Bible

Matthew

Chapter 1

¹Ukpalawhu edhi-ekpe Jizọsi Kalasi ụnwo Davidi, ụwno Ebilahamu. ²Abilahamu bụ Ida Aziki, Aziki bụ ida Jecọpu, Jecopu bụ ida Juda lị ụmunwanaa. ³Juda bụ ida Pẹlezi lị Zẹla amu Tama ụmo. Pẹlezi bụ ida Hẹziloni au bu ida Lamụ.⁴Lamụ bụ ida Aminadabụ, Amknadabụ bụ ida Nashoni mụ Nashoni bụo ida Salimoni. ⁵Salimoni bụ ida Bowazi amụ Lehabụ umụo. Bowazi bụ ida Obẹdi amụ Lutu umụo. Obẹdi bụ ida Jẹse. ⁶Jẹse bụ ida Debidi amubọ eze. Debidi bụ ida Solomọni amụ nweni Iloya umụo.⁷Solomọni bụ ida Lihobamu, Lihobamu bụ ida Abija. Abija bụ ida Asa. ⁸Asa bū̇ ida Jẹhoshapati, Jẹhoshapati bu ida Jolamu,bụ ịdakani Uziya.⁹Uziya bụ ida Jotamụ, Jotamu bụ ida Ahazi, aAhazi bụ ida Hẹzikaya. ¹⁰Hẹzikaya bụ ida Manasẹ, Manasẹ bụ ida Amoni. Amọni bụ ida Josaya. ¹¹Josaya bụ ịdakani Jekoniya li̇ ụmu nwanaa aụkoma l'ekele mu alawẹebhe ulu lị Babilọni.12¹²Awamu ụzhiwhobhe l'ulu lị Babịloni, mụ Jekoniya mụo Shẹtiye. Shẹtiye bụ idakani Zelubabẹli. ¹³Zelubabẹli bụ ida Abiyudu, Abiyudu bụ ida Ẹlakimi, Ẹlakimi bụ ida Azọ. ¹⁴Azọ bụ ida Zadọku, Zadọku bụ ida Achịmu mụu Achịmu bụo ida Ẹludu¹⁵Ẹludu bụ ida Ẹliyazọ, Ẹliyazọ bụ ida Matani mụu Matani bụo ida Jekọpu. ¹⁶Jekọpu bụ ida Josẹpu izhi Meli, nyemụ ụmụo Jizọsi amu uwhọbhe Kalasi.¹⁷ Bhẹle bhẹle uko gontu l'uko Ebilahanu dhuma uko Debidi bụ dh'uko lị uk'ịno, gontu l'uko Debidi tụtu dhuma uko emene ụlawebhe ulu lị Babịloni bụ dh'uko lị uk'ịno, gontu l'ekelemụ ụkadhebhe ulu lị Babịloni dhuma ekele mụ ụmuo bhe Kalasi bụ dh'uko lị uk'ino.¹⁸Ombụ kpụ ụmomu Jizọsi Kalasị ụbule. Ina Jizọsi Meli lị Josẹpu ụnwụkeshitakpotọbhẹ mẹnye ọzu, bụto mụgbanakatawhobhe, Meli zhiwho l'olu gontu l'ụgbakpo uwegwele. ¹⁹Bụto Josẹpu, izhaa bụ ny'ụma, uwudhiga bhu ya meshịa iwene lasagaa. Kpọmu bụo kpẹe mụ uwudhigaọ bhụ ya kwụshi ụtu ununweya l'onwunye onwunye l'ụgwe ụmaji.²⁰Kpọmu ụzhio l'ugbe om, mụ ony'uzhi Nyenweye ụlokeshịẹla lị bhụdo mụko 'Josẹpu ụnwo Debidi, etọ otogwu l'ugonu Meli kpomu ununwe yo, ịyedoni nye nedhe a ụnwomu ụzhela l'ụwom bụ Uwegwele.²¹ Ọmu bụ ụnwo ukoma, ewhu ẹwaya bu Jizọsi. Ya'agawẹ emene aya lị umeyeshi.²²Ogbo ịyem ụdom bụ l'ụmezo otu iyemu Nyenweye kọ l'ụnu ny'amụma amụ aya. ²³'wẹjini' ụnwo ụgbede akamajiẹ ukoma ẹzhibhulolu aụmu ụnwo ukoma aụwhubhe ẹwaya Ịmanuweli'- aụbu bhụ ugbamalẹbhema- ọbubhu 'Ẹblilkpabi uzhikeshiye'.²⁴Mụ Josẹpu utelịo l'inina mụ umọ ịyemu ny'uzhi Nyenweye ụkanye la, mụ ugonu Meli kpomu ununwe.²⁵ Bụto ụnawetabhee tụtu Meli ụmụkpowhọ ụnwo ukoma ya. Mụ Josẹpu uwhọ ẹwaya Jizọsi.

Chapter 2

¹L'ekemu ụmamawhọbhe Jizọsi l'ẹle Bẹtilihemu l'igbu Judiya, l'ubhemu Eze Helọdu ụzhio l'ụchi, emene ụmajibhe ịye ubuzẹlibhe l'ibemu ẹmanwu ụlo mụ jabhe Jelusẹlemụ mụ jịobhe ²'Ndẹ adhi ụmubhe Ezemu Judiya la. Ye awẹji ọkpudhede olu ụtugwoshiye bhụ ọmulebhema, mụ ye ajọ adhi ubhakoeni a. ³Ekemu Eze Helọdu ụnujio ịyem mụ unukwuma ụtadhukpola, ya li bhẹle bhẹle emene uzhịbhe li Jelusẹlemu.⁴Helọdu uwhugbẹdẹkpo ụzukpulu emene ishi ụs'eja, lị emene ụbha ụkpalawhu mụjiobhe, 'ndẹ adhi ọmubhe nye mụ ụbo Kalasi la' ⁵mụsobhe 'Li Bẹtilihemu amụzhio lị Judiya' ombụ iye' ụbhamabhe abhama l'ụkpalawhu emene agbama, ⁶'Bụto yo Bẹtilihemu l'ẹle Judiya, ụbọ yo ụyakalikpobhe l'ẹle l'emene ụchi ẹchi Judiya, nye odudhiganịme emene Izẹleni obuzeli bụ li yo.⁷Mụ Helọdu uwhọ emene mụ ụmajiobhe ịye l'uwodhibl'ụjukwabhe ekekemu okpudhede olu ụlo. ⁸Mụ udushịẹbhẹ lị Betilihemu mụ kọ 'zeni lowudigani adhimu ụnwo mụ ụmobhe ụwuya zhi. Ịwejilani, bhakanịmeni kp'emelẹ nja l'ụbhakpenia'.⁹Ụbhanujiobhe ịyemu nyeze kọ mụ kadhobhe, ya kpụ ọkpudhede olu amu unyetọbhẹ l'ibemu ẹlanwu ụlo kpụlụdu bhẹ l'ununu tụtu mụnuzokọ l'olu l'echi adhimu ụmuobhe ụnwom. ¹⁰Ekemu ụwejiobhe ọkpudhede olu, mụtobhe ekpema.¹¹Ukpudhubhe lime ụdhoya mụ ụwejiebhe ụnwo ntụko ya, ụzhịkesji inaa Meli. Mụ ujishịebhe ukpunuko mụ ukpenịebhe la. Ukuma bhe okobo bhe mụ unẹbhe la agodo, ilo-ẹgbuma, lị ilo-umeke ẹli. ¹²Mụ Ebilikpabi ụdobhe ẹka l'ẹte lime bhụdo bh'ezekeshịedhebhe Helodu, kpọmu ụbokpe mụsowhọbhẹ ụdo ibe l'uloshi igbu abhẹ.¹³Ụbhakedhemawhọbhẹ, mụ nuzh'olu ụlọkeshịo Josẹpu lime bhụdho mụ kanyịe la, 'buzeli, le, gonu ụnwom lị inaa mụ igbawuluni Ijipiti. Nazhini l'adhiya tụtu mkani yo, ịyedoni Helodu owudhiga bụ ụnwo ụwum l'ugbua ogbu. ¹⁴L'abaliya mụ Josẹpu uleo mụugonuo ụnwoya l'inaa mu gbalabhe Ijipiti. ¹⁵Unazhibhe bu lị adhiya tụtu Helodu ụnwulo. Omu umezo bụ ịyemu Nyenweye kọ l'ụnu ny'agbama bhụ ' mowhulọshilemu ụnwo ukoma mẹ.¹⁶Ekemu Helodu u̇wejio bhụ emene ụmajibhe ịye bhụ anagbolẹbheya, mụ uwudhọ ụma. Mụ udushịo madegede bhụ ugbukpobhẹ bhẹle bhẹle ụmeledhe ukoma ụzhiwhutobhe l'ẹle Betilihemu l'otu ụlamu ụzhiwhutobhe l'ugbono ya, ụnwo ukoma uzubhẹ al'ibo ya ẹle zhịkpu ekelemu emene ụmajibhe ịye ụkobhe.¹⁷Mụ ịyemu Jenimaya ny'agbama ụko, umezọ. ¹⁸'Uli ụnujibhe l'ụla Lamah, kpụzhi l'ụkwadhi ịkwa, Lechẹli ụkwani ụmeledhe ya, uwhee bhụ ụkayite bhẹ ya ekpema, ịyedoni ụmeledhe ya ụzhiedhebhe.¹⁹Helọdu ụbhanwulumawho, mụ ny'uzhi Nyenweye ụlopiye Josẹpu lị Ijipiti mụ kọ ²⁰'Le mu igonu ụnwom l'inaa mụ ikaze ẹle Izẹleni, ịyedoni emene mụ uwudhigabhẹ ugonu bụdu ụnwom ọnwụlụkpolẹbhẹ'. ²¹Mụ Josẹpu ul'o mụgon'ọ u̇nwo l'inaa mu lọshio ẹle Izẹleni.²²Bụwhuto ụbhanujio bhụ bụ Akelosụ ụnwo Helọdu ụnazhiseni idaa, l'ụchi Judaya, mụto otogwu l'ụloshi ụdho. Ebilikpabi ụbhadowhola ẹka l'ete l'ịbhudho, mụ ụkadho igbu Galili ²³mụ b'ọ l'ụla uwhubhe Nazalẹti. Om umezo bụ ịyem emene agbama ụkamabhe akama bụ owhabhe bụ nye Nazalẹti.

Chapter 3

¹L'ekelemụya mụ Joni, ọwushidhi mini ujọ l'uzhikala uzh'ụma lime iwho Judiya mụ kọ ²'yosalịni ị̣yedoni eleze obioma zhi lẹdeneka' ³ombụ nye mụ Azaya, agbama ụkadhidhio bhụ 'uli ụzhiluwhu lime iwho' 'mekwa ịchakpa Nyenweye, memu okpeye uchinwuni'.⁴Jọni ụyoji bụ kapa ọkpo ịnanyanya auyeshiya edhilọba l'okpu. Bhidhi ya bụ ẹkpeleta lị ọga ebega. ⁵Mụ ụzukpulu emene ụzhitobhe lị Jelusẹlmu, Judiya l'igbu mụ ụzhiobhe l'olimini Jodani ụzekedhiabhe. ⁶Mụ ụwushiebhe mini l'olimini Jodani, mụ ụkaloshiebhe umeye bhe.⁷Ekemu unyetọ emene Palisii lị Saducii kpuzhịlebhe l'uja kpemelẹ mụ gbadhiebhe limini mụkaniobhe ' ụmeledhe ọgwo' nwina ụkaniyoni bhu igbanatụni uwudhuma Ẹbilikpabi amụ uzhio l'ujadhịwho ejamụla. ⁸Kpa agwa ụtugoshi uyosali oyosali. ⁹Egbe kpọm lime unukwuma yo ' y'anwe Ebilahamụ kpọm ịdaye', makanị yo Ebilikpabi ụnwe ike l'ụgonu otu igum aụlowetu ụmeledhe ụdho Ebilahamu.¹⁰Mụbhadhumadhiwhomu, anike zhịmadhiwho l'uko ẹgbeleji ushi. Ushi ọnwuloshie egede inaa, ọbubhu nye unyebhẹte l'ẹle aụbuwoshịabhe lime ẹchi. ¹¹Magbedhiewe yọni lime mini l'uyosali, bụwhuto nyemu ejagba ejaya akamalẹme, mẹzhiemune adhi umojikenịa akpukoo. Agbadhiewẹyoni bụ l'imini lị echi uwegwele. ¹²Ụkpo ọyomawe ịyiliyi uzhi l'ẹkaya l'ụyogama ịye aman'ọ amanu l'ụtotu aụmanu amanu. Amụ aamanọ, ọdukp'a bụ l'ẹchi ọnwunye onwunye ọnwuniọdho.¹³Mụ Jizọsi ubuzẹlio lị Galili m'ụjo olimini Jodani kp'emelẹ mụ Jọniụgbadhia lị mini. ¹⁴Mụ Jọni ụgbak'o l'ụkwushia mụkanyo la ' ụdadhubu yo bhụ ịgbadhie mẹ lị mini, ndẹ ịye ijakeshi jịne mẹ la'. ¹⁵Mụ Jizọsi ụsa la ' megedh'a kpẹye ịyedoni ụdadhu gbụ ameyitenị ịye kp'ụdadhule'. Mụ Jọni uwhọ.¹⁶Ekele mụ ugbadhiemawhọla lị mini mụ Jizọsi ukpelọshio, mụ ọbioma ukpumanịola. Mụ unyetọ uwuma egwele kpụzhili uweda l'ishi ya kpọm eleshi. ¹⁷Wẹji uli kpu ụjale lime obioma mụ ụka, 'ombụ akpanụnwo m'ogwushi ọgwushi. Menwe ekpema ẹto l'adhi ụzhi.

Chapter 4

¹Mụ uwegwele dhula Jizosi iwho adhi ny'ụwabhiyo ama. ²Ekeke mụ ugwe bhidhi ụgwu eye ịbo lị ugwu abali ịbo mụ inwe ụgwo la. ³Mụ ny'ụmama ujiọ mụ ụkanyiela ' ụbule bhụ ịbu Akpana Ebilikpabi l'egede, kanị igwum bhu unwowẹya bhidhi' . ⁴Bụto mụ Jizọsi ụsala mụko 'abhamalẹbhema bhụ madegede ụbe l'udhigbo bhidhi nẹteni, bụto ebe bhụ lị bhẹle bhẹle uli ẹkpo mụ ubuzẹlịo ụnu Ebilikpabi'.⁵Mụ ny'ụmama ubutọla mụ udhuma ụdho ukpeni ụkakpolibhe loo ụla egwele, ⁶mụkanyela 'ụbule bhuoo ịbu Akpana Ẹbilikpabi mada l'ẹle ịyedoni abhamalẹbhe abhama ''Ebilikpabi odushi bụ emene uzhi obioma y l'ụnyeshikebhẹ yo ẹnye' 'obujikebhẹ yo bụ l'ẹka bhe kp'emelẹ mụ igwe ụdaje yo uko l'igwu''.⁷Mụ Jizosi ụkanikedhịela ''ụdogba, abhamalẹbhe '' ndeke ėma Nyenweyo Ebilikpabi''. ⁸Ụdogba, mụ ny'ụmama ubutọla mụlawela ek'olegbu, mụ ụtugwoshiela ụzukpulu el'uwam lị igili bhẹ. ⁹Mụkannyẹ Jizọsi '' Bhẹle bhẹle iyẹ zhị l'ụwam menekpo bụ yo l'abụle bhụ ėkpowe ishi mụ ikpenị mẹ''.¹⁰Mụ Jizọsi ụkanyela ''Buzẹli l'adhim ekwensu' abhamalẹbhema abhama, 'yo ekpeni Nyenweye Ebilikpabi, ejini ukpunuko bụ yanẹteni''.¹¹ Mụ ny'ụmama u̇sabẹtela ẹka. Wẹji, mụ emene uzhi egwele ujabhẹ l'ushikeshia ẹka.¹²̣mom, Jizọsi ụgbanujio bhomotumalẹbhe Jọni, mụdola ọzu m'ụkadho Galili. ¹³Ubuzẹli lị Nazalẹti m'ụlebọ li Kapanyiom, am'ụzhio l'ụku olimini Galili, l'uke ẹle emene Zẹbuloni li Naputali.¹⁴Ịyem udom bụ l'umezo ịye Azaya, ny'agbama ụka¹⁵ '' Ẹle Zẹbuloni lị ẹle Naputali amu ukadho igbu olimini l'ụgama Jodani, Galili emene Jentali'. ¹⁶Emene ụnazhibhe l'igelenyi ėwejilebhe ụsamali,emene m'ụnazhiobhe l'ekelẹnwu, ụsamali ejakeshilẹbhe''¹⁷Gontu, lekeya mụ Jizọsi ubido uzhi uzh'uma mụ ụko ''yosalini, ịyedoni ẹl'eze obioma ụzhi l'ẹdeneka''¹⁸Ụbhazhio l'ụkadhe l'ụku olimini Galili, m'ụwejio nwananabọ, Sayimoni am'uwhọbhe Pita lị Adulu nwanaa kpụzhibhe l'uwhudhi ọjokolo l'olimini, ịyedoni ụbubhe emene ugbubhẹ ụkpa. ¹⁹Mụ Jizọsi ụkaniobhe '' Jani, chiyamẹni memewẹyoni bụ emene ụdoyawebhe madegede''. ²⁰L'ekelenẹteni, m'ụsabetebhe ọjokolo m'ụchilabhela.²¹Kpọmu Jizọsi ubuzelịo l'adhiya, m'ụwejio nwananabọ, Jemishi ụnwo Zebedi li̇o nwanaa Jọni. Ụzhikeshibhẹ ịdabhe Zebedi l'ụgbo l'umekedhibhẹ ọjokolo bhẹ. ²²M'ụwhobhe, l'ekelenẹteni m'ụsabetebhe ụgboya l'idabhe mụ uchizebhẹla.²³Mụ Jizosi ụkadhekpọ kpụ Galili ụzhiwhuto l'ụzhiyẹ l'ụdho chochi bhẹ, aụzhi uzh'uma eleze, aụgojine bhele bhẹle uj'uke l'ėlidhe madegede zhi̇obhe l'adhiya dabhẹ.²⁴ Ubhanujiobhe ụka ya lị bhẹle bhẹle igbu ụzhiwhuto li Shiliya, m'ubuyawẹbhe bhẹle bhẹle madegede dabhẹ bhẹle bhẹle uji uke li ẹlidhe, lị emene ụwabhiyo ugo, lidhiwhu emene uke agelezhi, lị emene ėli ụbhoni of honk. Jizosi ụgo kpo bhẹle bhẹle bhẹ.²⁵ Ogbo madegede ụchilabhe l'ọzu, gontu li Galili, Dẹkapolisi, Jelusẹlemu, lị Judeya lị ụga kpo Jodani.

Chapter 5

¹Ekelemu Jizos unyeto, Igwe madegede, mu ukpodho li olu ebhu. Ubanazhiò̧ ezhi, mu̧ emene uzhiya ujakedhie bhȩla. ²Mụ ukuma ụnu ya, mu̧ uzhiobhȩ iyȩ mu uko̧ ³Uwokwani uzhi̧ ni emenȩ uyo, liuwa iyedoni eleze obioina bu abhẹ. ⁴Uwokwani uzhini emene ugba bhȩ agbezhi, iyetoni enweta bhẹ bụ ukaite u̧ma.⁵ Uwokwani zhini emene uyawȩ bhȩ ẹlibhe ẹle iyedoni bhȩ̣ edhitiema who̧ bhẹ bu uwam liekpe. ⁶Uwokwani uzhini emene inwe ugwu mu, ekideni ụkpo eizhili ume ụma, oyudu bhẹ bụ oyudu. ⁷Uwokwani zhini emene unweibhȩ otuuizhi, iyedoni enweta bhẹ bụ otuuizhi. ⁸Uwokwani uzhini emene ekpema mȩ ụsausa iyedoni eweji bhẹ bụ ebilikpabi⁹Uwokwani uzhini emene ukpebhẹ uyodhu, iyedoni owhu ȩbhȩ bu umeledhe, Ebelikpabi. ¹⁰Uwokwani uzhini emene unweta bhe ụsoso lishili ume iyeuma, iyedoni bhe unwetu ma whọ bhẹ eleze obioma¹¹Uwokwani zhini yo liekele madegede ukajakȩ bhe yo, mu̧ u̧soleb̧hȩ yo, mu ụkata shibhȩ you libheke bhele ibȩ lishili mẹ. ¹²Bhịdini, mụ ipadhini, iyedoni ụwhugwo yo ubweke lime ọbioma, ombukpu emene gaga ụsolebhe emene agbama ubemȩ miba lowhoni.¹³13"Ibuni adha ụwam. Buhuto̧ ụbule bụ adha ochuwo malẹ ẹto ya, ndẹkpu enweta gba eto ya la? udeke abadho dhe ibaka, ọbu whọ bụ ịye ukposhi liele, aa madegede uzojigawhabhe uko. ¹⁴Ibuni ụsamali uwam ula ụnulebhe li olu ebu ndeke owole owali.¹⁵Yakpụ uzhidhiwhulẹ ndeke madegede omu̧shiȩ bhẹ echi mụ ubheta bhȩ liukpudhu ụkpo, butọ liobe tebule-echi. Ununelene, aụsa ma kpo bhele bhele adhi limudho. ¹⁶Me mụ echi yo unum liadhi madegede uzhibhȩ kpemelẹ mụ weji bhe ugbolo uma yo mu upadhi wẹ bhẹ ida yo amuzhio li obioma.¹⁷Egbe kpom bu mejo̧ bu̧ li utashi oloko li emene ụgbama. Mejo̧ ụbo li utashi bhȩ, buto̧ li umezo̧ bhȩ emezo. ¹⁸legede makani yo tutu obioma li ẹle ụgakpo bhẹ ndeke ụkpulu ịyeye obuzẹlie li olokom, tụtu bhẹle bhẹle iyẹ uzutakpo.¹⁹Kpo̧mu̧ u̧bo̧kpeye nyenye utashile, oloko uyakakpoli bhe le le, mu uzhidhi whule, obu̧ nye uyakakpoli bhȩ l'ẹle li eleze obioma. Buwhuto̧ nyenye ubele olokem liagbamam, muzhilȩ bhȩ owhu ebhe bu̧ emene ubueke li eleze obioma. ²⁰Makani yo gamabu̧ umeyite yo uka umejite emene sklibu li palisi, ndeke ekpudhọni li eze obioma.²¹"Inujikpom bu̧ ukadhi dhi bhẹ like ukani, "Egboni medegede nyenye ugbule madegede uzhi umekpeli ikpe nyenye uwhude nwane. ²²Buto̧ makani yo nyenye uwudhushi lȩ nwana uwa ezhiẹbuli umekpeli ikpe, nyenye ụkanyele nwana, "Ibu nyabháèzhie buli umekpeli emene u̇chiechi nyenye ukale ."nyishi "ezhie bu li umekpeli echibhiyo.²³Kpomu ubo kpeye, ubulȩ bu̧ ene iye unene li. Oleda, muigbeweji̧ bu̧ nwana yo unwe uwudhuuma li adhi izhi. ²⁴Sabhete unene yo liu̧nunu olo̧da, aikadhe. Aunuzu ze mu nwana yo yolkudhini uka, mu iba jawho̧ li une unene yo.²⁵̀Memu̧nye ubheniegba yo yo ikudhim uka enwenwa lieke izhien liukadhe uḑho̧ ikpe, agama kpeyȩ nyeubhem egba yo alawȩyo bu eka̧ nyikpe, anyikpe ulawe yo eka nye nyiji ikoli, aukpeshi bhȩ yo ikoli. ̀ ²⁶Legede makani yo, ndeke ebuzolȩ liadhiya lululwhu kpo̧ bhele bhele owayi imoji whuto.²⁷27. "muji kpu̧kalȩbehȩ "Egajien uga". ²⁸Buto̧ makaniyo, nyenye unye le unyoma enye liugwe unwe gba eliya, agadimalema uga li ekpema ya.²⁹Ubule, bu enye ikega yo ubuiye ememu ida, dhuma aichuwa li adhi izhi iyedoni ukauma bu̧ ibe oķpȩli yo bu̧ utadhu̧ tu, ka uwhulu eli yo akadhekpo echibhiyo. ³⁰Ubule bu eka ikepa yo bu̧ emeyo mu̧ ida, keba ekebe aibhawa. Ukaniyo uwa bu ibe eliyo bu̧ tadhu̧tu, ka whulu ȩliyo akadhe kpo echibhi-bhiyo.³¹. Ukadhi whụ bhẹ kpom "nye uchilẹ nwenya, una asagbodo ubuzolita. ³²Buto makani yo, neye uchilẹ nwenya, gama lishili uga, emewele ma nyeagidhi uga . Nye nye ụtulema lekele mụ ichimawho̧la ugadhi dhi whọ yo bu ụga.33. ³³Udogba, enujile kpukale bhe lielele ukani edhito bhushi li iye enwe ike lumedho. Mezo iyem idhitunye bushi liununu idanwudho. ³⁴Buwhuto, edhitu gedhe ne bhushi nwine nwine, edhito obioma iyedoni yobu agida eze ebilikpabi.³⁵ Edhitȯ nẹ ele, iyedoni ya bụ adhi ebilikpabi ubke ya uko edhito nẹ Jeluselemu ịyedoni ya bụ ụla eke Eze.³⁶hito, nẹ ishiyo, iyedoni ikuloshidho ikpili ukaze limeya, ubu ausasa, ubujinȩ auyi uyi. ³⁷ Buwhuto, ekpo yo ubugbo "ee" laikalȩ ee" ẹee la ikale "ẹee iye ukama whele om ubuzo li bụ li unu uwa bhiyo.³⁸ Enujile bhuka bhe kpom ekpelenyi li ekpelenyi, ize li ize. ³⁹Buwhuto makani yo, ememashie nye umeniyo bhiyo̧ uye u̧lole yo eja li agba ikega, chishinigba ágaba ibida.⁴⁰Ubule buzhi nye u̧lawe yo udho ikpe lishijapá ikishi yo nema kpo, wha ame kpokpo ya. ⁴¹Ukale bu akeze ize dhuma uuko, zekedhia lute dhuma edanuko ibo. ⁴²Nye udhio le yo iye na egwe une nye uka ba agbidhitu iye e'eka yo.⁴³Enuyile kpụ ukalẹ bhȩ gushi nye ẹgbekudho yo aiso jine nye ubheni egba yo. ⁴⁴Bụwhuto makani gushi emene ubheni egba yo aidhio nị emene uso le bhẹ yo ọso edhio wokwani emene ugwole bhe yo owo meni emene u̧so̧ lẹ bhẹ yo ọso iye uma. ⁴⁵Kpemele mu ibuni umeledhe ida yo nye mú ibo li obioma iyedoni ume mu elanuu ya umushi nyebhi yo li nye uma aume jine mu mim ya udeshi emene uma li emene bhiyo̧⁴⁶Ụbule bụ igushi gbo bu emene ugushi bhe yo ogushi nde uwhugwo enweta la? Emene unatu takisi umedhi whọ bhẹ kpẹye ela? ⁴⁷Ubule bu utegboni abidhi bu nwana yo, ndeiye ime auka who iye udo emene umebhe la? Emene jentali umeni whu bhe bo iye neten ela? ⁴⁸Kpomu ubokpeye ezutani bu ozuta, kpomu ida yo li obioma uzuta̧.

Chapter 6

¹Tukpa eli kpụ eme mụ ị̇gwȩ ume ịye umayo li adhi madegede eweji bhẹ yo, ndakpeye ndeke enweta uwhugwo̧ l'eka ida yo amụ zhio li obioma. ²Kpomu ubo kpẹye, ekele ine dhilẹ ịye unene unu̧ ibo umo bhẹ li whuukpeni li okpe ula,kpu emelẹ mu madegede uwokwanyi ebhe legede makani yo , enweta male bhe ugwo bhe li uyulu.³.Buwhutu, ine dhile, iyȩ unene ewhe bụ eka ibida yo umaji iye eka ikega yo l'umedhidhi. ⁴Nedhi iye unene li uwodhi ida yo nyemu unyeto, liwudhi owhu yo ugwo bu li ẹnye ogbo.⁵"Ekele idhio̧le edhio̧, ȩzhiekpom emene ụnu̧ ibo̧ iyedoni uwudhiga bhẹ unuzo onuzo audhio bhẹ lime whuukpeni li okpe ula, kp'emele mu madegede uweje bhe enje. Legede, enweta male bhe ụwhugwo bhe. ⁶Buto yo ek' idhiole, edhio, kpudhu lime isam. Gụte aku aidhio̧ ida yo nyemụ izhio li uwodhi. A ida you nyemu uwejo̧ li ẹnye ogbo.⁷ Ịdhiole ẹdhio ẹkama iyẹ mụ ikake dhia ujimu emene ukpenyio̧ bhȩ a ugbulu umobhẹ, iyedoni ugbe bhẹ kpom bụ enweta bhẹ bu̧ usasa lekele ụkale bhẹ ụka togbo8. kpom ubokpeyȩ ezhieni kpom bhȩ, iyedoni ida yo umaji iyȩ ikwani mu̧ iba dhio̧ who̧ la. 9. Kpom ubo kpeye dhioni kpom " ida ye nyemu izhio li obioma, ȩwa yo ugudhini eso̧. 10. Me mu eleze yo uja. Mu̧ echiche yo ume li eluwam kpomu uzhio li obioma.11. Ueye bhidhi auzu tam. 12. Sabtheteni ye ugwo̧ ye, kpomu asathetenio emene umoji bhe ye ugwo. 13.Edo shie ye lime umema. Buwhuto dokpewȩ ye lieka nye bhiyo. Ele eze bu ayo ugbakpo yo li ebute yo uzhi gontu li uko dhuma uko uzhi kpeye.14.Isabhetenyile udo emene bhiyo bhe, ida yo amuzhio liobioma asabhete nidlu whubyo bu bhiyo yo. 15.Igwele usabheteni ibe yo iyȩ bhi yo, ida yo ndeke asbabhete ni dhi whu yo ne iyebu yo yo.16.Ekele igwe be bhidhi, eyo̧ to upi nye agbezhi kpomu emene unuibo, umo bhe iyedoni utashi kpo bhȩ iyedoni utashi kpo bhe upi kp'emele mu madegede umaji bhe tuka dhie bhe bhidhi legede makani yo, enweta male bhe uwhuhwo the li uyulu. 17.Buwhuto yo igwele, bhidlu te yo oga lishi, aisama kpo yo upi. 18.kp'emele mu̧ udo emene ugwu bhe buwhuto ida yo neten, nyemu umaji iye zhi l'uweuhi umajigbo ida mu uweja lu wudhi owhu yo ugwo19.Ekpuke to owayi yo li ele adhi ewhu li itachi utashi bhȩ iye, li adhi emene ugbu ukoje bhe mu uzutubhe iye. 20. kam obukpeye, kpuketu oweyi yo li me obioma adhi ewhu̧ li itachi ezhie li adhi emene ugbu̧ okpudhu dho bhȩ li uzugbu. 21 Iyedoni adhi ewayi yo uzhile, yabu adhi ekpema yo uzhi dhi whu22.Ekpeleni bu utojo eli, kpom ubokpeye ekpelenyi yo uzole ozo, whulu eli yo oyulu bu li usamali. 23.Buwhuto ekpelenyi yo uyole bhiyo whulu eliyo oyuluka buligebenyi kpom ubokpeye ubule bu usamali amuzhio̧ li yo bu igelenyi legede, igelenyi ya obugedho! 24.Onwu nye onuwunye umenye idanwudho ibo ugholo.iyedonyi oso bu nwine auso udo, emein bu onwunye ugbolo aunyedawe udo elȩ udeke emene ebilikpabi li owayi ugbolo ekele neten.25.Kpamu ubokpeye makani yo eme kpashi budu yo eli iyȩ edhi edhi li iye enwu onwu li iyȩ basali libudu yo lijine iyȩ eyeji eyeji ubo̧ budu̧ uka uka̧ni ela? 26.Uyete unu ushi bhe li olu ukpashi ȩbhȩ nȩ uwotu obhenȩ ukpashiȩ bhene ekwȩ buto ida yo li obioma une bhȩ bhidhi ubo̧ yo̧ igbu kani bhȩ liaya ela?27.Nwina lime yo ezodhuni mu ushigba ala yo, li ugba eke agbezhila? 28 Nde iye egba gboyini li agbezhi la li iye uyoji oyoji la?Gbeweji anwo ushi uzhi li me uya, kpu̧ uzodhu le bhe umebhe ugolo, ukpa bhȩnȩ ukani. 29.Makani kedhio yo umashime bhubu solomon li bhele bhele bhele ebube ya, uyo jidho ne ukani kpomu bhȩ30.Ubule bu ebilikpabi unuwe ike uyeshi uwho̧ ewe uzhi bhe li niuya kapa amu ube gbo bhe litan lisele abhoshiebhe lime isa, egwe who bu uyeshi yo ukanila yo emene uwhetu ntiko? 31.Kpom ubo kpeye egbani agebezhi luka nde iye adhi(a) ubuyene nde iye anwula? ubujene ndȩ iye ayeji la?32. Iyedoni emene jentaa uwudhiga bhe ogbo iyem, ida yo li obioma umaji bu ikwani otu iyem. 33. Buwhuto, lunuzu, uwdhiga eleze ya li uwanuamanu, aa unekpo bhe yo bhele bhele ogbo iyem. 34. Kpomu ubokpeye, egba agbazhi liye enweta sele, iyedoni, sele elowetu iye enweta bhele bhele eye ubwetu umekpeli ya

Chapter 71."Ekpe ikpe mugwe, bhe ukpe yo ikpe" 2.Iyedoni iyemu ikpedhiwe ikpe ya bu iye ekpe we bhe you ikpe. Iye tushi le li ukpe we ibe yobikpe ya bu iye otushini bhe yo.3.Iyelado mu̧ inyeto ikishi ushi amuzho li ekpeleni nwana yo mu̧ igwe uweji ugwe ushi muzho le ekpeleni yo la? 4.Ndekpu eka nyi nwana yob nwame, ikishi ushi muzhio li ekeplenyi yo la lekele ugwe ushi uzhijine l'ekpeleni yo la? 5. yo emene unuibio aunuzu nama gedhe ugwe ushi mu izhio yo li ekpelen mu iba nama who̧ ikishi ushi mu uzhio li ekpeleni nwana yo.6.Ene akita iye zhi egwele, ebhoshine ezhi ukam uzozo ubule kpeze ogbo ezhi ozojia bhe bu uko au doma kpo abhe libe libe.7. Jushi aune bhe yo, wudhiga ai weji koeka, augu mani bhe yo, 8. Nyenye ujushilebene a bhe bu ene nye, uwudliga le eweji bu eweji nye ukolȩ eka ogu̧ manya bhȩ bu̧ adhi. 9. Nwine lime yo unwa odhia ukpo bhidhi muna ekpulu igwu la? 10.Ubo dhene, mudhio who̧ ukpa mune ji whane ogwo la?11.kpomu obokpeye, ubube bu̧ yo nyȩ bhiyo imaji kpu unele u meledhe yo egede iye ida yo nejemu uzhio li obioma la, ume emene udhio bebhema iye uma? . 12. Kpomu̧ ubokpeye, iyemu iwudhigo bu madegede bu meni bhe ya ya, meni dhi whu̧ bhe. Ombu oloko li emene ugbama.13. Kpudhu li egbeleta uzhi gbakpí, iyedoni egbeleta usani ude, li ichakpa udeni ude udula dhi bu̧ adhi u̧tashi, otutu̧ ukadhe bhȩ bu̧ ichakpaya, 14.Buwhuto̧ egbeletam uzhie gbam li ichakpam ukeikeya udula buadhi buduzhi, emene ugaja bhenȩ u̧nto ogbo15.Tukpa eli li adhi nye agbama oyika uzhibhe, aujaga bhe li kpa ugaga buwhuto5 legede wbu bu owhua alagbodhi medegede. 16. li ina bhe aimaji bhe ekemu madegexe whote alilede limuya ukayala, ubuyenȩ(fig) li adhi ugwughila. 17.Li ewheka neten ushi uma unwuloshie bu̧ a̧nwo̧ uma, ushi bhiyo unuloshie bu anwo bhiyo.18.Ushiu uma ndeke onwuloshie anwo bhyo ushi bhiyo ndeke onwuloshiȩ anwo uma. 19.Ushi o̧nwuloshiȩ egede anwo o̧bo̧ bunye unyedabhetȩ l'ele au bho shiobhȩ likpu echi. 20. Yabu̧ kpu̧ bule egbudnushi bhȩ uji bu li ina unnu bhȩ.21.Ubo̧ bḩele bhele madegede uwhume "idanwudho, idanwudhò okpudhu li elege obioma, gama emene u ume bhe echiche. ida mȩ nyemu uzhio li obioma. 22.Otutu emene akani bhȩ bu̧ mȩ li eye ya , Idanwudho "idanwudho ye agba ama li ewa yo ȩla, lȩ ewa yo achi u̧wa bhiyo; li ȩwa yo ye ame íye unwodhenye? 23.Yabu kpu makanyi bhȩ" mamajem yo! Buzoli liadhimezhio̧m! Yo nye itashi oloko.24. Kpomu̧ u̧bokpeye nyenye unuji le uliekpone, mu umele bhȩ ezhi bhȩ bu kpom nye umayiye. Mu̧ uno̧ u̧dho̧ ya li olu igwu. 25 mu̧ mini u̧do̧, mu̧ iji ujò mu̧ uwele u̧wo mu uko̧ li udho̧ ya buto̧ udaa lȩlȩ, iyedoni unusha bhe li olu igwu.26. Buwhuto nyenye unijilȩ ekpo mȩ mu gwelȩ uyi ȩso̧ ezhe bu̧ kpom nyishi uno udho̧ ya li o̧lu u̧za 27.A mini de aiji ugbaya, awukayi uwe auko li u̧dho̧ ya, mu̧ uḑo, ubuda obuda ya ubwete!28. L'ekelem jisos u̧kakpo ogbo ukam, emene ogbom unwodha bhe, enyȩ li uzhi ezhi ya. 29 Iyedoni uzhi bhȩ, iye kpom nye unwe ugbakpo, ubo̧ kpo̧ mu emene skibu.

Chapter 81Ekelemu Jizos ukpo da ȩle li olebhu, mu eke ogbo madegede uchize bheba. 2. weji unuke asasa ujakeshe la mu ujinzela uko mu ko" idanwudho, ubule bu umashi yo samamu ele 3. Jizos ugbate eka mu kpoto la eka nwko̧ ubu umashime "Nweta usamali" liekele neten, mu eli asasa ya usamali kpo.4. mu Jizos ukanyo̧ la, "wyibika nye onwu onwunye, iye, iye. Kadhe mu ize otugoshi nyishi oso eja eliyo aina uke mu mozisi uko, li ukaloshiwe.5.Uba zhie l'uja kapanyom, mu̧ onye ishi emene ulu uja kedhiela , mudhiola. 6." idanwudho; nweudho me uzhi li una li agbezhi li udho, eli obhoni mamalȩma"7. mu Jizos ukanyȩ la mezhibli uja ngwa eli8.Mu nye ishi ulum usala mu uko̧. "idanwudho̧, modhu madhom adhi yo ekpudhu l'udhome" kagbo to̧ iyȩ ņeten liuli ekpo yo̧ au nwoboyibme unweta ugwogwo"9.Iyedoni, mobu dhiwhu mgedege une bhe ugbolo unyeshike enye, menwe emene kapa igbo liukpudhu mȩ. Makani le nwine"kaze" aukaze, makanile udo. "Ja" auja, makani ļe nwudhȩ mȩ"me om" aume. 10 Jizos uba nujom, mu unwo dha enye muka nyio emenem uzhie bhe li uso za liozu, "legede, makani yo, maka wejiem onwu nye onwu nye unwe uwhete zhikpom li izleli11.Makani yo, o̧tutu obuzoli bhe buli ibem elanwu lo liibem elanwu do, Aaunazhike shibhe ebilaham, izike li jekob li tebulu, li eleze obioma 12.Buto obuwoshi bhe bu umeladhe eleze li echi igelenyi, ofi awka bhe ikwa autabhe ikinize"13.Mu Jizos uwanyo nyishi ulu ya kaze ikpom iwhedawo, uzhinikpeye mu nwudha unweta ugwo.ogwo li ezhi ya.14.Jizos ubajo udho pita, mu, nyeto, ina- ugwo 'pita li unana li idhe ewhogele uwhela. 15.Jizos uba kpotu ola eka lieli mu ewho gele ja usathete la mu ulegamalo̧ li ushi kedhua eka.16.Adhi uba gbiho̧, otu emene ayanile bhe Jizos otutu madegede uwabhiyo ugobhe, gontu li uli ekpo mu chiwo kpo uwabhiyo, ya, mugwo dhiwho, emene uda bhe eli. 17 Liewluekam bu̧ kpu̧ iyemu Azayaa, agbama uko umegele amuko, "yawe ugoni elidheye aubutu ukeye"18. numom, Jizos uba wejo igwe madegede kpu ushi koshikpo abhe mu udugashio ud kpuemele mu uweshi udo ibe li olimini Galili. 19.Mu onye ubhabha ujakeshe la mu kanyela, "Nyeuzhi, mechize bu yo adhi adhi ikaze whuto. 20 Mu Jizos ukanyȩ la "foxes unew bhe udhu, unu olu unwe bhe udwe unu, buto unwom madedgde unwe adhi ebhe ya ishi21.Udo nwenye uzhi li uchiza ujenya bu"idanwudho nege dhem ekele mze li ulimagedhe idame. 22. Mu Jizos ukanyela , chysm saphete eniene unwububhe onwulu mu ulite bhe emene unwuhu bhe onwuhu.23. Jizos uba ukpodhe li ugbo mu emene uzhi ya uchila bhela mu ukpodhukeshie bhela. 24. Weji, mu eke odowu uchio li olimini udhuma who adhi ugbo uyulu ma who li nini odowu. Buwhuto Jizos uzhi li unyi inyina 25.Mu emene uzhi uja bhe lu tema, muko bhe "Gaive ye atadhu whom bu ewe!Jizos ukani bhe "itumini ogwu iyela, yo emene uwhetu uzhi ntiko mu Jizos ulegamolo mu ugwu gwoshe uweleli olimini edhi. Mu eke uyodhu uzhio. 27 Mu emene ya unwodhame enye mukabhe, oduji madegede uzhioni la aubu uwukayi li olimini ukpenya bhe ete?28.Jizos uba weshio udo ibe, mu udhuma ula Gadala, mu ukoma ibo uwabhi yo ugwo uja she bhela, ubuzoli bhe li iyelenwu aukpadhidhi whu bhe iye, kpomubo kpeye emene uze ugadho bhe ichakpa ja. 29.Weji muchi ebhe ikpu muka obhe "Nde iye yo li ye amekatalab, Akpana Ebilikpabi ijom bu li uwhaye uya mu ba dhuma ekele mu ubhete bhe la?30.Uzhi ogbo ezhi uzhi bhe li udhi dhi bhidhi, li adhi ugwe ukam uto li adhiya. 31. Mu ogbo uwabhiyo ya udhia kedhiebhe, Jizos mu kanye bhela ubule bu ekpachivye, kpashi shiye li me ogbo ezhiwe. 32. Mu Jizos ukunye bhe "kazeni" mu ogbo uwam bhiyom ubuzole bhe mu kpudho bhe lime ogbo ezhiya. Weji mu Bhele bhele ezhi ya ubugamalio bhe li olebhu mu budu bhe li olimini mu unwulu kpo bhe li mini.

³³Mu Emenem uzhie bhe li ukpa ezhi ya ugbawulu kpo bhe mugbala bhe echi ula li ukaloshine iye uweji bhe auta ibe iye dakwashi emene mu uwa bhiyo ugwo. ³⁴ Weji Bhele bhele emene uzhi bhe lime ula ugbaya bhe li uzuji Jizos, uba nyeto bhela muja bhela bhi ubuzoli li igbu a'bhe.

Chapter 9

¹Jizos ukpodhie li ugbo uka wesho, mu udhunwo ula m'aya. ²Weji, mubu ya nye bhela uduke eli bhonye obhoni uzhi li una li ekpali. Uba nyeto uwhetu bhe mu Jizos ukanye uduke mu eli ubhonye la obhoni "Unwo kpashiyo obu ike. umeyeyo enwe le usabheteni."³Weji mu otutu emen utanwedhiwho bhe lime bhe, "Unukem akagbole ewa nye nweye." ⁴Jizos umajio ugbegbe bhe, muko "Iyelado mu igbeni bheyo li unukuma yo la? ⁵Nde aunweka li uwe la? uka bhiyo yo enwele usabheteni lijine uka le muikadhe ize? ⁶Buwhuto li yo meimajin bu unuom madegede bhu enwe egbakpo li uwa li usabheteni bhiyo muka nyio uduke mu eli bhonye bhela obhoni "le gonu ekali yo, mu ikadhe udho yo."⁷Mu uduke ya ulo muuakadhe udho ya. ⁸Ogbo madegede ubha wejo bhe izem, mu utobhe otogwu mu uwokwanye Ebilikpabi, nye mu uno madegede ugbakpo zhi kpom. ⁹Lekele mu Jizos ugama adhiya mie uwejo udhuke ewa ya dhini Macho kpuzhi li nazhi ezhi li ulu emene unatu bhe takisi mu Jizos ukane la' "Chiya mu" mu macho ulo mu uchila la.¹⁰Jizos ubanazhio ezhi li udhi bhidhi li udoh weju otutu emene unatu bhe takisi li emene umeye eja lebhe mu dhikeshie bhe Jizos bhidhi, ya li emene uzhia. ¹¹Emene Palisi ube nyeto bhe iyem, mukanyo bhe emene uzhia "Iyelado mu nye uzhi yo udhi keshi who emene unatu takisi li emene umeye bhidhi la?"¹²Jizos uba nujo iyem, mu uko "emene ada bhe eli uweje bhe ibala nye dibio gama emene ike ezhie bhe ¹³Leni mu imudhini iye iye makomu ubu 'mowu dhiga bu otuwishi ubo oso eja' iyedoni mejamle uwhu emene umeyete mu yosalibhe buwhuto emene umeye. "¹⁴Mu emene uso bhe Joni uja keshie bhela mu ujobhela "Iyelado la mu ye li emene Palisi agwe dhie bhidhi zulpulu ekele la mu emene mu uchiya bhe yo ugwe bhe ugwe inwe la?" ¹⁵Mu Jizos ukane bhe "ekemu umeledhe nye ka ba tu ununwe inwe ugbabhe ezhi le ke nyemu utu ununwe uzhikeshi bhe? Ekele zhihuja aumotuma bhe nyeutu ununwe, aubido bhe ugwe bhe bhidhi.¹⁶Uzhie nye ugoni ukani uwu mu udushi li aukani adhimu udu shie bhe odushi odoma li bu odmali udomali ya oyoka who bu adhi.¹⁷Madegede ndeke owushi dhi whobene menye uwu li ukani alilo menye ubo shite bhe alilo agbamali bu agbamali amenye ya ugba dakpo lele aualilo usupialikpo, iye obu bu kpom onushi bhe bu menye uwu li alilo uwu mu bhibom uzhike.¹⁸Lekele Jizos uzhili uka ogbo iyem, weje onwenye l'emene ishi ujo mu ukpowe nyaishi lele. mu uko "unwo uyoma me unwuludhi li umom , buto ja' mu ikpota eka li eli,ezhie bu budu" ¹⁹Mu Jizos ulo mu chize la ya li emene mu uso bhela.²⁰Nyetu mu ununwe unwe umekpali ukwu dhiala li ala ibo, uja ya li ozu Jizos mu ukapotu eka li ete kapa ya. ²¹Iyedoni ukani eliya "Ubule bu mokpotu eka li ukani ya, me nweta bu elime." ²²Mu Jizos unwa enye lozu mu unyetola, mu ko unwo me aunyoma, kpashi yo obu ike uwetu yo emele mu inwe eliyo. Mu ununwe ya unweta ugwo ogwo li ezhiya.²³Jizos ubha ka udho nye udu ya' uweji bi emene ugbu bhe odu li ogbo madegede li uwhu dhi bhe uwhu. ²⁴Mie kanyio la "Kaze ozu unwo yo amu nyomam unwulo unyi to̱ inyina" mu mudhiebhela umu.²⁵Ekelem ubachiwo kpo bhe emene ogbo madegede mu ukpudho li me udho mu udotola li eka mu unwo unyomam utele. ²⁶Ukaloshiwe iyem udom ugbasulu tutu audhuma udo igbu.²⁷Jizos uba buzolo li adhiya mu udhuke ito enuekpo uchilabhe la li ozu mu uchidhiwho bhe mu kaze dho bhe "Nweni ye otuwizhi unwo Debid!" ²⁸Jizos uba kpudho lime udho mu emene enye kpoya uja Kedhie bhela. mu Jizos ukanye bhe "Iwhedani kpom bhu me nwe ike li ume iyem la?" mukane bhele "E E, Idanwudho."²⁹Mu Jizos ukpto bhe eka li ekpeleni mu ko "Uzhini yoni kpu uwhetu yu uzhi" ³⁰Mu ekpelebi bhe usamalio mu Jizos udobhe eka l'ete mu uko "ewhem bhu umaji iyem" ³¹Buwhuto ukoma nyekpo ibom ukaze bhe asaga aumaze dhiwho bhe ulim li bhele bhele adhi.³²Kpomu uduke ibo ya uzhie bhe li ukadhe, weji mu ya we nye bhe Jizos uduke okpodho ekpo auwa bhiyo ugwo. ³³L'ekele mu ukpachima uwa bhiyo ya munyem okpo okpo mu ukpo ekpo mu ogbo madegede ya unuodha bhe enye̱ muko̱ bhe̱ "O̱nwunye onwunye uka weji iye̱zhikpom li izleli to̱mo̱!" ³⁴Buwhuto̱ mu̱ emene Palisi ukobhe̱ Uchiwe uwa bhiyo we bu li uwa bhiyo."³⁵Mu jizos gazo bhelebhele eke ula li ula ntiko mu uzhize iye li ulu-ukpenui bhe, mu uzhize uzhiuma eleze, au ugwo ze bhele bhele uji uke li eli idhe. ³⁶Ekelem uweye ogbo-madegede̱ mu̱ u̱nwe o̱tuwizhi li adhi uzhi bhe, iyedom unukuma bhe atadhu kpoli le, osukali kpo dhi whu le u̱zhibhe̱ kpo̱mu̱ ogbo ugaga enwe bhe nyudu.³⁷Mu̱ kano emene uchiabhe li ozu, "I̱ye̱ ugute ogutu lika oyulumale, buwhuto emene ugbolo uto bhe ogbo. ³⁸Kpomu ubokpeye dhioni idanwudho ugutu ogutu enwenwa, kp'emele mu uyigashi emene ugbolo ugutu ogutu."

Chapter 10

¹Mu Jizos uwhu bhede emene uzhiya dhimadu mu une bhe ugbakpo li adhi uwa bhiyo uzhi bhe, lu uchi wo bhe, lijine uguo bhele bhele uke li elidhe.²Lumon ewa emene uzhiya dhi-madu-limadu ibom bu aunuzu, Saimoni (Amuwho, Pita), li Andulu nwana; Jemis unwo Zebedi, li Joni nwana; ³Pilip, li Batolomi; Tomosi li Macho, nye-una takisi; Jemisi unwo Apiyos, li Tadiyos. ⁴Saimon, nye Ziloti li Judasi Iskalot, nye mu udhego la.⁵Mu udushe bhe bu ulobhe asag mu ukunyi ke bhe li udu, Ezeni adhi emene Jenitali ube bhe, ekpedhoni li ula ula ubu aimene Samela. ⁶Ezeni bu udho emene Izuleli uwulu bhe owulu. ⁷Ikadhelen, zhini uzhiama aikani "Eleze obioma ejale uzedhu"⁸Gwoni emen-elidhe temani emene uke asasa,aikpachi mani ugbulu inwetani ukemu ewe, nedhidhiwhani ewe, ⁹Ebutoni agaode, li aga-usua li jine aga-uyi li ekpo-aga yo. ¹⁰Ebutoni ekpa uzewe ize ebuto nine udo kapa, li akpuko, li akpasu, iyedoni nyeme ugbolo udhuna bhu dhi bhidhi.¹¹Ulaa-ulaa ikpudhuleni, ubu-eke-o, uzhi ntikoo wudhigani nye udaadhu l'ime ya ainazhini li adhiya tutu ibuzolini. ¹²Ikpudhuleni li imudho, tedhini abidhi. ¹³Ubule udho udadhu adadhu, uyodhu yo ukpudhu. Muboto, ubule udho adaadhoo, uyodhu yo, uchila yoni ozu.¹⁴Emene mu ewhw bhe, l'unatu yoni, mu ugwedhiwho bhe ukepeni yon ete li uliekpom, ibuzoli leni li udo ya lu ulaya Kpukpo mayon uza li uko. ¹⁵Legede makani yo akabu uma li-iye udakwashi ele Sodomu li Gomola li ekele ikpe ka ula ya.¹⁶"Nyetu, modugashi yoni kpomu ugaga li adhi ogwu uzhi bhe, kpomu ubokpeye majini iye kpomu ogwo aitunikpe kpomu bhili. ¹⁷Samani enye yo li adhi madegede uzhi bhe alawe bhe yoni ubu udho ikpe, aulobhe yoni igbanigbani li ulii-kpem bhe ¹⁸Aula we bheyoni udho emene Gobina li emene eze lishili me; liukaloshenibhe li emene obobhe-emene Juu¹⁹Ekele uwhuloshile bhe yo epedhieni ekpema liye yo ekani, li iye enwe tani li ekele ya. ²⁰Iyedoni, ndeke obo yo ekponi ekpo buwhuto uwa ida yo okpo gashi bu ekpo lime yo.²¹Nwana ogbu bu nwana, ida ogbu bu unwo, umeledhe oushi bhe bu ida bhe li ina bhe ulu au me bhe kpemele mu ugbuebhe. ²²Madegede oso bhe yoni bu oso lishili ewa me. Buwhuto nye nye ukaite le tutu dhuma adhi gbogbo enweta bu ugawe. ²³Umegide le bhe yon li eke ula gbalan ulam osoya, legede makani yo, ndeke egasoni eke ula izleli mu unwo madegede uba ja ozu.²⁴"Nwudho uka nye uzhia iye" nwoboyi uka idanwudhaa. ²⁵Udadhu adadhu bu nwudho buzhi kpom nyeuzhiezhi, udadhu dhi whu kpom bu nwoboyi buzhi kpom idanwudha, uble bu owhumale bhe idanwudho unwe udho Ekpensu- uwedhiga, egwe who bhebu uwhu emene ube bhe li udho!²⁶Kpomu ubokpeye etune bheni otogwu uzhi iye iye uwoli owoli aienwe buike li ulowe uwe uzhi iyeye maduegede uwoke, a egwe who ulouwe. ²⁷Iye moku nyide yo li igelenyi Kaloshiani li eche eye, ainujini kpum atakushi le yoni l'ete kpomu ni ama li olu udho.²⁸Etunieni emene unwe bhe ike li ugbu okpeli yo buto unwe bhe ike li ugbu uwa yo. Nye etuni otogwu bu nye mu unwe ike li utashi okpeli li uwa li me echi-bhiyo. ²⁹Udhe dhie bhe ada li ele mu ida yo ugwe umaji. ³⁰Ukaze uzhi yoni li ishi unwe kpo bhe ugwe ogwu oguu bhe. ³¹Etoni otogwu. Igbuni aya ka ogbo atapia ushishigbede uwadi.³²Kpom ubo kpeye nye nye ukaloshie bhe me li adhi medegede uzhibhe, yabu makaloshiwedhi who lema li ununu ida me amu uzhio li obioma. ³³Buwhuto nye ukedhiwele me ikake li adhi madegede uzhi bhe me kedhie dhi whua bu ikake li ununu ida me amuzhio li obioma.³⁴Egbeni kpom bu me jom bu uyawe uyodhu li uwam maya weni uyodhu, maya we upiya echi. ³⁵Meja nyio bu kp'emele mu akpanauwo li ida uda bhe uka, audaunwo li ina auda bhe uka; auwenyi unwo li inazhia udabhe uka. ³⁶emene ubheniegba madegede obu bu emene udho ya.³⁷Nye ugushile ida li ina kama me udaadho bhu ubu nyeame; nye ugushile unwo ukoma li unwo unyoma ka who me udaadho la bhu bu nye aame ³⁸Nye obuty dho ishiuyechika ya muuchi ya me uda adhola bhu ubu nye ame. ³⁹Nye uwuejile budu ya ewe lishili me enwetaa bu enweta.⁴⁰Nye unabate to yo una bate ya bu me una bate ya bu nyemu udugashe me. ⁴¹Nye unatu le nye agbama li ewa nye agbama enweta bu uwhugwo nye agbama, nye unatu le ny'uma li ewa ny'uma enweta bu uwhugwo nyiuma.⁴²Nye ne le uunuso li ogbo umeledhem eegege mini uyodhu oyodhu lu unwu li ewa onwunye, li emenem uchiya bhe me, legede, makani yo ndeke uwhugwo ya owulo ewe."

Chapter 11

¹Uba gama, li ekele mu Jizos udukpo dhi emene uzhiya dhi-madu li madu ibo ya udu, mu ubuzo lie lu adhiya li uzhi iye li uzhi uzhi uma li ogbo eke ula bhe. ²Lumon lekele mu Joni unujo li udho ikoli li iye basali li eka ugbolo kalais, mu udushio emene uzhiya. ³Muka ne la "Ibu nye mu uzhio li uja ubu jone anye ni enye udo nwunye la?"⁴Mu Jizos usa mu uko "Zeni muikanini Joni iye iwejini mu inujoni. ⁵Emene enyekpo, uzhi bhe li uweji who adhi, emene akadhedho bhe ize, uzhi l'ukade who bhe ize, Emene uke asasa enwele bhe uguogwo, Emene onuje bhe ete onujile bhe ete, emene unwulu kpobhe kpai ele le bhe lienwu emene uyo uzhili unuji dhi who bhe uzhi uma, ⁶Uwokwani Uzhini emene mu owudho bhe uma li shili me."⁷Kpomu emenem ukadhe ma bhe, mu Jizos ubido li ukani emene ogbo madegede ya liye basali li Joni, "Ize leni ime iwho, izeni bu li uweji iyela-uwho ewe uwukayi uzhigi ezhigi la? ⁸Buwhuto izeni bu li uneji ye la-unuke uyoji ukani unwe uwe uwe la? Legede, emene mu uyojiobhe ukani unwe uwe ube bhe bu li udho eze"⁹Buto ilone uwe bu li uwe ji Iyela-agbama la? Ee makani yo, akamale nye agbama. ¹⁰Ombu nyemu agbama ukadhio ''weji modugashi bu nyeuzhime li adhi zhini nye eja li umeke nyi yon adhi.¹¹Makani yon li ishiuka ukazhie madegede unjioma umu auka gedhe Joni. Buwhuto kpom nye uyakali-kpo bhe li ele li eleze obioma akama lema. ¹²Gontu li eye mu Joni mugbadhiedhidho limini dhema umom, eleze obioma udhu uya li eka utashi-like emene utashi-like ugonua bhe bu li ike.¹³Iyedoni bhele bhele emene agbama li oloko agbagili le bhe ama tutu udhuma who ekele mu Joni; ¹⁴Ubule bu ijikeleni li unatom, yawe bu Ilaija amu zhio li uja. ¹⁵Nye unwe ete unuji, unuji.¹⁶Nde iye m'otuwashi emene ukom la? uzhi kpom umeledhe ugudhi bhe ogologu li ime aya, aunu nazhi bhe ezhi li uwhuta dhi who onuu nye onuu nye ¹⁷auka bhe, "ye agbuni yo odu ite jen ne elebhe. Ye agba agbezhi, ikwan ne ikwa.'¹⁸Joni uja uwhe uji bhidhi unwo ne menye auka bhe bhu "unwe uwa bhiyo. ¹⁹Uwom Madegede ejale li udhi bhidhi li unwu menye auka bhe nyetu, ya we bu nye eke ekidhi li eke nye menye nwuje emene unatu takisi li emene bhiyo!' Buto ogbudhishi bhe eyo uji buli ugbolo ya."²⁰Mu Jizos uguugoshie ogto eke ulam ume iye unwodhenye, mu ugwe bhe uyosalio oyosali. ²¹"Ogolowo uzhini yo Kolazin! Ogolowo uzhini yo, Besaida! Ubule bhu unwodhe nye ume-bhe li Tai li sidon amu ume bhe li yo, aba yosalima lebhe tuluni li uyoji kapa agbazhi li ukposhi ewechi. ²²Buto enweni bu Tai li sidon uwe li ikpe bhe ka yo.²³Yo, Kapanyoni igbe kpom bu agba buzowe bhe yo olu dhuma obioma la? Eee, ayawe bhe bu yo ele tutu dhuma echi-bhiyo Iyedoni ubule bu li Sodom bhu iyeunwo dhe nye ume bhe li yo, emele bhe li me ya uba zhidhim tamu. ²⁴Buto makani yo, enwe bu uwe li ele Sodom li eye ikpe ka yo."²⁵Li ekele ya mu Jizos uko "Ma padhiwe yo, ida, idanwudho obioma li ele iyedoni inoke ni emene eyo li umajiye ogbo iyem, elowe jile bhe ne kpu enele mu umeledhe nitkom mu umaji bhe. ²⁶Ee ida om utowe yo obu. ²⁷Ida me ebhete kpole bhele bhele iye li eka ida me uzhie nye li eka idame uzhie nye umaji unwa gama ida uzhie nye umaji ida, gama unwo, lijine nye unwo ulotu li utu goshia.²⁸Jakeshime, yo emene eke ugbolo lieke ubu, mene yonbu unwe eli. ²⁹Nyatuni iyabha me, mu imudhini iye liekame, Iyedoni mayawe me okpeli ele amekpe uyodhu li obu me, ainwetani udeli li uwa yo. ³⁰Iyedoni iya bha me unwe uwe, ubu me unedhu eke ugbakpo.''

Chapter 12Li ekele ya, mu Jizos ukadho ika li eye udhiinwe. Inwe ogule emene uzhuya ya, mu uwotuo bhe oka mu udhio bhe.

²Buwhuto le'kele mu emene Palise unyeto bhe, mu ukane bhe Jizos "Nyetu emene uchiya yo emene bhe iye utashi oloko eye udhi-inwe."Buto mu Jizos ukanye bhe "Ika gudhieni iye Debidi ume li ekelem inwe ugola, ya li emene mu uzhike dhu bhela? ⁴Uze udho Ebilikpabi mu udhio bhidhi-udho ukpeni, aubu odhu nyela li emene uchila bhe ozu li udhunigbo kpoi bu emene osoeja.Ika gudhe li me oloko zhe bhu udho-ukpeni li eye udhinwe li ugwe uda ikpe ela? ⁶Buto mekani yo meni nye uka udho ukpeni uzhi li adhim.Ubule bu imajini iyem ubu, mowudhiga bu otuuizhi ubo osoeja "Iba kogbo emene utubhe ikpe. ⁸Iyedoni unwomu Madegede ubu Idanwudho eue Udhinwe."Mu Jizos ubuzole li adhi ya mu ukaze ulu-ukepeny bhe. ¹⁰Weji uzhi udhuke unwe ekau ubhoni li eli. Mu emene Palisi uho bhe Jizos "Umanu amanu li ugwo madegede li eye udhi-inwe la? kpemele mu ubushiabhe uka zebhu emele iyebhiyo.Mu Jizos uka nye bhe "Ubu nina lime yo aunwe gbo uugaganetem mu ugagaua udagadhu l'ime udhu li eye udhi-inwe mu gwe uludhiga li udokpewa la? ¹²Imajibhiwhu ma ibala uzhi li madegege auka ugaga la? kpomu ubokpeye udadhu adadhu li ume iyuma li eye udhinwe"Mu Jizos ukanye udhuke ya "Gbate eka" mu ugbate eka, mu unweta eli ya mu eka ya uzhikpom udo eka. ¹⁴Buwhuto mu emene Palisi ulo bhe li ugbadhi uzuzu li umegida li uwudhi ga dhibhe kpuemele mu ugbua bhe.Li ekela mu Jizos uwota ma who mu uyosale ozu otutu emene uchize abe echize mu gwo kpo je bhe ne eli. ¹⁶Mu ujabhe bhu akane bhe udo emene iye basali li ya. ¹⁷Kpu emene mu uzuta iyemu uka ma bhe akama li agbama Azaya, amuko,"Weji nwedho me amu molotuo obotu nyemu magushie ogushi ekpema me to eto li adhi uzhi meshi bu uwa me lime ya aukaloshiwe ikpe-ishuka li adhi emene obobhe-Juu zhi bhe.Udeke atagboya li akwukwu, ndeke echiboya li ikpe ndeke onwunye-nwunye onje uli yali umulaa. ²⁰Ndeke agbaje ne ikaka-ushi ujikute-ejikute ndeke owunyio ukpulechi uweniwhone unyioli onyolii tutu udu dho ikpe-ishuka kpom iye egwebhe umegbo emegbho. ²¹Li ewa ya emene obobhe Juu enwe bhe bu ubheshi-obu."M'uyawenebhe Jizos oonwunye enye to adhi, okpodhi whone ekpo augbulu ugoo. Mu Jizos ugwo la ya bu who kpom bhu udhkemu okpo ekpo ukpowho ekpo mu ungetudhiwho adhi. ²³Ogbo madegede ya unwodha we bhe enye mukabhe "Ekemu udhukem ubu Unwo Debid la?Ekelem emene Palisi unujo bhe iye basali lunwo dhawe enyem mukabhe " Udukem ukpachima ugbulu gama bu li ugbakpo uwa ekpensu-uwedhiga akpana ugbulu." ²⁵Buto Jizos umaji ugbegbe bhe mu uko "Eleze ...... ukemawhuto eliya ekema adamale; bhele bhele eke ula mubune udho ukemawhuto eliya ekema ndeke onuzo.Ubule bu ekpensu uchima who ekpensu, ekedhile eliya. Ndekpu eleze ya onuzole la? ²⁷Ubule bu mogoni ekpesu uwendhiga li ukpachimawe unwo yo ukpachima weji bhene bu li iyela? Kpomubokpe bhe obu bhe emene ekpe bhe yoni ikpe.Buwhuto ubule bhu makpachimewe ugubulu bu li uwa Ebilikpabi majiwhom bu eleze Ebilikpabi bu eja kedhile yon. ²⁹Ndekpu maduegede okpudhu le lime udho eke ogelenye li uzutuma iye, liugwe umotu magedhe ya we mu ukekpogede-a edhi la? mu bha zutu who ukpolokpo ya. ³⁰Nye ezhiekedhime usome oso nye obo nye ogbo me esekeli bu esekeli.³¹Kpomu ubokpeye makani yo bhelebhele bhiyo li ukatashi enweta bhe bu usabheteni, buto ukatashi Uwa Egwele ndeke enweta usabheteni. ³²Nye ukale uliekpo li ukagide unwo madegede enweta bu usabhete. Buto nye kpole li ukagide Uwa Egwele ndeke enwe usabhete liuwam lijine uwam uzhio li uja.Me mu ushi umanu aina ya umanu; me mu ushi uyobhiyo, aina ya uyo bhiyo iyedo ugbushilbhe ushi uji buli ina unwonwu. ³⁴Yo umeledhe ajali kpomu yo iboni bhiyo nde kpu ekani iyuma la? iyedom unu uka bu iye uyuluka unukum ³⁵Nye uma ulowe bu iyuma ubuzola li egede unukumaya, Nye bhiyo, ulowe bu iye bhiyo uzhi li ekpema ya.Makani yo li eye ikpe madegede amakala bhe bu uli li uzukpulu ekpo bhiyo ukpowhutobhe ³⁷Li uli ekpo yo ai-kemani eliyo li edhi li uli ekpo yo aishini eliyo li ugbu.Mu emene ubhabhe li emene Palisi usabhe Jizos mu ukobhe, "Njuzhi awudhiga unyetu iye ugbudhishi eji li eka yo." ³⁹Buto mu Jizos ukanyo bhe uko bhiyo amu ga abha uuidhigagbo bu iye ugbudhizhi eji . Buto iye ugbudhi ushieji ameneyoni uzhi gama iyeugbudhishieji iye basali li Jona nye agbama. ⁴⁰Zhikpom Jona unazhio li me uwo ukpa yabu li eye ito li abali ito, yabu dhiwhu kpu unwom madegede anazhi li me echi ele eye ito li abali ito.⁴¹Emene Nineve unozo bhe bu li eye ikpe li adhi emene ukomu uzhi bhe aukagbo we bhe. Iyedoni uyosalibhe oyosali lekele mu Jona uzhie uzhiuma . Nye uka jine Jona uzhi liadhim.⁴²Eze unyoma igbu (Sheba) onuzo bu li eye ikpe li adhi emene uko umomu uzhi bhe aukagbo bhe, uja li bem uggbogo ele uzhio li uba nuji eyo Solomon, weji nyeka Solomon uzhi li adhim.Ekele uwa bhiyo ubuzoli le li eli madegede ugadoga bu li adhi mini ezhie li uwudhiga adhi ude eli; uweji jene. ⁴⁴auka moyosali bu udho me adhimobuzolio "uyosali le mu uweji kpom bu udho bhusamali asamali. ⁴⁵aukadhe ozu li uganwe uwa isabo auyoka bhe yawe li bhiyo; a bhele bhele bhe uja bhe l'ube li adhiya. Aunazhi nyemu ya uyoka who adhi unuzu ya.ya bu kpu zhiniyi le uko bhiyo mu.Ekemu Jizos uzhikadhi li kponi emene ogbo madegede ekpo weji mu ina li emene nwana unuzo bhe li elezhi, li uwudhi gadhi bhe li ukpona ekpo. ⁴⁷Monwenye ukanila nyetu ina yo li umunwana yo uzhi li unuzodhi bhe li elezhi, uzhi bhe li uwudhiga li ukpuni bhe yo ekpo."Mu Jizos uso mu kunyio nyem ukanyela uka "Nina ubu ina me li nina bu bhe nwana me la?" ⁴⁹Mu ugbate eka ya li igbu mu emene mu chiemele li ozu uzhiobhela mu uko "nyetu ombu bhe ina me li emene nwaname ⁵⁰nye umele iye mashi ida nye uzhio li obioma bu nwana aukoma, nwaname aunyoma li ina me."

Chapter 13

¹Li eyemuya Jizos buzo̱ li udho̱ mulo̱ asaga mu unzho̱ li-ugbono olimini ²Mu ogbomadu shikoshabhe̱ kpo̱m ubuo̱kpe mu-kpodho̱ lime ugbo̱ mu̱nazhio e̱zhi limeugbo lieke ogbomadu ya unu̱zobhe onuzo li unuoshi ya.³Mu Jizo̱s kanibhe o̱tutu-iye elulu. Mu-kanibhe nyetu e̱chi-ika ze-adhi-ukpashi-iye. ⁴Kpomu u̱kasho-ya ubotu ukpulu-ushi uda bu-li ugbono ichakpa, mu̱ u̱nu jiobe mu utudha-kpobhe-bhe. ⁵Ubotu ukpulu-ushi uda bu-li- e̱le̱igwu, adhi enwe uza-tuogbo-o. le̱zhi-le̱zhi kpu imelo̱shilebhe, iyedo̱ uza-adhiya nwe udhu. ⁶Ogemu e̱lanwo walo̱shio mu-ekechio-ko̱, iyedo̱ unwebhe akiuiko̱ li ele mu-yabhe̱ uho̱.⁷Ubotu ukpulushi uda bu-li adhi ushi mwe̱bhe̱ mu-ukpogbokpo-bhe ⁸Ubotu ukpulushi udabhe̱ li-e̱le̱ uma mu unwo̱bhe-ina ubotu ugwu-se, ubotu ugwu ito̱ li-ubotu ugwu li dhi. ⁹Nye nwele ete nyeya unji.¹⁰Mu e̱mene uzhiya jobhe mukanebhe Jizo̱s, iyeledo̱ muikanio̱ ogbomadum uka li-elulu la? ¹¹Jizo̱s ụsọ mukanigbe "enelebhe yo̱ni uwedhini li umaji iye̱ uwoli ele-eze o̱bioma, buto̱ unebhe bhẹẹ ¹²Nyenwe-enwe ene-abhe bu-aukadiya, a-anye̱ya nwe̱ muyulu adhi. Buto̱ nyem e̱nwe iye-iye mane̱ amu-unweo̱ anatuabhe bu-anatu.¹³Ombu iyedo̱ mo̱kpo̱nebhe ekpo̱ li-elulu. Amashie kpo̱m uzhie bhe lu nye̱tudhiebhe adh, unye̱to̱bhe, amashiene bhu li nujidhibhe ete unujie̱bhe mubune umajẹbhẹnẹ. ¹⁴Li-bhe amuma Azaya emezole, amu ukakpom; ubule unji-onuji enuji bu onuji buto ndeke ewota-bhe, lu uweji, eweji bu eweji buto ndeke ewota-bhe.¹⁵Iyedo unukuma-bhe uzhiwo chili-chili, ukenibhe ike lu nuji-onuji, eyite malabhe ekpeleni, kpombakpe unyetuwedhedhe ekpeleni-bhe adhi, mubune unujiwe etebhe iye, mubune uwotawebhe ekpemabhe iyee.¹⁶Buto ekpeleni-yo uwokwaniabhe owokwani, iyedo unyetubhe adhi, li-ete-yo iyedo unujibhe iye. ¹⁷Ishiuka makaniyo otutu emene amuma li-emene meitebhe emeite mashibhe li-unyetu otu-iyem inyetun buto unyetuobhe ugwubhe bu-anuji otu-iyem yo inujini buto unujiebhe.¹⁸Kpeshieni ete li-elulum, nye chi ika kpashi ukpulu-ushi. ¹⁹Oge nye-nyobula nujile unu-ekpo eleze-obioma mu-gwe uwota-a, nye biyo uja mu-dabituma iyemu ukpashiebhe. li-ekpema-ya. Ombu ukpulu-ushim ukpashiebhe li ugbon ichakpa.²⁰Iyemu kpashiebhe li-ele-igwu bu-nyemu unjio uli ekpom li-ekeloneten munatola li-obueto, ²¹mashikpom-uzheya, unwe egbeliji li-imeya, unazhibho bu ubhe nchiko. Oge eke udhuya li umegide oubuzoli-unuekpom, au-dawulu.²²Iyemu kpashiebe li adhi ushi-nweabe ugwu zhibhe, ombu nyemu unujio unuekpom,buto agbezhi iye uwam li unagbo zhili-udaeze agbapidhile unuekpom, unwudhodhe-ina. ²³Ukpulu-ushi m-ukpashiobhe li ele-uma, ombu nyemu unujio unuekpom, mu-wotala. Mu lowe anwushi nwuloshi ina. uhotu ugwu-ise, udo ugwu-ito udo ugwu li-dhi gonitu kpu-kpashibhe-bhe.²⁴Mo Jizos ulushinigebhe udo elulu, mu-ka ele-eze obioma zhi kpom nye kpashi ukpulu-ishi manu-amanu li ikaya. ²⁵Buto li ubhe madegede nyikpobhe inyina, nye ubheni egbaya uze-mu-kpashie ata li adhim ukpashiebhe oka-mu kadho. ²⁶Ubhem okaya meloshiebhe, mu nwobhe ina, mu ata meloshi dhio.²⁷Emene nwudho nye-munwe eloya uze-bhe mu-kaniabhe la "Idanwudho, ikpashi boo ukpulu ushi uma li-ele-yo? Iyelado mu ulowe ata la?' ²⁸Mu-ukani gbe,nye ubheni-egbe ume-iyem. Mu emene nwudho-ya kabhe, kpom-ubokpe, iwudhiga bu ye aze mu-alogamakpo bhe la?²⁹"Mu-nyemu nwe-ikayoko ubuokpee iyedo izhileni li-ulogama ata ya iweni ike li-ulogama oka-ya. ³⁰Sebheni bhibom mu uzhodukata-bhe tutu dhuma ubhe uwotu-iye udhumale ugbe uwotu-iye, makani bu emene uwotu iye ele-ika li-unuzu, logama ni-ata, ke-bheni edhi li-egbo-li egbo aidukpo buto amu-ubo-oka, kpashiani li-ube-e.³¹Mu Jizos luwene-bhe udo elulu. mu-ka, ele-eze-obioma zhi kpom ukpulu-ushi (mositadi) madu egede gonu mukpashio li -ikaya. ³²Ukpulu-ushim uyakalikpobhe li-ele li adhi- ukpulushi zhibhe. Buto uzoloshile, ya-ukakpo ushi zhibe li-ka ubuho bu ushi unu- wedhubhe li-olu jabhe mu nubhe udho li elekaya.³³Mu Jizos ulunijebhe udo elulu. Ele-eze Ebilikpabi zhi kpom yisiti au-aununwe goni mu-gwakata palawa tutu bhele-bhele palawa uwuloshikpo.³⁴Otu-iyem Jizos kani ogbomadu li elulu. Uzhie-iye-iye ukanibhe mu-ehilu gweuzhaa. ³⁵Ombu kpu emele iye mu ukabhe kpagamu-amum mu-umezo kpomu uko mokpuma bu-unume li elulu. Ma-ka bu -iye wolibhe owoli gonity li-ubhemu ukpobhe ukpobhe uwam.³⁶Mu-Jizos sabhete ogbomadu mu-kadhe imudho. Mu emene uzhiya jakedhebhela mu-kabhe "Gbasamaniye elulum ewe-ele-ika" ³⁷Jizos usabhe "Nyemu ukpasho ukpulushi uma bu Unwo maduegede. ³⁸Ika-ya bu uwam, ukpulushi uma bu umeledhe ele-ezeobioma ata bubhe umeledhe nye biyoya, ³⁹Nye ugbeni-egbam ukpasho bhe bu ekwensu. Ube ugwutu iye li-ika bu ugulu-ogulu uwa, emene uwoto iye li-ika bu emene uzhi-obioma.⁴⁰Kpom-ubokpe, ujim ukpagbetebhe ata mu-udukpogbobhe li-echi. yakpu ezhi li ugulu-ogulu uwam. ⁴¹Unwo maduegede odushi emene uzhiya, akpagbete-bhe liunama li-ele-eze obioma bhele-bhele-iye yawe umeye li emene ebhe-gbe oloko. ⁴²Echigashiebhebhe bu-li- ikpuechi, adhi akwabhe ikwa mu-tabhe ikinize. ⁴³Lu'ubheya, emene umeyite asabhe kpom elanwu li ele-eze Idabhe. Nye nwele ete, unji.⁴⁴Ele-eze obioma zhi kpom iye gbuaya uwoli li e-ele mu-u-unuke wejela mu-wodhiela. lu-ekpema-eto mu ze-o, mu-dhegbo bhele bhele iye unwe li-go-eleya. ⁴⁵Udogba , ele-eze obioma zhikpom unuke dhuaya uwudhiga iye gbubhe- aya. ⁴⁶Ubha wuwejoo iye gbu-aya bhaka, muezhe mu-dhe gbo-kpo bhele-bhele iye unwe nu gotu-o eleya.⁴⁷"Udo-gba ele-eze obioma zhi kpom ojokolo uwubhe li olimini mu uwuto zukpulu uji-eye. ⁴⁸Ugbemu uyulo, nyegbu-ukpa doloshia oluko mu unazhebhe ezhi li toma otum umanu-amanu mu shishitobhe li-iye, buto otum amano-amanu mu chuwobhebhe.⁴⁹Ombukpu ezhile ugulu-ogulu uwa. Emene uzhi-obioma ejbhe li ulogama emene biyo li-adhi emene umeyitebhe emeyite zhibhe. ⁵⁰Echigashibhebhe bulime kpu-echi, adhi ikwa li uta-ikinize zhi.⁵¹"Yo ewotaleni otu-iyem la?" Mu-emene uzhiya sabhe "iee" ⁵²Mu Jizos kani-bhe, kpomubokpe nye uzhi-ezhi uzhile iyekpani ele-eze obioma uzhikpom nyewe udo ulowe limi-udeze-ya iye uwu li iye ukani. ⁵³Mu-babo ugbem Jizos ba-lukpo elulu, mu-ubozo li-adhiya.⁵⁴Mu-Jizos ukpudho li-ugbuabhe, mu zhie-bhe iye li-ulu ukpeni bhe iye loga bu-unwodhabhe- enye, mu kabhe, "Unukem nweta agugushim li ugbako ume-iye unwodhawe enye li edha. ⁵⁵Ombuo unwo nye oka lushi ya ela? Ina-a dhineje mali ela? Emene nwana-ukoma-ya bu-jebhe Jamishi , Josepu, Simoni li Judasi e la? ⁵⁶Ubo emene nwana unyoma-a ye azhini ela? unweta otu iyem li-edha la?"⁵⁷Bhe-wudhushabhe uma. Buto Jizos kanibhe, nye amuma udhu-eso gama li-ulabhe li udhobhe. ⁵⁸Ume-e iye unwodawe enye tu-ogbo iyedooni unwe bu uhetu.

Chapter 14

¹L'ubheya Helod nye uchi-echi nuji ukabhe-aka basali Jizos. ²Mukani emene Nwudho-a, ombu Joni nye wunmini; obuzolile li enwu. Kpombokpe otu ugbakamzhi-gbe lugbolo li eliya.³Iyedo Helod omutule Joni ekelema edhie mu-shiela li udho ikoli lishi Helodias, Nwenji nineke a Pilip. ⁴Iyedo Joni Kania bhu ubu-iye oloko li-yolu-gonia kpomu nweniyo" ⁵Helodi abha-gbulema, buto uto otogwu iye madegede emebhe iyedo ugonibhee Joni kpom nye-amuma.⁶Buto kpomu udhuma ugbewaji iye-umuomu Helodi, unwo Helodias aunyoma te-elegbe bimogboya mu elegbe-ya mashie Helodi. ⁷L'utugoshi obu-eto ya mu-whedawo li udhiowo lu ne-iye-ye ukewhuto ewa.⁸Kpom ina-a kanikpola, mu uka-o, nem-la adhim li epele ishi Joni owumini" ⁹Nwe-ezem, nwe obu-taka-taka li edhiom, buto iyedo edhima-owo li-ununu emene ya li bhe uzhio-gbe, lu mezo edhiowom li ilaya, muka-o blu ume-abhe kpe-e.¹⁰v 10 Mudushio bu kebie-bhe Joni ishi li me-ikoli. ¹¹Mu-ugala bhe ishi ya li epele, munegbe unwo unyomam mu lawenio ina-a. ¹²Emene uzhi Joni ze bhe, mu-goniegbe uzu-ya, mu lio-bhela umalimagbela, nuzhe-bhe mu Kaniegbe Jizos.¹³L'umom kpom Jizos unujio iyem, mu-ukpodho lu-ugbo mu kadhio ibe dhubidhu-odhubidhu. kpom ogbo-madu nujiogbe, mu gagbe ele-luko lu chidhiza ¹⁴Mu-Jizos ja-o mu-wejio ogbo madum munwenio bhe otuzhi mu-ugwogbhe eli-edhe.¹⁵Ila gba dhumo,mu emene uzhiya zekeshagbe mu kania gbe, ibem dhubidhu-odhubidwu ubhe-akadhemale kani ogbomadum bu-kadhegbe kpaga mu-zegbe ime ula lu -gotu iye udhiedhi."¹⁶Jizos kanie-bhe "iye-akadhenibhe zhie. Nebheni iye udhi-edhi" ¹⁷Mukanio bhe la anwe li adhim bu ukpo bhidi gbise li ukpa-ibo." ¹⁸Mu Jizos ka- "galani meni".¹⁹Mu Jizos kani ogbomadum bhu'nazhibhe ezhi li ewe. mu goni-o ukp bhidhi isem li ukpa-ibom. lo-nye enye li olu obioma, mu wokwanio mu-gbakema bhidiya, mune emene uzhi-ya, mu emene uzhiya nebhe ogbo-maduya. ²⁰Mu bhelebhele madudhiogbe mu-w-uwo-yululobhe mu ukpagbete bhe iye gwali agwali li bhidhi udhibhete edhibhete- uyulu bu dhi-ukpo li-ukpo-ibo. ²¹Emene udhigbe bhidaya dhumabhe pulu madegede ise, ugugamabhe unyoma li umeledhe.²²Umemuno,mumemu emene uzhiya ukpedhuobhe li-ugbo, mu ukadhebhe li-ununu lukadhe uweshi, mu-kanie ogbo madu ya bhu kadhe-gbe. ²³Kpomu ukanimo ogbomadu bu Kadhe-gbe, mu-kadhe oluegbu li-ukpe-ukeni ya neten ubhadhuma ila, ya-neten uzhi li-adhiya. ²⁴Buto adhi ugbo zhi kaniho uto li-adhi ele zhi kpomu odowu ozholi nudhgadhia iyedo uwele ye uwelawebhe ozu.²⁵Li-echi abali Jizos dhuma ukwe li-gbe, li ukadhe ize li olumini. ²⁶Kpomu emene uzhiya wegegbela kpu uzhile li ukadhe ize li-olu-mini, mu utobhe otogwu mu-kabhe "Iyem agbala", muchiebhe ikpu li otogwu. ²⁷Mu Jizos kponegbe ekpo li-ezhiya "Knalini obu, me-mezhiya etoni otugwu."²⁸Mu Pita ubasala, mu uka-o, ubule bhubuyo, kanim l'ugbakpo mu nchiye-e li olu-mini ²⁹Mu Jizos uka-o "Ja." Mu Pita ukpodo li ugbo mukaze ize li olu-mini likazekdhi Jizos. ³⁰Buto kpom pita wejio kpu uwele kike mu utuo otogu. mu-bido udhili muchie ikpu baka "Idanwudho-me dopkewem!"³¹Li- ezhiya mu Jizos gbata eka, mudotuo Pita mu-kaniela, yo nye-uwhetu zhi ntoko iyela-do mu-nwe ekpema ibo-la" ³²Kpomu Jizos li-Pita ukpodhobhe li ugbo mu-uweleya ukshio ³³Mu emene uzhiya lime ugbo ukpeniegbela, mu-kabhe "Li-egede ibu Unwo Ebilikpabi."³⁴Kpomu wekpebhe minimu-udhuma bhe ele Genezaleti ³⁵Kpomu emene ulaya majiobhe bu Jizos ushiya, mu-uzhigbe uzhi zukpulu ewheka, mu duyanibhe bhele-bhele madegede udbhe eli. ³⁶Mu udhiashebhela kpumele mu ukpotutobhe eka li ete kapaya, mubhele bhele madum ukpotuobhe eka li kapa ya natu bhe ugwo gwo.

Chapter 15

¹Mu emene palisi li emene ubhoabha ubuzoli bhe li Jelusalem mu Jakedhobhe Jizos ²Mutegbela "Iyelado emene uzhiyo kpadhumagbe omenala emene unukanila? Usama-gbe eka li audhilegbe bhidhila" ³Mu-ubasagbe iyelado mu-yo ikpadhumani oloko Ebilikpabi li umojike omenala yo?⁴Iyedo Ebilikpabi kabu, "Yi-idayo eso, nye kponile ida-a ubone ina-a ekpo bhiyo bu-nye enwu. ⁵Buto -yo ikanikpom, nye-nye kanile ida-a ubone ina-a "Ushieka udhiniyo li unweta liekame li umom buwho iye inedho ka Ebilikpabi. ⁶Nye zhi kpe dadho bu-yi ida-a eso. Li ibakpa zhikpom ekpadhumaleni unekpo Ebilikpabi.⁷Yo emene unu-ibo, iyela domu Azaya ubuo amuma iyekpani yo mu uka, ⁸Emenem uyigbeme eso bu-li-ugbanu gbe buto ekpema-gbe kani-uto li-adhi me zhi. ⁹Ukpeni-gbe me ewe, iyedo uzhiezhi-gbe bu-oloko madegede."¹⁰Mu -uwhuo gbomadu mukani-gbe "Kpeni-ete mu- iwotani ¹¹Uzhie iye madegede udhi-edhi udhuma madegede ibukpom, iye-lomaduegede lu-unu, ombu iye dhuma maduegede"¹²Mu-eme uzhiya jagbe mu-kani-a-gbe "Imagi bu emene Palisi wudhugbe-uma kpom unujiogbe iyem ikanio-gbe" ¹³Mu Jizos usa-o, "Ushi idame lo-obioma akpashie, ma -gbe bu- ologama. ¹⁴Sabete bhe ubu-bhe nye udu enyekpo nye enye-ukpo dule nye enye ukpo, madu ibom adagadhu-bhe li-imeudhu"¹⁵Mu Pita sa Jizos "gbasamani-iye elulum" ¹⁶Mu Jizos sa "Yo ikanwe ni dhiwhoni uwota owota ela? ¹⁷Yo iwotani bu iye-iye kpudhu li-unu ukadhe bu uwo aunyolo-shiabhe li-ishi ubuoshibhe l'osolo.¹⁸Buto otu-iyem ukpobhe li-unu ubuzoli bu-li ekpema. Ombu otu-iye dhuma madeegede. ¹⁹Obu bhiyo ubido buliekpema, ugbumadu, uga ewhele, ugbu, eka ibo oyika li ukaja. ²⁰Ombu otuye dhumagbe madeegede. Buto udhigbidhi li-ugwe usama eka dhuma madeegede."²¹Mu Jizos buzoli-o li-adhimuya, mu-ukadho ewheka ilam udhinobe Tayo li sidon. ²²Nyetu ununwe Cana obuzoli ewheka-ya mu chikpu li-uka "Nwenim otuzhi, idanwudhome Unwo Debidi, Unwome aunyoma uwabiyo umekpasha eli bhaka." ²³Buto Jizos zhidhia ekpo. Emene uzhiya jagbe mu kaniegbela, "Kania-bu kadhe, iyedo uhushi-dheyem bu uwhu.²⁴Buto mu Jizos usa li-uka, "Udugashine-gbeme onwunye onwunye Gama akpalanama wulubhe-owulu lidho Izulel." ²⁵Buto mujo muio ukpunuko li-ununuya "Idanwudho shikeshimeka" ²⁶Mu sa li-uka "Ubo-iye dhukata li ugoni utanakan umeledhe mu-chuwoshini unwo akita."²⁷Mu ka, ''Legede Idanwudho, buto mashine uwa-akita dhibhe ubulubu-iye buzeli li tebulu endanwudho bhe uda." ²⁸Mu Jizos sa mukani-la "ununwe, Uwhetu-yo bu-eke uzhiniya kpom ijim iwudhigo" mu unwa unyoma ya unweta ugwo ogwo li ezhiya.²⁹Mu Jizos ubuzoli li-adhiya, mu-kadho ugbono olimini Galili. Mu kpodho li olu-egbu mu unazhi-ezhila adhiya. ³⁰Ogbomadu bueke jakeshiehla. Uyawe kata-bhe bu-emene akadhebhe-ize-e, enyekpo, ukpoko li emene ijiuko, li otu-tu emene dabhe eli. mu dohbete-bhe-bhe li-ununu Jizos mu-gwokpobhe. ³¹Kpom uzheya ogbomaduya nwodhabhe enye kpom uwejiobhe okpo ekpo, nye akadhe ize kpu-eli manua, nye ijiuko kpu kadhe ize li-nye enyekpo nyetu adhi. Mu-padhiwebhe Ebilikpabi Izieli.³²Jizos hu emene uzhiya mukanibhe "Menwe otuzhi li-adhi-ogbomadum zhigbe, iyedo anazhike dhi legbe me eyeito, unwedhegbe iye udhi-edhii. Mowudhigam meni makanibhe ukadhebhe li-ugwe unite iye udhi-edhi, mu-ike gwe ugulubhe li-ichakpa" ³³Mu emene Uzhiya kaniabhe "nde adhi anweta bhidhi ozu emenem li-adhim-udhubidhum nu-uyu ogbomadum la? ³⁴Mu Jizos kaniebhe inweni ukpo-utanukani ila-a? mu-kabhe, bhisabo li umu ukpaliadim. ³⁵Mu Jizos kanio ogbomadum bu-nazhibhe ezhi li-ele.³⁶Mugonio ukpo utanakani isabom li ukpaya, kpom utekpo meka, mu gbakema otu ukpo utanakanim, mune emene uzhiya. mu gbakema otu ukpo utanakanim, mune emene uzhiya. Mu emene uzhiya nebhe ogbomadum. ³⁷Bele-bele madu dhibhe mu uwo-yulu-bhe, mu-ba kpagbetebhe ukpo isabo yulu iye udhigbetebhe. ³⁸Emene Udhibhe bu puku madede ino uwugamabhe unyoma li umeledhe. ³⁹Mu Jizos kani ogbomadu bu kadhebhe, me kpodho lime ugbo mu kadhe eheka Magadan.

Chapter 16

¹Emene Palisi li Sadusi ujiabhe ujiabhe li-uma-ama mukaniabhe tugoshiye iye ugbudhishi-egi li-olu. ²Buto mu sa li-ukani-bhe, "Udhumale ila yo ikani, olu manu-amanu iye-do ude-ubala.³Ubabule oyikwe, yo ikani, olu uzoo-ozoo, iye-do olu de ubala, imajiani amaji, imajini kpu-ugbasamabhe uji-obu zhi buto-yo igbasama dhoni iye ugbudhishi-eji ubhee ⁴Uko-bhiyo li uwudhigabhe bu iye ugbudhishi-uji buto ushe iye ugbudhishi-uji enebhe bhe gama iye ugbudhisi-uji Jona." Mu Jizos usagbete-bhe, mu-ubuzo li-adhiya.⁵Kpom emene uzhiya ukadhebhe udoibe, mu uwhekashiebhe ugoni utankani. ⁶Jizos kani-bhe, tukpani-eli ayi nyekwani enye, iye kpani Yesiti emene Palisi li Sadusi. ⁷Emene uzhiya ugwubhe agwugwushi li-umebhe mu-gbebhe iyedo "Ye abu-o bhidhi" ⁸Jizos maji om mu-uka-o, yo emene uwhetu ntiko, iyelado mu-igbeni li-imeyo, mu-kani iyedo awhekashi bhidhi li anwa la?⁹Yo iwota dheni ubune gbewejini ukpo bhidhi ise amu puku madegede ise udhiebhe li ukpo yoni ikepegbeni ugwali agwali? ¹⁰Ubone ukpo utanakani isabo unupuku-ino dhibhe, li ukpo la-ugwali, e-kpagbeteni uwadhi.¹¹Iyelado mu-egweni uwota bu ma-kaniyoni bu uka bhidhi e-ela? Tukpani-eli mu-nyekwani enye iye kpani Yesiti emene Palisi li Sadusi. ¹²Muba wota-bhe bhu ukanidhe-bha ubo-bhu tukpali li- Yesiti mu ushi-shebhe li bhidhi, buto bu tukpabhe-eli iye kpani ushi-ezhi emene Palisi li Sadusi.¹³Li-umon ugbeme Jizos zo ewhekam uzhio li-ugbono otu igbu Sizaliy Pilipi, mu-uto emene uzhiya, "Maduegede kagbe bhu Unwo Madegede bu nina?" ¹⁴Mu-kabhe "Ubotu kabhe Joni owumini, ubotu Elija, udoemene Jenimaya, o-onwuye li-emene amuma" ¹⁵Mu-tebhe, " buto-yo ikanimobunina. ¹⁶Li-usa mu Pita ka "Ibu Kalasiya, Unwo Ebilikpabi zhi-budu."¹⁷Jizos usala muko "uwokwani zhini-yp Simoni igwu Jona,ubuo okpoli li ubala ukpumaniyo iyem, buto idame uyemu uzhio-li-obioma. ¹⁸Makaniyo meni ibu Pita, li-olu-igwum bu-adhi monu chuchi me. Ugbakpo uwa-biyo ndeke emegbodhola.¹⁹Meneyoni bu sapi ele-eze obioma. iye-iye ikeleni ugbu li uwam ekeagbe bu-li-obioma, iye-iye tomaleni li uwam otomabhe bu li obiima. ²⁰Mu Jizos ne emene uzhiya oloko bu akaniebhe onwunye onwunye buya bu kalais.²¹Gonitu libhuya Jizos bido ukani emene uzhiya bhu ya ze bu Jelusalem, bhu ya dhu-buya gbaka li-eka emene unukani, li emene ishi-osoeja, li emene ubhabhe bu ogbu bhe ye bu ogbu, bhu autemabheye li enu lieye gbuwe bhito. ²²Mu Pita udola-ozu li ugbono, mu pita gbobiela lu-kani "Otu iyem odhuta gedebhe adhiizhi, idanwudho me otu-iyem adakwashi-gedhene yo nine-nine," ²³Buto Jizos yosali mukani Pita, "Galaga ozume , ekwensu! ibune me usubie, iyedo igbee iye basali Ebilikpabi, buto iye basali maduegede."²⁴Mu Jizos kani emene uzhiya, ubule bu nye wudhiga buya chiya me, omojike bu eliya-eka aubut ushi-uyeli-uka muchiya me. ²⁵Iyedo nye-nye obula wudhiga udokpewe buduya, analia bu anali, nye-nye obula nali-lema lishime, enwate bu enweta. ²⁶Kpombukpe nde-iye abadhumi onwunye ubule bu ibalaya bu uhulu uwam mubuduya lanatua. Nde-uye maduegede ene li ugbanwo buduya-la.²⁷Iyedo Unwo maduegede luja li igili ida-a ya- li-emene uzhi-obioma-ya ohubu-gbele -gbele madu ugwo kpu-eka ugbolobhe'zhile. ²⁸Li ishuka ma kani yo, e-emene ilunuzhoni li-adhim ndeke ewejie enwu tutu unyetubhe unwo maduegede kpu ejale li-ele-eze-ya.

Chapter 17

¹Kpomu eye-ise gama mu Jizo gonu Pita, Jamisi li Joni nwana mu ukpodho-bhe li oluegbu. ²li ununubhe mu unwulu-ya gbanwo-o. Upiya usawho kpomu elanwu, kapa mu-uyojio samali kpomu echi.³Nyetu Mozizi li Ilaija lokedheagbe li adhiya lu-kpokedhaa ekpo.⁴Mu- Pita kani Jizos "Idanwudho, umanu kpom ye azhie li-adhim. Ubule bhu mashiyo, umanu bu anushi udo ukpene ito-nine buaya, nine bu-a Moziz, nine bu-a Ilaiaj."⁵Kpom uzhie li-ukpoekpom, nyetu, uyini-usamali okpupidhe lebhe, nyetu uli buzo li-uyiniya kpukale "Ombu unwom mo Gushi-ogushi amu umeleya masheme. Kpeniani ete" ⁶Ugbemu emene uziye unujibhe, mu-ukupubhe bhe upi li-ele mu-otogu yulubhe eli. ⁷Mu Jizos jo mu kpotuobhe eka mukanibhe "Nuzoni etuoni otogu" ⁸Mu nyebhe, uwejiedhe-bhe onwunye onwunye gama Jizos.⁹Kpomu uzhiebhe lu kpeda li-oluegbu, mu Jizos negbe-oloko "Ekanieni onwuye onwuye ukpuma enyem tutu unwo Maduegede telima li-enwu" ¹⁰Mu emene uzhiya tebhela, "Iyela domu emene ubhabha ukagbe bu Ilaija ejame gedhe li-uzula?"¹¹Mu Jizos usa, li-ishiuka, "Ilaija ejama-gbedhe lu-bha chinwute kpo zukpulu-iye. ¹²Buto makani -yo Ilaija ejiamale, buto ugbudhushiebhela ujii iyeobukpe umeabhe bu-iye mashituto bhe. Li-ewheka neteni-ya unwo Maduegede odhu bu-uya li-ekbhe." ¹³Mu emene uzhiya wotabhe bu ukanidhibhe iye basali Joni owumini.¹⁴Ubhemu udhumabhe adhimu ogbomadu zhiogbe, mu u-unuke jakedhela, mu ji-ukpunuko li unun-ya, mu ukanela. ¹⁵"Idanwudho me, nwe-otuzhi li-adhi unwo okoma me zhi, iyedo uda-uke-agalezhi, udhu-uya maka. Otutu ugbe udagadhu lime echi ubone l'ime mini. ¹⁶Mu doyani emene uzhiya, buto ugwodhobhe-la."¹⁷Mu Jizos usa "emene enwebhe uwetu nchiko li akpala agwa biyo, ma nazhike who yoni bu tutu dhuma ele-ubhohula makaite kedhi li-ishiyo bu tutu dhuma eleugbela. Doyanimeni unwo ya adhim" ¹⁸Mu Jizos gbobie uwabiyo mu buzola liele, mu unwoya nweta ugwo li-ezhi-ya.¹⁹²¹Mu emene uzhiya dogbela ozu mutegbele, "Iyela do mu-agwe uchigamadhoa la? ²⁰Mu Jizos sagbe, iye do uwhetu-yo zhi-ntiko. Iyedo li ishi-uka makaniyo, ubule bu inwe ni uwhetu zhi nchiko kpomu ukpulushi musitadi, unwe -ike li-ukani egbum, buzo li-adhim mu-ikadhe adhiwe, au-kadhe, ushie iye-iye egwe umedho."²²Kpom unashiebhe li Galili, mu Jizos kani emene uzhiya, "Unwo Madegede eneabhe bu li eka emene madegede, ²³au-gbuabhe li-eye gbuwe gbito au-temabhe li enwu" mu-emene uzhiya uwudhobhe uma.²⁴Ugbemu udhumabhe kapanyom, emenemu unatobhe takisi udho ukpene zekedhebhe Pita mu kabhe, nye uzhi-ezhi ye huo takisi udho ukpeni-ela? ²⁵Mu sa "eh" ugbemu Pita kpudho li -ime-udho, mu Jizos kaniela li unuzu, Nde-iye igbe, Simoni? Nde li eka nina eze-emene uwam unatubhe tax la? leka umeledhebhe, mubune lieka udo-emene?''²⁶"Li-eka udoemene", Pita sala "Kpombukpe umeledhebhe hobhe, Jizos uko. ²⁷Buto kpaga le mu-ame emenemu unatubhe takisi mu-gwebhe udagadhu li-umeye, ze-olimini, chiwoshi idoli, dogbo ukpamu edhio idoli li-uzu. Eke ikumalema unu, eweji bu O-openi. Goni mu-ine nyemu na takisi, li-ishi me li-yo."

Chapter 18

¹Li ugbe muya emene uzhi Jizos zekedhabhe li-utekwa, "Nina kakpolibhe li-ele-eze obioma la?" ²Jizos dotu-o u-u-uwoumeledhe, mudobhetela limebhe, ³muko, "Li ishiuka ma kaniyoni, Gama bu iyosalini me-ezhi kpom umeledhe, uzhie iye eme mu-ikpudhu li-ele-eze obioma.⁴Kpom-ubokpe, nye-nye obula uyawele eliya ele kpom unwo umeledhem, nye ya ukakpolibhe li-ele-eze obioma. ⁵Nye-nyeobula unatule unwo-umeledhe zhi-kpom li ewame unta-a bu-me. ⁶Buto nye-obula mele-mu umeledhe uhedawebhe li-me mu-udabhe ukaa-uma bhu ukwashibe nyeya ibeli-igwu bueke lekidhi, mu lugashiabhe nye ya li-ikili mini.⁷Utabiyo zhini-uwam iyedoni unwe iye ukpo uko-buyawe edaa udadhu bu-iye ukpo-uko bu-zhi, buto utabiyo zhni nyemu gonito li-ishya mu-usubie iye ukpo-loo. ⁸Ubule bu ekayo ubone ukoyo buniyo usubie, kebiema mu chiwoshia, ukauma bhu inwe budu li ugwe uchili-ebhili, ka-uchigashi li-echienwo- ugula-ogula, lieka ibom, mubune li uko ibom li chili-echile.⁹Ubule bu ekpeleniyo obuniyo usubie, dhugama-a mu-ichuwa-a. Ukauma bu inwe ekpeleni neten mu-nwe budu ka echigashibhe nyeya li-chi nwe ugulu-ogulu, yo-li ekpeleni ibo.¹⁰Nyetu kpom bu-enyeso otu umeledhem, iyedo makaniyo kpom li imo obioma emene uzhibhe li obioma unyedhibhe enye buli-upi ida me nyem uzhie li-obioma. ¹¹Iyedoni Unwo Maduegede ujiom bu udokpewe amu-uwulo owulu.¹²Igbe iyela? ubule bu onwunye nwe ugwu akpalanama ise-e, mu-nine-kpawulu ndeke yawe usabhete ugwu-akpalanama ino lidhi li nazama li ugbono ebhu au-ze li uwudhiga nine-neteni mu-kpawulu-akpawulu e la? ¹³Ubule bu owuweji- lema, li-ishiuka makani-yo ekpema otoa-bu-li unu ka-ugwu- imo li-dhi -li nazama ubho li ugbono ebhu akpawulobhee. ¹⁴Li ibekpa neten ubo echiche ida-yo li-obioma bu onwunye li-umeledheya butadhubhe ewe.¹⁵Ubule bu nwanayo meyeshiniyo, zemu ikania madu-ibom-gbo. Ubule bu ukpeshiniyo ete enwetale nwanayo. ¹⁶Buto ubule bu- ukpeshineyo ete yo-li onwunye ubune madu-ibo mu-izeni kpaga li-unu madu-ibo ubune madu-ito gbele-gbele e,eme ekibo bhele bhele unuekpo ugbudhishiabhe uji.¹⁷Ubule bhu uwhe ukpeshi-ete, kani chuchi, ubule bu uwhedhiuwhone ukpeshini chuchi ete, nyetuani kpom nye-amajie Ebilikpabi-e li-nye na takisi.¹⁸Li- ishiuka makani yo, iye-iye ikeleni ugbu li uwam ekedhihuagbe bu li obioma, iye-iye itogamaleni li-uwam otogamelegbema li-obioma. ¹⁹Udogba makaniyon, ubule bu madu-ibo bhu ewhedawelebhe liuwam kpani-e-iye-iye buto udholebhe, ida me li obioma emenibhe bu- emeni. ²⁰Iyedo adhi madu-ibo ubone madu-ito uzugbanilebhe li-ewame, li adhiya, mezhi li-me ogbhe."²¹Mu Pita jo mu-kani Jizos, "Idanwudho nwaname emeyeshini me bu ezhila nsagbeteni-a la? Tutu ize-isabo la? ²²MU Jizos kania la "Ma kaniemuyo li ize isabo-o buto bhisabo-bhisabo ugwu-ito li-dhi.²³Kpom-ubokpe, ele-eze obioma uzhi kpom ujim o-nye-eze wudhiga bu emene nwudheya ubamakalabhe kpu-umela-lebhe. ²⁴Kpom ubido unagbede mu-uyabhe nwudho-a nine umojia dhi puku uwayi. ²⁵Buto kpom enwe eka uhuwe ugom, mu Idanioudhoa ime oloko bhu dhegboabhe, nwnyia li-umeledhea, li-bhele bhele iye-unwe, mu uhuwegbe ugwum.²⁶Kpomubokpe, mu nwudhoa unali-ele, ukpowe ishi li ele li ununu-idanwudhoa, mu-uka idanwudhome nwenim ukaite uma muhugbo bu gbele-gbele iye omomji leyo. ²⁷Kpom ubokpe mu idanwudhoa unwenela otuizhi, muchigama-abhe mu sagbeteniabhe ugwoya.²⁸Buto mu nwudhoya lo asaga mu wejio nwudho iba-a umojia ugwu ekpo owayi ise. mu-mutua, mu mojikea li-ekidhi kpikpo muka, whumu-iyem imojieme. ²⁹Nwudho-ibe-a daliele mu dhoa nwenimu ukaite uma mowho yo bu owhu.³⁰Buto nye nwudho unuzum he-e. Iyeobugbe, uchigashia buli- ikoli tutu uwhudhikpo ugwomu umojio la. ³¹Muu emene nwudhio iba-a uwejiogbe iye-da, mu wudhobhe uma. Mu-zebhe mu-kaniogbe idanwudhobhe bhele-bhele iya-da.³²Mu- idanwudhoa uwhuola mu kaniela, yo nwudhe biyo mesabheteni - yo bhele-bhele ugwo imoji, iyedo idho edho. ³³Uda adhu bu-inwe otuzhi li adhi moudho ibeyo zhi kpom ujim me nwo otuzhi li adhi-izhi.³⁴Idanwudhoa wudu uma mu ulawela eka emene ata abhe ahuhu tutu uhukpo bhele bhele iye umoji. ³⁵Yakpu-obudhiho Idame mu-beli obioma emeniyo ubule bhu ekpemayo sa-usa li-adhi nwanayoshi.

Chapter 19

¹Kpom Jizos kakpo utu-iyem, mu-buzolie li Galili mukadho ewheke Juda amu-ushio li-ozu olimini Jodani. ²Ogbomadu bu-eke chiagbe ozu mu-ugwo kpobhe li adhiya.³Emene Palisi zekedhiabhe la li-uma -ama, mu utekwabhela "udadhu adahu bu-ukoma bhu ukachima nwenea li ebho li-ujim iye-udao la?" ⁴Mu Jizos sa-mukao "yo ikagwudhiene kpom bu-nyem ukpubhe li-ubido ukpubhe bu ukoma li unyoma ela?⁵Kpomu ukpumabhe mukao, li-ishi-iyem ukoma asabhete bu-idaa-li-inaa au-nyegbani li-eli-nwenaa au maduibom bugbe o-okpeli. ⁶Kpomubuokpe ubodhebhe bhe-ebo buto aukpoeli kpom ubokpe iye-iye Ebilikpabi zugbetemale, ezhie nye togama bhe"⁷Mu ubatekwabhe la "Iyelado mu- mozizi neye oloko bu anee ukpalahu uchiwe li ebho mu akpachiwhoa la?" ⁸Mu kaniobhe "Gonitu lu-ushikata ekpema-yo, mu Mozizi sabhete yoni bu ikpachini ununwe yo li udho-l'ebhe, mubuto gonitu li-ubido ubuo-kpe. ⁹Ma kaniyo nye dale nwenaa ngbodhigam, gama-bu umoabhe li-uya-uga, mu-tule udo, udaa bu li oloko uga, ukama tudhihule ununwe uchigbe li egbo, udaliok uga."¹⁰Mu emeuzhi kanibhe Jizos, Ubule bu omkpu uka izhili nweni uzhi, umano li utu-ununwe." ¹¹Mu Jizos kanibhe, "Ubo-o gbele-gbele madu anatubhe iyem ma-kom, gamagbo emenem Ebilikpabi uno. ¹²Iyedo emene bubhe okili gonitu li uwo inabhe ubotu mewebhe elibhe Okili li-ishi ele eze obioma. Nye nwelike li unatu uzhi-ezhim nyeya natua"¹³Mu uyawenadhe ogbo umeledhe kpaga mudajibhe eka-li-ishi mu-ukpenibhe ekpele buto mu emene uzhiya gbobibhe bhe. ¹⁴Mu Jizos kaa "Sabhete umeledhe, egbobishibhe bu-ujabhe elime, iyedo ele-eze obioma bu-a emene zhibhe kpom." ¹⁵Mu daji umeledhem eka, mu buzoli-o li adhiya.¹⁶Nyetu unuke jakedhe Jizos mu kanaa, "Nye uzhi-ezhi nde- iye me-me kaga n-nwe budu enwe-ugulu ogulu?" ¹⁷Jizos kanila "Iyelado mu-etakwa-me uka iyemanu amanu? Onwunye netem umanu-amanu, buto ubule bu- iwudhiga biya kpudhu li-budu, gbete-oloko."¹⁸Mu unuke-ya kania "ele olokola?" Mu Jizos kania, "egbo-madu, egadhe-uga, ezu-ugbu, egbagide nwana ibeyo li-ekibo oyika, ¹⁹Yi-inayo li idayo eso, muigwushi nwana ibeyo kpom igwushie eli-yo."²⁰Mu-unwo ugbogim kaniela, "bele-bele otu-iyem me gbekpolem" Nde iye memegbala? ²¹Mu Jizos kania, "Ubule bhu iwudiga uzut a-uzuta, ze, dhekpo iye-inwe,mu-ine emene nwogboni, mu -inwe uda-eze li obioma aija, mu ichya-e." ²²Buto kpom unwo ugbojim nujio iyem Jizos kaniela, mu kadho li-agbezhi, iyedo uda-eze maka.²³Mu Jizos kani emene uzhiya, "li-ishuka ma-kaniyo, ubu-iye ke-ike munye-eze ba-kpudhi li-ele-eze obioma. ²⁴Udoma-kaniyo, "Ugba-uwe li utakpodho-edhi lu-ga-enye oduga ka nye-eze li-ukpudhi li ele-eze Ebilikpabi."²⁵Kpom emene ushiya nujiobhe, mu nwodhabe enye mu-kagbe "Ubule kpeye nina enwe-ike li-unwe ugawe la? ²⁶Mu Jizos unyebhe mukaniobe "Ubule maduegede uwhe-ume buto ubule Ebilikpabi gbele gbele iye whe ume" ²⁷Mu Pita sa mu kaniela, "weji ye asagbete-kpole gbele-gbele iye lu-chiyayo. Nde iye yee anweta la?²⁸Mu Jizos kanibhe "Li-ushiuka makaniyo, li-uko uwu ogemu-unwo Maduegede anazho li-ekpeya li igili, yo emene mu-chiyanime, yo-enazhidhihun li-dhi-ekpe li-ekpe-lbo, yo ekpeni dhi-ekpeli-ekpe-ibom Izileli ikpe.Nye-nye-ubule sabhetele udho, nwana ukoma, nwana unyoma, ida, ina, umeledhe, ubone ele li-ishime enweta bu ugwu-ise kakpu-unwe li jine nwedhihu budu-enwe-ugulu-ogulu. ³⁰Emene tubhe-ogbo bu-bhe emene unuzhi obubhe emene ukpozu, emene ukpozu obubhe emene ununu.

Chapter 20

¹Ele-eze Obioma zhi kpom nye-nwe-ele mu muzoli le-echi Oyukwe li-goni emene ugbolo emebhe ugbolo li-ikaya. ²Kpom ya-li-emene ugbolo whedhikpobhe bhu edhibhe bu eekpa- owayi mudushe-bhe bu kadhebhe ika.³Mu zekejo asaga udo lubhe echi-eye mu-wejio udo emene ugbolo enwebhe iye meme, kpulu nusobhe li-aya. ⁴Mu kaniebhe, yo dhihu zeni-ikame, mohuyoni iye dhukata kpom bu-kpe mu zebhe adhi ume-ugbolo.⁵Mu zegba asaja li eye, mu zekejio udo li uyega eye, mu zekejio udoli uyega eye mumedhiho kpee. ⁶Mu zejio udo lu- uyega ida, mu nyeto eemene kpu li unzogadhibhe. Mu kanio-bhe "Iyela do muzhoni lugwe unwe iye-umeme li tam la? ⁷Mu sabhe, Iyedo onwunye onwunye kpoto ye lugboloo "Mu kanibhe yo kadhedhihu ikame.'⁸Ubadhuma ela, mu-nyem nwe ika kani nye-ishi ugbolo ya, "hu emene ugbolo me hubhe owayi-bhe, bido li-emenem ujabhe li-ukpozu dhuma emene unuzu.' ⁹"Ugbe emene mu ukpoto li-eye ela nyeshina li-ime bhe unweta bu eekpa-owayi . ¹⁰Ugbem udhusho emene mu jabhe luzu, ugbe kpom bhu ohubhe bhe bu owayi uka adhiya, buto uhubhebhe bu eekpa-owayi.¹¹Ekemu unemabhe bhe owayi bhe mu-ukpobhe ekidhi iye kpani nyem unwe ika ya. ¹²Mu kabhe emene ugbolo jabhe lu-ukpozu utashi-gboghe a-wa lu ugbolo; buto emelebhe mu-abu-i-ye, emenem ameto li-oyukwe, li ekechi.'¹³Buto nyem unwe ika uso mu-kanio onwunye li-imebhe, "nwuje, me-memuyo iyebheyo. Awhedhini bo eekpa owayi e la? ¹⁴Goni owayi dhukatani-yo mu-ikadhe. meme kpebietu lu-hu emenem mokpoto li ukpozu iyem mohu yo.¹⁵Ubu iye olokoli-me li-umewetu iyeme nwe kpu umashituleme la? mubone inwe enye biyo iyedo meme uma la? ¹⁶Kpom-ubokpe nye ukpozu odhu bu li-ununu a-nye ununu bunye ukpozu."¹⁷Kpom Jizos uzhie lu kadhe Jalusalem, muu udoo emene uzhiya ozu li-ichakpa mukanibhe. ¹⁸Nye tuni akadhem bu Jalusalem, Unwa Madegede eneabhe bu-li-eka emene ishi osoja li-emene ugba-ugba. Ekpeshiabhe bu enwu. ¹⁹a-ushiabhe li-eka emene ubobhe-emene Juu kpaga mu medhiwabhe iye umedhiwe, li-uloabhe igbani gbani, mu kposhiabhe li-ushi-uye li-uka. Buto li-eye gbuwe bito etemabhe bu li-enwu.²⁰Mu ina umeledhe Zebedi jakeshie Jizos yali umeledhe-a mu kpowe ishi-li-ele li ununuya mudhola iye. ²¹Mu Jizos, nde-iye iwudhigala? Mu kania, "ne-oloko bhu ugboji iboma-me, ni-ne unuzhi li-eka ikegah yo mu nine li eka ibida yo li-ele-eze yo."²²Mu Jizos usala, "Imajie iyem izhi lu-dhodhia. inwe-ike li-unwu mini li egege mu nwuwom la?" mu usabhe la "anwudho" ²³Mu kaniobhe, "egege me, enwu-weni bu-onwuwe. Buto unazhi li eka ikegah li-eke ibida ubuo me nedhi buto ubu-a-emenem ida-me mekenuo" ²⁴Ekem emene uzhi-ya dhimadu-mu inenemu nujiobhe, uwudhishibhe nwana-nabo ya uma gbaka.²⁵Buto Jizos hu-bhe mukanio-bhe, imajini emene uchi emene obubhe Juu utunibhe uka, emene zhibhe-nkpa utubhe uka. ²⁶Buto ezhie kpe li-imeya, iyeobukpe nye-wudhigale bu-ya bu-ekee limey obu bu-nwudho, ²⁷nye wudhiga ubu nye unuzu limeyo obu bu nwudho, ²⁸kpom ujim unwo Maduegede eja mubuniabhe nwudho buto kpom nwudho mu-me buduya li-uhudhi ugwo otutu madu.²⁹Kpomu ubuzoliobhe li Jeliko, mu ogbo madu chisebhele. ³⁰Uzhibhe emene enyekpo ibo nazhibhe li ugbono ichikpa. Kpom unujiobhe bu Jizos bu li-ugalaga, mu chiobhe ikpu "Idanwudho, Unwo Debidi, nwe otuzhi li adhi-ye-azhi" ³¹Mu ogbomaduya ugbobibhe-bhe bu igbeyoni unu, buto mu chiloshiebhe asaga o-gbaka, "Idanwudho, Unwo Dabidi, nwe otuizhi li adhiye azhi."³²Mu Jizos nuso-uwadhi mu-uhuobhe mu utebhe "nde-iye iwudhigani memeniyoni?" ³³Mu kaniabhe "Idanwudho, kpaga ekpeleni-ye unyetu-adhi," ³⁴Mu Jizos nwe otuizhi, mu kpotu-eka li-ekpeleni-bhe. li-ezhi, mu-nyetobhe adhi mu-chilabhela.

Chapter 21

¹kpomu Jizos le emene uzhiya ujaya bhe uzhe dhi Jelusalem mu ujayabhe Betipegi le oloegbu olibhe mu Jizos udoshi emene uzhi madu ibh ². ukani bhe kpom kazheni imi ula mu usoshiya enwejini bhe li ukpodhiom inyieaya bu eke ukoshibhe edhio le adhiya ya le unwo inyieaya itoko kugamabheni edhio ayawbe bheni. ³. Ubulubu onwene kani yuoni uje bhesa le ya, you enkani bu, nyewenye uwe iye umewebhe emewe, Ekele nateni nyemuya odu geshi bhe le yuoni.⁴. Omu bulu mezhio ye mu nye amuma uka, ukakpo ⁵. Kanini nwoniwe Zioni, nyetu Eze yo uzhi le jaja Keshe yo le yawhe ukpoele ele lo bhaya le yeya, li unwo iyeya iyeya akadhio alha⁶. Mu emene uzhiya ukadhiobha le zhe me kpom ujimu Jizos ukanibhe ⁷. Mu yawhebhe iyeya mu buekeya lijine iyeya utikoya mu whashibhe kappa olu bhe li olu oto iyeyaya, mu Jizos uneshu enshe le olu oto kapa olu mabheya. ⁸. Igbe iye emene le imiogbo le dhio ya mu gbeshi bhe kappa olu bhe le icheakpa, mu udi emene kebetobhe eleka ushin mu gbeshebhe le icheakpa.⁹. Mu ogbo emene mu ukazhebhe Jizos le ununu, le emene mu ucheyabhe le uzhi bhe le uwhuyauwhu, upadhuwhe Zhini unwom Depti! Uwhukani bu anye mu ujayo li enwoh nye weye uwhukani uzhi le olu mu kakpole bhe. ¹⁰.Eke mu Jizos ujayahu imi Jelusalamu, ulaya logbo shiwhe hu shiwhe laka whna uzhiomula? ¹¹. mu igwe maduya bha sabha omu bu Jizos nye amumu buzhele Ninezhalete limi Galilee¹². Mu Jizos ukpudho le udu ukpani mu ukpachiwoshekpo ogbo emene ugobhe ogo li emene udhiodhio bhe edhiodhi, mu kposakpu tabele emene mu gbewhebhe owayiya li iye una shiwhe eshi emene mu dhiobhe bhedo ¹³. Mu kani bhe, agba me le gba ma agba ma. Udo me ohubhe bu udo udhio edhio, buto yuoni emewhe le mani udo emene ugbon ¹⁴. Mu emene eyikpo li emene eji uko mu jikeshibhe la le udo ukpani mu ugwubhe¹⁵. Buto kpom emene ishi oseja le emene ubhabha uwhejibha ogbo oto iye uwhudhiwe enyi yawewe umiya, mu unujibhe kpom umeledhe kpo uzhelebha lu uhuluhu le imi udo ukpani, uwhukwani zhini unwo Depite, mu whedhiobhe uma ¹⁶. Mu kani bha le “inle nuji dhie iye mu ukadhio bhem la?” mu Jizos kanibhe “Legedu! Buto ika gwudhioni gonutu unu oto umeledhi ntukontuko lejine oto umele dhi zhibha le uwne ema yo ewhakekpole obo upadhi ela?” ¹⁷. Mu Jizos Usagba te bhe, mu ukpoleshi li ula le kadhie Betipegi mu nebho li abaleya le adhiya.¹⁸. Le uyokwe kpom uyosalie ulaya ozhu, mu iwne ugwe la ¹⁹. Kpom uwheji odushi enwo le icheakpa mu uzhilekazhe ya, mu udhio me le nele buto wheji iyeye le eleya gamagbo uwoh ya. Mu ukani le, “Awne ushi ole dhio li yo odubha” ekele neteni mu odushi enwo ya mu uya uwoh.²⁰.Ekele mu emene uzhi ya uwhejibhe la, mu ungwodhio bhe enye, mu kabhe, ndekpu (odushi enwo ya) uyale uhow le umamu la ²¹. Mu Jizos usala mu kani bhe, le ishi uka, “mekani yuoni ishuka ubulubu iweni uhuwuto le unukomayuoni le ugwe uke li ninibho, idu eke yuoni emegboni na iye mu udakwashi ondu ushi enwemu, buto yuoni ekanini bu ebho mu, buzhiele mu ndhe dagadhio le eke olumini, awe bhe janekpeye ²²Iye le iye ubula idhio toni le edhio wheda weni ewhetini bu ewhete”²³Ekele mu Jizos ujaya ma hu imi udo ukpaniya, mu emene ishi osejahya li emene eleuha emene muya mu jakeshinbhe le kpom mu uzhele le uzhe iye, mu ukabhe, “inwe bu ele odu utoka lu me oto iyemula, wnena une yo utoka mu la?” ²⁴Mu Jizos usala mu bu kani bhe, “me mu judhiyuoni bu ajuju ikanilemeni ama kani dhio yuoni adhi uto uka mu mamawe out iye ubu zhie le.²⁵Uwhoshidhio mini mu John-ubuzhi edhio. Ubuzhi li Oluigwe samala ubuzhi le eka maduegedu la? Mu bhe ukadhio tab he li elebha, le kani, akaleni kpom, mani ubuzhile li olu igwe, akani yeni bu kpom iye le do le mu yuo igwani uwhudha we le? ²⁶ Buto akale kpom, manyi ubuzhile le eka umu madu, ya atu ni ogbo madu ukpo ne zhibhe bha out ogwu, iye dhioni, bhelebhele bhe unetwo bhe Joni kpom nye amuma ²⁷Mu bu sabhe Jizos le ka, ye amaji” mu yawewe ukaini bhe, “Ndeke muku nyeyuoni utouka mu me mawe oto iye mu.²⁸Butu nde iye yuoni igbedhioni le ? udoke unwe umeledhi ukuma bhe ibu. Mu zhikeshi amumuzhimu ukani la unwo zhe ikah mudhio me ugbolo tamu ²⁹Mu unwo ya sala mu ka, ini dheke me zhiemu, butu ekele ugoma ugbhe now unukpumaya mu zhegbo ³⁰“Mu udokeya uzhikeshi unwo awe amu gbowhe bheni bomu mu kani dhiohule iye natini. Usaw mu uka, me zhebuezhi, ida, buto uzhie wnena limi umekedhi ibho ya ume echiechi ida le? “Mu kabhe amu unuzhemu”³¹. Mu Jizos Ukanibhe, “Le ishuka me kani yuoni, emene nabhe taixe le emene akwuankwuan okpudhio bhe yuoni le ele eze Ebelekpabele li unuzhie. ³². Iye dhioni Jonin ujaya echiakpayuo li ume initi, buto yuoni iwedhiwenilani Buto emene unabhe taixe, le emene akwuankwuan bubhe emene whedhiowe ne bhe. Butu yuoni meshikpomu ujamu iwejini omu, iye salinine mu iwhe dhioweni le ya.³³.”Kpenyi ete le udu elulu. Uzhe undoke unwe ele. Mu chi ikah le eleya, mu ukposhi uke, mu nusho ugbo le imi ya, mu unoshio udo usiwe adhi, mu gba bhe tele le ibo le eka emene chibhe ikah mu uloshitomahuya udhu igbu ³⁴. Ekele uwhe to ukpoloshi bu jayuo uzhe dhio, mu udogashi oto emene uzheya bhu udhio yawheni bhe ya awhe ushi ya le eka emene mu chibhe ikah ya.³⁵. Buhuto emene mu echibhe ikah ya umotobhe emene uzhie ya, awe ukobhe iwene iye awe ugbomajibhe udho, awe uli bhe udhio echi ³⁶. Udi gbeji nye mu uwne eleya dogashi gbeji udi emene uzhieya awetokame hu ne emene unuzhie li ogbo buhuto ogbo emene mu uchibhe ikah ya ume dhio hub he emene ya kpomu ujimu umebhe emene ugagamu. ³⁷Ekele mu ya ugamu, mu nye mu uwe eleya udi gashini gbe unwon wewe awe ukoma, mu ka. Eyishihugbe be unwome amu ukoma mu esua”³⁸. Buhutu, ekele mu ogbo emene mu uchi ikahya uweji gbe unwomu ukoma mu kani tagbe li elebhe, omu bu nye udhio ekpeya, jani, mu agboni mu agonu me ni ekpeya ³⁹mu motobhela mu nugamabhe la le ikah le dhiaya, mu gbobhele⁴⁰le mumu, Ekele nye wne ikah ya ujale, idho ujaniye eme ogbo emememu uchime ikah ya le? ⁴¹Mu kani bhe le, “Yaw ewe atashikpo bu ogbo emene bhiyoya le ewhu eka yo bheyo, awe gba bhe te eleya lie ka udi emene uchibu ikah. Emene enegbe uke dhio ni le eke ugwu to le bhe iye ele ikah⁴²mu Jizos kani gbe, ika godhio ela le ukpalewhu egwele, igwe mu emene numbhe udo ulu dhio gbe oludhio, ubuwoh ogoshi udi. Omu buzhiele le eka nwenye, ubuwhu iye unwo dhio eye le ekpelenyi ye?⁴³kpomu bukpeye mo kani, anatu bhe yuoni bu ele eze Ebilikpabi anatu awe nebhe ula ewne bha ika le unwoleshin awhe ya ⁴⁴Nyenye obule ubedhele le olu igwu mu, nye ya abhagele kpo bu kpakpa, Buhutu, nyenye obule igwu mu bedhele ma le olu, nye ya egwepile kpo bu kpakpa.⁴⁵Ekele mu emene ishi oseja ya le emene ugwe bhe oloko unuju bhe elulu ya, mu bhe uwhata bhe bu uka dhio bu gbe ⁴⁶Kpomu uwhedhigbe umoto omoto bhe utobhe oto ogwu ogbo emene mu ya iye dhoni emeneye ugbushibhe uju kpom nye amuma.

Chapter 22

¹Jizos Ukpioni Bhe Oduw Ekpo Le Elulu Mu Kani Bhe, ². Ele Eze Obioma Uzhi Kpom (Onye Eze) Ugekele Udhio Ogwu Utoshi Unwoa Aweukoma Unuwe. ³. Mu Dhiogashi Ogbo Emene Uzhieya Bu Zhie Whu Nhe Ogbo Emene Mu Uzhini Kpo Bheya Le Ba Dhio Ogwu Uto Unuwe Ya , Butu Ujaya Bhe .⁴Udogbe Mu Nye Eze Ya Udo Shi Gbe Udo Emene Uzhie, Le Ukabhekpai Emene Mu Uzhi Nye Bhe Uzhe Mu,Wnejani Me Shiegbete Kpo Le Mu Gbidhi Eyeme Gboku Le Iye Ejiekele Kpo Le Bhe, Jawhuni Ogwu Udodhi Unuwe⁵Buhutu Ukpe Shibhe Enyi Mu Kazhieze To Bhe,Ownye Zhito Ya Ikah Ya, Udo Wnenye Kazhieze To Ya Odhuayaya. ⁶.Udho Emene Motobhe Emene Uzhe Eze Ya, Mu Meshikopwhegbe Lweni Mu Ugbobhe. ⁷.Nye Eze Uwhwdhio Uma, Mu Dhoshe Emene Mu Ugbobhe Maduya,Mu Dhokpokpu Bhe Ulabhe⁸Mu Kani Emene Uzhe Ya, Udoni Unuwe Mu Odhimele, Butu Ogbo Emene Mu Uzhenebhe Udho Madho Bhe ⁹. Kpom Keyebukeye, Kazhini Gabeni Echiakpa Ogbo Madui Ogbo Madu Lwne Tuni Ike Le Weji Huyabhe Ni Udhio Ugwoya ¹⁰. Mu Emene Uzhieya Ukazhibhe Echiakpa Mu Kpogbe Dhe Bhe Bhelebhele Madu Mu Wejibhe Ya, Awe Bheyo Li Awe Uma Mu Imeudhomu Ududhiunwe Ya Mu Yoluma Luemene Uzhini Bhe Ezheni¹¹. Buhtu Ekelemu Nye Eze Ujaiyuo Imedhioya Le Nyekwu Ogbo Emenemu Uzhehibheya Mu Wheju Unuke Le Adhi Ya Uyie Ju Ukani Mu Ududhiunuwe Ya ¹².Mu Nye Eze Kwu Ne Le Nwoje, Idhiokpo Ekpdhile Le adhiom le ugwe uyeju ukani ududhiunuwe le? Buhutu udukeya uwne lye ukaka.¹³.Mu nye eze ya kani emene nwodhio, keshini unuke mu edhio eka le uko awe lo woloshiwani le ulugashi ime Igelenyi, adhimu ukwanikwa le uta ikinzhe uzhe ¹⁴. Iye dhioni uwhubhe bu ekpoye emene buhutu ulotugbobhe bu madu imlele.¹⁵. Mu emene mu majibhe oloko ukazhiebhe le dhio gbe dhio uzuzu kpo motowa le ekpo ya we we. ¹⁶.Mu dugashi ni bhe le emene uzhebhe le june emene Ogbo udhio Helodu. Lo kanibhe Jizos, Nye uzhiezhi ye amaji menyi ibu nye Ishika Izehi dhio whu echikpa Ebelekpabhele le ishiuka. Yo Idabene le agwogweshi Onyeonye, Idhila odhila le uka ¹⁷. Kpomu bukpaya kaniya, idhio iye yee igbe le? Ubu Iye Oloko le uwu caesa taxines sama ubu ela?¹⁸. Buhutu kpom Jizos uwota ugbeshibhe mu kani bhe, Iye le Odu mu yuo emameni ama le yuoni emene (enweniwa)? ¹⁹.Togashimeni Owayi mu Iwuwenitaxines”. Mu uyaweni bhe ka uchi Owayi uyi²⁰.Mu Jizos kani bhe, poto le ewa wne uzhu Omola? ²¹.Mu kani bhe le awe “Caesa” mu Jizos kani bhe, “ubule bubukpe neni Caesa Iye buleawe caesa awe neni Ebelekpabele Iye bulu Ebelekpabele” ²².Ekele mu unuju bha, mu unwo dhio eye, Mu sabbet bhe le mu kazhubhe.²³. Le eyeya, mu Ogbo emene le emene Sadducees, emene mu ukabhe bu ubozhiele Mu tekwubhe le, ²⁴.Le ukakpom, nye uzhiezhi, Mozhezhe (Moses) kanikpom, ubhe le bhe unwnye bu unwele Onwece, le gwe umu umeledhio, Wnanaa uwogashi mu Zhukpom umu ni le wnanaa unwo.²⁵. Uzhe wnana sabhe Nye Onuzheya uto unuwne mu nwele, le ugwe umu unwo, mu sabhe teninyi wnana ²⁶. Mu wnana mu gbowen bheini bo umedhio kpeye, amu Obowe bhetow tutu dhio dhiomahu wnana bhe amu gbowe bhe sabho ²⁷. Kpom bhelebhele ugakpo mu ya,mu unuweya unuwele. ²⁸. Le umu ubuzhie le wu le gbe lenuwe unwe mu, ubhe he bu wnei wnene Lime wnana ukoma sabho mu le? Iye dhoni ya wewe ugbo kpole bhelebhe .²⁹. Bututu Jizos sabhe mu kani bhe yuoni Iwotayeni Owota ye, Le dhoni Imajia ukpaliwhu egwele Le ubhakpo Ebelekpabele. ³⁰. Le ubhozhie Obhe zhule le enwo uzhegbe kpom emene uzhe Obima.³¹. Bututu bhasalo ubhezhele enwe, ilkagwu dhioni iye Ebelekpabele uka ni yuoni enla? Amu ka, ³². Me mubu Ebelekpabele mu Isaacky, le jani Ebelekpabele mu Jacob eh la? Ebelekpaele ubho Ebelekpabele emene nwele bhe onwele, buhutu Ebelekpabele emene zhie bhe budu ³³. Ekelemu Ogbo maduya unujubhe Onnu, Mu Uwodhebhe enye le uzhiezhi ya.³⁴. Bututu ekele mu emene umajibhe Oloko (Pialises) unujubhe bhe Sadducees, bhe wne dhio bhe Iye Ukaka gonuto li uzhiezhie Jizos, mu gbe Zugbe dhio bhe ele bhe uwadhio ³⁵. Onwenye le Mi bha, uwaji ta kpo Oloko mini, mu ju le ajuju, le umama ³⁶.Nye uzhiezhie, ele ujaja ubukalikpo gbe le eke le Oloko la?³⁷.Mu Jizos kani La, “gwushu nyewe yo Ebelekpabele Le bhelebhe ekpemayo,li bhelebhele uwayo, le bhelebhele echichi yo ³⁸.Omu bu ujaja anuzu le awe kakpolibhe.³⁹. Awe gbowne bhe ibo uzhe kpo mu ya –gwushin wananlbho yo kpomu ukpa ele yo ⁴⁰.Bhelebhele Oloko mu, Le bhelebhele amuma udhio benigbe bu le ujaja lbomu.⁴¹. Le umu, kpom emene pialises uzhibhe Le uzu gbedhe ele gbe uwadhio, mu Jizos uja gbe awe juju ⁴². Mu kao, nde Iye yuoni Igbeni busa le halais la? Unwo yawewe bu umwo wneuye Le? Mu sabhe la, “unwomu Dapiti,”⁴³. Mu Jizos ukani bhe, Iye dhio juhu ne mu Dapiti le imi uwa mu wnu la uyeweme le ukakpom ⁴⁴. Mu nyewmye Kwuni nyeweme, nezhinezhin le eka Ikega me, tutu me mawe emene egbe yo Iye yo ezhushi uko⁴⁵. Ubulebu Dapiti gbe whu malke kalais nyeweme, nde june kpo yawewe ubu gbe ju le ne unwo Dapiti la? ⁴⁶. Onweuye wnye sadhio la ekpukpu, Onwenye wnye ujudhio la ajuju, ajuju gba gonutu mehu le eyeya.

Chapter 23

¹Mu Jizos ukponi ogbo maduya le emene uzhiya ekpu Mu ka. Emene sclibe, le emene pialses unezhibhe ezhi le agada moziz, ²Kpo mu bu kpeye iyeye ujatu bhe yuoni bu emenyi menyi otu iyeye ugboshike bheni uji, Buhutu esutuni iye bhe umebhe, iye dhoni bhe umebhe bu oduh uji iye le iye bhe ukabhe ³Le ishiuka, bhe uyegbe dhe bhe ubo wne dio una amu uwne akanyi lubutuobutu awe bushibhe umu madu le obo go ewa buhutu bhewewe uyawe gedhibhe ne ugbenu aka le uboto oto ubo ya⁴Gbe ume gbe iye gbe kpe mele mu maduegede weje bhe enye, ume gbe akpo gbe mu bueke ekeyi udu le gbe kappa gbe uzhu ekeyi ⁵Ugushibhe unazhe le adhimu kakpolegbe leke udhiogbe ogwu,le unazhie le agada kakpolegbe le odu ukpani⁶Le utubhe jale abidie le aya, le jale maduegede uwhu bhe nye uzhie zhi ⁷Buhutu you owhu bhe yuoni nye uzhiezhi, iye dhioni iwe gboni bu on nye uzhie uzhi, bhelebhele yuoni ibuhu bu nwana⁸Ewhuni onwenye onwenye le eluwamu ida you, iye dhioni iwe gboni bu ida neteni, yawewe uzhile obioma ⁹Owhu dhio gbe neyuoni nye uzhiezhi iye dhioni iwegboni bu onye uzhiezhi, yabu klais ¹⁰ Buhutu nye mu kakpole bhe limi yuoni obubu unwobuyi yuoni¹¹Nye nye ubhebuzhi le eleya olo, ayawhe bhe bu ele, nyenye yawele eleya ele agbebuzhie bhe bu olo ¹²Buhutu agbezhi zuni yuoni, emene scibe le emene pialises, emene iwaniwa, you egweteni ni ondu umu madu egeleta ele eze obioma yuoni wewe le eleyo ikpu dhioni iwedhio hu ni ne bu emene kabhe bu akpudhio bu kpudhio hub he ne.¹³Agbezhi zhini yuoni emene sclibe le emene pilases, emene ewaniwa, you esekemeni odu unuwe ukudu, ezhini le uwhu koshijin neadhi le edhio kaniuka you, kpom bu kpeye yuoni enatuni bu ukogbo ukogbo uka awe odu emene. ¹⁴Agbezhi zhini yuoni, emene sclibe le emene pilases, emene ewaniwa! Iye dhioni, youo ekazhini le uwekpe olimini le ela, le udhio duya wen madu Ekele you imemehuleni onwenye mu buma hu onwenye limiyuo imawehuni nye mu bu unwo odu echibhoyi ize ibo ujumu yuoni eboni ¹⁵Agbezhi zhini yuoni, you emene udu emene enyi kpo, ikaye kpom, bun ye dhio tu le udo uzhugbeini, bu ubu iyeyaya. Buhutu nyenye obutu dhio tu le oto awulu iye uchi odo, udhiotue dhiotu mu yawewe udio tu ya uzhia le ishi¹⁶Yuo emene ishi enyi kpulu kpo kpa elamu ubukaho nwanaiba le ekele uchi odo mabujini odu uzhegbeni mu umeu ho mu uchi odoya uzhe egwele? ¹⁷Nyenye dhio tu le olo ekpi ubuo iyeye, buhutu nyenye udhio tu le nkeshi ugbebhe le oloya, nyeya zhe le ukpodu ukwatu gbushiniya¹⁸Emene ekpolenienyi! Ela ukahu ibe la, nkashinya, samah ekpi mu umewhu mu nkashiya uzhie egwele ¹⁹Kpom bu kpeye, nyemu udhiotu olo ekpi, udhio tu katakpoya bu iye zhi gbe le olo ekpiya.²⁰Nye mu udhio tu odu ukpani, udhio to ya bukatakpo nye ubie li odu ukpaniya ya ²¹Nye mu udhio tu obioma udhioto ya bu uchiechi Ebilikpabi le nye mu unazhinezhi le uchiechiya. ²²Agbezhi Zhini, you emene sclibe, le emene pilases, emene ewaniwa yuoni ewhoni uke le dhio adhi le owayi, gbidhi le anwo ushie ikah you, buhuto you esagbeteleni umeho ogbo oto iye unwedhigbe una le oloko, ukonu le otuwheizhi le uwhutu zhutaozota. Omu bhe ogbo oto iye udhini yuoni umeh le ugwe usagbete otoh le umeme²³You emene udhiobhe emene enyi kpo, yuoni emene uchaghaniagbe unwo iye wedhigabhe ewedhiga buhutu mu dhio mabhe ishi enyi ²⁴Agbezhi zhini you emene sclibe, le emene pilases, emene ewaniwa iye dhioni imekwani bu ogbo egege le ogbo epile buhutu ime bhe yuluka li ekele ekidhe le eke ukale uwe eze²⁵You emene ukpolenyi pialises! Mekwa gedhioni ime egege you le imi epile you, kpemele mu ogbo bhe sagba usa ²⁶Agbezhi zhini you emene sclibe le emene pilases, emene ewaniwa iye dhioni you ezhioni kpomu ili uyashibhe agba usa, amu le oloya uzhu, buhutu limiya uyolukama le ukpo emene unwelebhe onwele le bhelebhele iye asmalebhe asamle .²⁷Le ekaneteni, yabu kpom you itugushileni eleyuo le ununu maduegede kpomu emene umeti butu limi eliyuo iyulukani bule ewaniwa le eliyuo iyulukani bule ewaniwa le utishi oloko ²⁸Agbezhi zhini yuo emene sclibe le emene pilase, emene ewaniwa! Inushini ili emene amuma, igekwani ili emene umeti²⁹Ikaini kpom, ubule bu you bha loni le ukomu emene idaye ye abha so bhe lu wosa ubulu emene amuma ³⁰Kpom bu kpeye, yuon ikagideni eleyuo wewe, kpo bu inbuni umeledhio emene mu ugbobhe emene amumu ³¹Yuoni imezhukponi bhelebhele iye emene idayuo ume bhe.³²Ogo zhie kpom you, ogbo odu awele, nde kpom egbanetoleni ukpenikpe odu echi bheyo la? ³³Kpomu bukpeye nyetuni melu dhiogashini yuoni emene amuma, le emene umajigbe iye le jani na emene sclibe. You egboni bu ubutubhe ogbo, aikpogobni ubutubhe, ubotobhe elugbeni bu igbanigbani limi odu ukpeniyuo. Achikoshi oto gonitu le ula galega ula .³⁴Iye otoshiwe ekaya bu kpom bhelebhele ubulu emene umetu muwosagbe le uwa ezhe bu le ishi yuoni. Gonutu le ubulu Abel nye umeleuma dhio doma ubulu zechaliya unwo Balachiah nyemu yuon igboni le echichinabo odu ugbewhule le olu ekpi ya. ³⁵Le ishiuka mekani yuoni, bhelebhele iye emezukpobhe bu le uko mu azhi dhio ³⁶Jelusalem, Jelusalem, yon ye igbu emene amuma mu ilu emene uzhegezhinigbe yon ye igbu emene amuma mu ilu emene uzhegeshinigbe yo eche! Ndekpo utu ogboya uzhule kpo mewodhi ga dhi le uzugede umeledhioyo uwadhi ujumu ina unu ukapagbe dhio umeledhio le ukpodhio abha ya, buhutu kpom yuoni ejikeleni.³⁷Nyetu odu yuoni, ogwudhi gatu hub he bu le ugwe uwe onwenye onwe’ nye limiya ³⁸Iye dhioni mekaniyuoni adeke yuon ewewe juni, me gbe gonuto li umumu tutu yuon ikamaho kpom uwokwani zheni nye ujaya le ewo nyewenye.

Chapter 24

¹Jizos ubuzelo li udhouzugbani li ukadhedhi ibe aye. Mu emene uzhiya ujakeshabhe li utugosha udhouzugbani. ²Buto mu usabhe mu ukunye bhe kpom “iwejini bhelebhele otuiyemu? Li egede me kanilemu yo, ekpuligu ekpuligu ndeke awhakodho li olu iba li ugwe ugbajeda lie le.”³Kpomu unazhezhi li ebhu mu olibu mu emene uzhiya ujakeshebhe bheneleni mu ukobhe, “Kuniye awha otuiyem adha? Iyela obu utogushi ujejayo li ugulu ogulu ibudu la. ⁴Jizos usabhe mu ukunyebhe, Tukpaeli mu onwenye wenye ugwe udugbo yo.⁵Otutu ejabhe bu li ewha me. Akabhe bu kpom, ‘me bu Kalasi,’ adugbo bhe emene.⁶Enujini bu kpom bu ulu adabuada li jini uka adhi ulu uda. Weji kpom bu umekpa yo eli, etuiyem adabuada; buto ugulu ogulu adhi ukabo.⁷Igbu li igbu onuzogidetabhe, ochichi li ochichi onuzogidetabhe. Okenye ezhi buezhi elejigadhu bu ejigadhu li otutu ibe uzhili ise li ise.⁸Buto bhelebhele otu iyem ubugede ubidoebido umuloshi idhe,⁹Li awha ya enabhe yo bu umekpeli li ugbuyo ogbu. Oshobhe yo bu oso li bhelebhele igbu li ishili me. ¹⁰Emene adajibhene bu ada, anagbotabhe bu anagbota osotabhe bu osota. ¹¹Otutu nye amumu oyika olobhe bu olo li udugbo otutu emene.¹²Iye dho ugwe uyishi oloko esso owudhi bu ugwushi otutu uemene otu bu ukayi.¹³Buto nye mu ukiete tutu ugbogbo ya eweta bu ugawe. ¹⁴Uzhi uma mu eleze bu iye uzhikala ezhikala li uwamulogbo kpomu iye ukaloshiakaloshi li bhelebhele igbu. A uguluogulu ya ujaya.¹⁵“Kpomu ubo kpeye, ekele iwejile uye mu utashiatashi, amu Daniele nye amumaya uko, Uzhe li unuzo li adhi egwele” (nye mu ugudheogudhi uwotaowota), ¹⁶Ogbo emene mu uzhebhe li Juduea ugabalabhe olu ebhu ¹⁷Nye mu uzhe li udho olu okpodhele li unama iyeye li ime udhoya. ¹⁸Nye mu uzheki ikah ayadhe ozu adhiuba gonu ukaniya.¹⁹Buto agbezhi uzhini emene uzhi bhe li olu li emene umojibhe unwo uzhibhe li unashi ema li ogbo eye ya! ²⁰Dhoedho kpom bu agbesso you oboli ime (okidhika) Mobu li eye Udeli. ²¹Eke umekpeli ezhibuezhi, ujimuakazhe gonutu li ubidoebedo uwam tutu uba dhuma umom, ubo, mobu, uzhe dheudogba. ²²Ugama kpom bu oto eye akebiekpolebhe ma, okpeli okpeli ndeke enweta udokpewe. Buto li ishili emene mu ulotobheolotu ogbo eye ya ekebiebhe bu ekebie.²³Li awhaya nye nye ukunileyo, Kalasi uzhi li adhimu mobu, Kalashi uzhi li adhiya, ewheto la. ²⁴Kalasi oyeka li nye amuma oyeka olobhe bu olo li utugoshi eke agbalama li iye uwodhienye , kpu emele mu uduyezebhe, ubule bu ugbauwe, umashi bu emene mu ulotobheolotu. ²⁵Nyetu, me kuni ma le mu yo li ugba uzhi li ununu.²⁶Kpomu ubo kpeye, ukunilebble yo, ‘nyeshienye, bu uzhi li uya ekadheni uya. Mobu, ‘nyeshienye, uzhi li ime udho,’ ewhetoni ²⁷Kpomu uji mu echi usalosho li igbu easti mu usagadho li bhelebhele ibe mu westi, ya kpu ujeja unwo maduegede ezhile.²⁸Adhiadhi onuya uwuluowulu uzhile, ya bu adhi odele ukponazhibhe.²⁹Buto umemu awha mu umekpeli otu eye ya ugamakpo elanwu obu bu egeleni, adaigwe ndeke olowedhe echiya, okpudhede adamali bu li olu, li ugbakpo eligwe ezhigidhi bu ezhigidhi.³⁰Agbalama uja eja unwo maduegede ulo li olu, bhelebhele ekpa uzhi li uwam ezhibhe bu li agbezhi. Owejibhe bu unwo maduegede kpu lu ujayale li okpoluigwe mu olu li ugbakpo li eke ebube. ³¹Odugashi bu emene uzhi oluigwe ya li eke ikpu odu, akpogbedhebhe emene mu ulotu olotu ya li ewheka ino, gonutu li uguluogulu ibe olu galaga udiobe.³²Mudhigatu iye li odushi enwo kpomu uji mu elekaya ujayo tokotuko mu ulowe ukpalahu ushiya a imaji kpom bu utala bu lu udhumadhi. ³³Kpomu ubu ho kpeye, awha ewejile otu iyem, maji kpom bu uzhi uzedhu, li achi egbeta.³⁴. Li egede mekani yo, nkede ukom agama agama tutu bhele bhele otuiyem udakpobhe.³⁵. Oluigwe li uwam agabhe bu aga, buto uliekpo me nkede agama agama.³⁶. Buto li ukotu eye ya li awha ya onwenywenye umaye, umashi bu emene uzhi oluigwe, mobu akpa-naunwo, buto ida.³⁷. Kpomu uyi mu eye ma Noah uzho ya kpu uje aje unwo maduegede.³⁸. Kpomu uji mu uzho mu mini iji ya uba jo otutu li dhibhe gbidhi li unwebhe menye, li ututa li ugbota tutu dhima eye mu Noah ukpodo li ugbo.³⁹.Umaje bhe uji uji tutu mini iji ya ujayo mu uwugatu ma bhe. Ya kpu uja aja unwo madu egede ezhi le.⁴⁰.Uduke ibo ezhibhe bu li ikah – a gonuma bhe wune, a gwali wune.⁴¹. Unyoma ibo ezhi bhe bu li uhokatabhe iye li iko – a gonuma bhe wene a gwali wune.⁴². Kpomu ubo kpeye, nyeshikeni enye, imajeni eye nyeweye eja.⁴³. Buto, maji iyem, ubele kpom bu idaweudho bu umaji li ekele abali nye ugbu ejaya, bhu ba nyeshikenye uba whe kpom bu ukoyemabhe udhoya mu ukpudhibhe.⁴⁴. Kpomu ubo kpeye ejikele dhuhubu ejikele, kpom bu unwo madu egede nkede eja li awha igbeshianwe.⁴⁵. Wena unuzeke li uwhetu wena ubu nye umayi iye unwoudho mu idaweudho ya umetono ogbo udho ya bu unabhe gbidhi li awha udhini bhe?⁴⁶. Uwokwani bun ye uzhi mu idaweudha uwuwejo kpu udlumele iyemu uzha bhe li awha ujale.⁴⁷. Li egede me kani yo kpom bu idaweudha echisha bu li bhelebhele iye unwe.⁴⁸. Buto unwoudho gbiyo ukale li akpema ya, bu idaweudho ya bu udhushi ubie.⁴⁹. Mu ubido uko emene uzekesha bhe uzhi iye, mu udhio mu unwe ya li emene unwe gbo ebhe li menye.⁵⁰. Idaweudho nwoudhoya eja bu li eye unwoudho ewheshinyeanwe li ekele amuje.⁵¹. Idaweudho a akepiekpa bu li ibe li ibe a unakataunazhi li ewaniwa, adhi ikwa li uta ikinize uzhi.

Chapter 25

¹Eleze oluigwe ezhi bu kpomu dhi ugbede akamayegbhe ukoma amu uyonobhe akpanaka bhe adhi uzekeshi ebho. ²Gbise bhe udabhe ishi gbhise bhe umajibhe iye ³Awha mu amu udabhe ishi ugonobhe akpanaka bhe, ugonobhe oga oga bhele.⁴ Buto out mu umajebhe iye ugonukatabhe bu oga bhe li akpanaka⁵Li umom kpomu uji mu ebho utashiho ugbe mu bhelebhele bhe unye kpobhe inyena, ⁶Buto li ime achi abali mu uhu ujo, Nyetu ebho! Loni mu ewwjani.⁷Mu bhelebhele oto ugbede mu akamaje bhe ukoma unuzobhe mu ushibuze bhe akpanaka bhe.⁸Mu emene ishi ukune bhe emene mu umaje bhe iye bu unabhe oga bhe iyedho akpanaka bhe li unyolidhi. ⁹Buto mu emene mu umajebhe iye usaebhe bu ndeke adakpo bhi li yuo. Kadhekeshini emene mu udedhe bhe adhi ugogo, mu ebho jaijo mu emene mu Ujikele bhe ejikele uchile bhe adhi mu ogwu ututu li ubhota uzho, mu ugute bhe akuya.¹⁰Kpomu uji mu ukadhe bhe adhi ugogo, mu ebho jayo mu emene mu ujikele bhe ejikele uchile bhe adhi mu ogwu ututa li ubhota uzho, mu ugute bhe akuya. ¹¹Kpomu awhaya ugamo mu ugbede mu amaje bhe ukoma amu udabhe ishi ujayobhe mu ukabhe idaweudho, idaweudho chimaniye. ¹²Buto mu usabhe mu uko, li egede makaniyo, me majemu yo.¹³Nyeshikenye kpomu ubo kpeye iye dho imaje eye ya mobu awha ya.¹⁴Uzhi kpom uduke uwudiga ukadhe udo igbu. Mu uwho udhoya mu unabhe otuiye unwe.¹⁵Li onwenye li ime bhe una bu ukeshi ise, mu unadhe la ukeshi wune. Nye zhina unatu bu li kpu emedho gbole, mu uduke ya uze ize. ¹⁶Nye mu unato ukezhi ise mu ukadho asaga mu uchishela li ugbolo mu ubadhunye la udo gbise.¹⁷Li ibeakpa, nye mu unato ukezhi ibo, ubadhunigba bu gbibo ¹⁸Buto unwoudho mu unato ukezhi wune, ukadhetuya, mu ulegugashe la lie ele mu uwokema owaya idaweudhoa.¹⁹Li ekele ukani uto unwouldho ya uya ozu li umakala uli ekah ugbolo bhe. ²⁰Unwoudho mu unato ukeshi ise ujayo mu ulowe udho gbise, mu ko idaweudho, iname bu ukeshi ise, weji ubadhuni gbame bu dho ukezhi ise; ²¹Mu idaweudhoa ukunyela, imekejoka, jail unwoudho unzokeli uwhetu. Kpudhu li ime obueto idaweudho yo.²²Unwoudho mu unato ukeshi ibo ujayo mu uko, idawedho, inadheme bu ukeshi ibo. Natu ubadhugba bu gbibo ²³Mu idawe udhoa ukunyela, imekejoka, jail unwoudho unuzoke li uwhetu, imekojoka, jail unwoudho unuzoke li uwhetu, imuzokemadhi li uwhetu li iye uzhi ntuko. Me chishiyobu li unazhi otutu iye. Kpudhu li ubueto idaweudho yo.²⁴Mu unwoudho mu unato ukezhi wune ujayo mu uko. Idaweudho, me maji kpom meni ibu udke uyigbede unu. Iwotu bu li adhi yo ekpashe. a igutu li adhi yo ekpashe, a igutu li adhi yo esekema. ²⁵Me tuotogu, mekadhetomu me le woke lie le ukezhi enome. Weji inwe li adhimu bu iye ubu ayo²⁶Buto idaweudhoa usala mu ukunyela. Yo nye kpom bu me wotu li adhi me kpashemu me gutu li adhi me sekemu. ²⁷Kpomu ubo kpeye, eba gonule owayi me, ane emene ukpu bhe owayi, kpomu me jayo mu me bale gonu le mu a me ozu li uwudhiuwu²⁸Kpom ubo kpeye natani ukezhi ya a inani unwoudho mu unwed hi ukezhi.²⁹Nye nye obule unwe le unwe anagbabhe bu udo, a unwe gba a utuogbo. Buto nye mu enwe iyeye mashi bu azhinyezhi anatukpobhe.³⁰Chiwoshini unwoudho mu ogboiyeye li ime akataigeleni, adhi ikwa li ikini ize uzhi.³¹Awha mu unwo maduegede ejayo li ebube ya li bhelebhele emene uzhi duigwe ya, li awhaya anazhi bu li ebube agidaeze ya.³²Li ununu ya agbagboni bhe bu bhelebhele igbu, ekema bhe bu onwenye onwenye, uji mu nye ukpa akpalama ukema akpalama ya li ono.³³Agbete bu akpalama lie ka ikeya ya, agbete ono li ekah ibida ya.³⁴Nye eze okuni bu ogbo emene bu uzhabhe li ekah ikega, jani, emene muu uzhabhe li ekah ikega, jani, emene mu idame uwokwanikpo, dhituni li ekpe eleze mu umebheteni kpo bhe yo gonitu li ubido ebido uwam.³⁵Inwe ugu me ina me gbidhi, ekidhi ukpeme in a me mini, me bun nye ize idoshe me ni li umudho.³⁶Me kpa eliewe, iyoshi me kappa, me dadhieli enyeshime enye, me zhi li udho ikoli ijakeshi me³⁷Emene umete usabhe mu ukabhe. Nyeweye, nde awha ya aweji yo kpu enwe ugule yo mu ye anayo gbidhi? Mobu ekidhi kpe yo mu ye anayo mini? ³⁸Nde awha ibu nye ize mu ye ayesheyo kapa la? ³⁹Nde awha ye aweji yo kpu idadhile ele mobu li udho ikoli mu ye ajakezho yo la

⁴¹Akuni emene mu uzhibhe li ekah ibida buzelini li eli me, emene ogolowo, mu ikpudhini li ime echi enwe uguluogulu amu ugbetenyebhe uwa gbiyo li emene uzhi ya.⁴²Iye do inwe gume, inanibhe gbidhi, ekidhi kpeme inani me mini ⁴³Me bu nye ize, edoshemeni li ime udho. Me kpa eliewe, iyeshemeni kapa, me dadhi eli, li gba li ime ikoli, buto inye shemeni enye⁴⁴A bhe usadhuhubhe, mu ukobhe Nyeweye nde awha ya aweji kpu inwe ugule yo, mobu ekidhi ukpe yo, mobu nye ize, mobu eliewe, mobu eliedhe mobu li ikoli mu agwe uzhikezhi yo. ⁴⁵A usabhe mu uko li egede li egede me kaniyo, iye mu imenani nye uzhi ntuko li emene mu imenenia me. ⁴⁶Emene akedhebhe bu ime uduya anwe uguluogulu, buto emene umete ime budu udeli,

Chapter 26

¹Mu ubo kpom bu awha Jizos ukakpo ho otuiyem, mu ukunye emene uzhi ya, ² I majini kpom bu ugama eye ibo bu udhigbhidhi egwele bu lu ja, anabhe unwo maduegede adhi ule kpogboa okogbo.³Mu nye ishi oseja li umukani emene ya ugbagbonye bhe li udho eze nye ishi oseja ,nye mu uwhubhe Caiapias. ⁴Mu gbagbonyebhe kpu omotulebhe Jizos li uninatua mu ugbuabhe. ⁵Li ukadhibhe kpom, bu ubo li awha ogwu, kpu emele mu ushishiya ugwe uzhi li ime emene ya.⁶Li umom kpomu Jizos uzho li Bethany li udho mu Simooni nye mu ukpaliele ya ⁷ Kpomulu kpotadhiya li tabulu, unuwe uzekeshila amu unwe elegadhi alabaster oga ugbu ayah mu uwushela li ishi. ⁸Buto awha mu emene uzhi ya uwejabhe, mu uwudhebhe uma mu ukobhe, iyela ubuya utashi ewemu la? ⁹Omu bu iye edhegbobhe li owayi utogbobhi li owayi utuogbo mu unabhe emene uyo.¹⁰Buto Jizos li umaji iyem, mu ukunye bhe imekpadhini unuwemu eli iyela? Unwe emenimale me iye uzhozho. ¹¹Inwedhini emene uyo li ukueli you buto inwejenine me bhelebhele ekele.¹²Awha mu, uwusho oga mu li eli me umebu li okuku me. ¹³Li egede me kani yo, adhiadhi uzhi umanu ukaloshi to bhe li ewamu logbo, iyemu unuwe mu umemu akaloshidhihu bhe bu li uwezhianwe ya.14 .Onwenye li ime dhigbibo, nye mu uwhubhe (Judas Iscariot) mu uzhekeshe nye ishi oseja¹⁵.Mu uko. Enameni bu elaa li udoyani yuoni la? Mu utuloshe bhe ugwu owayi usa li dhi.¹⁶. Gonutu li awhaya mu uwudhiga uwedhini odugashini bhe.¹⁷.Li umom li eye unuzu gbidhi egwele mu emene uzhi Jizos ujakeshabhe mu ukabhe, nde adhi ewudhiga bu amakeni yo mu idhi gbidhi egwele mu la ?¹⁸. Mu uko, kadheni ime ula zekeshini uduke kunyeni kpom, nye uzhiezhi ya kakpom, ekele me uzhi le ekah. Me gbeta bu gbidhi egwele li udho yo me li emene uzhi me ¹⁹. Emene uzhiya umebhe kpomu Jizos uzhe bhe, mu umekebhe gbidhi egwele ya.²⁰. Lla uba dhumo, mu unazhoezhi li udhikeshi dhigbibo emene uzhiya gbidhi²¹.Kpomu uzhebhe li dhigbidi mu uko, li egede me kanile mu yo onwenye li ime yuo anagbo me. ²².Mu uwudhebhe uma, onwenye wenye mu ujobhe, li egede ubo me nyeweye la?²³Mu usa, nye mu echishekeshe me ekah li ime iwha yabu nye mu anagbo me.²⁴Unwo madu egede akedhe bu akedhe, kpomu uji mu ugbanyebhe la, Buto agbezhi uzhini nye mu unwo madu egede enweta unagbo! Uba manuamanu ubule kpom bu uka umubhele omu.²⁵Judas nye mu anagbola, ujola, ubu me la idawedho? Mu ukunyela, ya kpu ekale li eli yo.²⁶Li udhidhi bhe gbidhi, mu Jizos ugono gbidi mu uwokwanyela, mu ugbajela. Mu unadhe emene uzhi ya mu uko. Gonu mu idhi. Unmu bu udhu eli me²⁷.Mu ugono egege mu ukela meka, mu unadhebhe mu uko, wuni, bhelebhele yuo. ²⁸.Umu bu ubala me, amu adhiowo mu uwushinye bhe otutu emene li usete iye gbiyo bhe.²⁹.Buto me kunye yo, ndekemewudhe mu mini ukpulu ushi mu udo, tutu udhuma eye mu me wukeshi gbajoyuoni awu li eleze idame.³⁰.Awha mu ugwu kpobhe obu mu ukadhebhe ebhu mu olibe. ³¹.Mu Jizos ukunyibhe, bhelebhele yuo edawulukponikpaye li abalimu li ishili me agabamalebhema, me lobhete bu idawedho akpalamaya a ogbo akpalamaya usekeli bhe.³².Buto awha utemamalebhe me, a me kadhe li ununu yuo ele Galilee³³.Buto Pita Usala kpom, umashi kpom bu bhelebhele madu adawulukpole bhe li ishi li yo, ndeke madawulo mu. ³⁴.Mu Jizos kunuela li egede ma kani yo, li abali mu, mu unu uba ulo ikwa ekedhiwe me ikake bu ise ito,³⁵.Mu Pita ukunyela, umashi kpom bu me wuluke shi yo, ndeke me kedhiwe mu yo ikake. Bhelebhele emene uzhi ya ukabhe bu iye,³⁶.Mu Jizos bhe ukadhebhe adhi uwhubhe (gethsemane) mu ukunye emene uzhi ya, nazhi ezhi li adhimu me kadhegba ununu me le dhoedho. ³⁷.Mu ugono Pita li umeledhe ukoma ibo mu Zebedee ya kata mu ubudobhe uzhini agbezhi li umekpeli.³⁸.Mu ukuni bhe, uwa me abudomale agbezhi, umashi bu li uwuluweho owuluwe. Nazhini li adhi mu idho keshi meni edho.³⁹.Mu ukadhegba ununu, mu uda li upi ya mu dhoedho. Mu uko ida me, ubule bu ugbauwe, egege mu ugama mu agama, mu ubhuto kpom, bhu ubo kpu me chile, buto kpu echile.⁴⁰.Mu ujakesho emene uzhi ya mu uweje bhe li unibhe enyna, mu ukuno Pita. Iye la, I’dho keshidho me ni edho li ekele ?⁴¹.Nyeshikenye a idhoniedho mu igweni udagadhu li umama. Uwa li egede ujikele jikele buto okpeli ike ogulu ma le ma.⁴².Mu ukadhe jo agbu we gbibo mu ule dhoedho mu uko, ida me, ubule iyem ugama me ubuhoto kpom bu me (nwuowu) echiche yo umazo.⁴³.Mu ujajo mu uweje bhe li unybhe inyna, ekpeleni bhe anwedhu ma le una.⁴⁴.Me usete gbajobhe,mu ukadho bu uju iye.⁴⁵.Mu Jisos ujayakasho emene uzhi ya mu ukunyebhe, ile nyekedhini inya mu ide you ni eli? Nyeshi-enye, ekele ya uzhi ho li ekah, kpu unwo maduegede anagbolebhe ma li ekah emene umaeshi. ⁴⁶.Nuzoni mu akedheni. Nyeshi enye, Nye mu unagbo me uzhi uzedhu.⁴⁷.Kpom uzhe lu ukadhe ya, (Judas) onwenye li ime dhi madu li madu ibo, ejale, ekpiye emene yale ubuzele bhe li emene nye ishi oseja ya li unukani emene ya, opiechi bhe uja bhe li ushi uwedhu bhe una. ⁴⁸.Li umom uduke mu angbo Jizos amashini ma le bhe iye, mu uko, nye mu mu mie unu yabu nye ya. Motuani.⁴⁹.Umamu, mu uyayakesho Jizos mu uko, meteyo abidi idawe udho, mu umie la unu.⁵⁰.Mu Jizos ukunyela, nwoje, meiye ika buy a me, mu ujabhe, mu ukpotobhe Jizos ekah mu umotobhe.⁵¹.Weji onwenye li ime emene mu uzhikeshe bhe Jizos ugbate ekah ya, mu udoto opie chi ya, mu (uwo) nye uzhi mu nye ishi oseja ya mu kebutumala ete.⁵².Mu Jizos ukunyela, chishe opiechi yo ozu li adhi udhinya, bhele bhele emene mu ugonobhe opiechi owulwebhe bu opiechi. ⁵³.Igbe kpom bun deke me whu dho mu ida me, Mu udugashini me emene uzhi oluigwe ukabhe dhi madu li madu ibo li utogboya la? ⁵⁴.Buto ndekpu ukpalahu egwele emezulela, laiye uzhi kpeye uda le?⁵⁵.Li ekele ya mu Jizos ukunio ogbo emene ya, yaniom opiechi li (ushi uwedhuma) you bu adhi uba motume kpomu nye igbu? Bhelebhele eye me nazhi ezhi li udho ukpanim, imotujemenie.⁵⁶.Buto bhelebhele iyem uda kpu emele mu out iyemu emene amuma ugbabhe mu umazo. Mu bhelebhele emene uzhi ya usetabhe mu ugbawulobhe.⁵⁷.Ogbo emene mu umotobhe Jizos mu udulanibhe Caiapas nye ishi oseja. Adhi emene sclibe li emene unukani ugbagbonibhe. ⁵⁸.Buto pita usola udhoikpe nye ishi oseja li igbu akputo. Mu ukpudho li ime adhiya mu unazhezhi ya li emene mu ugbajebhe adhiya li uweji iye ada.⁵⁹.Li umom nye ishi oseja li usugbani ya li owhulu li uwudhigabhe ukaloshi oyika li ishi Jizos kpu emele mu ugbudhoabhe. ⁶⁰Uwuweje bhe iye iye, umashi kpom bu otutu ukaloshi akaloshi bu ulolo. Buto li ukadheze li ununu mu dhibo ulodbabhe. ⁶¹Mu ukobhe udukem ukakpom, bu ya new ike utashi udho ukpeni mu Ebilikpabi bu aya nuse dhuha li eye ito.⁶².Mu nye ishi oseja ya unuzo mu kuniela, inwe iye usasa? Ukaloshedhebheomu bu ela li ishi yo la?⁶³.Buto Jizos ukpoekpo. Mu nye ishi oseja ya ukuni da, me ja yo li Ebilikpabi mu uzhe budu, kuni ye ubule bhu bu Kalashi, Akpana mu Ebilikpabi.⁶⁴.Mu Jizos usala, ekamalema li eliyo. Buto me kuni yo, gonuto li Umom kadheze ewejini bu unwo madu egede kpulu ujayale li okpo oluigwe.⁶⁵.Mu nye ishi oseja udowa kappa ya mu uko, okpomale ekpo ukagide! Iyela udho mu awudhiga gba nyeka ibo la? Nyeshienye, li umom enujimale ukagide ya.⁶⁶.Igbe kpala? Mu usabhe m ukobhe, udhinya uwluowulu. Udhinya uwuluowlu.⁶⁷.Mu ubusha bhe uta li upi mu ububhe ubu mu ulobhela Edaniekah bhe. ⁶⁸.Mu uko bhe, buniye amuma, yo kalasi. Wena ulo yo ekah ya la.⁶⁹.Li umom Pita lu unazhi ezhi li asaga udhoikpe ya, mu unwo ugbede nye uzhi ujakeshi le ma mu uko, izhikeshidhuhu Jizos mu Galilee.⁷⁰.Buto mu ukedhe ikake li ununu bhelebhele bhe, mu uko me majemu iye mu ikadhidhewe.⁷¹.Awah mu ukadhe igbu egbeta, udho unwo ugbede nye uzhi owejijilema mu ukuny emene mu uzhe bhe li adhiya, uduke uzhi keshidhuho Jizos mu Nazaleth⁷².Mu ukedhijo ikake li udhitu owo, me maje mu uduke mu.⁷³.Ekele ntuko uba gamo emene mu unuzogabhe onuzoga ujakeshe bhe Pita mu uko bhe li uzhuka ibudhihu onwenye li ime bhe, uji ekpo ekpo ulowe yo. ⁷⁴.Mu ubidho ugowo li ukputu mushi, me maje mu uduke ya. Li umamu mu unu ulo ikwa.⁷⁵.Yakpu Pita ugbeweji le out uka mu Jizos ukunyela, mu unu ubala ikwa ekdhiweme bu ikake ise to. Mu ulo asaga m ukwa ikwa.

Chapter 27

¹Kpomu oyuikwe udhumo, bhelebhele emene ishioseja li emene unukani mu ugbabhe uzuzu ugbu Jizos ogbu. ²Mu kebhe la edhi mu udulabhe eka gobina uwubhe Paileti.³Kpomu Juda nye mu udhegbo la uwhejokpom bu ekpeshilebhe Jizos enwu, mu ugbanwo unukuma mu ulaweno emene Ishi-oseja li eme unukaniya ugwu owaji usa lidhi mu unatubhe liudhegbowe idanwdha ozu ⁴Mu uko "me memelemu iyebhiyo li udhegbo nye emeshi iye-iye. Mubokpom, bhu ujuebhe bu iyela ukot whu bhela? yabu iye kpanitu yo. ⁵Mu ulubheto ugwu owaji usah lidhi mu unatobhe li ele udho Chuchi mu ukadhetoya, mudhokposho edhi.⁶Mu nye udumu ukakpolibhe ugono owayi usamu ulubheto li ele mu uko, ubodhe iye manuamanu li ushishikatagba owaji mu, lieme adhimu akpuo owajimu iyedoni bu, owaji ubala." ⁷Mu ugushibhe agwuguishi li eme iyemu nyishi udu ukaya, mu uwhedhabhe li ugowe owayiya ibe ele ogudhini adhi uli emene izhe. ⁸Li ishiliyeze kpom, ibe ele, uwhabhe ele ubala tutu dhumadho tam.⁹Omum bu iyemu nye amuma Jelimiah uko emezule iyemukadho, umeledhimu Izeliel, ugnubhe ugwu owayi usah lidhi amu ukabebhe li ishiya ¹⁰Mu ugowebhe ele nyikpuzu li uliwe emene izhe kpom nyenweye udobhe.¹¹Li ekeleya, mu Jizos unzo li ununu gobano, mu gobano ujola "Ibu Eze emene Juu? mu Jizos usala yo ika kpe. ¹²Awamu nye udu mu ukakpolibhe li otu unukani ubushabhe uka uwhe usah iyeye. ¹³Mu Pialet ukunila, inuje bhelebhele ukamu ubushibhe yo? ¹⁴Mu Uzhidhituma ekpo, lugwe uka iyeye. Kpomubokpe, mu gobano unwodho enye bueke.¹⁵Li awa ogwubhe, umunalabhe kakpom bu gobunobhe bu unama nyenye emene igbuya utulebhe eka li ikoli. ¹⁶Li awaya, uzhi ekenye ikoli umajibhe nyebu, ewaya bu Banabas.¹⁷Ekelemu unigbedebhe uwadhi mu Pialeti ukunebhe, nde nye Ikani bu ya setenyonila? Banabas mubune Jizos nye mu uwobhe Kliasi? ¹⁸Umaji kpom bu ayawebhe Jizos ekaya li ishili usoso. ¹⁹Li ekelemu uzho li unazhi agida ikpemu, mu wenye ulawenyila uzhi mu kunyela, yo enwe iyeye ume udueke mu emeshi iyeyewe. mi modhuduya gbaka tam lieme gbudho li ishili nyewe.²⁰Li ekeleya, nye ishi udu li emene unukani okunikemebhe ogbo emenemu uzhobhe li adhiya bu ugwetubhe Banabas bu mu ugbubhe Jizos. ²¹Mu gobuno ujobhe lieme madu ibomu, nde nye ukani bu masetela? mu ukabhe Banabas. ²²Mu Pialeti Kunibhe, ndeiye ikani bu meme Jizos nyemu uwhobhe Klaisi? Bhelebhelebe asabhe Kpogbanyi.²³Mu uko, iyaladhola, ume olodho iyegbeyola? Mu uchikedhe bhe ikpu, "Kpogbanyi." ²⁴Ekelemu Pialeti uwhejo kpom bu ya whetama ibala ibala, ubutokpom enyetule bu udhoka dhi bu ebidole mu ugono mini mu usama eka li ununu ogbo maduya mu uko, mi madamu ikpe li ishili ubala udukemu yo enyetulenila.²⁵Mu bhelebhelebhe ukabhe, ubalaya uzhi li ishi ye li umeledhiye. ²⁶Li ekelenetinyiya mu unama Banabas mu ugbabhe okpo mu udhoshinibhe mu ukpogbobhe.²⁷Akpu otu sojamu gobuno uweya ulawelebhe Jizos echi ime udho goment mu uwhugbebhe bhelebhele emene soja. ²⁸Mu utobhe ukani, mu uyeshabhe kappa agba ubala. ²⁹Umekebhe okpulushi ugwu mu ukpushabhe li ishi, mu ugonobhe inkpala mu shishabhe li eka. Mu ujishobhe ukpunuka li ele li ununuya li ukpadhiwe umu, mu utushidhigabhe Nyieze emene Juu!"³⁰Mu ubobhe uta, mu ugonobhe inkpalamu uzha li ekamu mu ulobhe li ishi loma lo. ³¹Kpom ukpadhikpohubhe umu, mu uyegamabhe kappa ubalaya, mu uyeshiabhe donuya (eke kappamaya). mu u'ulawabhe adhi ukpogbo okogbo.³²Ekelemu ulobhe asuwe, mu uwhejibhe unuke ubuzeli li u'ula uwhubhe Cylene ewa bu Simon, nye mu umeshibhe ike bu chiyabhe, ugonudhihubhe ugbakpo li unusha li ubu obema Jizos. ³³Umudhumabhe adhi uwhubhe Golgotha bu adhi egbebhe okpokolishi madu. ³⁴Mu unabhe minyi unyoma uguashikpobhe iye uwe ilu bu, unwu. Kpom umasho li unwu minyiya.³⁵Ekelemu ukpogbomahabhe, mu ukedhibhe donuya li uma eleh, ³⁶Mu unazhibhe li usewha ese. ³⁷Li igbu ishiya mu ubhashobhe iyedoni mu umojinabhe li oloko. Iyeye ubhabhe bu kpom, "nyemu bu Jizos Eze emene Juu.³⁸Ukpogbo katabhe bu emene ugbu bho yala, nwune li eka ikega, nwune li eka ibita. ³⁹Ogbo emene ugagabhe adhiya ukpadhiwebhe umu dhihu mu ugbugbobhe ishi. ⁴⁰Mu ukadhihobhe, yo nyemu ika kpom bu ya tashobu udho ukpeni gbakam bhaya nusa li eyee ito, dhokpewehola eliyo, Bhulebu li egede bu ibu unwo Chiokeke (Ebilikpabi) kpoda li olu obewe.⁴¹Li ekaneteniya, nye ishi udu umudhidhia umu ya li emenemu ubhabhe oloko ligba emene unukani mu ukanyibhe, ⁴²Idhokpewe udho emene, mubutokpom bu idho kpewedo eliyo. Ombu nyieze me Izilele, Kpodala ele li obu obewe aye awhedawe nyiyo.⁴³Utukwashi Ebiliukpabi unukuma, Ebilikpabi udhokpewehala li umom bhelebu amashile Ebilikpabi li udhogama, ukadhikpom bu ya bu unwo Ebilikpabi. ⁴⁴Li ewhekanetini, emene ugbum ukpogbo katabhe li nyenweye, ukpadhihabhe bu uji umu netini.Ekelemu ugwu egbe uko ukolo ito li ela, igelenyi ebidole uja, li bhelebhele adhi li igbuya tutu ukohu nazamadhi ekele ⁴⁶Ekelemu ugwu egbe uko nazama li ela mu Jizos ukwikwa li uli bueke mu uko "Eli, Eli, lama sabchthani?" li ugbakama mininiya bu kpom, Idame, Idame, iyeladho mu sabete mi metinla? ⁴⁷Ekemu ogbo emene uzhibhe li unuzho li adhiya unjibhe iye mu ukaya m ukabhe bu owhule Elija.⁴⁸Li ekelenetiniya, akpu owune li emebhe ugale esoso mu ugono mynyi uduka mu ushinyila li eminika utunye mu unela bu unwu. ⁴⁹ogbo-emene uzhidhihubhe li adhiya mu kunabhe, sabeta eka aledhi, bhelebu Elija bu ja mu udhokpewa. ⁵⁰Mu Jizos ukwagba ikwa li uli bueke mu uwubilo inwe.⁵¹Nyetu, ukanimu ugbabishobhe li adhi olokpe mu uzho li udho chuchi uwamile li adhi bho, gonutu li olu dhuma ele mu ele uzhigidho mu igu gbamalo. ⁵²Mu li ukpumalobhe akpu emenemu nwulobhe li uwhetu uzhibhe li ili ulelebhe. ⁵³Mu ulobhe li ili kpom nye leli enwu mu ukpudhobhe li eme ula mu uzhi egwele ulokeshibhe atutu maduegede.⁵⁴Ekelemu nyishi soja li emenemu uzhibhe li adhiya li njijike Jizos, unyetobhe kpu ele ugbamalile li bhelebhele iyemu udaya mu otuobhe otogu bueke, mu ukabhe ishuka, unwo Ebilikpabi uzho. ⁵⁵Ogbo unyoma mu usoyazhibhe Jizos gonuto li Galilee li unyeshika enye, unyetubhe iye uda li adhi kanito. ⁵⁶Liemebhe bu meli magadalene, meli inamu Jamishi li Josepu li ina umeledhi Zebede.Li ugbe ela mu udueke unwe owayi buzeli li ula Alamatiya, uwhabhe Josepu budhihu nwodo Jizos. ⁵⁸Mu uzhikesho Pialeti mu ujokwala iye Kpani uzu Jizos. Mu Pialeti uno Oloko bu ubushinabhe uzu Jizos.Josepu ugonu uzuya mu uwupidhekpola li ukani usah uzozo, ⁶⁰Mu ulishili li ili uwu ugubhetetu lieme igu. Mu ugbadhesho ikpiligu bueke li aku iliya mu ukazo.

⁶²Uba dhumo, eyeemu usoshiya, eyeemu usosho umekwaemekwam nyishi udu, li emene palisee mu unayobhe uwadhi bhe li Pialeti. ⁶³Mu kunyibhe, idawhudho, ye agbeweji, ekelemu nye unagbowe, uzho budu, ukukpom bu eyee ugbuwe bhito bu ya le lema li enwu. ⁶⁴Kpom bukpe, yishi oloko kpagale mu unyijikebhe iliya tutu abali bhitoya uzu, ekemo ladhiwe, emene uzhiya ejabhe li uzuta aukunibhe umu maduegede bu elemale li enwu, utupeli, oyikamu ugbowe liuzo, oyika amu nuzum.Mu pialeti kunibhe, gonu nye useadhi mu ze mu unyijikebhe kpu imajile. ⁶⁶Mu zebhe li ukunyoke iliya li igu li ushishi emene enyijibhe adhiya.

Chapter 28

¹Ekelemu adhi akadhele gbaka li eyee udhi-inwe li ukadhehu eyee nuzu li ugbakunozu meli magadalene li otu Meli mu uzhi whobheya ujabhe adhi iliya. ²Nyetu adhi uzhigidhi. ezhigidhi ele ugbamali. agbamali kpom nye uzhi nyenweye ubuzelo li oligwe mu ukpdho ele mu ugbadhema igu, mu unazho ezhi li olu ya.Unwuluya uzhi kpom echi-ama, kappa uzhi kpomu mini okpo eligwe. ⁴Emene mu unyiji-adhi mu uyulukabhe li otogu eli uwhudhibhe-owudhi mu uzhi-mawhubhe kpom, emene unwulubhe unwulu.Mu nye uzhi-nyenweye ukune otu unyomaya egani-agbezhi mamaji mene yo iwudhigani Jizos nye mu ukpogbhobhe li olu obemu. ⁶Uzhidhe-ladhimu elele kpom uko ja mu nyetuni adhi-mu ulibhe nyenweye. ⁷Ze ebwewa mu kuni emene uzhiya bu etelimale li enwu. Nyetu akazele Galili yabu adhi ewejini, nyetu mokunilemu yo.Mu otu unyoma ubuzelebhe enwewa li otogu li eke-ekpema uto, mu ugbabhe esosoh li ze mu kunibhe emene uzhiya. ⁹Nyetu, mu Jizos li bhe uzutabhe mu utebhe abahi, ebheleni! mu otu unyoma umobhe mu usobiyanabhe (Ukpenabhe) Mu Jizos kunibhe etoni-otogu zeni mu ikanini umuwanami bu gagabhe Galili yabu adhi ewejibhe mi.Ekelemu ogbo unyoma uzhobhe li ukaze nyetu otu-emene mu nyijikebhe adhi li ukadhebhe ime ula, mu kunibhe nyishi udu bhelebhele iye udah. ¹²Kpom nyishi udu li emene unukani uwejitobhe um udhodhibhe ugologu bhe li emene mu nyijikebhe adhi, mu uwhobhe emene soja eke owayi ¹³Mu ukabhe, kunini udhoemene bu emene uzhiya ujabhe li abali li uzutu uzuya. li oge badhu-nyinyina.Amaulimu udhumale eka gobuno ye agbaka bu ukpo li ugbanwa unukuma li unama uwhudhuma li eli. ¹⁵Mu emene sojaya ugonobhe owayi ya mu umebhe kpom ukunibheya. Umakoshibhe ulimu bhelebhele adhi emene Juu uzhitobhe gonuto awaya tutu dhuma tam.Butokpom bu emene uzhiya dhi li nwuneya kadhebhe Galili adhi olu egbuma Jizos ukanibhe. ¹⁷Kpom uwejibhela mu ukpenabhe, emene uwhedabhe.Mu Jizos ujo, mu kunibhe, bhelebhele ugbakpo uzhi li oligwe li uman unemalibhe mi ¹⁹Kpom bokpe zeni, mu dhoyani emen uzhi li bhelebhele igbu. Wushibheni mini li ewa ida li ewaunwo li ewa uwuma.Zhibheni bu uyibhe bhelebhele oloko me-nye-yoni esoh. Nyetu, mi mezhikeshiyoni tutu dhoma ugologulu uwa.

Mark

Chapter 1

¹Ombu ubido ebido uzhiuma mu Jizos Klist, unwo mu Ebilikpabi. ²Zhi kpomu ugbama gbe ama li ukpalahu Azaya nye, amuma. Nyetu, meyigashi bu̱ nye-uzhime lu ununu yo, nye emekeni yo ichiakpa̱. ³Ombu ulimu uhwu dhidhio lime ihwo, "meke ichakpa mu nyenwe ye, m'a mu̱ u̱chini ēchini."⁴Joni ujia mu ugbadhiewo madu egede li mini, lime ihwo, il uzhikala ugbahiwe li mini uyosali-oyosali gontu li usabeteni bhiyo. ⁵Yabu kpu gbele gbele igbu Judiya li emene zhibhe li Jelusalem ulolebhe li uzekeshia. mu gbadhiwe bhe li mini li olimini Joda, gontu li ukaloshiwe bhiyo bhe. ⁶Joni uyeji leli ōkpō inyanya ēdhi O̱kpu̱ ya bu okpo-ōnō. Mu bhidhi ya ubuo ekpeta li o̱ga o̱gbeni.⁷Ukpo āma "Uzhinye zhi lijia me lozu unwekame li ugbakpo; edhi okolo ya modhuma-dhom li utogama-a. ⁸Me magbadhiwe yoni bu limini, buhuto, ya, agbadhiwe yoni bu li uwa egwele.⁹Yabu kpubule li ubheya, Jizos ubuseli bu li Nazalet muzhio Galili, li ubha gbadhiwe-a bhe limini leka Joni, lime Olimini Joda. ¹⁰Kpomu Jizos kpelio li mini, yabu kpu uwejile eligwe kpu ukpumalile, mu uwa-egwele kpodhuola leli kpomu elesi. ¹¹U-uli ekpō buzehi lolu-igwe mu uka "Ibu unwom mōgushio ogushi. Itoweme obu bhaka."¹²Yabu kpu uwuma dulema mudugashiela lime ihuo. ¹³Uzhi lime ihuo li ugwu eye ibȯ, mu Ekpesu umala. Uzhikeshi bu ōnō kpadhibhe iye, mu emene uzhi nyeshike abhe enye.¹⁴Lumom, kpomu umotumabhe Joni., Jizos kpudhu li Galili. Li uzhikala uzhiuma mu Ebilikpabi. ¹⁵Mu-uko, "ekele odhumale, eleze Ebilikpabi zhiho̱ uzedhu. Yosalini mu inatuni uzhiumam."¹⁶Lekemu uzhio li ukaze ize li uku olimini Galili, yabu kpu wejile Simoni li Andru nwana Simoni kpu zhile luchidhibhe ijiadhi li ukwu olimini Galili, uweji, Simoni li Andru nwana simoni kpu zhile li uchidhi yiadhi li olimini, ububhe emene ugbukpa. ¹⁷Mu Jizos kaniobhe, Jiani, chiya ni me, memeweyoni bu emene udoyawe madu. ¹⁸Li e-ekele neten mu-usabete bhe ijiadhi bhe li uchize-a¹⁹kpomu Jizos kaze gba ununu ntuko, yabu kpu wejile Jamisi unwo Zebedi li Joni nwana-a; uzhibhe lime ugboh li umeketu igiadhi. ²⁰Yabu kpu uhwu legbe mu usabete bhe idabhe Zebedi li boyi bhe lime ugboh, mu uchize bhela.²¹Mu ubha kpudhuobhe li kapanum, leya ude-eli, yabu kpu Jizos bha kpudhule lime udho ukpeni li uzhi iye. ²²Uzhiezhi ya wodhawebhe enye, iyedoni, uzhibhe iye kpȯmu nyenwe ugbakpo, ubuo kpomu emene ubhabha.²³Lekaya yabu kpu u-unuke nwe uwa bhiyo chiloshile ikpwu, ²⁴mu ubhako̱ "ndiye yo li yele ameketala, Jizos nye Nazalet? Ijia adhi ubha tashiye la? Mamaji nye ibu-ibu nye zhi egwele mu Ebilikpabi!" ²⁵Mu Jizos gbochio uwabhiyo ya li ukā, "Gbeyo unu mu ibuzelia lime!" ²⁶Yabu kpu uwa bhiyo ya nugbolema lele mu ubuze-liela lime leke mu uchio ikpu li uli bie eke.²⁷Gbele gbele madu wodhabhe enye, mu jutaobhe, "iyela zhiomu la? uzhi ezhi uwu lime ugbakpo! Utuni dhihu bu uwabhiyo uka a-ukpeniabhe ete!" ²⁸Yabu kpu ukaloshiwe ya gazomale gbele gbele igbu Galili²⁹Kpomu ubuzelimabhe li udho ukpeni ya, mu ukpudhuabhe ludho Simoni li Andru, ligba Jamishi li Joni. ³⁰Lumom, ina-ugwo Simoni, Ehu-ogele whela, yabu kpu ubha kani lebhe Jizos iyebasali li unazhi ya. ³¹Kpomu buokpeye, mu -ujio, mu dotuola leka ludobuza olu, yabu kpu ehu-ogele ya sabetelema, yabu kpu ubha meni lebhe ugbolo.³²Li ilaya, kpomu elanwu suo̱, mu yawe nye-labhe emene elidhe, li emene uwa-bhiyogo. ³³Yabu kpu ulaya logbe yulu lebhe unobudho. ³⁴Mu ugwo emene tu-ogbo li elidhe zhili-selise, mu ukpachima-o uwabhiyo tu-ogbo, buhuto uwabhiyo ya kpobhe ekpo, iyedoni umajiabhe nyebu.³⁵Mu ubuzeho li echi onyukwe, lekele adhi aka bolie oboli ludhe dhio edhio ladhi yaneteni nazhi, ladhiya, mu udhio. ³⁶Simon li ogbo emene mu zhikeshi gbele wudhiga-bhe uwudhiga. ³⁷Ubha wu-wejio bhela mu kanio bhela, "gbele gble madu wudhiga bhe yo."³⁸Mu ubha-kọ, "Ngwani mu akazeni udo igbu li otu ulamu ushikoshiebhom. kpu emele mu nze zhikalashibhe uzhim. yabu iye-mu mejanio adhim." ³⁹Ugakoshikpo Galili logbo, li uzhi uzhi-uma li udho ukpeni tu ogbo̱, li ukpachi dhihu uwabhiyo.⁴⁰Mu nye asasa jiakeshie la ludhio gontuli ujishi ukpunuko, mu kaniola "u̇mashile yo, inwe ike lume me menwe elime." ⁴¹Li uyuluka li izhi, Jizos gbate eka li ukpotuna, mukaniola "Umashime amashi. Zhi sasalala." ⁴²Li ekele neteni mu asasa ya sabetela, mu uzhio sasalala.⁴³Mu Jizos tukpa-o eli li udo-a eka lete, mu-kaniola bhu kaze. ⁴⁴Mu ubha kaniola, "tukpa eli mu-igwē ukani Onwunie onwunie iye iye, buhuto kaze, mu itugoshi eli yo nishi osej, a-ize mu iso-eja uzhi sasa-lola kpomu oloko Moses" ukọ, muzhinibhe liye ukaloshiwe.⁴⁵Mu kaze-o lukaloshiwe ligba uzhikala uli-ekpom li ugwe unwe ogbose, udhumaho adhi Jizos okpudhi dhodhe li otu ulaya, ukaze hwo bu adhi woli owoli. Umashi bhu zhidhihuȯ ya, yabu kpu madu egede uzekeshi dhihu lebhe ma gontu li ubuzeli li bhele bhele ibeh.

Chapter 2

¹. Ekele mu yosalio kapanom kpom eye Laila gamoh, mu unujiobhe kpom bhu ejiale ². Yabu kpu uchikpu dhielebhema li ugwe une uwedhini li udhoya, umashi bhu li akwu mu Jizos zhikalashi lebhe uli-ekpom³. Mu emene jiakeshia bhela li ubuyawenia uduke Eli-ubhoni ⁴. Ekele mu odhumadho-bhela eli lishili ogbomadu, mu-ukpakamobhe ukwu-udhoh mu Jizos uzhieya, kpom ubha kpakamabhe adhi dhua, mu ubulagawe bhela li ekpali mu uzhioya.⁵. Gontu li uweji uwhetu bhe, yabu kpu Jizos bha kanile uduke eli-ubhoniya “unwo, umeyeshi yo enwele usabeteni” ⁶. Lekelemu e-emene lime emene ubha-abha zhibhe li unazhi ezhi ladhiya. Mu-ugbobhe li unkuma bhe ⁷. Iyela odo mu udukem kpo-ekpo kpomla? Akagidele! Nina asabetedho umeyeshi ugama Ebilikpabi la?⁸. Li ekele neten kpu Jizos majimale luwaya, iye ugbegbe bhe bu. Mu ukunie bhe, uyela do mu inweni ugbegbe zhikpom li unukuma yola? ⁹. Nde-iye ka unwe uwe li ukani uduke eli-ubhonim la, umeyeshi yo enwele usabeteni, mubu luka nuzo, gonu ekpabi yo mu ikaze?¹⁰. Kpu emele mu imajini bhu onwo mu madu egede new ugbakpo usabeteni umeyeshi li uwam. Yabu kpu ukanile uduke eli-ubho ya. ¹¹. Makaniyo nuzo, gbahutu ekpali yo muikaze udhoyo ¹². Mu-unuzo, lekele neteni mu ugbatuo ekpali, mu ukpuloshio lununu bhele bhele bhe, kpu emele mu bhele bhele bhe unwodhabhe enye li unebhe Ebillikpabi utubuezewe olu. Mu okobhe yele akawejie ujiyem to-umeo.¹³. Mu ukase gba-jio ukwu olimini, mu ogbomadu uchikpudhio bhela, yab kpu uzhilebhe iye. ¹⁴. Li ugalaga agalaga, mu uwejio libayi, unwomu Alipeus kpuzhile henazhi li udho emene ugbolo una owayi, mubha kaniola, chiya me, mu-unuzo, mu uchizela¹⁵. Leke Jizos zhilu dhibhidhi li udho lebayi, ya Ii emene ugbolo una owayi ligba emene umeyeshi, ligba emene uzhiya, utumahobhe ogbo luchiza. ¹⁶. Ekele mu Emene-Ubhabha li emene Palasi wejiobhe kpom bhu Jizos li emene zhibhekpom dhikatahobhe bhidhi. Yabu kpu ukanilebhe emene uzhiya. Iyela odo mu udhikeshi emene ugbolo una owayi li emene umeyeshi bhidhi la?¹⁷. Kpomu Jizos nujio iyem, mu ubha kanio bhe. Ogbo emene mu ukwaliebhe akwali li elibhe uwudhigabhe nye dibio, obugbo bu emene dabhe eli. Mejiamu lubha hwu emene uma buhuto emene umeyeshi.¹⁸. Lumom, emene uzhi Joni li emene Palasi unazhibhe li ubu-unu, yabu kpu e-mene jalebhe lubha kani-a, iyela odo mu eneme uzhi Joni li emene uzhi emene Palasi uzhibhe li ubu-unu mu eme uzhi yo gwebhe uzhia la? ¹⁹. Mu Jizos bha kanio bhe “Ekemu emene ujiabhe udho-ugwo bubhe unu leke nyetu ununwe uzhikeshi gedhebhe la? Nye tu ununwe zhigedhele, emene Jiabhe udha ugwo ndeke obuobhe unu.²⁰. Buhuto ekele zhi luja kpu anamalebhe nye tu-ununwe lime bhe, leye zhiho kpeye, yabu kpu obulebhe unu. ²¹. Uzhie nye ekeshi ibe ukani uwu Ii olu kappa ukani. Ubule kpeye iye mu keshieya awa bu awa, a-amu uwuya wamali leli amu ukaniya; oyokaho bu unazhi unuzu ya.²². Uzhie nye gbashi menye uwu lime ukani okpokolo menye. Ubule kpeye menye ya agbakpo-a bu agbakpo, a-menye ya li okpokolo ya tadhubhe ewe. Kama obuo kpeye, menye uwu ushishia bhe bu li okpokolo uwu.²³. Li eye ukpeni, yabu kpu Jizos galagala o-out ika oka, mu emene uzhiya bidobhe uwotu ubotu. ²⁴. Yabu kpu emene Palasi kanile-bhe ma “Nyetu, eyalado mu umebhe iye oloko li eye ukpeni la?²⁵. Akani lebhe, ikagudhie ni iye Dabit me lekemu uzhio lime mkpa li inwe ya li emene muzhikeshio bhela. ²⁶. Likpu ukpudhule lime udho Ebilikpabi li ekele mu Abiata buo nyishi oseja mu udhio bhidhi “ununu ya,” amu uzhio li oloko ladhi udo emene zhibhe ugama emene ishi oseja, ugonu dhihu ubotu li une emene mu zhikeshio-bhela²⁷. Mu Jizos bhako, umeni bhe Eye-ukpani bu madu-egede, umeniebhe madu-egede Eye ukpeni. ²⁸. Kpomu ubuho kpeye, unwomu madu egede bu Nyenwe, umashi bhu bu li adhi eye ukpeni zhi.”

Chapter 3

¹.Udo mu Jizos kpudhuo lime udho ukpeni ladhiya mu uwejio uduke eka ta –ata. ². E-emene nijabhe la ubule bho gwo uduke ya leye udhitu-inwe mu ukagide abhe.³. Mu Jizos kanio uduke mu eka ta-ta ya “buzeli mu muzo ladhim, lime ogbo bhele bhele madu” ⁴. Yabu kpu ubha “uzhi li oloko li ume iyuma leye udhit inwe la, mu buho umetashi, mobu, udokpewe budu, mubuo ugbu ogbula? Yabu kpu bhele bhele bhe ubhele-ebhe unu kai⁵. Mu unyebhe enye li uwudhuma, mu uko gontu li uwudhuma mu ukpabhete bheya. Yabu kpu ukkanile uduke mu eke tata ya “gbate eka you” mu ugbato la, mu ekaya natuo ugwo ogwo. ⁶. Mu emene Palasi ya kaziobhe li udhagba uzuzu bhele li emene helodian kpu emele mu ugbuabhe.⁷. Mu Jizos li emene uzhiya kazebhe olimini. Mu ogbo-madu chizebhela gontu li Galili dhuma Judiya ⁸. Ligba Jelusalem, ugba idumeya li ugakpo Jordan, ligba emene buzeli-bhe li Taya li Sidon. Leke mu unujiobhe iye uzhilume, mu ogbo. Madu chize bhela.⁹.Mukunio emene uzhiya bhubheteni bheya unwo-ugbo lishili gbomadu mu zhibhe ya. Mugwebhe uyia eyi. ¹⁰. Ugwo otutu emene, amuya me mu emene mu uzhiobhe lelidhe uyigbotobhe li ukpotua eka leli¹¹. Eke, eke uwabhiyo wejilebhema, udabhe liele li uchi ikpu, li-uka, “yo, ibu unwo mu Ebilikpabi.” ¹². Mu ukaniobhe kpomu bhu akazebhe Ii udhaka-loshiwe ewaya.¹³. yabu kpu ukpodhule li olu-ebhu, mu uwhuo ogbo emene mu umashiola, mujakeshiobhela ¹⁴. Mulutuo dhimadhu li madu ibo, emene mu uhuo “emene-uzhi” kpuemele munazhi-keshiabhe, mu-zhidhihubhe udhe zhikala uzhiuma ¹⁵. Munwedhilu bhe ugbakpo ukpachima uwabhiyo ¹⁶. ulotuo dhimadu li madu ibom bu: Simoni nyemu uhuo Peta¹⁷. Jamesi unwo Zebedi, li Joni nwana Jamesi, yabu nye-mu uhuo bhubu Boanerges, yabu, “unwo ama” ¹⁸. Li Andlu, Pilip, Batolomi, Macho, Tomosu, ¹⁹. Jamisi unwo alipus, Tadus, Simoni amubuo Zilotu li gba Juda iskalot, nyemu edhe gbola²⁰. Mubha kaze udho, yabu-kpu ogbomadu shikoshi-malebhe ma, tutu udhuma ma ho adhi edhidhodhebhe-ne bhidhi. ²¹. Ekemu emene udhobhe nujiobhe iye basali lunazhiya, mu uzeobhe adhi udho motua amotu, lukakpom bhunwedhe eliya. ²². Out emene ubhabha mubuseliobhe li Jelusalem mukobhe, “Bezebob ogomelema” bhu gonutu luduodo uwabhiyo, munwike lukpachi uwabhiyo.²³.Mu Jizos bhahuobhe lukanibhe gontu li-elu, Ndekpu Ekpesu akpachile Ekpesu la? ²⁴. Eleze ukema-luto eliya, eleze shikpeye nwike lunuzoke, udhoya nwenike lunuuzo. ²⁵. Ubulebu Ekpesu omozogide male eliya, mu unwemale ukema ekema, ubha nwedhe ugbakpo lunuzoke, unazhi-ya abhazegbo male.²⁶. Ubulebu Ekpesu onuzogide male eliya, mu umoemale ukema ekama, ubha nwedhe ugbakpo lunuzoke, unazhiya abhazegbo male ²⁷. Buhuto uzhienye emoike l’ukpudhudho ludho nye kwali-akwali luzutunia iye lugwegedhe ukeshia edhi lunuzu mubha kpudunihoa budho²⁸.Legede, makaniyoni, bhele bhele umeyeshi ladhi unwom madu-egede, enwebu usabeteni, umashi bhubu ukagide akagide. ²⁹. Buhuto nyenye ukagidele uwa egwele, ndekenwe usabeteni uwa egwele, ndekenwe usabeteni, nyeya, omojikabhe buli idakpe iyebhiyo enwe ugulu ogulu ³⁰. Jizos kanio kpom bu iyedoni ukabhe kpom bhubu Ekwensu ugo-a³¹. Yabu kpu ina-a li umunwana-a ujialebhe lunuzo lelezhi, muzhiniebhela uzhi ³². Ogbo madu eshikoshimale bhema, mubhekaniobhela, “inayo li emene nwanayo shibhe lelezhi, luwudhigayo”³³. Yabu kpu ubhasalebhe, iname li umunwana bubhe nina? ³⁴. Mubha nyekoshio enye ladhi emene mu ushikoshio bhela, mubhako “Ladhim bubhe iname li um nwana me ³⁵. Iyedoni nyenye umehuto echichie Ebilikpabi, nyeya bu umu nwana me ukoma li unioma li iname

Chapter 4

¹. Ludo ekele, yabu kpubidole uzhiezhi luku olimini, mu ogbomadu shikoshio bhela munwike li ukpodhu li ugbo zhili ukwu olimini, munazhiola ezhi lime. Ogbomaduya uzhihobhe buli ukwu olimini. ². Mu uzhiobhe iyetu ogbo li elu. Luzhiezhiya ombukpu ukanibhe³. Kpeni ete, nyechika ze adhi ukpashi ukpulushi ⁴. kpomukpashio, ubotu ukpulushi udabhe bu lichakpa, yabukpu unu tudhalebhe ⁵. Udo ukpulushi udabhe bu lele igwu, ladhi enwe jiali uzah. Eke ukale bhuya meloshi, iyedoni unwegede uzah.⁶. Ekele elanwu ubhalole, a-udukpo kpobhe, iyedoni unwebhe egede akani, yabukpu ukpelebhe. ⁷. Udo dajibhene buli elugwu, eke ugwu zodhule yabu kpudugbolebhe, unwedhebhe uwedhini, lunwuloshiwe egede-ina.⁸. Udo dajibhene bulele zozo, otuya unwuloshibhe bu iye zhikpomu ugwu-iye lidhi, ligba ugwu – iye ito tutu ugwu-adhise. ⁹. Mubhako, nyenwele ete, unuji, unuji !¹⁰.Lekelemu Jizos neteni uzhio, out emene muzhiebhela uzedhu li emenuzhiya ujuabhe ajuju basali lelu mu uluoya ¹¹. Muha kaniobhe. Enelebhe yoni iye woli owoli basali leleze oligwu. Buhuto li emene muzhiobhe lasaga, bhelebhele iye, obunibhe buli-elulu. ¹². Kpemele usamale-bhe, unyebhe enye, buhuto unyetobhe, leke unijilebhe, ukpebhe ete buhuto uwotabhe, kpemele mugwebhe uyosali lunatu usabeteni.¹³. Mubha kaniobhe, yabu iwoteni elulum, udekpu yolo ewota holeni otu elulu mu molukpohukpayi la? ¹⁴. Nyekpashi akpashi, ukpashi bu uliekpom ¹⁵. Ombu otumudabhe lichakpa, yabu uliekpo mukpashiobhe limebhe, eke unujilebhe, Ekpesu ujiabu e-ekele neten lunatubhe uliekpom.¹⁶. Ombujine otumu ukpashiobhe lele igwu, amu ekele unujilebhe uliekpom lekpemeto. ¹⁷. unwebhe akani lelibhe, kpomubokpeye, anazhigbobhe b li ekele ntiko. Eke umekpeli li umama ubhajiale lishili uliekpom, li ekele neteni, a-udawulubhe.¹⁸. udobu otumu ukpashiobhe lele ugwu. Emubu ogbo emene munujiobhe uliekpom mu mkpa iyuwa li unagbo umanu-amanu li ¹⁹. Ochenye owa umebhe lugwe unwuloshii ina. ²⁰. ukpulushi mukpashiobhe lele zozo, bu emene munujiobhe uliekpom, mu unatuobhela, mu nwushiobhe ina u-ugwu lidhi, ugwuito, mubuone ugwhuise.²¹. Mu Jizos bhakaniobhe, “iweni ike lushishi tonijo limudho mu ibhetani li ukpudhu ukpo mubuhone ukpudhu agbala? ²². Iyedoni, uzhie iye woli-owoli egwebhe umaji, uzhidhihone iye woli owoli egwe uluwe, ²³. ubulebhuzhi nye new ete unuiji, unuiji"²⁴. Mu ukaniobhe, kpeshini ete liye inujini, iyedoni iye itushiniwele ibeyo iye, yabu iye olishiniwebhe yo. ²⁵. Iyedoni, nyenye nwele enwe, enekabhe bu a-ukadhiya, nyemu enwedhijiene enwe, umashibhubu anunwoya, anatuabhe bu-anatu.²⁶. Ukadhihukpom, “Eleze mu Ebilikpabi zhikpomu uduke kpashi ukpulushiya lele. ²⁷. Ekemubha nio-nina labali mubha teloi, leye, mu ukpulushiya umeobhe, umashi bhubu kpomu amajie kpumeloshilebhe; ²⁸. Ele unwuloshituwe ina idiya: Lunuzu, Olowe-gedhe bu umeh mubhaloweho uhwo mubha loweho ete-kaka ²⁹. Eke ukpulushiya bhasale, augonu oge ukebietuwa ekebietuwe iyedoni ekele uwotu owotu odhumale³⁰. Udogba, mubhako, “Nde iye auwenike lutushi eleze mu Ebilikpabi la, mobuhone elu agonu lukowamawa? ³¹. Uzhibu kpomu ukpulushi nweji (ushi sikamo) kpombhu kpashilebhee ma, ya uzhi kakpoli gbele gbele ukpulu ushi ukpashibhe lika li ntiko ³². A-ububhu ekele ukpashilebhema, a-unwike luzodhu kakpoho bhele-bhele iye ukpashibhe lika, a-ulowe eleka bubhe eke, kpu emele mu unu olu unushibhe udho lukpudhuya³³. Gontu lelu tuogbo, yabukpu kponilebhe uliekpom, zhipku uwota owotabhe uzhile. ³⁴. Ukponiedhebhe ekpo lugwe ukpo lelu Buhuto, ekele yali emene uzhiya zhilebhe, a-ukowanikpo bhe bhelebhelem.³⁵. Leyeya, lugwu-ila, mubha kaniobhe, “ngwani mu azeni uweshi weh." ³⁶. Yabukpu ubhasebete lebhe ogbomaduya, mukpodhuobhe lugboh uzhidhihu out ugbo uhwoze-dhihubhe ibemu uhwozebheya ³⁷. Lekeleya, kpu uwele kike wele, yabu uwukayi kpudhu lime ugboh, tutu udhuma-ma ho adhi mini ubodhuhu lime ugbo.³⁸. Buhuto, Jizos zhima lele-ugboh luninina li agida imeugboh. Mubha temabhela lukania; Nye uzhiezhi, uwutayo leli kpomu bhuyele anwulu hombu onwulu ela? ³⁹. Yabukpu ubhanuzole lugbochi uwele li olimini luka “Uyodhu uzhi” Yabukpu uweleya kushile, muyabhu bueke uzhio.⁴⁰. Yabukpu ubhakanilebhe, “Itunini iyela? Lkanwekedhie-ni uwhetu e-ela. ⁴¹. Yabukpu otogwu bhayalulebhe eli, mukanitobhe, “Nina uka zhihom la, iyedoni umashibhubu uwele li olinim uyiabhe eso.

Chapter 5

¹. Mubha dhumabhe uweshi olimini, ibeka emene Geleseues ². Ekele mu Jizos bhazhio lukpoda lime ugboh lekele neten, kpomu Jizos bhakpoloshio lime upboh, yabukpu uduke uwabhiyo ugo, ujiakeshilema.³udukem ubebu lime ili, uzhiedhe nye enwegba ugbakpo lumojikedhogba, umashibhu bune gontuli uchishi iyabha, odobiekpo bu iyabha, a-ishiya bimalikpo uzhienye nwe ugbakpo lumojikedho-a ⁴Ekeshile bhema edhi li iyaba lekele tu ogbo. ugbajekpo iyabha, edhiya bimalikpo bhele bhelem, uzhi bye new ugbakpo lumojika.⁵Gontu loyokwe dhuma eye, ubeshima buli ili li ebhu, yabukpu uchizedhile ikpu li meyashizeya enye, leli gontu lugonu ibe-igwu ⁶Ekemu uwejio Jizos lutoh, yabukpu ugbalale ludho kpowe ishi lele lununuya.⁷Muchikpu luli bueke, “ndiye me liyo amekatala, Jizos unwo Ebilikpabi mubeo ladhi kakpolibhe? Modhioyo lewa Ebilikpabi, ehwashiemu uya. ⁸Iyedoni akanigili lema kpomu bhubuzeli, leliya⁹Yabukpu ubha julema “idhini kpala? Mubhasala “ewame dhini atuogbo, iyedoni yele atuogbo ¹⁰Mu-udhiayashiela kpombhu akpachigbobhe li asagaya¹¹Lumom, ogbo-ezhi tubhe ogbo zhibhe l’asagaya ludhiye lolu ebhu. ¹²Mubha dhiayashiobhela kpom “Chigashiye” leli ezhi, whebhuyele akpugadhubhe leli ¹³Mu-ubha chigashiobhe, mu-uwabhiyoya bhabuzeliola leli, lukpudhu leli ogbo ezhi, mu-ubha gbagadhuobhe lime mini. Mu iyezhikpom pukwu ezhi ibo dhihobhe¹⁴Yabukpu emene mukpabhhe ezhiya gbalebhe eso, ludhe Kaloshiwe iyemu udaya lime ula, li asagaya logbo, yabukpu madu egede jiaze-lebhe lubha weji iyemudaya. ¹⁵ Mubha jiakeshiobhe Jizos, uwejihobhe uduke mu uwabhiyo goya, ubu udukemu uwabhiyo tuogbo ugoya kpuzhile lunazhi ladhiya, oyojikpole iye, enwemadhihule eliya, yabu kpubha yululebhe lotogwu.¹⁶Ogbo emene muwejikpobhe iyedakwashi udokeya ukaloshike hobhe iyemudaya, mu-ukaloshiwe dhihuobhe iyebasali li-ogbo ezhiya. ¹⁷ Yabukpu ubidolebhe udhayashia kpom bhubuzeli ligbu a-abhe.¹⁸. Lekele muzhio lukpodhu lime ugboh yabukpu uduke mu uwabhiyo ugoya udhialema kpombhu yanazhi keshia. ¹⁹. Jizos nela uwedhiniya buhuto mubhakaniola, kaze udhoyo ladhi emene udhoyo zhibhe muikanibhe iye nyenwe meniyo,li kputugoshileyo otuizho. ²⁰. kpomubokpeye yabu kpukazele ludhe kaloshiwe ligbu Decapolis, iye umamu Jizos menyola mu bhele bhele madu uwodhabhe enye²¹. Lumon, ekemu Jizos bhaweshio olimini udogba li-ugboh, yabukpu ogbo madu shikoshilebhe ma, li uweshi oliminiya. ²². Yabukpu onwunye lime emene uduodu udho-ukpeni uwhubhe bhubu Jalius ujiale; lekele muwejiola, yabu kpu udale lukoya. ²³.Yabukpu ubidole ludhiayashia, udhia udhia bueke lukania, “Unwo unioma me zhibu gbono enwu. Modhioyo, jia mu idajia eka leli, kpu emele munwe eliya, mu-ube. ²⁴. Mubha kazekezhiela, yabukpu Ogbomadu chizelebhema, gontu li uyita eyita.²⁵. Lumon, ununwe zhiladhiya, uzhi lukwu liye zhikpomu dhi-ala li alibo ²⁶. Atale akuku bueke leka emene dibio ubuhuto, kamu amanuhola amanu, unazhiya uyokaho bu kpuzhile. ²⁷. Ekemu ubhanujio iyebasali li Jizos, yabukpu ubhajialema lozu, gontu logbo-maduya, mukpotuo eka lete kapaya²⁸.Mu-ubhakao, mkpotuhutone eke li kapaya, menwebu elime. ²⁹. Kpom ukpotuoya, yabukpu ubalaya kushile, mu-uwuwejio leliye kpomu bhu yanwelema ugwo-ogwo.³⁰. Jizos li-ekeleneten kpu majile kpombhu ugbakpo bhu-obuzelileya leli. Mu-uba yinwosalio ogbomaduya lujukwa bhe “nina ukpotume eka likapa la? ³¹. Emene uzhiya akalebhe, eweji ogbomadu shikoshibhe yo kpom a-ijujine ajuju nye kpotuyo eka? ³². Buhuto mu Jizos nwadhiga kadhio enye luweji nye kpotua eke.³³. Ununweya lumaji eyemu dakwashiola, uylukaho bu ligiti li-otogwu, mubha kaniola ishiuka ³⁴. Mu-ubha kaniola, “unwo unioma, uwhetuyo emeleyo mu-new eliyo. Kaze li uyodhu gontu lunwe ugwo ogwo zhuta ozuta”³⁵. kpomu uzhio li-ukpo ekpoya, yabukpu emene uzhi buzelibhe leka nyishi udho ukpeni, bhakalebhe, “Unwo uniomayo onwulumale, eyala odomu imekpagba nye uzhiezhi elila.³⁶. Ubuhuto ekelemu Jizos ubhanujigashio uzhiya, yabukpu ubha kanile nye udu odu udho ukpeniya “ehio otogwu, whedawe gbohuto” ³⁷. uwhebhu udonwunye bhuchizeya, ugama Peter, James li John nwana James. ³⁸. Yabukpu ubhadhumalibhe udho nyishi udho ukpeniya mu uwejiobhe kpu maduegede uhudhilebhe uhwu, gontu li ukwaikwa li agbezhi bueke.³⁹. Kpomu ubha kpudhuo ludhoya, mubha kaniobhe “Eliyo sunwalini eyela, Ikwanini eyela? Unwoya unwuhuo onwulu buhuto uninina. ⁴⁰. Umudhiabhe umu, buhuto mu ukpachiloshikpo bhelebhele madu elezhi, mubha gowuo ida unwoya li ina-a ligba emene uzhiya amuzhikeshio bhela, mukpudhuobhe lime adhimu unwoya uzhieya.⁴¹. udotu unwoya leka, mubha kuniola “Talitha Koum! “ amukowabhe kpomu “unwo unioma, makaniyo buzeli ⁴².lekele neten yabukpu unwoya buzelile. Mu kazeo-uze (unwom bud hi ala li alibo). Mu-uyulukabhe li ekpemeto bueke. ⁴³. Yabu kpudholebhe eka lete lukanibhe “onwunye onwunye amajie eyemu-o mu-ubhakaniobhe bhunabhe iyudhiedhi.

Chapter 6

¹. Mu-ubuzelio ladhiya, mu ukazeho ulabhe mu emene uzhiya chizebhela ². kpomu udhumo eye ukpeni, mu ukpudhuo lime. Udho ukpeni, mu uzhiobhe iye, otutu maduegede unujibhe uzhiezhiya, uwodhabhe enye. Yabukpu ukalebhe, “unweta out uzhiezhi zhikpom leledha?” “Unedhe abhe uji-umajiye zhikpom leledha? Ele-uji iye uwodhawenye zhikpom amu-ugonuo ekaya lumela?” ³. Ubuo umo omu ida-a ubuo nye-oka-welushi uzhiom, unwomu Mali mu-ubuo nwana Jamesi li Joses li Jidas ligba Simon? Umunwana unioma uzhkeshiebhe Jizos umah.⁴. Mu Jizos bhakaniobhe “Nye amuma ugwe unwe odhueso, ugamagbo li ulabhe, li umunwanaya ligine emene udhobhe. ⁵. Umedhodhe ugbolo buike ugama ekemu udajio emene ila udabhe eli, mu-ugwobhe ⁶. Unwodha enye li ugwe unwe uwhetu bhe. Yab kpu ubha gagoshile igbuya logbo li uzhibhe uliekpom.⁷. Mu-unwike luhwu dhimadu li maduibo muya ludushibhe lasaga, madu ibo-ibo mu-unebhe ugbakpo ladhi uwabhiyo zhibhe. ⁸. Ukanikebhe kpom bhobuobhe ahulu, ugama gbo nwikpala, obuobhe ahulu, ugama gbo nwikpala, obuobhe bhidhi, ubuobhe ekpa, ubuobhene owayi ⁹. Uyojigbobhe okolo new-edhi, obuobhene okolo unwe ekpa.¹⁰. Mukaniobhe, ikpudhulenyi lime udho, nazhini anazhi tutu ibuzelini. ¹¹. Ubulebhu uzhi ula anatobheyoni, mu ubuone ugwe ukpeniyoni ete, ibuzelileni ladhizhikpeye, kpukpomayoni uza edanuko, mu ubunibhe ekebe¹². Yabukpu ukadhelebhe, lukani maduegede bhuyosalibhe. ¹³. Ukpachimabhe uwabhiyo tuogbo, a-utedhihubhe emene tuogbo dabheli oga lunatubhe ugwo-ogwo.¹⁴. Eze Helod nuji out iyem iyedoni ewa Jizos ozukoshimale adhi, emene zhilu kahobhe, bhu Joni owushidhi mini bhele lenwu, bhu yabu iye-doni mu umenio bhele bhele iye uwodhenye zhikpeye, ¹⁵ubotu kajibhene”bhubu Elijah,” udo emene zhihukabhe bhu obuobu o-onye amuma ukani¹⁶. Buhuto ekele mu Helod niyio omu, mu bhako “Joni, nyemu makebio izhim elele. ¹⁷. Iyedo Helod dushi mumotubhe Joni mu-ukebieabhe ishi, lishili nweni Pilipu Iyedoni utunatua ununwe.¹⁸. Mu Joni kuniola, bhubuo iyemanu amanu lutunatu nwana-a ununwe. ¹⁹. Mu nweni Helod jikelo bhuya gbua ogbu buhuto ugbudhola ²⁰. Helod tuni Joni otogwu, iyedo umaji kpombhu bun ye uma linyezhi egwele. Mu ubhetetuola. Ukpeshinia ete gbakowea unukuma buhuto ukaitenia akaiteni²¹. Eye dhukata odhukata bhadhumo kpu Helod enwele ugbeweji eye umu-omu ya, mu ubha whugbedeo emene uzhikeshiabhe li udhikata bhidi ila, li emene udu li uchiechi zhibhe li Galili ²². Ada nwenia kpudhu lime udho mu-uteshiniobhe eli, mu utodhuo Helod li eme a-aya.²³. Eze kani unwo uniomaya “Dhiome iye-iye umashihuto yo, meneyo bu ene. Umashi bhubu ukeho eleze me ladhibo. ²⁴. Mu ubha kpuloshio ludhe jukwa ina-a, “nde iye modhiola? Mubha sala, “ishi Joni owushi mini. ²⁵. Lekele neteni, yabukpu uyosalikeshile eze, mu-ubhako. Mowudhiga meni nemu lumon, ishi Joni owushi mini lagbaja.²⁶.Omu wudhawe eze uma, buhuto unwedhe ike lugwe umezu nkwa ya lishili unazhi ya li emene muzhikeshiebhela. ²⁷. Yabukpu eze dugashile nye uluya moine bhudhe kebiyabhe ishi Joni, mu nyeya uzo ludhe kebiya ishiya ludho ikoli ²⁸. Mubushio ishiya li agbaja, lubushini unwo uniomaya, mu unwo uniomam bushiniho ina-a ²⁹. Ekemu emene uzhiya nujiobhe, mu-ubutuobhe uzuya, mu udhe liteobhe.³⁰. Mu emene uzhi Jizos yosaliobhe adhi uzhiuma, lumania uli kpumezelebhe li uzhiezhibhe. ³¹. Mubha kaniobhe, buzelini libemu midhe deyoni eli lime ihwo. Iyedoni emene tuogbo zhilu jiabhe ejia, uzhilu kadhebhe akadhe, unwebhene ekele udhibhidi. ³². Kpomubuo kpeye, obuzelilebhe lukpodhu li ugho lukaze adhi woli owoli.³³. Yabuku unyetuke dhihulebhe kpukazelebhe, iyedo, otutu emene ugbushiebhe uji, yabukpu ugbazelebhe luko luko, emene buzelibhe ligbuya logbo ludhuma hobhe adhiya lunuzu, ³⁴. Ekemu ubhadhuma bhe unoshi, yabukpu uwejilebhe ogbomadu, mu unweniobhe obulizhi. Iyedoni uzhibhe kpomu ogbo akpalama enwebhenye udu mu ubha bidoho luzhibhe iye utuogbo³⁵. Ekele mu adhibha gbelio, mu eme uzhiya ujiakeshiobhela lukani, ombu ime ihwo, adhi egbelidhihule. ³⁶. Kanibhe bhukadhebhe mu udhe gotubhe iye lotu ula zhibhe uzedhu mudhibhe.³⁷. Buhuto mu ukaniobhe, lumomu, nebheni iye udhiedhi. Mu ukaniobhela “Anwike luze mu ago bhidhi ugbu ugwu nala ise lunedhebhela? ³⁸. Mu-ugbakaniobhe “Inweni bu ukpo uta-anakani ila? Zeni mu idokwani. Yabukpu uzelebhe ludhodokwa, mu – ugbakobhe “Gbise li ukpa ibo”³⁹. Mu ukanio bhele-bhele bhu bhunazhi bhe likpu, likpu lolu ewe ⁴⁰. Unazhibhe buli ikpu ugwiye isabo lidhi ⁴¹. Yabukpo ugonule ukpo utanakani iboya mu uchio lolu, mubha wokwaniola, mu ukeamala lunedhe emene uzhiya mu ukema hobhe bhelebhele madu. Yabukpu ukemakpodhihule ukpaya luzukpo bhele bhele bhe.⁴². udhibhe tutu mu ukabhe ludhiedhi ⁴³. Aututubhe augwali agwali bu dhi –ukpo li ukpo-ibo li ubulubu ukpa gwali agwali. ⁴⁴. Emene dhibhe utanikani ya, udhumabhe puku madu-ibo li-dhi.⁴⁵Li ekele neten, yabukpu ukunile emene uzhiya bhu kpodhubhe lugboh bhumu kazedhihubhe uweshi Bethsaida, leke bhuya kuni ogbomadu muzhiobhe ya bhuloshihobhe ⁴⁶ Ubhadhumaha, ugbohm zhimaho li echi mini, yaneteni uzhiho lolu ⁴⁷Kpomu udhumo ugu ila, ugbom zhimaho lechi abadi, yaeteni uzhiho lolu.⁴⁸. yabukpu uwejile kpombhu uwukayi bhuemekpa male ugboli ya eli, li ekele ukolo ino li abali, yabu kpu ujiakeshilebhe, gontu lukaze ize lolumini lujikele ugalaga adhi uzhibhe ⁴⁹. Muwejiabhe kpuzhilu kaze ize lolu mini, mu ugbobhe bhubu agbala, mu uchibhe ikpu ⁵⁰. Unazhimu uwejie bhelay tudhiwebhe otogwu li ugwe utashi ekele, yabu-kpu kponilebhe ekpo ukaitewe ekpema, li ukanibhe, etuoni otogwu, memezhiya⁵¹. Ukpodhukeshibhe lime ugboh, mu uwele ya ukushio, yabukpu uwodhalebhe enye bueke. ⁵². Kpomu akawotabhe ugbama agbama basali li uta-anakaniya, unukumabhe unwedhuto unah.⁵³. Ukpome uweshiobhe libeka Genezelet, mu-ukushiobhe ugboh bhe. ⁵⁴. u-ukpoda lugbom, yabukpu ugbushi-malebhema eji ⁵⁵. Mu-ubha gbokoshiobhe adhi, li ubuyawenia emene unabhe li ekpali lishili elidhe⁵⁶. Leke upkudhuhuto lime u-ula, mubu otu ula bubhe eke ligbuya logbo obubhetebhe bu emene udabhe eli li ayabhe. Ludhiayashiabhe bhu uwhegboluto mu ukpotubhe eli kapaya eka, yabu kpu emene unwelebhe uwedhini li ukpotu unwelebhe ugwo-ogwo.

Chapter 7

¹Emene Palasi li e-emene, li emene ubha-abha ubuzelibhe li Jelsamenu, shikoshiabhe eshikoshi²Mu uwejiobhe kpombhu e-emene li emene uzhiya udhibhe bhidhi l’ekadhulu-odhulu, yabu ugwe usama eka. ³( Iyedoni emene Palasi li emene Juzu, udhiebhe bhidhi li-ugwe usama eka, iyedo, umojikebhe oloko emene unukani. ⁴Ekele emene Palasi ubuzelibhe laya, udhiebhe bhidhi, ugama uwhuyakpobhe mini, umojiketudhihubhe iye tuogbo eka, amu ubuo a-ugonubhe leka emene unukani, zhipomu usama egege, itechi, ibala li ihwa udhiwebhe bhidhi.)⁵ Emene Palasi li emene ubha-abha jubhe Jizos, “iyelado mu-emene uzhiyo ugwebhe ukadhe ize gontu li omonala emene unukanila, mu udhiobhe bhidhi li ugwe usama ekela?⁶Buhuto mubha kaniobhe, Azaya Kaloshiwe joka liye basali li yōlō emene ipokilishi (Hypocrites). Kpomu ubhabhe: Emenem uyibheme eso buli idho buhuto unukuma kaniuto ladhi mezhi ⁷Ukpeni gudhi ebhe bu iye unebheme, luzhikala oloko maduegede kpomu iye umedhi emedhi bhe⁸Isabeteni bu oloko Ebilkpabi lunyeshiho enye loloko madu-egede ⁹Mu-ukanigbabhe, ndekpu isabeteleni oloko Ebilikpabi lunyeshiho enyi li oloko yo. ¹⁰Mozhizhi Kaphom, yishi idayo li inayo eso, nye-nye ukpole ekpo bhiyo ladhi ida li ina zhi, nyeya onwulu bu onwulu¹¹Buhuto ikanikpombhu nye-nye ukani le idaya li inaya “bhu ushishi eka yanweta lekabhe bhu buzeli bu leka Ebilikpabi, yabu lukahokpom bhubuzelie lekabhe. ¹²Uzhihole kpeye ihwedheni umenigba idayo li inayo i-ye ye. ¹³Ikogbodhieniya bu uliekpo Ebilikpabi gontu li omonala mu unebhe yoni iye tu-ogbo lume."¹⁴Mu-ubha hwugbajio ogbomadu ya udo lukanibhe, kpeshini meni ete bhele bhele yon mu iwotani ¹⁵Uzhie iye buzeli li-eli madegede enwike li udhoma eliya ububu iyemu ubuzeliola lime eli unwike li udhuma ¹⁶Nyenwele ete uniyi, a-uniji."¹⁷Lumon, kpom Jizos usabete ogbomaduya, mu-ukpdhuo lime udho, emene uzhiya jukwabhe iye basali li elu mu uhiniobhe ya. ¹⁸Mu Jizos ubhakaniobhe, idhuzhikedhim lugwe uwota owota la? Iwejieni kpombhu iye buzeli lokpeli mu ukpudhu lime eli, bhudhumadho madu egede e-la? ¹⁹Iyedoni ukpudhudho li ukpulu ekpema okpudhu buli uwo u-uzewoshiabhe lozudhoh. Gontu li ekpom Jizos ukaloshi bh bhele-bhe bhidi manubhe amanu.²⁰Mu-uko, ubu bu iyemu ubuzelio madu egede lime eli ubuiye dhuma madu-egede. ²¹Iyedoni ububu gonutu lime maduegede, lime unukuma ya. Iyedoni gonutu li ugbegbe ukpulu ekpema kpu echiche bhiyo ulole, ²²ugah, ugbu ugbumaduugadhi ununwe nyewelli ebhi nyewe, udodhiye, ishike, unagbo, echiche bhiyo, ekpeleni ike, ukajia, ubuelilolu, ishi. ²³ Gbele gbelem ubuzelibhe bu lime eli, ombu otuiye dhumabhe maduegede.²⁴. Mu-ubuzelio ladhiya lukadhe igbu Taya li sidon- ligbuya mu-ukpudhuo li u-udho, iyedo uwudhiga bhu onwunye onwunye umaji adhi uzhi, buhuto, uwolidho ²⁵. Lekele ya, yabukpu ina u-unwo umeledhe uwabhiyo ugo-o unujile iyebasali lujejaya, yabukpu ujiale luda lukoya. ²⁶.Lumon, ununweya bu Glic (Greek) nye Sylophonician (Syrophonician) yabukpu udhiayashilema bhu ukpachima uwabhiyo muzhio lishi unwoya²⁷. Mu-ukaniola, whebhu umeledhe udhikpo gedhebhe bhidhi lunuzu, iyedoni, ubuo iye manu-amanu li ugomu li ugonu bhidhi umeledhe luneho akita. ²⁸. Mu ununweya usala “eh! Umashi bhubhu akita zhilukpudhu tabulu, udhidhihu iye umeledhe dhibhetebhe lele.²⁹Mu-ubhakaniola, lishili iyemu ikom inwe ike lukadheho, uwabhiyo ya asabete le unwoyo ³⁰Yabu kpu ukazele udho mu-uwejio unwo ya kpuzhile luna li agbeda, uwabhiyo ya asabetelema.³¹. Mu-ukaze gbajio asaga igbo Taya, lugabie sidon mu-udhumaho olimini Galili, tutu ubhadhumaho Decapolis. ³². Mu-ubuya niebhela nye ete ushili, ukpo ekpo keni-a ike,³³. Mu-udhiobhe la kpombhu dajia eka leli, mu udogamala lime ogbomadu mu uligashiela ugbaneka li ete, mu ubushio Utah li idhoya. ³⁴. Yabukpu ubha nyele enye lolu, mu uta-a uta, lukania, (Ephphata,” yabu lukania kpom “kpumali!” ³⁵. Li ekele neten, mu ete kpumalio la. Yabukpu iyemu ukepidhiela idho ya kegamalile. Mu ubidoho ukpoke ekpo joke³⁶. Jizos okunikemalebhe kpombhu akaniebhe o-owunye onwunye, buhuto kpugbobishile bhe bukpu ukpoholebhe amah basali liye mu umoya. ³⁷. Unwodha hobhe enye bueke lotu iye mu Jizos umezedhihoya, emekpohele, bhele bhele iye, emedhihule nye onujie ete li nye okpo-ekpo mu ukpoho ekpo mu ukpoho ekpo

Chapter 8

¹. Li ubhemaya, uzhigbaji o-ogbomadu enwebhe iye udhi-edhi, yabukpu Jizos uwhule emene uzhiya, mu ukaniobhe. ². Menweni ogbomadum obulizhi iyedoni anazhikeshi lebheme dhumaho eye ito lugwe unwe iye udhi edhi. ³. Mkpachila lebhe udhobhe ugwe udhibhidhi, unwebhe ike luda lichakpa ubotu bhe buzelibhe lokpe uto ⁴. Mu emene uzhiya sabhela, nde adhi anweta bhidhi ozukpo bhelebhele madum lime elemu ubiom la?⁵. mu ujobhe, “inweni bu ukpo uta-anakani ila? Mu usabhel “bhisabho ⁶. Yabu kpu ukanile ogbomaduya bhunazhibhe ezhi li ele. Mu ugonwo ukpo utanakani isaboya li une ukela, mukemabhe, luneho emene uzhiya mu gbele unahobhe ogbomaduya, munekpo-ebhe.⁷. unwedhihubhe ukpa ubuo eke, kpomu unekpo ukela, mu unedhihuo emene uzhiya lukeshibhe ⁸. Udhibhe mu uwo yahuobhe, ututu jibhene ubuhibuya a-ugwali agwali bu ukpoh isabo bubhe-eke. ⁹. Uzhibhe bu puku madu inoh, mu ukaniobhe bhuloshihobhe. ¹⁰. Lekele neten mu ukpodhuo lugboh, yali emene uzhiya, mu ukazeobhe igbu Dalmanutha.¹¹. Yabukpu emene palasi ulolebhe li udokeshibhe ikake. Uwudhigabhe unweta iye unwodhenye buzeli lolu-igwe, gontu luma-ama. ¹². utanibhe uta bueke luwaya mubhako iyela ddo mu emene ukom wudhigabhe iye uwodhenyela? Lishiuka, makaniyoni, ndeke enwetani iye uwodhenyela” ¹³. yabukpu usabhetelebhe lukpodhuji lugboh udo, mu uweshio udo ibeka.¹⁴lumon eme uzhiya whekashibhe ubu bhidhi lanwa. Unweka dhebhe u-ukpo uta anakani lime ugboh. ¹⁵. Udobhe eka lete, bhutukpa bheli ladhi iye umeshiwe utanakani mu emene Palasi li Helod uzhi.¹⁶. Mu emene uzhiya bha zubhedebhe ishi, luka, ukanio kpomu bu kpomu abuo bhidhi ¹⁷. Jizos maji iye uzhibhe luka, mubha kaniobhe iyela dola mu inweni ugbegbe basali li ugwe unwe bhidhila? Uwhedhuo yoni lanwa? Iwotani ne? Ekpema yo zhiho gbunu gbunu la? .¹⁸. Inweni ekpeleni, inyetuweni adhi, inweni ete, inujiweni iye? Igbewejieni iye? ¹⁹. Ekemu mekenio ukpo utanakani ise ladhi puku madu ise uzhibhe, itutuni ugwali agwali bu ukpoh ila? Mu usabhela “dhi li bhibo?²⁰. Ekemu mekemo ukpo utanakani sabo lukeshi puku madu ino, itutu ni a-ugwali agwali bu ukpo ila? Mukobhe “Bhisabo” ²¹. Mubhako “iwendhihuto ni uwota owota ela.²². Mu ujiabhe Bethsaida, emene zhibhe ladhiya, udoyawe nyabhe bun ye enyekpo, udoyawe nyabhe bun ye enyekpo, mu udhiayashiebhe Jizos bhukpotua eka. ²³. Jizos dotu nye enyekpoya leka, mu udogamala lime ulaya. Ekemu ubha bushiola uta lekpeleni, mudajiola eka, mu ujola, “Uzhi iye inyetula?”²⁴. Yabukpu ubha nyele enye lolu, mu-uko, “Me weji madu-egede uzhibhe kpomu odushi. ²⁵. Udogba mu-udajigbala eka lekpeleni yabukpu udukeya samale ekpeleni, li unweta ekpeleniya ozu, mu wejike ho iye jioka. ²⁶. Jizos dugashia li ulabhe, gontu lukunia kpom bhokpudhuo lime otu ula mu bolie bhe oboli.²⁷. Mu Jizos li emene uzhi ya – ukadho bhe asaga lukpudhu li Cisalia pilipi, lichakpa, mu ujuo emene uzhiya, “maduegede kabhekpom bhu mobu nina? ²⁸. Mu ubhasobhela, Joni owoshi mini” udo emene bhubu Elija,” emenemu gwalioya bhubu o-nwunye li emene amuma.²⁹. Mu ubha jubhe, buhuto yolo ikani bhu mobu nina? Mu Pita bha sala “ibu Klist muya . ³⁰. Mu Jizos dobhe eka lete kpombhu akaniebhe udo nwunye.³¹. yabukpu ubabidole uzhibhe kpombhu unwom madu egede bhatabu akwu kwu liye tuogbo, emene unukani li emene nyishi oseja ligba emene ubhabha, olodhiabhe bu olodhi, a-ugbuabhe, ubha gamale eye ito, a-ugbuabhe, ubha gamale eye ito, a-ubuzeli. ³². ukowakwa uzhiezhi ya okowakwa, yabukpu Pita bha dolema ozu mu ugbochiela.³³. Buhuto Jizos yosali lunyeshi emene uzhiya enye mu ubha gbochio Pita, luka, Gamu ozu ekpesu ishishie unukumayo liye Ebikpabi buhuto liye madu-egede. ³⁴. Mu ubha whugbedeo ogbomadu ya li emene uzhiya uwadhi, mu ubhakanio bhe, ubule bhuzhi nye kabhuya chigame, ekedhinio bu eliya ikake, a-ubutu ushi uye luka, auchiya me.³⁵. Iyedo nyekale bhuya dokpewe buduya, ochuwoshia bu ochuwoshi, nye nye chuwoshile ibuduya lishime, li ishi uzhiumam, enweta nwosa bu ozu. ³⁶.Ndiye abadhuni madu egede lu nwetakpo uwam logbo mu uchuwoshi ibuduyala? ³⁷. Nde iye madu egede enwike lugbanwotuwe buduya la?³⁸. Nyenye me li uliekpome tuwelema iwene leluwa iyebhiyom, nyeya obuobu nye unwo madu egede tuwe iwene leke ejagba uwa lebube. Ya li ida li emene uzhi eligwe uzhibhe egwele.

Chapter 9

¹Mu yawe ukanebhe, li ishuka me makani yo, uzhi emene utogbo uzhibhe li unzo li adhim ewejebhe enwu tutu mu ubha wejibhe eye ele-eze Ebilikpabi agabishile li ugbakpo.² Li ekelemu abali isu ubhagabisho, mu Jizos ugono Pita li Jemish li Joni mu ukadhebhe olu ebhu. Mu yawewe ugbanwo li ununu bhe.³ Mu kapaya ugbanwo li unwulu ubidhi ebidhi, li unwulu usa ubueke, kakpoli bhelebhele iye usa usa li elem'.⁴Mu Ilaija li Mozizi udhodhikeshobhe Jizos ogologu.⁵ Pita usa mu ukani Jizos, 'ida-nwe-udhoye, ubadhu ibala kpom bu yele azhi li adhim, kpombokpe anushini udho ito, nne bu aayo, udo bu au Mozizi, amu ugbuwe bhitoya ubu au Ilaija.⁶ (Makabu yawewe umajedhe iye ukaka, iyedoni bhe utubhe otogu.)⁷Mu igeleni kopupidhoma bhe, mu uli ekpo kpo bhu, "Omb bhu nwom' mugushgi ogushi kpeni ete.⁸ L'ugwe uwhueshi anwa, unyeshihobhe enye, uwejedhebhe onwunye-nwunye, gamaho Jizos.⁹Kpomu ukpedahobhe ele li ebhuya, mu ukanobhe bhu akanibhe onwunye onwunye iyemu uwejobhe tutu nwom' madu-egede ubuzelima li enwu. ¹⁰kpomubokpe, mu ubhekebhe iyemu uwejobheya, buhuto bhu bhewe udhodhiwebhe ogologu li ime bhewe.¹¹MU ujobhela, "iyalado mu emene ubhabha ukabhe bhu Ilaija eja l'unuzu?" ¹²Mu ukanebhe, "Ilaija eja l'unuzu li umekekpo bhelebhele iye. Iyaladoho mu ubhahobhe kpom bhu nwom' madegedhe atabu awhuhu utuogbo lijine ukpadhiwe umu. ¹³Bulekpe, makani yo kpom' Ilaija ejamale, mu umenobhela bhelebhele iye bhe uwhudhigabhe, zhikpom' odomu ubhabjhe iye ubasa li ya."¹⁴Ekemu ujakeshobhe emene uzhi, uwejibhe emene utubhe ogbo li elibhe, emene ubhabha zhibhe l'ukedhishibhe ekake. ¹⁵Kpomu uwejebhe Jizos, bhelebhele madu ogboya zhibhe l'uwodha enye mu ugbalakeshibhela mu utedhobhela abidhi.¹⁶ Mu utekwato emene uzhiya, "ikedhitani ekake ela?"¹⁷Onwunye li ime ogbo maduya mu usabhela, "Nye uzhizhi, me mayaweniyo unwome.¹⁸ unwe uwabhiyo aumu umela mu ugwe ukpodho ekpo. Ya umojike a unugbo a li ele, augboloshiwe uwuluwu l'unuya, utadhi bu ikini'ze, a usokelamaho. Makani emene uzhi yo meni ukpachimabhe li eliya, buhuto bhu ukpachimadhobhela." ¹⁹Mu usabhe, "Emene uko ewhetubhe, ndekpu ukani uto me mezhikeshi yoni la? Ndekpu me megwele uwudhushiyoni uma la? Doyaweni adhim.²⁰Mu bhulawenibhe nwo ukoma ya. Ekelemu uwaya uwejo Jizos, dhogwe uweshi a-nwe mu ushishile dhe ukie iye dhodho, nwo ukomaya dhu le ele mu uwuluwu lola dhe unu.²¹ Mu Jizos ujukwa ida, Ala le ukoma zhi kpo la? Mu ida uko tut umobhela. ²²Ubhugashidhiho dhe mini a wudhigashidhiho ugba o-ugbo. Bhule bhu yo iweike dhe ume e iye, nwene yo utuwezhi mu ishikeshi ye eka.²³Jizos kanela, bhu la bhu yo e-nwe ike? Bhele bhele iye e-nwe bhu upwe dhe nye wedewele. ²⁴dho gwe utashi ekele ida u nwo ya ukwa ikwa mu uko, me whetu ewhetu dhokpewe dhu gwe uwhetu ewhetume. ²⁵Ekelemu Jizos nyeto ogbo madu kpo bhaya lbhe, mu uchigama uwa bhiyo ya muko, nye ukpo ekpo dhe nye nwe eta, mu ubuchimala le eleya, buzeli li ele, ekpudho dhe udho le ele ya.²⁶Uwa bhiyoya ukwa ikwa, mu umojike nwo ukoma ya, mu ubhuzele la le ele, nwo ukomaya zhikpom nye unwulu onwulu, emene utubhe ogbo ukabhe bu onwulumale. ²⁷Mu Jizos udotola le eke mu udobuzewela olu, mu nwo ukomaya unuzo onuzo.²⁸Ekelemu Jizos ujaya ime-imu'dho, mu emene uzhiya utekwatubhele lu'wodhi, "iyala udho mu yele a-gwe uchigama dho la? ²⁹Mu ukanebhe, "Ujem nwe bhe ike uchigama gamahuto ekpele.³⁰Mu ubhuzelebhe li adhiya mu kanebhe igbu Galili. Uwhudhega o-nweme nwene bhu umajebhe adhi uzhibhe.³¹ yawe uzhi lu'zhi emene uzhiya iye, mu ukanebhe, "Unwo madegede enebhe bhe bhu le eka, a gbuabhe, abali ito gamale eteli bhu li enwu." ³²Uwotabhe eyimu ukanobheya, mu utobhe otogwu lu'juakwa.³³Mu ukanobhe Kapanom. Uba kpudhumaho l'udhoya mu ujukwa bhe, "Idhodhidhini iyala li ichakpala?" ³⁴Uzhidhibhe ekpo. Iyedoni uzhibhe l'ukedhita ikake nye akakpolibhe. ³⁵Li unazhi ezhi, mu uwho dhi emene uzhi li emene uzhi ibo ya mu ukanobhe, "Ubulebu onwnye li imeyo uwudhiga ubu nye unuzu, nyeya obobhu nye ugbowe ogbowe li imeyo."³⁶Mu ugono nwo umeledhe mu ushisho li ime ogbobhe, mu uwutola , mu ukanobhe, ³⁷"Nyenye unabatale nwo zhikpom li ewa me anabatule me; nyenye anabatale me anabatale nyemu udugashome."³⁸Mu Joni ukanela, "Nye Uzhi-Ezhi, yele aweji onwunye kpu uchigamale uwa bhiyo li ewa yo mu yele abhobheshi la, iyedoni yawe uchiyaweye." ³⁹Mu Jizos uko, egbobhisheni, iyedoni uzhe nye eme ugbolo ubhu eke li ewa me mu unwe ike lu umegide me.⁴⁰Nye nye bhuto bhu unazhigide ye, uzhikeshi ye.⁴¹ Nye nye unetoyoni e egege mini li ewa me bhu iyedoni bhu ibhuni emene aame, li ishukame makani yo, ndeke nyeya egwe unweta umanu amanu ya.⁴²Nyenye ugohuto unwo li ime ogbo utu umeledhem uhedawenobheme owoh mu udawulubhe li uwhuetubhe, uka uma bhu ugodhubhe ekpulu igwu aukwashabhe li ekidhi au lugashabhe li ime olimini.⁴³ ubulebhu bhu ekayo emeyo mu idawuluni li uwhetuyo, kebhani ekebhe. uka uma kpom bhu yo bhu izhini ibudu li ubhedhiwe ikishi eka ka unwe eka ibo mu ikpudhu li akuku, enwe ugulu ogulu. ⁴⁴⁴⁵Bola kpom bhui uko yo eme yo mu idawuluni, kebha ekebhe. Uka uma mu yo inweni budu uma ka aenwe uko ibo mu ikpudhu li echi bhiyo. ⁴⁶⁴⁷Bole kpom bhu ekpeleni yo eme yo mu idawulu,dhugama uka uma bhu yo ikpudhu li ele-eze Ebilikpabi li unwe ibee ekpeleni ka ainwe ekppeleni ibo mu ulugashibhe yo li echi bhiyo. ⁴⁸Adhi ake echiya ogulu ogulu li adhi echiya onyole onyoli.⁴⁹Bhu bhelebhele madu ukpushi bhe bhe bhu echi li ele kpom mu ujimu ukpowoshibhe adha. ⁵⁰Adha bhu iye manu amanu, ubhule kpom bhu ochuwomale etoya, nde kpu emele mu unwebhajine etoya la? zhini kpomu adha li ime ogboyo mu ibhedhiweni li oyodhu li adhi nwanibheyo uzhi.

Chapter 10

¹Jizos ubuzele li adhiya mu kazo igbo Judiya, mu kazo ibe olu uko olimini Jodani, mu ogbo madu ujakeshobhela. mu yawe uzhikejobhe iye udoji, zhikpomu umunalaya.² Emene Palisisi jakeshibhe lu uma ama li ujo-ajuju. "Ubu iye oloko li ebho lu kpachiwo ununwea la?"³ Mu usabhe, "Iye Mozizi kaniyo bhu imeni bhu iyala?"⁴ Mu usabhela, "Bhu Mozizi uwhebu bhe ba bha akuko uchi-echi aubhe ukpachimahobhe."⁵bho li ishili unukuma ishikeyo odho mu ubha oloko mu, Mu Jizos kanebhe. ⁶Li ubhido ebhido ukpokpu, Ebilikp[abi ukpu bhu okoma li udhoma.⁷Kpomu bhokpe ukoma assabete bhu ida li ina aubhubhe nne. ⁸Bhu au madu ibom bhuhobhe okpeli, ubodhebhe okpeli ibo, ubhuhobhe bhu nnine.⁹ Kpombokpe iye Ebilikpabi ushishimale uwadhi onwunye onwunye esekemala esekema.¹⁰Ekemu uzhobhe li udho, mu emene uzhiya ujukejebhela ukamu.¹¹ Mu ukanebhe, "Nyenye uchimale nwena mu utuhole udo udhoma adele le oloko dhe adhi udhoma yazhi.¹² Ubulebhu uchi izhia mu bhole udo udoke, adhale le oloko ebho.¹³Kpomu ya ugamaya mu udoyawenebhela umeledhe kpemele mu ukpotubhe eka li eli, mu emene uzhiya ubhobhishebhe.¹⁴ Ekelemu Jizos uwejo iyem, uto ekpema mu ukanebhebhu, "Sabeteni umeledhe mu ujakeshibhe me, ebhobhishebheni, iyedoni ele-eze Ebilikpabi ubhu a emene zhibhe kpombhe.¹⁵Li ishuka makani yo, nyenye ugwewhuto unyetu ele eze Ebilikpabi, kpomu umeledhe li ishuka ndeke okpudhola.¹⁶ Mu ugonu umeledhe mu ushisheya li ukpudhu ewekaye mu uwokwanibhe gonutuli udaji eke li ishi.¹⁷Ekelemu uyosalo ozu, u uduke ugbalakeshila mu ujisho ukpunukoli ununya mu ujukwala, "Egede nye-uzhi ezhi, nde uji me meme lu unweta ibudu enwe ugulu ogulu la?" ¹⁸Jizos kanela, "Iyalado mu ihome nyeuma la? onwunye onwunye ubo nye uma gama Ebilikpabi nete.¹⁹ Imaji ogbo otu olokom,egbo madu, egadhi-gane ununwe li ebho nyewe, ezu ugbu, elogide nwanibeyo li eka ibo, enagbo nwanibe yo, yishi ida yo li ina yo eso."'²⁰Mu udukeya usala, "Nye uzhi ezhi, me memekpolem bhelebhele iye gonutuli ekelem mezho li ntiko tutu numa umom." ²¹Mu Jizos nyela enye mu ugushola mu ukanela, "Iiye ukoshiyo. yo edhegbokpo bhu bhelebhele iye yo ainedhe emene ogboyi, mu inwe ukpuke okpuke li obioma. aija, chiya me."²² Li ishili ekpom uwudhu uma mu ukadho li uwudhu uma, iyedoni unwe ekpe utuogbo.²³Mu Jizos nye enye li bhelebhele adhi mu ukani emene uzhiya, "Ekebhu ike mu emene mu unwebhe owayi mu bhakpudhubhe li ele eze obioma." ²⁴Emene uzhiya uwodhabhe enye li uli-ekpoya, mu Jizos ukanebhe udoji, umeledhe, ndekpu ukele ike lu ukpudhu li ele eze Ebilikpabi. ²⁵Unwe uwe li inya nya lu'galaga ekpeleni oduga ka nye eze lu'kpudhu li ele-eze Ebbilikpabi."²⁶Uwodhabhe enye bhaka mu ukanitabhe uka, "Ubolekpe nnina enwetaho udokpewe la?" ²⁷Jizos nyebhe enye mu uko, "Li madu-egede unwe uwe, buhuto li Ebilikpabi unwe uwe." Mu Pita ubhido li ukpone ekpe, ²⁸"Nyetu, yele assabetekpole bhelebhele iye mu yele a-chiyha yo."²⁹Mụ Jizọs ụko, "Li ishuka mẹ mạkaniyo, ụzhe onwunye 'nwunye ạsabetekpȯ ụdho mọbuho nwạna a-ukoma mọbuho a-udhoma mọbuho ịna mọbuho ịda mọbuho ụmeledhe mọbuho ẹle li ishili mẹ li ishili uzhi ụma ³⁰nnina ẹgwe ụnabata ụgwu ise ụmanu ạmanu li ụmom lị elu-uwam: ụdho lị nwạna a-ukoma lị a-udhoma lị ịna lị ịda lị ụmeledhe lị ẹle lị ụkaja-ạkaja l'ime elu-uwam li elu-ụwam ejayọ li ununu, ibudu enwe ụgulu ọgulu.³¹ Ụbuhutobhu emene ụtubhe ogbo ụbhubhe emene ụnuzu ọbubhe bhu emene ugbobhẹ ogbo, lịjine emene ugbobhẹ ogbo ọbuhobhe bhụ emene ụnuzu."³²Uzhibhe li ichakpa ukaze Jeluselem, Jizos uzhibhe li ununu. Emene uzhiya li emene uchiyabhe bhe li uzu uwodha enye li otogwu. Mu Jizos ugono dhi madu li madu iboya mu ulowebhe asaga odhobhe mu ubhido lukunibhe iye adakeshe li ekele akane uto. ³³"Wejini, akedhenom bhu Jeluselem, odoshinibhe bhu emne nye-ishi oso-eja li emene ubhabha Nwo Madu-egede. Okogboabhe bhu okogbo li enwu a-udoshinibhe emen Jentasi.³⁴ Omudhabhe bhu umu, obudhabhe bhu uta, olobhe bhu igbanigbani, a-ugbuabhe. Ubuhuto bhu abili ito gama a-uteli li enwu."³⁵Jemishi li Joni, umeledhe Zebedii, mu ujakeshobhela mu utekwabhela, "Nye-uzhi ezhi, yele abagakpom meniye iyeyobula yele adholeyo."³⁶ Mu ukanobhe, "Nde iye iwhudhigani bu me menie yonila?" ³⁷Mu bhe usabhela bhu, "Neye uwedhini mu yele anazhikeshi yo li umanu-amanu yo, onwunye li eka ibidayo lijine udonwune li eka ikegayo."³⁸Mu Jizos usabhe, "Imajeni iyemu idhonom. Inweni ike unwuwe mini liegege a-umu me monwuwola mobhu ukaitenidho uwumini amu me mowuwo la?"³⁹ Mu bhe ubasabhela bhu, "anwo bhu ike." Mu Jizos ukanobhe, "egege amu monwuwo mini bhu ayo enwuweni, lijine uji uwumini amume mowuwo bhudhihu ayoni ewuwedhihuni.⁴⁰ Mubudhihuto kpom bhu nye anazhime li eka ibhida li eke ikega ubodhe li ugbakpome li unedhi, iyedoni emene anazhibhe me li eka ikega li aekaibhida bhu emene mu umekenobhe adhiya."⁴¹Ekelemu udo emene uzhi ya unujobhe iyem', mu ubhidobhe uwudhushi Jemishi li Joni uma ubu eke. ⁴²Mu Jizos uwhuyawebhe uku-eliya mu uko, "Imajini emene unebhe uwedhini uchi-echi emen Jentasi, lijine emene uchi-echi bhe apububhe a-uzhibhe li utu-uka li ugbakpo li ukpupidhe-ebhe.⁴³Buhutobhu ndeke ezhineyoni kpom li unazhiyo. Nye nye ugbe ubhebhe ubu ulo ogelenye li ime yo obobhu nye uzhi yo,⁴⁴ lijine nye nye obula ukale bhuya bhabhu nye unuzu li ime ogboyo obo bhu nye ulu bhelebhele yo.⁴⁵ Maka Nwo Madegede uja lubhu nye ezenibhe uzhi, ya ubhu nye uzhi, lijine l'une ibuduya l'ugotu emene utu ogbo."⁴⁶Ujayebhe Jeliko. Ekemu ubuzelo li Jeliko ya li emene uzhi ya li igwe madu ogbo, nwo Timayosu, Batimayos, odhodhi-iye amu enyeto adhi, unazhi ezhi li uku ichakpa.⁴⁷ Ekelemu unujo bhubhu Jizos Nye Nazaleni, mu ubhido uchi ikpu mu-uko "Jizos, Nwom Debidi, nweni mu otuwizhi!"⁴⁸ Emee utuogbo pashabhe ipa, bhu unazhi uwadhi. Mu ucho-ikpu li uli ubu eke, "Nwo Debidi, nwenimu utuweizhi!"⁴⁹zos 'nuzo uwadhi mu'ko bhu udoyawebhe. Uwhubhe nyemu enyeto adhiya, kpom, "Eto otogwu! Nuzo! Yawe zhi li uhudhiyo."⁵⁰ Udukeya uchuwoshi kapaya, mu unuzo, mu uzekesho Jizos.⁵¹Jizos utekwakpom, "Nde iye ika bhu me meni yo la?" Udukemu onyoto adhi mu usala, "Ida nwudho, me mowudhiga unyetu adhi." ⁵² Mu Jizos ukanela, "Kadhe. Uwhetuyo ogoleyo." Li echi awaya unyetubha adhi udo, mu yawe uchilakeshimala li ichakpaya.

Chapter 11

¹Lu'mom kpomu bha dhuma Jeleselem, uzhibhe li uzedhu ula Betipaji li Betani li olu ebhu olibi, mu Jizos dogasho emene ibo li emene uzhiya ²mu ukanebhe, "kadheni ula ya amu achishitani ununu. Kpomu ekpudhuniya, ewejini bhu inyanya akakpodhubhele li oul, kumani edhi mu iyawenimeni. ³Bole bhu onwunye ujukwa yoni, 'iyala do mu imeni iyem, kanibheni bhu idanwudho uzhi lugwe utashi ekele audoshini yoni aidoyaweni adhi.'"⁴Akazelebhe mu uwejobhe nwo inyanya ukeshibhe edhi li akwu elezhi adhi ugabhe agaa mu ukemabhela edhi. ⁵Emene uzhibhe li unuzogabhe li adhiya mu ukanebhe, "imeni ela, ikumanom bhu inyanyaya edhi la?" ⁶Mu ukponebhe ekpo Jizos kanibhe, mu emene ya usabetebhe mu ukadhebhe ichakpabhe.⁷Uyawebhe inyanyaya mu udhebhe Jizos mu ugonubhe kapabhe mu ugbashabhe li oluya, mu yawe unazhola ezhi li olu.⁸ Emene utu ogbo ugbashebhe ukanibhe li ichakpa, udo emenejine ugonubhe ele-eka ushi li ikashibhe mu ugbashinebhela li ichakpa.⁹ Ogbo emenemu ukadhebhela li ununu li emene ujayabhe li ozu mu uchi-obhe ikpu, "Ozana! Uwokwani zhini nyemu ujoo li ewa Ida-Nwudhoye.¹⁰ Uwokwani zhini ele-ezemu ejoo amu idaye Debidi! Ozana ukakpolibhe zhili olu!"¹¹Mu Jizos ukpudho li Jeluselem mu ukadho imudho ukpeni mu unwa enye li bhelebhele iye. Adhi ugbeliho egbeli mu ukadheho Betani ya li dhi madu li madu ibo.¹² Eyemu usosheya ekelemu bhe ushobhe li ubuzeliho li Betani, mu inwe ugwola.¹³Uweji ushi uwho-ude li okpe uto, yawe ukaze li uwotu anwuya, ubha dhumaho eli uweje anwu gama uwhoya neteni, iyedoni ukadhuma ekele ushiya onwu-ina.¹⁴ Mu ukanela, "Onwunye nwunye ndeke edhe anwu buzeli li yo udogba." mu emene uzhiya unujobhe iyeya.¹⁵Ujayabhe Jeluselem, mu yawe ukpudho li imemudho ukpeni mu ubhido uchi emene dhedhibhe iye li emene ugotubhe iye. Lijine emene gbanwomabhe owayi li emene udhedhi ilishi li udho ukpeni. ¹⁶Yawe unedhe uwedhini bhu ubhutubhe iye udhedhi edhedhi li udho ukpeni.¹⁷Yawe uzhibhe iye mu ukanebhe, "uka bhamalebhema abhama kpombhu 'udho me bhu bu udho ekpele li eluwamu li ogbo ela'? buhutokpom bhu yoni imewewhani mu ubuho udho emene ugbu."¹⁸ Emene nye-ishi-oso-eje li emene ubhabha ya nujibhe iyemu yawe ukaya, mu uwudhigabhe ewhueka bhe ogbubhe Jizos. Makabhu ogbo-maduya utunebhe otogwu gonutuli uzhi-ezhiya.¹⁹ Ekelemu ubhe a-eye ila dhumaya, mu ubuzelebhe li ulaya.²⁰Kpomu ugabhishobhe li oyukweya, uwejibhe bhu ushiya li akaniya bhu ayamale uwho okpokalimadhihule.²¹ Pita ugbeweji ekpoya mu uko, "Ida-Nwudho netu! Ushimu igo owo okpokalimale."²²Jizos usabhe kpom, "Nweni uwhetu li ime Ebilikpabi. ²³Li ishuka makaniyo ubhole bhu onwunye akanobhu ebhum, 'Nuzo mu idagadhu li olimini,' mu ubhulekpom bhu ukedhe ikake li unukwumaya mu uwhedawele bhu iyemu ukaya emezu bhu emezu, yabhu iye Ebilikpabi emena.²⁴Kpomubhokpe makani yo: Bhelebhele iye obhula idhohutoni, whetu bhuya gonumalema, ubhuhobhu a-yo.²⁵ Ekele inuzole li edho, yo esabete bhu uwudhuma yo li adhi nwana yo uzhi, kpemele Ida yo a-mu uzho li obioma mu usabeteni yo umeyee."²⁶²⁷Mu uyabhe ozu Jeluselem, kpomu Jizos uzho li ugadhiga li imudho ukpeniya, emene nye-ishi-oso-eje li emene ubhabha, li emene unukani mu ujakeshebhela.²⁸ Ukanehe kpom, "emewe utu iyemu bhu li oluji ukpakpo, nnina udhe yo otu ukpakpo ya la?"²⁹Jizos kanibhe, "me moju yoni bhu aajuju, kanimeni aame makani yoni uji ukpakpo me mewe otu iyem.³⁰ Uwushidhi minimu Joni buzeli li Obioma sam moboho li eka madu-egede la? Ka-sameni."³¹Mu udhodhebhe li elibhewe mu udoketabhe ikake li-ukaho bhu, "Bolakpom bhu yele asahoni bhu, 'ubuzeli li obioma,' yawe akabhu, 'Iyaladoho mu igweni uwhwdawene la?'³² Bujilene bhu asahoni bhu, 'Ubuzeli li eka madu-egede,' ... ."Bhewe utunibhe madu-egede otugwu, iyedoni bhu bhelebhele madu uwhetubhe kpom bhu Joni bhu nye amuma.³³ Mu usabhe Jizos, "Yele amaje." Mu Jizos ukanebhe, "Ndeke me makaneyoni oji ukpakpomu me memewe utu iyemu."

Chapter 12

¹Mu Jizos ubidho li uzhegbe li elulu, muko bu "Ukoma chika, mugba la aga, mugwu udhu (WINEPRESS) ezhi eke lunweta menye. Yewe nushidhiwhu udho nye useadhi mu kpa kpeta ikam lieka emene chigbe ika ume mu uzewho ize. ²Li ekele udadhu, mudugashio onye uzhiya bu wejiemene mu chegbe ika viṉe kpagale mu nedho egbe otu ukpulushi viṉe ya. ³Mu motugbela, mu kogbelaiye mu kpache gbele lugunedhoa yeye.⁴Li udo ekele, mu du gashio udo nyeuzhiya mu meashegbe la enyalishi, mu megbela iyeyawe iwene. ⁵Mu dugashigba udo nyeuzhiya, mugbujogbe elani. Ya bu kpo umenilegbe nyeizhiya-ukogbe emene iye emenejime au gbumegbe.⁶Mu gwaliwho o wunye eze uzhim, au bu unwa amu gushio ogushi. ye we bu nye oguluogulu ye we dushi. Mu uko bu emene mu chigbeke bhe ye gbe bu unwoya eso. ⁷Mu emene echiekam gbagbe uzuzu mukogbe kpom bu unwa edhi ekpe ida ngwani ma agbuani ma dhimawhoni ekpe ida.⁸Mu mogbela, mu gboagbe mu choshugbela lu gama adhi ikamu ize. ⁹Kpomu bu who kpe, nde iye nye mu nwe ikam emela? ye we eja bu eja au gbukpo emene mu chigbe ekam au nedho uduemene ikam.¹⁰Ikagwudheni ukpalawhu egwelem? Igwu mu emene mu nugbe udho ulogbe olu obuwhule ugoshiodho. Omu ubuzulom bu li eke. ¹¹Nyeweye ubonijiwho yeneiye uwho dha we enye.'" ¹²Ekeleya ba gamu,mu emene nyeishi Jew ubagagbe umotu Jizos iyedoni uwhota gbekpom bu eluluya katashigbe akatashi kpomu tu whogbe otuogu ogbomadu mu nyezhina kadhetu igbuaya.¹³Le udo ekele mu dugashinegbe Jizos emene pharisees li emene Hero̱dians lu su shina egbe liunuekpo. ¹⁴Ubajogbe, mu kanegbele kpomu, "Nyezhiezhi yo we bu nye nwe agwa. Udo dhigagbeyo leka. Igutu kpo gbele gbele madu ogutubuwhetu izhe ichakpamu chimukpo li izhiuka. Umanu amunula lu whuni Ceasar Takisha?" ¹⁵Mu Jizos whotamo egeṉegegbe, mujugbe ndeiyeimanemene amanila? Ne dho me denarius ni owayilemene Romu nnyetua enye¹⁶Uba nedho gbela nwine, mujukwagbe, "enye wina uzhiomala? Iye ugbagbamu ba winala? mu sagbela bu ba nye eze Ceasar." ¹⁷Mu Jizos kanugbe, "neni eze Ceasar iyedhun Ceasar, lijine chimekpo iyedhuni Chimokpo." Mu gbelegbele nwhodhagbe enye.¹⁸Mu sadduces, emene mu ewadhagbe bu talili enwu bu zhim, jakeshegbele. Mu jugbe, ¹⁹"Nyeuzhiezhi, Mo̱ses" kpaniye kpomu bu ukoma nwulu le musagbete nwenya luwam lougwe unwe unwo, nwana au ukoma uwhugashi nwenye nwana mu nwulu onw... mu muloshiwegbe unwo aza ewa nwana mu unwuluya²⁰Uzhigbe ukoma isabo, amu unuzum uwhu gashiwe ununwaya au nwulu leugwe umu uhu o unwo. ²¹Nwana ukoma au gbowe bhibomu Whugashi ununwem au nwulu lu gwe umu unwo. ²²Iye dha kwashi nye gbu we gbito bu iye dha kwashi nye gbuwe bino, bise, bisuli jine nye mugbuwe bisabo. Ugwuluya mu ununweya unwuluma dhi whu. ²³Li ekele utelilenwu, la gbe telima whule gbe, nwena obuwhu izhi ununweyela? iye do ni ukoma bisabo otuko le gbe ma kpo mu unuwe."²⁴Mu Jizos usagbe kpomu bu majegbe ukpalu egwele lijine chimukpo gbe ya bu iye do mu meyegbe iye emeye. ²⁵Kpomu eteliwhu gbe li enwuya utu ununwe li ugbo egbo eke ezhe dhe. Umeneya ezhiwhu gbe bu kpoma emene uzhiobioma li obioma.²⁶Buwhutu la mu emene uteliegbe li enwu, ika gwu dhe ne li ukpaluwhu mo̱ses amu eche du mu gwe dokpo imuya, mu Chimukpo kani jine moses kpomu gba bu Chimukpo Ablahamu, isaac lijine Jacob? ²⁷Ye we ubu Chimu emene unwulugbe unwulu buwhuto iemene zhigbe ibudu. Imekinijoka.²⁸Mu onye scribe ujo mu nujo iye mugbe dho dhe gbe, mu whola enye kpomu bu Jizos bu sake gbe li nkpala?" ²⁹Mu Jizos sala kpomu, "Oloko zhi kalikpo gbe li nkpa bu 'Nujini, emene Isra̱eli, Nyemuweye Chimukpo yeni, Nyemuweyeni bu nwine. ³⁰Egushe dhi bu Myemuweyo li Chimukpoyo li gbelegbele ekpemayo, li uwayo, li obuyo lidhi ni ugbakpoyo" ³¹Au gbuwe gbibo bu kpomu, "Egushi dhi bu nye egbekaudhuyo kpomu igushe eliyo." Uzhedhe oloko kagbe otumu.³²Mu nye scṟibuya kugbu ibu"Nyeizhizhi manu amanu! yo we ekuwale kpomu bu Chimukpo gbu bu nwine bu zhijedhene udo. ³³Ugushe Chimukpoye ligbele ekpemaye li uwhota owhotaye, li ukpakpoye li jine ugushi nye egba kaudhuye kpomu agushe eliye akamale usodhieja" ³⁴Ekelemu Jizos nyetu gbu eyo bu zhi limi usasamaya, mu kanela, yo izhi uzedhu li ele ezemu Chimukpo."³⁵Liekele Jizos zhi li uzhidhiye li Udhoukpene Chimukpo, mujuajuju, "Mewhokpala mu emene Scribes kagbe kpomu bu Kalasi bu unwo Davidla? ³⁶Li ekele UwaEgwele yulukama Davidi eli, uka kpomu bu Nyemuwheye kani Nyemuweme,"Nazhi ezhi li eka ikagutu tu me we mawho emene ekpayo iye uzojiuko.'" ³⁷Davidi wewe uwhua bu Nyeweme, ndekp agale mukalasi ubu jiwhone unwo Davidi la?" Li uto obu mu emene ogbomadu mu zhigbe la dhiya kpeshine dhegbe la ete.³⁸Li uzhi ezehiya, mu Jizos ku, Tukpani eli la dhi emene scribes zhigbe, umeneye ugushi gbe uyodhi doni mu nata dhi gbe abidhi umu madu li adhi aya zhiwhutu. ³⁹Au nwejigbene adhi unazhi ezhi uzhikali kpom gbe li eso li me synagogues lijine adhi zhine eso li eke le ogwu. ⁴⁰Gbetashi dhi whugbe udho emene ukudho au kpedhi whugbe ekpele dhu bie mu madu ogide wejiegbe enye. Emene scribes enwe Aagbe bu ikpe bu eke.⁴¹Mu Jizos kadho lunazhi ezhi la dhi okobo muchegbe owayi uzho leweka lime udho ukpene, mu nyekwadhi dho kpo umu madu chelegbe owayi lime okobom. Mu emene unwegbe owayibueke me okobom. ⁴²Mu ununwe ukudho adane eze jo muchisho aninibo ogbu kpomu openny.⁴³Mu Jizos uwhu emene uzhiya mu kanu gbe kpomu, "La mu Ishiuka, ununwe ukudhomu adaeze enekamale gbele gbele emene mu chigbe owayi limi okobo owayimu. ⁴⁴Emenemu dagbe ezemu unegbe bu kpu ubuike owayibe zhile buwhuto, ununwemu ukudhomu udha uyo, unekpo who bu gbele gbele owoyi unwe liubewe whu budu"

Chapter 13

¹Kpomu Jizos uzhi li ukpoloshi li udho ukpeni Chimukpo, muo nye uzhiya kanela kpomu"Nyeuzhiezhi, nyetu ekpulu igwu li udhomu zo zo we!" ²Mu ya we sala, "Inyetu dhi whula eke udhom? gbele gbele ekpulu egwum o bu shiegbe bu eli eke nwinenwine agwali.³Kpom-ye we ba nazhio ezhi li Olegbu Olivu udho ukpeni Chimukpo, mu peter, James, John ligine Andrew jukwawhube la li unwudhi, ⁴"kaniye, nde ekele utuiyemuikomu emezogbela? Iyela obu iye itwgushila li ekele ogbo ntuiyemuikom emezhogbe?"⁵Mu Jizos kanogbe, "Tukpanieli mu igweni nweta unagbo. ⁶Ogbuoemene ejagbe bu li ewame au kani gbe yoni gba bu nyemuya au nagbojigbene emene.Ekele unujeleni bu ulu zhi whu li uda li amuli ulu, emekpa yoni eli, o tu iyemu adhadhi buadha bu whutu ugwulu iye kadhuma. ⁸Igbu li igbu adhegbe uka ya bu kpu ezhindhi whule ele eze li odi elieze. Ele ezhiginibu ezhngini au kposa li ligbu zhi liselise ligine okenye. Ogbuotu iyemubu ubedo ebido idhe.⁹Nweyoni eli. Odushigbe bu leka emene ikpe au koshi whugbe yoni iye li synagogogu. Enuzoni bu li ununu eme negobeno li jine emene Eze lishilime, mu buniwhugbe iyeugbushieji. ¹⁰Buwhuto kpomu bu akalashikpogbe bu uzhiuma ligbelegbele igbo.¹¹Umotule gbe yoni mudushigbe yoni li eka emene ikpe, emekpayoni eli li kpo esaligbeni. Udhuma whutu ne ekeleya, iye yo eka, enegbeyo bueni, eke oboyo ekpo ekpomu buwhuto Uwa Egwele. ¹²Nwana ogbu bu nwana, ida igbu bu unwa. Umeledhe akpadhiwegbe bu idagbe li magbe umu au megbe mu nwulugbe onwulu. ¹³Bhele bhele madu osugbe yoni bu osu lishi lime, Buwhuto nyenyeobu la kaitele ekpema dhuma uguluogulu enwebu ugawe¹⁴"Ekele inyetu le ni uye mu tashoadhi lume dhiwhuli adhi udhunela" Emene zhigbe li Judea ugbalagbe igbu egbozhi gbe. ¹⁵Nyezhile li oluodho, okpodhadhe eli lu kpodhu lime udho bujine ugone iye lemeudho, ¹⁶nyezhijileni li asaga ejidhe udho li ubha gonu kapa¹⁷Buwhuto akuku ezhine bu unyeuma zhigbe li olu lijine au zhigbe lu muji umeledhe le eke. ¹⁸Kpani ekpele bu iyem adha li okidhika. ¹⁹Otu eyeye obugbe ekele umekpele, aka adha li ubidoebido, liekele mu Chimukpo ukpo uwam, eke adha jedheni udugba. ²⁰Ugawhuto bu Nyeweye bu kegbe utu eyeya muzhi who ikishi, eke owunye owunye enwe ugawe. li shili emene mulo tu olotu,utu eyeya ezhiobu ikishi.²¹Nyeye obula kani whotuyoni bu nyetuni Kalashi ewedaweni. ²²Kalasi oyikali emene amuma oyika oyulu magbe bu uwa au megbe iye uwodhe enye lu nagbo madu, ubulebu ugba uwe uba nagbolegbe emene mu lu togbe olutum. ²³Majini eleyo! Mekaneyoni ogbotuiye emu bu li gba yoni ama li ugbe.²⁴"Buwhuto, ekele utu umekpeleya gama whule, agbawhugbe 'bu elanwu mu bu whio igelini, eke adaigwe oluwedhini usamali, ²⁵okpodho-ede li olu obudha bu li eli au gbele gbele iye unwe ugbakpo au zhi gbe li obioma ezhigidhigbe bu ezhigidhi.' ²⁶Le ekeleya ewejigbe bu Unwo mu Madu kpe jale li olu liogbakpo li igiri. ²⁷Yawe odugashi bu emene uzhi obioma maya lu kpagbedhi emenemu yewe lotu olutum ligbele gbele liuwumu.²⁸Mu tuniye li uzhi uzhe kpomu ogboyi. Ugbo mawhutaya uwho majiwhoni kpomu bu utala odhumale. ²⁹Kpomu buwhukpe ekele iwejileni kpo utuye mu dhale, majini kpomu bu yawe zhiwho uzedhu, li ugbono egbeleta.³⁰Lamuizhikam, utuiyemu emezokpo bu kpayi mu komu ba ga. ³¹Obioma li uwama agagbe bu aga buwhuto unuekpome emezo bu emezo. ³²Iyebasi lijine li eyeya li ekeleya, uzhenyemaji. Emene uzhi obioma maje gbene. lijine unwo madu gamawhuto ida.³³Nyeshikeni enye, umeneya bu imajeni ugbeya. ³⁴Uzhikpomu nyezeize mu kwate udhoya le ke emene nwudhuya, nyezhina li ugboluya mukanu nye musadhi bu nyijike enyijike.³⁵Kpomubukpe nyeshikeni enye, umeneya bu imaji eke nyemu nwe udhum aya unweke li obu li ila, li echi abaluo, lekele unu loikwa bujine li oyukweo. ³⁶Ekele obula ujawhutone, ewebu ja ji shiya li ekele izhi lunyi inyina. ³⁷Utuiyemu makanuyoni makanikpom bu gbelegbele madu. Nyeshikenienye!"

Chapter 14

¹. Ugwali wha bu eyibo li udhumawho ogwu ugakpe agama li ekika. Mu emene nyeshi Ọsọeja lijine emene ubha gbe de bhe ukpalawhu gba dhi bhe uzuzu kpu motule̱ Jizos mụ ugbu bhẹ ². Muk'oḅhẹ bhụ "Ọbọ li ekele ogwu kpagale mu gwe udoya uka li ula.³. L'ekelemu Jịzos ụzhe lị Bẹtani lị ụdho Sạmoni nye uke asasa, kpọmu ujimu '̣zho l'ụdhodhibhe ogologwu li tebulu, mụ ununwe jakeshẹla, ubujinẹ bu ite l'ime ạgbaja 'yulu lị ọgaegbuma '̣gbuaya. Mụ'chikpo item' mụ yạsho ọgamu lị ishiya. ⁴.Bụwhuto, ụzhijine emene uwudhubhẹ ụma mụ 'tạkudhi'bhe mụ 'kạbhe, "Ịbala omu bu ẹla? ⁵. Ụba dhegbobhẹ ọgam' lị jạli ạya, ạugonubhe ọwayi yạ ạunėbhẹ emene ụyo." Mụ 'gwụgwoshebhela ẹdhi.⁶. Mu Jizos kanugbe, “Setani eka. Imekpadha ni eli. Iyela? ⁷. Emene iyo zhikeshi yoni, ekele umashi le yoni inweneike lugwuni gbeni ekwuma buwhuto eke mezhike sho yoni gbele gbele ekele. ⁸. Emele iye unweke lu medho. Lishili uli eli eteshile elime oga ⁹. La muishiukam, makani yoni adhi uzhika la whutogbe uzhumamu li uwamu, egbewejagbe bu egbewejili iyemm umo.¹⁰. Mu Judas Iscaliot, owunye limedhimadu li osu eja kpaga le mu wenigbe uwe lumotu Jizos. ¹¹. Ekele mu emene nyeshi osueja ba nujugbe mu tugbeobu mu kwenegbela nkwa ba dhabu owayi. Mu Judas unyekwa ekele manuamu kpasali mu motugbe Jizos.¹². Li eye umuzu uta ekikamu leke le mu sowegbe akpalanama ogwu ugakpe-agakpe eja, mu emene uzhiya jukwa gbela, “nde adhi ibaga gba ze lu jikeleni udhi ogwu ugakpe-agakem la? ¹³. Mu dugasho emene uzhiya gbido, mu ukane bhe “zeni ime ula, ukomabuji ite mini yoni ezutani bu ozuta. Chizani. ¹⁴. Ukpudhuwhuta li udho, chizani aikanini nye mu nye mu new udhumu, “Nyeuzhiezhi ka kpomu, “nde mu new udhumu, “Nyeuzhi ezhi ka kpomu, “nde adhi emene izeme anazhigbela adhi me li emene uzhime li udhi ogwu ugakpe agakpe la?¹⁵. Utogoshi yoni bu udho uzo-ozo la ozu li udho olu manu amanu. Mekani iye udhi ogwumu le dhiya” ¹⁶. Mu emene uzhimu kadhegbe imeula. Mu wujigbe bu ye yawe kanigbe bu iyebu mu mekugbe iye uwudhi amu ogwu ugakpe-agakpe¹⁷. Ubha dhuma ila muyewe li emene uzhiya jobhe. ¹⁸. Kpomu uzhibhe li udhi gbidhi li tabulu, mu Jizos kanegbe “li ishiukamu, owunye limeyo zhi lu udhike shime bidhi medhegbome ¹⁹. Emeuzhimaya tugedhe gbe ne obu, mu gbele gbele gbe tekwagbe, “ubumela?”²⁰. Mu jizos sagbe kpomu bhu “Owunye lime dhimadu li madu ibom, amu ya li me adhushikata bhidhi lime epele edhegbome ²¹.Umeneya unwo mu madegede akadhebu akadhe gontu liye ugbashigbe li ukpalawhu au basali ya. Buwhuta agwolowozhini nye mu edhegbola! Uba kuma gbu omogbela ne omu.²². Kpomu zhigbe li udhigbedhim, mu Jizos gonu bleadi, mu wokwanela mu gbajela. Mune dho gbe, mu kanugbe, “Gonuni,omu bu okpeleme” ²³. Mu gonu egage, mu kela meka mu nedho mu bhele bhele bhe nwubhe li egagaya. ²⁴. Mu kanogbe “Omu bu ubalamu edhiowumu ubalamu wosene gbe lishili emene tugbe ogbo. ²⁵.La muishiukam, makaniyoni, meliyoni eke awu katadheni uji menyemu tutu dhuma eya mu nwu menye uwu li ele-eze Ebilikpabi.²⁶. Kpomu gwumawhugbe obu mu kadho gbe olu-ebhu Olib. ²⁷. Mu Jizos kanogbe, gbele gbele yoni egbani bueso, umeneya akpama legbema li ukpa lawhu, kpomu mo kobu nye udu. Akpalu nama iye, a kpalanama gba wulu kpobhe.'²⁸.Buwhuto utemamawholebhe me, magalaga bu Galili mu ibha dhuma whoni. ²⁹. Mu peter kanela kpomu, “Amashe bu gbele gbele madegede gbakpobhe eso nde eke magbamu³⁰. Mu Jizos usala, “Li izhiuka mokunyi yo, li eyetamu, li abalimu-mu unu bhalowho ikwa uloibo ekedhio bu ikake ukedhi ito li ukedhini me ³¹. Buwhuto mu Peter kanela, “Amashe mo nwulu keshi yo, eke me kedhe mu ikake kpomu mamaji muyo.”Mugbele gbele be kwedhiwhube ukwa zhidhi whu kpeye.³². ubajugbe ibe uwhugbe (Geshemeni) mu Jizos kanu emene uzhiya, “Nazhiniezhi li adhimu mela kpe ekpele. ³³. Mu yawe lotu Pita, Jemis li Joni muba new jiwhuneukpele lime unukamaya. ³⁴. mu yekanugbe, “Uwame yuluma li agbaezhi unwuluwho onwulu. Nazhim ladhimu mu nyeshikene enye.”³⁵. Mu Jizos kadhe gba ununu mu kpe ekpele kpomu bulebu uga uwe bu ekelemuya bugabi shiwha. ³⁶. Muba dho, “Idame, uzhe iye igwe umedho. Nama egegemu li ekame. Echicheyo umezo uboama.”³⁷. Uba yosaleozu mu wejio gbe kpu zhi legbe li unye inyina, mu ujukwa pita, “ Saimon. Inyi inyimala? Inye shike dho enye li awane teni? ³⁸. Nyeshike enye aikpeni ukpenimugwe uda li umama. Li egede, uwa zhi le ujikele buwhuto okpele zogbouzu. ³⁹. Udo gba, mu kadho li ukpeji ukpeni mu kpedhiwho uji ukpeni neteni.⁴⁰. Ubayo salejo ozu, mu tujibhe kpom uzhi legbe li unyiji niyina, ekpelenigbe owudhu maleuna. Umajibhe iye akanigbe Jizos. ⁴¹. Uba yosale ozu au gbuwe gbito mu kane gbe, “izhini li unyike dhi inyina, izhini li udekedhi yoni eli la? Amanu whole! Ekeleya udhumale. Nyetuni! Unwo madegede edhegbo legbema li eka emene gbiyo. ⁴². Nuzoni, ngwani. Nyetuni, nyemu zhe li udhe gbome edhegbo zhi who uzadhu.⁴³. Li ekele uzhi li ukponigbe ekpo, Judasi, owunye lime dhimadu li maduibomu mujo, ya li ogbomadu ubu gbe oge kogbe gbuko au emene nyeishi osueja, emene gbagbe ukpaluwhu li emene unukani udushigbe. ⁴⁴. Li umomu, nyemu dhagbo Jizos akani ma le gbe iye ugbushiwe uji kpomu bu “Nye mu mu me te gbidhi li udukusha unume bu ukomaya. Motuani, dulatuani ekpe lenyeyo uzhi ladhi uzhi. ⁴⁵. Ekelemu Judasi bajo, mu dhuma Jizos ukwu eli mu ta la abidhi, “Nyeuzhiezhi,” mudukushola unuya. ⁴⁶. Mu kogbela iye mu motugbela.⁴⁷. Buwhuto mu owunye limegbe uzhi uzedhu uduto oge mukebio ete nweudho nyeishejamu. ⁴⁸. Mu Jizos jukwaigbe, “Ijonom bu lubha me gide nyeugbola oge yoni leka lijine emene mu ikpoyaweni buba motugbe? ⁴⁹. Le utu eyemu mezhike shoyoni li zhidhi dhiye li udho ukpeni Ebilikpabi, imotune me. Buwhuto imotuwhumenom mu kpala whu egwele umezo emezo. ⁵⁰. Mu gbele gbele emene zhikezhigbe Jizos sagbete gbele mu gbawhu lagbe.⁵¹. Mu unwo ukoma uyeji ukani usa chize dho Jizos. Ekelemu umotogbela, ⁵². mu sagbeto ukani usamu ugba eso ilewa.⁵³. Mu dula gbe Jizos udho nyeishiosueji. Emene uzugbani gbe li udho nyeishiosuejamu bu gbe emene sogbe eja, emene unukani lijine emene gbagbe ukpalawhu. ⁵⁴. Pita jine uchiza bu la kpouto li gbu udho ogbolo nyeshiosoejamu. Ya li emene sag be adhi unazhikatakpo whugbe liuwadhi echi.⁵⁵. Liumon, emene izhiosueja lijine emene ukpegbe ikpe emene Jew iye ukatashi Jizos kpagale mu gbuagbe. Buwhuto uwejegbe nwinene. ⁵⁶.Otutu emene logbe li ekebe l’ukagide Jizos buwhuto amulibhe bugbe iye.⁵⁷. Mu emene nuzobhe mu logbe li ekebe oyika li okoshika, mukabhe: ⁵⁸. “ye anuji kpo ukale, “Matashibu bu udho ukpeni amu ugoniobhe eka mu unuwe gbe, li eyeito anushi anushi udo udho lugwe ugoni eka lumewa” ⁵⁹. Uzhi dhiwhuya, ekebegbe gashe.⁶⁰. Mu nyeishi osuejamu unuzo lime gbe mu jukwa Jizos, “Inwe iye usa-asa ela? Umewhu kpala, out ukoma katashigbe yo. ⁶¹. Buwhuto ukpokeshegbe ukpo. Usagbene ujiji. Mu nyeosuejamu uju gbala ajuju “ibu Kalaisi mu ya la unwo Nye-uwa-kwani la?” ⁶². Mu Jizos so “Mobuya, yo eweji bu unwo mu madegede li eke anazho li eka ikaga ugba kpo aujajine li igiligi ubioma.⁶³. Mu nyeshi osuejamu lu wama kapaya mu jukwa, “Nde ibala ubigagba emene ekaibo la? ⁶⁴. Enuji whuleni ubatashi. Iyalabuwhu ukabe akabe yola? Mu kpebiogbe gbu bun ye unwulu unwulu. ⁶⁵. Mu emene ubugbela uta, mu kputegbela ekpeleni mu kogbela iye mu gudhigbewe la ogologu mu kanegbela mukogbe laiye .⁶⁶.Ekele Pita uzhiwhu li ugbono udho ikpem, mu nwudho au nyeuma a nyezhi osue ji jakeshela. ⁶⁷. Mu weji Pita kpo lu wata dhi echi, mu nye kedhi bhela enye mu kanele, “ yo izhike shi Jizos nye Nazaleti” ⁶⁸Buhto ukedhinia ikake luka "Mejie ma mu ubuhone umaji iyemu ikadhie nyom." Mu ubha kazo gonutu li ichakpa mu'lo li egbeleta.⁶⁹. Mu onwu unyumamu wejigbala mu kanie emene mu dhozogbe li adhia, “Unukemu ubu owunye limegbe. ⁷⁰. Buwhuto mu Pita kedhe joikake. Liudo ekele kpomu emenemu nuzogbe onuzaya uzhe gbe li ukadhidhi, “yo we ibu owunye li megbe, umeneya ibunye Galili.⁷¹. Buwhuto muyawe kpo tu gboshi, “Ma majimu udhu kamu yo ikadhena. ⁷². Li ekele teniya, mu unumu lojo ikwa gbowebibo. Mu Pita ugbejo unuekpo Jizos kanela, “Mu unumu ba loikwa uloibo yo eke dho bu ikake bito bamajimame, “ mukwa ikwa.

Chapter 15

¹Li echi oyukwe, mu emene nye-ishi osoeja li emene unukani, li emene ubhabhe ukpalawhu, lijine emene nyishikpe uzugbanibhe uwadhi. Mu ukeshobhela edhi mu udulabhela eka Paileti. ²Mu Paileti ujola, "Ibu EZE emene Juu la? Mu Jizos usala bhu "Yo ika mobom".³ Emene ishi-osoeja zhibhe lu umashidhebhe uli li ishi kpom' uli ubushi uka.⁴Mu Pailketi ubhajugbajela, "Abhu inwedhe iyeye usasela? nyetu kpuzhilebhe lu ukashibhe ewayo".⁵ Buhuto bu Jizos usadhebhe iye-iye mu om-neteni ubha uwodda Paileti enye.⁶Li bhelebhele ekele udhi ogbu ugakpeli, Paileti uchigamani onwunye ikoli lu umashi emene Juu.⁷ Uzhi onye-ikoli ewayabhu Balabas, ya li emene bhiyo ugbubhe madegede uzhibhe luzhi li'me ikoli.⁸ Mu igwe-maduya ujakeshobhe Paileti, mu ukanobhela bu umenime kpu umeni bhadhilebhe li ekele ugama-agama.⁹Mu Paileti usabhe, "Uwudhigani bhu moloweni yoni Nye-Eze emene Juu la"? ¹⁰Iyedoni yawe umajikpom' bhu ubu li ishili osozu mu emene nyeishi osoeja umotobhe Jizos.¹¹ Ubudhihu bu emene nyeishi osoeja umedhi hubhe igwe madegedeya mu uchiobhe ukabhe li uli ubueke kpombu loweniye Balabas.¹²Mu Paileti ujukwakedhibhe, "Nde iye yo ibagani bu me me Nye Ezeemene Juu la"? ¹³Mu bhe uchiobhe ikpu li uasa Paileti, "Kpogoani".¹⁴Mu Paileti ujobhe, "Nde iyebhiyo umela"? Mu ogbo madegedeya uchiobhe ikpu, "Kpogboani".¹⁵ Lu ume iye umashi ogbomaduya, Mu Paileti ulowenobhe Balabas. Mu ulo Jizos igbanigbani mu udoshinobhe bu ukpogboabhe¹⁶Mu emenem' uludhine bhe Gometi ulu udotobhela udolabhela igbu udho mu ukpebhe ikpe mu uwhubhede bhe bhelebhele emene uludhinebhe Gometi ulu. ¹⁷Mu uyoshobhe Jizos kapa ugbu-aya mu ukpushebhela okpulishi ugwu. ¹⁸Mu ubudobhe ute-abidhi, "Padhiweni Nye-eze emene Juu".¹⁹Mu ugdhubhe akpasu mu okodhobhele li ishi, ubudhabhe uta. Ujinabhe ukpunuko mu ukpowenibhela ishi li ele. ²⁰Ubha kpadhiwekpole umu, mu uyonatobhela kapa ugbu-aya, mu uyoshebhela amu ayawewe, mu udolabhela adhi ukpogbo okpogbo. ²¹ uzhi uduke, ubu Samoni nye Salen, li uya-ya udhoya (yawe ubhu ida Alezenda li Lufosu), mu uwejobhela mu umojikebhela vu ubutu ushi obe Kalasi.²²Mu emene kapa uchim' udolalebhe Jizos igbu ele okpokolo ishi madu. ²³Mu unedhebhela mene udhu-uka ubuhuto bhu, unwola.²⁴ Mu ukpogbobhela mu udokapobhe kapaya ntiko-ntiko gonutuli umashi enyi l'umaji ela ib'ukani ozu onye kapa uchi la.²⁵Li ekelem' ọgu'bhė uko ubhe-ịto yạ bu kpụ ọkpogbȯlẹbhe Jịzos.²⁶ Mụ ubhagidebhẹ lạ lị ibhe-ushi mụ ụshishebhela lị olu-obhe kpọmbu,"Nyeze Emene Juu". ²⁷mu ukpogi̇̇dekatạbhe emene ugbu ịbo, n̄nẹ li ẹka ikegaya ụdojine li ẹka ibidaya. ²⁸Om'bu umezu emezu ụkpalahu egwelem, ạmu'ko bụ "ụgubhedebhe yạ lị emene eyishẹbhe oloko ẹso".²⁹Emene uzhhibhe klu ugalaga ukpadhebhe umu, au uwebhe ishibhe, "Yo nyemu ikakpom bu yabha tasho bu udho ukpenimu Ebilikpabi li iye unuzu lijine li eye ito bu ya nubuzekpodhihoa".³⁰ Dokpewela eliyoho li olu obhe mu ikpeda elewo!"³¹Li eke neteniya, emene ishi osoeja li emene ubhabhe ukpalawhu ukpadhiwe umu kpom bu, "udokpewedhi madegede mubuhuto kpom bu udokpewedho eliya. ³²Ubulebhu ibu Kalasi, nye ezem' Isleli, kakpoda li olu ubhe muye aweji yo". Emenem' uzhibhe li olu ubhe umudhe bhe umu.³³Ekele ụbha koho bhisu, mụ igeleni ụyulukamo ạdhiya, tụtu ụbhakȯhọ nazamadhi ekele. ³⁴li echi nazamadhi ekele, mụ Jịzos ụkwa ịkwa, "ịdame, ịdame, ịyala ụdho mụ ịsabetemela"?. ³⁵Emene uzhibhe lu ugalaga li ichakpa unujibhe uli Jizos kpu-shile lu ukwa, mu ukobhe bu uwhudhiya bu Ilaja".³⁶Onwunye ugbala mu ushisho mene dhu'ka li egege mu udhedhola bhu unwu-onwu. Mu udukeya uko, "Akawejini li abhulebhue Ilaija ejaya adhi'udokpewa."³⁷ Mu Jizos ukwaikwa mu unwulo. ³⁸Ukanimu uzho li ime udho ukpeniya domali odomali gonutuli oliya dhuma eleya.³⁹Ekelemu nye-ishi emene kapa-uchi neto kpu unwulule mu uko, "Li egede udukemu bhu Akpana Ebilikpabi." ⁴⁰Uzhidhihu odhoma uledhibhe iyeda li akputo. Meli Magadalini, Meli Ina Jemishi, li Meli Ina Jizos, li Salomi uzhibhe li emeneya. ⁴¹Ekelemu uzholi Galilii udhoma uchizedhibhe Jizos lu umekeshidha ugbolo. Utu udhoma chizeabhe dhuma Jeluselem.⁴²Ubadhuma ila, kpomu udhumamaho eye ujikeleni Sabate,⁴³ mu Josepu Alamatiya uja adhiya. Yawe bu nye uyibhe eso lime emene ekpe uzhi lijine li usejike ele-eze obioma amu Ebilikpabi. Mu uzekesho Paileti li udhotu ukpelimu Jizos.⁴⁴ Paileti uwodhajihone enye kpombu Jizos unwulumahole, mu uwho nye ishi-kapa-uchi mu ujukwale lebu Jizos unwulumale.⁴⁵Paileti bha nujo ishukaya li eka nye-ishi-kapa-uchiya mu udhedho Josepu uzu ukpeli Jizos. ⁴⁶Josepu ogotumajilene ukani olo. Mu ubugamala li olu oshi-uye-l'uka, mu utagashola ukani oloya, mu ubugashela li'me ili umekekpobhekpani li ime igwu. Mu ogonu ibe-igwu mu ugbadheshola li unu-obudho iliya. ⁴⁷Meli Magadalini li Meli Ina Jizos nyetubhe adhi ulibhe Jizos.

Chapter 16

¹Kpomu eye-udhi-inwe gamao, mu Meli Mag-dalin, li Meli ina Jemis li Salomi mu'yawebhe ilo ugbu egbuma kpu aghale mu uyashibhe ili mu Jizos. ²Li eche oyukwe, eye unuzu li ugba kunozu, komu elanwu uloya mu zobhe adhi ili-ya.³Mujukwatawhubhe, "N̄na agbadhemaniye ni igumu' li unu-obu udho ilim' la"?⁴ Ubanyeshibhe enye, mu uwejobhe igu unu-obu udho kpu ugbadhemalile, iguya ubu eke.⁵Uba kpudhobhe li ime ili ya, mu unyetobhe ugboji uyoji kapa usa kpu uzhile lu unazhi ezhi li eke ikega, mu uyulukabhe li uwodha enye. ⁶Mu ugbojiya ukanobhe, "Etoni-otogu. Ibaganom bu Jizos amu Nazalet, nyemu ukpogbobhe li olu obe. Yawe etelimale! Uzhiedhe li adhimu, nyetuni adhi ulitabhe.⁷ Buhuto, kazeni mu ikanini emene uzhiya li Peter, bhu yawewe uzhi lu sejiwhoyoni li Galili. Yabu adhi ewejani, kpomu ujimu ukanoyoni".⁸Mu ukpulishebhe li ine iliya,mu ugbabhe eso, mu uyulukabhe li otogu li owodha enye. Ukanijebhedhe onwunye onwunye iye iye umeneyabu uyulukabhe li otogu.⁹Li echi oyukwe li eye unuzu li ugbakunozu, li kpomu odomu utelimawhoya, nye unuzu ulokeshi bu.zzdhjk Meli Mag-dalin, nyemu ukpachima uwabhiyoi isabo li ishiya.¹⁰ Mu yawewe ukaze li ukani emene uzhimaya, li ekele bhe uzhibhe li ugbagbezhi li ukwaikwa.¹¹ Kpomu unujobhe bu yawewe bu uzhi ibudu, lijine bu Meli Mag-dalin bu ewejimalema mashikpom kpe ubu ya bhe uwhedawedhihobhene.¹²Kpomu otum ubha gamao, mu yawe ulogakesho emene ibo uzhibhe lu ukaze udo igbu li ewhueka uzhilise-lise. ¹³Mu ukazebhe li ukani emene uzhiya, buhuto bu uwhedawebhe.¹⁴Li udo ekele mu Jizos ulogakesho dhi-emene uzhi li o-nyuzhiya li adhi uzhibhe lu udhi-bhidhi, mu Jizos uwudho uma li ishiliuwhetu ntikobhe, iyedoni ukedhishibhe emene uwejanye li uleleya li enwu ikake.¹⁵ Mu ukanobhe, "Kazeni ebhelebhele eluwa, zhikalani uzhiumam' li adhi madegedde uzhibhe.¹⁶ Nyenye obula uwhedawele mu ugbadhewelebhema li mini, enweta bu ugawe, nye ewhedawejeni bu nye utadhu ewe.¹⁷Otu agbalama echizebhe bu ogbo emene mu uwhedawebhe li ewa-me: Gonutuli ewa me, akpachime bu uwa-bhiyo. Osunwusabhe bu li idho uwu. ¹⁸Eke umotulebhe ogwo li eka, onwubhe bu ugbashi, ndeke ogbuebhe enwu. bhe adajibhe bu emene eli-idhe eka li eli, au unwebhe elibhe".¹⁹Ekelemu Nyenweye ubha shikpobhe ogbo otu uzhim' mu ukazo obioma li ununu bhelebhelebhe, mu unazho ezhi li eka ikega Ebilikpabi. ²⁰Mu emene uzhiya ukazebhe ozu lu uzhikala uzhiuma li bhelebhele adhi, mu Nyenweye umekeshobhe ogbolo gonutuli ume iye owodha enye li iye agbalama mu unazhikeshobhe.

Luke

Chapter 1

¹Atutu madegede ugbakebhe l'uzhigbabhe uwadhi li ukaloshi, otu iyemu umezukpo lieme ye. ²Kpom ujimu ye adhitola l'ekpe l'eka emene nuzumu, amubhobhe nwudho uli-rkpomu. ³Unyetudhiwha kpomu iye dadhu adadhu iyedoni, unimini umi mumowejo kpom mene bhele bhele iyeya uzuta ozuta l'ubido ebido. L'ubha, l'ukaloshi iye, l'ibakpa umanu amanu amu zokakpobhe yo Tiyoplus. ⁴Kpagle mu yo imaji l'unukuma neteni ogbo otu iyemu uzhikpo bhe yo kpai.⁵L'ugbemu nyeshimu Judiya uwhubhe Helod, uzhi nye udu uwhubhe Zakaliya buzeli eli eka ekpe emene Abija; Nwenyia udhini Elizabeti amu buzelo l'ekpemu Eloni.⁶ Izhi l'nwenim ububhe nyeuma li ununu Ebilikpabi. Ukazebhe ize l'ugw uwe unye l'bhele bhele oloko mu Nyenweye.⁷ Mubukpom bu unwebhe unwo iyedoni, Elizabeti kani-uko, madu ibom ubuwhobhe unukani l'ogeya.⁸Mu udhumo oge, Zakaliya uzhi l'ununu Ebilikpabi l'uzhi l'umeze ugbolo nye osoeja l'ibakpa ma ya.⁹ L'ume l'ibakpamuomunala uko l'ewheka ulotu kpu nye osoeja emele ugbolo, umabhe ele l'ulotu olotuya kpagalemu unw ike l'ukpudhudho l'ime udho ukpeni l'umushi insensi echi. ¹⁰Ogbo madegede mu uzhobhe ladhiya, unazhibhe l'asaga l'ukpekpele l'ekelemu udukpomabhe insensi.¹¹L'ekeleya akpu nye uzhi Nyenweye ulokeshileme mu unuzo lal'ikega adhimu insensi uzho l'olu-ikpe.¹² Ekemu Zakaliya uwejila, mu uzho l'umekpeli, mu otogwu ukpudhola l'eli.¹³ Buwhuto kpom, mu ny'uzhi kunela eto otogwu Zakaliya, iyedoni, ekpeleyo enwela usasa nweniyo Elizabeti omuniyo bu unwo ukoma, yo ewhu ewaya bu Joni.¹⁴Yo enwebu ekpema eto li upadhi apadhi atutumadu otukeshibhe yo bu ekpema l'umu omu nwoya.¹⁵ Obobu nye ubu-ike l'ununu Ebilikpabi, ndeke onwuo menyye uke-ike mubune menye unoma, oyulukabhu l'uwa Egwele gontu kpom uzho l'ime uwuo ina.¹⁶Atutu emene ubuzelibhe l'egbegili Izleli oyosalenibhe bu Nyenweye Ebilikpabi.¹⁷ Akadhezebu l'unwulum Nyenwye, l'uwa l'ugbakpo Ilaija, li ugbanwu unukuma emene bubhe idamunwo augawe umeledhe ugwe uyidhi eso, ugwe umajiye umeite l'ume mujikelebhe l'Nyenweye emenemu umukwanikpola.¹⁸Zakaliya ukani ny'uzhi Nyenweye, ndekpume mamajile iyemula? Me mobuwho unukani, ununweme akalimadhiwhule. ¹⁹Mu ny'uzhi Nyenweye usala, me mobu nye uzhi Nyenweye mobu Gebleli nyemu unuzo l'ununu Ebilikpabi udushibhe me mabha kuniyo l'uyaweniyo uzhi umam.²⁰ Nyetu, ndeke yo ekpodhodhe-ekpo tutu dhuma eyee ogbo ut iye mokuneyo, amu emezo l'ekeleya.²¹L'ekeleya, emenemu uzhobhe l'adhiya l'usekewhobhe Zakaliya, unwodha whobhe enye kpu utashiwhole ekele 'bu-ike l'ime udho ukpeniya. ²²Mubuwhuto kpom bu ekelemu ulowho uwe, ukpodhodhe ekpo l'ukunibhe uka, mu gewejiobhe bu ewejile iye uwodha enye kpom uzhi l'ime udho ukpeniya. Mu umashini whobhe bu l'eka l'ugwe ukpo ekpo.²³ Mu dhuma ekelemu umekpobhe l'udho ukpeni mu ukazo udho.²⁴Ogbo otu eye uba-gabishikpo-who, akpu nwenyia Elizabeti uzhile l'olu, tutu dhumakpo Iwolu Isu, uwokebu eliya owoke. Mu uko,²⁵ "Omubu iye Nyenweye umenime, enyiji leme l'ushikejime eka, kpagale mu namame iwene l'ununu umu madegede."²⁶L'me ekele Iwolu Isu, mu Ebilikpabi udusho nye uzhiya Gebleli, l'ula Galilii amu uwhobhe Nazalet. ²⁷Udugashini unwo ugbede amu unwo ukoma uwhubhe Josepu uka buya tuo tu, aka 'majie ukoma, amu ulo l'egbegele udho Debid, ewa nwo unyomaya bu Meli. ²⁸Mu ujakeshila, mu ukunila abhidhi uma yo nye uwhetu umanu ishi ubueke, Nyenweye uzhikeshiyo. ²⁹Mu uniyimawho l'ugwe uwota iye iye, l'uli-ekpo ya mu uwodhawho enye uji utedhi abidhiya ubuwho?³⁰Mu nye-uzhiya ukunila, Meli, eto otogwu yo enwetale ushikeji eka Ebilikpabi. ³¹Nyetu, yo ezhibu l'olu, emobu unwo ukoma ewhubu ewaya Jizos. ³²Obubu nye bu-eke bhaka owhudhi-whuebhe bu nwo nye olumu ukakpolibhe Nyenweye Ebilikpabi enabu agideze mu idakania Debid. ³³Obobu nye echi udho mu Jekop l'ugwuwa l'unuwa, ndeke eleze ya ogulo ogulu.³⁴Mu meli ujo, "Nye-uzhi Nyenweye, "Ndekpu agale mu iyemu ubula, kpombukpom me makamajiemu ukoma?" ³⁵Mu nye-uzhi Nyenweye usala, "Uwa Egwele ejakeshibu yo, l'ugbakpo nyemu ukakpolebhe eja augoni unazhi l'ime yo. Ugbakpo nyemu uzhe l'olu ukakpolibhe echikpudheyo. Akpu nyemu uzhe egwele omulebhema owhudhi whuebhe bu nwo Ebilikpabi.³⁶Nyetu, nwanayo Elizabeti ezhimadhiwhule l'olu nwo ukoma l'ukaliya, Iwolum ugbuweni-a bhisu, uwhubhe bhu bu nye ukani-uko. ³⁷Iye iye unwenye Ebilikpabi akinyi l'umeme.³⁸ Mu Meli uko, nyetu, me mobu unwo unyoma nwobouji Nyenweye, umezunimula kpomu izhikalom. Mu nye-uzhi Nyenweye usabhetele.³⁹pu Meli ubuzeli ikike l'ekeleya mu ukadho ekpukpu igbu mu uzho l'igbu, ula l'ime Judiya. ⁴⁰Mu ukadho udho Zakaliya mu uteo Elizabeti abidhi. ⁴¹L'ekelemu Elizabeti unujo abidhimu Meli utela, akpu nwomu uzhi-ola l'uwom umali l'upadhi apadhi mu ina Elizabeti, uyuluko l'igili uwa Egwele.⁴²Mu lawe uli-olu l'uka, "Uwokwani uzhini yo l'adhi ebal'unyoma uzhibhe. Uwokwani uzhinidhiwhu ukpulushi uwomayo.⁴³ Ndekpu 'mewhole mu ina Nyenweme ujakeshi-whome?" ⁴⁴Nyetu ekelemu uli abhidhiyo udhumame ete yakpu unwomu uzhiome l'ime uwom umale l'unukuma eto."⁴⁵ Uwokwani uzhini nyemu uwhedawe-o kpom, bu bhelebhele iyemu Nyenweye ukunila bu emezu kpobukpai.⁴⁶Mu Meli uko uwame, upadhiwe yo, Nyenweme. ⁴⁷Uwa me utodhiwhu ekpema l'adhi Ebilikpabi Nyenweme uzhi.⁴⁸Iyedoni unyetu unazhi uya ele nwudha unyoma. Nyetu gontuwho l'umom kadheze bhele bhele uko ulole owhubheme bu uwokwani.⁴⁹ Nyemu ubukalikpobhe emenileme eke iye, ewaya zhini egwele.⁵⁰Otu 'izhiya ugontu l'uko ga udu uko l'adhi emene utunabhe otogwu uzhibhe. Otugoshile ugbakpa l'eka ya. ⁵¹Atashikpole emene ulawebhe okpelibhe olu l'ime echiche unukumabhe.⁵²Anamali umeledhi eze l'agida ezebhe ogonule emene uyawebhe okpelibhe ele agbabuzelebhe olu.⁵³ Eneitele emene enwelugu uwo l'atutu iyeuma. Ogonile emene eze echimalebhe ukadhebhe eka ewe.⁵⁴Eshikejile Izhleli nwobuoya eka, kpagale mu ugbeweji l'utugoshi otuwizhi. ⁵⁵Zhikpom ukune emene idaye, Ebilaham l'emene ekpeya l'eluwa ebigebi.⁵⁶Meli unikeshi, Elizabeti bu, Iwolu bhito tutu mubayawho udhoya. ⁵⁷Oge Elizabeti omu nwo oddhumale, umubu nwo ukoma. ⁵⁸Mu umu nwan l'emene eka egbekaya unujibhe eke otuzhimu Nyenweye utugosho l'adhi uzhi mu upadhikeshibhe.⁵⁹Ekelemu udhumo eyee Isato mu zebhe l'ukpushi unwoya l'uwhudhiwhoa ewa ida, ⁶⁰Mu ina ugbugbo ishi mu kunibhe bu bokpe bu owhabhe bu Joni. ⁶¹Mu 'kunibhe, "Owune l'umu nwanaya uwhubhe ewa zhikpe,⁶²Akpu umashinibhe ida iye l'eka, kpagale mu umajibhe ewa uwudhiga bhu ya whu unwoya. ⁶³Mu ida ujo ajuju iye ubhawebhe iye, mu ubhasho ewaya bu Joni: Bhele bhele bhe uwodhabhe enye l'iye-ya.⁶⁴Ekeleneteni yabhukpu unu ya ukumali le mu idhoya uzho sasalala. Mu ubido ukpo ekpo l'upadhiwe Ebilikpabi. ⁶⁵Otogwu utu bhele bhele emene ubebhe l'asagaya, bhele ugbasulu l'dhuma bhele bhele adhi l'igbumu uzhio l'agili ebhu Judiya. ⁶⁶Bhele bhele emene mu unujibhe iyeya, usahikebhe l'unukuma mu ukadhiwhobhe, nwom obuwhubu olodu'ji madegede la? Eka Ebilikpabi uzhikeshama.⁶⁷Ida, Zakaliya uyuluka l'Uwa Egwele mu ubido ubu-u amuma mu ukadhiwho; ⁶⁸Upadhiwe uzhini Nyenweye, Ebilikpabi, mu ele Izhleli, ejale l'ulowe ushishi eka l'umezudhiwhu ugbolo udokpewe umu madegede.⁶⁹Olowe nyenye ugawe uzuta ozuta l'ime udhomu Debid nwoboyi ya. ⁷⁰Amu ukaloshi l'ununu emene amumaya uzhibhe egwele, l'ubhe gaga. ⁷¹Ugawe buzeli l'eka emene usobheye oso.⁷²Emene iyemu l'utugoshi otuwizhi l'adhi emene idaye uzhibhe.⁷³ l'ugbeweji edio owo ya amu uzhi egwele. L'gbushi ukwatune idaye Ebilaham. ⁷⁴Ukwatu bhushi l'uloweniye udhokpewe l'eka emene ubheni egbaye, akpenyani l'ugwe utu otogwu, ⁷⁵L'uzhe egwele l'emeti l'ununuya bhele bhele eyee.⁷⁶Mewhelem yo unwo, owhubeyo bu nye amuma nyemu ukakpolibhe, yo izebu l'unwulu Nyenweye l'umeke ichakpa l'ume mu madegede ujikele nibhe uje-'jaya,⁷⁷ L'uloweni umu madegede umaji iye kpani udokpewe, l'usabheteni iye bhiyobhe.⁷⁸Omu emebu l'ishili otuwizhimu Ebilikpabi, iyedoni ichimu obuzeli l'olu ejabu adhi ushikejiye eka.⁷⁹ L'uyawe usamali l'adhi emene igeleni l'ukpudhu enwu unyi. Wmwbu iye l'usodhiga ukoye l'ichakpa uyodhu.⁸⁰L'umom, akpu nwoya uzhodhule l'ugbakpo uwa-uma, zhi bu l'eme Iwho tutu dhuma eyemu ulo asaga l'utugoshi eliya l'ele Izhleli.

Chapter 2

¹L'ogbo eyee l'oge gaga Siza Ogostos uyi oloko bhu ugwugbedebhe bhele bhele madegede ubebhe l'uwa.² Omubu aunuzu ugwubhe madegede l'ekele kwilinus ubo gobhano Siliya.³ Mu nyenyobula ukaze igbubhe kpom emelemu ubhashiya ewa li ugwugbede madegedeya.⁴Josepu ubuzele l'Galilii amu uzho l'Nazaleti mu uzo Judiya amu uwhubhe udho Debid, ubo Betilihem, iyedoni ubuzeli l'ekpemu Debid.⁵ Uze adhiya kpagale mu ugwushikatabhe ewaya l'Meli nyemu uwhedatabhe bhu bha'tuta l'bhota, mu uzhhidhiwho l'olu.⁶Mu udguma oge, kpom uzhibhe li adhiya, mu oge umunwo udhumo. ⁷Mu umo unwo ukoma, unwo nuzu ya, mu ugbu gbashikpola ukani ukoda ukoda, mu unyitabhe l'udho okpalunam. Iyedhoni udho adhi anazhibhe uzhi.⁸Uzhi ogbo emene udu akpalanama uzhibhe li ibeya lunyeshiketu ogbo onobhe li abali ⁹Akpu nyeuzhi Nyenweye nwune ulokeshilebhe mu ebube Nyenweye ukpupidhebhe mu bhele bhele bhe uyulukabhe l'otogwu bu-eke.¹⁰Mu nyeuzhi Nyenweye, ukunebhe, "Etoni otogwu iyedoni me mayawe uzhi umanu amanu ubkpom bu enebu umu madegede ekpema uto ubu eke. ¹¹L'tam omunyilebhe ye Nye Ugawe Uwa l'ula Debid. Nyeya bu Nyenweye Klaisi.¹² Omubu iye ugbudhishi eji l'utugoshi, ewejoni bu unwo umubhe uwu obhubha kpoleme ukani odo lini, unyitabhe l'udho akpa-l'anama.¹³L'ugwe ubheshi anwa, l'adhiya, ogbo madegede ubuzelibhe l'olu-igwe bhe l'nyezhi Nyenweye uzhibhe l'upadiwe Ebilikpabi mu ukadhiwhobhe,¹⁴ "Unune zhini Ebilikpabi l'adhi ukakpolibhe uyodhu uzhi l'uwa, uzhini emene amu-aya utowele unukuma¹⁵Mu ekele udhumo, oge nye uzhi Nyenweye buzelimo l'adhiya mu uzhobhe ukaze imegwe akpu ma ze Betilihem, mu gwejini iye mu umomu, amu Nyenweye umo ma-majini. ¹⁶Mu kadhebhe ize enwenwa l'udhuma adhiya mu uwejobhe Meli l'Josepu l'gbajine unwoya uzhi l'una ana l'udho akpa-l'anama.¹⁷Ekelemu uwejimabhela, mu ukakpobhe bhele bhele iye ukunikpobhe ubhasa l'unwoya. ¹⁸Bhele bhele emenemu unijibhe iyemu emene ududhiga akpa-l'anama ukabhe, unwodhabhe bu enye. ¹⁹Buwhuto Meli ugbedhiwe bhele bhele iyemu ukabheya iye. Utowa unukuma.²⁰ Emene udu akpa-l'anama mu uloshibhe ozu l'utubuze l'upadhiwe Eze Olu-gwe l' bhele bhele iye mu unujibhe mu unetu dhiwhubhe kpom ujimu bhewewe ukaloshibhe.²¹Ekelemu eyee sato ugbo akpu ukpushibhema l'udho mu uwho-abhe Jizos zhikpu nye-uzhimu Nyenweye ukale tutu mu bha zhiwhobhe l'oluya.²²Ekelemu ogbo eyeemu udhu umugbo uzumawho zhikpu oloko Mozhizhi ukale, mu uwhuyawe abhe udho ukpenimu uzho l'Jeluselem l'uwhushini Nyenweye. ²³Zhikpom ubhabhe l'oloko Nyenweye. Bhele bhele nwo ukoma ukpumale uwo ina, ebhetenibhe bu Nyenweye.²⁴ Kpombokpeye, mu usobhe eja l'une iye umene zhikpom ukabhe l'ime oloko mu Nyenweye, nwo elesi ibho.²⁵Nyetu uzhi uduke l'Jeluselem ewaya bu Simon, udukem bu nye uma l'nye ukeshike l'ugbolo Ebilikpabi. Uzhi l'uwudhiga umegbede Izhleli l'gba Uwa Egwele. ²⁶Obumale iye Uwa Egwele ugbama ama bu ndeke eweji enwu tutu uwejima Nyenweye Kalaisi l'enye.²⁷Mu uwa-uma udu Simon l'uga udho ukpeni, kpom ida l'ina uwhuloshebhe nwo, Jizos li umena kpu omunala l'oloko ukale.²⁸ Mu uwhushiya nwo l'eka mu upadhiwo Ebilikpabi mu uko,²⁹ L'umom, nwodhoyo ukadhewho l'uyodhu Nyenweye, uzhi kpom uli ekpo yo uka,³⁰"Iyedoni ekpeleni me ewejile udokpewe. ³¹Amu yo imekekpo l'ununu bhele bhele madegede. ³²Usamali amu ukalosho emene amajebhe Nyenweye l'ebube emene Izhleli.³³Ida li ina uwodhabhe enye l' ie ukabhe ubasa l'ya.³⁴ Simon uwokwanibhe mu ukunio Meli Ina Nyetu, unwom, utulebhema eka l'udada l'ugbabuzeli olu atutu madegede l'ime Izhleli l'gba ulugoshi bu ulodhibhe olodhi, ³⁵Adha okpopetayo bu l'ununkuma kpagale mu atutu ugbegbe ubotu unukuma mu ukaloshibhe.³⁶Onye amuma unyoma uwhubhe Ana uzhi l'adhiya. Nwaname bu nwo Panuweli ubuseli l'ekpe Asha. ³⁷Ununwem obule unukani, ebekeshile izha ali sabo kpom ugamamo ekele akamaji ukoma. Ubedhi ukudho bu ugwu ala ino l'ala ibo. Unwe usabhete udho ukpeni eka, uzhe uzhi l'ubuonu l'ekpele abali l'eyee.³⁸ L'ekele neteni, mu ujio uzedhu bhe mu utedhiwho Ebilikpabi meka, mu ukune ogbo emenemu uzhobhe l'usejike l'uweji udokpewe Jeluselem iye kpani nwoya.³⁹Kpomu umekpobhe bhele bhle iye mu udhunibhe l'ume, kpom oloko Nyenweye uko, mu yabhe Galilii, ulabhe, Nazaleti.⁴⁰ Mu nwoya uzodho unwe iyi umaji iye ukadheze l'ununu, umanuishi Ebilikpabi uzhikeshama.⁴¹Emenemu umobhe uzebhe Jeluselem bhele bhele ala l'iye kpani ogwu ugakpewe. ⁴²Ogemu udhuma dhi-ala-l'ala-ibo, mu 'kazebhe ozu l'omunala eeekele ogwu. ⁴³Kpomu unazhobhe mu uzukpo l'ogbo eyee ogwuya, mu uyabhe udho unwobhe, Jizos unakebu l'ozu l'Jeluselem l'ugwe umaji amaji Ida l'Ina. ⁴⁴Ida l'Ina ugbebhe bu akadhe keshimale otu emenemu uzebhe izeya l'uze. Ize ugonuma eyee lowhulu. Yabukpu ubidolebhe uwudhiga l'otu udho nwanabhe l'nwujebhe.⁴⁵Kpom uwejebhela, mu uyabhe Jeluselem l'uwudhigaka l'adhiya.⁴⁶ Abali Ito ugamakpokpai mu uwejobhela l'udho ukpeni uzhi l'unazhi ezhi l'echinabo ogbo emenemu uzhobhe iye, uzhi l'ukpeshinabhe ete l'ujo-ajuju.⁴⁷ Bhelebhele emenemu unujebhe iye uka uwodhabhe enye, l'uwota owotaya l'usa ajujuya.⁴⁸Kpomu uwejobhe, mu uwodhabhe enye. ⁴⁹Mu Ina ukunela, "Nwo, umekpala mu ikpani whoyele agwazhikpomula?" Nyetu, Idayo l' me awukoshimaleyo adhi. ⁵⁰Buwhuto uwotabhe ogbo otu iyemu ukaya.⁵¹Mu ukaze keshobhe udho Nazaleti. l'uyibhe eso, Ina uto unukuma l'bhele bhele otu iyemu uloya. ⁵²Buwhuto kpom Jizos uzodhuze l'umaji iye l'obu-eke, akpu ukazedhi whule l'umanu ishi l'ime Ebilikpabi l' umu madegede.

Chapter 3

¹L'ogemu uchi echi nye ezemu uwhobhe Tbalu Siza ya budhiwhu awamu Pontosu Pailet ubo gobano Judiya, Helod bu nye udu uzhi l'Galilii nwana Pilip bu nye udu igbu uwhubhe Itula Tilakonitis l'Lisaniyas emene nye ishi Abilene. ²Ogonu nye udu (nye ishi osoeja) uwhubhe Anas l'Kayipas, uli ekpo Eze-Elugwe (Ebilikpabi) ujakeshi Joni unwo Zakaliya l'ime iwho.³Mu uzo bhele bhele igbu udhumakpo Jodan l'ukaloshi iye kpani uwu mini l'uyosali l'usabheteni iye bhiyo.⁴KPom ubhamabhe l'ukpalawhu uli ekpomu Aizaya nye amuma. Uli onwunye l'uwhu, l'ime iwho, mekeni echikpa Nyenweye mu uchini echini.⁵hele bhele idagu bu akponokpono l'bhele bhele ebhu, l'uzu bu iye ume mu ugakatakpo l'eka, ichakpa uweni eweni umebhe mu uchini echini. Mashi otu ahimu aizhike joka emene aubu ichakpa.⁶ Bhele bhele iye zhibudu onwujibhe bu ugawe Ebilikpabi.⁷Akpu Joni ukunile ogbo emenemu uzhobhe luja adhi uwushibhe mini, "Yo, emene ulobhe uwo ogo, nnina udoni eka l'ete bu igbanatuni uwudhumamu uzho l'uja l'ununu?"⁸Kpombukpe nwuloshini anwi ushi umanu amanu utugoshi uyosali yo izhini luka l'unukumayo anwe idaye Ebilaham, me mokunelemu yo Ebilikpabi uneye ugbakpo uloweni Ebilaham umeledhe l'ime adhi ekpiligum uzhibhe.⁹Mashibu lumom anyike uzhimaho li udu ushi. kpombokpe ushi onwo egede anwu ubu by aukebe ekebe aushishabehe li echi.¹⁰Mu ogbo madegede ya ujiudhiwhabhe ajuju li ukawho kpom bukpi, nde iye ye amela? ¹¹Mu uso, l'ukunebhe, bulebu uzhi onwunye unwe kapa ibo, ugonu mu ukeshini nwana nye enwe iye iye, nye mu unweo bhidi umedhiwhu kpeye."¹²Emene unagbedebhe owayi gomenti ujadhiwhubhe adhi uwumini mu ukuma, nye uzhi-ezhi, nde uju ye amela? ¹³Mu ukunebhe, egonkadhinini owayi uzhi bhiyo bu gonuni.¹⁴Mu ote soja ujudhiwhabhe. li uka ye jinila? Mu ukunebhe egoneni owayi l'eka umu maegede, l'ike, etushidhiwhoni onwunye uka l'iye obo ishi-uka. Iyemu inwetao l'iwolu uyulukayo uwo.¹⁵L'umom kpom umu madegede uzhibhe l'unye enye uja eja Klaisi nye nye obula uzhi l'gbe l'unukumaya iye kpani Joni, bulebu ya obu Klaisi. ¹⁶Mu Joni uso l'ukune bhele bhele, miwewe mowushigbo bu mini butokpom owune uzhi l'uja ubukpom bakamale mi li ugbakpo me modhumadho mune adhi ugasha okoloya. Nyeya, owushiyo bu mini-echi uwa egwele.¹⁷Iye ugbolo uzhi kpom ogu uzha leka lumekwa bhele bhele adhi l'uyebhede uwadhi iye udhiedhi l'ime udho. Butokpom odukpo bu okpo otu iye ye l'ijiye l'echi, aubukpom bu echiya ndeke owunyiodhobhele.¹⁸Atutu iye uzhikalashibhe, Joni uzhishidhiwhu emeneya uzhi-uma.¹⁹ Ekelemu ukunemawho Helod nye udu bu ume iyebhiyo l'utu nwenyi nwana amu uwhugashila l'gba ogbotu iyebhiyomu ya Helod umo. ²⁰Ushigbedekpo bhele bhele iye uwadhi mu ushisho Joni l'udho ikoli²¹Akpu udhumale oge, bhele bhele madu owukpobhe mini Jizos wewe owukpodhiwhule mini l'ekele lukpe ekpele, mu olu-gwe ukpumalio. ²²Mu uwa egwele l'unwulowulu madegede ukpoda ele zhikpom nwo elise mu uli-ekpo ujo l'ime olugwe, "Yo ibu nwo me amu mo gwusho ogwushim. Me moto unukuma l'adhi izhi."²³Ekemu Jizos ubido unazhi nwo Josepu, nwo Heli. ²⁴Nwo Matat, nwo Levi nwo Meki nwo Jonai nwo Josepu.²⁵Josepu bu nwo Matatiyas nwo Amos, nwo Nahum, nwo Esi nwo Nagai.²⁶ Nwo Maat, nwo Matatiyas, nwo Semin, nwo Josek, nwo Joda.²⁷Joda bu nwo Joana, nwo Lesa nwo Zelubabeli nwo Salatiweli, nwo Neli. ²⁸Nwo meki, nwo Adhi nwo Cosam, nwo Eladam nwo El. ²⁹Nwo Joshua, Nwo Elieza, nwo Jolim, Nwo Matat, nwo Levi.³⁰Levi bu nwo Simiyon,nwo Juda, nwo Josepu, nwo Jonam, nwo Eliyakim.³¹ Nwo Mela, nwo Mea, nwo Matata, nwo Netani nwo Debid.³² Nwo Jesi, nwo Obed, nwo Bohaz, nwo Sayimoni, nwo Nason.³³Nason bu nwo Aminadabu, nwo Adhimin, nwo Alini, nwo Hezilon, nwo Pelez, nwo Juda. ³⁴Nwo Jacopu nwo Aizhiki, nwo Ebilaham, nwo Tela, nwo Naho. ³⁵Nwo Selug, nwo Liyu, nwo Pelegi nwo Eba, nwo Shila.³⁶Shila bu nwo Kenan, nwo Apazad, nwo Shem, nwo Nuwa, nwo Lamek, ³⁷nwo Metusela, nwo Enoku, nwo Jeled, nwo Mahalaleli, nwo Kenan, ³⁸nwo Enos, nwo Seti, nwo Adam, nwo Ebilikpabi.

Chapter 4

¹Kpom uzhiya Jizos Uyuluka l'Uwa Egwele mu buzelo l'olimini Jodan mu Uwa Egwele udula l'ime iwho. ²Adhi unazhi ugwu eyee ibo l'ugwu abali ibo. li umama ekpesu. Udhedhi l'ogbo otu eyeemu aubudhiwhu kpom bu ugu lo oguluya, bu enwe guagu.³Mu ekpesu ukunela, ubulebu ibu nwo Ebilikpabi tuni otu ekpiligwu mu unwowebhe bhidhi.⁴ Mu Jizos usala, a bhamelebhema abhama madegede ndeke ebedhiwe gbo l'iye udhi edhi neteni.⁵Li ekeleneteniya mu ekpesu udula Jizos olu, mu utugoshila umanu amanu. ⁶Mu ekpesu ukunela me mineyobu bhele bhele ugbakpo l'utubuze olu iyedoni enemalebheme ike l'une nye nye obula umashilema.⁷ Kpombokpe yo ikpownileme ishil'ele mu ikpenileme bhele bhele iyemu obubhe bu ayo.⁸Mu bukpm Jizos uas bu abhama lebhema abhama ukpeni bu Nhyenweye Ebilikpabi yaneteni bu nye asobiyani.⁹Mu Ekpesu uduje Jizos udhuma Jeluselem, mu nuzo petea l'adhimu ulanikakpolibhe l'olu udho ukpeni mu ukunela ubulebu ibu nwo Ebilikpabi mada ele li olu adhimu izhawe. ¹⁰Iyedoni abhama lebhema bu ya kunebu uwa-uzhi Nyenweye uka l'iye kpaniyo bu mu unyeshikeyo enye.¹¹ Bbe, agbabuzebhe yoolu li eka bhe kpagale mu egwe ukpoje yo uko l'igwu.¹²Mu usala Jizos ukuna ukabhekpom, yo enashi Nyenweye Ebilikpabi l'umama.¹³ Ekemu Ekpesu umakpo Jizos mu Ukazo, mu usabhetela eka l'ekele ya gede.¹⁴Mu Jizos uya uzo Galilii, l'ugbakpo Uwa Egwele akpu unukaya ukazele udhumakpo bhele bhele igbu mu uzho l'be iwhekaya.¹⁵ Mu ubhidho uzhikala iye l'ime udho Ukpeni bhele bhele madegede ukemibhe ukeni .¹⁶Mu ujio ime ula Nazaleti, adhimu ukpabuzebhela zhikpom omunalabhe mu ukpudho l'ime udho Ukpeni li eyeee Sabati mu nuzo l'ugukashibhe l'ulela olu. ¹⁷UKpalawhumu emene amuma Aizaya mu unabhe. Mu ukpumala ukpalawhu egwele ya mu uwuwejo adhimu ubhabhe bu,¹⁸"Uwa Egwele amu Nyenweye uzhikeshi me iyedoni eteleme oga l'zhishi emene uyo uzhi uma. Ezhidhiwhu leme bhu mokpo ama eli ugbauwe emene uzhibhe l'ikoli l'uwheta unetuadhi emene ekpelinikpo l'dhini une emene umoji-kute-kpobhe ili ugba uwe.¹⁹ Ukaloshiwe ala umanushi Nyenweye.²⁰Ekeleya mu ukputo ukpalawhu egwele ya mu unoso nyemu uzo uzhi l'adhiya uzu mu unazho izhi. Ekpeleni bhele bhele emene uzhibhe l'udho Ukpeni uwheshi bu l'iliya.²¹ Mu bhidho ukunibhe, tam ukpalawhu egwele emezule l'unuji onujiyo. ²²Bhele bhele emene uzhibhe l'adhiya ukenyabhe ekenyi uwodha dhiwhubhe enye l'uli-ekpo ukateuma ula l' unu mu ujobhe, ubo nwo Josep uzhom?²³Mu ukunebhe, ishi-uka yo igbashimini bu elulum uko, "Nye dhi go eliyo, iye iye anujile umebhe l' Kapanum, medhiwha li ula yo."²⁴ Butokpom mu kunebhe, ishi-uka mo kunilemuyo, uzhe nye amuma unabatabhe l'ime ulabhe.²⁵Butokpom, l'ishi-uka me mo kuniyo, atutu unuwe ukudho uzhibhe l'ekelemu Elaija l'ekimu ukputobhe okpo olu-gwe ala ito l'ikeshimu eke okienyi udhuma koshi bhelebhele ele (Uwa). ²⁶Butokpom Elaija udushabhe l'eka onwunye onwunye, gama zalepati l'ime Sidon adhi unuwe ukudho bhe. ²⁷Emene uke asasa utugbe ogbo l'Izhleli l'ogemu nye amuma Elaisha onwunye onwunye l'imebhe uwheta ugwogwo gamagbo Neman, nye Sliya.²⁸Bhele bhele emenemu uzhibhe l'udho Ukpeni uyulukabhe l'uwuduma kpom unujibhe ogbo otu iyeya. ²⁹Mu buzelibhe akpu unuloshilebhema uwe l'ime ulamu uzhiya l'ike mu udubhe dhuma asagmu uzhi iwuya l'uku ebhu adhimu ulaya uzho kpagali mu unoshabhe l'ugama igwuya. ³⁰Butokpom uya bu eche-chi-nabo bhe mu ukadhetiya udho ibe.³¹L'ekeleya mu ukaze Kapanom, ula ubu eke uzho l'Galilii mu ubido uzhibhe iye l'eyee udhinwe Sabati. ³²Bhe uwodhabhe enye l'iye uzhi ezhi ya iyedoni ukpo ekpo kpom nye umajiye.³³L'ekeya l'ime udho Ukpeni, uzhi uduke uwabhiyo uzha l'eli mu ukwa-ikwa l'uli ula olu.³⁴ Mu uchio, chaa; nde iye yo l'yele anwe l'umaeashila, Jizos nye Nazaleti? Ijomu bu adhi utashiye atashila? Me mamji nye yo ibu, nye egwele Ebilikpabi³⁵Jizos ugbochi uwabhiyoya, ukuna, yo ekpo ekpo ja, buzela l'eli, ekemu uwabhiyomu uba unubetema l'ele, l'echi chinabo bhe, mu buzelela l'eli l'gwe utashagba ele. ³⁶Bhele bhele emene uzhibhe l'adhiya uwodhabhe enye mu nye nye obula ukunitabhe iye mu uwejobheya. ³⁷Mu ukabhe, oloduji ikpo uzhibhe omula? Utuni uwagbeyo uka l'unazhi unwe l'ugbakpo, mu buze l'bhe. Kpom uzhiya, mu unukaya uzuzkoshima asagamu uzho l'igbuya.³⁸Akpu Jizos usabhetele udho ukpeni mu ukpudho l'ime udho Smon. L'ekeleya, inugwo Simon uzhi l'akuku elidhe eke iwhogwoli. Mu udhiashabhe l'ishili ununweya. ³⁹Akpu unuzole l'ugwo l'eli mu ugbocho ewhogoliya, mu usabhetela. l'ekeleneteniya, mu buzelo mu ubhido uze uzhi.⁴⁰Ekelemu elanwu ulo mu umu madegede, uyawemebhe Jizos ogbo emene udabhe atutu uji uke. Mu udajo bhele bhele eka mu ugwobhe. ⁴¹Uwa bhiyo ugbamalidhiwhu l'ime atutubhe, mu ukwadhiwhobhe, ukadhiwhubhe, "Yo ibu nwo Ebilikpabi." Jizos ugbochi otu uwabhiyoya uwhe bu ukpobhekpo iyedoni umajibhe bubu Kalaisi.⁴⁴³⁸³⁹ukemu uchima uwabhiyo li eli udhashi Jizos bu uhwe bumu ya Jakesha butokpom Jizos uhwe, uchilawo ozu, mu ukadhihwo. Kaze udho yo mu idhoke joka iye Ebilikpabi umeni yo. Mu udukeya ukadhietoya aya li ugakoshi bhele bhele adhi li ula gbakaya li ukaloshi iye uma Jizos menya.

Chapter 5

¹L'ekeleya akpu ogbo madegede uzhibhe l'unazhi l'uku eli Jizos, l'ukpeshi ete l'uli-ekpom Ebilikpabi. l'ekelemu uzho l'unuzo l'uku ude mu uwhobhe Genisaleti.² Mu uwejo ugbo bho uzhibhe l'udokpuya l'igbumu ude ugbo. Emene mu ugbobhe ukpam obuzelibhe lime bhe uzhibhe l'usatuwhu ijadhibhe.³ Mu Jizos ukpodhu l'ime ugbo amu Simon. Mu ukunila ka lowekegba uwe, li uku mini l'adhi akanutu l'ele ewe. Mu unazho izhi mu uzhi ogbo madegede iye l'adhi ugboya.⁴ekelemu uba kakpowho, mu ukuno Sayimon, "Gonu ugbo mu idhumagba asagam uwe udhu l'mini mu iwushigba ijadhiyo l'ugbudhi ukpa. ⁵Sayimon usakpom, "Idanwudho, ye otuleye eli abali abali l'iye kpani ugbudhi ukpam, aweji iyeye. Buwhuto kpom l'ishili iyemu ikom l'uli-ekpoyo, me muwushigbabu ijadhim. ⁶" Kpom umegbobeniya mu uwhetabhe bhele bhele adhi ukpa-'kpa, abkpom bu ujikawhu ijadhibhe. ⁷Mu kpokushnebhe uzhibhe l'udho uwhu bhu 'jabhe bumu ushikeshibhe eka. Muujabhe enyi udhili edhili.⁸Kpombokpe Sayimon Pita, ekelemu uwejo kpu iyeya uzhiwhole, mu udo l'ukpunuko Jizos, mu ukaniola, "Buzeli l'adhim mizhom iyedoni, mubu nye umeyeshi, Nyenweye.⁹ " Iyedoni uwodha enye ushikabhe emenemu uzhikeshibhe l'adhiya l'utoma otu ukpaya amu ugonukpobhekpai.¹⁰ Emene bubhe Jemish,Joni umeledhe Zebedii emene Sayimon bhe umashikabhe iye. Jizos ukuni Sayimom, "Yo eto otogwu, iyedoni gontuwho l'umomu yo ebuwhobu nye udoyawe madegede.¹¹ " Ekemu ulomawhobhe ugbobhe unu-oshi, mu 'sabhete kpobhe iye mu uchize la.¹²Mu 'dhumo eekele, eke uzhi l'ime ula ubu-eke uduke uyuluka l'uke asas uzhi l'adhiya ekelemu uwejo Jizos, mu uda l'ununuya mu udhiola, ukunila Nyenweye yo iwhele inwe ike li uzhi usamali. ¹³Mu Jizos ugbeta ekaya mu ukpotola mu uko, me-whe ewhe zhi usamali. Ekeleneteni, mu uke asasaya ubuzele-'la l'eli.¹⁴Mu ukunakpom bu okune onwunye onwunye, butokpom ukunabhu ukazetu aya bu mu uze adhi utugwoshi eliya l'eka nye-ishi osoeja l'uso eja kpu omunala uwhusama eli ukale l'olokomu Mozhizhi, l'iye ukaloshibhe.¹⁵Buwhuto kpom ozuzu iye-umaya ukadhe okpe uto bhaka, l'ishili om mu igwe madegde ujayabhe uwadhi l'unuji uzhi-ezhiya l'unweta ugwo-ogwo eli idhe. ¹⁶Buwhuto kpom, l'ubotu ekele udo eliya ladhi medegede uzhibhe l'ukadhe ime ukaya l'ukpe-ekpele.¹⁷Mu udhuma eeye, l'otu ugbowhu uzhi l'uzhidhi iye, l'adhiya emene Palisii l'emene uzhi oloko uzbhibhe l'unazhi l'adhiya otu buzelibhe l'bhele bhele ula uzhibhe l'Galilii l'Judiya lijine Jeluselem. ugbakpo Nyenweye uzhikeshama l'ugwo-ogwo.¹⁸L'ekeleya, otu ukoma ujabhe abuyabhe uduke l'ekpali nye akadhe-ize, mu uwudhigabhe ewhu-eka emebhe mu uyawabhe ime-mudho adhimu Jizos uzho mu ububhetabhe l'ununu ya. ¹⁹Uwejebhe ewhu-eka ubugasha l'ime mudho makabu l'ishili ogbo madegede uzhibhe ladhiya, kpombokpe mu ukadhebhe adhi ukpodhu l'olu udho kpu agale mu udopetabhe l'ele l'ugata l'iyemu mu udopedhebhele l'ununu Jizos.²⁰Kpom uwejo uwhetubhe, mu Jizos uko, "uduke, umeyeshiyo enwetale asabhedheni. ²¹Emenemu ubhabhe iye ubhabha l'emene Palisii mu ujushobhe ajuju l'uka, "Nyem ubu nnina ukpodhi ekpo ugbabuze okpeli olu?" Nnina enwe-ike l'usabheteni umeyish 'gama Ebilikpabi.²²Mubokpom, Jizos uweji l'unukumaya iyemu ugbebheya, mu usabhe, "Umekpala mu yo ijudhiwhoni ajuju zhikpom, l'ime unukuma yo la?" ²³Elamu uka unwe uwela l'uka'ka, umeyeshi yo enwele usabheteni l'jine l'uka nuzo mu ikadhe ize? ²⁴Mu uzhikpu imajileni kpom bu nwo madegede unwe ugbakpo l'olu uwa l'usabheteni umeyishi. Me makani yo buzeli, gbatu ekpali yo mu ikaze udho yo."²⁵L'ekelentni mu udukeya unuzo l'ununu bhe mu ugbato ekpeliya mu ukazeo udhoya mu upadhiweo Ebilikpabi.²⁶ Bhele bhele madegede uwodhabhe enye mu bhe utubuzobhe Ebilikpabi olu. Bhe Uyulukabhe l'otugwu, mu ukadhiwhobhe ye awejile iye uzhi ise tam.²⁷Kpom ogbo otu iyemu umekpo who mu Jizos ubuzeliwho l'adhiya mu uwejo onwunye unagbededhi owayi ewaya bu Libayi l'unazhi l'ime ulu adhi mu unatudhibhe owayi, mu ukanela "Chiyamu.²⁸ "abu kpu Libayi unuzole mu 'chizela, usabhetekpo bhele bhele iye l'adhiya l'ekaneteniya.²⁹Ekeleya mu Libayi ukpajo Jizos nye-ize. L'adhiya emene ogboya unatudhibhe owayi utubhe ogbo l'gbajine udo emene uzhidhiwhubhe ladhimu uzhiobhe l'udhikeshibhe bhidhiya. ³⁰Buwhuto kpom emene Palisii l'emene ubhagbedebhe iye ukunibhe emene uzhi Kalaisi l'uwudhuma, bu umekpala mu yo idhi keshiwhoni emene unagbededhibhe owayi l'emene bhiyo bhidhi la? ³¹Jizos sabhe, "Emene eli ukwali uwudhibhe nye ugwo-ogwo; 'gamawgbo bu emene udadhibhe eli. ³²Me mejamu adhi uba whu emene uma, meja bu adhi uwhu emene umeyishi mu uyosalibhe."³³Mu ukaniobhe, emene uzhi Joni ubotu ekele unazhibhe l'ubu unu l'ukpe ekpele, emene uzhi Palisii umedhiwhubhe kpe. Buwhuto emne uzi yo udhibhe bhidhi l'unwu onwu. ³⁴Jizos ukunibhe uzhi nnina emene ujakeshibhe nye utu ununwe mu ububhe unu l'eke nyemu utu ununwemu uzhikeji bhe l'adhiya la?³⁵ Buwhuto kpom eyee uzhi l'ununun uzhi l'uja kpu anamibhe nye mu uto ununwemu l'adhi uzhibhe l'ekele 'zhikpeye, ogbo eyeeya obubhe bu unu .³⁶L'ekeleya dhiwhu mu Jizos uluo elulu, "Onwunye-onwunye udokato ibe-ukani l'ugbokwu l'kapa uwu. Nye nye obula umewhuto kpe, utasheya bu kapa uwum, uzhe nye ukeshi ukani ukani l'awhulu uwu, mubu awhulu uwu l'ukeshi l'a-uwuu.³⁷Onwunye onwunye ushishe menye uwu l'ime alilo ukani. Nye 'melekpeye menye uwum agbakpobu alilo amenye ya uwosalikpo l'ele, aliloya atadhubu atadhu. ³⁸Butokpom, menye uwu eshishabhe bu l'ime alilo uzhigedhe l'uwuya. ³⁹Onwunye onwunye unwokpo menye ukani mu uwudhiga auwu-u, iyedoni akabu kpom, "Menyemu ukaniya uka amu uwumu."

Chapter 6

¹L'umom umeh bu l' eyee udhinwe kpu Jizos uzhile l'ukadhe l'gakoshi ikam ukpashibhe oka l'atutu ukpulu-ushi udhibhe edhi, emene uzhiya uwotuzebhe otu ukpulu-ushi ugonulibhe, aukomebhe l'eka audhibhe.² Buwhuto kpom, emene Palisii ukabhe iyala udowho mu umebhe iye odhukata l'ume l'eye ude eli la?³L'usabhe mu Jizos uko, "ika gudhine iye Debid ume l'ekelemu inw ugola ya l'emene ogbo ogboya e la? Ukpudhubhe l'udho⁴ ukpeni mu ugono bhidhimu egwele mu udhiobhe ya l'emene 'ya, l'ekele umujikpom bu ugamagbo nye osoeja bhu bu gbo nye udadhuni l'udhi bhidhi egwele ya." ⁵Mu ukagbajo bu, "Unwo madegede bu Nyenwe eyee udhitu inwe."⁶L'udho eyee udhinwe, ukpudhu l'udho Ukpeni mu uzho otutu madegede iye l'adhiya. Uduke uzhi l'adhiya eka obhoni malema l'eli.⁷ Emenemu ubhagbedebhe iye, l'Palisii uzhibe l'uku eli l'udukudhiwha enye bulebu ogwo onwunye eli l'eyee udhitu inwe, kpagale mu uwhetabhe iye obushabhe obushi.⁸ BUwhuto kpom umaji iye uzhibhe l'ugbedhi l'unukumabhe mu ukune udukemu eka ewhela, "Buzeli mu inuzoke l'echinabo ogbo emenemu." Yabukpu udukeya unuzele.⁹Mu Jizos utebhe; "Me mowhudhiga ujukwa yoni kpom, l'bhu ubu iye bhiyo ludokpewe madegede l'eyee udhitu inwe mubu utashi atashi la?" L'ekeleya, mu ¹⁰unyekedhiwho bhele bhele bhe enye, mu ukunio udukeya, "gbate ekayo." Mu nyeya ume kpeye, yabukpu unwetale ekaya ozu. ¹¹Buwhuto kpom emeneya uyulukabhe l'uwudhu uma mu ukanitawhobhe iye l'uche iye emegidebhe Jizos.¹²Ume l'awa ugaga uze olu ebhu adhi ukpe ekpele. Unweshike eyi li edhio li bhele bhele abali udhio Ebilikpabi. ¹³uba dhuma eyee, mu uwhugbedho emene uzhiya, mu uloto dhi adu l'madu ibo emenemun uko bu udhinibhe nye udu.¹⁴Ewa emene uduya bubhe, Simon, (Pita), l'nwana ukoma Adulu, Jemishi, Joni, Pilipu, Batulomi, ¹⁵Macho, Tomos, Jemishi nwo Apeyos, Simon (Zilotu).¹⁶ Judasi nwo Jemishi li Judasi Isikaliotu, nye ibim.¹⁷Ekeleya mu Jizos ukpoda ele ya l'emene uzhiya mu unuzo l'ele ewe l'ime ogbo madegede igwe emene uzhiya mu igwe madu-ogbo ujayobhe ll'ibe Judiya li Jeluselem yal'igbu olimin Taya li Sidon.¹⁸ Emene ujabhe l'ukpeshina ete l'unweta ugwo ogwo utu ukemu zhiebhe l'eli. Emene uwa bhiyo umekpashi eli unweta dhiwhu bhe ugwo ogwo.¹⁹ Bhele bhele emenemu uzibhe l'adhiya ugbakebhe ukpo kpagale mu kputabhe eka l'eli iyedoni ugbakpo ugwo ogwo ulodha l'eli mu ugwojone bhele bhele bhe.²⁰Ekeleya mu nye emene uzhiya enye mu uko, "Uwokwani uzhiniyo emenemu idani uyo ele eze Ebilikpabi ub ayo.²¹ Uwokwani 'zhini yo emene inwe 'zhi-l'ugwu enetebhe yoni ubu uwo. Uwokwani ubudhiwhu ayo emenemu izhoni l'ukwa ikwa makabu yo emudhini 'bu umu.²²Uwokwani bu ayo l'ekele nwo madegede uso lebhe yo oso mu ulodhi lebhe yo mu ukpadhi ebhe yoni umu mu umeshi lebhe yoni mu ukani lebhe yoni bhele bhele uji uka bhiyo l'ishili me.²³ Padhi apadhi l'ogbo eye uzhikpeye iyedoni yo inweta bu egede uwudhi ugwo l'ime obioma, maka yabu kpu emene idakani l'inakani bhe umenyi lebhe emene amuma ogeya.²⁴Buwhuto kpom okolomu-unuuzhini yo, nyemu unwenwe, makabu yo enabhete male umanu amanu yo l'elem. ²⁵Umekpa eli zhini yo nyemu uwo uyulumao, inwe ogwu yo bu ogwu l'ekele zhil'ununu.²⁶Ogwolowo uzhini yo l'ekemu bhele bhele madu ukpobhe ekpo 'manu amanu l'iye kpani yo akpu emene ukanibhe umenilebhe emene amuma oyika awaya.²⁷Buwhuto kpom me mokuniyo emenemu izhoni l'ukpe ete gwushini nye ubheni egba yo, meninyi emene usobhe yonioso iye uma.²⁸ Wokwaninyi emene ugobhe yo owo, emene emekenie bheyo joka kpenibheni ekpele.²⁹Nye nye ulole yoni eka l'agba chishina ibemu ugwaleya. Bulebu uzhi nye unatu yo kapa nekakpoa ata mu inya anyaya dhiwhu. ³⁰Nedhe nye nye obula udhiole yo iye. Bulebu uzhidhiwhu nye ugonu iye yo mu ulawetuma ekunila bu unosaya ozu.³¹Kpu odo iwudhigale bu ubha menibheya emeni, yo menidhi whu ibeyo kpeye.³² Ubulebu igwushigbo bu emenem ugwushebeyo, nde iye ubadhu niyo la?Emene umeyeshi ugwushigbobhe bu emene ugwushiebhe.³³ Ubulebu imeni gbo iye uma bu emene umenibheyo nde iye ubadhuniyo la? Emene umeyeshi umenidhiwhubhe kpe.³⁴ Ubulebu igbadhishigbo owayi bu emene imaji kpom bhu owhnwosabhe ya bu ozu, iye la ubadhuni yo la? Mashi budhiwhu mene umeyeshi ugbadhibhe bu emene umeyeshi kpu agale mu unwetabhe owoyibhe ozu³⁵Buwhuto kpom, gwushi emene ubheni egba yo, meni bhe iye uma. Gbadhibhe owayi l'ugwe unye enye iye iye. Uwhudhi ugwo yo obubu eke, ebudhiwhubu nwo nyemu ukakpolibhe. iyedoni yawe ume uma l'adhi emene amjibhe kpu utedhi meka l'emene bhiyo uzhibhe. ³⁶Nwe otuwizhi kpom ujimu idayo unweo otuwizhi.³⁷Yo ekpe onwunye onwunye ikpe mu ugwe yo ukpe ikpe. Ekogbo kpu agale mu ugwebhe yo ukogbo okogbo. Sabheteni nwana yo bhiyo mu usabhetebibhe yo bhiyo.³⁸Nedhi kpu agale mu unedhi whubhe yo, aubu eke apadabu l'ele, aushikoshabhe, tutu upadamawhu yabukpu enelebhe yo. Kpu imenile nye'we, yabu kpu emenilebhe yo."³⁹Ekeleya mu ulushinebhe elulu, "Unwe uwe l'nye ekpeleni ukpoli l'udu nye ekpeleni usa ba-ba-ba la? Ubulebu ubuwho kpeye, ndeke emene ibomu adagadhobhe l'ime udhu e-la? ⁴⁰Nw'udho uka Idanw'udho, Buwhuto kpom nye ukpakelebhe joka ezhio bu kpomu idanw'udhoya."⁴¹Umekpala mu yo inyetowho unwo ibe-iyemu uzhio l'ekpeleni udonwunye, l'ekele ubukpom bu yo inyetujene abasamu ayo ela? ⁴²Ndekpu yo ekajilene bu nwana chishi mu nname unw'iye l'ekpeleni l'ekele budhiwhu kpom bu ikishi-ugbala iye uzhidhiwhu yo l'ekpeleni la? Yo nye eke uwhenwa! L'unuzu bido-a l'unama ayo, mu iba namawhola amu nwanayo.⁴³Makabu uzhie egede ushi unwu anwu utadhu atadhu, mawhone ushi bhiyo l'unwu egede anwu-u. Umaji ushi nye ubu bu gontu l'anwuya.⁴⁴ Makabu madegede uwoto anwu ushi unwe ine l'ushi unwe ilu-u, mubuwhone bu uzhi nye ututu alodu l'ime uya ukpopio-o.⁴⁵Nye uma l'ime unukuma umaya ulowebu iye uma, yabukpu uzhidhiwhule l'nye bhiyo l'ime unukuma bhiyoya ulowebu iye bhiyo. Iyedoni bu zhikpu unukumaya uzhile mu ukpola l'unu.⁴⁶Umekpala mu yo iwhonime, 'Idanw'udho, Idanw'udho,' l'ekele ubukpom bu yo imeni iye me maka e-la? ⁴⁷Nye nye obula ujakeshileme, mu unujile uli-ekpo me mu uyilema eso, mowudhiga ukuniyo kpu nyeya uzhile.⁴⁸ Nyeya uzhikpom udukemu unuo udho mu ugwugashola l'igwu ukwali akwali. Ekelemu iji l'apaka mini unuola ndeke ezhigidhe ezhigidhi, iyedoniunukeabhe joka.⁴⁹Buwhuto kpom nyemu unujikpowho uli-ekpo me mu ugwe umewetuo ogbolo uzhikpomu nyemu un'udho l'olu uza ubuluma l'ugwe ugwugashe l'ime ele, ekelemu apaka mini iji unuola obudama bu l'ele, autadhuma saisai."

Chapter 7

¹Ogemu Jizos ukakpo bhelebhele iye li ete ogbo emenemu uzhobhe ladhiya mu ukpudho l'ula uwhubhe Kapanom.²Li ekeleya onwunye ukwali akwali li soja unwe ulu, uyi eso gbaka ulu uzhi li ilidhi uzhiwho li unu enwe. ³Ekelemu nye ishi sojam unujo iye basa li Jizos, mu udugasho unukani emene Juu bu ukunebhe bu uja kpu agale mu ugwo unwudhoya. ⁴Ekemu udhumabhe adhimu Jizos uzho, mu ukunabhe li ishuka mu ukabhe, ubu nye manu amnu li yo umena iyemu uwudhigao. ⁵Iyedoni uwe ugwushi ladhi igbu aye uzhi ya ununyye udho ukpeni.⁶Mu emeneya li Jizos ubidobhe ukadhe, buwhuto kpom uzhibhe li ichakpa akpui nye ishi sojaya udugashigbale umu nwuja, bu ukunabhe bu emekpasheya eli lujakpo bhe udhoya, iyedoni buya bha 'dadhoma li Jizos udhumaniya udho.⁷ Li ishilimu ubokpom bu mobomu nye uma ume me mu mako meni ubo iye dadhu adadhu bu ijakeshi me kagbo whuto li unuyo nwudhome enweta bu ugwo ogwo. ⁸Mewewe mobu nye uzhi li adhi ugbakpo utu uka, aubukpom otu soja uzhibhe li ukpudume, nye mokunile kaze, aukaze, mokunile udo ja auja, unwoboyime me iyem emabukpeye.⁹Ekedmu Jizos ununjo ekpo zhikpeye, unwodha enyi mu uneshienye l'adhimu ogbo madu uzhibhe li uchiya mu uko, "Mokuniyo, maka wejemu uji uwhetu uzhikpom, mashi bu li Izhileli. ¹⁰Ekemu emenmu udukgasho udhumabhe udho uwejibhe kpom bu nwudho nye soja enwetale ugwogwo.¹¹Kpom ekeleya ugamamo mu Jizos kaze ula uwhubhe Nein, mu emene uzhiya le eke ogbo madu uchikeshabhe. ¹²Kpom uja uzedhu, egbeleta ulaya, netu uduke ina umugboyaneteni onwulumale, uzhibhe li ubulawha ina bu ununwe ukudho, igiliye ogbo madu emene ula uzhikeshabhe li adhiya.¹³ Ekemu Nyenweye uba wejola mu unwenela otuwishi mu ukunela, "Ekwa ikwa." ¹⁴Mu ukazo olu mu ukpoto eka li iye ushimu umekekpobhe ubushebhe uzum uzhibhe li ubulaya emenemu dhu buladhabheya mu unuzobhe uwadhi mu uko, "Yo nwo ugboji mokuniyo buzeli." ¹⁵Mu nye unwulu onwulu unazho ezhi mu ubido ukpo ekpo, mu Jizos ugonula mu unedho ina.¹⁶Mu otogwu uyulukabhe eli akpu ubidolebhe upadhiwe Ebilikpabi mu ukadhiwobhe olowelebhe eke nye amuma li imeye. Ebilikpabi enyitule emene aya. ¹⁷Unukamu Jizos ozukoshimale ele Judiya uke li otu igbu uzho l asagaya.¹⁸Emene uzhi Joni ukunikpabhe bhele bhele ogbo otu iyemu.¹⁹ Mu Joni uwho emene uzhiya madu ibo mu udugashobhe luweji Nyenweye mu ukunebhe, "Ibu nyem azholiunye enyeya ubujiwhunekpom bhu anye enye udonwunye la?" ²⁰Ekemu udhumabhe uku eli JIzos, mu emene ukoma ukunabhe, "Joni nye uwushidhi mini udugashiye li uweji yo li utekwa ibu nyemu uzhio li uja ejamula? Mubujiwhone kpom, bu anye enye udonwunye la?"²¹Li ekeleya dhiwhu, mu ugwo otutu madegede elidhe uzhi lise lise li umekpeli buzeli li eka uwa bhiyo; atutu uwa enyetobhe adhi umebhe mu unyetubhe adhi. ²²Mu Jizos usaobhe, "Kanini Joni bhele bhele iyemu iwejoniom mu inujoniom. Emene enyekpo unyetubhe adhi, emene akadhe ize ukadhebhe ize, emene uke asasa unwetabhe ugwo ogwo, emene ete ukpoli unjibhe ete, emene unwulubhe onwulu utelibhe eteli, liwho emene ogboyi unujibhe uzhi umam.²³ Nyemu uwhetuno me uzhini uwokwani."²⁴Ekemu emene uzhi Joni ukadhema whobhe, mu Jizos ukune ogbo emenemu uzhobhe l'adhiya iye bhasa li Joni, iye inyetuni l'ime ele iwhomu izoni. Ewe ikpuum uwele uzhigidho la? ²⁵Maka iye idhe wejini l'asaga ukabu e-la la? U'duke uyeji ewelewe unkanyi? Nyetuni emene uhyejibhe ukanyi ugbu aya l'emene ubedhibhe ebube unyii l'unwu uzhibhe bu l'udho nye eze. ²⁶Buwhuto kpom, yo izhini udhuweji olodo uji iye l'asasga la? Nye amuma la? Ishi uka me mokuni yo iye uka nye amuma.²⁷Omu bu nye mu ubhanadhibheya, nyetu, mo 'dugashibu nye olo li ununuyo. Nye emeke ichakpa tut mu yo iba ja. ²⁸Mo kuni yo, li bhele bhele madegede unyoma umu, uzhie nye uka Joni, mu ubuwhuto kpom bhu nye mu uyakalikpobhe l'eli l'ime ele ezemu Ebilikpabi akamadhiwhuledhe Joni.²⁹Ekemu bhele bhele bhe unujebhe iyeya ushikatabhe emene unabhe owayi mu ukaloshibhe bu Ebilikpabi bu nye ume. ³⁰Buwhuto kpom emene Palisii li emene umaji iye kpani oloko uchiwobhe iye Ebilikpaabi ubuluche li iye kpani elibhe, iyedoni Joni uka uwshibhe mini.³¹Ndeke iye me meweke li umashikata emene ogemu azhomu la? Uzhibhe kpom iyala la? ³²Uzhibhe kpom umeledhe umedhibhe ogologu l'ime aya, aunazhibhe ezhi mu uwhuta dhiwhubhe onwunye onwunye, mu ukadhiwhubhe, nwana ugbaninie ubo, mu egweni ute elebhe, agwushi obu nye unwulu onwulu Ikwanine ikwa-a.³³Joni, owushidhi mini uja udhie bhidhi, unwone menye, aukabhe bhu ubu uwabhiyo. ³⁴Nwo madegede ejale udhi bhidhi, unwudhiwhu menye, ikanikpom nyetu udukem udhilaga bhidhi, unwugbo gaya l'menye, nwujie emene unadhigame owayi l'emene umeyeshi. ³⁵Buwhuto kpom eyo bu iye bhele bhele umeledheya ukakebhe bu umanu amanu.³⁶Ekeleneteni, yabukpu onwenye li emene Palisii udhiayashi Jizos bu ja bu mu udhikeshiya bhidhi. Ekemu Jizos ukpudhumawho lime uho nye Palisii, uzho li unazhi udhiwho bhidhi. ³⁷Nyetu uzhi ununwe l'ime ula adhiya ubu nye umeyshi. Ekemu uwejo kpom bu uzhiwho li udho nye Palisii li dhiwhu bhidhi, mu ulowe ilo ugbu aya uwhubhe bhu bu alabasta.³⁸ Mu unuzola li ozu li uku uko, mu ukwadhiwho ikwa, ishibilikwa uchidadha bu li uko, mu ugonu ukaze ishiya mu ukomawela mu uzolaunu li uko mu utela oga ugbu aya egbuma.³⁹L'ekelemu nye Palisii ukuna bu ju udhoya uwejo iyemu, mu ugbe iye l'unukumaya l'ukadhiwhu ubulibu uduke bu nye amuma abamajile uji madu unwe ukpota eka l'eli ubamaji bu ubu nye umeyeshi. ⁴⁰Mu Jizos usala, "Simo mewe iye maka mene mo kuniyo, mu uko ka, nye uzhi ezhi,⁴¹Jizos uko, "Onwune ugbadhishidhi owayi unwe nye umojabhe ugo madu ibo, nwune umajabhu pam ibo l'dhi, nyemu usoshila umoja bu ugwu pam, li pam isu.⁴² L'ekelemu owhudhodhabhe ugom, mu usabheteni madu ibo. l'ime madu iboya nwuna aka ugwusha la? ⁴³Simon usa, "Bu ya gbekpom bu obobu nye ugoya uka ubu eke ya." Jizos usa kpom, Yo ekpebitale ikpeya.⁴⁴Mu Jizos uyosalio ununweya mu ukunela, "Simon iweji ununwem, mokpudu li udho yo," Ineme mini usama uko, ununwem ogonule mini ishibilikwaya asamaleme uko, okomalema l'ukaze ishiya. ⁴⁵Yo imiome udhu, gontu li ekelemu mejao unuwem aka ukushe uzume unu l'uko."⁴⁶Yo iteme oga l'ishi, gama kwa bu unuwnem ugono ilo oga egbu'ma l'uteme l'uko.⁴⁷ Mu Jizos ukano Simon, l'ishili agwam umeyeshiya inwele usabheteni iyedoni unwe ugwshi ubueke. Makabu nyemu ugwushiya uzho ntiko enweta gbo bu usabhetenintiko dhiwhu.⁴⁸Mu Jizos ukano ununwem, "Umeyeshi yo enwele usabheteni."⁴⁹ Emenemu uzhobhe li tebuluya mu utukadhi-obhe kpom, "Bu Jizos uka-ubudhi nnina asabhetenidhi umeyishi la?⁵⁰ Mu Jizos ukano unweya, "Uwhetu yo odokpewe le yo." Kazewho l'ime uyodhu."

Chapter 8

¹Utashe kele kpom ogbo otu iyem ugamakpo mu Jizos ubido ugakoshi atutu ula ububhe eke li otu ntiko uzhibhe lise lise, li uzhikala li ukalosh uzhi uma iye ukpani ele eze Ebilikpabi. Dhi madu li madu ibo emen uzhiya uzhikeshabhema.² Ligba otu unyoma ugwo eli uwa bhiyo li uke ewe, Meli Magadalin, amu unamala uwa bhiyo isabo li eli. ³Jona, nweni Chuza, nyemu Helod ukwato iye umemeya, Susana li atutu emene uzhibhe li ogbotu iye uwudhigabhe.⁴Li ekele ogbo madu uzhibhe li umayigbede atutu emene ujayabhe li uweja, ubuselibhe li ula uzhi lise lise. Mu ukunebhe uka li elulu:⁵ "Onwunye uchika uze adhi ukpashi iye, kpom ukpashe iye ya, otu udabhe li uku ichakpa, mu uzopidhabhe uko, mu unu uwedhigabhe mu ututmabhe. ⁶Otu udha li olu igwu, ekelem uzhodho mu uya uwho iyedoni unwe adhi enweta mini.⁷Otu udabhe li ele ugu mu otu uguya li ukpulushiya uzodhukabhe, mu udhugbola. ⁸Buwhuto kpom otu uda li ele uma, mu unwulosho ukpulushi utugbo, aukama ugwu ise. Li ekelem Jizos ubakakpo ogbo otu iyem, mu uwhuloshobhe uwe, mu uko, nye nye nwele ete unuji, anuji.⁹Emene uzhiya ujukwabhe iye eluluya ubu. ¹⁰Mu Jizos usa bu, "umaji iye woli owoli amu ele eze Ebilikpabi, enemalebhe yo, mubukpom, udo emene me makanibhe iye bu li elulu. Mu uzhikpom kabu unyebhe enye unyetobhe, ukpebhe ete mubukpom bu uwotabhe.¹¹L'umom ombu ugbama agbama eluluya, " Ukpulushiya bu uli ekpom Ebilikpabi. ¹²Otum uda l'echi ichakpa bubhe ogbo emenemu unujibhe ul-ekpom mu ekpesu ujao mu unamala li unukuma bhe, kpuagale mu ugwebhe uwhedawe l'unweta ugawe.¹³ Otum uda li igum, bubhe ogbo emenmu unujobhe uli ekpom, unabatabhe uli ekpom li ekpema eto, Buwhuto kpom bu unwe akani ewheda madegede bhe bu li oge, li awa umama unokedhobhe.¹⁴Otu ukpulushimu udhabhe ladhi iye ugu uzhi ububhe ogbo eememu unijibhe uli ekpo mu ukazetobhe igbu umashibhe, ekeleke li owayi li umanu uwa uwhebhe, ukpulushibhe ukaka.¹⁵ Otumu udhijine li ele uma bu ogbo emenemu unujibhe uli ekpom li ishuka li ekpema uma mu umojiketobhe la mu unwushibhe anwu ukateuma li unwe ukatekpom.¹⁶Onwune onwune umushi tojo mu ekpele usamabhe eka mu ukpupedha, mu buwhoni bu egbeta bu li ukudhu agbada. Kamubokpe eshisha bu li olu iye unuzopetabhe tonjo. Kpagale, nyenye obula ukpudhile li udhuya mu unyetu adhi. ¹⁷Iyeye uwokebhe owoke egwebhe ume mu umajianiji uzhe, mubuwhone iye woli owli egwebhe umajibhe li ulo usamali.¹⁸ Kpombukpe, kpeshi ete joka, nyemu unwejini nwune nwune, mashi bubu amu ugbo buya nwe emenemu anatubhe bu anatu.¹⁹Ekeleya akpu ina, li umu nwana ujakeshibhema butokpom udhumadobhe adhi uzhi li ishili ogbo madegede uzhibhe ladhiya. ²⁰Mu ukunabhe inayo li umunwanayo ukoma uzhibhe li unuzo li asaga, unwudhigabhe uweji yo. ²¹Buwhuto kpom Jizos usakpom, mu ukunebhe, iname li umu nwaname bubhe ogbo emenemu unujibhe uliekpo Ebilikpabi mu umewebhe ugbolo.²²Li umom mu udhumo eyee, mu ukpodho li ugbo ya li emene uzhiya mu ukunibhe ngwani mu akazieni ibe eka udemu uzhawe mu uwholabhe. ²³Kpomu uzhebhe li uwholaya mu nyonyni, akpu owali keike uchile li udeya mu ugbomabhe uyuluka li mini, mu ujzhibhe li eke umekpeli.²⁴Akpu emene uzhi Jizos ujakeshibhema mu utemabhe li inyina ukunabhe idanwudho idanwudho ye azhidhiwhom bu li unazhi enwu Mu uteloli inyina mu ugbocho eke uweleya mu mininmu uzho li uchiya ukushile akpu bhele bhele adhi uyodhule. ²⁵Li ekeleya akpu ukunibhe, nde uwhetu yp la? Buhwutokpom, bu utubhe otogwu mu unwodhabhe enye mu ujukwatabhe nye, bu nwine, amu utnibo uwukayi li mini uka mu uhwedanyabhe.²⁶Mu uhwolabhe igbu uhwobhe Gelasenes amu uzho lugama ude mu buselo li Galilii.²⁷ Ekelemu Jizos ukpoda ele, nye uwuji ladhiya bu uduke busele li ula bueke, uwabhiyo uzha li eli. Li ubhe kanio uto uyeji kapa, unzheni li udho ubebhe ebe, ugama ube li otuadhimu ilee uzho.²⁸Ekemu uwejo Jizos mu ukwa ikwa li uli ubu eke mu ubuda li ele li ununu adhimu uzhiya mu uko li uli bu eke, nde iye me li tyo anwe li umashi Jizos nwo Nyemu ukakpolibhe Ebilikpabi. Mo joyo, eshishemu li umekpeli.²⁹ Iyedoni Jizos otu le uka bu uwabjhiyo uzho udukeya li eli bu buzeli. Iyedoni atutu ekele omojikemalema, mashi bu kpom. bokpom bu okushimigbema iyagba li akpiligwe kpagale mu umojikutabhe, ogbojemale iyagbamu ukushabhe, uwabhiym onulalema ime iwho.³⁰Akpu Jizos ujulema, ewayo udhini kpala la? Mu asao, igbu, iyedoni ogbo uwabhiyo okpudhumebhema li eli. ³¹Mu udhashi dhihwobhe, bu otubie kpom bu bhe bha kaze udhu enwe ugulu ogulu.³²Li ekelya ogbo udhobhe bu uhwe bumu gbe akpugadhu li ogbo ezhiya kmu uhwedawo li edhoya.³³ Kpom bukpe, mu otu uwabhiyoya ulobhe li eli udhkeya mu ukpudhobhe lime ogbo ezhi akpu bhele bhele ugbalalebhe ele adhimu udhagadho l'ime ude mu udhegokpobhe l'mini.³⁴Kpom emenemu ukpagabhe ezhim uwejobhe iyemu udaya, mu ugbawulobhe li ukalazedhihwo lime ula li ugbawulobhe li ukalazedhihwo l'ime ula li igbuya li ohwulu.³⁵ Ogbo madu ujilabhe li uze li udhiwejitu iyemu udaya. Mu ujakeshobhe. Jizos, mu uwunwejonhe udukemu uwabhiyo ubuzelo uzhi li unazhi li unuko Jizos, uzhi li unayiwe li unukuma uma mu uzhebhe li agbeze.³⁶Li adhiya emenemu uwejobhe iyeya ukabhe kpu nyemu uwagbeyo uchikpudhila unwetale ugwo ogwo. ³⁷Li adhiya bhelebhele emene igbu Gelasenes ukunibhe Jizos bu buzeli li igbuabhe, iyedoni bu bhe bha ayuluka li otogu bueke, kpom bokpe, mu ukpodhu li ugbo kpagale mu ukadhe bhe ozu.³⁸Udukemu uchima uwabhiyo li eli udhashi Jizos bu uhwe bumu ya Jakesha butokpom Jizos uhwe, uchilawo ozu, mu ukadhihwo.³⁹ Kaze udho yo mu idhoke joka iye Ebilikpabi umeni yo. Mu udukeya ukadhietoya aya li ugakoshi bhele bhele adhi li ula gbakaya li ukaloshi iye uma Jizos menya.⁴⁰Li umom, ekemu Jizos uyosalo ogbo madu ujabhe li uhweyawa iyedoni unyedhibhe enye ya.⁴¹ Nyetu, uduke uhwebhe Jalus, onwune li emene nyeshi udho ukpeni, uja mu ujukpumuko ladhi Jizos uzho mu udhashila bu uja udho ya. ⁴²Iyedoni unwo unomaneteni umu edhile dhiiala li ala bhibho uzhi li unu enwu. Kpom Jikzos uzho li ukaze li ichakpa, ogbo madu uzhibhe li ukweli ujikpudhabhe.⁴³Li ekeya, unoma uzhi ladhiya aubukpom bu elile ubala li iyezhikpom dhi ala li ala bhibho atashile bhele bhele owayi unwe li uchidhiya, li ugoweya eliya unweta ugogo lieka onwune onwune.⁴⁴ Uja li ozhu Jizos mu ukpoto eka li ugono eli kapaya li ekeleniteni mu ubalamu ulidhaya ukusho.⁴⁵Mu jizos ujukwo, nijina limeyo ukpotume eka la? Ekelemu bhele bhele madu ukedhikpohwobhe ikake, Pita uka, Idanwudho ogbo madu uzhibhe yo li uku eli, uzhibhe li unuta li ujikpudhiyo.⁴⁶ Butokpom Jizos, ukuna, "Onunwe, ukpotume eka me, mamajkpom meni ugbakpo buzeli me li eli.⁴⁷Ekemu unyoma uwejokpom bu ndeke buya gbanatudhoma lugwe uwejibheya, mu ujo li eli uhwudhi mu ubudho li ununuya. Li ununu bhelebhele madumu uzhibhe ladhiya mu ukalosho iyedoni mu ukotunila eka kpu uhwetadhihwule ugwo ogwo li umemu. ⁴⁸Li adhiya, mu ukunyila, nwo ugbede, uhwetu yo emelayo mu izhi sasalala. Kadhe li uyodhu.⁴⁹Li ekelenetenim uzho li ukpo ikpoya, onwunye uja li igbu udho nyishi udho ukpeni mu uko nwo yo unyoma onwulmale. Yo emekpashidhi nye uzhi ezhim eli udobha. ⁵⁰Buto kpom, ekelemu Jizos unjo iyeya, mu usa Jalus, eto otogwu, hwedawe a inweta ugwo owgo.⁵¹Ekelemu uja udho uhwe bu onwunye onwunye bu ukpudhu keshiya li ime udho ugamagbo Pita, Joni li Jemisgi, ligba Idamu-nwo li ina. ⁵²Li ubheya bhele bhele emenemu uzhobhe li ugba agbezhi li ukwa ikwa, butokpm ukunibhe ekwani ikwa, unwulo onwulu buto kpom bhu inyigedhe inyeinna. ⁵³Butokpom mu umudhabhe umu, kpomu umajibhe bu onwulumale.⁵⁴Butokpom, udota le eka mu uhwolosha uhwe mu ukadho, "nwo nuzo!" ⁵⁵Mu uwaya uja ozu mu elegamalo la ekeleneteni mu ukunebhe bu uyanyabhe iye udhi edhhi. ⁵⁶Ida li Ina unwodhabhe enye, buto kpom bu udobhe eka li ete bu akanebhe onwunyhe onwunye iyemu umeya.

Chapter 9

¹Uwhugbede dhimadu l'madu ibo ya uwadhi mu nebhe ike li ugbakpo li ukpachima uwabhiyo li ugwo uke zhilise ise. ²Udushime l'uze zhikala uzhi eleze Ebilikpabi li ugwo elidhe.³Mu-ukanidhiobhe, "ebuoni iye-iye l'igazem-ebuoni ikpala, ebuonine menye.⁴ Udho ikpudhuleni, nazhini l'adhiya tutu ibuzelin.⁵Adhi ugwelebhe unatu yo, ibuzelileni l'ulaya, kpukpo peteni uza edanuko yo l'unazhigide bhe l'eke iboo. ⁶Yabu kpukazelebhe l'ukpudhi lotu ulaya, l'uzhikala uzhuma li ugwo elidhe.⁷L'umom Helod nyezhi uchi-echi nuji otuye muzhiom mu uwhubituyha eli, iyedo e-emene kabhekpom bhu Joni bhelebhele l'enwu. ⁸udo emene bhu Ilaiji bhuloya, udo-emene zhilukajibhene bhobuobu nyamuma ukani. ⁹Helod akale, "Mekebiemalem Joni ishi. Nnina zhigbajinom la?" Mu ubhagboko l'uwejia enye.¹⁰Kpomu emene uzhi yosaliobhe ya, mu ukuniabhe bhelebhele iye mu umebheya. Yabukpu udotulebhe mu 'kazobhe l'uwodhi l'ukpudhu l'ula Betisaida.¹¹ Buwhuto ekelemu igweligwe madu ya nyiobhe otuiyem, mu uchizeobhela. Yabkpu unabatalebhe, l'uzhshibhe uzhi eleze Ebilikpabi, mu ugwojione emene wudhigabhe ugwo ogwo.¹²L'umom, adhi owudhigale ugbeli egbeli, yabukpu emene uzhiya ujialebhe l'bhakania, kuni igweligwe madum bhuze wudhigatubhe bhidhi li adhi unana lotu egbekula muzhibhom, iyedoni bhu adhiya biebi. ¹³Buwhuto mu ukaniobhe, "Nebheni iyudhiedhi mubhasobhela, "yele anweka ukpo bhidhi ise li ukpa ibo, ugamawhuto bhaze gonibhe bu bhidhi. Udhomakpobhe puku madu ise.¹⁴ Yabukpu ubhakanike emene uzhiya, wheni bhu unazhibhe ezhi l'ele ugumadu ibo li dhi l'e-kpulukpu,l'e-kpulukpu.¹⁵Mu umekpobhe kpom uzhiobhe l'ukunibhe bhunazhibhe ezhi.¹⁶ Yabukpu ubhagonule ukpobhidhi ise li ukpa ibo ya, unyashi enye l'oli, mu uwokwanobhe, l'ukemabhe ntiko ntiko, munedho emene uzhiya bhunebhe igweligwe maduya.¹⁷ Udhibhe l'uyubhoyu, otu ugwali jine agwali, ututukpuobhe bhelebhelem mu uyuluo dhi ukpo li ukpebibo.¹⁸Mu udhumo, Jizos zhiludhio edhio, emene uzhiya zhiabhe leli. Ujubhe ajuju, l'uka, "Igweligwe madum kabhekpom bhu mobu nnina la?"¹⁹ Mu ubha sabhe, "Joni uwushidhi mini. Buwhuto udo emene kalbhe Ilaija, mu emene mu uzhiwhobheya kobhe bhubu nye amuma ukani ubuzeli lenwu.²⁰Mubha kaniobhe, "Buwhuto ikanikpom bhu me mobu nnina la?" MPita bhaso, "Klaisi mu Ebilikpabi²¹ Yabukpu ubhadolebhe eka l'ete kpombhu akaniebhe onwunye onwunye.²² Mu uko, "Unwomu Ebilikpabi, atabu akuku iyetu ogbo, emene unukani olodhiabhe bu olodhi, emene ishi osoeja l'gba emene ubhabha, ogbuabhe bu ogbu buwhuto eye gbuwe bhito, elebu l'enwe.²³Yabukpu ukanile bhele bhe, "Ubule buzhi nyeka bhuya chiyame, ekedhibu eliya ikake aubutu ushi-uye-l'uka bhelebhele eye auchiyame. ²⁴Nyenye kale bhuya nweta ibuduya, ochiwoshia bu ochiwoshi, buwhuto nyenye uchiwoshile ibuduya l'ishili me, enweta bu enweta. ²⁵Nde ibala eshia l'nye nwetamale uwam, mu uchiwoshi ibuduya?²⁶Nyenye me l'uli'ekpo me utuwe lema iwene, yabu nye otuwedhiwhu onwom madegede iwene l'ekeleejio l'ebubeya, ebube ida-a l'ebube emene uzhi obioma muzhiobhu egwele²⁷ Buwhuto makani yoni ishiuka, uzhi e-emene zhibhe l'adhim ubukpom bhu ndeke ewejiebhe enwu tutu uweji mabhe eleze Ebilikpabi.²⁸L'umom, eye isato kpom Jizos kpoma otu ekpom, yabukpu ubha gonule Pita li Joni ligba Jemishi mu ukpodhuo bhe l'olu ebhu l'udhio edhio. ²⁹Kpomu uzhioli udhiodhi edhioya, yabukpu upiya ganwole, kapaya usawho bu kpomu ba-ba-ba.³⁰Weji madu ibo yala zhibhe l'udhodhiwho ogologwu Mozhizhi li Ilaija. ³¹Emene lobhe lebubu, ludhiyashi iyebasali lubuzeli obuzeli ya, amuzhiwho ladhi umezu emezu.³²Lumom, Pita li emene muchiya bbhela enyimalebe nyina bueke, buwhuto ekele mteliobhe, uwejiwhobhe bu ebubeya ligba otu emene munuzokeshiobhela.³³ Kpomu uzhiobhe lubuzeli ladhim Jizos zhio,mu Pita kaninola, "Idanwudho, udadhukpom bhu azhini ladhim. Anushini okpoga ito, nnine bu ayo, udo bu a-Mozhizhi, amugwali whoya bu a-Ilaija. (Umajie iyemu ukadhieya)³⁴Kpom uzhio luka om, yabukpu uyili kpupidhiele bhe, mu utuobhe otogwu kpomu kpudhuobhe li uyiliya. ³⁵U-uli buzeli luyiliya, luka, "Ombu unwome amu ulotuobhe olotttu; kpeninani ete"³⁶ Ekelemu uliya kakpoya, uwejiwhobhe bu Jizos neten. Yabukpu ebhete lebhe unubhe kpom kai lugwe ukani onwunye iye uwejibhe.³⁷Lumom, leyemu soshieya, kpom ukpodhobhe li ebhuya, yabukpu igweligwe madu jiakeshilebhe ma.³⁸ Weji u-nuke ligweligwe maduya chiloshi ikpu, luka "Nyuzhi ezhi, modhioyo meni nyetu unwome, yabugbo e-ekpele unwo. ³⁹Ewejile u-uwa ududhigadhia, uchidhi gadhiwho bu ikpu; a-umeshia iyedodo lulowegawhoa uwuluwu l'unu.⁴⁰ uwhebhu yasapeta eka, umeyashikpoa enye l'eli l'ogbo. Modhio emene uzhiyo meni ukpachima bhe buwhuto, ukpachidho bhela.⁴¹Mu Jizos uso l'ukanibhe "Yolo emene iloni l'ukomu uwhedawe li ugudhi uwadhi ezhie manazhikeshi yoni bu dhuma ele ubobula mu ibha nuzokeni la? Yawe unwoya adhim.⁴² Kpom unwoya zhio l'uja, yabukpu uwabhiyo ya nugbolema l'ele l'umeshia iyedo-odo. Buwhuto Jizos gbochi uwabhiyoya mu ugwo unwoya, mu udoshiola l'eke ida-a.⁴³Yabukpu unwodhalebhe enye l'ubueke Ebilikpabi l'ekemu uzhiole l'uwodhanye l'bhelebhele iye muzhio l'umeya, yabukpu ukani le emene uzhiya.⁴⁴ Uliekpom ukpudhuke jioka l'eteyo: Unwom madegede edhegfboabhe bu edhegbo l'eka emene uwa. ⁴⁵Buwhuto uwotabhe ekpom. uwolibhe owolini kpombokpeye, umajiwhobhe iyemu uko-o.⁴⁶Yabukpu ubidolebhe udoketa ikeke l'umajiwho nye akakpolibhe. ⁴⁷Buwhuto Jizos l'umaji iye zhibhe l'unukuma, yabukpu ugomele l'udoshiya l'eli. ⁴⁸Mu'kaniobhe, "Nye nwewhuto uwedhini unat unwo zhikpom l'ewame, unatuoya bume, nye natujilene me, unatuoya bu nyemu udugashiome. Iyedo nyenye yawewhuito okpeliya ele l'imeyo, yabu nye bueke.⁴⁹Mu Joni ubhaso," Idanwudho, aweji nye kpachi uwabhiyo l'ewayo, mu yele agbobishiola, iyedoni uzhie l'ime ogboye.⁵⁰ Mu Jizos kaniobhe, "Egbobishielani iyedoni nye obunieyo ogbose, nyeya bu a-ayo.⁵¹Ekelemu ujayawho uzedhu l'kaze Jeluselam. ⁵²Udugashi emene uzhi bhu 'kazedhi whubhe l'ununu, mu ukazeobhe l'ukpudhu li ula emene Sameliya l'umekweteni iye.⁵³ Emene ulaya unatuobhela iyedoni egikele male ukaze Jeluselem.⁵⁴Ekelemu emene uzhiya Jamishi li Joni jiebhe unazhiya, mubhakabhe, "Nyenwe, awhuyawe echi l'olu mu dukpokpo bhela?⁵⁵ Buwhuto mu Jizos bhagbobiobhe. ⁵⁶Mu ubha kazeobhe udo ula.⁵⁷Kpomu uzhiobhe l'ukaze l'ichakpa, yabukpu onwunye kanilema, "Me mechizebuyo adhizewhuto." ⁵⁸Mu Jizos kaniola, "unu nwebhe udho, unu olu nwebhe udho, buwhuto unwomu madegede nwe adhi ubheteya ishi.⁵⁹Mu unha kanio udonwunye, "Chiyame" buwhuto mu uko "Nyenwe, l'unuzu, whebha melidhima gedhe idame." ⁶⁰Buwhuto mu onwulu mu ulidhibhe nye nwulu onwulu. Buwhuto ubule yoni, zeni l'uze zhikala uzhim Ebilikpabi gontu l'uzedhu-adhi dhuma adhikanuto.⁶¹Mu udonwunye ubhako, "Mechize bu yo, bho nyenwe, buwhuto l'unuzu sejike meweni emene udhome eka. ⁶²Jizos asalema "Nyenye ushiwhuto ekaya l'iye umewe ugbologbolo mu unwawhuto enyhe l'ozu, uwheshie eleze Ebilikpabi.

Chapter 10

¹Lumom kpomu otuiyeya gakpoma who, mu nyenweye lotuo ugu madu ito l'dhi, mu udugashie bhe bhibo bhibo bhukaze dhilubhe otu ula muko bhuya kpudhu okpudhu ya.² Mu ukaniobhe, "Iye ugutu otutu likam l'ogbo, buwhuto emene umugolo tuogbe ogbo. kpombokpeye dhioni nyenwe ugut ogutu kpuemele mu uyigashi emene ugutuiye l'elikamu aya.³Kazewhoni weji, modugashiyoni kpom ugaga l'dhi okpo zhibhe. ⁴Ebuoni ekpa ushishiwe owayi, mubuo ekpa ugawe ize, mubuo, mubuone okolo, etedhienine abidhi l'ichakpa.⁵Udho ikpudhuleni, l'unuzu kanikpom, "uyodhu uzhi l'imudhom."⁶ Unwo uyodhu uzhile ladhiya, uyodhi yo ebebulimeya, buwhuto ubule bhuzhie, uyodhuya ayabu ozu. ⁷Nazhini l'imudhoya, l'udhi l'unwu iye unelebhe yoni, iyedo nyemele ugbolo, udadhuni uwhugwo. Egadhigani agadhiga.⁸Ula ikpudhuleni mu unatulebhe yoni, dhini iye umelebheyo. ⁹A-igwoni nyedale eli ladhiya kanibheni kpom, "Eleze Ebilikpabi zhiwhoyo uzedhu¹⁰Eke ukpudhuleni l'ime ula mu ugwelebheyoni unatu kazeni ime ula a-ikanikpom.¹¹ Umashi bhubu ubuluma ulam amu uzhiye luko, yele akpukpo petegide yoni. Buwhuto majini omu, "Eleze Ebilikpabi ejale uzedhu." ¹²Makani yoni kpom meni l'eyeya, uyodhuwe bu Sodom eli ka ula zhikpeye.¹³Ubunu zhiniyo Kolazin! Ubunu zhinidhiwhu yo Betisaida! Ubulebhu ugbolo bueke mumebhe l'imeyo, bhemebheya bulime Taya li Saidon, abha yosali malebhe tut, l'unazhi l'ukani agbezhi li ewechi.¹⁴ Buwhuto oyodhuwe bu Taya li Saidom eli li eye ikpe ya kayoni.¹⁵ Yo Kapanom, igbeni kpom bhagbabuzewe bhe yo dhuma olu igwe? Oyika, ayawebhe yo bu ele dhuma ili.¹⁶Nye ukpenile yoni ete, ukpenyeya bu me, nye uloleyoni, ulomaya bume, nye ulomajilene me, ulodhioya bu nyemu udugashio me."¹⁷Ugumadu ito l'idhiya yabhe l'ekpema eto, l'uka, "Nyenweye, umashi bhubu uwabhiyo ukpowenibhe yele ishi lewa yo." ¹⁸Jizos Kanibhe mewejikpu ekpesu budale l'ele kpomu echi bidhi ebidhi. ¹⁹Weji, menemalem yoni ugbakpo l;uzoji ogwo l'ekolo bhiyo uko, umashi bhubu ladhi ugbakpo nyegba zhi, ndele iye iye emeyoni.²⁰ Umashibhubu kpom uzhioya, etogboni ekpema l'unu bhu uwabhiyo kpowenibhe yoni ishi, buwhuto toni ekpema ka adhiya kpombhu ewayo abhashimale bhema l'olugwe."²¹L'ekele zhikpeye mu uto ekpema bueke l'ime uwa egwele, l'uka, "Motubuze yo olu, Ida, nyenwe olugwe l'ele. Iyedoni iwokeni emene nwebhe eyo l'uwota otu iyem mu itugoshio emene ezhibhe ne ezhi uzhibhe kpom kpeye, Ida iyedoni yabukpu mashile yo.²²Idame akwatewe kpoleme bhele bhele iye, uzhienye maji nye unom bu ugamagbo ida, uzhidhiwhone nye maji nye ida bu ugamagbo unwo l'jiwhone emene mu unwo lotuo lukaloshini.²³Mu ugba yosalinio emene uzhiya l'ukanibhe l'owodhi, uwokwani zhini emene muwejiobhe ogbo iye mu ewejiioni. ²⁴Makani yoni, otutu emene amuma l' emene eze wudhigabhe uweji ogbo iye mu inujoni, buwhuto unujiebhe."²⁵Weji nye amaji oloko nuzo l'uma ama, l'uka, "Nyu zhiezhi, ndiye meme l'unweta budu enwe ugwulu ogwulu la?" ²⁶Jizos akanilema,"Iyemu ubhabhe l'oloko, iguakpala?²⁷ Mu ubhasala kpom, "Egwushi bu nyenwe yo, Ebilikpabi mayo l'bhelebhele ekpema yo, l'bhelebhele uwayo, l'bhelebhe ugbakpo yo, l'bhelebhele unukuma yo." ²⁸Mu Jizos bhakaniola, "Isake joka, mekpeye, a-ibeshi."²⁹Buwhuto l'uwudhiga ukpekpewe eliya l'ikpe, mubha kanio Jizos, "Nnina bunye egbehudho me la?"³⁰ Mu Jizos bhasala, "Uzhi unuke zhilukaze gontu li Jeluselem bhuya kaze Jeliko. Mu uzuwejio emene ugbu, uwebike l'unatukpoa iye, a-ukodhiwhubhe iye tutu udhuma adhi ugwalwho ntuko l'unwulu onwulu.³¹L'ugwe uwheshi anwa, yabukpu nye osoeja gale ichikpaya, ekele mu uwejiola, yabukpu uwhomlema okpe. ³²Uzhidhiwhu k[eye, yabukpu o-onye udu galaga dhiwhule ichakpaya. Ekemu uwejiola, mu uwhodhiwhola okpe.³³Buwhuto ekele mu onwunye nye Sameliya bha zhio lugalaga ichakpaya, yabu kpuwejilema,mu uyuluko l'obu otuizhi ladhi uzhi Yabukpu udhumalema eli L'umekwakpo enye zhiabhe l'eli gontu l'teshia oga l'menye.³⁴ Yabukpu ubushilema l'inyanya ya l'ubulawa udho bhushi, l'nyeshika enye.³⁵ Enyemu usoshioya yabukpu ugonule owayi ugbolo eye ibo l'unedhe nyemunwo udho bhushiya, l'ukanibhe, "Nyeshikani enye, iye-itashi gbaleni, n'yale ozu, mowhu bu owhu.³⁶L'ime madu itom, ndeenye igbebhubuwho nye egbeka-udho udukemu uda l'eka emene ugbum la? ³⁷Mu uko, "Nyemu utugoshio otu izhi ladhi uzhi." Mu Jizos bhakaniobhe "l'uze mu imedhiwhu kpeye?"³⁸L'umom kpomu uzhiobhe l'uze ize, yabubkpu ukpudhu lebhe l'ime ula, mu ununwe uwhubhe Mata mu utegashiola l'ime udhoya.³⁹ Unwedhiwhu nwana udhini Mali, amu'nazhio l'uko nyenweye l'unuji uli-ekpo ya.⁴⁰Buwhuto MAta zhima l'ugbolo umeke iye udhi-edhi. Mu ujakeshio Jizos, "Nyenweye, umashiyo kpomubhu nwaname usabhete me neteni l'uze uzhim la?" Kaniabhu ushikeshim eka. ⁴¹Buwhuto mu Nyenweye bhakaniola, "Mata,Mata, iye zhibhe yo nkpa l'uyaweni yo agbezhi tubhe ogbo, buwhuto iyeneteni uzhigbo nkpa. ⁴²Mali olotumale amu kakpoliobhe, a-enwedhike l'uwanatuabhe.

Chapter 11Ume l'eye, Jizos zhi kpedhi ekpele l'ime u-ula ekemu ukpekpo, mu o-onwunye lime emene uzhiya bhakaniola, "Nyenweye, zhiye kpudhiolebhe edhio zhikpom Joni zhio emene uzhiya."

²Mu Jizos kaniobhe, "Idhioleni edhio, kanikpom, Ida ewayo ugudhini egwele. Eleze yo 'jia.³Neye bhidhi bhelebhele eye.⁴ Sabheteniye bhiyo ye, ujimu yele asabhetenio emene umeyeshinibhe ye. Edushieye l'ime umama."⁵Jizos kanibhe, "Nnina l'ime yo enwe onwujie, mu ugwe uzekeshia l'echiabali, l'ukania, "Nwujie, gbadhishim ukpo bhidhi ito, ⁶iyedo nwujieme nine buzeli l'icakpa mu ujio, menwem iye makpajiwa nye-ize.⁷ Yabukpu nyemu uzhio l'ime udhuya asaleme, "Emekpom eli. Mogute malemu akwu, umelegdheme mele anamale ana. Ndeke mobuzelidhom l'ubha neyo bhidhi."⁸ Makiniyo, umashikpom bhubuzelie l'ubhaneyo bhidhi kpom nwujie, unuzo bu onuzo l'ubha neyo bhidhi zhikpu iwudhigale iyedoni, idogashi odogashi l'ujwe utu iwene.⁹Makani gbayoni, "Dhio, enebhe yo bu ene; wudhiga, eweji bu ewji; ko eka, augumani bheyo.¹⁰ "Iyedo nye dhiole, eneabhe bu ene; nye 'wudhigale, eweji bu eweji; nye 'kole eka, ogumaniabhe bu oguma."¹¹Eled ida-munwo l'ime yo unwoa odhioa ukpa, mu unedha ogwo l'ewa ukpa la?¹² Mobu nye unwoa udhioa bhidhi, mu unea ekpulu igwu la? Mobuwhone bhu unwoa 'dhioa ukwa-unu, mu unewhoa ekolo bhiyo-o?¹³ Kpombokpeye yolo unwo madeged imajimani kpu'nedhiebhe umeledhe yo iye manu amanu 'manumawho Ida olugwe enweike l'nedhi emene mu udhiobhela.¹⁴L'umom Jizos zhi l'ukpachi uwa-bhiyo-okpo-ekpo-o. Ekemu ukpachi wo mawhola, Udukemu okpo-ekpo yabhu kpu ubha 'kpole-ekpo, mu om 'wonawe madedge enye.¹⁵ Buwhuto e-emene l'imebhe mu ukobhe, "Ukpachidhio uwabhiyo bu l'ewa Belzebu."¹⁶Otutu umabhe ama mu uwudhigabhe oshi amuumaa ubuzeli l'igwe. ¹⁷Jizos umaji echo chebhe mu ukaniobhe, "Uchichi ukeleya ibo autadhuma, mubuone udho auda.¹⁸Kpom ikakoni bhu ugbakpome 'buzeli l'Belzibul, ubulebu Ekpesu bhu ukeya ibo, ndewho kpu unuzokedholela li ugbakpoya la? ¹⁹ Ubulebhu makpachima uwabhiyo l'ewa Belzebu, emene mu uchiyhabhe yoni ukpachima jibhene l'ewa iyela? L'ishili om, obunilebhe yoni emene ikpe. ²⁰Buwhuto ubulebhu makpachiwo uwabhiyom bu gontu l'ugbenaka Ebilikpabi, yabukpom eleze Ebilikpabi ejakeshile yoni²¹Eke nye kwali akwali nijiketule ujdhoya gontu l'awhulu uluya, ukpolokpo ya ndeke atadhuobhe. ²²Buwhuto eke nyeka l'ugbakpo kpupidhie wholeme, yabukpu anatukpolema awhulu ulu, a-uwhatukpo awhulu udhoya.²³ Nyemu ezhikeshie me, nyeya nazhigide me. Nyemu emegbede keshieme iyhe nyeya bunye utashi atashi.²⁴Eke uwabhiyo buzelile l'eli madegede, ugadhiga agadhiga l'uweji adhi ubebe. Ubule kpom bhu uwejie, yabukpu akale, "Makazebu ozu adhi mobuzelio. ²⁵Eke ubha yale ozu, ewejile udhoya kpumewakpo lebhema. ²⁶Yabukpu akazele ozu l'uwudhiga uwabhiyo isabo uyokaabhe li bhiyo l'uja adhi ubeshi ladhiya yabukpu unazhi nyezhikpeye oyokale ekele unuzum.²⁷Yabukpu umele, ekelemu ukpokpo utu ekpom, mu ununwe ugbabuze uliya olu kapkoigweligwe maduya l'ukania, "uwokwani ugudhini ekpanu-uwomu umuoyo lijine emamu uneshiobhe l'ukpabuzewe yo. ²⁸Mu 'ko, "Uwokwani uzhini emenemu unujiobhe uli ekpom mu uneobhela.²⁹Kpomu igweligwe maduya uzhio l'uladhi ozuya yabukpu Jozos ubhakale, "Ukom bu uko bhiyo. Uwudhigagbobhe bu iye uwodhennye, ndeke ewejibhe ugama iye ujiye uwodhenye," mu Jona.³⁰ Zhikpom Jona ubuo iye uwodhenye ladhi emene ninio uzhibhe, yabukpu unwom madegede ubule iye uwodhenye lukom.³¹Eze unioma buzeli ligbum nwem suweya ishi, unuzo buli ukpeshi emene ukom li ikpe, iyedo ubuzelima buli igbu uwam gbo ogbo l'unuji eyo Solomon, ngwa wejiwho "nyekawho Solomon zhiwho ladhim."³²Emene ninio omuzobhe buli ikpe ladhi ukpom zhibhu aukpeshibhe ikpe, iyedoni uyosalibhe oyosali lekemu yona uzhizhiebhe uzhim, ngwa weji nyekawho Jona zhiwho ladhim.³³Uzhie nye umushikpo tongio mu uwoke owoke mubuwhone ukpupidhia iye, awhakosha bu whu ele tongio, kpuemele mu nye kpudhule uweji usamali ya. Ekpeleni yo bu usamale eliyo.³⁴ Ekpeleni yo umanule amanu, eliyo logbo oyuluka buli usamali. Buwhuto ekpeleni yo uyole bhiyo, eliyo oyuluka buli igeleni.³⁵ Kpom bokpeye tukpa eli mu usamali mu uzhi lime yon ugwe ubu igeleni. ³⁶Ubulebhu eliyo logbo uyuluka lusamali, lugwe unwe igeleni nnine nnine, ushile kpeye, eliyo logbo ezhiwhobu kpom nye umushibhe echi sabhaka leli.³⁷Lekele mukpokpo otu ekpom, yabukpu o-onwunye nye Palasi kanilema bhubha dhibhidhi ludhoya mu Jizos uzeo ludhikeshia bhidhi. ³⁸nye Palasi ya nwodha enye kpom Jizos udhio bhidhi lugwe usama eka.³⁹Yabukpu nyenweye bhakanlema, "Weji emene Palasi imekwagboni bu ogbo egege li ogbo ibala buwhuto imeyo uyuluka buli ekele ekidhi li bhiyo. ⁴⁰Yolo emene enwebhe agugu ishi! ubuo nyemu ukpuo ime iye ukpu dhiwhu oluya e-ela. ⁴¹Nedhe iyemu uzhio l'imeya kpom egwo, yabukpu bhele bhele iye ezhinile yo usamali.⁴²Buwhuto ubu unu zhini yo Palasi, iyedoni iwhuni uuke lidhiadhi yo liye uzhiyo l'eke l'elika buwhuto echiwo maleni egede ikpe li ugushi Ebilikpabi. Ubu iye manu amanu lukpa egede agwa li ugushi Ebilikpabi, lugwe uwhekashi dhiwhu otu iye gwali agwali lanwa.⁴³Ubunu zhini yo Palasi, iwudhiga gbodhini bu unazhi agida ununu li udho ukpeni li unetu abidhi odhu eso l'ime aya.⁴⁴ Ubunu zhini yo iyedo izhini kpomu ili eyiebhe eji amu madegede gabishiobhe lugwe ugbushi eji.⁴⁵Mu nye maji oloko gbaka nnine kaniola "Nye uzhi ezhi, iyemu ikadhiom bu ukpadhiwe ye umu.⁴⁶ Mu Jizos, "Ubunu zhini yo, nyezhi oloko" iyedoni ibushini madegede ubu kabhe aka. Otubu zhibhe kpeye, ikpotuoni ugbeneka yo.⁴⁷Ubunu zhini yo, iyedoni innim emene amuma ili, ubudhiwhu bu emene iko idayo ugbudhituebhe.⁴⁸ Ibuni emene ekebe lushishidhiwhu eka totu iyemu umobhe, iyedoni gbele ugbulebhe, yolo igujinine ilibhe.⁴⁹Lishili umazhim, eyo Ebilikpabi kakpom "Modugashibhe bu emene amuma li emene uzhi, osobhebhe bu oso, ogbudhi whubhe bu ubotubhe.⁵⁰ Gonututu who l'umom tutu dhumawho bulishi emene ukomazhiom.⁵¹ Gontu li ubala Ebeli tutu udhuma ubala Zakaliya nyemu ugbobhe luke ige osoeja l'ime udho. Eh, makaniyo, omojikebhe bu emene ukom.⁵²Ubunu zhini yo emene imajikwani oloko, iyedo echiwoshimaleni Sapi umajiye, yolo ukpudhiom, ebunimajileni emene jiabhe adhi ukpudhu okpudhu ogose.⁵³Kpomu Jizos ubuzelio ladhiya, yabukpu eme ubhabha li emene Palasi udokeshilebhema ikake liye tuogbo. ⁵⁴Lusejikebhe kpu enwelebhe uwedhini umotua ladhi adanibhe oloko.

Chapter 12

¹L'ekelem puku madu 'tuogbo shikoobhela luzopidhiettahwo uko, yabukpu ubidole lukani emene uzhiya lunuzu, "Tukpani eli li owukpo bhidhi mu emene Palisii, amu uyuluko lumagbo.²Buhwuto uzhie iye uzhiluwodhi ukabhebhe ndeke olo -uwe, uzhie iye uzhiluwodhi egwebhe umaji. ³Kpombokpeye iye ikale luwodhi olobu uwodhi, olobu uwe, uka itakudhile l'imemudho unujiabhe buli oludho li li e-eye.⁴Makani yo, nwuje me, etunineni emene mu nwebhe ike lugbu okpeli mu ugbotuo ladhiya,⁵ Buhwuto modoyoni bu eka l'ete liye basali l'nye utuni otogwu. Tunini nyemu unwe ike lugbu mu ulugashidhihwo l'ime echi enwe ugulu ogulu. Kpeye makani yoni, tunani otogwu.⁶Udhedhi buo unu bhise li peni ibo? Kpomu uzhie, uwolinie Ebilikpabi. ⁷Umashibhu bu ukaze ishiyo, ogugbedekpole. Etuo otogwu. Ibadhu ibala kakpo otu unu muya.⁸Makani yoni, nyenye kaloshiwele me lununu madegede, unwom madegede akaloshiwe nyenya buli ununu emene uzhi oligwe Ebilikpabi.⁹ Nyenweyhe kedhinieleme ikake lununu madegede, yabu nye ekedhinubhe ikake li ununu emene uzhi loigwe zhibhe.¹⁰ Nyenye kagidele unwom madegede, enwebu usapeteni, buhwuto nye kagidle uwa egwele, ndeke enwe usabheteni.¹¹Uyawelebhe yoni udho ukpeni, emene uchi echi li emene nwebhe ugbakpo, eludhigani li iye ekani aka ludokpewe eli yo, mubuhwo ekpo ekponi okpo.¹² Udhumale ekeleya uwa egwele yawe ezhini yo iye ukaaka.¹³Yabuku o-onwunye l'ime ogbo ladhiya ukanileme, Nyuzhi ezhi, "Kani nwaname bhakema akpeye mu unem ukeama." ¹⁴Mu Jizos kanila, "Nnina meweme nyeshi ikpe ladhi izhini la mobuhwone nye unazhi li echinabo yo la? ¹⁵Mubha kaniobhe, "Tukpani eli mu igweni ukpudhu li agwa enyelike. Iyedoni budu madegede buoli ekpe unwe enwe."¹⁶Mu Jizos luniebhe elu, luka, "Ika o-onye eze lowe egede bhidhi, Yabukpu ubha gbekle lunukuma ya, ¹⁷mu uko, "Nde iye memela, menwedhem adhi ubhako." Ombu iye meme. ¹⁸Mokojekpo bu ekwe bhidhim, a-nunushi aubu ka adhiya, a-amuya buhwo adhome shilikpo bhele bhele bhidhi li ekpeme.¹⁹ Makani bu uwame, "Uwame, inwe umanu tuogbo uzhi ludhi li ala tuogbo. Dabeni mu idhi, mu inwu, mu ipadhi."²⁰Buhwuto mu Ebilikpabi kaniela, "Nye-ishi, l'abalim, uwayo, owudhigalebhema, otu iyemu emeketa kpawe ekuho bu nye edhi la? ²¹Yabukpu budu nye ubuite le ekpe adhi lugwe unwe iye iye leka Ebilikpabi.²²Jizos kani emene uzhiya, "Kpombokpe makani yoni, eludhigani liye basali ibudu yo, iye udhi edhi, mobu iye basa li okpeli yp, iye uyeji eyeji." ²³Iyedo budu akamale bhidhi, okpeli akamale iye uye eye.²⁴Weji unu olu uchiebhe ukposhibhe akpashi, ugutuobhene ogutu, unwebhe ekwe bhidhi mobu udho ubhete bhidhi yo izhikajine otu iye zhikpeye l'mkpa!²⁵ Nnina l'ime yo enweke l'uhwakoshidho uluya gontu l'eke ulugba la?²⁶ Ubule bhu imedhogebhe iyezhi ntiko kpeye, nde iye ilugbani loto ugweliho la?²⁷Nyetu uhwo ewe uxodhubhe kpala la? umebhe ugbolo, ukwodhiga bhene okodhiga. Mu makanie yon, umashi bhubu Solomon li bhe bhele ebube maya, uyejidhone iye zhikpeye. ²⁸Ubule bhu Ebilikpabi nwike li uyeshi ewe ukanyi, amuzhiobhe li ubebudu tam mu ubekpom bhu sele, inwike luchigashibhe lechi, ndekpu igbele bhu ndeke eyeshie yo ukanyi la, yo nye uhwetu nweji!²⁹Eludhigani oludhiga lishili iyudhi edhi mubuhone iye unwu onwu, elugba oluga. ³⁰Bhele bhele igbu luwam wudhigabhe otuyim, idayo maji amaji bhu ibudu yo kwani ogbo otu iyezhikpeye.³¹Buhwuto wudhiga eleze ya, ogbo iyem enekpoyo bukpai.³² Etuo otogu bhi iyedoni bukpombhu idayo kakpom bhuya nedheyo eleze.³³Dhegbo ekpeyo a-igwodhiwekpoa uma. Meketu ekpa-owayi egwe udhulu odhilu-kpuketu owayi loligwe, mugwe ugulu ogulu ogulu, adhim nyughu odhumadho, elu nwenike ludhidho.³⁴ Iyedo adhimu owayiyo uzhio, yabu adhi obuyo zhi.³⁵Yeshikeyo iye lokpu a-imushike tonjioyo,³⁶ Azhikpom emene wudhigabhe idanwudho bhe leke uya lize udhugwo, kpemele eke ukoleka lakwu, a-ugumaniabhe akwu lugwe utashi ubhe.³⁷Uwokwani uzhini ogbo nwoboyi mu idanwudhobhe ejayashio luseji eseji. lishuka, makaniyo, eyeshiya bu edhi lokpu lunazhikeshibhe ludhikata bhidhi, yawewe ezhinibhe iye udhi edhi. ³⁸Idanwudho ujiale luse abali ugbuwe bhibo, mubuhone usabali gbuwe bhito, mu wejile emene nwudhoya luseji, eseji, uwokwani ezhinibu emene nwudho zhikpeye.³⁹Buhuto wota om. Ubulebhu nyenwe udho maji ekele nyugbu eja, ubha seji eseji lugwe uhwe bhu kojienibheya udhio.⁴⁰ Jikele dhihu ejikele, iyedoni imajie ekel unwom madegede eja.⁴¹Pita akale, "Nyenwe, ilunio elu bugbo yele, mobu bhele bhele madu.⁴² Nyenwe akale, "Nnina buho nwoboyi nwuhwetu li eyo amu idanwudho enwike lubhete ladhi emedhe emene nwoudhoya bhidhi leke udhukata odhukata. ⁴³Uwokwani zhini nwudhomu idanwe udhoya ejayasho lume iyezhikpom leke ejio.⁴⁴ Legede, makaniyoni, eshishia bulu unyijike ekpeya.⁴⁵Nwudho ya bhakale lunukuma ya, idanwudhome tashiho ubhe luya ozu mu ubidole uko unu nwudho ukoma lunyoma iye mu unwule mu udhile, ⁴⁶mu nwugboleya, Nyenwe ogbo nwudhoya ayabu lugwe uhweshi anwa, lekele amajie, aukebiekpoa l'uzu l'uzu, aubheta ladhi emene enwebhe uhwetu.⁴⁷Unwoboyi zhikpeye, lumajikpo agwa idanwudho unwe mu umegbale kpeye lugwe umekpu udhukatale, idanwudhon okojekpa bu eli. ⁴⁸Buhuto nyemu umaji, uko iyeya ezegbo bu ezezgbo, buhuto nyenye unelebhe bhaka, yabu nye enyedhihu enye iyebueke, nyemu unebhe iyetuogbo, yabu nye owudhiga bhe aubueke l'ekaya.⁴⁹Meja adhi uyi echi luwa, uhweshi bhu echiya zhiho lunwuho onwu. ⁵⁰Buhuto menwe uwushimini, mamajidhihu kpu umekpaleme eli tutu umezuma.⁵¹Igbhe kpom bhumejia adhi unyewe uyodhum l'ime uwa.⁵² Ubuokpeye, makaniyo, kamuo kpeye obubu ukema. Gontu lumom kazeho, madu ise lime udho ezhibhe bulukama-madu ito odhugidebhe bu madu ibo, madu ibo odhugide bu bhito.⁵³ Enwebhe bu uemata, ida odhugide bu unwo, unwo odhugide bu ida, ina odhugide bu unwo unwoma, unwo unioma odhugide bu ina, inazhi odhugide bu nweni unwo, nweni unwo udhugide bu nweni unwo, nweni unwo udhugide bu inashi.⁵⁴Jizos ukanihom bu igwe maduya, kpom bhu "Iwejileni uyili kpu ibe elanwu suw, kanikpom bhu udeminu luya, obubu kpeye.⁵⁵ Ekpe uwele buzelile lugbogbo uwa, kanikpom, ekechi kitke ezhibu ezhi, yabukpu obule.⁵⁶ Emene upibo, imajini kpu ugbamale unwulu uwa li olu, buhuto iyele do mu igweni umaji kpu ugbamale ekele mazhiom la?⁵⁷Iyelado mu igweni ukani eliyo iye badhu ibala la? ⁵⁸Eke izeleni ununu ikpe, yo li nye egba yo, gbake ukpo mu idhodhini lichakpa, mugwebhe udokpula yo eka nyishipe, mu nyishikpe gwe yo udokpulani nye ataweyo akuku luchigashiyo likoli.⁵⁹ Makani ndeke ya tutu itashi owayi bueke inwe.

Chapter 13

¹L'ekeleya, eemene kuniabhe iye basa li emene Galili mu Pilat gonuo ubalabhe mu ugwashio loseja; ²Mu Jizos kaniobhe "igbeni kpom bhu emene ya bhu mebhe bhiyo ka emenem la? ³"Umebhe, makanioni, ubulekpom bhu iyosalieni etadhiwhum bu ewe.⁴Mobu adhi madu limadu isato li saylom mu udho dagbo igbeni bhu bhele umekalikpo emene Jeluselem libhiyo? ⁵Ubokpeye, makani yoni, ubulebhu iyosaleni etudhuni bu ewe⁶Jizos lunibhe eli, "Onwunye kpashi ushi pigi li ikaya, mu ujio ludokwa ina loluya buwhuto uwejie.⁷ Unukeya kuni emene ugbolo ya, nyetu ozule li alito meja lu wotu anwushi pigim buwhuto mewejiem gbuja ni ogbuje. iyela odo mu uketu elela?⁸Mu emene ugbolo ikaya kobhe, "Idanwudho, Sapetete gba li alam kpu emele mu akposhi gba uza uyi. ⁹ Unwule ina lalam, a-ugudhi buwhuto uble bhumonujiene, a-agbuja.¹⁰Lumom Jizos zhiwhu zhiezhi ludhukpani, leye udhitu inwe. ¹¹Nyetu ununwe zhiladhiya, uwabhiyo kojie kpolema uzu eli. ukpalele iyezhikpom dhiala li alisato.¹²Ekemu wejiola mukuniola "ununwe, yenwele eliyo lumekpelim.¹³ Mudajiola eke, lekele neten, mu ununweya nwo eliya. Yabukpu upadhiwele Ebilikpabi. Umashie nyuniji udhum kpeniya iyedoni Jizos gwo eli leye udhitu inwe. ¹⁴Mu ubhakanio emene zhibhe ladhiya, "uzhibhu eye isu lume ugbolo jia mu igwo eli logbo eye zhikpeye, obuo leye udhitu inwe¹⁵Mu nyenweye kaniiola, "Nyupibo" ikumani onoyo edhi leye udhitu inwe, ludolabhe adhi unwu mini? ¹⁶Kpombokpeye, unwo udhioma Ebilaham mu uwabhiyo eliya leye ukpeni la?¹⁷Kpom uko otuiyem, oyu emene zhitubhe tobhe obu lupadhiwe Ebilikpabi lotu iyemu uwejiobhe ya.¹⁸Mu Jizos ko, Elize Ebilkpabi zhikpala, nde iye atushia la?¹⁹ UZhikpom ukpulushi nweji amu uduke seko limika, mu uzodho l'ubu eke ushi, mu unu olu nushiabhe udho.²⁰Udo muko nde iye motushi eleze Ebilikpabi la?²¹ Uzhikpomu owulukpo bhidhi mu ununwe gwashio libhidhi kpo ubuluma,"²² Jizos ubha zeo-ize l'ugakoshi ewheka ula zhibhe libeya l'uzhikala uzhi lukadhe Jeleselem.²³ Mu emene ukanebhela, "Nyenweye, emene ntiko enwegbobhe ugawe la? Mubha kaniobhe, ²⁴"Gbake mikpudhu lugalaga akwu mu gbapio ya agbapi, iyedo makani yo, otutu agbakebhe bu ukpudhu buwhuto ndeke okpudhudhiobhe.²⁵Eke nye nwudho bha chitemale akwu, a-inuzo lelezhi luko eka, luwhu Nyenweye, Nyenweye. Yabukpu akale lukaniyo "Mamajemu yo ladhi ibuzeli.²⁶ " Yabukpu ekale, "Yele adhi lunwu l'ununu yo, izhi iye l'ime ichakpa udhoye. ²⁷" Buwhuto asabu kpom, "Majemu yto, buzeli ladhim yo nye umeyeshi!²⁸Uta ikinize li ikwa izhiobu ezhi leke ewejioni Ebilaham,Azhik, Jekob li bhelebhele emene amuma leleze Ebilikpabi, buwhuto yebobu nye chiwobhe ochiwo. ²⁹"buzelibhe buli bhelebhele ukponi zhi l'uwam l'udhikeshi Ebilikpabi bhidhi.³⁰ Maji omu, "emenemu ezhiebhe kpom iye badhu ibala obubhe emene unujzu, emenemu uzhijobhene mkpa odhubhe bulozu.³¹Lekele ya kpu emene Palasi bhakani lebhema, buzeli l'adhim Helod ogbuyo ogbu. ³²Mu Jizos bhako, "kani ono be l'udhu bhu ya kpachi uwabhiyo, bhu ya gwo elidhe li tam li sele, l'eye soshi kpom obuo iye dhukata kpom bhugbubhe nyammuma lelezhi Jeluselem. Ubujilene bhu makaze bu l'ununu li tam, sele li eye zhi l'ununu. ³³Kpom obo iye dhukata l'utashi mugbu nyamuma l'ime Jeluselem.³⁴Jeluselem, Jeluselem ogbu nye amuma 'dugashibhe l'ime yo. Tutu mejikele l'ukpagbede yo kpomu unu kpupidhio umeledheya buwhuto iwheni, ³⁵Weji, udhoyo gudhiwho kpeye. Makani yoni ndeke ewejiedheni me tutu ikani kpom "Uwokwani zhini nye mu 'jio l'ewa Nyenweye."

Chapter 14

¹L'eye udhitu inwe, ekemu ukadho udho onye Palasi l'udhi bhidhi, yabukpu uniji dbilebhe ma.² Ladhiya, uzhi nye da uke eli uyadhu. ³Jizos ju emene majikwabhe oloko Juu li emene Palasi, "Ubu iye oloko l'ugwo eli idhe l'eye udhitunwe la?⁴Buwhuto ukpobhe ekpo, mu jizos mojola, mugola, mu ukaniola bhukadhe. ⁵Ukanibhe, "Nnina l'imeyo unwoyo mobu onoya adagadhu l'udhu l'eye udhitu inwe mu sabhete-a kpeye, l'ugwe udokpewe-a l'ekele ya la?"⁶ USadho bhela iye iye.⁷Ekemu Jizos nyeto kpu emene mu whubheya dodhilebhe agida odhu-eso zhinhe l'ununu, mubha l'uniebhe elu lukanibhe,⁸ "Uwhulebhe yo bhi ja adhi udhugwo, enazhie l'adhi odhu-eso , iyedoni ezhiobu nye uwhubhe ukayo l'udhu-eso. ⁹Eke nyemu uwho yoni bhajale, akaniobu yo, "Nedhe nyem agida yo, uzhile kpeye, obuwhobu iye iwene l'udhegonu agida yele.¹⁰Buwhuto eke uwhulebheyo ulu, l'enazhi l'adhi yele kpemele eke nyenwe adhi jale, owhubuyo l'uka mouje, kadhe adhi kadhe olu. Edhule esol'adhi emenemu uzhikeshiebhe yo zhibhe. ¹¹Iyedo nye jilene eliya ele, agbabuzebhe bu olu.¹²Jizos kanidhiwhu nyemu uwhula, inedhile bhidhi mobu ukpagi nye-ize, ewhugbo nwanayo mobu nwuji yo mobu emene udhoyo, mobu emene eze imaje kpemele mu uwhumashi bheyo l'udubowhu,¹³Ikpajile nye-ize, whu nyayo, nyuko Jieji; nye'kpa l'ele li nyekpeleni ukpoli.¹⁴ Yenwe bu uwokwani, iyedo, ndeke oludhobhe ugwo. Yenatu uhugwo yo bu l'eye ulelenwu emene uma.¹⁵Ekele mu o-nwunye unazhikeshibhia ladhiya mujio otuiyem, mubhakaniela, "Uwokwani zhini nyemu edhio bhidhi leleze Ebilikpabi.¹⁶ Buhuto mu Jizos kaniela, "Uzhi uduke mekekpo bhidhi ila tuogbo, mu uluo madu tuogbo.¹⁷ Ekele udhibhidhim bhadhumo, mudushio ogbo nwudho ya bhudho hu emenemu uhuobheya, "Jani, ekele udhibhidhi odhumale."¹⁸Bhelebhele bhe unatubhe bu ike iye utunwashi, nyunuzhu bhuya go ele, bhuya zebu adhi uweja enye. ¹⁹Udo akale, "Mogotu ono gbu adhi bhibo-bhibo adhise, meze ludhe mashibhu amashi. ²⁰Udo akale, "Motu ununwe, ndeke mejadhom.²¹Mu nwudhoya jo lubha kania ogbiyem. Yabukpu idanwudho bha wudhule uma lu kani nwudhoya, "Ye asaga enwenwa, whukpo nye iwejito lichikpa li ime ulalogbo, mihuyawe adhim, nyuyo, nijiuko, nye ekeleni ukpoli, nyekepalele.²² Yabukpu nwudha kale, "Idanwudho, iyemu ikom, obumale buhuto agida zhili gwalike.²³Mu idanwudho kanio nwoboyiya; Zeho ama li adhi bubhe eke midoyawe bhe, mu adhi yulu oyulu. ²⁴Iyedo makaniyo, ogbo emene mu mohuo lunuze ndeke edhiedhebhe bhidhime.²⁵Lumom igweligwe madu zhilu chizedhiabhe, yabukpu uyosalile lukanibhe. ²⁶Ubulebhe zhinye jakeshime mugwele uso ida, ina ununwe, umeledhe, nwana ukoma, nwana unyoma, ushikatabhe ibuduya,ndeke obudho nye chiyame. ²⁷Nye nye obula obuto obeya mu uciya me ubo nye uzome.²⁸Iyedo nima l'ime yo akabhu yam otuko udho mugwe udokwakpo ekayo ubulebhu emekpodha lugwe uzhegbo lichakpa la? ²⁹Ubulebhu buokpeye, eke ubidole unudho, mugwele umkpo, enwetabhu okolomum.³⁰ Nyem bido unudho buhuto unukpodhola.³¹Mobu ele nyeze enikwe ludhe lushi eze iba, mugwe unazhigedhe ezhilu nuji udu kpu ezele uluya li emene ulu obululu. ³²ubule bhobubu dhi puku madu ludhe lushi ugu puku madu ulu mu unwike lumegbo. Ubulebhu mekpeye, eke emene uluya zhilebhe luto, odugashibu emene udhia adhia kpemele mukpe uyodhu. ³³Kpom bokpeye nyebuhuto lime yo ugwele unedhikpo ekpeyha, unwike luchiya dho me.³⁴Adha bu iyuma, buhuto adh chiwoma hole etoya, ndekpu emele muto etoya la? ³⁵Ndeke abadhudhe ibala ladhi uza zhi, mobu adhi uzuyi zhi. Ochwabhe bu ochiwo nye nwele ete unuji, unuji.

Chapter 15

¹Lumom, bhele bhele emene ugbolo una owayi li uo emene umeyeshi zhibhe lujakeshi dhi. ²Emenem Palisii li emene ubha abha zhibhe lu tagutadhiho, luka, "Unukem natu emene umeyeshi, udhikeshidhihum bhe bhidhi.³Mu Jizos luo, eleu lukanibhe. ⁴Nnina limeyo, enwe ugu akpalama ise mu nnine wulunatua mugwe usabhete ugwino lidhi li nazzma lime ukaya, ludho wudhiga nnine ya tut uweja la? ⁵Eke ubhawejile ma, obushiyabuli eweka luto ekpema.⁶Eke ubha dhumale udho, ohubu emene nwuje li emene egbekudho, lukanibhe "Bhatokeshimeni ekpema iyedo onome wulu owulu, mewejilema. ⁷Makani yoni kpom umashibhu bu kpeye, ekpematoezhibu loligwe leke o-nyumeyeshi yosale, ka ugumadu ino lidhi linazamadhi owudhigabhe uyosali oyosali.⁸MMMobu ele unyoma enwe dhi owayi usa mu nnine wulunatua, mugwe umushi echi, luzama udho, mu wudhigake tutu uwuwejima la?⁹ Ekubha wuwejilema, yabukpu ohuule ogbo nwuje, li egbekudjho, luka, "Jani, mowuwejilem owayimu uwulo owuluya.¹⁰ Umashibhubu kpeye, makani yoni, "Upadhi zhi luunu emene uzhi Ebilikpabi leke onye umeyeshi uyosalile."¹¹Mu Jizos bhako, "Unuke mubu umeledhe ibo, ¹²Mu amu umeledhe bhakanio ida, "Nedhem uke owayyo udhunime mu Ukemo madu ibobhe ekpeya.¹³Ulashie eye tuogbo kpu amu umeledhem megbede kpole bhele bhele iye udhunia mu uzo ize ligbu ukaniuto, li igbuya, yabukpu uchiwo kpole bhele bhele iye unwe, libudu udhi lunwu. ¹⁴Lumom, kpom utashiko bhele bhele iye, yabukpu okenye bueke udale ligbuya, yabukpu ubidole udhiodhi.¹⁵Yabukpu uzele adhi ubekeshi o-nwunye ligbuya, amushishila lugbolo une ezhi bhidhi. ¹⁶Utoho bu ekpema ludhi iye ezhi dhigete iyedo unwedhe nye na bhidhi.¹⁷Buhuto ekem unwo eliya, muko, idame unwebu unwoboyi elala uzhibhe ludhite uwo, mu mezhio lunwulu linwe ladhim la? ¹⁸Mobuzeli bu ladhim a-mzekeshi, a-nkania, "Idame, memeyeshini lemu eligwe liyo.¹⁹ Mezhiedhem adhi uhu unwo yo, mewe hom nine li ogbo nwudhoyo.²⁰Mu unwo gbuwe bhibo ya buzelio luzekeshi ida lemu uzhio luto, yabu kpu ida wejilema muyuluko lishigili, mugbazo lumoshiya leli li umiokata unu.²¹ Yabukpu unwa kanilema, idame, me meyeshinilemu eligwe li yo, mezhiedhem adhi uhu unwoyo.²²Ida akanile ogbo nwudhoya, yaweni enwenwa kapa kpokpo mu zokalikpobhe, mu iyeshiani, aiyeshiani eechi-ugbeneka, li okolo.²³ Aize galani eyimu ubukalikpobhe, gbuani madhini ogu ekpemeto.²⁴ Iyedo unwome onwulukpole, lumom, ewejigbalebhema mubidobhe uto ekpema.²⁵Lumom unwo unukanim ezemale ika iyem dadhiom. Ekemu ubhayo, ludhumaho udho yabukpu unujile iye ugbali eli utebhe ete. ²⁶Muhuo o-nwuye li ogbo nwoboyim lutekwa iyeda.²⁷ Yabukpu usalame, "Nwanayo ayele udho, idayo eyigbole ono mubukalikpobhe iyedoni unatuka joka.²⁸Unwo unukaniya wudhu uma, uhwe ukpudhu limudho,yabukpu idaa kpushile mubha dhiyashiola.²⁹ Yabukpu unwo unukaiya bhakanile idaa, weji li alatugbo kpumemenile yo ugbolo, maka loman uli ekpo yo, buhuto ekanedheme ono nweji mumotokeshi ogbo nwujeme ekpema. ³⁰Buhuto ekemu unwoyo yo, nyemu tashinikpoyo iye lukpeyega, yegbunileme eye bueke.³¹Mu idaa kaniela, "Unwo izhikeshime zukpulu ekele, bhele bhele ekpema bu ayo.³² Buto udadhu bhato ekpema li upadhi, iyedo nwanayom onwulukpole, lumom ezhigbale budu, uwulu owulu, buhuto lumom, awejilema.

Chapter 16

¹Jizos kanidhiwhu emene uzhiya, "Uzhi o-onyeze nwe nye unyeshikenia ekpe, mu ukaniobhela kpombhu nwoboyi ya bhatashinikpole ma ekpe. ²Munyeze ya uwhuola lukania, "Iyemu monujiom bu kpala la?" Bhamakala uli basali eka ugbolo ya, iyedo ndeke yebuodhe nwoboyi me gba.³Mu nwoboyiya kanio eliya, nde iye meme kpom iadnwudhome anatuome ugbolom la? Menwem ugbakpo unwe ugbolo, utuweme iwene ludhiodhi odhiodhi.⁴ Mamaji iyememe, kpu emenle ugbolo gulunileme mu madedged unatubhe me ludhobhe.⁵Yabukpu nwoboyiya bhahule emene mojibhe idanwudhoa ugwo, mu ubhajuo nye unuzu, imoji idanwudho bu o-okpala la? ⁶Mu uko "ugwo ekpa uga olib ise, Mukaniola, gonu ukpalahum yo enwenwa mibhashi ugwu ibo lidhi. Yabu nwoboyiya ubhakinijile udonwunye, "Imojibu o-okpala la?⁷ Mu ubaso "Ugwu ekpa witi ise. Mu ukaniela "Gonu ukpahum mu ibhshi ugwu ino.⁸Idanwudhoa ukani jihoane bu ekani bhiye do bhumajikpu umega lebhe iye. Nyetu, umeledhe eluwam nwebhe agugwuishi umegbo nwanibe ka umeledhe usamali.⁹ Makaniiyo, kpani nwuje gontun leze izhie usamali, kpemele, eke ugbule, a-ushishi bheyo lechi unazhi.¹⁰Nyenwele uwhetu liye ntiko, enwedhihu buliye bueke. Nyemu akpake agwa liye ntiko, ndeke akpakene liye bueke. ¹¹Ubulebhu enwe uwhetu umewe eze ezhie usamali ugbolo, nnina otukwashi hoyo ekpema luneyo eze umanu amanu la?¹² Ubulebhu inwe uwhetu lumojike ekpe udo emene, mina enehoyo owayi 'bu a-ayola?¹³Uzhie nye obunidho idanwudho ibo nwudho, osobu nnine, augushijine udo, mobu ukuni keshi nnine, aunagwaliya. inwike lukpeni Ebilikpabi li Eze (owayi).¹⁴Lumom, emene Palisii, kpomu ugushiobe owayi, ukpadhiwabhe umu likpom unujiobhe otu iyem. ¹⁵Mu ukaniobhe, "Ikpakeni agwa buli ununu madegede, buluto Ebilikpabi maji ekpema yo iyemu umashio madegede bu iye Ebilikpabi soso.¹⁶Olokom li amuma zhibhe lunazhi tutu Joni jio, Gonutu mahoya, uzhikala hobhe bu uzhi ele eze mu Ebilikpabi, yabukpu bhelebhele madeu unushi jilebhene elibhe limeya. ¹⁷Uka unwe uwe li oligwe li eluwa lugabishi ka u-ukele lime olokom egwe ubadhu ibala.¹⁸Nyenye ukpalile nwenia mu utule udo ugadhio ya bu uga, nyenye utudhihule ununwe uchibhe echi, ugadhidhoya bu uga.¹⁹Lumom, uzhi nyeze uyoji ukani eze li loko uzoz, amu udhi ekpe ezeya li bhele bhele eye. ²⁰Ububhetebhe u-unuke dhiodhiye, ewaya bu lazalus li egbete ya, epe oyuhumalema eli,²¹ Unye enye bhaya dhibu iyedanatu nyeze. Akita jadhihubhe adhi udha epe.²²Mudhumo kpu nyedhiodhi iyeya nwulule, mu emene uzhi eligwe bulawebhela adhimu Ebilaham nazho. Nyeze ya nwuludhihu onwulu mu uliobhela,²³ Lime udhu ekechi, uzhi lakuku, kpu ugbabuze wele ekpeleni ya olu luweji Ebilaham lakputu lijine Lazalos luzedhu eliya.²⁴Yabukpu ubha chile luli bueke, "IdayeEbilaham, nwenim otuizhi mu idugashi Lazalos, mu ukpotu ugbeneka ya limini mu uteshim lidho, iyedoni mezhi lakuku lime echim.²⁵Buwhuto mu Ebilaham kajiela, unwo, gbeweji kpom bhu lekele ibudoyo, enwetakpole umanu yo, Lazalos udhijine bu akuku buwhuto lumom, edhile umanu, etajilene akuku.²⁶ Obuone otum, eshishi maebhe ogbose ukpu emele munye zhilinewe ugwe ugalaga ibemu, munye zhidhiwhu libewe gwe ujia ibemu.²⁷Mu nyeze ya bhako, madhia yo adhia, idaye Ebilaham, dushia ludho idame.²⁸ Iyedo menwe nwana ukoma ise, kpemele mu udo ebhe eka li ete, mu bhele ugwebhe ujagba adhim ekechim.²⁹"Mu Ebilaham bhako; unwebhe Mezhizhi li emene amuma, ukpeniebhe ete.'³⁰ "Mu nyeze ya bhaso, ubokpeye ida Ebiliham, Madu buzelihuto li ili mu uzekeshilebhe, onujibhe bu onuji, auyosalibhe.' ³¹"Mu Ebilaham kaniola, ubulebhu ukpeshiebhe Mozhizhi li emene amuma,ndeke bhe oyosalibhene mashinebhu madu bhu ubuzeli l'ime ili."

Chapter 17

¹Jizos kani emene uzhiya Ubu li egede usubie ezhibhe bu ezhi, buwhuto ogwo lowo uzhini nyem olowo usubie." ²Akanie bu nyenye uma ubule bu utagashiabhe okilima liekidhi mu uchigashebhe li ime olimini, ka ume mu onwunye li umeledhen udahe.³Nyekwani eliyo. Ubule bu nwana yo me umuye, gwugwoshiia edhi, ubule bu oyosali le, sabetenia. ⁴"Ubulebu eeyeshini yo bhisabho li e-eye, mu ujiakeshile yo uja isabo mu udhio sabetenim nnedhem, sabhetnia."⁵Mu emene uzhiya kanniebhe idanweudho bhe "Me mu uwhetu ye ugbabuzoli olu" ⁶ Mu Idanwudho uko, 'Ubule bu inwe uwhetu zhi ekpom ukpuludhabim, ekeanie bu ugoko, " Logamali li adhim ezhio mu ega olimini," aukpeniyo ete.⁷Buwhuto nnina li ime ye, nwoboyi akania li imuya, nazhikpohu ezhi mu idhi gbidi la? ⁸Ndeke akaniela kpom "Mekanim iye udhi edhi, yonwosatu kapa mu iyawenim bhidhi li min umehole aidhi a-ayo.⁹Ute moudhoa mike iyedo ume iyem ukaniebhela bu ume, utea ete la? ¹⁰Kpom ubuokpe yowe dhihu, imekpole bhele bhele iye ukabhe bu ime, ekemeka, "Ye abu nwo udho agba. Ye amele iye dhukata buye ame."¹¹Mu ubuokpom bu uze Jeluselem, ugalagom bu uke Samalia li Galilii. ¹²Kpom ukpudho li uula, ya li ukoma asasa isabo uizutabhe. Mu unuzobhe li okpe uto.¹³ Mu uchiebhe ikpu, "Jizos, Idanwe udho, nwe otuizhi li adhiyeazhi."¹⁴KPom uwejie bhe, mu kaniebhe, "Zeni tugoshini nye ishi oseja eliyo." Kpom ukadhebhe ya mu elibhe zhie usamali.¹⁵ Kpom onwunye li imebhe nyeto buya nwetalema ugwoogwo , mu uyosalio ozu li ulilaolu mu ne Ebilikpabi utubuzo olu. ¹⁶Mu ujie-ukpunuko li ununu Jizos, li utea meka. Ombu nye Samaliya.¹⁷Mu Jizos uko, "Mo gwo buo dhi ela?Nazamadhi madui zhibhe li edha? ¹⁸Udo emene zhiedhebhe une Ebilikpabi utubuzo olu gama nye Isemla? Mu ukaniela, "Buzoli, mu ikadhe.¹⁹ uwhetu yo emela mu eliyo umanuma saisai.²⁰Kpom emene Palisii utebhela ube ele eze Ebilikpabi eja, mu Jizos sabhe, mu uko, "Eleze Ebilikpabi uja li ututkpa eli minyekwake enye."²¹ Ubuone kpom bu akabhe, "Nyetu, ombu adhi uzhi! ubuone, "Awe bu ya!" Buwhuto nyetuni, ele edze Ebilikpabi uzhi li ime yo."²²Mu ukanie emene uzhiya, "Eye zhilu uja kpu ewudhigani uweji e-eye unwo Madegede, buwhuto ndeke enyetuoni.²³ Akinibhe yoni bu kpom, "Nyetu adhiwe! Nyetu adhim!" Buwhuto epemani eda, echidhiga bhe ne.²⁴ Kpom ujim ama bio mu echiya satuo li ibeya dhuma udo ibe liolu igwe yakpu Unwo Madegeded ezhie li eye ya.²⁵Buwhuto unuzu odho bu uya zhi li iselise, emene ukoya ndeke anatuo bhela.²⁶ Kpom ujim uzhio li eyem Nuwa, yabukpu ezhidhihule li eyemu Unwo Madegede.²⁷ Uzhili udhibhe, uzhibhe lu unwubhe, zhili utubhe ununwe mu duke egbo tutu udhumo eyem Nuwa ukpodhuo li ime ugbo mu ijij jio mu ugbotukpo bhe.²⁸Li ibe akpemeten, kpom ujim uzhio li eyem Lotu, uzhi li udhibhe mu unwubhe, ugobhe, kpashibhje mu ugbukobhe.²⁹ Buwhuto etemu Lotu ubuzolio li Sodom, mu echi li ekpiliigwu ubuze li olu igwe mu ugbukpobhe.³⁰KPom uzhieya, yabukpu ezhuie li eyem Unwo Madegede ejio. ³¹Li eyemu ya nye shile li olugbekudho ekpeda eli adhi unamatu iye li udho li ibeakpa neten ya, nye zhile li ika aya.³²Gbewejini nweni Lotu. ³³Nye nye wudhigale buya bhete buduya analia bu anali buwhuto nye nye budu ya nalilema, enwetale ma.³⁴Ma kanio buyo, li abali madu ibo ezhiebhe bu li agbada ogonibhe bu oonwunye aanyem inenem gwali. ³⁵Unyoma ibo ezhibhe bu uwhokata iye. Ogonubhe bu nnine aanyemu inenem ugwali. ³⁶Madu ibo ezhibhe li eka, ogonibhe bu nnine aannine gwaliii.³⁷Mu utebhela, "Li edha Idanwudho? Mu ukaibhe, "Adhi uzu zhile odele agbamobhe bu li adhiya."

Chapter 18

¹Mu tuniebhe elulu kpubhe ekpedhibhe ukpeni mu obubhe gwe uda ada. ²Mu uko, "Li u-ula o-onye ikpe otunie Ebilikpabi otogwu uyidhhone onwunye onwunyeeso.³Li umom li ula ununwe ukudho, ununwem uzekeshidhia otutu ube li ukania, "Shikeshim-eka mu ikpem dabani me."⁴ Ugoni ube udhu ubie uwudhiga ushikeshia eka, buto ubha meo mu ukanio eliya, "Amashie bumo tuniem Ebilikpabi otogwu ubuone uyi madegede eso⁵ iyedo ununwem enelegamale me umekpaeli, me shikeshia bu eka mu ikpe dabenia, kpaga mu ugweme usunwa eli kpom ujiadho zukpulu ekele.⁶Mu Idanweudho bhe ko, "Kpeni ete liiye nyem ekpe ikpe chini echi uko." ⁷Ndeke Ebilikpabi otushio emenem ulotuo ikpe, emene ukwashiabhe ikwa eye li abali la? Ekem utashi ube li unyeshia enye la? ⁸Ma kaniyo ekpi bhe bu ikpe chini echini enwe nwa. Amashie kpom uzhhie ya, ube Unwo Madegede ejio, li egede ekem uwu weji uwhetu li uwam la?⁹Mu tunie emene tukwashibhe elibhe obu bu ameite emeite elulu mu nyepebhe udo emene. ¹⁰Ukoma ibo zebhe Palisii, nyem inenem bu nye una takisi.¹¹Mu nye Palisii nuzo mu ukpo otu iyem kpani eliya, "Ebilikpabi, me teyo meka iyedo me zhiem kpom udo emene - emene ugbu-u, emene emeitebhe emeite, emene uga - ubuone kpom nyem una takisim. ¹²Mobu unu ekele-ibo li zukpulu ugbakuni-ozo. Mu hu-u-uke li dhiadhi li bhele bhele iye me nwe?¹³Buwhuto nyem Una Takisim, unuzo li okpe uto, uchieyane upi li oli igwe, buwhuto mu ukoya eka li unukuma, mu uko, "Ebilikpabi, nwe otuizhi li adhi me zhi, nye umeye." ¹⁴Ma kaniyo, unukem ukadhe li umeite ka nyem inenem iyedo nyenye ububuzeole eliya olu ayawabhe bu olu."¹⁵Madegede zhili uhuyanidhi huabhe umeledhe kpaga mu ukpotubhe eka, kpom emene uzhiya unyetuobhe, mu ugbo chiebhe-bhe. ¹⁶Mu Jizos uhuobhe, mu ukaniebhe, "Sabheteni umeledhe me, egbobisheie bheni. Ele eze Ebilikpabi bu a emene zhibhe kpom.¹⁷ Li egede ma kaniyo nye nye anatuo ele eze Ebilikpabi kpom umeledhe ndeke okpudhuo bhe lime ya.¹⁸Mu onye uchi echi ujukwala, "Nye uzhi ezhi uma, nde iye me me mu nnweta budu enwe ugwulu ogwulu la? ¹⁹Mu Jizos kania, "Iyedo mu hume nye Uma la? Onwunye onwunye ubu nye uma uzhie gama Ebilikpabineten.²⁰ Imaji oloko "Egadhie uga, egbuo madu, ezuo ugbuu, edhuo ekaibo oyika, yi ida yo li ina yo eso." ²¹Mu nye uchi echi uko. "Otu iyem me bhetekpolem otu iyem gotu li ubhem mobuo ugboji."²²Kpom Jizos nujio mu ukanie, "Uzhi iye gwali. Dhegbokpo bhele bhele iye inwe mu izuke emene nwo ogboyi, mu inwe owayi ukpuketu li Obioma, mu ija, mu ichiya me.²³ Kpom nye uchi echim unujie otu iyem mu agbezhi yulukala eli, iyedo ezeya kadhe akadhe.²⁴Mu Jizos nyetuo kpu uwudhule uma, mu uko, "Nyetu unwe akinye li emene eze li ukpudhu li eleze Ebilikpabi." ²⁵Iyedo ugba uwe li ishi eyii l'uga enye odugaa, kama nye eze okpudhuo li ele-eze Ebiliokpabi."²⁶Mu emene uujibhe ukabhe, "Kpom uzhim nde nye enwe ugawe la?²⁷ Mu jizos usabhe, "Otu iye ewhe ume liadhi madegede zhi, Ebilikpabi ugbania uwe."²⁸Mu Pita uko, "Ye asabhedhe kpola zukpulu iye anwe mu achiya yo." ²⁹Mu Jizos kaniebhe, "Makani yo li egede uzhie nye sabhedhekpo udhoya, mubuone nwenia, mubuone emene nwanaa, mubuone ida-a li ina-a, mubuone umeledhea lishili ele eze Ebilikpabi, ³⁰mu ugwe unweta auka adhiya li umom, ma li uko zhili uja, budu enwe ugwulu ogwulu."³¹Uba meo mu uhugbedeto emene uzhiya, mu ukaniobhe "Nyetun akadho bu Jeluse, bhele bhele iyem emene amuma ugbobhe iye kpani Unwo Madegede emezo kpobukpai.³² Ushiabhe bu li eka emene Jkentali, akpadhiweabhe bu umu, emeshiabhe bu iwene aubuabhe uta.³³ Ulokpolebhema igbani gbani augbua bhe, li eyemu ugbuwe bhitom auteli li enwu."³⁴Otu iyem uwotabhe nnine nnine, ubhekenibhe bhe otu unu ekpom, uwotabhe otu iyem ukaya.³⁵Mu uba buo kpom Jizos udhuma ula Jeliko, u-unuke enyekpo zhili unazhi li ugbono ichakpa li udhiodhi edhio. ³⁶Kpom unujiio ogbo madu kpulu ugadhilebhe, mu tekwake iye-da.³⁷ Mu kaniebhela bu Jizos nye nazelet bu uzhi li ugalaga.³⁸Kpomu ubuopke, mu nye enyekpom uchioikpu, Jizos Unwo Dabid, nwenim otuizhi li adhim mezhiom."³⁹ Emenem uzhiebhe li ununum ogbobishilebhema nye enyekpom, ukaniebhe bu ubheya unu. Buwhuto kpu adhiya "Unwo Debid, nwenim otuizhi."⁴⁰Mu Jizos nuzo uwadhi mu ukop doyani unukeya adhim. Kpom unuke enyekpom ujala uzedhu, mu Jizos utela,⁴¹ "Nde iye iwudhiga bu me meniyala?" Mu usa, "Idanwudho mo wudhiga unyetu adhi."⁴²Mu Jizos kaniela, "Nyetu adhi. Uwhetu yo ogwo le yo." ⁴³L'ezhiya mu unyetuo adhi mu uchize la, li utubuzo Ebilikpabi olu bhele bhele madu kpom uwejiebhe om, upadhiwe.

Chapter 19

¹Mu Jizos kpudhio li ugalaga Jelicho.² Nyetu uzhi unuke udhini Zakiyos. Nye ishi emene nabhe takisi, uda eze.³Uwudhiga buya maji nye Jizos bu, buto unyeto kpom ogbo madu yulukabhe ya iyedo unyali unwa (nwalikashi). ⁴Kpom ubuo kpe mu gbagakpe zukpulu madu mu ukpeduo li olu ushi sikamo mu unyetua, iyedo Jizos agalaga bu ibeya.⁵Kpom Jizos dhuma adhiyha, mu enye li olu mu ukanela, Zakiyos kpeda ele enwa. iyedo tam manazie bu li ukdhoyo." ⁶Mu ukpedo ele enwe nwa mu ulawela udhoya li obu eto. ⁷Kpom bhele bhele madu wejiebhe iyhe da, mu tagbubhe bhe mu ukabhe, "Uzom bu udho nye umeye."⁸Zakiyos nuzo mu kanie Idanweudo (Jizos) mu uko Idanweudho "Nyetu Idanweudho, iye me nwe, meka bu adhi ibo mu enebu emene nwogboni uugweke, ubule bu uzhi nyemo dhigbo li ye iye buto, me nenwosa bu nyeya ugweke ino iye ya.⁹ Mu Jizos kaniel, "Tam ugawe ukpudhule li udhom, iyedo yawe budhihu unwo Ebilaham." ¹⁰Iyedo Unwo Madegede ujom bu adhi uwudhiga mu udokpewe emene kpwulu bhe akpawulu."¹¹Kpom unujiobhe otu iyem, mu ukpozedhie ekpo mu tuo elulu, iyedo uzhiho li ugbono Jeluselem, mu ugbebhe bu ele eze Ebilikpabi bu olo buli ezhiya. ¹²Mu kaniebhe, Unuke uyibhe eso ukadhe ula kani uto li ugotu ele, kpom ugotuma mu yao.¹³Mu uhuo emen nwudhua mu nebhe dhimadu emene wudhigabhe ie nwe ibala liele mu ,kaniebhe, "Meni iye lowe owayi tutu nya ozu.¹⁴ "Buto emene ulabhe oabhe oso mu udugashiebhe kpom uyamo liuka, ndeka, ndeke ahwe meni unukem uchi ya?¹⁵ Mu ubuo kpom kpom uyao, kpom ugotumo eliya, mu uko bu hubhe emene nwudho une owayim, mu umajiye umeloshi bhe lik iye umeledhe.¹⁶Mu nyem unuzu jio, mu uko, e-kpo owayi imeme, memeloshilem udo dhi ekpa owayi.¹⁷ Mu nyem uyibhe esom kaniela, "Imeke joka, egede nwudho iyedo inwe uwhetu iye nchiko, enyijike bu dhi ula."¹⁸Me nyem ugbuwe bhibo ujo me owayim ineme, Idanudho, omugbale gbise. ¹⁹Mu nyem uyiebhe esom kania, yo nyeshike enye li ula ise.²⁰Mu udo ujo mu uko, Idanwudho ombo owayim ineme, me bhekea l'ime ukani.²¹ Iyedo, mo tuotogwu, iyedo ibu nye na madegede ugwo, iye eshiene eshi igoni ogoni, ma iye ekpashie iwotu owotu.²²mu nyem uyiebhe esom, kania, me kpeweyo ikpe bu unuekpo loyol'unu, yo nwudho bhiyo. Yo imaji mobu nye na ugwo, mo goni iye me gbetem, mu wotu iye ma kpashiem. ²³Iyelado mu igwe ushi owayi owayi m,e li udo owayi kpaga maba yoo ugboshile bhema iye li olu l?²⁴MMu unukem uyiebhe eso, kanie emenemu unuzobhe li adhiya, "Natuani owayiya, neni nyem umeloshio dhi ekpa.²⁵ Mu kaniabhe, Idanwudho unwe bu dhi ekpa owayi."²⁶Makaniyo, meni nye nwele eneabhe bu auka adhiya, buto nyem enwe, amashie iyem unwo anatuebhe bu anatu. ²⁷Buto emene ubheni egba me, emem ewhebhe bu me chi bhe,. yawebheni adhi mu igbujbheni li ununu me."²⁸Buto uko otu iyem, mu ukadhezo ununu, li ukabhadhe Jeluselem.²⁹Kpom udhemo Betpaga li Betani uzedhu li ukwu olu ebhum udhino Olivet, mu udushie emene uzhiya madu ibo.³⁰ Mu ko, "Zeni ulamu usoshieya kpom ekpudhoniya eweji bu unwo inya nya madegede aka kpodhola li olu. Tagamaoni edhi mu idoyanini me. ³¹Ubule bu onwunye teyoni, "Iyelado mu itagamalani edhila? Sani, idanweudho nwe iye emewea."³²Emenemu hebheya uwejibhe bu unwo inya nya ya kpom ujim Jizos ukaniebhe. ³³Kpom uzhiobhe lutogama inya inya ya idhi mu emenemu unwebhe la ujobhe, "Nnina uzhi yoni la.³⁴ Mu ukabhe, "Idanweudho nye emewa."³⁵ Mu udolaniebhe Jizos, mu uwushiebhe kpabhe li olu inya nya mu ubushiebhe Jizos li oluya. ³⁶Kpom ukazeya, ugbashiebhe ukanibhe li ichakpa.³⁷Kpom ushie li udhuma adhim elegbu olive udao, bhele bhele emenem ukpobhela li ozu utobhe obu me padhiwebhe Ebilikpabi li uli la ol;u li bhe ugbolo bu ekem uwejiobhe. ³⁸Mu ukabhe, "Uwokwani zhini ezemu ujio li ewa Ebilikpabi uyodhu zhini oli igwe mu ochio ochio zhi li obioma.³⁹Emene Palisii uzhibhe li ime ogbomya ukania bhe, Nye uzhi ezhi gbobi emene uzhiyo."⁴⁰ Mu Jizos usabhe, mu liko, "Ma kaniyo," Ubule bu emenem kpute unubhe, igwu echibhe bu ikpu."⁴¹Kpom Jizos udhumo ugbono ula, mu ukwaniela ikwa.⁴² Mu uko, ubule bu imajitonili eye tam, amashiebu yo, otu iye oloweniyoni uyodhu! Buto li umem ebheke-malebhema mu igwe unyetuni.⁴³Iyedo e-eye zhilu uja niyo, emene ubheni ubheni egbayo agbakoshibhe yo mu ugbajike bhe yok li zukpulu ewheka.⁴⁴ Okobhetebheyo bu li ele, yo li umeledhe yo. Ndeke asabhetebhe e-ekpili igwe bu uwhakodhi li olu ibeyaa, iyedo ugbudhishieni uji ube uweji enye yo udho.⁴⁵Mu jizos kpudho li udhjok ukpeni mu ubido ukpachiloshi umenemu ushiebhe li udhedhi iye. ⁴⁶Mu uko, "Ugba bhe, udhome obu bu udho ukpeni, buto yo emene ugbu woli bhe.⁴⁷Kpom ubuokpe, Jizos uzhi iye zukpulu eye li udho ukpeni. Emene ishi oseja li emene bagbetebhe iye zhi li uwudhigabhe bu agbua, li kata emene udhu bhe.⁴⁸ Buto uwejiebhe ibeakpa emene bhe iyedo zukpulu madu zhibhe li ukpeshike ete.

Chapter 20

¹Udhuma kpom e-eye Jizos zhili uzhi emene madegede iye li udho ukpeni mu uzhikala uzhi uma mu emene ishi osopeja li emene ubhete iyhem ujiakeshiebhela bhe li emene unukani. ²Mu ukaniebhe, "Kani eye Ugbakpom imewedhie bhele bhele iyem, ubuone nnina uneyo ugbakpom la?"³Mu uso li ukani bhe, "Me mo judhihuyoni bu ajuju, mu ikani meni.⁴ Uwuminim Joni ubuzo li [olu igwe gali eka madegede la?⁵Mu ugbabhe agwugwu ushi li imebhe, li uka, "Abakale, "Ubuzo li oli igwe (obioma), aka bu kpom, "Iyela do mu igweni uwhetunia la?⁶ Akale kpom, "Li eka madegede, "Bhele bhele madum olubheye bu ekpili igwu, iyedo uwhedawebhe bu Joni bu nye amuma."⁷Kpom ubuo kpe mu usabhe bu amajie adhi ubuzoli. ⁸Mu Jizos kaniebhe, "Neke meke mekani dhuyone ugbakpom me newe otu iyem."⁹Mu kanie emeneya elu lum, "U-unuke chi-ika, mu ugonio ikam mu udheshio emene unye, mu uzhio ize li igbu ikani uto, mu ubeshio ubie. ¹⁰Ubeba dhumo mu udushio nwouidhoa nnime eka emenem unyeshiebhe ika enye, bu eneabhe iye, lo-li-ika. Emenem unyeshikebhe iye mu chilabhe ozu ika ewe.¹¹Mu dushikejio udo nwudhoa, mu ukojiabhe iye, umeshiabhe iwene mu chilabhe ozu eka ewe.¹² Mu dushikejio augbuwe bhito mu ukoashiabhe enye mu kpachiloshiabhe.¹³Kpom ubuokpe mu nyem unwe ikam uko, "Nde iye me me la? Mu dushi bu akpana mem mogwushio ogwushi. Ubotu eyiabhe bu eso.¹⁴ Buto kpom emenem unyeshike ikam enye wejibhela, mu ugbebhe unu uwadhi mu ukabhe, "Ombu nye edhi ekpeya ngwama agbuani, kpaga mu ekpem bu aaye.¹⁵Mu kochiloshiabhe liika mu ugbuabhe. Nde iye nyem unwe ikam emela? ¹⁶Eja mu ugbukpo emenem unyeshikebhe enye li ikam augoni ikam mu une udo emene, kpom unujiebhe om, mu ukabhe, "Iye zhikpom obuone obu."¹⁷Buto mu Jizos unyebhe, mu uko, "Nde ugbasama iyemu ugbabhe: Ekpili-igwum nye-mu-udho ulo ubuho ogoshi udho? ¹⁸Nyenye obula udale li olu ekpulu igwum agbajemali bu li ibe li ibe, me nye udajilene li olu osupialikpo bukpai."¹⁹Kpom ubuo kpe mu emene ubagbete li emene ishi osoeja uwudhigabhe bu amotua li ezhiya, iyedo umajibhe bu elu lum bu tuniom bu bhe. buto utunibhe emenem uzhibhe li adhiya. ²⁰Mu nyekwakedhie bhelajoka joka, mu udushi madu umebhe kabu iye iye kotuobhe, kpaga mu unwetabhe iye adashiwebhe ikpe li unuekpoya, mu lawabhe emene uchi buda lioloko li eka nyemu uchikota ewhekaya.²¹Mu utekwaebhe, "Nye uzhi ezhi amaji meni ika mu izhi iye chini echini, idhula ibe ibe buto izhi bu ishiuka iye kpani ichakpa Ebilikpabi.²² Umanu amanu bu agbani Siza takisi la, sa umanuo?²³Buto Jizos owotamale egenege bhe, mu kanie bhe, ²⁴Ka tugushimeni o peni. Enye nnina li ewa ushia la? Mu kabhe, "Siza."²⁵Mu ukanie bhe, "Neni Siz otu iyem ubuo a Siza, mu ineni Ebilikpabi otu iyem ubuo a Ebilikpabi."²⁶ Unwebhe adhi ukwutu eka li otu iyem uko li unun emene madegede bu uda ikpe, unwo dhabhe enye li usa asa ya, mu ugbebhe bhe unu kpochi (kai).²⁷Kpom emene Sadusii ujake-shiebhela, emenemu ukabhe bu uteli li enwu zhi.²⁸ Mutekwabhe, "Nye uzhi ezhi, Mozhizhi ugbani ye bu nye nwana-a nwulule, utu-ununwe, uka muo unwo, nyeya ugoni nweni nwana mu umuni nwan-a unwo.²⁹Uzhibhe ugboji isabo bubhe nwanamu nyomu unuzum utuo ununwe uka muo unwo mu unwuluo.³⁰ Ma nyemu ugbuwe bhibom dhihu. ³¹Mu nyem ugbuwe bhitom uhugashiela, yakpu uzie ma nyem ugbuwe bhisabom umudhihuo ne unwo mu unwuluo.³² Uba medhiho mu ununweya unwulu dhiho. ³³Li ube uteli li enwu, ununweya obu bu nweni nnina la? "Iyedo madu iasabom unweabhe kpom ununwe."³⁴Mu Jizos ukaniobhe, "Ugboji ukom utu bhe ununwe mu bu bhe ebho.³⁵ Buto emene uwuwejilebhe li ukom bu udadhu bu utelibhe li enwu ndeke otubhe ununwe ndeke enedhibhe bhe ebho.³⁶ Ndeke onwuluobhe bhe udo, iyerdo bhe li emene uzhi Ebilikpabi bubhe ezhi, ububhe umeledhe Ebilikpabi, kpom ubuobhe emeledhe telibhe l'enwu.³⁷Buto emene nwulubhe oinwulu utemabhe bhe etema, Mozhizhi utugushi otugushi, li adhi ime uya do echi, adhimu uhuo Ebilikpabi Jakop.³⁸ Ubuo Ebilikpabi emene unwulubhe onwulu buto emene zhibhe budu, iyedo bhele bhele madu uzhibhe budu bu li imeya.³⁹Otutu emene ugba -agba usabhe, "Nye uzhi ezhi, "Isake joka."⁴⁰ Iyedo unwedhe ujugba udo ajuju udogba.⁴¹Mu Jizos kaniebhe, "Udekpe ukabhe bu Kalaisi bu unwo Debid la? ⁴²Debid yawe uka li ukpalahu obu-uma, mu Idanwe udho kanie Idanweudho me, "Nazhi li eka ikega me." ⁴³Tutu nmewe emene ubheni egbayo kachi uwhakoshi uko.⁴⁴ Debid kpom ubuo kpe uhu Kalaisi Idanweudho, Ndekpu ubuo unwo Debid la?⁴⁵li unuji onuji bhelebhele madu mu ukanio emene uzhiya ⁴⁶Tukpani eli li adhi emene ubhabhe abha uzhibhe, uwudhigabhe bu uyo kapa kpokpo, ugwushibhe ute abidhi uzhise lime aya li agida uzhi eso li udho ukeni mu ububhe nye ishi li umazhi. ⁴⁷Ugadhigabhe bu li udho ununwe uku udho, li utugoshi elibhe ekpebhe bu ukpeni kani uka. unuke zhibhe kpom enwetabhe bu ulu ugwobhe.

Chapter 21

¹Jizos uba lokoshie enye mu uwejio emene eze uzhi li uchibhe eka li epele.² Mu uwejio unnwe enwe ebho kpu ushishie apu ibo. ³Mu uko, "Li egede ma kaniyo ununwe ukudhom ushikakpo zukpulu bhe. ⁴BHele behle bhe unebhe unenem bu li ime iye ugwali agwali Buto ununwem li ime uyoya, ushikpom bu zukpulu iye ebewe bud.⁵Kpom e-emene kabhe uka udho ukpeni, kpu umekwabhe, ushikpeabhe ekpili-igwu li adhi unene, mu uke. ⁶Ubulu li otu iyem iwejiniom, eye zhihu ujiabhe ube ekpili-igwu nnine ndeke ewhakonie li udo aubukpom bu kokpomabhela."⁷Mu tebhe "Nye uzhi ezhi, nde ube obu iyem obu la? ⁸Mu Jizos uso, "Tukpa eli mu ugwebhe unagbo yo. Iyedo otutu ejiabhe bu li ewame, aukabhe, "Mo bu nyeya," Ubeya zhihho uzedhu; Echize bhe. ⁹Inujile ulu li usunwadhi, etuo otogwu, iyedo otu iyem adamagedhe li uzu, buto ugwulu ogwulu ndeke ada li ezhiya.¹⁰Mu ubakaniebhe, "Ula onuzogide bu ula, uchi echi onuzogide bu uchi echi iba.¹¹ Ele ezhigidhi bu ezhigidhe, otutu ibe okenye ada bu ada li zukpulu uji uke. Iye hudhiwe eli emebhe bu emebhe bu eme li iye unwodha enye zhi-li-ise eme bu li obioma.¹²Buto tutu mu otu iyem bame, omotubhe yo bu omotu, owudhiga bu zukpulu ibe li umetashi yo, omolabhe yo bu udho ukpeni li ikoli, aulowebhe yo ununu emene eze li emene uchi echi li ishi ewame.¹³ olo we bu uwedhini ukaloshiwe me.¹⁴Kpom ubuo kpe kpebie li ekpema yo li ugwe iyhe eka li unama eliyo tut boadhuma ubheya.¹⁵ Iyedoni me neyoni bu unu-ekpo li umaji iye aubukpom bu emenem umegide yo ndeke onuso'dhobhe ubuone ukagbobhe.¹⁶Buto ida li ina, emene iloni u-uwo, umunwana li umu nwuje edhegbabhe bu edheogbo, ogbubhe bu ubotu li imeyo.¹⁷ Zukpulu madu osobheyo buv oso liishili ewa me. ¹⁸Buto e-ekpele ukaze li ishi ye ndeke atadho ewa.¹⁹ Li ukaite umayo enweta bu buduyo.²⁰Iwejile kpu emene kapa uchi ushikoshibhe Jeluselem, maji kpom bu ugbagabhete ya uzhi uzedhu. ²¹Ubule ikpe emene ubebhe li Juda ugbalabhe olu ebhu, emene zhibhe li ime ula ubuzoli bhe li ime ya, emene zhilebhe li asaga okpudhuodhe bhe li ime ula.²² Iyedo om bu bhe otu eye umegwani, kpaga zukpuluiye ubabhe mu uzutakpo kpai.²³Ogolowo uzhini emene zhibhe li olu li emene zhibhe li une unwo wma li otu eye ya! Iyedo usunwa adhi akadhema bu li adhi li eke uwudhu uma li adhi emenem zhibhe.²⁴ Adabhe bu li awa opia ishi echi, obutu bhe bhe bu kpom ulu aubulawebhe bhe udo ula, emene Jentali atashikpobhe bu Jeluselem tutu dhuma ube umezo kpobhe ube bhe.²⁵"Iye unwodha enye olo buli elanwu, li adaigwe, li ipipinye nye li eluwa. Zukpulu ula ndeke eli oyudhuo bhe epedhi bu epedhi, iyedo eka olimini ogbo idhe nu odowu chi.²⁶ Ubotu emene olubhe enwu bu li ishi otogwu li otu iye unyetubhe kpulu umedhi li uwa. Iyedo ugbakpo obioma ezhigidhi bu ezhigidhi bu ezhigidhi²⁷ewejibhe bu unwo madegede kpulu ujaya li olu li ugbakpa li ebube. ²⁸Buto kpom otu iyem ebido umeze, buzoli mu inuzo iyedo udokpewe yo uzhiho uzedhu."²⁹Mu Jizos utuniebhe elulu, "Nyetuni ushiwe li bhele bhele ushi.³⁰ Ugbawaloshile bhe iye unwuwe ina, yo ewejitua, a-imaji bu utala zhiho uzedhu.³¹ Yakpu uzhidhihue, iwejile otu iyem kpu li umedhi, maji bu ele eze Ebilikpabi zhiho uzedhu.³²Li egede egede makanio bu yo, ndeke ukom agakpo kpu otu iye emele. ³³Olu igwe li etu uwam ndeke ezhiebhe buto unuekpom ndeke atadhuo ewe.³⁴Buto nyeshiketani enye kpaga mu unukuma yo ugba uwe mu igweni ukpudhu li unwu menye li unwo ugbo li menye li agbaezhi budu, mu eyeya gwe ulo kpulumete kpom nye su li egbe.³⁵ Iyedo bhele bhele madu uzhitobhe li uwam ndeke agbahatuo bhela li eso.³⁶Buwhuto jikeleni ejikele zukpulu ibe, kpeni ekpele kpaga mu izogboni uzu li ugbanatu otu iyem adaom mu inuzoni li ununu unwo madegede."³⁷Kpom ushieya li otu eyem uzhidhioli uzhiye li udho ukpeni, li abali mu lo asagamu unazhio li adhimu uhuobhe olibet."³⁸ Bhelebhele madegede ujiabhe li echi oyukwe li ukpeshinia ete li udho ukpeni.

Chapter 22

¹Li umom ube udhi ogwu utanakani owuo owu zhiho uzedhu, amu uhubhe ugabhishi. ²Emene ishi osoeja li emene ugbabhe ogba zhibhe li uwudhiga uji emebhe mu ugbubhe Jizos, utunibhe emene madegede otugwu.³Mu ekensu kpudhuo li ime Judasi, nyem uhubhe Iskaliot, onwunye lime dhi madu li madu ibom.⁴ Mu Judasi uzekeshio ishi osoeja li emene ishi kapa mu udhodhiebhe kpu edhedhiebhe Jizos.⁵Mu ekpema tobhe mu uwhetuobhe unea owayi. ⁶Mu uwhetuo mu uwudhigao kpu odhukata mu ushishibhe li eka adhi ogbo madu ezhie.⁷Mu udhumo eyemu udhi ogwu utanakani owuo owu, amu ugbobhe akpalama li usoeja.⁸ Kpom ubuo kpe mu Jizos udushio Pita liJoni mu ukanikebhe, "Zeni mu mekeni yeni bhidhi ogwu ugabishi, kpagale mu adhini.⁹ Mu tekwabhe, nde adhi iwudhiga bu ye adhe mekela?¹⁰Mu usabhem "Nyetuni ukpudhuto li ime ula, unuke uduji izogo ozuji yoni buli adhiya.Chilani tutu dhuma udhom okpudhuo ya.¹¹ Kanieni nye nwe udho, "Nye uzhi ezhi kani yo," Nde ime udho emene ize, adhim me li emene uzhime adhi ogwu ugabishi la?¹²Utugoshiyoni bu ime udho umekekpobhe li udholu mekeni iye li adhiya." ¹³Mu ukadhobhe, mu uwejiobhe zukpulu iye kpom ujim ukanie bhje. Mu umeke bhidhi ,ogwu ugabishi.¹⁴Kpom ubuya dhimo mu ya ;li emne uzhiya nazhiobhe ezhi.¹⁵ Mu ukaniebhe, "Obuma iyebu umashime lime li yo li udhi ogwu ugabishi mu me nba dhu uya.¹⁶ Makaniom bu yo, "Ndeke me dhiedhem udo tutu m-mezo ele eze Ebilikpabi."¹⁷Mu Jizos gonio egege mu uba teo mike, mu uko, gonin om mu ikedhini."¹⁸ Iyedo makaniyo, ndeke mu nwodhem menye ukpulu ushi binim udo tutu ele eze Ebilikpabi uja.¹⁹"Mu ugonio utanakani, kpom utetuo mika, mu ukemala, mu uneobhe, mu uko, "Ombu elime amu unebhe li ishi yo, meni om li ugbaweji me."²⁰ Mu ugonuegeya li eka nete ya kpom udhimabhe bhidhi ela, mu uko, "Egegem bu edhi owo uwu li ubala me, amu uwosalio liishili yo."²¹Buwhuto kpom nyeshini enye. Ekanyem edhegbo me uzhikeshi me li adhim li udhi bhidhim.²² Unwo Madegede akadhe kpom ujim ubeniebhe la. Buwhuto ogolowo ushini nyemu emo mu udhegbobhe.²³ Mu emene uzhiya ukadhio bhe nnina li ime ogbo ye eme iye zhi kpom.²⁴Mu ugwugwo edhi lo li imebhe iye kpani nnina li ime bhe akankpoli bhe. ²⁵Mu ukaniebhe, "Emene eze Jentali utinibhe emene abhe eme iye uma.²⁶Buwhuto ezhie kpe li ime yo, iye obukpe, nyem ukakpolibhe ubu nyem ubo umeledhe, nyemu uzhikalikpo linkpa ubu nye bu nwoboyi. ²⁷Iyedo nde nyhe kala, nyemu umashio li tabulu sa nyem uzhie kpom nwoboyi la? Ubuo nyem unazhie li tabulu ela? Amashie kpom uzhieya, lime ogboto niezhi kpom nwudho.²⁸Buwhuto me li yo azhidhiom li bhele bhele umama me. ²⁹Mu gbeyoni meni nyeshikeni ele eze, kpom ujim idame ugbeme li nyeshike eleze. ³⁰Kpaga mu idhini mu inwuni li olu tabulu li ele eze me, mu yo imashini li ekpe egwele mu ikpeni dhi ekkpe ibom Izhileli ikpe.³¹Simon, Simon, maji kpom bu ekwensu wudhiga buya nweta yo, kpagale mu yo kpom oka. ³²Buwuhto me kpeni malem yo ukpeni, kpagale mu uwhetu gwe uda. Ubhe iyosalile ozu, kpashi umu nwanayo eli ike."³³Pita ukaniela, "Idanwudho me Jikele, ubu ikoli ubuome enwu ubu me liyo.³⁴ Mu JIzos sala, "Makniyo , Pita, unu ndeke akalo ikwa li tamu ekedhileme ikake buya majema me nye ubu ekele ito."³⁵Mu Jizos kaniebhe, "bhem modushieyo asaga me neyoni owayi ekpa iye ewuludhigani li okolo uko, buto ushi iye koshiyoni la ? "Mu usabhe ubuo iye iye."³⁶ Mu ukaniobhe, "Buwhuto li umom nye nwele owayi ugona, likata ekpa iye uwudhiga. Nye enwe opia ishi edu udhegbo kapaya mu ugotu nnine.³⁷Mu kani yo, otu iyem ugbbhe ukpani me ozuta kpombokpai, ugwushiabhe li emeni ebhebheloko. Iyedo iyem ukabhe basa li me emezukpo bukpai.³⁸ Mu ukabhe, "Idanwudho nyetu! Ombu opia ishi echio ibo uzhili adhim." Mu ukaniebhe ozutamale."³⁹Mu Jizos kadheo, kpom umedhio, mu ukdho olu ebhu Olibu, mu ene uzhiya chize bhela. ⁴⁰Kpom udhumabhe, mu ukaniebhe, "Kpeni kpaga mu igweni uda li ime umama.⁴¹Mu usabhetebhe mu ukaze ununu ntiko, mu jishio ukpunuko mu ukpeo ukpeni. ⁴²Mu uko, "Ida ubule bhu bu uche yo, nama egegem li adhi mezhi. Amashie kpom uzhiom, obuo uche me buwhuto uche yo umezo."⁴³Mu nyhe uzhi buzo li obioma ulokeshiela, mu ukaite la obu."⁴⁴ Kpomu uzhio li agbehi, mu ukpo ukpeni ke-ike mu ugwoulo li eliya uzhi utedo kpom ukpo ubala li ele.⁴⁵Kpom ubuolo li ukpeni, mu zekeshio emene uzhiya mu nyetuo bu uzhi nyibhe inyina iyedo uzhi li ugbabhe agbezhi.⁴⁶ Mu tekwabhe, "Iyelado mu inyini inyina la? Buzolini mu ikepeni, mu igweni ukpudhu li umama.⁴⁷Kpom ushie li ukadhiya, nyetu, ogbo madu ololebhe, Judasi bhe, onwunye li dhimadu li madu ibom, uduibhe mu ukadhe ukwu eli Jizos mu umoa unu.⁴⁸ Buwhuto Jizos kania, "Judasi igoni umo unu mu idhedhiwe Unwo Madegede la?⁴⁹Kpom emenem uzhibhe liadhim Jizos ushie nyetuobhe iye zhili uda, mu ukabhe, "Idaneudho, agoni opia ishili echi mu luwe ulu la?⁵⁰ Mu onwunye li imebhe ukebie nwudho nye ishi osoeja ete ikega.⁵¹ Mu Jizos ko, "Amanule!" Mu kpotuola eka li etaya mu gwola.⁵²Mu Jizos kanie emene unukanim ujabhe adhi umotua, "Ijani kabu emotuni nye ugbu, opia ishi schi li ikishi ushi yo? Ubhem mezhikeshio yoni li udho ukeni zukpulu eye, imotudhomeni.⁵³ Buwhuto, ombu ubheyo li ugbakpo igelenyi.⁵⁴Kpom umotuobhe la, mu udoletuobhela mu ulawabhe udo nye ishi osoeja. Buwhuto Pilate uchelabhe li uzu li opko uto. ⁵⁵Kpom ubishebhe echi li echi elezhi, muunazhiebhe ezhi, Pita nazhi li ime ogbo bhe.⁵⁶Nwudho unyoma nnine unyetuo la kpu zhi li unwatu echi mu nyea enye mu uko, "Unukem zhikeshi dhihu ma." ⁵⁷Buwhuto Pita kedhi ikake mu uko, "Ununwe, ma majie ma."⁵⁸ Unwo ube ntiko ba gamo, udo nwunye wejela mu kania, "Ibudhihu onwunye li imebhe." MuPita ko, "Unuke, mobuom."⁵⁹Eka gbaka ogwu ubhe uba shikoshijo nnine, udo unke akanijilema, "Li egede unukem uzhikedhi dhihuma, iyedo ubu nye Galilii." ⁶⁰Buwhuto mu Pita ko, "Unuke nmajiemu iye izhi l'uka li uka? Li ezhiya kpom uzhie li ukpo ekpoya mu unu lo ikwa.⁶¹Kpom uyosalio, mu Idanwudhoa nye pita enye, mu Pita gbewejio unu ekpom Idanwudho kaniela ; bu unu abalo ikwa li tam bu ekedhiwe maleya ikake ekele ito kpom bu ya majiemame. ⁶²Mu pita lo asaga mu kwa ikwa metuali eli.⁶³Mu emenem unwijikebhe Jizos ukpadhiwebhe umu mu koabhe iye. ⁶⁴Mu ugoniebhe iye mu ukpupidhiebhe upi mu ukaniabhe, "Bu amuma! Nde nyemu ukoyo iye la? ⁶⁵Ukabhe otutu iye li umegide Jizos, utashiabhe ewa.⁶⁶Kpom adhi ubolio, mu emene unukani uzugbanibhe, bhe li emene ishi osoeja li emene gbabhe iye. Mu dulabhe eka emene ishi uchi echi.⁶⁷ Mu ukabhe, "Ubule bhu ibu Kalaisi ya, kaniye." Buwhuto mu ukaniebhe nkaniyoni, ndeke ewheni. ⁶⁸Me ntikwale yo, ndeke esani.⁶⁹Buwhuto gontu li umom kadheze, Unwo Madegede anazhi bu ezhi li eka ugbakpo Ebilikpabi.⁷⁰ Mu zukpule bhe kabhe, "Ubule kpe ibu Unwo Ebilikpabi la?" Yo ikani bu mo bom."⁷¹ Mu ukabhe, "Nde iye awudhigani nye ekaibo la? Iyedo yewe anujitule li unya."

Chapter 23

¹Bhele bhele ogbo madegede ugbomaliobhe mu lawe bhe Jizos eka Paileti.² Mu kabhe, nyem daikpe, "Awuweji meni uduye ulaye, ukabu iye dhuni Siza bu enebhela, bu yawe buya bu Kalaisi, Eze."³Mu Paileti tela, "Ibu eze emene Juu la?" Mu Jizos usala, "Yo ikakpe." ⁴Mu Paileti kanie emene ishi osoeja li ogbo maduya, "Mo wuwejiem idakpe li eli nukem. ⁵"Buwhuto uzhibhe li udoke bu, "Ume mu madegede shinwabhe adhi, ugakoshi Juda li uzhi iye, ubido buli Galilii tutu dhumakpo adhim."⁶Kpom Paileti nujio om, mu tekwa ubulebu unukem bu nye Galilii. ⁷Kpom uba majio bu uzhili li ibem Helod uchio, mu lawe Jizos eka Helod, nyemu uzhidhihu li Jeluselem li ubeya.⁸Kpom Helod uwejie Jizos, obu toa, iyedo owhudhigamale uweji Jizos tutuni. Onujile iye basalia mu bheshio obu uweji iye unwodhawe enye eme.⁹ Helodu Jizos ajuju li ibe akpa zhiliselise, buwhuto Jizos sala iye iye. ¹⁰Emene ishi osoeja li emene ugba agba unuzoshibhe ike li umegidea.¹¹Helod li emene kapa uchiya ukpadhiwebhe Jizos umu mu nyedaweabhe ele, mu uyoshiebhela kapa dhu eso mu ulawela ozu eka Paileti. ¹²Iyedo Paileti li Helod ubulebbhe nwujie li eye ya, tutu uba dhumo eyeya madu ibom uzhibhe li ubheni egba.¹³Mu Paileti uhugbede emene ishi oseja li emene uchi echi li ogbo maduya,¹⁴ Mu ukaniebhe, "Iyaweni meni unukem kpom kpom unuke uduye madu ichakpa, nyetuni, mo julema ajuju li ununu yo, nwejienmu idakpe li bhele bhele otu iyem ikani bu umeme.¹⁵Mane Helod uwejie, me uyawela ozu eka ye, nyetuni, uzhie kiye iye ugbu ukpeshia enwu ume. ¹⁶Kpom ubuo kpe ma tabu ahuhu am sabhetea. ¹⁷Kpu oloko ka, Paileti asabheteni emene Juu bu onye ikoli kpom udhiebhe ogwum.¹⁸Mu emeneya uchiobhe ikpu, "Gbuniye udukem mu isabhetebniye Balabasi!" ¹⁹Balabasi bu nye ukpeshibhe ikoli li unupeishi li ugbu madu.²⁰Mu Paileti ukpomikejiebhe ekpo udo, ubu echiche ya li usabhete Jizos.²¹ Buwhuto mu chiebhe ikpu, "Kpogboa li olu obe, kpogidea li olu obe."²² Mu ukaniebhe augbuwe bito, "Ielado, nde iyebhiyo unukem mela?²³Buwhuto uwhebhe uzhili chikebhe ikpu, mu ukakedhibhe bu ukpogideabhe li olu obe. ²⁴Ulibhe ume mu Paileti uwhetuo. Mu whetuoli umenibhe iye uwudhigabhe.²⁵ Mu usabheto nyemu uwudhigabhe ushiebhe li ikoli li ununpuishi li ugbu madu. Mu uneabhe Jizos kpom ujim uwudhigabhe.Kpom udutuobhela mu ukadhebhe, mu umotuobhe Simon nye Silene, kpu uzhilu ya li ulabhe mu ubushinebhela obe ya ubu, mu uchize Jizos.²⁷Ogbo madu bueke, li unyoma obu otobhe ugbaniabhe ezhi uzhili uchizeabhe. ²⁸Buwhuto uba yosalio ibem uzhiebhe, mu Jizos uko, "Ugbede Jeluselem, ekwaneni me ikwa, kwanini eliyo li umeledheyo.²⁹Iyedo nyetuni iyeya zhi ujiabhe kpu akabhe, ³⁰"Uwokwani zhini emene ezhibhe li olu unwo li uwom obuo unwo li emam enebhe unwo."³¹ Iyedoni umelebhe otu iyem li auushi shi li usaga, ndeke iye ada li ube ukpokali lebhe la?³²Udo ukoma, umene iheleme madu ibo, udulakata bhe bu yali bhe adhi ugbu ogbu.³³Kpom udhumabhe adhim uwhubhe "Okpokolo-ishi," yabu adhi ukpogideabhe li obe, emene ihelemem onwunye li eka ikega udo li eka ibida. ³⁴Mu dho, "Ida sabhetenibhe iyedoni umajiebhe iye uzhibhe lumebhe." Mu tabhe enyi-i li ukedhi kapaya.³⁵Madegede nusobhe uledhihe kpu emene uchi echi ukpodhiwabhe umu, ukabhe, "Nyem udokpewe udo emene, Nyeya udokpewe dhodhe eliya, ubulebhu ibu Kalaisi Ebilikpabi, nyem ulotuo."³⁶Emene kapa uchi ukpodhiwebhe umu, uzebhe mu uneabhe menye udhu uka.³⁷ Muukabhe, "Ubulebhu ibu nye eze emene Juu dokpewe eliyo?" ³⁸Uzhiye ubhashibhe li igbu olu ishiya, "Ombo eze emene Juu."³⁹Onwunye li emene bhiyom ukposhikatabhe ya li bhe ukpadhiwa umu, mu kania, "Ibuo Kalaisi ya ela? Dokpewe eliyo li ye."⁴⁰ Buwhuto mu nyemu inenem, ugbobiela, mu uka, "Itune Ebilikpabi otuogwu iyedo ukpebhe yeni u-uji ike la?⁴¹ Li egede udhukatanie ye li emelme ye. Buwhuto unukem ume iyebhiyo."⁴²Mu ucho, "Jizos gbewejim li ubhe ikadadhe le ele eze yo." ⁴³Mu Jizos usala, li egede ma kaniom bu yo, li tam ezhikeshime li ele-eze.⁴⁴L'ekelaya ogwu ube ogwule bhisu, mu igelenye uyikatao tutu ogwu ubhe ogwuo nazama-dhi. ⁴⁵Kpom adhi gbelio, "Alum ugbishiobhe li udho ukpeni li ukema ekpe egwele udolalie adhi ibo.⁴⁶Mu Jizos uchio ikpu li uli bu eke, "Idame, me shishi uwame li ekayo." Kpom ukpoma ekpom mu unwuluo.⁴⁷ Kpom nyemu unyijike emene kapa uchi unyetuo iyem udo, mu upadhiwe Ebilikpabi, mu uko, "Li egede ombu nye umeite."⁴⁸Ogbo madu unazhibhe li uledhi iye da, ukadhebhe ekpema bhe udashibhe ikpe.⁴⁹ Buwhuto zukpulu madu majiabhe, li ogbo unyomam uchituobhela li Galilii, unuzobhe li okpe uto, mu uledhiobhe otu iyem.⁵⁰Uzhi unuke udhini Josepu, yawe zhi li emene ishi. Ubu jali madu meite emeite.⁵¹ Unekem uwhe otu uzuzum ugbabhom li iyem umebhom. ubu nye Alamatiya, ula emene Juu, uzhi li uwudhiga ele eze Ebilikpabi.⁵²Unukem uzekeshi Paileti, bu uneya uzu Jizos. ⁵³Mu ubutuo la, mu ubhu bhashikpoa ukannyi-zozo, mu ulishela li ili-ugwu aka liebhe madu.⁵⁴Ombu eye umeke iyedo eye ukpeni uzhiho adhi ubido.⁵⁵ Otu unyomam uchituobhe Jizos li Galilii uchizeabhe li umajoi ili ya li kpu ulitelema.⁵⁶ Mu uyosaliobhe mu umekebhe ilo egbuma li bhushi ayashi li eli.Li eye ukpeni mu udebhe bhe eli kpu oloko kale.

Chapter 24

¹Li ukwe oyukwe eye unuzu li ugbakuni -ozu, muujabhe ili, umojiyabhe ilo-egbuma umekobhe.² Mu uwejobhe bu igwum ugbobishobhe li ili bu agba-dhiemale bhema li ili.³ Mu ukpudhiobhe li ime, buto uwejie bhe uzu Idanwe udho Jizos.⁴Mu ubuo kpo, kpom amjiebhe iye umedhi emedhi li unzhi ya, ekele neten ukoma ibo nuzobhe li ukwu eli bhe, kapabhe bidhi kpom nwokili nwokili.⁵ Kpom unyomam otugwu uzhibhe li eli mu unyebhe enye li ele, mu ukanuebhe otu unyomam, "Iyeladomu iwudhigani nyezhi ibuduli ogbo emene unwulubhe onwulu la?⁶Uzhibhe li adhim, buto etemalebhema li enwu! Gbewejini kpu ukanile yoni li ubhem uzhio li Galilii.⁷ Ukankpom, "Enebhe bu Unwo Madegede li eka emene bhiyo, aukpogideabhe li obe, li eye ugbuwe bhibo auteli li enwu."⁸Mu unyomam ugbewejiobhe uli-ekpoya. ⁹Mu uyosaliobhe ozu mu kaniebhe dhi madu li o-omadu emene uzhiya li emene gwali.¹⁰ Meli Magdalini, Joana, Meli ina Jemishi li udo ogbo unyoma uzhikeshebhe - bhe ukanibhe emene uzhiya otu iyem.¹¹Buhuto uzhim uzhini emene uzhiyha kpom okpokolo uka, uwhetuobhe iyem unyomam ukabhe.¹² Amashie kpom uzhieya, Pita ubuzoli mu gbala lili, mu jikpuda mu nyeshie enyeshio enye li ime, mu nyetuo ukanim ubhubhashiebhela li eli. Mu Pita kadhie udhoya, mu ugbedhiho ujio-iye-da.¹³Nyetu, madu ibo li imebhe zhibhe li ukadhe li eye-ya ulamu udhinio Emayos, ukani utoya dhuma ugbate ise li udhma Jeluselem.¹⁴ Uzhili udhodhi bhe zukpulu otu iyem udo.¹⁵Mu ubuo kpom bu kpom uzhie li udhodhiya mu jtabhe ajuju, mu Jizos jabhe uzedhu mu ukadhie keshie bhe. ¹⁶Buto ukpunyobhe ekpelenibhe mu ugwebhe umaji nye ubu.¹⁷Mu Jizos kanibhe, "Idhodhienom bu uka iyela kpom ekadhedhienom la? Mu nuzobhe li adhiya upi samalie bhe.¹⁸ Onwunye li imebhe, udhini Slopas, usala, "Yo neten li Jelusalem ubugbo nye amajie li iyeda li eye itom la?¹⁹Mu Jizos kaniebhe, "Olodo uji iye la?" Mu usabhela, Otu iye kpani Jizos nye Nazalet, nye amuma, ugbolo ya bu eke ma ekpopya lii ununu Ebilikpabi li madegede. ²⁰Li kpu emene ishi osoejka li emenem uchiebhe ye ukpeshiabhe enwu mu ukpogidebhe li obe.²¹Buto ye agbe kpom meni ya odokpewe Izhileli. E-eh, ela usogba, om ugbuwe eye ito kpu otu iyem udabhe.²²Buto ubotu unyoma li ogboye umebhe ma nwodhu enye, kpom uzhebhe ili li echi oyukwe.²³ Kpom ewejiebhe uzu ya, mu uwejiebhe,²⁴ ukabhe bu ukpumabhe ekpelenibhe mu uwejiebhe nye uzhi Ebilikpabi, mu ukaniebhe bu uzhi budu.²⁵Ubuto ukoma bhe li ye azhi uzhebhe iliya, mu wejiobhe kpom unyomaya kabhe ya. Buto uwejiebhela." Mu Jizos kaniebhe, "Oh ukoma-ishio li uwhedawe iye yo bu nchiko nchiko li uwhetu iyem emene amuma ukabhe! ²⁶Ubuo iye dhukata bu kalaisi ya bu udhuiuya li ishi otu iyem, mu ukpudhu li ime ebubeya ela? ²⁷Gontuli Mozhizhi li zukpulu emene amuma, mu Jizos gbasamanie bhe otu iye ukotu yawe li ukpalahu ehwele.²⁸Kpom udhumabhe ugbono ula uzhiebhe li uze, mu Jizos umo kabu akadhe ze gba ununu. ²⁹Buto mu kaniebhe, "Nazhikeshi ye, iyedo ube ila udhuma adhiya, adhi ugbeli dhihuom be egbeli." Kpom ubuto kpe, mu kpudhuo li unazhikeshi bhe.³⁰Mu ubuo kpom bu ubem unazhikeshi bhe li udhi bhidhi mu ugonio utanakani, mu uwhokwania mu ukema mu unebhe.³¹ Mu ekpeleni bhe ukpumalio mu umajiebhela, mu utalio li enye bhe. ³²Mu ukanitabhe, "Azhilu ngbekwakedhili ekpmaye, kpom ugbonidhie ye ekpo li ichakpa, ubem ukpumaniye ukpalahu egwele?³³ ubuzoliobhe li ezhiya mu uyabhe Jelusalem. Mu uwejiobhe dhimadu li omadu li uwadhi li emene zhikeshibhe bhe. ³⁴Kpu uzhili ukagbe, Idanweudho etelile li enwu li egede, olokeshile Simon." ³⁵Mu ubakaniobhe otu iyem li ichakpa li kpu umajibhe bu Jizos uzhiya li ubem ukema utanakani.³⁶Kpom ukabhe otu iyem, mu Jizos nuzo li ime ogbobhe mu ukpaniebhe, "Uyodhu zhini yoni." ³⁷Buto eli hudhibhe ohudhi mu utuobhe otoguu, mu ugbebhe kpom bu awejiabu agbala.³⁸Mu Jizos kaniebhe, "Iyela-donmu enweni umekpa eli la? Iyelado mu ajuju uyuluo obuyo la? ³⁹Nyetuni ekame li ukome, bu ubu mewe. kpotu meni eka mu inyetuni. Iyedo agbala nwe-nwe." ⁴⁰Uba kpom ekpom, mu utugoshibhe ekaya li ukoya.⁴¹Uka whetudhihu bhene li ikshi obu eto, mu nwodhabhe enyhe. Mu Jizos kaniebhe, "Inweni e-iye udhi-edhi la? ⁴²Mu uneabhe ukpa umeshibhe emeshi.⁴³ Mu goniela mu udhio li ununu-bhe.⁴⁴Mu ukaniebhe, "Ombu otu ekpom mop kponie yo li ubem me li yo azhio meni zukpuluiyem ugbabhe l;i li ime oloko Mozhizhi li emene amuma li ukpalahu obu uma emezokpo bu kpai."⁴⁵Mu umo mu obubhe gbamalio, kpagamu uwotabhe ukpalahu egwele. ⁴⁶Mu ukaniebhe, "Ugbabhe kpom, bu Kalaisi bu odhu bu uya au teli li enwu li enwu li eye gbuwe bhito.⁴⁷ Uyosali li usabheteni bhiyo uzhikalabhe li ewayha li uwali ogbo gontu li Jeluselem.⁴⁸Yo ibuni eka ibo otu ityem.⁴⁹ Nyetuni, mo yigashini yoni bu iyem Idame uwhetuo. Buto nazhinili ulam inwetani ugbakpo buzoli olu."⁵⁰Mu Jizos Jizos duloshiebhe tutu dhuma ubono ula Betani. Mu ugbabuzo ekaya olu mu Uwokwaniebhe. ⁵¹Mu ubuo kpom, kpom uzhie li uwokwanibhe, mu usabheeete bhe mu ubulabhela obioma.⁵²Kpom ubuo kpe, mu ukpoweniebheela ishi li eli mu uyosaliebhe ozu Jeluselem li obu eto eke. ⁵³Mu unazikedhiobhe li udho ukpeni, li upadhiwe Ebilikpabi.

John

Chapter 1

¹Li ubido unuekpo̱m zhim, unuekpo̱m li Ebilikpabi uzhibhe, unuekpo̱m bu Ebilikpabi. ²Unuekpo̱m li Ebilikpabi uzhibhe li ubido. ³Gonitu li yawe mu-ukpuo̱bhe bhele bhele iye, ugama yawe uzhie iye-iye ukpubhe o̱kpu.⁴Li imeya bu-budu, buduya bu iye ne-maduagede usamali. ⁵Echiya sa li igelenyi, igelenyi kpupidhola.⁶Uzhi O̱nwunye Ebilikpabi dugashi, ewaya bu Jo̱ni, ⁷yawe ja kpo̱m nye ekaibo ukalo̱shiwe iye kpani echim kpaga Gonitu li yamu bhele bhele madu uwhedawebhe. ⁸Joni ubuo̱ echim. buto̱ yawe uja kpagamu-kalashi iye kpani echim.⁹Jali echi, amu-ne bhele bhele madu echi, uja ime eluwam.¹⁰Yawe zhi li-ime uwam, gonitu li yawe mu-ukpuo̱bhe uwam, uwam majiebhela. ¹¹Ujakedhiom bu emene-aya, emene –aya natuobhela.¹²Buto̱ emene natulebhema, uwhedawebhe li –ewaya, unebhe ugbakpo bu ubugbe umeledhe Ebilikpabi. ¹³Ombuo̱ umeledhe umuwebhe li ubala, ubo̱ne kpu umashie o̱kpo̱eli, ubuo̱ne kpu umashie maduegede, buto̱ kpumashi Ebilikpabi.¹⁴Unuekpo̱mya ulo li unwulu madu (ekpo̱eli) mu-ubeo li ime ogbo-ye. Aweji ebube-ya, ebube tugo̱shi unwu neten ubuzo̱li li-eka Ida, amu yuluka li umanuishi li ishiuka. ¹⁵Joni kaloshi iye kpania li uchi-ikpu “Ombu nyem makadhie-ya” yawe ujakpom mejiamo buto akamale me, iyedoni ezhimale mabalo̱.¹⁶ Iyedoni gonitu li uzuta-ozutaya mu bhele bhele-ye anwetani umanuishi li udo̱ umanuishi. ¹⁷Unebhe oloko gonitu li Mozizi. Umanuishi li ishiuka uja gonitu li Jizos Kalaisi. ¹⁸Uka zhie nye weji Ebilikpabi, Ebilikpabi neten amu uzhie Ida li ugbomo eli, emele mu-amaji Ebilikpabi.¹⁹Ombu ekaibo Jo̱ni li ugbem emene Juu dushiebhe emene ishi udho ukpene li emene o̱soeja bu uzebhe Jelusalem li utekwakea “ibu n̄inala? ²⁰Yawe kalo̱shi, ukedhie ikakeh buto̱ ukaloshi “mo̱bumu Kalaisi-ya" ²¹Kpo̱m ubuo̱kpe mu-tebhela, ubuho̱ ninala? ibu Ilaija la? usa-buya bumah; Mu-tebhela,”ibu-nye amumaya la? mu sabhe, mo̱buo̱m.²²Kpom utekwa-bhela “ibu n̄inala? kpaga mu anwe iye akani emenem uzhiebhe ya? Nde iye ika ugbasali eliyo la? ²³Mu ukao̱, "mubu ilim ukwadhio̱ limi ukaya, meni ichakpa Nyenweye mu chinwuni kpo̱m ujim Izaya nye amuma ukuo̱.²⁴Limo̱n udugashibhe emene palisi ²⁵Mu takwakebhela, iyelado̱ mu iwushidhio̱ mini ubule bu ibuo̱ Kalaisi, ubuo̱ne Ilijah, ubo̱ne nye amuma?²⁶Mu Jo̱ni uba-sabhe, mini bu iye mu wuwe mini, Buto̱ nyemu unuzo̱mlime ogboyo̱ imajielani ²⁷Yabu nyem ujo̱ kpo̱m mejamo̱, edhi okoloya mu odhuma dhom li utagama. ²⁸Otu iyem umeo̱m bu li Betani li uweshi Jo̱dani, li adhim Joni uwushidhie mini²⁹Eyemusoya Joni weji Jizos kpulu ja igbum uzhio mu-ko, “Nyeteuni unwo̱ Akpalama Ebilikpabi amu usamkpo̱ umeye uwam. ³⁰Ombu nye mu-kadhieya, Nyemu ujio li o̱zume akamale me, iyedo̱ yawe ezhimale muaba lo̱. ³¹Mamajiema-a, buto̱ kpaga Izileli umajikwabhe ombu iye mejio̱ li uwushidhi mini."³²Jo̱ni kalo̱shiwe, me weji kpu uwa Ebilikpabi ubuzoli li oligwe kpo̱m bhilu mu unashio̱ li ishi –ya. ³³Mo̱ gbudhishiema eji, buto̱ nyemu udushio̱me bumo̱ wushidhi mini, kani me, Nyem ewejio̱ uwa Ebilikpabi kpu uweda li ishi mu-unazhi, ya bu nyem o̱wushi mini li uwa Egwele. ³⁴Me mewejilem, makaloshiewem dihu meni o̱mbu unwo̱ Ebilikpabi"³⁵Udo li eyemusoya, kpo̱m Jo̱ni li emene uzhiya uzhibhe li unazhi, ³⁶Mu wejibhe Jizo̱s kpu ugalaga, mu Jo̱ni ja, nyetu unwo̱ Akpalama Ebilikpabi.³⁷Emene uzhim-aya madu-ibo mujibhe kpo̱m ukao̱ mu chizeh-bhe Jizo̱s. ³⁸Mu Jizo̱s yosalio̱ mu-wejio̱ kpulu chiyadhiabhe, mu tebhe. Iwudhigani iyela. Musabhe, Nye-Uzhiezhi, aja adhim yo̱ inazhio̱. ³⁹Mu kanibhe. "Jani m inyetuni” Mu zebhe mu wejiebhe adhim unazhio̱, mu unazhikeshiebhe-la li eyeya, iyedo̱ uweniho udhuma echi-eye.⁴⁰Onwunye li ime madu-ibom unujiobhe kpu Jo̱ni kale mu chi-zebhe Jizo̱s bu Andulu, nwana Simon Pita ⁴¹Yawe uwueji li-uzhi bu nwanah Simo̱n, ukania, awejile nye-ugawe (mezaya) ⁴²Mu-udo̱lawela eka Jizos, mu-Jizos ugoniela mu uko̱ “yo ibu simo̱n unwo Jona. Owhubheuyo̱ bu igwu (amu ugbasamabhe Pita).⁴³Eyemu –usoya, kpo̱m Jizos wudhiga bu-ya zeh Galili, mu uwejio̱ Pilip, mukani, chiyam. ⁴⁴Pilip bun ye Betoada, ula emene Andulu li Pita. ⁴⁵Pilip uwueji Natanel mu kania, Nyem Mosis ugbo̱ iye kpania li oloko li emene amuma, awejilema, “Jizo̱s unwo̱ Josep nye Nazelet,” awejilema, “Jizo̱s unwo Josep nye Nazeleti."⁴⁶Mu Natanel kania, ekm e-iye manu-amanu loga li ime Nazelet la? ⁴⁷Mu Jizo̱s uwejio̱ Natanel kpulu uja adhim uzho̱, mu kania, "Wejini jail nye Izileli, enwe unagbo. ⁴⁸Natanel kania, "nde kpu imajileme-la?" Mu Jizo̱s sala, "tutu-mu Pilip ba-huo̱-yo̱ li ukpudhu odu-ushi pig, me wejimalem yo."⁴⁹Natanel usala, “Nye-uzhi-ezhi, ibu unwo Ebilikpabi! Ibu nye-eze Izileli” ⁵⁰Mu Jizo̱s usala, iyedo̱ mekaniyo meni me-weji-yo li ukpudho ushi pig; e-whedawele la? Ewejie bu iye ka-adhim. ⁵¹Muba kao̱, li-egede li egede, makani yo, eweji bukpu oligwe gwumali, mu emene uzhi ukpodhubhe mu ukpedabhe li-ishi Unwo̱ maduegede.

Chapter 2

¹. Eye-ito̱ bagamao̱, mu uzebhe udho̱ ugwo li kana li Galili, ina Jizos zhi li adhiya. ². Jizos li emene uzhiya uhudhihubhe bhe bu jabhe udho̱ ugwo̱ya.³. Ugbem menye guluo̱, mu ina Jizo̱s ukanie Jizo̱s bu "menye ogulule. ⁴. Mu Jizos kaniela, "Unuoma ijakeshinime ela? "Ugbe-me Ukadhuma" ⁵. Mu ina-a kanie emene nwudho̱a "Iye iye ukanile yo̱ meni-ikpe."⁶. Li adhiya uzhi bu itemini-isu, a-emen Juu umewebhe omenala, n̄ine dhudho ugwu idu menye gbodhu-iye ⁷. Mu Jizo̱s kanibhe, "Who̱teni ooutitem mini" mu whoitebhebhe mini kpo̱ li unu. ⁸. Mu kanie emene nwudho̱a, bo̱tuni ubotu mu ilawenini nye mu udo̱ udho̱ugwom; mu umebhe kpe.⁹. Mu nye udo̱ udho̱ugwo̱m uma minim ugaho̱ menyem adha, buto̱ umajie adhi menyem buzo̱ (buto̱ emene nwudho̱m uwho̱itebhe item mini majibhe amaji) ¹⁰. Muba kanibhe, bhele bhele madu ulo̱wegedhe-bhe li uzu bu menye to̱eto muba lo̱webhe au-to̱eto̱ li ubhe menye gbudhiho̱le. Buto̱ igbeteni bu menye to̱eto tutu uzhiom.¹¹. Ombu iye unwodhawe enye unuzu Jizo̱s me li kana li Galili, mu togo̱shie ebubeya mu emene uzhiya uwhedawebhe li-ya.¹². Om bagamo̱ mu Jizos li ina-a, emene nwana ukoma, li emene uzhiya ukadhebhe kapanium mu unazhiebhe li waya unwo̱ eye ela-a.¹³. li umo̱m ogwu ugabhishi emene Juu zhi uzedhu mu Jizo̱s uzheo̱ Jelusalem. ¹⁴. Mu wejio emene udhebhe ikpi-ubogbe-oboli akpalama li elesi li-ime udho̱ ukpeni, emene gbanwobhe o̱wayi zhibhe li unazhibhe li adhiya.¹⁵. Mu gonio̱ edhi mu yegbede igbani-gbani mu-ulochima udo̱ ukpeni, iwushibhe akpalama, eyi. Mu sekegbo owayim ugbanwoshidhio̱bhe, ukpuosakata tabulu-bheli. ¹⁶. Emenem udhedhiebhe elesi, ukanibhe, namani out iyem li adhim, “Kwushini umewe udho̱ idama adhi odhuaya.”¹⁷. Mu emene uzhiya ugbewejio̱bhe bu ugbabhe kpom, ume iye kpani udo̱maya oyulukamale me eli ¹⁸. Emene ishi Juu mbasabhe, “nde iye ugbudhi-egi etugo̱shi kpo̱m izhio̱lumedhi out-iyemla? ¹⁹. Mu Jizo̱s usabhe, "kokpo̱ni udom ukpenim, eye-ito̱ a-mo̱ nubuzua."²⁰. Mu emene ishi Juu ka-bhe, "Udo̱m unuo̱bhe ugwu-ala ibo̱ li ala-isu, enubuzuo̱ bu li eye ito̱" ²¹. Buto ukadho̱ udo ukpenim bu okpoeliya. ²². Li ube utamalebhema li enwu, mu emene uzhiya ugbewegebhe ekpom ukpoya mu whedawebhe iye ukpalahu egwele ka, li iyem Jizos ukao̱.²³. Kpo̱m ushie li Jelusalem, li ogwu ugabishi otutu emene whedawebhe Ii ewaya kpo̱m uwojiobhe out-iye ugbudhi-egi ume. (unwodha-enye) ²⁴. Buto̱ Jizo̱s tukwashiebhe obu, iyedo umajikwa bhele bhele bhe. ²⁵. Iyedo̱ uwudhiga bu onwunye ubakaniya iye maduegede bu, iyedo̱ umajikwa maduegede.

Chapter 3

¹. Uzhi o̱nye Palisi ewaya bu Nikodimus, nye udu emene Juu. ². Mu unukem uzekeshie Jizos li abali mu ukaniela, “Nye uzhiezhi, amaji meni ibu nye uzhi ezhi buzo̱li li adhim Ebilikpabi zhio̱, iyedo̱ uzhie nye emen otu iye ugbudhi-egi (unwodha-enye) o̱dum imo̱ gama bu Ebilikpabi zhikeshima."³. Mu Jizo̱s usala, "Li egede li egede gamabu mugbe nyeya udo̱, ndeke ewejie ele-eze Ebilikpabi. ⁴. Mu Nikodimus kaniela, “Ndekpu omugba-bhe maduegede udo̱ la ubumale unukani la? Ndeke okpudhiodhe li uwo ina-a augbuwe bhibo, mu unwabhe. Ekem ukpudhu?"⁵. Mu Jizo̱s sala, li egede li egede, gama bu nyeya bu umuwahbe mini li Uwa egwele, ndeke okpuduo li ele-eze Ebilikpabi ⁶. Amu umuwebhe li okpoelim bu okpoeli, amu umuwebhe Uwa-egwele bu Uwa-egwele.⁷. Enwodha-enye bu makaniyo, bu omugbabhe yo bu udo̱ ⁸. Uwele uwelatu bu igbu mashie, enujigbo bu ekpoya buto̱ imajie adhi ubuzo̱li li igbu akadhe. yakpu nye umulebhe li Uwa-egwele uzhie."⁹. Mu Nikodimus usala, "de kpuaga mu ooutiyem umela?" ¹⁰. Jizo̱s usala, ibu nye uzhi-ezhi Izileli, aubukpo̱m bbuy oweiwotadhiho̱ne otu iyem. ¹¹. Legede, legede, ma kanio buy o, aka bu iye amaji adhu-eka-ibo bu iye eweji buto̱ yo̱ inatuo̱ni iye ye akaloshi.¹². Ubule ma kaniyo̱ni iye eluwam mu igweni uwhedawe, ndekpu ewhetuleni ubule bu ma kaniyo̱ni iye olu-igwe la? ¹³. Onwunye-onwunye kaze oligwe, gama nyem ukpedo̱ li oligwe-unwo̱m maduegede.¹⁴. Kpo̱m ujim Mozizi uchie o̱gwo̱ li olu li ime ukaya, yakpu unwo̱ maduegede echiabhe li olu. ¹⁵. Kpaga bhele bhele emene whedawelebhe li ya mu-nwebhe budu enwe ugulu ogulu.¹⁶. Iyedo̱ Ebilikpabi gushi uwam gbaka, mu une unwo̱ neten maya, bu nye nye whedawele li ewaya ndeka atadhio̱ ewe buto̱ enwe bu ekidhi budu. (budu enwe ugulu ogulu). ¹⁷. Iyedo̱ Ebilikpabi dugashie unwo̱a li ime uwam buba dashi uwam ikpe butokpaga mu uwam gonitu li ya unwe udokpewe. (ugawe) ¹⁸. Nye whedawele li ya unwe idakpe buto̱ nye ewhedawe enwemale idakpe iyedo uwhedawe li ewa unwo̱ neten Ebilikpabi.¹⁹. Ombu iyem ukpe-ikpe uzhio̱, echiya ejale ime eluwam, buto̱ maduegede ukabhe ugushi bu igelenye ka echi iyedo̱ emelemebhe bu biyo̱. ²⁰. Iyedo̱ nye-nye mele biyo̱ so̱ echi, nyeya uchize echi, kpaga iye umele gwe ulo̱ uwe. (asaga) ²¹. Kpo̱m ubuo̱kpe nye mele iye bu ishiuka uchizedhia bu echi, kpaga mu-nyetukwabhe bu-bhele bhele iye ume bu ume li ime Ebilikpabi."²². Kpo̱m om gamuo̱, Jizo̱s li emene uzhiya ukadhebhe Judea, yawe tashima ube li unazhikeshibhe mu uwuo̱-mini ²³. Jo̱ni zhilu uwushidhi mini li Ano̱n li ugbono salim iyedo̱ mini zhi gbaka li igbuya. Maduegede uzhili ezekeshidhiabhe mu uwashibhe mini ²⁴. Iyedo Jo̱ni uka chigashiebhela li udho̱ ikoli.²⁵. Mu usugadhita woga li ime ogbo emene uzhi Joni li emene Juu iye kpani edhu (usama eli) ²⁶. Mu zebhe eka Jo̱ni li utekwa, Nye uzhi-ezhi, Nyem yaliyo izhio̱ni li uweshi olimini Jodani, aubu nyem ikalo̱shio̱, nyetu, uzhili uwushidhi mini, bhele bhele madu zhibhe li uzekedhia."²⁷. Mu Jo̱ni sabhe, Maduegede ndeke nweta iye iye gama bu buzo̱li li oluigwe mu neabhe. ²⁸. Yo̱we inweni ike li ukalo̱shi bumaka, mu buo̱mu Kalaise ya, iyeobukpe udushima bhe me mu-yawe uba-jo̱.²⁹. Unyoma unebhe menye bu a-nyemu unela menye. Li umo̱n nwuje. Uto̱-unuwem, unuzo̱bhe mu unjiobhe uliya, au-padhibhe li unujilebhe uli nyem uto̱-ununwem. Ombu obu-ete-me zuta-ozuta. ³⁰. Yawe agbabuzo̱li olu buto̱ me mayaze bu ele.³¹. Nyem ubuzolio li olu akakpo̱le bhele bhele madu. Nyem ubuzo̱li li uwam, ubu nye uwam akadhidhibu bu iye uwam. nyem ubuzo̱ li oluigwe akakpole bhele bhele madu. ³². Yawe ukaloshi bu iye uweji mu unujio̱ buto̱ onwunye onwunye unatuo̱ iye uka. ³³. Nye natule iye ukalashi ewedawele bu Ebilikpabi bu ishiuka.³⁴. Iyedo̱ nyem Ebilikpabi dugashio uka bu unuekpo Ebilikpabi. Iyedo̱ utuo̱ Uwa uma o̱tu li aunedhile. ³⁵. Ida gwushi unwo̱ mu ushiela bhele bhele iye li eka ³⁶.Nye whedawele li unwa enwele budu enwe ugulu-ogulu, but nye kposole. Unwo̱ ete ndeke ewejie budu, but eke-uwudhu-uma Ebilikpabi ya ebedibhe."

Chapter 4

¹Kpo̱m Jizo̱s majio̱ bu emene Palisi bu o̱nujilebhe bu uzhili-unweta mu wushi emene tuogbo mini kama Jo̱ni²(amashie bu yawe wushi mini emene uzhiya uwushibhe)³Mu sabete Juda mu yosalio̱ Galili.⁴Buto̱ ubu iye udhukata bu ugalaga samelia.⁵Kpo̱m ubuokpe mu udhumo̱ ula samalia, udhini Sikar, li ugbono ele Jakup une unwa-a Josep.⁶Onwoni Jakup uzhili adhiya. Jizo̱s ike oglulema li izeya, mu unazhie ezhi li ugbomo onwo, ombu kpo̱m echi-oyukwe.⁷Mu ununwe Samelia ujio̱ adhi uchitu mini li-onwo mu Jizo̱s kania, nem mini unwu.⁸Iyedo̱ emene uzhiya kadhebhe ime-ula li ugo bhidhi.⁹Mu ununwe Samelia kaniela, Iyelado̱ yo nye Juu mu ikani me, nyebu ununwe samelia, bu meneya mini unwu-o̱nwula? ¹⁰Mu Jizos sa li ukania, ubule bu imaji unene Ebilikpabi li nyemu yo bu ineya mini, eba dhio̱lema, abanele yo minim uzhie budum."¹¹Mu ununwem kaniela, Idanwudho̱ inwe-e (agbakulu-u) onwom nwedhihu udhu. Enweho̱ minim uzhie budu bu li edha la?¹²Ubueke yo dhuma, yo ika idaye Jakup, nyemu uneye onwom, mu yawe nwudhiho̱ mini onwom, li umeledheya nwubhe li ogbo akpalama la?¹³Mu Jizo̱s usala, nye nye nwule mini, ekidhi ekpe-gba bu udo̱.¹⁴. Buto̱ nye nye nwule minim me nela, ndeke ekidhi ekpedhela udo̱, ndeke oyosaledhe ozu uba who̱tu mini."¹⁵Mu ununweya kania, Idanwudo̱ nemu minim mu ekidhi gwegbam ukpu mu ngwe uyosali-gba adhi uba who̱tu mini¹⁶Mu Jizo̱s kania, “ze-lowhu izhiyo,” mu iyosali adhim."¹⁷Mu ununweya usala, me nwem egbo̱. Mu Jizo̱s sala, ikom bu ishiuka, me nwem egbo̱. ¹⁸Iyedo̱ enwele egbo ise, amu ya li yo ebini li umo̱m ubuo̱ ishiyo. Iyem ikom bu ishiuka."¹⁹Mu ununwem ukaniela, Idanwudho̱ me weji meni ibu nye amuma.²⁰Idaye ukpenibhe Ebilikpabi bu li olu-egbum buto̱yo ikanikpo̱m bu Jalusalem bu adhi udhukata bu maduegede ukpebhe."²¹Mu Jizo̱s kania, ununwem whe kpo̱m ma-kom, ube zhili-uja ndeke yo ekpenieni Ida li olu-egbum ubuo̱ne li Jelusalem.²²Yo̱ ikpenini bu-iye emajieni, ye akpeni bu-iye ye amaji, iyedo̱ ugawe ubuzo̱li bu li emene Juu.²³Kpo̱m uzhieya, ubeya zhiluja, om bu-ubeya emene kpenike Ida joka ekpeniabhe bu li ime-uwa li ishiuka iyedo Ida uwhudhiga bu emene zhibhekpe bu ukpenibheya. ²⁴Ebilikpabi bu Uwa, emene kpeniabhe ekpeniabhe bu li uwa li ishiuka.²⁵Mu ununweya kania “Ma maji meni Nye-ugawe zhiluja (nyemu uhuo̱bhe Kalaisi) ujale, agbasamaniye bub hele bhele iye.²⁶Mu Jizos kania, Mo̱ buya, nyemu uzhielu kpo̱nieyo ekpo̱.”²⁷Li ezhiya kpu emene uzhiya oyosalilebhe. Unwodhabhe enye kpu uzhie li ukpo̱kedhi u-unuwe ekpo. Buto̱ o̱nwunye li imebhe tela “Iwudhiga iyela”? buo̱ne “Iyela do̱ me ikpodhishie ununwem ekpo̱ la?"²⁸Mu ununweya ubeteo̱ iteminiya, mu kaze imu-ula, mu kanie maduegede. ²⁹Jani, ba wejini u-nuke ukani me bhele bhele iye meh meh. Om ubuo̱ Kalaisi ya, say a uzhiom la?³⁰Mu ubuzo̱bhe li ime-ula li uba wejia.³¹Kpo̱m uzhieya, emene uzhiya zhili-ukaniabhe, “Nye-uzhi ezhi dhi-gede bidhi”³²Mu kaniebhe, me new bhidi udhi-edhi a-yo̱ emajieni³³Mu emene uzhiya kanitabhe, “O̱nwunye o̱mtunye ka galaniela iye udhi-edhi, ayawelebhela?³⁴Mu Jizo̱s kaniebhe, bhidhime bu ume echiche nyem udushieme li-umekpo ogboloya. ³⁵Ekani kpo̱m, ugwali iwolu-ino mu uwo̱tu iye ikaba dhuma? makaniyo̱ nyeni nyeni enye li olu mu enyetuni kpu iye-ika kalebhe li uwo̱tu.³⁶Nyemu uwo̱ma iye ika nnewuhu-ugwo̱, ukpagbeteo̱ bu ukpulu-ushi ekidhi-budu enye ugulu-ogulu kaga nyemu ukashio̱ li nyem uwo̱mao̱ mu obu-tobhe.³⁷Kpaga unuekpo̱m uko̱, onwunye ukpashi mu udo̱nwunye wo̱gamao̱ ubu-ishiuka³⁸Me zhiyo̱ni meni zo̱wo̱tuni iye etanieni ahuhu. Udo emene emekpolebhe ugbolo, yo ikpudho̱niom bu li-ime ugbolo-bhe.”³⁹Otutu emene Samelia uzhibhe li ulaya uwhetubhe liya gonitu li iye ununweya kalashiwe “ukanikpo me bhele bhele iye me-mehuto̱.” ⁴⁰Kpom emenee Samelitan uzekeshiebhela, mu kaniabhe bu unazhikeshi-bhe mu unazhio eye-ibo̱.⁴¹Emene whedawe-gbabhe tuogbo, gonitu li unuekpo-ya.⁴²Mu kaniebhe unuwem, a-awhedaweniedhie iyem iko̱-o, iyedo̱ yewe anujile, amaji-dhihule li egede meni nyem bun ye udo̱kpewe uwam.”⁴³Eye-iboya bagamo̱ mu ubuzo̱ mu kadheo̱ Galili.⁴⁴Iyedo̱ ukabu, nye amuma ugwe-unwe eso̱ bu li ula-bhe.⁴⁵Kpo̱m udhuma Galili, mu emene Galili natuo̱bhela. Uwejibhe out-iyem umo̱ li Jelusalem li udhi-ogwu, iyedo̱ uzhibhe udhi-ogwuya.⁴⁶Yawe uzekegba kana li Galili, adhimu umewe mini menye. Uzhi o̱nye uchi-echi unwa-a li kapanium uda-eli.⁴⁷Kpo̱m unjio bu Jizo̱s zhili Galili li Judea, mu uzepiye Jizos bu ja mu ugwo̱ unwa-a au-koma, uzhiho li unu-enwu.⁴⁸Mu Jizo̱s kania, gama bu iw̱ejini iye ugbudhishi eji li iye unwodhawe enye, ndeke ewhetuo̱ni. ⁴⁹Mu nye uchi-echi-ya kania, "Udanwudho̱ye ja mu unwo̱me ba nwulu”⁵⁰Mu Jizos kania, “kaze unwo̱yo zhi-ibud.” Mu unukeya whetuo̱ iye Jizo̱s kania mu ukadhio̱.⁵¹Kpo̱m uzhio̱ li ukadhe, emene nwudho̱a wejiabhe li ichakpa, mu kaniabhe unwo̱yo zhi-ibudu. ⁵²Mu utekwabhe nde ube unwo̱m unwe-eliyala? Mu kaniabhe bu-bu li sokia isabo̱ o̱yukwe selem kpu ehuogeli-ya nwugamalia.⁵³Mu ida-a gbewejio buy a-bu ubem Jizo̱s kaniela, “kadhe unwo̱yo zhi-ibudu.” kpo̱m ubuo̱ kpe mu-udho̱ya ya uwhetuo̱bhe.⁵⁴Ombu iye unwodha enye ugbuwe bhibo̱ Jizos me kpo̱m ubuzo̱li Judeya mu kadhe Galili.

Chapter 5

¹Ombagamo̱ mu ogwu emene Juu dhumo̱ Jizo̱s uzo̱ Jalusalem.²Li Jalusalem li ugbono̱ egbeleta akpalama u-unu zhi li adhiya, emene (Alamik) uhuabhe (Betsada,) unwe adhi ukpudhu ukobhe igbe-gbe bhise.³Madu tuogbo dabhe-eli, enyekpo, ijiuko, ubuo̱ne emene uko-nwulu-o̱nwulu uzhibhe li una li adhiya, usejibhe bu mini usunwali.⁴Iyedo̱ nye uzhi Ebilikpabi kpodadhu mu kpanwa mini li ubotu ubhe, au-zhigi mini mu usunwadhi, nye kpedahule li unuzu kpo̱m miniya uzhie li usunwaliya enwetale ugwo-ogwo li eliim udaya.⁵Uzhi unuke zhile adhiya adamale-eli ugwu-ala li dhi li ala-isato̱.⁶kpo̱m Jizo̱s nyetuola kpu una-li-adhiy, mu takwala, iwudhiga unwe eliyola?"⁷Mu unuke eli-idhem usao̱, me nwem nye ubushi me li mini li ube mini unum sunwalile. Maba buzo̱lio̱ udo̱nwunye kpogadhumale li uzu. ⁸Mu Jizo̱s kania, “buzo̱li goni agbada yo mu ikadhe-ize."⁹Li ezhiya mu unukeya nweta ugwo̱-o̱gwo̱, mu gonio̱ agbada-ya mu ukadho̱. Eyemuya bu eye Sabati.¹⁰Kpo̱m ubuo̱kpe mu emene Juu tebhe nyemu ugwo̱bhe eli, ombu eye sabati udhukata bu ikpali.¹¹Mu sabhe, nyemu ugwo̱ me elim kani me, “goni ekpali yo mu ikadhe.”¹²Mu utekwakeabhe, n̄ina ubu nyem ukanieyo goni ikpali yo mu ikadhela?¹³Kpo̱m uzhieya, nyemu ugwo̱la eli umajie nye ubu, iyedo Jizo̱s obuzo̱lile li adhiya li uwoli, iyedo̱ ogbo madu zhibhe li adhiya.¹⁴Uba-medhiga-kpo̱, mu Jizo̱s wejiela li udho̱ ukpeni, mu kaniela, nyetu enwele eli-yo! Emedhe bhiyo̱ tume, kpaga iye-yo̱ka adhim gwe-ukpani-yo.¹⁵Mu unkeya kadho̱ mu kanie emene Juu bu Jizo̱s bu nyem ugwo̱ya eli.¹⁶Otu iyem shieka li umegide emene Juu megidebhe Jizo̱s bu iyedo̱ bu me otu-iyem li eye sabati.¹⁷Mu Jizo̱s sabhe, Idame zhili ume ugbolo amashie bu ubu li umum, mu mewedhihu, me zhi li ume.¹⁸Ombu-iyedo̱ emene Juu wudhigabhe zukpulu ibeakpa ugbua, iyedo̱ ugbaje oloko eye ukpeni neten buto̱ uhu Ebilikpabi Idame, mu me-eliya kabu ya li Ebilikpabi bubhe ezhi.¹⁹Jizo̱s sabhe, li egede li-egede, Unwo̱ umedho iye-iye a-aya, gama iye unyetu bu Ida zhili umedhi, iyedo iye Ida zhile li ume, unwo̱ umeledhihu bu ekaya.²⁰Iyedo̱ Ida nwe ugwushi li eli Unwo̱, utugoshikpoa bhele bhele iye ume, otugushidhihua bu out-iye ka-adhim kpaga mu ubuniyo̱ iye unwodhawe-enye.²¹Kpo̱m ujim Ida tema nye nwulu-onwulu, mu nebhe budu, yakpu Unwo̱ nele nye nye umashilema budu. ²²Ida kpe o̱nwunye o̱nwunye ikpe, buto̱ eshimale ikpe li eka Unwo̱.²³Kpaga mu bhele bhele maduu uyibhe Unwo̱ eso̱ kpo̱m ujim uyiebhe Ida, nyem eyie unwo̱ eso̱ uyidhiho̱ne Ida nyemu udushiela.²⁴Li-egede li-egede nye nujile unuekpo̱me mu whetule li nyem udushieme enwele budu enwe ugulu-ogulu, ndeke enwe idakpe, buto̱ epegale enwu uzhibho̱ li ime budu.²⁵li-egede li-egede, ma kaniyo̱ ubhe zhili ujia ombu ubheya, ubhenye nwulu o̱nwulu o̱nuji uli unwo̱ Ebilikpabi, emene nujilebhe auzhibhe budu. (aubebhe).²⁶Kpo̱m ujim Ida new budu li lmeya, yakpu enedhihu Unwo̱ kpaga mu-new budu li imeya.²⁷Ida ememale Unwo̱ ugbakpo bu ukpe ikpe iyedo ya-bu Unwo Maduegede.²⁸Enwodhani enye li-om, iyedo̱ ubhe zhili ujia aubu bhele bhele madu uzhibhe li ili o̱nujibhe uli-ya. ²⁹awlo̱bhe, emene mebhe uma etelibhe li ube budu, emene mehbe biyo̱ etelinibhe bu ikpe.³⁰Me memedhom iye iye. Kpu mu-mujie, yakpu me kpe ikpe, ikpemechini-echini iyedo̱ me metuom echi-che me-e buto̱ echi-che nyem udugashie me.³¹Ubule makaloshi iye eli me, ekaibo me ndeke o̱buo̱ ishiuka.³²Uzhi udo̱nwunye ugbaekaibo me, mamaji mene ooutiyem ugba-ekaibo gbasali me bubhe ishiuka.³³yo̱ ehuleni Jo̱ni, yawe gbaekaibo iye bu ishuika. ³⁴Buto̱ ekaibo me nweta ubuzo̱ li eka maduegede, makanio̱ otu iyem kpaga mu yo̱ inweni ugawe. ³⁵Joni bu-echi zhili unwuo̱ mu Bamali, yo̱ ijikeleni uto̱obu li ime echiya li ubhe nchiko̱.³⁶Ekibo̱ me nweta akamale amu Jo̱ni, iyedo̱ ugbolo Ida newe bu me mekpo,otu ugbolom me meo̱ bubhe ekaibo̱ me bu Ida udugashi me.³⁷Ida nyemu udushiome, yawe agbamale ekaibo. Ika nujieni uli-ya ubuo̱ne mu-iwejioni nye zhi kpom ya li umom.³⁸. Inweni unuekpo̱ya auzhi li ime-yo, iyedo̱ iwhedaweni li nyem udugashio̱.³⁹Igwuni ukpalahu egwele iyedo̱ igbene yabu adhi enweni budu enwe ugulu ogulu, ukpalahu egwele dhihu ugbaekaibo̱ iye kpani me.⁴⁰Yo̱ ijikeleni li ujikedhi me kpaga mu inweni budu.⁴¹Upadhime buzolie li eka maduegede.⁴²Buto̱ mamaji meni enweni ugwushi Ebilikpabi amu uzhie li imeyo̱.⁴³Me jaom bu li ewa Idame, yo̱ inatuni me. Ubule bu udo̱nwunye ejale li ewaya, a-yo̱ inatuani.⁴⁴Nde kpaya mu yo̱ iwhetuni, iwudhigani utubuzo̱ olu buzo̱ li eka nwana ibeyo̱ buto̱ iwudhigani amu ubuzo̱ li eka Ebilikpabi neten.⁴⁵Egbeni kpom bu me madashiyoni bu ikpe li ununu Ida. Nye dashiyo̱ni ikpe bu Mozizi nyemu ibheshio̱ni obu. ⁴⁶Ubule bu iwhetunini Mozizi, ewhetunini dhihun bu me, iyedo̱ ugba-iye kpani me.⁴⁷. Ubule bu iwhedaweni out-iye ugba, ndekpaga mu inweni ike li uwhedawe unuekpome la?

Chapter 6

¹Kpo̱m ooutiyem ugamo̱, mu Jizos ukadho̱ uweshi olimini Galili, amu uhudhiho̱bhe olimini Tebiras. ²Ogbomadu tuogbo chizeabhe iyedo uwejibhe iye unwodha enye ume li emene udabhe –eli.³Mu Jizo̱s kpodhuo̱ li oluegbu mu ya li emene uzhiya unazhiebhe ezhi li adhiya.⁴Li ubheya ogwu-ugabishi, emene Juu zhiho̱ uzedhu.⁵Kpo̱m Jizo̱s nye enye mu wejio̱ ogbomadu bueke kpulu jakedhiebhe, mu-ukanie Pilip, nde adhi ago uta-anakani mu emenem dhibhe gbidhila? ⁶Jizo̱s ukaniom bu li uma Pilip, Iyedo̱ yawe amajitukpole iye eme.⁷Mu Pilip sala̱, uta-anakani ekpo̱-awayi ise ndeke ozuo̱ne o̱nwunye ibenchiko̱.⁸Onwunye li emene uzhiya, Andulu, nwana Simon Pita ukanie Jizo̱s.⁹Uzhi-u-unwo̱ li adhim unwe ukpo-utanakani ise li ukpa -–bo, buto ombu iyela li adhi ogbomadum zhibhela?"¹⁰Mu Jizo̱s uko̱, “Meni mu emenem unazhibhe ezhi.” Adhiya bu ebe-eweh. Ukoma zhibhe li adhiya nazhiebhe ezhi bu iye weni udhuma unumadu ise.¹¹Jizo̱s ugonio̱ otu ukpo utanakanim, uba temo̱-mika, mu uneo̱ emenem uzhiebhe li unazhi ezhi. Yakpu emedhihu li ukpa, uji-uji uwudhigato̱bhe yakpu udhibhe.¹²Ubhem uwo̱ -yulu-mabhe, mu ukanie emene uzhiya, “kpagbeteni otu-gwali mu-iye-iye gwe utadhu-ewe."¹³Kpo̱m ubuo̱-kpe, mu ukpagbetebhe iye gwali, mu yuluo̱ dhi -–kpo̱ ibo̱ ibeya ugwali li ugbo utanakani ise udhio̱bhe. ¹⁴Kpo̱m uwejio̱bhe iye unwodhawe enyem umo̱ mu kabhe “li egede ombu nye amuma ja elu-uwam"¹⁵Kpo̱m Jizo̱s wo̱ta bu uwudhigabhe umotua li ike mu umeweabhe eze, mu ubuzo̱lio̱ mu ukpodhukeo̱ li olu-egbu.¹⁶Ubadhumo ubhe ila, mu emene uzhiya uzebhe unu-oshi¹⁷Mu ukpodhuo̱bhe li ime-ugbo̱ li uweshi olimini kapanium. Igelenyi zhili uyidhiho̱, Jizo̱s ka yosalikeshiebhe.¹⁸Uwele ke-ike zhi li-uwe, olimini zhili ukpadhi-dhiho̱ iye.¹⁹Ubhem uwho̱dho̱bhe igbu echi-olimini, mu wejio̱bhe Jizo̱s kpu-uzhi li ukadhe ize li olu-mini kpo̱m ujayazheo̱ ugbono ugbo̱, mu otogu utuo̱bhe ²⁰Buto̱ mu ukanio̱-bhe, “Me-me zhiom! etuo̱ni otogu ²¹Mu uwhebhe bu ukpodhu li ime ugbo̱, utashie. Ubhe mu ugbo̱ dhumo̱ ishi-oluko.²²Eyemu usoya, ogbomadu usejio̱bhe li uweshi mini wejibhe bu udo̱ ugbo̱ zhie gama amu emene uzhiya ukpodhuo̱bhe mu uwho̱maliobhe buto̱ Jizo̱s uzhie li ime ugbo̱ya, emene uzhiya meteni ukadhe tubhe.²³Kpo̱m uzhieya, ubotu ugbo̱ buzo̱libhe li Ugbono Tibaras ukadhebhe adhim Nyenweye uteo̱ mika mu udhiebhe Utanakanim.²⁴Kpo̱m ogbomaduya uwo̱tabhe bu Jizos ubuone emene uzhiya uzhiebhe li adhiya, mu ukpodhuo̱bhe li ugbo̱ mu kadhiebhe kapanium li uwudhize Jizo̱s.²⁵Kpo̱m uwuejebhela li uweshi olimini, mu kaniabhe, Nye uzhi ezhi nde ubhe ija adhim-la?²⁶Mu Jizo̱s sabhe, “li-egede iwudhiganeni me ubuo̱ iyedo̱ iwegini iye unwodha-enyee buto̱ iyedo̱ idhini utanakan mu-uyuo̱yoni. ²⁷Etanieni bhidhi udhimalebhe mu utadhio ewe ahuhu buto̱ tanini bhidhim uneo̱ budu enwe ugulu ogulu amu Unwo̱ Mauegede eneyo, Iyedo̱ Ebilikpabi, Ida adajimalema eka."²⁸Muba kaniabhe, “Nde iye-ye ame kpaga mu-ame ugbolo Ebilikpabi?²⁹Mu Jizo̱s sa, mu kaniebhe, “Ombu ugbolo Ebilikpabi: Bu iwhetu li nyemu udugashio̱."³⁰Mu ukaniabhe, Nde iye unwodha-enya emela, kpaga mu ye aweji mu-awhedawe li yo la? Nde iye emela? ³¹Emene idaye udhibhe bu bhidhi ochigwe li ukaya, ujim gbabhe, unebhe utanakani buzoli li oli-igwe bu udhibhe.³²Mu Jizo̱s sabhe, Li egede li egede ubuo̱ Mozizi uneyo̱ni utanakanim ubuzo̱ li-oligwe buto̱ Idame bu nyemu une jjailutanakani ubuzo̱lio̱ li oligwe.³³Iyedo̱ utanakani Ebilikpabi bu amu ubuzo̱lio li oligwe mu uno̱ uwam-budu.³⁴Mu ukaniebhela, Idanwudho̱ye, nedhiye utanakanim zukpulu ubhe."³⁵ Mu Jizos kaniebhe, "Mobu utanakani budu, nye jakedhile me ndeke inwe ogwola, nye whetule li me ndeke ekidhi ekpela ekpe. ³⁶Buto makani yo meni li egede eweji-leni me, ibuto yo iwhetuoni ³⁷Nyeo̱bula Ida nele me ejakeshi bu me, nye nye jakeshile me li egede ndeke makpa. Chilama-o̱zu.³⁸Iyedo mo-buzo̱liom bu li-ime-igwe me jio̱ ubuo̱ adhi ume echiche me buto̱ echi-che nyem udugashieme.³⁹Ombu echiche nyem udushie-me bu bhele bhele emenem ushie li ekame n̄ine n̄ine alanato̱ me buto̱ me temabhe bu li enwu li-eye ugulu ogulu.⁴⁰Iyedo ombu echiche Idame, bun nye nye uwejile Unwo mu uwhedawele li ya, enwe bu budu enwe ugulu-ogulu, me metama bu li ya, enwe bu budu enwe ugulu-ogulu, me metama bu li enwe li eye ukpo̱zu.⁴¹Mu emene Juu tagbuobhe li ishiya, iyedo̱ ukakpo̱m mo̱bu utanakanim ubuzo̱ li olu-igwe. ⁴²Mu ukabhe, “ombuo̱ Jizo̱s unwo̱ Josepu, nyem amajio ida-a li ina-a e-ela? Nde kpu ukala li umum, “Mo̱ buzo̱m bu li olu-igwe me jiom la'?"⁴³Mu Jizo̱s ba sabhe, kwushini utagbudhi li ime ogbo-yo̱.⁴⁴Uzhie nye ejakedhi me gama bu Idame nyemu udugashio̱ udo̱yawea, me gama bu Idame nyemu udugashio̱ udo̱yawea, me metama bu li enwu li eye ukpo̱zu. ⁴⁵Ugbabhe li emene amuma, Ebilikpabi ezhi bhele bhele madu iye. Nye-nye nujile mu wo̱tale Ida, ejayakeshie bu me.⁴⁶Ubuo̱ kpo̱m bu ezhile nye weji Ida, gama nyemu ubuzo̱lio̱ li adhim Ebilikpabi zhio̱, nyeya ewejile Ida.⁴⁷Li egede li egede, nye whedawele emoele budu enwe ugulu o̱gulu.⁴⁸Me mo̱bu utanakan budu.⁴⁹Idayo̱ udhibhe bu bhidhi o̱chigwe li ime ukaya, mu unwulo̱bhe.⁵⁰Ombu utanakanim ubuzo̱lio̱ li olu-igwe, kpaga mu madu nwike li uketua mu udhi, mu ugwe unwulu.⁵¹Mobu utanakanim ubuzo̱ li olu-igwe mu-ujio̱, nye nye ketule utanakanim, ebebu-budu-enwe ugulu o̱gulu. utanakanim me eneo̱ bu eli-me li ishi budu uwam."⁵²Mu emene Juu wudhuobhe uma li ime ogbobhe mu mu udo̱kebhe ikake mu kabhe.” Ndo kpu unukem eneye udhu eliya bu-adhila?⁵³Mu Jizo̱s kaniebhe, “Li egede li egede gama bu idhi-udu eli Unwo̱ Maduegede mu inwu ubalaya, ndeke enwe budu li imeyo.⁵⁴Nye nye o̱bula udhile udu elime mu unwule ubala me unwe budu enwe ugulu ogwulu, me tema bu li enwu li eye ukpo̱zu. ⁵⁵Iyedo udu elime bu jail bhidhi, ubala me bu jail menye.⁵⁶Nye dhile udhu elime mu unwule ubalame uzhi li imeme mu mezhi li imeya.⁵⁷Ugim Ida zhi-ibudu dugashio̱ me, li kpo̱m me zhie budu li ishi ida, kpo̱m me zhie budu li ishi ida, kpo̱mubuo̱kpe nye dhile me, yakpu yawe ezhidhihu mudu li ishi me.⁵⁸Ombu utanakanim ubuzo̱ li oli-igwe, ubuo̱ kpo̱m emene idaye dhiebhe mu nwuluo̱bhe. Nye dhile utanakanim enwe bu budu enwe ugulu-o̱gulu. ⁵⁹Buto̱ Jizo̱s ukadhio̱ ooutiyem bu li udho̱ ukpeni kpu-ulu uzhi-iye li kapanium.⁶⁰Otutu emene uzhiya uwo̱tabhe iye uka.” Ukalashim nwodhu-una, nde nye o̱wo̱tadho̱ la?⁶¹Jizo̱s iyedo yawe maji bu emene uzhiya li utagbu dhibhe-bhe li iyem ukaniebhe, Om umeyo̱ni mu iwudhini-uma la?⁶²Ubulekpo̱m bu iwejiho̱ni Unwo̱ Madegede kpu-uzhi li ukadhe adhimu ubuzo̱ li ewele-we la?⁶³Uwa (Ebilikpabi) ume budu, o̱kpoli upatah unwe ibala. Unuekpo̱m makanieyo̱ bu Uwa, ubudhihu budu.⁶⁴Kpo̱m uzhim ubotu li imeyo̱ uwhebhe “Iyedo Jizo̱s majima li ubido emenemu egwebhe uwhedawe ma nyemu edhegbola.⁶⁵Mu ukao̱, “Ombu iyedo̱ makanieyo̱ meni uzhie nye ejakedhi me gama bu-bu Idame unatua."⁶⁶Li ishi-iyem otutu emene o-ogbo emene uzhiya ukadhio̱bhe, uwudhigadhe bhe uchize-a.⁶⁷Mu Jizos kanie dhi-madu li madu ibo̱m, “Iwudhigani bu akadhedhihu-ela?⁶⁸Mu Simon Pita usala, Idanweudho̱ nde nye azekedhila? Yo inwe unuekpo budu enwe ugulu o̱gulu.⁶⁹Mu ye awhedawele, amajidhihule meni ibu nyemu uzhie Egwele a-a Ebilikpabi.⁷⁰Mu Jizo̱s kaniebhe, “Ubuo̱ me mo̱lo̱tuyo̱ni, dhimadu li madu ibo̱m, o̱nwunye li imeyo̱ ubuo̱ ekwensu ela?⁷¹Ukadhiom bu Judasi unwo̱ Simo̱n Iskalo̱t, iyedo yawe bu nyemu li dhimadu li madu ibo̱m edhedhie Jizo̱s.

Chapter 7

¹Otu iyem ba gamao̱, mu Jizo̱s gakoshidhiho Galili, uwudhiga use Judeya iyedo̱ emene Juu zhi li uwudhigabhe ugbua ogbu. ²Ogwu udho̱ emene Juu zhiho̱ uzedhu.³Mu emene nwana-a ukoma kaniabhe, “Buzo̱li li adhim mu ikadhe Judeya, kpaga emene uzhiyo̱ uwejibhehubhe eka ugbolo izhi li-ume. ⁴Uzhie nye eme-iye li ukpu ubule bu uwudhiga bu umajibheya li asaga. Imele otu-iyem lo̱we eliyo mu Uwa majibhe.⁵Mashie bu-bu umunwana-a ukoma uwhetuo̱bhe li ya. ⁶kpo̱m ubuo̱ kpe mu Jizo̱s kaniebhe, “Ubhe me kadhuma, buto zukpulu ekele, ubeyo̱b odhumale. ⁷Uwam unwike o̱so̱bhe-yoni o̱so̱, buto̱ uso̱bhe meiyedo̱ makalo̱shi eka ugboloya amanuo̱ amanu.⁸Yo̱ zeni adhi udhi ogwu, ndeke mezem adhi udhi ogwum, iyedo̱ ubhe me uka dhuma. ⁹Kpo̱m ukanimabhe out-iyem, mu unazhio̱ li Galili.¹⁰Buto̱ kpo̱m emene nwana-a ukoma ukadhemabhe adhi udhi ogwum, mu –yawe uzedhiho̱ li ugwe ulo̱saga li uwodhi. ¹¹Emene Juu zhili utudhigadhiabhe kpo̱m udhiebhe ogwum mu tebhe, “ Uzhile edhala?¹²Ogbo maduya udho̱dhibhe ukaya gbaka, e-emene kabhe, “Bu-bu jail madu.” Udo̱ emene kajibhene “ubuo̱kpe. Uduye ogbo madu.” ¹³Kpo̱m uzhieya, o̱nwunye o̱nwunye kalashi asaga iye basalia uzhie iyedo̱ utunibhe emene Juu.¹⁴Kpo̱m udhi ogwum ugba ikishi, mu Jizo̱s uzhio̱ udo̱ ukpeni mu ubido uzhi-iye. ¹⁵Mu emene Juu nwodhabhe enye, mu kabhe, “Iyelado̱ mu unukem majilaga-iyela? Edenukoya kaguo̱ li udho̱ ukpalahu ¹⁶Mu Jizo̱s usabhe li uka, “Uzhie ezhie me ubuo̱ ame, buto̱ ubu a-anyemu udugashieme.¹⁷Nye nye wudhigale buya me-e echi-che –ya, amajie bu uzhi-ezhim ubule bu ubuzo̱li li eka Ebilikpabi ubuo̱ bu makatuom bu uke-me. ¹⁸Nye kadhile uka-eliya uwudhiga bu utubuzo̱ olu eliya buto̱ nye wudhigale utubuzo̱ olu nyem udugashiela, nyeya bu ishiuka, bhiyo̱ zhie li imeya.¹⁹Mozizi uneyoni oloko ela? Amashile kpom uzhieya, o̱nwunye o̱nwunye li imeyo̱ ubhete oloko uzhie. Iyela do̱ mu-iwedhigani ugbu me la? ²⁰Mu ogbomaduya usabhe bu, “Ugbulu zhiyo̱ li ishi, n̄ina uka ba agbuyo̱la?"²¹Mu Jizo̱s sabhe, “me mele u-ugbolo a-bhele bhele yo̱ inwodhani enye li iye ya. ²²Mozizi kabu iwhani-uma (ubuzo̱li li eka Mozizi buto̱ li idakaniyo̱) ma li eyem ubuo̱ eye ukpeni izhi li.²³Ubule bu uwhabhe uma li eye ukpeni kpaga mu gwebhe utashi olokom Mozizi, iyedo̱ mu iwudhushini me uma iyedo̱ mo̱ gwo̱ o̱nwunye eli li eye ukpeni mu nwe eliya la? ²⁴Ekpeweni ikpem bu unwulu la? Kpeni ikpe echini-echini.²⁵Mu ubotu li imebhe buzo̱libhe li Jelusalem ukabhe, “ombuo̱ nyemu uzhiebhe li uwudhiga ba gbu-gbu ela? ²⁶Nyetu, Ukpo̱sama ekpo̱ okpo̱sama, ukaniebhe iye-iye. Ubuo̱kpo̱m bu emene uchi-echi majibhe kpo̱m bu ombu Kalaisi, ndeke obuo̱? ²⁷Kpo̱m ushiom, ye amaji adhi nyem ubuzo̱li. Buto̱ ubhe Kalaisi jale, ndeke o̱nwunye o̱nwunye amajie adhi ubuzoli."²⁸Mu Jizo̱s chie ikpu li ime-udho̱ ukpene. Li uzhiezhi li uka “yo̱ imajini me li adhi mo̱buzo̱li. Me-jatum a-ame, buto̱ nye mu udushie me uzuta ozuta, yo imajielani. ²⁹memajia-amaji iyedo me buzelimeya ligbagine yau zhime."³⁰Mu uwhudhigabhe bu amotua, buto̱ o̱nwunye o̱nwunye kpo̱tula eka li eli iyedo̱ ubhe-ya kadhuma." ³¹Buto̱ o̱tutu emene li ogbomaduya uwhetubhe li ya mu kabhe Ubhekalaise Jale, eme bu iye unwodha-enye ka adhim. Umuo̱ la? ³²Emene Palisi nujibhe kpu ogbomadu takushitabhe otu iyem gbasala Jizo̱s mu emene ishi o̱so̱eja li Palisi udushiebhe emene kapa-uyi bu-ze motuabhe.³³Mu Jizos kao̱, me zhikedhi yo̱ li nnow ubhe nchiko̱, amakadhekeshi nyemu udushio̱ me. ³⁴Ewudhigani bu me buto̱ ndeke ewejieni me, adhim ma kadheo̱, ndeke ejadhoni."³⁵Mu emene Juu ukabhe li ime ogbobhe, nde adhi unukem eze mu agwe uwuejidho̱la? Akadhie ewhekam emene Giliki zhebhe mu uzhi emene Giliki la? ³⁶Nde ekpo̱m ukpo̱ya, “ewejini bu me buto̱ ndeke ewuejieni me; adhi makadhe, ndeke ejiadhoni.”³⁷Li eye ukpo̱zu, eye gbakam udhi ogwu guluo̱, mu Jizo̱s nuso̱ li uchi-ikpu mu-ko̱, “Nye ekidhi ukpele ujiakedhi me mu nwu mini. ³⁸Nye whetule li me, kpo̱m ujim ukpalahu egwele uka mini olimini zhi ibudu agbalo̱shi bu li uwo̱ya.³⁹Buto̱ ukom bu iye kpani Uwa-egwele amu emenem uwhedawebhe li ya enwetabhe, Uwam egwelem uka nebhe ene iyedo Jizo̱s uka kpuduo̱ li ebubeya.⁴⁰Ubotu ogbomadum kpo̱m unujio̱bhe ooutunu-ekpo̱m mu ukabhe, “Li egede ombu nye amuma. ⁴¹Udo̱ emene kabhe, “Ombu Kalaisi”. Udo̱ emene kabhe Kalaisi ubuzo̱li li- Galili la? ⁴²Ukpalahu egwele ukakama bu Kalaisi obuzo̱li bu li ekpem Dabidi li Betilihem, ulam Dabidi yawe ubuzo̱lio̱ la?⁴³Kpo̱m ubuo̱ kpe, mu ukema uzhio̱ li ime ogbomaduya li ishiya. ⁴⁴Ibuni unwo idayo ekwensu, iwudhigani bu-ume echi-che idayo. Yawe bu ogbu-madu gonituo li ubido (unuso) li ishiuka, iyedo ishiuka zhie li ime ya. Ube ukale bu li oyika oyika awhatumale ma eli iye do ubu nye oyika li ida oyika.⁴⁵Mu emene kapa-uyiya yo̱saliebhe o̱zu eka emene ishi o̱so̱eja li Palisi, mu tebhe bhe, iyela do̱ mu egweni uchiyawa la? ⁴⁶Mu emene kappa sabhe, “Tu-umo̱ ukashie nye kpo̱-ekpo̱ kpo̱m.”⁴⁷Nyem ubuo nye-a Ebilikpabi unuji bu uli ekpo Ebilikpabi, inujieni iyedo ibuoni a-Ebilikpabi. ⁴⁸Buto̱ ogbomadum majiebhe oloko, o̱go̱lo̱wo̱ zhini bhe. ⁴⁹Jizos sabhe uwabiyo zhieme li Ishiya, Buto meyi Idame eso buto yo iyieni me.⁵⁰Nikodimus (nye palisi uzekeshie Jizo̱s li abali) ukania bu ⁵¹Olokoya kpe maduegede ikpe mu uba ma-uli mu amaji iye umela? ⁵²Mu sabhela “Ibudhihu nye Galili la? “Dokwake mu iweji bu ushi nye amuma buzo̱li li Galili.”⁵³Mu nye-zhina kadhio udo̱ya.

Chapter 8

¹Mu Jizo̱s kpodhuo̱ li oluegbu olib. ²Li echi oyukwe mu jakejo̱ udho̱ ukpene, mu bhele bhele madu ujio̱bhe, mu nazhie ezhi mu uzhiebhe iye. ³Mu emene ugba ukpalahu li emene Palisidoyabhe ununwe umogbe li uya-uga. Mu do̱gbetabhe li echinabo̱.⁴Mu kaniabhe “Nye uzhie-ezhi, ununwem umoagbe li uya-uga. ⁵Li oloko, Mozizi neye ugbakpo bu alugbo nyezhikpe li ekpili igwu, yowe ikakpala li iye kpani ununwem la? ⁶Ukaniebheom kpaga mu utu li egbe mu unwebhela li iye adashiwabhe ikpe buto̱ Jizo̱s ujikpuda bu ele mu gonie ugbene-ekaya li ugba-iye li ele.⁷Kpo̱m ujukedhiebhela ajuju, mu nuso̱ mu ukaniebhe, “Nye majile li ime-yo̱ buya mema umeye, ubuli unuzu mu ugoni ekpili̱ igwu mu lu” ⁸Mu jikpudakejio̱ ele mu gonie ugbenekaya li ugba keji iye.⁹Kpo̱m unujiebhe ya iyem uko̱, mu udhamalie bhe n̄ine n̄ine kpu ubutalazebhe. li ugwulu ogwulu ya ugwali-gboho̱ bu Jizo̱ neten li ununweya amu ushie li echinabo̱ li echinabo̱ li echinabo̱ li eweli-ewe. ¹⁰Mu Jizo̱s nuso̱ mu tekwo̱ “Ununwe nde emenemu ukabhe bu ida-ikpe la? ¹¹Mu sala, “Uzhie o̱nwunye idanwudho̱” mu kania, mewe madashiem yo ikpe. Kadhie emedhe biyo̱ udo̱.¹²Mu Jizo̱s ukpo̱nike-gbabhe ekpo̱ udo̱, muo̱bu echi sama uwam, nye chiyale me ndeke agadhiga li igelenyi buto̱ enwe bu echi budu. ¹³Mu emene Palisi kaniabhe, elo̱ eka-ibom bu a-eliyo, ekaiboyo ubuo̱b ishiuka.¹⁴Mu Jizos sabhe, amashie bu ekaibom ma gbatuom bu a-elime, ekaibo me bu ishiuka. Ma maji adhi mobuzoli li adhi ma kadhe, buto̱ yo̱ imajieni adhi mobuzo̱ li adhi ma kadhe. ¹⁵O̱kpo̱-eli bu iye ikpeweni ikpe, me kpem o̱nwunye o̱nwunye ikpe. ¹⁶Buto̱ me kpele ikpe, ikpeme bu ishiuka iyedo̱ ubuo̱ meneten mezhi, buto Idame nyemu udushieme meya ashi.¹⁷Eh, ma li olokoyo̱ ugbagbe bu eka-ibo madu-ibo̱ bu ishiuka ¹⁸Mo̱bu nyemugbatuo̱ eka-ibo eliya, mu Ida nyemu udushieme ugbanime eka-ibo.¹⁹Mu ukaniebhela, Idayo zhili edha? Mu Jizo̱s sao̱, yo imajieni me ubuo̱ne Idame, ubule bu imajini me, eba majidhihuleni idame. ²⁰Ukpo̱ otu ekpo̱m li adhi ukpubhe owayi kpo̱m ushie li uzhiye li udho̱ ukpeni, ma o̱nwunye kpo̱tuo̱la eka li eli iyedo̱ ubeya kadhuma.²¹Kpom ubuo̱kpe mu ukanike gbabhe udo̱, ma kadhemom bu saisai ewudhigani bu me, mu nwuluo̱ bu li ishi umeye yo. “Adhim ma kadho̱ ndeke yo ejiadhoni” ²²Mu emene Juu kabhe, ogbu eliya la? Ombu iyedo̱ mu-uko̱ “adhim makadho̱ ndeke ejiadhoni.?"²³Mu Jizos kaniebhe, “Ibuzo̱line bu li ele, m buzoli bu li olu ibuni emene uwam mu buo̱m nye uwam. ²⁴Kpo̱m ubuo kpe, makaniyo meni enwuluni bu li umeye yo. Gama bu iwhedaweni bu mo̱bu nyeya emouluni buli umeye yo."²⁵Kpo̱m ubuo̱ kpe, mu tekwabhela,” ibu n̄ina la? Mu Jizo̱s kaniebhe, iyem ma kanieyoni gonitu li ubido. ²⁶Menwe otutu iye ukaka li udashi yoni ikpe. kpo̱m uzhieya, nyem udugashieme bu ishiuka li utu-iyem inujio̱ni kpumaka, otu-iyem monujio li unuya yabu iye ma kani emene uwam. ²⁷Uwo̱tabhe bu ukanidhiebheom bu iye basala Ida.²⁸Mu Jizo̱s uko̱, ubule bu egbabuzo̱leni Unwo̱ Maduegede olu, yakpu yo̱ emajini bu mo̱bu nyeya, metum iye mashime. Kpu Ida zhieme yakpu maka otu-iyem. ²⁹Nyemu udugashieme zhikeshi me, uka-sagbete me neten, iyedo̱ me medhi bu iye mashie. ³⁰kpo̱m Jizos uzhie li ukadhi out-iyem, otutu emene uwhetubhe li ya.³¹Mu Jizo̱s kanie emene Juu uwhadawebhe li ya, “ukabhe li ime unu-ekpo̱m, ibu nye uzhime li egede. ³²Mu yo̱ emajini bu ishiuka, ushiuka emeyo̱ni mu inweni eliyo̱. ³³Mu sabhela, ye-abu umeledhe Abalaham, akabume o̱nwunye o̱nwunye ulu, ndekpu eka bu anwe bu eliye la?³⁴Mu Jizo̱s usabhe, Li-egede, li-egede makaniyo̱, nye nyye mele umeye, nyeya bu ulu umeye. ³⁵Ulu nazhie li udho̱ ugu-uwa li unu-uwa buto̱ unwo̱ nazhi ugu-uwa li unu-uwa. ³⁶Kpo̱m ubuo̱kpe, ubule bu unwo̱ emele mu inwe eliyo li-egede enwebu eliyo̱.³⁷Mamaji meni ibuzolini li ekpem Abalaham, iwudhigani bu gbu-me iyedo̱ unu-ekpom nwe-e unazhi li imeyo̱. ³⁸Maka bu-iye me weji li eka Idame, yo̱ imedhihuni bu unuji unu idayo̱.”³⁹Mu sabhe, “Idaye bu Abalaham” mu Jizo̱s kaniebhe “ubule bu-ibuni umeledhe Abalaham, emeni bu eka ugbolo Abalaham.” ⁴⁰Kpom uzhiom li umo̱m iwudhigani ugbu me, unuke kaniyo̱ni ishiuka mu nuji unu Ebilikpabi. Abalaham me kpom. ⁴¹Imeni bu ugbolo idayo “Mu kaniebhe” umuo̱bhe ye li Uga; anwe I-ida Ebilikpabi.”⁴²Mu Jizo̱s kaniebhe, ubule bu Ebilikpabi bu Idayo̱. Iba gwushi meni ogwushi, iyedo̱ mobuzo̱lim bu li adhim Ebilikpabi zhio̱, mu jatuom buo̱ a-ame, ya udushi me. ⁴³Iyelado̱ mu egweni uwo̱ta unu-ekpo̱mela? Iiedo inweni ike li unuji unu-ekpo̱me. ⁴⁴Ibuni unwo̱ idayo̱, ekwensu, iwudhigani bu-ume echi-chi idayo̱. Yawe bu ogbu-madu gonituo̱ li ubido. (unuso) li ishiuka, iyedo ishiuka zhie li ime ya. ube ukale bu li o̱yika, o̱yika awhatumale ma eli iye do̱ ubu nye o̱yika li ida o̱yika.⁴⁵Iyedo̱ maka bu ishiuka, yo̱ iwheni iye ma ka. ⁴⁶N̄ina li imeyo̱ aka bu ombu bhiyo̱ ime la? Ubule bu maka ishiuka, iyelado̱ mu igweni uwhetuni me la? ⁴⁷Nyem ubuo̱ nye-a Ebilikpabi unuji bu uli-ekpo̱ Ebilikpabi, inujieni iyedo̱ ibuoni a-Ebilikpabi.⁴⁸Mu emene Juu sabhela, ombuo̱ iyem ye akadhio̱ meni ibu-nye Samalitan, ombuo̱ iyem ye akadhio̱ meni ibu-nye samalitan, uwabiyo̱ zhiyo li ishi ela? ⁴⁹Jizo̱s sabhe uwabiyo̱ zhieme li ishi, buto̱ meyi Idame eso̱ buto̱ yo̱ iyieni me.⁵⁰Mo̱ wudhigam utubozo̱ olu me, uzhi o̱nwunye zhili uwudhiga mu ukpe ikpe. ⁵¹Li-egede li-egede, ma kani yo̱ni, “nye gbele unu-ekpome tume ndeke ewejie enwu.”⁵²Mu emene Juu kaniabhe, “Li umom amaji meni uwabiyo̱ zhiyo̱ lishi. Abalaham li emene amuma nwulubhe o̱nwulu ekpo̱m mu kpom, nye gbetele unu-ekpo̱me, ndeke ewejie enwu” ⁵³Yo̱ ikani idayo̱ Abalaham nyemu unwuluo̱ enwu, yo̱ ikanila? Emene amuma unwuludhihu-bhe o̱nwulu. Igbeni li eliyo̱ bu abu n̄inala?"⁵⁴Mu Jizos sabhe, ntubozo̱le elime olu utubuzo̱ oluya buo̱ iye-iye: idame bu nye otubuzo̱me olu-iye kpani nyem ikani bu ya bu Ebilikpabi yo̱. ⁵⁵Yo̱ ika majie-lani buto̱ ma majio̱ma. Nkale kpo̱m meni ma majiema, me zhiabu kpo̱m yo̱, nye o̱yika. kpo̱ uzhieya, ma majia amaji, me gbedhihu unu-ekpo̱ya. ⁵⁶"Idayo̱ Abalaham obu-toa li unu li uweji eyeme, mu wejiela mu obu-tola.”⁵⁷Mu emene Juu kaniabhe, ikadhumadhone ugwu-ala ibo lidhi, ewejimale Abalaham? ⁵⁸Mu Jizo̱s kaniebhe, li-egede li-egede makani yo̱, mu Abalaham ba lo̱ udho̱ ukpeni. ⁵⁹mu uwhudhigame yuo gba-a echi buto mu-u wolio au-buzeli lime udho ukpeni.

Chapter 9

¹Kpo̱m Jizos uzhie li ugalaga, mu nyetuo̱ unuke umubhe enyekpo̱. ²Mu emene uzhiya tekwabhe, Nye uzhie ezhi, “Umeye n̄ina, aunukem sa a-ida li ina-aume mu umobhela enyekpo̱ la?"³Mu Jizos sabhe, unekem mebhiyo̱ ma ida-a li ina-a, buto kpaga mu ugobolo nye Ebilikpabi ulukwali li buduya. ⁴Ameni bu ugbolo nye-udugashio̱me kpo̱m adhi zhio̱ li eye. Adhi li ugbeli ubhe o̱nwuye egwe umedho̱ ugbolo. ⁵Kpom me zhio li uwam, mu bu echi uwam."⁶Kpo̱m ukamo̱ otu-iyem, mu ubushie uta li ele, mu gonio̱ utaya li umewe upatah (oloto) mu uyashiela upatam li ekpeleni. ⁷Mu ukaniela, samayo li (unu) (Silo̱m)(amu ugbasamabhe udugashi) kpo̱m ubuo̱kpe, mu unukem kadhio̱ mu samaya, mu uyosalio̱ uzhili nyetuho̱ adhi.⁸Mu emene egbeka udho unukem li emene majiabhe li ewelewe kpo̱m nye-edhio̱ mu ukabhe ombuo̱ unekemu unazhidhio̱ li adhim mu udhio̱ edhio ela? ⁹Emene kabhe “ya uzhiom." Udo̱-emene bu, "Ubuo̱ buto̱ usatu ya.” Buto̱ mu uko̱, “me me zhiom.”¹⁰Mu ukaniabhe, “Ndekpuga m ekpelenyi yo usamalio la? ¹¹Mu sabhe, “Uneukem uwhubhe Jizo̱s ume upatah mu-uyashieme li ekpeleni mu ukanie me, ze Silo̱m mu, ze silo̱m mu isamayo. Kpom ubuo̱kpe me zeo̱ ma-samamum mu menyetuo̱ adhi.” ¹²Mu kaniabhe, “uzhili edha”? Mu usao̱, nmajim.”¹³Mu dayabhe unukem enyetuo̱ adhi li ewe-li- ewem eka emene Palisi. ¹⁴Iyem udao̱ bu li eye ukpene (sabati) Jizo̱s umeo̱ upatah mu samao̱ ekpeleni unukem. ¹⁵Mu emene Palisi tekwakabhe kpaga mu nyetuo̱ adhi, mu kaniebhe, uyashime upatah li ekpeleni, madha samanum, me nyetuo̱ adhi."¹⁶Mu o-ogbo emene Palisi ukabhe, “Unukem ubuzo̱lie li eka Ebilikpabi, iyedo ubhete eye ukpeni” mu udo̱ emene kabhe, Ndekepaga nye umeye ume uji iye unwodha enyemla? Kpo̱mubuo̱ kpe mu ukema lo̱- li-imebhe. ¹⁷Mu tebhe nye enyekpo̱m udo̱ “Nde kpu ikale iye kpani unukem kpo̱m usamayo̱ ekpeleni la?" Mu nye enyekpo̱m kao̱ “ubu nye amuma.” ¹⁸Emene Juu uka whedawedhiebhe bu-ubu nye enyekpo̱m bu ekpelenyi asamalilema tutu uwhuo̱bhe ida li ina nyemu nyetuwho̱ adhim.¹⁹Mu tekwakebhe ida-a li ina-a, unwo̱ mu ayo̱m ikani bu mupiyabhe enyekpo̱ la? Nde kpuga mu nyetuho̱ adhi li umo̱m la? ²⁰Mu ida-a li ina-a usabhe bhe, “amaji meni ombu unwo̱ye, umuabhe unyetuo̱ adhie (enyekpo̱). ²¹Kpu ugale mu nyetuo̱ adhi amajie, nye sama-a ekpeleni amajie. Tekwani obule unukani. Yawe usatu."²²Ida-a li ina-a ukaniebhe bhe otu-iyem, iyedo̱ utunibhe emene Juu. Iyedo̱ emene Juu ejikelema-lebhe bu nye udhule eka-ibo bubu Kalaisi, bu akpachiloshia bu li udho̱ ukpeni. ²³Ombu iyedo̱ mu ida-a li ina-a ukabhe, “Yawe o̱bule unukani tekwani."²⁴Mu uhukejiobhe nye enyekpo̱m li ewelewe augbuwe-bi-ibo̱, mu kaniahe “Ne Ebilikpabi upadhiwe.” Amaji meni unkem bu nye umeye. ²⁵Mu unukeya sabhe, ma majiem ubule bubu nye umeye, buto̱ iye ma-maji bu mubu nye enyekpo̱ li umom me nyetulem adhi."²⁶Mu ukaniabhe, “Umeyo iyela? Nde kpu ume mu samyo ekpeleni la? ²⁷Mu sabhe, Ma kanimaleyo̱, ikpekeni ete! Iyele do̱ mu iwedhigani unujike udho̱ la? Iwudhigani ubu emene uzhiya dhihu, ebuni la?²⁸Mu kpadhiweabhe umu bu, ibu nye uzhiya buto̱ ye abu emene uzhi Mozizi. ²⁹”Amaji meni Ebilikpabi kponi Mozizi ekpo̱ buto̱ amajie adhi nyemuno̱ ubuzo̱li."³⁰Mu unukem uba sabhe, Ombu iye unwodha-enye imajieni adhi ubuzoli mu kpo̱m-ushieya usamame ekpeleni. ³¹Amaji meni Ebilikpabi ukpeshine emene umeye ete, ubule bu o̱nwunye ushishi eliya mu emele echi-echi ya, ukpeshina ete.³²Tutu uwam bido̱ ukanujiebhe bu o̱nwunye sama ekpeleni nye umubhe enyekpo̱. ³³Ubule bu unukem buzo̱ li eka Ebilikpabi, Ndeke emedho iye-iye. ³⁴Mu usabhe li ukania, “Umubhe yo bu li-ime umeye, you ezhiho̱ye iye la?³⁵Mu Jizos nujio̱ bu akpachiloshilebhema li udho̱ ukpeni. Mu uwejiela mu kaniela, iwhedawe li Unwo Madegede la? ³⁶Muba sa li uka, “Nyeya bu n̄ina, idanwudho̱, kpaga mu nwhetu li ya? ³⁷Mu Jizos kaniela, “Enyetulema, yabu nyemu ukponidhieyo ekpo̱m.” ³⁸Mu unukeya ukuo̱, “idanwudho̱ me whedawo̱m”mu ukpenie-la.³⁹Mu Jizo̱s ukao̱, me jani uwam bu ikpe kpaga emenemu enyetuobhe adhi mu unyetubhe, kpaga emenenu unyetuobhe adhi ububhe enyekpo̱. ⁴⁰Ubotu emene Palisi uzhikeshiabhe nujiebhe out iyem mu uteabhe, “ye abudhihu emene enyekpo̱ la? ⁴¹Mu kaniebhe, ubule bu ibuni enyekpo̱, umeye ndeke ezhie li imeyo̱, buto̱ li umo̱m ikani, “anyetu adhi," kpo̱m ubuo̱kpe umeye yo̱ uzhikem."

Chapter 10

¹Li egede, ma kani yo, nyem agalaga echi-egbeleta mu ukpudhu li udho̱ akpalama buto̱ upa bu olu li udo̱-ibe, nyema bbun yeugbu. ²Nyem ugalagao̱ echi ebeleta bu nyemu nyijike ogbo akpalama.³Nye nuiji egbeleta ugwumania adhi. Akpalama nujibhe uliya, uhu akapalama ewabhe, auduloshibhe asaga. ⁴Ubule buu olowekpole bhele bhelem ubuo̱ aya uwe, audhu li ununu au-ogbo akpalama chizeabhe iyedo umajibhe uliya.⁵Ndeke echizebhe nye-ize buto̱ o̱ho̱niabhe bu ichakpa iyedo umajiebhe uli emene ize. ⁶Jizo̱s utunibhe elulum, buto̱ umajiebhe iye ooutiyem bu ushie li ukanibhe.⁷Mu Jizo̱s kanigbabhe udo̱, li egede li egede, mma kaniyo̱, mu bu egbeleta akpalanama. ⁸Nye ney ujamale jio bu nye-ugbu buto̱ akpalanama kpeshi iniebhela ete.⁹Mubu egbeleta-ya. Nye nye ugala-gale me mu ukpudhu, nye enwe bu udo̱kpewe, ukpudhu au lo̱ aunwe adhi ugbawoli. ¹⁰Nye ugbu ja gama bu ja-adhi uzu-u-gbu li ugbu-madu, li utashi-iye. Meja kpaga mu nwebhe budu, budu yulu mu pada.¹¹Mubu nye uma nyiji akpalama, Nye uma nyiji akpalama ubhe buduya li ele li ishi ogbo akpalama. ¹²Nyemu ukpo̱tuo̱bhe okpotu ubuo̱ nyem unyiji akpalama, ubuo̱ ya unwe akpalama. Uwegile o̱nuya kpaike kpu-ja, au gbagabhete akpalama au-gbawulu au-o̱nuya kpaike motubhe au-sekelibhe. ¹³Ugbanie-eso̱ iyedo̱ ukpo̱tubhe ukpo̱tu. iye kpanile otu akpalama uko̱tuo̱la.¹⁴Mubu nye uma nyiji akpalama, ma mamaji aubu a-ame, a-ame majidhihu-bhe me. ¹⁵Ida maji me, ma majidhihu Ida, mo̱nwulu li ishi akpalama. ¹⁶Me nwe udo̱ ogbo akpalama ezhiebhe li-lime ogbom, mayawedhihu bu-bhe dhihu, mu unujibhe ulime kpaga mu-bubhe o-ogboneten li o̱nye nyiji akpalama.¹⁷Ombu iyedo̱ mu Ida gwushieme, iyedo̱ madabhete budu-me kpaga mo-gonikea-o̱zu. ¹⁸Uzhie nyenateme budu me buto̱ me ma dabhetetua. Me new ike udabhetea, menwe dhihu ike ugoni-kea o̱zu. “Ombu ugbakpo menweta li eka Idame.”¹⁹Ukema olokejile ime emene Juu li ishi otu unekpo̱m. ²⁰Otutubhe kabhe, “Uwabiyo̱ zhia li ishi, udhu idha. Iyela do̱ mu ikpeshiniani ete la? ²¹Udo-emene kabhe, “out unuekpo̱m buo̱ unuekpo̱ nye uwabiyo̱ zhia li ishi. Ekem uwabiyo̱ zhia li ishi. Ekem uwabiyo̱ me mu nye enyekpo̱ nyetu adhi la?"²²Ombu ubhe udhibhe ogwu (ugbama) li Jelusalem. ²³Ombu uwoni, Jizo̱s zhili ukadhie li ime udho̱ ukpeni li adhimu uhuo̱be (unulo̱shiwe) mu Sololmon. ²⁴Mu emene Juu ushikoshiebhe la, “Nde ube ebheye li ugwe utukwashi yo obu la? Ubule bu-ibu Kalashi ya, kasamani ye.”²⁵Mu Jizo̱s sabhe, “Ma kaniyo̱ni buto yo̱ iwhetuo̱ni. Ugbolo me-me li ewa Idame, otuya bunibhe me ekaibo. ²⁶Kpom ushieya, yo iwhetuoni iyedo ibuoni ogbo akpalama me.²⁷Akpalama me nujibhe ulime, ma majibhe, nehiyabhe bu me. ²⁸Me nebhe budu enwe ugulu ogulu, ndeke o̱nwuluo̱ onwulu, ushie nye adabitudhobhe li ekame.²⁹Idame nyemu ugono̱ bhe mu une me, akakpole bhele bhele madu, ushie onwunye onwunye enwe ike li udabitudho̱ bhe li eka Idame. ³⁰Me li Idame abu n̄ine. ³¹Mu emene tutuke-jiebhe ekpili-igwu udo̱ bu alua.³²Mu Jizos sabhe, “Mu tugushile yoni ugbolo tu-ogbo manu-amanu ubuzo̱li li eka Ida. Bhele bhele ooutugbolom nde a-lumeni ekpili igwu la? ³³Mu emene Juu sabhe, “Alumeyo ekpili igwum ubuo̱ li ooutugbolo umam bbut oiatashi Ebilikpabi, iyedo̱ ibu maduegede, emene eliyo Ebilikpabi."³⁴Mu Jizo̱s sabhe, “Ugbabhela li oloko, ‘ma ka, yo̱ ibuni ebilikpabi”? ³⁵Ubule bu uhubhe epilikpabi, emenemu ukaloshiebhe unuekpo̱ Ebilikpabi (unuekpo̱ Ebilikpabi tadho̱ ewe). ³⁶Ikanini nye Ebilikpabi te o̱ga li ishi mu udugashi li ime uwam, ikatashi ewa Ebilikpabi, iyedo̱ maka meni mobu unwo̱ Ebilikpabi.?³⁷Ubule me zhiem li ume ugbolo Idame, ewhedawe-neni me. ³⁸Buto̱ ubule bu me li umebhe, amashiene bu iwhetunieni me wheni otu ugbolom kpaga mu imajini mu iwo̱tani bu Ida bu uzhi li imeme, bu me zhi li ime Ida. ³⁹Mu ugbaka bu amotu-ke udo̱ buto mu ubuzolio̱ li ekabhe.⁴⁰Mu kadhemajo̱ udo̱ duma ugakpo (Jo̱dan) dhuma adhim Jo̱ni bido uwumini li uzu, mu unazhio̱ li adhiya. ⁴¹Otutu emene zekeshiabhe mu kabhe, “Li-egede Jo̱ni uko̱ kpani unukem bu ishiuka” ⁴²Madu tuo̱gbo whedaweniabhe li adhiya.

Chapter 11

¹Unuke dhini Lazo̱lus uda-eli. yawe bbun yeBetani ula otu Mali li Mata. ²Ombu Malim uteo̱ Idanwudhoye o̱ga (Mali) mu gonio̱ ukazeya mu kwoma la uko, nyem nwana ukomaya Lazo̱lus uda eli.³Mu nwana unyoma zhinie Jizo̱s, mu kania, “Idanwudho̱ nyete, nyemu igwushie o̱gwushim eli kpo̱la enwa” ⁴Ubhem Jizo̱s nujie mu uko̱ “elidhem ndeke obuya enwu, iye o̱bukpe otubuzo̱ bu Ebilikpabi olu, kpaga unwo̱ Ebilikpabi nwe utubuzo̱ olu li ishi elim."⁵Jizo̱s gwushi mata li nwana-a unyoma li lazo̱lus. ⁶Kpo̱m unujio̱ bu lazo̱lus da-eli, Jizos nazhigba eye-ibo̱ li adhimu uzhieya. ⁷Iye ibom ba-gamo̱, mu kanie emene uzhiya, “Ngwa mu azhe gbani Judeya udo̱."⁸Mu emene uzhiya kaniabhe, “Nye uzhiezhi, Kpo̱m uzhim emene Juu li uwudhigadhibhe bu alu-yo ekpili igwu, ekadhieke-gbom bu adhiya o̱zu la? ⁹Mu Jizos sabhe, “Sokiya ushikoshi buo̱ dhi-li-bhibo̱ li e-eye la? Nye gadhigale li eye, ndeke o̱kpo-uko̱, iIedo unyetuwe echi uwam adhi.¹⁰Kpo̱mu ushieya, “ugadhigale li abali, okpo̱ bu uko̱, iyedo echi zhie li imeya” ¹¹Ukpo̱ out ekpo̱m, uba meo mu-ukaniebhe, “Nwujeye lazo̱lus uzhili nyi-inyina buto̱ mezeniom kpaga mu-ntema li inyina."¹²Mu emene uzhiya kaniabhe, “Idanwudho̱ ubule be enyile inyina, eteli bu-eteli.” ¹³Jizo̱s ukadhio̱ bu kpom bu o̱nwulule, buto̱ bhe ugbebhe bu ukadhiom bu inyina ude-eli. ¹⁴Mu Jizo̱s kasamaniebhe, “Lazo̱lus o̱nwulu-le.”¹⁵Obume to̱-eto̱, li ishi yo bu mezhiem li adhiya kpaga mu iwhedaweni. Ngwu mu azheni adhiya. ¹⁶To̱mus, nyemu uhuo̱bhe Didimus, ukanie emene uzhi ebeya, “Ngwa mu azheni kpaga mu anwulu-kedhi Jizo̱s.”¹⁷Kpo̱m Jizo̱s uzeo̱ mu majio bu Lazo̱lus elima-lebhema eye ito̱ gaga. ¹⁸Betani li Jelusalem uzhitabhe uzedhu. ¹⁹Otutu emene Juu ujiakeshibhe Mata li Mali li ukaitebhe obu li ishi nwanabhe uzhibhem. ²⁰Mata kpo̱m unujio̱ bu Jizo̱s zhilu-uja, mu ugbajishiela, buto̱ Mali zhilu Unazhi li udo̱.²¹Mu Mata kanie Jizo̱s "Idanwudho̱ ubule bu izhi li adhim, nwana me ba-nwuluo̱. ²²Ma li umum, mamaji meni iye iye idho̱le Ebilikpabi, eneyo̱ bu ene.” ²³Mu Jizo̱s kania. “Nwanayo eteligba bu udo̱.”²⁴Mata kaniela, “Ma maji meni eteligba bu udo̱ li eye uteli li enwu li eye ugwulu o̱gwulu. ²⁵Mu Jizo̱s kania, “Mubu uteli-li budu, nye whetule li me, amashie bu o̱nwulu-le ezhie bu budu. ²⁶Ma nye nye o̱bula uzhile budu mu uwhetule li me ndeke o̱nwuluo̱ o̱nwulu. Iwhetu ewhetu la?"²⁷Mu ukaniela, “Li egede, Idanwudho̱, me whetu meni ibu kalaisi, unwo̱ Ebilikpabi, nyem ujio̱ uwam."” ²⁸Uba kama kpo̱m, mu ukadho̱ mu uhuo̱ nwana-a Mali li ugbono. Mu uko̱, “Nye uzhi-ezhi zhi li adhim, uzhi li uhudhi-yo.” ²⁹Kpo̱m unujio̱m, mu buzo̱lio̱ enwenwa mu zhekeshiela.³⁰Li umo̱m Jizo̱s kadhuma ime ula buto̱ uzhikedhi li adhim Mata uzugiela. ³¹Kpo̱m emene Juu uzhikedhiebhela li udo̱, uzhiebhe li ukaita obu, nyetuo̱bhe kpu Mali buzo̱ enwe-nwa, Mu chizeabhe, uchebhe bu eze-iIi adhi ukwa-ikwa. ³²Kpo̱m Mali udhumo̱ adhim Jizo̱s uzhio̱ mu uwejiela, mu uda li-uko mu kaniela, “ubule bu izhi li adhim, nwaname ba-nwuluo̱.”³³Kpo̱m Jizos nyetuo̱la kpulu kwa-ikwa, li emene Juu mu uchiyabhela zhilu kwadhihubhe, mu umetuo̱la joka joka li obu mu unela umekpa-eli. ³⁴Mu uko̱, “nde adhi iliani la?” Mu ukaniabhe. Idanwudho̱ ja mu inyetu” ³⁵Mu Jizo̱s kwa-ikwa.³⁶Mu emene Juu kabhe, “nyetuni kpu ugwushie Lazo̱lus” ³⁷Buto̱ ubotu li imebhe kabhe, udeke unukem umo̱ mu nye enyekpo̱ nyetu adhi, uba nweike ememu unukem gwe unwulu la?"³⁸Kpo̱m ujim umetu Jizo̱s li eli, mu kadho̱ eli ya. Iliya bu li ime igwu mu bunyo̱ webhela igwu. ³⁹Mu Jizo̱s uko̱, “gbadhiemani igwewe” Mata, nwana Unyoma Lazulus, nyemu unwuluo̱m ukanie Jizo̱s, “Idanwudho̱ kpo̱m uzhiom uzhili mgbudhiho egbu, iyedo̱ unwulu om ugbuwe eye-ino. ⁴⁰Mu Jizo̱s kaniela, “Ma kaniema-yo meni iwhedawele, eweji bu ugbakpo Ebilikpabi."⁴¹Kpom ubuo̱ kpe mu ugbadhiema bhe igwuya. Mu Jizo̱s unye enye li olu mu ko̱, “Ida meteyo̱ mika iyedo̱ ikpeshini me ete. ⁴²Mamaji meni kpeshini me ete zukpulu ubhe, buto̱ ubu li ishi ogbo madum Uzhiebhe li unuzobheom ma kanie iyem kpaga mu uwhedawebhe bu yo̱ udugashime.⁴³Kpo̱m uba-kama-kpe, mu uchio̱ ikpu li uli bueke, “Lazulus lo̱-uwe” ⁴⁴Mu unukem unwuluo̱ o̱nwulu ulo̱ asaga, ekegbolebhe-ma ibe-ukani li uko li eka, ma upiya ukposhiabhe bu ukani, mu Jizo̱s kaniebhe, to̱gamani mu ukadhe.⁴⁵Mu o̱tutu emene Juu ujakedhibhe mali mu unyetuo̱ bhe iye Jizo̱s me, mu uwhedawebhe li ya. ⁴⁶Buto̱ ubotu li imebhe zekeshiebhe emene Palisi mu kaniebhe iye Jizo̱s me.⁴⁷Mu emene ishi o̱so̱eja li emene Palisi uhugbetebhe emene uchi-echi mu kabhe, “Nde ujiamela? “Unukem emelagale iye unwodha-enwe. ⁴⁸Asabhete-lema eka kpo̱m, bhele bhele madu ewhetubhe bu li ya, emene lome ejiabhe mu ugonibhe unazhiye li ulaye.”⁴⁹Kpo̱m uzhieya unuke li imebhe kiapas, nyem ubuo̱ nye-ishi oso̱eja li alaya, ukaniebhe, “Imajieni iye iye.” ⁵⁰yo̱ inyegashieni enye bu uka uma bu o̱nwunye nwulu li ishi bhele bhele madu, iye ulali ogbo o̱nwulukpo-bhe.⁵¹Ukpo̱tuom buo̱ ekpoya, buto̱ kpom nye ishi o̱so̱eja alaya, ubuom bu amuma bu Jizo̱s unwulu li ishi ula-li ogbo. ⁵²Ubugbo ula neten, buto kpaga umeledhe Ebilikpabi me usekeliobhe mu ukpagbetebhe-bhe uwadhi kpom n̄ine. ⁵³. Gonituo̱ li eyemum-ya mu ugbabhe uzuzu ugi ume mu ugbuabhe Jizo̱s.⁵⁴Jizo̱s lodhe asaga mu gadhiga li ime ogbo emene Juu buto̱ mu buzo̱ li imebhe mu kadhio̱ otu-ulamu uzhiebhe li ugbono ukaya, mu ukpdhio̱ li ulam udhinio̱ Epelem. Mu-ya li emene uzhiya nazhio̱bhe li adhiya. ⁵⁵Uzhiom ogwu (ugabishi) emene Juu uzhiho̱ uzedu, maduegede li ulabhe uzebhe Jalusalem mu uba dhibhe ogwu ugabhishi kpaga mu elibhe usamali.⁵⁶Uzhibhe li uwudhigadhi Jizo̱s, mu ukadhi-dhibe kpom ujim uzhiebhe li udho̱ ukpeni. Ndekpu igbela? Ndeke eja-udhi ogu’um e-ela? ⁵⁷Emene ishi o̱so̱eja li emene Palisi enemalebhe oloko bu ubule bu o̱nwunye maji adhi Jizo̱s zhi, ”u uba-kanibhe kpaga mu umotuabhe.

Chapter 12

¹Eye-isu gwali li udhi ogwu ugabishi, mu Jizo̱s zheo̱ Betani, adhimu Lazo̱lus uzhio̱, nyem Jizo̱s tema li enwu. ²Mu emekebhe bhidhi ila li adhiya, Mata unebhe bhidim, buto̱ Lazo̱lus bu o̱nwunye Jizo̱s bhe udhikatabhe bhidi. ³Mu Mali gonio̱ ilo̱ egbu-uma-aya bhaka mu-sashiela, mu tela o̱ga li uko Jizo̱s mu gonio uukaseya li ukwom uko.⁴Judas iskalo̱t o̱nwunye li ”mene uzhiya, nyemu edhedhiola, mu-ukuo̱. ⁵“iyedo̱ mu gwebe udhedi ilom-ugbo̱ agam li ugwu ekpo̱-o̱wayi-ise mu unemebhe emene uyo̱la? ⁶Ukaniom buo̱ bu ugba agbezhi emene uyo̱ iyedo ubu nye-ugbu. Ya ukpunibhe o̱wayi, yakpu uzudhie o̱wayi uneabhe bu ukpute.⁷Mu Jizo̱s ko̱, “Sabhete ununwem, ombu li ujikele iye uli-eli me. ⁸Emene uyo̱ uzhikeshidhi yo̱ zukpulu ubhe. Buto̱ ndeke me li yo̱ anazhie zukpulu ubhe."⁹Mu ogbo emene Juu unjiobhe bu Jizos zhili adhiya, mu ujabhe, ujanigbobhe Jizo̱s neten, ujakatabhe uweji Lazo̱lo̱s nyem Jizo̱s tema-li-enwu. ¹⁰Mu emene ishi o̱so̱eja gbabhe uzuzu kpaga mu ugbubhe Lazo̱lo̱s. ¹¹Iyedo̱ li ishiya otutu emene Juu yosaliebhe mu whetuo̱bhe li Jizo̱s.¹²Li eyemu usoya ogbo madu bu-eke ujabhe udhi ogwum. Kpo̱m unujo̱bhe bu Jizo̱s zhili uja Jalusalem ¹³Mu ujituo̱bhe uwho̱-ugwu li uze-weja mu chiloshiebhe ikpu asaga “Utubuzo̱ olu, uwokwani uzhini ”yemu ujo̱ li ewa Idanweudo̱ye, Nye-eze Izeleli."¹⁴Mu Jizo̱s wejo̱ unwo̱-inya-nya, mu unazhie ezhi li oluya, kpo̱m ujim ugbabhe. ¹⁵”Etuo̱ otogwu, emene ugbede zayo̱n, Eze-yo̱ zhili uja, unazhi bu li olu unwo̱ inya-nya.¹⁶Emene uzhiya wo̱tabhe otu-iyem li unuzu, buto̱ kpo̱m Jizo̱s umezo̱ma iye ujani, ya kpu ugbewejibhe bu otu-iyem ugbabheya bu iye basali ya bu iyedo̱ mu umenibhe otu-iyem.¹⁷Ogbo maduya ukalo̱shi bu azhikeshia li ubhem uwhuo̱ Lazo̱lo̱s bu ulo̱ li ili mu utemala li-enwu. ¹⁸Ombu iyedo mu ogbomadum ukpolabhe li uzejishia, iyedo̱ unjibhe kpo̱m bu emele iye unwodha-enye. ¹⁹Mu emene Palisi kadhiebhe li-ime ogbobhe, “Nyetu ndeke amedho iye iye; nyetu uwam logbo uchizedhiebheom buya.”²⁰Emene giliki uzhibhema li ogbo emenem uzhebhe Jelusalem adhi ukpeni li ogwuya. ²¹Emenem uzekedhibhe pilip, nyemu ubuzolio li Betseda li Galili, mu tebhela, “Idanwudo̱, awudhiga uweji Jizo̱s” ²²Pilip uzo̱ mu ukanie Andulu; mu Andulu li Pilip zebhe mu ukaniebhe Jizo̱s.²³Mu Jizo̱s sabhe, ubeya odhumale kpu Unwo̱ maduegede (tubuzo̱abhe olu.) ²⁴Li egede li egede, ma kani-yo̱, gama bu ukpulu o̱ka da li-ele mu- dho, ezhitu bu kpe, yaneten; buto̱ udole, aunwuloshi ina tuogbo.²⁵Nye gwushile budu-ya, a-budu-ya nalia, buto̱ nye so̱le budu ya o̱so̱ li eluwam ubetela mu new budu enwe ngulu o̱gulu. ²⁶Ubule bu o̱nwuye bu nwo̱boyi me, uchiya me, adhi me zhile, yabu adhi nwo̱bo̱yi me ezhibhe. ubule bu o̱nwunye bu nwo̱bo̱yi me, Idame o̱gutua kpo̱m nye meite emeite.²⁷Li umo̱n uwame nnewumekpeli nde kpu ma kale la? Ida, do̱kpewem li ubhe zhikpo̱m”? Buto̱ ombu iyem modhumo ubhem. ²⁸Ida utubuzo̱ olu zhini ewayo” “Mu uli buzo̱li li olu-igwe uko̱ mo tubuzo̱malema olu, motubuzo̱keja bu udo̱” ²⁹Mu ogbo madum uzhibhe li adhiya nujibhe kpo̱m uka-ya mu ugbebhe bu-bu ukpo̱ke uzhiya udo̱ emene kabhe kpo̱m bu ”Nye-uzhi Ebilikpabi bakanilema uka.”³⁰Mu Jizo̱s uso̱ “ulim ujakedhiom buo̱ me, buto̱ yo̱. ³¹Ubhe ukpe uwam ikpe bu umo̱m. Li umo̱m kpu echiwobhe nyem uchie uwam.³²Ubhe utubuzo̱le-bhe-me olu li uwam mu do̱tu bu bhele bhele madu am do̱shim li eli.” ³³Ukanie kpo̱m bu-li utugushi uji enwu onwulu.³⁴Mu ogbomaduya sabhela, “Amujile kpu oloko ka-bu Kalaisi ya bu ebe bu ugwu uwa li unu-uwa. Nde kpu ekale bu “Unwo̱ maduegede bu o̱do̱buzo̱abhe bu olu la? Unwo̱ maduegede mu n̄ina la? ³⁵Mu Jizo̱s kaniebhe, “Echi ezikeshiyo̱ bu unwo̱ ubhe nchiko̱. Kadhe ize kpo̱m echi zhio̱, kpaga mu ”gelenyi gwe uzuji yo̱. Nye kadhele ize li igelenyi umajie adhi uzhi li ukadhe. ³⁶Kpo̱m echi zhio̱, “whetu li echi kpaga mu ibuni umeledhe echi” Kpo̱m Jizo̱s kama ooutiyem mu ubuzo̱lio̱ mu (woliko̱) gbeke eli-ya.³⁷Amashie bu Jizo̱s emele otutu iye unwodhawe-enye li ekpelenibhe, kpo̱m uzhieya uwhedawebhe li ya. ³⁸Kpaga unuekpo̱m Izaya nye amuma umezo̱, amu uko̱?"Ebilikpabi, nina whetu iye-ye akaloshi mu nde nye eka Ebilikpabi ulowetu la? ⁴⁰Agbanyo male ekpelenibhe, emedhihule mu ekpemabhe eshikatamadhihule, ubule bu ubuo-kpe uba nyetuwebhe ekpelenibhe mu uwotawebhe ekpema-bhe.⁴¹Izaya ukanie iyem iyedo uweji ebube Jizos mu uko iye kpania.

⁴³Bhe uwudhigabhe bu utubuzo olu buzoli li eka maduegede ka amu ubuzolio li eka Ebilikpabi.⁴⁴Mu Jizo̱s chie-ikpu nye whetule li me, uwhetua buo̱ li-meneten buto̱ uwhetukata bu li nyem udushie-me.⁴⁵Nye nyetule me, enyetule nyemu udugashie me.⁴⁶Me jiom kpo̱m echi li ime uwam, kpaga nye nye ubule bu uwhetu li me indeke ata li igelenyi⁴⁷Nye nye nujile unuekpo̱me buto ubhete bhe, n-kpema ikpe, iyedo maka-jamu adhi ukpe ikpe, iyedo mejiom buo̱ adhi ukpe uwam ikpe buto̱ udo̱kpewe uwam.⁴⁸Nye ugwele unatu me mu ugwedhihu unatu unuekpo̱me, unwe nye ekpea-ikpe. Otu ekpo̱m mu kpo̱dhiom ekpa ikpe li eye ukpo̱zu. ⁴⁹Iyedo̱ makatuo buo̱ ukame, buto̱ Idame nyemu udushieme, nyemu emene oloko kpani iye mu kpo̱ mu nka.⁵⁰Mamaji meni olokoya bu budu enwe ugulu-ogulu, kpo̱m ubuo̱ kpe, ya bu iye ma-ka, kpom ujim Idame kanie me yakpu ma-kale.

Chapter 13

¹Ombu mu ba dhiebhe ogwu ugabishi, Jizo̱s maji bu ubheya odhumale kpu obuzo̱li eluwam mu ukadhekeshi Ida-a, kpo̱m ugushie emene-aya uzhiebhe li ime uwam dhuma ubhe ukpo̱zu. ²Ekwansu eshimale li ekpema Judasi Iskalot unwo̱ Simo̱n bu udhedhi Jizo̱s. Kpom ubuo̱kpe, ubhem zhiebhe li udhi-gbidhi ila.³Jizo̱s maji bu Idaya bu eshikpole bhele bhele iye li ekaya, yawe ubuzo̱m bu li adhim Ebilikpabi zhio̱, kadhe dhihu o̱zu bu adhim Ebilikpabi zhio̱. ⁴Mu buzolio̱ li udhi gbidhi ila mu yo̱gamao̱ kapam uyo̱kashieya li olu. Mu gonio̱ ata mu tagashieya li okpu. ⁵Mu lo̱shie mini li bazini mu bido usama uko emene uzhiya au-kwomawhe atam utagashieya li okpu.⁶Kpo̱m udhushie Simo̱n Pita, mu Pita kaṉiela, “Idanwudho̱, esamadhihu ukome yala? ⁷Mu Jizo̱s sala, iyem mezhio̱ li umedhiom iwo̱ta li umo̱m buto̱ ewo̱ta bu li ubhe emo̱. ⁸Mu Pita kaniela, “Tu-ume ndeke me whem meni sama ukome” Mu Jizos sala, ubule bu masamamu yo, uko ndeke edhie uke li imeme-e.” ⁹Mu Simo̱n Pita kaniela, "“Idanweudo̱, esamagboto̱ ukome neten buto̱ samakata eka ibo̱m li ishi-me.”¹⁰Mu Jizo̱s kaniela, “Nye whuyamale mini ibala zhiela, gama bu-buho̱ usama uko, buto̱ uzhi usamali nyeya uzuta ozuta yo izhi usamali, buto̱ ubuo̱ bhele bhele madu uzhiebhe usamali. ¹¹Iyedo̱ Jizo̱s maji nyem edhedhiala, ya bu iyedo̱ mu ukanio̱, “Ubuo̱ bhele bhele yo izhini usamali."¹²Kpo̱m Jizo̱s samakpo ukobhe mu yo̱tuo̱ kapa mu nazhigba ezhi, mu kaniebhe “Iwo̱tani iyem me menio̱niom la? ¹³Iwhuni me nye uzhi-ezhi li Idanweudho̱, yo̱ ikania bu ishiuka, iyedo̱ni yabu nye mu-obu. ¹⁴Ubule mu-o̱bu, Idanweudho̱ li nye uzhi-ezhi ma-samalem ukoyo̱, yo̱ dhihu samatani uko. ¹⁵Mo̱ tugushile yo̱ni iye umeme, kpaga mu imedhihumi kpo̱m ujim me menio̱ yo̱.¹⁶Li-egede li-egede makaniyo̱, nwu-udo̱ ka idanweudho̱a, ubuo̱ne mu nye uzhiuka nyem udushiela uzhi. ¹⁷Ubule bu imajini out-iyem, uwokwani zhini-yo̱ ubule bu emeni otu-iyem. ¹⁸Ma kadhiom buo̱ uka bhele bhele yo̱; ma maji emenem mo̱ lo̱tuo̱, buto̱ ombu kpaga iyem ugbabhe li ukpalahu egwele uzuta. Nyem udhio bhidi me zhili uzo̱gide me li edenuko.¹⁹Ma kaniyo̱ni om tutu mu-uba me, mu iwhedaweni bu mo Buom. ²⁰Li egede li egede, ma kaniyo̱, “nye nye natule nyemodugashi unatua bu me, nye natule me unatua bu nyem udugashie me.”²¹Ubhem Jizo̱s ukpo̱-ekpom, unwe umekpeli li ime uwaya. Mu ukaloshio̱, Li egede li egede ma kani-yo̱ meni onwunye li imeyo̱ edhegbo me. ²²Mu emene uzhiya unyetabhe enye, mu unwodhabhe enye, mu unwodhabhe enye nyemu ukadiom.²³Onwunye li emene uzhiya unyetabhe enye, mu unwodhabhe enye nyemu ukadhiom. ²⁴Simo̱n Pita kanie emene uzhiya, katekwani bu ukadhiom bu n̄ina la”? ²⁵Kpo̱m ubuo̱-kpe mu unazhikio li ukwu-eli Jizo̱s, mu kaniela, “Idanweudho̱ nyeya bu n̄ina la?²⁶Mu Jizo̱s usala, nyeya bu nyem mo̱-duwe ibe-utanakani mu n-nea. “Kpom uduwe utanakani, mu uneo̱ Judasi unwo̱ Iskalo̱t. ²⁷Kpo̱m udhimabhe utanakani, mu ekwensu kpudhio̱la li -obu “Nde iye iwudhiga umela, meshia enwa.”²⁸O̱nwunye o̱nwunye li emenem udhikata bhidim umajiebhe iyedo̱ mu ukaniela kpe. ²⁹Emene ugbebhe kpo̱m Judasi kputenibhe o̱wayi, bu Jizo̱s kania, “Dhogo iye agoni mu adhiwe ogwu,” ubuo̱ne bu une-emene nwogboni iye. (uyo̱) ³⁰Kpo̱m Judasi gonima utanakani, mu ukpulo̱she li ezhiya abali odhumale.³¹Judasi ba-kadhemo̱, mu Jizo̱s ko̱, “li umo̱m Maduegede utobuzolebhe olu. Ebilikpabi anatule utubuzo̱-li li imeya. ³²Ubule bu Ebillikpabi utubuzo̱bhe olu li imeya, Ebilikpabi otubuzo̱dhihu bu Unwo Maduegede olu yawe, otubuzo̱a bu olu kpo̱hu. ³³Umeledhe, me zhikedhi buyo̱ li unwo̱ ubhe nchiko̱. Ewudhigani bu-me, kpo̱m ugim ma kanie emene Juu, “adhi makadhe, iIiadhoni, li umo̱n makanidhihu-yoni kpe.³⁴Me neyo̱niom bu oloko uwu, meni gwushitani o̱gushita kpo̱m m gwushieyo̱, yo̱ gwushitanikpe. ³⁵Ombu iye-eme mu bhele bhele madu majibhe bu ibuni emene uzhime, ubule bu igwushitani o̱gwushita.³⁶Mu Simo̱n Pita kaniela, idanweudho, eze-edha la? mu Jizo̱s sala, adhim me zeom, ndeke echiyadho me li umom, buto̱ umedhigakpo̱ ejadho bu ejadho. ³⁷Pita kaniela, “Idanweudho̱, iyela odo megwe uchiyado̱ yo li umumla? “Ma dabheteoni bu budu me li ele lishi yo̱.” ³⁸Mu Jizo̱s sala, “Edabhete buduyo li ele li ishi me la? Li egede li egede ma kani-yo, unu-ndeke akalo̱ ikwa kpu ekedhi ikake buya majiema me ukedhi ito̱.

Chapter 14

¹Ewheni bu ekpemaye unwe umekpeli. Whetuni li Ebilikpabi, whetudhini li me. ²Li udho̱ idame adhi ube-be utuogbo. Ubule bu ubuo̱kpe, maba kanilem yo, iyedo̱ mezeom bu umekeniyoni adhi ube-be. ³Mzele umenikeyo̱ni adhi ube, Me-jagba bu o̱zu mu nnabatayo̱ni li adhim me zhio̱, kpaga mu yo izhini li adhim me-zhio̱.⁴Imajini ichakpa adhim ma kadheom." ⁵Mu To̱mos kanie Jizo̱s, "Idanweudho̱ ye amajile adhi yo ekadhe, nde kpaga mu ye amaji ickakpa ya la?" ⁶Mu Jizo̱s kaniela, "Mo̱bu ichakpa, ishiuka, li budu; uzhe nye ezekedhi Ida gama bu-ugalaga ekame. ⁷Ubule bu imaji me, eba majile Idame dhihu. Gonitu li umo̱m kadheze emajilemani, ewejidhihu-le-ma."⁸Mu Pilip kani Jizos, Idanweudho tugoshiye Ida, ya ozutanimale ye." ⁹Mu Jizo̱s kaniela, "Me li yo anazhile gbaka, imajie me la, Pilip? Nye nye wejileme ewejile Ida. Nde kpu eka, 'Tugoshiye Ida-la?'".¹⁰Iwhetuoni bu-mezhi li ime Ida mu Ida zhili ime me la? Otu unekpo̱m ma kanie yo̱ mu katuo̱m li ike ekame-e, buto̱ Idame ube li ime me uzhili umetu ugboloya. ¹¹Whetu kpo̱m mako̱ meni mezhi li ime Ida meni Idazhili ime me, obuo̱-kpe, whetu gontuli eka ugboloya.¹²Li egede, li egede, ma kani yo̱, nye whetule li-me eme bu ugbolom memo̱, emebu ugbolo ka-ahim iyedo̱ makadhekeshiom bu Idame. ¹³Iye iye idho̱leni li ewame, me-me-bu-eme kpaga mu Idame natu utubuzo̱ olu li ime Unwo̱. ¹⁴Iye iye idholeni li ewame, memeni yo̱ni bu emeni.¹⁵Ubule bu igwushi me, ebhete bu oloko me, ¹⁶mu Ndhio̱ Idame mu uyigashini-yoni udo̱ Nye Ukaite obu kpagamu unazhikeshi-yoni ugwu uwa li unu-uwa - ¹⁷Ombu Uwa ishiuka, Uwam nabatadhobhela iyedo̱ unyetuo̱bhela, umajibhela-ne. Buto̱ yo̱ imajini amaji kpo̱m unazhio li imeyo̱ mu ubeo̱ li ime-yo̱.¹⁸Ndeke ma sabhete yo̱ni kpe; mo̱ yosali bu o̱zu imeyo̱. ¹⁹Unwo̱ ubhe nchiko̱, uwam ndeke ewejiedhe-bhe me udo̱, buto̱ yo̱ enyetuni bu me. Iyedo̱ni me zhi budu. ²⁰Li eyemu-ya kpu emajini bu me-zhili ime Ida, bu yo̱ izhini li ime me, bu me zhidhihuli ime-yo̱.²¹Nyemu majile oloko me mu ubhetelema yabu nye gwushi me, nye gwushile me Idame o̱gwushia bu o̱gwushi, ma me mo gwushia bu o̱gwushi amu tugushia uji nye mu-obu. ²²Judasi (ubuo̱ Iskalot) ukanie Jizo̱s, "Idanwudho̱, iyelado̱ mu itugushiye nye ibula mu igwe utugushi emene uwam la?"²³Mu Jizo̱s usala, "Ubule bu uzhi nye gwushi me, ebhete bu unuekpo̱me, Idame o̱gwushia bu o̱gwushi, ye akpudhuo̱ bu li ime ya anwetua udho̱-ye. ²⁴Nyem o̱gwushie me ubhene unuekpo̱me. Unuekpo̱m unujieni kpu ma kale ubuzo̱lie li ekame buto li eka Idame nyemu udushie-me.²⁵Ma kanie-yo̱ otu-iyem, kpo̱m me li yo̱ azhiom. ²⁶Kpomuzhieya, Nye Ulaite Obu, Uwa Egwele am Idame odhugashio̱ li ewame - ezhikpoyo̱ni bu bhelebhele iye, au-wheshini-dhihu yo̱ni anwa bhelebhele iye ma kani-yo̱ni. ²⁷Ma sabhete yo̱ni li uyodhu, mene yo̱ni uyodhu me. Menem odo̱m uwam nebhe. Ewheni bu ekpema-yo̱ unwe umekpeli, etudhihuo̱ni otu-ogwu.²⁸Inujini iye ma kani yo̱, 'Ma kadhemombu saisai, mo yosalikeshigba yo̱ni bu ozu̱.' Ubule bhu igwushi me, ekpema otoyo̱ bu-li unu iyedo̱ me zekeshiom bu Idame, ubueke Idame akamale a-me. ²⁹Ma kanieyo̱niom kpaga mu imajini tutu mu-ubamezo, kpaga umele, mu iwhedaweni.³⁰Ndeke mu kpo̱ni lagadhim yo ekpo̱, iyedo̱ nyem uchie eluwam zhili uja. Unwee ugbakpo li adhi mezhi, ³¹buto̱ kpaga mu uwam majibhe bu mo̱ gwushi Ida o̱wgushi, me-me bu kpu Idame kanie me. Ngwani mu abuzolini li adhim."

Chapter 15

¹"Mu bu ijali ushi bine, Idame bu nye Keo̱gbo̱. ²Ukegama kpo bhelebhele eleka uzhime li eli onwuobhe ina, ma eleka nwubhe ina ukekpobhe o̱gbo̱ mu unwubhe ina-ka adhiya.³Yo ezhimalenin usamali gonitu otu uzhi-umam me zhikalashi-dhieyo̱ni. ⁴Nazhini li ime me, mu me zhi li ime yo̱, kpo̱m ujim eleka ushi enwe-ike li unwutu ina gama bu uzhike ushi li ushi bine, kpo̱m ubuo kpe, yo̱ imedhoni gama bu ezhikeni li ime me.⁵Mu bu ushi bine, yo ibuni eleka. Nye zhile li ime me mu me zhile li imeya, onwu bu ina tuogbo, iyedo ubule mezhiem imedhoni iye-iye. ⁶Nye anazhie li ime me, ochioshiabhe kpo̱m eleka aukpo̱kali-okpo̱kali au-kpagbeteabhe uwadhi mu-chioshiabhe li echi mu dukpobhe-bhe. ⁷Izhileni li ime me mu unuekpo̱me uzhile li imeyo̱, iye mashile yo̱ni dhio̱ni, emenibheyo̱ni bu emeni.⁸Idame unatu bu utubuzolu li om, bu iwuni ukpulu-ushi tuogbo mu itugushini bu ibuni emene uzhime. ⁹Ujim Ida gwushi me, yabu kpu mu gwushi yo̱ni. Nazhini li ime ugwushi me.¹⁰Igbeleni olokome, ezhini bu li ime ugwushime, kpo̱m me bhete oloko Idame mu ezhio̱ li ime ugwushi ya. ¹¹Makanie yo̱ otu-iyem kpaga mu obu-eto̱ me uzhi li ime yo, kpaga mu obu-eto̱ yo̱ uzuta-ozuta.¹²Om bu oloko me, gwushitani ujim mo̱-gwushio yoni. ¹³Uzhiedhe nye nwe ugwushi ka adhim - bu nyeya unwulu li ishi nwuje-a.¹⁴Ibuni nwuje me ubule bu imeni otu-iyem ma kanie yo̱ni-om. ¹⁵Mo̱whuo̱dhem-yo̱ nwudho̱o̱, iyedo̱ nwudho̱ majie iye idanweudho ya umetu. Mo̱ whuyoni nwuje, iyedo̱ bhelebhele iye mo̱nuji li unu Idame meme mu imajini.¹⁶Ubuo̱ yo̱ ilo̱tuni me, buto̱ me mo̱ lo̱tu-yo̱ me ne yo̱ni unazhi kpaga mu izeni mu inwuni-ina, kpaga mu ina-yo̱ ugwudhike. Om bu kpaga iye-iye idhio̱leni Ida li ewame, mu une-yo̱ni. ¹⁷Ma kaieyo̱ni otu iyem kpagamu igwushitani o̱gwushita.¹⁸Ubule bu uwam so̱bhe yo̱ o̱so̱, majini kpom bhu o̱so̱malebhe me mu uba uba-so̱bhe yo̱. ¹⁹Ubule bu ibuni emene uwam, uwam ba gwushibhe yo̱ni o̱gwushi kpo̱m emeneabhe. Buto̱ iyedo̱ ibuo̱ni emene uwam mu lo̱gama yo̱ni li ime uwam, kpo̱m ubuo̱ kpe uwam o̱so̱bhe yo̱ni bu o̱so̱.²⁰Gbewejini unuekpo̱m makanie yo̱ni. ugbetelebhe unuekpo̱me, egbetedhihubhe bu a-yo̱. ²¹Emenibhe ye bu zukpulu uji li ishi ewame, iyedo̱ umajiebhe nyemu udugashie me. ²²Ubule maka jam li ukpo̱nibhe, uka-a mebhe bhiyo̱, buto̱ unwebhe unatu-ikpe umenibhe bhiyo̱²³Nye so̱le me uso̱lidhihua bu Idame. ²⁴Ubule bu maka memu ugbolo o̱nwunye o̱nwunye li aka medho li imebhe, kpo̱m uzhieya uba gwutu umeyebhe, buto̱ li umo̱m ewejilebhe mu zo̱katabhe me li Idame. ²⁵Buto̱ umbu kpaga unuekpo̱m ugbabhe li olokobhe uzuta, "Iye uso̱nibhe me uzhie."²⁶Ube Nye Ukaite Obu ujale - am obuzo̱ li eka Idame, yabu Uwa Ishiuka, amu ubuzo̱lio̱ li adhim Idame zhio̱ - ya agba-ekaibo iye kani me. ²⁷Yo̱ egbani bu ekaibo̱ iyedo̱ me li yo̱ azhi gonituo li ubido.

Chapter 16

¹Makani yo̱ni otu-iyem kpaga mu igweni udawulu. ²Echilo̱shibhe yo̱ bu li udho̱ ukpeni. Buto ube zhili-uja nye nye gbule-yo̱ egbe bu kpo̱m bu ya medhia bu ugbolo Ebilikpabi.³Emebhe bu otu iyem iyedo̱ umajiebhe Ida li me. ⁴Makanie yo̱ni otu iyem kpaga ubhe-ya udhumale, mu igbewejini bu-ma kani-yo̱ni otu iyem. Ma kanie yoni otu iyem li ubido iyedo̱ me li yo̱ azhi.⁵Buto̱li umo̱m, ma-kazekeshiom bu nyemu udushieme, o̱nwunye o̱nwunye li imeyo̱ te me, "Ezeom bu edhala?' ⁶Buto̱ iyedo̱ ma kanilem yo̱ otu iyem, agbaezhi oyulu obu-yo̱. ⁷Buto̱ li ishiuka ma kani-yo̱ uka-uma bu ma kadhema sai-sai. Iyedo̱ ubule bu ma kadhem, Nye Ukaite obu ndeke ejakeshie yo̱, buto̱ makadhele, mo̱dugashia mu umazhikeshi yo̱.⁸Ubhe-ujale, eme-mu-uwam najiebhe umeye, li umeite, li ikpe- ⁹umeye iyedo̱ uwhedawebhe li me; ¹⁰umeite, iyedo̱ ma kazekeshio̱m bu Ida, ndeke ewajiedheni me; ¹¹li Ikpe, iyedo̱ nye mu uchie eluwam ekpemalebhema ikpe.¹²Menwe otutu-iye ukani yo̱ buto̱ ndeke ekaite-kodhoni li umo̱n. ¹³Buto̱ Uwa Ishiuka ejio̱, ya oduyo̱ni mu imajini bhelebhele ishiuka, iyedo̱ ndeke akaṯo uka ya. Buto̱ aka bu iye-iye unujile, akani yo̱ni bu iye eme-li-ununu. ¹⁴Otubuzo̱ me bu olu, iyedo̱ ogoni bu iyebu a-ame mu ukani-yo̱.¹⁵Bhelebhele iye Ida nwe bu a-ame. Kpo̱m ubuo̱ kpe, maka-meni Uwa-ya ogoni bu iyeme, mu ukani yo̱ni. ¹⁶Unwo̱ ubhenchiko̱ ndeke ewjiedheni me, unwo̱ ubhe nchiko̱ uba-gamaji aiwejini me."¹⁷Mu emene li emene uzhiya ukanitadhie-bhe, "Ukanidhio̱-iyem bu kpala 'Unwo̱ ubhenchiko̱ ndeke ewejiedheni me, nwo̱ ubhe nchiko̱ aiwejini me,' ombu 'iyedo̱ mezekeshiom bu Ida'?" ¹⁸Kpo̱m ubuo̱ kpe mu ukabhe, ukadhiom bu kpala, "Unwo̱ ubhe nchiko̱? Amajie iye uzhili ukadhi.¹⁹Jizo̱s nyetu bu uwudhigabhe utekwa-a, mu ukanie-bhe, ombu iye izhili-utekwatani, ugbasama iyem ma kanio̱, unwo̱ ubhe nchiko̱ ndeke ewejiedheni-me, udo̱-gba, unwo̱ ubhe nchiko̱ aiwejini me la? ²⁰Li-egede, li-egede, ma kani yo̱ ekwani bu ikwa aigbani ezhi, buto̱ emen-uwam o̱to̱bhe bu obu, agbe-ezhi oyulu-ka yo̱ni bu eli buto̱ agbe-ezhi-yo agabu obueto̱. ²¹Unyoma ulunile umu-unwo̱ obu-to̱la, iyedo̱ idhe unwo̱ ebidole li ubheya buto̱ umubhetemale unwo̱, ugbewejiedhe idheya, iyedo̱ obueto̱ unwo̱m ulo̱-uwa uzhihom.²²Kpo̱m ubuo̱-kpe egbani bu ezhi l'umo̱m, buto̱ me weji-gba-yo̱ni bu udo̱, o̱buyo̱ o̱to̱ bu eto̱, o̱nwunye o̱nwunye nwike unama o̱bu-eto̱-yo̱. ²³Li eyemuya ndeke etenime iye-iye. Li-egede, li-egede makani yo̱, iye-iye idhio̱to̱ni Ida li ewa me, eneyo̱ni bu-ene. ²⁴Tutu uzhio̱m ikadhio̱dheni iye-iye li ewame. Dhio̱ni ainwetani, kpaga mu o̱bu-eto̱ yo̱ uchili-echili."²⁵Makanie-yo̱ otu iyem bu kpo̱m iye utushi, buto̱ ubhe zhilu uja ndeke makaniedhe-yo̱ uka li-iye utushi, buto̱ makanima-yo̱ni bu boi iye kpani Ida.²⁶Li eyemuya edhio̱ni edhio̱ bu li ewami, ndeke ma kanie yo̱ meni mo̱ dhio̱ Ida li ishi yo̱, ²⁷Iyedo̱ Ida yawe gwushi yo̱ni o̱gwushi iyedo̱ igwushini me li iyedo̱ iwhedaweni bu mo buzo̱ li eka Ida. ²⁸Mubuzo̱li li eka Ida, mejalem ime uwam. Udo̱ bu, ma-sabheteom bu uwam, makazekeshiom bu Ida."²⁹Mu emene uzhiya ukabhe, "Nyetu ombu aikpo̱samadhiho̱ ekpo̱, itushiedhe iye utushi-o̱tushi. ³⁰Li umo̱m, ye amaji meni imaji-kwakpo̱ bhelebhele iye mu udadhio̱ bu o̱nwunye-o̱nwunye jo̱-yo ajuju. Kpo̱m ubuo̱ kpe, awhedawe meni ubuzo̱li eka Ebilikpabi." ³¹Mu Jizo̱s usabhe, "Ewhedawheleni li umo̱m la?"³²Nyetuni, ibheya zhilu jadhiho̱ eh, odhumale li-egede, kpu-yo̱ esekelini, nyezhina akadhe udho̱-ya, aisabeteni me neten. Amashiekpo̱m uzhie-ya ubuo̱ meneten mezhi, iyedo̱ Ida zhikeshi me. ³³Makanie-yo̱ni otu iyem kpaga mu inweni uyodhu li ime me. Li-eluwam enweni bu umekpa-eli, buto̱ etuo̱ni-otu-ogwu, iyedo̱ me megbomalem uwam."

Chapter 17

¹Kpom Jizo̱s kpo̱-kpo̱-o̱ otu ekpom, mu gbabuzo̱ enye olu-igwe mu ko̱, "Ida, ubheya odhumale, tubuzo Unwo̱ yo olu kpaga mu Unwo̱ tubuzo̱yo olu - ²Ujim enela ugbakpo li adhi bhelebhele o̱kpo̱li zhibhe kpaga mu une ogbo emenemu enela budu enwe ugulu-o̱gulu.³Om bu budu enwe ugulu ogulu: Mu umajibhe yo, egede Ebilikpabi li nyem idushio̱, Jizo̱s Kalaisi. ⁴Mo̱ tubuzo̱-yo olu li iyem eluwam. Me mekpolem ugbolom idugashio-me bu me-me. ⁵Li umo̱m, Ida, tubuzo̱ me li eliyo olu li utubuzo̱ olum anwekato̱ tutu uwam ba-ibido̱.⁶Me-me mu emenem ineme li eluwam umajibhe ewayo. Bhe bubhe emene ayo, yo igoni bhe mu eneme, bhe gbete unu-ekpo̱-yo. ⁷Li umo̱m, umajibhe kpo̱m bu bhelebhele iye eneleme bu ubuzo̱li li ekayo. ⁸Iyedo̱ bhelebhele unuekpo̱m ineme, me nekpolem bhe. Unatubhe li-egede, umajibhe kpo̱m bu mo̱ buzo̱li li ekayo, uwhedawebhe bu-yo idugashi me.⁹Mo̱ dhio̱nibhe edhio̱, mo̱ dhio̱nemu uwam buto̱ mo̱ dhio̱nom bu emenem ineme, iyedo̱ bhe bubhe a-ayo. ¹⁰Bhele bhele iye menwele bu a-ayo, a-ayo bu a-ame, menwe utubuzo̱ olu li imebhe. ¹¹Me zhiedhem li uwam buto̱ emenem zhibhe li uwa, me jakeshiom bu Ida-Zhi-Egwele gbetebhe li ishi ewam ine-me kpaga mu-ububhe n̄ine, kpo̱m ujim abuo̱ n̄ine.¹²Ubhem me li bhe ezhio̱, me nyijike bhe li ewayo, amu ine-me, me nyijike bhe, o̱nwunye li imebhe tadhuo̱ ewe, kpaga mu ukpalawhu egwele umezo̱. ¹³Li umo̱m me jakeshiom bu yo, buto̱ ma kanie otu-iyem li eluwam kpaga mu obu-eto̱ me uzuta li imebhe. ¹⁴Me nelebhe unuekpo̱ yo, uwam o̱so̱lebhe-bhe o̱so̱, iyedo̱ ubuo̱bhe emene uwam, kpo̱m ujim mo̱buo̱m nye uwam.¹⁵Mo̱ dhio̱m meni namabhe li uwam, buto̱ mii gbeke mu eka nye bhiyo̱ gwe ukpotubhe. ¹⁶Ubuo̱bhe emene uwam, kpo̱m ujim mu buo̱m nye uwam. ¹⁷Mebhe mu uzhibhe egwele gonitu li ishiuka, unuekpo Yo bu ishiuka.¹⁸Kpo̱m ujim idugashieme li uwam, yakpu mu odugashie bhe li ime elu-uwam. ¹⁹Li ishi-bhe mu mebheo̱ elime egwele, kpaga mu-bhe uzhidhihu-bhe egwele li ishiuka.²⁰Mu dhio̱m edhio̱m buo̱ bhe-neten, buto̱ emenem ewhedawe katabhe li me gonitu li unuekpo̱-bhe, ²¹kpaga mu bhelebhelebhe ububhe n̄ine, kpo̱m ujim Ida, ezhie li imeme mu me-zhio̱ li ime-yo. Bhe ubudhihu-bhe n̄ine li ime ye kpaga mu uwam uwhetu-bhe bu yo udugashi me.²²Utubuzo̱ olum ine me, me nelem bhe, kpaga mu ububhe nine kpo̱m ujim ye abuo̱ n̄ine: ²³Me li-ime bhe, li yo li-ime me - kpaga mu uyegbede ubu-n̄ine-bhe uzuta ozuta, kpaga mu uwa maji-bhe bu yo idugashi me, mu egwashio̱-bhe kpo̱m ujim igwushie me.²⁴Ida, mo-wudhiga emenem ineme uzhikeshi-bhe me li adhi me zhi, mu nyetubhe ebube, ebubem ineme iyedo̱ igwushi me tutu muba kpubhe li uwam.²⁵Ida umeita, uwam umajiebhe yo, buto ma maji yo; emenem majibhe bu yo idugashi me. ²⁶Me me mu umajibhe ewayo, me-me kpaga mu umajibhe mu ugwushim inwo li-me mu uzhi li imebhe, mu ugwushiya uzhidhihu li-ime bhe."

Chapter 18

¹Kpo̱m Jizos kpo̱ma otu ekpo̱m, mu ya li emene uzhiya kadhebhe udo̱ ewheka li idagwu Kidlo̱n, adhi ugbabhe agba uzhio̱, mu ya li emene uzhiya ukpudhio̱bhe li ime adhiya. ²Li umo̱m, Judas, nyem edhedhiela, majidihu adhiya, iyedo̱ otutu ubhe Jizos li emene uzhiya uzugbanibhe li adhiya. ³Mu Judas uduo̱ o-ogbo emene kapa-uchi li emene majibhe unazhi nye-ishi o̱so̱eja dushi li emene Palisii uze-bhe, ububhe tȯ̱njo̱, li to̱nchi, li iye-ulu.⁴Jizo̱s kpo̱m umajikpo bhelebhele iyem udakwashiela, ulo̱ mu tekwabhe, "Iwudhigani nina la?'' ⁵Mu usabhela, "Jizo̱s nye Nazaleti." mu Jizo̱s kanibhe, "Me mezhiom." Judas, nyemu udhegbola, zhili unuzokedhi-dhihu emene kapa-uchim.⁶Kpo̱m ukaniebhe, "Me mezhiom," mu udalabhe o̱zu mu udabhe li ele. ⁷Mu tekwajiebhe, iwudhigani nina la? mu sakejiebhe, "Jizo̱s nye Nazalet."⁸Mu Jizo̱s sabhe, "Ma kaniyo̱ni meni me mezhiom. ubule bu iwudhigani me, sabheteni emenem mu ukadhebhe." ⁹Ombu li umezo unekpo̱m ukabhe, "Otu emenem ineme, n̄ine n̄ine kpawulo̱."¹⁰Mu Saimo̱n Pita, umojio̱ o̱pia-ishi-echi, ulituo̱la mu kebimo̱ nwudho̱ nye-ishi o̱so̱-eja ete ikega. Ewaya dhini Malkus. ¹¹Mu Jizo̱s kanie Pita, "Lishi o̱pia-ishi-echi o̱zu. Ndeke mo̱ nwuwem egegem Ida neme la?"¹²Mu ogbo kapa-uchi ya li ishibhe, li emene ishi Júú, umotuo̱bhe Jizo̱s mu-kebhela edhi. ¹³Udulabhe li uzu eka Anas, iyedo̱ ya-bu ida-uwgo̱ Kaiapas, nyem ubuo̱ nye-ishi o̱so̱-eja li alaya. ¹⁴Kaiapas bu nyem uduo̱ emene Júú udu bu udaudhu bu o̱nwunye neten bu nwulu li ishi bhele bhele madu.¹⁵Saimo̱n Pita chize Jizo̱s, li o̱-o̱nye uzhiya dhihu. Nye ishi o̱so̱eja umaji nyemu chize Pita ya, mu ukpugadhi-keshi Jizo̱s li ime elezhi nye ishi o̱so̱eja; ¹⁶buto Pita zhihu-unuzo li unobudho̱ asaga. Kpo̱m ubuo̱ kpe nye uzhim ya zekeshi nyem unyijie uno̱budho̱ mu kaniebhela, mu kpugashio̱ Pita li ime-adhiya.¹⁷Mu unwo̱ unyomam unyijo unobudho utekwa Pita, "Ibudhiho onwunye li emene uzhi udekem ela?" Mu usao̱, "Mu-buo̱m." ¹⁸Emene nwo̱-udo̱ li emene ishi zhibhe li unuzo li adhiya, ebishilebhe echi enyi-chele, iyedo̱ ukayi zhim, uzhi li unwatubhe echi. Pita zhikeshi-bhe, uzhi li unuzo li unwatu echi.¹⁹Mu nye ishi o̱so̱ejam tekwa Jizo̱s iye kpani emene-uzhiya li uzhi-ya. ²⁰Mu Jizo̱s sala, "Mo̱ kpo̱nilem emene uwam ekpo̱ li asaga. Zukpulu ubhe mezhi-li-uzhi-iye li udho̱-ukpeni emene Júú li udho̱-ukpeni adhi bhelebhele emene Júú uzugbanibhe. Ma kam iye-iye li uwodhi. ²¹Iyela do̱ mu itekwa me la? Tekwa emene nujibhe iye ma-ka kpu ma kale. Nyetu, emenem majibhe iye ma ka."²²Jizo̱s uba kama-om, mu o̱nwunye li emene ishim ugbo̱ Jizo̱s igbaku mu-ukuo̱, "Om bu kpu esale nye-ishi o̱so̱eja la?" ²³Mu Jizo̱s sala, "Ubule bu-ma-ka uka bhiyo̱, kalo̱shila bhiyo̱ ya, buto̱ ubule ma kaka joka, iyela do̱ mu igbome igbaku la?" ²⁴Mu Anas ka bu ukebhe-a edhi mu dulabhe eka Kaiapas nye ishi oso̱eja.²⁵Li umo̱m, Pita zhili unuzodhi mu nwatu echi. Mu emene muya kaniebhela, "Ibudhiho̱ o̱nwunye li emene uzhiya e-la?" Mu ukedhie ikake mu uso̱, "Mo̱ buo̱m wo." ²⁶Nwudho̱ nye-ishi o̱so̱ejam n̄ine, nwana nyem Pita kebie ete, uko̱, "Me wejiem ya li yo li adhim ugbabhe agbam e-la?" ²⁷Mu Pita kedhi-kejo̱ ikake udo̱; mu li ezhiya ya-kpu-unu lo̱-ikwa.²⁸Mu dutuo̱bhe Jizo̱s li eka Kaiapas mu dulabhela adhim uchi-echi uyie-ezhim. Om bu li ukwete oyukwe, buto̱ uwhebhe ukpudhu li adhim uchi-echi uyieya ezhim kpaga mu ugwebhe udhuma elibhe kpaga mudhibhe ogwu ugabishi. ²⁹Kpo̱m ubuo̱-kpe mu Pailate ulo̱ li uweji-bhe mu utebhe, "Udukem me iyela." ³⁰Mu usabhe-la, "Ubue bu udukem buo̱ nye bhiyo̱, aba duyala eka-yo."³¹Mu Pailate kaniebhe, "Yo goniani mu ikpeani ikpe gonitu kpu oloko yo kale. Mu emene Juu kaniabhe, "Oloko whe bu-ye akpeshi o̱nwunye o̱nwunye enwu." ³²Ukaniebhe kpo̱m kpaga unuekpo̱m Jizos umezo amu yawe ko li utugushi uji enwu nwulu."³³Mu Pailate kpudhuke o̱zu li adhim uchi-echi yiya ezhim mu uhuo̱ Jizo̱s mu kaniela, "Ibu eze emene Júú la?" ³⁴Mu Jizo̱s sala, "Ikom bu iye yowe imaji sa iye ukanibhe yo ubasali li me la?" ³⁵Mu Pailate sala, "Mu buo̱m nye Júú, mu buom la? Emene yo li emene ishi o̱so̱eja uyawhebhe yo ekame. Ime iyela?"³⁶Mu Jizo̱s so̱, "Uchi-echi me ubuo̱ a-eluwam. Ubule uchi-echi me bu a-uwam, emene nwudho̱ me aba-lulebhe ulu kpaga mu ugwe ushishi-bhe me li eka Júú. Buto̱ uchi-echi me buo̱ a-uwam." ³⁷Mu Pailate kaniela, "Yabu ibu nye eze la?' Mu Jizo̱s sala, "Yo ika bu mo̱bu nye eze. Ombu iyem umuniebhe me, ombu iyem mejani dhihuo̱ uwam, li ukaloshiwe ishiuka. Nye bule nye ishiuka kpe ete li uli me.''³⁸Mu Pailate sala, "Ishiuka bu iyela?" Kpo̱m ukama om, mu zekeshijio̱ emene Júú udo̱ li asaga mu ukaniebhe, "Mo̱ wuwejiem idakpe udukem da n̄ine n̄ine." ³⁹Buto̱ yo inwedhini emenala ma sabheteni yo̱ni o̱nwunye ikoli li ubhe udhi ogwu ugabishi. Kpo̱m ubuo̱ kpe iwudhigani bu asabheteni yo̱ni Nye Eze emene Júú la?" ⁴⁰Mu chiebhe ikpu mu kabhe, "Ubuo̱ udukem buto̱ Balabas." Balabas buho̱ nye ugbu.

Chapter 19

¹Mu Pailate gonio̱ Jizo̱s mu lo̱la igbani-gbani. ²Emene kapa uchi ukpuabhe okpulishi ugwu. Mu ukpushiebhe Jizo̱s li ishi mu uyo̱shiebhela kapa alikpo. ³Mu ukaniebhela, "Utubuzo̱ olu, zhiniyo Eze emene Júú!" mu ukobhela-iye.⁴Mu Pailate lo̱kejio̱ asaga udo̱, mu ukaniebhe, "Nyetuni, mu do̱lo̱shielam bu asaga eka-yo̱ kpaga mu imajini bu ma dashiema ikpe." ⁵Mu Jizo̱s lo̱ asaga, ukpuji bu o̱kpulishi ugwu, mu uyo̱ kapa alikpo mu Pailate kaniebhe, 'Nyetuni ombu udukeya!" ⁶Kpo̱m emene ishi o̱so̱eja li emene uchi-echi uwejiebhe Jizo̱s, mu chiebhe ikpu, "kpo̱gideani li obe, kpo̱gideani li obe!" Mu Pailate kaniebhe, yo̱we goniani mu ikpogideani li obe, iyedo̱ me wejiem idakpe li imeya-a."⁷Mu emene Júú sabhela, "anwe oloko, gonitu kpu oloko kpo̱ yawe bu nye-enwu iyedo̱ ukakpo̱m bu ya-bu unwo̱ Ebilikpabi." ⁸Kpo̱m Pailate nujie iyemu ukabhom, mu otuogwu ubu-eke kpudhio̱la li-eli. ⁹mu ukpudhio̱ li adhim uchi-echi uyieya ezhim udo̱ mukanie Jizo̱s, "Ibu-nye ele-ibela?" Jizo̱s usala iye iye.¹⁰Mu Pailate tekwala, "Ikpo̱keshieme ekpo̱ ela? imajie bu me nwe ugbakpo li ume mu usabhete-bhe yo, li ukpo̱gide yo li obe ela?" ¹¹Mu Jizo̱s sala, "Inwe u-ugbakpo ugbakpo li adhi me zhi gama iyemu unemabhe yo li obio̱ma. Kpo̱m ubuo̱kpe, nyemu udhegbo me li eka-yo umeyeya uka."¹²Kpo̱m usaom, mu Pailate wudhiga bu ya sabhetea, buto̱ mu emene Júú chiebhe ikpu, "Isabhetele udukem, majikpo̱m bu ibuo̱ nwuje Siza. Nye mewele eliya eze umegidedhia bu Siza." ¹³Kpo̱m Pailate nujio̱ otu-unuekpo̱m, mu udo̱lo̱shio̱ Jizo̱s asaga mu unazhi ezhi li agida-ikpe li adhim udhino̱ "Ibalanda" buto̱ li uli-ekpo̱ emene Alamaik uhuabhe "Gabata".¹⁴Iyem udom li eyem uzhiebhe li ujikele udhi ogwu ugabashi, li echi-oyukwe. Mu Pailate kanie emene Júú, "nyetuni, ombu eze yo̱." ¹⁵Mu uchiebhe ikpu, "Do̱gama li adhie, do̱gama li adhie; kpo̱gidea li obe!" Mu Pailate tekwabhe, "Nkpogide eze yo̱ li obe?" Mu emene ishi o̱so̱eja sala, "Anwe udo̱ eze gama Siza." ¹⁶Mu Pailate gonio̱ Jizo̱s mu unebhe li eka bu zheo̱ kpo̱gideabhe li obe.¹⁷Mu do̱tuo̱bhe Jizo̱s mu ukadhio̱bhe, yawe ubutu ushi uye-li-uka, tutu dhumo̱ adhim uhuo̱bhe "Adhi Okpokolo-Ishi" amu uhuo̱bhe li unu Alamaik "Go̱lgo̱ta." ¹⁸Yabu adhi ukpogide-bhe Jizo̱s li obe, ya li ukoma ibo̱, ibe ibo̱m n̄ine n̄ine, Jizo̱s li echinabo̱.¹⁹Pailate uba iye mu kpo̱shiela li ushi uye-li-uka, omkpu ugba li adhiya: JIZO̱S NYE NAZALET, EZE EMENE JÚÚ. ²⁰Otutu emene Júú ugwudhibhe iyem ugbaya iyedo̱ adhimu ukpo̱gidebhe Jizo̱s li obe uzhi li ugbono ula. Iyem ugbabhe bu li unu Alamaik, unu Latini, li unu Giliki.²¹Mu nye-ishi o̱so̱eja emene Júú kaniebhe Pailate, "Egbashie EZE EMENE JÚÚ, buto̱ gbashi bu ukakpo̱m bu ya bu EZE EMENE JUU." ²²Mu Pailate sa, "Iyem ma-gbaya, ma gbamalema."²³Kpo̱m emene kapa-uchi ukpo̱shiebhe Jizo̱s li obe, mu ugoniebhe kapa-ya, mu ukebhe adhi-ino̱-o̱ mu o̱nwunye gwetuo̱ n̄ine; li atamu ukwashieya li okpu. Eka atam uzhi ukpabhe bu ine-e gonitu li olu. ²⁴Mu ukanitabhe, "Ado̱wo̱malani atani-enye mu ukpebie nye ogoni," Iyem umeneo̱ kpaga mu ukpalahu egwele umeo̱ amu uko̱, "Bhewe ukedhi-bhe kapa me autabhe enye li ukani-me." Ombu iye emene kapa-uchi mebhe.²⁵Emene zhibhe li unuzo li ugbo̱no̱ ushi-uye-li-uka Jizo̱s bu ina-a, nwana ina-a, Mali nweni Klo̱pas, li Mali Magdalini. ²⁶Kpo̱m Jizo̱s wejie ina-a li nye uzhim-aya ugwushie o̱gwushi kpulu unuzobhe li ugbo̱no̱, mu ukanie ina-a, "Ununwe, weji, unwo̱-yo!" ²⁷Mu ukanie nye uzhim, "Nyetu, ina-yo!" Gonituo̱ li ubeya mu nye-uzhim udo̱lala udho̱ya."²⁸Kpo̱m umajio̱ bu bhelebhele iye bu ozotale, li kpaga mu ukpalahu egwele umezo, mu Jizo̱s uko̱, "Ekidhi me ekpele-e." ²⁹Idu menye dhu-uka zhili-adhiya, mu ugonio̱bhe eminika mu ugbaitebhe e-etutumu shiebhela ewechi mu ugbabuzo̱a bhe olu mu ushiabhe li unu. ³⁰Kpo̱m Jizo̱s unwo̱ menye dhu-uka, mu uko̱, "Ugulule." mu yawe-ishiya ele mu nwuluo̱.³¹Mu emene Júú, iyedo̱ ubu-eye umekwete iye, kpaga mu uzu-ya gwe-ushike li ushi-uye-li-uka li eye ukpeni (iyedo̱ eye ukpenim uzhi nkpa), mu kaniebhe Pailate bu ugbajebhe bhe uko̱ mu ubugamabhe mu nwulibhe mu ubugamabhe bhe. ³²Mu emene kapa-uchi jio̱bhe mu ugbajebhe nye unuzum uko̱ li udukem ugbuwe bhibo̱ ukpo̱gide katabhe Jizo̱s ya. ³³Ubadhushie Jizo̱s, mu uwuwejio̱bhe bu o̱nwulumale, kpo̱m ubuo̱ kpe ugbajebhela uko.³⁴Amashie kpo̱m uzhieya, o̱-o̱nye kapa-uchi kpo̱a-adha li igba, li ezhiya, mu ubala li mini ugbalo̱shie-bhe. ³⁵Nyem uwejie iyem mu udhu ekaibo̱, ek'ibo̱ya bujine ishiuka. Umaji bu iyem buya gba-eka-ibo̱m bu ishiuka kpaga mu bhelebhele madu uwhetubhe.³⁶Otu-iyem umenio̱ kpaga mu iye ugbagbe li ukpalahu egwe uzuta "Ndeke ukpoya n̄ine n̄ine agbajelie." ³⁷Udo̱ unuekpo̱ li ukpalahu egwele kakpo̱m, "Enyeabhe bu enye nyemu ukpo̱bhe adham."³⁸Otu iyem uba gamo̱, mu Josepu nye Alamatiya, kpo̱m ubuo̱ o̱nwunye li emene uzhi Jizo̱s (buto̱ li uwodhi iyedo̱ utuni emene Júú) Ukanie Pailate ubule bu obutu uzu Jizo̱s mu Pailate nela ike. Mu Josepu zeo̱ mu bugamo̱ uzu Jizo̱s. ³⁹Nikodimo̱s ujadhihu eja, amu uzekeshio̱ Jizo̱s li abali li unuzu, mu ulo̱wo̱ uji-ilo-egbuma ibo̱.⁴⁰Mu ubutuo̱bhe uzu Jizo̱s mu gbugbashiebhela o̱lo̱ li egbu uma kpu emene Júú umelagabhe mu uba li-bhe madu. ⁴¹Li adhim ukposhiebhela li obe uzhi adhi ugbabhe agba li ime adhim ugbabheya ili uwu zhimu abukpo̱m bu uka liebhela madu. ⁴²Iyedo̱ yabu eye ujikele emene Júú, li iyedo̱ iliya zhi bhe uzedhu, mu uliebhe Jizo̱s li adhiya.

Chapter 20

¹Li echi oyukwe li eye unuzu li ugbakuniozu, adhi ka-bo̱lisama-a, Mu Mali Magalini ujio̱ ili mu uwejio̱ bu igwuya agbadhiemale-bhema li-ili. ²Kpo̱m ubo̱kpe mu ugbalakeshio̱ Saimo̱n Pita li nye uzhiya mu Jizo̱s ugwushi-o̱gwushi, mu ukaniebhe, "o̱butumale-bhe Idanweudho̱-ye li ili, li umo̱m amajie adhi ububheteabhe"³Mu Pita li nye uzhiya ubuzo̱lio̱bhe, mu ukadhebhe ili. ⁴Ugbabhem bu eso̱ mu nye uzhiya ugbaka Pita li udhuma ili li uzu. ⁵Kpo̱m ujikpuda ele, mu uwejio̱ ukanim ugbugbashie-bhela buto̱ ukpudo̱ li ime.⁶Mu Pita udhumo̱, kpo̱m udhumamo̱ mu ukpodhio̱ li ime iliya mu uwejio̱ ukanim ugbugbashie-bhela li-eli li adhiya. ⁷Li ukanim uyishiebhela li ishi, ya li ukanim ugbugbabhela li elim uzhikatabhe buto̱ ujishiabhe mu ugwudhie ise.⁸Mu nye uzhiya mu udhumo̱ li unuzu kpudhuho̱ mu nyetuo̱ mu uwhetuo̱. ⁹Tutu dhumao̱ ubheya, ukamajiebhe iye ukpalahu egwele ka bu eteli bu li enwu. ¹⁰Kpo̱m ubuo̱ kpe mu emene uzhiya ukadhiebhe udho̱.¹¹Buto̱ Mali zhili unuzoke-dhi li ugbono ili. Kpo̱m uzhio̱ li ukwa ikwa mu ujikpuo̱ li ili. ¹²Mu uwejio̱ emene uzhi-Ebilikpabi ibo̱ uyo̱bhe kapa-usa, kpu uzhili unazhibhe ezhi, n̄ine li igbu ishi udo̱ li igbu uko li adhim uliebhe Jizo̱s. ¹³Mu tebhela, "ununwe, ikwani iyela?" Mu ukaniebhe, "Iyedo̱ obutu-malebhe idanweudho̱ me, ma majiem adhi ubea-bhe."¹⁴Uba kamakpe, mu unye-nwosa enye mu uwejio̱ Jizo̱s li adhiya buto̱ umajie bu Jizo̱s uzhiya. ¹⁵Mu Jizo̱s ukaniela, "Ununwe, ikwani iyela? iwudhiga n̄ina la?" unyekpo̱m bu nyeya bu nye mekwa adhiya, mu ukaniela, "Ubule bu-yo ibutua, kanimu adhi ibubhetea, mu nbutua."¹⁶Mu Jizo̱s uhuo̱la, "Mali." Mu yosalio̱ mu huo̱la li unu Alamaik, "Raboni" (Yabu 'Nye-uzhi-ezhi'). ¹⁷Mu Jizo̱s kaniela, "Ekpo̱to̱m eka, iyedo̱ maka zekeshiem Idame, buto̱ zekeshi umu-nwana-me, kanibhe bu me zekeshiom bu Idame li Idayo̱, li Ebilikpabi me li Ebilikpabi yo̱." ¹⁸Mu Mali Magdalini zeo̱ mu kanie emene uzhi ya, "Me wejilem Idanweudhoye," ombu otu-iye ukani me.¹⁹Li ila eyemu-ya, li eye unuzu li ugbakuni-o̱zu, echishikpolebhe adhi li adhim emene uzhiya zhiebhe li ishi otuogwu emene Júú, mu Jizo̱s lo̱ li echinabo̱-bhe mu ukaniebhe, "Uyodhu zhini yo̱." ²⁰Kpo̱m ukamakpe, mu utugo̱shiebhe ekaya li igbaya. Mu emene uzhiya tubhe obu kpo̱m uwejio̱bhe Idanweudho̱bhe.²¹Mu Jizo̱s kanikejio̱bhe udo̱, "Uyodhu zhini yo̱. Ujim Ida dushie me, yakpu mo̱ dushie-yo̱ni." ²²Kpo̱m Jizo̱s ukama kpe, mu uwuo̱bhe uwukayi mu kaniebhe, "Natuni Uwa Egwele. ²³Nye nye isabheteleni umeyeya, asabheten-lebhe bhe; nye ibheteleni umeyeya, umeye bhe zhikem.²⁴To̱mo̱s o̱wunye li dhimadu li madu-ibo̱ ya, uhuo̱bhe Didimo̱s, uzhie li adhiya li ubhem Jizo̱s ulokeshio̱bhe. ²⁵Emene-uzhim inenem kaniebhela, Awejile Idanweudho̱ye." Mu ukaniebhe, "Gama bu me weji ekaya adhimu ukpo̱bhela igbo̱, ame shi-eka li adhimu ukpo̱shiebhe igbo̱, ame shi-eka li igbaya mu mba whetu."²⁶Eye isato̱ ba gama emene uzhiya uzhijibhe li ime-udho̱-ji, To̱mo̱s bhe, mu Jizo̱s ja lawam bhe ogutekpolebhe adhi, mu unuzo-o̱ li ime ogbo bhe, mu uko̱, "Uyodhu zhini yo̱." ²⁷Mu ukanie To̱mo̱s, "shi-ugbuneka yo li adhim mu inyetu ekame. Goni ekayo mu iyawe adhim mu ishia li igba me. Ebuo̱ nye enwe whetu, buto̱ whetu."²⁸Mu To̱mo̱s usala, "Idanweudo̱ me li Ebilikpabi me." ²⁹Mu Jizo̱s ukania, "Iyedo̱ ewejile me, ewhetule, uwokwani zhini emenem ewejiebhe li enye, mu uwhetuo̱bhe."³⁰Jizo̱s me otutu iye unwodhawe-enye li ununu emene uzhiya, iye unwodha-enye aka-gbabhe li ukpalahu. ³¹Buto̱ otum ugbagbom bu kpaga mu iwhetuni bu Jizo̱s bu Kalaisi ya, Unwo̱ Ebilikpabi, kpaga enwe bu budu li ewaya, bhebu ewhetule.

Chapter 21

¹Otu-iyem ba gamao̱ mu Jizo̱s lo̱kehsijio̱ emene uzhiya udo̱ li olimini Tiberas. Ombu kpu ulo̱we eliya. ²Saimo̱n Pita li To̱mo̱s amu uhuo̱bhe Didimo̱s, li Nataniel nye kana li Galili, umeledhe Zebedee, li emene uzhi Jizo̱s madu-ibo̱. ³Mu Saimo̱n Pita kanie-bhe, "Ma kadhio̱m bu adhi ugbu ukpa." Mu kaniabhe, "Ye dhihu, achiya bu yo." Mu kadho-bhe mu ukpodhuo̱-bhe li ugbo, Buto̱ ugbuo̱bhe iye-iye li abaliya.⁴Kpo̱m udhumo̱ echi oyukwe, mu Jizo̱s nuzo li unu-oshi, buto̱ emene uzhiya umajiebhe bu Jizo̱s uzhiya. ⁵Mu Jizo̱s kaniebhe, "Emene ugboji, inweni iye udhi-edhi la?" Mu usabhela, "Éh-èh-éh." ⁶Mu kaniebhe, "Wuni o̱jo̱ko̱lo̱ yo̱ li eka gbidi ugbo̱yo̱ inwetani bu o-otu.'' Mu wuo̱shebhe o̱jo̱ko̱lo̱ bhe, udotudhobhe-bhela iyedo ukpa oyuluma-lema.⁷Mu nye uzhim Jizo̱s gwushie-o̱gwushi kanie Pita, "Ombu Idanweudho̱ ye." Kpo̱m Pita nujio̱ bu-bu Idanweudho̱ bhe mu-udo̱bhetekeya kapa (iyedo̱ uyejo̱ kapa), mu magadho̱ li mini. ⁸Mu emene uzhiya uzhibhe li adhiya kpodhuo̱bhe li ugbo (Iyedo̱ ugboya zhili ugbono oluko) mudo̱bhe o̱jo̱ko̱lo̱ ukpa oyulumale ma. ⁹Kpo̱m ukpedabhe ele, mu uwejiebhe echi utani kpu uzhie li unwu mu uwejio̱bhe ukpa li uta-anakani ya-a.¹⁰Mu Jizo̱s kanio̱ bhe, "Yaweni ubutu ukpam iwugbo̱ni li umo̱m". ¹¹Mu Saimo̱n Pita zeo̱ mu lo̱ do̱tuo̱ o̱jo̱ko̱lo̱mukpa yululo̱, ugwu-isabo̱ li-dhi-li-bhito̱, amashie kpo̱m ukpa yulukaya, o̱jo̱ko̱lo̱ya do̱kalie.¹²Mu Jizo̱s kaniebhe, "Jani mu iba-dhini bhidhi oyukwe." O̱nwunye li emene uzhiya utekwalane bu "Ibu-n̄ina la?" Iyedo̱ umajiebhe buya uzhiya. ¹³Mu Jizo̱s uzo̱ mu gonio̱ uta-anakani ya mu unebhe ya li ukpa.¹⁵Kpo̱m udhinabhe bhidhi-oyukwe, mu Jizo̱s kanie Saimo̱n Pita, "Saimo̱n unwo̱ Jo̱ni, igwushi me o̱gwushi la?" Mu Pita sala, "Eh Idanweudho̱ me, imaji bu mu o̱gwushi yo o̱gwushi." Mu Jizo̱s kaniela, "Akpalama me, nebhe bhidhi." ¹⁶Mu utekwa udo̱, augbo bhibo, "Saimo̱n unwo̱ Jo̱ni, igwushi me o̱gwushi la?" Mu Pita sala, "Eh Idanweudho̱ me, imaji bu mu o̱gwushi yo o̱gwushi." Mu Jizo̱s kaniela, "Nekwa akpalama me enye."¹⁷Mu kanikeja augbuwe bhito̱, "Saimo̱n, unwo̱ Jo̱ni, igwushi me o̱gwushi la?" Obu Pita to̱dhe eto̱ iyedo̱ Jizo̱s etelema augbuwe bhito̱, "Igwushi me la?" Mu sala, "Idanweudho̱, imajikwakpo bhelebhele iye, imaji bu mu gwushi-yo o̱gwushi. mu Jizo̱s kania, "Akpalama me, nebhe bhidhi. ¹⁸Li egede, li egede, makaniyo, ubhem izhie li ugboji yo, inyeshike eliyo enye, adhi umashile yo aikadhe, buto̱ ibule unukani, egbate bu eka, udo̱nwunye o̱do̱dhigayo, ya oduyo au-dulayo adhi-eka buya-ze."¹⁹Jizo̱s ukanie kpo̱m mu utugushi uji enwu Pita otubuzole Ebilikpabi olu. Kpo̱m ukama om, mu ukanie Pita, "Chiya me."²⁰Mu Pita nwa-enye li o̱zu mu nyetuo̱ nye uzhim Jizo̱s gwushio̱ o̱gwushi kpulu chize-bhe, nyem udabenio̱ li eli Jizo̱s kpo̱m udhiebhe bhidhi ila ya, ubujine nyem uko̱, "Idanweudho̱, nyem edhegboyo bu nina?" ²¹Pita nyetuo̱la mu kanie Jizo̱s, Idanweudho̱ udukem eme bu iyela?"²²Mu Jizo̱s kaniela, "Ubule bu maka meni unazhi tutu nja, ya ko̱tu-yo kpala? chizem." ²³Mu unuekpo̱m sakelio̱ li adhi umunwana zhibhe, bu nye uzhiya ndeke o̱nwulu-o̱nwulu. Buto̱ Jizo̱s kanie Pita bu nye uzhiya ndeke o̱nwuluo̱. Buto̱, "Ubule bu mo̱ wudhiga meni unazhi tutu nja, ya ko̱tu-yo kpala?"²⁴Ombu nye uzhiya ugba-eka-ibo̱ iye basali otu-iyem, nyem ugbadhiho̱ otu-iyem, amaji meni eka-ibo̱ya bu ishiuka. ²⁵Otutu iyem zhibhem Jizo̱s me-e, ugbakpodhobhela nyezhina li-aya, ma maji meni uwam ndeke odhuo̱ akwukwo̱m agba-gbetebhela.

Acts

Chapter 1

¹Li ụkpalawhụ unuzum, chei Tiopilos, makaloshiwẹ kpọ lem bhẹlẹ bhẹlẹ iyẹ Jizo̱s ubido li ume li uzhi. ²Tutu udhumọ eye mụ ukadhe olu lekelemu ụdụkpo emene uzhimu ulotuọ udu gontu li Uwa Egwele. ³Ulokeshibhe li budu ujimu ulogbadhio li utụ goshi bhe eliya li ugwu eye ịbọ, mụ ụkanị dhiwho bhẹ iye basali li eleze Ebilikpabi.⁴Kpomu ụnazhi kedhi dhẹ bheya, mu udọ bhẹ bụ obuzọ lẹ bhẹ li Jeluselem, bhụ useji bhe ọgwe bhe ida, amu ụkọ “inujeni li ụnụ mẹ ⁵Iyedọnị Joni uwushidhi bu mini butọ li ugwẹ ụkani ụtọ lumom ewuni bu mini Uwa Egwele.”⁶Uba jagbede bhe uwadhi mujọ bhela “Nyenwenye, egoni who ekelem li utema eleye Izeleli la"? ⁷Mu ụ̵kanyo bhẹ udhunye yọ li umaji ekele li, unwo amu Ida ubhetọ li eke ugbakpo ya. ⁸Butọ enatuni bụ ugbakpo li ekele Uwa Egwele eja keshio yo, aibuni emene eka-ibo me, gonutu Jeluselemu, li Judiya li Samalia lijinẹ ne zukpulu uwa. Logbo."⁹Ubakama whọ om kpomụ uzhiebhe li unye enye, mụ uwela zedhi whọ olu, mu igiligi olu ukpu pidhe mala. ¹⁰Lekelemu uzhiobhẹ li unye dhi enye li olu kpomu ụzhio li ukazedhi weji, uduke ibọ uzhiọ bheya uyoji bhe bu kapa olo. ¹¹Mu ukabhẹ “Emene Galili, ndẹ iIe iIuzonini li adhim li unye dhi enye li obioma la? Jizo̱sim ulawe bhe obioma, ejabuli ibakpa neten kpomụ iwẹjelani kpu kadhẹ le obioma.”¹²Mụ uyosalọ bhẹ Jeluselemu, kpọmụ ụbuzole bhe li olebhu olibeti, amu zhio uzedhu li ele Jeluselemu, igaze eye sabati. ¹³Li ekelemu udhuma bhe, mu ukpodhobhẹ li udhọ olu, li adhimu unazhi dhe bhe ya, nita, li Joni, li Jemise li Andulu, Pilipu, Tọmọsi, Batolomio li matiyu, Jemesi unwọ Alipas li Samọn nye zilotu li Judasi unwọ Jemisi. ¹⁴Bhelẹ bhele bhẹ utashi bhẹ ekele li udhiọ edhio, emene unyoma uzhibhẹma, Meli ina Jisọsi lijinẹ emene nwana.¹⁵Li ogbo eye ya Pita unuzo bu li echechinabo umunwana l'’gbo emene uzhi bhe li adhiya udhuma igbu ugwu madegede isu, mụ ụkọ, ¹⁶Umunwana ukpalawhu egwele emezo bu emezo, amu Uwa Egwele ukaloshiwo li ekele gaga gontu li ụnụ Debidi, li iye basali li Judasi nyemu ududhiga emene mu ujo bhe li gatu Jizọs.¹⁷Yawe bu ọonwunye lime ye, uunwed hiwhu. uke li ugbolom." ¹⁸Li umom udukem ugo bu imaya li owayi mu unwetọ li owayii mu unwetụ li uwhugwo ishike ya ubadawe ya ishilele mu uwo ugbamale la. ¹⁹Mu bhele bhele emene ubewhuto bhe li Jeluselem umajikpo obhe mu uwhu who bhe imuyaya, bhu bu Akedama, (Imuya ubala)²⁰Iyedoni abhama lebhema li akpalawhu obu uma udho unaya ugwudhi whọ ewe, nye eba uzhiẹẹ; udunwe nye gonuma ugbolo ya.”²¹Kpomu ubokpeye, onwenye li emenemu uchidhiga dhie bheye li ekele mu nyenweye Jizọs uzhio li ukpudhu okpudhu mu ukpuloshio okpuloshi. ²²Gontu li uwumini Joni tutụ udhuma eye mu ubuzolo lime ye mu ukadho obioma-onwu nye li emene ya ubu nye unyetu ulele lienwuya ²³mu ulowe bhe ukoma ibo: Joseph li Basabasi amu ida udhine Jusitus li Matiyas.²⁴Mu udhiobhe edhio, mụ ukọ bhẹ Nyeweye nyemu umajikpo ekpema madegede, tugushi o-onwunye li madu ibomu nye yo itọtụ ²⁵Li ugoni unazhi lime ugbolom mu ụbụ whọ nye uzhi mu Judasi udawulo, mu ukadhe whọ ibe akpa ya.” ²⁶Mu utanye ebhe enye, mu enye ya. Udasho matiasi, mu unato bhela lubu who nyuzhi ushiketa who bhe dhi emene uzhi li nwine.

Chapter 2

¹Ekelemu eye Pentikos udhumọ bhẹlẹ bhelẹ bhẹ uzhi bhẹ li wadhi. ²Li ekele netẹn mụ ụwhụ ja ya lime obioma auzhi kpomu ekpọ eke uwele auyuluma udhomu uzhiẹ bhe li ụnazhiya. ³Iyẹ ulọ̵keshi bhẹ̵ bụ iyẹ satu dho echi lishi bhele bhẹlẹ madụ ⁴Aabhele bhẹlẹ bhe uyuluka bhe li Uwa Egwele aubido bhẹ ukpo nwosa ụdọ ekpo, kpu Uwa Egwele unele bhe iye ụkpọdhi okodhi.⁵Lumem emene ube bhe li Jeluselemu bu bhe Jeli madu ubuzoli bhẹ li bhẹlẹ igbu uzhito bhẹ li ukpudhu obiọma. ⁶Kpọmu ụwhum uzhio li ukadheze mu ugwe madegede ya ujagbede bhe uwadhi, unuodha bhe enye iyodhi nye ezhina ụnụji bhẹ kpu uzhliẹ bhẹ li usu ụla bhẹ. ⁷Uwade bhe unu mu unwodha bhe enye mu uko bhe “emenem ubo bhe emene ụkpọ bhẹ ụ̵nụ Galili ẹla?⁸Iyelado mu bhelẹ bhẹlẹ ye anuji who iye ukabhe li ụnụ ula ye la bho? ⁹Unu pasha, meda Elam, lijini emene ubhe bhe li Mesopotamia, Judea li kapadosha, Pontusi li Eshia, ¹⁰Plijia li Pampilia, lomu, emene Juu li emene ụyaya, ¹¹emene kleta li emene Alabu, ye anuji tụ li eṭe kpuzhie bhe li ukaloshiwẹ bhẹ ugbolomu Ebilikpabi li ụnụ ula ye.¹²Bhelebhele madu utu bhe ogwu aunwodhabhe enye, mu ukanita dhi whọ bhẹ 'iyẹm udom ụbụ jine elala?" ¹³E-emenejine li ukpodhawe unu mu kobhẹ “Onwugbokpọ bhe le ebhe li mnye ụwu."¹⁴Butọ mu Pita eba nuzo ya li emene uzhi dhili naine mu ya mu ụlowẹ uli ya mu ukanyẹ bhe "emene Judiya yọ emene ibeni li Jeluselemu, majiniom, kpenyi eṭe li uli ekpọmẹ. ¹⁵Emenem unwọ bhẹ menyẹ, kpu yo idbeni, ombu echi oyukwe-nazama dhi ogubhẹ.¹⁶Buto ombu iye mụ nyeagbama Juweli ụkama akama. ¹⁷”Li ubhe ogbogbo obụ bbub umu Ebilikpabi ụkọ, moboshi bu uwame li bhẹlẹ bhẹlẹ okp'eli, aunwo yọ aukoma li aunyoma ugbabhe ama augboji yo uweji bhe iye uweji au unukani yo dhobẹ bhudhọ.¹⁸Ẹẹẹ emene nwobuyi me auko ma li aunyoma, mowushi kpọ bhe bu uwa mẹ au nwe bhe ike li ugbama. ¹⁹Am tugoshi iye unwodhenye li obioma li ele, ubala li echi li umelechi.²⁰Elanwu onuoya ubala, mu uba dhuma eyemu. Nyenweya, eke eye mụ ọlọbuolọ. ²¹Aubụ kpomu meni nye uwhule li ewamu nyenweye enwe bu ugawẹ.'²²Emene Izleli nujini ulikpọmu Jizos nye Nazaleti, nye Ebilikpabi uloweni yoni gontu li eke ugbolo li eke unuahenye li iye ugbudhishi uji amụ Ebilikpabi umo gontu li ya li ime yọ olumimajikponi kpai. ²³Jizọsim nyemu Ebilikpabi udoshie yoni le ka gontu li echiche ya. Li umajiye ya yojine li ushieka emene bhiyọ mụ ikpogbo lani li ushiuyeluka. mu igbolani ²⁴Bụtọ mụ Ebilikpabi utemala l'enwu, utogama edhi ẹnwụ iIedoni unwe uwe li enwu li umojika eka.²⁵Debidi ukaiyẹ basali li ya, “Meweji nyenweye ‘zukpulu ekele li ununume, iyedoni ya we uzhi li eka ikega nyemu menwe mu ugbakpo li uzhigi ezhigi. ²⁶Kpomu ubo kpeye, ekpema me utọ eṭo, idho me ubuidhi ebhidhe auka ibe okpoẹlime, ebe bu li ubheshi anwa. Iyedoni ndeke abhawo shie obume li Ula-enwu; Nye Egwele yon deke eweji ne udhodho.²⁷Iyedoni ndeke abhawo shie obume li Ula-enwu; Nye Egwele yon deke eweji ne udhodho. ²⁸Etugoshi le me ibeakpa budu li ununu yo emene myuluka li obuto.'²⁹Umunwana, mekaniyo bu li ugwe ukpuji mini liunu meni idakaniye Debidi amu unwulu mu uli ebhela, ili ya zhi kedhi dhumaa tam. ³⁰kpomu uzhio bhu bụ nye agboma. ubamajo bu. Ebilikpabi akwatu malẹb bhushi ze bbub hanazhi bhẹtẹ bụ unwa nwine li agida eze ya. ³¹uwejima li akputọ mu uko iye basali li ule ele li enwu Kalasi, bhu ubhete bhe la li ula Enwụ; okpoeli ya uwejene udho odho.³²Jizọsim Ebilikpabi utema li ẹnwụ ya bu nyemu abuni dhe eka ibo bumom. ³³Kpom uzhika bu agbabuzoli malẹ bhẹma du li eka ikega. Ebilikpabi, mu na tu maje ne ogwegba. Uwa Egwele Ida, owushinile ye iyem mu iwejona mu inujioni.³⁴Debidi ukadhe obiomaa, buto yawẹ ekakpọm, “Nyenweye ukani nyenwe mẹ Nazhi ẹzhị li eka ikega me. ³⁵Tutu meme emene ubhene egba yo kachi ozojiwe uko ³⁶Udhọ emene Izeleli umajibhe legede ze bu Ebilikpabi eme wẹlẹ ma Nyenweye li Kalasi, Jizọsimu ikpogboni li ushi uyeluka."³⁷Ekelem unujo bhe iyem mu ekpema bhẹ Pita lijine emene uzhimu “Umunwana, nde iye ameni bho?” ³⁸Mụụ Pita ukanyọ bhẹ “Yosalini, mu, iwunimini bhele bhẹlẹ yo li ewa Jizọsi Kalasi li usabheteni umeye yo, ainweta uke Uwa Egwele. ³⁹Iyedọni egwegba ya bu ayo li aumeledhe yo lijine abhele bhele emene uzhi bhẹ li akputọ lijine bhele bhele nye nyenwe ye uwhule."⁴⁰Mukaloshiwẹ li uliekpo utuogbo, mu ujabhe “gawe ni eliyo li eka ukomu utadhọ ẹwe. ⁴¹Kpomu ubokpeye ogbo emenmu unatọ bhẹ uli ekpom uwu bhẹ mini, li eye netem mu unato bhe li me ogbo uzhi bhẹ bu madegede madegede opuku ito. ⁴²Mu ushiebhe elibhe li umudhi omudhi uzhiezhi emene uzhi; aunweze dhiwho uzugbani, auji dhi who bhidhi, and dhiọkata bhe edhiọ.⁴³Aotogwu uyulaka dhi who bhele bhelede madegede eli. Gontu li eka emene uzhim iyẹunwodhawẹ enye li iyẹ ugbudhi ishi uji udada. ⁴⁴Ogbo emene uwhedatobhe unazhikata bhhe bu uwadhi aunwe jibhene iye unwe. ⁴⁵Audhewo bhẹ iyẹ bhẹ li ukpolokpo bhẹ auneze dhiwho bhe udo emene, kpemkpa bhẹ uzhizedhile.⁴⁶Li bhele bhele eye uzedhio bhem bu ukpeni li udho ukpenyi, audhi kata bhe bhidhi li udho li udhọ, udhikata bhedhi bhe bụ li ekpema utọ lijine ekpema unene. ⁴⁷Upadhi bhe Ebilikpabi aunweta dhiwho bhe akpiuma leka bhele madegede, Aa Nyenweye ugawẹ zenidhi who bhe madegede li uzukpulu eye-emene buji emene unwe bhe ugawe.

Chapter 3

¹Lụmọm Pita li Jọni uzhibhe li ukadho udho ukpenyi li eke edhio, li ogubhe ito li eye. ²Lumom, uduke akade ize guntu li ekelemu inaamọla, mụ ubuloshi dhiwho bhela ẹgbeleta udhọ ukpenyi amu uwhọ bhe ọzọzọ ubu bhete dhiabhe bu li adhiya. li uzu kpule eye kpu emele mudhio dhi emenemu uzo bhe udhoukpenyi owayi, ³Uba wejo Pita li Joni kpuzhile bhẹ li ukpudhu li udho ukpenyi, mu udhio bhe owayi.⁴Pita uba nyeshiela enyẹ, yali Joni mu uko “nyeshiye ẹnyẹ” ⁵Mu udukem akadhe ize unye shie ebhe enye li unwa enye unweta iye li eka bhe ⁶Buto muu Pita ụkọ, “Owayi odo li owayi-usa ubo amee, butọ iyẹ menwe bu iyẹ mene yo. Li ewa mu Jizọs nye Nazaleti kadhe ize.”⁷Uba gonyo eka ikega ya, mu Pita udo buzo wela olu, li ekele neten mụ uduke ya li okuta uko ya ugbatemalo li ukwali akwali. ⁸Uba dapiọ udukemu akadhe izee, mu ubidọ li ukadhe ize mu ukpudhu keshio Pita li Joni lime udho ukpenyi, aukadhe ize, audapi aupadhi Ebilikpabi.⁹Mu bhele bhele madegede ya unyeta bhela kpu uzhie li ukadhe ize li kpu uzhle li upadhi wẹ Ebilikpabi ¹⁰Mu uwuejọ̵bhẹ bhu ubu udheke mu ushio dhi dhio edhio li egbeteta udho ukpenyi, mu uyulu ka bhe li unwoda enye li iye ugbegbe li iyemu udom.¹¹Li ekelemu ụzhiọ li uchizedhi whọ Pita li Joni, mu bhele bhele emene ugbala bhe adhimu uzhie bhẹ ya li ununu udho ukpenyi adhumu uwhọ bhe bhu bu aaSolomoni, aunwo dha dhiwho bhe eke ẹnye. ¹²Pita uba wejo iyemu mu usa emene yo ya emene Izeleli? Inyoni ni ye enye iyẹla, amemu udukemu ukadhe ize li ugba kpoye li umanu amanu ye?¹³Ebilikpabi mu Ebilaham Aziku li Jekopu, Ebili kpale emen. Ida ye, otubuzo wele nwudhia Jizos olu, yawe bu nyemu iloni olo. Yawe bu nyemu iloni olo mu idoshelani li eka Pailete, nyemu uji kelo li una unwe eli. ¹⁴Mu ịlọni nyemụ uzhie egwele mụ ubo nyuma. ilotuni whom bu ogbu madegede.¹⁵Igbuni Nye ulowe budu, ạmụ Ebilikpabi utemo li enwu-bhele bhele ye abuni emene eka ibo. ¹⁶Li uwhedawe li ewạ yạ mu ewa Jizos umo udukem izhi dhoni li uweje mụ imajoni, li ukwali uwhetu li Jizo̱si ene le ma egede ugwo-ogwo li ununu yọ.¹⁷Li umom, umụnwana, m’amaji meni iye iye imewhutoni, yọ li emene uchi echi yọ ubu li ugwe ụmajidho. ¹⁸Buto ogbo iyemu Ebilikpabi ugbaama gontu li unu emene agbama, zebu Kalasi ya bu odhu bu uya emezolema.¹⁹Yosalini kpomu ubọ kpeyẹ kp’emele mu ukokwa kpo bhe bhiyo yọ ²⁰Kp’emele, mu ekele uyodhu-utema uja li eka nyenwo ye kp’emele mu udugashini yoni Kalas nyemu udashoeka bhu ujakedhi yọ, Jizọs.²¹Yawe bu Nyemu obioma anatọ lutu udhuma ekele bhele bhele iye enwe bheelibhe, amu Ebilikpabi uko-li ekele ukani gontu li unu emene agbawe egwele ze. ²²Moses ukaka li egede “Ebilikpabi Nyenwe ye Olowe bu oonye agbama uzhi kpomu me lime ogbo nwanayo Ekpenyi bu ete li bhele bhele iye akani yoni. ²³Nyenye ekpe ete li unu Nye agbama ya atadhu buewe lime yọ.'²⁴Eee, bhele bhele emene agbama a gontu li sameli li ogbo emene mu uso ya ze dhiuho bhẹ ya ukaloshiwe bhẹ iyẹ basali li ekele mu. ²⁵Ibuni umeledhe emene agbama ya li ogwuegba amu Ebilikpabi li emene ukaniunwobhẹ, Zhikpomu Ebilikpabi ukanyo Ebilikpabi li emene ukani unwobhe, Zhikpomu Ebilikpabi ụkanyo Ebilahani “Lime unwo ubuzoli li uwoyo, bhele bhele obodo uzhito bhe li eluwanu enweta bhe bu uwokwani. ²⁶Li ekelemu. Ebilikpabi umema who mu nwoboyi ya ulo, mu udushiela bhu uja keshi yon li unuzu, kp’emelẹ mu uwokwani yon li ugbanwo yoni li budu ishike."

Chapter 4

¹Kpomu Pita li Jọni uzhiẹ bhhe li ukponị ogbo emene ya ekpọ emene osoeja li emene unwe bhe unazhi li udho ukpenyi lijine emene. Sadusi ujapiye bhe ²Unwe bhe umekpẹli bhaka lunukuma iyedoni Pita li Joni li uzhidhu bhe emene ya iye li ukpadhi whu bhẹ ama li iye basali Jizọsi li u̱teli li enwu ya. ³Mu umotu ebhe mu uchipidhe ebhe li udho ikoli tutu adhi uboliọ Kpom uzhiọ bhu ubumawho oyila. ⁴Buto otutu emene mu unujebhe uzhi umaya uwhedawebhe ewhedawe; bhele bhele madu mu unatụ̵bhẹ Nyenweye kpom Idanwudho udhuma dhobhe puku madu ise.⁵Li eyemu usoya emene uchi echi bhe, emene unukani, li emene ụbhabha, Mụ uzugbanyọ bhe li Jeluselemu. ⁶Anashi nyeishi osoẹja uzhi li adhiya, ya li kayapas Jọni li Alezanda, lijini bhele bhele umu nwana nye ishieja muya . ⁷Ekemu unozo bhete mawho bhe pita li Joni li echinabọ bhẹ, mu ujo bhẹ “Igonuni ele ugbakpo li ele ewa li echinabo bhe, Mu ujo bhẹ “Igonuni ele ugbakpo li ele ewa li ume iyẹmu imenyonila?"⁸Mụ Pita ye mu uyuluko li Uwa Egwele. ukanyo bhe “yo emene uchiechi madegede li emene unukani, ⁹Ubụlẹ bụ ye adadhu li umekpeli zhikpom litam, iyedoni ye ame iye uma li ugwo udukemu lijine ebe akpa ye ame who mu ụgwogwom ujọ ¹⁰Bhele bhele yo ogbo li bhele bhele emene Izileli majini kpom bu udukem unuzo li unuyom unweta eli ukpokwali bu liewa mu Jizọsi Kalasi nye Nazaleti, nye mu ikpo gboni li ushiuyeluka, nye mụ Ebilikpabi utema la li enwu.¹¹Jisosi Kalas ubu igumu yo emene inuni udho iloni buto mu ubujionẹ ogoshi udhọ. ¹²Uzguedhe ugawe lime ọnwụnyẹ onwunye, iyedoni uzhiẹ dhẹ ẹwa ewa li ukpudhu obioma a-amadegede une bhe aienwe ike li ugawe ye."¹³Lumoṃ uba wejọ bhe ukpokwali okpokwali pita li Joni mụ ugbewejọ bhẹ bụ bhe emene ewe, uzebhene udhọ ukpalawhụ, mu unwodha bhe enyẹ umajibhene bu Pita li Joni ẹzhikedhi kpelẹ bhẹ Jizosi ¹⁴Iyedoni uweji bhẹ uduke mu unweta ụguo agwọ kpu uzhile li unuzodhi li adhi mu uzhile li unuzohi li adhimu uzhie bhe ya, uunwed hebhe iyẹ iye akagide bhe li shili ukam.¹⁵Uba kanima bhe emene zhiaja bu ukpuloshibhe uwe li adhi mu emene uzugbani uzhie bheye mu emene. Uzugbani uzhie bheye, mu agbadhiwhọ bhe uzuzu bhẹ bhẹ. ¹⁶Mu ukanyẹ bhe “Nde iyẹ ame emenem la? kpomu ubuwhuto bu emema le bhẹ iyẹ unwo dhenye bhele bhele madu ushibhe li Jeluselemu uweji bhe enye, ndeke anweni ike li ukedhi ikake.¹⁷Kpu agale mu ukushibhe ozuzu ogbolobhe, akunibheni kpom bu akanedhebhe onwunye onwunye iiye iye l'ewam Jizos" ¹⁸Mu uwhushi bha ebhe lime udho ya mu udo ebhe eka li etẹ kpom bu ezhikala bhe uzhi li uzhidhi iyẹ li ewamu Jizọsi.¹⁹Buto mu Pita li Joni usọ bhẹ muko bhe ubu iye umanu la li enyẹ Ebilikpabi li ukpeni yọ ete liuka whọ Ebilikpabi yo ekpeni ikpem. ²⁰Ndeke ye anwe ike li ukushi ukadhi iye iye nweji ma anuje.”²¹Ub dogba ebhe eka l’ẹtẹ, mụ usabhete Pita li Joni bu ukadhe bhẹ. Uwueje bhe ibe okutu bhe eka li utabhe akụkụ iyedoni bhele bhele madu li upadhi dhi who Ebilikpabi lishili iyemu umo. ²²Udukemu unabatuo ugwogwo onwodhawe anyem edhikale ugwu ala ibo.²³Uba sabhete ma whu ebhe, mu Pita li Joni ujakedhi who bhe emene abhe mu umakala kpo who bhe bhele ie emene ishi osoeja li emene unukani ukanyi le bhe.²⁴ Unuje bhe iyem, mu ugbabuzo we bhe uli bhe olu li udhio Ebilikpabi li ekpema neten, "Nyeneye yo ikpu obioma li ele li olimini li bhele bhele iye uzhi lime bhe. ²⁵Gontu li Uwa Egwele yo, ikpu ekpo li unu unwo boyi yo ida ye Dbid "Iyela odo whola mu emene amajebhe yo ugbo who bhe li uwudhu uma la? Iyela odo mu ugbe gbe bhe ubo iye abha la?²⁶Ikakpom bu emene Eze uwam ugbabhe uzuzu aemene uchi echi ugbagide bhe Nyenweye li uzuzu, ya li Klaisi ya.²⁷Legede Helodi li Pontos Paleti, li emene Jentali lijine emene izileli, unuzu bhe li ulam li umegide unwoboyi yo anwezhie egwele Jizos amu yo ite oga lishi. ²⁸Uzugbanibhe li ogbo li ume otu iye eka yo li echiche yo uko bu aembu eme li ubhe uzhi li umumu.²⁹Lumom Nyenweye nyetu ugbaji bhe mu ine emene unwoboyi yo ugbakpo li ukaloshi we uli ekpo yo. ³⁰Gbate eka yo li ugwo ogwo li ume iye unwodha enye gontu li ewa mu egwelemu nwoboyi yo Jizos.³¹ Uba dhie kpo bhe edhioya adhimu uzugbanye bhe ya uzhigidhi ezhigidhi, mu uyuluka kpo bhe li uwa Egwele mu zhikalabhe uzhiuma Nyenweye li ugwe utu otogwu.³²Eke ogbo emene mu uwhedawe bhe unwe bhe bu ekpema neteni li u-uwa onwunye onwunye uka buya neteni bu ya anweta bhele bhele iye, unwe katabhe iye unwe.³³ Li eke ugbakpo emene uzhi ukaloshiwe bhe iye umajibhe li iye basali li ulele li enwumu Nyenweye Jizos eke umanuishi uzhi li budu bhe.³⁴Uzhie onwunye onwuye lime bhe ukwani iye, iyedoni emene unwe lebhe ele ubujene udho udhedhi bhe edhedhi auyawe bhe owayi udhegbo welebhe.³⁵ Aukpobhete bhe li uko emene uzhi, aukezedhiwho bhe zhikpu unwelaze dhiwho bhe mkpa.³⁶Josepu nyemu emene uzhi who bhe Banabasi (amu li ukowa okowa ubu unwo ukaite dhi uma), ubu nyeudho, Libayi, uduke ubuzoli li Saiplus. ³⁷Udhedhima imuya a-ya wewe mu uyawe owayi mu udhe we jo mu ubhetela li uko emene uzhimuya.

Chapter 5

¹Buto udke ewaya ubu Ananiyasi li nwenya Sapila udhedhibhe ukpolokpo bhe, ²li umemaji amaji nwejae mu ubheketoo ubotu, mu ulowe gbo ubotu mu ubheto li uko emene uzhi.³Buto mu Pita uko, "Ananiyasi iyelado mu ekpesu uyulukayo ekpema li ukoniwho Uwa Egwele oyika la?⁴ Liekelemu eka dhegbola, ubo ayo ela? Ekemu idhegbojelene ubudhiwhuto ne ayoela? Iyelado lamu igbe bbhiyo li unukuma yo la? Ikonye oyikam ubo madegede buto Ebilikpabi" ⁵Ekelemu Ananiyasi unuje uli ekpom mu udo lele mu unwulo. ⁶Mu otogwu uyulo ekpema emene unujebhe iyem. Mu emene ugboji nuzobhe mu ubhubhashi kpo bhela ukani mu ubuto bhela mu ze li ebhela.⁷Unwo ekele uba gamo iye udhhuma ekele ito mu nwenya ujo li ugwe umaji iye udagedhe. ⁸Mu Pita ukanya la , Kanim ubulebhu idhegboni eleya kpomu iizhi yo kaya." Mu uka bhubu kpeye."⁹Buto mu Pita ukanye la iyelado mu iwhedhiani li uma uwa Nyenweye la? Kpete uko emenem uliobhe izhiyo uzhibhe li unobudho bhe obula dhiwhubhe bu yo."¹⁰ Li ekeleneten, mu udo liele li okoya mu unwulo. Ekele mu emene ugbojiyha uyobhe uwejiwhobhe bu li ele onwulumale mu ubuto bhela muzebhe adhi uli-a adhimu ulitebhe izhi-a.¹¹ Mu eke otogw ukpudho li owhulu chochi, lijine li budu bhelebhele emene unujibhe ogbo iyem¹²Lumom otutu iye unwodha enye udada lime emene ya gontu lieka emene uzhimu unazhi gbete bhe uwodhu li unebudho Chochi amu who bhe Potiko. ¹³Otu emene mu ugwalio bhe uwhdhe bhe ukpudhu bhe buto emene ya ume bhe ake odhu eso.¹⁴Li ukamawho kpuuzhile otutu emene uwhedawe bhe lime nyenweye utuwho bu ogbo ukoma li unyoma. ¹⁵Udhuma who adhi ubuloshi bhe emene eli li ichakpa aunabhete we bhe li agbada li okpeleta, kpomu Pita ugaze dhieya, enye ya aukpotu zedhiwhu otutu bhe. ¹⁶Uzhi emene ukponazhi dhiwhubhe li echi ogbo ulamu uzhi ebhe li ukwu Jeluselemu, aubuyazedhi whubhe emene uda bhe eli lijine emenemu uwa otide ugwo, bhelebhele bhe unweta kpo bhe ugwo ogwo.¹⁷Buwhuto muj nyeshi osoeja unuzo ya li emene mu uzhiobhe li adhi yabu emenemu Sadusi, mu uyuluko li oso ozu. ¹⁸Mu ugato bhe emene uzhimu mu unuzhi bhe li aadhi li udho ikoli.¹⁹Li abali mu nyenweye ugama akui ikoli mu unama bhe muko.²⁰ "Kadheni mu nizoni li mudho ukpeni mu izhikalani madegede uliekpo Budu." ²¹Ubanye bhe iyem, mu ukpudho bhe li udho ukpeni li oyukwe mu uzhiobhe iye. lumom nye ishi oseja ejale ya li ogbo emene uzhikedhie bhela mu uwhuo bhe emene udu li bhele bhele emene uchi echi li Izileli, mu udushie bhe madegede bhu ze bhe ikoli li uwhu bhe.²²Buwhuto ekelemu emene ya iye bhe uweje dhe bhe li imedho ikoli, mu ujabhe ozu li umakala iye uwejibhe.²³ "Ye aeji udho ikoli echite kekpola bhema nye use adhi uzhi li unazhi li unuobudho aku, buto ekelemu agumawho adhi aweje onwunye onwunye lime udho.²⁴Lumom kpom mu nyishi udu udho ukpeni li emene ishi osoeja uba nyobhe ogbo iyem, mu uwodha bhe uwade bhe umu, aunwodha dhiwho bhe enye iyela adomu la."²⁵ Mu onwunye ujo mu ukanio bhe "Emenemu ishioni li ikoli uzhiwhobhe li unuzo lime udho ukpeni uzhili uzhi dhi who bhe iye."²⁶Mu nyeishi useadhi li emene ishi uzeobhe mu ugatobhe, li ugwe ukpatu ebhe eka li eli iyedoni utubhe otogwu madegede oluebhe ekpulu igwu. ²⁷Uba gawe maebhem mu unuzo bhete bhe li ununu emene ikpe. Mu nyishi osoeja ujie ebhe ajuju. ²⁸Mu uko, "Ye akanishi yoni ike meni ezhieni iye li ewamu izhikeni li ume mu Jeluselemu ayulu li uzhi ezhi yo kpemele mu ubala udukem uzhi lishi ye."²⁹Buto mu Pita li emene uzhimu usabhe, "Ye akpeni bu Ebilikpabi ete ka madegede. ³⁰Ebilikpabi mu emene ida ye utema Jizos li enwu nyemu ikpogboni li ushi uyeluka.³¹ Ebilikpabi ugbabuzowa olu li eka ikega ya zhikpom nye udu li nye ugawe. Kpemele mu ne emene Izileli uyosali li usabheteni umeyishi.³² Ye abu emene eka ibo li ogbo iyem; Uwa Egwele ubudhiwhu nye Ebilikpabi une ogbo emene ukpenia bhe ete."³³Ubanyo bhe iyem mu uwudhobhe uma mu uwudhigabhe ugbu ebhe. ³⁴Buto onye Palisii lime emene ikpeya amudhinyo Gamalie, nyuzhi oloko, amu uyobhe eged eso li adhi madegede zhibhe mu unuzo mu uko bu ulowe gadhe bhe elizhi li ekele ntiko.³⁵Mu ukanyo bhe, "Emene Izileli, tukpanyi eli liye ekani bu ame emene mu. ³⁶Umaba dumadhi whoakelem Tiyudas bu nye uloma gedhe kpomu oonwunye, mu otutu emene audhuma bhe ugwu madu ugwu madudhi bo bu emene uchila bhe, buto ekemu ugbumabhela, emene mu uchilabhela ugbawulukpobhe kpai; mu uzugbanni ya utadho ewe. ³⁷Aya ubagamo, mu Judasi nye Galilii uwaloshie aya li ekele ugu madegede audatu kpo otutu madegde uchila bhe, unwuludhiwhu onwulu emenemu uchila bhelaya mu usabhetebhela.³⁸Li amu zhom makani yoni sabheteni emenemu eka li eli ubule bu iyem umedhie bhom ubuzoli li eka madegede, adabu ada.³⁹ Buto ubujiledhe bhu buzoli li eka Ebilikpabi ndeke enwe ike li udokamadhoa. Elushidhi who yani bu Ebilikpabi ulu!"⁴⁰Kpomu uto kpeye, mu unato bhe udu ya, uba whugashio mu ukoebhe iye mukanyi ebhe bhu ba akadhebhe iyeye li ewa mu Jizos udo, mu usabhetebhe eka mu ukadhe bhe.⁴¹ Mu utuzole bhe li adhimu emene. Ikeya uzhio bhe li ekpema uto zebhe bhe ba azutale li udhuya lishile ewa ya.⁴² Zukpulu eye lime udho uzugbani lijine udho bhe ugwe bhe ushi iye lijine uzhi uzhiuma liwuhu Jizos kpomu Klaisi.

Chapter 6

¹Lumom kpomu emene uchize bhe Klaisi uzhibhe lutuze ogbo emene Heleni utagbu who bhe atagbu lishili emene Hibulu iyedoni uwhekashi bhe emene ununwe ukudho bhe li ukeshi iye ukeshi ekeshi.²Mu dhumadu li madu ibo ya uwhobhe uzugbani emene uzhi mu ukabhe, "Uda adho bu asbhete ji whone ukaloshiwe uli ekpomu Ebilikpabi munamewho ugbolo tebulu.³ Kpomu ubokpeye, umnwana lotuni lime yo madu isato unwebhejali agwa, mu uyulukabhe li uwa Egwele li eyo kpu emele mu anebhe ugbolo ya.⁴ Buto ye ashishi bu li udhio edhio lijine ugbolo uli ekpo."⁵Iyed m ukabheya uto wekpo bhele bhele ogbo madu ya obu, mu ubuto bhe Stibin; madegede uyulu li uwhetu li Uwa Egwele, Pilipu li Polokolos, li Nikano, li Timoni, li Pamenas, li Nikolo, uyaya ubuzoli li Antioku.⁶ Mu unuzo bhete bhe li unu emene uzhi mu ukpenyebhe ekpele mu udajebhe eka li ishi.⁷Mu uliekpom uzodhu dhiuwho mu ogbo emene uzhim utuzedhi who ogbo bhaka li Jeluselem mu emene osoeja ukpebhe ete liye basali li uwhetum.⁸Mu Stibin, uyulo li umanu li ugbakpo mu umo eke iye unwodha enye li iye ugbudhishi uji li ine emene ya. ⁹Mu emene udhula bhe utu ukpenyi (kpe uwhetu bhe) bhe madegede emene akabhe "Ye anujile kpu ukabhe ulikpo ukatashi Mozizi li Ebilikpabi.¹⁰Buwhuto kpom bu unwebhe ike l'unzhigidedho eyom Stibin ukpowe ekpo l'uwa Egwele. ¹¹Mu uneobhe emene igele bu ukagidebhe Stibin kpom, "Yele anujitu li eteye kpu Stibin ukatshile ewa Mozizi li ewa Ebilikpabi."¹²Mu usunwa bhe ekpema emene ya li emene unukani lijine emene ubhaukpawhu mujo bhe adhi mu uzhio mu umotobhela mu ugala bhe adhi mu emene ikpe uzhiobhe.¹³ Aulowe kekpobhe emene ekibo oyika luka bhe, "Udukemu udeya eli li ukagide dhi adhi egwele li olokoya.¹⁴ Iyedoni ye anuji lema kpu ukale bhe Jizos nye Nazalet bhatashi bu adhim augbanwo omunala mu Mozizi une ye."¹⁵ Ubanyeshiebhela enye bhele bhele emenemu uzhiebhe liudho ikpe ya uwejibhe upiya kpu usamali le kpom ai emene uzhi obioma.

Chapter 7

¹Mu ny'eke-oseja uju-o, "Otu iyemu ukabhom bu ishuka la?" ²Mu Stibin usọ "Umu nwanme li emene ida, kpeshinimeni eta: Ebilikpabi igili ulokeshi Iadye Ebilaham lubhemu uzhio l'Mesopotemia, mu ubha bewho l'Halan;³ Ebilikpabi ukana kpom 'sabhete ulayo li umu nwana yo aikadhe ulamu motugwoshe yo otugwoshi'.⁴Yabukpu usabetele ele emene Chaldi mu ubewho l'Halan, ekem ida unwulu mawho, mu ubuzoli li ulaya mu Ebilikpabi uyawela elem, adhimu yoni izhini lubhe tam.⁵ Unela eekpe eekpe ladhiya unegedhelane ela uzojigedhe uko. Buwhuto ugwu egbe kpom bu bha nebuya lu umuluwoya eleya kpomu eekpe mashine kpom Ebilaham aka moedhe unwo neo l'ekele yaa.⁶Ebilikpani ukanidhiwhuo liekeleya bu umuluwoya bhu ebebu li udo ele adhi emeneya emwebhebhe ulu l'uunû. ⁷'Mu ubuwhuto kpom bhu no whubu emene igbuya ugwo bhiyo,' Ebilikpabi ukakpe, 'ya ubha gamale aubuzolibhe li eliya aujebhe aubha kpenibheme li elem.'⁸ Mu Ebilikpabi June Ebilaham edhiowo uwhauma, kpomu Ebilaham umo Aiziki mu uwhala uma li iye isato; mu Aiziki umo Jakop, mu Jakop umo umeledhemu umuloshebhe dhi eekpe li eekpe iboya.⁹Bhuwhuto iyedo emene ukani Izhileli usobhe Josepu oso, mu udhewonhela li ijipt buwhuto Ebilikpabi uzhikeshama.¹⁰ Mu udokpewela li bhelebhele udhuya ya. Ebilikpabi udhe Josepu umanu ishi li eyo l'eka Pelo, eze igbu Ijipit, mu Pelo umewela Gobino li Ijipit mu uchikaya udhoya.¹¹"Li ekemu okenya li udhuya Burke ubhadao li elem Ijipit li elem Lena, emene idaye unwedhebhe bhidhi udhi edhii.¹² Buwhuto Jakop uba nujekpom bu bhidhi uzhi li Ijipit , my udusho emene idayeni li igaze unuzubhe. ¹³Ubha zegbabhe auguwe bhibo my Josepu umeo my emene nwanaa umajobhe bye yawe ubu my umedhiwho my Pelo umajidhiwhubhe.¹⁴Mu Josepu udusho umu nwana bhu ukazebhe ozu my ukanibhe IRA Jakopu li bhelebhele umu nwanabhe uzhibhe ugumadu into li made use bhu uyawhobhe Ijipit. ¹⁵Kpomubokpe, my Jakopu ukadhuo Ijipit adhimu ya li bhelebhele idakaniye.¹⁶ Ubutubhe uzubhe my ubulawebhe Shekem mu uli bhebhe li ilimu Ebilaham ugonato umeledhe Hamon li owayi usa.¹⁷"Kpomu ekelemu Ebilikpabi ugune Ebilaham li egba uzhiwho li adhi uzuzu emene Izhileli otumalebhe ogbo li ele Ejipit. ¹⁸Ombu kpu uzhile tutu mu udo eze uchiwho Ijipit aubukpom bhu umajie Josepu.¹⁹ Yawe unagbo e!ene igbuaye anagbo aumedhiwhu emene idaye mu ugonubhe umeledhe aumubhe uwu mu ubhebhe l'unazhi umebhe mu ugwebhe uzhibudu.²⁰"L'ubheya bukpu umelebhe Mozizi; unwo uzoshi Ebilikpabi ozoshi mu ukpabhela li udho idaa iwolu ito.²¹ Ekelemu Ubha ulowebhela uwe mu Ada Pelo umutuola kpomu unwaa.²²Mu ukpaloshebhe Mozizi Li uzhibhe bhelebhele umajiya emene Ijipit mu ubo nye umajibhe nyebu gontuli umu ekpoya li eka ogbolo ya.²³ "Buwhuto li ekelemu unazhio ugu ala ibo mu uwhedhula l'anwa l'ubha nyetu umu unwana, umuluwoya Izhilen. ²⁴Uzhu eeye, uweji nye Ejpit kpu uzhile lu ko nye Izhileli iye, mu Mozizi udokpewela mu ukogbo nye Ejipitya:²⁵ Yawe gbekpom bhu umu nwanaya bhu owotabhe kpom bu Ebilikpabi bhu uwudhiga udokpewebhe li ekaya. Mu buwhutokpom bhu bu uwotabhe.²⁶L'eyemu uzoya, mu uwejo nwana madu ibo kpu uzhilebhe l'ulu ulu mu ugbomabe, "Mu ukaneobhe imajidhiwhunna bhu ibuni nwananabola;; iyale udo mu ilugbotanila?"²⁷ Buwhuto mu nyemu uda ikpe l'ime bhe unuwoshela mu usala bhu, "Nnina umewe yo nye udu li nye ukpe ikpe li adhiye azhila?²⁸ Iwudhiga ukogbome kpom ikogbo nye Ijipit l'selemula?"²⁹Mu Mozizi ugba eso kpom unujo ekpoya, mu ugbalo ele Midian mu umu okoma ibo. ³⁰Ugu al ibo ubha gamao, mu nyuzhi obioma ubha lopiwela l'ime ihuo ebhu Sainai l'unwulu uya unwu echi.³¹Unazhimu Mozizi uwejo echiya unwodhawe enyi, mu ukazo uzedhu l'unyekwake, mu uli Nyenweye uya l'adhiya mu uko, ³²'Mobu Ebilikpabi emene idakaniyo, Ebilikpabi Ebilaham, Aiziki, Jekop.' Kpu eli uwhudhihole Mozizi unyeshidhodhe enye li echiya.³³"Mu Nyenweye ukanola, yoma akpukoyo adhi inuzodhidha bu ele uzhi egwele. ³⁴L'egede mewejilem unuyaa emene ame l'ele Ijipit, mu nujilem ikwa-idhebhe, me kpedalem l'uba dokpewebhe; ja, modushiyo bu l'Ijipit l'umom.³⁵"Mozizim ulobhe olo l'ekelem ukanobhela, "Nnina umeweyo nye uduli nye ikpe la ya bu nye Ebilikpabi udugashigbadhiwho kpom nyudhu li nye udokpewe. Ebilikpabi udugashi Mozizi gontu l'eka nyuzhi obioma ya amu ulopiwe la l'ime ukayaya. ³⁶Mu Mozizi udugamabhe l'igipit gontu kpom umekpo iye unwodha enye li iye utudhiwe otogue l'ele Eijipit, lijine l'ime olimi ubala, l'ime ihuo le ugwu ala ibo.³⁷ Yabudhiwhu Mozizim ukane emene Izileli kpom bu, 'Ebilikpabi oloweni yo bu onye amuma uzhikpom me gontu li umu nwana yoni wewe.'³⁸Ombu nyemu uzhikeshebhe li uzugbani l'ime ele ihuo ya li nyeuzhi obiomam kponiola ekpo l'Ebhu Sainai, nyemu uzhikeshio emene idakaniyen; nyemu unatudhiwho unuekpo uzhibudu lu unedheyini. ³⁹"Mu ubuwhutokpom bhue emene idakaniyen uwhe bhe ukene etee; bhe unugamabhe l'eli bhe aubukpom li ekpema bhe oyosalibhelebhe Ijipit.⁴⁰ L'ekele ya bhe ukanibhe Eloni, 'Kpukeniye iye ukpeni oduye. iyedo ubule Mozizim udugamaye li elem Ijipit ye amaje iye ukpanawo.'⁴¹Kpomu bokpe mu bye ukputobhe igbudu li unwulu unw'eyi, lu ubhe ya mu ubugaladhebhela eja kpom unoshibhe libhe luto obu lupadiwe iye bhe ukpubhe li ekabhe.⁴² Buwhuto mu Ebilikpabi ukwashobhe uzu mu umeobhe mu ukpenikpuwhubhe okpudhede li otutu iye uzhibhe li akamolu zhikpomu ubhabhe li akuku emene amuma, ' Yoni igalinimeni ono igbuni ogbu loseja li iye unene lugwu ala ibomu izheni lime ihuola, yo udho Izlenli?⁴³Yoni ipabuzoweleni udo unoshi Moleki li okpudhoede iye ukpenim uwhobhe Lepani, li out iye igbudumu ikputon izhidhihoni lukpenan: Kpombokpeye no bulaweni by luulu li elem Babilon li ugamakpo Babilon.⁴⁴"Emene Idakaniye unwebhe okpuga ukpeni uwhabhe awha uko akiko l'ime ihuo auzhikpu Ebilikpabi ukale li ekemu ukanio Mozizi bhu unu-a odomu yawe uwejo.⁴⁵ Ekelemu unumabha lu udu of Joshuwa unwetabhe okpoga ukpeni uwhabhewhw abhe ulawetubhe ele Kanan liekem bye ulutobhela. Ebilikpabi unatukpo out igbu ya elebhe mu ukpachimakpobhe li ununu emene idakaniye. Okpoga ukpenimu uwhabhe ahwaya ugudhibu li ele Kanan tutu udhuma ukom Debid,⁴⁶ nyemu unweta umanuishi li ununu Ebilikpabi mu ugbe-o bha anunyi Ebilikpabimu Jakop udho.⁴⁷Buwhuto Solomoni ununyiwho Ebilikpabi udhoya. ⁴⁸"Mu ubuwhutokpom bu Eze be li olu ubuo nye be ludho unbhe li eka zhikpom nye amuma umo. ⁴⁹'Obioma bu eekpe eze me uwam bu adhi me mawhakoshimu uko. Yo enunemanyi bu odo udhola? Mubujine, ela adhi ubujine adhi ude elimela kpu Nyenweye ukale. ⁵⁰Ubo ekame umekpo zukpulu otu iyewemu ela?⁵¹"Yo emene ewheni ugbanwo agbanwo, emene ekpema yo li ete yo ewhe umenwosa emenwosa, yoni ewhenidheni Uwa Egwele ewhenii; yoni imedhiwhutoni by kpomu emene idakaniyo.⁵² Ndenye amuma ukani idakaniyo ugwebhe uwhashi uyala? Bhe ugbubhe emene amuma ujabhe lubha kaloshiwe ujejamu eze umeite lumom yo ibujiwhone emenemu udhegbobhela mu ugbuobhele, ⁵³yoni emene mu enwetani olokomu emenemu uzhi obioma udajobhe eka mu igweni umojikedhola."⁵⁴Lumom kpom emene uduya unujebhe otuya, ekpema udubhe odu, mu ekenebhe Stibin eka li eze. ⁵⁵Buwhuto Stibin kpomu nye uyuluka li Uwa Egwele, mu unyeo enye lime obioma mu uwejo igili Ebilikpabi; mu uwejidhiwho Jizos kpu uzhile lunuzo li eka ikega Ebilikpabi. ⁵⁶Mu Stibin uko, "Nyetu, me weji obioma kpu ukpumalile, mu me wejo unwom Ebilikpabi kpu unuzole li eka ikega Ebilikpabi⁵⁷Kpomu ukagbawhuto iyem mu emene uduya uwhushebhebhe eka li ete luchikatabhe ikpu yala mu uwukpodhu nebhelela l'iiwuma neten.⁵⁸ Mu udokpuloshebela ugakpa ulaya mu uludhibhela ekpuligwu. Emenemu ugbashobhe eka li iyeya ubhetebhe kapabhe li eka onwunye uwubhe Solu.⁵⁹Kpomu uzhibhe liulu Stibin ekpuligwu yawe zhiluwhujine nyenweye Jizos, natural uwame. ⁶⁰Mu ujishe ukpunuko mu uwejo li ulii ,'laolu nyenweye egutunebhe umeyeshim kpomu ukamawhokpe mu uzhidao.

Chapter 8

¹Sọlu ewhedale keshimale enwuya, yabu usọso kwaliakwali logakeshi udhọ ukpeni muzhiọ li Jelusalem; mu emenemu uwhedawọbhe ehwedawe ugbakelikpobhe l'ibeka Judiya li Samalia, ugamagbo emene uzhim. ²Emene bubheke l'uhwetu ulibhe Stivini mu ukwaniebhe ikwa bueke. ³Buhutọ Sọli jikele utashi udhukpeni; uja bu l'udhọ l'udhọ, l'udọkputọ ukoma li unyoma, lushi-ishi bhe l'ikoli⁴Zhidhihọya, emenemu uhwedawobhe ehwedawe musekekpobheya, zhibhe lu zhidhihu uliekpọm. ⁵Pilip kaze ula Samaliya l'uzhishibhe Klais.Igwe madu kpeshibhe ete l'iye lọ Pilip l'unu; li u-unukuma neteni, mu unujiniọ bhela. Uwejidhihubhe iye uwọdhenye ume. ⁷Uwabhiyọ gbamalibhe ọtutu madu l'eli, gontu li uchikpu bueke. Emene ehi unwulu li emene 'kpabhe lele kazebhe ize. ⁸ Kpọm uzhiọya, ekpem'etọ bueke l'oga l'ulaya.

¹⁰Bhelebhele emene Samaliya gontu li nye ntikọ dhuma nye bueke nyeshinidhiabhe enye; mu ukobhe, "unukem bu ugbakpo Ebilikpabi mu ubuọ ekeya." ¹¹Ukpeshiniabhe ete iyedọni anagbọmalebhe bhaka l'otu agbewa mu ugbadhiọ tutu.¹²Buhutọ ekemu uhwedaweniọbhe Pilip kpọmu uzhikalọ uzhiuma basali l'eleze Ebilikpabi, li ewa Jizọs Klais, mu uwhọbhe mini, unyoma li ukoma. ¹³Saimọn wewe hwedawedhini ehwedawe, kpọmu unwumahọ mini, unazhikeshi mahọ bu Pilip. Kpọmu uwejiọ iyuwọdhawe enye li ekugbolo bubhe eke, yabukpu uwọdhale enye.¹⁴L'umọm, ekelem emenemu zhiọbhe li Jelusalem nujiọbhe kpọmbhu emene Samaliya bhamatulebhe uliekpọ Ebilikpabi, yabukpu udugashinilẹbhe Pita li Jọni. ¹⁵Ekelem udhumọbhe, mu udhiọnẹbhe ẹdhiọ, kpemele mu unatubhe Uwa Egwele. ¹⁶Iyẹdọ tutu udhumọ ekeleya, Uwạ Egwele 'kazhiẹ lị ọnwunye-ọnwunye l'imebhẹ, uwugbogedhẹbhe bu mini l'ẹwạ Jizọs.¹⁸Ekemụ Saimọn ubha wejiọ bhu unatuhubhe Uwa Egwele gontụ l'udaji ẹkạ l'ịshị emene uzhi, mu ubhạ whebhe ọwạyi. ¹⁹Mu ukọ, "Nedhihu meni ugbakpom, kpemele nye ndạjịle ẹkạ mu unatudhihu Uwa Egwele."²⁰Buhuto Pita kaniọla, "Ọwayi usayo liyo etadhuni bu ewe, iyedọ iwudhiga unweta ugbakpo Ebilikpabi gontụ li ọwayi. ²¹Inwedhe unazhi mọbu uke ligazem iyedọni ekpema yo uzhike jiọka ladhi Ebilikpabi 'zhi. ²²Kpombọkpe yosali li ishike mayo, mu idhiọ Nyenweye ẹdhiọ, kpu emele unwike li usapeteni yo iyem uzhio yo li ekpema we. ²³Iyedọ mẹweji kpọm meni izhi l'ime ụgbạshị nwilụ, li ikpụtụkpụ, umeyeshi.²⁴Mu Saimọn bhaso, "dhiọm Nyenweye l'ishili me, kpu emele mu otu iye mu ikọniom ugwe umezo l'elime."²⁵L'ekele mu ukạlọshiwe kpobhe li uzhikala uliẹkpọm Nyenweye, yabu kpu Pita li Jọni uyạlebhe Jelusalem, l'ukạlọshiwe uzhiumam li ula tuogbo emene Samalia.²⁶L'umọm yabu kpu nyuzhi eligwe bhakanile Pilip, "Buzeli mu ikadhe ibeka mu ugbo-ogbo l'ugonutu li Gaza bha galaga Jelusạlem." (Ichakpaya kpekpe.) ²⁷Yabukpu ubuzelile mu ukazo. Weji, uzhi u-unuke Etiopiya, ukoma ubobhe-obo uyuluka l'ugbakpo, unazhibu l'ukpudhu Kandas, ununwe chikatakpo emene Etiopiya. ya unijike ọwayi ya. Ujayom bu Jelusạlem l'ukpeni. ²⁸Uyahọ ọzu gonutu li unazhi l'olu inyanya ya, yabukpu uzhile lugushi ukpalahu Ạzaya nye ạmuma.²⁹Mu uwuma kaniọ Pilip, "Zemu inazhi luku iyanyawe." ³⁰Mu Pilip ugbazo, yabukpu unujile kpugudhile Ạzaya nye amuma, Mu ubha jọla, "Ịwota dhihulane iyemu igudhidhia we?" ³¹Mu ugbako, "Ndekpu mamajile ugạmạ uzhibhe me 'zhi la?" Yabukpu ukanile Pilip bubha kpodhukeshiyạ li inyanya maya.³²L'ụmom, adhi ukpalahu Egwele mu uzhio lugudhidhi ya bu kpọm, "Udulawabhe kpọm ạkpạlạma adhi ugbu ogbu, zhikpọm ạkpạlạma ukabhe bha kedhi-ekedhi ukpọne ekpọ, yabukpu ugwele ukuma unu. ³³L'ishi ugudawe ele, ikpe ukpewe la. N̄ina enwike lukawadho emene ọzu yala? Iyedọni ibuduya buzeli l'eluwa."³⁴Yabuku ogelenye ukoma ubọbhe-ọbọ ya bha tekwa Pilip, "Mọdhiọyọ dhiọ, kanim, nye ạmumam ukadhidhiom bu uka eliya mobu udonwunye la?" ³⁵Yabukpụ Pilip bhabidole gontu li uliekpọm l'ukạlọshiwe uzhiuma mu Jizọs ladhi uzhi.³⁶Kpọmu uzhiọbhe l'ukạze li chiạkpaya, mu udhumobhe adhi mini zhi, yabukpu ukạle, "Weji, mini ụzhiom, ndiye ogbobishime l'uwu minila?" ³⁷Mụ Pilip bhakọ, "ubulebhu ehwedawale gontụ li bhelebhele ekpema yo, inwike l'uwu mini. Mi unuke Etiopiya ya bhakọ, "Mehwedawe ehwedawe kpọmbhu Jizọs Klais bu unwọ Ebilikpabi. ³⁸Mu unuke Etiopia ya ubha kushio inyanya maya. Yabukpu ubha kpodhulebhe li mini, Pilip li unuke mu ubobhe-obo'm, mu Pilip wushiola mini.³⁹Ekemu ubha buzeliọbhe li mini, mu Uwa Nyenweye bha namo Pilip ladhiya, ukoma mu ubọbhe-obo'ya wejiedhela, mu yawe bhakadhezeho lutọzehọ ekpema. ⁴⁰Buhutọ, Pilip ulọho bu li Azutosu, mu gakọshio ibekạ ya luzhikala uzhiuma ladhi ewheka ulaya zhibhe tụtụ udhumakpo Sizilia

Chapter 9

¹Sọlụ kpu uzhile l'upakedhiwhutọ kpu emetakpolẹ emene ogbo-Kalaisi mini li kpụ ogbulẹbhe ogbu, uzekeshi nyeke-ọseja. ²Mu ukanela bhu uneya ukpalawhu enā ike l'uze udho-ukpeni uzhibhe l'ula Damaskọs, kpu emele ubule bhu uzhi emene usobhe ichakpa Nyenweye ukoma li unwoma, mû uchịtụkpobhe mû ụchiyabhe Jelusalem.³Kpomu uzhọ l'ukaze, udhumawhọ uzedhu Damaskos, l'ugwe-uweshi anwa yabu kpu ẹẹchi ubuzoli li obioma usakoshile adhim yawẹ zhọ; ⁴Mụ̇ yawe ubudọ l'ẹlẹ mu unujọ ụụli ukana kpọm "Sọlụ, Sọlụ, iyẹla udọ mụ̂ emigidedhẹmẹ la?"⁵Mụ̂ Sọlụ usa la, "Ibu nina,Nyenweme?" Mu Nyenweye kọ, "Mobu Jizos, Nyemu yo imedigidedhọ emegide; ⁶Buwhutọ l'umọm, buzoli kpudhu l'ime ulam, akani bhẹyo bụ iye yo emene." ⁷Emenemu Sọlụ bhẹ ugakatabhe egazeya unuzobhe uwadhi l'ugwẹ unwẹ iyẹ ukaka, iyedọ unujibhe uliya, buwhuto uwejebhe ọnwunye onwunye.⁸Mụ ulegamalọ lẹlẹ, ubha sama ẹkpẹlẹni unyetodhẹ adhii, mụ̂ udọlawewhobhela ime ula Damaskọs l'eka. ⁹Unazhi l'ugwẹ unyetu adhi bụ eye ịtọ li ugwedhiwhụ unwụ mini lị udhi ịyẹ-ịyẹ.¹⁰L'umọm, uzhi ọọnye-ogbo Kalaisi iwaye dhini Ananayas.Nyenweye ukana li unyetu-bhudho bhu, "Ananayas!" mu yawe usọ, "nyenwe om bu mẹ." ¹¹Mu Nyenweye ukanela, "Buzoli kaze ichakpamu uwhobhe Uchini, li udho Judas tekwa basali li ọọnwunye ubuzoli Tasọs, ewaya udhini Sọlụ, yawẹ uzhu l'udhiọ edhiọ liadhiya. ¹²Yawẹ unyetu li bhudo kpom bhu onwunye udhini Ananayas lu ubha daja ẹka l'ishi muzhi kpu unyetugbale adhi."¹³Buwhuto, mu Ananayas usọ, "Nyenweye, mọnụjịlẹm l'unu ọtụtụ madu ịyẹ basali udukem, kpu uwhashilẹ emene ayo uya li Jelusalem. ¹⁴Unweta ike l'eka nyishi li uchitu bhelebhele madu uwhutobhe l'ewayo l'ulam." ¹⁵Buwhuto, mu Nyenweye ukunela kpom "Ze, iyedọ yawẹ bu nye mọlọtụ ọlọtụ l'ukaloshiwe ewame l'adhi emene-ọbọbhẹ-Júú li adhi emene eze,li emene izuleni uzhibhẹ. ¹⁶Mẹ mọtụgọsha bu kpu adhule udhuya lishili ẹwạ mẹ.¹⁷Kpomubkpeyemu Ananayas ubuzọlọ, mu ukpudhọ l'udhọ ya. Kpom udajela eka l'ishî, mû ukunela "Nwaname Sọlụ, Nyenweye Jizọs nyemu ulokesheyo li ichakpa lekemu izhe l'ujejaya, udushime kpu emelẹ mụ̂ yo inyetu adhi mụ̂ inwetadhiwhụ Uwa Egwele. ¹⁸L'ekelenẹtẹn, iyezhi kpom uwhalawha ukpa ubuzolilema l'ekpeleni, mụ̂ unyetọ adhi, mụ̇ ubuzolọ mụ̂ ụwụshẹbhẹla mini. ¹⁹Mû udhiwhọ iye udhiedhi, mû unwetọ ẹliya. Yawẹ unazhikeshi emene-ogbo Kalaisi li Damaskos l'adhiya eye tû ogbo²⁰L'ugwẹ ụtashi ubhe yawẹ ukaleshiwe Jizọs l'udho-ukpeni bhu ụbụ unwo Ebilikpabi. ²¹Bhelebhele emenemu unujebhe iye yawe ka unwodhabhe enye mu ukabhe, "Ombọ udukemu umetashîdhọ emene ụwhubhe l'ewa Jizọs li Jelusalem? Ejale ụlam l'ubha chitụbhẹ m'umolaweni nyishî ọseja." ²²Buwhutọ ek'ugbolo Sọlụ ukawhọ bụ adhiya, ujine uzh'ezhiya l'utugoshi kpom bhu Jizọs bụ nye-ugawe, une bụ emene Júú ubebhe li Damaskosi umekpẹli.²³Ọtụtụ eye ilaa ugamawhuto, emene Júú agbalẹbhẹ uzuzu kpụ emelẹ mụ ugbubhe Sọlụ ogbû. ²⁴Bụwhụtọ, mu Sọlụ unujimộ uzuzu mu bhe ugbabhe ya. Bhe usewhọbhe bụ egbaleta ula ese abali l'eye kpu emele muzhi kpu ugbulebhe ma. ²⁵Buwhutọ emene ogbo Sọlụ ugonibhe bu Sọlụ abali-abali mu ushishibhe l'obo mụ udobhetābhe l'ọzụ ekudho-ugba ulaga.²⁶Ekemu yawẹ udhuma Jelusalem, m'uwudhigọ bhu akpowadhu l'ogbo emene Kalais, buwhuto bhelebhelebhe ugamabhe eso iyedoni uyulobhe ụwọ kpọm bhu yawe bh'ewhetule li Kalaisii. ²⁷Buwhutọ mụ Banabasi udutola mụ udoloshela ununu emen'uzhi-Kalais, mu'kanebhe kpu Sọlụ uzuwejile Nyenweye l'ichakpa Damaskọs, lị kpu Nyenweye ukpọnilema ẹkpọ, lijine kpu Sọlụ ukalashiwele ẹwa Jizọs l'ugwẹ utu-otogwu li Damaskọs.²⁸Yawẹ zhikeshi bhẹ l'adhi uzewhutobhe l'ime Jelusalem. Sọlụ ukaloshiwẹ ewa Jizọs l'ugwẹ uto otogwu. ²⁹mụ yawẹ udokeshike emene Juu-ububhe-Giliki ekake l'ukunibhe ishiuka Jizọs, buwhutọ bhe umebhe bu odume mu ugbabhe ogbu. ³⁰Ekemu emene-ogbo Kalais unujebhe ịyẹm, mụ̂ udulawẹbhẹla Sizaliya, m'ukaniebhela bu ukazewho Tasọs.³¹Kpomuzhekpe l'ubheya, mu emene chọchi uzhibhe li bhelebhele ibe li Judiya, Galili, li Samalia unwebhe uyodhu lị ukwani akwani; kpomu umobhe iye l'otu-ogwu Nyenweye li unazhikeshi a-Uwa Egwele, mụ uzodhobhe uzọ gontu l'utu ogbo maduegede. ³²Kpu iyẹ melẹ, Pita ugakoshi uwhulu ola uzhibhe l'ibeya, lubha weji emene ogbo egwele Ebilikpabi uzhibhe l'ula Lida.³³M'uwejọ uuduke l'ulaya ewaya dhini Enias, nyė dakwuni l'ẹlidhẹ eledho-eledho l'agbada iyezhikpom ala ị̇satọ iyedo ẹli'nwula-unwulu. ³⁴Mụ̂ Pita ukạnela, "Enias, Jizọs Klais ugwọlẹyo. Buzoli mụ ijikpatu agbadayo," li ẹzhiya m'unuzọ. ³⁵Kpọmụbọkpẹyẹ mụ bhẹlẹbhele madu uzhibhe li Lida li Shalọn ụwejẹbhẹ udukeya mụ̂ unatobhe Nyenweye.³⁶L'ụmọm ụzhi ọọnye-ogbo-Kalais ube li Jọpa, ẹwaya dhini Tabita (aubu kpom bu ugbasamaya bu "Dọkasi"). Ununwem uyuluka l'utuizhi li ẹgwuma ugwọni emene enwedhobhe enwedhoo. ³⁷Kpu iye melẹ, mu ununweya udhadhẹ ẹli mụ̂ unwulộ; ekemu uwhuya mini, mụ̂ unutebhela li iimudhọ l'ụdholu.³⁸Kpọmu ubọkpom bhụ Lida lị Jọpa uzhitabhe uzedhu, mụ̂ emene-ogbo Kalais ụnụjidhiwhọbhe bhụ Pita zhi li Lida, mu bhe dushebhe madu ịbọ bhu uzepiwebhe Pita, mụ̂ udhiabhẹlẹ, "Sọkụ etashẹ ekele chiyaye." ³⁹Mụ̂ Pita buzọlo mụ uchizebhe. Kpom Pita udhumo adhiya, mu udulawebhela l'imụdhomu uzhọ l'udho oluya, mu bhelebhele otu ununwukudhoya unuzọbhẹ l'ụkwụ ẹli Pita mu ukwadhiwhọbhe ika, mụ̂ utugoshidhiwhọ Pita otu kapa li ukani Dọkasi udunịbhe l'ekem yawẹ uzhọ bụdụ.⁴⁰Mu Pita ukanebhe bhu ụlọkpobhẹ elezhị, mụ̂ ujishe ukpunuko, mụ̂ udhiọ ẹdhiọ; mu unyesho ẹnyẹ l'uzuya mụ̂kạ, "Tabita, buzọli." L'ẹzhiya mụ̂ ununweya usamọ ekpeleni, kpomu uwejọ Pita mụ̂ unazhọ ẹzhi. ⁴¹Mu Pita ugbate ẹkaya mụ̂ ụdọtọla l'eka m'udobuzola olu; mụ̂ uwhọ emene ogbo Kalais li emene ununwukudhọ ya bh'ujabhe mụ̂ udotuābhe. ⁴²Ịyẹm ụdaya ụzụkoshi uwhulu ula Jọpa, mụ otụtụ emene uwhetọbhe l'ime Nyenweye. ⁴³Kpu ịyẹ zhilẹ, Pita unamagbe ụbhọwhu utu ogbo li Jọpa l'ụdhọ uduke uwhubhẹ Saimọn, nye-ọka-mewe-ọkp'ọnọ-ukani.

Chapter 10

¹L'mom uzhi unuke l'ula Szaliya udhini Konilos, nye nyiji ugwu soja ise li ukpukpu suja Itali. ²Yawe bu nye ukwali akwali l'ime Ebilikpabi, ugwodhiwhu egwuma, mu ukpedhiwho ukpeni ekele ekele.³Iyezhikpom eke ogwubhe uko nazama li oyukwe, uwejo l'unyetu bhudho oonyuzhi obioma kpu ujapiwelema. Mu nyu uzhi obioma ya ukanola, ⁴"Konilos." Mu Konilos unyekedhiwho nyuzhi obioma ya l'otogwu mu ko, "Idanwudho,umekpala bho?" Mu nyuzhi obiomaya ukanela, "Ukpo ukpani yo li egwuma yo odhutale ununu Ebilikpabi kpom unene Uzhikpom iye ugbeweji egbeweji.⁵ L'umom dugashi madu li jopa mu ulowhubhe uunuke ewaya dhini Saimon nye uwhudhiwhubhe Pita. ⁶Yawe unazhi bu l'udho oonye oka-mewe okpono ukani ewaya dhini Saimon, udhoya uzhi li ukwu olimini."⁷Kpom nyeuzhi obiomamu ukanela ukaya ukazemo,my Konilos uwho nwudhoya madu ibo li oosoeja ukwali akwali li emene sojamu uzhebhe l'ukpudhuya. ⁸Mu Konilos ukanikpobhe bhele bhele iye da mu udu shebhe Jopa.⁹L'umomo l'uyem usoya iyezhikpomu eke ogwubhe uko bhisu l'osyukwe, kpu bhe uzhilebhe l'ujeja l'ichakpa l'udhamawho ulaya, yabu kpu Pita ukazele igbu oludho l'ukpe ekpele. ¹⁰Mu inwe ugwo la mu uwudhiga iye udhie buwhuto kpomu emeneya uzhebhe limeke bhidhi emeke, mu unweto unyetu bhudho. ¹¹Mu uwejo olukpu ukpumali le mu iiye ujayadho l'olu, iyezhi kpom ogbani kpu ujayadhile ele ukwa shabha edhi l'ukponi inom.¹² Uzhi l'imeya bu zukpulu uji onuya l'iye kpadhigabhe l'ele li ununu olu.¹³Yabu kpu uuli ukanilema: Pita buzoli, kogbotu mu idhi."¹⁴ Buwhuto mu Pita ko "Nyenweme, ubokpeye eewo; makadhemu iye dhu l'odhulu tuumoo.¹⁵ Buwhuto mu uliya ukwanikejela augbuwe bhibo: "Iyemu Ebilikpabi ukpukekpo l'uzozo, inwee ike l'uwhu-a iye dhulu odhuluu. ¹⁶Iyem uda bu ize ito; l'ekeleneten mu udogashimabhe iyaya ozu i'olu.¹⁷Lumom kpomu Pita uzo l'usugbedhi iye iyemu uwejo l'iunyetu bhudhoya ubu, yabu kpu emenemu kolino udugasho uzhilebhe l'ununuzo l'egbeleta, mu udugashikpo bhebhe l'udho. ¹⁸Mu utebhe bhu ubulebhu Saimon nye uwhuludhiwhu bhe Pita unazhi l'adhiya.¹⁹Kpom Pita uzho l'ugbeni iyed basa li bhudhoya, mu uwa Egwele ukanola, "Nyetu madu ito uzhibhe lu uwudhiga yo." ²⁰Buzoli mu ichize bhe. "Enyadhe anyadhi l'uchize bhe, iyedo me modugashibhe."²¹ Kpomu bokpeye mu Pitga uzepiwe emeneya mu ukanebhe "Mo bu nyemu iwudhiganiya. Ijanini elaa?"²²Mu bhe usabhe, "Nyenyiji-ugwu soja-ise udhini Konilos, nyumeite utotogwu Ebilikpabi, nye bhele bhele igbu emene Juu ukebhe ewa-uma, unweta uzhi buzoli l'eka Ebilikpabi gontu li nyuzhi obioma, mu kanela kpom bhu udushi madu mu uwhubheyo m'ija udhoya, kpu emele mu unuji uzhi buzoli l'ekayo.²³ Mu Pita udoshebhe l'udho mu unazhikeshbhela l'oyukwemu uboleya mu ubuzolo mu uchizebhe, madu ila l'ila l'emene nwana ime Klais li Jopa uchilakatabhe Pita.²⁴Eyemu usoya mu udhumabhe Sizaliya. Konilos uzhi l'useji whobhe eseji; owhugbedekpole bhele bhele umu nwana li umunwuje ya li bhe udhumatabhe eli.²⁵Kpu iye zhile, kpom Pita ukpudhuwhuto l'udho Konilos, yabukpu Konilos ya uzutalebhe, mu Konilos udala l'uko bha kpena ekpeni.²⁶ Buwhuto mu Pita udobuzola mu kanela"Nuzo! me mobudhiwhu madegede kpom yo."²⁷Kpom Pita uzho l'ukpena ekpo, mu Pita ukpudho l'ime 'mudho mu wejo madu tu ogbo kpu uzagbonilebhe. ²⁸Mu ukanobhe, "Yoni imajini amaji l'eliyo bhu loko whee bhu nye Juu bhu ukpakeshi, mubuone bhu uzete nye ubo Juu abidhii. Buwhuto Ebilikpabi otugoshileme kpom bhu mo whom oonwunye onwunye nye dhulu odhulu mubuone, nye ezhe usamali. ²⁹Yabu iyedoni meejo l'ugwe udodo, kpomu uzho uzhi bhu bha whubhe me. Kpomubo kpeye nka tewho yo iye iwhunime."³⁰Konilos ukabu, "Luji ekelemu li abali into gaga, me zhiludhiodhi edhio li udhome li nazamadhi ekele. Mu me wejo uuduke unuzo li ununume liawhulu ubidhi ebidhi.³¹ Mu ko, "Ebilikpabi unujele ekpele yo, ewejidhiwhule eguma lugbeweji yo.³² Kpombokpe dugashi oonwunye l'ula Jopa, mu iwhu uduke ewayabu Saimon Pita. Yawe unazhi ludho Saimon nye okpo ono, lukwu olimini.' ³³Ubu liekeleneteni mu mezhineyo. Imekejoka lujejayo. Ombuyele lunuji uzhi Ebilikpabi uka bu izhishi ye.³⁴Mu Pita ugono unuya muko, ''L'egede mowuwejikpom meni Ebilikpabi ulodhe ulo.³⁵ Kamubokpeye , unatu l'bhelebhele igbu nye nye ubuwhuto utniwhutua otogwu mu ume iye manu amanu.³⁶Imajini uzhi uzhi uzhigashini emene Izhileli l'ekemu ukalosheo iye basali uzhi uma uyodhu gontuli Jizos Klais nye nwekpo bhele bhele madu. ³⁷Yoni imajini otu iyem udao l'Judiya l'owhulu, gontu l'Galilii kpomu Joni ukpomawhuto ama uwushi miniya. ³⁸Otu iyem udao basal Jizos nye Nazaleti kpu Ebilikpabi ute lema oga l'uwa Egwele l'ugbakpo. Yawe uze bhele bhele adhi l'umeze iye uma li ugwo zukpulu madu uwa bhiyo uyigide iyedo Ebilikpabi uzhikeshiama.³⁹Yeni awejini otu iyemu Jizos umeo l'igbu emene Juu li lime Jekluselem. Ugbuagbu gontu l'okpgbu l'ushi.⁴⁰ Buwhuto Ebilikpabi utema li enwu l'eye gbuwe bhito aumedhiwhu mu uwejiabhe bhu uteli eteli, ⁴¹ubujene bhele bhele madu uwejabhee, buto emene uwejebhe bu emene ekibomu Ebilikpabi ulotukpo mu 'bhadhuma odhuma - ye emenemu adhikeshela bhidhi kpom ulekpowho l'enwu.⁴²Ugbojaye bhu aze mu azhikalashi emen uwam li ukaloshikpom bu Jizos bu nyemu Ebilikpabi ulotuma olotuma bhu bu nye ikpe emene uzhibhe budu li emene unwulubhe onwulu.⁴³ Yabu nyemu zukpulu emene amuma ukani ukaloshebhe kpu emele bhele bhele madu uwhetulebhe l'imeya mu unwetabhe usabheteni umeyeshi gontu l'ewaya."⁴⁴Kpom Pita uzho luka otu iyem mu Uwa Egwele udakpo li eli bhele bhele madu uzhebhe l'ukpetye l'uzhiya.⁴⁵ Emenemu uwhetobhe l'Jizos uzhiobhe ogbo uwh'uma - bhele bhele em,enemu uchiyabhe Pita - unwodhabhe enye, iyedo ukeshi uwa Egwele owudamadhiwhule l'eli emene obobhe-Juu.⁴⁶Iyedo bhe unujibhe kpu emene obobhe Juu uzhilebhe l'ukpobhe udo unu ekpo mu upadiwedhiwhubhe.⁴⁷ Mu Pita ukawhobhu, "Uzhi nye akakpo bhu owushebhe emenemu mini, emenemu unwetabhe Uwa Egwele kpomu yeni anwetadhiwhoni la?⁴⁸ Mu yawe ugbojakpom bhu uwushikpobhe bhele bhele mini l'ewam Jizos Klais. Mu bhe ukanebhela bhu unazhikedhibhe eye ila l'ila

Chapter 11

¹L'umom emene uzhi Klaisi li emene ogbo Klaisi uzhibhe li Judiya unujibhe kpom bhu emene obobhe Juu bhu anatulebhe unuekpo Ebilikpabi,² Ekemu Pita uyosaliwho Jeluselem, emene ogbo uwha umam ukatashibhe akatashi.³ Bhe kabhe kpom "Izemekeshi emene ahwhabhe uma iye mu idhikeshi whobhe bhidhi."⁴Buwhuto mu Pita ubido l'ukunibhe bhele bhele iye basa li ukaya mu ka, ⁵"Mezhi l'ukpe ekpele l'ula Jopa, mewejo li unyetu bhudho iiye uzhi l'ujaya ele, iye zhi kpom ogbani ubu eke ukwushibhe edhi l'ukponi inom mu udo bhetebhela l'oligwe. Udadani jiwhone bu me.⁶ Me nyeshela enye lime l'ugbe iye ubu. Me weji bu bhele bhele uji ono uzhibhe l'uwam, onuya kpabhe ike onuya ukpabhe l'ele li unu olu.⁷Yabu kpu monujile uuli ukanime kpom "Pita bezeli, kogbo mu idhi." Mu maso, ⁸"Nyenweye ubokpeye eewo; iyedho iye dhulodhulu mubune iye ezhe egwele uka dadhe me l'unu tuumoo." ⁹Bhwhuto mu uliya usakejo udo l'oligwe "Iye Ebilikpabi ukpukekpo l'uzozo, inwe ike l'uwhu a iye dhulodhuluu."¹⁰ Iyem uda bu ize ito, mu udogashikpobhe bhele bhele otu iyeya uzo l'oligwe.¹¹Weji! l'ekele neten yabu kpu madu ito unuzolebhe l'ununudho mu ye anaheya; udugashibhe bhe li Sizaliya lubha weji me.¹² Mu uwa Egwele ugboja me bhu me chizebhe bhu me nyetohe kpom emene uzhibhe ise. umunwana yeni madu isum uchyabheme echiya, mu ye akpudho l'udho udukeya.¹³ Yawe ukaniye kpu yawe uwejile oonyuzhi obioma uzhi l'unuzo li udhoya mu ukanela 'Dugashi madu mu zewhubhe Pita. ¹⁴Yawe ezhishiyo bu uzhi emeyo mu inweta udokpewe yo.'¹⁵Kpọm mebidowhụtọ ụkpọnibhẹ ẹkpọ, mu U̇wa Egwele ukpodhọbhe l'ẹli, zhi kpọm ukpodhuwhụtọ yeni ekemụ ụnụzụm. ¹⁶Mu me gbewejọ iyẹm Nyenweye uka kpom, "Jọni l'egede uwushidhi mini bu li mini, buwhutọ ọwushibhe yọni mini bụ li Ụwa Egwele.¹⁷Kpọmụbọkpeye, ubule bhu Ebilikpabi unebhẹ uji unenemu unedhiwhọ yeni l'ekem awhedaweni l'ewa Nyenweye Jizọs Klais, mobu n̄ina, l'ukodhishi Ebilikpabi ogbo la?" ¹⁸Kpọm ụnụjẹbhẹ otu iyẹm Pita ukaya, usabhe ịyẹ-ịyẹ buwhutọ ụpadhiwẹbhẹ bu Ebilikpabi mu ụkabhẹ kpọm, "Ya tugọshi kpom bhụ Ebilikpabi enedhiwhulẹ emene-ọbọbhẹ-Júú uyosali-oyosali li bụdụ."¹⁹L'ụmom emene usekelẹbhẹ gontụ lị umegidemu uda l'ishili Stibin ugbakelikpobhe dhuma otu ula zhịbhe kpomu Ponesia, Saiplọs, Sailin, lị Aniyọk, l'uzhi uzhuma, uzhishigbo jibhene bu emene Júú neten. ²⁰Bụwhụtọ ọtụtụ l'imebhe, emene buzolibhe li Saiplọs li Sailin, ujabhe Antiyọk mụ̂ ụkpẹnidhiwhọbhe emene Giliki ẹkpọ yala, l'uzhishibhẹ bhẹ uzhiumam Nyenweye Jizọs. ²¹Ẹka Nyenweye uzhikeshibhe; mụ̂ ọtụtụ emene utubhẹ ogbo l'imebhe uwhetobhe mu uyosalebhe l'uchize Nyenweye.²²Mụ̂ emene chọchi Jelụsalem ụnujẹbhe iye basali otu iye bhe ụzhibhẹ l'ume, mu dugashebhe Banabasi bhu ze Antiyọk. ²³Ekem yawẹ udhumọ muwejọ ek'ugbolo Ebilikpabi, yawẹ to ekpema mu ukanikebhe bhu unazhike l'ime Nyenweye li whụlụ ekpemabhẹ.

²⁵Mụ̂ Banabasi ukadho Tasọs l'uwudhiga Sọlu. ²⁶Ekem uwejela, mu yawela Antiyọk. Kpu ịyẹ melẹ, l'uwhulu a-ala, bhẹ li emene chọchi uzugbanibhe mụ̂ uzhibhe ọtụtụ emene ịyẹ. Uwhubhe emene ogbo Klais bhu 'Klistens' (ububhe emene usatu Klais) l'unuzu bụ li Antiyọk.²⁷L'umọm l'ubheya ọtụtụ emene amumu ubuzolibhe li Jelusalem mu ujabhe Antiyọk. ²⁸Ọọnwunye l'ime bhe bu nye dhini Agabọs, unuzo mu ukọ gontu li Uwa Egwele kpọm bhu ọkẹnyẹ uk'ikebhu ada bu ada l'uwam l'ogbo. Iyẹya umezo bu l'ubhemu Kladọs uzhọ l'uch'echi.²⁹Kpọmụbọkpẹye, mụ̂ emene ogbo Klais, kpu nyenwegbole, mu ukpebhe l'ugbagbete iye uwadhi l'ūlaweni umụ nwana li Klais uzhibhe li Judiya. ³⁰Mu umebhe kpeye; mu bhe uyigashinebhe emene udu chọchi uwayi l'ẹka Banabasi.

Chapter 12

¹L'ekelemuya, yabu kpu eze Helo̱d ubha gbatele eka ladhi emene udho̱-ukpeni uzhibhe kpu emele mu uhwashibhe uya. ²Mu ugbumo̱ Jamishi nwana Jo̱ni li o̱pia-echi.³Ekemu ubha wejio̱ kpo̱m bhu amuya to̱we emene Júú ekpema, mu ubha kadhezo̱ l'ununu lu motu Pita. Ombu l'ekele ogwu bhidhi ow'owu. ⁴Kpo̱mu ubha motumala, mu uchigashio̱la l'udho̱ ikoli, udushi bhu unijik'abhe bu soja isu-isu, adhino̱; Ujikele bhuya lo̱weniho̱ bhe bu li eke ugwu-ugabishi gamale.⁵Kpo̱m ushish'o̱bhe Pita l'udho̱ ikoli, emene udho̱-ukpeni kpudhubhe l'edhio̱ kwali-akwali lugwe udeli, lu kwakashi Ebilikpabi l'ishili ya. ⁶L'abalimu udhushio̱ eyem Helo̱d o̱lo̱weniho̱ bhe l'ikpe, Pita zhihu li ninina lechinabo̱ soja ibo̱, iyabha ibo̱ yala l'eli, leke nyese adhi n̄ine zhidhihu lunobudho̱ luniji dhihu udho̱ya.⁷Weji, nyuzhi-oligwe, li ekele neteni ulo̱ga bu li uku eliya, yabukpu echi samalile l'udho̱ ikoliya. Okole Pita eka l'eli bu uteli li nina, yabukpu ukanilema, "Nuzo l'enwa-enwa," mu iyabha buzelikpola leka. ⁸Mu nyushi oligwe ya ubhakaniola, "jikele eliyo mu iyotu akpuko yo." Mu Pita mokpeye. Mu nyuzhi eligwe kaniola, "yetu kapa kpokpo olu yo mu ichiyame."⁹Yabukpu Pita chizele nyushi oligwe ya mu ukpulosho. Umajie bhu iyemu nyuzhi oligwe ya meya bu iye bu obu. Ugbe bhu yaweji iye galime. ¹⁰Ekemu ubha gabishi mabhe emene useadhi unuzu li emene ugbuwe bhibo ya, mu udhumabhe egbeleta-uchi mulo lime ula; mu egbeleta ya wewe ugumali nyobhe. Mu ukpuloshobhe l'ukpudhu li chakpa udho, yabu kpu nyuzhi oligwe ya usapete lema.¹¹Ekemu Pita 'bhanwo̱ eliya, mu ubhako, "L'umo̱m, majilem meni nyenwe dugashi nyuzhi oligwe lubha do̱kpewe me l'eka Helo̱d, li bhelebhele iye emene Júú 'zhibhe luche." ¹²Ekemu ubha majo̱ omu, mu ubha kazo̱ udho̱ Mali ina Jo̱ni mu uhudhio̱bhe Mak, adhimu madu tuogbo uzagbo nio̱bhe ludhio̱-edhio̱.¹³Ekele mu uko eka li aku egbeleta, nwudho̱ unyoma uhubhe Loda ulo̱ l'ubhasa. ¹⁴Eke mu ubha gbusho̱ uli Pita eji, l'ishili ekpemato̱, uchimadho akuya; kama, ugbala bu imudho̱; l'ukanibhe kpombhu Pita zhilu nuzo l'aku. ¹⁵Yabukpu ukanilebhma, "Ishi zheyo ina." Buhuto̱ mu ukakedhidhio̱ bhubu kpeye. Akalebhe, "O̱bo̱bu nyuzhi oligwe ya."¹⁶Buhuto̱ Pita kpo̱kedhidhio̱ eka, ekemu ubha gumo̱bhe adhi, mu uwejo̱bhela, yabukpu unwo̱dhalebhe enye. ¹⁷Mu Pita umashinio̱bhe l'eka kpo̱mbhu o̱kpo̱bhe ekpo̱, mu ubha dho̱kalashiobhe kpu nyenwe unamalema l'udho̱ ikoli. Mu uko̱, "Kanini Jamishi li umu nwana iyem." Yabukpu ubuzelile lukaze udibe.¹⁸Lekemu adhi bo̱lio̱, umekpeli beke uzhibhe l'adhi emene so̱ja zhibhe l'iye basali l'unazhi mu Pita. ¹⁹Ekemu Helo̱d bhawudhiga mu ugwel'uweji, yabukpu ujule emene mu usebhe adhiya ajuju, mu uko̱bhu ugbukpo̱bhe bhelebhele bhe. Mu Pita buzelio̱ li Judiya mu ukadhio̱ Sizala, mu unazhio l'adhiya.²⁰L'umo̱m, Helo̱d wudhushi emene Taya li Sido̱n uma. Mu uzo̱bhe l'uze nyayasha gonutu li Blasto̱s nyeshikeshi eze eka ukpebhe uyodhu iyedo̱ni iye udhiedhi bhe ubuzeli bu li igbuya. ²¹Li eye udhugbani o̱dhugbani, yabukpu Helo̱d uyojikpole kapa nyeze mu unazhio̱ l'ekpe; l'uko ekpo̱.²²Emene ya chibhe ikpu, "Omu buho̱ uli iyukpeni, ubo̱dhe madu egedewo.̱" ²³Li ekele neteniya, yabukpu nyuzhi nyenwe ukopete-lema, iyedo̱ unedhe Ebilikpabi; igili-iga udhigboha mu unwulo̱.²⁴Buhuto̱ uliekpo̱ Ebilikpabi uzodho̱ l'usala o̱zu. ²⁵Ekemu Banabasi li So̱lu bha mezo̱bhe agizebhe, mu ubha yo̱bhe li Jelusalem, l'uyawe kata Jo̱ni amu uhudhiho̱bhe Mak.

Chapter 13

¹Li chọchi m uzhio li Antioch, uzhi emene anuma li emene uzhi-ezhi uzhibhe l'udhiya. Uzhibhe bu Banabasi, Simeon (nye uwhubhe Niger), Lusos nye Sailin, mane n (amu uzodho li udho Helod nye uchechi), li Saul. ²Eke uzhibhe l'ukpeni Nyenweye li ubu unu, mu Uwa-Egwele ukò, "tumani meni Banabas li Saul, mu ze mebhe ugbolom mowhune bhe." ³Ekemu udhio kpobhe edhio, mu bukpobhe unu, mu-dashikpoe'bhe eka l'ishi, mu duwalebhe bhe.⁴Kpomu Uwa-Egwele udugashima li pọlu, mu ukazobhe ula-Selushia; mu uwholabhe Saipulos. ⁵Kpomu uzhebhe l'ime ula-Salamis, mu kạlọshịwẹbhé uli-ekpe Ebilikpabi li udho ukpeni emene Júú. Bhe nwedhuwhubhe John Mark kpomu nye ụshịshikeshi eka.⁶Ekemu ubha gakoshebhe kpu ebhechi papos, uzhile mu wejiobhe õonye amumabhushi, nye amuma ọyika emene Júú, ewaya bu Bar Jizos. ⁷Nye amama-bhushi umewashikata iye bu nye uchi-echi ibeya, Sajos Polos, aubu nye nweagwugwushi umajiye. Mũ udukeya uwhuo Banabas li Saul, iyedoni uwhudhiga unuji uli-ekpo Ebilikpabi. ⁸Buwhuto Elimasi "nye amama-bhushiya" (yabu kpu ugbasamalebhe ewaya) ugboshi bhe ogboshi; ume kpụ emele mu nye-uchi-echi ibeya ụsạbhete uwhetu Nyenweye.⁹Butu Saul, amu waya ubuo ubuo Poli, uyuluka li Uwa-Egwele, u'nyekeka enye ¹⁰mu ko, "yo unwo uwabhiyo, iyulukamabu li uzukpulu uji unagbo-anagbo li ugbashi. Yo ịbụ nyụgbeni egba ịyẹ-ịyẹ buwhuto umeite-emeite. Ndeke yo ekwushe ushibha ichakpa Nyenweye ekwoshi la?¹¹Nyeshi l'umom, ekam Nyenweye l'eli yo, ẹkpọli bu enye. Ndeke yo ẹweje elanwu enye li ekele neten." Yabukpu iligili li igelenyi ukpupidhele Elimasi mu ususugadhiwho li ubaga emene ododhigabhe l'eka. ¹²Ẹkemu nye-uchi-echi ibe ya uwejo iyem udoya, mu uwhedawo, iyedoni uzhi-ezhi iya ubusali li Nyenweye uwodhawa enye.¹³Yabukpu Pọlu li ogbo nwujeȧ uwhomalilebhe li Pạpos mu udhumabhe Pega Pampilia. Buwhuto Jọni usabetebhe l'adiya mu ụyosalio Jelusalem. ¹⁴Mu Pọlu li ogbo nwujeȧ ubuzeliobhe li Pega, mu kadhobhe Antiọku Pisidia. li adhiya mu kpudhobhe l'ime udho ukpeni emene Juu l'eye Sabati mu unazhobhe ezhi. ¹⁵Ekemu ugwukpobhe ukpulahu Egwele mu emene udu-udho ukpeniya uzhiganilebhe bhe uzhi l'uka, "Umunwana, ụbụle bhu inweni uzhi ukaitewe emenemu uzhebhe l'adhim, obu aikani."¹⁶Mu Polu unuzoo mu chio eka l'olu mu kao, "Umeledhe Izule li emene itunini Ebilikpabi otogwu, kpekẹni ete. ¹⁷Ebilikpabi umeledhe Izule ulotu emene idaye mu umebhe bhu tubhe ọgbo l'ekem uzhebhe li eli Ijipt, gon'tu leke ya, udhuloshiwe bhe l'ẹle ya. ¹⁸Li iyezhikpom ugwu ạlạ ibọ, unyeshike bhe enye l'ime ihuo.¹⁹Ekem ubha tashikpo igbu isabo l'ime Canaan, mu une bhe ele emene ya kpom ekpe. ²⁰Bhelebhele otui-yem ụda bu lị ụnú ala li ugwu ala ibọ li idhi. Ekem ótu iyem ugokpo, mu Ebilikpabi unobhe emene ikpe, tutu mu newho bhe Samuel nye amuma.²¹Mu uwudhigabhe eze, mu Ebilikpabi unobhe Solu unwo Kish, nye ekpe Benjamin, bhubu nye eze li ugwu ala ibo. ²²Ekem Ebilikpabi unamamala l'uchi eze, mu ulowe Debidi bhu bu eze bhe. Ubu basali li Debidi mu Ebilikpabi ukalosho kpọm 'Mowuwejilem Debidi unwọma Jesi kpọm nye obuya li ame ukadhekata, nye ụme bhelebhele iye mowudhiga kpọm bhu mé.'²³Gon'tu li umulunwo ya, Ebilikpabi ayawenile Izuleli Nye-ugawe, Jizos, kpom ugwo-ogwu-egba. ²⁴Tutu mu Jizos ubhajo, Joni ukaloshiweni umeledhe izuleli uwushi mini uyosali-oyosali. ²⁵Kpom Jọni uzho l'umekpowho ugboloya emekpo, mu kao, 'Nde nye igbeni bhu mobu-obu la? mobomu nyemu ya. Kpekeninete, onwunye zhi l'uja me l'ozu, mozutamu-ozuta l'ukwama edhe akpuko ya.'²⁶Umunwana, umeledhe ekpe Abraham, l'emene utuni bhe Ebilikpabi otogu uzhibhe l'ime ogboyo, uzhi-uma udokpewem ujaniom bu yeni.

²⁸Umashi bu kpọm ewejobhe iye-iye l'ukpeshia enwu, uuhubhe bu Pilate bhu ugbuã ogbu. ²⁹Ekem ubha mezukpobhe bhelebhele iye ugbania bhe, mu ụnamabhela lị ụshi uye li uka mu uliite bhela li ịli.³⁰Buwhuto Ebilikpabi utemaa l'ẹnwụ. ³¹Emenemu ya li bhe ubuzolikatabhe li Galili li dhuma Jelusalem uwejiabhe enye li otutu ẹye. Emenem ubuniabhe ekito l'adhi madu'egede uzhibhe.³²Kpomubokpeye, azhishidhe yonom bu uzhiuma ogwuegba ạmu ujakeshio otu Ida-ye ³³emezunileyeni yeni, umeledhebhe, gontu kpomu utema Jizos l'enwu, kpọmu ujima uzhio obuma augbuwe bhibho. "Ibu unwo me, li tam, mobuwho Ịdayo.' ³⁴Udukpewea l'enwu aubu bhu ndeke ezhiedhe l'okpeh ụdọ gbaa. Ebilikpabi Ukashia bụ kpom 'Mene yo bu uwokwani uzhi Egwele gontu li ogwegba moguni Debidi.'³⁵Ombu iye udo mu ukagbadhiwho l'ụdo ọb'uma 'Ndeke yo ewhe bhu unwo yo amu uzhio egwele bhu udhokpoli-odhokpoli.' ³⁶Ekem Debidi umekpoo iye umashi Ebilikpabi mu usabhetoo; mu ulie bhela ladhim uliebhe emene idã, okpeliya udhọkpoli-ọdhọkpoli. ³⁷Buwhuto nyemu Ebilikpabi utemao li'enwu udhókpólie ọdhȯkpoli.³⁸Umu nwaname, majinikpom, gontu li nyem enwetalani usabheteni bhelebhele umeyeshi yọ. ³⁹Gontụ li ya nyenye uwhedawele ekpekpewelebhe ma li bhelebhele otu iyemu oloko Mozizi enwe ike li ukpekpewe yoni.⁴⁰Kpombukpeye, tụkpani eli mu otu iyem emene amuma ukobhe mu ugwe udakwashi yoni: ⁴¹'Nyẹshini enye, emene inyedawani madegede ele, enwodhani bu enye, aitadhuni ewe; iyedoni meme bu ĩye eme l'uko yo, iye yo egweni uwhetu kpom bhu eme bu eme, umashine kpom bhu onwunye ukuni yọni.' "⁴²kpomu Pọlu li Banabas ukadhobhe, mu emene ya udhiashiobhe zhikalabhe uli'ekpom udigba li eye Sabatimu usosheya. ⁴³Ekem uzugbani udho-ukpeni-emene Juu uba gwulo, otụtụ emene Juu li emene-uyaya-Juu uchibhe Pọlu li Banabasi, mu ujashike bhe ike bhu kadhezebhe l'ime otu-izhi Ebilikpabi.⁴⁴Eye udhitu inwe usosheya, iyeshi kpom ula logbo uzagbonibhe lu nụji ụli-ekpo Nyenweye ⁴⁵Ekem emeke Júú uwejobhe ogbo madum, ugulukabhe bu li ọsọzu mũ ukajebhe otu iye Pọlu ka mũ ukpadhiwekatabhela ụmụ.⁴⁶Buwhuto Pọlu li Banabasi ukobhe ekpoli ugwe uta bhe ụnụ ata "Ubu iye udadhu-adadhu kpom bhu ibuni emene unuzu ukponibhe un'ekpo Ebilikpabi. kpomu ye azhio li uweji kpu ichimani li eli yọ autugo zhi kpom bhu iwejini yọni kpom emene adadhobhe budu-enwe-ugulu-oguli, wejini, yele akadhe keshiowhu bu emene-ubobhe-Juu. ⁴⁷Iyedo, Nyenweye ukaniye kpom 'Molowe yọni kpom usamali emene-obobhe-Juu, mu eyaweni ugawe tụtụ dhuma adhi uwam ugbo.' "⁴⁸ Kpom emene-obobhe-Juu unujiobhe iyem, bhe tobhe òbụ eto mu tubuzebhe Nyenweye olu. Bhelebhele madu ukeyitenibhe budu-enwe-ugulu-egulu ehwe dawebhe-ewhedawe. ⁴⁹Mu uli-ekpo Nyenweye usekelio li whulu igbuya.⁵⁰Butu emene Júú ukpatubhe uko li unyoma ukwalibhe akwali l'ime ulaya. Bhu kpaloshiwe bhe usoso l'ukagide Pọlu li Banabas, bhu chie-bbhe l'ime igbuya. ⁵¹Butu Pọlu li Banabas ukpokpomabhe uza liukobhe l'ulogide bhe. Bhu kadhebhe ula iconium. ⁵²Emene uzhi uyulukabhe li ẹkpema eto li Uwa-Egwele.

Chapter 14

¹Kpu iye ubule li ula ikonom Pọlu li Banabasi ukpuhubhe li udho-ukpeni emene Júú, bhu ụkpobhe uli-ekpom li ewheka ubukpom bhu ogbo madu emene Júú li emene Gịlịki uwhedawebhe-ewhedawe. ²Buwhuto emene ishike Juú utashikpobhe unukuma emene-obobhe-Juu mu umebhe bhe l'unweshi umunwana uwhetu obubhiyo.³Unazhi ekele udhushi ubie l'adhiya, li zhikale uzhi l'ugwe utu otogwu li ugbakpo Nyenweye ekele, Nyenweye ya we utugoshi iye ugbushi eji basaliuzhi otuizhi. Ume om gontu l'uwe iye uwodha enye li iye utushi eka l'eka ugbolo Pọlu li Banabasi. ⁴Buwhuto ulaya ukemali-ekemali; emene udhukeshi bhe emene Júú, emene udhukashibhe emene-uzhi-Kalaisi.⁵Emene Júú li emene-obobhe Jùù (li emene-ishibhe) uwudhigabhe uwashibhe bhe uya lijine ulugbobhe li ekpulu igwu. ⁶Buwhoto kpom uwotabhe om, mu gbalabhe Lisita li Debe, ula uzhibhe li Ikonom, li ewheka ula uzhi li asaga igbụya, ⁷adhi ukadhezebhe li zhishi umam.⁸Li ula Lista uzhi uduke uko unwula-onwulu, nyekpa l'ele tutu ina mola, aakaze ize to-umo. ⁹Uduke unuji uli-ekpo Pọlu, Pọlu udamasha-enye mu'weji kpom bhu unwe uwhetu li unweta ugwo-ogwo. ¹⁰Mu Pọlu ukaniola li uli ubu-eke, "Nuzo li ukoya ." L'ezhi ya udukem umabuzolio mu ụkạdio ize.¹¹Ekem ogbomene ya uwejiogbe iyem Pọlu umeya, mu uchibhe ikpu, mu ukobhe li uunula Likoniya, "Iye ukpeni yeni ejakeshilebhe yeni l'unwulu madegede." ¹²Mu uwhubhe Banabasi "Zoos," muwhujebhene Pọlu "Hamis," iyedo ya ubu nyishi unu-ekpoya. ¹³Oso-eja unọshi Zoos, amu udho ukpeniya uzhio l'ugbakpo ula, ayawele ọnọ li iye ukpashi-uko li egbeleta ish'ula, ya li ogbo emene ya ujikelebhe uso-eja.¹⁴Buwhuto kpom, Banabasi li Pọlu unuje bhu iyeya, mu udowabhe kapabhe li uwhudu uma, li okpelenawa mu ukpudhobhe l'ime ogbo l'adhiya mu ukanebhe bhe l'uli ikwa, ¹⁵"Umunwana, iyela udo mu emeni otu iye la? ye abu maduegede kpomu yo. Ye azhishidhe yonom bu uzhiuma meni yosalini li otu iyem abadho ibala mu ikpenini Ebilikpabi'm uzhie budu, nyem ukpo eligwe, li ele, olimini, li bhelebhele iye uzhiabhe l'ime. Li ụkọ ogaga, uwhe kpọm bhelebhele igbu l'uwam bu umetubhe iye¹⁶ kpụ mashilebhẹ.¹⁷Mashi kpom uzhieya, ugwe ulowetu iye unuzona l'eka iboo iye idonyi, ume iyeuma mu une yoni mini ubuzeli l'olu li ubhe ugutu iye umanu-amanu, li uneite yoni uwo aumedhiwhu ekpema yo mu uyulu li obueto." ¹⁸Mashine kpom Pọlu li Banabasi ukponebhe otu ẹkpọya, umegbowhuto bu ogbo-madu ya l'ugwe usonibhe eja ya.¹⁹Buwhuto mu emene Júú ubuzolibhe li Antiyoku li Ikonom ujabhe mu ubha gbashebhe ogbo madu uzuzu bhiyo. Mu uludhebhe Pọlu ekpulu igwe mu sekpuloshebhela ugakoa ula, l'ugbe kpom bu onwulumale. ²⁰Kpom emene uzhi uzhebhe l'ushikosha, ya'kpu unuzole bhu kpodu l'ime ulaya. eyem ushosheya, mu ya li Banabasi ukadhobhe ula Debe.²¹Kpom uzhikalakpobhe uzhi umam l'ime ulaya, mu nwetabhe otutu emene unatubhe uzhi-ezhi mũ yabhe ozu l'ula Lista, Ikonium, li Antiyoku. ²²Ukadhezebhe l'ume mu emenemu unwhetobhe-ewhetu mu ukwalibhe-akwali, mu kpashidhiwhobhe obuike bhu kadheze bhe li uwhetu, l'uka kpom "A'kpudhum li eleze Ebilikpabi bu gontu li ugabie otutu odhu-uya.²³Ekem ulowekpobhe emene-udu-odu li bhelebhele chochi, mũ dhiokpobhe-edhio li ugwe-bhidhi, mukwatabhe bhe lẹkạ Nyenweye, nyemu bhe uwhetobhe l'ime ya. ²⁴Mu gbabhe Pisidia mu udhumalebhe pampịlia. ²⁵Ekem ukaloshiwekpobhe uli-ekpom li pe ga mu ukadhebhe Atalia. ²⁶Gontụ li adhiya mu uwholabhe Antiyoku, adhimu ukwalebhe bhe li umạnụịshim Ebilikpabi l'ishili ugbolom umekpowhobhe kpani.²⁷Egem udhumalebhe, Antiyoku, mu uwhugbedebhe emene choch uwadhi, mu kaloshiwebhe bhelebhele iye Ebilikpabi ume gontu libhe, li kpo bhe ugumanilebhe emene-obobhe-Juu ạkụ ụwhetu. ²⁸Unashikeshị bhe emene uzhiem ekele ukani uto.

Chapter 15

¹Eemene ubuzolibhe li ula Judiya mu jabhe Antiyok mu uzhibhe umunwana emene uwhedawebhe-ewhedawe, kpom, "Ugamawhoto kpom bhu iwhani-uma kpu omenela Moses ukale, ndeke enwetani udokpewe." ²Omu me mu eke usugadhi li ikale uzhinita Pọlu li Banabasi li emeneya. L'ishili ukam, ulotubhe Pọlu li Banabasi, ligba udo emene l'ime-bhe, mu uzebhe Jelusalem mu'wejibhe emene uzhe-Kalaisi li udo-odu chọchi.³Kpomu emene chochi udugashebhe bhe mu kazebhe li ugalaga Phonisha li Samela l'ukanibhe bhu emene-obobhe-Juu bhu l'uyosalibhe. Uyawebhe obueto ubueka l'adhi bhelebhele umunwana uwhedawebhe-ewhedawe uzhibhe. ⁴Ekem udhumabhe Jelusalem, emene chọchi li emene-uzhi-Kalaisi li emene udu-odu, unatubhe bhe anatu mu bhe umakalabhe uli iye Ebilikpabi unwe ịkẹ li umewetubhe.⁵Buwhuto eemene uwhetubhe-ewhetu amu zhebhe li ogbo emene Palisii, unuzobhe m'ukabhe kpom bu "Ubu iye udadhu-adadhu bhu uwhabhe uma ajabheni uja bhu bhete bhe otu olokom Mozizi." ⁶Mu emene-uzhi-Kalaisi li emene udu-ọdu uzugbanobhe uwadhi li nyeshi ukam enye.⁷Ekem ubha dodhigakpobhe ukam, mu Pita unuzo mukaniobhe, "Umunwana, imajini kpom li ekete ugama-agama Ebilikpabi ulotu l'ime ogbo yo, kpom gontu li unu-me emene-obobhe-Juu bhu unuji bhu uzhiuma, mu whedawebhe. ⁸Ebilikpabi, nyem umajekpo ụnụkuma maduegede, akaloshinilebhe gontu l'une bhe Uwa̵̵̵̵̵̵̵̵̵-Egwele, kpom ujimu unedhiwhiwho yeni. ⁹Utugoshe kpom bhu ise zhita yen li bhe, kpomu usamakpobhe unukuma gontu li uwhetu.¹⁰Kpomubokpe iyela do mu imani Ebilikpabi amala, mu gonini ugbu l'ukushi emene whetubhe-ewhetu li ekidhila, aubukpom umashi bhu bu idayeni li yeni abujidhoni? ¹¹Buwhuto yele awhedawe kpom yele anweni bụ ugawe gontu li otuweizhi amu uzhio l'ime Jizos Kalaisi, kpom ujima bhe uzhiobhe."¹²Bhelebhele ogbomaduya ubhebhebhe unu kai l'ukpe ete lu nuji iye Polu li Banabasi ukaloshiwebhe ịyẹ uwdhawenye li iye utugasheka Ebilikpabi ume l'ime ogbe emene-obobhe-Juu gontu l'ibhe.¹³Ekem ubha kakpobhe, mu Jamisi usao, "Umunwana, kpeshinimeni ete. ¹⁴Saimon akanile yeni kpu Ebilikpabi l'unuzu gontu l'otuzhi ulowele ushikeshi eka ladhi Emene-obobhe-Jùù uzhibhe kpụ agale mụ lowe l'ime ẽmene l'ishili eweya.¹⁵Uliekpo emene amuma ukadhihu kpeye, kpom ujimu ubhashobhela, ¹⁶'Eke otu iyem ugakpole, moyosali bu ozu amonowosa udho ukpeni Debidi, amu uda ma ho li ele; Menubuze a'mo menwosa bhelebhele otu iyem utadhukpoya udo.' ¹⁷Kpemele ogbo emene uzhihobheya mu uwudhigabhe Nyenweye, shikosha bhe bhelebhele emene-obobhe-Jùù uwhubhe li ewame.' ¹⁸Om bu ịyẹ Nyenweye uka, nyemu ume otu iyem amaji kpobhe gontụ l'ukolukani.¹⁹Kpom bukpe, mekpie kpom meni atani Emene-obobhe-Juu uyosaliniobhe Ebilikpabi akuku. ²⁰Buwhuto abhanibheni bu ukpalahu kpom usabetebhe iye dhulu-odhulu ososhinibhe unoshi ausabetebhe uga ewhele amu odhula-odhula, aosabetebhe udhi onuya ologamaya ubalaa. ²¹Iyedoni akaloshiwele bhe l'oloko Mozizi li bhelebhele ula gontu li ukol'ukani, okpole bhe amaya li bhelebhele udho-ukpeni e̵mene Júú li bhelebhele eye Sabati."²²Mu emene-uzhi-Kalaisi li emene udu-odu li bhelebhele emene chochi uwujebhe bhu ukaya munu-amanu mu ulotobhe Judasi amu udhinidiwhuo Basabasi, li Sailas, emene udu li emene uwhetubhe li Kalaisi, mu udhushebhe bhe li Pọlu li Banabasi bhu zebhe Antiyok. ²³Mu ubhabhe iyem: "Ukpalawhu buzoli ẹkạ emene-uzhi-Kalaisi li emene udu-odu, emene nwana yọ, aujakeshi emene-obobhe-Jùù uzhibhe li Aniyoku, Siliya, li Silisha: Ateni yoni abidhi!²⁴Iyedoni anuji kpom eemene ubuzelibhe l'ime ye, enwetabhene ike li eka ye, umekpabhe yọni gontu l'ekpo emetashi uwa yọ, ²⁵Ubu iye umashi yele, l'ujagbede l'oobu neten, l'ulotu maduegede mashishebhe l'eli emenẹ ye agushi-ogushi Banabasi li Pọlu l'udushibhe li uwejibhe yoni, ²⁶emene usuwebhe elị bhe eja l'ishili ewam Jizos Kalaisi Nyenweye.²⁷L'ishi iye zhikpom, a dugashile Judasi li Sailasi, emene amakalashibhe yoni uli otu iyem ye akadhidhom l'unubhe wẹwè. ²⁸Ubu iye umashi Uwa-Egwele li yele l'ugwe ubushiyoni udo ubu nwedhu una ka otu iye ubu kpom bhu uji agwebheni ume zhie: ²⁹Kpom bhu inamani eliyo l'udhi ọnọ osogbobhe li unoshi, edheni ubala, edhieni otụ iye upgbobhe-epigbo oloyamalie ubalaa, aisabheteni uga ewhele. Ubule bhu kpom bhu enamani bu eli yọ li otu iye zhibhe kpom, obuobhe iye umanio yọni amanuni. Unazhini kai."³⁰Ekem ubha jikelobhe, bhu jabhe Antiochi ubha whogbedebhe unu madu uwadhi, bhu ulowebhe ukpalahu ya. ³¹Ubha gwobhela, bhu tobhe unukuma iye doni ukaitebhe unukuma. ³²Judas li Silas, amene amuma, ukaite umunwanam unukuma gontu li ekpo ulobhe li unu, bha eyi uzhigbashe.³³Ekem ubha tashobhe ekele li adhiya, bhu sabetebhe umunwana ya l'uyodhụ lu kadhekeshio emenemu udugashe bhe. ³⁴Buto umashi Silas l'unazhili ulaya. ³⁵Buto Pọlu li Banabas unazhibhe li Antioch, l'uzhibhe li ukaloshibhe uliekpo Nyenweye.³⁶Ekem otutu eye ubha gamo Pọlu ukunio Banabasi, "Ngwa bha yosali l'umom bha tadhize abedhi umunwanam uzhe bhe l'otu ulamum azhikala uliekpom Nyenweye, bha weji kpu uzhilebhe." ³⁷Umashi Banabas bhu John amu ewaya ubuo Mark bhu chiyabhe. Buto ubuo umashie Pọlu bhu ³⁸Mark uchiyabhe, nyemu usabetebhe li Pamphylia, uchịladhebhe lu meze ugbolom.³⁹Bhu usugbidhita ulugo l'ime bhe, bhu ukematabhe, bhu Banabas ugonu Mark yala bhu weshebhe Cyplos. ⁴⁰Butu Pọlu ugwetu Silas bhu kadhebhe, ekem umunwana udhioni kpobhela edhio li otuwizhi Nyenweye. ⁴¹Mũ ugalaga Syria li Cilicia l'umeshi otu chochi ya ike.

Chapter 16

¹Pọlu ujadhiwhu Debe li lisita, kpu iye mele, oonwuzhi ewaya dhini Timoti, unwo ununwe Juu uwhetu li Kalaisi, mubuwho ida a nye Giliki uzhi li ulaya. ²Emenenwa li Kalaisi uzhibhe li Lisita li Ikonom uke-abhe ewuma. ³Iyedo Pọlu uwudhiga bhu uchiya igaze, mu udotola mu uwhakpogedhela uma l'ishili emene Jùù uzhibhe l'otu ulaya, iyedo bhelebhele bhe umajibhe bhu idaã bu nye Giliki.Kpomu ukezezebhe li otu ulaya mu ukanizebhe bhe bhu umebhe iye kpu ogbo emenuzhi Kalaisi li emene unukani mu uzhebhe li Jelusalem ukale bhe. ⁴Kpomubokpe mu otu chochi ukwalizewhobhe li uwhetu mu uwudhidhiwhobhe uwu bhelebhele éye.⁶Mu Pọlu li emene ogboya ugalagabhe igbu Palaiga li Galesha, kpomubokpom bhu Uw'Egwele bhu ugbobishibe bhu li ukaloshiwe uliekpoya li gbu Esha. ⁷Ekemu ujabhe uzedhu Mayisha, mu uwudhigabhe ukpudhu li Bitina, buwhuto uwuma Jizos ugbobishio bhe. ⁸Kpomu ugalagawhobhe mayisha, mu ujawhobhe ula Tloas.⁹Mu Pọlu uwejo iye li bhudhu li abali: Uuduke Masidona uzhi l'unuzu l'adhiya, li udhayashi a kpom "Ja masidona mu ibha shikedhi ye eka." ¹⁰Kpom Pọlu uwejima iyeya, l'ugwe utashi ekele mu ye ajikeleo ukaze Masidona, anyetumawhoa kpom meni Ebilkpabi owhule ye bha ze zhishibhẹ uzuma.¹¹Kpomu ye awhomalio li Tloasi, awholamahwuto bu Samotelesi, eyem usojeneya mu ye ajao Niyapolis. ¹²Kpom abuzolio li ulaye mu akazeo Pilipi aubu uula li masidona, ula kakpolibhe li ekaligbuya muzhidhi whoo li uchechi emene Lomu, mu ye anazhio l'ula ya iye la li la. ¹³li eye Sabati mu ye aloo āsāgā li ukwu olimini adhi ye ane kpom ye aweji bu adhi ukpe-ukpeni. Mu ye anazhio ezhi l'ukponi ogbo unyomamu zagbonebheya ekpo.¹⁴Ũununwe udhini Lidiya, udhedhi eke-ukani aubu nye ula Tiatila, ukpeni Ebilikpabi, ukpeshini ye ete. Nyenweye ukpuma obuya li ukpeshi enye li iyemu Pọlu ukaya. ¹⁵Ekelem ya li emene udhoya ubha wu kpobhe mini, mu udhayashe ye kpom, "Ubule bhu igbeni kpom bhu mobu nye nuzoshike li Ebilikpabi, jani m ibha nazhini li udho me." kpu ukawhole aka mu ye anazhio.¹⁶Kpu iye umetuwhule, kpu ye azhile li ukaze adhi ukpe-ukpeni, yabu kpu uunwubhede ulu uwhabhiyo unyetu-adhi uzhia l'ishi uzuwejile ye. Ya we ukpayani nwenwea owayi bu eke gontu li unyetu adhi. ¹⁷Unw'ubhede ya usodhigadhiwho bu Pọlu li ye mu uchidhigadhiwho, kpom, "Ogbo okomam bu bhe emene uzhi Ebilikpabimu Nyebe li obioma. Bhe ukaloshinibhe yoni ibakpaunweta udokpewe." ¹⁸L'otutu eye ombu kpu umedhiwhodhile. Buwhuto iyem ubhadhewe wo Pọlu eli bhaka mu yosạlo mu kune-o uwhabhiyo ya, "Mogbochi yo li ewa Jizos Kalaisi buzolia l'eli." Mu ubuzolijone l'ezhi ya.¹⁹Ekelem nyenwea uwejio kpom bhu iyemu bhe bhu akpawedho owayi bu uzhedhe, mu bhe umotobhe Pọlu li Sailas mu udowebhe bhe eka emene udu li aya. ²⁰Ekelem ubha doloshiwebhe bhe l'ununu emene-ishikpe mu ukabhe, "Emenem zhibhe l'udodhi umekpeli li ulaye, ubujinebhe emene Jùù. ²¹Bhe ukadhebhe om bu uka umenala adadho bhu ye emene Lomu l'ume mubu li uchizeẽ."²²Yabu kpu ogbomaduya ubha uketanilebhe Pọlu li Sailasi unu; mu emene-ishikpeya udowamakpobhe bhe kapa l'eli mu ukabhe bhu ugonubhe igbanigbani mu ulotakpobhe bhe mini. ²³Ubha loloshikpobhe bhe ekpu tu'ogbo l'eli, mu chigashebhe li udho ikoli mũ ukanebhe nyishikoli bhu unyejikebhe bhe mũ ugwebhe ugba eso. ²⁴Kpomu nyishikoli unujo iyem ukabheya, mu uchigasho Pọli li Sailasi l'ime udho 'gbogbo mu chipidhekpo bhe iyabha l'uko.²⁵L'igbu echi-ime abali, Pọlu li Sailasi uzhibhe l'ukpe-ukpeni li ugwuni Ebilikpabi obu, otụ emene ikoli uzhibhe l'adhiya zhibhe l'ukpeshibhe ete. ²⁶Lekeleneten yabu kpu ele uzhigidhile ekaya, aume mu owulu udho-ikoli ya uzhigidhi-ezhigidhi; l'ekele neteniya yabu kpu bhelebhele awku ugomalikpolebhe ãiyabhamu uchebhe bhe uchimalikpodhiwhu.²⁷Mu nyish'ikoli ya ukumalio l'inyina mu uwejio kpu otu akwu ya ugubhenikpole bhe; mu ulituo oge-ishi-echiya bhu ya gbu eliya iyedo ugbe kpom bbu emene-ikoliya bhu agbawulukpolebhe. ²⁸Mubuwhutokpom Pọlu chi ikpu li ukonia kpom "emetashe eliyo, iyedo bhelebhele ye azhi l'adhim."²⁹Mu nyishikoli ya ugone echi mu ugbakpudhuo l'ime adhiya, otogwu oyulumalema eli, mu udao lununu Pọlu li Sailas, ³⁰mu udoloshe bhe asaga mu ukani bhe, "emene sã, nde iye meme menwe ugawe la?" ³¹Mu bhe usabhe la, "Whetu l'ewa Nyenweye Jizos a inwe ugawe, yo li emene udhoyo."³²Mu uzhishebhe la uzhuma Nyenweye, ya li bhelebhele madu uzhibhe l'udho ya. ³³Mu nyishikoliya ugonuo bhe l'echi ekele abaliya mu udheshikpo bhe mini l'enye, mu ya li uwhulu udhoya uwhobhe mini li ezhiya. ³⁴Kpomu udulawe Pọlu li Sailasi udhoya mu uzhibhetenebhe bhidhi, ekpema uto ya li emene udhoya l'unu kpom bhu ya whetu li Ebilikpabi.³⁵Kpom adhi bolio l'eye ya, mu emene ishikpe ukanobhe emenemu usebhe udho-ikoli kpom, "Sabheteni emeneya mu ukazebhe" ³⁶Mu nyishikoliya ukune Pọlu iye da, kpom bhu, "Emene ishikpe ezhigashinilebhe me uzhi bhu ma sabhete yọni mu ikazeni. Kpomubokpe, jani mu ikazeni l'uyodhu."³⁷Buwhuto mu Pọlu usabhe kpom, '' Ukobhe ye iye l'asaga l'ugwebhe une ye uwedhini l'ukamala uli, ubune kpom ye abu emene Lomu - auchigashidhiwhubhe ye li ikoli. Uwudhigawhobhe bu ye bha kazewho li uwodhi la? Ndeke obo kpe! Bhewe ujabhe mu bha namabhe ye l'adhim." ³⁸Mu emenemu usebhe udho-ikoli uzhe kạnobhe emene ishikpe iye Pọlu ka, kpomu bhe unujobhe bhu Pọlu li Sailasi bubhe emene Lomu, otogwu uto bhe otu. ³⁹Mu emene ishikpe ujabhe li ukani Pọlu li Sailasi bhu owudhobhe uma bu bhe bhu ubuzolibhe l'ulaya.⁴⁰Kpomubokpe, mu Pọlu li Sailasi ubuzolebhe l'udho-ikoli mu ujabhe udho Lidiya. Ekelem Pọlu li Sailasi uwejokpobhe emene nwana l'ime Kalaisi, mukpashikpobhe bhe obike mu ubuzolebhe ulaya.

Chapter 17

¹L’ekem ugabiebhe ula-Ampipolisi li Apolona, mu-udhuma ula Tesalonika, adhi udho ukepni emene Juu uzhi. ²Kpu Pọlu umedhile mu kadhekeshiebhe aubukpom bhu eye Sabati ịtọ bhu yạlị bhe bhu udodhibe bu iye zhi li ukpalawhu egwele.³Ukpuma ukpalahu egwele li ukwoani bhe kpụ udadhule bhu Kalaisi l'udhuya au telidhiwhu l’enwu. Mu kao, ”Jizosim mokanidhio yonom bu nye-udokpewe ya.”⁴Otutu emene Jụụ uwhebhe-ewhe mu chilabhe Pọlu li Sailas, ushikatabhe emene Giliki utubhe ogbo upkenibhe Ebilikpabi, otutubhe bubhe emene unyoma ugbushibhe uji.⁵Buwhuto emene Júú ewhetobhe-ewhetu uyulukabhe osu-ozu, ugonibhe emene bhiyo l’ime aya l’adhiya, mu ukpobhetebhe ogbo madu l’ulowe uwhu l’ime ula ya. Mu ukpugadobhe l’udho Jason li dokpuloshe Pọlu li Sailasi uwe. ⁶Buwhuto kpomu ewejhebhe bhe mũ udokpulishebhe Jason li ubutu emene uwhedabhe-ewhedawe ununu emene ikpe l'ime ula-ya, "ogbo emenem ukpuwosabhe uwam ishi ejadhihulebhe ulam. ⁷Ogbo emenem Jason ukpoyáwe udhoyám ukagidebhe oloko Caesar. ukabhe kpom bhu udo Nyeze bhu uzhim aubu Jizos.⁸Obu usunwali ogbo emene uzhibhe l'adhiya li emene udu ula ya osunwali kpom unujebhe otu iyem. ⁹Kpomu unatukpobhe Jason li emene mu uzhibhe ya owayi oloko, mu usabhetebhe.¹⁰Li abali-ya, emenenwana l'ime Kalaisi udulabhe Pọlu li Sailas ula Beliya. Ekemu udhuma ulaya, mu'kadhobhe udho ukpeni emene Júú. ¹¹Emeneya utugoshibhe umaji uzu ka emene Tesalonika, iyedo unatobhe uliekpom l'uunukuma neten, udokwabhe ukpalawhu egwele bhelebhele eye li uweji bu ubule bhu otu ịyẹmụ unujebhe-ya bu kpeye. ¹²Kpom'bukpe, otutu l'ime bhe uwhedawhebhe ewhedawe, mashi unyoma Giliki ugbushibhe uji ulogabhe ologa li ukoma utubhe-ogbo.¹³Buwhuto ekem emene Júú uzhibhe li Teselonika unujebhe kpom bhu Pọlu zhi l'uzhikala uliekpo li ula-Beliya, mu uzebhe adhiya mu usunwabhe adhi li udo umekpeli l'ime ogbom'aya. ¹⁴L'ekele neten, mu emene nwana l'ime Kalaisi udhushebhe Pọlu l'ubhô, buwhuto Sailas li Timoti unazhibhe li ula-ya. ¹⁵Emenem udulabhe Pọlu ududhokpo-ạ bhe bu ulạ-Atens. Mu ubhasabhetebhe Pọlu l'ula-ya, Pọlu kanibhe kpom bhu uzhishibhe Sailas li Timoti bhu ụjashibhe ya l'ula-ya enwe-enwa.¹⁶Kpom Pọlu uzhie l'usejekebhe l'ula-Atens, mu unwe-o uwudhu-uma l'uwaya ịyẹdọnị uweji kpom bhu ula-ya uyulikabu li unoshi. ¹⁷Kpomubokpe, Pọlu uze bu udho ukpeni li udhodhikeshi emene Júú li emene kpenibhe Ebilikpabi ogologwu, uzekatadhiwhu ime ạya li udhodhishikata emene zhibhe l'adhiya.¹⁸Buwhuto l'unazhiya otutu emene utoga-umajiye ogbo Epikulos li ogbo Stoyikudokeshiabhe ukake. E-emene kabhe, "Nye-otoshe-ekpo-otoshiwe ukadha bu iyela?'' E-emene kabhe, "Ya-we bu onwụnye uwhu maduegede bhu ukpeni iye-ukpeni amajebhe nyebu," iyedo ya-we ukaloshiwe uzhuma Jizos li uteli-l'enwu ya.¹⁹Mu ugonobhe Pọlu mu ulawebhe ulu emene Alopagos, mu ukamebhela, "Ye awudhiga umaji uzhi-ezhi uwumu yo ikadhidhi om" ²⁰Izhi l'ukadhidhi otutu iye eteye akanuje tumoo. Ye awudhiga umaji otu iye-otu iyeya bhube." ²¹(L'umom bhelebhele emene Atens li emene ize ubebhe l'ulaya ugonedhebhe ekelebhe l'ume iye-iye gama udhodhi li ukpe ete l'iye basali iye uwum.)²²Mu Pọlu unuzo li echinabo emene Alopạgọs m'ukao, "Emene Atensi, me mo wuweji kpom imajini eka ukpeni iye ukpeni li bhelebhele ibe. ²³kpomu magalazedhidhom, me weji otu iye ikpenini, me weji eekpe ibhadhini, 'auzhini chimu-amajebhe-amajii.' iyemu yọ ikpeni l'ugwe umaji-amaji, ya-bu iyemu makanidhe yọn-om.²⁴Chineke'm ukpo eluwam li bhelebhele iye uzhia l'ime, kpomubokpom bhu bu Nyenwe eligwe li uwam, ube-e li ula-ukpeni ububhe li eka. ²⁵Eka maduegede umenidhola iye-iye, zeka bhu bu nye wudhiga ushikedhi ekaa, kpomubokpom bhu ya-we une maduegede budu li uwukayi li bhelebhele iye.²⁶Gontu li onwunye neten mu ume-o bhelebhele maduegede li bhelebhele igbu bhu ubebhe li ele uwam, kpomu ukpebiekpo kpu iye emelebhe li ekele udhutanibhe mu ulekpodhiwho úkê adhi bhe ubebhe èbè, ²⁷Kpu emele mu uwudhigabhe Ebilikpabi, li-jine li ubotu gon'tu li unyelawe enye adhi ya-we zhi auwuwejiabhe. Mashine kpomubokpe, uzhi uzedhu adhi nye-nye ubuwhuto l'ime ye azhini.²⁸Iyedo yeni abeni budu, mũ agadhigani, mũ aboni iye-abuni bu l'ime ya, zhiwuto kpom onwunye li emene ubhabhe ekpo-utuga li igbu ayo ukao 'Ye-ni abuni emene ekpe ya.' ²⁹"Kpomubokpe, kpom aboni emene ekpe Ebilikpabi, udune ye-ni li ughe kpom bhu chiweshi-ukpeni bhu kpom owayi-odo,owayi-usa, mubune igwu-iye uchibhe echi a nye-oka ukpuloshiwe li ugbebhe li ugbegbe maduegede.³⁰Kpomubokpe, Ebilikpabi ushigama anwa li iye umetebhe l'ugwe-umaji-amaji, buwhuto l'umom uka kpom bhu bhelebhele maduegede li bhelebhele adhi li uwa bhu yosalibhe. ³¹Iyedoni ya'we ebhetemale li ukpe uwam li umeite-emeite gontu li nyemu ya-we olotuo-olotu. Ebilikpabi otugoshikpole bhelebhele maduegede kpom bhu iyeya bu obu gontu li utema-a li enwu."³²L'umom kpomu emene Atens unujebhe iye basali uteli li enwu, otutubhe umudhibhe Pọlu umu; mu otutu bhe jine ukabhe kpom, "Ye akpeshigbabu ete udo li ukam." ³³Ya bha gamao , mu Pọlu usabhete bhe. ³⁴Buwhuto, uzhi emene uwhebhe iye ya we ka mu uwhetobhe, nyezhikpom Dionisos nye ula Ạliopa, uununwe udhini Damalis, li udo emene uzhikeshibhe bhe li adhi yạ.

Chapter 18

¹Kpomu otu iye-ya ugakpoo mu Pọlu ubuzolie li Antens mu kaseo Kolint. ²Mu uwejo oonye Juu l'ula-ya, ewa ya dhini Akwila, nye Pọntos, ya li nwenyi ya Pilisila ubuzobhe li Itili kpu aka kanie uto-o, iyedoni Klaudos une oloko bhu bhelebhele emene Jùù bhu buzolikpobhe li Lome. Mu Pọlu uzekeshebhe, ³Kpomubokpom bhu umedhiwhubhe bu uji ugbolom ya-we medhiwho, mu ya li bhe umekatabhe ugbolo, bhe unudhigabhe bu okpuga (udho-ugwu).⁴Kpomu ubuwhokpe, Pọlu uze nwedhiwho bu iye ukadhi-akadhi i udho-ukpeni bhelebhele eye Sabati, kpu emewhuto mu ume emene Juu li emene Giliki mu uwhebhe. ⁵Kpomu Sailasi li Timoti ubuzebhe li Masidona mu ujobhe, Pọlu ubutumawho bu uzhi uzhuma, l'ishi li ukanikewho emene Júú kpom bhu Jizos bu nye ugawemu unyenidhebhe enye ya. ⁶Buwhuto ekemu emene Júú udogashebhela iye, mu ukpadhiwewhobhela umu, mu Pọlu ugbayoshinebhe edhio mu ukune bhe, " Ubala yo uzhi yoni lishi; Eka-me sa-usa. Gontu l'umom mechishiwho enye bu li emene-obobhe-Jùù."⁷Mu ubuzolio li adhiya mu ukaze-oudho Taitos Jostos, aubu uduke kpeni Ebilikpabi. Udho ya zhi li uku udho ukpeni. ⁸Klisopọsi, ny'ishi udho-ukpeni ya, ya li emene udho ya l'owhulu uwhetubhe li Nyenweye; otutu emene Kolinti unujubhe iyeya bhe uwhetudhiwhobhe mu uwushebhe bhe mini.⁹Nyenweye kani Pọlu li bhudho, "Eto otogwu, kaloshike uliekpom l'ugwe ukpute yo unu. ¹⁰Iyedo mezhikeshi yo, uzhie nye enwe ike li ume yo iye iye, iyedo menwe maduegede tubhe ogbo l'ulam." ¹¹Pọlu ụnạzhi l'ulaya bu aala li iwolu isu l'uzhidhi bhe iye uzhi ezhi¹²Mubuwhutokpom, ekem Galiyo ubuwho goniba Akaya, mu emene Júú ubobhe ũnu l'unuzogide Pọlu mu udoloshebhela l'udho-ikpe; ¹³mu ukabhe kpom, "Udukem umedhidhom bu maduegede mu ukpenibhe Ebilikpabi li ibakpa zhi ise l'iye oloko ka."¹⁴Mashikpombokpe, kpom Pọlu uwudhigawho umukala uli, mu Galiyo ukano emene Jùù, "Yo emene Júú, ubule bhu iyem bhu iye kpatani uye zhi ise, ãmamaji meni menyeshia enye. ¹⁵Buwhuto kpomu ubo iye ukadhi-akadhi basali l'oloko yo kpedhituni yowe, mejikelem ukpw otu uka zhi kpeye."¹⁶Mu Galiyo umebhe mu ubuzolebhe l'udho ikpe. ¹⁷Kpombokpe, mu umotobhe Sositenesi, n'ishi udho-ukpeni mu ubobhe ubu li ununu udho ikpe l'adhiya. Mubuwhoto bhu Galiyo ukpenen enye li iyem umebheya.¹⁸Pọlu unazhidhogba eye tu ogbo l'ulaya mu usabhete emenenwana mu ya li Pilisila li Akwila uwholabhe Siliya. Tutu mu bha buzoliwhobhe l'unoshi Senkeleya. ukomakpogedheya bu ishi l'ishili ukwa uwhetu-ewhetu. ¹⁹Ekelem udhuma Episosi, mu Pọlu usabhete Plisila li Akwila l'adhiya mu ukpuduo l'udho-ukpeni li udhodhishi emene Júú ogologwu.²⁰Ekem ukanobhe Pọlu bhu unazhigba-anazhi, ya-we whee. ²¹Kpomu usabhetebhe mu ukanobhe "Mejagba bu ozu, ubule bhu bu umashi Ebilikpabi." Mu uwhomalio li Episosi.²²Ekem Pọlu udhumao Sizaliya, mu ukazeo m'uze tekpoo emene chochi Jelusalem abidhi mu ubha kazewho Antiyoku. ²³Ubha nazhio nwotuko l'ulaya, mu Pọlu buzolio mu ugalagao igbu Galesha li Palạija mu tebhuzowe bhelebhele emene uzhi.²⁴Kpu iye zhile, uzhi õnye Júú uja Episosi, ewa ya dhini Apolosi, aubu nye umubhe li Alezanda. Ya we maji iye ukadhi-akadhi aumajidhiwhu ukpalawhu egwele joka-joka. ²⁵Apolos omudhikpole uzhi-ezhi Nyenweye. Uzhike iye basali li Jizos joka, mubuwhutokpom bhu umajigbo bu uwuminim a John. ²⁶Apolos uzhi iye l'udho ukpeni l'ugwe utu otogwu. Buwhuto ekem Pilisila li Akwila ukpebhe ete l'uzhi ezhiya, mu udolawebhela ugbonu mu ukowamanikebhela iye basali Ebilikpabi.²⁷Ekem uka bhu ya akaze Akaya, emene nwana l'ime Kalaisi ukashiabhe obu ike mu ubhanebhe emene uzhi-zhibhe l'Akaya ukpalawhu bhu unatuabhe. Ekem ya we udhumao, ushikedhi emenemu uwhetobhe ewhetu gontu li umanishi eka. ²⁸Gonutu l'ugbakpo bu eke Apolosi udokeshi emene Júú ikake, l'utugoshibhe gontu l'ukpalawhu Egwele kpom bhu Jizos bu nye-ugawemu uzhebhe l'unye enyeya ya.

Chapter 19

¹Kpu iye mele ekemu Apolos uzhio li Kolinti, yabu kpu Pọlu ugalaga otu ula zhibhe l'igbuya mu udhuma Episos, mu uwejio ootu emene uzhi l'ulaya. ²Mu Pọlu tekwa bhe, " Inwetani Uwa-Egwele l'ekemu inwhetoni ewhetu la?" Mũ bhe usabhela la, "Anweta wo, ye anujigedhene iye basali Uwa-Egwele."³Mu Pọlu tekwa bhe, "Uwushebhe yoni bu l'ela uwumini la? Mu bhe usabhela, "Li uwumini Jọni." ⁴Yabukpu Pọlu ubha kanibhe, "Jọni uwushidhi bu uwumini uyosali-oyosali. Ukani emene-ya bhu uwhetubhe l'ime nyemu ujawho yawe l'ozu, aubu, l'ime Jizos."⁵Kpomu emene uzhiya unujebhe iyeya, mu uwushebhe mi li ewa Nyenweye Jizos. ⁶Mu Pọlu udaje bhe ika l'ishi, mu Uwa-Egwele ukpudhuo bhe l'eli, mu bhe ukpowhobhe udo unula mu ubudhiwhobhe amuma. ⁷Bhelebhelebhe udumadhobhe iyezhi kpom dhị madu li madu ibọ.⁸Pọlu ukpudhu li udho-ukpeni li uzhi uzhuma li jine li ukanike emene Júú iye basali eleze Ebilikpabi li iwolu ito. ⁹Mubhuwhuto kpomu ubuto emene Júú ewhebhene unuji-onuji mu ukponyokpobhebhe ete, yabu kpu ubidolebhe ukaja Uwhutu Nyenweye l'unu ogbo madu ya. Kpombokpe mu Pọlu usabhetebhe mu ya li emeneuzuu ukaziebhe ulu umudhiye Tylanusu mu uzhiwho bhe iye bhelebhele eye. ¹⁰Uzhi iyeya ukaze l'unu li ala ibo, yabu iye me mu bhelebhele emene Júú li emene Giliki uzhibhe li igbu Esha unujizokpobhe uli-ekpo Nyenweye.¹¹Ebilipkabi ume otutu iye unwadhawe-enye gontu li Pọlu, ¹²aubuwho kpom bhu akichepu li loko ukpotumawhole Pọlu l'eli mu ulaweniwhobhe emene elidhe, ã-elidhe gba eso ã-uwa-bhiyo ugbadhiwhu eso li elibhe.¹³Buwhuto uzhidhiwhu otutu emene Júú uwabhe aweka-uchi-uwabhiyo uzedhiwhobhe ibeya. Bhe whu be l'ewa Nyenweye Jizos kpu emele mu unwebhe ike l'adhi uwabhiyo uzhibhe l'eke bhe ukalebhe kpom, "Gontu li Jizos mu Pọlu ukaloshiwe, mogbochi yo meni gba-eso." ¹⁴Ny'ịshị oseja emene Júú ewaya dhini Skiba unwe ugboji isabo umedhidhibhe kpeye.¹⁵Uuwbhiyo sabhe kpom, "Mamaji Jizos, mamajidhiwhu Pọlu; yo ibuni ṅina?" ¹⁶Mũ uwabhiyomu uzhio l'ishi nyemuya ukpakpomalio mu ulushebhe ulu kpomu ukabhe li ugbakpo mu kotashikpo bhe eli. Mu bhe ugbamalio bhe l'ime udhoya li eli-ewe, elibhe budhiwhu ẹnyẹ-ẹnyẹ. ¹⁷Bhelebhele emene Júú li emene Giliki uzhibhe li Episos unujizobhe iyemu udaya. Otogwu utubhe otu, mu uyiebhe ẹwạ Nyenweye Jizos eso.¹⁸Gontudhiwhu l'ishili iyeya, otutu emene uzhimawhobhe-ezhima l'ime Nyenweye ulobhe uwe li ukaloshi iyebhiyo bhe emebhe. ¹⁹Otutu emene umebhe amamabhushi ubuyakpobhe ukpalawhu bhushi mu udukpobhe bhe li ekpeleni ogbo l'adhiya. Ugwubhetebhe iye otu ukpalawhuya ugbu, ulo bu ugwu puku owayi-usa ibo li dhi. ²⁰kpombokpe mu uli-ekpo Nyenweye usekelio li adhi bu eke li ewheka tudhi otogwu.²¹Ekemu Pọlu umekpo ogbolo ya li Episos, mu ukpebieo gontu li Uw'egwele li ugalaga Masidona li Akaya li ukaze Jelusalem; mu uka kpom "Ndhumama le Jelusalem, mewejidhiwhu bu Lomu." ²²Mu Pọlu udugashio emene nwudhoa bhibho, Timoti li Elastos bhu uzhebhe Masidona. Buwhuto ya we unazhigba nwotuko li Esha.²³L'ekemu ya dhiwhu umekpeli bu eke uloga-ologa li Episos li iye basali Uwhetu Nyenweye. ²⁴Õonye-kpuzu ewaya dhini Demtilos, nye ukpuloshilowe igbudu Atemis, umeloshiweni emene oka owayi bhaka. ²⁵Mu yawe uwhugbedekpo bhelebhele emene ukpubhe uzwu mu ukaniobhe bu, "Emene ogbo ye, imajini kpom bhu anwetani owayi gbaka li ugbolom.²⁶Ewejileni, enujidhiwhuleni, ubugbo li Episos l'adhim buwhuto bhelebhele adhi li Esha kpu Pọlu'm uzhile li udotule otutu emene. Uzhi li ukani bhu iye-ukpeni mu ukpobhe l'ekam bhu ubo chi-ukpenii. ²⁷Umekpele ubukwabhowhuto kpom bhu eke owudhigadhebhe ika-ugbolo yeni, ubudhiwhu kpom bhu ulu-ukpeni eke enoshim ayeni Atemisi ndeke enwedhe ibalaa. Ubule kpeye ozuzuya kpom eke unoshi bhelebhele ibe Esha li uwalogbo ukpenibhe ndeke ezhiwhodhene."²⁸Kpom unujebhe iyeya, uma uwhudhubhe owhudhu bhaka mu uwhudhiwhobhe uwhu kpom, "Atemisi emene Episos bu eke ụnọshị." ²⁹Uwhulu ulaya oyulumale li umekpeli, madu agbaloshikpolebhe unuama omotulebhe emenemu Pọlu bhe ugakatabhe igaze, Gayos li Alistakos, emene Masidona.³⁰Pọlu ujike udhiegadhu li ikpu ogbo maduegede ya, buwhuto emene uzhi uwhebhela. ³¹Yabu kpu otutu emene uchi-echi uzhibhe igbu Esha ububhe nwuje-a uzhigashinilebhema uzhi li udhua a bhe bhu okpudho li unuama l'adhiya. ³²Otutu emene zhi uwhubhe iya, ãudo emene uwhujibhene udo, ogbo maduya osuwamalile. Otutu emene ukabhe uko l'adhiya umajebhene iye ugbagboninibhe.³³Mu emene l'ime ogbo maduya udhashikebhe Alazanda, aubu nye emene Júú uzhibhe li uka bhu lo mu kpo ekpo. Kpombokpe mu Alazanda unwenebhe eka li ukanibhe iye do mu uzugbanebhe. ³⁴Mubuwhotokpom, ekem umajebhe kpom bhu Alazanda bu nye Júú, mu bhelebhele bhe uwhudhiwho bhe uwhu iyezhi kpom ukele-eye ibo, li uwhudhidhi kpom, "atemisi emene Episos bu eke unoshi."³⁵Ekemu nye uba ukpalawhu ulaya ubha me-o mũ adhi uyodhuo, mu ukao, "Yọ̃ emene Episos, ubu ṅina ugwe-umaji kpom bhu ula Episos bu ulam ulukpeni Atemis, eke unoshimu igbuduya ubuzolio l'oligwe uzhi la? ³⁶Kpomu imajikpojine bhu iye-ya udoke-odoke li ikakee, udhuni yọni li unazhi kai ugwe umedhiya iye olowega uwhu. ³⁷Iyedo yo iyaweni emenem udho ikpe ubokpom bhu uzutubhe iye li ulu-ukpe ubokpom bhu uzutubhe iye li ulu-ukpeni yo mubune bhu ukayebhe unoshi yo uyekaa.³⁸Kpomubokpe, ubule bhu Demetilos li emene ọkạ ya li bhe umekatabhe ugbolo unwe iye utugboshi õonwunye utugboshi, udho ikpe zhim emene unyeshi enye li uka zhidhiwhubhem. Ujabhe mu ubha koshitabhe. ³⁹ubujilene bhu iwudhigani iye zhi ise ukpatani udo uka, obu bu iye unyeshi enye li adhimu azugbanidheni l'uzukpulu ekele. ⁴⁰Iyedo, l'egede umekpeli ukpo awam tam uzhidhiwho ye l'ishi. iye-iye ubha kpaya usugbotam, ye anwene ike li umakala uli ya. ⁴¹Kpomu ukamawho iye ya, mu udoke uzugbaniya.

Chapter 20

¹Kpomu usugbataya ugwuluo, mu Pọlu uwhugbeteo emene uzhi ubha kpashikpobhe obu ike, mu ukanio bhe bhu unazhibhe joka, mu ukazeo Masidona. ²Ekem ugakoshikpoo igbuya mu kponikpobhe otutu ekpo ukpsdhi obu ike, mu ujswho Gilisi. ³Ubha nazhio iwolu itọ li ulaya, yabu kpu emene Juu ugbanilebhe ma uzuzu bhiyo l'eke zhi l'uwudhigawho uwhola Siliya, kpombokpe, ugalagatu ya Masidona li uyosali ozu ya.⁴Emene chizabhe dhumakpo Esha bubhe Sopata unwo Pilos nye Belia; Alistakos li Sekondos,madu ibom ubuzolibh bu emene uwhetubhe ewhetu li Tesalonika, Gayos nye Debe; Timoti; li Tikikos li Tolopimos nye Esha. ⁵Emenem akazemalebheye li ununu, uzhibhe li usejiwhobhe ye li Tloas. ⁶Mu ye awhomalo li Pilipi kpomu ogwu bhidhi-enye-awunwo uguluo, li eye isé mu ye adhumao Tloas.⁷Li eye unuzu li ugbakunozu, l'eke ye azugbani li udhi bhidhi egwele, Pọlu ukponi emene-uwhetu-Nyenweye ekpo. Ya we ujikele ukaze ozu li eyemu usoya, kpomubokpe, uzhiya ukaniwho dhuma echi abali. ⁸Tonjọ tu ogbo uzhibhe li udho olu l'adhim ye azugbano ya.⁹Uunwo ugboji ewaya dhini Yutikos unazhi ezhi li olu nwindo mu nyigadhio. Kpom uzhi Pọlu ugonuwho ekele, unwugboji mu zhie li unyi-inyina ya ubumali li udho olu l'adhi gbuwe bhito mu ubudo l'ele, ubha dobuzowhabhe onwulumale. ¹⁰Buwhuto, Pọlu ukpoda ele mu ukpodhuo unwoya l'olu mu umabheteya eli li eli unwoya, mu umola omo. Mu bha ka-o, "Emekpashi yoni eli, iyedo ya we zhi budu."¹¹Mu [Pọlu] ya we ukazeke udho-olu ya ozu mu ukamakpo bhidhi mu udio. Ubha kponigakpo bhe ekpo li ekele utu ogbo, tutu adhi bolio, mu ukazewho. ¹²Mu udoyawhebhe unwo-ugbaji ya ozu li ubueto bu eke.¹³Ye akpodumale li ugbo li udhu Pọli ununu li uwhoze Asos, adhi ye aka meni adhimale a whotuwho Pọlu. Om bu iye ya we uka bhu ame iyedo ya we ka kpom bha kaze l'uko. ¹⁴Kpomu uzuje ye li Asos, mu ye ashishela li ugbo mu awhola-o Mitelene.¹⁵Mu ye awhomalo l'ulaya mu adhumao uweshi ebhuechi Kiyos li eyemu ubolioya. Eyemu usoya mu ye adhumao ebhechi Samos, li eyemu ugbeweo bhito mũ ye adhumao ula Miletos. ¹⁶Pọlu uwudhiga uwhogadhu li Episosi, kpu emele mu ugwe utashi li Esha; iyedo ya we zhi li uludhiga li udhuma Jelusalem li eye ogwu penticosi, ubule bhu ewhe ume li yawe li umekpodho.¹⁷Uzhiwho bu li Miletu l'adhiya mu udushio madu li Episos li uwhubhe emene-udu chochiya. ¹⁸Ekemu bhe ubha jabhe, mũ ukanobhe "yoni imajini amji kpom bhu gonutuwhoto li eyem edanuko me udhoto Esha, kpu me matashibhe ubhe li ulayo. ¹⁹Meme ugbolo Nyenweye li ugawe obu ele li ishibikwa gontu li umama udakwoshi me l'ishili egbaluzu emen Júú. ²⁰Imajini kpu megwele ukwushi ukani yoni iye-iye ubadhuwhuto ibala, li jine kpu mezhile yoni iye li asa li gontu li udho galaga udho. ²¹Lu ukaloshini emene Júú li emene giliki iye basali uyosalikeshi Ebilikpabi li jine uwhetu l'ime Nyenweye Jizos.²²Nyetuni l'umom makeze om bu Jelusalem kpu Uw'egwele umele me, ugwe-umaji uji iye adakwashi me l'adhiya, ²³gamakpo kpomu Uw'egwele ukanidheme li bhelebhele ula kpom bhu ikoli li udhuya lu useji. ²⁴Mubuwhotokpom, mogwutom budu-me kpom iye badhunime ibalaa, ibule bhu magbakpo esom mu me mezokpe ugbolom Nyenweye une me, aubu ukaloshiwe uzhuma otuizhi Ebilikpabi.²⁵Nyeshini l'umom, mamaji kpom meni bhelebhele yo l'ime ugbo emenemu magakoshe adhi li ukani uka elezem, ndeke ewejedhemeni enye udoo. ²⁶Kpomubokpe, makani yọni li eye tam, kpom meni ubala onwunye-onwunye uzhieme l'ishii. ²⁷Iyedo modotom unu li ukaloshiwe bhelebhele iye buwhuto echiche Ebilikpabi.²⁸Kpomubokpe, nyeshike tani enye, nyeshikedhiwhuni enye bhelebhele emenemu Uw'egwele ukwate li eka yọ kpomu emene udu. Tukpani eli li unwekpaji chochi Ebilikpabi, amu ya we ugowe li ubala unwoa. ²⁹Mamaji-amaji kpom eke makazemo, emene jikelebhe utashi kpom okpo inwe'gwu ejabhe ime ogbo yọ ugwe osabhete onwunye-onwunye l'ime uzugbani. ³⁰Mamaji-amaji kpom bhu ẽmene onuzobhe bu l'ime yọ aukabhe iye oboya kpu emele mu odowobhe eemene li ogbo emeneuzhi mu uchizebhe.³¹Kpomubokpe, nyekwateni enye. Gbewejini kpom bhu li ala ìtọ, abali li eye modotomu unu li ishibikwa li uzhike bhelebhele madu l'ime yọ ezhikee. ³²L'umom, makwate yọni li eka Ebilikpabi li uli-ekpo otutuizhi ya l'ume yoni mu izodhini uzo mu une yọni uke dhuni yọni li ogbo emene usakenibhe asakeni.³³Mo gonom owayi usa, owayi odo, mubune ukani onwunye-onwunye li enyelike-e. ³⁴Yọ wewe imajini kpom bhu ekame umeloshi iye mowudhiga li jine iye emenemu uzhikeshebhe me uwudhigabhe. ³⁵Li bhelebhele iye motugoshi yọni gontu li elime kpu eshikedhileni emene enwhedhobhe enwhedho eka gontu li ugbolo eka yọ, lijine kpu egbewejileni liekpo Nyenweye Jizos, amu Yawe ka kpom "uwokwani li unedhi-enedhi ka unatu anatu."³⁶Kpomu ukponikpobhe kpeye, mu ujishio ukpunuko mu ya li bhe ukpebhe-ukpeni.³⁷Ikwa whu-owhu mu bhe umobhe Pọlu omo li ukela whoa bhu eke bhu udhuma.³⁸Obu utobhe li unu aukakpoli bu kpomu ukanobhe kpom bhu bhe ndeke ewejedhebhe ya udoo. Mu bhe udutobhela tutu mu ukpodhukpo li ugbo.

Chapter 21

¹. Ekele mabuzo limawho li adhini uuzhio bhe makpodho li ugbo m’awhomalo, mawhola eke-ulam kos, eyemu usoya mawesho li eke-ula Lodis, gontu who li adhiya ma kazewho eke-ula patanla.². Aba wuwejo eke-ugbo kpuzhili li uweshi poenisha mu akposho li uwhola.³. Aba nyeto Caplus, mawho gadho li ibe eke ibida, li uwela Siliya m’akpodo li Tile, adhim eke-ugboya uwha bhete ukpolokpo li ele.⁴. Ekele manyetu ma who emene uzhi ya m’anazhi kedhie bhe li adhiya eye isabo, Gontuli ukaloshiwe Uwa-ida mu ja dhiobhe Polu bhu eze Jeluselem.⁵. Skele unazhi ya li adhiya uzo masabhete adhiya makadho bhe li ununwe bhe lijine umeledhe bhe mudalawe bhe ye tutu agakpo ula ya. M’ajishie ukpunuko ⁶. Li unu oshi madhio edhio m’aweni ta eka li udhuma who makpodho li ugbomini liuya who udho.⁷Ekele ma wekpe mali who li Tile, m’adhu mo Tolemasi m’atekpo eme uwana abidhi, m’anazhi kedhie bhe li eye. ⁸Li eye mu usoya, ma buzolo maka dho Sizaliya. Makpudho li udho Pilip, nyuzhiuma aubu o-onwunye li emene isaboya, m’anazhi kedhiela. ⁹Udukeme unwe bu ugbede ino akamaje bhe ukoma augbabhe ama.¹⁰Ekele manazhio li adhi lekele ila ila, mu Agabus, onye agbama ubozoli li Judiya mujo. ¹¹Mujakedhio ye mugonyio edhi-okpu Polu mu ukushiya li uko li eka muko “Uwa Egwele ukakpom ombu kpu emene Juu uzhi bhe li Jeluselem okoshi bhe nye mu unwe edhi-okpum edhi augatua bhe augasha bhe li eka emene Jentali.”'¹²Aba nujo out iyem, ye li emene mu ubobhe li adhiya m’adhio Polu meni eze dhe Jeluselem. ¹³Mu Polu uso “Imedhi whonyom ubu iyela? Aikwadhi whom li utashi ekpema me? Iyedoni mejikele ejikele. Ubugbo li bhe ukebheme edhi buto li unuwulu li ime Jeluselem lishili ewa nyenweye Jisos. ¹⁴Kpom uzhika zebu ugbanwo dho ekpema Polu mu ye adetuwho ye eli kai, mako “Echiche Nyenwe ume.”¹⁵. Ogbo eyem ubagama mu ye abuto ekpa ye makadho Jeluselem. ¹⁶. Otutu ogbo emene uzhimu ubuzoliebhe li Sizaliya uchiya dhi whu bheye echiya. Bhe li uduke udhini Minason, nye Sap;os aubu ukani nyuzhi, enwe ike li unazhi kedhi ye.¹⁷. Aba dhuma Jeluselem, emene nwana unabhete bhe ye li ekpema uto ¹⁸. Eyem uuusoya mu Polu ukashe keshi ye li weji Jemisi, bhele emene unukani ya uzhi bhe l’adhiya. ¹⁹. Uba tekpo bhe abidhi, mu ukaloshie nwine nwine bhele bhele iyem Ebilikpabi umekpowhuto lime echinabo Jenifa gontu li ugbolo ya.²⁰. Ubanujo bhe iyem, mu utubuzo bhe iyeme mu utubuzo bhe Ebilikpabi olu, mu ukanye bhela, “weji, nwana, puku madege uwheda we bhe li emene Juu. Bhele bhele bhe ujikele bhe li ubhete oloko. ²¹. Akanyi le ebhe iya basali li yo, zebu izhi emene Juu mu ubobhe li Jenifa bhu ulubhete bhe Mozizi, bhi kani bhee bu awhadhe bhe umeledhe bhe uma, bhakadhe dhe bhe ne ize li ibe umenala.²². Nde iye ame la? Onuji dhi bhe bu kpom bu ejale ²³. Kpom ubokpeye me iyem akanye yom. Ye anwe ukoma ito ukwatu bhe bhushi ²⁴. Gonu emenem li ukoma eliyo, wheni bhe owayi kpemele mu lekpuma kpo bhe ishi bhe yabuu adhi bhele bhele emene amaji bhe bu ogbo iyem uka bhe iye basali yo bhu bhu oyika. Aumaji dhiwhu bhe bu ibe budu uchinwuni echinwuni, bhu ibhete oloko.²⁵. But libe emene Jenita mu uwhedawebhe, ye abhaloshi ukpebe ekpebe ye zebu “ejhie bhe elibhe li uusoni unoshi eja li ubala li iye uyibe bhe, ishi li uga ewhele” ²⁶. Mu polu ugonyo, emene ya, li eyemu usoya mu ukokwa kpo eliya ya li emenem uya. Mu uzo bhe udho ukpeni li ukpoama olu eye usama eli ogbo aune ebhe iye unene onwunye onwunye.²⁷Eye isabo ya uba wenjo ugulu emene Juu ubuzoli bhe li Esha, uba wejo bhe. Polu lime udho ukpenyi musu nwa adhim emenem uzhio bhe, mu umoto bhe la. ²⁸Mu uchize dhi who bhe ikpu, Emene Izleli, Shike dhi yen eka ombu uduke uzhi zukpulu madu li bhele bhele adhi iye umegide madegede oloko li adhim Aukibe, uya wedhi whu emene Gliki udho ukpeni audhuma adhi uzhi egwele.” ²⁹Eweji madhi whule bhe Tolopimos nye Episos li adhimuu uzhio li me eke-ula unye bhe kpom bhu Polu uyawa udho ukpeni.³⁰. Ohule bhe li eke ulam, mu emene ukpoya bhe uwadhi mu umojike bhe Polu Ausekpua gama bhe li ime udho ukpenyi, mu ugute kpo bhe out aku ya. ³¹. Kpom uzhio bhe li uwudhiga ugbua mu nyishi use adhi unujo bhe Jeluselem bho Osuawali le.³². li ekele neten mu ugonya emene ulu lijine emene ishibhe mu ugbala bhe adhi-igwu madegede uzhie bhe. Emenem uba wojo bhe nyishi use adhim li emene ulu, mu usabhete bhe uko Polu iye. ³³. Nyishi use adhim uba ujo mu umojiko Polu, mu ukanyo bhe bu ucha bhe iyabha ibo mu ujukwa who nye ubu li iye eme.³⁴Emene uzhi li uchi eye, udo emene uzhi bhe li uchi udo emene uzhi bhe li uchi udo. Kpomu nyishi useadhi owota iyem ubo ishukaa iyedoni uwhu ya ukadhe akadhe, mu ugboyo bu ulawe bhe Polu adhimu egbogbo uzhio. ³⁵Uba dhuma eda egbegboya muu emene ulu ya ubuto bhela li ugbobishi ukpokata ishi emene ogboya. ³⁶. Mu igwemadu ya uchize dhi who ebhe li ozu auchize dhi wwho bhe ikpu “Gbuani ogbu!”³⁷Ekelemu uyawe bhe Polu adhi egboboya mu ukanyo nyishi unyeke adhi, “ekemuu ine muwedhini li ukani yo ukaniyo ukala? Mu nye ishi unyeke adhi ujola, “ikpo unu Glike la?" ³⁸Ibo nye Ijipit ubido usunwadhi mu ido ukoma ugbu bhe madege puku ino lime iwho?"³⁹mu Polu uso “Mobu nye Juu, mobuzoli li eke-ulam Tasos li Silisha. Molbu nye ekwa uzhim mkpa mojo yo, whem nkponi emenem ekpo. ⁴⁰Nyishi usedhim ube nela uwedhini, mu Polu unozo li eda-udhom egbogbo ya, mu uwenyo emene ya eka Adhi ubazho Juu mukpo nye bhe ekpo li unu-ula Hibulu. Mu uko,

Chapter 22

¹Emene nwana Ii emene ida, kpeni ete li ukowa me amu mekanyie yo.” ²Igwe madegedem uba nujo bhe Polu kpu usule unu Hibulu, mu ubheye bhe unu kai. Mu uko,³“mobu nye Juu, umu bhe bhe me li Tasos amuzhio li Silisha, momudhi jine iye buli eke ulam li uko Gamelee. Uzhi bhe me iye jokajoka, mamajo ibeakpa oloko mu emene idaye. Unukuma me upapa li ye basali li Ebilikpabi, ujimu bhele bhele yo izhi dhie nom tam. ⁴Mosotama ichakpam mini tutu udhuma ne enwuu magatu ukoma li unyoma li iyabha ama gawe bhe ime ikoli. ⁵Zhipom emene ishi osoeja li emene elohuua unwe bhe ike li ukaloshiwe, menweta okpalawhu leka bhe li uze li uweji emene nwana mu uzhio bhe li Damaskos, amu odokpuya bhe Jeluselem ozu li iyabha kp’emele mutawe bhe bhebhe akuku.⁶Mabazhio li uze ize mezhi who uzedhu Damasikos, li echi eye ume eten eke usamali uubuzoli li obioma mu ugbakoshie adhi mezhiya. ⁷M’ada li ele monujio u-li ukani me solu, soluu nde ye isonime osola?' ⁸M’asala, “ibuwina, nyenweme? Mukanyo me, “mobu Jisos mu Nazaleti, nyemu isodhe osoya'.⁹Emenemu uzhikeshibhe me unyetu bhe ubuebi echiya buto uwota bhe uli nyemu ukponye me ekpoya ¹⁰M’a ako, “nde iye m’emela, nye nweye? Mu nyenweye ukanye me. “le mu ikade Damasikos. Li adhiya okuni kpo bhe yo bu bhele bhele iye yo eme” ¹¹menyento dhem adhi iyedoni echi mu ubie ya usamali asamali bhaka, emenemu uzhikedhie bhe me uduwho bhe me buli eka tutu udhuma Damasikos.¹²li adhi ya mozu dhijo uduke uwhu bhe Ananayas, onwunye ukwalishi ike lime oloko, emene Juu mu ubo bhe li adhi ya uke abhe ewauma. ¹³Mu ujakedhieme, munuzoli adhimu mezhie ya, mu uko “Nwana solu, natu ekpeleniyo” li ekele neten, m’eweje la.¹⁴Mu uko Ebilikpabi mu emene ida ye olotule yo kp’emele mu imaji echiche ya, lu iweji Nye umaya mu inuji uli ubuzoli li unya. ¹⁵Ebu obu nye ekibo ya li ukani bhele bhele madegede iye iweji mu inujo ¹⁶lumom isejini ela? Le muu iwumini, mu isawo. Kpo bhiyo yo mu iwhu li ewaya.'¹⁷Maba yosalime Jeluselem, zhikpu mezhi li udhio edhio mu unebhe me unyetu adhi. ¹⁸m’ewejela kpu Kanyeme me enwenwa mu ibuzoli li Jeluselem, iyedoni ndeke anatobhe iye ukalashiwe yo li iye basali lime.”¹⁹mako, “nyenweye, bhe we umaji bhe bu meshi emene muu uwheda webhe li yo li ikoli am okodhi whu bhe iye li bhele bhele ulu ukpeni. ²⁰li ekele mu uwasabhe ubala nye ekibo yo, stibin, mezhikedhi emene ulugbo bhela; me ezhibhe l’ozu, me menyeshike kappa emene mu ugbu obhela ya”. ²¹Buto mu ukanyo me, kaze iyedoni modula yo bu igbu ukani uto bhaka igbu emene Jentali.”'²²Mu kpeke kpo bhe ete tutu ukakpo iye uka bu aka. Buto mu ugbabuzo we bhe uli bhe m’ukabhe “nama ni nye zhikpo we li uwa, iyedoni uda adho bu uzhi budu” ²³uba zhie bhe li uchi dhi ikpu, uyogama bhe kappa bhe aukpotu bhe usaza li ele awhoshi bhe l’olu, ²⁴mu nyishi use adhi ya ugbocho bhe bu ulawe bhe polu udo-egbegbo ya. Mu ja bhe bu uju abhe ajuju li ekele ula bhe iye, kp’emele mu ya we umajitu iye doni mu uwhoshidhe bhela kpe.²⁵Uba keshi kpobhela edhi, mu polu ukanye nyi ulumu unuzo dhie l’ukwu ya, oloko uwhe bu ilo nye ula lomu iye ela aanye aka kpe bhene ikpe?" ²⁶Nyishi emene ulum uba nujo iyem, mu uzekedhio nyeshi unyigi adhim mu ukanye la kpom “emedhiom ibu iyela? Iyedoni nyem ubu nye ula lome.”²⁷Mu nyishi unyi ujo li ujua “ kanim, ibu nye ula lomula? Mu Polu usala “Eee.” ²⁸Mu nyeshi unyeke adhi ujo mu uko mubu nyeula adhim li ekele mowhu kpo owayi ubueke. Buto mu polu uko “Mu ubhe me kpom unwo umuluwo ula lomu.” ²⁹Mu emene ulowe bhe li ujua ajuju, usabhete bhela ekali umem, Nyish useadhim out le otogwu li ekelem umajo bhe bu Polu bun ye ula lomu, iyedoni, ekeshi kpole edhi li eka.³⁰li eyem usoya, mu nye ishi unyi adhi uwudhiga li umaji iyem ubo ishuka li iye basali li ukagidem emene Ju ukagide bhe polu. Mu kuma bhela edhi le ka mu gboja emene ishi osoeja li bhele bhele emene uchiechi bhu unwe bhe unazhi. Mu yawe bhe polu mu udo bhete bhela li eche china bo bhe.

Chapter 23

¹Mu Polu unye shienye libemu emene uchiechi uzhi ebela m’uko, “Emene nwana, me belem li ununu Ebilikpabi li obu uma tutu udhuma dhie tam. ²Mu nyeishiosoeja ya, Ananaya ugboja emenemu uzhio bhe li unuzo li ukwu eliya bu ul’abhe eka l’unu. ³mu Polu ukanye bhe “Ebilikpabi ole yon bu eka yo emene ekudho usagboya- ewe Inazhi dhie ya ubuli ugomu oloko mu ikpeweni me kpela? Aubu jine bu ulo eka mu iloni me bu iye oloko ososo”⁴Emene mu unuzo bhe li ukwu eli ya mu ukanyo bhela “ombu kpu kaja nyishi osoeja Ebilikpabi la? ⁵Mu polu uko “mamejem, emene nwana, meni ubu nyishi osoeja iyedoni abhamale bhe ekatashie emene uchi emene ayo.”⁶Polu uba uwejo bu emene lime emene uchiechi bu bhe emene saduci, udo emene ubuji bhe ne emene Palisi, mukala li eke uwhu, Emene nwana, Mobu nye Palisi, mobu dhiwhu unwo nye Palisi, ubukpom ubu iyedoni menwe ubheshi anwa li ulele emene unwulu bhe onwulu mu ikpeme ni ikpem” ⁷uba kama om, usunwali li ime emene Palise li emene Saduci, igwe emene ya ekaele ja libo. ⁸Iyedoni emene Saduci ukabhe bu ulele li enwu uzhee emenu uzhi obioma uzhiebhene, uwamo uzhiene, buto emene palisi unweji bhene bu bhele bhele out iyem bu uzhi bhem.⁹kpom ubo kpeye mu ogbo madegede uwhudhiwo adhi usunwali e-mene ubhabha udhu bhe li Palisi unuzo bhe mu ukashi dhi who bhe ike, “Aweje iye bhiyo iyebhiyo udukemu ume” Emajile ubule bu uwa-me, ubujene nyuzhi-obioma bu ukponyi lema ekpo?" ¹⁰Eke ikake uba kadhema who mu nyshi useabhi mu utuotogwu bu alashi budu ya, mutu abhe li ike adhini emene uchiechi uzhiebhe ya mu gala bhe udo egbogbo ya.¹¹li ila mu uso ya, mu nyenweye unuzo li ugbono mu uzhie ya mu uko, “Nwe ukwali unukuma, kpom inwe ike li unweni me eka ibo li Jeluselem, ya bu kpu enwenime ekibo li lomu."¹²Eye uba bolio, mu e-mene li Ju, ugbadhie bhe uzuzu, mu ukwato bhe bhushi mu uko bhe bhu ndeke ba edhie bhidhi, ba nwone mini edhie bhidhi, ba nwone mini tutu bhu agbuma ne Polu. ¹³Emene mu ugba bhe uzuzum akamale ugwu ibo.¹⁴mu uze kedhio bhe emene ishi osoeja li emene elowha mu ukanye bhe “ye akwatu kpele bhushi li ugwe unwu mini tutu agbuma ne Polu. ¹⁵Kpomu ubokpeye, li umom, emene uchiechi ukuni bhe nyishi unyijiadhi bhu ugaya bhe adhi mu izhieni ya, uzhi kpom bu ekeni bu ikpe ya joka joka. Ubulu ye, ye ajikele li ugbua mu badhu ma who ujeja yya li adhim.”¹⁶Buto mu unwo ukoma nwana unyoma polu unujimo iyem zebu usekedhie bheya ubu lime oyika, mu uzo mu ukpudho li udho egbogbo ya mu ukanima Polu. ¹⁷Mu Polu uwhuo onwunye lime emene ishi ulu mu ukanye la, “ Lawe unwe ukamam adhimu nyishi unyiji adhi uzho, iyedoni unwe iye adhakalasha adhakalashi."¹⁸Mu nyishi-olu ya ugato unwo ukoma ya mu ugala la adhi mu nyshi use adhi ya uzhio, mu ukanye la, "Polu nye ikoliya uwhu me bu meja, mu uzhieme bu maga ya unwo ukoma adhimu izho unwe iye adhakalashi yo." ¹⁹Mu nyishi use adhiya udotu ola léke mu ukadhe bhe adha uwoli owoli mu ujola, übu iyela iwudhiga bha adhakalashime la?"²⁰Mu unwo ukoma ya uko ëmene Juu ewhedawele bhe li ukani yo li ulawe Polu adhi muu emene uchiechi sele auzhi kpom bu ukpe bhe ikpaya joka joka. ²¹Ewhe iyemu akabhe ya iyedoni akamale bhe ugwu madegede ibo uzhi bhe li ukwana zhi li edhi lishi li Polu Akwa kpole bhe eka akwa kpele bhene bhushi li ugwe udhi bhidhi li unwu mini tutu ugbuma bhe, li umom useji gbodhi who bu uwheda we yo"²²Mu nyishi useadhim usa bhete bu unwo ukoma ya bu ukadhe ekemu ududhiga kpola udu, Ëkanye onwu nye onwunye Zebu ekanimale me ogbo iyem" ²³Mu uwho emene ishi ulu ibo mu ukanye bhe "Gonu emene ulu emene ulu dhiugwu ujikele bhe ukadhe Sizaliya, bheliemene ugba bhe inyanya auzhidho bhe ugwu-ito li dhi, Emene echi zedhi wh'ebhe bu emene umoji bhe achuwa uzhi bhe dhiugwu. Ebuzoli ni bu li nazama dhi ogubhe li unu ila." ²⁴Ugboja dhiwhu bhe bu ulowe bhe onuya aaPoluagbawe kp'emele mu udhuma adhi mu Nye-uchikata, Pelics uzhio.²⁵Mụ ụbha ukpalawhụ kpọm: ²⁶"Kalodos Lishas, ụkpalụwhụ ubhani nye uchi-ẹchi, me te yo abidhị. ²⁷Ụdukem ụbụ nye emene Júú ụmotu bhẹ, uzhili ujikele bhẹ l'ugbua-ogbu ekele mu-eze adhịya mẹ li emene ụlụ, m'adọkpẹwẹla, kpọm mọwọtọ menyi ubu ny'ula Lome.²⁸M'owudhiga umaji iyedọni mu ukagide bhela, m'aalawela eka emene uchiechi bhe. ²⁹Moweji meni ukagideabhe li iye ụbạsạlị li oloko bhe, butọ uzhiẹ iyẹ-iyẹ ukabhe bu umeme audhiwha enwu li ikoli. ³⁰Mu udakalashiọ bhẹmẹ zebụ uzhi uzuzu ugbu-ogbu uzhi bhe li ọgbagide udhumu, kpọmu ụbokpẹyẹ li umenẹtẹn, m'odugashiela li ẹkạ yo, makanijẹnẹ emene mụ uzhiọbhe lị ukagide zebụ ụja-bhe ẹkạ yo mu ukaloshiwẹ bhe iye ume. Awẹjịtạ."³¹Kpọmubọkpẹyẹ, mu emene ụlụ uyishie bhe ugboji bhe mụ ugonye bhe Pọlu mụ uyạwe bhela li abali mu udushiẹ bhela li ẹka Atipatilis. ³²Eyemu ujoya, emene li ogbo emene ụlạ uya ubhete bhe emene mụ ugbạbhe inyanya bu ụnazhi kedhia bhe, mu bhewe uyosạlie bhe udho-egbogbo ya. ³³Ekelemu emene ugba iyanya udhumabhe Sizaliya,mu une bhẹ gobano ukpalahum, mụ anaga dhiwho bhe Pọlu ekaya.³⁴Ekelemu gọbạnọ ugudhie ukpalawhum, mụ ujọ igbu Pọlu ubụzọli, uba wụwẹjo bu Pọlu bụ ubuzoli li Silisha, ³⁵mụ ụkọ, "Mọnụji kwa yo bu li ekele emene ẹkagide bhe yo ụjạle bhe adhim." Mụ ụgbọja bhe bu ụbhe-abhẹ li ishi-ula uchi-echi Hẹlọdi.

Chapter 24

¹Eye ise ubagamo, mu Ananaya nyishi osoeja li emene elowha li eze-ekpo udhim Tatulos uzo bhe adhi ya. Emenem uja ya bhe bu li ukagide Polu li ununu Gobina. ²Polu uba nuzo li ununu Gobina, mu Tatulos ubido li ukaja mu ukanyo Gobina “Lishili yo ye anwe eke uyodhu, unyetu adhi yo uyawe egede. Ugbanwo agbanwo li igbu aye. ³Kpom ubo kpeye ye akela yo meka, ye anatu dhiwhu bhele bhele yo ime whuto nye uchi-ubueke – Felis.⁴kpuemele mu agwa umekpa dhi yo eli, modhio yon eye egwuma yo li ukpeni ye ete ntiko. ⁵Iyedoni ye awu ejile meni udukem ubu atashie adhi. Yabu nye ume mu bhele bhele emene Juu adhi adhi uzhito bhe li eluwa li unuzogide Gomet. Yawe ubu nyeudu ukpukpu emene Nazaleti. ⁶Uwudhiga dhiwhu li udhuma udho ukpeni kpom ubokpeye mu amoto la.⁷Buto lisiyas, nyeugbakpo mujao mu umonato ye like ⁸Uba jashio bhe emene mu ubushie bhe uka bhu uja kedhi bhe yo, ekele ijukwale Polu iye basali li ukam, ewota ke bu ogbo iyemu uka bhe bu umeme. ⁹Emene Juu udashi dhi whu bhe eka li ubushi ukaya, bhe ushibhe eka bu ogbo iyem uka bhe bu polu ume me bu ishiuka.¹⁰Ekele mu Nyeuchikota uba wenjo Polu eka bu ukpo ekpo, mu Polu uso, mowota mene li ekele uto ogbo ebule nye ukpeikpe ogbo ebule nye ukpeikpe li eka igbum, kpomu ubo kpeye mokowa ke bu elime li ekpema neten. ¹¹Inwe ike li uwota zebu ukaka dhi eye li eye ibo kpu meze le adhi ukpenyi li Jeluselem. ¹²Ekelem unyeto bhe me li udho ukpenyi, meka dhi shemu onwunye onwunye ikake makpa nwadhi whom ne ogbo madegede auzhi bhe li ulu ukpeni li ime eke-ula. ¹³Ndeke enwe bhe ike li utugoshi bu ogbo ubushi ukam ubushie bhe me, bhu bu ishiuka.¹⁴Buhuito mowudhiga ukaloshiwe ni yo omu, uzhikpom uwho bhe eka-ogbo li ewheka neten, ya bu kpu m’ekpenyi we Ebilikpabi, Chiemene Idaye. M’ewheda we bhele bhele iye uzhiwhuto li oloko li jine bhele bhele iye emene agbama ubha bhe. ¹⁵Menwe ubhenwa lime Ebilikpabi ujimu emenem unwo bhe, ze bu nyuma li nye ishike elekpo bhe bu kpai li enwu. ¹⁶kpomu ubo kpeye, meshi dha li ugbake ukpo li ube budu utu ikpe li ununu-Ebilikpabi li madegede.¹⁷Otutu ala ubagamo mejo li une igbu aye iye unene li jini uso ya eja. ¹⁸Ekele mezhio li umeom e-emene Juu ubuzoli bhe li Esha mu uwejo bhe me kpu me zhi li omenala usama eli lime udho ukpenyi, m’ezhi kedhiem emene ogbo, m’emem ne iye olowe uwhu. ¹⁹Udadhu bu emenem bu unuzo bhe li ununu yo li umom mu ukoshike bhe me, ubule bu unwe bhe iye akadho bhe li ukam.²⁰Agama jene kpeye unzo bhe mu ukaloshi bhe lime me li ekelem monuzo li ununu emene uchi echi Juu. ²¹Gama bhu bu gbo iyenetem maka losho li ekele mu mezho li unuzo li echina bo bhe “ubu lishili ulele li enwu ume mu ukpe bhe me ikpe li tam."'²²Mu Pelis nyemu umajikwa iye ubasali li ibe akpaya udabhete gedhe unuji ukani mu uko ekele Lisiasi nyeshi emene unyiji adhi ujale li Jeluselemu, am kpebe uka yo” ²³Mu ukanyyo nyishi emene weu ya bu ushishi bhe Polu lime ikoli, buto bhu ene abhe uwedhini kp’emele mu emene nwuja unyeshi ka bhe enye.²⁴Eye ila ila uba gamo mu Pelis linwenya Dolisila nyemu ubonye Juu uyo bhe mu uwho Polu li unuji iye basali li uwhetu zhi lime Jisos Kalasi ²⁵Ekelemu Polu uba Kaloshiwe kpo iye basali li umeyite, li umojike eli lijine ujeja ikpe, mu uko, kaze gedhe l’umom Ekele new le ekele, am whuyo.”²⁶li ekele neten ubheshi anwa bu Polu bu ena owayi igele, ya bu iyedoni uwhudhia kpeye li ukponya ekpo. ²⁷Ekele mu alaibo ugama who mu Poshosi Pestusi ubuwho Gobano kpomu Pelis ubuzoli mawho, buto Pelis uwudhiga Jine bhu anweta umanwishi li eka emene Juu, kpomu ubokpeye mu ubheteke dhio Polu li ikoli.

Chapter 25

¹Lumom mu pestosi ukpudho li igbuya, eye ito uba gamo, mu ubuzolo li sisaliya mu uzo, Jeluselem. ²Mu emene ishi osoeja li emene ulo bhe ewa li Juu uyawe bhe ukagide akakide bhe li adhi Polu uzhi mu uju shie bhe Pesitosi uje- ³li ukanye bu umebhe iye uwudhigabhe li adhi Polu-uzhi bhu uwhu abhe li Jelusalem, iyedoni ujikele bhe li uwolinya lime imuya mu ugbuabhe li ichakpa.⁴mu Pesitos uso bhu Polu uzhili eka emenen Sisaliya, ya weji akadhom bu adhiya li ugwe utashi ubhe. ⁵”kpom ubokpeye” mu uko, “emene unwele bhe ike ukadhe kedhi bhe ye. Ubule bu uzhi iye uyobhiyo lime udukem, aitugbo shikeni."⁶Pesitus unazhika eye isato li dhi eye mu ukadho sisaliya, li eye musaya mu unazhio li agida ikpe mu uko bu uyawe bhe Polu. ⁷Ekemu ubadhumo, mu emene Juum ubuzole bhe li Jeluselemu unuzo obhe, li ugwushi dhiwha lishi iye emene emee. ⁸Mu polu ukowake eliya mu uko “makaa tashem oloko emene Juu, matashi dhiwho ne audho ukpeni. Matashene oloko Sisaa.”⁹Buto Pestoshiuwudhiga umanuishi lika emene Juu kpom ubokpeye mu usa Polu mu uko “Iwudhiga uze Jeluselem la kp’emele mu mkpe yo ikpe li ye basali li ogbo iyem la? ¹⁰Mu Polu uko “munuzo li ununu agida ikpe Sisaa adhi mowudhiga meni ukpe bhe me ikpe. Meme ye shemu emene Juu, zhikpom yo, imajoni.¹¹ubule bu meme bhiyo ubule bu meme iye udadhuni me lunwulu, ndeke makaa egbom me. Buto ubule bu ukamu ubu shie bheme ubo ishuka ndeke onwu nye onwunye agatudho me mu ugashi ni bhe. Medhio Sisaa. ¹²Pesitos uba kponima who emene uchi ekpo, mu uso “edhio ma whole sisaa.”Ekadhe keshi kpowhu bu sisaa!”¹³Otutu eye ubagamo mu Eze Agilipa li Banici ujakedhio bhe Sisaa li uja kedhi Pestosi odhio nyudu. ¹⁴uba nazhio bhe li adhi ya li otutu eye mu Pesitosi, ukaloshie uka Polu li unuji onuji Eze, mu uko “uzhi uduke Pelis ubhete li ikoli li adhim ¹⁵li ekelem mezhio li Jeluselemm, emene ishi osoeja li emene elohua emene Juu uyawe bhe udhukem mu ukazhee bhe iye uka bhe bu umeme, mu ukwanye bhe bu ugbu abhe ogbu. ¹⁶Masa bhe menyi ubo umenala emene lomu li ugbu onwunye onwunye li ugwe unuji iye ya we aka.¹⁷Kpomu ubo kpeye, ekelemu ujo bhe uwadhi, mesijikem eye mu usoya, manazhio li agida ikpe, ma kanyio bhe meni uyawe bhe uduke ya adhim. ¹⁸Ekelemu emene mu unuzogide bhele unuzo bhe, uzhie iye iye uka bhe utugoshi bu uduke ukpa agwa bhiyo. ¹⁹Iyebu bu uzhi ugwe uwota uwota uzhini bhe li iye basali li ukpeni bhe li onwunye uwhu bhe Jizoz aunwuluma who onwuluma, mu Polu ukake dhio buzhi budu. ²⁰mamajem kpu udo kwake ukam, kpom ubo kpeye, mojola ubule bu ejikele li ukadhe Jeluselem li unzo li ikpem.²¹Buto ekelemu Polu udhio bu ubhe bheya li udhoo ikoli tutu nye empele ukpe be kpo, makanye bhe menyi ubhette abhe li ikoli tutu nlawa eka Sisaa." ²²Agilipa ukani Pesistos “m’owudhiga unuji uli udukem” mu Pesitos uko “lisele ekpe bu ete liye aka.”²³kpom ubo kpeye li eyem ugoya mu Agilipa li Banisi uja ya bhe li ukpu ubueke; Bhe li emene kappa igbo lijine emene ulo bhe ewa li eke-ula mu ukpudho bhe li ulu ya. Pesitos uba ko uka, mu uya we nye-ebhe Polu. ²⁴Mu Pesitos uko “Eze Agilipa, li li bhele bhele emene izhini li adhim weji ni udukem, igwu emene Juu uwhu bhe me li Jeluselem li adhim dhiwhu, mu uchishi ebheme ikpu, bhu udukem bh’ebedhe budu.²⁵Mowueji menyi uka me iye uda adhu bu unwulu-u. leuto iyedoni adhioma whole Empelo, m’ekpe b’o li ula wa eka Empelo. ²⁶Buto menwe mu iye iye bu jail iye ma bhani idanwudho me. Lishili iyem, ma ya we nye yo, auka ibe Eze Agilipa kp’emele mu new iye menwe ike li ubhashi gba liye basali li ukam. ²⁷Iyedoni upia uwotake kpo kpu me maya we jini nyeikoli li ugwe umaji ke iye ma bhe meni umeme."

Chapter 26

¹Mu Agilipa uba kanyo Polu “ka whola” Mu Polu ugbate eka mu ukowa eliya. ²Eze Agilipa moto obuu li ukowa ke ogbo ubushi ukam emene Juu uubushio bhe me. ³Auka ibe ibu nye umaji kwa omenala li ajuju emene Juu kpom ubo kpeye modhio yo kaite obu li ukpenyi me ete.⁴. Legede, bhele bhele emene Juu umaji bhe kpu me bele budu li igbum li Jeluselem gonuto li uzodhu me kpomu nye uzhile ugwo.⁵. Umaji bhe me gontu li ubido ubule bu ewhedawe ke bhe zebu me be budu kpomu nye Palisi ogbo umaji kalikpo bhe li omenala li ukpenyi ye.⁶. Lumom monuzom ubu li ikpe iyedoni Ubu. Ubheshi anwame li ogwe gba mu Ebilikpabi une emene idaye.⁷. Ombu ogwegbamu dhi ekpe li ekpe ye ubheshi ebhe anwa li ekpe ye ubheshi ebhe anwa li unatu li ukpenyi Ebilikpabi lio-bu neten li abali li eye, ubudhiwhu li ubheshi anwam eze, mu Juu ukatashi dho bhom.⁸. Iyelado mu igweni uwhe bu Ebilikpabi utema nye-unwulu onwulu li enwu la?⁹.Ledege, me we menye kpom meni menwe ike li ume out iye li umegide ewa Jisosi nyemu Nazaleti.¹⁰. meme om li Jelusalemu meshi otutu emene egwele Ebilikpabi li ikoli gontu li ugbakpo enweta li eka emene nyeshi osoeja; ekele ugbule ebhe amadaji eka li ukagide bhe.¹¹. Matabe akuku li otutu ekele lime ulu-ukpeni, ama okpojike bhe kpeme mu ukatashi bhe egede ukpenyim. Uwudhuma me uubu eke li adhi uzhi bhe mosota bhe mini ame chi bhe. Tutu ugbawulu bhe igbu ukani uto.¹². Ekele mu mezhi li umedhiom, meze Damasikos li eke manatu kpo ike lieka emene Ishi oseja,¹³. Li ichakpa, li echi eye Eze, mewejo usamali unwu-loshi li obioma ausamalika elanwu awhoko li adhi mu me li emene. Uze kedhie bhe me izem¹⁴. Abadakpo li ele, monu jo uli kpu ukanyo me uka li unu emene Hibulu “Solu Solu isomime iyela? Unwe akenye liyo li ukpo uko li adhi igwu uzhi.'¹⁵. mako, “Ibunwina, idanwudho?” mu idanwudo uso, “mobu Jisos nyemu yo isoso. ¹⁶. L’umom nuzo li uko yo; lishili echiche mu olopiye yom, li ulotu yo kpemele mu ibu nyeuzhi li nye ekibo li ukaloshiwe ogbo iyemu imajo me mobu obu lumom ligine out iye. Motugoshi yo li ekele luja.¹⁷. me modo kpuwe yo li eka emene Juu li emene Jentaal adhimu modushie yo menize.¹⁸. li ukpuma enye bhe, li ugbanwo bhe mu ubuzoli bhe li igelenyi mu udhuma bhe usamali; mu ubuzoli bhe li eke Ekpensu, mu ukpudhu bhe li eka Ebilikpabi kp’emele mu unato bhe usabheteni bhiyo li ekpe m’ene emene usamali bhe li uwhetu lime me.¹⁹. Kpomu ubokpeye, Eze Agilipa, momuzo gide mu uzhi obioma; ²⁰. buto makani emene mu uzhie bhe li Damasikos li unuzu li emene uzhi bhe li Jeluselem li emene igbu Judiya, lijini emene Jenitaa, meni uyosali bhe munatu bhe Ebilikpabi, mu ukpabhe agwa utugoshi emene uyosalibhe oyosali. ²¹. Lishi iyem mu emene Juu umotu obhe me limu dho ukpenyi mu uwudhiga bhe li ugbu me.²². Kpomu ubokpeye me enwetale mu ushieka ubuzoli li eka Ebilikpabi tutu udhuma jene tam, m’onuzo li ukaloshi iweni umeledhe li unukuna iye basali li ogbo iyem emene agbama –Mosis uka bhe bu ada²³. Zebu Kalasi bu odhu bu uya, iyedoni ya we bu ule le li enwu aunuzu, akaloshiwe bu usamali li adhi emene. Aya uzhi bhe lijine adhi emene Jentali uzhibhe.”²⁴. Polu uba kakpo iye uka ba aka mu Pestosi uka li uli ubueke, “Polu, idhu idha eke umudluye you me we yo ishi”²⁵. mu poli uko, “Modhomu idhaa Nyeuchikala Pestosi, maka loshi we dhom bu uliekpo ishuka li jail ikpe.²⁶. Iyedoni eze maji kpodhi ogbo iyem, yabu iyodoni maka bhe li li ugwe uso enye, mamaji kpom uzhie iyeye uwuoli owoli li adhi uzhi; umebhe iye li ukwu.²⁷. “Iwheda wenyi emene agbewala, yo eze Agilipa? Mamaji me ni iwheda we ewhedawe”²⁸. Mu Agilipa ukanyo Polu “li ekele ntikom ewudhiga majilene li ume we me nye-uchize Kalasi? Yabu iye iwudhi gala?²⁹. Mu Polu uko “modhio Ebilikpabi, umashi bu liekele ntiko ubujine li ekele uto ubu gbo yo neteni, buto ogbo emene unujito bhe uliekpom li unume tam uzhi bhe kpomu me; ezhi je bhene li iyebha ikoli mu mezhom.³⁰. Mu eze unuzo mu nye govano li Banisi unuzo dhi who bhe, lijine emene mu uzhi ebhe li unazhi kedhi bhe ezhi.³¹. Uba buzole bhe li ulu ya, mu ukanyi tadhi who bhe “udukem uka me iye ye udadhu nya enuu, ubane ikoli” ³². Mu Agilipa ukanyo Pestosi, “aba nemale udukem unwe eli ubo bo iyem udho mawho Sisaa.”

Chapter 27

¹Ubakpebhemawho bhe bu awhola Itili, mu ushiebhe Pọlu li emene ikoli ya li eka ny'ishi kapa igbo amu uwhobhe Julos amu unazhi nyo nye-eze. ²M'awheto ugbomini li Adalamitom amuko ba aweshi ukwu olimini Esha. Kpom ubokpeye m'awhola olimini. Alisitakos nye Tesalonika li Masidona ye azekata.³Eye mu usoya m'akpedoli li eke ula Sidon, adh imu Julos uguonye Polu egwuma, mu unela ugbe bu uzekedhi emene nwuje ya mu unyeshika bhe enye. ⁴Gontu li adhiya mu ye awesho li olimini, nye udu ye bu Li, amu ubuzole li Saiplos, ulamu uzhie uzedhu li ibe-ele-mini, iyedoni uwele ukadhe-akadhe. ⁵Aba weshimawho olimini li ugama Silisha li Pampilia, m'adhumo Mila, eeke ula li Lisha. ⁶Li adhiya mu nyishi kapa igbo ya uwejio ugbo-mini li Alezandala auzhi li whula Itili. mu ushie-ye li ugbo ya.⁷Aba wholazo ntiko-ntiko li eye utu-ogbo m'adhumo ugbono Sinidos li odowu eke odowu uwhedhe bu adhumagba ibe yaa, mu ye awholaze dhiwho ike Klete, li uchishi ununu Salmon. ⁸Uwhola-owhola ye ubu l'ime eke odowu, tutu adhuma adhi uwhubhe Peya Havini, amu zhio li ugbono eke ula lasiya.⁹Ye atashiwho ekele-ekele. ugwe unu emene Júú agamadhiwhule, utudhiwho otogwu li uwholazediwho, mu Pọlu udhodhi bhe eka li ete, ¹⁰mu uko, "Umunwana, me wejimeni igaze olimini olowe umekpeli, iye owulu bhe bu owhulu li ugbomini, buto budu maduegede." ¹¹Buwhuto ny'ishi kapa igbo-ya ụnye gbo enye bu li adhi mu idanwudho li jine nyemu unweo ugbomini ya, uzhie iye ukama utu iyemu Pọlu uka ya.¹²Iyedoni unwe akenye li maduegede li unazhi li unoshi ya li ekele okidhika, otutu emene uwho bhe ugbo udu ebhe bu uwho gama li bhe li adhiya, ubujine bu enwe ike li uwhodho eke-ula Poniksi, mu adhizhi li ekele okidhika ya. Poniksi ubu unushi li Kelete, auchishi ununu li igbu ele-ibida, lijine olu ibida. ¹³Li ekele uwele igbu-ele ubido li uwhedhiwho, ntiko-ntiko, emenemu uwho bhe ugbo ya ugbe bhe bu anwe iye uwhudhigabhe mu ubhoshibhe iyeabha li mini, mu uwholazedhiwho bhe ibe Kelete, li ugbono oshi.¹⁴Li ekele ntiko, mu eke uwelewho, mu mini udo li ibe-ela ya. ¹⁵Li ekele mu mini udekatamawho ugbo-mini ya, ugbo uwhọladhodhe ununuu, awhodhe amana uwelazedhi who ye kpeye. ¹⁶Mu awholagadhiwho ibe-ela ntiko mu odowu ekeke uwhobhe Kayuda, li akenye mũ anweta egede ugbo-mini.¹⁷Uba bubuzo bhe ugoni olu, mu ugonyobhe edhiya li ukwashi li eli ugbo-mini ya. Utu bhe otogwu zebu ba gbadhu li ikpu uga mu uzhio li Silitis, muwhubhete iyabha li olimini mu ugbalazedhiwho bhe ntiko-ntiko. ¹⁸Awepiye bu eke odowuya li eyemu ụsọya ubhoshi zewhobhe awhulu iye uzhi bhe li ugbo li mini.¹⁹Li eye ubhuwe bhitom, emene mu whobhe ugbo ugoniwhobhe bu eka bhe li uwhao awhulu iye uzhi bhe li ugbo.²⁰Li ekele mu elanwu li ipipienye ugwewho unue li uzukpulu eye, mũ ekemini udeshikedhi who ye, ye anwedhe ubheshi anwa ube budu.²¹ubha kadhe zedhiwho igbu kani uto li ugwe udhi bhidhi, mu Pọlu unuzo l'ime emene mu uwhobhe ugbom, mu uko, "Umunwana, ubule bu ikpeni meni ete, ikaa whomalioni li Kelete, otu iyem utadho uba tadhio bhe. ²²...²³Li abali selem, nyuzhi-obioma anwu Ebilikpabi mekpenyo - nyeuzhi ya unuzo li adhmonezho ²⁴mũ ko, 'Eto otogwu, Pọlu. Enuzo bu li ununu Sizaa, aiweji Ebilikpabili uguma ya enele yo bhelebhele emene mu uzhikedhio bhe yo li ugbo.' ²⁵Kpomubokpe, nweni unukuma ukwali-akwali, bhelebhele yọ! motukwashi Ebilikpabi ekpema meni adagbo bu kpu ukanyile me. ²⁶Buto awhola gani ubu li adhi enwe udhu bhaka li ibe ibe-elam."²⁷Abalimu ugbuwe dhi li bhino, mu ubadhumo ma adhumo olimini Adiliyatik, li echi abali, mu emene owho ugbo unyo-bhe zebu bhadhumadhiwhon bu ukwu ele. ²⁸Uchizedhiwho bhe bu ekpo mini li udhuma adhi ugbo li okpu, lijine adhi mini udhuma who ukpunuko. ²⁹Utu bhe otogwu ze bu akpo li igwe, mu udobhete bhe iyabhe ino li ele mini, mu ukpedhiwho bhe bu adhi uboliwho.³⁰Emene uwho ugbom li uwhudhiga bhe usabhete ugbom augbadhe bhe ugbo-budum l'ime mini auchebhe-eche li ubhoshi uchi iyabha li otu. ³¹Buto mu Pọlu ukanyo ny'ishi-emene-ulu ya li emene ulu, "Gama bu emenem unazhi bhe l'ime ugbo, ndeke enwem uwgawe." ³²Mũ emene ulum ukebhe bhe edhi-ugbom mu uselebhe li ugbo.³³Kpom adhi ubha bolizewho, mũ Pọlu ubha kunikebhe bhu udhibhe bhidhi. mu uko, "Tam, ugbuwe who dhi eye li eye inọ izhim li unyeke enye eka dhieni bhidhiṅine-ṅine. ³⁴Kpomu ubo kpeye, modu yọn, mi idhini bhidhi, iyedoni om bu ugawe yọ. onwunye-onwuye l'ime yọ ndeke onwulo. ³⁵Ekelem ukama who om, mu ugonyo bhidhi mu ukela Ebilikpabi li ununu bhelebhele bhe. M'ubha keto bhidhim, mu udhio.³⁶Mũ unweta bhe ujaja mu udhiedhiwhobhe bhidhi bhe. ³⁷L'ime ugbo ya, azhi bu maduegede dhi-ugwu li ugwu-isu li dhi li bhise. ³⁸Ubadhikpowhobhe bhidhi joka-joka, mũ ume bhe mũ ugbo unwe uweli ekelemu ubhawo ubotu bhidhi li olimini.³⁹Ubadhuma who eye, ugbudhi shiebhe ele ujii, mũ uwejo bhe owu uyulu li ikpu uza, mu udhodhodhi-whobhe ubule bu bhayishi ugbo li adhi ya kpeye. ⁴⁰Mũ uboshiebhe ụchị iyabha li olimini. Mũ ugbotebhe edhi-amana, mũ ugbabuezowe bhe ukadhi-uwele; mũ uwheta bhe adhi mũ ikpu uza zheya. ⁴¹Mũ ugbo-ya uwhoto li uza owu mũ ukpoto-ukpoto li ele. Mũ unu ogbo uyisho li adhiya mũ ugwe kadhe dhodhe, mũ ishi ugbo ujimalo li ugbakpomu ụbuzolo li eke odowu ya.⁴²Echiche emene kapa igbo-ya ubu li ugbulukpo emene ikoliya kp'emele mugwe bhe ugwuchikpo. ⁴³Buwhuto nyishi ulu ya uwudhiga ugawe Pọlu, mũ ukasho echichem ude bhe; mu ukanyo emene unwe bhe ike li ugwu mini l'umada bhe li mini mugwu kpeli bhe oloko. ⁴⁴Emene ugwaliwhole bhe auchiyawhobhe gontu li ibe ushi, li udo otu iye ubuzo li eli ugbo. L'ibe akpam, mũ bhelebhele ye adhuma oluko li udo.

Chapter 28

¹Ekelem ye akpoda kpowho li udo, mu ye awoto bu ibe-ele ya udhini Malita. ²Emene ula ya ugwoni bhe ye jali eguma, autoshibhe echi li unali ye iyedoni mini ude li ukayi ukadhe-akadhe.³Ekelem Pọlu ukpagbete kpo utani mu ugbashe la echi, mu ogwo uwalosho li ekechi ya autakudhi li eka ya. ⁴Li ekelemu emene ula ya uwejobhe ogwom kpuzhile li uwedhigadhi li eka ya, mũ ukanibhetadhiwhobhe, "Udukem bu ogbụmadu l'egede amu unweta ugawe l'ime olimini, ikpe udadho una ebube."⁵Buwhuto mu ukpagamala mũ ukpawoshela líme ẹchi, iye-iye mela. ⁶Lũ sejikedhiwhabhe ubujene li ubuda mũ-unwunlu. Buto uba sejobhe li eekele, ubudá, mu uwejobhe bu iye-iye melaa, mũ ugbanwo bhe obu bhe mũ uko bhe unuke bu chi.⁷Uzhibhe ogbo ele uzhi bhe uzedhu a eze nwula ya unwe, ewa eze nwula ya dhini Poblos. Mũ unabhete ye auneyeteye uwo eye itọ. ⁸Ida Poblos uzhidhijine unana, iyedoni ewhegele uwhela, ugadhiwhu eke uzudho. Ekele Pọlu uzekeshela, mu udhionela edhio, uba dajola eka li eli mu ugwolaeli ya. ⁹Om ubadamawho, ogbo emene mũ udhabhe eli li ula ya muujakpobhe adhi ya, mũ unwhetadhiwhobhe ugwo-ogwo. ¹⁰Emene ula ya ukeshi bhe ye iye utogbo li eka eso. Li ekele mu ye aka meni awhomawho, une bhe ye ogbo iye akwani.¹¹Iwolu itọ ubagamo mu akpodho li ugbo unazhi li ibe-ula li uwhulu owoni ya, ombu ugbo Alazandila, unushi bhe li ugboya bu "chi-ibọ." ¹²Aba dhuma eke ula mu Silakoos, m'anazhio eye itọ.¹³Abuzolimawho li adhiya, ma awholawho, ula-ubekemu Lejiomu. Enyemu usoya ubadhumo eke uwele-uwo, li eye ibọ mũ adhumo eke ula Puteyoli. ¹⁴Li adhiya ma awejo ubotu emenenwana uwhu bhe ye bu anazhikedhi bhe eye isabo. Yabu kpu ayoya li Lomu. ¹⁵Li adhim emenenwana unuji bhe l'iyebasali li ye mu-jobhe li adhimu zho li aya Apiyos ligba okpega ito. Ekele mu Pọlu unyeto bhe emenenwanam mũ ute Ebilikpabi meka mũ umojikewho unukuma ya.¹⁸¹⁶Aba dhuma Lomu, mũ Pọlu unweta unwe eli unazhito aya, ya li emene kapa uchi mu unyejikebhe ya. ¹⁷Eye ito ubagamo, mu Polu uwhugbedho emene udu Júú l'ime bhe uba jabgado bhe uwadhi mu ukanyo bhe, "Umunwana, umasho kpomu menmemu iye-iye utashi omenala emene idaye, umotu bhe me kpomu nye ikoli li Jelusalem mu sekpushebhe me li eka emene Lomu. Ubajudhiga kpobhe me ajuju, mu'wudhiga kpo bhe bu asabhete me eka, iyedoni uwejebhe iye ogbuni bhe me.¹⁹Buto ekelemu emene Júú ukatashobhe iye ukwani bhe, modhio Sizaa, ubujiene bu makatashwho emene igbu aye. ²⁰L'ishili iyem, kpomubo kpeye, mũ owho yọni kpu emelen kpom yọni ekpo, kpom ubo l'ishi ubheshienwa Izeleli mezhe li iyabham."²¹Mu ukanyo bhela, "Emene Judiya ubhanye bheye ukpalawhu li iye basali yo, onwana-onwana uyanẹ li umakalashi ye uli-bhiyo li iye basali yo. ²²Buwhuto, ye awudhiga li unuji li unu yo iye yo igbe li iye basali li uzugbanimu, iyedoni ye amajimale meni maduegede li bhelebhele adhi ukagidabhe-akagide.²³Ubha bheto ma bhe eeye onuji bhe iye aka, mu emene utuogbo ujo bhe adhimu ubeo, mu ukanyo bhe ukam mu ukaloshiwe iye basali li Ele-Eze Ebilikpabi, ugbake li ukaloshiwe Jizos li uli oloko Mozis li ã-emene agbama gontu li oyukwe tutu dhuma ila. ²⁴Mũ ẽmene uwhedawebhe iyemu uko, eemene whedaweje bhe nee.²⁵Ekelemu unu obo bhe nine, mu nyezhina ukadho liekele Pọlu ukakpowo uli ekpo: "Uwa Egwele ukashike gontu li uliekpo Aizaya, nye agbamaamu ukanyo emene idayo, ²⁶muuko, 'Kadhe mu ikani emenem, "Li unuji enujini bu onuji, buwhuto ndeke ewetani, li uweji ewejini bu eweji, buwhuto ndeke enyetukwani.²⁷Iyedoni, ekpema emenem eshilimale, unujiwe bhe ete bhe iye,ekpelenyi bhe okpolimale. Unyetuwedhebhe l'adhi, unujiwebhene ete bhe iye, uwotawebhene ekpema bhe iye, mogwo bhe bu ogwo."²⁸Kpomubo kpeye, majini bu ugawemu Ebilikpabi bhu ozutale emene-obobhe-Jùù, ekpeji bhene ete li uliekpom. ²⁹Ụbakakpom, mu emene Júú ukadho bhe, usugbudhi tadhiwho bhe.³⁰Pọlu ube bu uwhulu ala ibọ li udho mu ube ya, ãunatu bhelebhele emene ujakedhiwhutabhe. ³¹Aukpozedhiwho ama eleze Ebilikpabi, auzhidhiwho iye basali li Nyenweye Jizos Kalaisi li ugwe utuogwu iye-iye ugbo bishela.

Romans

Chapter 1

¹. Polu, unwoloyi Jizos kalaisi, uhubhe bu-ubu nye-uzhi mu (kwateabhe) uzhi-uma Ebilikpabi, ². amu yawe- whetuo gonitu li –emene amumaya li ukpalahu egwele ya mu-ba dhumom, ³. aukpani unwomaya amu-buzolio li ekpe (Debidi) Gonutu li okoli⁴. gonutu li uwam uzhie-egwele ukaloshiwabhe Gonitu li ugbako bu-bu unwom Ebilikpabi Gonitu li uteli li enwu Jizos Kalaisi Nyenweye ⁵. Gonitu li-yawe ma nweta umanuishi li ubu-nye uzhi auwhedawe li-uwhetu li-uwalogbo, Gonitu li ewa-maya ⁶. lime uwam logbo, ohulebhe yoni bu-ibuni emene Jizos Kalaisi⁷. Gbele-gbele emene zhibhe li- (lom), emene Ebilikpabi Gwushi-ogwushi mu hubhe bu ububhe emene zhibhe egwele, Otuizhi zhini-ye li uyodhu amu-ubuzolio li Ebilikpabi Idaye li nyenweye Jizos Kalaisi.⁸. Au-nuzu, mete- Ebilikpabi me meka gonitu li Jizos Kalaisi li ishi-yo, iye do uwhetu-yo ukaloshiabhe li uwa li-ogbo. ⁹. Ebilikpabi ubu-nye ekaibo me, nyem mobo nwoboyi-ya gonitu li uzhi –umanu unwa-a, am-me-wheshinidhio-yo anwa zukpulu ekele. ¹⁰. Me-shidhia li – ukpeni zukpulu ekele, kpaga uji-uji ubuto gonitu kpumashie Ebilikpabi lu-ja uweji – yo enye.¹¹. ugume li uweji-yo kpaga mu-nne-yoni ubotu (une-ne uwa-Egwele), kpaga mu – ikeshini-ike ¹². Ombu, mowudhiga mu-akaiteta-obu Gonitu li uwhetu yo li amee.¹³. limom mowudhigam meni yo igweni umaji, umunwana mani-mowudhiga uja mba yoni enye kpaga nnweta ubotu ukpulu-ushi li imeyo dhihu, kpom ujim menwetao li-udo emene obubhe emene Juu (Gentali) ¹⁴. mekaja Emene (Giliki) li emene ize ugwo, ushikatabhe emene majibhe –iye li- emene dabhe ishi. ¹⁵. Kpomubokpe, ubule me, mejikele ukani yoni uzhiuma li- yo emenem izhini li- (lom)¹⁶. Uzhiumam utuweme iwene-e, iyedo yabu ukpakpo Ebilikpabi li udokpewe nye-nye wheda wele, emene Juu li uzu li emene (Giliki) ¹⁷. iyedo li-imeom, umeite li ununu Ebilikpabi wokwalie Gonitu li uwhetu Galaga uwhetu, kpom ujim ugbamabhe, nye umeite ebewe bu uwhetu.¹⁸. Iyedo uwudhuma Ebilikpabi buzoli obioma le- megide ugweumaji Ebilikpabi li ugwe umeite maduegede gonitu li ugweumeite ukpupidhiebhe ishiuka. ¹⁹. Ombu iyedo out iyem umajiobhe basa li-Ebilikpabi ulokwalinibhe olokwali, iyedo Ebilikpabi emekpolema mu dobhe enye.²⁰. Iyedo (uzuta-ozuta ya – anu- yeawejie enye) li-uke-ewa, ugbakpo- enwe ugulu- ogulu Li-uzhi egwele-ya, enyetu kwakpolebhema, Gonitu li ubhem ukpobhe uwam, ahawashi-kpolebhema, li otu-iyem ukpuobhe. Kpom ubuokpe unatu-ike uzhie. ²¹. Ombu- iyedo, amashi kpom umajiebhe Ebilikpabi, unebhela utubuzo-obu kpom Ebilikpabi ubune mu-neabhe ukela. Iyeobukpe, udabhe bu-ishi li ugbe-gbebhe, mu ekpemabhem enwe agwu-gwu-ushi uyuluka li igelenwi.²². Bhe kabhe bu amaji – iye buto udabhe bu ishi ²³. Bhe ugonibhe²⁴. kpom ubuokpe mu Ebilikpabi unebhe bu ekpema uchi-enye Li-iyem ezhibhe- usamali, kpagabhewe udhumatabhe eli ²⁵. Ombu emene ugbanwobhe ishiuka Ebilikpabi mugawa bhe oyika, mu-kpenibhe, mu ukpenibhe iye ukpubhe okpu iyeobu Nyem ukpo uwa, nye mu uwokwani zhinio uguwali unu-wa. Uzhikpe.²⁶. Ombu iyedo, Ebilikpabi nebhe echichebhe agwa-bhiyo, unyomabhe ugbanwobhe bu unawe dhukata ukoma li unyoma mu ugbanwo li iye odhukata. ²⁷. Li – ibeakpanetenya ukoma dhihu usagbetebhe bu unazhikata unyoma buto uwulubhe bu unawete bhe-bhe. Ombubhe ukoma ukpabhe agwa- otobhe iwene bhe li ukoma ibebhe, mu – unwetabhe li udhuma-okpolibhe, uhu-ugwo udhukatanibhe li ugwe umeke okashimibhe.²⁸. iyedobhe uwudhigabhe bu amaji Ebilikpabi li uchebhe, mu negbe echiche ume bhiyo, li- bhe umebhe out-iyem odhukata.²⁹. iye yulubhe bu zukpulu-uji ugwe umeite, ekpema – biyo, ekpeleni ike li uzhidhita ekpo, uyulukabhe bu li osozu ugbumadu, usugadhi, unagbo li-echi-chi biyo. Udhodhiule uka-ozu. ³⁰. ukajashi nwani-ibe, eme sobhe Ebiilkpabi, ukpadhiwe ibe umu-u, ububuzo eli olu, eke-ede-e, uchi-ichakkpa ume-biyo, bheukposonibhe idabhe li-inabhe ete. ³¹. unwe-bhe agwu-gwu-ushi, unwe-bhe uwhetu, unyetobhe madu ibebhe, unwebhene otuizhi.³². Umajikpbhe oloko Ebilikpabi, bu emene melebhe out-iyem wheshibhe enwu. Ubonekpom neten bu-umegbe otu – iyem, bhe ushibhe-eka bu- emene mebhe otu-iyem mekebhe joka.

Chapter 2

¹. Kpom-ubokpe inwe-e unatuike, yo nyeikpe, iyedo ikpem ikpeno udowunye,ikpegideyaa bu- eli-yo. Iyedo yo nyemu ikpo ikpem imedhihu bu-otu- iyeda. ². Buto amaji meni Ebilikpabi kpe ikpeya bu-li-ishiuka li-oge ikpe dakwashile emenemu umebhe otu-iyem³. Buto kagbashi upia li-om, you maduegede. Yo nyemu ukpo emene mebhe otu-iyem ikpe amashi bu-yo imedhihu otu iye ya. Ekemu igbanatudho ikpe Ebilikpabi-la? ⁴. Ubune igbegboto now nchiko iyekpani udaeze egwumaya, uhu-ugwobiyoya ubuo li- ezhi, li ukaite umaya- la? Imajiebu egwumaya udabhu meye mu-ayosali-li-biyo la?⁵. Buto ubukpu igbamoni ekpema li ugwe uyosali udo bu-ibhetetoni (eke - uwudhuma) li-eye-ikpe, ombu eyemu ukpe-ikpe Ebilikpabi olokwalio li-ishiuka. ⁶. Ohunwosa bu bhele bhele madu ugwo kpu eka ugbolobhe zhile. ⁷. Emenemu ukaitebhe-ekpema li-umekedhi iye-uma uwudhigabhe-a bu (utubuzo-olu), eso li- ugwe ume-bhiyo, yawe ene bu budu-enwe ugulu-ogulu.⁸. Buto emenemu uwudhigabhe iye abadhunibhe, emene okposhiete ishiuka, buto ekpenibhe ete bu ugwe- umeite, (eke uwudhuma) li eke (ekpema- ike) ⁹. Epilikpabi Olowe (bu-ugbe uta-ahuhu) li- umekpeli ezhini uwa maduegede mabhe-biyo, emene (Juu) li uzu likata emene (Giliki)¹⁰. Buto utubuzo olu, eso li uyodhu ezhikedhi nye-nye mele iyeuma, emene Juu li –uzu li-emene (Giliki) ¹¹. Iyedoni Epilikpabi ikepeya chini-echini. ¹². iyedo emene emene umelebhe biyo li-ugbem oloko ezhie atadhuwebhe-ewe buo li oloko, emene melebhe biyo li oloko, ekpewebhe ikpe bu li oloko.¹³. iyedo ubuo emene ujibhe oloko umeitebhe li ununu Ebilikpabi buto emene umebhe iye oloko ka bu emene ekpedumabhe li ikpe. ¹⁴. Iyedo emenemu amajebhe Ebilikpabi, enwebhe oloko, Gonitu li imebhe ubhetelebhe oloko, bhe butu bhe oloko, anashie bu- nwebhe oloko.¹⁵. Om tugushi bu iyem ugbubhe li-oloko bu iye umebhe ugbashiabhe li-ekpemabhe. Obubhe zhinibhe li-ekibo, ugbe-gbe bhe udashibhe ikpe ubune tushibhe ikpe. ¹⁶. likata Ebilikpati. Om emezo bu eyem Ebilikpabi ekpe ikpe iye bhele bhele madu mebhe li uwodi, kpu uzhi-umane kale li-ime Jizos Kalaisi.¹⁷. Buto ubule bu ihueliyo nye Juu mu idabeni li oloko mu-ide-idee lime Ebilikpabi ¹⁸. Mu imaji echicheya, mu iwhedawele iye manu-amanu iyedo yakpu oloko kale. ¹⁹. Mu-ubule bu emajile buibu nye-udu emene enyetubhe adhi, echi emene zhibhe li-igelenyi ²⁰.nye uzhi-ezhi emeneishi, nye uzhi-zhi umeledhe kpaga mu iwota li oloko agwugwu –ushi li ishiuka, ndekpom kpotuyoeka kpu-ibedhi budu la?²¹. yo nyemu uzhio udoemene, izhie eliyo e-ela? Yo nyemu uzhio bu-ozuobhe ugbu izugbula? ²². yo nyemu ikao bu ozonye Gadhi-uga, yo igadhi ugala? Yo nyemu so ukpeni iye uchibhe echi, ikpeni udo uji-iyela?²³. yo nyemu udide lime oloko, igwee uyi Ebilikpabi eso li ugwe ubue oloka la? ²⁴. iyedo ewa Ebilikpabi (ukatashiabhe) li “adhi emene Gentali zhibhe li ishi yo” kpom ujim ugbagbela.²⁵. Uwhauma abadhuniyo bu ibala ubule bu ibhe oloko, buto ubule bu ibunye ebhe oloko, uwhaumayo ugaho bu-ugwe- uwhauma. ²⁶. ubulekpom, nyem awhauma ubhete oloko, ugwe uwhumaya ndeke enyetuobhela kpom uwhauma e-ela? ²⁷. Ndeke nyemu awhabhela uma ukpoli ekpeyo ikpe ubule bu –ubhe oloko la? Ombu iyedo inweni olokom ugbabhe li-uwhauma, buto yo ibheni oloko.²⁸. yawe b iye Juu aubu nye asaga; ubuone uwhauma aubuto auokpoeli. ²⁹. Buto yawe bu-nye Juu auzhidho ezhidho li-ime, uwhaumaya bu amu-uwhabhe ekpema li-ime uwa, ubo amu ugbabhe li ukpalahu. Upadhiwe nyezhikpe ubuzoli leka maduegede buto leka Ebilikpabi.

Chapter 3

¹. Nde ibala emene Juu nwebhe la? Nde ibala uwhuma la? ². Ubu-iye bueke li zukpulu ibe-e li-ubido ukwatebhe emene Juu Ukaloshi iye basali Ebilikpabi.³. Ubule bu emene Juu Unwebhe uwhetu e-ela? ⁴. Tu- ume obuo kpe. Iyeobu kpe udoweji Ebilikpabi zenye ishiuka, amashi bub hele-bhele madu bubhe emene oyika. Ujim ugbamabhe, “kpaga mutugeshibe bu imeite emei-te li unuekpo-yo, kpaga mu-eke ugbakpoya lokwali li-ugbe ikpe.⁵. Ubule bu ugwe-umeiteye woweho umeite mu Ebilikpabi, nde iye ye-akala? Ekem akakpom meni Ebilikpabi, nde iye ye-akala? Ekem akakpom meni Ebilikpabi mekejoka li uwudhu uma li-adhiye azhi-la? ⁶. Obuokpe tu-ume! Ubule kpe, nde-uji Ebilikpabi ekpe uwam ikpela?⁷. Buto ubulr ishiuka Ebilikpabi gonitu li oyika-me muloshi we ebule, iyelado mu ukakedhibhe mobu nye biyo-la? ⁸. Iyele-odo muyo igweni ukadhihuni, kpom ujim ukatashiebhe-ye, mu-ubotu ushiebhe unu bu –ye bu aka “Ngwa ma meni biyo kpaga mu iyema ulo? Ukatashi-bhe umanu amanu.⁹. Iyela? Awudhiga unama eliya la? Ubuokpe nine-nene, iyedo adashimale emene Ju li Giliki ikpe, bhele-bhele bhe meni ububhe emene umeye’ ¹⁰. ombu kpu-ugabhe: uzhie nye meite emeite, onwunye onwunye zhie.¹¹. Uzhie nye-nwe uwota iye, uzhiene nye wudhiga umaji Ebilikpabi. ¹². Bhele bhele madu akpawulukpolebhe. Nye nwe ibala zhie. Uzhie nye me-uma li-imebhee, uzhie, ma onwunye.¹³. Ekidhibhe bu ili-gwudhi ebhe. Idhobhe anagbolegbe. Ize-ogwo zhi idhobhe ¹⁴. iye yulu unubhe bu ogolowo li unubhiyo.¹⁵15. Edenukobhe kpo-enwa li-uwosa ubala ¹⁶. Utashi-iye li udhu-uya uzhi li ichakpa-bhe ¹⁷. Emenem Majiebhe ichakpa uyodu. ¹⁸. Otugu Ebilikpabi zhiebhe li eli¹⁹. Li-umom amaji meni iye-iye oloko kale, ukaniom bu emenem uzhiebhe li ukpudhu oloko. Ombu kpaga zukpulu madu ukputebhe umu, mu mojike uwalogbo li ukakpu umelabhe li ununu Ebilikpabi. ²⁰. Ombu iyedoni ushie nye akabhe bu emeitele gonitu li ubhe oloko li ununuya. Iyedo oloko uluwe umaji iye bu umeye.²¹. Buto li umom uwugamabhe oloko, umeitem ubuzo li Ebilikpabi olokwalile. Oloko li emene amuma gbaghe ekiboya. ²². Ombu Umeite amu Ebilikpabi gonit li uwhetu li Jizos Kalaisi auzhini zukpulu emene whedawebhe.²³.Bhele-bhele madu emeyekpolebhe ebube Ebilikpabi zhi- ikishi li-adhi uzhibhe. ²⁴. Umeitebhe bu – ewe gonitu li – umanu – ishi buzoli udokpewe uzhie li Jizos Kalaisi.²⁵. Ebilikpabi lowe Jizos Kalaisi Kpoom ukpe uyodhu gonitu li ubalaya utugoshi ikpe chini-echini li ulowe Jizos Kalasi kpom osoeja iyedo ugwutodhe emeye uga-agah. ²⁶. Li ukaite-umaya. Out- iyem udaniom mu- utugoshi umeite ya li ubhem. Onubu mu tugoshi umeiteya, li utogoshi bun ye nye whedawele li Jizos Kalaisi bun ye Umiete.²⁷. Nde adhi edem zhi la? Anamalebhe-ma. Gonitu li olodouji oloko la? Au-ugbolo la? Au-ugbolo la? Ubuo, buto gonitu li-oloko uwhetu. ²⁸. Akpebie Kpom meni maduegede emeite Gonitu li uwhetu, ugbolo oloko shiela.²⁹. Ubone Ebilikpabi bu Ebilikpabi emene Juu neten la? yawe ubudhiho Ebilikpabi emene Gentali e-la?. ³⁰. Ubule li-egede, Ebilikpabi bu nine, emenemu uwhabhe-uma Gonitu li uwhetu ogonibhe bu kpom emene umeite li emene awhabhe- uma gonit li-uwhetu.³¹. Akaho meni oloko zhiedhe Gonitu li uwhetu la? Tu-umeiye zhikpe obune! Obukpe amojike oloko.

Chapter 4

¹. Nde-uji ye akala meni (Ebalaham) idakaniye li-okpoli, uwejila? ². Ubule kpom bu- (Ebalaham) umeiteya bu li ugbolo, ubanwe iye eme mu de-ide, buto ubabo li ununu Ebilikpabi ³. Ukpalahu egwele kakpala? “Ebalalam whedaweni Ebilikpabi mu ugutuniabhe kpom umeite”⁴. Li umom kpom nye me ugolo, iye umeloshile ugutubhela kpom iye ukeshi, buto kpom ugwo umojiabhe. ⁵.Buto nyem eme ugbolo buto iye obukpe unwe bu uwhetu li- ime nyem umo emene amajiebhe Ebilikpabi mububhe emene umeite. Uwhetuya ogutulebhema kpom umeite.⁶. Dabidi uwokwanidhihu nyemu Ebilikpabi gwuto bu umiete emeite li-ugwugama ugbolo. ⁷. Mu-ka, uwokwani zhini emenem Ebilikpabi sabheteni umeye mu ukpupidhio umeyebhe. ⁸. Uwokwani zhini nyem Ebilikpabi ogutuo umeyeya.⁹. Kpom uzhiom uwhokwanim uzhinigbo emene whabhe uma-neten sa emene awhabhe uma ya la? Iyedo, Ebalaham ugutuniabhe uwhetu kpom umeite ¹⁰.Nde kpu ugutuniabhe la? Ombu muba whauma sa kpom uwhakpo-uma la? Ubuo kpom uwhkpo uma buto mubawha-uma.¹¹. Enebhe Ebalaham uwhauma kpom iye ugbu-eji li upishieka li umeiteya Gonitu li-uwhetu li-ogem aka-whauma. Ombu mumewabhe ida bhele bhele madu whedawebhe buto uka-whabhe uma, kpaga mu ugutunibhe-bhe kpom umeite. ¹². Yawe budhihu ida emene whabhe-uma, ubuto bu-uwhabhe uma, ukadhebhe ize li edenuko uwhetu amu-idaye Ablaham mugba wha-a uma.¹³. Iyedo uwhetunibhe Ebalaham li ekpeya bu edhitubhe bu uwam li-ekpe ubuo gonitu li oloko buto Gonitu li umeite buzo li uwhetu. ¹⁴. Ubule bu emene bewehbe oloko obubhe emene udhi-ekpem, uwhetu bu iye tadhu-ewe, edhi-owomuya unnzoke. ¹⁵. Oloko uyawe bu eke uwudhuma buto adhi oloko ezhie, uda li oloko zhiene.¹⁶. Ombu- iyedo Gonitu li-uwhetu, kpaga edhi-owo udabene li umanuishi mu-ubu iyye udhuni ekpe Ebalaham-ubugbo emenem ushiebhe lime oloko buto bhe li emenem uketubhe uke li-uwhetu Ebalaham. Yawe bu ida bhele-bhele ye. ¹⁷. Kpom ujim ugbabhe, “Mu lowelem yo kpom id aula tuogbo” Ebalam zhi li-ununu nyem utukwashi obu, ya-bu Ebilikpabi, nyem umo nye nwulu onwulu nwe budu, mumo otu iyem ezhiebhe mu uzhibhe.¹⁸. Li ugbeshi-obu, yawe whedawe lime ugweubezhi- obu, li uba-ida ula-tuogbo Gonitu li-iye ukanibhe “bu-omkpu ekpeye ezhie”.¹⁹. Li-ugwe ume mu uwhetuya uzhigidhie, ugutu eliya bu onwulule (iyedo eweni udhi ugwuala -ise) li-uwo sala ushiedhe adhi ezhigba li olu.²⁰. Buto Gonitu li iye Ebilikpabi whedawenia, Ebalaham ukpolaozu li uwhetu. Buto iyeobukpe unuzoshi-ike li-uwhetuya mune Ebilikpabi utubuzo olu. ²¹. Yawe maji kpom bu iye Ebilikpabi uwhetule, bu-emezo bu emezo. ²². kpom ubuokpe, om ugutuniabhe kpom umeite.²³. Buto otu-unuekpom ugutuniebhela, ugbaniebhela li ishiya neten. ²⁴. Ugban dhiwlobhem bu ye ogutundhi whubhe bu ye emene awhedayeli ya nyemu utema Jizos Nyenweye li enwu. ²⁵. Ombu nyem unebhe li-ishi biyo ye mu temabhela li-enwu mu-meye magwe-unwe idakpe.

Chapter 5

¹. Kpom ubuokpom buye agwe (unwe idakpe) bu Gonitu li uwhetu, Ebilikpabi ye azhi li uyodhu Gonitu li Nyenweye Jizos Kalaisi. ². Gonitu li –ya mu ichakpa gbemalinieye li uwhetu lime umanuishi ye anuzo, idaye bu li ubheshiobu (ebube) Ebilikpabi.³. Ubuo omneten, buto ade-ide lime umama, amaji meni umama ulowe (ukaite obu) ⁴. Ukaiteobu ulowe bu agwe, agwe ulowe bu ubheshiobu ⁵. ubheshiobu ulowe iwene iyedo ugwushim Ebilikpabi owushilebhema li ekpemaye gonitu li uwa egwele mu unebhe ye.⁶. Iyedo kpom ekele udhukata-ọ l'ekelem yakatanweni eliyee, Klais unwulu ẹnwu l'ishili emene-enwebhe-otogwu-Ebilipkabi. ⁷. Iyedo ukeike mu onwunye banwuluni nye umeite, amashie ubotu onwunye new-ike li unwulu lishi nye-uma.⁸. Buto Ebilikpabi utugushi ugwushiya li adhiye-ashi, iyedo oge-ye ashikedhi lime umeye, Kalaisi nwulu li-ishiye. ⁹. Auka kpe, li umon kpom ye anwedhe idakpe gonitu li ubalaya, yawe odokpewe –ye li eke – uwudhuma Ebilikpabi¹⁰. ubule bu ogeye abu emene ubheni-egbaya, bu enwu unwa ukpe uka Ebilikpabi ye, aukakpolibhe, kpom ukpemabhe uka ya li ye, ye anwe ugawe bu- li buduya. ¹¹. Ubugbo-om-neten, buto ye ato-obu li Ebilikpabi Gonitu li-Nyenweye Jizos kalaisi nyemu ukpe ukaye¹². Kpom ubuo kpom, bu gonitu li onwunyeneten mu biyo kpudhio lime-uwam, li ekanetenya mu enwu kpudhio, mu enwu zutakpo bhele-bhele madu gonitu li-umaye. ¹³. Tutu oloko ba lowhuo, Umeye shimawho li-uwa, buto ugwubhetebhe umeye kpom oloko ezhie.¹⁴. Amashiekpom ushieye, enwu uchi Gonitu li Adam dhuma Mozizi, amazhiene bu emenem emebhe umeye ukposoete kpom Adam, nyemu bala nyem uzhie li uja. ¹⁵. Buto ukeshiya uzhie kpom umeyeya. Ubule bu Gonitu li umeye onyunye me madu tuogbo nwuluobhe ituwashiela li umanuishi Ebilikpabi unene gonitu li umanuishi nyemuya, Jizos kalaisi, ezhini otutu emene.¹⁶. Iyedo unenem zhie kpom iyemu daloshie li umeye onwunye neten. Ikpem-ya bu li umeye neten mu-buyawo idakpe, buto unenem uchidhize bu otutu umeye ukpeduma. ¹⁷. ubule bu gonituu li umeye onwunye-neten, mu enwu zhio gonitu li nyeya, manumahu emenem unwetabhe umanuishi tuogbo li unene umeite ubese li budubhe Gonitu li onwunye, Jizos Kalaisi.¹⁸. Kpom ubuo kpom bu umeye onwunye neten ubuyani bhele bhele madu (idakpe), kpom ubuo-kpe gonitu li agwa umeite mu utuikpe li-budu zhinio bhele bhele madu. ¹⁹. Iyedo gonitu li ukposoete onwunyeneten mu otutu emene buobhe emene umeye, ujim uzhieya gonitu li ukpete-ete onwunye, emebu otutu-emene nwebhe umeite.²⁰. Oloko ulonio mu umeye tuogbo, Buto adhi umeye tulogbo, umanuishi tuogbo kama- kpe. ²¹. Om umeneo kpaga, ujim umeye buyawe enwu, yakpu umauishi ayawe umeite uyawe budu enwe ugulu-ogulu gonitu li Jizos Kalaisi

Chapter 6

¹. Aka kpala? Azhike li ume umeye mu umanuishi yuluka la? ². Tuume obokpe. Ye emenu anwulunio umeye, iyelaodo mu abekegba li-imeya la? ³. yo imajineni bu ogbo emenem uwushilebhe mini li-ime Jizos Kalaisi nwushiebhe miniya bu li-ime enwuya la?⁴. Ulikatabhe ya li-ye Gonitu li uwunini li- ime enwuya. Om ubuo kpaga, ujim utemabhe Jizos Kalaisi li enwu li-ebube Ebilikpabi, kpaga mu-ye anwike li ukadhe ize li budu uwuu. ⁵. ubule bu ya li ye abule iye li-iye satu enwuya, ya li ye abudhihu iye li uteli –li- enwu.⁶. Annaji kpom, (Okpoeli)- ye ukpogide kata ya li ye kpaga ukoli umeye tadhu-ewe om ubuo kpaga magwe ubunigba umeye ulu. ⁷. Nyem unwulo ukaloshibe bu umeite emeite li ubeakpa umeye.⁸. Buto ubule bu ye li Kalaisi anwulukata, awhedawe kpom meni ya li ye abedhi ⁹. Amaji meni ujim utemabhe Kalaisi li enwu, ndeke onwulodhe udo, enwu nwedhe utuka li adhi uzhi.¹⁰. Iye kpani enwum unwholo li-ishi umeye unwulu bu nine –neten li-ishi bhele-bhele madu. Kpomushieye budum ubeo, ubeni bu Ebilikpabi. ¹¹. Li-ibakpa neten, gutun eliyo bu anwulinile umeye, buto izhini Ebilikpabi budu li Jizos Kalaisi.¹². Kpom ubuokpe, ewhe bu umeye utuka li okpoli ye kpaga mu ikpeni uwulu eto uwam ete. ¹³. Eloweni eliyo li ume biyo, kpaga mu gonibhe yo li umene iye biyo (Amanuo amanu). ¹⁴. Ewhe bu biyo utuniyo uka. Iyedo ishieni limi oloko, buto li umanuishi.¹⁵. Aka kpala la? Ameho biyo iyedo azhie lime oloko, buto li umanuishi la ? Tuume obukpe. ¹⁶. Imajie kpom bu ilowele eliyo kpom ulu ebuni ulu bu nyem ikpekeni ete la? Ebuni bu ulu umeye amu yawe enwu ubune ulu ukpe-ete amu yawe umeite.¹⁷. Buto utemika zhini Ebilikpabi! Iyedo ibuni ulu umeye lewelewe, buto Gonitu li ekpema yo ekpeleni ete li uji uzhi-ezhi azhiyo. ¹⁸. Emelebhe bu umeye ezhiedhi li imeyo emele bu-ibuhoni ulu umeite.¹⁹. Mo kpo okpo kpom maduegede iyedo okpoeli yo da-ogboso. Kpom ujim ilowe eliyo li ubu-ulu iye-eshie usamali li ugwe ugbe oloko, amu lowekedhi ugwe ubhe oloko tuogbo, li elaneten, loweni eliyo kpom ulu umeite li uzoshi edenuko egwele. ²⁰. iyedo ubemu ibunioni ulu umeye ibuonye umeite. ²¹. Li ubemu-ya, nde uji ukpulushi inwu autueweyo iwene li umom la? Iyedo otu-iyem ubuya bu enwu.²². Buto kpom umbhe mu eliyo zhi sasala li umeye, mu ibuho nye-ulu Ebilikpabi, ukpulushiyo ezhiho bu-egwele om ulowe bu budu enwe uguluogwulu. ²³.Uwhugwọ umeyeshi bu enwu, buwhutọ ukeshi Ebilikpabi bụ budu -enwe- ugwul'ogwulu

Chapter 7

¹. Umanwaname imajieni (mokpone ekpom bu emene majibhe oloko), oloko unyiji maduegede li nyeya zhi li ube budu ela?². Iyedo unyoma gbomale –egbo oloko eyebhedemale izhiaya li budu, buto izhia nwulule, oloko ebho mojieedhela. ³. Kpom ubuo kpe ubule bu izhia zhi budu, udhe- bekedhile udo-ukoma, auwhutabhe nye ugati Buto ubule bu izhia nwuhele, oloko mojiela, kpom uzhieya ubuo nye ugah ubule udo-ukomaya ya ubedhibhe.⁴. kpom ubuo kpe umu-nwana-me enwulunimaleni oloko gonitu li-ime Kalaisi. Ombu kpaga mu udonwunye yo ibuni nwinie, yabu yo li nye mu-utemabhe li enwu, kpaga mu anwe ike li unwuni Ebilikpabi inah (ukpulu-ushi). ⁵. Iyedo ubem abe-budu li okpoeli, ute-ekidhi umeye, aubuzo li oloko, uzhibhe li ugbolo li imeye li unwuloshi ukpulushi enwu.⁶. Buto li umom Odogama – lebhe ye lime oloko. Anwulinimale out biyom uyuluka lime ye. Ombu kpaga mu-amenia ugbolo li-uwa uwhu ubuo kpom amu-ukanim ubuo oloko.⁷. Nde iye akaa kpom uzhiom la? Oloko yawe umeye la? Tume-obuo-kpe. Ubule bu oloko zhie mabamajiem umeye. Iyedo mabamnajim ugoni iye li ekpeleni ike, ubule bu oloko kakpom, egoni iye ibeyo li ekpeleni ike.⁸.Buto umeye ugoni uwedhini buli oloko, mu lowe ekpeleni ike li meme. Iyedo ubule bu oloko zhie umeye ba zhie.⁹. Uzhi ubhe me bedhibudu oloko zhie, buto kpom oloko lo, mu umeye zhie budu, muo nwuluo. ¹⁰. Olokom udawedho uyawe budu uyosali mubuni we enwu.¹¹. Iyedo umeye ugoni bu uwedhinim uzhie li oloko mu unagbo me. Gonitu li oloko mu-kpeshieme enwu. ¹². kpom ubuo kpe (oloko) zhie egwele (commandment /oloko) uzhie egwele, umeite li umanu-amanu.¹³. kpom ubuo kpe iye manu-amanu buniwho me enwula? Obuo-kpe. Buto umeye kpaga mu-tugushibhe bu-bu umeye, ulowe bu enwu li ime iye manu-amanu, li gonitu li oloko kpu umeye lokwali bu-ya yobhiyo enwe utuashi ¹⁴. Ye amajin oloko bu-iye kpani uwa- madau buto mezhi li okpoli. Edheshimalebhe me umeye kpom ulu.¹⁵. Iyedo out-iye meme mowotakwabhe. Iye mowudhiga ume, memem, out-iye musoso bu-ameme. ¹⁶. Buto ubule meme bu iye mowhudhigam ume, me whedawe meni oloko umanu-amanu.¹⁷. Buto li umum ubuodhe me-meme otu iyem memedhieya, buto umeyem ube-budu li imeme. ¹⁸. Iyedo mamaji meni li imeme, yabu okpoli-ime, iye-iye manu-amanu zhie li-imeme, buto me-melagadhom.¹⁹. Iyedo ubule bu-umam mowudhigo ume, me-mem, buto biyom mowudigam bu ameme. ²⁰. Li-umon ubule meme bu-iye mowudhigam ume, ubulekpe ubuodhe me-makpadhi out agwa biyoya, buto ubuhuo bu umeyem ube-li-imene. ²¹. Kpom ubuo kpe meweji olokom: ubule maka meni meme iye uma, biyo meya azhie.²². iyedo ekpema tome-li-unu li-ime – uwame, li olokom Ebilikpabi ²³. Buto meweji udo oloko li imeme. Ulushi-ulu bu oloko uwam uzhie li-ime, obu-me. Ogonile oloko umebhiyo omojikeweleme²⁴. Mubu nyeagba! Nde-nye odokpeweme lime enwula? ²⁵. Buto ukela zhini Ekpilikpabi gonitu li Jizos Kalaisi Nyenweye-ye kpom ubuo bu-mebhe olokom Ebilikpabi gonitu lime obu-me kpom-uzhieya, iye-tuka li okpoeli me bu oloko umeye.

Chapter 8

¹. Kpom ubuo-kpe li umon idakpe uzhinie emenem uzhiebhe li Kalaisi Jizos ². Iyedo oloko Uwanebudu li Kalaisi Jizos eneleme uwedhi li-adhi oloko umeye li enwu zhi.³. Iyedo iyem oloko enwe-ike li-ume iyedo uda- Ogbogo li okpoeli, Ebilikpabi ume. Udugashi bu unwa li usatu okpoeli, Eblikpabi ume. Udugashi bu unwa li usatu okpoli, umeye bu-ubu osoeja umeye mu dashie umeye idakpe li okpoli. ⁴. Umenie-om kpaga mu meso iye oloko wudhiga li imeye, ye emenem azodhe edenuko kpu-okpoli wudhiga buto kpu uwa-egwele wudhiga. ⁵. Emenem ubehbe budu kpu-okpoli wudhiga ushibhe obubhe bu-li iye okpoeli, buto emenem ushiebeli uwa(egwele) shibhe obubhe bu li iye uwa (Egwele)⁶. Iyedo emene shibhe obubhe li okpoli bu enwu buto emene shibhe obubhe li uwa (Egwele) bu budu li uyodhu. ⁷. Obu ushiebhe li okpoeli bun nye-egba Ebilikpabi, iyedo ubete oloko Ebilikpabi ubone mu-nweike li umedho kpe. ⁸. Emenem mu ushiebhe li okpoli nwebhe ike emebhe iye mashi Ebilikpabi⁹. Uji-Uji Ubuto, yo Izhieni li okopli buto li uwa (Egwele), ubule li-egede bu uwam Ebilikpabi belimeyo Buto nye-nye enwa uwam Kalaisi, nyeya buo nye-aya-a. ¹⁰. Ubule bu Kalaisi zhili – imeya, Okpoli onwulule li-ume-biyo buto uwaya uzhi budu li ume- umeite.¹¹. Ubule bu uwa nyem utema Jizos li enwu be li- imeyo, nyemu utema Kalaisi li enwu bu budu yali okpoeli upatah gonitu li uwanwaya, amube li meyo.¹². Kpom-ubuokpe umunwaname, akpaji-ugwo, buto akpajie okpoeli li-ubekpo okpoeli wudhiga. ¹³. Iyedo ibule kpo okpoeli wudhiga, izhia bu li unu-enwu, buto ubule gonitu li uwa (Egwele) buto igbule okpoeli mu egwe ume iye uwudhiga, aenwe budu.¹⁴. Bhele bhele emene uwam Ebilikpabi ududhigale, emenem bubhe unwo Ebilikpabi. ¹⁵. Yo iweni uwam ugba-ulu kpaga mu ebeni li otogu buto yo inweni uwam umeweyoni unwo, amu-anweike li uhuwe (“Idame Ebilikpabi”)¹⁶. Uwa (Egwele) yawe ugba-ekaibo li-me uwa ye bu ye abu- umeledhe Ebilikpabi ¹⁷. Ubule bu ye abu-umeledheya, yabudhihu emene udhi-ekpe, udhi-ekpe Ebilikpabi. Ye li Kalaisi adhikata ekpe, ubule li egede ya li ye adhukata uya, kaga ya li ye alokata li ebube.¹⁸. Me gbem kpom meni udhuya zhi li-umom uzhiadhi utuashi li ebube olo-o li meye. ¹⁹. Iyedo eke ubheshi-obu uwam logbo usejiobhem bu ulokwali umeledhe Ebilikpabi²⁰. Iyedo uwam logbo umeabhe bu obo iye-iye, am-obuo echicheya, iyedo onyunye ugbapidhia, li ubheshi-obu. ²¹. Unamabhe uwam logbo li ulu mulaweabhe adhi ugbuegbu, ombu kpaga mu unamabhe me-ebubem umeledhe Ebilikpabi umea mu new-eliya. ²². Iyedo ye amaji meni uwam logbo uzhili tahuhu li idhe amashie li-umum²³. Ubuo om neten, amashie bu-bu yewe, anwe ukpulushi unusu uwa (Egwele), agbaezhi li-imeye, kpom ye azhie li-useji umutu-ye unwo li udokpewe okpoeli ye.

²⁵. Buto ubule bu- abheshi obu li-iye awejie enye, anwe bu ukaite obu li usejike.²⁶. Li ekaneten, Uwa (Egwele) ushieshiye eka li-ube adale ogbogo. Iyedo amajie kpu adho edho, buto Uwa(Egwele) yawe odhoniye li unuekpo atabudhidhio. ²⁷. Nyem udo ekpema maji obu Uwa (Egwele), iyedo edhom bu li-ishi emene Ebilipabim uzhie egwele gonitu li echiche Ebilikpabi.²⁸. Amajikpom emenem ugwushiebhe Ebilikpabi, yawe me-mu bhele-bhele iye ukase li umanu amanubhe. ²⁹. Iyedo emenem yawe majikpo yawe ekenikpo lebhe unuwobhe mu ga-ashi li-enyem unwa, kpaga mu yawe bu akpan now li adhi emene nwana-a zhibhe. ³⁰. Emenem yawe ukenikpo unuwo, yabu emene uhudhihu. Emenem yawe huo, yabu emene utushi-ikpe. Emenem utushi-ikpem, ombu emene agbabuzo olu³¹. ye akakpala li iye kpani out-iyem la? Ubule bu Ebilikpabi zhikeshi-ye, nde nye emegidedho ye la? ³². yawe nyem egbeketuo unwa-a buto ulowa li ishi bhele bhele ye, iyela odo gonitu li ishiya mu ugwe unekpoye bhele bhele iye ewela?³³. Nina (Obushi) uka li-ishi nye Ebilikpabi lotu la? Ebilikpabi bun ye kpeduma. ³⁴. Nde nye aka nye da-ikpela? Kalaisi Jizos bu nyemu unwulu, aukagba adhiya, mu temabhela li enwu-nyemu uzhie li eka ikegah Ebililkpabi, nyemu uzhie li udho nidhi-ye edho.³⁵. Nde nye anama-ye li ugushi Kalaisi la? Eke udhuya, ubone uta-ahuhu, ubone umegide ubone inwe ubone, ukpa-iliewe ubone umetashi-eli ubone opia-ishiechi la? ³⁶. kpom ujim ugbabhe, li umanu amanu yo adhuya uhulu eye. Ugutubhe ye kpom ono ugbudhi-ogbudhi.³⁷. li bhele bhele otu iyem ye akamale emene (tubhe ugo) gonitu li nyem unwe ugushi li adhiye azhi. ³⁸. iyedo me whedawe meni ubuo enwu, ubone budu, ubone emene uzhi, ubuo uchiechi, ubuo iye zhibhe li mom, ubone out-iye zhilu jabhe, ubone ugbakpo. ³⁹. Ubone olu, ubone udhu, ubone iye ukpubhe okpu, enwe-ike li ulogama ye li ugwushi Ebilikpabi, amu uzhie li Kalaisi Jizos idanwudho ye.

Chapter 9

¹. Makom bu ishiuka li kalaisi. Makom buo oyika-a (echicheme) bunime ekibo lime uwa Egwele. ². Mewe agbezhi bueke shinime li idhe okushie li unukuma me.³. Me-maba wudhiga meni ugobhe me owo mu uhamabhe me li adhi Kalaisi zhi li-ishi umunwana me, emene igbuaye. ⁴. Makoni bu emene ishileli. Unwebhe unutu, ebubu, edhiowo, une-uloko, usoeja li udho ukpene, li ukweni nkwa ⁵. Emene udu udho li ukpena aubu ekpem Kalaisi umubhela li okpoeli upatali, nyem ubuo Ebilikpabi bhele bhele madu. Upadhiwe zhinia ugwu uwa li unu-uwa. Uzhikpe.⁶. Ubuo kpom kabu unekpo Ebilikpabi bu umezo. Iyedo ubuo bhele bhele madu li Izileli legede ububhe emene Izileli. ⁷.Ubuone bu bhele bhele ekpe Ablaham li ishiuka ububhe umeledheya. Buto li Isiki yakpu ekpeyo uobhe.⁸. yabukpom umeledhe okpoeli ubuobhe umeledhe Ebilikpabi. Buto umeledhem ushiebhe li ime ukwenkwa yabu emene ugutubhe kpom ekpeya. ⁹Ombu ekpo ukwenkwa, udhumale ubeya mezhi li uja sala eneabhe by unwo ukoma.¹⁰. Ubuo-on neten, buto li ube lubekah ushile li olu mu –umu unwo ukoma, idaya iziki. ¹¹. Iyedo umeledheya uka muogbe-bhe, uka mebhe uma ubuone biyo, kpaga echiche Ebilikpabi gonitu li wotu unuso, ubuo li emeleme, buto li- shi nyem uhuobhe. ¹². Ukaniabhe bu, “Nye unukanim obu-bu nwodho nye umeledhem. ¹³. Ujim ugbagbeta yakpu ubue, “Jakop mugushia ogushi, buto muso Iso.¹⁴. Nde iye akala? Ebilikpabi unwe umeite ela? Ubuo kpe tuume tuume. ¹⁵. Iyedo ukani Mozizi “Menwe otuizhi bun ye nweni otuizhi, ma gbashi li ezhi bu nye magbashi li ezhi. ¹⁶. kpom ubuokpe, ubuo kpu ngeya bu li echichi ubuone li eso nyeya gba, buto iyedo Ebilikpabi tugoshi otuizhi.¹⁷17. ¹⁸. Kpom ubuokpe, Ebilikpabi unweni otuizhi bun ye umashilema, ma nye umashilema, aume mu-new ishike.¹⁹. Ete-bu-me, iyelado ubule bu ameka oka mu nyega-shie enya la? Nde nye akadho kpom be echieche-ya ndeke emezo la? ²⁰.Li unyenwosa enye, maduegede, ibu nina eka be echichi Ebililkpabi bu – emezo la? Ekem iye ukpubhe okpu ukani nyem ukpuola, iyela do mu- ikpuome kpom la? ²¹. Nyekpu ite new utuka li ugoni upatah li ukpuloshi iye mashie, ubotu dhubhe eso li meweiye ubotu udhobhe la?²². Ubule kpom Ebilikpabi wudhiga utugoshi eke uwudhu- umaya mu utugoshi ugbakpo – ya, unashike li ukaite uma otu iyem ugbeteo kpom ahulu-edhe li utashiadhi. ²³. ubule bu me omuno li utugoshi eze-ebube li utogoshi otuizhi amu ugbekpo li –ewele lu lowe ebube-ya. ²⁴. Ubule bu umeni-ye otu iyem, emenem yawe ulotuo. Ubuo li Juu neten, buto li emene Gentali dhihu.²⁵. Kpom ujim uka li Hosiya, muhu bu emene me abuobhe emene me, emene li nye ugushime obuo nye ugushi ²⁶. Li ubeya ezhio kpom ujim ukaniebhe bhe, ibune emene me-e; adhim ya ohuebhe umeledhem Ebilikpabim uzhie-budu.²⁷. Izaya kwa-ikwa iye kpani Izileli. Amashie bu ugugbete umeledhe Izhileli zhikpom usaza olimini obuo bu madu nchiko enwebhe ugawe. ²⁸. Iyedo Ebilikpabi emezo bu unuekpoya li uwam bhele bhele li ugwe utashi ube. ²⁹. Kpom ujim Izaya ka li ube-gaga, ubule bu Ebilikpabi bhete emene-aya abazhi kpom Sodom li kpom Gomolah.³⁰. Aka-a kpala? Emene Gentali echidhizebhe umeite, enwetalebhe umeite, umeitem ubuzo li uwhetu. ³¹. Buto Izileli nyem uchize umeite li oloko, ugonidho oloko mu-unweta.³². Iyela do la? Iyedo uchidhizebhela li uwhetu, buto li ugbolo. Mu-dabhe-eda kpom ukpodhe uko li ekpili igwu ³³. Kpom ujim ugbabhe, “nyetu li zayoni mebhe bu ekpili igwu ukpo-uko li igwu uwudhu uma. Nye whetule li ya ndeke iwene emela”

Chapter 10

¹. Umenwana, iye me gbe li ekpema li edho mu bho Eblikpabi li ishibhe bu meni unwebhe ugawe. ². iye do nkale ukabhe, ushibhe elibhe li umaji Ebilikpabi buto ubuo kpu-udawedhu li agugu-ushi. ³. iyedo uwhebhe uwota umeitem ubuzo li eka Ebilikpabi, mu wudhigabhe ulowetu umeite ekabhe uwudhigabhe une-elibhe li unatu umeitem Ebilikpabi.⁴. Iyedo oloko uzuta bu-li Kalaisi li emeite zhini nye-nye ubule bu ewhedawele. ⁵. Iyedo Mozizi ugba bu iye kpani umeitem ubuzo li oloko, nyem uwudhige unwe umeite li oloko, ebewe bu umeiteya.⁶. Buto umeite ubuzo li whetu kakpom, “Ekakpom li ekpema yo, “Nde nye eze obioma la? (yabu, mu Kalaisi kpeda) ⁷. ekane, “Nde nye Okpogadhu li-ime echi enwe ugulu ogulu? (yabu, utema Kalaisi li enwu).⁸.Buto ukakpala? “Uli-ekpom zhiyo uzedhu, li unuyo li ekpema-yo” ombu unuekpo uwhetum ye akaloshio. ⁹. Ubule bu ekaloshile li unuyo Jizos kpom Idanwudhe-yo, mu iwhedawe li ekpema yo bu Ebilikpabi tema li enwu, enwe bu udokpewe (ugawe). ¹⁰. Iyedo nyeya ewhedawe bu li ekpemaya mu-new umeite, mu-nyeye kaloshile li-unu aunwe udokpewe.¹¹. Iyedo ukpalahu egwele kakpom, “Nye nye whedawele li yawe ndeke iweme emebhe. ¹². Iyedo iseh zhita emene Juu li emene Giliki. Iyedo e-e Idanwudho bu Idanwudho bhele bhele-ye, yawe ugwoni emene kpeniabhe uma. ¹³. Iyedo nye nye hule li ewa Idanwudhoye enwe bu udokpewe (ugawe).¹⁴. Nde kpaga mu hubhe nyem aka-whedaweniebhe la? Nde uji ewhedawebhe li nyem aka-kanie bhe-bhe la? Nde kpo onujibhe ubule bu uzhi Ebilikpabi zhie ela?. ¹⁵. Nde kpu ezhikalabhe, gama bu udugashibhe bhe? Kpom ugbabhe, “Edenuko enenem uzhibhe uzhi-uma uzozo!¹⁶. Buto ubuo zukpulu bhe ukpebhe ete li uzhi-umani, iyedo Asaya kakpom, Idemweudhoye nina whedawe iye ye akala? ¹⁷. Kpom ubuo kpe, unwe uwhetu bu li unuji, unuji uli ekpom Kalaisi¹⁸. Buto metekwa, unujiebhe e-la? Eh-obu kpe. Uli –bhe agakoshile uwam logbo, eli-ekpobhe odhumale adhi uwam gbo.¹⁹. Li ukakegba-a udo, Emene Izileli umajiebhe ela? Li unusu Mozizi Kakpom, memeyoni mu inweni osozu li emene obuobhe ula. Ugoni ula owotabhe iye li ukpashi-yo uwudhu uma.²⁰. Izaya kasama, emene uwejibhe me bu enemem owudhigabhe me. Mo lokedhibu emenem etebhe abidhime. ²¹. Buto mu kanio emene Izileli, Uwhulu e-ye magbateni eka bu emene okposhi ete li emene ishi-ike.

Chapter 11

¹. Muaba-ko, Ebilikpabi loluo emenem aya olo la? Obuo kpe tume. Iyedo mobudhihu nye Izileli, nye buzoli li ekpem Ablaham, li udhe Benjamini. ². Ebilikpabi uluo emenem aya, emenem umajio li uzu. Emajieni iye ukpalahu egwele-ka, kpu Elijah (talo) gide Izileli li eka Ebilikpabi. ³.”Ebilikpabi, ogbukpolelbhe bhelebhele emene uzhiya, agbajelebhe ekpe-osoeja. Ugwalihu bu meneten, uzhi li uchidhiga-bhe budu me”⁴. Buto Ebilikpabi Ba-kpala? “Me bhete tulem ukoma unu-isabo emene aka-jishinebhe Bali ukpunuko” ⁵. Amashie kpom uzhieya, kpom ushiom li umum o-ogbo nchiko uzhibhe gonitu li ulotu umanuishi.⁶. Buto ubule li umauishi, ubuodhe li ugbolo. Ubulekpe umauishi ndeke obuodhe umanuishi. ⁷. Yabu kpala? Iyemu Izileli whudhigabhe unwetabhe, buto emenem ulotuobhe olotu unwetabhe. Emenem ugwalibheya ekpemabhe (osokelimale.) ⁸. Uzhi kpom ugbabhela, “Ebilikpabi enemalebhe uwa gwe uwota iye enwa, ekpeleni mu gwebhe unyetu, ete kpaga mu ugwebhe unuji, tutu-dhuma tam.⁹. Omkpu Dabidi ka, “Tabulubhe ubunibhe ejiadhi li egbe, (ugbose ukouko) li uhugwo biyo bhe. ¹⁰. Ekpelenibhe uyili igelenwi mugwebhe unyetu, zukpulu ube mu-ukpozubhe weni.¹¹. Mako ukpobhe uko kpaga mu-udabhe eda la? Ubuo kpe. Iyedo gonitu li iye biyo bhe, ugawe okpudhule li emene gentali kpaga mu nwebhe osozu. ¹². Ubule bu ume biyo bhe bu udaeze uwam mu iye lanatubhe bu udaeze emene gentali, umezo bhe ka buo eke gbaka?¹³. Buto li-umum mu kponie ekpom buy o emene Gentali, kpom me mobugedhe nye uzhima emene Gentali, me de-ide lu ugolome. ¹⁴. Ubotu me memom bu emenem me li bhe abuo okpoeli mu nwebhe osozu. Ubotu adokpewe bu emene li mebhe.¹⁵. Ubule bu ugwe unatu unukpom abhe bu ukpe uka uwam, uwhedawebhe obuo bu budu buzoli li ime enwu. ¹⁶. Ubule bu ukpulu-ushi unusum zhi egwele, yakpu egboya uzhidhihu. Ubule bu akinikoya uzhi egwele yakpu elekaya zhidhihu.¹⁷. Buto ubule bu agbagemalebhe ubotu eleka, ubule bu yo ushi (olibu) meloshitu li uya, mu ushiabhe lime bhe, ubule bu ikeshinibhe egbeleji ushi (olibu) umano-amanu. ¹⁸. Edewe otu elekaya idee. Buto ideli idee, ubuo yo ishikedhi out egbelejiya eka, buto out egbeleji ja ishikedhi bhe yo eka.¹⁹. Yo ekabuo kpom “Elekayo ukebiemabhe kpaga mu shiabhe li udoh ushi. ²⁰. Ombu ishiuka, gonitu li ugwe uwhetu bhe mu kebiebhe bhe, buto inuzoken iyedo inweni uwhetu. Egbeni kpom bu akadhe akadhe, nweni otogu Ebilikpabi ²¹. Iyedo ubule bu Ebilikpabi usabhetenie out elekaushim ulobhe li unuzu, ndeke asabheten yo.²². Nyetu, uji-iye Ebilikpabi eme li unwodho unaya, unwodho-unaya nyika emene Juu – mu udagbe adha buto egwuma Ebilikpabi ezhinile yo ubule bu enazhikeni li egwumaya. Ubule bu ubuo kpe aukebiema yo.²³. Amashie kpom uzhieya, ubule bubhe nazhikebhe li ugwe unwe uwhetu, aushibhe bhe lime ogbo. Iyedo Ebilikpabi nweike lu shigba bhe li me ogbo. ²⁴. Ubule bu ukebiemabhe yo li uji ushi olibum umeloshituo li uyam li umenwosa mu kebitubhe eleka ushim bu lawekeabhe ozu adhim-ukebituobhe –la –la ?²⁵. Iyedo mowudhigani meni yo igweni umaji, umunwana, iye uwodhim kpaga mu-egwe ubekpom buya li umajidhi iye: ugwe ukpeshiete okpudule li Izileli, ezhike tutu maduegede Ebilikpabi wudhiga li emane Jantali uzuta.²⁶. Kpom uzhieya, bhele bhele Izileli enwebhe bu udokpewe kpom ujim ugbamabhela “Nye ugawe olo bu li Zayon, anama. Bu ugwe umaji Ebilikpabi li Jakop. ²⁷. Yawe obu bu edhiowo me li bhe li bhe ma samakpole biyobhe”²⁸. Iye kpani uzhi umam bhe bu bhe emene egba li ishiyo. Buto iye kpani ulotu, ugwushi-bhe bhe ogwushi li ishi emene idakanibhe. ²⁹. Iyedo ukeshi li uhu Ebilikpabi ugbanwobhela agbanwo.³⁰. Kpom ujim ikposonieni Ebilikpabi ete li-ewelewe, li umum enweta li otuizhi gonitu li ukposo –ete- bhe. ³¹. Li ibakpa neten, emene Juum okposogili lebhe ete. Om uluwe bu otuizhim utugoshiebhe yo ambhe enwetadhi hubhe otuizhi. ³². Bhele bhele okposhiete Ebilikpabi okpute lebhe unu kpaga mu otuizhiya gbadho bhele bhele madu.³³. Oh, udaezeya nweudhu li-kata umaji iye ya li agwugwushi Ebilikpabi! Nde nye amaji iye ekpebie, edenukoya anweike li uwueji-dho. ³⁴. Iyedo nina maji obu Idanwudho ye, ubuone nina bun ye udu-ya la?³⁵. Ubuone nina aka buya negedhe Ebilikpabi iye li uzu, a-a Ebilikpabi ohunwosa ozu la? ³⁶. Ya unwe bhele bhele iye, ya ukpuloshi, ubuzoli bhe bu li ekaya. Ebube uzhinia ugwu-uwa li unu-uwa. Uzhikpe.

Chapter 12

¹. Majiyoni kpom ubuokpe, umunwaname, loweli eliyo kpom eja zhi ibudu, egwele, aumashi Ebilikpabi unatu. Ombu eka-ugboloyo autuenye. ². Ekpake agwa kpom emene uwam, butonweni ugbanwo li unwe obu uwu. Meni om mu-imajini iye manuamanu, iye mashie li echiche Ebilikpabi mu uzuta ozuta.³. Gonitu li umanuishi unebhe me, mekani nye nye bule li ogboyo. Egbe kpom buya kadhe akadhe ka-kpu udadhu, iye obu kpe, nyekwa li uyawe eli-ele, nyeshina gonitu kpu Ebilikpabi unelabhe uwhetu.⁴. Anwe iye zhi li ise-lise li eliye, buto bhele –bhelem magbe uji-ugbolo neten. ⁵. Li iba-akpa neten ya, ye amashie kpom atuo-ogbo, abu o-okpoli neten li kalaisi, nye zhina zhitu a-aya.⁶. Anwe unene zhi li ise li ise gonitu li umanuishi unebhe ye. Ubule bu unene yo bu ubuamuma, ume gonitu kpu uwhetu ya bua. ⁷. Ubule bu unene nyeya bu uze-uzhi, ya uga uzhiya –Ubule bu unene nyeya bu uzhiezhi, nye ya uzhi. ⁸. Ubule bu unene bu ukpashi ekpema ikpe, nye ya ukpashi. Ubule bu unene nyeye bu unene nye ya une li usagama eka. Ubule bu unene nyeya bu uduodu, udu li shishi uhulu eliya. Ubule bu uneneya bu utugoshi otuizhi, umea li obu-eto.⁹. Ugushi obuo li egenege. Ekpotuoni eka li iye biyo mojikeni iye manu-amanu. ¹⁰. Iyekpani ugwushi nwana, Gwushitani ogushita, ubule une-odhueso, yitani eso.¹¹. Iye kpani ushi ekpema li ume iye, ekpolani ozu, uwayo ushike li umeni Idanweudho ye ugbolo. ¹². Ekpema to yoni li ubheshiobu, kaiteni udhu-uya, nweni uwhetu li ukpeni. ¹³. Iye ukoshile emene Ebilikpabi mu zhibhe egwele gbashini eka. Wudhiga zukpulu ichakpa ugwowe egwuma.¹⁴. Wokwani emene megide yo, wokwani egodhie owo. ¹⁵. Emene tolebhe obu, tekeshibhe obu, emene kwalebhe ikwa, kwakedhi-bhe. ¹⁶. Obuyo ubu iyeneten li adhi udomounye zhi, ide okpudhoyo li eli buto natu emene yawebhe okpolibhe ele.¹⁷. Egonio biyo mu ihudhiwe ugwo biyo. Me iye manu amanu li enye bhele bhele madu. ¹⁸. Ubule bu inweike, kpom ubuo iye inweike li ukpebie, yo li bhele bhele bedhin li uyodhu.¹⁹. Ememashitan biyo, emene ugwushi ne uwudhu uma Ebilikpabi ube iyedo omkpu ugbabhe, “Uhu-ugwo biyo bu a-ame, me mo hunwosa, yakpu Ebilikpabikale. ²⁰. Buto ubule nye ugbeniegbayo inwe ugwua, nea bhidhi, ubule bu ekidhi ukpa, nea mini. Iyedo ubule bu ime-om ihuashia bu ikpu-echi li ishi. ²¹. Ewhe bu biyo megbo buto goni ume lyema mu imegbowe biyo.

Chapter 13

¹. Bhele bhele madu ukpekenibhe emene zhibhe li uchi-echi ete, iyedo uchi-echi zhie gama aubuzo li Ebilikpabi iyedo emene uchi-echi Ebilikpabi ulotu bhe. ². kpom ubuo kpe, nye ekpeshinie emene zhibhe li unazhi uchichi eteh, nye ya ukposoete bu li oloko Ebilikpabi, emene kposobhe ete ekpebhe bhe bu ikpe.³. Iyedo emene chibhe chi umegide bhe iye manuamanu. Ubule bu ika bu otogu otuoya li eka emene chibe echi, me iye manu-amanu ainweta upadhiwe. ⁴. Iyedo nyem uzhi li uchi echi bu nwoboyi Ebilikpabi li ume iye manu-amanu li adhi izhi. Buto imele biyo, zhili otogu: iyedo opia ishiechim uzhiela la eka ubudhigala eweh. Iyedo ubu nwoboyi Ebilikpabi, ya ohu emene biyo ugwo li eke uwudhu-uma. ⁵. Kpom ubuo kpe eyaweni bu okpoeli eli ukpe ete, ubuoto li uhu ugwo li eke uwhdhu uma buto mu obu gwe udashi nyeya ikpe⁶. Ombu Iyedo mu daadho bu ihu (kpa) takisi yo. Iyedo emene uchiechi bu nwoboyi Ebilikpabi, ume omomuno uzhidi bu-li ekabhe. ⁷. Hu bhele bhele madu ugwo imajile bhe. Ne nye nye bule iye dhukatania, ne takisi udhugbani, omenala emene omenala udhugbani, utuotogu nye otuogu udhugbani, eso nye eso udhugbani⁸. Emojie onwunye onwe nye ugwo gama ugushi. ⁹. Oloko, egadhie uga, egbuo madu, enzo ugbu, egonie iye nwana ibeyo li ike li ubule bu udo oloko zhibhem, bhele bhelem uyegbedeabhe uwadhi bu li om, “Gwushi nwanibeyo kpom igushie eliyo. ¹⁰. Ugushi Umedhuma nwana ibeyo eli li ebeibe. Kpom ubuo kpe ugushi bu umezo oloko.¹¹. Iyedo, imaji ubem, ube adhimamale li yo li uteli li inyina. Iyedo li umom udokpewe ye zhi uzedhu ka kpom ubem awhedawo. ¹².Abali akadhele gbaka, eyeya zhiho uzedhu. Agbeni li ugbomo ugbolo igelenyi ma ayotuni kappa usamali¹³. Agani-ize kpu udhukata, kpom nye zhi li eye, ubuo li upadhi unwugbo li menye, li agadhigani li uya ewhele ubuone li uwulu iye uwam, li ume iye ike ubuo osozu. ¹⁴. Buto yotuni Idanwudho ye Jizos Kalaisi, eneni okoeli upatah ugbe, mu uwulu mu uwudhigao udakatania.

Chapter 14

¹. Nye nye obula uwhetuya ekeike natuani, ezoni ikake ubotu iye owoenye. ². Onwunye new uwhetu udhi-bhele bheleiye, udonwunye uwhetuya ekeike udhigbo bu uwho neten.³. Nye udhikpo bhele bhele iyem, enyepe nyem edhie nyem edhikpo bhelebheleiyem ikpe nyem udhikpo bhelebhele iye iyedo Ebilikpabi anatumalema. ⁴. Ibu ninala, li ukpe nwoboyi udonwunye ikpe la? Ubu bu li eka udanwuhoa ubule bu makejoka ubuone umeke. Buto emeabhe kpaga mu unuzo, iyedo idanweudhoye nweike li umea mu unuzo.⁵. Onwunye gwutubhe e-eya ka udonwunyi. Udonweudhoye gutu bub hele bhele eye bugbe eye bugbe ezhi ubu iye nyezhina uwhedawetu li obuya. ⁶. Nye mu ubheteo e-eya, ugbetenia bu idanweudho, nyem udhio iwudhi udhinia bu Idanweudhoye, iyedo ute Ebilikpabi mika.⁷.Uzhie onwunye limeye bebudu mu ubetu a-aya, mu uzhidihume nye nwulu mu nwulutu a-aya. ⁸. Iyedo ashile budu ashimi idanweudhoye, anwulule anwuluni bu Idanweodhoye. Amashie bu azhibuduo ubuone anwulu onwuluo, abu a-a Idanweudhoye. ⁹. Ombu iye mu Kalaisi nwuluo mu zhigba budu, kpaga mu yawe bu Idanweudho emene nwulubhe onwulu li emene zhibhe budu.¹⁰. Buto yo, iyelado mu ikpe nwanaibeyo ikpe la? Li yo, iyelado mu inyepe nwanaibeyo la? Iyedo bhele bhele ye amuzho bu li ununu Ebilikpabi kpom anazhio li agida ikpe ¹¹. Iyedo agbamalabhema “Kpom mezhiobudu” Idanweudhoye ka bu bhele bhele ukpunko ejishiobhe bu ejishi bhele bhele idho akalashiobhe bu li ununu Ebilikpabi¹². Kpom ubuokpe nyezhina akaloshiwe bu iye umele li ununu Ebilikpabi ¹³. Kpom ubuo kpe, akpetani ikpe buto akpebieni meni ezhie nyebheni ibeya iye ukpo uko-edeh, ubuone usuni nwanaibiye egbeh.¹⁴. Mamaji me whedawedhi li-ime Idanweudhoye Jizos meni uzhie iye-iye gwe uzhi usamali li eliya. Nye gwutule bu iye zhie usamali, li adhi uzhi, uzhie usamali. ¹⁵. Ubule bu gonitu li bhidhi udhi li unu emele nwanayo iye idhe, ikadhe bu ize li ugwushi, emenem Kalaisi nwuluo li ishibhe ewhe bu-bhidhi udhi li-unu utashibhe.¹⁶. Ewheni bu iyeyo inyetuni kpom iye uma, bu ukabhe kpom iye biyo. ¹⁷. Iyedo ele-eze Ebilikpabi ubuo udhibhidhi li unwu-menye. Buto umeite, uyodhu li obueto li-ime Uwa Egwele.¹⁸. Iyedo myem ubuo nwoboyi Kalaisi li ibekpa zhikpom Ebilikpabi nabatah anabata, emene-aya dajihubhe eka. ¹⁹. Kpom ubuokpe, awudhigani iye yawe uyodhu li iye-emi mu nye-zhina gbashi eka li uzobuzoli nwanibeh.²⁰. Etashie ugbolo Ebilikpabi li ishi iye udhi-edhi. Bhele bhele iye zhi usamali buto uyo-biyo li udhi iye-eme nu onwunye ugwe unozoke (udah). ²¹. Umanu amanu li ugwe udhi ukpa onuya, ubuno unwu menye ubuone udhi iye eme mu nwanayo gwe unzoke.²². Uwhetu mu inwo uzhini buy o li Ebilikpabi. Uwokwani zhini nyem adashie eliya ikpeh li iye ugbe bu umanu amanu. ²³. Nyem unwe obu-ibo adamale ikpe li audhile, iyedo ubuo li uwhetu-u. iye iye obuo li uwhetu bu umeye.

Chapter 15

¹. Liumom ye emenemu azhie li uzogbo-uzum udadhu bu anatu ugwe uzhogbo- uzu emene ezhiebhe ukwali, udadhu bu emetu kpu emashiye. ². Nyezhina li imeye umeiye mashi nwana iba-a li ume amu-umanu-amanu, kpaga mu-unubuzoa olu.³. Iyedo Kalasi yawe umetuo iye mashie. Iyeobukpe, kpom ujim ugbagbe, “Ukpadhiwe – umu emene kpadhiwebhe yo umu ukoa bu li ishime” ⁴. Iye iye ugbalebhe li ewelewe ugbabhe li uzhike-ye kpaga gonitu li ukaite uma li ukpashi-elike ukpalahu egwele manwe ubeshi obu⁵. Li-umon Ebilikpabi nye ukaite obu li ukpashi-eli ike ume mu inweni obu-neten kpu Kalaisi Jizos ukale. ⁶. Umeom kpaga li obunetem unubhe ukalashi ebubu Ebilikpabi li Ida Nwenyeye Jizos Kalaisi. ⁷. Kpom ubuo kpe gonitani kpom Kalaisi ugonoyo li ebube Ebilikpabi⁸. Ombu iyedo makao meni Kalaisi bu nwoboyi nye whauma unazhiseni ishiuka Ebilikpabi, kpaga nkwa mu ukwenibhe emene dakanibhe umezo. ⁹. Emene Gentali utubuzobhe Ebilikpabi olu li otuizhiya. Kpom ugbagbe, “Kpomubuokpe padhiwe buyo li ogbo emene Gentali amugu obu upadhiwe li ewayo.¹⁰. Udo mukao emene Gentali tokeshini emene aya obu. ¹¹. Udogba, Padhiwe Idanweudhoya bhele bhele emene Gentali.¹². Udo Izaya ka, “ Egbeleji Jesi Ii uja, yabunye olu li uchi emene Gentali, li imeya emene Gentali enwebhe bu ubheshi obu.¹³. Li umon Ebilikpabi ubheshiobu uneyoni obueto li uyodhu li uwhedawe kpago gonitu li ugbako uwa Egwele muyo iyulukani li ubeshi-obu.¹⁴. Mewe me whedawe li iye kpani yo, emenenwaname. Me whedawe meni iye zhi li-imeyo bu uma li agwugwu –ushi me whedawedihu meniyo inweni-ike li uduta-udu.¹⁵. Magbaom bu li ukaloshinwe boi iye kpani ubotu iye li uwheshinigba yoni anwa gonitu li umanu- ishim Ebilikpabi uneme. ¹⁶. Umenem bu mobu nwoboyi (nye uzhi) Jizos Kalaisi aulawe ni emene Gentali, li ukaloshi unuekpom Ebilikpabi ize nyeishi osoeja, kpaga osoeji emene Gentali mu unatuabhe mu-uzhi usamali gonitu li ugbakpo Uwa Egwele.¹⁷. Lime Kalaise Jizos menwe iye utushieka me dewe-ide-e li eka ugbolome li ime Ebilikpabi ¹⁸. Ndeke makani iye-iye gama iye Kalaisi umewe- me mu emene Gentali bubhe emene kpebhe ete. Out iyem umewebhe bu umuekpo. ¹⁹. li umeh gonitu li ugbakpo iye- ugbudhishi –egi li iye unwadhawe enye, li ugbakpo uwa Egwele. Ombu kpaga gonitu li Jelusalem li ewhekaya, kpoeda li ilylicum, mu –nkaloshiwe –kwa uzhi-umam Kalaisi²⁰. Li ibeakpa zhikpom, iye mowudhiga bu ukaloshiwe uzhi-umam, buto ubuo li adhi amajiebhe ewa Kalashi, kpaga muegwe unukoshi li adhi udonwu-nye wakpo ele. ²¹.Uzhi kpom ujim ugbabhe, emenemu ukpekalabhe ikpebhe ewejiabhe bu enye, emenem aka-nujiobhe au-wotabhe.²². Kpom ubuo kpe menwe usubie li otutu ubhe mowudhiga uweji-yo. ²³. Buto li umom menwedhem u-uwadhi u-uwadhi u-uwadhi li ewhekam, mezhi I uwudhigadhi li otutu-ala gaga li uba-weji-yo.²⁴. Menwe ubeshiobu meni meweji-yo bu enye li amagala-gale li uzhe Spani, mu-ishikeshini me eka li egaze me. Li obu-eto unazhikedhiyo nwa-nbhe. ²⁵. Buto li umom makazeom bu Jelusalem, kpom nwoboyi umeledhe Ebilikpabi uzhie egwele²⁶. Iyedo ubu-umashi emene Macedonona li Akaia li ugba-gbete iye une nwogboyi logbo emene Ebilikpabim uzhie egwele li Jelusalem. ²⁷. Eh, ubu echi-eche umabhe, ubu –iye dhukatanibhe iyedo emene Gentali eketulebhe uke li ogbo iye uwa umabhe, bhe umoji emene Juu umenibhe bhe iye uwam.²⁸. Kpom ubuokpe, ugbe mekwa kpole ugbolom mu ukpulu-ushiya anazhikele, meze bu spani, me wejiyoni be enyee li uga-game. ²⁹. Mamaji meni ubhe me jio, uwhokwani Kalaisi pada-apada echime ozu.³⁰. Li-umom majayoni umunwaname, li Idanweudhoye Jizos Kalaisi, li ugwushi uwa uma, me li yo agbashi eka li udho Ebilikpabi li ishi me.³¹. Dhoni kpaga megwe udagadhu li eka emene okposhiete li Judia mu eka ugbolome li Jelusalem umashi umeledhe Ebilikpabim uzhiebhe egwele. ³². Dhoni kaga ujie-jame bu li obueto gonitu li echi-che Ebilikpabi, kpaga me li yo anwe uyodhu.³³. Ebilikpabi uyodhu uzhikedhi bhele bhele yo. Uzhikpe.

Chapter 16

¹. Meshi li ekayo nwanaye aunyoma Fobe, nwoboyi li udho-ukpeni zhili (cenkla.) ². Kpaga mu inatuani lime (Nyenweye), meni om kpu-udhukata-nie emene Ebilikpabim uzhie egwele, mu ishikeshiani eka li ibe-ibe uwudhigale li ekayo, iyedo eshikeshile otutu emene eka li mewe.³. Tekponi Plisila li Aqila abidi, emene ugbolo ibeme lime Kalaisi Jisos. ⁴. Emene gonitu li ishi-budume, budubhe zhili umekpeli. Metabhe mika, ubuo meneteni buto bhele bhele udho-ukpeni emene Gentali. ⁵. Tekponi udho ukpenim uzhie li udhobhe abidi. Tekponi Epanitus abidi nwana umaye, yawe bu ukpulu-ushi unuzu Kalasi nwe li Asia.⁶. Tekpo maliabidi, emenileyoni ugbolo bhaka. ⁷. Teni Andlonikus li Junias abidi, emene nwaname aukoma li emene ikoli ibeme. Emene uzhi umajikwabhe bhe, bhe umajibhe me Kalashi li uzu. ⁸. Te Ampliatus abidi. Nwana umami li ime Nyenweye.⁹. Te ubamus abidi, nye ugbolo ibeye li Kalaisi, li stachys, nye mu gushi-ogushi. ¹⁰. Te Apeles, nye zuta ozuta lime Kalaisi. Tekpo eme udo Alistobulus abidi ¹¹. Te Helodiann nwaname aukoma abidi. Tekpo emene udo Nakisus uzhibhe lime Nyenweye abidi.¹². Tekpo (Ilypana) li (Tlyposa) emene ugbolo Nyenweye abidi. Te Pasis nwana ugushi me, emele ugbolo bu-eke lime Nyenweye. ¹³. Te lufus nye nye-Nnyenweye lotu abidi li ina ya li me. ¹⁴. Tekpo (Asinkitus), Plegon, Hames, li ogbo umuwana uzhikeshibhe bhe.¹⁵. Tekpo Pilologus li Julia, Nelus li emene nwanah unyoma, li Olimpas li bhele bhele Ebilikpabi zhi egwele uzhikedhi bhe bhe. ¹⁶. Tewetani abidi li udukwushita unu zhi egwele. Bhele bhele udo ukpeni Kalaisi tebheyon abidi¹⁷. Ubuabu umashi me, umunwaname, meni kagbeni iye gbasala emenem ulowedhibhe ukema li imeyo mu uyuhdhiebhe edah. Bhe epegamalebhe uke li out uzhi-ezhim uzhiebheyon. Echizebheni. ¹⁸. Iyedo emene zhibhe kpe ubuobhe nwudho Nyenweye Kalaisi, uwudigabhe bu uwobhe. Ogonibhe bu unuego li utushimadu li unagbo emene biyo ezhie li obubhe.¹⁹. Iyedo utugushi ukpeke-eteyo bhele bhele madu amajikpolebhe. Kpom ubuokpe obume to eto li adhi izhini buto majini-iye li ume amu umahuo amanu. Mu iyebiyo gwe-uhutuyoni eli. ²⁰. li ube nchiko Ebilikpabi nye new uyodhu ulugbo bu ekwensu aubhea li ukpudhu edenukoyo. Umanuishi Nyenweye Jizos Kalaisi uzhikedhiyo.²¹. Nye me li ya amekata legbolo Timoty utekpoyoni abidi, li lukius, Jasin li Sosipater, nwaname ukoma. ²².Me, Tetus nyemu ugbagbete ukpalahum, me teyoni abidi li ime Nyenweye.²³. Gaius, nyemu ukpajieme li udhoukpeni logbo tekpoyoni abidi. Elastus, nye kpuni ula owayi teyoni abidi ya li kwatus nwana-a ukoma. ²⁴. Mu umauishi Nyenweye Jizos kalaisi uzhikeshi bhele bhele yo uzhikpeye.²⁵. Li umon gonitu li nyem unwe li ume mu ishie ukwali gonitu li unuekpom makaniyo li ukaloshiwe Kalaisi gonitu li ukpuma enye iye woli-owali aubhekebhe ebheke li ubhe gaga. ²⁶. Buto li umum olukwali-le mu amajiela gonitu li iye emene amuma ugbanibhe uwam, gonitu li ugbako Ebilikpabim uzhie budu ugwu-uwa li unu-uwa. Li uyawe ukpete li uwhetu.²⁷. Li Ebilikpabi netem mu umajie iye, gonitu li Jizos kalaisi, bu ebube gonitu li ugwu uwa ga-unu-uwa. Uzhikpe.

1 Corinthians

Chapter 1

¹Pọlu, ạmu Kạlais Jị̇zos ụwhu gbo bụ nyeuzhiya lị ikem Ẹbilikpabi lị Sọsitenesi nwạny aukoma, ²ạkuko 'bhạni emene ukpeni Ida ạmu ụzho lị Kọlinti, emene umekwabhẹ emekwa l'ime Jịzos Kạlais, emenem' ụwhobhe l'ubedhiwẹ lị ebube egwele, lị bhẹlebhele ạdhi madegede ụwhubhe lị̇ ẹwam' Kạlaisi, ạmu'bọ nyenwe ye li bhẹ. ³ Umanu ishi li uyodhu ạmu ịdaye li nyenweye Jịzos Kạlais.⁴Mẹ mekelatu Ẹbilikpabi mẹka lị ị̇budu yọ ịyedoni bụ lị ụmanuishi Ẹbilikpabi ạmu Jịzos Kạlais une yọ.⁵ Yạwe 'mewẹ yọ eze lị bhẹlebhele ibe, l'ime bhẹlebhele uli-ẹkpo, lịjine bhẹlebhe ụmaji'ye, ⁶zhịkpom' ọdom' ụkaloshiwe ạ̵̵koloshiwem' Kạlais ụbu ish'uka l'ime ogbo yọ.⁷kpọmubokpeye ịye-iye 'bạsa l'unene ụwa egwele zhịkpom' ọdom' isejoni ujejam' nyenweye Jịzos Kạlais ọkoshi yọni ọkeyi.⁸ Yạwe dhiwhu emeshi yọni bu ike tutu dhuma ụgwulu ọgwuluya, kpụ ạgale mụ ịgweni ụda ikpe l'eye ikpeya.⁹ Ẹbilikpabi 'yuluka l'uwhuetu, nyemu ụwho yo l'ụbu emene ụzugbani ạmu Ạkpanā, Nyenweye Jiọzos Kạlais.¹⁰L'ụmom' mạja yọ, ụmu nwạname ạukoma, gonutu l'ẹwam' Nyenweye Jịzos Kạlais, meni bhẹlebhele yọ whedawẹni tạni, ukemata ekemata ẹzhe l'ime ogbo yọ. Mạja yọ mụ inweni ūgbedhi-egbedhi l'ēchiche nẹteni.¹¹ Mạkabu emene Kilo umebhe mẹ l'ụwota kpọm bụ ukemata ekemata 'zhịwho l'ime ogbo yọ.¹²Mạkadhabu kpọm: Nye-nyẹo 'bụla l'ime ogbo yọ 'kạbu, "Pọlu 'bụ amẹ," mọbu "Apolọsu 'bụ amẹ," mọbu "Pita 'bụ amẹ," mọbu "Kalaịsi 'bụ amẹ." ¹³Kalaịsi uke mayaa ekema la? Pọlu 'nwuluseni yọ ẹnwu la? Ụwushibhe yọ mịni l'ime ẹwa Pọlu la?¹⁴Mẹ mekela Ẹbilikpabi meka makabụ Mẹ mọ'wushemu ōnwunye ōnwunye l'ime ogbo yọni mịni, gama kwa bụ Klịsiposu lị Gayọsu.¹⁵ Ụbunekpom bụ kpu'mele mụ ịgweni ụkabu ụwumini yọ bụ l'ime ẹwa mẹ.¹⁶ (Mẹ mọ wụshidhiwhu emene ụdho Sẹpanasi mịni. Ụgama whọle l'ȯtuya, Mẹ ma majẹdhem' lẹbu ụzhigba ụdo emene mọ wụshigba mịni.)¹⁷Makabụ Kalaịsi ụdugasheme l'ụwushiyoni mịni mụ'buwhuto bhụ bụ l'ụzhi ụzh'uma-ụbone l'ụnu ẹto, l'ụgwe ụdhugboma ịbala akụku obem' Kalaịsi.¹⁸Makabụ ụzhi ezhi ịye basalị ụtawe ẹli akụku l'ịshili Kalaịsi 'bụni emene ụtadhubhe ewe ịye ishi. Mụ'buwhuto bhụ 'bụjiwhone bụ ugbakpo Ẹbilikpabi l'ime ogbo emenem' ụnabatabhe ụdokpewem' Ẹbilikpabi. ¹⁹Makabụ abhama lebhema abhama, "Mẹ matashikpo bụ ụmajiye mad'egede. Mẹ mọ'su nwamakpo bụ ụwota ọwota emene eke agwụgwu ịshi."²⁰ẹ adhị ny'umaji ịye ụzhi la? Ndẹ adhị nye eke akụko ụzhi la? Ndẹ adhị emene eke ikake ụwam' ụzhi la? Ẹbilikpabi umewẹ ụmaj'iye ụwam' mụbuwho ịye ịshi. ²¹Kpọmu ọdom' ụbuwhuto kpọm bụ ụmaji ịye ụwam' bhụbo utuni Ẹbilikpabi otogwu, ụbu ụmashi Ẹbilikpabi l'ugonu uzhi ezhi ụbasa l'obe l'ụdokpewe emenem' uwhedawẹ dhẹbhele.²²Iyedo, emene Jùù ukadhibhẹ bu uka iye-unwodhawẹ-enyẹ emene Giliki uwudhigajibhẹnẹ bu eyo. ²³Mubuto, ye akaloshiwe bu Kalaisi mu ukpogbobhe-okpogbom, aubuni emene iwu-uda, mu bujone emene-ọbọbhe Jùù iye-ìshì.²⁴Mubuto, li emenem Ebilikpabi unwhuọ, bụbhẹ emene Jùù le emene Giliki, ye akalọshịwẹ Kalaisi kpom ugbakpo lị èyo Ebilikpabi. ²⁵Iyedo, iyebu ìshì Ebilikpabi bu umajiye ka eyo madegede, yabu kpu iye bhala ûyâ Ebilikpabi unwele ugbakpo ka ugbakpo madegede.²⁶Ka nyekwani uwhowhuyo, emenenwana. Ubọō ọtụtụ yọ imajini èyọ uwam wo. Ubọō ọtụtụ yọ inweni ugbakpo wo. Ubọō ọtụtụ yọ ịloni li eke adhi wo. ²⁷Butokpom, ubu umashi Ebilikpabi li ugonu iye-ìshì uwam li umeshiwe emene majibhe eyọ uwam inwene. Ebilikpabi ulotu iye udhụlụ l'ime uwam li umeshiwe ugbakpo iwene.²⁸Ebilikpabi ụlọtu iye-ya-ẹlẹ li iye-unyẹpẹbhe-ẹnyẹpẹ l'ime uwam. Ulotudhiwhu iye ụgwụtubhe kpom iye-abah li utashi ewe iye ugwutubhe bhu gbu ạyạ. ²⁹Ume-om kpemele mu ọọnwunye nwunye ugwe utu ide adhi yawe zhi.³⁰L'ishili iyem Ebilikpabi umeya, l'umom yọ izhini l'ime Kalaisi Jizos, Nyemu ubune yeni eyo buzoli eka Ebilikpabi. Yạ we ubu umẹyite-ẹmeyite, uzhi-egwele li udokpewe yeni. ³¹Gonutu li kpeye, zhikpom ubhabhe "Nye tule ide, utu l'ime Nyenweye."

Chapter 2

¹Ubhem me jakeshe yon, me jawem li uwhashi unu-ekpo mubune li eyoo li kpom mabha kalashiwo ishuka kpatani Ebilikpalabi. ²Iyedo, kpom mezho l'ime ogbo yon me kpebe li ugwe umaji iyè-iyè gamagbo Jizos, li jinekpom bhu ukpogbabhe-okpọgbọ.³Mezhikeshi yon li uya-èlẹ, lijine li otogwu, li ụwhụdhị-ọwhudhi ubu eke. ⁴Mu-ubudhiwho kpom bhu uzhu me zhikala li ukalashi-aka-lọshịme ụbọbhẹ gontiu li unu-èto li eke umajiyẹē. kamubokpe, ubu bu gonitu li utụgọshi Uwa-egwele li ugbakpo. ⁵Kp'emele mụ ụgwẹ ubu kpọm bhu uwhetu yon bhu zhi l'ime umaji eyo madegede, buwhuto kpom bhu zhi l'ime ugbakpo Ebilikpabi.⁶L'umom ye akaloshi bu umaji eyo adhi emene ukabhe aka uzhibhe, ubụjene umaji ẹyo emene uwam, mubune āemene ụchẹchị uwam, amu ubo autadhu ewe. ⁷Kamubọkpe, ye akaloshi eyo Ebilikpabi auzhi l'ime ishuka, eyom uwole-owoli amu Ebilikpabi owokwabhẹtọ uwam ubha bidọọ li ishili umanu-amanu yen.⁸Ōọnwunye-nwunye li emene uchẹchi uwam omajebhelaa, iyedo ubule kpom bhu umajibhe amaji, ubha kpogbobhe Eze-igili. ⁹Buwhuto, abhama lebhema "uzhe ekpeleni ukaweji, uzhe ete uka nuji, uzhe obu madegede uka zhizhiloshi iye Ebilikpabi ubheteni emene ugwushabhe-ugwushi"-¹⁰Bụwhụto Ebilikpabi otugoshikpole ye otu iyeya gonitu li Uw'egwele. Iyedo, Uw'egwele unyetukpo bhelebhele iye, umashine bhu bu iye Ebilikpabi uwoketu-owoketu. ¹¹Ubu ṅina umaji ugbegbe oonwunye gama uwa nyemu ya la? Yabukpu ubudhiwhule kpọm bhu uzhie nye maji iyẹ ebilikpabi unweketu gamawhuto Uw'egwele aaya.¹²Buwhuto kpom, yeni awetani ubọọ uwam uzho l'ime uwaam, a nwetani bu Uw'egwele li Ebilikpabi, mu zhikpom bhu ye bha majini ogbo iyem Ebilikpabi une yeni ewe. ¹³Ye akadhiọ uka kpatani otu iyem ubọo li unu ekpo ubuzoli li uzi-ezhi èyo madegedee, ụbụ bu āubuzoli li Uw'egwele, mu ye agbasamanio emene uzhibhe l'ime imȯo iye ime imoo.¹⁴Nyemu ẹzhiẹ l'ime imọo unwẹtaa iye bụ ā Uw'egwele Ebilikpabii, iyedo otu iye ya ubushiabhe iye ìshì. Unwe ike li umaji otu iye ya iyedo umajiwhebhe bhe bu li l'ime imọo. ¹⁵Nyemu uzhio l'ime imoo utube bhelebhele iye, buwhuto, udo emene utubedhobhẹ a yaa. ¹⁶"Ṅina umaji obu Nyenweye, mubu kpom bhu otụshina iye emene la?" Buwhuto, ye anwe obu kalaisi.

Chapter 3

¹Li me, emenenwana, mọ kpọnẹmụ yọni ekpo kpom emene uzhibhe l'ime imọọ, kamubokpo, mo kponi yọ kpom emene uzhibhe li okpeli upata, kpom umeledhe nwọtụkọ li Kalaisi. ²Mene yon mini-ẹma, ubọọ bhidhi-utadhi, iyedo ika jikelenelanii; mashine l'umom ika jikeleni nē.³Iyẹdo, izhidhiwhuton li ọkpẹli-upata. Kpomu ụsọta-ọsọta li ukodhita-ógbó uzhiọ l'ime ogbo yọ, ibeniya 'bo kpom emene uzhibhe li okpeli-upata ē la lijine imeniya bọọ kpu ụtọ-ọtụ madegede kalẹ ē la.? ⁴L'eke ōọnwunye zhi li uka "Mẹ chịze bu Pọlụ," audo nwaṅe ka "Me chize bu Apọlosi," iboniya bọ emene zhibhe li ọkpẹli ē la? ⁵Apọlos bu ṅina la? Pọlu bu ṅina la? Emene-uzhimu iwhetoni gonitu li uzhibhe, zhi kpom Nyenweye unedhio bhe ugbolo nyenye li āạya.⁶Me makpashi-akpashi mu Ạpọlọsi useshi mini, mu Ebilikpabi umeo mu iyẹ ụzọdhụo. ⁷Kpomubokpe, nye kpashi-akpashi li nye seshi mini ubobhe íyẹ-íyẹ. Buwhuto Ebilikpabi ume mu ịyẹ ụzhodhuo.⁸L'umom nye kpashi-akpashi li nye seshi mini bubhe ṅine, nwụnye nwụnye anatu bu uwhugó gonitu kpu eka ugbolo ya uzhilẹ. ⁹Iyedọ ye abu emene amekeshi Ebilikpabi ugbolo. Ibuni ịkạ Ebilikpabi, ụdhó Ebilikpabi.¹⁰Gonitu li umanu-ishi Ebilikpabi une mẹ kpom nye-oka umaji unu udhọ, mo wulem udhọ mu ud'onwunye onubuzowele ma. Buwhutokpom nyezhina utukpa eli li umaji kpu ûnụle aaya. ¹¹Iyedo uzedhe udonwunye owu udho zhibha isee li amu unwumabhe-owumam, āubụ, Jizos Kalaisi.¹²L'umom nye gonule uwayi-ode, uwayi-usa, igwu-gbuaga, ushi, ewe-kpokpo, mubune ikaka-i kpu mu unuwele udo li uwul'udho ya, ¹³eka-ugbolo ya ọlọ bu uwe. Iyedo eye ya olowea bu uwe. ọlodhinhu bu uwe gonitu li ẹchi. Echị ya odokwa bu umanu-amanu eka-ugbolo nyezhina umele.¹⁴Nye ubgoloya atadho li echi, enweta bu uwhu-ụgọ; ¹⁵Buwhuto, nye ugbolo ya udukpolikpole li echi, nye ya akadhe bu ẹk'ewe, mu buwhoto kpom, nye ya enweta bu udokpewe zhikpomu nye ugbakpeli li ẹchị .¹⁶Imajini kpom bu ibuni úlú-ukpeni Ebilikpabi li jine kpom bhu Uw'egwele Ebilikpabi bhu bê l'ime yọ la? ¹⁷Nye utashile úlú-ukpeni Ebilikpabi, a Ebilikpabi utashi nye ya. Iyedo úlú-ukpeni Ebilikpabi uzhi egwele, ya bu kpu yọni izhidhiwhuleni.¹⁸Ezhiẹ nye 'nagbo eliya. Ubule bhu zhi l'ime yo nye gbe kpom b'amaji eyo uwam, nye ya umewẹ ya "nye-ishi" muzhi kpu umajile eyo. ¹⁹Iyedo umaji eyo uwam ubuni Ebilikpabi uda-ishi. Iyedo abhamalebhema "Umotu emene eke-umajiye li egenege bhe." ²⁰Mu bhagbajebhe "Nyenweye maji kpom bhu uzhizhi-ezhizhi emene eke-umajiye utadhu ewe."²¹Kpomubokpe, ōnwunye-nwunye edewe madegede ide. Bhelebhele iye bu a yoni, ²²ubuwho Pọlu o, mu buwhone Ạpolos, mu bune Sepasi, mu bụne uwam, mubune budu, mu bune ẹnwu, mu bune iye zhi-ezhi l'ụmom, mu bune iye zhi l'ụnụnụ, bhelebhele iye bu a yoni, ²³yo jine ibuni āKalaisi, Kalaisi bujine a Ebikpalabi.

Chapter 4

¹Ombu kpu udádhule bhu ugwutubhe yen, kpom emene uzhi Kalaisi li kpom emene ukwatebhe ishuka uwoli-owoli ā Ebilikpabi. ²L'umom ubu iye udhukata kpom bhu emene nwudho bhu ụbụbhe emene utakwashi obu.³Li me ubunime iye nwotukpo li aubule bhu yo bhu ikpeni me ikpe mu bune bhu ukpebhe me ikpe udho ikpe. Iyedo mẹwẹ. mekpenume elime ikpe-e. ⁴Ma majem ubule bhu zhi iye ukabhe bhu meme eme, buwhuto ya bujene kpom bhu mobuwho nye ikpe bene bhu me meshem iyẹ-iyẹ ė. Nye ikpe me bu Nyenweye.⁵Kpomubokpe, ebeni ikpe kpatani iyẹ-iyẹ mu bha dhuma ubhe udhukata, mu bha dhuma eye Nyenweye eja. yạ wẹ ọlọwẹ bu usamali bhelebhele iye uwoli-owoli li igeleni, a ulowe uwe bhelebhele ugbegbe uzhi li obu. Nye nye anatu bu ukeni li eka Ebilikpabi.⁶L'umom, emene-nwana, mo gonu otu umelem me yishio li elime li Ạpolosi li ishili yon, kpu emele mu imajini ogbugba zhi li ukamu uka kpom "Ekapega iyemu ubhabhe abhe." Om bu kpu emele mu õonwunye-nwunye l'ime yo ugwe utubuzowe eliya olu, li shili kpom bhu adhukeshi oonwunye li ugwe unyetu udo nwunye. ⁷Ṅina unyetu bhu izhini ise li udo emene la? Inweni bu iyẹ-la ubu kpom bhu únebhe yoni ene ē la? Kpom unebhe yoni ene, iyela udo mu idewhoni-ide zebhu únebhe yoni ene ē la?⁸Kpuzhile l'umom, enwetakpoleni bhelebhele iye iwudhigani! kpuzhilel'umom, ebumawholeni eze! yo ị̇chịtụ whoni eli yo l'ugwe unyetu ye! L'egede, ubu umashi me kpom bhu ichini eli yo kpu emele mu ye azhikeshi yoni li uchi-echi. ⁹Iyẹdọ, me gbe kpom bhu Ebilikpabi ushishi ye emene-uzhi li ulowe ye kpom emene ukpozu li agili, li jine kpomuemene ekpeshibhe enwu. Ye abuwho iye-uledhi-āumama l'ime uwam - ā emene-uzhiobioma li aemene madegede.¹⁰Ye abu emene ìshì l'ishili Kalaisi, buwhuto yo imajini eyo l'ime Kalaisi. Ye abu emene akwalebhe-akwali, buwhuto yo ikwalini-akwali. Unẹbhe yọni odhu-ẹsọ, buwhutu unyedawebhe ye ẹlẹ. ¹¹Dhumadhi umom, ịnwè zhili ugwe ye, ekidhi zhi li ukpe ye, ye ayojè jali kapaa, ukobhe ye iye, ye anwe-dhiwhone ụdhọ unazh-anazhii.¹²Ye agonu eka ye li ume ugbolo akeshi ike li ume ugbolo. Eke ukpadhiwele bhe ye umụ, ye awokwanibhe bu owokwani. Eke uwhashielebhe ye uya l'ishili uwhetu ye, ye a kaiyite bu umâ. ¹³Eke ukatashilebhe ye, ye asa bu li un'uma. Ye azhiwho kpọm obhushideni l'ime uwam, li ịyẹ utukalikpobhe li unyė.¹⁴Mà bhạnemu yoni otụ iyem li umeshi yoni inwene-e, buwhuto li udu yoni udu kpom umeledhe me mo gwushi-ogwushi. ¹⁵Ubulene kpom bhu inwenine dhi púkú emene ùdùdhiga l'ime Kalaisi, ìnwéni ida tu-ogboo. Iyedo me mo buwho ida yo l'ime Kalaisi Jizos gonitu li uzhuma. ¹⁶Kpombokpe, ma ja yọni kpu emele mi satuni me.¹⁷Om bu iyedoni mo dugashine yoni Timoti, ụnwọ me l'ime Kalaisi amu mogwushi-ogwushi unuzoshidhiwho ike. Yạ wẹ éwheshini yọni bu anwa li kpu memedhile iye l'ime Kalaisi, kpom ujim mezhẹbhẹ bhelebhele adhi li bhelebhele chochi. ¹⁸L'umom otụtụ l'ime yo utubuzowemalebhe elibhe olu, l'ukpawho agwa zẹ bhụ eke me jadhem ozu gbaa.¹⁹Mubuwhto me ja bu li uzedhu, li aumashile Nyenweye. Ubulekpe eke ma maji kwawhutom iye emenem utubuzowebhe elibhe olum ukabhe, buwhuto mẹ weji kata bu kpu ugbakpobhe uzhile. ²⁰Iyedo eleze Ebilikpabi uyulõ li iye ukadhi-akadhi, buwhuto li ugbakpo. ²¹Iwudhigani bu elã? Nyawẹ igbanigbani mubujine nja li ugwushi lị uwa unuma la?

Chapter 5

¹Ye anweta uzhi kpom bhu ewhele bhu zhi l'ime ogbo yọ, uji ewhele emene uwam usobhene-oso: Āubukpom bhu ūduke bhu unawe nweni-idā. ²Izhini li ubuke ishi! kamubokpe ibha zhini bọ li agbezhi, kpu emele mu inamani nyemu ume iyẹ yạ l'ime ogbo yọ ē la?³Ubune kpomu ewejemeni enye l'ime ogbo yọ, uwạ me zhi l'ime yọ. Ma dashimalem nyemu umọ iye ya idakpe zeka kpom bhu mẹzhi li adhiya. ⁴Eke yọni izugbanileni li ewa Nyenweye Jizos li jine kpomu uwame uzho l'ime yọ, li ugbakpo Nyenweye Jizos. ⁵Kwateni uduke ys li eka ekpesu li ụtạshị ugbo ọkpẹli ya, kpu emele mu uwa ya unweta udokpewe li eye ikpe Nyenweye.⁶Ude-ide yọ umanọ-amanuu. Imajeni kpom bhu awụwo nwotuko bhu ọwhuwemale whulu ukpo bhidhi ē la? ⁷Sama yọni ùkanì awuwo li eli kpu emele mu ibuni iye-uwu-umekewe bhidhi, aka gwashebhe awuwo, amu yoni iboni l'egede. Iyedo Kalaisi zhikpomu ugagamu ụgagbọbhe li shi yen, osogbomalebhema li eja. ⁸Kpombokpe, adhiwhoni ogwu ya, li ugwe ugonu awuwo ukanim aubu awuwo agwa bhiyo li ụye. Kamu-obokpe, adhiwhoni ogwu ya bhidhi akagwashebhe awuwo aubu ugwe-utuga-uka lị ishuka.⁹Ma bhashi l'ime ukpa la whun mabhane yọni kpom meni emene ewhole li yo ekpakatani ukpa. ¹⁰Li ewheka makom bò emene ewhele uzhitubhe li uwam wo, mubune emene ukaluwome, mubune emene egenege, mubune emene kperibhe-unoshi wo, iyedo mu emene zhikpom yo ibha gwewhoni umekata ịyẹ ebuzolimawhoni bu li uwom.¹¹Buwhuto l'umom ma bhani yoni kpom meni ekpakesheni nye-nye ubuwhuto kpom bhu awhuni nwana l'ime Kalaisi buwhuto ubedhi budu ewhele, mubu nye ka bhu ukali uwo ya, mubune nye kpeni unoshi, mubune nye nweunu, mubune nye-mẹnyẹ, mubune nye-egenege. Nye zhi kpeye li yọ edhikatanine bhidhi. ¹²Nde kpu me zheshishile eli me ukpe emene ọbọbhe emene chochi ikpe la? kamabokpe, ubo yọ ekpeni emene uzhibhe l'ime chochi ikpe ẹ la? ¹³Mu buwhutọ, Ebilikpabi ukpe emene uzhibhẹ li asaga ikpe. "Namani nyebhiyọ ya l'ime ogbo yọ."

Chapter 6

¹Eke onwunye l'ime yo unwelè usugadhi ya li ud'onwunye, ụdhunigedhe a bhu uze udho ikpe l'ununu ẹmene umeye ka ununu ẹmene egwele Ebilikpabi la? ²Imajeni bhu emene Ebilikpabi bhu ekpebhe uwa ikpe ē la/ Ubule kpom bhu yoni bhu ekpeni uwam ikpe, iweni ike li ukadhidho uka bu eke nwotuko ē la? ³Imajeni bhu yeni bhu akpeni emene uzhi-obioma ikpe e la? Kpomubokpe, anwewhoni uwhedhini ka li ukabe uka budu uwam ē la?⁴Ubule bhu inweni ike li ukakute uka iye loga li budumu abeni ebem, iye la udo mu igoneni otu uka uzhibhe kpom mu ibulaweni eka emene enwebhe unazhi li udho chochi la? ⁵Ma kani yoni iyem kpu emele mu imajini iwene. Ya bu kpom uzhie nye zhi l'ime yo umaji eyo eme-amu ukakute usugadhi nwana nabo ē la? ⁶Mubuwhokpom bhu nwana nabo bhu ulawetabhe udho ikpe-aubudhiwhu ọbu li ununu emene umeye!⁷Amu ubuwhoto kpom bhu nwana nabo bhu ulawetabhe udhọ ikpe ubuwhobu kpom bhu edemawho leni adama. ika whumaleni iye owhuma āumewho kpala? ika sabhetewholeni udhigbo aumewho kapala? ⁸Buwhuto, yọni imetashidhini-emetashidhi āidhigbodhidhiwhuni edhibgodhi, imedhijenine otu iyem bu emene nwạnạ yo.⁹Imạjidhiwhun la kpom bhu emene umeye bhu eke okpudhobe li el'eze Ebilikpabi ē la? Anagbobhe yoni anagbo. Emene ewhele, emene ukpenibhe unoshi, emene uga, akunakuna ukomo, emenemu unawebhe nye-adhi-ibebhe, ¹⁰emene ugbu, ẹmene ukal'uwome, emene menye, emene ukatashi, li emene egenege - oonwunye-nwunye l'ime bhe eke okpudho li el'eze Ebilikpabi. ¹¹Yabu iye otutu yoni ibunu li ewelewe. Buwhuto, emekwakpolebhe yọni, asamakpolebhe yọni, ekpedumalebhe yọni li ewa Nyenweye Jizos Kalaisi l'ijine gonutu li Uw'egwelem Ebilikpabimu āyeni.¹²"L'ime bhelebhele ịyẹ udhukata ume," mubuwhuto ubo bhelebhele ịyẹ ubadhu ịbạlaa. "L'ime bhelebhele iye udhukata ume," mubuwhuto iiye-iye l'ime bhe eke otuni me ukaa. ¹³"Bhidhi bu audhishi li ụ́wọ́, a ụ́wọ́ budhiwhu audhishi bhidhi," buwhoto Ebilikpabi atashikpo bu ịyẹ ibom kpani. Ukpenebhe èlị l'ishili ewhelee. Kamubokpe, eli bu āNyenweye, mubujone kpom bhu Nyenweye enyeshike bu èlị enye.¹⁴Ebilikpabi utema Nyenweye li ẹnwụ, ya bu kpu etemadhiwhule ye li ugbakpo ya. ¹⁵Imajeni kpom bhu eli yon bubhe utukpa eli kalaisi ē la? Ekem mo gonu utukpa eli Kalaisi mo dhushikatabhe li nye-akunakuna la? Uwhe umeȩ!¹⁶ Emajeni kpom bhu nyemu unakedho nye-akunakuna bhu ya li nye-akunakuna buwhobhe ṅine ē la? Zhi kpom ukpalawhu egwele ukạò "Bheshi ibom obuwhobe bu ō-ọkpeli." ¹⁷Bhuwhutokpom, nyemu udhushe ẹliya li Nyenweye ya li Nyenweye bhuwhobhe ū-ụwa¹⁸Gbani ewele ẹ̀sọ́! Bhelebhele ụd'ụji iyebhiyo onwunye umewhuto uzhela l'ime eli, bhuwhuto nye-ewhele ume bu umeye umetashi eliya wewe.'¹⁹Imạjẹni kpom bu eli yo bu udho-ukpeni Uw'ugwele, nye mu ụbo l'ime yọni, nye inwetani li eka Ebilikpabi ē la? Imajeni kpom bhu ibutoni emene eka yò ē la? ²⁰Iyedo ugwobhe yọni li owayi, kpomubokpe, padhiweni Ebilikpabi gonutu li budu yò li uwa yo amu ubobhe ā Ebilikpabi.

Chapter 7

¹L'umom iye kpatani otu ukamu ibhashoni li ubhabhe yọ: "Ubu iye manu-amanu kpom bhu ukoma bhu okpoto unyoma eka." ²Mubuwhoto l'ishili uwama ologa li iye bhala ewhele, uduke unwetu ununwe ya, a-ununwe unwetu ẹbhọ ya.³Ẹbhọ ume iye udhuna li nwenya ya li unakata, li eka neteniya a-ununwe umenidhiwhu izha kpeye. ⁴Uboo ununwe unwetu ụtụka li bụdụ eli ya, ẹbhọ unwe utuka. Li eka neteniya, ebho unwedhiwhone utuka li budu eliya, ununwe ụbụ nyenwe.⁵Ekwatani eliyo gama bhu iwhedhi-ewhedhi dhuma ubhe ibheteni unu. Meni kpom l'ishili udhushi eliyo li ukpe-ekpeni. Ya bha gamale a-nikatajini, kpu emele mu ekpesu ugwe yọni umama gonitu li ugwe umoji eli yoni ẹka. ⁶Mubuwhutokpom, mákani yon otu iyem kpom iye yo ekpebetuni li umeme, ubọ kpọm oloko. ⁷Ubu umashime kpom bhu bhelebhele madegede bhu zhibhe kpọm me-zho. Mubuwhotokpom bhu nwunye-nwunye nwe ukeshi ya, aubuzoli li eka Ebilikpabi, onwunye unwe ũuji ukeshi, ãudonwunye unwejine udo uji.⁸Li emenemu emene ugwẹbhe ebhȯ mubu unuwe li emene ununwe-ukudhọ maka kpom meni uka uma bhu unazhitụbhe kpeye, kpom me mezho. ⁹Ubujine bhu umojikedhobhe eli bhee, utbhe ununwe mubu ubhobhe ebho. Iyedoni umanu bhu bhe bhu unwebhe ununwe mubu ẹbhọ ka amu ọdụnwụlọbhe li ogwụ-inwe ya.¹⁰L'umom mene emene unwebhe ununwe mubu unwebhe ebho olokom, ubọ ne mene, buwhuto Nyenweye une, ununwe ele-ele li ẹbhọ ya ¹¹(ubujilene bhu ulewho ele li ebho ya, unazhi li ugwe ụbhọ ẹbhọ, ọbujẹnẹ kpẹyẹ, ulakeshi izhaa ọzu), lijine ebho eche nwėniya èchí.¹²Mubuwhoto li emene-ugwaliwho, makani bhe, - me maka ubo Nyenweye wo - kpom ubule bhu zhi nye nwe ununwe ézhè l'ime uwhetu, ubule bhu umashi ụnụnweya bhu ubekesha, nye ya eche la echi. ¹³Ubule bu ununwe unwe ebho ézhè l'ime uwhetuu, ubule bhu umashi ebho ya l'ubekesha, ununwe ya ele li ebho ya. ¹⁴Iyedo ebhomu ezhe l'ime uwhetu ya uzhiwho ise l'ishili nwenya, mubudhiwhokpom bhu unuwemu ezhe l'ime uwhetu ya uzhiwho ise l'ishili nyemu ya. ubulebhubokpe, umeledhe yo ezhibhe bu kpom iye dhụlụ-ȯdhụlụ, buwhuto l'egede bhe uzhiwhobhe isè.¹⁵Mubuwhotokpom, ubule bhu nyemu ezhe l'uwhetu ya ule-ele, sabheta mu ukazetu. Li unazhi uzhi kpẹyẹ, nyeya mubu ụkoma mubu unyoma edhi-ọwo unoje la. Ebilikpabi uwhugbede yeni bhu abedhini li uyodhu. ¹⁶Iyedo imaji bu kpa la, ununwe, ubulebhu yo bhu edokpewe izhiyo? Mubune, imaji bu kpa la, unuke, ubule bhu yo bhu ẹdokpewẹ nweniyo?¹⁷Kpubujiwhone, kpomu Nyenweye unemawho, nyenye li uke aaya, nyenye ukadhe ìze zhi kpụ Ebilikpabi uwhu le ma. Om bu kpu makale bhu zhi li bhelebhele chochi. ¹⁸Uzhi nyẹ uwhakpo ùmakpai mu ubha whetu who la? Nye ya uwudhiga ume zhe bhu uka wha ùma. Uzhi nye aka wha uma mu bha whetuwho la? Nye ya ewhe kpom bhu uwhabhe ya uma. ¹⁹Iyẹdọ ùwhạ ụma li ugwe ụwha ụma ubõ ịyẹ-ịyẹ. Iyẹ ka bu ukpete li oloko Ebilikpabi.²⁰Nyenye unazhitu li unazhimu yawẹ uzho mu Ebilikpabi ubha whọla li uwhetu. ²¹Ịbu nye-ulu li ubhen Ebilikpabi uwhọ yo la? Emekpashi eli yo. Ubule bhu inwe uwedhini unwe eli yo, me mu inwe eli yo. ²²Iyedo nyenye uwhulebhe l'ime Nyenweye li ubhe ubu nye-ulu, nye ya bu nye eli-uwedhi Nyenweye, li ekaneteniya, nyemu unwe eli uwedhi mu ubha whọbhela l'ime Nyenweye, nye ya bu nye-ulu Kalaisi. ²³Ugowebhe yoni li uwayi, kpomubokpe ebuneni madegede ulu. ²⁴Emenenwana, li unazhi unuzhi nye ya uzhile li ubhem uwhọbhelela, nye ya unazhitu l'ime ...²⁵L'umom li ịyẹ basali unyoma-akamajebhe-ukoma, me nwemu iye ukaka buzole l'eka Nyenweye. Mubuwhoto, maka bu echiche me kpomu nye utukwashibhe obu gonitu li umanishi Nyenweye. ²⁶Kpomubọkpe, megbe kpom gonitu kpu unazhi ugwele umanu-amanu, ùmànù-ámánú bhu ukoma ugwudhi li unazhi uzhi.²⁷Ununwe li yo zhini la? Ewudhiga uchia-echi. Ubujilene bhu ikato ununwe, ewudhiga utu ununwe. ²⁸Mubuwhoto, ubule bhu itu ununwe, imẽ umeyeshii, ubule bhu unyoma amaje okoma bhu bhowho ebho, yawe umedhiwhone umeyeshii. Bụwhụtọ kpom emenemu uzhebhe li bube izhi li nwenyi unwebhe otụtụ umekpeli li uwam, a me mowudhiga meni gbanatuni.²⁹Mubuwhotokpom, emenenwana, ombu iye maka: ubhe zhi ikishi. Gonitu l'umom kaze l'ununu, emene nwebhe unuwe ụbebhe zeka bhu unwebhe ununwe. ³⁰Emene ukwabhe ikwa ụmebhe zeka bhu ukwabhe ikwa, ã-emene utobhe obu ụmebhe zeka bhu utobhe obu, ã-emene ugutubhe iye umebhe zeka bhu unwebhe ịyè-ịyè, ³¹a-emene udhibhe ibala uwam ugwebhe ume zeka bhu ozunikpolebhe. Iyedoni uwam li unazhim awejelani ogwùlù bu ogwụlụ.³²Mowhudhiga meni nweni eliyo li agbezhi. Nyemu ọto ununwe ukadhigbo bu uka iye basali Nyenweye, kpu emelẹ mu obu utó Nyenweye li ụnu. ³³Mubujone kpom bhu nyemu uto ununwe ugba bu agbezhi iye uwam, kpu emele mu obu uto nwenya li ụnu - ³⁴budu ya unwe ukeke. Ununwemu obho ebhoo mu bụne ụnyoma-amaje-ukoma ugba bu agbezhi iye emeni Nyenweye, kpu ezhile ise li budu ya li uwa ya. Mubujene kpom bhu ununwemu uzho li ebho ugba bu agbezhi iye uwam, kpu emele mu obu uto izha li ụnu.³⁵Makanẹ kpom bu li umanu amanu yo, ubõ li udoya yọni ọzụ. Makom bu ịyẹ dhukata odhukata, kpu emele mu izhinimani Nyenweye li ugwu ụnwé ụkẹkè.³⁶Ubule bhu zhi nye gbe kpọm bhu unazhi bhu ya bhete ugbedem-akamaje-ukoma uka nhu atu otu bhu utugoshedhe odhi-eso - ubule bhu ugbedeya zhi l'ukalagadhiwho mubunjine kpọm bhu ugwewholebhe ututa umanodhè - yá we utuwha. Ya we mẽ umeyeshii. Ụtụtạbhe. ³⁷Ubujine bhu yawe bhu unuzoke kpu ukpebhele li obu ya, ubo li unushi ọnùshì, buwhuto li umojike eli eka mu ukpebetu li obu ya bhu ugbede ya bhu unazhigedhe, ya we 'meke jọka. ³⁸Kpọmbokpe, nyẹmu uto ugbede ya umeka jọka, yabu kpu nyemu uto ukpebe li ugwegedhe utu ununwe ya umewho a-ụka ụma.³⁹Ununwe unwe uwedhini li usabhete izha kpom izha uzhiwhoto budu. Mubuwhoto ubule bhu izha bhu onwulumale, ya we unwe uwedhini li uletu ebho umashilema l'ime Nyenweye neten.⁴⁰ Mashinekpombokpeye, megbe kpom meni akana bu unwe obu eto ubule bhu ugwudhitu li unazhiya. Mamaji kpom meni me nwedhiwhu Uwaegwele Ebilikpabi

Chapter 8

¹L'umom, iye kpatani bhidhi usoshibhe li eja unoshi: Ye amaji kpom bhu bhelebhele yen bhu amajini iye. Umajiye ubuwe bu ishî buto ugwushi umebuzo bu emebuzo. ²Ubule bhu zhi nye gbe kpom bhu yamaji iye amaji, nye ya kamajine ̣kpu udhunilema li umaji. ³Mubutokpom ubule bhu zhi nye gwushi Ebilikpabi ogwushi, bu nye Ebilikpabi maji.⁴Kpomubokpe, iye kpatani udhi bhidhi usoshibhe li eja unoshi: Ye amajini kpom bhu unoshi ubo ịyẹ-ịyẹ li uwamu, mubudhiwhokpom bhu uzhikwa li uwam bu ẹ Ebilikpabi neten. ⁵Iyedo ubunekpom bhu otumu uwhobhe iye-ukpeni bhu uzhibhem, li eligwe mu bujine li uwam(ubujine egede kpom bhu "iye-ukpeni" utu-ogbo li "idanwhudho" utu-ogbo uzhibhem), ⁶Mashikpomuzheya, l'iye uzhikwa bu Ẹ Ebilikpabi neten, Ubu ida, amu bhelebhele iye ubuzolebhe l'ima ya, Nyemu ye abe budu l'ishiliya, lijinẹ ō-ọ Nyenweye Jizos Kalaisi, Nyemu bhelebhele iye uzhebhe gonitu li ya, li dhiwhụ gonitu li ya mu ye azhidhiwhọ.⁷Kpubujiwholene, umajiyem uzhikpoli bhelebhele madegede. Kamubokpe, é-ẹmene l'ubhe gaga ukpenibhe unoshi, audhibhe bhidhiya zekwa bhụ bu iye ososhinibhe unoshi li eja. L'unazhiya aime-uwabhe ụdhụgbọli ịyẹdọ ukwale akwali-i.⁸Butukpom ùbó bhidhi ódóyawe ye ununu Ebilikpabi. Uyọni ukame li a-ye ubulekpom bhu adheni, mubuwhone bhu umạnụ kawho li a-ye bune kpom bhu adhiwhọni-edhii. ⁹Buwhuto, tukpa eli kpu emele mu eli-ụwhėdị yo ugwe ume mu nye akwalidho-akwali uwhotu li udada. ¹⁰Iyedo, ukabulekpom bhu onwunye uweji yo, zhikpom nye umajidho-amajidho, kpu izhile li udhi bhidhi li udho unoshi. Ndeke ime-uwa ya amu akwalikpodho edhimawhọ iye usoshinebhe unoshi li eja li ụgwewhọ uwoli-owoli ē la?¹¹Kpomubokpe, gonitu li umaji-amaji iye unoshi bu li egede, nyemu akwalidho-akwali l'uwhetuu, nwana yo-nyemu Kalaisi unwulo l'ishi ya atadhulẹ ewe. ¹²Kpomubokpe, eke imeyeshi le emenenwana yo mu imedhuma ime-uwabhe amu akwaligbodho-akwali, imeshie ya bu Kalaisi. ¹³Kpomubokpe, ubule bhu ũji bhidhi bhu eme bu nwaname mũ udada, eke medhiedhe udoo, kpu emele mu ngwe ụdoshi nwaname li udada.

Chapter 9

¹me nwetọm ẹli mẹ ẹla?Mọ bọmu nye-ụzhi Kạlasi ẹla? Mẹ mạ kạ wẹjemu Jịzos Nyenweye ẹla? Yọni ịboni ẹka ugbolomẹ l'ime Nyenweye ẹla?² Ubulene kpọm bhụ mọ nunedhemu nẹ ud'emene nyuzhii, ọdo ụyowhuto, mọ bụnuwhuto yọni. Ịyedo ịbunin ạtuma ẹka kpọmu bhụ mọbu nyuzhi linime mụ Nyenweye.³Ombu ịye mạkani emenemu ụchimashibhe mẹ ẹnye:⁴ Ye anwe ugbakpo l'udhi-edhi ela?⁵ Ye anwe ugbakpo li ubewe ununwe kpomu udo emene uzhi Kalaisi li emene nwana ukoma Nyenweye unwe dhihubhe ela? ⁶Ya buwhokpom ubugbohuto Banabasi li me agwehuto unwe l'umetu ugboloyela?⁷. Ubu ṅina ume ugbolo nye Sonja l'umegbo eli ya la? Ṅina ukpashi Ushinwina mu gwẹ udhi ina unwuloshi la? Mu bujine ṅina Ukpaloshiwe ȯnȯ miniema mu'gwẹ ụnwụ mini-umaya la?⁸. Maka ȯtu iyem bu gonutu li ugbakpo madegede la? Oloko kadhiwho kpẹ ẹ la?⁹. Iyedoni ubhabhẹ l'oloko Moses bhu " Yo egonọ ọnomụụ ipitu mini ema l'eke uzhidhiwhu l'ume ugbolo ulowe bhidhi". Ubu ọnọ l'egede Ebilikpabi unyeshọ enye la?? ¹⁰. Ukaa dhaa bu iye basalini ye ẹ la? Ubhanobhe iye ya bu l'ishili ye, iyedoni nyemu ubeshi udhu, ubeshi l'unwe ibeshi obu, nye mu ubuma jiwhonẹ bhidhi ọbuma ubuma ubuma l'ubheshi obu kpom bhuyom nwe bu uke l'iyemu ubumaya.¹¹. Ubule bhu ye bhu akpashiwhọ l'adhi izhinibu iye ewejebhe l'enyẹẹ, ubuwho iye kadhe'akadhe li'ye l'unweta iye ụwejibhe l'enye l'eka yọ la?¹². Ubulo bhu ụdọ emene bhu udhitubhe Ugbakpo zhi kpom l'eka yọn, ye anwe Ugbakpo uk'adhiya ẹ la?. Mu buwho tokpom bhu ye bha doketọ Ugbakpomu. L'ugwẹ ume kpe, ye akaite bu uma li bhele bhelebhelem. Iye k'amu ọọbu̱niwhụ tọ uzhuma Kalaisi ogbose.¹³. Imajieni kpom bhu emene m'umebhe ugbolo zhi ẹsọ bhu udhibhe bhidhi bu l'udho ukpeni ya ẹ la? imajieni kpom bhu emene mu usobhe eja l'ekpe bhu nwebhe uke aabhe l'atu iyemu Ụsowebhe eja l'ėkpė ẹ la?¹⁴. L'ekaneteniya, Nyeweye uyishi oloko bhu emene mu uzhiebhe uzh'uma bhu unwetabhe iye ubewẹ budu gonitu l'uzhuma ya.¹⁵. Mubuwhutọ kpom bhu mẹ mọdọketọmu Ugbakpo zhibhe kpom. Ma bhadhiwhomu ne iyem mu'zhi kpu umenilebhe mẹ iyẹẹ. uk'uma li me l'unwul'onwulu k'amu ọbuwhuto kpom bhu ọnwunye bhu'me mẹ mụụ megwe utu-ide.¹⁶. Iyedoni, ubule bhu mezhi Uzhu'ma, menwem ịyẹ eme mẹ mọọ tu-idee, iyedoni Umashimẹ amashi amashẹmẹ amashii, mezhi bu Uzh'uma. Uta bhiyo zhinimẹ l'aubhule bhu mezhiem Uzh'uma ya.¹⁷. Iyedoni memelẹ om gonitu l'uwamẹ, me nwe bu uwhu'gwọ. Ubujilene bhu bo l'uwame, me nwedhi whutọ ugbolo ukwatebhe mẹ l'eka.¹⁸. Iyela ubuwho uwh'ugwo me la?. Kpom bhu eke mezhilẹ Uzhuma, mụụ bu kpom bhu'zhi Uzhuma l'ugwe unatu iye-iye lị kp'emele mu zhi kpom bhu menwezomu iye udhuni me gonitu l'uzh'uma ya.¹⁹. Ubune kpomu mezhem l'ukpudhu onwuny'onwunye, memewe mu unwoboyi bhẹlẹbhẹlẹ madu, mu zhị kpu me mọdọya̱le emene-t'ogbo.²⁰. Li adhi eme Júú menwowemu nye Júú, muzhi kpu mọdọtụlẹ emene Júú. L'adhi eme zhibhe l'ukpudhu oloko zhibhe, me nwowemu nye zhi l'ukpudhu oloko, muzhi kpu mọdọtụlẹ emene m'uzhebhe l'ukpudhu oloko. meme om bunekpom mezhemu l'ukpudu olokoo.²¹. l'adhi emene ẹzhiẹbhẹ l'ukpudhu oloko zhibhe, me nwowemu ny'eziẹ l'ukpudhu oloko, ubunekpomu mobonume ny'ezhie l'ukpudhu oloko Ebilikpabii, buhutọ mezhi l'ukpudhu oloko Kalaisi. Memene kpom mu zhi kpu mẹdọtụlẹ emene ezhiebhe l'ukpudhu olokoo.²². L'adhi emene akwaliebhe, monwowemu nye akwalie akwalii, muzhi kpu mọdọtụlẹ emene akwaliebhe akwalii. Me nwokpolem bhelebhele uji iyẹ li bhẹlẹbhẹlẹ uji emenė, kpe'mele gonutu li bhelebhele ewheka mu mọdọkpẹwẹ ọtụtụ emene.²³. Meme bhelebhele uj'iyẹ l'ishili uzh'uma, muzhi kpu me ketule uke li uwokwani ya.²⁴. Imajieni kpomu l'umata ẹsọ, bhẹlẹbhẹlẹ emenemu umatabhe esọ ugbabhe eso bụtọ oonwunye neten ubutu gbo ugo ẹla? kpomubokpe, gba esọ kp'emele mu ibutu ugwo.²⁵. Bhelebhele nnye agbeso ubhete ẹliya l'ugbajike libhelebhele iye. Umebhe kpẹ l'unweta aba-ugwo aunwike l'utadha atadhu, buhutọ ye amekpẹ l'ugbutu abaugwo emene utadhu-atadhu.²⁶. Kpomubokpe, ombu kpu me magbalẹ ẹsọ, ụbo kpomu nye obọọ iye-iye l'obuu; ombu kpu me mạgbạle ẹsu Obọọ kpom nye-gbọ esu l'echeledhi èwéé²⁷. Me magbajike elime liumewa ulu, kpèmele ekeme zhikpole ud'emene Uzh'uma, megwe udawulu.

Chapter 10

¹Mowhudhigam menji ubu bdu imajienii, emenenwana me, kpom bhu emene idoyeukpugabhe mu ugabie kpodhi whobhe. ²Bhelebhele bhe ime mozizi li l'ime uyi li egelenyi li lime olimini ya. ³udhidhi whubhe oobhidhineten ewejiebhe li enye. ⁴Bhelebhele bhe unwudhi whubhe oominineten ewejiebhe i nye. unwubhe bu li iigwu ewejiebhe l'enye amu ugakeshebhe igaze, igwu ya bu kalias.⁵. Buwhutọ Ebilikpabi uwudhishi otutubhe uma, mụụ uzhubhẹ usekeli ọ bhelebhele adhi l'ime ihuo.⁶. L'umom otu iyem bunibhe yeni iy'umudhiwiye kp'emele mu yeni agwẹni ụbu emene chihigabhe iyebhiyo kpomu bhe chidhigabhe.⁷. Eboni emene udhushibhe uduj'iye l'ununu ka Ebikpalabi kpomu ujim Ọtutubhe ụbọbhe. Om'ụzhị kpomu ubhabhela " Emene ya 'nazhibhe'e'zhị li udhi lị ụnwụ aubuzolibhe audhogwudhibhẹ Ogwologwu". ⁸. Ageneni ewhele, kpomu ọtutubhe uganebhe. L'eye neten uugwu pukwu li pukwu ịtọ madegede unwulubhe l'ishi iyeya.⁹Amani ne kalais ama, kpomu ujimu otutubhe umabhe la mu ogwo utashikpobhee.¹⁰Etagbu dhiwhoyenine atagbu, kpomu otutubhe utagbuebhe mu nyuzhi enwu utashikpobhee.¹¹. L'umomu, otu iyem ụdakwashibhẹ, mu ubuni yeni iye umudhiwe iye. Ubhanebhe bhẹ bu li umudhiwe iye ye-ye emenemu ugwul'ogwulu uwa uja who l'uko yeni¹². Kpom'ubó kpeye, nyemu ugbekpom bhu ya zhi l'unuzoke, utukp'ẹli mu gwe uda ada.¹³. Uzhe Um'ama udakwashiyo akadakwashie emene uwaa. L'imiya, ebilikpabi ubheke ọgw'ẹgba. yawe ek'ewhe bh'umabhe yo ka kpu umedho yo uzhilẹẹ. L'ime um'ama ya yawe oloweni yo bu ewheka yo egbakpeli, kp'emele mu yo inw'ike l'ukaitedho.¹⁴Kpomubokpe, emene mogwush'ogwushi, gbamalini li budu udhushi udujiye l'ununu ka Ebilikpabi. ¹⁵Mo kponiyoni ekpo kpomu emene umajibhiye, mu yoni ighedhiweni ekpo ya iye. Unuwukata auwokwanimu¹⁶ a wokwaneni, uboo udhikata l'ime ubalamu kalais eela? Bhidhimu adhikeshitani, uboo udhikata l'ime udhu-eli kalais eela? ¹⁷Iye uzhigbo bu bukpobhidhi neten, ye emenemu atoni ogbo abuni ookpeli neten. bhelebheleyeni adhikedhi bu ukpobhidi l'ubunine.¹⁸. Ka nyetuni Izuleni mu a'uwam. Ụbọọ emenemu udhiọbhe iye oseja Umedhiwhubhe ugbolo li ekpe ẹẹla?¹⁹. Ma kadhom bu kpa la? ubukpom bhu unoshi bu iye ọbu la? Mu bujine bhu iye usolanibhe unoshi bhu buiiye ọbụ la?²⁰. Bụtọ kpom, ma ka bu iye basali oseja emene ọbọbhe Júú ukpenibhe unoshi, kpom bhu bhe usolanėbhe otu iye ya bu unoshi usalanebhe Ebilikpabii. Mo whudhigam meni ugbulu li yoi nweni iye umekwata.²¹. Inweni ike li unwuma menwe Nyenweye mu lọ nwudhiwhu a'unoshii.²². Ụbụ kpọm bhu awhudhigani ukpatema osozu Nyenweye la? Ye akawhọ a li ugbakpo la?²³"Bhelebhele iye uwheshi ume" buto ubo bhelebhele iye ubadhu ibalaa. Bhelebhele iye uwheshi ume", buto ubobhelebhele iye unubuzo emene madegede oluu. ²⁴Onwuny-echidhiga uman'amanuya neten. iye oobukpeye, nyezhina uchidhiga uman'amanu nwan'ibe a.²⁵. Dhini iyebuwhuto udhedhibhe l'aya l'ugwe utekwaga uka osunwa Obu.²⁶. Iyedoni, "Uwam bu a Nyewenye, li bhebhel'iye uzhiabhe l'ime".²⁸. Bụtọ ụbule bhụ Ọnwunye bhu kani yo, " Iyemu bu iye usowebhe eja", Ụbulekpẹ edhie la, l'ishili nyemu uka ne yo, lị ishili obu, ²⁹. Obu nyemu inenemu, bu iye maka, ụbọ a yoo. Iyela ọdọla mu uwhetume ụbụ iye obu udonwanye ekpe ikpe la?³⁰. Ubule bhu me dhibhidhiya l'utemeka, iyela ọdọ menweta ụkpadhiw'ume l'iye meme l'utemeka la?³¹. Kpomubokpe, ubune bu idh'edhi mu bujine bu inw'ọnwu, mu bune iye-iye imewhutọ me, bhebhelemu l'upadhiwe Ebilikpabi.³². Enweni idakpe l'adhi emene Júú li emene Giliki uzhibhe, lị jine Chochi Ebilikpabi.³³. L'eka neteniya, gbak'ukpo l'ume iye mashi bhẹlebhele emene l'ime bhelebhele iye. Mechidhigam ibalame, bụtọ ibala emene utu ogbo. Memenẹ kpom bu kp'emele m'unwebhe udokpewe.

Chapter 11

¹Satuni me, kpomu m'asato kalaisi. ²L'umon me keni yon'ekeni iyodoni igbewejimeni me li bhelebhele iye. me keni yon'ekeni iyodoni imojishini umenala ya joka kpomu ye azhe yoni. ³L'umom m'owudhiga meni majini kpom bhu kalaisi bu nyishi bhelebhele madegede; kpom bhu ukoma bu nyishi unyoma, li kpom bhu Ebilikpabi bu nyishi kalaisi. ⁴Ukoma buwhuto ukpe ukpeni mubune bhu ugba amu l'ukpushiya iye Lishi udhuma ishi ya odhuma.⁵. Unyoma ubwhuto ukpe ukpeni mụbụnẹ bhu ugba ama l'ugwe ukpushiya iye l'ishi ụdhụma ishiya ọdhụma. Iyedoni ubụwhọ iyeneten bhu yạwe bhu ikpukwakpo ya ishi. ⁶. Ụbụle kpọm bhu unyoma bh'egwẹ bu ukpọshiya iye l'ishi, ụkọma kpowhoya ukaze ishi ya kpani. Ụbule kpom bhu'bu iy'iwene l'unyoma l'ụkọ ya ukaze ishi ọkọ, mubune bhu ukpukwaya ishi ọkpukwa, ya wẹ ụkpọshi ya iye l'ishi⁷Ukoma okpusheya iye l'ishi, iyedoni ya we bu unwulu li eso Ebilikpabi. Buto unyoma bu eso ukema. ⁸Iyedoni ukoma ubo nye ukpuloshiwebhe l'ime unyomaa. Ubu bhu kpom, unyoni bu nye ukpuloshiwe bhe l'ime ukoma.⁹. Ukpunidhi whọ bhene ukoma l'ishili unyomaa, ụbụ bu kpom, ukpunibhe unyoma bu l'ishili okoma.¹⁰. Ombu iyedoni m'udhukata kpom bu unyoma bu unwe iye utugoshi ẹsọ l'ishiya, l'ishili emene-uzhi Ebilikpabi.¹¹. Mashikpom'ubokpe, l'ime Nyewenye unyuma unwike l'ugwẹ umekata iye ya li ukomaa, ukoma unwedhiwhone ike l'ugwe umakata iye ya li unyomaa.¹². Iyedoni, unyoma ulọ bu li gontu li ukoma, kpom ukoma ulọdhiwhọ gontu lị unyoma. Bhelebhele iye ubuzolị bu l'ime Ebilikpabi.¹³. Kpebewhoni l'eli yo: ubu iye udhukata kpom bu unyoma bu udho Ebilikpabi edho ukposhiya iye l'ishi la?¹⁴. Unazh'uwa wẹwẹ utugoshẹ yoni bhu ukoma nwele ukaze udhulaga, bu buna iye iwene ẹẹla?¹⁵. Unazh'uwa wewe utugoshe yoni bhu unyoma nwele ukaze ukani-uka, bhu bu na odhu-esọ ẹẹla?¹⁶. Ubule bhu ọnwunye uwudhiga udoke uka basalini iyemu, ye anwede ud'uji umenala laa, mu buhune emene Chochị Ebilikpabi.¹⁷Mubuto, li otu iye-umeme usoshebhom, mekenemu yonii. Iyodoni eke yoni izugbanihutoni, ubodhe L'umaa, ubu whu bu ligbiyo. ¹⁸L'aunuzu, mo nuji kpom bhu eke izugbaniwhutoni l'udho chochi, bhu ukawa zhi l'ime yoni, me whetu kpe li eewheta. ¹⁹L'egede unwe-ogbo ezhibu ezhi l'ime yoni kp'emele mu emene umanubhe amanu ulokwalibhe l'ime yoni.²⁰. Eke yoni izhugbamiloni iye yoni edhini uboo bhidhi egwelee.²¹. Eke yoni idhileni, nyezhina udhitukpogede bu bhid'aya, mu emene ugwali-agwali ubhadhiwhobhe aabhe. Inwe zhili ugwu oonwunye, onwunye onwugbojilẹyane li menye.²². Inweni ụdho udhi bhidhi lị unwu menye ẹẹ la? Inyedaweni Chọchi Ebilikpabi ẹlẹ la, mu imejadhiwhoni emene enwedho-be enwedho emeja la?²³Mẹ menweta bu l'ekamu Ebilikpabi iyemu mezhẹ yonị, kpom bu nyenweye Jizos Kalaisi, li ạbalimu udhegbobhela, ugonu bhidhi.²⁴ Ekemu unekpo ọ ukela, mu ukemala, m'uka ọ ''ombu udhu-elime, amubuwho aayani. Meni om li ugbeweji me''.²⁵. Li ekaneteniya, ugonu egege li ekemu udhikpo bhidi-ila mu bha ka ọ" Egem bu edhiọwọ ụwụ l'ime ubala me. Meni om eke-eke inwuwhutaani, li ugbeweji me".²⁶. Eke-eke idhileni bhidhim, mu ịnwuleni menyem, yọni ikaloshiwenaa bu unwulu enwum Nyenweye tụtụ udhuma eke uja.²⁷. Kpomubokpe, nyenyebuhuto udhile bhidhim, mu 'nwụhọnẹ menyemu Nyenwe li unazhi uyeli eyeli ada bu idakpe udhu-eli lị ubala Nyenwenye.²⁸. Nyezhina unyekwakpo eli ya, li unazhi, zhikpom udhiwho bhidhiya aunwuwho menye ya.²⁹. Iyẹdọ nyemu udhi ọ mu unwọọ l'ugwe udokwakpo eliya udhishiya aunwushiya Ogwọlọwọ l'eli.³⁰. Ombu iye'do otutu emene l'ime yo udhabhe eli, mu ubudhiwho bu eemene l'ime yo bu enyilebhe inyina-enwu.³¹ule bhu ye anyekwani eli ye, eke ekpedhebhe yeni ikpee.³² Ubule bhu Nyenwe bhu kpeyeni ikpe, udoyeni ya eka l'ete, muzhikpu agweleni utadhukeshi uwam ewe.³³. Kpomubokpe, emene nwaname, eke uzubganileni l'udhi bhidi, sejitani esejita. ³⁴. Nye inwe ugwule, udhikpo bhidi l'ụdho, kp'emele ekeizugbanileni mu ugwe ụbu aukpeta ikpe. L'iye basali otu iyem ịnẹnẹomu ibhani ya, ma kanikeyoni bu l'eke mejale.

Chapter 12

¹. L'iyẹ balasali ukeshi ewejebhe l'ẹnyẹẹ, emene nwaname, mo wudhigan meni emajenii.². Imajini kpom bu ekemu yoni izheni l'ukpeni unoshi, umebhe yoni mu iwulini ichakpa l'ukpeni unoshi okpobhen'ekpọọ, lị ėwheka ėwheka bhe udubutobhe yoni. ³. Kpomubokpo mo wudhi majini kpom bhu uzẹ nye 'kpekpo gonitu l'uwa Ebilikpabi enwike l'uka kpom " Ogwolowo zhini Jizos". Onwunye nwuye 'nwike l'uka "Jizos bu Nyenweye", gameawhuto gonitu li uwa egwele.⁴L'umom, uzhi bu uzhi zhi l'ise l'ise, buto uuwaneten.⁵ Uzhi bu ugbolo zhi l'ise l'ise, buto oo Nyenweye neteni;⁶ Uzhi bu iye umeloshi emeloshi uzhi l'ise l'ise, buto EEbilikpabi umeloshi bhelebhele l'ime bhelebhelem.⁷. L'umom, unebhe nyezhina li aya umeloshiwẹ ugbolo uwa egwele l'asaga li umanu amanu bhelebhele madegede.⁸Unebhe ọọnwunye l'ime uwa-egwele ekpo eyo, aunegbe udọnwunye ekpo umaji-iye l'ime uuwa egwele neteni ya.⁹Aunebhe udọnwunye uwhetu gontu li uuwa egwele, aunebhe udonwunye ukẹshi ụgwe-ọgwọ gon'tu l'uwa-egwele neteniya.¹⁰Aunebbhe udonwunye ugbolo iye-ụnwodhawẹ ẹnye, aunebhe udonwunye amuma. Aunebhe udonwunye ugbakpo l'umaji bhebhele uji uwa. Aunebhe udọnwunye uzukpuluji unu-ula, aunebhe udonwunye ugbama unu-ula.¹¹Bhelebhele otum bubhe ugbolo ụuwa-egwele neten, nyemu unedhi-ọ otu ukeshim nyezhina li aya kpu yawe ụlotutule.¹²Iyedo, kpomu eli ubugbo nnina mu unwejiwhone utukpa ut'ogbo, mu bhelebhelebhe ubujiebhene ookpeli neten, yabukpu 'zhile li Kalais.¹³ Gontu li ime uuwa egwele uwushibhe yeni mini l'ime ookpeli, mashibhu emene Juu mujine emene Giliki, mash bhu bu ulu mu bujine nyete, umebhe bhelebhelebhe mu nwubhe li uwa egwele.¹⁴Okpeli unwekwa uutukpa neteni, unwe aut'ogbo.¹⁵Ubulu bhu uko ka kpom " kpom mobomu eka, mezhedhem l'eli", ya ume la l'ibe ibe l'ugwe ubu utukpa eliyaa.¹⁶Ụbule bhu ẹte ka kpom, "Iyedo mobomu ekpeleni, mezhedhem l'eli", ya ume la l'ibe ibe l'ugwe ubu utukpa eli yaa.¹⁷Obule bhu'whulu eli buwho ekpeleni, ndewhọ adhi unuji ete ezhiwho la? ubule bhu uwhulu eli buwhọ ete, ndewhọ adhi unuji ẹgbu-iye ezhiwhọ la?¹⁸ilikpabi eshishikekpole bhelebhele utukpa, nyezhina l'aya, l'ime okpeli kpu umashi lema. ¹⁹Ubule bhu uzukpulubhe bubhe utukpa neteni, eli bha zhiwho l'eledhe la?²⁰ Kpomubokpe, l'umom, ububhe utukpa ut'ogbo, ubujibhene bu ookpeli neteni.²¹Ekpeleni unwe ike okuni eka bhu "Menwem iye menwẹ yoo". Mu buhone bhu ishi ukani uko, " Menwem iye menwẹ yo".²²Buhutọkpom, otu utukpa eli amu uzhebhe ka bu ukebhe ike, ubadhubhe ibala.²³Otu utukpa elimu ye agbeni bhu unwebhe ẹsọ ubeke, a nebhe ẹsọ bu eke, utukpamu awodheni owodhi unwebhe odhu-eso ka.²⁴Otu utukpa elimu umash'ekpeleni uwudhigadhe otu iye ya. Ububukpom, Ebilikpabi awhakekpole eli, munewhọ otu utakpamu enwe esọọ odhu-eso bu eke.²⁵Umene kpom bu kpemele mu ukematu ugwe uzhi l'eli, mu bu kpom bhu utukpa eli bhu nyeshikelabhe enye l'ugwushi.²⁶Kpomubokpe, uutukpa udhule uya, bhelebhelebhe udukatebhe; ubujileni bhu uutukpa bhu unweta umanu-amanu, bhelebhelebhe upadhibhe.²⁷Yọ ibuni ọkpeli Kalaisi, ibudhiwhuni nyezhina li aaya utukpa l'ime ya.²⁸Ebikpalabi ọlọtukpolẹ li Chochi ya l'unuzu emene-uzhi-Kalaisi, augbuwe bhibo emene amuma, aubhuwe bhitọ emene uzhi-ezhi, auso emene umebhe iye-unwodawenye, auso ukeshi ụgwọ eli-idhe, emene unedhibhe ushikedhi-eka, emene ugbolo uchi-echi, li emene kpobhe bhelbhele uji unu-ula.²⁹Bhelebhelebhe ububhe emene uzhu Kalaisi la?. Bhelebhelebhe ububhe emene uzhu amumu la? Bhelebhelebhe ububhe emene uzhi-ezhi la? Bhelebhelebhe ugbamabhe unu-ula la?³⁰ ...³¹Li ukpashike, wudhiga ukeshi mu uka ubu eke. Mubutukpom, motugoshi yoni bu umele uzuta-ozta

Chapter 13

¹Ụbulekpom bhụ mokpo unula emene madegede li ā emene uzh'obioma. Obule bhu menwem ugwushi, mobuhwo bu okele-ekp'ekpo li awaleke.²Ubulekpom bhu menwe ukeshi amuma, mamajikpowhone bhebhele ishuka li umaji'iye uwoli uwoli, mu mewhehone uwhetu unwike li ulegama ebhu. Butokpom ubule bhu menwemu ugwushii, mobomu iyẹ-iyẹẹ.³Ubulekpom bhu me dhegbokpo bhelebhele iye menwe li uwam l'ishi uneyite emene obhoyi ọwọ, mu buhonekpom bhu modhushimu eli li'echi. Butokpom bhu menwemu ugwushi, ụbadhi mẹ iyẹ-iyẹẹ.⁴Ugwushi bu ukaite obu li egwuma. Ugwushi usọọ ozụụ, udhediwhọne idẹẹ, ugbobuzoweya eli oluu.⁵Mubune ukenẹ enyẹẹ. Ukadhigbọọ uka eli yạạ. Unwe ogbolekpemaa, mubune bhu ubhe ya iye l'unukumạạ.⁶Utoọ obu l'ime iyebhiyọọ. Ububukpom, uto obu l'ishuka.⁷Ugwushi kaite bhebhele iye, uwhetu bhebhele iye, unwe ubheshi obu li bhebhele iye, aukaitedhihwu bhelebhele iye.⁸Ugwushi gulọ-ọguluu. Ubule bhu agbama zhigbem, ogulu gbe bu ogụlụ. Ubule bhu ukpọ unu ula uzhil'ise l'ise zhigbem, okwushibhe bu okwushi. Ubule bhu umaj'iye zhim, ọgulu bu ọgụlụ.⁹Iyedo, amajigboni bu eewheka, agbagbodhiwhuni agbama bu l'ewheka.¹⁰Eke amu uzuta-ozutam ujale, aamu ozuta-ọzutam ugwulu.¹¹Eke mezhi li umeledhe, mo kpo ekpo kpomu umeledhe, mezhizhi iye kpomu umeledhe, megbe iye kpom umeledhe. Eke moboo unukani, mo chuwoshi agwa umeledhe.¹²Iyedo, l'umom uweji adhi yeni ụbhagọ-abhagọ li onio, mubuto, eke omoo awejini bu li ununu li ununu. L'umom, mameyi gbo bu eewheka, mubuto eke emoo, mamajizo bu amajizo kpomu umajizobhe me¹³Mubuto, l'umom, iye ịtọm ugwalibhe: Uwhetu, ubheshi-obu, li-gba ugwushi. Mubuto, āukakpobhe bu ugwushi

Chapter 14

¹Wudhiga uguwshi, aichidhigashi umene uwa-egwele ike, auka-ike bu kpom bhu yoni bhu inwenike li ugbama.²Iyedoni, nye kpo unu-ekpo uzhi-ise ukpone madegedẹẹ buto ukponi Ebilikpabi. Onwunye nwunye umaje iye ya we ka iyedoni ukawho bu iye-woli-owoli l'ime uwa egwele.³Butokpom, nye mu ugbaa ama ukpone ekpo bu madegede l'ume bhe mu ukwaligbe akwali, l'ujagbe aja, li ukaitebhe obu.⁴Nyemu ukpo unu-ekpo uzhise umebuzowe bu eli ya, mubuto nyemu ugbạạ ama umebuzowe bu emene Chochi.⁵L'umom, ubu umashime kpom bhu bhebhele yo bhu ikponi unu ekpozhise. Mubuto, aukaya bukpom, ubu uma-shime bhu ugbani ama. Nyemu ugba-ama, akale nyemu ukpom unu-ula zhise (ugama buto bhu onwu nye bhu ugbasamaa kpu emele mu emene chochi unwetabhe umeke-obu)⁶Lumom, emene nwaname, unule bhu mejaya l'ukponi yoni unu-ula uzhise, nde ibala mabadiniyoni la? Iye mabadhu ze, ugawhu to bhu mokponi yoni ekpo gonitu li ukpa-enye, mubune agbama, mubune uzhi-ezhi.⁷L'ekaneteniya, eke utu iye uwhawe iye-amu ulowebhe ekpo-zhi kpomu oja mubune odu-nwokolobho ubule bhu gbuloshebhe ekpo udhukatanibhẹẹ, nde kpu-emele mu owunye umaji uli-obu oja mubune ọdu ya ugbubhe la?⁸Obule kpom ya bhu gbuloshi ekpo uwọọ enye, nde kpu emele mu onwunye umaji kpom bhu odumale eke uji-keleni ula la?⁹Yabukpu uzhidhule li yo nye kpo unu-ula uzhise. Ubule bhu ikala iye owo enyẹẹ, nde kpu amajilebhe iye yo ika la? Ikpo madhiwhoya bu ekpo ukadhe echeledhi ẹwẹ¹⁰Ubu ishuka bbhu un'ula utu ogbo bhu zhibe l'ula ṅine ṅine uwhebe umaji iye ukpo uzhẹẹ.¹¹Butukpom, ubule bhu mamajemu iye ūnula kpọọ, mobu nye udọ-ele ladhi nyemu ukpo un'ula ya uzhi, anyemuya budhuwhu ny'egede li adhi mezhi¹²Yabu kpuzhidhiwhule li yo. Kpomu ubukpom bhu ijikeleni bhu uwha ewgele bhu loga unazhi gonutu li yo, bagani umanu-amanu chochi kpu emele mu inuzokeni.¹³Nyemu kpo un'ula uzhise udho kpom bhu yawe nwike lu ugbasama-agbasama.¹⁴Ubule bhu mekpe ekpeni li un'ula zhise, uwame ukpe ukpeni ya, ekpema me ugbashe ekạạ.¹⁵Ndewho uji meme la? Mekpe bu ukpeni gonutu li uwa, āmekpedhiwho gonutu ekpema me. Mogwu bu obu gonutu li uwa me, āmogwudhiwhu gonutu li ekpema me.¹⁶Ubule bhu ubokpeye, ipadhiwele Ebilikpabi gonutu li uwa yo, nde kpu agale mu udonwunye uwhe "uzhi-kpeye" eke izhi l'une ukala ābukpom bhu umaje iye yo izhi l'ukaka ēla?¹⁷Ubu l'egede ine ya bu ukela, mụbụto kpom bhu nyemụ inenem unweta ībala ibalaa.¹⁸Mete Ebilikpabi meka iyedoni mokpo un'ula zhise kpakpo bhelbhele yo.̣¹⁹Mubuwhuto kpom bhu li udho chochi uka uma bhu mu kpo ukpulu uka ise. Li agwuguushi me mu udo emene umutubhe iye ka amu mokpo dhi puku ukpala uka li un'ula zhise.²⁰Emenenwana me, eboni umeledhe li ugbegbe yọ. Ubukpom, li iye balasini bhiyo, zhi kpomu emene umeledhe uji ntukom. Mubuto, li iye ugbedhi-egbedhi yọ kani-aka.²¹Li ukpalawhu oloko ubhabhe kpom, "Gonutu li emene ukpabhe unu udo ula, li gonutu li unu emene udo ele mokpini bu emene mu ekpe. Mashi kpe ndeke ekpenebhene me etẹẹ." Om bu iye Nyenweye uka.²²Kpomu bokpẹ, ukpo un'ula zh'ise ubu iye unwadhawe enye, ubunẹ ẹmene uwhetubhewhetuu, ubuni bu emene aka whedawhebhe-ewhedawẹẹ. Mubuto bhu agbama bu iye utugoshi, ubune emene aka whedawebhe-ewhedhawe, ubuni bu emene uwhedawhebhe-ewhadha.²³Kpomubokpe, ubule kpom bhu chọchi li uwhulu bhu uzugbanileni mu bhelebhele yọ ikpọni un'ula uzh'ise li ise, mu emene ujabhe eja li emene aka whedhewebhe-ewhedawe ukpudhu keshi-bhe yọni, eke bhe akabhe kpom bhu ishi zhe yọni ina e la?²⁴Ubulekpom bhu bhelebhele yo bhugbani ama, mu ōnye aka whedawe-ewhedawe, mubune nye asaga ukpudhuwho, bhelebhel'iya yawe unujiwhuto oyulula bu uwọ. Bhelebhele ogbo iyemu unujeya ekpewha ikpe.²⁵Iye uzhā l'unukuma ọlọ bu uwe. Gontu l'ikpẹ, yàwe ejidawe ya bu upi ele li ukpeni Ebilikpabi. Yàwẹ aka bu kpom bhu Ebilikpabi bhu zhi l'ime ogbo yo.²⁶Iye usowhola, emenenwana me? Eke uzugbonileni, Nyenye nwe ọ̄bu, ūzhezhi, ūkpumenye, ūn'ula ukpo-okpo, mubune ūgbasama. Meni bhebhele iye li uzodhu-uzo chochi.²⁷Ubule bhu ōnwunye bhu un'ula zhise, uzhubhe kpom bheshi ībọ, mubene bheshi itọ l'āukadhewhọle, usotabhe osota ōnwunye ukpola, ā ōnwunye ukpo, kpomu uzhiye, ōnwunye ugbasama iyemu bhe ukadhebheya.²⁸Ubule kpom bhu nye ugbasama 'zhe, nye nye l'ime ubhete unu kai l'ime chochi. Nyenye ukponitu eli ya ekpo li Ebilikpabi.²⁹Nye agbama ibọ mubune bhito ukpobhe ekpo, ā emenemu ụzhiwhọbhẹyạ ukpebhe ẹtẹ gonutu li umajiloshi iye ukabhe.³⁰Mubuto kpom, ubule bhu unweta ukpumenye li eke uzhi l'unazhi-ezhi, nye unuzu ya ubhewhọya unu kai.³¹Iyedo, bhelebhele yọ inwenike lu gbama ōnwunye-onwunye kpu emele mu bhelebhele yo imudhini iye, mu inwetadhiwhuni ujaja.³²iyedo, uwa emene agbama bu iye emene agbama umejikedhobe eka³³Iyedo, Ebilikpabi ubō Nye usugadhi, ubu Nye uyodho.³⁴Emene unyoma ubhetebhete unu kai li udho chochi. Iyedoni, unebhebhẹ uwedhi bhu ukpekpo. Ububukpom, bhu bhe ujibhoshibhebhe-ejigboshi, zhidhiwhu kpo oloko'kale³⁵Ubule bhu uzhi bhe iye uwudhigabhe umudhi, bhe utekwabhe izhibhe li udho. Iyedo, ubu iye iwene li unyoma ukpekpo li ime chochi³⁶Unu-ekpo Ebilikpabi ụlowho gonutu li yo la? Ibuwhonu emene unuzu udhuta la?³⁷Ubule bhu ōnwunye ugbe l'eliya bha bu nye agbama mubune bhu ya bha moji-egwele ka kpo, nye umaji bhu ogbo iye mu ma bhano yoni bu oloko'buzoli l'eka Nyenweye.³⁸Ubule kpom bhu ōnwunye ka bhu gwutoma iyem, ogwutudhiwhobhene nye ya ogwutu.³⁹Kpomubokpe, emene nwana me, ugwuweyoni inwe l'ugbama, egbobisheni onwunye-nwunye bhu ọkpọ un'ula uzh'ise.⁴⁰Mubuto, mekeni bhelebhele iye joka, li kpu udhukata lẹ.

Chapter 15

¹L'umom, whudiga ume mu amajini,emene nwana me, uzh'umam mezhikaloshiyoni, āmu yo inatoni mu inuzokoni l'imaya, mu inwetadhiwhoni ugawe. ²Mu inwhetadhiwhoni ugawe, ubule bhu emojikeshini ulekpom me zhishoyoni, ugawhutọ bhu iwhetu li abha.³Mezhikaloshiyon kpom iye zhikakpo li mkpa amu mewheto, kpom Kalais unwulu l'ishi umeyeshiye zhi kpom ukpalawhu egwele ụka-ọ.⁴Kpom bhu ulabhe eli, mu utemabhela li eye gbuwe bhitọ kpu ukpawhe egwele ukale.⁵Kalaisi ulopiwe kepasi lị dhi madegede li madegedhe ibhọ;⁶mu ulopiwedhiwho ūnu madegede li ugwu madegede isee l'ubeneten. Otutubhe uzhibhe budu, otutu enyilebhe inyina.⁷Mulopiwō Jemishi, mu ọlopiwō bhelebhele emene uzhiya.⁸L'ukpozu bhelebhele ulopiwe me, zhikpomu unwo lo li-uwo⁹Iyedo, mobu nye uyakalikpobhe l'ele li emene uzhiya. Mewheshemune uwhu nyuzhu iyedoni memetashi chochi Ebilikpabi.¹⁰Mubuto, gonutu li omanu-ishi Ebilikpabi mobu-o iyem mob'om, m'ubudhiho bhu omanu ishi Ebilikpabi l'ime utadho ewe. Iy'ōbukpe, mekeshike kakpo bhelebhele bhe. Mashinekpe, ubọ me meme, iye me bu oman'ishi Ebilikpabi.¹¹Kpomubokpe, mububhe, mubujine me, ubukpom, bhu ye bha zhikala uzhi mu yọni iwhetoni.¹²L'umom, ubukpom bhu ukalashibhe kpom bhu Kalais bhu ule li enwu, iyela udo mu emene l'ime yo ukabhe bhu ule-li-ẹnwu bhu-uzhẹẹ la?¹³Ubule kpom bhu ule-eli-ẹnwu zhẹẹ, ubune bhu bu Kalaisi utemabhelane li enwu;¹⁴ubujine bhu utemabhe Kalaisi l'enwu, uzhu ye utadhu ewe, uwhetu yọ utadhudhiwhu ewe.¹⁵Ya ubhudhihu kpom, bhu ye abu emene eka-ebe oyika basali Ebilikpabi, iyedoni, ye anuzo l'uka kpom bhu Ebilikpabi utema Kalaisi l'enwu. Mubutọkpom bhu utemala, li aubulekpom l'egede bhu utemabhe emene unwulubhe-onwulu l'enwu.¹⁶Ubule kpom bhu utemabhe emene 'nwulubhe. Onwulu l'enwu etemaa, uka temadhiwhobhene Kalaisi.¹⁷Ubulekpom bhu ka temabhe Kalaisi, uwhetu yo utadhu ewe, izhikedhiwhuni l'ime umeyeshi yo.¹⁸Ubulekpe, emenemu unyebhe inyina l'ime Kalaisi atadhukpodhiwhulebhe ewe.¹⁹Ubulekpom bhu anwekwawhutoni ubheshi-obu l'ime Kalaisi bu li budumu uwam neten, li bhelebhele emene, ugbanezhiye ukalikpobhe.²⁰Mubuto, l'umom, etemabhe Kalaisi l'enwu kpomu ukpulushi-unuzhu l'emene unyibhe inyina.²¹Kpomu enwu jọọ gonutu li onwunye, gonutudhiwho li onwunye mu uteli l'enwu ujadhiwhọọ.²²Kpomubokpom, bhu l'ime Adamụ bhelebhele madegede unwulubhe-onwulu, yabu kpu uzhidhiwhule kpom bhu l'ime Kalaisi emebhe bu bhelebhele madegede muzhibhe ibudu.²³Mubuto, nyezhina li usolo ya: Kalaisi, nyebu ukpulushi-unuzu, li jine āumebhe emene zhibhe li Kalaisi muzhebhe ibudu l'ubhe yạwẹ ejọọ.²⁴Aa eke-ugwulu udhuma, oge yawe ogoni ele-eze obioma mu Ida, Ebilikpabi, oge yawe atashikpo bhelebhele ụchechi, bhelebhele ụtụ-uka, li ugbakpo.²⁵Iyedoni, yawe ezhi buli uchechi tutu ulugbokpo emene ẹgba ya li uzobhe uko l'ishi.²⁶Nye egba ukpozụ utashimawhobhe bu ẹnwu²⁷Iyedo, "Yawe ishikpole bhelebhele iye l'ukpudhu uko ya." Mubuwhuto kpom, kpomu uka bhu "yawe Eshishikpole bhelebhele iye," udo enye kpom bhu om ugwushikata nyemu ushishikpo bhelebhele iye l'ukpudhu ya.²⁸Eke bhelebhele iye uzhikpowhole l'ukpudhu ya, āa ugonubhe unwe yawe āa ushishibhe l'ukpudhu nyemu ushishikpo bhelebhele iye l'ukpudhu ya, kpu emele mu Ebilikpabi ubu bhelebhele li bhelebhelem.²⁹Mubune li udo-eka, ndẹ iye emene ya emebhe emene mu uwhobhe mini l'unuzoseni emene unwulubhe onwulu la? ubulekpom bhu emene nwulubhe-onwulu bhu utemabhebhe etemaṅine ṅine iye la udo mu uwhobhe mini l'ishilibhe la?³⁰Iyela udo ubulebhukpe mu ye azhio l'umekpeli zukpulu ubhe la?³¹Monwulu-onwulu bu bhelebhele eye! Om abha-eka kpumu ut'ide me l'ime yo āamenwe l'ime Kalaisi Jizoz Nyenweye.³²Ibala me bu iyela, li kpu madegede ugwutule iyẹ, ubule bhu molushi eke-ono ulu li Epesos, ubule bhu utemabhe emene nwulebhe-onwulu li enwa ẹ la? "ngwa m'adhini m'anwuni, sele āanwuluni."³³Anagbo bhe yoni, "Ukpakata-bhiyo utashi bu agwa-uma."³⁴Ka nwe ugbe-egbe li eliyo. Be budu-umeyite. Ekazhe l'unu l'umekhedhi umeyeshi. Iyedoni eemene l'imeyo uzhibhe l'ishi li iye basali Ebilikpabi. Maka om ume yọni iwene.³⁵Mubuto, ōọnwunye ete bu kpom, "Ndekpu utemalebhe emene-nwululebhe-onwulu la, nde uji okp'eli bhe ejawebhe la?"³⁶Yo nye-ịshị! iye yo ikpashi l'ele unw'ike l'umeloshi li ugwe unwulu-onwuluụ.³⁷Iye yo ikpashi uboo uwhulu eli iyemu emeloshi who emeloshim, ubuto bu ịkpịlị iye. Unwike l'ụbụ uka, mubume udiji iye.³⁸Ebilikpabi ene a bu ọkpeli umashilema, ukpulushi ụbụwhutọ enwe bu ọkpeli ya.³⁹Bhelebhele eli ụbobhe ūujii. Iyobukpe, ọọkpeli ụbu ā-amadegede, audọ ọkpeli bu a-ọnọ, aụdọ okpeli ubu ā-unu, aụdọ bu ā-ụkpa⁴⁰Uzhibhẹ iyẹ bụbhe ịye-obioma li iye bụbhe iye uwa-adhim. butukpom igili iyẹ ọbioma bu ụdọ uji, āaigili iye uwa-adhim ubu ụdọ uji.⁴¹Uzhi igili ubu aelanwu, āụdọ igili ubu āadigwe, āụdọ igili ubu akpudhede. Iyedoni, ōọkpudhede uzhi ise l'adhi ụdọ ọkpudhede uzhi gonuti li igili ya.⁴²Yabu kpu uteli li enwu emene-nwulubhe-onwulu uzhile. Iye ukpashibhe-akpashi ubu-iye utadhu-atadhu, āiyemu ụlowewhobe-ọlowe utadhodhe-atadhuu. ⁴³Ukpashiabhe bu li unyepẹ; utemawhoabhe bu li igili. Ukpashiabhe bu li uyạ; utemawhoabhe bu li ugbakpo. ⁴⁴Ukpashiabhe ụbụ okpeli-upata; utemawhoabhe bu li unazhi iye ewejebhe li enyeẹ.⁴⁵Kpọmu ụbudhiwhu kpẹ, a bhamalebhe ma, "Mu Adamu ukoma-unuzum buwho uwazhibudu." Mu Adamu mu ugbowe-ogbowem ubuwho uwa-une-budu. ⁴⁶Butokpom, amu enyetọbhe l'enye ujaá l'unuzu, āuja l'uzu bu aokpeli-upata, muụ amu enyetọbhe li enyem uhba jawho.⁴⁷Nye unuzum bu nye uwa-adhim, ukpuwabhe bu upata. Nyemu ugbuwe bhibom ubuzoli bu l'ọbioma.⁴⁸Kpomu nyemu ukpuwebhe upata uzho, ya bu kpu emenemu ukpubhe li upata ụzhi lebhe, lidhiwhu, kpomu nyemu ujayọ li obioma uzhio, ya bu kpu emenemu ubuzolebhe li obioma uzhilebhe.⁴⁹L'umom, kpom yeni ayodhigan unwulu nye upatam, yabu kpu ayojidhiwhuleni obioma uzhilebhe.⁵⁰L'umom, ombu iye maka, umunwana me, kpombhu okpeli-upata li ubala unwike l'ube l'eleze Ebilikpabi. Ubone kpom bhu iye ụtadhu-atadhụ bhu ebekeshi bu iye atadho-atadhụụ. ⁵¹Nyetu! Mokuni yoni bu iye woli-owoli: Bhelebhele yeni eke anyikponi inyi naa, mubuto, bhelebhele yeni agbamawoni bu agbamanwo.⁵²Agbamawhobhe yeni bu l'ubhe neten, li udhabe ekpeni neten, li a ekpo ọdu ụkpọzu ya kpowhutọne. Iyedo, odu ya ókpọ bu ọkpọ, āa utemabhe emene unweule-onwulu l'ugwe-utadhu-atadhu, aa ugbanwobhe yeni. ⁵³Iyedo, okpeli utadhum ọyọtụ bu iye atadho-atadhuu, āa okpeli-upatam uyota ugwe-unwu-lu-onwulu.⁵⁴Eke okpeli utadhum uyotumawhole ugwe-utadhu-atadhu, mu ọkpeli ẹnwum uyotumawhọle ugwẹ-unwula-onwulu, l'eke ya, aa ekpo ya uja amu ubha kpom " Edhegalẹbhẹ enwuli umegbo-emegbo." ⁵⁵"Enwu, nde la umegbo-emegbo yo la? Enwu, nde iye igbadhiwe la?"⁵⁶Iye enwu ugbadhiwe bu umeyeshi, ugbakpo umeyeshi bu oloko. ⁵⁷Ukela uzhini Ebilikpabi, nyemu uneye umegbo gonutu li Nyenweye Jizoz Kalaisi!⁵⁸Kpomu bokpe, emene-nwanamogwu-ogwushi, nuzoshinike l'ugwe uzhigi-ezhigi. Zhimaadhini li ime ugbolo Nyenweye, iyedoni imajini kpom bhu ugbolo yo l'ime Nyenweye utadhọ ewee.

Chapter 16

¹L'umom, iye balasi unabgede iye-ushikejewe emene egwe Ebilikpabi eka: kpomu makano, emene chochi Galasha bhu umebhe, ya bu kpu yoni emedhuwhule ni. ²Li eye-unuzhu l'ugbakunozu, nyezhina ebhe bu iye li ugbonu kpu eka ya'zhule. Meni kpeye kp'emele njale mu igwẹni ugbadhigagba iye.³Ndumale, emene yoni ilotuleni, menebhe bu ukpalawhu aka-emenebhẹ ubhule, āndushibhe l'ulawe iye unene yoni Jelusalẹm. ⁴Ubule bhu udhukata bhu mezedhiwhu, bheé lime azewho bu uuze⁵Mabadhu bu abadhu anweji yoni li angalẹ Masidona. Iyedo ma galaga bu Masidona. ⁶Ubuto, manazhike yoni bu iyela lila, ubutojine, ā ma nazhi tutu okidhika gwulukpo, kpemele mu yoni ishikejimeni eka l'igazeme, adhi-adhi makazhewhutọ.⁷Iyedoni, uboo umashime l'ubadhu gbowhuto abadhu l'uweji yoni. Iyedo mebheshi obu meni matashi bu ubhe nwotukó l'unazhikeshi yọni, ubule bhu obu umashi Nyenweye. ⁸Mubutokpom, manazhi bu li Episọs tutu udhuma ogwu pentikọsi. ⁹Iyedo ogwumanilèbhẹ me aakwu, mu ubutukpom bhu emene ẹgba utubhe ogbo.¹⁰L'umom, eke Timoti jale, ewheni bhu unwe otogwu l'unazhikeshiyoni, ya we zhilume ugbolo Nyenweye kpom mezho lume. ¹¹Ewheni bhu onwunye-nwunye bhu nyedawa-ele. Shikejiani eka m'ukazhe l'uyodhu, kp'emele m'uja adhim mezhọ. ¹²L'umom l'iye ubasali nwanayeni-aukoma Apolos, majashia-ike kpomu bhu'bha weji yoni enye, ya li emene-nwana yeni. Mubunekpom bhu umashe ya ṇine-ṇine l'uja l'umomuu. Kpu-kpubuto, eja bu l'ubhe ulukatale.¹³Nyeshikeni enye, nuzoshinike l'uwetu, meni kpomu ukoma, keshinike. ¹⁴Bhelebhele iye imeleni, meni li ugwushi.¹⁵Imajini emene-udho Stepanas, kpom bhu ubu bhe ukpulu-ushi unuzu ulo li Achaya, li jine kpom bhu bhe ulowebhe elibhe li unyeshike emene egwele Ebilikpabi enye. L'umom maja yọni, emene-nwaname, ¹⁶yaweni eliyo ele l'adhi-emene zhibhe kpeye zhibhe, li jine nyenye ushiwhutọ eka l'ugbolo ya, m'umekeshe ye ugbolo¹⁷Moto-obu l'ujeja Stepanas, Potunatos, li Akayikos. Bhe umebiewho bhe kpomuyọni ezheni l'adhiyaa. ¹⁸Iyedoni, bhe temabhe uwa me li uwa yọni. Kpomu bọkpe, gbushini emene uzhibhe kpe uji.¹⁹Otu chochi uzhibhe li Eshiya utekpobhe yọni abidhi. Akwila li Pilisila utebhe yoni abidhi li Nyenweye, bhe li emene chochi mu kpebhe li udhobhe. ²⁰Bhelebhele emene-nwana yeni utekpobhe yọni abidhi. Tetani abidhi li uwhotuta eli'zhi Egwele.²¹Me, Polu, mabha iyem l'ekame. ²²Ubule bhu onwunye ugwushe Nyewe-ogwushi, ogwo-ọwọ uzhini nye ya. Nyenweye, ja! ²³Umanu-ishi Nyenweye Jizos uzhini yọni. ²⁴Ugwushi me uzhini bhelebhele yọni l'ime Kalais Jizos.

2 Corinthians

Chapter 1

¹Polu nye uzhi uliekpo mu Jizos Kalasi gonutu li echiche Ebilekpabi, li Timothy wana ye lugbalani udho uzugbani mu Ebilikpabi amu uzhe li ime Kolinti le bhelebhele emene egwele Ebilekpabi li ime ekpukpu emene Achaia. ²Umanuishi ugwudhini yo li uyodhu mu ubuzelo li ekah Ebilikpabi idy ye le nyeweye Jizos Kalasi.³Ebilikpabi ida mu nyeweye Jizos Kalasi ugwudhini Upadhi. ya wewe bu ida otuwezhi li Ebilekpabi bhele bhele ukiete uma. ⁴Ebilekpabi uneye ukiele uma li ime bhelebhele umekpeli, kpu emele muakiete emene uzhi bhe lu umekpeli unukuma. Kpu emeke mu akiete udho emene unukuma zhi kpomu amu Ebilekpabi uki ete ye.⁵Zhi kpo mu udhuya mu Kalasi ubeseny ye ya kpu ukiete umaye ubesele li ugata le Kalasi. ⁶Ubule kpom bu azhomu bu li umekpeli uzheya bu li ukiete uma yuo li ugawe; ubuele kpom bu ukieteje bhe ne ye unukuma, ubu dhihuto le ukiete yuo. Ukiete uma yuo gonutu li ugbolo ugwudhike ogwudike ugata bu li ukiete yuo, le uji udhuya amu adhudhiho. ⁷Ugbeshianwe ye le yo uzhigibheazhigidhi, ye maji kpom meni izhikatani li udhuyam, izhikata dhihuni li ukiete uma ye.⁸Yele awudhiga kpom meni emajini, wana uji bhelebhele udhuya mu agabie li Asia. Yee agabie usunweli uka ugbakpo ye, ubuhokpom by yee agbeshidheni anwe ibudu ye. ⁹Le egede ye nweikpe ugbubhe ye ogbu buto li ume ye mu ye agwe utukwashi obu li eli ye buto ushishi obu li me Ebilekpabi nye mu utema nye enwe. ¹⁰Udokpewe ye li iye ukeike ya obu nye udokpewe ye. Li ye ashishi ma le obu ye kpom bu odokpewe ye bu odokpewe.¹¹Ya eme iyem kpomu yo eshikeshiya ekah le edho otutu ete ji bhe ni bu meka li ishi ye li unana umanuishi ubabhe ye li ugata li edho otutu emene.¹²Echiche ye li udeidemu bu kpom; unukuma ye akaloshi ma le kpu ye ayiketu le eli ye li uzhi egwele li ime uwam li unukuma uzhi isi, lugwe udhabeni li eyo okpeli buto le umanuishi mu Ebilekpabi. ¹³Ye gba ne yo eyi eyi ubu kpom bu egudhido mu igwehu uwota, me nwe ugbeshawa kpom meni ewota bu ewota. ¹⁴Kpom e ewota ye le ebe, kpom bu edewe ye be ide le iye mu nyeweye Jizos, kpo mu uji mu ye adewe yo ide.¹⁵Iye dho me nwe utukwazhi obu kpom, bu me wudhiga ujakeshi yo li unuzu kpo emele mu iweta unana umanuishi ugbuwe bheibo. ¹⁶Me lu jikeladhi utedhi yo abidhi li kpo mu mekazo Macedonia. Me wedhigajo utedhi yo abidhi li awah meyale li Macedonia. kpu amele mu odugashi meni le Judea.¹⁷Kpo mu me zho li ugbedhi kpom, me kpala ozu la? me mekwele iye li okpeli la kpu emele meka li gedhe li gedhe li Ubokpeye li ubokpeye li ekele neteni la? ¹⁸Kpom Ebilekpabi umoji unu, uliekpo ye kponi yo ubo li agedhe li ubokpeye.¹⁹Akpana mu Ebilekpabi Jizos Kalasi, nyemu Silbanus, Timothy li me akalosho li ime yuo, ubo li agedhe li ubokpeye, iye obu kpeye, ubumadhi bu li egedhe. ²⁰Bhelebhele ogwegba Ebilekpabi bu li agedhe li ime ya, kpo mu ubo kpeye li ugata li ya mu awho uzhikpeye li una Ebilekpabi ebube.²¹Li umom Ebilekpabi odoweji ye li yo li Kalasi etemadhihu le ye oga. ²²Agba ma dhi hu li ye mu uno ye uwaya li ime obu ye kpo mu iye umaji li ekah iye ushi luja.²³Buto me whu Ebilekpabi nye unuzhesi uwame kpom bu iye mu mebo li uchi me ghe uja Kolinti ubu kpom meke sete yo. ²⁴Onm ubo kpom bu ye awedhiga ubu ho nyeweyo li uwhetu buto abu bu nye umekata ugbolo li ubueto yuo, kpo mu inuzoni li uwhetu yuo.

Chapter 2

¹Me kpebiemalemu li ibeme kpom bu ndeke mejakashi dhe mu yuo udo li unazhi udheme idhe. ²Ubu le kpom bu medhonilemu yo iye idhe, wena akpatume la, ugama nye mu memo iye idhe la?³Me gba kpom kpu emele awha me jakeshi le yo me gwe uweta idhe le ogbo emene mu eme bhe me motu ekpema. me nwe utukwashi obu li bhele bhlele yuo kpom bu obueto me ubu iiye li obueto yuo. ⁴Me gbani yuo li ekeh umekpeli li ekeh idhe li unukuma me, li ishibikwu utuogbo. Me wudhiga meni maji uji ugwushi me nweni yo.⁵Ubule kpom bu owenye bu odoh le idhem nyeya udho ne me neteni, buto li utuotu, ubo li umakpa yo eli, bhelebhele yuo. ⁶Iye idhe maduegede emebhe nye ya adamale. ⁷Li umon iye emabhe iyeidhe usabhetenyebhe akiete unukuma. Ma iyem kpu emele mu idhe ugwe utuna ogbo.⁸Me jayo meni doweji ugwushi yo li eli ya. ⁹Omu bu iye me gbani, kpu emele mu udokwa yo memaji ubule kpom bu ikpekete li bhelebhele iye.¹⁰Nye nye isamgbete leni, me masabheteni dhihu le ma. Iye masabheteni le - ubu le kpom bu me sabhetenilemu iye- usabhete abhe li ishili yo li ununu Kalasi. ¹¹Omu bu kpom kpu emele mu ekwasu ugwe unagbo yene, ubo kpom bu amaje echiche ya.¹²Nyeweye gwumani me Aku li awha mu mejo ele Tloas li uzhe uzhuma Kalasi li adhiya. ¹³Elime ugbauwe kpomu mewejemu wana me Titus li adhiya, me sete bhe mekadho ele Macedonia.¹⁴Buto ukela ugudhini Ebilekpabi, nye mu li ime Kalashi udoye li umegbo emegbo li ugata li ye utugoshi eto uzhi li egbu uzhi li umaji amaji ya li bhelebhele adhi. ¹⁵Abuni Ebilekpabi egbuma mu Kalasi, umashi bu li emene mu uwetama bhe udokpewe li emene mu lu tadhobhe ewe.¹⁶Li emene mu lutadhome ewe ubunime egbu enwe galaga enwe. Li emene mu uwetamabhe udokpewe ubunime egbu budu galaga budu. Otu iyem udhini wena la. ¹⁷Ye azhe kpomu ubotu emene udhedi bhe uliekpo mu Ebilekpabi li uhwewe ebala. Iya obu kpeye, ye agonu bu li usamali umaloshi emeloshi. Ye akpoekpo li me Kalashi kpomu udugashebhe ye li Ebilekpabi. Li ununu Ebilekpabi.

Chapter 3

¹Abidojini utubuze eli ye olu la? ye wudhigadhe ukpalahu ukaloshiwe ye anadhe yo mobi abuzeli li yo, kpom emene, yewudhigola? ²Yoni wewe ibuni ukpalahu ukaloshiwe akaloshi, agbagbe li ugwudhi ogwudhi bhelebhele madu. ³Itugoshi kpom bu ibuni ukpalahu ubuseli li Kalasi, li udonye uzhiuma ye, ugba bhe li ukeleabi buto li uwa mu Ebilekpabi uzhi budu. Ugbabhe li ogbodo echi, buto li ogbolo unukuma madu egedhe.⁴Omu bu ugbashiawe ye anwe, li ugata li Kalasi li ununu Ebilekpabi. ⁵Anuzekene li aye li ukaho kpom bu iye buzele liye. Iye obu kpeye unuzeke ye ubuzeli li Ebilekpabi. ⁶Ebiliekpabi bu nye umedhoye lu ubu nye nzhi edhiowo uwu, omu bu edhiowo ubo amu ukani buto amu uwa. Amu ukani ugbu madu, buto amu uwa unadhe budu.⁷Li umomu uzhi enwe-amu utakushe bhe li ukpalahu echi. Ujaya bu li uji ebube ubu kpom bu umeledhe Islael unyeshi dho bhe mose enye lu upi, omu bu li ebube usha li upi, ebube ukali akali. ⁸Ndhekpu ubueke ebube uzhi uwaya ezhile la?⁹Ubule kpom bu uzhi ukogbo okogbo unwe ebube, ndhekpu ubueke uzhi umete oyulukale li ebube la! ¹⁰Li egedhe amu umawe bhe ebube uzhedhe ebube li esou mu, eyedhoni a ebube ukaho aka. ¹¹Ubulebu amu ugama agama mu bu unwe ebube ndhekpu amu ugudhi ogudhi mu ebube ya eshilela!¹²Kpo mu ye anwe uji ugbeshianwe mu, ye le anwedhe otuogwu. ¹³Ye zhe kpo mu moses, nye ukpushiya iye le upi kpu emele mu umeledhe Islael ugwe bhe uyeshidho agbe enye li upi li ugulu ogulu ebube ugama agama.¹⁴Buto akpema bhe uzhi kpomu igu kpo mu uzhe li tam, awah ugwudhi le bhe adhiowo mu ukani, ukpupidhe ya uzhim uka unama dhe bhe, iyedhoni anamadhogbobhe bu li ima Kalasi. ¹⁵Umashi bu li tam ekele ekele ugwudhi li mgbe mose ukpupidheya uzhidhi li unukama mgbe. ¹⁶Awha onwenye uba yosalikeshile nyeweye, akpupidheya ubuzeli.¹⁷Li umon nyeweye bu Uwa ya. adhi adhi Uwa Nyeweye uzhile, udokpewe uzhi li adhiya. ¹⁸Li umon bhelebhele yeni li ukpumaokpuma li upi ye aweji ebube Nyeweye. Emewosa kpo le bhe ye li ime ebube mu uzhe uji, gonitu li ebube galaga ebube. Kpo mu uji mu ubuzelo li Nyeweye nye mu ubọ uwa.

Chapter 4

¹Kpom bo kpe iyedho ye anwe uzhim, kpo mu uji mu anweto otuweizhi, unukuma ye udhadheje ni adhadhi. ²Iye obu kpeye, alodhi kpo le iye uwoli owoli li iye utuwe iwenye, ye akedhenize li unagboi yee mene udouji iye li uliekpo Ebilekpabi. Li ulowe ishuka, ye akaloshi ni bhele bhele madu eli ye li ūnukuma yo azhi esi li ununu Ebilekpabi.³Buto ubule kpom bu uzhi uma ye bu unwe ukpupidhe ukpubidheni gbo bhe bu emene mu lu utaho bhe ewe. ⁴Li ukebhe, chieluwam okpupidhemale unukuma ugwe uwhedhia awhedhia bhe kpo usamali uzhiuma mu ebube mu Kalasi. Nye mu ubo anye mu Ebilekpabi.⁵Ye akaloshe eli ye, buto Kalasi Jizos nyeweye, li eli ye kpo mu nye uzhi yo li ishili Jizos. ⁶Ebilekpabi bu nye mu uko, bu echi unwe li egeleni, asamali male li unkuma ye, li unadhe echi mu umaji amaji mu ebube Ebilekpabi li ununu Jizos Kalasi.⁷Buto ye achishi mkpa ye li me okpokolo uwaye, kpu amele mu udo enye kpom bu ukadhe akadhe ekhe ugbakpo ubu a Ebilekpabi ubo aye. ⁸Ye adhu udhu ya le bhelebhele ebe, buto uyuluka ye eli. Ye ayuluka li ushishiga buto unukuma ye uke li adhi ibo. ⁹Unagbo bhe ye anagbo, buto usete ye ekah ulobhe iye buto ugbu dho bhe. ¹⁰Abudhigadhi li eli ye bu enwe mu Jizos kpu emele mu budu mu Jizos mu udo enye li ime ibudu ye.¹¹Li emene mu azho ibudu ye aweji enwe li uzukpulu ekele li ishili Jizos. Kpu emele mu budu mu Jizos mu udonye li ime okpeli upata ye. ¹²Kpo mu ubo kpeye enwe uzhili li ugboloya li ime yo.¹³Buto ye anwe uji uwa uwhetu likpu uzhile li otu iye mu ugba gbe ya. Me nwe uwhetu yabu iyeudho me akanye. Ye awhadiadhihu ewhadia yabu iye udho mu ye akanyedhiho, ¹⁴Iye dho ye amaji kpom meni nye mu utema nyeweye Jizos ya etemadhihu ye li Jizos, ayeweye li yo ununu ya. ¹⁵Bhelebhele iye bu li ishili yo, kpu amele mu umanuishi mu udhetazedhe otutu emene mu uyawe ukela uwudhiuwu li ebube Ebilekpabi.Kpu emela mu unukuma ye mu ugwe uke li adhi ibo, umashi kpom bu li okpeli ye bu ye alutadhudhiewe, li ime ye umawosadhibhe ye gonutu li eye galaga eye. ¹⁷Li ekele ikishi mu, umekpeli ntuko li ujikele ye li ukeike uzhi li esso eligwe li ebube amu ukakpoloo bhelebhele utuotu. ¹⁸Ye anyenye iye unyetubhe li ekpeleni buto iye anyetobhe li ekpeleni, iye anyetu li enye bu iye uzhi ikishim buto iye anyeto bhe lienye bu iye ogulo ogulu

Chapter 5

¹Ye amaji kpom bu ubule kpom bu udho eluwa ye atashimale bhema, ye anwe udho ubuzeli li Ebilekpabi, ubu udho onuwebhe eka maduegidhe, buto udho anweugulu ogulu li ime oluigwe. ²Li ime udho uwamu ye atagbu atagbu, li uwudhiga kpom bu ye abayetu kapa oligwe ye. ³Ye wudhiga iyem iyedho li uyejiayeji ndeke onwuwejibhe ye eliewe.⁴Li egedhe ewha mu azhe li udhom ye atagbu atagbu, ubu kpom bu iye umakpa ye eli. Ye awedhiga kpom meni agwe uyeki kapa, iye obu kpeye, ye awedhiga uyetu kapa, kpu emele mu iye ubu okpeli mu budu udhegatu a. ⁵Nye ujikele ye li bhele bhele iyem bu Ebilekpabi, nye mu una ye uwa Ujikeleni iye uzhi li ujaeja.⁶Kpo mu ubokpeye wedhini utukwashi obu lu umaji kpom bu kpomu azho lu udho li ime okpeli, ye azhi li igbu akputo li nyeweye. ⁷Ye amaw ugbolo bu uwhetu ubo li ekpeleni. ⁸Kpo mu ubo kpe ye anwe utukwashi obu. Azhituewe li okpeli, mu azhikeshitu Nyeweye li udho.⁹Ye amewetuhola iye ubu li achiche, kpom bu ubule bu ye azhe li udho mobe li asiga lu uma iye utowe ekpama. ¹⁰Bhele bhele ye ajani bu unashi eye ikpe mu Kalasi, kpu emele mu bhele bhele madu unatumbhe iye udhuni umadhiamadhi okpeli, ubule bu uma mobe gbeyo.¹¹Kpomu ubo kpe lu umaji otuogu mu Nyeweye, akunize maduagedhe. Iye abu Ebilekpabi unetukpo kpa, me gbekpom meni udodhihuyoni enye li unukuma yo. ¹²Ye ashoboli ukwuni gba yuoni li unatu uzhi esi ya, iye obu kpe ye ana yo unukuma edheniwe ye ide. kpu emele mu ewni iye usa asa li emene mu udhedhiwe bhe okpeli ide, iye obu ye uzhi li unukuma.¹³Ubulekpom bu agbekedhe iye joka, uzhini Ebilekpabi, ye azhijeni li jali unukuma, ubu li ishili yo. ¹⁴Ugwushi mu Kalasi uyigbedheye, iye dho akakpole iyem: kpomu bu owenye uwuluni bhelebhele madu, kpomu kpeye bu jeni kpe bhele bhele madu uwulubhe. ¹⁵Uwuluni bhele bhele madu, kpuemele emene mu ubebhe ubetudhibhe abhe, ubenihubhe bu nye mu uwulo li ishi bhe mu utelo.¹⁶Li ishili achiche, gonutuli umom kadhese ye amaji onwenyewenye li ugata li okpeli. Umashi kpom bu amaji kpole le Kalasi li ugata li okpele buto le umom ye amajidhe. ¹⁷Kpomu ubo kpe nye nye uzhile li Kalasi, nye ya amawawosakpole bhema, iye ukani agamamahole nyetu ubuhobhe iye uwu.¹⁸Bhelebhele otu iyem ubusali li Ebilekpabi, odhogashimele ye li eliya li ugata li Kalashi, anamdhihule ye uzhi udhoyawe. ¹⁹Yabu kpom li ime Kalasi Ebilekpabi li udhogashidhiya uwamu li eli li ugwe nigbe iyegbeyobhe yawewe akawatemale ye uzhi udoyawe.²⁰Otumalebhe ye ekah kpomu emene unuzhonibhe Kalasi, kpom bu Ebilekpabi li udhodhiedho li ugatali ye. Ye adho yo li ishili Kalasi dhogashi eli yo li Ebilekabi. ²¹Ume mu ubu ni ye iyegbeyo nye mu amajini iyegbeyo, kpu emele mu abuni emene umete Ebilekapbi.

Chapter 6

¹Lu umakesha ugbolo, ma dhe yo mani egono umanuishimu Ebilekpabi ewah. ²Ukakpom bu ekemu adhi ugausho, bu ya kpakeni yo ete; li awha udokpewe bu ya shikeshi yo ekah nyeshienyi omubu awha ugaushi, nyeshienyi omu bu eye udokpewe. ³Abukoshe ekpuluigu li ununu onwenye wenye li ugbobishi yoni, iye dho̱ ye awedhiga kpom bu ugbolo ye bu ugwe uzhini ukala.⁴Iye obu kpeye aye ye dho eli ye li iye ameme kpom bu ye abu emene uzhi Ebilekpabi. Ye abu nye uzhi ya li otutu ukieteuma. Li umakpeli usunweli, li adhiukeike. ⁵Ukobhe ye iye, uchishibhe ye li ikoli, uwedhigagbe ye ewedhiga, li ugbolo ukeike, ye agwe inina abali li inwe. ⁶Li usamali, Umajiye, Ukietuma, li ugueguma li ime uwa Egwele li jali ugwuzhi. ⁷Ye abu emene uzhi ya li ime uliekpo ishuka, li ugbakpo mu Ebilekpabi. ye anwe ahulu umate a ekah ikega li ekah ibidha.⁸Ye ame ugbolo li ebube li ukpadhiwemu, li unyedhawele li upadhi, kpomu nye oyeka buto me akadhijii ishuka. ⁹Ye ame ugbolo kpomu nye amejibhe inyebu, umaji ji bhe ni ye nyebu jokajoka. Ye ameugbolo kpomu nye enwe lu unyetuadhi, ye azhi lu ubedhidhi, ye ame ugbolo kpomu nye udhushibhe udhuya li iye amele, buto, ubo kpu nye ugunimahobhe egba enwe. ¹⁰Ye ame ugbolo kpomu nye idhe, buto ye azhe lu utudhi akpama. Ye ame ugbolo kpomu nye uyo buto ye azhi lu uchikobhete madhi eze. Ye ame ugbolo kpomu nye ewhe eyeye, buto ye anwhekpo bhelebhele iye.¹¹Ye akunimayaniom bu bhelebhele ishuka emene Kolinti, li unukuma ukumali okumali. ¹²Ye agbobisheyuoni, yuoni igbobishetuni eli yuo li ime unukuma yuo. ¹³Li uzhise ugbanwo mu me kpoekpo kpomu umeledhe, kpumani ekpeleniyo bhaka li uzukpuluekele.¹⁴Yo li nye amaji Ebilekpabi adhumonitani le eli, undhe umadhiashi iye uzhinikata umete li utashi oloko la? undhe uji usugbani uzhini usamali li igelani la? ¹⁵Eluji uwhedhiewhedhi ezhini Kalasi li belial? mobu eluji ukedhiashi iye uzhini nye uwhedhaya ewedhaya li nye ewhedhayawewedhaya? ¹⁶Li eluji uwhedhi ewhedhi uzhini udho ukpeni Ebilekpabi li unoshi la? Ye abuni udho mu Ebilekpabi mu uzhi ebudu kpu Ebilekpabi we we ukale. Me ebhe bu li ime bhe akadheizhe li ime bhe. Mobunigbe bu Ebilekpabi, Abunibhe me emene.¹⁷Kpom bu kpeye buzheli li ime bhe, aezhi ise, kpu Nyeweye ukale. ekpoto ekah li iye utuye, amedhotu yo. ¹⁸Mo buniyoni bu ida, abuniemeni akpana unwo li Adunwo. Nyeweye mu ukakpoliobhe ukpo ekpom.

Chapter 7

¹Wana ugwushi, kpomu anweni otu ogwegbam, amekwakponi eli ya li bhelebhele utadhu atadhu okpeli li uwa. Achidhigani egwele li otuogu Ebilekpabi.²Mekeniyeni ime udho, ye akeme onwenyewenye iye uwedhuma, ye aketashe onwenyewenye, mobe li ugoni onwenye wenye li ukpadhiebe umu. ³Ubo li ukogbo yo makaiyemu, makamalema kpom meni izhini li unukuma ye, li uwulukata li ubedhikata. ⁴Menwe utukwashi obu ubueke li yo, li idhe ubueke li iye kpatani yo, moyuluka bu li ukieteobu, uwudha owudha obueto me ukadhe akadhe li ime bhelebhele umakpeli ye.⁵Awha mu ye ajo Macedonia, okpeli ye unwe udheli. Iye obu kpeye, ye anweta umakpeli li bhelbhele ibe gonitu li usugbudhi uzhi li asaga li otuogu uzhi li ime ye. ⁶Buto Ebilekpabi nye mu ukite ekpema emene anwehbhe iyeye, ukieteye ekpema li uyaya Titus. ⁷Ubugbodhihoni li uyaya Titus, Ebilekpabi ukite ye unukuma, ubu dhihu li ukieteuma mu Titus uwhete li yuo. Ukuni ye kpu ubueke umedhi emedhi yuo uzhi le, udhuya yuo li ugbakukpo yuo, kpom ubo kpeye unukuma utome gbaka.⁸Umashi kpom bu ugbagba me ume yuo miwudhuma, madhashemuelime ikpe. Buto kpom bu madashieleme ikpe kpomu menato kpom bu uwudhiwe yuoni uma bugbotoli unwo ekele tukwo. ⁹Li umom akpeme me utoliunu, ubokpom buiyedho bu izhini li awha ukeike, buto kpom bu uwudhuma yuo uyaweniyoni uyosali, igabhani idheuma iyeye uwulunato yuoni li ishili ye. ¹⁰Ubuhuto kpom bu idheuma uyawe bu uyosali ikpe. Idhe uwam uyawe bu enwe.¹¹Weji ukpebie ekpebie ubueke idheumam umaloshi li yuo. Undhekpu ubueke ukpebie ekpebie li yuo olowele uzhi sasalala yuo la. Undekpu ubueke uwudhuma yuo, otuogu yuo, uwudhiga owudhiga yuo, utodhini yuo, li uwudhiga owudhiga yuo lu uweji kpom bu umatebhe ishuka! li bhelebhele iye yo idhoweji eli yuo li ime ukam kpom bu zhi sasalala. ¹²Ubuhutokpom bu me gbani yuo, megbanimu li izhili emene umebheabiyo mu bu ho li ishili emene mu ugabieme idhe ya, buto kpu emele mu iyeuma yuo li eli ye mu udo yuoni eny li ununu Ebilekpabi.¹³Ubulekpom mu ye akpashe eli ye ike, lu uchishi gba li ukiete ume ye, obu tolagahoye otalaga iyedho Titus utu ekpama, iyedho uwa ya unatu umawosa amawosa li ishili bhelelbhele yuo. ¹⁴Ubulekpom bu me idhidhe yuo li ununuya umashebheme iwenye li ibakpaya, kpomu ujimu bhelebhele iye akunye yuoni ubo ishuka, udhidhe yuo li ununu Titus ukaloshi kpom bhu bu ishuka.¹⁵Ugwushi ya li yuo ubuhoeke kpomu ugbewejio ukpete bhelebhele yuo. kpu idhotulemani li otuogu li uhudhi ohudhi. ¹⁶Motuakpema iyedho menwe utukwashi obu li ime yuo.

Chapter 8

¹ye wedhigameni majini, wanaye, uji umanuishi mu Ebilekpabi unadhe emene udhoukpeni Macedhonia. ²Li ekele eke umama umakpeli, utuogbo obuetobhe li ugbogbo uyobhe olowele eke eze li unadhi andhi.³Me akaloshi kpom meni unabhe ye, kpu udhinilbhe bu unabhe ye, li ukakpodhihu kpu udhinilebhe bu unabhe ye, li ukakpodhihu kpu udhinelebhe, li uchi obi bhe. ⁴Udhobhe ye li unukuma uzhi sasalala lin ukedhikata li uzhi mu emene uzhibhe egwele mu Ebilekpabi, ⁵Iyem udhakpu ye agbeshile anwe, buto kpom bu unamagedhebhe elibhe Nyeweye li unuzu, muba nahubhe ye li echiche Ebilekpabi.⁶Ye anushike Titus, nye mu ubidhoma ugbolom, li umakpo li imeyo omuma umanuishim. ⁷Buto kpom bu ibese bu li bhelebhele iye li uwhetu, li ekpo,li umajiye, li ugbelini egbelini lijini ugwushi yuo li ye. Kpomu ubokpeye gabkeniukpo li ukadheze li ununu li omuma umanuishi.⁸Meakaiyem ubo li ugboja ogboja. Iyeobukpeye meaka kpuemele modokwa kpu ugwushi yuo uzhile, lu umashikata ujikele ejikele udoemene. ⁹Imajini umanuishi mu a nyeweye Jizos Kalasi. Umashikpom bu udaeze, li ishili yuo abu nye uyo, kpu emel lu ugata li uyoya mu idani eze.¹⁰Li ukam me nayo bu udu eshekeshi yo ekah. Ala ugam agama, ibidogbo umeiye, buto iwedniga umaiye ama. ¹¹Mekpali umom, kpom uji mu ujikele ejikele li umema uzhe li awha ya, madhihua mu ugulu ogulu li kpu emedholema. ¹²Ubulebu ijikele ejikele li uma iyem. ubu iye uma li iye unatuanatu. Obugbo bu li iye nyeya unwe, ubo li nye enweh.¹³Ubo iye unweli udhoemene mu ubijihoni iye umekeli yo. Iye obukpeye uzhibhe uji. ¹⁴Unwewe li ekele umom olowe iye uwudhigabhe. omubu kpom, kpu emele mu unwewebhe ulowe iye iwudhigani kpu emele mu uzhibhe uji. ¹⁵Uzhi kpu ugbalegbema nye mu unwe iye umeme utuogbo, unwe iyeye ugwalinye agwanlini li jini nye mu enwe gbaka, iyeye uko̱shela.¹⁶Buto ukela ugudhini Ebilekpabi, nye mu uchishoo akpema li ime Titus, Ujii unukuma mu uzhi sasalala unyeshinye mu anyeshike yuoni. ¹⁷Unatubhe edhoye, buto kpom bu unukuma bu uzha sasalala li iyem. Ujakeshi yo li echicheya.¹⁸Ye adhugashikataa li wanaya aaa ukoma nye mu ukelabhe li ime bhelebhele usugbani, li ugbolaya li ukaloshi uzhiuma. ¹⁹Ubugboni omu, buto kpom bu ulotudhihubhe li udho uzugbani li ubu nye unazhikeshiye li ize, li umedhiemedhi umanuishi ya. Amubo yu anadho li ebube nyeweye li eliya li echiche uma ya.²⁰Ye amedhomu mu ubu kpom bu onwenye onweye utagboya atagbu li umedhi amadhi unana mu asholiumedhiomu. ²¹Ye anyeshienye li umeiye umanuamanu, ubugbo li uminu nyeweye, umashibuli ununu bhelebhele madu.²²Ye aludugashikata gba wanakoma bhee, ye adokpolema li bhelebhele ibe, ye adowejii kpomu nye uyawe ishi ele li ume iye uzhabhe. Ujikeledhuhuejikele li umomu iyedho utuwashiobuya li yo ubueke. ²³Kpomu Titus, nye ukpakatame li nye amenikata yo ugbolo. Kpomu emene wanaukpmaye, ububhe emene uzhi ubuzelibhe li otutu udho uzugbani. ubunibhe Kalasi ebube. ²⁴Tugoshigbeni ugwushi yuo, atugoshini otu udho uzugbaniya iyedho mu adeweyonide.

Chapter 9

¹Li ukotu uzhi mu emene uzhigbe egwele mu Ebilekpabi ibala meagbanigbayuoni uzhedhe. ²Mamaji iye iwudhigani, ubuiye medeweide li ununu emene Macedonia, mokunyebhe kpom meni Achaia lu jikeledhibhe akelemu akelem. Ujikelejikele yuo ukpashibhe akpamaike li iye umeme.³Modugashimalemu otu wanaukomaya li umomu kpuemele mu udideye mugwe utadhuewe, kpuemele mu ijikelejikele kpomu mako̱ meniezhibuezhi. ⁴Ugwakpe, onye Macedoniani uchiyaleme mu awejile yo li ugwe ujikelejike, otuweye be iwenye. Makamuiyeye ubasa li yuoni, li utukwashiobu li yuo. ⁵Megbe kpomu meni ubadhuibala li ukwuni otu wanaukomam bu ujashibhe yo mu imekweteniye li ununu li unana mu igutoliegba. Omu bu kpuemele mu ugwudhike kpomu uwokwani, li ugwe ubu iye ugonubhe li enyelike.⁶Ishi ekpoya bu kpom: nye mu ukpasho li intuko owtu bu li intuko, nye mu ukpashijoni li ishili uwheta uwokwani, owotudhigu bu li uwkwani. ⁷Bhelebhele madu unadhibhe kpu u̱zhi lema li ekpema, ubo li udokpueli mobu ugamahuto bu ubana na. Ebilekpabi ugwushi bu unana ubuzeli li ekpama neteni.⁸Ebilekpabi bu nyeweike ume mu umanuishi wudaniyo owudani, kpuemele, uzukpuluekele, li ime bhelebhele iye, meiweta iye iwedhigale. Omu obukuemele mu e bhoshini iye umedhiamedhi uma yuo. ⁹Uzhitu kpu gbabhe, ekemakpole ezeya enadhe kpole emene uyo, umaete ya bu ugwuwa li unuwa.¹⁰Nyemu ulowenyio nye uchi ikah ukpulushi ukpashi akpashi, li gbhdhi kpomu iye udhiedhi, ya olowedhihu li utuogbo ukpulushi ukpashi akpashi yuo, osula bu ugwutu umete emete yuo ozu. ¹¹Emeyo mu idaeze li bhelebheleibe kpu emele mu inadhienadhi. Omu, olowebu ukela meka Ebilekpabi li ugata li ye.¹²Li umeloshi ugbolomu ye asujigbodhe unkpa emene uzhibhe egwele mu Ebilekpabi, buto kpom bhu bu uwudhuowudhu li utuogbo ume mu akelani Ebilekpabi meka. ¹³Iyedho odokpolebheyuoni mu uwuwejobhe gonutu li ugbolomu, kpom bu enedhuhubhe bu Ebilekpabi ebube li ugata li ukpele yuo li ukaloshi ushi uma mu Kalisi. Enedhihu bu Ebilekpabi ebube gonutu li ugbashiagbashi unana li bhe li bhelebhele madu. ¹⁴Uwudhiga mbhe yo, udho̱nidhihubhe yo edho. Umebhe kpom iyedo ubuli ubueke umanuishi mu Ebilekpabi u̱zhi li yo. ¹⁵Ukela ugudhini Ebilekpabi li unana mu akaloshidhogbe akaloshi mu aya.

Chapter 10

¹Me Polu, makenike yo, gonutu li uyawe okpeli ele li uyiesso mu Kalasi. Meyawemu okpeli ele i awha me zhil le li ununu yuo, buto kpom bu mekpjajaja li yuo li awha me zhi le li asaga. ²Modho yo kpom bu, awha me zhikeshileyo, undekeme wedhigamu ukpojajaja li utukwashiobu eli me. Buto megbe kpom mokpojaja bu li awha mogbobishile ogbo emene mu ugbebhe kpom bu ye aya ayeze li okpeli.³Umashi kpom bu agaayeze li okpeli,ye aloulu li okpeli. ⁴Ahuluiye aluwe ulu ubo a okpeli. iyeobukpeye uwhebhe ugbakpo utashi ugbakpo igeleni, muyawebhele udokeikake uduyeichakpa.⁵Yeatashidhihu bhelebhele iye ugbabuze to̱ eliya olu li adhi umajiamaji Ebilekpabi U̱zhi. Ye agonu bhelebhele ugbegbe li ulu li ime ukpekete Kalasi. ⁶Ye aluhike uwhashiuya bhelebhele omume ukposete li akpete yuo uzule ozu.⁷Nyeshikenye iye uzhi yo li ununu, ubule kpom bu udo onwenye enye kpom bu yabu Kalasi, uwhezhini eliya awne kpom bu kpomu yawewe ubo Kalasi, bu ya kpu ye abudhihule. ⁸Umashikpom bu m dhide ntuko li utuogbo li utuzhiukaye, Amu nyeweye unadhoye li unubuzeyoni, ubo li utashiyuo atashi undeke motomu ewenye.⁹Mowudhigamu kpomu meni ulogakpom bu makpadhishiyo otuogu gonutu li ugba ukpalahume. ¹⁰Emene kabhe kpom "Ugba ukpalahuye ukwaliakwali mu uzhi omu uzogouzu, uliekpoya udadhoadhikpele."¹¹Ogbo emene uzie bhe kpeye umaji bhe kpom bu iye ye abule li ugba ukapalahu ye li awha ye azheli adhiya ya bu iye ye abu li umedhiamedhi ye li awha azhi le li adhiya. ¹²Ye akadhe igbu akputo li ukema eliye li ekpulukpu, mobu umashii eliye li ogbo emene mu upadhiwebhe eli bhe. Buto awha utushikata le bhe eli bhe nwene nwene mu umashikatabhe elibhe unyetugbo dhobhe.¹³Ye likpu ubule, ndekeye adhide li ukadheakadhe. Iye obu kpeye, ye amegboabuli kpu Ebilekpabi unagboleye bu amee uzegbozegbo udhuna akputo izhile. ¹⁴Ye agbatelaga eliye agbate laga li awha mu ye adhutayo. Ye abu emene unuzu li udhiuma yuoni li akputo li uzhi uma mu Kalasi.¹⁵Ye aka dhide li ugama kpo uzegboezegbo iye kpatani ugbolo udoemene. Iye obu kpeye ubheshi anwe ye ubu kpomu uwhetu you uzodhizo ugboloye li ime yuo alazeleozu bhekabheka. ¹⁶Ubheshi anwe ye bu kpom, kpu emele mu ye azhi kala uzhi umashi bu li ugamkpo ibayuo undekeye adewe ugboloya idhee lu umee li igbu udoemene.¹⁷"Buto kpomu bu nye dheleidhe udhe li ime Nyeweye." ¹⁸Ubo nye ulowe eliya bu nye ulotubhe, iye obu kpeye, ubu bu nye mu Nyeweye uloweto.

Chapter 11

¹Me wudhiga kpomu meni keshi meni iye ishi. Buto li egade elidhakeshidhimeni ishi. ²Me dedhiweyuoni ide. Me nweniyuoni udide uma, tutu mu moguniyoni egba li utua li ubhota ebho eteni Moguniyoni egba li utua li ubhota ebho eteni moguniyoni egba uloweyoni kpomu nye uzhi usamali akamaje iyeye li Kalasi.³Buto motuotogu ujinene kpom bu ujimu ogo unagbo Ebu(EVE) li ugata li umeleme unagbo, ugbedhiedhi unukuma yuo uweike li udola yuo ibe bhuyo li ubuezele li unukuma uzhi sasalala li uzhi usamali umeni Kalasi ugbolo. ⁴Uba bu le li umomu bu onwenye ukaloshi udho Jizos obodhe amu akaloshii ni mubuho kpom bu inatuho udho uwa obodhe amu inatuma anatuma. Mobu kpom bu inatuho udho uzhi uma obodhe amu inatuma anatuma. Achishikata kpo ho otu iyem joka joka.⁵Me gbekom ubo me mezhigbo ntuko li ime emene mu uhobhe nye uzhi Kalasi uwebhe ugbakpo. ⁶Umashi kpom be ukpabema akpa li ukpoekpo ubo kpom bu ukabemeakpa li umajiamaji li bhelebhele ibe li bhelebhele iye ame mu imajini.⁷Mema umeashi li uyawe okpeli me ele li ugbabuzeyoni olu la? li ewhe mezhikalashi yuoni uzhi uma Ebilikpabi. ⁸Me dhigbo otutu udho ukpeni li unatu ushikeshi ekah bhe kpuemele mu menadhe yuo. ⁹Awha mu mezhikeshe yuo mu akelemeke ukeleme memakpamu owenye wenye eli. Emene wana ukoma abuzeleme li macedonia, umenibheme iye ukeme li bhelebhele iye me bhele eli me li ugwe umekpa yuoni eli. me mekedhijine bu kpeye.¹⁰Kpomu ishuka mu Kalasi uzhe li me, udhidhemu ame ndekeoguleogulu li igbu Achaia. ¹¹Iyeladola? iyedho bu kpom, bu mu gwushe mu yo ela? Ebilekpabi umaji.¹²Iye memele ndekemekushemu okushi, kpu emele mu ukebie uwedhini ogbo emene mu uwudhigambhe uwedhini mu uwuwejebhe kpomu ye li otuye mu udewebhe ide. ¹³Ogbo emene uzhibhe kpeye bu bhe emene uzhi oyika li ugbolo unagbo. Lu ukpaho agwe kpo mu emene uzhi Kalasi.¹⁴Omubo iye uwodhinye, umashi bu akwasu ubuwosa eliya kpomu nye uzhi usamali. ¹⁵Ubo iye ekeuwodhinye kpom bu emene uzhi ya bu ubuwosadhihubhe bu iye umelemebhe owotu.¹⁶Meakagba udoi onwenyewenye egbekpom bu me bu nye ishi. Buto igbe le, natumu kpomu nye ishi kpu emele mu me deide ntuko. ¹⁷Otuiyemu mekadho li udide utukwashiobu mekamali kpu Nyeweye akala le ma, mekakpomu nye ishi. ¹⁸Kpomu emene udebheide gonutu li okpeli, mededhihu bu ide.¹⁹Li unukuma uma mu emedhikatani iye ishi, yuoni wewe iwaninye. ²⁰Imedhikeshini nye mu umeweyo ulu iye, uba tashi le yo, mu unwewe you ebala, uba gbabu zele eliya olu, mobu kpom bu uloyo ekah li upi. ²¹Mekali ewenye ye kpom bu adalaga uya li ume eyeya. Nye udelide. Meakum kpomu nye ishi me mededhuhu bu ide.²²Ububhe emene Hibulu la? ya kpu me bule. Ububhe emene Izueli la? ya kpu me bule. Ububhe umelebhe Ebilaham mu la? ya kpu me bule. ²³Ububhe emene uzhi Kalasi la? Mekpoekpo kazebu me nwemu ugbedhiegbedhi. Me zhi bhaka li ime ugboloike, li ime ikoli, li ime ukoiye otobhe otu, li uweji udhuya uzhi kpom enwe.²⁴Li ekah emene Juu menatu bu izise li ugwuiyibo mu unamabhe nwene. ²⁵Ize ukowebhe me iye li uchi, ugbabhe me iye iizi. Ugbo udajimalini me izito menabolemu e eye li abali li ime olimini. ²⁶Me zeize li uzukpulu ekele, li ime umekpeli ubuzeli li oshi, li ime umekpeli ubuzeli li ekah emene ugbu, li ime umekpeli ubuzeli li ekah emene udhoye wewe, li ime umekpeli ubuzeli li ekah emene obobhe Juu, li ime umekpeli li ula, li ime umekpeli uya, li ime umekpeli olimini, li ime umekpeli emene wana unagbo.²⁷Mezelemu uzhi li ugbolo li akeugbakpo, li ugwe nyena abali, li eme li ekidhi ukpe, mebudhi unu bhelebhele ekele, li ukayi li eliewe. ²⁸Ugamaho li bhelebhele otuiyem, uzhi dhihu otu udho uzugbani melu nyeshidhienye akotume okotu. ²⁹Ikegulu nwenala? Ikegulomeogulu, Nye mu ugbabishinyebhe iye bu mu udada, medukpoligemune.³⁰Ubule kpom bu medhide, medeweide bu iye ulowe ikeugulu me. ³¹Ebilikpabi li ida mu Nyeweye Jizos, Nye mu uwokwakpo uguwali unuwa, umaji kpom bu mekamu oyeka.³²Li Damaskus, ochichi mu uzhe li Eze Aletas unye dhiga ula ya enye dliga li umotume. ³³Ukpakushi bhe me li ime ukpo li ugaweme uzupo uzhi li ukuekudho megbanatola.

Chapter 12

¹Medebuide, umashi kpom bu ubadhoibala. Buto mekadhe zebu li ununu li unatuanatu li ukpumenye ubuzele li Nyeweye. ²Memaji uduke li ime Kalasi nye dhiala li alaino ugamaagama, Nye ubulekpom bhubu li eli mobu uboli elii memajemu, Ebilikpabi umolamabhe eligwe ugbuwe bhito.³Memaji jine kpom meni udukem, ubule li eli mobu uboli elii, memajemu, Ebilekpabi umaji. ⁴Umolabhe adhi udeli, mu unweta ekpo akoloshidho bhe akaloshidhio, abukpom bu umano bu maduegade bu ukaloshaa. ⁵Li ishi nye uzhi kpeye medebuide. Buto li ishi me ndekemedemuide, ugamahutokpom bhu bu li ike ugulu me.⁶Ubule kpom bu melotuho udeide, ndekemebomu nye ishi, iyedho mekadhibu izhuka. Buto mebheta bu udeide, kpu emele mu onwenyewenye ugwe ka kpu uwejile li me, li kpu unujile me. ⁷Li ugbete me li ugwe ugbabuzeli me olu, iyedho ubuli ukadeze li ununu ubueke mu ukpumenye, unabhe me ukpo li okpeli me, nye uzhi akwesu bhu ba whashime uya, kpu emele megwe udide.⁸Izito medho Nyeweye li iye ukotu iyem, meni mu unamanimu. ⁹Buto ukuni me kpom bu "umanuishiya bu ozumaleme, bu ugbakpo bu ozumala li ikeugulu" Kpomu mu ubo kpeye medide bheka bu li ikugulume, kpu emele mu ugbakpo mu Kalasi mu ubase li ime me. ¹⁰Kpomu ubo kpeye ozunimaleme li ishili Kalasi li ime ikeugulu, li ukpadheibe umu, li umekpeli, li ekele usoso li udhuya. Li awha ikegulu me, li awha ya mekwaliakwali.¹¹Mebumalemu nye ishi! Egbumeshi me li iyem li awha udhuniyuoni li upadhiweme apadhiwe. Me zhimu ntuko li adhi emene mu uhobhe emene uzhi ugbakpo mu Kalasi, Umashi kpom bu me bomu iyeye. ¹²Emene uzhi Kalasi amashini mebhe yuoni egede umashiamashi li bhelebhele usejieseji, li umashi iye uwodhinye. ¹³Undekpu igweleni uzhi unkpala kaho emene mu ugwalemeagwali li udho uzugbanimula. Umaga kpom bu me bunyemu yo umekpeli? Setenimu li iye miyomu!¹⁴Mejikelejikele li ujakeshi yo agbuwe bhito. Ndeke mebunye mu yo umekpeli, mewudhigamuiye ubu ayo mewedhiga bu yo. Udhinye umeledhe bu ubhetenibhe ina li ida umunwo iye, iye obu kpeye in li ida umunwo ubhetenibhe umeledhe iye. ¹⁵Otuwemebu obu li utashi mu etashidhihuni li uwa yuo. Megwushi le yo gbaka, ugwushi a me ezhi ntuko la?¹⁶Buto kpomu uzhe ya, memakpamu yo eli. Buto kpomu memjo ugbolo ekah, mebu nye umoyo ni li unagbo. ¹⁷Me gonu ibala li yo li otutu emene mu me duguashe ya la? ¹⁸Me ja Titus meni ujakeshi yo, me dugashekata la li wana ukoma mu emenemu. Titus unatu yo ibala la? ye amewe ugbot ubo uwa? ye amewe ugbolo ubo uko?¹⁹Igbe kpom bu bhelebhele ekelemu bu ye agbobishini yo eli? Li ununu Ebilekpabi, nye ugwushi ye li ime Kalasi ye akadhi bhelebhele iye li ugbakpo yuo.²⁰Me tuotogwu kpom bu awha me jayo, ndeke mewejemu yo kpu mewudhigale. me tudhihuotugwu kpom mene awha ejoni ndeke eweje meni kpu iwudhigalini, me tuoto gwu kpom bu udauka ezhi bu ezhi, udedhiwe ide, ulowe uwdhiuma, Umashikata, udedhiwe ideozu, ububuze eli olu, li ugwe umeke iye joka. ²¹Me tuotugu kpom bu awha meja ozu, bu Ebilekpabi me unweike li uyawe me ele li ununu yo. Me tuotogu kpom bu owudhiweme bu uma li ogbo emene mu umebhe iye gbiyo mu ubadhima umom, ugwebhe uyosalioyosali li unye bhe li ugadhitaugabhe li ukpudhii li ochenye amu umebhe.

Chapter 13

¹Umomu ugbuwe bhito mejakashi yo. "Bhelebhele uka olouwe bu li ekahibo madu ibo mobu madu ito." ²Mekanimalemu emene mu ume bhe iye gbiyo li ewelewe li emene mu egwalibheagwalin li awha mu mezho li adhi ya agbuwe gbibo, mekagbajela udo; Awha mejagbajo ozu ndeke mesete bhe.³Me kuniyuoni iyem iye dho iwudhigani iye utushi ekah kpom bu Kalasi bu ukpoekpo li ugata li me. Ikeugulola ogulu li adhi izhini, iye obu kpeye unwe ugbakpo li yuo. ⁴Ukpogboabhe bu li ike ugulu, buto kpom bu uzhi ibudu li ugbakpomu Ebilekpabi. Ikeguludhihu ye ogulu li ime ya, buto kpom bu ye abedhike shidhihu, ibudu li ugbakpomu Ebilekpabi li ime yuo.⁵Dokwani eliyo li uweji ubule kpom bu izhini li uwhetu. Dokwani eliyuo, iwuwejeni otu iyem li eliyuo, kpom bu edamaleni udodoya. ⁶Me tukwashi obu kpom bu egbushini bu iji kpom bu akadadhini.⁷Li umom ye adho Ebilekpabi kpom meni emeni iye gbiyo. Me dho mu kpomu meni azhihoni kpom bu agamaleniwo. ⁸Ye amedho ishuka iye iye, buto li ishuka neteni.⁹Yele ato obu li awha ikeugulule ye mu ikwaleni akwali. Yele adhodhihuedho kpu emele mu izuniozu. ¹⁰Me gbaniyuoni iyem kpom me zhekeshemu yuoni kpu emele awha me zhikeshi le yuo ndekememani yuoni iye li ike li ugonu ugbakpo me amu Nyeweye unadheme bu me nuwe yuoni, ubo li usekemayuoni.¹¹Lu uguluwe oguluwe ya wana,tuakpema! meni ugbolo utemaetema, kpashi yuo obuike, gbani uji iye, badhini li uyodhu. Mu Ebilekpabi ugwushi li uyodhu unazhikezhi yuoni. ¹²Tetani abidhi umunu uzhi egwele.¹³Bhelebhele emene uzhi bhe egwele mu Ebilekpabi utebhe yuoni abidhi. ¹⁴Umanuishi mu Nyeweye Jizos Kalasi, Ugwushi mu a Ebilikpabi li jine ukpekatat mu uwa egwele unazhikeshi bhelebhele yuo.

Hebrews

Chapter 1

¹L'ubhegaga Ebilikpabi kponi emene idakaniye ekpo gontu l'emene amuma l'ekele zhi l'ise l'ise l'jine l'ibakpa zhi l'ise l'ise. ²Buwhuto l'otu eye mu ugulu ogulum ukponino ye ekpo gontu l'unwoa, nyem ulotu bhu dhiekpe bhele bhele iye gontu l'ya mu Ebilikpabi kpowhu eluwam. ³Yawebu usamali igili Ebilikpabi, nye tugoshikwa unwulu ya. Ya umojike bhelebhele iye gontu l'ukakpo unuekpoya. Ubamekpo ugbolo usama umeye, mu naze eze l'eka ikege nyemu uzhe eso l'obioma.⁴Yawe bu ekeka emene uzhi obioma kpomu jimu ewamu nyitu l'ekpe kadhiwhu ewbhe.⁵ L'bhele bhele emene uzhi obioma, l'tamuno mubo jine Idayo? "Nde nye uzhi obioma Ebilikpabi kani," Mubuwhu bu Idayo, yo ebujine bu unwome.⁶Udugbajine bu, ekelemu Ebilikpabi ya weto unwo unuzuya eluwamu ukabhu kpom. "Bhele bhele bu awe." ⁷L'yebasa l'emene uzhi obioma mu ko, "Yewe bu nye me emene uzhi obiomaya, emene uzhiya idho-eche."⁸L'iye basalijine unwa muko, "Agida ezeyo, Ebilikpabi eke ugbo ogbo. Owomu eleze yo bu jali ikpe.⁹ Yo we igwushe umeitemu sojine ugwe umoji oloko oso. Kpomubokpeye, Ebilikpabi Ida yo, eteshile yo oga l'ishi oga obueto au kamawhune au emene nwujeyo"¹⁰L'ubido ebido, Nyenweme, yowe ibido ukpukpu uwamu. Obioma bu eka ugboloyo. ¹¹Atadhubhe bu ewe buwhuto yo we izhidhi budu gontu l'uko ga udo uko.¹² Oyubhe bu okpo aukalibhe kpomu ukani kaliobhe. Buwhuto, ibhanwo abhanwo lijine ala yo ebubdo ugbo ogbo.¹³L'ogbo emene nyeuzhi obiomamu, nde nye Ebilikpabi kani, "Nazhi l'eka ikegame tutu nmewewhuemene ebhayo kachi ezo jidhi oko. ¹⁴Emene uzhimuobiomamu ubobhe uwa ume ubholo ela, amu dugashobhe bu nyeshibhe emene nwebhe ugawe enye?

Chapter 2

¹Kpomubokpe ameweni bu iyemu adhujene ubho lokpagalema gwani usabhete asabhete.²Ubu l'bu uzhimu emene nyeuzhi obioma uzhikalobhe bu, "Ye udabene l'bhele bhele ugwe uyi oloko eso l'ukposete bhukpewe kpe ikpe."³ Nde kpo abhanatuline eka ugwemumula laubule bagone la iye iye? Omu bu ugawe mu Nyenweye kpo ama l'unuzu mu banijeye ne iye ubhusshi uji gontu l'emenemu unujio bhe. ⁴L'ekele neteniya, Ebilikpabi ulo l'eka ibo gontu l'iye uwodhawe enye. au tu ogbo aye we me l'jine unenemu amu uwa Egwele gontu l'umashi amashiya.⁵Ubo l'ishili emene nyeuzhi obioma mu Ebilikpabi mojikedho uwamu uzhe uja, amu akpomi dhiyoni ekpo. ⁶Iye obuwhokpe, onwunye l'adhi ojukwa le, "Madegede bu ma bhe iyealagbo, muobuyo zholi adhi uzhibhe bujine unwo madegede mu nyeshilike bhe enye?⁷Yo we ime emene uzhi obioma mu kabhe madegede ntikodhi; ikpushi madegede okpulihi igili l'odhueso. Emeweji l'mane nyeshieka ugboloyo. ⁸Ishili bhele bhele ye bu uzhibhe l'ukpu dhuya. Yawe webu nye mu Ebilikpabi shisho bhelebhele iye l'ekaye. Uzhe ye ye ugwe ushishi l'eka ye. Ebilikpabi⁹Buwhuto, ye aweji nyemu umebhe mu emene uzhi obioma kawho bhe la ntuko l'ekele akadhe uto, au bu Jizos nyemu kpushobhe okpulushi igili l'odhueso l'ishile udhuyaya l'enwuya kpagale gontu l'umanu ishi Ebilikpabi mu nwulu nikpo bhelebhe madegede. ¹⁰Ubu iye dhuni Ebilikpabi, umeneya bhele bhele ye ibeneme bu ya l'gontu liya wemu otutu emene webhe igili. Ubu iye umanuama l'me nye shi uguwebhe zuta ozuta gontu l'ewuya.¹¹Iyedoni, nyemu sama dhidho asamadhi l'emene musamabhe asma ubulibhe bu l'ibhu. Kpomu bwhokpe, yewe toiwene l'udhimi waneye aukoma, ¹²Muko, "Makaloshiweni buumu waname ewa yo, l'ime uxubhanibhe mugu obuyo.¹³Udogba, "Mu tukwasha obu." L'jine, "Nyetuni, ombu adhime zhi l'jine umeledhimu Ebilikpabi nedho me." ¹⁴Kpomu bu whuhokpe,kpomu umeledimu unwebhe okpele l'ubala, yewe nwedhiwho okpeye l'ubala, kpagale gontu l'enwu mu megbo nyemu nwe ukpakpo enwu, ye webu nye uwahbiyomu.¹⁵ Ubune kpomu, bukpagale mu udukpewe bhelebhele emenemu gontu l'ishili otuogwu mu bhe budubhe kpomu emene ulu.¹⁶L'amu ishukamu, uzhikesho ekamu ubu emene uzhi obioma buwhuto umeledhe Ebilaham.¹⁷ Kpombokpeye, ubu iye manu amanu bu uzhi kpomu emene umuwa l'bhelebhe ibe, kpagale mubu nyeshi osoeja nwe otuizhi l'uwhetu l'iye basa l'iye Ebilikpabi, l'kpagale mu yawe usabheteni iyebhiyo madegede. ¹⁸Iyedoni, Jizos yawe udhuya, umadhiwhubhe ama mu nwe whu ukpagbo l'ushikedhi emene umabhe ama eka.

Chapter 3

⁴⁵Ubo l'ishili emene nyeuzhi obioma mu Ebilikpabi mojikedho uwamu uzhe uja, amu akpomi dhiyoni ekpo. Iye obuwhokpe, onwunye l'adhi ojukwa le, "Madegede bu ma bhe iyealagbo, muobuyo zholi adhi uzhibhe bujine unwo madegede mu nyeshilike bhe enye?⁵Umeyabu, Mozizi nwe uwhetu kpomu nwe dho l'bhelebhele udho Ebilikpabi ubu dhi eke ibo l'ye basili l'iye ukaloshiwe au zhi l'ununu. ⁶Buwhuto Kalaisi nwe uwhetu kpom 'nwomu ubu nye ishi udho Ebilikpabi. Ye abuni udhoya l'abulebu akaite dhi obu ma nweni ubhe shiobu amu adewni ide.⁷Kpomu buwho kpe, uzhikpomu uwa egwele uko: "Inujile l'iya l'iye tamu.⁸ Ekputekedhoni obuyo ujimu ekele mu ume iye utashiadhi, l'ekele umama l'ime ukaya.⁹Umubu ekelemu idakaniyo utashibhe iye gontu l'umama l'jine kpo uwejibhe eke ugbolome l'ugwu-al'ibo. ¹⁰Kpomu bokpe mo wudhisho okoya uma. Mako, "Akpawulu jilebhe l'obubhe. Ukamajibhe Ebilikpabi." ¹¹Uzhikpomu ujimu mekpe be mawho l'uwudhu uma: Eke okpudho l'ude eleme."¹²Tukpani ele, umunwaname, kpagalemu owu nye owunye l'ime ugwe obubhiyo ugwe uwetu ewetu, obu mu buzo l'ima: Ebilikpabi izhe ibudu mu. ¹³Iye obuwhutokpe, kpashitani obu eke l'bhelebhele eye, kpomu jimu whubhela "tamu", kpagalemu owunye owunye l'ime yo ugwe ushikatamaya obu gontu l'unagbo ume yeshi.¹⁴Yel l'Kalaisi abuwhom emene umakata ugbolo la zhikedhi lene l'uwhetumu gontu l'ubido ebido tutu dhuma ugulu ogulu. ¹⁵Au basa l'umuno, akalebhema, kpom "Eye tanmu, muji lene uliya ekpu tekedhem obuyo ujimu ekelemu ume iye utashiadhi."¹⁶Nnina unuji uli Ebilikpabi mu tashebhe adhila? Ubo emenemu ubuzolebhe l'eli Egipit gontu l'Mozizi? ¹⁷Yawe uwudhu sho uma l'ugwa al'ibo bubhe elemela? Ubo emenemu umebhe bhiyomu emenemu okpelibhe uwulu owulu tadhu bhe ewe l'ime ukaya? ¹⁸Ukpebie mawholebhe bu eke okpudhubhe l'ude eliya buwho elemenela labu lebhu bo emene mu ekpenebhe laete? ¹⁹Ye anyetu kpomu bubhe ukpodhu dhobhe l'ude elimaye mene unwe uwhetu.

Chapter 4

¹Kpomubu kpomu bu ukwankwa ukpudhu l'ude elimaya bu nwegedhe ekele, Atukpa ne ele kpagale mu owunye owunye ugwe uda ada.² Ukanibhe yeni uzhiumamu bu kpobhe unujidhi whu lebhe. Buwhuto, uzhi uma abadhum ibala bu emene mu nwabhe uwhetu mu dhukeshibhe emene uwedabhe ewedawe.³Emenemu awedawo akpudhule l'ude elimaya, kpomu ujimu kamu, "Kpomu me kpebhema whoto l'uwudhu ma me, eke okpudhubhe l'ude elimame." Amashedhebu ugboya ugulu bule ubedo ibido uwamu. ⁴Yawe kpomale ekpo l'iyebasa l'eye sabo: "Mu Ebilikpabi udeya eli l'ugbolo ya l'eye sabo. ⁵Udogbajine, li ukpalawhu neteniya, mu ko, "Bu eke bhe okpudho bhe l'ude elim me."⁶Kpomu bu kpe, ugwaliniwhu emene l'ukpodu l'ude eliya, emenemu unujimabhe uzhiuma ukpodhubhe l'ude elimu umeneya uwhedawebhe ewhedawe.⁷ Kpomu bukpe, mu Ebilikpabi lutukpa eye, mu wula, "Eyetamu," L'ekelemu kpo ekpo gontu l'Debid l'unuekpo bhe ubheshimabhe ladhimu: Eyetamu l'ekelemu unujine uliya, ekpu tekeni obuyo."⁸Ubulebu Joshuwa bu ememalebhe ude elimu, Ebilikpabi bakadhe udo eye: ⁹Kpomu bukpe, uzhigbadhi udo Sabbath ude eli Uzhinigbo emene Ebilikpabi.¹⁰ Umeneya, nye obula kpudhu le l'ude eli mu Ebilikpabi, yawe deleya ole l'ugboloya, k[omu ujimu Ebilikpabi uddhiwhoya. ¹¹Kpombukpe, agbakeni ukpo l'ukpudhu l'ude eliya, Kpagale bhelebhele yeni awedaweni ewedawe lugume kpomu emene unuzu mobhe.¹²Umeneya, unuekpo Ebilikpabi zhibudu, unwe ugbakpo ukojine buko ka oge ishiechie. Ukpotu eke li obu li umaji echeche l'ubhe ebhe obuyo. ¹³Uzhe iye ye woli owoli l'adhi Ebilikpabi uzhi iye obu kpeye, Ebilikpabi nyemu ye amanene uli majikpo bhele bhele iye.¹⁴Kpomubukpe, kpomu anwani nye ishi osoeja bu ike amu buzoliwho l'obioma, Jizos unwo Ebilikpabi, ogbakeni ukpo l'ushi eke l'uwhetu ¹⁵Nyeshi osoeja ye nwe dhi emene akwa lebhe akwali otuizhi. Iye obukpe, anwenebu nye shi osoeja uma ama l'bhelebhele ibe, bu to ume umeshi. ¹⁶Kpomubukpe, ngwani l'uwhetu mazeni adhi agida ezemu, kpagale ma nweni utuizhi l'umanu ishi keshike yeni eke l'ekele okenye.

Chapter 5

¹Ulutunibhe emene nye osoeja l'ime ibhu abhebu l'unazhiseni emene abhe l'iye basa l'Ebilikpabi, kpagale mu osoejamu umeyeshi unwe usebheteni. ²Yawe majikpo mojikele emene amajibhe amaji l'emene nwebhe unagbo,umeneya yawe budhiwhu madegede.³ L'ekaneteniya, ubu omunala bhu 'somagedhebhe eja usama eliya l'umeyeshi, kpomu ujimu usu l'ishili umeyeshi emene aya.⁴Uzhenye nwe odhu eso zhikpomu l'ishili yawe we: iye zha bu Ebilikpabi wha, kpomu uwho Eelon.⁵ L'ekeneteniya, Kalaisi bha buzo eliya olu l'umewewho ya wewe nye osoeja. Ishukamu bukpomu, nyemu kponela ekpo, kpomu, "Yo ibo unwome; l'eyetamu mubu lemu Idayo.⁶Mukagbadhiwho; "Ibu nye osoeja gontu l'unuko ga unuko ujimum Melchizedek ubu."⁷L'ekelemu uzhe l'uwamu l'okpeli-upata, Kalaisi, l'ikwa l'ishibikwa ukpe ekpele mu udho Ebilikpabi nye mu nweugbakpo l'gawa l'enwu mu Ebilikpabi unujinela umeneya uzhi egwele. ⁸L'egde yawe bu unwo, umudhi ukpeshi ete l'ume ugbolo bu gontu l'udhuya mudho.⁹Mu mewe bhela nye uzuta ozuta mubuniwho emene ukpenabhe ete, nyemu doyawe uga we enwe ugululu.¹⁰ Mu Ebilikpabimewela nye shi osoeja l'eke neteniya mu mewe Melchizedek. ¹¹Anwe iye uka aka utu ogbo au basa l'Jizos,buwhuto, uke ike l'ukwa kpo ume neya iwetasheni iye enwa.¹²L'umomu, idadhuni ubu nye uzhidhi ezhidhi, buwhuto izhine l'ubaga gadhe gba emene ezhibheyoni uloko zitikodhi uzhibhe l'ime uzhiuma mu Ebilikpabi. Iye dadhu yoni l'umomu bu ma ubo bidhi kwali akwali. ¹³Umeneya nye nye obula unwulu ema ub umeledhi l'iye basa l'uzhiumamu agwelemu, iyedoni ubuga dhe umele dhi.¹⁴ Buwhuto, jal'bidhi bu a emene unukani Ombukpe emene gontu l'ukwali akwali bhe akpale bhe elibhe l'umaji iye umanu amanu l'ime iye bhiyo.

Chapter 6

¹Kpomu bokpeye, akasabete whu ubu umeledhe l'uzhi-uma mu Kalaisi mu akazeni lununu l'kawho aka. Adhushie dheni lununu, unuzhi azhini leke mu ayosalioni uwu l'ugbolo nwulu onwulu mu anwewhoni uwhetu l'Ebilikpabi. ²Mu ubuwhone ubido-ebido uzhi-ezhi uwushi mini, udaji eka, ulelenwu ligba ikpe gbowe ogbowe. ³Amebu omu la Ebilikpabi unele uwedhini.⁴Unwe uwe l'adhi emenemu ukpumakpobhe ekpelenyi, umajikpobhe unene obioma, emene mu unwetabhe uke l'uwa-egwele.⁵ Mu umajikpobhe eto ugbolo uma zhili uli-ekpo Ebilikpabi, l'ugbakpo ezhi l'eye zhi l'ununu. ⁶Mu udawuluwhobhe adawulu enwebu akenye l'dowegbabhe ozu gontu l'uyosali oyosali ombu iyedoni, okpogbo gbalebhe unwom Ebilkpabi udo, l'umezhidhiwhua iwene asaga.⁷Elemu unwo mini gontu l'kpu mini udedhulema, mu unwuloshiwe jione ina gontu l'ugbolo umezhiabhe l'ime, ombu ele uda-adhum unatu uwokwani Ebilikpabi.⁸ Unwuloshile ugwu l'ukpoluya, ubadhuo dhi ibala, uzhiwhoya bu uzedhu l'gololomo-owo Ebilikpabi. Ugulu ogulu ya obubu l'ime echi.⁹Buwhuto, yele anwe utukwashi ekpema utushi eka l'iye manu amanu ladhi izhini, emene mogushi ogushi ubu iye kotu ugawe, umashi bhubu kpomu yele akom. ¹⁰Ebilikpabi, udhigbodhie edhigbodhi. Ndeke ewhekashie ugbolo l'ugwushi mu inwo l'ewa ya lanwa, iyedoni, emenio ugbolom bu emene egwele mu aya, izhini lumenukedhiwhu bhe ugbolom.¹¹Ubu iyemashiye kpom meni, nye nye uzhile utugoshi ugbeke ukpo tut udhuma ugulu ogulu kpuemele mu uwhetu ya ugudhike ogudhike.¹² Omubu kpu emele mu igweni uda ogbogwo, buwhuto mu isatuni emenemu udhitubhe ogwegbam l'ekpe gintu l'uwhetu bhe.¹³Ekelemu Ebilikpabi kweno Ebilaham nkwa, udhitu owoh, kpomu uzhilebhu unwike l'udhitugba owoh leke nye ukama akama. ¹⁴Mubhako, "Me mowokwaniyo bu owokwani, a-me nedheyo umeledhe tuogbo. ¹⁵L'ishili om, Ebilaham unweta iye Ebilikpabi uwhetunia Kpomu lukate akaite.¹⁶Madegede udhitu owoh buli iye ka-akaa lekele ikake ugulule, udhitu owoh unazhiseni bu uwhedaweta.¹⁷ Ekelemu Ebilikpabi kpebio lutugoshi kwa umeledheya nkwa ya, ugwe ugbanwo agbanwo echiche ya, utugwoshi buli udhitu owoh ya.¹⁸ Unenio omu bu lishili iye ibo, iyedoni Ebilikpabi nwike-e l'koyika-yele, emene mu agbadhioni lulu, mu anweni ukaite obu lumojiketu ugbeshi anwa mu ubheteniobhe ye.¹⁹Yele anwe omu kpom iye gudhike ogudhike l'adhi ukwutu eka zhini uwaye, ubheshi anwamu ukpudhuo ladhi gakpo ukani unobudho. ²⁰Adhimu Jizos nyemu ukazeye lununuuu kpudhuma-who, okpudhuma le ladhiya l'ishiliye. Ubumale nyishi osoeja ugontu l'uko ga uko, amusoto Melchizedek.

Chapter 7

¹Melchizedekem bu eze emene Salem, nyishi osoeja Ebilikpabi nyekakpolibhe, amu uzuwejio Ebilaham kpuyale ladhi ulugbo otu ezemuya, mu uwokwaniola. ²Yabu nyemu Ebilaham uneo uke l'ime dhi adhi bhelebhele iye. Lunuzu, ugbama agbama ewaya bu "eze umele-uma; yawe budhiwhu eze Salem, yawe bu eze uyodhu. ³Yawe nwe ida, unwene ina, unwedhiwhone idakani, enwene ubido l'ugbo ogbo l'budu ya kama, usatu bu unwo Ebilikpabi, yawe bu nyishi oseja uguwa l'unuwa.⁴Ubueke udukem utugoshi bu kpom Ebilaham nela uke l'ime dhi-adhi, umubuezelie l'umegbo emegbo emene ezeya. ⁵Oloko kakpom bhu umeledhe Levi amuzhiobhe ladhi uso eja bhu natubhe uke l'dhi-adhi emene aye, yabu, leka nwanabhe, umashikpom bhebubhe umeledhe Ebilaham.⁶ Buwhuto Melchizedek amu amajiebhe adhi ubuzeli unatubho uke l'dhi-adhi Ebilaham. A-uwokwani dhiwha, nyemu nwe-o nkwa leka Ebilikpabi.⁷Ubuo iye ikake kpomubhu nye nweji nwike l'unatu uwokwani l'eka nye bhaka. ⁸L'unazhim, nye okpeli upata unatu ukelidhiadhi, ubule l'unazhi nuya, ukaloshiwebhe kpom bhu ubeshi l'ukadhe l'ununu.⁹ l'unzhi ukpekpo, libai, nyenatu ukelidhiadhi whudhitu ukaye leka Ebilaham. ¹⁰Kpom libai zhio l'ime uko emene uko gamagama lekelemu Melchizedek zuwejo Ebilaham.¹¹L'umom ubulebhu uzuta ozuta nwuwe gontu l'ubu osoeja buzeli l'dho libai. Ndegba jine uzhinkpa bhazhigba l'udo osoeja l'ulogba gontu luko liusatu. Melchizedek, amu ezhe l'unwulu Elon? ¹²Eke ugbanwolebhe unazhi osoeja, oloko agbanwo dhibu agbanwo.¹³Iyedo nyemu ukabhe otu iyhem l'ishiya bu nye udo ekpe, ubukpom bhu nye ekpeya kame ugbolo ige toumo. ¹⁴Uwo enye kpombhe umubhe Jizos buli Juda, ekpe Mozhizhi ekeshe ewa l'unazhi uso eja.¹⁵iyem yele akom wo enye kpom ubulebhu udo osoeja bholo l'udho Melchizdek.¹⁶ Ndeke obo gontu oloko udo mu nyeya ubuo oseja, obobu gontu loko budu enwe ugwulu ogwolu. ¹⁷iyedo ukpalawhu egwele lo ekibo basali liye ibu osoeja ukoba mujo gontu l'Melchizedek.¹⁸Ugbaite unuzuya zhiwho luku lishili ugwe ukwali li ugwe ubadhu ibala ya. ¹⁹Olokom meke iye muzuta ozuta, akaloshiwe jiholebhem udo ugbeshi obu enye mu ajaya Ebilikpabi uzedhu.²⁰Ubuo l'ugwe ugwotu ugwo! emene bubhe obu ububhe bu l'ugwe ugwotu ugwo. ²¹Buwhuto ubu osoeja bulekem"Nyenweye kputuo bhshi, ndeke enwejene uwedhini ugbanwo unukuma ya: ibu osoeja ukoba uko la."²²Gontu lom, enamalebhe Jizos ubheshi anwa adhiowo kuma²³ Emene osoeja gaga tubhe ogbo iyedoni ubebhe kadheze l'umom l'ishili enwu. ²⁴Buwhuto Jizos beshi kadheze, unwe unazhi uso eja ugu ogulu.²⁵Unwedhiwhu ugbakpo l'udokpewe kemawho nye jakeshile Ebilikpabi gontu l'iye iyedoni ubeshi udhiombhe edhio.²⁶ Udadh

²⁷Uwudhiga uso eja bhelebhele eye kpom udo emene osoeja, amu sokpogedho asliya mu ubha sowho audo emene. Emezukpole otum lekem usowe eliya. ²⁸Oloko ulowe losoeja bu emene izutabhe ozuta. Buwhuto uli-ekpo ugwotu ugwo mulogo lekele mu loloko gamo, lowe u-unwo, amu umewebhe nye zuta ozuta ukoba ukola.

Chapter 8

¹L'umom iye ukutu-eka l'iyem ye-akadhiom bu kpom, a-nwe nye-ishi osoja umazhima ezhi l'eka ikega l'ekpe-egwele Eze kakpolibhe l'obioma. ²Yawe bu nye uzhi l'adhimu uzhie eso jali udho ukpeni amu Ebilikpabi mubheto ubo madegede unu.³Bhelebhele nyishi osoeja ulotunabhe bu uso iye umebhene l'osoeja kpom ubokpe udawedhu l'unwe iye osoeja.⁴ L'umum ubulebu Kalaisi ushi l'uwam, ubabone nye osoeja nnine nnine, kpom emene gontu l'oloko ugbolo ya bu-a-bhe.⁵ Bhe uzhibhe kpom poto l'enye iye obima. uzhi kpom ujim Mozizi Ebilikpabi udola eka l'ete l'ogem uka bu ya nu-udho ukpeni, Ebilikpabi ka, "Nyetu, mekpo bhelebhele iye kpu udawedhule mu uzhi kpom utugoshiebhe yo l'olu ebhu.⁶Buwhuto l'umom Kalaisi enwetale ugbolo kama-adhiya, kpom ujim yawe ubudhiwho nye ku-kunu edhiowo kauma amu uzhiganio l'ogwegba kauma.⁷ Ubulebhu edhiowo unuzumu nwe-idakpe, ibala uloweni udo edhio uba zhie.⁸Ubhunu Ebilikpabi uwejio idakpe l'madegede, mu-ukao, "Nyetu eye ya l'ujiadhi nyenweye uka adhio bu edhiowo uwhu me l'udo Izleli l'gbajine udo Juda. ⁹Ndeke ezhie kpom edhiowo me l'idakanibhe adhio l'ubhem mudotobhe l'eka l'uduloshibhe l'ele Ejipit. Iyedoni bhe utukpanheeli l'ubhete edhio owoh mu mekpebima nye, Nyenweye uka.¹⁰Ombu edhio owoh me l'udo Izleli adhio kpom otu eye ya gambhe Ebilikpabi ka, Me shishi bu olokome l'obu bhe, ame bhashi l'ekpemabhe. Mobuo bu Ebilikpabibhe a-bhe bubhe emene a-me.¹¹Ndeke nwatibhe ezhitabhe iyee ubone nwana-nabo l'uka "amajini Ebilikpabi." Iyedo amaji bhe bu ise, gontu yakalikpobhe l'ele dhuma nye kakpolibhe.¹² Iyedo emene melebhe bhiyo me nwebu otuizhi. umeyebhe ndeke me gbewejidhem udo-o.¹³L'ulu edhio owoh kpom a-uwu ukakpom bu amu unuzum adhule ukani, iye bule a-ukani utodhodhe li ichakpa ube ntiko ndeke ezhiedhee.

Chapter 9

¹Lumom edhio owoh unuzum nwekpu umebhe iye l'ukpeni l'udho ukpeni auwam. ²Iyedo umekedho ukpeni. Amu-unuzum, uzhabu iye uwhakoshibhe echi, tebulu, l'ukpo bhidhi utugwoshi bhu yawe zhi l'adhiya, amu ubo adhi zhi-egwele.³Lozu atamu ugbuwe bhibom bu udo udho udho ukpeni, amuwhubhe adhi zhikalikpobhe l'egwele.⁴ Iyezhi l'adhiya bu ekpe adhi udukpobhe edhu. Iye'zhigbadhiwhu l'adhi ya bu okobo edhio owoh amu ugonebhe owayi odo mushikoshiobhela l'meya ume izogo owoyi odo-o amu ubhishebhe bhidhi obioma nkpala Alon ulowe ume, l'ibeli igwu mu ugbabhe edhio owoh.⁵ L'olu okobo edhio owoh igili Chelobimu ukpupidhemale olu adhim osoeja, amu yo anw ike l'ukowamakpo kpu izhikpole-e l'umomuu-.⁶Eke mumekekpo bhe otu iyem, emene osoeja ukpudhubhe bu l'ime udhom izhie l'unuso l'udho ukpeni l'umebhe ugbolobhe.⁷ Buto nye ishi osoeja nteni ukpuidhukwa l'udhomu ugbuwe bhibom ukpudhu kwa bu ukpulu l'aala, ndeke okpudho l'ugwe umojila ubala ogoni l'usamawe umeshiyea l'a emeneya umebhe l'ugwe ukwatu ukwa.⁸Uwa Egwele tugwoshi bhu kpom ubuwhutokpom bhu ukani udho ukpeniya uzhigedhedhio l'unuzodhi, ichakpa ukpuduwe li-adhim uzhiklikpobhe l'egwele uka lo-o. ⁹Ombu iye utushiwe iye ubhe umom. Iyeunene l'osoeja usobhe l'ekemuya nwe ike li umezutakpo obu. ¹⁰Bhe umajigbobhe bu iye basa l'bhidhi l'menye l'otutu iye omunala usama eli, oloko ubheke okpoeli tutu mu bha dhuma ubhe umom.¹¹Kalaisi uja kpom nye ishi osoeja otu iyemanu ijamawhobhe ejama. Ugalagom bu udho ukpeni ubuka l'kpobhe, l'azuta ozuta amu emewebhe eka madegede, ubune auzhi l'eluwam okpubhe okpukpu.¹² Ubo ubala agelezhi l'eyi, buto ubalaya bu amu ukpudhuwe l'adhim uzhikalikpobhe l'egwele nnine neten l'ishi bhelebhele madegede mu uyaweneye udokpewe enwe ugulu ogulu.¹³Ubule bu ubala agelezhi, l'eyi l'useshi ewechi unwo eyi l'eli emene ezhibhe usamali, ubhebhe eso l'ununu Ebilikpabi l'okpeli.¹⁴ 'Manumawho ubala Jizos, nyem gontu l'uwam onwulo onwulu eneo umeye l'ununu Ebilikpabi, usowe eli ya eja, l'sama echiche ye l'ugbolo agba, mabu noudho Ebilikpabim uzhinebhe udu.¹⁵ Ombu iyedo yawe bu nye uyodhu edhio owoh uwum. Omubnekpe, kpom enwu damato l'udokpewe emenem uzhibhe l'ukani edhiowom l'umeyebhe emene uwhetulebhe enwetabhe bu iyem ogwegba a-ekpe enwe ugulu ogulu.¹⁶Iyedo adhi ubhabhete uke ekpe uzhim who, enwu nyemu ubha ukpalawhu uke ekpe l'budu ya odokpe bu nye. ¹⁷Iyedo ukadhibhe uka uke ekpe ubhabhetebhe abhabhete, bu l'eke nye ya unwuluma le, iyedoni unwee ugbako l'ike nyemu ubhabhetela uzhibuduu.¹⁸Yabukpom bhu umashine bhu edhio owom, udhiebhela l'ubala ugwe uzhia. ¹⁹Iyedo ubem Mozizi ugwuka loshikpo bhe, bhele bhele emene ya olokom, mu 'gonio ubala nwe eyi l'agelezhi, l'mini, l'aya l'ewechi unwo eyi, mu useshikpo li ukpalawhu olokom l'bhelebhele emene ya. ²⁰Mu uko, "Ombuubala edhio owom amu Ebilikpabi neyoni."²¹L'ekaneteniya, mu useshikpo ubalam l'udho ukpeni lijine bhelebhele awhulu ugbolo 'zhi l'udho ukpeni. ²²Kpu oloko ukale, bhelebhele iye uweni uzhi usasmali l'utebhele ubala. Ubulebhu osoeja uwosa ubala zhie, usabheteni ndeke ezhie.²³Kpom utuokpe, ubu iye dhukata l'usatu obioma unebhe iye mu zhi usamali l'sowe anouya eja. KPom uzhieya, iye obioma wew, umeabhe usamali bu osoeja kamadhiya sai-sai. ²⁴Iyedo Kalaisi ukpudho l'ime adhimu uzhikalikpobhe l'egwele umewebhe eka, aubu iye usotu amu-egedem iye obukpe, ukpugadhu bu l'iobioma wewe, mu l'umom l'ununu Ebilikpabi l'ishili yen.²⁵Yawe uzee adhiya kpagale mu usama eliya zhikpomu ujim nyeishi osoeja mo nye mukpudho l'adhimu uzhikalikpo bhe l'egwele ala ja ala ga; ya l'ubala ubuo ayah.²⁶ Ubulebhu ukaya zhibhe, abadhule-uyam l'ututu ubhe gontu l'ubhem ukpobhe uwam. L'umom ujiom bu l'ugulu ogulu ukom mu sagama umeye l'usowe eliya eja.²⁷Kpom ujim uzhituma kpom bu madegede bu nwulu bu enwu ya ugamawhole buwho ikpe.²⁸ Kpomu ubudhiwho kpeye, Kalaisi usoabhe bu uso neten L'usawo umeye otutu madu, yawe eja gba bu augbuwe bhibo ubodhe usama bhiyo buto l'udokpewe emenem ushiebhe lu 'sejia.

Chapter 10

¹Iyed oloko bu enye iye uma zhi l'ujabhe, abumabhe echi iyeya wewe. Otu emene jakedhibhe Ebilikpabi enwe ike ozutabhe ozu l'ejaneten mu nye ishi osoeja sokedhio zukpulu ala. ²Ubule bhu bokpe, osoejam abakushile bhe uso? Emeni ukpeni abazhilebhe usamali osoeja neten, ubamedhebhe echiche umeye nnine nnine.³ Buto otu osoejam uwheshi kedhim bu anwa umeye zukpulu ala. ⁴Ubo iye whe ume l'ubala ebulu l'agalezhi l'ike usagama umeye.⁵Kpom Kalaisi jo uwam mu kao, osoeja l'unene ubo iye iwudhiga buto okpeli imakeni me.⁶ Osoeja umene l'osoeja umeye ubo ie mashiyo. ⁷Make nwetu ombu adhime zhi kpom ujim ubabhe iye kpani me l'ume echiche yo.⁸L'unuzu ukakpom, "Ubo osoeja ubune unene, ubune uwhulu-eja udukpobhe odukpo, ubune eja umeye bu iye umdhiga ubune bu-bhe iye mashiyo." Ombu otu usobhe gontu l'oloko.⁹ Mubu ka, nyetu, ladhim "meme bu echichiyo" Uknamama iye umedhi aunuzu kpu asa iye umedhi augbuwe bhibo uzhigani. ¹⁰Gontu l'echichem, e azhimale usamali gontu l'usoeja eli Jizos Kalaisi amu uso zukpulu ubhe, usoneten l'umeye.¹¹Gontu l'eye zukpulu nye osoeja nuzo l'ume Ebilikpabi ugbolo dhikatania. Osokedhe bu osoejam udo l'udo osoeja enweike l'usama umeye. ¹²Buto ugbam Kalaisi usoeja usoneten l'ishi umeye mu nazhi ezhi l'eka ikega Ebilikpabi. ¹³Yawe useji tut emewebhe emene ubheni egbaya ekwe uzoji uko. ¹⁴Iyedo l'osoeja neten emele muzhibhe usamali.¹⁵Uwa Egwele kaloshini ye. L'unuzhu uka. ¹⁶Ombu edhi owo me l'bhe adhi l'otu eyeya gamele, me shishi bu olokome l'ekpemebhe am abhashia l'echiche bhe.¹⁷Mu shikoshela, umeyebhe l'emelme ugwe bhe oloko, mu 'gbewejibhe udo. ¹⁸Adhi usabheteni zhile l'otu iyem, usoeja umeye zhedhee.¹⁹Kpom ubokpe umananame, anwe utukwashi obu meni akpudhe bu imeadhim uzhilalikpobhe l'egwele gontuli ubala Joizos. ²⁰Omb ichakpa uwu li ubebudu ukpumani ye l'uwuma ata, yabu gontu l'okpe eli. ²¹Iyedo anwe nye osoeja bu eke au nyijiudo Ebilkpabi.²² Ngwama azeani uzedhi ekpemaye mu uzhi usamali mu echicheye gwe ugbe bhiyo mu okpeliye samawabhe minezhi usamali.²³Ngwani mu amojikeni l'gwe uzhigidhi l'ukaite obum ye akalushie, iydo nyemu uwhetuno ye. ²⁴Anyegashi enye uji ejashitani l'ugushi l'agwauma.²⁵ Asabhete ukpagbani uwodhi, kpom emene emnbhe. Iyeobokpe kpashiotani ekpeme ike kaadhiiya,kpashita keni ekpema ike bhaka kpomu imajioni bu eyeya l' ukpowhuya uzhedhu.²⁶Iyedo atukpatukpole l'mezedhidhe bhiiyo anatuma umaji eye bu ishiuka, osoeja umeye ugwalidhe. ²⁷Iyeobukpe, uzhi o otugwu nye ikpeli eke echi udhukpo emene uhbene egba Ebilikpabi.²⁸Nyebule anato olokom Mozizi nwule l'ugwe otuizhi l'ekaebo madu ibo ubune madu-ito. ²⁹Nde uji uwhashi uya ikpe mu onye bu nwetala, nye mu gonio unwo Ebilikpabi mu zo-uko l'eke, nye mu gonio ubala edhi owo kpom iye ezhie eso. Ubala mu umela mu ushie usamali, mu ukpadhiwo uwa umanuishi umu?³⁰Iyedo amajini nyemu kakpom, "Uwhudhi ugwo bu a ame, mu whunwosa bu ozu." L'udogba,"Ebilikpabi ekpe emene aya ikpe. ³¹Buto gbeweji otu eyem ugamo l'okem imajio iye, kpuyo ikaite eke uludhiga l'udu-uya.³²Buwhuto bu gbewejini ogbo iye gama agama l'ekemu imajikpo whoni, l'kpu yo ikaite leni uma l'ime akuku. ³³Unyedawebhe yoni ele l'ukpadhiwe umu l'umegide idhokalashini emene dhudhiwhubhe uji udhuya ya. ³⁴Iyedo inweni otuzhi l'adhi emene ikolizhibhe, mu imajini inweni otuizhi enye ugulu ogulu uka amuya.³⁵Kpombokpe echiwoni utukwashi ekpema-yo omu unwo uwhugwo buike. ³⁶Iye iwudhigani bu ushike ugbake ukpo l'ukadheze, kpaga ube imeleni echiche Ebilikpabi, a-yo inwetani iyemu yawe whetunie ye. ³⁷Iyedo l'nwo ube ntiko nyemu ushie l'ujeja li egede eja, ndeke atashie ugbe.³⁸Emene meitebhe emeite ebebe bu l'uwhetu nye 'yosalile ozu, ndeke amashieme. ³⁹Buto ye abuo onwunye l'emenem uyosalibhe ozu l'ime utadhu atadhu buto azhi l'ime ogbo emeemu unwebhe uwhetu mu ugbebhe uwabhe.

Chapter 11

¹L'umom uwhetu bu umaji kwa ogbo iyem ibheshi obu, l'otu iyem eweje l'enye. ²L'ishili om uwhetu emene idakpani unweta ukeni ekeni. ³L'uwhetu ye awota ikpom meni Ebilikpabi ukpu uwam l'ul-ekpo ya, kpom utokpeye iye aweji lenye ulo l'iye uwejibhe enye.⁴L'uwhetu me Ebeli uso eya umanuka akeni, Ebilikpabi uweji Ebeli kpom nye umekejoka; aukenya l'shili unene ya, l'uwhetu Ebeli li ukpokedhi ekpo, umashie kpom unwulukpo.⁵L'uwhetu Enoch ukazdhe obioma l'ugwe uweji enwu, "Uweji bhela, iyedoni Ebilikpabi ogoni lema." Muba gonie bhela, ukaloshi webhe kpom bhubudu ya utowe Ebilikpabiobu. ⁶L'umom ugama whole uwhetu unwe akenye l'ume iye utowe Ebilikpabi obu. Iyedoni uzhinkpa zebu nye uja kadhile Ebilikpabi ewhedawebu uzhibudu, ubujine nye uwhu emene uwudhiga lebhema ugwo.⁷L'uwhetu me nuwa uno uzhi Ebilikpabi li ogbo iye akawejie bhe iye iye lenye l'umejichi uuidhi eso aunu ugbe muni l'ugawe whule adho ya l'uma om aukatishi uwam, ayawe ubu who nyedhute umanuamame uwhetu l'ekpe.⁸Ubulu l'uwhetu l'elekele mu Ebilaham unweta uwhu owhu uji uli obioma eso mu kadhio adhimu udhunyela l'unatu ekpema ya. Mukadhezo l'ugwe umaji edhi ukadhe akedhe. ⁹Ube l'ele ogwegba kpomu nyeze l'shili uwhetu ubebuli okpoga ya l'Aziki l'Jekobu emene udhi keata bhe ukpe-ogwo egba. ¹⁰Iyedomu yawe uzhi l'unyeni enye ulamu Ebilikpabi yawe ugonye ekaja l'uwashi l'unushi.¹¹L'uwhetu umashine bhu Sela bhu umo unwo lekele ubu kpo who anakani. unatu ugbakpo umu unwo umashine bhu akala gali nyele umunwo. Kpom ubuwheto kpom bu uwhe ogwo egba mu nyemu uko mu mezo, ¹²Ikpom ubo kpeye, gontu l'oonwuni who ne anwulu kpo kpa umugba unwo utoshibhe l'agili kpomu okpudhede obioma, utubhe ogbo kpom uza uzhi l'ukwu mini -ugukpodhowe bhe ogukpo.¹³Ubuline uwhetu bhelebhele emenem unuwele bhe l'ugwe unatu otu ogwo egbam. Iyebu bu, zeba weji kpo bhe ogbo uyem l'gbu ukani uto mu uwheda we bhe bu bha bu emene ize l'ulu l'uwa.¹⁴ Ogbo emene mu ukabhe otu iyeya, uka ma ma ,kpom bu bha wudhigadhia bu ele ubebe.¹⁵Ubule bhu ugbedhi bhe bu igbu-ula eze mabhe mu uja bhe uba nwe bhe ubhe iya bhe ozu.¹⁶ kpom uzhiom uwudhiga bhe bu igbu-ula uzoka, ula obioma kpomu uto kpeye uto bhe iwene l'uwmum Ebilikpabi bhe kpomu umekeni kpom bhe ula.¹⁷ubulu uwhetu mu ebiliham l'ekele mu unweta udodo,mu uno Aziki l'osoeja. Axziki bu unwo neteni unwe mu lowe jelane l'usowa eja, jemu unetu ogwe gba ya. ¹⁸Ebilaham bu nye mu ukanyie bhe "gontulu l'Aziki aunwo unwoyo enweta bhe ewa. ¹⁹Ebilaham ugbe bu Ebilikpabi unwe ike l'utema Aziki l'enwu likamama gontu l'bhe mu unweto Aziki ozu.²⁰Ubudhiwhu l'uwhetu iye basali uzhi L'uja l'umum aume Aziki l'uwokwani Jekob l'Iso. ²¹ubudhiwhu l'uwhetu l'ekele uzhie l'ujikele unwulu onwulu kpu Jekob uwokwani zukpulu umeledhe Josepu. Jakob ukpeni Ebilikpabi au dabeni l'olu ikpasu ya. ²²Ubu l'uwhetu Josepu, lekele ugbogbo ya uba zhi uzedhu, ukalo shio uloshi oloshi emene Izlel l'ele Ijipiti, audu bhe udu liye bhasa l'ukpo ya.²³Ubu l'uwhetu Mozizi ekele mu umobhela, mu idalina uwoke bhela l'woli ito iyedoni ubu ubwo zozo. Ubuli uwhetu Mozizi, uba zodhuo²⁴ uwhetubhe bhu uwhu bheye unwo Ada Pelo. ²⁵Ulotu bhu uwhashi bhe ya uya ya l'emene Ebilikpabi. ujikele udhi gedhe eto bhiyo uwemu. ²⁶Ugbekpom bhu iwene uchize Kalaisi ubu eke eze auka eze Ijipit. Iyedoni uzhi l'ushishi enye ya l'uwhugwo ya.²⁷Mozizi usabhete Ijipit buli uwhetu. Utunyew uudhuma eze otogwu, ukaite uma zhikpom nye uweji nyemu ewejebhe l'enye. ²⁸Ubu l'uwhetu, Mozizi ubhe unazhi okpelaga l'usekeshi ubala, amumo mu nyemu ugbo bhelebhele akpana unwo l'Ijipit ukpoto akpananwo emene Izleli.²⁹L'uwhetu agalega bhe olimini Lid l'ele kpekpe. Ekele emene Ijipit uwudhiga bhe l'ugalaga dhiwhu, mu udhegboe bhe l'imini. ³⁰L'uwhetu mu ekudho Jeliko ubuda, l'ekele ushikoshiobhe ekudho ya eye isabo. ³¹L'uwhetu Lehabu mu akuna akuna ugwe unwulo kedhi emene ukposaetem, iyedoni unatu emene mu udo bhe adhim li uyodhu.³²Kagbajine bu ela? Ndeka menwe kpom ekele l'uka liye basali l'Gidiom Balaki l'jine emene agbama. ³³Gontu l'uwhetu unagbo ogbo eleze unebhe ugbolo uneyite, aunweta bhe ogwe egba. Ukpute bhe umu ogwu. ³⁴Uwenyiobhe ugbakpo echi opiya echi unweta bhe unweta bhe ugwo ogwo l'elidhe zhi selise, ulowe bhe ugbakpo buike leke ulu, aumegbobhe emene ulu emene ize.³⁵Emene unyoma unwetabhe ebho bhe unwulukpo kpai l'ebho uteli. Uzhioubutu ejikele bhe l'ugba eso l'adhi undhuya zhi kp'emele mu unweta bhe ulele uka uma. ³⁶otutu bhe umudhibhie bhe umu ulo ebhe igbanigbani uchie bhe l'ikoli. Ubha ebhe ekpuli igwe; uwho be bhe bhe l'be ibo.³⁷ Ugbuwe bhe l'opiya - echi, uyoji bhe bu okpo-ugaga l'okpo-agelezhi ndabhe uyo, autawe bhje akuku aumebhe mudhubhe uya. ³⁸Uwa wejibhe kpom emene ubu bhe iye. ugadhidhi bhe buli me iwho l'olebhe l'me ele.³⁹Umashime bu Ebilikpabi udakpo eke l'uwhetu emenemu unwetabhe ogwegba. ⁴⁰Ebilikpabi unwe echiche uzhika l'nkpa aubheteni ye. Gama ya uzuta bhe ozuta.

Chapter 12

¹Kpomubokpom bhu emene utubhe ogbo ugabiekpobhe otu unazhi zhikpeye mubuwhobhe emene ekibo mu ushikoshibhe yoni, anyabheteni bhelebhele ubu l'umeyishi amu enwe akenye l'udoya dhi ozuu. Akaiteni l'ugba eso mu ubhetenebhe yeni l'ugba.² Anyeni anye l'Jizos nyemu ubido uwhetumu awhetoni muutugoshidhiwho uzuta ozuta ya. Lishili obu etomu ubhetenebhela l'ununu, ukaite l'unwulu l'ushi-uye-l'uka, l'ugwe iweneya ozu, l'unazhiwho, l'eka ikega uchi eze bilikpabi.³ Kpomubokpeye gbedhiweni buduya iye, nye ukaite umegide uzhi kpeye l'eka emene umeye, kpu emele mu ike obu ugweyoni udada l'udemawhoyoni eli.⁴Yoni ika dogani udoga augwe uwheni umeshi augba dhowho uwosa ubala yoni;⁵ Yo ewhekashi madhiwhu leni ekpo ukpashi obu ike mu ukani yoni uka kpom unwo: "Unwo me egwuto udo-ekal'ete nyenweye kpomu okpokolo iye, mu buwhune bhu eli yo udada l'eke yawe uzhikele yo iye. ⁶Iyedoni nyenweye udoekal'ete bu nye ugwushi ogwushi, ulodhiwhuiye bu unwo ubuwhuto aunata kpom aaya."⁷Kaite odhuya kpom udoekal'ete. Ebilikpabi umenitu yoni kpum umeledhe-a. Nde nye bu unwo ukabhe bhu idaa bhu udola ekal'ete eela? ⁸Ubujilene bhu ibuni emene ugwebhe udo ekal'ete, aubu iye 'zhini bhelebhele madu, ibuwhoni ya bu umeledhe uwhuya, iboni umeledhe ya.⁹L'ukakoshigba, yeni kpom madegede anweni ida udobhe yeni ekel'ete aubujine bhu ayibheni eso. Manumawhu yeni l'ugoni eli ye ma neni Ida nwe uwa mu anweni budu. ¹⁰Idaye udobhe yeni ekal'ete ntuko. Buwhuto Ebilikpabi udo yeni ekal'ete umanu amanu yeni, mu uzhi kpu yeni aketuleniuke l'uzhi egwele ya. ¹¹Uzhee udo ekel'ete unedhi ubueto l'umem, buwhuto une bu idhe. Buwhuto ek'emewho udo ekale'ete olowe l'eli emenem yawe ukpaloshiwe bu umeite emeite ume uyodhu.¹²Kpomubokpe, jikeleni ukpo l'ugwe ubhobhete yoni eka l' uko.¹³ Meni mu adhi goni ihani ichakpa uwhadhi, kpu emele ka'mu nyekpa'llele inwe umekpeli, aunwewho ugwo ogwo.¹⁴Meni iye inwewhutoni ike l'ume mu bhelebhele madu yolo izhini l'uyodhu, aizhidhiwhu egwele, iyedoni nye ezhie egwele uweje Ebilikpabi. ¹⁵Tukpani eli m'iwejini kpom bhu zhie nye ugwe unwe umanishi Ebilikpabi, aiwejdhiwhuni bhu iye akpaloshiwe obu-idhe bhu ozodhuo l'udo umekpeli, mu 'we ubu kpom bhu iye zhikpe bhu utashi otutu emene. ¹⁶Tukpani eli mu wejini kpom bhu onwunye onwunye bhu bo nye ewhele-e, mubune nye amaje Ebilikpabi kpom Iso nye gontu l'ishili uwhe bhidhi mu udhegbo unazhidhu na.¹⁷ Imajinikpom bhu ekeimewho, kpomu uwhudhigawho udhiwho ekpe uwokwaniya, uiowhobhe bu olo, iyedoni unwede uwedhini unweta unazhi ya ozuu, mashine kpom udhiowhone mu ukwawhone.¹⁸Yoni ijaniom ubo ebhu okpotudhobhe ekaa, ebhu unwu echi, ebhu igeleni, l'uwelebhiyo.¹⁹ Ijani om uboo ekpo odu ike, mubune uuli uka iye ete unuji mu udhiowho bhu akanedhe bheya udogbaa. ²⁰Iyedo bhe ukaitedhobhe oloko jinibhebhee: "Mashine bhu bu ono uwhotune ebhuya eli, ulugbabhe l'ekpulu igwe." ²¹Unazhimu uwejebheya utudhibhe ologwu gbaka aume Mozizi mu kpotuwho ekpo l'unu kpom," otogwu otugbomaleme, eli owhudhigbomadhi whuleme"²²Kamubokpeye, yo ijani om bu ebhu Zayon, Jeluselemu mu uzho l'uligwe, ijakedheniom bu emene uzhi obioma utu ogbobhe kama dhi pukwu kama ka uzhibhe l'upadhi apadhi. ²³Ijani om bu uzugbani emene akpanunwo, amu ubhashi kpobhe ewabhe l'oligwe. Ijakesheni om bu Ebilikpabi, Nyukpikpe bhelebhele madegede, ijakejeni om bu uwa emene umeitemu umebhe bhe mu'zutabhe ozuta. ²⁴Ijakejeni om bu Jizos, nyukwunu edhiowo uwu, l'dhiwhu ubalamu useshibhe eseshimu uka iye manu amanu ka ubalamu Ebeli.²⁵Wgweni uwhetuni nyemu uzhio l'ukane yoni uka l'mom. Iyedo ubule bhu bhe ulabhe ewee kpomu ugwebhe unatu udo ekal'ete oonwunye udobhe l'uwam, mu bha gwaliwho a yeni alani ewe li aubule bhu yeni bha wheni unatu nyemu udu o yeni udu ubuzoli o l'oligwe.²⁶ Uzhi uubhe, uli ekpoya uzhiga uwanm. Buwhuto l'umom uwhetu ogwu egba mu'ka kpom "Ezhigbaji bu uubhe ndeke mezhigbodhem uwam neten, mezhiji kata bu oligwe yala."²⁷Ekpomu ukakpom "Ehigbaji bu uubhe" utogwoshi bu unama anama utu iye uzhigidhibhe ezhigidhi, ya bu bhe, otu iye ukpubhe okpu, kp'emele mu otu iye ugwebhe uzhigidhi ezhigidhi m'ugwudhibhe. ²⁸Kpomubokpom, bhu yeni bhanwetani bu eleze ezhigidhi ezhigidhii, uzhini yeni l'utemeka li obueto aagonuni l'ekeneteniya l'upadhiwe Ebilikpabi l'odhu-eso l'otogwu. ²⁹Iyedo Ebilikpabi bu echi dhikpo edhikpo

Chapter 13

¹Ugwushita nwana nabo uzhike l'ime yo. ²Esabhetani ukpaji emene ize emajeni enyebu eka Iyedoni gontu l'ume kpe otu akpajilebhe emene uzhi obioma nyize l'ugwe umaji amaji.³Gbewejini emene ikoli zhika bhu bhe li yoni bhu izhikatani l'koli. Gbewejini emene uzhibe l'udhuya zhika bhu yoni bhu izhini l'udhuya ya. ⁴Bhelebhele madu ubhebhe ebho l'odhu eso. Odhugbobhe agbada ebho odhugbo, iyedo Ebilikpabi ekpe bu emene ewhele l'emene ugadhibhe uga ikpe.⁵Namani eliyo li ugwushi owayi. Iye inwebheleni uyulu yoni uwo, iyedo Ebilikpabi yawe akamale kpom, "Ndekemasabhetemu yo, ndke magbagabhetemune yo." ⁶Iye yeni uyulu yeni uwo kpelmele mu akani l'obu ukwalikpom "Nyenweye bu nye ush'ekame, ndeke motomu otogwu. Nde iye madegede emene la?⁷Gbewejini emene udu yo, emenemu ukaniebhe yoni umu-ekpo Ebilikpabi. Gbewejini umelebhe mu isotuni uwhetubhe.⁸ Jizos Kalaisi uzhikpu uzhule selegaga, tam, l'dhuma ekele ugwulu ogwuluu.⁹heni bhu zukpulu uji uzhezhimu emajini enyebu bhu unawo yoni. Iyedo ubu iye manu amanu bhu otuizhi ubh iye ukpashi ekpema ike, ubo bhidhi udhedhi amu abadhunene emenemu udabenebhe l'imeya ibalaa. ¹⁰Anweni eekpe udho ukpeni aubu kpom bhu emenemu umebhe ugbolo l'dho ukpeniya unwebhe ike l'udhi iye 'buzoli l'adhiya. ¹¹Iyedono ubala otu ono mu ugbobhe l'ishili umeshi bu iye oso eja uyawekwo ime ekpe egwele, au noshijiwhobheme uzubhe l'ugakpa adhim bhe unazhebhe anazhim.¹²Yabu kpu Jizos udhule uya l'ugakpa egbeleta ulaya, kpemele mu usamakpo madegede li ubala ya. ¹³Kpombokpeye, azekeshani li usabhete adhim anazheni anazhim li ubujiga iweneya. ¹⁴Iyedo anweni uula-uula ubuma aye obuma l'uwam. Kamubokpeye, azhini l'unyenye l'uula zhi l'ujeja l'ununu.¹⁵Kpombokpeye, gontu l'imeya aneni eliyeni zukpulu ekele osoeja upadhiwe Ebilikpabi; upadhiw ulo l'ukpulu ugbanu ye auyishi ewaya eso.¹⁶ Ye awhekasheni ugonita uma li ushikeshita eka, yabu uji osoeja umashi Ebilikpabi joka joka.¹⁷ Lowenini emene udu yo eliyo aikpenidhiwhubheni ete iyedo bhe unyeshibhe uwhulu budu yo enye kpom emene amabhe ulikpumelebhe. Kpenibheni ete kpemele mu bhe umebhe ugbolobhe l'obu-eto, uboo l'ilee, aubu kpom bhu ubadhine yoni iye-iye.¹⁸Dhionini ye edhio, iyedo uyulu ye uwo kpom bhu unukuma ye s'usa aumashidhiwhuye l'ube l'eka manu-amanu l'bhelebhele ibakpa. ¹⁹Maja yoni meni dhioshini edhio ike, kp'emele mu uyawebhe me ozu ibayo l'uzedhu.²⁰L'umom, mu Ebilikpabi Nyemu utema Nyenweye Jizos Kalaisi nyuduye, l'enwu gontu l'ubalamu uyi-o edhi-owomu enwe ugulu ogwulu, ²¹une yoni bhelebhele iye manu amanu l'umewe echiche ya, m'ume iye mashi-a l'imeyen gontu li Jizos Kalaisi, nye upadhi zhini l'ugwe ugwu lu ogwulu. Uzhikpeye!²²Umunwana, l'umom maja yoni meni natuni iye ntukom mabhane yoni l'ukpashi yoni obu ike.²³ Majini kpom bhu nwana yen Timoti asabhetebhema l'uzhi sasalala, me li ya aja uuja l'ubha weji yoni.²⁴Tekponi bhelebhele eneme uduye abidhi li bhelebhele emene Ebilikpabi. Emene itali utekpobhe yoni abidhi. ²⁵Umanu-ishi uzhini bhelebhele yo.

Revelation

Chapter 1

¹. Om bu ukpum’ẹnyẹ buzọ like Jizọ Klais aaEbilikpabi une ā l'utogọshi emene nwudo ya iye ada l'’zedhhu. udugashi bu nyzhiobioma ya l'utogoshi l'’kalashiwewha asaga. ². Joni ukaloshiwe bu bhelebhele iye uweji ubasali unekpo Ebilikpabi lị iye kpatani Jizos Klais. ³. Uwokwani zhịnị nye ugwuloshiwe amumam asaga li amene ukpeshibhe ẹtẹ lị amuman asaga li amene ukpeshibhe ẹtẹ l'ume iye ubhabhe lime ya, iyedoni ubheya zhiwho uzedhu.⁴. Joni, ubhani chochi isabọm uzhẹbhẹ li Eshai mû umanishi li uyodhu zhini yoni aubuzoli l'eka Nyemu Uzho l'umom, nyemu uzhikpo l'éwê, mû Uzhigbadhiwhô l'ujèja, lị aubuzoli l'’ka uwa ịsabọm uzhebhe l'’nunu ekpe. eze Ebilikpabi, ⁵.aubuzolidhinhu l'’ka Jizos Klais, nyèka-ibo unuzoke onuzoke, nyemubộb akpaǹunwo emene unwubhe ọnwalu, aubudhiwhu nyechikọtakpo zukpulu eze 'zhibhe l'uwam. Igili li ugbakpo uzhini nyemu ugushe yeni ogwushi mû udokpewe yeni lime meyeshiyen gontu l'ubalaya ⁶. enelẹ yeni ẹl’eze, aumewedhiwhu yoni emene. Sonibhe Ebilikpabi, idā ẹja-gontu l’uko g’uko. Uzhikpe!⁷. Nyetu! Uzhi l’uja li uyili. Olu; bhele bhele okpobhẹla ádhá. Bhele bhele emene ‘zhibhe l'uwa oyulubhe bu l'agbezhi l'ishili ujega ya. Yabu kpu obule! u̱zhikpẹ ⁸. “Mobu ubido li ugwulu,” nyenweye, Ebilikpabi uka kpeye ”nyemu uzhe l'umon, nyemu uzhikpo l'éwê, mû uzhigbadhiiwhô L'’jeja, Akakpo-Akakpo.”⁹. Mẹ, Joni-nwano yọ, nyemu ya li yo izhikatani l'udhu'ya, lị eléze, lijine ukeite uma amu uzhẹbhẹ lime Jizos-mẹ zhi li ebhechi patmos l'ishili unẹkpọ Ebilikpabi, li ukaloshiwe iyẹ kpatani Jizos. ¹⁰. Mezhi lime uwégwele li eye ukpeni Nyenweye. Yabu kpụ mọnujilẹ uli kpọ kpọmụ ẹkpọ ọdụ̂ l'ozume. ¹¹. Mụ̂'ka kpom “Bhashi iye iweji li ukpalawhu, aiyigashịnị chochi isabọm -–hochi Episọs, Smaina, Pagamọm, Tayatila, Sadis, Piladepia, lijinẹ Lodeshia."¹². Mâ nwanwosa ẹnyẹ ọzụ li weji nyemu ukpọnidhẹmẹ ekpoya, kpom manwanwosa ẹnyẹ, mewejiwho bụ èle-tọnjộ uchi-òdò isabộ. ¹³. L'’chinabo otu élé-tonjo ya uzhi ọọnwunye uzhi kpomu unwom madegede uyeyi bu kapa ukpodho ẹlẹ, lị ègwè uchi-òdò ushikeshi unukuma ya.¹⁴. Ishiya li uukaseishi ya ụsabhẹ ụsabhe, ụsá kpomu owû-lokpu-usabhe ûsa kpom mini-ochigwe-ā-ekpeleni ya uzhi kpom idho-echi. ¹⁵. Edanuko ya u̱zhi kpom uchi-alikpo ubidhi -–bidhi, kpom chi-alikpo ubidhi-ebidhi, kpom uchi-alikpo usa-koko uwegama l'’chi, auliya ukpojine kpom ẹkpọ mini gba odowu.¹⁶. Uzhi l'eka ikega ya bu ọkpudhede ịsabộ, li opia-echi uko-ibe-ịbọ bu iye l'unuya. Upiya usa kpomu ẹlanwu onwununwo eye.¹⁷. Ekelem mẹwẹja, māidô l'’koya kpọmụ, nyemu-onwulu. Mu udaje me eka ikega ya mụ̂ ka kpom “Eto otogwu. Mọbụ ubido li ụgwụlụ ¹⁸. Mobudhiwhu nyemu uzhobudu. Monwulu ọnwụlụ, buwhuto nyetu, mezhi budu l'ugwe ugwulu ogwulu ohuma ụgwe ugwụlụ ogwụlụ. Me menwe sapị enwu li Ili.¹⁹. Kpomubokpeye, bhatu iyemu inyetọ iyẹ zhi l’umom, ḷi iye adáda l'augamalẹ umọm. ²⁰. L'iye balasȧli agbugba uwoli ukpudhede isabọ iwejọ l'eka ikega me, li élé-tonjọ isabọya: okpudhede isaboya bụbhẹ nyuzhi-obioma Chochi isabo ya, élé-tonjo isaboya bujibhene chochi isabọ ya."

Chapter 2

¹, “Bhani nyuzhi-obioma Chochi Episos kpọm: ‘Unekpo nyemu umojo akpudhede isabo L’eka ikega ya, mụ ugakoshọ adhim out élé-tonjọ uchiòdò isabo uzhebhe, ². Mamaji eka ugbolo yo, ugbolo-ike yo, lị kpu igbake lẹ ukpo l'’kaite uma, ligine kpụ ichimashinile emene bhiyọ enyẹ li kpu yo idokwakpolẹ emenemu ukabhe bhu abu emene uzhi-klaiss ọbujẹbhẹne, ewuwejibhe bhu ụbọbhẹ egedee.³. Izhi l'’kaite uma, li ugabie atu onazhim L'’shili ewame, lijine kpom bhu ike ‘gwulo yo ogwuluu.⁴.Buwhuto, iye udhẹwẹmẹ eli adhi ịzhi bu kpom bhu esabhetemale ugwushimu inwo lúbido ebido.⁵. Kpomubokpe, gbeyeji adhimuidáda. Yosalimû ime otu iyemu imọ l’unuzu. Gama bhu iyosali oyosali, mejapiwe bụyo ā nnama élé-tonjọ yo l'adhimu ugwudhộ.⁶. Bụwhụtọ ombụiibakpa imeke ọka: yo isọ ooutiye emene ogbo-Nikolas umebhe, yabu otu iyẹ mọsọdhiuhu.⁷. Nyēnyē nwelẹ ẹtẹ ụnuji iyẹ uwegwele uzhi l'ukani Chọchi. Nyemu umegbo emegbo mene-a bu uwedhini l'’dhi ukê li ushi bụdụ, am'uzhọ li Ihu-ude-eli Ebilikpabi”⁸. “Bhani nyuzhi-obioma Chochi smaina kpo; ‘unekpo nyemu ubô ubido ebido li ugwụlụ, ogwụlụ, nyemu unaulọ onwulu mu uzhikejọ budu:⁹. "mamaji oduyayo li uyoni yo, buwhuto inwe unwe. mamaji ukatashi emenmụ ukabhe oyika bhu abu emene juu, ukajabhe yo. Ububhe udho-ukpeni ekpesu.¹⁰. Iyemụ ụzhẹ adhi udakwashi yo otudhe yo otogwu. Nyetu! Ekpesu uzhi adhi uchigashi ubotu yo l’ikoli, kp’emelẹ mu udobhe yọni odo, edhuni bu uya li dhi abali. Nuzoke tụtụ ụdhuma eye ẹnwu yo, mẹ meneyo bu okpulishi-eze budu. ¹¹. Nyē nyē nwele ete unuji iye uwegwele uzhi l'’kani Chochi. Nyemu umegbo emegbo ndeke ẹnwụ gbụwẹ ị̇bọ uwhọtọla elii.¹². “Bhani nyuzhi-obioma Chochi pagamọm kpom: “Unekpo nyemu 'nwọ opia-echi ụkọ-unu-ibộ ¹³. “Mamaji adhi yo ibê, adhimu ụchị-echị ekpesu uyiya ezhi. Mashipombokpe, izhi l’umojike ewama. mamaji kpom meni ikedhinẹ uwhetuyo l'umojike ewama. Mamaji kpọm meni ikedinẹ uwhetuyo l'’me mẹ ikakee, mashine li ubhemu Antipas nyẹkibome, unuzoke unuzoke, amu ugbọbhe L'’me ogboyo, L'adhim ekpesu ube-ọ¹⁴. Buwhuto, menwe iyẹ l'ila udheweme eli l’adhi izhi: inwe lime uzugbani yo emene umojikebhe uzhezhim Balam nyemu uzhiọ Balak bhu unagbo umeledhe Izuleli Kp’emele mû udhibhe iye usogbobhe l’unoshi, mụ̂ ugadhiwhubhẹ ewhele. ¹⁵. L’ekanetaniya, inwedhiwhu emene umojikebhe uzhezhi Ogbo Nikolas.¹⁶. Kpomubokpeye, yosali, ubule bhu iyosalewe, mejapiwe yo bu l’ugwe utashi ubhe, l’ụlạshịbhẹ Ụlụ gontu l'apia echim uzhe l'unu mẹ¹⁷. Nyēnyē nwelẹ ete unuji, unuji iye Uwegwele uzhi l'ukani Chochi. Nyemu umegbo emegbo, mene-ā bu ubatu emegbo, mene-ā bu ubotû bhidhi-ochigwe mebheke ebheke, menedhiwha bu iigwu usa ubhashibhe ewa uwu onwunyenwunye amajẹẹ gamagbo nyemu unwe-ta igwu ya."¹⁸. "Bhani nyuzhi-obioma Chochi Tayatila kpom! “Om bubhe Unekpo unwo Ebilikpabi, nyemu ‘nnewekpeleni uzhi kpom idho ẹ̵chị li edanuko uzhi kpomu uchi-alikpo ubidhi ebidhi: ¹⁹. “Mamaji ugbolo yo: ugwushiyo, uwhetuyo li eka-ugbolo ime lijine ukaite ekpema yọ Mamaji kpom meni iye yo ime ubhe umọm akamale iye yo ime l’ụnụzụ.²⁰. Buwhutọ uzhi iiye yọ ime amasheme: isabhete l'ime yo Jezibel, ununwe uwhu eliya nyamuma. Gontu L'uzhezhiya amashilẹ emene uzhumẹ l'ewhele lị udhi ịyẹ usoshibhe l'unoshi.²¹. Me ne-a uwedhini l’uyosali, mubuwhutọ kpom bhu yawẹ ujikele uyosali li ewhele mụ̂ ayaa.²². Nyetu, mema bụ audakwuni L’eli, ambushi emenemu ya lị bhẹ ụbụdhēbhe uga l'’kwukwu ubu eke, gama bhu bhe uyosalibhe oyosali li umeleya. ²³. Mogbukpo bu umeledhe-a, aa bhelebhe Chochi umajibhe bhu mobu nye majakpo ugbegbe li obu madegede. Mene bụ nyezhina l'ime yọ kpu ugboloya ụzhilẹ.²⁴. Buwhutọ li yọ emenemu izhiuwhoni li chochi Tayatila, bhelebhele emenemu igweni umojike uzhezhiya, mu egweni umaji ẹyẹ̵m eemene uwhutobhe bhu bụ iye ụ̵kpụdhu ekpesu- makani yoni kpom 'Mobushem yoni ubu zhi ise? ²⁵. Kpû kpụ̂ umewhutọ, mojikeni tutụ mẹ meja.²⁶. Nyemu umegbo emegbo mu mojikele ugbolome tutu ‘dhuma ugwụ̵lụ ogwụlụ, yabu nye mene ugbakpo l'ụchị igbu uzhibhe l'uwam.²⁷. Yawẹ ẹchịwẹbhe bu li nkpala uchi aukopiabhe bụli ibe l'ibe kpom ujim ukopiabhe ite. ²⁸. kpọm mogonộ l'eka ịdamẹ, menedhiwha bụ okpudhede oyukwe. ²⁹. Nyemu unwe ẹtẹ, ụnụji ịyẹ Uwegwele ụzhi l'ukani Chọchi."'

Chapter 3

¹. Ukpalawhu ukadhekedhi nyushi chochi Saadis, bha: “Uliekpo nye new emojo uwa isabo amu Ebilikpabi li okpudhide-oligwe Isabo “Memaji eka ugbolo yo,: Iweni eewa unwulu zebu izhini budu, enwulu majile ne². Telini mu imekeni iye gwale agwale ndakpege onuwulu ma who bu sayi, iyedoni maka wejemu uzuta uzuta egboloyo li ununu Ebilikpabi³. Gbeweji, kpomu ubokpeye iyemu inatu mu inujo. Yeshia eso, mu iyosali. Buto ubule bu itele, meja bu kpom nyugbu ndeke emaje ekele mejakedhi yo. ⁴. Buto inwe emene otuobe ogbo aka nwe bhe unye likapa bhe, yabu emene ya me agakata, igaze, uyoji bhe kappa ola iyedoni uzutabhe, ozuta.⁵. Nye nye umegbole oyoji bu kappa olo, ndeke manmam ewa ya li ukpalawhu Budu, maka loshiwe bu ewa ya li ununu ida me li emene uzhi-obioma ya ⁶. Nye nwele ete unuji iyemu Uwa Egwele ughio li ukani dhie Chochi.⁷. Ukpalawhu ukadhe kedhi nyuzhi Chochi Piladepia, bha. Uliekpo mu nye uzhi egwele mu egudhinye Ishiuka, Umoji sapi Devidi, Ugumale adhi, onwunye onwunye onwunye ugutedho; ugute jilene uzhie nye ogumadhe.⁸. Mamaji eka ugbolo yo, weji mogu mani leyoni adhi uzhie nye ogute dhoo. Manaji meni inweni bu eynliko, umashiekpor ubo kpeye, eyishi len ulikpome eso, ikedhineni ewame ikake⁹. Weji! Ogbo emene mu udhu obhe li ulu-ukpeni ekpesu, mu uwhu obhe elibhe emene Juu li eke obuje bhe nee, buto ubu bhe bu emene oyika-meme bhe anya bhe aukpowe ni bhe yon ishi lele aumaji bhe bhu mogushi yoni ogushi.¹⁰. Kpomu inwetoni ike l’ubhete ke oloko me muikaite keke ni unukuma, menyashi ked hi whu yoni buenye likele umekpoli amu eja li uwhulu uwa le umayoni ama, emene mu izhen l’uwa.¹¹. Mezhiluja enwenwa. Mojike iye inwe leka, kpuemele mu onwunye onwunye ugwe unatu mayo, okpulushi eze yo.¹². Nye umegbole, meme wa bu ogoshi udho li udho Ebilikpabi me. Ndeke obuzoliedhe udo mabhashi li eli yabu ewa Ebilikpabi me, li ewe eke ula ai Ebilikpabi me (Jelusalem amu uwuya) amu ubuzole li obioma leka Ebilikpabi li ewa uwu ma me.¹³. Nye nwele ete unuji iyemu Uwa Egwele uzhie li ukanidhi out Chochim”.¹⁴. Ukpalewhu ukadhekedhi nyuzhi Chochi Laodishaa, bha. Uliekpo nyemu udhino “Ubukpeye”, nye ekibo ubo ishiuka madege utukwashi bhe obu, Nye Chikpo zukpulu uwam Ebilikpabi ukpo¹⁵. Mamaji eka ugbolo yo- ekene ekechi ijidhiwhone oyii. Uguume meni Iba kemama ekechi; ubujene ajimama oyi.¹⁶. Kpomu ubokpeye, Iyedoni ishitukpeye kela ekechi ikene ekichi, jila oyii, ijiene oyii – Ujaya dhiwhom bu adhi muogbo bhete yo lele¹⁷. Iyedoni ika kpom “mada eze, menwe ukpolokpo bha, menwe dhem mkpa nwine nwine ! Imajijene, bhu uyonim uka bu li ayo otunizhi, uyo enyekpo li elewe.¹⁸. Kpe ete li udu me. Gotu leka me owayi-odo amu echi usama kpo kpemele mu ida eze, mu iyojidhi whu kappa olo ubidhi ebidhi; kpemele mu iyoji kappa li ugwe ulowe iwene unazhi okpoelewe teshiyo oga li ekpelen kpemele mu iweji ke adhi joka.¹⁹. Nyemogushi le ogushi, mapasha ipa amolua igbanigban. Kpom ubokpeye li ishiuka yosalin.²⁰. Weji, mezhi li unuzo li unobudho mezhi dhi whu li uko eka. Nye unujile ulime, mugumale aku mokpudhu bu li udho ya amdhikedhia bhidhi amnazhikeshia.²¹. Nyemegbole, mena bu ugbakpo enwe ike li unazhi kedhi me ezhi li agida eze me; uzime meme gbo, manazhikedhio idame li agida eze ya.²².Nyenwele ete unuji iyem uwa Egwele uzhieluka ni dhi Chochi.

Chapter 4

¹. Ogbo iyem ubagamo menyesho enye mu ewejo aku ugumali ogumali lime obioma, uli unuzum monujo uzhio li ukamine uka ukpo kpom odu, ukakpom “Ja olu adhim amtugoshi iye ada li ugwe ukani uto². Li ekele neten mezhi who bu lime uwa, me wejo aagida eze uzhi li obioma onwunye zhili uunazhaezhi ³. Nyeme unazhela ezhiya uzhi kpom Jasipa li kanelaa. Iye ushikoshi agida eze ya bu egulugu. Egulugu ya unwulu kpom emaladi.⁴. ugwu unukani li unukani ino ushikoshi bhe agida eze ya, aunazhi bhe ezhi li agida eze bhe uyojibhe bu kappa olo aukpuyi bhe okpulishi eze uzhi kpom odo lishibhe.⁵. iye ubuzoli li agida eze ya bu ubishi ama, ekpo uzhigiadhi, li ekp ebhe obioma. Iwuechi isabo li unwu dhibhe li ununu agida eze ya. Out tojo ya bu bhe uwa isabo mu Ebilikpabi⁶. Olimini onyo uzhili ununu agida eze ya, ubidhi kpomu mum echi-igwe. Li echinabo agida eze ya, li ushikoshi ya iyezhikpom onuya bhino uyuluka bu li ekpelen, li ununu li ozu.⁷.Onuya uzhibudu aunuzu li adhiya uzhikpom ogwu, onuya ibudu auugbuwe bhibo usatu unwo eyi, onuya uzhibudu augbuwe bhito unwe upi uzhi kpom maldegede, onuya ibudu augbuwe bhino uzhi kpom ugo uwewe.⁸. Out onuya ibudu ino ya, bhele bhele bhe unwekpo bhe aba isu unwekpobhe bhele bhele adhi ekpeleni ekpeleni gontu lolu dhuma ele. Gontu li abali dhuma eye ude ebhi eli li ukadhi “Eso, Eso Eso. Uzhuni Nyenweye Ebilikpabi ubueke nyemu uzhimaezhima, uzhikedhim, ezhi kedhibu kpeye”⁹. Ekele ono ibudu ya unele bhe nye mu unazhio ezhi li agida eze ya nyemu ube li ayamaya upadhi odhueso, li ukela bu iye unabhe.¹⁰. ugwu unukani li unukani ino ya ukpo we bhe ishi li ele li adhi nyemu unazhie ezhi li agida eze uzhi aukpeni abhe nyemu ubo li ayamaya. Aukpugama bhe okpulishi eze bhe aukpubhete bhe lununu agida eze ya, auka bhe.¹¹. Izuta ozuta yo, Nyenweye li Ebilikpabi ye, L’unatu upadhi odhueso li ugbakpo iyedoni yo ikpukpo zukpulu iye, li echiche yo mu uzhie bhe budu kpomu ikpo bhe.

Chapter 5

¹. Mewejio li ikega nyemu nazhio li agida eze kpalawhu uugbawhusi bhe agbawhuushi, abhashikpole bhema iye li ununu li ozu, adashima le bhema eka udashishi isabo². meweji eke nyuzhi-obioma kpu zhie li ukpoma li uli ubeke, Uwina uzuta li uguma ukpalawhu ugbawhushie bhe agbawhusi la li jine ugbaje iyemu udajiwe bhe ekala?³. Uzhie onwunye onwunye li obioma lijine uwam lijine ukpudhu ele unwe ike li ugbawhuma ukpalawhum uugabwhushie bhe agbawhushiya lijine ugwua ogu. ⁴. Makwata kpo ikwa mini iyedoni uzhie nye udadhu li ugbawhuma ukpalawhu ugbawhushe bhe agbawhushi mu ugwa ogu. ⁵. Mu oonwu li emene elowha ukanye me “Ekwa ikwa Nyetu! Ogwu mu ekpe mu Judaa, Egbeleji Debid, emegbomale. Yawe unwe ike li ugbawhuma lekpalawhumu ugbawhushi lijine udashi eka isaboya.⁶. Meweji unwo ugaga uzhili unuzo li eche chinabo igbu agida eze ya li adhimu ono ibudu ino li emene unukani uzhiebheya. Unwulu zebhu ogbuma le bhema. Unwe bu upe isabo li ekpeleni isabo, aubu uwa isabo mu Ebilikpabi amu uyigasho li eluwa. ⁷. Mu uzo mu guno ukpalawhu muu ugbawhushiobhe agbawhushi li eka ikega nye mu unazho li agida eze ya.⁸Uba gonu ma ukpalawhum ugbawhuwhushuebhe agbawhushiya mu onuya ibudu ino ya li ugwu unukani li unukani ino ya ukpowe bhe ishi lele li ununu ugaga ya. Onwunya lime bhe ukpaji bu ubo li iboli uyulu li umelechi edlue aunizhi seni edhio emene egwele Ebilikpabi.⁹. Mu gwo bhe obu uwu “Izuta ozuta lu goni upalawhum ugbawhushiobhe abhawhushi lijine l’ugbawhuma, iyedoni ugbubhe yo ogbu, igoni jini ubala ya L’ugoni Ebilikpabi madegede madegedem ubuzolijine bu li bhele bhele ekpe, uliekpo, igbu li whulu uwa logbo.¹⁰. Ime webhe emene eze li emene osoeja li ukpeni bhe Ebilikpabi ye, bhe echi uwam."¹¹. Menye sho enye monujo uwhu ubuzoli l’unu emene uzhi-obioma utogbo aushikoshi bhe agida-eze lijine ono ibudu li emene elowha. Emene uzhibhe li adhiya udhuma kpo dhi puku ukadhe gba dhi puku aukadhe gba udo dhi puku. ¹². Mu ukabhe li uli ubeke , udhudhi unwo ugagam odhuni , nyemu ugbobhe l unatu ugbakpo, eze, eyo, eyi odhueso, ebube li upadhi.”¹³. Monuji uli bhele bhele iye ukpuwhuto bhe okpu auzhi li obioma, li ele li jine ukpu ele li olimini- zukpulu iyem ukabhe kpom “ Iye ezhini nyemu unazhio li agid-eze li unwo ugagam bu upadhi, ebube, uchiechi gontuli ekele dhuma ekele.” ¹⁴. Mu ono ibudu inom ukabhe “Ubukpeye” mu elowhua ujishiebhe ukpunuko mu ukpenye bhela.

Chapter 6

¹. Menyeshu enye li uweji ekelemu unwo ugaga ukpuma nwine lime agba-ube isabo ya, m’onujo kpu nwine lime ono-ibubu ino ya kpuzhi l’eka li uli ukpo kpomu ebhe-oligwe “Ja” ². Menyeo enye iyezhi bu inyanya usa. Nye gba umoji bu aga leka, auna bhe o okpulishi eze. Ulo bu kpom nye megbodhi emegbodhi, kpu emele mu umegbodhi.³. Ekelem unu.. ugaga ukpuma agba ube augbuwe bhibo, monuje kpu ono-ibudum ugbuwe bhibo kpu kale “Ja!” ⁴. Mu udo inyanya ulo-om unwulu ubala ubala. Nyemu agbala na bhe bu ugbakpo li unama uyodhu li uwam kpemele mu emene aya. Ugbota kpobhe, Nye ugbaya una bhe bu eke opiya echi.⁵. Ekelemu unwugaga ukpuma agba-ube augbuwe bhito, muonujo kpu ono ibudu amu gbuwe bhito kpu kale “Ja!” M’ewejo inyanya uyi, nyegba umoji bu awhuhu utuwe iye li eka ya.⁶. Monuji iye satu uli abuzoli lime ono-ibudu ino ya kpu zhi l’uka. Oopani oka li opamu li jine pani ito barley li opamu. Buto etashie mono li menye⁷. Ekelem unu-ugaga ya ukpuma agba ubie amu gbu we bhino mu onujo uli ono-ibudu ugbuwe bhino kpuzhi lu, “Ja!”⁸. Mewejo Inyanya utatakpo. Nye gbaa udhini Enwu, ledho enwu uzhi L’uchizedha. Unebhe lime bhino li adhi whulu uwa zhi, li ugoni opiya-echi okenye li uke lijini one kpa bhe ike li ele li ugbu we bhe.⁹. Ekele mu unwugaga ukpuma agbu-ule ugbuwe bhise meweji bu li ukpudhu oloda uwam emenem ugbobhe lishili uliekpom Ebilikpabi lyine ekebo mu bhe ubo bhe.¹⁰. Mu kwa bhe ikwa li uli ubueke “Odhuma who bu ele ekele la, Nye uchikata kpo. Nye udhu eso, Nye ishiuka, tutu ikpema whune emenem ube bhe li uwa ikpe, li tutu ilunima whu ye ulu?¹¹. Mu ba ne ebhe onwunye kappa olo, mu ukanye ebhe bhu usejike gba bhe ntiko tutu emene uzhi ibe nwana bhe au zhi bhe li ujikele ugbogbu, kpomu ugbudhi who ebhe, uzuta kpo bhe.¹². Ekelemu unwugaga ukpumo agba ube augbuwe bhisu, me nyo enye iye uda bu ele uzhigidhi aubuke. Elanwu onwo wele ya igelenyi auyi kpomu enyichele adigwe lu ugulu ya onwo wele ya ubala.¹³. Mu okpudhedhe oligwe uda li ele ujimu ushi (fig) kpobhete anwo ya leke akasane asa lekele uwele kike uwele. ¹⁴. Aigiligi-olu utali ujimu ukpalawhu ugbawhushi bhe agbawhushi ugbawhushi bhe agbawhushi li ibe ele umegama ebhe li adhi mu uzhio bhe.¹⁵. mu emene eze uwam li emene uzhi bhe nkpa li emene udu li emene eze li emene ugbakpo li bhele bhele madegede, emene ulu li emene uzhibhe sasala mu uwolikpo bhe lime olebhu edho-oka li adhi igwe olebhu ughi bhe.¹⁶. Aukanibhe olebhu li igwu, “Dakodhu li oluye woke ye kpemele mu nyemu unazhio li agida eze ya mugwe unyetu ye, mu uwudhuma ya mu ugwe udhuumaye.¹⁷. iyedoni eke eye uwudhumaya eejale. Nna onuzodho la?

Chapter 7

¹. Om ubagamo mewejo emene uzhiobioma ino zhili unuzhodhi bhe li ukponi inom ele li umojikedhi bhe uwele inomu uwa li ele li olimini, li ushi,². meweje udo nyeuzhi obioma kpubuzolie li be mu elanwu ulo aunwe agaba. Ube amu Ebilikpabi uzhio budu mukwa li uli ubeke li uwhu emene uzhi-obioma inomu une ebhe uwedhi li utashi bhe ele li olimini.³. “Etashieni ele li olimini lijine ushi tutu apishima agba ube li akpu emene uzhi Ebilikpabi⁴. moniyo ugu bhedhe emene mu utakushiobhe agba ube li akpibhe emene utakushibhe agba ube lishi aubuzoli bhe li bhele bhele ekpe uzhibhe li Izeleli. ⁵. Dhi upuku li upuku ibo ubuzoli bhe bu li ekpe Jdaa emene utakushi bhe agba –ubem Dhi upuku li upuku ibo ubozoli bhe li ekpe Gadi,⁶. Dhi upuku li upuku ibo ubozoli bhe li ekpe Ashaa, dhi epuku li upuku ibo ubozoli bhe li ekpe Naptali, dhi upuku li upuku ibo ubozoli bhe li ekpe manasee.⁷. Dhi upuku li upuku ibo ubuzoli bhe li ekpe Simioni, dhi upuku li upuku ibo ubuzoli li ekpe Livayi, dhi upuku Isakaa, ⁸. dhi upuku li upuku ibo ubuzoli bhe li ekpe zebuloni, dhi upuku li upuku ibo ubuzoli bhe li ekpe Josepu li dhi upuku li upuku ibo ubozoli bhe li ekpe Benjamin bhele bhelebhe uteshiyo bhe agba ube li akpi.⁹. otum ubagamo menyesho enye m’ewejo ogbo medegede onwunye onwenye enwe ike liegwukpo aubuzoli bhe li zukpulu igbu uwa, ekpe ogbo emene li uliekpo uzhi bhe li unuzo lii ununu agida eze li ununu unwugaga uyojibhe bhe bu kappa olo aumoji bhe eleka ugwu owhu li eka bhe.¹⁰. uzhi bhe l’ ukwa li uli ubueke ugawe bu aEbilikpabi ye, nyemu unazhio li agida-eze, li unwo ugaga¹¹. bhele bhele emene uzhi obioma uzhi bhe li unuzo eshikoshimale bhe agida ezeya li emene elowha ya lijine onu ibudu ino ya. Mu ukpowe bhe ishi lele li adhimu agida eze ya zhio. Mu ukpenie bhe Ebilikpabi ¹². mu ukpbhe “Ubukpeye! upadhi ebube Eyo ukela odhueso ugbakpo li eeyi uzhini Ebilikpabi ye gontu li uko dhuma uko! Ubukpeye!¹³. mu oonwunye liemene elawha utekwa me “emene uyojebhe kappa olom bu bhe elemene la? ¹⁴. makanye la umuke yo imajikpo mukani eme, ombu emenem uyaloshi obhe lime eke umekpa eli. Asama kpole bhe kappa bhe, usamaliwho bhe asamali li me ubala unu ugaga.¹⁵. Lishi li iyem, uzhiwho bhe bu li ununu agida eze Ebilikpabi, aukpenyia bhe li eye li abali lime udho ukpeni ya. Nye mu unazhio li agida eze ya onushini bhe bu okpoga ya.¹⁶. Inwe ugwodhe bhe udoo, ndeke ekidhi okpodhe bhenee. Elanwu ndeke omushiedhe bhe, eke ekechi uzhiedhe.¹⁷. Iyedoni unwo ugagam uzhie li echi echinabo agida eze odu bhe. Ya agala bhe onwo mini budu Au Ebilikpabi ukooma kpo bhe ishibuikwa li ekpeleni”

Chapter 8

¹. Ekelemuu unwo ugaga ukpomo ukpalawhu agbube isabom mu obioma uzhioju tutu dhuma ikishi-ukele. ². M’ewejo emene uzhio-obioma isabo kpu uzhi bhe li unuzo lunu Ebilikpabi, mu une ebhe odu isabo.³. mu udo nyuzhi-obioma ujo umoji bu ibegedhe ite edhu uzhidhi li unuzo li adhimu ige-edhu uzhieya. Edhu utogbo bu iye unabhe kp’emele mu udhiowa edhio emene egwele li ige-edhu mu uzhio li agide-eze. ⁴. Umelechi edhu ya-ya li edhio emene egwele-mu ugwola adhi mu Ebilikpabi uzho li eka nyuzhi-obioma. ⁵. Mu nyuzhi obioma ugonyo ibala-ite mu edhum mu ubuzoli li oli-ige. Mu ubhoshela li ele mu ebhe oligwe ukpo adhi ugbodhi who m’ama la li ele, mu ebhe oligwe kpo eke-kpu, echi ama, li ele uzhigidhi.⁶. Emene uzhi obioma isabo amu unwe bhe odu isabo ujikele bhe l’ugbu bhe odu.⁷. Mu nyuzhi obioma aunuzu ugbu o odu ya eke mini li echi ugwaa shibhe elibhe li ubala mu uboshie bhela li ele, mu uke ito udkopoli kpo, mu udukpo bhe u-shi lime bhito, bhele bhele uwho ewe ya udukpo kpe bhe kpai.⁸. Mu nyuzhi-obioma amugbuwe bhitom ugbu shie odu, mu iye usatu kpomu eke olebhu udo echi mu ubhoshebhela li olimini. Ibito li oliminaya unwowe ya ubala, ⁹. Ono ibudum ugbuwe bhitom mu unwulo li olimini, mu ugbomini mu ugbuwe bhito utadho.¹⁰. Nyeuzhi-obioma mu ugbuwe bhito ugbu odu, mu eke okpudhede uzhi li olu ubudo, aubi kpom echi-agbube, olimini ugbuwe bhitom li unu mini. ¹¹. Ewa okpudhede ya ibu utami-iga ibeito lime olimini ya unwowe yabu utani-iga, mu otulu unwulobhe liminimu unwe who ilu.¹². Nyuzhi-obioma mu ugbuwe bhino ugbu odu ya, ibito lime elanwu mu udo mali, ibito lime adigwe li ibito lime okpudhede obioma uzhigidho. Kpomu ubo kpeye ibito lime bhe mu unuoweya igeleny, ibeito li eye li abali unwe usamali.¹³. M’enye shienye, m’onujo eke uli ugo kpu uzhi li uwelaga uzhi dhi li uchi “ogowo, ogowo ogowo, uzhini emene muu ubeo bhe li ele, iyedoni ugwali li o-du emene uzhi obioma ogbuma who bhe."

Chapter 9

¹. Mu nyuzhu obioma amu gbuwe bhise ugbushie odumaya. Mewejo okpudhede-obioma kpu ubudaa male li ele. Muu unebhe okpudhe obioma ya sapi udhu mu enwe-ugbogbo.². mu ukpumo udho mu enwe ugbogbo mu umelechi umuloshio lime ya ujimu umelechi ulo li ikpu echi Elanwu li uwukayi onwowele ebhe igelenyi lishili umelechi mu uubuzolo li udhumu enwe egulogulu.³. Iye ulo lime umeledhi ya mu uja uwam bu ekpeleta, ugbakpo une ebhe zhi kpomu aunebhe akpi li eluwam.⁴. Ukanye bhe bhu ateshiobhe uwho ewe li ele lijine eshi ibudu gama to emene mu enwe bhe agba ube Ebilikpabi li akpi bhe⁵. une ebhe ugbakpo li ugbubhe emene ya, buwhuto kpom bu ata abhe bu akuku li iwolu ise. Idhe bhe ezhie bu kpom ujimu akpi ugba madegede.⁶. Lekele zhikpeye madegede Owudhiga bu enwu ndeke eweje bhela. Owudhigabhe bu unu ulu. Onwulu, buto enwu agba bu eso li adhi ezhi bhe.⁷. Ekpeleta ya uzhibhe kpomu inyanya ejikeleni bhe ulu. Iye zhi bhe li ishi bu iyeshi kpom okpulishi eze odo upi bhe jinni uzhi kpom upi madegede.⁸. ukase bhe uzhi kpomu ukase unyoma, ize bhe jine uzhi kpom ize oogu⁹. Unwe bhe ogbodo-unukuma kpomu ugbodo uchi, ekpo aba bhe uzhi kpom ujimu ekpo ugbo ulu li inyanya ugba bhe eso li uze ulu.¹⁰. Unwe bhe ewolo li eka ugbadhi agbadhi kpomu akpi li ewolo bhe unwebhe ugbakpo atashi bhe madegede eli li iwolu ise.¹¹. Nye bu eze bhe bu nyuzhi udhumu enwe egbogbo Ewaya li unu Hibulu bu Abadon, li unu Gliki jini bu Apollion.¹². Ogolowo unuzu ya agamale. Nyetu! Ugama whole om, umekpeli ukike ibo uzhi li uja ke.¹³. Mu uyuzhi obioma augbuwe bhisu ugbusho oduya monujo eli ubuzoli li upe oloda odo ya amu uzhio li ununu Ebilikpabi.¹⁴. Uzhi lukani nyuzhi obioma ugbuwe bhisu amu umoje odu “lowe emene uzhi inom uzhio bhe li edhi li olimini Yupletis” ¹⁵. Mu ulowe bhe Emene uzhi ino ubhete bhe li ujikelen ekeleya eye ya, iwoluya li ala ya li ugbu adhi ito likpu madegede uzhi oluuto bhe.¹⁶. Emene kappa ulu ukpodhu bhe li inyanya uzhi bhhe bu dhubu dhubu dhi ugwe. Monuji tu li ete kpu uzhi lebhe.¹⁷. Ombu kpu mewejile ogbo inyanya ya li unyetu adhi me li jine emenemu ugba abhe ogbodo-unukuma bhe ude bhe kpomu ubala, anwulu dhi whubhe kpom bhilu lijine kpomu sulfumous. Yellow. Ishi out inyanya ya usatubhe ishi ogu, iye ulo li unubhe bu echi, umelechi li sulfur¹⁸. Ugweke ito li bhelebhele madegede ya- unwulubhe iyedhoni uke-ekpu ito ugbu bhe echi, umele chi li echi ubuzoli li unu bhe.¹⁹. Iyedoni ugbakpo ogbo inyanya ya uzhi bu li unu bhe li ewolo bhe ewolo bhe zhikpom ogwo aunwe jibhene ishi ugoni bhe li umashi madegede²⁰. Madegede mu ugwali who bhe ya emene mu uke-ekpum ogboo uyosali ebhe li ugbolo eka bhe usabhete dhi who bhene ukpeni uwabhiyo li jine unoshi odo unashi usa unoshi ewedu li unoshi utani-ogbo ye enyeto bhene adhi, unuje bhene ete ukadhe dhiwho bhene izee.²¹. Uyosale dhi who bhene li ugbu madegede ugbashi li eke ewhele lijine ugbolo uzugbu.

Chapter 10

¹. Mu ewejo udo eke nyuzhi obioma aukpoda li obioma uyoji bu umelechi-olu, egulugu bu iye uzhi li olu ishiya. Upiya uzhi kpom elanwu, ukoya zhi kpom ikpu echi. ². Umoji li ekaya ukpalawhu ntiko ugbawhushibhe agbawhushi, ugbawhuma bhe agbawhuma. Uko ikega ya uzhibu li olimini; auko ibida ya uzhi li ele.³. Mu echie ikpu li uli ubueke kpom uli ogu. Ekelen uchio ikuya, ebhe oligwe isabo okpo jilene.⁴. Ekelem ebhe-oligwe isabo ukpoya, mejike malem l’ubha, buto mu onuje uli ubuzoli li obioma kpu ukale “woke iyem ebhe oligwe isabo ukaya Ebhashie la abhashi.⁵. Mu nyuzhi-obioma m’ewejo li olimini li ele ugbate eka ikega ya l’olu.⁶. Mu edhito owo li ishili nye mu ubo gontu li uko udhuma uko nyem ukpo obioma li bhele bhele iye uzha bhe lime ele li bhele bhele ize uzhia bhe lime olimini li bhele bhele iye uzhabhe lime, mu nyuzhi obioma ya uko utashi ekele uzhiedhe udo” ⁷. li eye mu nyuzhi obioma amu gbowe bhisabo ujikele li ugbu odu ya, iye uwoli owoli aida Ebilikpabi aumego ujimu ukaloshi uzhiuma mukaloshine nyagbana ya, nyuzhiya.⁸. ulimu moniye li me obioma muke nikejo me; kaze, Gonu ukpala whu ugbawhushiebhe agbawhushi mu ugbawhuma kpole amu uzhio li eka nyuzhi obioma amu unuzo li olimini li ele.⁹.M’ezekedhio nyuzhiobioma yam aka nyela menni emene ekpaluwhu ntikomu ugbawhushie bhe agbowhushi mukanyeme: “Goni ukpalawhum ugbawhushiebhe agbawhushi mu idhi Enwe bu ilu lime uwoyo buyo. Li unuyo enwe bu ine kpomu mono ebega!¹⁰. M’ogonyo ukpalewhu ntiko mu ugbawhushiebhe ogbawhushi li eke nyuzhi oligwe m’edhiela. Unwe ine kpom mono ebega l’enu, buto kpom medhi mawhola uwo me enwele ilu. ¹¹. Mu onwunye ubakaniyo me “Egbaloshi gba bu agbama li iye basali li emene madegede, igbu-eluwa unuekpo li emene eze.

Chapter 11

¹. Uwho ushi bu iye unebhe me bu mo tu we iye kpomu edhi odo mukanye bhe me, “Le mu itu udho Ebilikpabi li oloda ll jine emene ukpenie bhe chili ime ya. ². Buto etoo elezhi udho Ebilkpabi, iyedoni, enemale ebhe emene Jentali. Ozo bhe bu uko li ula egwele. Ugwu iwulu ibo li iwolu ibo.³. Mene bu emene ekibo ibo ugbakpo agba bhe ama li eye eye opuku li dhi ugwu li ugwu ito, uyoji bhe bu ka agbezhi.⁴. Emene ekibom bu bhe ushi olibu ibo li ekwe tojo ibo aunuzo bhe li ununu nyenweye li uwam. ⁵. nye ulotule utashi bhe eli aichi umaloshi li unubhe audokpo emene ubhenegba bhe Nye uujikele li utashi bhe eli onu ulu bu li ewhekamu .⁶. Emene ekibo unwe bhe ugbakpo li ukpute olu kpemele mu meni ugwe ude li ogbo eye agba bhe Amaya. Unwe bhe ugbakpo li ume mini aunwo weya ubala, au me bhe mu uke- ekpu uyulu bhe uwam li ekel umashito bhe.⁷. uba nekpo le bhe ekito bhe ekono mu ubuzolio li udhu enwe ugbogbo aulushi bhe ulu. Aumegbo bhe augbodhi whu bhe.⁸. Uzu bhe anabu li okpe eke ula (amu uwho bhe li elulu Sodom li Ijipiti), adhimu ukpogbobhe nyenwe bhe. ⁹. li eye ito li ikishi emene ubuzoli bhe li igbu emene ekpe, unu-ula, li igbu uwa aunyeshi bhe enye li eli bhe Ndeke ewhebhe bu uli ebhe lime ili.¹⁰. Emenemu uzhie li eluwa ebhidhi bhe bu ebhidhi aupadhi bhe lishili bhe. Ene ta dhi whu bhe bu iyeunene iyedoni emenes agba a ibom uwhe bhe emene uzhibhe l’eluwam ujiuji.¹¹. Eye ito li ikishi uba gamale uwukuyi ibudu ubuzoli li eka Ebilikpabi okpudhu bhe bu li eli, aunuzo bhe li uko bhe. Otogu ubueke auda li eli emene mu eweje bhela.¹². Aunuji bhe uli ubueke I obioma aukani bhe, “Jani adhini!” aukadhe bhe obioma li igiligi, li ekele emene ubheni egba uzhi bhe li unyetu bhe.¹³. L’ekele ya aiele uzhigidhi u-ugweke li dhi ibe eke ula auzhiamali audhili. Emene onwulubhe kpom ele ezhigidhie ya bu puku madegede isabo, emenemu ezhiwho bhe budu ya otubhe bu ogwu aupadhiwe bhe Ebilikpabi mu uzho li obioma.¹⁴. Ogolowwo aumu gbuwe bhito agamale. Nyetu! Ogolowo aumu ugbuwe bhito uzhi l’uja enwe nwa.¹⁵. Mu nyuzhi-obioma mu ugbuwe bhisabo ugbo oduya, mu uli ubueke ukpobhe ekpo li obioma mu ukabhe “Eleze eluwa onuo weleya eleze nyenweye li Kalasi ya, ya we echi who bu gonutu li uko dhuma uko.¹⁶. Mu ugu nunukani li unukani ino ya, amu unazhie bhe ezhi li agida ezem uzhio li ununu Ebilikpabi, mu ujiobhe ukpunuko li ukpeni Ebilikpabi. ¹⁷. Mu ukabhe, “Ye akela yo Nyenweye Ebilikpabi chibueke nyemu uzhidhidho linyemu uzhimamo iyedoni egonyile eke ugbakpo yo, ebido le uchi.¹⁸. Emene eluwa uwudhu bhe uma buto uwudhuma yo ejale. Odhumale ekele ikpe ejani emene unwulu bhe onwulu, lijine li yo luwhu emene nyuzhi yo, emene amuma egede uwhugwo li emene egwele ai Ebilikpabi li ogbo emene mu uyi ebhe ewayo eso, emene olo bhe ewa li emene eke ugbakpo. Ekele yo etashi eluwam ejale.”¹⁹. mu udho ukpeni mu Ebilikpabi amu zhio li obioma ukpumalo,mu okobo edhiowo mu uzhio lime udho ukpeni ulokwalio Ama oligwe ebidhile eke ekpo obudale, ebhe oligwe agbala, ele ezhigidhile eke mini ujajali uwele edele.

Chapter 12

¹. Iye ugbudhishi uji ulo li obioma; ununwe uyoji elanwu kpom kappa mu adhigwe uzhiela li ukpudhu uko dhi okpudhede oligwe li okpudhede oligwe ibo bu iye ukpuji lishikpomu okpulishi eze.². uzhili olu, aukwadhi who li idhe uluni umu unwo.³. udo iye ugbudhushi uji ulo li obioma Nyetu! Uzhi eke ogo ubala unwe ishi isabo li dhi upe, unwe bu okpulishieze isabo li ishi ya. ⁴. Ewolo ya uzabhete bu ibeito okpudhede oligwe au udo bhete bhe li ele. Mu ogwo ya unuzo li ununu ununwe mu ujikelenye li umunwo, kpemele ekele ununwem umu whole unwom, audhe ma unwom.⁵. Mu unwem umo unwo ukoma, nye echikata kpo whulu eluwam li akpasu uchi mu umotuma bhe unwom mudawe ma bhela eka. Ebilikpabi, munazhikedhela li agida eze ya, ⁶. mu ununweya ugbawulo ime ele iwhu, adhi mu Ebilikpabi ubhete nyela kp’emele mu unyeshikaa bhe enye li upuku eyeito.⁷.Mu ulu udo li obioma mu maikel li emene uzhi obioma ya ulushie bhe eke ogwo ya ulu, mu eke ogwo ya li emene uzhi ya ulu dhi who bhe ulum.⁸. Buto ogwo ya umezokedho. Kpom ubo kpeye adhi ya li emene uzhiya anazhibhe li obioma uzhie dhe.⁹. Dlagoni ukani ogwoya amu who bhe bhu bu Ekpensu, uwabhiyo nyemu unagbo kpo uwhulu eluwamu bun ye utha woshi bhe li eluwa ya li emene uzhi ya.¹⁰. Mu onuje ulu lime obioma lumom ugawe ugbakpo, li eleze Ebilikpabi li ugbakpo Kalasi egale. Iyedoni nyemu ubushidho emene nwanaye ye lime kalasi uka adamale li ele nyemu ubushidhebhe uka li unu Ebilikpabi ya eye li atali.¹¹. Umegbo ula bhe bu li ubala unwo ugaga li uliekpo ekibo bhe iyedoni ugushiebhe budu bhe umashine bhu bu l’enwu ¹². Kpomu ubokpeye bhidhin, yo emene obioma li bhele bhele emene ube bhe lime bhe! Buto ogolowo uzhini ele li olimini, iyedoni uwabhiyo ejakedhile yo! Iye ugula unukuma bu eke uwudhuma; umajijine bhu ekele bhanwe bhu bodhe eke!¹³. Ekele mu eke oguom ugbwejo bhu obhoshimale bhe ya li ele, mu ucho ununwe mu umo unwo ukoma ya. ¹⁴. Buto enema li bhe ununwe ya aba eke ugo bhibo kp’emele mu uwela ibem ubhetenye bhela li ime iwho. Yabu adhim enyeshikeshie bhela enye li uubhe li otutu ubhe li ikishi ubhe li adhi oguom adhuma dho.¹⁵. Eke ogwo ukpuloshi mini li unu ya- mini uzhi kpom olimini kp’emele mu ulowe iji owutu ma ununweya.¹⁶. Buto mu ele ushikedhi ununwo ya eka. Mu ele ukpuma unya li udhema olimini mu ugbalosho li unu eke ogwo ya.¹⁷. mu eke ogwo ya uwudho eke uma li adhi ununwe ya uzhi mu ubalo li ulushi emene umeledha ulu aubu emene mu uyishi obhe olokomu Ebilikpabi eso mu umojiko bhe ekito mu Jizos.¹⁸. Mu eke oguom unuzo li ikpu uza mu uzho li oluko.

Chapter 13

¹. M’ewejo eke-ono auubuzoli li olimini unwe bud hi upe li ishi isabo. Li otu upeya uzhi bu okpulishi eze dhi, lime iishi, ubu eewa ukpadhewe Ebilikpabi umu ². Eke-unom m’ewejo uzhi kpom ezeabali uka ya zhikpom uko bear , unuya uzhi kpom unu ogu. Mu eke ogwom unela ugbakpo, agide eze, li eke ugbakpo uchiechi.³. Ishi eeke-omo enwe bu eke enye, buto eka enye ya enwe ta le ugwogwo. Whulu eluwa unwodha we bhe enye kpomu uchizedhi who bhe eke onoya ⁴. Aukpeni dhi whu bhe eke-ogwoya iyedoni enemale eke onoya ugbakpo. Ukpeni dhiwhu bhe eke-onoya aukazedhi who bhe “nwinazhikpom eke-ono ya la?” “nwina olusha ulu la?”⁵. Une bhe eke-one ya ununu enwe ike li ukpo eke ide li ekpo akadhie Ebilikpabi umu una bhe uwedhini li ulowe ugbakpo li ugwu iwolu ibo li iwolu ibo. ⁶. Mu eke-ono ya ukpuma unu li ukpadhiwe Ebilikpabi umu aukaja ewa Ebilikpabi li udho ukpeni ya lijine emenem ube bhe li obioma.⁷. Eke ono ya unwe uwedhi li ulushi emene ezhibhe egwele ai Ebilikpabi muu umegbo ebhe une dhiwho ebhe ugbakpo li adhi bhele ekpe emene, unu ekpo li emene eluwa uzhi bhe. ⁸. Bhele bhele emene ube whuto bhe li eluwa ekpenya bhe bu ekpenyi; nye nye obula ewa ya ezhie li ukpalawhuu budu gontuto li ubido ebido eluwam, amu bu ukpalawhu unwo ugaga amu ugbuobhe ogbu.⁹. Nye nwele ete unuje. ¹⁰. Ubule bhu alawe bhe oonwunye ulu, nyeya. Eze bu ulu. Ubule bhu ogbu bhe bu oonwunye li upiya –echi, nye ya onwulu bu li opiya echi. Uwhu uzhila dhim bu uwhu eke ukaite uma li unwe uwhetu kpomu emene Ebilikpabi uzhi bhe egwele.11 M’ewejo udo eke-ono ukpuloshi li ime ele. Unwe bu upe ibo kpom unwo ugaga ukpo ekep kpomu eke-ogwo (dragon). ¹²Ulo we kpo bhele bhele ugbakpo eke-ono unuzum li ununu ya ume uwhulu eluwam li emene uzhiabhe lime li ukpenyi bhe eke onom unuzum- amu eke enye maaya unweta who uguogwo¹³. Ume eke iye unwodhawe enye ume dhi whune ai echi ubuzoli lime obioma aukpoda ele li ununu madegede.¹⁴. Lishili iye ugbudhi shi ejim mu une bhela ugbakpo li unazhi seni eke-onom li unagbo emenem ubebhe li eluwa aukanye bhe bhu uchi bhe igbudu onuzoni Eke-onoya amu uwabhe enye li upiya-echi, buto my ubekedhio¹⁵. unwe uwedhine li une igbudu eke onoya uwutu inwe kp’emele mu igbudu ya ukpo ekpo aume kp’emele nye ekpenye eke-ono ya augbu abhe¹⁶. Aume dhiwhu mu zukpulu madegede- emene olo bhe ewa, li emene ogelenye, emene eze li emene uyo, emene unwe bhe elibhe, li emene ulu li unatu bhe egbu li eka ikega bhe li akpi bhe.¹⁷. Unwe akenye li zukpulu madegede li ugo iye li udhedhi iye gama bhu bu nye unwe egbu mu eke-ono ya. Ya bu ukpulu iye unazhiseni ewa ya.¹⁸. Eyo bu iye benwa wha. Nye unwele egede unyetu adhi, ugubhete who ukpulu iyemu unazhi senyio eke-onom. Iyedoni ya bu ukpulu iye unazhiseni madegede. Ukpuluiye ya bu bhisu, bhisu, bhisu.

Chapter 14

¹. Meshi enye m’ewejo lenu ugaga kpu zhie l’unuzo li olebhu zayon. Ya li dhi madegede udhuma 144,000 upuku li ugwu ibo li bhine amu unwo bhe ewaya li ewa idea aubheshi bhe li akpi bhe ². mu onujie uli li me obioma amu kpo kpomu eke mini utu ogbo lijine ekpo ebhe oligwe Ekpom monu jo uzhi dhiwhu kpom nye ugba ubo uzhie li ugba ubo.³. Ugu bhe bu obu uwu li ununu agida-eze ya li adhimu ono ibudu ino ya li emene elowha uzhibhe uzhie nye new ugbakpo li umudhi obu y agama emene 144,000 uga we bhe li eluwa.⁴. Ombu emenemu akatashie bhe elibhe li iye basali unyoma iyedoni ubhete bhe elibhe egwele li ugwe unawe unyoma li adhi adhi ukase to. Unweta bhe ugawe bhe kpomu anwushi umezu aebilikpabi li unwo ugaga. ⁵. Oyika ulobhe li unubhe, utu bhe ikpe.⁶. M’ewe ji jo udo nyuzhi obioma kpuzhile li uwe li olu amu ewo uzhiuma enwe ugbogbo auzhizhi dhiwho emene mu ubo bhe li eluwa- bhele bhele emene igbu ekpe umu ekpo, li emene zhilise lise.⁷. Mu uwho li uli ubueke “yi Ebilikpabi eso aina upadhi iyedoni ekele ikpe ya odhumale. Kpenya yaa bu nyemu ekpo obioma ele olimini li onwoele."⁸. udo nyuzhi-obioma-nyuzhi obioma augbuwe bhibo mu uso- li uka “Adale, adale, Babilon nyeke adale, nye umo mu whulu emene eluwa mu unwo bhe menye agwa ewhele ya.”⁹. Udo nyuzhi-nyushi obioma augbuwe bhito-muso bhe- li uka li uli ubueke, “nye ukpenile eke onoya li igbuduya mu unatu le egbu ya li akpi li eka ya¹⁰. Onwe dhiwolu bu out li menye eke uwudhuma Ebilikpabi menyemu uweshio bhe li ime igege li ugwe ugwa agwa. Uye unwulema odu bu li echi-bhiyo li sulfur li ununu emene nyuzhi obioma Ebilikpabi auzhi bhe egwele li unwo ugaga.¹¹. Umelechimu ubuzolo li echimu udobhe ukadhe ze dhiwho olu kpee, ude ebhe eli eye li abali emene mu ukpenyie bhe eke-onoya li igbudu ya lijine bhele bhele emene unata bhe egbuni ewa ya. ¹². Iye nwa bu eke ukaite ekpema auzhini emene Ebilikpabi mu uzhie bhe egwele, emenem ubhe olokom Ebilikpabi mu uwhetu bhe uzhio li Jizos.¹³. Mu onugo uli ubuzoli li obioma kpu ukale “bheshi om; uwakwani uzhini emenem unwulo bhe lime Nyenweye. “Ee” Uwa Egwele uko “iyedoni edhitu bhe bu inwe li adhi ugbolo bhe uzhi, iyedoni ugbolo eka osobhe bu li ozu”¹⁴. me nye enye iye zhi bu olu usa nye unazhi li ele uzhi kpomu unwo madegede. Ukpuji bu okpulishi eze odo lishi ya li ogani uwotuwe iye lika li ekaya¹⁵. Mu udo nyuzhi obioma ujo ubuzoli bu li imudho ukpeni auwhu nye mu uzhio li unazhi ezhi li olu (cloud) li uli ubueke “Gonu ogani uwotu iye lika mu ibodo ugutu iyelika. Iyedoni ekele ugutu ogutu odhumale iyedoni ugutu iye uwam asale”¹⁶. mu nye mu uzhio li unazhi ezhi li olu uwo ogani ugutu iye mu uguto iye lika li uwa.¹⁷. Mu udo nyezhi obioma ubuzolio li udho ukpeni obioma unwe dhiwhu ogni-ugutu iye ukobhuko¹⁸. mu udo nyuzhi obioma uja gbadhito ubuzoli bu li oloda mu edhu egbuma amu now ugbakpo li adhi echi zhi. Auwhu nye mu umoje oganim ugutu iye aukobhuko li uli ubueke “Gonu ogani ugutu iye amu kobhuko mu iwogama glepu/alilede li ushi ya uzhi liele, iyedoni alilede asale."¹⁹. Mu nyuzhi obioma uwo ogani ugutu iye li ele mu uwoto alilede li uwa. Mu ubhoshiela li eke ugbo menye mu uwudhuma Ebilikpabi.²⁰. Ububhete bhe ugbo-menye bu li ishi ula, au ubala uwosali lime ya audhuma unu inyanya tutu 1,600 stadia.

Chapter 15

¹. M’ewejijo udo iye ugbudhishi uji lime obioma, ubueke aubu jini iye unwo dh’enye uzhibu nyuzhi obioma. Isabo li uke-ekpu isabo, ubu bhe uke-ekpu ugbogbo li bhe uwudhuma Ebilikpabi ozutale.². M’eweji iye usatu olimini onyo augwashi kpo bhe echi unuzo buli li ukwu olimini adhimu emenem emegbo bhe eke onoya li igbudu ya jini uguuogwu unazhine la ewa ya uzhibhe umoji bhe bu ubo amu Ebilikpabi unobhe.³. li ugwu dhi bhe obu mu mozizi, unwo boyimu Ebilikpabi lijine obum unwo boyimu Ebilikpabi lijine obum unwo-ugaga “Ugbolo you ubweke aunwodha we enye, Ebilikpabi Nye aweye, chibueke ibe akpaya ubu ishiuka; uchinwuni dhi who echinwuni; Eze emene eluwa. ⁴. Nwina egwe utuni yo otogu la, Nyenweye? Nwuna egwe upadhi me ewa yola? Iyedoni yo neten izhi egwele. Eluwa logbo eja bhe aukpeni bhe yo iyedoni eka ugbolo umajo olokwale."⁵. Otum uba gamo me nyeshie enye mu ugumalo li obioma. ⁶. Lime udho ukpeni ya, iye ulo bu nyuzhi obioma isabo ya l’umoji ke bhe uke uyne isabo. Uyoji bhe bu kappa usa, aubidhe ebidhi aunwe ukanyi ebegewa.⁷. Mu nwine lime ono ibudu ino muya une nyuzhi obioma isabo ya iboli odo isabo uyulu li uwudhuma Ebilikpabi, amu ubo li uko dhuma uko. ⁸. udho ukpeni uyulu bu li umelechi ubuzoli li ebube mu Ebillikpabi li ugbakpo ya. Onwunye onwu ye ukpudhu dho lime ya tutu uke ekpu isabo mu uyuzhi obioma isabo umojebheya uzutakpo.

Chapter 16

¹. Monuji uli kpu zhie l’uwhu lime udho ukpeni mu ukanyio emene uzhi obioma isabo-ya, “ze mu iwubhete li ele ogbo ibala isabo mu uwudhuma Ebilikpabi”.². Mu Nyuzhi obioma aumuzie uzo mu ubobheto ibala a ya li ele mu enye bhiyo ukpudho li eli emene mu unwe bhe egbu mu eke-ono, mu ukpenyio bhe igbudu ya.³. Mu nyuzhi obioma mu ugbuwe bhibo ubobhete ibala ya li eke olimini, mu unwo weya ubala zhipom ubala uzu mu bhele bhele iye uzhibhe budu lime olimini unwulu kpo bhe.⁴. Mu nyzhi obioma amu gbuwe bhito ubo bhete ibala aya li agbagala mini uzhi lise lise li onwo ele, mu unwo we kpobhe ubala. ⁵. Mu onuju nyuzhi-mini kpu ukale, “Ibu nye uma – Nyemu uzhidhidhi dho, nye mu uzhima ezhima. Nye unwe eguele iyedoni ekpele ogbo iyem ikpe. ⁶. Iyedoni ubobhete bhe ubala emene uzhibhe egwele ai Ebilikpabi li emene agbama, enele bhe ubala mu unwu bhe, Yabu iye udadhu nibhe”⁷. Mu onujo kpu oloda usale “Ee, Nye nweye, Ebilikpabi chibueke, ikpe yo bu ishuka li umeite”⁸.Mu nyuzhi obioma augbuwe bhino Uwu bhete ibala ya li elanwu mu unela uwedhini li udu madegede lime echi.⁹. Eke echi bu iye udu bhe mu ukatashio bhe ewa Ebilikpabi nye mu unwo ugbakpo ukama ogbo uke ekpu ya. Uuyosale bhe une edhi who bhelana upadhi.¹⁰. Mu nyuzhi obioma augbuwe bhise uwe bhete ibada aya li agida ezemu eke-ono ya, mu igeleni ukpudhie kpo eleze ya. Mu uta dhiwho bhe idho bhe lishili idhe bhe. ¹¹. Ukatashi bhe Ebilikpabi chiwe-obioma lishile idhe bhe li enye uzhi bhe lieli, augwe kedhi to bhe uyosali oyosali li bhiyo bhe.¹². Mu nyuzhi obioma amu ugbu we bhisu ubo bhete ibala ya li eke olimini uwho bhe Yupletis. Mu miniya utakpolikpo li umekeni emene ezemeja bhe li bemu elanwu ubido ichakpa.¹³. M’eweji uwa otide ito aunwulu bhe kpom ekpudho aumaloshi bhe lime unu eke-oguo li eke-ono, li nye agbama oyika.¹⁴. Iyedoni ubu bhe out uwabhiyo ekpesu auzhi bhe li ume iye unwodhawe enye. Uzhi bhe li uzekedhi emene eze uzhi bhe li uwhulu eluwam kpu emele mu ukpo gbada bhe uwadhi lishili ulum eke eyem Ebilikpabi Chibueke.¹⁵.(“Nyetu! M’ezhiluja Kpomu Ayugbu! Uwokwani uzhini nyemu usama dhienye mu unyiji kedhio, mu uyoji ke udhio kappa, kpemele mu ugwe ukpa ile we li ukadhe ize ya, lijine kpemele, mu ugwe bhe uweji unazhi iwene ya”) ¹⁶. Ukpa gbete ebhe bu li adhi uwhu bhe Amagedon “li unu Hibulu.¹⁷. Mu nyuzhi obioma ugbuwe bhisabo ubo bhete ibala ya li olu. Mu uli ubueke ulo lime udho ukpeni lijine agide eze uzhi li uka, “ogulule”¹⁸. Ye da bu ubishi ebishi ama, eke uwhu, ekpo ebhe oligwe,ligine ele uzhigidhi aukeke – ele uzhigidhi auka kpo bhele bhele mu uda whuto, tutu madegede uzhi whuto li uwam ele uzhigidhi ukadhe akadhe.¹⁹. Eke ula ya ekemali le li ike ito, ogbo ula emene eluwa adamale, mu Ebilikpabi ugbewejo Babilon, eke ula mu uno eke ula ya egege uyulu li menye eke uwudhuma.²⁰. Mu bhele bhele ibe-ele utalio, olebhu zhiedhe. ²¹. Eke igu-miniechi oligwe, au nwedhuna kpomu igu aubuzoli lolu aubuda li eli emene ya. Autashi bhe ewa Ebilikpabi lishili uke ekpu iyedoni uke ekpu ukadhe akadhe.

Chapter 17

¹. Mu Nwine li emene uzhi-obioma isabo ya amu uzhi li ubujidhi ibala ya ujo mu ukanyeme, “Za, Motugoshi yo bu ikpe uzhini nyeke akuna-akuna amu unazhie ezhi li li otutu olimini,². Ya li emene eze eluwam aga kata lebhe abha, gontu li menye whele ya, emene ubebhe li ele onwu gbole ebhe li menye”³. Mu nyuzhi obioma ya ubuto me lime uwa mu ubula me ime iwho meweje ununwe uzhi l’unazhi li olu eke-ono umewhu, iye uyula bu ewa utashi ewa Ebilikpabi Eke-ono ya unwe bu ishi isabo li dhi upe.⁴. Unuwe ya uyoji bu kappa purple li umewhu, aubodhi ododo, igu bidhiebhidhi li pearls. Iye umoji li eka bu egege ocho augulu li iye gbubhe ebhu aieluwam li iye utotide li ewhele ya” ⁵. li akpiya, iye ubhashi bhe bu ewa madegede enwe ike li ukawadho. Babilon, nye bueke ina emene akuna akuna li jine iye ugbu bhe egbu li eluwa."⁶. Meweji meny ununwe ya onwugboleya li ubala emene egwele mu ai Ebilikpabi lijine ubalamu emene unwulo bhe lishili Jizos. Ekelem meweje la, unwwodhawe me enye bhaka. ⁷. Buto mu nyuzhi obioma ya ukanye me “Iyela do mu inwe unwdhenye la?” motugoshi buyo ukowa okowa uwoli owoli amu ununwe ya lijine amu ekeonomuzhie li ubuaya eke onomu unwo ishi isabo li dhi upe.⁸. Eke ono iwejo bu uzhi budu uzhie dhe budu li umom, ugwali ntiko kpu olole lime udhum egwee ugulu ogulu. Aukedheze adhi utadhuewe. Emene mu ubo bhe li uwa emene mu ewa bhe akabheshie bhe li ukpalawhu budu gontu to li ubido ebidho eluwa, eke ebhe bu eka li unu li auweji to bhe eke ono ya iyedonii ezhimele buto uzhie dhe buto eja gba eja.⁹. iye unwe who bu eyo li ekpema madegede- ishi isabo ya bu elebhu isabo, adhi mu ununwe ye unazhio ezhi ¹⁰. uzhidhi whu bhe bu eze isabo eze ise adamale bhe nwine zhim, amu usoya ukaja, ekele ejo anazhi gba bu ntiko.¹¹. Eke ono uzhima gedhe ezhima, mu ugwe who uzhi li umom ya obubu eze mu ugbuwe bhisato. Yawe bu aabhisabo akadhe jine bu adhi atasha bhe atashi.¹², Dhi upe mu iwejeja bu bhe dhi eze mu akanato bhe eleze buto anatu bhe bu ugbakpo kpom emene eze li ukele ubhe bhee li eke ono.¹³. umu bhe uzuni ozuni, mu une bhe ekeono ugbakpo li ike bhe.¹⁴. olushi bhe bu unwo-ugagam ulu Buto unwo ugagam emegbo bhe iyedoni ye we bu idanwudho uka idanwudho, Eze ka Eze emene mu uzhi kedhi ebhela bu bhe emene unwetu bhe uwhu owhu ulotu olotu bhe bu bhe emene unwe uwhetu.”¹⁵. Mu nyuzhi obioma ya ukanye me ogbo olimini mu iwejo bun ye akuna akuna unazhio bhe bu bhe emene eluwa igu madegede, emene eluwa igu madegede emene igbu zhiliselise li unu ekpo zhiliselise.¹⁶. Dhi upe mu iwejo- Bhee li eke ono ya oso bhe bu akuna akuna ya oso. Akpa bhe bu ile ewe augba bheta bhe. Edhema bhe bu libudu, audu kpo kpabhe li echi.¹⁷. Iyedoni, Ebilikpabi eshile li ekpema bhe li ume iyem ubo echicheya li uwhe li une eke ono ya ugba kp li uchi tutu uliekpom Ebilikpabi umezo kpo.¹⁸. ununwe mu iwejo bu eke ulam unwe ugbakpo li udu out ezem uzhie bhe li eluwam”.

Chapter 18

¹. ya ubha gamaọ mẹẹ wejiọ udộ nyuzhiobioma kpu zhi l'’jayalẹ l'’ligwe. unwe ugbakpo 'bu eke, igiliya unwusamakpo uwam l'ogbo.². Mû uchikpu l’uli ubu eke l’uka kpom “Babiloni ubu ọ ekeya adamale!” ya wẹ ubumawho adhi uwabhiyo ubebhe, adhi bhelebhele uwabhiyọ ugbakapudhubhe, li adhi bhelebhele unu bhiyo ụdhụlubhẹ ọdhụlụ ugbakpudhubhe. ³. Bhẹlẹbhẹ̵lẹ igbu uzhibhe l'’wa onwugbokpole bhe bhe li menye budu ewheleya. Emene eze Ụzhibhe l'’wam agadhilebhe ma uga. Emene odhuaya uzhibhe l'’wam adalebhe eze gontu li budu ewhele yawe ubedhi.⁴. Yabu kpu mọnụjile ụdọ uli ubuzọlị l'oligwe kpụ ụkalẹ “emene aame buzọlini lime ya kp'emele mu igweni ume otu umeyeshim yawe umộ, mû egweshiwhuni unweta egbo-umekpeliya.⁵.Umeyeshiya okpukonimale ul’olu kpom akama-olu, Ebilikpabi egbewejile zukpulu iyẹbhiyoyo. ⁶. Memashani kpu yawe umedhile, memashani uke-ịbộ ka kpu yawẹ umedhile, memashani uke-ịbọ ka kpu yawẹ umedhile; epelemu yawẹ ugwashiwe iye mu unedhọ, gwashani uke ị̇bộ ka kpu yawe unedhile mu ināni.⁷. Kpu yawẹ ụ̵buleya eli mu ubedho li (udhiluzọ) nedhiwhāni uwhashi uya li agbezhi kpe. Iyedọ yawẹ uka l'ekpema kpom ‘manazhi kpomu nwenyeze, mobomu ununwe-ukwudhọọ, ndeke makwam ikwa nye enwwu nwulushii⁸. Kpomubokpeye, egbọ-umekpeliya eja bu l'eeye: auweji, enwu, ikwenwu lị ọkẹnyẹbhịdhị. Ẹchị adukpo-a bu ọdụ̵kpọ, iyedoni nyenweye ukadhe ugbakpo, ubudhiwhu nyikpe ya.”⁹. Emene-eze uwam ugadhebhela uga mu ugwẹbhẹ umojidho elibhe ẹka, akwabhe bu ekwa lishiliya l’eke ewejobhe eka, akwabhe bu ekwa lishiliya l’eka ewejobhe ụmẹlẹchị̇ ogolọshị l’echịm uzhe l’udukpọla.¹⁰. Onuzobhe bụ li akpụtọ, lishili otogwu iyemu udakwashela aukabhẹ kpom "Umekpeli om obu-ọ amu udakwasho Babilon eke-ulam utunebhe oto-gwu. L'’eye nẹ̵ten auwhugọbhiyo ‘zhikpom udakwasha."¹¹. Emene odhu-aya uwam akwabhe bu ikwa L’ishiliya iyẹdọ nye ogonatugbabhe iye 'zhedhẹẹ¹². otu iye zhibhe kpomụ̂ uchi-òdò, uchi-usâ, igwugbu-aya, ukpake-umewe-ulie-ugbu-aga, ukani-umewẹ ulie, ukani emene-eze, ukani-whedhi-ewhedhi, ukani alikpo, uchi, igwe-ụdẹkwu-ubidhi ebidhi, ¹³. Iye-mekpomu-elû, iye-ne-bhidhi etoli egbu'’a, edhu, ẹmẹ, ilo-egbu'’a menye-ine, oga, bhidhi whedhi ewhedhi, oka eyi li ugagâ, inyanya, ugbọ-inyanya, li uzu-umegbẹ ẹmẹ, li uwa madegede.¹⁴. Akabhe bu kpom “ooutukpulu-ushi yowe iwudhiga owudhiga li ugbokpoyo alanatukpole yọ Bhelebhele ulo-ewayo li udhiluzọ yo atalikpolebhe, ndeke ewejedhebhẹ bhe udọọ.¹⁵. Otu emene odhu-aya mu udheshebhela ooutiyẹya mû udakpowhobhe eze anazhibhe bu l'akputo l'ishili otogwu iyemu udakwashela l'ukwabhe mû chibe lishiliya.¹⁶. Bhẹ ẹ akabhẹ bu kpom “Umekpeli ubu eke adakwashili eke ulaya, lamu umekwabhe emekwa li ukani-umewebhe-ule, ukani alikpo, ushi-egbuma, mû utikepobhele li uchi-òdò, utu-echi-ugbubhe-aga, li ukpake mewebhe-ule!¹⁷. L'eke neten zukpulu owayi l'’zeya utadhukpolẹ ewe "Bhele bhele nyishi-ụgbộ, bhelebhele emene ugabhe agize li olimini, emene uwhodhigabhe Olimini, li bhelebhele emene ugbolo olimini unuzobhe li akputọ.¹⁸. Mu ukwabhe kpomu uwejebhe umẹ̵lẹchị ugọlọshị l'ẹchịmu udukpola. Mu kabhe "Elẹ'ula uzhi kpom eke-ulaya la?" ¹⁹. Mụ̂ bhẹẹ ugonebhe ụza mu nwopolagawebhe bhe ishî, mụ̂ ukwabhe, muchebhe kpọm “umekpeli ubu eke adakwashilẹ eke ulaya; ulamu bhelebhele madu nwebhẹ eke ụgbộ l’olimini ukpaloshitọbhe owayi mụ̂ udabhe eze. L’ekele neten atadhumela ewe.”²⁰."Ol’igwe, emene ịzhịnị ẹsọ, li emene-Uzhu-Klais, li emene amuma padhini apadhi lishiliya ịyẹdọ Ebilikpabi ọwhulema ugwobhiyọ lishili.²¹. Mu onyuzhi-obioma unwe ugbakpo ubu eke ugonule iigwu uzhi kpomu igwu'mẹ whu mụ̂ ulugashọ l'olumini mụ ka kpọm: "kpọm ujim molugasho igwuya l'’lumini, yabụ kpu Balilon adalẹ l'ike l'ugwẹ uwajigbabhe enye tọọme tọọme.²². Ndeke onujẹdhẹbhẹ ẹkpọ ụbộ ọbụ, opi, li ekpo ọdụ udọgba l'ime yo. Ndeke ẹwẹjedhebhe ny'ọka nwune nwune l'ime. Ndeke unujẹdhẹbhẹnẹ ẹkpọ ịyẹ ụsubhẹ ọsụ lị iye ụwhọbhẹ ọwhọ l'imẹ yọ.²³.Ndeke ẹwejẹbhẹ eechi ẹẹchi usama adhi l'ime yo udọgbaa. Ndeke onujedhebhe uli emene ubhatabhe li ẹbhẹ l'ime yo udọ gbaa, iyẹdọ emene yo li bhe izhidhikatani aya bubhe emene eke uwam, yabu kpu inagbokpole bhelebhele igbu uzhibhe l'uwam gontu li amama bhushi uwabhiyọ yo.²⁴. Ubala bhẹlẹbhẹlẹ emene amuma li emene egwele Ebilikpabi, li ubala bhelebhele madu ugbuwhutobhẹ ogbu uzhikpobhẹ bụ l'imeya."

Chapter 19

¹. Kpom ya gamọ, mọọnujẹ iye, zhi kpom uli ụwhụ emene utubhe ogbo uzhibhe l'’ligwe ukabhe kpọm “nliluya. Ugawẹ, igili, li ugbakpo ụbụ aa Ebilikpabi. ². Ikpeya bu ishuka, iyẹdọ yawẹ ekpelẹ eke akunakuna ya ikpe, nyemu utashikpọ uwa gontu li ewheleya. Anatule ugwo ubala emene-uzhiya l'eka ya.³. Mu bhẹẹ ukagbajebhe ụdọ, “Aliluya! umẹlẹchi ugọlọshidhiwhọ l'imeya kpowẹ gontu l'ugwẹ ụgwụlụ ọgwụlụ dhuma ụgwẹ ụgwụlu ọgwụlụ⁴. Mu ụụgwu unukani lị unukani ịnọya li iyẹ inọmu uzhebhe budu uzhebhe l'adhiya unabhe l'ẹlẹ mụ̂ ukpenebhe Ebilikpabi, nyemu unazhẹ̄zhi l'ẹkpẹ ụchịẹchi. Iye bhe uzhibhe l'uka bu "Uzhikpeye. Aliluya!”⁵. Yabu kpu ụụli uyale l'ekpe liadhiya mụ'ka kpom “Padhiweni Ebilikpabi, bhelebhele emene nwudhoya, emene uzhibhe Ntukọ li rmrnr ububhe eke."⁶. Yabu kpu monujilẹ iye kpọ kpomu uli emene utubhe ogbo, zhi kpomu ekpọ ọdọwu mini utubhe ogbo, zhi kpomu ekpọ ọdọwu mini utuogbo, li kpom ẹkpọ ama ukpokata l'ike, uka bhu “Aliluya! Iyẹdọ Nyenweye, Ebilikpabi, Akakpo-akakpo ụbụ nye chi-echi.⁷. Ngwa mụ atoni obu, l'utubuzowa olu, mu anāni upadhiwe iyẹdọ Udhugwọ mu unwotọlọm Ebilikpabi odhumale, ununuwemu yawe, ọtụọ ejikelekpolẹ.⁸. Une-abhe uwedhini bhu uyoji kapa umeye-ule usamali asamali eenyee unyee (Kapa zozo umeye. ule utugoshibu agwa umeite emene Ebilikpabi).⁹. Mu nyuzhi-obioma ya ukaneme “Bhashi iyẹm uwokwani uzhini emenemu uwhobhẹ bhu ujabhe udhugwọm unwotolom Ebilikpabi” Mu kanigbadhiwhọ kpọm "utu ekpom bubhe unekpo Ebilikpabi l'egede. ¹⁰. Mụ̂ mada l’ukoya meni mekpenā ekpeni,buwhutọ mu ukanẹmẹ kpom “Emee-kpeye! mọ budhiwhu nwudho kpom yo li emene nwanayo mu umojike ukaloshiwe iye basali Jizos ibọnị kpenigbo Ebilikpabi! Iyẹdọ ukaloshiwe ịyẹ basali Jizos bụ uwa ụnyetu-adhi."¹¹. Mu mewejọ ol’igwe kpu ukpumalilẹ, mụ̂ menyeshọ ẹnyẹ iinyanya ụsâ zhi l'idhiya. Nyemu ugbaa inyanyaya uwhuabhe unuzoke li ishuka. Yawe ube ikpe mu ụlụshidhidhiwhọ ụlụ bu gontu li ishuka.¹². Ekpeleniya uzhi kpomu idho ẹchị, aukpuji ukpulushî utu ogbo lishî. ùnwè ẹẹwa ubhāshabhe l'ẹlị aubukpom bu ọọnwunye ọnwunye umajẹẹ gama yawe.¹³. Uwoji bụ kapa udhushi l'ubala, uwhubhe eweya bhu ubu unẹkpo Ebilikpabi.¹⁴. Emene ulu ol'igwe ugbabhe bu inyanya usa-inyanya usa, uyojikekpobhe bu uzozo umewebhe ule, ụsụsa enwee unyee. ¹⁵. Iye lọ l'unuya bụ opia echi ukogbukwọọ augonu mụ ụlụgbowẹ igbu zhibhẹ l'uwam, yawẹ ẹchiwẹbhe bụ igbanigbani-uchi. Uzọshi uwudhuma Ebilikpabi Akakpo-akakpo kpomu uyezọ owhu l'iko.¹⁶. Unwe eẹwa ụbhashibhe li kapa ya, lijine ọgbọya, ubhashi kpom: “Eze emene eze li nyenwekpo emene nwedhibhe enwedhi.”¹⁷. Mewejọ ọọnyuzhi-obioma uzhi l’unuzo l’ime elanwu. Mụ̂ whụọ zukpu lu unu uwebhe l'olu li uli bu eke, l'uka " Jani, weyakponi uwadhi mu bha dhini ogwu Ebilikpabi. ¹⁸. Jani onu bha dhini uzu emene eze li uzu emenishi-ụlụ, li uzu emene – kpabhe ike, li uzu inyanya, lị uzu emen ugbabhẹ bhẹ agba, li uzu bhẹlẹbhẹlẹ madụ, emene ūzhibhe sasala lị emene úlu, emene zhibhe ntukọ li emene ububhe eke.¹⁹. Mēwejọ eke-ọnọ-uwabhiyoya lị emene eze zhibhe L’uwa bhe lị emene ulu bhe. Agbagbonikpolebhe liujikeleni ulushi nyemu ugbaa inyanyaya lị emene ụlụya ụlụ.²⁰. Mụ motobhe eke-ọnọ-uwabhiyoya li nye amuma oyikamụ umēdhọọ iye-unwodhẹnyẹ li ununuya. ugonu bụ otu iye-unwodhenye ya mu unagbobhe emenemu unwebhe egbu eke-ọnọ-uwabhiyo mu ukpenidhiwhọbhe iyemu uchishebhe li unwulu ya. uchigashibhe madu ibọm ibụdụ l'ime ude ẹchị dạdụ-zh'ezhi.²¹. Emene gwaliwho ugbukpobhẹ bhẹ bụ li opia echimu ulọọ li unu nyemu ugbaa inyanyaya. Bhelebhele unuya udhikpobhẹ uzubhe.

Chapter 20

¹. M’ewejo nyuzhim-olu lime obioma kpu ujale umoju bu sapi udhu ogbogbo amuji eke iyabha li eka ya. ². mu umoto eke ogwo, ugwo ukani aubu nyuwabhiyo udhini dhi whu Ekpensu, mu uchela iyabha li puku ala. ³. Mu ugba woshela li udhum ogbogbo mugutela, muta kushiela agbu-ube lo’lu. Kpemele mu ugwe unagbo gba eluwa udo tutu opuku ala ugakpo. Ubagama whole, auna ma bhe li unwo ekele ntiko.⁴. Me wejo agida eze utu-ogbo. Emene unazhiabhe bu emene mu unobhe eke-ugbakpo li ukpe bhe ikpe, meweji dhiwhu emene mu ukebe ebheishi li ukaloshie Jisos li uliekpo Ebilikpabi, uka kpenye bhe eke-ono li unwulu ya, uwhe bhe bha natu egbu lishi bhe li eka bhe mu unwe bhe budu mu uchi kedhio bhe Kalaasi li upuku ala.⁵. Otutu emene unwulu bhe onwulu utelie bhe tutu upuku ala ugama. Ombu ule li enwu aunuzu.⁶. Uwokwani li egwele uzhini nye nye uzhile li ule lienwu mu unuzum! Enwumu ugbuwe bhibom unwe ugbakpo li adhi uzhi bhe obu ubhe bu emene osoeja Ebilikpabi ligine Kalaasi aube bhe li uzhi kedhia upuku ala.⁷.Ekele upuku ala agana whole mu unabhe Ekpesu li ikoli.⁸.Olobu asaga li unagbo eluwa li ukpom inomu ele-Gogu li magogu – li uyawe gbete bhe uwadhi lishile ulu. Out bhe bu ogbo kpomu uza uzhi lime olimini.⁹. Mu kadhe obhe olu ele aushikeshi okpoga emene egwele Ebilikpabi-eke- ula ugushi. Buto mu echi ukpoda li obioma mu udhema bhe.¹⁰. Nye-uwa bhiyom, nyemu unagbo bhe, ubhoshiabhe li ikpu echi, adhimu eke-ono li adhim ubhoshio bhe nyagbama oyika, Echi-odu bhe bu li eye li abali gontu li uko dhuma uko.¹¹. M’eweje eke agida eze li nye mu unazhie la ezhi mu Ele li obioma ugbamalio li ununu ya, buto unyeto bhe adhi uugbala.¹². M’ewejo emene unwulu bhe onwu-Emene ogelenye, li emene uya-uzhi bhe l’unuzo li adhimu agida Eze uzhio, mu ukpalawhu ukpumalio bhe. Mu ukpuma dhowho bhe udo ukpalawhu aubu ukalawhu budu mu ugonyio bhe ukpalawhu ya li ukpe we emene mu unwo lo bhe onwu lu zhikpu ugbolo bhhe uzhile.¹³Abadi ulowe emeni mu unwulobhe lime ya. Enwu li ili ulowe kpobhe emene mu unwulobhe lime bhe, li emene nwulu bhe onwulu.¹⁴Enwu li adhi-echi. Ombu enwu ugbuwe bhibo- idagu echi.¹⁵nye ewa ya ezhi li ukpalawhu buduya obo bun ye ubhoshi li idagu echi. Mu izhieni ya, uzhi kpom bu ekpeni bu ikpe ya joka joka. Ubulu ye, ye ajikele li ugbua mu badhu ma who ujeja ya li adhim”

Chapter 21

¹. M’ewejo obioma uwu li ele uwu, iyedoni obioma unzum li ele unuzum agama le, li olimini uzhie dhe². M’ewejo eke ula egwele ya Jeluselemu uwu, amu ubozolio li obioma mu uja li eka Ebilikpabi – emeke kpole bhe ma kpomu ununwe uyoshikpo bhe kappa li uji keleni izhaa.³. Monuji uli ubueke aubuzoli li agida eze kpuzhi l’uka “weji udo Ebilikpabi uzhi kedhi who madegede ebekeshiwho bu bhe obu bhe bu emene aya, a Ebilikpabi yawe unazhi kedhi bhe; aya we ubu Ebilikpabi bhe,⁴. Okoma kpo bu bhele bhele ishibuikwa uzhi li ekpelenyi bhe , enwu ndeke ezhie dhe agbezhi uzhiedhe nee; ikwa uzhiedhe, idhe uzhie dhe. Ogbo iye ukani agama le bhe.⁵. Mu nyemu unazhio li agida Eze uko “weji! Meme bhele bhele iye mu bu bhe auwu” muko, “bhashia iyedoni ogbo uli ekpom ugbu bhe aya, bushiwhu bhe ishuka”⁶. Mukanyo me “Emekpo le bhe ogbo iyem, mobu bu alupa mobu omega mobu Nyeunuzu mobudhi whu nye ukpozu. Nye ekidhi kpole ma, mena bu mini ewe, mini ubuzoli li onwo mini budu.⁷. Nye umegbole ejitukpo bu otum li ekpe, ambu Ebilikpabi ya, aubu unwome.⁸. Buto emene eke otogwu, emene enwe bhe uwhetu, emene ugbu bhe egbu, emene ogbumadee, emene eke ewhele, emene agbewa, emene ukpenibhe ugbulu, li bhele bhele emene oyika, adhi bhe bu li ikpu echi bhiyo. Yabu enwu ugbuwe bhibo.”⁹. Mu nne lime emene uzhi obioma isabo ya ujakeshime, amu unwo iboli isabo mu uyulo li uke-ekpu isabo, mu uko “ Ja adhina, m’otugoshi yo bu ununwe , nwenyi unwo-ugaga¹⁰. Mu ubuto, me lime uwa mu ubula me eke olebhu mu utugoshie me Jeluselem, ekeula uzhi egwele kpu uzhie li uje dhi lime obioma mu Ebilikpabi¹¹. Jeluselem unwe bu ebube Ebilikpabi, usamali ya uzhi kpom igu ubidhi ebidhi,¹². Unwe bu ekudho ubueke bheka mulani eke ulolu unwe bu dhi egbeleta li egbeleta ibo, emene uzhi-olu dhibhibo unazhi bhe bu li out egbeletam. Li bhele bhele bhashi bhe bu ewa emene umeledhe Izileli- dhibhibo.¹³. Li ibem elanwu ulo uzhi bu egbeleta ito, li gbu olu-owiliwa, uzhi bu egbeleta ito li gbu ele-owiliwa uzhi bu egbeleta ito, li igbumu elanwu udo uzhi bu egbeleta ito.¹⁴. Ekudho ekeulaya uzhibu uwa-ele udho dhibhibo, lime bhe iye zhi bu ewa wmene uzhi ugaga- dhibhibo.¹⁵. Amu ukpo nyeme ekpo unwe edhi odo aunwulu kpom owayi odo li utuwe eke-ulaya, egbeleta ya li ekudho ya.¹⁶. Ekula ya ude ya li ukaya ubuu iyeneten; kpu ukaya uzhile, ya bu kpu udeya uzhile. Utu we eke ula ya b li edhi odo uka edhi ya udhuma dhi upuku li upuku ibo; ukaya li ude ya, li ugbate olu ya, uzhi bhe iye neten.¹⁷. Aututudhi whu ekudho ya uzhi bu dhi iye usatu kpomu ikpu oshikilikpekpe ugwu isabo li bhino ; uji mu madegede utowejo iyabu kpu nyezhi olu utu eliwhule.¹⁸. Ekudho ya unuwa bhe bu igudhi-ubidhiebidhi li ekeula uyulu li owayi odo, ausamali kpom onyo.¹⁹.Uwa ele ekudho ya uyulu buli bhele bhele uji igwu ubidhi ebidhi. Aunuzu ubu Jasipa, augbuwe bhibo ubu Sapile, augbuwe bhito ubu agate, augbuwe bhino bu emeladhi, ²⁰. Augbuwe bhiso bu onikis, augbuwe bhisuu bu kanelaa augbuwe bhisabo bu kilisolaat, augbuwe bhisato bu belili, augbuwe nazama bu topazi, augbuwe dhi bu Kilisoplase, augbuwe dhi linne, bu Jasinti, augbuwe dhi li bhibo bu ametisit.²¹. Dhi egbele ta li egbeleta ibo ya ubu bhe bud hi piyali li piyali bo; o-egbeleta umewa bhe bub u opiyali, okpe-ubadhu eke-ula ya ubu bu owayi odo, ubidhi kpomu onyo. ²². M’ewajemu udho ukpeni lime eke ula ya iyedoni Nyenweye Ebilikpabi ubueke lijine unwo ugaga ya bu bhe uudho ukpeni.²³. Eke ula ya ukwanye elenwuu li adigwe mubasamali dho. Iyedoni ebube Ebilikpabi bu iye una usamali tojo ya bujine unwo ugaga.²⁴. Emene uwam uzhili selise akaze bhe ize bu li usamali eke ulaya. Emene eze chiwa ayawe bhe bu ebube bhe ekeulaya. ²⁵. Ndeke ogute bhe egbeleta ya li eye, ndeke abali ezhie lime adhi ya.²⁶. Ayawe bhe bu ebube li ouhueso ogbo eluwa ime eke ulaya. ²⁷. Iye udhulu ndeke okpudho li me eke ula ya, uzhie onuunyo onwuunye eme iye, unagbodhi buto emene ezhi bhe bu emene ewa bhe ubhashie bhe li ukpalawhu budum, unwo ugaga.

Chapter 22

¹. Mu nyushi-obioma utugoshie me olimini budu amu amu ubidhio kpomu minichiegwe, ugbaloshi bu li agide eze Ebilikpabi li unwa ugaga. ². ugbalaga bu liechinabo ubadhu ichakpa mu eke ula li ewheka ichakpa ibom iyezhi bu ushi budu, unwujine bu zukpulu iwolu ukpulushi dhibhito. Uwho uzhini bu ugwo ogwo eluwa logbo.³.Ogolowo ndeke ezhie dhe Agida-Eze Ebilikpabi li aunwo ugaga ezhi buudi eke-ula ya, emene unwoboyi ya emenya bhe ugbolo. ⁴. Evveji bhe bu upiya, ewaya ezhi bu li akpi bhe, ⁵. Abali ndeke ezhie dhe, ibala usamali ntojo li elanwu ndeka ezhie iyedoni nye nweye Ebilikpabi eneme usamali. Echi bhe bu li uko dhuma uko.⁶. Mu Nyuzhi-obiom ukanye me “ogbo uli ekpo ubu bhe ishuka ubu bhe iye utukwashi obu. Nyenweyo Ebilikpabi uwa emene agbama, udushi nyuzhi-obioma ya l’uto goshi unwoboya iye ezhi l’uda enwenwa⁷. “Weji”! me zhi luja enwenwa! Uwokwani uzhini nyemu uyi ekpo ekpo agbama ubuzoli li ukpalawhum eso”⁸. Me, Joni, mobu nyemu unujo m’ewejo ogbo iyem. Ekelem monujo m’ewejo, mokpowe ishi l’u kpenya li uko nyuzhi-obioma amu utugoshi dhieme ogbo iyem.⁹. Mu ukanyo me “Eme awa! Mobu dhiwhu nwoboyi yi ibeyo, yo li emene nwana yo emena agbama li ogbo emene mu ukpe bhe ete li uliekpo ukpala whum. Kpenyi Ebilikpabi!”¹⁰. Mu kanyo me “Ewoke uliekpo agbama mu uzhio li ukpala whum iyedoni ekele zhi who uze edhu. ¹¹. Nye bhiyo umekedhi bhiyo ya, nye agwa bhiyo ukpa kedhi agwa bhiyo ya. Nyeuma, umekedhi iyeuma ya. Nye uzhi egwele uzhikedhi egwele meya”¹². “weji! Mezhi li uja enwe nwa uwhugwo me uzhikedhi me, li uwhu unwosa bhele bhele madegede ugwo uzhi kpu eka ugbolo ya uzhile.13. mobu Alipa li omega, aunuzu li augbogbo, ubido ebido li ukpozu.¹⁴. Uwokwani uzhi ogbo emene mu usame kwa bhe kapa-ukpo bhe kp’emele mu unwe bhe ike l’udhi bhe iye ubuzoli li ushi budu mu kpudhu bhe li eke ula gontu li egbeleta ya.¹⁵. Emene okpudo bhe li egbebta ya bu bhe akita emene agbewa emene ewhele, emene ogbu madu emene ukpenyi bhe ugbulu li bhhele bhele emene ugushi bhe mu ukpa agwa nye eke oyika.¹⁶. Me, Jisos, me mezhi nyuzhi-obioma me li ukalashiwe niyo ogbo iyem kp’emele mu izhishi emene chochi. Mobu egbeleji li unwo unwo Debidi okpudhede usamali oyukwe.”¹⁷. Uwachi li nwenye uka bhe “Jani!” nye nye unujile, “Ja!” nye nye ekdhi ukpo le, uka nye nye umashile ma, uja mu unwu mini budu ewe.¹⁸. makaleshini bhele bhele nye uniji le uli ekpo agbama uzhi li ukpalawhum nye ubhoshile i-ye li uliekpom, Ebilikpabi ubhoshina bu uke –ekpum ubhashiobhe lime ukpalawhum.¹⁹. nye unamale iye lime uliekpom uzhio li ukpalawhu agbamam Ebilikpabi an ama nya bu uke ya li ushi budum li eke ula egweleni ubashie bhe lime ukpalawhum.²⁰. Nyemu ukaloshie ogbo iyem uka,! Ee! Mezhi luja enwonwa “Uzhikpeye Ja, Nyenweye Jisos!²¹. Umanu nyenweye Jisos uzhikedhi yon. Uzhikpeye.

Ekpeye: Bible for 1 Corinthians, 1 John, 1 Peter, 1 Thessalonians, 1 Timothy, 2 Corinthians, 2 John, 2 Peter, 2 Thessalonians, 2 Timothy, 3 John, Acts, Colossians, Ephesians, Galatians, Hebrews, James, John, Jude, Luke, Mark, Matthew, Philemon, Philippians, Revelation, Romans, Titus

Formatted for Translators

Matthew

Mark

Luke

John

Acts

Romans

1 Corinthians

2 Corinthians

Galatians

Ephesians

Philippians

Colossians

1 Thessalonians

2 Thessalonians

1 Timothy

2 Timothy

Titus

Philemon

Hebrews

James

1 Peter

2 Peter

1 John

2 John

3 John

Jude

Revelation