¹Kumwaka gwo obhutangiro bhwa Koreshi, omutemi wo Uajemi, Nyamuhanga akakora ering'ana ryaye rino Yeremia akabhuga,no okuinura ekoro ya Koreshi.Omumiro gwa Koreshi gukanyaragana no okuitegererwa mubhutemi bhwaye.Kiino nikyo kikaamwa no okuhaya. ²''Koreshi,omutemi wa Uajemi,arabhuga,nyamuhanga,Eryobha rya mwisaro,aniheri enye obhutemi bhwosi bhwa ekyaro,atuuriri enye kumuombekera ewe enyumba Yerusalemu ne Yuda.³Wowosi kubhatu bhaye(Eryobha ribhe amwe naneemwe)aranagya okugya Yerusalemu no okuomboka enyumba ighuru ye nyamuhanga Eryobha rya Israeli,Eryobha rino riri Yerusalemu. ⁴Abhatu bha ahagiro hoosi kubhutemi,bhano bhasagiri mukyaro no okuikara,bhatreenderwa okubhaha ezihera ne edhahabhu,abhigiro ne emitugo,hamwe no okurusya kwo obhuzomererwa munyumba ye Eryobha Yerusalemu.⁵Niho abhakuru bha abhatu bha Yuda,Benjamini abharooti na abhalawi,no owumwi wuno ekoro ya Eryobha emugororokirye no okugya okuomboka enyumba yaye akiimera. ⁶Bhano bhari bhamuirugutirirye haguhi bhakamusakirya kwo okubhaha ezihera ne ebhigiro bhye edhahabu,ebhigiro,emitugo,ebhigiro ebhizomu,no okurusya kwo obhuzomererwa.⁷Omutemi Koreshi akarusya ebhigiro bhino bhihabha munyumba ye Nyamuhanga,bhino Nebukadreza akarusya kurwa Yerusalemu no okubhitura munyumba ye amariobha ghaye. ⁸Koreshi akabhitura mumabhoko gha Mithredathi omubhiki wa ezihera,wuno akabhirusya no okubhibhara ku Sheshbaza,omukangati wa Yuda.⁹Yino ehabha obhwaru bhwaye:amabheseni mirongo etatu ge dhahabu,amabheseni kikwi kimwe ge ezihera,amabheseni agandi mirongo ebhiri na kenda, ¹⁰amabhakuri mirongo etatu,amabhakuri amasuhu ge ezihera 410,ne ebhigiro kiikwi kimwe bhyo okuongererya. ¹¹Bhihabha bhiriho ebhigiro 5,400 bhye ezihera ne edhahabu.Sheshbaza akabhireta bhyoosi eribhaga ryo obhusami okurwa Babeli okuugya Yerusalemu.

¹Bhano nibho abhatu bhari igunguri bhakagegwa mukibhohe nokugya no mutemi Nebukadneza,ewe akagegwa obhubhagati Babeli.abhaatu bhakakyoora mumigye gyaabhu gya Yerusalemu na Yuda. ²Bhakaaza bhosigo na Zerubabeli,Yoshua,Nehemia,Seraya,Reelaya,Mordekai,Bilshani,Mispari.,Bigwai,Rehumu,na Baana.Yino niyo obhwaaru ya bhasubhe bha abhaatu bha Israeli.³Waporoshi:2,172 ⁴Abhana bha Shefatia:372 ⁵Abhana bha Ara:775 ⁶Abhana bha Path-Moabu,okuhitira Yeshua na Yoabu:2,812.⁷Abhana bha Eliamu:1,254. ⁸Abhana bha Zatu:945. ⁹Abhana bha Zakai:760. ¹⁰Abhana bha Binui:642.¹¹Abhana bha Bebai:623. ¹²Abhana bha Azgadi:1,222. ¹³Abhana bha Adonikamu:666. ¹⁴Abhana bha Bigwai:2,056.¹⁵Abhana bha Adini:454. ¹⁶Abhana bha Ateri kuhitira Hezekia:miroongo kenda ninyanye. ¹⁷Abhana bha Besai:323. ¹⁸Abhana bha Harifu:112.¹⁹Abhasubhe bha Hashimu:223. ²⁰ABhasubhe bha Gibeoni:mirongo kenda ni saano. ²¹Abhasubhe bha Bethlehemu:123. ²²Abhasubhe bha Netofa:mirongo etano ne sasabha.²³Abhasubhe bha Anathothi:128. ²⁴Abhasubhe bha Beth-Azmawethi:mirongo ene na bhibhiri. ²⁵Abhasubhe bha Kiriath-Yearimu,na Kefira,na Beerothi:Magana muhungati na mirongo ene ne etatu. ²⁶Abhasubhe bha Rama na Geba:621.²⁷Abhasubhe bha Mikmashi:122. ²⁸Abhasubhe bha Betheli,na Ai:223. ²⁹Abhasubhe bha Nebo:mirongo etano ne ebhiri. ³⁰Abhasubhe bha Magbishi:156.³¹Abhasubhe abhandi bha Elamu:1,254. ³²abhane abhasubhe bha Harimu:320. ³³Abhasubhe bha Lodi,na Hadidi,na Ono:725.³⁴Abhasubhe bha Yeriko:345. ³⁵Abhasubhe bha Senaaa:3,630.³⁶Abhana bha Yedaya omunyaasi we nyumba ya Yoshua:973. ³⁷Abhana bha Imeri:1,052. ³⁸Abhana bha Pashuri:1,247. ³⁹Abhana bha Harimu:1,017.⁴⁰Walawi:Abhana bha Yeshua,na Kadmieli,abhana bha Hodavia:mirongo muhungati na ⁴¹ene.Abhembi mwisengerero abhana bha Asafu:128. ⁴²Abharibhi:abhana bha Shalumu,Ateri na, Talmoni,Akubu,Hatita na Shobai:139 bhyosigo.⁴³Bhaarya bhaano bhakasoorwa okuhokya mwoosi we risengerero:abhana bha Siha,Hasufa,Tabaothi: ⁴⁴Keros,Siaha,Padoni. ⁴⁵Lebana,Hagaba,Akubu, ⁴⁶Hagabu,Salmai,Hanani.⁴⁷Abhana bha Gideli,Gahari,Reaya, ⁴⁸Resini,Nekoda,Gazamu, ⁴⁹Uza,Pasea,Beasai, ⁵⁰Asna,Meunimu,Nefusimu:⁵¹Abhana bha Bakbuki,Hakufa,Harhuri: ⁵²Basluthi,Mehida,Barsha: ⁵³Barkosi,Sisera,Tema: ⁵⁴Nesia,Tefa⁵⁵Abhana bha abhahokya bha Selemani:Abhana bha Sotai,Soferethi,Peruda, ⁵⁶Yaala,Darkoni,Gideli, ⁵⁷Shefatia,Hatili,Pokereth-Sebaimu,Amoni, ⁵⁸Bhahabha bhyosigo ya abhahokya magana atatu na mirongo kenda nabhibhiri,bhano bhakasorwa okuhokya gatigati werisengerero hamwe na abhana bha abhahokya bha Selemani.⁵⁹Bhaano bhakaarwa Tel-mela,Tel-harsha,Kerubu,Adani,na Imeri,Kwego bhatanagirye kumenyekererya oruganda rwaabhu okureka Israeli- ⁶⁰hamwe na magana asasabha na mirongo etano na bhibhiri abhana bha Delaya,Tobia na Nekoda.⁶¹Egoego,okurwa kubhaana bho omunyasi wa Habaya,Hakosi,Barzilai{wuno akabhona omukali okurwa kumukya wa Barzilai,Mgileadi na akabhirikirwa kwe erina ryaabhu} ⁶²Bhakakoomya ekimenyekerero kyo ruganda rwabhu,naawe rutabhonekeeni,kweego bhakarusibhwa kubhunyasi kyeego bhatari abhazomu. ⁶³Kweego omutaake akabhareka bhataarya kigiro kyokyosi kyobhweera kino kitarosibhwe ntee omunyasi omwene Urimu na Thumimu akirore.⁶⁴Ekihiiko kye rihizo 42,360, ⁶⁵okurushaku abhahokya na abhasakirya(bhaabhu bhahabha 7,337) abhembi mwisengerero abhasubhe na abhakari(magana abhiri)⁶⁶Farasi zyabhu:736,Ezisamakirya zyabhu:245. ⁶⁷Ngamia zaabhu:435.Ezitikiri zyabhu:6,720.⁶⁸Hano bhakagya munyumba ye Ryobha Yerusalemu,abhakaru bha bhabhawise bhakabhoneka kwo kwiseega okwomboka enyumba. ⁶⁹Bhakarusha kubhunaagya bhwabhu kusakirya omurimo:Ezahabhu za darkoni ebhikwi miroongo esasabha na kimwe,ezimbirya zye zihera bhikwi bhitano na amiobhoho iganarimwe rya abhasengeri.⁷⁰Niiho abhanyasi na Walawi,abhatu,abhembi mwisengerero,na abharibhi bha mukishoko,na bharya bhaano bhakasorwa okuhokya mwisengerero bhakikara mumigye gyaabhu.Abhatu bhoosi Israeli bhahabha mumigye gyabhu.

¹Gihaabha mieri muhungati hano abhatu bha Israeli bhakyoriri mumigye gyabhu,niho bhikumenie hamwe bhakabha kyo mutu wumwe yerusalemu. ²Yeshua omwana wa Yosadaki na wamwabhu omumwesi,na Zerubabeli omwana wa Sheatieli na wamwabhu bhakimuka na okutanga okwomboka ekimweso kya Eryobha rya Israeli no okurusya ebhigiro bhyo okumwesa bhyo okutimikwa kyeego yaari eraganibhwe kumigiro gya Musa,omutu wa Eryobha.³Niho bhakatanga okukora ekimweso iguru wa obhutingo bhwa amagina,kwe ehaho yino bhaari nayo kwookubha ya abhatu bha mukyaro/bhakarusya ebhigiro bhyookumwesa bhyookutimikwa ku Yahwe etabhori ne engorobha. ⁴Kweki bhakirahuuta orusiku rwoobhuturo rwe ebhihuna kyeeego yaari ekaamirwe bhakarusya ebhigiro bhyo okumwesa bhyo okutimikwa kurusiku no orusiku kyabhurya yaari eraganibhwe,kira orusiku kurusiku rwaye. ⁵Bhyari bhireho ebhigiro bhyo okumwesa bhyo okutimikwa bhya rusiku rumwe kumweri na ebhigiro bhyo okumwesa bhya orusiku rwa Yahwe bhya kira keego,hamwe na ebhigiro bhyo okumwesa bhyoosi bhyo obhwendi bhwo omutu.⁶Bhakatanga okurusya ebhigiro bhyo okumwesa bhyo okutimikwa bhya Yahwe orusiku rwo obhutangi bhwo omwerri gwa muhungati,ingabha enyumba ya erisengerero ehabha ekyari kutangwa kwombokwa. ⁷Kwego bhakarusya ezihera kubhaturi na abhakari bho okukora abhigiro kwa amabhoko,bhakabhahana ebhyakurya,ebhigiro bhyo okunywa na amaguta kubhatu bha Sidoni na Tiro,niho bharete emiti gya mierezi kuhitira munyanza ekuru kurwera Lebanoni tee Yafa,na kyego bhari bhikiriribhwe no omutemi Koreshi wa Uajemi.⁸Niho omweri gwa kabhiri ku mwaka gwa kabhiri nibho bhakaza munyumba ya Eryobha Yerusalemu,Zerubabeli,Yoshua omwana wa Yosadaki,na abhamwesi abhandi na Walawi na bharya bhano bhakaza kureka mubhusami kukyoora Yerusalemu bhakatanga emirimo.Bakhabhasora walawi bhano bhahabha na emiaka mirongo ebhiri no okutumaho bhimerere emirimo gye enyumba ya Yahwe, ⁹Yoshua akamwimererya mura waye na wamwabhu,Kadmiel na abhana bhaye,no orwibhuro rwa Yuda kwimerera okuhokya emirimo mu nyumba ya Eryobha.Hamwe nabho bhahabhaho abhana bha Henadadi,na oreibhuro rwabhu,na kweki na abhabhiri bha Abhalawi.¹⁰Abhomboki bhakimererya obhutingo bhwe erisengerero rya Yahwe,na yino ekabhakora abhamwesi kwimerera na amibhoho gabhu eno bhana ezikombyo,na abhalawi abhana bha Asafu,bhakamugungya Yahwe kwe ebhiturere,kyego okubhoko kwa omutemi Daudi wa Israeli kuhabha bhwari bhubheri. ¹¹Bhakemba kwo okumugungya no okumukumya Yahwe. "Ewe ni wa koro nzomu!Obhurage bhwaye ni bhwa hene ku Israeli bhurabhaho kimera.'' Abhatu bhosi bhakakora ekitiri kwe eriraka ikuru rya obhuzomererwa naho bharamugungya Yahwe kwookubha obhutingo bhwe enyumba ye ekimweso bhwari bhubheri.¹²Nawe abharu bha abhamwesi,Walawi,abhakuru bhe ekare,na abhakaruka bhe ekare bhano bharuzi enyumba yino yakangatiri eribhaga ryo obhutingo hano bhwaterweho bhakaikora kwa ameso ghaabhu,bhakarira kwiiraka ikuru.Nawe abhandi bhakakora ekitiri kwiiraka rya bbhuzomererwa na iraka rya okutitimarya. ¹³Na amiyerekenio gaho abhatu bhatanagirye kwahukania eriraka ryo obhuzomererwa,eriraka rye ebhiriryato,na eraka rya abhatu bhano bhaharira,kwokubha abhaatu bhahabha bhararira kwiraka ikuru rya ebhiriryato ne eriraka rikitegererwa kurwa kure.

¹Niho abhabhisa bha Yuda na Benjamini hano bhakigwa abhatu bhano bhahabha mung'oso bhahabha bharomboka isengerero rya Yahwe, Tata wa Israeli. ²Kwego bhakamwisukirira Zerubabelin na abhakuru bhe ehamati yaabhu.Bhakabhabhurira,mutwikirirye twomboke hamwe nanewe,kyego emwe,turamukomya Tata wenyu,na twirusirye kwewe kwema orusiku runo,Esari-hadoni,omutemi wa Ashuru hano yaturetiri ahagiro hano.''³Nawe Zerubabeli,Yoshua na abhakuru bha kare yahamati bhakabhuga,otari ewe,nawe etwe nitwe tukwiteho kwomboka enyumba ya tata wetu,etwe nitwe turamwombokere Yahwe tata wa Israeli,kyego omutemi Koreshi,omutemi wa Ashuru kyego yaragiziri.⁴Kwego abhatu bheesi bhakoondya amabhoko ga abhayahudi,bhakakora abhayahudi bhakobhoha okwomboka enyumba. ⁵Kweki bhakabhahonga abhaamuri kubhasanginia mumang'ana gabhu.Bhakakora gano ibhaga ryosi rya Koreshi na ibhaga rya obhutemi bhwa Dario omutemi wa Uajemi. ⁶Kweki okukangata kwaye Ahasuero bhakakaama ebhina iguru wa abhikaari Yuda na Yerusalemu.⁷Ruhabha siku zya Ahasuero zino Artashasta,Mithredathi,na Tabeeli na abharikyaye bhakamukamira Ahasuero.Eringara rikakamwa kiaramu na kukiranibhwa. ⁸Rehumu omukangati na Shimshai omukaami bhakakama ku Artashasta ku Yerusalem.⁹Kweki Rehumu,Shimshai na abhakikyabhu abhatania na abhakuru abhandi bhe serikali kureka Waarkewi,Wababeli na Washushami ku Waelami, ¹⁰nebho bhakakama eringara na bhakagwatana na abhaatu abhakuru no omusukwa Asur-bani-pali akabhatika kwikara Samalia hamwe na bhano bhasagiri mumugye gwa omwembuko yo omwaro.¹¹Eringara rino bhatumiri ku Artashasta. ''Abhabhagati bhaazo abhatu bho omugye kumwambukyo omwaro,bhakama eego: ¹²omutemi amenye kubha abhayahudi bhano bharekiri ewabhu bhakoriri kubhuteti kyabhu hano Yerusalem bhombokiri omugye gwo okutiga bhamariri enyiki na okuzomya ebyemero.¹³Bhono omutemi amenye kubha hano omugye gurombokwe na ezinyiki zyaye kuhwa,bhatakurusya erigoti nawe bharabhanyahara abhatemi.¹⁴Hene kwa okubha turiri omunyu gwa mwikulu etakuzomererwa etwe kurora okusuka kwa omutemi kurabhunwa kwokubha yiyo turamubhurira omutemi. ¹⁵kukora kwa kuhita wise waye no kwikirirya kubha omugye guno guhabha noobhusarya guno gukubhanyahara abhatemi ne migye.Okakora ezinyako nzaru kubhatemi bhe emigye.Ehabha ni orukundi kyo obhusarya kureka siku nzaru,ni ekisigo kiyo omugye gukasaribhwa. ¹⁶Turamubhurira omutemi kubha hano omugye ne enyiki erombokwe,kitariho kino kirasage iguru yazo kumugye iguru wo omwaro.''¹⁷Niho omutemi akakorya amang'ana ku Rehumu na Shimshai na abharikyaye ku Samalia na bhano abhasagiri kumugye iguru wo omwaro. "Obhuhoreru bhubhe hamwe nanemwe. ¹⁸Eringara rino mwantumiri nikiranibhwe nokusomwa kunenye. ¹⁹Kwego nikaragirirya obhurori bhukorwe na ekarorekana kubha ekare bhakahuka na kubhasarikania abhatemi.²⁰Abhatemi abhakuru bhakakangata Yerusalem yoosi no okukangata hagiro hosi homugye iguru wo omwaro.Amaliho ga erigoti bhakariwa. ²¹Bhono muture kuragirierya kubhatu bhano bhatige kugendelera na kwomboka omugye tee hano narusirye erihatike. ²²Mubhe murorereri mutige kurega rino.Kwaki kwikirirya kukanga rino kwongerya na kukora enyaro kuneenye goobhutemi?²³Kumara erihatike rya omutemi Artashasta okusomwa embele ya Rehumu,Shimshai na abharikyabhu bhakarekaho bhwangu kugya Yerusalemu,nakubhahatika abhayahudi kutiga kwomboka. ²⁴Kwego emirimo gye nyumba ya Tata Yerusalem ikemereribhwa tee kubhutake bhwa kabhiri kumutemi Dario wa Uajemi.

¹Niho Hagai omuroti na Zakaria omwana woo Ido omurooti bhakarota kwo rina tata wa Israeli kwoo Wayahudi bha Yuda bha Yerusalem. ²Zerubabeli omwana wa Shealtieli na Yoshua omwana wa Yosadaki bhakimuka nookuwanza okwomboka enyuumba ya Tata Yerusalemu hamwe na abharooti bhano bhakabhakumirirya ebhoo.³Niho Tatenai omukuru wa mugye embarika ya mwaro,Shethar-Bozenai,no mugwatani wabhu bhakaza nokugamba, ''Niwewi abhaheri ehamuri yokwomboka enyumba yino nokumara orugito?'' ⁴Bhuryabhurya bhakabhuga, ''Ni marina ga bhatuki bhano bhakuimerera obhwomboki bhwuyo?'' ⁵Naho eriso rya Tata lihabha hamwe na abhakangati bhaa Wayahudi na abhabhisa bhaye bhatanagirye kubharekya bhahabha bhakyaganya enyarubha kutumira omutemi nee hamuri kukyoora kwabhu kwe ering'ana rino.⁶Yino ni nyarubha kuu Tatenai omukuru woo mugye embarika yoo mwaro, na Shethar-Bozenai na abharikyabhu embarika yoo omwaro bhano bhahabha bhabhatumiri kuu mutemi Dario. ⁷Bhakatuma amang'ana bhakandika kwo mutemi Dario, ''Amani ebhe kunebho"⁸Omutemi amenye kubha tukagya Yuda kunyumba ya Tata omukuru.Yombokirwe na amagina makuru na ezimbao ziteerwe kurugito.Emirimo gino gikakoreka kubhuzomu na giragenderera bhuzomu kumabhoko gabhu. ⁹Tukabhuura abhakaruka niwewi abhaheri ehamuri yokwomboka noo rugita? ¹⁰Niho tukabhurya amarina gabhu kukira omutu tumenye wuno akabhakangata.¹¹Niho bhakatukwora noo okubhuga, ''Etwe ni abhabhagati bha Tata wa kwisaro nee kyaro na netwe turaryoomboka enyumba ino ekombokwa emiaka emiaru gino gyahitiri hano omutemi omukuru wa Israeli akomboka noo okumarirya.¹²Ingabha abhakangati bhetu bhakamutindya Tata wakwisaro,Tata akabhatura mumabhoko go omutemi wa Babeli,Nebukadineza wuno akabomora enyumba nookugega abhatu akabhagwata Babeli. ¹³Kwumwaka gwa mbele gwo obhukangati,Koreshi mtemi wa Babeli Koreshi akamura enyumba ya Tata okwomokwo.¹⁴Omutemi Koreshi akakyora ebhigiro bhye ezahabu nee ezihera zye enyumba ya Tata bhino Nebukadneza akabhigega kwisengerero Yerusalemu noo okubhihira kwisengerero rya Babeli.Wosi akabhibhika Sheshbaza,wuno akamwitora omukangati. ¹⁵Wosi akamubhurira, "Gega ebhigiro bhino.Ogende noobhiture kwisengerero Yerusalemu.Ne nyumba ya Tata yombokwe.¹⁶Niho uyo Sheshbaza akaza nookutura obhutingo bhwe enyumba ya Tata Yerusalemu:ekenderera kwombokwa nawe etahwiri.¹⁷Bhono hano etamuzomere omutemi,na kwirahuta bhukoreke kunyumba yee kimenyekerekyo Babeli ahabhaho obhusinziro bhwa omutemi wo Koreshi yookwomboka enyumba ya Tata Yerusalem.No omutemi aranagya okuhira obhunagya bhwayo kunetwe.

¹Omutemi Dario akasigirirya okubhono obhuhene bhikorwe munyumba yokuhitirya Babeli. ²Gati wo mugye gwa Akmetha eyo media ekiegerio kyarorekeni:akuhitia kwaya kukabhuga:³''Gati mwaka gwe obhwemero omutemi Koreshi,Koreshi akarusha elihatike kiego enyumba ya Tatabhugya Yerusalemu:'Nenyumba yombokwe ebhe ahagiro hokurwa ebhihirwa mwisengerero omwemerero bhaye bhuturwe obhutambi bhwaye bhubhe mirongo esasabha. ⁴Noorubha rwaya rubhe mirongo esasabha,ahagiro hatatu ha magina amakuru nahagiro hamwe yazimbao ezihiya,amarihogoyo gararihwa kurwa munyumba yo omutemi. ⁵Bhino bhikakyoribhwa ebhigiro kwoki bhye omubhano nezimbirya zino zihabha munyumba ya Tatabhugya bhino Nebukadineza akabhigega kubhihira Babeli kurwa mwisabhiro Yerusalemu mwisabhiro.Akabhikioria kweki Yerusalem mwisabhiro.Narabhitura kweki munyumba ya Tatabhugya.⁶Bhono rora Tetanai,omukuru wa hagiro kumwabbhuko kumwaro,Shethar-Bozenai bhakiyahura, ⁷Bhakatiga emirimo gye nyumba ya Tatabhugya egieene.Abhakuri na abhakaruka bhayahudi bharomboka enyumba ya Tatabhugya ahagiro ahene.⁸Ndarusha okutumwa kubha ndasirirya rikore kubhakaruka bha ki Yahudi bhano bhakywomboko enyumba ya Tatabhugya:Omusororio kurwa kumutemi mariho kumaambuko gwo mwaro,kuhokia kubhaha abhatu bhano kwokubha emirimo gyabhu gitaza kwimerera. ⁹Kyokyosi kino kirenderwe,ezing'ombe ezindere,ering'ondu ne ring'ondu rye ekimweso okuikirirya kwokubha Tatabhugya wamwisaro bhakuria omunyo divai namaguta kiego okunagia abhamwesi bha Yerusalem-bhane ebhigiro bhino giego bhukukia atareho bhutiniro. ¹⁰Kora ego kwokubha bharareta ekimweso kutatabhugya wamwisaro narasabha kwokubha ninye omutemi wabhana bhane.¹¹Enye ning'ana kubha wowosi arabhune erihatike yino,ekioma kirushiwe munyumba yaye aturwe iguru waye nenyumba yaye irikiora kubha erikwe kwokubha nigo. ¹²Tatabhugya wuno akoriri erina ryaye kubhaho aramurushaho omutemi hamwe omutu wuno atakwenda kuretenibhwa rino hamwe kugenda munyumba ya tatabhugya gati wa Yerusalemu.Enye Dario ngambiri rino,likoreke kwabhuzomu.¹³Kwokubha erihatike yino etanimwee nomutemi Dario,Tatenai omukuru wo mugie wakumwambako kumwaro gwa Sheshthar-Bozinai na abharikiaye.Bhakakora ebhigiro bhosi kyego omutemi Dario kiego akahaya. ¹⁴Hene abhakaruka bhe kiyahudi bhakomboka kiego Hagai na Zakaria kiege bhabherekelerya kwokurotibha.Bhakomboka kwa kusingiriribhwa kiego akarushibhwa na Tatabhugya Israeli wa Koreshi,Dario na Artashasta omutemi wa Uajemi. ¹⁵Enyumba ekwa kurusiku rwa katatu yo mweri gwa adari,gati yo mwaka gwa kasasabha gwo bhakangati omutemi Dario.¹⁶Abhatu bha Israeli,abhamwesi,Walawi na bhatu bhakasaga bhokusanibhwa kuzomererwa okutura okubhindikwa enyumba ya Tatabhugya kwa bhuzomererwa. ¹⁷Bhakarusha ezing'ambe igana imwe,ezing'ondu igana rimwe ne ezing'ondu ezindi magana anne kwokubha bhatura okubhindikwa enyumba ya tatabhugya.Ezimburi ezisubhe ikumi nabhiri bhakarusibhwa kye kimweso kwobhusaria kwokubha abhaisraeli bhosigo Israeli. ¹⁸Niho bhakabhaha omurimo abhamwesi bha bhalawi kukora esondo yemirimo gya Tatabhugya gati wa Yerusalemu.Kiego ekamirwe gati we kitabu kya Musa.¹⁹Ego bhano bhari mukibhoho kuzomererwa pasaka orusiku rwikumi na kanane yomweri gwa mweemero. ²⁰Omumwesi nabharawi bhakiereria abhene bhakagwaga pasaka yekimweso kubhano bhahabha munyako bhabhamu nanebho abhene.²¹Abhatu bha Israeli bhano bhakaria ekiriro kye pasaka nibharia bhakioriri kurua mubhusami nabhabha bhiyahuri ebho abhene kkurwa kubhatu bhatari bhasomu bhesi yirya nokumusora Yahwe,Tatabhugya wa Israeli. ²²Bhakazomererwa na kuriryaata orusiku rwe bhikuria gini gitakugaga kusiku muhungati,kwokubha Yahwe abhakiorire obhuzomererwa nokukyoro ekoro yomutemi wa Ashuru nokubhongererera ezinguru kumirimo gye nyumba,enyumba ya Tatabhugya wuno akwikara Israel.

¹Hano gayo gahwiri,eribhaga ryo obhukangati bhwa Artashasta omutemi wa Uajemi,Ezra akaza kureka Babeli.Abhakangati bhaye bhakabha:Seraya,Azaria,Hilkia, ²Shalumu,Sadoki,Ahitubu, ³Amaria,Azaria,Merayothi, ⁴Zerahia,Uzi,Buki, ⁵Abishaua,Fineasi,Eliazari omwana wa Haruni omkuru.⁶Ezra akaza kureka Babeli akabha no omukaami we emigiro gya Musa gino Yahwe,Riobha wa bha Israel akabhahana.Omutemi akamutwanira kyo oumwi waabho kino yasabhiri kwokubha okubhoko kwe Tatabhugya koriiguru waaye. ⁷Abhana abhandi bha abha Israel,na abhasengeri,abhimbi,abharibhi,na bharya bhano bhasorirwe kuhokya mwisengero,nabho bhakagya Yerusalemu kwu mwaka gwo muhungati gwo mutemi Artashasta.⁸Akahika Yerusalem omweri gwa ekimwaamu kwu mwaka guyo. ⁹Nawe akatanura Babeli orusiku rwe mbere rwu mweri gwe mbere.Yaari orusiku rwe mbere rwo mweri gwe ekimwamu hano yahikiri Yerusalem,kwokubha okubhoko okureembe kwe Eryobha kwaari iguru waye. ¹⁰Ezra akasoma amakaamo kwe koro yaye yobhuseegi,kutemya nokweegya amaragiriryo na emigiro gye Yahwe.¹¹Lino niryo eriragiriryo omkangati Artashasta yaamuheri Ezra omsengeri no omukami wa emigiro gya Yahwe na amaragiriryo kwobha Israeli. ¹²Omukuru wa abhatemi bhosigo Artashasta,kwo omusengeri Ezra,omukaami wa amaragiriryo ga Tatabhugya wo kwisaaro. ¹³Ndarusya eriragiriryo kubha omutu wowosi wurya Israeli kwobhutemi bhwaane hagiro hamwi na abhasengeri na abhalawi bhano bhakwighombe kugya Yerusalem bharanagya kugya na neewe.¹⁴Enye omutemi bhakerenia bhaane muhungati,ndabhatuma bhosigo kugya kumenya geeyo Yuda na Yerusalem kumigiro gye Tatabhugya Eriobha gano gari kumabhoko gaazo. ¹⁵Olenderwa koreeta ezahabu ne ezimbirya zino bharusirye kwe mirimo gye Eryobha rya Israel,wuno umugye gwaye ne Yerusalem. ¹⁶Ezimbirya zyino mwarusirye kwobhuseegi ne ezahabu zino mwarusirye Babeli na bhyosi bhino byarusiibhwe kwoobhbusegi abhatu na abhasengeri kwokubha yo omugye gwe Eriobha gwa Yerusalemu.¹⁷Naho egore ezigorohe zye zing'ondu neezimburi,no obhutu bhyo kunywebhwa obhiruusye kunyumba ye Eriobha ryaazo hayo Yerusalem. ¹⁸Kora egoego ne ezimbirya ne ezizahabu,kyeego okurora ekuzomeera awe na abhahiri bhaazo,kwo kumzomera Rioobha.¹⁹Obhiture ebhigiro bhino bhirusibhwe kobhusegi embele wazo kwokubha ye amahokya ga kumugye gwe Eryobha Yerusalem. ²⁰Ekigiro kyokyosi kino kikwenderwa kumahokya ga kunyumba ye Tatabhugya Eriobha wazo kino okwenderwa.Amariho gaku gareka kusakwa yaane.²¹Enye omutemi Artashasta,ndarusya ehatike kubharibhi bhe esakwa yaani bhoosigo bhe emigye embarika ye kitaro,kyokyosi kiro Ezra akwendera kuu neemwe ahanibhwe kyoosigo, ²²nokukira etaranta ye erigana rimwi ezihera,obhutu bhwe engano,ebhirengyo egana rimwi,bathi erigana zye divai ne bathi eriigana zya amaguta,no omunyu guno gutakuhwa. ²³Kyokyosi kino kihayirwe kureka kwe Eryobha rye kwisaro,kikoribhwe kwu bhweera bhwaye,kwake atiinde iguru ya abhaana bhaane?²⁴Turabhaana amang'ana geenyu bhataza kubharihya erighoti no obhushuru kwo omusengeri,omulawi,omwimbi,omuribhi na kumuutu wumo asorirwe kuu matemyo ye risengerero na omuhokya wa kumugye gwe Eriobha.²⁵Ezra,kumang'eni gano uheeribhwe ne eriobha arenderwa osore abhakangati no mutu wuno amenyiri okubhahokerya abhatu kukyaro orung'ong'o rwe ekitaaro no okumusakirya wowosi wuno amenyiri emigiro gye Riobha ryaazo.Kweki orenderwa obhagye bhano bhatamenyiri emigiro. ²⁶Bhahane ebhiteme bhano bhatakwenda okwikirirya emigiro gye Eriobha ne emigiro gyo omutemi,tee nokubhiita,okubhasamya,kubhateeshya ebhoigiro bhyabhu,no okubohwa.²⁷Akumibhwe,Yahwe,Eriobha rya abhakangati bheetu,wuno akutuura kukoro yo mutemi aribhe omugye gwa Yahwe Yerusalem, ²⁸wuno akagendererya obhuraage kuneenye kwu bhweea koro embele yo omutemi,na abhakerenia bhaaye na abhakuru bhaaye bha hatike,nkaanwa amanaga kumabhoko ga Yahwe,Eriobha ryaane,naneeneye nkabhakumania abhakangati kureka Israel kugya hagiro hamwi na neenye.

¹Bhano bhakangati bha abhakangati bho obhukoo bhuno bhukareka Babeli hamwe na nenye eribhaga ryo obhukangati bhwo omutemi Artashasta. ²Omwana wa Fineasi,Gershoni.Omwana wa Ithamari,Daniel.Omwana wa Daudi,Hatushi ni omwana wa Shekania, ³ewe wosi ni mwana wa Paroshi na Zekaria hamwe nanewe hahabha na abhasubhe igana na mirongo etano bhakahaywa mubhukoo bhwabhu.⁴Abhana bha Pahath-Moabu,Eliehoeanai omwana wa Zerahia hamwe na abhasubhe magana abhiri.Abhana bha ⁵Shekaniah, Yahazieli hamwe na newe abhasubhe magana atatu. Abhana bha ⁶adini,Ebedi omwana wa Yonathani hamwe nawe bhano bhakakaamwa abhasubhe mirongo etano. ⁷Abhana bha Elamu,Yeshaya omwana wa Athalia hamwe na newe bhano bhakakamwa abhasubhe mirongo muhungati.⁸Abhana bha Shefatia,Zebadia,omwana wa Mikaeli hamwe na newe bhakakamwa bhasubhe mirongo enaane. ⁹Abhana bha Yoabu,Obadia omwana wa Yehieli hamwe na newe bhakakamwa abhasubhe magana abhiiri na ikumi na bhanane.Abhana bha Binui, ¹⁰Sheromithi,omwana wa Yosifia hamwe na newe bhano bhakakamwa abhasubhe igana rimwee na mirongo esasabha. ¹¹Abhana bha Bebai,Zekaria omwana wa Bebai hamwe bhano bhakakamwa abhasubhe mirongo ebhiri na bhanane.¹²Abhana bha Azgadi,Yohana omana wa Hakatani hamwe na newe bhakakaamwa abhasubhe igana rimwe ne erikumi. ¹³Abhana bha Adonikamu bhakaaza kwiibhaga rindi.Gano nigo amarina ghaabhu:Elifereti,Yeuheli na Shemaya hamwe na nebho bhakaza abhasubhe mirongo esasabha. ¹⁴Abhana bha Bigwai,Uthai,omwana wa zabudi hamwe na newe bhakakamwa abhasubhe mirongo muhungati.¹⁵Nkabhakumania abhagendi mubhandari ino ehagya Ahava.Tukikara hayo siku isaatu,nkabharora abhatu na abhasengeri,mubhayo ntabharuzi abhana bha Levi. ¹⁶Kweego nkatuma ku Eliezeri.arieli,Shemaya,Elnathani,Yaribu na Elnathani na Nathani,Zekaria na Meshulamu bhano bhanga abhakangati ku Yoyaribu na Elnathani ebho bhanga ni bheegya.¹⁷Kweki nkabhatuma ku Ido,omukangati wa Kasifia.Nkabhabhurira kino bharamubhuriire Ido.Na abhahiiri bhaaye,abhahokya bha munyumba ya Tata bhahikaara Kasifia,kweego okutuma kuneetwe abhahokya nkwokubha ya enyumba ye Eriobha.¹⁸Kweego bhatutumiri ku Tatabhugya no okubhooko kuzomu kwa omutu uno ahabhirikirwa Ishekeli.Ahabha mwana wa mali omwana wa Levi,omwana wa Israel.Akaza na abhana ikumi na bhanane na abhahiiri, ¹⁹bhoosigo na Hashabia,hamwe na Yeshaya wo pmwana wa Merari na abhahiri bhaaye,na abhakari,jumla yaabhu bhosigo mirongo ebhiri. Mubhaano ²⁰bhahurwe kuhiokya mwisengero,bhano Daudi na abhakuru bhakabhaha okubhahokerya abhalawi magana abhiri na mirongo ebhiri,kira oumwe wabhu akabhuriirwa kuumarina.²¹Kweki nkararika okuribha omwaro gwa Ahava kwa kwisasama kuryobha.Kumohyo enzira ino yeemiri kureka kwewe kwookubha yetu,abhana bhetu ne ebhigiro bhyetu, ²²Nkarora ezisoni okumusabha omutemi kwokubha ya abhakea au muryarya we farasi kwokubha ya okuturiibha hano tukubha munzira,kwemera tumubhuriri omutemi ''okubhooko kwa Tatabhugya kuri hamwe na bhano bhosi bhakumukoomya kumazomu.kwokubha abhunagya bhwaye no okutinda kwaye ni iguru wa bhano bhoosi bhakumwanga ewe. ²³Kwego tukigaara no kumusabha Tatabhugya kuring'ana riyo.²⁴Kweki nkasora abhatu ikumi nabhabhiri kureka kumumwesi;Sherebia na Hashabia na abhahiri bhaabhu abhandi ikumi. ²⁵Nkarenga kwokubha yaabhu ezihera,dhahabu ne ebhigiro bhye ebhimweso kwokubha ye enyumba ya Tatabhugya kubhatemi,abharwazi na abhakuru na abhaisraeli bhoosi bhakarusha kwobhusegi.²⁶Kwego nkarengera mumabhoko ghabhu efaida ye ezihera magana asasabha na mirongo etano,efaida ye ebhigiro bhye ezihera igana rimwe,efaida igana rimwe rye ezhabu. ²⁷Ibhigiro mirongo ebbhiri gye edhahabhu kwa hamwe bhihabha bhya hera igana rimwe darkoni na bhigiro bhibhiri bhya kizururu bhino bhikorirwe na edhahabhu enzomu.²⁸Nkamara nkabhabhurira,mkerwe orubhango no omutemi,ne ebhigiro bhino,ne ezihera,ne dhahabhu,bhirusibhwe kwa bhusegi ku Yahwe,Eryobha rya abhakangati bheenyu. ²⁹mubhirorere no okubhibhika muze mubhiroore kubhamwesi,abhalawi,na abhakangati bha abhakangati bha abhatu bha Israeli mu Yerusalemu munyumba ye Eryobha. ³⁰Abhamwesi na abhalawi bhakikirirya ekihiko kye ezihera ne edhahabhu ne ebhigiro kwa kubhigega na kubhihira Yerusalem,munyumba ye Eryobha ryetu.³¹Tukahuruka kugya mumwaro gwa Ahava orusiku rwe erikumi na kabhiri kumweri gwa kwanza kugya Yerusalem.okubhoko kwa Eryobha kuhabha na neetwee,kukaturibha mumabhoko gabhabhihu nabhano bhakenda kuturwania munzira. ³²Kwego tukasikira Yerusalem na kwikara muuyo siku isatu.³³Kurusiku rwa kane eziherabne ezizahabhu ne ebhigiro bhikaroorwa munyumba ye Eryobha ryetu mumabhoko ga Meremothi omwana wa Uria omumwesi,na hamwe na bhayo yahabhooho Eleazari omwana wa Fineasi,Yozabadi omwana wa Yeshua,na Noadia omwana wa Binui,Walawi. ³⁴Obhuriito bhwa kira kigiro bhukamenyekana.Obhurito bhwosi bhukakamwa kwiibhaga riyo.³⁵Bhano bhiziri kureka mubhugwaatwa,abhatu bho okusama,bhakarusya esadaka yo okwokya ku Ryoobha rya Israel,amang'ondu mirongo kenda na esasabha,ebhinena bhye ezing'ondu mirongo muhungati na muhungati,ne ezimburi ezigorohe ikumi ibhiri kye esadaka yo obhusarya.Zyosi zihabha nisadaka zya kusarya kwokubha ya Yahwe. ³⁶Kweki bhakabhaha obhutaratibhu bhwo omutemi kubhakuru bha abhatemi,na abhakuru bho omugye ghwakumwambuko gwo omwaro,bhakikiririrya abhatu bha munyumba ye Eryobha.

¹Eribhaga amang'ana gayo gakakoreka,abhakuru bhakaza kwinye kumburira, ''Abhatu bha Israel abhamwesi bha Walawi bhatanagirye kwiyahura abhene kureka kubhatu bhwe bharo ebhindi obhusarya bhwabhu:Wakanani,Wahiti,Waperuzi,Wayebusi,Waamoni,Wamoabu,Wamisri na Waaamori. ²Kwokubha bhagegiri abhakya na abhana bhe kisubhe,bhisangirirye abhatu abhazomu na abhatu bhe bharo ebhindi abhakuru abhakangati bhakabha bhembele kwe imani yino embifu.³Hano kigwa gano engibho yane ne tugu nokumwa ezinzweri kumtwe nekiresa kikara hasi karwaza. ⁴Nabhano bhosi bhakarigita kweng'ana ya Tatabhugya we Israel kwe imani embifu bhakakumana kwinye naho ni makara iyasi nikabha nezisoni kuhika kuribhaga hunguru engorobha.⁵Nawe rikabha ehunguru ye ngorobha nikimerera kumweya kwani nikabha mnyohu nengibho ekaranduka ne kanzu nikatema amaru nikagororokya mabhoko gane ku Tatabhugya wane.Nikabhuga ⁶"Tatabhugya wane,nina ezisoni takwenderwa kugororokya bhusho bhwani kunawe,amakosa getu gbheri gokutuma mmutwe na mabhihu genyu gahitire nhye kuhika mwisaro.⁷Kwemera ezisiku zya abhakangati bhetu tubheri bhakori bha mabhihu makuru.Amabhi getu gomkangati,abhasengeri bhakabha mumabhoko gomtemi we kyaro ahagiro nobhware nokwinyirwa nezisoni zyobhusho bhwakero.⁸Bhono kweribhaga eliguhi neema kureka kutatabhugya wetu yiziri kututugya masagyo masuhumasuhu kurekera kungionga ahagiro hobhare.Yino ehabha kutatabhugya wowetu okutuha obhweeru mmeso getu nokutuha obhunyohu bhano twari abhabhagati. ⁹Kwokubha nitwe abhahokya nawe tatabhugya akyari nawe akerenie emigiro gyo obhuru kunetwe,agakoriri gano mubhwerekera bhwa meso go mutemi wa uajemi atakunagya kutuha managamahya.Nawe tunagye okwomboka ezinyumba zya Tatabhugya nokurushaho okwihitirirya.Akakora gayo kwokubha anagye okutuha abhwerekera bhobhiribhi ku Yuda na Yerusalemu.¹⁰Nawe bhono Tatabhugya wetu,tugambeki mgano hano?Twebhiri ezihamri zyazo. ¹¹ezihamri zino okaha abbharoti na abhahokya bhazo,harya okabhuga, ''Ekyaro kino msikiri okugega ni kyaro kibhihu.Kisanginye na bhatu bhano bhatana bhuzomu.bhunyarageni kureka ahagiro hamwe kugya handi kwobhihu bhwabhu. ¹²Niho bhono,mtabhaha abhakya bhenyu kwa abhana bhabhu,mtagega omukya wabhu kwokubha bhenyu.Mtamohya amani kunebho akabhika,tubhe bhazomu nokurya ebhizomu bhe kyaro ego murabhakorera abhana bhenyu kunibha kweribhaga ryosi.¹³Hano gakorekiri kunetwe kwo bhusarya bhwetu namang'ana getu makuru,kwanzira hayo,Tatabhugya wetu,otaruzi obhubhi bhetu obhukuru kwemera hayo,ku Tatabhugya wetu,otaruzi obhubhi bhetu tumwokirye nakyego ekwenderwa akatutiga kya mamatigyo. ¹⁴Tunagya okubhuna kwekinehamri zyazo nokusikirira kubhukwerwa,nabhatu bhano bhatari kubhwerekera?¹⁵Tatabhugya,Eryobha wa Israel,ni wo obhuhene,kwokubha tusagiri bhasuhu amatigyo au masagyo tee kurusiku rwa relo.Rora,turi embere yazo nobhubhi bhetu,kwokubha etariho umwe uno akunagya kwimerera embere iguru wa rino.

¹Eribhaga Ezra arasabha noo kwisasama,akarira nokwirekera hasi obhusyo yee nyumba ya Eryobha erikumanioerikuru rya abhasubhe Israel,abhakari naa abhana bhakikumania awaye,kwokubha abbhatu bhararira bhukong'u. ²Shekania omwana wa Yehieli,omwana wa Elamu akamubhurira Ezra, ''Tutabheri abhahene kuu Eryobha naturuzi abhakari bhaa igutu kurwa ezisyii ezyindi nawe hamwe nanye.Okyari kubha obhuheene kuu Israel.³bhono turatura obhurage hamwe na Eryobha ryetu kurusyaho abhakari bhoosigo na abhana bhaabhu kuring'ana nookuturagirirya kwa Tata,no obhuragiririrya bhwa bharya bhano bhakurigita kuuma kumirirya ge Eryobha ryetu.Na yino ekoreke kureka kuumiogiro. ⁴Imerera,ering'ana yino erengiri awe,nanetwe turihamwe nanawe,obhe mugumiru no okukora rino.⁵Kweego Ezra akimerera no okukora abhamweesi na abha Lawi na abha Israel bhoosigo bharahaga kukora kwenzira yiyo kwe ego bhosigo bhakarusya emuma. ⁶Niho Ezra akabhuuka kureka embere we enyumba ye Eryobha nookugya gati yaa Yehohanani omwana wo Eliashibu,ewe atariri mukate hamwe kunywa manzi kwema hano ahabha okwarama kwiigwana nabharya bhakwikirirya kusuhu,bhano bhahabha muusama.⁷Kwego bhakahira eng'ana kuu Yuda na Yerusalem kuubhatu bhoosigo bhano bhakyoriri kureka muubhutumwa kukumana Yerusalem. ⁸Wuyo wosi wuno atiziri kuuzisiku isatu kureka kuubharagiriribhwa kureka kuubhakuru na abhakangati aragegerwa ebhigiro bhyosigo nookumwahura no okukama okukuru kwa abhatu bhano bhakaza kureka muusama.⁹Kwego abhatu bhosigo bha Yuda na Benjamini bhakakumana Yerusalem kuu zisiku isatu.Guhabha ni mweri gwa kenda orusiku rwa mirongo ebhiri rwoo mweri.Abhatu bhoosigo bhakimerera embere ye enyumbe ye Eryobha na bhakarigita kwokubha ye eng'ana ne embura. ¹⁰Ezra omumwesi akimerera no okuhaya, ''Emwe abhene mukoriri kutiga,emwe mwikeri na abhakari bhiigutu no okwongerya amabhihu Israel.¹¹Nawe bhoonego mumuhe omukumo Yahwe, Eryobha rya abhakangata bhenyu,mukore obhusegi bhaye,mwiyahure na abhatu bhe ekyaro nabhari bhiigutu.¹²Okwikumania kwoosigo kukirirya kwe eriraka. ''Turakora kyeego ubhugiri, ¹³ntakutunibhwa bhareho bhatu bhaaru nibhagha rya mbura.Tutana nguru zya kwimerera igutu runo rutari rusiku rumwe hamwe ibhiri zya kukora mirimo,kwokubha tusarirye kuung'ana yino.¹⁴Kwego abhakuru bheetu bhaahikye ebhigoto ryo osigo,ebhe kubha bhoosigo bhano bhikirirye abhaakari bhii gutu kwiikara mumigwe gyetu bhaaze kwiibhaga abhakuru bhoo mugye abhaamuri bhoo mugye tee hano ekoro ye Ryobha erareke kuneetwe. ¹⁵Yonathani omwana Asaheli na Yazeya omwana wa Tikwa bhakanga rino,Meshulamu na Shabethai mlawi bhakakirirya okubhoko kwabhu.¹⁶Kwego abhatu bhano bharwiri msama bhakakora ego,Ezra omumwesi akasora abhasubhe,abhakangati bhoo ruganda nee nyumba,bhosigo kwa marina noo kurora ering'ana rino orusiku ryo kutanga omweri gweerikumi. ¹⁷Orusiku ryo kutanga omweri gweerikumi. Orusiku ryo kutanga omweri kwa kwanza bhakabha bhamariri okurora bhano bhakwikara na bhakari bhigutu.¹⁸Gati wa bhana bhabhamwesi bhariho bhano bhikeri na bhakari bhiigutu.Kubhana bhoo Yoshua omwana wa Yosadaki na bhamura bhaabhu bhano bhahabha Maasela,Eliazeri,na Yaribu na Gedalia. ¹⁹Kweego bhakamura kubharushaho abhaakari bhabhu.kwookubha bhahabha bhasarirye,bhakarusha bhiibhirwa ering'ondu kuu mitugo kubhusarya bhwabhu.²⁰Kubhayo abhana bha Imeri,Hanani,na Zebadia. ²¹Kuubhayo abhaana bha Harimu,Maaseya,na Eliya na Shemaya,na Yehieli na Uzia. ²²Kuubhayo abhaana bha Pashuri,Elasa.²³Kuubhayo abhalawi:Yozabadi na Shimei na Kelaya(niwe Kelta) na Pethaia,na Yuda na Eliezeri.Kubhayo abhembi Eliashibu na.Kubhayo abharibhi Shalumu,Telemu na Uri. ²⁴Kuubhayo abha Israel bhakasaga- ²⁵Kubhayo abhana bha Paroshi,Ramia na Izia na Malkiya na Minyamini na Eliazari na Malkiya na Benaya²⁶Kubhayo abhana bha Elamu Matania Zekaria,na Yeehieli,na Abdi na Yeremothi na Eliya. ²⁷Kubhayo abhana bha Zatu:Elionai,na Eliashibu,na Matania na Yeremothi na Zabadi na Aziza. ²⁸Kubhayo abhana bha Bebai Yehohanani,na Hanania na Zakai na Athlai. ²⁹Kubhaayo abhana bha bani:Meshulami na Maluki,na Adaya na Yashubu na Sheali na Yeremothi.³⁰Kubhayo abhana bha Pahath-Moabu,Adna,na kelali,na Benaya na Maaseya,na Matania,na Besaleli na binti na Manase. ³¹Nakubhayo abhana bha Harimu:Eliezeri na Ishiya,na Malkiya na Shemaya na Shimeoni,na ³²Benyamini na Maluki na Shemaria³³Kuubhayo abhana bha Hashumu:Matenai,na Matatana Zabadi,na Elifereti na Yeremia,na Manase,na Shimei. ³⁴Kubhayo abhana bha Bani:Maaadai,na Amramu na Aueli,na ³⁵Benaya,na Bedeya na Keluhi,na ³⁶wania, na Meremothi,Eliashibu,³⁷Matania,na Matenai. na ³⁸Yaasi.Kubhayo abhana bha Binui:Shimei, ³⁹Sheremia,na Nathani,na Adaya,na ⁴⁰Maknadebai,na Shashai,na Sharai⁴¹Azareri,na Sheremia,na Shemaria,na ⁴²Shalumu,na Amaria,na Yusufu. ⁴³Kubhayo abhana bhoo Nebo:Yeieli,na Mathiana zabadi,na Zebina,na Ido,na Yoeli na Benaya. ⁴⁴Bhayo bhosigo bhahabha bhatetiri abhaakari bhii gutu na bhahabha bhibhwiri abhaana kuubhamwe bhaabhu.

¹Amang'ana gaa Nehemia omwana waa Hakalia ekabha, gati womweri gwaa Kisleu, gati womwaka gwaa mirongo ebhiri, nihabha gati mumugye omukuru gwaa Sushani. ²Owumwe waabhahiri bhanee, Hanani, akazya Hamwe naabhatu abhandi Yuda Mosu nikabhabhurya ribhatunia Abhayahudi, Bhano bhahoriri, Abhayahudi bhanobhasagiri Bhanobhahabha eyo, na rirabhatunia Yerusalemu.³Bhakanibhurira, "Bharya bhahabha gat enguryu gurya gwaturibhwe gati wekibhoho gati wee nyako ekuru naa ezyisoni kuwokubha enyiki yaa Yerusalemu kunyamurwa neebhiseku bhyayebhikasaribhwa kwomuriro."⁴Nihonikigwa nikigwa amang'ana gayo, nkikara rwokukirira, kworusiku nkagendererya rwokwigara naokusabha embere yaakita waa mwisaro. ⁵Niho nikabhuga, "Awe nawe Tata, Tata waamwisan Tata wurya omukuru naa orarugurya, wunoyikirirye obhurage rwobhusegi bhwokwikara hamwe naabharya bhakusegiri nookwugwata eribhatikr ryazo.⁶Hegerera amasabhi gane naawigure ezyimoni zyaro, niho oritegerere erisabhi ryoomubhagati wazo kwaabhana ndasabha embere yazo omwisi rwobhutiku kwe eribhaga ryaabhatu bhaa Israeli abhahokya wazo. Enye Ndikirirya ohusarya bhwabhatu bhaa Israeli, zino tukoriri iguru yabho Bhoosi enye, neenyumba yaatata wae tukoriri obhusarya. ⁷Tukoriri obhubi bhukong'u iguru wazo nookutiga kwikirania kukumiririya, emigiro, erisiriziro bhana bhamubhuriri omuhokya wazo Musa.⁸Nesabha ohike ering'ana rino bhuriri omuhokya wazo Musa, Mukakira hano hatarinobbuhene ndabhanyaragania gati weekyaro. ⁹Nawe hanomurakyore nookugira ryane nookuzikora, nyang'abha abhantu bhaazo bhakizura ekyaro kyaa kwisaro zyaakure, Nosi ndahakumania kurwa eyo nookubhareta ahigiri harya hanoha nzomeri kwego. Kurikora erina ryazo.¹⁰Bhono, bhayo niibhabhagati bhazo naabhatubhaze bhano wabhaturirye kweeryinguru zyazo ezyikuru nookubhoko kwazo kweezyinguru. ¹¹Tata ndasabha, witegerere bhono amasabhi goo mubhagati waye naaerisabhi ryoo mubhagati wazowuno. Akazomererwa okusuka erina ryazo. Bhoono ozomeru rerye enye omuhokya wazo rero, onsakirye Ebhigongi bhyembere woomutu wuyo." Nihabha omunywesha woomutemi

¹Kumweri gwa obutanga, kumwaka gwa mirongo ebhiri gwo omutemi Artashasta, akasora amarwa, na nikagega amarwa nikamuha omutemi. Bono nitakangatiri kurumirirwa kubukangai bwaye. ²Nawe omutemi akaniburira, "Kwaki obusho bwazo bhurumikiri? Otakwelekenia kubha murweri yino tei ebhe ni bhurumiki bwa mutima," Okumara nikobhoha bbukongu.³Nikamubhurira omutemi, Omutemi yikare kimera! Kwaki obhusho bwane butige kurumika? aribha omugye ahagiro heezimbihira zya tata wane, eri mumatuturi, ne ebhiseku byaye bhisaribwe no omuriro.⁴Niho omutemi akanibhurira, "Orenda eki nikore?" Boono nimusabha Eriobha lya mwisaro. ⁵Niramubhurira omutemi, "Omutemi ararore bhuzomu, ne erabhe omuhokya wazo akoriri bhuzomu mumeso gazo, oranagya kunitumania Yuda, mugye gwa ezimbihira zya batata bhane, ninagye kwombka kweki." ⁶Omutemi akanikyora (na omutemi ariomukwaso yabhanga yikiri haguhi nanewe), " Orikara ibhagaki tee niho okyore?" Omutemi akarora bhuzomu okunihira nanenye nikampka ibhagha.⁷Niho nikamubhurira omutemi, "Eribha emuzomeri omutemi, niha enyarubha kubhakuru kumwambuko gwo omworo, niho bhamenye kunikiririrya ninyore kuzimbara zyabhu kunzira okugya Yuda. ⁸Kweki ebheho enyarubha ku Asafu, omuribhi we eritirigo ryo omutemi, niho anihe amati go okukorera ezitimu zye ebhiseku bya amabhegi haguhi ne erisengerero, ne enyiki yo omugye, na kwituku lino Nilikaremu." Kwe ego kwo okubha okubhoko okuzomu kwe Eriobha kwabhanga iguru wane, omutemi akaniha okwenda kwane.⁹Nikahika kubhukuru kumwambuko gwo omwaro no okubhaha enyarubha yoomutemi. Boono omutemi yabhanga ahiriri abhakuru bha abhasirikare na abhatiri bhe ezingamia hamwe nanenye. ¹⁰Sambarati muhoroni na Tobbia omuhokya wa Amoni hano bhakigwa erigana yino, bakazomeribhwa bhukongu kwookubha omutu akaza wuno yabhanga arasakya kubhasakirya abhantu bha Israeli.¹¹Mbe nikakakyora (nikagaruka) Yerusalemu, niabhanga eyo siku isatu. ¹²Nikimuka obhutiku, enye na abhantu bhasuhu hamwe na ninye, nitamubhuriri mutu wayo wosi kino Eriobha ryane kinoyateri mwosi wo omutima gwane okukora Yerusalemu. Etabhangaho tyenyi hamwe na ninye, yabhanga nirirya nabhanga nitiririku.¹³Nikatanura obutiku kwe enzina ye ekiseku kya mwiruma, kwerekekera mukitaro kya joka nakukiseku kya jaa, no okurabha ezinyiki zya Yerusalemu, zino zihomorwe, ne ebhiseku bye ezimbau bhikasaribwa no omuriro. ¹⁴Okumara nikagya mukiseku no omusobhogo gwo omutemi. Omweya gwabhanga mnyerere bhukong'u kutyenyi yino niabhanga nitiririku okuhita.¹⁵Kwego nikagya obhutiku bhuyo embarika ye eriruma no okusamia (kusungurirya) enyiki, nikagharuka kihuteti no okusikira mukiseku kya mwiruma, gwego nikagaruka. ¹⁶Abhatake (Abhakangati) bhatamenyiri hano nierekeri hamwe kirya niakoriri nanitabhabhuriri abhayahudi nabhe abhamwesi, naabhe abhakuru, naabhe abhakangati naabhe abhandi bhano bhahokirye emirimo giyo.¹⁷Nikabhabhurira, "Orarora nyako yino tunayo kyego Yerusalemu eri mumatuturi ne ebhiseku byaye bhisaribwe no omuriro. Muze, twomboke buhya enyiki ya Yerusalemu, tutaza kubha neezisoni kweki. ¹⁸"Nikabhabhurira kubha okubhoko okuzomu kwe Eriobha ryane kwabhanga iguru wane na kweki kumang'ana go omutemi gano yanibhuriri. Bakabhuga, "Tiga tugende no okwomboka," Kwengo bhakakongya amabhoko kwe emirimo emizomu.¹⁹Nawe sambalati muhoroni, na Tobia omuhokya waye mwamoni, na Geshumu, mwaera, hano bhakigwa amang'ana gayo bhakatuseka no okututuka. Bakabhuga, "Orakora ekii? Je oriyogenia no omutemi?" ²⁰Niho nikabhakyora, Eriobha rya mwisaro aratuhana obhuzomu, Etwe ni bhahokya bhaye na turatanura no okwomboka nawe tutana rubharika, etareho eheene, na bhutareho bhutunia bwa simuka eyo Yerusalemu.

¹Okumara Eriashibu, omusengeri omukuru abli merera hamwe na bhahiri bhaye omwengeri, bhakombaka ekiseku kye ering'ondu bhakari sabhira nakuturaku ebhiseku bhaye. Bhakatura amabhoko tee omunara gwa Hamea no omunara gwa Hananeli. ²Okumara abhata bha Yeriko bhakombaka, akumara Zakuri omwana wo imri akambaka.³Abhana bha Senaa bhakombaka, ekiseku kye eziswe. Bharatura emitimu ayaye nokutwa ebhiseku bhaye bhye ebhyoma bhaye nezichapi zyaye. ⁴Meremoth akakora ahagiro hano hakugenderera. Ewe nomwana wo Uria omwana wa Hakoki. Okumara Meshuramu akakora. Ewe nomwana wa Berekia omwana wa Meshezaberi. Haguhi nebho Sadoka akakoro. Ewe namwana wo Baana. ⁵Okumara ebho watekoi bhakakora. Bhono abhatake bhabhu bhakanga okukora omurimo gwo bhatumirwe nomukuru wabhu.⁶Yoyada omwana wo Pasea, no Meshuramu omwana wo Besodeya, bhakakora ekiseku kya kare. Bharatura emitimu, nokutura ebhisiku bhyaye ne ebhyoma nezichapi zyaye. ⁷Nabho Melatia Mgibeoni, nowundi Yadoni Meronothi, abhantu bha Gibeoni nowundi Mispa, bhakakora obhukarabati iguru we hagiro hano omukuru wo werigunguri wo obhutingo womwaro akikara.⁸Okumara Uzieri omwana wo Hashaya, owumwe wabhogya bhebhizahabu akakora, okumara Hahania, omukari wo obhuhuzu. Bhakombaka kweki Yerusalemu. ⁹Okumararego Refaya omwana wo Huri akambaka. Ahabha omutawala wenwu yo wiraya ye Yerusalemu. ¹⁰Okumara ye daya omwana wo Harumafu akombaka haguhi nerihuna ryaye. Okumara Hatushi omwana wo Hashabneya akombaka.¹¹Marikia omwana omwana wo Harimu nowundi Hashubu omwana wo Pahat Moabu, bharomboka Ahagiro ahandiha mwe homunara gwa Tanuu. ¹²Okumara bhasharumu omwana wo Haroheshi, omukuru wo nusu ye wiraya yo Yerusalemu akombaka, hamwe nabhakya bhaye.¹³Hanuni hamwe nabhanyarobho bha Zanoa bhakombaka ekiseku kya mumwaro bhakombaka kweki nakuturaku ebhiseku bhyaye nebhyoma bhyaye nezichapi zyaye. Bhakombaka ziraa ekiikwi tee kukiseku kya jaa.¹⁴Marikia, omwana wo Rekabu, omukuru wo wiraya ye Beth-Hakeremu, akombaka ekiseku kya jaa. Akombaka nakuturaku ekiseku kyaye, nebhyoma bhyaye nezichapi zyaye. ¹⁵Sharumu omwana wo kashoze, omukuru we wiraya ye Mispa, akombaka ekiseku kya amusobhogo. Akombaka nokuteku ekifuniko iguru nokuteku ekiseku kyaye nebhyoma bhyaye nezichapi zyaye. Akombaka bhuhya orukuta rwa Pwani we Sirowamu kwe eustani yo omutemi, tee engazi yobhukangati kurwa omugye gwa Daudi.¹⁶Nehemia omwana wo Azbuki, omutawara wenusu Yewiraya yo Beth-Suri, akomboka ahagiro hayo, kurwa Maburin ga Daudi, neribhirika rikombokwa nabhatu, nerihuna rya abhatu bhezinguru. ¹⁷Okumara hayo, Abharawi bhakomboka, hamwe narehumi omwana wo Bani nokumara, Hashabia, omutawara we nusu ye wiraya ye Keira, kuu wiraya yaye.¹⁸Okumara abhatu bhe ekyaro kyabhu bhakomboka, okubha nihamwe ne Binui omwana wo Hanadadi, omukuru we nusu ye wiraya Keira. ¹⁹Okumara akomboka Ezeri, omwana wo Yeshua, omutawara we Mispa, akomboka ahagiro ahandi okugya kwigaara rye kugwato, kuu kona yorukuta.²⁰Okumara hayo Baruki, omwana wo Zakia akombaka kwo kugya ahagiro ahandi, okurwa kuu konayorukuta tee kukiseku kye erihuna rya eriashibu, omusengeri omukuru. ²¹Okumara hayo Meremoth, omwana wo Uria, omwana wo Hakosi akomboka ahagiro ahandi, kurwa kukiseku kyerihuna rya Eriashibu tee erihuna eno rikuhwera rya Eriashibu.²²Okumara hayo abhasengeri, abhatu bha haguhi nahagiro hayo Yerusalemu, bhakomboka. ²³Okumara Benyamini nowundi Hashubu bhakomboka kwerekera erihuna ryabhu. ²⁴Okumara Binui omwana wo Henadadi akomboka ahagiro ahandi kurwa kwii huna rya Azaria tee kukona yorukuta.²⁵Parari, omwana wo Uzai, akomboka iguru we kona yorukuta nomunara guno gukuranda iguru kurwa kwihuna riguru yomutemi kuuruwanda rwa Marinzi. Okumara Pedaya omwana wo Paroshi akomboka. ²⁶Bhono abhahokya bherihekaru bhano bhikeri oferi bhakomboka tee orupande rwokubhikira amanzi orupande rwa ruguru womunara guno gukurorekana. ²⁷Okumara gayo, watekoi bhakomboka ahagiro ahandi, kugya kumunara omukuru guno gurigutu, tee orukuta rwa oferi²⁸Abhasengeri bhakomboka iguru ye kiseku kya farasi, omutu wumwe kuu wumwe kugya mwihuna ryaye. Okumara Shemaya omwana wo Shekania, omuribhi wekiseku kya ruguru, akomboka. ²⁹Okumara Sadoki, omwana wo Imeni akomboka ahagiro hayo kugya mwihuna ryaye. ³⁰Okumara Hanania, omwana wo Sheremia, Hanuni omwana wo Sita wo sarafu bhakomboka ahagiro ahandi. Meshuramu omwana wo Berekia akomboka kugya kukihuna kyaye.³¹Okumara marikia, owumwe wabhogya ezahabu, akomboka tee ebhihuna bhya abhahokya bherihekaru nabhakori bhebhiashara bhano bhahagya kuu kiseku kye erigereza tee ekihuna kiguru kyahagari. ³²Abhakori bhebhiashara bhezizahabu nabhahokya bhebhiashara bhakomboka kukihuna kiiguru kye kona nekiseku kyezing'ondu.

¹Sanbarati hano akiigwa tuhabha turomboka ekibhambazi akabhihirirwa mwosi waye, wosi akatinda hene, akabhaseka Abhayahudi. ²Embere wabhahiri bhaye naabharwani bha Samaria, akabhuga, Abhayahudi abhanyaku bhano barakoraki? Hene barikorora omugye abhene? Hene bhararusya ebhiryo? Hene bharamara emirimo rusiku rumwe? Hene bharabharetera amaghina okurwa mukibhu hano gakuokibhwa omuriro. ³Tobia Mwamoni ahabha hamwe nawe, wosi akabhuga, Aribha twari bhizamuri yaari aritira iguru we kino bhakuomboka yaari aranyamura ekibhambazi kiyo kya amagina.⁴Tuitegerere, Erioba ryetu kwo okubha etuseturatukwa. Kyoorya obhusing'ekerya bwa bu iguru we emitwe gyabu abhene no okubhaha bhabone okugeegwa mukyaro hano abhene bhabhohirwe. ⁵Otakundikirya obhubhihu bhwabhu otarusiaho amakire ghabhu embere wazo kwo okubha bhabhabhihirirwe abhomboki. ⁶Kweego tukomboka ekibhambazi, ne ekibhambazi kyoosi. Kikagwatanibhwa no obhusuhu bhwo obhutambi bhwaye. Kwo okubha abhatu bhahabha no omukya gwo okukora emirimo.⁷Nawe Sanbalati, Tobia, Abhaarabu, Abhaamoni, ne Abhawashdodi, hano bhakiigwa emirimo gyo okuribhiriira ekibhambazi kya Yerusalemu ekabha eragendereerya, kwo okubha ahagiiro hano haasi habhunikiri mukibhambazi hahabha habhohirwe, obhururu obhukuuru bhukaaka mwosi wabhu. ⁸Bhosigo bhakakoora amasemo hamwe bhakaaza okurwana iguru wo Yerusalemu okukora obhutini mwosi wabhu. ⁹Nawe tukasabha Eriobha ryetu no okutura obhuriibhi, kyo obhuribhi bwo obhutiku no omwisi, kwo okukanga kwabhu.¹⁰Okumara abhatu bha Yuda bhakabhuga, ezinguru zya bhano bhakugeega emirigo zitamirwe, ekiswa kiriho kikuru tutakunaagya kuomboka ekibhambazi. ¹¹Abhabhisa bhetu bhakabhuga, kwego bhatakumenya no okuroora tee hano tukuza ghati ghati wabhu no okubhita no okuimereerya emirimo.¹²Eribhaga riiyo abhayahudi bhano bhahikara haguhi nabho, bhakarwa haghiro hosi no okukereenia na neetwa ikumi, no okutureekya iguru wo amahokya ghano bhakoriri iguru wetu. ¹³Kweego nikatuura abhatu ahagiro kiyasi we ikibhambazi, kuhagiro hano omweya guuri, nkatuura ku bhisyooko bhino bhina amasabha, amatimu no obhuta. ¹⁴Nikaroora, nikimeerera, nikabhabhurira abhakuru, abhatake na abhatu abhandi. Mutobhoha, murihite Eriobha wuno nioomukuru nawookuobhohya, murwanire abhahiiri bhenyu abhana bhenyu, abhakya bhenyu, abhakari bhenyu ne ezinyumba zwenyu.¹⁵Hano eribhaga abhabhisa bhetu hano bhakiigwa kubha amag'hana ghabhu gamenyekeni kuneetwe, Ne Eriobha ryaari riikyoosirye amang'ana gabhu, tuosigo tukakyoora kukibhambazi, kwo owumwe ne emirimo gyaye. ¹⁶Kweego ukuanzira eribhaga riyo, abhabhagati bhane bhasuhigo bhakakora emirimo gyo okuomboka ekibhambazi, ne erigati ryabhu bhakagwata amatimu, ngubha, obhuta no okuibhoha ebhirwaniro, eribhaga abhakangati bhakiimereera inyuma ye abhatu bhosi bha Yuda.¹⁷Kweego abhahookya bhe emirimo bhayo bhayo bhano bhahabha bharoomboka ekibhambazi no okugeega emirigo bhahabha neego bhararibha emiaya gyabhu omutu akakora emirimo no okubhoko kumwe no okubhoko okundi kwaari ne ekigwato kyaye. ¹⁸Omuomboki wosi akibhoha erisabha ryaye murubharu rwaye, niigo akomboka wuno ahatema orukano akikara haguhi naneenye.¹⁹Nikabhabhuriira abhakuuru na abhataake na abhatu abhandi emirimo ni mizomu ne etambi, tuituriri embarika kukibhambhazi kuure no omutu owundi. ²⁰Erenderwa muriariire ahagiro hano muriigwa omumiro gwo orukano no okwikumania eyo. Eryoba ryetu riraturwaniira.²¹Kweego tukakoora emirimo giyo, ghati wabhu bhahabha bagegiiri amatimu okurwa oruguru rusambiri etabori tee czinzota okurorekana. ²²Nikabhaburiira abatu eribhaga riyo kiro omutu na abhabhagati bhaye bhagende obhutiku gatigati rwa Yerusalemu, babe baribhi eribhaga riobhutiku, no omuhokya we emirimo eribaga riyo. ²³Kweki nitari enye Batari bakiri bane batari bhabhagati bane, batari batu bha balibhi bhano bari bakunirwa inyuma, atariho owumwe wetu wuno akagarabura ezingibho zyaye. veilo owumwe akageega ekigwato kyaye. Yingaba agiri kwo okutaha amanzi.

¹Araabhe bhaarya abhasubhe na abhakari bhaabhu bhakarira kwa nguru kukira abhayahudi abharikyaabhu. ²Kwookubha kuhaabha na bhaatu bhano bhaha bhuga, "Etwe na abhana bheetu na abhakya bheetu turi bhaaru. Niiho tubhone ebhyakurya tunagye okurya na twikare turikaare." ³Nawe kuhabhaho na abhaatu bhaano bhahabhuuga, "Turatura rahani emigundu gye etu, mizabibu gyeetu, nezinyumba zyeetu tubhoone ebhyakurya kuribhaaga ryenzara.⁴Abhaandi bhoosi bhakahaaya, "Tubhakobhesiirye ezihera okuriha erigoti yomutaake mumigundu gyeetu ne emigundu gye mizabibu gyeetu. ⁵Kweego bhoono emibhiri gyeetu na amanyinga garikisi na abhahiiri bheetu, na abhaana bheetu bharikisi na bhaana bhaabhu. Turahatikwa okugurya abhaana bheetu na abhaakya bheetu kubha bhabhagati. Abhaandi abhaakya bheetu bhari nzugurumatu bhabheri abhabhagati. Nawe tutana nguru za kusakirya kwookubha abhaatu abhaandi bhoono bhana emiguundu gyeetu ne mizabibu gyeetu."⁶Nkatinda bhukoong'u hano nkiigwa kiriro kyaabhu na amang'ana gaayo. ⁷Nawe nkitegerera iguru ya riiro, nokureta amasemo iguru ya abhakuru na abhakangati. Nika bhabhurira, "Emwe murakomwa erikuku, kyeego owumwe kumuhiri waaye omweene."nikaguratania esaango ikuru iguru yaabhu. ⁸Na kubhabhurira, "Etwe, kubhunagya bhuno tunagiirye, tubhaokweeri tubhaokweeri okurwa mubhubhagati abhahiri bheetu bha kiyahudi bhaano bhahaabha bhaguribhwe mubyaaro, nawe kweeki murabhagurya abhahiri abhasubaati bheenyu bhaguriibhwe kweeki kunetwe!" Bahaabha bhukiri bhatahabha ning'aana ryakuhaya.⁹Nawe nikahaaya, "Kinomukukora kitari kizoomu, Nawe, mtakwenderwa okugeenda gatigati yobhoobha bhwe Eryoobha ryeetu okureekya obhutuungi bhwe ebhyaaro bhino ni bhabhihu bheetu? ¹⁰Enye na abhakuri bhaani na bhahookya bhaani turabhahana ezihera, ebhakuurya. Nawe turatiga okubhasabha kyongerereryo iguru yokumutuunia giyo. ¹¹Mubhakyorerye rero rero emigundu gyaabhu, Mizabibu gyaabhu, emigundu gyaabhu gye ezinyoo ngyo ne zinyumba zaabhu nezihera suuhu ye ziheera, ebhyakuurya, divai ehya, na amaguta gaano mukabhasabha.¹²Bhakabhugha, "Turakyoorya kino tugegiri kurwa kunebho, nawe tutakwenda kigiro kureka kunebho. Turakoora kyeego ohayiiri." Niho nikabhabhirikira abhanyaasi, na kubharisha emuuma nokubhakora kyeego bhakarusha obhurage. ¹³Nikakukumura engibho yaani, nikabhugha, "Niiho Eryoobha rirusheho enyuumba na makarusha ebhigiro bhya kyeego omuutu atakuhikya obhurage bwaaye. Kweego akukumurwe asaage ata na kigiro. Esango yoosi ekabhuuga "Gabheego," na bhakamukumya Tata bhuugya. Abhaatu bhakakora kyeego bhakaruusha obhuraage.¹⁴Kweribhaaga rino nkaturwa kubha omukuuru waabhu gatigati ye kyaaro kya Yuda, bhweema kumwaaka miroongo ebhiiri ntee kumwaaka gwa miroongo etaatu ne ebhiiri gwo omutaake Artashasta, kumiaka ikuumi nebhiiri, enye na bhahiiri bhaani tutariri ebhyakurya bhino bhikarusibhwa kugavana. ¹⁵Nawe abhakuru bhekaare bhaano bhaakuriri enye nkyaari bhakabhaturira abhaatu emiriigo emiriito, na bhakageega kuneebho erazaana miroongo enegye ziheera kwo kuubha yebhyaakurya ne divai yaabhu ya kina orusiku. Nabhahokya bhaabhu bhakamuteesha abhaatu. Nawe nitakoririgo kubhobha bhwe Eryoobha.¹⁶Nkenderera okukoora emiriimo kurugito, na tutaguriri eririma. Na bhahookya bhaani bhoosi bhakikumania eyo okukoora emirimo giyo. ¹⁷Gatigati emeeza yaani bhahaabha. Abhayahudi na abhataake, abhaatu iso, etakabheeeri bhaarya bhaaza kuneetwe kureka mubyaaro bhino bhyaari bhitwinogoriri.¹⁸Kyeego ekigiiro kiino kikorinue kurusiku kihabha eng'ombe yiimwe, ezing'ondu isasabha bhaano bhakasoorwa, nebhinyonyi, nakuzisiku ikumi etuubho zoosi zedivai nzaaru. Na kugaayo goosi ntahenda bhigiiro gebhakurya bhya gavana, kwookubha amatunio gahaabha marito iguuru ya abhaatu. ¹⁹Nihite Awe Eryoobha ryaani, kwobhuzoomu, kwo kubha ya goosi gaano nikoriri kubhaatu bhaano.

¹Eriibhaga Sanbalati, Tobia, Geshemu omwarabu na abhabhisa bhetu abhandi hano bhiigwiri kubha nikomboka bhuhya enyiri na kubha hatareho hagiro hohosi hano hatigirwe mwasi, ingabha nikyari kuteka emiryango mubhiseku, ²Sanbalati na Geshemu akatumania abharatu akabhuga, "Muuze, tusikane hamwe hagiro harebhe ku rwanzarya rwe ekibhara kya Ono." Nawe bhakenda kunsarya.³Nikabhatumania abhatu kweebho, nkabhuga, "Ndakora mirimo mikuru ntakunagya kwituuma. Kwaki emirimo gimerere naho ndaaza kutanura no okuuza kunawe?" ⁴Bhakatumania amang'ana gayo gayo kane, na nenye nikabhakyoora bhuyo bhuyo ibhaga ryoosi.⁵Sanbalati akamutumania omubhagati waye kwinye enzira yirya yirya rwa katano, ne eriing'aara rino ryari mwasi mukubhoko kwaye. ⁶Ekaamirwe, "Erahaywa mubhyaro na Geshemu wosi arabhugha, kubha awe na Abhayahudi mnoomukonyo gwo okukyooka, kwo okubha nikyo okukora mromboka enyiri. Kumang'ana gano gakugambwa, orihaguhi kubha mutemi waabhu.⁷Awe obhasoriri abharoti bharorike amang'ana gazo iguru wa Yerusalemu, bhabhuge, "Areho omutemi eyo Yuda? Oratura kubha no obhuheene omutemi arigwa amang'ana gano. Ambe, nauze tukerenie.⁸Kyamwe nikatumania eng'ana nikabhugo, "amang'ana kya gayo gakyari kukorwa kyabhurya okuhaya, kwo okubha mumutima gwazo mwosi ogisegiri kibhi. ⁹Kwookubha bhoosi bhahenda kutukanga, bhahiseega, "Bharatiga amabhoko ghaabhu kukora emirimo giyo, na gitakukorwa." Nawe bhoono, Eryoobha, kong'ya amabhoko gane.¹¹Nikagya yika wa Shemaya omwana wa Deraya, omwana wa Mehetabeli, wuno yabhohirwe munyumba yaye, "Tiga tusikane hamwe munyumba ya Eryoobha, mwosi mwisengerero, twigareho ebhiseku bhyerisengerero, kwa okubha bharaza okukwita. Obhutiku bharaza okukwita." ¹⁰Nikagaruraho, bhono! omuutu kyeenye ndatura kung'osa? No omuutu kyanenye ndatura kusikira munyumba ya erisengerero niture kuhona? Nitakusikiramu.¹²Nikamenya kubha atari Eryoobha amtumiri, nawe yari akoriri obhumwesi kunenye. Tobia na Sanbalati bhakamukora mubhagati. ¹³Bhakamhaana emerimo kunikora nibhe ne ehaho, nikore kino yahayiri nikore ebhibhi, kwego bharibharanagya kuniha erina ibhihu no okunisuukya. ¹⁴Eryoobha ryane, obhahite Tobia na Snabalati, na goosi gano bhokoriri. Omuhiite omusengeri Noadia na abhasengeri abhandi bhano bhasakirye kunikora niobhohe.¹⁵Kweego enyiki ekahwa okwombokwa orusiku rwa mirongo ebhiri na katano kumweri gwa Eluli, hano zyahitiri siku mirongo etano niibhiri. ¹⁶Abhabhisa bhetu bhoosi hano bhakiwa gayo, ebhyaaro bhyoosi bhino bhitwinogoriri, bhakoobhoha bhakiita orwoondo mumeso ghabhu abheene. Kwookubha bhakamenya emirimo giyo gyakorirwe kwoobhusakiri bhwa na Eryoobha ryetu.¹⁷Eribhaga rino abhakuru bha Yuda bhakatumania amang'aara maaru ku Tobia, na amang'aara ga Tobia gakabhahikira. ¹⁸Kwa okubha bhaari bhaaru bhano bhabhohirwe kwookurya emuma yaye, kwookubha yaari isibhyara wa Shekania, mwana wa Ara. Omwana wa Yehohanani yaari abheri mkori wa Meshulamu omwana wa Berekia. ¹⁹Kweki bhakarenia na nenye iguru wa amahokyo gaye amazomu no okumubhuurira amang'ana gane. Amang'ana gakaretwa kwinye kurwa ku Tobia go okunkanga.

¹Kwibhaga rino enyiki yamoriri nebhise ku nimariri kubhimererya, na abharibhi bheebhiseku naabhembi bhaa Walawi bhahabha bhasorirwe; ²Nikamuha omuhiri wane Hanani kubhaneerihatike iguru waa Yerusalemu. Hamwe na Hanania wuno ahabha omwimerereri we kijiji kwookubha ahabha muhenee na akamwobhoha tata bhugya bhukongu kukira abhandi.³Moosi nikamubhurira mutige ebhise kubya Yerusalemu tee Eryoobha hano rirabhe ihari. Kwibhaga abharibhi bheekiseku bhararibha, oranagia kwigura ebhiseku rwokubhandirirya. Sora abharibhi kureka kuubhano bhakwikara Yerusalemu. Abhandi ahagiro habhu hoobhuribhi naabhandi embere weezinyumba zyabhu abheene. ⁴Bhoono omugye guhabha mugari naamukuru, nawe bhahabhaho abhatu bhasuhu muwosi waye, naazitaroho ezinyumbazino zikwombokwa kweeki.⁵Eryoobha ryane oteri mumutima gwane kubhakumania hamwe abhakuru, abhakuru naabhatu kubhakama gatigati worukundi rwabhu. Nkanyora ekitabhu kya rwibhuro kyaabharya bhakyoriri hinga naani karora kubha ekamirwe muyo.⁶Bhano nibho abhatu bheerigunguri abhano bhagiri kureka mubhusami kuubharya bha samibhwe bhano Nebukadreza omutemi wa Babeli akabhagega abhagwatwa bhakakyora Yerusalemu naa Yuda kira wumwe kugenda kuumugye gwaye. ⁷Bhakaza naa Zerubabeli, Yoshua, Nehemia, Seraya, Reeraya, naa Hamani, Mordekai, Birshani, Mispari, Bigwai, Rehumu naa Baana, Obhwaru bhwaabhana bhaa Israeli ehabha.⁸Abhana bhaa Paroshi, 2172. ⁹Abhana bhaa Shefatia 372. ¹⁰Abhana bhaa Araa 652.¹¹Abhana bhaa Pahati Moabu. ¹²Kwuubhana bhaa Yeshua na Yoabu 2818. ¹³Abhana bhaa Eramu 1254. ¹⁴Abhana bhaa Zatu 845 abhana bhaa Zakai 760.¹⁵Abhana bhaa Binnui 648. ¹⁶Abhana bhaa Bebai 628. ¹⁷Abhana bhaa Azigadi 2322. ¹⁸Abhana bhaa Adonikamu 667.¹⁹Abhana bhaa Bigwai 2067. ²⁰Abhana bhaa Adini 655. ²¹Abhana bhaa Ateri, waa Hezekia 98. ²²Abhana bhaa Hashumu 328.²³Abhana bhaa Besai 324. ²⁴Abhana bhaa Harifu 112. ²⁵Abhana bhaa Gibeoni 95. ²⁶Abhatu kurwa Bethelehemu naa Nefofa 188.²⁷Abhatu bhaa Anatoti 128. ²⁸Abhatu bhaa Beth Azmaweth 42. ²⁹Abhatu bhaa kiriasi, Yealimu, Kefira, naa Beloth 743. ³⁰Abhatu bhaa Rama naa Geba 621.³¹Abhatu bhaa mikimas 122. ³²Abhatu bhaa Bethel na Ai 123. ³³Abhatu bhaa Nebo 52. ³⁴Abhatu bhaa Eramu waakabhiri 1254.³⁵Abhatu bhaa Harimu 320. ³⁶Abhatu bhaa Yeriko 345. ³⁷Abhatu bhaa Rodi, Hadidi, naa ono 721. ³⁸Abhatu bhaa Senaa 3930.³⁹Abhamwesi abhana bhaa Yedaya, (Bheenyumba ya Yeshua) 973. ⁴⁰Abhana bhaa Imeri 1052. ⁴¹Abhana bhaa Pashuri 1247. ⁴²Abhana bhaa Halimu 1017.⁴³Walawi abhana bhaa Yeshua, Bhakadimieli, wabinui, Hovadia 77. ⁴⁴Abhenabi abhana bhaa Asafu 148. ⁴⁵Bhano bhiguri ekiseku abhana bhaa Sharumu, Abhana bhaa Ateri Abhana bhaa Tarumoni Abhana bhaa Akubu, Abhana bhaa Hatita, Abhana bhaa Shobui 138.⁴⁶Abhahokya bhaamwihekaru abhana bhaa Siha, abhana bhaa Hasufa, abhana bhaa Tabaothi. ⁴⁷Abhana bhaa Kelosi, Abhana siaha, Abhana bhaa Padoni. ⁴⁸Abhana bhaa Rebana, Abhana bhaa Hagaba, Abhana bhaa Sarimai. ⁴⁹Abhana bhaa Hanani, Abhana bhaa Gideli, Abhana bhaa Gahali.⁵⁰Abhana bhaa Reaya, abhana bhaa Resini, abhana bhaa Mekoda. ⁵¹Abhana bhaa gazamu, abhana bhaa Uza, abhana bhaa Pasea. ⁵²Abhana bhaa Bethai, abhana bhaa Meunimu, abhana bhaa Nefusimu.⁵³Abhana bhaa Habakuki, abhana bhaa Hakufa, abhana bhaa Harihuri. ⁵⁴Abhana bhaa Bathlis, abhana bhaa Mehida, abhana bhaa Halisha. ⁵⁵Abhana bhaa Balikosi, abhana bhaa Sisera, abhana bhaa Tema. ⁵⁶Abhana bhaa Mesia abhana bhaa Hatifa.⁵⁷Abhana bhaa Sulemani, abhana bhaa Sotai, abhana bha Sofeeleth, abhana bhaa Peruda. ⁵⁸Abhana bhaa Yara, abhana bhaa Darkon, abhana bhaa Gideri. ⁵⁹Abhana bhaa Shefatia abhana bhaa Hatili abhana bhaa Pokeleth Sebaimu abhana bhaa Amoni. ⁶⁰Abhahokya bhoosi bhaa mwikehani naa abhana bhaa bhahokya bhaa Sulemani, bhahabha 392.⁶¹Bhano nibho abhatu bhano bhagiri kurwa Telmela, Telhalisha, Kerub, Adoni, naa Imeli. Nawe bhatanagirye kurorerera, kubha ebho hamwe bhahiri bhaa wise wabhu bhahabha bhana bhaa Israeli. ⁶²Abhana bhaa Delaya, abhana bhaa Tobia naa bhana bhaa Nekoda 642. ⁶³Nookurwa kuubhasengeri abhana bhaa Habaya, Hakosi, naa Belizirai(akamugega omukari kureka kuubhakya bhaa Brazirai wa Gireaadi na akabhirikirwa kuurina ryabhu)⁶⁴Hano bhakamohya amatemio gabhu kuubhano bhaasikeni noorwibhuro rwabhu, nawe bhatanagirye kubhoneka kwookubha bharusibhwe gatigati waabhamwesi kyego bhari bhabhihu. ⁶⁵Omukuru waa gavana bhatikiriribhwa kurya obhyakurya bhyaa abhamwesi kurwa ebhihirwa tee hano aragororeke omumwesi wee erimu na Thumimu.⁶⁶Erikumanio ryoosi rihabha 42360. ⁶⁷Kutiga abhahokya bhabhubheekisubhe naabhoo bheekikari, bhano bhahabha 7337, bhahabha abhasubhe naabhakari bhookwemba 245.⁶⁸Ezifarasi zyabhu zihabhu zihabha 736 kwookubhara, nyumbu zyabhu 245. ⁶⁹Ngamia zyabhu 435 neezyitikiri zyabhu 6720.⁷⁰Abhakuru abhandi bhee zyihamati zyabhu bha karusha omubhano iguru weemirimo gyabhu. Gavana akarusha omuhero gwaa Darkon ebhikwi bhyeedhahabu mabhakuri 50, naa amibhoho 530 yaa abhamwesi. ⁷¹Abhakuru abhandi bhooruganda rwabhawise wabhu bhakabhaha ekibhumbiko kuumirimo Darkon bhikwi mirongo ebhiri zyee bhahabu neehera 2200 zyee zyihera. ⁷²Abhatu abhandi bhakabhaha Darkoni bhikwii mirongo ebhiri, nee zyahabu bhikwi bhibhiri bhyeezyihera naa amibhoho mirongo esasabhe na muhungati kuubhasengeri.⁷³Abhamwesi, Walawi, abharibhi bheebhiseku, abhembi abhantu abhandi, abhahokya ebheerisengerero, Israeli bhoosi bhakikara gati weemigye gyabhu, kweki omweri gwaamuhungati abhatu bhaa Israeli bhahabha bharikara mumigye gyabhu.

¹Abhaatu bhoosi bhakikumania kyoomutu oumwe kuhagiro hano hari mwasi kubhwusyo bhwe ekiiseku kya amaanzi. Bhakamusabha Ezra omwandiki akirete ekitabhu kye emuma ya Musa, kino Tata bhwugya akabhahana Isreli. ²Orusiku rwa obhukangatirwa omweri gwa muhungati, Ezra, kuhani akareta eemuma kuubhwusyo bhwa kukuma niryo abhasubhe na abhakari na bhoosi bhano bhaari no obhunagya bhwo okumenya. ³Akarora ahagiro hari mwasi eembere yoo obhusyo bhwe ekiseku kya manzi na akasoma kurwa etabhori tee engorobha kubhusyo bhwa abhasubhe na abhakari na wowosi wuno akunagya kumenya. Na bhoosi bhakitegerera kwa kisi eekitabhu kyeemuma.⁴Na Ezra omwandiki, akimerera iguru yoo ubhutingo bhwe miti bhwuno abhaatu bhaahabha bhakoriri kwee eng'ana iyo. Embharika yaye wakimerera Matithia, Shema, Anaya, Uria, Hilkia na Maaseya, urubharika rwaaye rwoo obhwusubhe. Na Pedaya, Misbaeli, Malkiya, Hashumu, Hashbadani, Zekaria na Meshualam, bhahabha bhimereri orubharika rwo obhumosi. ⁵Ezra akaundikirya ekitabhu embere ya abhaatu bhwoosi kwoo kubha ahabha yiimereri iguru wa bhatu, na hano akafungurira abhaatu bhwoosi bhakimerera.⁶Ezra akamukumwa Tata bhwugya, Tata omukuru na abhaatu bhwoosi bhakimukya amabhoko gabhu. Wakabhuga, Amina, amina bhakiinamya emiitwe gyabhu, bhaakamukuumya Tata kwoo obhuusyo bhwabhu bhuhabha iyasi. ⁷Yeshua, Bani, Sherebia, Yamini, Akubu, Shabethai, Hodai, Maaseya, Kelita, Azaria, Yozabidi, Hanania Pelaya neebhwo ni Walawi, bhakabhasakirya abhaatu okumenya eemuma abhaatu bhakikara ahagiro habhu. ⁸Ebho bhakasoma mukitabhu emigiro Tata bhakahaya amahene bhakaragirirya nookurusya amahene niho abhaatu bhameenye ganogasmirwe.⁹Nehemia, gavana na Ezra omusengeri noo omwandiki wa Walawi bhahabha bhakerekererya kubhaatu bhakabhabhwurira abhaatu bhwoosi esiku runo ni ruhoreru kuu Tata bhwugya wetu. ¹⁰Nehemia akabhabhurira mugende murye kino kinuriri, omukate na amanzi go okuunywa mumuhirire omutu wuno atana kigiro, kwokubha orusiku runo niruhoreru ku Tata wetu mutabha na marumiko, kukubha obhuzomerwa bhwa Tata ni nguru zyetu.¹¹Mbe Walawi bhakabhakora abhaatu kubha bhahoreru, bha kabhuga, Mkiririnanye kwokubha orusiku runo ni ruhoreru mtabha marumiko. ¹²Abhaatu bhoosi bhakagya kurya nookunywa nookusondana ebhyakurya nookuherekerera kwoobhusomerwa bhukuru kwo kubha bhakamenya amang'ana gano bhabharagirirye.¹³Orusiku rwa kabhiri abhakangati bhe enyumba ya bhasukuru kurwa kubhaatu bhoosi, makuhani na Walawi bhikuanie wo Ezra, omwandiki ili okubhoona amang'eni kurwa kumang'ana emigiro. ¹⁴Bhakarora yandikirwe emigiro kyego Tata ahabhaabha bhuriri Musa abhaana bha Israeli bhikare mwihuna eribhaga ryeo obhuturo kuumweri gwa muhungati. ¹⁵Warenderwa okurusya eing'ana kumigye gyaye eyo Yerusalemu, bhakabhuga mugende igutu ekyaro kyebhiguru na mlete amatwi kurwa kumizeituni mwitu na amatu ga mihadsi na amatwi ga mitende na amatwu gee emiti eminene ili okukora ebhihuna ekibhaga kyego garigandikirwe.¹⁶Abhaatu bhakahuruka amatu, bhakikorera amahuna kila omuutu kwirongo ryaye, kurubhago na mukiina kyabhu munyumba ya Tata ahagiro hamwasi haa amanzi, na katika Efraimu. ¹⁷Niho erikumanwo bhaakakyora kurwa mukibhoho bhakakoe amahuna noo okwikara mwoosi. Kwemera orusiku rwa Yoshua omwana wa Nuni abhaatu bha Israel bhatakoriri obhuturo nobhuzomerwa bhukabha bhukuru.¹⁸Orusiku, kurusiku kwemera orusiku rwa obhukangati tee rwa rwinyuma Ezra akasoma kurwa kukitabhu kya emigiro gya Tata. Bhakakora obhuturo kwurusiku rwa muhungati na ya kanane kihabha na erikumanwo izomu.

¹Orusiku rwa mirongo ebhiri nene yomuweri guyoguyo abhatu bha Israeli bhakikumania, nabho bhahabha bhatakuria, naho bhabha bhibhohiri amagonera, nabho bhakatura oruteri bhumitwe giabhu. ²Abhibhurwa bhaisraeli bhakiyahura nabhosige bhosi bhkimerera nokwirahira obhubhi bhwabhu abhene namatemio amabhihu gabhawise wabhu.³Bhakimerera hagiro habhu, nerisinzika eyindi yorusiku hakirahirano kwinarira homwanziro hatata bhugya wabhu. ⁴Walawi, Yeshua, Buni, Kadmeli, Shebanie, Bani na Kanani, bhakimerera iguru wobhutiriro, bhakamu bhirikira oriobha riabhu kwo omumiro Tata.⁵Niho Walawi, na Yeshua na Kadimieli na Bani na Hashabnega na Sherebia na Hodia na Shebania na Pethamia, bhakabhuga, "Imerera mukumie tatabhugya, wetu, simukanasimuka." Likumibhwe erina gazo ryo obhweru, rino ritweririe ritakulingana no bheru no mukumo gwosigo. ⁶Awe ntata bhugya awe niawe omwenego. Awe okoriri eisaro, erisaro riguru namaraika bhosigo bherihi bhirihi nekiaro krakigiro kirimu iguru waye nenyanza nabhosigo bhino bhirimu, orabhaha bhesigo obhuhoru, nabhasirikare bha maraika bharakubha awe.⁸Awe nawe Tata bhugya wuno akumusora Abrahamu yamurushirie kurwa amibhurwa ga Wakaidayo yamubhirikiri Ibrahimu. ⁷Okarora ekoro yaye ehabha yosigo obhemero bhaye nanawe okakora hamwe eriragano ryokubhaho abhibhuri bhaye enesi bhakanaani, na Muhiti na Mwamori na Perizi, na muyabusi na wagirgashi. Oturiri obhurage bhwazo kwo kubha awe niwahene.⁹Okarora etabu yabhatata bhetu Misri nokigwa kiriro kyabhu embalika wenyanza ya Shamu. ¹⁰Awe okakora kutemia namatitika nwo iguru wa Farao abhakia bhaye bhoosi, nabhatu bhosi bhesi yaye, kwo kuha okemenya kubha abhamisiri bhakakora kwakwi hema, nawe okikorera erina rino ririmerera teerero.¹¹Okabharura enyanza embere wabhu bhakitumbuka gati gati wenyanza iguru wesi enyomu nokubharekera bharia bhabha bhamusi we kirionga, kiri gina mosi wa manzi ge kirionga.¹²Awe okabhakangata timu ekuru kwibharya mumwisi, nakwetimu yomuriro eribhaga ryo bhutiku, niho okumbimirikira kunzira bhanagia kugenda mumweru bhwazo. ¹³Okituma iguru wekiguru Sinai okgagamba nabho kurwa mwisaro yabhaheiri ekisingiriryo kyahene esimuka, ahene no okusingirirya bhuzomu amerekeleryo.¹⁴Okabhabhurira Sabato yabhuyakubhindikwa, okabhaha erihatike, amerekereryo, ne simuka kuhitira kumusa omuhokia wazo. ¹⁵Okabhaha ebhiakuria kurwa mwisaro hano hahapha nenzana yabhuu, namanzi okurwa kuno bhari nenyota yabhu, okabhabhurira bhagende kwigega esi yino obhaheri kwakwira hira kwa kwirahira.¹⁶Nawe ebho na bhatata bhetu b hakakora obhubhi, manebho bhahabha bhahari, bhahabha bhatakuzisuka eri hatike zyabhu. ¹⁷Bhakanga kwitegerera, nabhatitegereri iguru mangana gano okariri gati wabhu, nawe bhaka bhahari, gati ya bhsaria bhabhu bhakatura omukangati niho bhakire kubhuhokia. Nawe awe oriobha rino rizuri amabhe, awe one osegi ona maabhe, otari mwangu wa kutinda, no mwaru wobhusegi bhwa heene awe otabhatigiri.¹⁸Niho atabhatigiri nahano bhahabha bhamariri kuhana ekimori gati we kioma kino kiokibhwe no kubhuga, wuno niwe eriobha ryetu wuno. Atururshie kurwa Misri, "Eribhaga rino bhabha bhabhiri bhukong'u. ¹⁹Awe kumaabhe gazo, otabhaatigiri igati we kibhara etimu yerisaro yino ekabherekererya munzira etabhatigiri eribhaga rya mumwisi, niho etimu yamulilo obhutiku ekamilikira kunzira yin bhahenderwa kugenda.²⁰Okabhaha ekoro yazo enzomu okubhegia, kwokubha awe otabhimiri mumunwa gwabhu, no kabhaha amnzi kunyoota yabhu. ²¹Kumiaka mirongwenne gikabhaha kukibhara nabhabhuriri kiokiosi ngibho zyabhu atanyiriri namaguru gabhu gatobhimbiri.²²Okabhaha omutemi na bhatu, no kabhaha eririma gati wahagiro hosi hakure niho bhakaigega esi yasihoni omtemi wa heshiboni, nesi yaogu omutemi wa bhashani.²³Okabhakora abhana bhabhu kuha maaru kyezinzota zyamwisaro, no okubhasikiria gati weesi. Okabharira iisowabhu bhasikire no kugega. ²⁴Bhono abhantu bhakasikira, bhaigega esi, bhkabhakia abhikari bhesi yiyo bha kanani. Okabhatura mumabhoko gazo, hamwe na abhatemi bhabhu nabhatu bhesi, niho Israeli ekore nabho kyege bhendire.²⁵Ebho kumania emigie gyezinguru nesi yino ekunyeregeta, nanebho bhakagega ezinyumba zino zinebhugiro bhosi ebhizomu,eribhirika zino zitukirwe, mizabibu ne miiti gya omukaruka ituni, ne miti gya amatunduguru amaru kwokubha bhakaria bhakiguta na bhakiswa, bhakazomererwa kubhuzomu bhwa.²⁶Niho bhatakusukiri nabhasaria bhakarekera esimuka yazo mwinyuma wo mugongo gwazo bhakabhiita abharoti bhazo bhano bhakarekia bhakukyorere awe, nabho bhakakora ekoro embi bhukongu. ²⁷Hano bhakatura mumabhoko gabhabhi bhabhu, wuno yariakubhanyakia gabhu, bhakakuriri awe okabhigwa kurwa mwisaro niho okabhasakiria gati wamabhoko gabhabhihu bhabhu, kwa kubha yamaabhe gazo maaru.²⁸Nawa hano wriokumunya, bhakakora mabhihu kunawe, niho aweokabhatiga mumabhoko ga bhabhihu bhabhu, kwokubha abhabhihu bhabhu bhakabhakangata iguru wabhu hano bhakakukyorera no kukuririra, okigwa kurwa mwisaro, niho kweki okabhaturia kwo kubha yamaabhe gazo. ²⁹Okabharekia bhabhone kukiora kutemo yazo niho ego bhakakora omutwe omukongu bhatitegereri erihatike zyazo bhakakora obhubhi kukira erihatike zyazo zino zikumuha na obhuhoru omutu wowosi wuno akuzitegerera bhatazikirirye, bhatazikoriri bhakanga kuzitegerera.³⁰Kumiaka emiaru bhakatindirana nanebhona kubharekia kukoro yazo kunzira yabhara ati bhazo niyo bhatigwiri. Kwokubha bhabhatu mumabhoko gabhatu abhanyarobho. ³¹Nawe kumabhe gazo amakuru otabharekirie hene, hamwe okubhatiga, kwo kubha awe nieriobha ryo bhusegi na wamaabhe.³²Niho, eriobha rieetu, oriobha rieetu erikuru wezinguru nawokwobhohia, wuno okutura obhuraniga zrazo nobhusegi bhwazo, etaabhu zogigo zino zitubhweni etwe, abhatemi bhetu abhakuru bhetu, na abhasengeri bhetu na bharoti bhetu nabhatata bhetu, nabhatu bhazo bhosigo kurwa kuzisiku za bhatemi bha Ashuru tee rero otakuzibhara kubha nisuhu. ³³Awe nawe onehene kugosi gano gatubhweni, kwo kubha okoriri kwe hene, tukoriri obhubhi. ³⁴Abhatemi bhetu, abhakuru bhetu, omusengeri bhetu, abharoti bhetu bhatata bhetu bhataigwatiri esimuka yazo, bhatagwatiri erihatike zyazo kurora zyazo zino oruri.³⁵Nego kubhutemi bhwabhu ebho abhene, kwibhaga bhakazomererwa bhuzomu ariowame, gati wesi ekuru yino enebhakuria bhino otere kubhwemero bhwabhu, bhakuhokeriano kutiga enzira yabhu embihu.³⁶Bhono etwe mbahokia gati musi hino obhaheri bhatata bhetu okuzomererwa amatundugu gaye no mubhano gwaye omuzomu, no roore, etwe bhahokia. ³⁷Erigesa erizomu kurwa musi eyetu hamwawo mutemi abhatura iguru wete kwokubha etwe bhasaria. Omukangati iguru wemibhili gyeetu niguru wemitugo kiego bhasegiri bhanetaabhu ekuru.³⁸Kwo kubha yosi gano, turakora obhuraganirye hene kubhukaami hano obhohirwe amarina amakuru getu, Walawi, abhasengeri.

¹Bano bhateriho amariina gabhu kumaakamo gano gahunyirwe mbaari Nehemia wo Hakalia gavana,na abhasengeri bhano bhateribhwe nee Sedekia, ²Seraya,Azaria,Yeremia, ³Pashuri,Amaria,Malkiya,⁴Hamshi,Shekania,Maluki, ⁵Harimu,Meremothi,Obadia, ⁶Danieli,Ginethoni,Baruki, ⁷Meshulamu,Abiya,Miyamini, ⁸Maaazia,Bilgai na Shemaya.Bhano nebho abhasengeri.⁹Abhalawi mbaari Yeshua omwana wo Azania,Binui mhirya Henadadi,Kadmieli, ¹⁰na Abhalawi bhalikyaaye,Shebania,Hodia,Kelta,Pelaya,Hanani, ¹¹Mika,Rehobu,Hashabia, ¹²Zakuri,Sherebia,Shebania ¹³Hodiya,Bani na Beninu. ¹⁴Abhakangati bha abhaatu mbaari Paroshi,Pahath-Moabu,Elamu,Zatu,Bani.¹⁵Buni,Azgadi,Bebai, ¹⁶Adoniya,Bigwai,Adini, ¹⁷Ateri,Hezekia,Azuri, ¹⁸Hodia,Hashumu,Besai, ¹⁹Harifu,Anathothi,Nobai, ²⁰Magpiashi,Meshulamu,Heziri, ²¹Meshezabeli,Sadoki, Yadua,²²Pelatia,Hanani,Anaya, ²³Hoshea,Hanania,Hashubu, ²⁴Haloheshi,Pilha,Shobeki, ²⁵Rehumu,Hashabna,Maaseya, ²⁶Ahia,Hanani,Anani, ²⁷Maluki,Harimu na Baana.²⁸Na abhaatu abhaandi mbaali abhasengeri,na Abhalawi na abhariibhi bha ebhishooko,na abhiimbi,na abhahokya bha mwisengero na bhoosi bhano bhaari bhiyahwiiri abheene abhaatu bheese zye haguhi,kwo migiro gye Eriobbha,na abhakari bhabho,na abhaana bhabho,na abhaakya bhaabho,bhoosi bhaamang'eni, ²⁹Bhakikumania na abhahiiri bhaabho,abhakuru bhaabho,no kwibhoha kumaraga,na amihiryo go kugeenda kwu migiro gye Eriobha,gino Musa omuhokya we Eriobha, yarusirye no okwikirirya ezihatike zyoosi zya Tatabhugya wetu no obhutiniiro bhwaaye ne emigiro gyaaye.³⁰Turarusha obhurage kubha tutakunagya kubhaana abhaakya bheetu abhaatu abhatagweeta,na neetu kugega abhaakya bhabho kubhaana abhamura bheetu. ³¹Kweeki tukaraga kubha abhaatu bhe bhyaaru hano bbhakureta abhigiro nee ebhyakurya bhyobhyosi no kugurya orusiku rwe sabato,tutakunagya kugura kubhaneebhwe orusiku ruyo rwe esabhato tee no orusiku rworwoosi orunyohu.Hano omwaka gwo muhungati gukuhika,turareka emigindu gyetu gimunye,nokumara amadeni goosi gano gabhonekeni na Abhayahudi abhaandi.³²Tukikirirya ehatike yokurushya ezihera zye zishekeli tee hano omwaka gukuhika kukubha ye emirimo gyo omugye gwe Eriiobha ryeetu, ³³Ne emikate gyukwerekanibhwa no obhutu bhwokusengerera siko zyoosi zye sabato,naye zisiku zya mweri omhya,naye zisighukuru,tee kubhigiro bhirya ebhyeero,ebhigiro bhyokwegya amaraga,zyokubhigwania abha Israeli,na kumirimo gyo omugye gwe Erioobha ryeetu.³⁴Naho tukatema ezikura,Abhasengeri na Abhalawi,na abhaatu iguru ye zikwi zyo kuhembera omooro kunyuumba ye risengero rye Eriobha ryeetu,kureng'ana na bhatata tukamsora omuutu wuno akureta ezikwi kunyumba ye Eriobha kozisiku zyoosi zya mwaka zino zisorirwe.Omorero gukahembwa ahagiro hakokeerya abhigiro bhyo kusengerera ha Tatabhugya wetu,kyego gakamirwe kwe migiro. ³⁵Kweki kureta kunyumba ye Tatabhugya amatunduguru gembere gano gagesirwe kumigundu gyeetu amatunduguru gembere ga kuumete gano gagesirwe embere yu mwaka. ³⁶Kyego emigiro gikaamirwe,tukikirirya kuhirya kunyuumba ye Eriobha na kubhasengeri bhano bhakuhokya hano abhibhurwa abhataangi bha abhaana bheetu na bhemitugo gyeetu.³⁷Turareta obhutu bhwetu bhwembere ne ebhyakurya bhino bhigesirwe bhyembere,na amatunduguru ge emiti,gyoosigo no obhusara bhuhya na amaguta turahira kubhasengeri,kwiigati yemunyumba hano bhakubhikira esakwa ye ebhigiro bhye Eriobhja ryeetu.Turabhahana abhalawi ahagiro ikumi hengeso yeetu ne ezaka yee bhyoosi bhino tubhaheeni kwokubha abhalawi bharakumania ezizaka kureka kuumigye gyoosi gino tukuhokya emirimo. ³⁸Omusengeri,omwibhurwa wo Haruni,tee abhe na omulawi hano akugega ezizaka.Abhalawi bharenderwa kuhira ahegiro hikumi hezaka kunyuumba ye Eriobha ryeetu kuhano bhakubhukira ebhigero.³⁹Kwookubha abhana bhe Israeli na abhaana bho Lawi,bharaleta ebhigero bhyengese,divai ahya,na amaguta kunyumba yobhikira hano ebhigero bhya aheero bhakwimereribhwa,na ahagero habhasengeri abhahokya,na abharibhi bhe ekishooko na abhiimbi.Tutakunagya kuitiga enyumba ye Eriobha ryeetu.

¹Abhakangati bha bhaatu bhakikara Yerusalemu,abhaatu abhaandi bhakasora na kureta oumwe mubhaatu ikumi yikare Yerusalemu,omugye omwaare,abhandi kenda bhakasaaga mubhyaaro ebhindi. ²Abhatu bhakabhahana orubhango bhoosi bhano bhikiriirye kwa kusega kwikara Yerusalemu.³Bhano nibho abhakangati bha mumukoa bhano bhakikara Yerusalemu.Kwego mubhyaro bhya Yuda kiro omutu akikara mukyaaro kyaaye omwene,hamwe na abhaIsraeli,abhamwesi,abhalawi,abhahookya bha mwisengero,na abhibhurwa bha abhahookya bha Sulemani. ⁴Yerusalemu bhakikara abhana abhamwe bha Yuda na abhana abhandi bha Benyamini.Abhatu bha Yuda bhahabha hamwe na Athaya,omwana wa Uzia,Omwana wa Zakaria,omwana wa Amaria,omwana wa Shefatia,omwana wa Mahalaleli.omwana wa Peresi.⁵Maaseya omwana wa Baruku,omwana wa Kolhoze,omwana wa Hazaya,omwana wa Adaya,omwana wa Yoyaribu,omwana wa Zakaria,omwana wa Mshelani,ahabha omwana wa Baruki. ⁶Abhana bhoosi bha Peresi bhano bhuikeeri Yeruisalemu bhahabha 468.Bhahabha bhahari.⁷Bhayo nibho abhana bha Benyamini,Salu,omwana wa Meshulamu,omwana wa Yoedi,omwana wa Pedaya,omwana wa Kolaya,omwana wa Maaseva,omwana wa Ithieli,omwana wa Yehaya. ⁸Bhakamara bhakaza ,Gabai na Salai,abhatu 928. ⁹Yoeli omwana wa Zikiri ahabha mwangariri wabhu;Yuda omwana wa Hasenua ahabha omukuru wa kabhiri mumugye.¹⁰Kureka kubhamwesi Yedaya,omwana wa Yoyaribu,Yakini, ¹¹Seraya omwana wa Hilkia,omwana wa Meshulamu,omwana wa Sadoki,omwana wa Merayoti,omwana wa Ahitubu,omukuru we enyumba ye Tatabhugya, ¹²abharikyaaye bhano bhahokirye emirimo gyo oruganda,bhatu 822.na Adaya omwana wa Yerohamu,omwana wa Pelalia,omwana wa Amzi,omwana wa Zekaria,omwana wa Pashuri,omwana wa Malkiya.¹³Bhahabha bhagwatani bhaaye bhaari bhakuuru bhaabhu,abhasubhe 242,Maasai omwana wa Azareli,omwana wa Azai,omwana wa Meshilemothi,omwana wa Imeri; ¹⁴Abhahiri bhabhi,128 abharwani bhe ezinguru,bhe ezinguru;Waziri wabhu uno yabhakangatiri ahabha Zabdieli,omwana wa Hageoli.¹⁵Walawi Shemaya omwana wa Hashubu,omwana wa Azrikamu,omwana wa Hashabia,omwana wa Buni, ¹⁶na Shabetai,na Yozabadi,bhano bhahabha mbhakangati bha Walawi,bhano bhakimerera emirimo giigutu we enyumba ya Tatabhugya.¹⁷Yahabhaho Matania,omwana wa Mika,omwana wa Zakri,omwana wa Asafu,uno yahabha mkurugenzi akanza kuzomya kwa masabhi,Bakbukia,wa kabhiri mubhahiri bhaaye,Abda omwana wa Shemaya,omwana wa Galali,omwana wa Yeduthuni. ¹⁸Mumugye omuzomu bhahabha Bhalawi 284.¹⁹Abharibhi bhe ebhiseku bhya Akubu,Talmoni,na bhano bhakusakirania,bhano bhakaribha ebhiseku,abhasubhe 172. ²⁰Bhaisraeli bhano bhasagiri,abhasengeri,Abhalawi bhahabha mumiigye gyoosi gya Yuda.Kira omutu akikaara hawaaye omwene. ²¹Abhahokya bha mwisengero bhahikaara Ofeli,na Siha na Gishpa bhahabha bharabhakangata.²²Omukangati omukuru wa Abhalawi uno bhahahokeerya Yerusalemu ahabha Uzi omwana wa Bani,omwana wa Hashabia,omwana wa Matania,omwana wa Mika,omwana wa Asafu,bhano bhahakora emirimo gyo okwemba munyumba ya Tatabhugya. ²³Bhanga iyaasi wa amaragiriryo kureka kumutemi na amaragiriryo amakong'u gano garusibhwe ne ebhembi kira orusiku kyego ekwendeerwa. ²⁴Pethania omwana wa Meshezabeli,omwana wa Zera,omwana wa Yuda,ahabha orubhaara rwo omutemi kumang'ana goosi ga abhaatu.²⁵Kubhijiji ne emigundu gyaabhu,abhatu abhamwe bha Yuda bhakikara Kiriath-arba,ne ebhijiji bhyaaye,Diboni,ne ebhijiji bhyaaye,na Yekabzeeli ne ebhijiji bhyaaye. ²⁶Bhakikara Yeshua,Molada,Beth-Peleti, ²⁷Hazar-Shuali,Beersheba ne ebhijiji bhyaaye.²⁸Bhakikara Siklagi,Mekona,ne ebhijiji bhyaaye, ²⁹Enrimoni,Sora,Yarmuthi, ³⁰Zanoa,Adulamu,ne ebhijiji bhyaaye,na Lakishi,ne emigundu gyaaaye,na Azeka,ne ebhijiji bhyaaye.Niho bhakikara kureka Beer-sheba bhakaagya mumwaaro gwa Hinomu. ³¹Abhaatu bha Benyamini bhoosi bhahikara kureka Geba,kugya Mikmashi na Aiya,na Beth-eli ne ebhijiji bhyaye. ³²Bhakikara Anathothi,Nobu,Anania, ³³Hazori,Rama,Gitaimu, ³⁴Hadidi,Seboimu,Nebalati, ³⁵Lodi,na Ono,omwaaro gwa Wafundi. ³⁶Abhalawi abhandi bhakikara Yuda,abhandi Benyamini.

¹Bhano nibho abhakaruka n abhalawi bhano bhakaza hamwe na Zerubabeli omwana wa Shealueli,hamwe no Yoshua,Seraya,Yeremia,Ezra, ²Amaria,Maluki,Hatushi, ³Shekania,Harimu na Meremothi.⁴Ahabhaho Iddo,Ginethoni,Abiya, ⁵Miyamini,Maazia,Bilgai, ⁶Shemaya,Yoyaribu,Yedaya, ⁷Salu,Amoki,Hilkia,na Yedaya.Bhano bhahabha bhakuruka bhagwatani bhabhu kuzisiku zya Yoshua.⁸Walawi bhahabha Yeshua,Binui,Kadmieli,Sherebia,Yuda,na Matania,uno ahabha omukangati wa membo gokuzomya,hamwe na abhagwatani bhaye. ⁹Bakbukia na Uno,abhagwatani bhabhu,bhakimerera embarika yabhu obhukati bhwa amahokyo.¹⁰Yoshua ahabha wisewabhu Yoyakimu,Yoyakimu ahabha wise wabhu Eliashibu,Eliashibu ahabha wise wabhu Yoyada. ¹¹Yoyada akamwibhura Yonathani,Yonathani akamwibhura Yadua.¹²Muzisiku zya Yoyakimu bhano bhaha bhakaruka,na abhahiri;Meraya ahabha mkuru wa Seraya,Hanania ahabha mkangati Yeremia, ¹³Meshulam ahabha mukangati wa Ezra,Yehohanani ahabha mkangati wa Amaria, Yonathani ahabha mukangati Maluki,na Yusufu ahabha ¹⁴mkangati wa Shekania.¹⁵Kwokugenderera,Adna ahabha mkangati wa Harimu,Helkai mkangati wa Meremothi, ¹⁶Zekaria ahabha mkangati wa Ido,Meshulamu ahabha mkangati wa Ginethoni,na ¹⁷Zikri ahabha mkangati wa Abia wa Miyaamini.Piltai ahabha mkangati wa Maazia. ¹⁸Shamua ahabha mkangati wa Bilgai,Yehonathani ahabha mkangati wa Shemaya, ¹⁹Matenai ahabha mkangati wa Yoyaribu,Uzi ahabha mkangati wa Yedaya, ²⁰Kalai ahabha mkangati wa Salu,Eberi ahabha mkangati wa Amok, ²¹Hashabia ahabha mkangati wa Hilkia,na Nethanel ahabha mkangati wa Yedaya.²²Kuzisiku zya Eliashibu,Walawi Eliashibu,Yoyada,Yohana,na Yadua bhakang'olibhwa kyemitwe gyo oruganda,na abhakaruka bhakang'olibhwa kwibbhaga ryo mutemi Dariyo wa Persia. ²³Abhana bha Lawi na abhakangati bhahu bhoruganda bhakang'orwa mkitabhu kye zitarehe zye zisiku zya Yohana omwana wa Eliashibu.²⁴Abhakuru bha Lawi bhahabha Hashibia,Sherebia,na Yeshua omwana wa Kadmieli,hamwe na abhagwatani bhabhu,bhono bhahabha bhimereri kubhwerekera bhwo kumukumya nokuzomya,akamukyora arubhara norubhara okwikirirya ehamuri ya Daudi,omtu wa Tatabhugya. ²⁵Matania,Bakbukia,Obadiya,Meshulamu,Talmoni na Akubu bhahabha ebharibhi bhebhiseku bhano bhaha bhari bhimereri ebhiseku ekibhikiro kya mkiseku. ²⁶Bhakahokya ezisiku zya Yoyakimu,omwana wa Yoshua,omwana wa Yosadaki,kuzisiku zya Nehemiya,gavana na Ezra mkaruka no mwandiki.²⁷Abhatu bhakamohya Walawi hohosi hano bhahikara,bhakabhareta Yerusalemu kwoo bhuzomerwa,hamwe nokwemba ebhitomwa,vinanda na vinubi. ²⁸Obhumwe bhwa abhembi bhukakumana hamwe kureka wilaya iruguriri Yerusalemu kureka vijiji bhya Wanetofathi.²⁹Bhakaza kureka Beth-gilgali kureka mumigundu gya Geba na Azmawethi,kwokubha mbembi bhahabha bhiyombokeri vijiji haguhi na Yerusalemu. ³⁰Abhakaruka na Walawi bhakiyerya nokubherya abhatu ebhiseku nezinyiki.³¹Niho bhahabha na abhakangati Yuda akagya iguru wenyiki,nanenye kateho esango ebhiri emikuru bhayo bhakazomya,omwe akagya orubhara rwakuru bhayo bhakazomya.Omwe akagya orubhara rwabhuryo iguru we nyiki kubherekera bye kiseku kye nzara.³²Hoshaya na nusu yomkangati wa Yuda bhakamugira, ³³Bhakamara bhakagya Azaria,Ezra na Meshulamu, ³⁴Yuda,Benyamini,Shemaya,Yeremia ³⁵na bhana bha bhakaruka bhano bhari nekombyo na Zekaria omwana wa Yonathani,omwana wa Shemaya,omwana wa Mataniya,omwana wa Mikaya,omwana wa Zakuri,omwana wa Asafu.³⁶Abhahiri bha Zekaria,Shemaya,Azareli,Milalai,Gilalai,Maai,Nethaneli,Yuda,Hanani hamwe nebhigiro byo mziki bhya Daudi omtu wa Tatabhugya.Ezra omwandiki ahabha kubherekera bhwabhu. ³⁷Kishoko kyobhuhoru bhakagya umwe umwe obhwambukiro bho mugwe gwa Daudi iguru yokitira kunyiki iguru yenyumba ya Daudi kwokubha amanzi ga mamu.³⁸Na abhembi abbhandi bhano iguru wetimu nenyikuru. ³⁹Iguru we ebhiseku Efraimu,nebhiseku bhakare,kwekiseku kyeswe netimu ya Hamea kwe kiseku kye ng'ondu,bhakimerera kukiseku kya abharibhi.⁴⁰Kwokubha emikumano ebhiri bharya bhakazomerwa na abhakangati hamwe nanenye. ⁴¹Nabhakaruka bhakagega omweya gyo Eliakimu,Maaseya,Miyamini,Mikaya,Elioenai,Zekaria,na Hanania we kombyo. ⁴²Maaseya, na Shemaya,Eleazeri,Uzi,Yehohanani,Malkiya,Elamu,Ezeri.Abhembi bhakemba na Yezrahia abhimereri.⁴³Bhakarusha ekimweso orusiku ruyo bhakazomererwa,kutatabhugya ahabha abhazomererwe nobhuzomerwa bhukuru.Niho abhakari na abhana bhakazomerwa.Nobhuzomerwa bhwa Yerusalemu ekigwa kureka kure.⁴⁴Orusiku ruyo abhatu bhakabhahura iguru we nyumba ye kibhumbiko kwemisororo,matunda gembere nekimweso,nokukumania musi wazino zikwenderwa nemigiro gyabhakaruka bbhabha Lawi.Niho oumwe akahurwa kukora emirimo mimigundu hagui nemigwe.Kwokubha Yuda akazomererwa iguru wabhakaruka na Walawi bhahabha bhimereri mbere wabhu. ⁴⁵Bhakakora omwimereri wa Tatabhugya wabhu,bhakamwerya kwehamri ya Daudi nomukari Sulemani na uyo.⁴⁶Ekare ne kare,ezisiku zya Daudi na Asafu,kuhabha na abhimereri na abhembi bhahabha na membo go kumkumya Tatabhugya. ⁴⁷Kwookubha Zerubabeli kwezisiku zya Nehemia,Israeli bhosi bhakarusha kuzisiku zya bhembi na abhimereri bha mkiseku.Bhakatura embarika habhalawi bhakatura abhana bha Haruni.

¹Orusiku ruyo bhakasoma ekitabhu kya Musa muumatwi ga abhatu.Ekarorekana yaandikirwe kubha atareho Mwamoni hamwe Mmoabu arenderwa kuuza kubhusikaniro bhwe Eryoobha,kimera. ²Yiino ehabha kwookubha bhatiiziri kuubhatu bhaa Israeli no omukate na amanzi,kwookubha bhahabha bhamwikirirye Balaamu kuraani Israeli.Kwego Eryoobha ryetu rikakyora amihime kubha enokwe. ³Hano bhigwiri emigiro,bhakaahura Israeli kureka kuubhagini.⁴Bhoono kurwa hayo Eliashibu omumwesi akatuurwa iguru we ebhinyumbe bhyee nyumba bhye Eryoobha ryeetu.Ahabha haguhi na Tobia. ⁵Eliashibu akamteraho Tobia ekinyumba ekikuru,inyuma hayo bhakatura ebhihirwa bhye ebhyakurya omugundiriryo,nyarubha,ekigiro kyeerikumi kyee bhyakurya,amarwa,na amaguta bhino bhikaturwa kuubha Lawi,abhembi,abhartibhi bhe ekiseku ne emisororo gya abhamwesi.⁶Nawe eribhaga ryosigo riyo ntahabha Yerusalemu kuumwaka gwa mirongo etatu neebhiri gya Artashasta omtemi wa Babeli,nkagya woomutemi.Kwiibhaga nkasabha omutemi omweya gwoookugya. ⁷Nkakyora Yerusalemu.Nkamenya amabhihu gano Eliashibu ahabha akoriri okumuha Tobia ekinyumba kyoo okubhikira gati weerirwaziro gee nyumba ye Eryobha.⁸Nihabha ntindiri nikarekara ebhitabhu bhye enyumba yaTobia ioguru we ekinyumba kyoo kubhikira. ⁹Nkabhabhurira kubha bhasindure ahagiro hookubhikira,nosi ndakyorya kuunebho nyarubha gee nyumba yeeriobha,ebhihirwa bhye ebhyakurya no omugundiriryo.¹⁰Nkamenya kubha eribhara rino rirusibhwe okuhana abhalawi zitarusibhwe kuneebho,nawe bhatukureka bhwangu mwisengerero,kila omutu aghyee mugundu gwaye,kyabheembi bhaakoriri bhakagya. ¹¹Kwego nkakerenia na bhakuru,'kwaki eenyumba ye eriobha etigirwe nkabhakumania kumweya gyaabhu.¹²Okumara Yuda bhakareta omuhero yee bheekura,marwa mahya na maguta kumyee kyoo kubhiikira. ¹³Nkabhatura kya bhabhiki ekibhumbiko Shelemia mumwesi,na Sadoki omwandiki,na Walawi,Pedaya.Hanani,omwana wa Zakuri,omwana woo Matani,ahabha na bhakangati bhabhu,kwookubha bhakabarwa nibhahene emirimo gyabhu gyahabha kunyaragania bhigiro kubhagwatani bhabhu. ¹⁴Nihite,Ee Eriobha ryane,iguru wa rino otarushaho mahokya mazomu gano nakoriri kunyumba yee Eryoobha ryane na mahokya gayee.¹⁵Kuzisiku ziyo nkarora abhatu bhya Yuda bhano bhataziri amarwa orusiku rwoo kusengera bharetiri ezitumo zyee bhyekura noo kutirya ezitikiri, amarwa ,zabibu,na tini kira ekigiro kyee emirigo mirito,gyaahirirwe Yerusalemu orusiku rwokusengererya.Nkarora bharagurya ebhyakurya orusiku ruyo.¹⁶Abhaatu kurwa Tiro bhano bhikara Yerusalemu bhakareta eziswe na kira kigiro kya ebhigiro nookubhigurya orusiku rwoo kusengera kubhaatu bha Yuda na mumugye! ¹⁷Okumara nkabhubhurira abhakangati bha Yuda,'' nawe nibhubhiki bhuno mkukora,okusarya orusiku rwoo kusengera? ¹⁸Nawe bhaweso bhenyu bhatakoririgo?Nawe,Eryoobha ryetu ritaretiri amabhi gano iguru wetu na iguru woo mugye guno?bhono orareta obhutindi kuru iguru wa Israeli kwoo kuzera obhusengeri.¹⁹Nawe hano kyabheri kirima kubhiseku bhya Yerusalemu bhukari obbhusengeri nkabhuga ebhioseku bhiigarwe nookubha gitakwenderwa gigurwe teye tumare obhusengeri.Nkatura abhahokya bhane kubhishoko bhataza kureta omurigo gwogwosi orusiku rwoobhusengeri. ²⁰Abhasuruzya naabhagurya kubhigiro bhyoosi bhakaryara igutu waa Yerusalemu rugendo rumwe hamwe kabhiri.²¹Nawe nkabharekya, "Ndora murikara igutu wee nyika?Hano murakorego kweki,ntabhatura mumabhoko!'' Kureka kwibhaga rino bhatiziri kuurusiku rwoobhusengeri. ²²Akabhabhatika abhalawi kwisindura nokuza kuiribha ebhiseku okusindura orusiku rwoobhuturo.Onihite,kuriino kweki,Eryoobha ryane,rwokuniha amabhira kwookubha yoobhuhenee bhoo kwikirania rino onaryo kuneye.²³Kwibhaga ryeezisiku ziyo nkarora abhayahudi bhahabha bhateeri abhakari bhaa Ashdodi,Amoni na Moabu. ²⁴Ikona yaabhana bhabhu bhakagamba ekigambo kya Ashdodi,nawe bhatanagirye kugamba kigambo kyaa Yuda,nawe ekigambo kimwe kyaabhatu abharu.²⁵Nosi nkakerenia nabho,nosi nkabhokya nookubhatema kuubhamwe bhabhu nookuruta ezyinzweri zyabhu.Akabharisirirya emuma kuuryobha.Nkabhuga mutabhaha abhana bhabhu,abhakya bhabhu,mutatega kwookubha yaabhano bheenyu mutari emwe abhene. ²⁶Heene,Sulemani omutemi wee Israeli atakoriri obhubhi kwookubha yaabhakari bhano?Igati weebhyaro bhyaru atahabhoho omutemi kyaa newe ahabha asegirwe nee Eryoobha ryaye.Eryoobha rikamukora abhe omutemi iguru waa Israeli yoosi.Kwego abhakari bhaye abhagini bhakamukora akore obhusarya. ²⁷Nawe,turenderwa kukwitegerera nookukora obhubhi bhuno hata kumusarya Eryoobha ryetu nookubharora abhakari abhagini?²⁸Owumwe wa bhana bhaa Yoyada,omwana wa Eliashibu,omumwesi omukuru,ahabha inyabhyara Sanbalati Mhoroni.Kweego nkamurusya kurwa mubhusho bhwane. ²⁹Bhakuhitye,Eryoobha ryane,kwookubha bhasarirye obhumwesi,noobhurage bhaamwesi naabhalawi.³⁰Kwookubha mbasinduriri kurwa kukigiro ekihya nookukong'ya amirimo gya abhamwesi na abhalawi,kwoo wumwe kwee mirimo gyaye omwene. ³¹Ndarusya omuhero gweezikwi kwiibhaga rino warusirye ebhyakurya bhyeembere.Oruhite,Eryoobha ryane kwoo obhuzomu.

¹Gati we zisiku zyo obhukangati bhwa Ahasuero (wuno ni Ahasuero wuno akakangata kurwa India kuhita Ethiopia,kwambuka magunguri 127), ²kuuzisiku zino omutemi Ahasuero ahabha yikeri kuukitumbi kyaye kyoo obhukangati bhwaye gati wee rigobhe ryaa Shushani.³omwaka gwoo bhutawara bhwaa katatu akabhakorera enyangi abhakuru na abhabhagati bhaye bhosi bhano bhahikiri kuunyangi yiyo bhahabha bhakuru bhaa abhasirikare bhaa Wajemi no Umedi,naabhatu bhoo mweya naa abhakuru bhaa magunguri. ⁴Omutemi akatura mwaasi obhunibhi noobheru bhwoo bhutemi bhwaye noobhusuki bhwoo bhukuru bhuno yabhweni,kuzisiku 180.⁵Ezisiku zino hano zyahikiri,omutemi akakora enyangi yino ekikara kuusiku muhungati enyangi yino ahabha kuubhatu bhoosi bhano bhahikara muu ikurlu yaa Shushani kwema omukuru kuza kuumusuhu.Orubhago rwoo mugundu gwaa ikulu yoo mutemi niwe enyangi yino ekorekiri. ⁶Orubhago rwoo mugundu runo rwakingirwe ebhitambara bhee pamba noo orujuani,gakabhobhwa kweezisiri zyaa makonge ezyinamu zyaa zambarau gahabha ga surungazibhwe kwoorubhara rweezihera zaa marimari kuhabha nebhitumbi bhyee zahabhu neezihera iguru wee simiti yaa marimari,amagina amakangaru naamarabhi naa yamayayi naa mamwamu.⁷Amarwa gakakorwa mubhikombe bhyee zahabu nakira ekikombe kihabha kyaa hagari kwokubha naakira ekikombe kihabha kyaa hagari kwokubha yoo bhuzomererwa bhwoo mutemi kuhabhaho naa marwa maru. ⁸Omutemi akabhabhurira abhahokya abhatu bhatwanirwe amarwa kuukira omutu kwego akwenda bhono heene omutemi ahabha amariri kurusya erihatike kuu bhabhagati bhaa mwikuru kubhakorera abhagini kwego bhakwenda kira omugini.⁹Abhakari nabho bhahabha bhararikirwe kuunyangi naa malkia Vashiti mwi ikulu yoo mutemi Ahasuero. ¹⁰kurusiku rwa muhungati ekoro yoo mutemi ehabha noobhuzomererwa kwokubha yaa marwa,akabhabhurira Mehumani,Biztha,Harbona,Bigtha,Abagtha,Zethari na Karkas(bhano muhungati nibho bhakoriri muubhusyo bhwo mutemi) ¹¹Okumureta malkia Vashiti akubha mumibhoho gaye goo bhumalkia.Akubha naa misego gokubherekya abhatu bhaa maakida obhuzomu bhwaye,kwookubha ahabha muzomu.¹²Hamwe na amaragiriryo goo mutemi omukari Vashiti akanga okugya kyego yabhanga aragiriribhwe naa abhakangati bhaye.Kwego omutemi akatinda bhukong'u;obhutindi bhwaye bhukabha mwosi waye.¹³Omutemi akagenda kubhene misego,bhano bhakamenya eribhaga(kwakubha bhuno nibhwe bhwanga obhuragirirya bhoo mutemi kuu bharya bhabhanga abhang'eni bheerihatike nobhusinzi. ¹⁴Carshena, Shethar, Admatha, Tarshish, Meres, Marsena,na Memucan,amagunguri muhungati gaa Uajemi naa Umedi bhabhanga haguhi noo mutemi naa bhabhanga nee mweya mikuru mubhutemi. ¹⁵Kuukukukyosa niki kikoreke kuumang'ana gee rihatike kurwera mubhwangi bhoo mutemi omukari Vashiti kuumaragiriryo goomutemi Ahasuero kuumutemi omukari Vashiti.¹⁶Owumwe wabhu wuno amenyekeni kwee rina Memukani akabhuga kubhukangati bhwoo mutemi naa kubhukangati bhwa bhatake malkia atamukosee omutemi tee na a bhakuru bhosi bhano bhari kumagunguri go omutemi Ahusiero. ¹⁷kwakubha ering'ana rya malkia hano riramenyekeni kubhakari bhosigo.Bharabhakorera mabhihu abhasubhe bhazo. Bharabhuga, ''Omutemi Ahusiero malkia Vashiti atimereri omusubhe waze,hano omuemi Ahusiero yenda aze imbere waye.' ¹⁸Kuzisiku zino abhakari bha bhakuru bha Uajemi na Umedi hano bharamenya rino rya malkia Vashiti bharabhakorera abhasubhe bhazo,abhabhagati bho omutemi.Irabhaho obhutindi bhwaru.¹⁹Bhono ni ng'ana erizomu kumutemi,tura erigoti,na ibhe erihatike ku Waajemi na Wamedi,kubha Vashiti hatakuza embere yoo omutemi kama malkia.Nafasi ya Vashiti bharamuhe omutu wundi wuno alimuzomu kukira Vashiti. ²⁰Erigoti ryo omutemi hano rirasosibhwa kubhutemi bhosi,abhakari bhosi bharabhaheshimu abhasubhe bhazo,tee alimubhukangati na kubhano bhatari abhakangati.''²¹Obhwitongeri bhuno bhuhabha mzomu kumutemi na abhakuru abhandi,omutemi akakora tee Memkani akerenibhe. ²²Akatuma erigoti kumagunguri gosi go omutemi,kukira egunguri ne andiko ryaye,na kukira bhatu na makabila gabhu.Akenda kira musubhe abhe mubhagati kunyumba waye omwene.Erigoti rino rikasoka kukigambo kyo kila omutu kubhutemi.

¹Inyuma wa mang'ana gano hano obhutindi bhwo omutemi Ahusiero okuhorera,akisega kumutemi omukari Vashiti kukino yabhanga ahokirye no obhurariki bhuno yabhanga ahayiri rirusibhwe la Vashiti okubhurya omukumo gwo okubha omutemi omukari. ²Kumara abhamura bhano bhahamuhokerya omutemi bhakabhuga,omutemi amohiribhwe bhano bakyari kuturwa enzira abhazomu.³Omutemi asore abhimereri kumagunguri goosi go obhutemi bhwaye bhabhakumanie bhano bhakyari okuturwa enzira bhoosi harem muitebhenge ya Susa.Bhano bhakyari okuturwa enzira bhano bhabhe iyasi wo obhwimereri bhwa Hegai,omwimereri,wuno ari omukuru wa abhakari bhahanue na byokwipodola byabhu byoosi. ⁴No omukya wurya alakore azomererwe omutemi niwe arakole abhe malkia kumweya gwa Vashiti.''Omutemi akasega obhwitongeri na akakora kyego gakerenibhwe.⁵Mumugye gwa Shushani yabhangaho omuyahudi wuno yabhirikirwa Modekai omwana wa Jaira omwana wa Shimei omwana wa Kishi,wuno yabhanga wa kigambo kya Benjamini. ⁶Ewe ni gati wa abhayahudi bhano bhagegirwe hamwe na Yekonia,omutemi wa Yuda kurwa Yerusalem no okuhirwa mubhusamiribhwa no omutemi Nebukadreza.⁷Modekai yabhanga alimerera,Hadasa,erina elindi Esta,mukya wa mame wabhu kwookubha atabhanga noo obhusho bhwo okuzomererwa.⁸Abhakya abharu bhakaretwa mwingetebha Shushani,hano obhurariki na erihatike ryo omutemi kurusibhwa bhakaturwa iyasi yoobhwimereri bhwa Hegai,omwimereri wa abhakari. ⁹Esta akamuzomererya omweya kubhukangati bhwe Hegai.Akamuha bhyokwipyodora ne eribhara rya ebhyakurya akamuha abhahokya bhe ekikari muhungati kurwera mwitebhenge yo omutemi,na akamuhira na abhahokya bheekikari ahagiro ahazomu mwituku rya abhakari.¹⁰Esta atabhanga amubhuriri mutu wuyo wosi ng'ana ya bhahiri bhaye kwakubha Modekai yabhanga amuribhiri. ¹¹Kila orusiku Modekai ahagya no okukyora kubhukangati igutu wo orubhango rwe erituku rya abhakari ahende yigwe amang'ana ga Esta na kino arokererwe.¹²Eribhaga hano yahikiri ya kiro omukya okugya kumutemi Ahusero kwo okutunurira amerekereryo ga abhakari,kira omukya akenderwa kumara emieri ikumi nebhiri gyo obhuzomu,ne emieri esasabha gya amaguta ga orututu ne emieri esasabha gya okwipodola. ¹³Eribhaga rino omukya ahagya kumutemi yahahanwa kiyo kyosi kino yaharorehererya kurwera mwituku rya abhakari anagye kugya nakyo mwituku ryo omutemi.¹⁴Omukya ahenderwa kugya kwibhaga ryo obhutiku no okukyora mwituku rya abhakari,na kwimerereri Shaashigazi,omwimereri wo omutemi,wuno yabhanga mwene kubharibha masuria,omukya atakiriribhwe kugenda kweeki ku mutemi yabhanga amuzomerwe omutemi no omutemi akabhuga akyore kweki.¹⁵Eribhaga rya Esta hano ryahikiri(omwana wa Abihaili,inyarume wa Modekai yabhanga amugegiri kyo omukya waye)kugenda kubhukangati bhwa omutemi etendili kigiro kiyo kyosi akenda birya bhino Hegai,omwimereri wa abhakari akamwenda abhigege. ¹⁶Esta akanyora omweya kubbhukangati bhwa kila wuno yakarora.Esta akahirwa kumutemi Ahusiero kubhwikari bhwee kitemi omweri gwe erikumi,guno guri ni imweri Tabeti kumwaka gwa muhungati gwo obhukangati bhwaye.¹⁷Omutemi akamusega Esta bukong'u kukira abhakari abhandi,na akanyora omweya kukira no obhuzomu kubhukangati bhwaye bhukong'u kukira bhano bhakyari kuturwa enzira abhandi na kwego omutemi akamwibhoya omusanga gwo omutemi omukari kumweya gwa Vashiti. ¹⁸omutemi akabhakorera enyangi kurwa abhimereri na abhahokya bhaye bhoosi enyangi ya Esta na akabhahana obhunyohu bwe erigoti kumagunguri kweki akabhahana emibhano kwo obhuzomererwa.¹⁹Modekai yabhanga yikeri mukiseku kyo omutemi hano abhaturwa bheenzira bhabhanga bhikumenie rwakabhiri. ²⁰Esta akagwata obhutongerwa bhwa Modekai go kutama kumubhurira mutu wuyo wosi kumang'ana ga abhahiri bhaye akagendererya okutimbirira obhutongeri bhwa Modekai kyego yakoriri hano yabhanga musuhu. ²¹Kuzisiku ziyo zino Modekai yabhanga yikeri mukishoko kya omutemi,Bighani na Tereshi,abhimereri bho omutemi bhano bhaharibha ekishoko,bhakatinda no okumhoya okumwita omutemi Ahusiero.²²Ng'ana hano yaturirwe mwasi ku Modekai,akamubhurira omutemi omukari Esta akamwerekererya kirya kino yakerenibhwe na Modekai. ²³Eng'ana yino ekatunirirwa no okurorekana kubha heene abhasubhe bhabhiri bhakang'etwa iguru wa omuti.Na eng'ana yino ekakamwa mukitabhu kya obhumenyekerererya kubhukangati bhwo omutemi.

¹Okumara amasabhi gayo,omutemi Ahusiero akamutirya Hamani ekyeo omwana wa Hammedatha mwagagi,nokutura ekitumbi kyaye kyo obhukuru iguru wabhakuru bhosi bhano bhahabha nawe. ²Abhahokya bhosi bho mutemi bhahenderwa okwihigama nokwisasama Hamani,kyego omutemi ahayiri hatego Modekai atahigemiri nokwisasama embere wo Hamani.³Okumara abhahokya bho mutemi bhano bhahabha mukiseku kya omutemi bhakamubhurira Modekai,kwaki otakwikirirya kuhatike ryo omutemi? ⁴Bhakagamba nawe orusiku kwo orusiku,hatego akanga okukora obhwendi bhabhu.kwego Hamani akagamba nabho nokukora kubha ering'ana rya Modekai ringasagiri ego ahabha abhabhuriri kubha Modekai ahabha muyahudi.⁵Hamani hano akarora kubha Modekai atakwihigama nokwisasama akagwatwa nobhutindi. ⁶Ahabha neriwazo ryokumwita Modekai,abhokya bho omutemi bhahabha bhamubhuriri kubha Modekai na bhahiri bhaye bhahabha bhayahudi.Hamani akamura okubhita abha Yahudi bhosi, abhatu bha Modekai,bhano bhahabha kubhutemi bhwa Ahusiero.⁷Kumweri gwo kwamba,(nigwe omweri gwa obhutangiro Nisani)gwo mwaka gwerikumi nabhiri gwo omutemi Ahusiero,bhakatema ekura embere wa Hamani kira orusiku no mweri tee hano bhachaguri omweri gwerikumi na bhiri,(omweri gwa Adari.⁸Okumara Hamani akamubhurira omutemi Ahusiero, ''abhatu abhandi bha mumagunguri gosi go obhutemi bhwazo bhatakufuata erihatike ryazo kwekoro yabhu yokutama okurubha amahatike gazo bhatakwenderwa kubha nobhuzomu. ⁹Rabhe riramuzomera omutemi,norushe obhwamuri abhatu bhano bhosi bhahirwe kure,nyarindapima etaranta erikumi kumabhoko ga bharyan nibho abhimereri bha amang'ana go omutemi,kweego bhature kuuhazina yo omutemi.¹⁰Niho omutemi akarusha epete yaye yomuhuri nokumuha Hamani,omubhi wa abhayahudi. ¹¹Omutemi akamubhurira Hamani, ''Ndahakikisha kubha ezihera zikakyora kunewe na kubhatu bhazo. kwego mukorere kyego mukwenda.¹²Okumara abhandiki bho omutemi bhakikumaniya kurusiku rwe erikumi na akatau gwo mweri gwa kutanga,embiu yino ehabha namatakwa ga Hamani gahabha gandikirwe nakuhirwa kubhimereri bha magunguri gosi,nabhimereri bha abhatu bhosi,kuukira erigunguri kuumandiko gabhu,abhatu bhosi,neng'amba yabhu.Eng'ana yino ehabha yandikirwe kwe rina ryo omutemi.Ahusiero hakutemwa omuhuri gwe epete yaye. ¹³Ezinyarubha zino zyakwenda kubhahira kure abhayahudi bhosi zikatangazwa kumagunguri gosi go omutemi Ahusiero,okwita,nokubhasarya abhayahudi bhosi,kwemera musuhu tee mukuru,abhana na abhakari,kurusiku rumwe kwesiku yerikumi na katatu yo mweri gwerikumi nakabhiri(nigwe omweeri gwa Adari) nokuteka ebhigiro bhyabhu.¹⁴Enakara ekakoreka ekakoribhwa kubha esheria nokuhirwa kumagunguri.Etarifa iguru wo kwiita gabha Yahudi gakaenea kumagunguri kubha abhatu bhosi bhiandae kwesiku yiyo. ¹⁵Abhanyaragania bhakanyaragia amagizo go omutemi.Erihatike rino rikarusibhwa nokusambazwa kuumigye gya Shushani.Omutemi ahabha na Hamani bhakikara nokunywa,hatego omugye gwa Shushani guhabha kuu kwita.

¹Modekai hano akigwa kino kiihakorwa iguru wabhu,akarandura ezingibho zyaye no okuibhoha amagonera na ekibhu,akaagya gatigati wo omugye no okuniira kwo omuriro no obhururu bhwaru. ²Akagya tee mukiseku kyo omutemi;kwokubha atariho wuno bhaha mutiiga asikire neeno yibhohiri amaghonera. ³Erihatike rino hano ryahikiri ,ubhiaro,kukabhaho ekiriro ekikuru kubha Yahudi,no okuigaraho,okuriira no okusekerera.Bhaaru bhabhu bhakahindira na amagonera ne ekibhu.⁴Malkia Esta hano yabhweni amang'ana kurwa kubhasakirya bhaye,akabhoonwa ne ekiriro.Akabhatuma abhatu bhamuhirire Modekai ezingibho arushe amaghonera no okuibhoha ezingibho ezinzomu,nawe Modekai atikiriirye. ⁵Okumara Esta akamubhirikira Hathaki,wumwe ahabha aherwe emirimo gyo okumusakirya,akamubhurira agende ku Modekai amenye kwaki Modekai arakora ego.⁶Kwego Hathaki akagya ku Modekai mumugye embere ye ekishoko kyo omutemi. ⁷Modekai akamubhurira Hathaki amang'ana ghosi gokunyahara abhayahudi ghano gakukorwa ne ezihera zino Hamani abhugiri arabhaha abhabhiki ba ezihera bho omutemi,okubhita abhayahudi. ⁸No okumara akamuha ering'ara ryo orukane yino ekarusibhwa Shushani kwo okunyahara abhayahudi.Akakorego kwokubha Hathaki amubhurire Esta agege eng'ana yo okuugya okumusabha omutemi kubha Yahudi.⁹Kweego,Hathaki akagya no okumubhurira kino abhuriirwe na Modekai. ¹⁰Esta akakerenia na Hathaki akamubhurira akyoore ku Modekai. ¹¹Esta akamubhurira Hathaki, ''Abhabhagati bhosi bho omutemi abhatu bhosi bha mubhiaro bhamenyiri kubha omutu wuyo wosi wuno akusikira wo mutemi ataherwe oruhusa arenderwa yiitwe,tee wuno omutemi akumusomeresya ne ehimbo yaye ye azahabhu.Ezisiku mirongo etatu nkyaari kuugya embere yo omutemi. ¹²Hathaki akamubhurira Modekai amang'ana ghano abhuriirwe na Esta.¹³Modekai akakyoora amang'ana:"otaza kubhuga awe orahona kukiira abhayahudi bhosi. ¹⁴Hano orikara kiri kubhaga rino,Eryobha rirareta obhuhoru kwa enzira eyindi,nawe awe ne enyumba ya wuso wenyu muranyaharika.Niwewi wuno amenyiri wiziri kwi ibhaga riino,kwai ibhaga izomu kya rino.¹⁵Okumara Esta akatumania amang'ana ku Modekai, ¹⁶"Noogye obhakumanie abhayahuidi bhosi bhano bhakuikara mumugye gwa Shushani,na obhabhohe kuneenye.Bataryabno okunywa kwi ibhaga rya ezisiku isatu.Enye na abhabhagati bhane bhe ekikari turiigara kuzisiku ziyo.Nookumara ndaagya embere yo omutemi kyeego etakwenderwa ne erisinziro.Ne kyego ni kuukwa niikwe. ¹⁷Modekai akakora ghosi ghano,Esta yaari amubhuriri akore.

¹Kugaayo ye zisiku isaatu,Esta akibhooha amibhooho gaaye ga kimalkia nokwimerera ahagiro hamwosi worubhago rwa ikuru omutaake,kubhutangiro bhwe enyumba yo omutaake.Omutaake ehabha yikeeri gatigati ye kitumbo kyaaye kye esimuka na aharorera ekiseku kyo kusikirira. ²Omutaake akamurora malkia Esta akabhoona ekimenyekereryo ku omutaake.Akamuha ehimbo ye zahabu mumabhoko ga Esta.Kweego Esta akamwisukurira omutake no kugwaata ehimbo ya bhutemi.³Nawe omutaake akamubhurira malkia Esta, ''Orenda ohaanwe eki? Obhusabhi bhwazo nibhuuhe?Niiha entinika yo bhutaake bhwani orahaniwa.'' ⁴Malkia Esta akamubhurira omutaake,aribha nibhweni kimenyekereryo mumeso gaazo,ndasabha awe na Hamani bhiziri rero kunyangi yino nkoriri kunewe.''⁵Omutaake akabhuga, ''Mumurete Hamani ego ego ne bhino bhikwenderwa ga malkia Esta.'' Omutaake bhosigo na Hamani bhakaagya munyangi yino akakora malkia Esta. ⁶Amaarwa gano oheerwe munyangi,omutaake akabhurya malkia Esta kino okweenda niki?Orahanwa niho itiniika yo bhutaake.''⁷Esta akakirirya kumutaake, ''Bhino bhikwenderwa nobhusabhi bhwani ni bhuno, ⁸arabhe erakuzomere omutaake kwo kuniha yaani nokusuka amasabhi gaani,awe na Hamani mukyore kweeki kunyangi yiino ndaaze nkooore tabhoori na hayo niho ndakubhurire ndenda yani.⁹Amani akagenda yiika waye eno yizwiri obhuzomererwa mukoro yaye.Nawe hano akamurora Modekai gatigati ye kiseku kyo mutaake,Modekai atakwimerera kutabha kurigita embere zaaye,akizura ntindiri ku Modekai. ¹⁰Nawe akireekya na akagenda yiika waye akabhararika abhasaani bhaaye bhakikumania hamwe na Zereshi, mkaaye. ¹¹Hamani akabhurira iguru yo bhweru bhwe bhigiro no bhwaaru bhwa bhaana yaari anabho,na kyeego ari iguru atari kyabhimereri na abhahokya bhoosi na omutaake bhosi bho omutemi.¹²Hamani akabhabhurira, ''Kyego izo malkia Esta akakora enyangi kugayo yomutake na nenye nosi nomutaaake bhano tukagya kunyangi yino akakora malkia Esta.Na tabhoori tunagwe turarikiirwe ogundi hamwe nomutake. ¹³Nawe kiyo kyosi kitari kigiro araabhe Modekai arendera okwikara kumuryaango gwo mutaake.¹⁴Arabhe Zereshi,omkari wa Hamani akamubhurira omusubhe no musani waye bhoosi, ''Mukoore omuti gwo bhutaabhi bho kirengyo mirongo etano.Neribhaga rye ekitabhori ogambe no mutaake niho Modekai aturungazibhwe kumuti guyo.Omare ogende kwo bhuzomu kumutaake munyangi yino akoriri Malkia.

¹Obhutiku bhuyo omutemi atabhweni tiro.Akatumania bhamurete ebhitabhu bhino bhyaari bhikamirwe amang'ana geebhisigo geekare go omutemi bhisomwe embere waye.Ebhitabhu bhisomwee kwiiraka embere wo omutemi. ²Ekabhonwa Modekai yaari ahayiri amang'ana iguru wa Bighana na Tereshi,abharibhi bhano bhaharibha ekiseku ekikuru, bhahabha bhakoriri eriku yookumwita omutemi Ahusiero. ³Kyamwe omutemi akabhurya,Modekai akakorerwaki kyo okumwagungya kumang'ana gano yaretiri? Niho abhabhagati bho omutmi bhakamubhurira, ''Atakorerwe kigiro kyokyosi.''⁴Niho omutemi akabhurya, ''Niwi arimwigobhe ryoomugye.'' Hamani ahabha asikiri mwighobhe ryo omutemi asbhe omutemi arusye ering'ana ryookwikirirya Modekai asungwe kwiti rino ryari riturirweho. ⁵Abhabhagati bhakamukyora, ''Hamani yimereri mwibhanza rya omutemi.''Omutemi akabhuga, ''Mumubhurire asikare munyumba.'' ⁶Hano Hamani yasikiri,omutemi akamubhurya,akorweki omuutu wuno omutemi asegiri nookumusuka?" Hamani akiseega mumutima gwaye, "Niwi wuno omutemi asegiri na kumusuka kunikira enye?⁷Hamani akamujibu omutemi,omutu wuno omutemi amusegiri nookumusuka, ⁸yibhohibhwe ezingibho zye obhutemi,amibhoho ghano omutemi amariri kugibhoha ne efarasi yino omutemi amariri kwikaraku yino anaesangarya yeekitemi kumutwe gwaye. ⁹Ezingibho ziyo ne farasi ehanwe omwimereri kukira bhoosi.Bhamwibhohye wurya omutemi asegiri nookumusuka,bhamutiirye iguru we farasi nookumuhitya muroobho yoosi.Bhamurarike embere waye, ''Ego nigo akoreerwe omutu wuno omutemi asegiri nookumusuka!"¹⁰Kyaamwe omutemi akamubhurira,Hamani, ''kora bhwangu,omwibhohye Modekai ezingibho omutiirye kufarasi,nawe ritaza kusuhaho ingabha ing'ana rimwe kuugayo ohayiri.'' ¹¹Kyaamwe Hamani akagega amiibhoho ne efarasi.Akamwibhohya Modekai nookumutiirya kufarasi na kumuhitya muzirobho zyoosi zyo omugye.Akararika embele waye, ''Yino ekorekiri kumutu wuno omutemi asegiri no okumusuka!"¹²Hano gayo gahwiri Modekai akakyora mukiseku ekikuru kyo omutemi.Eno Hamani akakyora bhwangu yika waye,eno araramira,naho ahinyiri omutwe gwaye. ¹³Akabhabhurira abhasani bhaye na omukari waye Zereshi,amang'ana gano gamubhweni.Kyaamwe abhatu bhaaye bhaamisego na Zereshi mukaye bhakamubhurira,aribha Modekai wuno otangiri okugwa embere waye ni wo orwibhuro rwa abhayahudi,otakumuhiga kweki,oraaza kubha kugwa embere waye kira keego.'' ¹⁴Hano bhaari bhakyakerenia,abhabhagati bho omutemi bhakamwizira Hamani agye mubhugini bhuno Esta akoriri.

¹Kwego omutemi na Hamani bhakagenda kuzomererwa na malkia Esta. ²Kurusiku rwa kabhiri,hano gwaretirwe amarwa omutemi akamubhurira Esta, ''Niki kyamisego ga omutima gwazo? Naniki erisabhi ryaazo?Nawe eritinika rya obhutemi bhwane arahanwa.''³Kumara malkia akamubhurira omutemi,kyegi nibhweni ekisi mumeso gazo,nakyego ekizomeri,nihanwe obwikari bwane,na yino niyo obhusegi bhwoomutima gwane,na tino kweki niryo erisabhi rya abhatu bhane kweki. ⁴Kwookubha enye na abhatu bhane tuguribhwe,kubha tusaribhwe,twihwe,na tubhurirwe.Aribha tungaguribhwe mubhubhagati kyego abhasubhe na abhakari,ningakiririkiri,na ningatamiri kumunyakya omutemi.'' ⁵Kumara omutemi Ahusiero akamubhurira malkia Esta, ''Niwewi wuno akisega mumutima gwaye kukora ering'ana rino?⁶Esta akabhuga, ''Ni wuno omubhi Hamani,omubhisa!''Hamani akagwatwa no bhwobha embere yo omutemi na malkia. ⁷Na kwokubha obhutindi omutemi akareka kubhugini ahagiro ho muvinyo na akagya mugundu gwa mwikulu,Nawe Hamani akasaga aramusabha Esta kubha aturye obhwikari bhwaye,kwookubha akarora omutemi amwisegeri bhubhihu.⁸Omutemi akakyora kureka mumugundu gwa mwikuru na okusikira mukinyumba kino kihabhamu amarwa.Hamani ahabha agwiri iyasi we ritumbi rino ahabha yikariri Esta.Omutemi akatinda na kubhuga, ''aramusukya malkia embele zyaye kunyumba yaye?" Nigo amang'ana gano garekiri mumunwa gwo omutemi,abhabhagati bhakakundikirya obhusyo bhwa Hamani.⁹Kumara Habona,owumwe wa abhabhagati wuno akamuhokyera omutemi akamubhurira omutemi, ''Omuti omutambi gwa amatambuka mirongo etano guri yika wa Hamani.Gwari guterweho kwiguru wa Modekai,wuno arusirye amang'ana iguru wo kunyaharwa kwazo.'' Omutemi akabhuga, '''Mumusurungaze Hamani iguru waye.'' ¹⁰Kwego bhakamusurungazya Hamani kumuti guno guhabha guterweho iguru wa Modekai.No obhururu bhwo omutemi bhukahoorera.

¹Orusiku ruyo omutemi Ahusiero akamuhana malkiya Esta obhunibhi bhwosi bhwa Hamani,omubhisa wa wayahudi.Bhakamara bhakamtirya obhunagya Modekai abhagate kwokubha Esta ahabha amubhuriri omutemi ubhwumenyani bhwaye na Modekai. ²Niho omutemi akamuha epete yino yari amuheri Hamani Malkia Esta akamutirya Modekai abhe mkuru mumugundu gwa Hamani.³Kweki Esta akagamba noo omutemi.Akagwa nookurira haguhi akamwisasama omutemi otige obhung'ani bhwo okwita Wayahudi bhoosi yuno yari ehairwe na Hamani kubhusyo bhwo omutemi Muagagi ⁴niho omutemi akamwinurira Esta ehimbo yaye ye dhahabu akimuka noo kwimerera embere yo omutemi.⁵Esta akabhuga, ''Erakuzomere na hano nibhweni oruhusa obhurire bhateme ekweri kurekya amang'ana gano gandikirwe na Hamani omwana wa Hammedatha muagagi,ezinyarubha zino uyandikiri kubhamara Wayahudi bhoosi bhano bhaari mumigye gya abhatemi. ⁶Olarorabhwi kurora ubhwubhihu kubhahana abhatubhane?Ndanagyabhu kurora ubhusarya bhwa abhahiri bhaane?⁷Omutemi Ahusiero akamubhurira Esta na Modekai,Muiyahudi,nimheri Esta enyumba yosi ya Hamani,bhamsungiri Hamani kumti kuno ahabha yendiri okwiita Wayahudi bhoosi. ⁸Bhoono yandika obhung'eni bhuundi kuu Wayahudi kwa rina rya omutemi oteme orubhaso kwa pete ya omutemi na etakunagya kusaribhwa."⁹Niho abhakami bhaa amangoro bha omutemi bhakikumanya kuribhaga riyoriyo kwu mweri gwa katatu guno ni mweri wa Sivani,orusiku rwa mirongo ebhiri yoo mweri gwa katatu.Ekweri ekakurwa kuu Modekai akabhuga kuu Wayahudi bhakorerwe eehene na bheene jimbo.Ekweri ekwaandikwa kwa maakida,magavana na abhakuru bhaa amagunguri gano gahabha India tee Ethiopia,magunguri 127.kira egunguri nkandikwa kurukamo gaye na kila abhaatu kukigambo kyabhu.Wayahudi kwaa kurukama na kigambo kyabhu.¹⁰Modekai akakama kurina rwo omutemi Ahusiero na akazitema eezikamo ezipete ya omutemi.Akatura ezinyarubha kuumatarishi,akabhatiirya kuufarasi bhano bhakugya bhwangu bhakakoreka kusakirya omutemi bhano bhibhirwe kuu omutemi. ¹¹Omutemi akabhaha Wayahudi bhoosi kumajimbo utawala oruhusa rwokukumanya nookwiribha okusarya,okwita,nokusarya omutu wowosi wuno yari kwenda kubhita Wayahudi bhosi nakugega obhunaga bhwaye. ¹²Eling'ana rino rirenderwa rikorwe kumagunguri goosi go obhutemi Ahusiero,orusiku rwa erikumi na katatu yoo omweri gwa erikumi na kabhiri guni ni omweri gwa Adari.¹³Nakara ikenderwa kurusibhwa emigiro kurarika abhatu bhosi.Wayahudi bhahabha bharaganya kurusiku rwo kuhira erideni abhabhi bhabhu. ¹⁴Ego matarishi bhakaryarya efarasi bhano bhahabha bharakorerwa emirimo gya ekitemi.Bhakenderera bhwangu bhukong'u ekweri yino ehabha erusibhwe kumugye gwa Shushani.¹⁵Niho Modekai akimuka kubhushyo bhwa omutemi ahabha yibhohiri ezingibho zee ekitemi,engibho ya buluu na endabhu na eritaji ikuru rya dhahabu na erjoho rya zambarau.Omugye gwa Shushani gukazomererwa. ¹⁶Wayahudi bhahabha noo obhweru na obhuzomererwa na eheshima.Omugye gwogwosi guno ekweri ekatemwa wayahudi bhakazomererwa na bhakakora kwiginihya noo kumunya. ¹⁷Abhatu abharu bhakenda bhabhe Wayahudi kuno obhwobha bha Wayahudi bhuhabha iguru wabhu.

¹Mbono gati wo mweri gwikumi nebhiri,orusiku rukumi na katatu runo ndusiku rwa Adai,orusiku runi rwa abhabhi Abhayahudi bhakisega kukomera esimuka yo mutemi nokubhona ezinguru kurwa ku Wayahudi kugaho ewe Wayahudi bhakabhona ezinguru kurwa kubhabhi bhabhu. ²Abhayahudi bhosi bhakikumania ga we migie giabhu gati mwigunguri gosi go mutemi Ahusiero,aratura amabhoko iguru wa bhana bhano bhakwenda obhubhi.Atareho wuno akwenda kwimerera kwokubha obhwobha bhwabhu bhuhabha bhubhagwereri abhatu bhosigo.³Abhakuru bhosi igunguri, makida na magavana,na abhakangati bho mutemi,bhakabhasakiria abhayahudi kubhwobha bhwa Modekai ehabha ebhagweri. ⁴Kwokubha Modekai ahabha mukuru munyumba yo mutemi,nobhumenyekekani bhwaye bhukamenyekana gati mwigunguri gosigo kwokubha Modekai ahabha arakarwa mukuru. ⁵Wayahudi bhakabhasirira kukinibho kwisabha,bhakabha kora kibhi kiego bhahabha bhakabhasakiria amabhihu kuneebho bhakabhakora kiego bhari nabho kisi mzimoni zyabhu.⁶Gati worubhago rwa mumigye gwa Shushani abhene hamwe yabhabhihu bhani bhitire no kusaribhwa nabhayaudi mbasubhe magana atano. ⁷Mubhano bhitirwe nibho abhamweeno Parishandatha,Dalphoni,Asoatha, ⁸Poratha,Adalia,Aridatha, ⁹Parimashita,Arisai,Aridai, Vaizatha, ¹⁰na bhana ikumi bha Hamani,omwana wa Hammedatha,omubhi wa abha Yahudi.Nawe patabhageri mukibhoko kiokiosi.¹¹Obhwaru yabhano bhakitwa orusiku ruyo mumugie gwa Shushani,ekahikibhwa kumutemi Ahusiero. ¹²Omutemi yamubhulili malkia Esta.Omutemi yamubhulili malkia Esta, "Wayahudi bhitiri abhasubhe magana atano gati wo mugie gwa Shushani,bhahabhamu abhana ikumi bha Hamani omubhi wa bhayahudi.Bhakakoraki gati mwigunguri agandi?Bhonego kino okwenda niki?Ohamwe erisabhi ryazo niki?"¹³Esta akakyora, "Omutemi hano erakuzomera bhuura Wayahudi bhano bhari mumigie gwa Shushani bhateme ekweli yino tabhori,nemibhiri gya bhana bha Hamani gisugwe iguru kumati''. ¹⁴Omutemi akasingiriryo erisabhi rya Esta rikorerwe emirimo.Ekweli ekakura gati wo muugie gwa Shushani,na bhana ikumi bha Hamani bhakasugwa iguru we mati.¹⁵Wayahudi gati wo mugie gwa Shushani bhakikumania hamwe orusiku rwi kumi na kanne yomweri gwa Adari,nokubhakomera abhabhi bhabhu magana atatu gati womugye gwa Shushani,nawe bhatakuniri ekwe ezikobha zabhu. ¹⁶Na Wayahudi gati mwigunguri bhakikumania ebhiribhe bhakabhona hakiriku kurwa kubhabhihu bhabhu bhakabhita abhabhihu bhabhu bhikwi muhungati na bhatano,nawe bhatabhakuniriku mabhoko gabhu kubhigiro ebhizomu bhano bhakiitwa.¹⁷Gati wezisiku ikumi ni satu zo mweri gwo Adari,Wayahudi bhakamunya siku ikumi ninye,bhakamunya orusiku ruyo rwe eikomo ryo bhuzomererwa. ¹⁸Nawe abhayahudi bhano bhakikara gati yo mugie gwa Shushani bhakaza hamwe orusiku rwi kumi nakatatu na rwikumi na kane.Norusiku rwikumi nakatano bhakamunya nokukora arikumi ryo kuzomererwa. ¹⁹Yino niyo ekoriri abha Yahudi bhamukijiji,bharikara ahagiro hamubhijiji bhararamo orusiku rwi kumi na kane rwa mweri gwa Adari kyo rusiku rwo kuzomererwa nerikamo ryo rusiku runo tukuhanirania omubhano kukira umwe.²⁰Modekai akatura amang'ana gano akabhahanurania enyarubha kubha Yahudi obhuhizi bho omutemi Ahusiero, ²¹arabhenda bhikiriranie orusiku rwiikumi na kane na rwikumi na katano yomweri gwa Adari kumwaka. ²²Zino zihabha nizo ezisiku zihabha za bhayahudi bhakabhona obhuzomererwa kurwa kubhabhihu bhabhu neribhaga riyo ririyo eribhaga riyo ekiruguro kya abhayahudi ekikyora kubha bhuzomererwa,okurwa kubharami tee hano bhahamunya bhahenderwa bhazikoro orusiku rwe erikamo nobhuzomererwa,kuhererania omubhano gwe bhyakuria,no mubhano kubhataka.²³Abha Yahudi bhakagendererya nokumarirya bharakora kino Modekai ahabha abhakamiri. ²⁴Kwibhaga riyo Modekai omwana wa Hammedatha mwagagi,omubhi wa bhayahudi wuno yari akariri ekina kyo kubhita Abhayahudi,nokutema Puri(nokutema okusora) niho okubhakomera kimwekimwe. ²⁵Nawe omutemi Ahusiero hano yigwiri eng'ana yino ahabha ahairi Modekai kurwa kubha Yahudi akatumani kwanyarubha akorerwe Modekai omwene,kukubha ewe na abhana bhaye bhangetwe iguru wo muti.²⁶Niho abha Yahudi bhakazibhurikira ezisiku zino Purimu,okurwa kurina Puri.Kwokubha kumang'ana gosi gano gari gakamirwe kunyarubha namang'ana gosi gano bhahabha bhagaruzi kuzimoni zyabhu,nazirya nagarya bhahabha bhagaruzi, ²⁷Wayahudi bhakagega murimo netemo ehya etemo yino emebhe kunebho,abhana bhabhu,nakuwuno wowosi bhagwateni nabho nerabha kubha okwarama kuno bharakukora kumwaka,bhararama kung'ana endebhe nakwibhaga rinorino kumwaka. ²⁸Ezisiku zino zihenderwa okwaaramwa gati rwibhuro,na kuzinyumba zosi kwigunguri na kumigie kwa migie.Abhayahudi nabhana bhabhu bhatatigiri kwarama kuzisiku zino zya Purimu,niho bhatige kuziebha.²⁹Malkia Esta na Modekaibhakakama obhuturo bhwosi nobhuhene enyarubha ino yakabhiri ku Purimu.³⁰Ezinyarubha zikahirwa gati we igunguri kikwi kimwe namagana abhili na muhungati go mutemi Ahusiero,zirabhendera abhayahudi bhosigo obhuzomu no bhuhene. ³¹Nokubha nobhuhene ne ezisiku zya Purimu kisikisi no ookelekelelia ga Modekai na Esta gano gari gakubhenda abhayahudi bhaaramie.Wayahudi bhikilirye amerekelelyo kunebho na rwibhuro rwabhu,kiego bhakikiriya orusiku rwa kutiga kuria na kusekerera. ³²Amarekeleryo ga Esta rikabhano obhuhene ezisimuka zino Purimu,nekekamwa makamo.

¹Naho omutemi Ahusiero akatura erigoti iguru ye kyaro na no orubheera rwe enyanza. ²Obhwaami bhwosi na amanaga no obhukuru bhwaye,na bhwo Mordekai bhuno omutemi yamuheri,ngakamirwa kukitabhu kyokuhitya amang'ana go omutemi wa Abha medi na waajemi.³Mordekai omuyahudi akabha wokabhiri kureka kwo omutemi Ahusiero.Akabha omukuru no omutaake igati ya abhahiri bhaaye Abhayahudi,kwokubha akibhagiriira abhahiri bhaye gano bhakwendeera,akabhendera obhuhene no obhunyohu kubhaatu bhoosigo.

¹Mithari zyo Sulemani omwana wo Daudi,omutemi wa Israeli. ²Mithari zino ziregya okusuka na amisego ekwegya amang'ana gokusuka, ³Nawe mubhone amisego kwiguru wokwikara kwokukora amazomu,ehene yokusuka.⁴Mithari zino zirarusha okusuka kubharya bhano bhategibhwe, nokubhaha abhamura amang'eni nokwiriha. ⁵Abhatu bhamisego bhitegerere nokwongerya obhusomi bhwabhu nabhatu bhokwitegerera bhabhone kyokubherekerya. ⁶Kwokumenya mithari amang'ana gabhano bhakusuka.⁷Obhwobha bhwa Yehova nobhutangiro bhwamang'eni-abhatamutamu bharazera okusuka nokusuka. ⁸Mwanawane yigwa obhwegibhwa bhwa wuso wenyu notatiga amarekeryo ga nyoko wenyu; ⁹zirabha ekiremba kyo orubhanga gatigati yomutwe gwazo na jebu zino zikwiturunguzya mwigoti ryazo.¹⁰Mwana wane bho bhubhi bhakukung'enererya gatigati wamabhi gabhu yanga otabhatunirira. ¹¹Kama bharabhuge,"ambe tutunirire,turibhire nawe tukore obhwiti,twibhise tubhasarye abhatu bhano bhatasarirye etariho ng'ana.¹²Bhano turabhanagya bhakyari bharigwa,kyego nyari ekubhagega bhano bhanobhuhoru nokubha kama bharya bhakugwa mumaruma. ¹³Turabhona ebhigiro bhyosigo bhino bhikwenderwa turabhizurya muzinyumba zyetu zirya turabhibhja kubhandi. ¹⁴Tura ebhigiro bhyazo kunetwe turabha niguzi rimwe kwahamwe.¹⁵Omwana wane otagenda gatigati kunzira hamwe nanebhwe otikirirya kuguru kwazo kukunana gatigati yobhuhiti bhwabhu. ¹⁶maguru gakuyarira mabhihu nagaranguhya kwitira manyinga. ¹⁷Kwokubha etareho maana kumutega ekinyonyi kumuheto eribhaga ekinyonyi kirarora.¹⁸Abhatu bhano huvizia kwiyita abhene bharatega omutego kwiguru yabhu abhene. ¹⁹Nigo ziri ezinzira zyakira wuno akubhona obhunibhi bhwo udhalimu okubhona kwo udhalimu bhurarushaho obhuhoru bhwo obhuniobhi.²⁰Obhusuki bhurarira bhweriraka mumitangara,aratirya eriraka gatigati kuurukungu; ²¹gatigati wemitangara ararira kweriraka ikuru,kubhusikiriryo bhwe ebhiseku bhye emigye erabhuga" ²²Tee ryori emwe abhagege murasega kubha abhagege?Tee ryori emwe bhokuribhurya murasega kuribhurya,na tee ryori abhatamutamu, mwatinda amisego?²³Yitegerera okwanga kwane,murarusha amisego gane iguru wenyu;ndabhabhurira amang'ana gane. ²⁴Mbabhirikiri emwe muranga kwokunitegerera ngororokirye okubhoko kwane nawe etariho wuno yikirirye. ²⁵Nawe muzeriri obhwegibhwa bhwane bhwosigo nawe mutimereri okwerekererya kwane.²⁶Ndaseka gatigati wenyako yenyu,ndabharibhurya kwibhaga ryokubhona enyako- ²⁷Obhwobha bhwo kukumania bhurabhabhona kyomukama nenyako erabhabhona kyomukama gwekimara mumbi,enyako nobhusungu bhirabhabhona.²⁸Nawe bharambirikira nanenye nitakubhakyora,bharambirikira gatigati kuu mweya gwookukwa omutwe nawe bhatakundora. ²⁹Kwokubbha bhatindiri amang'eni bhatasoriri kubha nabhwobha bhwa Yehova, ³⁰bhatikirirye okwegibhwa kwane nabhakazera obhukyoryamu bhwane bhwosigo.³¹Bhararya amatunduguru ge ezinzira zyabhu,nabharigutibhwa namatunduguru go obhung'eni bhwabhu abhene. ³²kwokubha abhang'eni bharakwa hanpo bhakukyora inyuma nokutama kutumibhwa kwa abhatamutamu kunyaharwa. ³³Nawe kukira wuno akunitegerera arikara kwa amahene naramunya kubhuhoru bhutareho bhwobha bhwe enyako.

¹Omwana wane oragwate amang'ana gane nookubhika amakumiriryo gane. ²Witegerere obhusuki noorerekerya omutima gwazo kuubhumenye.³aribha oraririra okumenya nookutambihya eriraka ryazo kwii iguru yoobhumenyi, ⁴aribha orabhukyoma kweezihera nookukomia ekibhumbiko kino kibhisiri, ⁵niho akuza kumenya obhwobha bhwaa Yehova nookunyoro obhung'eni bhwee eryoobha.⁶Kwookubha Yehova ararusya obhusuki,gati woo munua gwaye ararusya amang'eni noobghumenyi. ⁷Ewe arabhika eriraka ryoobhusuki kuubhano bhakumuzomerya aweniingubha kuubhano bhakugya iguru woobhusuki, ⁸arakangata iguru wee zinzira zye heene naararibha ezyinzira zyaa abhaheene bhaye.⁹Niho okuza kumenya obbhuzomu,eheene,obhumwe neekira enzira enzomu. ¹⁰Okubha obhusuki bhurasikira mumutima gwazo naamang'eni garayizomerwa kuu mutima gwazo.¹¹Amisego garakuribha,amisego garakukangata. ¹²Bhirakuturya kureka kuunzira yaabhabhihu,kurwa kuubharya bhakukerenia amang'ana gookuhubhya. ¹³Bhano bhatigiri ezinziri zyoo bhuheene nookugenda iguru weezinzira zyeekirima.¹⁴Bharazomererwa hano bhakukora amabhihu naabharazomerwa kuubhusarya. ¹⁵Bharatunirira ezinzira zyookung'ererya nookwokukora giribha nookubhisa ezinzira zyaye.¹⁶Ameseego nobhusuki garakuturya kureka kuumukari omusimbe,kureka kuumukari wuno akukomia ebhisigo naawamang'ana gookwisasama. ¹⁷Ewe oramutiga omurikyaye woobhumura bhwaye nookwebha eriragano ryee Eryoobha ryaye.¹⁸Okubha enyumba yaye erihinya nookukwa neenzira eramuhira kuubhano bharimumbihira. ¹⁹Bhoosi bhano bhakuhita kuunzira yaye bhatakukyora kweki naabhatakurora ezinzira zoobhuhoru.²⁰Kweego aragenda gati weenzira yaabhatu abhazomu naakutinirira ezinzira zyabhano bhakukora amazomu. ²¹Kubha bharya bhakukora amazomu bharakora obhwikari bhwabhu gati weesi,naabharya bhoo obhuheene bharabhaho gati weesi. ²²Nawe abhabhihu bhararusibhwa iguru weesi naabhano bhatakwikirirya bhararusibhwa iguru weesi.

¹Mwana wane,otebha amahatike gane no ogabhike amegyo gaane mumutima gwazo, ²kwokubha garakwongera ezisiku zyazo ne emiaka gyo obhwikari bhwazo no obhuhoreru.³Otatiga obhwitegereri bwe eriragano obhwikirirya birwe kunawe,bhisibhike mwigoti ryazo,nobhikame kubhibhahu bhya mumutima gwazo. ⁴Niho oranyoore obwikirirya no obhusuki kubhukangati bwa Eriobha na abhatu.⁵Mwisige Yehova kwo omutima gwazo gwoosi na otaza kwisiga obhumenyi bhwazo omwene, ⁶kuzinzira zyaazo zosigo omwikirirye ewe nanewe aragorora obhuhiti bwazo.⁷Otabha mwene miseego mumeso gaazo omwene.Musabhe Yehova nawirihe no obhubhi. ⁸Erakuhorya omubhiri gwazo no okukuzomererya omubhiri gwaazo.⁹Musuuke Yehova kwo obhunibhi bwaazo na kwe ebhyakurya byeembere kukino kyoosi okwibhurya, ¹⁰niho ebhitara byazo bhikuzura na amadurama amakuru gakwizura kwa amarwa amahya.¹¹Mwanawane,otazera kukyoribhwa na Yehova no atazakutinda no kuharira kwaye, ¹²nenewe Yehova arakorya bharya bhasegiri,kyeego tata kyeego akuhokya kumwana waye wuno asegiri.¹³Ewe wuno akunyora obwisegi arazomererwa,neewe aranyora obhumenyi. ¹⁴Mbuga kumisego aranyora abhweera kutiga okukirania kwe ezimbirya ne obhwera bhwaaye erazomera bukong'u kukira edhahabu.¹⁵Amisego ganaobhwera bukonju kukura ekito,na etareho kino okurohererya kiranagya kuringanibhwa na amisego. ¹⁶Ewe anaezisiku nzaru mukubhoko kwaye kwo obhuryo;na mukubhoko kwaye kwo obhumosi nioobhunibhi no obhusuki.¹⁷Ezinzira zyaye ni nzira zyoo obhusambaruki no obhuhiti bwaaye no obhukiru. ¹⁸Ewe ni omuti gwoobhuhoru kubharya bhano bhakumugwatirira,bharya bhano bhakumugwatirirya bhana obhuzomererwa.¹⁹Kumiseego Yehova akaturaho obhwemero kwe esi,kwo obhumenyi akazikonga amasaro. ²⁰Kwoobhung'eni bhwaaye ebhiryonga bhikatika na amasaro kutorobho noorume rwaaye.²¹Mwanawane,yangarira erisinziro rya eheene no obhumenyi,no otaza kutiga kubhirorerera. ²²Bhirabha obhuhoru bhwo omutima gwaazo no obhuzomu bhwookusakirya bhwookwibhoha mwigoti mwaazo.²³Niho okugenda kunzira yaazo kwoobhuhoreru no okuguru kwazo kutakwitema. ²⁴Hano okuhindira otakwobhoha;hano orahindiri,ezitiro zyaazo zirabha nzomu.²⁵Otakangwa no obhwobha bwa bwaangubwangu hamwe obhusarya bhuno bhukoribhwe na abhasarya hano bhukurorekana, ²⁶Kwakubha Jehova orabha orubhaara rwazo no orakuribha okuguru kwaazo kutagwatibwa kumuheto.²⁷Otaribhira amazomu kubharya bhano bhakugangarira,neno obhuhokya bhureeho mwoosi wo obhunagya bwaazo. ²⁸Omunyarobho waazo otamubhurira, "Genda,okyoore ,kweeki na tabhori nirakuhana,''neeno ezimbirya onazo.²⁹Otaturaho amisego go okumunyahara omunyarobho wazo-wuno akwikara kurobho nanewe nanewe arakwikirirya. ³⁰Otahakana na muutu na etareho ng'ana,yaangabha atahokirye kiyo kyoosi kya kukwita.³¹Otamuzungya mutu mugazyagazya hamwe kusora nzira zyaaye ziyo zyoosi. ³²Kwookubha omutu omung'eni ni bhutindi ku Yehova,ni kubha bharamureta omutu omuheene kubhwikirirya bwaaye.³³Obhwihimi bhwa Yehova bhuriho mwituku rya abhatu abhabhi okubha anayizomia abwikari bwa abhatu bheene eheene. ³⁴Ewe arabhasekerera bheene kusekererwa,ewe arabha obhuzomu abhatu okwihomba.³⁵Abhaatu bheene amisego bharagabha obhusuki,nawe abhakangi bharagororokibhwa kwe ezisoni zyaabhu abheene.

¹Bhana bhane,mwitegerere,okwegibhwa kwa wuso,mwimerere hamwe mumenye obhung'eni. ²Enye ndabhaha amegyo amazomu,mutagatiga obhwegya bhwane.³Enye nihabha mwana kuu weso wetu,munyohu no mwana wumwego kumayi. ⁴Tata akaniegya nokunibhurira,''Omoyo gwazo gwimerere hene amang'ana gane,gwata erihatike ryane nawe wikare.⁵Wihane okusuka nokumenya,otebha nokwenda amang'ana gwo omunwa gwane; ⁶Otatiga obhusuki bhurakuribha;bhusege nabhwe bhurakubhika kisi.⁷Okusuka nekigiro kino kikwenderwa hene,kwego ihana okusuka nakora nzira zyosi kunagya kubhona obhung'eni. ⁸Ribha ezisoni zyosi zirakuribha,igwatirire yosi erakusuka. ⁹Ezisoni ziratura ekiremba kyo kusuka iguru womutwe gwazo,erakuha omusanga omuzomu.¹⁰Mwanawane,itegerera,imerera amang'ana gane,nawe obhone emiaka emiaru gyokwikara kwazo. ¹¹Ndakurekerya kunzira yokusuka,nkwerekerya gatigati yokuhita kuno kwemeri. ¹²Hano okugenda atareho wuno akwimerera gatigati yenzura yazo nahano akuryarya otakwitegatega.¹³Gwata okwerekeriribhwa awe otakutiga orakangata,kukubha nobhuhoru bhwazo. ¹⁴Otagya nzira ya bhabhihu notagya gatigati yenzira yabhano bhakukora amabhihu. ¹⁵Wirushemu nayo otahita gatigati ye nzira iyo ikyora nohite enzira yindi.¹⁶Kukubha bhatakutura kuhindi tee bhakore mabhihu na bharabhurwa ezitiro bhakore omutu yitegetege. ¹⁷Kwokubha ebho bhararya omukate gwo bhubhihu nokunywa amarwa go obhutindi.¹⁸Nawe enzira yawuno akukora ehene kyobhweru bhuno bhukumesha,bhuramirika kweki na kweki mumwisi hano ekuhika kukino kibheri. ¹⁹Enzira yabhubhi nkyekirima-bhatakumenya nkigiroki bharitegatega iguru waku.²⁰Mwana wane, imerera amang'ana gane;itegerera okugamba kwane. ²¹Otatiga zikagya mumeso gazo ozibhike gatigati womoyo gwazo.²²Kwokubha amang'ana gane nibhuhoru kubhano bhakubhona obhuhoru gatigati yomubhiri gwabhu. ²³Ribha kisi omoyo gwazo nawege ezinguru zyosi; kwokubha gatigati yekoro gurarwa omusobhogo gwo obhuhoru.²⁴Wirushe mumagamba go kuneng'ererya nawirushe mumakerenio go obhwibhi. ²⁵Ezimoni zyazo zirore mubhusho bhwo ebhwerekera nakwobhuhene rora mubhusho kisikisi.²⁶Rosha obhuhito bhwa amaguru gazo; nezinzira zyazo zyosi zirabha kisi. ²⁷Otikyora rubhara rwo obhuryo hamwe rwa obhumosi rushaho okuguru kwazo kure nobhubhi.

¹Omwana wane,koora obhunyohu bhwane,etegerera kisi obhumenyi bhwane, ²kubha amisego ne eminwa gyazo ginaagye kubhika amang'eni.³Kwookubha eminwa gyo omusimbe giragerya obhuki no omunwa gwaye nomunyohu kukira amaguta, ⁴nawe kubhumariro arabha mururu kyo obhuambo,arakebha kye erisabha eriosi.⁵Amaguru gaye gara muhita muruku;amatambuka gaye gharaagya munzira ye nyaasi. ⁶Atakuisega enzira yo obbhuhoru.Amatambuka gha amaguru ghaye gharabhura,kwokubha atamenyiri aragyahe.⁷Bhono, abhana bhane,munitegerere,kweego mutatiga okuitegerera amang'ana okurwa mumunwa gwane. ⁸Muribhe enzira yenyu kure nawe kweego mutagya haguhi ne ekiseku kye enyumba yaye.⁹Kwe enzira yiiyo mutabhaha abhandi obhusuhi bhwenyu,ne emiaka gyo obhuhoru kumutu omubhuhi; ¹⁰omugini ataza kukora enyangi kwo obhunibhi bhwenyu,emirimo ghino mukoriiri ghitakuugya munyumba ya abhagini.¹¹Mubhusinziro bhwo obhuikari bhwenyu muriihitya kwookubha ezinyama ne emibhiri gyenyu giranyaharika. ¹²Neemwe murahaya, ''Kwiigaki nikabhihirirwa obhuegya bhwe ekoro yane okazeera obhuzomereerya!¹³Nitanagirye okubhiigwa abheegya bhane no okubhitegerera bhano bhakanierokererya. ¹⁴Nihabha nisarikiri hene gatigati we erikumania,gati wa amasikano gha abhatu.¹⁵Munywe amanzi okuurwa muibhirika rienyu abhene,munywe amanzi gano ghakugera okurwa mukitaro kyenyu. ¹⁶Kweego arendeerwa omusobhogo gwenyu gizure hayo hosi ne emigeri gyenyu gya amanzi gigeerye muunzira ekuru? ¹⁷Gabhe agenyu emwe abhene ghatabha kubhagini.¹⁸Omusobhogo gwazo gwo orubhanga no omuzomererwe omukari wo obhumura bhwazo. ¹⁹Kwookubha ni ayara asegiirwe na nyamko mwene obhuzomu.Ezimbere zyaye zikuizurye obhuzomererwa eribhaga ryoosi ogeegwe no obhusegi bhwaye.²⁰Omwanawane kwaaki obhe mugeegwa wo omusimbe,kwaki ogwatiriirwe ne ezimbere zyo omugini? ²¹Yehova aroora kira kino omutu akukora na aroora ezinzira zino okuhita zyoosi.²²Omutu omubhihu aragwatwa na amabhihu gaya omwene;ezisiri zyo obhubhi ziramugwatya kwe ezinguru. ²³Arakwa kwookubhurwa amareekyo;arabhuriira kure kwo obhugeege bhwaye obhwaru.

¹Omwaana wani, arabhe oratuura eziheera zyaazo kuubha okwimereera yesiiri gwa omunyarobho waazo;haano orarushye obhuraage bhwazo gatigati yesiiri gwoomutu wuuno atamenyiri, ²woosi witeeri omuheeto omweene na witegiiri kwa amang'ana gomuunwa gwaazo.³Omwaana wani,orateegwe kwa amang'ana gaazo omweene,kora gano wiryoore,kwokubha wigwereri mumabhoko go munyaroobho waazo,noogye wihombohe nokoore obhutongeri kubhwemero bhwo munyaroobho waazo.⁴Otaaza kwikirirya ezitiro mumeeso gaazo zitabha kubhikiki bhya meeso gaazo okuhindirirya. ⁵Wiryoore omweene kyeego embaraahe ekarwa gatigati yokubhoko kwo muteegi,kyeego ekinyonyi kikuurwa gatigati yokubhoko kwo muteegi weebhinyonyi.⁶Awe omuutu omutoobhu,muroreere omwiserere,mwiseego ezinzira zyaae miho mubhone amitegereryo. ⁷Ataana omurugaruga,omutaake, no mukangati, ⁸Nawe ahakoora ebhyakuurya kuribhaaga ryomubhaaso neribhaaga ryobhugeesi aratuura ekibhumbiko yiize arye kugayo eyo.⁹Awe omuutu omutoobhu,orahindira ntee ryoori?Ibhagaaki orimuuka muzitiiro?" ¹⁰Hindira kusuhu,sundagiira kusuhu,kunya amabhokko omuunye kusuhu"- ¹¹niiho obhutaka bhwazo bhurakwiziire kyomusakuuri nobhweendi bhwaazo kya bhomsirikare bhaano bhakurwaana.¹²Omutu wuno atakwenderwa-omutu omubhi-arikaara kwa mang'ana gobhung'enererya bhwaaye, ¹³aratemyatemya ameso gaaye,ararekereerya amaguru gaaye nokusomoosya kwebhaara bhyaaye.¹⁴Arakoora obhung'eni bhwo bhuubhi kubhung'eeni bhwe koora yaaye,kira kego aregereerya eriyooge. ¹⁵Kwego oruku rwaaye ruramubhona kwa kutukirania,kusuuhu arabhunika bhuubhi nawe atakuhoora.¹⁶Bhirooho ebhighiro bhisasaabha bhiino Yehova atakubhyeenda,muhungati bhino bhikumtindya ewe.¹⁷Ameeso gamutu wuno anekisuubhe,orurimirwo rubheehi,amabhoko gano gakwitiira amanyinga gabhaatu eryoogo ryokwita, ¹⁸ekooro yino ekwisegeera amang'ana amabhihu,amaguru gano gakuryariira obhuubhi bhwaangu, ¹⁹omutwanikani wuno akuhaya oruriimi nokweemya eriyooge kumuhiri.²⁰Mwanawani,ikiriirya erihatike tata wazo neego atagatiiga ameegyo ganina waazo. ²¹Ogabhoohe mukooro yaazo kuzisiku zyoosi,gabhohe mwigooti ryaazo.²²Hano oragenda,garakwerekeerya;haano okuhindira garakuriibha,hano okwimuuka garakweegya. ²³Kwookubha erihatike nitaara,nameegyo ni obhweru,obhuriibhi bhwokwerekererya bhwezinzira zyo bhuhoru.²⁴Garakuriibha iguru yabhakari abhasimbe,iguru ya amang'ana amanyohu bhwa abhasiimbe. ²⁵Mukooro yaazo otagongeerya obhuzomu bhaaye nawe otang'enereriibhwa nebhikiki bhyaaye.²⁶Okuhindira nomusimbe kuraaza kukoora obhuguuri bhwe kisinzika kyo mukate,nawe omukaari wo muutu owundi arakoora obhuhoru bhwaazo bhwosi. ²⁷Omutu aranagya okugega omuniiro gatigati yekikuubha kyaaye tiige kwookya amibhooho gaye?²⁸Omutu aranagya okugeenda iguuru yamakara gatiige okumwookya amaguru gaaye? ²⁹Niigo eri omutu akuhindira no mukaari wamuroobho yaaye;wuno akuhindira na wuuyo omukaari atakubhuurwa ekibhoohe.³⁰Abhaatu bhatakumenya kumuzeera omwiibhi kyeego ariibha amaare enyaako yaaye yenzaara. ³¹Haano aragwaatwe,arariiha bhigiro muhungati yakiirya ariyibhiri;nawe araruusya kira ekigiro kyobhweera munyumba yaaye.³²Omutu wuuno akukora obhusiimbe ataana bhweera;arakoreega kwobhusarya bhwaaye omweene. ³³Arendeerwa ezisooni nebhiteeme nobhubhi bhwaye bhutakunagya kurushwaaho.³⁴Nawe obhuruuru bhuramutiindya omuutu;atakuubha nebhigongi kwibhaaga ryokuriiha akisiyoomba kyaaye. ³⁵Hano oramuuhe emiheero miaru,atakwikiiriirya obhwikiriirya bhwo kutwanikania nawe okuriihwa.

¹Mwanawane,ogabhike amang'ana gane mukoro yazo nobhiike amakumiriryo gaane. ²Orihe amakumiriryo gane obheho,obhike ameegyo gane kye ekikikye emoni. ³Ogabhohe kubhyaara bhyazo,ogakaame kurubhao rwoomoyo gwazo.⁴Omubhurire omwisegi wa amang'ana bhuzomu, ''awee ni musubhati wane,'' noobhumenyi bhwa amang'ana obhubhirikire mhiiri wazo, ⁵niwe wiriihe omwene iguru wo omukari omusarya,iguru woomukari omugini wa amang'ana gobhwizerezetya.⁶Nikasungurirya murweero rwa mwidirisha rye enyumba yane. ⁷Nikabharora abhaatu bhano bhatana enaro,muubhatu bhayo abhamura nikamurora omumura wuno atana obhwongo.⁸Omumura wuyo akahiringita neenziro muroobho mubhwikoonyo haguhi no omukari wurya,akagya munyumba yaye. ⁹Kwibhaga rya nyanza,eribhaga rye engorobha,mubhutiku gati ne ekirima.¹⁰Akasikana nomukari wurya,yibhohiri kyoomusimbe,kumwoyo gwoobhung'enererya. ¹¹Ahabha nekitiri kyo obhubhurya;amaguru gaye gatahoreri kumugye. ¹²Akagya muziroobho na mumutera,kira orubhara ahaganya kwookughubhirirya.¹³Kyamwe aramugwata nokumukumbata mukikubha,kwoobhusyo bhweezinguru akamubhurira, ¹⁴Rero ndusirye akigiro kyookusengerera kyoobhwigwani,ndihiri emuma yane. ¹⁵Kwego niziri kusikana nanawe,okubhumohya obhusyo bhwazo kwoobhurohererya,na bhoono nkubhweni.¹⁶Nteri emyendo gyookwarya iguru woobhuriri bhwane,kitani zye erangi kurwa Misri. ¹⁷Obhuriri bhwane nsusutiryeku amaguta gano gakuhuza kisi ga manemane,udi no omudarasini. ¹⁸Nauze,tunywe twigute kwo obhusegi bhwetu tee etabhori,tubhone obhuzomererwa bhukuru kwe amahokyo ga amega.¹⁹Kwookubha musubhe wane atareho yika waye,agiri rugendo rwakure. ²⁰Agegiri esakwa yezihera;arakorya mumweri gati. ²¹Kwa amang'ana gayo maru akamhizo;kwe minwa gyookwizerezetya akamuhokya.²²Kwoobhutukirirania akamugyaku kye etang'ana yino ekigya kumsinzi,kye embarahe yino egwatirwe kwanguru, ²³tee omubhwe gubharwe eriini ryaye,yari kyee kinyonyi kino kiryaariri kumuheto.Atamenyiri kubha obhuhoru bhwaye bhuramukongera.²⁴Nabhoono,bhana bhane,munyitegerere;muhokye amang'ana go omunwa gwane. ²⁵Omwoyo gwazo gutakyoka mubhihito bhyaye;otahabhibhwa mumahito gaye.²⁶Akoriri bhatu bhaaru kugwa kwookunyaharwa;yitiri bhatu bhaaru. ²⁷Enyumba yaye iriiguru weeribharabhara rino rikugya nyari;ererekera hasi mubhinyumba bhyiooruku.

¹Kumbe obhusuki bhutakumbirikira?kumbe ebhumenyi bhutakurusya eraka ryaye? ²Iguru we kiguru embarika weeribharabhara,kuunzira yaa mahukano,omusi arimerera. ³Embarika wee nzira yokusikirira mumugye,hagui neebhiseku bhyoo mugye,erabhirikira kwiiraka.⁴Abhaaatu,ndabhabbhirikira emwe ndarusya eriraka ryane kuubhana bhaatu. ⁵Emwee abhagege,mwege okusuka,nanemwe bhano mukubhihirirwa amang'ene,niho mwihane omutima gwoo bhumenyi.⁶Igwa manenye ndahaya amang'ana amazomu,gano nikurusya mumunua gwane ndakerenia eheene. ⁷Kwookubha omunua gwane guragamba obhuheene neeminwa gyane girabhihirirwa obhubhihu.⁸Amang'ana goo munua gwane goosi nigaheene,kitaroho kino kyakyosibhwe warakusaribhwa. ⁹Amang'ana gane goosi gemiri gaawurya gookumenya,amang'ana gane niigaheene kuubhano bhakukomia amang'eni.¹⁰Noosore amegyo gane kutiga ezihera naamang'eni kukira ezahabu enzomu. ¹¹Kubha enye,obhusuki niibhuzomu kukira vito,kitaroho kino orarohererye kitatura kutubhanibhwa naanenye.¹²Enye,obhusuki,ndikara kwoobhuhoreru nookuribha amang'eni noobhumenyi. ¹³Obhutindi bhwe Eryoobha niikubhihiribhwa obhubhihu ndabhihirirwa amihemo neekigoti,enzira yoobhubhihu,eriraka rino risaribhwe kweego ndabhihirirwa.¹⁴Obhutongeni obhuzomu noobhusuki bhuzomu;enye niimusuki;ezinguru zilikunenye. ¹⁵Kunzira yane omutemi arakanbgata kweki naabhaheene,naabhosi bhano bhakukangata neheeene. ¹⁶Kunzira yane abhatemi bharakangata naabhaheene nabhosi bhano bhakukangata neheene.¹⁷Ndabhasega bhano bhanisegiri,naabhano bhakunikomia kwaanguru,bharandora. ¹⁸Owane kunekiniibho naaobhusiku,obhunibhi bhwookubhaho neehene.¹⁹Eritunda ryane niizomu kukira ezahabu,niizomu hata kukira ezahabu enzomu. ²⁰Ndibhurya ekizomu kukira ehera enzomu ndagenda kuunzira yeheena, ²¹gati wenzira yino ekugya kuheene,kubha nibhane engabho bhano bhakunisega naakwizura ebhibhumbiko bhyabhu.²²Yehova akambumba kureka kuubhutangiro-mubhutangiro bhwamahokya gaye naakwibhaga ryeekare. ²³Kurwa eribhaga ryeekare nkaturwa gatigati woomweya kureka kubhutangiro,kureka kubhutangiro bhweekyaro.²⁴Hano ebhiguru nebhiguru bhihabha bhikyari kuturwa,enye nkibhurwa. ²⁵Hano enyanza ehabha ekyari,enye nkibhurwa guhabha gukyarikubhaho omusobhogo gwaamanzi amaru.²⁶Nkibhurwa Yehova akyari kubhumba ekyaro wara makonde,hata oruteri rweembere gatigati weekyaro. ²⁷Nihabhaho hano akakong'ya erisaro,hano oruteri rwembere gatiagati weekyaro.²⁸Nihabhaho hano akakora erisaro iguru neeribhaga ryookukora ekiryonga kyoo musobhogo. ²⁹Nihabhaho hano akakora erzitunga zyee nyanza,kubha amanzi gatanyaragana kwambuka hano akahikira,neeribhaga arahaya ahagiro hookwikara.³⁰Nihabha embarika waye,kyoomuhokya omukuru,naanenye nihabha noobhuzomererwa bhwaye rusiku kwaa rusiku,ndaza,ererwa mubhusyo bhwaye kiraka ego. ³¹Nikabha ndazomererwa gatigati weekyaro kyaye kyoosi noobhuzomu bhwane bhukabha kuubhana bhaa bhatu.³²Bhoono bhana bhane mwitegerere,kubha bharya bhakuzigwata ezinzira zyane bharabha noobhuzomerwa. ³³Mwitegerere naamunyore obhusuki; waramutarega. ³⁴Wuno akunigwa arabha nobhuzomerwa-kuuzisiku ararora gati weebhiseku bhyane araniganya embereka mweebhiseku bhyoobhwikari bhwane.³⁵Wuno akundora enye,arabhona obhuhoru,nawe arabhona ekisiki kuu Yehova. ³⁶Wowosi atakundora enye arinyahara omwene,bhoosi bhano bhakunibhihirirwa bharasega oruku.

¹Obhusuuki bhombokiri enyumba yaye;abhaaziri etimu muhungati okurwa kuu magina. ²Akomirye ezityenyi zyaaye kwe ebhaakurya bhyo obhutiku;asangenie amarwa gaaye;nakutebhya emeeza.³Abhatumiri abhabhagati okuhira okurarika no okurwa ahagiro hi iguru bhukong'u ku migye arabhirikira. ⁴"'Bhano bhatakwegibhwa bhaaze hano!" arabhabhurira bhano bhatamenya.⁵Nauze,orye ebhyakurya,na onywe amarwa nimariri okusisangania. ⁶Mtige ezinzira zyeenyu zeekiegeege, na mwikare;mugeende kuzinzira zoobhuheene.⁷Wowosi wuno akumwikirirya we enzabhuro arikirirya amatuki na wuno akumuzeera omutu omubhi arabhona amabhihu. ⁸Otamuzeera wenzabhuro hano arakubhirirwe,muzeere omutu omubhi arabhona amabhiihu. ⁹Nomuhaane omutu ameegyo na amang'eni woosi arabha na amang'eni maaru omweegye omutu we eheene wosi arongera amang'eni.¹⁰Obhobha bhwa Tata bhugya ni obbhutaango bhwa amang'eni na obhung'eeni ga omuhoreru ni obhumenyi. ¹¹Kwezinzira zaane ezisiku zyazo zirongeribhwa nobhuhoru bhurongeribhwa emiaka. ¹²Kama ona amang'eni kunawe omwene,nawe hano okuzeera oraigega awe omwene.¹³Omukari omugege anaekitiri kyaaru ategibhwe wala atamenyiri kyokyosi. ¹⁴Arikara mukiseeku kye nyumba yaye,kukitumbi kiguru bhukong'u wo omugye. ¹⁵Arabhabhirikira kwe eriraka bhano bhakuhita haguhi,abhaatu bhano bhakugenda gatigati kuzinzira zyaabhu.¹⁶Bhano mutegibhwe muuze mwoosi munyumba!" arabhabhurira bhano bhatana amang'eeni." ¹⁷Amanzi gokwibha ni mazomereru noomukate gunogukuribhwa kwo obhwobha gurazoma." ¹⁸Nawe atamenyiri kubha abhaku bhareho hayo,abhagini bhaaye hayo obhutaambi bhwa nyaari.

¹Igano rya Sulemani.Omwana wuno akusuka arazomeria tata waye nawe omwana omugege arareeta ekiruguro kunina waabhu. ²Ebhigiro bhino bhibhikirwe kubhubhihu bhirabhurwa obhwera,nawe kukukora eheene oriturya kuure nooruku. ³Tatabhugya atakubhatiga bhano bhakukora ehene bhabhone enzaara,nawe enamba ya bhabhihu bharaireekya.⁴Okubhoko okunyooheru kurakora omutu abhe omutaka,nawe okubhoko kwo muutu we ezinguru arabhona ekiniibho. ⁵Omwana wuno akusuka arakumania ebhyakurya kuribhaaga ryo mubhaaso,nawe nisoni kunewe wuno akuhindira kuribhaga ryo kugeesa.⁶Omubhaano kurwa kutatabhugya ziriguru woomutwe gwa bhaarya bhakora eheene,nawe omuunwa gwo mugege gurakundikiribhwe neekigoti. ⁷Omutu wuno akukora eheene aratuzomeerya hano tukumuhiita,nawe eriino ryoo mubhihu rirabhoora.⁸Bhano bhakusuuka bharikirirya ameerekereryo,nawe omugege wuna anamagaana maaru arasariibhwa. ⁹Ewe wuno akugeenda arasuuka arageekwa bhuzomu,nawe wuno akubhurya ezinzira zyaaye,ararorekana.¹⁰Ewe wuno okusumura emooni yaye arareeta ekiruguro,nawe omugege wuno anamang'ana maaru ararekerwa hasi. ¹¹Omuunwa gwa wuno akukora eheene kyo musobhoogo gwa amanzi gobhuhoru,nawe omuunwa gwo omusaarya gurakundikiribhwa kwobhuubhi.¹²Obhutindi bhureegererya eriyooge,nawe obhuseegi bhurakundikiirya iguru wamabhihu goosi. ¹³Obhusuki bhurabhoonekana mumunwa gwomutu wuno akumeenya,nawe ehimbo nikubhaano yo mugoongo gwawurya atana bhugeeni.¹⁴Abhatu bhe abhasuku arabhika amang'eeni,nawe omuunwa gwo mugege gureta obhusarya haguhi. ¹⁵Ekinibho kyo omutu omuriibhi no mugye gwaye guno ganerigoobhe;obhutaka bhwo mtaka no bhusaaria bhwabhu.¹⁶Amariho gabhano bhakora eheene garerekeraka kubhuhoru,amazomu gabhasaria garerekera mubhuubhi. ¹⁷Eriho enzira yiino ekugya kubhuhooru bhwa bhaano bhakugenda ku marekereryo,nawa bhaano bhakwanga amerekerero bharabhura.¹⁸Ewe wuno akubhiisa obhubhi aneminwa gyo guriimi,nanewe wuno akunyaragania enzabhuro ni mugege. ¹⁹Gati wa mang'ana amaaru,hatakubhurwa bhusaarya,nawe wuno akwangarira gati wobhugaambi bhwaye ni wuno akusuuka.²⁰Orulimi rya wuria akukoora ehene ni mbiirya nzomu,bhureho obhuzomu bhusuuhu mutima omubhiihu. ²¹Eminwa gya urya akukora eheene kukirya bhaaru,nawe abhagege bharakwa kwokubha bharabhurwa obhung'eeni.²²Omubhano omuzomu gwa Tatabhugya gurareeta ekiniibho nokutura okunyaharika moosi waye. ²³Obhusarya nibharaana akubharaana omugege,nawe obhusuki ni bhuzomererwa kumutu wuno anobhuzomererwa.²⁴Obhwobha bhwo msaarya bhuramubhoona kwa kutukirirania,nawe okumeenya gwo omuheene kurakoreeka. ²⁵Abhasarya nkyomukaama guno gukuhita,bhatareho kweki,nawe bheeheene ni bhutaangiro bhuno bhukwikara kiraka.²⁶Kye amarwa kwi ng'aana ryo mwooki muzimoonio,nigo ari omutoobhu kubhaarya bhamutumenie. ²⁷Obhwobha bhya Tatabhugya bhurungerya obhwikari,nawe emiaka gyo musaarya girabha muguhi.²⁸Amahokya gabhaarya akukora eheene nibhwe obhuzomererwa bhwabhu,nawe emiaka gyo musaarya girabhamiguhi. ²⁹Enzira ya Tatabhugya erabharibha bhariiya abhasuuki,nawe obhusaria nisariiya. ³⁰Bhano bhakukora eheene bhatakurushibhwaho,nawe asarya bhatakusaga gati weesi.³¹Gati wo munwa gwabhaarya bhakora eheene bhararwa kumisumo gyo bhusuuki,nawe orulimi rwo kubhurya ruratiinwa. ³²Eminwa gya bhaarya akukora amazomu bhagamenyiri gano gakwikiribhwa,nawe omuunwa go musarya gumenyiri gano gakubhuurya.

¹Yehova aragenie ne ebhireengyo bhino bhitari kisi,nawe aragomerwa ne ebhireengyo ebhizomu. ²Hano kikuuza ekigoti bhukuuza neho okusukibhwa kukuuza,no obhwihoombi bhurareta amang'eeni.³Obhusuki bhwabheera bhurabhakangata,nawe okubheeha kwabhabheehi kurabhiita. ⁴Obhuniibhi bhutaari na bhweera orusiku rwookukomera,nawe kwokutemya amazomu kurakuriibha no oruku.⁵Orugendo ro mutu omuzomu ruragororokya enzira yaaye,na abhabhisa bharagwa kwokubha ya amatemyo amabhihu gaabho. ⁶Orugendo oruzomu robharya bhamseegiri Eriobha rurabhanibha kisi,nawe abhabheehi bharagwaatwa noomukya ghwabhu.⁷Omuutu omubhihu hano hakuhwa,okwisega kwaaye kurabhura no obhwiseegi bhuno kumanaga gaaye kurabha kutari na bhweera. ⁸Wurya akutemya amazomu araribhwa kunyaaku na kukiraniaa enyaaku yaaye eramugyaku omubhisa.⁹Kumunwa gwaaye wuno atakumwikirirya Eriobha yahiita omwatani waaye,nawe amang'eeni gabhano bhakutemya amazomu bhaniibhibhwa kuzomu. ¹⁰Hano bhakuniibha abhatemya amazomu,ebhyaaro bhirazomerwa,abhabhisa hano bhakukwa,abhaatu bhakura ekweeri yokuzomerewa. ¹¹Kwo mubhano omuzomu gobharya bhakuzomera Tatabhugya,omugye gurabha mkuru;kuuminwa gya abhabhihu omugye guranyagana.¹²Omtu wobhusiinaku kwomusaani waaye atari na mang'eeni,nawe omutu wa amang'eni arakirirania. ¹³Wuno akuzya arinaara nenzerero arakunura embisaki,nawe omuutu omung'eeni arakirirania.¹⁴Hano bhutakubhaho obhukangati bhwa amang'eeni.ekyaaro kiragwa,nawe obhukundi bhuraaza kwo kwikirirania na abhaandi bhaani.¹⁵Omutu wuno akumukoperya omuginyi arabhona enyaaku,nawe wuno akwanga okwituura rahani arabha kisi. ¹⁶Omukari we bhigongi arashuka nawe abhaatu abhateregenu bharaangwa no obhunibhi.¹⁷Omutu wuno atana mwooyo araniibha omwenigo,nawe woomoyo aranyaharika. ¹⁸Omutu omubhihu arabheehya kubhona amariho gaaye,nawe wuno akuhokya amazomu ararihwaa kwo bhuheene.¹⁹Omuutu omuheene hano akutemya geheene ariikara bhuhoru,nawe wuno akutemya amabhiihu ariitwa. ²⁰Yehova atakubhasega,bhekigoti kukoro,nawe yabhasegiri bhezinzera zigororokiri.²¹Ubhe nobheene kworino,abhabhisa bhatakubhurwa ebhiteme,nawe ezinyobhuro zya abharema abhatemya mazomu bharabha kwo bhuhoru. ²²Nkye epete ye dhahabhu kurinyweeri re embiizi niego ari omukari omuzomu wuno atari nobhung'eeni.²³Omweeko gwa abhatemya mazomu,arabhona obhweera obhuzomu,nawe abhatu abhatemya mabhiihu bhanyaharibhwa na amabhiihu. ²⁴Wuno akweemya embhibho-aragesa bhyaaru;owundi atakweemya embibho wuyo aratakaha.²⁵Omutu wuno atanamwoyo arabhona bhyaaru,na wuno akuheeni abhaatu amaanzi arabhona amaanzi gaye omweene. ²⁶Abhaatu bhara mwihime wuno atakugurya ebhyakurya,nawe omugiri wo kusurya ebhyakurya arabhona abhweera bhuno akukomya.²⁷Wuno akukomya amazomu kumanaga,omenye kubha arakomya kwikiriribhwa,nawe wuno akukomya riyoge arabhona enyaako. ²⁸Bhano bhakwitindira obhuniibhi bharagwe,nawe nkya amato,bhano bhakutemya amazomu bharanyeregeta.²⁹Wuno akureta eriyoge kumugya gwaaye aragabha obhukama,no omugege arabha omutomwa we ekoro yo bhung'eeni.³⁰Bhano bhakutemya amazomu bharabha nkya nkyo omuti gwobhuhoru,nawe eriyoge rirateesha obhuhoru. ³¹Rora!hano bharya bharatemya amazomu bharabhona kino bhakwenderwa,kubhano bhakutemya amatemyo mabhihu bhatakubhona amabhuhu makuru!

¹Uno akusega amegyo arenda okumenya,wuno akutinda mukoro ni mugege. ²Yehova arasakirya omutu omuzomu,omutu uno akukora amang'ana amabhihu arabhoobhwa.³Mutu atakuzoma kumabhihu,bhano bhakukora goobhuhene bhatakurusibhwaaho. ⁴Omukari omunyohu arazoma kumusubhe waye,uno akukora ezisoni nkyoobhurweeri bhuno bhubhoriirye amaguha gaaaye.⁵Amakerenio gobhuhene ni mazomu,obhukereniabhwabhabhihi mbung'enererya. ⁶Amang'ana gabhabbhihu nkutegenia ibhaga rya kwiita,amang'ana ga bhobhuhene garabhikarya bhwahene.⁷Abhatu abhabhi bharekerwe na kurusibhwaho,enyumba yobhuhene erimerera. ⁸Omutu arakumibhwa kumiseego gaaye,uno akwitora obhutindi arazeerwa.⁹Hakiriku obhe nobhukangati bhusuhu-obhe mutumwa omwenw-otikumya kubhukuru bhwaazo naho otana bhyakuurya. ¹⁰Omuhene arangaraara etyeeni yaaye,obhwabhiri bhwo omusarya mbubhihu.¹¹Uno hakuhokya emirimo mumugundu gwaaye arabhona bhyakurya bhyaaru,kwego uno akumohya ebhigiro bhya hobhyo atana amisego. ¹²Abhatu abhabhihu bharisegera obhwiibhi bhwa abhabbhi kureka kubhandi,amazomu gabho bhuhene garareeka kunebho abhene.¹³Omutu omubhi aragwatwa na amakerenio gaaye amabhihu,kubhano bhakukora amazomu bharareka munyako. ¹⁴Omutu ariswa ne ebhigiro ebhizomu kwokubha ya amang'ana amazomu,kye emirimo gya mumabhoko gaaye gino gikumuha ebhizomu.¹⁵Enzira yo mugege nkya ameso gaye omwene,omutu wo okwisega aritegerera amakerenio. ¹⁶Omugege arerekya obhutindi bhwaye hayo hayo,kuwuno atakwitegerera erituki ni mwisegi.¹⁷Omugambi wo obhuheene arakerenia ehaki,omugambi wo obbhubhi arakerenia obhubhehi. ¹⁸Wuno akugamba bhwangu nkyo omutasi weerisabha,orurimi rwo omwisegi rurahonia.¹⁹Eminwa gyo obhuhene girikara siku zyosi,orurimi rwo omubhehi nkwiibhaga iguhi. ²⁰Bhureho obhung'enererya muzikoro rya bhano bhakwenda kuhokyo amabhihu,abhuzomererwa bhurareka kubhakerenia bho obhuhoru.²¹Bhutareho bhurweeri bhuno bhukuza kubhobhuheene,kwego abhatu abhabhihu bharahabhwa enyaako. ²²Yehova arabhihirirwa ne eminwa emibhehi,bhano bhakwikara kwa bhuzomererwa mbwo obhuzomererwa bhwaaye.²³Omutu wa amisego arabbhika amisego gaye,ekoro yo omugege erakuura kigege. ²⁴Okubhoko kwo omukya kurimeerera,abhatu abhatobhu bharahanwa emirimo gya kuhatikwa.²⁵Amisego ga ekoro yo mutu garamukyoraku,ering'ana erizomu riramuzomeera. ²⁶Wobhuheene ni mukangati kumsani waaye,enzira ya abhabhihu erabhabhuurya.²⁷Abhatu abhabhihu bhatakubhika bhigiro bhyaabhu abhene,omutu wuno akukazana arabhona ebhigiro bhyo obhweera. ²⁸Bhano bhakuhita kunzira ye ehene bharabhona obhuhoru,kumahito gayo ruku rutareho.

¹Omwana omusuki arigwa amegyo gawise,atakurekibhwa ng'ana. ²Omutu arazomerwa nebhigiro ebhizomu bhya amatunduguru gomunwa gwaye,kwokubha abhang'eniriribhwa nibhabhi.³Wuno akuribha omunwa gwaye okuribha obhwikari,wuno akwasama omunwa gwae aranyaharika omwene. ⁴Okurohererya kwaabhatu bhatakubhona kigiro,kwokubha abhatu bhomukya bhariswa.⁵Omukori wa amazomu arabhihirirwa norurimi,kwokubha omtu omubhihu arahakana omwene,nokukora okusukya. ⁶Wobhuhene bharabharibha bharya bhanobhobhuhene kuzinzira zyabhu,obhubhi bhuragwisha bharya abhakori bha mabhi.⁷Ariho omutu wuno akwinibhya omwene,nawe anyora atana kigiro,naariho omutu wuno akurusha kira ekigiro,noranyora nimunibhi hene. ⁸Omutu omunibhi aranagya kwiturira erikuru ryobhwikari bhwaye kwebhigiro bhaye,omutu omutaka atakwobhoha kyokyosi.⁹Obhweru bhwo mutu omukori wa amazomu arazomerwa,nawe ekimuri kyo bhubhihu kirarima. ¹⁰Ekigoti kiribhura okunyaragania,kubhano bhakwigwa bharasuka.¹¹Wuno akwihema obhunibhi bhurahwa,unewe akubhona ezihera kwokukora emirimo kwa mabhoko gaye ezihera zyaye zirongerya. ¹²Hano otisegiri omtima kurakwa,hano okumara orazomerwa nomti gyo bhuhoru.¹³Wuno akuzera abhegya arabha iyasi yobhukangati bhwaye,uno akusuka erihatike arahabhwa omubhano. ¹⁴Amegyo gomutu omusuki niyekisabhuko kyo bhuhoru,girarushaho emitego gyoruku.¹⁵Amang'eni amazomu garareta obhera,enzira yo mbehi etana bhutero. ¹⁶Abhatu abhang'eni bharakora kwa mang'eni kwo bhwamuri,ilamugege arerekya obhugege bhwaye.¹⁷Omutumwa omubhihu aragwera munyako,omukangati wobhuhene arareta omugwatani. ¹⁸Wurya uno akuzera arabhona obhutaka nezisoni,okusuka kuramwizera omwegibwa kureka okukyorera.¹⁹Obhuzomerwa bhuno bhumenyekeni kuzomu nenyota,omugege aratinda okutiga obhubhi. ²⁰Genda hamwe na bhatu abhang'eni wosi orabha mung'eni,ila omusani omugege aranyaka.²¹Oruku ruraryarira abhabhi,ila abhakori bha mazomu bharahabhwa omubhano muzomu. ²²Omtu omuzomu aratiga ubhugabhi kubhazukutu bhaye,ebhigiro bho mutu omubhi bhiraturwa obhuhoro akukora ehene.²³Omugundu gyo mtaka guno gurimire kuranagya okwibhurya ebhyakurya bhyaru,ila aragegwa kwo uzurumati. ²⁴Wuno atakumkyora omwana aramubhihira,wuno asegiri omwana wae aramugania nokumukyora.²⁵Ewe wuno akukora eheene ararya tee okwiguta ehamu yaye nawe enda yoomubhihu erizura kuzisiku zoosi.

¹Omukari wa amisego aromboka enyumba yaye,nawe omukari omutamutamu arasarya kwa amabhoko gaye omwene. ²Wuno akugya kubhuheene arasarya Yehova,nawe omuharamama aramurega gatigati yenzira zyaye.³Gatigati yomunwa gwo omutamutamu gurahurukya bhimereno bhye ekigoti kyaye,nawe eminwa gya abhasuki girabharibha. ⁴Hano gitariho emitugo eribhanza ryo kurishirya nizomu,nawe ebhyakurya bharu bhiratura kubhoneka kweezinguru zye ezitang'ana.⁵Omutania omuhene atakuhaya rurimi,nawe omutania worurimi arahezera orurimi. ⁶Wokurega aramohya okusuka nakutariho kweki,nawe amang'eni garaza kwa bhunyohu kuwuno anobhung'eni.⁷Nogye kure kureka kumutu omutamutamu,kwokubha arabhona amang'eni kuumunwa gwaye. ⁸Okusuka kumutu wokusuka niyo kumenya enzira yaye omwene,nawe obhugege bhwa abhatamutamu nio kung'enererya.⁹Abhatamutamu bharazera kwibhaga omuhero gwo okwookibhwa hano gukurusibhwa,nawe gatigati yabhu abhahene bharasanga akukumia. ¹⁰Ekoro eminyiri obhururu bhwaye natareho omugini wuno akusikira kubhuzomererwa bhwaye.¹¹Enyumba ya bhasarya erokibhwa,nawe erituuku rya abhatu abhahene riragumira. ¹²Eriho enzira yino ekuroreka bhwahene kumutu nawe kubhutero bhwaye arerekera nkukwa okwene.¹³Ekoro eratura kuseka nawe ekabha gatigati yokunyaharika nokuzomererwa eratura kumara kikabha kiruguro. ¹⁴Wuno atakumwikirirya arabhona kino kikwenderwa kunzira yaye,nawe omutu omuzomu arabhona kino kiri ekyaye.¹⁵Wuno ewe ategibhwe arikirirya kira ekigiro,nawe omutu wokusuka arisega amatambuka gaye. ¹⁶Omutu wuno akusuka arobhoha nokureka kubhu hihu,nawe omutamutamu aratiga kwekisubhe.¹⁷Ewe wuno akubha nobhutindi kwo obhwongu arakora amang'ana gekitamutamu,nomutu wuno akukora ekiziziri ekibhihu aratindirwa. ¹⁸Abhagege bharagabha obhutamutamu,nawe abhatu bhokusuka bhirugutiriribhwe kwa amang'eni.¹⁹Bhayo bhano niabhasarya bharinama mubhusho bhwabhu bhano bhari abhazomu nabharya bhobhubhi bharahigama kubhiseku bhyabhano bhanabhahene. ²⁰Omutu omutaka aratindirwa hata nabhasani bhaye nawe abhatu abhanibhi bhanabhasani bharu.²¹Wuno ewe akwerekya okuzera kubhanyarobho bhaye arakora mabhihu,hakiriku wuno akwerekya okukumania kuu bhataka anabhuzomerwa. ²²Nawe bharya bhakukora enzenzemwe embihu bhatakubhura?Hakiriku bharya bhamisego bhokukora amazomu bharagega obhurage bhwo obhuhene nomwimereri.,²³Gatigati yemirimo gyosigo emikong'u bhuraza ebhwera,nawe hariho namakerenio agenego,garagya kubhutaka. ²⁴Ezisurya zya abhatu bhamisego nobhunibhi bhwabhu,nawe obhunyaku bhwa bhatamutamu bhurabharetera obhunyoku bhwaru.²⁵Omutwanikania omuhene araturya ekikarire,nawe omutwanikania worurimi arahezera orurimi.²⁶Omutu hano akubha nobhwobha bhwa Yehova,nawe arabha nobhwisige bhukuru musi waye,ebhigiro bhino bhirabha kyorubhara rukoong'u rwokuribha kwa abhana bho omutu oyo. ²⁷Kusabha Yehova omusobhogo gwo obhuhoru,nawe kubha omutu ature kwirushaho kureka gatigati yemiheto gye oruku.²⁸Obhuzomu bhwo omutemi bhuriho gatigati yebhigoto bhikuru bhya bhatu bhaye,nawe bhatariho bhatu bhomutemi bharokibhwa. ²⁹Omutu omwigumirirya anamisego makuru,nawe omutu omuhuhu wokwitakya arakurya obhunyaku.³⁰Ekoro yino inobhuzomerwa nibhuhoru bhwa omubhiri,nawe omugono gurabhorya amaguha. ³¹Wuno akubandirirya abhataka arihima omugumbi waye,hakiriku wuno akwerekya omukumo kubhembi bharamkumia ewe.³²Omutu omusarya aragwesibhwa hasi kuumahokya gaye amabhihu,nawe omutu wamahene anahokuryarira hata gatigati yoruku. ³³Okusuka kurikara gatigati wekoro yokumenya,nawe hata gatigati ya omutamutamu bharihatirirya abhene nokumenyekana.³⁴Okukora obhuhene kurimukya ekyaro,nawe obhubhi nobhutindi kubhatu bhayo bhosi. ³⁵Okukumania kwo omutemi nikwomuhokya wuno akukora kwa kusuka,nawe obhutindi bhwaye nikuwurya akukora kwokusukya.

¹Erikyoro ryoobhunyohu rirarusyaho obhutindi,nawe ering'ana ryoobhubhihu rirongerya obhutindi. ²Ezyindimi zyaabhatu bheheen erakumia amang'eni.Nawe eminua gyaabhagege giritira obhweene.e³Ezimoni zyaa Yehova zirikira hagiro,garabharorerera iguru woobhubhihu noobhuzomu. ⁴Orurimi runo rukuhonia niemiti gyoobhuhoru,kubha orurimi rwookung'enererya rurita ekoro.⁵Omugege aragega amakyoro gaawise wabhu,kubha wuno akwega kureka kuumazomu niiwehene. ⁶Gati wee nyumba yaabhara bhakukura eheene erabha neekibhumbiko kikuru.Kubha ebhibhorwa bhyaa bhatu abhabhihu bhirabhaha enyako.⁷Omunwa gyaabheheene giranyaragania obhung'eni,kwego emitima gyaa bhagege gitakukora ego. ⁸Yehova arabhibhiurwa amihero gyaa bhatu abhabhihu,kubha amasabhi gaabhatu abhanyohu nikwe obhuzomu bhwaye.⁹Yehova arabhihirirwa enzira ya bhaatu abhabhihu kubha aragesa wuno akugya kuheene. ¹⁰Amakyoro goobhubhihu garaganya kuuwuno akutiga enzira naawuno akubhihirirwa amazomyo arazakukwa.¹¹Okukwa nokusarya bhiurimwaasi muubhusyo bhwaa Yehova,kubha etari iguru bhukong'u kuumutima gyaabhana bhaabhatu? ¹²Waamako arabhihirirwa amazomyo;atakugya kuubheheene.¹³Omutima gwoobhuzomu gurakora obhuzomererwa mubhusyo kwego guraribhira okwita omutima. ¹⁴Omutima gwaa wuno yamenyiri gurakomia amang'eni,kubha omunua gwoomugege guririsya kuubhwene.¹⁵Ozusiku zyoosi zyaabhatu bhano bhakabhandiriribhwa neenyako,kweego omutima gwoobhuzomu onebhyandikiro kimera. ¹⁶Hakiriku ekigiro ekisuhu hamwe nookwenda Eryobha kukira ekibhumbiko ekikuru hamwe noobhutindi.¹⁷Hakiriku ebhyakurya bhyezinyinyi kuriho noobhusegi kukira obhusegi kukira kukorwa ekimoni ekinuru kwoobhutindi. ¹⁸Omutu woobhutindi erakora ezihaka,kubha omutu wuno akukezera kutinda kuhorerya obhutindi.¹⁹Enzira yoomutu omunyeheru,niikyahagiro harubhago rwaa mahwa,kwego enzira yoomutu omuhene nii nzira kuru yino yombokirwe bhuzomu. ²⁰Omwana wuno anamitegerero arareta obhuzomu kuwise wabhu kubha omutu omugege aramurega nina wabhu.²¹Obhweene bhurazomererwa noomutu wuno asuhirwe obhwongo,kubha woookumenya oragenda kuunzira yino yemiri. ²²Amang'ana garasarya hano hatana obhusakirya kubha abhasakirya bharanyora.²³Omutu arabhona obhuzomu hano akurusya erikyoro ryoobhuzomu,heene nizomu kusuhuki ering'ana kwiibhaga riyo! ²⁴Enzira yobhuhoru erabhahira iguru abhatu bheheene,kubha bhareke haasi kurwa mubhaatu.²⁵Yehova aranyamura engabho yaawekigoti,kubha araribha ebhigiro bhyoo mutumba. ²⁶Yehova arabhihirirwa naamang'ana gaabhatu abhabhihu kubha am,ang'ana goobhunyohu nii mazomu.²⁷Omwibhi arareta enyako kuuruganda rwaye kubha ewe wuno akubhihirirwa noobhwibhi arikara. ²⁸Omutima gwa wuno akokora eheene gurisega gukyari kukyora,kubha eminwa gyaa abhatu abhabhihu bhuritira obhubhi bhwaye bhwoosi.²⁹Yehova arikura nabhaatu abhabhihu kubha arigwa amasabhi gaabhatu bheheene. ³⁰Obhweeru bhwa mecho bhurareta obhuzomu mumitima neering'ana erizomu mubhuhoru mumubhiri.³¹Aribha oranagya omutu kumukyora kyego arikare,orasaga gati waabhatu bhaa misego. ³²Wuno akwanga okuharirwa arirega omwene,kwego wuno akwiga amakyoro arihana obhumenyi.³³Kumwenda Yehova kuregya okusuka noobhusuku eraza obhusuki bhuraza obhusuki bhukyari.

¹Amiseego go omtima ni goo mutu,nawe Yehova ararusha erikyooro kurwera mururimi rwaaye. ²Ezinzira zyoosi zyo omutu ninzomu kumeso gaaye omwene,nawe Yehova obhona arazisora ezikoro.³Tura kuyehova emirimo gyaazo gyoosi na amiseego gaazo girazoma. ⁴Yehova akahokya kira ekigiro kwaa obhumenyi bwaye,na abhasarya kwo orusiku rwe enyaako.⁵Yehova arabhihirirwa kiro omutu mwine omutima gwo obhwihemi,yangabha bharimerera bwaheene,bhatakubhura kunyora bwookibwa. ⁶Kwe eriragano ryoobwikirirya na omweya gwo obhubhi bhurazomibhwa no okumusabhwa Yehova abhatu bhariyahura no obhubhihu.⁷Ezinzira zyo mutu hanozikumuzomera Yehova arabhakora hate abhabhisa bhaye omutu wuyo bhabhe no obhuhoreru nanewe. ⁸Hakiriku ekigiro hamwe neeheene,kukira obhwgwani obhukukuru hamwe noobhusarya.⁹Kumutima gwaye omutu arenda enzira yaaye,newe Yehova arazekererya amatambuka gaye. ¹⁰Omutongeri ariho muminwa gyoo omutemi muisinziro omunua gwaaye gutakugamba kwakung'enererya.¹¹Ebhirengo bya eheene okurwa ku Yehova;obhurito bhwoosi kwigonera nibhuhokya bhwaye. ¹²Abhatemi hano bhakuhokya amang'ana amabhihu kiyo ni ekigiro kyo okuzerwa,kwakubha obhukangati bhurakonjibhwa kwo okukora eheene.¹³Omutemi arazomererwa eminua gino gikukerenia eheene na aramusega mweene kugamba mwasimwasi. ¹⁴Obhutindi bhwo omutemi ni mutumwa wooruku na omutu wuno ana amiseego arasakya akuhorerya obhutindi bhwaaye.¹⁵Kubhweru bhwo obhusho bhwo omutemi nio obhuhoro na obhusakirya ni kyeego erisaro rino rikureta embura ye tweego. ¹⁶Nihakiriku ekisuhuku okunyora amiseego kutiga edhahabu.Okusora okunyoora obhumenyi ni kukuru kukira ezimbirya.¹⁷Enzira ekuru ya abhatu abhasuki bhariyahura no obhusarya;mwene kugabhika obhwikari bwaaye araribha ezinzira zyaaye. ¹⁸Ekisubhe kirakangata kutiga obhusarya no omutima gwa obhwihemi enyuma woobhusikya.¹⁹Nihakiriku okwihomba gati wa abhatu kutiga okusonda ebhigiro hamwe na abhatu bheene kisubhe. ²⁰Mwene kwisega gano gegibhwe aranyora kino kiri bwaheene nabhano bhakumwisiga Yehova bharazomererwa.²¹Mwene bwisegi mumutima gwaaye arabhirikirwa mumenyi no obhuzomu bwa amakerenio burongera obhunagya bwo okwegibhwa. ²²Obhumenyi ni musobhogo gwo obhuhoru kuneewe wuno anabhwe,nawe obhwokibhwa bhwo abhatamutamu ni obhutamutamu bwabhu.²³Omutima gwa omutu mwene misego gurarusha amiseego kurwera mumunua gwaaye nokwongera obhutongeri muminua gyaaye. ²⁴Amang'ana go okungarira ni amaanena goobhuki-mazomu kumutima nagarahorya amaguha.²⁵Eriho enzira yino ekurorekana bhwaahene kumutu,nawe obhutiniro bwaku ni enzira yo oruku. ²⁶Obhurohererya bhwee kinyarubha eramukorera emirimo,enzara yaaye eramkora agendererye.²⁷Omutu omuhabhi aratuka amabhihu no obhukerenia bhwaye ni kyo omuriro guno gukurungurya. ²⁸Omutu wuno atakwigwa aregererya okubhura obhwiigwano no orurimi ryrabhagwatania abhasani.²⁹Omutu we ekituri aramung'enererya omunyarobho waye no okumwerekererya kubhuhiti gano gatari mazomu. ³⁰Wurya wuno akusimya kweeriso arasemia obhung'eni bwa amang'ana go okutama kwiigwa;beene kutunira kueminwa gyaabu barahitya amabhihu.³¹Ezimbwe ni orusarya ryo obhuzomu;eranyoreka kwo okwikara kwenzira ye eheene. ³²Ni hakiriku okukezera okubha ne ekoro kutiga kubha no obhuhari no omwene okukira ekoro yaazo ni kuzomu bukonju kukira wurya wuno akugugwata omugye.³³Okurya kurataswa mubhunhiri,nawe obhwamuri bhurareka ku Yehova.

¹Nihakiriku kubha noobhuhoreru hamwee noo obhuseseka bhwo omukate kuriko enyumba ye ezinyangi ezinzaru hamwe noobhutindi. ²Omuhokya wa misego arakangata iguru wo mwana wono akukora kweezisoni arabha mungabho kyo umwe wa abhahiri.³Haguhi ni muhero na tunuu kwa edhahabu,kwego Yehova ararosha ezikoro. ⁴Omutu akukora amabhihu arabhigwa bhano bhakuhaya amabhihu;omubhehi anaobhwitegereri kubhano bhakuhaya amang'ana amabhihu.⁵Hwono akumusekerera omutaka aratuka omubhumbi waye wono akuzomererwa oruku atakubhurwa kwokibhwa. ⁶Abhazukuru nio orusurya rwaabhakaruka nabhibhuri bharareta okusuka kubhana bhabhu.⁷Mang'ana gobhutongeri gatakwenderwa kumunyaku;kusuhu bhukong'u minwa kyoo mubhehi girikiribhwa kuubhutemi. ⁸Murunguro ni kyrerigina rya mazingaobhwe kuuno akurusha;wuno akuitiga,arabhobna.⁹Wuno akwibhira obhusarya arakomia obhusegi,hamwe wuno akukyorera eng'ana kunyaragania abhasani bhahaguhi. ¹⁰Okwanga kurasikira omtu wa mang'eni,kukira matemo magana kugya kumunyaku.¹¹Omtu mobhi arakomia kutiga ego kwego omubhagati omuhari aratumwa iguru waye. ¹²Nihakiriku kubhonana na dubu wuno arusibhwe abhana bhaye kuliko kubhona na noomunyaku gatigati hyo ombhunyaku mbhwaye.¹³Omutu akukyora amabhihu kuriko amazomu,amabhihu atakurwa munyumba hyaye. ¹⁴Omubhutangiro bhoo obhutindi kyo omtu yiguriri amanzi kurwa kira hagiro,kwego ararwa muzihaka kwokubha gakyari kubha.¹⁵Ewe wuno akubhahatirirya abhatu abhabhi hamwe kubhatema masoro bhano bhakuhokya ehene-abhatu bhano bhosigo nibhakutimbya ku Yehova. ¹⁶Kwaki omunyaku arihe omuhero gwo okweega kusuka eribhaga atana bhunagya bhwa kwega?¹⁷Omusari arasegwa kwibha ryosi na abhahiri yibhurwe kwiguru yeribhaga rye enyako. ¹⁸Omutu wuno atana obhwongo arakora obhurage bhwa emigiro nokwanza kuhokya kwe esiri yerobho yaye.¹⁹Wuno asegiri obhutindi asegiri amabhihu,arakora kirugutiriryo kitambi hene kukiseku kyaye kukora kubhunika kwa maguha. ²⁰Omutu wekoro yokung'enererya atakubhona kyokyosi kino kikubha kizomu;nauno anorurimi rwa obhuhari aragwa kuunyako.²¹Omwibhuri omunyaku arareta ezingusuri ezyaye omwene wise omunyaku atana bhuzomererwa. ²²Ekoro yokung'enererya nimuti muzomu,hakiriku ekoro yino ekozirwe eryomia amaguha.²³Omutu omubhi arikirirya omurungurura kwa bhwibhisi kwokubhurya enzira yobhuhene. ²⁴Wamang'eni arakerenerya obhusho bhwaye kubhusiki,nawe ameso go omunyaku garerekeria kusonga ye ekyaro.²⁵Omwana omunyaku nikiruguro kuuwuso wabhu nobhusungu kuu mukari wuno amwibhuri. ²⁶Nawe,etari kisi kumwokya wuno akukora hene,nawe etarei kisi kubhatandika mijatiri abhatu bho obhuhene bhano bharikisi.²⁷Wuno anamang'eni arahokerya mang'ana masuhu nawuno amenyiri nimuhore. ²⁸Nomunyaku ararorererwa kubha kwokubha yikeri bhukiri,kwibhaga rino yikeri akirirenie omunwa gwaye,arisegerwa kubha nobhwongo.

¹Wurya akwiyahura aramohya amaghana ghaye omwene arahakana na amasinziro ghosi ghe ehene. ²Omugeege atakubhona obhuzomererwa mubhung'eni,nawe arakundukura kino kiriho mukoro yaye.³Omutu omubhisa hano akuza,enzeri eraza hamwe na newe-hamwe ne ezisoni no okuisegera. ⁴Amang'ana gho omunwa ghwo omutu ni amazi ghe ekiryonga ekitambi;omusobhogo ghwo obhung'eni ni omugeri ghuno ghukugera.⁵Bhutari bhuzomu kubha no obhuseghi kumubhisa,nawe atakwenderwa okuanga ehene kubhano bhakukoora amazomu. ⁶Emiinwa gyo omugege girareta okutema okuigwana no omunwa gwaye gurareta amatemo.⁷Omunwa gwo omugege niiobhusarya bhwaye bhurigwatya muminwa gyaye. ⁸Amang'ana go omubhehi ni kye echembe enzomu garituma ahagiro ha mwosi hene kumubhiri.⁹Bhono,wuno ni omutobhu kumirimo gyaye ni omuhiri waye wuno akusarya bhaaru. ¹⁰Erina rye Eryobha niekigwatiriro ekikong'u,wuno akukora ahene arariaririra no okubha hazomu.¹¹Ebhigiro bhyo omunibhi niomugye gwaye omukong'eru kumisego gaye ni kye ekibhambazi ekitambi. ¹²Ekoro yo omutu erabha ne ekisubhe hingayo okuugwa kwaye,nawe obhunyoheru bhurakangata inyuma yo obhunyohu.¹³Wuno akukyoora inyuma wo okuityegerera-ni obhusarya ne ezisoni zyaye. ¹⁴Ekoro yo omutu erituurya na amabhihu,nawe ekoro yino ekozirwe niwi akunagya kuiganyirira?¹⁵Ekoro yo omwene obhuongo erabhono obhung'eni no pobhuitegereri bhwo omwene amisego aragamohya. ¹⁶Omubhano gwo omutu guranaagya okukoora enzira no okumureta embere yo omutu omuhene.¹⁷Wo obhwemero okuisakirya kubhusemwa bhwaye ararorekana kubha ne eheene tee omubhi waye yiize no okumubhurya amakyooro. ¹⁸Okutema ezikura kuramara amahakano okunyaragania abhahakani abhakong'u.¹⁹Omuhiri wuno abhihirirwe nioomukong'u okutongera kukira omugye gweezinguru,no okuruana muigobhe. ²⁰Enda yo omutu eriguta kuurwa muitunduguru ryo omunwa gwaye;arigutiribhwa na amageswa go omunwa gwaye.²¹Obhuhoru no oruku bhirareetwa no orurimi,na bhano bhasegiri orurimi bharaarya eritunduguru ryaye. ²²Wuno akubhona omukari arabhona ekigiro ekizomu no okubhiona amazomu kuurwa kuu Tata.²³Omutu omutaka arasabha ebhigoongi,nawe omutu omunibhi arakyoora kwo obhuhari. ²⁴Wuno akuikora kubhasani bharu bharamureta kubhusarya,nawe ariho omusani wuno akubha haguhi kukira omuhiri.

¹Hakiriku omuutu omutaka wuuno akuugya gatigati yobhuzomu bhwaye kukiira wuuno anobhuhaari gatigati yamang'ana gaaye nani mugege. ²Nawe,bhutaari bhuzomu kubha nobhurohererya kuubha namang'eeni na wuno akuryaara bhwaangu arakoseera enziira.³Obhuzeeri bhwomutu bhurasaarya obhwikaari bhwaye neekoro yaaye ehatiirinda iguru ya Yehova. ⁴Obhuniibhi bhurongeerya abhaasani abhaaru,nawe omutu omutaka araangwa na bhasani bhaaye.⁵Omutwanikania worubheehi atakubhuurwa okwookya na wuuno akuhezeera orubheehi atakuryoorwa. ⁶Abhaaru bhakasaabha obhuheene okukuurwa kumuutu omukoribhusya na kyeego omuutu ni musaani wa wurya akuruusya omuheero.⁷Omutu omutaka arabhihiriirwa nabhahiri bhaaye bhoosi;bhasani abhaaru bhasuuki bharamung'osa kurwa kuneewe!Arabhabhirikira,nawe bhagiiri. ⁸Wuno akubhoona obhuzoomu araseega obhwikari bhwaabhu abheene;wuuno akubhiika obhung'eni arabhoona kiino kiri ekizomu.⁹Omutania wo orurimi atakubhuurwa akaisiizwa,nawe wuuno akuhezera orurimi aranyaharika. ¹⁰Etakwenderwa kumugege okwikaara kwo obhusimbe-nawe etaari kumubhagaati iguru yoo mutemi.¹¹Obhung'eeni bhurakoora omuutu akezeere okutiindanoobweeru bhwaye nikwabhiire obhuubhi. ¹²Okutiinda bhwo mutaake nikyomuruumo gweendi omumura,nawe obhuzomu bhwaa nikyorume mumanyaki.¹³Omwana omugege ni musaarya kuwiise waabhu no mukaari weriyoogeni maanzi gaano gakugera kirakeego. ¹⁴Enyumba yobhunibhi nikugaabha kuurwa kubhibhuuri,nawe omukaari wuuno akukoora emirimo atakweenda enzaara.¹⁵Ewe wuno akwikirirya erihatike arongeerya obhwikari bhwaye. ¹⁶Nawe omuutu wuno atakwisega ezinzira zyaaye araakwa.¹⁷Bhaano bhano bhuzomu kubhataaka bharasondeera Yehova narariihwa kukiirya yakoriri. ¹⁸Mukyoore aomwana waazo akyaari noobhwera notabbha nenamba gatigati yoruuku.¹⁹Omuutu wuno anobhuhoru abhuhaari nawe ariihe ekisiyoomba;kyego oramuturye,orakoora ego kabhiiri. ²⁰Hegerera obhutongeri na wikirirye amerekereryo,kyego onaagye kuubha nobhweera mubhuteero bhwoobhwikari bhwaazo.²¹Muzikooro zo mutu giriimu amahokya maaru,gaari amiseego ga Yehova niiryo riraaze ryimereere. ²²Obhunaaamba bhwo muutu ni bbhwikiriira bhwo muutu omutaka ni muzoomu kukira omubheehi.²³Okumusuuka Yehova okubherekererya abhatu kubhuhooru,wuno anayo arigutiibhwa atakunyaharika kwobhurweeri. ²⁴Omutu omunyoheeru arabhiika okubhoko kwaaye moosi wekaraaya,atakugukyoora iguru womunwa gwaaye.²⁵Kyeego aramuteme wuno anamakaaro abhagege bharaabha nobhuzomu;mwerekereerye wuno anabhunagya woosui arabhoona obhung'eeni.²⁶Wuno akumuteesha wise waabhu nokumuhebha nina waabhu ni mwaana wuno akureta ezisooni namasooro. ²⁷Mwana waani,kyeego aratatiige kwitegerera amerekereryo,orabhuura okuurwa kwing'aana ryo bhung'eeni.²⁸Omutongeri omubheehi ariigwa ehene nomutwe gwoo mubhihu kiramiira obhuubhi. ²⁹Obhutiniiro erihaguhi kubhaano bhakwigwa nemijaredi kumigongo gya abhagege.

¹Amarwa ni masakya na kyookunywebhwa ekikuru ni kyihi;wuno akubhura kwo obhunywi atana miseego. ²Okumwobhoha omutemi ni kyookwobhoha omwana wendwi wuno akuruma,wuno wosi akumutindirya ararusya enzagu yoobhuhoru bhwaye.³Ni bhusuuki kumutu wowosi wurya wuno atakwikirirya obhuhabhani,nawe kira omugege arabhururukira kuzihaka. ⁴Omutu omutobhu atakurima kwibhaga ryoo muhaya;aramohya ebhyakurya kwibhaga ryeerigesa nawe atakubhona kigiro.⁵Amisego mwosi mumwoyo gwoomutu ni kya amanzi ga ahagiro ahatambi,nawe omutu wuno anaobhung'eni aragataha. ⁶Ibhaga ryaru omutu arabhuga ewe ni muheene,nawe niei wuno akutura okumubhona wurya omuheene?⁷Omutu wuno akukora eheene aragenda mubhuheene bhwaye na abhaana bhaye bhano bhukuzaho eribhaga erindi bhano bhuzomererwa. ⁸Omutemi wuno akwikara kukitumbi kyoobhusinziro hano arakore emirimo gyoobhusinziro arahunga kwa ameso gaye,amabhihu goosi ghano gariembere waye.⁹Niwi akunagya kugamba, "omwoyo gwane nikoriri gurabhiri;ndimuhuha neebhibhi bhyane"? ¹⁰Eratiri yeetuubho yindi neebhirengo bhino bhitari kisi-Tatabhugya arabhabhihirirwa bhyoosi.¹¹No omumura aramenyekana kwa amahokya gaye,na eteemwa yaye aribha ni nzomu na yobhusuki. ¹²Amatwi gano gakwigwa,na ameso gano gakurora Tatabhugya akagatema gosi.¹³Otasega ezitiro orabha mutaka;ramukya ameso gazo orabha neebhyakurya bhyaaru. ¹⁴"Mbihu! Mbihu!'' arahaya omuguri,nawe hano akurwaho arikumya.¹⁵Ereho ezahabhu na amagina goobhwera,nawe iminwa gya amang'eni ni akagina koobhwera. ¹⁶Gega eribhoho aribhamweneryo arateeho ezihera okuribha esiiri yino omugini akutumibhwa,rigege aribha arariteho kuribhira esiiri yoobhusebheti.¹⁷Omukate guno gubhonekiri kwoobhungenererya guna obhusambaruku mumunwa,nawe kwibhaga isuhu omunwa gwaye kurizura obhukomogo bhwa amagina obhusuuhu. ¹⁸Amiseego garakongibhwa kwo obhukerenia bhwookwigwana na kwo obhurangiriribhwa bhwa amang'ana amazomu orarwana eriihi.¹⁹Omubhehi arabhuurana eriku kweego atakwenderwa kugwatirana na abhatu bhano bhakugamba bhukong'u. ²⁰Aribha omutu aramwihima wise na nina wabhu,ekimuri kyaye kirahemberwa mukiirima gatigati.²¹Engabho yino ebhonekiri bhwangu kubhutangiro,erabha na amazomu kusuhu kubhuteero. ²²Tiga kubhuga ''Enye ndakurihya kwiisaryo rino" mganye Tatabhugya ewe arakutuurya.²³Tatabhugya arabhihirirwa na eratiri yino etari kisi ne ebhirengo bhyoo kung'enererya bhitari bhizomu. ²⁴Amatambuka goomutu garakangatwa na Tatabhugya;ni tubhooki araimenye enzira yaye?²⁵Nimheto kwoomutu okugamba kwo okuhurumka, ''Ekigiro kino ni kyoobhwaare'' no okutanga okwiseega iguru waye kubha kinabhureraki hano oramare okurya emume. ²⁶Omutemi wa amiseego amazomu arabhahukania abhasarya na aragarabhura iguru wabhu erigata ryookuhurira.²⁷Ekoro yoo mutu nikimuri kya Tatabhugya,eratugukurya kira ahagiro mwosi waye. ²⁸Obhurage bhwoo bhuheene no obhwiteeho bhuramuriha omutemi;ekitumbi kyaye kya kirakeego kirakorwa kikong'eru kwoobhusegi.²⁹Ubhwaare bhwa abhatu abhamura ni nguru zyabhu na obhuzoma bhwa abhaatu abhakaruka ni ezimbwe zyabhu. ³⁰Ebhiteme bhino bhikukora amagaati bhirogya obhubhi no obhutema na akahimbo akasuuhu bhurakora ezimbara zya mwosi kubha nzomu.

¹Ekoro yo omutemi ni omugeri gwa amanzi mukubhoko kwa Yehova;arakukyoosa hohosi hanoakwenda. ²Kira enzira yo omutu ni bhwaheene mumeso gaye omwene,nawe Yehova wuno akurenga ezikoro.³Okukora ahene erikiribhwa bhukong'u na Yehova kukira omuhero. ⁴Ameso ge ekisubhe ne ekoro ya amihemo-obhueru bhwa abhabhisa-nio obhubhihu.⁵Amahokya go omwenderi gharaagya kubhubhoni obhwane,nawe omutu wuno akukora kwo obhwangu araagya kubhutaka. ⁶Okubhona obhunibhi kwo orurimi rwo orubhehi nioomuokyi ghuno gukuhita bhwangu no omuheto ghuno ghukugwatya.⁷Eriyoge rya abhabhihu rirabharuta kurekwo okubha bharanza okukora ehene. ⁸Enzira yo omusarya nio obhubhihu,nawe wo obhuroosya arakora ghehene.⁹Hakiriku okuikara kukoona yiiguru we irirongo otikara munyumba hamwe no omukari omurwani. ¹⁰Okuroehereerya kwo omubhihu niomughaho gwa amabhihu;omunyarobho wazo atakuroora obhuzomu mumeso ghaye.¹¹Omusekeeri hano akutemwa omugege arabhona obhung'eni,no omutu omung'eeni hano akwogiibhwa arongeerya amang'eni. ¹²Wuno akukora ehene arairibha enyumba yo omubhihu,arabhituumia abhabhihu kubhusarya.¹³Wuno akuribha amatwi ghaye kukiriiro kyo omutaka,kweki arariira,nawe atakukyoorwa. ¹⁴Omubhano gwo obhwibhisi guranyoohya obhuhari no omubhano gwo obhwibhisi guranyoohya obhuhari obhukuru.¹⁵Ehene ekukoreka,erareta obhuzomererwa kuwuno akukora amazomu,nawe erareta obhuobha obhukuru ku bhakori bha amabhihu. ¹⁶Wurya akuteregena okuurwa kunzira yo obhumenyi,aramunya kwi ikumanio rya abhaku.¹⁷Wuno asegiri bhuzomererwa arabha mutaka wuno asegiri amarwa atakunagya kubha munibhi. ¹⁸Omutu omubhihu ninyongera yoowuno akukora eheene,noomun'enererya nyongera waa bhaheene.¹⁹Akiruku kwikara kwiibhara kutiga okwikara hamwe noomukari wuno akusigirirya bhukong'u noobhutindi nookuraramika. ²⁰Ekibhumbiko kyoobhuzomu naamaguta bhiri munyumba nookusuka,nawe omutu omugege arabhisarya.²¹Omutu wuno akakora eheene noomuzomu-omutu wuno arabhona obhuhoru,eheene nookusuka. ²²Omutu wookusuka ararenga omugye gwa bhakimari,naa bharagwisya erigobhe rino bhakwisiga.²³Wuno akuribha omunua gwaye noorurimi rwaye ariribha omwene neenyako. ²⁴Omutu wee kigoti noo kwizuma- ''Kusekerera'' niryo erina ryaye-arakora kwaa mihemo na kwihema.²⁵Kurohererya kwoomutu omutobhi kuramwita,kwookubha amabhoko gaye garanga okukora emirimo. ²⁶Kwoorusiku orugima arabhonua obhusohu noobhusohu nawe wuno akukora eheene ararusya wara atakuribhira.²⁷Omuhero gwoo musarya niibhutindi,bhurabha niibhutindi bhukong'u hano akureta kwaa misego mabhihu. ²⁸Omutania worurimi aranyaharika,nawe wuno akwitegerera arongera kwiibhaga ryoosi.²⁹Omutu omubhi arakora obhusyo bhwaye kubha bhukong'u,nawe omutu omuheene niimuheene iguru weenzira yaye.³⁰Bhusuki bhutaroho,bhutaroho obhumenyi,hutariho obhumenyi rino rikunagya kwimerera kimosi na Yehova. ³¹Efarasi erakorwa kuurusiku rwoo kwitania,nawe obhukuru bhurabhoneka kuu Yehova.

¹Eriina erizomu rirasorwa kubhwaami noobhweru obhusuki ni kisi kukira ezihera na ezahabu. ²Abhaatu abhaniibhi na abhataka bhatubheeni kurino-Yehova ni omubhumbi weetu bhosi.³Omutu wa amang'eeni ararora enyaako nokwibhisa omweene,nawe omugege aragendererya na aranyaharika kunebho. ⁴Amariho ga obhunyoheru na kumwikirirya Yehova ni obhunibhi,obhusuki na obhuhoru.⁵Amahwa na omuheto gurahindira kunzira ya omubhihu ewe wuno akuribha obhuhoru bhwaye arabha kure nago. ⁶Omweegye omwaana enzira inoekwenderwa hano akubha akunguhiri atakutiga ameegyo gayo.⁷Abhaatu abhanibhi bharabhakangata abhaatu abhataka na bheene okukopa ni omubhagati wa wuno akukopesha. ⁸Wuno asegiri ezuruma aragesa enyaako na ehimbo yo obhururu bhwaaye eranyoora.⁹Omuutu we eriso rino ritana omwooyo,arasarikiwa,kwokubha ararya ahagiro hamwe ebhyakurya na abhataka. ¹⁰Muheebhe kure wee ezabhuro no omurwani,arareka murihi na amatuki garahwa.¹¹Wuno asegiri omwoyo omuzomu na amang'ana orubhango arabha omusaari waaye omukang'ati. ¹²Ameeso ga Yehova garagarora amang'eni,nawe aragitira amang'ana ga abhang'enererya.¹³Omutu omutobhu arabhuga, ''Ereho endwi muroobho! Ndabhiita ahagiro he enzira.'' ¹⁴Omunwa gwo omusiimbe ni omwoobho omutaambi;obhururu bhwa Yehova bhuregererya kuu wurya akusikira mwoosi waaye.¹⁵Obhugege bhubhohirwe mu mwooyo gwo omwaana,nawe okumukyora kwe ehimbo guramurusya hayo. ¹⁶Wuno akwibhinyenyera abhaatu abhataka okwongerya obhunibhi bhwaye no okubhaha abhanibhi arabha omutaka.¹⁷Tegya okutwi kwazo witegerere amang'ana ga bheene amang'eni no okukorera ekoro yaazo kumang'eeni gaane, ¹⁸bhuraza kubhaho obhuzomerwa kunawe hano oragaretaho mwoosi hano goosi garabhe muminwa gwaabhu. ¹⁹Eng'ana yazo ibhee kuu Yehova,ndageegya kunawe rero hata kunawe.²⁰Ntakwandikiri awe bhigambi emirongo etatu na ameegyo na amang'eeni, ²¹Kwookukwegya ehene kumang'ana gano gano gana obhuheene obhe na amakyooro go okwitegerera kubhano bhakutumiri.²²Otamwibhira omutaka kwokubha ni mutaka no okumutema kukiseku, ²³Yehova araimerera ekeesi yabhu na arabhibhira ubhuhoru bhano bhabhiri abhataka.²⁴Otakora obhusani no omutu wuno akangatibhwe noobhururu na otigekubha nabhwo hamwe na abhene obhururu bhuhari. ²⁵Oreega enzira yaye na orabha kigiro kyazo omweene.²⁶Otabha mubhayo bhakutema amabhoko wuno akuhaya amasiri gabhu. ²⁷Kama obhuriri enzira yo okuriha,nikiranagye kurekya omutu okugega obhuriri bhwazo iyaasi wazo?²⁸Otarusyaho erigina ryo obhuteero rya waheenga rino bhawise waabhu bhatereho. Omuruuzi omuutu wuno yitirwe kumirimo gyaye? ²⁹Arimerera mubhusyo bhwo omutemi;atakwimerera kubhusyo bhwa abhaatu bhegoego.

¹Hano okwikara kuurya hamwe no mkangati,rora kwa bhung'eni kino kitangirwe kuneebho. ²hamwe ni mutu asegiri ebhiakura bhukongu tura ekigeeso mwigoti. ³Otarohererya ebhinuru bhaayo kwokubha mbyakuurya bhya ruriimi.⁴Otakora mirimo bhukongu niho obhoone kiniibho;obhe no bhusuuki bhwo kwiisa niho omenye eribhaga rya kutiga. ⁵Orikiriryo ezimooni zyaazo zirorere iguuru waaye?Eraagya,kwokubha eraruguura amabhabha kye tai no kwibhururuka mwisaaro.⁶Otariiya kiakuriiya kyauria anemoni embihu-nootabha nabhwobha bwa ebhinuru bhyaaye, ⁷Nawe nio omutu wuno akusuuka amariho ge bhyakurya. "Okurya no okuunywa!"arakubhurira,nawe omutima gwaye gutari hamwe. ⁸Oraruka kigiro kisuhu kino oriri orabha obhurirye omukumo gwaazo omuzomu.⁹Otagamba gati yo kwitegerera abhagege,araza kuzeera obhusuki bhwa amang'ana gabhu. ¹⁰Otasamia igina rye kimenyekereryo kye ekare hamwe kutesha emigundu gya abhataka, ¹¹nawe omutuurya waabhu no muheene nokubhahakania ekesi yabhu ku neebho.¹²Yerekererye omutima gwaazo gati wo kwegya na matwi gaabhu kumang'aana gobhung'eni.¹³Otarekia kweegya omwana,hano oramuteme kwe himbo,atakukwa. ¹⁴Nawe wuno okwenderwa kumutema kwa himbo no kuikoza omutima gwaye okukwa.¹⁵Omwanawane,kumutima yaazo gunezisoni,nosi omutima gwaane gukuzomererwa; ¹⁶agiro hane mosi bhukong'u harazomereerwa bhukongu emiinwa gyaane hano gikugamba eheene.¹⁷Otikirirya omutima gwazo kubhaseega bhano bhakusaarya,nawe gendererya kumsuuka tatabhugya ezisiku zyoosi. ¹⁸Heene okuganya kwaane ritakuurushibhwaho neezisiku zyaazo hano zikuuza.¹⁹Igwa-awe!-omwanawane,noobhe orasuuka nawerekeryeomutima gwaazo gati we enzira. ²⁰Mtagwatana hamwe nabhagwatwa bha maarwa,hamwe abhari bhezinyama abhanaamba, ²¹kwokubha omunywi wa maarwa nomunamba bharabha bhataka ne ezitiro zirabhibhisha na amanyamuku gomweenda.²²Mwitegerere wise wenyu wuno akwiibhuuri notamuzeera nyoko wenyu kwibhaga ryo bhukungu. ²³Yiguure eheene,nawe atuguurya,gura obhusuki,okusuka nokwimeenya.²⁴Uso wenye we eheene arazomererwa bhukong'u,wuno akumwibhuura omwaana wuno akusuuka aramuzomererwa. ²⁵Muzomerye wise weenyu na nina weenyu na wuno akwibhuuri azomererwe.²⁶Mwaana waane,niha omutima gwaazo nezimoni zyaazo zisomereryo ezinzira zyaane. ²⁷Kwokubha omusimbe ni iruma itaambi,nomukaari wo musubhe wo owundi nkitaaro kinyerere. ²⁸Arazobha kyomusakuri no kwongeryo obhubhaaru arabhongererya obhwaaru bhwa abhaatu.²⁹Ninawe we enyako? Ninawe wuno akurugura?Niwi wuno akurwaana?Niwi wuno akwizumaangira?niwi wuno anebhiteme atarikung'aana?Niwi anezimoni ezikangaaru? ³⁰Nibhano bhakwisuuka ku maarwa,bhaano bhakusakiirya kusanganiya amaarwa.³¹Otarorerera amarwa orabhe mkangaaru,neribhaga oranyeregeta nyeregeta kukisezo nokuhiringita kwa bhunyohu. ³²Kubhusinziro bhwaye bhuraruma kye enzoka ne eriogo ryaaye kye rihiri. ³³Ezimoni zyaazo zirarora ebhigoro ebhindi noo mutima gwaazo guragamba ebhigiro bhyo bhuhaari.³⁴Orabha kya wuno ahindiri kunyaanza na kiego wuuno akuhindira kwikoonge.'' ³⁵Bhanitemiri," orabhuga,''nawe ntanyaharikiri.Bhanitemiri,nawe ntigwiiri bhiteme.Ndabhuuka ryoori?Ndamohya kyo kunywa ekiindi.''

¹Otabha ne erihari kubhabhihu,na otabha na mweekogwo kugwatana nabho, ²kwokubha ekoro yaabhu ereenda okureta eriyooge ne eminwa gyabho girareta enyaaku.³Kumangeni omugye gurombokwa nokubha na amanaga. ⁴Kumang'eeni ebhyumba bhyaku bhirizuribhwa ne ebhigiro ebhizomu no obhunibhi bhwokuzomerwa.⁵Omukimari amang'eni mukong;u,noomutu wa amang'eni arongerya amanaga gaaye; ⁶kwokubha kwobhukangati bhwa amang'eeni bhuranagya kukora eriihi no kubhatongeri abhaaru kuroho okukunda.⁷Amang'eni gari iguru yo omugye;atakwigura omunwa gwaaye kugamba kubhihita.⁸Areho wuno akwiseega kuhokya amabhihu bhara,mtoga omukuru wa mabhihu. ⁹Amiseego gomugege ni matemyo mabhihu na abhatu bhararegana no omutu wa nzeero.¹⁰Aribha urabha murosu no omwobha orusiku rwe nyaaku,omaga gaazo masuhu.¹¹Nobhaturya bhano bhagegirwe kugya kusinzibhwa. ¹²Aribha oragaamba, 'Rora,tutamenyiri kyo kyosi iguru wa rino,''wuno akureengerya eziko atamenyiri ganookuhaya? Nawuno akuniibha obhuhoru bhwazo atamenyiri?Ho,Rioobha atakumuheene kyo wumwi kino akwenderwa.¹³Omwana wani,norye obhuuki kwokubha mbuzomu,kwookubha erineero ryo obhuuki ni zomereru hano okurisamaku. ¹⁴Obhung'eeni nibhwa bhorikumweeya gwaazo hano oraikomya,kino okwisiga ketakukubhura na orabha na kyokwisiigira.¹⁵Utaganyera kwokwitengera nkya abhabhisa bhano bhakurwania omugye gwo morema umweerakoro.Otasarya omugye gwaye! ¹⁶Kwokubha omoremo mweryakoro ahaagwa no kwimererira kirakabha tee muhungati no kwimoka kweki,nawe abhabhisa bharagwisibha no oruku.¹⁷Otazomerwa hano omubhisa wazo akugwa ne ekoro yaazo etazomerwa hano akwinyahara, ¹⁸orabha Yehova ararora nokwigwa kisi nokuruushya ebhitemo iguru waaye.¹⁹Mtasukibhwa kukubha ya bhatemya mabhihu no kubharorera enihari abhaatu abhabhisa, ²⁰kwokubha omutu omubhihu atari nakyo kwisegera ne etara yaabhu erarima.²¹Omwanawane;mtunera Yehova,nokumwobhoha omutemi,atagwatana na bhaatu abhasariku. ²²nkyiigo oruku rurabhatukirirania,niwewi wuno okumenya obhukuru bhwa enyaaku bhuno bhukuza kubhaneebhwe bhoosigo?²³Gano mang'ana gabheene mang'eeni.Obhung'ahera kwokutena ekiina kwe emigiro etari kisi.²⁴Wono akumubhuura omusarya, "Awee orikisi,'' arihimibhwa na abhaatu nabhyaaru bhera muragania. ²⁵Bhano bhaku bhayogya kwokubharekya abhabhihu bhana nobhuzomererwa norubhango ruraaza kubhaneebhwa.²⁶Wuno akuhaya gaaheene nkya wuno akubusu eminua. ²⁷Tura kisi emirimo gyigutu,nokutura ebhigiro bhyoosi bhya kumuguundu kukubha yaazo.²⁸Utarusha obhusaidi bhweekibhehi kuumunwa gwaazo. ²⁹Utahaya, ''Enye ndamkora nkyeego yankorere.''³⁰Nkagya haguhi no omugundu gwo omutobhu,nkaheta komuundu gwe mizabibu gwo muutu atana mang'eeni. ³¹Amahwa ngameriri ahagiro hoosiigo,ne erirobha nikabha rihunyirwe kwe erisurusuuta,ne enyiki ya amagina yaari ehomokiri.³²Neho nkarirora nokwisega iguru waaye;nkarorere nokugee ameegibhwe. ³³Nooraye kusuhu,suundagare kusuuhu, hindira nokukunya amabhoko kusuuhu- ³⁴noobhutaka bhurakuhikaku kwo kegenda iguru wazo,nobhino waarikenda bhirabha nkya abhasirikare bha amasabha.

¹Gano ni amagano go Sulemani,gaagwatirwe na abhatu bha Hezekia,omutemi wa Yuda. ²Obhweeru bhwe Eryoobha bhurabhisa ering'ana,obhweeru bhwa abhatemi bhuramenyekereerya iguru wa amang'ana. ³Kama erisaaro riri iguru weekyaro,ne ekoro yo omutemi etakurorwa.⁴Rusha obhuchafu kuzihera,no omuturi we ebhyooma aranagya kuhokeerya ezihera kubhuhokya bhwaaye. ⁵Hamwe na gayo,mubharusyeho abhatu abhabhi kumutemi,neekitumbe kyaaye kiguru kirakorwa kwa makokyo mazomu.⁶Otaza kwikumya omwene kumutemi,nootimerera ahagiro hano hakoriirwe abhakuru.⁷Hakiriku wuno akukubhurira, ''Nauze hano' kuriko awe okwisuukya kumukuru. ⁸Otamamana kutina kukino oruuzi.Kwokubha oraaza kukoraabhwi mubhuteero,eribhaga rino omunyarobho wazo akukusuukya?⁹Ihakanira omwene kumunyarobho wazo,otahaya siri ya mutu wuundi, ¹⁰kama tigo uno akukwiigwa arareeta ezisoni iguru waazo kwa amang'ana amabhihu gano gatakutiigwa.¹¹Kukerenia amang'ana gano gakusorwa bhwahene,nkye edhahabu ino ekoriirwe kuzihera. ¹²Kye epete ye dhahabhu,naekigiro kino kikorirwe kwe dhahabhu enzomu,nigo okutwi kukurekiibhwa kwa bhuzomu.¹³Kye embeho emeezu eribhaga rye engesa,nigari omutu omuhene kubhano bhakumutuma,bharangaraara obhwikari bhwe ezimbwa zyaaye. ¹⁴Kya amasaro no omukama guno gutana embura,nigo eri ku wuno akwihemeera omubhano guno atarusiirye.¹⁵Kwokwikong'ererya omwimereri aranagya kubhuriirwa amang'ana mazomu gokusakirya.¹⁶Hano arabhone obhuuki,norye bhwaaru,nahno okuurya bhwaaru bhukong'u oraruka. ¹⁷Otagya wamunyaroobho wazo ibhaaga ryoosi,oramuniihya no okumutindya.¹⁸Uno akubhehera omunyaroobho waye ewe nkye erugu yookurwanira,au erisabha,nemibhwe emihari. ¹⁹Okumuroreera omutu atari omuhene eribhaga rye enyako nkyerino erirweeri,no okuguru kwokutereera.²⁰Omutu uno arusirye ezingibho mumbeho,au nkyesumu ino eterwe mumunyu,nigo eri kuuno akwemba eryembo kuwekoro ekong'u.²¹Hano omubhihu wazo ana enzara,muhane ebhyakurya arye,aribha ne enyota mhane amanzi anywe, ²²kwego oramwitiriira amakara mumutwe gwaaye,na Yehova arakuhana omubhano.²³Obhuhene omukama gwa nyanza gurareta embura nigo omutu uno akuhurukya esiri arareta obhutindi. ²⁴Ni hakiriku wikare mukona yo kwirongo kuriko okwikara nyumba imwe no omukari we eriyooge.²⁵Kya amanzi ge embeho kwenyota,nigo eri enyanza enzomu kureka ekyaaro kya kure. ²⁶Kyo omusobhogo guno gusarikiri,nigo ari omutu omuzomu wuno akugwereno neno mubhatu abhabhihu.²⁷Etari bhuzomu kurya obhuki bhwaaru;kwego nkyokumohya obhuzomererwa kubhuzomererwa. ²⁸Omutu wuno atakwitawaara nkyoomugye guno gukomokiri gutana rugito.

¹Kyekitu eribhaga orwoya embura mwigesa nigo omugege akwenderwa obhusuki. ²Kyego shorowanda bharibhururuka nokumira ebhigunyo eribhaga ryo kubhururuka,nigo eri eraana yino etakwenderwa atakwituma.³Mujaredi bwokubha yefarasi,mkangati iguru wekitiri nehimbo iguru wo mugongo gyo mugege. ⁴Otamukyora omugege wae,nokugwatana omugege wae atabha kyanewe.⁵Omugege naagwatane no mugege waye, kwa amang'eni gameso gaye omwene. ⁶Wuno akutuma omwimereri kwokubhoko kwo mugege aratina maguru gaye omwene nokunywa.⁷Amaguru gomurema gararangaza hasi kumagano kumunua gwo mgege. ⁸Arasakya erigina muruzumyo nikisi nokumuha obhugungu omugege.⁹Erhwa rirasama kukubhoko kwomunywi kyamagano kumutwe gwa abhagege. ¹⁰Omutasi we mibhwe uno akunyahara omtu kyo mtu uno akunyahara omugege hamwe omutu wuno akuhita hagui nawe.¹¹Kyego etembwa ekikyorera amaruki gaye mgo ari omugege uno akukyorera obhuzema bhwaye. ¹²Oramurora omutu omung'eni mumeso gaye omwene? omugege anobhusige kukira ewe.¹³Mtu omutobhu arabhuga ''Endwi erikunzira! Endwi eri gatigati wenzira ekuru!" ¹⁴Kyego ekiseku kikwiguka kuchapi zyaye, nigo ari omutu omutobhu kubhuriri bhwaye.¹⁵Omutu omutobhu aratura okubhoko kwaye mkufurira nahano atana nguru okwimukya kugya mumunwa gwaye. ¹⁶Omutu omutobhu niwamang'eni mumeso gaye omwene kukira abhatu muhungati bhobhumenyi.¹⁷Omutu wuno akugwatirira amatwi gembwa nigo ari omuhiti uno akubhona obhururu kwihi rino ntari ryaye.¹⁸Omutu omuyanga wuno akutasa emibhwe, ¹⁹nigo ari wuno akung'ena omunyarobho waye nokubhuga, ''ntahagamba amakoro?''²⁰Okubhura ezikwi,omuriro gurarima;naharya hatana omugegi werihi aratiga. ²¹Amakara garagwatya omuriro nezikwi iguru womuriro, nigo ari omutu omutindi okugwatya erihi.²²Amang'ana gombehi kyezimembe nzomereru zino zikwituma iyasi orubhara rwa mwosi wombiri. ²³Ekirore kino kikundikirya ekigiro kyobhutoto kyeminwa gino gikuhya omutima omubhihu.²⁴Wuno akutindira abharikyaye arabhisa obhubhi bhwaye bhomunwa bhurabhisa orurimi musiwaye omwene. ²⁵Aragamba kwebhigongi, nawe otamwikirirya kwokubha anamatemyo muhungati kumutima gwaye. ²⁶Ingabha obhubhi bhwaye bhikundikiribhe kwokung'enererya obhubhi bhwae bhurabha mwasi kwokwikumania.²⁷Wuno akutuka omwobho aragwamu omwene nerigina riramusha wuno akurihuna. ²⁸Orurimi ryombehi ruratindira abhatu bhakunyahara eminwa gyoorumi okusukya haguhi obhusarya.

¹Otikumia kwiguru wa etabhori,nawe otakumenya orusiku ruraretaki. ²Omutu owondi arakumia nakutari munywa gwazyo omwene,nio omugini nagitari minwaa gyaye omwene.³Hegerera obhurito bhwe erigina na obhurito bhwa amarobha-obhutindi bhwa omutamutamu nibhurito kukira bhiyo bhyosigo. ⁴Bhuriho ukatili bhwo obhutindi ubhuhari okubha nobbhutindi nawe niwewi akunagya kwimerera mubhusho bhwe erihari?⁵Nihakiriku kwanga kwa mwasi kuriko obhusegi bhwo okwibhisa. ⁶Obhuhene nebhidonda bhiro bhikorirwe nomusani,nawe omubhi aratura kukubusu kwa kusabha omwabhire.⁷Omutu wuno ariri nokwiguta aranga erinena rye obhuki,hakiriku kuu mutu wenzara kira ekigiro kiruru nikizomu. ⁸Ekinyunyi kirirugura kureka mukinyumba kyaye nkyomutu wuno akubhura orubhara runo akwikara.⁹Pafyumu yorurumbesi garakora ekoro erazomerwa nawe obhuzomu bhwa omusani nibhuzomu kukira obhutongeri bhwaye. ¹⁰Otatiga musani wazo na musani wa wuso wenyu,notagya munyumba yomuhiri wazo gatigati worusiku rworuku rwazo nihakiriku omusani wuno ariho haguhi kuriko omuhiri wuno arikure.¹¹Mwanawane,obhe na misego,omoyo gwane gurazomerwa;okumara ndakyora wuno akunsekerera. ¹²Omutu wamisego ararora enyako nokwibhisa omwene,nawe omugege arenderera kugya nokunyaka kwiguru wenyako.¹³Eribho kwokubha omwene araritura kyezimbirya kyo mwimereri wesiri yomugini rigege kwokubha aratura omwimereri wabhasimbe. ¹⁴Wuno akuhana omunyarobho waye orubhango kwe eriraka riguru etabhori zuri rubhango ruyo ruritegereribhwa kubha mihime.¹⁵Omukari we ryoga nama obhusunyutu bhwe embura yakimera; ¹⁶kumuribhira kyego okuribhira omukama hamwe kusakya kuigwata amaguta kwo okubhoko kwazo kwo obhuryo.¹⁷Ekyoma kuratarya ekyoma kwenzira yiryayira; omutu aratarya musani waye. ¹⁸Wuno akubhika mumuti ararya amatunduguru gaye nawurya wokumubhurira tata waye erasukwa.¹⁹Kyego amanzi gakugega ekiriri kye ekisho kyo omutu,nigo ego ekoro yomutu. ²⁰Kwokubha nyari nobhusarya bhitakwiswa nigo ziri ezimoni zyo omutu zitakutura kwiswa.²¹Haguhi homuhero netumo kwe zahabu,nomutu atakusakibhwa kukumibhwa. ²²Hano orabhe orakozakoza omutamutamu nomwisho-hamwe nebhyakurya nawe obhutamutamu bhwaye bhutakuhwa.²³Wikare omenyiri obhukama bhwa ebhigoto bhyazo na onyake iguru wetumo yazo, ²⁴kubha obhunibhi bhutakwikara kimera nawe omusanga gurikara kuziganda zyosigo? ²⁵Amatu garabhuka nobhukuri bhuhya bhararoreka kubhiguru bhye ebhyakurya bhye emitugo bhirakumanibhwa musi.²⁶Ezing'ondu zirakuha emibhoho gabhu nezimburi zirakuhana ekihiko kyo omugundu. ²⁷Garabhaho amabhere gezimburi kubhyakurya bhyazo-ebhyakurya kumugye gwazo nebhyakurya bhya abhahhokya bhazo abhakya.

¹Abhabhihu bhararyarya hatariho mutu wuno akubharyarya,nawe bhano bhakukura eheene niibhagumiru kyeendwi emura. ²Kwookubha yoobhusarya bhweesi,bhariho abhakuru bhabhu, kubha yoomutu woobhung'eni,noobhumenyi,erabhaho kweeribhaga itambi.³Omutu omutaka wokubhandirirya abhaatu abhandi abhataka nikyeembura yino ekuma yinoetakusagya bhakurya. ⁴Bharya bhakwanga emigiro bharakumia abhatu abhabhihu,kubha bhano bhakubhika emigiro bharitana iguru wabbhu.⁵Abhatu abhabhihu bhatamenyiri eheene,kwego bhano bhakumukyoma Yehova bharamenya kira kigiro. ⁶Hakiriku omutu omutaka wuno akugenda gatigati woomuheene kukira omutu omunibhi okumung'enererya gati wee zinzirya zyaye.⁷Wuno akubhika emigiro niimwana wuno akumenya kubha woobhumwe naabhasohu arasukya wise wabhu. ⁸Wuno akunyora abhweeni kwookurihya kyongerereryo ekuru arakumania obhunibhi bhwaye iguru woo wundi wuno akubha neebhigongi kuubhatu abhataka.⁹Aribha omutu arakoserya kure okutwi kwaye kwigwe emigiro,hata amasabhi gaye nimabhihu. ¹⁰Ewe wuno akumusarya kuubhwera gati weenzira yoobhubhihu aragwera kwiiruma ryaye omwene,kubha abhaheene bharabhona engabho nzomu.¹¹Omutu omunibhi aratura kubha weheene mumeso gaye omwene,kubha omutu omutaka omwene obhumenyi bhuramukyomia. ¹²Hana kubhaa no kuhita kuubhano bhakukora eheene,kuna bhuzomu bhukuru,kubha hano bhatakugororoka abhabhihu abhatu bharibhisa abhene.¹³Wuno akubhisa obhubhi bhwaye atakunyora,kweego wookusabha nookutiga arerekibhwa ebhigongi. ¹⁴Arazomerwa wuno akwikara kwookusuka,kubha wuno akukora omutima gwaye aragwa iguru weenyako.¹⁵Kyeendwi yino ekung'ona hamwe edubu wuno akwisangirita niikyego omukarikati omubhihu wabhatu iguru wabhatu abhataka. ¹⁶Omukangati wuno akubhura obhumenyi nii mubhandirirya,kubha wookutindira ezisoni arabhaho ezyisiku zyaye.¹⁷Oribha omutu anobhubhi kwokubha yitiri amayinga goomutu,arabha muryari tee oruku naatakubhona wookumusakirya. ¹⁸Wookugya kuwobhuzomu arabha kisi kubha enzira yoo bhung'enererya aragwa bhwangu.¹⁹Wuno akukora emirimo mumugundu gwaye arabhona ebhyakurya bhyaru,wuno akutunurira emirimu gyoobhweene aranyora obhutaka bhukuru. ²⁰Omutu omuheene atabhona orubhango rwaru wuno akunyora obhunibhi bhwaangu atakutura kubhona kwokibhwa.²¹Kutari bhuzomu kwerekya kugwera rubhara rumwe,nawe kweekitinika kyoomukate omutu arakora obhubhihu. ²²Omuutu woo mwoyo aranguhya kubhunibhi,nawe atamenyiri niibhutakaki bhuaraza iguru waye.²³Wuno akumuharira omutu araza kubhona fadhila nzaru kureka kwewe mumukumia bhukong'u kwoo rurimi rwaye. ²⁴Wuno akumwembera wise wabhu naa nina wabhu nookubhuga, "Kuyo kutari bhubhi", niiwumwe wookusarya.²⁵Omuutu woo mugone arasigirirya kutama kwigwana,nawe wuno akumuganya Yehova aranyora. ²⁶Wuno akwisiga omwoyo ogwaye omwene nii mugege,kubha wuno akugya kwookusuka oraribha kubha noobhubhihu.²⁷Wuno akubhaha abhataka atakusuhirwa kigiro,kubha wuno akubhahindirya ameso aranyora mihime maru. ²⁸Abhatu abhabhi hano bhakugororoka,abhatu bbharibhisa abheene,nawe abhatu abhabhihu bharanyaharika,bhano bhakukora eheene bharinyongera.

¹Omutu wuno abhweni obhurekibhwa bhwaaru nawe arahangararya ebhigoti byaye arabhunika mwosi we eribhaga iguhi na atakuhora. ²Abhatemia bha amazomu hano bhakwaruha,abhatu bharazomerwa,kweribhaga rino omutu omubhi hano akukangata,abhatu bhararwara.³Omweene kusega amiseego wise waabhu ewe arazomererwa,nawe wuno akugwatana na abhasimbe arasarya obhunibhi bhwaye. ⁴Omutemi arakongya ekyaro,kwe eheene,naabhe mwene kutunia ehongo arayingaragania.⁵Omutu wuno akwikangatirirya kumunyarobho waye aranyaragania oruwaya kumaguru gaaye. ⁶Omutu omubhihu aragwatibhwa mumuheto gwa amabhihu gaaye omwene,kweki wuno akuhokya eheene arembano okuzomererwa.⁷Wuno akukora eheene aribhagirira obhutunia bwo omutaka;omutu omubhi atamenyiri miseego kya gaaye. ⁸Mwene kusekerera aratura omuriro mumugye,kutiga baarya bheene misego barayikyoro.⁹OMutu mweene miseego hano hakuhangana no omutamutamu,arabhihirirwa no okuseka,kutakubhaho na obhuhoreru. ¹⁰Wekoro embhihu aramubhihirirwa mwene obhuhine na aratuna obwikari bwamwene.¹¹Omutamutamu arerekya ekoro yaye,neno omutamutamu mwene misego arayigwata no okuyitindya omwenego. ¹²Aribha omukangati aritegerere orurimi,abhakuru bhaye bhoosi bharabha bhabhi.¹³Omutu omtaka no mubhandirirya bharatubhana,okubha Yehova arahana obhweru ameso gaabhu bhoosigo. ¹⁴Kyego omukangati aramusinzira omutaka kwo obhwitegereru,ekitumbi kyaye kye emiringa kirakongibhwa kiraka.¹⁵Ehimbo nobhurekibhwa erareta obhwisegi,nawe omwana arakyoribhwa aramsukya nina waabhu. ¹⁶Abhatu abhabhi hano bhakukangata,obhubhi bharongerya,kweki bheene kutemia eheene bhararora obbhugwi bwa abhatu abhabhi.¹⁷Noteme omwana wazo woosi arakuha obhuminyi;arareta obhuzomererwa kubwikari bwaazo. ¹⁸Butareho obhurori bwo obhuroti abhatu bharagya bhwabhubhwigo,nawe mwene kuiribha erihatika yeribhwe.¹⁹Omubhagati atakunagya kukyosibhwa kwa mang'ana,nawe yingabha aramenya bhutareho bwikirirya. ²⁰Awe oramurora mutu mwene bhwaangu kumang'ana gaye? Bhureho obhwisigi bukonju kumutamutamu kutiga kwewe.²¹Omwene kumurera omubhagati waye kwemera obhumura,obhurumusiro bwaye erabha enyaako. ²²Omutu mwene koro arasiigirirya eriyooge ne isebhugya omweenekoro bhukong'u aratemya amabhihu maaru.²³Ekisubhe kyo omutu kiramwika haasi,nawe omwene ekoro yokwihomboha arahanwa obhusuukwa. ²⁴Wuno akugwatarania no omwiibhi aratindira obhwikari bhwaye omweene;ariigwa amiihime nakweeki atakuhaya kyokyosi.²⁵Ukumwobhoha omuutu ni muheto,nawe omweene wokumwisiga Yehova ariibhwe. ²⁶Abhaaru bharabhumohya obhushu bhyo omutaaka,nawe akurweera ku Yehova araaza eheene kuneewe.²⁷Omutu omwangiri ebhigiro bhya abhaatu niomubhi kwu bheene kuhokya eheene,nawe omweene enzera yeheene niomubhi kubhaatu abhabhiihu.

¹Amang'ana ga Aguri omwana wa Yake-omutongeri:omutu wuyo akamubhurira Ithieli,kwa Ithieli nobhukari: ²Hene ndiho kyetienyi kukira omutu nantana bhung'eni bhwo omutu. ³Ntegiri kusuka,nantana mang'eni go obhuzomu.⁴Nawe ninewi wuno agiri iguru werisaro nokukyora hasi? Niwi akumenie omukama mumabhoko gaye?Niwi akumenie amanzi mukabhuti?Niwewi wuno akong'erye ezisonga zya ekyaro kyosi? Erina ryaye niwewi,ne rina rya omwana waye niwewi?Hene omenyiri!⁵Kira eng'ana yeryobha esakibhwe ewe ningubha kubharya bhakuryarira kunewe. ⁶Otongererya amang'ana gano,hamwe areakurekya,narakusukirya kubha mubhehi.⁷Bhigiro bhibhiri ndasabha, otabhyangira kunenye kukubha nkyari kukwa: ⁸Okwihema norurimi bhiture kure nanenye.Otaniha bhutaka hamwe bhunibhi,niha bhyakurya bhino nikwenda. ⁹Kwokubha ndibhona bhyaru bhukong'u ngakwanga awe nokubhuga, "Yehova niwewi?" nokubha ndabhe mutaka,ndibha nokuzera erina rye eryobha ryane.¹⁰Otazabhura omubhagati mubhusho bhwa tata wabhu,arakwihima norabhona amasemo.¹¹Orwibhuro runo rukumurya wise wabhu kuzomererwa nina wabhu, ¹²orwibhuro ruyo nduzomu gatigati wameso gabhu abhene,nawe bhakyari kwogibhwa obhunyaka bhwabhu.¹³Ruyo ndwibhuro-kwigabhwi ameso gabhu ganebhigoti nezingohe zyabhu zimereri iguru! ¹⁴ruriho orwibhuro runo ameno gabhu mkyomuhyo nyambarya ibhiri namaguha gezisaya zyabhu nibhigeso,hamwe bhature kunyanyamura omutaka bhamurushe mukyaro nokwenda areke gatigati wabhu.¹⁵Ruba anabhakya bhabhiri, ''Rushao na Rushao'' bhararira.Bhireho bhigiro bhitatu bhino bhitakwiguta, bhine bhino bhitakugamba, Erisa'': ¹⁶Nyari,enda engumba,ekyaro kye enyota kwa manzi,nomuriro guno gutakugamba, "Erisa.'' ¹⁷Eriso rino rikumusekerera wuso nokumuzera nokwikirirya kwa nina,meso gaye garasondogorwa na nyamuko wamumwaro nararibhwa no uruhumi.¹⁸Bhireho bhigiro bhitatu bhino bhikundugurya, bhine bhino bhitamenyiri: ¹⁹enzira yoruhumi kwisaro;enzira yenzoka iguru weritare; enzira yemeri iguru wekoro wenyanza;nenzira hamwe nomkari omumura.²⁰Yino nenzira yo omuri-ararya nokugya mumunwa gwaye nokuhaya, ''ntakoriri bhubhi bhuyo bhwosi.''²¹Iyasi webhigiro bhitatu mukyaro bhirarigita nebhine bhitakunagya kwikonge'ererya; ²²omubhagati hano akubha omutemi;omunyaku hano akwiguta ebhyakurya; ²³omukari wuno akubhihirirwa hano akurwera;omutumwa hano akugega omweya gwo omukuru waye.²⁴Ebhigiro bhine mukyaro nibhisuhu nawe bhina misego: ²⁵omuserere nikigiro kino kitari kigumiru, nawe kiratebhya abhyakurya bhyabhu kwibhaga ryetemwa, ²⁶wibari bhitari bhigiro bhye ezinguru nawe bhirakora obhwikari bhwabhu kumatare.²⁷Enzigi zitana omutemi,nawe zyosigo zinarugendo rumwe. ²⁸Kwokubha nyaregara oratura kumukunya kwa amabhoko gazo abhiri, nawe bharabhoneka gatigati we enyumba yo omutemi.²⁹Kuna bhigiro bhitatu bhino nigeni gatigati worugendo nabhine bhino nigeni gatigati kubhigiro bhyokugenda: ³⁰endwi,yino yikeri gatigati wezityenyi-nawe atakwobhoha na kigiro kyokyosi; ³¹etewa eragenda kwa kwihema;emburi;nomutemi wuno abhasirikare bhariho embarika waye.³²Kwokubha obhe nimunyaku wikurye awe omwene nakwokubha wari wimereri kibhi-tura okubhoko kwazo iguru womunwa gwazo. ³³Kwokubha kutundya amabhere kurakora amaguta nerinyweru ryo omutu rirarusha amanyinga kwokubha ritemirwe,nawe amatemio garakorwa kwa bhutindi kwibhurya obhutindi.

¹Amang'ana go omutemi Lemueli-amakumiriiryo gano yegiibwe nina wabhu. ²Mwanawane nihi?Niki omwana weenda yane?Niki omwana we ebhiroto byane? ³Ezinguru zyazo otabhaho abhakari;bhano bhakusarya obhutemi bhwe enzira yazo.⁴Lemueli,noonywe amarwa,etari kwookubha yo obhutemi,etari kwo abhakangati okubhurya, ''ekigwatwa ekihari kiri hayi?" ⁵Kwokubha aribha bharaanywa,bharebha erisinziro niiki, no okubhuurya obhuheene bhwa bhosi bhano bhanyaharibhwe.⁶Bhahane ekigwatwa ekihari abhatu bhano bhabhuriiri,amarwa kubhano bhakunyaharika no obhusungu. ⁷Araanywa no okwebha obhutaka bhwaye atakuhita enyako yaye.⁸Kereenia kubhano bhatakunaagya okukerenia,kumasabho ghabhana bhosi bhakubhura. ⁹Kerenia no osinzire kubhirengo bhye ehene,noosakiirye erisabho rya abhataka na abhatu bhano bhakuenda.¹⁰Omukari omukaari ni wewi akunaagya kumubhona?Obhuhoreru bhwaye ni bhwaaru kukira ebhigiro ebhizomu. ¹¹Ekoro yo omusubhe waye eramuikirirya,atakubha omutaka. ¹²Aramukorera amang'ana amazomu ghatari amabhihu ezisiku zyosi zyo obhwikari bhwaye.¹³Arasora engibho na ethai,na arakoora amirimo gyaye gye amabhoko kwo obhuzomereerwa. ¹⁴Ariho kye emeri ya abhakori bhe ebhiasara,arareta ebhyakurya bhyiaye kurwa kure. ¹⁵Arimuuka eribhaga ryo obhutiku no okuhabha abhiakurya abhatu bha mumugye gwaye,nookusondya emirimo kubhahookya bhe ekikari.¹⁶Arariitegerera omugundu nokugugura,kwe eritunduguru rya amabhoko ghaye areemia omugundu gwe emizabibu. ¹⁷Ewe omwene ariibhoka ezinguru no okukoonya amabhoko ghaye.¹⁸Araroora ni kihe kikureta obhuera obhuzomu kunewe,obhutiku bhwosi etara yaye atakuriimibhwa. ¹⁹Amabhoko ghaye aragatuura kumukwaami gwo okuriiziriira obhuze no okugwatirira kyoo kuriiziriira.²⁰Okubhoko kwaye kurabhahikira abhatu abhataka ;amabhoko ghaye garabhahikira abhatu bhano bhakuenda. ²¹Atakuobhoha omusoke kumuugye gwaye,kwookubha enyumba yaye yosigo ayibhohirye kwe engibho ekangaru.²²Arakora amaaryo ge ekitanda kyaaye,nookuibhoha ezingibho ezinzomu zye ezambarau enzomu. ²³Omusubhe waye amenyekeni mubhisyoko,hano akuikara na abhakaruka bhe ekyaaro.²⁴Arakora amibhoho amazomu no okugaguurya, nirareta emichipi kubhakori bhe ebhiyasara. ²⁵Yiibhohiri ezinguru no obhusuhi,ne eribhaga rino rikuuza araseka.²⁶AArasama omunwa gwaye kwo obhusuki ne erisinziro ryo obhusambaruku riri kururimi rwaye. ²⁷Araroora enzira ya enyumba yaye na atakunaagya kuurya amabhotoro go obhutobhu.²⁸Abhana bhaye bharimuka no okumubhiorikira bhwahene,no omusubhe waye aramukumia,arabhuga, ²⁹''Abhakari abharu bhakoriri bhwahene,nawe awe obhahitii bhosigo.''³⁰Obhwihemi no obhung'enererya,obhuzomu no obhubhihu; nawe omukari wuno akusabha Eryobha,arakumibhwa. ³¹Mumuhe eritunduguru rya amabhoko ghaye ne emirimo gyaye gimukumie mubhisoko.

¹Eriembo erizomu,ryw Sulemani.Omukari omusuhu hano akugaamba no omunyangi waye. ²O,hano wangambusirye na okunibusu kwomunwa gwazo,kwakubha okuruseega kwazo nikuzomu,na amatango gaye garakira amarwa. ³Obhuhuzereru bhwazo bhurihuzya bhuzomu,na erina ryazo ritubheni na amaguta gukwihuzya kyego gitiribhwe.Nikyo abhayangi abhasuhu bharakusega. ⁴Ndeenda ungege kuneewe,netung'ose.Omukari hano hakugamba omwene.omutemi yahiriri kukyumba kyigate waye.Omukari hano akugamba no omuyangi waye ndazomerwa kukubha yineewe,ntiga ntregerere obhuzomu bhwo obhusegani bhwazo;mbuzomu kukira obhusara.Etari bhukong'u abhakari abhandi okukusega.⁵Enye ni mwamu,mwamu neri nawe ni muzomu neri emwe ab hakya bha Yerusalemu-mwitubheeni ibhuru rya Kedari, nkye ebhitambara bhya Sulemani. ⁶Utandugura kukubha ni mumwamu neri,nkukubha yo mu bhaso gunio kirya abhana bha mayi wani bhakabha bhatindiri iguru wani,bhakankoro munibhi wa migundu gya mizabibu,no mugundu gwaani gwo muzabibu ntariribhiri.Omukari hano akugosorya no omuyangi waye.⁷Mburira,awe wuno nkusegiri,hano okurishirya emitugo gyaazo nihi?Nihayi emitugo gyazo gikumunyara kumubhaso?Kwaki ribhe kyauno akunyaka nyaka igati we mitugo gya abhasani bhazo?Omuyangi waaye akamkyoorirya.⁸Areebha otamenyiri,nkyeego ozomiri igati ya abhakari,ntunere,inyuma ye mitugo gyane,tee urishe ebhinana bhe zimburi zyaazo haguhi ne emigye gya abharisya.⁹Ndakuring'ania,omuyaangi wane ne efarasi enzomu enkari yigati we zifarasi zye zimotoka zya Farao. ¹⁰Ezitama zyazo ni nzomu no okwitonya kwazo,ebhigoti bhyazo ne ezisumbi zirikuzye ezhabu. ¹¹Ndakukorera obhutonye bhwe ezahabu bhuno bhusangiribhwa ne ezihera.Omukari hano akugamba omwenego.¹²Eribhaga omutemi akubha ahiindiri kuriraari ryaye,obhwihuzirirye bhwaanebhukasanza munyumba. ¹³Omuyangi wani ndamuraengya ne enzubha ya amaguta gukwihuzya hano akuhenda kukikubha kyaani na kuzombere zyaani. ¹⁴Omuyangi wane kuneenye nkya esakwa ye ebhibharyo bhye mwibhuru kumugundu gwa emizabibu gye En Gedi.Omunyangi waye aragosorya nawe.¹⁵Rora,kyego ozomiri,omuyangi wani;rora,ewe ni mzomu;ameso gazo gatubheni nage kiguuti.Omukari aragamba no omuyangi waye.¹⁶Rora,awe ni mzomuori,omuyangi wane,ne eriraro ryeetu ni obhunyaki. ¹⁷Etimu ye enyumba yetu ni ye miti gye imierezi,ne erirengo rya kunyumba ni emiti gya emiberoshi.

¹Enye ni kibharyo kutandari,nyinyoro mumwaro.Omusubhe aragamba nawe. ²Kwokubha nyinyoro erihaamwe ne enda,nih awe,omusegi wane,mubhaakya abhandi bhosi.Omukari aragamba omwene.³Kyo omuti gwo omupera guno guri mumiti gya mukiseku nigo omusegi wane ari mubhasubhe.Ndikara mukiriri kyaaye kwa bhuzomererwa,eritunda ryaare niizomereru kuumate gane. ⁴Andeteri mwigari rye ebhyakurya,orurembeera rwaaye kunenye no obhusegi.Omukari arakerenia no omusegi waye.⁵Ndahoera kwe ezikeki zya ezinyoongyo zino zisangibhwe na amapera.Kwokubha niondiri na ameega omukari aragamba omwene ⁶Okubhoko kwaye kwo obhumosi kuri iyaasi wo omuutwe gwane,nookubhoko kwaye kwo obhurya kurangwata.Omukari arakerenia na abhakari abhandi.⁷Ndenda obhurage,abhakya bha Yerusalem,kwing'ana rye izi mbara zya mwitirigo,kubha mutakusarya obhusegi bhwetu mpaka hano bhukutera obhwene.Omukari aragamba omwene.⁸Eriraka ryo omumega wane ndiyo!O,uno araza arabhururuka bhururuka kukiguru,arabhururuka mubhikerege. ⁹Omusegi wane nkye mbarahe au ekinene kye embarahe;rora,imereri inyuma wo rugito rwetu,aratangara kuhitira mwidirisha,arasomererya mumyeeya.¹⁰Omusegi wane arakerenia arabhuga,'' Imuka omusegi wane;omuzomu wane,tugye hamwe nanenye. ¹¹Rora embeho ehitiri; embura ehuri egiri.¹²Ebhibhaaryo bhiziri mukyaro;eribhaga ryo okusuukya amasagya no okwemba kwe ekinyunyi kiziri,eriraka rye ekiguti zintegererwa mukyaaro kyetu. ¹³Omuti gwo omutini gunogirye ezitini zyaye zya kijani,ne mizabibu girasebhuka,girarusha bhuhuzu bhwaye bhuzomu.Gororoka,omusegi wane,omuzomu wane,uze nanenye.¹⁴Ekiguti kyane,kuumatare ga amagina ga simuka gabharukiri mubhiguru,tiga ndore obhushyo bhwazo.Tiga nigwe eriraka ryazo,kwokubha eriraka niizomu,no obhusho wazo ni bhuzomu.'' Omukari aragamba omwene.¹⁵Gwata bhanyamubhwe kwokubha yenyu,bhanyamubhwe abhasuhu bhano bhakusarya emigundu gye ezinyongo,kwokubha emigundu gya ezinyoongyo girakina.¹⁶Omusegi wane ni wane,nosi ni waye,ararya hezinyoro kwa bhuzomererwa.Omukari arakerenia no omusegi waaye. ¹⁷Nogye,omusegi wane,hano obhukama bhwe engorobha bhukyari kuhemba ne ekiriri kikyari kusama. Nogye zyaazo,nobhe kya ayara no omwana omusuhu we ekisoni kubhiguru bhya amagina amaaru.

¹Obhutiku bhuyo obhuriri bhwane nihabha no obhuzomerwa bhwa uno nisegiri;nikamohya nawe nta,mbweni. ²Nikabhuga mkoro, ''Ndabhuka nigye nihite kumigye,kuhitira kumitera ndamohya.'' Kamkomya, nawe tambweni.³Abharindi bhakambona hano bhahabha kumugye.Nikabhabhurya, ''Kamkomyanawe tambweni omuyangi wane?" ⁴Niho ibhaga higuhi niho nikabhahita nikabhona uno nari nisegiri.Nikamugwata tamtigiri tee kamhira yika kumai wane,akaigega enda.Omukari akagamba nabhakari abhandi.⁵Ndenda muhane,abhakya bhasubhe bha Yerusalem,wamwitirigo,kwokubha mutabhuruganywa amega getu tee gahwe agene.Omusubhe omusuhu akagamba omwene.⁶Niki ekusoka nyikani tee nguzo zya muriro,noomugundiriryo hamwe nobhutu bhokuranga bhuragulibhwa naabhakari bhe bhyasara. ⁷Rorerera,obhuriri bhwa Sulemani;abhahari mirongo esasabha bhiruguriri,abhasirikare bhikwi bhisasabha bhe Israel.⁸Ebho bhamenyiri masabha na bhang'eni bhakuruana.Abhasubhe bhana esabha embarika,bharirinda na amang'ana gobhutiku. Omutemi ⁹Sulemani akiyombokera ekintukyo kyo omtemi kyo kumugega ne zimbau zya Lebanoni.¹⁰Ezitimu zyaye zikombokwa kwahela;Inyumba kikaturwaho dhahabhu,ekitambara kya zambarau.Musi wae kitonyire nobhusegi bhwa abhakya na abhasubhe bha Yerusalemu.Omukari omusuhu akakereniya na abhakari bha Yerusalemu ¹¹Mugye habhori abhakya bha abhasubhe bha Sayuni,na mrore omutemi Sulemani,akibhohibhwa ekofia rino nina wabhu akamwibhohya orusiku ryo nyangi yaye,kwokubha orusiku ruhabha ryabhuzomererwa.

¹O,awe ni muzomu, musegi wane;awe ni muzomu.Eziimoni zyazo nzya kiiguti inyuma ye kitambara kyazo kyo obhusyo.Ezinzweri zyazo nkya erihizo rye ezimburi zikugya hasi mukiguru Gileadi.²Ameno gazo nkye ezing'ondu zino zimwirwe,zikureka ahagiro hookwisabha kira eimwe ene ezimbasa,na etariho kuu zyosigo yino yakwererwe.³Omunwa gwazo nkyo obhuze obhukangaru;omunwa gwazo guzomeri ezitama zyazo nkya amatu gaa makomamanga inyuma wekitambara kyazo kyo obhusyo.⁴Erigoti ryazo kyoo musonge gwa Daudi guhabha gwombokirwe kwe emikiriri gya amagina,nangubha kikwi kimweri turungyaza iguru waye,ezingubha zyoosi zya abhasirikare. ⁵Ezimbere zyazo ibhiri nkye ezisoku ibhiri,eziimbasa zyaa embarahe bhararya kubha minyoro.⁶Engorobha ehike nee bhiri bhirekeho ndagya kukiguru kya ezimbirya na ebhiguru bhwa omugundiriryo. ⁷Awe ni muzomu kuu hayo hasi musegi wane na gatariho masoro kuu nawe.⁸Nauze na nenye kureka Lebanoni,omwenga wane. Nauze nanenye kureka Lebanoni;nauze kureka iguru wa bhikirirania,kureka iguru wa Seneri na Herimoni,kureka mwiruma rye endwi,kureka mumaruma ge ekiguru kya chuwi.⁹Wibhiri ekoro yane,musubhati wane,omwenga wane; wibhiri ekoro yane,kwo kurora okumwe kwazokuunenye,kwo omusanga ogumwe gwe erigoti ryazo.¹⁰Nibhwi obhusegi bhwazo kyego bhuri obhuzomu,musubhati wane,omwenga wane! Nibhwi obhusegi bhwazo kyego bhuri obhuzomu kukira amarwa noobhusuzu bhwo bhuhuzu bhwazo kukira obhuhuzu bhwobhosi. ¹¹Eminwa gyazo,omwenga wane,aragera bhuki;bhuki na amabhere bhiriyasi woorurimi rwaye obhuhuzi bhwa amibhoho gaye nkyorurumbezo rwa Lebanoni.¹²Musubhati wane,omwenga wane ni omugundu yino ebhohirwe,omugundu yino ebhohirwe no omusobhogo yino ebhohirwe no orubhaso. ¹³Amatu gazo ni kisaka kyee miti gya erikomamanga gye emisumo gino gitatubheni na gye emiti hina na nardo, ¹⁴Nardo na Zafarani,amajani no omudarasini hamwe nebhigiro bhyo omugundiriryo, noobhuhuzu naa udi nookutiga okutabhana noobhuhuzu.¹⁵Awe no mugundu gwo omusobhogo,kitaro kya amanzi amazomu,emigeri gino gikuhiringita kureka Lebanoni.Omukari omusuhu aragamba ewe omwene. ¹⁶Bhuka,obhukama bhwa range;nauze,obhukama bhwa mamu;hita mumugundu gwane obhuhuzi bhwaye bhurusye orurumbeso.Musani wane yize mumugundu gwaye arye emisumu kwookusora kwaye.

¹Niziri gati woo mugundu gyane,musubhati wane,omwenga wane;Nikumenie udi bhwane na ekikaro kyane.Niriri omutana gwane gwoobhuki bhwane;Ninywiri amarwa gane hamwe na amabhere gane.Bhasani bharakerenia naa abhasani murye,abhasani;munywe nokugwatwa naa bhasegi.Omukari omusuhu arakerenia omwene.²Nihabha nihindiri,nawe omwoyo gwane guhabha gubhukiri gati we bhiroto.Eriraka ryo omusani waye kuhakana nokubhuga, ''Nigurire,omusubhati wane,omusegi wane,ekiguti kyane,wuno atana eribhati,kwokubha omutwe gwaye kuzaziri naamatoronyoko ezyinzweri zyane nee kimeza kyoobhutiku.''³''Nirushirye eribhoho ryane;kuhatika nibhohe kweki?Nisabhirye amaguri gane;kuhatike nisarye?" ⁴Omusani wane aratura okubhoko kwayo kuukibhakuri,noomwoyo gwaye gukawaka kwe eribhaga ryaye.⁵Nibhukiri kumwigurirya omuryango omusegi wane;amabhoko gaye gakabha kwitururuka noo udi,ebhyara bhaye neekimeza kyo udi gati ekibhongoiro kyo mryango.⁶Ndamwigurira omuryango omusegi wane,nawe omusegi akikyora nookugya mumwoyo gyane gukatubhira,nikabhurwa obhwisige.Nikamukomya,nawe ntamunyoriri;nikamubhirikira nawe antakyoriri.⁷Abharibhi bhano bhahabha bhakirugura mumugye,bhakakyora enye;bhakantema hasina kuninyahara;abhasirikare gati wee nyiki bhakangega ezyingibho zyabhu zyi iguru.Omukari omusuhu akakerenia naabhakari bhoo mugye.⁸Ndenda obhurage,abhasubhati bha Yerusalemu,kubha muramurore omusegi wane,mumubhurire ndwariri kwoobhusegi bhwaye kunenye.Abhakari bhoomugye bharakerenia namukari omusuhu.⁹Omusegi wazo nahakiriku bhukong'u obhusubhe abhandi,ewe wurya omuzomu gati waa abhakari?Kwaki omusegi wazo ni muzomu bhukong'u kukira omusegi owundi,hamwe otubhurye tuture nadhiri yino?Omukari omusuhu arakerenia na abhakari bho omugye.¹⁰Omusegi wane azomeri noo kuzoma,gati ya abhasubhe ebhikwi ikumi. ¹¹Omutwe gwaye ni eng'ina erizomu,ezyinzweri zyaye niinyohu;neezimwamu kya nyamuko.¹²Ezyimoni zyaye kyee ekigoti embarika mwee emwaro gya amanzi ,gogibhwe na mabhere,gakorirwe kyee misanga.¹³Ezyitama zyaye kye bhitanda bhoo esango,bhino bhikurushya obhuhuzu bhwo bhubhuzu.Eminwa gyaye minyororo gino gikugera udi.¹⁴Amabhoko gaye ni emuti gye erigina gino ginogoribhwe misanga;enda yaye ni orubhara runo rwakundikiribhwe kyee rangi yino esangibhwe.¹⁵Amaguru gaye nii etimu zya marimari,yino yaturirwe iguru ye rigina erizomu;obhurorekano bhwaye kyaa Lebanoni,emizomu kya emiti.¹⁶Omunwa gwaye ni muzemereru;ni muzomu bhukong'u.Wunu ni mwega wane,na wuno ni musani wane,abhasubhati bhaa Yerusalem.

¹Omusegi wazo agiri hayi,ari omuzomu mubhakari?Kwanziraki omusegi wazo agiri?tumumohye na nawe?Omukari omusuhu arakerenia omwene.²Omusegi wane agiri mumugundu gwaye,kubhuriri bhwa obhuhuzu obhuzomu kugenda kurya mumugundu nokukumania nyinyoro. ³Enye no omusegi wane,no omusegi wane;nirarya kunyinyoro kwo obhuzomu,omugega wo omukari arakerenia nanewe.⁴Ewe ni omuzomu kya Tirza,omusega wane,ozomeri kyego Yerusalem,wokukanga kye erijeshi rya orubendera kubhukangati.⁵Kosya ameso gazo kure nanenye,kwokubha gaherirye obhuhari,neeezinzweri zyazo ni kye rihizo rya ezimburi rikwituma iyasi kurwa kukihiringito kye ekiguru kya Gileadi.⁶Ameno gazo nikya erihizo rya ezing'ondu rikituma kurwera ahagiro wakwisabiribwa.Kilo oumwe ana ezimbasa,na atareho nabhe wumwe wuno akwererwe. ⁷Ezitama zyazo nikya amatu go omukomamanga orubhara rwe ekitambara kyazo,kyo obhusho.Omumega wo omukari arakerenia ewee omwene.⁸Bhareho omutemi omukari,mirongo esasabha,abhagegwa mirongo enane,na abhakari abhasuhu bhatana kitema. ⁹Bhiguti bhyane,kitana kikuna wane,niwe omwene;ni mukya wa heene wa nina wabhu:Niwe omusegwa wa omukari wuno amwibhiri abhakya bha abharikyane bhamuruzi no okumubhirikira omuhakwa;no omutemi omukari wa abhagegwa bhakamurora kweki no okumukumia kino bahayiri wo omutemi omukari na abhagegwa.¹⁰Ni wewi wuyo akwiyerekenia hano kukukya,muzomu kyo omweri,ara harura kyo omubhaso,arasigirirya kye bendera yabhasirikare?''Omusegi wo omukari arakerenia omwene.¹¹Nigiri mukiswa kye emiti gye emirozi kurora emiti emisuhu girakura kumwaro,kurora kye emizabibu gikumbwiri,na kye emikomamanga kisebhukiri. ¹²Niabhanga nina obhuzomererwa nikiyigwa kyamuna nigegeri ematoka ye ngamia yo omuriro gwo omutemi mumega wo omukari arakerenia nawe.¹³Ikyosya kumuhutato,ikyosya kumuhutato,awe omukari wa henehene;ikyosya kumuhuteto;ikyosya kumuhuteto ninagye kutangarira.Omukari omusuhu arakerenia no omusegi waye kwaki oratangarira,omukari wa henehene kyo okubha,nikabharanira mumikiriri ebhiri gya abhabhini?

¹Nigabhwi amaguru gazo kyego gakuonekana mazomu mubhirato omukya wo omutemi! Ebhitangato bhyazo nikye mikufu kye kazi yomwomboki.²Omukundi gwazo nikyeriduara ryeribhakuri,kyego kitige kubhurwa omuchanganyiko gwa amarwa.Enda yaye nikyego eng'ana yino ehimbiri nokuzungusibhwa nyinyoro.³Amabhere gazo abhiri nikya abhana abhabhiri bha ayara,ezimbasa zya ayara. ⁴Erigoto ryao nikyomunara gwe hembe;ezimoni zyazo nikyamabhere ga Heshiboni kwirango rya Bathi Rabimu.Erinyweri ryazo nikyomunara Damasko.⁵Omutwe gwazo nikye Karmeli;ezinzweri kumutwe gwazo zya zambarau emwamu.Omutemi akatangara kubhikundiko bhezinzweri zyaye. ⁶Nigabhwi arimuzomu no wokuzomera,omusegi,no muzomu gazo.⁷Obhutambi bhwazo nikyo muti gwo mutende,namabhere gazo kya amayungu gamatunda. ⁸Nikisega,hirenda akugwemiya omuti guyo gwo mutende;ndaza kugwata amatu gaku.'' Amabhere gazo gabhe kye bhifungu bhe mizabibu,neharufu ya manyweri gazo obhe kya mapera.⁹Omunwa gwazo gubhe kya amarwa amazomu,gurituma ng'orang'ora kuu musegi wane,gukuterera kuminwa gyetu na meno.Omukari omusuhu akugamba omwene.¹⁰Enye niwe omusegi wane,aranigamba. ¹¹Nawe omusegi,tugye iguru wo mugye;obhutiku turahindira kubhijiji.¹²Twimuke zuri tugye kumigundu gye mizabibu;turore rabhe emizabibu gimereri,rabhe gisebhukiri,rabhe mikomamanga girushirye ebhibharyo.Harya ndakuhana obhusegi bhwane.¹³Emitunguja girarusha obhuhuzu bhwaye;ekiseku kino hikwikara kina matunda,gosi amahya na gekare,gano nikutunziri,omusegi wane.

¹Nisegiri wungabheri kya mura wetu,wuno yakokiri orubhere rwa mayi.Kwokubha ningakuruzi igutu niari ndakumesa atariho omutu wo okumizera.²Ndakukangata no okukureta munyumba ya mayi no oraniegya.Ndakuha amarwa ghano ghatunduriri oonywe ne ejuisi ya amasisye,omukari omusuhu arigambira omwenego. ³Okubhoko kwaye kwo obhumosi kuriiyasi wo omutwe ghwane no okubhoko kwaye kwo obhuryo kunigwatiri.Omukari akakerenia na abhakari abhandi.⁴Nirenda murye emuma,abhakya bha abhasubhe bha Yerusalem,kubha mutakusarya ameega getu tee gahwe agene.Abhakari bha Yerusalem bharagamba.⁵Niwewi wuno akuza kurwa mutendari yigwatirirye kumusegi waye? Omukari omusuhu aragamba no omusegi waye nikuimukirye iyasi wo omuti gha amapera;hano nina wenyu yagegiri enda;harya yakuibhuri,akakuibhura awe.⁶Nikyo omuhiri mukoro yazo,nikyo omuhuri kukubhoko kwazo,kwookubha amega gana ezinguru kyo oruku. Amega amarito gatana kukyoora kyo okugya nyaari;obhweru bhwaye bhueabhururuka;nio obhweru bhwo omuriro bhuno bhukuaka,obhweru bhuorusya kukira omuriro guyo gosi.⁷Obhusegi bhwaye bhurazeerwa,Bhawa mwabhu bhe ekisubhe bhe kunina wabhu omusuhu bharagamba abhene.⁸Tuna wa mwetu,wa ekikari omusuhu na ezimbere zyaye zikyari kukura.Turamukoreraki musubhati wetu runo akuyingibhwa?⁹Aribha nie kibhambazi,turamuombekera iguru waye ekinozi kye ezihera.Aribha ne ekiseku,turamuzomia na ezimbao zye emierezi.Omukari omusuhu aragamba omwenego.¹⁰Nihabha ekibhambazi,nawe ezimbere zyane bhono nikyo orugito orukong'o;kwego nikongiri mumeso ghaye.Omukari omusuhu arigambira omwene.¹¹Sulemani ahabha no omugundu gwe emizabibu eyo Baali Hamoni.Akabhagurirya bhayo bhano bhakuriangariya kwo owumwe arenderwa kureta shekeri kikwi kimwe kye ezihera kumisumo gyaye. ¹²Omugundu gwane gwe emizabibu niogwane,shekeri kiikwi kimwe ne eziazo, Sulamani musegi,ezishekeri magana abhiri zya bhaarya bhakuangarira emisumo gyaye. Omusegi wo omukari aragamba nanewe.¹³Ewe wuno okuikara mwisiku,bhsani bhane bhariitegerera omumiro gwazo,tige nosi niibhe wuno akuitegerera wosi.Omukari omusuhu arakerenia no omusegi waye.¹⁴Yanguhiya,omusegi wane,obhe kye esoku awe omwana we esoku kuukiguru kyo obhuhuzu.

¹Omugye guuno ekaare guhaabha nabhaatu abhaaru bhoone gwikeeri ogweenego.Abheeri kyomuguumba,nawe kihaabha kyaaro kikuuru.Ahabha omwaana womutaake gatigati yebhaaro,nawe bhoona ahatikirwe mubhubhagaati. ²Ararira no kwaraama obhutiiku,nezingusuryi zaaye zirakundikirya ezitaama zaaye.Atariiho omusegi waaye wuuno akumusakirya.Abhasaani bhaaye bhoosi bhamwangiiri.Bhabhehi bhabhiihu bhaaye.³Kugaayo obhutaaka nenyaako,Yuda agiiri mukibhohe.Arikara gatigati ye bhyaaro atakubhona kumuunya kwokwosi.Bhaano bhakubharyarya bhabhabhweni gatigati omweenego bhwaaye.⁴Ezinzirya zya Sayuni ziraraama kwookubha atariho wuno akuuza kunyaangi yiino ekorirwe.Ebhiseeku bhyaye bhyoosi bhine kibhuuro.Abhasengeri bhaaye bhoosi bhararagura.Abhasubhhati bhaaye bhaana ebhigoongi na neewe omweene ariiyo kumakong'u. ⁵Abhabhiihu bhaaye bhabheeri bha tata bhaaye;abhabhihu bhaaye bharabhoona.Eryoobha rimuhukumii kubhubhihu gaye ezinzaru.Abhana bhaaye abhasuhu bharagya mukibhohe kubhabhiihu bhaaye.⁶Obhuzomu utigiri omuukya wo Sayuni.Abhana bho omutaake abheeri kyeego ayala ewuno ataruuzi hagiiro,na bharagya bhataana kubhaana bhakubharyaarya.⁷Kuzisiiku zye nyaako yaaye na kutahabha nenyumba,Yerusalemu erahiita ekibhumbiko zaaye zekaare ziino ahaabha nazo ekare Eribhaga abhaatu bhaaye haano bhakagweera mumabhoko ga abhabhihu,atariho wuno yamusakirya.Abhabhiihu bhakabharora nokubhaseka ezinyaako zyaaye.⁸Yerusalemu ekakora ebhibhi bhoosi,kweego bhoono,asukiiri kyee kigiro ekibhihu.Bhoosi bhaano bhahamusuuka,bhoona bharamuhenenera kwookubha bharuuzi eking'aabhi kyaaye.Ararumiika nokusakya okwikyoora embarika. ⁹Abheeri omunyaaka iyaasi wezituugu yaaye.Atanagiirye ewe omweene.Okuugwa kwaaye kuhaabha kubhiihu.Atahabhaaho wokumburya.Akarirya,''Rora enyaako yaani,Eryoobha,kwookubha omubhi abheeeri omukuru woosi.¹⁰Omubhi ateeri okubhooko kwaaye kukibhumbiko bhyaabhu bhye kaare.Aruuzi ebhaaro bhirasikiira ahagiro haaye hobhweeru,nawe akabhurira bhatasikira kuhagiiro haazo hokwikumanira.¹¹Abhaatu bhoosi bhakarumiika haano bhakumohya mkate.Bharusirye ekibhumbiiko kyaabhu kyekaare kwe eriibhaga ryebhakuurya okukyoora obhuhooru bhwaabhu.Norore,Eryoobha,onihiite enye,kwookubha mbeeri ntaana obhweera. ¹²Ntakurora kiigiro kunawe,mwoosi bhaano mukuhiita?Mahiriira noroore araabhe nebhigoongi bhiino bhikuninyakya naabho,bhweema Eryobha araninyaakya enye kuzisiiku obhururu zaaye ezihaari.¹³Okuurwa iguuru niiho akatuuma omuriiro kumaguha gaani no ontamiiri.Yariirye orweero kumaguru gaani nokunikyoora.Anikoriri nekibhweero nobhunyoohu. ¹⁴Erikeena ryobhubhi gaani ribhohiirwe mumabhooko gaaye.Zisukiirwe nokutuurwa mwigoti ryaani.Akoriri obhunaagya bhwaani bhuuri.Tatabhugya aniteeri mumabhoko gaayue,na ntakunagya kwimerera.¹⁵Tatabhugya arekeeri embariika abhasuubhe bhaani bhaari bhaano bhakandoora.Abhirikiri esaango iguuru yaani okukooza abhasuubhe bhaani ekikong'u.Tatabhugya abhataziiryi abhaakya abhasubhati bha Yuda kukigiiro kyokuseera amaarwe.¹⁶Kubhigiiro bhino ndariira.Ameeso gani,amaanzi garituma haasi yameeso gaani kyeego omwibhisi wuno yaari okukyoora obhwikaari bhwaani arikuure na neenye.Abhaana bhani bhabheeri nekibhuuro kwookubha omubhiihu waane ahitiiri. ¹⁷Sayuni anyarageenie amabhooko gaaye;atariho wokubha aramusakiirya.Eryoobha abhabhuriri bhano bharihaguuhi-ku Yakobo bhaabhe abhaabhi bhaaye.Yerusalemu nikigiiro ekinyaaka kuneebho.¹⁸Eryoobha eryeene ni obhuheene,kweekubha ntigiiri iguru yerihatika ryaaye.Mwitegerere,emwe abhaatu,na muroore ebhiogoongi bhyaani.Abhasubhati bhani na bhasuubhe bhakiisi bhagiiri mukibhohe. ¹⁹Nkabharikiira abhasaani bhaani,nawe bhaha abha nobhung'eeni kuneenye.Abhasengeri bhaani na bhakaruka bhakanyaaka mumugye,haano bhahabha bharakomya ebhyakurya bhyokukyoora obhuhooru bhwaabhu.²⁰Rora,Eryoobha,kwookubha ndikubhukong'u;enda yani eraruma,ekooro yani esuhiiri mwoosi waani,kwookubha nibheeri wokutiiga kyeego.Igutu, yerisabha riramurirya maayi,mwoosi wenyuumba gariimu oruuku orwene.²¹Bhigwiiri okurumika kwaani,na atariiho wokunisakiirya.Abhabhiihu bhaani bhoosi bhigwiri ezinyaako zyaani nabhazomererwa okunkorera ego.Oretiiri orusiku rwo bhuraage;bhoonotiiga bhaabhe kyeego enye. ²²Tiga obhubhi bhuuze embeere waabhu.Nokoore nabho kyeego wakoriri na neenye kwookubha nenyaako yaani yoosi.Amarumiko gaani ni maaru nekooro esezekiri.

¹Tatabhugya amukundikirye omuukya wa Sayuni iyaasi we erisaaro ryo obhutindi bhwaye.Atuheeri obhwaare bhwa Israeli hasi kurwa mwisaaro tee mukyaaro.Nawe atahiitiri ekitumbi kya amaguru gaaye kuzisiiku zya obhutindi bhwaye. ²Taatabhugya amiiri obhwikari bhwoosi bhwa Yakobo,ataaruzi bhigongi.Agwishirye ezinyiki zyoomukya wa Yuda; kubhutindi bhwaayeAnyanyamuri tee hasi kweezisoni obhutemi na abhabhagati bhaye.³Kwoobhururu obhuhaari atiniri ezihembe zya Israeli.Akorirye Yakobo kyo omururo omuhaari guno gukwokya no okurungurya kira ekigiro kino kirihaguhi waaye. ⁴Kyoomubhisa okumbiri obhuta bhwaye kunetwe,Yimereri no okubhoko kwaye kwo obhuryo kyoomubhisa;Wosi yitiri bhyayo bhosi bhaari bhategeerye mumeso;Mwiihuna rya mumuka wa Sayuni yiitururi obhururu bhwaye kyoomururo.⁵Tatabhugya abheeri ituubhyo rya abhabhisa.Amumiriri Israeli.Amiriri na amanyumba gaye goosi.Azisarirye ezinyiki zyaye;amwongerye emuukya wa Yuda ekiriro na obhurariri. ⁶Arwanirye erihuuna ryaye ryokusikaniramu kya akanyumba kasuhu ka mukagundu keezinyinyi.Asariryeahagiro hokusikanira.Yahwe akoriri obhwikumania no orusiku ryo obhwoyo okweebhwa Sayuni,kwookubha amuregiri omutemi na omusengeri kubhuhari no obhutindi bhwaye.⁷Tatabhugya yangiri erisengerero ryaye na okwanga ahagiro ho obhwaare.Eteeri ezinyiki zya ezinyumba zyaye mumabhoko ga abhabhisa.Bhatirirye eriiraka mu nyumba ya Yahwe,kyo orusiku rwe enyangi.⁸Tatabhugya yendiri okusarya enyiki ya omuukya wa Sayuni.Arugoroori orusiri ruyo,atabhiri okubhoko kwaye kutige kwita.Nawe akoriri eribhanza neenyiki kurira,bhosigo hamwe bhirasinyionda. ⁹Amiseego gaye gatubhiiri mukyaro,asairye amiigariro ge ekiseku na okugabhuna.Omutemi waye na abhabhagati bhaye bhariikara mubhaaro bhino bhitana migiro,hee!abharoti bhate bhatakubhona bhirooto bhino bhikurwa kutatabugya.¹⁰Abhakaruka bha abhakya bha Sayuni bhekari hasi bharakira kiri.Bhimusiri oruteeri mumitwe gyabhu nookwibhoha amagonera.Abhakya bhano bhakyaari kumyenya bhasubhe bha Yerusalemu bhahinyiri emitwe gyabhu hasi.¹¹Ezingusuri zihhwiiri mumeso gane;enda yaane eroromoka;ebhyamunda bhaane bhitikiri hasi kwookubha yoobhusarya bhwa abhakya bhaabhaatu bhaane,abhaana ne ebhing'erere bhasezekiri muziroobho zye migye. ¹²Bharahaya kubhanina wabhu,''Eziimbibho zirihayi na amarwa?''kyeego bhakusezeka kyoomutu wuno anyaharirwe mu ziroobho zyo omugye,obhuhoru bhwabhu bhwitirwe mubhikubha bhya bhanina wabhu.¹³N iki nikutura kugamba kwawe,omuukya wa Yerusalemu?Ndanagya kukutuubhania nakli,nikore ozomererwe,omuukya wa Sayuni wuno okyaari kumenya musubhe?Ekibhohe kyazo ni kikuru kyeenyanza.Niwi akunagya kukutuurya? ¹⁴Abharooti bhazo bharuzi orurimi neebhiroto bhyoorurimi ebhyazo.Bhatarekenie mwasi ebhibhi bhyaazo okukyoora ebhigiro bhyaazo,nawe kunaawe bhahurukirye obhugambi bhwoorurimi na bhwookuhabhya.¹⁵Bhoosi bhano bhakuhita embarika we eribharabhara bharatema ezikubhi kwawe.Bharazuma no ukusingisya emitwe gyaabhu iguru wo omuukya wa Yerusalemu no okubhuga,''Guno nigwe omugye bhaarikubhirikira,'guhikiri kubbhuzomu,' 'Obhuzomererwa bhweekyaaro kyoosi?'' ¹⁶Abhabhisa bhazo bhoosi bhakataanurya eminwa gyabhu bhakakusekerera.Bhakakukumura no okusyanania ameno naho bharabhugha,''Tumumiri ewe!Runo ni rusiku runo twaari kuganya!Tubheeriho tunagirye kururora!''¹⁷Yahwe akoriri kyego yayisegiri kukora.Ahikirye eng'ana yaye.Akugarabhuri na amabhiira zei,kwookubha amwikiriirye omubhisa okukuginihya;agororokirye eziheembe zya abhabhisa bhaazo.¹⁸Eziikoro zyabhu zikamuririra Tatabhugya,ezinyiki zya omukya wa Sayuni!kora ezingusuri zyazo zigere hasi kyo omwaro obhutiku no omwisi.Ohana hakiriku,emeso gazo gataza kubha na hakiriku. ¹⁹Gororoka,urire obhutiku,kubhutangi bhwoobhutiku bhwa nyagino!Itira omoyo gwazo kyaamanzi emere wo obhusyo bhwa Tatabhugya.Gororokya amabhoko gazo iguru kwookubha yoobhuhoru bhwa abhana bhazo bhakusezeka kwe enzara kuzinyira zye ezirobho zyosi.²⁰Rora,Yahwe,ohiite bhayo okoreri gano.Abhakari bharye eritunduguru ryo orwibhuro rhwabhu,abhana bhano bhanyorekiri?Abhasengeri na abharoti bhagwagwe ahagiro hoo bhwaare bhwa Tatabhugya?²¹Abhasuuhu na abhakaru bharikara kubhutoto bwe erobho.Abhakari bhane abhasuhu na abhasubhe bhane abhasuhu bhagwiri kwoobhwoge bhwoomuhyo;gubhagwagiri gatabheriho maabhira. ²²Ozibhirikiri, kyakuzisiku zya esango ye ebhyakurya,ehaho yuane yiize mbaara zyoosi,nawe atareho rabhe wumwe wuno ahoriri hamwe asagiri kuziisiku zyo obhutindi bhwa Tatabhugya;bhano nagegiri no okubharera omubhisa wane wuyo abhanagirye.

¹Enye ni musubhe wunoniruzi enyako iyaasi we ehimbo yo obhururu bhwa Yahwe. ²Anihebhiri na kukora nigande mukirima kutiga mubhwerui. ³Hene anikyosarye okubhoko kwaye iguru wane kweki,rusiku rwoosi. ⁴Akoriri omubhiri gwane na erisaro ryane kunywerera,abhumiri amaguha gane.⁵Yombokiri ezitumo zyo obhutoto iguru wane,na kunigutirirya kwa bhururu na obhukong'u. ⁶Akoriri ni kare ahagiro hekirima,kyego bhayo bhakuri ekare. ⁷Yombokiri enyiki kunirugutirirya,na ndakunagya kung'osa,akoriri eminyororo gyane mirito. ⁸ni ngabha ndabhirikira na kuririra kuturibhwa orarimya amasabhi gaane.⁹aribhiri enzira yaane kwe enyiki ya amagira goo kung'onya;akoriri enzira yaane ebhembihu. ¹⁰Ewe ni kyego dubu araganya kunirwania,endwi mubhwibhisi. ¹¹Akosirye embarika enzira zyaane,anikoriri mutaka.¹²Akosirye obhuta bhwaye,nakunikora enye kyeego omubhwe gwaye. ¹³Atobweri amani gaane kweemibhwa gya ekiguzi kyaaye. ¹⁴Nihabha kubhatu bhaane bhoosi,kimenyekereryo kya kusekerera yaabhu rusiku rugima. ¹⁵Anizurye kwa obhururu na kunihatika okunywa amanzi gobhururu.¹⁶Anizurye kwa obhubhuru na kunihatika okunywa amanzi gobhururu. ¹⁷Akabhuma ameno gaaye kwa magina;anihumiri haasi murutei. Omutima gwaane gwimirwe obhuhoreru;nebhiri obhuzomerwa. ¹⁸Kwego no obhuge,''"Obhwikong'ererya bhwane bhunyaharikiri na kweki okuganya kwane kwa Yahwe.¹⁹Hita enyako yaane na okunyaka kwane amanzi amaruru na obhururu. ²⁰Ndagenderera kuhita na nihinyiri mwoosi wane. ²¹Nawe ni kuruta rino mubhwongo bhwane na kwego nina obhwisige.²²Obhusengi obhuzomu bhwa Yahwe bhutakuhika na amabhira gaaye gatakuhwa, ²³nihya kira etabhori,obhuhene bhwazo ni bhukuru. ²⁴''Yahwe ni ngabho yaane,''Nkabhuga,kwego ndamwisiga.²⁵Yahwe ni muzomu kubhano bhakumuganya,ku wuno akumukonya. ²⁶Nikuzomu kuganya ng'ora ku obhuturya bwa Yahwe. ²⁷Nikuzomu kumutu kugega nira kuobhumura. ²⁸Tiga yikare omwene kubhuhoreru,hano hakubha aterwe. ²⁹Tiga ature omunwa gwaye muruteri-kurabha kweki kukyari no obhwisige.³⁰Tiga arusye etama yaaye ku wuno akumutema,nayizuribhwe bhukong'gu kwe. ³¹Kwookubha Tata arazakutwaanga kimera, ³²nawe yangabha arateho bhuzomu,eraza kubha na amabhira kyego yo obhwaru bhwa obhusegi bwaye bhwa heene. ³³Kwokubha atakunyaka kureka mumutima gwate hamwe kunyakya abhana bho omutu.³⁴Okutazwa haasi wo okuguru abhabhohwa bhoosi bhe ekyaaro, ³⁵Okumwima ehene emere ya wuno ariiguru, ³⁶okwima ehene omutu-Tata atakwerekenia ebhigiro kya bhiyo!³⁷Niwi wuno akagamba na ekabha,aribha atari Tata kuhaya? ³⁸Kutari kureka mumutima mu wuno ariiguru amabhihu na amazomu garaza? ³⁹Omutu omuhori arakorabhwi aririre?Omutu arakorabhwi aririre iguru wa obhubhihu bhwaye?⁴⁰Natwirore ezinzira zyetu na okuzisarya,natumukyorare Yahwe. ⁴¹Tugororokyo emitima gyetu na amabhoko geetu ku Yahwe mwisaro: ⁴²''Tusarirye no okwahuka na okwari kwabhira. ⁴³Wikundikirye na obhururu na kuturyarya,witiri na otuturiye.⁴⁴Wikundikirye ne erisaro kubha kutabhaho ne erisabhirino rikutura kuhita. ⁴⁵Otukoriri kya obhunyaka gaati mubhyaaro. ⁴⁶Abhabhisa bhetu bhosi bhatwihimiri, ⁴⁷Obhwobha ne eriruma ritwiziri, oruku no obhusarya.⁴⁸Ameeso gaane garagera emigeri gya ezingusuri kwookubha ya abhatu bhaane. ⁴⁹Ameso gaane gararusya ezingusuri ibhaga ryoosi;kutariho kumunya. ⁵⁰tee hano ararore iyaasi na Yahwe ararora kureka mwisaro.⁵¹Ameeso gfane garanikorera obhutaka kwookubha abhakya bho omugye gwane. ⁵²Nibhwemirwe kye ebhinyunyi bhano bhaari abhabhisa bhaane;mbemirwe na ng'ana etariho. ⁵³Bhakanirekera mwiruma na kunirekerera erigina, ⁵⁴naamnzi gakitika iguru wo omutwe gwane.Nkabhuga,''Ntinirwe kura!"⁵⁵⁵⁷Nkabhirikira erina ryaazo, Yahwe, kureka mwiruma eritaambi. ⁵⁶Okwiga eriraka ryane.Okigwa eriraka ryane hano nakabhuga,"Otabhoka okutwi kwazo kwe ekiriro kyazo kyo okuturya.'' Okaza hagui orusiku runo nakubhirikiri;okabhuga, ''otoobhoha''⁵⁸Tata,okibhagirira,ekina kyane,okaturya obhwikari bhwane! ⁵⁹Yahwe,okarora amabhihu gano bhakoreri,sinza ekina kyaane. ⁶⁰Oruzi amatuki gaabhu,amisego gaabhu iguru wane- ⁶¹Wigwiri amasekerero gabhu,Yahwe,na amisego gaabhu kunitunia.⁶²Eminwa gyabhayo bhakugororoka inyuma wane,na amasemo gaabhu,garaza iguru wane rusiku rugima. ⁶³Rora kyego bhikeri na kugororoka;bharanikara na amembho gaabhu.⁶⁴Bharihe, Yahwe,kyeego ebho bhakukora. ⁶⁵Oratiga emitima gyabhu kutiga kurugwa!Erisinziro ryaabhu ribhe iguru wabhu! ⁶⁶Orabharyarya kwa obhururu na orabhasarya iyaasi ye erisaro,Yahwe!

¹Ezahabu esarikiri;ni gabhwi ezahabu enzomu ekyokiri amagina! Amaare ganyarageeni kwi roobho. ²Abhana bha dhamani bha Sayuni bhahabha dhamani yoo obhwirito bhwa obhuzomu,nawe bhatana dhamani ya amajagi go obhutoto.Emirimo gya amabhoko gyo omubhwumbi.³Hata ezimbwa za kuroobho zirarusya amabhere gabhu okubakokya abhaana bhabhu,nawe abhaakya bha abhaatu bhaane bhabheri abhabhihu,kye enungu mwitirigo.⁴Orurimi rwo omwana omusuhu wuno akukoka ruragwata iguru wo omunwa gwe enyoota;abhaana bharasabha ebhyakurya, nawe bhitareho. ⁵Ebho bhanariri okurya ebhyakurya bhye eriguri bhoona bhana enyaako enzara murobho;ebho bharerirwe kwoo okwibhoha ezingibho za zamabarau,bhoona bhahindiri munyoori.⁶Obhusinziro bhwa abhakya bha abhaatu bhaane nkhukuru kukirabhwa Sodoma na bhukahungurwa kwi ibhaga na atabheriho wuno akinaakya okubhoko kumusakirya.⁷Abhakangati bhaye bhahabha abheru okukira eseruji,abharabhu kukira amabhere;emibhiri gyabhu gihabha mikong'u kukira erigina,ombiri gwabhu guhabha kya yakuti samawi. ⁸Kubhurorero bhwabhu bhamwamu kyee ekirima bhatakumenyekana murobho;ebhisero bhabhu bhinyariri kuu maguha gabhu;zibheeri nyoomu kyezikwi.⁹Bhayo bhakikwa kwa amasabha na bhahabha nobhuzomererwa okukira bhano bhakuri nee enzara,bhabhuriri bhakatobhworwa okugesa ebhyakurya mumugundu. ¹⁰Amabhoko ga abhakari bhe ebhigongi gakiyaagya abhaana bhaabhu;bhabheri ebhakurya bhabhu hano abhaakya bhabhu bhasariribhwe.¹¹Yahwe akerekya obhururu bhwaye bhwoosi; akitira obhururu bhwaye obhuhari.Akagwatya omuriro Sayuni ekarungura obhutingo bhwaye.¹²Abhatemi bhe ekyaro bhatikirirye; na abiikari bhe ekyaaro, kubha abhabhihu bha abhahakani bhakanagya kusikira mukiseku Yerusalemu. ¹³Gano gakabhoneka kwee ebhibhi bha abharooti na amabhihu ga abhamwesi bhano bhakitiira amanyinga geehene embere waaye.¹⁴Bhakagenda,kwo obhuhoku,muroobho.Bhahaabha obusarya kwo amanyinga gayo na hano atahabhano wuno yikiriribhwe kugwata ezingibho zyaye. ¹⁵''Ikara kure!awe omusarya!''abhaatu bhakatira eriraka. 'Ikara kure!ikara kure!otagwata!''Ego bhakaanza abhaatu bhakabhuga gati we ebhaaro, "Bhatakunagya kwikara hano kweki.''¹⁶Yahwe omwene akabhanyaragania;atakubharorerera kweki.Bhano bhasuke abhamwesi na bhatakwerekya omung'ahiriro gwa abhakaruka.¹⁷Ameso geetu gakasika,bhuusa kwo okusakirya;okurwa omusonge gyeetu gyo obhurindi tukurorerera ekyaaro kino kitakunagya okwituurya. ¹⁸Bhakaturirira amatarambuka geetu,tutanagirye okugenda murobho zyeetu.Obhuteero bhwetu bhuhabha haguhi ne ezisiku zyeetu zikabharwa,obhutero bhwetu bhukahika.¹⁹Bhano bhakaturyarirye bhahabha bhaangu kukira amakohe ga kwisaro.Bhakaturyarya mubhiguru nokutubhwema mwitirigo. ²⁰Omukama - mumanyweri omuhakwe wa amaguta Yahwe niwe yagwatirwe mumwoobho wuno niwe yagambirwe,''Iyaasi we ekizururu kyaye turikara mukyaro kyaabhu.''²¹Riryata na ozomerwe, omukya wa Edomu,awe wuno okwikara ekyaaro kya Uzi.Naho kunawe ekikombe kitakuhitibhwa;oragwaatwa nookurusya ezingibho. ²²Omukya wa Sayuni,obhusinziro bhwaye bhurahika kuu obhuteero,atakwongerya abhabhohwa nawe omukya wa Edomu,bharamwokya,arakundukura ebhibhi bhaaye.

¹Hita,Yahwe,gano gatumweni norore ezisoni zetu. ²Engabho yetu bhukuranibhwe kubhandi;ezinyumba zyetu kubhandi. ³Tubheri abhataka,tutana tata,na mayi,kyaa emitumba. ⁴Nawe tulihe ezimbirya kumanzi gano tukunywa,tulihe ezimbirya tubhone mbao zyeetu.⁵Bhayo bharaza owetu nkuhika kubhunziro wetu;turosiri tutakunagia kumurya. ⁶Twirushilye kubha Misri na kubha Assiria tubhone ebhakurya bhino bhikutwisa. ⁷Bhatata bhetu bhakakora amabhi,bhataliho kweki,tugegiri amabhi ezetu.⁸Bhabhagati abhatungi,atariho hatusakirye kwamabhoko gabhu. ⁹Turabhona mkate gwetu hano tukubha turasaria obhukulu,kwookubha obhwogi mwitirigo. ¹⁰Ebhisero bhetu bhibheli no omulilo kyeligiha kwokubha tuna orwoya rye nzara.¹¹Abhali bharatibwa Sayuni,no omukia kumugie gwa Yuda. ¹²Abhana bhomutemi bhangetirwe na mabhoko gabhu,nokusaka kutaheho kukwelekia abhakaluka.¹³¹⁴Abhasubhe abhamula bharasingiriribhwa okusha embiho kwi gina ryo kushera,abhamura bharitegatega iyasi we mirigo gye ezikwi. Abhakaruka bhatigiri ekiseku kyo mugie,abhamura bhatigiri amembo.¹⁵Obhuzomererwa bhwe koro ehwili ne elibhakana likiolili kubha kililo. ¹⁶Orusaringa egwili kumutwe gwetu;nawe etwe,kwookubha tukolili amabhi.¹⁷Kwokubha ekoro yenyu gubheli gukatwing'enya,ne ezingusuri zyetu ziramonyokia,kubhigiro bhino ezimoni zyetu ziramonyokia. ¹⁸kwookubbha ekiguru Sayuni guhindiri gubheri,ebwa yamurobho arabharana iguru waye.¹⁹Nawe awe,Yahwe,abhatungi bha kimera,nolikakala gati we kitumbi kyazo kyosimuka obhibhurwa no bhibhurwa.Kwaki oratwebha kimera? ²⁰Kwaki otwebhili kuzisiku nzaru? ²¹Tukorye kunawe,Yahwe,nanetwe turakiora.Kora bhuhya ezisiku zyetu kyego zihabhaziri ekale hayo. ²²Naho tigo hamwe obhe otwangiri nonekoroi kunetwe kuhitira rwosi.

¹Kuu mwaka gwa katatu gwo obhukangati bhwa Yehoyakimu omutemi wa Yuda,Nebukadneza omutemi wa Babeli akaza Yerusalemu nokukerenia noo mugye kuribhira bhino bhikwenderwa kunewe bhyosigo. ²Tata akamuha Nebukadneza obhuhiti iguru wa Yehoyakimu omutemi wa Yuda,akamuha ebhigiro ebhizomu kureka munyumba ya Eryoobha.Hano yahiriri ebhigiro bhiyo tee gatigati mukyaro Babeli,munyumba ye eryoobha ryaye,akatura ebhigiro ebhizomu gatigati yekibhumbiko kye eryobha ryaye.³Omutemi akamubhurira Ashipenazi,omutake waye omukuru,abharete abhamwe bha bhatu bha Israeli,bhoruganda rwa ekitemi nokusuka- ⁴abhamura bhano bhatana bhubhi,bhokutegerya bhobhung'eni gatigati yobhusuki bhwosige bhano bhasikirwe nobhumenyi,nabhano bhakukumibhwa kuhokya gatigati yomugye omukuru gwo omutemi.Akenderwa okubhegya amakano nekigambo kya Babeli. ⁵Omutemi akabhateraho iguru wabhu amariho kureka gatigati we webhyakurya bhaye ebhizomu kwakira orusiku na gatigati yamarwa gano anywiri.Abhamura bhano bhakenderwa bhegibhwe kumiaka etatu.⁶Gatigati yabhu bhahabha Danieli,Hanania,Mishaeli,na Azaria,kubhamwe bha Yuda. ⁷Omukangati omukuru akabhaha amarina: Danieli akabhirikirwa Belteshaza,Hanania akabhirikira Shadraka,Mishaeli akabhirikira Meshaki,na Azaria akabhirikira Abedinego.⁸Nawe Danieli akitegerera mubhwongo bhwaye kubha atakwiturira bhubhi omwene kubhya kurya ebhizomu bhya omutemi nawe kumarwa gano yamwiri. ⁹Nawe,akasabha omweya kureka kumukuru wa bhakuru kwego ataaza kwiturira obhubhi ewe omwene kwego,eryobha rikamuha Danieli omweyagwe ebhigongi kuhitira gatigati uo bhusuki bhuno omukuru wa abhakuru yarinabhwe owaye. ¹⁰Omukuru akamubhurira Danieli,''Nikabhoha Tata wane omutemi.Akabhirikira ebhyakurya bhyosi na bhyokunywebhwa bhino bhikwenderwa okuribhwa nokunywebhwa.Kwaki abharore emwe murarorekana kibhi kukira abhamura abhandi bherika ryenyu?Omutemi ature kubhirikirwa mutwe gwane kwokubha yetu.¹¹Okumara Danieli akamubhurira omwimereri wuno omukuru ahabha amutereho iguru wa Danieli,Hanania,Mishaeli,na Azaria. ¹²Akabhuga,"Mutaza kusakya etwe abhahokya bhazo kuu zisiku ikumi mutuhe ezinyinyi zya amatu zyo okurya namanzi go kunywa. ¹³Okumara akatwanikania okurorekana kwetu no okurorekana kwa bhamura bhararya ebhyakurya bhyo omutemi,na mutukorere,etwe abhatu bhazo kuring'ana nakino okurora.'' '¹⁴¹⁵¹⁶Kwego omwimereri akikirirania nawe kukora gayo,na akabhasakya kuzisiku ikumi. Gatigati wo obhumariryo bhwo orusiku rwe erikumi okurorekana kwabhu kuhabha kwa mibhiri mizomu kukira abhamura bharya bhariri ebhyakurya bhyo omutemi. Nawe omwimereri akarushaho esondo yabhu ye ebhyakurya nebhinywebhwa bhyabhu akabhaha ninyenyi ezyene.¹⁷Nokuhitira abhamura bhano bhane Eryoobha rikabhaha okumenya nokumenya gatigati yamakamo gosigo nokusuka,Danieli akatura kwerekerya amang'ana gosigo gokwisega nebhiroto. ¹⁸Gatigati yobhumaririryo bhwe eribhaga rino rihabha ritarweho romutemi kubhareta mwosi omukangati omukuru akabhahira mubhusho bhwa Nebukadneza¹⁹Omutemi akakerenia nabho, na gatigati yekigoto kyabhu hayo bhatahabhaho bhakubhagwatania nabha Danieli,Hanania,Mishaeli,na Azaria.Bhakimerera mubhusho bhwa omutemi,bhahabha bhikirirye okumuhokerya. ²⁰Gatigati yamakyoro go obhusuki nobhumenyi rino omutemi abhabhurirye,aakabhona bhanobhunagya mara ikumi kukira abhagabhu bhosi nabharya bhahihema kukerenia na abhaku,bhahabha gatigati yo obhutemi bhwaye bhwosigo. ²¹Danieli ahabha hayo tee omwaka gwo obhutangiro bhwo omutemi Koreshi.

¹Kumwaka gwaakabhiri gwoobhukangati bhwaa Nebukadineza,ahabha neebhiroto.Obhwongo bhwaye bhukanyaka,naatanagirye kuhindira. ²Niho omutemi akabhabhirikira abhagabhu na bharya bhakukerenia nabhaku.Nawe kweki akabhabhirikira abharogi na abhatu bhoobhuheene akabhenda bhamubhurire iguru weebhiroto bhyaye.Kwego bhakaza nookwimerera muubhusyo bhwo omutemi.³Omutemi akabhurira, ''Nihabha neekiroto, nobhwongo bhwane bhuna obhwobha nenda kumenya ekiroto kiyo kirerekya eki." ⁴Kumara abhatu bhoobhuhenee bhakamubhurira omutemiku kiaramaiki,"Omutemi, akikara tee!Tubhurire etwe ekiroto,abhabhagagati bhazo twosi turaimenya kyego eri.⁵Omutemi akabhakyora abhatu bhoobhuhenee, "Ering'ana rino rimariri kuhwa.Aribha kunagya kuitura mwaasi,ekiroto kuuneye kukirinia amibhiri gyenyu giratinwa bhitinika bhitinika neezinyumba zenyu zirakorwa kubha ebhwiswa ebhibhihu. ⁶Nawe aribha muramburira ekiroto neeng'ane yaye,murabhona omubhano kureka kunenye amariho noobhusuki bhukuru.Bhoono mburira ekiroto kumenya kyego eri.⁷Bhakamukorya kweki nookubhuga, "Omutemi atubhurire abhabhagati bhaye,ekiroto twoosi tukubhurire ekiroto kyego kiri." ⁸Omutemi akabhakorya,ndamenya kwookubheene murenda ibhaga ryaru kwookubha muruzi obhuramuri bhwane noobhukong'u iguru weeng'ana yino. ⁹Nawe aribha mutakunagya kunibhurira ekiroto,eriho ng'ana yimwe iguru wenyu.Mwendiri kukora orurimi naamang'ana goo kung'enerya gano mwikirenie kwaahamwe kumburira tee hano ndakiranie obhwoongo bhwaane.Kweego,mumburire ekiroto,naakweki ndamenya kubha muranagia kukirania iguru wane."¹⁰Abhatu bhaheene bhakamukorya omutemi,"Ataroho omutu kuukyaro wuno akunagya kykora amang'ana goomutemi.Atariho omutemi wowosi omukuru naa weezinguru wuno akwenda ering'ana kyaariyo kureka kuubharogi,hamwe nabhokukerernia naabhaku. ¹¹Kino akwenda omutemi niikikong'u nataroho wuno akunagya kumubhurira omutemi niimasambwa agene gino gatakwekara hamwe naabhatau."¹²Ering'ana rino rikamukora omutemi atinde naakubhihirirwa bhukong'u akahatika kubhanyahara bhoosi bhano bhamenyekeni kubha nibhaheene bhabhu kuu Babeli. ¹³Kweego,abhukumirirya bhukarwa kubha bharya bhoosi bhano bhamenyekeni kubha niibhahene bhabhu nihobhitwe.Nakwoookubha yakuhatika kuno,bhakamukomya Danieli na abhasani bhaye kubhabhitwe.¹⁴Niho Danieli akamukyora kwoobhusuku noobhunenye,Arioki,omukuru waabharibhi bhoomutemi,wuno ahabha yizirikubhita bhano bhoosi bhahabha bhamenyekeni kubha abhaheene gati wa Babeli. ¹⁵Danieli akamubhurya omukuru woomutemi, "kwaki okukumirirya kwoomutemi nii kwabhwangu igo?'' Ego,Arioki akamubhurira Danieli kino kibhonekeni. ¹⁶Niho Danieli akasikira mwoosi nookusabha obhurage bhweeribhaga ryookurorena noomutemi ego kubha anagye kuhira erikyoro kuumutemi.¹⁷Kumara Danieli akasikira mwoosi munyumba nookubhabhurira Hanania,Mishaeli,na Azaria kino kyarorekeni. ¹⁸Akabhakumirirya kukomya ebhigongi kurwa kuu eryoobha ryaakwisaro kutubha na neekibhiso kwego ewe naabhayo bhataza kubhita hamwe naabhatu abhandi bhano bhasagiri bhano bhamenyekeni kuubha rwo bhuheene iguru waa Babeli.¹⁹Obhutiku bhurya ekibhiso kikerekibhwa kuu Danieli kuubhiroto. Kumara Danieli akakumia Eryoobha ryaakwisaro. ²⁰nookubhuga, "Rikumibhwe erina ryee eryoobha kimera na kimera; kubha obhuheene ezyinguru nii zyaye.²¹Akakirania obhukati bhuwo obhukati;ararusyaho omutemi nookutura iguru weebhiti bhyabhu bhyaa esimuka.Arabhaha obhuheene bhuwobhuheene noo bhumenyi kuuubheene obhuzomu. ²²Arakundukura ebhigiro bhiiyasi naabhino bhibhisiri kwookubha amenyiri kiryakino kirimukirima,wosi arikara hamwe noobhweru.²³Eryoobha ryaa tata wetu,ndakukumia nookukumia awe iguru weeheene nee zinguru zino oniheri.Bhoono okoriri gabhe mwaasi kunetwe gano twarikukusabha;otuhitirye amang'ana gano gakumutunia omutemi."²⁴Niho Danieli akagenda kumurora Arioki{wurya wuno omutemi akamusorya kwiita kira omutu wuno ahabha wee heene iguru wa Babeli}.Akamugyaku naakumubhurira otabhita abhatu bheheene iguru wa Babeli.Onihire woomutemi ndamwerekya omutemi erikyoro ryee kiroto kino.''²⁵Kumara Arioki kwaabhwangu akamureta Danieli muubhusyo bhwo omutemi nookubhuga, ''Nimubhweni hamwe na abhaatu abhagwatwa bhaa Yuda omutu wuno aramenye ekiroto kyoo mutemi.'' ²⁶omutemi akamubhurira Danieli (wuno ahabha arabhirikirwa Beliteshaza)heene oranagya kumburira ekiroto kino waruzi noobhuheene bhwaye?''²⁷Danieli akamukyora omutemi nookubhuga, ''Okwibhisa yino omutemi asabhiri etakutura kurusibhwa naabhatu bheheene hata bhano bhakukerenia naabhaku,hata naa bharogi,hata naabhang'eni bhwe ezinyota. ²⁸Naawe riroho eryoobha rino rikwikara mwisaro,rino rikurusya naamariri kukubhurira awe,omutemi Nebukadneza,kino kirabhonekane iguru weezisiku zino zikuza.Bhino nibhyo ebhiroto rwokurora kwoobhwongo bhwazo bhuno waruzi kwiibhaga rino ohabha ohindiri kuubhuriri bhwazo.²⁹Nakunawe, omutemi,omisego gazo kubhuriri bhwazo gahabha nii iguru waamang'ana gano gakuza,naawuno akurusya okwibhisa akoriri emenyekane kwookino kirihaguhi kuza. ³⁰Kwookubha enye,okwibhisa yino etarusibhwe kuunenye kwookubha yeheene yoyosi yino nibhabhanayo kukira omutu wowosi wuno akwikara.Okwibhisa yino erusibhwe kuunenye kubha awe,omutemi oture kumenya obhwera naakubha omenye amisego gano garimwosi wazo.³¹Omutemi,akarora iguru naakurora erihunduguru erikuru.Erihunduguru rino rihabha ryee zyinguru naa ryookumesya,ekimerera muubhusyo bhwazo.Obhumesho bhwaye bhuhabha bhurakanagya. ³²Omutwe gwee rihunduguru guhabha gukorirwe kweezahabu enzomu.Ezimbere zyaye naamabhoko gaye bhihabha bhya hera.Ahagiro haa gatigati waamatango gaye hahabha hakorirwe kwee shaba, ³³naamaguru gaye gahabha gakorirwe kyee bhyoma.Amaguru gaye gahabha gakorirwe kwaa hagiro haabhyoma naahagiro hoobhutoto.³⁴Okarora iguru,neerigina rikabha ring'onyibhwe,ingabha hatari kwaa mabhoko goomutu, naarikatema erihunduguru iguru waamaguru gaye gee kyuma noobhutoto,nookukozwakozwa. ³⁵Kumara ekyoma,obhutoto,ehera,neezahabu bhikatinwa bhitinikabhitinika kweeribhaga erimwe naa gakabha kyaa masagyo gano garikusimiti zyookuhurira ebhaga ryoomubhaso.Omukama gukagabhumbutira kure neetariho ekimenyekereryo kino kyatigirwe nawe erigina rino rikatema erihunduguru rikabha ekiguru ekikuru nookwizurya ekyaro kyosi.³⁶Kino nikyo kuhabha ekiroto kyane.Nabhono turamubhurira omutemi obhwera bhwaye. ³⁷Awe,omutemi,niimutemi wa bhatemi kuubharya bhano eryoobha ryamwisaro rikuheri obhutemi,ezinguru,obhunagya bhwookusuka. ³⁸Abhiteeri mumabhoko gazo ahagiro hano omutu akwikara akuheri ezityenyi zyaa mwitirigo neebhinyunyi bhya amwisaro gati waa mabhoko gazo naakukoriri awe okangate iguru yabhu bhoosi.Awe niimutwe gweezahabu gweerihunduguru.³⁹Kwibhaga ryazo obhutemi obhundi bhuragororoka bhuno niibhusubhu kuunawe,hata obhutemi bhwaa katatu bhweeshaba bhurakangata iguru weekyaro kyoosi.⁴⁰Kurabhaho noobhutemi bhwaakatatu,bhweezinguru kyee bhyoma,kwookubha ekyoma kirati nabhitinika bhitinika neebhigiro ebhindi bhirakozakoza kira ekigiro.Erabhisarya ebhigiro bhino bhyoosi nookubhisya.⁴¹Kyeego waruzi,amaguru neebhyara bhihabha ahagiro bhikorirwe kwaahagiro bhikorirwe kwaa bhooma,kwego kurabha niibhutemi bhuno bhunyarageni ezinguru ezindi zyeebhyoma zirabha mwoosi waye kyego waruzi kubha ekyoma kisanganibhwe noobhutoto obhunyohu. ⁴²Kyeego abhyara bha amaguru bhino bhihabha ahagiro bhino bhyakorirwe kweebhyoma naakwa hagiro bhyakorirwe kwoobhutoto nigo obhutemi bhuhabha naahagiro heezinguru naa kwa hagiro abharosu. ⁴³Kyeego waruzi ekyoma kisanganibhwe noobhutoto obhunyohu kweego abhatu bharabha bhisangirye,bhatakwikara hamwe kweego ekyoma kitakunagya kugwatana noobhutoto.⁴⁴Kweezisiku zya abhatemi bhayo eryoobha ryaa mwisaro rirakora obhutemi bhuno bhutakunagya kugwisibhwa,hata kutamwa naabhatu abhandi.Orazibhuna ezitemi ezindi bhitinikabhitinika naa kuzinagya zyoosi nabhwe bhurabhaho kimera. ⁴⁵Kweego ori erigina ryookung'onywa kureka mukiguru,nawe kutari kwa amabhoko gaa mutu,rikabhunabhuna ekyoma,shaba.obhutoto,ezihera,neezahabu gatigati wee bhitinikabhitinika. Eryoobha erikuru rikwerekirye awe,omutemi,kino kirarorekane kwiibhaga ryaa gano,ekiroto niikyaheene.Erikyoro ryaye niiryakwikirirya.⁴⁶Omutemi Nebukadneza akagwa bhubhumari mubhusyio bhwaa Danieli akamusuka;akamubhurira kubha omuhero gurusibhwe naamaguta garusibhwe kuunewe. ⁴⁷Omutemi akamubhuriri Danieli, "Heene Eryoobha ryazo nii eryoobha ryaa amaryoobha,Tata waa abhatemi,naawuno akurusya amabhoho kwookubha obheri oranagya kutazura amabhoho gano.''⁴⁸Niho omutemi akamukora Danieli kubha waakusukwa bhukong'u na akamuha emibhano miaru mizomu.Akamukora kubha mukangati iguru weerigunguri ryoosi iguru wa Babeli.Danieli akabha omwanangwa omukuru iguru waabhatu bhe heene bhaa Babeli. ⁴⁹Danieli akahira erisabhi kuumutemi,noomutemi akabhasora Shadraka,Meshaki,Abedinego kubha abhakangati iguru weerigunguri ryaa Babeli.Nawe Danieli akasaga gati mwiikuru yoo mutemi.

¹Omutemi Nebukadneza akakora erihunduguru rye dhahabu yino yabhanga no obhutambi bwa mbirya sitini no obhugari bwa mbirya isasabha.Akatura mumugundu bwa Dura mwi igunguri rya Babeli. ²Okura Nebukadneza akatumania amang'ana go okubhabhirikira hamwe abhanangwa be esi hamwe na abhatongeri abhabhari bezimbirya abhamuri,abhasinzi bhe eribhatike,na abhakuru abhandi,abhakuru amagunguri bhanagye kuza kukwigura bwe erihunduguru yino yabhenga ayiteriho.³Niho abhanangwa bha amagunguri,abhanaangwa bheesi na abhanangwa bhe esi hamwe na abhatengeri,abhabhari bhe ezimbirya,abhamuri na abhasinzi bhe erihatike,na abhakuru bhiiguru bha amagunguri bhakikumania hamwe kubwiguri bhwe erihunduguru yino Nebukadneza yabhanga ayiteriho.Bhakimerera kubhukangati bwaye. ⁴Okumara omurariki akakora ekituri,''Emwe abhatu,ebhyaaro,na ebhigambo muhatikirwe ⁵kubha hano murigwe omumiro gwe ezihembe,ekireere,iraka ryo omubhari,ezeze,ebhihembe ne ebhirere ne ebhigiro byoosi bye etemwa ya omubhari,ni bhweheene okugwa no okuhigamira emwe abheene erihunduguru rye ezahabu yino omutemi Nebukadneza ya bhanga ayiteriho.⁶Na wuyo wosi wuno akutama kugwa okuyisengerya,kweeribhaga riyo riyo ararekerwa mwibheri ryo omuriro.'' ⁷Mbe abhatu hano bhakigwa omumiro gwo oruhembe,ekireere,iraka ryo omubhari,ezeze ne ebhiheembe ne ebhirere ne ebhigiro byoosi bye etemwa yo omubhari,abhatu bhoosi,bhe ebyaaro ne ebhigambo,bhakagwa no okuhigamira ebho abheene erihunduguru rye ezahabu rino Nebukadneza omutemi yabhanja ariteriho.⁸Eribhaga rino abhakalidayo abharebhe bhakaza no okureta amasemo kihuteti na abhayahudi. ⁹Bhakamubhurira omutemi Nebukadneza,''omutemi yikare kimera! ¹⁰Awe omutemi,otuririho erihatike kubha kilo omutu wuno akigwa omumiro gwe eziheembe,kirere,iraka lyo omubhari,ezeze,ebhihembe ne ebhirere ne ebhigiro bhyoosi byo omubhari,tugwe no okusengera erihunduguru rye edhahabu.¹¹Omutu wuyo woosi wuno atakugwa no okusengera tee ataswe mwibheri ryo omuriro rino rikwaka. ¹²Bhoono bhareho Abhayahudi abharebhe bhano obhateriho iguru wa amangana ge erigunguri rya Babeli;amarina gaabhu ni Shadraka,Meshaki,na Abedinego.Omutemi,abhatu bhano bhatasukiri awe.Bhatakurisengera,kurihokerya hamwe kurisengera abhene erihunduguru rye edhahabu rino wateriho.''¹³Niho nebukadneza akizuribhwa neekoro ne obutindi,akatumania kubha Shadraka,Meshaki,na Abednego bharetwe kunewe.Kwego bhakabhareta abhatu bhano ku mutemi. ¹⁴Nebukadneza akabhabhurira,''Awee musemiryebhwi mu bhwongo bhwenyu,emwe Shadraka,Meshaki na Abednego,kubha mutakuisengera emisambwa gyaane naabhe kusengera emwee abhene erihunduguru rirya rya ezahabu rino niriteriho.¹⁵Mbee bhoono aribha muri-bhwaheene hano murigwe omumiro oruhembe,kireere,eriraka ryo omubhari,ezeze,ebhihembe ne ebhirere,ebhigiro byoosi byo omubhari-okugwa hasi no okuhigama abhene erihunduguru rino nirikoriri,amang'ana goosi garabha mazomu.Nawe aribha mutakuyisengerera,murarekerwa rumwe mwibheri ryo omuriro.?¹⁶Shadraka,Meshaki,na Abednego bhakamkyora omutemi, ''Nebukadneza,tutakwenda kukukyora awe kuring'ana rino. ¹⁷Aribha ririho erikyoro,nio kubha Eriobha ryetu rino tukuhokerya riranagya kututura etwe bwaheene mukubhoko kwaye,omutemi. ¹⁸Aribha tigo emenyekane,kunawe omutemi kubha tutakusengera emisambwa gyazo,na kweki tutakugihigamira etwe abheene erihunduguru rino oriteriho.¹⁹Niho Nebukadneza akizuribwa no obhutindi;obhurorekano bwo obhusho bhwaye bukikyosha kihuteti na Shadraka,Meshaki na Abednego.Akatumania kubha eribheri rino ryegereribhwe obhuhari ngendo muhungati bukong'u kukira kyego yabheri. ²⁰Okumara akabhabhurira abhatu abharebhe abhene managa kubhasirikare bhaye okubhabhoha Shadraka,Meshaki,na Abednego no kubhatasa mwibheri rino rikwaka omuriro.²¹Bakabhohwa bhakyari bhiobhohiri emieenda gyabhu,etugu,ekiremba, na amibhoho agandi,na bhakataswa mwibheri ryo omuriro guraka. ²²Kwa obhutumania bwo omutemi rikahokibhwa(rikikiriribhwa) neeribheri ryabhanga no eryoya ihari bukonju, ezindimi zyo omuriro zikita abhatu bhano bhanga bhabhatasirimu Shadraka,Meshaki na Abednego. ²³Abhasubhe bhano abhatatu,Shadraka,Meshaki,na Abednego,bhakagwa mwibheri rino rikwaka omuriro bhakyari bhasibhikirwe.²⁴Okumara Nebukadneza omutemi akaruguribhwa na akimerera bwangu akabhabhurya abhatongeri bhaye,"Awe tutatasiri abhatu bhatatu bhari bhasibhikirwe mumuriro?''Neebho bhakamukyora omutemi,''Heene omutemi.'' ²⁵Akabhuga,"Nawe nirarora abhatu bhane bhano bhatasibhikirwe bharinogora kumuriro,na bhatanyaharirwe.Obweru bwo omutu wa kane ni kyo omwana we emisambwa.''²⁶Niho Nebukadneza hakisuka haguhi ne ekiseku kye eribheri rino rikwaka omuriro no okubhirikira,''Shadraka,Meshaki,na Abednego,abhabhagati bha Eriobha wuna ari iguru muhuruke habhori!Muze hano! Niho Shadraka,Meshaki na Abednego bhakahuruka habhori wo omuriro. ²⁷Abhanagwa bha amagunguri,abhanagwa abhandi, na abhatongeri bho omutemi bhanobhanga bhikumenie hamwe bhakabharora abhatu bhano. Omuriro gutarungurye emibhiri gyabhu.Ezinzweri kumitwe gyabhu zitarungwiri;amibhoho ghabhu gabhanga gakyari kusaribhwa;na bhatabhanga na bhuhuzubhwa muriro.²⁸Nebukadneza akabhuga,''Na tumukumye Eriobha rya Shadraka,Meshaki na Abednego,wuno amutumenie omurugaruga waye na abhaheri amang'ana abhabhagati bhaye.Bhakamwisiga ewe hano bhakayanga erihatike ryane,nabhakarusya emibhiri gyabhu bhakatika okusabha hamwe okuhigama Eriobha erindi okutama kutiga Eriobha ryabhu.²⁹Kweego bhono ndatumania kubha abhtu bhoosi,ekyaro hamwe ekigambo kino erakerenie kigiro kiyokyiisi kihuteti ne Eryoobha rya Shadraka,Meshaki na Abednego tee basinzwe bhitinika,no yo kubha amatuku gabhu tee gakorwe kubha ebiswa byo obhunyaka kwookubha atareho Eryoobha erindi rinorikunagya kuturya kyeego.'' ³⁰Niho omutemi akabhatirya omweya Shadraka,Meshaki na Abednego mwigunguri rya Babeli.

¹Omutemi Nebukadneza akatuma erihatike rino kubhatu bhosigo,bhe ebhyaro,nekigambo bhano bhikeri gatigati we ekyaaro: "Nobhuhoreru bhwenye bhwiyongerye. ²Arorekeni bhuzomu kunenye kubhabhurira iguru wekimenyekereryo nekiruguro kino Eryobha erikuru rino ririguru rinkoreri. ³Nikwanziraki ekimenyekereryo kyaye nkikuru,nanikwaki ekiruguro kyaye ni nkikuru! obhutemi bhwaye niobhutemi bhwokikara kimera,obhukangati bhwaye bhurikara oruganda no ruganda.''⁴Enye, Nebukadneza,nihabha ndikara kwa obhuzomererwa gatigati ye nyumba yane,nahabha ndazomerererwa ebhwere gatigati yomugye omukuru gwane. ⁵Nawe obhuroti bhuno narotiri bhukankora nikobhoha.Hano nihabbha nihindiri harya,ekiriri nikakirora nagembere gatigati yo bhwongo bhwane bhukaninyakya. ⁶Hayo nikatumania bhabhatete mubhusho bhwane abhatu bhosigo bha Babeli bhahabha nebhigongi nawe kubha bharatura kunkyorera ekiroto.⁷Okumara bhakaza abharogi, bharya bhakutuna kukerenia na bhaku,abhatu bhe bhigangi,abharori bhe ezinyota.Nikabhabhurira iguru we ekiroto,nawe bhaturiri kukirania. ⁸Nawe kubhumariryo Danieli akasikira mwosi-ewe wuno akubhirikirwa Belteshaza erina rye Eryobha ryane,nawuno musi waye erimu ekoro yerobha rya abhare-nakamubhurira iguru wekiroto. ⁹"Beliteshaza, omukuru wa abharogi,nimenyiri kubha ekoro ye emisambwa gya abhare giri musi wazo nakwokubha atakwikarira ng'ana yino oruzi mukiroto kyane niki amakyoro gaku.¹⁰Gaano nigo nduzi mubhwongo bhwane hano nihabha nihindiri kubhuriri bhwane:Nikasungurirya,gihabhaho emiti gatigati yesi nobhutambi bhwaye bhuhabha mbukuru hene. ¹¹Omuti gukabha gwezinguru.Nahagiro higuru waye hakaika kwisaro,bhakatura kurorekana kureka kubhumaririryo yesi yosigo. ¹²Amatu gaku gahabha mazomu amatunduguru gaku gahabha nimaru,niguru wako gahabha nebhyakurya bhya bhosigo.Ezityenyi zya mwitirigo zikabhoona ekiriri hasi waye,nebhinyonyi bhya kwisaro bhikikara gatigati wamatu gaye.Ebhigiro bhyosi bhino bhikuhezera bhikarya kumuti guyo.¹³Hano nihabha nihindiri kubhuriri bhwane,nikarora gatigati wo bhwongo bhwane omutumwa omuhene arituma kureka kwisaro. ¹⁴Akatema ekitiri nokuhaya,'Mukate omuti na musonzorye amatu gaku,munyaraganie amatu gaku nokunyaragania amatunduguru gaku.Ezitienyiziryare kureka haasi waye nebhinyonyi bhibhururuke kureka gatigati yezisagya zyaku.¹⁵Mutige ekisiki kye emiri gyaye gatigati wekyaro,mubhohe nekyoma ne shaba,gatigati yomuti mororo gwa mumugundu.Kizagazibhwe norume kureka kwisaro.Mutige kikare nezityenyi gati yemiti gya hasi. ¹⁶Obhwongo bhwaye bhukiranibhwe kureka kubhwongo bhwa abhatu nahanwe obhwongo bhwe etienyi tee gihite emiaka muhungati.¹⁷Obhwamuri bhuno nikurwa kwihatike rino ryarusibhwe nomutumwa nobhwamuri bhuno bhwakorirwe nanewe wuno ahabha omuhene kwokubha bhayo bhahabha bharigwa bhamenye kubha Eryobha rino riri iguru wo obhutemi nakubhaha kwakira wumwe asegiri kumutura iguru waye, hata kubhatu bharya bhakwisuhya hene. ¹⁸Enye omutemi Nebukadneza nikabhona ekiroto kino kwibhaga rino awe Belteshaza,mburira okukorya kwazo, kwokubha atareho mutu wuno anabhigongi gatigati yobhutemi bhwane wuno akuturya kunkorya.Nawe awe oratura kukora ego,Kwokubha ekoro yamasambwa amahene garimusi wazo.''¹⁹Niho Danieli akabhirikirwa nawe Belteshaza, akarugura kwibhaga,namisego gayo gakamutakya.Omutemi akabhuga, '' Belteshaza,otaruguribhwa nekiroto hamwe amakyoro gaye.'' Belteshaza akamukyora, '' Tata wane ekiroto kino kibhe iguru wa bhatu bhano bhakubhihirirwa ne amakyoro gaye nebhe kwiguru wabhabhi bhaye.²⁰Omuti gurya okagurora-guno guhabha gukabha nezinguru, na guno ahagiro haye higuru hakailka kwisaro naguno gukutura kurorekana kureka kubhumaririryo ye kyaro kyosigo- ²¹guno amatu gaku nimazomu,namatunduguru gaku gahabha ni maru,kwokubha musi waye guhabha nebhyakurya bhyabhosigo nahasi wezityeni zya mwitirigo zikabhona ekiriri,namusi wabhu ebhinyonyi bhya kwisaro bhikikara- ²²omuti guno nawe, omutemi,awe wuno ohabha nokubha nezinguru.Obhukuru bhwazo bhuhikiri kubhumaririryo we ekyaro.²³Awe omutemi,okarora omurugaruga arareka kwisaro narabhuga, "Mukate omuti mugusukuranie nawe mutige ekisiki nemiri gyaku gatigati ye ekyaro,mubhohe nakwo oprubhara rwe ekyoma neshabha gatigati yomuti mororo gatigati yomugundu.Nakizagazibhwe norume kureka kwisaro. Kitige kikare gatigati yezityenyi zya mwitirigo gatigati ye migundu tee gihite miaka muhungati.²⁴Omutemi,rino ni kyoro ryaye.Bhuno nibhuragirirya bhwaye kuwuno ariguru rino rituhikiri, Tata wane omutemi. ²⁵Orahebhwa gatigati ya abhatu,norikara natyenyi zya emwitirigo eyo mumigundu orakorwa obhe orarya amanyaki,na orazagazibhwa norume kureka kwisaro,miaka muhangati tee hano orikirirye kubha eryobha rino ririguru rirabhakangata iguru wo obhutemi bhwosigo bhwa abhatu nayokubha ewe orahana obhutemi bhuyo wuyo wosi akwenda.²⁶Kyego yikiriribhwe bhatige ekisiki kye emiri gyo omuti,kwenzira yino obhutemi bhwazo bhurakyoribhwa gatigati weribhaga rino orege kubha erisaro rirakangata. ²⁷Kwego,omutemi,obhutongeri bhwane bhwikiriribhwe kunawe. Tiga kukora amabhihu nokore ehene. Ikyora otige amabhihu gazo kwokwerekya ebhigongi kubharya bhakubhararwa,erabha kubha nombhwera bhwaye bhurongerwa.''²⁸Ebhigiro bhino bhyosi bhikarwera woomutemi Nebukadneza. ²⁹Kumweri gwe erikumi nakabhiri hano ahabha aragenda iguru werirongo ryo omugye omukuru gwekitemi gatigati Babeli, ³⁰nakabhuga nawe, '' yino etari Babeli, yino nombokiri kwiguru yokwikara kwane omutemi,kwookubha yobhuzomu bhwo bhwemero bhwane?"³¹Kwibhaga amang'ana mahari gatigati yomumwa gwo omutemi,eriraka rikahuruka kuraka kwisaro: ''Omutemi Nebukadneza,ararikirwe kunawe kubha obhutemi bhuno bhurusibhweho kureka kunawe. ³²Orahebherwa klure kureka gatigati wabhatu,nobhwikari bhwabhu bhurabha hamwe nezityenyi zya mwitirigo gatigati yemigundu.Orakorwa kurya amanyaki kye ezing'ombe.Miaka muhungati girahita tee harya orikirirye kubha eryoobha rino ririiguru rirakangata iguru wo bhutemi bhwa abhatu arahana obhutemi mutu wuyo wosi akwenda.''³³Obhuragirirya bhuno bhwo obhumosi bhwa Nebukadneza rikakorwa hayo hayo.Akarusibhwaho gatigati wabhatu.Akarya amanyaki kyezing'ombe,nomubhiri gwaye gukazagaza norume kureka kwisaro.Ezinzweri zyaye zikatambiha kya amabhuri ga nyamuko,nezikumu zyaye zikabha kyezikumu zye kinyonyi.³⁴Nagatigati yobhumaririryo rwo orusiku,enye,Nebukadneza nikinura ameso gane kurorerera kwisaro,obhuzomu bhwo obhwongo nikakyoreribhwa. ''Nikakumia eryoobha riyo ririguru nikamusuka nokumukumania ewe wuno akwikara kimera.Kwokunha obhukangati bhwaye mbwa kimera,obhutemi bhwaye bhurikara kureka kuruganda rwosigo kweki noruganda rwosi.³⁵Abhikari bhosigo bharabharibhwa nanewe kubha bhusa; arakora ryoryosi rino rikumuzomera gati yabhasirikare bhakwisaro nabhikari bha mukyaro.Atareho hata wumwe wuno akunagya kuribhira hamwe kumuha amasoro atareho hata wumwe akutura kumubhurira,''Ndora okori rigo?"³⁶Kweribhaga riryarirya obhuhoru bhwa obhwongo bhwane hano bhwankyoreri obhuhene bhwane ekisubhe kyane kikankyorera kwokubha yokwikirirya obhuhene bhwo omutemi wane.Abhatongeri bhane nabhatu bhokusuka bhakakomia obhusakirya bhwane.Nikakyoribhwa kukitumbi kyane kyo obhwemero nikahamwa obhukuru bhwokikira. ³⁷Bhono enye Nebukadneza ndamukumia,nokumusuka omutemi werisaro,kwokubha amang'ana gaye gosigo gobhuhene,nezinzira zyaye nzyabhusuki.Aratura kubhitumia bharya bhakugenda gatigati yekigoti kyabhu abhene.

¹Omutemi Belshaza akakora enyangi ekuru kwego ya abhakuru bhaye bhokusukwa bhaari hiikwi kimwe,akaanywa amarwa embere ya bhatu bhabhu bhosi kiikwi kimwe. ²Eribhaga Belshaza ahabha arawonzya amarwa,akaruusya erihatiku ryo okureta ebhigiro bhino bhikoriarwe kwe edhahabhu,ne ezihera bhino Nebukadneza wise wabhu ahabha abhigegiri kurwa mwisengererero eyo Yerusalemu,bhino ewe na abhakuru bhaye,na abhakari bhaye,abhakari abhagegwa bhakabhinywera.³Abhabhagati bhakareta ebhigiro bhye ezahabhu bhino bhihabha bhigegiirwe okuurwa mwisengererero,munyumbha ye Eriobha eyo Yerusalemu.Omutemi na abhakuru bhaye,na abhakari bhaye na abhakari bhakagehwa bhakabhinyweera. ⁴Bhakanya amarwa nokukumania,ebhizuruuru bhyabhu bhino bhikoorirwe kwe ezizahabu ne ezihera,ezishaba.ebhioma,ezimbau na amagina.⁵Kwiibhaga riyoriyo abhiara bhio okubhoko kwo mutu bhikarorekana embere we ekigwatiriro kye etara nokukama kukibhambazi kino kitererekibhwe mung'oma yo omutemi.Omutemi akanaagya kuroora ahagiro ho okubhoko hano kuhakama. ⁶Niho obhusyo bhwo omutemi bhukabha na amiseego ghaye gakamuobhokya;amaguru ghaye ghatanaagirye kumukoora yiimerere,amaru ghaye ghakitemeena kwa hamwe.⁷Omutemi akaruusya erihatike kwo okutema ekitiri,bharetwe mwosi bhano bhakubhuga bharanagya okugamba na abhaku,abhatu abhahene,abhang'eni bhe ezinzota,omutemi akabhabhuriira bhano bhamenyekeni kwo obhuhene ku Babeli,wuno wosi arahereneerya amakamo ghano na kyeego ghari,aribhohibhwa ezingibho zye ezambarau,nookuturiibhwa omusanga gwe ezahabu mwigoti ryaye.Na woosi arabha omutake wa katatu,wiiguru kubhutake bhwo omutemi.''⁸Niho abhatu bhosi bho omutemi bhano bhahabha bhamenyekeni kwo obhwimenyi bhwabhu bhakasikira mwosi,nawe bhatanagirye okughasoma amakamo no okugereekereerya ku omutemi. ⁹Okumara omutemi Belshaza akatahibhwa hene no obhuroreero bhwo obhusyo bhwaye bhukihyoora.Abhakuru bhaye bhosi bhakarugura hene.¹⁰Niho bhono omugore akaza munyumba ye enyangi kwookubha yakirya omutemi na bhakuru bhaye bhahabha bhakihayiri.Omugore akahaya,''Omutemi yiikare kimera! Otatiiga amisego gazo gakunyakye.Otatiriirya obhuroorero bhwo obhusyo bhwazo bhuikyoore.¹¹Ariho omutu mubhutemi bhwazo wuno aneekoro ye emisambhwa abhaheene mwosi waye.Kuzisiku zya wuso wenyu,obhweru,obhung'eni no obhumenyi bhwe emisambhwa gikabhonekana mwosi waye.Omutemi Nebukadneza, wuso wazo omutemi,akamukora kubha omukuru wa abhaghabu no omukuru wa bhaarya bhakukereenia na abhahu,nabhano bhano abhumenyi bhwe ezinyota. ¹²Ekoro enzomu,obhumenyi,obhunyohu,kukirania ebhiroto,kuerekereerya amang'ana no kumara enyako-gino ne emikumo gino gikubhoneeka ku mutu wuno Danieli,wuno omutemi akamubhirikira Belteshaza mumubhirikira Danieli wosi arabhabhurira kino kya andikirwe.¹³Niho Danieli akareetwa embere yo omutemi.Omutemi akamubhuriira.''awe ni wurya Danieli,owumwe ghati ya abhatu abhagwatu bha Yuda,bhano tata wane omutemi akabhareta okuurwa Yuda. ¹⁴Niigwiri amang'ana gazo awe,kubhekoro ye emisambwa eri mwosi wazo no okubha obhweru no obhung'eni obhuzomu bhurabhoneeka mwosi wazo.¹⁵Nabhono abhatu bhano bhamenyekeni kwo abhunyoku na bhano bhakukerenia ba abhahu,bhamariiri kuretwa embere wane,okukaama amang'ana gano no okumubhurira gharibhwi,nawe bhatanaagirye okunibhurira gharabhuga bhwi. ¹⁶Nigwiri kubha oratura kumburiira no okuruusyaho enyako.Bhono aribha oranaagya okusoma amakamo no okunibhuriira gharabhugabhwi,oribhohibhwa omusanga gwe ezahabu mwigoti ryazo,no orabha omukangati wa katatu wuno anezingura mubhutemi.¹⁷Okumara Danieli akakyoora emere yo omutemi,''Omubhano gwazo gubhe iguru wazo omwene,ne ebhigiro bhyazo omuhe omutu owundi.Kweego,omutemi,nirakusomera amakomo no okukubhurira garabhugabhwi. ¹⁸Iguru wazo,awe omutemi,Eriobha rino ririiguru bhukoong'u,rikamuha Nebukadneza wuso wazo,obhutemi obhukuru,obhusuki ne esimuka. ¹⁹No kwookubha yo obhukuru bhuyo,Eryobha rikabhaha abhatu bhosi,ebhiaro,ne ebhigambo bhakamurigita no okumuobhoha.Akabhita bhano ahenda bhaakwe,akabhatiga bhuhoru bhano ahenda bhikare.Akabhinuura bhano ahenda,na akabhituma bhano atahenda.²⁰Nawe hano ekoro ehabha ne ekisubha,ne ekoro ekakoorwa kubha kong'u,kwokubha ego akakora kwe ekisubhe,akitumibhwa kuurwa kukitumbi kyaye kya simuka kyo obhutemi,bhakairuusyaho simuka uyaye. ²¹Akarusubhwaho kubutu,ahabha no obhuongo bhwe ekitinye,akikara ne ezitikiri zya mwitirigo.Akaarya obhunyaki kye eng'ombe.omubhiri gwaye gukazagazibwa no orume rwo okurwa mwisaro tee hano akeega kubha Eryoobha riino riri iguru rirakangata iguru yo obhutemi bhwa abhatu nokubha bhuramutura omutu wuyo wosi,wuno akumwenda iguru waye.²²Awe omwana waye,Belshaza,okyari kunyoheerya ekoro yazo,kwookubha akagamenya gano gosi. ²³Wimukiri omwene obhumosi bhwa Tata wa mwisaro.Munyuma yaye bhakakuretera ebhigiro bhino awe,abhakuru bhazo bhakabhinyweera,no okumara okiikumia hene ebhigiro bhyo okukora kwe ezihera,ne ezahabu,shaba,ekyoma,ezimbhao,na amagina,ebhigiro bhyo akukora bhino bhitakunaagya kuroora,kuigwa,no okumenya hiyo kyoosi.Otakurisuka Eryoobha rino rigwatiriri obhuhoru bhwazo mukubhoko kwaye na wuno amenyiri ezinzira zyazo zyosigo. ²⁴Niho Erioba rikatuma okubhoko okuurwa mubwikari bhwaye na amakamo ghano ghakakaamwa.²⁵Gano nigo amakaamo ghano gakakaamwa:'Mene,Mene,Trekeli ne Peresin.' ²⁶Obweera bhwaye:'Mene,''Eryoba ribhariri obhutemi bhwazo no okubhunaagya.' ²⁷'Tekeli' 'orengirwe kuratiri no ororekeeni osuhiri.' ²⁸'Peresi' 'obhutemi bhwazo bhutinikeri bhaherwe Wamedi na Waajemi.'''²⁹Niho Belshaza akarusya eritumanio,no okumuibhohya Danieli amibhoho ge ezambarau.Omusanga gwe azahabu bhakamuibhohya mwigoti,no omutemi akaruusya eng'ana iguru wa Danieli kubha arabha mukangati wo obhunaaya we eribhaga rya katatu ku bhutemi. ³⁰Obhutiku bhuurya Belshaza,omutemi wo Babeli akiitwa, ³¹na Dario omwajemi akagega obhutemi hano ahabha ne emiaka gino gikuhikira mirongo esasabha na ebhiri.

¹Ekamuzomeera Dario kusoora iguru yomutemi magavana wa magunguri izo bhaano bhakangatiiri iguru yobhutemi bhoosi. ²Iguru yaabhu bhahabha aho abhakangati abhakuuru bhataatu,na Danieli ahabha owuumwe waabhu.Bhaano abhakangati bhakatuurwa haano bhakunagya okubhimererera magavana bha majibu,kwookubha omutemi atabhoona enyaaro. ³Danieli akerekiibhwa iguru ya bhakangati abhakuru ni iguru ya magavana bha majimbo kwookubha ahaabha nekooro yino etaari yokubha.O9mutemi ahaabha aheenda kumutuura iguuru yobhutemi bhoosi.⁴Abhakangati abhakuru abhaandi na magavana bha majimbo bhakakoomya ubhubhi kumiriimo giino Danieli yuakoriri kubhutemi,nawe bhatanagirye kuroora obhwibhi okutaamwa kumiriimo gyaaye kwokubha ahaabha omurengererya.Bhutariho obhubhib no bhutoobhu bhuuno bhukabhoneeka mwoosi waaye. ⁵Nawe abhaatu bhaano bhakahaaya,''Tutanagiirye okubhoona obhubhi bhwobhwoosi bhwo kumuseema wuuyo Danieli haano turamoohye ekigiro kyokyosi iguuru yaaye kyokugendenia ne migiiro gye Eryoobha ryaaye.⁶Niho abhakangati bhaano na magavana bhakareeta amiseego kubhutangiro bhwo muteemi.Bhakabhabhurira,''omutemi Dario,wikaaare kiraaka ego. ⁷Abhakangaati bhoosi abhakuuru bhwo mutemi,magavana bhe mikoa na magavana bha magunguri,abhatongeri,na magavana bhatongereeni kwa haamwe nokwaamura kuubha awe,omuteemi,orenderwa ohiitye erihatike nokuihokya,kwookubha wuno akukoora abhusaabhi ku Eryoobha ryoryoosi no muutu kuzisiiku miroongo etaatu,nawe otari awe omuteemi,omuutu wuuyo arekeerwe gatigati yomwoobho gweendwi.⁸Nawe omutemi,akaruusha erihatike notuure orukaamo rwekimenyekereryo kwokubha etaaza kwikyoora,kye migiro gya Waamedi na Waajemi,kweego atakunagya okubhakyoora. ⁹Nawe,omutaake Dario akatuura orukaamo rwekimenyekereeryo nokwijikoora erihatike kuubha emigiro.¹⁰Danieli hano akamenya kuubha kimenyekereryo zihwiri okukaamwa okuubha emigiro,akageenda mwoosi wenyuumba yaaye(amahundu gaaye gamukyumba kyiguuru gahaabha mwaasi okwereera Yerusalemu),nakateema amaaru gaaye,kyeego ahaabha arakora maanga atatu kuwiki,na akasaabha nokukuumya kubhwemeero bhwe Eryoobha ryaaye,kyeego yakoriri kyeego haayo. ¹¹Nawe abhatu bhaano bhahabha bhateemirye obhubhi haamwe bhakamurora Danieli akasabha nokukomya obhusakiriibhwa okuurwa ku Eryoobha.¹²Niiho bhakamwisukiira omutaake no kugamba nawe okwigwereraana nerihatike kuubha omutu wowosi wuno arakoore obhusabhi ku Eryoobha erindi na kumutu mwoosi yezisiku mirongo etatu ziinozikuuza,nawe etari kunawe omutaake,nawe omutu wuyo arekerwe mumwobho gweendi?Omutaka akakyora,''Ering'ana rino ni ryobhuheene,kyeego akerekiibhwa kumigiro gya Wamedi na Waajemi;ziino zitakunagya okukyooriibhwa.''¹³Nawe bhakamukyora omutake, ''Omuutu wurya Danieli,ni wuuno ni wumwe wabhaatu bho kugwaatwa okukuurwa ku Yuda,atakwikirirye awe,omutaake nawe amahatike gaazo wakamiiri.Ewe aramusaabha Eryoobha ryaaye katatu kurusiku.'' ¹⁴Omutaake hano akigwa gano,akarumika bhukong'u,akahookya kura miseego go kumuryoora okuurwa gatigati yo bhubhagaati bhuno.Akanyaaka bhukong'u kwibhaga ryo kutubhiira eryoobha akasaakya okumuryoora Danieli.¹⁵Nawe abhaatu bhano bhahaabha bhakaarya nzenzemwe bhakikumania hamwe no mutake,nabhakamubhurira,''Nomeenye omutake okubha nemigiro gya Wamedi na Wajemi kuubha ritariiho erihatike ne erihunduguru riino omutaake arayihiitya nerihunduguru riino omutaake arayihiitya aranagya okukirania.¹⁶Niho Omutaake akarusya erihatike,nabhakamureta Danieli,neego akamurekera mwishimo rye endwi.Omutaake akamubhurira Danieli, ''Eryoobha ryazo,wuuno bhakamuhokerya ebhaaga ryoosi,akuryoore.''¹⁷Erigiina rikaretwa gatigati yekiseku kyo mwoobho,no mutaake rikateerwa orubhaaso rwe pete yaaye omwene na haamwe no rubhaaso rwabhakuru bhaaye kwokubha kyokyosi kitakunagya kukyoorwa obhuhookya na Danieli. ¹⁸Nawe Omutaake akagenda mu ikulu yaaye obhutiku bhuurya ahabha no mutuugo.Etariho obhuzomereerwa yoyosi yiino yaretiirwe kubhwemero bhwaaye,naabho ezitiro zikamuryara.¹⁹Nawe gatigati yo bhumuunyi omutaake akimuuka na kwabhwangu akageenda kumwobho gwe endwi. ²⁰Hano yahikiri haguhi kumwoobho,akamubhirikiira Danieli kweriraka ryokuruguura,akamubhurira, ''Danieli,omuhookya wa Eryoobha wuno anobhuhooru,Eryoobha ryazo rino okuhokeerya kwibhaaga ryoosi aranaagya kukyryoora okuurwa gatigati ye endwi?²¹Niho Danieli akamubhurira omutaake, ''Omutaake,orikara kiraaka! ²²Eryoobha ryani amutuumiri omwimerereri na abhibhohiri emiinwa gye endwi,nazitanagirye okunyiita.Kwokubha ntabheeri nabhubhi bhobhoosi kubhwemero bhwaye nakubhwemero bhwaazo,awe omutaake,na ntakakukoreri eng'ana ryoryosi rya kukwita.''²³Nawe Omutaake ahaabha nobhuzomererwa obhukuru.Akarusya erihatike kuubha bharendeerwa bhamurusye Danieli iguutu yoi mwobho.Kweego Danieli akarusibhwa kuurwa kumwoobho.Atanyaharikiiri hohosi riinorikarorekana kunewe,kwokubha ahaabha arisigiira Eryoobha ryaaye.²⁴Omutaake akarusya erihatike,bhareetwe bharya abhaatu bhaano bhakamusema Danieli niho akabharekera ebho gatigati ye mwobho gwe endwi-ebho,nabhaana bhaabhu,na bhakari bhaabhu.Haano bhari bhakyari kuhiika kusimiti,ezindwi zikabhanyanyamura no kubhabhuna bhitinika bhitinika. ²⁵Niho Omutaka Dario akakaama amang'ana kubhaaatu bhoosi,ebhyaaro,ebhigambo ziino zikikaara gatigati yeesi yoosi:''Obhuhoru bhongeriibhwe kuneemwe.²⁶Ndahahatiika kuubha obhutemi bhoosi bhwo omutaake waani abhaatu bhararigita no kwikirirya kubhutangiro bhwe Eryoobha rya Danieli,kwokubha ne Eryoobha wuuno alimuhooru narikaara kiraaka,obhutaake bhwaye bhutakunagya kusariibhwa;obhutaake bhwaye ntee kubhuteero. ²⁷Ewe aratutuura bhuzoomu nokuturyoora,narakoora okuteemya amaruguro mukyaaro na muziisi,amaturiirye Danieli kubhuzomu;iguuru yo bhunaagya bhwe endwi.²⁸Neego bhoono,Danieli akabhoona gatigati yobhutemi bhwa Dario na gatigati yobhutemi bhwa Koreshi Mwajemi.

¹Kumwaka gwo kutanga gwa Belshaza omutemi wa Babelii,Danieli ahabha ne ekirito na gano yaruzi mubhwongo bhwaye kwibhaga rino ahaabha ahindiri kubhuriri bhwaye.Kyamwe akagakaama gano yaruzi mukiroto.Akakama amang'ana amakuru. ²Danieli akabhabhurira,''Obhutiku mubhiroto bhyane nkarora mikama ene gyakwisaro gihasingisha enyanza ekuru. ³Ezityenyi kuru inye,kira etenyi yari na tubho yaye,ziharwa munyanza.⁴Etyenyi ye embele ehabha neetubho yeendwi,nawe ehabha na amabhabha kye erihoke.Hano nihaabha ndarorerera,amabhabha gaye gahabha gabharu ne ehabha egororokibhwe hasi ne ehabha yimereri kwa maguru abhiri kyoomutu.Ekahaamwa obhwongo kya-bhwoomutu. ⁵Ehabhaho etyenyi ya kabhiri,ehabha etubhiri Dubu,ehabha yinamiri,ehabha na mbaru isatu kumeno gaye mumunwa gwaye.Ekabhurirwa, 'Goroka omire abhatu bharu.'⁶Hano rino ryahwiri,nkarora kweki.Ehabhaho etyenyi eyindi yino ehabha etubhiri engwe.Kumugongo gwaye ehabha na amabhabha anne kya amabhabha gee kinyonyi,ehabha na mitwe enne.Ekahaanwa obhunagyua bhwo obhukangati. ⁷Hano gano gahitiri,nkarora obhutiku mukiroto kyane etyenyi yakanne,yokwobohya,nokukanga ye ezinguru.Ehabha na meno kya gekyoma makuru:ekasaryasarya na ekabhunabhuna matinikamatinika no okubhondorabhondora no okubhisya bhino bhisagiri kwa amaguru gaye.Ehaabha na tubho yayego etari kye ezindi,ne ehabha na hembe ikumi.⁸Kwibhaga rino nihiseega iguru we ezihembe,nikasungurirya nikarora oruhembe orundi rusuhu rurasibhuka gatigati we ezihembe ezindi.Emiri gye ezihembe isatu kuzihembe zyembere gikihwa.Nikarora kurujhembe runo ameso go omutu no omunwa guhabha guriguma kwa amang'ana makuru.⁹Hano nasungurirya,ebhitumbi bhya simuka bhihabha bhiterweho,no omutu we ezisiku zya kareyo akikara hagiro haye.Amibhoho gaye gahabha marabhu kyoomusoke,ne ezinzweri zyaye kumutwe gwaye zihabha nzomu kyo obhubhamba bhwo omuti gwo omusufi.Ekitumbi kyaye kya simuka kihabha ne emireri gyo omuriro na amagata gaye gahaaka omuriro.¹⁰Omwaro gwo omuriro gukitururuka okurwa embere waye,amagana na ebhikwi bhya abhaatu bhakamhokerya emirimo na amakaamo ge ebhitabhu gakasibhurwa.¹¹Nikagenderera kusungurirya kwookubha ya mang'ana geekigoti gano gahayirwene ehembe.Nikasungurirya kwibhaga tyenyieritwa,no omubhiri gwaye gukasaribhwa,gukasaribhewa gwokibhwe no omuriro. ¹²Kuzityenyi inye zirya zyarizisagiri,obhunagya bhwabhu bhukahirwa kure,nawe obhuhoru bhwabhu bhukabhaho kwiibhaga irebhe iguhi.¹³Kugano naruzi obhutiku bhuyo,nikarora mutu wumwe araza arimumasaro giiguru ahabha kyo omwana wo omutu;akaza kumukaruka we ezisiku akahirwa embere waye. ¹⁴Ewe akahaanwa obhunagya bhwo obhukangati no obhwaare na obhunagya bhwo obhutemi noho okubha abhaatu bhosi,naebhyaro ne ebhigambo bhinagye kumhokerya ewe.Obhunagya bhwaye bhwo okukangati ni bhunagya bhwa kirakeego bhuno bhutakuhita,no obhutemi bhwaye ni bhurya bhuno bhutakunyaribhwa.¹⁵Kwinye enye, Danieli,ekoro yane ekehohobhera mwosi wane,nebhiroto bhino naruzi mubhwongo bhwane bhikaninyakya. ¹⁶Nikamwisukirira owumwe waho kubharya bhaari bhimereri hayo nikamsabha anierekye amang'ana gano garibhwi.¹⁷Ezo etyenyi enne ekuru ni abhatemi abhane abhakuru bhano bhakuza mukyaaro. ¹⁸Nawe abhaatu abhaare bha Tatabhugya wuno ariiguru bharabhwikirirya obhutemi bhubhe bhwabhu kirakeego.'¹⁹Niho akenda okumenya bhukong'u iguru we etyenyi ya kane,yino yaari na tubho yayeego etatubheri na tyenyi zindi yino yekukanga yino yari na ameno ge ekyoma na ezikumu zyeebhyooma ebhikangaru;ekamira,no okubhuna matinika matinika ne ekasya kwa amaguru gaye bhino bhyoosi bhyabhisagiri. ²⁰Nkenda kumenya iguru we ezihembe zyaye ikumi zya kumutwe gwaye,na iguru wo oruhembe rwaye orundi runo rumeriri,runo embere warwe ezihembe ezindi isatu zikagwa hasi.Nkenda kumenya iguru wooruhembe rwa ameso na iguru wo omunwa guna gwari kwikumya kwa amang'ana makuru yino yarorekeni kubha kuru kukira ezindi.²¹Hano nkamahirira,oruhembe runo rukiimukya erihi iguru wa abhaare ruhabha huiza tee harya. ²²Omukaruka we ezisiku hano yiziri,na abhatu abhaare bha Tatabhugya wuno ariiguru bhukong'u.Niho eribhaga ryahikiri abhaare bhakagwata ubhutemi.²³Kino nikyo omutu wurya ahabha ahayiri,'Iguru we etyenyi ya kane,bhurabha ni bhutemi bhwa kane iguru we ekyaaro bhuno bhukubha bhutatubhiri na temi zindi zyioosi.Bhuraimira esi yosi,na bhuraitaza yosi hasi no okuibhunabhuna bhitinika tinika. ²⁴Na iguru we ezihembe ikumi,okurwa mubhutemi bhuno,abhatemi ikumi bharagororoka,no owundi aragororoka hano bhayo bhararweho.Arabha atatubheri na bhano bhamkangatiri,arabhahiza bharya abhatemi abhatatu.²⁵Araza kukerenia amang'ana gano gatatubheni na ga ewe ariguru bhukong'u na arabhanyakya abhatu abhaare bha Tatabhugya wuno ariguru.Arasakya kuzikirania ezinyangi na emigiro.Amang'ana gano arahaanwa mumabhoko gaye,kwo omwaka gumwe,miaka ebhiri na ikoona yoomwaka. ²⁶Nawe esango ya abhasengeri,erakumanibhwa,na bharagega amanaga gaye go obhutemi niho kubhuteero anagye kusaribhwa no okusikibhwa.²⁷Obhutemo no obhukangati,obhukuru bhwoobhutemi iyaasi we erisaro ryosi,bharahanwa abhatu bha abhatu abhaare bha ewe wuno ariguru bhukong'u.Obhutemi bhwaye ni bhutemi bhwa kirakeego,na obhutemi obhundi bhwoosi bhuraza kumhokerya emirimo no okumsuka ewe.'' ²⁸Na bhuno nibhwe obhutero bhwa amang'ana.Na iguru wane,enye,Danieli,amiseego gane garankorera obhutaka bhukong'u enye no obhusyo bhwane bhurorekeni bhukyokiri.Nawe amang'ana gano nikagabhika enye omwene.

¹Kuumwaka gwaakatatu gwoobhkuru bhwoo omutemi Belshaza,enye Danieli nkarora ebhiroto(kumara ebhiroto bhyeembere bhino nanyoriri) ²Nihabha ndarorera gati weebhiroto nkarora kubha nihabha gati yoomugye gwaa Shushani mwigobhe mwigunguri ryaa Elamu.Nkarora kureka mukiroto kubha nihabha haguhi noomugeri gwaa Ulai.³Nkarorerera iguru nkarora iguru mubhusyo bhwane eng'ondu esubhe yamahembe abhiri,rimereri embarika mwoo mugeri.Oruhembe orumwe ruhabha rutambi kukira orundi,nawe oruhembe orutambi ruhabha rurakira ng'orang'ora kukira oruguhi nooruhembe oruguhi rukakina kukira orundi. ⁴Nkarora eng'ondu esubhe kumwitania nyanza,range,nakwaake ruguru etariho tyenyi yindi yino yanagirye kwimerera mubhusyo bhwaye.Atariho wowosi wuno yanagirye kumuturya wowosi kurwa muukubhoko kwaye.Akakora kyokyosi kino akenda,nayari mutu mukuru.⁵Nahano nihabha ndisega iguru waagano nkaroro egorohe erareka nyanza,naakwitambuka iguru woobhusyo bhwe ekyaro kyoosi,eraryara bhukongu atarorekeni kwego akukunia eriobha.Emburi yiyo yari neezihembe kuru gatigati waameso gaye. ⁶Akagya tee kung'ondu yino yari neezihembe ibhiri nari ni yiruzi eng'ondu esubhe yimereri iguru embarika yoomugeri neebhuri ekyaryara kweereka eng'ondu esubhe kwoobhururu.⁷Nkarora emburi eraza haguhi neeng'ondu emburi ehabha noobhururu neeng'ondu,akatema eng'ondu nookubhuna ezihembe zyaye ebhiri.Eng'ondu etahabha neezinguru zookwimerera muubhusyo bhwaye emburi ekatura eng'ondu ekagwa nokuitaza.Atahabha ariho wowosi wookumuturya kureka muzinguru zyaye. ⁸Niho emburi ehabha ekuru,nawe hano ehabha neezinguru,oruhembe orukuru rukabhunua,naahagiro haye zikamera nookukura hembe inye kuru zino zasomokiri kwerekera mikama enne gyeerisaro.⁹Kureka kuruhembe orumwe rukamera oruhembe orumwe,ruhabha rusuhu hayo embere,nawe hano ahabha nooruhembe orukuru orubhara rwaa mamu,naa range iguru weekyaro ikizomu. ¹⁰Oruhembe ruhabha rukuru matokeo gaye gakinura erihi iguru yeeijeshi rya mwisaro.Erijeshi erindi ryeezinyota ezisuhu zikarekerwa haasi muuklyaro,naazikatwa.¹¹Akenderera kubha mukuru,omukuru wa bhasirikare bheekiryoobha.Omuhero kwookusaribhwa kyaakira orusuku runo zyarusibhwe kure naanewe n aahagiro ahazomu hakabhirikirwa habhihu. ¹²Kwookubha yokutiga oruhembe rweemburi rukahanua erijeshi,noomuhero gwooka katigwa kuurusiku gukarusibhwa kure naanewe,naahagiro haye nooruhembe rukarekerwa haasi kwirobha ndabho na kukira ng'ana gino nkukora.¹³Okumara nkamwigwa omuzomu aragamba no omuzomu ohwodi akamukorya,amang'ana gano gari8kara kwiibhagaki obhuroti bhuno bhwari omuhero gwookusaribhwa obhubhi bhuno bhukureta obhusarya ukabijajia bhwa hagiro ahazomu,na abhasirikare bhaa mwisaro kutazwa. ¹⁴Akamburira,'' erabhaho etabhori nengorobha zyaa kuhika 2300.Kumara hayo,ahagiro ahazomu araturwa kisi.¹⁵Kwibhaga enye Danieli hano naruzi ebhiroto,nkasakya kugamenya nahayo mubhusyo bhwana akimerera wono aharorekana kyo omutu. ¹⁶Nkigwa eriraka ryoo omutu rirabhirikira gatigati yoo mugeri gwoo Urai.Akabhuga,"Gabrieli,musakirye omutu wono kumenya ebhiroto." ¹⁷Naho akaza ahagiro hano nihabha nimereri.Nahano hakaza hagui na hagiro hano nihabha nimereri.Hano hakaza nikobhoha na kuligama tee hasi.Akamburira,''menya omwana woomutu,kubha ebhirotoniiguru kwibhaga ryoo bhutero.¹⁸Hano ahabha arakerenia nanenye nikabhona ezitiro ndito hano nihabha nihindiri bhubhumari.Okumara akanigwata noo okunimererya. ¹⁹Akamburira,''Rora,ndakwerekya kirya kirabhoneke kwibhaga ryee eribhaga ryo obhutindi, kwoookubha ebhiroto bhino bhiratuna eribhaga ryoo obhutero bhuno bhutwereho.²⁰Nee ng'ondu esubhe yiino oruzi yee ezihembe iibhiri - ni abhatemi abhabhiri bhaa Omedi na Uajemi. ²¹Emburi esubhe nio omutemi wa Ugiriki.Oruhembe orukuru gatigati ya ameso gaye ni omutemi we embele.²²Nooruhembe runo rubhumikiri,rwuno kwibhaga ryaye,ezihembe ezindi inye zimeriri-zino nitemi inye zino ziragororioka kureka mukyaro kyaye,Nawe zitakubha na nguru kuru. ²³Kuzusiku zino zikuza ezitemi ziyo,eribhaga rino abhasarya bharabha bhahikiri obhutero bhwabhu,omutemi woobhusyo obhubhihu,nawuno wo obhyongo obhukong'u,aragororoka.²⁴Ezinguru zyaye zirabha kuru nawe hatari kwa nguru zyaye omwene.Arabha wokurugurwa kukirya arabhe nakyo arakisarya;arakora noobhwera arabhasarya abhatu bheezinguru,abhatu gatigati ya abhazomu. ²⁵Arakora obhung'enererya bhukure hasi yookubhoko kwaye kwookubha yoobhung'eni bhwaye arabhasarya abhaatu bhaaru bharatama kumenya.Aragororoka kweki noobhumosi bhoo omutemi wa abhatemi arabhunwa,nawe kutari kwookubhoko kuyo kwosi kwoo mutu.²⁶Ebhiroto bheengorobha neetabhori bhino obhurirwe ni hene.Nawe wigare ebhiroto bhino,kwookubha bhiratunia siku nzaru zinozikuza.²⁷Niho enye,Danieli akarosa bhukong'u nkahindira murosu kuzisiku ezindi.Okumara nkagororoka nkagya okukora emirimo ghyo omutemi nawe nihabha nkangirwe bhukong'u neebhiroto atahabhaho omutu wuyo wosi wono yaturiri kugamenya.

¹Dario omwana wa Ahasuero,wo rwibhuro rwa Wamedi.Ahabha na Ahassuero wuno akakora omutemi iguru obhutemi wa abhatu bha Babeli. ²Bhoono kumwaka gwa obhutaangiro bhwa obhutemi wa Dario,enye Danieli,nihabha ndisomera ebhitabhu bhino bhihabha ne eng'ana ya Yahwe,ering'ana rino rikamwizira Yeremia omurooti.Nikamenya kubha gyari girabhaho miroongo esasabha tee obhutero bhwa okutigwa kwa Yerusalemu gwakahikiri.³Nkabhuhutatya obhusyo bhwane kwerekera Tatabhugya okumukomya ewe kwo okusabha no okwisasama,kwo okutiga okurya nokwiibhoha ezingibho za amagonera nokwikara mukibhu. ⁴Nkamusabha YahweTatabhugya waane,na okumugwera mumaguru ebhibhi bheetu.Nkabhuga, "Ndakwisasama Tatabhugya awe ni tata omukuru wookuheshimiwa,nawe okubhika obhurage obhe obhuheene okubhasega bhano bhakubhaseega emwe nokuzigwata ezihamuri zyaabhu.⁵Tukoriri ebhibhi natukoriri amabhihu.Tugiiri kwoobhubhi tutigiri,twikyoreri orubhara tutakuhokya amahokyo gaazo. ⁶Tukyaari kubhitegerera abhabhagati bhaazo abharooti bhakakukerenia no omutemi weetu,abhakangati bheetu,abhause weetu,nakuu bhatu bhoosi bhe ekyaaro kye eriina ryaaye.⁷Kunaawe Taata,bhureho obhusuuki.Hayo kunetwe tuna ezisoni kubhuusyo bhweetu,kubhaatu bha Yuda na bhaano bhakwikara Yerusalem,na Israeli yoosi.Yiino ni hamwe na bhano bhari haguhi na bhano bhaari kure kubhaaro bhiino akanyaragania.Ino ni kwookubha yo okumung'ena bhukong'u tukakora inyuma waabhu. ⁸Kunewe Yahwe tuna enzabhuro kuubhusyo bhwa abhatemi bheete na abhakangati bheetu na bhawise bheetu,kwookubha tukoriri ebhibhi.⁹Kuu Tatabhugya weetu bhireho ebhigongi nokwabhira kwakubha tumutigiri ewe. ¹⁰Tukyari kwikirirya eriraka ryazo amihime nokwurya emuma inoikandikwe emiogiro gino yatuheri kuhitira abhabhagati bhaaye abharooti. ¹¹Israeli yoosi itigiri emigiro nakwerekera orubhara, kwookunaga okwigwa eriraka yaye.Amihime ne emuma bhikandikwe ne emigiro gya Musa,omubhagati wa Tatabhugya, zitirwe iguru weetu kwookubha tukoriri ebhibhi.¹²Yahwe yikirirye amang'ana gano yagahairi embarika na neetwe ne embarika abhakangati bheetu kwookureta iguru weetu eng'ana ekuru.Kwookubha iyasi wee erisaro ryoosi etakabheri kukorekankigiro kyokyosi kino kikunagya kutubhanibhwa na kino kyakorekiri eyo Yerusalemu. ¹³Kyeego ehabha yandikirwe kumigiro gya Musa,enyaako yino yoosi etubhweeni ingabha tukyaari kubhoona enokwa okurwa kuu Yahwe Tatabhugya weetu kwo okwikyora nookutiga amabhiihu geetu no kutiga okubhugira obhuhe bhwaye. ¹⁴Ego,Yahwe yateeri oruku na agaretiri iguru weetu kwookubha Yahwe Tatabhugya wetu nomwene ehene kuumahokyo goosi gano akukora,ingabha tukyaari kwikiritya eriraka ryaye.¹⁵Bhoono, Tatabhugya weetu,akabharusya abhaatu bhaazo mukyaro kya Misri kwo okubhoko kwa amanaga,wikoreri erina rino rimenyekeni kwookubha yaazo omwene,noorusiku runo rwarero.Nawe tukukoreri ebhibhi;tukoriri.Kwookubha ya amatemyo gaazo goosi amazomu. ¹⁶Taata,itige obhururu no obhutindi bhwazo bhubhe kure no omugye gwaazo gwa Yerusalemu,ekiguru kyaazo kihoreru.Ino nikwokubha ye ebhubhi bhyetu,kwookubha ya amabhihuga Tata,Yerusalemu na abhaatu bhazo bhabheeri ni kigiro kya kuzeerwa na bhoosi bhano bhakwitwinogoira.¹⁷Bhoono,Tatabhugya weetu,hegerera obhusabhi bhwa abhabhagati bhaazo no obhusabhi bhaku kwo orubhango;kwookubha yaazo,Taata arakora ubhusyo bhwazo bhuzome kya ahagiro hazo hobhuhoreru hano hatigirwe obhumwemwe. ¹⁸Taatabhugya waane tegya amatwi wigwe,ramkya ameeso orore.Tusaribhwe;orore omugye guno gukubhurikirwa kuuriina ryaaazo.Tutakukusabha kusakiribwa kwazo kokubha yo obhuheene bhweetu,nawe kwokubha yo orubhongo rwaazo orukuru. ¹⁹Tata,Hegerera!Taata,yabhira! Tata,uturore okore eng'ana!kwokubha yaazo omwene,otakezera,Taatabhugya wane kwookubha yoomugye gwaazo na abhaatu bhaazo bharabhirikirwa ku erina ryaazo.''²⁰Hano nihagamba kwakusabha na okwikirirya ebhibhi bhyane na abhaatu bha Israeli,nokuhira amasabhi gane kuyahwe tatabhugya kuhitira ekiguru ekihoreru kya Tatabhugya. ²¹Hano nihosabha,omutu Gabrieli,wuno nihabha niruzi mubhirooto bhyo obhutangi,akatira bhwangu kunizaku,rihabha niibhaga rye ekimweso kye engorobha.²²Akaniha obhuheene akamburira, ''Danieli,niiziri bhoono nkuhane obhumenyi no obhuheene. ²³Hano wakangatiri okusabha orubhaango,erihatike akarusibha na niziri kukubhurira ering'eni kwookubha osegirwe bhukong'u.Ego bhoono itegerera ering'ana rino obhumenye obhukundukuro.²⁴Emwaka emirongo mihungati ne ebhisasabha gikiriribhwe kuubhaatu bhaazo noomugye gwazo omuhoreru okunagya no okumara ebhibhi,nookureta ehene yee kirakeego,na okuhikya ebhirooto obhurooti na okuhatura okubhindika ahagiro ahahoreru bhukong'u. ²⁵Omenye nokumenya kubha okwemera erihatike ryo okukora okwoomboka bhuhya Yerusalemu tee obhuhikiro bhwo omuhakwa amaguta(wuno arambhe omukangati),garabhaha ezisiku muhungati ezisiku omirongo esasabha ne ibhiri.Yerusalemu erombokwa hamwe ne eziroobho na handaki ,nookubhahokwe eribhaga rye enyako.²⁶Kwe eribhaga rye ezisiku emirongo esasabha ne ebhiri omuhakwa wa amaguta arasarikirwa na arubhatana kigiro kyokyosi.Abhasirikare bha abhakangati rirabhasikya omugye na ahagiro ahahoreru,ubhuteero bhaaye bhurarwera kuumbura ya omushooko na kurabhaho erihi tee ubhuteero.Obhusarya bhuhwiri kutwanikanibhwa.²⁷Akikiriribhwa obhurage hamwe na abhaatu abhaaru bhe emiaka muhungati.Gatigati we emiaka muhungati bhuramunagya ebhigiro bhyo kusengerera no omuheero kuribhaga ryo obhutindi obhusarya arabhaha omuutu wuno ararete ekibhuuro.Obhuteero bhwe heene bhutwanikanibhwe okurwora kuneewe wuno yabharirwe ekibhuuro.''

¹Gati wo mwaka gwa katatu gwa Koreshi omutemi wa Uajemi,amang'ana bhukakundukurwa ku Danieli,wuno abhirikirwe Belteshaza.Amang'ana gano gahabha nigahene bhuhagambira erihi erikuru.Danieli akamenya amang'ana okumenyekererrya kurwa gati wa emisego.²Gati we ezisiku zino,enye Danieli, nihabha gati wo kwarama kuwiki isatu. ³Ntariri ebhiakuria ebhizomu,ntariri enyama,ntanywiri divai,ntihakiri maguta omwene tee nihikie eziwiki isatu ngima.⁴Gati we ezisiku mirongo ebhili nene yo mweri gwo bhutangiro,hano nari hagui ne ekitaro ekikuru(guno ni Tigrisi), ⁵Nkarorerera iguru nkarora omutu wuno yibhohiri engibho,ahabha abhohiri omuchipi mubhukenende bhwaye guno gukarirwe ne dhahabhu enzomu kurwa ufazi. ⁶Omubhiri gwaye guhabha kye kitaro,nobhusho bhwaye bhuhabha kyo orukubha.Ezimoni zyaye zihabha ziraka kye kimuuri na mabhoko gaye na maguru gaye gahabha kye shaba yino erosibhwe.Omumiro gwa mang'ana gaye ehabha kyo mumiro gwe erihizo erikuru rya abhatu.⁷Enye, Danieli enye omwene nkarora ebhiroto,abhatu bhano nihabha hamwe bhatarizi ebhiroto.Nawe,eng'ana ekuru yo kwobhohiya nkabhizira iguru wabhu,bhakariara bhakibhisa ebho abhene. ⁸Niho nikatigwa enye omwene nkaroro ebhiroto bhino bhokukumiaho.Enguru yino esagiri mosi wane;okwiekia kwane kwo kunyeregeta kwane kukikyosha nokubha ndarorekana nsarikiri zitasagiri iguru mosi wane. ⁹Niho kiigwa amang'ana gaye,nahanonkagigwa,nkagwa bhubhumari nokubhoona ezitiro ezindito.¹⁰Okubhoko kukanikuniaku,gukankora nirigite gati wa maaru gane ne esanyi bha mabhoko gane. ¹¹Malaika akambhurira, ''Danieli,omutu wuno abhikirwa bhukong'u,amenyiri amang'ana gano nkukubhurira awe.Imerera zore,kwookubha nkutumenie.'' Hano akamara kumburira amang'ana gano,nkimererera nihabha ndirigita.¹²Niho akamburira,''Otobhoha,Danieli.Kwemera orusiku rwo bhutangiro akaitura amang'eni gazo kuurwa kukumenya ob humenyi no kwihomba omwene kubhutangiro bhwe eriobha,amang'ana gazo gakigwa,na niziri kwokubha kwa amang'ana gazo. ¹³Omwana wo omutemi wo bhutemi wa bhaajemi akandekia,nkatuurwa heno na mutemi wa bhajemi kuuzisiku mirongo ebhili na rumwe.Nawe Mikaeli,umwe gati wabhakuru akaza kunsakirya.¹⁴Bhono niziri kukusakirya niho omrnye kino kirarorekene kubhatu bhaazo kuzisiku zo bhusinziro.kwokubha ebhioroto ni kwokubha ezisiku zino zitakorekeni zikiari. ¹⁵Nihabha akani aramburira amang'ana gano,nikakyooro obhusho bhwane no kwerekera hasi ntahabha na bhunagia bhwokugamba.¹⁶Ewe ahabha kya bhana bho mutu wuno ankunirieku omuunwa gwane nkasama omwunwa gwane nkamubhurira ewe wuno ahabha yimereri kubhutangiro bhwane: ;;Tatabhugya wane,ndimu nyako hari kwokubha ebhiroto;ntana nguru mosi wane inoesagiri. ¹⁷Enye ni muhokia wazo.Ndanagyabhwe kwongerya na tatabhugya wane? kwookubha bhoona ntana amanaga,gutareho omwiika guno gusagiri moosi wane.''¹⁸Kweki urya ambe ararorekana no mutu wuno akanikuniaku no kunizurirya ezinguru. ¹⁹Abhugiri,''Otobhoha,omutu okasegwa bhukong'u.Obhuzomu bhubhe kunawe!Obhe wezinguru,obhe ne zinguru!" Hano ahabha aragamba nanenye,nkabhoona ezinguru.Nikamubhurira, "Tatabhugya wane ndabhugu,kwokubha oniheri ezinguru.''²⁰Akamburira, ''Omenyiri nikwaki niziri owaazo?Ndakiora kuzisiku zyahaguhi kuhakana no mukuru wabhajemi na hano ndagyee, omukuru wa Ugiriki araza. ²¹Nawe ndakubhurira kinokikamiirwe gati we bhitabhu bhye heene atareho wowosi wuno akwierekya kubha nezinguru hamwe nanenye kuneemwe,nawe Mikaeli mukuru wenyu.

¹Kumwaka gwa rumwe gwo omutemi Dario wa Bhaamedi,enye omwene nkaaza okumsakirya no kumuribha Mikaeli. ²Na bhoono nda kufunulila obhuheene.Abhatemi bhatatu bhariimoka kubhaajemi,no omutemi wokane arabha muniibhi kubhakira bharya abheendi.Eribhaga rino akubhona amanaga kuhitira obhuniibhi bhwaye,arambhwikye kyowumwi bhumosi bhwa omutemi wo Bhugiriki.³Omutemi wa managa ariimera wuno akukangata obhutemi obhukuru,naaragya kwukirirya agaaye omwene. ⁴Hano akubha yimukiri,obhutemi bhwaye burabhurika no okuhohakania materuko ane gezimbarika zyoosi yeesi,nawe bhatakubha abhibhurwa bhaye amweene,naetari kumanaga gaaye hano yaari kubhutemi.Kwokubha obhutemi bhwaye bhurihibhwa kokubha ya abhatemi abhaandi bhano bhatari abhaaye.⁵Omutemi wa Range arabha na amanaga nawe owumwi omukuru wa abhasirikare bhaye arabha na amanaga kumkira no okubhugega obhutemi bhwaye kumanaga amakuru. ⁶Hano emiaka gitari mitaambe,hano eribhaga rikubha kisi bharakora ekigwatani.Omukya wo mutemi wa range araza kwo mutemi wa maamu kugerekania amiikiryo gaabhu.Nawe atakunagya kwimeera kwokubhoko kwaaye,no omutemi atakwimeerera no kubhoko kwaye.Aratigwa nabhano bhamretiri na wiise waaye,nawuno yaari agwateeni naneewe kuriibhaga.⁷Ne erishangashya kureka kwiti8ni ryaaye rirasibhuka kumweeya gwaku.Arariitania erijeshi rya abhasirikare bhaye nokusikira kobhutungo bhwo Omutemi wa maamu.Ariitana nabhwo,nokubhakunda. ⁸Aragega ne emisambwa gyaabho no kugyanagyo Misri na amahunduguru gebhyooma ne ebhigiro bhyaabho bhye ezimbirya na bhye zahabu ebhizomu.Kumiaka emitaambi atakwikarahaguhi no omutemi wa maamu. ⁹Neho omutemi wa Maamu aramutukirania obhutemi bhwo omutemi wa Range,nawe arirusya nokugya kukyaaru kyaye omwene.¹⁰Abhakari mbhariigwatania nokukora erijeshi erikuru.Nokukura naryo riraaza okugwisha ebhigiro bhyoosigo,rirahitirania nokusikira kwo obhutingo bhwaye.¹¹Hayo neho omutemi wa Range akutiinda,aragya okurwana no omutemi wa Maamu.Omutemi wa maaru aragega erijeshi erikuru,nokugwatania ne erijeshi rirya kwokubhooko kwaaaye. ¹²Erijeshi riragegwa, ne ekoro yo omutemi wa Range guragegwa iguru,nokubhiika ebhekwe ne ebhirara kubhyeege bhya amasabha,nawe atakubhakiinda.¹³Kweeki omutemi wa Maamu arareta erijeshi eriindi,erikuru kukira ryeembere.Hano emiaka gyahita,omutemi wa maamu araaza ne erijeshi ngwatiriri ebhyeege bhya amasabha ne ebhiindi bhaaru.¹⁴Kuriibhaga riyo bhariimoka kumosi noomutemi wa Range.Abhaana bheriiyoge kubhatu bhaye bharimeera abheene kugahikya amarooto gaabhu,nawe bhariitema kumaguru.¹⁵Omutemi wa Maamu araza kwinaririrya esi kwokutura ebhiguru,no kugugwata obhutingo.Amajeshi garange gatakunagya okwimerera,kimwira abhanajeshi bhaye abhazomu bhatakunagya okwimeera. ¹⁶kukirirania naneewe,kumugono aragya kumosi kwaye;ataroho wuno akwimeera kunzira yaaye.Arimeera kukyaro ekizomu,nobhusariku bhurabha kumabhoko gaye¹⁷Omutemi wa maamu arabhwerekerya obhushu kubhutemi bhwaye bhwoosi kumanaga,garabha amikiriryo gano akwikirania no omutemi wa range.Aramutetya omukya waabho,agya kusarya obhutemi bhwa range.Nawe amagendereryo gayo gutakuhika no kumsakirya. ¹⁸Hano akumara,omutemi aragya kubhyaaro bhya mumyanza nokubhigega ebhyaaro bhyaaru.Nawe omukuru wa bhanajeshi arakikomera ekigoti kyaaye nokukimara. ¹⁹Kweki aragya kumigye gyo obhutungo kukyaaro kyaaye omwene nawe aritema amaguru no kugwa,atakubhoneka kweki.²⁰Niho omutu owundi akwimuka kumweya gwaye wuno akumukora omusha werigooti abhoone obhuniibhi bhwo bhutemi.Nawe kuzisiku zino zikuuza arasinzirwa kure,nawe etari kwobhutindi nokurwana. ²¹Kumweya arimuka omutu wo kuzerwa wuno abhatu abhandi bhatakumsuka kumaana gekitemi,araza etari kwokutukiriribhwa no kugega obhutemi kwokubheha. ²²Kwo kubhukangati bhwaye abhasirikare bhaaye arasinsirwa kuure nkyetwego omukuru werijeshi ariitwa nabhasirikare bhaaye.²³Kwemera eribhaga rirya hano amikiriryo gakorirwe hagiro hamwe, nanewe aragendererya kubhubheehi; arabha wa maaga na bhaatu bhasuhuwiigo. ²⁴Kukutukirirania arasikiora ahagiro hobhunibhi bhwabhu kumagunguri nokukora bhino tata waye atakuriri.Aratwanikani abhagwatwa nebhigiro bhino bhagegiri.Arakora amagendereryo go kugwisha obhutingo,nawe nkweribhaagatu.²⁵Arabhukya amanaga gaye ne koro yaye okumosi kwo omutemi wa raange kurijeshi eriikuru.omutemi wa raange ararwana eriihi ne rijeshi erikuuru rya managa nawe atakunagya kwimerera kwokubha abhaaru bharamwikyoora kumosi kwaye. ²⁶Nabharya bhakuurya abhakurya bhyaye ebhizomu bharikyoora kumwita.Erijeshi ryaye rirasinzirwa kure bhosigo nabhaandi bhabhu bhariitwa. ²⁷Abhatemi bhano bhabhili bharabha ezikoro zizwiri obhubhihu kumosi no murikyaye bharikara kumeza hamweigo nokwing'eena,nawe etakubha na bhweera bhwobhwosi.Kwokubha obhumariro bhwaye bhurabhoneka kuribhaga rino rituriirwe.²⁸Niho omutemi wa maamu arakyoora kureka kukiaaaro kiaaye agegiro obhubhi obhukuru,nekoro yaye eranga bhukongu obhurage obhweeru.Aratemia no kukyoora kukiaro ekyaaye omweene kuribhaga rino riturirwe araaza no kukirwaania obhutemi bhwa range nawe kuribbhaga rino kutakubha kyeribhaga rino ryahitiri.²⁹Kwokubha obhwato bhwokureka kitimu ziramurwania,naneewe aroobha no kukyoora obhumosi. ³⁰Arabha nobhutindi kwo bhurage obhweeru,nokubherekia amazomu bhano obhurage obhweeru.³¹Amajeshi gaye garimuka okutuka ahagiro aheeru hobhutingo.Bharagirushaho emiheero ne mihero gyo kwokibhwa,bharimererya okutindya kwookusarya rinorikugirya kwitwa. ³²Nakubharya bhakugendererya kumabhihu okumosi kwobhurage arabhangenererya no kubhaturira obhubhihu.Nawe abhatu bhano bhamenyiri Eriobha ryaabhu bhahari no kugega amatazo.³³Abhatu bha amang'eni bharabhegya abhatu bhamenye.Nawe bharitema kumasabha nezindimi zyomuriro; bharagwatwa naabhabhisa nokuteshibhwa bhigiro bhahu kworusiku. ³⁴Kuzisiku zyokwitema kwabhu bharasakiribhwa kusuuhu.Abhaatu abhaaru bharagwatana nabho abheene kwobhusaani. ³⁵Abhaatu abhaandi bha amang'eeni bhariitema kubha okwizomya kubhonekane kubhaneebhwa,nokwiyogya,nokwiyeerya tee eritenero ihika.Kwokubha eribhaga rinoriturirwe rikyaari kuhika.³⁶Omutemi arakora nkyeego akweenda.Ariimoka omweene no kwikora mkuru kukira erisaambwa.Kimosi kye Erioobha rye emisaanbwa,aragamba amang'ana amabhiihu,kwokubha aragendererya tee hano obhutindi bhwa Erioobha bhukuhika,kwookubha yakirya kino kikwenderwa tee hano kikuhika. ³⁷Atakugituneeria emisambwa gye bhatata waabho na neemisambwa gino gisegirwe na abhakari.Kweki atakuneera erisambwa ryoryoosi rirya.kwokubha yo omutu wowosi arikora kukira omutu owundi wowosi kubha mukuru.³⁸Arasumuka erisanbwa ryo obhutingo kukirania nagayo.Ne erisambwa rino bhatata waabhu bhatikirye rino bhakusuka kuzizahabhu na ezimbirya kwu magina ne ebhigiro ebhizomu. ³⁹Ararwaaru obhutingo obhukong'u kwokusakirwa na amasambwa amagini.Arahanibhwa okusukibhwa okukuru kwokwosi wuno akumwikirirya.Arabhakora kubha abhatemi iguru waabhaatu abheendi,nokuitwarukania ekyaaru kubha amariho.⁴⁰Kuribhaga ryoobhutenero omutemi wa range naramurwanie. Omutemi wa maamu aramhuniirirya kwobhuheeri nezimotoka nezifarasi noobhwato. ⁴¹Naneewe aragya kimosi ne ekyaaro kubhiita,nokuheta gatigati.Nawe arasikira kukyaaro kyo obhuzomu.Ebhekwe na emirongo gya bha Israeli bharagwe.Nawe abhatu bhano bhariyoomba kureka kumabhoko gaabho:Abhaedomu,Abhaamoni,na abhasagibhwa bho Amoni.⁴²Nawe aragororokya okubhoko kwaaye iguru we kyaaro.Ekyaaro kya Misri kitakuhona. ⁴³Arabha no obhutoro iguru we sakwa yezidhahabu na ezimbirya,na iguru yoobhuniibhi bhwosi bhwa Misri;abhaatu bha Libya na bha Ethiopia bharabha kumaguru gaaye hasi.⁴⁴Nawe amang'ana kureka ruguru na maamu zeramobhohya,na arareka atindiri bhukong'u kwokubhanyahara na kwokubhabhiika kwobhunyahareku. ⁴⁵Naneewe arimiirirya eribhuru na amikaro gaaye go obhutemi igatwe nyaanza ne ebhiguru bhyo obhuzomu bhwaebheeru.Araguhikira obhuteniro bhwaye,na atakubhaho omutuurania wokumutuurya.

¹Niho eribhaga riyo,Mikaeli,omukuru wa abhasirikare omukuru akubharibha abhaatu bhazo,arimuka.Riraaaza kubhaho kuribhaga rye nyako rino ryarikyari kubhaho kwema kare kukyaro kyokyosi tee kwibhaga riyo,kwibhaga riyo abhatu bhazo bharaturibhwa,uyo wo esierina ryaye rikubhoneka mukitabhu. ²Abharu bhano bhahindiri mumarobha gekyaro bharimuka abhandi kubhuhoru bhwa kirakeego,abhandi bhakanyaka nenyako yakirakeego.³Bhokwisega bharabhanza kyengubha ya kwisaro,bhano bhakwerekerya abhandi kubhuhene,bharabha kyenzota yakirakeego. ⁴Awe Danieli,bhoha amang'ana gayo;bhika ekitabhu kyorubhaso tee kwibhaga ryo obhutero.Abhatu bhararyaraeno nerya,nobhung'eni bhurongera.⁵Niho enye Danieli nikarora bhaha bhoho malaika bhabhiri bhimereri,oumwe akimerera orubhara kungegu yomware,noundi kungegu yorubhara rwo mwaro. ⁶Oumwe waho akamubhurira omutu wunoibhoriri ezingibho zya kitani,wuno ahabha mumugera gwo omwaro,"Rirabha ibhaga rihe ryobhutero bhwa mang'ana gookurugura?"⁷Nkamwigwa omutu wuno ibhohiri ezingibho zya kitani,wuno ahabha iguru woomugera gwomwaro, akagororokya okubhoko kwaye kwiibhuryo nokubhoko kwaye kwoobhumosi okugya mwisaro nokwirahira kuuno akwikara kirakeego niho eribhaga rikubha,eribhaga nerikona ryeribhaga.Eribhaga rya managa gabhatu abhahoreru hano rirabhe risaribwe,amang'ana gayo goosi garabha gahwiri.⁸Ndigwa kwego ntakumenyiri.Mbe nkambuurya,''Tatabhugya wane,amang'ana gano goosi gararetaki?" ⁹Akabhuga,''Nogye zyazo Danieli,kwokubha amang'ana gano goosi gararetaki?¹⁰Abhatu abharu bharabha bherusiibhwe,bhisabhibhwe nookuzomibhwa,nawe abhabhihu bharagya mubhubhihu. ¹¹Kwibhaga rirya ryeebhimweso bhokurungurya hano bhariza kubha bhabhirushiryeho noobhutindi bhwo obhusarya bhuno bhukoriri ekibhuro kihwiri,zirabhaho 1,290.¹²Nihakiriku omutu wuno akuganya tee kubhutero bhwe ezisiku 1,335. ¹³Orenderwa ohite nzira yazo tee kubhutero,niho okumunya.Orimerera ahagiro hano aherwe mubhuteero bhorusuku.''

¹Rino ni ering'ana rya Tatabhugya rino rikamuhikera Hosea omwana wa Beeri ezisiku zya Uzia,Yothamu,Ahazi na Hezekia,abhatemi bha Yuda na kuzisiku zya Yeroboamu omwana wa Yoashi,omutemi wa Israeli. ²Eribhaga rino Tatabhugya yahayiri kuhitira ku Hosea,akabhuga, ''Noogye otete omukari omusimbe wuno yibbhwiiri abhana kuubhusimbe bhwaye.Kwokubha ekyaro kikoriri amang'ana gobbhutungiri obhukuru kwokumutiga Tatabhugya.''³Neho Hosea akagya akamuteta Gomeri omukya wo Diblaimu,tee akagega enda,akiibhura omwana mumura. ⁴Tatabhugya akambuura Hosea,mtoge endoko Yezreeli.Kwokubha kuribhaga enguhi ndabhatema bhakunyumba yabhahirya Yehu,kwokubha bhakiita abhaatu no kwitera amanyinga hayo Yezreeli;na neenye ndamara obhutemi bhwa enyumba ya Israeli. ⁵Erarorekana runo nkobhubhuna obhutabhwa bha Israeli kurikyaamo rye Yezreeli.⁶Gomeri akagega enda kweeki akibhura mwana muukya.Tatabhugya akahaya kweeki ku Hosea, ''Mtoge Lo Ruhama;kwokubha ntakubhaabhahabhira kweeki abha munyumba ye Israeli,ntakubhaabhera kwo bhyobhosi bhirye. ⁷Nawe ndabhabhira bha munyumba ya Yuda,naneenye ndabhaturya enye omweene,Tatabhugya wabho.Ntakubhasakirya kuriihi,kwobhuta,kworisabha,kwe farasi no kubhatiira bhe zifarasi.'⁸Gomeri hano yarutuusha Lo Ruhama,akagega enda kweki,akibhura omwana mumura owuundi. ⁹Tatabhugya akahaya, ''Mtoge Lo Ami;kwokubha emwe mutari bhaatu bhaane,na nenye ntari Eriobha wenyu.''¹⁰Erabha abhaana bha Israeli bhaarohenkyo muserekenya go munyanza,guno gutakurengibhwa nokubharwa.Erabha harya bhaabhurirwe, ''Emwe mtari bhaatu bhaane,'' bharabhura, ''Emwe mbaatu bhe Erioobha ryo omwiika.'' ¹¹Abhatu bha Yuda na bho Israeli bharikumania ahagiro hamwi.Abheene mbaratuura omukangati wumwi abheniigo,bharareta kuusi,kwokubha rurabha orusiku orukuru rwa Yezreeli.

¹Bhurira abhahiri bhane abhasubhhe.Abhatu bbhane kubhasubhati bhaazo,werekirye.²Murete amasemo ga nyokowenyu,murete amasemo kwokubha ewe ni mkane,enye ntari mukaruka waaye.Atige obhusimbe kunewe,na amahokya gaye go obhusimbe kuzimbere zyaaye. ³Aribha etarigo ndamurusha ezingibho nimwerekye eking'abhu kyo orusiku runo akibhurwa.Nosi ndamukora kye eritirigo,kye ekyaaro kino kisarikiri,nosi ndamkora akwe kwookubha ya enyoota.⁴Ntakubha nebhigongi kubhana bhaye,kwokubha ebho ni bhana bho omusimbe. ⁵Kwokubha ninawabhu abheeri omusimbe,nanewe uno arinda akoriri mang'ana gaasoni.Abhugiri, ''Ndagya kubhaseegi bhane,kwokubha bharanihana omukate gwane na amanzi,sufu zyane na kitani,amaguta gane ne ekinyweero.⁶Bhoona ndabhaaga orubhaago rwo okuribha enzira yaaye na amahwa.Ndomboka orugito kwokubha yaye atazokukorego abhone enzira.Ewe aramohya abhasegi bhaaye,atakubhahikirirya. ⁷Ewe arabhamoohya na atakubhabhoona.Hano akumaara arabhuga, ''Ndakyora kumusubhe wane we embere,kwokubha hakiriku ekare kumenya kuriku bhoneego.⁸Kwego atamenyiri kubha ninye niamuheeri eziheke,divai ehya na amaguta,na uno nkamwongererya ezihera na edhahabhu,bhino bhakoreeri ku Baali. ⁹Kwego ndagega eziheke zyaabhu eribhaga rye erigesa,ne edivai yane ehya kwii bhaga ryaku.Ndagega sufu yane na ekitambara kino kyari kibhisiri eking'abhi kyaaye.¹⁰Niho nkumurusha ezingibho mumeso ga abhamega bhaaye,na etareho mutu wuno akumurusha mumabhoko gane. ¹¹Ndamurusha obhuzomererwa bhwaaye bhwoosi sikukuuru zyaaye,okutazwa omweeri,sabato zyaaye ne ezisikukuru zyaaye zyoosi zino zyaterwooho.¹²Ndasarya emizabibu gyaaye no omutini gwaaye,gino akubhuga, 'Gano ni mariho gano abhamega bhaane bhaniheeri.Ndabhabhakora kisaka,ne ezityenyi ziigutu ziraarya. ¹³Nosi ndamutingya tingya kwokubha ya sikukuuru ya Baali,hano yabhagundiirirye omugundiriiryo,akibhooha ezipete zyaaye,na ezingibho zyaaye,akagya kubhamega bhaaye akaniebha.Gano nigo omutemi ahairi.¹⁴Kwego ndagya kumusabha.Ndamureta kwibhara ndamubhurira kwo kumwabhiira. ¹⁵Nosi ndamukyoreerya emizabbhibu gyaaye,nomwaaro gwa Akori kye ekiseku kyookwisiga.Ewe arankyoreerya eyo kyeego yakoriri kwi ibhaga ryo obhumuura bhwaye,kye ezisiku zino akareka mukyaro kya Misri.¹⁶Erabha kto orusiku ruuyo''-bhuno nibhwe obhugambi bhwo omutemi- ''kubha orambirikiira, 'Musubhe wane,'nootakumbirikira kweeki enye, 'Baal wane.' ¹⁷Kwokubha ndarushao amarinaga Baal mumunwa gwaye,amarina gaabhu gatakuhiitwa kweeki.¹⁸Orusiku ruyo ndakumiriryana ne ezityenyi mumigundu kwokubha yaabhu,ne ebhinyunyi bhya kwisaaro,ne ebhigiro bhino bhikwagura hasi.Ndarusyaaho obhuta,omuuhyo,nerihi mukyaaro nosi ndakoora ohindiire bhuzoomu.¹⁹Ndabha musubhe wazo siku zyoosi.Ndabha musubhe waazo kubhuheene,kora obhuheene bhwo kwikirirania no okwabhiira. ²⁰Ndabha musubhe wazo wo obhuheeene.Woosi oranimenya enye ni mutemi.²¹Orusiku ruurya ndahaya,rino niryo ering'ana ryo omutemi.Ndabhuriira erisaaro,bhoosi bharabhurira ekyaaro. ²²Ekyaro kiranyakira ebhyakurya,edivai ehya na amaguta,bharabhuriira Yezreeli.²³Ndamuseega omwene mukyaaro kwokubha yane,ndamwabhira Lo Ruhama.Niosi ndamubhurirya Lo Ami, 'Awe ni Ami Ata,' bhosi bharamburira, 'Awe ne Eryoobha ryaane.'''

¹Tata akamburira, ''Nogwe kweki,omsege omkari,uno asegirwe no musubhe wae;nawe ni msimbe.Msege kyego enye,Tata,mbasegiri abhatu bha Israeli,alibha bharikyorera emisambwa egindi nokusega emikate ne zabibu.'' ²Bhono nimguriri omweene bhitinika ikumi na bhitano bhe zihera homeri na letheki ya membo. ³Nkabhabhurira,''Wende wange orikara hamwe nanenye siku nzaru.Otakunagya kubha msimbe au omutu oundi uyo wosi.Kwenzira iyoiyo ndabha hamwe ninemwe.''⁴Kwokubha abhana bha Israeli bharikara siku nzaru bhatana omutemi,omtu omukuiru,ekimwesa etimu yerigina,ekyongererya hunduguru zyaika. ⁵Niho abhatu bha Israeli bhakakyora okumuhomya Tatabhugya wabhu na Daudi omtemi wabhu.Nezisiku zya mwisho bharakyora bhararigita kutata omuzomu.

¹Mwitegerere eng'ana ya Tata,emwe abhatu bha Isdraeli.Tata ana masemo higuuuru abheenyeji bhee kyaro,kwokubha bhtariho obhuhene bhwoo bhurage,bhutariho obhung'eni bhwe ryobha mkyaro. ²Gariho amaraaga,orurimi obhwiti,obhwibhi no obhutungiri.Abhatu bhabhuniri ezitunga zyosigo namanyinga garaza kumanyinga.³Kweego ekyaro kiroma,na kumutu wuno akukara arasikibhwa;ezityenyi mumigundu nee ebhinyonyi kusaro,nee ziswe munyanza zirarusibhwamu.⁴Nawe otikirirya mutu wowosi kuhira masemo,mutikirirya mutu wowosi atinire mutu wundi.Kwokubha emwe nimwe abhamwesi bhano kusema. ⁵Emwe abhamwesi muriitema kwibhaga rya mumwisi, abharoti bharitema hamwe na nemwe obhutiku,nosindasika nyoko wenyu.⁶Abhatu bhane bharasaribhwa kwoo kubhuurwa amang'eni.Kwookubha abhamwesi bhabhurirwe amang'eni nosi ndabhaga kubha bhasengiri kunenye kwoo kubha webhiri erihatike ryane,hyiigabha enye ni Eryobha ryazo,noosi ndebhaa abhana bhyazo. ⁷Abhasengiri bharu bhano bhabhonekiri,abharu bhakakora amabhi ighuru wane bhakyorabezisoni zyaabhu kwoo kusuka'⁸Bharagega obhubhio bhwa bhaatu bhane,ebho mbhamugono kutuma obhusarya bhwabhu. ⁹Erabha kisi kubhatu abhasengiri ndabhookya bhoosi kumahokya gabhu,ndabharibha kumahokya gabhu.¹⁰Bharaarya nawe bhatakwighuta bharakora ebhiitungo nawe bhaatakwaruha,kwookubha bhaagirikure na Tata.¹¹Bhaasegiri obhutungiri,amarwa,na amarwa amahya,yiino agegiri okumenya kwabhu. ¹²Abhatu bhane bharenda shairi ebhikorwa bhyeebhu bhyee mati,neezihimbo zyabhu zyoo kugenderera zyiirabhaha obhuroti.Kwookubha misengo goo bhusebheti garabhang'enererya,na bhikoriri abhasimbe nahano bhigabheri bhahene kuryobha ryabhu.¹³Bhararusha ebhibhirwa nokusikya mugundiriryo kubhiguru iyaasi yee miaroni,miribua na miela,kwookubha eekiriri nikuzomu,nawe bhakya bheenyu bharatungirwa. ¹⁴Enye ntakwooka bhakya bhabhu bharasora kukora obhutungiri naho eribhaga bharatungirwa,kwokubha abhasubhe bharihira kubhasimbe,na bhararusha muhero gyokwokibhwa nawe bhature kukora mahokya obhutungiri noobhusimbe kwokubha abhatu bhano bhatamenyiri bharasikibhwa.¹⁵Nawe awe,Israeli okoriri ubhutungiri,nawe Yuda atabha na masemo.Emwe mtagya Gilgali;mtagya Beth Aven.Mutabha, ''Akwikara Tata.'' ¹⁶Kwookubha Israeli akoriri ekisubhe kyee kimori kyee kisubhe,okubha tata kubhahira kubhunyaki kyaa mang'ondu kumweya?¹⁷Efraimu akagwatana na ebhikorwa;kumutiga omwene. ¹⁸Kwibhaga kamarwa kyabhu kigiri bhakasingirirwa kukora amega;abhakangati bhabhu bhasegiri eezisoni zyaabhu. ¹⁹Omukama guramboha kwa mabhabha gayee;bhoosi bhararora ezisoni kwookubha omuhero gwo kwokibhwa.

¹Mwitegerere gano!omumwesi!mubhe bhitegereri,omugye gwa Israeli!Mwitegerer omugye gwoo mutemi! kwokubha erisinziro riraza iguru wenyu bhwosi.Mubheri omuheto eyo Mizpa noo ruwaya giwanyaraganibhwe iguru yaa Tabori. ²Kukyoka bharimerera bhukong'u gati woobhwiti nawe ndakuhokya bhoosi.³Nimenyiri Efraimu,Israeli akyari kwibhisa kunenye.Efraimu,nhoono obheri kyoo musimbe;Israeli nii ekibhihu. ⁴Mang'ana gabhu gatakubhikirirya kumwikyorera Tata,kwaa misego amisego goobhusimbe garimwosi wabhu,bhatakumumenya Tata.⁵Ekigoti kya Israeli kirabherekya; kwego Israeli nee Efraimu bharitema kuubhubhihu bhwabhu naa Yuda kweki bharaga hamwe nabho. ⁶Bharagya hamwe nee zing'ondu ne zing'ombe zyabhu,kumumohya Tata.Nawe bhatakumurora kwokubha akirusha kurwa owabhu. ⁷Hatahabha bhatari bhaheene kuu Tata,kwakubha bhakibhura abhana bhigutu.Bhoono ezinyangi ezihya zyoo mweri zirabhasarya nee migundu gyabhu.⁸Oteme okombyo eyo Gibea,nee kombyo eyo Rama.Eriraka ryee ekiriro kye erihi eyo Beth Aven 'Turkwizyira Benyamini!' ⁹Efraimu erabha obhutaka orusiku rwe nyako,gati wee zyihamati gaa Israeli ndarikiri ekina kino kirarorekane.¹⁰Abhakangati bha Yuda nkyego bharya bharusiryeho erigina ryoo kuzitunga nosi nditira obhutindi bhwane iguru wabhuu kyego amanzi. ¹¹Efraimu asaribhwe,asaribhwe kwee erisinziro,kweenyako akagenda kwookwenda kugira erigunguri.¹²Kyego ndabha kyee erigunyo kyaa Efraimu,noobhubhoru bhwee nyumba ya Yuda. ¹³Efraimu hano yaruzi obhurweri bhwaye,Yuda akarora erigati ryaye;Efraimu akagya Ashuru;Yuda akabhatuma omuhuri wa mang'ana kuu omutemi omukuru.Nawe atanagirye kubhahorya hamwe kuhorya erigati ryaye.¹⁴Kweego ndabha kyeendwi kuu Efraimu kyego kuu enyumba ya Yuda.Enye, ndikirirya, enye,ndabhura nookugya kure;Ndabhagega,noo kutakubhaho omutu wookubhaturya. ¹⁵Ndagya nookukyora ahagiro hanee tee bhamenye obhubhi wabhu nookumuhokya obhusho bhwabhu,nawe bhakanimohya kwoomukya gati wee nyako yabhu.

¹"Nawuze,tukyore kwi Isabhuga.Kwookubha atubhuniri bhitinika bhitinika,nawe aratuhorya;atunahiri,nawe aratubhoha ebhidonda,nawe aratubhoha obhunyahariku bhwetu. ²Kwibhaga rye ezisiku ibhiri araturyokya;orusiku rwa katatu aratwimererya,na tulikara kubhukangati bhwaye. ³Twosi tumenye Isabhuga;tugendererye okumumenya Isabbhugya.Kuza kwaye ni heene kye ekitabhori;Araza kunetwe kye embura,kye embura yoomubhu yino ekutwekera hasi.⁴Efraimu,nikukorere eki?Yuda/nikukorere eki?Obhuhene bwazo nikye erisaro rye etabori,kyo orume runo rukutonyoroka zuri. ⁵Kwego nibhabhuniri bhitinika bhitinika kwe eminua gya abharoti,nibhitiri kwa amang'ana go omunua gwane.Amaragiriryo gazo ni kyo obhweru yino ekumirika.⁶Kwakubha niragongerya ubhuhene etari kimweso no okurimenya Eriobha ebigiro okusengerera byo kusikibhwa. ⁷Kyego Adamu asarirye amaragano;bhatabheri bhaheene kunenye.⁸Gileadi ni iboma rya abhasarya ba amaguru ga amanyinga. ⁹Kya mahizo ga abharusha bhano bhakuruganyirira omutu,kwego abhamwesi bagwateni hamwe okukora obhwiti kwe enzira ya Shekemu;bhakoriri obhusarya bhweezisoni.¹⁰Mwihuna rya Israeli niruzi erigina embihu;obhutungiri bhwa Efraimu bbhuri harya,na Israeli eturirwe obhusarya. ¹¹Kwakubha awe, Yuda, obhugesi bhusorirwe,hano nirakyorye ubhugabhi bhwa abhatu bhane.

¹Eribhaga ryoryosi rino nikwenda kuihorya Israeli;ezambi ya Efraimu erakundukurwa,hamwe na matemio amabhihu ga Samaria,kwokubha bharakora obhung'eni omwibhi arasikira,nerikundi ryabhano bhakurusha kwokusoka murobho. ²Bhatakumenya mukoro zyabhu kubha ndahita amatemio gabhu amabhihu.Bhono amatemio gabhu gharabhazunguka;garimbere wo bhusho bwane.³Kwakubha obhusarya bhwabhu bhakoriri omutemi wabhu azomerwe maofisa bhabu kworurimi bhwabhu. ⁴Bhosi nibhasimbe kye tanuru yino yokibhwe nomwokya,wuno akutiga okwegererya omuriro okwemera okukanda obhutu mpaka kutundura. ⁵Orusiku ryo mutemi wetu,abhatake bhakikora bharweri nobhuhari bhwa amarwa.Akagorokya okubhoko kwaye kubhano bhahazibhura.⁶Ekoro kye tanuru,ebho okupanga emipango gyabhu gyo kung'ena.Obhutindi bhwabhu bharahindira obhutiku bwosi,etabhori iguru haraka kyo muriro. ⁷Bhosi bhabhweni omuriro kye tanuru,nokusikya bharya bhakubhatawara.Abhatemi bhabhu bhosi bhaguri,etareho wumwe wabhu wuno akumbirikira.⁸Efraimu arizinzigania omwene kubhatu.Efraimu nomkate guno gutakageuzibhwe. ⁹Abhagini bhariri ezinguru zyaye kyego atabhamenyiri.Ezinzweri zye zimbwe bharitururira iguru waye,kyego atamenyiri.¹⁰Ekisirani kya bhaisraeli kirabharorera hatego bhakyari kukyora kuu Tatabhugya,Eryobha wabhu,kyego bhatamukomirye kugayo gosi. ¹¹Efraimu ni kyekitugi,omubhi wuno atana mazomu arabhirikirwa kugya Misri,kweki eraruka kugya Ashuru.¹²Bhakugya,ndataragania oruwavu rwane iguru wabhu enye ndabhagwisha kye ndege ya kwisaro nokwita okugya kwabhu hamwe. ¹³Tiga emwe!kwokubha bhabhuriri kurwa kunenye.Obhusarya bhurabhizira!ebho bhitiniri kati yane!Nisegiri okubhaturya ingabha bhakagamba orubhehi kuninye.¹⁴Hatego bhatandariri kwekoro yabhu yosi,bhono bhararira kubhuriri bhwabhu.Bharasarya kwebhyakurya amarwa ehya ebho bhitiniri kunenye. ¹⁵Ingabha nikabhafundisha nokuimarisha amabhoko gabhu,bhono bharapanga amabhi iguru wane.¹⁶Bharakyora,bhono atakukyora kunenye wuno niriguru.Ebho nikyego obhuta bhuno bhutakwisegwa.Abhatake bhabhu bharaza kugwa kwerisabha kwokubha yerisabha weminwa yino erazakubha nisoni yabhu kukyaro kya Misri.

¹''Tura orukano mumunwa gwazo! Erikoke ruraza iguru we nyumba ya Eriobha kwokubha abhatu bhatagiri emuma yaane,bhakaanza amasinziro ghane. ²Bharaniriira,Eriobh aryane,etwe Israeli tukumenyiri. ³Nawe Israeli yaangiri amazomu,no omubhihu aramugyaku.⁴Bhaturiri abhatemi,nawe bhatanigereri obhugambi bhwane.Bhabhakoriri abhakuru,nawe nitahabha nimenyiri kwe ezihera zyabhu na ezahabu bhikoreri ebhizururu abhene,bhangirwe kuure.'' ⁵Ekimori kyazo kyangirwe,Samaria.Obhutindi bhwane bhwakiri iguru wa abhatu bhano.Niibhagaki bharabhe no obhubhihu.⁶Kwookubha ekizururu kiino kiikarwa Israeli omuturi akakikora,kitari kye Eriobha,ekimori kya Samaria kirabhunwa bhikunguru bhikunguru. ⁷Kwookubha abhatu bharemia omukama no okugesa ekimaramumbi.Ezimbibho zino zimereri zitana emitwe zitakurusya obhutu,haribha zirakoong'e,abhagini bhararya.⁸Israeli emirirwe;bhono bharahindira ghati we ebhyaro kye ekigiro kye ekigiro kino kitana ng'ana. ⁹Kwookubha bhakaagya Ashuru kye punda ya mukisaka eyene.Efraimu agegiri abhasegi kunewe omwene. ¹⁰Nawe ingabha agegiri abhasegi kurwa mubhyaro,bhono ndabhakumania hamwe.Bhosi bharaanza okubhura,kwokubha yo obhunyakya bhwa abhatemi abhakuru.¹¹Kwakubha Efraimu yoongerye amasengerero ne ebhisengerero bhye emuma,naweghabheri amasengerero gho okukora emuma. ¹²Nkanaagya kukamanerisinziro ryane kuneebhwe mara bhiikwi ikumi,nawe bhari bharairora kye ikigiro kyo okurugurya kunebhe.¹³Kwe ebhizomu bhye ebhisengereryo bhiane,bhararusya enyama no okuirya,nawe enye,Eriobha ntakubhahikirirya.Bhono ndiitigerera iguru yo obhubhihu bhwabhu no okunyahara obhubhihu bhwabhu bharakyoora Misri. ¹⁴Israeli aniebheri enye,omubhumbi waye,yombokiri amanyumba.Yuda akongiirye miigye miaru,nawe ndatuma omuriro iguru we emigye gyaye;erasarya ezimbago zyaye.

¹Mutige kuzomererwa,Israeli,kwoobhuzoma kya abhatu abhaaandi.Kweego otabheeri omwikirirya,omutigiri Eryobha ryaazo.Osegiri kuriiha omuhero kubhasiimbe kurubhara zyoosi zye bhyakurya. ²Nawe ebhyakurya na maarwa bhitakubhighutya amaarwa ehya garamusuhira.³Bhatakunagya okugendererya okwikaara mukyaaro kya Tatabhugya;rubhaala rwaaye, Efraimu arakyoora Misri,norusiku oruumwe bharaarya ebhyakurya ebhinyaaku ku Ashuru. ⁴Bhatahamuruushira Tatabhugya ekimweeso amaanwa,nawe bhatamuzomeeerya.Ebhihirwa mwisengerero zyaabhu ziraabha kuneebho kye bhyakurya bhyaabhu abheene;bhatakusikirya munyumba ya Tatabhugya.⁵Orakooraki orusiku rwe sikukuru yino ekaturwa etangirwe,esiku yesikukuru ya Yahwe? ⁶Kwookubha,noorore,bharyariiri abhusaarya,Misri erabhakumania,na Nofu erabhabhiika.Okuubha ebhibhumbiko bhaabhu bhye zihera zya manoti zirabha naabho,na maahwa garizuurya amabhuuru gabhu.⁷Ezisiku zyeenzagu ziraaza;ezisiku zokuriiha ekisiyoomba ziraaza.Waisraeli bhoosi bhabhoonene amang'ana gaayo.Omurooti ni munyaku,noomutu wuno aheerwe omuyaanga kwookubha obhubhihu bhwaazo obhukuuru nabhabhihu obhukuuru.⁸Omuroti niwe omuribhi we Eryobha ryani iguru ya Efraimu.Nawe omuteego gwe bhinyonyi guriguuri yenzira zyaaye zyoosi,nabhabhihu bhuriimu munyumba ye Eryobha ryaaye. ⁹Bhisarirye abheene kyorusiku rwa Gibea.Eryobha rikabhahitya obhubhi bhwaabhu,woosi arabhariihyo ebhibhi bhyaabhu.¹⁰Tatabhugya akahaya, ''Hanonkabhoona Israeli,ehabha erakyooma zabibu kwibhaara.Kyego emisumo geembere go ruunga ga kumuti,nibharuu bhawuso bhyenyu.Nawe bhakagya Baal Peori,bhoosi bhakirusya kwihunduguru yino bhahabha bhasegiri.¹¹Kwokubha Efraimu,obhweeru bhwaabhu bhuraakye bhinyonyi.Kutakubha no kwibhuura,zitariho ezinda,na wuno akugega enda. ¹²Yingabha bharetiri abhaana,ndabhagega nawe atasaaga na wumwe.Arabhu wabhu ndabhatige!¹³Mbaruzi Efraimu,kyeego Tiro,akemiibhwa mukiguru,nawe Efraimu ararusya abhaana bhaaye kumuutu wuno arabhite. ¹⁴Bhahane,Tata-orabhahanaki?Bhahane enda yokusarya amaryemi nezimbere ziino zitakurusya embeere.¹⁵Obhubhi bhwabhu bhoosi Gilgali,nawe eyo nikabhatindira.Kwookubha ya amahokya gaabhu ne ebhibhi bhyaabhu,ndabhahebha igutu wenyumba yaani.Ntakubhasrga kweeki;abhakuru bhabhu bhoosi bhatigiri.¹⁶Efraimu ni murweeri,nemiri gaye gyoomiri;bhatakwibhura emisuumo.Kyeego bharabhe na bhaana,ndabhiita abhana bhaabhu abhaseegwa. ¹⁷Eryobha ryaani rirabhaaga kwookubha bhatamwikirirya.Bharaabha bhaatu bhukugendagenda mubhyaaro.

¹Israeli niomuti gwo omuzabibu guno gukwibhura amatunduguru gaye.Kyabhurya amatunduguru gaye gakwaruha niigo akwomboka amasengerero maaru.Kwokubha ekyaaro kyaye kikibhuribhwa kukiraho,akaryoosya ezitimu zyaye. ²Omwoyo gwabhu niobhung'enererya;bhoono bharenderwa bhagege obhusarya bhwabhu.Tatabhugya arasarya amasengerero gabhu;arasarya ezitimu zyabhu.³Kwookubha bharahaya, ''Tutana omutemi,kwookubha tutamwikirirye Tatabhugya.Nomutemi-yaratura kutukorera eki? ⁴Bhragamba mang'ana agene no okukora obhurage kwo okwirahira kwo rurimi.Kwego eheene eraaza kyeenyori yo obhusungu mumiaro gya mumigundu.⁵Abhikari bha Samaria bharaza kwobhoha kwa okubha ye ebhimori bhya Beth Aven.Abhatu bhaye bhakarira iguru wabhu,kyabhurya abhasengeri bharya bha amahunduguru,bhano bhahabha bhazomererwe iguru wabhu no obhware bhwabhu,nawe bhatareho kweki. ⁶Ebho bharagegwa kugya Ashuru kye ebhirusibhwa mwisengerero ku omutemi omukuru.Efraimu arabha ne ezisoni,na Israeli arabha ne ezisoni kwe erihunduguru ryaye.⁷Omutemi wa Samaria bharamusikya,kye erihuro kubhusyo bhwa amanzi. ⁸Ahagiro ha Aveni hano higungiri,ebhibhi bhya Israeli!harasaribhwa.Emiti neebhisaka bhirabha iguru we erisengerero ryabhu.Abhatu bharaza kubhurira, ''Tukundikirye etwe!" na ebhiguru, "Hitugwere!"⁹Ee Israeli,okoriri ebhibhi kwemera kuzisiku zya Gibea;osagiri eyo.Erihi rirabhabhona abhana bho obhusarya eyo Gibea?¹⁰Handondende,ndabhokya.Ebhyaaro bhirakumana hamwe nabho nookubhatuura mubhibhohe kwo obhusarya bhwabhu rwakabhiri. ¹¹Efraimu ni kimori kino kyeegibhwe,wuno asegiri okuhura,kwego ndatuura jozi iguru we ebhigoti bhaye ebhizomu,ndamutirya wo okutiira iguru wa Efraimu,Yuda arazakurima;na Yakobo arazakwatya amakindi gaye.¹²Mwikorere eheene,mugese amatunduguru go obhuheene bhwa obhurage.Mutukure hasi henyu hano hateemibhwe,kwookubha ni eribhaga rya okumumohya Tatabhugya,tee hano araze no okugororokya eheene iguru wenyu. ¹³Mrimiri obhubhi;mgesiri obhusarya.Mriri amatunduguru go obhung'enererya kwookubha okisiga enzira,no obhwaru bhwa abhakimari bhazo.¹⁴Kweego okutumuka kwe erihi kuraryooka mubhaatu bhazo,na erigobhe ryazo rirasaribhwa,kyabhurya Shalmani akasarya Beth Arbeli kuzisiku zya erihi,mayi akabhunika bhunika hamwe na abhana bhaye. ¹⁵Ego nigo,Betheli arabhakore emwe, kwookubha yo obhubhi bhweenyu obhwaru.Eribhaga ryaamakya omutemi arangirwa.

¹''Hano Israeli ahabha mumura nihabha ni musegiri,na nikamubhirikira omwana wane kureka Misri. ²Kwego bhabhirikirwe, nigo bharekiri ewane.Bhakabhakora dhabihu Baali,bhakakomya amaguta kwe erihunduguru.³Nawe enye nenye namwegirye Efraimu okugenda,nenye nabhagororokirye kubbhigwato bhyabhu,nawe bhatamenyiri kubha mbendiri. ⁴Nikabhakangata kuzisiri zya abhatu,na amakundiko gobhusegi.Enye nihabha kyo mutu wuno akusukya ezingusuri kuzitama zyabhu,na nikihinya na okubharisha.⁵Angu,bhatakukyora musi ya Misri? Angu,Ashuru etakukangata iguru wabhu kwookubha bharanga kukyora kunenye? ⁶Ebhyogi bhiragwa iguru we emigye gyabhu no okusarya amakufuri ge emiryango gyabhu;erabhanyahara kwokubha ya amahokya gabhu abhene. ⁷Abhatu bhane bhendiri kunitiga.Ingabha bharabhirikira kuwuno aliiguru,atariho mutu wa kubhasakirya.⁸Ndakorabhwi kukutiga,Efraimu?Ndakorabhwi kukuhira Israeli?Ndakorabhwi kukukora kya Adma?Ndakorabhwi kukukora kya Seboimu?omutima gwane gwikirenie mwosi wane;ebhigongi bhyane bhyosi bhiyongerye. ⁹Ntakukora bhutindi bhwane bhuhari; Enye ntakubhanyahara Efraimu kweki kwokubha enye ni Tata,nawe ntari mutu enye ni omweru gati wenyu nenye ntakuza kwa bhubhi.¹⁰Bharanitumirira,Tata.Ndang'orota kye endwi.Enye ndasekerera,na abhatu bharaza kurigita kureka range. ¹¹Bharaza kuza bharirigita kye ebhinyunyi kureka musi ya Ashuru.Ndabhakora bhanagye kwikara muzinyumba zyaabhu rino niryo eriragiriryo rya Tata.¹²Efraimu araninogora kwa mang'ana ga orurimi,ne nyumba ya Israeli kwa kung'enererya.Nawe Yuda akyari na neneye,Tata,newe ni muhene kunenye,omuhene.

¹Efraimu ararya obhukame kutunirira omukakama ruguru.Ewe ezisiku zoosi araherya orurimi nookwinyira.Bharakora obhurage na Ashuru no okugega amaguta gaa Misri. ²Tatabhugya ana masemo dhidi ya Yuda aratemwa Yakobo kuugano yakoriri aramurika kuu amang'ana gaye.³Munda Yakobo akamugwata omuhiri waye ekisuguriri na kuubhatu akikongererya. ⁴Akakindigana na Malaika akamukira.Akarira nookusabha enookwa.Akasikana na Tatabhugya eyo Betheli;eyo Tata akagamba nawe.⁵Wuno niwe Tatabhugya,Eryobha rya abhasirikare; ''Yahwe''niryo erina ryaye. ⁶Geenda kutatabhugya wazo.Gwata omuheene na okwigaranzirya obhurage, na omuganye Tatabhugya waaso kuzisiku zyoosi.⁷Abhakori bheebhasara bhana ebhirengo bhwoo orurimi muumabhoko ghaabu bhasegiri okung'enererya. ⁸Efraimu akabhuga, ''Kuumaheene enye ni munibhi bhukong'u; Nibhweni obhunibhi kwumweya gwaane.Kuu mirimo gyane gyoosi bhatakurora bhubhihu bhwobhwosi kunenye,kyokyosi kino kikubha ekibhi.⁹Enye ninye Tatabhugya wazo kwemera hano warekeri ekyaro kya Misri.Ndakukora wikare mwihuna kye orusiku rwe karamu. ¹⁰Nkabhabhurira abharoti na nibhaheeri ebhiroto kwookubha yenyu kwa amabhoko gaa abharoti nikarusya obhwemero.¹¹Kuna amabhihu gari eyo Gileadi,heene abhatu bhatari bhazomu.Gilgali bharagwaga ezing'ombe;ahagiro hokusengerera zirabha kyee erigina kwitare rye emigundu. ¹²Yakobo akararya mukyaro kya Aramu; Israeli akakora emirimo okubhona omukari;woosi akarisya erihizorye ezing'oondu niho abhone omuukari.¹³Tatabhugya akabhareta Israeli kurwa Misri kwo kukorera akabhabhika woo omuroti. ¹⁴Efraimu amtindirye tata.Tatabhugya arahatira amanyinga gaye woosi aramukworerya ezisooni zaye.

¹Efraimu hano akagamba,hahabha nekirigito.Akikurya kubha Israeli.nawe akabha nobhubhi kwokubha kubhusengeri bhwa Baaali,nawe akakwa. ²Bhono bharakora obhubhi kweki na kweki.Bharakora ihunduguru zyebhyoma okurwa ku siringi zyabhu,ihunduguru kubhunagia bhwabhu giosi ni milimo giabhakori abhatu bharaha iguru yabhu,abhatu bhano ararusha ebhihirwa mwisengerero no kubusu ekimori.³Niho bharabhe kya masaro getabhori,kyo rume ruragia kwi kindasi.⁴Nawe enye Eriobha,Tatabhugya wazo,kurwa kusi ya Misri.Otakumenya Eryobha rindi nawe enye;atareho kukila enye,atareho mturira wundi. ⁵Nkaza kwibhara,kusi yino enekiomu. ⁶Eribhaga rino niihano hagiro nkabhakira neribhaga rino nkiguta,ekoro yane ekinurwa. Kwokubha ego oniebhiri.⁷Ndabha kye endwi;kye egwe nazakurora eligobhi rye nzira. ⁸Ndazikia kye tienyi wono atesibhwe abhana bhaye nosi ndabharandu ebhikubha bhyabhu neno ndazikia endwi,kego amatienyi ga ekisaka gakubharandula bhitinikabhitinika.⁹Kunyahara,Israeli;niwi wuno arakusakirye? ¹⁰Omutemi wazo alihai,ansakirie gati we migye giane gyosigo?Bharehe abhakuru bhano owane kubhulili ego, 'Nihane omutemi no mkuru'? ¹¹Nkuheri omtemi kukoro yane,nkamgega kwo obhutindi bhwane.¹²Obhubhi bhwa Efraimu bhubhikirwe;amasalio yaye ebhikirwe. ¹³Arabha nobhururu bhwo kwibhura,nawe no mwana mugege,kwokubha kuribhaga ryo kwibhurwa,atakurwamu munda.¹⁴Ndaza kubhaturia nokubhoko kwahaguhi?Ndaza kubhaturya noruku?Awe oruku rulihai amatemo gazo? Awe embihira orihai kusaria abhazo?Amebhe garabhiswa neezimoni zyane.¹⁵Kwokubha Efraimu arabhona kubhahili bhaye obhukama bha ruguru bhuraza;obhukama bhwe Eriobha bhuratema kurwa kwibhara.Mumwaro gwa manzi kya Efraimu kiroma,nekitaro kyaye kitakubbha naa manzi,omubhi waye bhalibha ekitara kyaye kye ebhigiro ebhizomu.¹⁶Samaria erabha nee kibhoho,kwokubha yangiri eriobha ryabhu.Bharagwa kuusabha;abhana bhabhu abhasuhu bharabbhuna,nabhakari bhabhu bharinda bhararorekana hagiro hosi.

¹Israeli, kyoora ku Tata,Eryobha waazo,kwokubha nogwiiri kumabhihu. ²Mugege amang'ana hamwemwe na neemwe na momkyorere Yahwe.Mwomborere, '' Tuteshe amabhihu getu bhosigo,wikirirye amazomu getu, tee tunagye kukuhana matunduguru ge eminwa gyeetu.³Ashuru atakututurya;tutakutura ezifarasi kugya mwiihi.Tutakunagya kweki kugibhurira emisambwa neeme Eriobha ryeetu,kwokubha kuneewe omutu wuno atanawise kuneewe arabhona amaabhero⁴Ndabhahorya okwikorya kwenyu;Naneenye ndabhasega kureka kukoro,kwokubha obhutindi bhwane bhurareka kuneewe. ⁵Ndabha nkyoorume ku Israeli,arabharya nkye ebhibhyaro,nokumerya imerya nkyo omuti gwu mwelezi kukyaaro ke Lebanoni. ⁶Amasangasya gaaye galasanza;Obhuzomu bhwaaye bhurabha nkyomu zeituni,nookwihurya kwaaye nkye mielezi gye Lebanoni.⁷Abhatu bhano bhakwikala kukizurulu kyaaye bharakyoora;bharahyokibhwa nkya bhino bhigesirwe na nkya ebhibaryo,nkye mizabibu.Ubhweera bhwaye bhuratubharibhwa ne divai y Lebanoni. ⁸Efraimu,nkore igabhwi kweeki nee misambwa? Enye ndamkyorera kuhaya no kumutuga.Enye nkyo omtu gwo muberoshi amato gaye ngo munyeenye siku zyoosi;kuleka kuneenye amatunduguru gazo.⁹Ninewi wuno ana mang'eni amenye amang'ana gano?Niwewi uno agamenyiri gano abhabhurire?Kwokubha enzira ya Tatabhugya eri kisi,na abhatemya mazomu bharahitira kunzira iyo,nawe abhatemya mabhihu bharagwa kunzira iyo.

¹Rino ni ing'ana ryo omutemi rimorikagya ku Yoeli omwana wa Pethueli. ²Mwiigwe gano,enwe abhakaruka.mwigwe emwe bhene kyaaro.Angu!Ino ewahiri kubha au kuibhaga rya bhauso wenyo? ³Bhuriira abhana bhaazo kuurio,abhana bhazo bhatabhurira abhana bhaabhu,na bhaana bhabhu kuruganda runo rukuuza.⁴Gano gasagiri na ezizawadi bhikaribhwa ne ezisarabhanze ezikuru;gano gasagibhwe ne ezinzige ebhisasi bhikarya;na gano gasagibhwe ne ebhisasi gakaribhwa ne madumadu.⁵Mwimuke,emwe abhagwaata,murire!muruguure bhano bhosimukunywa amarwa,kwokubha amarwa amazomu gatirirwe kureka kwemwe. ⁶Kwokubha abhaatu bhiziri mukyaro kyane,ekigumiru bhano bhatakubhaarwa.Ameno gaaye nkya gendwi,wosi ana ameno gendwi. ⁷Akoriri omugundu gwane gwe emizabibu ni hagiiro ha kuhahya,agegiri mtini gwane.Agegiri erikanda ryaaye arirekeeri kure,amasagya gaye gabheeri marabhu.⁸Yaramira kyo omukya uno ibhoohiri amagoneera kuurukurwo omusubhe waye omusuhu. ⁹Ekisengyo kyo obhutu ne ekisengo kya manzi bhyangirwe kure ne nyumba yo omutemi.Abhamwesi,abhahookya bho omutemi ararama. ¹⁰Emigundu gisaribhwe,ne ekyaaro kisiondiri.Kwokubha ebhakuurya bhisaruibhwe,amarwa amahya goomiri,na amaguta gasariibhwe.¹¹Murore ezisoni,emwe abharimi,murire, abharimi bhe mizabibu,kung'ano ye shaiiri.Kuubhugesi bhwe emigundu bhusarikiri. ¹²Emuizabibu gisarikire ne emiti gye emitini gyoomiri,emiti gye emikomamanga,emitende,ne emiti gye maepo-emiti gyoosi gya mumigundu gisarikiri.Kwo obhuzomereerwa gisarikiri kureka kuubhana bha bhaatu.¹³Tira kumagonera gisarikire na warame,emwe abhamwesi! Murarira emwe abhahokya bha mwisengerero.Nauze,ohibdire obhutike bhwoosi kuumagonera,emwe abhahookya bhe Eryoobha ryane.Kwookubha ekisengo kyo obhutu ne ekinyweero bhiribhiirwe munyumba ye Tata ryeetu. ¹⁴Mubhirikire kuumakundi amazomu,bhirikira erikundi erizomu.Mwikumanie abhakaruka na abhekari bhoosi bha mukyaaro bhahike mumugye gwo omutemi we Eryoobha ryenyu,no okumuririra Omutemi.¹⁵Ebhe kurusiku!Kwookubha orusiku rwo omutemi ruhikiri bhuraza obhusarya kureka kutata. ¹⁶Ebhyakurya bhitangirwe kure embere ya ameso geetu,obhuzomererwa na amaseko kureka munyumba ye Eryoobha ryetu? ¹⁷Eziteterae zirabhora mubhutoto bhwaye,ebhitara bhirurumikiri,amabhanda gahungukiiri,kwookubha ezitetero zisarikiri.¹⁸Kyeego ebhitenyi bhikurira!ezing'ombe ziranyaka kwookubha zitana hokurisha.Amahizo, ge ezung'ondu garanyaka. ¹⁹Omutemi ndakurira awe kwokubha omuriri gwokirye obhunyaki kukibhara,no omuriru gwitiri emiti gyoosi gya mumigundu. ²⁰Ne ebhityenyi bhya mumigundu bharatira kwookubha emyaaro gya amanzi gyoomiri,no omuriiro gwookirye amanyaki ga kukibhara.

¹Tena ekombyo Sayuni,tema ekitiri iguru we ebhiguru bhani ebhihoreru!Abhikari bhosi bhe kyaaro bharigite kwe kubhi;Esiku ya Tatabhugya eraza;Nihene rihaguhi. ²Niorusiku rye kirima no bhumwamu,esiku ye kirima kyeekirima,esiku ya masaro nekirima ekikuru.Kwego etabhari ekanyaragana kubhiguru,abhitani abhakuru bhezinguru bharisuka,kukyari kubhako abhitana kyabhayo.kutakuza kubhaho kweki nyibhuro nzaru.³Omuriro gurakora kila ekigiro kyembele waye,namugongo gwae omuriro gukaka,ekyaro kyo kyerisiku rya Edeni embere wae,mumugongo gwae nibhara rinorisarikiri.Kwokubha kitariho kyokyosi kinokitariho.⁴Kurorekana abharwani bhe farasi,bhararyara nokutira efarasi. ⁵Bharibhuruka kwekitiri kwezimotoka iguru webhisonge bhebhiguru,ekitiri kyemiriro nomuriro guno kugusikya amanyaki,kya bharwani bhezinguru bhano bhamwiri okurwana.⁶Embere wabhu abyatu bharabha nobhururu bhwobusho bhwabhu zirabha nerangi. ⁷Bhararyara kyabharwani bhamanaga;bharatira nyiki kya abhasirikare;bharagya,kyoumwe kumatambuka,bhatakubhuna mikiriri gyabhu.⁸Atariho umwe uno ahuniri oundi embarika;bharagya,kyo umwe kwenzira yae;ebho bharabhuna kwenzira yo bhwimerereri nokugwa habhori ya mng'oro. ⁹Bhararyarira mumugye, bhararyara kunyiki,bharatira musi we nyumba,kuhitahita mumahundu kya bhibhi.¹⁰Ekyaaro kirasingisa mbere wabhu,erisabhu rirarigita Eryobha no mweri nekirima,ne zinyota ziratiga kubharyabharya. ¹¹Tatabhugya aragororokya eriraka ryae mbere wa bharwani bhae,Abharwani bhae ni bharu henehene; kwokubha ebho bhanamanaga,bharya bharakora erihatike ryaye.Kwokubha Tatabhugya ni mukuru wokuhema bhukong'u,Niwi akunagya okwzikara.¹²Nawe hatabhono,''akabhuga Tatabhugya,''Mukyorere enye kwe ezikoro zenyu zyosi.Bhangu,rira no kwarama.'' ¹³Okunyahara ezikoro zenyu na mibhoho genyu nokukyora kutatabhugya wetu.Kwokubha enekwe nebhigongi no bhwangu bhekoro,nobhwaru bhobhwi gwano no bhurage,asege okwikyora kwwookubha yo okwikobwa.¹⁴Niwi amenyiri?hamwe ingabheri nebhigongi,nokutiga orubhango ekimweso nobhutu bhekimweso kinyweero kutatabhugya wetu?¹⁵Tema ekyombo eyo Sayuni,bhirikira kwo okubhoha obhuhoreru. ¹⁶Mukumanie abhatu mubhirikire erikumanio erihoreru.Kumania abhakaruka,kumania abhana na bhana abharere.Tata wengi bhanagye kureka habhori yebhinyumba bhabhu,na bibi arusi kureka kubhinyumba bhyabhu.¹⁷Mbe abhakaruka,bhabhagati bha Tatabhugya,bhano bhari ahahororu herisengerero.Bhabhurire,abhatu bhazo, kutatabhugya,otige kurusha obhugabhi bhwabhu kwezisoni,ebharo bhibhakangate iguru wabhu.Nikwaki bharenda kuhaya iguru webharo,''Alihai Tatabhugya wabhu?¹⁸Niho Tatabhugya ahabha kumukya gwe kyaro kyaye no kubhigwera ebhigongi abhatu bhaye. ¹⁹Tatabhugya akabhakyora abhatu bhaye,Rora,ndabharetera ebhyakurya na marwa ebhibhya na maguta.Ntakubhakora kubha bhasoni kubharo.²⁰Ndabharushaho abhisangiriri bha mamu kure nanemwe,Ndabhahatya kukyaro ekyomu kino kitigirwe.Orubhaha ryembere rwa abhasirikare ryabhu rirasikira munyanza,norubhara rwisiku rurasikira munyanza nyanza,obhusutu bhwaye bhurinurwa iguru,mobhuzu bhwaye bhurimuka iguru.Nihene akoriri mang'ana makuru.²¹Mtobhoha,ekyaro,mzomererwe,kwokubha Tatabhugya arakora amang'ana amakuru. ²²Otobhoha,ezitwenyi zya mwitema kwokubha ekirisho kya mwitirigo garakura,emiti giribhura matunda gaye,nemiti ya mizabibu na mizabibu giribhura bhakurya bhbhu bhosi. ²³Muzomererwe emwe abhatu bha Sayuni,nokuzemererwa kutatabhugya,wetu.Kwokubha arakuha embura ya mubhusuhu nakureta embura iguru wenyu,embura yo murumbi kyego hayo inyuma.²⁴Eritare ryo kuhungira ririzura ngano,nebhigiro bhirizura amarwa mahya na maguta. ²⁵''Ndabhahana emiaka nebhakurya bhino ezingigi zyariri,namasarara ezingigi nee ezingigi zikasika-enjeshi ryane eryamanaga gano tumiri kunebho.²⁶Murarya ebhakurya bharu nokwiguta,nokurikumya erina rya Tatabhugya wetu,unoyakoriri amaryoryo iguru wenyu,takubharetera kweki abhatu bhane. ²⁷Oramenya niho enye ndiho ku Israeli,na niho enyeni Tatabhugya wazo,tena atariyo undi,ntakubharetera soni kubhatu bhane.²⁸Eraza kubha nditurura ekoro yane iguru wenyu nembiri gyosi,nomwanamukya wenyu abharoti,ebhakaruka bhenyu bhararota ebhiroto,ambhamura bhenyu abhararora ebhiroto. ²⁹Iguru wo mubhagati na mubhagati bhekikari,ezisiku ziyo nditurura ekoro yane.³⁰Ndakwereka ekiguro mwisaro na mukyaro,amanyinga,omuriro etimu zyomwoki. ³¹Eryobha rirabha kirima omweri gurabha manyingi,kuzisiku ezikuru zyo kuhema ku Tatabhugya.³²Erabha kubha kila omutu uno akubhirikira erina rya Tatabhugya araturibhwa kwokubha iguru we kiguru Sayuni na Yerusalemu bharya bhakaturibhwa,kwo Tatabhugya kyego yahairi,nabhano mubharya bhasagiri mubhano Tatabhugya akabhabhirikira.

¹Rora,kuzisiku ziiyo ne eribhaga riyo,hano nkukorya abhagwatwa woo Yuda na Yerusalemu, ²Nosi ndakumana ebharyo ngosigo,kubhahira eriruma Yehoshafati.Ndabhookya ehyo kwookubha yabhatu bhaane na bhaagabhi bhaane Israeli,abhano bhabhari yaraghweni mubhyaro,na kwookubha bhakasonda ekyaro kyane. ³Bhatemiri ezikura kwookubha ya bhaatu bhaane bha akagura omumura kwookubha hyoo musimbe,kugurya omukya marwa,bhaanywe.⁴Bhoono,kwaki oratindira,Tiro,Sidoni na magunguri gosigo ga Bhafirisiti?Bhono! murakyoorerya mariho?naho murandihe rumwego ndabhakyorera mariho genyu iguru yee m itwe ghyeenyu eemwe abheene. ⁵Kwookubha mugegiri ezibhirya zyaane nezizahabhu,zyaane,mwosi mukagega ebhibhubhiko bhyeene bhyee obhwera nokuhira nemwe mukagega ekibhumbiko kyane kuzihira mwiseng'erero ryenyu. ⁶Mugurire abhatu bhaa Yerusalemu kubha wayunani,kubharusha kure na mang'ana gabhu.⁷Mrore,ndabhabhukya,bhareke ahagiro hano bhabhagurirye na ndabhakyoryerya amariho nguru yee mitwe ghyenyu abhene. ⁸Ndagurya abhana bhaazo na bhakya bhazo kwoo okubhoko kwa abhatu bhaa Yuda ebhoo bharabhagurya Sheba,kusikure.Kwookubha Tata ahayiri.⁹Rarika rino muzyiisi,''Mwiteebhye abheenu kwihiyi,mubhukye abhahari,mutiige bhahyike haguhyi,abhahari bhosigo bhatire iguru. ¹⁰Mumote amagebhe genyu gabhe lisabhanee bhugeso bhyenyu bhyoo kuhorera kubha matimu.Nawe bhaata bhaa kanu bharabhuga, 'nina amanaga.'¹¹Bhwagu na muzyee,muzyiisi zyoosigo zyaa haguhi,mwikumaniyee hamwe ehyoo.Awe Tata,iitumya abhabhari bhaazo.¹²Hamwe,eziisi ziihatike ezieene kuuza mumwaro gwaa Yehoshafati.Kwookubha ndikara ehyo erisinziro ryee eziisi zyoosingo zyaa haguhi. ¹³Mture erifyekero ryobhunyaki, kwookubha bhyookugeswa bhinogiri.Muuze, mukoze zabibu,kwookubha eriduramu rya marwa rizyiiri.Ebhugoti bhunobhizyiiri,kwo bhubhibhwa bhu nihyo obhukuru hene.¹⁴Kiriho eekirigito,kirigito mumwaro gwee erisinziro.Kwookubha orusiko rwaa Tata rurihaguhii mumwaro gwee risinziro. ¹⁵Omubhaso noo mweri bhirabha kirima,eeziinzota zitiigiri okumirika.¹⁶Tata araruma kurwa Sayuni,noo kutirya eriraka ryare kureka Yerusalemu.Erisaaro nee kyaro bhiirasingisa,nawe Tata arabha bhwiikari kwookubha kwabhatu bhaye,no obhutiriro kubhana bhaa Israeli. ¹⁷Kweego mumanyiri kubha enye ninye Tata,Eryobha ryeenyu,arikara Sayuni,mukiguru kyane ekizoomu.Okumara Yerusalemu erabha eenzomu,nabhaatariho bhasirikare bhano bharirugure kweeki.¹⁸Kuurusiku ruhyoo,ebhiguru bhiiratebhyee amarwa mazoomu,eebhiguru bhiragerya mabherer,eemiro nkyoosigo khyaa Yuda girabhita gatigati ya manzi,noo musobhoogo gurazaa kureka munyumba ya Tata na manzi gamumwaro ra Shitimu. ¹⁹Misri eerabha noobhutaka,Edomu eerabha kibhara kyene,kwookubha hyoo bhukutindi bhuuno bhukorekiri kubhatu bha Yuda,kwookubha bhakitira manyinga gatana bhubhi mukyaro kyabhu.²⁰Nawe Yuda arabha wa hayo kimera na Yerusalemu erabha rwiibhuro noo rwibhuuro. ²¹Ndabhariha manyinga gabhu gano ntirihiri,Kwookubha Tata arikara Sayuni.

¹Gano ni amang'ana gano gakutunia Israel yino Amosi,owumwe waa bharisya gati Tekoa,akahabhwa gati obhwerekenio.Akahereribhwa amang'ana gayo gati woorusiku zyaa Uzia omutemi wa Yuda,kweeki gati woo rusiku rwa Yeroboamu omwana wa Yoashi omutemi wa Israel,emiaka ebhiri kikyari gye ekirigito kye esi. ²Akabhuga, ''Yahwe akabhirita kurwa Sayuni;akinura eriraka ryaye kurwa Yerusalemu.Ekirisho abharishya garakirirania kiri:ekituri kyaa Karmeli kiranyara.''³Ego niyo Yahwe akabhuga: ''Kwobhusarya bhwa katatu bhwa Damaskasi,kweeki kwa akane,ntakwikirirya kwokya,kwokubha abhahuri Gileadi kwee bhigiro bhyee bhyoma. ⁴Nira hira omuriro kuu nyumba yaa Hazaeli,noo kuinyaragania igobhe ryaa Ben Hadadi.⁵Ndakata kibhongoiro zyaa Damaskasi nookumwangira kure omutu wuno akwikara gati Bqati Aveni,na kweeki omutu wurya akugega ehimbo yee kitemi gati Beth Edeni.Na abhatu bhaa shamu bharagya kunyako kweeki kiri,''arabhuga Yahwe.⁶Ego nigo Yahwe akabhuga:"Kwoobhusarya bhwa katatu bhwaa Gaza,kweeki kanee kukirania okumwokya,kwookubha bhakabhagega manamba abhatu bhosi,kubhatura iguru yoo kubhoko kwaa Edomu. ⁷Ndatuma omuriro kuzinyiki zyaa Gaza,noo kurisarya erigobhe ryaye.⁸Ndamwangira kure omutu wurya wuno akwikarania gati Ashdodi noo mutu kugwatirira ehimbo ya rkitemi kurwa Ashkeloni.Ndakyosya okubhoko kwane iguru yaa Ekroni,naa masagyo ga Wafilisti bharasarika,'' arahaya Tata Yahwe.⁹Ego niigo Yahwe akuhaya: ''Kuubhusarya bhwa katatu bhwa Tiro,kweeki rwa kanne,akikarania obhusarya,kwokubha bhabhahiri abhatu bhoosi bha Edomu,nabhabhuniri mikiriranio gabhu goobhuhiri. ¹⁰Ndahira omuriro kuzinyiki zyaa Tiro,nebho bhararasya igobhe ryaye.''¹¹Ego niigo Yahwe akubhuga, ''Kubhusarya bhwa katatu bhwa Edomu,kweeki rwa kane ntakukirania kumokya,kwokubha nikmutunirira omuhiri waye kwee ekyogi nookurekera kure ebhigongi bhyoosi obhubhi bhwaye bhukagenderera,kubha bhuhari na obhutindi ekasaga kimera. ¹²Ndahira omuriro iguru yo Temani,nookuzisarya ezinyumba zyee kitemi zyaa Bozra.''¹³Ego nigo Yahwe akakerenia kwoo bhusarya bhwa abhatatu bhaa Amoni,nawe rwakanane,ntakukirania obhusarya,wabhu.kwokubha bhabhatiri abhakari bha Gileadi abhajimbunda,bhabhone kwongerya emipaka zyabhu.¹⁴Ndahuta omuriro gati yee nyuki yaa Raba,nawe orazinyaragania ezinyumba zyee kitemi,hamwe nokutema ekitiri gati wee siku yee rihi hamwe nee bhubhagatwa gati wee siku yee kimaramumbi. ¹⁵Omutemi wabhu aragya bhubhagatwa,ewe na abhakuru bhaye hamwe,'' arabhuga Yahwe.

¹Ego nigo Yahwe akuhaya: ''Kwobhubhi bhwakatatu bhwa Moabu,nabhe kwa inye,nitakukyosya ekibhohe kwakubha yokirye omuriro amaguha go omutemi wa Edomu tee okubha echokaa.²Niratumania omuriro iguru wa Moabu,na gurasikya amabegi ga Keriothi.Moabu arakwa kwo okutirigania,hamwe na ekituri no omuriro kwe ekombyo. ³Niramusarya omwamuri gati waye,na ndabhita abhana bho mutemi hamwe na newe,''arabhuga Yahwe.⁴Ego nigo Yahwe akubhuga: ''Kwo obhubhi bhutatu bhwa Yuda,kweki kwa kane,nitakukosya okwookibhwa,kwookubha bhaangiri erihatike rya Yahwe na okutama okuzigwata erihatike ryaye.Orurimi rywabhu rukoriri okubhura,kuno bhawise bhabhu zino bhosi bhatuniriri. ⁵Niratumania omuriro iguru wa Yuda,na kuramira eribhegi rya Yerusalemu.''⁶Ego nigo Yahwe akuhaya:'' Kwoobhubhi bhutatu bhwa Israeli,nabhe bhwa kane,nitakukosya obhwokya,kwookubha bhubhagurirye bhano bhatana bhubhi kwe zimbirya na abhataka ibhoho yimwe ya makobhasi.⁷Bhosi bharataza iguru we mitwe gya abhataka kyego okutaza muruteri iguru wa hasi;bharahuna kwookubhandirirya.Omutu wumwe na wise wabhu akahindira no omukya wumwe na kwego no okuzera erina ryane eryeru. ⁸Nebho bharahindira hasi haguhi na kila hukusengerera kuzingibho zino ziturirwe okwimerera,namwihuna rye Eryobha ebho onyora bhuragusa amarwa ya bhurya bakokibhwa.⁹Nikyari nimusikirye mwamori kubhukangati bhwabhu,wuno obhutambi bhwabhu bhwabhanga kyo obhutambi bwa mierezi;yabhanga na amanaga kye mialoni okumara nikasarya emisumo gyaye iguru we emiri gyaye iyasi. ¹⁰Kweki nikabhatirya okurwa ekyaro kya Misri no okubherekerya emiaka mirongo ene mwitirigo bhagwatirire ekyaro kya waamori.¹¹Nibhagororokirye abharoti kurwera mubhana bhabhu bhabhe abhahene kurwera mubhabhura bhenyu,awe etari ego,abhatu bha Israel?-ego nigo Yahwe akuhaya. ¹²Nawe mubhakerenerya abharagi okugusa amarwa nookubhabhurira abharoti bhatakora obhuroti.¹³Rora,ndabhataza kye eribhirigiti kuno gwiziri mahurata gino gikunagya kumutaza omutu. ¹⁴Omutu wuno akurarya atakunyora hokuryarira;wamanaga atakwongera managa gaye ewe omwene;nabhe omuhari ariturya omwene.¹⁵Wuno akwikirirya obuta atakwimerera;omuryari wa bhukong'u atakuryara bhukong'u;omurarya we farasi atakwiturya omwene. ¹⁶Naabhe abharwani abhahari bhararyara king'abhi kurusiku ruyo ego nigo yawe akubhuga.''

¹Mwigwe eng'ana rya Tatabhugya yino agambiri iguru wenyu,abhatu bha Israel,iguru wa hamati engima yino nikairusha kurwa ekyaro kya Misri, ²''Nibhasoriri emwe kurwa kuhamati zyosi zya mukyaro.Kwego ndabhokya kwamabhihu genyu gosigo.''³Kwego bhabhiri bharanagya kugenda hamwe bhakubha bhakyari kwigwerena? ⁴Kwego endwi ararira mumusitu kyokubhwema kitarimu?kwego omwana wendwi ararira kurwa mumobho gwaye kama akyari kugwatwa kigiro?⁵Kwego ekinyonyi kiraza kugwa kumuheto hasi eno orwambo rutaterweho kukigwata kwego omuheto guraryatuka iguru hasi eno kitariho kigiro kyokugwata? ⁶Kwego ekirere kiraza kutemwa mjini nabhatu bhatarigita?Kwwego enyako eranagya kuza mjini yino etakuretwa na tatabhugya?⁷Ndabhugya Tatabhugya atakukora kigiro abhakundukiri amang'ana abhahokya bhaye omuroti. ⁸Endwi erri,niwe etakobhoha?Tatabhugya amariri kugamba;niwi aharota?⁹Notangaze rino kubhutingo eyo Ashdodi,neyindi mubhutingo kyaro kya Misri;bhuga, ''Mwikumanie kubhiguru bhya Samaria namurore enyako kuru kunewe,nobhugandamizaji bhuno bhurikunewe,nobhugandamizaji bhuno bhurikunewe. ¹⁰Kwokubha bhatamenyiri ehaki-akukoreka ego nigo Tata akuhaya- bhayo bhakubhika ezinguru nakusarya mubhutingo bhwabhu.''¹¹Kwego,ego nigo Tatabhugya akuhaya.,omubhi araza kwinogora ekyoro araziruta hasi ezinguru zyaye nobhutingo bhwenyu ziragwatwa.'' ¹²Ego nigo Tatabhugya akuhaya,''kyego omurisha akuturania amaguru abhiri agene kumunwa gwandwi,au eribhara ryokutwi,nigo abhana bha Israel bhariza kuturibhwa bhano bhakwikara Samaria,hamwe nezihembe zyakuhindira,awe nigombezyo obhuriri.''¹³Mwigwe na murore gano gakukoreka iguru we rihuna rya Yakobo-ego nigo Tatabhugya akuhaya,Tata wa abhasirikare, ¹⁴''kwakubha orusiku runo murokibhwa amabhihu ga abha Israel,na kweki murokibhwa ahagiro homusengeri Betheli.Ezihembe zya madhabahu zirang'erwa nakugwa hasi.¹⁵Ndaisarya erihuna ryembere hamwe nerihuna rya hari.Amahuna gezihembe garaza kusika,nerihuna,erikuru rirarwaho,-ego nigo Tatabhugya akuhaya.''

¹Mwitegerere ering'ana rino,emwe ezing'ombe zya Bashani,emwe bhano murimukiguru kya Samaria,emwe mukunyahara abhataka,emwe mukukoza bhano bhakuenda,bhano mukubhurira bhasubhe bhenyu, ''Muturetere bhiokunywa.'' ²Eriobha Tata rirahiri kwo obhuzomu bhwaye, ''Murore,ezisiku ziraza kunemwe eribhaga bharabharusiaho ne ezindobho,wo obhusinziro bhwenyu,ne ezindobhobzyo okurobherya eziswe.³Murahuruka kuhitira hagiro hano hanyamurwe kurugito rwo omugye kwo owumwe wenyu kuhitira hayo,muritasa embere wa Harmoni-nigo akuhaya Nyamuhanga.''⁴''Mugende Betheli no obhubhihu,tee Gilgali muongerye amakire,mrete ebhiryo etabhora,ebhisengerero bhenyu hano zikuhita ezisiku isatu. ⁵Murushe ebhiryo byo okuzomererwa hamwe ke emikate,murarike ebhisengerero ebhizomu,mubhararike,kwo kubha yino niyo akubhazomera,emwe abhatu bha Israel-ego nigo akuhaya Nyamuhanga Eriobha.⁶Ndabhahana obhuzomu bhwa ameno mumigye gyenyu no okusukirwa emikate ahagiro henyu hosi.Kweki mutakyoriri kunenye kweki-ego nigo akuhaya Nyamuhanga. ⁷Kweki niribhiri embura kurwa kunemwe ne eribhaga gyari gikyaari mieri etatu gyo okugesa.Nikaikora etweke iguru ye emigye,nokuikora etighe kutweka mumigye egindi.Orubhara orumwe akatweka no orubhara orumwe rwe ekyaro etatwekeri hahabha homu.⁸Bhakiigura miigye ebhiri etatu kugya mumugye ogundi okunywa amanzi,nawe gatabhisiri.Kweki bhatanikyoriki enye-arahaya Nyamuhanga. ⁹Mbhatemiri na amarweri ghano ghakukora ekibhusuko.Obhwaru bhwe erisiku,emigundu gyenyu gye emizaituni ndaginyaragania gyoosi.Kweki mutanikyoriri ego nigho akuhaya Nyamuhanga.¹⁰Nitumiri tauni kuneemwe kya ya Misri.Niitiri abhana bhenyu kwe erisabha,okugega ezifarasi zyenyu,no okukora abhuhuzu obhusikumaniryo bhwenyu no okusikirirya mumanyweru genyu,kweki-mutanikyoririku arahaya Yahwe. ¹¹Ninyaragenie emigye genyu egindi,kyego hano Eryobha rikanyaragania Sodoma na Gomora.Muhabha kye ekisirira kino kisakurwe kurwa muiriko,kweki mutanikyoririku-arahaya Yahwe.¹²Kwego ndakora eng'ana embihu kunawe Israel,kwokubha ndakora ering'ana eribhihu kunewe,witegere okusikana ne Eryobha,Israel! ¹³Kwookubha,rora,wuno akukora ebhiguru niwe akukoora omukama,aramukundukirira amisego gaye omutu,arakoora etabhori kubha ekisima,no okutaza ahagiro higuru we ekyaro.Nyamuhanga,Eryobha rya abharwani,niiryo erina ryaye.''

¹Mwitegerere eng'ana yino nkuhaya yokwaraama iguru wenyu,munyumba ya Israel. ²Omusubhati wa Israel agwiiri,atakubhuka kweeki,ang'osiiri mukyaaro kyaaye,atariho omutu wokumwimukya.³Kwookubha ego nigo Eryobha rihayiri: ''Omugye guno gurwiiri igutu ebhikwi gusagiri igaana,bhano bhagiri igutu igaana bhasagiri ikumi kwe ehene ye nyumba ya Israel.''⁴Kwookubha nigo ego Eryobha rihayiri munyumba ya Israel: ''Munikomye murikara! ⁵Mutamukyooma Betheli; hata kusikiira Gilgali; mutahuruka okuugya Bersheba.Kwookubha Gilgali bharaagya mubhubhagati obhuheene,na Betheli etakubha kigiro.⁶Mukyoome Eryobha murikara,nawe araaka kyo muriro munyumba ya Yusufu.Arasarya,atakubhaho omutu owumwe wuno arariimye Betheli. ⁷Abhatu bhaarya bhakukyoora obhuhene kubha ering'ana eriruru nokugwiisha obhuhene hasi!"⁸Eryobha rikatema Pleidezi na Orioni;akyoriri ikirima kubha ekitabhori,akakora orusiku kubha kirima nobhutiku okubhirikira amanzi ge nyanza;ewe aragitiira iguru obhuusho bhwesi.Eryobha niiro erina ryaye! ⁹Ewe arareta obhusaarya bhokutikirirya iguru wa bhamenyi kwookubha obhusarya bhuuze iguru yerigoobhe.¹⁰Bharamubhihirirya wuuno akunogoorya kumuraango gwo mugye,nabho bharamutindira wowosi wuno akuhaya obhuheene. ¹¹Kwokubha muramutaza haasi omutaaka nokugega ahagiro hamagano okuurwa kunewe-yingabha mwombokiri enyumba zya amagina gaano gabhaziirwe,mutakwikara muzinyumba ziiyo.Mukazomerwa nemigundu gyo mizabibu,nawe mutakunywa amaarwa gaaye.¹²Kwookubha nimenyiri kyego muri nezinyako ezinzaru nakyego ebhibhi bhyenyu bhiiri bhikuru-nemwe murabharorera bhano bhane heene,mugege ehongo nokubhakorya abhendi kumuryango gwo mugye. ¹³Kuniiyo omutu wuno anamitegerero arakirirania bhukiiri kweribhaga riiyo,kwokubha niribhaga ryo obhubhihu.¹⁴Mukoomye amazomu gatabha mabhihu,nawe munyoore okwikara.Ego Eryobha,Eryobha rya abhasirikare,arabha na neemwe haguhi,kyeego mkihaya ewe nigo. ¹⁵Mubhihirirwe obhubhi,mwikare kisi neheene mukiseku kyo muugye.Arabhe Eryobha,Eryobha wa abhasirikare,akabhasakirya Yusufu.¹⁶Kwego,ego niigo Eryobha rikuhaya,Eryobha rya abhasirikare,Tatabhugya, ''Kurabhaho nokwarama kumirabha gyaabhu,na bharahaya muzirobho zyabhu, 'Awe! Awe!' bharabhabhirikira abharimi okwarama nabhano bhaari abhahari bhokurira no kwarama. ¹⁷Mumigundi gye mizabibu rurabhaho oruku kwokubha ndahita gatigati yaabhu, ''arabhuga Yahwe.¹⁸Nawe weenyu emwe bhano mukugongerya orusiku rwe Eryobha!kwaaki muragongerya?Kiraabha ekirima kutakubha obhweeru, ¹⁹kuribhaga omutu arang'oosa endwi nokusikana dubu,nokusikira munyumba nokutura okubhoko kwaaye kurugito na akaruumwa nenzoka. ²⁰Orusiku rwe Eryobha rurabha kirima bhutaari bhweru?Ebhigongi bhutari obhuzomererwa.²¹Ndabhihirirwa,ndazizeera ezisikukuru zyeenyu,ndazeera ezisaango zyenyu zyo obhusengeri. ²²Araabhe murandusirya omuhero gwo kubhurya no muhero gwa obhutu,ntakuzigega,na ntakuzirora kyo muhero gwo bhuumwe bhwe zityenyi zino zinuriri.²³Mururuseho ekitiri kya membo genyu;ntakwitegerera eriraka ryabhihembe bhyenyu. ²⁴Kumweeya gwaye,mutige obhuhene bwitike kukya manzi,nobhuhene bhubhe kyo mwaro guuno gukwitira ezisiku zyosi.²⁵Mutendeteri abhihirwe mwisengerero nekimweso kyo kusaribhwa kukibhara kweribhaga rye miaka mirongo enne? ²⁶Murigororokya Sikuthi kyo mutemi wenyu,na Kiuni,enzota yenyu ya amaryobha-yino mwakoriri kuneemwe abhene.²⁷Kwego ndabhasamya orubhara rwa kabhiri rwa Damaskasi,'' ahayiri Yahwe,wuno erina ryaaye ni Eryobha wa abhasirikare.

¹Niiguru wabhu kubhano bhakukora amang'ana go okumubhihira Tatabhugya mukyaro kya Sayuni,nabhano bhahoniri mukyaro kya ekiguru kya Samaria,abhatu bhoo mukumo bheebhyaro,bhano enyumba ya Israel bharaza bhasakiribhwe! ²Abhakangati bhenyu bharabhuga, ''muhite mugende Kalne namrore;kweki kurwera eyo mgende tee Hamathi,omugye omukuru;kweki mwitume tee Gathi ya abha Palestina.Awee!emwe ni bhazomu kukira bhatemi bhono?Kusya orutunga rwabhu ni rukuru kukira orutunga rwenyu?"³Ni iguru wabhu bhano bhakurutura orusiku rwa amabhihu na akukora obhutemi bhubhe kyabhurya etaari kwenderwa kwisuka haguhi. ⁴Bhahindiri iguru wa amariri ge ezihembe no okumunya iguru we ebhitumbi bhyabhu.Bhakarya ebhineena bhya amang'ondu kureka mwihizo ne ebhimoori kureka mwiibhanza.⁵Bharemba amembo ge ekigege mwiibhina rye ekirere;bharikorera ebhirere kyabhurya Daudi akakora. ⁶Bharanywa amarwa kureka mwibhakuri no okwihaka amaguta abheene kwa amaguta ga amarahamu,nawe bhatakuhoobha iguru we enyako ya Yusufu.⁷Kweego bhono bharagya mubhubhagwatwa hamwe na obhukangati bhano bhakangatiri,neekitiri kya bhano bhigorweri kirahita. ⁸''Enye Tata Yahwe,mubhubhagatwa gwane-ego niigo Tatabhugya akubhuga,Eryobha wa abharwani,ndayanga engungo ya Yakobo;ndabhihirirwa na amakindasi gaye.Kwego ndagurusya omugye guyo nebhigiro bhino bhirimu.''⁹Kweki eraza kubha,bharasage bhasubhe ikumi munyumba yimwe,bharakwa. ¹⁰Inyarume woo mutu hano aramugorookye,wuno akumwokya no omuriro arusye amaguha gaye munyumba-neewe hano aramubhurire wuno ariorubhara rwa mwoosi munyumba,areho omutu arihamwe na nawe?'' Ingabhwi hano wurya arabhuge,''Zei''. Kweki abhuge,wikare bhukiri,kwookubha tutakuritogora erina rya Tatabhugya.''¹¹Noorore,Yahwe ararusya ehamuri,na enyumba ekuru eratemwa ebhe mabhara mabhara,ne enyumba esuhu ebhe ne ezinyerera.¹²Ezifarasi ziraryara kumuhiringito gwa amatare?Omutu ararima eyo nee Ezing'ombe?Mugarabhwiri obhuheene bhubheri bhusungu ne eribhaga ryeehene ribheeri bhururu. ¹³Emwee bhano mukuzomererwa kwe eng'ana yino etana bhweera,bhano mukubhugaTutibhoneri oruhembe kwa nguru zyetu abhene?¹⁴Nawe rora,ndagororokya iguru wenyu ekyaro,enyumba ya Israel ego nigo akuhaya Tatabhugya,Eryobha wa amahizo gaabhatu abharwani.Bharabhanyakya emwe kurwa Hamathi tee mukaro ka Araba.''

¹Ego nigo Tata Yahwe yanierekirye.Rora akabhumba erihizo erikuru rye ezinzigi eribhaga rya okumwera omuti,na,rora,guhabha ni muti gwa obhutero bhwe erigesa rya omutemi. ²Hano bhamariri okurya ezinyinyi zye esi,niho nikabhuga, ''Tata Yahwe ndasabha oniabhire; angu Yakobo araza kwikarabhwi?kwokubha ewe ni musuhu bhukong'u.'' ³Yahwe akasuhya obhururu kurino. ''Ritakubhaho,''akabhuga.⁴Ego nigo kyego Tata Yahwe kyego yanierekirye:Rora,Tata Yahwe akabhirikira iguru wo omuriro kusinza.Nagwe kukomya bhukong'u,orurembu iyasi we esi na okwenda okuisarya ekyaro kweki. ⁵Nawe nikabhuga, ''Tata Yahwe,tiga ndakusabha;Yakobo arikarakwi?Kwokubha ewe ni musuhu bhukong'u.'' Yahwe akarega kubha hamwe na rino, ⁶''Rino ritakwiyerekya kweki,'' arabhuga Tata Yahwe.⁷Ego nigo kyego Yahwe yanierekirye:Rora,Tata yimereri haguhi na enyiki,hamwe na oruze rwa yimazi kukubhoko kwaye. ⁸Yahwe akamburira, ''Amosi,oraroraki?nkabhuga, ''oruze rwa timazi.'' Kumara Tata akabhuga, ''Rora,ndaza kutura oruze rwa timazi mubhatu bhane bha Israel,ntakubhasarya kweeki.⁹Ahagiro higuru ha Isaka harasaribhwa,ahahene ha Israel harasaribhwa,na ndagororoka iguru we enyumba ya Yeroboamu kwa ebhyogi.''¹⁰Kumara Amazia,wurya omwoti wa Betheli,akatuma amang'ana ku Yeroboamu,omutemi wa Israel: "Amosi akoriri obhung'eni iguru wazo gatigati ye enyumba ya Israel.Esi etakutura kugega amang'ana gosi gano. ¹¹Kwookubha ego nigo akuhaya Amosi, 'Yeroboamu arakwa kyoogi na hene Israel eragenda mubhubhagati kureka muusi yaye.''¹²Amazia akamubhurira Amosi,omurori,genda,ryara oikorere esi ya Yuda,na hayo orye omukate na okwota. ¹³Nawe otige kurora kweki hano Betheli,kwokubha nihahene ho mutemi ne enyumba ya ekitemi.''¹⁴Kumara Amosi akabhabhurira Amazia, ''Enye ntari muroti hamwe mwana wa muroti.Enye ni murisya wa mitugo na mwangariri wa mikuyu. ¹⁵Nawe Yahwe akanigega kureka okurisya emitugo na kunibhurira, 'Genda,orote kuabhatu bhane Israel.¹⁶Bhono igwa eringa rya Yahwe,awe wuno akubhuga, 'Otarota iguru wa Israel,na otakerenia iguru we enyumba ya Isaka. ¹⁷Kwego ego nigo Yahwe akuhaya, 'Omukari wazo arabha omusimbe wo mugye,abhana bhazo bhakisubhe na abhakya bhazo bharagwa kwe ebhyogi;esi yazo erarengwa na kutazwa; urabhohwa iguru we esi yo obhusarya,na Israel hene eragya mubhubhagati kureka musi yaye.''

¹Kino nikyo Tatabhugya Yahwe anierekirye.Norore esakwa yee amatunda ya hari! ²Akabhuga, ''Oraroraki,Amosi?" Nikabhuga, ''Esakwa ya amatunda ga hari.'' Niho Yahwe akamburira,eribhaga rihikiri ku abhatu bhane Israel:Ntakubhanyahara kweki. ³Ameembo gano mwisengerero arabha ebhino kuu zisiku ziyo ego nigo akuhaya Tata Yahwe.Amatang'uso girabha myaaru,kira ahagiro bharagirekera bhukiri!"⁴Muritegerere rino,emwe bhano mukutaza abhataka no okumurusyaho omuhabhi wee kyaro. ⁵Bharabhuga, ''Omweri omuyhya hano gurahwe turanagya kugurya ebhyakurya?Orusiku rwo obhwoyo bhurahwe,niho tugurye engano? Turakora ekirengero kisuhu okwongera ubhuguri.Tukung'ena ebhirengo bhoo orubhei. ⁶Ego nigo tukunagya kugurya engano embihu,okugura omuhabhi kwezihera,na omutaka we eribhoho yimwe ya kobashi.''⁷Yahwe yirahiri kuu obhunagha bhwa Yakobo, ''Amahene ntakugya okweebha emirimo ghaabhu hata gumwe.'' ⁸Ekyaro kitakurigita kurino na kira oumwe ohwereri kwarama?Goosi gayo garinuka kyee nyanza Naili,yosi eranyaka iguru okwizura kweki kyee nyanza ya Misri.⁹Eraza orusiku runo-nirwe obhugambi bhwa Tata Yahwe- arakora eryobha riture mumwisi na eratura kiirima ekyaro kwibhaga rye omwisi. ¹⁰Ndazikyora ezisikukuru zyeenyu kukwarama na amembo genyu goosi kwo ekiruguro.Ndabhakora bhosi kwibhoha ezingibho za amagonera na erihara kumutwe gwa kira mutu.Ndakora gano kya kwarama kyo omwana omwene,noo orusiku rwo obhusungu inyuma waye.¹¹Rora,orusiku ruraza-arabhuga Tata Yahwe-eribhaga rino ndareta enzara kukyaro,etari enzara yo mukate,wala enyota ya amanzi nawe okwigwa amang'ana ga Yahwe. ¹²Bharagenda genda okurwa nyaanza hata nyanza, bhararyara kurwa mamu kugya nyanza kukomya ering'ana rya Yahwe,nawe bhatakuribhona.¹³Kurusiku ruyo abhaakya bhano bhakyari kumenya mang'ana mabhihu na abhana bhe kisubhe bharasezeka nee nzara. ¹⁴Bhaarya bhakwirahira kwe ebhibhi bhya Samaria bharagwa na bhatakwimuka kweki.''

¹Nkamurora Tatabhugya yimereri haguhi mwisebgerero akabhuga, ''Bhiteme emitwe gye timu nihokubha obhurusa gisingishe bhibhune bhitinika tinika iguru we mitwe gyabhu kweki,enye ndamwita ne elisabha rya obhutiniro bhabhu.Atareho oumwee wuno akalyare,atareho oumwe waho arariare.Bhingabha aratuka kwi Sheoli,kureho okubhoko kwani kurabhagega. ²Bhingabha bharatira iguru kugia mwisaro,eyo ndabhakyiorya hasi.³Ingabha bharibhisa iguru wa Karmeli,ndabhakomia eyo no kubhagega.Ingabha bharibhisa kubhi ebhibhuko bhe enyanza ntabharora,ndatuma oguzoka,rirabharuma. ⁴Ingabha bharagia kubhubhagati,bharabhahindiribhwa na bhabhi bhaye nobhukangati bhwabhu,ndarekererya erisabha riyo,bhabhagati.Ndarekeriya ezimoni zyani iguru wabhu kuubhubhi etari kwa bhuzomu.⁵Eryiobha rya Tatabhugya rya abhasirikare niwe akukuniaku esi ekanwerera;bhosi bhano bhakwikara muyo bhakusekerera;gosi garabhuka kyo muriro,nokutubhira kweki kyo muriro gwa Misri. ⁶Ewe niwe akwomboka enyumba yaye mwisaro,no kwema kubha yaye iguru ewe kiaro.Ewe akabhirikira amanzi ge nyanza,no kugitira iguru wo bhusho bhwe kiaro,Yahwe nniwe erina ryaye.⁷Mbuga emwe mutari kya abhatu bha Kushi kwane,abhana bha Israel?-ego nigo Yahwe akugamba.Mbuga ntabhatirire Israel okurwa esi ya Misri,Wafilisti okurwa Kirete,na Washami okurwa Kiri? ⁸Rora,ezimoni zye Eryobha Yahwe gari iguru wo obhutemi bhwo musaria,nandasaria kurwa kubhusyo bhwe kiaro,kwokubha ntakuisarya hene enyumba ya Yakobo- ego nigo Yahwe abhugiri.⁹Rora,omukangati ndisesa enyumba ya Israel mupayo bhe kiaro kyosi,kyo mutu wuno akusesa abhiakura kulubhgao,ego etareho kingabha kisuhu kye rigina kino kiragwe hasi. ¹⁰Bhano bhakusaria bhosi kubhatu bhane bharakwa kwisabha,bhano bhakubhuga, 'Amang'ana gatakutuhitaku hamwe gata kusikana na netwe.'¹¹Kurusiku ruyo ndaritirya ye eribhuru rya Daudi ino yari egwili,nokubhoha amatu gaye.Ndaginula amatuturi gaye nokuyomboka kweki kyego kuzisiku zyee kare, ¹²Okubha abhikari na amasagio ga Edomu,nebhiro bhosi gano gabhirikirwe kurina riane gego nigo Yahwe arabhuga arakora gayo.¹³Rora,ezisiku ziraza-ego nigo Yahwe akubhuga eribhaga omurimi aramuhitira omugesi,wono akutaza zabibu aramuhitira ewe wuno akwemiya embibho.Ebhiguru bhiragwisha divai enzomereru nebhiguru bhyosi bhiraseruka kugayo.¹⁴Ndabhakioria kurwa mukibhoho abhatu bhane Israel.Bharomboka amatuturi ge migie nokwikara muyo,bharemia emigundu gye zabibu no kuguza divai,bharakora omugundu no kuria amatunduguru gabhu. ¹⁵Ndagiemia tee kusi yabhu,bhatakugiha kweki kurwa kisi yabhu gino giari gibhaheri,'' arabhuga Yahwe Tatabhugya wane.

¹Ebhiroto bhya Obadia. Tatabhugya Erioobha arabhuga kuu Edomu,ntwigwirii amang'ana kureka kuu Tatabhugya,no omutumwa atumirwa igati we bhyaaro,alahaya,Mwiimoke!Mwiimoke kuneewa kwitana! ²Mrore,ndabhakora abhashuhu igati wa bhyaaro,bhabharege.³Obhushaara bhweekoro yaazo nkyakung'ee na aawe,wuno ukwikara kujimbihiraga kumatara,kumugya gwazo gwiguni wuno akubhuga mukooro yazo,Wewi unoakunituumya enya haasi?' ⁴Wangabhe wimiriri iguru nkya erigungungu,wangabhene ekinyuumba iguru kuzinyota, ndakwiikya kurekaeyougwa haasi,ahayiri Yahwe.⁵Nkyeego abhibhi bhizi ewazo,hano bhana kuhikiriku abhiiti obhutiku [kyeego bhangakusenziri]bhataari bharanagya kwihibha bhino bhinobhikwiisa? Hano abhakwimirani bha zabibu bhangakwiziriku,bhatangatigiri engaso? ⁶Nkyeego Esau atemirwena esakwa yaye yino yaari abhisiri eturirwa habhoori!⁷Abhaatu bhoosi bhobhugwatani bhaazo mbarakuhira kunzira tee kurutungo.Abhaatu bhaano bhaari bhwahene hagiro hamwi na neewe bhakakung'eena,nokukinda.Bhano bhokurya omkati gwazo bhakokutega omtrgo iyaasi wazo.Bhutareho bhumenyi kunewe. ⁸Ntanagirye orusiku lurya,arahoya Tatabhugya,kubhiita abhaatu abhang'eeni kuleka Edomu na kumenya kureka kukigurukya Esau? ⁹Bhahari bhaazo bhararuguura,Temani,nkyowumi esenzerwa kore kukiguru kya Esau kwokwita.¹⁰Kwokubha yo obhutindi bhuno bhukorirwa no omuhuri waazo Yakobo,bhurerekibhwa kwezisoni,naneewa olasenzerwa kuresikuy zoosi. ¹¹Orusiku rurya okebhi wimeerirui ,runo abhagini bhagagiri ebhigiro bhyaaye na mbaari bhagiriihirye kikisiko kyaake,no okutima egisoro kwu Yerusalemu, na neewa waari owumwi waabho.¹²Nawe atazomerwa kwo rusiku rwo omuhuri wazo orusiku runo akukweera,tee otazomerwa kwo orusiku rwo Yuda rwo kusaribhwa kwwaye. ¹³Otasikira kukishooko kya abhaatu bhaana orusiku rwo kukwaera kwaabho;kwaki mtaseka aguru wa enyaaku yo orusiku rwokukweera kwaabho,mtaza okugega abhwaami bhwaazo runo akusaribhwa. ¹⁴Otimeera kunzera yo obhutenani,kwokubhasinzira kure abhang'osi bhaaya,tee utabhahurukya abhanyaharaku orusiku rwe enyaako.¹⁵Kwokubha orusiku rwo Tatabhugya ruhikiri heguli ene ebhyaaru bhyoosi.Nkyeego okoriri,garabha nkunaawe;amatemogaazo gharabha iguru waazo omwene. ¹⁶Kweego mwanywiiri kukiguru ekyeera kyaari niigo ebhaaru bhyoosi bheraaza kunyweera kimwingo. Bharamwa no okurya na gharabha nkyawuno bhataari bharaho.¹⁷Nawe kukiguru kye Sayuni bharabhao bhana bhaokokiri na bharabhabhuuryakoro;no omugye gwo Yakobo bharakong'erya obhurami bhuraabho. ¹⁸Omugye gwo Yakobo gurabho omorero,no omugye gwo Yusufu ghurabha orumeni rwo omorero,no omugye gwo Esau gurabha nkya amakubhati amomu,nambho mbharabhooka nookugarungurya. Bhatakubhao abharweeri kwu mugye gwa Esau kwokubha Tatabhugya agambiri.¹⁹Bhoosi kureka Negebu bharagega ekiguru ya Esau na bharya bha Shepela bharagega omugye gwa Abhafilisiti.Nabho bharagega ekyaaro kya Samaria;na Benyamini alagega Gileadi.²⁰Abhasameri bha abhasirikare bha abhatu bha Israeli abharagega ekyaaru kya Kanaani tee kurutoonga rwa Serepta.Abhasameri bha Yerusalemu,bhano bhakyeeri Sefaradi,bharagega emigye gya Negebu. ²¹Abhatuurya bha abhaatu bharagya tee iguru ya Ekiguru kya Sayuni kwo obhutemi kwa ebhiguru bya Esau, no obhutemi bhurabhuga bho Ttabhugya.

¹Niho ering'ana ryo omutemi ryamugiriku Yona omwaana wa Amittai, kuhaya, ²"Imereera ogende Ninawi,omugye omukuuru,obhakerereerye iraka ikuru abhatu bhaayo,kwokuubha obhusaarya bhwaabhu bhuniyaruhiri embere wane." ³Nawe Yona yabhukiri kung'oosa embeere yo omutemi akaagya Tarshishi.Akituma akagya Yafa akarora engarabha ino ekuugya Tarshishi.Akahana omuhero akatira mugharabha okuugya nayo Tarshishi,kure mumeeso gaaye.⁴Nawe omutemi akahira eyo omukama muhaari iguru we enyaanza,bhukabhaho obhukama bhuhaari munyanza kwiibhaga rya haguli ekarorekana engaraabha erenda kutinika. ⁵Abhahookya bhaamu bhakobhohooha bhukong'u.Kkiraomutu akaririra Eryoobha ryaaye omwene.Bhakarekeera emirigo munyanza ghino gihabha muugharabha korereki etazuuke.Yona yahabha itamiiri iyaasi mungarabha,nawe ahabha ahindiriiyo ezitiro.⁶Omugendya akamugyaaku akamubhuriira,"kwaki ohindiri?Bhuuka!osabhe omutemi wazo!Hamwe Eryoobha ryaazo riratumeenya tutabhuura." ⁷Bhoosi bhakabhurirana muuze tuhookye gano turoore niwi hakuhookya gano gakutubhona.'Niho bhakakoora gayo,gayo gakahungukira kuu Yona.⁸Niho bhamubhuriri Yona,"Hakiriku tubhuriire niwi mwene bhusaarya bhuno bhukutubhona.Orahookya mirimooki na orwerehe?Ekyaaro kyazo nkiihe,na kureka kubhaatu bhahamatiki?" ⁹Yona akabhuriira,enye ni mwebrania;Nosi ndohobha Eryoobha rya mwisaaro,uno yakoriri enyanza na ekyaaro ekyoomu. ¹⁰Niho abhatu bhayo bhakobhoha bhukong'u,bhakamubhurira Yona,ning'aki ino okoriri?kwo okhuubha abhatu bhayo bhari bhamenyiri kubha ahang'osa mumeeso go omutemi,kwo okubha ahabha abhabhuriri.¹¹Niho bhakamubhurira Yona,Tukukorereki ili enyanza uturiire?kwokubha enyanza ehabha esrikiri buhong'u. ¹²Yona akabhuriira,mungwate mundekere munyanza.Niho enyanza erahorere kwo kuubha anyu,kwokubha nimenyiri kubha,kwokubha yane kuuba omukama guno omwaaru gurabhabhoona." ¹³Kugaayo abhatu bhaayo bharuuta emibhango kwo omukya korereki bhakyoore kukyaro ekyoomu,nawe bhatanagirye kukoreego,kwo kubha enyanza ehahaabha esarikiiri kuneebho.¹⁴Bhakasabha Omutemi,bhakabhuuga tarakusabha Omutemi,turakusabha otatutiiga tunyaharike,kwo okubha ya amang'ana go omutu uno;otaza kutubharara obhusarye bhwo okukwa kwaye,kwo okubha,awe Omutemi,okoriri kyeego wosegiiri. ¹⁵Mbe bhakamugega Yona,bhakamurekera munyanza,enyanza ekatiiga okusarika. ¹⁶Niho abhatu bhayo bhakobhoha Omutemi.Bhakamurusira ekimweso Omutemi no okutura endago.¹⁷Omutemi ahabha ateriho eswe ekuuru yo okumuniira Yona,Yona yahabha muunda Yeswe,siku isatu no orusiku rwa katatu.

¹Niho Yona akasabha Tatabhugya kuleka munda yeswe. ²Akahaya,Mbilikili Tata wane iguru we nyaako yane wosi akakyora;kureka munda ye kirima nikarira kwokusakiribhwa!Okanyigwa eriraka ryane.³Wari otasiri musi we kirionga musi wekoro yenyanzo na manzi ganyirugura;mabhoka gayo gosine ekahita iguru wane. ⁴Nikahaya,'nihebhirwe kubherekera bhwe zimoni zyane;nawe ndarorera kweki iguru werisengereryo ryazo erihoreru.⁵Amanzi gakakundikirya gakanyirugura hakuhi nerigoti ryan;kirianga kikanyirigura;mwani akorina omutwe gwani. ⁶Nkagya iyasi webhiguru;ekyaro na baa zikigarwa iguru wane milele.Nawe awe oturirye obhuhoru bhane mwiruma,Omukama,Tatabhugya wane!⁷Eribhaga ekoro ekasezeka musi yane,kabhirikira Tata;mbe,amasabhi gani gakaza,elibhaga. ⁸Bhosi bhano bhakwitegerera misambwa gano gatakwenderwa okwanga obhwigwani obhane obhwabhu obhene.⁹Kwokubha enye,ndakugwagira kweriraka ryokuzomya;Ndakora gano kirahira.Obhuhoru bhurareka kutata! ¹⁰Kimwe Tata akakerenya neswe,akaruka Yona iguru we ekyaro okyomu.

¹Ering'ana rya Tata nkamuhikira Yona eribhaga ryaa kabhiri arahaya. ²Bhuka, ogwe Ninawi, omughe omukuru,noobhabhurire amakerenio gano ndakutume." ³Mbhe Yona akabhuka akyagya Ninawi kwookusuka ering'ana rya Tata.Bhono Ninawi ehabhaomugye omukuru heene,ruhabha rugendo rwaa siku isatu.⁴Yona akakangata kusikira mwoosi woomugye naahano orugendo rworusiku akatirya eriraka,akahaya,"ezisiku mirongo ene Ninawi aranyaribhwa. '' ⁵Abhatu bhaa Ninawi bhakikirirya Eryoobha nookurarika okwigara.Bhosigo bhakibhoha ezingibho zya amagonera kurwa kuu mukuru anoomusuhu.⁶Hayo hayo amang'ana gakamuhikira omutemi Ninawi.Akimerera kureka kukitumbi kyaye kyee miringa,akarusya ebhoho ryare, akibhoha amagonera,akikara mubhabhu. ⁷Akarusya eng'ana yino ekabhuga gatigati yomugye gwo Ninawi,kwo obhunagya bhwo omutemi na kubhakuru bhaye mutikirirya omutu ntienyi,eng'ombe hamwe igandabhare bhatarota kigiro kyokyosi.Bhosi bhatarya nokunywa amanzi.⁸Nawe abhatu nezitienyi bhabhe bhakundikirihiwe na magonera bharire kweriraka ikuru kuryobha.Omutu ikyore nokutiga enzira yaye embihu nokureka gatigati obhubhi bhuno bhureho mumabhoko gaye. ⁹Niwi akumenya?Eryoobha riratura okuza nokukorya amisego gaye nokutiga obhutindi bhwaye obhuhari tutaza kubhura.¹⁰"Eryoobha rikarora kugano bhakoriri,bhakatiga ezinzira zabhu ezimbihu.Kwego Eryoobha rikakyosha amisego gaye iguru yokubhokya akabhabhurira ningabhakoreri,nawe atakoririgo.

¹Nawo rino rikambhihirira Yona niho akatinda. ²Niho Yona akamusabha Tata akabhugha,"Awe,Tata,gayo gatari gano nagahayiri kuruibhaga rino nakyoriri gati weesi yaane?Niho nikakora mbhwangu noo kusakya kuryara Tarshishi kwookubha nkamenya kubha awe Tatabhugya weribhando,webhigongi,atari mwaru woo kutinda,omwaru woobhuheene,noo okwanga enyako. ³Kuriyo bhono Tata,ndakusabha unisabhire obhuhoru bwane,kwookubha nobhuzomu wookukwa kutiga kwikara.⁴Tata akabhuga,heene, kubha otindiri?" ⁵Niho Yona akarokaho mumugye akikara orubhara rwaa mamurwoo omugye.Eyo akakora obhwikari no okwikara iyasi waye gati wekizururuniho anagye kurora omugye guragyabwi.⁶Tatabhugya akirabha omuti nokugukinia iguru waa Yona niho gubhe ekizururu iguru woo mtwee gwaye niho asubhye obhutaka bhwaye.Yona ahabha nobhuzomererwa bhukuru kwokubho yoo omuti. ⁷Nawe Tata akarosya mumakya etabhori,yino akaza⁸Ekabbha Eryoobha hano ryasomokiri etabhori,Tata akakora obhukama obhuhari bhwaa mamu.Niho,Eryoobha rikatema omutwe gwaa Yona akisegwa kukwa.Akibhurira hakiriku enye nikwe kutiga okwikara. ⁹Niho Tata akamubhurira Yona kwego niikisi enye kubha noo obhutindi iguru woo omuti.¹⁰Tata akabhuga agwabhiri omuti,guno atakoreri emirimo nawe gutakyoma.Guno gwameriri obhutiku noo okukwa obhutiku. ¹¹Kweego enye etazomeri okwabhira Ninawi,omugye omukuru,guno guna abhatu bharuigana rimuu naa mirongo ebhuri bhano bhatamenyiri obhwigani gati wookubhoko kwabhu kyoo bhuryo noo kubhoko kwabhu kwoo bhumosi,hamwe nee zing'ombe ezinzaru.

¹Lino ni eng'ana lya Yahwe lino likaza ku Mika mmorashiti kuzisiku zyaYotahamu,Ahazi,na Hezekia,omutemi wa Yuda,eling'ana rirya rino yaruzi kulingana na Samaria na Yerusalemu.²Mwitegerere emwe abhatu bhoosi,mwigwe ekyaro na byoosi bhinu bhirimu mukyaro.Mutige Yahwe amenyekereribhwe ku nwmwe ,Isabugya kurwera mwisengereryo ryaye eryeru. ³Rora, Yahwe araza kureka ahagiro haya;arituma hasi naukuhataza ahagiro higuru mukyaryo. ⁴Ebhiguru bhirazazanuka iyasi waye;Amarama garabharuka bhitinikabhinika ekimuri kyeriguta kubhukangati byo muriro,kya manzi gano gitikiri iyasi wekihingito chikari.⁵Gano gosi ni kwa mang'ana go obhitigi bwa Yakobo,na kwo bwusarya bwa elihuna rya Israeli.Awe ya bhanganihi kwo obhutigi bhwa Yakobo?Awe ya bhanga Samalia?Awe yabhanga ninganaki kuhagira iguru ya Yuda!AAwe tabhanga Yerusalemu?⁶"Ndaikora Samalia tumo yo obhusarya mumugundu kyelitinika ryokwemera emizalibu.Ndaruta amagina gerihuna ryaye kugenda mwirwma;Ndakundukura bhwemerw bywaye. ⁷Amahunduguru gaye gosi gokuzita garakozwakozwa bhitinkabhitinka;ne mibhano gyaye gyosi gogilio kibwyo na omuhiro kwokubha emibhano gyaye gyo orusimbe agakumiela,na amliho go bhusimbe garakyora."⁸Kulino nolalila no kusekelela;ndagendelerya bhusabhusa na king'abhi nilasekelela kya nyamubhwe na okusekelela kya nyahuni. ⁹Kwokubha ekidonda kyaye kitakuhora.kwokubha chihikili ku Yuda. Ehikili muliseku kya abhatu bhanu,tee Yerusalemu. ¹⁰Mutatiga okubhabhulila kung'ana ya Gathi;mtalila kweki.Ku Bethi Leafra nilahiringitya omwene muruteli.¹¹Muhite haguli no,obwikali bwa shafiri,kweking'abhi na eaisoni.Obhwikali bwa Zaanani garahuruka habhori.Obhusekeleli bwa Beth Ezeli, kwo obhulibhigagegirwe. ¹²Kwokubha abhikali bha Marothi bharaganya amang'ana amazomu,kwokubha okuhohobhera, kworuku kurwili ku Yahwe tee kukiseku kya Yerusalemnu.¹³Mibhigalile ezikobha engania duttu emotoka kyo farasi,Engama ya Lakishi.Ewe Lakishi ya bhange kubhutangi bhwamabhihu kumukya wa Sayuni kwokubha obhusarya bhwa Israeli gakororekana kunawe. ¹⁴Kwego oraihana orubhago gwokulagila Moreshethi Gathi;omugya gwa Akzibu orabhita emutima abhatemi bha Israeli.¹⁵Kweki nilaleta obhulizi kunawe,obhwikali bhwa Maresha;obhuzomu bha Israeli bulaza Adulamu. ¹⁶Sinza oruhara rwazo noosinze enzinzweli zyazo kwa abhana bhano okubhazomerya. Kora oruhera rywazo omwene kyaetai, kwa abhana bhazo bhano bharagye mubhubhagatwa kuleka kunawe

¹Tiga emwe bhana mukwenda okukora ambhihu kubhano bhariza kwenda kukorera kubhuriri bhwabhu kukora amabhihu.Bharakora etabhori kwakubha bhanezinguru. ²Bharigomba amahuna nokugagega;Bharabhatesha omutu etihuna ryaye,emutu nengabho yaye.³Kwokubha Tatabhugya arabhugego,"Rora,ndihaguhi opkureta enyako iguru wehamati hiyo ,yino mtakuza kugenda kwakigoti,kwokubha araza kubhaeribhaga rya umabhihu. ⁴Kwo rusiku ruyo abhahiri bhazo bharaza kwemba omwembho iguru wazo, akwaarama kwo akwaarama ghebhigongi,bharaza kwemba.Etwehabha ,Israeli twitirwe;Tatabhugya arageuza ahagiro abhatu bhane.Okubha orarirushahobhuhi kurwa kunenye?Harabhahana amarima getu okutugeuka. ⁵""Kwokubha,emwe abhatu abhanibhi mtakukza kubha urwibhuro kutwanikania ahagiro kwakutema ekura kusango ya Tatabhuya.⁶'Mutarota,"bharabhuga bhatakuza kutabhiri amang'ana gayo;amasoro gatakuza" Hene garaza kugambwa,,mwihona rya Yakobo" Hene ekoro ya Tatabhugya? ⁷Hene gano ni matemiyo gaye hene?"Amang'ana gane gatakwenderwa kumutu wumwe wuno akugenda agororokiri. ⁸Ezisiku zya hoguhi abhatu bhane bhimukiri kya abhabhi bhane.Murushirye erijoho,engibho, kurwa kubhano bhakuhita bhanu bhatana wasiwasi nabho,kyego abhasirikare kukyora kurwa kwirihi kukino bhakwisega kizomu.⁹Murabhahugya hugya abhakari bhane kubhatu bhane kurwa kwihuna erizomu,muragega orubhango kurwa kubhana bhabhu abhasuhu ezisiku zyosi. ¹⁰Mwimuke na mutanure,kwokubha hano hatari hagira hano mukunagya kwikwara,kwokubha nobhunyaka kabisa. ¹¹Kama omutu araza kunemwe kwe ekero yorubhehi nokung'ena nokubhuga,ninarota iguru wenyu kugambira amarwa amahari,"Yingaanagyire kuwazibhwa kubha nabii wa abhatu byayo.¹²Ndabhatura hamwe bhosigo,Yakobo.Obhuhene ndabhakumania amasagyo ga Israeli.Ndabhatura kyezingondu mwibhanza,kyamalizo gezing'ombe mubhirisho kuraza kubha nekitiri kwokubha abhatu bharaza kubhabharu. ¹³Omutu wuno akubhuna ariguru enzira yabhu okugyambere wabhu.Bhabomori kuhitira omuryango nokurwa igutu,omutemi wabhu arahita embere wabhu. Tatabhugya arabhaembere wabhu.

¹Nibhugiri'"Bhono mwitegerere ,emwe abhakangati bha Yakobo no okukangata enyumba ya Israeli,Etari bhuhere kunemwa okumenya obhuhene. ²Emwe bhano mukubhihirirwaamazomu no okusega obhubhihu,emwe bhano mkubhambhura amasero ghabhu,akubhuna amaguha ghabhu. ³Emwe bhano mukuurya emibhiri gya abhatu no okubhambhura amasero ghabhu,okubhuna amaghuha ghabhbu,no okubhakenyakenya bhitore bhitore,kwe enyama mukubhiga,kwe enyama mwihurira ekikuru.⁴Okumara enwe abhakangati murarira kuriobha,nawe ritakubhakyora,Arabhisa obhusyo bhwaye okurwa kunemwe eribhaga riyo,kwo okubha mukoriri amahokya amabhihu.⁵Eriobha rirahaya ego kubharoti bhano bhakukora abhatu bhane bharatamwa ,kubhano bhakubharisha bhararika,"Bhura hao obhunyeti'.Nawe kubhano bhatakutura akigiro muminwa gyabhu,bhareendera erihi ighuru waye. ⁶Kweego, bhurabha obhutiku kuremwa bhuno bhitana bhiroto iguru wenyu,erabha kirima mutanaagya okuroota.Eriobha riraagya hasi iguru ya abharooti,no orusiku rurabha kirima iguru yabhu. ⁷Abharaghuri bharatuurwa kuzisoni,abhareeri bharatamatama. Bhosigo barabhunda eminwa gyabhu,kwo okubha erikyooro ritariho kurwa kuneenye."⁸Nawe kunenye,nizuirwe ezinguzu kurwa kukoro ya Eriobha,niuzuirye obhuhene no obhyunaagya,okumubhurira Yakobo,obhusarya bhwaye,Israeli amakira ghaye.⁹Bhono mwigwe yino,amwe abhakangati bhe enyumbha ye Yakobo,abhakangati bhe enyumba ye Israeli,enwe bhano mukubhihirirwa ahene no okung'erererya ahene. ¹⁰Murayomboka Sayuni kwo amanyinga,Yerusalemu kwo obhubhihu. ¹¹Abhakangati bhenyu bharasinzira kwe ehongo,ambharoti mbhenyu bhareegya kwo obhutindi,amharoti bhenyu bhararagwa kwe ezihera.Kweego mukyariganyirira eriobha no okubhuga,ritariho eriobha na neetwa hamwe?Bhutariho obhubhihu bhuno bhukuuza iguuru wetu.¹²Kwo okubha yenyu,Sayuni erarimwa kyo omugundu,Yerusalemu erabha na etumoyo amarobha ,ne eng'ongo ya hekalu,burabha kye eng'ongo ya ebhisaka.

¹Nawe kuzisiku zyobhutero eraaza kubha ekiguru kyenyumbha ye Eryoobha guraturwa kisiguru ye bhiguru ebhindi.Guragororokibhwa iguru ye ebhiguru,na bhaatu,na bhaatu bharagugyaaku.²Ebhyaro ebhaaru bhiragenda nokuhaya."Muze,tugende iguru ya kiguru kye Eryoobha,munyumba ye Eryoobha rya Yakobo.Aratwegya ezinzira zyaaye,na turagenda kuzinzirya zyaaye".Kwokubha okureka Sayuni erihatike rirarusibhwa,nering'ana rye Eryoobha okurwa Yerusalemu. ³Arabhaganzurya gatigati yabhatu nokwamura obhuseegi na bhaaro ebhyaaru bhyakure.Bharotuura amasabh gaabhu kubha plauna amatimu gaabhu kubha emiohoro gyokutagania.Ekyaaro kikinura erisabha iguru ye kyaaro,nawe kubhukangati bwe rihi kweki.⁴Kweego,bharikara haamwe omutu hasi wo mzabibu na hasi yo omuti gwaye.Atariiho omutu wuno arabhakore bhobhohe,kwokubha omunagwe Eryoobha ryo msiriikaare guhayiri. ⁵Kwokubha abhatu bhoosi bharaagya,kiwumwe,kurina ryeryoobha ryaaye.Nawe etwe turaagya kwerina rye Eryoobha ryetu kiraka na kiraka.⁶''Kurusiku ruyo"agambiri Eryoobha,"Ndamukumania wuno akuhegara no kumukumania wuno ahebhuiirwe,bhano,bhaari mbanyakirye. ⁷Ndamukyoorya wuno yaari akuhegera kumasaagyo,na newe yarekerwe kukyaaro ikikong'u,na nenye,Eryoobha,ndabhakangatya iguru yaabhu gati webhiguru bhya Sayuni,bhoono na kiraaka. ⁸Araabhe kunawa,Ekisoonge gwesa gweri hiizo,ekiguuru kyo muukya gwa Sayuni-guraaza kuneemwe ,obhukangati bhweenu bhwe kaare bhurakyoriibhwa,obhutaake bhuuno bhanobhakwangirirwa no muukuja wa Yerusalemu.⁹Bhoono, Kwaki orateema akitiiri kweriraka ryiguuru? Atariiho omutaake gatigati weenyu?omukutongeeri waazo akuuri? Kwaaki obhusungu bhukugwatiri kyomukaari wuurya akwibhuura? ¹⁰Noobhe no bhusuungu bho kwibhuura ili wibhuure,omuukya wa Sayuni,kyo mukaari wuuno anabhusuungu.Kwabhoona orahuruuka iguutu yo muugye,nokwikaara mumuguundu,nokugenda Babeli.Eyo oraryoorwa.Eyo Eryhoobha arakuryoora okurwa mumabhoko gabhabhihu.¹¹Bhoona ebhyaaro ebhyaaru bhyikumeenie iguru yazo;bharabhuga;'Ateerwe kubhunyaaka;ameeso genyu garorere Sayuni". ¹²Omurooti arahaaya,"Bhatamenyiri amiseego gwaaye,kwookubha bhabhakumeenie kyamakanda gakuhurwa esimiiti.¹³Eryoobha rihayiiri,"Imerera no ohuure,omuukyawo Sayuni,kwookubha ndarukoora oruheembe rwaazo kuubha ekyooma,na ndazikoora ezikuruutwa zyaazo kubha eshaba.Orakooza abhaatu bhaaru.Ndabhatuura kubhusinduri obhubhi bhwaabhu kuneenye omwene,Eryoobha,omukong'erya zyaabhu kuneenye,Tatabhugya weziisi ngiima."

¹Bhoonemuze mubhe hamwe mukore amagori ge erirwana,omuukya wa abharwani;abharwani bhinogorirye omugye,kwo orurigi bharamutema omutwanikania wa Israeli kutana.²Nawe awe,Bethlehemu Efrata,ingabha awe ni musuuhu mubhatu bhe ekisyooka kya Yuda,kureka kwaawe owumwe waho araza kwinye abhagate Israeli,wuno obhutangi bhwaye ni kurwa kwibhagarye ekare kurwa kimera. ³Kweego Eryoobha arabhaha,eribhaga rya wuno akwigwa obhusungu okwibhura omwona,na amasagyo ga abhahiiri bhaaye garabhakyora ku obhana bha Israeli.⁴Arimerera na okurisya erihizoryaye kwe ezingiru zya Tatabhugya,Kwo obhunagya bhwa obhusimuka bhweerina rya Tatabhugya Eryoobha waye.Bharikara,kwookubha arakumuka tee obhuteero bhwe ekyaaro. ⁵Arabha bhuhoreru bhwetu,Eriibhaga rino Abhaashuru bharaze mukyaaro kyetu,no okugataza amanyumba getu,hayo murarusyaho abharisya bhe emitugo muhungati iguru wabhu,na abhakangati bhanane.⁶Nabho bharasarya ekyaaaro kya Ashuru kwoobhwooge bhwoomuhyo,ne ekyaro kya Nimrodi kubhisyoko bhyaye;awe aratutuurya no Omuashuri,hano arasikie mukyaro kyetu,no okutaza muzitunga zyetu. ⁷Amasaagyo ga Yakobo garabha muzihamati zya abhatu bhaaru,kyoorume runorukurwa ku Tatabhugya,kyoobhususu kubhunyaaki,bhuno bhutakuganya mutu,bhutakuganya bhaana bha abhatu.⁸Amasagyo ga Yakobo garazakubha mubhyaaro,Mubhatu bharu,kyeendwi gatigati wa erihizo rya amang'ondu.Eribhaga rino ekuhita gatigati wa amang'ondu,aragataza iguru wago no okugarandura gabhe mabhaara mabhaara,atakubhaho mutu wa kugatoora. ⁹Okubhoko kwazo kuragororokibhwa iguru wa abhabhisa bhazo,orabhasarya.¹⁰"Kweki arabha kurusiku ruryo,arabhugha Tatabhugya,nirazyangira kure ezifarasi zyazo zireke kuunawe,nanenye ndagasarya amamatoka gazo geerihi. ¹¹Ndasarya emigye mukyaro kyazo,nookugwisha ezinyiki zyazo zyoosi.¹²Ndasarya obhurogi mumabhoko gazo,bhatakubhaho bharaguri kweki. ¹³Ndasarya amahundugugru gazo ga mwibhegi ne ezitimu zya amagina kureka kwaawe.Otakusengerya kweki obhukaari bhwa amabhoko gazo. ¹⁴Ndiha ezitimu zyazo zya mumiti gyokusengeramu emwe,ndasarya emigye gyenyu. ¹⁵Ndariha ekisiiyomba kwo obhururu no obhutindi iguru weebhyaro bhino bhititegereeri.

¹Bhono mwitegererya kino Yahwe akuhaya gororoka na werekye ekina kyaazo mubhusyo bhwe ebhiguru,tiga ebhiguru bhigwe eriraka ryaazo. ²Mutegerere amasabhi ga Yahwe,amwe ebhiguru,na emwe abhatangi abhikong'erera bhe ekyaro,kwo okubha Yahwe arigumirirya hamwe na abhatu bhaye,na aritana mwisinziro iguru wa Israeli".³Abhatu bhane,nikoriri kunamwe?Nibharosirye karinge?mwerakye iguuru wane! ⁴Kwokubha nabharetiri kurwa musi ya Misri,na kubhaturya kureka munyumba yo Obhughati ndabhatuma Musa,Aruni na Mariamu kunawe. ⁵Abhatu bhane, muhite kyego Balaki omutemi wa Moabu kyego akisaga,na kyego balamu omwana wa Beori akamukorya kyego ohabha okugya kurwa Galgali,kwego muratura kumenya amahokyo go obhuhena bhwa Yahwe.⁶Bono ndeteki ku Yahwe,hano kugya kumuhigamira Tatabhugya wuno ari iguru?Bono ndatura kugya kunewe na ebhimweso bhyokusarya,hamwe na ekimori kyo omwaka gumwe? ⁷Bono Yahwe arazomarererwa na abhikwi bhya ezing'ondu ezisube,na bikwi ikumi bya emyaro gya amaguta?Bono nimurusye omwibhurwa wane mutangi kwiguru wa obhusarya bhwane itunda rya omubhiri gwane iguru wo obhubhi bhwane omwane? ⁸Akubhuriri,mutu kimo kiri kisi,na kino Yahwe akwenda kureka kunawe:kukora ahena,kukora obhuzomerwa no okugenda kwo kwiraramera hamwa na Tatabhugya.⁹Eriraka rya Yahwerikarauka kumugye-tee bhoono okusuka kwikirirya erina ryaazo:"Ikara haguhi kuzihimbo,ku wuno ayibhikiri. ¹⁰Buriho obhunibhi muzinyumba zya abhabhihu abhasarya ne ekirango kyo obhubehi ni bhusarya bhukuru.¹¹Ninganagirya kumuhikirya omutu kubha atana bhubhi aribha arakorara ekirango kya obhung'eni,hamwe na ekiguzi kya obhung'enererya? ¹²Abhamibhi bhizwiri obhubhibhu,Emigye gyabhu girahaya obhubhehi,no orurimi rwabhu muminwa gyabhu obhung'enererya?¹³Kwego nikutemiri akitemo kinokikunyahara,nikukoriri ituturi kwo okubha yo obhubhi bhwazo. ¹⁴Oraza kurya nawe otakwiguta,eking'ambhi kyazo kirasagha mwosi wazo.Orabhika emirigo kura nawe otakugikakong'era,na kino okukong'erya ndakirusyaha kwerisabha. ¹⁵Oranya nawe otakugasa,orakumania zaituni nawe otakwihaka maguta,orakora ezabibu nawe otakunywa edivai.¹⁶Migiro ginogikorirwe na Omri zibhikirwe,na amahokyo goosi ge nyumba ya Ahabu-muragenda kwa maragiriryo ghabhu,kwego ndakukora awe,mugye,ituturi,na bhwikari bwazo ng'ana yokukumurwa,na muragegha kirage kya abhatu bhane,kwa bhwobha,Yahwe Tata wetu,na bharobhoha kwo okubha yaabhu.

¹Ni iguru yane!enye ni kwibhaga rya erigesa hano gwahwiri na amasagyo gaa erigesa rye ezabibu kwenye kuumugundu gwee emizabibu.kitareho amatundugura kunokukirorekana,gatareho matini ebhakurya byoo obhutongore yiino nkurohererya. ²Abhaatu abhaheene bhabhuriri okurwa kuu kyaarao,atareho omuutu omuheene abhatu bhoosi,bhoosi bharang'ena kuganya kwitira amanyiinga;kila omutu arabhweema omuhiri waye kwooruwaya.³Amabhoko gabhu ni mazomu kwo okukora amabhihu.Omukangati arabhurya ezihera obhusinziro abbheri kuu hongo,no mutu we ezinguru arabhabhurira abhaandi kino akwenda kubhoona.Ego niigobhakukorwa kwa hamwe. ⁴Omutu omuzomu kunebho ni kyee miteemba.omuheene bhukong' nikyoo omuti gwaa amahwa.Ehikiri orusiku runo rwahaireinyuma wa abharibhi bhaazo,orusiku rwee obhusinziro bhoono ni ibhagha rya obhubhihirirwa.⁵Mtamwikirirya omunyarobho otamutuura omkangati kumunyaroobho wowosi.Mubhe bhaheene kuukino mukihaya hata kumukari wuno akung'ee na kumabhoko geetu. ⁶Kwookubha omwaana ukumsukya waso wabhu,omuukya arimuka okumuhiga na nina waabhu,noo omukari woo mwana wee kisubhe okumuhiga ni inyibhwaara waaye.Omubhi wa abhaatu ni abhaatu bhee enyuumba yaye omweene.⁷Nawe kama enye, ndamurora Yahwe.Niramuganga Tatabhugya kwoo obhuhoru bhwaane;Tatabhugya arasankirya. ⁸Tigakuzomerwa iguru waane,hano kugwa, ndimuka.Hano ndaabhe nikeeri mukirima Yahwe arabha obhweru bhwaane.⁹Kuno nikoriri ebhibhi kuu Yahwe ndagega obhururu bhwaye anisasamire amasaryo gaane na kwikirirya obhusinziro kurwa kuuneenye.Aranihira kuu bhweeru na namurora aranororya kuu heene yaye.¹⁰Hano omubhisa waane akurirora riyo,ne ezisoni ziramukindikirya wuno amburiri,"Yahwe Tatabhugya ari hayi?"Ameso gaane garamurora;Aratazwa haasi kya amatoto muroobho.¹¹Orusiku rwoo okwomboka orugito zirahika;Orusiku ruyo orutungo rurisukibwa kure bhukong'u. ¹²Orusiku ruyo abhaatu bharaaza awaazo,kurwera Ashuru noo omugye kurwa Misri,kurwa Misri hata enyaanza ekuru,okurwa munyaanza kugya munyaanza,na kurwa mkiguru kugya mkiguru. ¹³Ebhwaaro bhiiyo bhirabha bhiyahuri kwoo kubha ya abhatu bhano bhakwikara eyo.kwookubha ya eritunda rya amahokyo gaabhu.¹⁴Riibha abhatu bhazo kwee chimbo yaazo.chamati ya engabho yaazo.Bharikara abhenegho mubhisaka,gatigati mubhisaka.Bharibhe Bashani na Gileadi kyee ezisiku zakure. ¹⁵Kuu orusiku eribhaga rino mwahurukiri habhoori ekyaaro kyaa Misri ndabherekya ekiruguro.¹⁶Ebhaaro bhirarora nookubha nee ezisoni za amanaga gabhu goosi.Bharatura amabhoko gabhu kuu mionwa gyabhu.Amatwi gabhu garagha maribhwu. ¹⁷Bharameesa oruteri kyee enzoka,kyee ebhitaango bhino bhikwigara iguru wee ekyaro.Bharakora igutu mwibhuguta kwoo obhwobha bgharaza owabhu.¹⁸Niwewi Tata kyanawa,awe wunookugega obhusarya,awe wuno okuhita iguru wa amasagyo go omughabhi wazo?Otakubhika ekoro yazo tee,kwo okubha osegiri kwerekya amikiriranio gaye go obhuhoru.¹⁹Kweki orabha nebhigongi iguru wetu;oragataza amabhihu iyasi wa amaguru gaazo.Orarekera obhubhi bhwetu bhwosi iguru we enyanza. ²⁰Oramuhana obhuhene Yakobo na iragano iya obhuhene ku Aburahamu,hano yakirirya kubhasukuru bhetu ezisiku zye ekare.

¹Amitegerero kuninawi Ninawi.Ekitabhu kya amitegerero ga Nahumu,Mwelkoshi.²Yehova nieriobha rye erihali araliha kisuhu,Yehova araliha kisuhu izuri ekoro yobhutindi;Yehova araliha obhubhi kubhubhi bhaye,no kugendelelya obhutindi bhaye kubhabhi bhaye. ³Yehova anaezinguru nzaru kwobhungohu bhwobhubhi;arabha wono akutiga kubhabhalila obhubhi bhwabhu Yehova arakora enzira yaye kubhukama bhwa kiramumbi ekibhihu,nakwisaro niruteri rwa maguru gaye.⁴Kukuirekie eng'ana na kuikora yome,eromemya emiaro gosigo.Bashani ni ndege,na Karmeli yosi;ebhibhario bha Lebanoni ni bhiregu. ⁵Ebhiguru bhirarigita kubhukama bhwaye,ne echiguru bhiranywelela;mukiaro bhiragwe ukukangati bhaye,hene ekiaro nabhatu bhosi bhano bhakwikara mosi yabhu.⁶Niwi akunagia kumelela mubhukangati bhue koro yaye?Niwi akunagia kurekia obhuhali bhekoro yaye?Ekoro yaye yitiriwe kyo mulilo,na amatare anyamwiri kurekure.⁷Yehova muhene,elikandasi gati kurusiku rwenyako;na newe nimuhene kukbhalia bhakumulilila. ⁸Nawe erako ombhusinziro bwa abhabhi bhaye kukwizura kwo kwobhohiya;arabhabhwema mukilima.⁹Abhatu bhalisega eki ku Yehova?Gue alatina;enyako etakwimuka rwa kabhili. ¹⁰Kwokubha bharabha bhasereni kyo muti;bhalazagazibwa ne kigiro kiyobhaguguza ekiabhu abhene;bhasaribhwa hene no mulilo kye elitina rya elikubherere. ¹¹Omutu umwe akabhuka gati kunetwa,Ninawi wono akara obhubhi ku Yehova,omutu wono abhamarira obhubhi.¹²Ego nigo alahaya Yehova,''Kwokubha bhana managa gabhu bhisiri kubhayo bhayo bhisiri,kwokubha bharabhamwa,abhatu bhabhu bhatakubhaho kweki,niho awe Yuda: kwokubha bhakonyiri,ntakukukonya kweki. ¹³Bhuno naibhuna bhuri obhugogwe bya bhatu kurwa kunewe;ndatina ezibhioma bhiazo.¹⁴Yehova ahairi asingirire iguru yazo,Ninawi:Atahenderwa rhwibhuro kukugega elina ryaye.Ndazirekia erihunduguru rino ribhazirwe no kuzirushaho ihunduguru zebhoma kurwa muyumba za maguru gaye.Ndatuka ezimbhihira zenyu kwo kuzera kwenyu.¹⁵Lora iguru webhiguru amaguru gomutu alaturetera amang'ana amazomu,wuno akorarika obhusegi!Tuliryatire ezisikukuru zyetu,Yuda,tubhike obhuhene bhetu,kwokubha omubhi araza kututakia kweki,agiri kimwe.

¹Wurya wuno yendiri bhitinika tinika.Noriibhe erinyiki zyo omugye gwaezo.Noriibhe na ezinzira,mwiheene amanaga emwebheene,mugakumanie amajeshi genyu. ²Kwokubha Yehova akyoriryo obhukuru bhwo Israeli,abhabhisi hano bhakugega ebhigiro bhakabhisarya na amasangasha ge mizabibu gyaabhu.³Ezingubha zya abharwani ni nkangaru n abhaatu bhatari abhoobha,mbibohiri amibhoho amakangaru;ezimotoka zyaabho zyo okwitanira m bagateeri kisi kwo kwitana garamesyamesya ebhyooma bhyaaye kwibheryo omubheso,na amatumu ge mivinje garalashibhwa iguru. ⁴Ezyimotoka zyerihi ziraryaera kumanaga muziroobho;ziraryaera embere na enyuma muziroobho zereho nkyezitaro,ziraryaa nkyo orokabhe.⁵Wurya wuno akukubhuna bheteneketeneke arabhabhirikira abhataake bhaaye;mbariitema kwo wumwi waebho kwo mrikyaaye kworugeendo rwaebho;Baranghohya kutema enyiki yo omugye.Engubho ekuru yiturirwe kukwingera abhebhisa.⁶Ebhishooko kubhitaaro mbihatikiribhwe okwigorwa enyumba yo omutemi ekagwa ku mabhihu. ⁷Husabhu bhakamteesha amibhoho gaaye no okugegwe;abhatomura bhe ekikari nkukira bhakurira nkye ebhiguuti,bheritemo temo kuubhikubha bhyaebhu.⁸Ninawi kyo omwaaro gwa amanzi gakusororoka,abhaatu bhaaye kwobhumwe nkung'osobhari nkya amaanzi gakumugeri.Abhaandi bherahaya.''Imerera,Imerera'', nawe ataroho wuno akwikyoora embarika. ⁹Bhateeshe ezimpirya,bhateeshe ezizahabu,kurokubha gutaroho obhuteere bhwaye kwo obhwame bhwo Ninawi no obhuyomu bhwaye. ¹⁰Ninawi eribhusa no okusaribhwa.Ekoro yo muutu wowosi yasanziri,amaru go muutu garatemwa ageenigo,omutu wowosi agwatirwe no obhururu;obhushu bhwabho kyo wumwi bhurasuuka.¹¹Boono rirehe eribheghi rye esuuzi,ahagero hano amabhunde ge esuuzi gakurya ebhyaakurya,ahagiro hano esuuzi enkari na ensubhe zikutaarira hagiro hamwo no omwana-we esuzi, hano bhataturiri ekigiro kyokyosi? ¹²Esuuzi ekatarandura ebhweemo bhiino yaari kubhweeme bhitimika bhitimikakwookubha ye amabhunde gaaye;ekahohakania amabhwemo gaaye kwokubha ya abhakeaye,nokwizunya eribhegi ryaaye amabhiemo,amikaro gaaye kwibhiku bhino bhibhwemirwe.¹³''Rora,enye ntarihagiro hamwi na neewe rino na ering'ana rya Yehova wa abhasirikare.Ndazyokya ezimoota zyeenyu zye riihi kwu mooki,na erisabha rerakenyakenya ezisuuzi zyeenu zinsubhe.Ndarekya ebhigiro bhino mkugega kukyaaro kyaane na ameraka ga abhatomwa bheeryu mtakuzigwa kweki.

¹Mwangarare omugye guno gwizuuri amanyinga!Bhoosi bhizwiri obhubheehi ne ebhigiro byo obhwibhi;bhenyaako bhari kwewe. ²Riroho eriraka rye emijareti na eriraka ryo okutemenia amatairi,ezifarasi zirabhina,nezigaarizye erihi ziratumatuma.³Bhareho abhatiiri bha kuzifarasi bhararwaana,emiliyo gurabhiiri,amatimu garanyeregeta,ezitumo zya abhaku,bhaku bhaaru;mibhiri myaaru,ebhitundu bhyaaru bhitana mwisho,Abharwani bharitema iguru waye. ⁴Ino eraza kwokubha ya amahokya go obhurohererya bhwo omusimbe omuzomu,uno amenyiri obhuturutumbi,uno akugirya ekyaaro kwa obhusimbe bhwaaye na abhaatu kwe ezinzira zya amahokya gaye ge ekiroogi.⁵Rora, enye ntari hamwe na nawe-rinoni ing'ana rya Yehova wa amahi-esketi yaazo ndaigororokya iguru wo bhusho bhwaazo na kwerekya eking'abhi kyaazo kubhaatu,ezisoni zyaazo kumutemi. ⁶Ndatasa obhuchaafu bhwo okutindya na okukora obhe mubhiihu sana.Ndakukoora obhe ni mutu wa kumahirirwa na kira uumwe. ⁷Erabha kubha kira umwe hanoakukumahirriira arakung'osa arabhugha,''Ninawi asarikiri;niwi akakwarama kwewe?ndamubhonehe omutu uno akukuhonia?⁸Ninawi awe ni muzomu orakilra Noamoni,guno gwombakiirwe iguru wo mwaro gwa Naili,guno gwaari gwinogoriirwe na amanzi,guno gwari gukukribhwa na enyanza,guno orugito rwaye rwaari ne enyanza eyene? ⁹Ethiopia na Misri gahabha managa gaye,no obhuteero bhwaye bhutahabhooho;Putu na Libya bhanga bhasani bhaaye.¹⁰Kwego Noamoni akagegwa;akagya akagwaatwa;abhana bhaaye abhasuhu bhakatimwa matinika matinika gatigati mwe erobho;abhabhi bhaaye bhakatema ezikura kuubhatu bhaaaye bhano bhakusuka abhakuru bhaabu bhoosi bhakabhohwa. ¹¹Awe wosi oragwatwa;orasaka kwibhisa,orakomya hokuryarara kureka kubhabhihu bhaazo.¹²Ezihama zyazo zyoosi zirabha kyoomutini guno guna ezitini zino zinogiri bhwangu:hano zikusingisibhwa ziragwa mumunwa gwa uno akurya. ¹³Rora,abhatu bhano tunabho mbakari;ebhiseku bhye ekyaaro kyaabhu bhiguurwe kwokubha ya abhabhihu bhaazo,omuriro gusarirye ezichapi zyaaye.¹⁴Nogye otahe amanzi mwigobhe rino rinogoribhwe;bhaga ezimbhago zyaazo;nogye mumarobha otaze obhutoto;okonye kwokubha yaamatafari. ¹⁵Omuriro gurakurunguurya,omuhyo gurakwita. Oranyaribhwa kye ezinzigi ezisuhu kyego zikunyarya kira kigiro.Emwe abhene mwikore kubha abhaaru kye ezinzigi ezisuhu,na bhaaru kye ezinzigi zino zikiniri.¹⁶Wongerye abhakori bhebhyasara bhaazo bhaaru bhakiriri ezinzota zya kwisaaro;bhareho kye ezitunutu,bharagega ekyaro bharagya nakyo kure. ¹⁷Abhatemi bhenyu bhareho bhaaru kye ezinzigi,na abhakuru bhenyu bhe erihi nkye ebhidudu bhino bhikumenie kurugito eribhga rye embeho.Hano omubhaso gukubhare bhirabhururuka kuure hano hatamenyiirwe.¹⁸Omutenmi wa Ashuru, abharisha bhaazo bahindiri; abhatumwa bhaazo bhahindiri hasi bharamunya.Abhaatu bhaazo bhanyarageni mukiguru,atareho hata umwe uno akubhakumania. ¹⁹Bhutareho bhuhorya bhunu bhukungaye kubhidonda bhyaazo.Ebhidonda bhyaazo mbikuru.Bhano bhakwiigwa amang'ana gazo bharatema ezikubhikwa bhuzomererwa iguru wazo.Ni wewi atigiri obhubhi bhwaaye bhwoosi.

¹Omtumwa uno habakuki omtemi akikirirya, ²Tatatabhuga kweribhaga rihe nikakuriria otanyigwiri?Nkuriri awe kumkindo,'changa' otakunturya.³Kwanki orankora ndore amabhi nokurorera amatemwo mabhihu.Amasaryo nehanga bhirimbere wan;ikunerihi Obhuigani kugororoka. ⁴Nawe emigiro emirosu etakuhwa, kweribhaga ryoryosi ryobhubhi; wiruguriri nehene ritakuhwa nawe nehene yorurimi erabhura "Tatabhuga" akamwora habakuki⁵Rorerera ebharo obhasakwe; kurugura! kwokubha ninaobhuhene kwokukora ekigiro kuzisiku zyabhukwo kurohererya hanondabhurirwe kwimwe. ⁶Rorererya! ndisuka kuzinyumba zinozitari zyabhu. ⁷Bhanakubhi nobhobha;obhusinziro bhwabu obhuzomu kureka kunebho bhuragenderera.⁸Farasi bhabu bhanendaryi kuhita engwe,obhangubhe mbwa bhamwitiriko nengorobha. Farasi bhabhu okubhamohya, nokutira farasi yabhu bharaza kureka kure yino ekwisunga kwetai yino ekwanguha okurya. ⁹Bhosi bharaza kwe hanga;amahizo gayo garagya kyobhukama bhwa mwitirigo,bhakakumania abhabhohwa kwomchanga.¹⁰Kubhazera abhatemi nabhakangati nokubhazera.Okuseka elighobe, kukumania eteri nokurushaho. ¹¹Niho obhukama bhurahite;elagendererya kuhita-abhatu bhano obhunagya bhwabhu nikutatabhugya"Habakuki aramubhurya Tatabhugya swali elindi.¹²"Awe otari wobhukati bhekare,Tatabhugya wane uno Onuhoreru? Etwe tutakukwa.Tatabhugya akabhahura nobhusinziro, nanemwe,Elitare, ogumirye.¹³Ameso genyu nimarabhu kumagamaga iguru webhibhi otakunagya kurerera amatemyo amabhihu kwamazomu.Nikwaki murarorera nomung'ahiriro iguru wabhano abhiti kwaki okukira obhukati bwobhusaryo oranagya kubha bhobhuheene iguru waabhu? ¹⁴Orabhakora abhatu kyeziswe munyanza,kyebhigiro bhino bhikwagura bhitana mkangati iguru wabhu.¹⁵Ebho bharabhareta bhosi kumarobho;bharabhang'ura abhatu kumitego gyeziswe kubhakumania bhemitego gyabhu. Kyokugirya bharazomorerwa nakutema ekitiri,kwokuzomererwa. ¹⁶Niho bhakarusha ekimweso kumitego gyabhu, kuzitweni ezikuru nenyama enuru nebhakurya bhyabhu. ¹⁷Niho bhakamara emitego gyabhu gyokutegera kugenderera kuchicha ebharo bhirakwigwa ebhigongi.

¹Ndimerera kuutimu yani yomuribi no kwitura omwene iguru yo omunara gwetara,gwomuribhi nandarora kwakisi kurora ewe arahaya arahaki kunenye na kwighabwi ndikiora okurwa kumasaro gani.²Yahwe anikiora no kuhaya,"kugega ebhiroto bhino,no kame mwasiguru wo rubao kwokubha wuno akusoma arajia okuryara. ³Kwokubha ebhiroto bhino nikwibhaga rino rikuza kwego aragamba nawe atakugwa.Erabhe erakezera,iganye.Kwokubha ebhuhene bhuraza ne etakukezera.⁴Rora! wuno ahabha nenaamba yaye etarikisi mosi waye arahezera kwanguru.Nawe wobhuhene arikara kwobhweru. ⁵Kwokubha amarwa garasaria omumurawe kisubhhe kwokubha kwikong'ererya nawe arakinio omugono gwaye kyembihiira kiego oruku,etakunagia kukyoribhwa.Ewe arikumaniria ekiaro nokukumania kunewe abhatu bhosigo.⁶Gano gosi gatakukora obhugambi kumwigwa ne ryeembo kuzahana wuno gukumutunia,nawe awe wuno okwongeria bhitari ebhiaye!kwi bhagaki orongeria obhurito ezamana yiino wagegiiri? ⁷Bhaano bhakuganyiriira kunawe bhatakwimerera bhwaangu? na bhaarya bhaano bhakukurigiitya okwimuuka?Oraabha omurweeri kuneebho. ⁸Kwokuubha akagwaata okugwata abhaatu abhaaru,amasaagyo gosi ga bhaatu, garakugwata okugwaata awe.Okuubha wiitiri amanyinga amaaru okoriri kwo kutiiga obhumosi yekyaaro,emiigiye, na bhoosi bhanabhakwikara mwoosi waaye.⁹Nawe kuwuurya akubhaaza ebhinyoorwa amabhiihu kwiguuru yenyuumba yaaye,engo aranaagya okukoora ekinyuumba kyaaye iguuru okumtuura awe kiisi kuure nokubhoko go bhubhiihu. ¹⁰Otangiiri ezisooni kunyuumba yazo kwo kubhasiiza abhaatu bhaaharu,na akoriiri ebhibhi iguuru yaazo omweene. ¹¹Kwokuubha erigiina riratiirya eriraaka okuurwa kurugiito,Orusara ryezimbao rikabhakyoora,¹²'Naawe wuurya akwoomboka omuugye gwamanyinga,nookugumirya omuugye kubhubhiihu. ¹³Yiino etakureeka ku Yahwe wa bhasirikaare kuubha abhaatu bhakoore emahookya kwomuriro nebhyaaro bhyoosi ebhiindi bhirasariika ageene gataana kigiiro. ¹⁴Ekyaari haasi okwizuura obhung'eni bhwobhuuzomu bhwa Yahwe kya maanzi kyeego gakwizuura enyaanza.¹⁵'Tiga ewe wikurya akukoora omunyaarobho waaye agwaatwe,awe wuunu okwongeerya eryoogo ryokwiita orakoora agwaatwe naawe onaagye okuroora eking'aabhi kyaabhu. ¹⁶Orabhimba nezisooni kukiraaho kukiira obhweera.Noonywe yiiyo egoego,ndasuurya eking'aabhi kyazo awe.Ekiseezo kyokubhoko kwobhusuubha bhwa Yahwe bhuraaza okwikyorera awa, nezisooni zikakundikiirya obhusuuki bhwaazo.¹⁷Erihi rino rikorekiri ku Lebanoni erakukindikiririano kusaria kwa maatienyi kuraza kukukwobhohia kwokubha witiri amanyinga gabhati nokoriri bhuhibhu gati we esi,omigie,nabhosigobhano bhakwikara muuyo.¹⁸Erihunduguru rino ribhazirwe rirakusakiriaki?Kwokubha wuno aibhaziri yiyo,wuno kuyikora kwookwiyaga amagano gooruvumi no mwegya mubhehi;Kwokubha araikirirya emirimo gya amabhoko gaye hano akukora amasambhwa gino gitakugamba. ¹⁹Nawe kuwuno akubhurira orubao,Bhuka!Hamwe erigina rino ritakugamba,Bhuuka!'Ebhigiro bhino bhirigia?Rorerera,kino iguru kikundikiribhwe ku dhahabu neezibhira,nawe mosi waye kitakuhezeraheene. ²⁰Nawe Yahwe arinu gati werisengerero riaye ryo bhweeru!esi yosi ebhe ekirirenie mubhusyo bhwaye.

¹Masabhi ga Habakuki omurotui: ²Yahwe,nigwiri ezyisi zyazo,naanenye ndobhoha.Yahwe kuryora emirimo gyazo gatigati weribhaga;gatigati ye ribhaga rino;okore ego emenyekane;ohite kubha ne ebhgigongi gati obhutindi bhwazo³Tata agaza kurwa Tamani,na wurya omuhenee kurwa Parani. Sela.Obweru bhwaye bhuzijikundikirye erisaronesesi ekabha yizuri obweru bhwaye.⁴Orurare rwomurisi bhiri gya amabhoko gaye gahabha kikanyeregeta kyoo mweru,noobhunagwa bwaye bhukabhiswa. ⁵Obhurweri bhookwita bhukakangata embere waye,na enyako ekagafuta amaguru gaye.⁶Ewe ekimerera nookurenga esyee;akarorerera nookurigitya ebhyaro.Nihi ebhiguru bhyakiraka bhikasyaribhwa bhukong'u,na ebhiguru bhyakimera bhikagwa hasi.Enzira yaye na kimera.⁷Nkarora amatundubhare gaa Wakushi gati enyako neebhitambara bhya matundubhare gati Midiani bhirarigita. ⁸Yahwe ahabha noobhutindi mumwaro?Obhutindi yaye ahabha iguru ye miaro,hamwe obhutindi bhwazo iguru wee nyanza,hanookutira iguru wee farasi bhye mikokoteni noobhushindi bhwaye?⁹Oretiri obhuta bhwazo kwego omufuniko;oratura omibhwe kweego obhuta bhwazo! Sela.Okatwanikania esyee nee myaro. ¹⁰Ebhiguru bhikakurora awee orikyororesya kwo bhutindi. Amanzi ganogakitirwa iyasi gakahita iguru wabhu;obhutambi bhwee enyanza kakarusya eriraka.Amabhoka gaya gakabhuka iguru.¹¹Eryoobha noomweri bhikimerewra bhukongu iguru ahagirihaye gati wobhweru bhwe emibhwe gyaye naa alarahira,harya gati obhurabhu bhoo bhurabhu bhwa amatimu gaye. ¹²Ogendiri iguru weesi kwo obhuru.Gati obhutindi oharuri ezyisi.¹³Okagya iguru kwo obhuturya bhwa abhatu bhazo,kwo obhuturya bhwoo musorwa wazo. Awe kozakoza omutwe gwe nyumba yoo mubhi okutura mwazi obhwemero bhwe erigoti.Sela.¹⁴Okagyokya omutwe gwa abhitani bhaye kwo omubhwe gwaye omwene kuwo kubha bhakaza kyoomukama kutunyaragania etwee,omugono gwabhu guhabha kyoomutu wuno arikirirya abhataka ahagiro hobhwibhisi. ¹⁵Ogendiri iguru wee zyinyanzo kwee farasi yazo noo kugahita amanzi amakuru.¹⁶Nkigwa,mwoosi wane nkarigita! eminwa gyane ekarigitya eriraka.Obhubhoru bhukaza gati wamaguha gane,naaiyasi wanee omwene nkarigita nookuganya orusiku rwookurugara ruhike iguru waa abhatu kuturwaniza etwe.¹⁷Ingabha omuti gutakusebhuka nookwibhura kurwa noo mzabibu,nookubha okwibhura omuti gwo mzaituni gitakunzomera neemigindu gitakurusya ebhyakurya; emitugo gyarwiroho neetaroho eng'ombe mwigo,kino nikyondakore.¹⁸Kweego ndazomererwa Yahwe.Ndabha no bhuzomu kwookubha Tata woobhuturya bhwane. ¹⁹Tata Yahwe niiwe zinguzu zyane.Arakora amaguru gane kyaa myamuko,Arakora enye niigye embere ahagiro hane iguuru-kugira kimenyekerero kyomuziki,gati webhigiro bhyoobhuze.

¹Rino ni ng'ana rya Yahwe rinu likaza ku Sefania omwana wa Kushi omwana wa Gedalia omwana wa Amaria omwana wa Hezekia,kuzisiki zya Yosia omwana wa Amoni,omutemi wa Yuda. ²"Nilasikya bhukong'u kila ekigiro kurwa mubhusho bhwe kyaro-lino ni kyerenwo rrya Isabhugyo omwene. ³Nilasikya omutu na etenyi;Nilasikya ebhinyunyi bya mwisalo na eziswe zya munyanza,obhusaro hamwe na bhabhihu.Kwego nilamutiga kula omutu kurwera mubhusho bhe kyaro-lino niokyerenwo rya Isabhugya omwene.⁴Nilahika kukubhoko kwane iguru wa Yuda na bhosi abhikali bha Yerusalemu.Nilabhatiga kula kyamasagyo ga Baali kurwera kumbhara runo na malina ya bhatu bhano bhakusabha chihunduguru kurwera gati wabhamwesi. ⁵Abhatu bhano iguru welihuna bharasengera emibhiri gya mwisaro,na bhatu bhano bhakusengera nokurye emuna kuu Yahwe kwekibhano bhakurya emuna kumutemi wabhu. ⁶Nilabhatiga kule kweki bhara bhano bhikyoshirye bhuteti kuleka kuutumililila Yahwe,bharya bhano bhosi bhakumu mohya Yahwe kutali kwa kubhuryabhura abhaye.⁷Obhe mukiriranu kubhukangati bhwa Isabhuga Yahwe!kwokubha orusiku rwa Yahwe rulihaguli, Yahwe asemirye ekilmweso na yahwili abhagini bhaye. ⁸''Elaza kurusiku na ekilmweso rwa Isebhuga,kwego nilabhatema abhakuru na bhana bho mutemi,nakyo wumwe wuno yibhohibhwe amabhiho ge kigini. ⁹Nakurusuku ryuyo ndabhatema bhosigo bharya bhano bhakuibhururuka iguru we emusimo,bharya bhano bhakwizurya elituko rya Isebhuga ebho kwe kituri na ombhng'ererya.¹⁰Elibha kurusiku rurya-bhuno ni obhurariki bhwa Yahwe kubha ekilio kyo bhurumiki kilaza kurwera mukiseku kye ezisiwe,elatema ekweli kurwera igunguri yakabhiri,nomumiro gwe kirigito kikuru kurwera mubhiguru. ¹¹Muteme ekweli ,ebhikari bho mutera gwa igunguri,kubhosi abhatumi bhuezimbirya bharabha bhasaribhwe,bhosigo bharyabhano bhakulenga ezimbiryo bharabha bharusiryebho kule.¹²Elabha kurusuku rurya nikuimohya Yerusalemu kwe ekimuri no kubhatema abhasubhe bhano bhakubhabhikeli amarwa gwabhu nokubhuga mumutima gyabhu,'Yahwe atakukorakyokyosi,kibhe kizomu hamwe kibhihu!. ¹³Ebhigiro gyabhu bhilaza kugegwa,namatuku gabhu garabha ganyaraganyibhwe kwokusikibhwa!.Bharomboka elituku n awe bhatakwikara muyo,nakwema emizabibu nawe bhatakugigusa amrwa gaye.¹⁴Orusiku orukuru rwa Yahwe rulihaguli,haguli na ruranguhiribhwa bhwangu!Omumiro gwo rusiku rwa Yahwe rulabha rwekililo kyabhururu rwobhuhali! ¹⁵Orusiku ruyo rurabha orusiku rwo bhutindi,orusiku rwarumirirwan no bhururu,orusiku rwa ekituri no obhunyaraganwa,orusiku rwa masaro rukilima kikuru. ¹⁶Rurabha orusiku rwa kombyo netongori gati wa obhutingo mumigye ne ezinyiki tambi.¹⁷Kwego ndaretyta inyako iguru wa bhandi, kwego bharagenda haguhi kya bhasubhe abhahoku kwema bhakoriri amabhihu ku Yahwe.Amanyinga ghabu galitirwa kyoruteri,nezimbalika zyabhu zya mwosi kyamabhi. ¹⁸Zitali ezimbirya zyabhu,zitali ezidhahabu zyabhu zitakunagya okubhaturya iguru wobhutindi bhwa Yahwe.Mwosi wo mulilo gwelihai ryaye ekyalo kyosigo kilasikibhwa/kwego alaleta obhumali,kubhutiriro gwokukanga kubhosi bhano bhakwikara mukyaro''.

¹Mwikumanie hamwe ewe ebhene musango mwikumanie,ekyaro kino kitana ezisoni- ²Hano enyako ekyari kukoreka orusiku ruyo kuhitira kya makanya,hano Eryobha rikaryari kutinda nokuza iguru wenyu,hano orusiku ryukari rwokutinda rwa Tatabhugya okuza iguru wenyu. ³Eryoobha murikonye,emwe abhatu bhosi bhano mukwisasama muesi bhano ,mukwikirirya amang'ana gaye! Mukomye obhwisasani,hamwe araza kubharibha orusiku rwokutinda Tatabhugya.⁴Ego Gaza eraza kutigwa hayo,neyindi Ashikeloni eraza kubha bhusarya.Bharaza kuyihira kure Ashidodi eribhaga ryo mwisi,nokugwisha Ekroni!. ⁵Emwe bhano mukwikara embarika we nyanza,ekyaro kya bhakerethi!Tatabhugya abhugiri inguru wenyu,Kanaani,ekyaaro kya Wafirisiti.Ndabhitatereho munyarobho wuno arasage.⁶Ekyaro kiyo kye mbalika yenyanza eraza kubha ebhirisho byabhyarisha nebhigori bhezing'ondu. ⁷Ekyaaro kino kirimbarika wenyanza kiraza kubha amasagyo gerihuna rya Yuda,bhano bharasirirye amahizo gabhuyo. abhatu bhayo bharahindira engorobha mwihuna rya Ashikeloni,kwokubha Tatabhugya wabhu arabhatuga nokukorya abhahobhwa bhabhu.⁸Nikigwa Moabu arazibhura nokubhatuka abhatu bha Amoni eribhaga bharabhazibhura abhatu bhane no kwitukuza mumipaka gyabhu. ⁹Kwege,kyego nikwikara-bhuno nobhugambi bhwa Tatabhugya,Tatabhugya Waisraeli,-Moabu araza kuza kama Sodoma,na bhatu bha Amoni bharabhya kya Gomora;ahagiro heviwavi neryoobha ryo munyu,mwijangwa rye zisibhu zyosi.Inghabhaabhatu bhane bhano bhasagiri bharabhagwata mateka.nabhatu bhe kyaaro bhasagiri bharagega obhumiliki bhwabhu.¹⁰Rino riraza kukoreka ku Moabu na Amoni kwekisubhe kyabhu,kwemera bhazibhure nokubhatuka abhatu bha Tatabhugya. ¹¹Niho bharamwobhohe Tatabhugya,kwokubha araza kuzibhura amasambhwa gosi mukyaro.Abhatu bhosi bharaza kusengera,omutu wumwe kurwa ahagiro haye,kurwa kira orubhara rwa pwani.¹²Emwe Wakushi kweki murakwa kwerisabha ryane, ¹³nokubhoko kwa Tatabhugya kuraza kuirwania mamu nokwisakarya Ashuru,kwego Ninawi iratigwa kwokusikya,bharabha homu kyeri jangwa. ¹⁴Niho amhizo gemitugo garahindire hayo,emitugo gye bhyaro bhyoosi,zyosi ziritambuka enzira ne bheringu bhiramunya iguru wabhu.Eriraka riraza kwigebhwa kurwera mwidirisha; Ekifusi kiraza kubha mukiseku;obhuzomu bhwa omung'eni wabhu emihimiri giraza kubha gikundukiri.¹⁵omugye guno nigwo kuzomerwa guno gwikeri bira bhwobha wuno akugamba mukoro yaye,''Enye ndiho atariho wuno akutubhana nanenye.''Kyego guri gokobhohya,hagiro hano emitugo gikuhindira musi waye.Kira wumwe wuno akuhitira kunewe arigwera nokusengisha ekikundi kunewe.

¹Tiga kumugye guno gusariirye!Omugye guno obhutindi gumamakire. ²Otitegerera eriraka rye Eryoobha,nego otategiri amazomyo kurwa ku nyamuhanga.Otamuisigiri nyamuhanga atakumuisukirira Eryoobha ryaye.³Abhatemi bhabhu na ezinduri zino zikung'oona mubhene.Abhatwanikaania bhabhu ne ezisuzi zye engorobha zino zitakusagya kigiro kino okunyoora kibhutatirwe atabhori yaho. ⁴Abharooti bhaye bhaneekisubha re abhasubhe bhabhuziga.Abhasengeri bhaye bhahakiriri ahagiro akeeru bhasariirye irisinziro.⁵Nyamuhanga no omuhene ghatighati wabhu atakunaagya kukora amabhihu kwe etabhori ariime reera obhuhene bhwaye!atakuibhisa mumeso,hataego abhatu bhano bhatana ehene,bhatamenyiri okuroora ezisoni.⁶Nisariirye abhyaro,ezimbago zyabhu zisariibhwe.Nikoriiri amagunguri gabhu makindasi,kweego atariho owumwe wuno hakuhitira kunewe.Emiigye gyabhu gisaribhwe kweego atariho omutu wuno hakuikara. ⁷Nikabhuga,'Hene muraniobhoha enye.Mugege amahokyo mutangiirwa kwe okurwa munugye gyenu kughano niari nkwenda kukora kuneemwe.Nawe bhahabha no bhuzomererwa okuanza kwo kira orusiku kwo okusarya amahokya ghabhu gosi.⁸Kweego munganye-riino re erihayo rya nyamhanga -tee orusioku runo nikwimuka kubhano bhariya harikiri.Obhuamuri bhwane no okukumania ebhyaro,okukumania obhutemi,nokuitira obhutindi bhwane iguru yabhu,obhutindi bhwane bhwosi bhuhari,kweegi ekyaro kyoosi kiramiirwa no omuriiro gwo obhutindi bhwane.⁹Niho nikubhaha abhatu aminwa emizomu,kubhabhirikira bhosi kwe erina rya Tata,okunihokeerya,bhariimerera ibhega kwi ibhega. ¹⁰Okwura embaruka yo omuaro Ethiopia bhano bhakunisengerya-abhatu bhane bhano bhanyarageni-bharareta ebhiryo kwo okubha yane ¹¹Kurusiku ruyo mutakutuurwa kuubhwobha kumahokya ghenyu ghosi ghano mukoriri iguru wane kwemera ribhaga riyo ndarusiaho kurwa kuneemwe bhano bhakazomereerwa,kwo okubha mutakubha ne eribhaga itambi kukora emizuumo iguru wa ekiguru kyaane ekizomu.¹²Nawe ndabhatiiga kya bhiiyasi hene abhatu abhataka,murabhona hookuriarira kurina rya Tata. ¹³Omuikari wi Israeli ritari ibhaga itambi atakukora obhubhihu hamwe okuhaya orurimi,rutariho orurimi rwo okung'eneerya bhuno bhukuroreka na muminwa gyabhu,kwego bharariisya no okuhindira hasi,hatariho hata owumwe wuno arabhakore bhobhehe.¹⁴Yeemba,muukya wa Sayuni!Tema ekiyuri,Israeli wiigwe bhwahene no okuzomereerwa kwe ekoro yazo yosi,Abhakya bha Yerusalemu. ¹⁵Tata arusyireho erisinziro ryazo,abhahebheri kuwa abhabhisa bhazo!Tata niho omutemi wa Israeli muneemwe.Kweki mutakumuobha omubhi!. ¹⁶Kuzisiku ziyo bharahaya ku Yerusalemi,''Tobhoha,Sayuni otatiga amabhoko ghazo ghanyohera.¹⁷Tata Eryiobha ryazo ririghatighati wenyu,weizinguru zyo okubhatuurya.Arazomereerwa iguru wenyu no kwo obhuzomererwa arakira hiri iguru wenyu kwo obhusegi no okuririata kwo obhuzomereewa. ¹⁸Kwo orusiku rwa hagari rwe hagari rwe enyanzi.Ndarusiaho enyako kuurwa kuneemwe.Ritari ibhaga itambi mutakugeega ezisoni kurwa kureemwe.¹⁹Roora,niiri bhwahene okubhanyahara abhabhisa bhenyu bhosi,kwibhaga riyo,Ndabhatura bhano bharemeeri no okubhakumania bhano bharakeerwe kure.Nirabhakora kubha omukumo niraikyoosya ezisoni zyabhu zibhe omukumo mukyaro kyosi. ²⁰Kwi ibhaga riyo ndabhakangata;kwi ibhaga riyo ndabhakumania hamwe.Ndakoora amagunguri gosige ebhiaro ghabhitegerere no okubhakumya,eribhaga rino muraroreego nirabha nibhakyoriirye,"arahaya Tata.

¹Kumwaaka gwakabhiri omutwaare Dario,kumweeri gwa kasasabha,orusiku orumwe rwa mweeri, ering'anarya Tatabhughya rikaaza mukubhoko kwo muroti Hagai okuugya ku gavana wa Yuda,Zerubabeli omwana wa Sheatieli no musengeri omukuru Joshua omwana wa wa Yehozadaki,okuhaaya, ²"Tatabhugya wabhasirikaare abhugiri: 'Abhaatu bhaano bharahaaya,"Ritaari eribhaga ryeetu okuza okwombooka enyumba ya Jehova'''''³Nering'aana rya Tatabhugya rikaaza no kubhoko kwo murooti Hagai okuhaaya, '' ⁴Neribhaaga nyeenyu abheene okwikara munyumba zikiririibhwe,neriibhaga enyumba yiino ekusariika? ⁵Kweego bhono Tatabhugya wabhasirikare arabhuga ego; 'mwitegerere enziira zyeenyu! ⁶Mureemya ezimbhibho nzaaru,nawe murareta ebhigeeswa bhisubhu; muraarya nawe mutakwiguuta,muraanywa nawe mutakwiizuriibhwa na amaarwa. Muribhooha ezinghubho nawe mutakubhona orooya abheene,no muutu womuheero arabhoona eziheera nokutuura musaakwa yiino enemyoobho egyeene'!⁷Tatabhugya wa bhasirikare ahayiiiri gaayo: ⁸Mwitegerere ezinzira zyeenyu! Mutiire mubhighuuru,mureete emiti,na mwombooke enyumba yaanyi;nego ndaabha kwikirirya na ndakumibhwa! Ahayiiri Tatabhugya. ⁹Murorereri okubhoona ebhyaaru,nawe noroore! okareeta munyumba ebhisuuhu,ndabhihiira kuura kwaaki?- Ego niigo arahaaye Tatabhugya omusirikare! kwookubha enyuumba yaani yikeeri kubhusaarya,nawe kiira omuutu ari kiriirya munyumba yaaye.¹⁰Kwokubha ekyaaro zigwatirirwe zitaruusya orume okuurwa kunaawe,namaroobha gagwatirirwe gatakwibhuurya. ¹¹Kubhirikiiri okuurwa iguru wamaroobha ni iguru webhiguuru,iguuru yebhakuurya niguuru wo mzabibu omuuhya,iguru ya wamaguuta na iguru wrbhigeswa gamaroobha,iguru ya bhaatu ne iguru ye mitugo,iguru ye miriimo gyoosi gya amabhoko gaazo.¹²Nawe Zerubabeli omwana wo murooti omukuru Yoshua omwana wa Yehozadaki,haamwe na masaaga gabhaatu,kwibhaaga eriraka rya Tatabhugya Eryoobha waabhu,namang'ana go murooti Hagai,kwokubha Tata wa Eryoobha nyaabhu ahaabha amutimiiri.Nabhatu bhako bhohooa obhuusho bhwa Tatabhugya. ¹³Niho Hagai,omwitegereri wa Tatabhugya ,akagamba eng'aana ya Tatabhugya kubhatu akabhuga,""Ndihaamwe na naawe!-Bhuuno nobhugambi bhwa Tatabhugya.¹⁴Tatabhugya akisasaama ekooro yomukuuru wo mkoa wo Yudah,Zerubabeli omwana wo Shelitieli,nekooro yo murooti omukuuru Yoshua omwana wa Yehozadaki,nekooro yemasagyo gabhaatu,kwookubha bhakaagya okukoora emirimo munyumba ya Tatabhugya Eryoobha ryabhasirikare,Eryoobha ryaabhu. ¹⁵Kurusiku rwa mirongo ebhiiri kumweeri gwaka sabha,kumwaka gwakabhiri gwomukangarati wo muteemi Dario.

¹Kuumweri gwa muhungati orusiku rwa mirongo ebhiri na rumwerrwo omweri,Eng'ana ya Tatabhugya ukuuza kwo okubhoko kwa omuroti Hagai,okubhuga, ²"Kerenia na Omukangati wa erigunguri rye ekyaaryo kya Yuda, Zerubabeli omwana wa Sheatieli,na kwa omusengeri omukuru Yehozadaki; na kubhano bhasaagiri.Bhabhurire,³Niwi asagiri kunemwe akarera obhwahare bhuree nyumba yo okutanga?Mwabhurorabhwi bhwa bhoono bhuno? Ni kyahano kigiro kitarecho kyokyosi mumeso genyu? ⁴Nawe,bhoono obhe mkarakambaru,Awe Zerubabeli arahaya Tatabhugya-wosi obhe mkarakambaru,Awe Yoshua,Omwana wa Yehosadoki/Omusengeri omukuru; mubhe bhakarakambaru,emwe abhatu bhe ekyaro!arahaya Tatabhugya;Mhokye emirimo, kwokubha ndihamwe na nemwe,araghaya Tatabhugya wa abharwani ⁵Kyeeng'ana yirya narageni nemwe hano mkaarwa mkyaro kye Misri;ne ekoro yane erikara kuneemwe;mutabhoha.⁶Kwokubha Tatabhugya wa abharwani arabhuga ego: 'Ibhaga isuuhu kwiibhaga erindi ndasingisya erisaaro ne ekyaaro,enyanza ne ekyaaro ekyomu! ⁷Ndasingisya ebhyaro bhyoosi bhiraza kureta ebhighiro bhyoobherwa kwinye,nookuyizura enyumba yino noobhware!' arahaya Tatabnhugya wa abharwani.⁸Ezahabhu na ezihera ni bhyane"- rino niigambo rya Tatabughya wa abharwani. ⁹Obhware bhweenyumba yino ehaabha ekomgatiri; arahaya Tatabhughya wa abharwani ;ndhabhahane obhwigwani kurubhaara runo'-rino niigambo rya Tatabhughya wa abharwani.¹⁰Kurusiku rwa emirongo ebhiri na kane omweri gwa kenda,omwaka gwa kabhiri gwo obhutemi bhwa Dario, eng'ana ya Tatabughya rikamhikiira omuroti Hagai no okubhuga, ¹¹"Tatabhugya wa abharwani arabhuga ego:Omubhurye omusengeri iguru wa emigiro,no okuhaya: ¹²Aribha omutu arigega enyama yino erusibhwe ku Tatabhugya mumukunyo gwe engibho yaye aribha omukunyo guratibhye omukate hamwe omusuri,amarwa hamwe amagula,hamwe jkyakurya kindi,ekyakurya kiyo kirakorwa kubha kyoobhwaare?"' Omusengeri akabhuga,"zei"¹³Kyamwe Hagai akabugha,"Aribha omutu omunyaka kitimba kwiguru yo okomtibhaku omuku no okubhitibhaku abhigiri bhino,bhoosi bharaturuka bhanyaka?"Omusengeri akabhugha,"Hee bharabha bhanyaka". ¹⁴Kuugayo Hagai akagaruraho akabhuga,"Ni hamwe na abhatu bhano,na hamwe ne ekyaaro kino kiriemberewane!-gano aragahaya Tatabhugya kira ekigiro kihwiri kwo okubhoko kwaye: kino bharusirya kitaharabha kyeru kihabha kinyaka.¹⁵Kuugayo,wisege kurwa orusiku runo kwa rero na ziinyuma,kwibhaaga rino erigina rikyari kuturwa kigina erindi munyumba yokusengererya ya Tatabhugya. ¹⁶ekabhabnhi bhoono? kila omutu hano yiziri kubhirengo mirongo ebhiri gye ebhyakurya,naho bhihabhano bhirengo ikumuugo,wuno akaaza okutaha amarwa ge ebhirengo ikumugo,wuno akaaza okutaha amarwa ge ebhirengo mirongo etano,eno bhihabhaho bhirengo mirongo ebhiriigo. ¹⁷Nikaabhanyakya emwe neemirimo gya amabhoko gyenyu kwiibhati na ekitu,nawe mutarikyoriri ku'-arabhuga Tatabhugya.¹⁸orwiseege orusiku ruro rwa rero nookugya embere,okurwa orusiku rwa mirongo ebhiri niinye kumweri gwa kenda,okurwa orusiku rurya obhutingo bhwe erisengereryo rya Tatabhugya bhwaturirweho.Isega riyo! ¹⁹Embibho ekyaari mukitara?Omzabibu ,omuti gwo omutini,omukomamanga,no omuti gwo omunyongyo gitibhwiri matunduguru! nawe okurwa orusiku runo rwa rero ndabhaha orubhango!"²⁰Kweki erning'ana rya Tatabhugya rikaaza rwakabhiri ku Hagai orusiku rwa mirongo ebhiri na kane kumweri okubhuga, ²¹'Kerenia no omukangati we erigunguri wa Yuda,Zerubabeli omubhuurire,'Ndasingisya erisaaro na ekyaaro. ²²Kweego ndagwisha ekitumbi kyoobhutemi nookusarya ezinguru zya abhatemi bhwe ebhyaro! ndagwisha ezimotoka na abhatitri bhamu ezifarasi na abhatiri bha kuzifarasi bharagwa,kira owumwe kwookubha ya obharoge bhwoomuhyo gwa bhawamwabhu.²³Orusiku ruryo'-ego rugo akuhaya Tatabhugya wa abharwani-ndakugega awe Zerubabeli omwana wa Sheltiel,kyo omubhagati wane'- ego niigo Tatabhugya akuhaya."Ndukutuma kye epete yo omubhaaso gwane,kwookubha enye ninye nikakusora!-arahaya Tatabhugya wa abharwani!"

¹Kumweri gwa kanane omwaka gwa kabhiri gwa obhukangati bbhwaye Dario,ering'ana rya Yahwe rikamwizira omuroti Zekaria,omwana wa Berekia omwana wa Ido,kuhaya, ²"Yahwe ahabha nobhururu bbhukong'u iguru wa bhabhuso wenyu! ³Bhabhurire,Yahwe na abhasirikare arabhugego:Munikyorere!-nosi ndabhakyora emwe,arahaya Yahwe wa abhasirikare.⁴Mutabha kyabhawiso wenyu bhano ekare abharoti bhabhabhuriri,bharabhuga, ''Yahwe wa abhasirikare arabhuga ego:Mwikyore kureke kuzinzira zyenyu ezimbihu na amahokyo genyu amabhihu!"Nawe bhatendiri kunigwa hata okugania-arabhuga Yahwe.' ⁵Bari hai bhaweso wenyu?Naabharoti,angu bhari mukyaro muno? ⁶Nawe amang'ana gane na amaragiriryo gano nikabhakumirirya abhabhagati bhane abharoti,angu bhatabhweni bhawuso wenyu?Kwego bhakikirirya na kubhuiga, 'kyego Yahwe wa abhasirikare akiseega kutukora kwe eribhaga kyeego zikwenda ezinzira zya amahokyo geetu,nigo akatukorera.⁷Kurusiku rwa mirongo ebhiri na kane yoomweri gwa ikumi na gumwe,nigwe mweri gwa Shebhati,omwaka gwa kabhiri obhutake bhwa Dario,ering'ana rya Yahwe rikamwizira omurooti Zekaria omwana wa Berekia omwana wa Ido,akabhuga, ⁸"nkarora eribhaga ryoobhutiku,na rora! omutu ahabha atirire efarasi ekengaru,newe ahabha ghati weemiti gya mihadasi ginogiri mwiruma,inyuma waye ehabhaya farasi ekangaru,farasi yeekibhusuko,nefarasi endabhu." ⁹Nikabhurya, ''Tata bhino nibhigiroki?" Malaika wuno yabhugiri nosi akanibhurira, ''Ndakubhurira ebhigiro bhino niki.''¹⁰Kumara omutu wuno ahabha yimereri ghati we miti gyemihadasi akakyora na kubhuga, ''Bhano nibho Yahwe bhano bhatumirwe kwirugura ekyaaro kyosi.'' ¹¹Bhakamukyora malaika wa Yahwe wuno ahabha yimereri ghati wee miti gya muhadasi,na kumubhurira, ''Twari turirugura mukyaro kyoosi,rora ekyaro kyoosi kikari kwokuhorera.¹²Niho malaika wa Yahwe akakyora nokubhuga, ''Yahwe wa abhasirikare,tee ryori otigekwabhira Yerusalemu ne emigye gya Yuda gino ginyakibbhwe no okwibhirwa emyaka gino mirongo muhungati?" ¹³Yahwe akamukyora malaika wuno ahabha ahayiri nanenye,kwa mang'ana mazomu,amang'ana ge obhuzomererwa.¹⁴Kwego malaika wuno ahabha arakerenia nanenye akanibhurira, ''Bhirikira kwiraka na obhuge 'Yahwe wa abhasirikare arabhuga:Nina erihari kwa iguru wa Yerusalemu aangu Sayuni kwo obhururu obhukuru! ¹⁵Nenye nina obhutindi iguru we ebhyaro bhino bhina obhuhoreru,kwookubha nkatinda kusuhu igo,nawe ebho bhakakora nyaako mbihu.¹⁶Kwego Yahwe wa abhasirikare arabhuga ego:niyikyoreri Yerusalemu kwa bhigongi.Kwego enyumba yane erombohwa mwosi waye,arahaya Yahwe wa abhasirikare.Ekirengo kiragororokibhwa iguru wa Yerusalemu! ¹⁷Bhirikira kweki, obhuge, 'Yahwe wa abhasirikare arabhugego:Emigye gyane kwibhaga rindi erizirwa nobhuzomu,na Yahwe aramfariji kweki Sayuni,nakusora Yerusalemu kwibhaga rindi kweki.¹⁸Kumara nkagororokya ameso na kurora mbara inye! ¹⁹Nkakerenia na malaika wuno yakerenie na nenye, ''Bhino ni bhigiroki? Akanikora ''zino ni hembe zinozyakoriri okunyaragana kwa Yuda,Israeli,na Yerusalemu.²⁰Kumara Yahwe akanierekya abhahokya abhakuuzi bhanne. ²¹Nkabhuga, ''Abhatu bharaza kukoraaki?" akakora nokubhuga, ''Zino ni hembe zinozyanyaraganie Yuda atariho mutu akunagya kugororoka omutwe gwaye.Nawe abhatu bhano bharaza kuzirusyaho,kurekera hasi ezihembe zye ebhyaro yakororokirye ezinguru zyaabhu bhumosi bhwa Yuda no okuinyaragania.

¹Niho nkinura ezimoni zyane nokurora omtu ahabha azumarikiri mukubhako kwaye. ²Nkamubhurira, ''Oragia hai?" Akamburira, ''Niragia kurenga Yerusalemu niho nimenye obugalino bhutambi bhwaye.³Niho malaika wuno ahabha aragamba nanenye akatanura namalaika owundi akagia kusikana nawe. ⁴Malaika wa kabhiri akamburira, ''Nogie ogambe nawulila omumura omubhulile,Yerusalemu gurabha gutana nyiki kwokubha obhwaru bhwa bhatu zitenyi musi muyo. ⁵Kwokubha Yahwe arabhuga,Ndabha mribhi waye,nandabha obheru ewe.⁶Muliate! muliate! muliate kulwa mkiaro kasimamu arabhuga Yahwe-kwokubha mbanyagenie kyobhukama bhune bhwelisaro!- Arabhuga Yahwe. ⁷Muliate Sayuni bhwangu!Emwe bhano mukwikala Babeli."Arabhuga Yahwe.⁸Kwokubha hano Yahwe wabhasirikare kunisuka akatura mubhurumusiro nekiaro kino kiari kisikirira-wuno akubhakuniaku,arakuniako ekilinga kya mumoni kye Eryobha!- hano Yahwe okukorega,arabhuga, ⁹''Enye omwene ndasingisha okubhoko kwane iguru yabhu,nanebho bharabha kusikirira kubhahokia b habhu.''Niho muramenye kubha Yahwe wabhasirikare atumenie.¹⁰Yemba orazomererwa,omukia Sayuni,kwokubha enye omwene ndikara nanawe!-arabhuga Yahwe ¹¹Ebharo ebhikuru bhiragwatana nawe Yahwe orusiku ruyo. ''Nanemwe mrabha bhatu bhane,kwokubha ndikara gati wenyu,'' mwisi muramenye kubha Yahwe wabhasirikare antumenie kunemwe.¹²Kwokubha Yahwe aligomba Yuda akimerera yaye gati weesi endabhu kwokubha kweki alitora Yerusalemu kunewe omwene. ¹³Mukililanie,mubhukangati bwa Yahwe,emwe bhosi bhomubhiri kwokubha imukiri okulwa hagiro aheru ahaye!

¹Neho Yahwe akanierekya Yoshua kuhaani omukuru yimeriri kubhukangati bhwo malaika bhwo Yahwe na omubhisi Shetani yimeriri okumosi kwaye kumbera kukubha amatemyo mabhihu. ²Malaika wa Yahwe akamburira Shetani, ''Yahwe aghukemee,Yhwe,wuno yakagusoriri Yerusalemu, agukemee! Kino kitari ekisirira kino kirusiribhwe kumurero.'' ³Yoshua yaari yibhohiri amibho amachafu hano yimeera embere ye malaika.⁴Malaika akabhabhuura bhano bhimeriri embere waaye, ''MOmurushye amabhoho amachafuku gayo.'' Naho akamburira Yoshua,''Rora!nkuteshirye amabhihu gazo ndakwibhoya amibhoho amarabhu.'' ⁵Haya mumwibhohe engosiira endabhu kumutwe gwaye!" Nokwimubhohya amibhoho amarabha Yoshua eribhaga rino malaika yimuriri embarika.⁶Neho malaika wa Yahwe akamukumirya Yoshua no kuhaya, ⁷Yahwe wa abhasirikare,arabhugego:hano okugenda kumatazyo gaane no okubhika emigiro gyaani,neho okwimeera omugye gwane no kuriibha ezimbago zyaane kwokubha ndakwikirirya kugya na kukyora igati yabhano bhimeriri embere wane.⁸Awe Yoshua kuhani omukuru na abhari kyazo bhano bhakwikara naneewe!Munitegerere.Abhatu bhano nekyerekerubhwa,kwokubha enye omwenw namgega iguru omtumwa waane akubhirikirwa Erishangusha. ⁹Murore erigena rino nkaritura embere ya Yoshua.Garoho ameesu muhungati kurigina liyo limwi,naneenye ndakeema anang'ana gaani waku-arahaya Yahwe- wa abhasirikare,naneenye nateesha amabhuhu kukyaaro kino kworusiku rumwi.¹⁰Kworusiku rumwi ruyo kyomutu aramularika omwaatani waaye kwikara kwo muzabibu no mutini gwaaye,arahaya Yahwe wa abhasirikare.

¹Hano malaika wuno yari akukereenya na nenye akikyoora no okunimuukya,kyo mutu uno akwimukibhwa muzitiro. ²Akamburya, ''Oraroraki?" Nkabhuga, ''Ndarora emirengeri gyo obhweru gikoriirwe kwa dhahabhu eyene,ne ekitubha iguru waaye kina emirengeri muhungati iguru waaye,no oruseke orumwe kuutara. ³Embarika waye giroho mizetuni ebhiiri,ogumwe orubhara rwo obhuuryo,ogundi orubhaara rwo obhumosi.⁴Nikamubhuurya kweki,malaika uno yakerenye nanenye.''Amang'ana gano gariibhwi omutemi wane? ⁵Newe akankyora akabhuuga,otamenyiri amang'ana gano garabhugabhwi?'' Nkabhuga, ntamenyiri omutemi wane.⁶Kugaayo akamburira, ''Iyo ni ng'ana ya Yahwekwa Zerubabeli:ritakugambwa kubhuturo nangabha kuzinguru,nawe ni kwekoro yaane,arabhuga Yahwe omukuru wa amahi. ⁷Oribhwi awe akiguru ekitambi?Embere ya Zerubabeli orabha wanzariri;newe ararushaho erigina erikuru kwiiraka ryo orubhango kwiwe.⁸Eng'ana ya Yahwe ekanizira kubhuga, ⁹''Amabhoko ga Zarubabeli gatereho obhwikaro bhwe enyumba ino yoosi eramaara.Niho mukumenya kubha Yahwe wa amahi antumiri kunemwe. ¹⁰Niwi yaregiri orusiku rwa amang'ana amasuhu?abhatu bhano bhararora erigina ryo okwinamukirya mukubhoko kwa Zerubabeli,bhosi bharazomererwa.(Ebhimuri muhungati ni meso ga Yahwe gano gakwinogora mukyaro kyosi).'' ¹¹Niho nkamubhuurya malaika,mizeituni gino ebhiri gikwimerera orubhaara rwo obhumosi no obhuuryo ekimuri kya emirengeri niki?''¹²Nkabhurya kwibhaga erindi kweeki, "Gano amasagya abhiri ge emizeituni embarika we ezisiku ibhiiri zye zahabu ino enaamaguta ge dhahabu garahiringita kureka kwiwe? ¹³Nawe akamburira, "Otamenyiri ebhigiro bhino niki?"Nenye nkabhuga,''Zei omutemi wangu.''¹⁴Akabhuga, ''Bhano ni bhana bha amaguta amahya ga muziseka bhimereri embere yo omutemi we ekyaaro kyoosi.

¹Hano kikyora kagororokya ameso gane,nenye karora rora ekitabhuri ribhurukiri! ²Malaika akamburya, "oruziki? Nikamukyora, ''Ndarora ekitabhu rikwibhururuka,obhutambi bhwae bhirengo murongo ebhino bhugari bhwaye bhirengo ikumio.''³Niho akamburira, ''Gano ni mihime gakugya iguru we obhuso bhwekyaro kyosi,kwema bhonego omwibhi ararusibhwaho nakyego bharahaye orubhara orundi,rwa mang'ana gaye. ⁴''Ndakuma-ndahaya Yahwe-ego rirasikira yika mwo mwibhi na yika uno akwirahira kwo rurimi rwelina ryane.Ritama mnyumba yaye nokurungurya mbau na magina gaye.⁵Niho malaika wuno ahabha akagamba na newe hano hakuza anza na kunibhurira, ''Rora ezimoni zyao nouruzi kino kikuza!" ⁶Ndahaya, ''Niki kino?",Akahaya,yino ni sakwa ena efa yino ekuza.Bhuno mbutindi bhwabhu bhwe kyaro kyosi.'' ⁷Niho elikundikiriryo rye isasi akagororokibhwa kuleka musi we sakwa no kuhabha nomkari iyasi waye yikeri iyasi waye.⁸Malaika akabhuga, ''Bhuno mbutindi!'' na arakuha kweki esakwa,no okurekerera ekikundikiriryo isasi murwigi rwaye. ⁹Nkagororokya ameso karora abhakari bhabhiri bharaza kwinye,nobhukama bhwali musi wa mabhabha gabhu bhahabha na amabhabha kya mabhabha gekung'e bhakagororokya esakwa kati erisaro nekyaro.¹⁰Nikamara nikaburya malauika akagamba nanenye, ''Bharahira hai esakwa?" ¹¹Akamburira,"Bharagya okwomboka elisengererye kyero kya Shinari iguru wae,erisengerero hano rirakwe,esakwa eratturwa obhutingo bhano bhakurabhwa iguru wabhu.

¹Okumara nikikyora nokurora ezimoni nikarora ebhituku bhirimwasi bhine bhe farasi bhikaza kureka gati ye bhiguru bhibhiri; nebhiguru bhiyo bhihabha bhikorirwe kwe shaba. ²Ekituku kiliwazi kye mbele kihabha na farasi kangaru,erituku ririmwasi rya kabhiri rihabha nafarasi mwamu, ³erituku mwasi rya katatu rihabha na farasi ndabhu,ne rituku mwasi ryakane rihabha na farasi mbusuku. ⁴Kwego nikabhurya malaika uno akakerenia na nenye, "Niyo bhigiroki bhino tata wane?⁵Malaika akakyora nokumburira, ''Gino niye mikama enne gya kusaro gino gikuhemba kubhusho bhwa tata bwe kyaro kyosigo. ⁶Ryezifarasi ezimwamu riragya mukyaro kya kasikazini.⁷Ezifarasi zino zinenguru zikarekoho na zirakomya kugya no kwirugura igoru wesi,kwegoi malaika akabhuga, 'Mugye na mwirugure iguru wesi!'' bhosi bhakagya iguru wesi yosigo. ⁸Ukumarya akambikira no kumburura, ''rora bharya bhakugya musi ya kasikazini,bhahorerya ekoro yane iguru wesi iyo.''⁹Kwego eng'ana ya Yahwe iganizira okuhaya, ¹⁰"Gega ebhihirwa kureka kubhano bhasamibhwe-kureka ku Helidai,Tobiya na Yedaya-rero ino ogye nokuhira gatigati mwunyumba ya Yosia omwana wo Zefania, wuno arwiri Babeli. ¹¹Okumara ogege ezimbirya ne dhahabu,okore omusanga omubhoye kumutwe gwa Yoshua omwana wa Yehosadaki omumwesi omukuru.¹²Kerenwa nawe noobhuge,Yahwe wa abhasirikare arabhuga ego:Omutu wuno erina ryaye tawi wosi arabha ariho nokumara aromboka omughwe ghwa Tata! ¹³Niwe eraza yomboke enyumba ya tata wosi aragororokya obhweru mbwaye okumara arikara nokukangata gatigati kukitumbi kyaye kyo ,uringa.Arabha omusengeri iguru ye ekitumbi kyo mringa no okumenya kwo ombusengi arabha gati ya bhosi bhimbili.¹⁴Omusanga guraturwa munyumba ya tata kwookusuka kwa Heldai,Tobiya na Yedaya na kimenyekereryo kyoo obhuzomererwa wa omwana wa Zefania. ¹⁵Niho mbano bhatikure mbaraze nokwomboka enyuma ya Tata,kwego muramenya kubha tata wa abhasirikare atumiri kunemwe; kwego arabhe hene murigwa eriraka rya Tata Eryobha ryenyu rino lirakorekana.

¹Omwaka gwa kane gwo obhukangati bhwo omutemi Dario,orusiku rwaakane rwppmweri gwaa Kisleu(guno ni mweri gwaakenda),eng'ana ryaa Yahwe hano ryamugiriri Zekaria kubhuga. ²Abhatu bhaa Betheli bhamtumiri Shareza,Regemu Meleki naabhatu bhabhu kusabha embere yoobhusho bhwa Yahwe. ³Bhakagamba naa bhamwesi bhano bhahabha gati wee nyumba ya Yahwe yaa abhasirikare na abharoti;bhakabhuga, "Okwarama kubhabhurira gati woomweri gwaa katano kweenzira yookwigara,kwego nkakora emiaka emyaru gino?"⁴Niho ering'ana ryaaa Yahwe waa abhasirikare hano ryaniziri kubhuga, ⁵''Ogambe naabhatu bhoosi bheesi na abhamwesi obhabhurire, ''Hano mwafungiri noookwarama gati woo mweri gwakatano naagwa muhungati gati we miaka mirongo muhungati,heene hano mkigara kwibhaga ryane? ⁶Nahano mwariri nookunywa,hano mwariri nookunywa,mutariri nookunywa iguru yenyu abeene? ⁷Heene gatari mang'ana gano akuhaya Yahwe kuminwa gyaa bharotibheekare,hano muhabha murikara Yerusalemu neemigwe gyeembarika gya okubhona gino gikeri Negebu, umibhara rwaa range iyasi weebhiguru?"⁸Ering'ana rya Yahwe rikamwiziri Zekaria kubhuga, ⁹''Yahwe waabhasirikare arabhuga ego musinze kwe eheene obhuheene bhwa maragano neebhigongi omutu wosi amukorere omuhiri waye ego. ¹⁰Iguru woo mutumba noomutaka,omugini,noomtaka-otigekubhakangazya,naatabhaho gati wenyu wuno akukora obhubhi iguru waabhandi mumtima gyenyu.¹¹Nawe kugumirya amabhega gabbhu nookutiga kumugania bhakaribha amatwi gabhu bhatige kwigwa. ¹²Bhakatiga emitima gyabhu kubha mikong'u kyeego eritare niho bhatige kwigwa emigiro hamwe neering'ana ryaa Yahwe kuubhasirikare akabhira amang'ana kuubhatu kwibhaga ryeekare kwekoro yaye,kumwina gyaabharoti.Nawe abhatu bhatigwiri,ego Yahwe waabhasirikare akabhatindira bhukong'u.¹³Nahano yabhabhirikiri bhatigwiri.Ego arabhuga Yahwe waabhasirikare, ''bharaza kunibhirikira, ntakuza kubhigwa. ¹⁴Kwokubha ndabhanyaragania kwoobhukama bhwee kimaramumbi,gatigati bhweebhyaro bhyosi bhino bhyikari kugarora,naakumara esi erabha mwaasi. Kwookubha atariho hata wumwe wuno arehite hamwe kwikara,gatigati yeesi kwokubha ayikyosirye esii yabhu yoobhuzomu kubha etakuzoma.

¹Eng'ana ya Yahwe wa abhasirikare rikanizira okubhuga, ²''Yahwe wa abhasirikare akabhuga ego:Nina obhurumirirwa ku Sayuni kwe erihari ikuru nanina obhunyahariku kwo obhutindi bwaru! ³Yahwe wa abhasirikare arabhuga ego:Nirayigarukira Sayuni naninye nilikara gati ya Yerusalemu,kwookubha Yerusalemu eraza kubhirikirwa omugye gwa ehene na ekiguru kya Yahwe gwa abhasirikare guraza kubhirikirwa ekiguru ekyeru.⁴Yahwe wa abhasirikare arabhuga ego:kworubhara orundi kweki turabha na abhakungu kuzirobho zya Yerusalemu,nakilo omutu arenda omkwaju mkubhoko kwaye kyego ari mkungu. ⁵Kweki ezirobho zya mumigye zirizuribhwa na abhamura bha ekisubhe na bhekikari bharabharuna.⁶Yahwe wa abhasirikare arabhuga ego:riribha ering'ana rirarorekana ritakunagikana mumeso ga amasagyo ga abhatu bhano muzisiku ziyo,awe etakunagika na kweki mumeso gane?arabhuga Yahwe. ⁷Yahwe wa abhasirikare arabhuga ego: Rora,abhaturya abhatu bhane kurwa mukyaro kya obwiru na kya amakya go omubhaso! ⁸kwakubha nirabhakyorya kweki,boosi bharikara mwosi wa Yerusalemu,kwego bharabha bhatu bhane kweki,nosi nirabha Eriobha ryabhu ku eheene na obweru!⁹Yahwe wa abhasirikare arabhuga ego:Emwe bhanomukugendererya kwitegererya amang'ana garya garya gano gakarwera muminua gya abharoti obhutangi bhwa erihuna ryane hano gwaturirwe-erituku rino eryane,Yahwe wa abhasirikare:muture amang'ana mumabhoko genyu erisengerero rinagye kwombokwa. ¹⁰Awe inyuma we ezisiku ziyo bhitareho ebhyakurya bhino byakumanibhwe na wuyo wosi mwosi waye,kutabhangaho na bwera etari kumutu nabhe tyenyi na etabhangaho na obhukiru kurwera kumubhihu kuwuyo wosi yagiri hamwe kuza.Nikamukora kiro omutu kubha kihuteti no omuri kyaye.¹¹Nawe bhono etakubha kyego obhutangi,nirabha hamwe na amatinikia ga abhatu bhano-arabhuga Yahwe wa abhasirikare. ¹²Awe ezimbibho zya obhuhoreru ziremibhwa omuzabibu guno gukura gurarusha emisumo gyaye na ekyaro kirarusha ebhyakurya bhyaye;erisaro rirarusha orume,kwakubha nirabhahana amasagyo ga abhatu bhano okugumirya gano goosi.¹³Kyabhanga kirengyo kya amihime kubhyaro ebhindi,emwe erituku rya Yuda na erituku rya Israeli.Kwego ndabhaturya emwe murabha nokwe.Mutabbhoha;ambe amabhoko genyu gaturwe amanaga! ¹⁴Kwokubha Yahwe wa abhasirikare arabhuga ego kyego nisemirye okubhakorera amabhihu bisikuru wenyu hano bhqtindiri obhutindi bwane-arabhuga Yahwe wa abhasirikare-neno nitihitirye, ¹⁵nigo nirikirirye kugahokerya amazomu kweki Yerusalemu na erihuna rya Yuda kuzisiku zino! Mutobhoha!¹⁶Gano nigo amang'ana mkwenderwa kuhokya:Mubhuge heene,kiro omutu no omunyarobho waye.Musinze kwe eheene obhuringana no obhuheene,obhuringanio no obhuhoreru mubhiseku byenyu. ¹⁷Na bhatabhaho gati wenyu wuno akwamura obhubhihu mumutima gwaye kumunyarobho waye,etabha kurutwa na ezimuma zyo orurimi;gano gosigo nigo amang'ana gano gakunibhihira!-arahaya Yahwe.''¹⁸Okumara ering'ana rya Yahwe wa abhasirikare rikanizira okubhuga, ¹⁹''Yahwe wa abhasirikare arabhuga ego|:Obhubhohi bwe emierigwa kane,omweri gwa katano,omweri gwa muhungati no omweri gwa erikumi rirabha ni eribhaga ryo obhuzomererwa bwakira eng'ana kwituku rya Yuda!kwego msege hene no obhuhoreru.!²⁰Yahwe wa abhasirikare arabhuga ego:Abhatu bharaza kweki,nabhano bhakwikara mumigye egindi. ²¹Abhatu bho omugye ogumwe baragya omugye ogundi no okubbhuga, ''Mbe tugende bhwangu kubhukangati bhwa Yahwe tusabhe no okumumohya Yahwe wa abhasirikare! Etwe abhene turagya kweki. ²²Abhatu abharu ne ebhyaro bhene managa garaza okumumohya Yahwe wa abhasirikare eyo Yerusalemu no okusabha obhung'aniriribhwa ku Yahwe.²³Yahwe wa abhasirikare arabhuga ego: kuzisiku abhatu ikumi kurwera kila ekabhira na ekyaro bharagwata omukobha gwa etugu zyenyu no okubhuga, ''Ambe etwe twosi turagenda hamwe naniwumwe,mbuga twigwili kubha Eryobha ririhamwe na nimwe.

¹Bhuno no bhugambi bhwa Eryobha iguru wekyaro Hadraki na Damesiki.Kwokubha eriso rye Eryobha ririguru wabhatu bhosi,iguru woruganda rwa Israeli. ²Hamathi yosi erimubhugambi muyo,yino bhayeni Damesiki,rirakerenibhwa Tiro nekindi Sidoni,ingabha ni bhang'eni.³Tiro yiyombokeri erihuna nokwizurya ezimbirya kyoruteri nezidhahabu ezyeru kya matotomuroobho. ⁴Rora! Tatabhugya aramtesha nokusarya ezinguru zyaye kuru we nyanza,iguru wagayo arokibhwa.⁵Ashikeloni araza kurora nokwobhoha1Gaza wosi araza kurigita bhukong'u! Ekroni,obhusubhira bhwaye bhuraza kusingisibbhwa! omutemi araza kwitwa okwamira Gaza,na Ashikeloni etakuza kubha nabhatu kweki! ⁶Abhagini bharaza kukora obhwikari bhwabhu Ashidodi,nosi ndakirushao ekigoti kya Wafilisiti. ⁷Kweki nirarusha amanyinga gabhu muminwa gyabhu nobhutindi bhwaye kurwa mumeno gabhu.anaiho bharabhe amasagyo kuryobha ryetu kye hamati yo Yuda,Ekroni araza kubha kya Wayebusi.⁸Mwikumanie kwinogora ekyaro kyane bhuturukanibhwa abhasirikare gobhubhihatego atariho wuno aranagya kuhita musi waye kweki,kwego,atariho omunyakya wuno arahita kweki.Kwokubha bhono ndaza kurorera esi yane kwe zimoni zyane omwene!⁹Notore ekitiri nozomererwe,awe mukya Sayuni!Noteme ekitiri kokuzomererwa,awe mukya Yerusalemu!Rora!Omutemi owazo araza kunawe hamwe nobhuhene nokukuturya,Anebhigongi,etiriri ekitiri nomwana wekitiri. ¹⁰Niho ndarushehe erihuna Efraimu nefarasi kurwa Yerusalemu,nobhuta bhuraza kubhutiga kwihi;kyego araza kubhuga ebhyoro okuhorera,nobhutawara bhwaye bhuraza kurwa enyanza,nokurwa omwaro tee ekyaro kirahwere.¹¹Bhano emwe,kwokubha aminyinga gamikiriranio gani nemwe,ndaza kubhatura abhabhohwa kurwa mumwobho guno gutana manzi. ¹²Mukyore mubhutingo,abhabhohwa bhokwisubhirirya!Kyego rero ndabhuga ndabhakyorera mara kabhiri,kyego nimkikiri Yuda kyo bbhuta bhwane. ¹³Kweki nizurye esheki yane hamwe nefraimu.Nibhuriri abhana bhenyu Sayuni,obhwiturukani bhwa abhana Ugiriki,akukoriri awe,Sayuni,kyerisabha rya omuhari!¹⁴Eryobha rirabhahurikira,nemibhwe gyaye garetema kye rukubha!Okubha Eryobha Tatabhugya aretema ekirere ewe aragenderera hamwe nenyako kurwa Temani. ¹⁵Yahwe araza kubharwanira,bhosi bharaza kubhakamara nokugatiga amagina goruzumi.Niho bharanywe nokutema ekerere kyo mutu wuno anywili amarwa,bhosi bharaza kwizuribhwa namarwa kye bhihuzu,kyezihembe zye zidhahabhu.¹⁶Ego eryobha ryabhu rirabhaturya orusiku ruyo;bharaza kubha obhurembo gano ginuribhwe iguru wesi yaye. ¹⁷Nigabhwi bharaza kubha bhazomu! Abhamura nabhakya bharaza kuzomera iguru webhyakurya nomwana wekikari wuno akyari kutara nomusubhe iguru wa amarwa amazomu.

¹Mumusabhe Tata embura,eribhaga rya nyamabheho-Tata wuno akukora embura ye ebhimesyo-nawe arakora embura etweke kukira owumwe no obhumeri bhwa mutandari. ²Kwookubha ebhizururu bhya bhene zinyumba bhirahaya orurimi,abhagabhu baraganba orubhehi bharahaya ebhiroto bhyo okung'enererya no okurusya obhusegi bhuhurukenie kwego bharabhura kye ezing'ondu,bharanyaharika kwookubha atariho omurisya.³Obhururu bhwane bhuraka iguru yo abharisya abhakangati bhano niranyahara,Tata wa abharwani ararisakiirya erimuga rye ezing'ondu zyaye enyumba ye Yuda no okubhakoora kye ezifarassi zyaaye zye erihi.⁴Kurwa kunebho rirarwaku erigina erikuru rye embarika,kurwa kunebho kiraruaho ekisibho kye esokoni,kurwa kunebho bhuraruaho obhuta bhwe erihi;kurwa kunebho bharaza abhakangati bhosigo kwa hamwe. ⁵Bharabha bhahari bhano bhakubhataza abhabhisa bhabhu mumatoto ga mumagunguri muriihi bharakora erihi,kwookubha Tata arihamwe naneebho,bhosi bharabhanyaaka abhatiri bhe ezifarasi zye erihi.⁶Niratuma ezinguru enyumba ya Yuda,no okwiturya enyumba ya Yusufu,kwokubha ndabakyoorya no opkubhasekerera,bharabha kya hano nitabharusiryeho,kwookubha enye ni Tata ryabhu nosi nirabhitabira. ⁷Niho Efraimu arabhe muhari,niho ezikoro zyabhu zirazomererwa,abhana bhabhubhararoora nokuzomererwa,ezikoro zyabhu ziranizomererwa.⁸Nirabhamonyerera no okubhakumania,nirabhaturya bhosi bharabha bhakuru kyeego bhahabha ekare! ⁹Nikabhemia gatigati wa abhatu,kweego bharanihita mukyaro kya kure,kweego ebho na abhana babhu bharikara no okukyoora. ¹⁰Kwookubha nirabhakyoora okurwa mukyaro kya Misri no okubhakumania,okurwa Ashuru.Nirabhareta mukyaro kya Gileadi na Lebanoni tee hano okunyora omweya gutariho kuneebho.¹¹Nirahita munyanza ya amanyakyo ghabu,niragatema amabhoka ghe enyanza yiyo no okuomia ebhibhuko bhya Nile.Obhuzomu bhwa Ashuru bhuritumibhwa iyasi ne ehimbo ye Misri eragya kure okurwa kubhamisiri. ¹²Ndabhaha ezinguru kunenye omwene kweego bharagenda kurina ryane arahaya tata.

¹Iguura ebhiseku bhyaazo,awe Lebanoni,kikoreeke omuriro kyokubhwe mielezi gyaazo! ²Mwaramee emwe emiiti gya misonobari,nawe emielezi giguuri!kino kihabha kyobhubhaahi kino kyoikiibhwe! mwarame,emwe mibhitaa bhya Bashani,nawe ebhisaka bhyezinguuru bhitumibhwe. ³Abharisha bharakura ekweeri kwookubha obhutungi bhwaabhu bhusaribhwe! Eriraka ryo muruumo gwa abhana bheendwi,kwookubha ekisuubhe kyekitaaro Yordani kisariibhwe!⁴Ego nigo akabhuga Yahwe Eryobha ryani,''Muribhe eriizo ryezing'oondu riino riri haguhi ryo okugwagura! ⁵(Bhano bhakugurwa bharabhagwaaga bhatahukumirwe,naabho bhano bhakubhagurya arabhuga, 'Akumibhwe Eryobha! Ninibhiri! kubhuganzuri abhariisha bhano bhakoriri emirimo kubhano bhanezing'ondu bhatakubhasakirya.) ⁶Kubhuganzuri bhuuyo ntakubhasakirya kweeki abhene kyaaro!-ego niigo akubhuga eryoobha,Noroore enye omwene-kwa hahigoti okumwerekererya omutu mukubhoko kwo munyarobho waye na mukubhoko kwo mtaake waye,nabho bharasarya ekyaaro na hatariho na wuumwe wabhu wuno ndamutuurye okurwa mukubhooko kwaabhu.''⁷Kweego nikabha murisha wezing'ondu bhano bhakarusibhwa okusinzwa,bhano bhakubhahokeera ezing'oondu.Nikagega ezihimbo ibhiiri;ehimbo eyiimwe nikaiibhirikira''Orubhango'' neyindi nikaibhirikira ''Obhuumwe''.Kwenzirabyiio nikaziriisha ezing'ondu. ⁸Mwoosi yomweri ogumwe nikabhanyahara abhariisha bhatatu,kubhuga nzuuri ntigumirirye kweeki,bhooosi bhakabhihirirwa. ⁹Niho nkabhabhurira bheene bhyo,''Ntakukoora emirimo kya abharisha bheeyu kweki.Ezing'oondu zino zikwendeerwa-naziikwe;ezing'ondu zino zikusaribhwa-na zisariibhwe.Nezing'ondu zino zikusaga kiira oumwe arye enyama yomunyarobho waaye.''¹⁰Niho nikagega ehimbo yani''orubhango'' nokuyibhuna obhuragaani,riino nihabha nikoriri nezingaanda zyaani zyosi. ¹¹Kurusiku ruyo obhwaagani rikabhuunwa,nabhaarya bhano bhakunyakira ezing'ondu bhano bhahabha bhakundorerera bhakamenya kuubha Eryobha rikaaya. ¹²Nkabhabhurira, ''Erabha erabhazomeera,mundihe amatuho bhwaani-bhisinzika miroongo etatu bhye ziheera.¹³Nawe Eryobha rikamburira, ''Tura ezihera mukibhumbiko,obhweera enzoomu yiguru yiino bhakakuha!'' Niho nikageega bhisinzika miroongo etatu bhye eziheera nokubhituura mukibhumbiko mwoosi we nyumba ye Eryobha. ¹⁴Nkamara rikamburira,'ehimbo yani yakabhiri, ''Obhumwe,''okwiita obhuhiri bhwa Yuda na Israeli.¹⁵Eryoobha rikamburira,''Kweeki'',nogeege ekigiro kyo muriisho omugege kwookubha yaazo omwene, ¹⁶Kubhutanzuri noorore,ndihaguhi okumutuura ahagiro omuriisha mukyaaro.Atakuroreera ezing'ondu ziino zikunyaharika.Atakukomya ezing'oondu zino zibhuriri,na atakuzihorya ezingondu zino zikuhegeera.Atakuzirisha ezing'ondu bhaano bhano bhuhoreru,nawe araarya enyaama ye eng'ondu zino zinuriri woosi aratya ezikuruta zyaabhu.¹⁷Awe tiga kubharisha bhano bhatakunagya bharatigaberihiizo ryezing'ondu!Erisaabha ryiize iguru yokubhoko kwaaye neriiso ryaaye ryobhuuryo!Okubhoko kwaaye kwoome neriso ryaaye ryobhuryo rihukuure!

¹Rino ni ng'ana rino ryagambirwe na Tatabhugya kubha Israeli-Tata arabhuga,wuno akwaririrya erisaro na okiutuura obhutingo bhwe ekyaaro,wuno akuteema ekoro yoomutu mwoosi waye, ²''Rora,ndaikora Yerusalemu ebhe ekikombe kino kikubhanyakya abhatu bhoosi bhano bhayinariri.Irabha egoego na Yuda kwe eribhaga rya okuhusuribhwa kwa Yerusalemu. ³Kurusiku ruyo,ndaikora Yerusalemu ebhe igina irito kwa abhatu bha abhahiri bhoosi.Wuno akkusakya kurigororokya erigina riyo arinyahara bhukong'u,na ebhyaro bhyosi bhya musi bhirikumania kwo okukyooka amugye guyo.⁴Kurusiku ruyo arabhuga Tatabhugya-ndaitema kira efarasi kwookuheema,na wuno akuyitiraku ndamuturira obhyuyanga.Nanenye ndayikundukura enyumba ya Yuda ameso gane,na nenye ndaitura kira efarasi obhuhoku,kira efarasi yezihamati zya abhatu. ⁵Na abhakangati bha Yuda bharazakubhuga muzikoro zyabhu, 'Abhamenye bha Yerusalemu ni nguru zanye ku tatabhugya wa abharwani,Tatabbhugya wabhu.⁶Kuzisiku ziyo ndabhakora bhakangati bha Yuda bhabhe kyeezisengoo zyo omururo kumiti na emyere gyo omuiruro kubhyakurya bhino bhimereri,kubha oranyara abhatu bhoosi bhano bharihaguhi kurubhaara rwoobhuryo no orubhaara ryo obhumoosi. Yerusalemu arikara ahagiro haye kweki.⁷Tatabhuggya arakiturya ebhihuuna bhya Yuda singa,niho obhwaare bhwee enyumba ya Daudi no obhwaare bhwa bhano bhakwikara bhutakukira hano hasagiri ha Yuda. ⁸Kurusiku ruyo Tatabhugya arabha omwisasamiri wa abhatu bhaYerusalemu,noorusiku ruyo abharosu muubhayo bharabha kya Daudi, eribhaga bhe enyumba ya Daudi bharabha kya Tatabhugya,kya malaika bha Yahwe. ⁹''Eraza kubha kuzisiku ziyo ndatanga okubhisarya ebhyaro bhyosi bhino bhikuza kwookukyoka Yerusalemu.¹⁰Nawe nditira ekoro yeebhigongi no okuyisabhira enyumba ya Daudi na bhano bhakwikara Yerusalemu,kwego bharandorera enye,bhano bhamusoriri eriitimu.Bharaniaramia,kya wono akwaramira omwana waye owumwego;bharamwaramira kwo obhusungu bhukong'u kya wuno akwaramira uruku rwa omwana waye wobhutangi. ¹¹Kurusiku ruyo obhwaramiri bhweyo Yerusalemu bhurabha kyo obhwaramiri bhwa Hadadi Rimoni mutandari ya Megido.¹²Ekyaaro kiraramira,kira ehamati eyene.Ehamati ye enyumba ya Daudi erabha eyene na abhakari bhabhu bharabha abheene kure na abhakari bhabhu bharabha abhene kure na abhasubhe bhabhu.Ehamati ye enyumba ya Nathani erabha eyene na abhakari bhabhu bharabha abheene kure na abhasubhe. ¹³Ehamati ya enyumba ya Lawi erabha naabhakari bhabhu bharabha abheene kure na abhasubhe.Ehamati ya Washimei erabha eyene na abhakari bhabhu bharabhe abheene kure na abhasubhe. ¹⁴Kira ehamati yino esagiri-kira eyimwe erabha eyeene na abhakari bharabha kure na abhasubhe.

¹Kurusiku ruyo omwaro gukigurirwa iguru we enyumba ya Daudi na abhikari bha Yerusalemu,iguru wa amabhihu gho obhubhi bhwabhu. ²Kurusiku ruyo-arabhuga Yahwe wa abhasirikare-kubha ndarusyaho amarina ge erihunduguru kukyaro kubha ghatige kuhita kweki.Ndabharusyaho kweki kukyaaro kya abharoti bhorurimi na emitima gyabhu emibhihu.³Aribha mutu wowosi aragenderera kurusya obhuroti,wise waye na nina waye bhano bhamwibhuri bharamubhurira,otakwikara,kwokubha ohayiri rurimi kurina rya Yahwe! Niho tata na mai bhanobhamwibhuri hano bharamwokye kwibhaga rya obhuroti.⁴Kurusiku ruyo omuroti wosi ararorera ezisoni ebhiroto bhaye hana okurusya obhuroti.Abharoti bhano bhatakwibhoha kweki eribhoho rya orusurya kubhang'enererya abhatu. ⁵Kwokubha kwo wumwe arabhuga ,'Enyentari omuroti!enye ni mulimi,kwokubha esi niyo emirimo kwema obhumura bhwane! ⁶Nawe omutu owundi aramubhurira,amaghati ghano kumabhoko ghazo ni ghaki?' ewe arakyora,nikanyaharwa na bhano bhahabha munyumba ya bhasani bhane.⁷Ekyoogi!gororoka omwene iguru womwangariri wane omutu wuno akwimerera haguhi na nenye-nigho akubhuga Yahwe wa abhasirikare.Mtume omwangariri na amang'ondu gharanyagana!kwokubha ndakyosya okubhoko kwane iguru wa abhasuhu.⁸Kumaara arabha kubha esi yoosi-ego nigo akuhaya Yahwe-kubha theruthi ibhiri yaye erarusibhwaku!Abhatu bhayo bharanyaharika;theruthi yimwe niyo ekusaga. ⁹Ndayihitye yiyo ya katatu mumuriro kubhazomya kyego ezihera ekuzomibhwa,ndabhasakya kyego ezahabhu yino ekusakibhwa.Bharabhirikiraberina ryane enye ndabhakyora kuhaya,bhano ni bhatu bhane,nabho bharabhuga, Yahwe niwe Tata wetu!"

¹Rora orusiku rwa Yahwe ruraza eribhaga omugwaatwa weetu haano bharasondibbhwe gatigati wetu. ²Kuukubha ndakumania ebhaaro bhoosi okwikyora kya Yerusalemu kwee erihi noomuge guragwaatwa.Ezinyumba ziragwaatwa na abhakara bharaatimbwa.Eritinika rye kyaaro rirahirwa mubhugwaatwa,nawe okuhitirirya kwa abhaatu kutukuhwa mumugwe.³Nawe Yahwe arahuruka nookuykora erihi kubhaaro kyeego akuutema kuuezisiku zyee erihi. ⁴Orusiku ruyo amaguru gaaye garimerera iguru wee kiguru kya mizeituni,guno guri kuure Yerusalemu urubhara rwa ruguru ekiguru kwa mzeituni gurisondamu ruguru nyaanza kwe eriruma ikuuru bhukong'u na eriting'ati kwerekera range.⁵Niho turaryaare mumaruma na mubhiguru bha Yahwe kwookubha eriruma muugayo garahika Azali.Mraryyaara kyoo orusiku runo mwaryariri ekirigito kye ekyaaro orusiku rwa Uzia,omutemi wa Yuda.Niho Yahwe tatabhugya waane araaze na abheeru bhaaye bhoosi.⁶Kutakuza kubhaho bhweeru ruyo.Naawe etareho mbeeho hamwe omusoke. ⁷Orusiku ruyo arumenyiri Yahwe ewe omwene,kutakuuza kubhaaho mwiisi na bhutiku ne engorobhs erabha bhweru. ⁸Orusiku ruyo amanzi amahooru garahiringita kurwera Yerusalemu.Agandi garahiringita enyaanza ya ruguru na agaandi enyaanza ya nyaanza,eribhaga rye embura na omubhaso.⁹Yahwe arabha omutemi iguru ya ekyaaro kyoosi.Kuzisiiku ziyo kurabha Yahwe,Tatabhugya umwe,erina ryaye eryeene. ¹⁰Ekyaaro kyosi kirabha Araba,kweemera Geba tee Rimoni range muu Yerusalemu.Na Yerusalemu eragenderya kubha iguru.Arikara hagiro haaye omweene kurwera kiseku kya Benyamini hata ahagiro haano kiri ekiseku kyaa ubhutagiro hata ekiseku kyaa embarika noo okurya ekimenyekereryo Hananeli hata erihatike ryoo omutemi. ¹¹Abhatu bhakikara Yerusalemu na kutabheriho obhusikya gaa mahene kurwa kuu Tatabhugya.Yerusalemu irabha kisi.¹²Yino erabha tauni yiino kwayo Yahwe arabhateema abhahiri bhoosi bha abhaatu bhano bhakurwana eriihi Yerusalemu:emibhiri gyaabhu girabhoora kuu myoobho gyo orurimi rurabhora na eminwa gwaabhu. ¹³Orusiku ruyo obhwoobha obhwaru okurwa kuu Yahwe bhurabha kuneebho kwa oumwe aragwata okubhooko kwo oundi kurinurwa embarika noo oundi.¹⁴Yuda ararwana na Yerusalemu.Bharakumania ubhunibhi bhwee ebhaaro bhoosi bhino bhimwiruguriri-dhahabhu,ezihera,obhwaru bhwee ezingibho ezinyoomu. ¹⁵Tauni irabha iguru wee farasi,nyumbu,ngamia na punda na ezyityenyi kwibhara ziratemwa nee erihi kiyo.¹⁶Niho bhano bharasage mukyaaro gano gari inyuma na Yerusalemu bharagya kumwaka tee kumwaka okwisasama omutemi,Yahwe wa abharwani noo kuribha sikukuu ya amahuna. ¹⁷Neerabha kubha omutu wowosi kurwa kwu bhaaro bhoosi bhee ekyaaro atakugya Yerusalemu kusengera omutemi,Yahwe Tata Yahwe atakureta embara iguru yabhu. ¹⁸Ekyaaro kya Misri kitakugya niho bhitakubhona embura.Tauni kurwa kuu Yahwe bhirasangiri ekyaaro gano gatakutira sikukuu ya amahuna.¹⁹Okwokibhwa kwa Misri noo-okokibhwa kwee ekyaro kino kitatiririr okubhiika esikukuu ya amahuna.²⁰Naho orusiku ruyo, etongori ye farasi ziragamba, ''Mwinyahure kwookubha yaa Yahwe,'' nee ezikarai munyumba garabha kyeezembihira kuubhusyo bhwa kwisengerero. ²¹Kwookubha ekibhuga Yerusalemu na Yuda kirarusibhwaho na Yuda kirarusibhwaho na Yahwe wa abhiitani no oumwe umwe wuno akureta ekimweso ararira mwoosi noo okugiyaagya.Bhatakubhaho bhakoribhabhishara na munyuumba ya Yahwe wa abhiitani orusiku ruyo.

¹Erihayo rye ering'ana rye Eryiobha ku Israeli kukubhoko kwa Malaki. ²"Nkakusega,"arabhuga Eryiobha.Nawe orabhuga."Kwokubha yihe okatusega?" Esau atari muhiri waye Yakobo?" arabhugha Eryiobha." mkyali nimusegiri Yakobo, ³Nawenimutindili Esau.nikolili ebhiguru bhaye kubha kiri,nihakulili nghabho yaye kubha kubhoko kwa nyamubhwe wa kwibhara.''⁴Kwokubha Edomu arabhuga,"Tutemirwe,nawe turakiora no kwomboka hano hasarikiri,"Eryiobha rya abhasirikare rilabhugego,"bharomboka nawe ndaigwisha hasi,na abhasubhe bharabhirikira esi yabhasarya, kubhatu tatabhugia anakoro nabho ekele na handi. ⁵Kuzimoni zenyu muraza kurora gano,nomurabhuga," Eriobha ni kuru kubhukangati yo obhusinsiro bhwa Israeli.⁶omwana amwobhohe wese wabhu,no mubhagati na mwobhohe Eriobha liaye,kwokubha,enye ni wese,bhulihai obhusuki bhane? kwokubha enye ni eriobha bhulihai obhusuki bhwane?Eriobha nirabhu ego kunemwe,abhamwesi,bhano mukuzera elina liyane.Nawe murabhuga,'turizeri ribhi elina ryazo? ⁷Kwo kurushaho ebhikurya gisaribhwe mwisabhiro riane.Mulahaya kubha,'Tukuzeriri kwi ghabhuli? kwokuhayego meza ya Tatabhughya ezerirurwe.⁸Hano mkurusha ekimweso kia matienyi abhahoku ebho bhatari bhsaria?hano mraruhemu abharema na abharweli,ege bhatari bhasaria? muhire lino kumutani awekino alabhabhikiliro hamwe inoa obhusho bhwenyu?"arabugha Eriobha ryabhasirikare. ⁹Bhono mrasakia kumohiya omubhano gwa Tatabhugya,niho aloe muzomu kunetwe. "Kukigiroki kyekumweso kietu,aragego obhusho mwetu?arabhuga Eriobha rya abhasirikare.¹⁰Hano kungabheri no mutu wuno yingigeli ekiseku erisengerero,nawe inata kubhbhbiro emwe,''arabhuga Eriobha rya bhasirikare,''takwenda ekimweso kyokyosi kirwa mumabhoko getu. ¹¹Kurwa mumirengeri gyeriobha teemumakya elina ryare lilabha ikuru gatigati we bhaaro kwokubha kuhagiro omugundiriryo bhukulushibhwa mulina ryane,kwokubha ekimweso kizomu.kwokubha elina ryane ryali ikuru bhukongu gati wa ebharo abhugili Eryobha rya bhasirikare. ¹²''Nawe emwe mrasalia hano mukubhugha meza ga Tatabhugya murainyakahia amatundugura gaye ne ebhakulora bhaye kubhizera.¹³Emwe mwosi murabhuga,'eng'ana yino eturosirie,mwosi mularizera,"arabhuga Eriobha rya abhasirikare."Mukiorirye kino kiali kigegirwe namatiyeni gakwibhala kasi abharema bhano bhali abharweli;rubhyo mukuhira ekimweso kyenyu!Natura kuikililya mumabhoko genyu?'' arabhuga Eriobha. ¹⁴Yihimwe wuno akung'enererya,wuno anetienyi esubhe yerilizo ryaye abhasengeri kundushirya,nawe kirusha kunenye,enye Eriobha wuno yali omung'ening'eni,kwokubha enye omutemi okuru,''arabhuga Eriobha rya bhasirikare,''ne rina riane niho likwobhoha gati we ekiaaro.

¹Bhoono,emwe abhasengeri,ehatika yino nku neemwe. ²Areebha mtakwitegerera,nokurigega kuzikoro zyeenyu no kuniheena obhweru kuriina ryaani,"arabhuga Tatabhugya wa abhasirikare ndatomania amiihiimo kubha neemwe,no kwiihiima orubhango zyeenyu.Kwobhuheene, nkabhiima,kwokubha okanga okugega emigiro gipane mukoro yazyo.³Rora,ndihiima erujbhoro yaazo,no kukuhoko amabhi kubhusho bhwazo,amabhi gabhigira bhyerisengero ryeenyu,nokugegwa hegiro hamwi nagyo. ⁴Nokumenya kubha nkatumania emigiro kuneemwe, kubha obhuraghe bwaane lulabha iguru wa Lawi na neenye arabhuga Tatabhugya wa abhasirikare.⁵Obhurage bhwaane bhukabha bhwo obhuhoru na obhuzomererwa, na nkamuhaane ebhigiro bhino kubha enzera yokunsuuka.akansuuka na akimeera akabha no bhyoobho kwo riiro ryane. ⁶Ameegibhwa gaaye gakabhu kuumunwa gwaaye.Akagenda na neenye kwobhuzomu,na amabhihu gatahurukiri kumunwa gwaaye no kubhakyoora abhaaru kureka kumatenyo amabhihu. ⁷Kwokubha eminwa gya abhasengeri garabhika amang'eeni,na abhatu bharaga kukomia amang'eeni kumutwe gwaabhio,kwokubha no omutomwa wa Tatabhugya wa abhasirikare.⁸Nawe nwahitiri ambarika na enzira yoobhuhene.Ukagirya abhaaru bhatikiriryania ne emigiro.Okasrya obhurage bhwo Lawi",arabhuga Tatabhugya wa abhasirikare. ⁹Kweego mbakoriri naneemwa mtasuukwa kwubhaatu,kwokubha mtariibhiri ezyinzira zyane,nawe emwe mseegiri amatemo geenyo.¹⁰Etwe bhoosi tutari na Tata wumwi?Atari Eriobha wurya wumwi wono yatubhuunba bhoosigo?kwaki turakorerana amabhihu kyo wumwi ne muhiri waye,nokurisarya obhurage bwa bhwa tata kubha b heetu? ¹¹Yuda yakoriri amabhihu nokusesebhukya ekoro kubhirigo bhino bhiturirwe kubha Israeli na Yerusalemu.Yuda achakwiiri ahagiro aheeru ha Tatabhugya hano asegiri, nokuteta omuukya wa maasambwa. ¹²Eriobha rikusenzere kure kureka kwu nyumba yo Yakobo no okwibhurwa kwa abhaatu bhano bhatemirye gano,newe yunu akogega ezisadaka kwu Tatabhugya wa abhasirikare.¹³Newe orakora kyuyo.Orahumya emezaryo kusengeera ya Tatabhugya kwo zisungwi,kwo okora no kurwaera,kwokubha tutakwikiririrya ezisadaka kuzigega kumabhoko gaazo.¹⁴Newe urahaya,nkwokubha yaki?"Nkwokubha Tatabhugya yaabheeri omsahidi igatu ye naawe na kwo omkari wo bhumura bhwaago,otamirwe kubha muheene,nawe mrikyaazo no omukari wo obhurage bhwaazo. ¹⁵Awe atabhakoriri kubha hagiro hamwi,kukoro yaye?Bhoono,nkwaki akabhekora kubha bhwumwi?Nkokubha yaari araganyera abhaanu abheerya koro bha Eriobha.Kweego tigana na gayo aumweene mukoro yazo,atabhao omutu wuno atari muheena kwo omukari wobhumura bhwaaye. ¹⁶"Ndegiri okutigane",arabhuga Tatabhugya Eriobha wa Israeli,'wuno akwibhoha amiibhoho gwobhutungiiri",arabhuga Tatabhugya wa abhasirikare. "'Kwweego wiribhe omweene mukoro yaazo no otabha mubheehi.¹⁷Mwamurosya Tatabhugya na amang'ana.Nawe mutrahaya,"Twakurosya igabhwi?Nkwokubha ya amatemyo geenu gabheeri mabhihu na mgakoriri mazomu kuneemwe ku Tatabhugya,na arazomerwa nago,"na "Arihayi Erioobha wa Bhuzomye?

¹Rora,ndamutuma omutu wane,uno akukoora enzira embere wane.No Omutemi, uno mukumuhooya araza bhwangu mwisengeryo ryaaye;no omutumwa wo obhurage,uno kuneewa murazomererwa,rora araza.'' ²Ni wewi akwikong'ereerya orusiku rwo okuza kwaaye? ni wewi akwimereera ano akuhika?Ewe nkyoomutu uno akuzyooma kwo omuriro ne esabhuni yo okufguriira. ³Arikara no kumwereera kyo omwoogya we ezihera,arazomeerya abhaana bha Lawi.arabhakora bhabhe bhazomu kye ezahabhu na ezihera,na bharabhareeta ebhigiiro bhyo okumweesa bhyo obhuhene kumutemi.⁴Ebhimwezo bhya Yuda na Yerusalemu,erazomera kumutemi kye ezisiku zinyuma na emyaaka gye ekare. ⁵Hano kumara ndahita hagui na neemwe akubhahukumira.ndabha omutwanikania omwaangu kubharogi,abhasimbe,bhano bhakohaya orurimi,bhano bhakuoneera abhahookya kuumirigo gyaabhu,bhanu bhakuoneera abhaguuru na abhataka,uno akuheebha omugini kureka kubhuheene bhwaaye,na kubhahaano bhatakunsuuka enye,"arabhuga Omukuru abhakeeya.⁶Enye omutemi ntakwikyoora,hata emwe abhaatu bha Yakobo mutakoreeri. ⁷Kureeka eribhaga rya bhauso weenyu mukyoriri inyuma no obhutaratibu bhwane mtabhubhikiiri.Mwikyoore, noosi ndabhakyoreera,"arahaya Omukuru wa amahi.Kwo okubha murabhuga, turakukyoreraabhwi?⁸Omutu aranagya kwibhira Erioobha?Muranibhira enye,kwokubha murahaya,'Tukwibhiri bhwi?'' ezisadaka. ⁹Mwihimiri amihime, kwo kunibhiira enye, ekyaaro kyosi¹⁰Murete omuheero gwabhwaheene mukitaara,bhibhemo ebhyakurya munyumba yane.Muynsakye kuurino,''arabhuga Omutemi wa abhatu.''hano ntabhiguriiri amadirisha ga mwisaro no okhubhitiriira enokwe iguru wenyu,kwokubha atakuza kubhooho hagiiro hakuuru hokugegera. ¹¹Ndamurekya omusarya kwawe,kweego atasarya bhino mubhweni bhye ekyaaro kyeenyu;emizabibu mumigundu gyeenyu gitakugwiisha kwi ibhaaga rino ritaari ryaku,''aragamba Omutemi wa abhaatu. ¹²Ebhyaaro bhyoosi bhirakubhirikira werubhango;kwookubha yaazo kirabha kyaro kya bhuzomererwa,''arabhuga Omutemi wa abhasirikare.¹³Amang'ana genyu gabheeri makong'u embarika na nenye,''arahaya Omutemi.kwokubha murahaya,''Tubhugebhwi bhira awe?' ¹⁴muhairi,'Kitareheo kyakumukoreera Tatabhugya .Eroho faidaki yookubhika gano antumiri,no okugyeeno orariira kumutemi wa abharwani? ¹⁵Wakisumbe turamubhirikira.Okusarya kutari kubhona okwene kwo okumusaakya Eriobha no okumutiga.¹⁶Kwokubha bhano bhakumusuuka omutemi bhakakerenia uumwe umwe;Omutemi yitegiri kutwitegereera.ekitabhu kyo okuhiitya kikakaamwa embe waaye kuubhano bhakumwobhoha Omutemi no okurisuka erina ryaaye.¹⁷''Bharazakubha bhane'',arahaya Omutemi wa abhitani'',esakwa yane,kuzisiku zino nkukoora;ndabhaseega,kyo omutu uno amusegiri,omwona uno akumasakirya. ¹⁸Hano njkukyoora ndatwanikania obhuhene no obhubhi kubhano Eryoobha na bhano bhakumusabha.

¹Rora,orusiku ruraza rurakya kyeribheri,bhano bhosi bhekisalani na abhakori bha mabhihu bharaza kubha kyamatete.Orusiku ruraza ryokubhokya,''arabhuga Tatabhugya,''orusiku rurarushaho emili ne litina. ²Emwe bhana mukyobhoha elina ryane,Eryoobha rirabhakira nobhuhoru bhwa amabhaha gae.Mulibhurukabhuka kye bhimoli mwibhanza. ³Nabhasarya bhosi mlatazirya hasi, bharabha kibhu na hasi ya maguru genyu orusiku ruyo ndagya,arabhugaTatabhugya.⁴Muhite okusuka emigiro omuhokya wane Musa,ehamri ye migiro gino namuhubiri eyo Herobu,Israeli bhoosi. ⁵Rora,ndamutuma Eliya omuroti kubhwerekera bhezisiku ezikuru zyo kuhahya yokuza kutata. ⁶Arakorya ekoro ya tata kubhana,ezikoro zya bhana kubhawise wabhu ntazakuza kunyaragania ekyaaro kwo obhusarya bhosi.

¹Bhuno niyobhutangiro bhwe ekina kya Yeesu Kristo, omwana wa Taatabhugya. ²Kyeego yakamirwe no omurooti Isaya, "Rora, ndamutuma omutwa wane kunaawe, owumwe uno akukora enzira yaazo. ³Eriraka rya omuutu akubhirikira mwitirigo, "Mumare enzira ya Taatabhugya; mwerekye enzira zyaaye".⁴Yohana akaza, akabhasubha mwitirigo no okurarika no okusubhwa na okusabha no kwabhirwa na amabhihu. ⁵Eesi yoosi ya Y udea na abhaatiu bhoosi bha Yerusaremu bhakagenda kunewe. Bhahabha bharitirwa nanewe gatigati yomwaaro gwa Yordani, bhakabhighana obhubhihu bhwaabhu. ⁶Yohana ahabha aribhoha engibho yamabhuri gengamia nomukandara gwergero kukibhono kyaaye, na ahabha ararya ezingige nobhuuku bhwa mwitirigo.⁷Akaghamba nokubhuga, "Ariho owumwe araaza kugayo agani wezinguru ezinzaru kukira enye, ntana obhunagya kusundara haasi nokutazura ezisiri zyebirato byaaye. ⁸Enye nikabhasubha kwaamaanzi, nawe awe arabhasubha kweekoro yobhweru.⁹Ekarekera gati ya zisiku ziyo kubha Yeesu, akaaza kurwa Nazareti ya Gariraya, na akasubha na Yohana gati yomwaaro gwa Yordani. ¹⁰Kwiibhaga Yeesu akimerera akarwa mumanzi, akarora ebhyaaro bhitwanikeni mwaasi nezikoro zikituma haasi iguru yaaye kyeerigina. ¹¹Eriraka rikarwa kwisaaro, "Awe no omwana omusegwa. Ndazomererwa bhukong'u na nawe.¹²Kweego ekoro iyumwe akamuhatika okugya mwitirigo. ¹³Ahabha mwitirigo esiku mirongo ene arasakibhwa eraambwa. Ahaabha hamwe ne ebhitienyi bhya mwitirigo, na maraika bhakamusakirya.¹⁴Bhoono kaugayo Yohana akagwatwa, Yeesu akaaza Griray okurarika ekina". ¹⁵Akabhuga, "Eribhaga okoriri noomutemi we Eryoobha bhuhikiri. Tusabhe nokwikirirya gatigati yekina.¹⁶Na akahita embarika ye nyaanza, Gariraya, akamurora Simioni na Andrea omuhiri wa Simion bhararekera orwero zaabhu gatigati wenyaanza, kwookubha bhahabha abhategi. ¹⁷Yeesu akabhabhurira, "Muuze, muninimihye, na ndabhakora abhategi bha abhaatu". ¹⁸Norumwe ego bhakatiga orweero na bhakamukomya.¹⁹Kweeribhaga Yeesu ahagenda haagiru hatumbhi akamurora Yakobo omwana wa Zebedayo na Yohana omuhiri waaye; bhaahabha mubhwato bharakora orwero. ²⁰Akamara akabhabhirikira nabho bhakamtiga wuuso waabhu Zeberdayo mwoosi woobhaato na abhahokya bhaano bhasabhirwe, bhakamugyaaku.²¹Hno bhahikiri Kaorenaumu, orusiku rwo obhuturo, Yeesu akasikira mwisengererro no kubhererkererya. ²²Bhakanigura ameegyo gaye, kweegyo ahhabha arabhegya kyoomutu woobhutangi na wuno atari kyomukaami.²³Kwiibhaga riyoriyoahabhaho omutu gatigati mwisengerero yabhu wuno ahabhanga nekoro embehu, nakatema ekitiri. ²⁴Akabhuga, "Tunaki kyokkukora na newe, Yeesu wa Nazareti? Wiziri kuunyahara? Nikumenyiri u wewi awe niobhweru ori we Eryoobha". ²⁵Yeesu akarirekya erisambhwa na akabhuga, "Nokire no ohuruke mwoosi yaaye. ²⁶Nekore embihu ekamugwisha haasi akarwa kuneewe kweeribhaga ararira kweriiraka ryiguuru.²⁷Abhaatu b hoosi bhakarugura, kweego bhakabhurania kyo owumwe, "Kini niki? Amegyo amahya gobhutuungi? kweego otakurusya amasambwa amabhihu goosi garaamsuka!" ²⁸Na amang'ana kyeego awe kurumwe gakitaaangaza kira ahagiro mwoosi wo mkoa gwoosi gwa Gariraya.²⁹Kworumwe kugayo gakurwa igutu mwisengeero, bhakasikira munyumba ya Simioni na Andrea bhahabha na aYakobo na Yohana. ³⁰Bhoono inyibhyara Simion ahabha ahindiri murweri we ehoma, na kwo orumwe akamubhurira Yeesu amang'ana gaye. ³¹Kweego akawanza akamugwata okubhoko, na akamwinura iguru; ehoma ekahwa kunewe, akawanaza okubhasakirya.³²Engoroobha yiyo eribhaaga Eryooobha rimariri okutubhira, bhakamuretera owaaye bhoosi bhano bhahabha abharweri, na bhaano bhari bhayangahiri nersambwa. ³³Omugye gwoosi gukikumania hamwe gatigati ye bhiseku. ³⁴Akabhahorya bhaaru bhano bhaahabha abharweri bho bhurweri bhobhoosi nokurusya amasamabwa amaru, kweego atikirirya isambwa kugamba kwookubha bhakamumenya.³⁵Akmuka ekitabhoori bhwangu eribhaga kwaari kukyaari kirima, akimuka nokugya ahagiro alizomu na akaasabha eyo. ³⁶Simoni na bhoosi bhano bhakabha hamwe woosi akamukomya. ³⁷Bhakamubhoona no kumubhurira, "Kira wumwe aramukomya".³⁸Akabhabhurira, "Tugeende ahagiro ahaandi, igutu yemiigye gino gitwinogoriri", iri ninagye akakerania eyo hoosi. Niyo erikosa rikakora nkaaza haano. ³⁹Akagenda akahita Griraya yoosi, akakerania gatigati mumasengerero ghaabhu no okwanga arisambwa.⁴⁰We ebhigenge owumwe akaaza kunewe. Ahaabha aramukumirirya; akatema amaaru na akamubhurira, "Kweego arenda, aranagya kunikora nibhe omweru." ⁴¹Akahunwa ne ebhugongi Yeesu akagurora okubhoko kwaye kukamuhikira, akamubhurira, "Ndeenda obhe omweeru." ⁴²Rumwe ego ebhigenge bhikamurwaku, na akakorwa kubha omweru.⁴³Yeesu akamurekya kwobhuhari nokumubhuriraagende rumwe ego, ⁴⁴Akabhabhurira, mumonyekererye otakuhaya ng'ana yoyosi, kyeego haya obhuheene omusengeri, no orushe ebhihirawa mwisengerero kwo obhusinduri bhuno Musa akatumania, kyobhuhene bhwaabhu.⁴⁵Kyeego akagenda nokwawanza kumubhurira kira owumwe nokugaamba eng'ana kumukira Yeesu, atanagirye okusikira muibhoma kwehene kweego akikara ahagiro ahazomu na abhaatu bhakaaza kunewe.

¹Siku suhu zyahitiri akabha akyoriri Kaperinaumu, akiyigwa kubha ariyika. ²Bhatu bharu bhahabha bhikumenie hayo gatabhanga gureho mweya kweki, namumuryango hosi, Yeesu akabhakyora ang'ana.³Hano bhamariri bhatu nyabhurebhe bhakamuretera mutu wumwe wuno ahabha aremeri mubhiri gwosi, ahabha agegirwe na bhatu bhane. ⁴Hano bhatamiri kumuhikira kwibhaga riyo kukubha nyabhatu bharu, bhakiha orusara rwe enyumba kubhurunga bhuno ahabha arimu. Hano bhamariri kutobhora erihundu bhakitumia obhuriri bhuno omurweri ahabha ahindiriku.⁵Hano akarora obhwikirirya bhwabhu Yeesu akamurira omurweri, mwana wane, obhubhi bhazo bhwabhirwe. ⁶Nawe abhakami bhano bhahabha bhikeri hayo bhakibhurya muzikora zyaabhu. ⁷Omutwano aragambabhwe? Arazi bhura! Niwi wuno akutura kwabhira obhusarya aribha atari Taatabhugya omwene?⁸Yeesu akamenya gano bhakwiseega kureka muzikoro zyaabhu abhene. Akabhakyora kwaki murisegeego muzikoro zyeenyu. ⁹Nirihe erinyohu kukira okubhuga omutu wuno aremeri, amabhihu gazo gaabhirwe kweeki okubhuga yimerera, ogege obhuriri bhwaazo, nogende?¹⁰Nawe kororokya bhamenye kubha omwana wa Adamu anobhunagya bhwo kwabhira amabhihu mukyaaro akamubhurira omurema wurya. ¹¹"Ndakubhurira awe, imerera, gega omukeka gwazo ogende yika wazo. ¹²Rumwego akimerera akagega omukeka gwaaye akahuruka igutu kuu mwangara mubhatu bhosi, kweego bhakarugura eno bhakamukumia Taatabhugya nokumwikirirya, bhakabhuga eribhaga, "Tukyari kurora eng'ana kyayino."¹³Akagya embarika ye nyanza bhatu bharu bhakamuzaku akabhegya. ¹⁴Hano ahabha arahita nakamurora Lawi mura wa Alfayo yikeri haguhi na hano bhakukumanirya erigoti akamubhurira, "Nturira" Akimerera akamutunurira.¹⁵Kwibhaga rino Yeesu ahabhona ebhyakurya munyumba ya Lawi, abhakumania bhe rigiti bharu hamwe na aabhakori bha amabhihu bhaharya na Yeesu nabhegibhwa bhyaye, bhaye bhoosi kukubha bhatu bhahabha bharu bhano bhahamutunirira. ¹⁶Hano abhandiki, bhano bhahabha mafarisayo, bharuzi kubha Yeesu ararya na bhakori bha amabhihu hamwe nabhakumania bherigoti, bhakabhurira abhegibhwa bhaye kwaki ararya nabhakumania bharigoti hamwe nabhakori bha mabhihu?¹⁷Yeesu hano yigwiri gayo akabhabhurira, abhatu bhe mibhiri emihoru bhatakwendera mureri, abharweri nibho bhakumwenda. Ntiziri kubhirikira abhatu abhahehe, nawe abhatu bho bhusarya.¹⁸Abhegibhwa bha Yohana hamwe na mafarisayo bhahabha bhatakurya. Abhatua bhandi bhakamuzaku nakumubhurya, "Kwaki abhegibhwa bha Yohana hamwe na amafarisayo bhahatiga okurya, nawe abhegibhwa bhazo bhatakukorego? ¹⁹Yeesu akabhabhurira, "Wuno ararikirwe kuu bhwenga abharatura kutiga kurya kwibhaga rino bhakyari hamwe na mwene bhweenga? Kugosi gayo namwene bhwenga aribha akyari hamwe nabho bhatakutura kutama kurya".²⁰Nawe eribhaga riraza kuhika hano mwene bhwenga arirusi bhwaho kwibhaga riyo niho ebho bharitama okurya. ²¹Atareho mutu wuno akutumia ekitambara ekihya kungibho ekungu, eribhego ekiraka kiramatuka kureka kungibho yiyo ekungu kibhikibhi.²²Atareho mutu wuno akutura edivai ehya mubhiribha aebhikungu, eribhego edivai erarandura ebhiribha kwego bhyosiigo bhibhiri edivai ne bhiribha birasarika. Kweego tura edivai ehya mubhiribha ebhihya.²³Orusiku rwa obhusengeri Yeesu akahita amumigundu, abhegibhwa bhaye bhakagega emisi gya engano. ²⁴Mafarisayo bhakamubhurya, "Rora kwaki bharatuma emigiro gyo orusiku rwobhusengeri?²⁵Akabhabhurya, mutasomeri kino Daudi yakoriri hano ahabha nenzara ewe hamwe nabhatu bhanao ahabha anabho? ²⁶Kyego Daudi yagiri munyumba ya Taatabhugya kwibhaga rino aomukuru wa abhamwesi yari Abiathari akarya aemikate gino gihabha mwisengerero muyo yiyo ehabha nimugiro kumutu wuyo wosi kurya abhamwesi nibho bhakiriribhwa okuririra muyo hano yamaririakahana abhandi bhano ahabha nabho hamwe?²⁷Yeesu akabhugaa, "Obhusengeri bhwakorirwe iguru wa abhatu etari kubha abhatu bhakorirwe iguru wa obhusengeri. ²⁸Kwego omwana wa Damu niwe Taatabhugya wo bhusengeri."

¹Na kweki akasikira mwoosi mwisengerero na muyo yariarimu omutu wuno yari no okuboko kuno kuremeri. ²Abhatu abhamwe bhari bharamutumirira kwa habguhi bharore aribha aramuhorya orusiku ryo obhwongo niho bhamseme.³Yeesu akamubhurira omutu wookubhoko okurema, "Imuka wimerere gatigati wa esango yino." ⁴Niho akabhabhurira abhatu, "Awe ni kisi okurora ering'ana erizomu orusiku ryo obhwoyo kasya okukora gano gatari mazomu, kutuurya obhuhoru, kasya okwita?" Nawe bhakasaga bhukiri.⁵Akabharorerera kwoobhunyasu, akarumika iguru wo obhukong'u bhwe omyoyo gyabhu, niho akabhurira omutu wuyo, "Gorora okubhoko kwazo." Akakugorora na Yeesu akamhorya okubhoko kwaye. ⁶Abhanyasi bhakagya igutu kyaamwe bharakora omukoonyo na abhakangati iguru waye bhamwite.⁷Kyamwe Yeesu, na abheega bhaye bhakagya munyanza, erihizo ikuru rya abhatu rikabhatunirira riharwera Gariraya na Uyahudi ⁸na okurwa Yerusareemu na okurwa Idumaya na embere ya Yorodani na muroobho ya Tiro na Sidoni, ihizo ikuru, hano rikigwa kira ekigiro kino ahakora, bhakaza kwewe.⁹Na akabhabhurira abheega bhaye okukura obhwato obhusuhu kwiiguru waye kwookubha ya erihizo rya abhatu, kwookubha bhataza kwimwirumbirira. ¹⁰Kwookubha akahorya bhaaru,omutu wuno ahabha ne enyaako akabha ne ekabha ya okumuhikaku amutibheku.¹¹Hayo hosi ezikoro ezinyaku zihamurora, zikagwa hasi embere waye no okurira, zikabhuga, "Awe ni omwana wa Eryoobha". ¹²Akabhabhurira kwa kubhakumirirya bhataza kukora amenyekane.¹³Akatira mukiguru, akabhabhirikira bhano akwenda, bhakagya kwewe. ¹⁴Akabhasora ikumi na bhabhiri (bhano akabhabhirikira abhabhagati), kubha bhabhe hamwe nawe anagye kubhatubhania bhagye okuroobhesya, ¹⁵no okubha no obhunagya bhwo okurusya abhatu emikama emibhi. ¹⁶Akabhasora ikumi na bhabhiri: Simon, wuno akahanwa erina rya Petro,¹⁷Yakobo omwana wa Zebedayo, na Yohana wamwabhu Yakobo, wuno akahanwa erina rya Bonangesi, bhano ni bhana bho emirumo, ¹⁸na Andreya, Filipo, Baoromayo, Matayo, Tomaso, Yakobo omwana wa Arufayo, Tadayo, Simoni mkananyo, ¹⁹na Yuda Isikariote, wuno aramukyooke.²⁰Kyamwe aragya yiika, na erigandabhare rya abhaatu bhakaaza hamwe kweki, neego bhatanagirye kurya omukaate. ²¹Oruganda rwaye hano rwiigwiri amang'ana gayo, bhakagya okumugwaata, kweego bhakabhuga, "Ayangahiri". ²²Abhakaaami bhano bhakaza kurwa Yerusaremu bhakabhuga, "Abhakirwe na Beerizeburi", na, "Kwo omukangati wa obhukama obhubhi ararusya abhaatu obhukama obhubhi".²³Yeesu akabhabhirikira kweewe na okukarenia nabho kwa matuubhyo, "Kwiigabhwi shetani aranagya kumurusyaho shetani? ²⁴Aribha obhukangati bhuratwanikana obhwene, obhukangati bhuyo bhutakutura kwimereraho. ²⁵Aribha enyumba eratwanikana eyeene, enyumba yiyo etakutura kwimerera.²⁶Aribha shetani arimuka na okwikyoka omwene no okutwanikana, atakunagya kwimerera, na arabha ahikiri kubhuteero bhwaye. ²⁷Nawe atareho mutu nawumwe akunagya kusikira munyumba mwosi yo mutu wa amanaga na okwibha ebhigiro bhaye eno akyari kumubhoha omutu wa amanaga wuno singa, niho akumanie kino kiri munyumba.²⁸Hene ndabhabhurira, ebhibhi bhyosi bhya abhaano bha abhaatu bhirabhirwa, hamwe na obhuzibhuri bhuno bhakugamba. ²⁹Nawe wowosi wuno arazibhure ekoro eheereru atakwabhirwa na rumwe, nawe anaobhusarya bhwe ebhibho bhwa kimera". ³⁰Yeesu akahaya rino kwookubha bhaahabha bharabhuga, "Anaakoro nyaku"³¹Kyamwe niana waabhu na bhawamwaabhu bhakaaza bhakimerera igutu. Bhakamutumania omutu, okumubhirikira. ³²Na erigandabhare rya abhaatu rino ryaari rikeeri haguhi nawe bhakamubhirira, "Nina wenyu na bhawamuwenyu bharihabhori, bharakumohya awe".³³Akabhakyoora, "Niwi maayi wane na bhawamwetu?" ³⁴Akabharorera bhano bhahaabha bhikeri bhamwiruguti rirye, akabhuga, "Rora, bhano ni bha maayi ne bhawamwetu! ³⁵Wowosi wuno arakore ameega ga Taatabhugya, omutu wuyo ni muhiri wane, ni wamwetu weekikari, na maayi".

¹Kweki akema kwegya embharika we enyanza, na obhwaru obhukuru bhukikumania kumwirugura, akasikira mwosi wo obhwato munyanza, na kwikara. Obhwaru bhosi bhahabha embarika we nyanza mumusenye. ²Na akabhagya amang'ana maaru kwa kuragya na kuhaya kwabho kwa amegyo ghaye.³Mwitegerere, omweya akagya okwemya. ⁴Hano ahabha aramya ezitetere ezindi zikagwa muzira na ebhinyunyi bhikaza bhikazirya. ⁵Ezitetere ezindi zikagwa kwitare, hano hatahabha na marobha maaru, hayo zikonyara kwookubha zitahabha na marobha ga kwisa.⁶Nawe hano Eryoobha rikasomoka zikanyara na kwookubha zitahabha na emiri, zikooma. ⁷Ezitetere ezindi zikagwa ghati ghati wa amahwa na amahwa gahabha gharakura, na zitibhuri matunduguro ghayo gosi.⁸Ezitetere ezindi zikagw akumarobha amazzomu na zikibhura kwibha zirakura no kwaruha, ezindi zikubhura mara mirongo etatu bhukong'u, ne ezindi mirongo esasabha, ne ezindi ighana. ⁹Akabhugha wowosi wa amatwi gho kwigwa, na yigwe!¹⁰Yeesu hano ahabha omwene, bhano bhahabha haguhi naawe na bharya ikumi na bhabhiri bhakamubhurya kumenye ekerengyo. ¹¹Akabhuga kunebho, emwe muherwe ekibhiso kyo obhutemi bhwa Taatabhugya. Nawe bhano bhari igutu kigiro kyosi ni kirengo. ¹²Hanoo bhakurora niho okurora, nawe bhatakurora, na kwego, hano bhakwigwa niho okwigwa, nawe bhatakumenya, nawe kwegho bhingikyorir na Taatabhugya yangab habhiri.¹³Na akahaya kunebho, mutamenyiri ekirengyo kino? Murakorabhwi mumenye ebhirengyo ebhindi? ¹⁴Omwenya akemya ering'ana. ¹⁵Ahandi nibhano bhagwiri embarika we enzira, ahagiro ering'ana rikemibhwa, na hano bhakarigwa, shetani akaza na kurigega ering'ana rino rihabha ryemibhwe mwaosi wabhu.¹⁶Na abhandi ni bhano bhakemibhwa iguru we eritare bhano bhakwigwa ering'ana kwa bhwangu bhararitura kwa bhuzomererwa. ¹⁷Na bhatana miri gyogyosi mwosi wabhu, nawe bharireremerya kwi ibhagha iguhi, kweki enyako naokunyaharika hano bhikuza kwookubha ye ering'ana kweki bharitema.¹⁸Na abhandi ni bhano bhakemibhwa mumahwa bharigwa ering'ana, ¹⁹nawe enyako ye ekyaro, obhung'enererya bhwe ebhigiro, na emigono gya amag'ana agandi garabhasikira na kurirorerera ering'ana na riratamwa okwibhuraa amatunduguru. ²⁰Kumara bhariho bhano bhwemibhwe kubhutoto obhuzomu, bharigwa ering'ana na kuritura na kwibhura amatunduguru, abhandi mirongo etatu, na abhandi mirongo esasabha, na abhandi igana rimwe.²¹Yeesu akabhabhurira, oranyara murareta ekorobhoi munyumba mwosi na kuyitura iyasi we kitonga hamwe iyasi wo obhuriri? Muraireta mwosi na kuitura iguru wa kisunga. ²²Kwookubha kitariho kyokyosi kino kibhisiri kino kitakumenyekana, na kitariho kibhisi kino kitakuturwa mwasi. ²³Arabheho waa amatwi ghokwigwa na yigwe!²⁴Akabhabhurira mubhe kisi kukino mukwigwa, kwookubha kirengo kino mukurenga nikyo mukurengerwa, na erongeribhwe. ²⁵Kwookubha awe wuno anakyo, aratura bhukong'u na wuno atanakyo kureka kunemwe bhiragegwa na bhino anabhyo.²⁶Na akabhuga obhutami bhwa Taatabhugya bhutubhanibhwe no omutu wuno akemya ezitetere mubhutoto. ²⁷Hano yahindiri obhutiku no okwomuka etabhori na ezitetere zikakumbura na kukura, ingabha otamenyiri kyego yarorekeni. ²⁸Ekyaro kirarusya ezitetere ekyene kukangata amanyaki, niho ebhibaryo, niho ezitetere zino ziking'iri. ²⁹Na kwibhaga rino ezitetere hano zikubha zinoghiri niho zikuhira owundi, kwookubha erigesa ririsuka.³⁰"Na akabhugha" Tubhutubhanie obhutemi bhwa Taatabhugya na kigiroki? au tukore kiregyoki kukerenerya? ³¹Ni kyegho eteere ya haradari, hano ekemibhwa ni suhu bhukong'u kukira ezitetere zyosi zya mukyaro. ³²Nawe eribhaga yemibhwe, erakina na kubha kuru bhukong'u emiti gyosi gya mumugundu, na erakora masagya makuru, na ebhinyunyi bhya mwisaro bhiranagya okukora ebhinyumba bhyabhu mukiriri kyake.³³Kubhirengyo bhyaru akegya na akahaya ing'ana kunebho, kyegho bhakanagya kumenya. ³⁴Na atahayiri nabho kutiga kirengya nawe eribhagha ahabha omwene, akabhabhurira goosi abheghi bhaye.³⁵Kurusiku ruyo hano engorobha yahikiri akahaya kunebho "Tugende orubhararwa kabhiri". ³⁶Kwegho bhakatigha obhwaaru bhakamugegha Yeesu, eribhaga riyo ahabha kimwe mubhwato, amato agandi ghahabha hamwe nawe. ³⁷No omukama omuhari gwa amabhoka na ghahabha gharsikira mwosi wo obhwato na obhwato bhuhabha bhwizwiri.³⁸Kimwe Yeesu omwene ahabha kushetri, ahindiri kumusagho, bhakamwimukya, bhakabhugha, o9mwegya, otamenyiri etwe turakwa? ³⁹Akimuka, akabhuhamira omukama na kuhibhurira enyanza "Ebhe kisi, horeru" omukama gukatiga, na kukabha na nobhuhoreru bhukuru.⁴⁰Na akahaya kunebho kwaki murobhoha? mukyari kubha na bhwikirirya? ⁴¹Bhakizurwa no obhwoobha bhukuru mwosi wabhu na kubhurirana abhene kwa abhene, "Wuno ni wewi kweki, kookubha omukama ne nyanza bhiramusuka?.