ mẹmẹ ya yiyi gẹdẹgẹdẹ ini ivẹrẹ. ¹⁶Dim tamayi irẹyi ọni Ananyiyi ka, ọmẹ kaa ka, "Inirẹiza, Ijọọnụ vana mẹ isami enyi; ama ava mẹ isami Ifẹ Ọnini yụ wụ nini.¹⁷Ụmọnọ maan si vi ki Oshomoshi ọ si isọnyọnya ọnọ si me yi irẹiza ẹfi enii dọwụ, dọ zẹ si ọ mẹ wa irẹiza, ẹnẹvi ẹmi ana vaa kaachire Oshomoshi?" ¹⁸Ẹfiẹnẹ wụrẹyi ẹnẹni, ẹzi karẹyi ọnyọnyi, ama dẹẹ sụga yi Oshomoshi, dẹ ka, "Ọnọ vi ka, Oshomoshi ọ ze si si oririnẹ varama anavaa si ẹshẹ poro pooro yi Ijẹntaini nini aavọ."Ichọọchi ana yi Antiọki¹⁹Ụmavọ, ẹnẹna garashi fụvọ ụyoori anọdọwụ ọna vẹrẹ ini ẹfi ana si wụ Istivini, ẹ garashi na ngwụ irekụra Ifonisha, Isaipụrọsi ọnri Antiyọki, ama dọ vi ki Iju nin renya ọnẹẹ karenube ọiza inọpati Ijesu yi. ²⁰Ama, di anẹrụ ẹnyi inaanini ana fụri Isaipụrọsi ọnri Isairini vi Antiyọki, dẹ zaa kii karenube ọiza inọpati Ijesu Ananyiyi yi Igiriki nini. ²¹Di ụvọ Ananyiyi ya bẹrẹ wa. Azẹrụrụ ẹrụrụ ẹnẹ dọ wụ, dẹ si ẹshẹ aanini yi Ananyiyi.²²Di irenube inọpati ọdọwụ aanini ne tu ichọọchi ana yi Ijerusanẹmụ; dẹ tụ Ibanabasi na ngwụ Antiyọki kokoko. ²³Ẹfi ọnọ vẹ, do re ọiza Oshomoshi, di inẹ aani shine; dọ tu wa ụkata ki ẹ kụ ọtụtụrụma aanini bo tụra Ananyiyi, doti ẹ zụ nyụfụ shiẹtẹ. ²⁴Fụvọki ọnọrụ ọiza one shi yi Ifẹ Ọnini ọnri ọdọwụ ọnọ vi, da za azẹrụrụ ika bẹrẹ ẹnẹna nyi ọdọwụ ini Ananyiyi.²⁵Inaani, di Ibanabasi jinẹ ni irẹkụra Itasusi ne si Ipọọrụ. ²⁶Ẹfi ono re, dọ siọ ni Antiyọki. Dọ sivi ki ini irayi ọvụọvụrụ dee pe iragụ anọdọwụ nin peree gụ, dẹẹ zụ azẹrụrụ. Antiyọki ọnọ vi irasaha ipaapa ọna ya shi eziafụ Ijesu Ikrisitiẹni.²⁷Ini ẹfi ọnọni, di ọkisẹ ẹnyi fụri Ijerusanẹmụ va ngwụ Antiyọki. ²⁸Di ọnya inaanini, ọnaa shi Agabọsii, kwẹẹtẹ dọ siọ zụ ini Ifẹ ki ọshashi ọbani vee shi ini ẹshẹ keekere. Ụmẹ ọni Ikiraụdisi si vi oshinọyi Iromu ọni ẹtoore ọnọni si gẹ.²⁹Fụvavọ, di eziafu Ijesu nin gẹ roo ki ọpa ọni ọzọọza ra nyi ụkata tu, ki ẹn vaa mọgụvọ yi ẹnyara anọdọwụ ọzọọza, ana yi Ijudiya. ³⁰Dẹ vọọ me,̣ de pere ẹkẹshi dẹ si ọ tushi azẹkụ Ijudiya zirẹngwụ Ibanabasi ọnri Isọọrụ.

Chapter 12Aa wụ Ijẹmsi, da za Ipita tụni Ijaaru

¹Ini ụmẹ ọnọ, di Ihẹrọdụ oshinọyi za azẹnyi ana vi anọdọwụ doti o roze mụyari wa. ²Dọ si itakovi wụ Ijemsi, ọnyara Ijọọnụ.³O me re ka inoshine Iju nini ọnọ vi, dọ zẹ tụ ki a naza Ipita. Ụmavọ vanaa rupe ibụrẹdi ọna razi nyi ọva. ⁴A mẹ za da, do nee ngwụni ijaaru, dọ tụ ki a na kụ ashọja ẹbẹrẹva doti e vee sere e; dọ nyiọ tụni ọtụtụrụma ki ọn va si ọ vee tu Iju nini inaama Upe Ọpiparafu.⁵Avọ ọna mẹ si Ipita tụni ijaaru, ama di ẹnẹna yini ichọọchi a si apada apada tuozurenu shi Oshomoshi fụvọ aani.Aa ji Ipita tụ⁶Inaafụ ọnyi, ọmẹ si vọ tu ụfụọ ọni Ihẹrọdụ vaa si ọ jinẹ doti ana tuoshi tụni irẹyi aani, di Ipita aa sụra ini akaakana ashoja ẹẹva, da si ẹba ẹẹva sụ ọ, di osereẹtẹ nin yini ọvidi oze, dee sere ọba ijaaru ọnọ.⁷Ụpọnyụpọnya di angeni Ananyiyi dinẹ pe e, di ẹtofeyi sha tụra irẹngwụ ijaaru ọna zaachire tụ. Do juvọku Ipita ini irakasha, dọ sha a, dọ ka "Sẹsẹ kwẹẹtẹ," di ẹba ọna si za ụvọ javọ fụrẹ avọ. ⁸Di angẹni ọnọ kaa yọ ka "Chire auru awụ, dụ wa kụ ivata awụ." Di Ipita sẹsẹ vọ vọọ mẹ. Di angẹni kaa yọ ka "Chire auru ọsa ku ọtụnẹ awụ, dụ wa vatụra mi."⁹Di Ipita vatụra angẹni ọnọ jinẹ. Ọ zi yẹ ka iseni angeni mẹ vi irẹiza. Do ro ki ẹtoore ọna sizụ ọni. ¹⁰Inaama ọnẹ para oserẹtẹ ọi ipaapa ọnri ọi ụpọfụụva fu da, de ne tu ọchiọfọ enyisuẹ ọnaa fụ dee ve tu irẹkura; di ọchiọfọ enyisụẹ ọnọ na yi ẹngwụani. Ẹẹ jinẹ tụẹshẹ, dẹ zi ọvanjoze ọnyi chi, di angẹni vọọ fụrẹụvọ izọ.¹¹Ẹfi ọni eyi Ipita si fa, dọ ka, "Maa yẹ inirẹiza ki Oshomoshi ọnọ tụ angẹni aani ki ọ va dọm tụ finụvọ Ihẹrọdụ, shi isa bo ọni Iju nin aa nyi iribatọ aani." ¹²Ẹfi ọnọ maan yẹ da, dọ ni ineeshi Imeri onyi Ijọọnụ (ọna zẹẹ shii shi Imaakụ), izẹni aza ẹrụrụ pere gụ tụ, dẹẹ tuozurenu.¹³O me fuoze ọna yini ọchiọfọ ireshi, di oziọnyẹnẹ ozida ọnaa shi Iroda jinẹ vẹ, dọ na tuoshi. ¹⁴Ọ mẹ wụ ọngwụẹ Ipita, di ụjẹ shi o inẹ netu ka ọi va kụ tamayi na na oze ọchiọfọ yọ; akikọnọ, doo zue varama ni ni irẹngwụ, dọ na kitụ ka Ipita ọ dinẹ tụni ọpanfuoze. ¹⁵Dẹ kaa yọ ka, "Ẹwụ kue suvu aano." Ama, dọ ka irẹiza ọni ọnaa ka. Dẹ ka, "Angẹni aani yọ."¹⁶ama, Ipita mẹ vee fii fu oze, dẹ na na oze. E me re, do shu wa eyi. ¹⁷Di Ipita sụvọ kaa yụ wa ki asẹ sụọkụ, dọ ka yụ wa Ananyiyi mẹmẹ tụ ọni jinẹ fiini ijaaru. Dọ ka, "Na kitụ irẹyi ẹnẹni yi Ijemisi, shi ẹnyara ayi ini ọdọwụ nini." Inaani, dọ fi izọ, dọ ni irasha ọsa.¹⁸Ọmẹyani, eyi mẹ si ni, aivi ozi ẹshanakata ọnọ yini akaakana ashọja nin inọpati irẹyi Ipita, ki sẹni ẹn yẹ kọọ na mẹ ẹ. ¹⁹Ihẹrọdụ me si o do rezi re, dọ fọ oserẹtẹ nini ipẹpẹẹ, dọ si ụmọ kaa ki a wụ wa. Inaani, di Ipita chi fụri Ijudiya na ngwụ Isisariya, dọ na yi izọ.Isu Ihẹrọdụ²⁰Ụmavọ, Ihẹrọdụ vanaa mọikụ shi ani Itaya nin shi ani Isidọni nin. Di irẹkụra ẹviva gẹ ne tu o. De ne tu Ibiratusi, ana vi ọnọguvọ oshinoyi, dẹ kaa yọ ki ọ mọgụvọ yẹni. Inaani, dẹ dipẹ yọ ki ẹngwọrọ ọni enee si, fụvọki irẹkụravabẹ ẹnẹviva vanaa kụ isari vaa yi yi fụri irẹkụavabẹ oshinọyi. ²¹Ọkụshi ọnẹ ji me tu, di Ihẹrọdụ kụẹnya oshinọyi aani, dọ yatụ tụra ogede, dọọ karẹyi yụ wa.²²Di aza ee nowu, dee gono o, dẹ ka, "Ọngwẹ ori yi, aivi ọngwẹ ọza!" ²³Afuọnọ afuọnọ, di angẹni Ananyiyi visari ọ, fụvọki ọ zi sụga ọnọ yi Oshomoshi; di ukokoromi nin ri ọ, do su.²⁴Ama di irẹyi Oshomoshi aa fụ tụọ, dọọ garashii fuavọ. ²⁵Ẹfiẹni Ibanabasi ọnri Isọọrụ mẹ ụkọrọ one si chire wa ụvọ zẹtẹ da, dẹ varama fụri Ijerusanẹmụ, dẹ si Ijọọnụ ọna zẹ shii shi Imaakụ bẹrẹ ẹngwụ.

Chapter 13Aa kụ Ibanabaasi ọnri Isọọrụ nyioda

¹Ini ichọọchi ana yi Antiyọki, ọ nyi ọkisẹ ẹnyi ọnri ọzụọzisa ẹnyi ana yi izọ. Azẹnẹni vi, Ibanabasi, Isimiọni (anaa shi Inaija), Inushiyọsi ani Isireni, Imanẹni (ana vi ozi ọna gẹ pa ọni ri Ihẹrọdụ Igomina), onri Isọọrụ. ²Ẹ maa fẹkẹ Ananyiyi, dẹẹ bawẹ, di Ifẹ Ọnini ka, "Sha Ibanabasi ọnri Isọọrụ tụ renyi yi mi, doti ẹ va mụkọrọ ọnim shụ wa tụ." ³Inaama ọnẹ bawẹ da, dẹ tuozurenu da, dẹ suvọ tura anẹru ẹnẹni da, dọ tụ wa jinẹ ki ẹ na mụkọrọ ọni Ifẹ Ọnini shụ wa tụ.Ibanabasi ọnri Isọọrụ ẹ nọ Isaiprọsi⁴Di Ibanabasi ọnri Isọọrụ na a mẹ isọni Ifẹ Onini shụ wa tụ, de chi ni Iseneushiya; fi izo, dẹ si zi oze enyi na ngwu irẹkụra ọna yini akaakana enyi ọnaa shi Isiprọọsi. ⁵Ẹfi ẹnẹ yi irẹkura Isanamisi, dee showu irenube ọiza Oshomoshi ini Isinagọọgụ Iju nini. Ijọọnụ Imaakụ vana zẹ yi yi izọ, do pe wa a mụkọrọ.⁶Ẹfi ẹnẹ zi Ipafọọsi (irẹkụra ọni enyi varakara) parafu da, de re anẹtụravọ ọnyi, ọna vi ọkisẹ anapẹ Iju nini, ọni irẹsha aani vi Ibaa Ijesu. ⁷Apada apada ọne sii re anẹtụravọ ọnọni ọnri Isajiyọsi Ipọrusi, ọna vi igomina irẹkụra ọnọni, vaa bẹ, dọ vi ọzẹni ọbọrẹsụ aani gụ ẹtẹrẹ. Di igomina ọnọ tụ ki ana shi Ibanabasi ọnri Isọọrụ, fụvọki oo si ki ọ na a wụrẹyi Oshomoshi. ⁸Ama di Ẹnimasi "anẹtụravọ" (afụ irẹsha aani vọnọ) veyi irazi ka wa, doo si ki ọnọ va igomina ọnọeyi fini ọdọwụ.⁹Ama di Isọọrụ, ọni irẹsha aani zẹ ri ri Ipọọrụ, ọne shi yi Ifẹ Ọnini, feyishi o ẹtẹrẹ, ¹⁰dọ ka, "Ẹwụ ozi eshu, apẹ onri aichama renyi renyi vana yarẹ wụ. Irẹiza bo ọnụụ vi ọnivi aanini. Wai zụa jụvọ fiini oze Ananyiyi ọna vọrọ, ọnu wee si kụ wa zara, navẹki ụva zụụ jụvọọ finaani?"¹¹Re, ụvọ Ananyiyi ọ tụra awụ da, ụ vaa vara oguri. We zee re ọyi ini ẹfi keere." Ụmụmo,̣ di egushi ọnri oozi vaku Ẹnimasi; dọọ varaakara, doo si azẹna vaa za ọni ụvọọ zụ oze. ¹²Igomina me re isẹnẹ mẹ, dọ dọọ wụ, fụvọki ọzizụ ọna si zụ ọ inọpati Ananyiyi vene sheeyi.Ipọọrụ ọnri Ibanabasi ẹ nọ Antiọki ọi Iprisidiya¹³Ipọọrụ ọnri ẹta aani ẹ ngwụ ẹpa fụri Ipafọsi vangwụ Ipaaga ana yi Ipamfiniya. Ama di Ijọọnụ fụrẹ wa ụvo tụzọ, dọ varama ni Ijerusanẹmụ. ¹⁴Ipọọrụ ọnri ẹta aani ẹ gẹ zi fụri Ipaga, dẹ na ngwụ Antiyọki ana yi Ipisidiya. Izọ dẹ ngwụ isinagọọgụ ini ọkụshi isabati, dẹ na yatụ. ¹⁵Inaama ana yini iwe ofi ọnri iwe ọkisẹ nin ka da, di ọdọvidi isinagọgụ nin tụtụ shi wa ka, "Ẹwụ nin ẹnyara ayi, aaviki ọ nyi irẹyi ọnụụ va sii tụ azẹnẹni ụkata nini, navọ wa va kaa yụ wa nin."¹⁶Inaani, di Ipọọrụ kwẹẹtẹ, do miuvo shu wạ, dọ ka "Ẹwụ nin ani Isirẹni, shi ẹwụ nin ana sụbani yi Oshomoshi, bato nini. ¹⁷Oshomoshi ani Isrẹni nin ọ si eyi ayụva re oshuku adayi nini, dọ ni wa renyi, dọ mẹ wa rụrụ ụ̣mẹnẹ yi Ijipiti, ọnri ki dọ si ụkata ụvọ aani tụẹba do kụ wa jinẹ fi izọ. ¹⁸Dọ ya bẹrẹ wa mẹ irayi ẹbẹrẹva ini ụnọmi.¹⁹Inaama ono vu irẹkụra ishimba iri ini ẹtẹ Ikenaani da, dọ si ẹtẹ aanini yi aza ayi ki ogu aanini ọnọ kụ vi. ²⁰Isẹnẹni bo vana si irayi akava rẹbẹrẹva rẹwụ (450) mẹ. Inaama isẹnẹni bo, di Oshomoshi si ọmọkarẹyi yụ wa netu ụmẹ Isamụẹni ana vi ọkisẹ.²¹Umotu, de fisue ki Oshomoshi ọ si oshinọyi yi ẹni, di Oshomoshi si Isọọrụ ozi Ikishi fini ụna Ibẹnjamini, dọ si ọ ri oshinọyi tụra wa irẹsụ mẹ irayi ẹbẹrẹva. ²²Inaama ọni Oshomoshi chi o fini ogede, dọ si Idevidi mẹ oshinọyi tụra wa. Idevidi ọnọ vi ẹzẹni Oshomoshi karẹyi inọpati aani ka, 'Mee re Idevidi ozi Ijese da ka, ọnọrụ one si isẹni ọtụtụrụma ami si ọnọ vi; isa bo ọnim si ki ọ mẹ, ọnọọ mẹ.'²³Fini ezirama ọzọnọni ọni Oshomoshi si Ijesu ọdọzatụ vaa ngwụ ini Isirẹni, vene otoowu ọnọ mẹ. ²⁴Irẹyi ọnọni ọ vẹrẹ a mẹ dọ tangwa va nyi ki Ijesu ọ vẹ, ẹfi ẹni Ijọọnụ bidi si isami oririnẹ varama zụ ani Isirẹni nin bo, di Ijesu va vẹ. ²⁵Ụkọrọ Ijọọnụ maa va ta a mẹ, dọ ka, 'Ẹnuu ro ki ma vi nin kẹ? Aivi ẹmi a vi ọzọnọ. Ama bematọ nini, ọ nyi ̣ẹzẹnaa vẹ inaama ami, ọnim razi fụ ẹzẹna va zụụ ngwara orupa ivata aani.'²⁶Ẹwụ nin aza ami, ezirama Abrahamụ, shi ẹwụ nin ọnaa fẹkẹ Oshomoshi, ẹyi ọna si irẹyi ọdidozạtụ ọnọni tushi. ²⁷Fụvọki ẹnẹna yi Ijerusanẹmụ ọnri oshirẹsụ aanini ẹ zi yẹ ẹ, dẹ wụ ọ, dẹ mẹ ki irẹyi ọni ọkisẹ nin ka tẹtẹ, ọna sii zụ ini ẹkụshi Isabati bo, ọ si sẹ.²⁸Shọmẹdaka vi ki e zi re ivi ọnyọnyi ini ẹngwụ aani, dẹ kaa yi Ipaireti ki ọ wụ ọ. ²⁹Ụmọni ẹ si isa bo ọna chẹrẹ tẹtẹ inọpati aani mẹ, dẹ si ọ chi fini ọchi avashi, de ne ne e tụni irikuta.³⁰Ama di Oshomoshi sha a kwẹẹtẹ fini akaakana ẹnene fu su. ³¹Enena vatụra a fụri Iganini na ngwụ Ijerusanemu ee re mẹ ẹkụshi ẹrụrụ. Azẹnẹni ẹnẹ vi onivenu aani yi aza, omeyani.³²Fụvavọ, yaa karenube ọiza ọnọ yụ wụ nin, ka, otoowu ọni Oshomoshi mẹ yi adayi nin ³³ọ vẹshẹ yi ẹyi ezi aanini, ini ka ọ sha Ijesu kwẹẹtẹ da. Vene a mẹmẹ kaa ini iwe Isaamụ ọfụụva: 'Ozi ami ọnụụ vi, ini irajini ọnọnini, Ada wụ ọnim kụ vi.' ³⁴Isẹni Oshomoshi ka inọpati ọshi sha a kwẹẹtẹ fini akaakana ẹnene fu su, doti asi ẹngwụ aani vụ poro, ọnọvi ka: "Imvaa si ẹdabẹrẹ ọnini ọna razi nyi ọjirẹka, ọnim mẹ otoowu aani yi Idevidii, yụ wụ nini.'³⁵Ọnọni ọnọ mẹ ki ọzẹ kaa ini iwe Isaamụ ọsa ka, 'Wa zaa navọ ki Ọza Ọnini awụ ọ si eyi gẹrẹ ọvivụ.' ³⁶Fụvọki inaama ọni Idevidi mẹ osisi Oshomoshi da ini evereze aani, do fu su, de ne e bẹrẹ oshuku aani, di ẹngwụ aani vụ. ³⁷Ama, ọzẹni Oshomoshi sha kwẹẹtẹ fiini isu ọzi vụ.³⁸Fụvavọ, ẹwụ nin ẹnyara ami, navọ wa yẹ nin ka zirengwụ ọzọnọni ọna ya showu aichama ọ si si vaya aza. ³⁹Zirẹngwụ aani ọna ya mẹ ẹvagu, da jishi yi aza bo fini isabo ọni ofi Imosisi raizụ jishi aani yụ wụ nini.⁴⁰Fụvavọ, sieyipeẹtẹ nini doti asi isẹni ọkisẹ nin ka na si sẹ inẹẹsụ awu nini: ⁴¹'Re, ẹwụ nin ọsieyiwụọza, doti o shuweyi nin, du we ve su nini; Fụvọki maa mẹ ụkọrọ oshishozeyi ini ụmẹ awụ nini, Ụkọrọ oshishozeyi ọnọ vi ki ọzi nyi ẹfi ọnụụ va dọọ zẹ nin, shọọdaka vi ki e showu aani yụ wụ nini.'⁴²Ipọọrụ ọnri Ibanabasi mẹ fiizọ, di azẹnẹ dipẹ yụ wa ki ẹ varama vẹ doti ẹ va karẹyi ọnyọnya ẹnẹni yi ẹni ini ọkụshi Isabati ọnaa vẹ. ⁴³Ụmẹ ọni iragụ isinagọgụ ta mẹ, di Iju ẹnyi ẹnri anọdọwụ nin ana razi vi Iju vatụra Ipọọrụ ọnri Ibanabasi; di Ipọọruụ ọnri Ibanabasi pe wa karẹyi, dẹ tụ wa ụkata ki ẹẹ mẹ ọdọwụ aanini, ọnẹ nyi tụni ọiza ọfẹ Oshomoshii, nọvidi.⁴⁴Ini ọkụshi Isabati ọna vatụra a, di anrẹkụra ẹnẹ bo gamo pere gụ ne batọ tụni irẹyi Ananyiyi. ⁴⁵Ẹfiẹni Iju nin re azọkọni ẹnẹ, di inẹ aanini shi yi ayamkụ, dẹẹ kụ irẹyi ọni Ipọọrụ ka a sha, dẹẹ kụ ọ ụfụ.⁴⁶Ama, di Ipọọrụ onri Ibanabasi si ayoọvi kaa yụ wa ka, "Isẹna sẹrẹ ọnọ vi ki ẹwụ nin ọna ra bidi kareyi Oshomoshi yi. Fụvọki yee re kụ waa tụọụvọ kavaana fụrẹngwụ awụ nin, dụ waa kaa yi ẹgwụ awụ nin ki ẹshẹ poro pooro ọzi sẹrẹ wụ nini; re nini, i vaa vaaka Ijẹntani nini na. ⁴⁷Fụvọki Ananyiyi ọnọ vọọ kaa yi yi ka, 'Maa sụ wụ nin mẹ ẹtofeyi yi Ijẹntaini nini, kụ wa si ọdidọzaọtụ na ngwụ izitizi inẹẹsụ ẹshẹ ọnọni.'"⁴⁸Ijẹntaini nin mẹ wụ irẹyi ọnọni, di inẹ aanini shine, dẹ sụga yi irẹyi Ananyiyi. Azẹrụrụ ọnọ vi ki Oshomoshi ọ ni tẹtẹ da ki ẹ vaa ngwụni ẹshẹ poro pooro, ẹnẹ dọwụ. ⁴⁹Di irẹyi Ananyiyi garashi ọkakooro izọ bo.⁵⁰Ama, di Iju nin ne tu anyẹnẹ ọni eyi yẹ ini irekura ọnọ ẹnri anẹrụ ana vi ọdọvidi irẹkụra ọnọ, dẹ tụ wa irẹkụ. Azẹnẹni ẹnẹ tụ azẹbani irẹkụra ọnọ irẹkụ, dẹ mụyari Ipọọrụ ọnri Ibanabasi, de ne wa zi gọdọ fiini irẹkụra ọnọ. ⁵¹Ama, di Ipọọrụ ọnri Ibanabasi bani edudu afụ aanini shiẹtẹ, dẹ si ọ divenu yụ wa. Inaani, dẹ fiizọ, dẹ ni irẹkụra anaa shi Ikoniyọmụ. ⁵²Di eziafụ ẹnẹ shi yi ụjẹ ọnri Ifẹ Ọnini.

Chapter 14Ipọọrụ ọnri Ibanabasi yi Aikoniọmụ

¹Umotu, ini irẹkụri Ikoniyọmụ, di Ipọọrụ ọnri Ibanabasi gẹ ngwụni isinagọgụ Iju nini, dẹ karẹyi inoze ọno ̣si vi ki azẹrụrụ ini Iju ọnri Igiriki nini ẹnẹ̣ dọwụ. ²Ama di Iju nin anaa mẹ akamawụ na kushi Ijẹntaini nini inẹ, dẹ mẹ ki ayi ọ kụ wa tu ẹnyara ayi anọdọwụ.³Fụvavọ dẹ zafụ dinẹ, dẹ yi izọ ku, dẹẹ si ayọọvii karẹyi zirẹngwụ ụkata Ananyiyi, dọ zaa sii si ivenu ọiza ọfẹ ọna yini irenube aanii zụ. Ọ maan mẹ zirẹngwụ ụkata ọnọ si yi Ipọọrụ ọnri Ibanabasi ki ẹ sụvọ aanini mẹ ụkọrọ oshishozeyi onri ami renyi renyi. ⁴Ama, azẹrụrụ ini irẹkụra ọnọ ẹzi si inẹ vọnya: azẹnyi ẹya bẹri Iju nini, di azẹnyi ya bẹri ọnitụ Ijesu nini.⁵Ẹfiẹni Ijentaini ọnri Iju nini ee si oze ọnẹ va sii kaa yi ọdọvidi aanini ki ẹ za Ipọọrụ ọnri Ibanabasi, doti ẹ va wa iriwa ọnri ki doti e ne wa irẹta, ⁶dẹ va si wụ, de zue fiizọ ni ni irẹkụra Irikaoniya, Inisitira ọnri Idaabe ọnri ọkakooro izọ bo, ⁷dee showu irenube ọiza izọ.Ipọọrụ ọnri Ibanabasi yi Inistira⁸Ini irẹkụri Inistira, ọnọrụ ọnyi ene sụfụ fiininẹ ọnya aani, ọni ụfụ aani razi viẹchi, dọ razi zụsẹ yẹẹyẹ, ọ yatụ tụzọ. ⁹Di ọnọrụ ọnọni wụ ki Ipọrọrụ aa karẹyi. Di Ipọọrụ feyi shi o, do re ki ọ nyi ọdọwụ ki a va zụụ fụ ọni ikụ sha. ¹⁰Dọ va si ọngwẹ tụẹba, do ka, "Kwẹẹtẹ dinẹ." Di ọnọrụ ọnọ jishirẹ, dọọ zụsẹẹ ziizi.¹¹Ẹfiẹni azọkọni re isa ọni Ipọọrụ mẹ, dẹ si ọngwẹ tuẹba, dẹẹ si irẹkụra Inikaoniyaa kaa ka, "Ori nini e chi ve tu yi ini ụpẹngwụ aza." ¹²Dẹ kaa ka Ibanabasi ọnọ vi "ori Izeyusi;" di Ipọọrụ vi, "ori Amẹsi," fụvọki ọni ọnọ vi ọdọvidi ọkarẹyi. ¹³Oshirafẹkẹ ori Iziyọsi, ọni ireshi aani yini akajinẹ irẹkura ọno, dọ kụ ụnọ nini ọnri ododo irafẹke ọna sụvọ nọ ẹrụrụ vi ni ọchọfọ itẹmpụrụ ori ọnọ; irafẹkẹ ọni ọn ri azọkọni ana yi izọ aa vaa mẹ yi ori.¹⁴Ama, ọnitu Oshomoshi, Ibanabasi ọnri Ipọọrụ mẹ wụ inọpati aani, dẹ na ita aanini shaa, dẹ sẹ ne tu azọkoni ẹnẹ, de nowu, ¹⁵dẹẹ kaa ka, "Ẹwụ nin anẹrụ, ọmẹzi dụụ manaa mẹ nin ke? Ẹyi nyẹmbẹ vi aza vene wụ ninị, di ze̱ nyi ụpẹngwụ vene wụ nini. Irenube ọiza ọnii za ve tu wu nini, doti wa zụ varama fini isa ana razi zarẹsụ du ̣wa va ka Oshomoshi ana nyi ifẹ, ana tụ̣ ebe̱e̱ba, ẹtẹ ọnri irefu, shi isa tụrisa ana yi inine̱ aanini. ¹⁶Ini ụmẹ iyẹẹyẹ, ọ navọ ki irẹkụravabẹ bo ẹẹ mẹ ene tu wa ụvọ.¹⁷Ama, tuavọ tuavọ, ọ zi vọọ navẹngwụ aani kẹnẹ ki ọ zinyi onivenu, ụmọvi ki ọ mọiza ini orishi ọnọ si yụ wụ nini fụri ẹbẹẹba ọnri ụmẹ ẹtụtụ, dọọ si isari ọnri ụjẹẹ shi wụ nin inẹ." ¹⁸Ipọọrụ ọnri Ibaranabasi ee pe wa karẹyi poro, tuavọ tuavọ ẹi zụ za azọkọni ana yi izọ ki asẹ si isẹvọ fẹkẹ ẹni vene ori.Ee ne Ipọọrụ irẹta Inistira¹⁹Ama Iju ẹnyi ana fụri Antiyọki ọnri Ikoniyọmu mẹ vẹ dẹ, kushi azọkọni inẹ. Dẹ vẹrẹ dee ne Ipọọrụ irẹta, de turẹẹtẹ fụri irẹkụra ọnọ, de ro ki o fu su.Ipọọrụ ọnri Ibanabasi ẹ varama vẹ Antiọki²⁰Tuavọ tuavọ, eziafụ aani mẹ dinẹ varakara a, dọ kwẹẹtẹ, dọ ngwụ ni irẹkụra ọnọ na. Ineyineishẹ aani, di Ipọọrụ ọnri Ibanabasi ni Idaabe.²¹Inama enẹ showu irenube ọiza ini irẹkụra ọnọ da, dẹ nyi eziafụ ẹrụrụ, dẹ varama ni Inistira, Ikoniyọmụ ọnri Antiyọki. ²²Dẹẹ si apadapada tu eziafụ aanini ụkata doti ẹ va zụụ siafụ shiẹte ini ọdọwụ aanini, dẹ ka, "Ii bẹdọ ngwụ ijọva Oshomoshi zirẹngwụ ẹkatẹngwụ renyi renyi."²³Inaama ẹnẹ ni azẹkụ tụni ichọchi ọzọọza da, dẹ tuozurenu, dẹ bawẹ, dẹ va sụ wa chire Ananyiyi ụvọ, ọnẹ nyị ọdọwụ aanị. ²⁴Inaani, dẹ zi oze Ipirsidiya parafu, dẹ na ngwụ Ipamfiriya. ²⁵Ẹfiẹnẹ karenube ọiza Ipaaga da, de si fu dẹ ni Ataniya. ²⁶Fiizọ, dẹẹ ni Antiyọki izẹnẹ ya siengwu tụni ọizaọfẹ ọna yini ụkọrọ Oshomoshi, ọnẹ za na ngwụrẹsụ da.²⁷Ẹfiẹnẹ ngwụ Antiyọki, de pere ichọọchi gụ, dẹ karenube isa ọni Oshomoshi mẹ zirẹngwu aanini, shi ọ mẹmẹ fụoze ọdọwụ yi Ijẹntaini nini. ²⁸Dẹva yi izọ ku pe eziafu aanini.

Chapter 15Iragụ anọdọwụ ana yi Ijerusanẹmụ

¹Anẹrụ ẹnyi e chi fụri Ijudiya na ngwụ Antiyọki, dẹẹ zụ ẹnyara ayi anọdọwụ nin ka, "Ọchishi ki ụ jụma nin vene isoshiẹtẹ Imosisi mẹ ka a, azẹi zụa jụ wụ tụ nin. ²Ọnọ mẹ ki Ipọọrụ ọnri Ibanabasi e pe azẹnẹ nyi ẹshankata ọkatẹngwụ̣. Fụvavọ da ni Ipọọrụ ọnri Ibabanasi bẹri azẹnẹsa fiini akaakana aanini, ka ẹ shirẹ nọ Ijerusanẹmụ ne tu ọnitụ nin ọnri azẹkụ nin doti ẹna geyi inọpati irẹyi ọnọni.³Fụvavọ, ọmẹ vi ki iragụ anọdọwụ nin ọnọ tụ wa, dẹ zi Ifonisha ọnri Isameriya parafu, de showu yụ wa ki Ijẹntaini nin ẹ si vara anọdọwụ. Dẹ si ụjẹ ọbani ve tu ẹnyara anọdọwụ aanini. ⁴Ẹfiẹnẹ ngwụ Ijerusalẹmụ, di iragụ anọdọwụ nin ọnri ọnitụ Ijesu nin, shi azẹkụ nin kụ wa kaa nẹ, dẹ karenube ụkọrọ ọni Oshomoshi sụ wa mẹ.⁵Ama, di anẹrụ ẹnyi ana nyi ọdọwụ, ana yini aka ụvọrẹkụ Ifarisi nin, kwẹẹtẹ dinẹ, dẹ ka, "Ọ vọrọ ki aa ji aza ụma, ọnri ki a zẹ kaa yu ̣wa ki ẹẹ vaatụra ofi Imosisi. ⁶Izọ di ọnitụ nin ọnri azẹkụ nin perẹngwụ vabẹ de roo inọpati irẹyi ọnọni.⁷Inaama ọne pe ẹngwụ nyi ẹshankata ọkatẹngwụ da, di Ipita kwẹẹtẹ dinẹ, dọ kaa yụ wa ka, "Ẹwụ nin ẹnyara ami, waa yẹ nin ka inisirọni, Oshomoshi ọ ni ọzọnya fini akaakana awụ nini, dọ ka ziri irẹyi irenu ami ọni Ijẹntaini nini va yaa wụ irẹyi irenube ọiza, dẹ dọwụ. ⁸Oshomoshi ana yẹ ọtụtụrụma aza, ọnọọ mivenu yụ wa, dọ si Ifẹ Ọnini yụ wa, vene ọ mẹ si ọ yi yi. ⁹Ọ zi tụ ẹyi rụ wa renyi yi ẹngwụ, dọ mẹ ki ọtụtụrụma aanini ọ ni kirikiri zirẹngwụ ọdọwụ.¹⁰Fụvavọ, ọmẹzi dụ wa zama Oshomoshi re, du wee zu ọparaka, ọni oshuku ada ayi nin navẹki ẹyi rai zụa za, gẹ eziafụ Ijesu nin ọbẹ kẹ?" ¹¹Ama, yaa nyi ọdọwụ ki a vaa dọyitụ zirengwụ ọiza ọfẹ Ijesu Ananyiyi, vene a mẹmẹ zẹ di dọ ẹni tụ."¹²Di azọkọni ẹnẹ bo chiiji keri, dee batọ tụni irẹyi ọni Ipọọrụ ọnri Ibanabasi aa ka, ẹfiẹnẹ karenube ụkọrọ oshishozeyi ọnri ami renyi renyi ọni Oshomoshi mẹ inakaakana Ijẹntairi nini zirẹngwụ aanini.¹³Inaama ẹnẹ karẹyi da, di Ijẹmisi tuoshi, dọ ka, "Ẹwụ nin ẹnyarami, bematọ nini. ¹⁴Isaimọni ọ ka yi yi da Oshomoshi mẹmẹ savọ si ayụva aani mọgụvọ yi Ijẹntairi nin, doti o roze ni aza fini akaakana aanini yi irẹsha aani.¹⁵Irẹyi ọkisẹ nini ọ vaji irẹyi ọnọni, vene a mẹmẹ chẹrẹ tẹtẹ, ¹⁶'Inaama isẹnẹni, mvaa varama vẹ, dim va varama da ajẹngwụ Idevidi, ene wu nyẹtẹ; mvaa si ọ kwẹẹtẹ dim teni odidu aani bo varama tụni ụdi aani, ¹⁷doti aza anavọ e zuu sii eyi Ananyiyi, shi Ijẹntaini nin bo ana shi zirẹngwụ irẹsha ami.' ¹⁸Irẹyi ọni Ananyiyi ka yi, ọni ọna mẹ isẹnẹni, ana mẹ fụrụmọrụmọ.¹⁹Fụvavọ, isọnim ro ki ọ vọrọ ki ya mẹ ọnọ vi ka, asi kụọ kata Ijẹntaini nin, ẹngwụ,ẹnẹna va ka Oshomoshi vẹ. ²⁰Ama, i vaa chẹrẹ iwe tu shu wa ki ẹ bẹdo vaa kavana yi ori ọfifẹkẹ, irẹka ọsisẹ, ọnri uye one simọbẹ, shi anya. ²¹Fụvọki osiku ana fụrẹ aa showu ofi Imosisi ini irẹkụra bo fini ẹshẹ ụmọkụkụ vẹ, da kaa ini Isinagọọgụ, ini ọkụshi Isabati bo."A chẹrẹ iwe tushi iragụ anọdọwụ Ijẹntaini nini²²Inaani, do vene ki ọ sẹrẹ ini eyi ọnitụ nin ọnri azẹkụ nini, bẹri iragụ anọdọwụ bo, ki a ni Ijudasi ana shi Ibasabasi, ọnri Isainasi, ẹnẹna vọ ọdọvidi ichọọchi, da tụ wa ni Antiyọkụ bẹri Ipọọrụ ọnri Ibanabasi. ²³Dẹ chẹrẹ ẹ ka, finụvọ ọnitụ nin ọnri azẹku ̣nin, ẹnyara wụ nin anẹrụ, tushi Ijẹntaini ana yi Antiyọkụ, Isiriya ọnri Isinishiya, yaa kụ wụ nini.²⁴Yaa wụ ki anẹrụ ẹnyi ẹ tụ fiini akaakana ayi dẹ razi doze finụvọ ayi, dẹ va ngwụni akaakana awu ̣nini, dẹẹ zụ wụ nin isa anaa kụ wụ nin ifẹ gẹba. ²⁵Ọ mẹ maan si ya aani, ẹyi bo ọ nọma, dii zẹẹ ki ya ni aza, dii tụ wa bẹri Ibanabasi ọnri Ipọọrụ ọnii sirẹyi aani, shu wu nini; ²⁶anẹrụ ana si ẹshẹ aanini tẹtẹ fụvọ irẹsha Ijesu Ikristi Ananyiyi.²⁷Fụvavọ, yaa tụ Ijudasi ọnri Isainasi shu wu nini, ẹni nyẹmbẹ vaa si irenu aanini karẹyi ọnyọnya ọnọni yụ wụ ini. ²⁸Fụvọki ọ vọọ sẹrẹ ini eyi Ifẹ Ọnini ọnri ini eyi ayi ki asii kụọ kata wụ nin ẹngwụ fu isẹnẹni, ana vi isẹna sẹrẹ; ²⁹kụ wa va fiini isẹna si misẹvọ yi ori nin, anya, uye one shiọbẹ, ọnri itutu asụ. Aaviki wa zi gọdọ yi isẹnẹni, ọ vaa rọ wụ nin ẹngwụ. Nyo da nin eee."³⁰Ẹfi ana karẹyi ọna kaa yụ wa da, de si fu aa ni Antiyọki; ẹfiene pere azọkọni gụ da, dẹ tana iwe itụ ọna si tụ wa itụ yụ wa. ³¹Ẹfiẹnẹ ka iwe itụ ọnọ da, dẹẹ jụjẹ fụvọ irẹyi ọtitụkata one re ka fiinaani. ³²Di Ijudasi ọnri Isainasi ọni ẹnẹviva zẹ vi vi ọkisẹ ẹn zẹ karẹyi ẹrụrụ yi ẹnyara anọdọwụ nin, dẹ si ọ tụ wa ụkata.³³Ọmẹ na daa mẹ che izọ, di ẹnyarayi anọdọwụ ana yizọ tụ wa varama ini ẹngwọrọ ve tu ẹnẹna tụ wa itụ. ³⁴Ama, di Isainasi re ka ọ sẹrẹ ki ọnọ kụ yi izọ. ³⁵Ama, di Ipọọrụ ọnri Ibanabasi shi azẹnẹsa dinẹ tu Antiọkụ izẹ ya zụ aza isa, dẹẹ karenube ọiza Ananyi̇yi.Ipọọrụ ọnri Ibanabasi ẹ shashi yi ẹngwụ³⁶Inaama ọnẹ mẹ ẹkụshi che izọ, di Ipọọrụ kaa yi Ibanabasi ka, "Navọ di ya varama ne re ẹnyara ayi anọdọwụ ini irẹkụra bo ọnii ya karenube ọiza Ananyiyi, di ye ne re ẹ mẹmẹ a mẹ izọ bo. ³⁷Di Ibanabasi e si ki ọnaa si Ijọọnụ anaa shi Imaakụ vaatụrẹngwụ. ³⁸Ama, di Ipọọrụ ro o ki ozi zoza ki ẹnẹ si Imaakụ vatụrẹngwụ, fụvọki ọ bidi fụrẹ wa ụvọ tụ Ipamfiniya, dọ rai kụ kụafụza wa zụsẹ nọvidi tụọ ini ụkọrọ ọnọ.³⁹Inaani, dẹ va nyi ẹshankata inakaakana aanini, ọna mẹ ki ọzọọza ọ si zi ayaani, di Ibanabasị si Imaakụ vatụrẹngwu,̣ dẹ ni Isaipurọsi. ⁴⁰Ama, di Ipọọrụ ọn si Isainasi na, inaama ọni ẹnyara anọdọwụ nin si ọ chire ọiza ọfẹ Ananyiyi ụvọ. ⁴¹Inaani, dọ zi Isiriya ọnri Isinisiya parafu, dọọ tu ichọọchi nin ụkata.

Chapter 16Itimoti ọ vabẹrẹ Ipọọrụ ọnri Isairasi

¹Di Ipọọrụ zẹ vẹ Idẹẹbi, shi Inistira; dọ nyi oziafụ anaa shi Itimoti ana yi izọ, ọni ọnya aani vi Iju anọdọwụ, di ada aani vi Igiriki. ²Ẹẹnyara ayi anọdọwụ nin ana yi Inistira ọnri Ikoniyọmụ vanaa karẹyi ọiza aani. ³Di Ipọọrụ ̇ee si ki ọ vatụra ọni ji̇nẹ, dọ va si ọ dọ ji ọ ụma fụvọ Iju nin ana yi irasha ẹnẹ, fụvọki enbo ẹ yẹ da ka Igiriki ọni ada aani vi.⁴Ẹ mẹ yinoze aa na, dẹ zi akaakana irẹkụra ọbani ẹne paraafụ̣, dẹ siọzụ ichọchi ẹnẹ, isọ vọrọ ki ẹ vaatụra, ọni ọnitụ Ijesu nin ọnri azekụ ana yi Ijerusanẹmụ chẹrẹ tẹtẹ da. ⁵Di ichọchi nin aa kataa tụọ ini ọdọwụ ọnri ka dẹẹ rụrụụ tụọ eyinieyini.Ani Imasidoniya nin ẹ tụshi Ipọọrụ⁶Di Ipọọrụ ọnri ẹnẹni ẹnri ọ gaa zi, ngwụni ọkakooro Ifirigiya ọnri Igalatiya, ọmẹvika Ifẹ Ọnini ̇ọ zi zẹ ki e showu irẹyi Oshomoshi ini okakooro Eshiya. ⁷Ẹ mẹ zi gụri Imisiya, de zee si ki ẹ nẹ ngwụ ini Ibitiniya, ama di Ifẹ Ijesu yi ki asẹ nọ. ⁸E ̣mẹ vaa zi Imisiya a paraafu, dẹ ziọ va ngwụ irẹkụra Itraowasi.⁹Di Ipọọrụ re ẹtoore inaafụ, ka: ọnọrụ Animakadoniya ọnyi ọ dinẹ, dọọ shi ọ, dọ ka, "Waa vẹ Imakidoniya, dụ wa va mọgụvọ yi yi." ¹⁰Inaama ọni Ipọọrụ re ẹtoore ọnọ da, ụmụmọ dii kwẹẹtẹ aa ni Imakidoniya, ụmavọ dii si yẹ ki Oshomoshi vana shi yi ki ya na showu irenube ọiza yụ wa.Iridiya ọ vara anọdọwụ¹¹Imẹ ngwụ ẹpa fụri Itụrowasi, dii vọọ vatụra oze na ngwụ Isamọtrasi. Ini eyinẹshẹ aani, dii ngwụ Iniyapọrisi. ¹²Di fiizọ aa ni Ifiripa, ana vi irẹkụra ọbani ini Imasẹdoniya, ana bani fu bo ini okakooro ọnọ, dẹ yini afụ ijọva Iromani; dii va yini irẹkụra ọnọni mẹ ọkụshi ọrụrụ. ¹³Ini ọkụshi isabaati, dii zi ọchọfọ ana yi ini ụtọ okufa jinẹ tụra, fụvọki ye ro ki ii ve zuu re irasha ọnii va zụ yaa tuozurenu izọ. Yaa yatụ, dii karẹyi yi anyẹnẹ ẹnyi ene peregụ tụzọ.¹⁴Ọ nyi ọnyẹnẹ ọnyi anaa shi Inidiya, ana fụri Itayatira, anaa sofu ita ipọpụrụ, anaa fẹkẹ Oshomoshi, do bato tụni irẹyi ayi. Di Ananyiyi sha a ọtụtụrụma sha me doti o zu batọ tụni irẹyi ọni Ipọọrụ aa ka. ¹⁵Ẹfi ọnii mẹ isami yi ọn ri anreshi aani da, dọ dipẹ yi yi kokoro ka, "Aaviki ọtụtụrụma wụ nin ọ kaa yụ wụ nin ki maa nyi irẹiza inọvidi Ananyiyi, vẹ we ve chi ineeshi ami nini." Dii zẹẹ yọ.Ee ne Ipọọrụ ọnri Isairasi ngwụni Ijaaru¹⁶Umotu, i maa nọ irasha ana yaa tuozurenu, di ozioshi ọnyi, ana nyi ifẹ azeeshi ọnọ sii mirakụọ, vaji yi. Ozioshi ọnọni vanaa si ifẹ azeeshi ọnọni reẹtẹ yi aza, dọọ si ọgụ ụnọmpa vaa yi ọga aani nin. ¹⁷Di ozioshi ọnọni a vatụra ẹyi rii Ipọọrụ ziizi, doo showu ka, "Anẹrụ ẹnẹni vi ezida Oshomoshi ana nẹba fu keekere. Oze ọnaa zi re ọdidọtụ onoo showu aani yụ wụ nin." ¹⁸Dọ maan mẹ poro mẹ ẹkụshi ọrụrụ. Ama di irẹyi ọnọ kụ Ipọọrụ ayi kokoro, fụvavọ dọ kaa yi ifẹ azeeshi ọnọ ka, "Maa si ụmọ kaa yụ wụ kụ wa tụ jinẹ fụrẹngwụ ini irẹsha Ijesu Ikristi." Di ifẹ azeeshi ọno tụ jinẹ fini ẹngwụ aani ụmụmọ.¹⁹Ẹfi ọni ọga aani nin re ka izẹni ẹni kụ eyi tụra ki ọgụ a fụrẹẹ vẹ, ọi kụ yinaani, dẹ za Ipọọrụ ọnri Isainasi, de tura wa na ngwụ ini ofu, inọvidi ọnụmọ nini. ²⁰Ẹfi ẹnẹ za wa ve tu ọmọkarẹyi nini da, dẹ ka, "Anẹrụ ẹnẹni aa tụ anrẹkụra ayi nin irẹkụ. Iju ọnẹ vi. ²¹Dee showu isoshuku ana razi vọrọ yi ani Iroomu nin, dẹẹ kaa yụ wa ki ẹẹ vaatụra wa.²²Inaani, di azọkọni nini kwẹẹtẹ vabẹ tu Ipọọrụ ọnri Isainasi; di ọmọkarẹyi nini na auru shi wa ẹngwụ. Dọ si ụmọ yụ wa ka ẹ si enyiisụẹ tu wa. ²³Ẹfi ene fu wa isa ipẹrika da, de ne wa ngwụni ijaaru, dẹ si ụmọ kaa yi ọga anijaaru ka, ẹ sieyi pe wa kokoro. ²⁴Ọga anijaaru mẹ dọ ụmọ ọnọni da, do ne wa ngwụni ijaaru fuufu, dẹ tụ wa ipetuma.Ọga anijaaru ọ vara anọdọwụ²⁵Inọpati ajirafụ, Ipọọrụ ọnri Isainasi maa tuozurenu, dẹẹ jashẹ shi Oshomoshi, di anijaaru ọsa nin ee bewatọ. ²⁶Ini asigiri, di ẹtẹ jibora, netu ka do sheni na za oshiẹtẹ ireshi ọba ijaaru. Ụmụmọ, di oze ọba ijaaru bo naa sha, di ẹba ọna kụ shi wa afụ ngwara shiẹtẹ.²⁷Di ọga anijaaru nin si sha kwẹẹtẹ fini ara, de re ki oze ọba bo e ̣si na tẹtẹ. Dọ tụ itakovi aani doti ọnọ si ọ wụ ẹngwụ aani, fụvọki ọ kẹni ki anijaaru nin e ku zue. ²⁸Ama, di Ipọọrụ si ọngwụ tụẹba nowu, dọ ka," Asụụ wụ ẹngwụ awụ, fụvọki ẹyi bo yizọni."²⁹Di ọga anijaaru ọnọ kaa ka a si ọpa vẹ. Dọ sẹ zue ngwụninẹ ijaaru, di irẹgashi si ngwụ ọ ẹngwụ. Do ne ẹngwụ aani nyẹtẹ tụnọvidi Ipọọrụ ọnri Isainasi. ³⁰Ọ kụ wa jinẹ vini ẹshẹẹshẹ, dọ ka, "Ẹwụ nin ada ami, sọ vọrọ ki ma mẹ doti a zụ dọ mi tụ." ³¹Dẹ ka, "Dọ Ijesu Ananyiyi wụ, a vaa dọ wụ tụ, shi ẹwụ shi anreshi awụ."³²Dẹ karenube Ananyiyi yọ, shi azabo ana yini ireshi aani vabẹ. ³³Inaani, di ọga anijaaru ọnọ kụ wa neeshi ini iwakati irafụ ọnọ gẹdẹgẹdẹ, do pe wa ya anava aanini. Ụmụmọ, dẹ mẹ isami yi ọga anijaaru ọnọ ọnri anreshi aani bo. ³⁴Ọ mẹ si Ipọ̣ọrụ ọnri Isainasi vineeshi aani, dọ si isari yụ wa, dọọ jụjẹ, shi ọni shi anreshi aani, fụvọki ọ dọ Oshomoshi wụ da.³⁵Ẹfiene eyi si ni, di ọmọkarẹyi nini tụ netu ọga anijaaru nini ka, "Fụrẹ anẹrụ ẹnẹ ụvo doti ẹẹ nạ." ³⁶Di ọga anijaaru ka yi Ipọ̣ọrụ ka, "Ọmọkarẹyi nini ẹ tụshi mi ki ma fụrẹwụ nin ụvọ. Fụvavọ, jinẹ ve,̣ dụ waa na nin ini ẹngwọrọ."³⁷Ama, di Ipọọrụ kaa yụ wa ka, "Ee tu yi ini orere, dẹ razi navọ ki ya kurenu ayi. Shọmẹ daka vi ki ani Iroomu ọnii vi, de ne yi ngwụni ijaaru. E we ve bebe a vaa fụrẹyi ụvo ọmẹyanị? Ya zaa zẹẹ. Ẹnyẹmbẹ, ẹ va si ụvọta aanini kụ yi jine." ³⁸Di ọga anijaaru ọnọ ka irẹyi ọni Ipọọrụ ka yi ọmọkarẹyi ẹnẹ. Ẹfiẹnẹ wụ ki Ipọọrụ ọnri Isainasi vi ani Iroomu, di angwa shu wa. ³⁹Di ọmọkarẹyi ẹnẹ vẹ va dipẹ yụ wa, dẹ kụ wa jinẹ, dẹ kaa yụ wa ki ẹ zi kavana yi irẹkụra ọbani ọnọ.⁴⁰Avọ ọni Ipọọrụ ọnri Isainasi mẹ jinẹ fini ọba ijaaru, dẹ vineeshi Inidiya. Ẹfiẹni Ipọọrụ ọnri Isainasi re ẹnyara ini ọdọwụ nin, dẹ tụ wa ụkata. Umotu, dẹ fiini irẹkụra ọbani ọnọ.

Chapter 17Ipọọrụ ọnri Isainasi ẹ nọ Itẹsaronika

¹Ẹfi ẹnẹ zi irẹkụra ọbani Amifiponisi ọnri Apononiya parafu da, de ve tu rẹkura Itẹsaronika, izẹni isinagọgu Iju nin ya. ²Venebiri Ipọọrụ mẹ mii mẹ, do ne tu wa, dọ si ẹkụshi Isabati ẹẹta pe waa karẹyi fini iwe ọnini.³Dọọ fụ iwe ọnini, dọọ shaafụ sha yụ wa, isẹnọ si sẹrẹ ki Kiristi ọ rụya ọnọ ri, dọ varama sha kwẹẹtẹ fini isu. Dọ ka, "Ijesu ọnọni oni mee showu aani yụ wụ nini ọnọ vi Ikiristi ọnaa karẹyi inọpati aani." ⁴Iju ẹnyi ẹ dọwụ̣, dẹ vatụra Ipọọrụ ọnri Isainasi; Igiriki ẹrụrụ ana jẹngwu ngwụ irafẹkẹ vana zẹ vi vatụra wa, shi ẹrụrụ ini ọdọvidi anyẹnẹ nini.⁵Ama, di Iju nini ana razi nyị ọdọwu nyima aa kụayi aani; dẹ na kụ azẹshimi ẹnyi fini ofu vẹ, de pere azọkọni gụ, dẹ za irẹkụra, dẹ vaazi. Dẹ ngwụ ireshi Ijasọni, dẹẹ vaazi fụvọki ee si ki ẹnẹ tura Ipọọrụ ọnri Isainasi jinẹ va yi azọkọni ana gụ tuni ẹshẹẹshẹ. ⁶Ama, eme rezi re wa za, dẹ tura Ijasọni ọnri ẹnyara ẹnyi ne tu oshirẹsụ ụkọrọ irẹkụra ọnọ, dee nowu ka, "Anẹru ẹnẹni anaa vẹshẹ rẹsụụ chi, ẹzẹ ngwụ irẹkura ayi ẹyọni do. ⁷Anẹrụ ẹnẹni, ọni Ijasọni dọ pẹngwu vanaa misa eneẹ sii du ofi ọni Isiza si tẹtẹ; ẹẹ kaa ki oshinọyi ọsa yinaani, anaa shi Ijesu."⁸Azọkọni ọnri oshirẹsụ ụkọrọ nini vọni inẹ aani du ẹfi ẹnẹ wụrẹyi ọnọni. ⁹Ama, Ijasọni ọnri Ipọọru shi ẹnẹnavọ mẹ si irashi ọni oshirẹsụ ụkọrọ nini kaa ki ẹ si jẹngwụ aanini da, dẹ fụrẹwa ụvọ.¹⁰Ini irafụ ọkụshi ọno, dị ẹnyara anọdọwụ nini tụ Ipọọrụ ọnri Isainasi ni Ibẹriya. Ẹfiene tuzọ, dẹ ngwụni Isinagọgu Iju nini. ¹¹Anrẹkụra ẹnẹni ẹ nyi ụmẹnẹ ọnri ụvira funa ani Itẹsaronika nini, fụvọki ẹẹ sha ọtụtụrụma aanini sha, de batọ tụni irenube ọiza, dẹẹ zama irẹyi Oshomoshi re eyini eyini, doti e zu re aaviki irẹiza ọni isẹnẹni vi. ¹²Fụvavọ, azẹrụrụ ini ọdọvidi anyẹnẹ Igiriki ẹnyi ọnri anẹrụ Igiriki ẹrụrụ nin ẹnẹ dọwụ.¹³Ama, Iju nini ana yi Itẹsaronika mẹ wụ ki Ipọọrụ vana zaa kii karenube ọiza Oshomoshi ini irẹkụra Ibẹriya, dẹ ni izọ, dẹ naa va ẹtẹ zii izọ, dẹ kụ ọ kata azọkọni ẹnẹ ẹngwụ. ¹⁴Ụmụmọ, di ẹnyara ini ọdọwụ nini sẹ si Ipọọrụ na ngwụ ini Irefu, ama Isainasi ọnri Itimoti vana dinẹ tụzọ.Ipọọrụ ọnri Isinsi ẹ nọ Iberiya¹⁵Di ẹnẹnaa si Ipọọru zụoze si ọ ne tu irẹkụra Atẹnsi. Dẹ navọ Ipọọrụ tụzọ, ama di Ipọọrụ tụ wa ki ẹ kaa yi Isainasi ọnri Itimoti ki ẹ mụsọfira doti e ve tu ọni.Ipọọrụ ọ nọ Atẹni¹⁶Ipọọrụ mee zi wa ini Atẹnsi, ẹngwu aani ọi kụ dọ ẹfi ono re ori renyi renyi ana yini irẹkụra ọnọ. ¹⁷Fụvavọ dọ ngwuni isinagọgụ, do nee pe Iju nin shi azẹnẹsa anaa fẹkẹ Oshomoshi, dẹ kareyi aani; shi ofu vọnọọ nọ nee pe aza karẹyi Oshomoshi.¹⁸Ama azẹnyi ọnọ vi ki ụvirarẹsụ ọnri ọyiyẹ ini ụpẹngwụ ẹnẹ nyi, de ve tu o. Di ẹnyi ka, "Sẹni ọzẹna razi nyi ọnọ yẹ ọnọni e si ki ọnaa ka kẹ?" Di azẹnẹsa ka, "O vene ẹnẹnaa shi aza ki ẹ vatụra ori renyi renyi ana razi yẹ," fụvọki ọọ karenube Ijesu ọnri ọshisha kwẹẹtẹ fini isu.¹⁹Dẹ za Ipọọrụ dẹ siọ vi irasha anaa shi Areopagọsi, dẹ ka, "Ụ wa va zụụ kaa yi yi inọpati isa ọwọọwa ọnụ waa zụ aza? ²⁰Fụvọki isa ọnii razi yẹ inọpati aani ọnụ waa kaa yi yi. Fụvavọ, yee si ki ya yẹ izi isẹnẹni nyi rẹsụ tụ." ²¹(Dọ va kusivi ki eziẹtẹ Ateni bo ọnri azẹga ana yi izọ ẹi kụ nyi isọsa ẹnẹẹ mẹ funa ki ee batọ tụni irẹyi ọwọwa ana zẹ yinaaani navẹki ọnaa karẹyi inọpati aani.)Ipọọrụ ọ karẹyi ini akaakana Arioppagọsi nin²²Inaani, di Ipọọru dinẹ tụni akaakana Areopagọsi, dọ ka, "Ẹwu nin ani Atẹnsi, mee re ku wee sirẹyi irafẹkẹ inoze bo nin. ²³Fụvọki mmaa paraafu dim re isirafẹkẹ awụ nini, mee re irẹta irafẹkẹ ana chẹrẹẹ tụ ka, 'Yaa si ọnọni yi Oshomoshi Ana razi Yẹ.' Fụvavọ, isọnụ waa fẹkẹ ini arimayẹ oni mee showu aani yụ wụ nini.²⁴Oshomoshi ana mẹ ẹshẹ shi isa bo ana yi ininaani, ọ ma ra ini itẹmpụrụ anaa sụvọ da fụvọki ọni ọnọ vi Ananyiyi ana nyi ineeku ọnri ẹshẹ. ²⁵Ọi zẹ va vi ụvọ ọza ana sii fẹkẹẹ, umọvi ki ọzi nyi isẹnẹ vụya yọ, fụvọki ọni nyẹmbẹ ọnọọ si ẹshẹẹ yi aza, shi ifẹ ọnri isọzọọza.²⁶Zirẹngwụ ọza ọnya ọnọ ya mẹ aza bo ana yi irẹkụravabẹ bo, dọ mẹ ki ẹ ra inẹẹsụ ẹsḥe ọnọni, dọ mẹ ki ọzọọza ọ nyi ụmẹ ọnri ẹfi, shi ọtẹfi izẹni ọzọọza ra, ²⁷doti e zuu si Oshomoshi, azẹmayẹ dẹẹ zi gụrẹ ẹ, dee re e. Tuavọtuavọ, ọzi kavanẹshẹ yi ọzọnyọnya ayi.²⁸Fụvọki ininẹ aani ọnii ya nyi ọrira ọnri ụsọọzi ọnri ifẹ ayi, venebiri ochoro awụ nin ọnyi mẹ ka, 'Fụvọki ẹyi nyẹmbẹ vi ozi aani.' ²⁹Fụvavọ, ụmọnii yẹ ki ezi Oshomoshi ọnii vi, ọzi vọrọ ki yee roo ki a va zụụ si Oshomoshi mọrọ igoonu, isiriva navẹki irẹta --- isẹnẹni bo vi ụmama ọna si ụvọ ọnri ọbọrẹsụ anẹshẹ mẹ.³⁰Fụvavọ, arimayẹ ayi vọni Oshomoshi miaba, ama ọmẹyani, ọ sụmọ kaa yi anẹshẹ bo ana yi irasha turirasha ki e rinẹvarama. ³¹Fụvọki ọ si irẹkụshi tẹtẹ ọnọ vaa sii mishọọji yi anẹshẹ inoze ana sẹrẹ zirẹngwụ ọzọnya ọnọ sụvọ aani ni. Oshomoshi ọ si ọzọnọ mẹ ọtẹrẹwa yi yi da, ọ mẹ sha a kwẹẹtẹ fini akaakana ẹnene fu su."³²Ẹfiẹni ani Atẹnsi nin wụ inọpati ọvivarama sha kwẹẹtẹ fini akaakana ẹnene fu su, di azẹnyi inaanini aạ ji Ipọọrụ isiya; ama di ẹnyi inaanini ka, "Ii vee tenii batọ tuni irẹyi ọnọni." ³³Ẹfiẹnẹ mẹ ta da, di Ipọọrụ navọ wa dọ fiizọ. ³⁴Ama, di anẹrụ ẹnyi na vabẹrẹ ẹ, dẹ dọwụ; Idiọisiyusi ana vi ani Areọpagite, ọnyẹnẹ ọnyi anaa shi Idamarisi ẹnri azẹnẹsa ana ya pe wa ẹnẹ vatụra a.

Chapter 18Ipọọrụ ọ nọ Ikọrinti

¹Inaama isẹnẹni bo, di Ipọọrụ kwẹẹtẹ fụri Atẹnsi do si fu aa ni Ikọrinti. ²Izọ, dọ vaji Iju ọnyi anaa shi Akuina ana vi anrẹkụra Ipọntusi, ọni ọnri ose ani anaa shi Iprisira shẹshẹ fụri Itani vẹ. Fụvọki Ikinadiyọsi ọ sụmọ kaa yi Iju nin ki ẹ fụri Iromu. ³Di Ipọọrụ ne tu wa; fụvọki ụkọrọ ajẹngwụ ọdida ẹnẹẹ mẹ ọni Ipọọrụ ọn za mi mẹ, dọ yi izọ pe wa, dọọ mụkọrọ.⁴Ẹkụshi Isabati bo, di Ipọru a ni ni Isinagọgụ, doo pe wa karẹyi. Doo pe Iju ọnri Igiriki nini karẹyi ana vaa mẹ ki e rinẹvarama. ⁵Ama, Isainasi ọnri Itimoti mẹ fụri Imasidoniya ve, di Ifẹ Ọnini kushi Ipọọrụ inẹ kọ divenu yi Iju nini ki Ijesu ọnọ vi Ikristi. ⁶Ẹfiẹni Iju nini kachiree, dẹẹ kuọụfụ, di Ipọru bani auru aani shu wa, dọ ka, "Anya awụ nini ọ va ya wụ rẹsu nini; maa rishi. Fụrẹ ẹgọnọni va na, mee si fu e ne tu Ijentaini nini."⁷Umotu, dọ kwẹẹtẹ fiizọ, do si fu a ni ni ireshi Ititiyusi Ijọsitọsi, ọnọrụ ọnọ vi ki ọọ fẹkẹ Oshomoshi. Ireshi aani vana gụri isinagọgụ. ⁸Ikrisipọsi, anavi ọshirẹsụ isinagọgụ ọnọ, shi ọn shi ovuovu aani vana dọ Ijesu wụ; ani Ikorinti nini ana wụ inọpati aani vana dọ wụ, da mẹ isami yụ wa.⁹Di Ananyiyi kaa yi Ipọọrụ ini ẹtoore inaafụ, ka, "A suu shangwa, akikọnọ waa karẹyi, a suu chiiji. ¹⁰Fụvọki, maa ya pee u, ọzi nyi ọza ana va mọọre ki ọ na vaa zama wụ, fụvọki ma nyi azẹrụrụ tuni irẹkụra ọnọni." ¹¹Ipọọrụ yi izọ mẹ irayi ọnya ̣ọnri ụfẹ shinọnyi, dọ yini akaakana aanini a zụ wa irẹyi Oshomoshi.¹²Ama, ẹfiọni Iganiyo kụ vi igomina Achaya, di Iju nini kwẹẹtẹ tu Ipọọrụ, dẹ shọirẹka tụni ụta ishọọji; ¹³dẹ ka, "Ọnọrụ ọnọni a kuu shi aza inẹ ki ẹẹ fẹkẹ Oshomoshi inoze ana razi vatụra ofi."Ipọọrụ ọ varama nọ Antiọki¹⁴Tuavọ tuavọ, ẹfiọni Ipọọrụ a vaa vẹrẹ irẹyi ọkika, di Iganiniyo kaa yi Iju nin ka, "Ẹwụ nin Iju, aaviki a kaak ki irẹyi akụvi navẹki irẹyi sọshimi ọni irẹh̄ ọnọni wa vi, ẹwụ nin ọ vọrọ ki a siẹngwụzụ. ¹⁵Ama, fụvọki irẹka ọnọni vi ọi ireyọka, irẹsha ọnri ofi awụ nini, jishi aani yi ẹngwụ awụ nini. Me zee si ki ma jishi tụni ẹngwụ irẹyi ẹnẹni."¹⁶Di Iganiyo kaa yụ wa ki ẹ tụ fiini ọvidi udi ishọọji. ¹⁷Fụvavọ, di enbo ne tu Isostẹnẹsị, ana vi oshi isanagogu, dẹ za a, de tu o inọvidi ụta ishọọji. Ama, Iganiyo ọzi tuoshi tụ wa yọ.¹⁸Inaama ọni Ipọọrụ yi izọ mẹ ẹkụshi ẹrụrụ dọ tangwa va nyi kọọ navọ ẹnyara anọdọwụ ẹnyi tụzọ, dọ fiizọ aa ni Isiriya bẹri Ipirisina ọnri Akuina. Dọtangwa va nyi kọọ kwẹẹte furi Isẹnkiriya, izẹnaa kụ ẹpaa tụ, dọ savọ na kuẹyi aani fụvọ ireji ọnọ ji. ¹⁹Ẹfiẹnẹ ngwụ Efisọsi, di Ipọọrụ navọ Ipirisina ọnri Akuina tụzọ, di onrenya ngwụ isinagọgụ, do nee pe Iju nini karẹyi.²⁰Ẹ mẹ kaa yi Ipọọrụ ka aso si na, do yi. ²¹Ama, dọtangwa va nyi kọọ fiizọ, dọ ka, "Mvaa varama vee tu wu nini, Oshomoshi re si." Inaani, dọ kwẹẹtẹ fụri Ẹfisọsi.²²Ẹfi ọni Ipọọrụ ngwụ Isiseriya, dọ shirẹ na kụ iragụ ichọọchi Ijerusanẹmu, do vee chii ni Antiyọkụ. ²³Ọ mẹ mẹ ẹfi keere izọ da, di Ipọru do si fu kwẹẹte na varakara ọkakooro Igaritiya ọnri Ifirigiya, dọọ tụ ẹziafụ nini bo ụkata.Aporọsi ọ si ayiọvi karẹyi ini Ẹfesọsi²⁴Ọ nyi Iju ọnyi anaa shi Aporọsi, ana vi oziẹṭe Arẹkzandiriya, dọ vẹ Ẹfisọsi. Irenu aani ọ vi tụni irẹyi ọkika kokoro, dọ yẹ inopati iwe ọnini ẹtẹẹtẹrẹ. ²⁵A bidi zụ Aporọsi da ini ọzizụ Ananyiyi. Aporọsi vi ẹzenọ vi ki ọ jẹngwụ ngwụ ọzizụ Ijesu ẹtẹrẹ, dọọ karẹyi dọọ zuazisa inọpati Ijesu ọmẹmẹ vi gẹdẹgẹdẹ, ama isami Ijọọnụ renya ọnọ yẹ. ²⁶Di Aporọsi vẹrẹ a si ayọọvi karẹyi ini isinagọgụ. Ama ẹfiẹni Ipirisira ọnri Akuina wụ irẹyi aani, dẹ shi ọ tuoboka, de deni shaafụsha yọ inọpati irẹyi Oshomoshi mẹmẹ ya gẹdẹgẹdẹ.²⁷Ọmẹ fini ọtụtụrụma aani vẹ ki ọ naa na akajinẹ na ngwụ Achaya, di ẹnyara nini ana yi izọ tụ ọ ụkata, dẹ chẹrẹ iwe tushi eziafụ ana yi izọ ki e si o ọzọga. Ẹfi ono tuzọ, dọ mọgụvọ ọbani yi ẹnẹna dọwụ zirẹngwụ ọiza ọfẹ. ²⁸Di Aporọsi ̣a si ọyiyẹ aani ini iwe ọninii zụ ẹtẹẹtẹrẹ, aaviki ọnri Iju nin a nyi ẹshanakata ini ibamba, dọọ siọ zụ wa fiini iweọnini ka Ijesu ọnọ vi Ikristi.

Chapter 19Ipọọrụ ọ nọ Ẹfesọsi

¹Aponọsi mẹ yi Ikọrinti, di Ipọọrụ zi irẹkụra aka ẹbẹẹba va ngwụ Ẹfisọsi, dọ varama vii Ẹfisọsi. Do tu eziafụ Ijesu ẹnyi izọ. ²Di Ipọọrụ fọ wa ka, "U we re Ifẹ Ọnini dọ ẹfi ọnụụ dọ Oshomoshi wụ nin?" Dẹ tuoshi ka, "Eiyee, Ya zi vana wụ inọpati Ifẹ Ọnini."³Di Ipọọrụ fọ wa ka, "Yere ẹngwụ isami ọna mẹ yụ wụ nini?" Dẹ voshi ka, "Isami Ijọọnụ ọna mẹ yi yi." ⁴Di Ipọọrụ voshi ka," Isami oririnẹ varama ọni Ijọọnụ mẹ. Dọ kaa yi azẹnẹ ki ọza ana vaa vẹ inaama awụọni ọnẹ ra dọwụ, ọzọnọ ọnọ vi Ijesu."⁵Ụmẹni azẹnẹ wụrẹyi ọnọni, da mẹ isami yụ wa ini irẹsha Ijesu Ananyiyi. ⁶Ụmẹni Ipọọrụ kụ avọ tụra wa da, di Ifẹ Ọnini chi vẹ va vaku wạ, dẹ kụa karẹyi ini irarẹ renyi, dẹẹ kisẹ. ⁷Enbo vi anẹrụ ẹwụrẹva.⁸Ipọọrụ ọ ngwụni Isinagọgụ, dọ si ayọọvi karẹyi izọ mẹ ụfẹẹta, doo pe waa si irẹyi zama irẹyii re, dọọ sii irẹyii zụ wa inọpati ijọva Oshomoshi. ⁹Ama, di Iju ẹnyi nyi ọtụtụrụma ọkata, dẹẹ mẹ akamawụ, dẹẹ karẹyi ọshimi inọpati Oze ana vi oze. Fụvavọ di Ipọọrụ fụrẹwa ụvọ tụzọ, dọ si eziafụ aani nạ, dọ naa zụwa isa eyini eyini ini irẹngwụ ọni Itayiranọsi ya zụ aza isa. ¹⁰Ọ vọọ̣ mẹ gụ irayi ẹẹva, netu ka ẹnẹna yi Eshiya bo ẹ wụrẹyi Ananayiyi, shi Iju nini ọnri Igiriki nini.Ezi Isikẹva anẹrụ¹¹Di Oshomoshi aa mụkọrọ oshishozeyi ziri ụvọ Ipọọrụ, ¹²netu ki itaone sii nyeeyi ọnri ita-irachi ana kani ọ da, vana si na kanii ẹnẹni ẹngwụ aani razi ni, dọ fụ wa ikụ sha, ọnri ka dọ dụ ifẹ azeeshi jinẹ fini ẹngwụ aanini.¹³Ama, dọ va nyi Iju ẹnyi ana vi ọnirakụọ, anaa dụ ifẹ azeeshi jinẹ fini ẹngwụ aza ọnri fini irasha ọnya na ngwụ ọsa, anaa zi izọ paraafu. Dẹẹ shi irẹsha Ijesu Ananyiyi doti ẹ zụ nyi ụkata fụ ifẹ azeeshi sha, ụmẹnẹ ra ka ka, "Zirẹngwụ Ijesu ọni Ipọ̣ọrụ e showu aani, maa sụmọ kaa yụ wụ ku ̣wa jinẹ." ¹⁴Ezianẹrụ ishimba ana vi ezi Oshirẹsụ Arụfa Iju nini anaa shi Isikiva, ẹnẹ maani aa mẹ isẹnẹni.¹⁵Di ifẹ azeeshi ọnyi tụwooshi ka," Maa yi Ijesu, maa yi Ipọọrụ; ama, ẹnẹwụ nin zẹ vi?" ¹⁶Di ifẹ azeeshi ọna yi ini ẹngwụ ọzọnọ ji tụra ọnirakụọ ẹnẹ, do tu wa, dọ mẹ wa sẹkẹ sẹkẹ. De zue jinẹ fineeshi ọnọ, ẹn ri afụafụ, shi ẹngwụ anava anava. ¹⁷Aza bo vana wụ irẹyi ọnọni, sḣi Iju ọnri Igiriki nin, ana yi Ẹfisọsi. Di angwashi kue shi wa, dẹ vaa si ụbani yi irẹsha Ijesu Ananyiyi.¹⁸Di anọdọwụ ẹrụrụ ẹrụrụ ẹn zẹ vẹ, dẹ va dụvọ aichama aanini. ¹⁹Di azẹrụrụ ana vi anẹtụravọ kụ iwe ẹtụravọ aanini vẹ, dẹ rụ wa ira ini eyi aza bo. Ẹfi ana zama iwe ẹnẹ mẹ nyirishi tu, oo tu isiriva akashi akashi oze ẹbẹrẹva rẹwu (50,000)̣. ²⁰Fụvavọ, di irenube ọiza Ananayiyi garashi irasha bo inoze oshishozeyi.Ẹshankata ọshimi ọ ngwụ Ẹfesọsi²¹Inaama ọni Ipọọrụ si ụkọrọ anọdọwụ ọni Oshomoshi kọ mẹ zẹtẹ da ini Ẹfisọsi, di Ifẹ Ọnini si ọ tụ ọ ọtụtụrụma ki ọ ni Ijerusanẹmụ, do ve ro o ki ọno si ̣zi oze Imasẹdoniya ọnri Akaya. Dọ ka, "Ụmọnim re tu izọ, mbẹdọ vee tu Iromu." ²²Di Ipọọrụ tụ Itimoti ọnri Ẹrasitọsi ni Imasidoniya; ẹnẹviva vi ọnọgụvụ aani ana bidii mọgụvọ yọ. Ama, di ọn nyẹmbẹ yi Eshiya ini ẹfi keere.²³Ẹfiavọ, daa siọ kata wa ẹngwụ ini Ẹfisọsi fụvọ Oze Odọwụ aanini. ²⁴Ọ nyi anakuru ọnyi ana yi izọ ọni irẹsha aani vi Idẹmẹtirọsi, ọna si isiriva tụra ụmama Idayana; dọ mẹ ki oze ofu ọ fụ sha yi anụkọrụvọ ana yi izọ. ²⁵Fụvavọ, do pere ẹnẹnaa mẹ ẹngwụ ụkọrọ ọnọ bo, dọ ka, "Ẹwụ nin Adayi, waa yẹ nini ka ofu ọnọni vanaa si ẹkẹshi ngwụreshi yi yi kokoro.²⁶We re e, dụ wụ nini ka, aivi ini Efisọsi renya, ama ini ọkakooro Eshiya bo, ọni Ipọọrụ ọnọni yaa kuushi aza ẹrụrụ inẹ, dọọ va wa eyi fini ori ayi. Dọọ kaa yụ wa ka ori ẹnẹni vana si ụvo mẹ, ka ẹzi vi Oshomoshi. ²⁷Ọzi vi ẹyi renya ọni ofu aani e sheni, ama ireshi irafẹkẹ ori Idayana ọbani nyẹmbẹ vọne ku vee re venebiri isẹnẹ razi bẹri. Ẹfiavo,̣ ụbani aani dọọ si da kụrạ, ori ọnọ vi ka ani Eshiya bo ọnri anẹshe bọ aa fẹkẹ.²⁸Ẹfi ẹnẹ wụ irẹyi ọnọni, di ayi kụ wa, de nowu, dẹ ka, "Idayana ani Efisọsi nin vi ori ọbani." ²⁹Di irẹkụra ọnọ bo si vazi, di anrẹkụra ẹnẹ bo zuechi na ngwụ ireshi ọbani ọni aza pere gụ tụ. Dẹ bidi za Igayọsi ọnri Aristakusi, ana vi azẹnẹva ana fụri Imasidoniya, ana vaatụra Ipọọrụ jinẹẹ tụra.³⁰Ipọọrụ mee si ki ọnaa ngwụ ini akaakana azọkọni ẹnẹ na, di eziafụ ana yi izọ za a dinẹ. ³¹Di ọdọvidi anụkọrọ ẹnyi ini ọkakooro Eshiya, ana vi ọta Ipọọrụ, ẹn zẹ tụtụ shi Ipọọrụ ki asọ ngwụ ireshi ọbani ọnọ. ³²Aza ẹnyi ee nowu ka isọnyi, di azẹnyi ee nowu ka ọsa, fụvọki azọkọni ẹnẹ bo vono isa bo shagasheyi. Ẹrụrụ aanini ẹivan yẹ isẹnẹ ẹni fụvọ aani peregụ.³³Di azẹnyi ini azọkọni ẹnẹ na kaa yi Anẹkzanda, ẹzẹni Iju nini aa tụvọ nini ọvidi, fụvavọ di Anẹkzanda miuvọ shu wa doti ọ zụ sha afụ irẹyi ọnọ sha yụ azene peregụ tụzọ. ³⁴Ama, ẹfi ẹnẹ yẹ da ki Iju ọnọ vi, di enbo si ọngwẹ vọnya, dee nowu tuẹshẹ mẹ ọpati iwakati ẹẹva, dẹ ka, "Atẹmisi Ẹfisọsi ọna nyi Ụbani."³⁵Ẹfiẹni ọchẹriwe irẹkụra ọnọ, gu ọkụ da, dọ ka, "Ẹwụ nin ani Ẹfisọsi, o ̣wa nyi ọza ana razi yẹ ka irẹkụra Ẹfisọsi ọnaa sieyipe ireshi irafẹkẹ ori Idayana Ọbani ọnri ụmama one zina fineeku vẹ? ³⁶Ẹfiọnụ ye ki ọzi nyi ẹzẹna va zụụ jirẹyi ọnọni rẹka, ọvọrọ ku ̣wa navọkụ nini, di asụụ si ọikụ misa ọnọ razi vọrọ kụ wa mẹ nini. ³⁷Fụvọki azẹnụụ kụ vi ni ireshi ishọọji nin aani, e zi ve yi isọnsọnyi fini ireshi irafẹkẹ ori ayi; ẹi zẹ va ka isaanyisi shi o.³⁸Fụvavọ, aaviki Idẹmẹtiriyọsi ọnri anụkọrụvọ anakuru ana ya pe e, ki ẹ va shụ wa irẹka, oze ọ fụ sha yụ wụ nin ọnri ka ọmọkarẹyi nin ọni ijọva ni, yi izọni. ³⁹ Ama, aaviki irẹyi ọsa ọnụụ za vẹ nin, ọnọ vọna vaa tuoshi tụ ini iragụ ọni aza bo ve yee peree gụ. ⁴⁰Fụvọki, inirẹiza, ava zụụ shiyii irẹka fụvọ ọvivazi irajini, di yee me re irẹka kụ. ⁴¹Ẹfi ọnọ karẹyi ọnọni da, dọ kaa yi aza bo ki ọzọọza ọọ neeshi.

Chapter 20Ipọọrụ ọ nọ Imasidoniya ọnri Igirisi

¹Inaama efura ana yinaani, di Ipọọrụ tụ na shi eziafụ Ijesu nin, dọ tụ wa ụkata, dọ kụ wa nyooda, dọ va fiizọ a ni Imasidoniya. ²Ọ mẹ zi okakooro ẹnẹ parafu, do pe wa kareyi ẹrụrụ ọnọ si tụ wa ụkata da, dọ va fi izọ a ni Igirisi. ³Inaama ọnọ mẹ ụfẹ ẹẹta izọ da, di Iju nini shọma ki ẹnaa vaa wụ ọ, fụvavọ do roo ki oze Imasidoniya ọnọni va sii zi ụmọni ọni raa varama.⁴Ẹnẹna kụafụza ne tu Eshiya vi Isopata ozi Ipairusi ana fụri Iberiya; Aristakọsi ọnri Isekọndusi, ọni ẹnẹviva fụri akaakana anọdọwụ Itẹsaronika; Igayọsi ani Idaabi; Itimoti; Itaikikusi ọnri Itrofimọsi ana fụri Eshiya. ⁵Ama, anẹrụ ẹnẹni ẹ jitụ yi fiizọ, de nee zi yi Itrowasi. ⁶Inaama ọni upe ibụrẹdi ana razi nyi ọva parafu da, dii ngwụ ẹpa fụri Ifiripayi, ini ọkụshi ọfụụshi, dii ve tu ẹnẹna yi Itirowasi. Ẹkụshi ishimba ọnii mẹ izọ.Aa sha Iyutikọsi kwẹẹtẹ fiini isu⁷Ini ọkụshi ipaapa ini ọsẹ, ụmọnii pere ẹngwụ gụ ki ya gẹ ri isari Oshomoshi, di Ipọọru pe anọdọwụ nin karẹyi. Ọọ nyi ọ tụni ọtụtụrụma ki ọn vaa fiizọ ini eyineyishẹ ishọ, fụvavọ dọọ kareyi poro na ngwụ ajirafụ. ⁸Ọpa ọrụrụ ọnọ yini irẹngwụ ọtụrọsa ọnii pere ẹngwụ tụ.⁹Ọọ nyi oziọmụsha ọnyi anaa shi Iyutaikọsi ana yatụ tụni Ozekete, di ara si ọ dọ zi na. Irẹyi ọni Ipọọrụ a ka maa gi gọdọ tụọ, di oziọmụsha ọnọ ọnri eyiarara zina chi fini ọtụrọsa ọfụụta, na nyẹtẹ; ẹẹ na ki e nee ne chema, de ne tu ki o fu su. ¹⁰Ipọọrụ o chi nẹtẹẹtẹ, dọ tana ẹngwụ aani tụra, dọ za vachirẹngwụ. Dọ va kaa yụ wa ka, "Asuu navọ ki inẹ awụ nin o du nini, fụvọki ọọ mi mẹshẹ."¹¹Ipọọrụ ọ varama shirẹ ni ni ọtụrọsa, dọ da ivụrẹdi, dọ risari. Ọ mẹ karẹyi yụ wa poro na ngwụ ajuveyini, dọ fiizọ. ¹²Dẹ si oziọmụsha ọnọ varama nineeshi, dọọ mẹshẹ, di inẹ enbo shinẹ ẹtẹrẹ fụvọki ọ yẹshẹ.¹³Dii na yi ẹngwụ ayi, tụọvidi Ipọọrụ na ngwụ ẹpa nọ Asọsi ne zi o, iirasha ọnii nyi tụni ọtụtụrụma kii va ya na yaa si ọ ngwụ ẹpa. Isẹni Ipọọrụ ọn nyẹmbẹ si yi, fụvọki ẹtẹ ọnọ nyi tụni ọtụtụrụma ki ọn vaa zii na. ¹⁴Ẹfi ono ve tu yi Asọsi, dii si ọ na ngwụni ẹpa, dii fiizọ ni Imaitinini.¹⁵Dii va ngwụ ẹpa fi izo, ineyineyishẹ ishọ dii na ngwụ irasha ọna veyika irẹkụra ọna yini akaakana enyi, onaa shi Ikiyọsi. Ini ọkụshi ọfụụva, di ngwụ irẹkụra ana yini akaakana enyi ọnaa shi Isamọsi; ini eyineiyishẹ aani, dii na ngwụ irẹkụra Iminẹtusi, ¹⁶fụvọki, Ipọọru venee si ki ọnaa zi irẹsụ enyi nọ Ẹfisọsi, fụvọki o zi si ki ono ku i Eshiya; fụvọki ọọ sheeyi ni Ijerusanẹmụ fụvọ ọkụshi Ipẹntikọsiti, aaviki ọ vaa vi ọni mẹ.Ipọọrụ o pe azẹkụ Ẹfesọsi nin karẹyi¹⁷Dọ tụ aza fụri Imainẹtusi ni Ẹfisọsi na shi azẹkụ ichọọchi izọ ki e ve tu ọni. ¹⁸Ẹfi ene ve tu o, dọ kaa yụ wa ka, "Ẹwụ nin nyẹmbẹ ọ yẹ mmẹmẹ si ẹfi bo ya pe wụ nini fụrẹ ọkụshi Ipaapa ọnim si ụfụ shi Eshiya. ¹⁹Dim vẹngwụnẹtẹ ini ọfifẹkẹ Oshiomoshi bẹri orere; shi ụya onim ri fụvọ ọma ọni Iju ẹnyi ana razi nyi ọdọwụ a shi fụvọ ami. ²⁰Waa yẹ nin mmẹmẹ razi si isọnsọnyi ana vaa mẹ wụ nin ọiza tẹ yụ wụ nini, shi mmẹmẹ zụ azẹrụrụ ini ibamba, fiini ireshi ọnya na ngwụ ọsa, ²¹di maa kaa yi Iju ọnri Igiriki nini inọpati oririnẹ varama va ngwụ idi Oshomoshi ọnri ọdọwụ ini Ijesu Ananyiyi.²²Re nini, maa ni Ijerusanẹmụ ọmẹyani, vene Ife Ọnini mẹmẹ aa za mii zi, ama ma zi yẹ isẹnẹ vaa mẹ mi izọ, ²³ọọsifini ki Ifẹ Ọnini ọ kamọnọ ka ijaaru ọnri ụya renyi renyi o nee zi mi ini irẹkụra bo ọnim ra ngwụ. ²⁴Ama, ifẹ ami ọzi vi isọnsọnyi tumeyi, aaviki maa zụ si si echi oni mee zue na zẹtẹ, ana vi ụkọrọ ọdọwụ ọni Ijesu Ananyiyi si yi mi ki maa divenu irenube ọiza ọfẹ Oshomoshi.²⁵Re nini, maa yẹ ki ẹwụ nin bo ọni ẹmi ri ọ gaa ngwụọ ziizi, di yee showu ijọva Oshomoshi, ki wai kụa varama re eyi ami nini. ²⁶Fụvavọ, maa kụrenu ami yụ wụ nin irajini; ọzi nyi ọzọnzọnyi ọni anya aani ya mi irẹsụ. ²⁷Fụvọki, ọzi nyi isa ọnim si tẹ yụ wụ nini mmaa karenube inọpati isa bo ọni Oshomoshi si yụ wụ nini.²⁸Fụvavọ si eyi pe ẹngwụ awụ nini, dụ wa zẹ si eyi pe atẹmẹ nini ọni Ifẹ Ọnini si yụ wụ nin kụ wa mẹ Ọsieyipe tụra nini. Navọ di ọsisi eyi pe iragụ anọdọwụ ọ vi isẹnẹ jụ wụ nin areyi. ²⁹Maa yẹ ka inaama ọnim raa zi na da, ọdụmi nini vaa ngwụni akaakana awụ nin vẹ, dọ razaa nyi ọzọnzọnyi ọnẹ vaa vayaani ini iragụ atẹmẹ. ³⁰Maa yẹ ka fiini akaakana ẹwụ nin nyẹmbẹ ki azẹnyi vaa vẹ, dẹẹ va irẹiza rẹsụ chi, doti ẹ zụ roze kụ eziafụ ẹnyi vatụra ẹngwụ.³¹Fụvavọ, sieyipeẹtẹ nini, dụ wa tamayi nin ka, irayi ẹẹta tụrama ọnim fụrẹ razi zụvọdinẹ ini ọzizụwụ ẹwụ nin bo bẹri orere, shi ọọdụ shi irafụ. ³²Ọmẹyani, maa sụ wụ nin chire Oshiomoshi ọnri ọiza ọfẹ aani ụvọ; ana vaa mẹ kụ waa fụ ini ụvira nin, dụ wa ze ri re ogu dọ ini akaakana aza bo ọnaa vara ọnini, daa shawa tụ renyi.³³Ma zi kụ eyi tụra igoonu, isirava navẹki ita ọzọnyọnyi. ³⁴Ẹwụ nin nyẹmbẹ ọ yẹ ka ụvọ ami ẹnẹni ọ mẹ isa ana fụ ẹmi ri ẹnẹna ya pemi ri. ³⁵Ini isa bo, maa si ọ zụ wụ nini ọmẹ vọrọ kụ wa mọgụvọ yi enena razi nyi ụkata ini ẹchẹngwụ, shi ọmẹ zẹ vọrọ kụ waa tamayi irẹyi ọni Ijesu Ananyiyi nyẹmbẹ ka: "Ẹdabẹrẹ yini irẹiza ọmimẹ funa irẹiza orire dọ."³⁶Inaama ọnọ maan karẹyi ẹnẹni da, do kuẹtẹ, do bere enbo tuozurenu. ³⁷Di enbo aa jiorere shụụ, dẹ shara Ipọọrụ kuẹngwụ, dẹ si irenuku o. ³⁸Di inẹ enbo si du, paapa fụvọki ọ kaa ki ei kue re eyi awụọni. Dẹ va si ọ natụ na ngwụ ẹpa.

Chapter 21Ipọọrụ ọ nọ Ijerusanẹmụ

¹Ẹfiẹnii fi idaanini da, dii na ngwụ ẹpa, dii vọọ fi izọ na fuu na ngwụ irẹkụra ọbani anaa shi Ikọọsi. In eyineyishẹ aani, dii ni Irodisi, dii va fi izọ ni irekụra ọbani anaa shi Ipatara. ²Ẹfiẹnii re ẹpa ọnaa jinẹ nangwụ Ifẹnishiya, di ngwụ ọ, di yaa na.³Ẹfiẹnii taneyi re Isiprọsi da, dii ẹpa ayi sha zi akọsa, dii navọ irẹkụra ọnọ tụ aka ụvọọfa parafu ni Isiriya, dii na dinẹ tụ Itaya, izẹni ẹpa ayi ya ji ẹnya shiẹtẹ. ⁴Ẹfi ọnii re eziafụ Ijdsu nin da, dii yi izọ mẹ ẹkụshi ishimba. Di Ifẹ Ọnini si ọ zụ wa ini ẹtoore, dẹẹ mẹ iweọji yi Ipọọrụ ki asọ ni Ijerusanẹmụ.⁵Ẹfi ọni mẹ ẹkụshi ọni yaa mẹ izọ da, dii fi izọ. Di enbo, shi ose aanini, shi ezi aanini si yi na tụ jinẹ fini irẹkụra ọnọ. Inaani, dii kuẹtẹ ini ụtọ enyi, dii tuozurenu. ⁶dii va kụ ẹngwụ nyooda. Inaama ọnọ, dii ngwụ ẹpa, dẹ varama neeshi.⁷Inaama ụsoze ayi fụri Itaya, dii na ngwụ Itonemayisi. Dii na kụ ẹnyara ayi anọdọwụ izọ, di ya pe wa mẹ ọkushi onya. ⁸Ini eyineyiẹshẹ aani, di fi izọ ni Isisariya. Yaa ni ineeshi Ifinipi ọkarenube oiza, ọna vi ọnya ẹmẹ gẹ vi ọnọgụvọ ishimba, dii ya pe e. ⁹Ọnọru ọnọni ọ nyi ezioshi ẹẹna anaa kisẹ, dẹ razi yi yẹ ọnọrụ.¹⁰Ẹfiẹnii yi izọmẹ ẹkụshi che, di ọkise ọnyi anaa shi Agabọọsi fụri Ijudiya vẹ. ¹¹Oo ve tu yi, dọ si ibaanu Ipọọrụ sụ ẹngwụ aani ạfụ ọnri ụvọ, dọ ka, "Ifẹ Ọnini ka, aani ọni Iju nin ana yi Ijerusanẹmụ mẹ vaa sụ ẹzẹna nyi Ibaanụ ọnọni, dẹẹ si ọ chire Ijẹntaini nin ụvọ."¹²Ẹfiẹnii wụ inọpati irẹyi ẹnẹni, di ẹyi ri ẹnẹna gẹ ra izọ dipẹ yi Ipọọrụ ki asọ shirẹ ni Ijerusanẹmụ. ¹³Di Ipọrụ tuoshi ka, "Sụ waa mẹ nin aani kẹ, du wee sune, du wee du mi ayi nin? Fụvọki aivi ki a vaa sụ mi kẹnẹ ọnim teni engwụ e zi, ama ki me ze si su ini irẹkụra Ijerusanẹmụ fụvọ irẹsha Ijesu Ananyiyi." ¹⁴Ipọọrụ me rezi si ki ka vara ọni ọtụtụrụmạ, dii naavọ, dii va kụa tuozurenu ka, "Ọ va si vi Oshomoshi me si o."¹⁵Inaama ẹkụshi ẹnẹni, dii kụ ẹnya ayi, dii shirẹ ni Ijerusanẹmụ. ¹⁶Di eziafụ ẹnyi zẹ vatụrayi fụri Isisariya, dẹ si ọnọrụ ọnyi ọnaa shi Iminasọọni, ani Isiprọọsi, bẹrẹ ẹngwụ, dọ bẹrẹ ọnipaapa eziafụ; ireshi ọzọnọni ọna kii vaa ya.Ipọọrụ ọna kụ Ijemsi¹⁷Ẹfiẹnii ngwụ Ijerusanẹmụ, di anọdọwụ nin ana yi izọ si inoshine mẹ yi ẹtẹrẹ. ¹⁸Ini ẹyineyiẹshẹ aani, di Ipọọrụ vaturayi ni idi Ijemsi, dii ne tu ki azẹkụ nin yi izọ. ¹⁹Ọ mẹ kụ wa da, dọ va kaa yụ wa isa bo ọni Oshomoshi mẹ ini akaakana Ijẹntaini nini zirẹgwụ aani.²⁰Ẹfiẹnẹ wụrẹyi ọnọni, dẹ sụga yi Oshomoshị, dẹ kaa yọ ka, "Ẹwụ ọnyara ayi, a vu ree, aza akaashi akaashi avaavọ ana dọwụ ini akaakana Iju nini. Enbo ẹ daninya da ka ẹn vaa vatụra ofi. ²¹A karẹyi yụ wa inọpati awụ nin da, kụ waa zụ Iju nin ana yini akaakana Ijẹntaini nin ki e yi ofi Imosisi tẹtẹ, ki asẹ kụ ji ozi aanini ụma, onri ki asẹ kụ vatụra isoshiẹtẹ oshuku.²²Sẹnọvọri ki ya mẹ kẹ? Ọzi nyi ki ẹ zaa wụ kụ waa vẹ da. ²³Fụvavọ, misa ọni ra ka yụ wụ. Azenẹ̣ẹna yini akaakana ayi ana ji ireji shi Oshomoshi. ²⁴Si azẹnẹni, di ẹwụ rụ wa ọ na vara ẹngwụ awụ nin ọnini, du we pe wa suta, doti ẹ zụ fara ẹyirẹsụ aanini. Ẹfiavọ, di ọzọọza yẹ ka irẹyi ọna ka inọpati awụ vi apinẹ. Doti ẹ yẹ ki ẹwụ vana za vii vaatụra ofi.²⁵Ama, inọpati Ijẹntaini nin ana nyi ọdọwu da, dii chẹrẹ iwe na kaa yụ wa ka ẹ kavana yi isẹna si mẹ isẹvọ yi ori nini; ẹ kavana yi anya ọnri uye ene simọbẹ; doti ẹ zẹ kavana yi itutu asụ." ²⁶Inaani, di Ipọọrụ si anẹrụ ẹnẹ, ini eyineyishẹ aani dọ ngwụni Itẹmpụrụ, inaama ọni ọnrụ wa vara ẹngwụ aanini ọnini da, do showu yụ wa ẹfi ọni ọvivara ẹngwụ ọnini aanini vaa zẹtẹ, poro ne tu ẹfi one ve sii pe ọzọọza si isụpa aani misẹvọ aanini yụ wa.Aa za Ipọọrụ ini itẹmpụrụ²⁷Ẹfi ọnọ vọ che di ẹkụshi ishimba ọ gụ, di Iju ẹnyi ana fụri Eshiya vẹ; ẹfiene re Ipọọrụ ini itẹmpụrụ, dẹ kụshi azọkọni anayi izọ inẹ, dẹ za a. ²⁸Dee nowu ka, "Ẹwụ nin ani Isrẹni, mọgụvọ yi yi nin ee. Ọzọnọni ọnaa ngwụọ ziizi, dọọ zụ aza iirasha tụrirasha ki ẹẹ mẹ osieyiwụ yi Iju nini, ọnri ki asẹ vatụra ofi Imosisi, ọnri ki asẹ sụbani yi ireshi Oshomoshi. Ọọsifini ọnọ, dọ vana bẹ zẹ kụ Igiriki nini vini itẹmpụrụ, de vee du irasha ọnini ọnọni." ²⁹Fụvọki, e bidi re ọn ri Itrofimọọsi ani Efisọsi ini iboro, de ro ki Ipọọrụ ọnọ si ọ vini itẹmpụrụ.³⁰Irẹkụra ọnọ bo dọ si vazi, di aza zue ni izọ, dẹ na za Ipọọrụ, de tura a fiini itẹmpụrụ, dẹ sẹ gu oze. ³¹Ẹfiene sioze ki ẹnẹ wụ Ipọọrụ, di itụ ve tu oshirẹkụ ashoja nin bo ki Ijerusanẹmụ o si fura bo.³²Ụmụmọ, dọ sẹ kụ ashoja ọnri ọga ashoja ẹnyi, de zue ne tu azọkọni ẹnẹ. Ẹfiẹni azẹnẹ re ọdividi ashoja ọnri ashoja ẹnẹ, dẹ fụri Ipọọrụ ụvo,̣ de rei ku tu o. ³³Di ọdọvidi ashoja ọnọ na za Ipọọrụ, dọ ka a si ẹba ẹẹva sụ ọ. Inaani, dọ va fọ ọ ka ẹnọ vi, ọnri ki sọnọ mẹ.³⁴Di azẹnyi ini azọkọni ẹnẹ ee nowu karẹyi ọnyi, di azẹnyi aa kọsa. Fụvọki ọkụ ọzi navọki ọdọvidi ashoja ọnọ ọ wụrẹyi ọnẹẹ ka, dọ kaa yụ wa ki ẹ si Ipọọrụ ngwụ ireshi okata ashoja nini. ³⁵Ẹfi ono tu opanfuoze, di ashoja nin ku chema fụvọ ọikụ azọkọni ẹnẹ. ³⁶Di azọkọni ẹnẹ vatụra wa, dee nowu ka, "A wụ ọ!"Aa yi Ipọọrụ oze ki o pe aza karẹyi³⁷Ẹfi ana vaa si Ipọọrụ ngwụ ireshi ọkata ọnọ, dọ kaa yi ọdọvidi ashoja ọno kạ, "Mwe ve zuu pe wu karẹyi?" Di ọdọvidi ashoja ọnọ ka, "Ụ waa ka Igiriki? ³⁸Aivi ẹwụ ọnọ vi ani Ijipti ọna bidii kụ aza bẹrẹ ẹngwụ kachire ijọva ini ene rezi ku, dụụ zẹ kụ 'Ọwụọza' akaashi oze ẹẹna na ngwụni ụnọmi?"³⁹Di Ipọọrụ ka, "Iju ọnim vi, fụri irẹkụra Itasọsi ini Isinishiya. Ani irẹkụra ebebani ọnim vi. Mee fisue, navọ me pe azẹnẹni karẹyi." ⁴⁰Ẹfiẹni ọdọvidi ashoja ọnọ sioze yọ, di Ipọọrụ shirẹ tụra ọpanfuoze, do miuvọ yi azẹnẹ ki e batọ. Ụmọni ọkụ zadinẹ, dọ si irẹkụra Iburu karẹyi yụ wa. Dọ ka,

Chapter 22

¹"Ẹwụ nin ẹnyara ayi ọnri ada ayi nini, batọ nin di ma kụrenu ami zụ wụ nini."²Ẹfiẹni azọkọni ẹnẹ mẹ wụ ki irẹkụra Iburu ọni Ipọọrụ si karẹyi shi ẹni, dẹ navọkụ. Dọ ka,³"Iju ọnim vi. Itasọsi ini Isinisiya ọna ya ma mi. Ama irẹkụra ọnọni ọna ya zụ mi isa ini iragada Igamaniẹni. Aa zụ mi ngwụnẹ ngwụnẹ inoze ofi ana si yi adayi nini. Maa si ẹngwụ bo mụkọrọ yi Oshomoshi vene ẹwụ nin bo mẹ zaa mi mẹ irajini. ⁴Maa mụya ri Oze Ọdọwụ nin netu ka daa wụ wa, di maa tụ wa ipetuma, di maa sụ wa nee chire wa ụvọ ini ijaaru, shi ọnụrụ shi ọnyẹnẹ aanini; ⁵oshirẹsụ arụfa ọnri azẹkụ nin bo va zụụ divenu irẹyi ọnọni. Maa vana dọ iwe finụvọ aanini ne tu ẹnyara ayi anọdọwụ nin ana yi Idamasikọsi, ki ma na za wa, di ma tụ wa ipetuma vi Ijerusanẹmụ, doti a mụyari wa.⁶Irẹkụshi ọnyi, mmẹ yini ụsoze ami, di maa zigụrẹ Idamasikọsi inọpati ụmọọdụ, di ẹtofeyi nyaaa fụri ẹbẹẹba sha varakara mi ụpọnyụpọnya. ⁷Maa sẹdụ nyẹtẹ, dim wụ ọngwẹ ana kaa yi mi ka, 'Isọọrụ, Isọọrụ, ọmẹzi dụ waa mụyaari mi kẹ?' ⁸Dim voshi ka, 'Ẹnụụ vi kẹ, Ananyiyi?' Dọ kaa yi mi ka, 'Ẹmi ọnọ vi Ijesu ani Inazarẹtiti ọnụ waa mụyaari.'⁹Ẹnẹna ya pe mi e re ẹtofeyi ọnọ, ama, irẹyi ọni ọngwẹ ọnọ ka ọzi ngwụ wa ụtọ. ¹⁰Dim fọ ka, 'Sim va mẹ kẹ, Ananyiyi?' Di Ananyiyi kaa yi mi ka, 'Kwẹẹtẹ dụ wa nọ Idamasikọsi. A vaa kaa yụ wụ izọ isa bo ọnụụ bẹdọ vaa mẹ.' ¹¹Dim rei ku zu reẹtẹ fụvọki ẹtofeyi nyaa ọnọ o gu mi eyi da. Di ẹnẹni ẹmi rụ wa gẹ zi kụ sụvọ za mi zụoze na ngwụ Idamasikọsi.¹²Mee ne tu ọnọrụ ọnyi anaa shi Ananayasi izọ, ọna jẹngwụ ngwụ irafẹkẹ Oshomoshi ẹtẹẹtẹrẹ, dọọ vaatụra ofi Iju Oshomoshi. Iju nin ana yi Idamasikọsi bo vana ka ọiza aani. ¹³Ọọ vẹ va dinẹ pe mi dọ ka, 'Ẹwụ Isọọrụ ọnyarami, sharii awụ, du wee reẹtẹ.' Afụọnọ afụọnọ, dim re e.¹⁴Umotu, dọ ka, 'Oshomoshi ada ayi nin ọ ni wụ kụ wa yẹ osisi awụọni, du we re Ọnirẹiza ọnọ, ọnri ka dụ wa wụ ọngwẹ anaa jinẹ fineenu aani. ¹⁵Fụvọki ụ vaa vi onivenu aani yi aza bo inọpati isọnuu re ọnri irẹyi ọnụụ wụ. ¹⁶Sẹnụụ dinẹ e zi kẹ? Ọmẹyani, kwẹẹtẹ, doti a mẹ isami yụ wụ, dụ wa nyina aichama awụ vasha ini irẹsha Ananyiyi.'¹⁷Inaama ọnim varama ni Ijerusanẹmụ, mmaa tuozurenu ini itẹmpụrụ, da si ẹtoore zụ mi. ¹⁸Dim re Ijesu, dọ kaa yi mi ka, "Mụsọfira dụ wa sẹ fụri Ijerusanẹmụ, fụvọki ẹ zaa dọ ivenu awụ inọpati ami wụ.'¹⁹Dim ka, 'Ananyiyi, ẹni nyẹmbẹ ẹ yẹ ki maa kụ anọdọwụ nin shi ijaaru, dim tu wa ini isanọọgụ keekere. ²⁰Ẹfi ọna ji Isitivini ana vi onivenu awụ anya, maa sụvọtụọ, dim ya pe wa irama, dim si eyi pe auru ẹnẹna wụ ọ.' ²¹Ama, dọ kaa yi mi ka, 'Waa na, fụvọki maa vaa tụ wụ ni irasha ọgọdọ nee tu Ijẹntaini nini.'"Ipọọrụ ọ kụrenu aani ini ikootu ani Iromu nin²²E baatọ poro dọvanyi ki ọ maan karẹyi ọnọni. De ve kue nowu ka, 'Ẹnngwụ ọzọnọni vọna vaa wụ fụrẹshẹ, fụvọki ọzi sẹrẹ kọ mẹshẹ. ²³E mee nowu, dee ne auru aanini shirẹ, dee che edudu shirẹ, ²⁴di ọdọvidi ashoja ọnọ va si ụmọ kaa ki a si Ipọọrụ ngwụ ireshi ọkata ọnọ. Dọ kaa yụ wa ki ẹ nya ijampa, doti ẹ fọ ipẹpẹ, doti ọni nyẹmbẹ ọ yẹ isọnọ mẹ ana mẹ ki Iju ẹ manii che ọ ọkụ.²⁵Ẹfiẹnẹ si orupa ụpa uye sụ ọ da, di Ipọọrụ fọ ọdọvidi ashoja ẹchẹshi ana dinẹ tụzọ ka, "Ọwa yi ni ofi ka ọvọrọ ki a si ijampa tu ani Iroomu ọna razi mishọọji ivi yi?" ²⁶Ụmẹ ọni ọdọvidi ashoja ẹchẹshi ọnọ wụ irẹyi ọnọni, do ne tu ọdọvidi ashoja keekere, dọ fọ ọ ka, "Sẹnu waa vaa mẹ aan kẹ? Ani Iromu ọni ọzọnọni vi no."²⁷Ọdọvidi ashoja keekere ọnọ o ve tu Ipọọrụ, dọ ka, "Kaa yi mi, ani Iroomu ọnụụ wa vi?" Di Ipọọrụ voshi ka, "Ẹẹ, ani Iromu ọnim vi." ²⁸Di ọdọvidi ashoja keekere ọnọ ka, "Ẹkẹshi ụnọmpa ọnim si dọ tangwa va nyi ki ma vara ani Iroomu." Ama di Ipọọrụ ka, "Oziẹtẹ Iromu ọnim vi." ²⁹Inaani, di ẹnẹnaa vaa fọ ọ ipẹpẹẹ sẹ naavọ. Di ọdọvidi ashoja ọn nyẹmbẹ shiangwa ọ mẹ yẹ ka Ipọọru vi ani Iromu, fụvọki ọ sụ ọ orupa da oshẹtẹ.Ipọọrụ ọ kụrenu aani inọvidi iragụ azẹkụ Iju nin³⁰Ini eyineyishẹ aani, di ọdọvidi ashoja ọnọ e si ki ọnọ yẹ irẹiza inọpati isọni Iju nini ki Ipọọrụ ọ mẹ. Ọọ ngwara Ipọọrụ tẹtẹ, dọ kaa yi arụfa ọbani nin shi iragụ azẹkụ nin ki ẹ va gẹ. Dọ va si Ipọọrụ chi nẹtẹẹtẹ, dọ si ọ tụni akaakana aanini.

Chapter 23

¹Ipọọrụ ọ dinẹ tụnọvidi iragụ arụfa nin, dọ ka, "Ẹwu nin ẹnyara ami, ivefu ọiza ọni maa si mẹshẹ ami inọ̣vidi Oshomoshi ve tu irajini." ²Di Ananayasi, oshirẹsụ arụfa nin kaa yi ẹnẹna dinẹ pe Ipọọrụ ki e jisaku o irenu. ³Inaani, di Ipọọrụ kaa yọ ka, "Oshomoshi vee jisaku wu, ẹwụ ọfatụ vaku. Ụ wa yatụ a si ofi mọkarẹyi irẹyi ami, ama dụ waa misa ofi razi ka mẹ, dụụ kaa ki a jisaku mi irenu?"⁴Ẹnẹna dinẹ tụzọ dẹ ka, "Aani ọnụụ mẹ waa kụ oshirẹsụ arụfa Oshomoshi ụfụ?" ⁵Di Ipọọrụ ka, "Ẹwụ nin ẹnyara ami, ma zi yẹ ki oshirẹsụ arụfa ọbani ọnọ vi. Fụvọki a chẹrẹ tẹte kạ, Wa zi bẹdọ karẹyi ọshimi shi ọdọvidi aza awụ nini."⁶Ẹfiọni Ipọọrụ re ki akọnya ini iragụ arụfa ẹnẹ vi Isadusi, di akọfụụva vi Ifarisi, dọ si ọngwẹ tụẹba, dọ ka, "Ẹwụ nin ẹnyara ami, Ifarisi ọnim vi, dim vi Ifarisi nin. Fụvo ọkụayitụra ọnim nyi ini iribatọ ọshishakwẹẹtẹ fini isu ọnẹ si shi mi irẹka." ⁷Ẹfi ọnọ maan ka da, di ẹshankata ngwụ azọkọni ẹnẹ akaakana, di Ifarisi ọnri Isadusi nin, si ga tụ oze ẹẹva. ⁸Fụvọki Isadusi nin vanaa ka ki ọza re su da, o su, ọi kụ zẹ nyi ki ọọ sha kwẹẹtẹ; ọnri ki ọzi nyi isẹnaa shi angeni, navẹki ifẹ. Ama, Ifarisi nin ẹnẹ dọzẹ ki isẹnẹni bo yinaani.⁹Inaani, di ẹshankata si ngwụ wa akaakana, dẹ kwẹẹtẹ, dee nowu ku ẹngwụ, dẹ ka, "Ye zi re ivi ọnyọnyi ini ẹngwụ ọzọnọni. Ụ wa yẹ nin aaviki angẹni navẹki ifẹ ọnọ pe e karẹyi?" ¹⁰Ẹfi ọni ẹshankata ebebani si ngwụ ọ, di angwashi ngwụ oshirẹsu ashọja nin ẹngwụ, ki asẹ va na sẹ Ipọọrụ sha ripi ripi; dọ sụmọ kaa yi ashọja nin ki ẹ na si ẹkẹẹka si Ipọọrụ fiini akaakana iragụ arụfa nini vini ireshi ọkata.¹¹Inaafụ ini eyineyishẹ ishọ, di Ananyiyi va dinẹ pe Ipọọrụ, dọ ka, "Asu shiangwa; ụ mẹmẹ divenu inọpati ami Ijerusanẹmụ, avọ ụ mẹ vaa divenu ami Iromu."Ẹẹ shọma ki a wụ Ipọọrụ¹²Eyi mẹ si ni, di Iju ẹnyi kụrẹsụ gẹ dẹ na nọma, de chi ẹngwụ aanini eku, dẹ shieku ki ẹnẹ zaa ri isọnyọnyi, domotori ki enee fu enyi ọchishi ki ẹn wụ Ipọọrụ da. ¹³Enẹna shọma ọshimi ọnọni ẹ para aza ẹbẹrẹva fu.¹⁴De ne tu arụfa ọbani nin ọnri azẹkụ nin, dẹ ka, "Yaa gẹ sheku ọbani yẹ ẹngwụ da ki ya zaa ri isọnsonyi ọchishi kii wụ Ipọọrụ da. ¹⁵Fụvavọ, yee si ki iragụ arụfa nin ẹ kaa yi ọdọvidi ashoja nin keekere ki ọ si Ipọọrụ tụẹshẹ, dụ wa mẹ venebiri ki ẹwụ nin ọ va zụụ tuoshi tụni irẹyi aani inoze ana sẹrẹ. Inaayayi, ye teni ẹngwu tẹtẹ da kii vaa wụ ọ dọ tagwa va ngwụ izọni.¹⁶Ama oziọmụsha anavi oziọnyara Ipọọrụ ọnyẹnẹ ọ wụ ki e kuẹtẹ e zi Ipọọrụ inoze, dọ sẹ ni ni ọba ashoja nin, dọ na kaa yi Ipọọrụ. ¹⁷Ipọọrụ ọ shi ishọja ọnya, dọ ka, "Si oziọmụsha ọnọni ne tu ọdọvidi ashọja keekere, fụvọki ọ nyi irẹyi ọnọọ vaa kaa yọ."¹⁸Inaani di ọdọvidi ashọja ẹchẹshi ọnọ si ọziọmụsh ọnọ̣ ne tu ọdọvidi ashoja keekere, dọ ka, "Ipọọrụ anẹgwa ọnọ shi mi, dọ ki ma si oziọmụsha ọnọni ve tu wu, kọ ọ nyi irẹyi onoo si ki ọnaa kaa yụ wụ." ¹⁹Dọ ọdọvivi ashọja keekere sụvọza ni ni oboka, dọ fọ ọ ka, "Yee irẹyi ọnu wee si kụ waa kaa yi mi?"²⁰Di Oziomụsha ọnọ ka, "Iju nini e ̣shọma, de si irenu vọnya ki ẹn vaa vẹ vaa ka yụ wụ kụ wa si Ipọọrụ chi vini iragụ arụfa nin ụfụọ, doti ene zu re tụni irẹyi aani ẹtẹtẹrẹ. ²¹Ama, asụụ zẹ ẹ wa, fụvọki aza ẹ tụra ini ẹbẹrẹva ene kuẹtẹ e zi o inoze. Ee pe ẹngwụ shieku ki ẹnẹ zaa ri, ene zee fu, ọchishi ki ẹni wụ Ipọọrụ da. Ẹwụ ene kue zi ku ụ wa fụri irenu yi ẹni."²²Inaani, di ọdọvidi ashoja keekere ọnọ navọ oziọmụsha ọnọ ki ọọ na, inaama ọnọ kaa yọ da ka, "Asụụ kaa yi ọzọnzọnyi kụ waa karẹyi ẹnẹni bo yi mi."Aa si Ipọọrụ ne tu Ifẹniksi igomina²³Di ọdọvidi ashọja ọnọ shi ọga ashọja ụvọrẹkụ ẹchẹshi ẹẹva, dọ kaa yụ wa ka, "Pere ashoja irẹka gụ, ana vaa ziọ ni irashaọ gọdọ ne tu Isisariya, du we teni wa tẹtẹ, shi anovurata ẹnẹ ẹbẹrẹta tụrrẹwụ, ọnri anọbọdọ irẹka. Iwakati ọfụụta ini ajirafụ ọnụụ va sii kwẹẹtẹ nin." ²⁴Dọ zẹ si sụmọ kaa yụ wa ki ẹ si ovurata tẹtẹ ọni Ipọọrụ vaa shirẹ, doti ọ sivọ ne tu igomina Ifẹniksi ini ẹngwọrọ.²⁵Do maan chẹrẹ iwe ka: ²⁶"Iknaudiyọsi Nisaya tushi Igomina Ifeniksi ọyaramẹ, maa kụ wụ. ²⁷Iju nin ẹ za ọnọrụ ọnọni, dẹ vaa wụ ọ, dim kụ ashoja na dọọ fụrẹwa ụvọ, ẹfiọnim yẹ da ki ani Iromu ọnọ vi.²⁸Dim vee si ki ma yẹ fụvọ isẹnẹ si shiọirẹka. Fụvavọ dim si ọ ne tu wa ini iragụ aanini. ²⁹Dim si yẹ ki fụvọ ofi aanini ọna si shiọirẹka, dim ve re ki ọzi nyi isọnọ mẹ ọna mọrọ ishọọji isu, navẹki ẹngwa. ³⁰Da va kaa yi mi ki e kụẹtẹ ee zi o, ki ẹn vaa wụ ọ, ọnọ mẹ ki ma si ọ tụ ve tu wu ini ọfirọfira, dim kaa yi ẹnẹna kaa ki ọnyi isọnọ mẹ ki ẹ va shiọrẹka inọvidi awụ. Aadụmụ."³¹Inaani, di ashọja ẹnẹ vatụra isẹna kaa yụ wa ki ẹ mẹ. Dẹ si Ipọọrụ ni Antipatrisi ini ajirafu. ³²Ini eyineyineshẹ aani, di ẹrụrụ ini ashoja ẹn navọ anovurata nini ki ẹ vatụra Ipọọrụ, dẹn kụ varama nini Ọba ashọja. ³³Ẹfiẹni anovurata nini tu Isisariya, dẹ si iwe ọni ọdọvidi ashọja keekere chẹrẹ tushi Igomina yọ, dẹ zẹ si si Ipọọrụ chire ụvọ.³⁴Ẹfiẹni Igomina kiwe ana chẹrẹ tushio da, dọ fọ Ipọọrụ ka yere ọkakooro ọnọ Ipọru fụrẹ. Ọmẹ yẹ ki Isinishiya ọnọ furẹ, ³⁵dọ ka, "Mvee batọ tụni irẹya awụ na gẹtẹ ẹfiẹni ẹnẹna shi wụ irẹka raa vi izọni." Inaani, dọ sụmọ kaa ki a savọ si ọ na tẹ tụni ọba ijọva, izẹni Ihẹrọdụ oshinọyi ya.

Chapter 24Ipọọrụ ọ dinẹ tụni ọvidi Ifẹniksi ini irẹkụra Isisiriya

¹Inaama ẹkụshi ẹẹshi, di Ananayasi, arụfa ọbani nini, azẹkụ ẹnyi ọnri ọyarạkarẹyi ọnyi, anaa shi Itaturusi nọ izọ. Azẹnẹni ẹnẹ shi Ipọọrụ irẹka tụni ọvidi Igomina. ²Ẹfi ọni Ipọọrụ dinẹ tụni ọvidi Igomina, di Itaturusi vẹrẹ aa kụrẹka ku Ipọọrụ, dọ kaa yi Igomina ka, "Fụvọ awụ, yaa nyi ẹngwọro ọbanị, ọnri ki orire ọnụ wee re iramaụfụọ tẹtẹ ọ kụ isọiza vẹ irẹkụravabẹ ayi; ³fụvavọ, ẹwụ Ifẹniksi ọyaramẹ, yaa si avọkụ ayi keekere yụ wụ, dii zẹ si avọkụ dọ isọiza ọnụụ mẹ yi yi bo ngwụ ireshi.⁴Me zi si ki me ku ze ne du wụ ẹfi sha, fụvavọ daka navọ we batọ tụni irẹyi ami. ⁵Fụvọki yee re ki arefu ọni ọzọnọni vi yi yi, ọnri ki ọ zaa kii kuushi Iju nin, ana garashi ẹshẹ bo, inẹ, ki ẹẹ kwẹẹtẹ tu anụmọ nin. Ọdọvidi ụvọrẹkụ ani Inazarẹti ọnọ vi. ⁶Do vene zee sii sioze ki ọ naa mẹ isa ana ra ma mẹ ini itẹmpụrụ; ọnọ mẹ ki ya za a.⁷Ama, di Inisiyasi, ọna vi anụkọrọ ijọva si ụkata dọ ọ fụrẹ yi ụvọ. ⁸Ẹfi ọnụụ raa fọ Ipọọrụ ipẹẹpẹ inọpati irẹyi ọnii si shiọrẹka tụni ọvidi awụ, ụ vaa yẹ izọ bo mẹ ya fini irẹyi irenu aani. ⁹Iju nin nyẹmbẹ ẹ nyi ụvọ tụni irẹka ọnamụ ku o, ana siọzụ ki irẹka ọnii shi ọ vi irẹiza.¹⁰Ama, ẹfi ọni Igomina miuvọ shi Ipọọrụ ki ọ kụrenu aani, di Ipọọrụ tuoshi ka, "Maa yẹ ki oo si ku ọnụ fụrẹ aa mẹ ọkarẹyi ini irẹkụravabẹ ọnọni, fụvavọ inẹ oshine ọni ma sii sharẹyi afụ shaa yụ wụ. ¹¹U vee re ki ọi mi mẹ para ẹkụshi ẹwụrẹva fu ọnim fụrẹ nọ Ijerusanẹmụ na mẹ irafẹkẹ. ¹²Ẹfi ẹnẹ re mi ini itẹmpụrụ, ọzi nyi ẹzẹni ẹmi riọ gẹ nyi ẹshankata, ma zi kụ shi aza inẹ ki ẹ kwẹẹtẹ tu anụmọ ninị, shi ọ vi ini Isinagọọgụ yọ, navẹki ini akaakana irẹkụra. ¹³Ọzi nyi isẹnẹ va zụ sụvọọ za ki irẹka ana kụ ku mi vi irẹiza.¹⁴Ama, maa zẹẹ ki maa fẹkẹ Oshomoshi ọni ada ayinin fẹkẹ ini Oze Ọmimẹ Ikristi, ọnẹ kaa ki ọzi vọrọ. Maa dinẹ yi isabo ọna yini ofi ọnri isẹni ọkisẹ nin chẹrẹ tẹtẹ. ¹⁵Ọkụayi tụra Oshomoshi ọni azẹnẹni nyi ọni ẹmi ọn zẹ nyi nyi; ka ọshisha kwẹẹtẹ vaa yinaani yi aza ọiza shi aza ẹshimi. ¹⁶Fụvavọ, ọnim sii re ki ma zi mẹ isẹnẹ vaa mẹ ẹngwụụ ji mi ebe inọvidi Oshomoshi ọnri inọvidi aza.¹⁷Ẹfi ọni irayi ẹrụrụ mẹ parafu, dim va mẹ ọgụvọ renyi renyi bẹrẹ ọgụvọ ẹkẹshi yi irẹkụravabẹ ami. ¹⁸Ẹfi ọnim vọọ mẹ, Iju ẹnyi ana fụri Eshiya vẹ ee re mi ini irafẹkẹ ọnyinyinẹngwụ ini itẹmpụrụ, aivi ini akaakana azọkọni, navẹki izẹna yaa va ẹtẹ zii. ¹⁹Ọ vọrọ ki azẹnẹni ẹ yaan vi inọvidi awụ ọmẹyani, doti ẹ va kaa, isọnẹ ki maa mẹ ene rezi ze, aaviki ẹ nyi ọnyọnyi.²⁰Ọọzivavọ, ọ vọrọ ki azẹnẹni ẹ kaa amẹdụ ọnim mẹ, mmẹ dinẹ tụni ọvidi iragụ azẹkụ Iju nin, ²¹ọchishi ki ẹ kaa ki inọpati isa ọnya ọnọni, ki mee nowu ini akaakana aanini ka, 'Fụvọ ki maa nyi ọdọwụ ini ọshisha kwẹẹtẹ fini isu ana si shi mi irẹka tụni ọvidi awụ irajini.'"Ee ne Ipọọrụ ngwụni Ijaaru²²Inaani, di Ifẹniksi, ọna nyi ọyiyẹ ẹtẹẹtẹrẹ inọpati isẹnẹni, za ishọọji dinẹ tu ọkụshi ọsa. Dọ ka, "Mvaa mishọọji ifẹyi awụ ẹfi ọni Inisiyasi, oshiresu ashọja ra fụri Ijerusanẹmu vẹ." ²³Dọ va sụmọ kaa yi ọga ashọja ụvọrẹkụ ẹchẹshi ki ọ na sieyipe Ipọọrụ ẹtẹrẹ, ki ama ọ yi ọ oze, doti ẹta aani ẹ zụ vaa kụ ọ, doti ọ ta aani ọnyọnyi ọna ra vaa mọgụvọ yọ, a sa ji ọ oze.²⁴Inaama ọkụshi che, di Ifẹniksi ọnri ose aani Idurusina ana vi Iju varama, dẹ tụshi Ipọọrụ, dọ wụ inọpati ọdọwụ ini Ijesu Ikristi. ²⁵Ama, ẹfi ọni Ipọọrụ pe e karẹyi inọpati ọmimanasẹrẹ, ọzizẹngwụsụ, ishọọji anaa vẹ, di angwa shi Ifẹniksi, dọ ka, "Kwẹẹtẹ wa savọọ na. Mvaa tụụ shi wu ẹfi ọnim ra varama roze."²⁶Ama, avọ ọnọ mẹ zaa nyi nyi iribatọ ki Ipọọrụ vaa yi ọni ẹkẹshi, fụvavọ dọọ si ẹfi tụrẹfii tụ shi o, doo pe e karẹyi. ²⁷Ama, inaama irayi ẹẹva, di Iposhusi Ifẹsitọsi vara Igomina ẹfi ọni Ifẹniksi mẹ ụmẹ aani ta da; ama di Ifẹniksi e si ki Iju nin ee re ọni eyi, fụvavọ dọ navọ Ipọọrụ tụni ijaaru.

Chapter 25Ipọọrụ ọ dọ apiri nọ idi Isiza

¹Ọmẹyani, Ifẹsitọsi ọ ngwụ ọkaakoro ọnọ, inaama ẹkụshi ẹẹta, dọ fụri Isẹsiriya shirẹ ni Ijerusanẹmụ. ²Di arufa ọbani ọnri Iju nin ọneyiyẹ vẹ va si irẹyi Ipọọrụ tụrẹka, ³de fisue ọgụvọ finụvọ aani one ve zuu ne Ipọọrụ ngwụrẹyi --- dẹ kaa yọ ki ọ shi Ipọọrụ irẹka tụ Ijerusanẹmụ, doti ẹ zụ wụ ọ ụmẹnẹ raa na inoze.⁴Ama, di Ifẹsitọsi voshi ki Ipọọrụ vi anijaaru Isẹsiriya, ọnri ki ọn nyẹmbẹ vaa firaa ni izọ. ⁵Dọ ka, "Fụvavọ, ẹnẹna va zụụ kụafụza yi, ẹẹ vẹ ki yaa na. Aaviki ọ nyi isọni ọnọrụ ọnọ mẹ ene rezi ze, dụ wa kaa tụẹshẹ nini."⁶Ifẹsitọsi ọzi mẹ funa ẹkụshi ishinta navẹki ẹkụshi ẹwụ, dọ vaa nọ Isẹsiriya. Ini eyineyishẹ aani, dọ yatụ tụni udi ishọọji aani, dọ si ụmọ tụ ki ana si Ipọọrụ ve tu ọni. ⁷Ẹfi ọni Ipọọrụ vẹ, di Iju nin ana fụri Ijerusanẹmụ vẹ dinẹ tụ irasha ana gụrẹ, dẹ kụrẹka ẹkata ẹkata ku Ipọọrụ, ọnẹ rai zụa divenu aani. ⁸Di Ipọọrụ kụrenu aani, dọ ka, "Ọzi nyi akụvi ọnim mẹ ka ofi Iju nin na, navẹki itẹmpụrụ, navẹki Isiiza."⁹Ama, Ifẹsitọsi ee si ki Iju nin e re ọni eyi, fụvavọ dọ voshi yi Ipọọrụ, dọ ka, "U wee si kụ waa ni Ijerusanẹmụ di ma na mishọọji ami yụ wụ izọ inọpati isẹnẹni?" ¹⁰Di Ipọọrụ ka, "Ma dinẹ tụnọvidi udi ishọọji Isiiza, inaani ọna bẹdọ va yaa mishọji irẹyi ami. Ma zi mẹ ivi ọnyọnyi ka Iju ọnyọnyi na, vene ẹwụ nyẹmbẹ mẹ zẹ yi yẹ.¹¹Ama, aaviki ọ nyi ọshimi ọnim mẹ ana mẹ mi rivi ọna vaa mẹ ki a wụ mi, me zi yi ki me zee su. Ama, aaviki irẹka ọnẹ kụ ku mi vi osusu, asi ọzọnzọnyi si mi chire wa ụvọ. Maa si irẹyi ami tụnọvidi Isiiza." ¹²Inaama ọni Ifẹsitọsi pe opoze nin karẹyi da, dọ voshi ka, "Waa si irẹyi awụ tụnọvidi Isiiza da. Idi Isiiza ọnụụ vaa nọ!"Ipọọrụ ọ dinẹ tụni ọvidi Agripa ọnri Ibẹniisi¹³Inaama ẹkụshi ene rezi ku, di Oshinọyi Agiripa ọnri Ibẹnisi ngwụ Isẹsiriya na kụ Ifẹsitọsi ụkụ ijọva. ¹⁴Inaama ọnọ yi izọ mẹ ẹkụshi ẹrụrụ da, di Ifẹsitọsi si irẹyi Ipọọrụ tụ Oshinọyi Agiripa ọvidi; dọ ka, "Ọ nyi ọnọrụ ọnyi ọni Ifẹniksi fụrụvọ tụ izọni tụni ijaaru. ¹⁵Ẹfi ọnim yi Ijerusanẹmụ, di arụfa ọbani nin ẹnri azẹkụ Iju nin tụrẹka ivi renyi renyi ọnọmẹ yi mi, de fisue ki ma mishọọji isu yọ. ¹⁶Dim voshi yụ wa ki ọzi vi isoshiẹtẹ ani Iromu nin ki ya si ọza chire ẹnẹna va kụrẹka ku o ụvọ, aaviki ọi ki kụrenu aani.¹⁷Fụvavọ, ẹfi ẹne peregụ tụ izọni, ma zi si o turẹtẹ, dim vẹ izọni ini eyineyishẹ aani va yatụ tụni udi ishọọji ami, dim si ụmọ tụ ki a na si ọnọrụ ọnọ va yi mi izọni. ¹⁸Ẹfi ọni ẹnẹna va tụrẹka aani kwẹẹtẹ aa kụrenu aanini, dim roo ka irẹka ẹnẹ kụ ku o bo, ọzi zarẹsụ. ¹⁹Akikọnọ, dim re ki ẹ nyi ẹshankata inọpati irafẹkẹ aanini ọnri ọnọrụ ọnyi anaa shi Ijesu ene fu su, ama di Ipọọrụ aa kaa ki ọ yi yẹshẹ. ²⁰Oze ọnim vaa zi tụrafụ irẹyi ọnọ oi ve ye mi ẹtẹrẹ, fụvavọ dim fọ ọ ki o wee si ki ma si irẹyi aani ni Ijerusanẹmụ, doti ọ na veyi ka ishọọji izọ.²¹Ama, ẹfiẹni Ipọọrụ kaa ki o nee si ki a si ọni tụni ijaaru tụ Iromu, doti ọnọ yi izọ zi ishọọji Isiiza, dim si ụmọ kaa ki a si ọ tụni ijaaru tụzọni poro netu ẹfi ọnim va sii si ọ naa yi Isiiza." ²²Di Agiripa va kaa yi Ifẹsitọsi ka, "Mvee si ki ẹmi ono ze bi batọ tụni irẹyi ọnọrụ ọnọni." Di Ifẹsitọsi kaa yọ ka, "Ụ vaa wụrẹyi aani ụfụọ."²³Ini eyineyishẹ aani, di Agiripa ọnri Ibẹnisi vẹ izọ, da kụ irashẹ vatụra wa; dẹ kụ ọga ashoja nin vatụrẹngwụ ngwụni ụgụa ọna yaa mishọọji bẹri aza aneeyi yẹ ini irẹkụra ọnọ. Ẹfiẹni Ifẹsitọsi sụmọ karẹyi, da na si Ipọọrụ jinẹ ve tu wa. ²⁴Di Ifẹsitọsi ka, "Ẹwụ oshinọyi Agiripa, shi anẹrụ bo ana yi izọni pe yi, a vu re ọnọrụ ọnọni nini; azọkọni Iju bo ana yi Ijeusanẹmụ shi ẹnẹna yi izọni ee ve tu mi, dẹ si ọngwẹ ọikụ kaa yi mi ki ọzi vọrọ ki ọnọrụ ọnọni ọ kụ yẹshẹ.²⁵Maa wụ ki ọzi nyi akụvi ọnọ mẹ ana vaa mẹ ki a wụ ọ; ama fụvọki ọọ kaa ki a si irẹyi awụọni vi di Isiiza, ọnọ mẹ ki ma zẹẹ kim vaa si ọ ne tu o. ²⁶Ama me zi re isa sụvọza ọnọ vọrọ ki ma chẹrẹ tụshi Isiiza. Fụvavọ ọnim si si ọ ve tu wu, paapa ẹwụ oshinọyi Agiripa, doti me zu re isa gụ irẹyi ọnim vaa chẹrẹ inọpati irẹyi ọnọni. ²⁷Fụvọki ọzi sẹrẹ ki ma si anijaaru ne tu Isiiza di maa ma chẹrẹ ivi ana kụ ri ọ bẹrẹ."

Chapter 26Ipọọrụ ọ kụrenu aani inọvọdi Agripa

¹Inaani, di Agiripa kaa yi Ipọọrụ ka, "Ụ va zụụ kụrenu awụ ọmẹyani." Inaani, di Ipọọrụ tanụvọ tụọvidi, dọọ kurenu aani. Dọ ka, ²"Ẹwu oshinọyi Agiripa, inẹ ami o shine ki maa vaa kụrenu ami inọvidi awụ ini irẹka ọni ọdọvidi Iju nin shi mi irajini; ³paapa fụvọki ẹzẹna nyi ọyiyẹ inọpati isoshiẹtẹ Iju nin ọnri ipẹẹpẹ inọpati irafẹkẹ aanini ọnụụ vi. Fụvavọ, miyarẹ wụ, vẹngwụnẹtẹ du we batọ tụni irẹyi ami.⁴"Inirẹiza, Iju nin bo ẹ yẹ ẹngwụ ẹshẹ ọni maa mẹ fụrẹ ẹfi ọnim fụrẹ vi ozueyi ini irẹkụravabẹ ami shi ẹfi ọnim si yi Ijerusanẹmụ. ⁵Ẹẹ yẹ mi fini ivẹrẹ, fụvavọ ẹ va zụụ dọrenu ki ẹshẹ oziẹtẹ Ifarisi ọnim mẹ, Ifarisi nin ọnọ vi ki idaanini ọni isoshiẹtẹ irafẹkẹ ya kata fu bo.⁶Ọmẹyani, a shim rẹka irajini fụvọki maa nyi iribatọ otowu ọni Oshomoshi mẹ yi oshụkụ ayi nini. ⁷Fụvọki otowu ọnọni ọnọ vi isẹni ụna ẹwụrẹva ẹyi Iju bo kụayitụra kokoro ki enve re e dọ, ana mẹ ki ẹẹ si ọọdụ shi irafụ fẹkẹ Oshomoshi. Ẹwụ oshinọyi Agiripa, fụvọ ọkụaitụra ọnọni ọni Iju nin si shim rẹka. ⁸Sẹnẹvẹ di ọzọnyọnyi ini awụ nin vee ro ki azẹizụa dọọzẹ ki Oshomoshii sha ẹzẹne fu su kwẹẹtẹ?"⁹Ọ nyi ẹfi ọnyi tụrama ọni ẹmi nyẹmbẹ ro ka ọọ vọrọ ki ma mẹ isa tụrisa ọnim va sii kaachire irẹsha Ijesu Inazarẹti. ¹⁰Maa mẹ isẹnẹni Ijerusanẹmu. Mee chire anọdọwu ẹrụrụ tụni ijaaru zirẹngwụ ụkata ọni arufa ọbani nin si yi mi. Aaviki a wụ anọdọwụ ẹnẹ, dim sụvọtuọ ki ọ vọvọ sẹrẹ. ¹¹Maa mụya rụ wa ụpẹrika ini isinagọgụ bo, di maa sụkata mẹ wa ki ẹẹ ka isaanyisii shi Oshomoshi. Ayi ọ kụ mi tu wa kokoroo, di maa mụyaa rụ wa, shi ẹnẹna yi irẹkụra akajinẹ.Ipọọrụ ọ kaa ọ mẹmẹ vara anọdọwụ¹²Mmẹ vọvọ aa mẹ, di arụfa ọbani nini si ụmọ ọnri oze yi mi ọnim si nọ Idamasikọsi; ¹³mmaa naa inoze, inọpati iwakati ẹwụrẹva ini ọọdụ, dim re ẹtofeyi ọna sha fụri ẹbẹẹba ini ovurukutu. Di ẹtofeyi ọnọ sha nyaa funa ọyi! Dọ sha varakara mi, shi ẹnẹnii gẹ yini ụsoze. ¹⁴Ụmọni ẹyi bo sẹdụ nyẹtẹ, dim wụ ọngwẹ ọnyi anaa si irẹkụra Iburu karẹyi shi mi, dọ ka, 'Isọọrụ, Isọọrụ, ọmẹzi dụ waa mụyaa ri mi kẹ? Ọ vaa ngwụ wụ ẹngwụ kụ wa tụ afụ shi ọchi firefire ọna sii kụ ụnọ.'¹⁵Inaani dim ka, 'Enụụ vi kẹ, Ananyiyi?' Di Ananyiyi voshi, dọ ka, "Ẹmi ọnọ vi Ijesu ọnụ waa mụyaari. ¹⁶Ọmẹyani, kwẹẹtẹ dinẹ; fụvọ isọnim si siẹngwụ zụ wụ ọnọ vi ki maa vaa sụ wụ mẹ ozida ọnri onivenu isẹnụụ wụ inọpati ami ọnri isẹnụụ yẹ ki maa vi, shi isẹnim vaa sii zụ wụ ụmono zee tu. ¹⁷Mvaa dọ wụ tụ finụvọ Iju nin, shi ẹnẹna razi vi Iju, ọnim maa tụ wụ nin shii, ¹⁸doti wana sha wa iri, dẹ zụ varama fini oozi va ngwụni ẹtofeyi, dẹ zụ varama fini ụkata Eshu ne tu Oshomoshi, doti e zu re ayụva aichama aani dọ finụvọ Oshomoshi, shi ogu ọnim vaa sii yi ẹnena shatụ renyi zirẹngwụ ọdọwụ ọnẹ nyi ininẹ ami.'¹⁹Fụvavọ, ẹwụ oshinọyi Agirippa, isa ọni Oshomoshi ki ma mẹ ini ẹtoore ana fineeku ẹbẹẹba ọnim vatụra; ²⁰ama dim bidi vẹrẹ fiidi Iju nin ana yi Idamasikọsi ọnri ẹnẹna yi Ijerusarẹmụ, shi ẹnẹna yi irẹkụravabẹ bo aka Ijudiya, shi ẹnẹna razi vi Iju ana yi izọ. Ma kaa yụ wa ki e rinẹvarama doti ẹ va ka Oshomoshi na, doti ẹẹ misa ana va siọzụ ka irẹiza one rinẹvarama. ²¹Fụvọ isẹnẹni ọni Iju nin si za mi ini itẹmpụrụ, dee sioze ki ẹnẹ wụ mi.²²Oshomoshi ọ mẹ ọgụvọ yi mi poro ve tu ụmaani, ọnọ mẹ ki ma dinẹ di maa divenu isẹni ọkisẹ nin ọnri Imosisi kaa ki ọvaa mẹ, inọvidi ẹnẹna razi shi bẹrẹ ọnriazẹbani nin; ²³ẹ kaa ka Ikiristi bẹdọ vaa rụya, dọọ vi ọza ipaapa ana vaa sha kwẹẹtẹ fiini isu, doo vee showụ ẹtofeyi yi Iju nini ọnri Ijẹntaini nini."²⁴Ipọọrụ mẹ kụrenu aani ta da, di Ifẹsitọsi si ọngwe tụẹba, do nowu ku o, dọ ka: "Ipọọru, wee suvu! Iwe ọnụụ ka o si chiẹngwụ, ọnaa tụ wụ uvu." ²⁵Ama, di Ipọọrụ tụoshi, dọ ka "Ẹwụ Ifẹsitọsi ana nyụbani fu, me zi suvu. Ama, ayọọvi ọni maa sii karẹyi irẹiza, ọnri ki irẹsụ ami ọ gụ ẹtẹẹtẹrẹ. ²⁶Fụvọki oshinọyi Agiripa ọọ yẹ isa ọni maa karẹyi inọpati aani, fụvavọ ma zi tụainẹ, dim vẹngwụnẹtẹ aa karẹyi yọ, fụvọki ma zi jiọirẹka ki ọzi nyi ọnyọnyi ini isẹnẹni bo ọna tẹ yọ; fuvọki aivi ini angwụmi ọna ya mẹ isọnọni."²⁷"Ẹwụ oshinọyi Agiripa, ụ wa dọ isa ọni ọkisẹ nin ka zẹẹ? Maa yẹ kụ wa dọ zẹ". ²⁸Inaani, di oshinọyi Agiripa tụ Ipọọrụ oshi, dọ ka, "Ini ẹfi kere ọnọni, ụ a kụụ va zụụ mẹ mi dim si vara ẹnẹnaa vaatụra Kiristi." ²⁹Ipọọru dọ tụoshi ka "Shoo ku, shoo fira, ọzi nyi ọmẹ ka; maa tuozurenu shi Oshomoshi ki ẹwụ shi aza bo enee bematọ ini irajini, ki e ve zu vene mi, ama di ẹba anijaaru ẹnẹnini ana ya mi ụvọ aani razaa ya wa ụvọ."³⁰Inaani, di oshinọyi ọnọ kwẹẹtẹ, shi Ibẹnisi ana vi igomina, di ẹnẹna vọ ẹn zẹ kwẹẹtẹ, ³¹dẹ jinẹ fiini irẹngwu ọnọ. Ẹfi ẹnẹ fiizọ da, de pe ẹngwu kaa ka, "Ọzi nyi isa ọnọ ọnọru ọnọni mẹ ọnọ si vọrọ ki o su navẹki ki a kụẹba shi o ụvọ." ³²Di Agiripa kaa yi Ifẹsitọsi ka, "Dọvi ki ọnọru ọnọni ọzi yaan si si irẹyi ọnọni ni ni ikootu Isiza, a yan zụ fụrẹụvọ."

Chapter 27Ipọọụ ọ ngwụ ẹpa nọ Iromu

¹Ụmọni igomina roo da ki a kụ yi ni Itani, da si Ipọọrụ ọnri anẹngwa enyi tụni afụ Ijuriọsi ana vi ọga ashoja ẹchẹshi ọnyi ini ishoja oshinoyi ki ọ siepe wa. ²Yaa ngwu ẹpa fụri Adụramitiyọmụ, ana vaa jantụụ kwẹẹtẹ na zi aka enyi Eshiya. Arisitakọsi ọna fụri Itẹsaronika ana yi Imasẹdoniya ọ vatụra yi.³Ineyineyishẹ aani dii tu irẹkụra anaa shi Isidọni; di Ijuriyọsi sụvọ ọiza za Ipọọrụ izọ, dọ yi ọ oze ka ọ ni idi ẹta aani doti ẹ zụ mọgụvọ yọ. ⁴Fi izọ di ẹpa ayi ngwụ enyi na, dii si izi aka Isiprọọsi ọni ashi razi ya kụ yi epa, fụvọki ashi vana veyi ka yi aa kụ. ⁵Ẹfiavọ, yee che irefu parafu da, dii gụrẹ ẹtẹ Isinishiya ọnri Ipamfiniya, di nee chi tụ Imira, ana yini irẹkụra Inisiya. ⁶Izọ di ọga ashoja ẹchẹẹshi re ẹpa ana fụri Anẹksadira aa ni Itani, dọ kụ yi shi o.⁷Inaama ọnii si ẹkụshi ẹrụrụ tangwa aa zi, diivuri ziọ na gụrẹ irẹkụra Inidọọsi, di ashi rai kụ navọ ki ya vatụra oze ọnọ. Fụvavọ, dii kụ veyika oze enyi aka Ikereti izi ashi reezi tu, ọveyi ki Isaamọni. ⁸Dii vụri ziọ na ngwụ irasha ọnyi anaa shi Ireshi Ụfọọtụ Ọ̄iza ọni ẹpa a dinẹẹ tụ, ana gụrẹ irẹkụra Inasiya.⁹Ọmẹyani, yaa si ẹfi du sha kokoro, di ẹfi ọni Iju nin sii bawẹ zẹ si si parafu, dọ si vi aifụrinẹ ki a si ẹpa zi irẹsụ enyi. Di Ipọọrụ kawọnọ, ¹⁰dọ ka, "Ẹwụ nin anẹrụ, mee re ki ụsoze ayi vaa nyi ọkatẹngwụ, ana va zụụ mẹ ki ya tanava, ọnri ki aivi ogu ayi ọnri ẹpa ayi kẹnẹ ọnọ vaa mishi, ama shi ifẹ ayi vana vaa mishi." ¹¹Ama, dọ va si vi ki irẹyi ọni ọga ashoja ẹchẹẹshi ọnri azẹna nyi ẹpa ọnọ ka ọnọ si mụkọrọ fu irẹyi ọni Ipọọrụ ka.¹²Fụvọki ọzi rẹngwụ ki ẹ yi irasha ọni ẹpa dinẹẹ tụ ini ụmẹ ashi, fụvavọ di azẹrụrụ ini anụkọrọ ẹpa mẹ iweọji ki ẹnẹ kava fiizọ di ẹnẹẹ na, ki azẹmayẹ den zụ tu irẹkụra ọnaa shi Ifiniksi, doti ẹnẹ yi izọ ini ụmẹ ashi. Ifiniksi vi izi ẹpa dinẹẹ tụ ini ẹtẹ Ikereti, ana veyika aka ẹbẹẹba izi ọyi zii tụụ fụrẹ, dọ zẹ vi veyika aka ụvẹtẹ izi ọyi zii tụụ fụrẹ.Opomu ọ kụ ini irefu¹³Ụmẹni ashi vẹrẹ aa kụ cheeche fụri aka ụvẹtẹẹ vẹ, di anụkọrọ nin ana yini ẹpa ọnọ roo ki ene re isọni ẹnee si da. Ee tura ẹba ana si za ẹpa aanini, dẹ tụ ọ ụvọ tụni irefu, dẹ zi ụtọ irefu Ikereti na gụrẹ ụtubobo.¹⁴Ama, ini ẹfi che, di ashi opomu ọnya kụ fụri aka ẹbẹẹba vee tu ẹtẹẹ ọnẹ ya. ¹⁵Ụmọni opomu ọnọni aa kụ ẹpa, dọ raikụ zụ veyika izi ashi ọnọ aa kụụ fụrẹ, dii kụ fụrẹ ẹngwụvọ yi opomu ọnọ, dọ kụ ẹpa ayi nọ aka izẹnọ kụụ nọ. ¹⁶Yaa zi irẹsụ enyi ana gụrẹ ẹtẹ anaa shi Ikọda, izi ashi ya rọ che, di vuri sụ ẹpa oweyi ana sii dọzaatụ za ẹpa ọbani.¹⁷Ẹfi ene tura ẹpa oweyi ọnọ shirẹ da, dẹ si orupa aani sụ za ẹpa ọbani ọnọ. Di angwa ee shi wa ka ẹpa ọnọ wa va zụụ zi ẹyẹrẹ ene pere tuẹtẹẹtẹ irefu Isayatisi paraafu ọmẹyani, fụvavọ dẹ za ẹba ana si za ẹpa ọnọ, dẹ kụraachi, doti ẹpa ọ tangwaa na. ¹⁸Ashi ọbani ọnọ ọ mẹ yi sẹkẹ sẹkẹ netu ka ineyineishẹ aani di anụkọrọ ẹpa nini vẹrẹ aa kụ ẹnya ayi vaa shi enyi.¹⁹Ini ọkụshi ọfụụta aani, dẹ si ụvọ aanini kụ ẹnyụkọrọ ẹpa va shi enyi. ²⁰Ẹfiọni ọyi ọnri ụzọmi razi sha tụrayi mẹ ẹkụshi ẹrụrụ, di ashi opomu ọnọ aa kii kụ, di rai kụ nyi iribatọ kii vaa zụ mii mẹshẹ²¹Inaama ẹkụshi ọrụrụ onii rezi re isari ri, di Ipọọrụ kwẹẹtẹ dinẹ ini akaakana anụkọrọ ẹpa ẹnẹ, dọ ka, "Ẹwụ nini anẹrụ, ọọ vọrọ ku we yeen bematọ nin, di asi yaan kwẹẹtẹ fụri Ikireti; enya ayi ozi yeen mishi. ²²Ama, ọmẹyani, maa tụ wụ ụkata nini, nyi ayọọvi nini ki ọzọnzọnyi inawụ nin ozee su, ama ẹpa kẹnẹ ọnọ vaa mishi.²³Fụvọki irafụ, angẹni Oshomoshi ọnim vi ayaani, ọni maa fẹkẹ, ọ dinẹ pe mi. ²⁴Dọ ka, 'Asi angwa shu wu, ẹwụ Ipọọrụ. Ụ bẹdọ vaa dinẹ tụnọvidi Isiza, du we re, ki Oshomoshi, ini ayụva aani, ọ kụ ẹnẹni ẹwụ rụ wa gẹ yini ẹpa aani chireụvọ da.' ²⁵Fụvavọ, ngwareyi sha nini! Fụvọki maa kụ ọtụtụma tụra Oshomoshi ka ọmẹ kọ vaa vi hi mi gẹdẹgẹdẹ, avọ ọmẹ vaa vi. ²⁶Ama, ashi vaa kụ yi na vaagara tụni ẹtẹ ọnyi ọni enyi varakara."²⁷Ụmẹ ọnii mẹ tu irafụ ẹwụrẹna, di ashi aa kụ yi shirẹ vaa chi ini Irefu Adiriyatiki, inọpati ajirafụ, di anụkọrọ ini ẹpa ọnọ ro ka ẹnaa kavaape ẹtẹ ọọnyi. ²⁸Ee ne ọdọngwẹ ngwụni enyi ki ẹnẹ yẹ ọ mẹmẹ nyinẹ tu, de re ka afụ ẹchẹshi ri ofu rẹwụrẹta (133) ọnọ vi. Ụmẹ ọnọ zẹ da mẹ che, dẹ zẹ varama mọ ọ, de re ka afụ ẹchẹshi (100) ọni izọ vi. ²⁹Di angwa shi wa ka asi ẹpa ayi va na vanga ini ireta, dẹ kụ ẹba ẹẹna ana sii za ẹpa dinẹ vashi enyi ini aka irama ẹpa, dẹ tuozurenu ki eyi ọ mẹẹ dọ jantụ ni.³⁰Umotu di anụkọrọ ẹpa nin sioze ka ene zue fi ini ẹpa ọnọ, ee chi ẹpa oweyi ana va zụ sii zue fiini ẹpa doti a navọ ẹpa ọbani tẹtẹ, dẹ vana kụra ẹpa oweyi ọnọ chi shi enyi, dẹ mẹ apẹ ki ẹnaa kụ ẹba anaa za ẹpa dinẹ, ini ọvidi ẹpa. ³¹Ama, di Ipọọrụ kaa yi ọdọvidi ashoja ẹchẹẹshi ọnri ashoja ẹnẹ kaa, "Ọchishi ki aza ẹnẹni yini ẹpa, wai zụa nyi ọdidọtụ nini." ³²Inaani, di ashoja ẹnẹ ji obo ọna si za ẹpa oweyi ọnọ dinẹ, dẹ navọ ki enyi ọ si ọ na.³³Ẹfi ẹni eyi aa ni, di Ipọọrụ tụ wa ụkata ki ẹ navọ doti ẹ ri isari, dọ ka, "Irajini ọnọ gụ ẹkụshi ẹwụrẹẹna ọnụụ fụre e zi ki ashi ọ ta fụrẹtẹ nin, dụụ razi risari nini; waii ri ri isọnyọnyi nini. ³⁴Fụvavọ, miyarẹ wụ nini, navọ wa na ga isari yi ọzọọza, fụvọki ọ sẹrẹ kụ wa ri isari dụ wa zụ mẹshẹ nini. Ọzi nyi oza ọnya awụ nini ọni eyirẹsụ aani ọnya vaa tụ fụrẹrẹsụ." ³⁵Ụmẹ ọnọ maan ka da, dọ si ibụrẹdi, dọ kụ Oshsmoshi avọ ini eyi aza bo, dọ da a, dọ vẹrẹ aa ri isari.³⁶Avọ ọ mẹ tụ enbo ụkata, di ọzọọza ri isari. ³⁷Ẹyi bo vi aza irẹka tụrẹbẹrẹta rẹwụ rishinọnyi (276) ana yini ẹpa ọnọ. ³⁸Ẹfiẹnẹ si isari ri, di inẹ aanini shi, dẹ va kụ anavọ sha shini irefu, doti ẹpa o roze fẹrẹ.Ẹpa ọni Ipọọrụ ngwụ ọ vaanga³⁹Ẹfiẹni eyi si ni, ẹ zi yẹ ẹtẹ irẹkụra ọnẹ ya, ama de re aka enyi ọni ẹyẹrẹ varakara, dẹẹ fọ ẹngwụ ki ẹn wa va zụụ si ẹpa awụọnini na dinẹ tụzọ. ⁴⁰Dẹ vaa ji ẹba ana za ẹpa dinẹ, de ne wa va shi irefu. Ẹẹ ngwara orupa ọchi ana sụ za ọchi ọna yini irama ẹpa, dẹ kụra ita ana yini ọvidi ẹpa shirẹ, di ashi tụ ọ ụvọ na ngwụni ụtọbobo. ⁴¹Ama, dẹ ngwụ enyi anaa jayi, di ẹpa na ngwụ ẹtẹ. Ọvidi ẹpa ọnọ kangwụ ezi ọnọ, dọ rai kụ zụ na, di enyi ọnaa da bụdụ vẹrẹ aa chaka irama ẹpa.⁴²Aaro ashoja ẹnẹ ọnọ vi ka ẹn vaa wụ anijaaru ẹnẹ, doti asi ọzọnzọnyi aanini fọ enyi jinẹ, doo si zue. ⁴³Ama di ọga ashoja ẹchẹsi ọnọ ee si ka ọnọ dọ Ipọọru tụ, fụvavọ dọ za aaro aanini dinẹ, dọ va kaa yi ẹnẹne yeyi amẹmẹẹ fọ enyi ka e ji nangwụ enyi doti ẹ bidi fọ enyi jinẹ na ngwụni ẹtẹ. ⁴⁴Ụmavọ, di ẹnẹnavọ e ji tụra ụpako ẹnri ẹnya ọsọọsa fini ẹpa, dẹ si ọ fo enyi na jinẹ. Aani ọnii mẹ ziọ di ẹyi bo javọ rẹsụ rẹsu, di chi shi ẹtẹ ini ẹngwọrọ.

Chapter 28Ipọọrụ yi Imọọta

¹Ụmọnii ngwụ izọ ini ẹngwọrọ, di wụ ki ẹtẹ ọnọ, ọni enyi varakara, ọnaa shi Imọọta. ²Di ẹnẹna vi eziẹtẹ izọ mẹ yi irẹiza netu ka dẹ kaira yi yi, de si yi ọzọga, fụvọ orishi anaa zụ apada ọnri ashi ana yi ẹtẹ.³Ama, inaama ọni Ipọọrụ pere ọku gụ, dọ kụ ọ gụra, di isẹchichi ibe tụ jinẹ fiini ọkụ ẹnẹ fụvọ irivu ira, dọ para shi o ụvọ. ⁴Ẹfi ọni ẹnẹna vi oziẹtẹ re ki isẹchichi o zu gẹ ụvọ, dẹẹ kaa yẹngwụ ka, "Ọ si ọ zụ ki ọwụ-oza ọnọni vene zue fini irefu, tuavọ tuavọ ishoọ̣ji ọzi zẹ ki ọ vaa mẹshẹ."⁵Ama, do sheni isẹchichi ọnọ ngwụni ira dọ razi nyi isọnsọnyi ọnọ si mẹ. ⁶Dee zi ki enee vee re aavi ki iva vaa mẹẹ navẹki o vee su ini asigiri. Ama ẹmẹ sheeyi poro de re ki ọzi nyi isẹnẹ mẹ ẹ, dẹ varama roo, dẹ kụ zẹ ka ki ori ọnọ vi.⁷Dọ va nyi ọzọnyi ini irasha ọnyi ana gụrẹ, anaa shi Ipubiriyọsi, ana vi oshirẹsụ irẹkụra ọni enyi varakara, dọ nyi ẹtẹ ọrụrụ. Oo si yi ọzọga, dọ mirẹiza ka yi vẹ, mẹ ẹkụshi ẹẹta. ⁸Dọ va si vi ki ada Ipubiriyọsi ọ nyi iva ọnri inẹ-ọọva. Ipọru me ne tu o, dọ tuozurenu, dọ kụ avo tụra a, dọ fụọikụ sha. ⁹Inaama ọni isẹnẹni mẹ mẹ da, di azẹnẹsa ana yini ẹtẹ ọnọ ọni ẹngwụ aanini razi ni, di ẹn zẹ vẹ, dọ fụ wa ikụ sha. ¹⁰Di azẹnẹ ẹn zẹ sụ ụbani yi yi inoze renyi renyi. Ẹfi ọni yaa kụ ẹnya ọni yaa vaa fiizọ, dẹ zama isa yi yi chaụvọ, ọna vaa vi ụyaa yi yi,Ipọọrụ ọ nọ Iromu¹¹Inaama ụfẹ ẹẹta, dii vẹrẹ ụsoze ayi ini ẹpa ana mẹ ụmẹ ọgụ bo ini irẹkụra ọni enyi varakara; ẹpa Anẹkzandụra ọnọ si vi ki irẹsụ ori adagunẹva ọnaa si ẹpaa zụ. ¹²Ẹfi ọnii tu irẹkụra Isirakusi, dii yiizo mẹ ẹkushi ẹẹta.¹³Yaa fiizọ dii ni irẹkụra Irẹjiyọmụ. Ẹfi ọnii mẹ ẹkushi ọnya da, di ashi-ụvẹtẹ aa kụ, dii si ẹkushi ẹẹva na ngwụ irẹkụra Iputẹoni. ¹⁴Izọ dii re ẹnyara ayi anọdọwụ ẹnyi, dẹ shi yi ki ya va mẹ ẹkụshi ishimba idawụọnini. Avọ ii mẹ zi ọ na ngwụ Iromu. ¹⁵Ẹfi ẹni ẹnyara ẹnẹ wụ inọpati ayi, dẹ fiizọ kokoko ve tu yi ini Ofu Apiyọsi ọnri Itavani Ẹta. Ẹfi ẹni Ipọru re ẹnyara ẹnẹ, dọ si avọkụ yi Oshomoshi, dọ zẹ tụ yi ụkata tụọ.¹⁶Ẹfiẹ̣nii ngwụ Iromu, da navọ ki Ipọọrụ ọ ya yi ẹngwụ aani bẹri ashoja onee sere e.Ipọọrụ yi Iromu¹⁷Inaama ẹkụshi ẹẹta, di Ipọọrụ̣ shi ẹnẹna vi ọdọvidi Iju nini gụ. Eme si pere gu, dọ kaa yụ wa ka, "Ẹwụ nin ẹnyara ami, shọmẹ daka vi ki ma zi misa ọshimi ọnyọnyi shi aza ayi navẹki isoshẹtẹ adayi nini, de ne mi ngwuni ijaaru fụri Ijerusanẹmụ, dẹ si mi ve chire Iromani nini ụvọ. ¹⁸Ẹ mẹ fọ mi ipẹpẹẹ da, oo ze we eyi ki ẹ nẹ̣ fụrẹ mi ụvọ, fụvọki e zi re irẹyi sụvọ taku ki isọnim mẹ yi ana vaa mẹ ki ẹ wụ mi.¹⁹Ama fụvọki Iju nini ẹẹ karẹyi ana vi renyi yi isẹnẹ ya wa inẹ, me zi re oze ọsa zi funa ki ma si irẹyi ọnọ ni ni ọvidi Isiza, ama ọzivi ki maa shi irẹkụra ami irẹka. ²⁰Fụvọ ki ma si ọ ni ni ọvidi Isiza ọno ̣mẹ ki me si ̇ki mee re wu nini di me pe wu kareyi nini. Fụvọ isọnyọnya ọni ani Isrẹni nin kụaitụra ọna si kụ ẹba shi mi avọ."̇²¹Inaani, dẹ kaa yọ ka, "Ye zi re iwe dọ fụri Ijudiya, ọnri ki ye zi re ọnyara ayi ọnyọnyi ana za irẹyi vẹ va ka yi yi, domotori ki ọ nyi isọshimi ọnẹ ka yi yi inọpati awụ. ²²Ama, yee si kụ wa kaa yi yi isọnuu ro inọpati ụvorẹkụ ẹnẹni, fụvọki yaa yẹ ki irasha bo ana razi yaa ka ọiza aanini."²³Ẹfi ẹnẹ jirẹkụshi yọ da, di aza renyi renyi e vee tu o izọnọ ra. Dọ si irẹyi ọnọ tụ wa ọvidi, dọ karẹnube ọiza ijọva Oshomoshi yụ wa. Dọ si vụri dọọ sha afụ irẹyi sha yụ wa inọpati Ijesu, fini ofi Imosisi ọnri fini ọkisẹ nini, fini ọnẹnẹ poro nangwụ oruva. ²⁴Azẹnyi ẹ dọ irẹyi ọnọ ka zẹẹ, azẹnyi ẹzi dọ zẹẹ.²⁵E mee pẹngwụụ nyi ẹshankata, dẹ fiizo ẹfi ọni Ipọọrụ karẹyi ọnya ọnọn da, ka, "Ifẹ Ọnini ka ẹtẹrẹ zirẹngwu Aizaya ọkisẹ shi adawụ nini. ²⁶O kaa ka, 'Ne tu azẹnẹni dụ wa kaa yụ wa ka, "Zirẹngwụ irẹyi ọwiwu, ụ vaa wụrẹyi nini, ama ozee ye wu nini; irẹngwu ẹtorire, u vaa sha iri sha nin, ama we zee reẹtẹ nini.²⁷Fụvọki, ọtụtụrụma azẹnẹni ọ kụ si za dọọrọ, ọnri ka ọ ngwụ wa ̣ẹngwụ dẹva zụ sụtọ aanini wụrẹyi, ọnri ki ẹ si iri aanini kuoku. Ọọzivavọ, ẹ yaan zụa si iri aanini reẹtẹ, dẹ yaan zụa sụtọ aanini wụrẹyi, dẹẹ si ọtutụrụma aanini nyi ọyiyẹ, dẹẹ varama, dim fu ̣wa ikụ sha."²⁸Fụvavọ, ọ vọrọ kụ wa yẹ ki a si ọdidọzatụ Oshomoshi ne tu Ijẹntaini nini, dim yẹ ki e vee batọ. ²⁹Ẹfi ọnọ maan ka da, di Iju nini fiizọ. Dee pe ẹngwụụ nyi ẹshankata.³⁰Irayi ẹẹva vishivishi ọni Ipọọrụ si dọ ireshi ra, dọọ tanụvọọ dọ ẹnene vee tu o. ³¹Doo showu ijọva Oshomoshii, dọọ si ayọọvii zụ aza inọpati Ijesu Ikristi Ananyiyi. Ọzi nyi ẹzẹna za a dinẹ.

Romans

Chapter 1Iwe ọni Ipọọrụ chẹrẹ tushi ani Iromu ninỤkụ

¹Ẹmi Ipọọrụ ana vi ozida Ijesu Kristi, ana shi ki ọ va vi ọnitu Ijesụ, da shatụ renyi yi ụkọrọ irenube ọiza Oshomoshi. ²Ọnọni ọnọ vi irenube ọiza ọnọ motoowu aani tụrama zirẹngwụ ọkisẹ nini ini iwe Ọnini. ³Ọnọnivi ọpati Ozi aani ana ma ini ẹchẹngwụ fini ezirama Idevidi.⁴Zirẹngwụ ọshisha kwẹẹtẹ fini isu, da kaa ki ọni ọnọ vi Ozi Oshomoshi ana nyụkata zirẹngwụ Ifẹ Ọnini--- Ijesu Kristi Ananyiyi. ⁵Zirẹngwụ aani ye re ọiza ọfẹ dọ, ọnri ọmimẹ ọnitụ yi ọdidọ̣ irẹyi ọnụụ wụ nin tụ ọ irenu tụni ọdọwụ ini akaakana ẹkụravabẹ bo fụvọ irẹsha aani. ⁶Shi ẹwụ nyẹmbẹ vana zẹ bi bẹrẹ ẹkụravabẹ ana shi ki ẹ va vi aza Ijesu Ikristi.⁷Iwe ọnọni vana chẹrẹ tushi aza bo ana yi Iromụ, ọni Oshomoshi ngwụayi aanini, da shụ wa ki ẹ va vi aza ọnini. Ọiza ọfẹ ọnri ẹngwọrọ ana fidi Oshomoshi Adayi ọnri Ijesu Kristi Ananayiyi ọ va si vi ayawụ nini.Eyi ani Iromu nin aa tụra Ipọọrụ⁸Inipaapa, maa kụ Oshomoshi avọ yụ wụ nini zirẹngwụ Ijesu Kristi, fụvọki ọdọwụ awụ nini vana garogu aani varakara ẹshẹ bo zii zi. ⁹ Fụvọki Oshomoshi ọni maa fẹkẹ ini ifẹ ami, ini irenube ọiza Ozi aani, vi onivenu ami, inọpati mmẹ mẹ̣ẹ si ẹfi bo shụ wụ nini ini ozurenu ami. ¹⁰Ẹfi bo ọnim sii fisue ini ozurenu ami ki aaviki osisi Oshomoshi ọnọ vi, ki ma va zụ vẹ ve tu wu nini.¹¹Fụvọki osisi ami ọnọvi ki me zu re wu, di ma zụ si ụkata Ifẹ Ọnini mẹwu nin irẹiza, doti ọ zụ tụ wụ ụkata nini. ¹²Ọnọvi ka, ọ ngwụmeyi ki ma ya bẹrẹ wụ nini, di ya zụụ tụ ẹngwụ ụkata ini ọdọwụ ọzọnyọnya ayi, ọdọwụ awụ nini ọnri ọdọwụ ami.¹³Ọmẹyani, ẹwụ nin ẹnyara ami, aso na ̣vi ki ma zi navọ kụ wa yẹ nini ka ụmẹtụrụmẹ ọnim sii si ki me ve tu wu nini dimre me roze, di ma zụ nyi ọkikụgụ fini akaakana awụ nini venebiri mmẹ mẹ nyi ọkikụgụ ini akaakana Ijẹntaini anavọ. ¹⁴Ọnụta ọnim vi yi Igiriki nin ọnri azẹga nini, shi ọnụvira shi ọnụra nin. ¹⁵Inayami, mee teniẹngwụ ki me showu irenube ọiza zẹ yi yi ẹwụ nini ana yi Iromu.Irenube Ọiza ọ nyi ụkata¹⁶Fụvọki ma zi nyụshi irenube ọiza, ọmẹvi ka ọni ọnọvi ụkata Oshomoshi yi ọdidọtụ ọzọọza ana dọwụ, Iju nini vi ipaapa, dove tu Igiriki nini. ¹⁷Fụvọki inaani ọna ya si ọmimanasẹrẹ Oshomoshi zụ, fiini ọdọwụ na ngwụni ọdọwụ, vene a mẹ chẹrẹ ẹ ka, "Ọdọwụ ọni ọzẹnaa manasẹrẹ va sii mẹshẹ."Ọzi nyi ọza ene ve re irẹkaa kụ inọvidi Oshomoshi¹⁸Fụvọki Oshomoshi ọ si ọikụ aani zụ fụrẹbẹẹba inẹẹsụ aza ana nyi arimamosisi Oshomoshi ọnri arimamanasẹrẹ, ẹnẹnọvi ka zirẹngwụ arimanasẹrẹ ẹ ma karẹiza. ¹⁹Ọmaan vi fụvọki ẹẹ si iri aanini re isẹna yẹ inọpati Oshomoshi da. Fụvọki Oshomoshi ọ si ọyiyẹ yụ wa da.²⁰Fụvọki ụbani aani ene reme re, vene ụkata poro pooro aani ọnri ọvivi shi ọmimẹ aani ana fụrẹbẹẹba idaani vẹ, vana si ẹngwụ zụ ẹtẹẹtẹrẹ ini isẹni ọ sụvọ aani mẹ fini ivẹrẹ ẹshẹ. Fụvavọ ọzi nyi ezene ve ri irẹka kụ vụụvụrụ. ²¹Fụvọki, shọme ̣daka vi ki ẹ yẹ inọpati Oshomoshi, ẹ zi sụga yọ, shi avọkụ ẹ ma si yọ. Akikọnọ, dẹ si jụra ini aaro aanini ọnri ki di ọtụtụrụma arimayẹrẹyi aanini si ngwoji.²²Ẹẹ mẹ ki ẹ nẹẹ nyi ụvira, ama dẹ si jụra. ²³Dẹẹ si ụga Oshomoshi ene reme su yi ori ana bẹ ini ụmama aza ọnọ viki ee su, unomi, uye-ọnyụfụ ẹẹna ọnri uye ana si irachi tura nin.²⁴Fụvavọ, di Oshomoshi sụ wa chire akụvi osisi ọtụtụrụma aanini ụvọ, doti asi ẹngwụ aanini fufu nyi ụbani ini akaakana ẹni nyẹmbẹ. ²⁵ Ẹngwụ azẹnẹni enee ri irẹyi irẹiza Oshomoshi dẹẹ shi ọ apinẹ, dee nyimarẹsụ, dẹẹ fẹkẹ isa ọni Oshomoshi sụvọ aani mẹ, ọnọvọri ki ẹ fẹkẹ Oshomoshi ana misa bo, ọna vaa sụga yi poro pooro. Aami.²⁶Fụvavọ, di Oshomoshi sụ wa chire, osisi ẹchẹngwụ ana razi nyi ụbani, ụvọ, fụvọki anyẹnẹ aanini vana si ẹchẹngwụ aanini mẹ ụnọ. ²⁷Avọ ọni anẹrụ aanini mẹ zẹ ni navọ anyẹnẹ aanini dẹ yini osisi ẹchẹngwụ aanini, dee pe ẹngwụ mẹ. Ẹngwụ anẹrụ ẹnẹni ẹ naa mẹ irẹyi ụshi, dee pe anẹrụ venebiri aanini sụ ana mẹ ki a mụya ana sẹrẹ rụ wa.²⁸Fụvọki ẹ zi siọ zụ ki ẹnẹ nyi angwashi Oshomoshi ini ọyiyẹ aanini, dọ navọ wa chire ọtụtụrụma ọshimi ọnri akụvi aanini ụvọ, doti e fufuu misa ana razi sẹrẹ.²⁹Ẹngwụ aanini o shi yi arimamanasẹrẹ, aichama, ọsisi ẹka dọ ọzẹnẹsa isa ana razi vi ayaanini, ọnri ọzizẹngwụ ọnivi. Ẹ kụ engwụ vi anayamkụ, ọwiwụ ọza, irazi, apẹ, shi aaro ọshimi. ³⁰Ọ kụ aza irẹka varakara, ọsirenu du ọza, ọnri azẹnaa kwayi Oshomoshi ẹnẹ vi. Ọ si ọikụ du isa ẹnẹ vi, dẹẹ si eyiwụ ọza, dẹẹ kụ ẹngwụ tụẹba. Dẹẹ jụmọ ọshimi renyi renyi vẹtẹ, ẹ ma wụrẹyi tụ ada ọnri ọnyi aanini irenu. ³¹Ẹ zi nyi ọyiyẹ; ẹ zi vi aza ana kụ ayii tụra, ẹ zi nyi osisi yi aza venebiri aanini, ọnri ki ẹ zi nyi ayụva.³²Ẹẹ yẹ inọpati ụmọ Oshomoshi, dẹ yẹ ka ẹnẹnaa mẹ ẹngwụ isẹnẹni bo vene vee su. Ama dẹẹ misẹnẹni bo, dẹẹ kaa yi azẹnẹsa anaa misẹnẹni bo ka ọvọọ sẹrẹ.

Chapter 2Oshomoshi vaa mishọọji yi aza bo

¹Fụvavọ, we zee re irẹkaa kụ, ẹwụ anaa jishi-jivi, dụ waa mishọọji yi azẹnẹsa, fụvọki isa ọnụ raa si mishọọji yi azẹnẹsa gẹdẹgẹdẹ ọnụụ va sii mishọọji yi ẹngwụ ẹwụ nyẹmbẹ. Fụvọki ẹwụ anaa mishọọji vana zẹ ri rivi isẹnẹni. ²Ama, yaa yẹ ki ishọọji Oshomoshi vana vatụra irẹiza ụmẹno re chi ve tu ẹnẹnaa mẹ ẹngwụ isẹnẹni.³Ama, re deere, ẹwụ anaa jivi yi ẹnẹnaa mẹ isẹnẹni, ama dẹ ẹwụ nyẹmbẹ vọọ za mi mẹ. Ụ wa va zụụ javọ fiini ishọọji Oshomoshi? ⁴Navẹki we me roo vụụvụrụ ize ana yini ọiza ọmimẹ aani, navẹki oti tura afụ naama ini ishọọji aani, navẹki ishuru aani? Navẹki wa zi yẹ ki ọiza ọmimẹ aani vọnọ ọ sii zụ wụ oze na ngwụni oririnẹ varama?⁵Ọpa ụyọọri ọnụụ vaa ri ọni ọtụtụrụma ọkata awụ ọnri ọtụtụrụma arimerinẹ varama awụ ee teni tẹtẹ zi wu ini ọkụshi ọikụ Oshomoshi ana vi ọkụshi ana vaa si ishọọji anasẹrẹ Oshomoshi zụ. ⁶Ụkọrụvọ ọzọọza mẹmẹ ya ono ve sii si ọzọọza ụta varama; ⁷Ẹnẹna si ẹngwụ tụni isọiza ọmimẹ, doti ẹ zụ zirẹngwụ aani nyi ụga, ụbani, ọnri ẹchẹngwụ ana rama vụ, vọnọ vaa si ẹshẹ poro pooro yi.⁸Ama, ọikụ ọbani Oshomoshi ọnọ vaa ka waa vẹ, ẹnẹnọ vi ki ayi ẹngwụ aanini kẹnẹ ọnee si; avọ ọnọ mẹ ze ̣vi vi yi ẹnẹna razi vatụra irẹiza, ama dẹẹ vaatụra ọmimẹ ana razi sẹrẹ. ⁹ Oshomoshi vaa si ọkatẹngwụ ọnri ọngwẹngwụ ka ọzatụrọza ana ra mẹ isọshimi vẹ, vẹrẹ fini Iju nini, do ve tu Igiriki nini.¹⁰Ama, ụga, ụbani ọnri ẹngwọrọ ọnọ vaa ka ẹnẹna ra mẹ ụkọrụvọ ọiza a vẹ; vẹrẹ fini Iju nini, doo ve tu Igiriki nini. ¹¹Fụvọki, Oshomoshi ọma mẹ ọza remeyi. ¹²Fụvọki, ẹmẹ ra ya dẹ rụrụ tu ana ra chamayi ini arimanyi ofi, vene vee vuri ini arimanyi ofi; ẹmẹ ra ya ana ra chamayi zirẹngwụ odidu ofi, vana vaa si ofi mishọọji yi.¹³Fụvọki ọzi vi ẹnẹnaa wụrẹyi ofi ẹnaa manasẹrẹ inọvidi Oshomoshi, ama ẹnẹnaa si irẹyi ofi mụkọrọ ẹnẹ vaa rishi. ¹⁴Fụvọki ụmọni Ijẹntaini nini, ana razi nyi ofi ra vatụra irẹyi ofi, ọnọviki ẹni nyẹmbẹ vi ofi yi ẹngwụ aanini, shọọdakavi ki ẹ zi nyi ofi.¹⁵Zirẹngwụ ọnọni ẹ siọzụ ka ẹngwụ ọmimẹ ọni ofi kaa ki aa mẹ vana chẹrẹ tụni ọtụtụrụma aanini. Di ivefu aanini zẹ dọ wa ivenu; aaro ọtụtụrụma aanini razi jivi yụ wa, dọọ jishi yụ wa, shi inọvidi Oshomoshi. ¹⁶Avọ ọnọ mẹ vaa vi ini ọkụshi ọni Oshomoshi va yaa mishọọji isẹni aza mẹ inoozi, inoze ana vatụra irenube ọiza ami, zirẹngwụ Ijesu Ikristi.Ivi Iju nin¹⁷Ama, aaviki waa shi ẹngwụ awụ Iju ana nyi ayiọvanẹtẹ ini ofi, dụụ si Oshomoshi mẹ otowu awụ, ¹⁸dụụ yẹ aaro Oshomoshi, dụụ dọrenụ ki ọmimẹ ẹtẹrẹ ono fu fụvọki waa yẹ ofi mẹ kaa mẹ; ¹⁹ọnri ki aavi ki ọzi nyi ọjirẹka ini ọtụtụrụma awụ ki ẹwụ nyẹmbẹ vanaa si oze zụ oguri nini, dụụ vi ẹtofeyi yi ẹnẹna yini oozi, ²⁰ẹzẹnaa sioze zụ ọnụra nin, ẹzẹnaa zụ ezieweyi isa, dụụ nyi ọyiyẹ ini ofi ọnri irẹiza ana yini ofi, ọ mẹmẹ siẹngwụ zụ ini ẹshẹ ọnụ waa mẹ?²¹Ẹwụ anaa zụ azẹnẹsa, wa ma zụ ẹngwụ awụ? Ẹwụ anaa zụ aza ki ase yuyi, u wee yuyi? ²²Ẹwụ anaa kaa ka asi ọza pe ose onose navẹki ọva ọnọva sụ, ụ wa vọvọ aa mẹ? Ẹwụ one rezi sirẹyi ori, u we nee yi isa ini ireshi irafẹkẹ?²³Ẹwụ anaa si ofi woto rụjẹrụjẹ, ụ waa si uvoore za Oshomoshi zirẹngwụ ki ẹwụ nyẹmbẹ venee du ofị? ²⁴ Fụvọki "ẹ si ụvoore za irẹsha Oshomoshi inakaakana Ijẹntaini nini fụvọ awụ," vene a mẹmẹ chẹre ̣ẹ tẹtẹ gẹdẹgẹdẹ.²⁵Fụvọki, inirẹiza, ụma ọjiji vaa mẹ wụ ọiza aaviki waa vatụra ofi Oshomoshi, ama aaviki wee du ofi Oshomoshi, di ụma ọjiji awụ vara arimajụma. ²⁶Aaviki ẹzẹna razi jụma ọnaa vatụra ofi Oshomoshi, navẹki aiva vaa si eyi ẹzẹnaa jụma re arimajụma aani? ²⁷Navẹki aivi ẹzẹna razi jụma vaa jivi yụ wụ aaviki ọọ vatụra ofi? Fụvọki waa nyi ofi ana chẹrẹ tẹtẹ ọnri ụma ojiji, ama du wee du ofi!²⁸Fụvọki ẹnẹna vi Iju ini ụpẹngwụ renya ọzi vi Iju; avọ ụma ọjiji nyẹmbẹ mẹ rai zẹ vi vi ụma aaviki ini ụpẹngwụ renya ọnọ ya. ²⁹Ẹzẹna vi Iju na ngwụninẹ ọnọ vi Iju oboro, ọnri ki ụma ọjiji vana yini ọtụtụrụma, ini Ifẹ Ọnini, aivi ini isa chẹrẹ tẹtẹ. Ụga ọzọnọ vanaa fidị Oshomoshi vẹ, aivi fidi aza ri ẹyi irẹsụ.

Chapter 3Ọza ọi zụa shi Oshomoshi irẹka

¹Ọọ vọọ vi, sẹni Iju nin si funa azẹnẹsa avọ? Yere ọgụ ọna yini ụma ọjiji? ²Ọ nyi ụbani inozeturoze. Inoze ipaapa, Iju nin ana si ọsizụ ana fiidi Oshomoshi chirụvọ.³Ọmẹ vaa ya kẹ, aaviki ọ nyi Iju ẹnyi ana razi nyi ọdọwụ? Arimanyi ọdọwụ aanini wa vaa tụ irẹiza Oshomoshi osusu? ⁴Ọchọnọirẹsụ. Akikọnọ ọ va si vi ki Oshomoshi vi ọnirẹiza, shọọdakavi ki aza bo vi anapinẹ. Fụvọki a chẹrẹ tẹtẹ ka, "Doti azụ siọzụ kụ waa dinẹ tụnirẹiza ini irẹyi awụ, ọnri ki asọ nyi ọzọnyọnyi ana vazụụ kaa ki ọshimi ọnụụ mẹ yi ini ẹkụshi ishọọji."⁵Ama aaviki arimamanasẹrẹ aayi ọ si ọmimanasẹrẹ Oshomoshi zụ, sọnii va kụụ ka aavọ̣? Iwa va zụụ kaa ki Oshomoshi ọzi manasẹrẹ fụvọki ọ si ọikụ ọbani aani zụ yi? (Ụvira ọza ri ẹyi irẹsụ ọni maa si re karẹyi ọnọni). ⁶Ọchọnọirẹsụ, ọzi vọ zụa vi! Ọọvọvi, Oshomoshi mẹmẹ va zụụ mishọji ẹshẹ aavọ?⁷Ama, aaviki irẹiza Oshomoshi ọ zirẹngwụ apinẹ ami sụga ene shi yọ, ọmẹzi daa jivi yi mi ki anaichama ọnim vi? ⁸Ọmẹzi dụ wa ma kaa nini, vene azẹnyi mẹẹ nyapinẹ ku yi ki ya maan ka, di ẹnyi ki ẹnẹ yẹ ki ya vọọ ka, dụụ ka, "Navọ di ya misọshimi, doti isọiza ọ zụ vẹ"? Ishọọji ana tụra wa vi ishọọji ọna sẹrẹ.Ọzi nyi ọza anaa mẹ anasẹrẹ ini eyi Oshomoshi⁹Irẹyi ọnọni mẹ vi aavọ? I waa kụ di ya zụ rishi? Aivi aavọ vụụvụrụ. Fụvọki yaa kaa tụọvidi da ka Iju nin bo ọnri Igiriki nin bo vana yini aichama. ¹⁰ Aani ana mẹ chẹre ̣ẹ tete: "Ọzi nyi ọza anaa manasẹrẹ, shi ọzọnyạ, ọzi nyi.¹¹Ọzi nyi ẹzẹni irẹyi ọnọni ye. Ọzi nyi ọzọnya onee si ki ọnaa yẹ ọmimẹ Oshomoshi. ¹²Enbo ẹ zi kavana yi Oshomoshi da. Enbo vabẹ ọi kụ nyi ọnẹ bẹri. Ọzi nyi ọzọnyọnyi anaa mọiza, shi ọzọnya chọ, ọzi nyi.¹³Ofuenyi aanini vi irikuta ana fụ sha. Irarẹ aanini ọ ji azaa vene da. Ẹchipa isẹchichi vana ya wa onupa. ¹⁴Irenu aanini o shi yi ekuochi ọnri ayamkụ.¹⁵Ụsẹ ạfụ aanini vanaa fira naa ji aza anya. ¹⁶Odidu aza vasha ọnri ọmimẹ irifuna vana yini oze ẹnẹẹ zi bo. ¹⁷Azẹnẹni ẹzi yẹ oze ẹngwọrọ. ¹⁸Ẹ zi nyi angwashi Oshomoshi vụụvụrụ."¹⁹Ọmẹyani yaa yẹ da ki isatụrisa ọni ofi ra ka vọnọ ka yi ẹnẹna yini afụ̣ ofi. Ọmaan ya doti irenubo o kuoku, ọnri ka doti ẹshẹ bo ẹ va kụrenu aanini inọvidi Oshomoshi. ²⁰Fụvọki ọzi nyi ọza rụpẹngwụ ana vaa rishi inọvidi Oshomoshi zirẹngwụ ụkọrụvọ aani ini ofi. Fụvọki zirẹngwụ ofi ọnii ya yẹ inọpati aichama ayi.Oshomoshi mẹmẹ vara ọza tụni ọmanasẹrẹ²¹Ọọsifiini ofi, aa zẹ si si ọmimanasẹrẹ Oshomoshi zu yi da. Ofi ọnri ọkisẹ nini vana divenu tụọ, ²²ọnọni ọnọ vi, ọmimanasẹrẹ Oshomoshi zirẹngwụ ọdọwụ ini Ijesu Kristi yi aza bo ana dọwụ. Fụvọki ọzi nyi ọshishatụ renyi.²³Fụvọki aza bo ọ chamayi da, fụvavọ ụga Oshomoshi ọ jụwaụvọ, ²⁴dọsivi ki ọiza ọfẹ aani ọ vẹ zirẹngwụ ọdọwụ ini ọdidọzatụ ana yini Ijesu Kristi ana mẹ ki ẹ rishi.²⁵Fụvọki Oshomoshi o ̣si Ijesu Ikristi dudi aichama ayi zirẹngwụ ọdọwụ ini anya aani. Ọọ si Ikristi dọ si ọ mẹ ọdọrenu ishọji aani, fụvọki aichama ana chama tụrama bo vono shiayi aani ²⁶ini ishuru aani. Ọnọni bo vana mẹ doti ọ zụ si ọmimanasẹrẹ aani zụ ini ụmẹ ọnii ya aani. Ọ maan mẹ doti ọ zụ siọ zụ ki ọnirẹiza ọnọn vi, ọnri ki doti ọ zẹ si siọzụ ki ọzatụrọza ana ra nyi ọdọwụ ini Ijesu vana vaa rishi inụvọ awụọni.²⁷Yere izẹni otoowu ya ini irẹyi ọnọni? Fụvọ isọnụ wee si wooto nin? Fụvọ ụkọrụvọ wa yọ? Eiye, fụvọ ọdọwụ yọ. ²⁸Fụvavọ, ọvairẹsụ aani ọnọ vi ki ọza vanaa rishi zirẹngwụ ọdọwụ, aivi zirẹngwụ ụkọrụvọ aani ini ofi.²⁹Navẹki Oshomoshi Iju nin renya ọni Oshomoshi wa vi? Aivi Oshomoshi Ijẹntaini nin ọnọ zẹ vi vi? Avọ yọ, Oshomoshi Ijẹntaini nin ọnọ zẹ ̣vi vi. ³⁰Aaviki Oshomoshi vọnya inirẹiza, ọ vaa si ọdọwụ mẹ ẹnẹna mẹ ụma ọjiji rishi, shi anarimajụma vọnọ va mẹ rishi zirẹngwụ ọdọwụ aanini.³¹I wa vaa fụvavọ tụ ofi osusu zirẹngwụ ọdọwụ? Ọchọnọirẹsụ! Akikọnọ, yaa sụvọ za ofi.

Chapter 4Abrahamụ ọ siọzụ Oshomoshi mẹmẹẹ jishi yi aza

¹Sọnii vaa ka ki Abrahamụ ọna vi oshuku adayi nin zirẹngwụ ẹchẹngwụ ọ yẹ inọpati irẹyi ọnọni aavọ? ²Fụvọki, aaviki Abrahamụ vana rishi zirẹngwụ ụkọrụvọ aani, o yenee woto ki ụkata awụọni yọ, ama ọzi vọọ vi inọvidi Oshomoshi. ³Fụvọki isọni iwe ọnini ka ọnọ vi ki, "Abrahamụ ọ dọ Oshomoshi wụ, di Oshomoshi zaika bẹrẹ yọ ki ọ manasẹrẹ."⁴Ẹkẹshi onee si yi ẹzẹna mụkọrọ vi ụta ọna ri ọ, azẹzi siọ mẹ ẹ irẹiza. ⁵Ama ọza ana razi mụkọrọ, ama dọ nyi ọdọwụ ini ẹzẹnaa jishi yi ẹnẹna razi nyi angwashi Oshomoshi, ọn nyẹmbẹ vana za ọdọwụ aani ika bẹrẹ yọ ki ọ mẹ ana sẹrẹ.⁶Idevidi nyẹmbẹ ọ kaa ka ẹdabẹrẹ ọnọ vi yi ọza ọni Oshomoshi zaika bẹrẹ yi ki ọ mẹ ana sẹrẹ dọ razi vi zirẹnwgụ ụkọrụvọ aani. ⁷Ọ ka, "Ẹdabẹrẹ ọno ̣vi yi ẹnẹna si aichama aanini vaya aanini, da mẹ ọvagụ ku abojinye aanini. ⁸Ẹdabẹrẹ ọnọ vi yi ẹnẹna Ananyiyi razi za aichama aanini ika bẹrẹ."⁹Ọnọ wa va vi ki ẹnẹna jụma renya ẹnẹ vaa nyi ẹdabẹrẹ ọnọni, navẹki ẹnẹna razi jụma ẹnẹ zẹ nyi nyi inaani? Fụvọki ya kaa ka, "Aa za ọdọwụ Abrahamụ ika bẹrẹ yọ ki ọmanasẹrẹ ọnọ vi." ¹⁰A mẹmẹ si zaika bẹrẹ ke? Abrahamụ mẹ jụma da navẹki ọmẹ razi jijụma? Ọzi vi ọ mẹ jụma da, ama ini arimajụma aani.¹¹Abrahamụ o re ọtẹrẹwa ụma-ọjiji dọ. Ọnọni ọnọvi ọtẹrẹwa ọdọwụ ọnọ nyi ẹfi ọnọ si si yini arimajụma. Ọvairẹsụ ọtẹrẹwa ọnọni ọnọ vi ki ọ vara ada yi anọdọwụ bo, shọọ daka vi ki ini arimajụma ọnẹ ya. Ọnọni ọnọ vi ki a vaa za ọdọwụ aanini ika bẹrẹ yụ wa ki ẹ manasẹrẹ. ¹²Ọnọni ọ zẹ si siọ zụ ki Abrahamụ vi ada ụma ọjiji, aivi ada yi ẹnẹna jụma renya, ama zẹ yi yi ẹnẹna vatụra oze ọdọwụ Abrahamụ adayi dọ tangwa va nyi ki ọ jụma.¹³Fụvọki otowu ọni Oshomoshi mẹ yi Abrahamụ ọnri ezi irama aani bo ki ọ vaa kụ ẹshẹ ogu ọzi vẹ zirẹngwụ ofi, ama zirẹngwụ ọmimanasẹrẹ ini ọdọwụ. ¹⁴ Fụvọki aaviki ẹnẹnaa si ofi mẹshẹ aanini ẹnẹ vaa kụ ẹshẹ ogu, ọnọ vi ki ọdọwụ vana tu osusu, ọnri ki otoowu Oshomoshi ọzi zarẹsụ. ¹⁵Fụvọki ofi ọnọọ za ọikụ Oshomoshii vẹ, ama izẹni ofi razi ya, abojinye ọ ma yi izọ.¹⁶Fụvavọ, zirẹngwụ ọdọwụ yọ, doti otoowu Oshomoshi o zu chi tụra ọiza ọfẹ, ana vaa dọrenu ki ọ vaa gụ ezi irama Abrahamụ bo ẹtẹ --- ọzi vi ẹnẹna yini afụ ofi renya, ama shi ẹnẹna nyi ẹngwụ ọdọwụ ọni Abrahamu nyi. Ada ẹyi bo ọnọ vi, ¹⁷vene a mẹmẹ chẹrẹ ẹ tẹtẹ ka, "Maa sụ wụ mẹ ada yi ẹkụravabẹ ẹrụrụ." Abrahamụ vana yini ọvidi Oshomoshi ọnọ kụ ayi tụra, Oshomoshi anaa si ẹshẹ yi ẹnene fu su, dọọ tụ isa ọna razi bidi yinaanii vẹshẹ.¹⁸Abrahamụ ọ nyi ẹkatẹngwụ renyi renyi ọna yẹ inọpati aani, tụavọ tụavọ dọ kụ ayi tụra Oshomoshi ki iramụfụọ vee zoza. Fụvavọ dọ vara ada yi ẹkụravabẹ ẹrụrụ vene a mẹmẹ kaa tụọvidi ka, "ẹkụravabẹ ẹrụrụ ẹnẹni ẹnẹ vaa vi ezirama awụ." ¹⁹Ọ zi kụmi ini ọdọwụ aani. Abrahamụ ọ yẹ ki ọkụshi irẹsụ awụọni vi ọpati ẹchẹshi, dọ yẹ ki ẹngwụ awụọni ọi kụ zụa tụ ozii vẹ. Dọ zẹ yi yẹ ki ishi-ozi Isara ọi kụ zụa za ozi.²⁰Ama, fụvọ otoowu Oshomoshi, Abrahamụ ọ zi vafụnaama ini ọdọwụ. Akikọnọ, dọọ kata tụọ ini ọdọwụ, dọọ sụga yi Oshomoshi. ²¹Ọzi nyi ọjirẹka ini ọtụtụrụma aani ki otoowu Oshomoshi vaa vii mẹ. ²²Fụvavọ, ọnọni vọni Oshomoshi zẹ zika bẹrẹ yọ ki ọ manasẹrẹ.²³Aivi fụvọ onrenya ọna si chẹrẹ ẹ tẹtẹ ki a zaika bẹrẹ yọ. ²⁴Fụvọ ayi yọọ, ẹyi ana nyi ọdọwụ ki Oshomoshi ọ sha Ijesu Ananyiyi kwẹẹtẹ fini isu, ọna si zaika bẹre yọ. ²⁵Ọnọni ọnọ vi ẹzẹna fụrụvọ yi isu fụvọ aichama ayi, da va shaa kwẹẹtẹ fini isụ doti ya zụ rishi.

Chapter 5Oshomoshi ọ si osisi aani yi yi zụ yi zirẹ isu Ikristi

¹Fụvọki ọdọwụ ayi ọ mẹ ki ya rishi, yaa nyi ẹngwọrọ inọvidi Oshomoshi zirẹngwụ Ijesu Kristi Ananayiyi. ²Zirẹngwụ aani, oze ọ na sha yi yi fụvọ ọdọwụ ayi na ngwụni ọiza ọfẹ ọnii dinẹ tụ. Yaa jụjẹ ini ọkikụ eyi tụra ọni Oshomoshi si yi yi tụra iramụfụọ; yaa nyi ayiọvanẹtẹ kii va nyi ọgiga ini ụga Oshomoshi.³Aivi ọnọni renya, yaa zẹ nyi nyụjẹ ini ụyọọri ayi. Yaa yẹ ki ụyọọri onoo tura ọsiẹngwụdọọ vẹ. ⁴Ọsiẹngwụdọ ọnọọ mẹ kiivefu ọiza ọ jinẹ vẹ, ivefu ọiza onoo tura ọkụayitụra iramụfụọọ vẹ. ⁵Ọkụayitụra ọnọni ọma jọzaavene, fụvọki aa va mẹ osisi Oshomoshi shi yi ọtụtụrụma da zirẹngwụ Ifẹ Ọnini, ọna si yi yi.⁶Fụvọki ẹfiẹnii razi vi viẹchi, di Ikristi su yi ẹnẹna razi nyi Oshomoshi tụni ẹshẹ aanini, ini ụmẹ ana sẹrẹ. ⁷Fụvọki ọ gwụẹngwụ ki ọza o su yi ọzẹnaa mẹ ana sẹrẹ. Ọnọ vi ka, shọọ vana nyi ki e ve zuu re ọza ana vaa zẹẹ ki ono su fụvọ ọzọiza.⁸Ama, Oshomoshi ọọ si osisi ọnọ nyi yi yi zụ, fụvọki ẹfi ọnii vi vi anaichama, di Ikristi su fụvọ ayi. ⁹Ọ mẹ fufu vaa vi, ọmẹ vi ki anya aani ọ mẹ yi rishi da, ọ vaa dọ yi tụ fiini ọikụ Oshomoshi.¹⁰Fụvọki aaviki ẹfi ọnii vi ọnivi aani, aa dọ yi varama ka Oshomoshi vẹ zirẹngwụ isu Ozi aani, ọ mẹ fufu vaa vi aavọ, ẹfi ana do yi varama da, zirẹngwụ ẹshẹ aani ọnọ va sii dọ yi tụ. ¹¹Aivi ọnọni renya, ama ya zẹ nyi nyi jụjẹ ini Oshomoshi zirẹngwụ Ijesu Kristi Ananyiyi, ẹzẹnọ vi ki zirẹngwụ aani, a dọ yi varama.Adamụ ọnri Ikristi¹²Fụvavọ, vene aichama mẹ ngwụni ẹshẹ zirẹngwụ ọzọnya, avọ ọni isu mẹ zẹ ngwi ngwụni ẹshẹ zirẹngwụ aichama. Di isu va garashi ka aza bo na, fụvọki aza bo vi anaichama. ¹³Dọ tangwa va nyi ki ofi ọ vẹ, ọni aichama fụrẹ yẹshẹ, ama azẹzi za aichama ayi ika bẹri fụvọki ofi ọzi yinaani ẹfiavọ.¹⁴Tuavọtuavọ, fiini ụmẹ Adamụ va ngwụ ụmẹ Imosisi ọni isu fụrẹ yẹshẹ, shi ẹnẹna razi mẹ ivi akamawụ vene Adamụ, ọna si mẹ ọpajiwe ẹzẹna vaa vẹ. ¹⁵Ama, shọme daka ̣vọọ vi, irẹiza ọna mẹ yi yi aani ozi vi isẹna va zụụ si mọrọ aichama Adamụ. Fụvọki aaviki zirẹngwụ aichama ọzọnya ọni azẹrụrụ ye su, avọ ọni ọiza ọfẹ Oshomoshi ọnri ọiza zirẹngwụ ọzọnya, Ijesu Kristi, mẹ vaa gẹtẹ yi azẹrụrụ.¹⁶Fụvọki ọiza ọfẹ ọnọni ozi vene ọvairẹsụ aichama ọzọnya ọnọ. Inoze ọnyi, ishọọji ivi vana ve fụvọ aichama ọzọnya. Ama inoze ọsa, ọiza ishi-ọriri vana vẹ inaama aichama renyi renyi. ¹⁷Aaviki aichama ọzọnya ọ mẹ ki isu ọ nyụkata zirẹngwụ aani, ọiza ọfẹ ụnọmpa ọnri irẹiza ọna mẹ yi ẹnẹna manasẹrẹ mẹ fufu vaa nyụkata tụra isu tu, zirẹngwụ ọzọnya ọnọ, Ijesu Ikristi.¹⁸Fụvavọ, ọmẹ vi ki zirẹngwụ aichama ọnya ọni aza bo ya rivi, avọ ọnọ mẹ zẹ vi vi ka zirẹngwụ ọmimanasẹrẹ ọnya chọ ọni aza bo ya rishi, ẹnẹ va sii mẹshẹ. ¹⁹Fụvọki, vene ọmẹvi ki zirẹngwụ akamawụ ọzọnya ọni azẹrụrụ ya vi anaichama, avọ ọnọ mẹ zẹ vivi ki ọzọnya ọna wụrẹyi tụ Oshomoshi irenu vaa mẹ ki a mẹ azẹrụrụ ọmanasẹrẹ.²⁰Ama di ofi ve tu aichama ana yinaani, doti azẹ zụ yẹ aichama aanini mẹ bani tu. Ama aichama maa bani tụọ, avọ ọni ọiza ọfẹ Oshomoshi ọn mẹ zaa bani tụọ. ²¹Ọ maan vi doti, vene aichama mẹ nyụkata inẹẹsụ isu, di ọiza ọfẹ ọ vọọ va nyụkata zirẹngwụ ọmimanasẹrẹ ana vaa si yi ngwụni ẹshẹ poro pooro zirẹngwụ Ijesu Ikristi Ananyiyi.

Chapter 6Ikristi ọ za yi bẹrẹ ẹngwụ ini isu aani ọnri ọshisha kwẹẹtẹ aani

¹Sọnii vaa ka aavọ? Ọ wa vọrọ ki ya yini aichama poro doti ọiza ọfe ọ zụụ banii tụọ? ²Ọzi vọ zua vi. Ẹyi ene su fiini aichama, ọmẹzi di yaa mii mẹ ẹshẹ ini aichama kẹ? ³Navẹki wa zi yẹ ki ọpa aza ana mẹ isami yi ini Ijesu Ikristi mẹ rụrụ tu, ki ẹ sami ngwụni isu aani?⁴Ụmavọ vene ne yi bẹre Ijesu, zirẹngwụ isami na ngwụni isu. Ọnọni vana mẹ doti ya zụ mẹ ẹshẹ ọwọọwa venebiri a mẹmẹ sha Ikristi kwẹẹtẹ fiini akaakana ẹnene fu su zirẹngwụ ụga Oshomoshi. ⁵Fụvọki yaa vabẹrẹ ẹ da zirẹngwụ isa ana dọgụ gụrẹ isu aani, a zẹ va vi va yi bẹrẹ ẹ ini ọshisha kwẹẹtẹ aani.⁶Yaa yẹ ki ọza ọkụkụ ọnii vi oshẹtẹ vana wụ za ọchi avashi bẹrẹ ẹ, doti a zu du ụpẹngwụ aichama vasha. Ọnọni vana mẹ doti asii kụ vi ọrishi aichama. ⁷Fụvọki ẹzẹne fusu da vana kụ yẹ tụni ọmanasẹrẹ, ọni aichama rai kụ nyi ụkata tụra.⁸Ama, aaviki yee su bẹri Ikristi da, yaa nyi ọdọwụ kii zẹ va gẹ ri raa pe e. ⁹Yaa yẹ ki aa sha Ikristi kwẹẹtẹ fiini akaakana ẹnene fu su da, dii yẹ ki oi ku su. Isuọwụọza ọi kụ nyi ụkata ini ẹngwụ aani.¹⁰Fụvọki inọpati isu ono su fiini aichama, ụpọnya kọọta ọnọ vi. Tuavọtuavọ, ẹshẹ ọnọọ mẹ vọnọọ mẹẹ yi Oshomoshi. ¹¹Inoze ọnyọnya, ẹwụ bẹdọ ze re ẹngwụ awụ venebiri ẹdẹne su fiini aichama da, ki ẹyi ono ze si su fini aichama, ama dụ waa mẹshẹ di yaa mẹshẹ Oshomoshi ininẹ Ijesu Ikristi.¹²Fụvavọ, asụụ navọ ki aichama ọ nyụkata ini ẹchẹngwụ awu ana razaa ra poro, doti asọ vana mẹ kụ wa vatụra osisi ẹchẹngwụ nin. ¹³Navọ asụụ si aka ẹngwụ awụ ọnyọnyi yi aichama ki ọ siọ mẹ ẹnya ụkọrọ arimamanasẹrẹ. Ama tana ẹngwụ awụ nin yi Oshomoshi vene ẹzene su oshẹtẹ, dọ varama vaa mẹ ẹshẹ ọmẹyani. Tana aka-ẹngwụ awụ nini yi Oshomoshi doti ọ si ọ mẹ ẹnya ụkọrọ ọmimanasẹrẹ. ¹⁴Asụụ navọ ka aichama ọnyi ụkata inẹ ẹngwụ. Fụvọki ai vi afụ ofi ọnụụ ya; afụ ọiza ọfẹ ọnụụ ya.Ya zi kụ vi ọrishi aichama¹⁵Imẹ vaa zi aavọ? I wa vaa chamayi fụvọki ya zi yini afụ ofi, dii ka afụ ọiza ọfẹ ọnii ya? Ọ̣zi vọ zụa vi. ¹⁶Navẹki wa zi yẹ nin ki ẹzẹnụụ siẹngwụ awụ mẹ ozida yi, ọnọ vọrọ kụ waa si irẹyi aani mụkọrọ? Irẹyi ọnọni vi irẹiza, aaviki waa si ẹngwụ awụ mẹ ozida yi aichama, ana vaa za wụ na ngwụni isu; navẹki waa si ẹngwụ awụ mẹ ozida yi ọsi si irẹyi Oshomoshi mụkọrọ, ana vaa za wụ na ngwụni ọmimanasẹrẹ.¹⁷Ama, yaa kụ Oshomoshi avọ! Fụvọki ozida aichama ọnụụ vi nin oshẹtẹ, ama dọ fini ọtụtụrụma awụ vẹ kụ wa si ọzizụ ana zụ wụ nin mụkọrọ tunẹtunẹ. ¹⁸Waa javọ fini ụvọ aichama nin da; Oshomoshi ọ vara wụ nin tụni ozida ọmimanasẹrẹ nin da.¹⁹Maa karẹyi venebiri ọza rẹyi irẹsụ fụvọ ụkụmi ẹchẹngwụ awụ nin. Fụvọki venebiri ụ mẹmẹ si ẹngwụ ẹnyi mẹ ọrishi yi arimani ọnri azeeshi, vọvọ zẹ si ẹngwụ awụ ẹnyi mẹ ọrishi yi ọmimanasẹrẹ tẹtẹ yi ọvivara ọnini. ²⁰Fụvọki ẹfi ọnụụ vi ọrishi aichama, vọnụụ javọ yi ọmimanasẹrẹ. ²¹Ini ẹfiavọ, sẹnẹ vi ọgụ ọnụụ re dọ fiini isẹnụụ bidi aa mẹ dọ va nyi kụụ kụa nyụshi aani ọmẹyani kẹ? Fụvọki isu ọnọ vi ọvairẹsụ isẹnẹ bo.²²Ama, ọmẹvi ki Oshomoshi o pe wu fụrẹkụ aichama da, dụụ kụ vi ọrishi yi Oshomoshi, ọgụ awụ ọnọ vi ki a vara wụ ọnini. Ọvairẹsụ aani vi ẹshẹ poro pooro. ²³Fụvọki, isu ọnọ vi ọgụ aichama, ama ọiza ọni Oshomoshi si yi yi vi ẹshẹ poro pooro ini Ijesu Ikristi Ananyiyi.

Chapter 7Ọninatụ fiini ofi

¹Navẹki wai vana yẹ nini, ẹwụ nin ẹnyara ami (fụvoki maa yẹ ki azẹna nyi ọyiyẹ ini ofi ọni mee pe karẹyi), ki ofi vana nyi ụkata tụra ọza rẹsu poro ọmẹ vi ki ẹshẹ ọnọni ọnọ yi ya.²Fụvọki ọnyẹnẹ ana nyọva vọni ofi sụ za ọva aani, ẹfi ọni ọva aani yi yini ẹshẹ ọnọni, ama aaviki ọva aani o fu su, ụmavọ dọọ si javọ fini ofi esereva ana sụ wa vabẹ. ³Fụvavọ, aaviki ọvạ aani yi yẹshẹ, dọ va ka ọnọrụ ọsa na, dọ na ya pe e, daa sh̄ ọ ọsẹrẹka. Ama, aaviki ọva aani o fu su, ọnọvi ki ọ javọ fini ụkata ofi; ụmavọ, azẹi kụa shi ọ ọsẹrẹka aaviki ọ va ka ọnọrụ ọsa na, dọ na ya pe e.⁴Fụvavọ, ẹwụ nin ẹnyara ami ini ọdọwụ, ẹwụ nin nyẹmbẹ vọna mẹ ku we su fini ofi zirẹngwụ ẹngwụ-Ikristi. Ọ maan vi doti a zụ sụ wụ nin vabẹrẹ ọzẹnẹsa ana vi ọzẹnaa sha kwẹẹte fineeku, doti ya vazụ tụ ẹtụtụ yi Oshomoshi. ⁵Fụvọki, ẹfi ọnii yi yini ụpẹngwụ, di ofi sha ivi osisi-ẹchẹngwụ ayi kwẹẹtẹ, de nyima dẹẹ mụkọrọ ini ozọnyọnya ayi, diya si ọ tụ ẹtụtụ ọna vaa za yi na ngwụni isu.⁶Ama, a na yi tụ finụvọ ofi da. Ye fu su fini isẹnẹ za yi chire oshẹtẹ. Ọ maan vi doti ya zụ si Ifẹ ọwọwa ana sụashi fẹkẹ Oshomoshi, aivi ofi ana chẹrẹ ana si ngwụọkụkụ.Ofi ọnri aichama⁷Imẹ vaa ka aavọ? Aichama ọni ofi nyẹmbẹ wa vi? Ọchọnọirẹsụ, ma zi yaan yẹ isa ọnaa shi aichama ọọzi vi zirẹngwụ ofi. Fụvọki ma zi yaan yẹ isẹnaa shi ki aa si ẹkẹẹka dọ ọza isa ana razi vi ayami, ọchishi ofi ọna va kaa ka, "Navọ asụụ si ẹkeẹ̣ka dọ ọza isa ana razi vi ayawụ." ⁸ Ama zirẹngwụ ụmọ, di aichama roze mẹ ki osisi ẹchẹngwụ renyi renyi ana yini ẹngwụ ami ki ẹ tụrẹsụ. Fụvọki, aaviki ofi ọzi yinaani, aichama vene su.⁹Ini ụmẹ ọnyi, ofi mẹ razi yinaani, di maa mẹ ẹshẹ aichama, dim ro ki ọzi nyi ana ge ̣mi, ama ẹfi ọnọ ụmọ vẹ, di aichama sha kwẹẹtẹ, dim fu su. ¹⁰Ụmọ ọnọ vọrọ ki ọ si ẹshẹ vẹ, dọ va si vara isuọwụọza yi mi.¹¹Fụvọki aichama vene sioze zirẹngwụ ụmọ, dọ ji mi vene. Di aichama wụ mi zirẹngwụ ụmọ. ¹²Fụvavọ, ofi vi ọnini; ụmọ vi ọnini, dọọ manasẹrẹ, ọnri ki dọ vi isọiza.¹³Ọ wa va vi ka isẹnẹ vi isọiza ọ si vara isuọwụọza yi mi? Ọchọnọirẹsụ, ọzi vọ zụa vi. Ama aichama ọ za isuọwụọza kam vẹ doti azụ si aichama zụ ka aichama ọnọ vi zirẹngwụ isọiza. Ọ maan vi doti azu si ọ zụ yi ki aichama o funa imẹmẹ yẹ ki ọọ vi, zirẹngwụ ụmọ. Isẹẹva anaa mụkọrọ ini ọtụtụrụma ayi¹⁴Fụvọki yaa yẹ ki ofi vi isa-ifẹ, ama ẹmi ọn vi ọza ri ẹyi irẹsụ ana nyi ụpẹngwụ. Aa za mi ọrishi, da na mi ọrishi yi aichama.¹⁵Fụvọki isa ọni maa mẹ, ozi ye mi ẹtẹrẹ. Isa ọni mee si ki ma mẹ, ma maa mẹẹ; ọnri ki isa ọnim rezi si ki ma mẹ, ọnim mẹ. ¹⁶Ama, aaviki maa misa ọnim rezi si ki ma mẹ, ọno ̣vi ki maa dọzẹ ki ofi vi isọiza.¹⁷Ama, ọzi ku vẹ ẹmi ọnọ kụa mẹ ẹ ọmẹyani, aichama ana ya mẹngwụ ọnaa mẹ ẹ. ¹⁸Fụvọki maa yẹ ki ọzi nyi isọiza ọna yini ụpẹngwụ ami. Fụvọki ọ ngwụmeyi ki ma misa ọiza, ama ma ma zụ mẹ ẹ.¹⁹Fụvọki ọiza ọni mee si ki ma mẹ, ma maa mẹ ẹ; ama isa azeeshi ọnim rezi si ki ma mẹ ọnim mẹ. ²⁰Ọọ voọ ̣vi ki maa misa ọnim rezi si ki ma mẹ, ọnọ vi ki ọzi vi ẹmi ọnọ kụa yẹẹ mẹ, ki aichama ọna ya mi ẹngwụ yọ. ²¹Maa va si yẹ ki ma nyi ivefu ọiza enee si ki ma mẹ isọiza, ama ifẹ azeeshi ọnọ vana yi ya mi ẹngwụ.²²Fụvọki maa si ifẹ ọwọọwa ọnọni jụjẹ tunẹtunẹ ini ofi Oshomoshi ọnọni. ²³Ama, ivefu ọna vi irenyi yi ifẹ ọwọwa ọnọni oni mee re, onee pe ivefu ọwọwa ọnọnii kụrẹkụ. Dọ si ivefu aichama ọna ya mi ẹngwụ vara mị ọrishi yi aichama.²⁴Eyee, maa si vara onosiye, nin o! Ẹnẹ vaa dọ mi tụ fini ẹchiẹngwụ isu ọnọni nin kẹ? ²⁵Ama, maa kụ Oshomoshi avọ zirẹngwụ Ijesu Ikristi Ananyiyi! Ọmẹ maan si vi aani, ẹmi nyẹmbė vanaa si ivefu ami vaatụra ofi Oshomoshi. Ama ẹfi ẹnyi dim re kim zaa vaatụra ụpẹngwụ aichama ami.

Chapter 8Ifẹ Ọnini ọnọ mẹ ki ya nyi ẹshẹ ebebaani ọmẹyani

¹Fụvavọ, ọi kụ nyi ki a jivi yi ẹnẹna yininẹ Ijesu Ikristi. ²Fụvọki ivefu Ifẹ ẹshẹ ana yini Ijesu Ikristi ọ na mi tụ fiini ivefu aichama ọnri isuọwụọza da.³Fụvọki isẹni ofi raizụ mẹ fụvọki ọ ọzi nyụkata zirẹngwụ ụpẹngwụ, vọno Oshomoshi mẹ. Ọọ tụ Ozi aani ini ụmama ẹchẹngwgụ aichama va dudi aichama, dọ jivi yi aichama ini ẹchẹngwụ. ⁴Ọ maan mẹ doti isa bo ọni ofi eesi ki ya mẹ, ọ va vi mẹ yi ẹyi ana razi vatụroze ụpẹngwụ, ama di yaa vaaturoze Ifẹ Ọnini. ⁵Ẹnẹnaa vaturoze ụpẹngwụ venee batọ tụni irẹyi ụpẹngwụ, ama ẹnẹnaa vaaturoze Ifẹ Ọnini venee bato tụni irẹyi Ifẹ Ọnini.⁶Fụvọki ọtụtụrụma ọna kụ tụra ụpẹngwụ vi isuọwụọza, ama ọtụtụrụma ọna kụ tụra Ifẹ Ọnini vi ẹshẹ ọnri ẹngwọrọ. ⁷Ọtụtụrụma ọna kụ tụra ụpẹngwụ vanaa kaachire Oshomoshi, ọzi yini afụ ofi Oshomoshi, dọn rai vana vọ zụa mẹ. ⁸Ẹnẹna yini ụpẹngwụ ẹ ma zụ mẹrẹyi poro dọọ ngwụ Oshomoshi eyi.⁹Ama, aaviki irẹiza ọni Ifẹ Oshomoshi yininẹ awụ, ọnọ vi ki wa zi yini ụpẹngwụ, ki ininẹ Ifẹ Ọnini ọnụụ ya. Ama aaviki ọza ọzi nyi İfẹ Ijesu Ikristi, ẹngwụ ọzọnọ ọzi vi ayaani. ¹⁰Aaviki waa nyi Ikristi ininẹ awụ, ụpẹngwụ doo fu su fini aichama, ama ifẹ dọọ mẹshẹ ini ọmimanasẹrẹ.¹¹Aaviki Ifẹ ẹzẹna sha Ijesu kwẹẹtẹ fiini isu yininẹ awụ, ẹzẹna sha Ikristi kwẹẹtẹ fiini isu zẹ va zẹ sii si ẹshẹ yi ụpẹngwụ awụ ana nyi ọtẹfi zirẹngwụ Ifẹ Ọnini ana ra ininẹ awụ.¹²Fụvavọ, ẹwụ nin ẹnyara ami, ọnụta ọnii vi, ama aivi ini ki ya vi ọnụta ini ụpẹngwụ, di yaa mẹshẹ ana vatụroze ụpẹngwụ. ¹³ Fụvọki aaviki wa mẹshẹ ana vatụroze ụpẹngwụ, ọnọ vi ki isu awụ ee sheni pe, ama aaviki wa navọ ọmimẹ ụpẹngwụ awụ ki e su zirẹngwụ Ifẹ Ọnini, ụ vaa mẹshẹ.¹⁴Fụvọki ẹnẹnaa vaatụri Ifẹ Oshomoshi bo vi ezi Oshomoshi. ¹⁵Fụvọki ọzi vi Ifẹ ọrishi onụụ re dọ varama ana vaa mẹ kụ wa nyi angwashi. Akikọnọ ifẹ ọnụụ re dọ varama vi ifẹ ada rozi, ọni yaa sii shọ ọ ka," Abba, Adami!"¹⁶Ifẹ Ọnini nyẹmbẹ vana di ifẹ ayi ivenu ki ezi Oshomoshi ọnii vi. ¹⁷Aaviki ezi ọnii vi, ọnọvi ki ya nyi ọgiga ini ogu Oshomoshi. Aaviki ya bere Ikristi rụya inirẹiza, ivee bere e ' Ikristi kụ ogu doti ya zụ bere e nyi ụga.Ụbani ọnii vaa nyi ọzi vi che¹⁸Fụvọki maa yẹ ki azẹi zụa si ụyọọri ana yinẹ ẹshẹ ụmaani mọrọ ụga ọna va sii zụ yi. ¹⁹Fụvọki isa bo ọni Oshomoshi sụvọ aani mẹ vanaa nyi iribatọ ki a si ẹnẹna vi ezi Oshomoshi zụ.²⁰Fụvọki isa bo ọni Oshomoshi sụvọ aani mẹ vanaa tu osusu, aivi ọni ono voo si o, ama osisi ẹzẹnaa vọọ tụ wa ọnọ vi. Ọkụayitụra ọna razi nyi ọjirẹka ọnọ vi ²¹ka, shi isa ọni Oshomoshi tụ vẹshẹ nyẹmbẹ vọna vaa jiitụ fiini ọmi mẹ ọrishi na ngwụni ọvivụ, ọnri ki a vaa siọ ngwụni ọninatụ ọna yini ụga ọni ezi Oshomoshi nyi. ²²Fụvọki yaa yẹ ki isa bo ọni Oshomoshi tụ vẹshẹ venee rumanyaa vaabẹ, dẹẹ si ọngwẹngwụ barẹyẹ, shi ọmẹyani nyẹmbẹ.²³Aivi avọ kẹnẹ, ama shi ẹyi nyẹmbẹ ana nyi ẹtụtụ ipaapa Ifẹ Ọnini---shi ẹyi nyẹmbẹ venee rumanya inangwụmi, di yee zi ki a si yi mozi ma, di yee zi ki a ji ẹchẹngwụ ayi tụ. ²⁴Fụvọki zirẹngwụ ọkụayitụra ọnọni ana si ji yi tụ. Ama, ye zi ri re isa ọnii kwaitụra, navẹki ọwa nyi ọza ana nyi iribatọ isẹni eyi aani re da? ²⁵Ama, aaviki ya nyi ọkụayitụra ana razi nyi ọjirẹka tụni isọnii rezi ri re, i va zụụ vẹngwụụ nẹtẹ di yee zi o.²⁶Avọ ọnọ mẹ zẹ vivi ki Ifẹ Ọnini vana mọgụvọ yi yi ini ụkụmi ayi. Fụvọki ya ma yẹ ọmẹ vọrọ ki ya tuozurenu, ama Ifẹ Ọnini nyẹmbẹ venee pe yi tuozurenu, dii rama wụ tụẹshẹ ki oo rumanya. ²⁷ Oshomoshi anaa zama ọtụtụrụma bo ọnọ yẹ osisi Ifẹ Ọnini, fụvọki oo pe anọdọwụ nini tuozurenu inoze ana vatụra osisi Oshomoshi.²⁸Fụvọki yaa yẹ ki ẹnẹne sirẹyi Oshomoshi vọnọọ mẹ ki isa bo ọ mụkọrọ vaabẹ yi tụnoze ọiza, ẹnẹnọvi ki aa shi inoze ana vatụra osisi aani. ²⁹Fụvọki ẹnẹni Oshomoshi yẹ tụọvidi ki ẹ vaa dọ ọnii wụ, vọnọ zẹ mii mẹ tụọvidi ki ẹ nyi ivefu vene Ozi aani, doti ẹ zụ vi ezi ipaapa ini akaakana ẹnẹna vi ẹnyara aanini ẹrụrụ. ³⁰ Ẹnẹni Oshomoshi yẹ tụọvidi, ẹni ọnọ zẹ shii shi. Ẹnẹnọ shi, vọnọọ mẹẹ rishi. Ẹnẹnọ mẹ rishi, vọnọọ si ụbanii yi.Ọzi nyi isẹnẹ va zụụ ji yi fiini osisi Ikristi yi yi³¹Sọnii vaa ka inọpati isẹnẹni aavọ? Aaviki Oshomoshi ọ ya pe yi, ẹnẹ va zụụ veyi irẹkụ ka yi? ³²Ọni ọna razi vaya Ozi aani ụvọta, dọ fụrẹụvọ ki o su fụvọ ẹyi bo, ọmẹ razaa si kụ isa bo bẹrẹ Ozi aani yi yi ọfẹ?³³Ẹnẹ va zụụ ka ki ẹzẹni Oshmoshi ni ọ rivi kẹ?̇ Oshomoshi ọnọ mẹ ọzaa rishi. ³⁴Ẹnẹ vi ọzonọ ana va zụụ jivi kẹ? Ikristi ọnọ vi ọza ene su yi yi; one funa avọ ọnọ vi ki a zẹ shi shaa kwẹẹtẹ fini isụ. Oo bere Oshomoshi aa mijọva ini irasha ụga, ọni ọnọ ze pi pe yi aa tuozurenu.³⁵Ẹnẹ va zụụ ji yi fini osisi ọni Ikristi sirẹyi ayi kẹ? Ụyọọri wa yọ, navẹki ẹngwụẹngwụ, navẹki ọmimụya ri ọza fụvọ ọdọwụ, navẹki ụngwẹ, navẹki afụafụ, navẹki ayiọfụrinẹ, navẹki itakovi? ³⁶Vene a mẹmẹ chẹrẹ ẹgẹdẹgẹdẹ ka, "Fụvọ awụ, ee si yi ọwiwụ pooro. Dẹẹ si eyi atẹmẹ ọnaa na jobẹ re yi."³⁷Yaa fụrẹkụ isẹnẹni bo, zirẹngwụ Ikristi one sirẹyi ayi. ³⁸Fụvọki ma zi jiọiirẹka ini ọtụtụrụma ami ki isuọwụ̣ọza, navẹki ẹshẹ, navẹki angẹni, navẹki̇ ijọva, navẹki isẹnẹ yinaani ọmẹyani, navẹki isẹnaa vẹ inọvivdi, navẹki ụkata azeeshi nini, ³⁹navẹki isa ana nẹba, navẹki isa ana nyinẹ, navẹki isa renyi renyi ọni Oshomoshi tụ vẹshẹ, ana va zụụ ji yi fini osisi Oshomoshi, ana yininẹ ijesu Ikristi Ananyiyi.

Chapter 9Oshomoshi ọnri aza ọnọ ni

¹Irẹiza ininẹ ikristi ọni maa ka. Ma maa nyapinẹ; ivefu ami ọ dọmivenu ini Ifẹ Ọnini ²ka, inẹ ami oo du, dọọ chimii ri ini ọtụtụrụma.³Fụvọki ọnyi ki mi yeen zu si ki e chimeku, da jim finẹ ẹngwụ Ikristi fụvọ ẹnyarami nini, ẹnẹnẹ ẹmi rụ wa nyi ụnaka ọnya ini ụpẹngwụ. ⁴Ani Isrẹni ẹnẹ vi. Ẹnri Oshomoshi gẹ vi ada rozi, da si ụga mẹ wa irẹiza, shi ofi, dẹ nyi ọfifẹkẹ Oshomoshi ọnri otoowu Oshomoshi. ⁵Zirẹngwụ ụnaka aanini inụpẹngwụ ọni Ikristi, ana vi Oshomoshi aza bo, zi vẹ. Ụga ọ va si vi ayaani poro pooro. Aami.⁶Ama, ọzi vi ki otoowu ọni Oshomoshi mẹ vi osusu. Fụvọki ọzi vi aza bo ana yi irẹkụra Isrẹni ọnọ vi ani Isrẹni tunẹtunẹ. ⁷Ọi zẹ va vi vi ụnaka Abrahamụ bo ẹnẹ vi ezi aani. Ama, "zirẹngwụ Aiziki ọna va yaa shi ezirama awụ nini."⁸Ọnọ vi ka, ẹnẹna vi ezi ụpẹngwụ ẹzi vi ezi Oshomoshi. Ama, ẹnẹna vi ezi otoowu Oshomoshi ọna vaa ka ki ẹẹ vi ezirama aani. ⁹Fụvọki Oshomoshi ọ motoowu ka, "Mvaa vẹ ụmaani ụpọsa, dim si oziọnọrụ yi Isara."¹⁰Aivi ọnọni renya, ama zẹtụọ, inaama aani ọni Irebeka ọn ze zirẹyẹ yi Aiziki ana vi ada ayi da--- ¹¹fụvọki azẹzi mi ma ezi ẹnẹ dọ va na si vi ki ọ nyi ọiza navẹki ọshimi ẹnẹ mẹ, doti onbo ọ va zụ vi Oshomoshi meme sio gẹdẹgẹdẹ, aivi fụvọ ụkọrụvọ, ama fụvọ Oshomoshi anaa shi ọza--- ¹²da kaa yi Irebeka ka, "Ana vi ọzọkụ vaa mozida yi ana vi ozueyi." ¹³Avọ ana mẹ chẹrẹ tẹtẹ gẹdẹgẹdẹ: "Ijakọbụ onim sirẹyi aani, me zi sirẹyi Isọ."¹⁴Imẹ vaa ka avọ kẹ? Ọwa siọ zụ ki Oshomoshi vi anarimamanasẹrẹ? Ọchọnọirẹsụ, ọzi vọ zụa vi. ¹⁵Fụvọki ọ kaa yi Imosisi ka, "Mvaa nyi ayụva yi ẹzẹnim vaa nyi ayụvaa yi, mvaa vayi ẹzẹnim vaa vayi aani." ¹⁶ Fụvavo, aivi fụvọki ọzọnyi ee si ki ọnaa mẹ, navẹki fụvọki ọzọṅyi ono zu zuechi, ama fụvọ Oshomoshi, anaa nyi ayụva.¹⁷Fụvọki Iwe Ọnini ọ kaa yi Ifeero ka, "Fụvọ irẹyi ọnọni ọnim si kaụshirẹ, doti ma zụ si ụkata ami zụ ini ẹngwụ awụ, ọnri ki di irẹsha ami ọ zụ ngwụrẹyi varakara ẹshẹ boo." ¹⁸Fụvavọ, ẹzẹni Oshomoshi re sisi kẹnẹ ọ nọọ nyi ayụvaa yi, ọnri ki ẹzẹno re si si kẹnẹ ọnọọ tụ ọtụtụrụma ọkata.Aza ọni Oshomoshi re si kẹnẹ ọ nọọ ni¹⁹Maa yẹ kụụ vaa fọ mi ka, "Ọmẹzi do ve rii re ki ọzọnyi ọ mẹ isẹnẹ razi sẹrẹ? Ọwa vana nyi ẹzẹna kachire osisi aani yẹẹyẹ?" ²⁰Aivi avọ, ọchishi ki a vana fọ ẹwụ ọza nin ki sọnuu vi, dụụ kẹni kụụ va zụụ kaachire Oshomoshi? Navẹki oji wa va zụụ ka yi ẹzẹne vuo ka, "Ọmẹzi duu meen vu mi kẹ?" ²¹Navẹki aivi ẹzẹna za ụmapa chaụvọ ọnọ yẹ ụmapa ono ve sii vu oji ebebani ana nyi ụbani, shi ono ve sii vu oji ene vee no eyinieyini?²²Ụ wa vana yẹ navẹki Oshomoshi, ọna vaa si ọikụ ọbani aani ọnri ụkata aani zụ, aaviki ọ si ọsiẹngwụdọ ọnri ishuru yi oji-ọikụ ene teni tẹtẹ yi ovivuri? ²³Ụwa yẹ navẹki Oshomoshi vana vọọ mẹ ẹ doti ọ zụ siọzụ ụga aani mẹmẹ ganavọ tụ ini oji ayụva, ono teni tẹtẹ yi ụga? ²⁴Ụ wa yẹ navẹki ẹyi ọnọ zẹ mi mẹ ẹ yi; ẹyi ọnọ vi ki ọ zẹ shi shi, aivi fiini akaakana Iju nin renya, ama zẹ fi fiini akaakanavvIjẹntaini nin?²⁵Ọ vọọ zẹ ki ka ini Osiya: "Mvaa shi aza ami ana razi vi aza ami oshẹtẹ, ọnri ọza aani ono sirẹyi aani one rezi sirẹyi aani oshẹtẹ. ²⁶Ụmavọ dọ va si vi ki, izẹna ya kaa yụ wa ka, 'Wa zi vi aza ami nini,' izọ ana va zẹ va yaa kaa yụ wa ka, 'Ezi Oshomoshi ana nyifẹ ọnụụ vi nini.'"²⁷Aizaya o nowu tụẹshẹ inọpati Isrẹni ka, "Shọọ daka vi ki ezi ani Isrẹni nin ẹ rụrụ venebire ezi ini irefu, ẹnẹnavọ renya ana va dọọtụ, ²⁸fụvọki Ananyiyi vaa mishọọji aani yi anẹshẹ naa zarẹsụ ini ọfira ọfira." ²⁹Vene Aizaya mẹ ka tụrama ka, "Aafụ ọnọ si vi ki Ananyiyi ana vi Oshirẹkụ ineeku ọ nyi ayụva yi ẹyi ezi irama, ii yeen si vene Isodọmụ, dii yaan si vara Igomora."Ani Isrẹni nin ẹ zi tanụvọ dọ isẹni Oshomoshi mẹ tẹtẹ yụ wa³⁰Ii mẹ vaa ka aavọ kẹ? Ii wa vaa kaa ki Ijẹntaini nini ana razi vatụra oze ọmimanasẹrẹ, ki ee re ọmimanasẹrẹ dọ zirẹngwụ ọdọwụ. ³¹Ama Isrẹni ana vatụra ofi ọmimanasẹrẹ, ki e zi ri re e dọ.³²Ọmẹzi de re zi re dọ? Fụvọki ẹ zi vatụra oze ọdọwụ, dọ si vi ki zirẹngwụ ụkọrụvọ aanini onee sii si o. Fụvavọ dẹ jigege ini irẹta-ọvọzeyiku, ³³vene a mẹmẹ chẹrẹẹ tẹtẹ ka, "Re, maa si irẹta-ọbọzasẹdụ ọnri irẹta-ivi-ọmimẹ shiẹtẹ tụ Izayọni. Ụshi ọzaa nyi ọzatụrọza ana ra nyi ọdọwu inaani."

Chapter 10

¹Ẹwụ nin ẹnyara ami anọdọwụ, osisi ọtụtụrụma ami ọnri ozurenu ọni maa tụụ shi Oshomoshi yụ wa ọnọvi ki ẹ va nyi ọdidọtụ. ²Fụvọki maa mivenu yụ wa ki ẹ nyi ọyaya yi Oshomoshi, ama ọzi vi zirẹnvwụ ọyiyẹ ini irẹyi aani. ³Fụvọki ẹzi yẹ inọpati ọmimanasẹrẹ inọvidi Oshomoshi, ọnri ki deesi ki ẹnẹ ji ọmimanasẹrẹ ayaanini vẹtẹ. Ẹzi vẹngwụnẹtẹ doti ẹẹ mẹ ọmimanasẹrẹ ọni Oshomoshi ee si.⁴Fụvọki Ikristi ọnọ vi ọmimẹ ana yini ofi ọmimanasẹrẹ yi ẹnẹna nyị ọdọwụ bo. Azabo ọni Oshomoshi e si ki ọnaa dọọtụ⁵Fụvọki Imosisi ọ chẹrẹ ẹ tẹtẹ inọpati ẹngwụ ọmimanasẹrẹ anaa fini ofi vẹ: "Ọzẹna ra vatụra ofi ọmimanasẹrẹ vana vaa mẹshẹ ọmimanasẹrẹ."⁶Ama, ọmimanasẹrẹ ana fini ọdọwụ vẹ vana kaa ka, "Asụụ kaa ini ọtụtụrụma awụ ka, 'Ẹnẹ vaa ni ineeku ẹbẹẹba?' (ọnọ vi ka, ẹnẹ va naa si Ikristi chii vẹ); ⁷a sụụ zẹ ki a kaa ka, 'Ene ve chii ni ineeku ọrọgọdọ?' (ọnọvi ka, naa si Ikristi shirẹ vẹ fiini akaakana ẹnẹne fu su).⁸Ama, ọ mẹ ka? "Irẹyi Oshomoshi ọ gụrẹ wụ; ọ yini irenu awụ ọnri ọtụtụrụma awu." Ọnọ vi ireyi ọdọwụ oni yee showu aani. ⁹Fụvọki, aaviki wa si irenu awu divenu ki Ijesu vi Ananyiyi, dụụ dọwụ ini ọtụtụrụma awụ ki Oshomoshi ọ sha a kwẹẹtẹ fiini akakana ẹnẹne fu su, ụ vaa nyi ọdidọtụ. ¹⁰Fụvọki ọtụtụrụma ọni ọza sii nyi ọdọwụ ọmimanasẹrẹ, ọnri ki irenu ọni ọza sii divenu ọdidọtụ.¹¹Fụvọki Iwe Ọnini ọ kaa ka, "Ọzatụrọza ọna ra nyi ọdọwụ ini Ikristi, azẹzaa mụshi nyi ọ." ¹²Fụvọki ọzi nyi isẹnẹ Iju nin ọnri Igiriki nin si vi irenyi yẹ ẹngwụ. Fụvọki Ananyayi ọnyọnya ọnọ vi Ananyiyi yi aza bo, fụvọki ize aani vaa gẹtẹ yi ọzọọza ana raa shi ọ ki ọ mọgụvọ yi ọni. ¹³ Fụvọki aza bo ana ra shi irẹsha Ananyiyi vana vaa dọọtụ.Ani Isrẹni nin e zi re irẹka kụ¹⁴Ẹ mẹmẹ va zụụ shi ọzẹnẹ razi di dọwụ kẹ? Ẹ mẹmẹ va zụụ dọ ọzẹ̣nẹ razi wi wụ inọpati aani wụ kẹ? Ẹ mẹmẹ va zụụ wụ kẹ, aaviki ọzi nyi ọkarenube ọiza? ¹⁵Ẹ mẹmẹ va zụụ karenube ọiza, ọchishi ki a tụ wa?--- Vene a mẹmẹ chẹrẹ ẹ ka, "Afụ ẹnẹnaa karenube ọiza vi afụ ene ozoza ẹtẹẹtẹrẹ!"¹⁶Ama, ezi batọ tụni irenube ọiza. Vene Aizaya mẹ kaa ka, "Ananyiyi, ọ wa vana nyi ẹnẹna dọ irenube ọiza ọnụụ si tụ yi shu wa wụ?" ¹⁷Yẹ nini ki ọdọwụ vanaa zirẹngwụ irẹyi ọwiwụụ vẹ, ọwiwụ vanaa zirẹngwụ irẹyi Ikristii vẹ.¹⁸Ama, mi ka, "Ụ wa ki ẹ razi wụ rẹiza?" Ẹẹ wụ. Ọzi nyi ọjirẹka ki ẹ wụ. "Ọngwẹ aanini ọọ garashi ẹshẹ bo da, di irẹyi aanini ngwụ izitizi ini ẹshẹ."¹⁹Zẹtụọ, mi ka, "Ụ wa ki Isrẹni razi yẹ ẹ?" Imosisi ọ kaa tụọvidi ka, "Mi vaa mẹ nin kụ waa vụva irẹkụra ana razi fụ ẹkụravabẹ. Mi vaa zirẹngwụ ẹkụravabẹ ana razi nyi ọyiyẹ, dim mẹ wụ nin ọikụ."²⁰Di Aizaya ọn zẹ nyi ayọọvi ọ mẹ kaa ka, "Enene rezi si mi, ene re mi. Ẹnẹne rezi fisue ami, ọnim siẹngwụ zụ." ²¹Ama, dọ kaa yi Isrẹni ka, "Fụri ọnẹnẹ poro na ngwụ oruva onim si tanụvọ shi anakamawụ nini ana nyi ọtụtụrụma ọkata."

Chapter 11Oshomoshi ọ si ayụva aani zụ ani Isrẹni nin

¹Mi ka, ọmẹ maan si vi aani, ọnọ wa vi ki Oshomoshi o yi aza aani tẹtẹ aavọ? Ọchọnọirẹsụ. Fụvọki ẹmi nyẹmbẹ vi ani Isrẹni; ozirama Abrahamụ fiini ụna Ibẹnjamini ọnim vi. ²Oshomoshi ozi yi aza aani tẹtẹ, fụvọki ọ yẹ wa fini ipaapa. Navẹki wa zi yẹ isọni Iwe Ọnini ka inọpati Enaija, ọ mẹmẹ tụrẹka Isrẹni yi Oshomoshi? ³"Ananyiyi, ẹẹ wụ ọkisẹ awụ nini, dẹ chaka ọpẹtẹ awụ vasha. Ẹmi renya ọnọ vọ, dee si ki ẹnẹ wụ mi."⁴Ama, oshi isẹni Oshomoshi va yọ kẹ? "Mee teni aza akashi oze ishimba tẹtẹ yi ẹngwụ ami da, ene rezi nyi nyimarẹsụ yi ori Ibaa. ⁵Shọmẹ daka vọọ vi, ini ụmẹ ọnii ya aani, ọnyi azẹnyi ana vẹtẹ ana fụvọ ọiza ọfẹ ni tẹtẹ.⁶Ama, aaviki zirẹngwụ ọiza ọfẹ yọ, ọnọ vi ki ọi kụ vi zirẹngwụ ụkọrụvọ ọza. Ama, aaviki zirẹngwụ ụkọrọ yọ, ọnọ vi ki ọiza ọfẹ ọi kụ vi ọiza ọfẹ. ⁷Sẹnọ va vi aavọ? Isa ọni Isrẹni ee si, e zi re e do, ama ẹnẹna ni tẹtẹ e re e dọ, da tụ ẹnẹnavọ ọtụtụrụma ọkata. ⁸A mẹmẹ chẹre ̣ẹ gẹdẹgẹdẹ ọnọ vi: "Oshomoshi ̣ọ si ifẹ ụkụmi yụ wa, ẹẹ nyi iri ene rezee sii reẹtẹ, ọnri ụto ẹnẹ razaa sii wụrẹyi, va ngwụ ụmaani."⁹Di Idevidi ka, "Navọ di oze ọriri aanini ọọ vara asha ọnri irẹpa za wa, irẹta ọbọzasẹdụ ọnri atọ yụ wa. ¹⁰Navọ di iri aanini o shioozi doti asẹ zụ si ọ reẹtẹ, ọnri ka di irama aanini o cheku poro pooro."̇¹¹Mi ka, "Ẹ wa nyeeyi doti ẹ zụ sẹdụ? Ọchọnọirẹsụ. Akikọnọ, ọdidọtụ vene ve tu Ijẹntaini nini zirẹngwụ ẹdụ aanini doti ẹzụ re waa vụva. ¹²Aaviki ẹdụ ẹnẹ sụ ọnọ vi ọgụ ana yini ẹshẹ, di ishi ẹnẹ nyi vi ọgụ Ijẹntaini nini, ọgụ ẹnẹni mẹ vaa bani tu aavọ ini ọgụrigụ aanini?¹²Ụpọsa di Aizaya ọn ze ̣kaa ka, "Izọ ọni ẹpa Ijeese vaa tụ fụrẹ, shi ẹzẹna vaa kwẹẹtẹ dọọ vi oshirẹsụ Ijẹntaini nini. Ọzẹni Ijẹntaini nini vaa nyi ayiọvanẹtẹ ini ẹngwụ aani ọno vi."¹⁵Fụvọki, aaviki oyiyi ọni Oshomoshi yi wa tẹtẹ vaa mẹ ki a dọ anẹshẹ varama, sẹni ọdọwụ aanini ini Ikristi fufu vaa vi aavọ, aivi ọshIsha kwẹẹtẹ fiini akaakana ẹnẹne fu su? ¹⁶Aaviki ee teni ẹtụtụ ipaapa tẹ, isari ana va siọ mẹ one ze ti teni tẹ aavọ. Aaviki ee teni ẹpa-ọchi tẹ, avọ-ọchi ene ze ti teni tẹ aavọ.¹⁷Ama, aaviki avọ-ọchi ẹnyi ee che finaani, da va si ẹwụ ana bidi vi avọ-ọchi oniivi iriku dudi aani, duu ve pe wa nyi ọgiga ini ẹpa-ọchi oniivi ọnọ, ¹⁸asụụ kụ ẹngwụ awụ tụẹba, duu wee woto inọvidi avọ-ọchi ẹsa. Ama, aaviki wee woto, tamayi yẹ ki aivi ẹwụ ọnọ zẹ ẹpa-ọchi dinẹ, dụ wa yẹ ki ẹpa-ọchi ọnọ ọnọ za wụ dinẹ.¹⁹Ụmavọ dụụ kaa ka, "Avọ-ọchi vana javọ shiẹtẹ doti a zụ si mi dudi aani." ²⁰Irẹiza irẹyi vọnọ. Fụvọ arimadọwụ aanini ana si da wa vasha, ama di ẹwụ dinẹ gerigeri fụvọ ọdọwụ ọnụụ nyi. Navọ asụụ na kụẹngwụ tụẹba, akikọnọ navọ wa nyi angwashi. ²¹Fụvọki Oshomoshi razi si vaya avọ-ọchi ọna vatụra ọchi vẹshẹ, ọ zaa si vayawụ.²²Fụvavọ, mee si kụ wa zama re nin deere, ụvọ ọiza ọni Oshomoshi si za yi, ọnri ụvọ ọkata ọnọ si za yi. Ama, zẹ yi yẹ nini ki Iju nini ana javọ ọni Oshomoshi sụvọ-ọkata za. Ama waa varama zama re, Oshomoshi va si ọiza aani zụ wụ aaviki waa vatụra ọiza aani shi yi. Ọọzivaavọ, shi ẹwụ nyẹmbẹ vana vaa daa kụra.²³Shi ẹni nyẹmbẹ, aaviki ẹ varama fiini arimadọwụ aanini, da su ̣wa varama tụni ọchi ọnọ. Fụvọki Oshomoshi ve zuu zu wa gẹ ọchi varama. ²⁴Fụvọki, ẹwụ ana da fini ọchi oniivi iriku paraku, aaviki ee zu zu wu gẹ ọchi onivi ebebaani, ọ mẹmẹ vaa vi yi Iju nin ọnọ vi ki avọ-ọchi oniivi ebebaani, umono re si tu ki e zu wa gẹ ọchi oniivi ayaanini varama?Oshomoshi vaa dọ Iju nin bo tụ²⁵Ẹwụ nin ẹnyara ami ini ọdọwụ, me zi si ka asụụ yẹ inọpati irẹyi anatẹ ọnọni, doti asụụ venee ro kụ wa nyi ụvira ini aaro awụ nini. Irẹyi anatẹ ọnọni ọnọ vi ki ani Isrẹni nini ẹrụrụ ẹ si vẹrẹ a nyi ọtụtụrụma ọkata ini isẹnyi ini akaakana aanini, poro na ngwụ ụmọni ọgụrigụ Ijẹntaini nin vaa ngwụnị iragụ anọdọwụ awụ nini.²⁶Aani ọna mẹmẹ chẹre ẹ tẹtẹ ki a vaa dọ Isrẹni tu: "Fini Izayọni ọni ọdọzatụ vaa tụụ fụrẹ. Ọ vaa tụ arimamanasẹrẹ fụri Ijekọbụ ẹngwụ; ²⁷ọnọni ọnọ vaa vi ireji ẹmi rụ wa, ẹfi ono re tu ki ma fụ aichama aanini sha."²⁸Aa zama fini akọnya inọpati irenube ọiza ẹnẹ razi dọwụ, ọnivi Oshomoshi ọnẹ vi aaviki a sụ wa mọrọ wụ nini. Ama aaviki a zama fini akọsa, Oshomoshi o si sirẹyi aanini fụvo otoowu ọnọ mẹ yi oshuku aanini. ²⁹Fụvọki ọiza Oshomoshi ọnri ọshishi ọni Oshomoshi shi aza ọma vara.³⁰Fụvọki waa bidi mẹ akamawụ shi Oshomoshi nin, ama Oshomoshi Ọ nyi ayụva yụ wụ nini fụvọ akamawụ aanini. ³¹Avọ ọni Iju nin ẹn mẹ zẹ vara fiini akamawụ ọmẹyani. Ọvairẹsụ aani ọno ̣vi ka zirẹngwụ ayụva ọni Oshomoshi nyi yụ wụ nin, ẹn nyẹmbẹ ze ve rii re ayụvaa dọ. ³² Fụvọki Oshomoshi o gu oze shi aza bo ini akamawụ da, doti ọ zụụ nyi ayụva yi aza bo.Ụvira ọnri ọyiyẹ Oshomoshi ọ nyinẹ³³Avu wee ree nin, ụvira Oshomoshi ọnri ọyiyẹ aani mẹ nyinẹ tu! Ọzi nyi ẹzẹna yẹ Ọ mẹmẹẹ mishọọji aani, ọzi nyi ẹzẹna yẹ oze ọnọ zii misa aani! ³⁴"Ọwa vana nyi ẹzẹna yẹ ọtụtụrụma Oshomoshi da, navẹki ọwa nyi ẹzẹna va zụụ ji irẹyi zụọ?³⁵Navẹki, ọwa nyi ẹzẹna vana nyi isa ọnọ si yi Oshomoshi da, ọnọ vaa kaa ki Oshomoshi bẹdọ suta aani varama?" ³⁶Fụvọki isa bo vana fiidi Oshomoshi vẹ, zirẹngwụ aani, yi ẹngwụ aani. Ọni ọnọ nyi ụga poro pooro. Aami.

Chapter 12Si ẹngwụ mẹ isẹvọ ọnini ana nyifẹ yi Oshomoshi

¹Mi yarẹ wụ, ẹwụ nin ẹnyara ami ini ọdọwụ, navọ, fụvọ ayụva ụnọmpa ọni Oshomoshi nyi yi yi, dụ wa si ẹngwụ awụ yi Oshomoshi vene isẹvọ ana nyifẹ, ana vi ọnini, ana ngwụ Oshomoshi eyi. Ọnọni ọnọ vi irafẹkẹ awụ ana sẹrẹ yi Oshomoshi. ²Asụụ vatụra isẹnẹẹ mẹ ini ẹshẹ, ama navọ dụ wa nyi ọtụtụrụma ọwọọwa ana vaa vara ẹshẹ awụ. Maan mẹ, dụ wa siọ yẹ isẹnẹ vi osisi Oshomoshi ana vi isọiza, dọ ngwụ ọ eyi, dọ vi isẹna sẹrẹ ini eyi aani.³Maa kaa yụ wụ nin, fụvọ ọiza ọfẹ ana si yi mi, ka asọ nyi ọzọnyọnyi ini akaakana awụ nin ana vaa siẹngwụ aani tụẹba fụna ọmẹ vọrọ ki ọ vi. Akikọnọ, navọ waa si ụvira zama irẹyi re nin venebiri Oshomoshi mẹmẹ si ọdọwụ ana sẹrẹ ọzọọza yọ.⁴Fụvọki aka renyi renyi ọnọ yini ẹngwụ ọnya, ama aivi enbo ẹnaa mụkọrọ ọnya. ⁵Avọ ọno ̣mẹ zẹ vi vi ka ẹyi bo mẹ gẹ rụrụ, avọ ọnii mẹ vi ọnya ini Ikristi, di ọzọnyọnya ayi zẹ vi aka ọnyọnya ini ẹngwụ ọzọọza.⁶Ẹyi bo ọ nyi ụkata renyi renyi ọna si mẹ yi irẹiza zirẹngwụ ọiza ọfẹ ọna si yi yi. Aaviki ọkikisẹ ọno vi ayi ọzọnyi, navọ ọọ mẹ ẹ vene ọpa ọdọwụ ọnọ nyi. ⁷Aaviki irafẹkẹ ọnọ vi ayi ọzọnyi, navọ dọọ fẹke Oshomoshi. Aaviki ọzizụazisa ọnọ vi ayi ọzọnyi, navọ dọọ zụ aza. ⁸Aaviki ọtitụọzụkata ọnọ vi ayi ọzọnyi, navọ dọọ tụ aza ụkata. Aaviki ọmimẹ aza irẹiza ọnọ vi ayi ọzọnyi, navọ dọ shụvọshaa mẹ ẹ. Aaviki ọki kụ aza zi ọnọ vi ayi ọzọnyi, navọ ọ yarazi inaani. Aaviki ọnyinyi ayụva ọnọ vi ayi ọzọnyi, navọ ọ si inoshinee mẹ ẹ.⁹Navọ asụụ mẹ ọfatụvaku ini irẹyi osisireyi ẹngwụ. Navọ wa kavana yi irẹyi-ọshimi ọmimẹ; dụ wa sụvọ za ọiza ọmimẹ. ¹⁰ Inọpati osi sirẹyiẹngwụ ini akaakana anọdọwụ nini, navọ ẹwụ nin ẹnyara ini ọdọwụ, du we sirẹyi ẹngwụ nini. Inọpati ọ si si ụbani yi ọza, si dụbani ana sẹrẹ yi ẹngwụ nini.¹¹Inọpati ọshi shiẹngwụ sha mụkọrọ, navọ asụụ nyiriworo nini. Inọpati irẹyi ifẹ, navọ wa shẹngwụsha nini. Inọpati Ananyiyi, navọ waa fẹkẹ Ananyiyi nini. ¹²Jụjẹ ini ọkụayitụra ọnụụ nyi onọpati iramụfụọ. ¹³Navọ dụ wa nyụvọ tụni ọmimọgụvọ yi ẹnyara awụ anọdọwụ nin ana razi nyi. Sioze renyi renyi ọnụụ va zụụ mọizaa yi aza.¹⁴Tuozurenu ẹdabẹrẹ yi ẹnẹnaa mụyaa rụ wụ; tuozurenu ẹdabẹrẹ yi aza, asuu chieku. ¹⁵ Ẹnẹnaa jụjẹ, pe wa jụjẹ; ẹnenee sune, pe wa sune. ¹⁶Navọ wa nyi ọtụtụrụma ọnya kẹngwụ na nini. Asụụ ro ki ọzi nyi ẹzẹnaa yaa wụ, ama navọ di onriwa nini e shenipe wu. Asụụ ro ini ọtụtụrụma awụ kụ waa nyi ụvira.¹⁷Asụụ si ọshimi ọmimẹ si ọza atọ nin. Waa mẹ ana vi isọiza ineyi aza bo. ¹⁸Aaviki ẹwụ ọni irẹyi vọ tụni ụvọ aani, navọ dụ wa si ẹngwọrọ pe aza bo ra.¹⁹Ẹwụ nin ọnim ngwụayi aani, navọ asụụ si ẹngwụ atọ nin, navọ wa yi ọikụ Oshomoshi oze nin. Fụvọki a chẹrẹ ẹ ka, "Ananyiyi ka, 'Atọ vi ayami; mvee si wa atọ.'" ²⁰"Ama, aaviki wee re ki ụngwẹ a kụ ọnivi awụ, si isari yọ. Aaviki onyi aa kụ ọ, kenyi yọ fu. Fụvọki aaviki wa maan zụ mẹ, ọnọ vi ki ajiji ira ọnụụ kune tụrairẹsụ aavọ." ²¹Asụụ navọ ki irẹyi ọshimi ọmimẹ ọ gụrẹkụ awụ, navọ wa si ọiza fụrẹkụ irẹyi ọshimi ọmimẹ.

Chapter 13Oshomoshi ọnọ ni ijọva ana yi ẹshẹ bo

¹Navọ di aza bo ọ vatụrụ ụmọ ọni ijọva jivẹtẹ, fụvọki ọzi nyi ijọva ọnava zụụ yinaani ọchishi ki idi Oshomoshi ọnọ fụrẹ. Oshomoshi ọnọ ni ijọva bo ana yẹshẹ. ²Fụvavọ, ẹzẹna ra kachire ụmọ ọni ijọva jivẹte vanaa za kii kaachire ụmọ Oshomoshi; ẹnẹnaa kaachire vee re ishọọji tụra ẹngwụ aanini irẹsụ.³Fụvọki oshirẹsụ nin ẹ ma zụ mẹ angwa shi ụkọrụvọ-ọiza, ama ẹ va zụụ mẹ angwaa shi ụkọrụvọ-ọshimi. U wee si ki asụụ nyi angwashi ọzẹna vi oshirẹsụ? Mẹ isa ana sẹrẹ, uvee re ki ọ vaa si ụbanii yụ wụ. ⁴ Fụvọki ozida Oshomoshi ọnọ vi yụ wụ ini isọiza ọmimẹ. Ama, aaviki waa mẹ isa ọshimi, du wee shiangwụa; fụvọki ọ ma za itakovi chaụvọ kẹnẹ. Fụvọki ozida Oshomoshi ọnọ vi, enee si ẹzẹna mẹ isọshimi atọ. ⁵Fụvavọ ọvọrọ kụ waa wụrẹyi tụ wa irenu, aivi fụvọ ọikụ aanini renya, ama zẹ fi fụvọ ivefu ọizạ.⁶Fụvavọ, ọnụụ zẹ si sii tụ imaana. Fụvọki ijọva bo vi ozida Oshomoshi, anaa si ẹfi bo misa ọnọni. ⁷Ẹnẹnụụ yẹ kụ wa rụta bo, si wa yọ: suta imana yi ọdimana; suta ọba irẹkụra yi anọba; nyi angwụashi ẹnẹnọ vọrọ ku we shiangwụa aanini; sụbani yi ẹnẹ ẹnẹnọ vọrọ kụ wa sụbani yi.Ivefu ọnọ vọrọ ki ye sii pe ẹngwụụ mẹ⁸Asụụ ri ọzọnzọnyi ụta, ama sirẹyi ẹngwụ nini. Fụvọki ẹzẹne re sirẹyi ọzọọfụva aani vanaa vatụra ofi Oshomoshi. ⁹Ụmọ Oshomoshi ka: "Navọ asụụ dọ ose onose navẹki ọva ọnọva, asụụ wụ ọza, asụụ yuyi, asụụ dọ isa ọnisa," shi ụmọ ọsọọsa ana yinaani, enbọ vana zarẹsụ tụni ka: "Navọ we sirẹyi ọzọọfụva awụ vene ụ mẹ sirẹyi ẹngwụ awụ. ¹⁰Osisirẹyẹngwụụ ọma zama ọnọfụva ọza; fụvavọ, osisirẹyiẹngwụ ọnọ siọzụ ki ọmimẹ ayi ọ vatụra ofi.¹¹Fụvavọ, waa yẹ nin ka, ẹfi o si tu ki ya shakwẹẹtẹ fini ara. Fụvọki ọdidọtụ ayi ọ si kavape fụna ẹfi ọnii si nyi ọdọwụ ini ipaapa. ¹²Irafụ ọ si da mẹ, eyivovo o si shenipe. Navọ di ya tụvọ fini ụkọrụvọ oozi, di ya kụ ẹnyarẹkụ ẹtofeyi shi ẹngwụ.¹³Navọ di yaa zụsẹ inoze ana sẹrẹ vene ọmẹ sẹrẹ ini eyivovo, aivi ki yaa nyẹzẹ, di yaa mẹ jugu, navẹki di yaa mẹreche; navọ asii tura ẹngwụ ayi na ngwụ irẹka ọsisẹ navẹki di yaa ma zụ zẹngwụsụ ini osisi ẹchẹngwụ; navọ asii pe ẹngwụ zirazi navẹki di yaa kụshini. ¹⁴Ama, navọ wa si Ijesu Ikristi mẹ auru chire, dụ waa ma yi ẹchẹngwụ awụ oze ki ọọ mẹ osisi ayaani.

Chapter 14Asụụ mishọọji yi anọdọwụ ọsa inẹẹsụ ẹshankata ọnyi rọsa

¹Navọ wa tanụvọ dọ ọzatụrọza ana nyi ụkụmi ini ọdọwụ, dụ waa ma mishọọji inẹẹsụ ẹshankata ọnyi rọsa. ²Ọzọnyi zụụ nyi ọdọwụ netu ki ọzi nyi isari ọnọ raizụa ri, di ọzẹnẹsa yinaani ọnọvi ki ọdọwụ aani ọzi kata, dọọ vi ki avi-ẹpẹ kẹnẹ ọnọọ rii.³Navọ asi ẹzẹnaa ri isari bo si eyi wụ ẹzẹna rama ri isari bo; navọ asi ọzẹnaa ri isari bo mishọọji yi ọzẹna rama ri isari bo. Fụvọki Oshomoshi ọ dọ ọ varama da. ⁴Ẹwụ anaa mishọọji yi ozida ọzẹnẹsa, ẹnụụ vi? Inọvidi ọga aani ọnọ ya dinẹ ẹtẹrẹ, inọvidi aani ọ ya zẹ sii sẹdụ. Ama, a vaa mẹ ẹ ki ọ dinẹ tụni ọmimẹ anasẹrẹ, fụvọki Ananyiyi ọnọ va zụụ mẹ ki ọ dinẹ ẹtẹrẹ.⁵Ọzọnyi yinaani ọna dụbani yi ẹkụshi ọnyi funa ọsa. Di ọzẹnẹsa yinaani one re ki ẹkụshi bo vi ẹbẹẹbẹ. Navọ dị ọzọọza ọ dọ ọtụtụrụma aani irenu. ⁶Ẹzẹna ra si ọkụshi ọnyi yi irafẹkẹ, Oshomoshi ọnọ mẹ irafẹkẹ ọnọ yi; ẹzẹnaa ri isari, Oshomoshi ọnọ ri ọ yi, fụvọki ọ̣ kụ Oshomoshi avọ tụni isari ọnọ ri. Ẹzẹna razi ri isa ọnọ, vene yi ki ọnọ ziri fụvọ Oshomoshi, ọn nyẹmbẹ vanaa kụ Oshomoshi avọ.⁷Fụvọki ọzi nyi ọzọnzọnyi ayi anaa mẹshẹ yi ẹngwụ aani, ọnri ki ọzi nyi ọzọnyọnyi ayi enee su yi ẹngwụ aani. ⁸Fụvọki yaa mẹshẹ, ya mẹshẹ yi Oshomoshi; yee su, ye su yi Oshomoshi. Aavi i mẹshẹ no, aavi i su no, Ananyiyi ọnọ nyi yi. ⁹Ọnọmẹ ki Ikristi o su yi yi, dọ zẹ varama sha kwẹẹtẹ vẹ va ra, doti o roze vi Ananyiyi yi aza bo, shi enene fu su, shi ẹnẹna yẹshẹ.¹⁰Ama, sẹnẹvẹ dụ waa mishọji yi ọnyara awụ kẹ? Shi ẹwụ bẹ, sẹnẹvẹ dụ waa sieyiwụ ọnyara awụ kẹ? Fụvọki ẹyi bo vana vaa dinẹ tụnọvidi Oshomoshi ini ishọọji. ¹¹Fụvọki a chẹrẹ ẹ ka, "Obonotu dim yinaani da, udunku bo vee kuẹtẹ yi mi, irarẹ bo vaa sụga yi Oshomoshi," Avọ ọni Ananyiyi mẹ ka.¹²Fụvavọ, ọzọnyọnya ayi vaa kurenu ọ mẹmẹ mẹshẹ aani zụ Oshomoshi.Asụụ mẹ isa ana vaa mẹ ki anọdọwụ ọsa ọ chamayi¹³ Fụvavọ, navọ asii kụ mishọọji yi ẹngwụ, akikọnọ nyi ọ tụni ọtụtụrụma nin ki ọzi nyi ọzọnyọnyi ana vaa si irẹta ọbọzasẹdụ ji oze navẹki dọọ varẹpa zi ọnyara aani.¹⁴Maa yẹ, dim dọzẹ ini Ijesu Ananyiyi, ki ọzi nyi isẹna razi ni yi ẹngwụ aani. Ẹzẹne re ro ki ọ nyi isẹna razi ni, ini eyi aani renya ọnọ razi ya ni. ¹⁵Aaviki ẹngwụ isari ọnụ waa ri ọzi vi ẹngwụ isari ọni ọnyara awụ inọdọwụ ro ki ọ vọrọ ki aa ri, ọnọ vi ki we zi sirẹyi ani, fụvọki ụ va zụụ mẹ ki asọ kụ vatụra oze Oshomoshi. Navọ asụụ fụvọ isari ọnụụ ri, dụụ mẹ ki ọnyara awụ ọ varama finaama Oshomoshi. Fụvọki ọnyẹmbẹ ọ bẹrẹ ẹnẹni Ikristi fụvọ aanini su.¹⁶Fụvavọ, asụụ navọ ki isa ọni ẹwụ ro ki isọiza ọnọ vi, ọ vi isa ọni azẹnẹsa vaa karẹyi ọshimi aani. ¹⁷Fụvọki ijọva Oshomoshi ọzi vi inọpati isari navẹki eche ofifu; ama ọmimanasẹrẹ, ẹngwọrọ ọnri ụjẹ ini Ifẹ Ọnini ọnọ ya yi.¹⁸Fụvọki ẹzẹna ra fẹkẹ Ikristi inoze ọnọni ọni Oshomoshi tanụvọọ dọ, di aza sụvọ tụọ. ¹⁹Fụvavọ, navọ di yaa dụ isẹnẹ vaa si ẹngwọrọ vẹ, ọnri isẹnẹ vaa mẹ ki ọzọọza ọọ fụ shirẹẹ tụọ.²⁰Asụụ du ụkọrọ Oshomoshi sha fụvọ isari. Ini irẹiza, isa bo vana ni, ama aaviki ọ mẹ ẹzẹna ri ọ ki ọ varama finaamạ Oshomoshi, ọnọvi ki isọshimi ọnọ vi yi ọzọnọ aavọ. ²¹Ọ sẹrẹ ki asụụ ri uye, navẹki we fueche, navẹki wa misa ọnyọnyi ana razi ngwụ ọnyara awụ eyi.²²Navọ dụ wa si eyi pe ọdọwụ ọnụụ nyi ini akaakana ẹwụ ri Oshomoshi. Ẹdabẹrẹ ọnọ vi yi ẹzẹna razi̇ jivi yi ẹngwụ aani zirẹngwụ isẹni ọtụtụrụma aani ka yọ ki ọ sẹrẹ. ²³Ẹzẹna ra ri isari ọnọ jirẹka, vana jivi yi ẹngwụ aani da aavọ, fụvọki ọzi fini ọdọwụ. Fụvọki isatụrisa ana razi fini ọdọwụ vẹ vi aichama.

Chapter 15Ọ vọrọ ki ya sụvọpe ọnọfụụva ayi ana kụmi ini ọdọwụ

¹Ọmẹyani, ẹyi ana kata ini ọdọwụ ayi vọnọ vọrọ ki ya sụvọpe ẹnena kụmi ini ọdọwụ aanini, fụvọki ọzi vọrọ ki ayi ẹngwụ ayi kẹnẹ ọnii va wụ. ²Navọ di ọzọnyọnya ayi ọ sụvọpe ọzọọfụva aani ini isọiza, doti ọ zụ kata ini ọkikashirẹ ini ọdọwụ.³Fụvọki Ikristi nyẹmbẹ ọzi dụ ayi ẹngwụ aani renya. Akikọnọ, a mẹmẹ chẹrẹ ẹ gẹdẹgẹdẹ ọnọ vi ka, "Ụfụ ẹnẹ kụ wụ bo vana vi inẹẹsụ ami." ⁴Fụvọki isa tụrisa ana chẹrẹ tụrama vana chẹrẹ ki ya si ọ kọsụe, doti ya zụ kụeyitụra Oshomoshi zirẹngwụ ishuru ọnri ọtitụ yi ụkata ọni Iwe Ọnini vaa sii yi yi.⁵Oshomoshi anaa yi ọza ishuru, anaạ tụyi ụkata ọva yụ wụ nin ọtụtụrụma ọnya ọnụụ ve sii pe ẹngwụ mẹ nin vene Ijesu Ikristi mẹ kaa. ⁶Oshomoshi ọ navọ dọ vọọ vi doti wa zụ si ọtụtụrụma ọnya ọnri irenu ọnya sụga yi Oshomoshi ana vi Ada Ijesu Ikristi Ananyiyi. Aa karenube ọiza yi ẹnẹna razi vi Iju⁷Fụvavọ, navọ dụ wa tanụvọ dọ ẹngwụ nini vene Ikristi mẹmẹ tanụvọ dọ wụ nini doti azụ siọ sụga yi Oshomoshi.⁸Di ma kaa yụ wụ nini, Ikristi vana si mẹ ozida ụma-ọjiji doti ọ zụ si irẹiza Oshomoshi zụ yi, ọnri ki doti ọ zụ siọ zụ yi ki otoowu ọni Oshomoshi mẹ yi oshuku ada ayi nini ọ vimẹ, ⁹ọnri ki di Ijẹntaini nini ẹ zụ sụga yi Oshomoshi fụvọ ayụva aani. Amẹmẹ chẹrẹ ẹ ọnọ vi: "Fụvavọ, mvaa sụga yụ wụ ini akaakana Ijẹntaini nini, dim sụga yi irẹsha awụ."¹⁰Dọ varama zẹ kaa ka, "Ẹwụ nin Ijẹntaini, pe aza aani jụje nini." ¹¹Ụpọsa dọ varama zẹ kaa ka, "Ẹwụ nin Ijẹntaini, navọ di ẹwụ nin bo ọ sụga yi Ananyiyi; navọ di azabo ẹ sụga yọ."¹²Ụpọsa di Aizaya ọn ze ̣kaa ka, "Izọ ọni ẹpa Ijeese vaa tụ fụrẹ, shi ẹzẹna vaa kwẹẹtẹ dọọ vi oshirẹsụ Ijẹntaini nini. Ọzẹni Ijẹntaini nini vaa nyi ayiọvanẹtẹ ini ẹngwụ aani ọno vi."¹³Ọmẹyani, Oshomoshi ayiọvanẹtẹ ọ va si ụjẹ ọnri ẹngwụọrọ mẹ wụ irẹiza fụvọ ọdọwụ awụ, doti wa zụ nyi ayiọvanẹtẹ zirẹngwụ Ifẹ Ọnini.Isẹnẹ mẹ ki Ipọọrụ ọ chẹrẹ iwe ọnọni¹⁴Ẹwụ nin ẹnyara ami, shi ẹmi nyẹmbẹ ọzi jiọirẹka ka ẹwụ nin nyẹmbẹ vọni ẹngwụ awụ nin shi yi isọiza, ọnri ki waa nyi ọyiyẹ nin. Maa zẹ nyi ayiọvanẹtẹ ka ụvaa jirẹyizụ ẹngwụ nini.¹⁵Ama ayọọvi ọni maa si chẹrẹ iwe ọnọni tụ shụ wụ nin aani o funa ayọọvi ọnim nyi oshẹtẹ, di ma siọ tamawayi inọpati isẹnyi, fụvọ isẹni Oshomoshi si mẹ mi irẹiza. ¹⁶Irẹiza ọnọni ọnọ vi ki a si mi mẹ ọnitụ Ijesu Ikristi ọna tụshi Ijẹntaini venebiri arụfa, di ma na si irenube ọiza Oshomoshi zụ wa. Ọ vọrọ ki ma kitụ ọnọni doti Oshomoshi ọ zụ tanụvọ dọ irẹiza Ijẹntaini nini ana dọ Ikristi, fụvọki Ifẹ Ọnini ọ vara wa ọnini da.¹⁷Fụvavọ, inoshine ami vana yini Ijesu Ikristi ọnri isa bo ana vi ayi Oshomoshi. ¹⁸Mai zụa karẹyi inọpati isọnyọnyi, ọọsifini isa ọni Ikristi mẹ zirẹngwụ ami ana mẹ ki Ijẹntaini nini ẹ vatụra irẹyi aani. Ọnọni ọnọ vi irẹyọka ọnri ụkọrụvọ aanini, ¹⁹zirẹngwụ ụkata ọsizụ ọnri isoshishozeyi, ọnri ụkata Ife Ọnini. Ọnọni vana mẹ doti ma zụ si irenube ọiza Ikristi varakara ziizi fụri Ijẹrusanẹmụ para na ngwụ Inirikụmụ.²⁰Avọ ọni osisi ami me vi ki ma si irenube ọiza na ngwụ irasha ana razi ya wi wụ irẹsha Ikristi, doti asọ vana vi ki isa ana si kẹtẹ da ọnim naa daa tụra. ²¹Amẹmẹ chẹrẹẹ ọnọ vi ka: "Ẹnọni irenube ọiza Ikristi rai ni ne tu vee re e, shi ẹnẹna razi wi wụ inọpati aani vọnọ vaa ngwụtọ."Ipọọrụ ka ọni vaa nọ Iromu²²Fụvavọ, ụpọrụrụ ọni aza nin za mi dinẹ ọna mẹ ki asim zụ ve tu wu nini. ²³ Ama, ọmẹyani, mai kụ nyi irasha ọnyọnyi tụni ọkakooro izọni, dim ve kue si ki me ve tu wu nini fụri irayirayi.²⁴Fụvavọ, ẹfitụrẹfi ọnim raa nọ Isipeni, mee che ozee paraafu, mvee si ki ma sha re wu di me pe wu nin tụfọ che, dụ wa zụ mọgụvọ yi mi nin ini ụsoze ami. ²⁵Ama, ọmẹyani maa nọ Ijerusalẹmụ naa mọgụvọ yi anọdọwụ nin ana yi izọ.²⁶Fụvọki inoshine ani Imasẹdoniya ọnri ani Achaya nini ọnọ vi, ana mẹ ki ẹ tụ ẹkẹshi na yi ọnriwa nin ana yini akaakana anọdọwụ ana yi Ijerusanẹmụ. ²⁷Avọ ọnọ mẹ vi, inoshine aanini ọnọ vi; inirẹiza, ụta ọnẹ rụ wa. Fụvọki, aaviki Ijẹntaini nin ẹẹ nyi ọgiga ini isa Oshomoshi, ọvọrọ ki ẹnẹ zẹ zụ mọgụvọ yi anọdọwụ nin ana yi izọ.²⁸Fụvavọ, ụmọnim ra mẹ ta, dim si isa ana si yi mi tushi wa kitụ yụ wa da, mvaa shaa tụ idawụ ẹfi ọnim raa ni Isipeni. ²⁹Maa yẹ ki ẹfi ọnim ra vẹ idawu nin, mve shii yi ẹdabẹrẹ Ikristi.³⁰Ọmẹyani, ẹwụ nin ẹnyara ami, fụvọ Ijesu Ikristi Ananyiyi ọnri osisi Ifẹ Ọnini, navọ wa gẹrẹsụ dụ wa vabẹrẹ mi tuozurenu shi Oshomoshi nini. ³¹Pe mi tuozurenu ki a va zụ jimtụ finụvọ anakamawụ nin ana yi Ijudiya, ọnri ki anọdọwụ nin ana yi Ijerusalẹmụ ẹ va zụ tanụvọ dọ ụkọrọ ọni yaa mẹ izọ. ³²Tuozurenu yi mi nin ki me ve zu re ụjẹ zirẹngwụ osisi Oshomoshi, ọnri ki ẹmi rẹwụ ọ va nyi ifooshi.³³Oshomoshi ẹngwụọrọ ọ va ya pe ẹwu nin bo. Aami.

Chapter 16Ụkụ ọikọọta

¹Navọ wa mẹ oziọnyẹnẹ ọnọni ẹtẹrẹ nini; ọni ọnọ vi Ifiibi, ozida ini ichọọchi ana yi Isẹnkiriya, ²doti wa zụ tanụvọ dọ ini Ananyiyi. Pe mi sụvọza inoze ana sẹrẹ anọdọwụ, dụ wa dinẹ pe e inozeturoze ọnụụ vazụ yaa mọgụvọ yọ. Fụvọki ọn nyẹmbẹ kụ vi ẹzẹnaa mọgụvọ yi azẹrụrụ ẹrụrụ; shi ẹmi nyẹmbẹ vọnọọ mọgụvọọ yi.³Pe mi kụ Ipirisina ọnri Akwina ọnii gẹ vi ọmụkọrọ ini Ijesu Ikristi, ⁴ana fụvọ ẹshẹ ami si ẹshẹ ayaanini mishavara. Maa kụ wa aavọ; shi ichọọchi Ijẹntaini nini bo ka kụ wa. ⁵Pemi kụ ichọọchi ana yini ireshi aanini. Pe mi kụ Ẹpaenẹtusi ọnim ngwụayi aani, ana vi ẹtụtụ ipaapa Eshiya yi Ikristi.⁶Pe mi kụ Imeri ana si ẹchẹnwgụ aani pe wu mụkọrọ. ⁷Pe mi kụ Adronikusi ọnri Ijuniyasi, ẹnẹ yi riọ vi anrẹkụra ọnya, ọnri ẹnẹ mi rụ wa gẹ vi anijaaru. Aza ọni eyi yẹ ọnẹ vi, ini ẹ mẹ gẹ ya vi ọnitụ Oshomoshi, ana zẹ ji jitụ mi ji tụ yininẹ Ikristi. ⁸ Pe mi kụ Ampiniyatusi ọnim ngwụayi aani ini Ananyiyi.⁹Pemi kụ Ọbanusi ọnii gẹ vi ọmụkọrọ ini Ikristi, ọnri Isitachisi ọnim ngwụayi aani. ¹⁰Pe mi kụ Apẹnẹsi ana tanụvọ yi ini Ikristi. Pe mi kụ anreshi Aristobunusi. ¹¹Pe mi kụ Ihẹrodiyọni, ana vi anrẹkụra ami. Pe mi kụ anreshi Nakisusi, ana nyi ọdọwụ ini Ananyiyi.¹²Pe mi kụ Itirifina ọnri Itirifosa, anaa si ẹchẹngwụ mụkọrọ ini Ananyiyi. Pe mi kụ Ipẹrisisi ọnim ngwụayi aani, ana si ẹchẹngwụ mụkọrọ ini Ananyiyi. ¹³Pe mi kụ Irufọsi ọna ni ini Ananyiyi ọnri ọnyi aani shi ọnyi ami. ¹⁴ Pe mi kụ Asinkritusi, Ifinegọni, Ihẹrimesi, Ipatrobasi, Ihẹrimasi, shi ẹnyara inọdọwụ ana ya pe wa.¹⁵Pe mi kụ Ifonogusi ọnri Ijuniya, Inẹreusi, ọnri ọnyara aani ọnyẹnẹ ọnri Onimpasi shi anọdọwụ nini bo ana ya pe wa. ¹⁶Navọ dụ waa kụ ẹngwụ nini zirẹngwụ osisirẹyi ẹngwụ tunẹ tunẹ. Ichọọchi Ikristi bo ka kụ wụ nin.Iwe-ọji ọikọọta¹⁷Ọmẹyani, ẹwụ nin ẹnyara inọdọwụ, ẹnẹ naa garawụ nini shi, dẹẹ misa anaa mẹ ki azẹẹ varama fini ọdọwụ, navọ dụ wa zama irẹyi aanini re. Ẹ para isẹna zụ wụ fu, dẹẹ kụa mọsa. Va fụrẹ azẹnẹni irama nin. ¹⁸Fụvọki aivi Ikristi Ananyiyi ọni ẹngwụ azẹnẹni aa fẹkẹ, ama dẹẹ si irenu oshine mẹ aza apẹẹ zii zi, dee si ọ ji ọtụtụrụma anarimayẹ nin vene.¹⁹Fụvọki ụvọ ọnụ waa sii vatụra irenube ọiza Ikristi nin vọnaa sii mẹ iweọji yi anọdọwụ nin ana yi irasha bo. Fụvavọ, maa jẹ yụ wụ nini, ama mee si kụ wa nyi ụvira, doti wa zụ yẹ ana vi isọiza, ọnri ka doti asụụ nyụvọ tụni isọshimi. ²⁰Oshomoshi ẹngwụọrọ vaa jantụụ kụọrọ Eshu yẹgẹyẹgẹ ini ẹpẹẹpẹtẹ afụ awụ̣. Ọiza ọfẹ Ijesu Ikristi Ananyiyi ọ va si vi ayawụ nin.²¹Itimoti ọni ẹmi riọ gaa mụkọrọ ọdọwụ, ki ma kụ wụ; Inụshiyọsi, Ijasọni ọnri Isọsipata ana vi anrẹkụra ami nini, ki ma zẹ ki kụ wụ. ²²Itatiyụsi, ọna chẹrẹ iwe irenube ọiza ọnọni tẹtẹ, ki ma kụ wụ ini Ananyiyi.²³Igayọsi, ana si irasha yi mi, shi izẹni ichọọchi bo yaa mẹ iragụ, ki ma kụ wu nin. Ẹrasitọsi, ana vi ọdẹkẹshitẹ ini irẹkụra ọnọ, ọnyara aani Ikwatụsi ki ma kụ wu nin. ²⁴Ọiza ọfẹ Ijesu Ikristi Ananyiyi ọ va si vi ayawụ nini. Aami.Ipọọrụ ọ sụga yi Oshomoshi²⁵Ụga vi ayi Oshomoshi ana mẹ kụ wa nyi afụshẹtẹ inoze ana vatụra irenube ọiza ọnim si ve tu wu nini, ọnri irenube Ijesu Ikristi, inọpati isoshishozeyi ana tẹ fụrụmọrụmọ vẹ, dọ va nyi ki ọ nyi ọsizụ, ²⁶ama, aa si ọ zụ da ọmẹyani, ọnri ki irẹkụravabẹ bo ana yẹshẹ ẹ̣ yẹ inọpati aani da zirẹngwụ isẹni oreẹtẹ nini chẹrẹ, inoze ana vatụra ụmọ Oshomoshi, doti ẹ zụ vatụroze ọdọwụ.²⁷Ụga vi ayi Oshomoshi, ana vi Oshomoshi ọnya chọ ana nyi ụvira, zirẹngwụ Ijesu Ikristi. Aami.

1 Corinthians

Chapter 1Ụkụ

¹Ipọọrụ, ọni Ijesu Ikristi shi ka, ọvi ọnitụ, veni Oshomoshi mẹẹ siọ ọnri Isọsitẹnisi ọnyarayi, ²tụshi ichọọchi Oshomoshi ọna yi Ikọrinti, netụ ẹnẹna sha tụ renyi ini Ijesu Ikristi, ẹnẹna shi kẹ vaa vi ọza ọnini. Zẹtụọ, iza chi chẹrẹ iwe ọnọni tụshi aza bo ana shi ini irẹsha Ananyiyi Ijesu Ikristi, irasha bo anaa vi Ananyiyi, do ̣zẹ vi Anayụwa. ³Ọiza-ọọfẹ ọnri ẹngwọrọ fidi Oshomoshi anavi Adaa ọnri Ananyiyi Ijesu Ikristi, ọọ vasi vi ayawụ nini.Ụkata ọni Ijesu si yi aza aani⁴Ẹfibo ọni ma si kụ Oshomoshi avọ yụ wụ nini, fụvi ọiza-ọọfẹ Oshomoshi ọni Ijesu Ikristi si wụ nini. ⁵Ọ mẹẹ wụ nini opisa inoze bo, ini ụmẹmẹ aa karẹyi ụvira bo ọnri ini ọyiyẹ, ⁶Venebiri a mẹ divenụ irẹyi inọpati Ikristi, kọ vi irẹiza inakaakana awụ nini.⁷Fụvavọ, ụ mẹ dinẹ ee zi ọkụshi ọni Ijesu Ananyiyi vaa sii sẹngwụ zụ aani, ọzi nyi ụkata ifẹ ọnya ọni Oshomoshi sii yi ọza ọnụ raa zi nyi nin. ⁸Ọva zẹ titu wụ nini ụkata netu ọikọta, doti wa vaa vi ẹzẹna ra za nyi ivi ini ọkụshi Ananyiyi Ijesu Ikristi. ⁹Osho-moshi vi ọni irẹiza, ana shụ wụ vangwụ ini ọrigẹ Ozi aani, Ijesu Ikristi anavi Ananyiyi.Ọmimaka ini iragụ ¹⁰Ọmẹyani, ẹnyarami zirẹngwụ Ananyiyi Ijesu Ikristi, ka ẹwụ nin bo ọvụvọbẹ di asọ nyi ọgiga inakaakana wụ nini. Maa dipẹ yụ wụ nini, kụwa sinẹ vọnya ini omimi isa. ¹¹Anreshi Ikinoe nini ẹẹ shafụ aani sha yi mi, ẹwụ ẹnyarami nin, ki ọ nyi aka renyi renyi inakaakana awụ nini.¹²Irẹyi ọni ma ka ọnọvi: Ọza ọnyọnya awụ nini ọọ kaa ki, "Ẹma ya pe Ipọọrụ," di ẹnyi kaa ki, "Ẹma ya pe Aponọsi," di ẹnyi kaa ki, "Ẹma ya pe Ikefasi," di ẹnyi kaa ki "Ẹma ya pe Ikristi." ¹³Awa ga Ikristi tụoze renyi renyi? Awa kani Ipọọrụ zọchi-avashi fụva awụ nini? Awa mi isami yụ wụ nini ini irẹsha Ipọọrụ?¹⁴Maa kụ Oshomoshi avọ, kima zi mẹ isami yi ọzọnyọnyi awu nini, ọ si fini Ikrispọsi ọnri Igayiọsi. ¹⁵Ọnọni, ọvọvọ vi, doti asi ọ nyi ọza ana va ka ki, ami isami yụ wụ nini ngwụ ni irẹsha ami. ¹⁶(Maa zẹ mi mẹ isami yi anreshi Isitẹfanasi. Ọ si fini ọnọ, mazi yẹ aaviki ma mẹ isami yi azẹnẹsa.)¹⁷Fụvọki, Ikristi vanaa tụ mi kima vaa ka irenụbe ọiza, aa zivi kima vaa mi isami, ọzi tụ mi kima vaa ki irenụbe ini ụvira ọza, ama, ukata ayi Ikristi one sụ ini ọchi-avashi, doti asi ọọ vaa vi osụsụ.Ikristi ọ nyi ụkata ọnri ụvira ¹⁸Fuvọki, irenụbe inọpati ọchi-avashi, oo venebiri ụra yi enene suu naa, ama, inakaakana aza ọni Oshomoshi aa dọọtụ, ụkata Oshomoshi ọnọvi. ¹⁹Fụvọka, aa chẹrẹ tẹtẹ ka, "Ụvira ẹnẹna nyi ụvira, vọnim vee vụri. Oyiye ọnụvira nin vọnim vee dụụ sha."²⁰Yere ọza ana nyi ụvira kẹ? Yere ọza anavi okiwe kẹ? Yere aza ana nyi ẹshankata inọpati ẹshẹ ọnọni kẹ? Oshomoshi wa razi vara uvira anẹshẹ nin tụni ụra da? ²¹Ụmọni ẹshẹ ini ụvira aani razi yẹ Osho-moshi, ushine ọnọvi yi Oshomoshi, ka aa zirẹngwụ irenụbe-ọiza aani ene veni ura yi anẹshẹ, doti aa zụ siọ dọ aza ana ra dọwụ tụ.²²Fụvọki ani Ijuu ee fisụe isa oshishozeyi, di ani Igiriki fisụe ụvira. ²³Ama, ya ka irenụbe Ikristi ana wụ, ọna ji ani Ijuu nini oze, do vene irẹyi ụra ineyi ani Igiriki nini.²⁴Ama yi ẹzẹni Oshomoshi shi da, shi ani Ijuu ọnri Igiriki nin, yaa karẹnụbe Ikristi veni ụkata ọnri ụvira Oshomoshi. ²⁵Fụvọka ụra Oshomoshi o fụni ụvira aza, ọnri ukumi Oshomoshi ọ nyi ụkata fụni aza.²⁶Ẹnyarami zama amẹmẹ shụ wụ nini. Ọzi vi azẹ ẹrụrụ awụ nini, ọnọ nyi ụvira zirengwụ ọyiyẹ aza. Ọzi vi azẹ ẹrụrụ̣ awụ nin, ọnọ nyi ụkata. Ọzi vi azẹ ẹrụrụ awụ̣ nin ọna ma inoze ụ̣bani. ²⁷Ama, Oshomo-shi ọọni isa ene veni ụra inẹshẹ, dọ siọ mụshi nyi ọnụvira, Oshomoshi ọọni isa ana razi nyi ụkata, dọ siọ mụshi nyi ẹnẹna nyi ụkata.²⁸Oshomoshi ọọni isene weyi, ọnri ọnaa seyi wụ inẹshẹ. Dọ vana zẹ ni ni isa ene re ka ọzi nyi isọvi ọnọ bẹrẹ, doti oroze si isa ene re kọ nyụ ụbani, vara isa ana razi nyi ọnọ bẹrẹ. ²⁹Ọmẹ ọnọni doti asi ọ nyi ẹzẹna nyi isẹnẹ vaa mẹ kọ garogụ inọvidi aani.³⁰ Fụvi isa ọni Oshomoshi mẹ, ọmẹyani wa yini Ijesu Ikristi, ọna vari ụvira yiyi fidi Oshomoshi. Dọ vari ọmimanasẹrẹ, ọnini, ọnri ọshishi varama. ³¹Ọmẹ maan vi, venebiri iwe ọnini mẹ kaa, "Navọ di ẹnẹna garogu̇,̣ ẹẹ garogụ ini Ananyi̇yi."

Chapter 2Irenụbe Ikristi ana kani za ọchi-avashi

¹Ẹnyarami, ẹfi ọnim vẹ tu wu nini, mazi vẹ ki ma vi ọyaraka, navẹki ọnụ ụvira, mma showụ irẹiza ana tẹ inọpati Oshomoshi yụ wụ nini. ²Fụvọka ọzi nyi isa ọni me si ki ma yẹ inakaakana awu nini, ọọ zi vi Ijesu Ikristi ana kani zọchi-avashi.³Maa ya pe wụ nin vene ẹzẹna razi nyi ụkata, dim yini angwashi ọnri irẹgashi. ⁴Ama utu irenụbe ọnim showụ aani, ọzi bẹrẹ osisi ụvira kụshi ọza inẹ. Amạ, ọ sẹngwụ zụ zirẹngwụ ifẹ ọnri ụkata aani, ⁵Fụvọ di asi ọdọwụ awụ zufu dinẹ tụni ụvira aza, ama ini ụkata Oshomoshi.Irẹyi ana tẹ ọni Ifẹ si zụ⁶Ọmẹyani, ya karẹyi ụvira inakaakana azẹna nyi ụvira da, ama aivi ini ụvira anẹshẹ, navẹki ụvira oshirẹsụ evereze ọnọni anaa karụpa. ⁷Akikọnọ, ya karẹyi ụvira Oshomoshi ini irẹiza ọnatẹ, ụvira ọnatẹ ọni Oshomoshi teni tẹtẹ dọvidi ụmẹ ana mẹ yi ụga ayi.⁸Ọzi nyi ọdọvidi ayi ụmọnọni ana yẹ ụvira ọnọni, fụvọka avi ka ẹẹ yaan yẹ inẹfi ọnọ, ẹzi yaan kani Ananyiyi ana nyi uga zọchi-avashi. ⁹Ama, venebiri a mẹ chẹrẹ tẹtẹ, "Ọzi nyi ụtọ ene si wụọ, navẹki ọtụtụrụma ene si kaa nangwụ isẹni Oshomoshi teni tẹtẹ yi ẹni ono sirẹyi aani."¹⁰Isẹnẹni ọni Oshomoshi si zụyi zirẹngwụ ifẹ ọnini. Fụvọka ifẹ venee sii afụ isa bo, shi isẹnẹ nyinẹ anavi ayi Oshomoshi. ¹¹Ọwa nyi ẹzẹna yẹ isẹnẹ ọza eero, ọ si fini ifẹ ọza ana yi inaani? Avọ mẹ zẹ vi vi, ọzi nyi ẹzẹna yẹ isẹnẹ nyinẹ inọpati Oshomoshi ọchishi Ifẹ Oshomoshi.¹²Ẹ ya zi di ifẹ ẹshẹ, ama ifẹ ana fidi Oshomoshi vẹ, di ya zụ yẹ isa ọọfẹ ọni Oshomoshi si yi yi. ¹³Yaa karẹyi inọpati isẹnẹni inoze ọnọviki azẹ zi zụa si ụvira oza ka, ama ọni Ifẹ aa zụ aza. Ifẹ ọnini ọnọ sha irẹyi ifẹ afu-sha zirẹngwụ ụvira ọi ifẹ.¹⁴Ẹzẹna razi yini ifẹ ọizụa di isa ana vi ọyi Ifẹ Oshomoshi, fụvọka, ee vene ụra tụ neyi anini. Ọizụa yẹ isẹnẹ vi, fụvọka ziri ifẹ ana ya yẹ. ¹⁵Ẹzẹna yini ifẹ ọnọ mẹ ishọji isa bo, ama ẹ zi yini afu ishọji azẹnẹsa. ¹⁶"Ọwa nyi ẹzẹna yẹ ọtụtụrụma Ananyiyi," ọna va zụụ jii zụọ? "Ama, ẹyi aa nyi ọtụtụrụma Ikristi."

Chapter 3Aza bo vi ẹbẹẹbẹ ini ụkọrọ Oshomoshi

¹Ẹnyarami, mai zụ karẹyi yụ wụ nin, venebiri aza ana nyi ọyiyẹ ini ifẹ, akikọnọ, dim karẹyi yụ wụ nini venebiri aza ana yini ẹchẹgwụ ana vi ezeweyi ini Ikristi. ²Maa ka wụ enyi irẹva nini, azivi isari obooro ọnim si yụ wụ ri nini, fụvọki we zi teni ẹngwụ zio nin, shi ọmẹyani, wei ti teni ẹngwụ nini̇.³Fụvọki ụ yi yini ẹchẹngwụ nin. Izẹni ishini ọkikụ ọnri irazi ya inakaakana awụ nini, aivi ini ẹchẹngwụ ọnụ ra nini, dụ waa vatụra anẹshẹ nini aavọ? ⁴Fụvọki, ẹfi ọni ọza ọnya kaa ki, "Ipọọrụ ọni maa vatụra." di ọsa ka, "Aponọsi ọni maa vatụra," avi ụwa mẹ venebiri anẹshẹ nini aavọ? ⁵"Ẹnẹvi Aponọsi? Ẹnẹvi Ipọọrụ? Ezida ọnụ zirẹ-ngwụ anini nyi ọdọwụ ọnọvi ki Ananyiyi ọ si ụkọrọ yi ọza ọnyọnya anini kẹ mẹẹ.⁶Mee chire isa, di Aponọsi aa kenyi shio, ama Oshomoshi ọnọ mẹ ki ọ fụ. ⁷Fụvavọ, shi ozene chire isa, shi ọzẹna kenyi shio, ọzi nyi ana bẹrẹ. Ama Oshomoshi ọna mẹ ki ọ fụ.⁸Ọmẹyani, ọza ene chire isa ọnri ọzena kenyi shio, vi ọnya, di ọzọza dọ ọpa ẹkẹshi ụkọrọ ọnọ ra mẹ. ⁹Fụvọki, yee pe Oshomoshi mụkọrọ. Ụbazi ọnri ireshi Oshomoshi ọnụvi nini.Oshomoshi vaa zama ụkọrọ ọzọza re¹⁰Venebiri ọiza-ọọfe, ọni Oshomoshi si yi mi, ọnọ si mẹ mi ọtụrarẹshi ebebaani, ma si ireshi kẹtẹ, di azẹnẹsa a tụra tụọ. Ama, navọ di ọzọza seyi pe ọ mẹmẹ aa tụraa tụọ. ¹¹Fụvọki, ọzi nyi ọza ana va zụ si oshẹtẹ ọsa kẹtẹ, ana vi irenyi yi ọni Ijesu Ikristi si kẹtẹ.¹²Ọmẹyani, aaviki ọ nyi ọza ọna si igonu, isiriva, irẹta ozoza renyi renyi, ọchi, avụda, navẹki ofokụ tụra tụni oshẹtẹ ọnọ, ¹³a vaa si ụkọrọ aani zụ, fụvọki ẹtofei vaa siọ zụ, fụvọki ira ọna va siọ zu. Ira ana vaa si zama ụkọrọ ozoza me re zoza tụ.¹⁴Aaviki ụkọrọ ọza ọ dinẹ, o vee re ọgụ aani dọ. ¹⁵Ama, aavika ụkọrọ ọza ọ rira vasha, ọ jaavọ vụ, ama a vaa dọ ọni nyẹmbẹ tụ venebiri ọza ọna jaavọ fini ira.¹⁶Wa zi yẹ ka itẹmpụrụ Oshomoshi ọnụ vi nini, di Ifẹ Oshomoshi ra ininẹ awụ nini? ¹⁷Aavika ọ nyi ọzẹna dụ itẹmpụrụ Oshomoshi shaa, Oshomoshi vene ve dụ ọza ọnọ shaa. Fụvọki itẹmpụrụ Oshomo-shi vi ọnini, avọ ọni ẹwụ nini mẹ zẹ vi vi.Asi ọza woto ¹⁸Asi ọza ọzọnyọnyi mẹngwụ aani apẹ. Aavika ọ nyi ọzọnyọnyi inakaakana awụ nin one ro ki ọnọ nyi ụvira ini evereze ọnọni, navọ dọ vara "ọnụra," doti ọzụ nyi ụvira. ¹⁹Fụvọka ụvira ẹshẹ ọnọni vi ụra inọvidi Oshomoshi. Fụvọki a chẹrẹ tẹtẹ ka, "ọ zaa ẹnẹna nyi ụvira ini irikishi anini." ²⁰Zẹtụọ, "Ananyiyi ọ yẹ ka aaro ọnụvira anini vi osusu."²¹Fụvavọ, aso nyi ẹzẹna si oza wooto inọpati aza. Fụvọki isa bo vi ayawụ, ²²shọọ daka vika, Ipọọrụ navẹki Aponọsi, navẹki Ikẹfasi, navẹki ẹshẹ, navẹki ifẹ, navẹki isụ navẹki isẹne yi naani, navẹki isẹna vaa vẹ. Isa bo vi ayawụ, ²³ayi Ikristi ọnụ vi, di Ikristi vi ayi Oshomoshi.

Chapter 4Ụkọrọ ọnitụ Ikristi nini

¹Ẹyi ọnọ vọrọ ki aza ọ si irẹyi, ozida Ikristi ana si irẹyi irẹiza Oshomoshi ana tẹ, chire ụvọ ka ẹ si eyi pee. ²Isa ene si fini ụvọ ẹnẹna si isa chire ụvọ, ọnọ vi ka, ẹ vi ẹzẹna va zụụ dọrenụ.³Ama ini ayami, isa che ọnọvi ka ẹwụ nin navẹki, ikotụ aza ọ mẹ ishọji yi mi. Fụvọka ẹmi nyẹmbẹ ọzi mi ishọji yi ẹngwu ami. ⁴Ma zi yẹ irẹyi ọnyọnyi ọna si shi mi irẹka, ama, ọnọni ọzi siọ zụ kima rivi. Ananyiyi ọnaa mẹ ishọji ami.⁵Fụvavọ, a sụ mẹ ishọji inọpati isa ọnyọnyi di ẹfi aani o vetu, di Ananyiyi ọ tangwa va vẹ. Ọ vaa si isa bo ana tẹ tụni oozi vi ini eyigede, dọ va si aaro ọtụtụrụma bo zụ. Ẹfi avọ, di ọza ọnyọnya va dọ ụga fini ụvọ Oshomoshi.⁶Ọmẹyani, ẹwụ nin ẹnyarami, maa si irẹyi ọnọni mẹ ụkọrọ inẹngwụ ami ọnri Aponọsi fụvi dụ wa zụ yẹ afụ irẹyi ọnọni fini ụvọ̣ ayi nini. "A sụụ jinẹ isẹna chẹrẹ tẹtẹ," ọọ maan vi doti asi ọ nyi aza awụ nin anaa si ọzẹnyi meyi, dọ seyi wu ọzẹnẹsa. ⁷Yere aza enee re isẹna vi irenyi ini awu nini ọnri ayi azẹnẹsa kẹ? Sẹnẹvẹ isa ọnụ nyi ana razi vi ọọfẹ? Aaviki ọọfẹ ọnụ ree dọ, sẹnẹvẹ du wa garogụ kẹ venebiri ka aivi ọọfẹ ọnụ ree dọ?Anẹshẹ vana kụ feyi shi yi ⁸Wee re vene ka waa nyi isụ wee si nin da! Waa mẹ vene ka opisa ọnụ vi nin! Waa mẹ ki oshinọyi ọnụ vi nin, shụ wai daka re ọgụvọ ayi. Ọ maa viki oshinọyi ọnụ vi nin irẹiza, ụmavọ di ẹyi yaan zụ pe wụ nin ri oshinọyi. ⁹Fụvọki mee ro ka Oshomoshi ọọ si ẹyi ọnitụ kwẹtẹ yi anẹshẹ ini ọikọọta vene aza ana mẹ ishọji isụ ọwọza yi. Aza bo vana kụ feyi shi yi, shi angẹni nin, shi anẹshẹ.¹⁰Ọnụra ọni ii vi fụvi Ikristi, di ẹwụ nini vi ọnụvira ini Ikristi. Yazi nyi ụkata, ama di ẹwụ nini nyi ụkata. Aa dụbani yụ wụ nini, ama da seyi wụ yi. ¹¹Vetụ ụmaani, vọni ụngwẹ ọnri onyi aa kụ yi, ye zi re ita kụẹngwụ, ee tu yi vangwushi, di razi nyi ireshi ra.¹²Yaa si ẹchẹngwụ mụkọrọ kokoro. Ẹ ma ji yi isiya, di ya tozụrenụ ẹdabẹrẹ yụ wa. Aa si ụya ri yi fụvọ ọdọwụ ayi, di nyi ọsẹngwụ-dọ. ¹³Ẹẹ ka ọshimi ayi, di yaa ka ọiza anini. Vetụ ụmaani, di vi iritụtụ anẹshẹ, ọnri ishẹrẹ enefụ bo tụwa eyi.Waa fama mi nini¹⁴Maa zi chẹrẹ isẹnẹni di ma siọ mụshi nyi wụ, ama, di ma siọ vọrọ wụ nin vaji oze venebiri ezi ọnim ngwụayani. ¹⁵Fụvọki, shọọ daka vi ka waa nyi aza akashi oze ẹwụ, ana zụ wụ nin ka, oze ọzi ini Ikristi, wa zi nyi Adaa ọrụrụ nini. Fụvọka ma vara Adaa ini Ijesu Ikristi yụ wụ nin, zirẹngwu irenụbe ọiza. ¹⁶Maa dipẹ yụ wụ nini kụ waa fama mi nini.¹⁷Fụvavọ ọni si tụ Itimoti, ọnim ngwụayani, dọ zẹ vi ozi irẹiza ini Ananyiyi shụ wụ nin. Ọ vaa tama awụ nin ayi mmẹ mẹ aa zụsẹ, inoze Ikristi bo, venebiri imẹmẹ aa zụ aza irasha bo, ọnri ini ichọọchi bo. ¹⁸Ọmẹyani, azẹnyi inakaakana awụ nin vana kụa kụẹngwụ nin tụẹba, dẹ mẹ venebiri kima kụa vi ida awụ nin.¹⁹Ama, mva jantụ vẹ, aavika Ananyiyi oo si. Ụmọnọ, mve re isi azẹna kụ ẹngwụ tụẹba aavọ, isi ọnụkata nini vị, aivi irẹyi ẹnẹ ka kẹnẹ mva wụ. ²⁰Fụvọka, ijọva ayi Oshomo-shi ọzi vi ini irẹyi ọkika renya, ama ini ụkata. ²¹Sẹnụ wee sị? Ụ wa kima si inori ve tụ wụ nin, navẹki ma vẹ ini osisi ọnri ini ifẹ ẹngwụọrọ.

Chapter 5Irẹyi inọpati imọrimọ asụụ

¹Yaa wụ ka ụnọ ọmimẹ yi inakaakana awụ nini, ẹngwụ ụnọ ọmimẹ ana ra zi yi ina-kaakana ani Ijẹntaini nini. Irẹyi ana ka yi yi ọnọvi ka, ọzenya inakaakana awụ nini, o bere ose ada aani sụ. ²Waa da ụbani nini!. Aivi ọvọrọ kụ wa karẹsụ shi nini? Ẹngwụ ọza ana mẹ isa ọnọni vọni vọrọ a bẹdọ tụ fi inakaakana awụ nini.³Shọọ daka vi ka ma zi yi izọ ini ẹchẹngwụ, ama, dim yi izọ ini ifẹ, maa mẹ ishọji yi ọza ana mẹ isa ọnọni da, venebiri kim yi izọ. ⁴Maa mẹ ishọji yi ọza ọnọni da, ụmẹ ọnụ ree peregụ ini irẹsha Ananyiyi Ijesu, di ifẹ ami yi izọ pe wụ nini ini ukata Ijesu Ananyiyi. ⁵Maa mọnọni di ma si ọnọrụ ọnọọ chire eshụ ụvọ, doti ọ zụ dụ ẹchẹngwụ aani shaa, fụvọ di avazụ di ifẹ aani tụ ini ọkụshi Ananyiyi.⁶Otowụ awụ nini ozi zoza. Ụ wa razi yẹ nin ka, ọva oweyi ọnọo si isa wụ? ⁷Nyina ọva ọkụkụ fi inẹngwụ nin, dụ wa vara ọwọọwa, fụvọ dụ wa vi ọnini. Fụvọki aa si Ikristi ana vi atẹmẹ ọpiparafụ ayi, a siọ mi isẹvọ da. ⁸Fụvavọ, navọ di ya ri ụpe ọnọ, aivi ini ọva ọkụkụ ana vi iveefụ ọshimi ọnri ọshimi ọmimẹ, ọni ra yaa mẹ ẹ. Akikọnọ, navọ di ya ri ivụrẹdi ini inẹ ọnya ọnri ini irẹiza.⁹Maa chẹrẹ tụshụ wụ nini ini iwe ami ka, asu zi vafụra aza ana vi ọsẹrẹka. ¹⁰Ọzi nyi ụmọ ọnim si karẹyi inọpati aza ana razi ni inẹshẹ ọnọni, navẹki aza avụkavụka nini, navẹki ọmọzapẹ dọ zisa, navẹki aza anaa fẹkẹ ori, ọ mẹ vi ka, waa kavana yụ wa, kụ vaa jinẹ fi inẹshẹ ọnọni.¹¹Ama, ọmẹyani maa chẹrẹ iwe tụ shụ wụ nini ka, asụ vafụra ọza ọna shi ẹngwani ọnyara, ama dọ ra ini irẹka ọsisẹ, dọ vi anafasha, dọọ fẹkẹ ori, dọ nyi irenụ ụfụ, dọ vi ofụ eche, mẹre eche, dọ zẹ vi anapẹ. Asu vene berẹ ẹngwa aza ẹnẹ ri isari. ¹²Yere ana gẹ mi tụ ini ojiji-shi aza ana razi yi ini ichọọchi kẹ? Akikọnọ, aivi aza ona yi ini ichọọchi ọnụ vaa mẹ ishọji yi nin? ¹³Ama, Oshomoshi ọnọ vaa mẹ ishọ̣ji yi ẹnẹna inẹshẹshẹ, "Tụ ọza ọshimi jine fi inakaakana awụ nini."

Chapter 6Ọ zi vọrọ ka anọdọwụ nini ẹ shẹngwụ irẹka tụni ikotụ

¹Aaviki ọ nyi ọza awụ nin ọnya, o bere ẹzẹnẹsa nyi ẹshankata, ọ waa vazụ za ni nikotụ aza na yi inọvidi ọjishi, ana razi nyi ọdọwụ, ọnọ vọrọ ka ọni nọvidi aza ana nyi ọdọwụ? ²Wazi yẹ ka aza ana nyi ọdọwụ, ẹna vaa mi ishọji ẹshẹ ọnọni? Aaviki ọvọvọ si vika, ụ va mi ishọji ẹshẹ ọnọni, wai vazụ mi ishọji isa eweyi nini? ³Wazi yẹ nini ka ẹyi ọnọ va mi ishọji yi angẹni nini? Ụmọnọ maan vasiya, sẹnẹvẹ diya zụa mi ishọji isa ẹshẹ ọnọni?⁴Aaviki ẹwụ ọnọ va mi ishọji isa onee re eyini-eyini inẹshẹ, sẹnẹvẹ dụ wa kụ irẹyi ni inọvidi ẹnẹna ra zi nyi ụfụ shẹtẹ ini ichọọchi? ⁵Maa kọnọni, di ma siọ zụ wụ nini, umẹmẹ mụshi nyi ẹngwụ awụ nini. Ọwa ra zi nyi ozenya inakaakana awụ, ọna nyi ụvira, ọna va zụ si mi ọkarẹyi ẹ̣nyara ana nyi ẹshankata. ⁶Ama, ọmẹmẹ ya ọnọ vika, ọza ana nyi ọdọwụ, ọ si anọdọwụ ọsa ni nikotụ, da sirẹyi anini tụni ọvidi ọjishi ana ra zi nyi ọdọwụ!⁷Irẹiza ọvi, kaa ẹshankata ra inakaakana ẹnẹna nyi ọdọwụ, ọ si ọ zụ ka, ee jụwụni kụẹtẹ da. Sẹnẹvẹ dụ raza navọ ka aa jivi yụ wụ? Sẹnẹvẹ dụ raza navọ̣ ka amẹ wụ nin rii? ⁸Ama, wa mẹ abojinye, du zẹ mẹ azẹnẹsa rii, aza ẹnẹni vi ẹnyara awụ!⁹Wazi yẹ nini kaa, ọza ana mi isẹnẹ razi ̣sẹrẹ, ọizụa riọgụ ijọva Oshomoshi? Asụ di anapinẹ nin renụ. Ẹnẹna sẹrẹka, dẹ fẹkẹ ori, ẹnẹna di oza ọva ọnri ose oza, ọsẹrẹka ẹnẹvi, ọnọrụ ene pe ọnọrụ sụ ọnri ọnyẹnẹ anasi ọnyẹnẹ ọsa mi ọva, ¹⁰ọyi nin, ẹnẹna mẹ avụkavụka, ofụ eche mẹre eche nin, oodụ ọza rẹsụ, anapẹ nin, ọzi nyi ọ̣nya ini anini ana va riọgụ ijọva Oshomoshi. ¹¹Aavọ ọni ẹnyi ini awụ nin mẹ bidi ya. Ama anyina awụ nini da, aa vara wụ ọnini, di aa sha wụ nin tu yi Oshomoshi ini rẹsha Ananyiyi, Ijesụ Ikristi ọnri Ifẹ Oshomoshi.Si ẹngwụ awụ sụga yi Oshomoshi¹²"Isabo vana vi ofi yi mi," ama ọzivi isabo ọnọvi ọgụ yi mi. "Isabo vana vi ofi yi mi," ama ọzi nyi ọnya inaani ọna vazụ zami ọrishi. ¹³"Isari vana mẹ yi inẹ, da mi inẹ yi isari," ama Oshomoshi vaa vi inẹ ọnri isari sha. Azẹzi mẹ ẹchẹngwụ yi irẹka ọsisẹ. Akikọnọ, ẹchẹngwụ vi ayi Ananyiyi, Ananyiyi va mi isẹnẹ sẹrẹ yi ẹchẹngwụ.¹⁴Oshomoshi ọshaa Ananyiyi kwẹtẹ, ọ zẹ vazẹ shayi kwẹtẹ zirẹngwụ ụkata aani. ¹⁵Wa zi yẹ ka ẹchẹngwụ awụ nini ọ bẹ tụni Ikristi? Mwa va fụvavọ si aka ọna vi ayi Ikristi kavana, di ma na si ọ bẹri irẹka ọsisẹ? A si ọvọvọ vi!¹⁶Ụwa razi yẹ nini ka ọza ọna ra si ẹngwụ na bẹri ọsẹrẹka, ọọ si vari ẹchengwụ ọnya? Venebiri iwe ọnini mẹ kaa, "Ẹchẹngwụ ọ si vara ọnya bẹrẹ." ¹⁷Ama, ọza ọna ra vẹngwụ bẹri Ananyiyi, ọọ vari ifẹ ọnya ininẹ aanị.¹⁸Zụechi kavana yi irẹka ọsisẹ! Azẹ ma mẹ aichama bo ọsa inẹngwụ, ama ọza ana sẹrẹka vana chamayi yi ẹngwụ aani.¹⁹Ụwa razi yẹ ka ẹngwụ awụ ọnọvi itẹmpụrụ Ifẹ Ọnini, dọ ra inengwụ awụ, ono Oshomoshi si yụ wụ? Ụwa razi yẹ ka, aivi ẹwụ ọnọ nyi ẹngwụ awụ nini? ²⁰Fụvọki, Oshomoshi ọo shụ wụ nin da, dọ si anyạ ozi aani sụta. Fụvavọ sụga yi Oshomoshi inẹngwụ ọnri ifẹ awụ nini ọna vi ayi Oshomoshi.

Chapter 7Irẹyi ọnẹẹ ọ nyinyi

¹Ọmẹyani, inọpati irẹyi ọnụ chẹrẹ ini iwe: "ọzi vọrọ ka ọnọrụ ọ kani ọnyẹnẹ." ²Ama, fụvọ amoore ọi irẹka-ọsisẹ inoze renyi renyi, ọnọrụ ọnya ọọ nyi ose ayani, doti ọnyẹnẹ ọnya ọọ nyi ọva ayani.³Ọna vi ọva, ọvọrọ kọ mi isa ana vi ayi aani inoze asụ, di ose nyẹmbẹ vọ zẹ mi mẹ kaa na. ⁴Ọzivi ose ọnọ nyi ụmọ tụri ẹngwụ aani, ọva ọnọ nyi ụmọ. Avọọ mẹ zẹ yi ya, ọna vi ọva, ọzi nyi ụmọ tụri ẹngwa aani, ama ose aanị.⁵Asụyi yẹngwụ nin ini rẹyi asụ, ọchishi ka, wa gẹ si ọma vọnya nini kụ va si ẹfi tẹtẹ. Mẹ ọnọni dụ wazụ si ẹngwụ awụ nini tụni ozụrenụ ọtitụ. Ụmẹ mọnọni da, dụ zẹ varama kẹngwụ vẹ nini, fụvọ doti a si eshụ mọ ree, fụvọ arimanyi ọzẹngwụsụ nini. ⁶Ama ma karẹyi ẹnẹni yụ wụ nini venebiri isẹnẹ sẹrẹ azivi ini ụmọ. ⁷Mi yeen si ki azabo o vene mi; ama ọzọza ọnyi irẹiza aani fini ụvo Oshomoshi ve. Ọza nyi ẹngwụ irẹiza ọnya, di ọzẹnẹsa zẹ nyi irẹiza ọsa.⁸Maa ka yi ẹnẹna ra zi nyi ọva ọnri osokụ nini ka, ozoza ki ẹ vọ ya, venebiri imẹmẹ ya. ⁹Ama aaviki, ẹizụa zẹngwụsụ ẹ nyi ọva. Fụvọka ozoza fụ ka, ọza nyi ọva navẹka ọ nyi ose, akikọnọ, ọ vaa yi ini ariro asụ ẹkata.¹⁰Ọmẹyani, masi ụmọ ọnọni karẹyi yi ẹnẹna nyi ọva ọnri ana nyi ose. Azivi ẹmi, ama Ananyiyi. Ose ọzi bẹdọ fụri ọva aani ụvọ. ¹¹ama aaviki ọ fụrẹ ọva aani ụvọ, asi ọ kụ nyi ọva ọsa, ọchishi ka ọ varama ka ọva ọnọ na, asi ọva yi ose aani tẹtẹ.¹²Ama ma kaa yi ẹnẹna vọ ka, Ẹmi, ọzivi Ananyiyi, ka ọọ nyi ẹnyara ana nyi ọnyẹne, ana ra zi nyi-nyi ọdọwụ, aavika osi ka ọna raa pewụ, asụ yo tẹtẹ. ¹³Waa vi ọnyẹnẹ ana nyi ọva ana ra zi nyi-nyi ọdọwụ, aaviki osi ka ọna raa pewụ asụ yo tẹtẹ. ¹⁴Fụvọka ọva ana ra zi nyi ọdọwụ vana shatụ renyi fụvi ose aani ana dọọwụ, ọnri ka ose ana ra zi nyi ọdọwụ, vana shatụ renyi fụvi ọva ana dọọwụ. Ọzivavọ, ezi awụ nini vana vaa yini arimani, ama ini irẹiza aa shawa tụ renyi.¹⁵Ama aavika ọzọfụva ana ra zi nyi ọdọwụ navọ di ọnaa. Inẹngwụ irẹyi ẹnẹni, ọzi nyi ofi ọna za ẹnyara ọnọrụ navẹka ọnyẹne ini ireji. Oshomoshi vana shiyi, kiya ra ini ẹngwọrọ. ¹⁶Ụwa yẹ ka, ẹwụ ọnyẹnẹ, kẹ wụ ọnọva zụ dọva awụ tụ? Navẹka ẹwụ ọnọrụ, ụwa yẹ kẹ wụ ọ vaa dose awụ tụ?Udi ọni Oshomoshi si ọzọnyọnya tụ¹⁷Ama, navọ di ọzọza ọ ra inẹshẹ ọni Ananyiyi niọ tụ naani, ọzọza venebiri Oshomoshi mẹmẹ shiọ. Ọnọni ọọ vi ofi ami ini ichọọchi bo. ¹⁸Ọwa nyi ezẹna jụma da ụmọnọ asi shiọ, kọ va dọwụ? A siọ sẹngwụ zụ ki ọnọ zi ji jụma. Ọwa nyi ọza ana ra zi jụma, amẹ shiọ tụni ọdọwụ? Asi a jụma yọ. ¹⁹Fụvọka aivika aa jụma yi ọza, navẹki azẹzi jụma yọ, ọzi nyi isọnọ bẹrẹ. Isẹnẹ vi obooro irẹyi, ọnọ vika ọza vatụra ụmọ Oshomoshi.²⁰Ọzọza ọ dinẹ tụni isa ana shiọ tụ naani ẹfi ọni Oshomoshi si shiọ vi ini ọdọwụ. ²¹Ọrishi ọnụ wa vi, Oshomoshi mẹ shụ wụ? Asụ ro inọpati aani. Ama aaviki wa zụ vara ẹzẹna natụ, ra inoze ọna vasi ọgụ yụ wụ. ²²Ọza ọni Ananyiyi shi venebiri ọrishi, vi ọza ana natụ ayi Ananyiyi. Avọ ọmẹ zẹ vi vi, ọza ọna natu inẹfi ọnasi shiọ kọ va nyi ọdọwụ, vi ọ̣rishi ayi Ikristi. ²³Ashụ wụ nin, de sụta da, fụvavọ, asụ varama ni ni ọrishi aza. ²⁴Ẹnyarami, ẹngwụ ẹshẹ ọni ọza ọnyọnya za ra inẹfi anasi shiọ kọ va dọọwụ, navọ dọ vatụraa.Irẹyi ẹnẹna zi nyi ọnẹẹ ọnri osoku nin²⁵Ọmẹyani, inọpati ẹnẹna razi nyi ọva navẹki ose yẹyẹ, mazi nyi ụmọ ọnyọnyi fidi Ananyiyi. Ama, maka ayami, venebiri ọza ana dọrenụ zirẹngwụ ayụva Ananyiyi. ²⁶Fụvavọ, mero ka fụvi ọkatẹngwụ ọna yi inẹshẹ, ozoza ki ọnọrụ ọ ya ọmẹ ya.²⁷Ụwa nyi ọnyẹnẹ awụ? Asụ navọ ka ọ fụre ụvọ. Ụwa za zi nyi nyọnẹ? Asụ si ọnyẹnẹ. ²⁸Ama aaviki wa nyi ọnyẹnẹ ayawụ, wa zi mi isa aichama. Aaviki ọnyẹnẹ ọna ra zi nyi ọva, ọ nyi ọva, ọzi mi isa aichama. Ama ẹnẹna nyi ose navẹki ọva, va yini ẹngwụ-ọkata inẹshẹ, onri ka me si kima jiụtụ finụvọ anini.²⁹Ama, ma ka yụ wụ nin ka, ẹnyarami: Ẹfi ọikụ gọdọ. Fụri ẹfiani naa, navọ ẹnẹna nyi ọnyẹnẹ, ẹmẹ venebiri ka, ẹnẹ zi nyi. ³⁰Enene sụne, ẹmẹ venebiri ka enezi sụne, ọnri ka ẹnẹna jụjẹ, ẹmẹ venebiri ka ẹnẹ zi jụjẹ, ọnri ka ẹnẹna shi isa, ẹmẹ venebiri ka ẹnẹ zi nyi isa ọnyọnyi, ³¹ọnri ẹnẹna mẹshẹ ọnọni, ẹmẹ venebiri ka, ẹnẹ zi mẹshẹ ini ọgụgụrigụ. Fụvọka, ẹshẹ ọnọni ọmẹyani, yini ọikota.³²Mve si ki wa jẹngwụ awụ tụ fini afasha ẹshẹ. Ọnọrụ ana ra zi nyọnẹ vana si ọtụtụrụma aani tụrisa anavi ayi Ananyiyi, ọmẹmẹ vaa mi isẹnẹ ngwụ eyi. ³³Ama ọnọrụ ọna nyi ọnẹ vana si ọtụtụrụma tụrisa inọpati eshe, ememe vaa mi isa ana ngwụ ose aani eyi, ³⁴oriro aani vana gashi. Ọnyẹnẹ ana ra zi nyi ọva navẹka ọna ra zi nyọ ọnọrụ vana si ọtụtụrụma aani tụni isa inọpati Ananyiyi, ọmẹmẹ vaa sha ẹngwụ aani ọnri ifẹ aani tụ. Ama ọnyẹnẹ ana nyi ọva vana si ọtụtụrụma tụri isẹshẹ, ọ mẹmẹ vaa mi isa ọna ngwụ ọva ni eyi.³⁵Ma karẹyi ọnọni fụvi ọgụvọ awụ nini, doti asim na kụne-ẹnya tụra wụ nini. Maa karẹyi ọnọni fụvọ isa anasẹrẹ, dụ we roze sẹngwụ tụni isa Ananyiyi, dọọ ma nyi isa ana sụwụ fi inaani..³⁶Ama aaviki ọ nyi ọnọrụ ene ro kọnọ zi mẹtẹrẹ shi ozioshi ọnọ si renụ za tẹtẹ, di ẹfi ọni ozioshi ọnọ sẹrẹ kọ nyi ọva si parafụ, dọ ra zi nyi ọzẹngwụsụ, ẹẹ sẹngwụ nyi, ọzi nyi aichama inaani. ³⁷Ama aaviki ozi ọnọrụ ọnọ oroo yẹngwani, ọzi nyi isa na mẹẹ ka ki ọnyọnẹ, dọvika ọ̣ni renya onovo roo yi ẹngwụani kọno za nyi ọnẹ, dọ nyi ọzẹngwụsụ, ọọ mẹtẹrẹ. ³⁸Fụvavọ ọnọrụ ana nyi ọnyẹnẹ ọnọ si irenụ za tẹtẹ, vana mẹtẹrẹ, ọnọrụ ana ra zi nyi ọnyẹnẹ, ọnọ mẹtẹrẹ fu.³⁹Ọnyẹnẹ vana sụ ụmọ za bẹri ọva aani ini ụmẹ ọni ọ si ra inẹshẹ. Ama aaviki ọva aani o sụ, ọ vazụ nyi ọva ọsa, ama ini Ananyiyi renyạ. ⁴⁰Tụavọ-tụavọ, ini ishọji ayami, ọvika ọzi varama nyi ọva ọsa, ọni inaani ve shine fụ. Ma kẹni ka, ẹma zẹ nyinyi Ifẹ ayi Oshomoshi.

Chapter 8Isari ana si mẹ isẹvọ yi Ori

¹Ọmẹyani, inọpati isari ana si mi sẹvọ. Yaa yẹ ka, "ẹyi bo vana nyi ọyiyẹ," ọyiyẹ ana mẹ kị ọza kụ ẹngwụ tụẹba, ama osisi vana si ọza tụẹbạ. ²Ọọ nyi ọza ene roo kọnọ nyi ọyiyẹ, ọza ọnọ, ọzi yẹ isẹ ono ro kọnọ yẹẹ. ³Ama ọ nyi ọza ene sirẹyi Oshomoshi, ọza ọnọ ọni Oshomoshi yẹ.⁴ Fuvavọ inọpati isari isẹvọ ọriri. "Ya yẹ ka ọzi nyi isẹni ori nin vi inẹshẹ," ọnri ka, "ya yẹ ki Oshomoshi vi ọnya." ⁵Fụvọka ọ vaa zụ nyi ka ori nini yi naani, ẹbẹẹba navẹki, inẹshẹ, venebiri amẹ zẹ nyi "ori ọruru" ọnri "ananyiyi ọruru." ⁶Ama ini ayayi, "Osho-moshi ọnya ana vi Adaa, ọni isa bo fini uvọ aani, ọni fụvọ aani aa mẹshẹ ọnri Ananyiyi ọnya Ijesu Ikristi, ọni isa bo zirẹngwụ aani yi naani, di zẹ zirẹngwụ Ikristi ọnọ yi naani."⁷Ọmẹravivi, aivi aza bo ọnọ nyi ọyiyẹ ọnọni. Akikọnọ, azẹnyi ẹẹ bidi fẹkẹ ori, dẹ ri isari ẹnẹni venebiri isa ana si mi isẹvọ yi ori. Da zirẹngwụ ọnọni zaama ivefụ anini fụvọki ọkụmi ẹnẹvi.⁸Ama aivi isari ọnọ vasi yi zụ Oshomoshi. Ozi dụvi yiyị, aaviki yazi ri isari ọnọ navẹka ozoza yiyi aaviki ya ri ọ. ⁹Ama, si eyi pẹngwa wụ, di asi ọninatụ awụ, ọ mẹki azẹnẹsa ana kụụmi inọdọwụ ọ sẹdụ. ¹⁰Aaviki ọ nyi ọza ana nyi ọyiyẹ, ene re wụ kụwa na risa ini itẹmpụrụ ori, avọ razi viki ivefụ ọkụmi awụ ọnọ mẹ ka ọna risari ana si mi isẹvọ yi ori?¹¹Fụvọki wa nyi ọyiyẹ obooro inọpati isẹni ori ẹnẹ vi, anavi ọkụmi, ọnyara ọni Ikristi fụvọ aani sụ vene vụri. ¹²Ọmẹ maan vasi vi, aivi ki wa chamai yi ọnyara awụ, dụ ta ivefụ aani anava, Ikristi ọnụ chamai ọnọ yi aavọ. ¹³Fụvavọ, aaviki isari ọ vaa mẹ ka ọnyarami ọ sẹdụ, mai kụa ri ụye ọnọ, doti asim vaa mẹ ki ọnyarami ọ sẹdu.

Chapter 9Ụkọrọ ọnri ọgiga ọnitu Ikristi

¹Awa razi nina mi tụ da? Aivi ọnitụ ọnim vi? Mwe re zi re Ijesu Ananyiyi da? Aivi ẹwụ nin ọọ vi ụkọrọ ụvọ ami ini Ananyiyi? ²Mazi vi ọnitụ yi azẹnẹsa, ọmẹ ravivi, mavi yụ wụ nini. Fụvọka, ẹwụ nini ọnọvi ẹtụtụ ụkọrọ ọnitụ ami ini Ananyiyi.³Ọnọni ọnọvi ọkikụrenụ ami yi ẹnẹna zama mi re: ⁴Iwa ra zi nyi ụmọ diya rii, di ye fụụ? ⁵Iwa ra zi nyi ụmọ diya si ose ayi anavi ọnọdọwụ vatụra ẹngwụ, vene ọnitụ lkristi ẹnavọ ma mẹẹ, shi ẹ̣nyara ini Anạnyiyi ọnri lkefasi? ⁶Navẹki Ibanabasi renya wa yọ ọnri ẹmi ọnọvi ka ma ̣bẹdọ vaa mụkọrọ?⁷Ọwa nyi ọkụrẹkụ ana nọrẹkụ, do sẹngwu aani ụta? Ọwa nyi ọza ene chire isa tụni ụbazi, dọ ra zi ri ẹtutu fini inẹ aani? Navẹka, ọwa nyi ọzẹna pa isụpa, di ome fuu ini enyi irẹva aani? ⁸Umọ aza ọnim wa si karẹyl eneni? Ofi wa ra zi zẹ ki ma karẹyi ọnọni?⁹Fụvọka a chẹrẹ tụni ofi Imosisi kaa, "Asa sụ ụnọ renụ ụmọno ̣ra siọ mụkọrọ ini irarẹ." Ụnọ ọnọ nyẹmbẹ ọni Oshomoshi wa sẹyi pe? ¹⁰Navẹki ẹyi ọnọ karẹyi inọpati aani? Ẹyi ana chẹrẹ tẹtẹ yi, fụvọka ọza ana ra ka aba, ọ kaa ini iribatọ, ọnri ka ọza ana ra mụkọrọ ini rarẹ, ọ nyi iribatọ ka ọni va nyi ini isa rarẹ ọnọ. ¹¹Aaviki ye chire isa ayi lfẹ inakaakana awu nini, o we chẹngwụ yiyi kiya riọgụ isa ẹshẹ fini ụvọ awụ nini?¹²Aavika, azẹnẹsa ka ẹ di ụmọ ọnọni fini ụvọ awụ nini, aivi ẹyi ọnọ vana vọrọ yi fụụ? Ọmẹ ravivi, yazi tanụvọ di ụmọ ọnọ. Akikọnọ, yasi ẹngwụdọ isabo, di asii na visa ana vaa dinẹ tụni oze irenụbe ọiza lkristi. ¹³Ụwa razi yẹ nin ka, ẹnẹna mụkọrọ ini itẹmpụrụ, vana di isari anini fini itẹmpụrụ? Ụwa razi yẹ nin ka ẹnẹna mụkọrọ ini ọpẹtẹ vana nyi ọgiga ini isa anasi mi isẹvọ ini ọpẹtẹ?

¹⁵Ama mazi di dọ isọnyọnyi ini isẹnẹni yẹngwụ ami. Maa zi cheri iwe ọnọni doti we roze misa mi. Oo ve zemeyi kime sụ, fụni ka ọza ọnyọnyi ọ jimi oze ini otowụ ami. ¹⁶Aaviki ma ki irenụbe ọiza, ọzi ̣vọrọ ki ma garogụ, fụvọka, isa ọnim bẹdọ vaa mẹ ọnọvị. Ọodu mi kụ, aaviki mazl ki irenụbe oiza!¹⁷ Aaviki masi inẹ ọnya mẹẹ, ma nyi ọgụ ọnim ve re dọ. Ama mazi si inẹ ọnya mẹẹ, ma zẹ nyi-nyi isa ana si chire mi ụvọ kima mẹ. ¹⁸Sẹnẹ va vi ọgụ ami kẹ? Fụvi ki ma ka irenụbe, mva zụ si lrenụbe ọiza ọnọ yi aza, doti asim di isa ọnyọnyi ana sẹrẹ mi.¹⁹Fụvi ọmẹ daka vi ka, aa nami tụ fini ụvọ aza bo, ma vara ozida yi aza bo, di me roze kụ aza ọrụrụ vidi lkristi. ²⁰Yi ani ljuu nin, ma mẹ venebiri ani ljuu, fụvọ di me roze kụwa vaa yi Ikristi. Yi ẹnẹna razi yini afu ofi, ma mẹ venebiri ẹzẹna yini afu ofi, di me roze kụwa vidi lkristi. Mami ẹnẹni shọmẹdakavi ka ẹmi nyẹmbẹ ma zi yini afụ ofi.²¹Yi ẹnẹna razi yini ofi, maa mẹ venebiri ọza ọna razi yini ofi, shọọ daka vi ka ẹmi nyẹmbẹ ma zi yini ofi Oshomoshi, ama ma yini ofi lkristi. Maa mẹ ọnọni di me roze riọgụ ẹnẹna razi yini ofi. ²²Yi ẹnena vi ọkụmi, maa mẹ ọkumi di ma zụ tụ ẹnẹna kuumi nini ụkata. Maa varisa bo yi aza bo, fụvọ doti ma zụ dọ azẹnyi tụ ọ mẹ ra yiya. ²³Maa mẹ isẹnẹni bo fụvi irenụbe ọiza, di me roze nyi ọgiga ini ẹdabẹrẹ aani.²⁴Ụwa razi yẹ nini kaa ini ozizụe echi, azabo ene zụee, ama ọza ọnya ọnọ vaa si ọdọvidi? Fụvavọ, zụechi dụwa zụ di isa ọni ọdọvidi va dọ. ²⁵Enene zụechi bo vana zẹngwụ anini su ini isabo. Ẹ mẹẹ doti ẹ zu dọ gu ayi ọdọvidi ene ve zụ vụri, ama ya mẹẹ diya zụ dọ ọgụ one re me vụri. ²⁶Fụvavọ, mee zụechi, di maa zụ nyi isa ọni ma dụechi, navẹki ma kamọsụẹ, di me sio tụ ashi. ²⁷Ama ma vẹngwụ ami iriwa, dim zaa ọ̣rishi, fụvọ di ma karẹnụbe yi azẹnẹsa, ẹmi nyẹmbẹ, di asi a vaa jimi tẹtẹ.

Chapter 10Asi nyi ụvọ tuni ori ọfifẹkẹ

¹Ẹwụ nin ẹnyarami, mezi si kụwa yini arimayẹ, ki adayi nini vana yini afụ egụshi, di ẹnbo zi ini irefụ parafụ. ²Ẹnbo vana mi isami ayi lmosisi ini egụshi ọnri ini irefụ. ³Ẹnbo vẹnẹ gẹ ri isari ifẹ. ⁴Ẹnbo vene fụ enyi ifẹ ọnya, ifẹ ọnya fini ida ana vatụra wa, ida ọnọ ọnọvi Ikristi.⁵Ama, inẹ Oshomoshi ọzi shine tụ ẹruru anini, okụ anini vana mishi shi ini ụnọmi. ⁶Ọmeyani, isa ẹnẹni vana mẹ, ke re wa kọsụẹ yiyi, fụvọ doti asi na vụva isa ọshimi venebiri anini.⁷Asụ vi ọzẹna fẹkẹ ori vene azẹnyi ini anini. Venebiri amẹ chẹrẹ tẹtẹ, "Di aza nin yẹtẹ, dẹẹ ri, dee fu, dẹ kwẹtẹ, de merenyinyi." ⁸Asụ navọ kiya mi ititụ-asụ venebiri ẹrụrụ anini mẹmẹ. Aza akashi oze ofụrẹta, de sụ ini rẹkụshi ọnya.⁹Navėki azẹna si Ikristi tụni azamare, venebiri ẹruru aani mẹmẹ, di isẹchichi vụwa iri. ¹⁰Zẹtụọ asụ rifufu nini, venebiri ẹruru mẹmẹ di angẹni isu ọwụọza vụwa iri.¹¹Ọmẹyani, isa ẹnẹni vana mẹ wa ka, ere wa kọsụe. A chẹrẹ doti aka yiyi imẹ vaa mẹ, yi ẹyi ọni ọikọta ẹshẹ tụ da. ¹²Fụvavọ, ọza ene re ro ka ọnọ dinẹ, ọsi eyi pẹngwụ aani doti asiọ sẹdụ. ¹³Ọzi nyi azamare one tu wụ nini, ọnọvi ka ọzi tụ aza da. Akikọnọ, Oshomoshi vi ọni rẹiza. Ọza navọ ka azamare, ene fụni ụkata awụ. Ọva moze ọjijavọ fini azamare ọnọ, fụvọ dụwa vazụ si ẹngwụ dọọ.¹⁴Fụvavọ ewụ nin ọnim sirẹyi aani, zue kavana yi ori ọfifẹkẹ. ¹⁵Maa karẹyi yụ wụ nini venebiri aza ana nyi ọyiyẹ, fụvọ dụ wa va zụ mẹ ishọji irẹyi ọnim ka. ¹⁶Ipa ẹdabẹrẹ ọna mi ọdabẹrẹ tụ, aivi ọgiga ini anya Ikristi ọnọvi avọọ? Ivụrẹdi ọni ga, aivi ini ẹngwụ Ikristi ọnọvi avọọ? ¹⁷Fụvọki ivụrẹdi ọnya ọnọvi, ẹyi ana rụrụ vi ẹngwụ ọnya. Ẹyi bo vana gẹ ri ivụrẹdi ọnya.¹⁸Ree aza ani lsrẹni nini: aivi ẹnẹna ri isẹvọ ẹnẹ nyi ọgigẹ mẹ ini ọpẹtẹ? ¹⁹Sẹni ma ka kẹ? Ọnọvi ka ori wa bẹrẹ? Navẹki, isari anasi mi isẹvọ yi ori ọnọ bẹrẹ?²⁰Ama maa ka irẹyi inọpati isa ọni ani ljẹntairi nini aa si mẹ isẹvọ, ka ẹ si isẹnẹnị mi isẹvọ yi azeeshi nin, aivi yi Oshomoshi. Me zi si ki wa nyi ọmimẹ bẹrẹ azeeshi nini! ²¹Wei zụe fụ fini ipa Ananyiyi, dụ ze fụ fini ipa azeeshi nini. Wai zụa nyi ọrigẹ ini itevụrụ Ananyiyi ọnri ayi azeeshi nini. ²²Navẹki ya mi ayikụ Ananyiyi, netụ ẹgẹ ishini ọkụkụ? Iwa nyi ụkata fụna?Ini ọmimẹ awụ bo, sụga yi Oshomoshi²³"Isabo ọnọ vọrọ, ama aivi isabo ọnọ nyi ọgụ. "Isabọ ọnọ vọrọ," ama aivi isabo ọnọ si aza fuu. ²⁴Asi ọza ọnyọnyi si ọiza yi ẹngwụ aani renya. Akikọnọ, ọzọza oo si ọiza ayi ọzọfụva aani.²⁵Ụva zụ ri isabo ọnaa na inofụ, di ẹngwụ raa ma jụebe. ²⁶Fụvọka, "Ananyiyi ọnọ nyi ẹshẹ ọnọni ọnri isẹnẹ yi naani bo. ²⁷Aaviki ọza ana razi nyi ọdọwụ ọ shụ wụ, ki wa va di isari, oo zeweyi kụ wa nọọ, isatụrisa ọnọ ra si yụ wụ, riọ, asụ fọ ipẹpẹẹ.²⁸Ama aaviki ọza ọ ka yụ wụ kaa, "Isari ọnọni vana si mẹ isẹvọ yi ori, asụ riọ. Fụvi ọza ana ka yụ wụ ọnri fụvi ivefụ awu, fụvọki Oshomoshi ọ nyi ẹshẹ ọnọni ọnri isabo ana yi inaani. ²⁹Aivi ivefu awụ ma kaa, ama ivefụ ọzẹnẹsa. Sẹnẹvẹ da vaa si ivefụ ọzẹnẹsa mi ishọji ọninatụ amị? ³⁰Aaviki ma si avọọkụ ri isari ọnọ, sẹnẹvẹ da va kụmi fụ fụvọ isẹni kwavọ tụnani da?̇³¹Fụvavọ, wa rii, dụ we fuu, navẹki isabo ọnụ ra mẹ, wa mẹ ọnbo ini ụga Oshomo-shi. ³²Asụ mẹ iivi shi ani Ijuu nini, navẹki ani Igiriki nini, navẹki ichọọhi Oshomoshi. ³³Me si ki ma mi azabo inẹ oshine ini isabo. Me zi si ọgụ ayami renya, ama fụvi aza ẹrụrụ. Maa mẹ ọnọni doti azụ dọwatụ.

Chapter 11Ọmẹ vọrọ ka kụẹnya ini iragụ

¹Waa fama mi nini, venebiri mmẹmẹ aa fami Ikristi. ²Ọmẹyani, ma gawụ nini fụvọ kụwa tamayi ami ini isabọ. Maa gawu nini fụvọki isa ọnim zụwụ nini bo vọnụ sụvọ zaa kokoro nini. ³Ọmẹyani, mesi ki o ye wụ nin kaa, Ikristi ọnọvi irẹsụ ayi ọnọrụ bo, di ọnọrụ vi irẹsụ ọnyẹnẹ, ọnri ki Oshomoshi ọnọvi irẹsụ Ikristi. ⁴Ọọ nyi ọnọrụ one sisa kụrẹsụ, oo tụozụrenụ, navẹka ọọ kisẹ, ọzi sụbani yi irẹsụ aani.⁵Ama ọ nyi ọnyẹnẹ ọna raa tụozụrenụ, navẹka ọọ kisẹ, dọ razi sisa kụ irẹsụ aani, ọzi sụbani yi irẹsụ aani. Oo venebiri ki a kụọ rẹsụ moro-moro. ⁶Aaviki ọnyẹnẹ ọọ za sisa kụ irẹsụ, ọ kụ ẹyi aani chi. Aavika isi ụshi ọnọ vaa vi yi ọnyẹnẹ kọ kụ ẹyi aani chi, navọ do sisa kụ rẹsụ aani.⁷Ọzi vọrọ ki ọnọrụ osisa kụ irẹsụ aani umọnọ vika ụmama Oshomoshi onri ụga aani ọnọvi. Ama ọnyẹnẹ ọnọvi uga ayi ọnọrụ. ⁸Fụvọki azẹzi mẹ ọnọrụ fini ẹngwụ ọnyẹnẹ. Akikọnọ, ọnyẹnẹ ana mẹ fini ẹngwụ ọnọrụ.⁹Azẹzi mẹ ọnọru yi ọnyẹnẹ. Akikọnọ, ọnyẹnẹ ana mẹ yi ọnọrụ. ¹⁰Ọnọni ọnọ si vọrọ ka ọnyẹnẹ ọọ nyi ọtẹrẹwa ayi ụmọ tụni irẹsụ aani, fụvi angẹni nini.¹¹Tụavọ-tụavọ, ini Ananyiyi, ọnyẹnẹ ọi zụa kaa ki ọni vaa zụ ya yi ẹngwụ awọni, navẹki ọnọrụ ọ kaa ki ọni vaa zụ ya yi ẹngwụ awọni. ¹²Fụvọka, ọnyẹnẹ mẹ jinẹ fini ẹngwụ ọnọrụ, aavọ, ọni ọnọrụ mẹ zẹ jinẹ fini ẹngwụ ọnyẹne. Isabo vana vẹ fidi Oshomoshi.¹³Mi ishọji yi ẹngwụ awụ nini: Ọwa vọrọ ka ọnyẹnẹ ọfu irẹsu̇ aani shaa, oo tuozụrenụ shi Oshomoshi? ¹⁴Awa razi siọ zụ kaa, isi ụshi ọnọvi ka ọnọrụ ọ navọ ẹyi-irẹsụ aani ki ọgọdọ? ¹⁵Awa razi siọ zụ kaa, ụga ọnọvi yi ọnyẹnẹ ọna nyi ẹyi ọgọdọ? Fụvọka ẹyi aani vana si mẹ okụụ-rẹsụ yọ ọ. ¹⁶Ama aaviki ọ nyi ọza one si ka ọna nyi ẹshankata inọpati ọnọni, yazi nyi oze ọsa ọni si mẹẹ, naveki ini ichọọchi Oshomoshi nin.Ivefụ ọshimi ini ọriri isari Ananyiyi(Imt.26:26-29; Imk.14:22-25; Irk.22:14-20)¹⁷Ama ini ụmọ ana vasi tẹtẹ, mazi ga wụ nini. Fụvọka we peregụ nini, azi fụvọ do ozoza tụọ, ama doti oo du tuọ yọ. ¹⁸Ini ipaapa, ma wụ ka we peregụ nini ini ichọọchi, wa ga tụni aka renyi renyi inakaakana awụ nini, ma dọ zẹ ka irẹiza yọ inoze ọnya. ¹⁹Fụvọka ọvọrọ ki anyi aka renyi renyi inakaakana awụ nini, fụvọ da zụụ yẹ ẹnẹna sụvọtụ ka ẹmẹ ẹtẹrẹ inakaakana awụ nini.²⁰Fụvọka ẹfi ọni ra si peregụ, ọzi vi isari orụva Ananyiyi ọnụ wa ri nin. ²¹Waa risa nini, ọzọnyọnya vana ri ayani, di ẹzẹna vọ tangwa va ri ayi anini. Dụ ụngwẹ a kụ ọzẹnyi, di eche aa mẹrẹ ọzẹnẹsa. ²²Wazi nyi ireshi ọnụ vazụ ya risa, dụwe fụ eche nini? Sẹnẹvẹ dụwa seyi wụ ichọọchi Oshomoshi, dụwa mụshi nyi aza ana razi nyi isọnyọnyi? Si mi vaa ka yụ wụ nini kẹ? Mwa va gawụ nin? Ma za gawụ nin ini ọnọni!Isari ọriri Ananyiyi²³Fụvọka, isa ọnim dọ fidi Ananyiyi, ọni mi zẹ sisi yụ wụ nini, ọnọvi ka Ananyiyi Ijesu, inafụ da va tangwa bafụ aani, ọ rii ivụrẹdi. ²⁴Ụmọni ọkụavọ da, dọ daa, dọ kaa, "Ọnọni vi ẹchẹngwụ ami, ọni mi si yụ wụ. Waa mẹ ọnọni, ini ọti-tamayi ami nin."²⁵Inoze ọnyọnya amẹ ri isari orụva da, dọ si ipa, dọ ka, "Ọnọni vi anya mi, ọnavi ireji ọwọọwa. Me ọnọni ini ẹfitụrẹfi ọnụ ree fụo, dụ wa siọ tamayi ami." ²⁶Fụvọka, ẹfitụrẹfi ọnụ ra ri ivụrẹdi ọnọni, dụwe fụ ini ipa ọnọni, wee showụ isụ Ananyiyi netu ẹfi ọnọ vaa si vẹ.²⁷Fụvavọ, ọ nyi ọza ana ri ivụrẹdi, do fụ fini ipa Ananyiyi inoze ana razi sẹrẹ, ọva rivi ayi ẹchẹngwụ ọnri anya Ananyiyi. ²⁸Navọ di ọza ọ bidi zama ẹngwu aani re, di aa navọ inoze ọnọni ka ọ ri ivụrẹdi, doti o fu fini ipa ọnọ. ²⁹Fụvọka ọza ọna zaa ri do fụ, dọ razi yẹ ụbani ẹchẹngwụ Ananyiyi, vana ri do fụ ishọji yi ẹngwụ aani. ³⁰Fụvi ọnọni ọnẹ ẹnyi razi kụ si nyi ụkata, di engwụ a zi ẹnyi, di ẹnyi aa sụara inakaakana awụ nini.³¹Ama aaviki ya za mẹngwụ ayi re, azẹza mẹ ishọji yi yi. ³²Ama, Ananyiyi ra ̣mẹ ishọji yi yi, aa mụya ri yi, doti aa si ana jivi yiyi vabẹrẹ anẹshẹ.³³Fụvavọ, ẹwụ nin ẹnyarami, ụmẹ ọnụ re peregụ, dụwa vaa risa nin, dinẹ zi ẹngwụ nini. ³⁴Ọọ nyi ọza ọni ụngwẹ aaku, navọ dọ risa ini ireshi ayani, fụvọ di asi Oshomoshi vaa mẹ ishọji yụ wụ nini, ini ụmọni aza si peregụ nini. Inọpati isa ọsa ọnụ chẹrẹ nini, mva soze zụ wụ nini ma vẹ.

Chapter 12Isẹni Ifẹ Ọnini si mẹ yi irẹiza

¹Ẹnyarami nini, inọpati irẹiza-ọfẹ ọi ifẹ ọnini, me zi si kụwa yini arimayẹ nin. ²Wa yẹ ka ẹfi ọnụ razi si nyi ọdọwu, azawụ nini nyeyi inoze renyi renyi, dụwa fẹkẹ ori ana raa ma zụ karẹyi. ³Fụvavọ, mee si kụwa yẹ nin, ka ọzi nyi ọza ana karẹyi zirẹngwụ ifẹ Oshomoshi, ọna va zu, "Chi Ijesu ekụ,̣" Ọ zi nyi ọza ana va zụ kaa ki, "Ijesu vi Ananyiyi," ọọ zivi zirẹngwụ Ifẹ Ọnini.⁴Ọmẹyani, irẹiza-ọfẹ ọi Ife Ọnini renyi renyi ọnọ yi inaani, ama Ifẹ ọnyọnya ẹnẹvị. ⁵Ụkọrọ ọnitụ renyi renyi ọnọ yi inaani, ama Ananyiyi ọnya ọnọvi. ⁶Ụkọrọ renyi renyi ọnọ yi inaanị, ama Oshomoshi ọnyạnya ọna mẹ ki ọvi mẹ ini aza bo.⁷Ọmẹyani, Oshomoshi ọ sẹngwụ zụ ini ọzọnyọnya ki ọ si vi ọgụvọ yi aza bo. ⁸Aa si irẹiza-ọfẹ irẹyi ụvira yi ọza ọnya zirẹngwụ Ifẹ Ọnini, da si irẹyi ọyiyẹ yi ọzẹnẹsa zirẹngwụ ifẹ ọnyọnya ọnọ.⁹Ọzẹnẹsa vọni Ifẹ Ọnini si ọdọwụ yi, dọ zẹ si irẹiza-ọfẹ ọfifụ ọza ikụ sha yi ọzẹnẹsa. ¹⁰Ọọ mẹ ki ọzẹnyi ọ zụ mẹ ụkọrọ oshisho-zeyi, dọ zẹ mẹ ka ọzẹnesa ọọ kisẹ. Ọzẹnyi vọni si irẹiza-ọfẹ ana si yẹ ifẹ renyi renyi yi, dọ zẹ si ifẹ ọkika-rẹyi ini irarẹ renyi renyi yi ọzẹnyi, ọzẹnẹsa vọni ọ si ifẹ ọdidọ-irẹyi ka ini irarẹ renyi renyi yi. ¹¹Ẹnẹni bo vi ụkọrọ ọi ifẹ ọnya, dọ si irẹiza-ọfẹ ọnọni yi ọzọnyọnya, o meme sio.Iragụ anọdọwụ bo vi ẹngwụ ọnya¹²Venebiri ẹchẹngwụ mẹ vi ọnya, dọ nyi aka renyi renyi, di ẹnbo gẹ vi ẹngwụ ọnya, avọ ọ mẹ vi yi Ikristi. ¹³Fụvọka, zirẹngwu ifẹ ọnya ana si mẹ isami yi yi nangwụ ini ẹngwụ ọnya, wa vi ani Ijuu, navẹka ani Igiriki, waa vi ọrishi, navẹki ozi-ẹtẹ, aza bo vọni a mẹ ka e fụ fi ini ifẹ ọnya.¹⁴Fụvọka ẹchẹngwụ ọzi vi ọnya kẹnẹ ama ọrụrụ. ¹⁵Aaviki ufu ọ kaa ka, "Fụvọki ma zi vi ụvọ, mazi bẹ tụni ẹchẹngwụ," ọzi nyi ẹfi ọnọ razi si bẹ tụni ẹchẹngwụ. ¹⁶Aaviki ụtọ ọ kaa ka, "Fụvọki mazi vi iri, mazi bẹ tụni ẹchẹngwụ." Ọzi nyi ẹfi ọnọ razi si bẹ tụni ẹchẹngwụ. ¹⁷Aavika ẹchẹngwụ bo yaan vi iri, ọza mẹ vaa zụ wụ irẹyi kẹ? Aaviki ẹchẹngwụ bo yaan vi ụtọ, ọza mẹ vaa zụ wagụ kẹ?¹⁸Ama Oshomoshi oo to ẹchẹngwụ bo ome si ka ọvi. ¹⁹Aaviki ẹchẹngwụ bo yaan vi ọnya, izi ẹngwụ ọza yaan ya? ²⁰Fụvavọ, aka ẹchẹngwụ vana rụrụ, ama ẹngwụ ọza vi ọnya.²¹Iri ọi zụa kaa yi ụvọ ka, "Ọzi nyi isa ọni ma sụwụ mẹ." Navẹka irẹsụ dọ kaa yi ufu ka, "Ọzi nyi isa ọni ma sụwụ mẹ." ²²Ama aka ẹchẹngwụ ọza ene vene ka ẹẹ zi nyi ụkata, ẹnẹ bẹrẹ kokoro, ²³ẹchẹngwụ ọni ro ka ọọ zi nyi ụbani, ọni ya si ụbani yi fụ, di za sii si ụbani yi ẹchẹngwụ ọni ye zi si ki aza ee re, ime si isa kụwa. ²⁴Fụvọki ọọ zi vọrọ ki yakụ zẹ si ụbani yi ẹchẹngwụ ayi ene zoza. Oshomoshi nyẹmbẹ oo kụwa gẹ da, dọ vi ki ẹni ana razi yaan nyi ụbani, ọni ya si ụbani yi fụ.²⁵Ọ maan mẹ fụvọ, di asi a ga yi tụni aka renyi renyi ini ẹngwụ aani, ama di azụ mẹ ọgụvọ yi ẹngwụ ini osisi ọnya. ²⁶Fụvavọ, ọza ọnya ra rụya, di aza bo gẹ rụya ọnọ, navẹka ọọ nyi ọza ọnya ana si ụbani yi, di aza bo zẹ vaabẹ jụjẹ. ²⁷Ọmẹyani, ẹwụ nin ọnọ vi ẹngwụ Ikristi, di ọza ọnya ọnya vi aka ẹchẹngwụ aani.²⁸Ama Oshomoshi ọọ ni aza ini ichọọchi, ipaapa ọnitụ nin, ụpọfụva ọkisẹ nin, ụpọfụta ọzụọzisa nin, irama ọnọ, dọ ni ẹnẹna mẹ ụkọrọ oshishozeyi renyi renyi nin, irẹiza-ọfẹ ọfifụ aza ikụ sha, ẹnẹna mẹ ọgụvọ, ẹnẹna meto ini ragụ ọnri ẹnẹna si irẹkụra renyi renyi karẹyi. ²⁹Ẹnbo ẹnẹ wa vi ọnitụ nini? Ẹnbo ẹnẹ wa vi ọkisẹ nini? Enbo ẹnẹ wa vi ọzụọzisa nini? Ẹnbo ẹnẹ wa nyi irẹiza-ọfẹ ọmimẹ ụkọrọ oshishozeyi?³⁰"Ẹnbo ẹnẹ waa nyi irẹiza-ọfẹ ọfifụ aza ikụ sha?" Ẹnbo ẹnẹ waa si irẹkụra renyi renyi karẹyi? Ẹnbo ẹnẹ waa zụ dọ irẹyi ka, ini ẹnẹna si irẹkụra renyi renyi karẹyi? ³¹Si ẹchẹngwụ awụ bo si irẹiza-ọfẹ ene fụ. Ama mva si oze one zoza, ene fụ bo zụ wụ.

Chapter 13Ọ zi nyi isene fụna osisi irẹyi ẹngwụ

¹Aaviki ma zụ si irarẹ aza karẹyi onri ayi angẹni nini, ama dim ra zi nyi osisi, ma si vara ọkọnga ana surẹyi nyaga-nyaga, navẹki agogo ọna surẹyi ngwain kẹnẹ. ²Aaviki ma nyi ụkata anasi kisẹ, di afu irẹiza bo ye mi ọnri ọyiyẹ, navẹki dim nyi ọdọwụ bo ọna va zụ mẹ ki irẹsụfa ọ vara ụdi, ama dim ra zi nyi osisi, osụsụ ọnim vi. ³Aaviki ma si sa bo ọnim nyi, dim siọ pa onriwa nini, dim zẹ si ẹngwụ ami ka ariọ ira, ama dim ra zi nyi osisi, ma zi nyi ogụ ọnyọnyi.⁴Osisi vi ụmẹnẹ ọnri ọiza ọmimẹ, osisi ọma nyi ayamkụ, navẹki dọ garogụ, ⁵ọ ̣ma dụbani. Ọ ma mi isa ayani renya. Ọ ma jantụ mọikụ navẹki ọ za ivi ikạ yi ọza. ⁶Ọma jụjẹ ini arima-manasẹrẹ. Akikọnọ, dọ jụjẹ ini irẹiza. ⁷Osisi vana zisa bo chirẹngwụ, isa bo ọnọ dọọwụ, dọ nyi ọkikụ-ayitụra ini isa bo, dọ nyi ọsẹngwụdọ ini isa bọ.⁸Osisi ọma taa. Aavika aa kisẹ tẹtẹ, ẹ vaa parafụ. Aavika aa karẹyi ini rẹkụra reny-renyi, ẹ vaa taa. Aavika ọyiyẹ yi naani, ọ vaa parafu. ⁹Fụvọki ọyiyẹ ayi vana vi irẹjiji, di isẹ okika ayi zẹ vi irẹjiji. ¹⁰Ama ụmọni anagụ raa vẹ, ana ra zi gu vaa parafụ.¹¹Ẹfi ọnim vi ozụeyi, maa karẹyi vene ozụeyi, di maa kana vene ozụeyi. Mmẹ vara ọzọku, dim vi isa ozụeyi shaa. ¹²Fuvọka, ọmẹyani, isa ọni yere, vọni yere ini oreyi shanụ-shanụ, ama ụmọni Ikristi raa vẹ, ii vaa si eyi gẹrẹngwụ eyi. Ọmẹyani ya yẹẹ inoze ana ra zi gu, ama umọnọ, ii vaa yẹ ini ọgigụrigụ venebiri a mẹ yẹ yi ini ọgigụrigụ. ¹³Ama, ọmẹyani isẹtita ẹnẹni yi naani: ọdọwụ, ọkụayitụra, ọ̣nri osisi. Ama onefụ bo ini isẹnẹni, ọnọvi osisi.

Chapter 14Ụkata irarẹ renyi ọnri ọkikisẹ

¹Nyi osisi yi aza bo, dụ wa shẹngwụ sha yi Ifẹ Ọnini, paapa, dụ wa zụ kisẹ. ²Fụvọki, ọzẹna ra si irarẹ renyi karẹyi, ọzi karẹyi yi aza, ama yi Oshomoshi. Ọzi nyi ọzẹni irẹyi aani yee, fụvọki, irẹyi anatẹ ini Ifẹ ọnọ ka. ³Ama ọza ana kisẹ, vana karẹyi shi aza ana va sụ wa fuu, dọ tụ wa ụkata, dọ ze fifufu wa inẹngwụ. ⁴Ọza ana si irarẹ ọsa karẹyi, vana sẹngwụ aani fuu ini ife, ama ọzẹna kisẹ vana si ichọọchi fụụ.⁵Ọmẹyani, mee si ka ẹwụ nin bo, ọ karẹyi ini irarẹ ọsa. Ama fụna avọọ, mi yeen si kụ waa kisẹ nin. Ọza ana kisẹ, ọ nyi ụbani fụni ọza ana si irarẹ ọsa karẹyi, (ọchishi kọ nyi ọza ana shafụsha, fụvọ di ichọọchi ẹ zụụ fụụ tụọ). ⁶Ama, ọmẹyani, ẹnyarami, aaviki ma ve tụwụ, di ma si irarẹ ọsa karẹyi, imẹmẹ va zụ siọ mọgụvọ ọiza yụ wụ nin? Mazi vọọ zụa mẹ, ọchishi kima karẹyi yụ wụ ini ẹtẹore, navẹki ọyiyẹ, navẹki ọki-kisẹ, navẹki ọzizụ ọza isa.⁷ Aavika isa ana ra zi nyi ifẹ, ana si ọngwẹ jinẹ vẹ, venebiri ofere navẹki ọpani, ra zi nyi ọngwẹ renyi renyị, ọza mẹmẹ vaa yẹ ọngwẹ ọni ofere navẹki ọpani ọnọ asi jashẹ kẹ? ⁸Aavika ọ si ọngwẹ ana ra zi sẹrẹ fụ ọpani, aza mẹmẹ vaa yẹ ẹfi ene ve si teni ẹngwụ tẹtẹ zi irẹkụ kẹ? ⁹Aavọ ọnọ mẹ zẹ vivi yụ wụ nini. Aaviki wa karẹyi ọna ra zi nyi irẹyi ọyẹ, irẹyi ọnụ ka ̣me ve si ye aza kẹ? Waa karẹyi awụ, o ze ye ọza.¹⁰Ọọ vi isa ọjirẹka ki irẹkụra renyi renyi yi inẹshẹ, ama ọzi nyi ọna ra zi nyi afụ. ¹¹Ọọ nyi irẹkụra ana ka dim ra zi wụ isẹna siọ ka, dim si vi ọzọga yi ọza ana karẹyi. Ẹzẹna karẹyi dọ si vọzọga yi mi.¹²Avọ ọmẹ zẹ ya yụ wụ nin, ụmẹ kụeyi pe oze yi ụkata Ifẹ Ọnini ọsẹngwụ zụ, sikamarenụ dụ we re kụ wa mẹtẹrẹ ini ọiza ụkata ifẹ ọnini, ọna mẹ ki ichọọchi ọnọvidi. ¹³Fụvavọ ọzẹna karẹyi ini irarẹ ọsa, ọ zẹ titụ ozụrenụ ka, ọnọ zụ shafụsha. ¹⁴Aaviki ma tụozụrenụ ini irarẹ ọsa, ifẹ ami ọna tụozụrenụ, ama ọyiyẹ ami ọzi nyi ẹtụtụ.¹⁵Sim vaa kụ mẹ kẹ? Mi vaa tụozụrenụ ini ife, ama di ma zẹ sii si ọtụrụrụma mi tụozụrenụ. Mva jashẹ ini ife, dim zẹ si ọtụrụrụma ami jashẹ. ¹⁶Ọzi vavọ, aaviki wa suga yi Oshomoshi ini ifẹ, aza ana ini ẹshẹshẹ ana wụụ irẹyi ọnọ, mẹmẹ va dọ "Aami" ụmọni ̣ra mẹ aavọkụ, aaviki ọ zi wụ irẹyi ọnụ waa ka?¹⁷Ọzi nyi ọjirẹka kụwa mi aavọkụ ẹtẹtẹrẹ, ama, ọzi mẹ ki ọzẹnẹsa ana wụ, ẹzụ fụụ ini ifẹ. ¹⁸Maa kụ Oshomoshi avọ ki ma si irarẹ ọsa karẹyi funi ẹwụ nini bo. ¹⁹Ama, ini ichọọchi, o ze mẹ ki ma karẹyi ẹshi, ini ọyiyẹ ami, di mazụ siọ mẹ isa ọzizụ, yi azẹnẹsa fụni ki ma karẹyi, irẹka ẹchẹshi oze ẹẹwụ.²⁰Ẹnyarami, asụ mẹ venebiri ozụeyi ini oriro awụ nin. Akikọnọ, o si tụni isa ọshimi, mẹ venebiri ezinụvọ nini. Ama nyi ụvira ini oriro awụ nini. ²¹Ini ofi, aa chẹrẹ tẹtẹ kaa, "Zirẹngwụ irarẹ osa, irẹkụra ọsa ọnri irenụ ạzẹga, Mva karẹyi yi azẹnẹni. Shi ọ vọvọ vi, ẹ za wụ ayami." aavọ Ananyiyi mẹ ka.²²Fụvavọ, ọmẹ maan vasi vi, irarẹ ọsa vi ami yi azẹna nyi ọdọwụ, ama shi ẹnẹna ra zi nyi ọdọwụ nin. Ama ọki-kisẹ vi yi aza ana nyi ọdọwụ aivi aza ana ra zi nyi ọdọwụ. ²³fụvavọ, aavika, ichọọchi bo, ee peregụ di aza bo asi irẹkụra ọsa karẹyi, ẹnẹna yi ini ẹshẹshẹ ọnri aza ana ra zi nyi ọdọwụ raa ngwụ reshi vẹ, aivi ẹva kaa ki we sụvụ nini?²⁴Ama aaviki ẹwụ nin aa kisẹ, di ạzẹnasa ana ra zi nyi ọdọwụ, navẹki anạ shẹshẹ aa ngwụ ireshi vẹ, irẹyi ọnọ wụ va mẹ ki ẹngwụ aani ọvashị. A vaa mi ishọji yọ zirẹngwụ irẹyi ana ka bo. ²⁵Isa ana tẹ ini ọtụtụrụma aani vana va sii ẹngwụ tụẹshẹ. Ọvairẹsụ aani ọnọvi ka, ọ vaa veyi kụẹtẹ, dọ sụga yi Oshomoshi. Ọ vaa dọrenụ ini irẹiza ka, Oshomoshi yi inakaakana awụ nini.Waa mẹ isa bo ọmẹsẹrẹ²⁶Yere ono kụ ze tụ kẹ ẹnyarami nini? Wee peregụ nini, ọzọza ọ nyi Isaamụ, ọzizụ, ẹtẹoore, irarẹ ọsa, navẹki ọ ọdidọ irẹyi ka. Waa misa ẹnẹni fụvọ di ichọọchi oroze fụụ. ²⁷ Ọọ nyi ọzẹna si irarẹ ọsa karẹyi, navọ doti ọvi azanẹ ẹẹva, navẹki ẹẹta, dẹ kaa ọnyọnya, ụmọnọ di ozenya ọ shafụ irẹyi ẹnẹ raa ka sha. ²⁸Ama aaviki ọzi nyi ọza ana va shafụ irẹyi ọnọ sha, navọ dọ ọzọza o sirenụ aani kwokụ ini ichọọchi. Navọ di ọzọza kụ karẹyi yi ẹngwa aani renya ọnri Oshomoshi.²⁹Navọ di ọkisẹ ẹẹva navẹki ẹẹta, ẹẹ karẹyi, di aza anavọ ee batọ, doti ẹ si irẹyi ọnọ ẹtẹ, ọọ vọrọ. ³⁰Ama, aavika asi ọyiyẹ ọna nyinẹ yi ̣ozenya ọna yatụ tụni izi ana ya mi irafẹkẹ, navọ di ẹzẹna ra bidi aa karẹyi ọ navọkụ.³¹Fụvọka ọzọnyọnya awụ nini vazụ kisẹ, dụ wa si oze yẹngwụ nin, doti ọzọnyọnya awụ nini ọ vazu kọsụẹ, di avaa zụ tụ azabo ụkata. ³²Fụvọka, ivefu ọkisẹ vana zitụ yi ọkisẹ. ³³Fụvọki, Oshomoshi ọzivi Oshomo-shi one shankata, ama ayi ẹngwọrọ. Ọnọni ọnọvi ofi ana si yi ichọọchi anọdọwụ nini bo.Udi anyẹnẹẹ ini iragụ anọdọwụ³⁴Anyẹnẹ ẹ navọkụ ini ichọọchi nini. Fuvọka azẹzi soze yụ wa ki ẹẹ karẹyi. Akikọnọ, ẹ dụbani yi ichọọchi, vene ofi mẹ zẹ ki kaa. ³⁵Aavika ọ nyi isa ene si ka ẹna kọsụẹ, navọ dẹ fọọ ọva anini ineshi, fụvọki ụshọnyi ọnọvi yi ọnyẹnẹ ọ karẹyi ini ichọọchi. ³⁶Fini ụvọ awụ anini ọni irẹyi Oshomoshi wa fụrẹ vẹ? Ẹwụ renya ọni irẹyi ọnọni we tụ ida anini?Ọzizarẹyi irẹsu aa mẹ irafẹkẹ ³⁷Aaviki ọ nyi ọza one ro ka ọni vi ọkisẹ, navẹka ọnọ nyi ụkata ifẹ ọnini, ọvọrọ ki ọzẹ ka, isa ọnim chẹrẹ tụshụ wụ nin ka, ọ vi ụmọ Ananyiyi. ³⁸Ama aaviki ọ nyi ọza na razi yẹ ọnọni, asa shiọ bẹrẹ.³⁹Fụvavọ ẹwụ nin ẹnyarami, wee si tụnẹ-tụnẹ ki wa zụ kisẹ, a sụ nyisi ọzẹna raa karẹyi ini irarẹ ọṣa. ⁴⁰Ama, navọ di asi ụmẹnẹ tụni isa ana raa mẹ bo, daa mẹ wa inoze anasẹrẹ.

Chapter 15Ikristi ọ sha kwẹẹtẹ fini isu

¹Ẹnyara mi, ma tama wụ nini ayi inọpati irenụbe ọiza ọnim ka yụ wụ nini. Ọnụ dọ, dụ zẹ dinẹ tụ ọ nini. ²Zirẹngwụ irenụbe ọiza ọnọni ana si dọ wụ nin tụ, aaviki wa sụvọ za irẹyi ọnim bidi ka yụ wụ nin kokoro, ọchishi kụ dọọwụ.³Fụvọki irenụbe-ọiza ọno vi irẹyi ipaapạ ene fụ, ọnim si vaa yụ wụ nini: ọnọ vi ka Ikristi o sụ fụvọ aichama ayi vene iwe ọnini mẹ ka, ⁴kaa ee nee, ọnri ki a shaa kwẹtẹ ini ọkụshi ọfụụta veni iwe ọnini mẹ ka a.⁵Ikristi ọọ si ẹngwụ zụ Ikefasi, inaani dọ zẹ si ẹngwụ zụ eziafụ aani ẹwụrẹva; ⁶Inaama ono, dọ sẹngwụ zụ ẹnyara ini ọdọwụ akava tụri ẹchẹshi ini upọnya. Ẹruru anini yi yẹshẹ, ama ẹnyi ee sụ da. ⁷Inaani, dọ si ẹngwụ zụ Ijemisi, dọ varama zẹ si ẹngwụ zụ ọnitụ nini.⁸Ẹmi ọnọ si ẹngwụ zụ keke, venebiri ozi ana ma ini ẹfi ana ra zi sẹrẹ. ⁹Fụvọki ẹ̣mi ono weyi fụ bo ini ọnitụ nin. Ma zi ya ọza ọna vaa shi ọnitụ, fụvọki ma mụya ri ichọọchi Oshomoshi.¹⁰Ama zirẹngwụ ọiza ọfẹ Oshomohi, ọnim si vi isa ọnim vi, ọiza-ọọfẹ aani ini ẹngwụ ami ọzi vi osụsụ. Akikọnọ, ma mụkọrọ kokoro fụna ẹnbo. Tụavọ-tụavọ, ọzivi ẹmi, ama ọiza-ọọfẹ Oshomoshi ọna ya bẹrẹ mi. ¹¹Fụvavọ, shọọ vi ẹmi, navẹki ẹni, ya karẹyi Oshomoshi, dụ dọọwụ nini.Ọshisha kwẹẹtẹ oku nin¹²Ọmẹyani, aaviki a showụ Ikristi ka aa shaa kwẹtẹ fini suụ, sẹnẹvẹ di azẹnyi awụ nini aa kaa ki ọzi nyi ọshisha kwẹtẹ fini isụ. ¹³Ama aaviki ọzi nyi ọshisha fini isụ̣, ụmọnọ Ikristi nyẹmbẹ ọzi shaa fini isụ, ¹⁴aaviki Ikristi ọzi sha fini isụ, ụmọnọ irẹyi Oshomoshi ọni ya ka, vi osụsụ, di ọdọwụ awụ zẹ vivi osusu.¹⁵Zẹtụọ di ze ree ivenụ apinẹ ọnẹ nyị inọpati Oshomoshi, fụvọki ya dọ ivenụ ọna kachire Oshomoshi, di yaa kaa kọ sha Ikristi kwẹtẹ ini ụmẹ ọnọ razi vọọ mẹ. ¹⁶Aavika azẹ zi shaa enene sụ kwẹtẹ, ọnọvi ka Ikristi nyẹmbẹ ọzi sha kwẹtẹ; ¹⁷aavika Ikristi ọzi shaa kwẹtẹ, ọdọwụ awụ nini vi osụsụ, dụ zẹ yi ini aichama awụ nini.¹⁸Umọnọ, azene sụ ini Ikristi nyẹmbẹ vene vụri da. ¹⁹Aavika inẹshẹ ọnọni kẹnẹ ọni ya nyi ọkuayitụra ụfọ ini Ikristi, ẹyi ọnọ vọrọ kọ vayi aani fụ ini aza bo.²⁰Ama ọmẹyani, Ikristi ọ shaa kwẹtẹ fini aza enesụ, dọ vi ẹtụtụ ipaapa enene su da. ²¹Fụvọki, isụ ọvẹ zirẹngwụ ozenya, zirẹngwụ ozenya ọni ọshisha kwẹtẹ fini isụ zẹ zizi vẹ.²²Venebiri aza bo me su ini Adamụ, avọ mẹ zẹ va vi ka, aza bo ini Ikristi va mẹshẹ. ²³Ama ọzọza ini udi aani: Ikristi ọnavi ẹtụtụ ipaapa, shi aza ana vi ayi Ikristi, vana va mẹ ki ẹẹ mẹshẹ ụme ọnọ ra vẹ.²⁴Ụmọnọ di ẹshẹ va ta, ụmọni Ikristị va si ijọva ẹshẹ bo yi Oshomoshi anavi Adaa. Ini ẹfi ọnọni ọnọ vasi zi isa anavi ọmime bo, ụmọ ọnri ụkata bo ini eshe dinẹ. ²⁵Fụvọka ọ bẹdọ va ri oshinọyi netụ ẹfi ọnọ vasi kụ ọnivi shi afụafụ aani. ²⁶Ọnivi one ve dụ sha ini ọikọta, ọnọvi isụ ọwọza.²⁷Fụvọki,"ọ kụ isa bo tụni afụafụ ụfụ aani da." Ama ọmẹ kaa ki "Ọ si isa bo," ọ siọ zụ ka Oshomoshi ọ zi bẹrẹ isa bo ọnọ kụ tụni afụafụ ụfụ aani. ²⁸Inẹ̣fi ana kụ isa bo tụni afụ aani da, ụmọnọ, di ozi nyẹmbẹ va si ẹngwụ tụni afụ Oshomoshi ọna kụ isa bo tụni afụ Ikristi. Ọnọni vo vavi fụvọ di Oshomoshi anavi Adaa ọ va vi ọnbo ini ọnbo.²⁹Navẹka ọzi nyi ọshisha fini isụ, sẹnẹvẹ di azẹnyi amẹ isami fụvi enene sụ da? Aavika ọzi nyi ọshisha yi ọza ọnyọnyi, sẹnẹvẹ di ami isami fụvọ anini? ³⁰Sẹnẹ vavẹ di ya kụayi godede inẹfi bo?³¹Eyini-eyini ọni ma si veyi ki isụ! Ọnọni vi irẹiza vene otowụ ami inawụ nini, ọnim nyi ini Ijesu Ikristi Ananyiyi. ³²Sẹnẹvi ọgụ ami ini eyi aza, aaviki me beri ụye-navi nin vụrẹvụ ini Efesọsi, aaviki azẹzi sha enesu kwẹtẹ? Navọ di ya rii, di ye fuu, fụvọka ive sụụ ụfụọ."³³Asi ee vene wụ nini! "Ọta ọshimi vene dụ ivefụ ọiza shaa." ³⁴Sha kwẹtẹ! Ra inoze ana sẹrẹ! Asụ ra ini aichama. Fụvọka azẹnyi ẹ zi yo Oshomoshi. Ma maan ka, dụ ụshi ọ nyụwụ nini.Ụpẹngwụ inaama ọshisha kwẹẹtẹ³⁵Ama ạzẹnyi va kaa ki, "Amẹmẹ va sha ezene sụ kwẹtẹ kẹ?, ọnri ka yere ẹngwụ ẹchẹngwụ ẹnẹ va si vẹ?" ³⁶Wa zi yẹrẹyi nini vụrụ-vụrụ! Isa ọnụ chire ọizụa chi, ọọ ziviki oosụ.³⁷Isa ọnụ chire ọna vi ọina renya, ọzi ẹchẹngwụ ọna va jinẹ vẹ. Ọzụ vi akụ navẹka isa ọsa. ³⁸Ama, Oshomoshi vasi ẹchẹngwụ ọnọ si yọ, ọina ọzọza ọnọ nyi ẹchẹngwa anini. ³⁹Ụpẹngwụ bo ọzi vi ọnyọnya. Akikọnọ, anyi ụpẹngwụ ọnya ọna vi ayi aza, di ọnyi vi ụpẹngwụ ọsa ana vi ọi isụpa nini, dọ sa zẹ vi ụpẹngwụ ọi ụnomi ọnri ụpẹngwụ ọi isenyi.⁴⁰Anyi ụpẹngwụ ineekụ ọiza, da zẹ nyi ụpẹngwụ ẹshẹ. Ama ụbani ineekụ ọiza vi ọnya, di ụbani ẹshẹ vi ọsa. ⁴¹Ụbani ọyi yi naani, di ụfẹ zẹ nyi ụbani ayani, di uzọmi nini zẹ nyi ụbani ọsa. Ama ụzọmi vi renyị yi ọsa ini ụbani.⁴²Avọ ọmẹzẹ yiya ini ọshisha kwẹtẹ fini isụ. Isa ene chire ve nee vụri, ama isa ana sha kwẹtẹ o mee vụri. ⁴³Ee chire ini oseyi wụ; da shaa kwẹtẹ ini ụbani. Ee chire inẹngwụ ana razi nyi ụkata; aa shaa kwẹtẹ ini ụkata. ⁴⁴Ẹfi ọni ree chire, dọ vi ini ụpẹngwụ ọza, aa sha a kwẹtẹ, dọ vi ini ụpẹngwụ idi Oshomoshi. Aavika ụpẹngwụ ọza yi inaani, aa zẹ nyi nyi ụpẹngwụ ifẹ Oshomoshi.⁴⁵Fụvọka azẹ chi chẹrẹ tẹtẹ ka, "Adamụ ipaapa, ọọ vara ifẹ ọna ra. "Adamụ ọna vẹ kọọta, ọọ vara ifẹ ọna si ẹshẹ yi aza. ⁴⁶Ama ọzivi isa anavi ifẹ Oshomoshi ọnọ bidi vẹ, ọna vi isa ẹshẹ ọnọni ọnọ bidi vẹ, irama aani ọni isa anavi ọi ifẹ Oshomoshi va vẹ.⁴⁷Ezi inẹtẹ ana si mẹ ọzi ipaapa, ayi ẹshẹ ọnọvi. Ọza ofụva vana vẹ fụrẹ ẹbẹẹbạ. ⁴⁸Venebiri ọza ana mẹ fini ezi mẹ ya, avọ ọni ọza ana mẹ fini ezi mẹ zẹ yiya. Venebiri ọza ayi ẹbẹẹba mẹ ya, avọ ọni ẹnẹna vi ayi ẹbẹẹba mẹ zẹ yiya.⁴⁹Venebiri amẹmẹ mi ọza anasi ezi mẹ, iva ze vi vene ọza ana vi ayi ẹbẹẹba.⁵⁰Ẹnyarami nini, ọmẹyani ọnọni ọni ma ki kaa, ụpẹngwụ ọnri anya ọ zụa riọgụ ijọva Oshomoshi. Navẹka isa ene vụri ọi zụa riọgụ isa ene me vụri. ⁵¹Ree! maka angwụmi irẹiza: Azivi ẹyi bo one ve suu, ama ava vara ụpẹngwụ ẹyi bo.⁵²Ava vara yi inẹfi keree, vene ki ọza mẹ ra ji-eyi, ụmẹ ọni angẹni Oshomoshi re fu ikaakachi ọikọta. Fụvọka ọpani ọnọ va sụrẹyi, ava sha ẹnẹ nesu kwẹtẹ, dẹ kụ nyi ụpẹngwụ ene re mesụ, da vara ụpẹngwụ ayi. ⁵³Fụvọka ụpẹngwu one vụri bẹdọ vaa vara tụni ene me vụri, da zẹ vara ụpẹngwụ onesụ tụni ene re mesụ, ọna va yara poro-pooro.⁵⁴Ama ụmọni ụpẹngwụ one vụri aani ra vara tụni ụpẹngwụ one re me vụri da, da vara ụpẹngwụ ọnọni ene sụ tụni ụpẹngwụ ene re mesụ poro-pooro, irẹyi ana bidi chẹrẹ tẹtẹ va shẹ ẹfiavọ. Irẹyi ọnọ ọnọvi kaa,"Isụ ọwọza aa fụrẹkụ awụ da." ⁵⁵"Isụ ọwọza, yere izi ya fụrẹkụ kẹ?" "Isụ ọwọza yere ụkata ọnụ we si che ọza?"⁵⁶Isẹnẹ tụọza ụvọ nangwụ ini isụ ọwọza, ọnọvi aichama, di ụkata aichama, ọnọvi ofi. ⁵⁷Ama ya kụ Oshomoshi avọọ ọna mẹ ki ya fụrẹkụ zirẹngwụ Ananyiyi Ijesu Ikristi.⁵⁸Fụvavọ, ẹwụ ẹnyarami nin, ọnim ngwuayani, dinẹ kokoro, asụ sheni. Wa mụkọrọ Ananyiyi ini ẹfi bo, fụvọ kụ wa yẹ, ka ụkọrọ Ananyiyi ọnụ wa mẹ ọzi vi osusu.

Chapter 16Ẹkẹshi ana tụ ka siọ mọgụvọ yi anọdọwụ nin

¹Ọmẹyani inọpati ẹkẹshi ene pere yi ẹnẹna nyi ọdọwụ, mẹ vene imẹ ka yi ichọọchi bo ọna yi Igarẹtia ki ẹ mẹẹ. ²Ini ọkụshi ipaapa ini ọsẹ, ọzọnyọnya awụ nin, ọọ si isa tuni oboka, dẹ pere tẹ umẹ nyi ụkata tụ nini. Mẹ ọnọni doti a sọ kụkụ pere ẹkẹshi umẹ ọnim ra vẹ.³Ụmọni mi ra vẹ, ọzatụrọza ọnụ ra sụvọ tụ nin, ọni vaa tụ kọ si ẹkẹshi ene pere aavọ, ni Ijerụsanẹmụ. ⁴Ẹmi rụwa va gẹẹ zi naa, aaviki ọvọrọ kị ẹmi nyẹmbẹ ọọnọ.Isẹni Ipọọrụ ee si ka ọni vaa mẹ⁵ Ama mva vi ida wụ nini maa zi Imasido-niya parafụ, fụvọki mva zi oze Imasidoniya. ⁶Ọnyi ọviki mva ya pe wụ nin, navẹki ma vana yizọ ini ụmẹ ọọgụ, fụvọ dụ we roze mọgụvọ yi mi ini ụsẹọzi, irasha tụri irasha ọnim ra nọọ.⁷Fụvọki mezi si ki me re wụ ọmeyani ini ẹfi keere. Ma nyi iribatọ ki mve kụụ idawụ nini, Ananyiyi re si. ⁸Ama mi vaa yi Efesụsi nangwụ ini ụmẹ Ipẹntikọsiti, ⁹fụvọki oze ọgana ọ naa tẹtẹ yi mi izọ, ama ọnivi ọrụrụ yi inaanị.¹⁰Ọmẹyani Itimoti ra vẹ, asụ navọ kọ nyi angwashi nin, fụvọki ụkọrọ Ananyiyi ọnọ mẹ, venebiri ẹmi mẹ za mi mẹẹ. ¹¹Asiọ nyi ọza ana seyi wụọ. Mọgụvọ yọ ini ọvivẹ aani inoze ẹngwọrọ doti o roze ve tụ mi. Fụvọki mee zio ọnri ẹnyara aani ḳẹ vẹẹ. ¹²Ọmẹyani, inọpati ọnyara ayi Apolọsi, ma tụọ ụkata kokoro ki ọnri ẹnyara ayi nini, ẹ vaa kụ wụ nini. Ama ozi si kaa ọna vẹ ọmẹyani. Ụmọnọ ra vivi, ọ vaa vẹ ini ẹfi ọnasẹrẹ.Irẹyi ọnri ụkụ ọikọọta. ¹³Si eyi petẹ, dinẹ kokoro ini ọdọwu, mẹ venebiri anẹrụ, dụ wa sikamarenu nin. ¹⁴Navọ dụ wa misa bo ini osisi nini.¹⁵Wa yẹ ki anreshi Isitẹfanasi nini, ẹẹ bidi nyi ọdọwụ ini Akaiya, dẹ va teni ẹngwa nini tẹtẹ yi ukọrọ ẹnẹna dọọwụ. Ọmẹyani, maa dipẹ yụ wụ nini, ẹwụ ẹnyarami, ¹⁶kụ we nyima rẹsụ yẹngwụ azẹnẹ, ọnri ẹnẹna mọgụvọ yiyi, de pe yi aa mukọrọ.¹⁷Ma jụjẹ ini ọvivẹ Isitẹfanasi, Ifọtụnatọsi ọnri Achaiyikọsi. Ẹẹ mẹ irama awụ nini ụmẹ ra zi yizọ ninị. ¹⁸Ẹẹ ni mẹngwụ yaa, shi ẹwụ nini. Fụvavọ, dụbani yẹngwụ azẹ nẹẹ nini.¹⁹Ichọọchi nin ana yi Eshiya ẹẹ tu ki ma kụ wụ nini, Akụyila ọnri Ipirisila aa kụ wụ nini ini Ananyiyi bẹri ichọọchi ọna yini ireshi anini. ²⁰Ẹnyara ayi bo ẹẹ ka kụ wụ nini. Shayi kụẹngwu nini inoze ọnini.²¹Ẹmi, Ipọọrụ ọnọ si uvọta mi chẹrẹ iwe ọnọni. ²²Aaviki, ọ nyi ọza ene re zi sirẹyi Ananyiyi, oodu o kụ, Ananyiyi, waa vẹẹ! ²³Ọiza-ọọfe ọi Ananyiyi Ijesu ọọ ya pẹ wụ nini. ²⁴Osisi aami ọọ ya bẹrẹ wụ nin bo, ini Ijesu Ikristi Aami.

2 Corinthians

Chapter 1Ụkụ

¹Ipọọrụ. ọna ini osisi Oshomoshi , vi ọnitụ Ijesu Ikristi vabẹri Itimoti ọnyarayi, tushi ichọọchi Oshomoshi ana yi Ikọrinti, shi ẹnẹna nyi ọdọwụ boo ini ọkakooro Achaiya. ²Ọiza-ọfẹ ọnri ẹngwọrọ fidi Oshomoshi Adayi, ọnri Ijesu Ikristi Ananyiyi, ọ si vi ayawụ nini.Ipọọrụ ọ kụ Oshomoshi avọ³A sụga yi Oshomoshi ana vi Ada Ananyiyi Ijesu Ikristi, ọnọ vọrọ ka kwavọ. Ọnọvi Ada ayụva boo ọnri Oshomoshi ayiọnẹtẹ boo. ⁴Oshomoshi venee fufu yi ẹngwụ ini ụyọọri ayi, doti ye roze fufu ẹnẹna yini ụyọọri. Yee fufu azẹnẹsa vene Oshomoshi mee fufu yi ẹngwụ.⁵Vene ụya Ikristi me chire ẹtẹ fụvọ ayi, fụvavọ ayiọnẹtẹ ayi me chire ẹtẹ zirẹngwụ Ikristi. ⁶Ama, aaviki yaa nyi ụyọọri, fụvọ ayiọnẹtẹ yọọ ọnri ọdidọtụ awụ nini; aaviki yaa nyi ayiọvanẹtẹ, fụvọ ayiọnẹtẹ awụ nini yọọ. Ayiọnẹtẹ awụ nini aa mụkọrọ ẹtẹrẹ fụvọ ọsi ẹngwụdọ ọnụ nyi nini ini ụya ọnyọya ọnụ wee re nin, vene ẹyi me ze ri re. ⁷Azẹzi ji ọkụeyitụra ayi inọpati awụ nin irẹka, fụvọki yaa yẹ ki ẹwụ nini mẹzẹ bẹrẹyi rụya, avọ ọnụ mẹ zẹ vaa bẹrẹyi ri ize.̇⁸Fụvọki ọzi vọrọ ka asụ yẹ nini, ẹwụ nin ẹnyara ami, inọpati ẹkatẹngwụ ọni nyi ẹfi ọni yi Eshiya. Ọpa ẹnẹ piriyi netu ki ya zi yẹ ki vaa kụ zụ mẹshẹ. ⁹Inirẹiza, ọkushi isu vana jitura yi da. Ama, ọnọni vana mẹ ka asi kụeyitụra ẹngwụ, ama ini Oshomoshi anaa sha aza ene suu varama vẹshẹ. ¹⁰Ọnọ jiyitụ finụvọ isu ọgamarira, yaa yẹ kọ zẹ vaa ji jiyitụ. Yaa nyi ọkueyitụra kọ vaa varama dọyitụ ini ụpọsa.¹¹Ọ vaa mẹẹ zirẹngwụ ozụrenụ awụ nin ọnụ wa si mọgụvọ yi yi. Umavọ, azẹruru vaa fụvọ ayi si aavọkụ yi Oshomoshi fụvọ ọiza-ọọfẹ ana si yi yi zirẹngwụ ozụrenụ aza ẹruru.Isẹnẹ vẹ di Ipọọrụ ra zi nọ Ikọrinti¹²Ya garogu ini ọnọni ini iveenụ ọi ivefu ayi, fụvọki ini osisi ọiza ọnri irẹiza ana fidi Oshomoshi vẹ ọni si manasẹrẹ inẹshẹ. Ini ọiza-ọọfẹ Oshomoshi ọni si pe wu nini aa mẹ, ọzi vi ụvira anẹshẹ. ¹³Yaa zi chẹrẹ iwe ọnụ rai zụa ka navẹki ene re zi ye wụ nini. ¹⁴Mee si ka venebiri irẹyi ayi ẹnyi me ye wụ nini, aavọ ọni mẹ vaa me, kụ wa garogụ nini inọ ọkushi Ijesu Ananyiyi, venebiri ẹwụ nin mẹ vaa mẹ ki ẹyi ọ zẹ garogụ.¹⁵Fụvọki maa nyi ọkụayitụra isọnọni , di me si ki ma yaan bidi vi ida awụ, doti wa yaan zụ riọgụ upọọfụva, ụmọni re chiwụ ọzọga. ¹⁶Mee ro mmẹ vaa shaa kụwụ ụmẹ ọnim ra ni Imasidoniya. Dim ze sisi ki ma zẹ varama vaa kụwu maa jinẹ fụri Imasidoniya, dụ we roze tụmtụ ma ni Ijudiya.¹⁷Ụmọni mee si ro inẹ ini oze ọnọni, dụ wee tụrụfụ nirama nin? mwa nyi ọjirẹka tụni inẹ ami, dim vaa ka ki "Ẹẹn, Ẹėn" onri ki "Eeye, Eeye" ini uponya? ¹⁸Ama, vene Oshomoshi mẹ vi ọni rẹiza, ya maa ki irarẹ ẹẹva, "Ẹẹn" ọnri "Eeye" vaabẹ.¹⁹Fụvọki Ijesu Ikristi ana vi ozi Oshomoshi ọni ẹmi shi Isivanọsi ọnri Itimoti gẹ showu aan inakaakana awụ nini, ọ maa ka ki "Ẹẹn" ọnri "Eeye." Akikọnọ, "Ẹẹn" ọnọ vi pooro. ²⁰Fụvọki otowu Oshomoshi boo vi "Ẹėn" inẹngwụ aani. Di zẹ zirẹngwụ aani aa kaa ki "Aami" ini ụga Oshomoshi.²¹Ọmẹyani, Oshomoshi ọnọ sụvọ tụọ, dọ vaa yi bẹ ini Ikristi, dọ sufu ayi shẹtẹ inụ ụkọrọ aani. ²²Ọọ si ọtẹrẹwa aani tụ yi ẹngwụ, dọva si Ifẹ tụni ọtụtụrụma ayi, doti ya siọ yẹ ki isa ọnọ vaa mẹẹ yi yi ini iramụfụọ, o dinẹ kokoro.²³Akikọnọ, maa shi Oshomoshi iveenụ ki isẹnẹvẹ dim razi vi Ikọrinti, ọnọ viki mezi si ki ọvivẹ ami o vene kim va gụ wụ nin. ²⁴Aavi yee si kiya sụ ụmọ kaa yụ wụ nin, ọmẹ vọrọ ki ọdọwụ awụ ọvi. Akikọnọ, yee bere wụ aa mụkọrọ doti wa vaa nyi ụjẹ ini ọdọwụ ọnụ dinẹ tụ.

Chapter 2

¹Fụvavọ, dim roo inẹngwụ ami ki ma zi kụa vaa kụ wụ nini inẹngwụ-ọkata. ²Aaviki ma mi isene zụụ ẹngwụ, ẹnẹ va zụụ mẹ mi inoshine kẹ; ọọzi vi ọza ọnim mẹ irẹyi shi gẹdẹgẹdẹ?³Ma maan chẹrẹ iwe ọnọni ve tụ ụ, doti a sim na nyi inoodụ finụvọ azẹnọ vọrọ kẹ mẹ mi jụjẹ ẹfi ọnim vi ida awụ. Ma nyi ọkụayitụra inọpati ẹwụ nin bo, ka ụjẹ ọnim nyi ọni ẹwụ nin bo zẹ nyi. ⁴Fụvọki ma chẹriwe tụ shụ wụ nin ini ụyọọri ọbani ọnri inẹ oodụ ọnri ẹẹgọ. Me zi si ki ma mẹẹ isẹnẹ vaa zụụ nin ẹngwụ. Akikọnọ, me si ka wa yẹ ẹgẹ ọnim nyi osisi awụ tụ.Si aichama vaya anaichama⁵Aaviki ọ nyi ẹzẹna mẹ ọkatẹngwụ shi aza, ọzi vi ẹmi renya ọnọ mẹẹ shi, ama ini oze ẹnyi ẹwụ nin bo ọnọ mė shi, aa ka, asa si ọngwẹ ọikụ kaa. ⁶Ụya ọnọni ọni aza bo sụvọ tụ ki ọzọnọ vaa ri, ọ fụ ọ. ⁷Akikọ ana vaa mụya ri ọ, a si aichama ọnọ vayani, de fufu o. Maan mẹ doti asi ariro ne chẹngwụ yọ.⁸Maa tụ wụ ụkata, osisi ọnụ nyi yo,̣ wa si ọ zụ ini orere nini. ⁹Fụvavọ ọnim si chẹriwe doti ma si ọ zama aaviki wa wụrẹyi tụọzarenụ ini isa bo nini.¹⁰Aaviki ọ nyi ọzẹnụ si aichama aani vayani, ẹmaa zẹ sisi aichama ọzọnọ vayani. Isẹni raa vayani da, aaviki ọọ vana nyi isẹni vayani, maa mavọ fụvọ awụ nini inọvidi Ikristi. ¹¹Ọọ maan vi, fụvi doti asi Eshu na mẹyi aapẹ. Fụvọki yaa yẹ isẹnoo si ki ọna vaa mẹ̵.Ẹngwụ Ipọọrụ ọ vashi ọmẹ nọ Itirọasi¹²Ananyiyi ọọ fụ oze shaa yi mi ki ma na karenụbe ọiza ọi Ikristi mmẹ ngwụ irẹkụra Itiroasi. ¹³Tụavọ-tụavọ mạ zi nyi ẹngwọrọ fụvọki me zi re ọnyarami Itaitọsi izọ. Dim fi izọ, dim varama ni Imasidoniya.Ikristi ọ mẹ ki ya fụrẹkụ¹⁴Ama, aa kụ Oshomoshi avọ ọna zirẹngwụ Ikristi, si efi bo zụ yi oze ini ọfifụrẹkụ. Zirẹngwụ ayi, agụ ụshine ọna yini ọyiyẹ aani, dọọ garashi irasha keekere. ¹⁵Fụvọki, agụ ụshine Ikristi ọni vi yi Oshomoshi inakaakana ẹnẹna dọtụ da, shi inakaakana ene nee vụri.¹⁶Yii ene nee vụri, di agụ ọnọ, doo vene agụ ana fini isu nangwụ ini isu. Yii ẹnẹnọvi ka dọọtụ, doo si vene ka fini ẹshẹ ọnyi nangwụ inẹshẹ ọsa. Yere azẹni isẹnẹni sẹrẹ kẹ? ¹⁷Fuvọki ye zi vene azẹruru ẹnaa si irẹyi Oshomoshi sofụ, doti ee roze riọgụ fi naani. Akikọnọ, di yaa si inẹ ọnini karẹyi inọpati Ikristi vene a mẹ tụ yi fidi Oshomoshi, ini eyi Oshomoshi.

Chapter 3Irẹzẹ ọwọọwa Oshomoshi

¹I Irẹyi ọnọni wa vi ka ii vana vẹrẹ aa ẹngwụ ayi? Ọzi nyi ki ya zẹ na fisụe iwe iveenụ fi ini ụvọ awụ nin navẹki ya siọ ve tụ wụ nin. ²Ẹwụ nin nyẹmbẹ ọnọ vi iwe iveenụ, ana chẹrẹ tụ ini ọtụtụrụma awụ nin, di aza bo yẹẹ, dẹ zaa ki kaa. ³Waa si ọ zụ ka iwe ọni Ikristi chẹrẹ ọnụ vi nini; ọnọ ọfi ini ụvọ ayi vẹ. Azẹzi si inyinki chẹrẹẹ, ifẹ ọnini Oshomoshi ọna si chẹrẹẹ. Azẹzi chẹrẹẹ tụ ini isineti irẹta, ama ini isineti ọtụtụrụma aza ọna chẹrẹẹ tụ.⁴ Ọnọni ọnọ vi ọkụayitụra ọni zirẹngwụ Ikristi nyi ini ọvidi Oshomoshi. ⁵Yaa zi nyi ọyaramẹ ayạyi ụvọta. Akikọnọ ọyiyaramẹ ayi vana fi idi Oshomoshi vẹ. ⁶Oshomoshi ọnọ mẹ ki ya vi ozida anaa si irẹzẹ ọwọọwa zụ. Ọnọni ọzi vi irẹzẹ iwe ọna chẹrẹ, ama ayi Ife. Fụvọka ọi iwe va naa wụ ọza, ama Ifẹ, va naa si ẹshẹ yi ọza.⁷Irafẹkẹ ọ naa wụ ọza ana chẹrẹ tụ ini irẹta, ọọ sụga Oshomoshi zụ ini ẹngwụ Imosisi, di ani Isrẹni nini rẹi zai re eyirẹsụ Imosisi fụvi ụga Oshomoshi ọna yi ini eyirẹsụ aani, ụga ọnọ si viki ọọ sa da. ⁸Ụbani aani mẹ vaa bani tụ aavọ aaviki Ifẹ aa mẹ ụkọrọ aani?⁹Aavika irẹzẹ ọkuku ana si ji ivi ọ nyi ụga, irẹzẹ ọwọọwa ọyi irẹiza ọmimẹ mẹ vaa ya aavọ ini ụga? ¹⁰Fụvọki ọna bidi nyi ụga aavọ, ọzi kụ a nyi ụga inoze ọnọni, Fụvọ ụga ọsa ọ na vaa chire. ¹¹Fụvọka aaviki o nee vụrii na ọọ nyi ụga, ọna yi naani pooro mẹ vaa nyi ụga tụ aavọ?¹²Ọmẹvi ki yaa nyi ẹngwụ ọkụayitụra ọnọ, ya nyi ayi ọọvi kokoro. ¹³Ye zi vene Imosisi, ọna va ita kụ eyi, doti asi ani Isrẹni nini zụ re ụga Oshomoshi me mee vụrii na ini ẹngwa aani.¹⁴Ọtụtụrụma anini vene kụokụ. Ve tụ irajini ọkika irẹzẹ ọnọ vana asi isa kụ. Azẹzi fụọ sha fụvọka ini Ikristi renya ana va si ọ kụra. ¹⁵Ama ini irajini, paapa, ẹfitụrẹfi ana raa si ki iwe ofi Imosisi, isa oo ki kụ ọtụtụrụma anini. ¹⁶Ama ọza ọọ va ka Ananyiyi na, di ita ọnọ ọ fụ kụra.¹⁷Ọmẹyani, Ananyiyi ọnọvi Ifẹ. Izi Ifẹ Ananyiyi raa ya, ọninatụ yi izọ. ¹⁸ Ẹyi ana fu ita fi ini eyi da, yee re ụga Ananyiyi. Di a vara yi ki ye vene e tụ ẹfi ini ụga ọ̣nya na ngwụ ọsa vene ọ mẹ fi idi Ananyiyi, ọna vi Ifẹ.

Chapter 4Sẹnẹvẹ do rezi du Ipọọrụ eyi

¹Fụvavọ, ii mẹ nyi akanya ọdọwụ ọnọni, venebiri ii mẹ re ayụva dọ, aa si naa nyi ayi oodụ ana vaa mẹ ki ya vaafụ nirama. ²Akikọnọ ya vi isi-ụshi ọnri isa-oozi sha boo. Yaa zi mẹshẹ ọjọzavene, yaa ma si irẹyi Oshomoshi mishavara. Zirẹngwụ irẹiza ọkika ọni yaa si sẹngwụ ayi zụ ini ivefụ aza boo inọvidi Oshomoshi.³Ama aaviki aa si isa gụ irenụbe ọiza shi, ini eyi ene nee vụrii renya ana ya si isa gụo shi aavọ. ⁴Aa sitụ ayanini, ori anẹshẹ oo gụ ọtụtụrụma arima nyi ọdọwụ anini da. Fụvavọ, eizụ re ọpa irenụbe ọiza ọna shaa tụri ụbani lkristi, ana vi ụmama Oshomo-shi.⁵Fụvọki aivi ẹngwụ ayi ọni yaa showụ aani, ama yaa showụ Ijesu Ikristi ki, ọnọvi Ananyiyi, di ẹyi vi ozida awụ nini fụvi Ijesu. ⁶ Fụvọki Oshomoshi ọnọ kaa ki, "Ẹtofei vaa za fini oozi." Ọ shaạ ini ọtụtụrụma ayi da, dọ va si etofei ana nyi ọyiyẹ inọpati ụga Oshomoshi zụ, inọvidi Ijesu Ikristi.Izee ana tẹ ini oji-ụmọpa⁷Ama, yaa nyi ogụ ọnọni ọ̣na yini oji ụmapa, doti ọ zụ siọ zụ ẹtẹrẹ ki Oshomoshi ọnọ nyi ụkata ọbani ọnọni ene fu, ka ọzi vẹ ẹyi. ⁸Ya rụya inoze-tụroze, ama ozi che yẹngwụ. Oshishozeyi ọnọvi, ama ọzi mẹ yi vẹngwụshi. ⁹Ẹẹ vayiriwa, ama azẹzi varama kayi. Ee jiyi kụẹtẹ, ama ee zi vụyi irii. ¹⁰Ẹfi boo ọni sii si isu Ijesu tụ nẹngwụ ayi, fụvọ de zụ re ẹshẹ Ijesu inẹngwụ ayi.¹¹Ẹyi ana yẹshẹ va naa si ẹfitụrẹfi chema isu Ijesu Ikristi zizi inẹngwụ ayi, doti ee zụ re ẹshẹ Ijesu inẹngwụ ayi. ¹²Ọnọvi ka, isụ aa mụkọrọ inẹngwụ ayi, di ẹshẹ aa mụkọrọ inẹngwụ awụ nini.¹³Ama, ya gẹ nyi ifẹ ọdọwụ ọnyọnya venebiri amẹ chẹrẹẹ tẹtẹ: "Ma nyi ọdọwụ, fụvavọ dim kareyi yi." Ẹyi aa zẹ nyi nyi ọdọwụ, di zẹ ki karẹyi. ¹⁴Yaa yẹ ki ẹzẹna sha Ijesu Ikristi Ananyiyi kwẹtẹ fini isụ, zẹ vaa shi sha ẹyi ẹnẹni kwẹtẹ bẹri Ijesu. Yaa yẹ kọ ọ vaa siyi bẹrẹ ẹngwụ vi inọvidi aani. ¹⁵Isa boo vana vi fụva awụ nini, doti ọiza ọfẹ ọ garashi ne tụ aza ẹruru ọnri ki di avọọkụ ọva nyi ẹdabẹrẹ, da siọ sụga yi Oshomoshi.Ọdọwụ ana yara poro-pooro¹⁶Fụvavọ, ẹngwụ ọi kụ siyi ẹtẹ. Shọọmẹ daka viki ẹchẹngwụ ayi ee obo, doo yoro, eyini-eyini ọni ya si varọ ọwọwa ininẹ ayi. ¹⁷Fụvọki oseyigẹrụya che ini ẹfi keere ọnọni vi isa che, inẹngwụ ụga ana rai zụa ka poro-pooro. ¹⁸Fụvọki ọzivi isẹne re ọni ya nyi iribatọ aani, ama fụvi isẹne rezi re. Iseni zụụ ee re efi keere ọnọvi, ama isa ọni re zi re, vi isa poro-pooro.

Chapter 5Idi Oshomoshi ọnọ vi ireshi ayi

¹Yaa yẹ ki aaviki ee wụ ireshi ọni ra ini inẹshẹ aani, yaa nyi ireshi fidi Oshomoshi. Ọzi vi ireshi ọna si ụvụ da ọnọvi, ama ireshi ẹshẹ poro-pooro ọna yi ineekụ. ²Fụvọki aa tụyi fini ajẹngwụ ọni ya aani, di kụeyitụra ireshi ana yi ineeku ki ọ vaa vara auru chire yi. ³Yee si ọnọni fụvọki ee chire yi yọọ, ya zi kụa yi ini afuafu.⁴Inirẹiza, ẹfi ọni si yini ajẹngwụ ọnọni, di yaa tụyi, di yee rụmanya. Yezi si kiya tụafuafu. Akikọnọ, yee si ki e chire yi auru ẹshẹ poro-pooro, doti ẹshẹ ana razi nyi ọtẹfi ọ mụnẹ ẹshẹ ana nyi ọtẹfi. ⁵Ọza ene teni yi zi isọnọni ọnọvi Oshomoshi, ana si Ifẹ aani mẹ ireji yiyi, doti ya zụ siọ di ireji ini isẹnaa vẹ.⁶Fụvavọ, navọ dụwa si ẹfi boo nyi ayọnẹtẹ. Yẹẹ nini ki yaa wụ ayi ẹchẹngwụ ọnọni, ki ya kavana yi Ananyiyi. ⁷Zirẹngwụ ọdọwụ ọni yaa si zụse; aivi zirẹngwụ isẹne eyi ee re. ⁸Fụvavọ, yaa nyi ayiọnẹtẹ. Oo ze zeyi eyi ki ye shayi ẹchẹngwụ ayi, diya zụ yi ineshi pe Ananyiyi.Irẹfụ ishọji Ikristi⁹Fụvavọ, isa ọni yaa dụechi ọnọvi ki, yaa misa ana vatụroze aani, ya ini reshi navẹ̣ki ya zi kavana yi ireshi. ¹⁰Fụvọki ẹyi boo vaa kụrenụ ayi inọvidi ogede ishọji Ikristi, doti ọzọza ọzụ riọgụ isọnọ mẹ ini ẹchẹngwụ, aivi ọiza navẹki ọshimi yọ.Ikristi ọnọ mẹ ki ya vara ọta Oshomoshi ¹¹Fụvavọ, ii mẹ yẹ angwashi Ananyiyi, di yaa si tụ aza ụkata kẹ sufu shẹtẹ ini ọdọwụ. Isa ọnivi, ọzi tẹ yi Oshomoshi. Maa yẹ ki aavọ ọnọ mẹ razi tẹ yi ivefu awụ nini. ¹²Ọziviki yee si ki ya zẹ siọ zụ wụ nini ki ọni irẹiza ọni vi. Akikọnọ, yee si kụ waa si yi garogụ nini, doti wa zụ ro oshi yi ẹnẹna si isa ene eyi re garogụ, ama dẹ ra maa si isẹnẹ yini ọtụtụrụma nini woto.¹³Aaviki ya zi kụ yẹ ọni ya mẹ, fụvi Oshomoshi yọọ: aaviki ya yọni yamẹ, fụvi awụ nini yọọ. ¹⁴Fụvọki osisi Ikristi ọnaa tụ yi ụvọ nọvidi, fụvọki yaa yẹ kọ ọzi nyi ọjirẹka ini ọtụtụrụma ayi ka: ama ọza ọnya o sụ yi aza boo, ọnri ki fụvavọ aza boo ee sụ da. ¹⁵Oo sụ yi aza boo, doti asi ẹnẹna yi nẹshẹ ẹ kụ mẹshẹ ẹngwụ anini, ama dẹ kụ aa mẹshẹ yi ẹzẹna fụvọ anini sụ, da varama shaa kwẹtẹ.¹⁶Fụvi ọnọni, fụrẹfi aani na, ya ra mishọji yi ọzọnyọnyi vene anẹshẹ mẹẹ mẹ, shọọ daka viki aavọ bidi mishọji yi Ikristi da. Ama ya zi kụ vọọ mishọji yi ọzọnzọnyi. ¹⁷Fụvavọ, ọzatụrọza ana ra yini Ikristi, ọ si vara ọza ọwọọwa. Isa ọkụkụ boo ẹẹ si parafụ da. Re, ẹẹ si vara ọwọọwa.¹⁸Ida Oshomoshi ọni isẹnẹni boo fụrẹ vẹ. Ọọ teni yi varama kẹngwụ aani zirẹngwụ Ikristi onri, dọva si ụkata ọkikụ Oshomoshi ọnri aza vaabẹ. ¹⁹Ọnọvi ki ini Ikristi, Oshomohi ọọ kụ anẹshẹ boo vaa kẹngwụ aani, dọ razi za aichama anini ka bẹrẹ. Ọọ si irenube ọkikụ Oshomoshi ọnri aza vaabẹ chire yi ụvọ.²⁰Aaviki ya vi irii Ikristi, doti o vene ki Oshomoshi va naa zirẹngwụ ayi dipẹ irẹyi ọnọ. Yaa dipẹ yụ wụ fụvi Ikristi: "Navọ wava ko Oshomoshi vẹ nini!" ²¹Ọọ mẹ vi ki Ikristi ọ vi isẹvọ yi aichama ayi. Ọni ọnọ vi ẹzẹna razi nyi aichama inẹshẹ. Ọọ maan mẹ ọnọni doti ya zụ vi ọza ana manasẹrẹ ayi Oshomoshi zirengwụ aani.

Chapter 6Ụyọọri anọdọwụ nin

¹Ọmẹvi ki igamụkọrọ vaabẹ aani, navọ asụ dọ ọiza-ọọfẹ Oshomoshi ini osụsụ nin. ²Fụvọki ọ kaa ka, "Ini ụmẹ eyi-ọiza, maa seyi pewụ nini, dim mẹ ọgụvọ yụ wụ nini ini ọkushi ọdidọzatụ. "Ree, ọmẹyani ọnọvi ẹfi eyi-ọiza, omẹyani ọnọvi ọkushi ọdidọ-zatụ. ³Ya zi si ọjijo-zoze tụọvidi ọzọnyọnyi, fụvọki ye zi si ki asi ụkọrọ ọdọwụ ayi sisiẹtẹ.⁴Akikọnọ yaa si ẹngwụ zụ zirẹ ọmimẹ ayi boo, ki ozida Oshomoshi ọni vi. Ozida aani ọni vi ini ọsẹngwụdọ boo, ụyọọri, arimanyi, ọkatẹngwụ, ⁵ini ụtụ, ini ijaarụ, ini ezigi, ini ụkọrọ ọkata, ini arima-sụara inaafụ, ini ụngwẹ, ⁶ini ọnini, ọyiyẹ, ụmẹnẹ, ọiza ọmimẹ, ini Ifẹ-Ọnini, ini osisi obooro. ⁷Ozida aani ọni vi ini irẹyi irẹiza, ini ụkata Oshomoshi. Yaa nyi ẹnyarẹkụ ọmimẹ-anasẹrẹ ini aka-ụvọri ọnri aka-ụvọfa.⁸Ini ụbani ọnri ụtẹẹ ọni yaa mụkọrọ, shi ini odidụ-ọza ọnri ụgono. Irẹiza yaa ka, ama da shi yi anapinẹ. ⁹Yaa mụkọrọ venebiri azẹna razi yẹ, ama di vi aza ọni eyi yẹ ẹtẹrẹ. Yaa mụkọrọ vene ọza ene vee sụ, ama ree! yaa mi mẹshẹ. Yaa mụkọrọ do vene ka amụya ri yi fụvi ọmimẹ ayi, ama azẹ zi wụ yi. ¹⁰Yaa mụkọrọ vene ọninẹ oodụ, ama ẹfi boo yaa si jụjẹ. Yaa mụkọrọ rụya-rụya, ama di ya mẹ ka aza ẹruru ẹ vi opisa. Di yaa mụkọrọ vene aza ana razi nyi isọnyọnyi, ama yaa nyi isa boo.¹¹Ya ka ireiza boo yụ wụ nini da, ẹwụ nin ani Ikọrinti ọnri ki yaa sha ọtụtụrụma ayi sha yụ wụ nini. ¹²Aivi ẹyi ọnaa siọ kata wụ nin ẹngwụ, ama ẹwụ nin ọnaa siọ kata ẹngwụ awụ nin ẹngwụ fụvọ isa ana yi ini ayi awụ nin. ¹³Maa ka irẹiza yụ wụ nini, vene ii mẹ vaa kaa yi ezi ami, sha ọtụtụrụma awụ shaa nini.Ẹtofei ọnri oozi ẹ ma nyi ọrigẹ¹⁴Navọ asụụ pe ẹnẹna razi nyi ọdọwụ nyi ọrigẹ. Navẹki sẹnẹ kụ ọmimẹ-anasẹrẹ ọnri ụdụ vaabẹ? Sẹnẹ kụ ẹtofeyi ọnri oozi vaabẹ? ¹⁵Yere ireji ọni Ikristi ọnri Ibẹriya ji vaabẹ? Navẹki yere ọgiga ọni ẹzẹna dọwụ ọnri ẹzẹna razi dọwụ nyi vaabẹ? ¹⁶Yere ireji ọni itẹmpụrụ Oshomoshi ọnri ori nin nyi vaabẹ kẹ? Fụvọki ẹyi ọnọvi ltẹmpụrụ Oshomoshi ana yi inaani, vene Oshomoshi mẹ ka: "Mva ra inakaakana anini, di maa zụsẹ inakaakana anini. Oshomoshi anini ọnim vaa vi, dẹẹ vi aza ami."¹⁷Fụvavọ, "Tụ jinẹ fi nakaakana anini, doti aa sha awụ tụ renyi," Aani Ananyiyi mẹ ka. "Asụ si ụvọ kani isọnyọnyi ana ra zi nii, doti maa zụ tanụvọ dọ wụ. ¹⁸Mva vi Ada yụ wụ nini, di ẹwụ nin zẹ vi ezi ami anẹrụ ọnri anyẹnẹẹ," Avọ Oshomoshi Ọnụkata bo mẹ ka.

Chapter 7Ipọọrụ ọ jụjẹ oririnẹ varama ayi ichọọchi

¹Ẹwụ nini ene sirẹyi aani, ọmẹvi ki yaa nyi otowu,̣ navọ di ya mẹngwụ ayi ọnini ini isa boo ana me ka si nii, ini ẹchẹngwụ ayi ọnri ini ifẹ. Aa navọ di ya du ẹshẹ ọnini ini angwashi Oshomoshi.²Navọ di inẹ awụ nini oo shine tụyi. Yaa ̣zi mẹ abojiye shi ọzọnyọnyi. Ọzi nyi ọza ọni chamai yi, navẹki yaa mi irifụna yi. ³Mazi ka ọnọni di ma siọ jivi yụ wụ nini. Fụvọki ma bidi kaa da, ki yaa nyi ụ nini tụni ọtụtụrụma, di yee ge su, di yaa zẹ gẹ mẹshẹ. ⁴Maa nyi ọkụayitụra yụ wụ nini, di ma su u nini garogụ. Maa nyi ẹngwụọrọ. Dim shi yi ujẹ ana ka vasha, shi inị ụmẹ ẹngwẹngwụ ayi.⁵Imẹ vi ini Imasidoniya, ya zi nyi ifooshi ẹchẹngwụ. Akikọnọ, ẹkatẹngwụ renyi renyi ọna veyi kayi inẹshẹshẹ ọnri angwashi ininẹ reshi. ⁶Ama, Oshomoshi, ee nee fụfụ aza ana nyi inẹ oodụụ, ọnọ si ọvivẹ Itaitọsi vee fufu yi inẹ. ⁷Ọzivi ọvivẹ aani renya, ọni Oshomoshi si fufu yi inẹ. Ama, bẹrẹ ofifufu ọni Itaitọsi nyi fini ụvọ awụ nini. Ọọ kaa yi yi ụ mẹ sirẹyi ayi tụ nini, shi inẹ awụ nini me dụụ fụvọ ayi, shi ụ maa vụrẹvụ ayi nini. Di ụjẹ ami deni bani tụọ.⁸Shọọ vika iwe ọnim chẹrẹ, ọọ mẹ wụ nin ọiku, ma zi sụmaiyẹ aani. Ama, maa sụmaiyẹ mmẹ ree ka iwe ami oodụụ nin inẹ. Ama ẹfi che ọnụ si dụụ inẹ. ⁹Inẹ ami oo shine, ọzi vi fụvọki waa nyi inẹ oodụụ nin, ama fụvọki inẹ oodụụ ọnọ ọmẹ ka we rinẹ varama nini. Inẹ oodụụ awụ nini vi inoze Oshomoshi, ọzi nyi isẹni inẹ oodụụ ọnọ dọwụ nini mishi. Fụvọka inẹ oodụụ ayi Oshomoshi vanaa mẹ ki ọza oo rinẹ varama ọnri ọdidọtụ ana ra ma nyi ụmaiyẹ. Odidụnẹ ẹshẹ vanaa si isụ bẹrẹ ẹngwụ.¹¹Re isẹni ọsikamarenụ ọbani tụ jinẹ vẹ fini inoodụ Oshomoshi zirẹngwụ oririnẹ varama awụ nini. Ọsikamarenụ awu ̣mẹ bani tụ kẹ, ana vaa siọ zụ kụ wa zi ri ivi ayi nini? Ọikụ awụ nin mẹ bani tụ, shi angwashi awụ nin, shi ̣ọmimẹtẹrẹ awụ nin, shi ọshi shẹngwụ sha awụ nin, ọnri ka aa mi ishọji ọmẹsẹrẹ!. Ini isa bo wa siọ zụ nin ki wa zi nyi ụvọ tụni irẹyi ọnọni. ¹²Ama ma chẹrẹ iwe tụ shụ ụ, ma zi chẹrẹ iwe fụvi ẹnẹna mi isa ọshimi, navẹki ọza ana mọshimi shi. Maa chẹrẹẹ doti a zu si afasha ọnụ nyi yi yi zụ ineyi Oshomoshi.¹³Zirẹngwụ isa ọnọni ọni si tụ ẹngwụ ayi ụkata. Bẹri ayiọnẹtẹ ayi, yaa zẹ jụjẹ kokoro fụvọ ọi Itaitọsi, fụvọki ẹwụ nin bo ọọ si ifẹ ana sụashi zụọ. ¹⁴Shọọ vika ma sụụ nini garogụ yọọ, wa zi mẹ ka ushi ọ nyi mi nini. Akikọnọ, vene isa bo ọnim ka yụ wụ nin mẹ vi irẹiza, avọọ mmẹ zẹ sisi u nini garogụ yi Itaitọsi, mẹ zẹ vi irẹiza.¹⁵Osisi aani yụ wụ nini vana da tụọ ọmẹ tamayi ụmẹ wụ irẹyi tụ aza irenụ nini, shi ụmẹ seyi angwashi ̣sio ọzọga nini. ¹⁶Ma jụjẹ fụvọki ma nyi ọkụayitụra ọgụgụrigụ ini awụ nini.

Chapter 8Ẹkẹshi ana tụ yi iragụ Oshomoshi

¹Ẹwụ nini ẹnyara ayi, yee si ka wa yẹ inọpati ọiza-ọọfẹ Oshomoshi ọna si yi ichọọchi ana yi Imasidoniya. ²Shọọ mẹ daka viki ya nyi ụyọọri, ẹẹ nyi ụjẹ netu ka ẹẹ shụvọ sha yi anọdọwụ nini fini arimanyi anini.³Maa divenụ ka ẹẹ mọpa ẹnẹ fụụ, dẹ vana mẹ fụni ụkata anini, dẹ mẹẹ fini osisi ọtụtụrụma anini. ⁴Ẹẹ dipẹ yi yi kokoro kiya navọ, dẹ ẹnẹ zụ vabẹrẹ yi mụkọrọ yi ẹnẹna dọwụ. ⁵Ọnọni ọzi vi mẹ ime ro. Akikọnọ, dẹ bidi sẹngwụ anini yi Ananyiyi. Ụmavọ, dẹ vaa sẹngwụ anini chire yi ụvọ, ini osisi Oshomoshị.⁶Inaani, di yaa tụ Itaitọsi ụkata ana vidi nyima ụkọrọ ọnọ, doti ọ zu za isa anavọ bo irẹsụ netụ ẹtẹ. ⁷Yaa yẹ kụ waa mẹtẹrẹ nini ini isẹnẹni bo, inọdọwụ, ini rẹyi ọkika, ini ọyiyẹ, ini ọsiseyi pe ukọrọ ọnri osisi ọnu nyi yi yi nini. Fụvavọ, navọ dụ wa vọọ mimẹ nini, ini ọiza bo ọnụ vidi aa mimẹ nini.⁸Ọzivi ụmọ ọni ma si karẹ̣yi ọnọni. Ama, di ma si irẹiza, osisi awụ nini mọrọ afasha azẹnẹsa. Fụvavọ, maa si awụ nini mọrọ osisi azẹnẹsa ọnụ shẹngwụ sha aa gụ aza uvọ. ⁹Wa yẹ ọiza-ọọfẹ Ananyiyi Ijesu Ikristi mẹ ya. Ọmẹvi ki opisa ọnọvi, ọ fụvọ awụ nini vara onriwa, dụ wa zirẹngwụ iriwa aani vara opisa.¹⁰Mva jii zụwụ ini irẹyi ọnọni ana vaa mọgụvọ yụ wụ. Ẹwụ nin ana vẹrẹ aa mụkọrọ fụri irayẹnẹ, ọzi vi kụ wa mẹẹ kẹnẹ, ama, dụ we si kụ wa mi mẹẹ. ¹¹Ọmẹyani, mụkọrọ ọnọ ta. Venebiri ụ mẹ nyọ tụni ọtụtụrụma ọnri osisi ọmimẹẹ, dụ wa vaa zụ mẹ ta, ọ mẹ vorọ kụ wa mẹẹ. ¹²Fuvọki wa shẹngwụ sha, dụ mẹẹ nini, isa ozoza ọnri ọtanụvọdọ ọnọvi. Ọpa ọni ọzọza nyi ọnọ raa si vẹ, ozi vi ini isụ ra zi nyi.¹³Fụvọka ụkọrọ ọnọni ọọ zi vika echi ẹnya tụra awụ nini, di azẹnẹsa ẹẹ nyi ẹngwọrọ. Ọ vọrọ ka agẹ zaa. ¹⁴Ụnọmpa ọnụ nyi ̣nini ọmẹyani, vaa zẹ fii fụ wa ini isẹ ene re si, ọọ maan vi, di ẹni nyẹmbẹ ẹ zụ nyi, dẹ vana za mọgụvọ yụ wụ nini, do zụ vi ẹbẹẹbẹ. ¹⁵Vene amẹ chẹrẹ ka: "Ọzẹna nyi ọrụrụ, ọzi nyi ọna vẹtẹ, di ẹzẹna ze nyi oweyi, ụngwe ọ za kụo."Azẹna dọ ẹkẹshi ọnọ¹⁶Ama dim kụ Oshomoshi aavọ kọ siọ tụni ọtụtụrụma Itaitọsi kọ ọ nyi osisi awụ nini venebiri mmẹ nyi yụ wụ. ¹⁷Ọọ zi vi kọ dọ ajiiwe ayi kẹnẹ, ama, dọ sẹngwụ keekere zẹẹ kọ vaa mẹẹ, Omezeyi ono si vee tụ ụ nin.¹⁸Dii tụ ọnyara yi ọnaa nyi ụbani ini ichọọchi ayi vatụraa, fụvi ụkọrọ irenụbe ọiza ọnọ showụ aani.¹⁹Ọzi vi ọnọni renya, ama, di ichọọchi nini ni ọ kọ vatụra yi ̣inụkọrọ ọshishụvọ sha dọwụ, ọni yaa mẹ aani. Dii si ọnọni si ụbani yi Ananyiyi ọnri ọzizẹngwụsụ ini ọmimẹ ọgụvọ yi aza.²⁰Yee zi si ka aza ẹẹ vaa tụyi ofụvọ inọpati oshishụvọ sha inụkọrọ ọni ya mẹ.²¹Ọzi vi inọvidi Ananyiyi kẹnẹ ọni ye si ki ya mi isa ọna vọrọ, ama, dii zẹ yi yi inọvidi aza aa mẹẹ.²²Izaa titụ ọnyara yi ọsa vatụra wa. Yaa moo re da, dii ree ka ọọ shẹngwụ sha tụni akanya renyi renyi, oo vene denị sẹngwụ tụni ụkọrọ fụvi ọkụayitụra ọbani ọni nyi yụ wụ nin. ²³Aavi ayi Itaitọsi yọọ, ọnọgụvọ ọnọvi yi mi, dii gẹ aa mụkọrọ yụ wụ nini. Ini ẹnyara ayi, ichọọchi nini ẹnẹ tụ wa ọnri ụbani ẹnẹvi yi Ikristi. ²⁴Fụvavọ nyi osisi yụ wa nini, doti wa siọ zụ ichọọchi nini, isẹnẹ mẹ ki ya sụ ụ nini garogụ.

Chapter 9Teni isa ọmimẹ irẹiza awụ tẹtẹ di ma va vẹ

¹Ọzi vọrọ ki ma kụ chẹrẹ iwe tụ shụ wụ nini inọpati ọmimẹ ọgụvọ yi ọnọ ọdọwụ nini. ²Maa yẹ isẹni we si yi ini ọtụtụrụma awụ nini, ọni mi fụvọ aani garogụ yi ani Imasidoniya inọpati awụ nini. Ma kaa yụ wa ka, Akaiya ẹẹ teni ẹngwụ tẹtẹ furi irayi ẹnẹ. Ọshi shẹngwụ shaa awụ nini, ọmẹ ki ẹrụrụ ẹsi irẹyi ọgụvọ ọnọ tụni ọtuturuma.³Ọmẹyani, ma tụ ẹnyara ayi ẹnẹni shụ wụ nini, doti asi ọgigarogụ ayi inọpati awụ nini vana vi osusu, doti we roze teni ẹngwụ tẹtẹ nini vene imẹ ka kụ va vi nini. ⁴Ọọ zi vavọ, ọọvi ka ọ nyi ani Imasidoniya ọna kụafụ zami vẹ, do vetụ ka we zi teni ẹngwụ tẹtẹ, ushi ọnọ va vi yiyi ki yaa kụayi tụra wụ nini, dọọ zẹ vi ụshi yi ẹwụ nini nyẹmbẹ. ⁵Fụvavọ, mee ro ka ọọ vọrọ ki ma dipẹ yi ẹnyara yi inọdọwụ, kẹ ve tụ wụ nini, doti wa meto ọgụvọ ọnụụ woto aani tẹtẹ. Ọnọni ọnọ va si oọ zụ ka azẹzi si ẹkẹẹka dọ ụ nini, ama ka ọ fi ininẹ awụ nini vẹ kụ wa mẹ ọgụvọ nini.Waa si inẹ oshine mẹ irẹiza⁶Ọọ siọ zụ ka ọza re chirisa che, dọọ zẹ faa che, ama oo chirisa ọruru, dọọ nyi ẹdabẹrẹ ọruru. ⁷Isa ọni ọtụtụrụma awụ ra ka yụ wụ, ọnụ ra si vẹ. Asụ si inodụ navẹki ẹkẹẹka siọ vẹ. Fụvọka ọzẹna sinẹ oshishine misa, ọza ọnọ ono Oshomoshi sirẹyi aani.⁸Oshomoshi va zụ navọ ka ẹdabẹrẹ awụ nini ọọ nyọya tụọ, doti ọvi ka inẹfitụrẹfi, ini isa bo, isatụrisa ọnụ ree si, do tụụ nini uvọ. Ọọ maa vavi doti isẹnụ ra mẹ nini bo, ọọ rụrụ tụọ. ⁹Ani aa mẹ bidi chẹrẹẹ kaa, "Ọ ga ọgụ aani, dọ siọ yi onriwa nini. Ọiza ọmimẹ aani vana dinẹ poro-pooro.¹⁰Oshomoshi ọna si isa ọina yi ọnaarẹ, dọ zẹ si isọri yi aza, va si isọina yụ wụ, dọ mẹ kọ ruru yi ochi chire, ọva si ẹtụtụ ọiza ọmimẹ awụ ruru tụọ. ¹¹Ụ vaa nyi inoze tụroze, dẹ wụ nyẹmbẹ, dụ waa nyi ọnụ va si mẹ irẹiza yi aza. Ọnọni va mẹ kụwa si avọkụ va yi, Oshomoshi zirẹngwụ ayi.¹²Ọiza ọnụ ụmẹ nini aani, aziviki ya si sisa ọni anọdọwụ nini razi nyi kẹnẹ yi wa, ama ọmẹ ka aza ẹ kụ Oshomoshi avọ kokoro. ¹³Fụvọka ẹẹ zama ụ, de re ụ mẹ jẹngwụ ngwụ akanya Oshomoshi ọnọni, dụ zẹ vaa si ụga yi Oshomoshi ini ọdi divenụ irenụbe ọiza Ikristi. Dụụ zẹ si ụga yi Oshomoshi inoze ọnụ za si shụvọ shaa ini ọsisi isa yi wa ọnri aza bo. ¹⁴Eyi awụ nini aa tụra wa, dẹ za titu ozụrenụ yụ wụ nini. Fụvọ ọiza-ọọfẹ ọbani Oshomoshi ọna yi inẹẹsụ awụ nini. ¹⁵Avọọkụ ọva vi ayi Oshomoshi fụvọ ọiza ọbani aani ọni irenụ rai zụa ka.

Chapter 10Ipọọrụ o voshi irẹyi ana ka yọ

¹Ẹmi Ipọọrụ, ma dipẹ yụ wụ nini zirẹngwụ ọvivẹngwụ shẹtẹ ọnri ọmimẹ shẹ ayi Ikristi. Mii mẹ shẹ maa yi inọvidi awụ nini, ama ma nyi ayọvi shi ụ wụ nini aaviki ma kavana yụ wụ nini. ²Maa dipẹ yụ wụ nini ka ọzi vọrọ ki ma nyi ayọvi navẹki ma tụrẹ-ngwụ ami eyi aaviki ma yini akaakana awụ nini. Ama, ọvọrọ ki ma nyi ayọvi ini ụmẹ ọnim ra va veyi ka aza ene ro ka ẹshẹ ẹchẹngwụ ọni ya mẹ.³Shọọ daka viki yaa zụsẹ inẹchẹngwụ, yaa zi kụrẹkụ inẹchẹngwụ. ⁴Fuvọki ẹnyarẹkụ ayi ọzi vi ẹnyarẹkụ ẹchẹngwụ. Akikọnọ, ẹnyarẹkụ Oshomoshi ọna va zụụ gara ụkata oozi ọnọvi.⁵Yaa zẹ di dụ isa keekere ọna si ẹngwụ anini tụẹba kachire ọyiyẹ ayi Oshomoshi. Yaa si oriro bo keekere tụni ijaarụ ki ẹ si ụmọ yi Ikristi. ⁶Yee teni ẹngwụ tẹtẹ ọni vaa sụyari akamawụ nini, ẹfitụrẹfi ọni ọwiwụrẹyi anini ra gụ.⁷Zama isẹnẹ yi inọvidi awụ ana ni chengede. Ọọ nyi ọza ana dẹngwụ aani ̣renụ ka ayi Ikristi ọnọn vi, ootụ dọ tama ẹngwụ aani ka, vene ọ mẹ vi yi Ikristi, aavọ ẹnẹ ẹyi mẹ zẹ vi. ⁸Shọọ vika ọ nyi mmẹ garogụ chẹngwụ inọpati ụmọ ọni Ananyiyi si yi yi, ki ya siọ mẹ kụ wa fụụ nini, ọzi vika ya siọ dụ wụ nini, ọọ za vi ụshi yi mi.⁹Me zi si ka o vene ki ma chẹri iwe ọnọni vee chire wụ nini angwa. ¹⁰Fuvọki azẹnyi ẹẹ kaa ka, "Iwe aani vana rata, dọ zẹ nyi ụkata, ama, dọ vi ọkụmi inẹchẹngwụ. Irẹyi aani ọzi vi isa enee batọ tụ.¹¹Navọ di ẹnẹna ka vọọ, ẹẹ yẹ ki isẹni iwe ọnii chẹrẹ, ime ra zi yi izọ, avọọ ọni mẹ zẹ vaa mẹ aaviki ya yi izọ. ¹²Ya zi ziọ gọdo chẹngwụ netu ki yaa sẹngwụ ayi mọrọ ẹnẹ naa sụga yi ẹngwụ anini. Ama, aaviki ẹẹ fama ẹngwụ, dẹẹ sẹngwụ mọrọ ẹngwụ, ọọ si ọ zụ ka, ẹzi nyi ọyiyẹ ẹnẹ nyi.¹³Yaa zi garogụ jinẹfi. Akikọnọ ya zaa mẹ jinẹ ẹgẹ ọni Oshomoshi si yi yi. Ama, ivaa mẹ doti oo tụ idawụ nini. ¹⁴Fụvọki ya zi mẹ jinẹfi ii ne tụ idawụ nini. Ẹyi ọnọ bidi za irenụbe ọiza Ikristi ve tu wụ nini¹⁵Yaa zi garogụ jinẹfi inọpati ụkọrọ azẹnẹsa. Akikọnọ yaa nyi iribatọ ka ọdọwụ awụ nin maa fuu tụọ, ụkọrọ ayi dọọ gana ẹtẹrẹ ọmẹsẹrẹ kọ vi. ¹⁶Yaa nyi iribatọ ọnọni doti ya zụ ki renụbe-ọiza ini akẹnẹ ọkakooro awụ nini. Ye zee garogụ inọpati ụkọrọ ọnọvi ka mẹ akọsa.¹⁷"Ama, navọ doti ọza ana ra garogu, ọọ garogụ ini Ananyiyi." ¹⁸Ọzi vi ọza ana sẹngwụ aani zụ ki ọnọ yẹ mẹ, ọni Ananyiyi ni. Akikọnọ ọza ọni Oshomoshi ra si zụ ka ọọ yẹ mẹ ọnọ ni.

Chapter 11Ipọọrụ ọnri ọnitụ anapinẹ nini

¹Mee si kụ wa nyi ọsẹngwụdọ ụra ọnim ka nini. Ama, ini ọirẹiza, waa nyi ọsẹngwụdọ nini. ²Maa vụva awụ nini. Maa nyi ovivụva awụ nin inoze Oshomoshi, fụvọki ma garogụ kim mva si ụ nin ga ọnọrụ ọnya. Maa garogụ kim mva si u chire Ikristi ụvọ, venebiri ozioshi ọna razi yi yẹ ọnọrụ.³Angwa ee shi mi inoze ẹnyi ka, venebiri isẹchichi mẹ vene Iivi ini ụvira ọshimi aani, aro awụ nin va zụ zaụ nin nyeyi fini ọfifẹkẹ Ikristi. ⁴Aaviki ọzẹnyi ọ maan vẹ, do ve showụ Ijesu ọsa ana razi vi ọni showụ aani. Navẹki wa di ifẹ ọsa ana vi renyi fini ọnụ bidi dọ. Navẹki wa dọ irenụbe ọsa ana vi renyi yi ọnụ bidi dọ. Dụ nyi ọsẹngwụdọ nini.⁵Me zi ro ki me weyi fu ini ẹnẹna a shi ka ẹvi ọnitụ ẹbani ẹbani inoze ọnyọnyi. ⁶Ama, shọọ viki mazi nyi ọkikọsụẹ ini irẹyi ọkika, maa nyi ọkikọsụẹ ini ọyiyẹ. Ya mẹ kụ wa yẹ ọnọni inoze bo ọnri ini isa boo.⁷Ọshimi mwa mẹ dim ka ẹngwụ ami chi, doti a ka wụ nini shirẹ? Fụvọka ọọfẹ ọnim si ka irenụbe-ọiza Oshomoshi yụ wụ nini. ⁸Mee yi iragụ ọsa nin ụyi inoze ki ma dọ wa isa, di me roze fẹkẹ ụ nini. ⁹Mme yi ida wụ nini, di ma zi nyi, ma zi kụọ kata ọzọnyọnyi ẹngwụ. Ẹnyara ayi ana fụrẹ Imasidoniya vẹ, ẹẹ kụ isim si boo yi mi. Ini isa bo, maa zẹngwa mi tee, ka asim kụọ kata wụ nini ẹngwụ. Avọ mmẹ vaa mi mẹẹ.¹⁰Ọ mẹ vi ka irẹiza Ikristi ọọ yi ininẹ ami, ọzi nyi ọza ana va zụ zami renu kụokụ ka asim kụ garogụ ini ọvarakara Akaiya. ¹¹Ọ mẹ zi kẹ? fuvọki ma zi nyi osisi awu nini wa yọọ? Oshomoshi ọọ yẹ.¹²Ọni maa mẹ, mva mii mẹẹ na, di ma zụ si isẹẹ sii dụ mi, ọnri isẹnẹ si garogụ fini oze, dee ree ka ẹyi re ẹni, va naa mụkọrọ ọnyọnya. ¹³Fụvọka ẹngwụ azẹnẹ vi ọnitụ apinẹ nin, dẹ zẹ vi ọnụkọrọ apaapẹ. Dẹ ẹ mẹ vene ka ọnitụ Ikristi ẹnẹn vi.¹⁴Ọnọni ọzi vi isẹnẹ shozeyi, fụvọka eshụ nyẹmbẹ va naa mẹ vene ka angẹni ẹtofei ọnọn vi. ¹⁵Ọzi vi isẹnẹ shozeyi kokoro aaviki ezida aani zaa mii mẹ vene ka ezida irẹiza ọni ẹnẹ vi, ụkọrọ ụvọ anini vẹnẹ vaa riọgụ aani ini ọkụshi ishọọji.Ipọọrụ mẹmẹ rụya fụvọ ọdọwụ aani¹⁶Me zee deni kaa: Asi ọza ọnyọnyi kẹni ki ọnụra ọnim vi, ama we vọọ ve roo, a zaa mi vene ọnụra, doti me roze garogụ che. ¹⁷Isa ọni maa ka inọpati otowụ ọkikuayitura, Ananyiyi ọzi si o, ama maa karẹyi vene ọnụra. ¹⁸Ọmẹ vi ki aza ẹruru ẹẹ garogụ ini ẹchẹngwụ anini, ẹmi nyẹmbẹ zẹ vaa garogụ.¹⁹Ẹwụ vi ọnụvira nini, ama dụwa sụje bẹrẹ ọnụra nini mẹ. ²⁰Aaviki ọzọ za wụ nin ọrishi, dọ sẹtẹ ngwụra zaụ nin afu, do bee wụ nini, do ro ka ono ze fụna wụ, navẹka ọ nya wụ arifẹ, ụ sẹngwụdọ nini. ²¹Ụshi ọnọ vaa vi yiyi, ki ya zi vọvọ zụ mẹ shụ ụ nini. Ama aaviki ọnyi ẹzẹna garogụ, ẹmi nyẹmbẹ zẹ vaa garogụ, shi maa karẹyi vene ọnụra.²²Ani Iburu ọnẹ wa vi? Avọ ọni ẹmi mẹ zẹ vivi. Ani Isrẹni ọnẹ wa vi? Avọ ẹmi mẹ zẹ vivi. Ẹzi rama Abrahamụ ọnẹ wa vi? Avọ ẹmi mẹ zẹ vivi. ²³Ezida Ikristi ọnẹ wa vi, (Maa ka irẹyi vene ọza ọni irẹsụ aani razi gụ). Mee fụna avọ. Maa mụkọrọ fụna wa. E nee mi ngwụ ini ijaarụ fụna wa. Maa di utu funa wa, di mi funa wa ini eyi isu ọwọọza.²⁴"Maa di inori ẹbẹrẹva ọọ fụrẹ ọnya, upẹ-ẹẹshi renyi renyi fini uvọ ani Ijuu nini." ²⁵Ụpe-ẹẹta ana si enyisuẹ tụ mi. de ne mi akụkụ upọnya. Maa yini ẹpa ọbani ọna vashi enyi upẹẹta. Maa mẹ irafụ ọnya ọnri ọdu ọnya inakaakana irefụ. ²⁶Maa sẹfitụrẹfi zụsẹ irasha ọnaa gọdọ, di mi ini angwashi okufa, ini angwashi oyi nin, ini angwashi aza mi, ini angwashi ani Ijẹntaini nini, ini angwashi irẹkụra ọbani, ini angwashi unọmi, ini angwashi irefụ, ini angwashi ẹnẹ ẹẹnyara ̣anapẹ nini.²⁷Ini ọkatẹngwu ọnim yaa mụkọrọ. Ẹfi ọruru ma ma suara inaafụ, dim yini ụngwẹ ọnri oonyi, ẹfi ẹnyi dim yi inawẹ, dim yi inashi ọnri afuafu. ²⁸Inaama isẹnẹni bo, ọshi shafasha ichọọchi nini bo, dọ vi ẹnya yi mi eyini-eyini. ²⁹Ọ wa nyi ọza ana kuumi, di ma zi kuumi? Ọ wa nyi ọza ọna mẹ kaza ji gege, dẹngwụ ami ra zi ngwụra.³⁰Aavi kim vaa garogụ, ụkụmi ami ọnim vaa sii garogụ. ³¹Oshomoshi ọnri Ada Ananyiyi Ijesu, anaa si ụga yi poro-pooro, ọọ yẹ ki ma zi nyi apinẹ.³²Ini Idamasikọsi, igomina ọna yini afụ oshinọyi Arẹtasi, doo sere irẹkụra Idamasikọsi doti o roze zami. ³³Ama da zi ozokete si ụji zami chi shẹtẹ, dim zụe fụrẹ ụvọ.

Chapter 12Ẹtoore ọbani ọni Ipọọrụ re

¹Mva garogụ, amạ maa yẹ ki ọzi nyi ọgu ana yi naani. Ama, mvaa karẹyi ẹtoore ọnri osisizụ ana fi idi Ananyiyi. ²Maa yẹ ọnọrụ ọnyi, ọna yini Ikristi, ini irayi ẹwụrẹna tụ rama, ana si nẹ ẹbẹẹba ọfụta, navẹki ini ẹchẹgwụ ọ ya no, navẹki ini ifẹ ọ ya no, ma zi yẹ, Oshomoshi ọnọ yẹ.³Dim yẹ ka ọnọrụ ọnọni navẹki ini ẹchẹngwụ yọọ no, navẹki ọzi vi ini ẹchẹng-wụ, ma zi yẹ, Oshomoshi ọnọ yẹ. ⁴A siọ nẹ ẹbẹba nangwụ ineekụ-ọiza, dọ wụ ireyi ana vi ọnini, ẹngwụ ọnoza rai zụa ka. ⁵Fụvọ ọzọnọ ọnim vaa si garogụ, ma zaa fụvọ ẹngwụ ami garogụ, ọchishi inọpati ụkụmi ami.⁶Me yeen si kima garogụ, ma zaa mẹ venebiri ọnụra, fụvọki irẹiza ọnim vaa ka. Ama, ma zaa mavọ. Me zi si ka ee ro inọpati ami fụni isene re kima vi, navẹki isa inọpati ẹnẹ wụ. ⁷Ma zaa garogụ, fụvọ ẹtẹ-oore ọbani ọnim nyi. Fụvavọ, doti asim kụ ẹngwụ tụẹba, da si ikeyi tụ ini ẹchẹngwụ ami, ọnri vene ọnitụ fi idi eshụ, ka ọ siọ kata mẹngwụ, di asim zụ ku ẹngwụ tụẹba.⁸Ụpẹẹta renyi renyi ọnim dipẹ yi Ananyiyi ka ọ siọ fụrẹmi ẹngwụ. ⁹Ama dọ kaa yi mi ka "Ọiza-ọọfẹ ami ọọ fụ ụ, fụvọki ini ukumi, ọni ukata ami ya." Fuvavọ mva garogụ inọpati ukumi ami, doti ụkatạ Ikristi ọ zụ yi inẹngwụ ami. ¹⁰Fụvavọ, ini ukumi ami, ufu ana kụmi ọnri ọkatẹngwụ vabẹri ụya ana sii ri mi, shi inoodụ, vene vọvọ zemi. Fụvoka ẹfi ọnọ raa tụ mi, umavọ ọnim va nyi ụkata.Ami ọnitụ nini¹¹Maa si vara ọnụra! Ẹwụ nin ọnọ kamụvọ na ngwụ ọ, fụvọki ọ vana vọrọ kụ wee gono mi nini. Fụvọki ma zi vi ozi oweyi ini ẹngwụ, ọ zẹ naa shi ẹngwụ anini ọnitụ ọbani, ọọ daka viki ọ zi nyi ọnim vi. ¹²Ami obooro ọna si ọ zụ ka, ọnitụ Ijesu ọnim vi, vana mẹ inakaakana awụ nini zirẹngwụ ọsi ẹngwụdọ, ụkọrọ oshishozeyi, ọnri ụkọrọ ẹbani ẹbani. ¹³Ọ wa nyi ụ mẹmẹ si nẹtẹ fụna ichọọchi anavọ nin, ọọ si fi ini ki ma zi kụọ kata wụ nin ẹngwụ? Si abojinye ọnọni vaya mi!Osisi ọni Ipọọrụ nyi yi ani Ikọrinti¹⁴Re! maa mẹ ta da ọvivẹ ve tụ wụ nin ini ụpọfuuta. Ma zaa kụọ kata wụ ẹngwụ, aivi isa awụ nin ọni mee si. Ẹwụ nin nyẹmbẹ ọni mee si. Fụvọki ọzi vi ezi ọnọ vọrọ ka ẹ mẹ ọgụ tẹ yi ada ọnri ọnyi. Amạ, ada ọnri ọnyi ọnọ vọrọ ka ẹ mẹ ogụ tẹ ozi. ¹⁵Mva si ụjẹ no isa ọnim nyi bo bẹri ẹchẹngwụ ami, fụvọ ifẹ awụ nini. Aaviki me sirẹyi awụ nin kokoro, ọ wa vọrọ ki osisi ayami ọ fụrẹ?̇¹⁶Ama, ọmẹ maan vi, ma zi kụọ kata awụ nin ẹngwụ. Ama, ọmẹ vi ki ma nyi ụvirạ ọjiji-ọza-vene, ẹmi ọnọ jụ wụ nin vene. ¹⁷Ọ wa nyi mme mẹ wẹwụ nin ri zirẹngwụ ọzọnyọnyi ọnim tụ shụ ụ nini? ¹⁸Maa dipẹ yi Itaitọsi ki o ve tụ ụ nini, dim tụ ọọnyara yi ọsa vatụraạ. Itaitọsi wa mẹ wụ ri nin? Aivi isa ọnyọnya ọni gẹ aa mẹ? Aivi ụfụ ọnyọnya ọni gẹ aa si?¹⁹Ụ we ro nin ki yaa si ẹfi ẹnẹni bo kụrenụ ayi zu wụ nini? Ini eyi Oshomoshi, ọni yaa ka yụ wụ nin bo ini Ikristi, vi ọni yaa su tụ wu nin ụkata.²⁰Maa nyi angwashi ka, aaviki maa vẹ, me zee tụ nini vene mmẹ sio. Mee shangwa ka ẹwụ nini oi zetụ mi vene ụ me sio nin. Mee shangwa ka ụ va zụ nyi ẹshankata nin, dụ wee re ẹngwụ vụva, dụ yini ọikụ, di ọzọza e zụechi ẹngwụ aani, daa kụ ẹngwụ irẹka, daa dụbani, di aa mẹ vazi-vazi. ²¹Angwashi ami ọnọ vika asi Oshomoshi va kami chi inọvidi awụ nini aaviki ma varama vẹ. Maa nyi angwanshi ki asim fụvi aza eruru ọna chamayi, efi ọnọm vetụ ụ nin, de zụ zi rinẹ varama fi ini ụsẹ idọti ọzizi, ọnri irẹka ọsisẹ, shi ọmimẹ osisi ẹchẹngwụ.

Chapter 13Iweọji ọikọọta

¹Ụpọọfụta ọni maa vi ida awụ yi. "Ini renụ onivenụ ẹẹva navẹki ẹẹta ọna vaa ya safụ irẹyi irẹiza sha." ²"Maa kaa yi ẹnẹna bidi chamai ọnri aza ẹnavọ da, umẹ ̣̣nim nizọ ini upọọfụva, dim zẹ varama kaa: Maa varama vẹ, maza zama ẹgọgọ ọzọnyọnyi.³Ma ka ọnọni yụ wụ fụvọki wee si iveenụ ka Ikristi ọọ zirẹngwụ ami karẹyi, ọọ zi mi ukumi shụ wụ nini. Akikọnọ, ọ nyi ụkata ininẹ awụ. ⁴Fụvọki aa kaniọ za ọchi-avashi ini ukumi. Ama, dọ yi nẹshẹ ini ụkata Oshomoshi. Avọ ọni ẹyi mẹ zẹ ki kuumi ini naani. Ama ii vaa raa bẹrẹẹ inakaakana awu nin ini ụkata Oshomoshi.⁵Zamẹngwụ awụ nin re aavika wa yi ini ọdọwụ nini. Mẹngwụ awụ nini ree. Ụwa ra zi yẹ ọnọni inọpati ẹngwụ awụ nini, ka Ijesu Ikristi yi ininẹ awụ nini?. Ọọ zi vavọ, ọ zụ vi ki wazi mẹtẹrẹ nini. ⁶Ọnri ki ini ọkụayitụra, ku wa yẹ nini, ki ya mẹtẹrẹ.⁷Ọmẹyani ya tụozụrenụ shi Oshomoshi ka, asụụ mi isa ọshimi ọnyọnyi nini. Mazi tụozụrenụ ko vene ki yaa mẹtẹrẹ da. Akikọnọ, maa tụozụrenụ kụwa mi isa ọ̣na vọrọ nini, shọọ daka vika oo vene ki yazi mẹtẹrẹ. ⁸Fụvọka ọzi nyi isi vaa zu mẹ shi irẹiza, ama fụvi irẹiza renya.⁹Fụvọki ẹyi vanaa jụjẹ aaviki ya kuumi, dẹ wụ nini nyi ụkata. Yaa zẹ ti tụozụrenụ ki ọọ navọ ọọ mẹ wụ nini ọgigụ. ¹⁰Maa chẹrẹ isa ẹnẹni imẹ razi ya pee wụ nini, fuvavọ maa ya pe wụ nini, ma ze si uvọ ọkatẹngwụ za wụ nini ini onino ụmọ ami, ọni Ananyiyi si yi mi doti ma siọ su nin kwete onri da sim siọ bawụ nini sẹdu.Ụkụ ọikọọta¹¹Ọvarẹsụ, ẹnyara mi, wa jẹẹ nini! Dinẹ tụni arima-varụdị, wa tụẹngwụ ụkata nin, wa sinẹ zụ ẹngwụ nin, dụ wa raa ini ẹngwọrọ nini. Oshomoshi ọnri ẹngwọrọ aani, ọ vaa yaa pewu nini. ¹²Si irenụ kụẹngwụ irenụ nini inoze ọnini.¹³Anọdọwụ nin bo kaa akụ wụ nini. ¹⁴Ọiza-̣ọfe Ananyiyi Ijesu Ikristi, osisi Oshomoshi, ọviva bẹrẹ Ifẹ Ọnini, ọ yaa bẹrẹ wụ nin bo.

Hebrews

Chapter 1Ụbani Ozi Oshomoshi

¹Ini ụmọkụkụ, Oshomoshi ọ karẹyi yi oshuku ada ayi nin ụpẹrika zirẹngwụ ọkisẹ nin, inoze renyi renyi. ²Ama, ini ẹkụshi ikọọta ẹnẹni, zirẹngwụ Ozi aani ono si pe yi karẹyi: Ozi aani ọnọni ọnọ shatụ renyi ki ọ vaa kụ isa bo ogu. Zirengwụ aani ọni Oshomoshi zẹ zi zi mẹ ẹshẹ keekere. ³Ọni ọnọ vi ẹtofeyi ọnaa za ini ụga Oshomoshi, ivefu Oshomshi gẹdẹ gẹdẹ ọnọ vi. Dọ vana zẹ za isa bo dinẹ vabẹ zirẹgwụ ụkata ọna yini irẹyi aani. Inaama ọnọ nyina aichama vasha da, dọ na yatụ tụni aka ụvọọri Oshinọyi ẹbẹẹba keekere.⁴Ọ nyi ụbani funa angẹni nini vene irẹsha ọgụrigụ ana si yọ mẹ ze fi funa irẹsha angẹni nini. ⁵Ọ wa nyi ọnya ini angẹni nini ọni Oshomoshi kaa yi da ka, "Ozi ami ọnụụ vi, maa si vara ada awụ irajini"ọnri ka, "Ada aani ọnim vaa vi, dọn zẹ vi Ozi ami"?⁶Ama, zẹtụọ, ụmọni Oshomoshi si ozi ipaapa vini ẹshẹ, dọ ka,"Angẹni Oshomoshi bo bẹdọ fẹkẹ ẹ." ⁷Isẹnọ ka inọpati angẹni nini ọnọ vi ka, "Ọni ọnọ mẹ angẹni nin ki ẹvi ifẹ dọ zẹ mi ezida ani vene ira anaa za.⁸Ama, irẹyi ọnọ ka inọpati Ozi aani ọnọvi ka, "Ogede awụ, ẹwụ Oshomoshi, va na vaa dinẹ poro pooro. Ọchi-ụmọ ijọva awụ vi ọchi ishọọji ọiza. ⁹Wee si irẹyi ọmimanasẹrẹ, dụ nyi ishẹrẹ irẹyi ọshimi ọmimẹ. Fụvavọ, Oshomoshi, ana vi Oshomoshi awu,̣ ọ sha wụ ụ tụ renyi zirẹngwụ angwẹ ụjẹ funa aza bo anavọ."¹⁰"Ananyiyi, fini ivẹrẹ ọnụụ fụrẹ si afụ ẹshẹ shiẹtẹ. Ovurukutu ẹbẹẹba vi ụkọrọ ụvo awụ. Ọshishi varama zirẹ anya Ikristi ¹¹E vee vuri, ama ẹwụ vana vaa yinaani na poro. E vee bo venebiri ita. ¹²Ụ vaa kara wa venebiri auru, daa vara wa venebiri ita. Ama, ụmẹ ya ọnụụ va yii ya, ọkụshi irẹsụ awụ ọzi nyi ẹgẹ."¹³Amaa, yere angẹni ọni Oshomoshi si ụmẹ ọnyọnyi kaa yi da ka, "Yatụ tụni akụvọri ami poro netu ẹfi ọnim va sii si ọnivi awụ mẹ irefụ ọnụ vaa kụ afụ tụra"? ¹⁴Navẹki aivi ifẹ ọni angẹni nin bo vi, dẹ vi ọnitụ ọni Oshomoshii tụ na mọgụvọ yi ẹnẹna vaa nyi ọdọtụ?̣

Chapter 2Irẹyi ọdidọzatụ o funa irẹyi angẹni nin

¹Fụvavọ ii bẹdọ vaa kụ ọtụtụrụma ayi tụni irẹyi ọnii wụ kokoro, doti asii va na va finaani.²Fụvọki aaviki itụ ọna zirẹngwụ angẹni nin va ka vi irẹiza ana dinẹ, ọnri ka aichama ọnri akamawụ vee re ụyọọri ana sẹrẹẹ dọ, ³ii mẹmẹ va zụụ javọ fini ụyọọri ọnọni ke, aaviki ya sieyiwụ ọdidọtụ ana maan bani? Ọnọni ọnọ vi ọdidọzatụ ọni Ananyiyi bidi showu aani, di ẹnẹna wụ inọpati aani dọirenu. ⁴Avọ ọni Oshomoshi ọn mẹ zẹ di dọirenu zirẹngwụ ami renyi renyi, isoshishozeyi ọnri oze renyi renyi ọnọ ya si ụkata aani zụ, shi ọiza Ife Ọnini renyi renyi ọnọ ga yi yi vene o me si o.Ijesu ọnọọ dọ ọzaa tụ ⁵Fụvọki aivi angẹni nini ọni Oshomoshi si ẹshẹ anaa vẹ, oni yaa kareyi inọpati aani, chire ụvọ. ⁶Akikọnọ, ọ nyi ọzọnyi ana yi irasha ọnyi ana divenu ka, "Sẹni ọza vi kẹ, ọna mẹ ki irẹyi aani ọ ngwụ wụ ayi? Navẹki sẹni ozi ọza vi kẹ, dụ waa sieyipe e?⁷Waa mẹ ọza, dụụ kaachi che ini ụbani funa angẹni nini; dụụ si ụga ọnri ụbani mẹ okurẹsụ ku o. dụụ si ụkọrụvọ awụ bo chireụvọ. ⁸Waa si isa bo tụni ẹpẹẹpẹtẹ afụ aani." Fụvọki ọni, ọni Oshomoshi si isa bo chireụvọ. Ọ zi nyi isa ọnọ razi si tụni ẹpẹẹpẹtẹ afụ aani." Ama, ọmẹyani, ye zi savọ ri re isa bo ọna si chireụvọ.⁹Ama, yee re ọzẹna mẹ, da kaachi che ini ụbani funa angẹni nin ini ẹfi keere: Ijesu, ọna vi ọzẹna si ụga ọnri ụbani mẹ okurẹsụ ku fụvọ ụyọọri ọnri isu ono su. Fụvavọ, ọmẹyani, oo su yi aza bo da zirẹngwụ ọiza ọfẹ Oshomoshi. ¹⁰Fụvọki ọọ sẹrẹ ki Oshomoshi ọ kụ ezi aani ọrụrụ va ngwụni ụga, fụvọki zirẹngwụ aani ọni isa bo ana yẹshẹ si yinaani. Ọ sẹrẹ ka ọ mẹ ọdọvidi ọdidọtụ aanini nyi ọgụrigụ zirẹngwụ ụyọọri aani.¹¹Fụvọki shi ọza ọna vara aza ọnini ọnri ẹnẹnọ vara tụni ọnini vana chi fụri irasha ọnya vẹ --- fụri idi Ada ọnya. Fụvavọ ụshi ọzi nyi ọ ki ọ shi wa ẹnyara awụọni. ¹²Dọọ ka, "Mvee showu irẹsha awụ yi ẹnyara ami nin, mvaa si ashẹ sụga yụ wụ ini akaakana iragụ awụ.¹³Dọ ọzẹ ka, "Mvaa kụ ayi tụra a." Dọ ọzẹ ka, "Re, ẹmi ọnri ezi ọni Oshomoshi si yi mi yi."¹⁴Fụvavọ ụmọvi ki ezi Oshomoshi ẹ nyi ọgiga ini ẹchẹngwụ ọnri anyạ, di Ijesu ọn zẹ bẹrẹ wa ga inaani, doti ọ zụ zirẹngwu isu si eshu, ana nyi ụkata isu, kụra finoze. ¹⁵Ọ maan vi doti, ẹnẹna si ẹshẹ aanini bo vi ọrishi fụvọ angwashi isuọwụọza, ọ va zụ na wa tụ.¹⁶Ọvọrọ kụ wa yẹ ki aivi irẹyi angẹni nini ọnọ jiọareyi, ama irẹyi ọina Abrahamụ ọnọ jiọareyi. ¹⁷Fụvavọ, ọnọ si sẹrẹ ki o vene ẹnyara aani ini ozeturoze, doti ọ zụ vi oshirẹsụ arụfa anayụva ọnri ọnirẹiza inọpati isa bo ọna vi ọi Oshomoshi, ọnri ka doti ọ zụ mẹ oze ayụva yi aichama aza. ¹⁸Fụvọki Ijesu ọnyẹmbe ọ rụya, da mọọre, ọ va zụụ mọgụvọ yi ẹnẹna mọre.

Chapter 3Ijesụ ọnọ nyi ụbani fu Imosisi

¹Fụvavọ, ẹwụ nin ẹnyara ami ọnini, waa nyi ọgiga ini ọshishi ana fụri ineeku. Ẹwụ nin ọ nyi oriro inọpati Ijesu, ọna vi ẹzẹnatụ vẹ ọnri oshi arụfa ọnụụ divenu ki ya dọwụ. ²Ọnirẹiza ọnọ vi yi Oshomoshi ana shaatụ renyi, vene Imosisi mẹmẹ vi ọnirẹiza ini ireshi Oshomoshi. ³Ijesu ọ nyi ụga funa Imosisi, fụvọki ọzẹna da ireshi ọ nyi ụbani funa ireshi ọnọ. ⁴Fụvoki reshi bo ọnọ nyi ọza ana da a, ama Oshomoshi ọnọ misa bo.⁵Inoze ọnya, Imosisi vi ozida ọna nyi irẹiza ini ireshi Oshomoshi bo. Ọni ọnọ divenu tụọvidi inọpati isẹyi ana vaa ka ini iramụfụọ. ⁶Ama, Ikristi ọnọ vi Ozi ana si ireshi Oshomoshi chirụvọ. Ireshi aani ọnii vi aaviki yaa nyi ayọọvi ọnri ayiọvanẹtẹ ini iribatọ ayi ne tuẹtẹ.Asụụ mẹ akamawụ nin ⁷Fụvavọ, vene Ifẹ Ọnini mẹmẹ kaa gẹdẹgẹde ọnọ vi, ka: "Aaviki wa wụ ọngwẹ aani irajini, ⁸asụụ mẹ ọtụtụrụma ọkata nini vene ọmẹ vi ini ụmẹ akamawụ ini ẹfi ọni oshuku awụ nin si mọ Oshomoshi re ini ụnọmi.⁹Ẹfiavọ ọni oshuku awụ nin mẹ akamawụ, dẹ zama mi re, ẹfiavọ ọnẹ zẹ si si irayi ẹbẹrẹva re ụkọrụvọ ami. ¹⁰Fụvavọ inẹ ami ozi shine tu evereze ọnọ. Dim ka, 'Ọtụtụrụma aanini vanaa za wa nyeeyi ẹfi bo. Ẹ zi yi yẹ oze ọni me si ki ẹẹ vaa zi.'¹¹Vene mmẹ si ọikụ shieku gẹdẹgẹdẹ ọnọvi: 'Ọzi nyi efi ọnẹ va sii nyi ẹngwọrọ ana yini ifooshi ami.'"¹²Sieyipe ẹngwụ, ẹwụ nin ẹnyara ayi, doti asọ va na nyi ọzọnzonyi ini akaakana awụ nin ọna nyi ọtụtụrụma ọshimi ana razi nyi ọdọwu, ọtụtụrụma anaa varama finaama Oshomoshi ọna nyifẹ. ¹³Akikọnọ, waa tụẹngwụ ụkata nini eyinieyini, aa si si ọ shi ka "irajini" ọnọ vi, doti asọ nyi ọzọnzọnyi inaawụ nin ọna vaa navọ ki aichama oọ jiọnvene na nyi ọtụtụrụma ọkata.¹⁴Fụvọki yaa si vara aza Ikristi aaviki yaa si ụvọ za ọkikụayitụra Ijesu fiini ivẹrẹ poro na ngwụ ikọọta. ¹⁵Inọpati irẹyi ọnọni, a maan kaa, ka, "Aaviki wa wụ ọngwe aani irajini, asụụ mẹ ọtụtụrụma ọkata nini, vene ẹ mẹ mẹ ini ụmẹ akamawụ."¹⁶Ẹnẹ vi ọzẹna wụ ọngwẹ Oshomoshi, dọ mẹ akamawụ ke? Ọ wa para ẹnẹni ẹnri Imosisi jinẹ fụri Ijipiti fu? ¹⁷Ẹnẹ vi aza ọni Oshomoshi si irayi ẹbẹrẹva mọikụ shi kẹ? Ọ wa para ẹnẹna chamayi fu, ene su tụni ụnọmi? ¹⁸Ẹnẹ vi azẹni Oshomoshi shieku ki ẹ zaa ngwụni ifooshi awụọni kẹ, ọọ zi vi ẹnẹna mẹ akamawụ shi O? ¹⁹Ye re e ka ẹizụ ngwụni ẹdabẹrẹ ifooshi aani fụvọ arimạdọwu aanini.

Chapter 4

¹Fụvavọ, a navọ di ya si eyi pe ẹngwụ, doti aso ve ne vene ka ọzọnzọnyi inaawụ nin ọi zụ zi gụrẹ otoowu ọna mẹ tẹtẹ kụụ vaa ngwụni ifooshi Oshomoshi nin. ²Fụvọki irenube ọiza mẹ vi gẹdẹgẹdẹ, avọ ọna mẹ kaa yi yi. Ama, irẹyi ọnọ ọzi mẹ ọiza yi ẹnẹna razi si ọma vọnya ini ọdọwụ bẹrẹ ẹnẹna vatụra irẹyi ọnọ.³Fụvọki ẹyi ana dọwụ ọnọ vaa ngwụni ifooshi ọnọ, vene ọ mẹ kaa, ka "Vene mmẹ si ọikụ shieku, Ọzi nyi ẹfi ọnẹ va sii ngwụni ifooshi ami." Shọmẹ vọọ daka vi, ini ivẹrẹ ẹshẹ ọni ụkọ̇rụvọ aani ta mẹ. ⁴Fụvọki ọ nyi irasha ọnyi ọnọ ya karẹyi inọpati ọkụshi ọfụshimba, ka, "Oshomoshi ọ shife fiini ụkọrụvọ aani bo ini ọkụshi ọfụshimba." ⁵Dọ zẹ kaa ka, "Ẹ zaa ngwụni ifooshi ami."⁶Fụvavọ, fụvọki oze yi yinaani ki azẹnyi ẹ ngwụni ifooshi aani, ọnri ka ani Isirẹni ẹrụrụ ana wụ irenube ọiza aani ẹ zi ngwo ̣ọ fuvọ akamawụ. ⁷Oshomoshi ̣ọ zẹ si ọkụshi ọnya tẹte anaa shi "Irajini."Inaama ọkụshi ọrụrụ dọ zirẹngwụ Idevidi zẹ kaa, vene a mẹ abidi kaa tụọvidi, ka, "Aaviki wa wụ ọngwe ami irajini, asụụ mẹ ọtụtụrụma ọkata nini."⁸Fụvọki aaviki Ijoshuwa ọ yaan si ifooshi yụ wa, Oshomoshi ọzi yaan kụ zaa karẹyi inọpati ọkụshi ọsa. ⁹Fụvavọ, ọ nyi nyi ọkụshi ifooshi Isabati ana mẹ tẹtẹ yi aza Oshomoshi. ¹⁰Fụvọki ẹzẹna ra ngwụni ifooshi Oshomoshi vene ze shi shifẹ fini ụkọrọ aani, vene Oshomoshi me shifẹ fini ụkọrọ aani. ¹¹Fụvavọ, a navọ di yee sioze imẹmẹ vaa ngwụni ifooshi ọno, doti asọ nyi ọzọnzọnyi ọna vaa sẹdụ ngwụni ẹngwụ akamawụ ẹnẹ mẹ.¹²Fụvọki irẹyi Oshomoshi ọ nyifẹ, dọọ mụkọrọ, dọ zẹ rẹ funa itakovi ọ nyi eyi ẹẹva. Ọọ rẹ netu ka ọọ ngwụninẹ ọtụtụrụma ọnri ifẹ, dọọ sha wa shi yiẹngwụ; shi ẹgẹ ngwụ bo ọnri ụshi ininẹ ọchụku vọnọ shaashi yi ẹngwụ. ¹³Ọzi nyi isọnyọnyi ana tụ vẹshẹ ana tẹ yi Oshomoshi. Akikọnọ isa bo vana tụafụafụ, dọ fụ sha ineyi ẹzẹni ẹyi bo vaa karenube ụkọrụvọ ayi zụ.Oshirẹsụ arụfa ọni Ijesu vi ¹⁴Fụvavọ, ọmẹvi ki yaa nyi oshirẹsu arụfa ana zi ẹbẹẹba bo parafu da, ana vi Ijesu Ozi Oshomoshi, a navọ di ya ta ọdọwụ ayi ku ẹtẹrẹ. ¹⁵Fụvọki aivi oshirẹsụ arụfa ọna razaa nyi ayụva yi yi fụvọ ụkụmi ayi ọnii nyi. Akikọnọ, yaa nyi ọza ọno ̣vi ki a zamare inoze turoze venebiri a mẹ zẹ zama nyẹmbẹ re, ọọsifini ki ọ zi nyi aichama ọnyọnyi. ¹⁶Fụvavọ, a vẹ di ya si ayiọvanẹtẹ kavape ogede ọiza ọfẹ Oshomoshi, di ye zu re ayụva dọ, shi ọiza ọfẹ ọna vaa mọgụvọ yi yi ini ụmẹ ọngwẹngwụ ayi.

Chapter 5

¹Fụvọki oshirẹsụ arụfa bo ana ra ni fiini akaakana aza, vọna ni ki ọọ mẹ irama aza inọpati isa bo ọni Oshomoshi nyụvọ tụ, doti ọ zụụ si isa mẹ irẹiza ọnri isẹvọ fụvọ aichama. ²Dọọ zụa si ẹngwọrọ za ẹnẹna razi nyi ọyiyẹ ọnri ọnudu nini fụvọki ọn nyẹmbẹ vọni ụkụmi varakara. ³Fụvavọ, ọ sẹrẹ ki ọ zẹ mi mẹ isẹvọ yi ẹngwụ aani fụvọ aichama ayaani vene ọ mẹẹ mẹ ẹ gẹdẹgẹdẹ fụvọ aichama azẹnẹ.⁴Ọza ọma kwẹẹtẹ kẹnẹ dọ nayini ipo ụbani ọnọni. Akikọnọ, Oshomoshi ọnọ shi ọ, venebiri a mẹmẹ shi Erọọnụ. ⁵Inoze ọnyọnya, aivi Ijesu ọnọ mẹ ẹngwụ aani oshirẹsụ arụfa fụvọ dọ zụ siọ nyi ụbani. Akikọnọ, di ọza enee pe e karẹyi, ka, "Ozi ami ọnụụ vi; Maa si vara Ada awụ irajini."⁶Avọ ọnọ mẹ zẹ ki kaa irasha ọsa ini iwe ọnini, ka, "Oshirẹsụ arụfa ọnụụ vi poro pooro venebiri Imẹchizẹdẹẹki mẹ vi."⁷Ụmẹ ọni Ikristi yini ẹchẹngwụ, ọ si owuọna tuozurenu, dọ mẹ ipọọdọ vabẹrẹ une ọnri ẹgọ shi Oshomoshi, ana va zụụ dọ ọ tụ fini isu. Di Oshomoshi wụ ozurenu aani fụvọki ọ si ọtụtụrụma aani yi Oshomoshi. ⁸Shi ọmẹ vi ki ozi Oshomoshi ọnọ vi, ọ kọsuẹ a mẹmẹẹ wụrẹyi tụ ọ irenu fini ụyọọri aani bo.⁹Oshomoshi ọ mẹ ẹ ọgụrigụ, da si ọ mẹ ọza ọnọ vi ki aza bo ana ra vatụra irẹyi aani vaa nyi ọdidọtụ poro pooro. ¹⁰Oshomoshi ọnọ si ọ mẹ oshiresụ arụfa venebiri ẹngwụ ọi Imẹkizẹdẹẹki mẹ ya. Asụụ va fiini ọdọwụ awụ¹¹Yaa nyi irẹyi ọrụrụ ọni vaa ka inọpati Ijesu, ama ọ ngwụyi ẹngwụ ọshishaafụ sha, fụvọki irẹyi ọma jantụ ngwụ wụ nin ụtọ.¹²Fụvọki ọ vọrọ ki ẹwụ nin ọ yaan kụ zẹẹ zụ aza isa ọmẹyani, ama ọ nyi nyi ọna vọ che ọna vi pataki, ọnọ vọrọ ki a savọ zụ wụ nin da inọpati irẹyi Oshomoshi. Enyi irẹva ọnọ sẹrẹ wụ nin, aivi isari oboro! ¹³Fụvọki ọzẹna re fi fu enyi ireva ọzi nyi ọnọ yẹ inọpati irẹyi ọmimanasẹrẹ; ozueyi ono si vi vi. ¹⁴Ama, azẹkụ ẹnẹẹ ri isari oboro. Ẹni ẹnẹ vi aza ọnọ vi ka fụvọ ụvira aanini, ẹẹ kọsụẹ ọyiyẹ ana mẹ ka ẹ yẹ ọiza renyi yi ọshimi.

Chapter 6

¹Fụvavọ, a navọ di ya fiini enyima irenube Ijesu, di yaa si irẹyi ayi nọvidi na ngwụni irẹyi ụvira. Navọ asii shẹshẹ zẹ nee nyima tụni irẹyi oshiẹtẹ oririnẹ varama fiini ụkọrụvọ aichama, ọnri ọdọwu ini Oshomoshi, ²navẹki ọzizụ inọpati isami, ọkikụavọ tụra aza, ọshisha kwẹẹte fiini isu, ọnri ishọọji ana vaa yinaani poro pooro. ³Ii vọọ zẹ va mii mẹ ọnọni aaviki Oshomoshi ọ yi yi oze.⁴Fụvọki ọ vaa ngwẹngwụ yi ẹnẹna bidi nyi ọyiyẹ inọpati Ikristi, dẹ da irẹiza ọnọ mẹ yi yi fụri ẹbẹẹba ree da, dẹ nyi ọgiga ini Ifẹ Ọnini; ⁵dẹ zẹ da irẹyi ọiza Oshomoshi ree da, ọnri ụkata ọni Oshomoshi va sii zụ ini iramụfụọ, ⁶ama dẹ sẹdụ fiini ọdọwụ --- azẹi kụ zụa za wa varama vini oririnẹ varama. Ọmaan vi fụvọki ee teni sụvọ aanini kani Ozi Oshomoshi za ọchi avashi, dẹẹ mụshi nyi ọ ini orere.⁷Fụvọki ẹtẹ enee fu enyi orishi ọnaa zụụ tụ ọ ụmẹ tụrụmẹ, dọọ mẹ ki isararẹ ọ chi, ọna vaa mụgụvọ yi ẹzẹna fụvọ aani mụkọrọ tụni ẹtẹ ọnọ --- ẹtẹ ọnọni ọni Oshomoshi mẹ ẹdabẹrẹ yi. ⁸Ama, aaviki ọchi ikeyi ọnri ọchi irẹmani ẹnẹ chi fi inaani, ọnọvi ki ọzi za rẹsu, dọ dọgụ gụrẹ ekuochi. Ọvairẹsụ aani ọnọ vi ki a vaa riọira.⁹Ama, ẹwụ nin ọnim ngwụayi aani, shọọ daka vi ka ii maan aa ka, maa yẹ ini oze ana razi nyi ọjirẹka kụ waa mẹtẹrẹ funa wa nini inọpati ọdidọtụ. ¹⁰Oshomoshi ọzi vi anarima manasẹrẹ ene vee shayi ụkọrọ awụ nin ọnri osisi ọnụụ si zụ fụvọ irẹsha aani, fụvọki waa mọguvọ yi anọdọwu nini, venebiri ụụ maa mii mẹ nini.¹¹Osisi ayi ọnọ vi ka ọzọnyọnya awụ nin ọ si kamarenu poro na ngwụrẹsụ, fụvọ ọkụayitụra ọnụụ nyi nini, ọna razi nyi ọjirẹka. ¹²Ọ maan vi fụvọ asi iriworo na ngwụ wụ nin ẹngwụ, ama dụ waa fama ẹnẹna zirẹngwụ ọdọwu ọnri ọsiẹngwụdọ kụ otoowu ẹnẹ ogu.Otoowu Oshomoshi ana zụfụ dinẹ ¹³Fụvọki ẹfiẹni Oshomoshi mẹ otoowu aani yi Abrahamu, dọ si ẹngwụ aani shieku, fụvọki ọzi nyi ọza ene funa ọnọ va sii shieku. ¹⁴Dọ ka, "Mi bẹdọ vaa mẹ ẹdabẹrẹ yụ wụ, dim mẹ ka ezirama awụ ẹ rụrụ." ¹⁵Avọ ọni Abrahamụ me re isa ana mẹ otoowụ aani yọ dọ inaama ọnọ si ishuru zi otoowu ọnọ.¹⁶Fụvọki aza vanaa si ọza ene funa waa shieku. Inaama ẹshankata, dẹẹ si eku ọshishi vuoirẹsụ. ¹⁷Ẹfiẹni Oshomoshi si ka ọ naa si ọ zu ẹnena vaa kụ otoowu awụọni ogu ẹtẹrẹ ki ọnọ zaa vara ọmimẹ otoowu awụọni, dọ si eku ọshishi vuoirẹsụ. ¹⁸Fụvọ isọnọ maan si mẹ ọnọ vi ka, zirẹngwu isa ẹẹva ana rama vara --- ọnii va sii yẹ ki Oshomoshi ọizụa nyapinẹ, doti ẹyi ene zue na riẹngwụ aani, azụ tụ yi ụkata, di ya zụ sụvọ za ọkikụayi tụra ana si tụ yi ọvidi ẹtẹrẹ.¹⁹Yaa nyi ọkụayitụra ọnọni, ana za ọtụtụrụma ayi dinẹ ẹtẹrẹ, ọkụayitụra ọna jinẹ ita-ọjioze na ngwụ irẹngwụ ininẹ ọnini. ²⁰Ijesu ọ fụvọ̣ ayi dọvidi na ngwụ izọ, ọ mẹ vara oshirẹsụ arụfa ireshi Oshomoshi poro pooro venebiri Imẹkizẹdẹẹki.

Chapter 7Imẹkizẹdẹẹki oshirẹsụ arụfa

¹Imẹkizẹdẹẹki ọnọni ọnọ vi oshinọyi Isarẹmụ, dọ zẹ vi arụfa Oshomoshi ọne Fu Keekere, ọna na gẹrẹ Abrahamụ, dọ tuozurenu ẹdabẹrẹ yọ, ẹfiọni Abrahamụ aa varama vẹ furi izẹnọ ya na fụ oshinọyi ẹnẹ ini irẹkụ. ²Ọni ọnọ vi ọzẹni Abrahamụ si oche-ẹwụ isa bo yi. Ọshafụsha irẹsha Imẹkizẹdẹẹki ọnọ̣ vi "Oshinọyi ọmimanasẹrẹ." Irẹsha aani ọsa ọnọ vi "Oshinọyi Isarẹmu", ọni ọshafụsha aani vi "Oshinọyi Ẹngwọrọ." ³Ọzi nyi ada navẹki ọnyi, ọzi nyi oshuku, ẹkụshi aani ọzi nyi enyima navẹki ikọọta. O vene Ozi Oshomoshi fụvọki oshirẹsụ arụfa Oshomoshi ọnọ vi poro pooro.⁴Re ọzọnọni me vishi nyi ụbani tu nini. Abrahamụ oshuku ayi ọ si oche-ẹwụ isa bo ọnọ ku fini ọvidi irẹkụ yọ̣. ⁵Aa mẹ ụmọ ka, ezi Inẹvi nin ana si ụdi yi ki ẹnẹ nyi ụmọ ọdidọ oche-ẹwụ finụvọ aza ana vi ẹ̣nyara aanini, shọmẹ daka vi ki enbo vana jinẹ fini ẹngwụ Abrahamụ. ⁶Ama inoze ọsa, Imẹkidẹzẹẹki, ọni ezirama aani razi chi fiini oshuku aanini vẹ, ọ dọ oche-ẹwụ finụvọ Abrahamụ, dọ tuozurenu ẹdabẹrẹ yọ, ọnọni ọnọ vi ki ẹ nyi otoowu ẹnẹ.⁷Ọzi nyi ọjirẹka ka ọzẹna nyi ụbani fu ọnọọ mẹ ẹdabẹrẹ yi ọzẹne weyi fu. ⁸Inoze ọnọni, aza ri ẹyi rẹsụ ẹ dọ oche-ẹwụ; ama inoze ọnọ, iwe ọnini ọ siọzụ ki ̣ọ yi yẹshẹ. ⁹A va zụụ kaa ka Inẹvi ana dọ oche-ẹwụ, ọn nyẹmbẹ o ze si si oche-ẹwụ zirẹngwụ Abrahamụ, ¹⁰fụvọki Inẹvi yini ẹngwụ oshuku aani ụmọni Imẹdizẹẹdẹki na gẹrẹ Abrahamụ.Aa si Ijesu mọrọ Imẹkizẹdẹẹki ¹¹Aaviki aza yaan a vara tụni ọgụrigụ zirẹngwụ ọmimẹ arụfa Oshomoshi vene ẹngwụ ọi Inẹvi (fụvọki ini afụ aani ọna ya mẹ ofi yi aza) ọwa sẹrẹ ki a yaan ku ze sii si arụfa ọsa ọna vaa kwẹẹtẹ vene ẹngwụ ọi Imẹchizẹdẹẹki, one rezee re ki ẹngwụ ọi Erọọni ọnọ vi? ¹²Fụvọki, ụmọvi ki avara arụfa da, a bẹdọ zẹ vara ofi.¹³Fụvọki ọzẹna karẹyi ẹnẹ inọpata aani, vana fini anda ọsa ọnọ vi ka ọzi nyi ọzọnzọnyi aanini one si si mụkọrọ ini ọpẹtẹ oshẹtẹ. ¹⁴Yaa yẹ ẹtẹrẹ ki Ijudiya ana ya ma Ananyiyi; Ijudiya ọna vi anda ọnọ vi ka Imosisi ọi vana shi irẹsha aanini inọpati ọsi si mẹ arụfa.¹⁵Irẹyi ọni yaa ka vee tenii shafụụ sha aavikị arụfa ọsa ene vene Imẹchizẹdẹẹki ọ kwẹẹtẹ. ¹⁶Aivi inoze amẹmẹ si vi ezirama oshuku ini ụpẹngwụ ọna si si ọ mẹ arufa, ama inoze ụkata ẹshẹ ọmimẹ poro pooro. ¹⁷Fụvọki iwe ọnini ọ divenu inọpati aani ka, "Arụfa ọnụụ vi poro pooro vene ẹngwụ ọi Imẹchizẹdẹẹki."¹⁸Fụvọki aa kụ ụmọ ipaapa fụrẹtẹ da, fụvọki ọzi nyi ụkata, ọnri ka ọzi nyi ọgụvọ ọnọ zụ mẹ yi ọza. ¹⁹Fụvọki ọzi nyi isọnsọnyi ọni ofi varạ ọgụrigụ. Ama, da si ọkụayitụra ọsa ana dashi funa ofi, ọnii vaa nyi ọkụayitụra ini iramụfụọ, di yaa zirẹngwụ aani zi gụrẹ Oshomoshi.²⁰Oshomoshi ọ savọ shieku dọ tangwa maan vaa vi. Inoze ọnya, azẹzi shieku ẹfi ana si si ẹnẹnavọ mẹ arufa. ²¹Ama, inoze ọsa, Ijesu ọnọn vọna si mẹ arufa zirẹngwụ eku ọshishi ẹfiẹni ẹzẹna si ọ mẹ arufa kaa yọ ka, "Ananyiyi ọ shieku ọnọ ra zaa va afụụ naama: 'Arụfa ọnụụ vi poro pooro.'"²²Ijesu vana zẹ si ọnọni si ireji ene ze fu, ọna razi nyi ọjirẹka yi yi. ²³Inoze ọnya, aza ẹrụrụ ẹ vara arụfa fụvọki isu ọ ma navọ ki ọza ọnya ọọ mẹẹ na poro. ²⁴Ama, inoze ọsa, fụvọki Ijesu vana ra poro, dọ vi arụfa poro pooro.²⁵Fụvavọ, ẹnẹna zirẹngwụ aani va ka Oshomoshi vẹ, ọ va zụụ dọ wa a tụ ini ọgụrigụ, fụvọki ọ yẹshẹ poro pooro, doo pe wa tuozurenu. ²⁶Fụvọki ẹngwụ oshirẹsụ arụfa ọnọni ọnọ sẹrẹ yi. Ọ zi nyi aichama navẹki ivi ọnyọnyi, ọọ ni kirikiri, a sha a tụ fini akaakana anaichama nin, ọ ka shirẹ nẹba funa ẹbẹẹba bo.²⁷Ọi kụ nyi ka, ọọ mẹ isẹvọ eyinieyini fụvọ aichama aani savọ da, ọnri aichama azẹnẹsa, venebiri arụfa ọsa nin maa mẹ. Ụpọnya chọ ọnọ si ẹngwụ aani mẹ isẹvọ yi aza bo. ²⁸Fụvọki ofi vana si aza ana nyi ụkụmi mẹ oshirẹsụ arụfa. Ama ireyi irẹzẹ ana vẹ inaama ofi, ọọ ni Ozi aani, ọnọ mẹ ki ọ nyi ọgụrigụ poro pooro.

Chapter 8Ijesu vi Oshirẹsụ Arụfa ọi irẹzẹ oboro

¹Irẹyi ọni yee si ki ya ka yụ wụ nin ọnọ vi ka: Yaa nyi oshirẹsụ arụfa ana yatụ tụni akụvọri ogede Oshomoshi Oshinọyi ẹbẹẹba bo. ²Ozida ọnọ vi tụ irasha ọnini ọnọ. Itabanaku ebebaani ọna fụri ineeku, ọni Ananyiyi mẹ, aivi ọni ọza mẹ.³Fụvọki oshirẹsụ arụfa ọzọọza vana nii ki ọọ mẹ irẹiza ọnri isẹvọ. Fụvavọ, ọ sẹrẹ ki a nyi isa ọna va sii mẹ isẹvọ. ⁴Aaviki ini ẹshẹ ọnọni ọni Ikristi yaan yi ya, ọ zi yaan zụ vi arụfa vụụvụrụ, ụmọvi ka ọ nyi ẹnẹnaa mẹ irẹiza vene ofi mẹmẹ si ọ shiẹtẹ. ⁵Itabanaku ana vi ụmama isa mẹ ya ineeku, ọnẹ yaa mẹ irafẹkẹ. Oshomoshi mẹmẹ tụ Imosisi ofuvọ ki ọ mẹ ẹ gẹdẹgẹdẹ̣ ẹfi ọnọ vaa da itabanaku ọnọ, avọ ọnọ mẹ ẹ. Di Oshomoshi ka, "Re kụ waa mẹ isa bo vene irima ana si zụ wụ ini irẹsụfa."⁶Ama ọmẹyani, Ikristi o re ụkọrọ ene funa ọnọ dọ da. O ze vi vene ọ mẹmẹ vi anakaakana irẹzẹ ene funa ọna bidi yinaani, one si shiẹtẹ tụni otoowu ene fu. ⁷Fụvọki, aaviki irẹzẹ ipaapa ọzi yaan nyi ivi, ọzi yaan kụ zẹ nyi ki aa mẹ ọi ụpọfụụva.⁸Fụvọki ụmọni Oshomoshi re ivi ini ẹngwụ azẹneni, dọ ka, "Re, ẹkụshi aa vẹ --- avọ ọni Ananyiyi mẹ ka --- ọnim vee bere ireshi Isrẹni ọnri ireshi Ijuda mẹ irẹzẹ ọwọọwa. ⁹O zee vene irẹzẹ ọnim bere oshuku aanini mẹ ini ọkụshi o nim za wa ụvọ, dil kụ wa jinẹ fụri ẹtẹ Ijipti. Fụvọki ẹ zi vatụra irẹzẹ ami, dim miu wa aba --- avọ ọni Ananyiyi mẹ ka.¹⁰Fụvọki irẹzẹ onim vee bere ireshi Isreni mẹ inaama ọkushi ẹnẹ yi--- avọ ọni Ananyiyi mẹ ka. Mva si ofi ami tụni oriro aanini, dim zẹ chẹrẹ ẹ wa tụni ọtụtụrụma aanini. Oshomoshi aanini ọnim vaa vi, dẹn zẹ vi aza mi.¹¹Ọzi nyi ọzọnzọnyi ana vaa zụ ọnọfụụva aani navẹki ọnyara aani, ka, 'Navọ wa yẹ Ananyiyi.' Fụvọki aza bo vaa yẹ mi, vẹrẹ fini ana vanẹtẹ inaanini paara na ngwụ ene fu inaanini. ¹²Fụvọki mvaa nyi ayụva yi arimamanasẹrẹ aanini, ọnri ki mai kụa tamayi aichama aanini vụụvụrụ."¹³Ọ mẹ kaa ka "ọwọọwa," ọnọ vi ka Ọ vara irẹzẹ ipaapa tụni ọkụkụ da; isa ana raikụ yini ụmẹ, dọ si ngwụọkụkụ vanaa gụrẹ ovivurii.

Chapter 9Irasha ọnini ini ẹshẹ

¹Ọmeyani, shi ireji ipaapa vana nyi eto ọmẹ vọrọ ki afẹkẹ Oshomoshi; dazẹ nyi irasha ọnini anaya fẹkẹ ini ẹshẹ ọnọni. ²Fụvọki ọ nyi irasha ene teni anaa shi itabanaku. Ini irẹngwụ ipaapa ọnaa shi irasha ọnini. izọ ọchi ọpa ya, shi itẹbụrụ ọnri ivụrẹdi ana yini ọvidi Oshomoshi; izọ ọnaa shi irasha ọnini.³Irẹngwụ ọsa ọna yinaama ita ọfụụva ọna si jioze, ọnọni anaa shi irasha ọna vi ọnini fu bo. ⁴Ọ nyi ọpẹtẹ ana si igoonu mẹ izẹna yaa ri eturari ira. Izọ ọna zẹ si si apoti irẹzẹ tụ, ọna si igoonu ku ẹngụ aani bo. Inaani, ọ nyi oji oweyi ọna si igoonu mẹ, ininẹ aani ọni imana ya, ọchi ọkẹtẹ Erọọni ọna tụ ododo ọnri irẹta irẹzẹ ẹẹva. ⁵Ini ẹbẹba apoti irẹzẹ ọnọ, icherebumi ọna nyi ụbani dọ gana avaka aani ku apoti ọnọ, Yazi zụa ka isabo inọpati aani ọmẹyani.⁶Inaama one teni isẹnẹni tẹtẹ da, arụfa nin vanaa ngwụ irẹngwụ ẹshẹẹshẹ itabanaku naa mụkọrọ aanini. ⁷Ama, oshirẹsụ arụfa renya ọnọ ngwụ irẹngwụ ọfụụva ụpọnya ini irayi, ọ ma ngwụọ ọchishi ki ọ nyi anya ọnọ va sii mẹ isẹvọ yi ẹngwu ọnri aza, fụvọ aichama ẹnẹ razi yẹ mẹ.⁸Ifẹ ọnini ọ siọzụ ki azẹzi si si oze ọna na ngwụ ini irasha ọnini ene fu keekere ẹfiẹni itabanaku ipaapa di dinẹ. ⁹Ọnọni vana si me ọpajiwe yi ẹyi ana yini ẹshẹ ụmaani. Irẹiza ọmimẹ ọnri isẹvọ ana kụa mẹ aani ọzi fụ teni ivefu ẹnẹna mirafẹkẹ tụni ọgụrigụ. ¹⁰Ayaanini ozi funa ọriri ọnri ofifu, bẹrẹ oze renyi renyi ọnẹ sii nyina ẹngwụ. Isẹnẹni bo vi vana mẹ tẹtẹ kk a siọ za ẹchiẹngwụụ sụ netu ẹfi ana va sii mẹ irẹzẹ ọwọọwa.Ọshishi varama zirẹ anya Ijesu Ikristi¹¹Ikristi ọ vẹ vene oshirẹsụ arụfa ọi isọiza bo ọna vẹ da. Itabanaku ana bani fu, dọ zẹ vi ọgụrigụ, ana razi sụvọ mẹ, ọnọ zi parafu, ọnọni ọzi bẹrẹ ẹshẹ ọnọni ọni Oshomohi mẹ. ¹²Ọzi vi zirẹngwụ anya ẹvụ ọnri ozi ụnọ, ama zirẹngwụ anya ẹngwụ aani ọnọ si ngwụ irasha ọna vi ọnini fu bo na ụpọnya yi ẹyi bo, dọ mẹ oze ọdidọtụ ayi poro pooro.¹³Fụvọki aaviki anya ẹvụ ọnri ụnọ bẹri atitọ ọnẹ che shi ẹnẹna razi nii, ọ sha wa tu yi Oshomoshi, do roze nyina ẹchẹngwụ aanini, ¹⁴ọ vọọ vi, anya Ikristi me fufu vaa vi, ọni ọna zirẹngwụ Ifẹ Ọnini ana ra poro pooro, dọ si ẹngwụ aani mẹ isẹvọ ọna razi nyi ẹvụvụ yi Oshomoshi, dọ nyina ivefu ayi fiini ụkọrọ ọnarazi nyi ọgụ bo, doti ye roze fẹkẹ Oshomoshi ọna ra poro pooro. ¹⁵Fụvavọ, ọ vẹ ini akaakana ireji ọwọ̣ọwa. Ọ maan vi, ọmẹ vi ki, ọza ọnya o su, do roze ji ẹnẹna yini ireji ipaapa tụ fiini aichama aanini, ẹnẹna shi vaa dọ otoowu ẹshẹ poro pooro.¹⁶Fụvọki izẹni ọza ya chẹrẹ iwe osisi a mẹmẹ vaa ga ogu awụọni ụmọni on re fusu, a bẹdọ siọzụ ki irẹiza ọni ọzọnọ fu su. ¹⁷Fụvọki ẹfi ọni ọzẹna chẹrẹ iwe tẹtẹ re fu su ọni osisi ana chẹrẹ tẹtẹ vaa zụụ vẹrẹ ọmimụkọrọ, fụvọki ọ zi nyi ụkata ẹfi ọni ọzọnọ yi yẹshẹ.¹⁸Fụvavọ, shi irẹzẹ ipaapa nyẹmbẹ vana si anya si shiẹtẹ. ¹⁹Fụvọki, ẹfi ọni Imosisi si ụmọ bo ana yini ofi yi aza bo da, dọ si anya ozi ụnọ ọnri ẹvụ bẹrẹ enyi, owotutu ovivi ọnri avi ana shi ihisọpụ, do chiesẹ iwe Oshomoshi nyẹmbẹ ọnri aza bo. ²⁰Inaanị, dọ ka, "Ọnọni ọno ̣vi anya ireji ọni Oshomoshi si ụmọ ka yụ wụ nin kụ wa mẹ.²¹Avọ ono me ze chi che anya shi itabanaku ọnri ọnya irafẹkẹ bo. ²²Ofi mẹmẹ kaa ọnọ vi ki isa bo ọnọ vọrọ ki a si anya nyina. Fụvọki, aaviki ọzi nyi ki aa ji anya, azẹzaa nyi ki a si aichama aza vayi aanini.²³Fụvọki, ọ sẹrẹ ki a si anya isụpa nyina isa bo ene vene isa ana yineeku. Tuavọ tuavọ, isẹvọ ene funa ọi isụpa ana va sii nyina isa ana yi ẹbẹẹba. ²⁴Fụvọki, Ikristi ọzi ngwụ irasha ọna vi ọnini fu bo, ọna si ụvọ mẹ, do vene ọna vi oboro; akikọnọ, ọ ngwụ ineeku ọiza nyẹmbẹ na, dọ na si ẹngwụ zụ ini ọvidi Oshomoshi yi yi.²⁵Ọzi ngwụ izọ na ki ọnọ na si ẹngwụ aani mẹ isẹvọ ụperika venebiri oshirẹsụ arụfa nin anaa si irayi irayi naa ngwụ irasha ọna vi ọnini fu bo zirẹngwụ anya ọzẹnẹsa. ²⁶Aaviki ọyaan vọọ vi, ọ̣ yaan vọrọ ki ọọ si ẹfi tụrẹfi rụya fụrẹ ẹfi ana fụrẹ si ẹshẹ kẹtẹ. Ama, ọmẹyani, ụpọnya kẹnẹ ini ẹfi ọni ẹshẹ aa vaa ta, ana si siọzụ do roze kụ aichama finoze zirẹngwụ isẹvọ ọno ̣si ẹngwụ aani mẹ.²⁷Aa mẹ ẹ tẹtẹ ka ụpọnya ọni ọza vee su, oo su da, dọọ veyika ishọji. ²⁸Inoze ọnyọnyạ, Ikristi nyẹmbẹ, ọna si mẹ isẹvọ ụpọnya ki ọ kụ aichama azẹrụrụ na, vaa si ẹngwụ zụ ụpọfụụva, aziviki ọ va jivi aichama, amaa fụvọ ọdidọtụ ẹnẹna vẹngwụnẹtẹ ee zi o.

Chapter 10Ikristi ọ si ẹngwụ aani mẹ irafẹkẹ ụpọnya fụvọ ẹyi bo

¹Fụvọki ofi vana vi ụmama isoiza ana vẹ, aivi isẹnẹ mẹmẹ ya ini irẹiza ọnẹ vi. Ẹnẹna si ẹngwụ isẹvọ ọni arụfa nin sii mẹ isẹvọ irayi irayi, nee tu Oshomoshi, azẹi zụa mẹ wa ọgụrigụ zirẹngwụ isẹvọ ẹnẹ. ²Ọ yaan vi ki isẹvọ ẹnẹ va zụụ mẹ wa ọgụrigụ, ẹ wa yaan kụa mi mẹ isẹvọ ẹnẹ? Inoze avọ, aaviki a yaan nyina aichama anirafẹkẹ ẹnẹ ụpọnya kọọta, ẹ zi yaan kụ tamayi aichama aanini. ³Ama, isẹvọ ẹnẹ vanaa si irayi irayi tamawaayi inọpati aichama. ⁴Fụvọki anya isụpa nin, ozi ụnọ, navẹki ẹvụ, ọi zụa kụ aichama fiini ẹshẹ ọza.⁵Ẹfi ọni Ijesu vẹ ini ẹshẹ ọnọni, dọ ka, "Aivi isẹvọ navẹki irafẹkẹ ọnọ vi osisi awụ Akikọnọ, engwu onuu teni tẹtẹ yimi ọnọ vi osisi awụ. ⁶Osisi awụ ọzi yini isẹvo anaa rira navẹki irafẹkẹ ana mẹ fụvọ aichama. ⁷Inaani, dim ka, 'Re mi, ẹmi yi, vene a mẹmẹ chẹrẹ ẹ tuni ụpa iwe inọpati ami, maa vẹ va mẹ osisi awụ.'"⁸Ipaapa, dọ ka, "ọzi vi isẹvọ navẹki irafẹkẹ navẹki isẹvọ ọvụọvụrụ ana rira, navẹki isẹvọ ana mẹ fụvọ aichama ọnu wee si. Ọzi nyi ẹfiẹnẹ si ngwụ wụ eyi vụụvụrụ." Isẹvọ ẹnẹni bo vana mẹ inoze ofi. ⁹Dọ zẹ ka, "Re mi, maa vẹ ki ma va mẹ osisi awụ." Ọ si ọmimẹ ipaapa finaani doti o roze zạ ọminẹ ụpọfụụva dinẹ. ¹⁰Zirẹngwụ osisi aani ọnọ, aa za yi dinẹ ini ọshishatụ renyi, zirẹngwụ isẹvọ ana si ẹngwụ Ijesu mẹ ụpọnya chọ yi anẹshẹ bo.¹¹Inoze ọnya arụfa ọnyọnya ọnọ vana dinẹ eyinieyini, dọọ fẹkẹ Oshomoshi. Ụmẹ tụrụ̣mẹ ọnẹ sii mẹ isẹvọ ọnya ọnya, ọzi nyi ẹfi ọnọ zụ si kụ aichama fụrẹtẹ. ¹²Inoze ọsa, Ikristi ọ mẹ Isẹvọ ọnya fụvọ aichama poro pooro, dọ na yatụ tụni akụvọri Oshomoshi. ¹³Oo zi ẹfi ana vi sii si ọnivi aani bo mẹ irẹfụ afụ aani. ¹⁴Fụvọki zirẹngwụ isẹvọ ọnya ọnọ ya mẹ aza bo ọgụrigụ ọnọ vi ki a ni ini ọshishatụ renyi ọnini poro poro.¹⁵Ifẹ Ọnini ọ zẹ di divenu yi yi: Fụvọki ọ kaa ini ipaapa ka, ¹⁶"Ọnọni ọnọ vi irẹzẹ ọnim vee pe wa ji inaama ẹkụshi ẹnẹ, avọ ọni Ananyiyi mẹ ka. Mva si ofi ami tụni ọtụtụrụma aanini, ọnri ka mvaa chẹrẹ ẹ tụni ayi aanini.¹⁷Mai kụa tamayi aichama ọnri amẹdu aanini vụụvụrụ." ¹⁸Ọmẹyani, izẹna ya si aichama vaya aanini fụvọ isẹnẹni, ọi kụ nyi isẹvọ ọnyọnyi ana vaa mẹ fụvọ aichama.Ọkụayitụra ọnii nyi ini ọdọwụ ¹⁹Fụvavo, ẹwụ nin enyara ami, yaa nyi ayiọvanẹtẹ kii vaa ngwụ irasha ọnini zirẹngwụ anya Ijesu. ²⁰Ọnọni ọnọvi oze ọwọọwa ana nyi ẹshẹ, ọnọ fụ sha yi yi zirẹngwụ ita ọjioze, ọni ọshafụsha aani ọnọ vi ki zirẹngwụ ụpẹngwụ. ²¹Fụvọki ya nyi Oshirẹsụ Arụfa Keekere anaa zama ireshi Oshomoshi, ²²a navọ di ya si ọtụtụrụma irẹiza ne tu o ini ọkụayitụra ọnii nyi ini ọdọwụ, di ya yẹ ki o che anya sẹ ọtụtụrụma ayi, doti ivefu ayi ọ vara ọnini fiini ọshimi, onri ki a si enyi ọnini nyina yi ẹngwụ.²³A navọ di ya zẹ si sụvọza ọkụayitụra ọnii nyi tụra iribatọ ayi ọnii divenu kokoro,asii na va afụ naama, fụvọki Oshomoshi ana mẹ otowu yi yi vi ọnirẹiza. ²⁴Navọ doti ye sioze iimẹmẹ vaa tụ ẹngwụ ọtụtụrụma ini osisireyi ẹngwụ ọnri ọiza ọmimẹ. ²⁵Navọ asii turafụ naama ini opiperẹngwụ gụ vene azẹnyi mẹ mẹ. Akikọnọ, a navọ di yaa tụ ẹngwụ̣ ọtụtụrụma kokoro ini opiperengwu gu di si kamarenu tụọ fụvọki yere ki ọkụshi ishọ aa kavaape.²⁶Fụvọki aaviki ya yẹ kụafụ shi aichama ọmimẹ inaama ọnii nyi ọyiyẹ ini ireiza da, ọi kụ nyi isẹvọ aichama ọnyọnyi ọna yinaani. ²⁷Akikọnọ, angwashi iribatọ ishọọji ọnaa vẹ ọnọ ku vọ, ọnri ira ọbani ene vee vu ọnivi Oshomoshi nin irii.²⁸Ọza tụrọza ana razi vatụra ofi Imosisi vene vee su, azẹzaa nyi ayụva yọ, aaviki azẹnẹẹva navẹki azẹnẹẹta ẹẹ divenu ki ọ vọọ mẹ. ²⁹Ọzẹna kụ afụ shi Ozi Oshomoshi mẹ fufu vaa rụyaa tu aavọ, ana zaa sii si anya ireji mishavara, doọ kaạ ki ọzi vi ọnini --- anya ọno ̣vi ki aa si mẹ ọshatụ renyi yọ --- dọ kụ Ifẹ Ọnini ọiza ọfẹ ụfụ?³⁰"Fụvọki ya yẹ ọzẹna kaa ka, atọ osisi vi ayami, mvee si atọ." Zẹtụọ, "Ananyiyi vaa jishi yi aza aani." ³¹Irẹyi angwashi ọbani ọnọ vi ki ọza ọ ngwụ irẹpa Oshomoshi ana ra!³²Ama, tamayi ụmẹ iyẹyẹ, ụmẹ ọnuụ̣ nyi ọyiyẹ, ụmẹ ọnụụ nyi ọsiengwudọ ọbani, dụụ sikamarenu ini ụyọọri. ³³Aa mẹ ụshi nyi wụ ini orere, da kụ wụ ụfụ, da mụya rụ wụ fụvọ ọdọwu, di ẹwu ̣ri azẹrụrụ gẹ nyi ọgiga ini ụyọọri ọnọ. ³⁴Fụvọki wa nyi ayuva yi ẹnẹna yini ijaaru, du nyi ọsiẹngwụdọ, dụụ si inoshine si o, a mẹ si ẹkẹẹka kụ ogu ireshi awụ. Waa yẹ ka ẹwụ nyẹmbẹ ọ nyi ogu ọsa ene fu, ene re me vurii.³⁵Fụvavọ asu ne ọkụayitụra awụ ta, ananyi ọgu ọbani. ³⁶Fụvọki ọ vọrọ kụ a nyi nyi umẹnẹ, du we roze dọ isẹnẹ Oshomoshi mẹ otowu aani, ẹfi ọnu ra mẹ osisi aani da. ³⁷"Fụvọki ini ẹfi che ọza naa vẹ, vaa vẹ inireiza, ini ene re zee ku.³⁸Ọmanasẹrẹ ami nin vana vaa ra ini ọdọwụ. Aaviki ẹ varama, inẹ ami ozee shinee tu wa." ³⁹Ama ya zi bẹrẹ ẹnnẹna varama tụni ovivurii. Akikọnọ, yaa ya bẹrẹ ẹnẹna nyi ọdọwụ, anaa za ifẹ dinẹ.

Chapter 11Oshomoshi ọnọ si ụmọ tụ isa bo vẹshẹ

¹Ọmẹyani, ọdọwụ vi isẹni ọza kụ ọtụtụrụma bo tụra, ọnọọ nyi iribatọ aani. Ọni ọnọ vi ọdọrenu isọni ọza rezi ri re. ²Fụvavọ, oshuku nin ẹ dọwairenụ ini ọdọwụ aanini. ³Zirẹngwụ ọdọwụ, yaa yẹ ki Oshomoshi ọnọ si ụmọ tụ isa bo vẹshẹ, fụvavọ azẹzi mẹ isa enee re fiini isa enee re.⁴Zirẹngwụ ọdọwu ọni Ebẹẹni ya mẹ isẹvọ one funa isẹvọ Ikeeni yi Oshomoshi, inaani ana ya mivenu ka ọnirẹiza ọnọ vi, di Oshomoshi ka ọiza inopati isẹvọ aani, ọnri ka ziri ọdọwụ, Ebẹẹni a kii karẹyi vetu ụmaani shọmẹ daka vi ki o fu su da.⁵Zirẹngwụ ọdọwụ ana ya si Enọkụ nẹbẹẹba, dọ razi siri gẹrẹ isu. "Azẹzi ku re, fụvọki Oshomoshi ọnọ si ọ." Fụvọki da va tangwa si ọ nebẹẹba, aa divenu aani ki ọ mẹ Oshomoshi inẹ shine. ⁶Ọmẹyani, ọza razi nyi ọdọwụ, ọi zụa mẹ Oshomoshi inẹ shine. Fụvọki ọ sẹrẹ ki ọza ana raa vẹ inọvidi Oshomoshi ọ nyi ọdọwụ kẹ ẹzẹ na vi di Oshomoshi ki Oshomoshi yinaani, ọnri ki ẹnẹne si o vẹ venee re ọgụ dọ fiinụvọ aani.⁷Zirẹngwụ ọdọwu ọno ̣mẹ ki amẹ ki Oshomoshi mẹ titụ shi Inoa inọpati isa ọni eyi rezi ri re shi Inoa, ini angwashi Oshomoshi, di Inoa bẹ ẹpa ọnọ si dọ ireshi aani tụ. Ọ maan mẹ, dọ jivi yi ẹshẹ, dọ si vara ọzẹ̣na nyi ọgiga ini irẹiza ọminẹ inoze ọdọwụ.⁸Zirẹngwụ ọdọwụ, ẹfi ana shi Abrahamụ, dọ wụrẹyi tụ Oshomoshi irenu, dọ kwẹẹ̣tẹ, dọ nọ izẹni Oshomoshi si ọgụ yọ. Ọ mẹ kwẹẹtẹ ọzi yẹ irasha ọnọọ nọ, dọ vọ aa zụsẹẹ na kẹnẹ. ⁹Zirẹngwụ ọdọwụ ọnọ si ra tụ irẹkụra azẹnẹsa vene ọzọga ini ẹtẹ ọni Oshomoshi da yọ. Ọn ri ezi aani Aiziki ọnri Ijekọbụ ẹnẹ gẹ ra tụni ajengwụ ẹnẹna nyi ọgiga ini otoowu Oshomoshi. ¹⁰Fụvọki irẹkụra ana nyi oshiẹtẹ ọnọ kụeyitụra, irẹkụra ọnọ vi ki Oshomoshi ọnọ vi ọdareshi ọnri ọtụrareshi aani.¹¹Zirẹngwụ ọdọwụ, shọmẹ daka vi ki Isera nyẹmbẹ vi ọgụọri, di Abrahamụ dọ ụkata ozi ọmima, dọ si vara adozi. Ọ maan vi fụvọki ọmẹ daka vi ki Abrahamụ si para ẹfi ozi ọmima fu, ọ divenu ki ọzẹna mẹ otowu yi ọni vi ọnirẹiza. ¹²Fụvavọ fiini ọzọnya ọnọni ana gamo su, ọna ya ma ezi venebiri ụzomi ana chaka shi ovurukutu ini ụrụrụ, venebiri ezi ini ụtọ irefu ana rai zụa zika.¹³Zirẹngwụ ọdọwu ọni enbo ye su, de rezi ri otowu ẹnẹ dọ. Akikọnọ, inaama one re wa, dẹ kụ wa da, fụri irasha ọgọdọ, di ẹn nyẹmbe va dọ zẹ ki azẹga ọnri azẹna fụ tụẹshẹ ọnẹni vi. ¹⁴Fụvọki ẹnẹna maan ka ẹngwụ irẹyi ẹnẹni ẹ siọzụ ki enee si irẹkụra ọnẹni va sii mẹ ayi awụọnini ụvọta.¹⁵Aaviki irẹkụra ọnẹ jinẹ fụrẹ ọnẹ yaan e ro inọpati aani, o yeen tu ụpọnya dẹ kaa ki ẹ naa neeshi. ¹⁶Ama ọmẹ va ya aani, irẹkụravabẹ one zoza funa izẹnẹ fụrẹ; ọnọni ọnọvi irẹkụra ineeku. Fụvavọ, ọzi vi ụshiọnyi yi Oshomoshi ki ọni ọnọ vi Oshomoshi aanini, ọmẹ vi ki o teni irẹkụra ọbani ọsa tẹtẹ yụ wa da.¹⁷Zirẹngwụ ọdọwụ ọni Abrahamụ ya si Aiziki misevọ, ẹfiẹni Oshomohi zama a re. Ozi ọnya chọ ọnọ nyi ọnọ si misẹvọ yi Oshomoshi, ọni ọna mẹ otoowu yi. ¹⁸Abraamu ọna kaa yi ka, "Zirẹngwụ Aiziki ọna va ya si irẹsha yi ezirama awụ." ¹⁹Di Abrahamụ ro ki Oshomoshi va zụụ sha Aiziki fiini akaakana ẹnene fu su varama vẹshẹ; aa vana kaa ki a zama ireyi ọnọni re, fiini akaakana aanini ọni Abraamu dọ Aiziki varama fụrẹ vẹ.²⁰Zirẹngwụ ọdọwụ inọpati isẹnaa vẹ ini iramụrụọ, ọni Aiziki si mẹ ẹdabẹrẹ yi Ijekọbụ ọnri Isọọ. ²¹Ẹfiẹni Ijekọbụ e vee su, zirẹngwụ ọdọwụ ọnọ si mẹ ẹdabẹrẹ yi ezi Ijosẹfụ ọzọọza. Ijekọbụ vana kụa vaa zirẹ ọchiọkẹtẹ, dọọ fẹkẹ Oshomoshi. ²²Ẹfi Ijosẹfụ me tu ọnọọ vaa na, zirẹngwụ ọdọwụ ọni Ijosẹfụ ya karẹyi inọpati ezi ani Isrẹni nin mẹ vaa fụri Ijipti, dọ sumọ kaa yụ wa inọpati ọchụkụ ẹngwụ aani.²³Inaama ana ma Imosisi, zirẹngwụ ọdọwụ ọna ya si Imosisi tẹ gụ gụ ụfẹ ẹẹta, fụvọki ee re ki ozi ozoza ọnọ vi. Angwa ozi shi wa ki oshinọyi ọ mofi tẹtẹ. ²⁴Imosisi mẹ si fụ, zirẹngwụ ọdọwụ ono si yi ki asa shi ọni aazi Ifero. ²⁵Dọ kaa ki ọn va bẹrẹ aza Oshomoshi rụya, akikọnọ ọ vọri ki ọnọ riẹshẹ aichama ini ẹfi keere. ²⁶O roo netu ki ụshiọnyi ana yini ọvivatụra Ikristi ọ nyi ụbani funa ogu keekere ana yi Ijipti. Fụvọki ọgụ ọnọ vaa ri ini Ananyiyi ọnọ kụeyitụra.²⁷Zirẹngwụ ọdọwụ ọni Imosisi kwẹẹtẹ fụri Ijipti. Ozi nyi angwashi ọikụ oshinọyi, fụvọki ọ nyi ọsiengwụdọ, do vene ki o re Ananyiyi ọni ọza re me re. ²⁸Ziri ọdọwu ọnọ si ri Upe Ọpiparafu ọnri ochiche anya sẹ, doti asi odusa vasha ana wụ ozi ipapa nin zụ kani ezianẹrụ ipapa ani Isrẹni nini.²⁹Zirẹngwụ ọdọwụ ọnẹ si sụfụfụ jinẹ okufa Iridi venebiri ki ẹtẹ osusu ẹnẹ zi parafu. Ani Ijipti nin mẹ moọ̣re, di enyi mụnẹ wa. ³⁰Zirẹngwụ ọdọwu ọni ọvọ Ijẹriko ye wu nyẹtẹ inaama ọnẹ si ẹkushi ishimba vara kara a. ³¹Zirẹngwụ ọdọwụ Irehabu ọsẹrẹka rezi si su bẹrẹ anakamawụ nin fụvọki ọ tanụvọ ẹngwọrọ dọ azẹna tụ ki e bebe na zamẹtẹ.³²Yere ọnim kụ zẹ vaa ka tụọ? Ma zi nyi ẹfi ọnim va zụ ku si karẹyi inọpati Igidiọni, Ibaraki, Isamsini, Ijefita, Idevidi, Isamụẹni ọnri ọkisẹ nini. ³³Zirẹngwụ ọdọwụ ọnẹ si fụrẹku ijọva, dẹ jishi ẹtẹrẹ, dẹ ri ọgụ otoowu. De za idu nini irenu kuoku, ³⁴De mii ụkata ira, dẹ javo finụvọ itakovi, da fụ wa ikụ ẹrụrụ ẹrụrụ sha, dẹ vara azẹbani ini irẹkụ ọkikụ, dẹ fụrẹkụ one pe irẹkụra ẹrụrụ ẹrụrụ kụ.³⁵Anyẹnẹ nin e re aza aaniniene fusu varama zirẹngwụ ọshi sha kwẹẹtẹ fiini isu. Ẹnyi vana mụyari ̄noze ana razi sẹrẹ, dẹ razi zẹ ki a fụrẹ ẹni ụvọ, doti ọshisha kwẹẹtẹ aani ọ zụ vi ebebaani. ³⁶Ẹnyi vana zamare ini ụshiọnyi ọnri ọsi si inori tu, ọkikụ ẹba shi wa afụ, da kụ wa shini ijaaru. ³⁷Ee ne wa akụkụ. A sha wa tụ oze ẹẹva. Aa si itakovi wụ wa. Dẹ kụ ụpa atẹmẹ ọnri ụpa ẹvụ ku ẹngwụ aa ngwụọ ziizi. Onriwa ọnẹ vi, daa va wa iriw, daa mụyaa rụ wa. ³⁸Anẹshẹ nin ẹzi nyi ụbani yaa wa. Dẹẹ ngwụ ọ ziizi ini ụnọmi, ifege ọnri ụtafa; shi ụsi inẹtẹ vọnẹẹ ngwụ.³⁹Shọmẹ daka vi ki azẹnenị bo ọni Oshomoshi dọ ivenu fuvọ ọdọwụ aanini, ama ezi re otoowu ọnọ dọ. ⁴⁰Oshomoshi ọ mẹ eto ene fu bo tẹtẹ yi yi, doti asa vara wa ọgụrigụ, ọọzi vi zirẹngwụ ayi.

Chapter 12Ijesu ọnọ vi oshiẹtẹ ọdọwụ ayi

¹Fụvavọ, ọmẹ vi ki onivẹnụ ẹrụrụ ẹẹ varakara yi, a navọ di ya kụ isa bo ana vaya yi vasha, shi aichama one zu gẹ yi ẹngwụ. Navọ di ya vẹngwụnẹtẹ di yee zuechi ọdọwụ anạ yini ọvidi ayi. ²Navọ di ya kụ ọtụtụrụma tụra Ijesu ana vi ivẹrẹ ọdọwụ, ọnaa mẹ ọdọwụ ayi ọgụrigụ. Fụvọ ụjẹ ana si tụni ọvidi aani, dọ siẹngwụ dụya ini ọchi avashi, do mii ụshiọnyi ana yinaani aba, dọ na yatụ tụni aka ụvọri ogede Oshomoshi. ³Fụvavọ, ro inọpati ọzẹnọ vi ki ọ siẹgwụ dụya ọkikachire oni anaichama nin mẹ shi o, doti asọ na tụ wụ ini ọtuturuma, dụụ va na varạma fiini ọdọwụ.Asụụ va ẹngwụ shiẹtẹ nini ⁴Wai di dinẹ gerigeri veyi irazi ka aichama netu ki e che anya awụ sẹte; ⁵ọnri ki we shayi ọtitụ ọna tụ wụ nin ụkata zirẹngwụ ọzizụ vene ezi: "Ẹwụ ozi ami, asụụ sieyiwụ ofuvọ Ananyiyi, navẹki ọ tụ wụ aaviki ọ zụ wụ oze ana sẹrẹ." ⁶Fụvọki, ọzẹni Ananyiyi sirẹyi aani ọnọọ tụ ofuvọ, dọọ mụyari ọzọọza ini ozi aani bo ọnọ ra tanụvọ dọ.⁷Siẹngwụ dọ ụyọọri vene ki Oshomoshi vanaa siọ zụ wụ irẹyi. Oshomoshi vene pe wu nin mẹ vene ada mẹẹ pe ozi mẹ. Ọwa nyi ozi ọni ada aani ra ma zụrẹyi? ⁸Ama, aaviki wa zi nyi ọzizụ ọni aza bo nyi ọgiga inaani, ọnọ vi ki ozi inavi ọnụụ vi nini, wa zi vi ozi aani nin.⁹Zẹtụọ, ya nyi ada nin ini oze ẹchẹngwụ, ana zụ yi irẹyi, dii dụbani yụ wa. Ọwa razi vọrọ ki ya wụrẹyi tụ ana vi Ada ifẹ bo irenu, doti yaa mẹshẹ? ¹⁰Fụvọki, inoze ọnya, ada ayi nini ẹ zụ yi ireyi ini ẹkụshi che inoze ana sẹrẹ ini eyi aanini. Ama inoze ọsa, Oshomoshi ọ zụ yi irẹyi, dọ siọ mọgụvọ yi yi, doti ya zụ nyi ọgiga ini ọnini aani. ¹¹Ọzi nyi ọtituofuvọ onee shine ụmavọ. Ama, ụmoretu dọ tụ ẹtụtụ engwọrọ ọi ireizạ yi ẹnẹna siọ pa.¹²Fụvavọ si ụviẹchi yi avọ awụ ana vashi, shi iduunku awụ ene ku che. ¹³Waa zụsẹ inoze ana vọrọ ini Ijesu, doti asi isẹnẹ bidi kụmi tẹtẹzẹ na bụnẹ, akikọnọ navọ doti ọ vi.¹⁴Re ku wee pe aza bo ra ini engwụọrọ ọnri ọnini, fụvọki ọọzivavọ, ọzi nyi ẹzẹne ve zuu re Ananyiyi. ¹⁵Yarazi, doti asọ na nyi ẹzẹna razi nyi ọiza ọfẹ Oshomoshi, onri ka asọ na nyi ẹpa inoodu, ana vaa chi jinẹ, dọọ na kụ ireyi shiẹtẹ, doti asi azẹrụrụ va na kụ ẹngwụ ku inaani. ¹⁶Yarazi asọ na nyi ẹzẹna mẹ abedu asụ navẹki ẹzẹna razi nyi Oshomoshi venebiri Isọọ ana fụvọ isari ụpọnya na ọkụshi irẹsụ aani. ¹⁷Fụvọki waa yẹ ka, inaama ọnọ, doo vee si ki ọ naa ri ọgụ ẹdabẹrẹ aani, de yi o tẹtẹ, fụvọki ọi ve ku roze rinẹ varama, shi ọ mẹ daka kẹgọ tụọ, o mee sio varama.Ijọva ene rezi sheni ¹⁸Fụvọki aivi irẹsụfa ana va zụụ sụvọ kani ọnụụ vẹ inaani, irẹsụfa ira anaa za, oozi, ọkarẹsụshi, ọnri opoonu. ¹⁹Aivi izẹni ikakanchi yaa sụrẹyi ọnụụ vẹ, naveki u ve tu ọngwẹ ana kareyi, di ẹnẹnaa wụ irẹyi ọnọ aa dipẹ ki asọ kụ karẹyi ọsavyi ẹni. ²⁰Fụvọki ẹi zụ siẹngwụdọ iisẹnakaa yụ wa ki ẹ mẹ, ka, "Shọọ daka vi ki ụsụpa ọnọ kani irẹsụfa ọnọ, a bẹdọ vaa si irẹta wụ ọ." ²¹Izọ o shu wa angwa netu ka, di Imosisi kaa ka, "Angwa o shimi ee shi mi, ẹngwụ ami aa ba."²²Akikọnọ, izẹnụụ vẹ vi irẹsụfa Izayọni ọnri irẹkụra Oshomoshi ana nyifẹ, Ijerusanẹmụ ineeku ọiza ọnri idi angẹni akashi oze ẹẹwụ avaavọ oze ọrụrụ anaa jụjẹ. ²³Iragụ ozi ipaapa ọnụụ vẹ nini, ana si irẹsha aani tẹtẹ tụ ineeku ọiza. Wa vẹ idi Oshomoshi ọmishọọji isa bo ọnri ife aza ọiza bo ọnọ vi ki a vara ọgụrigụ da. ²⁴Wa vẹ idi Ijesu ana vi anakaakana irẹzẹ ọwọọwa ọnri anya one che sẹte,̣ ọnọ si vi ki irẹyi ọni anya aani ka o funa irẹyi ọni anya Ebẹẹni ka.²⁵Re kụ wa zi mẹ akamawụ shi Oshomoshi ọnaa karẹyi yụ wụ. Fụvọki ẹ mẹ razi javọ rẹsụ rẹsụ ẹfiẹnẹ mẹ akamawụ shi ẹzẹna kareyi shi wa in ẹshẹ ọnọni, ọmẹ fufuvaavii yi ẹyi aavọ, aaviki ya mẹ akamawụ shi ẹzẹnaa kayọnọ fụri ineeku ọiza. ²⁶Ini ụmẹ ọnyi, ọngwẹ aani o sheni ẹshẹ. Ama, ọmẹyani, o woto da ka "Ụpọnya tụọ, aivi ẹshẹ renya ọnim vee sheni, shi ẹbẹẹba bo vọnim vee sheni."²⁷Ọshafụ sha irẹyi ẹnẹni, "Ụpọnya tụọ," onọ vi ka, a vaakụ isẹnẹ va zụụ sheni kụra, ini isa bo ana tụ vẹ vẹshẹ, doti isẹne re me zu sheni ẹ dinẹ. ²⁸Fụvavọ a navọ di ya kụ Oshomoshi avọ fụvọki yee re ijọva ọni isọnsọnyi rei zue sheni, di ya si ụbani ọnri angwashii fẹkẹ Oshomoshi. ²⁹Fụvọki Oshomoshi ayi vi ira enee vu isa bo irii.

Chapter 13Irafẹkẹ ana ngwụ Oshomoshi eyi

¹Navọ di osisi ẹnyara ọọ nọvidi ini akaakana awụ nin. ²Asu shayi kụ wa mẹ irẹiza ka azẹga na nini. Fụvọki zirẹngwụ ọnọni ọni azẹnyi ye si angẹni ọzọga dẹ razi yẹ.³Tamayi anijaaru nin venebiri ki e chire wu nini bẹrẹ wa. Tamayi ẹnẹnaa varuwa, venebiri ki ẹngwụ ẹwụ nin nyẹmbẹ vana yini ẹngwụ aanini. ⁴Navọ doti aza bo ẹ sụbani yi ẹshẹ eserevạ. Navọ doti ode esereva ọ vi ọnini, fụvọki Oshomoshi vaa mishọọji yi ẹnẹna mẹ udu asụ ọnri irẹka ọsisẹ.⁵Navọ asụụ nyi osisi ẹkẹshi ini ọmimẹ awụ. Navọ di isa ọnụụ ra nyi ọ ̣fụ wụ, fụvọki Oshomoshi nyẹmbẹ ọ kaa ka, "Ma zaa fụrẹ wụ ụvọ, domotori ki maa jụ wụ tẹtẹ." ⁶Navọ doti isa ọnii ra nyi ọ fụ yi, di ya zụ nyi ọtụtụrụma kaa ka "Ananyiyi ọnọ vi ọnọgụvọ ami; angwa ozee shi mi. Sọni anẹshẹ va zụụ sii mẹ mi kẹ?"⁷Si ọdọvidi awụ nin zama irẹyi ọnọni re deere, ẹnẹna kareyi Oshomoshi yụ wụ nin, dụ wa zama ọvairẹsụ ọmimẹ aanini. Fama wa ini ọdọwụ aanini. ⁸Ijesu Ikristi mẹ ya irẹri, avọ ọnọ mẹ ya irajini, ọnri poro pooro.⁹Asụụ navọ ki ọzizụ renyi renyi ọ za wụ nin nyeeyi. Fụvọki o zoza ki ọiza ọfẹ ọnọ ra tụ ọtụtụrụma ayi ụkata, aivi zirẹngwụ isari ọna razi nyi ọgụvọ ọnọọ mẹ yi ẹnẹnọ vi ki ọi isari kẹnẹ ọnẹẹ wụ. ¹⁰Yaa nyi ọpẹtẹ ọnọ vi ki ẹnẹnaa mẹ irafẹkẹ ini ireshi Oshomoshi ẹzi nyi ụmọ ki ẹ ri isari aani. ¹¹Fụvọki anya isụpa ana wụ fụvọ aichama vọni oshirẹsụ arụfa si anya aani na ngwụni irẹngwụ ọnini, ama dẹẹ jinẹ tụra fiini akaakana aza na ri uye isụpa ẹnẹ ira ini ẹshẹẹshẹ.¹²Avọ ọni Ijesu mẹmẹ rụya ini ẹshẹẹshẹ ọchiọfọ irẹkụra ana zi ngwụ irekura, doti a zirẹngwụ aani vara a tụni ọnini. ¹³Fụvavọ a navọ di ya a jinẹ ne tuo ini ẹshẹẹshẹ̣ ọba, di ya siẹngụdọ ụshi ana mẹ nyi ọ. ¹⁴Fụvọki ya zi nyi udi tụ irẹkụra izọni poro. Akikọnọ, ana yini ọvidi aa vẹ ọni yee si.¹⁵A navọ di ya zirẹngwụ aani mẹ isẹvọ ụga yi Oshomoshi, ụga ana vi ẹtụtụ onupa ọnaa shi irẹsha aani. ¹⁶A navọ asii shayi ọiza ọminẹ ọnri ọgụvọ ọmimẹ yi ẹngwụ. Fụvọki ẹngwụ isẹvọ ẹnẹni ọnọọ mẹ Oshomoshi inẹ ẹ shine kokoro. ¹⁷Wụrẹyi tụ oshirẹsụ awụ nin irenu, dụ we nyimarẹsụ nẹtẹ yi ẹnẹnaa kụ ụ nin zi, fụvọki eni ẹnaa sieyipe ifẹ awụ nini venebiri ẹzẹna vaa karenube inọpati awụ nin. Wụrẹyi tụ wa irenu, doti ẹ zụ mụkọrọ aanini bẹrẹ ụjẹ, aivi ka dẹẹ rifufu, ana razaa mọgụvọ yụ wụ nin.¹⁸Tụozurenu yi yi nin, fụvọki ya dọ ẹngwụ ayi irenu ki yaa nyi ivefu ọnini, ọnri ki yee si ki ya mẹ ana vọrọ ini isa bo. ¹⁹Maa tụ wụ ụkata kụ wa sikamarenu tụọ nin, dụ waa mẹ isọnọni, doti a jantụ zụ si mi varama ve tu wu nini.Ọiza ọfẹ Oshomoshi ²⁰Ọmẹyani, Oshomoshi ẹngwọrọ ana si ọkụatẹmẹri fiini akaakana ẹzẹne fu su va vẹshẹ, Ijesu Ananyiyi, zirẹnvwụ anya irẹzẹ poro pooro, ngwụ ini anya ni, ²¹ọ va mẹ wụ ọgụrigụ ini isa bo ana vi isọiza, dụ wa va zụ mẹ osisi aani. Oshomoshi ọva va mẹ ụkọrọ ininẹ ayi, ana vaa mẹ yi inẹ shine inọvidi aani, zirẹngwụ Ijesụ Ikristi ana nyi ụga poro pooro. Aami.Ụkụ ọikọọta ²²Ọmẹyani, maa tụ wụ nin ụkata, ẹwụ nin ẹnyara ami, siẹngwụdọ irẹyi ọtitụ ọza ụkata ọnim chẹrẹ tushi wu nin. ²³Mee si kụ wa yẹ nin ka, a na, ọnyara ayi Itimoti, tụ da; ẹmi riọ vaa vẹ vee rewu nini ini ene rezee ku, aaviki ọ jantụ vẹ.²⁴Kụ ọdọvidi awụ nin bo, shi anọdọwụ nin bo. Ẹnẹna fụri Itani vẹ ki a kụ wụ nini. ²⁵Ọiza ọfẹ ọ va yabẹrẹ wụ nin bo.

Revelation

Chapter 1Irẹyi ipaapa ọnri ụkụ

¹Ọnọni ọnọ vi ọsizụ ọi Ijesu Ikristi ọni Oshomoshi si yọ ki ọ si zụ ezida aani, ini isẹnẹ bẹdọ vaa mẹ. Ọ siọzụ zirẹngwụ itụ ọnọ tụ angẹni aani shi Ijọọnụ ozida aani. ²Ijọọnụ ọ karenube inọpati irẹyi Oshomoshi ọnri irenube ana ka inọpati Ijesu Ikristi, shi isa bo ono re. ³Ẹdabẹrẹ ọnọ vi yi ẹnẹna vaa si ọngwẹ tụ̣ẹba ka iwe ọnọni, dẹ zẹ sụtọpeẹtẹ tụni irẹyi ẹtoore ọnọni, ọnri ẹnẹna si irẹyi ẹtoore ọna chẹrẹ tẹtẹ aani mụkọrọ, fụvọki ẹfi aa kavaape.Ijọọnụ ọ kụ ichọọchi ishimba ana yi Eshiya⁴ijọọnu,̣ tushi ichọọchi ishimba ana yi Eshia: Ọiza ọfẹ ọnri ẹngwọrọ, finụvọ ẹzẹna vi, ọnạ bidi vi, ọnri ọna vaa vẹ; zẹ fi finụvọ ifẹ ishimba ọna yini ọvidi ogede, ọ ya bẹre ̣wụ nini, ⁵zẹ fi finụvọ Ijesu Ikristi ana vi onivenu ọna vi ọnirẹiza, dọ vi ozi ipaapa fini azene fu su, ọnri oshirẹsụ oshinọyi ẹshẹ ọnọni. Yi ẹzẹne ̣sirẹyi ayi, dọ si anya aani dọyitụ fini aichama --- ⁶dọ si yi vara ijọva ọnri arụfạ yi Oshomoshi Ada aani --- ọni ọnọ nyi ụga ọnri ụkata poro pooro. Aami.⁷Re, ọ vaa vẹ bẹrẹ egushi; iri bo vee re e, shi ẹnẹna ka ọbọdọ ngwụ ọ ẹngwụ. Anda keekere ana yẹshẹ vaa karẹsụshi fụvọ aani. Avọ ọmẹ vi. Aami. ⁸"Ẹmi ọnọ vi aafa ọnri omega; ọna vi, ọna bidi vi, ọna vaa vẹ, ọnụkata bo." Avọ Oshomoshi Ananyiyi mẹ ka.Ijọọnụ o re Ijesu⁹Ẹmi Ijọọnụ --- ọnyara awụ one pe wu nyi ọgiga ini ụyọọri ọnri ijọva ọnri ọsisiẹngwụdọ ọna yini Ijesu --- mmẹ yi irẹkụra akaakana enyi ọnaa shi Ipatimọsi fụvọ irenube Oshomoshi ọnri ivenu inọpati Ijesu. ¹⁰ Mi yini Ifẹ Ọnini ini ọkụshi Ananyiyi. Dim wụ ọngwẹ ọne nowu tụẹba vene ọpani fiinaama ami. ¹¹Dọ ka, "Chẹrẹ isọnụ zee re tụni iwe, dụ wa siọ tushi ichọọchi ishimba --- tushi Ẹfesusi, Isimaina, Ipẹgamọmi, Itayatira, Isadisi, Ifinadefiya ọnri Inaodisiya."¹²Maa vareyi varakara ki me re ọngwẹ onee pe mi karẹyi, mmẹ vareyi dim re irakọpa ishimba ọna si igoonu mẹ. ¹³Dim re ọzẹne vene ozi ọza ini akaakana irakọpa ishimba ẹnẹ, do chire auru ọna gọdọ ne ku o ụfụ, dọ si ọja igoonu sụọ kara irachi.¹⁴Di Irẹsụ aani ọnri ẹyi aani a vụẹtẹ bẹnẹbẹnẹ vene owuotutu --- dọ ọvụọvụ vene irẹta Oshomoshi one pere gụ, di iri aani vene ira ọnaa za. ¹⁵Di ụfụ aani vene enyisụẹ ana da nyenyere, enyisụẹ ọna si ira akuru teni ẹngwụ, di ọngwẹ aani a sụrẹyi vene enyi irefu ọnaa da bụdụ. ¹⁶Dọ za ụzọmi ishimba chaụvọ tụni ụvọọri, di itakovi ana rẹ ọnyeyi ẹẹva aa jinẹ fineenu aani. Di eyi aani aa za vene ọyi ọọdụ gogogo.¹⁷Mmẹ si iri gẹrẹ ẹ, dim sẹdụ nyẹtẹ tụni ọvidi aani vene ọzẹne fu su. Dọ si ụvọọri aani tụra mi, dọ ka, "Asuu shiangwa. Ẹmi ọnọ vi ipaapa ọnri okeke, ¹⁸dim vi ẹzẹna ra. Me bidi su, ama, re, maa ra poro pooro! Ikọkọrọ isu ọnri ineeku ọrọkọtọ yinụvọ ami.¹⁹Fụvavọ chẹrẹ isẹnu re da tẹtẹ, isẹnaa mẹ ọmẹyani, ọnri isẹnẹ vaa mẹ inaama ọnọni. ²⁰ Ọyiye ọna tẹ inọpati ụzọmi ishimba ọnụụ re inụvọọri ami, ọnri ọchi irakọpa ishimba ọna si igoonu me yi: Ụzọmi ishimba ẹnẹ, ẹnẹ vi angẹni ichọọchi ishimba ẹnẹ, ọnri ki ọchi irakọpa ishimba ẹnẹ vi ichọọchi ishimba."

Chapter 2Itụ ọna tụ shi ichọọchi ọna yi Ẹfesọsi

¹"Tushi angẹni ichọọchi ọna yi Ẹfesọsi, chẹrẹ ẹ: 'Ẹnẹni ọnọ vi irẹyi ọna fineenu ẹzẹna za ụzọmi ishimba chaụvọ tụni ụvọọri aani, dọọ zụsẹ ini akaakana ọchi irakọpa ishimba ọna si igoonu mẹ, ²Maa yẹ ụkọrọ ọnụụ mẹ, ọnri ọnyinyaka ọnụ wa nyaka ọnri ọsiẹngwụdọ awụ. Maa yẹ ku we me pe azeshimi nin mẹ. Maa yẹ ka ẹnẹna kaa ki ọnitụ (apostẹri) Ijesu ọnẹni vi, waazama wa re, ama duu re ki anapinẹ ẹnẹ vi.³Maa yẹ kụ wa nyi ọsiẹngwụdọ, dụụ dụyari fụvọ irẹsha ami, dọ razi tii tụ wụ. ⁴Ama ọ nyi isọnya ọnụụ mẹ ọna razi ngwụmeyi, ọnọviki, waa navọ osisi ipaapa awụ nin tẹtẹ. ⁵Fụvavọ, tamayi irasha ọnụụ ya sẹdụ nini. Rinẹvarama dụ waa varama mẹ isẹnụụ bidi mẹ ini ipaapa nini. Ọọzivavọ, mvaa vẹ vaa tụ ọchi irakọpa awụ nini fụri irasha ọnọ ya, ọchishi kụụ rinẹvarama nini.⁶Ama wa nyi isọnya nini: Waa nyishẹrẹ isọni eziafụ Inikorọsi nin mẹ, avọ ọni ẹmi nyẹmbẹ mẹ zẹ nyi nyishẹrẹ aani. ⁷Ẹzẹna ra nyi ụtọ, o batọ tụni isẹni Ifẹ aa ka yi ichọọchi nini. Ẹzẹna raa fụrẹkụ vọnim mvaa si ụmọ yi ki ọ ri fini ẹtụtụ ọchi ọnaa si ẹshe yi ọzạ, ọna yininẹ ụbazi Oshomoshi."'"Itụ ọna tụ shi ichọọchi ọna yi Isimaina⁸Tushi angẹni ọna yini ichọọchi Isimaina, chẹrẹ ẹ ka, 'Ẹnẹni ẹnẹ vi irẹyi ọza ana vi ipaapa ọnri enekeke, ọza one bidi su dọ varama sha vavẹ: ⁹"Maa yẹ ụya ọnụ waa ri ọnri iriwa awụ, ama opisa ọnụụ vi. Maa yẹ ẹnẹnaa shi ẹngwụ aanini Iju mẹmẹ si irenu du wu nini, ama ẹzi vi Iju. Isinagọgụ Eshu ẹnẹ vi.¹⁰Asụ tụainẹ fụvọ ụya ọnụwa vaa rii nini. Re! Eshu avaa za azẹnyi ini akaakana awụ nin, do ne wu nin ngwụni ijaaru, dọ si ọ zamawụ nin re, ụ vaa rụya mẹ ẹkụshi ẹwu niṇ. Nyi ọsiẹngwụdọ na ngwụ ini isu, mvaa si ade ẹshẹ poro pooro yụ wụ nini. ¹¹Navọ ẹzẹna ra nyụtọ o batọ tụni isẹni Ifẹ Ọnini aa ka yi ichọọchi nini. Ẹzẹna ra fụrẹkụ, isu ụpọfụụva ọi zụa mẹ isọnsọnyi."'"Itụ ọna tụ shi ichọọchi ọna yi Ipẹgamọmi¹²" Tushi angẹni ọna yini ichọọchi Ipẹgamọmụ, chẹre ẹ̣ ka: 'Ẹnẹni ẹnẹ vi irẹyi ọzẹna nyi itakovi ọrirẹ ọ nyi eyi ẹẹva: ¹³Ma yẹ izọnụụ ra nin, irasha ọni ogede eshu ya. Tuavọtuavọ, dụụ ti ta irẹsha ami ku nini. Ma yẹ ki we zi yi ọdọwụ ọnụụ nyi yi mi tẹtẹ nini, shi ini ụmẹ Antipasi ọna vi ọnivenu ami, ọna vatụra mi ẹtẹtẹre, ọna wụ ini akaakana awụ nini izẹni eshu ra.¹⁴Ama, ọ nyi isẹnyi ọnụ waa mẹnin vẹ ọnim rezi si: Azẹnyi yini akaakana awụ nini ọna sụvọza ọzizụ Ibanamụ, ọna zụ lbanaki ki o ne isa-ọkụọzafụ tụ ezi ani Isrẹni nin ọvidi, doti ẹ zụ ri isari isẹvọ, ọnri ka dẹ zụụ mẹ itutu asụ. ¹⁵Avọ ọna mẹ zẹ nyi nyi azẹnyi ana vatụra ọzizụ eziafụ Inikorọsi.¹⁶Fụvavọ, rinẹ varama nini! Aaviki we zi rinẹ varama nini, mvaa vẹ ini ọfirọfira vee tu wu nini, di ma si itakovi ọna yineenu ami pe wa kụrẹkụ. ¹⁷Navọ ẹzẹna ra nyi ụtọ, o batọ tụni irẹyi ọni Ifẹ Ọnini aa kaa yi ichọọchi nini. Ẹnẹna ra fụrẹkụ, Mvaa si isari Oshomoshi ana tẹ yụ waa ri, dim si irẹta ọvụọvụ ọna chẹrẹ irẹsha ọwọọwa tụ, irẹsha ọni ẹzẹnẹsa razi yẹ, ọchishi ọzẹna si irẹta ọnọ yi."'"Itụ ọna tụ shi ichọọchi ọna yi Itayatira¹⁸"Tushi angẹni ọna yini ichọọchi Itayatira, chẹrẹ ẹ: 'Ọnọni ọno ̣vi irẹyi irenu Ozi Oshomoshi, ọna nyi iri vene ira ọnaa za, dọ nyi ụfụ vene enyisụẹ ọna sụa: ¹⁹"Maa yẹ isọnụụ mẹ: osisi awụ, ọdọwu awụ ọnri ọsiẹngwụdọ awụ. Maa yẹ ki isọnụụ mẹ inisirọni o funa isọnụụ bidi mẹ tụrama.²⁰Ama, ọ nyi isọnụụ mẹ ene rezi ze: Waa si oze yi ọnyẹnẹ ọnọ, Ijezibẹni, ana shi ẹngwụ aani ọkisẹ. Dọọ zirẹngwụ ọzizụ aani zụ aza itutu asụ ọnri ki ẹẹri isari ọna si mẹ isẹvọ yi ori nini. ²¹Maa si ẹfi yọ ki o rinẹ varama, ama o zi si ki o nee rinẹ arama fini itutu asụ aani.²²Re! Mvee ne e tụni ikụ ọna va za a tụni ode, dim ne enene pe e sẹrẹka ngwụni ụyọọri ọbani, ọchishi ki e rinẹvarama. ²³Mvaa wụ ezirama aani bo, di ichọọchi bo si yẹ ki ẹmi ọnọọ zama inẹ ọza ọnri ọtụtụrụma ọza. Vene ụkọrụvọ ọzọnyọnya awụ nin, ọnim ve sii si wu nin atọ.²⁴Ama, yi ẹwụ nin ana vọ, ana yi Itayatira, ọna razi sụvọza ọzizụ ọnọni, ọnri ẹwụ nin ọna razi yẹ isọni azẹnyii shi ọzizụ eshu ọna nyinẹ--- di ma kaa yụ wụ nini, 'Me zi kune ẹnya ọsa bẹrẹ ẹnya yụ wụ nini.' ²⁵Ọmẹ raa vii vi, ụ bẹdọ dinẹ geri geri nini poro netu ụmẹ ọnim va sii vẹ.²⁶Ẹzẹna ra fụrẹkụ dọ misa ọnim mẹ netuẹtẹ vọnim vaa si ụmọ yi ki ọ nyi ụmọ tụra irẹkụrẹvabẹ ana yẹshẹ keekere rẹsụ. ²⁷'Ụvọ enyisụẹ ọnọ va sii mẹ oshonọyi tụra wa irẹsụ, dọọ chaka wa vasha vene oji ụmapa.' ²⁸Venim mẹ mẹ re dọ finụvọ Ada ami, avọ mmẹ vaa si ụzọmi ọnẹnẹ yọ. ²⁹Navọ ẹzẹna ra nyi ụtọ o batọ tụni isẹni Ifẹ Ọnini aa kaa yi ichọọchi nin."'"

Chapter 3Itụ ọna tụ shi ichọọchi ọna yi Isadiisi

¹"Tushi angẹni ọna yini ichọọchi Isadisi chẹre ẹ kạ: 'Ọnọni ọnọ vi irẹyi ẹzẹna zi ifẹ ishimba Oshomoshi ọnri ụzọmi ishimba chaụvọ; " Maa yẹ isẹnụụ mẹ. Aza venee re kụ waa mẹshẹ nini, ama we fu su nini. ²Sha kwẹẹtẹ fini ara nini, du we deni tụ isẹnẹ vọ ụkata nini fụvọki ọ vaa jantụụ su, fụvọki ụkọrọ awụ nin ọzi nyi ọgụrigụ inọvidi Oshomoshi ami.³Fụvavo, tamayi irẹyi Oshomoshi ọnụụ re dọ, dụụ dọ wụ nini. Si ọ mụkọrọ, du we rinẹ varama nin. Ama, aaviki wa zi sha kwẹẹtẹ nini, mvaa vẹ vene oyi, wa zaa yẹ ẹfi ọnim va sii vẹ vaa kwẹẹtẹ tu wu nini. ⁴Ama ọ nyi irẹsha azẹnyi ana vi anrẹkụra Isadisi ọni ita aanini razi nyi ẹvụvụ. Ẹni ọni ẹmi rụ wa va gẹẹ zụsẹ, dee chire aurụ ọvụọvụ, fụvọki ẹ me ̣tẹrẹ.⁵Mvee chire ẹzẹna ra fụrẹkụ auru ọvụọvụ, me zee nyeeyi irẹsha aani fini Iwe Ẹshẹ vụụvụrụ, dim ze showu irẹsha aani inọvidi Ada ami ọnri angẹni aani. ⁶Ẹzẹna ra nyi ụtọ, o batọ tụni irẹyi ọni Ifẹ Ọnini aa kaa yi ichọọchi nini."'"Itụ ọna tụ shi ichọọchi ọna yi Ifinadẹfiya⁷"Tushi angẹni ọna yini ichọọchi Ifinadẹfiya chẹrẹ ẹ kạ: 'Ọnọni ọnọvi irẹyi ẹzẹna vi Ọnini ọnri irẹiza --- ọ za ikọkọrọ Idevidi chaụvọ, aaviki ọ naa oze, ọzi nyi ọzene zuu gu o; aaviki o gu oze, ọzi nyi ọzẹna zụụ na a. ⁸"Maa yẹ isọnụụ mẹ nin. Re! maa na oze shaa yụ wụ da; ọzi nyi ẹzene ve zu gu o. Maa yẹ ki wa zi vọọ nyụkata nin, tuavọtuavọ wa wụrẹyi tụmirenu nin, we zi yi irẹsha ami tẹtẹ nin.⁹Re! Ẹnẹna si ẹngwụ bẹrẹ iragụ Isinagọgụ Eshu, ẹnẹna shi ẹngwụ aanini Iju ama ẹ zi vi Iju; akikọnọ, apinẹ ọnẹẹ nyi. Mvaa me ̣wa ki ẹ va vakuẹtẹ inọvidi awụ, doti ẹ yẹ ki mee sirẹyi awụ. ¹⁰Fụvọki wa si ụmọ ọnim si yụ wụ kụ wa nyi ọsiẹngwụdọ ọnri ụmẹnẹ, mụkọrọ, mvee sere wụ ini ẹfi azamare ọna vaa vẹ inẹẹsụ ẹshẹ keekere vaa zama ẹnẹna yini ẹshẹ ọnọni re. ¹¹Mva firaa vẹ. Sụvọ za isẹnụ nyi ẹtẹrẹ, doti asọ nyi ẹzẹna vaa dọ wụ nin ade na.¹²Mvaa si ẹnẹna fụrẹkụ mẹ ọtụ ini itẹmpụrụ Oshomoshi ami, dọ razaa finaani. Mvaa chẹrẹ irẹsha Oshomoshi ami tụni ẹngwụ aanini, irẹsha irẹkụra Oshomoshi ami (Ijerusanẹmụ ọwọwa one chi vẹ fụri ẹbẹẹba idi Oshomoshi ami) ọnri irẹsha ami ọwoọ̣wa. ¹³Ẹzẹna ra nyi ụtọ o batọ tụni isẹni Ifẹ Ọnini aa kaa yi ichọọchi nini.'''"Itụ ọna tụ shi ichọọchi ọna yi Inaodesiya¹⁴"Tushi angẹni ichọọchi Inaodesiya, chẹrẹ ẹ ka, 'Ọnọni ọnọ vi irẹyi Aami, ọna vi onivenu irẹiza ọna dọrenu, ọna si mẹ oshirẹsụ tụri isa bo ọni Oshomoshi mẹ. ¹⁵Maa yẹ ọnụụ si mẹ; maa yẹ ku ̣wa zi ngwụra, wezi fuofu. Mi yeen si kụ wa ni ọnya --- waa ngwụra dụụ ngwụra, wee fuofu duu fuofu! ¹⁶Fụvọki ọngwụra vẹẹrẹ ọnụụ vi --- wa zi ngwụra, we zi fuofu --- maa vaa tọmọ wụ vasha fineenu ami.¹⁷Fụvọki waa kaa ki, 'Opisa ọnim vi, maa nyi ogu ọrụrụ, ọi kụ nyi isọnim kue si.' Ama wa zi yẹ ki ẹwụ ọni ụzọngwa za fu, di ayi awụ aa va aza, dụụ vi onriwa, ogueyi ọnri anafụafụ. ¹⁸Batọ tụni iweọji ami: Shi igoonu one fu akuru shi finụvọ ami, dụ wa zụ vara opisa; shi auru ovụọvụ bẹnẹbẹnẹ du we chire e ku ụshiọnyi afụafụ awụ; shi oriọkụmẹ du ̣wa si ọ muna iri awụ doti we zu si o reẹtẹ.¹⁹Aza bo ọnim sirẹyi aani ọnim pa, dim zu ̣wa ọme ̣sẹrẹ ki ẹẹ mẹshẹ aanini. Fụvavọ mụsọfira du we rinẹvarama. ²⁰ Re, ma dinẹ tụni ọpanfuoze, di mee fu oze. Aaviki ọ nyi ẹzẹna wụ ọngwẹ ami, dọ na oze yi mi, mvaa ngwụni ireshi aani, mvee pe e risari, don ze pe mi risari.²¹Ẹzẹna ra fụrẹkụ, mvaa si ụmọ yi ọ ki ọ yatụ pe mi tụni ogede ami, vene ẹmi mẹ zẹ fụrẹkụ dim yatụ pe Ada ami tụni ogede aani. ²² Navọ ẹzẹna ra nyi ụtọ, o batọ tụni isẹni Ifẹ Ọnini aa ka yi ichọọchi nini."'"

Chapter 4Aa na oze ineeku ẹbẹẹba sha

¹Inaama isẹnẹni, maa zamẹtẹ, dim re oze ọna na sha ẹbeẹ̣ba. Di ọngwẹ ipaapa ọnim bidi wụ karẹyi yi mi vene ọpani, dọ ka, "Shirẹ vizọni di ma si isẹnẹ bẹdọ vaa mẹ inaama isẹnẹni zụ wụ." ²Ụpọnyụpọnya dim ngwụni ifẹ, dim re ki a si ogede tụ ẹbẹẹba, di ọzọnyi yatụ tụnaani. ³Di ọzẹna yatụ tụni ogede ọnọ vene irẹta ijasipa ọnri irẹta ikaneriyani. Di ọgazi fụrẹ varakara ogede ọnọ, di ọgazi ọnọ vene irẹta ọnaa shi ẹmiradi.⁴Di ogede ofurẹẹna varakara ogede ọbani ọnọ, di aza ana yatụ tụni ogede ẹnẹ vi azẹkụ ofurẹna, de chire auru ọvụọvụ, de ku ade igoonu tunẹẹsụ. ⁵Di inyanya aa ri vio vio fini ogede ọnọ, di apavana Oshomoshi aa sụrẹyi. Di irakọpa ishimba aa za inọvidi ogede; irakọpa ishimba ẹnẹ ẹ dinẹ yi Ifẹ ishimba Oshomoshi.⁶Da tụ oreyi ene vene enyi irefu tuni di ọvidi ogede ọnọ, dọnyi seere venebiri ikirisita. Di isẹnyi ana nyifẹ ẹẹna, yini akaakana ogede ọnri ọvarakara ogedẹ, di ẹngwụ aanini bo ta vi iri, shi ọvidi shi irama.⁷Ọi ipaapa ini isẹna nyifẹ ẹnẹ o vene idu, di isa ọfụụva vene ozi ụnọ, di ọfụụta vene ọza, di ọfụụna vene ibangụrụ onee shira. ⁸Ọzọọza ini isẹnina ẹnẹni ana nyifẹ vana nyi avaka ishinọnyi, di avaka enbo shi yi iri aka ẹbẹẹba ọnri afụafụ aanini. Irafụ shi ọọdụ dẹẹ kaa poro, ka, "Ọnini, ọnini, ọnini ọni Oshomoshi Ananyiyi Ọnụkatabo vi ona yi inaani vẹ vẹ vẹ; ọni ọnọ bidi yinaani, dọ yinaani ọmẹyani, ọni ọnọ zaa vii vẹ."⁹Ẹfitụrẹfi ọni isẹna nyifẹ ẹnẹ ra sụga, ụbani, ọnri avọkụ yi ẹzẹna yatụ tụni ogede ọnọ, ana vi ẹzẹna ya poro pooro, ¹⁰di azẹkụ ofurẹẹna ẹnẹ deẹ̣ vakuẹtẹ tụni ọvidi ẹzẹna yatụ tụni ogede. De nyima irẹsụ yi ẹzẹni ọviki ọọ ra poro pooro, dẹẹ tụ ade aanini shiẹtẹ tụni ọvidi ogede, dẹẹ ka, ¹¹"Ẹwụ ọnọ sẹrẹ, ẹwụ Ananyiyi ana vi Oshomoshi ayi, ụga, ụbani ọnri ụkata vi ayawụ. Fụvọki ẹwụ ọnọ tụ isa bo vẹshẹ, zirẹngwụ osisi awụ ẹnẹ si ya, zirẹngwụ osisi wụ ọnụ si tụ wa vẹshẹ."

Chapter 5Ijesu ọna vi Oziatẹmẹ Oshomoshi ọnri Iwe Ẹshẹ

¹Inaani, dim re iwe ọna chẹrẹ isa tụni ọvidi ọnri irama aani ini ụvọri ẹzẹna yatụ tụni ogede. Da si ovivii ishimba sụnẹ. ²Me re angẹni ọnụkata, dọ si ọngwụẹ tụẹba ee showu ka, "Ẹnẹ yẹ ki ọnọ fụ ana va zụụ fụ iwe ọnọni, anava zụụ chaka ẹsụnẹ ana si sụnẹ iwe ọnọni?"³Ọzi nyi ọzọnzọnyi ini ineeku naveki inẹshẹ navẹki ini afụafụ ẹtẹ ọna zụ fụ iwe ọnọ navẹki ana zụ ka a. ⁴Dim chakarune, fụvọki ọzi nyi ọza ọna zụ fụ iwe ọnọ navẹki ọna zụ ka a. ⁵Ama, di ọnya ini azẹkụ ẹnẹ kaa yi mi ka, "Nyeeyi sha, asụụ ku sune. Re! Idu ọna fini anda iju, ọnaa shi Ẹpa Idevidi, ọ fụrẹkụ da. Ọ va zụụ fụ iwe ọnoni ọnri ovivii ishimba ọna si sụnẹ."⁶Me re Oziatẹmẹ ọna dinẹ tụni akaakana ogede ọnri isẹẹna ọna nyife,̣ dọ vafura azẹkụ ẹnẹ. Do vene ki a wụ ọ da. Ọ nyi ẹpani ishimba ọnri iri ishimba, ẹnẹni ẹ dinẹ yi Ifẹ ishimba Oshomoshi ọna tụ na ngwụ izitizi ẹshẹ keekere. ⁷Dọ na dọ iwe ọnọ fini ụvọri ẹzẹna yatụ tụni ogede ọnọ.⁸Ẹfi ọni Oziatẹmẹ dọ iwe ọnọ, di isẹẹna ọna nyifẹ ẹnẹ ọnri azẹkụ ofurẹna ẹnẹ vakụẹtẹ tụni ọvidi aani. Di ọzọọza inaanini za ijita ọnri ọnya igoonu ene shi yi eturari; ọnoni ọnọ vi ozurenu ẹnẹna anọdọwụ nin.⁹Dẹẹ jashẹ ọwọọwa ka: "Ẹwụ ọnọ fụ si iwe ọnọ, ẹwụ ọnọ fụ fụ ovivii aani. Fụvọki a jụ wụ anya, dụụ si anya awụ shi aza yi Oshomoshi fini anda, irarẹ, aza ọnri irẹkụravabẹ bo. ¹⁰Dụụ sụ wa mẹ ijọva ọnri arụfa ana vaa fẹkẹ Oshomoshi ayi, doti ẹ mijọva inẹshẹ."¹¹Inaani, ma zamẹtẹ dim wụ ọkụ angẹni ẹrụrụ anaa varakara ogede ọnọ, shi isẹẹna ọna nyifẹ, shi azẹkụ nini. Irika aanini bo vabẹ vi akawụ akawụ oze ẹshi, avaavọ oze akawụ akawụ oze ẹshi, bẹrẹ akawụ oze ẹrụrụ. ¹²Dẹ si ọngwẹ tụẹba, dẹ ka, "Oziatẹmẹ ọna jianya ọnọ sẹrẹ ki ọ dọ ụkata, izẹ, ụvira, ụvụẹchi, ụbani, ụga ọnri ugono."¹³Maa wụ isa bo ana tụ vẹshẹ, ọna yi ẹbẹẹba ọnri ẹtẹ ọnri ininẹ ẹtẹ ọnri inini ẹnyi --- ombo keekere ana yinaani nini --- ka, "Ugono, ụbani, ụga, ọnri ụkata ijọva vi ayi ẹzẹna yatụ tụni ogede ọnri Oziatẹmẹ poro pooro." ¹⁴Di isẹẹna ọna nyifẹ ka, "Aami!" di azẹkụ ẹnẹ vakuẹtẹ, dẹ fẹkẹ ẹ.

Chapter 6Ijesu ọ fụ ovivii ana si va Iwe Ẹshẹ

¹Ẹfi ọni Oziatẹmẹ fụ ọnya ini ẹsụnẹ ishimba ẹnẹ, mee re, dim zẹ wụ ọnya ini isẹẹna ọna nyifẹ ẹnẹ mẹ si ọngwẹ ọnaa karutu venebiri apavana Oshomoshi kaa ka, "Waa vẹ!" ²Maa zamẹtẹ dim re ovurata ọvuọvụ. Di ẹzẹna shirẹ ẹ za ọpaa chaụvọ, da si ade yi ọ. Dọ jinẹ vẹ venebiri ọfụrẹkụ ọna vẹ ki ọnaa vaa fụrẹkụ.³Ẹfi ọni Oziatẹmẹ fụ ẹsụnẹ ọfụụva, dim wụ isẹnẹ nyifẹ ọfụụva ọ mẹ kaa ka, "Waa vẹ!" ⁴Ụmavọ di ovurata ọsa jinẹ vẹ --- doo vii nyaa. Ẹzẹna shirẹ va na sioze yi ki ọ chema ẹngwụọrọ fiini ẹshẹ, doti anẹshẹ nin e roze wụ ẹngwụ vasha. Da si itakovi ọbani tụ ẹzẹna shirẹ ovurata ovivi nyaa ọnọ ụvọ.⁵Ẹfi ọni Oziatẹmẹ fụ ẹsụnẹ ọfụụta, dim wụ ki ọfụụta ini isẹnaa nyi ifẹ ka, "Waa vẹ!" Dim re ovurata ojooji, ẹzẹna shirẹ dọ za isa-ụmọ ọnyọgẹẹva chaụvọ. ⁶Dim wụ ọngwẹ one vene ki fini akaakana isẹẹna ọna nyifẹ ọnọ fụrẹ, ki ọ kaa ka, "Ocheẹna ampo akụ vana kụ vi ikọvọ ẹẹva. Apaapa ocheẹna oze ẹta ọn zẹ kụ vi ikọvọ ẹẹva. Ama asụụ du angwẹ ọnri eche ivaini va sha.⁷Ẹfi ọni Oziatẹmẹ fụ ẹsụnẹ ọfụụna, dim wụ ọngwẹ isa ọfụụna ọna nyifẹ ki ọ kaa ka, "Waa vẹ!" ⁸Dim re ovurata one venebiri ki ẹngwụ aa zi ọ. Irẹsha ẹzẹna shirẹ ọnọ vi Isu; di Ineeku ọrọkọtọ vatụra a. Aa si ụmọ yụ wa tụra ocheẹna ẹshẹ, ki ẹ si itakovi, ọshashi (ụngwẹ) ọnri ikụ, ọnri uye ụnọmi ọshimi nini ki ẹẹ siọ wụ aza vaa sha.⁹Ẹfi ọni Oziatẹmẹ fụ ẹsụnẹ ọfụụshi, dim re ifẹ aza ana wụ fụvọ irẹyi Oshomoshi ọnri ivenu ọnẹ sụvọza ini afụafụ ọpẹtẹ. ¹⁰Dẹ si ọngwẹ tụẹba, de nowu ka, "Oshinọyi tụra isa bo, Ọnini ọnri Irẹiza, ishii vee zi wu nee tu kẹ, dụ wa va siatọ yi anẹshẹ nin, fụvọ anya ayi ẹnẹẹ mishi? ¹¹Inaani da si auru ọvụoọvụ yi ọza ọnyọnya aanini; da kaa yụ wa ki ẹ dinẹ ne tu ụmẹ ana va sii wụ ezida vene ẹngwụ aanini, ẹnyara aanini ini ọnọru shi ini ọnyẹnẹ ana vaa wụ vene a mẹmẹ wụ wa.¹²Ẹfi ọni Oziatẹmẹ fụ ẹsụnẹ ọfụshinọnyi, maa zamẹtẹ, dim re ki ẹtẹ o sheni, dọ judodo. Di ọyi vara oozi vene ita ụba ojoji, ụfẹ ana si gụraba doo vi poo venebiri anya. ¹³Di ụzọmi nini ana yi ẹbẹẹba aa javọ nyẹtẹ, vene ki ashi ọshimi o nee sheni ọchi ifigi, di ẹtụtụ ẹzẹzẹ ee fuobe shiẹtẹ. ¹⁴Ovurukutu do vurii veni upoto ana kara. Irẹsụfa keekere ọnri ẹtẹ ọnri enyi varakara bo vene jesi fini udi aanini.¹⁵Ini ụmavọ, Oshinọyi ẹshẹ nin, ọneeyiyẹ nin, oshirẹkụ nin, opisa nin, ọnụkata nin, aza bo, shi ọrishi ọnri ozireshi vene ne vutẹ tụni ụtafa ọnri afụrẹta ini ifege. ¹⁶Dẹ kaa yi irẹsụfa ọnri irẹta ana yi izọ ka, "Zina va nya yi! Si yi tẹ fini ọvidi ẹzẹna yatụ tụra ogede ọnri ọikụ Oziatẹmẹ. ¹⁷Fụvọki ọkụshi ọikụ ọbani aanini ọ vẹ. Ẹnẹ va zụụ dinẹ kẹ?"

Chapter 7Oshomoshi ọ mẹ ọtẹrẹwa tụni ibe aza aani

¹Inaama isẹnẹni, dim re angẹni ẹẹna ana dinẹ tụni aka-ẹnina ẹshẹ, dẹ si ụkata-ụkata za ashi ọna yini aka-ẹnina ẹshẹ dinẹ ki asẹ kụ shi ẹshẹ, asẹ kụ shi irefu navẹki ọchi. ²Dim ze re angẹni ọsa ki ọ tụ fini aka ọnọ ọyii jinẹẹ fụrẹ, dọ za ọtẹrẹwa Oshomoshi ọna nyi ifẹ. Dọ si ọngwẹ tụẹba, do nowu karẹyi yi angẹni ẹnina ana si ụkata yi ki ẹẹ piva yi ẹtẹ ọnri irefu: ³"Asụụ piva yi ẹtẹ navẹki irefu, navẹki ọchi nini netu ụmọni a ra si ọtẹrẹwa tuni ibe ozida Oshomoshi nin bo."⁴Maa wụ aza ya irika ana si ọtẹrẹwa tụra rẹsụ: aza akashi akashi oze ẹchẹshi tụra ẹbẹrẹva ọnri ẹẹna (144,000) ẹni ana mọ ọtẹrẹwa yi ini anda ọnyọnya ini irẹkụra Isrẹni: ⁵akashi oze ewureva (12,000) ana mẹ ọtẹrẹwa yi ini anda Ijudiya nini; akashi oze ẹwụrẹva (12,000) fini andi Irubẹni nini; akashi oze ẹwụrẹva (12,000) fini anda Igadi nini, ⁶akashi oze ẹwụrẹva (12,000) fini anda Asha nini; akashi oze ẹwụrẹva (12,000) fini anda Inafitari nini; akashi oze ẹwụrẹva (12,000) fini anda Imanasẹ nini.⁷akashi oze ẹwụrẹva (12,000) fini anda Isimọni nini; akashi oze ẹwụrẹva (12,000) fini anda Irẹvi nini; akashi oze ẹwụrẹva (12,000) fini anda Isaka nini; ⁸akashi oze ẹwụrẹva (12,000) fini anda Izebununi nini; akashi oze ẹwụrẹva (12,000) fini anda Ijosẹfụ nini; akashi oze ẹwụrẹva (12,000) fini anda Ibẹnjamini, ẹni ana mẹ ọtẹrẹwa yi.Azọkọni ana fẹkẹ Oshomoshi⁹Inaama isẹnẹni, maa zamẹtẹ, dim re azọkọni ẹrụrụ --- fụri irẹkụravabẹ bo, irẹkụra renyi-renyi, aza bo ọnri irarẹ bo --- dẹ dinẹ tụni afụ ogede inọvidi Oziatẹmẹ. De chire auru ọvụọvụ, dẹ za adambara chaụvọ, ¹⁰dẹ si ọngwẹ tụẹba dee nowu ka: "Ọdidọzatụ vana yi inụvọ Oshomoshi ọna yatụ tụni ogede, ọnri Oziatẹmẹ!"¹¹Angẹni nini bo vana dinẹ varakara ogede ọnọ, azẹkụ nini ọnri isẹẹna ana nyifẹ, dẹ vakuẹtẹ veyiku inọvidi ogede. Dẹẹ fẹkẹ Oshomoshi, ¹²dẹ ka, "Aami! Ugono, ụga, ụvira, avọọkụ, ụbani, ụkata, ọzụzụmẹ vi ayi Oshomoshi poro pooro! Aami!"¹³Inaani, di ọnya ini azẹkụ ẹnẹ, fọ mi ipẹpẹẹ ka, "Ẹni aza ẹnẹni vi kẹ, ene chire auru ọvụọvụ, ọnri ki izẹnẹ fụrẹ vẹ kẹ?" ¹⁴Dim kaa yọ ka, "Ada, waa yẹ," dọ va kaa yi mi ka, "Ẹnẹni vana tụ fini Ụyọọri Ọbani fụvọ ọdọwụ. Ẹẹ nyina auru aanini ini anya Oziatẹmẹ, dọ kụa vụẹtẹ bẹnẹbẹnẹ.¹⁵Fụvavọ, ọnẹ si yini ọvidi ogede Oshomoshi, dẹẹ fẹkẹ ọọdụ shi irafụ ini itẹmpụrụ aani. Ẹzẹna yatụ tụni ogede vaa jajẹngwụ ku wa. ¹⁶Ụngwẹ navẹki onyi ọi kụa kụ wa vụụvụrụ. Ọyi ọ zaa rụ wa, irivu ọ zaa da wa. ¹⁷Fụvọki Oziatẹmẹ ọna yini akaakana ogede ọnọ vaa kụ waa zi, dọ zụ wa oze na ngwụni osue enyi ana nyifẹ, di Oshomoshi nyee ẹgọ fụrẹ wa eyi."

Chapter 8Ovivii ọfụshimba ana si va iwe ọnọ

¹Ẹfi ọni Ozi-atẹmẹ fụ ẹsụnẹ ọfụshimba, di ineeku chiiji keri mẹ iwakati ocheva. ²Inaani, dim re angẹni ishimba ana dinẹ inọvidi Oshomoshi, da si ọpani ishimba chire wa ụvọ.³Angẹni ọsa ọ vẹ, dọ za ọnya igoonu ọna kụ eturari shi, dọ dinẹ tụni ọpẹtẹ eturari. Aa si eturari ọrụrụ yọ ki ọ si ọ bẹrẹ ozurenu anọdọwụ nini, doti ọ si ọ mẹ irafẹkẹ ini ọpẹtẹ eturari ana si igoonu mẹ ini ọvidi ogede. ⁴Di areyi eturari ọnri ozurenu anọdọwụ nini shirẹ fiini ụvọ angẹni shirẹ ni ni ọvidi Oshomoshi. ⁵Di angẹni ọnọ si ọnya eturari ọnọ, dọ kụ ira fini ọpẹtẹ shi o, dọ va ira ọnọ fụri ẹbẹba shiẹtẹ, di apavana Oshomoshi akarutu, dẹ ẹtẹ ee zizi, dọọ rinyẹrẹ, di nyanya ari vio vio, dẹ ẹtẹ aa jagodo.Ọpani ishimba ana sụrẹyi⁶Di angẹni ishimba ana za ọpani ishimba chaụvọ ee teni ẹngwụ ene vee fu ọpani ẹnẹ. ⁷Angẹni ipaapa o fu ọpani aani, di irẹta Oshomoshi ọnri ira vafura anya. Aa va a shi ẹtẹ, dọ mẹ ki oche-ẹta ẹtẹ ọ rira vasha, oche-ẹta ọchi nin rira vasha, avi ofuofu nini bo dẹ rira vasha.⁸Angẹni ọfụụva o fu ọpani aani, de ne isọnyi ene vene irẹsụfa ọbani ọnaa rira na ngwụni irefu. Oche-ẹta irefu dọ si vi anya-anya pọm, ⁹di oche-ẹta uye inenyi bo su vasha, shi oche-ẹta ẹpa ọna yini irefu vọnedu va sha.¹⁰Angẹni ọfụta do fu ọpani aani, di ụzọmi ọbani nyangada zina fini ovurukutu, dọọ za vene ọpa anaa siozee zụọza, dọọ sha tụra oche-ẹta okufa ọnri osue nini. ¹¹Irẹsha ụzọmi ọnọ ọnọ vi Ẹchipa. Di oche-ẹta enyi ọnọ kụa nyirẹyi, di aza ẹrụrụ ẹrụrụ ene fu enyi ọnọ su fụvọ ọnyinyirẹyi aani.¹²Angẹni ọfụụna o fu ọpani aani, di oche-ẹta ọyi, shi oche-ẹta ụfẹ ọnri oche-ẹta ụzọmi nin si vara. Di oche-ẹta enbo si vara ojioji; di oche-ẹta ọọdu ọnri oche-ẹta irafụ razi nyi ẹtofeyi.¹³Maa zamẹtẹ, dim wụ ki ibangụrụ onee shira inakaakana ovurukutu, ọ kowu shaa, dọ ka, "Oo du wu ku, oo du wu ku, oo du wu ku, ẹwụ nin ana yini ẹshẹ, fụvọ ọkụ ọpani ana vọ ọni angẹni ẹẹta ana vọ ee vee fu."

Chapter 9

¹Inaani, di angẹni ọfụshi fu ọpani aani. Dim re ụzọmi ọna ji fụri ẹbẹeẹba do zina vaa nyiẹtẹ. Da si ikọkọrọ one si chire irenu ụsi ana razi nyi ẹgẹ yi ụzọmi ọnọ. ²Ọ fụrẹ okurenu ụsi ana razi nyi ẹgẹ ọnọ, di areyi tụụ fini ụsi ọnọ vene areyi ọna fini akuru ọbani nyangada. Di ọyi ọnri ashi si vara ojioji fụvọ areyi anaa jinẹ fini ụsi ọnọọ vẹ.³Di akụvariva nin jinẹ fini areyi ọnọ, dẹ fụ shiẹshẹ ọnọni, da sụ ụkata vene ụkata iku yụ wa tụrẹ ẹshẹ rẹsụ. ⁴Da kaa yụ wa ki asẹ du avi oziẹshẹ, navẹki avi ofuofu navẹki ọchi ofuofu, ama azẹna razi nyi ọtẹrẹwa Oshomoshi tuni ibe aanini renya ọnẹ ra kani.⁵Azẹzi si ụmọ yụ wa ki ẹ wụ azẹnẹ, ama a si ụmọ yụ wa ki ẹ si ụfẹ ẹẹshi mụya ebebaani rụ wa. Ụyọọri aanini vene vee vene iku mẹ re che ọza aavọ. ⁶Ụmẹ ẹkụshi ẹnẹ re tu, aza vee si isu, ama e zee re. E vee si oze ki ene su, ama di isu zue kavana yụ wa.⁷Akụvariva ẹnẹ vana simai ovurata ene teni tẹtẹ yi irẹkụ. Dẹ nyi isẹne vene ade igoonu tụnẹẹsụ, di eyirẹsụ aanini vene eyirẹsụ ọza. ⁸Di ẹyi aanini vene ẹyi anyẹnẹ, di anyi aanini vene anyi iduu. ⁹Dẹ nyi okurachi ene vene okurachi enyisuẹ, di avaka aanini aa sụrẹyi vene ovurata ẹrụrụ anaa kụ gi ikẹkẹ irẹkụ enee zuechi ni ni irẹkụ.¹⁰Dẹ nyi omu vene omu ọni iku sii che ọza; dẹ nyi ụkata tụni omu ene ve sii che aza mẹ ụfẹ ẹshi. ¹¹Angẹni ana yini ụsi ineeku ọrọkọtọ ọnọ vi Oshinọyi aanini. Iresha aani ini Iburu ọnọ vi Abadọnụ, dọ vi Apariọni ini Igiriki. ¹²Ụyọọri ọshimi ipaapa ọ parafu da. Re! inaama ọnọni ọkatẹngwụ ọshimi ẹẹva va vii vẹ.¹³Angẹni ọfụshinọnyi o fu ọpani aani, dim wụ ki ọngwẹ ọnya ọ jinẹ fini ọpẹtẹ igoonu ọna yini ọvidi Oshomoshi. ¹⁴Di ọngwẹ ọnọ kaa yi angẹni ọfụshinọnyi ana za ọpani ọnọ ka, " Na angẹni ẹẹna ọna sụ tụni okufa ọbani ọnaa shi Iyufureti tụ." ¹⁵Da na agẹni ẹẹna ẹnẹ ene teni tẹtẹ ee zi ẹfi ọnọ, ọkụshi ọnọ, ụfẹ ọnọ, ọnri irayi ọnọ, da fụrẹ wa ụvọ ki ẹ wụ oche-ẹta anẹshẹ.¹⁶Ọkụrẹkụ ana shirẹ ovurata vi, akawụ oze akashi oze ẹchẹshi (200,000,000). Maa wụ ẹ mẹ za wa ika. ¹⁷Aa nim mẹ re ovurata ẹnẹ ọnri ẹzẹna shirẹ wa ini ẹtoore: Okurachi aanini vi ovivi nyaa, ivunu-ojooji, doo vi vene ira ọnaa za. Di irẹsụ ovurata ẹnẹ vene irẹsu iduu, di ira aa ka fụrẹ wa irenu, shi areyi, shi emi-ọyi.¹⁸Oche-ẹta anẹshẹ ọni ọkatẹngwụ ẹẹta ọnọni wụ va sha: ira, areyi ọnri emi-ọyi ọnaa tụ fineenu aanini. ¹⁹Fụvọki ụkata ovurata ẹnẹ vana yini irenu aanini ọnri omu aanini --- fụvọki omu aanini vana vene isẹchichi, dẹ nyi irẹsụ ẹnẹ sii tọ aza anava.²⁰Azẹnavọ, ọni ẹkatẹngwụ ẹnẹni razi wụ vi ẹnẹna razi rinẹvarama fini isọshimi ọnẹẹ mẹ; ẹnẹna razi zụvọdinẹ in ọfifẹkẹ arijẹnụ ọnri ori ana si igoonu, isiriva, iburonzi, irẹta ọnri ọchi mẹ --- isẹnẹni vi isene re me reẹtẹ, ẹ ma karẹyi, ẹ ma zụ zụsẹ. ²¹Ẹzi varama fini ọza-ọwiwụ, irakụọ ọmimẹ, irẹka-ọsisẹ, navẹki uyi-oyoyi aanini.

Chapter 10Angẹni ọbani ọnri iwe oweyi ọnya

¹Inaani dim ze re angẹni ọsa ana bani nyangada ki oo chi fụrẹ ẹbẹeẹba vẹ. Dọ si egushi ma-auru chire, di ọgazi yi ẹbẹẹba iresụ aani. Di eyi aani vene ọyi, di afụ aani vene ira venebiri ọshẹ. ²Dọ si iwe ụpa oweyi ọna fụ sha chaụvọ, dọ si ụfụ ụvọọri aani tụra irefu, dọ si ụfụ ụvọọfa aani tụra ẹtẹ.³Dọ si ọngwẹ tụẹba nowu vene idu. Ẹfi ono nowu, di apavana Oshomoshi oze ishimba ẹnẹ karutu, dẹ kareyi anaa wụ tụẹshẹ. ⁴Apavana Oshomoshi oze ishimba ẹnẹ mẹ karẹyi tụẹshe, mvaa chẹrisa, dim wụ ọngwẹ fụri ẹbẹẹba ka, "Teni irẹyi ọni apavana Oshomoshi ishimba ẹnẹni ka ẹtẹtẹrẹ, asọ nyi ẹzẹnụụ kaa yi. Asụụ chẹrẹ ẹ tẹtẹ."⁵Inaani, di angẹni ọnim re ki ọ dinẹ tuni irefu ọnri ẹtẹ, tana ụvọọri aani shi ẹbẹẹba. ⁶Dọ si ẹzẹnọ ọviki ọ ra poro pooro, ọ na mẹ ineeku shi isa ana yinaani bo, dọ mẹ ẹtẹ shi isa ana yinaani bo, dọ mẹ irefu ọnri isẹnẹ yini irefu bo, dọ sheku ka, "Ọi kụa nyi otiturafụ naama. ⁷Ama ini ọkụshi ọni angẹni ọfụshimba re vee fu ọpani aani, isa oshishozeyi Oshomoshi anatẹ yi yi, vaa vi ọmimẹ, vene ọ mẹ kaa yi ezida ọnri ọkisẹ aani nin."Aa si iwe oweyi yi Ijọọnụ ki ọ ri ọ⁸Di ọngwe ọnim wụ fụri ẹbẹẹba zẹ karẹyi yi mi ka, "Waa na, na si iwe ụpa ọna fụ tẹtẹ, ọna yini ụvọ angẹni ọna si ụfụ ọnya tụra irefu, di ụfụ aani ọsa tụra ẹtẹ. ⁹Inaani dim ne tu angẹni ọnọ ki ọ si iwe oweyi ọnọ yi mi. Dọ kaa yi mi ka," Di iwe ọnọni dụ wa ri ọ. Ọ vaa nyirẹyi ininẹ awụ, ama o vee shine ini irenu awụ vene ẹfụ."¹⁰Dim dọ iwe oweyi ọnọ fini ụvọ angẹni ọnọ, dim ri ọ. Oo shine vene ẹfụ ini irenu ami, ama mmẹ ri ọ da, di inẹ ami aa nyirẹyi. ¹¹Inaani, di ọza ọnya kaa yi mi ka, "Ụ bẹdọ zẹ kisẹ inọpati aza, irẹkụravabẹ, irarẹ, ọnri Oshinọyi nini."

Chapter 11Onivenu ẹẹva ọni Oshomoshi tụ vẹ

¹Aa si ọchi ofoku dẹẹrẹ ọnya yi mi, da ki ma si ọ mẹ ọchi ana sii mọ isa. Da kaa yi mi ka, "Kwẹẹtẹ dụ wa mọ itẹmpụrụ Oshmoshi ọnri ọpẹtẹ aani, ọnri ẹnẹnaa fẹkẹ Oshomoshi inaani. ²Ama, asụụ mọ ofenje itẹmpụrụ, fụvọki a si ọ yi Ijẹntaini nini da. Ẹ vaa si ụfẹ ẹbẹrẹẹva tụrẹẹva kụfụụ shi ẹtẹ irẹkụra ọnini.³Mvaa si ụmọ yi onivenu ami ẹviva ki ẹ si ọ kisẹ ini ekushi akashinọnyi tụrẹbẹrẹta, dẹẹ kụ isẹmsẹ shi ẹngwụ. ⁴Onivenu ẹnẹni ẹnẹ vi ọchi oniivi nini ọnri ọchi irakọpa ẹẹva ana dinẹ tụni ọvidi Ananyiẹshẹ. ⁵Aviki ọ nyi ọnivi ana vaa misa ọshimii shi wa, ira dọọ jinẹ fineenu aanini, dọọ rụwaira. Ọzọnyọnyi ene ree si ki ọnọ mẹ ọshimi ka wa na vana vaa si ira ọnọnii wụ.⁶Onivenu ẹnẹni ẹẹ nyi ụmọ ene vee si gu ovurukutu shi, doti asi orishi zụ ini ẹfi ẹnẹ va sii kisẹ. Ẹẹ nyi ụkata ẹnẹ va sii vara enyi tụni anya, ọnri ụkata ẹnẹ va sii kụ ẹkatẹngwụ renyi renyi vẹ ẹshẹ ụmẹtụrụmẹ ene ree si. ⁷Ẹfi ẹnẹ raa divenu da, uye ana vaa tụụ fini ụsi rọm rọm vẹ, vee pe waa kụrẹkụ. Ọ vaa fụrẹkụ ọnọ, dọọ wụ waa vasha.⁸Oku aanini vaa sụtụ gụ tuni oze irẹkụra ọbani (ọnaa si ẹfi ẹnyi shi Isodọmụ ọnri Ijipti) irasha ọna ya kani Ananyiyi aanini tụni ọchi avashi. ⁹Aza renyi renyi, fụri irasha renyi renyi, ana nyi irare renyi renyi, fụri irekura renyi renyi, vaa si ẹkụshi ẹta rẹjiji vee re oku aanini. Ẹ zaa zẹẹ ki e ne wa tuni irikuta.¹⁰Ẹnẹna ra inẹẹsụ ẹshẹ ọnọni vaa jụjẹ, dẹẹ rupe tụa wa irẹsụ. Dẹẹ vana si isa tuu shi ẹngwụ, fụvọki ọkisẹ ẹviva ẹnẹni ẹẹ kụọ kata ẹnẹna ra inẹẹsụ ẹshẹ ọnọni ẹngwụ.Onivenu ẹẹva ẹnẹ ẹ sha kwẹẹtẹ fiini isu¹¹Ama, inaama ẹkụshi ẹta rẹjiji, di ifẹ ọtitụ vẹ fiidi Oshomoshi va ngwụ wa ẹngwụ, dẹẹ sha kwẹẹtẹ dinẹ. Angwashi ọbani vaa ngwụ ẹnene re wa ẹngwụ. ¹²Dẹẹ va wụ ọngwẹ ọbani fụrẹ ẹbẹẹba ka, "Shirẹ vẹ izọni!" Dẹẹ va shirẹ nẹbẹẹba na ngwụni egushi, di ọnivi aanini ee re wa.¹³Ini iwakati ọnọ, ẹtẹ vaa jagodo ọnọ si vi ki oche-ẹwu irẹkụra ọbani ọnọ vee wu. Aza akawụ oze ẹẹta tụra akashi (7,000) ene vee su ini ojagodo ọnọ, angwashi dọọ za ẹnẹna javọ rẹsụrẹsụ, dẹẹ sụgaa yi Oshomoshi ineeku ẹbẹẹba. ¹⁴Okatẹngwụ ọfụụva ọọ zi parafu da. Re! Ọkatẹngwụ ọfụụta aa vẹ inọfirọfira.Ọpani ọfụshimba ọ sụrẹyi¹⁵Umotu, di angẹni ọfụshimba fu ọpani aani; inaani di ọngwẹ ọbani karẹyi ineeku ẹbẹba, dọ ka, "Ijọva ẹshẹ ọọ si vara ijọva Ananyiyi shi ọi Ikristi aani. Ọ vaa ri oshinọyi poro pooro."¹⁶Inaani, di azẹkụ ofurẹna ana yatụ tuno ogede inọvidi Oshomoshi vakuẹtẹ. Dẹẹ fẹkẹ Oshomoshi. ¹⁷Dẹ ka, "Yaa si avọkụ yụ wụ, Ananyiyi Oshomoshi Ọnụkata bo, ana yinaaani ọmẹyani, ana yinaani vẹvẹvẹ, fụvọki waa si ụkata ọbani awụ fụrẹkụ da, dụụ shirogede da.¹⁸Irẹkụravabẹ nin bo vọnọ kụayi, ama ụmẹ ọikụ awụ o si tu. Ụmẹ o si tu ki a mishọọji yi enene fu su, dụ wa si ọgụ yi ezida awụ ana vi ọkisẹ yụ wa, ẹnẹna vi anọdọwụ, shi enene shangwa irẹsha awụ, shi onriwa, shi azewei shi azẹbani. Ẹfi o si tu ki enenee duẹshẹ, ku we vuwairi."¹⁹Inaani, da na itẹmpụrụ Oshomoshi ana yi ineeku ẹbẹẹba sha, dim re apoti irẹzẹ inaani. Inyanya dọọ ri vio, apavana Oshomoshi dọọ rinyẹrẹ, apavana Oshomoshi dọọ karutu, ẹtẹ do jagodo, di orishi ee ne irẹta.

Chapter 12Ọnyẹnẹ ọnyi ọnri idragọni

¹Mee re ọtẹrẹwa obani ineeku ẹbẹẹba: ọnyẹnẹ ana si ọyi me auru chire, di ụfẹ yini ẹpẹẹpẹtẹ afụ aani, do ku ade ana nyi ụzọmi ẹwụrẹva. ²Doo zirẹyẹ, dọọ barẹyẹ, doo rumanya ini irẹyẹ ọnọọ ba.³Umotu, dim ze re ọtẹrẹwa ọsa ineeku ẹbẹẹba: Re! Mee re idụragọni ọvivi ana bani nyangada, dọ nyiirẹsụ ishimba ọnri ẹpani ishimba, do ku ade ishimba tụnẹẹsụ. ⁴ Dọ si omu aani shi oche-ẹta ụzọmi ẹbẹẹba nin kụra, doo newa vaa shiẹtẹ. Idụragọni ọnọ, dọ dinẹ pe ọnyẹnẹ anaa barẹyẹ, doo zi ki ụmẹ ọnọ raa mozi da, doti ọnọ za ozi ọnọ ma ri.⁵Di ọnyẹnẹ ọnọ ma oziọnọrụ; oziọnọrụ ana vaa si orobo enyisụẹ mẹ ijọva tụra irẹkụravabẹ bo ana yi ẹshẹ rẹsụ. Daa va si ụkata tụ ozi aani fụrẹụvọ na yi Oshomoshi, na ngwụni ogede aani. ⁶Di ọnyẹnẹ ọnọ zue na ngwụni ụnọmi, izẹni Oshomoshi teni irasha tẹtẹ yọ, doti azụ si ẹkụshi akashinọnyi tụre ẹbẹrẹtata sio ọnyi-ozi.Ụkata Imaikẹni o funa ọi idragọni⁷Ọmeyani, irẹkụ yi ineeku ẹbẹba. Imaikẹni ọnri angẹni aani nin, dee pe idragọni ọnọ kụrẹkụ; di idragọni ọnri angẹni aani nin ẹn zẹ veyi ikụrẹkụ tu Imaikẹni ọnri angẹni aani. ⁸Ama ụkata idụragọni ọzi fụ ana vaa mẹ ki ọ fụ irẹkụ. Fụvavọ, di ọn ri angẹni aani rei ve ku re irasha ya ineeku ẹbẹẹba. ⁹Idụragọni ọbani ọnọ, ana vi isẹchichi ana yinaani fụrụmọrimọ, ọnaa shi Eshu navẹki Isatani, anaa ji ẹshẹ bo vene, de ne e chi va nyẹtẹ, shi ọn shi angẹni aani bo.¹⁰Inaani, dim wụ ọngwẹ ọbani fụri ineeku ẹbẹẹba: "Ọmẹyani, ọdidọzatụ ọ ngwụ da, shi ụkata, ijọva Oshomoshi ayi, ọnri ụmọ ọni Ikristi aani nyi. Fụvọki, ee ne ẹnẹnaa daaku ẹnyara ayi anọdọwụ nini, nyẹtẹ. ọni ọnaa si ọọdụ shi irafụụ daaku wa inọvidi Oshomoshi.¹¹Ẹẹ fụ irẹkụ ọnọ zirẹngwụ anya Oziatẹmẹ ọnri irenube aanini inọpati Ijesu, fụvọki ezi sirẹyi ẹshẹ aanini shi ẹ mẹ dakayẹ ki a va zụụ wụ ẹni fụvavọ. ¹²Fụvavọ, waa jụjẹ, ẹwụ ẹbẹẹba bo, shi ẹnẹna yinaani bo. Ama, ẹwụ ẹtẹ ọnri irefu, oo duwuku nini, fụvọki eshu o chi vẹ ve tu wu nini da. Ọikụ ọshimi o shi o inẹ, fụvọki ọọ yẹ ki ẹfi che ọnọn nyi.Idragọni ọ varama vẹ inẹẹsụ ẹtẹ va kụreẹkụ¹³Ẹfi ọni idragọni yẹ da ki ee ne ọni va nyẹtẹ da, dọọ dụ ọnyẹnẹ ana ma oziọnọrụ aavọ. ¹⁴Ama da si avaka ẹviva unomi ibangụrụ yi ọnyẹnẹ ọnọ, doti o zu shira na ngwụ irasha ene teni tẹtẹ yọ tụni ụnọmi. Irasha ọnọni ọna va yee sio ọnyi-ozi mẹ irayi ẹta rẹjiji --- da si ọ fụri izọni isẹchichi ọnọ ya.¹⁵Isẹchichi ọnọ dọọ va enyi fini irenu aani vene ọshara enyi doti ọ zụ si ọ kụ ọnyẹnẹ ọnọ naa. ¹⁶Ama di ẹtẹ mọgụvọ yi ọnyẹnẹ ọnọ, di ẹtẹ sharenu, do fu enyi ọni idụragọni ọnọ va shiẹtẹ fineenu aani. ¹⁷Inaani, di idụragọni aa mọikụ ọshimi shi ọnyẹnẹ ọnọ, dọ kụ irẹkụ giri ne tu ezi-irama ọnyẹnẹ ọnọ, ẹnẹnọvi ki ẹ vaatụra ụmọ Oshomoshi, dẹ zụfụshiẹtẹ ini irenube inọpati Ijesu. ¹⁸Inaani, di idụragọni dinẹ tụni ezi ini ụtọ irefu ọnọ.

Chapter 13Ijọoọnụ o re uye inavi ẹẹva

¹Inaani dim re uye inavi ọnya, dọ jinẹ fiini irefu. Ọ nyi ọpani ẹẹwu ọnri irẹsu shimba. Do ku ade ọnyọnya tuni ọpani ẹẹwu ẹnẹ, da chẹri irẹsha anyisi tụni irẹsụ aani ọnyọnya. ²Uye inavi ọnọni ọnim re, ọ si mẹi agava. Dọ nyi afụ Irada, irenuu ani dọ si mẹ irenu Idu. Di uye inavi ọshimi ọnọ si ụkata aani yọ, ọnri ogede aani, ọnri ụmọ aani ki ọ si mẹ ijọva.³Dọ simẹiki a wụ ọnya ini irẹsu uye inavi ọnọ da, ama da zẹ mẹ ki anava ọbani aani ọ vi. Ẹshẹ keekere vọno sheyi, dẹ vatụra uye inavi ọnọ. ⁴Dẹ zaa fii fẹkẹ idragọni ọnọ fụvọki ọ si ụmọ aani yi uye inavi ọnọ. Dẹ zaa fii fẹkẹ idragọni ọnọ bẹrẹ ẹ, dẹẹ kaa ka, "Ene vene uye inavi ọnọn kẹ?" ọnri "Ene ve zuu pe e vụrẹvụ kẹ?"⁵Aa si irenu yi uye inavi ọnọ, ọna vazụụ ka ofoto ọnri isa anyisi. Da sioze yọ ki ọ si ufẹ ẹbẹrẹva tụra ẹẹva mẹ ụmọ. ⁶Inaani, di uye inavi shaa renu, dọ ka isaanyisi shi Oshomoshi: ki isa anyisi shi irẹsha aani, izẹni ọ ra, ọnri ẹnẹna ra ineeku.⁷Aa sioze yi uye inavi ọnọ ki o pe anọdọwụ nini kurẹkụ doti ọ fụrẹkụ aanini. A zẹ si si ụmọ yọ tụra irẹsụ anda, aza, irarẹ ọnri irẹkụravabẹ bo. ⁸Ẹnẹ ẹna yẹshẹ bo vaa fẹkẹ ẹ; ẹnẹnọvi ki azẹ zi chẹri irẹsha aanini tuni Iwe Ẹshẹ, fụri ụmẹ ana fụrẹ mẹ ẹshẹ, ini iwe Ẹshẹ, ọna vi ozi atẹmẹ ọna wụ da.⁹Ẹzẹna ra nyi ụtọ, o batọ. ¹⁰Aaviki ọ nyi ẹzẹna vaa zaachire, ọzizachire ọna vaa zaachire. Aaviki ọ nyi ẹzẹna vaa si itakovi wụ, itakovi ọna va sii wụ ọ. Ọnọni vọna si shi ẹnẹna vi ọza ọnini ki ẹ navọ dẹ nyi ọsiẹngwụdọ ọnri ọdọwụ ini irẹyi Oshomoshi.Uye inavi ọfụụva¹¹Inaani, dim re uye inavi ọsa ki ọ jinẹ fiinẹtẹ. Ọ nyi ọpani ẹẹva vene oziatẹmẹ, dọọ karẹyi vene idụragọni. ¹²Dọ si ụmọ uyi inavi ipaapa mẹ ụkata ini ọvidi aani, dọ mẹ ki ẹtẹ ọnri ẹnẹna yinẹẹsụ ẹtẹ ̣ki ẹẹ sụbani yi uyi inavi ipaapa --- ọni anava ọbani aani si vi.11 Inaani, dim re uye inavi ọsa ki ọ jinẹ fiinẹtẹ. Ọ nyi ọpani ẹẹva vene oziatẹmẹ, dọọ karẹyi vene idụragọni. ¹²Dọ si ụmọ uyi inavi ipaapa mẹ ụkata ini ọvidi aani, dọ mẹ ki ẹtẹ ọnri ẹnẹna yinẹẹsụ ẹtẹ ̣ki ẹẹ sụbani yi uyi inavi ipaapa --- ọni anava ọbani aani si vi.¹³Dọ mẹ isa oshishozeyi ọbani. Dọ vana zẹ mẹ ki ira o chi fụri ẹbẹẹba va ngwụ ẹtẹ inọvidi aza. ¹⁴Dọ ji anẹshẹ vene zirẹngwụ ami ana si oze yọ ki ọmẹ. Dọ kaa yụ wa ki ẹ tụra ụmama ọnẹva sii si ụbani yi uye inavi ọna nyi anava tụ izẹna ya ka itakovi, ama do rezi su.¹⁵Aa sioze yọ ki ọ si ifẹ yi ụmama uyi inavi, di ụmama ọnọ ọkarẹyi, dọ mẹ ki aza bo ene reyi ki ẹne ̣zaa fẹkẹ uye inavi ka wụ wa. ¹⁶Dọ zẹ si ụkata mẹ ki aza bo, shi oweyi, shi ọbani, opisa ọnri oniriwa, shi ọrishi ọnri ozireshi, ki ẹ dọ ọtẹrẹwa tụni ụvọri aanini navẹki ini ibe. ¹⁷Ọzi nyi ọzọnzọnyi ana zụ na isa ọnọ nyi, navẹki ana zụ shi isa, ọchishi ki ọ nyi ọtẹrẹwa uye inavi ọnọ, ana vi irika ọna dinẹ yi irẹsha aani.¹⁸Ụvira ọna va sii za irẹyi ọnọni. Aaviki ọ nyi ọzọnzọnyi ana nyi ọyiyẹ ana ngwụnẹ, ọ navọ ọ za irika uye inavi ọnọ vabẹ bo. O vee re ki isa ọnọn zika vabe, vi irika ọza rẹyi irẹsụ. Irika aani vi 666.

Chapter 14Oziatẹmẹ ọnri aza akaashi oze ẹchẹshi tụra ẹbẹrẹna tụra ẹẹna

¹Maa zamẹtẹ dim re Oziatẹmẹ, ki ọ dinẹ tuni irẹsụfa Izayọni. Ẹnẹna dinẹ pe vi akashi oze ẹchẹshi tụra ẹbẹrẹna tụra ẹẹna (144,000), ẹnẹna chẹrẹ irẹsha aani ọnri irẹsha Ada aani tuni ibe aanini. ²Dim wụ ọngwẹ fụrẹ ẹbẹẹba ọnaa sụrẹyi vene enyi ọna rụrụ, dọọ karutu vene apavana Oshomoshi. Ọngwe ọnọ oo ze vi vene ọmaashẹ nini enee fu ijita.³Dẹ jashẹ ọwọwa inọvidi ogede, inọvidi isẹẹna ọna nyifẹ ọnri azẹkụ nini. Ọzi nyi ẹzẹna zụ kọsụẹ ashẹ ọnọ, ọchishi aza akawụ oze ẹchẹshi tụra ẹbẹrẹnatụra ẹẹna (144,000) ọna shii fini ẹshẹ ọnọni. ⁴Ẹnẹni ẹnẹ vi ẹnẹna razi si irẹyi ọnyẹnẹ kụ ẹvụvụ para ẹngwụ aanini, fụvọki ẹ mẹ ẹngwụ anini ọnini ini irẹyi asụ. Ẹni ̣ẹnẹ vatụra Oziatẹmẹ, irasha tụrirasha ọnọ ra nọ. Ẹnẹni vana shi fini akaakana anẹshẹ, da sụ wa mẹ ẹtụtụ ipaapa yi Oshomoshi ọnri oziatẹmẹ. ⁵Azẹzi re apinẹ ini irenu aanini; ẹ zi nyi ivi ọnyọnyi.Angẹni ẹẹta ẹ vee showu irenube ọiza yi irẹkụravabẹ bo⁶Dim re angẹni ọsa enee shira ini akaakana ashi, dọ za irenube ọiza ẹshẹ poro pooro chaụvọ ono vee showu aani yi anẹshẹ bo --- anda bo, irarẹ bo, ọnri aza bo. ⁷Dọ si ọngwẹ tụẹba, dọ ka, "Nyi angwashi Oshomoshi, dụ wa sụga yọ nin. Fụvọki ụmẹ ishọọji aani o si tu. Fẹkẹ ẹ, ọni ọnọ mẹ ineeku, dọ tụ ẹtẹ, irefu ọnri enyi ọnaa tụụ fiini ẹtẹ ọnri irẹta."⁸Di angẹni ọsa --- angẹni ọfụụva --- vatura ọi ipaapa, dọ ka, "Ibabirọni irẹkụra ọbani ọneeyiyẹ ọnọ, ọ si ẹdụ sụ, ọ si ẹdụ sụ; ọni ọnaa mẹ ki ẹshẹ keekere ee fueche irẹka ọsisẹ vene e."⁹Angẹni ọsa --- ọfụụta --- dọ vatụra wa, dọ si ọ̣ngwe tụẹba, dọ ka, "Aaviki ọzọnyọnyi ọ na fẹkẹ uye inavi ọnọ ọnri ụmama aani, dọ dọ ọtẹrẹwa tuni ibe navẹki ụvọ, ¹⁰o ze ve fii fu ini eche ọikụ Oshomoshi, eche ọikụ aani ọna razi va ẹnyi fura ana ka shi ipa ọikụ aani. Ẹzẹne re fu o vana vaa si ira ọnri emi ọyi mụyaari inọvidi angẹni ọnini Oshomoshi ọnri Oziatẹmẹ.¹¹Areyi ụyọọri aanini vana vaa tụ shirẹ poro pooro; ẹnẹnaa fẹkẹ uye inavi ọnọni ọnri ụmama aani, shi aza bo ana dọ ọtẹrẹwa irẹsha aani, ẹ zaa nyi ifoshi ọọdụ shi irafụ. ¹²Ẹnẹna vi ọza ọnini ẹ navọ dẹ nyi ọsiẹngwụdọ ọnri ọdọwụ ini irẹyi Oshomoshi, ẹnẹna si ụmọ Oshomoshi ọnri ọdọwu ini Ijesu mụkọrọ."¹³Dim wụ ọngwẹ fụri ineeku, ka, "Chẹrẹ ẹ tẹtẹ ka: Ẹdabẹrẹ ọnọ vi yi ẹnene su ini Ananyiyi. Avọ ọmẹ vi, fụvọ de zu shifẹ fini ụkọrọ aanini, fụvọki ụkọrụvọ aanini vaa vatụra wa," avọ Ifẹ Ọnini mẹ ka.Anẹshẹ vaa riọgụ ụkọrụvọ aanini¹⁴Maa zamẹtẹ, dim re egushi ọvụọvụ. Ọza ene vene ozi anẹshẹ dọ yatụ tụni egushi ọnọ. Do ku ade igoonu, dọ zaa ọbọnọkọ ạna rẹ chauvọ. ¹⁵Di angẹni ọsa jinẹ fini itẹmpuru, dọ si ọngwẹ tuẹẹba karẹyi yi ẹzẹna yatu tuni egushi ka: "Si ọbọnọkọ awụ, dụ wa dụ wa nyima ọfifa isirarẹ. Fụvọki ụmẹ ọna sii fa isirarẹ o si tu, ọmẹviki isirarẹ ẹshẹ onọni ̣ọ vi da". ¹⁶Inaani, di ẹzẹna yatụ tụni egushi ọnọ mii ọbọnọkọ aani kara ẹshẹ, dọ fa isirarẹ ẹshẹ.¹⁷Angẹni ọsa ọ zẹ jinẹ fini itẹmpụrụ ineeku, dọn nyẹmbẹ zẹ za ọbọnọkọ ana rẹ chaụvọ. ¹⁸Avaavo ọni angẹni ọsa nin mẹ zẹ jinẹ fini ọpẹtẹ ọna yaa ri eturari irạ, ọnọ nyi ụmọ tụra ira ọnọ irẹsụ. Dọ si ọngwẹ tụẹba karẹyi yi ọzẹna za ọbọnọkọ ana rẹ chaụvọ kạ, "Si ọbọnọkọ awụ ana rẹ du we pere ẹtụtụ ivaini fini ụbazi ẹshẹ, fụvọki ẹtụtụ aani bo ẹ ta vii."¹⁹Di angẹni ọnọ mii ọbọnọkọ aani shi ẹshẹ, do pere ẹtụtụ ivaini ẹshẹ gụ. Do nee ngwụni okoro eche ọbani ọikụ Oshomoshi. ²⁰Okoro eche ọnọ vana da tụni akajinẹ irẹkụra, di anya ee sii finaani, do shi netu ụgọdọ orupa ọna sii sụ ovurata irenu, do shi oziẹshẹ akashinta (1,600).

Chapter 15Angẹni ishimba ẹ za ọnya ụyọọri ishimba chaụvọ

¹Inaani, dim ze re ami ọsa fụri ẹbẹẹba, dọ bani, dọ vi oshishozeyi: Angẹni ishimba yiizọ ana za ụyọọri ishimba, ụyọọri ẹnẹ ọnọ vi ụyọọri ọikọtaa, fụvọki zirẹngwụ aanini ọni ọikụ Oshomoshi va yaa taa mẹ²Dim re isene vene irefu ọna simai oreyi ọni ira vafura. Ẹnẹna dinẹ gụrẹ irefu ọnọ vi ẹnẹna fụrẹkụ uye inavi ọnri ụmama aani, shi irika ana dinẹ hi irẹsha aani. Dẹ za ijita ọni Oshomoshi si yụ wa chaụvọ.³Dẹẹ jashẹ Imosisi, ozida Oshomoshi, ashẹ ọnẹ sii sụga yi Oziatẹmẹ: "Ụbani ọnri oshishozeyi ọni ọmimẹ awụ vi, Oshomoshi Ananyiyi, ọna vi Ọnụbani ene fu bo. Ọna sẹrẹ ọnri irẹiza ọni ọmimẹ awụ vi, Oshinọyi irẹkụravabẹ bo.⁴Ene re zee shiangwa awụ, Ananyiyi, dọọ zẹ sụga yi irẹsha awụ kẹ? Fụvọki ẹwụ renya kẹnẹ ọno ̣vi ọnini." Ẹshẹ keekere vaa vi ni ọvidi awụ vẹ vaa fẹkẹ wụ, fụvọki a si ọmimẹ awụ inoze ana sẹrẹ, zụ da."⁵Inaama isẹnẹni bo, maa zamẹtẹ, dim re ki itẹmpụrụ ọna nyi ajẹngwu ivenu ọ na tẹtẹ ineeku ẹbẹẹba. ⁶Di angẹni ishimba ọna za ụyọọri ishimba chaụvọ jinẹ fini irasha ana vi ọnini fu keekere. Auru ininẹni ọnaa vụ bẹnẹbẹnẹ one chire, dẹ da irachẹrẹ igoonu kurachi.⁷Ọnya ini isa ẹẹna ana nyi ifẹ ọ si ipa igoonu ishimba ene shi yi ọikụ Oshomoshi, ọna ra poro pooro, dọ si ọ yi angẹni ishimba ẹnẹ. ⁸Di itẹmpụrụ shi yi areyi ana fiini ụga ọnri ụkata Oshomoshi. Ọ zi nyi ẹnẹna zụ ngwụnaani netu ẹfi ọni ụyọọri angẹni ishimba ẹnẹ ta mẹ bo.

Chapter 16Ụyọọri ọna tụ fiini ọnya ishimba ẹnẹ vẹ

¹Maa wu ọngwẹ ọna nẹẹba kọọ shi angẹni ishimba fini itẹmpụrụ ka, "Na wana va ọikụ Oshomoshi ọna yini ọnya ishimba ẹnẹ shi ẹshẹ.²Angẹni ipaapa ọ naa dọ na va ọikụ Oshomoshi ọna yini ọnya aani shi ẹshẹ; di ikenebe ọna nyọzishẹrẹ chaka gidọ shi ẹnẹna nyi ọtẹrẹwa uye inavi, dẹẹ fẹkẹ ụmama aani.³Angẹni ọfụụva ọ va ọikụ ọna yini ọnya aani shi ininẹ irefu. Dọ vara anya, vene anya oku one su tẹtẹ, di isa ana nyi ifẹ bo ini enyi su va sha.⁴Angẹni ọfụụta ọ va ọiku ọna yi ini ọnya aani shi ininẹ okufa ọnri osue enee si, di enyi enbo vara anya. ⁵Dim wụ ki angẹni ẹnyi ẹ kaa ka, "Ẹwụ ọnọ vi ọmanasẹrẹ --- ẹzẹna ya, ọna bidi ya, ẹzẹna vi ọnini --- fụvọki wa mishọọji isẹnẹni bo da. ⁶Fụvọki ẹẹ ji anya anadọwụ ọnri ọkisẹ nin shi ẹtẹ dụụ si anya yụ wa fu; isẹnẹ sẹre ̣wa vọnọ." ⁷Dim wụ ki ọpẹtẹ ọ voshi ka, "Eeva, Oshomoshi Ananyiyi Ọnụkata fu bo, ishọọji awụ bo vi irẹiza ana dinẹ tụni ọmimanasẹrẹ."⁸Angẹni ọfụụna ọva ọikụ ọna yini ọnya aani shi inẹẹsụ ọyi, da si oze yi ọyi ki ọ si ira ri anẹshẹ. ⁹Di irivu ọshimi da anẹshẹ, dẹẹ ka isaanyisi shi irẹsha Oshomoshi, ọna nyi ụkata tụra ụyọọri ẹbani ẹnẹni irẹsụ. E zi rinẹ varama, ẹ zi zẹ si si ụga yọ.¹⁰Di angẹni ọfụụshi va ọikụ ọna yi ni ọnya aani shini Ogede uye inavi, di oozi oshi izẹnọ ya mijọva aani. Dẹ tọ irarẹ aanini fụvọ ọmẹmẹ zi wa tu. ¹¹Dẹẹ ka isaanyisi shi Oshomoshi ọna yi ineeku fụvọ ụyọọri ọnri anava aanini, ama ẹzi zẹ rinẹ varama fiini ọshimi ẹnẹ mẹ.¹²Angẹni ọfụshinọnyi ọ va ọikụ ọna yini ̣ọnya aani shi ini okufa ọbani Uferetisi. Di enyi aani bo wara zẹtẹ doti a zụ siọ fụ oze sha yi Oshinọyi nini ẹ̵na vaa vẹ fini aka oni ọyi jinẹ fụrẹ. ¹³Mee re ifẹ arimani ẹẹta ana si mai irivu ẹmẹ jinẹ fiini irẹnu uye inavi ovivi ọshimi ọnọ, uye inavi, ọnri ọkisẹ anapinẹ ọnọ. ¹⁴Fụvọki ifẹ azeeshi anaa mẹ isishishozeyi ẹnẹ vi. Dẹẹ jinẹ na ne tu oshinọyi anẹshẹ nin bo doti ẹ zụ kụ wa irẹsu gẹ fụvọ irẹku ọkụshi ọbani Oshomoshi ene fu keekere.¹⁵("Re! Venebiri oyi ọnim vaa vẹ! Ẹdabẹrẹ ọnọ vi yi ẹzẹna sieyipeẹtẹ, dọ si ẹfi bo chire auru aani doti asọ va na jinẹ ni ni ẹshẹẹshẹ daa si afụafụ aani ọnri ụshiọnyi aani re.") ¹⁶Aa kụ enbo vabẹ tụ irasha anaa shi Amagẹdọni ini irẹkụra Iburu.¹⁷Inaani, di angẹni ọfụshimba va ọikụ ọna yini ọnya aani shi ini ashi. Inaani, di ọngwẹ ọbani jinẹ fiini itẹmpụrụ ini ogede, dọ ka, "Ọọ ta mẹ!" ¹⁸Di inyanya ri, do furutu, di apavana ishinẹba karutu, di ẹtẹ jagodo --- ẹtẹ ọzi vọọ ji jagodo yẹẹyẹ fụrẹ ẹfi ana za si vẹrẹ aa ra ini ẹshẹ, ẹtẹ ọnọ vana jagodo bọm bọm. ¹⁹Irẹkụra ọbani ọnọ vana ga tu oze ẹẹta, di irẹkụra osa nin ana yini irẹkụra obani ọnọ vana chaka vasha. Inaani, di Oshomoshi tamayi Ibabirọni ọbani, dọ si ipa keeche ọikụ ọshimi aani oshiishii, dọ siọ yọ.²⁰Di irẹkụra ọni enyi varakara bo vurii, di irẹsụfa nin bo pevu. ²¹Di oriishii irẹta Oshomoshi ana rata vene itarẹnti ọnya aa zụụ nya wa irẹsụ fụri ẹbẹẹba. Dee chi Oshomoshi eku fụvọki ụyọọri oriishii irẹta Oshomoshi anaa zụ ọzi vi isa che.

Chapter 17Ibabirọni Ọbani ọnọ vi ọnyi ọsẹrẹka bo

¹Di ọnya ini angẹni ishimba ana za ọnya ishimba chaụvọ vẹ ve tu mi, dọ kaa yi mi ka, "Waa vẹ. Mvaa siọ zụ wụ, ivi ọna jiyi ọsẹrẹka ọbani ọna yatụ tụnẹẹsụ enyi ọrụrụ. ²Ọni ọni Oshinọyi ẹshẹ nin ee pe sẹrẹka. Eche irẹka ọsisẹ aani ọnaa mẹrẹ anẹshẹ bo.³Inaani, di angẹni ọnọ si mi ini ifẹ na ngwụni ụnọmi, izọ dim re ọnyẹnẹ ọna yatụ tụra uye inavi ovivi ọna chẹrẹ irẹsha isaanyisi ku ẹngwu. Uye inavi ọnọ ọ nyi irẹsụ ishimba ọnri ẹpani ẹẹwụ. ⁴Ọnyẹnẹ ọnọ ọ kụ ẹnya ipọpụrụ ọnri ovivi, dọ kụ igoonu, ọmọ ọnri iriwei ọsa shi ẹngwu. Dọ za ipa igoonu ọnọ vi ki isa ọshimi ọshimi ọnọ mẹ ọnri ẹvụvụ irẹka ọsisẹ aani, ono shi ininẹ aani ọnọ si chauvọ. ⁵Da chẹrẹ irẹsha tụni ibe aani, ọni ọshafụsha aani vi ka: "Ibabirọni Ọbani, ọnyi ọsereka nin bo ọna nyụvọ tụni imọrimọ bo ana yini ẹshẹ."⁶Dim re ki ọnyenẹ ọnọ o fu anya anaa mẹrẹ ẹ, fụvọki o fu anya anọdọwụ nin ana ji shi ẹtẹ ọnri ẹnẹnọvi ki aa wụ fụvọ ọdọwu aanini ini Ijesu. Ama, ẹfi ọnim re e, do shimeyi kokoro. ⁷Ama, di angẹni ọnọ fọ mi ka, "Ọmẹzi di irẹyi ọnọni meen shuweyi kẹ? Mva shaafụ sha yụ wụ, isẹni ọnyẹnẹ ọnọ ọnri uye inavi one chema a dinẹ yi, uye inavi ọna nyi irẹsu ishimba, ọnri ẹpani ẹẹwụ ẹnẹ.⁸Uye inavi onu re ọ bidi yini ẹshẹ, ọi kụ yinaani ọmẹyani, ama ọ va jantụ jinẹ vẹ fiini ụsi ana razi nyi ọtẹfi. Ụmavọ dọọ nọ irasha ono ve yee vurii. Ẹnẹna ra ini ẹshẹ, ẹnẹna razi chi chẹrẹ irẹsha aanini tụni lwe Ẹshẹ fụrẹ ẹfi ana si ẹshẹ kẹtẹ, o vee shuweeyi ụmẹne re re uye inavi ana bidi yinaani, ana razi kụ yinaani ọmẹyani, ama ana va jantụụ vẹ.⁹Ọtụtụrụma ụvira ọni irẹyi ọnọni si. Irẹsụ ishimba ẹnẹ vana dinẹ yi irẹsụfa ishimba ọni ọnyẹnẹ ọnọ yatụ tụ. ¹⁰Dọ zẹ di dinẹ yi oshinọyi ishimba. Ẹẹshi inaanini ee vurii da, ọnya yi yinaani, ọnya ọ navọ ọi vi vẹ; ụmọnọ ra vẹ, ẹfi keere ọnọ vaa mẹ.¹¹Uye inavi ọna bidi yinaani, ama dọ razi kụ yinaani ọmẹyani nyẹmbẹ vi oshinọyi ọfụshinta; ama ọnya ọno ̣vi ini Oshinọyi ofushinta; ama dọ zẹ vi ọnya ini oshinọyi ishimba ẹnẹ, ọn nyẹmbẹ vene nee vurii.¹²Ọpani ẹẹwụ onuu re vi oshinọyi ẹẹwụ ọna razi nyi nyi ijọva, ama ẹ vaa dọ ụmọ oshinọyi ini iwakati ọnya vabẹrẹ uye inavi ọnọ. ¹³Enbo vana nyi inẹ ọnya, dẹ si ụkataa ọnri ụmọ aanini yi uye inavi ọnọ. ¹⁴E vee pe Oziatẹmẹ kụrẹkụ. Ama Oziatẹmẹ vaa fụ wa irẹkụ fụvọki ọni ọnọ vi Ananyiyi ene funa ananyiyi nin, onri Oshiọyi ene funa oshinọyi nin --- ẹnẹna vabẹrẹ ẹnẹ vi ẹnẹna shi, ẹnẹna ni, ọnri ẹnẹna nyi ọdọwụ netuẹtẹ.¹⁵Di engẹni ọnọ kaa yi mi ka, "Enyi onuu re izẹni ọsẹrẹka ọnọ yatụ tụ vana dinẹ yi aza, azọkọni, irẹkụravabẹ nin ọnri irarẹ renyi renyi.¹⁶Ẹpani ẹwụ onuu re --- shi ọnshi uye inavi vaa nyishẹrẹ ọsẹrẹka ọnọ. Ẹ vaa tụọ avọ osusu, dẹẹ tụọ afuafu, ẹẹva ri uye ẹngwụ aani, ẹẹva si ira riọ ụpẹngwụ aani bo fiẹm. ¹⁷Fụvọki Oshomoshi ọ siọ tụ wa ọtụtụrụma da ki ono si ki ẹ mẹ isẹnẹni ọnọ si zẹ si ụkata ọnẹẹ sii mẹ ijọva yi uye inavi ọnọ netuẹfi ọni irẹyi Oshomoshi va sẹ.¹⁸Ọnyẹnẹ onuu re aavọ vi irẹkụra ọbani ọnaa mẹ ijọva tụra oshinọyi ẹshẹ nin bo.

Chapter 18Ibabirọni ọ siẹdụ sụ

¹Inaama isẹnẹni bo, dim re angẹni ọsa enee chii fụri ẹbẹẹba vẹ. Ọ nyi ụmọ kokoro, di ụga aani sha etofeyi tụra ẹshẹ ọnọni. ²Dọ si ọngwẹ tụẹba nowu ka, "Ibabirọni irẹkụra ọbani ọneeyiyẹ ọnọ, ọ si ẹdụ sụ, ọ si ẹdụ sụ! Ọọ si ẹngwụ aani vara ireshi azeeshi nini, irasha ovivutẹ yi ifẹ azeeshi tụrifẹ azeeshi, irasha ovivutẹ yi unomi turunomi ọna razi ni, ana nyọzishẹrẹ. ³Fụvọki ẹshẹ keekere e fu ini eche irẹka ọsisẹ aani. Oshinọyi ẹshẹ keekere nini e pe e mẹ itutu asụ da. Osofu ẹshẹ ọnọni ẹ vara opisa zirẹgwụ ụkata ẹshẹ irẹka ọsisẹ aani."⁴Inaani dim zẹ wu ọngwẹ ọsa fineeku ẹbẹẹba ka, "Tụ jinẹ fiinẹngwụ aani, ẹwụ nin aza ami, doti asụụ ne pe e nyụvọ tụni aichama aani nini, doti asụụ na kụ ẹngwu kụ ikụ aani ana garashi nini. ⁵Aichama aani o shi na ka ineeku ẹbẹẹba, ana mẹ ki Oshonoshi ọ tamayi isọshimi ọnọ mẹ bo. ⁶Si o atọ vene ọ mẹmẹ si aza atọ, Dụvọ oze ẹva tụni atọ ọnụụ ve si o ini isọshimi ọnọ mẹ bo; ipa ọnọ si ka eche ụyọọri yi aza, vọọ mẹ avaavọ oze ẹẹva yọ fu.⁷Vene ọ mẹmẹ si ẹngwụ aani tuẹbẹba, dọọ mẹshẹ avụkavụka, avọ ụ mẹ ra si ụyọọri yọ nin, vabẹrẹ inoodu. Fụvọki oo ro ini ọtụtụrụma aani ka, 'Oshinọyi ana shirogede, ana nyi ụmọ ọnim vi; ma zi vi osoku, ma zaa si eyi gẹrẹ orere.' ⁸ Fụvavọ ini ọkụshi ọnya, ikụ ọnri ụyọọri aani vaa vẹ: isuọwụọza, orere ọnri ọshashi. Ira vaa ri ọ ira vaasha bo, fụvọki Oshomoshi Ananyiyi vi Ọnụkata, ọni ọnọ vaa mishọọji yọ.⁹Oshinọyi anẹshẹ nin ene pe mẹ itutu asụ, dee pe e mẹ imọrimọ tụri imọrimọ, vee sune, dẹẹ jiorere, ụmẹ ene ze re areyi anni ọnaa shirẹ nẹbẹẹba ẹfi ọnọ ra rira. ¹⁰Ẹ vaa dinẹ tụrasha ọgọdọ, di angwa shi wa, ụmẹ ene ze re ụyọọri aani, dẹẹ ka, "Nyeiruwa, nyeiruwa, ẹwụ irẹkụra ọbani ọni eyi yẹ, Ibabirọni, irẹkụra ọbani ọna maan nyụkata aavọ! Ini iwakati ọnya chọ di ụyọọri awụ maan dinẹ tu wu."¹¹Osofu ẹshẹ ọnọni nin e sune yọ, di ẹngwụ aanini vashi, fụvọki ọi ku nyi ẹzẹnaa shi isa-ofu anni--- ¹²isa-ofu vene igoonu, isiriva, ireweyi renyi renyi, ininẹ ozoza, ita ipọpụrụ, ita siriki, ita ovivi, ọchi eturari renyi renyi, ọnya ụmọ renyi renyi, ọnya ọkatarishi renyi renyi ọna si ibọrọnzi, enyisuẹ, irẹta ọvụọvụ ọkatarishi nini mẹ, ¹³eturari isinamọni, isipayisi, eturari ọnaa jiraa tụ, eturari renyi renyi ọsa, eche, angwẹ, ayi ozoza, akụ, ụnọ, atẹmẹ, ovurata ọnri ikẹkẹ ovurata, ọrishi nini ọnri ifẹ aza.¹⁴Ẹtụtụ ọnụ waa si ẹchi ẹngwụ awụ bo si ọ si jụwavọ. Ụbani opisa awụ bo ọnri ọvi ana vatụra bo ẹ si pevu; aza ei kue re poro pooro.¹⁵Osofu isẹnini bo ana zirẹngwụ aani vara opisa vaa kavaana yọ, dẹ na dinẹ tụrasha ọgọdọ fụvọ angwashi ụyọọri anni, dee sune, dẹ kowusha, dẹẹ jiorere. ¹⁶Dẹẹ ka, "Nyeiruwa, ẹwụ irẹkụra ọbani ọneeyiyẹ, irẹkụra one chire auru ininẹni ozoza, ita ipọọpụrụ ọnri ita ovivi, ọna si igoonu teniẹngwụ, bẹrẹ ireweyi renyi renyi!¹⁷Ini iwakati ọnya chọ, ogu ẹnẹ bo ẹ ta vurii. "Oshiresụ ẹẹpa bo, anụkọrọ ẹpa bo, ẹnẹnaa si ̣ẹpa bo, ẹnẹni ọriri ọnri ofifu aanini vana fineenyi, dẹ dinẹ kavana yọ tụrasha ọgọdọ.¹⁸Dẹ kowusha e me re areyi ọnaa tụ ẹfi ọni Ibabirọni aa rira. Dẹ ka, "Yere irẹkụra ene vene irẹkụra ọbani ọnọni ọni eyi yẹ kẹ?" ¹⁹Dẹ kụ edudu kurẹsụ, dẹ kowusha, dẹẹ jiorere, dẹ karẹsụshi, dẹ ka, "Nyeiruwa, ẹwụ irẹkụra ọbani ọni eyi yẹ, irẹkụra ọni ẹnẹna nyi ẹpa tuni irefu bo ya vara opisa fụvọ ogu aani. Fụvọka ini iwakati ọnya chọ, ẹ ta vuri bo. ²⁰"Waa jụjẹ fụvavọ nin ẹwụ ineeku ẹbẹẹba, ẹwụ nin anọdọwụ, ẹwụ nin ọnitụ Oshomoshi, shi ẹwụ nin ọkisẹ,fụvọki Oshomoshi ọ mishọọji yọ da fụvọ isọshimi ọnọ mẹ ka wụ vẹ nin!"²¹Di angẹni ọbani ọnya si irẹta one vene irẹta ọkụọsẹ ọbani, do ne e na ngwụni irefu, dọ ka, "Aani ọna mẹ vaa za Ibabirọni, irẹkụra ọbạni ọni eyi yẹ ọnọ, daa si ọikụ ne e ngwụni irefu, dee me ku re poro pooro. ²²Isa-ofu ẹnenee fu ijita, ọmashẹ nin, ofu-ofere nin shi ofu-ọpani nin, azẹi kụa wụrẹyi aanini ininẹ awụ poro pooro. Ọzi nyi anụkọrụvọ ọnyọnyi ene ve kuu re ini akaakana awụ. Ọzi nyi irẹta ọkụọsẹ ọna va kụụ wụrẹyi ini akaakana awụ nin.²³Ẹtofeyi irakọpa ọi kụa sha ininẹ awụ poro pooro. Oi kụ nyi ẹzẹna vaa wụ ọngwẹ ọmụsha anaa si ọnẹ ọnri ozioshi anaa nyiọva ininẹ awụ poro pooro, fụvọki osofu awu ẹnẹ vi ozi Oshinọyi ẹshẹ ọnọni, dụụ si irakụọ ọmimẹ ji irẹkụravabẹ bo vene. ²⁴Ininẹ aani, ee re anya ọkisẹ nin ọnri anya anọdọwụ niṇ, shi anya ẹnẹna wụ bo ini ẹshẹ.

Chapter 19Ẹnẹna yi ẹbẹẹba aa jashẹ ụjẹ

¹Inama isẹnẹni bo, dim wụ ọngwẹ ene vene ọngwẹ azẹrụrụ fineeku ẹbẹẹba ka, "Alleluya. Ọdọtu, ụga ọnri ụkata vi ayi Oshomoshi ayi. ²Ishọọji aani vi irẹiza, dọ vọrọ, fụvọki ọ mishọọji yi ọsẹrẹka ọbani ọnọ ana kụ ivi itutu ọmimẹ para anẹshẹ ini itutu asụ aani. Oo siatọ anya ezida aani ọni ọsẹrẹka ọnọ si ụvọta aani jishiẹtẹ da."³Dẹ zẹ karẹyi ụpọfụva ka; "Alleluya! Areyi aani tụụ shirẹ fini ẹngwụ aani poro pooro." ⁴Di azẹkụ ofurẹna ẹnẹ ọnri isẹẹna ona nyifẹ̣ ẹnẹ vakuẹtẹ, dẹ si irẹsụ kẹtẹ, dẹ fẹkẹ Oshomoshi ọna yatụ tụra ogede. Dẹẹ kaa ka, "Aami. Alleluya!"Oziatẹmẹ ọ rupe ọnyinyi ọnẹ⁵Inaani di ọngwẹ fiini ogede ọnọvẹ, dọ ka, "Sụga yi Oshomoshi, ẹwụ nin ezida aani bo, ọna nyi angwashi aani, shi ẹnẹna razi zika bẹrẹ, shi ọnụkata nin."⁶Inaani, dim wụ ọngwẹ one vene ọngwe azẹrụrụ, do vene ọkụ enyi ọrụrụ, ọnri apavana Oshomoshi ọnaa karutu, di irasha bo e sheni, dọ ka, "Alleluya! Fụvọki Ananyiyi ọ shirogede, Oshomoshi, ọnaa mijọva tụra aza bo irẹsu.⁷Navọ yaa jụjẹ, di inẹ ayi oo shine kokoro, di yaa sụga yI Oshomoshi fụvọki upe ọsisi ọnẹ ga Oziatẹmẹ o si tu, ose aani o teni ẹngwụ tẹtẹ da. ⁸A sioze yọ ki o chire auru ininẹni ọnaa jira, dọ ni ẹtẹrẹ, do zoza kokoro" (fụvọki ininẹni ozoza ọ dinẹ yi ọmimanasẹrẹ aza ọnini).⁹Di angẹni ọnọ kaa yi mi ka, "Chẹrẹ ẹ tẹtẹ ka, Ẹdabẹrẹ ọno ̣vi yi ẹnẹna tushi ki ẹẹ vẹ ini ọnẹ ọsisi Oziatẹmẹ." Dọ zẹ kaa yi mi ka, "Ẹnẹni vi irẹyi irẹiza Oshomoshi." ¹⁰Dim vakụẹtẹ tụni ọvidi aani, di maa vaa fẹkẹ ẹ, ama dọ kaa yi mi ka, "Navọ asụụ vọvọ mẹ! Ẹmi nyẹmbẹ vi ozida vene wu, dim zẹ vi ọnyara awụ ọna sụvọza ivenu Ijesu. Fẹkẹ Oshomoshi, fụvọki ivenu inọpati Ijesu vi ifẹ ọkika isẹ."¹¹Inaani, dim re ka, ineeku ẹbẹẹba ọ fụ sha, ma zamẹtẹ, dim re ovurata ọvụọvụ. Ẹzẹna shirẹ ọnaa shi anadọrenu ọnri irẹiza. Oze ọna vọrọ ọnọ zii mishọọji, ọnọ ya zẹ kii kụrẹkụ. ¹²Irii aani o vene ira ọnaa za, di ade ọrụrụ yinẹẹsụ aani. A chẹrẹ irẹsha tụ ẹngwụ, ọnọ vi ki ọzi nyi ẹzẹna yẹ, ọchishi ọn renya ọnọ yẹ. ¹³O chire auru ọna tụ fini anya; irẹsha aani vi Irẹyi Oshomoshi.¹⁴Di angẹni irẹkụ ana yineeku ẹbẹẹba vatụra a, de chire auru ininẹni ọvụọvụ ọna ni. ¹⁵Di itakovi ọna rẹ kokoro tụ fineenu aani; ọni ọnọ vaa ka ẹkụravabẹ bọ, dọ si ụvọ enyisụẹ mijọva tụrawairẹsụ. Ini okoro eche ọikụ ọbani Oshomoshi ọnọ ya kụọrọ ọikụ ọbani ani. ¹⁶Da chẹrẹ irẹsha ọnyi tụni auru aani ọnri usi aani: "Oshinọyi oshinọyi nin bo, ọnri Ananyiyi ananyiyi nin bo."¹⁷Dim re angẹni ọna dinẹ tụni ọyi. Dọ si ọngwẹ tụẹba karẹyi yi unomi nin onee shira inẹbẹẹba ka, "Waa vẹ nini, pere ẹngwụ gụ nin fụvọ upe ọbani Oshomoshi." ¹⁸"Waa vẹ, wa va ri uye oshinọyi nin, uye oshirẹkụ nin, uye ẹnẹnaza irẹkụra kuokuvọ, uye ovurata ọnri ẹnẹnaa shirẹ wa, ọnri uye irẹkụravabẹ bo, ọnri uye aza bo, shi ẹnẹna dọtu da ọnri ọrishi, ẹnẹna razi nyi ọmimẹ ọnri ọnụkata nini"¹⁹Mee re uye inavi ọnọ ọnri oshinọyi ẹshẹ nin ọnri ọkurẹkụ aanini. Ee pere ẹngwụ gụ doti e roze pe ẹzẹna shirẹ ovurata ọnri ọkurẹkụ aani kụrẹkụ. ²⁰Da va za uye inavi ọnọ ọnri ọkisẹ anapẹ ọnaa mẹ ẹtụravọ inọvidi aani. Ẹtụravọ ọnoni vọnọọ sii ji ẹnẹna dọ ọtẹrẹwa uye inavi ọnọ, dẹẹ fẹkẹ ụmama aani, vene. Ẹnẹviva vone vee ne reyi reyi na ngwụni ira ọrọkọtọ ọna ri ọnri emi ọyi ọnaa rira.²¹Da si itakovi ọnaa tụụ jinẹ fineenu ẹzẹna shirẹ ovurata ọnọ wụ ẹnẹna vọ. Di unomi keekere vẹ va ri uye aanini.

Chapter 20Ikristi ọnri aza aani va gẹẹ rioshinọyi mẹ irayi akaashi

¹Inaani, dim re angẹni o nee chi fụri ẹbẹẹba vẹ; dọ za ụkọkọrọ ụsi ana razi nyi ẹgẹ chaụvọ, dọ zẹ za ẹba ọbani chaụvọ. ²Ọ gụ idragọni ọnọ, ana vi oshuku isẹchichi, ọnạ vi eshu navẹki isatani, dọ za a chire mẹ irayi akashi. ³O ne e ngwụ ụsi ana razi nyi ẹgẹ, do gu o, dọ si ẹsụnẹ sụnẹ ẹ. Ọ maan vi fụvọ di asọ kụ roze ji aza vene netu ki irayi akashi ọnọ ọ parafu. Inaama ọnọ, a vaa naa tụ ini ẹfi keere.⁴Inaani, dim re ogede ẹrụrụ. Ẹnẹna yatụ tụni ogede ẹnẹ vi ẹnẹna si ụmọ yi ki ẹ siọọ mishọji. Dim ze re ẹnẹna darẹsụ fụvọki ẹ divenu inọpati Ijesu ọnri irẹyi Oshomoshi. Ẹ zi fẹkẹ uye ụnọmi ọnọ navẹki ụmama aani ana bẹ, de ze yi yi ki ẹnẹ zi dọ ọtẹrẹwa aani tuni ibe navẹki inụvọ. Ẹ varama vẹshẹ, dẹ bẹrẹ Ikristi mijọva mẹ irayi akashi.⁵Azẹnẹ su anavọ ẹ zi sha kwẹẹtẹ poro netu ẹfi ọni irayi akashi mẹ parafu. Ọnọni ọno ̣vi ọshisha kwẹẹtẹ ipaapa. ⁶Ẹdabẹrẹ ọnri ọnini ọnọ vi yi ẹnẹna bẹ tụni ọshisha kwẹẹtẹ ipaapa. Isu ụpọfụụva ọzi nyi ụkata inẹẹsụ azẹnẹni. Arufa Oshomoshi ọnri arufa Ikiristi ọnẹ vaa vi, dẹ va si irayi akashi bẹrẹ mẹ ijọva.A mẹmẹ fụrẹkụ eshu⁷Irayi akashi ra si parafu, a vaa na eshu tụụ fiini ijaaru ana zachire tụ. ⁸Ọ vaa jinẹ tụra na ji anẹshẹ nin vene ini aka-ẹnina ẹshẹ --- Igọgi ọnri Imagọgi --- doti ozu pere wa gụ zi irẹkụ. Ẹ vaa rụrụ vene ezi ini irefu.⁹Ẹ ziọ shirẹ na ngwụ oziẹshẹ ana yini ẹshẹ ọnọni keekere, dẹ varakara anọdọwụ nini izẹne pere tụ, ini irẹkụra ono sirẹyi aani. Ama, di ira chi fụri ẹbẹẹba, do vuwa irii. ¹⁰Eshu ọna jụ wa vene, vọne ne ngwuni ira ọrọkọtọ ọnaa ri ọnri emiọyi ọnaa ri vioo, izọ one ne uye ụnọmi ọnri arụfa anapẹ ngwụ. A vaa mụyaa rụ wa ọọdụ shi irafụ poro pooro.Aa mẹ ishọọji ini ogede ọvụọvụ ọbani¹¹Inaani dim re ogede ọvụọvụ ọbani nyangada, shi ẹzẹna yatụ tụnaani. Di ẹtẹ ọnri ineeku ẹbẹẹba kụafụ kuechi, de zue fini ọvidi aani, ama e zi re irasha ngwụ. ¹²Dim re ẹnene fu su --- azẹ̣bani nini ọnri aza kẹnẹ kẹnẹ --- dẹ dinẹ tụni ọvidi ogede, da fụ iwe nin shiẹtẹ. Umotu, da zẹ fụ iwe ọsa tẹtẹ --- Iwe Ẹshẹ. Isa ọna chẹrẹ tụni iwe ọnọ ọnaa sii mishọọji yi ẹnene fu su zirẹ ụkọrụvọ ọzọọza.¹³Di irefu tọmọ ẹnene fu su ana yinaani jinẹ vẹ. Di isuọwụọza ọnri ineeku ọrọkọtọ tọmọ ẹnene fu su ana yininaanini jinẹ vẹ, da mishọọji yụ wa zirẹ ụkọrụvọ aanini. ¹⁴De ne isuọwụọza ọnri ineeku ọrọkọtọ ngwụni ira ọrọkọtọ. Ọnọni ọnọvi isu ọfụụva --- ira ọrọkọtọ. ¹⁵Aaviki ọ nyi ẹzẹni irẹsha aani razi yini Iwe Ẹshẹ, dee ne e ngwụni ira ọrọkọtọ.

Chapter 21Ineeku ọwọọwa ọnri ẹshẹ ọwọọwa anaa vẹ

¹Inaani, dim re ineeku ọwọọwa ọnri ẹshẹ ọwọọwa, fụvọki ineeku ipaapa ọnri ẹshẹ ipaapa ẹẹ parafu da, shi irefu nyẹmbẹ ọi kụ yinaani. ²Mee re irẹkụra ọnini, Ijerusanẹmụ ọwọọwa one chi fụri ẹbẹẹba vẹ fiidi Oshomoshi, de teni ọ ẹngwụ tẹtẹ vene ozioshi ani ẹngwụ sẹrẹ onee zi ọva aani.³Dim wụ ọngwe ọbani ọnya fiini ogede ọnọ ka, "Re! ireshi ọni Oshomoshi ra, ọ vẹ va ya pe anẹshẹ; Oshomoshi vaa ra pe wa. Aza Oshomoshi ọnẹ vaa vi, Oshomoshi ọn nyẹmbẹ vaa ya pe wa, dọọ vi Oshomoshi aanini. ⁴O vee nye ẹgọ fụrẹ wa eyi, isuọwụọza nyẹmbẹ ọi kụa yinaani, shi ọkikarẹsụ shi, navẹki une, navẹki isa a zi ọza. Isa ọkụkụ bo ẹ parafu da."⁵Di ẹzẹna yatụ tụra ogede ka, "Re! maa vara isa bo tụni ọwọwa." Dọ ka, "Chẹrẹ ọnọni tẹtẹ fụvọki irẹyi ẹnẹni vi irẹiza ọna va zụụ dọrenu. ⁶Dọ kaa yi mi ka, "Aa mẹ isẹnẹni dạ! Ẹmi ọnọ vi Aafa ọnri Omega, Ipaapa ọnri Ọikọta. Ẹzẹni oonyi raa kụ, mvaa si enyi ọfẹ yọ fini enyi osue ọnaa si ẹshẹ yi aza.⁷Ẹzẹna ra fụrẹkụ vaa kụ isẹnẹni bo ogu, dim vi Oshomoshi aani, dọn zẹ vi ozi ami. ⁸Ama anangwashi nini, ẹnẹna razi nyi ọdọwụ, ẹnẹnaa mẹ isaanyisi, ọwụọza, ọsẹrẹka, ọfẹkẹ ori, anẹbe nin, ipa aanini vana yini ira ọrọkọtọ ọna nyi emi ọyi ọnaa zira; ọnọni ọnọ vi isu ụpọfụụva."Ijerusanẹmụ ọwọọwa⁹Di ọnya ini angẹni ishimba ọna za ọnya ishimba one shi yi ọkatẹngwụ ishimba ọikọta, ve tu mi, dọ ka, "Waa vẹ. Mvaa si ọnẹ zụ wụ, ana vi ose Oziatẹmẹ." ¹⁰Inaani, dọ si mi ini ifẹ na shirẹ irẹsụfa ọbani, dọ si irẹkụra Ijerusanẹmụ ọnini one chi vẹ fụri ineeku ẹbẹẹba idi Oshomoshi zụ mi.¹¹Ijerusanemụ ọnyi ụga Oshomoshi, ọnri ẹtofeyi aani aa danyerenyere vene ireweyi ẹbani ẹbani, dọ simai irẹta ene vene oreyi neene ọnaa shi Ijasipa. ¹²Ọvọ aani ọbani, dọ nẹba, dọ nyi ọchiọfọ ẹwụrẹva, di angẹni ẹwụrẹva yini ọchiọfọ aani ọzọọza. Da chẹrẹ irẹsha anda Isrẹni ẹnẹwụrẹva tụnaani. ¹³Di ọchiọfọ ẹẹta yi aka izẹni ̣ọyi jinẹ fụrẹ. Ọchiọfọ ẹẹta yi aka ẹbẹẹba, di ̇ọchiọfọ ẹẹta yi aka ẹteẹ̣tẹ, di ọchiọfọ ẹẹta yi aka izọni ọyi yaa ngwụẹtẹ.¹⁴Ọvọ irẹkụra ọnọ nyi oshiẹtẹ ẹwụrẹva, da chẹrẹ iresha ọnitụ ẹwụrẹva Oziatẹmẹ tụnaani. ¹⁵Di ẹzẹnee pe mi karẹyi za ọchi ana sii mọ isa ana si igoonu mẹ chaụvọ, ọnọ va sii mọ irẹkụ̣ra ọbani ọnọ, ọchiọfọ aani ọnri ọvọ aani.¹⁶Irẹkụra ọbani ọnọ vana da tụni ẹtẹ ọni irakasha ẹnina aani vi ẹbẹẹbẹ; ọmẹ gana, avọ ọmẹ zẹ gi gọdọ. Dọ si ọchi anaa si mọ ẹtẹ, dọ mọ irẹkura ọbani ọnọ, dọ si vi akawụ akawụ oze ishinọnyi ọni ụgọdọ aani vi (ugọdọ, ugana, ọnri ọninẹba aani, dọ viki ẹbẹẹbẹ ọnọ vi) ini Isitadiya. ¹⁷Ọ zẹ mi mọ ọvọ aani, di ụrata ọvọ ọna si siọ kẹtẹ vi Ikubiti ẹchẹshi ọnri ẹbẹrẹva tụra ẹẹna, amẹ si ụvọ ọza mọ ọ (avọ ọni angẹni ọnọ mẹ zẹ mi mọ ọ).¹⁸Ọvọ aani vọna si ijasipa da, da si igoonu da irẹkụra ọbani ọnọ, ene vene oreyi neene. ¹⁹Oshiẹtẹ ọvọ irẹkụra ọnọ vọna si irẹta ireweyi renyi renyi teni ẹngwụ. Ọi ipaapa vi ijasipa, ọfụụva vi isafaya, ọfụụta vi ageti, ọfụụta vi ẹmiradi, ²⁰ọfụụshi vi ọnisi, ọfushinọnyi vi ikanẹriyani, ọfushimba vi ikirisoriti, ọfushinta vi ibẹriri, ọfushinna vi itọpazi, ọna gụ ẹẹwụ vi ikirisopirasi, ọna gụ ọ ẹwurọnya vi ijasiniti, ọna gụ ọ ẹwụrẹva vi amitisiti²¹Oze ọbani ẹwurẹva vi ireweyi renyi renyi ẹwurẹva; ọnyọnya inoze ọbani ẹnẹ vana si ireweyi ọnya mẹ. Igoonu ebebani ana nyi neene vene oreyi ọna si tụ oze irẹkụra ọbani ọnọ. ²²Me zi re itẹmpụrụ ọnyọnyi ini irẹkụra ọnọ, fuvọki Oshomoshi Ananyiyi Ọnụkatabo ọnri Oziatẹmẹ ẹne ̣vi itẹmpụrụ irẹkụra ọnọ.²³Ọzi nyi isaa si ọyi navẹki ụfẹ mẹ ini irẹkụra ọbani ọnọ fụvọ ẹtofeyi, ọnri ụga Oshomoshi ana sha tụra irẹkụra ọbani ọnọ, di Oziatẹmẹ vi ọpa aani. ²⁴Irẹkụravabẹ keekere vana vaa zụsẹ zirẹngwụ ẹtofeyi irẹkụra ọbani ọnọ. Oshinọyi ẹshẹ ọnọni nini vaa si ifaari aanini ngwụni izọ. ²⁵Azẹzee chire ọchiọfọ irẹkụra ọnọ inụmọọdụ, ọi vanaa nyi irafụ izọ.²⁶Ẹ vaa si ifaari aanini ọnri ụbani irẹkụravabẹ keekere ngwụni irẹkụra ọbani ọnọ, ²⁷ọnri ki ọzaa nyi isọnyọnyi ọna nyi ẹvụvụ ana vaa ngwụnaani poro. Shi ẹnẹna mẹ isụshiọọnyi, shi ọjiọzavene nin ẹ zaa ngwụnaani, ọchishi ẹnẹna chẹrẹ irẹsha aanini tụni Iwe Ẹshẹ Oziatẹmẹ.

Chapter 22Osue enyi ẹshẹ

¹Inaani, di angẹni ọnọ si okufa ọni enyi ẹshẹ yee si zụ mi, di enyi ọnọ ni neene vene ikirisita. Enyi ọnọ venee sii fini ogede Oshomoshi ọnri ogede Oziatẹme, ²dọ zi akaakana irẹkụra ọnọ parafu. Di ọchi ẹshẹ dinẹ tụni irakasha ẹviva okufa ọnọ, dọọ si ụfụụfẹ tụ ẹtụtụ renyi renyi oze ẹwụrẹva. Avi ọchi ọnọ vene sii si aza ana yi irẹkụravabẹ keekere ikụ.³Ọi kụa nyi irẹyi ekuochi ọnyọnyi. Ogede Oshomoshi ọnri ogede Oziatẹmẹ vana vaa yini irẹkụra ọbani ọnọ, di ezida aani aa fẹkẹ ẹ. ⁴E vee re eyi aani; a vaa chẹrẹ irẹsha aani tụ wa ibe. ⁵Irafụ ọi kụa yinaani; ọi kụa nyi ki ee si ẹtofeyi ọpa navẹki ẹtofeyi ọyi izọ, fụvọki Oshomoshi Ananiyiyi vaa sha ẹtofeyi tụra wa. Ẹ vaa mijọva poro pooro.Ijesu a varama vẹ ini ọfirọfira⁶Di angẹni ọnọ kaa yi mi ka, "Irẹyi ẹnenị vi irẹiza ọna nyụfụshitẹ. Ananyiyi, Oshomoshi ifẹ Ọkisẹ nini, ọno tụ angẹni aani ki ọ va si isẹnẹ va jantụ mẹ zụ ezida aani." ⁷"Re! Maa vẹ ini ọfirọfira! Ẹdabẹrẹ ọnọ vi yi ẹzẹna ra si ẹtoore ọna chẹrẹ tụni iwe ọnọni mụkọrọ."⁸Ẹmi Ijọọnụ ọnọ sụtọ wụ irẹyi ẹnẹni bo, dim zẹ si iri ami re isẹnẹni bo. Efi ọnim wụ, dim ze si iri ami re wa, dim vakuẹtẹ ki ma fẹkẹ angẹni ọna si irẹyi ọnọni bo zụ mi. ⁹Dọ kaa yi mi ka, "Asụụ vọvọ mẹ! Ẹmi nyẹmbẹ vi ozida vene wụ, shi ẹnyarawụ ọnri ọkisẹ nini, shi ẹnẹnaa si irẹyi ọna yini iwe ọnọni mukọrọ. Fẹkẹ Oshomoshi!"¹⁰ Dọ kaa yi mi ka, "Asụụ sụnẹ irẹyi ẹtoore iwe ọnọni, fụvọki ẹfi aa kavaape. ¹¹Ẹzẹna ra vi ọzọshimi, ọ navọ ọọ mẹ isọshimi nọvidi. Ẹzẹna ra vi ọsẹrẹka, ọ navọ ọọ mẹ itutu asụ nọvidi. Ẹzẹna ra vi ọmanasẹrẹ, ọ navọ ọọ mẹ isẹna sẹrẹẹ nọvidi. Ẹzẹna ra vi ọza ọnini, ọ navọ ọọ mẹ ọnini aani nọvidi."¹²Re! Maa vẹ ini ọfira ọfira. Maa za ọgụ ọnim va sii yi ọzọọza zirẹngwụ ụkọrụvọ aani chaụvọ. ¹³Ẹmi ọnọ vi aafa ọnri omega, ipaapa ọnri okeke, enyima ọnri ikọọta.¹⁴Ẹdabẹrẹ ọnọ vi yi ẹnẹna nyina auru aanini doti ẹ zụ nyi ụmọ ọne ̣va sii ri fini ọchi ẹshẹ, shi ụmọ ọnẹ va sii para oze ọbani fu ngwụni irẹkụra ọbani ọnọ. ¹⁵Irezi nin ẹnẹ yini ẹshẹẹshẹ irẹkụra ọbani ọnọ, shi ọnrakụọ nin, ọsẹrẹka nin, ọwụọza nin, ẹnẹnaa fẹkẹ ori nin, shi ẹnene sirẹyi apinẹ ọnri irikishi.¹⁶Ẹmi Ijesu ọnọ tu angẹni ami ki ọ va divenu inọpati isẹnẹni yi ichọọhi bo. Ẹmi ọno ̣vi ẹpa ọnri ozirama Idevidi, dim vi ụzọmi ọnẹnẹ ọnaa za bẹnẹbẹnẹ.¹⁷Ifẹ ọnri Ozioshi ka "Waa vẹ!" Navọ ẹzẹna ra wụ irẹyi ọnọni ọ kaa ka, "Waa vẹ!" Ọzatụrọza ọni oonyi raa kụ, ọ navọ doti ọọ vẹ, ẹzẹnọ ra ngwụeyi, ọ navọ ọ va ini enyi ẹshẹ ka ọpa ene re zeeyi fu.Irẹyi ọikọọta¹⁸Maa divenu irẹyi ọnọni yi aza bo ana wụ irẹyi ẹtoore ọna yini iwe ọnọni: Aaviki ọnyi ẹzẹna si bẹrẹ wa, Oshomoshi vaa da ụyọọri ana chẹrẹ tụni iwe ọnọni bẹrẹ ẹshẹ ọzọnọ. ¹⁹Aaviki ọ nyi ẹzẹna si fini irẹyi ẹtoore ọna yini iwe ọnọni, Oshomoshi vaa da ọ ọgiga ọnọ vọrọ ki ọzọnọ ọ nyi fini ẹshẹ aani, shi ọgiga ọnọ vọrọ ki ọ nyi ini irẹkụra ọnini ọbani ọnọ ọna chẹrẹ inọpati aani tụni iwe ọnọni.²⁰Ẹzẹna divenu irẹyi ẹnẹni ka, "Avọmẹvi! Maa vẹ ini ọfira ọfira." Aami! Waa vẹ, Ijesu Ananyiyi! ²¹Ọiza ọfẹ Ijesu Ananyiyi ọ va ya bẹrẹ ẹwụ nin bo. Aami.

Etuno: Unlocked Literal Bible for 1 Corinthians, 1 John, 1 Peter, 1 Thessalonians, 1 Timothy, 2 Corinthians, 2 John, 2 Peter, 2 Thessalonians, 2 Timothy, 3 John, Acts, Colossians, Ephesians, Galatians, Hebrews, James, John, Jude, Luke, Mark, Matthew, Philemon, Philippians, Revelation, Romans, Titus

Formatted for Translators

Matthew

Mark

Luke

John

Acts

Romans

1 Corinthians

2 Corinthians

Galatians

Ephesians

Philippians

Colossians

1 Thessalonians

2 Thessalonians

1 Timothy

2 Timothy

Titus

Philemon

Hebrews

James

1 Peter

2 Peter

1 John

2 John

3 John

Jude

Revelation