1Kumwaka gwo obhutangiro bhwa Koreshi, omutemi wo Uajemi, Nyamuhanga akakora ering'ana ryaye rino Yeremia akabhuga,no okuinura ekoro ya Koreshi.Omumiro gwa Koreshi gukanyaragana no okuitegererwa mubhutemi bhwaye.Kiino nikyo kikaamwa no okuhaya. 2''Koreshi,omutemi wa Uajemi,arabhuga,nyamuhanga,Eryobha rya mwisaro,aniheri enye obhutemi bhwosi bhwa ekyaro,atuuriri enye kumuombekera ewe enyumba Yerusalemu ne Yuda.3Wowosi kubhatu bhaye(Eryobha ribhe amwe naneemwe)aranagya okugya Yerusalemu no okuomboka enyumba ighuru ye nyamuhanga Eryobha rya Israeli,Eryobha rino riri Yerusalemu. 4Abhatu bha ahagiro hoosi kubhutemi,bhano bhasagiri mukyaro no okuikara,bhatreenderwa okubhaha ezihera ne edhahabhu,abhigiro ne emitugo,hamwe no okurusya kwo obhuzomererwa munyumba ye Eryobha Yerusalemu.5Niho abhakuru bha abhatu bha Yuda,Benjamini abharooti na abhalawi,no owumwi wuno ekoro ya Eryobha emugororokirye no okugya okuomboka enyumba yaye akiimera. 6Bhano bhari bhamuirugutirirye haguhi bhakamusakirya kwo okubhaha ezihera ne ebhigiro bhye edhahabu,ebhigiro,emitugo,ebhigiro ebhizomu,no okurusya kwo obhuzomererwa.7Omutemi Koreshi akarusya ebhigiro bhino bhihabha munyumba ye Nyamuhanga,bhino Nebukadreza akarusya kurwa Yerusalemu no okubhitura munyumba ye amariobha ghaye. 8Koreshi akabhitura mumabhoko gha Mithredathi omubhiki wa ezihera,wuno akabhirusya no okubhibhara ku Sheshbaza,omukangati wa Yuda.9Yino ehabha obhwaru bhwaye:amabheseni mirongo etatu ge dhahabu,amabheseni kikwi kimwe ge ezihera,amabheseni agandi mirongo ebhiri na kenda, 10amabhakuri mirongo etatu,amabhakuri amasuhu ge ezihera 410,ne ebhigiro kiikwi kimwe bhyo okuongererya. 11Bhihabha bhiriho ebhigiro 5,400 bhye ezihera ne edhahabu.Sheshbaza akabhireta bhyoosi eribhaga ryo obhusami okurwa Babeli okuugya Yerusalemu.
1Bhano nibho abhatu bhari igunguri bhakagegwa mukibhohe nokugya no mutemi Nebukadneza,ewe akagegwa obhubhagati Babeli.abhaatu bhakakyoora mumigye gyaabhu gya Yerusalemu na Yuda. 2Bhakaaza bhosigo na Zerubabeli,Yoshua,Nehemia,Seraya,Reelaya,Mordekai,Bilshani,Mispari.,Bigwai,Rehumu,na Baana.Yino niyo obhwaaru ya bhasubhe bha abhaatu bha Israeli.3Waporoshi:2,172 4Abhana bha Shefatia:372 5Abhana bha Ara:775 6Abhana bha Path-Moabu,okuhitira Yeshua na Yoabu:2,812.7Abhana bha Eliamu:1,254. 8Abhana bha Zatu:945. 9Abhana bha Zakai:760. 10Abhana bha Binui:642.11Abhana bha Bebai:623. 12Abhana bha Azgadi:1,222. 13Abhana bha Adonikamu:666. 14Abhana bha Bigwai:2,056.15Abhana bha Adini:454. 16Abhana bha Ateri kuhitira Hezekia:miroongo kenda ninyanye. 17Abhana bha Besai:323. 18Abhana bha Harifu:112.19Abhasubhe bha Hashimu:223. 20ABhasubhe bha Gibeoni:mirongo kenda ni saano. 21Abhasubhe bha Bethlehemu:123. 22Abhasubhe bha Netofa:mirongo etano ne sasabha.23Abhasubhe bha Anathothi:128. 24Abhasubhe bha Beth-Azmawethi:mirongo ene na bhibhiri. 25Abhasubhe bha Kiriath-Yearimu,na Kefira,na Beerothi:Magana muhungati na mirongo ene ne etatu. 26Abhasubhe bha Rama na Geba:621.27Abhasubhe bha Mikmashi:122. 28Abhasubhe bha Betheli,na Ai:223. 29Abhasubhe bha Nebo:mirongo etano ne ebhiri. 30Abhasubhe bha Magbishi:156.31Abhasubhe abhandi bha Elamu:1,254. 32abhane abhasubhe bha Harimu:320. 33Abhasubhe bha Lodi,na Hadidi,na Ono:725.34Abhasubhe bha Yeriko:345. 35Abhasubhe bha Senaaa:3,630.36Abhana bha Yedaya omunyaasi we nyumba ya Yoshua:973. 37Abhana bha Imeri:1,052. 38Abhana bha Pashuri:1,247. 39Abhana bha Harimu:1,017.40Walawi:Abhana bha Yeshua,na Kadmieli,abhana bha Hodavia:mirongo muhungati na 41ene.Abhembi mwisengerero abhana bha Asafu:128. 42Abharibhi:abhana bha Shalumu,Ateri na, Talmoni,Akubu,Hatita na Shobai:139 bhyosigo.43Bhaarya bhaano bhakasoorwa okuhokya mwoosi we risengerero:abhana bha Siha,Hasufa,Tabaothi: 44Keros,Siaha,Padoni. 45Lebana,Hagaba,Akubu, 46Hagabu,Salmai,Hanani.47Abhana bha Gideli,Gahari,Reaya, 48Resini,Nekoda,Gazamu, 49Uza,Pasea,Beasai, 50Asna,Meunimu,Nefusimu:51Abhana bha Bakbuki,Hakufa,Harhuri: 52Basluthi,Mehida,Barsha: 53Barkosi,Sisera,Tema: 54Nesia,Tefa55Abhana bha abhahokya bha Selemani:Abhana bha Sotai,Soferethi,Peruda, 56Yaala,Darkoni,Gideli, 57Shefatia,Hatili,Pokereth-Sebaimu,Amoni, 58Bhahabha bhyosigo ya abhahokya magana atatu na mirongo kenda nabhibhiri,bhano bhakasorwa okuhokya gatigati werisengerero hamwe na abhana bha abhahokya bha Selemani.59Bhaano bhakaarwa Tel-mela,Tel-harsha,Kerubu,Adani,na Imeri,Kwego bhatanagirye kumenyekererya oruganda rwaabhu okureka Israeli- 60hamwe na magana asasabha na mirongo etano na bhibhiri abhana bha Delaya,Tobia na Nekoda.61Egoego,okurwa kubhaana bho omunyasi wa Habaya,Hakosi,Barzilai{wuno akabhona omukali okurwa kumukya wa Barzilai,Mgileadi na akabhirikirwa kwe erina ryaabhu} 62Bhakakoomya ekimenyekerero kyo ruganda rwabhu,naawe rutabhonekeeni,kweego bhakarusibhwa kubhunyasi kyeego bhatari abhazomu. 63Kweego omutaake akabhareka bhataarya kigiro kyokyosi kyobhweera kino kitarosibhwe ntee omunyasi omwene Urimu na Thumimu akirore.64Ekihiiko kye rihizo 42,360, 65okurushaku abhahokya na abhasakirya(bhaabhu bhahabha 7,337) abhembi mwisengerero abhasubhe na abhakari(magana abhiri)66Farasi zyabhu:736,Ezisamakirya zyabhu:245. 67Ngamia zaabhu:435.Ezitikiri zyabhu:6,720.68Hano bhakagya munyumba ye Ryobha Yerusalemu,abhakaru bha bhabhawise bhakabhoneka kwo kwiseega okwomboka enyumba. 69Bhakarusha kubhunaagya bhwabhu kusakirya omurimo:Ezahabhu za darkoni ebhikwi miroongo esasabha na kimwe,ezimbirya zye zihera bhikwi bhitano na amiobhoho iganarimwe rya abhasengeri.70Niiho abhanyasi na Walawi,abhatu,abhembi mwisengerero,na abharibhi bha mukishoko,na bharya bhaano bhakasorwa okuhokya mwisengerero bhakikara mumigye gyaabhu.Abhatu bhoosi Israeli bhahabha mumigye gyabhu.
1Gihaabha mieri muhungati hano abhatu bha Israeli bhakyoriri mumigye gyabhu,niho bhikumenie hamwe bhakabha kyo mutu wumwe yerusalemu. 2Yeshua omwana wa Yosadaki na wamwabhu omumwesi,na Zerubabeli omwana wa Sheatieli na wamwabhu bhakimuka na okutanga okwomboka ekimweso kya Eryobha rya Israeli no okurusya ebhigiro bhyo okumwesa bhyo okutimikwa kyeego yaari eraganibhwe kumigiro gya Musa,omutu wa Eryobha.3Niho bhakatanga okukora ekimweso iguru wa obhutingo bhwa amagina,kwe ehaho yino bhaari nayo kwookubha ya abhatu bha mukyaro/bhakarusya ebhigiro bhyookumwesa bhyookutimikwa ku Yahwe etabhori ne engorobha. 4Kweki bhakirahuuta orusiku rwoobhuturo rwe ebhihuna kyeeego yaari ekaamirwe bhakarusya ebhigiro bhyo okumwesa bhyo okutimikwa kurusiku no orusiku kyabhurya yaari eraganibhwe,kira orusiku kurusiku rwaye. 5Bhyari bhireho ebhigiro bhyo okumwesa bhyo okutimikwa bhya rusiku rumwe kumweri na ebhigiro bhyo okumwesa bhya orusiku rwa Yahwe bhya kira keego,hamwe na ebhigiro bhyo okumwesa bhyoosi bhyo obhwendi bhwo omutu.6Bhakatanga okurusya ebhigiro bhyo okumwesa bhyo okutimikwa bhya Yahwe orusiku rwo obhutangi bhwo omwerri gwa muhungati,ingabha enyumba ya erisengerero ehabha ekyari kutangwa kwombokwa. 7Kwego bhakarusya ezihera kubhaturi na abhakari bho okukora abhigiro kwa amabhoko,bhakabhahana ebhyakurya,ebhigiro bhyo okunywa na amaguta kubhatu bha Sidoni na Tiro,niho bharete emiti gya mierezi kuhitira munyanza ekuru kurwera Lebanoni tee Yafa,na kyego bhari bhikiriribhwe no omutemi Koreshi wa Uajemi.8Niho omweri gwa kabhiri ku mwaka gwa kabhiri nibho bhakaza munyumba ya Eryobha Yerusalemu,Zerubabeli,Yoshua omwana wa Yosadaki,na abhamwesi abhandi na Walawi na bharya bhano bhakaza kureka mubhusami kukyoora Yerusalemu bhakatanga emirimo.Bakhabhasora walawi bhano bhahabha na emiaka mirongo ebhiri no okutumaho bhimerere emirimo gye enyumba ya Yahwe, 9Yoshua akamwimererya mura waye na wamwabhu,Kadmiel na abhana bhaye,no orwibhuro rwa Yuda kwimerera okuhokya emirimo mu nyumba ya Eryobha.Hamwe nabho bhahabhaho abhana bha Henadadi,na oreibhuro rwabhu,na kweki na abhabhiri bha Abhalawi.10Abhomboki bhakimererya obhutingo bhwe erisengerero rya Yahwe,na yino ekabhakora abhamwesi kwimerera na amibhoho gabhu eno bhana ezikombyo,na abhalawi abhana bha Asafu,bhakamugungya Yahwe kwe ebhiturere,kyego okubhoko kwa omutemi Daudi wa Israeli kuhabha bhwari bhubheri. 11Bhakemba kwo okumugungya no okumukumya Yahwe. "Ewe ni wa koro nzomu!Obhurage bhwaye ni bhwa hene ku Israeli bhurabhaho kimera.'' Abhatu bhosi bhakakora ekitiri kwe eriraka ikuru rya obhuzomererwa naho bharamugungya Yahwe kwookubha obhutingo bhwe enyumba ye ekimweso bhwari bhubheri.12Nawe abharu bha abhamwesi,Walawi,abhakuru bhe ekare,na abhakaruka bhe ekare bhano bharuzi enyumba yino yakangatiri eribhaga ryo obhutingo hano bhwaterweho bhakaikora kwa ameso ghaabhu,bhakarira kwiiraka ikuru.Nawe abhandi bhakakora ekitiri kwiiraka rya bbhuzomererwa na iraka rya okutitimarya. 13Na amiyerekenio gaho abhatu bhatanagirye kwahukania eriraka ryo obhuzomererwa,eriraka rye ebhiriryato,na eraka rya abhatu bhano bhaharira,kwokubha abhaatu bhahabha bhararira kwiraka ikuru rya ebhiriryato ne eriraka rikitegererwa kurwa kure.
1Niho abhabhisa bha Yuda na Benjamini hano bhakigwa abhatu bhano bhahabha mung'oso bhahabha bharomboka isengerero rya Yahwe, Tata wa Israeli. 2Kwego bhakamwisukirira Zerubabelin na abhakuru bhe ehamati yaabhu.Bhakabhabhurira,mutwikirirye twomboke hamwe nanewe,kyego emwe,turamukomya Tata wenyu,na twirusirye kwewe kwema orusiku runo,Esari-hadoni,omutemi wa Ashuru hano yaturetiri ahagiro hano.''3Nawe Zerubabeli,Yoshua na abhakuru bha kare yahamati bhakabhuga,otari ewe,nawe etwe nitwe tukwiteho kwomboka enyumba ya tata wetu,etwe nitwe turamwombokere Yahwe tata wa Israeli,kyego omutemi Koreshi,omutemi wa Ashuru kyego yaragiziri.4Kwego abhatu bheesi bhakoondya amabhoko ga abhayahudi,bhakakora abhayahudi bhakobhoha okwomboka enyumba. 5Kweki bhakabhahonga abhaamuri kubhasanginia mumang'ana gabhu.Bhakakora gano ibhaga ryosi rya Koreshi na ibhaga rya obhutemi bhwa Dario omutemi wa Uajemi. 6Kweki okukangata kwaye Ahasuero bhakakaama ebhina iguru wa abhikaari Yuda na Yerusalemu.7Ruhabha siku zya Ahasuero zino Artashasta,Mithredathi,na Tabeeli na abharikyaye bhakamukamira Ahasuero.Eringara rikakamwa kiaramu na kukiranibhwa. 8Rehumu omukangati na Shimshai omukaami bhakakama ku Artashasta ku Yerusalem.9Kweki Rehumu,Shimshai na abhakikyabhu abhatania na abhakuru abhandi bhe serikali kureka Waarkewi,Wababeli na Washushami ku Waelami, 10nebho bhakakama eringara na bhakagwatana na abhaatu abhakuru no omusukwa Asur-bani-pali akabhatika kwikara Samalia hamwe na bhano bhasagiri mumugye gwa omwembuko yo omwaro.11Eringara rino bhatumiri ku Artashasta. ''Abhabhagati bhaazo abhatu bho omugye kumwambukyo omwaro,bhakama eego: 12omutemi amenye kubha abhayahudi bhano bharekiri ewabhu bhakoriri kubhuteti kyabhu hano Yerusalem bhombokiri omugye gwo okutiga bhamariri enyiki na okuzomya ebyemero.13Bhono omutemi amenye kubha hano omugye gurombokwe na ezinyiki zyaye kuhwa,bhatakurusya erigoti nawe bharabhanyahara abhatemi.14Hene kwa okubha turiri omunyu gwa mwikulu etakuzomererwa etwe kurora okusuka kwa omutemi kurabhunwa kwokubha yiyo turamubhurira omutemi. 15kukora kwa kuhita wise waye no kwikirirya kubha omugye guno guhabha noobhusarya guno gukubhanyahara abhatemi ne migye.Okakora ezinyako nzaru kubhatemi bhe emigye.Ehabha ni orukundi kyo obhusarya kureka siku nzaru,ni ekisigo kiyo omugye gukasaribhwa. 16Turamubhurira omutemi kubha hano omugye ne enyiki erombokwe,kitariho kino kirasage iguru yazo kumugye iguru wo omwaro.''17Niho omutemi akakorya amang'ana ku Rehumu na Shimshai na abharikyaye ku Samalia na bhano abhasagiri kumugye iguru wo omwaro. "Obhuhoreru bhubhe hamwe nanemwe. 18Eringara rino mwantumiri nikiranibhwe nokusomwa kunenye. 19Kwego nikaragirirya obhurori bhukorwe na ekarorekana kubha ekare bhakahuka na kubhasarikania abhatemi.20Abhatemi abhakuru bhakakangata Yerusalem yoosi no okukangata hagiro hosi homugye iguru wo omwaro.Amaliho ga erigoti bhakariwa. 21Bhono muture kuragirierya kubhatu bhano bhatige kugendelera na kwomboka omugye tee hano narusirye erihatike. 22Mubhe murorereri mutige kurega rino.Kwaki kwikirirya kukanga rino kwongerya na kukora enyaro kuneenye goobhutemi?23Kumara erihatike rya omutemi Artashasta okusomwa embele ya Rehumu,Shimshai na abharikyabhu bhakarekaho bhwangu kugya Yerusalemu,nakubhahatika abhayahudi kutiga kwomboka. 24Kwego emirimo gye nyumba ya Tata Yerusalem ikemereribhwa tee kubhutake bhwa kabhiri kumutemi Dario wa Uajemi.
1Niho Hagai omuroti na Zakaria omwana woo Ido omurooti bhakarota kwo rina tata wa Israeli kwoo Wayahudi bha Yuda bha Yerusalem. 2Zerubabeli omwana wa Shealtieli na Yoshua omwana wa Yosadaki bhakimuka nookuwanza okwomboka enyuumba ya Tata Yerusalemu hamwe na abharooti bhano bhakabhakumirirya ebhoo.3Niho Tatenai omukuru wa mugye embarika ya mwaro,Shethar-Bozenai,no mugwatani wabhu bhakaza nokugamba, ''Niwewi abhaheri ehamuri yokwomboka enyumba yino nokumara orugito?'' 4Bhuryabhurya bhakabhuga, ''Ni marina ga bhatuki bhano bhakuimerera obhwomboki bhwuyo?'' 5Naho eriso rya Tata lihabha hamwe na abhakangati bhaa Wayahudi na abhabhisa bhaye bhatanagirye kubharekya bhahabha bhakyaganya enyarubha kutumira omutemi nee hamuri kukyoora kwabhu kwe ering'ana rino.6Yino ni nyarubha kuu Tatenai omukuru woo mugye embarika yoo mwaro, na Shethar-Bozenai na abharikyabhu embarika yoo omwaro bhano bhahabha bhabhatumiri kuu mutemi Dario. 7Bhakatuma amang'ana bhakandika kwo mutemi Dario, ''Amani ebhe kunebho"8Omutemi amenye kubha tukagya Yuda kunyumba ya Tata omukuru.Yombokirwe na amagina makuru na ezimbao ziteerwe kurugito.Emirimo gino gikakoreka kubhuzomu na giragenderera bhuzomu kumabhoko gabhu. 9Tukabhuura abhakaruka niwewi abhaheri ehamuri yokwomboka noo rugita? 10Niho tukabhurya amarina gabhu kukira omutu tumenye wuno akabhakangata.11Niho bhakatukwora noo okubhuga, ''Etwe ni abhabhagati bha Tata wa kwisaro nee kyaro na netwe turaryoomboka enyumba ino ekombokwa emiaka emiaru gino gyahitiri hano omutemi omukuru wa Israeli akomboka noo okumarirya.12Ingabha abhakangati bhetu bhakamutindya Tata wakwisaro,Tata akabhatura mumabhoko go omutemi wa Babeli,Nebukadineza wuno akabomora enyumba nookugega abhatu akabhagwata Babeli. 13Kwumwaka gwa mbele gwo obhukangati,Koreshi mtemi wa Babeli Koreshi akamura enyumba ya Tata okwomokwo.14Omutemi Koreshi akakyora ebhigiro bhye ezahabu nee ezihera zye enyumba ya Tata bhino Nebukadneza akabhigega kwisengerero Yerusalemu noo okubhihira kwisengerero rya Babeli.Wosi akabhibhika Sheshbaza,wuno akamwitora omukangati. 15Wosi akamubhurira, "Gega ebhigiro bhino.Ogende noobhiture kwisengerero Yerusalemu.Ne nyumba ya Tata yombokwe.16Niho uyo Sheshbaza akaza nookutura obhutingo bhwe enyumba ya Tata Yerusalemu:ekenderera kwombokwa nawe etahwiri.17Bhono hano etamuzomere omutemi,na kwirahuta bhukoreke kunyumba yee kimenyekerekyo Babeli ahabhaho obhusinziro bhwa omutemi wo Koreshi yookwomboka enyumba ya Tata Yerusalem.No omutemi aranagya okuhira obhunagya bhwayo kunetwe.
1Omutemi Dario akasigirirya okubhono obhuhene bhikorwe munyumba yokuhitirya Babeli. 2Gati wo mugye gwa Akmetha eyo media ekiegerio kyarorekeni:akuhitia kwaya kukabhuga:3''Gati mwaka gwe obhwemero omutemi Koreshi,Koreshi akarusha elihatike kiego enyumba ya Tatabhugya Yerusalemu:'Nenyumba yombokwe ebhe ahagiro hokurwa ebhihirwa mwisengerero omwemerero bhaye bhuturwe obhutambi bhwaye bhubhe mirongo esasabha. 4Noorubha rwaya rubhe mirongo esasabha,ahagiro hatatu ha magina amakuru nahagiro hamwe yazimbao ezihiya,amarihogoyo gararihwa kurwa munyumba yo omutemi. 5Bhino bhikakyoribhwa ebhigiro kwoki bhye omubhano nezimbirya zino zihabha munyumba ya Tatabhugya bhino Nebukadineza akabhigega kubhihira Babeli kurwa mwisabhiro Yerusalemu mwisabhiro.Akabhikioria kweki Yerusalem mwisabhiro.Narabhitura kweki munyumba ya Tatabhugya.6Bhono rora Tetanai,omukuru wa hagiro kumwabbhuko kumwaro,Shethar-Bozenai bhakiyahura, 7Bhakatiga emirimo gye nyumba ya Tatabhugya egieene.Abhakuri na abhakaruka bhayahudi bharomboka enyumba ya Tatabhugya ahagiro ahene.8Ndarusha okutumwa kubha ndasirirya rikore kubhakaruka bha ki Yahudi bhano bhakywomboko enyumba ya Tatabhugya:Omusororio kurwa kumutemi mariho kumaambuko gwo mwaro,kuhokia kubhaha abhatu bhano kwokubha emirimo gyabhu gitaza kwimerera. 9Kyokyosi kino kirenderwe,ezing'ombe ezindere,ering'ondu ne ring'ondu rye ekimweso okuikirirya kwokubha Tatabhugya wamwisaro bhakuria omunyo divai namaguta kiego okunagia abhamwesi bha Yerusalem-bhane ebhigiro bhino giego bhukukia atareho bhutiniro. 10Kora ego kwokubha bharareta ekimweso kutatabhugya wamwisaro narasabha kwokubha ninye omutemi wabhana bhane.11Enye ning'ana kubha wowosi arabhune erihatike yino,ekioma kirushiwe munyumba yaye aturwe iguru waye nenyumba yaye irikiora kubha erikwe kwokubha nigo. 12Tatabhugya wuno akoriri erina ryaye kubhaho aramurushaho omutemi hamwe omutu wuno atakwenda kuretenibhwa rino hamwe kugenda munyumba ya tatabhugya gati wa Yerusalemu.Enye Dario ngambiri rino,likoreke kwabhuzomu.13Kwokubha erihatike yino etanimwee nomutemi Dario,Tatenai omukuru wo mugie wakumwambako kumwaro gwa Sheshthar-Bozinai na abharikiaye.Bhakakora ebhigiro bhosi kyego omutemi Dario kiego akahaya. 14Hene abhakaruka bhe kiyahudi bhakomboka kiego Hagai na Zakaria kiege bhabherekelerya kwokurotibha.Bhakomboka kwa kusingiriribhwa kiego akarushibhwa na Tatabhugya Israeli wa Koreshi,Dario na Artashasta omutemi wa Uajemi. 15Enyumba ekwa kurusiku rwa katatu yo mweri gwa adari,gati yo mwaka gwa kasasabha gwo bhakangati omutemi Dario.16Abhatu bha Israeli,abhamwesi,Walawi na bhatu bhakasaga bhokusanibhwa kuzomererwa okutura okubhindikwa enyumba ya Tatabhugya kwa bhuzomererwa. 17Bhakarusha ezing'ambe igana imwe,ezing'ondu igana rimwe ne ezing'ondu ezindi magana anne kwokubha bhatura okubhindikwa enyumba ya tatabhugya.Ezimburi ezisubhe ikumi nabhiri bhakarusibhwa kye kimweso kwobhusaria kwokubha abhaisraeli bhosigo Israeli. 18Niho bhakabhaha omurimo abhamwesi bha bhalawi kukora esondo yemirimo gya Tatabhugya gati wa Yerusalemu.Kiego ekamirwe gati we kitabu kya Musa.19Ego bhano bhari mukibhoho kuzomererwa pasaka orusiku rwikumi na kanane yomweri gwa mweemero. 20Omumwesi nabharawi bhakiereria abhene bhakagwaga pasaka yekimweso kubhano bhahabha munyako bhabhamu nanebho abhene.21Abhatu bha Israeli bhano bhakaria ekiriro kye pasaka nibharia bhakioriri kurua mubhusami nabhabha bhiyahuri ebho abhene kkurwa kubhatu bhatari bhasomu bhesi yirya nokumusora Yahwe,Tatabhugya wa Israeli. 22Bhakazomererwa na kuriryaata orusiku rwe bhikuria gini gitakugaga kusiku muhungati,kwokubha Yahwe abhakiorire obhuzomererwa nokukyoro ekoro yomutemi wa Ashuru nokubhongererera ezinguru kumirimo gye nyumba,enyumba ya Tatabhugya wuno akwikara Israel.
1Hano gayo gahwiri,eribhaga ryo obhukangati bhwa Artashasta omutemi wa Uajemi,Ezra akaza kureka Babeli.Abhakangati bhaye bhakabha:Seraya,Azaria,Hilkia, 2Shalumu,Sadoki,Ahitubu, 3Amaria,Azaria,Merayothi, 4Zerahia,Uzi,Buki, 5Abishaua,Fineasi,Eliazari omwana wa Haruni omkuru.6Ezra akaza kureka Babeli akabha no omukaami we emigiro gya Musa gino Yahwe,Riobha wa bha Israel akabhahana.Omutemi akamutwanira kyo oumwi waabho kino yasabhiri kwokubha okubhoko kwe Tatabhugya koriiguru waaye. 7Abhana abhandi bha abha Israel,na abhasengeri,abhimbi,abharibhi,na bharya bhano bhasorirwe kuhokya mwisengero,nabho bhakagya Yerusalemu kwu mwaka gwo muhungati gwo mutemi Artashasta.8Akahika Yerusalem omweri gwa ekimwaamu kwu mwaka guyo. 9Nawe akatanura Babeli orusiku rwe mbere rwu mweri gwe mbere.Yaari orusiku rwe mbere rwo mweri gwe ekimwamu hano yahikiri Yerusalem,kwokubha okubhoko okureembe kwe Eryobha kwaari iguru waye. 10Ezra akasoma amakaamo kwe koro yaye yobhuseegi,kutemya nokweegya amaragiriryo na emigiro gye Yahwe.11Lino niryo eriragiriryo omkangati Artashasta yaamuheri Ezra omsengeri no omukami wa emigiro gya Yahwe na amaragiriryo kwobha Israeli. 12Omukuru wa abhatemi bhosigo Artashasta,kwo omusengeri Ezra,omukaami wa amaragiriryo ga Tatabhugya wo kwisaaro. 13Ndarusya eriragiriryo kubha omutu wowosi wurya Israeli kwobhutemi bhwaane hagiro hamwi na abhasengeri na abhalawi bhano bhakwighombe kugya Yerusalem bharanagya kugya na neewe.14Enye omutemi bhakerenia bhaane muhungati,ndabhatuma bhosigo kugya kumenya geeyo Yuda na Yerusalem kumigiro gye Tatabhugya Eriobha gano gari kumabhoko gaazo. 15Olenderwa koreeta ezahabu ne ezimbirya zino bharusirye kwe mirimo gye Eryobha rya Israel,wuno umugye gwaye ne Yerusalem. 16Ezimbirya zyino mwarusirye kwobhuseegi ne ezahabu zino mwarusirye Babeli na bhyosi bhino byarusiibhwe kwoobhbusegi abhatu na abhasengeri kwokubha yo omugye gwe Eriobha gwa Yerusalemu.17Naho egore ezigorohe zye zing'ondu neezimburi,no obhutu bhyo kunywebhwa obhiruusye kunyumba ye Eriobha ryaazo hayo Yerusalem. 18Kora egoego ne ezimbirya ne ezizahabu,kyeego okurora ekuzomeera awe na abhahiri bhaazo,kwo kumzomera Rioobha.19Obhiture ebhigiro bhino bhirusibhwe kobhusegi embele wazo kwokubha ye amahokya ga kumugye gwe Eryobha Yerusalem. 20Ekigiro kyokyosi kino kikwenderwa kumahokya ga kunyumba ye Tatabhugya Eriobha wazo kino okwenderwa.Amariho gaku gareka kusakwa yaane.21Enye omutemi Artashasta,ndarusya ehatike kubharibhi bhe esakwa yaani bhoosigo bhe emigye embarika ye kitaro,kyokyosi kiro Ezra akwendera kuu neemwe ahanibhwe kyoosigo, 22nokukira etaranta ye erigana rimwi ezihera,obhutu bhwe engano,ebhirengyo egana rimwi,bathi erigana zye divai ne bathi eriigana zya amaguta,no omunyu guno gutakuhwa. 23Kyokyosi kino kihayirwe kureka kwe Eryobha rye kwisaro,kikoribhwe kwu bhweera bhwaye,kwake atiinde iguru ya abhaana bhaane?24Turabhaana amang'ana geenyu bhataza kubharihya erighoti no obhushuru kwo omusengeri,omulawi,omwimbi,omuribhi na kumuutu wumo asorirwe kuu matemyo ye risengerero na omuhokya wa kumugye gwe Eriobha.25Ezra,kumang'eni gano uheeribhwe ne eriobha arenderwa osore abhakangati no mutu wuno amenyiri okubhahokerya abhatu kukyaro orung'ong'o rwe ekitaaro no okumusakirya wowosi wuno amenyiri emigiro gye Riobha ryaazo.Kweki orenderwa obhagye bhano bhatamenyiri emigiro. 26Bhahane ebhiteme bhano bhatakwenda okwikirirya emigiro gye Eriobha ne emigiro gyo omutemi,tee nokubhiita,okubhasamya,kubhateeshya ebhoigiro bhyabhu,no okubohwa.27Akumibhwe,Yahwe,Eriobha rya abhakangati bheetu,wuno akutuura kukoro yo mutemi aribhe omugye gwa Yahwe Yerusalem, 28wuno akagendererya obhuraage kuneenye kwu bhweea koro embele yo omutemi,na abhakerenia bhaaye na abhakuru bhaaye bha hatike,nkaanwa amanaga kumabhoko ga Yahwe,Eriobha ryaane,naneeneye nkabhakumania abhakangati kureka Israel kugya hagiro hamwi na neenye.
1Bhano bhakangati bha abhakangati bho obhukoo bhuno bhukareka Babeli hamwe na nenye eribhaga ryo obhukangati bhwo omutemi Artashasta. 2Omwana wa Fineasi,Gershoni.Omwana wa Ithamari,Daniel.Omwana wa Daudi,Hatushi ni omwana wa Shekania, 3ewe wosi ni mwana wa Paroshi na Zekaria hamwe nanewe hahabha na abhasubhe igana na mirongo etano bhakahaywa mubhukoo bhwabhu.4Abhana bha Pahath-Moabu,Eliehoeanai omwana wa Zerahia hamwe na abhasubhe magana abhiri.Abhana bha 5Shekaniah, Yahazieli hamwe na newe abhasubhe magana atatu. Abhana bha 6adini,Ebedi omwana wa Yonathani hamwe nawe bhano bhakakaamwa abhasubhe mirongo etano. 7Abhana bha Elamu,Yeshaya omwana wa Athalia hamwe na newe bhano bhakakamwa abhasubhe mirongo muhungati.8Abhana bha Shefatia,Zebadia,omwana wa Mikaeli hamwe na newe bhakakamwa bhasubhe mirongo enaane. 9Abhana bha Yoabu,Obadia omwana wa Yehieli hamwe na newe bhakakamwa abhasubhe magana abhiiri na ikumi na bhanane.Abhana bha Binui, 10Sheromithi,omwana wa Yosifia hamwe na newe bhano bhakakamwa abhasubhe igana rimwee na mirongo esasabha. 11Abhana bha Bebai,Zekaria omwana wa Bebai hamwe bhano bhakakamwa abhasubhe mirongo ebhiri na bhanane.12Abhana bha Azgadi,Yohana omana wa Hakatani hamwe na newe bhakakaamwa abhasubhe igana rimwe ne erikumi. 13Abhana bha Adonikamu bhakaaza kwiibhaga rindi.Gano nigo amarina ghaabhu:Elifereti,Yeuheli na Shemaya hamwe na nebho bhakaza abhasubhe mirongo esasabha. 14Abhana bha Bigwai,Uthai,omwana wa zabudi hamwe na newe bhakakamwa abhasubhe mirongo muhungati.15Nkabhakumania abhagendi mubhandari ino ehagya Ahava.Tukikara hayo siku isaatu,nkabharora abhatu na abhasengeri,mubhayo ntabharuzi abhana bha Levi. 16Kweego nkatuma ku Eliezeri.arieli,Shemaya,Elnathani,Yaribu na Elnathani na Nathani,Zekaria na Meshulamu bhano bhanga abhakangati ku Yoyaribu na Elnathani ebho bhanga ni bheegya.17Kweki nkabhatuma ku Ido,omukangati wa Kasifia.Nkabhabhurira kino bharamubhuriire Ido.Na abhahiiri bhaaye,abhahokya bha munyumba ya Tata bhahikaara Kasifia,kweego okutuma kuneetwe abhahokya nkwokubha ya enyumba ye Eriobha.18Kweego bhatutumiri ku Tatabhugya no okubhooko kuzomu kwa omutu uno ahabhirikirwa Ishekeli.Ahabha mwana wa mali omwana wa Levi,omwana wa Israel.Akaza na abhana ikumi na bhanane na abhahiiri, 19bhoosigo na Hashabia,hamwe na Yeshaya wo pmwana wa Merari na abhahiri bhaaye,na abhakari,jumla yaabhu bhosigo mirongo ebhiri. Mubhaano 20bhahurwe kuhiokya mwisengero,bhano Daudi na abhakuru bhakabhaha okubhahokerya abhalawi magana abhiri na mirongo ebhiri,kira oumwe wabhu akabhuriirwa kuumarina.21Kweki nkararika okuribha omwaro gwa Ahava kwa kwisasama kuryobha.Kumohyo enzira ino yeemiri kureka kwewe kwookubha yetu,abhana bhetu ne ebhigiro bhyetu, 22Nkarora ezisoni okumusabha omutemi kwokubha ya abhakea au muryarya we farasi kwokubha ya okuturiibha hano tukubha munzira,kwemera tumubhuriri omutemi ''okubhooko kwa Tatabhugya kuri hamwe na bhano bhosi bhakumukoomya kumazomu.kwokubha abhunagya bhwaye no okutinda kwaye ni iguru wa bhano bhoosi bhakumwanga ewe. 23Kwego tukigaara no kumusabha Tatabhugya kuring'ana riyo.24Kweki nkasora abhatu ikumi nabhabhiri kureka kumumwesi;Sherebia na Hashabia na abhahiri bhaabhu abhandi ikumi. 25Nkarenga kwokubha yaabhu ezihera,dhahabu ne ebhigiro bhye ebhimweso kwokubha ye enyumba ya Tatabhugya kubhatemi,abharwazi na abhakuru na abhaisraeli bhoosi bhakarusha kwobhusegi.26Kwego nkarengera mumabhoko ghabhu efaida ye ezihera magana asasabha na mirongo etano,efaida ye ebhigiro bhye ezihera igana rimwe,efaida igana rimwe rye ezhabu. 27Ibhigiro mirongo ebbhiri gye edhahabhu kwa hamwe bhihabha bhya hera igana rimwe darkoni na bhigiro bhibhiri bhya kizururu bhino bhikorirwe na edhahabhu enzomu.28Nkamara nkabhabhurira,mkerwe orubhango no omutemi,ne ebhigiro bhino,ne ezihera,ne dhahabhu,bhirusibhwe kwa bhusegi ku Yahwe,Eryobha rya abhakangati bheenyu. 29mubhirorere no okubhibhika muze mubhiroore kubhamwesi,abhalawi,na abhakangati bha abhakangati bha abhatu bha Israeli mu Yerusalemu munyumba ye Eryobha. 30Abhamwesi na abhalawi bhakikirirya ekihiko kye ezihera ne edhahabhu ne ebhigiro kwa kubhigega na kubhihira Yerusalem,munyumba ye Eryobha ryetu.31Tukahuruka kugya mumwaro gwa Ahava orusiku rwe erikumi na kabhiri kumweri gwa kwanza kugya Yerusalem.okubhoko kwa Eryobha kuhabha na neetwee,kukaturibha mumabhoko gabhabhihu nabhano bhakenda kuturwania munzira. 32Kwego tukasikira Yerusalem na kwikara muuyo siku isatu.33Kurusiku rwa kane eziherabne ezizahabhu ne ebhigiro bhikaroorwa munyumba ye Eryobha ryetu mumabhoko ga Meremothi omwana wa Uria omumwesi,na hamwe na bhayo yahabhooho Eleazari omwana wa Fineasi,Yozabadi omwana wa Yeshua,na Noadia omwana wa Binui,Walawi. 34Obhuriito bhwa kira kigiro bhukamenyekana.Obhurito bhwosi bhukakamwa kwiibhaga riyo.35Bhano bhiziri kureka mubhugwaatwa,abhatu bho okusama,bhakarusya esadaka yo okwokya ku Ryoobha rya Israel,amang'ondu mirongo kenda na esasabha,ebhinena bhye ezing'ondu mirongo muhungati na muhungati,ne ezimburi ezigorohe ikumi ibhiri kye esadaka yo obhusarya.Zyosi zihabha nisadaka zya kusarya kwokubha ya Yahwe. 36Kweki bhakabhaha obhutaratibhu bhwo omutemi kubhakuru bha abhatemi,na abhakuru bho omugye ghwakumwambuko gwo omwaro,bhakikiririrya abhatu bha munyumba ye Eryobha.
1Eribhaga amang'ana gayo gakakoreka,abhakuru bhakaza kwinye kumburira, ''Abhatu bha Israel abhamwesi bha Walawi bhatanagirye kwiyahura abhene kureka kubhatu bhwe bharo ebhindi obhusarya bhwabhu:Wakanani,Wahiti,Waperuzi,Wayebusi,Waamoni,Wamoabu,Wamisri na Waaamori. 2Kwokubha bhagegiri abhakya na abhana bhe kisubhe,bhisangirirye abhatu abhazomu na abhatu bhe bharo ebhindi abhakuru abhakangati bhakabha bhembele kwe imani yino embifu.3Hano kigwa gano engibho yane ne tugu nokumwa ezinzweri kumtwe nekiresa kikara hasi karwaza. 4Nabhano bhosi bhakarigita kweng'ana ya Tatabhugya we Israel kwe imani embifu bhakakumana kwinye naho ni makara iyasi nikabha nezisoni kuhika kuribhaga hunguru engorobha.5Nawe rikabha ehunguru ye ngorobha nikimerera kumweya kwani nikabha mnyohu nengibho ekaranduka ne kanzu nikatema amaru nikagororokya mabhoko gane ku Tatabhugya wane.Nikabhuga 6"Tatabhugya wane,nina ezisoni takwenderwa kugororokya bhusho bhwani kunawe,amakosa getu gbheri gokutuma mmutwe na mabhihu genyu gahitire nhye kuhika mwisaro.7Kwemera ezisiku zya abhakangati bhetu tubheri bhakori bha mabhihu makuru.Amabhi getu gomkangati,abhasengeri bhakabha mumabhoko gomtemi we kyaro ahagiro nobhware nokwinyirwa nezisoni zyobhusho bhwakero.8Bhono kweribhaga eliguhi neema kureka kutatabhugya wetu yiziri kututugya masagyo masuhumasuhu kurekera kungionga ahagiro hobhare.Yino ehabha kutatabhugya wowetu okutuha obhweeru mmeso getu nokutuha obhunyohu bhano twari abhabhagati. 9Kwokubha nitwe abhahokya nawe tatabhugya akyari nawe akerenie emigiro gyo obhuru kunetwe,agakoriri gano mubhwerekera bhwa meso go mutemi wa uajemi atakunagya kutuha managamahya.Nawe tunagye okwomboka ezinyumba zya Tatabhugya nokurushaho okwihitirirya.Akakora gayo kwokubha anagye okutuha abhwerekera bhobhiribhi ku Yuda na Yerusalemu.10Nawe bhono Tatabhugya wetu,tugambeki mgano hano?Twebhiri ezihamri zyazo. 11ezihamri zino okaha abbharoti na abhahokya bhazo,harya okabhuga, ''Ekyaro kino msikiri okugega ni kyaro kibhihu.Kisanginye na bhatu bhano bhatana bhuzomu.bhunyarageni kureka ahagiro hamwe kugya handi kwobhihu bhwabhu. 12Niho bhono,mtabhaha abhakya bhenyu kwa abhana bhabhu,mtagega omukya wabhu kwokubha bhenyu.Mtamohya amani kunebho akabhika,tubhe bhazomu nokurya ebhizomu bhe kyaro ego murabhakorera abhana bhenyu kunibha kweribhaga ryosi.13Hano gakorekiri kunetwe kwo bhusarya bhwetu namang'ana getu makuru,kwanzira hayo,Tatabhugya wetu,otaruzi obhubhi bhetu obhukuru kwemera hayo,ku Tatabhugya wetu,otaruzi obhubhi bhetu tumwokirye nakyego ekwenderwa akatutiga kya mamatigyo. 14Tunagya okubhuna kwekinehamri zyazo nokusikirira kubhukwerwa,nabhatu bhano bhatari kubhwerekera?15Tatabhugya,Eryobha wa Israel,ni wo obhuhene,kwokubha tusagiri bhasuhu amatigyo au masagyo tee kurusiku rwa relo.Rora,turi embere yazo nobhubhi bhetu,kwokubha etariho umwe uno akunagya kwimerera embere iguru wa rino.
1Eribhaga Ezra arasabha noo kwisasama,akarira nokwirekera hasi obhusyo yee nyumba ya Eryobha erikumanioerikuru rya abhasubhe Israel,abhakari naa abhana bhakikumania awaye,kwokubha abbhatu bhararira bhukong'u. 2Shekania omwana wa Yehieli,omwana wa Elamu akamubhurira Ezra, ''Tutabheri abhahene kuu Eryobha naturuzi abhakari bhaa igutu kurwa ezisyii ezyindi nawe hamwe nanye.Okyari kubha obhuheene kuu Israel.3bhono turatura obhurage hamwe na Eryobha ryetu kurusyaho abhakari bhoosigo na abhana bhaabhu kuring'ana nookuturagirirya kwa Tata,no obhuragiririrya bhwa bharya bhano bhakurigita kuuma kumirirya ge Eryobha ryetu.Na yino ekoreke kureka kuumiogiro. 4Imerera,ering'ana yino erengiri awe,nanetwe turihamwe nanawe,obhe mugumiru no okukora rino.5Kweego Ezra akimerera no okukora abhamweesi na abha Lawi na abha Israel bhoosigo bharahaga kukora kwenzira yiyo kwe ego bhosigo bhakarusya emuma. 6Niho Ezra akabhuuka kureka embere we enyumba ye Eryobha nookugya gati yaa Yehohanani omwana wo Eliashibu,ewe atariri mukate hamwe kunywa manzi kwema hano ahabha okwarama kwiigwana nabharya bhakwikirirya kusuhu,bhano bhahabha muusama.7Kwego bhakahira eng'ana kuu Yuda na Yerusalem kuubhatu bhoosigo bhano bhakyoriri kureka muubhutumwa kukumana Yerusalem. 8Wuyo wosi wuno atiziri kuuzisiku isatu kureka kuubharagiriribhwa kureka kuubhakuru na abhakangati aragegerwa ebhigiro bhyosigo nookumwahura no okukama okukuru kwa abhatu bhano bhakaza kureka muusama.9Kwego abhatu bhosigo bha Yuda na Benjamini bhakakumana Yerusalem kuu zisiku isatu.Guhabha ni mweri gwa kenda orusiku rwa mirongo ebhiri rwoo mweri.Abhatu bhoosigo bhakimerera embere ye enyumbe ye Eryobha na bhakarigita kwokubha ye eng'ana ne embura. 10Ezra omumwesi akimerera no okuhaya, ''Emwe abhene mukoriri kutiga,emwe mwikeri na abhakari bhiigutu no okwongerya amabhihu Israel.11Nawe bhoonego mumuhe omukumo Yahwe, Eryobha rya abhakangata bhenyu,mukore obhusegi bhaye,mwiyahure na abhatu bhe ekyaro nabhari bhiigutu.12Okwikumania kwoosigo kukirirya kwe eriraka. ''Turakora kyeego ubhugiri, 13ntakutunibhwa bhareho bhatu bhaaru nibhagha rya mbura.Tutana nguru zya kwimerera igutu runo rutari rusiku rumwe hamwe ibhiri zya kukora mirimo,kwokubha tusarirye kuung'ana yino.14Kwego abhakuru bheetu bhaahikye ebhigoto ryo osigo,ebhe kubha bhoosigo bhano bhikirirye abhaakari bhii gutu kwiikara mumigwe gyetu bhaaze kwiibhaga abhakuru bhoo mugye abhaamuri bhoo mugye tee hano ekoro ye Ryobha erareke kuneetwe. 15Yonathani omwana Asaheli na Yazeya omwana wa Tikwa bhakanga rino,Meshulamu na Shabethai mlawi bhakakirirya okubhoko kwabhu.16Kwego abhatu bhano bharwiri msama bhakakora ego,Ezra omumwesi akasora abhasubhe,abhakangati bhoo ruganda nee nyumba,bhosigo kwa marina noo kurora ering'ana rino orusiku ryo kutanga omweri gweerikumi. 17Orusiku ryo kutanga omweri gweerikumi. Orusiku ryo kutanga omweri kwa kwanza bhakabha bhamariri okurora bhano bhakwikara na bhakari bhigutu.18Gati wa bhana bhabhamwesi bhariho bhano bhikeri na bhakari bhiigutu.Kubhana bhoo Yoshua omwana wa Yosadaki na bhamura bhaabhu bhano bhahabha Maasela,Eliazeri,na Yaribu na Gedalia. 19Kweego bhakamura kubharushaho abhaakari bhabhu.kwookubha bhahabha bhasarirye,bhakarusha bhiibhirwa ering'ondu kuu mitugo kubhusarya bhwabhu.20Kubhayo abhana bha Imeri,Hanani,na Zebadia. 21Kuubhayo abhaana bha Harimu,Maaseya,na Eliya na Shemaya,na Yehieli na Uzia. 22Kuubhayo abhaana bha Pashuri,Elasa.23Kuubhayo abhalawi:Yozabadi na Shimei na Kelaya(niwe Kelta) na Pethaia,na Yuda na Eliezeri.Kubhayo abhembi Eliashibu na.Kubhayo abharibhi Shalumu,Telemu na Uri. 24Kuubhayo abha Israel bhakasaga- 25Kubhayo abhana bha Paroshi,Ramia na Izia na Malkiya na Minyamini na Eliazari na Malkiya na Benaya26Kubhayo abhana bha Elamu Matania Zekaria,na Yeehieli,na Abdi na Yeremothi na Eliya. 27Kubhayo abhana bha Zatu:Elionai,na Eliashibu,na Matania na Yeremothi na Zabadi na Aziza. 28Kubhayo abhana bha Bebai Yehohanani,na Hanania na Zakai na Athlai. 29Kubhaayo abhana bha bani:Meshulami na Maluki,na Adaya na Yashubu na Sheali na Yeremothi.30Kubhayo abhana bha Pahath-Moabu,Adna,na kelali,na Benaya na Maaseya,na Matania,na Besaleli na binti na Manase. 31Nakubhayo abhana bha Harimu:Eliezeri na Ishiya,na Malkiya na Shemaya na Shimeoni,na 32Benyamini na Maluki na Shemaria33Kuubhayo abhana bha Hashumu:Matenai,na Matatana Zabadi,na Elifereti na Yeremia,na Manase,na Shimei. 34Kubhayo abhana bha Bani:Maaadai,na Amramu na Aueli,na 35Benaya,na Bedeya na Keluhi,na 36wania, na Meremothi,Eliashibu,37Matania,na Matenai. na 38Yaasi.Kubhayo abhana bha Binui:Shimei, 39Sheremia,na Nathani,na Adaya,na 40Maknadebai,na Shashai,na Sharai41Azareri,na Sheremia,na Shemaria,na 42Shalumu,na Amaria,na Yusufu. 43Kubhayo abhana bhoo Nebo:Yeieli,na Mathiana zabadi,na Zebina,na Ido,na Yoeli na Benaya. 44Bhayo bhosigo bhahabha bhatetiri abhaakari bhii gutu na bhahabha bhibhwiri abhaana kuubhamwe bhaabhu.
1Amang'ana gaa Nehemia omwana waa Hakalia ekabha, gati womweri gwaa Kisleu, gati womwaka gwaa mirongo ebhiri, nihabha gati mumugye omukuru gwaa Sushani. 2Owumwe waabhahiri bhanee, Hanani, akazya Hamwe naabhatu abhandi Yuda Mosu nikabhabhurya ribhatunia Abhayahudi, Bhano bhahoriri, Abhayahudi bhanobhasagiri Bhanobhahabha eyo, na rirabhatunia Yerusalemu.3Bhakanibhurira, "Bharya bhahabha gat enguryu gurya gwaturibhwe gati wekibhoho gati wee nyako ekuru naa ezyisoni kuwokubha enyiki yaa Yerusalemu kunyamurwa neebhiseku bhyayebhikasaribhwa kwomuriro."4Nihonikigwa nikigwa amang'ana gayo, nkikara rwokukirira, kworusiku nkagendererya rwokwigara naokusabha embere yaakita waa mwisaro. 5Niho nikabhuga, "Awe nawe Tata, Tata waamwisan Tata wurya omukuru naa orarugurya, wunoyikirirye obhurage rwobhusegi bhwokwikara hamwe naabharya bhakusegiri nookwugwata eribhatikr ryazo.6Hegerera amasabhi gane naawigure ezyimoni zyaro, niho oritegerere erisabhi ryoomubhagati wazo kwaabhana ndasabha embere yazo omwisi rwobhutiku kwe eribhaga ryaabhatu bhaa Israeli abhahokya wazo. Enye Ndikirirya ohusarya bhwabhatu bhaa Israeli, zino tukoriri iguru yabho Bhoosi enye, neenyumba yaatata wae tukoriri obhusarya. 7Tukoriri obhubi bhukong'u iguru wazo nookutiga kwikirania kukumiririya, emigiro, erisiriziro bhana bhamubhuriri omuhokya wazo Musa.8Nesabha ohike ering'ana rino bhuriri omuhokya wazo Musa, Mukakira hano hatarinobbuhene ndabhanyaragania gati weekyaro. 9Nawe hanomurakyore nookugira ryane nookuzikora, nyang'abha abhantu bhaazo bhakizura ekyaro kyaa kwisaro zyaakure, Nosi ndahakumania kurwa eyo nookubhareta ahigiri harya hanoha nzomeri kwego. Kurikora erina ryazo.10Bhono, bhayo niibhabhagati bhazo naabhatubhaze bhano wabhaturirye kweeryinguru zyazo ezyikuru nookubhoko kwazo kweezyinguru. 11Tata ndasabha, witegerere bhono amasabhi goo mubhagati waye naaerisabhi ryoo mubhagati wazowuno. Akazomererwa okusuka erina ryazo. Bhoono ozomeru rerye enye omuhokya wazo rero, onsakirye Ebhigongi bhyembere woomutu wuyo." Nihabha omunywesha woomutemi
1Kumweri gwa obutanga, kumwaka gwa mirongo ebhiri gwo omutemi Artashasta, akasora amarwa, na nikagega amarwa nikamuha omutemi. Bono nitakangatiri kurumirirwa kubukangai bwaye. 2Nawe omutemi akaniburira, "Kwaki obusho bwazo bhurumikiri? Otakwelekenia kubha murweri yino tei ebhe ni bhurumiki bwa mutima," Okumara nikobhoha bbukongu.3Nikamubhurira omutemi, Omutemi yikare kimera! Kwaki obhusho bwane butige kurumika? aribha omugye ahagiro heezimbihira zya tata wane, eri mumatuturi, ne ebhiseku byaye bhisaribwe no omuriro.4Niho omutemi akanibhurira, "Orenda eki nikore?" Boono nimusabha Eriobha lya mwisaro. 5Niramubhurira omutemi, "Omutemi ararore bhuzomu, ne erabhe omuhokya wazo akoriri bhuzomu mumeso gazo, oranagya kunitumania Yuda, mugye gwa ezimbihira zya batata bhane, ninagye kwombka kweki." 6Omutemi akanikyora (na omutemi ariomukwaso yabhanga yikiri haguhi nanewe), " Orikara ibhagaki tee niho okyore?" Omutemi akarora bhuzomu okunihira nanenye nikampka ibhagha.7Niho nikamubhurira omutemi, "Eribha emuzomeri omutemi, niha enyarubha kubhakuru kumwambuko gwo omworo, niho bhamenye kunikiririrya ninyore kuzimbara zyabhu kunzira okugya Yuda. 8Kweki ebheho enyarubha ku Asafu, omuribhi we eritirigo ryo omutemi, niho anihe amati go okukorera ezitimu zye ebhiseku bya amabhegi haguhi ne erisengerero, ne enyiki yo omugye, na kwituku lino Nilikaremu." Kwe ego kwo okubha okubhoko okuzomu kwe Eriobha kwabhanga iguru wane, omutemi akaniha okwenda kwane.9Nikahika kubhukuru kumwambuko gwo omwaro no okubhaha enyarubha yoomutemi. Boono omutemi yabhanga ahiriri abhakuru bha abhasirikare na abhatiri bhe ezingamia hamwe nanenye. 10Sambarati muhoroni na Tobbia omuhokya wa Amoni hano bhakigwa erigana yino, bakazomeribhwa bhukongu kwookubha omutu akaza wuno yabhanga arasakya kubhasakirya abhantu bha Israeli.11Mbe nikakakyora (nikagaruka) Yerusalemu, niabhanga eyo siku isatu. 12Nikimuka obhutiku, enye na abhantu bhasuhu hamwe na ninye, nitamubhuriri mutu wayo wosi kino Eriobha ryane kinoyateri mwosi wo omutima gwane okukora Yerusalemu. Etabhangaho tyenyi hamwe na ninye, yabhanga nirirya nabhanga nitiririku.13Nikatanura obutiku kwe enzina ye ekiseku kya mwiruma, kwerekekera mukitaro kya joka nakukiseku kya jaa, no okurabha ezinyiki zya Yerusalemu, zino zihomorwe, ne ebhiseku bye ezimbau bhikasaribwa no omuriro. 14Okumara nikagya mukiseku no omusobhogo gwo omutemi. Omweya gwabhanga mnyerere bhukong'u kutyenyi yino niabhanga nitiririku okuhita.15Kwego nikagya obhutiku bhuyo embarika ye eriruma no okusamia (kusungurirya) enyiki, nikagharuka kihuteti no okusikira mukiseku kya mwiruma, gwego nikagaruka. 16Abhatake (Abhakangati) bhatamenyiri hano nierekeri hamwe kirya niakoriri nanitabhabhuriri abhayahudi nabhe abhamwesi, naabhe abhakuru, naabhe abhakangati naabhe abhandi bhano bhahokirye emirimo giyo.17Nikabhabhurira, "Orarora nyako yino tunayo kyego Yerusalemu eri mumatuturi ne ebhiseku byaye bhisaribwe no omuriro. Muze, twomboke buhya enyiki ya Yerusalemu, tutaza kubha neezisoni kweki. 18"Nikabhabhurira kubha okubhoko okuzomu kwe Eriobha ryane kwabhanga iguru wane na kweki kumang'ana go omutemi gano yanibhuriri. Bakabhuga, "Tiga tugende no okwomboka," Kwengo bhakakongya amabhoko kwe emirimo emizomu.19Nawe sambalati muhoroni, na Tobia omuhokya waye mwamoni, na Geshumu, mwaera, hano bhakigwa amang'ana gayo bhakatuseka no okututuka. Bakabhuga, "Orakora ekii? Je oriyogenia no omutemi?" 20Niho nikabhakyora, Eriobha rya mwisaro aratuhana obhuzomu, Etwe ni bhahokya bhaye na turatanura no okwomboka nawe tutana rubharika, etareho eheene, na bhutareho bhutunia bwa simuka eyo Yerusalemu.
1Okumara Eriashibu, omusengeri omukuru abli merera hamwe na bhahiri bhaye omwengeri, bhakombaka ekiseku kye ering'ondu bhakari sabhira nakuturaku ebhiseku bhaye. Bhakatura amabhoko tee omunara gwa Hamea no omunara gwa Hananeli. 2Okumara abhata bha Yeriko bhakombaka, akumara Zakuri omwana wo imri akambaka.3Abhana bha Senaa bhakombaka, ekiseku kye eziswe. Bharatura emitimu ayaye nokutwa ebhiseku bhaye bhye ebhyoma bhaye nezichapi zyaye. 4Meremoth akakora ahagiro hano hakugenderera. Ewe nomwana wo Uria omwana wa Hakoki. Okumara Meshuramu akakora. Ewe nomwana wa Berekia omwana wa Meshezaberi. Haguhi nebho Sadoka akakoro. Ewe namwana wo Baana. 5Okumara ebho watekoi bhakakora. Bhono abhatake bhabhu bhakanga okukora omurimo gwo bhatumirwe nomukuru wabhu.6Yoyada omwana wo Pasea, no Meshuramu omwana wo Besodeya, bhakakora ekiseku kya kare. Bharatura emitimu, nokutura ebhisiku bhyaye ne ebhyoma nezichapi zyaye. 7Nabho Melatia Mgibeoni, nowundi Yadoni Meronothi, abhantu bha Gibeoni nowundi Mispa, bhakakora obhukarabati iguru we hagiro hano omukuru wo werigunguri wo obhutingo womwaro akikara.8Okumara Uzieri omwana wo Hashaya, owumwe wabhogya bhebhizahabu akakora, okumara Hahania, omukari wo obhuhuzu. Bhakombaka kweki Yerusalemu. 9Okumararego Refaya omwana wo Huri akambaka. Ahabha omutawala wenwu yo wiraya ye Yerusalemu. 10Okumara ye daya omwana wo Harumafu akombaka haguhi nerihuna ryaye. Okumara Hatushi omwana wo Hashabneya akombaka.11Marikia omwana omwana wo Harimu nowundi Hashubu omwana wo Pahat Moabu, bharomboka Ahagiro ahandiha mwe homunara gwa Tanuu. 12Okumara bhasharumu omwana wo Haroheshi, omukuru wo nusu ye wiraya yo Yerusalemu akombaka, hamwe nabhakya bhaye.13Hanuni hamwe nabhanyarobho bha Zanoa bhakombaka ekiseku kya mumwaro bhakombaka kweki nakuturaku ebhiseku bhyaye nebhyoma bhyaye nezichapi zyaye. Bhakombaka ziraa ekiikwi tee kukiseku kya jaa.14Marikia, omwana wo Rekabu, omukuru wo wiraya ye Beth-Hakeremu, akombaka ekiseku kya jaa. Akombaka nakuturaku ekiseku kyaye, nebhyoma bhyaye nezichapi zyaye. 15Sharumu omwana wo kashoze, omukuru we wiraya ye Mispa, akombaka ekiseku kya amusobhogo. Akombaka nokuteku ekifuniko iguru nokuteku ekiseku kyaye nebhyoma bhyaye nezichapi zyaye. Akombaka bhuhya orukuta rwa Pwani we Sirowamu kwe eustani yo omutemi, tee engazi yobhukangati kurwa omugye gwa Daudi.16Nehemia omwana wo Azbuki, omutawara wenusu Yewiraya yo Beth-Suri, akomboka ahagiro hayo, kurwa Maburin ga Daudi, neribhirika rikombokwa nabhatu, nerihuna rya abhatu bhezinguru. 17Okumara hayo, Abharawi bhakomboka, hamwe narehumi omwana wo Bani nokumara, Hashabia, omutawara we nusu ye wiraya ye Keira, kuu wiraya yaye.18Okumara abhatu bhe ekyaro kyabhu bhakomboka, okubha nihamwe ne Binui omwana wo Hanadadi, omukuru we nusu ye wiraya Keira. 19Okumara akomboka Ezeri, omwana wo Yeshua, omutawara we Mispa, akomboka ahagiro ahandi okugya kwigaara rye kugwato, kuu kona yorukuta.20Okumara hayo Baruki, omwana wo Zakia akombaka kwo kugya ahagiro ahandi, okurwa kuu konayorukuta tee kukiseku kye erihuna rya eriashibu, omusengeri omukuru. 21Okumara hayo Meremoth, omwana wo Uria, omwana wo Hakosi akomboka ahagiro ahandi, kurwa kukiseku kyerihuna rya Eriashibu tee erihuna eno rikuhwera rya Eriashibu.22Okumara hayo abhasengeri, abhatu bha haguhi nahagiro hayo Yerusalemu, bhakomboka. 23Okumara Benyamini nowundi Hashubu bhakomboka kwerekera erihuna ryabhu. 24Okumara Binui omwana wo Henadadi akomboka ahagiro ahandi kurwa kwii huna rya Azaria tee kukona yorukuta.25Parari, omwana wo Uzai, akomboka iguru we kona yorukuta nomunara guno gukuranda iguru kurwa kwihuna riguru yomutemi kuuruwanda rwa Marinzi. Okumara Pedaya omwana wo Paroshi akomboka. 26Bhono abhahokya bherihekaru bhano bhikeri oferi bhakomboka tee orupande rwokubhikira amanzi orupande rwa ruguru womunara guno gukurorekana. 27Okumara gayo, watekoi bhakomboka ahagiro ahandi, kugya kumunara omukuru guno gurigutu, tee orukuta rwa oferi28Abhasengeri bhakomboka iguru ye kiseku kya farasi, omutu wumwe kuu wumwe kugya mwihuna ryaye. Okumara Shemaya omwana wo Shekania, omuribhi wekiseku kya ruguru, akomboka. 29Okumara Sadoki, omwana wo Imeni akomboka ahagiro hayo kugya mwihuna ryaye. 30Okumara Hanania, omwana wo Sheremia, Hanuni omwana wo Sita wo sarafu bhakomboka ahagiro ahandi. Meshuramu omwana wo Berekia akomboka kugya kukihuna kyaye.31Okumara marikia, owumwe wabhogya ezahabu, akomboka tee ebhihuna bhya abhahokya bherihekaru nabhakori bhebhiashara bhano bhahagya kuu kiseku kye erigereza tee ekihuna kiguru kyahagari. 32Abhakori bhebhiashara bhezizahabu nabhahokya bhebhiashara bhakomboka kukihuna kiiguru kye kona nekiseku kyezing'ondu.
1Sanbarati hano akiigwa tuhabha turomboka ekibhambazi akabhihirirwa mwosi waye, wosi akatinda hene, akabhaseka Abhayahudi. 2Embere wabhahiri bhaye naabharwani bha Samaria, akabhuga, Abhayahudi abhanyaku bhano barakoraki? Hene barikorora omugye abhene? Hene bhararusya ebhiryo? Hene bharamara emirimo rusiku rumwe? Hene bharabharetera amaghina okurwa mukibhu hano gakuokibhwa omuriro. 3Tobia Mwamoni ahabha hamwe nawe, wosi akabhuga, Aribha twari bhizamuri yaari aritira iguru we kino bhakuomboka yaari aranyamura ekibhambazi kiyo kya amagina.4Tuitegerere, Erioba ryetu kwo okubha etuseturatukwa. Kyoorya obhusing'ekerya bwa bu iguru we emitwe gyabu abhene no okubhaha bhabone okugeegwa mukyaro hano abhene bhabhohirwe. 5Otakundikirya obhubhihu bhwabhu otarusiaho amakire ghabhu embere wazo kwo okubha bhabhabhihirirwe abhomboki. 6Kweego tukomboka ekibhambazi, ne ekibhambazi kyoosi. Kikagwatanibhwa no obhusuhu bhwo obhutambi bhwaye. Kwo okubha abhatu bhahabha no omukya gwo okukora emirimo.7Nawe Sanbalati, Tobia, Abhaarabu, Abhaamoni, ne Abhawashdodi, hano bhakiigwa emirimo gyo okuribhiriira ekibhambazi kya Yerusalemu ekabha eragendereerya, kwo okubha ahagiiro hano haasi habhunikiri mukibhambazi hahabha habhohirwe, obhururu obhukuuru bhukaaka mwosi wabhu. 8Bhosigo bhakakoora amasemo hamwe bhakaaza okurwana iguru wo Yerusalemu okukora obhutini mwosi wabhu. 9Nawe tukasabha Eriobha ryetu no okutura obhuriibhi, kyo obhuribhi bwo obhutiku no omwisi, kwo okukanga kwabhu.10Okumara abhatu bha Yuda bhakabhuga, ezinguru zya bhano bhakugeega emirigo zitamirwe, ekiswa kiriho kikuru tutakunaagya kuomboka ekibhambazi. 11Abhabhisa bhetu bhakabhuga, kwego bhatakumenya no okuroora tee hano tukuza ghati ghati wabhu no okubhita no okuimereerya emirimo.12Eribhaga riiyo abhayahudi bhano bhahikara haguhi nabho, bhakarwa haghiro hosi no okukereenia na neetwa ikumi, no okutureekya iguru wo amahokya ghano bhakoriri iguru wetu. 13Kweego nikatuura abhatu ahagiro kiyasi we ikibhambazi, kuhagiro hano omweya guuri, nkatuura ku bhisyooko bhino bhina amasabha, amatimu no obhuta. 14Nikaroora, nikimeerera, nikabhabhurira abhakuru, abhatake na abhatu abhandi. Mutobhoha, murihite Eriobha wuno nioomukuru nawookuobhohya, murwanire abhahiiri bhenyu abhana bhenyu, abhakya bhenyu, abhakari bhenyu ne ezinyumba zwenyu.15Hano eribhaga abhabhisa bhetu hano bhakiigwa kubha amag'hana ghabhu gamenyekeni kuneetwe, Ne Eriobha ryaari riikyoosirye amang'ana gabhu, tuosigo tukakyoora kukibhambazi, kwo owumwe ne emirimo gyaye. 16Kweego ukuanzira eribhaga riyo, abhabhagati bhane bhasuhigo bhakakora emirimo gyo okuomboka ekibhambazi, ne erigati ryabhu bhakagwata amatimu, ngubha, obhuta no okuibhoha ebhirwaniro, eribhaga abhakangati bhakiimereera inyuma ye abhatu bhosi bha Yuda.17Kweego abhahookya bhe emirimo bhayo bhayo bhano bhahabha bharoomboka ekibhambazi no okugeega emirigo bhahabha neego bhararibha emiaya gyabhu omutu akakora emirimo no okubhoko kumwe no okubhoko okundi kwaari ne ekigwato kyaye. 18Omuomboki wosi akibhoha erisabha ryaye murubharu rwaye, niigo akomboka wuno ahatema orukano akikara haguhi naneenye.19Nikabhabhuriira abhakuuru na abhataake na abhatu abhandi emirimo ni mizomu ne etambi, tuituriri embarika kukibhambhazi kuure no omutu owundi. 20Erenderwa muriariire ahagiro hano muriigwa omumiro gwo orukano no okwikumania eyo. Eryoba ryetu riraturwaniira.21Kweego tukakoora emirimo giyo, ghati wabhu bhahabha bagegiiri amatimu okurwa oruguru rusambiri etabori tee czinzota okurorekana. 22Nikabhaburiira abatu eribhaga riyo kiro omutu na abhabhagati bhaye bhagende obhutiku gatigati rwa Yerusalemu, babe baribhi eribhaga riobhutiku, no omuhokya we emirimo eribaga riyo. 23Kweki nitari enye Batari bakiri bane batari bhabhagati bane, batari batu bha balibhi bhano bari bakunirwa inyuma, atariho owumwe wetu wuno akagarabura ezingibho zyaye. veilo owumwe akageega ekigwato kyaye. Yingaba agiri kwo okutaha amanzi.
1Araabhe bhaarya abhasubhe na abhakari bhaabhu bhakarira kwa nguru kukira abhayahudi abharikyaabhu. 2Kwookubha kuhaabha na bhaatu bhano bhaha bhuga, "Etwe na abhana bheetu na abhakya bheetu turi bhaaru. Niiho tubhone ebhyakurya tunagye okurya na twikare turikaare." 3Nawe kuhabhaho na abhaatu bhaano bhahabhuuga, "Turatura rahani emigundu gye etu, mizabibu gyeetu, nezinyumba zyeetu tubhoone ebhyakurya kuribhaaga ryenzara.4Abhaandi bhoosi bhakahaaya, "Tubhakobhesiirye ezihera okuriha erigoti yomutaake mumigundu gyeetu ne emigundu gye mizabibu gyeetu. 5Kweego bhoono emibhiri gyeetu na amanyinga garikisi na abhahiiri bheetu, na abhaana bheetu bharikisi na bhaana bhaabhu. Turahatikwa okugurya abhaana bheetu na abhaakya bheetu kubha bhabhagati. Abhaandi abhaakya bheetu bhari nzugurumatu bhabheri abhabhagati. Nawe tutana nguru za kusakirya kwookubha abhaatu abhaandi bhoono bhana emiguundu gyeetu ne mizabibu gyeetu."6Nkatinda bhukoong'u hano nkiigwa kiriro kyaabhu na amang'ana gaayo. 7Nawe nkitegerera iguru ya riiro, nokureta amasemo iguru ya abhakuru na abhakangati. Nika bhabhurira, "Emwe murakomwa erikuku, kyeego owumwe kumuhiri waaye omweene."nikaguratania esaango ikuru iguru yaabhu. 8Na kubhabhurira, "Etwe, kubhunagya bhuno tunagiirye, tubhaokweeri tubhaokweeri okurwa mubhubhagati abhahiri bheetu bha kiyahudi bhaano bhahaabha bhaguribhwe mubyaaro, nawe kweeki murabhagurya abhahiri abhasubaati bheenyu bhaguriibhwe kweeki kunetwe!" Bahaabha bhukiri bhatahabha ning'aana ryakuhaya.9Nawe nikahaaya, "Kinomukukora kitari kizoomu, Nawe, mtakwenderwa okugeenda gatigati yobhoobha bhwe Eryoobha ryeetu okureekya obhutuungi bhwe ebhyaaro bhino ni bhabhihu bheetu? 10Enye na abhakuri bhaani na bhahookya bhaani turabhahana ezihera, ebhakuurya. Nawe turatiga okubhasabha kyongerereryo iguru yokumutuunia giyo. 11Mubhakyorerye rero rero emigundu gyaabhu, Mizabibu gyaabhu, emigundu gyaabhu gye ezinyoo ngyo ne zinyumba zaabhu nezihera suuhu ye ziheera, ebhyakuurya, divai ehya, na amaguta gaano mukabhasabha.12Bhakabhugha, "Turakyoorya kino tugegiri kurwa kunebho, nawe tutakwenda kigiro kureka kunebho. Turakoora kyeego ohayiiri." Niho nikabhabhirikira abhanyaasi, na kubharisha emuuma nokubhakora kyeego bhakarusha obhurage. 13Nikakukumura engibho yaani, nikabhugha, "Niiho Eryoobha rirusheho enyuumba na makarusha ebhigiro bhya kyeego omuutu atakuhikya obhurage bwaaye. Kweego akukumurwe asaage ata na kigiro. Esango yoosi ekabhuuga "Gabheego," na bhakamukumya Tata bhuugya. Abhaatu bhakakora kyeego bhakaruusha obhuraage.14Kweribhaaga rino nkaturwa kubha omukuuru waabhu gatigati ye kyaaro kya Yuda, bhweema kumwaaka miroongo ebhiiri ntee kumwaaka gwa miroongo etaatu ne ebhiiri gwo omutaake Artashasta, kumiaka ikuumi nebhiiri, enye na bhahiiri bhaani tutariri ebhyakurya bhino bhikarusibhwa kugavana. 15Nawe abhakuru bhekaare bhaano bhaakuriri enye nkyaari bhakabhaturira abhaatu emiriigo emiriito, na bhakageega kuneebho erazaana miroongo enegye ziheera kwo kuubha yebhyaakurya ne divai yaabhu ya kina orusiku. Nabhahokya bhaabhu bhakamuteesha abhaatu. Nawe nitakoririgo kubhobha bhwe Eryoobha.16Nkenderera okukoora emiriimo kurugito, na tutaguriri eririma. Na bhahookya bhaani bhoosi bhakikumania eyo okukoora emirimo giyo. 17Gatigati emeeza yaani bhahaabha. Abhayahudi na abhataake, abhaatu iso, etakabheeeri bhaarya bhaaza kuneetwe kureka mubyaaro bhino bhyaari bhitwinogoriri.18Kyeego ekigiiro kiino kikorinue kurusiku kihabha eng'ombe yiimwe, ezing'ondu isasabha bhaano bhakasoorwa, nebhinyonyi, nakuzisiku ikumi etuubho zoosi zedivai nzaaru. Na kugaayo goosi ntahenda bhigiiro gebhakurya bhya gavana, kwookubha amatunio gahaabha marito iguuru ya abhaatu. 19Nihite Awe Eryoobha ryaani, kwobhuzoomu, kwo kubha ya goosi gaano nikoriri kubhaatu bhaano.
1Eriibhaga Sanbalati, Tobia, Geshemu omwarabu na abhabhisa bhetu abhandi hano bhiigwiri kubha nikomboka bhuhya enyiri na kubha hatareho hagiro hohosi hano hatigirwe mwasi, ingabha nikyari kuteka emiryango mubhiseku, 2Sanbalati na Geshemu akatumania abharatu akabhuga, "Muuze, tusikane hamwe hagiro harebhe ku rwanzarya rwe ekibhara kya Ono." Nawe bhakenda kunsarya.3Nikabhatumania abhatu kweebho, nkabhuga, "Ndakora mirimo mikuru ntakunagya kwituuma. Kwaki emirimo gimerere naho ndaaza kutanura no okuuza kunawe?" 4Bhakatumania amang'ana gayo gayo kane, na nenye nikabhakyoora bhuyo bhuyo ibhaga ryoosi.5Sanbalati akamutumania omubhagati waye kwinye enzira yirya yirya rwa katano, ne eriing'aara rino ryari mwasi mukubhoko kwaye. 6Ekaamirwe, "Erahaywa mubhyaro na Geshemu wosi arabhugha, kubha awe na Abhayahudi mnoomukonyo gwo okukyooka, kwo okubha nikyo okukora mromboka enyiri. Kumang'ana gano gakugambwa, orihaguhi kubha mutemi waabhu.7Awe obhasoriri abharoti bharorike amang'ana gazo iguru wa Yerusalemu, bhabhuge, "Areho omutemi eyo Yuda? Oratura kubha no obhuheene omutemi arigwa amang'ana gano. Ambe, nauze tukerenie.8Kyamwe nikatumania eng'ana nikabhugo, "amang'ana kya gayo gakyari kukorwa kyabhurya okuhaya, kwo okubha mumutima gwazo mwosi ogisegiri kibhi. 9Kwookubha bhoosi bhahenda kutukanga, bhahiseega, "Bharatiga amabhoko ghaabhu kukora emirimo giyo, na gitakukorwa." Nawe bhoono, Eryoobha, kong'ya amabhoko gane.11Nikagya yika wa Shemaya omwana wa Deraya, omwana wa Mehetabeli, wuno yabhohirwe munyumba yaye, "Tiga tusikane hamwe munyumba ya Eryoobha, mwosi mwisengerero, twigareho ebhiseku bhyerisengerero, kwa okubha bharaza okukwita. Obhutiku bharaza okukwita." 10Nikagaruraho, bhono! omuutu kyeenye ndatura kung'osa? No omuutu kyanenye ndatura kusikira munyumba ya erisengerero niture kuhona? Nitakusikiramu.12Nikamenya kubha atari Eryoobha amtumiri, nawe yari akoriri obhumwesi kunenye. Tobia na Sanbalati bhakamukora mubhagati. 13Bhakamhaana emerimo kunikora nibhe ne ehaho, nikore kino yahayiri nikore ebhibhi, kwego bharibharanagya kuniha erina ibhihu no okunisuukya. 14Eryoobha ryane, obhahite Tobia na Snabalati, na goosi gano bhokoriri. Omuhiite omusengeri Noadia na abhasengeri abhandi bhano bhasakirye kunikora niobhohe.15Kweego enyiki ekahwa okwombokwa orusiku rwa mirongo ebhiri na katano kumweri gwa Eluli, hano zyahitiri siku mirongo etano niibhiri. 16Abhabhisa bhetu bhoosi hano bhakiwa gayo, ebhyaaro bhyoosi bhino bhitwinogoriri, bhakoobhoha bhakiita orwoondo mumeso ghabhu abheene. Kwookubha bhakamenya emirimo giyo gyakorirwe kwoobhusakiri bhwa na Eryoobha ryetu.17Eribhaga rino abhakuru bha Yuda bhakatumania amang'aara maaru ku Tobia, na amang'aara ga Tobia gakabhahikira. 18Kwa okubha bhaari bhaaru bhano bhabhohirwe kwookurya emuma yaye, kwookubha yaari isibhyara wa Shekania, mwana wa Ara. Omwana wa Yehohanani yaari abheri mkori wa Meshulamu omwana wa Berekia. 19Kweki bhakarenia na nenye iguru wa amahokyo gaye amazomu no okumubhuurira amang'ana gane. Amang'ana gakaretwa kwinye kurwa ku Tobia go okunkanga.
1Kwibhaga rino enyiki yamoriri nebhise ku nimariri kubhimererya, na abharibhi bheebhiseku naabhembi bhaa Walawi bhahabha bhasorirwe; 2Nikamuha omuhiri wane Hanani kubhaneerihatike iguru waa Yerusalemu. Hamwe na Hanania wuno ahabha omwimerereri we kijiji kwookubha ahabha muhenee na akamwobhoha tata bhugya bhukongu kukira abhandi.3Moosi nikamubhurira mutige ebhise kubya Yerusalemu tee Eryoobha hano rirabhe ihari. Kwibhaga abharibhi bheekiseku bhararibha, oranagia kwigura ebhiseku rwokubhandirirya. Sora abharibhi kureka kuubhano bhakwikara Yerusalemu. Abhandi ahagiro habhu hoobhuribhi naabhandi embere weezinyumba zyabhu abheene. 4Bhoono omugye guhabha mugari naamukuru, nawe bhahabhaho abhatu bhasuhu muwosi waye, naazitaroho ezinyumbazino zikwombokwa kweeki.5Eryoobha ryane oteri mumutima gwane kubhakumania hamwe abhakuru, abhakuru naabhatu kubhakama gatigati worukundi rwabhu. Nkanyora ekitabhu kya rwibhuro kyaabharya bhakyoriri hinga naani karora kubha ekamirwe muyo.6Bhano nibho abhatu bheerigunguri abhano bhagiri kureka mubhusami kuubharya bha samibhwe bhano Nebukadreza omutemi wa Babeli akabhagega abhagwatwa bhakakyora Yerusalemu naa Yuda kira wumwe kugenda kuumugye gwaye. 7Bhakaza naa Zerubabeli, Yoshua, Nehemia, Seraya, Reeraya, naa Hamani, Mordekai, Birshani, Mispari, Bigwai, Rehumu naa Baana, Obhwaru bhwaabhana bhaa Israeli ehabha.8Abhana bhaa Paroshi, 2172. 9Abhana bhaa Shefatia 372. 10Abhana bhaa Araa 652.11Abhana bhaa Pahati Moabu. 12Kwuubhana bhaa Yeshua na Yoabu 2818. 13Abhana bhaa Eramu 1254. 14Abhana bhaa Zatu 845 abhana bhaa Zakai 760.15Abhana bhaa Binnui 648. 16Abhana bhaa Bebai 628. 17Abhana bhaa Azigadi 2322. 18Abhana bhaa Adonikamu 667.19Abhana bhaa Bigwai 2067. 20Abhana bhaa Adini 655. 21Abhana bhaa Ateri, waa Hezekia 98. 22Abhana bhaa Hashumu 328.23Abhana bhaa Besai 324. 24Abhana bhaa Harifu 112. 25Abhana bhaa Gibeoni 95. 26Abhatu kurwa Bethelehemu naa Nefofa 188.27Abhatu bhaa Anatoti 128. 28Abhatu bhaa Beth Azmaweth 42. 29Abhatu bhaa kiriasi, Yealimu, Kefira, naa Beloth 743. 30Abhatu bhaa Rama naa Geba 621.31Abhatu bhaa mikimas 122. 32Abhatu bhaa Bethel na Ai 123. 33Abhatu bhaa Nebo 52. 34Abhatu bhaa Eramu waakabhiri 1254.35Abhatu bhaa Harimu 320. 36Abhatu bhaa Yeriko 345. 37Abhatu bhaa Rodi, Hadidi, naa ono 721. 38Abhatu bhaa Senaa 3930.39Abhamwesi abhana bhaa Yedaya, (Bheenyumba ya Yeshua) 973. 40Abhana bhaa Imeri 1052. 41Abhana bhaa Pashuri 1247. 42Abhana bhaa Halimu 1017.43Walawi abhana bhaa Yeshua, Bhakadimieli, wabinui, Hovadia 77. 44Abhenabi abhana bhaa Asafu 148. 45Bhano bhiguri ekiseku abhana bhaa Sharumu, Abhana bhaa Ateri Abhana bhaa Tarumoni Abhana bhaa Akubu, Abhana bhaa Hatita, Abhana bhaa Shobui 138.46Abhahokya bhaamwihekaru abhana bhaa Siha, abhana bhaa Hasufa, abhana bhaa Tabaothi. 47Abhana bhaa Kelosi, Abhana siaha, Abhana bhaa Padoni. 48Abhana bhaa Rebana, Abhana bhaa Hagaba, Abhana bhaa Sarimai. 49Abhana bhaa Hanani, Abhana bhaa Gideli, Abhana bhaa Gahali.50Abhana bhaa Reaya, abhana bhaa Resini, abhana bhaa Mekoda. 51Abhana bhaa gazamu, abhana bhaa Uza, abhana bhaa Pasea. 52Abhana bhaa Bethai, abhana bhaa Meunimu, abhana bhaa Nefusimu.53Abhana bhaa Habakuki, abhana bhaa Hakufa, abhana bhaa Harihuri. 54Abhana bhaa Bathlis, abhana bhaa Mehida, abhana bhaa Halisha. 55Abhana bhaa Balikosi, abhana bhaa Sisera, abhana bhaa Tema. 56Abhana bhaa Mesia abhana bhaa Hatifa.57Abhana bhaa Sulemani, abhana bhaa Sotai, abhana bha Sofeeleth, abhana bhaa Peruda. 58Abhana bhaa Yara, abhana bhaa Darkon, abhana bhaa Gideri. 59Abhana bhaa Shefatia abhana bhaa Hatili abhana bhaa Pokeleth Sebaimu abhana bhaa Amoni. 60Abhahokya bhoosi bhaa mwikehani naa abhana bhaa bhahokya bhaa Sulemani, bhahabha 392.61Bhano nibho abhatu bhano bhagiri kurwa Telmela, Telhalisha, Kerub, Adoni, naa Imeli. Nawe bhatanagirye kurorerera, kubha ebho hamwe bhahiri bhaa wise wabhu bhahabha bhana bhaa Israeli. 62Abhana bhaa Delaya, abhana bhaa Tobia naa bhana bhaa Nekoda 642. 63Nookurwa kuubhasengeri abhana bhaa Habaya, Hakosi, naa Belizirai(akamugega omukari kureka kuubhakya bhaa Brazirai wa Gireaadi na akabhirikirwa kuurina ryabhu)64Hano bhakamohya amatemio gabhu kuubhano bhaasikeni noorwibhuro rwabhu, nawe bhatanagirye kubhoneka kwookubha bharusibhwe gatigati waabhamwesi kyego bhari bhabhihu. 65Omukuru waa gavana bhatikiriribhwa kurya obhyakurya bhyaa abhamwesi kurwa ebhihirwa tee hano aragororeke omumwesi wee erimu na Thumimu.66Erikumanio ryoosi rihabha 42360. 67Kutiga abhahokya bhabhubheekisubhe naabhoo bheekikari, bhano bhahabha 7337, bhahabha abhasubhe naabhakari bhookwemba 245.68Ezifarasi zyabhu zihabhu zihabha 736 kwookubhara, nyumbu zyabhu 245. 69Ngamia zyabhu 435 neezyitikiri zyabhu 6720.70Abhakuru abhandi bhee zyihamati zyabhu bha karusha omubhano iguru weemirimo gyabhu. Gavana akarusha omuhero gwaa Darkon ebhikwi bhyeedhahabu mabhakuri 50, naa amibhoho 530 yaa abhamwesi. 71Abhakuru abhandi bhooruganda rwabhawise wabhu bhakabhaha ekibhumbiko kuumirimo Darkon bhikwi mirongo ebhiri zyee bhahabu neehera 2200 zyee zyihera. 72Abhatu abhandi bhakabhaha Darkoni bhikwii mirongo ebhiri, nee zyahabu bhikwi bhibhiri bhyeezyihera naa amibhoho mirongo esasabhe na muhungati kuubhasengeri.73Abhamwesi, Walawi, abharibhi bheebhiseku, abhembi abhantu abhandi, abhahokya ebheerisengerero, Israeli bhoosi bhakikara gati weemigye gyabhu, kweki omweri gwaamuhungati abhatu bhaa Israeli bhahabha bharikara mumigye gyabhu.
1Abhaatu bhoosi bhakikumania kyoomutu oumwe kuhagiro hano hari mwasi kubhwusyo bhwe ekiiseku kya amaanzi. Bhakamusabha Ezra omwandiki akirete ekitabhu kye emuma ya Musa, kino Tata bhwugya akabhahana Isreli. 2Orusiku rwa obhukangatirwa omweri gwa muhungati, Ezra, kuhani akareta eemuma kuubhwusyo bhwa kukuma niryo abhasubhe na abhakari na bhoosi bhano bhaari no obhunagya bhwo okumenya. 3Akarora ahagiro hari mwasi eembere yoo obhusyo bhwe ekiseku kya manzi na akasoma kurwa etabhori tee engorobha kubhusyo bhwa abhasubhe na abhakari na wowosi wuno akunagya kumenya. Na bhoosi bhakitegerera kwa kisi eekitabhu kyeemuma.4Na Ezra omwandiki, akimerera iguru yoo ubhutingo bhwe miti bhwuno abhaatu bhaahabha bhakoriri kwee eng'ana iyo. Embharika yaye wakimerera Matithia, Shema, Anaya, Uria, Hilkia na Maaseya, urubharika rwaaye rwoo obhwusubhe. Na Pedaya, Misbaeli, Malkiya, Hashumu, Hashbadani, Zekaria na Meshualam, bhahabha bhimereri orubharika rwo obhumosi. 5Ezra akaundikirya ekitabhu embere ya abhaatu bhwoosi kwoo kubha ahabha yiimereri iguru wa bhatu, na hano akafungurira abhaatu bhwoosi bhakimerera.6Ezra akamukumwa Tata bhwugya, Tata omukuru na abhaatu bhwoosi bhakimukya amabhoko gabhu. Wakabhuga, Amina, amina bhakiinamya emiitwe gyabhu, bhaakamukuumya Tata kwoo obhuusyo bhwabhu bhuhabha iyasi. 7Yeshua, Bani, Sherebia, Yamini, Akubu, Shabethai, Hodai, Maaseya, Kelita, Azaria, Yozabidi, Hanania Pelaya neebhwo ni Walawi, bhakabhasakirya abhaatu okumenya eemuma abhaatu bhakikara ahagiro habhu. 8Ebho bhakasoma mukitabhu emigiro Tata bhakahaya amahene bhakaragirirya nookurusya amahene niho abhaatu bhameenye ganogasmirwe.9Nehemia, gavana na Ezra omusengeri noo omwandiki wa Walawi bhahabha bhakerekererya kubhaatu bhakabhabhwurira abhaatu bhwoosi esiku runo ni ruhoreru kuu Tata bhwugya wetu. 10Nehemia akabhabhurira mugende murye kino kinuriri, omukate na amanzi go okuunywa mumuhirire omutu wuno atana kigiro, kwokubha orusiku runo niruhoreru ku Tata wetu mutabha na marumiko, kukubha obhuzomerwa bhwa Tata ni nguru zyetu.11Mbe Walawi bhakabhakora abhaatu kubha bhahoreru, bha kabhuga, Mkiririnanye kwokubha orusiku runo ni ruhoreru mtabha marumiko. 12Abhaatu bhoosi bhakagya kurya nookunywa nookusondana ebhyakurya nookuherekerera kwoobhusomerwa bhukuru kwo kubha bhakamenya amang'ana gano bhabharagirirye.13Orusiku rwa kabhiri abhakangati bhe enyumba ya bhasukuru kurwa kubhaatu bhoosi, makuhani na Walawi bhikuanie wo Ezra, omwandiki ili okubhoona amang'eni kurwa kumang'ana emigiro. 14Bhakarora yandikirwe emigiro kyego Tata ahabhaabha bhuriri Musa abhaana bha Israeli bhikare mwihuna eribhaga ryeo obhuturo kuumweri gwa muhungati. 15Warenderwa okurusya eing'ana kumigye gyaye eyo Yerusalemu, bhakabhuga mugende igutu ekyaro kyebhiguru na mlete amatwi kurwa kumizeituni mwitu na amatu ga mihadsi na amatwi ga mitende na amatwu gee emiti eminene ili okukora ebhihuna ekibhaga kyego garigandikirwe.16Abhaatu bhakahuruka amatu, bhakikorera amahuna kila omuutu kwirongo ryaye, kurubhago na mukiina kyabhu munyumba ya Tata ahagiro hamwasi haa amanzi, na katika Efraimu. 17Niho erikumanwo bhaakakyora kurwa mukibhoho bhakakoe amahuna noo okwikara mwoosi. Kwemera orusiku rwa Yoshua omwana wa Nuni abhaatu bha Israel bhatakoriri obhuturo nobhuzomerwa bhukabha bhukuru.18Orusiku, kurusiku kwemera orusiku rwa obhukangati tee rwa rwinyuma Ezra akasoma kurwa kukitabhu kya emigiro gya Tata. Bhakakora obhuturo kwurusiku rwa muhungati na ya kanane kihabha na erikumanwo izomu.
1Orusiku rwa mirongo ebhiri nene yomuweri guyoguyo abhatu bha Israeli bhakikumania, nabho bhahabha bhatakuria, naho bhabha bhibhohiri amagonera, nabho bhakatura oruteri bhumitwe giabhu. 2Abhibhurwa bhaisraeli bhakiyahura nabhosige bhosi bhkimerera nokwirahira obhubhi bhwabhu abhene namatemio amabhihu gabhawise wabhu.3Bhakimerera hagiro habhu, nerisinzika eyindi yorusiku hakirahirano kwinarira homwanziro hatata bhugya wabhu. 4Walawi, Yeshua, Buni, Kadmeli, Shebanie, Bani na Kanani, bhakimerera iguru wobhutiriro, bhakamu bhirikira oriobha riabhu kwo omumiro Tata.5Niho Walawi, na Yeshua na Kadimieli na Bani na Hashabnega na Sherebia na Hodia na Shebania na Pethamia, bhakabhuga, "Imerera mukumie tatabhugya, wetu, simukanasimuka." Likumibhwe erina gazo ryo obhweru, rino ritweririe ritakulingana no bheru no mukumo gwosigo. 6Awe ntata bhugya awe niawe omwenego. Awe okoriri eisaro, erisaro riguru namaraika bhosigo bherihi bhirihi nekiaro krakigiro kirimu iguru waye nenyanza nabhosigo bhino bhirimu, orabhaha bhesigo obhuhoru, nabhasirikare bha maraika bharakubha awe.8Awe nawe Tata bhugya wuno akumusora Abrahamu yamurushirie kurwa amibhurwa ga Wakaidayo yamubhirikiri Ibrahimu. 7Okarora ekoro yaye ehabha yosigo obhemero bhaye nanawe okakora hamwe eriragano ryokubhaho abhibhuri bhaye enesi bhakanaani, na Muhiti na Mwamori na Perizi, na muyabusi na wagirgashi. Oturiri obhurage bhwazo kwo kubha awe niwahene.9Okarora etabu yabhatata bhetu Misri nokigwa kiriro kyabhu embalika wenyanza ya Shamu. 10Awe okakora kutemia namatitika nwo iguru wa Farao abhakia bhaye bhoosi, nabhatu bhosi bhesi yaye, kwo kuha okemenya kubha abhamisiri bhakakora kwakwi hema, nawe okikorera erina rino ririmerera teerero.11Okabharura enyanza embere wabhu bhakitumbuka gati gati wenyanza iguru wesi enyomu nokubharekera bharia bhabha bhamusi we kirionga, kiri gina mosi wa manzi ge kirionga.12Awe okabhakangata timu ekuru kwibharya mumwisi, nakwetimu yomuriro eribhaga ryo bhutiku, niho okumbimirikira kunzira bhanagia kugenda mumweru bhwazo. 13Okituma iguru wekiguru Sinai okgagamba nabho kurwa mwisaro yabhaheiri ekisingiriryo kyahene esimuka, ahene no okusingirirya bhuzomu amerekeleryo.14Okabhabhurira Sabato yabhuyakubhindikwa, okabhaha erihatike, amerekereryo, ne simuka kuhitira kumusa omuhokia wazo. 15Okabhaha ebhiakuria kurwa mwisaro hano hahapha nenzana yabhuu, namanzi okurwa kuno bhari nenyota yabhu, okabhabhurira bhagende kwigega esi yino obhaheri kwakwira hira kwa kwirahira.16Nawe ebho na bhatata bhetu b hakakora obhubhi, manebho bhahabha bhahari, bhahabha bhatakuzisuka eri hatike zyabhu. 17Bhakanga kwitegerera, nabhatitegereri iguru mangana gano okariri gati wabhu, nawe bhaka bhahari, gati ya bhsaria bhabhu bhakatura omukangati niho bhakire kubhuhokia. Nawe awe oriobha rino rizuri amabhe, awe one osegi ona maabhe, otari mwangu wa kutinda, no mwaru wobhusegi bhwa heene awe otabhatigiri.18Niho atabhatigiri nahano bhahabha bhamariri kuhana ekimori gati we kioma kino kiokibhwe no kubhuga, wuno niwe eriobha ryetu wuno. Atururshie kurwa Misri, "Eribhaga rino bhabha bhabhiri bhukong'u. 19Awe kumaabhe gazo, otabhaatigiri igati we kibhara etimu yerisaro yino ekabherekererya munzira etabhatigiri eribhaga rya mumwisi, niho etimu yamulilo obhutiku ekamilikira kunzira yin bhahenderwa kugenda.20Okabhaha ekoro yazo enzomu okubhegia, kwokubha awe otabhimiri mumunwa gwabhu, no kabhaha amnzi kunyoota yabhu. 21Kumiaka mirongwenne gikabhaha kukibhara nabhabhuriri kiokiosi ngibho zyabhu atanyiriri namaguru gabhu gatobhimbiri.22Okabhaha omutemi na bhatu, no kabhaha eririma gati wahagiro hosi hakure niho bhakaigega esi yasihoni omtemi wa heshiboni, nesi yaogu omutemi wa bhashani.23Okabhakora abhana bhabhu kuha maaru kyezinzota zyamwisaro, no okubhasikiria gati weesi. Okabharira iisowabhu bhasikire no kugega. 24Bhono abhantu bhakasikira, bhaigega esi, bhkabhakia abhikari bhesi yiyo bha kanani. Okabhatura mumabhoko gazo, hamwe na abhatemi bhabhu nabhatu bhesi, niho Israeli ekore nabho kyege bhendire.25Ebho kumania emigie gyezinguru nesi yino ekunyeregeta, nanebho bhakagega ezinyumba zino zinebhugiro bhosi ebhizomu,eribhirika zino zitukirwe, mizabibu ne miiti gya omukaruka ituni, ne miti gya amatunduguru amaru kwokubha bhakaria bhakiguta na bhakiswa, bhakazomererwa kubhuzomu bhwa.26Niho bhatakusukiri nabhasaria bhakarekera esimuka yazo mwinyuma wo mugongo gwazo bhakabhiita abharoti bhazo bhano bhakarekia bhakukyorere awe, nabho bhakakora ekoro embi bhukongu. 27Hano bhakatura mumabhoko gabhabhi bhabhu, wuno yariakubhanyakia gabhu, bhakakuriri awe okabhigwa kurwa mwisaro niho okabhasakiria gati wamabhoko gabhabhihu bhabhu, kwa kubha yamaabhe gazo maaru.28Nawa hano wriokumunya, bhakakora mabhihu kunawe, niho aweokabhatiga mumabhoko ga bhabhihu bhabhu, kwokubha abhabhihu bhabhu bhakabhakangata iguru wabhu hano bhakakukyorera no kukuririra, okigwa kurwa mwisaro, niho kweki okabhaturia kwo kubha yamaabhe gazo. 29Okabharekia bhabhone kukiora kutemo yazo niho ego bhakakora omutwe omukongu bhatitegereri erihatike zyazo bhakakora obhubhi kukira erihatike zyazo zino zikumuha na obhuhoru omutu wowosi wuno akuzitegerera bhatazikirirye, bhatazikoriri bhakanga kuzitegerera.30Kumiaka emiaru bhakatindirana nanebhona kubharekia kukoro yazo kunzira yabhara ati bhazo niyo bhatigwiri. Kwokubha bhabhatu mumabhoko gabhatu abhanyarobho. 31Nawe kumabhe gazo amakuru otabharekirie hene, hamwe okubhatiga, kwo kubha awe nieriobha ryo bhusegi na wamaabhe.32Niho, eriobha rieetu, oriobha rieetu erikuru wezinguru nawokwobhohia, wuno okutura obhuraniga zrazo nobhusegi bhwazo, etaabhu zogigo zino zitubhweni etwe, abhatemi bhetu abhakuru bhetu, na abhasengeri bhetu na bharoti bhetu nabhatata bhetu, nabhatu bhazo bhosigo kurwa kuzisiku za bhatemi bha Ashuru tee rero otakuzibhara kubha nisuhu. 33Awe nawe onehene kugosi gano gatubhweni, kwo kubha okoriri kwe hene, tukoriri obhubhi. 34Abhatemi bhetu, abhakuru bhetu, omusengeri bhetu, abharoti bhetu bhatata bhetu bhataigwatiri esimuka yazo, bhatagwatiri erihatike zyazo kurora zyazo zino oruri.35Nego kubhutemi bhwabhu ebho abhene, kwibhaga bhakazomererwa bhuzomu ariowame, gati wesi ekuru yino enebhakuria bhino otere kubhwemero bhwabhu, bhakuhokeriano kutiga enzira yabhu embihu.36Bhono etwe mbahokia gati musi hino obhaheri bhatata bhetu okuzomererwa amatundugu gaye no mubhano gwaye omuzomu, no roore, etwe bhahokia. 37Erigesa erizomu kurwa musi eyetu hamwawo mutemi abhatura iguru wete kwokubha etwe bhasaria. Omukangati iguru wemibhili gyeetu niguru wemitugo kiego bhasegiri bhanetaabhu ekuru.38Kwo kubha yosi gano, turakora obhuraganirye hene kubhukaami hano obhohirwe amarina amakuru getu, Walawi, abhasengeri.
1Bano bhateriho amariina gabhu kumaakamo gano gahunyirwe mbaari Nehemia wo Hakalia gavana,na abhasengeri bhano bhateribhwe nee Sedekia, 2Seraya,Azaria,Yeremia, 3Pashuri,Amaria,Malkiya,4Hamshi,Shekania,Maluki, 5Harimu,Meremothi,Obadia, 6Danieli,Ginethoni,Baruki, 7Meshulamu,Abiya,Miyamini, 8Maaazia,Bilgai na Shemaya.Bhano nebho abhasengeri.9Abhalawi mbaari Yeshua omwana wo Azania,Binui mhirya Henadadi,Kadmieli, 10na Abhalawi bhalikyaaye,Shebania,Hodia,Kelta,Pelaya,Hanani, 11Mika,Rehobu,Hashabia, 12Zakuri,Sherebia,Shebania 13Hodiya,Bani na Beninu. 14Abhakangati bha abhaatu mbaari Paroshi,Pahath-Moabu,Elamu,Zatu,Bani.15Buni,Azgadi,Bebai, 16Adoniya,Bigwai,Adini, 17Ateri,Hezekia,Azuri, 18Hodia,Hashumu,Besai, 19Harifu,Anathothi,Nobai, 20Magpiashi,Meshulamu,Heziri, 21Meshezabeli,Sadoki, Yadua,22Pelatia,Hanani,Anaya, 23Hoshea,Hanania,Hashubu, 24Haloheshi,Pilha,Shobeki, 25Rehumu,Hashabna,Maaseya, 26Ahia,Hanani,Anani, 27Maluki,Harimu na Baana.28Na abhaatu abhaandi mbaali abhasengeri,na Abhalawi na abhariibhi bha ebhishooko,na abhiimbi,na abhahokya bha mwisengero na bhoosi bhano bhaari bhiyahwiiri abheene abhaatu bheese zye haguhi,kwo migiro gye Eriobbha,na abhakari bhabho,na abhaana bhabho,na abhaakya bhaabho,bhoosi bhaamang'eni, 29Bhakikumania na abhahiiri bhaabho,abhakuru bhaabho,no kwibhoha kumaraga,na amihiryo go kugeenda kwu migiro gye Eriobha,gino Musa omuhokya we Eriobha, yarusirye no okwikirirya ezihatike zyoosi zya Tatabhugya wetu no obhutiniiro bhwaaye ne emigiro gyaaye.30Turarusha obhurage kubha tutakunagya kubhaana abhaakya bheetu abhaatu abhatagweeta,na neetu kugega abhaakya bhabho kubhaana abhamura bheetu. 31Kweeki tukaraga kubha abhaatu bhe bhyaaru hano bbhakureta abhigiro nee ebhyakurya bhyobhyosi no kugurya orusiku rwe sabato,tutakunagya kugura kubhaneebhwe orusiku ruyo rwe esabhato tee no orusiku rworwoosi orunyohu.Hano omwaka gwo muhungati gukuhika,turareka emigindu gyetu gimunye,nokumara amadeni goosi gano gabhonekeni na Abhayahudi abhaandi.32Tukikirirya ehatike yokurushya ezihera zye zishekeli tee hano omwaka gukuhika kukubha ye emirimo gyo omugye gwe Eriiobha ryeetu, 33Ne emikate gyukwerekanibhwa no obhutu bhwokusengerera siko zyoosi zye sabato,naye zisiku zya mweri omhya,naye zisighukuru,tee kubhigiro bhirya ebhyeero,ebhigiro bhyokwegya amaraga,zyokubhigwania abha Israeli,na kumirimo gyo omugye gwe Erioobha ryeetu.34Naho tukatema ezikura,Abhasengeri na Abhalawi,na abhaatu iguru ye zikwi zyo kuhembera omooro kunyuumba ye risengero rye Eriobha ryeetu,kureng'ana na bhatata tukamsora omuutu wuno akureta ezikwi kunyumba ye Eriobha kozisiku zyoosi zya mwaka zino zisorirwe.Omorero gukahembwa ahagiro hakokeerya abhigiro bhyo kusengerera ha Tatabhugya wetu,kyego gakamirwe kwe migiro. 35Kweki kureta kunyumba ye Tatabhugya amatunduguru gembere gano gagesirwe kumigundu gyeetu amatunduguru gembere ga kuumete gano gagesirwe embere yu mwaka. 36Kyego emigiro gikaamirwe,tukikirirya kuhirya kunyuumba ye Eriobha na kubhasengeri bhano bhakuhokya hano abhibhurwa abhataangi bha abhaana bheetu na bhemitugo gyeetu.37Turareta obhutu bhwetu bhwembere ne ebhyakurya bhino bhigesirwe bhyembere,na amatunduguru ge emiti,gyoosigo no obhusara bhuhya na amaguta turahira kubhasengeri,kwiigati yemunyumba hano bhakubhikira esakwa ye ebhigiro bhye Eriobhja ryeetu.Turabhahana abhalawi ahagiro ikumi hengeso yeetu ne ezaka yee bhyoosi bhino tubhaheeni kwokubha abhalawi bharakumania ezizaka kureka kuumigye gyoosi gino tukuhokya emirimo. 38Omusengeri,omwibhurwa wo Haruni,tee abhe na omulawi hano akugega ezizaka.Abhalawi bharenderwa kuhira ahegiro hikumi hezaka kunyuumba ye Eriobha ryeetu kuhano bhakubhukira ebhigero.39Kwookubha abhana bhe Israeli na abhaana bho Lawi,bharaleta ebhigero bhyengese,divai ahya,na amaguta kunyumba yobhikira hano ebhigero bhya aheero bhakwimereribhwa,na ahagero habhasengeri abhahokya,na abharibhi bhe ekishooko na abhiimbi.Tutakunagya kuitiga enyumba ye Eriobha ryeetu.
1Abhakangati bha bhaatu bhakikara Yerusalemu,abhaatu abhaandi bhakasora na kureta oumwe mubhaatu ikumi yikare Yerusalemu,omugye omwaare,abhandi kenda bhakasaaga mubhyaaro ebhindi. 2Abhatu bhakabhahana orubhango bhoosi bhano bhikiriirye kwa kusega kwikara Yerusalemu.3Bhano nibho abhakangati bha mumukoa bhano bhakikara Yerusalemu.Kwego mubhyaro bhya Yuda kiro omutu akikara mukyaaro kyaaye omwene,hamwe na abhaIsraeli,abhamwesi,abhalawi,abhahookya bha mwisengero,na abhibhurwa bha abhahookya bha Sulemani. 4Yerusalemu bhakikara abhana abhamwe bha Yuda na abhana abhandi bha Benyamini.Abhatu bha Yuda bhahabha hamwe na Athaya,omwana wa Uzia,Omwana wa Zakaria,omwana wa Amaria,omwana wa Shefatia,omwana wa Mahalaleli.omwana wa Peresi.5Maaseya omwana wa Baruku,omwana wa Kolhoze,omwana wa Hazaya,omwana wa Adaya,omwana wa Yoyaribu,omwana wa Zakaria,omwana wa Mshelani,ahabha omwana wa Baruki. 6Abhana bhoosi bha Peresi bhano bhuikeeri Yeruisalemu bhahabha 468.Bhahabha bhahari.7Bhayo nibho abhana bha Benyamini,Salu,omwana wa Meshulamu,omwana wa Yoedi,omwana wa Pedaya,omwana wa Kolaya,omwana wa Maaseva,omwana wa Ithieli,omwana wa Yehaya. 8Bhakamara bhakaza ,Gabai na Salai,abhatu 928. 9Yoeli omwana wa Zikiri ahabha mwangariri wabhu;Yuda omwana wa Hasenua ahabha omukuru wa kabhiri mumugye.10Kureka kubhamwesi Yedaya,omwana wa Yoyaribu,Yakini, 11Seraya omwana wa Hilkia,omwana wa Meshulamu,omwana wa Sadoki,omwana wa Merayoti,omwana wa Ahitubu,omukuru we enyumba ye Tatabhugya, 12abharikyaaye bhano bhahokirye emirimo gyo oruganda,bhatu 822.na Adaya omwana wa Yerohamu,omwana wa Pelalia,omwana wa Amzi,omwana wa Zekaria,omwana wa Pashuri,omwana wa Malkiya.13Bhahabha bhagwatani bhaaye bhaari bhakuuru bhaabhu,abhasubhe 242,Maasai omwana wa Azareli,omwana wa Azai,omwana wa Meshilemothi,omwana wa Imeri; 14Abhahiri bhabhi,128 abharwani bhe ezinguru,bhe ezinguru;Waziri wabhu uno yabhakangatiri ahabha Zabdieli,omwana wa Hageoli.15Walawi Shemaya omwana wa Hashubu,omwana wa Azrikamu,omwana wa Hashabia,omwana wa Buni, 16na Shabetai,na Yozabadi,bhano bhahabha mbhakangati bha Walawi,bhano bhakimerera emirimo giigutu we enyumba ya Tatabhugya.17Yahabhaho Matania,omwana wa Mika,omwana wa Zakri,omwana wa Asafu,uno yahabha mkurugenzi akanza kuzomya kwa masabhi,Bakbukia,wa kabhiri mubhahiri bhaaye,Abda omwana wa Shemaya,omwana wa Galali,omwana wa Yeduthuni. 18Mumugye omuzomu bhahabha Bhalawi 284.19Abharibhi bhe ebhiseku bhya Akubu,Talmoni,na bhano bhakusakirania,bhano bhakaribha ebhiseku,abhasubhe 172. 20Bhaisraeli bhano bhasagiri,abhasengeri,Abhalawi bhahabha mumiigye gyoosi gya Yuda.Kira omutu akikaara hawaaye omwene. 21Abhahokya bha mwisengero bhahikaara Ofeli,na Siha na Gishpa bhahabha bharabhakangata.22Omukangati omukuru wa Abhalawi uno bhahahokeerya Yerusalemu ahabha Uzi omwana wa Bani,omwana wa Hashabia,omwana wa Matania,omwana wa Mika,omwana wa Asafu,bhano bhahakora emirimo gyo okwemba munyumba ya Tatabhugya. 23Bhanga iyaasi wa amaragiriryo kureka kumutemi na amaragiriryo amakong'u gano garusibhwe ne ebhembi kira orusiku kyego ekwendeerwa. 24Pethania omwana wa Meshezabeli,omwana wa Zera,omwana wa Yuda,ahabha orubhaara rwo omutemi kumang'ana goosi ga abhaatu.25Kubhijiji ne emigundu gyaabhu,abhatu abhamwe bha Yuda bhakikara Kiriath-arba,ne ebhijiji bhyaaye,Diboni,ne ebhijiji bhyaaye,na Yekabzeeli ne ebhijiji bhyaaye. 26Bhakikara Yeshua,Molada,Beth-Peleti, 27Hazar-Shuali,Beersheba ne ebhijiji bhyaaye.28Bhakikara Siklagi,Mekona,ne ebhijiji bhyaaye, 29Enrimoni,Sora,Yarmuthi, 30Zanoa,Adulamu,ne ebhijiji bhyaaye,na Lakishi,ne emigundu gyaaaye,na Azeka,ne ebhijiji bhyaaye.Niho bhakikara kureka Beer-sheba bhakaagya mumwaaro gwa Hinomu. 31Abhaatu bha Benyamini bhoosi bhahikara kureka Geba,kugya Mikmashi na Aiya,na Beth-eli ne ebhijiji bhyaye. 32Bhakikara Anathothi,Nobu,Anania, 33Hazori,Rama,Gitaimu, 34Hadidi,Seboimu,Nebalati, 35Lodi,na Ono,omwaaro gwa Wafundi. 36Abhalawi abhandi bhakikara Yuda,abhandi Benyamini.
1Bhano nibho abhakaruka n abhalawi bhano bhakaza hamwe na Zerubabeli omwana wa Shealueli,hamwe no Yoshua,Seraya,Yeremia,Ezra, 2Amaria,Maluki,Hatushi, 3Shekania,Harimu na Meremothi.4Ahabhaho Iddo,Ginethoni,Abiya, 5Miyamini,Maazia,Bilgai, 6Shemaya,Yoyaribu,Yedaya, 7Salu,Amoki,Hilkia,na Yedaya.Bhano bhahabha bhakuruka bhagwatani bhabhu kuzisiku zya Yoshua.8Walawi bhahabha Yeshua,Binui,Kadmieli,Sherebia,Yuda,na Matania,uno ahabha omukangati wa membo gokuzomya,hamwe na abhagwatani bhaye. 9Bakbukia na Uno,abhagwatani bhabhu,bhakimerera embarika yabhu obhukati bhwa amahokyo.10Yoshua ahabha wisewabhu Yoyakimu,Yoyakimu ahabha wise wabhu Eliashibu,Eliashibu ahabha wise wabhu Yoyada. 11Yoyada akamwibhura Yonathani,Yonathani akamwibhura Yadua.12Muzisiku zya Yoyakimu bhano bhaha bhakaruka,na abhahiri;Meraya ahabha mkuru wa Seraya,Hanania ahabha mkangati Yeremia, 13Meshulam ahabha mukangati wa Ezra,Yehohanani ahabha mkangati wa Amaria, Yonathani ahabha mukangati Maluki,na Yusufu ahabha 14mkangati wa Shekania.15Kwokugenderera,Adna ahabha mkangati wa Harimu,Helkai mkangati wa Meremothi, 16Zekaria ahabha mkangati wa Ido,Meshulamu ahabha mkangati wa Ginethoni,na 17Zikri ahabha mkangati wa Abia wa Miyaamini.Piltai ahabha mkangati wa Maazia. 18Shamua ahabha mkangati wa Bilgai,Yehonathani ahabha mkangati wa Shemaya, 19Matenai ahabha mkangati wa Yoyaribu,Uzi ahabha mkangati wa Yedaya, 20Kalai ahabha mkangati wa Salu,Eberi ahabha mkangati wa Amok, 21Hashabia ahabha mkangati wa Hilkia,na Nethanel ahabha mkangati wa Yedaya.22Kuzisiku zya Eliashibu,Walawi Eliashibu,Yoyada,Yohana,na Yadua bhakang'olibhwa kyemitwe gyo oruganda,na abhakaruka bhakang'olibhwa kwibbhaga ryo mutemi Dariyo wa Persia. 23Abhana bha Lawi na abhakangati bhahu bhoruganda bhakang'orwa mkitabhu kye zitarehe zye zisiku zya Yohana omwana wa Eliashibu.24Abhakuru bha Lawi bhahabha Hashibia,Sherebia,na Yeshua omwana wa Kadmieli,hamwe na abhagwatani bhabhu,bhono bhahabha bhimereri kubhwerekera bhwo kumukumya nokuzomya,akamukyora arubhara norubhara okwikirirya ehamuri ya Daudi,omtu wa Tatabhugya. 25Matania,Bakbukia,Obadiya,Meshulamu,Talmoni na Akubu bhahabha ebharibhi bhebhiseku bhano bhaha bhari bhimereri ebhiseku ekibhikiro kya mkiseku. 26Bhakahokya ezisiku zya Yoyakimu,omwana wa Yoshua,omwana wa Yosadaki,kuzisiku zya Nehemiya,gavana na Ezra mkaruka no mwandiki.27Abhatu bhakamohya Walawi hohosi hano bhahikara,bhakabhareta Yerusalemu kwoo bhuzomerwa,hamwe nokwemba ebhitomwa,vinanda na vinubi. 28Obhumwe bhwa abhembi bhukakumana hamwe kureka wilaya iruguriri Yerusalemu kureka vijiji bhya Wanetofathi.29Bhakaza kureka Beth-gilgali kureka mumigundu gya Geba na Azmawethi,kwokubha mbembi bhahabha bhiyombokeri vijiji haguhi na Yerusalemu. 30Abhakaruka na Walawi bhakiyerya nokubherya abhatu ebhiseku nezinyiki.31Niho bhahabha na abhakangati Yuda akagya iguru wenyiki,nanenye kateho esango ebhiri emikuru bhayo bhakazomya,omwe akagya orubhara rwakuru bhayo bhakazomya.Omwe akagya orubhara rwabhuryo iguru we nyiki kubherekera bye kiseku kye nzara.32Hoshaya na nusu yomkangati wa Yuda bhakamugira, 33Bhakamara bhakagya Azaria,Ezra na Meshulamu, 34Yuda,Benyamini,Shemaya,Yeremia 35na bhana bha bhakaruka bhano bhari nekombyo na Zekaria omwana wa Yonathani,omwana wa Shemaya,omwana wa Mataniya,omwana wa Mikaya,omwana wa Zakuri,omwana wa Asafu.36Abhahiri bha Zekaria,Shemaya,Azareli,Milalai,Gilalai,Maai,Nethaneli,Yuda,Hanani hamwe nebhigiro byo mziki bhya Daudi omtu wa Tatabhugya.Ezra omwandiki ahabha kubherekera bhwabhu. 37Kishoko kyobhuhoru bhakagya umwe umwe obhwambukiro bho mugwe gwa Daudi iguru yokitira kunyiki iguru yenyumba ya Daudi kwokubha amanzi ga mamu.38Na abhembi abbhandi bhano iguru wetimu nenyikuru. 39Iguru we ebhiseku Efraimu,nebhiseku bhakare,kwekiseku kyeswe netimu ya Hamea kwe kiseku kye ng'ondu,bhakimerera kukiseku kya abharibhi.40Kwokubha emikumano ebhiri bharya bhakazomerwa na abhakangati hamwe nanenye. 41Nabhakaruka bhakagega omweya gyo Eliakimu,Maaseya,Miyamini,Mikaya,Elioenai,Zekaria,na Hanania we kombyo. 42Maaseya, na Shemaya,Eleazeri,Uzi,Yehohanani,Malkiya,Elamu,Ezeri.Abhembi bhakemba na Yezrahia abhimereri.43Bhakarusha ekimweso orusiku ruyo bhakazomererwa,kutatabhugya ahabha abhazomererwe nobhuzomerwa bhukuru.Niho abhakari na abhana bhakazomerwa.Nobhuzomerwa bhwa Yerusalemu ekigwa kureka kure.44Orusiku ruyo abhatu bhakabhahura iguru we nyumba ye kibhumbiko kwemisororo,matunda gembere nekimweso,nokukumania musi wazino zikwenderwa nemigiro gyabhakaruka bbhabha Lawi.Niho oumwe akahurwa kukora emirimo mimigundu hagui nemigwe.Kwokubha Yuda akazomererwa iguru wabhakaruka na Walawi bhahabha bhimereri mbere wabhu. 45Bhakakora omwimereri wa Tatabhugya wabhu,bhakamwerya kwehamri ya Daudi nomukari Sulemani na uyo.46Ekare ne kare,ezisiku zya Daudi na Asafu,kuhabha na abhimereri na abhembi bhahabha na membo go kumkumya Tatabhugya. 47Kwookubha Zerubabeli kwezisiku zya Nehemia,Israeli bhosi bhakarusha kuzisiku zya bhembi na abhimereri bha mkiseku.Bhakatura embarika habhalawi bhakatura abhana bha Haruni.
1Orusiku ruyo bhakasoma ekitabhu kya Musa muumatwi ga abhatu.Ekarorekana yaandikirwe kubha atareho Mwamoni hamwe Mmoabu arenderwa kuuza kubhusikaniro bhwe Eryoobha,kimera. 2Yiino ehabha kwookubha bhatiiziri kuubhatu bhaa Israeli no omukate na amanzi,kwookubha bhahabha bhamwikirirye Balaamu kuraani Israeli.Kwego Eryoobha ryetu rikakyora amihime kubha enokwe. 3Hano bhigwiri emigiro,bhakaahura Israeli kureka kuubhagini.4Bhoono kurwa hayo Eliashibu omumwesi akatuurwa iguru we ebhinyumbe bhyee nyumba bhye Eryoobha ryeetu.Ahabha haguhi na Tobia. 5Eliashibu akamteraho Tobia ekinyumba ekikuru,inyuma hayo bhakatura ebhihirwa bhye ebhyakurya omugundiriryo,nyarubha,ekigiro kyeerikumi kyee bhyakurya,amarwa,na amaguta bhino bhikaturwa kuubha Lawi,abhembi,abhartibhi bhe ekiseku ne emisororo gya abhamwesi.6Nawe eribhaga ryosigo riyo ntahabha Yerusalemu kuumwaka gwa mirongo etatu neebhiri gya Artashasta omtemi wa Babeli,nkagya woomutemi.Kwiibhaga nkasabha omutemi omweya gwoookugya. 7Nkakyora Yerusalemu.Nkamenya amabhihu gano Eliashibu ahabha akoriri okumuha Tobia ekinyumba kyoo okubhikira gati weerirwaziro gee nyumba ye Eryobha.8Nihabha ntindiri nikarekara ebhitabhu bhye enyumba yaTobia ioguru we ekinyumba kyoo kubhikira. 9Nkabhabhurira kubha bhasindure ahagiro hookubhikira,nosi ndakyorya kuunebho nyarubha gee nyumba yeeriobha,ebhihirwa bhye ebhyakurya no omugundiriryo.10Nkamenya kubha eribhara rino rirusibhwe okuhana abhalawi zitarusibhwe kuneebho,nawe bhatukureka bhwangu mwisengerero,kila omutu aghyee mugundu gwaye,kyabheembi bhaakoriri bhakagya. 11Kwego nkakerenia na bhakuru,'kwaki eenyumba ye eriobha etigirwe nkabhakumania kumweya gyaabhu.12Okumara Yuda bhakareta omuhero yee bheekura,marwa mahya na maguta kumyee kyoo kubhiikira. 13Nkabhatura kya bhabhiki ekibhumbiko Shelemia mumwesi,na Sadoki omwandiki,na Walawi,Pedaya.Hanani,omwana wa Zakuri,omwana woo Matani,ahabha na bhakangati bhabhu,kwookubha bhakabarwa nibhahene emirimo gyabhu gyahabha kunyaragania bhigiro kubhagwatani bhabhu. 14Nihite,Ee Eriobha ryane,iguru wa rino otarushaho mahokya mazomu gano nakoriri kunyumba yee Eryoobha ryane na mahokya gayee.15Kuzisiku ziyo nkarora abhatu bhya Yuda bhano bhataziri amarwa orusiku rwoo kusengera bharetiri ezitumo zyee bhyekura noo kutirya ezitikiri, amarwa ,zabibu,na tini kira ekigiro kyee emirigo mirito,gyaahirirwe Yerusalemu orusiku rwokusengererya.Nkarora bharagurya ebhyakurya orusiku ruyo.16Abhaatu kurwa Tiro bhano bhikara Yerusalemu bhakareta eziswe na kira kigiro kya ebhigiro nookubhigurya orusiku rwoo kusengera kubhaatu bha Yuda na mumugye! 17Okumara nkabhubhurira abhakangati bha Yuda,'' nawe nibhubhiki bhuno mkukora,okusarya orusiku rwoo kusengera? 18Nawe bhaweso bhenyu bhatakoririgo?Nawe,Eryoobha ryetu ritaretiri amabhi gano iguru wetu na iguru woo mugye guno?bhono orareta obhutindi kuru iguru wa Israeli kwoo kuzera obhusengeri.19Nawe hano kyabheri kirima kubhiseku bhya Yerusalemu bhukari obbhusengeri nkabhuga ebhioseku bhiigarwe nookubha gitakwenderwa gigurwe teye tumare obhusengeri.Nkatura abhahokya bhane kubhishoko bhataza kureta omurigo gwogwosi orusiku rwoobhusengeri. 20Abhasuruzya naabhagurya kubhigiro bhyoosi bhakaryara igutu waa Yerusalemu rugendo rumwe hamwe kabhiri.21Nawe nkabharekya, "Ndora murikara igutu wee nyika?Hano murakorego kweki,ntabhatura mumabhoko!'' Kureka kwibhaga rino bhatiziri kuurusiku rwoobhusengeri. 22Akabhabhatika abhalawi kwisindura nokuza kuiribha ebhiseku okusindura orusiku rwoobhuturo.Onihite,kuriino kweki,Eryoobha ryane,rwokuniha amabhira kwookubha yoobhuhenee bhoo kwikirania rino onaryo kuneye.23Kwibhaga ryeezisiku ziyo nkarora abhayahudi bhahabha bhateeri abhakari bhaa Ashdodi,Amoni na Moabu. 24Ikona yaabhana bhabhu bhakagamba ekigambo kya Ashdodi,nawe bhatanagirye kugamba kigambo kyaa Yuda,nawe ekigambo kimwe kyaabhatu abharu.25Nosi nkakerenia nabho,nosi nkabhokya nookubhatema kuubhamwe bhabhu nookuruta ezyinzweri zyabhu.Akabharisirirya emuma kuuryobha.Nkabhuga mutabhaha abhana bhabhu,abhakya bhabhu,mutatega kwookubha yaabhano bheenyu mutari emwe abhene. 26Heene,Sulemani omutemi wee Israeli atakoriri obhubhi kwookubha yaabhakari bhano?Igati weebhyaro bhyaru atahabhoho omutemi kyaa newe ahabha asegirwe nee Eryoobha ryaye.Eryoobha rikamukora abhe omutemi iguru waa Israeli yoosi.Kwego abhakari bhaye abhagini bhakamukora akore obhusarya. 27Nawe,turenderwa kukwitegerera nookukora obhubhi bhuno hata kumusarya Eryoobha ryetu nookubharora abhakari abhagini?28Owumwe wa bhana bhaa Yoyada,omwana wa Eliashibu,omumwesi omukuru,ahabha inyabhyara Sanbalati Mhoroni.Kweego nkamurusya kurwa mubhusho bhwane. 29Bhakuhitye,Eryoobha ryane,kwookubha bhasarirye obhumwesi,noobhurage bhaamwesi naabhalawi.30Kwookubha mbasinduriri kurwa kukigiro ekihya nookukong'ya amirimo gya abhamwesi na abhalawi,kwoo wumwe kwee mirimo gyaye omwene. 31Ndarusya omuhero gweezikwi kwiibhaga rino warusirye ebhyakurya bhyeembere.Oruhite,Eryoobha ryane kwoo obhuzomu.
1Gati we zisiku zyo obhukangati bhwa Ahasuero (wuno ni Ahasuero wuno akakangata kurwa India kuhita Ethiopia,kwambuka magunguri 127), 2kuuzisiku zino omutemi Ahasuero ahabha yikeri kuukitumbi kyaye kyoo obhukangati bhwaye gati wee rigobhe ryaa Shushani.3omwaka gwoo bhutawara bhwaa katatu akabhakorera enyangi abhakuru na abhabhagati bhaye bhosi bhano bhahikiri kuunyangi yiyo bhahabha bhakuru bhaa abhasirikare bhaa Wajemi no Umedi,naabhatu bhoo mweya naa abhakuru bhaa magunguri. 4Omutemi akatura mwaasi obhunibhi noobheru bhwoo bhutemi bhwaye noobhusuki bhwoo bhukuru bhuno yabhweni,kuzisiku 180.5Ezisiku zino hano zyahikiri,omutemi akakora enyangi yino ekikara kuusiku muhungati enyangi yino ahabha kuubhatu bhoosi bhano bhahikara muu ikurlu yaa Shushani kwema omukuru kuza kuumusuhu.Orubhago rwoo mugundu gwaa ikulu yoo mutemi niwe enyangi yino ekorekiri. 6Orubhago rwoo mugundu runo rwakingirwe ebhitambara bhee pamba noo orujuani,gakabhobhwa kweezisiri zyaa makonge ezyinamu zyaa zambarau gahabha ga surungazibhwe kwoorubhara rweezihera zaa marimari kuhabha nebhitumbi bhyee zahabhu neezihera iguru wee simiti yaa marimari,amagina amakangaru naamarabhi naa yamayayi naa mamwamu.7Amarwa gakakorwa mubhikombe bhyee zahabu nakira ekikombe kihabha kyaa hagari kwokubha naakira ekikombe kihabha kyaa hagari kwokubha yoo bhuzomererwa bhwoo mutemi kuhabhaho naa marwa maru. 8Omutemi akabhabhurira abhahokya abhatu bhatwanirwe amarwa kuukira omutu kwego akwenda bhono heene omutemi ahabha amariri kurusya erihatike kuu bhabhagati bhaa mwikuru kubhakorera abhagini kwego bhakwenda kira omugini.9Abhakari nabho bhahabha bhararikirwe kuunyangi naa malkia Vashiti mwi ikulu yoo mutemi Ahasuero. 10kurusiku rwa muhungati ekoro yoo mutemi ehabha noobhuzomererwa kwokubha yaa marwa,akabhabhurira Mehumani,Biztha,Harbona,Bigtha,Abagtha,Zethari na Karkas(bhano muhungati nibho bhakoriri muubhusyo bhwo mutemi) 11Okumureta malkia Vashiti akubha mumibhoho gaye goo bhumalkia.Akubha naa misego gokubherekya abhatu bhaa maakida obhuzomu bhwaye,kwookubha ahabha muzomu.12Hamwe na amaragiriryo goo mutemi omukari Vashiti akanga okugya kyego yabhanga aragiriribhwe naa abhakangati bhaye.Kwego omutemi akatinda bhukong'u;obhutindi bhwaye bhukabha mwosi waye.13Omutemi akagenda kubhene misego,bhano bhakamenya eribhaga(kwakubha bhuno nibhwe bhwanga obhuragirirya bhoo mutemi kuu bharya bhabhanga abhang'eni bheerihatike nobhusinzi. 14Carshena, Shethar, Admatha, Tarshish, Meres, Marsena,na Memucan,amagunguri muhungati gaa Uajemi naa Umedi bhabhanga haguhi noo mutemi naa bhabhanga nee mweya mikuru mubhutemi. 15Kuukukukyosa niki kikoreke kuumang'ana gee rihatike kurwera mubhwangi bhoo mutemi omukari Vashiti kuumaragiriryo goomutemi Ahasuero kuumutemi omukari Vashiti.16Owumwe wabhu wuno amenyekeni kwee rina Memukani akabhuga kubhukangati bhwoo mutemi naa kubhukangati bhwa bhatake malkia atamukosee omutemi tee na a bhakuru bhosi bhano bhari kumagunguri go omutemi Ahusiero. 17kwakubha ering'ana rya malkia hano riramenyekeni kubhakari bhosigo.Bharabhakorera mabhihu abhasubhe bhazo. Bharabhuga, ''Omutemi Ahusiero malkia Vashiti atimereri omusubhe waze,hano omuemi Ahusiero yenda aze imbere waye.' 18Kuzisiku zino abhakari bha bhakuru bha Uajemi na Umedi hano bharamenya rino rya malkia Vashiti bharabhakorera abhasubhe bhazo,abhabhagati bho omutemi.Irabhaho obhutindi bhwaru.19Bhono ni ng'ana erizomu kumutemi,tura erigoti,na ibhe erihatike ku Waajemi na Wamedi,kubha Vashiti hatakuza embere yoo omutemi kama malkia.Nafasi ya Vashiti bharamuhe omutu wundi wuno alimuzomu kukira Vashiti. 20Erigoti ryo omutemi hano rirasosibhwa kubhutemi bhosi,abhakari bhosi bharabhaheshimu abhasubhe bhazo,tee alimubhukangati na kubhano bhatari abhakangati.''21Obhwitongeri bhuno bhuhabha mzomu kumutemi na abhakuru abhandi,omutemi akakora tee Memkani akerenibhe. 22Akatuma erigoti kumagunguri gosi go omutemi,kukira egunguri ne andiko ryaye,na kukira bhatu na makabila gabhu.Akenda kira musubhe abhe mubhagati kunyumba waye omwene.Erigoti rino rikasoka kukigambo kyo kila omutu kubhutemi.
1Inyuma wa mang'ana gano hano obhutindi bhwo omutemi Ahusiero okuhorera,akisega kumutemi omukari Vashiti kukino yabhanga ahokirye no obhurariki bhuno yabhanga ahayiri rirusibhwe la Vashiti okubhurya omukumo gwo okubha omutemi omukari. 2Kumara abhamura bhano bhahamuhokerya omutemi bhakabhuga,omutemi amohiribhwe bhano bakyari kuturwa enzira abhazomu.3Omutemi asore abhimereri kumagunguri goosi go obhutemi bhwaye bhabhakumanie bhano bhakyari okuturwa enzira bhoosi harem muitebhenge ya Susa.Bhano bhakyari okuturwa enzira bhano bhabhe iyasi wo obhwimereri bhwa Hegai,omwimereri,wuno ari omukuru wa abhakari bhahanue na byokwipodola byabhu byoosi. 4No omukya wurya alakore azomererwe omutemi niwe arakole abhe malkia kumweya gwa Vashiti.''Omutemi akasega obhwitongeri na akakora kyego gakerenibhwe.5Mumugye gwa Shushani yabhangaho omuyahudi wuno yabhirikirwa Modekai omwana wa Jaira omwana wa Shimei omwana wa Kishi,wuno yabhanga wa kigambo kya Benjamini. 6Ewe ni gati wa abhayahudi bhano bhagegirwe hamwe na Yekonia,omutemi wa Yuda kurwa Yerusalem no okuhirwa mubhusamiribhwa no omutemi Nebukadreza.7Modekai yabhanga alimerera,Hadasa,erina elindi Esta,mukya wa mame wabhu kwookubha atabhanga noo obhusho bhwo okuzomererwa.8Abhakya abharu bhakaretwa mwingetebha Shushani,hano obhurariki na erihatike ryo omutemi kurusibhwa bhakaturwa iyasi yoobhwimereri bhwa Hegai,omwimereri wa abhakari. 9Esta akamuzomererya omweya kubhukangati bhwe Hegai.Akamuha bhyokwipyodora ne eribhara rya ebhyakurya akamuha abhahokya bhe ekikari muhungati kurwera mwitebhenge yo omutemi,na akamuhira na abhahokya bheekikari ahagiro ahazomu mwituku rya abhakari.10Esta atabhanga amubhuriri mutu wuyo wosi ng'ana ya bhahiri bhaye kwakubha Modekai yabhanga amuribhiri. 11Kila orusiku Modekai ahagya no okukyora kubhukangati igutu wo orubhango rwe erituku rya abhakari ahende yigwe amang'ana ga Esta na kino arokererwe.12Eribhaga hano yahikiri ya kiro omukya okugya kumutemi Ahusero kwo okutunurira amerekereryo ga abhakari,kira omukya akenderwa kumara emieri ikumi nebhiri gyo obhuzomu,ne emieri esasabha gya amaguta ga orututu ne emieri esasabha gya okwipodola. 13Eribhaga rino omukya ahagya kumutemi yahahanwa kiyo kyosi kino yaharorehererya kurwera mwituku rya abhakari anagye kugya nakyo mwituku ryo omutemi.14Omukya ahenderwa kugya kwibhaga ryo obhutiku no okukyora mwituku rya abhakari,na kwimerereri Shaashigazi,omwimereri wo omutemi,wuno yabhanga mwene kubharibha masuria,omukya atakiriribhwe kugenda kweeki ku mutemi yabhanga amuzomerwe omutemi no omutemi akabhuga akyore kweki.15Eribhaga rya Esta hano ryahikiri(omwana wa Abihaili,inyarume wa Modekai yabhanga amugegiri kyo omukya waye)kugenda kubhukangati bhwa omutemi etendili kigiro kiyo kyosi akenda birya bhino Hegai,omwimereri wa abhakari akamwenda abhigege. 16Esta akanyora omweya kubbhukangati bhwa kila wuno yakarora.Esta akahirwa kumutemi Ahusiero kubhwikari bhwee kitemi omweri gwe erikumi,guno guri ni imweri Tabeti kumwaka gwa muhungati gwo obhukangati bhwaye.17Omutemi akamusega Esta bukong'u kukira abhakari abhandi,na akanyora omweya kukira no obhuzomu kubhukangati bhwaye bhukong'u kukira bhano bhakyari kuturwa enzira abhandi na kwego omutemi akamwibhoya omusanga gwo omutemi omukari kumweya gwa Vashiti. 18omutemi akabhakorera enyangi kurwa abhimereri na abhahokya bhaye bhoosi enyangi ya Esta na akabhahana obhunyohu bwe erigoti kumagunguri kweki akabhahana emibhano kwo obhuzomererwa.19Modekai yabhanga yikeri mukiseku kyo omutemi hano abhaturwa bheenzira bhabhanga bhikumenie rwakabhiri. 20Esta akagwata obhutongerwa bhwa Modekai go kutama kumubhurira mutu wuyo wosi kumang'ana ga abhahiri bhaye akagendererya okutimbirira obhutongeri bhwa Modekai kyego yakoriri hano yabhanga musuhu. 21Kuzisiku ziyo zino Modekai yabhanga yikeri mukishoko kya omutemi,Bighani na Tereshi,abhimereri bho omutemi bhano bhaharibha ekishoko,bhakatinda no okumhoya okumwita omutemi Ahusiero.22Ng'ana hano yaturirwe mwasi ku Modekai,akamubhurira omutemi omukari Esta akamwerekererya kirya kino yakerenibhwe na Modekai. 23Eng'ana yino ekatunirirwa no okurorekana kubha heene abhasubhe bhabhiri bhakang'etwa iguru wa omuti.Na eng'ana yino ekakamwa mukitabhu kya obhumenyekerererya kubhukangati bhwo omutemi.
1Okumara amasabhi gayo,omutemi Ahusiero akamutirya Hamani ekyeo omwana wa Hammedatha mwagagi,nokutura ekitumbi kyaye kyo obhukuru iguru wabhakuru bhosi bhano bhahabha nawe. 2Abhahokya bhosi bho mutemi bhahenderwa okwihigama nokwisasama Hamani,kyego omutemi ahayiri hatego Modekai atahigemiri nokwisasama embere wo Hamani.3Okumara abhahokya bho mutemi bhano bhahabha mukiseku kya omutemi bhakamubhurira Modekai,kwaki otakwikirirya kuhatike ryo omutemi? 4Bhakagamba nawe orusiku kwo orusiku,hatego akanga okukora obhwendi bhabhu.kwego Hamani akagamba nabho nokukora kubha ering'ana rya Modekai ringasagiri ego ahabha abhabhuriri kubha Modekai ahabha muyahudi.5Hamani hano akarora kubha Modekai atakwihigama nokwisasama akagwatwa nobhutindi. 6Ahabha neriwazo ryokumwita Modekai,abhokya bho omutemi bhahabha bhamubhuriri kubha Modekai na bhahiri bhaye bhahabha bhayahudi.Hamani akamura okubhita abha Yahudi bhosi, abhatu bha Modekai,bhano bhahabha kubhutemi bhwa Ahusiero.7Kumweri gwo kwamba,(nigwe omweri gwa obhutangiro Nisani)gwo mwaka gwerikumi nabhiri gwo omutemi Ahusiero,bhakatema ekura embere wa Hamani kira orusiku no mweri tee hano bhachaguri omweri gwerikumi na bhiri,(omweri gwa Adari.8Okumara Hamani akamubhurira omutemi Ahusiero, ''abhatu abhandi bha mumagunguri gosi go obhutemi bhwazo bhatakufuata erihatike ryazo kwekoro yabhu yokutama okurubha amahatike gazo bhatakwenderwa kubha nobhuzomu. 9Rabhe riramuzomera omutemi,norushe obhwamuri abhatu bhano bhosi bhahirwe kure,nyarindapima etaranta erikumi kumabhoko ga bharyan nibho abhimereri bha amang'ana go omutemi,kweego bhature kuuhazina yo omutemi.10Niho omutemi akarusha epete yaye yomuhuri nokumuha Hamani,omubhi wa abhayahudi. 11Omutemi akamubhurira Hamani, ''Ndahakikisha kubha ezihera zikakyora kunewe na kubhatu bhazo. kwego mukorere kyego mukwenda.12Okumara abhandiki bho omutemi bhakikumaniya kurusiku rwe erikumi na akatau gwo mweri gwa kutanga,embiu yino ehabha namatakwa ga Hamani gahabha gandikirwe nakuhirwa kubhimereri bha magunguri gosi,nabhimereri bha abhatu bhosi,kuukira erigunguri kuumandiko gabhu,abhatu bhosi,neng'amba yabhu.Eng'ana yino ehabha yandikirwe kwe rina ryo omutemi.Ahusiero hakutemwa omuhuri gwe epete yaye. 13Ezinyarubha zino zyakwenda kubhahira kure abhayahudi bhosi zikatangazwa kumagunguri gosi go omutemi Ahusiero,okwita,nokubhasarya abhayahudi bhosi,kwemera musuhu tee mukuru,abhana na abhakari,kurusiku rumwe kwesiku yerikumi na katatu yo mweri gwerikumi nakabhiri(nigwe omweeri gwa Adari) nokuteka ebhigiro bhyabhu.14Enakara ekakoreka ekakoribhwa kubha esheria nokuhirwa kumagunguri.Etarifa iguru wo kwiita gabha Yahudi gakaenea kumagunguri kubha abhatu bhosi bhiandae kwesiku yiyo. 15Abhanyaragania bhakanyaragia amagizo go omutemi.Erihatike rino rikarusibhwa nokusambazwa kuumigye gya Shushani.Omutemi ahabha na Hamani bhakikara nokunywa,hatego omugye gwa Shushani guhabha kuu kwita.
1Modekai hano akigwa kino kiihakorwa iguru wabhu,akarandura ezingibho zyaye no okuibhoha amagonera na ekibhu,akaagya gatigati wo omugye no okuniira kwo omuriro no obhururu bhwaru. 2Akagya tee mukiseku kyo omutemi;kwokubha atariho wuno bhaha mutiiga asikire neeno yibhohiri amaghonera. 3Erihatike rino hano ryahikiri ,ubhiaro,kukabhaho ekiriro ekikuru kubha Yahudi,no okuigaraho,okuriira no okusekerera.Bhaaru bhabhu bhakahindira na amagonera ne ekibhu.4Malkia Esta hano yabhweni amang'ana kurwa kubhasakirya bhaye,akabhoonwa ne ekiriro.Akabhatuma abhatu bhamuhirire Modekai ezingibho arushe amaghonera no okuibhoha ezingibho ezinzomu,nawe Modekai atikiriirye. 5Okumara Esta akamubhirikira Hathaki,wumwe ahabha aherwe emirimo gyo okumusakirya,akamubhurira agende ku Modekai amenye kwaki Modekai arakora ego.6Kwego Hathaki akagya ku Modekai mumugye embere ye ekishoko kyo omutemi. 7Modekai akamubhurira Hathaki amang'ana ghosi gokunyahara abhayahudi ghano gakukorwa ne ezihera zino Hamani abhugiri arabhaha abhabhiki ba ezihera bho omutemi,okubhita abhayahudi. 8No okumara akamuha ering'ara ryo orukane yino ekarusibhwa Shushani kwo okunyahara abhayahudi.Akakorego kwokubha Hathaki amubhurire Esta agege eng'ana yo okuugya okumusabha omutemi kubha Yahudi.9Kweego,Hathaki akagya no okumubhurira kino abhuriirwe na Modekai. 10Esta akakerenia na Hathaki akamubhurira akyoore ku Modekai. 11Esta akamubhurira Hathaki, ''Abhabhagati bhosi bho omutemi abhatu bhosi bha mubhiaro bhamenyiri kubha omutu wuyo wosi wuno akusikira wo mutemi ataherwe oruhusa arenderwa yiitwe,tee wuno omutemi akumusomeresya ne ehimbo yaye ye azahabhu.Ezisiku mirongo etatu nkyaari kuugya embere yo omutemi. 12Hathaki akamubhurira Modekai amang'ana ghano abhuriirwe na Esta.13Modekai akakyoora amang'ana:"otaza kubhuga awe orahona kukiira abhayahudi bhosi. 14Hano orikara kiri kubhaga rino,Eryobha rirareta obhuhoru kwa enzira eyindi,nawe awe ne enyumba ya wuso wenyu muranyaharika.Niwewi wuno amenyiri wiziri kwi ibhaga riino,kwai ibhaga izomu kya rino.15Okumara Esta akatumania amang'ana ku Modekai, 16"Noogye obhakumanie abhayahuidi bhosi bhano bhakuikara mumugye gwa Shushani,na obhabhohe kuneenye.Bataryabno okunywa kwi ibhaga rya ezisiku isatu.Enye na abhabhagati bhane bhe ekikari turiigara kuzisiku ziyo.Nookumara ndaagya embere yo omutemi kyeego etakwenderwa ne erisinziro.Ne kyego ni kuukwa niikwe. 17Modekai akakora ghosi ghano,Esta yaari amubhuriri akore.
1Kugaayo ye zisiku isaatu,Esta akibhooha amibhooho gaaye ga kimalkia nokwimerera ahagiro hamwosi worubhago rwa ikuru omutaake,kubhutangiro bhwe enyumba yo omutaake.Omutaake ehabha yikeeri gatigati ye kitumbo kyaaye kye esimuka na aharorera ekiseku kyo kusikirira. 2Omutaake akamurora malkia Esta akabhoona ekimenyekereryo ku omutaake.Akamuha ehimbo ye zahabu mumabhoko ga Esta.Kweego Esta akamwisukurira omutake no kugwaata ehimbo ya bhutemi.3Nawe omutaake akamubhurira malkia Esta, ''Orenda ohaanwe eki? Obhusabhi bhwazo nibhuuhe?Niiha entinika yo bhutaake bhwani orahaniwa.'' 4Malkia Esta akamubhurira omutaake,aribha nibhweni kimenyekereryo mumeso gaazo,ndasabha awe na Hamani bhiziri rero kunyangi yino nkoriri kunewe.''5Omutaake akabhuga, ''Mumurete Hamani ego ego ne bhino bhikwenderwa ga malkia Esta.'' Omutaake bhosigo na Hamani bhakaagya munyangi yino akakora malkia Esta. 6Amaarwa gano oheerwe munyangi,omutaake akabhurya malkia Esta kino okweenda niki?Orahanwa niho itiniika yo bhutaake.''7Esta akakirirya kumutaake, ''Bhino bhikwenderwa nobhusabhi bhwani ni bhuno, 8arabhe erakuzomere omutaake kwo kuniha yaani nokusuka amasabhi gaani,awe na Hamani mukyore kweeki kunyangi yiino ndaaze nkooore tabhoori na hayo niho ndakubhurire ndenda yani.9Amani akagenda yiika waye eno yizwiri obhuzomererwa mukoro yaye.Nawe hano akamurora Modekai gatigati ye kiseku kyo mutaake,Modekai atakwimerera kutabha kurigita embere zaaye,akizura ntindiri ku Modekai. 10Nawe akireekya na akagenda yiika waye akabhararika abhasaani bhaaye bhakikumania hamwe na Zereshi, mkaaye. 11Hamani akabhurira iguru yo bhweru bhwe bhigiro no bhwaaru bhwa bhaana yaari anabho,na kyeego ari iguru atari kyabhimereri na abhahokya bhoosi na omutaake bhosi bho omutemi.12Hamani akabhabhurira, ''Kyego izo malkia Esta akakora enyangi kugayo yomutake na nenye nosi nomutaaake bhano tukagya kunyangi yino akakora malkia Esta.Na tabhoori tunagwe turarikiirwe ogundi hamwe nomutake. 13Nawe kiyo kyosi kitari kigiro araabhe Modekai arendera okwikara kumuryaango gwo mutaake.14Arabhe Zereshi,omkari wa Hamani akamubhurira omusubhe no musani waye bhoosi, ''Mukoore omuti gwo bhutaabhi bho kirengyo mirongo etano.Neribhaga rye ekitabhori ogambe no mutaake niho Modekai aturungazibhwe kumuti guyo.Omare ogende kwo bhuzomu kumutaake munyangi yino akoriri Malkia.
1Obhutiku bhuyo omutemi atabhweni tiro.Akatumania bhamurete ebhitabhu bhino bhyaari bhikamirwe amang'ana geebhisigo geekare go omutemi bhisomwe embere waye.Ebhitabhu bhisomwee kwiiraka embere wo omutemi. 2Ekabhonwa Modekai yaari ahayiri amang'ana iguru wa Bighana na Tereshi,abharibhi bhano bhaharibha ekiseku ekikuru, bhahabha bhakoriri eriku yookumwita omutemi Ahusiero. 3Kyamwe omutemi akabhurya,Modekai akakorerwaki kyo okumwagungya kumang'ana gano yaretiri? Niho abhabhagati bho omutmi bhakamubhurira, ''Atakorerwe kigiro kyokyosi.''4Niho omutemi akabhurya, ''Niwi arimwigobhe ryoomugye.'' Hamani ahabha asikiri mwighobhe ryo omutemi asbhe omutemi arusye ering'ana ryookwikirirya Modekai asungwe kwiti rino ryari riturirweho. 5Abhabhagati bhakamukyora, ''Hamani yimereri mwibhanza rya omutemi.''Omutemi akabhuga, ''Mumubhurire asikare munyumba.'' 6Hano Hamani yasikiri,omutemi akamubhurya,akorweki omuutu wuno omutemi asegiri nookumusuka?" Hamani akiseega mumutima gwaye, "Niwi wuno omutemi asegiri na kumusuka kunikira enye?7Hamani akamujibu omutemi,omutu wuno omutemi amusegiri nookumusuka, 8yibhohibhwe ezingibho zye obhutemi,amibhoho ghano omutemi amariri kugibhoha ne efarasi yino omutemi amariri kwikaraku yino anaesangarya yeekitemi kumutwe gwaye. 9Ezingibho ziyo ne farasi ehanwe omwimereri kukira bhoosi.Bhamwibhohye wurya omutemi asegiri nookumusuka,bhamutiirye iguru we farasi nookumuhitya muroobho yoosi.Bhamurarike embere waye, ''Ego nigo akoreerwe omutu wuno omutemi asegiri nookumusuka!"10Kyaamwe omutemi akamubhurira,Hamani, ''kora bhwangu,omwibhohye Modekai ezingibho omutiirye kufarasi,nawe ritaza kusuhaho ingabha ing'ana rimwe kuugayo ohayiri.'' 11Kyaamwe Hamani akagega amiibhoho ne efarasi.Akamwibhohya Modekai nookumutiirya kufarasi na kumuhitya muzirobho zyoosi zyo omugye.Akararika embele waye, ''Yino ekorekiri kumutu wuno omutemi asegiri no okumusuka!"12Hano gayo gahwiri Modekai akakyora mukiseku ekikuru kyo omutemi.Eno Hamani akakyora bhwangu yika waye,eno araramira,naho ahinyiri omutwe gwaye. 13Akabhabhurira abhasani bhaye na omukari waye Zereshi,amang'ana gano gamubhweni.Kyaamwe abhatu bhaaye bhaamisego na Zereshi mukaye bhakamubhurira,aribha Modekai wuno otangiri okugwa embere waye ni wo orwibhuro rwa abhayahudi,otakumuhiga kweki,oraaza kubha kugwa embere waye kira keego.'' 14Hano bhaari bhakyakerenia,abhabhagati bho omutemi bhakamwizira Hamani agye mubhugini bhuno Esta akoriri.
1Kwego omutemi na Hamani bhakagenda kuzomererwa na malkia Esta. 2Kurusiku rwa kabhiri,hano gwaretirwe amarwa omutemi akamubhurira Esta, ''Niki kyamisego ga omutima gwazo? Naniki erisabhi ryaazo?Nawe eritinika rya obhutemi bhwane arahanwa.''3Kumara malkia akamubhurira omutemi,kyegi nibhweni ekisi mumeso gazo,nakyego ekizomeri,nihanwe obwikari bwane,na yino niyo obhusegi bhwoomutima gwane,na tino kweki niryo erisabhi rya abhatu bhane kweki. 4Kwookubha enye na abhatu bhane tuguribhwe,kubha tusaribhwe,twihwe,na tubhurirwe.Aribha tungaguribhwe mubhubhagati kyego abhasubhe na abhakari,ningakiririkiri,na ningatamiri kumunyakya omutemi.'' 5Kumara omutemi Ahusiero akamubhurira malkia Esta, ''Niwewi wuno akisega mumutima gwaye kukora ering'ana rino?6Esta akabhuga, ''Ni wuno omubhi Hamani,omubhisa!''Hamani akagwatwa no bhwobha embere yo omutemi na malkia. 7Na kwokubha obhutindi omutemi akareka kubhugini ahagiro ho muvinyo na akagya mugundu gwa mwikulu,Nawe Hamani akasaga aramusabha Esta kubha aturye obhwikari bhwaye,kwookubha akarora omutemi amwisegeri bhubhihu.8Omutemi akakyora kureka mumugundu gwa mwikuru na okusikira mukinyumba kino kihabhamu amarwa.Hamani ahabha agwiri iyasi we ritumbi rino ahabha yikariri Esta.Omutemi akatinda na kubhuga, ''aramusukya malkia embele zyaye kunyumba yaye?" Nigo amang'ana gano garekiri mumunwa gwo omutemi,abhabhagati bhakakundikirya obhusyo bhwa Hamani.9Kumara Habona,owumwe wa abhabhagati wuno akamuhokyera omutemi akamubhurira omutemi, ''Omuti omutambi gwa amatambuka mirongo etano guri yika wa Hamani.Gwari guterweho kwiguru wa Modekai,wuno arusirye amang'ana iguru wo kunyaharwa kwazo.'' Omutemi akabhuga, '''Mumusurungaze Hamani iguru waye.'' 10Kwego bhakamusurungazya Hamani kumuti guno guhabha guterweho iguru wa Modekai.No obhururu bhwo omutemi bhukahoorera.
1Orusiku ruyo omutemi Ahusiero akamuhana malkiya Esta obhunibhi bhwosi bhwa Hamani,omubhisa wa wayahudi.Bhakamara bhakamtirya obhunagya Modekai abhagate kwokubha Esta ahabha amubhuriri omutemi ubhwumenyani bhwaye na Modekai. 2Niho omutemi akamuha epete yino yari amuheri Hamani Malkia Esta akamutirya Modekai abhe mkuru mumugundu gwa Hamani.3Kweki Esta akagamba noo omutemi.Akagwa nookurira haguhi akamwisasama omutemi otige obhung'ani bhwo okwita Wayahudi bhoosi yuno yari ehairwe na Hamani kubhusyo bhwo omutemi Muagagi 4niho omutemi akamwinurira Esta ehimbo yaye ye dhahabu akimuka noo kwimerera embere yo omutemi.5Esta akabhuga, ''Erakuzomere na hano nibhweni oruhusa obhurire bhateme ekweri kurekya amang'ana gano gandikirwe na Hamani omwana wa Hammedatha muagagi,ezinyarubha zino uyandikiri kubhamara Wayahudi bhoosi bhano bhaari mumigye gya abhatemi. 6Olarorabhwi kurora ubhwubhihu kubhahana abhatubhane?Ndanagyabhu kurora ubhusarya bhwa abhahiri bhaane?7Omutemi Ahusiero akamubhurira Esta na Modekai,Muiyahudi,nimheri Esta enyumba yosi ya Hamani,bhamsungiri Hamani kumti kuno ahabha yendiri okwiita Wayahudi bhoosi. 8Bhoono yandika obhung'eni bhuundi kuu Wayahudi kwa rina rya omutemi oteme orubhaso kwa pete ya omutemi na etakunagya kusaribhwa."9Niho abhakami bhaa amangoro bha omutemi bhakikumanya kuribhaga riyoriyo kwu mweri gwa katatu guno ni mweri wa Sivani,orusiku rwa mirongo ebhiri yoo mweri gwa katatu.Ekweri ekakurwa kuu Modekai akabhuga kuu Wayahudi bhakorerwe eehene na bheene jimbo.Ekweri ekwaandikwa kwa maakida,magavana na abhakuru bhaa amagunguri gano gahabha India tee Ethiopia,magunguri 127.kira egunguri nkandikwa kurukamo gaye na kila abhaatu kukigambo kyabhu.Wayahudi kwaa kurukama na kigambo kyabhu.10Modekai akakama kurina rwo omutemi Ahusiero na akazitema eezikamo ezipete ya omutemi.Akatura ezinyarubha kuumatarishi,akabhatiirya kuufarasi bhano bhakugya bhwangu bhakakoreka kusakirya omutemi bhano bhibhirwe kuu omutemi. 11Omutemi akabhaha Wayahudi bhoosi kumajimbo utawala oruhusa rwokukumanya nookwiribha okusarya,okwita,nokusarya omutu wowosi wuno yari kwenda kubhita Wayahudi bhosi nakugega obhunaga bhwaye. 12Eling'ana rino rirenderwa rikorwe kumagunguri goosi go obhutemi Ahusiero,orusiku rwa erikumi na katatu yoo omweri gwa erikumi na kabhiri guni ni omweri gwa Adari.13Nakara ikenderwa kurusibhwa emigiro kurarika abhatu bhosi.Wayahudi bhahabha bharaganya kurusiku rwo kuhira erideni abhabhi bhabhu. 14Ego matarishi bhakaryarya efarasi bhano bhahabha bharakorerwa emirimo gya ekitemi.Bhakenderera bhwangu bhukong'u ekweri yino ehabha erusibhwe kumugye gwa Shushani.15Niho Modekai akimuka kubhushyo bhwa omutemi ahabha yibhohiri ezingibho zee ekitemi,engibho ya buluu na endabhu na eritaji ikuru rya dhahabu na erjoho rya zambarau.Omugye gwa Shushani gukazomererwa. 16Wayahudi bhahabha noo obhweru na obhuzomererwa na eheshima.Omugye gwogwosi guno ekweri ekatemwa wayahudi bhakazomererwa na bhakakora kwiginihya noo kumunya. 17Abhatu abharu bhakenda bhabhe Wayahudi kuno obhwobha bha Wayahudi bhuhabha iguru wabhu.
1Mbono gati wo mweri gwikumi nebhiri,orusiku rukumi na katatu runo ndusiku rwa Adai,orusiku runi rwa abhabhi Abhayahudi bhakisega kukomera esimuka yo mutemi nokubhona ezinguru kurwa ku Wayahudi kugaho ewe Wayahudi bhakabhona ezinguru kurwa kubhabhi bhabhu. 2Abhayahudi bhosi bhakikumania ga we migie giabhu gati mwigunguri gosi go mutemi Ahusiero,aratura amabhoko iguru wa bhana bhano bhakwenda obhubhi.Atareho wuno akwenda kwimerera kwokubha obhwobha bhwabhu bhuhabha bhubhagwereri abhatu bhosigo.3Abhakuru bhosi igunguri, makida na magavana,na abhakangati bho mutemi,bhakabhasakiria abhayahudi kubhwobha bhwa Modekai ehabha ebhagweri. 4Kwokubha Modekai ahabha mukuru munyumba yo mutemi,nobhumenyekekani bhwaye bhukamenyekana gati mwigunguri gosigo kwokubha Modekai ahabha arakarwa mukuru. 5Wayahudi bhakabhasirira kukinibho kwisabha,bhakabha kora kibhi kiego bhahabha bhakabhasakiria amabhihu kuneebho bhakabhakora kiego bhari nabho kisi mzimoni zyabhu.6Gati worubhago rwa mumigye gwa Shushani abhene hamwe yabhabhihu bhani bhitire no kusaribhwa nabhayaudi mbasubhe magana atano. 7Mubhano bhitirwe nibho abhamweeno Parishandatha,Dalphoni,Asoatha, 8Poratha,Adalia,Aridatha, 9Parimashita,Arisai,Aridai, Vaizatha, 10na bhana ikumi bha Hamani,omwana wa Hammedatha,omubhi wa abha Yahudi.Nawe patabhageri mukibhoko kiokiosi.11Obhwaru yabhano bhakitwa orusiku ruyo mumugie gwa Shushani,ekahikibhwa kumutemi Ahusiero. 12Omutemi yamubhulili malkia Esta.Omutemi yamubhulili malkia Esta, "Wayahudi bhitiri abhasubhe magana atano gati wo mugie gwa Shushani,bhahabhamu abhana ikumi bha Hamani omubhi wa bhayahudi.Bhakakoraki gati mwigunguri agandi?Bhonego kino okwenda niki?Ohamwe erisabhi ryazo niki?"13Esta akakyora, "Omutemi hano erakuzomera bhuura Wayahudi bhano bhari mumigie gwa Shushani bhateme ekweli yino tabhori,nemibhiri gya bhana bha Hamani gisugwe iguru kumati''. 14Omutemi akasingiriryo erisabhi rya Esta rikorerwe emirimo.Ekweli ekakura gati wo muugie gwa Shushani,na bhana ikumi bha Hamani bhakasugwa iguru we mati.15Wayahudi gati wo mugie gwa Shushani bhakikumania hamwe orusiku rwi kumi na kanne yomweri gwa Adari,nokubhakomera abhabhi bhabhu magana atatu gati womugye gwa Shushani,nawe bhatakuniri ekwe ezikobha zabhu. 16Na Wayahudi gati mwigunguri bhakikumania ebhiribhe bhakabhona hakiriku kurwa kubhabhihu bhabhu bhakabhita abhabhihu bhabhu bhikwi muhungati na bhatano,nawe bhatabhakuniriku mabhoko gabhu kubhigiro ebhizomu bhano bhakiitwa.17Gati wezisiku ikumi ni satu zo mweri gwo Adari,Wayahudi bhakamunya siku ikumi ninye,bhakamunya orusiku ruyo rwe eikomo ryo bhuzomererwa. 18Nawe abhayahudi bhano bhakikara gati yo mugie gwa Shushani bhakaza hamwe orusiku rwi kumi nakatatu na rwikumi na kane.Norusiku rwikumi nakatano bhakamunya nokukora arikumi ryo kuzomererwa. 19Yino niyo ekoriri abha Yahudi bhamukijiji,bharikara ahagiro hamubhijiji bhararamo orusiku rwi kumi na kane rwa mweri gwa Adari kyo rusiku rwo kuzomererwa nerikamo ryo rusiku runo tukuhanirania omubhano kukira umwe.20Modekai akatura amang'ana gano akabhahanurania enyarubha kubha Yahudi obhuhizi bho omutemi Ahusiero, 21arabhenda bhikiriranie orusiku rwiikumi na kane na rwikumi na katano yomweri gwa Adari kumwaka. 22Zino zihabha nizo ezisiku zihabha za bhayahudi bhakabhona obhuzomererwa kurwa kubhabhihu bhabhu neribhaga riyo ririyo eribhaga riyo ekiruguro kya abhayahudi ekikyora kubha bhuzomererwa,okurwa kubharami tee hano bhahamunya bhahenderwa bhazikoro orusiku rwe erikamo nobhuzomererwa,kuhererania omubhano gwe bhyakuria,no mubhano kubhataka.23Abha Yahudi bhakagendererya nokumarirya bharakora kino Modekai ahabha abhakamiri. 24Kwibhaga riyo Modekai omwana wa Hammedatha mwagagi,omubhi wa bhayahudi wuno yari akariri ekina kyo kubhita Abhayahudi,nokutema Puri(nokutema okusora) niho okubhakomera kimwekimwe. 25Nawe omutemi Ahusiero hano yigwiri eng'ana yino ahabha ahairi Modekai kurwa kubha Yahudi akatumani kwanyarubha akorerwe Modekai omwene,kukubha ewe na abhana bhaye bhangetwe iguru wo muti.26Niho abha Yahudi bhakazibhurikira ezisiku zino Purimu,okurwa kurina Puri.Kwokubha kumang'ana gosi gano gari gakamirwe kunyarubha namang'ana gosi gano bhahabha bhagaruzi kuzimoni zyabhu,nazirya nagarya bhahabha bhagaruzi, 27Wayahudi bhakagega murimo netemo ehya etemo yino emebhe kunebho,abhana bhabhu,nakuwuno wowosi bhagwateni nabho nerabha kubha okwarama kuno bharakukora kumwaka,bhararama kung'ana endebhe nakwibhaga rinorino kumwaka. 28Ezisiku zino zihenderwa okwaaramwa gati rwibhuro,na kuzinyumba zosi kwigunguri na kumigie kwa migie.Abhayahudi nabhana bhabhu bhatatigiri kwarama kuzisiku zino zya Purimu,niho bhatige kuziebha.29Malkia Esta na Modekaibhakakama obhuturo bhwosi nobhuhene enyarubha ino yakabhiri ku Purimu.30Ezinyarubha zikahirwa gati we igunguri kikwi kimwe namagana abhili na muhungati go mutemi Ahusiero,zirabhendera abhayahudi bhosigo obhuzomu no bhuhene. 31Nokubha nobhuhene ne ezisiku zya Purimu kisikisi no ookelekelelia ga Modekai na Esta gano gari gakubhenda abhayahudi bhaaramie.Wayahudi bhikilirye amerekelelyo kunebho na rwibhuro rwabhu,kiego bhakikiriya orusiku rwa kutiga kuria na kusekerera. 32Amarekeleryo ga Esta rikabhano obhuhene ezisimuka zino Purimu,nekekamwa makamo.
1Naho omutemi Ahusiero akatura erigoti iguru ye kyaro na no orubheera rwe enyanza. 2Obhwaami bhwosi na amanaga no obhukuru bhwaye,na bhwo Mordekai bhuno omutemi yamuheri,ngakamirwa kukitabhu kyokuhitya amang'ana go omutemi wa Abha medi na waajemi.3Mordekai omuyahudi akabha wokabhiri kureka kwo omutemi Ahusiero.Akabha omukuru no omutaake igati ya abhahiri bhaaye Abhayahudi,kwokubha akibhagiriira abhahiri bhaye gano bhakwendeera,akabhendera obhuhene no obhunyohu kubhaatu bhoosigo.
1Mithari zyo Sulemani omwana wo Daudi,omutemi wa Israeli. 2Mithari zino ziregya okusuka na amisego ekwegya amang'ana gokusuka, 3Nawe mubhone amisego kwiguru wokwikara kwokukora amazomu,ehene yokusuka.4Mithari zino zirarusha okusuka kubharya bhano bhategibhwe, nokubhaha abhamura amang'eni nokwiriha. 5Abhatu bhamisego bhitegerere nokwongerya obhusomi bhwabhu nabhatu bhokwitegerera bhabhone kyokubherekerya. 6Kwokumenya mithari amang'ana gabhano bhakusuka.7Obhwobha bhwa Yehova nobhutangiro bhwamang'eni-abhatamutamu bharazera okusuka nokusuka. 8Mwanawane yigwa obhwegibhwa bhwa wuso wenyu notatiga amarekeryo ga nyoko wenyu; 9zirabha ekiremba kyo orubhanga gatigati yomutwe gwazo na jebu zino zikwiturunguzya mwigoti ryazo.10Mwana wane bho bhubhi bhakukung'enererya gatigati wamabhi gabhu yanga otabhatunirira. 11Kama bharabhuge,"ambe tutunirire,turibhire nawe tukore obhwiti,twibhise tubhasarye abhatu bhano bhatasarirye etariho ng'ana.12Bhano turabhanagya bhakyari bharigwa,kyego nyari ekubhagega bhano bhanobhuhoru nokubha kama bharya bhakugwa mumaruma. 13Turabhona ebhigiro bhyosigo bhino bhikwenderwa turabhizurya muzinyumba zyetu zirya turabhibhja kubhandi. 14Tura ebhigiro bhyazo kunetwe turabha niguzi rimwe kwahamwe.15Omwana wane otagenda gatigati kunzira hamwe nanebhwe otikirirya kuguru kwazo kukunana gatigati yobhuhiti bhwabhu. 16maguru gakuyarira mabhihu nagaranguhya kwitira manyinga. 17Kwokubha etareho maana kumutega ekinyonyi kumuheto eribhaga ekinyonyi kirarora.18Abhatu bhano huvizia kwiyita abhene bharatega omutego kwiguru yabhu abhene. 19Nigo ziri ezinzira zyakira wuno akubhona obhunibhi bhwo udhalimu okubhona kwo udhalimu bhurarushaho obhuhoru bhwo obhuniobhi.20Obhusuki bhurarira bhweriraka mumitangara,aratirya eriraka gatigati kuurukungu; 21gatigati wemitangara ararira kweriraka ikuru,kubhusikiriryo bhwe ebhiseku bhye emigye erabhuga" 22Tee ryori emwe abhagege murasega kubha abhagege?Tee ryori emwe bhokuribhurya murasega kuribhurya,na tee ryori abhatamutamu, mwatinda amisego?23Yitegerera okwanga kwane,murarusha amisego gane iguru wenyu;ndabhabhurira amang'ana gane. 24Mbabhirikiri emwe muranga kwokunitegerera ngororokirye okubhoko kwane nawe etariho wuno yikirirye. 25Nawe muzeriri obhwegibhwa bhwane bhwosigo nawe mutimereri okwerekererya kwane.26Ndaseka gatigati wenyako yenyu,ndabharibhurya kwibhaga ryokubhona enyako- 27Obhwobha bhwo kukumania bhurabhabhona kyomukama nenyako erabhabhona kyomukama gwekimara mumbi,enyako nobhusungu bhirabhabhona.28Nawe bharambirikira nanenye nitakubhakyora,bharambirikira gatigati kuu mweya gwookukwa omutwe nawe bhatakundora. 29Kwokubbha bhatindiri amang'eni bhatasoriri kubha nabhwobha bhwa Yehova, 30bhatikirirye okwegibhwa kwane nabhakazera obhukyoryamu bhwane bhwosigo.31Bhararya amatunduguru ge ezinzira zyabhu,nabharigutibhwa namatunduguru go obhung'eni bhwabhu abhene. 32kwokubha abhang'eni bharakwa hanpo bhakukyora inyuma nokutama kutumibhwa kwa abhatamutamu kunyaharwa. 33Nawe kukira wuno akunitegerera arikara kwa amahene naramunya kubhuhoru bhutareho bhwobha bhwe enyako.
1Omwana wane oragwate amang'ana gane nookubhika amakumiriryo gane. 2Witegerere obhusuki noorerekerya omutima gwazo kuubhumenye.3aribha oraririra okumenya nookutambihya eriraka ryazo kwii iguru yoobhumenyi, 4aribha orabhukyoma kweezihera nookukomia ekibhumbiko kino kibhisiri, 5niho akuza kumenya obhwobha bhwaa Yehova nookunyoro obhung'eni bhwee eryoobha.6Kwookubha Yehova ararusya obhusuki,gati woo munua gwaye ararusya amang'eni noobghumenyi. 7Ewe arabhika eriraka ryoobhusuki kuubhano bhakumuzomerya aweniingubha kuubhano bhakugya iguru woobhusuki, 8arakangata iguru wee zinzira zye heene naararibha ezyinzira zyaa abhaheene bhaye.9Niho okuza kumenya obbhuzomu,eheene,obhumwe neekira enzira enzomu. 10Okubha obhusuki bhurasikira mumutima gwazo naamang'eni garayizomerwa kuu mutima gwazo.11Amisego garakuribha,amisego garakukangata. 12Bhirakuturya kureka kuunzira yaabhabhihu,kurwa kuubharya bhakukerenia amang'ana gookuhubhya. 13Bhano bhatigiri ezinziri zyoo bhuheene nookugenda iguru weezinzira zyeekirima.14Bharazomererwa hano bhakukora amabhihu naabharazomerwa kuubhusarya. 15Bharatunirira ezinzira zyookung'ererya nookwokukora giribha nookubhisa ezinzira zyaye.16Ameseego nobhusuki garakuturya kureka kuumukari omusimbe,kureka kuumukari wuno akukomia ebhisigo naawamang'ana gookwisasama. 17Ewe oramutiga omurikyaye woobhumura bhwaye nookwebha eriragano ryee Eryoobha ryaye.18Okubha enyumba yaye erihinya nookukwa neenzira eramuhira kuubhano bharimumbihira. 19Bhoosi bhano bhakuhita kuunzira yaye bhatakukyora kweki naabhatakurora ezinzira zoobhuhoru.20Kweego aragenda gati weenzira yaabhatu abhazomu naakutinirira ezinzira zyabhano bhakukora amazomu. 21Kubha bharya bhakukora amazomu bharakora obhwikari bhwabhu gati weesi,naabharya bhoo obhuheene bharabhaho gati weesi. 22Nawe abhabhihu bhararusibhwa iguru weesi naabhano bhatakwikirirya bhararusibhwa iguru weesi.
1Mwana wane,otebha amahatike gane no ogabhike amegyo gaane mumutima gwazo, 2kwokubha garakwongera ezisiku zyazo ne emiaka gyo obhwikari bhwazo no obhuhoreru.3Otatiga obhwitegereri bwe eriragano obhwikirirya birwe kunawe,bhisibhike mwigoti ryazo,nobhikame kubhibhahu bhya mumutima gwazo. 4Niho oranyoore obwikirirya no obhusuki kubhukangati bwa Eriobha na abhatu.5Mwisige Yehova kwo omutima gwazo gwoosi na otaza kwisiga obhumenyi bhwazo omwene, 6kuzinzira zyaazo zosigo omwikirirye ewe nanewe aragorora obhuhiti bwazo.7Otabha mwene miseego mumeso gaazo omwene.Musabhe Yehova nawirihe no obhubhi. 8Erakuhorya omubhiri gwazo no okukuzomererya omubhiri gwaazo.9Musuuke Yehova kwo obhunibhi bwaazo na kwe ebhyakurya byeembere kukino kyoosi okwibhurya, 10niho ebhitara byazo bhikuzura na amadurama amakuru gakwizura kwa amarwa amahya.11Mwanawane,otazera kukyoribhwa na Yehova no atazakutinda no kuharira kwaye, 12nenewe Yehova arakorya bharya bhasegiri,kyeego tata kyeego akuhokya kumwana waye wuno asegiri.13Ewe wuno akunyora obwisegi arazomererwa,neewe aranyora obhumenyi. 14Mbuga kumisego aranyora abhweera kutiga okukirania kwe ezimbirya ne obhwera bhwaaye erazomera bukong'u kukira edhahabu.15Amisego ganaobhwera bukonju kukura ekito,na etareho kino okurohererya kiranagya kuringanibhwa na amisego. 16Ewe anaezisiku nzaru mukubhoko kwaye kwo obhuryo;na mukubhoko kwaye kwo obhumosi nioobhunibhi no obhusuki.17Ezinzira zyaye ni nzira zyoo obhusambaruki no obhuhiti bwaaye no obhukiru. 18Ewe ni omuti gwoobhuhoru kubharya bhano bhakumugwatirira,bharya bhano bhakumugwatirirya bhana obhuzomererwa.19Kumiseego Yehova akaturaho obhwemero kwe esi,kwo obhumenyi akazikonga amasaro. 20Kwoobhung'eni bhwaaye ebhiryonga bhikatika na amasaro kutorobho noorume rwaaye.21Mwanawane,yangarira erisinziro rya eheene no obhumenyi,no otaza kutiga kubhirorerera. 22Bhirabha obhuhoru bhwo omutima gwaazo no obhuzomu bhwookusakirya bhwookwibhoha mwigoti mwaazo.23Niho okugenda kunzira yaazo kwoobhuhoreru no okuguru kwazo kutakwitema. 24Hano okuhindira otakwobhoha;hano orahindiri,ezitiro zyaazo zirabha nzomu.25Otakangwa no obhwobha bwa bwaangubwangu hamwe obhusarya bhuno bhukoribhwe na abhasarya hano bhukurorekana, 26Kwakubha Jehova orabha orubhaara rwazo no orakuribha okuguru kwaazo kutagwatibwa kumuheto.27Otaribhira amazomu kubharya bhano bhakugangarira,neno obhuhokya bhureeho mwoosi wo obhunagya bwaazo. 28Omunyarobho waazo otamubhurira, "Genda,okyoore ,kweeki na tabhori nirakuhana,''neeno ezimbirya onazo.29Otaturaho amisego go okumunyahara omunyarobho wazo-wuno akwikara kurobho nanewe nanewe arakwikirirya. 30Otahakana na muutu na etareho ng'ana,yaangabha atahokirye kiyo kyoosi kya kukwita.31Otamuzungya mutu mugazyagazya hamwe kusora nzira zyaaye ziyo zyoosi. 32Kwookubha omutu omung'eni ni bhutindi ku Yehova,ni kubha bharamureta omutu omuheene kubhwikirirya bwaaye.33Obhwihimi bhwa Yehova bhuriho mwituku rya abhatu abhabhi okubha anayizomia abwikari bwa abhatu bheene eheene. 34Ewe arabhasekerera bheene kusekererwa,ewe arabha obhuzomu abhatu okwihomba.35Abhaatu bheene amisego bharagabha obhusuki,nawe abhakangi bharagororokibhwa kwe ezisoni zyaabhu abheene.
1Bhana bhane,mwitegerere,okwegibhwa kwa wuso,mwimerere hamwe mumenye obhung'eni. 2Enye ndabhaha amegyo amazomu,mutagatiga obhwegya bhwane.3Enye nihabha mwana kuu weso wetu,munyohu no mwana wumwego kumayi. 4Tata akaniegya nokunibhurira,''Omoyo gwazo gwimerere hene amang'ana gane,gwata erihatike ryane nawe wikare.5Wihane okusuka nokumenya,otebha nokwenda amang'ana gwo omunwa gwane; 6Otatiga obhusuki bhurakuribha;bhusege nabhwe bhurakubhika kisi.7Okusuka nekigiro kino kikwenderwa hene,kwego ihana okusuka nakora nzira zyosi kunagya kubhona obhung'eni. 8Ribha ezisoni zyosi zirakuribha,igwatirire yosi erakusuka. 9Ezisoni ziratura ekiremba kyo kusuka iguru womutwe gwazo,erakuha omusanga omuzomu.10Mwanawane,itegerera,imerera amang'ana gane,nawe obhone emiaka emiaru gyokwikara kwazo. 11Ndakurekerya kunzira yokusuka,nkwerekerya gatigati yokuhita kuno kwemeri. 12Hano okugenda atareho wuno akwimerera gatigati yenzura yazo nahano akuryarya otakwitegatega.13Gwata okwerekeriribhwa awe otakutiga orakangata,kukubha nobhuhoru bhwazo. 14Otagya nzira ya bhabhihu notagya gatigati yenzira yabhano bhakukora amabhihu. 15Wirushemu nayo otahita gatigati ye nzira iyo ikyora nohite enzira yindi.16Kukubha bhatakutura kuhindi tee bhakore mabhihu na bharabhurwa ezitiro bhakore omutu yitegetege. 17Kwokubha ebho bhararya omukate gwo bhubhihu nokunywa amarwa go obhutindi.18Nawe enzira yawuno akukora ehene kyobhweru bhuno bhukumesha,bhuramirika kweki na kweki mumwisi hano ekuhika kukino kibheri. 19Enzira yabhubhi nkyekirima-bhatakumenya nkigiroki bharitegatega iguru waku.20Mwana wane, imerera amang'ana gane;itegerera okugamba kwane. 21Otatiga zikagya mumeso gazo ozibhike gatigati womoyo gwazo.22Kwokubha amang'ana gane nibhuhoru kubhano bhakubhona obhuhoru gatigati yomubhiri gwabhu. 23Ribha kisi omoyo gwazo nawege ezinguru zyosi; kwokubha gatigati yekoro gurarwa omusobhogo gwo obhuhoru.24Wirushe mumagamba go kuneng'ererya nawirushe mumakerenio go obhwibhi. 25Ezimoni zyazo zirore mubhusho bhwo ebhwerekera nakwobhuhene rora mubhusho kisikisi.26Rosha obhuhito bhwa amaguru gazo; nezinzira zyazo zyosi zirabha kisi. 27Otikyora rubhara rwo obhuryo hamwe rwa obhumosi rushaho okuguru kwazo kure nobhubhi.
1Omwana wane,koora obhunyohu bhwane,etegerera kisi obhumenyi bhwane, 2kubha amisego ne eminwa gyazo ginaagye kubhika amang'eni.3Kwookubha eminwa gyo omusimbe giragerya obhuki no omunwa gwaye nomunyohu kukira amaguta, 4nawe kubhumariro arabha mururu kyo obhuambo,arakebha kye erisabha eriosi.5Amaguru gaye gara muhita muruku;amatambuka gaye gharaagya munzira ye nyaasi. 6Atakuisega enzira yo obbhuhoru.Amatambuka gha amaguru ghaye gharabhura,kwokubha atamenyiri aragyahe.7Bhono, abhana bhane,munitegerere,kweego mutatiga okuitegerera amang'ana okurwa mumunwa gwane. 8Muribhe enzira yenyu kure nawe kweego mutagya haguhi ne ekiseku kye enyumba yaye.9Kwe enzira yiiyo mutabhaha abhandi obhusuhi bhwenyu,ne emiaka gyo obhuhoru kumutu omubhuhi; 10omugini ataza kukora enyangi kwo obhunibhi bhwenyu,emirimo ghino mukoriiri ghitakuugya munyumba ya abhagini.11Mubhusinziro bhwo obhuikari bhwenyu muriihitya kwookubha ezinyama ne emibhiri gyenyu giranyaharika. 12Neemwe murahaya, ''Kwiigaki nikabhihirirwa obhuegya bhwe ekoro yane okazeera obhuzomereerya!13Nitanagirye okubhiigwa abheegya bhane no okubhitegerera bhano bhakanierokererya. 14Nihabha nisarikiri hene gatigati we erikumania,gati wa amasikano gha abhatu.15Munywe amanzi okuurwa muibhirika rienyu abhene,munywe amanzi gano ghakugera okurwa mukitaro kyenyu. 16Kweego arendeerwa omusobhogo gwenyu gizure hayo hosi ne emigeri gyenyu gya amanzi gigeerye muunzira ekuru? 17Gabhe agenyu emwe abhene ghatabha kubhagini.18Omusobhogo gwazo gwo orubhanga no omuzomererwe omukari wo obhumura bhwazo. 19Kwookubha ni ayara asegiirwe na nyamko mwene obhuzomu.Ezimbere zyaye zikuizurye obhuzomererwa eribhaga ryoosi ogeegwe no obhusegi bhwaye.20Omwanawane kwaaki obhe mugeegwa wo omusimbe,kwaki ogwatiriirwe ne ezimbere zyo omugini? 21Yehova aroora kira kino omutu akukora na aroora ezinzira zino okuhita zyoosi.22Omutu omubhihu aragwatwa na amabhihu gaya omwene;ezisiri zyo obhubhi ziramugwatya kwe ezinguru. 23Arakwa kwookubhurwa amareekyo;arabhuriira kure kwo obhugeege bhwaye obhwaru.
1Omwaana wani, arabhe oratuura eziheera zyaazo kuubha okwimereera yesiiri gwa omunyarobho waazo;haano orarushye obhuraage bhwazo gatigati yesiiri gwoomutu wuuno atamenyiri, 2woosi witeeri omuheeto omweene na witegiiri kwa amang'ana gomuunwa gwaazo.3Omwaana wani,orateegwe kwa amang'ana gaazo omweene,kora gano wiryoore,kwokubha wigwereri mumabhoko go munyaroobho waazo,noogye wihombohe nokoore obhutongeri kubhwemero bhwo munyaroobho waazo.4Otaaza kwikirirya ezitiro mumeeso gaazo zitabha kubhikiki bhya meeso gaazo okuhindirirya. 5Wiryoore omweene kyeego embaraahe ekarwa gatigati yokubhoko kwo muteegi,kyeego ekinyonyi kikuurwa gatigati yokubhoko kwo muteegi weebhinyonyi.6Awe omuutu omutoobhu,muroreere omwiserere,mwiseego ezinzira zyaae miho mubhone amitegereryo. 7Ataana omurugaruga,omutaake, no mukangati, 8Nawe ahakoora ebhyakuurya kuribhaaga ryomubhaaso neribhaaga ryobhugeesi aratuura ekibhumbiko yiize arye kugayo eyo.9Awe omuutu omutoobhu,orahindira ntee ryoori?Ibhagaaki orimuuka muzitiiro?" 10Hindira kusuhu,sundagiira kusuhu,kunya amabhokko omuunye kusuhu"- 11niiho obhutaka bhwazo bhurakwiziire kyomusakuuri nobhweendi bhwaazo kya bhomsirikare bhaano bhakurwaana.12Omutu wuno atakwenderwa-omutu omubhi-arikaara kwa mang'ana gobhung'enererya bhwaaye, 13aratemyatemya ameso gaaye,ararekereerya amaguru gaaye nokusomoosya kwebhaara bhyaaye.14Arakoora obhung'eni bhwo bhuubhi kubhung'eeni bhwe koora yaaye,kira kego aregereerya eriyooge. 15Kwego oruku rwaaye ruramubhona kwa kutukirania,kusuuhu arabhunika bhuubhi nawe atakuhoora.16Bhirooho ebhighiro bhisasaabha bhiino Yehova atakubhyeenda,muhungati bhino bhikumtindya ewe.17Ameeso gamutu wuno anekisuubhe,orurimirwo rubheehi,amabhoko gano gakwitiira amanyinga gabhaatu eryoogo ryokwita, 18ekooro yino ekwisegeera amang'ana amabhihu,amaguru gano gakuryariira obhuubhi bhwaangu, 19omutwanikani wuno akuhaya oruriimi nokweemya eriyooge kumuhiri.20Mwanawani,ikiriirya erihatike tata wazo neego atagatiiga ameegyo ganina waazo. 21Ogabhoohe mukooro yaazo kuzisiku zyoosi,gabhohe mwigooti ryaazo.22Hano oragenda,garakwerekeerya;haano okuhindira garakuriibha,hano okwimuuka garakweegya. 23Kwookubha erihatike nitaara,nameegyo ni obhweru,obhuriibhi bhwokwerekererya bhwezinzira zyo bhuhoru.24Garakuriibha iguru yabhakari abhasimbe,iguru ya amang'ana amanyohu bhwa abhasiimbe. 25Mukooro yaazo otagongeerya obhuzomu bhaaye nawe otang'enereriibhwa nebhikiki bhyaaye.26Okuhindira nomusimbe kuraaza kukoora obhuguuri bhwe kisinzika kyo mukate,nawe omukaari wo muutu owundi arakoora obhuhoru bhwaazo bhwosi. 27Omutu aranagya okugega omuniiro gatigati yekikuubha kyaaye tiige kwookya amibhooho gaye?28Omutu aranagya okugeenda iguuru yamakara gatiige okumwookya amaguru gaaye? 29Niigo eri omutu akuhindira no mukaari wamuroobho yaaye;wuno akuhindira na wuuyo omukaari atakubhuurwa ekibhoohe.30Abhaatu bhatakumenya kumuzeera omwiibhi kyeego ariibha amaare enyaako yaaye yenzaara. 31Haano aragwaatwe,arariiha bhigiro muhungati yakiirya ariyibhiri;nawe araruusya kira ekigiro kyobhweera munyumba yaaye.32Omutu wuuno akukora obhusiimbe ataana bhweera;arakoreega kwobhusarya bhwaaye omweene. 33Arendeerwa ezisooni nebhiteeme nobhubhi bhwaye bhutakunagya kurushwaaho.34Nawe obhuruuru bhuramutiindya omuutu;atakuubha nebhigongi kwibhaaga ryokuriiha akisiyoomba kyaaye. 35Hano oramuuhe emiheero miaru,atakwikiiriirya obhwikiriirya bhwo kutwanikania nawe okuriihwa.
1Mwanawane,ogabhike amang'ana gane mukoro yazo nobhiike amakumiriryo gaane. 2Orihe amakumiriryo gane obheho,obhike ameegyo gane kye ekikikye emoni. 3Ogabhohe kubhyaara bhyazo,ogakaame kurubhao rwoomoyo gwazo.4Omubhurire omwisegi wa amang'ana bhuzomu, ''awee ni musubhati wane,'' noobhumenyi bhwa amang'ana obhubhirikire mhiiri wazo, 5niwe wiriihe omwene iguru wo omukari omusarya,iguru woomukari omugini wa amang'ana gobhwizerezetya.6Nikasungurirya murweero rwa mwidirisha rye enyumba yane. 7Nikabharora abhaatu bhano bhatana enaro,muubhatu bhayo abhamura nikamurora omumura wuno atana obhwongo.8Omumura wuyo akahiringita neenziro muroobho mubhwikoonyo haguhi no omukari wurya,akagya munyumba yaye. 9Kwibhaga rya nyanza,eribhaga rye engorobha,mubhutiku gati ne ekirima.10Akasikana nomukari wurya,yibhohiri kyoomusimbe,kumwoyo gwoobhung'enererya. 11Ahabha nekitiri kyo obhubhurya;amaguru gaye gatahoreri kumugye. 12Akagya muziroobho na mumutera,kira orubhara ahaganya kwookughubhirirya.13Kyamwe aramugwata nokumukumbata mukikubha,kwoobhusyo bhweezinguru akamubhurira, 14Rero ndusirye akigiro kyookusengerera kyoobhwigwani,ndihiri emuma yane. 15Kwego niziri kusikana nanawe,okubhumohya obhusyo bhwazo kwoobhurohererya,na bhoono nkubhweni.16Nteri emyendo gyookwarya iguru woobhuriri bhwane,kitani zye erangi kurwa Misri. 17Obhuriri bhwane nsusutiryeku amaguta gano gakuhuza kisi ga manemane,udi no omudarasini. 18Nauze,tunywe twigute kwo obhusegi bhwetu tee etabhori,tubhone obhuzomererwa bhukuru kwe amahokyo ga amega.19Kwookubha musubhe wane atareho yika waye,agiri rugendo rwakure. 20Agegiri esakwa yezihera;arakorya mumweri gati. 21Kwa amang'ana gayo maru akamhizo;kwe minwa gyookwizerezetya akamuhokya.22Kwoobhutukirirania akamugyaku kye etang'ana yino ekigya kumsinzi,kye embarahe yino egwatirwe kwanguru, 23tee omubhwe gubharwe eriini ryaye,yari kyee kinyonyi kino kiryaariri kumuheto.Atamenyiri kubha obhuhoru bhwaye bhuramukongera.24Nabhoono,bhana bhane,munyitegerere;muhokye amang'ana go omunwa gwane. 25Omwoyo gwazo gutakyoka mubhihito bhyaye;otahabhibhwa mumahito gaye.26Akoriri bhatu bhaaru kugwa kwookunyaharwa;yitiri bhatu bhaaru. 27Enyumba yaye iriiguru weeribharabhara rino rikugya nyari;ererekera hasi mubhinyumba bhyiooruku.
1Kumbe obhusuki bhutakumbirikira?kumbe ebhumenyi bhutakurusya eraka ryaye? 2Iguru we kiguru embarika weeribharabhara,kuunzira yaa mahukano,omusi arimerera. 3Embarika wee nzira yokusikirira mumugye,hagui neebhiseku bhyoo mugye,erabhirikira kwiiraka.4Abhaaatu,ndabhabbhirikira emwe ndarusya eriraka ryane kuubhana bhaatu. 5Emwee abhagege,mwege okusuka,nanemwe bhano mukubhihirirwa amang'ene,niho mwihane omutima gwoo bhumenyi.6Igwa manenye ndahaya amang'ana amazomu,gano nikurusya mumunua gwane ndakerenia eheene. 7Kwookubha omunua gwane guragamba obhuheene neeminwa gyane girabhihirirwa obhubhihu.8Amang'ana goo munua gwane goosi nigaheene,kitaroho kino kyakyosibhwe warakusaribhwa. 9Amang'ana gane goosi gemiri gaawurya gookumenya,amang'ana gane niigaheene kuubhano bhakukomia amang'eni.10Noosore amegyo gane kutiga ezihera naamang'eni kukira ezahabu enzomu. 11Kubha enye,obhusuki niibhuzomu kukira vito,kitaroho kino orarohererye kitatura kutubhanibhwa naanenye.12Enye,obhusuki,ndikara kwoobhuhoreru nookuribha amang'eni noobhumenyi. 13Obhutindi bhwe Eryoobha niikubhihiribhwa obhubhihu ndabhihirirwa amihemo neekigoti,enzira yoobhubhihu,eriraka rino risaribhwe kweego ndabhihirirwa.14Obhutongeni obhuzomu noobhusuki bhuzomu;enye niimusuki;ezinguru zilikunenye. 15Kunzira yane omutemi arakanbgata kweki naabhaheene,naabhosi bhano bhakukangata neheeene. 16Kunzira yane abhatemi bharakangata naabhaheene nabhosi bhano bhakukangata neheene.17Ndabhasega bhano bhanisegiri,naabhano bhakunikomia kwaanguru,bharandora. 18Owane kunekiniibho naaobhusiku,obhunibhi bhwookubhaho neehene.19Eritunda ryane niizomu kukira ezahabu,niizomu hata kukira ezahabu enzomu. 20Ndibhurya ekizomu kukira ehera enzomu ndagenda kuunzira yeheena, 21gati wenzira yino ekugya kuheene,kubha nibhane engabho bhano bhakunisega naakwizura ebhibhumbiko bhyabhu.22Yehova akambumba kureka kuubhutangiro-mubhutangiro bhwamahokya gaye naakwibhaga ryeekare. 23Kurwa eribhaga ryeekare nkaturwa gatigati woomweya kureka kubhutangiro,kureka kubhutangiro bhweekyaro.24Hano ebhiguru nebhiguru bhihabha bhikyari kuturwa,enye nkibhurwa. 25Hano enyanza ehabha ekyari,enye nkibhurwa guhabha gukyarikubhaho omusobhogo gwaamanzi amaru.26Nkibhurwa Yehova akyari kubhumba ekyaro wara makonde,hata oruteri rweembere gatigati weekyaro. 27Nihabhaho hano akakong'ya erisaro,hano oruteri rwembere gatiagati weekyaro.28Nihabhaho hano akakora erisaro iguru neeribhaga ryookukora ekiryonga kyoo musobhogo. 29Nihabhaho hano akakora erzitunga zyee nyanza,kubha amanzi gatanyaragana kwambuka hano akahikira,neeribhaga arahaya ahagiro hookwikara.30Nihabha embarika waye,kyoomuhokya omukuru,naanenye nihabha noobhuzomererwa bhwaye rusiku kwaa rusiku,ndaza,ererwa mubhusyo bhwaye kiraka ego. 31Nikabha ndazomererwa gatigati weekyaro kyaye kyoosi noobhuzomu bhwane bhukabha kuubhana bhaa bhatu.32Bhoono bhana bhane mwitegerere,kubha bharya bhakuzigwata ezinzira zyane bharabha noobhuzomerwa. 33Mwitegerere naamunyore obhusuki; waramutarega. 34Wuno akunigwa arabha nobhuzomerwa-kuuzisiku ararora gati weebhiseku bhyane araniganya embereka mweebhiseku bhyoobhwikari bhwane.35Wuno akundora enye,arabhona obhuhoru,nawe arabhona ekisiki kuu Yehova. 36Wowosi atakundora enye arinyahara omwene,bhoosi bhano bhakunibhihirirwa bharasega oruku.
1Obhusuuki bhombokiri enyumba yaye;abhaaziri etimu muhungati okurwa kuu magina. 2Akomirye ezityenyi zyaaye kwe ebhaakurya bhyo obhutiku;asangenie amarwa gaaye;nakutebhya emeeza.3Abhatumiri abhabhagati okuhira okurarika no okurwa ahagiro hi iguru bhukong'u ku migye arabhirikira. 4"'Bhano bhatakwegibhwa bhaaze hano!" arabhabhurira bhano bhatamenya.5Nauze,orye ebhyakurya,na onywe amarwa nimariri okusisangania. 6Mtige ezinzira zyeenyu zeekiegeege, na mwikare;mugeende kuzinzira zoobhuheene.7Wowosi wuno akumwikirirya we enzabhuro arikirirya amatuki na wuno akumuzeera omutu omubhi arabhona amabhihu. 8Otamuzeera wenzabhuro hano arakubhirirwe,muzeere omutu omubhi arabhona amabhiihu. 9Nomuhaane omutu ameegyo na amang'eni woosi arabha na amang'eni maaru omweegye omutu we eheene wosi arongera amang'eni.10Obhobha bhwa Tata bhugya ni obbhutaango bhwa amang'eni na obhung'eeni ga omuhoreru ni obhumenyi. 11Kwezinzira zaane ezisiku zyazo zirongeribhwa nobhuhoru bhurongeribhwa emiaka. 12Kama ona amang'eni kunawe omwene,nawe hano okuzeera oraigega awe omwene.13Omukari omugege anaekitiri kyaaru ategibhwe wala atamenyiri kyokyosi. 14Arikara mukiseeku kye nyumba yaye,kukitumbi kiguru bhukong'u wo omugye. 15Arabhabhirikira kwe eriraka bhano bhakuhita haguhi,abhaatu bhano bhakugenda gatigati kuzinzira zyaabhu.16Bhano mutegibhwe muuze mwoosi munyumba!" arabhabhurira bhano bhatana amang'eeni." 17Amanzi gokwibha ni mazomereru noomukate gunogukuribhwa kwo obhwobha gurazoma." 18Nawe atamenyiri kubha abhaku bhareho hayo,abhagini bhaaye hayo obhutaambi bhwa nyaari.
1Igano rya Sulemani.Omwana wuno akusuka arazomeria tata waye nawe omwana omugege arareeta ekiruguro kunina waabhu. 2Ebhigiro bhino bhibhikirwe kubhubhihu bhirabhurwa obhwera,nawe kukukora eheene oriturya kuure nooruku. 3Tatabhugya atakubhatiga bhano bhakukora ehene bhabhone enzaara,nawe enamba ya bhabhihu bharaireekya.4Okubhoko okunyooheru kurakora omutu abhe omutaka,nawe okubhoko kwo muutu we ezinguru arabhona ekiniibho. 5Omwana wuno akusuka arakumania ebhyakurya kuribhaaga ryo mubhaaso,nawe nisoni kunewe wuno akuhindira kuribhaga ryo kugeesa.6Omubhaano kurwa kutatabhugya ziriguru woomutwe gwa bhaarya bhakora eheene,nawe omuunwa gwo mugege gurakundikiribhwe neekigoti. 7Omutu wuno akukora eheene aratuzomeerya hano tukumuhiita,nawe eriino ryoo mubhihu rirabhoora.8Bhano bhakusuuka bharikirirya ameerekereryo,nawe omugege wuna anamagaana maaru arasariibhwa. 9Ewe wuno akugeenda arasuuka arageekwa bhuzomu,nawe wuno akubhurya ezinzira zyaaye,ararorekana.10Ewe wuno okusumura emooni yaye arareeta ekiruguro,nawe omugege wuno anamang'ana maaru ararekerwa hasi. 11Omuunwa gwa wuno akukora eheene kyo musobhoogo gwa amanzi gobhuhoru,nawe omuunwa gwo omusaarya gurakundikiribhwa kwobhuubhi.12Obhutindi bhureegererya eriyooge,nawe obhuseegi bhurakundikiirya iguru wamabhihu goosi. 13Obhusuki bhurabhoonekana mumunwa gwomutu wuno akumeenya,nawe ehimbo nikubhaano yo mugoongo gwawurya atana bhugeeni.14Abhatu bhe abhasuku arabhika amang'eeni,nawe omuunwa gwo mugege gureta obhusarya haguhi. 15Ekinibho kyo omutu omuriibhi no mugye gwaye guno ganerigoobhe;obhutaka bhwo mtaka no bhusaaria bhwabhu.16Amariho gabhano bhakora eheene garerekeraka kubhuhoru,amazomu gabhasaria garerekera mubhuubhi. 17Eriho enzira yiino ekugya kubhuhooru bhwa bhaano bhakugenda ku marekereryo,nawa bhaano bhakwanga amerekerero bharabhura.18Ewe wuno akubhiisa obhubhi aneminwa gyo guriimi,nanewe wuno akunyaragania enzabhuro ni mugege. 19Gati wa mang'ana amaaru,hatakubhurwa bhusaarya,nawe wuno akwangarira gati wobhugaambi bhwaye ni wuno akusuuka.20Orulimi rya wuria akukoora ehene ni mbiirya nzomu,bhureho obhuzomu bhusuuhu mutima omubhiihu. 21Eminwa gya urya akukora eheene kukirya bhaaru,nawe abhagege bharakwa kwokubha bharabhurwa obhung'eeni.22Omubhano omuzomu gwa Tatabhugya gurareeta ekiniibho nokutura okunyaharika moosi waye. 23Obhusarya nibharaana akubharaana omugege,nawe obhusuki ni bhuzomererwa kumutu wuno anobhuzomererwa.24Obhwobha bhwo msaarya bhuramubhoona kwa kutukirirania,nawe okumeenya gwo omuheene kurakoreeka. 25Abhasarya nkyomukaama guno gukuhita,bhatareho kweki,nawe bheeheene ni bhutaangiro bhuno bhukwikara kiraka.26Kye amarwa kwi ng'aana ryo mwooki muzimoonio,nigo ari omutoobhu kubhaarya bhamutumenie. 27Obhwobha bhya Tatabhugya bhurungerya obhwikari,nawe emiaka gyo musaarya girabha muguhi.28Amahokya gabhaarya akukora eheene nibhwe obhuzomererwa bhwabhu,nawe emiaka gyo musaarya girabhamiguhi. 29Enzira ya Tatabhugya erabharibha bhariiya abhasuuki,nawe obhusaria nisariiya. 30Bhano bhakukora eheene bhatakurushibhwaho,nawe asarya bhatakusaga gati weesi.31Gati wo munwa gwabhaarya bhakora eheene bhararwa kumisumo gyo bhusuuki,nawe orulimi rwo kubhurya ruratiinwa. 32Eminwa gya bhaarya akukora amazomu bhagamenyiri gano gakwikiribhwa,nawe omuunwa go musarya gumenyiri gano gakubhuurya.
1Yehova aragenie ne ebhireengyo bhino bhitari kisi,nawe aragomerwa ne ebhireengyo ebhizomu. 2Hano kikuuza ekigoti bhukuuza neho okusukibhwa kukuuza,no obhwihoombi bhurareta amang'eeni.3Obhusuki bhwabheera bhurabhakangata,nawe okubheeha kwabhabheehi kurabhiita. 4Obhuniibhi bhutaari na bhweera orusiku rwookukomera,nawe kwokutemya amazomu kurakuriibha no oruku.5Orugendo ro mutu omuzomu ruragororokya enzira yaaye,na abhabhisa bharagwa kwokubha ya amatemyo amabhihu gaabho. 6Orugendo oruzomu robharya bhamseegiri Eriobha rurabhanibha kisi,nawe abhabheehi bharagwaatwa noomukya ghwabhu.7Omuutu omubhihu hano hakuhwa,okwisega kwaaye kurabhura no obhwiseegi bhuno kumanaga gaaye kurabha kutari na bhweera. 8Wurya akutemya amazomu araribhwa kunyaaku na kukiraniaa enyaaku yaaye eramugyaku omubhisa.9Kumunwa gwaaye wuno atakumwikirirya Eriobha yahiita omwatani waaye,nawe amang'eeni gabhano bhakutemya amazomu bhaniibhibhwa kuzomu. 10Hano bhakuniibha abhatemya amazomu,ebhyaaro bhirazomerwa,abhabhisa hano bhakukwa,abhaatu bhakura ekweeri yokuzomerewa. 11Kwo mubhano omuzomu gobharya bhakuzomera Tatabhugya,omugye gurabha mkuru;kuuminwa gya abhabhihu omugye guranyagana.12Omtu wobhusiinaku kwomusaani waaye atari na mang'eeni,nawe omutu wa amang'eni arakirirania. 13Wuno akuzya arinaara nenzerero arakunura embisaki,nawe omuutu omung'eeni arakirirania.14Hano bhutakubhaho obhukangati bhwa amang'eeni.ekyaaro kiragwa,nawe obhukundi bhuraaza kwo kwikirirania na abhaandi bhaani.15Omutu wuno akumukoperya omuginyi arabhona enyaaku,nawe wuno akwanga okwituura rahani arabha kisi. 16Omukari we bhigongi arashuka nawe abhaatu abhateregenu bharaangwa no obhunibhi.17Omutu wuno atana mwooyo araniibha omwenigo,nawe woomoyo aranyaharika. 18Omutu omubhihu arabheehya kubhona amariho gaaye,nawe wuno akuhokya amazomu ararihwaa kwo bhuheene.19Omuutu omuheene hano akutemya geheene ariikara bhuhoru,nawe wuno akutemya amabhiihu ariitwa. 20Yehova atakubhasega,bhekigoti kukoro,nawe yabhasegiri bhezinzera zigororokiri.21Ubhe nobheene kworino,abhabhisa bhatakubhurwa ebhiteme,nawe ezinyobhuro zya abharema abhatemya mazomu bharabha kwo bhuhoru. 22Nkye epete ye dhahabhu kurinyweeri re embiizi niego ari omukari omuzomu wuno atari nobhung'eeni.23Omweeko gwa abhatemya mazomu,arabhona obhweera obhuzomu,nawe abhatu abhatemya mabhiihu bhanyaharibhwa na amabhiihu. 24Wuno akweemya embhibho-aragesa bhyaaru;owundi atakweemya embibho wuyo aratakaha.25Omutu wuno atanamwoyo arabhona bhyaaru,na wuno akuheeni abhaatu amaanzi arabhona amaanzi gaye omweene. 26Abhaatu bhara mwihime wuno atakugurya ebhyakurya,nawe omugiri wo kusurya ebhyakurya arabhona abhweera bhuno akukomya.27Wuno akukomya amazomu kumanaga,omenye kubha arakomya kwikiriribhwa,nawe wuno akukomya riyoge arabhona enyaako. 28Bhano bhakwitindira obhuniibhi bharagwe,nawe nkya amato,bhano bhakutemya amazomu bharanyeregeta.29Wuno akureta eriyoge kumugya gwaaye aragabha obhukama,no omugege arabha omutomwa we ekoro yo bhung'eeni.30Bhano bhakutemya amazomu bharabha nkya nkyo omuti gwobhuhoru,nawe eriyoge rirateesha obhuhoru. 31Rora!hano bharya bharatemya amazomu bharabhona kino bhakwenderwa,kubhano bhakutemya amatemyo mabhihu bhatakubhona amabhuhu makuru!
1Uno akusega amegyo arenda okumenya,wuno akutinda mukoro ni mugege. 2Yehova arasakirya omutu omuzomu,omutu uno akukora amang'ana amabhihu arabhoobhwa.3Mutu atakuzoma kumabhihu,bhano bhakukora goobhuhene bhatakurusibhwaaho. 4Omukari omunyohu arazoma kumusubhe waye,uno akukora ezisoni nkyoobhurweeri bhuno bhubhoriirye amaguha gaaaye.5Amakerenio gobhuhene ni mazomu,obhukereniabhwabhabhihi mbung'enererya. 6Amang'ana gabhabbhihu nkutegenia ibhaga rya kwiita,amang'ana ga bhobhuhene garabhikarya bhwahene.7Abhatu abhabhi bharekerwe na kurusibhwaho,enyumba yobhuhene erimerera. 8Omutu arakumibhwa kumiseego gaaye,uno akwitora obhutindi arazeerwa.9Hakiriku obhe nobhukangati bhusuhu-obhe mutumwa omwenw-otikumya kubhukuru bhwaazo naho otana bhyakuurya. 10Omuhene arangaraara etyeeni yaaye,obhwabhiri bhwo omusarya mbubhihu.11Uno hakuhokya emirimo mumugundu gwaaye arabhona bhyakurya bhyaaru,kwego uno akumohya ebhigiro bhya hobhyo atana amisego. 12Abhatu abhabhihu bharisegera obhwiibhi bhwa abhabbhi kureka kubhandi,amazomu gabho bhuhene garareeka kunebho abhene.13Omutu omubhi aragwatwa na amakerenio gaaye amabhihu,kubhano bhakukora amazomu bharareka munyako. 14Omutu ariswa ne ebhigiro ebhizomu kwokubha ya amang'ana amazomu,kye emirimo gya mumabhoko gaaye gino gikumuha ebhizomu.15Enzira yo mugege nkya ameso gaye omwene,omutu wo okwisega aritegerera amakerenio. 16Omugege arerekya obhutindi bhwaye hayo hayo,kuwuno atakwitegerera erituki ni mwisegi.17Omugambi wo obhuheene arakerenia ehaki,omugambi wo obbhubhi arakerenia obhubhehi. 18Wuno akugamba bhwangu nkyo omutasi weerisabha,orurimi rwo omwisegi rurahonia.19Eminwa gyo obhuhene girikara siku zyosi,orurimi rwo omubhehi nkwiibhaga iguhi. 20Bhureho obhung'enererya muzikoro rya bhano bhakwenda kuhokyo amabhihu,abhuzomererwa bhurareka kubhakerenia bho obhuhoru.21Bhutareho bhurweeri bhuno bhukuza kubhobhuheene,kwego abhatu abhabhihu bharahabhwa enyaako. 22Yehova arabhihirirwa ne eminwa emibhehi,bhano bhakwikara kwa bhuzomererwa mbwo obhuzomererwa bhwaaye.23Omutu wa amisego arabbhika amisego gaye,ekoro yo omugege erakuura kigege. 24Okubhoko kwo omukya kurimeerera,abhatu abhatobhu bharahanwa emirimo gya kuhatikwa.25Amisego ga ekoro yo mutu garamukyoraku,ering'ana erizomu riramuzomeera. 26Wobhuheene ni mukangati kumsani waaye,enzira ya abhabhihu erabhabhuurya.27Abhatu abhabhihu bhatakubhika bhigiro bhyaabhu abhene,omutu wuno akukazana arabhona ebhigiro bhyo obhweera. 28Bhano bhakuhita kunzira ye ehene bharabhona obhuhoru,kumahito gayo ruku rutareho.
1Omwana omusuki arigwa amegyo gawise,atakurekibhwa ng'ana. 2Omutu arazomerwa nebhigiro ebhizomu bhya amatunduguru gomunwa gwaye,kwokubha abhang'eniriribhwa nibhabhi.3Wuno akuribha omunwa gwaye okuribha obhwikari,wuno akwasama omunwa gwae aranyaharika omwene. 4Okurohererya kwaabhatu bhatakubhona kigiro,kwokubha abhatu bhomukya bhariswa.5Omukori wa amazomu arabhihirirwa norurimi,kwokubha omtu omubhihu arahakana omwene,nokukora okusukya. 6Wobhuhene bharabharibha bharya bhanobhobhuhene kuzinzira zyabhu,obhubhi bhuragwisha bharya abhakori bha mabhi.7Ariho omutu wuno akwinibhya omwene,nawe anyora atana kigiro,naariho omutu wuno akurusha kira ekigiro,noranyora nimunibhi hene. 8Omutu omunibhi aranagya kwiturira erikuru ryobhwikari bhwaye kwebhigiro bhaye,omutu omutaka atakwobhoha kyokyosi.9Obhweru bhwo mutu omukori wa amazomu arazomerwa,nawe ekimuri kyo bhubhihu kirarima. 10Ekigoti kiribhura okunyaragania,kubhano bhakwigwa bharasuka.11Wuno akwihema obhunibhi bhurahwa,unewe akubhona ezihera kwokukora emirimo kwa mabhoko gaye ezihera zyaye zirongerya. 12Hano otisegiri omtima kurakwa,hano okumara orazomerwa nomti gyo bhuhoru.13Wuno akuzera abhegya arabha iyasi yobhukangati bhwaye,uno akusuka erihatike arahabhwa omubhano. 14Amegyo gomutu omusuki niyekisabhuko kyo bhuhoru,girarushaho emitego gyoruku.15Amang'eni amazomu garareta obhera,enzira yo mbehi etana bhutero. 16Abhatu abhang'eni bharakora kwa mang'eni kwo bhwamuri,ilamugege arerekya obhugege bhwaye.17Omutumwa omubhihu aragwera munyako,omukangati wobhuhene arareta omugwatani. 18Wurya uno akuzera arabhona obhutaka nezisoni,okusuka kuramwizera omwegibwa kureka okukyorera.19Obhuzomerwa bhuno bhumenyekeni kuzomu nenyota,omugege aratinda okutiga obhubhi. 20Genda hamwe na bhatu abhang'eni wosi orabha mung'eni,ila omusani omugege aranyaka.21Oruku ruraryarira abhabhi,ila abhakori bha mazomu bharahabhwa omubhano muzomu. 22Omtu omuzomu aratiga ubhugabhi kubhazukutu bhaye,ebhigiro bho mutu omubhi bhiraturwa obhuhoro akukora ehene.23Omugundu gyo mtaka guno gurimire kuranagya okwibhurya ebhyakurya bhyaru,ila aragegwa kwo uzurumati. 24Wuno atakumkyora omwana aramubhihira,wuno asegiri omwana wae aramugania nokumukyora.25Ewe wuno akukora eheene ararya tee okwiguta ehamu yaye nawe enda yoomubhihu erizura kuzisiku zoosi.
1Omukari wa amisego aromboka enyumba yaye,nawe omukari omutamutamu arasarya kwa amabhoko gaye omwene. 2Wuno akugya kubhuheene arasarya Yehova,nawe omuharamama aramurega gatigati yenzira zyaye.3Gatigati yomunwa gwo omutamutamu gurahurukya bhimereno bhye ekigoti kyaye,nawe eminwa gya abhasuki girabharibha. 4Hano gitariho emitugo eribhanza ryo kurishirya nizomu,nawe ebhyakurya bharu bhiratura kubhoneka kweezinguru zye ezitang'ana.5Omutania omuhene atakuhaya rurimi,nawe omutania worurimi arahezera orurimi. 6Wokurega aramohya okusuka nakutariho kweki,nawe amang'eni garaza kwa bhunyohu kuwuno anobhung'eni.7Nogye kure kureka kumutu omutamutamu,kwokubha arabhona amang'eni kuumunwa gwaye. 8Okusuka kumutu wokusuka niyo kumenya enzira yaye omwene,nawe obhugege bhwa abhatamutamu nio kung'enererya.9Abhatamutamu bharazera kwibhaga omuhero gwo okwookibhwa hano gukurusibhwa,nawe gatigati yabhu abhahene bharasanga akukumia. 10Ekoro eminyiri obhururu bhwaye natareho omugini wuno akusikira kubhuzomererwa bhwaye.11Enyumba ya bhasarya erokibhwa,nawe erituuku rya abhatu abhahene riragumira. 12Eriho enzira yino ekuroreka bhwahene kumutu nawe kubhutero bhwaye arerekera nkukwa okwene.13Ekoro eratura kuseka nawe ekabha gatigati yokunyaharika nokuzomererwa eratura kumara kikabha kiruguro. 14Wuno atakumwikirirya arabhona kino kikwenderwa kunzira yaye,nawe omutu omuzomu arabhona kino kiri ekyaye.15Wuno ewe ategibhwe arikirirya kira ekigiro,nawe omutu wokusuka arisega amatambuka gaye. 16Omutu wuno akusuka arobhoha nokureka kubhu hihu,nawe omutamutamu aratiga kwekisubhe.17Ewe wuno akubha nobhutindi kwo obhwongu arakora amang'ana gekitamutamu,nomutu wuno akukora ekiziziri ekibhihu aratindirwa. 18Abhagege bharagabha obhutamutamu,nawe abhatu bhokusuka bhirugutiriribhwe kwa amang'eni.19Bhayo bhano niabhasarya bharinama mubhusho bhwabhu bhano bhari abhazomu nabharya bhobhubhi bharahigama kubhiseku bhyabhano bhanabhahene. 20Omutu omutaka aratindirwa hata nabhasani bhaye nawe abhatu abhanibhi bhanabhasani bharu.21Wuno ewe akwerekya okuzera kubhanyarobho bhaye arakora mabhihu,hakiriku wuno akwerekya okukumania kuu bhataka anabhuzomerwa. 22Nawe bharya bhakukora enzenzemwe embihu bhatakubhura?Hakiriku bharya bhamisego bhokukora amazomu bharagega obhurage bhwo obhuhene nomwimereri.,23Gatigati yemirimo gyosigo emikong'u bhuraza ebhwera,nawe hariho namakerenio agenego,garagya kubhutaka. 24Ezisurya zya abhatu bhamisego nobhunibhi bhwabhu,nawe obhunyaku bhwa bhatamutamu bhurabharetera obhunyoku bhwaru.25Omutwanikania omuhene araturya ekikarire,nawe omutwanikania worurimi arahezera orurimi.26Omutu hano akubha nobhwobha bhwa Yehova,nawe arabha nobhwisige bhukuru musi waye,ebhigiro bhino bhirabha kyorubhara rukoong'u rwokuribha kwa abhana bho omutu oyo. 27Kusabha Yehova omusobhogo gwo obhuhoru,nawe kubha omutu ature kwirushaho kureka gatigati yemiheto gye oruku.28Obhuzomu bhwo omutemi bhuriho gatigati yebhigoto bhikuru bhya bhatu bhaye,nawe bhatariho bhatu bhomutemi bharokibhwa. 29Omutu omwigumirirya anamisego makuru,nawe omutu omuhuhu wokwitakya arakurya obhunyaku.30Ekoro yino inobhuzomerwa nibhuhoru bhwa omubhiri,nawe omugono gurabhorya amaguha. 31Wuno akubandirirya abhataka arihima omugumbi waye,hakiriku wuno akwerekya omukumo kubhembi bharamkumia ewe.32Omutu omusarya aragwesibhwa hasi kuumahokya gaye amabhihu,nawe omutu wamahene anahokuryarira hata gatigati yoruku. 33Okusuka kurikara gatigati wekoro yokumenya,nawe hata gatigati ya omutamutamu bharihatirirya abhene nokumenyekana.34Okukora obhuhene kurimukya ekyaro,nawe obhubhi nobhutindi kubhatu bhayo bhosi. 35Okukumania kwo omutemi nikwomuhokya wuno akukora kwa kusuka,nawe obhutindi bhwaye nikuwurya akukora kwokusukya.
1Erikyoro ryoobhunyohu rirarusyaho obhutindi,nawe ering'ana ryoobhubhihu rirongerya obhutindi. 2Ezyindimi zyaabhatu bheheen erakumia amang'eni.Nawe eminua gyaabhagege giritira obhweene.e3Ezimoni zyaa Yehova zirikira hagiro,garabharorerera iguru woobhubhihu noobhuzomu. 4Orurimi runo rukuhonia niemiti gyoobhuhoru,kubha orurimi rwookung'enererya rurita ekoro.5Omugege aragega amakyoro gaawise wabhu,kubha wuno akwega kureka kuumazomu niiwehene. 6Gati wee nyumba yaabhara bhakukura eheene erabha neekibhumbiko kikuru.Kubha ebhibhorwa bhyaa bhatu abhabhihu bhirabhaha enyako.7Omunwa gyaabheheene giranyaragania obhung'eni,kwego emitima gyaa bhagege gitakukora ego. 8Yehova arabhibhiurwa amihero gyaa bhatu abhabhihu,kubha amasabhi gaabhatu abhanyohu nikwe obhuzomu bhwaye.9Yehova arabhihirirwa enzira ya bhaatu abhabhihu kubha aragesa wuno akugya kuheene. 10Amakyoro goobhubhihu garaganya kuuwuno akutiga enzira naawuno akubhihirirwa amazomyo arazakukwa.11Okukwa nokusarya bhiurimwaasi muubhusyo bhwaa Yehova,kubha etari iguru bhukong'u kuumutima gyaabhana bhaabhatu? 12Waamako arabhihirirwa amazomyo;atakugya kuubheheene.13Omutima gwoobhuzomu gurakora obhuzomererwa mubhusyo kwego guraribhira okwita omutima. 14Omutima gwaa wuno yamenyiri gurakomia amang'eni,kubha omunua gwoomugege guririsya kuubhwene.15Ozusiku zyoosi zyaabhatu bhano bhakabhandiriribhwa neenyako,kweego omutima gwoobhuzomu onebhyandikiro kimera. 16Hakiriku ekigiro ekisuhu hamwe nookwenda Eryobha kukira ekibhumbiko ekikuru hamwe noobhutindi.17Hakiriku ebhyakurya bhyezinyinyi kuriho noobhusegi kukira obhusegi kukira kukorwa ekimoni ekinuru kwoobhutindi. 18Omutu woobhutindi erakora ezihaka,kubha omutu wuno akukezera kutinda kuhorerya obhutindi.19Enzira yoomutu omunyeheru,niikyahagiro harubhago rwaa mahwa,kwego enzira yoomutu omuhene nii nzira kuru yino yombokirwe bhuzomu. 20Omwana wuno anamitegerero arareta obhuzomu kuwise wabhu kubha omutu omugege aramurega nina wabhu.21Obhweene bhurazomererwa noomutu wuno asuhirwe obhwongo,kubha woookumenya oragenda kuunzira yino yemiri. 22Amang'ana garasarya hano hatana obhusakirya kubha abhasakirya bharanyora.23Omutu arabhona obhuzomu hano akurusya erikyoro ryoobhuzomu,heene nizomu kusuhuki ering'ana kwiibhaga riyo! 24Enzira yobhuhoru erabhahira iguru abhatu bheheene,kubha bhareke haasi kurwa mubhaatu.25Yehova aranyamura engabho yaawekigoti,kubha araribha ebhigiro bhyoo mutumba. 26Yehova arabhihirirwa naamang'ana gaabhatu abhabhihu kubha am,ang'ana goobhunyohu nii mazomu.27Omwibhi arareta enyako kuuruganda rwaye kubha ewe wuno akubhihirirwa noobhwibhi arikara. 28Omutima gwa wuno akokora eheene gurisega gukyari kukyora,kubha eminwa gyaa abhatu abhabhihu bhuritira obhubhi bhwaye bhwoosi.29Yehova arikura nabhaatu abhabhihu kubha arigwa amasabhi gaabhatu bheheene. 30Obhweeru bhwa mecho bhurareta obhuzomu mumitima neering'ana erizomu mubhuhoru mumubhiri.31Aribha oranagya omutu kumukyora kyego arikare,orasaga gati waabhatu bhaa misego. 32Wuno akwanga okuharirwa arirega omwene,kwego wuno akwiga amakyoro arihana obhumenyi.33Kumwenda Yehova kuregya okusuka noobhusuku eraza obhusuki bhuraza obhusuki bhukyari.
1Amiseego go omtima ni goo mutu,nawe Yehova ararusha erikyooro kurwera mururimi rwaaye. 2Ezinzira zyoosi zyo omutu ninzomu kumeso gaaye omwene,nawe Yehova obhona arazisora ezikoro.3Tura kuyehova emirimo gyaazo gyoosi na amiseego gaazo girazoma. 4Yehova akahokya kira ekigiro kwaa obhumenyi bwaye,na abhasarya kwo orusiku rwe enyaako.5Yehova arabhihirirwa kiro omutu mwine omutima gwo obhwihemi,yangabha bharimerera bwaheene,bhatakubhura kunyora bwookibwa. 6Kwe eriragano ryoobwikirirya na omweya gwo obhubhi bhurazomibhwa no okumusabhwa Yehova abhatu bhariyahura no obhubhihu.7Ezinzira zyo mutu hanozikumuzomera Yehova arabhakora hate abhabhisa bhaye omutu wuyo bhabhe no obhuhoreru nanewe. 8Hakiriku ekigiro hamwe neeheene,kukira obhwgwani obhukukuru hamwe noobhusarya.9Kumutima gwaye omutu arenda enzira yaaye,newe Yehova arazekererya amatambuka gaye. 10Omutongeri ariho muminwa gyoo omutemi muisinziro omunua gwaaye gutakugamba kwakung'enererya.11Ebhirengo bya eheene okurwa ku Yehova;obhurito bhwoosi kwigonera nibhuhokya bhwaye. 12Abhatemi hano bhakuhokya amang'ana amabhihu kiyo ni ekigiro kyo okuzerwa,kwakubha obhukangati bhurakonjibhwa kwo okukora eheene.13Omutemi arazomererwa eminua gino gikukerenia eheene na aramusega mweene kugamba mwasimwasi. 14Obhutindi bhwo omutemi ni mutumwa wooruku na omutu wuno ana amiseego arasakya akuhorerya obhutindi bhwaaye.15Kubhweru bhwo obhusho bhwo omutemi nio obhuhoro na obhusakirya ni kyeego erisaro rino rikureta embura ye tweego. 16Nihakiriku ekisuhuku okunyora amiseego kutiga edhahabu.Okusora okunyoora obhumenyi ni kukuru kukira ezimbirya.17Enzira ekuru ya abhatu abhasuki bhariyahura no obhusarya;mwene kugabhika obhwikari bwaaye araribha ezinzira zyaaye. 18Ekisubhe kirakangata kutiga obhusarya no omutima gwa obhwihemi enyuma woobhusikya.19Nihakiriku okwihomba gati wa abhatu kutiga okusonda ebhigiro hamwe na abhatu bheene kisubhe. 20Mwene kwisega gano gegibhwe aranyora kino kiri bwaheene nabhano bhakumwisiga Yehova bharazomererwa.21Mwene bwisegi mumutima gwaaye arabhirikirwa mumenyi no obhuzomu bwa amakerenio burongera obhunagya bwo okwegibhwa. 22Obhumenyi ni musobhogo gwo obhuhoru kuneewe wuno anabhwe,nawe obhwokibhwa bhwo abhatamutamu ni obhutamutamu bwabhu.23Omutima gwa omutu mwene misego gurarusha amiseego kurwera mumunua gwaaye nokwongera obhutongeri muminua gyaaye. 24Amang'ana go okungarira ni amaanena goobhuki-mazomu kumutima nagarahorya amaguha.25Eriho enzira yino ekurorekana bhwaahene kumutu,nawe obhutiniro bwaku ni enzira yo oruku. 26Obhurohererya bhwee kinyarubha eramukorera emirimo,enzara yaaye eramkora agendererye.27Omutu omuhabhi aratuka amabhihu no obhukerenia bhwaye ni kyo omuriro guno gukurungurya. 28Omutu wuno atakwigwa aregererya okubhura obhwiigwano no orurimi ryrabhagwatania abhasani.29Omutu we ekituri aramung'enererya omunyarobho waye no okumwerekererya kubhuhiti gano gatari mazomu. 30Wurya wuno akusimya kweeriso arasemia obhung'eni bwa amang'ana go okutama kwiigwa;beene kutunira kueminwa gyaabu barahitya amabhihu.31Ezimbwe ni orusarya ryo obhuzomu;eranyoreka kwo okwikara kwenzira ye eheene. 32Ni hakiriku okukezera okubha ne ekoro kutiga kubha no obhuhari no omwene okukira ekoro yaazo ni kuzomu bukonju kukira wurya wuno akugugwata omugye.33Okurya kurataswa mubhunhiri,nawe obhwamuri bhurareka ku Yehova.
1Nihakiriku kubha noobhuhoreru hamwee noo obhuseseka bhwo omukate kuriko enyumba ye ezinyangi ezinzaru hamwe noobhutindi. 2Omuhokya wa misego arakangata iguru wo mwana wono akukora kweezisoni arabha mungabho kyo umwe wa abhahiri.3Haguhi ni muhero na tunuu kwa edhahabu,kwego Yehova ararosha ezikoro. 4Omutu akukora amabhihu arabhigwa bhano bhakuhaya amabhihu;omubhehi anaobhwitegereri kubhano bhakuhaya amang'ana amabhihu.5Hwono akumusekerera omutaka aratuka omubhumbi waye wono akuzomererwa oruku atakubhurwa kwokibhwa. 6Abhazukuru nio orusurya rwaabhakaruka nabhibhuri bharareta okusuka kubhana bhabhu.7Mang'ana gobhutongeri gatakwenderwa kumunyaku;kusuhu bhukong'u minwa kyoo mubhehi girikiribhwa kuubhutemi. 8Murunguro ni kyrerigina rya mazingaobhwe kuuno akurusha;wuno akuitiga,arabhobna.9Wuno akwibhira obhusarya arakomia obhusegi,hamwe wuno akukyorera eng'ana kunyaragania abhasani bhahaguhi. 10Okwanga kurasikira omtu wa mang'eni,kukira matemo magana kugya kumunyaku.11Omtu mobhi arakomia kutiga ego kwego omubhagati omuhari aratumwa iguru waye. 12Nihakiriku kubhonana na dubu wuno arusibhwe abhana bhaye kuliko kubhona na noomunyaku gatigati hyo ombhunyaku mbhwaye.13Omutu akukyora amabhihu kuriko amazomu,amabhihu atakurwa munyumba hyaye. 14Omubhutangiro bhoo obhutindi kyo omtu yiguriri amanzi kurwa kira hagiro,kwego ararwa muzihaka kwokubha gakyari kubha.15Ewe wuno akubhahatirirya abhatu abhabhi hamwe kubhatema masoro bhano bhakuhokya ehene-abhatu bhano bhosigo nibhakutimbya ku Yehova. 16Kwaki omunyaku arihe omuhero gwo okweega kusuka eribhaga atana bhunagya bhwa kwega?17Omusari arasegwa kwibha ryosi na abhahiri yibhurwe kwiguru yeribhaga rye enyako. 18Omutu wuno atana obhwongo arakora obhurage bhwa emigiro nokwanza kuhokya kwe esiri yerobho yaye.19Wuno asegiri obhutindi asegiri amabhihu,arakora kirugutiriryo kitambi hene kukiseku kyaye kukora kubhunika kwa maguha. 20Omutu wekoro yokung'enererya atakubhona kyokyosi kino kikubha kizomu;nauno anorurimi rwa obhuhari aragwa kuunyako.21Omwibhuri omunyaku arareta ezingusuri ezyaye omwene wise omunyaku atana bhuzomererwa. 22Ekoro yokung'enererya nimuti muzomu,hakiriku ekoro yino ekozirwe eryomia amaguha.23Omutu omubhi arikirirya omurungurura kwa bhwibhisi kwokubhurya enzira yobhuhene. 24Wamang'eni arakerenerya obhusho bhwaye kubhusiki,nawe ameso go omunyaku garerekeria kusonga ye ekyaro.25Omwana omunyaku nikiruguro kuuwuso wabhu nobhusungu kuu mukari wuno amwibhuri. 26Nawe,etari kisi kumwokya wuno akukora hene,nawe etarei kisi kubhatandika mijatiri abhatu bho obhuhene bhano bharikisi.27Wuno anamang'eni arahokerya mang'ana masuhu nawuno amenyiri nimuhore. 28Nomunyaku ararorererwa kubha kwokubha yikeri bhukiri,kwibhaga rino yikeri akirirenie omunwa gwaye,arisegerwa kubha nobhwongo.
1Wurya akwiyahura aramohya amaghana ghaye omwene arahakana na amasinziro ghosi ghe ehene. 2Omugeege atakubhona obhuzomererwa mubhung'eni,nawe arakundukura kino kiriho mukoro yaye.3Omutu omubhisa hano akuza,enzeri eraza hamwe na newe-hamwe ne ezisoni no okuisegera. 4Amang'ana gho omunwa ghwo omutu ni amazi ghe ekiryonga ekitambi;omusobhogo ghwo obhung'eni ni omugeri ghuno ghukugera.5Bhutari bhuzomu kubha no obhuseghi kumubhisa,nawe atakwenderwa okuanga ehene kubhano bhakukoora amazomu. 6Emiinwa gyo omugege girareta okutema okuigwana no omunwa gwaye gurareta amatemo.7Omunwa gwo omugege niiobhusarya bhwaye bhurigwatya muminwa gyaye. 8Amang'ana go omubhehi ni kye echembe enzomu garituma ahagiro ha mwosi hene kumubhiri.9Bhono,wuno ni omutobhu kumirimo gyaye ni omuhiri waye wuno akusarya bhaaru. 10Erina rye Eryobha niekigwatiriro ekikong'u,wuno akukora ahene arariaririra no okubha hazomu.11Ebhigiro bhyo omunibhi niomugye gwaye omukong'eru kumisego gaye ni kye ekibhambazi ekitambi. 12Ekoro yo omutu erabha ne ekisubhe hingayo okuugwa kwaye,nawe obhunyoheru bhurakangata inyuma yo obhunyohu.13Wuno akukyoora inyuma wo okuityegerera-ni obhusarya ne ezisoni zyaye. 14Ekoro yo omutu erituurya na amabhihu,nawe ekoro yino ekozirwe niwi akunagya kuiganyirira?15Ekoro yo omwene obhuongo erabhono obhung'eni no pobhuitegereri bhwo omwene amisego aragamohya. 16Omubhano gwo omutu guranaagya okukoora enzira no okumureta embere yo omutu omuhene.17Wo obhwemero okuisakirya kubhusemwa bhwaye ararorekana kubha ne eheene tee omubhi waye yiize no okumubhurya amakyooro. 18Okutema ezikura kuramara amahakano okunyaragania abhahakani abhakong'u.19Omuhiri wuno abhihirirwe nioomukong'u okutongera kukira omugye gweezinguru,no okuruana muigobhe. 20Enda yo omutu eriguta kuurwa muitunduguru ryo omunwa gwaye;arigutiribhwa na amageswa go omunwa gwaye.21Obhuhoru no oruku bhirareetwa no orurimi,na bhano bhasegiri orurimi bharaarya eritunduguru ryaye. 22Wuno akubhona omukari arabhona ekigiro ekizomu no okubhiona amazomu kuurwa kuu Tata.23Omutu omutaka arasabha ebhigoongi,nawe omutu omunibhi arakyoora kwo obhuhari. 24Wuno akuikora kubhasani bharu bharamureta kubhusarya,nawe ariho omusani wuno akubha haguhi kukira omuhiri.
1Hakiriku omuutu omutaka wuuno akuugya gatigati yobhuzomu bhwaye kukiira wuuno anobhuhaari gatigati yamang'ana gaaye nani mugege. 2Nawe,bhutaari bhuzomu kubha nobhurohererya kuubha namang'eeni na wuno akuryaara bhwaangu arakoseera enziira.3Obhuzeeri bhwomutu bhurasaarya obhwikaari bhwaye neekoro yaaye ehatiirinda iguru ya Yehova. 4Obhuniibhi bhurongeerya abhaasani abhaaru,nawe omutu omutaka araangwa na bhasani bhaaye.5Omutwanikania worubheehi atakubhuurwa okwookya na wuuno akuhezeera orubheehi atakuryoorwa. 6Abhaaru bhakasaabha obhuheene okukuurwa kumuutu omukoribhusya na kyeego omuutu ni musaani wa wurya akuruusya omuheero.7Omutu omutaka arabhihiriirwa nabhahiri bhaaye bhoosi;bhasani abhaaru bhasuuki bharamung'osa kurwa kuneewe!Arabhabhirikira,nawe bhagiiri. 8Wuno akubhoona obhuzoomu araseega obhwikari bhwaabhu abheene;wuuno akubhiika obhung'eni arabhoona kiino kiri ekizomu.9Omutania wo orurimi atakubhuurwa akaisiizwa,nawe wuuno akuhezera orurimi aranyaharika. 10Etakwenderwa kumugege okwikaara kwo obhusimbe-nawe etaari kumubhagaati iguru yoo mutemi.11Obhung'eeni bhurakoora omuutu akezeere okutiindanoobweeru bhwaye nikwabhiire obhuubhi. 12Okutiinda bhwo mutaake nikyomuruumo gweendi omumura,nawe obhuzomu bhwaa nikyorume mumanyaki.13Omwana omugege ni musaarya kuwiise waabhu no mukaari weriyoogeni maanzi gaano gakugera kirakeego. 14Enyumba yobhunibhi nikugaabha kuurwa kubhibhuuri,nawe omukaari wuuno akukoora emirimo atakweenda enzaara.15Ewe wuno akwikirirya erihatike arongeerya obhwikari bhwaye. 16Nawe omuutu wuno atakwisega ezinzira zyaaye araakwa.17Bhaano bhano bhuzomu kubhataaka bharasondeera Yehova narariihwa kukiirya yakoriri. 18Mukyoore aomwana waazo akyaari noobhwera notabbha nenamba gatigati yoruuku.19Omuutu wuno anobhuhoru abhuhaari nawe ariihe ekisiyoomba;kyego oramuturye,orakoora ego kabhiiri. 20Hegerera obhutongeri na wikirirye amerekereryo,kyego onaagye kuubha nobhweera mubhuteero bhwoobhwikari bhwaazo.21Muzikooro zo mutu giriimu amahokya maaru,gaari amiseego ga Yehova niiryo riraaze ryimereere. 22Obhunaaamba bhwo muutu ni bbhwikiriira bhwo muutu omutaka ni muzoomu kukira omubheehi.23Okumusuuka Yehova okubherekererya abhatu kubhuhooru,wuno anayo arigutiibhwa atakunyaharika kwobhurweeri. 24Omutu omunyoheeru arabhiika okubhoko kwaaye moosi wekaraaya,atakugukyoora iguru womunwa gwaaye.25Kyeego aramuteme wuno anamakaaro abhagege bharaabha nobhuzomu;mwerekereerye wuno anabhunagya woosui arabhoona obhung'eeni.26Wuno akumuteesha wise waabhu nokumuhebha nina waabhu ni mwaana wuno akureta ezisooni namasooro. 27Mwana waani,kyeego aratatiige kwitegerera amerekereryo,orabhuura okuurwa kwing'aana ryo bhung'eeni.28Omutongeri omubheehi ariigwa ehene nomutwe gwoo mubhihu kiramiira obhuubhi. 29Obhutiniiro erihaguhi kubhaano bhakwigwa nemijaredi kumigongo gya abhagege.
1Amarwa ni masakya na kyookunywebhwa ekikuru ni kyihi;wuno akubhura kwo obhunywi atana miseego. 2Okumwobhoha omutemi ni kyookwobhoha omwana wendwi wuno akuruma,wuno wosi akumutindirya ararusya enzagu yoobhuhoru bhwaye.3Ni bhusuuki kumutu wowosi wurya wuno atakwikirirya obhuhabhani,nawe kira omugege arabhururukira kuzihaka. 4Omutu omutobhu atakurima kwibhaga ryoo muhaya;aramohya ebhyakurya kwibhaga ryeerigesa nawe atakubhona kigiro.5Amisego mwosi mumwoyo gwoomutu ni kya amanzi ga ahagiro ahatambi,nawe omutu wuno anaobhung'eni aragataha. 6Ibhaga ryaru omutu arabhuga ewe ni muheene,nawe niei wuno akutura okumubhona wurya omuheene?7Omutu wuno akukora eheene aragenda mubhuheene bhwaye na abhaana bhaye bhano bhukuzaho eribhaga erindi bhano bhuzomererwa. 8Omutemi wuno akwikara kukitumbi kyoobhusinziro hano arakore emirimo gyoobhusinziro arahunga kwa ameso gaye,amabhihu goosi ghano gariembere waye.9Niwi akunagya kugamba, "omwoyo gwane nikoriri gurabhiri;ndimuhuha neebhibhi bhyane"? 10Eratiri yeetuubho yindi neebhirengo bhino bhitari kisi-Tatabhugya arabhabhihirirwa bhyoosi.11No omumura aramenyekana kwa amahokya gaye,na eteemwa yaye aribha ni nzomu na yobhusuki. 12Amatwi gano gakwigwa,na ameso gano gakurora Tatabhugya akagatema gosi.13Otasega ezitiro orabha mutaka;ramukya ameso gazo orabha neebhyakurya bhyaaru. 14"Mbihu! Mbihu!'' arahaya omuguri,nawe hano akurwaho arikumya.15Ereho ezahabhu na amagina goobhwera,nawe iminwa gya amang'eni ni akagina koobhwera. 16Gega eribhoho aribhamweneryo arateeho ezihera okuribha esiiri yino omugini akutumibhwa,rigege aribha arariteho kuribhira esiiri yoobhusebheti.17Omukate guno gubhonekiri kwoobhungenererya guna obhusambaruku mumunwa,nawe kwibhaga isuhu omunwa gwaye kurizura obhukomogo bhwa amagina obhusuuhu. 18Amiseego garakongibhwa kwo obhukerenia bhwookwigwana na kwo obhurangiriribhwa bhwa amang'ana amazomu orarwana eriihi.19Omubhehi arabhuurana eriku kweego atakwenderwa kugwatirana na abhatu bhano bhakugamba bhukong'u. 20Aribha omutu aramwihima wise na nina wabhu,ekimuri kyaye kirahemberwa mukiirima gatigati.21Engabho yino ebhonekiri bhwangu kubhutangiro,erabha na amazomu kusuhu kubhuteero. 22Tiga kubhuga ''Enye ndakurihya kwiisaryo rino" mganye Tatabhugya ewe arakutuurya.23Tatabhugya arabhihirirwa na eratiri yino etari kisi ne ebhirengo bhyoo kung'enererya bhitari bhizomu. 24Amatambuka goomutu garakangatwa na Tatabhugya;ni tubhooki araimenye enzira yaye?25Nimheto kwoomutu okugamba kwo okuhurumka, ''Ekigiro kino ni kyoobhwaare'' no okutanga okwiseega iguru waye kubha kinabhureraki hano oramare okurya emume. 26Omutemi wa amiseego amazomu arabhahukania abhasarya na aragarabhura iguru wabhu erigata ryookuhurira.27Ekoro yoo mutu nikimuri kya Tatabhugya,eratugukurya kira ahagiro mwosi waye. 28Obhurage bhwoo bhuheene no obhwiteeho bhuramuriha omutemi;ekitumbi kyaye kya kirakeego kirakorwa kikong'eru kwoobhusegi.29Ubhwaare bhwa abhatu abhamura ni nguru zyabhu na obhuzoma bhwa abhaatu abhakaruka ni ezimbwe zyabhu. 30Ebhiteme bhino bhikukora amagaati bhirogya obhubhi no obhutema na akahimbo akasuuhu bhurakora ezimbara zya mwosi kubha nzomu.
1Ekoro yo omutemi ni omugeri gwa amanzi mukubhoko kwa Yehova;arakukyoosa hohosi hanoakwenda. 2Kira enzira yo omutu ni bhwaheene mumeso gaye omwene,nawe Yehova wuno akurenga ezikoro.3Okukora ahene erikiribhwa bhukong'u na Yehova kukira omuhero. 4Ameso ge ekisubhe ne ekoro ya amihemo-obhueru bhwa abhabhisa-nio obhubhihu.5Amahokya go omwenderi gharaagya kubhubhoni obhwane,nawe omutu wuno akukora kwo obhwangu araagya kubhutaka. 6Okubhona obhunibhi kwo orurimi rwo orubhehi nioomuokyi ghuno gukuhita bhwangu no omuheto ghuno ghukugwatya.7Eriyoge rya abhabhihu rirabharuta kurekwo okubha bharanza okukora ehene. 8Enzira yo omusarya nio obhubhihu,nawe wo obhuroosya arakora ghehene.9Hakiriku okuikara kukoona yiiguru we irirongo otikara munyumba hamwe no omukari omurwani. 10Okuroehereerya kwo omubhihu niomughaho gwa amabhihu;omunyarobho wazo atakuroora obhuzomu mumeso ghaye.11Omusekeeri hano akutemwa omugege arabhona obhung'eni,no omutu omung'eeni hano akwogiibhwa arongeerya amang'eni. 12Wuno akukora ehene arairibha enyumba yo omubhihu,arabhituumia abhabhihu kubhusarya.13Wuno akuribha amatwi ghaye kukiriiro kyo omutaka,kweki arariira,nawe atakukyoorwa. 14Omubhano gwo obhwibhisi guranyoohya obhuhari no omubhano gwo obhwibhisi guranyoohya obhuhari obhukuru.15Ehene ekukoreka,erareta obhuzomererwa kuwuno akukora amazomu,nawe erareta obhuobha obhukuru ku bhakori bha amabhihu. 16Wurya akuteregena okuurwa kunzira yo obhumenyi,aramunya kwi ikumanio rya abhaku.17Wuno asegiri bhuzomererwa arabha mutaka wuno asegiri amarwa atakunagya kubha munibhi. 18Omutu omubhihu ninyongera yoowuno akukora eheene,noomun'enererya nyongera waa bhaheene.19Akiruku kwikara kwiibhara kutiga okwikara hamwe noomukari wuno akusigirirya bhukong'u noobhutindi nookuraramika. 20Ekibhumbiko kyoobhuzomu naamaguta bhiri munyumba nookusuka,nawe omutu omugege arabhisarya.21Omutu wuno akakora eheene noomuzomu-omutu wuno arabhona obhuhoru,eheene nookusuka. 22Omutu wookusuka ararenga omugye gwa bhakimari,naa bharagwisya erigobhe rino bhakwisiga.23Wuno akuribha omunua gwaye noorurimi rwaye ariribha omwene neenyako. 24Omutu wee kigoti noo kwizuma- ''Kusekerera'' niryo erina ryaye-arakora kwaa mihemo na kwihema.25Kurohererya kwoomutu omutobhi kuramwita,kwookubha amabhoko gaye garanga okukora emirimo. 26Kwoorusiku orugima arabhonua obhusohu noobhusohu nawe wuno akukora eheene ararusya wara atakuribhira.27Omuhero gwoo musarya niibhutindi,bhurabha niibhutindi bhukong'u hano akureta kwaa misego mabhihu. 28Omutania worurimi aranyaharika,nawe wuno akwitegerera arongera kwiibhaga ryoosi.29Omutu omubhi arakora obhusyo bhwaye kubha bhukong'u,nawe omutu omuheene niimuheene iguru weenzira yaye.30Bhusuki bhutaroho,bhutaroho obhumenyi,hutariho obhumenyi rino rikunagya kwimerera kimosi na Yehova. 31Efarasi erakorwa kuurusiku rwoo kwitania,nawe obhukuru bhurabhoneka kuu Yehova.
1Eriina erizomu rirasorwa kubhwaami noobhweru obhusuki ni kisi kukira ezihera na ezahabu. 2Abhaatu abhaniibhi na abhataka bhatubheeni kurino-Yehova ni omubhumbi weetu bhosi.3Omutu wa amang'eeni ararora enyaako nokwibhisa omweene,nawe omugege aragendererya na aranyaharika kunebho. 4Amariho ga obhunyoheru na kumwikirirya Yehova ni obhunibhi,obhusuki na obhuhoru.5Amahwa na omuheto gurahindira kunzira ya omubhihu ewe wuno akuribha obhuhoru bhwaye arabha kure nago. 6Omweegye omwaana enzira inoekwenderwa hano akubha akunguhiri atakutiga ameegyo gayo.7Abhaatu abhanibhi bharabhakangata abhaatu abhataka na bheene okukopa ni omubhagati wa wuno akukopesha. 8Wuno asegiri ezuruma aragesa enyaako na ehimbo yo obhururu bhwaaye eranyoora.9Omuutu we eriso rino ritana omwooyo,arasarikiwa,kwokubha ararya ahagiro hamwe ebhyakurya na abhataka. 10Muheebhe kure wee ezabhuro no omurwani,arareka murihi na amatuki garahwa.11Wuno asegiri omwoyo omuzomu na amang'ana orubhango arabha omusaari waaye omukang'ati. 12Ameeso ga Yehova garagarora amang'eni,nawe aragitira amang'ana ga abhang'enererya.13Omutu omutobhu arabhuga, ''Ereho endwi muroobho! Ndabhiita ahagiro he enzira.'' 14Omunwa gwo omusiimbe ni omwoobho omutaambi;obhururu bhwa Yehova bhuregererya kuu wurya akusikira mwoosi waaye.15Obhugege bhubhohirwe mu mwooyo gwo omwaana,nawe okumukyora kwe ehimbo guramurusya hayo. 16Wuno akwibhinyenyera abhaatu abhataka okwongerya obhunibhi bhwaye no okubhaha abhanibhi arabha omutaka.17Tegya okutwi kwazo witegerere amang'ana ga bheene amang'eni no okukorera ekoro yaazo kumang'eeni gaane, 18bhuraza kubhaho obhuzomerwa kunawe hano oragaretaho mwoosi hano goosi garabhe muminwa gwaabhu. 19Eng'ana yazo ibhee kuu Yehova,ndageegya kunawe rero hata kunawe.20Ntakwandikiri awe bhigambi emirongo etatu na ameegyo na amang'eeni, 21Kwookukwegya ehene kumang'ana gano gano gana obhuheene obhe na amakyooro go okwitegerera kubhano bhakutumiri.22Otamwibhira omutaka kwokubha ni mutaka no okumutema kukiseku, 23Yehova araimerera ekeesi yabhu na arabhibhira ubhuhoru bhano bhabhiri abhataka.24Otakora obhusani no omutu wuno akangatibhwe noobhururu na otigekubha nabhwo hamwe na abhene obhururu bhuhari. 25Oreega enzira yaye na orabha kigiro kyazo omweene.26Otabha mubhayo bhakutema amabhoko wuno akuhaya amasiri gabhu. 27Kama obhuriri enzira yo okuriha,nikiranagye kurekya omutu okugega obhuriri bhwazo iyaasi wazo?28Otarusyaho erigina ryo obhuteero rya waheenga rino bhawise waabhu bhatereho. Omuruuzi omuutu wuno yitirwe kumirimo gyaye? 29Arimerera mubhusyo bhwo omutemi;atakwimerera kubhusyo bhwa abhaatu bhegoego.
1Hano okwikara kuurya hamwe no mkangati,rora kwa bhung'eni kino kitangirwe kuneebho. 2hamwe ni mutu asegiri ebhiakura bhukongu tura ekigeeso mwigoti. 3Otarohererya ebhinuru bhaayo kwokubha mbyakuurya bhya ruriimi.4Otakora mirimo bhukongu niho obhoone kiniibho;obhe no bhusuuki bhwo kwiisa niho omenye eribhaga rya kutiga. 5Orikiriryo ezimooni zyaazo zirorere iguuru waaye?Eraagya,kwokubha eraruguura amabhabha kye tai no kwibhururuka mwisaaro.6Otariiya kiakuriiya kyauria anemoni embihu-nootabha nabhwobha bwa ebhinuru bhyaaye, 7Nawe nio omutu wuno akusuuka amariho ge bhyakurya. "Okurya no okuunywa!"arakubhurira,nawe omutima gwaye gutari hamwe. 8Oraruka kigiro kisuhu kino oriri orabha obhurirye omukumo gwaazo omuzomu.9Otagamba gati yo kwitegerera abhagege,araza kuzeera obhusuki bhwa amang'ana gabhu. 10Otasamia igina rye kimenyekereryo kye ekare hamwe kutesha emigundu gya abhataka, 11nawe omutuurya waabhu no muheene nokubhahakania ekesi yabhu ku neebho.12Yerekererye omutima gwaazo gati wo kwegya na matwi gaabhu kumang'aana gobhung'eni.13Otarekia kweegya omwana,hano oramuteme kwe himbo,atakukwa. 14Nawe wuno okwenderwa kumutema kwa himbo no kuikoza omutima gwaye okukwa.15Omwanawane,kumutima yaazo gunezisoni,nosi omutima gwaane gukuzomererwa; 16agiro hane mosi bhukong'u harazomereerwa bhukongu emiinwa gyaane hano gikugamba eheene.17Otikirirya omutima gwazo kubhaseega bhano bhakusaarya,nawe gendererya kumsuuka tatabhugya ezisiku zyoosi. 18Heene okuganya kwaane ritakuurushibhwaho neezisiku zyaazo hano zikuuza.19Igwa-awe!-omwanawane,noobhe orasuuka nawerekeryeomutima gwaazo gati we enzira. 20Mtagwatana hamwe nabhagwatwa bha maarwa,hamwe abhari bhezinyama abhanaamba, 21kwokubha omunywi wa maarwa nomunamba bharabha bhataka ne ezitiro zirabhibhisha na amanyamuku gomweenda.22Mwitegerere wise wenyu wuno akwiibhuuri notamuzeera nyoko wenyu kwibhaga ryo bhukungu. 23Yiguure eheene,nawe atuguurya,gura obhusuki,okusuka nokwimeenya.24Uso wenye we eheene arazomererwa bhukong'u,wuno akumwibhuura omwaana wuno akusuuka aramuzomererwa. 25Muzomerye wise weenyu na nina weenyu na wuno akwibhuuri azomererwe.26Mwaana waane,niha omutima gwaazo nezimoni zyaazo zisomereryo ezinzira zyaane. 27Kwokubha omusimbe ni iruma itaambi,nomukaari wo musubhe wo owundi nkitaaro kinyerere. 28Arazobha kyomusakuri no kwongeryo obhubhaaru arabhongererya obhwaaru bhwa abhaatu.29Ninawe we enyako? Ninawe wuno akurugura?Niwi wuno akurwaana?Niwi wuno akwizumaangira?niwi wuno anebhiteme atarikung'aana?Niwi anezimoni ezikangaaru? 30Nibhano bhakwisuuka ku maarwa,bhaano bhakusakiirya kusanganiya amaarwa.31Otarorerera amarwa orabhe mkangaaru,neribhaga oranyeregeta nyeregeta kukisezo nokuhiringita kwa bhunyohu. 32Kubhusinziro bhwaye bhuraruma kye enzoka ne eriogo ryaaye kye rihiri. 33Ezimoni zyaazo zirarora ebhigoro ebhindi noo mutima gwaazo guragamba ebhigiro bhyo bhuhaari.34Orabha kya wuno ahindiri kunyaanza na kiego wuuno akuhindira kwikoonge.'' 35Bhanitemiri," orabhuga,''nawe ntanyaharikiri.Bhanitemiri,nawe ntigwiiri bhiteme.Ndabhuuka ryoori?Ndamohya kyo kunywa ekiindi.''
1Otabha ne erihari kubhabhihu,na otabha na mweekogwo kugwatana nabho, 2kwokubha ekoro yaabhu ereenda okureta eriyooge ne eminwa gyabho girareta enyaaku.3Kumangeni omugye gurombokwa nokubha na amanaga. 4Kumang'eeni ebhyumba bhyaku bhirizuribhwa ne ebhigiro ebhizomu no obhunibhi bhwokuzomerwa.5Omukimari amang'eni mukong;u,noomutu wa amang'eni arongerya amanaga gaaye; 6kwokubha kwobhukangati bhwa amang'eeni bhuranagya kukora eriihi no kubhatongeri abhaaru kuroho okukunda.7Amang'eni gari iguru yo omugye;atakwigura omunwa gwaaye kugamba kubhihita.8Areho wuno akwiseega kuhokya amabhihu bhara,mtoga omukuru wa mabhihu. 9Amiseego gomugege ni matemyo mabhihu na abhatu bhararegana no omutu wa nzeero.10Aribha urabha murosu no omwobha orusiku rwe nyaaku,omaga gaazo masuhu.11Nobhaturya bhano bhagegirwe kugya kusinzibhwa. 12Aribha oragaamba, 'Rora,tutamenyiri kyo kyosi iguru wa rino,''wuno akureengerya eziko atamenyiri ganookuhaya? Nawuno akuniibha obhuhoru bhwazo atamenyiri?Ho,Rioobha atakumuheene kyo wumwi kino akwenderwa.13Omwana wani,norye obhuuki kwokubha mbuzomu,kwookubha erineero ryo obhuuki ni zomereru hano okurisamaku. 14Obhung'eeni nibhwa bhorikumweeya gwaazo hano oraikomya,kino okwisiga ketakukubhura na orabha na kyokwisiigira.15Utaganyera kwokwitengera nkya abhabhisa bhano bhakurwania omugye gwo morema umweerakoro.Otasarya omugye gwaye! 16Kwokubha omoremo mweryakoro ahaagwa no kwimererira kirakabha tee muhungati no kwimoka kweki,nawe abhabhisa bharagwisibha no oruku.17Otazomerwa hano omubhisa wazo akugwa ne ekoro yaazo etazomerwa hano akwinyahara, 18orabha Yehova ararora nokwigwa kisi nokuruushya ebhitemo iguru waaye.19Mtasukibhwa kukubha ya bhatemya mabhihu no kubharorera enihari abhaatu abhabhisa, 20kwokubha omutu omubhihu atari nakyo kwisegera ne etara yaabhu erarima.21Omwanawane;mtunera Yehova,nokumwobhoha omutemi,atagwatana na bhaatu abhasariku. 22nkyiigo oruku rurabhatukirirania,niwewi wuno okumenya obhukuru bhwa enyaaku bhuno bhukuza kubhaneebhwe bhoosigo?23Gano mang'ana gabheene mang'eeni.Obhung'ahera kwokutena ekiina kwe emigiro etari kisi.24Wono akumubhuura omusarya, "Awee orikisi,'' arihimibhwa na abhaatu nabhyaaru bhera muragania. 25Bhano bhaku bhayogya kwokubharekya abhabhihu bhana nobhuzomererwa norubhango ruraaza kubhaneebhwa.26Wuno akuhaya gaaheene nkya wuno akubusu eminua. 27Tura kisi emirimo gyigutu,nokutura ebhigiro bhyoosi bhya kumuguundu kukubha yaazo.28Utarusha obhusaidi bhweekibhehi kuumunwa gwaazo. 29Utahaya, ''Enye ndamkora nkyeego yankorere.''30Nkagya haguhi no omugundu gwo omutobhu,nkaheta komuundu gwe mizabibu gwo muutu atana mang'eeni. 31Amahwa ngameriri ahagiro hoosiigo,ne erirobha nikabha rihunyirwe kwe erisurusuuta,ne enyiki ya amagina yaari ehomokiri.32Neho nkarirora nokwisega iguru waaye;nkarorere nokugee ameegibhwe. 33Nooraye kusuhu,suundagare kusuuhu, hindira nokukunya amabhoko kusuuhu- 34noobhutaka bhurakuhikaku kwo kegenda iguru wazo,nobhino waarikenda bhirabha nkya abhasirikare bha amasabha.
1Gano ni amagano go Sulemani,gaagwatirwe na abhatu bha Hezekia,omutemi wa Yuda. 2Obhweeru bhwe Eryoobha bhurabhisa ering'ana,obhweeru bhwa abhatemi bhuramenyekereerya iguru wa amang'ana. 3Kama erisaaro riri iguru weekyaro,ne ekoro yo omutemi etakurorwa.4Rusha obhuchafu kuzihera,no omuturi we ebhyooma aranagya kuhokeerya ezihera kubhuhokya bhwaaye. 5Hamwe na gayo,mubharusyeho abhatu abhabhi kumutemi,neekitumbe kyaaye kiguru kirakorwa kwa makokyo mazomu.6Otaza kwikumya omwene kumutemi,nootimerera ahagiro hano hakoriirwe abhakuru.7Hakiriku wuno akukubhurira, ''Nauze hano' kuriko awe okwisuukya kumukuru. 8Otamamana kutina kukino oruuzi.Kwokubha oraaza kukoraabhwi mubhuteero,eribhaga rino omunyarobho wazo akukusuukya?9Ihakanira omwene kumunyarobho wazo,otahaya siri ya mutu wuundi, 10kama tigo uno akukwiigwa arareeta ezisoni iguru waazo kwa amang'ana amabhihu gano gatakutiigwa.11Kukerenia amang'ana gano gakusorwa bhwahene,nkye edhahabu ino ekoriirwe kuzihera. 12Kye epete ye dhahabhu,naekigiro kino kikorirwe kwe dhahabhu enzomu,nigo okutwi kukurekiibhwa kwa bhuzomu.13Kye embeho emeezu eribhaga rye engesa,nigari omutu omuhene kubhano bhakumutuma,bharangaraara obhwikari bhwe ezimbwa zyaaye. 14Kya amasaro no omukama guno gutana embura,nigo eri ku wuno akwihemeera omubhano guno atarusiirye.15Kwokwikong'ererya omwimereri aranagya kubhuriirwa amang'ana mazomu gokusakirya.16Hano arabhone obhuuki,norye bhwaaru,nahno okuurya bhwaaru bhukong'u oraruka. 17Otagya wamunyaroobho wazo ibhaaga ryoosi,oramuniihya no okumutindya.18Uno akubhehera omunyaroobho waye ewe nkye erugu yookurwanira,au erisabha,nemibhwe emihari. 19Okumuroreera omutu atari omuhene eribhaga rye enyako nkyerino erirweeri,no okuguru kwokutereera.20Omutu uno arusirye ezingibho mumbeho,au nkyesumu ino eterwe mumunyu,nigo eri kuuno akwemba eryembo kuwekoro ekong'u.21Hano omubhihu wazo ana enzara,muhane ebhyakurya arye,aribha ne enyota mhane amanzi anywe, 22kwego oramwitiriira amakara mumutwe gwaaye,na Yehova arakuhana omubhano.23Obhuhene omukama gwa nyanza gurareta embura nigo omutu uno akuhurukya esiri arareta obhutindi. 24Ni hakiriku wikare mukona yo kwirongo kuriko okwikara nyumba imwe no omukari we eriyooge.25Kya amanzi ge embeho kwenyota,nigo eri enyanza enzomu kureka ekyaaro kya kure. 26Kyo omusobhogo guno gusarikiri,nigo ari omutu omuzomu wuno akugwereno neno mubhatu abhabhihu.27Etari bhuzomu kurya obhuki bhwaaru;kwego nkyokumohya obhuzomererwa kubhuzomererwa. 28Omutu wuno atakwitawaara nkyoomugye guno gukomokiri gutana rugito.
1Kyekitu eribhaga orwoya embura mwigesa nigo omugege akwenderwa obhusuki. 2Kyego shorowanda bharibhururuka nokumira ebhigunyo eribhaga ryo kubhururuka,nigo eri eraana yino etakwenderwa atakwituma.3Mujaredi bwokubha yefarasi,mkangati iguru wekitiri nehimbo iguru wo mugongo gyo mugege. 4Otamukyora omugege wae,nokugwatana omugege wae atabha kyanewe.5Omugege naagwatane no mugege waye, kwa amang'eni gameso gaye omwene. 6Wuno akutuma omwimereri kwokubhoko kwo mugege aratina maguru gaye omwene nokunywa.7Amaguru gomurema gararangaza hasi kumagano kumunua gwo mgege. 8Arasakya erigina muruzumyo nikisi nokumuha obhugungu omugege.9Erhwa rirasama kukubhoko kwomunywi kyamagano kumutwe gwa abhagege. 10Omutasi we mibhwe uno akunyahara omtu kyo mtu uno akunyahara omugege hamwe omutu wuno akuhita hagui nawe.11Kyego etembwa ekikyorera amaruki gaye mgo ari omugege uno akukyorera obhuzema bhwaye. 12Oramurora omutu omung'eni mumeso gaye omwene? omugege anobhusige kukira ewe.13Mtu omutobhu arabhuga ''Endwi erikunzira! Endwi eri gatigati wenzira ekuru!" 14Kyego ekiseku kikwiguka kuchapi zyaye, nigo ari omutu omutobhu kubhuriri bhwaye.15Omutu omutobhu aratura okubhoko kwaye mkufurira nahano atana nguru okwimukya kugya mumunwa gwaye. 16Omutu omutobhu niwamang'eni mumeso gaye omwene kukira abhatu muhungati bhobhumenyi.17Omutu wuno akugwatirira amatwi gembwa nigo ari omuhiti uno akubhona obhururu kwihi rino ntari ryaye.18Omutu omuyanga wuno akutasa emibhwe, 19nigo ari wuno akung'ena omunyarobho waye nokubhuga, ''ntahagamba amakoro?''20Okubhura ezikwi,omuriro gurarima;naharya hatana omugegi werihi aratiga. 21Amakara garagwatya omuriro nezikwi iguru womuriro, nigo ari omutu omutindi okugwatya erihi.22Amang'ana gombehi kyezimembe nzomereru zino zikwituma iyasi orubhara rwa mwosi wombiri. 23Ekirore kino kikundikirya ekigiro kyobhutoto kyeminwa gino gikuhya omutima omubhihu.24Wuno akutindira abharikyaye arabhisa obhubhi bhwaye bhomunwa bhurabhisa orurimi musiwaye omwene. 25Aragamba kwebhigongi, nawe otamwikirirya kwokubha anamatemyo muhungati kumutima gwaye. 26Ingabha obhubhi bhwaye bhikundikiribhe kwokung'enererya obhubhi bhwae bhurabha mwasi kwokwikumania.27Wuno akutuka omwobho aragwamu omwene nerigina riramusha wuno akurihuna. 28Orurimi ryombehi ruratindira abhatu bhakunyahara eminwa gyoorumi okusukya haguhi obhusarya.
1Otikumia kwiguru wa etabhori,nawe otakumenya orusiku ruraretaki. 2Omutu owondi arakumia nakutari munywa gwazyo omwene,nio omugini nagitari minwaa gyaye omwene.3Hegerera obhurito bhwe erigina na obhurito bhwa amarobha-obhutindi bhwa omutamutamu nibhurito kukira bhiyo bhyosigo. 4Bhuriho ukatili bhwo obhutindi ubhuhari okubha nobbhutindi nawe niwewi akunagya kwimerera mubhusho bhwe erihari?5Nihakiriku kwanga kwa mwasi kuriko obhusegi bhwo okwibhisa. 6Obhuhene nebhidonda bhiro bhikorirwe nomusani,nawe omubhi aratura kukubusu kwa kusabha omwabhire.7Omutu wuno ariri nokwiguta aranga erinena rye obhuki,hakiriku kuu mutu wenzara kira ekigiro kiruru nikizomu. 8Ekinyunyi kirirugura kureka mukinyumba kyaye nkyomutu wuno akubhura orubhara runo akwikara.9Pafyumu yorurumbesi garakora ekoro erazomerwa nawe obhuzomu bhwa omusani nibhuzomu kukira obhutongeri bhwaye. 10Otatiga musani wazo na musani wa wuso wenyu,notagya munyumba yomuhiri wazo gatigati worusiku rworuku rwazo nihakiriku omusani wuno ariho haguhi kuriko omuhiri wuno arikure.11Mwanawane,obhe na misego,omoyo gwane gurazomerwa;okumara ndakyora wuno akunsekerera. 12Omutu wamisego ararora enyako nokwibhisa omwene,nawe omugege arenderera kugya nokunyaka kwiguru wenyako.13Eribho kwokubha omwene araritura kyezimbirya kyo mwimereri wesiri yomugini rigege kwokubha aratura omwimereri wabhasimbe. 14Wuno akuhana omunyarobho waye orubhango kwe eriraka riguru etabhori zuri rubhango ruyo ruritegereribhwa kubha mihime.15Omukari we ryoga nama obhusunyutu bhwe embura yakimera; 16kumuribhira kyego okuribhira omukama hamwe kusakya kuigwata amaguta kwo okubhoko kwazo kwo obhuryo.17Ekyoma kuratarya ekyoma kwenzira yiryayira; omutu aratarya musani waye. 18Wuno akubhika mumuti ararya amatunduguru gaye nawurya wokumubhurira tata waye erasukwa.19Kyego amanzi gakugega ekiriri kye ekisho kyo omutu,nigo ego ekoro yomutu. 20Kwokubha nyari nobhusarya bhitakwiswa nigo ziri ezimoni zyo omutu zitakutura kwiswa.21Haguhi homuhero netumo kwe zahabu,nomutu atakusakibhwa kukumibhwa. 22Hano orabhe orakozakoza omutamutamu nomwisho-hamwe nebhyakurya nawe obhutamutamu bhwaye bhutakuhwa.23Wikare omenyiri obhukama bhwa ebhigoto bhyazo na onyake iguru wetumo yazo, 24kubha obhunibhi bhutakwikara kimera nawe omusanga gurikara kuziganda zyosigo? 25Amatu garabhuka nobhukuri bhuhya bhararoreka kubhiguru bhye ebhyakurya bhye emitugo bhirakumanibhwa musi.26Ezing'ondu zirakuha emibhoho gabhu nezimburi zirakuhana ekihiko kyo omugundu. 27Garabhaho amabhere gezimburi kubhyakurya bhyazo-ebhyakurya kumugye gwazo nebhyakurya bhya abhahhokya bhazo abhakya.
1Abhabhihu bhararyarya hatariho mutu wuno akubharyarya,nawe bhano bhakukura eheene niibhagumiru kyeendwi emura. 2Kwookubha yoobhusarya bhweesi,bhariho abhakuru bhabhu, kubha yoomutu woobhung'eni,noobhumenyi,erabhaho kweeribhaga itambi.3Omutu omutaka wokubhandirirya abhaatu abhandi abhataka nikyeembura yino ekuma yinoetakusagya bhakurya. 4Bharya bhakwanga emigiro bharakumia abhatu abhabhihu,kubha bhano bhakubhika emigiro bharitana iguru wabbhu.5Abhatu abhabhihu bhatamenyiri eheene,kwego bhano bhakumukyoma Yehova bharamenya kira kigiro. 6Hakiriku omutu omutaka wuno akugenda gatigati woomuheene kukira omutu omunibhi okumung'enererya gati wee zinzirya zyaye.7Wuno akubhika emigiro niimwana wuno akumenya kubha woobhumwe naabhasohu arasukya wise wabhu. 8Wuno akunyora abhweeni kwookurihya kyongerereryo ekuru arakumania obhunibhi bhwaye iguru woo wundi wuno akubha neebhigongi kuubhatu abhataka.9Aribha omutu arakoserya kure okutwi kwaye kwigwe emigiro,hata amasabhi gaye nimabhihu. 10Ewe wuno akumusarya kuubhwera gati weenzira yoobhubhihu aragwera kwiiruma ryaye omwene,kubha abhaheene bharabhona engabho nzomu.11Omutu omunibhi aratura kubha weheene mumeso gaye omwene,kubha omutu omutaka omwene obhumenyi bhuramukyomia. 12Hana kubhaa no kuhita kuubhano bhakukora eheene,kuna bhuzomu bhukuru,kubha hano bhatakugororoka abhabhihu abhatu bharibhisa abhene.13Wuno akubhisa obhubhi bhwaye atakunyora,kweego wookusabha nookutiga arerekibhwa ebhigongi. 14Arazomerwa wuno akwikara kwookusuka,kubha wuno akukora omutima gwaye aragwa iguru weenyako.15Kyeendwi yino ekung'ona hamwe edubu wuno akwisangirita niikyego omukarikati omubhihu wabhatu iguru wabhatu abhataka. 16Omukangati wuno akubhura obhumenyi nii mubhandirirya,kubha wookutindira ezisoni arabhaho ezyisiku zyaye.17Oribha omutu anobhubhi kwokubha yitiri amayinga goomutu,arabha muryari tee oruku naatakubhona wookumusakirya. 18Wookugya kuwobhuzomu arabha kisi kubha enzira yoo bhung'enererya aragwa bhwangu.19Wuno akukora emirimo mumugundu gwaye arabhona ebhyakurya bhyaru,wuno akutunurira emirimu gyoobhweene aranyora obhutaka bhukuru. 20Omutu omuheene atabhona orubhango rwaru wuno akunyora obhunibhi bhwaangu atakutura kubhona kwokibhwa.21Kutari bhuzomu kwerekya kugwera rubhara rumwe,nawe kweekitinika kyoomukate omutu arakora obhubhihu. 22Omuutu woo mwoyo aranguhya kubhunibhi,nawe atamenyiri niibhutakaki bhuaraza iguru waye.23Wuno akumuharira omutu araza kubhona fadhila nzaru kureka kwewe mumukumia bhukong'u kwoo rurimi rwaye. 24Wuno akumwembera wise wabhu naa nina wabhu nookubhuga, "Kuyo kutari bhubhi", niiwumwe wookusarya.25Omuutu woo mugone arasigirirya kutama kwigwana,nawe wuno akumuganya Yehova aranyora. 26Wuno akwisiga omwoyo ogwaye omwene nii mugege,kubha wuno akugya kwookusuka oraribha kubha noobhubhihu.27Wuno akubhaha abhataka atakusuhirwa kigiro,kubha wuno akubhahindirya ameso aranyora mihime maru. 28Abhatu abhabhi hano bhakugororoka,abhatu bbharibhisa abheene,nawe abhatu abhabhihu bharanyaharika,bhano bhakukora eheene bharinyongera.
1Omutu wuno abhweni obhurekibhwa bhwaaru nawe arahangararya ebhigoti byaye arabhunika mwosi we eribhaga iguhi na atakuhora. 2Abhatemia bha amazomu hano bhakwaruha,abhatu bharazomerwa,kweribhaga rino omutu omubhi hano akukangata,abhatu bhararwara.3Omweene kusega amiseego wise waabhu ewe arazomererwa,nawe wuno akugwatana na abhasimbe arasarya obhunibhi bhwaye. 4Omutemi arakongya ekyaro,kwe eheene,naabhe mwene kutunia ehongo arayingaragania.5Omutu wuno akwikangatirirya kumunyarobho waye aranyaragania oruwaya kumaguru gaaye. 6Omutu omubhihu aragwatibhwa mumuheto gwa amabhihu gaaye omwene,kweki wuno akuhokya eheene arembano okuzomererwa.7Wuno akukora eheene aribhagirira obhutunia bwo omutaka;omutu omubhi atamenyiri miseego kya gaaye. 8Mwene kusekerera aratura omuriro mumugye,kutiga baarya bheene misego barayikyoro.9OMutu mweene miseego hano hakuhangana no omutamutamu,arabhihirirwa no okuseka,kutakubhaho na obhuhoreru. 10Wekoro embhihu aramubhihirirwa mwene obhuhine na aratuna obwikari bwamwene.11Omutamutamu arerekya ekoro yaye,neno omutamutamu mwene misego arayigwata no okuyitindya omwenego. 12Aribha omukangati aritegerere orurimi,abhakuru bhaye bhoosi bharabha bhabhi.13Omutu omtaka no mubhandirirya bharatubhana,okubha Yehova arahana obhweru ameso gaabhu bhoosigo. 14Kyego omukangati aramusinzira omutaka kwo obhwitegereru,ekitumbi kyaye kye emiringa kirakongibhwa kiraka.15Ehimbo nobhurekibhwa erareta obhwisegi,nawe omwana arakyoribhwa aramsukya nina waabhu. 16Abhatu abhabhi hano bhakukangata,obhubhi bharongerya,kweki bheene kutemia eheene bhararora obbhugwi bwa abhatu abhabhi.17Noteme omwana wazo woosi arakuha obhuminyi;arareta obhuzomererwa kubwikari bwaazo. 18Butareho obhurori bwo obhuroti abhatu bharagya bhwabhubhwigo,nawe mwene kuiribha erihatika yeribhwe.19Omubhagati atakunagya kukyosibhwa kwa mang'ana,nawe yingabha aramenya bhutareho bwikirirya. 20Awe oramurora mutu mwene bhwaangu kumang'ana gaye? Bhureho obhwisigi bukonju kumutamutamu kutiga kwewe.21Omwene kumurera omubhagati waye kwemera obhumura,obhurumusiro bwaye erabha enyaako. 22Omutu mwene koro arasiigirirya eriyooge ne isebhugya omweenekoro bhukong'u aratemya amabhihu maaru.23Ekisubhe kyo omutu kiramwika haasi,nawe omwene ekoro yokwihomboha arahanwa obhusuukwa. 24Wuno akugwatarania no omwiibhi aratindira obhwikari bhwaye omweene;ariigwa amiihime nakweeki atakuhaya kyokyosi.25Ukumwobhoha omuutu ni muheto,nawe omweene wokumwisiga Yehova ariibhwe. 26Abhaaru bharabhumohya obhushu bhyo omutaaka,nawe akurweera ku Yehova araaza eheene kuneewe.27Omutu omwangiri ebhigiro bhya abhaatu niomubhi kwu bheene kuhokya eheene,nawe omweene enzera yeheene niomubhi kubhaatu abhabhiihu.
1Amang'ana ga Aguri omwana wa Yake-omutongeri:omutu wuyo akamubhurira Ithieli,kwa Ithieli nobhukari: 2Hene ndiho kyetienyi kukira omutu nantana bhung'eni bhwo omutu. 3Ntegiri kusuka,nantana mang'eni go obhuzomu.4Nawe ninewi wuno agiri iguru werisaro nokukyora hasi? Niwi akumenie omukama mumabhoko gaye?Niwi akumenie amanzi mukabhuti?Niwewi wuno akong'erye ezisonga zya ekyaro kyosi? Erina ryaye niwewi,ne rina rya omwana waye niwewi?Hene omenyiri!5Kira eng'ana yeryobha esakibhwe ewe ningubha kubharya bhakuryarira kunewe. 6Otongererya amang'ana gano,hamwe areakurekya,narakusukirya kubha mubhehi.7Bhigiro bhibhiri ndasabha, otabhyangira kunenye kukubha nkyari kukwa: 8Okwihema norurimi bhiture kure nanenye.Otaniha bhutaka hamwe bhunibhi,niha bhyakurya bhino nikwenda. 9Kwokubha ndibhona bhyaru bhukong'u ngakwanga awe nokubhuga, "Yehova niwewi?" nokubha ndabhe mutaka,ndibha nokuzera erina rye eryobha ryane.10Otazabhura omubhagati mubhusho bhwa tata wabhu,arakwihima norabhona amasemo.11Orwibhuro runo rukumurya wise wabhu kuzomererwa nina wabhu, 12orwibhuro ruyo nduzomu gatigati wameso gabhu abhene,nawe bhakyari kwogibhwa obhunyaka bhwabhu.13Ruyo ndwibhuro-kwigabhwi ameso gabhu ganebhigoti nezingohe zyabhu zimereri iguru! 14ruriho orwibhuro runo ameno gabhu mkyomuhyo nyambarya ibhiri namaguha gezisaya zyabhu nibhigeso,hamwe bhature kunyanyamura omutaka bhamurushe mukyaro nokwenda areke gatigati wabhu.15Ruba anabhakya bhabhiri, ''Rushao na Rushao'' bhararira.Bhireho bhigiro bhitatu bhino bhitakwiguta, bhine bhino bhitakugamba, Erisa'': 16Nyari,enda engumba,ekyaro kye enyota kwa manzi,nomuriro guno gutakugamba, "Erisa.'' 17Eriso rino rikumusekerera wuso nokumuzera nokwikirirya kwa nina,meso gaye garasondogorwa na nyamuko wamumwaro nararibhwa no uruhumi.18Bhireho bhigiro bhitatu bhino bhikundugurya, bhine bhino bhitamenyiri: 19enzira yoruhumi kwisaro;enzira yenzoka iguru weritare; enzira yemeri iguru wekoro wenyanza;nenzira hamwe nomkari omumura.20Yino nenzira yo omuri-ararya nokugya mumunwa gwaye nokuhaya, ''ntakoriri bhubhi bhuyo bhwosi.''21Iyasi webhigiro bhitatu mukyaro bhirarigita nebhine bhitakunagya kwikonge'ererya; 22omubhagati hano akubha omutemi;omunyaku hano akwiguta ebhyakurya; 23omukari wuno akubhihirirwa hano akurwera;omutumwa hano akugega omweya gwo omukuru waye.24Ebhigiro bhine mukyaro nibhisuhu nawe bhina misego: 25omuserere nikigiro kino kitari kigumiru, nawe kiratebhya abhyakurya bhyabhu kwibhaga ryetemwa, 26wibari bhitari bhigiro bhye ezinguru nawe bhirakora obhwikari bhwabhu kumatare.27Enzigi zitana omutemi,nawe zyosigo zinarugendo rumwe. 28Kwokubha nyaregara oratura kumukunya kwa amabhoko gazo abhiri, nawe bharabhoneka gatigati we enyumba yo omutemi.29Kuna bhigiro bhitatu bhino nigeni gatigati worugendo nabhine bhino nigeni gatigati kubhigiro bhyokugenda: 30endwi,yino yikeri gatigati wezityenyi-nawe atakwobhoha na kigiro kyokyosi; 31etewa eragenda kwa kwihema;emburi;nomutemi wuno abhasirikare bhariho embarika waye.32Kwokubha obhe nimunyaku wikurye awe omwene nakwokubha wari wimereri kibhi-tura okubhoko kwazo iguru womunwa gwazo. 33Kwokubha kutundya amabhere kurakora amaguta nerinyweru ryo omutu rirarusha amanyinga kwokubha ritemirwe,nawe amatemio garakorwa kwa bhutindi kwibhurya obhutindi.
1Amang'ana go omutemi Lemueli-amakumiriiryo gano yegiibwe nina wabhu. 2Mwanawane nihi?Niki omwana weenda yane?Niki omwana we ebhiroto byane? 3Ezinguru zyazo otabhaho abhakari;bhano bhakusarya obhutemi bhwe enzira yazo.4Lemueli,noonywe amarwa,etari kwookubha yo obhutemi,etari kwo abhakangati okubhurya, ''ekigwatwa ekihari kiri hayi?" 5Kwokubha aribha bharaanywa,bharebha erisinziro niiki, no okubhuurya obhuheene bhwa bhosi bhano bhanyaharibhwe.6Bhahane ekigwatwa ekihari abhatu bhano bhabhuriiri,amarwa kubhano bhakunyaharika no obhusungu. 7Araanywa no okwebha obhutaka bhwaye atakuhita enyako yaye.8Kereenia kubhano bhatakunaagya okukerenia,kumasabho ghabhana bhosi bhakubhura. 9Kerenia no osinzire kubhirengo bhye ehene,noosakiirye erisabho rya abhataka na abhatu bhano bhakuenda.10Omukari omukaari ni wewi akunaagya kumubhona?Obhuhoreru bhwaye ni bhwaaru kukira ebhigiro ebhizomu. 11Ekoro yo omusubhe waye eramuikirirya,atakubha omutaka. 12Aramukorera amang'ana amazomu ghatari amabhihu ezisiku zyosi zyo obhwikari bhwaye.13Arasora engibho na ethai,na arakoora amirimo gyaye gye amabhoko kwo obhuzomereerwa. 14Ariho kye emeri ya abhakori bhe ebhiasara,arareta ebhyakurya bhyiaye kurwa kure. 15Arimuuka eribhaga ryo obhutiku no okuhabha abhiakurya abhatu bha mumugye gwaye,nookusondya emirimo kubhahookya bhe ekikari.16Arariitegerera omugundu nokugugura,kwe eritunduguru rya amabhoko ghaye areemia omugundu gwe emizabibu. 17Ewe omwene ariibhoka ezinguru no okukoonya amabhoko ghaye.18Araroora ni kihe kikureta obhuera obhuzomu kunewe,obhutiku bhwosi etara yaye atakuriimibhwa. 19Amabhoko ghaye aragatuura kumukwaami gwo okuriiziriira obhuze no okugwatirira kyoo kuriiziriira.20Okubhoko kwaye kurabhahikira abhatu abhataka ;amabhoko ghaye garabhahikira abhatu bhano bhakuenda. 21Atakuobhoha omusoke kumuugye gwaye,kwookubha enyumba yaye yosigo ayibhohirye kwe engibho ekangaru.22Arakora amaaryo ge ekitanda kyaaye,nookuibhoha ezingibho ezinzomu zye ezambarau enzomu. 23Omusubhe waye amenyekeni mubhisyoko,hano akuikara na abhakaruka bhe ekyaaro.24Arakora amibhoho amazomu no okugaguurya, nirareta emichipi kubhakori bhe ebhiyasara. 25Yiibhohiri ezinguru no obhusuhi,ne eribhaga rino rikuuza araseka.26AArasama omunwa gwaye kwo obhusuki ne erisinziro ryo obhusambaruku riri kururimi rwaye. 27Araroora enzira ya enyumba yaye na atakunaagya kuurya amabhotoro go obhutobhu.28Abhana bhaye bharimuka no okumubhiorikira bhwahene,no omusubhe waye aramukumia,arabhuga, 29''Abhakari abharu bhakoriri bhwahene,nawe awe obhahitii bhosigo.''30Obhwihemi no obhung'enererya,obhuzomu no obhubhihu; nawe omukari wuno akusabha Eryobha,arakumibhwa. 31Mumuhe eritunduguru rya amabhoko ghaye ne emirimo gyaye gimukumie mubhisoko.
1Eriembo erizomu,ryw Sulemani.Omukari omusuhu hano akugaamba no omunyangi waye. 2O,hano wangambusirye na okunibusu kwomunwa gwazo,kwakubha okuruseega kwazo nikuzomu,na amatango gaye garakira amarwa. 3Obhuhuzereru bhwazo bhurihuzya bhuzomu,na erina ryazo ritubheni na amaguta gukwihuzya kyego gitiribhwe.Nikyo abhayangi abhasuhu bharakusega. 4Ndeenda ungege kuneewe,netung'ose.Omukari hano hakugamba omwene.omutemi yahiriri kukyumba kyigate waye.Omukari hano akugamba no omuyangi waye ndazomerwa kukubha yineewe,ntiga ntregerere obhuzomu bhwo obhusegani bhwazo;mbuzomu kukira obhusara.Etari bhukong'u abhakari abhandi okukusega.5Enye ni mwamu,mwamu neri nawe ni muzomu neri emwe ab hakya bha Yerusalemu-mwitubheeni ibhuru rya Kedari, nkye ebhitambara bhya Sulemani. 6Utandugura kukubha ni mumwamu neri,nkukubha yo mu bhaso gunio kirya abhana bha mayi wani bhakabha bhatindiri iguru wani,bhakankoro munibhi wa migundu gya mizabibu,no mugundu gwaani gwo muzabibu ntariribhiri.Omukari hano akugosorya no omuyangi waye.7Mburira,awe wuno nkusegiri,hano okurishirya emitugo gyaazo nihi?Nihayi emitugo gyazo gikumunyara kumubhaso?Kwaki ribhe kyauno akunyaka nyaka igati we mitugo gya abhasani bhazo?Omuyangi waaye akamkyoorirya.8Areebha otamenyiri,nkyeego ozomiri igati ya abhakari,ntunere,inyuma ye mitugo gyane,tee urishe ebhinana bhe zimburi zyaazo haguhi ne emigye gya abharisya.9Ndakuring'ania,omuyaangi wane ne efarasi enzomu enkari yigati we zifarasi zye zimotoka zya Farao. 10Ezitama zyazo ni nzomu no okwitonya kwazo,ebhigoti bhyazo ne ezisumbi zirikuzye ezhabu. 11Ndakukorera obhutonye bhwe ezahabu bhuno bhusangiribhwa ne ezihera.Omukari hano akugamba omwenego.12Eribhaga omutemi akubha ahiindiri kuriraari ryaye,obhwihuzirirye bhwaanebhukasanza munyumba. 13Omuyangi wani ndamuraengya ne enzubha ya amaguta gukwihuzya hano akuhenda kukikubha kyaani na kuzombere zyaani. 14Omuyangi wane kuneenye nkya esakwa ye ebhibharyo bhye mwibhuru kumugundu gwa emizabibu gye En Gedi.Omunyangi waye aragosorya nawe.15Rora,kyego ozomiri,omuyangi wani;rora,ewe ni mzomu;ameso gazo gatubheni nage kiguuti.Omukari aragamba no omuyangi waye.16Rora,awe ni mzomuori,omuyangi wane,ne eriraro ryeetu ni obhunyaki. 17Etimu ye enyumba yetu ni ye miti gye imierezi,ne erirengo rya kunyumba ni emiti gya emiberoshi.
1Enye ni kibharyo kutandari,nyinyoro mumwaro.Omusubhe aragamba nawe. 2Kwokubha nyinyoro erihaamwe ne enda,nih awe,omusegi wane,mubhaakya abhandi bhosi.Omukari aragamba omwene.3Kyo omuti gwo omupera guno guri mumiti gya mukiseku nigo omusegi wane ari mubhasubhe.Ndikara mukiriri kyaaye kwa bhuzomererwa,eritunda ryaare niizomereru kuumate gane. 4Andeteri mwigari rye ebhyakurya,orurembeera rwaaye kunenye no obhusegi.Omukari arakerenia no omusegi waye.5Ndahoera kwe ezikeki zya ezinyoongyo zino zisangibhwe na amapera.Kwokubha niondiri na ameega omukari aragamba omwene 6Okubhoko kwaye kwo obhumosi kuri iyaasi wo omuutwe gwane,nookubhoko kwaye kwo obhurya kurangwata.Omukari arakerenia na abhakari abhandi.7Ndenda obhurage,abhakya bha Yerusalem,kwing'ana rye izi mbara zya mwitirigo,kubha mutakusarya obhusegi bhwetu mpaka hano bhukutera obhwene.Omukari aragamba omwene.8Eriraka ryo omumega wane ndiyo!O,uno araza arabhururuka bhururuka kukiguru,arabhururuka mubhikerege. 9Omusegi wane nkye mbarahe au ekinene kye embarahe;rora,imereri inyuma wo rugito rwetu,aratangara kuhitira mwidirisha,arasomererya mumyeeya.10Omusegi wane arakerenia arabhuga,'' Imuka omusegi wane;omuzomu wane,tugye hamwe nanenye. 11Rora embeho ehitiri; embura ehuri egiri.12Ebhibhaaryo bhiziri mukyaro;eribhaga ryo okusuukya amasagya no okwemba kwe ekinyunyi kiziri,eriraka rye ekiguti zintegererwa mukyaaro kyetu. 13Omuti gwo omutini gunogirye ezitini zyaye zya kijani,ne mizabibu girasebhuka,girarusha bhuhuzu bhwaye bhuzomu.Gororoka,omusegi wane,omuzomu wane,uze nanenye.14Ekiguti kyane,kuumatare ga amagina ga simuka gabharukiri mubhiguru,tiga ndore obhushyo bhwazo.Tiga nigwe eriraka ryazo,kwokubha eriraka niizomu,no obhusho wazo ni bhuzomu.'' Omukari aragamba omwene.15Gwata bhanyamubhwe kwokubha yenyu,bhanyamubhwe abhasuhu bhano bhakusarya emigundu gye ezinyongo,kwokubha emigundu gya ezinyoongyo girakina.16Omusegi wane ni wane,nosi ni waye,ararya hezinyoro kwa bhuzomererwa.Omukari arakerenia no omusegi waaye. 17Nogye,omusegi wane,hano obhukama bhwe engorobha bhukyari kuhemba ne ekiriri kikyari kusama. Nogye zyaazo,nobhe kya ayara no omwana omusuhu we ekisoni kubhiguru bhya amagina amaaru.
1Obhutiku bhuyo obhuriri bhwane nihabha no obhuzomerwa bhwa uno nisegiri;nikamohya nawe nta,mbweni. 2Nikabhuga mkoro, ''Ndabhuka nigye nihite kumigye,kuhitira kumitera ndamohya.'' Kamkomya, nawe tambweni.3Abharindi bhakambona hano bhahabha kumugye.Nikabhabhurya, ''Kamkomyanawe tambweni omuyangi wane?" 4Niho ibhaga higuhi niho nikabhahita nikabhona uno nari nisegiri.Nikamugwata tamtigiri tee kamhira yika kumai wane,akaigega enda.Omukari akagamba nabhakari abhandi.5Ndenda muhane,abhakya bhasubhe bha Yerusalem,wamwitirigo,kwokubha mutabhuruganywa amega getu tee gahwe agene.Omusubhe omusuhu akagamba omwene.6Niki ekusoka nyikani tee nguzo zya muriro,noomugundiriryo hamwe nobhutu bhokuranga bhuragulibhwa naabhakari bhe bhyasara. 7Rorerera,obhuriri bhwa Sulemani;abhahari mirongo esasabha bhiruguriri,abhasirikare bhikwi bhisasabha bhe Israel.8Ebho bhamenyiri masabha na bhang'eni bhakuruana.Abhasubhe bhana esabha embarika,bharirinda na amang'ana gobhutiku. Omutemi 9Sulemani akiyombokera ekintukyo kyo omtemi kyo kumugega ne zimbau zya Lebanoni.10Ezitimu zyaye zikombokwa kwahela;Inyumba kikaturwaho dhahabhu,ekitambara kya zambarau.Musi wae kitonyire nobhusegi bhwa abhakya na abhasubhe bha Yerusalemu.Omukari omusuhu akakereniya na abhakari bha Yerusalemu 11Mugye habhori abhakya bha abhasubhe bha Sayuni,na mrore omutemi Sulemani,akibhohibhwa ekofia rino nina wabhu akamwibhohya orusiku ryo nyangi yaye,kwokubha orusiku ruhabha ryabhuzomererwa.
1O,awe ni muzomu, musegi wane;awe ni muzomu.Eziimoni zyazo nzya kiiguti inyuma ye kitambara kyazo kyo obhusyo.Ezinzweri zyazo nkya erihizo rye ezimburi zikugya hasi mukiguru Gileadi.2Ameno gazo nkye ezing'ondu zino zimwirwe,zikureka ahagiro hookwisabha kira eimwe ene ezimbasa,na etariho kuu zyosigo yino yakwererwe.3Omunwa gwazo nkyo obhuze obhukangaru;omunwa gwazo guzomeri ezitama zyazo nkya amatu gaa makomamanga inyuma wekitambara kyazo kyo obhusyo.4Erigoti ryazo kyoo musonge gwa Daudi guhabha gwombokirwe kwe emikiriri gya amagina,nangubha kikwi kimweri turungyaza iguru waye,ezingubha zyoosi zya abhasirikare. 5Ezimbere zyazo ibhiri nkye ezisoku ibhiri,eziimbasa zyaa embarahe bhararya kubha minyoro.6Engorobha ehike nee bhiri bhirekeho ndagya kukiguru kya ezimbirya na ebhiguru bhwa omugundiriryo. 7Awe ni muzomu kuu hayo hasi musegi wane na gatariho masoro kuu nawe.8Nauze na nenye kureka Lebanoni,omwenga wane. Nauze nanenye kureka Lebanoni;nauze kureka iguru wa bhikirirania,kureka iguru wa Seneri na Herimoni,kureka mwiruma rye endwi,kureka mumaruma ge ekiguru kya chuwi.9Wibhiri ekoro yane,musubhati wane,omwenga wane; wibhiri ekoro yane,kwo kurora okumwe kwazokuunenye,kwo omusanga ogumwe gwe erigoti ryazo.10Nibhwi obhusegi bhwazo kyego bhuri obhuzomu,musubhati wane,omwenga wane! Nibhwi obhusegi bhwazo kyego bhuri obhuzomu kukira amarwa noobhusuzu bhwo bhuhuzu bhwazo kukira obhuhuzu bhwobhosi. 11Eminwa gyazo,omwenga wane,aragera bhuki;bhuki na amabhere bhiriyasi woorurimi rwaye obhuhuzi bhwa amibhoho gaye nkyorurumbezo rwa Lebanoni.12Musubhati wane,omwenga wane ni omugundu yino ebhohirwe,omugundu yino ebhohirwe no omusobhogo yino ebhohirwe no orubhaso. 13Amatu gazo ni kisaka kyee miti gya erikomamanga gye emisumo gino gitatubheni na gye emiti hina na nardo, 14Nardo na Zafarani,amajani no omudarasini hamwe nebhigiro bhyo omugundiriryo, noobhuhuzu naa udi nookutiga okutabhana noobhuhuzu.15Awe no mugundu gwo omusobhogo,kitaro kya amanzi amazomu,emigeri gino gikuhiringita kureka Lebanoni.Omukari omusuhu aragamba ewe omwene. 16Bhuka,obhukama bhwa range;nauze,obhukama bhwa mamu;hita mumugundu gwane obhuhuzi bhwaye bhurusye orurumbeso.Musani wane yize mumugundu gwaye arye emisumu kwookusora kwaye.
1Niziri gati woo mugundu gyane,musubhati wane,omwenga wane;Nikumenie udi bhwane na ekikaro kyane.Niriri omutana gwane gwoobhuki bhwane;Ninywiri amarwa gane hamwe na amabhere gane.Bhasani bharakerenia naa abhasani murye,abhasani;munywe nokugwatwa naa bhasegi.Omukari omusuhu arakerenia omwene.2Nihabha nihindiri,nawe omwoyo gwane guhabha gubhukiri gati we bhiroto.Eriraka ryo omusani waye kuhakana nokubhuga, ''Nigurire,omusubhati wane,omusegi wane,ekiguti kyane,wuno atana eribhati,kwokubha omutwe gwaye kuzaziri naamatoronyoko ezyinzweri zyane nee kimeza kyoobhutiku.''3''Nirushirye eribhoho ryane;kuhatika nibhohe kweki?Nisabhirye amaguri gane;kuhatike nisarye?" 4Omusani wane aratura okubhoko kwayo kuukibhakuri,noomwoyo gwaye gukawaka kwe eribhaga ryaye.5Nibhukiri kumwigurirya omuryango omusegi wane;amabhoko gaye gakabha kwitururuka noo udi,ebhyara bhaye neekimeza kyo udi gati ekibhongoiro kyo mryango.6Ndamwigurira omuryango omusegi wane,nawe omusegi akikyora nookugya mumwoyo gyane gukatubhira,nikabhurwa obhwisige.Nikamukomya,nawe ntamunyoriri;nikamubhirikira nawe antakyoriri.7Abharibhi bhano bhahabha bhakirugura mumugye,bhakakyora enye;bhakantema hasina kuninyahara;abhasirikare gati wee nyiki bhakangega ezyingibho zyabhu zyi iguru.Omukari omusuhu akakerenia naabhakari bhoo mugye.8Ndenda obhurage,abhasubhati bha Yerusalemu,kubha muramurore omusegi wane,mumubhurire ndwariri kwoobhusegi bhwaye kunenye.Abhakari bhoomugye bharakerenia namukari omusuhu.9Omusegi wazo nahakiriku bhukong'u obhusubhe abhandi,ewe wurya omuzomu gati waa abhakari?Kwaki omusegi wazo ni muzomu bhukong'u kukira omusegi owundi,hamwe otubhurye tuture nadhiri yino?Omukari omusuhu arakerenia na abhakari bho omugye.10Omusegi wane azomeri noo kuzoma,gati ya abhasubhe ebhikwi ikumi. 11Omutwe gwaye ni eng'ina erizomu,ezyinzweri zyaye niinyohu;neezimwamu kya nyamuko.12Ezyimoni zyaye kyee ekigoti embarika mwee emwaro gya amanzi ,gogibhwe na mabhere,gakorirwe kyee misanga.13Ezyitama zyaye kye bhitanda bhoo esango,bhino bhikurushya obhuhuzu bhwo bhubhuzu.Eminwa gyaye minyororo gino gikugera udi.14Amabhoko gaye ni emuti gye erigina gino ginogoribhwe misanga;enda yaye ni orubhara runo rwakundikiribhwe kyee rangi yino esangibhwe.15Amaguru gaye nii etimu zya marimari,yino yaturirwe iguru ye rigina erizomu;obhurorekano bhwaye kyaa Lebanoni,emizomu kya emiti.16Omunwa gwaye ni muzemereru;ni muzomu bhukong'u.Wunu ni mwega wane,na wuno ni musani wane,abhasubhati bhaa Yerusalem.
1Omusegi wazo agiri hayi,ari omuzomu mubhakari?Kwanziraki omusegi wazo agiri?tumumohye na nawe?Omukari omusuhu arakerenia omwene.2Omusegi wane agiri mumugundu gwaye,kubhuriri bhwa obhuhuzu obhuzomu kugenda kurya mumugundu nokukumania nyinyoro. 3Enye no omusegi wane,no omusegi wane;nirarya kunyinyoro kwo obhuzomu,omugega wo omukari arakerenia nanewe.4Ewe ni omuzomu kya Tirza,omusega wane,ozomeri kyego Yerusalem,wokukanga kye erijeshi rya orubendera kubhukangati.5Kosya ameso gazo kure nanenye,kwokubha gaherirye obhuhari,neeezinzweri zyazo ni kye rihizo rya ezimburi rikwituma iyasi kurwa kukihiringito kye ekiguru kya Gileadi.6Ameno gazo nikya erihizo rya ezing'ondu rikituma kurwera ahagiro wakwisabiribwa.Kilo oumwe ana ezimbasa,na atareho nabhe wumwe wuno akwererwe. 7Ezitama zyazo nikya amatu go omukomamanga orubhara rwe ekitambara kyazo,kyo obhusho.Omumega wo omukari arakerenia ewee omwene.8Bhareho omutemi omukari,mirongo esasabha,abhagegwa mirongo enane,na abhakari abhasuhu bhatana kitema. 9Bhiguti bhyane,kitana kikuna wane,niwe omwene;ni mukya wa heene wa nina wabhu:Niwe omusegwa wa omukari wuno amwibhiri abhakya bha abharikyane bhamuruzi no okumubhirikira omuhakwa;no omutemi omukari wa abhagegwa bhakamurora kweki no okumukumia kino bahayiri wo omutemi omukari na abhagegwa.10Ni wewi wuyo akwiyerekenia hano kukukya,muzomu kyo omweri,ara harura kyo omubhaso,arasigirirya kye bendera yabhasirikare?''Omusegi wo omukari arakerenia omwene.11Nigiri mukiswa kye emiti gye emirozi kurora emiti emisuhu girakura kumwaro,kurora kye emizabibu gikumbwiri,na kye emikomamanga kisebhukiri. 12Niabhanga nina obhuzomererwa nikiyigwa kyamuna nigegeri ematoka ye ngamia yo omuriro gwo omutemi mumega wo omukari arakerenia nawe.13Ikyosya kumuhutato,ikyosya kumuhutato,awe omukari wa henehene;ikyosya kumuhuteto;ikyosya kumuhuteto ninagye kutangarira.Omukari omusuhu arakerenia no omusegi waye kwaki oratangarira,omukari wa henehene kyo okubha,nikabharanira mumikiriri ebhiri gya abhabhini?
1Nigabhwi amaguru gazo kyego gakuonekana mazomu mubhirato omukya wo omutemi! Ebhitangato bhyazo nikye mikufu kye kazi yomwomboki.2Omukundi gwazo nikyeriduara ryeribhakuri,kyego kitige kubhurwa omuchanganyiko gwa amarwa.Enda yaye nikyego eng'ana yino ehimbiri nokuzungusibhwa nyinyoro.3Amabhere gazo abhiri nikya abhana abhabhiri bha ayara,ezimbasa zya ayara. 4Erigoto ryao nikyomunara gwe hembe;ezimoni zyazo nikyamabhere ga Heshiboni kwirango rya Bathi Rabimu.Erinyweri ryazo nikyomunara Damasko.5Omutwe gwazo nikye Karmeli;ezinzweri kumutwe gwazo zya zambarau emwamu.Omutemi akatangara kubhikundiko bhezinzweri zyaye. 6Nigabhwi arimuzomu no wokuzomera,omusegi,no muzomu gazo.7Obhutambi bhwazo nikyo muti gwo mutende,namabhere gazo kya amayungu gamatunda. 8Nikisega,hirenda akugwemiya omuti guyo gwo mutende;ndaza kugwata amatu gaku.'' Amabhere gazo gabhe kye bhifungu bhe mizabibu,neharufu ya manyweri gazo obhe kya mapera.9Omunwa gwazo gubhe kya amarwa amazomu,gurituma ng'orang'ora kuu musegi wane,gukuterera kuminwa gyetu na meno.Omukari omusuhu akugamba omwene.10Enye niwe omusegi wane,aranigamba. 11Nawe omusegi,tugye iguru wo mugye;obhutiku turahindira kubhijiji.12Twimuke zuri tugye kumigundu gye mizabibu;turore rabhe emizabibu gimereri,rabhe gisebhukiri,rabhe mikomamanga girushirye ebhibharyo.Harya ndakuhana obhusegi bhwane.13Emitunguja girarusha obhuhuzu bhwaye;ekiseku kino hikwikara kina matunda,gosi amahya na gekare,gano nikutunziri,omusegi wane.
1Nisegiri wungabheri kya mura wetu,wuno yakokiri orubhere rwa mayi.Kwokubha ningakuruzi igutu niari ndakumesa atariho omutu wo okumizera.2Ndakukangata no okukureta munyumba ya mayi no oraniegya.Ndakuha amarwa ghano ghatunduriri oonywe ne ejuisi ya amasisye,omukari omusuhu arigambira omwenego. 3Okubhoko kwaye kwo obhumosi kuriiyasi wo omutwe ghwane no okubhoko kwaye kwo obhuryo kunigwatiri.Omukari akakerenia na abhakari abhandi.4Nirenda murye emuma,abhakya bha abhasubhe bha Yerusalem,kubha mutakusarya ameega getu tee gahwe agene.Abhakari bha Yerusalem bharagamba.5Niwewi wuno akuza kurwa mutendari yigwatirirye kumusegi waye? Omukari omusuhu aragamba no omusegi waye nikuimukirye iyasi wo omuti gha amapera;hano nina wenyu yagegiri enda;harya yakuibhuri,akakuibhura awe.6Nikyo omuhiri mukoro yazo,nikyo omuhuri kukubhoko kwazo,kwookubha amega gana ezinguru kyo oruku. Amega amarito gatana kukyoora kyo okugya nyaari;obhweru bhwaye bhueabhururuka;nio obhweru bhwo omuriro bhuno bhukuaka,obhweru bhuorusya kukira omuriro guyo gosi.7Obhusegi bhwaye bhurazeerwa,Bhawa mwabhu bhe ekisubhe bhe kunina wabhu omusuhu bharagamba abhene.8Tuna wa mwetu,wa ekikari omusuhu na ezimbere zyaye zikyari kukura.Turamukoreraki musubhati wetu runo akuyingibhwa?9Aribha nie kibhambazi,turamuombekera iguru waye ekinozi kye ezihera.Aribha ne ekiseku,turamuzomia na ezimbao zye emierezi.Omukari omusuhu aragamba omwenego.10Nihabha ekibhambazi,nawe ezimbere zyane bhono nikyo orugito orukong'o;kwego nikongiri mumeso ghaye.Omukari omusuhu arigambira omwene.11Sulemani ahabha no omugundu gwe emizabibu eyo Baali Hamoni.Akabhagurirya bhayo bhano bhakuriangariya kwo owumwe arenderwa kureta shekeri kikwi kimwe kye ezihera kumisumo gyaye. 12Omugundu gwane gwe emizabibu niogwane,shekeri kiikwi kimwe ne eziazo, Sulamani musegi,ezishekeri magana abhiri zya bhaarya bhakuangarira emisumo gyaye. Omusegi wo omukari aragamba nanewe.13Ewe wuno okuikara mwisiku,bhsani bhane bhariitegerera omumiro gwazo,tige nosi niibhe wuno akuitegerera wosi.Omukari omusuhu arakerenia no omusegi waye.14Yanguhiya,omusegi wane,obhe kye esoku awe omwana we esoku kuukiguru kyo obhuhuzu.
1Omugye guuno ekaare guhaabha nabhaatu abhaaru bhoone gwikeeri ogweenego.Abheeri kyomuguumba,nawe kihaabha kyaaro kikuuru.Ahabha omwaana womutaake gatigati yebhaaro,nawe bhoona ahatikirwe mubhubhagaati. 2Ararira no kwaraama obhutiiku,nezingusuryi zaaye zirakundikirya ezitaama zaaye.Atariiho omusegi waaye wuuno akumusakirya.Abhasaani bhaaye bhoosi bhamwangiiri.Bhabhehi bhabhiihu bhaaye.3Kugaayo obhutaaka nenyaako,Yuda agiiri mukibhohe.Arikara gatigati ye bhyaaro atakubhona kumuunya kwokwosi.Bhaano bhakubharyarya bhabhabhweni gatigati omweenego bhwaaye.4Ezinzirya zya Sayuni ziraraama kwookubha atariho wuno akuuza kunyaangi yiino ekorirwe.Ebhiseeku bhyaye bhyoosi bhine kibhuuro.Abhasengeri bhaaye bhoosi bhararagura.Abhasubhhati bhaaye bhaana ebhigoongi na neewe omweene ariiyo kumakong'u. 5Abhabhiihu bhaaye bhabheeri bha tata bhaaye;abhabhihu bhaaye bharabhoona.Eryoobha rimuhukumii kubhubhihu gaye ezinzaru.Abhana bhaaye abhasuhu bharagya mukibhohe kubhabhiihu bhaaye.6Obhuzomu utigiri omuukya wo Sayuni.Abhana bho omutaake abheeri kyeego ayala ewuno ataruuzi hagiiro,na bharagya bhataana kubhaana bhakubharyaarya.7Kuzisiiku zye nyaako yaaye na kutahabha nenyumba,Yerusalemu erahiita ekibhumbiko zaaye zekaare ziino ahaabha nazo ekare Eribhaga abhaatu bhaaye haano bhakagweera mumabhoko ga abhabhihu,atariho wuno yamusakirya.Abhabhiihu bhakabharora nokubhaseka ezinyaako zyaaye.8Yerusalemu ekakora ebhibhi bhoosi,kweego bhoono,asukiiri kyee kigiro ekibhihu.Bhoosi bhaano bhahamusuuka,bhoona bharamuhenenera kwookubha bharuuzi eking'aabhi kyaaye.Ararumiika nokusakya okwikyoora embarika. 9Abheeri omunyaaka iyaasi wezituugu yaaye.Atanagiirye ewe omweene.Okuugwa kwaaye kuhaabha kubhiihu.Atahabhaaho wokumburya.Akarirya,''Rora enyaako yaani,Eryoobha,kwookubha omubhi abheeeri omukuru woosi.10Omubhi ateeri okubhooko kwaaye kukibhumbiko bhyaabhu bhye kaare.Aruuzi ebhaaro bhirasikiira ahagiro haaye hobhweeru,nawe akabhurira bhatasikira kuhagiiro haazo hokwikumanira.11Abhaatu bhoosi bhakarumiika haano bhakumohya mkate.Bharusirye ekibhumbiiko kyaabhu kyekaare kwe eriibhaga ryebhakuurya okukyoora obhuhooru bhwaabhu.Norore,Eryoobha,onihiite enye,kwookubha mbeeri ntaana obhweera. 12Ntakurora kiigiro kunawe,mwoosi bhaano mukuhiita?Mahiriira noroore araabhe nebhigoongi bhiino bhikuninyakya naabho,bhweema Eryobha araninyaakya enye kuzisiiku obhururu zaaye ezihaari.13Okuurwa iguuru niiho akatuuma omuriiro kumaguha gaani no ontamiiri.Yariirye orweero kumaguru gaani nokunikyoora.Anikoriri nekibhweero nobhunyoohu. 14Erikeena ryobhubhi gaani ribhohiirwe mumabhooko gaaye.Zisukiirwe nokutuurwa mwigoti ryaani.Akoriri obhunaagya bhwaani bhuuri.Tatabhugya aniteeri mumabhoko gaayue,na ntakunagya kwimerera.15Tatabhugya arekeeri embariika abhasuubhe bhaani bhaari bhaano bhakandoora.Abhirikiri esaango iguuru yaani okukooza abhasuubhe bhaani ekikong'u.Tatabhugya abhataziiryi abhaakya abhasubhati bha Yuda kukigiiro kyokuseera amaarwe.16Kubhigiiro bhino ndariira.Ameeso gani,amaanzi garituma haasi yameeso gaani kyeego omwibhisi wuno yaari okukyoora obhwikaari bhwaani arikuure na neenye.Abhaana bhani bhabheeri nekibhuuro kwookubha omubhiihu waane ahitiiri. 17Sayuni anyarageenie amabhooko gaaye;atariho wokubha aramusakiirya.Eryoobha abhabhuriri bhano bharihaguuhi-ku Yakobo bhaabhe abhaabhi bhaaye.Yerusalemu nikigiiro ekinyaaka kuneebho.18Eryoobha eryeene ni obhuheene,kweekubha ntigiiri iguru yerihatika ryaaye.Mwitegerere,emwe abhaatu,na muroore ebhiogoongi bhyaani.Abhasubhati bhani na bhasuubhe bhakiisi bhagiiri mukibhohe. 19Nkabharikiira abhasaani bhaani,nawe bhaha abha nobhung'eeni kuneenye.Abhasengeri bhaani na bhakaruka bhakanyaaka mumugye,haano bhahabha bharakomya ebhyakurya bhyokukyoora obhuhooru bhwaabhu.20Rora,Eryoobha,kwookubha ndikubhukong'u;enda yani eraruma,ekooro yani esuhiiri mwoosi waani,kwookubha nibheeri wokutiiga kyeego.Igutu, yerisabha riramurirya maayi,mwoosi wenyuumba gariimu oruuku orwene.21Bhigwiiri okurumika kwaani,na atariiho wokunisakiirya.Abhabhiihu bhaani bhoosi bhigwiri ezinyaako zyaani nabhazomererwa okunkorera ego.Oretiiri orusiku rwo bhuraage;bhoonotiiga bhaabhe kyeego enye. 22Tiga obhubhi bhuuze embeere waabhu.Nokoore nabho kyeego wakoriri na neenye kwookubha nenyaako yaani yoosi.Amarumiko gaani ni maaru nekooro esezekiri.
1Tatabhugya amukundikirye omuukya wa Sayuni iyaasi we erisaaro ryo obhutindi bhwaye.Atuheeri obhwaare bhwa Israeli hasi kurwa mwisaaro tee mukyaaro.Nawe atahiitiri ekitumbi kya amaguru gaaye kuzisiiku zya obhutindi bhwaye. 2Taatabhugya amiiri obhwikari bhwoosi bhwa Yakobo,ataaruzi bhigongi.Agwishirye ezinyiki zyoomukya wa Yuda; kubhutindi bhwaayeAnyanyamuri tee hasi kweezisoni obhutemi na abhabhagati bhaye.3Kwoobhururu obhuhaari atiniri ezihembe zya Israeli.Akorirye Yakobo kyo omururo omuhaari guno gukwokya no okurungurya kira ekigiro kino kirihaguhi waaye. 4Kyoomubhisa okumbiri obhuta bhwaye kunetwe,Yimereri no okubhoko kwaye kwo obhuryo kyoomubhisa;Wosi yitiri bhyayo bhosi bhaari bhategeerye mumeso;Mwiihuna rya mumuka wa Sayuni yiitururi obhururu bhwaye kyoomururo.5Tatabhugya abheeri ituubhyo rya abhabhisa.Amumiriri Israeli.Amiriri na amanyumba gaye goosi.Azisarirye ezinyiki zyaye;amwongerye emuukya wa Yuda ekiriro na obhurariri. 6Arwanirye erihuuna ryaye ryokusikaniramu kya akanyumba kasuhu ka mukagundu keezinyinyi.Asariryeahagiro hokusikanira.Yahwe akoriri obhwikumania no orusiku ryo obhwoyo okweebhwa Sayuni,kwookubha amuregiri omutemi na omusengeri kubhuhari no obhutindi bhwaye.7Tatabhugya yangiri erisengerero ryaye na okwanga ahagiro ho obhwaare.Eteeri ezinyiki zya ezinyumba zyaye mumabhoko ga abhabhisa.Bhatirirye eriiraka mu nyumba ya Yahwe,kyo orusiku rwe enyangi.8Tatabhugya yendiri okusarya enyiki ya omuukya wa Sayuni.Arugoroori orusiri ruyo,atabhiri okubhoko kwaye kutige kwita.Nawe akoriri eribhanza neenyiki kurira,bhosigo hamwe bhirasinyionda. 9Amiseego gaye gatubhiiri mukyaro,asairye amiigariro ge ekiseku na okugabhuna.Omutemi waye na abhabhagati bhaye bhariikara mubhaaro bhino bhitana migiro,hee!abharoti bhate bhatakubhona bhirooto bhino bhikurwa kutatabugya.10Abhakaruka bha abhakya bha Sayuni bhekari hasi bharakira kiri.Bhimusiri oruteeri mumitwe gyabhu nookwibhoha amagonera.Abhakya bhano bhakyaari kumyenya bhasubhe bha Yerusalemu bhahinyiri emitwe gyabhu hasi.11Ezingusuri zihhwiiri mumeso gane;enda yaane eroromoka;ebhyamunda bhaane bhitikiri hasi kwookubha yoobhusarya bhwa abhakya bhaabhaatu bhaane,abhaana ne ebhing'erere bhasezekiri muziroobho zye migye. 12Bharahaya kubhanina wabhu,''Eziimbibho zirihayi na amarwa?''kyeego bhakusezeka kyoomutu wuno anyaharirwe mu ziroobho zyo omugye,obhuhoru bhwabhu bhwitirwe mubhikubha bhya bhanina wabhu.13N iki nikutura kugamba kwawe,omuukya wa Yerusalemu?Ndanagya kukutuubhania nakli,nikore ozomererwe,omuukya wa Sayuni wuno okyaari kumenya musubhe?Ekibhohe kyazo ni kikuru kyeenyanza.Niwi akunagya kukutuurya? 14Abharooti bhazo bharuzi orurimi neebhiroto bhyoorurimi ebhyazo.Bhatarekenie mwasi ebhibhi bhyaazo okukyoora ebhigiro bhyaazo,nawe kunaawe bhahurukirye obhugambi bhwoorurimi na bhwookuhabhya.15Bhoosi bhano bhakuhita embarika we eribharabhara bharatema ezikubhi kwawe.Bharazuma no ukusingisya emitwe gyaabhu iguru wo omuukya wa Yerusalemu no okubhuga,''Guno nigwe omugye bhaarikubhirikira,'guhikiri kubbhuzomu,' 'Obhuzomererwa bhweekyaaro kyoosi?'' 16Abhabhisa bhazo bhoosi bhakataanurya eminwa gyabhu bhakakusekerera.Bhakakukumura no okusyanania ameno naho bharabhugha,''Tumumiri ewe!Runo ni rusiku runo twaari kuganya!Tubheeriho tunagirye kururora!''17Yahwe akoriri kyego yayisegiri kukora.Ahikirye eng'ana yaye.Akugarabhuri na amabhiira zei,kwookubha amwikiriirye omubhisa okukuginihya;agororokirye eziheembe zya abhabhisa bhaazo.18Eziikoro zyabhu zikamuririra Tatabhugya,ezinyiki zya omukya wa Sayuni!kora ezingusuri zyazo zigere hasi kyo omwaro obhutiku no omwisi.Ohana hakiriku,emeso gazo gataza kubha na hakiriku. 19Gororoka,urire obhutiku,kubhutangi bhwoobhutiku bhwa nyagino!Itira omoyo gwazo kyaamanzi emere wo obhusyo bhwa Tatabhugya.Gororokya amabhoko gazo iguru kwookubha yoobhuhoru bhwa abhana bhazo bhakusezeka kwe enzara kuzinyira zye ezirobho zyosi.20Rora,Yahwe,ohiite bhayo okoreri gano.Abhakari bharye eritunduguru ryo orwibhuro rhwabhu,abhana bhano bhanyorekiri?Abhasengeri na abharoti bhagwagwe ahagiro hoo bhwaare bhwa Tatabhugya?21Abhasuuhu na abhakaru bharikara kubhutoto bwe erobho.Abhakari bhane abhasuhu na abhasubhe bhane abhasuhu bhagwiri kwoobhwoge bhwoomuhyo;gubhagwagiri gatabheriho maabhira. 22Ozibhirikiri, kyakuzisiku zya esango ye ebhyakurya,ehaho yuane yiize mbaara zyoosi,nawe atareho rabhe wumwe wuno ahoriri hamwe asagiri kuziisiku zyo obhutindi bhwa Tatabhugya;bhano nagegiri no okubharera omubhisa wane wuyo abhanagirye.
1Enye ni musubhe wunoniruzi enyako iyaasi we ehimbo yo obhururu bhwa Yahwe. 2Anihebhiri na kukora nigande mukirima kutiga mubhwerui. 3Hene anikyosarye okubhoko kwaye iguru wane kweki,rusiku rwoosi. 4Akoriri omubhiri gwane na erisaro ryane kunywerera,abhumiri amaguha gane.5Yombokiri ezitumo zyo obhutoto iguru wane,na kunigutirirya kwa bhururu na obhukong'u. 6Akoriri ni kare ahagiro hekirima,kyego bhayo bhakuri ekare. 7Yombokiri enyiki kunirugutirirya,na ndakunagya kung'osa,akoriri eminyororo gyane mirito. 8ni ngabha ndabhirikira na kuririra kuturibhwa orarimya amasabhi gaane.9aribhiri enzira yaane kwe enyiki ya amagira goo kung'onya;akoriri enzira yaane ebhembihu. 10Ewe ni kyego dubu araganya kunirwania,endwi mubhwibhisi. 11Akosirye embarika enzira zyaane,anikoriri mutaka.12Akosirye obhuta bhwaye,nakunikora enye kyeego omubhwe gwaye. 13Atobweri amani gaane kweemibhwa gya ekiguzi kyaaye. 14Nihabha kubhatu bhaane bhoosi,kimenyekereryo kya kusekerera yaabhu rusiku rugima. 15Anizurye kwa obhururu na kunihatika okunywa amanzi gobhururu.16Anizurye kwa obhubhuru na kunihatika okunywa amanzi gobhururu. 17Akabhuma ameno gaaye kwa magina;anihumiri haasi murutei. Omutima gwaane gwimirwe obhuhoreru;nebhiri obhuzomerwa. 18Kwego no obhuge,''"Obhwikong'ererya bhwane bhunyaharikiri na kweki okuganya kwane kwa Yahwe.19Hita enyako yaane na okunyaka kwane amanzi amaruru na obhururu. 20Ndagenderera kuhita na nihinyiri mwoosi wane. 21Nawe ni kuruta rino mubhwongo bhwane na kwego nina obhwisige.22Obhusengi obhuzomu bhwa Yahwe bhutakuhika na amabhira gaaye gatakuhwa, 23nihya kira etabhori,obhuhene bhwazo ni bhukuru. 24''Yahwe ni ngabho yaane,''Nkabhuga,kwego ndamwisiga.25Yahwe ni muzomu kubhano bhakumuganya,ku wuno akumukonya. 26Nikuzomu kuganya ng'ora ku obhuturya bwa Yahwe. 27Nikuzomu kumutu kugega nira kuobhumura. 28Tiga yikare omwene kubhuhoreru,hano hakubha aterwe. 29Tiga ature omunwa gwaye muruteri-kurabha kweki kukyari no obhwisige.30Tiga arusye etama yaaye ku wuno akumutema,nayizuribhwe bhukong'gu kwe. 31Kwookubha Tata arazakutwaanga kimera, 32nawe yangabha arateho bhuzomu,eraza kubha na amabhira kyego yo obhwaru bhwa obhusegi bwaye bhwa heene. 33Kwokubha atakunyaka kureka mumutima gwate hamwe kunyakya abhana bho omutu.34Okutazwa haasi wo okuguru abhabhohwa bhoosi bhe ekyaaro, 35Okumwima ehene emere ya wuno ariiguru, 36okwima ehene omutu-Tata atakwerekenia ebhigiro kya bhiyo!37Niwi wuno akagamba na ekabha,aribha atari Tata kuhaya? 38Kutari kureka mumutima mu wuno ariiguru amabhihu na amazomu garaza? 39Omutu omuhori arakorabhwi aririre?Omutu arakorabhwi aririre iguru wa obhubhihu bhwaye?40Natwirore ezinzira zyetu na okuzisarya,natumukyorare Yahwe. 41Tugororokyo emitima gyetu na amabhoko geetu ku Yahwe mwisaro: 42''Tusarirye no okwahuka na okwari kwabhira. 43Wikundikirye na obhururu na kuturyarya,witiri na otuturiye.44Wikundikirye ne erisaro kubha kutabhaho ne erisabhirino rikutura kuhita. 45Otukoriri kya obhunyaka gaati mubhyaaro. 46Abhabhisa bhetu bhosi bhatwihimiri, 47Obhwobha ne eriruma ritwiziri, oruku no obhusarya.48Ameeso gaane garagera emigeri gya ezingusuri kwookubha ya abhatu bhaane. 49Ameso gaane gararusya ezingusuri ibhaga ryoosi;kutariho kumunya. 50tee hano ararore iyaasi na Yahwe ararora kureka mwisaro.51Ameeso gfane garanikorera obhutaka kwookubha abhakya bho omugye gwane. 52Nibhwemirwe kye ebhinyunyi bhano bhaari abhabhisa bhaane;mbemirwe na ng'ana etariho. 53Bhakanirekera mwiruma na kunirekerera erigina, 54naamnzi gakitika iguru wo omutwe gwane.Nkabhuga,''Ntinirwe kura!"5557Nkabhirikira erina ryaazo, Yahwe, kureka mwiruma eritaambi. 56Okwiga eriraka ryane.Okigwa eriraka ryane hano nakabhuga,"Otabhoka okutwi kwazo kwe ekiriro kyazo kyo okuturya.'' Okaza hagui orusiku runo nakubhirikiri;okabhuga, ''otoobhoha''58Tata,okibhagirira,ekina kyane,okaturya obhwikari bhwane! 59Yahwe,okarora amabhihu gano bhakoreri,sinza ekina kyaane. 60Oruzi amatuki gaabhu,amisego gaabhu iguru wane- 61Wigwiri amasekerero gabhu,Yahwe,na amisego gaabhu kunitunia.62Eminwa gyabhayo bhakugororoka inyuma wane,na amasemo gaabhu,garaza iguru wane rusiku rugima. 63Rora kyego bhikeri na kugororoka;bharanikara na amembho gaabhu.64Bharihe, Yahwe,kyeego ebho bhakukora. 65Oratiga emitima gyabhu kutiga kurugwa!Erisinziro ryaabhu ribhe iguru wabhu! 66Orabharyarya kwa obhururu na orabhasarya iyaasi ye erisaro,Yahwe!
1Ezahabu esarikiri;ni gabhwi ezahabu enzomu ekyokiri amagina! Amaare ganyarageeni kwi roobho. 2Abhana bha dhamani bha Sayuni bhahabha dhamani yoo obhwirito bhwa obhuzomu,nawe bhatana dhamani ya amajagi go obhutoto.Emirimo gya amabhoko gyo omubhwumbi.3Hata ezimbwa za kuroobho zirarusya amabhere gabhu okubakokya abhaana bhabhu,nawe abhaakya bha abhaatu bhaane bhabheri abhabhihu,kye enungu mwitirigo.4Orurimi rwo omwana omusuhu wuno akukoka ruragwata iguru wo omunwa gwe enyoota;abhaana bharasabha ebhyakurya, nawe bhitareho. 5Ebho bhanariri okurya ebhyakurya bhye eriguri bhoona bhana enyaako enzara murobho;ebho bharerirwe kwoo okwibhoha ezingibho za zamabarau,bhoona bhahindiri munyoori.6Obhusinziro bhwa abhakya bha abhaatu bhaane nkhukuru kukirabhwa Sodoma na bhukahungurwa kwi ibhaga na atabheriho wuno akinaakya okubhoko kumusakirya.7Abhakangati bhaye bhahabha abheru okukira eseruji,abharabhu kukira amabhere;emibhiri gyabhu gihabha mikong'u kukira erigina,ombiri gwabhu guhabha kya yakuti samawi. 8Kubhurorero bhwabhu bhamwamu kyee ekirima bhatakumenyekana murobho;ebhisero bhabhu bhinyariri kuu maguha gabhu;zibheeri nyoomu kyezikwi.9Bhayo bhakikwa kwa amasabha na bhahabha nobhuzomererwa okukira bhano bhakuri nee enzara,bhabhuriri bhakatobhworwa okugesa ebhyakurya mumugundu. 10Amabhoko ga abhakari bhe ebhigongi gakiyaagya abhaana bhaabhu;bhabheri ebhakurya bhabhu hano abhaakya bhabhu bhasariribhwe.11Yahwe akerekya obhururu bhwaye bhwoosi; akitira obhururu bhwaye obhuhari.Akagwatya omuriro Sayuni ekarungura obhutingo bhwaye.12Abhatemi bhe ekyaro bhatikirirye; na abiikari bhe ekyaaro, kubha abhabhihu bha abhahakani bhakanagya kusikira mukiseku Yerusalemu. 13Gano gakabhoneka kwee ebhibhi bha abharooti na amabhihu ga abhamwesi bhano bhakitiira amanyinga geehene embere waaye.14Bhakagenda,kwo obhuhoku,muroobho.Bhahaabha obusarya kwo amanyinga gayo na hano atahabhano wuno yikiriribhwe kugwata ezingibho zyaye. 15''Ikara kure!awe omusarya!''abhaatu bhakatira eriraka. 'Ikara kure!ikara kure!otagwata!''Ego bhakaanza abhaatu bhakabhuga gati we ebhaaro, "Bhatakunagya kwikara hano kweki.''16Yahwe omwene akabhanyaragania;atakubharorerera kweki.Bhano bhasuke abhamwesi na bhatakwerekya omung'ahiriro gwa abhakaruka.17Ameso geetu gakasika,bhuusa kwo okusakirya;okurwa omusonge gyeetu gyo obhurindi tukurorerera ekyaaro kino kitakunagya okwituurya. 18Bhakaturirira amatarambuka geetu,tutanagirye okugenda murobho zyeetu.Obhuteero bhwetu bhuhabha haguhi ne ezisiku zyeetu zikabharwa,obhutero bhwetu bhukahika.19Bhano bhakaturyarirye bhahabha bhaangu kukira amakohe ga kwisaro.Bhakaturyarya mubhiguru nokutubhwema mwitirigo. 20Omukama - mumanyweri omuhakwe wa amaguta Yahwe niwe yagwatirwe mumwoobho wuno niwe yagambirwe,''Iyaasi we ekizururu kyaye turikara mukyaro kyaabhu.''21Riryata na ozomerwe, omukya wa Edomu,awe wuno okwikara ekyaaro kya Uzi.Naho kunawe ekikombe kitakuhitibhwa;oragwaatwa nookurusya ezingibho. 22Omukya wa Sayuni,obhusinziro bhwaye bhurahika kuu obhuteero,atakwongerya abhabhohwa nawe omukya wa Edomu,bharamwokya,arakundukura ebhibhi bhaaye.
1Hita,Yahwe,gano gatumweni norore ezisoni zetu. 2Engabho yetu bhukuranibhwe kubhandi;ezinyumba zyetu kubhandi. 3Tubheri abhataka,tutana tata,na mayi,kyaa emitumba. 4Nawe tulihe ezimbirya kumanzi gano tukunywa,tulihe ezimbirya tubhone mbao zyeetu.5Bhayo bharaza owetu nkuhika kubhunziro wetu;turosiri tutakunagia kumurya. 6Twirushilye kubha Misri na kubha Assiria tubhone ebhakurya bhino bhikutwisa. 7Bhatata bhetu bhakakora amabhi,bhataliho kweki,tugegiri amabhi ezetu.8Bhabhagati abhatungi,atariho hatusakirye kwamabhoko gabhu. 9Turabhona mkate gwetu hano tukubha turasaria obhukulu,kwookubha obhwogi mwitirigo. 10Ebhisero bhetu bhibheli no omulilo kyeligiha kwokubha tuna orwoya rye nzara.11Abhali bharatibwa Sayuni,no omukia kumugie gwa Yuda. 12Abhana bhomutemi bhangetirwe na mabhoko gabhu,nokusaka kutaheho kukwelekia abhakaluka.1314Abhasubhe abhamula bharasingiriribhwa okusha embiho kwi gina ryo kushera,abhamura bharitegatega iyasi we mirigo gye ezikwi. Abhakaruka bhatigiri ekiseku kyo mugie,abhamura bhatigiri amembo.15Obhuzomererwa bhwe koro ehwili ne elibhakana likiolili kubha kililo. 16Orusaringa egwili kumutwe gwetu;nawe etwe,kwookubha tukolili amabhi.17Kwokubha ekoro yenyu gubheli gukatwing'enya,ne ezingusuri zyetu ziramonyokia,kubhigiro bhino ezimoni zyetu ziramonyokia. 18kwookubbha ekiguru Sayuni guhindiri gubheri,ebwa yamurobho arabharana iguru waye.19Nawe awe,Yahwe,abhatungi bha kimera,nolikakala gati we kitumbi kyazo kyosimuka obhibhurwa no bhibhurwa.Kwaki oratwebha kimera? 20Kwaki otwebhili kuzisiku nzaru? 21Tukorye kunawe,Yahwe,nanetwe turakiora.Kora bhuhya ezisiku zyetu kyego zihabhaziri ekale hayo. 22Naho tigo hamwe obhe otwangiri nonekoroi kunetwe kuhitira rwosi.
1Kuu mwaka gwa katatu gwo obhukangati bhwa Yehoyakimu omutemi wa Yuda,Nebukadneza omutemi wa Babeli akaza Yerusalemu nokukerenia noo mugye kuribhira bhino bhikwenderwa kunewe bhyosigo. 2Tata akamuha Nebukadneza obhuhiti iguru wa Yehoyakimu omutemi wa Yuda,akamuha ebhigiro ebhizomu kureka munyumba ya Eryoobha.Hano yahiriri ebhigiro bhiyo tee gatigati mukyaro Babeli,munyumba ye eryoobha ryaye,akatura ebhigiro ebhizomu gatigati yekibhumbiko kye eryobha ryaye.3Omutemi akamubhurira Ashipenazi,omutake waye omukuru,abharete abhamwe bha bhatu bha Israeli,bhoruganda rwa ekitemi nokusuka- 4abhamura bhano bhatana bhubhi,bhokutegerya bhobhung'eni gatigati yobhusuki bhwosige bhano bhasikirwe nobhumenyi,nabhano bhakukumibhwa kuhokya gatigati yomugye omukuru gwo omutemi.Akenderwa okubhegya amakano nekigambo kya Babeli. 5Omutemi akabhateraho iguru wabhu amariho kureka gatigati we webhyakurya bhaye ebhizomu kwakira orusiku na gatigati yamarwa gano anywiri.Abhamura bhano bhakenderwa bhegibhwe kumiaka etatu.6Gatigati yabhu bhahabha Danieli,Hanania,Mishaeli,na Azaria,kubhamwe bha Yuda. 7Omukangati omukuru akabhaha amarina: Danieli akabhirikirwa Belteshaza,Hanania akabhirikira Shadraka,Mishaeli akabhirikira Meshaki,na Azaria akabhirikira Abedinego.8Nawe Danieli akitegerera mubhwongo bhwaye kubha atakwiturira bhubhi omwene kubhya kurya ebhizomu bhya omutemi nawe kumarwa gano yamwiri. 9Nawe,akasabha omweya kureka kumukuru wa bhakuru kwego ataaza kwiturira obhubhi ewe omwene kwego,eryobha rikamuha Danieli omweyagwe ebhigongi kuhitira gatigati uo bhusuki bhuno omukuru wa abhakuru yarinabhwe owaye. 10Omukuru akamubhurira Danieli,''Nikabhoha Tata wane omutemi.Akabhirikira ebhyakurya bhyosi na bhyokunywebhwa bhino bhikwenderwa okuribhwa nokunywebhwa.Kwaki abharore emwe murarorekana kibhi kukira abhamura abhandi bherika ryenyu?Omutemi ature kubhirikirwa mutwe gwane kwokubha yetu.11Okumara Danieli akamubhurira omwimereri wuno omukuru ahabha amutereho iguru wa Danieli,Hanania,Mishaeli,na Azaria. 12Akabhuga,"Mutaza kusakya etwe abhahokya bhazo kuu zisiku ikumi mutuhe ezinyinyi zya amatu zyo okurya namanzi go kunywa. 13Okumara akatwanikania okurorekana kwetu no okurorekana kwa bhamura bhararya ebhyakurya bhyo omutemi,na mutukorere,etwe abhatu bhazo kuring'ana nakino okurora.'' '141516Kwego omwimereri akikirirania nawe kukora gayo,na akabhasakya kuzisiku ikumi. Gatigati wo obhumariryo bhwo orusiku rwe erikumi okurorekana kwabhu kuhabha kwa mibhiri mizomu kukira abhamura bharya bhariri ebhyakurya bhyo omutemi. Nawe omwimereri akarushaho esondo yabhu ye ebhyakurya nebhinywebhwa bhyabhu akabhaha ninyenyi ezyene.17Nokuhitira abhamura bhano bhane Eryoobha rikabhaha okumenya nokumenya gatigati yamakamo gosigo nokusuka,Danieli akatura kwerekerya amang'ana gosigo gokwisega nebhiroto. 18Gatigati yobhumaririryo bhwe eribhaga rino rihabha ritarweho romutemi kubhareta mwosi omukangati omukuru akabhahira mubhusho bhwa Nebukadneza19Omutemi akakerenia nabho, na gatigati yekigoto kyabhu hayo bhatahabhaho bhakubhagwatania nabha Danieli,Hanania,Mishaeli,na Azaria.Bhakimerera mubhusho bhwa omutemi,bhahabha bhikirirye okumuhokerya. 20Gatigati yamakyoro go obhusuki nobhumenyi rino omutemi abhabhurirye,aakabhona bhanobhunagya mara ikumi kukira abhagabhu bhosi nabharya bhahihema kukerenia na abhaku,bhahabha gatigati yo obhutemi bhwaye bhwosigo. 21Danieli ahabha hayo tee omwaka gwo obhutangiro bhwo omutemi Koreshi.
1Kumwaka gwaakabhiri gwoobhukangati bhwaa Nebukadineza,ahabha neebhiroto.Obhwongo bhwaye bhukanyaka,naatanagirye kuhindira. 2Niho omutemi akabhabhirikira abhagabhu na bharya bhakukerenia nabhaku.Nawe kweki akabhabhirikira abharogi na abhatu bhoobhuheene akabhenda bhamubhurire iguru weebhiroto bhyaye.Kwego bhakaza nookwimerera muubhusyo bhwo omutemi.3Omutemi akabhurira, ''Nihabha neekiroto, nobhwongo bhwane bhuna obhwobha nenda kumenya ekiroto kiyo kirerekya eki." 4Kumara abhatu bhoobhuhenee bhakamubhurira omutemiku kiaramaiki,"Omutemi, akikara tee!Tubhurire etwe ekiroto,abhabhagagati bhazo twosi turaimenya kyego eri.5Omutemi akabhakyora abhatu bhoobhuhenee, "Ering'ana rino rimariri kuhwa.Aribha kunagya kuitura mwaasi,ekiroto kuuneye kukirinia amibhiri gyenyu giratinwa bhitinika bhitinika neezinyumba zenyu zirakorwa kubha ebhwiswa ebhibhihu. 6Nawe aribha muramburira ekiroto neeng'ane yaye,murabhona omubhano kureka kunenye amariho noobhusuki bhukuru.Bhoono mburira ekiroto kumenya kyego eri.7Bhakamukorya kweki nookubhuga, "Omutemi atubhurire abhabhagati bhaye,ekiroto twoosi tukubhurire ekiroto kyego kiri." 8Omutemi akabhakorya,ndamenya kwookubheene murenda ibhaga ryaru kwookubha muruzi obhuramuri bhwane noobhukong'u iguru weeng'ana yino. 9Nawe aribha mutakunagya kunibhurira ekiroto,eriho ng'ana yimwe iguru wenyu.Mwendiri kukora orurimi naamang'ana goo kung'enerya gano mwikirenie kwaahamwe kumburira tee hano ndakiranie obhwoongo bhwaane.Kweego,mumburire ekiroto,naakweki ndamenya kubha muranagia kukirania iguru wane."10Abhatu bhaheene bhakamukorya omutemi,"Ataroho omutu kuukyaro wuno akunagya kykora amang'ana goomutemi.Atariho omutemi wowosi omukuru naa weezinguru wuno akwenda ering'ana kyaariyo kureka kuubharogi,hamwe nabhokukerernia naabhaku. 11Kino akwenda omutemi niikikong'u nataroho wuno akunagya kumubhurira omutemi niimasambwa agene gino gatakwekara hamwe naabhatau."12Ering'ana rino rikamukora omutemi atinde naakubhihirirwa bhukong'u akahatika kubhanyahara bhoosi bhano bhamenyekeni kubha nibhaheene bhabhu kuu Babeli. 13Kweego,abhukumirirya bhukarwa kubha bharya bhoosi bhano bhamenyekeni kubha niibhahene bhabhu nihobhitwe.Nakwoookubha yakuhatika kuno,bhakamukomya Danieli na abhasani bhaye kubhabhitwe.14Niho Danieli akamukyora kwoobhusuku noobhunenye,Arioki,omukuru waabharibhi bhoomutemi,wuno ahabha yizirikubhita bhano bhoosi bhahabha bhamenyekeni kubha abhaheene gati wa Babeli. 15Danieli akamubhurya omukuru woomutemi, "kwaki okukumirirya kwoomutemi nii kwabhwangu igo?'' Ego,Arioki akamubhurira Danieli kino kibhonekeni. 16Niho Danieli akasikira mwoosi nookusabha obhurage bhweeribhaga ryookurorena noomutemi ego kubha anagye kuhira erikyoro kuumutemi.17Kumara Danieli akasikira mwoosi munyumba nookubhabhurira Hanania,Mishaeli,na Azaria kino kyarorekeni. 18Akabhakumirirya kukomya ebhigongi kurwa kuu eryoobha ryaakwisaro kutubha na neekibhiso kwego ewe naabhayo bhataza kubhita hamwe naabhatu abhandi bhano bhasagiri bhano bhamenyekeni kuubha rwo bhuheene iguru waa Babeli.19Obhutiku bhurya ekibhiso kikerekibhwa kuu Danieli kuubhiroto. Kumara Danieli akakumia Eryoobha ryaakwisaro. 20nookubhuga, "Rikumibhwe erina ryee eryoobha kimera na kimera; kubha obhuheene ezyinguru nii zyaye.21Akakirania obhukati bhuwo obhukati;ararusyaho omutemi nookutura iguru weebhiti bhyabhu bhyaa esimuka.Arabhaha obhuheene bhuwobhuheene noo bhumenyi kuuubheene obhuzomu. 22Arakundukura ebhigiro bhiiyasi naabhino bhibhisiri kwookubha amenyiri kiryakino kirimukirima,wosi arikara hamwe noobhweru.23Eryoobha ryaa tata wetu,ndakukumia nookukumia awe iguru weeheene nee zinguru zino oniheri.Bhoono okoriri gabhe mwaasi kunetwe gano twarikukusabha;otuhitirye amang'ana gano gakumutunia omutemi."24Niho Danieli akagenda kumurora Arioki{wurya wuno omutemi akamusorya kwiita kira omutu wuno ahabha wee heene iguru wa Babeli}.Akamugyaku naakumubhurira otabhita abhatu bheheene iguru wa Babeli.Onihire woomutemi ndamwerekya omutemi erikyoro ryee kiroto kino.''25Kumara Arioki kwaabhwangu akamureta Danieli muubhusyo bhwo omutemi nookubhuga, ''Nimubhweni hamwe na abhaatu abhagwatwa bhaa Yuda omutu wuno aramenye ekiroto kyoo mutemi.'' 26omutemi akamubhurira Danieli (wuno ahabha arabhirikirwa Beliteshaza)heene oranagya kumburira ekiroto kino waruzi noobhuheene bhwaye?''27Danieli akamukyora omutemi nookubhuga, ''Okwibhisa yino omutemi asabhiri etakutura kurusibhwa naabhatu bheheene hata bhano bhakukerenia naabhaku,hata naa bharogi,hata naabhang'eni bhwe ezinyota. 28Naawe riroho eryoobha rino rikwikara mwisaro,rino rikurusya naamariri kukubhurira awe,omutemi Nebukadneza,kino kirabhonekane iguru weezisiku zino zikuza.Bhino nibhyo ebhiroto rwokurora kwoobhwongo bhwazo bhuno waruzi kwiibhaga rino ohabha ohindiri kuubhuriri bhwazo.29Nakunawe, omutemi,omisego gazo kubhuriri bhwazo gahabha nii iguru waamang'ana gano gakuza,naawuno akurusya okwibhisa akoriri emenyekane kwookino kirihaguhi kuza. 30Kwookubha enye,okwibhisa yino etarusibhwe kuunenye kwookubha yeheene yoyosi yino nibhabhanayo kukira omutu wowosi wuno akwikara.Okwibhisa yino erusibhwe kuunenye kubha awe,omutemi oture kumenya obhwera naakubha omenye amisego gano garimwosi wazo.31Omutemi,akarora iguru naakurora erihunduguru erikuru.Erihunduguru rino rihabha ryee zyinguru naa ryookumesya,ekimerera muubhusyo bhwazo.Obhumesho bhwaye bhuhabha bhurakanagya. 32Omutwe gwee rihunduguru guhabha gukorirwe kweezahabu enzomu.Ezimbere zyaye naamabhoko gaye bhihabha bhya hera.Ahagiro haa gatigati waamatango gaye hahabha hakorirwe kwee shaba, 33naamaguru gaye gahabha gakorirwe kyee bhyoma.Amaguru gaye gahabha gakorirwe kwaa hagiro haabhyoma naahagiro hoobhutoto.34Okarora iguru,neerigina rikabha ring'onyibhwe,ingabha hatari kwaa mabhoko goomutu, naarikatema erihunduguru iguru waamaguru gaye gee kyuma noobhutoto,nookukozwakozwa. 35Kumara ekyoma,obhutoto,ehera,neezahabu bhikatinwa bhitinikabhitinika kweeribhaga erimwe naa gakabha kyaa masagyo gano garikusimiti zyookuhurira ebhaga ryoomubhaso.Omukama gukagabhumbutira kure neetariho ekimenyekereryo kino kyatigirwe nawe erigina rino rikatema erihunduguru rikabha ekiguru ekikuru nookwizurya ekyaro kyosi.36Kino nikyo kuhabha ekiroto kyane.Nabhono turamubhurira omutemi obhwera bhwaye. 37Awe,omutemi,niimutemi wa bhatemi kuubharya bhano eryoobha ryamwisaro rikuheri obhutemi,ezinguru,obhunagya bhwookusuka. 38Abhiteeri mumabhoko gazo ahagiro hano omutu akwikara akuheri ezityenyi zyaa mwitirigo neebhinyunyi bhya amwisaro gati waa mabhoko gazo naakukoriri awe okangate iguru yabhu bhoosi.Awe niimutwe gweezahabu gweerihunduguru.39Kwibhaga ryazo obhutemi obhundi bhuragororoka bhuno niibhusubhu kuunawe,hata obhutemi bhwaa katatu bhweeshaba bhurakangata iguru weekyaro kyoosi.40Kurabhaho noobhutemi bhwaakatatu,bhweezinguru kyee bhyoma,kwookubha ekyoma kirati nabhitinika bhitinika neebhigiro ebhindi bhirakozakoza kira ekigiro.Erabhisarya ebhigiro bhino bhyoosi nookubhisya.41Kyeego waruzi,amaguru neebhyara bhihabha ahagiro bhikorirwe kwaahagiro bhikorirwe kwaa bhooma,kwego kurabha niibhutemi bhuno bhunyarageni ezinguru ezindi zyeebhyoma zirabha mwoosi waye kyego waruzi kubha ekyoma kisanganibhwe noobhutoto obhunyohu. 42Kyeego abhyara bha amaguru bhino bhihabha ahagiro bhino bhyakorirwe kweebhyoma naakwa hagiro bhyakorirwe kwoobhutoto nigo obhutemi bhuhabha naahagiro heezinguru naa kwa hagiro abharosu. 43Kyeego waruzi ekyoma kisanganibhwe noobhutoto obhunyohu kweego abhatu bharabha bhisangirye,bhatakwikara hamwe kweego ekyoma kitakunagya kugwatana noobhutoto.44Kweezisiku zya abhatemi bhayo eryoobha ryaa mwisaro rirakora obhutemi bhuno bhutakunagya kugwisibhwa,hata kutamwa naabhatu abhandi.Orazibhuna ezitemi ezindi bhitinikabhitinika naa kuzinagya zyoosi nabhwe bhurabhaho kimera. 45Kweego ori erigina ryookung'onywa kureka mukiguru,nawe kutari kwa amabhoko gaa mutu,rikabhunabhuna ekyoma,shaba.obhutoto,ezihera,neezahabu gatigati wee bhitinikabhitinika. Eryoobha erikuru rikwerekirye awe,omutemi,kino kirarorekane kwiibhaga ryaa gano,ekiroto niikyaheene.Erikyoro ryaye niiryakwikirirya.46Omutemi Nebukadneza akagwa bhubhumari mubhusyio bhwaa Danieli akamusuka;akamubhurira kubha omuhero gurusibhwe naamaguta garusibhwe kuunewe. 47Omutemi akamubhuriri Danieli, "Heene Eryoobha ryazo nii eryoobha ryaa amaryoobha,Tata waa abhatemi,naawuno akurusya amabhoho kwookubha obheri oranagya kutazura amabhoho gano.''48Niho omutemi akamukora Danieli kubha waakusukwa bhukong'u na akamuha emibhano miaru mizomu.Akamukora kubha mukangati iguru weerigunguri ryoosi iguru wa Babeli.Danieli akabha omwanangwa omukuru iguru waabhatu bhe heene bhaa Babeli. 49Danieli akahira erisabhi kuumutemi,noomutemi akabhasora Shadraka,Meshaki,Abedinego kubha abhakangati iguru weerigunguri ryaa Babeli.Nawe Danieli akasaga gati mwiikuru yoo mutemi.
1Omutemi Nebukadneza akakora erihunduguru rye dhahabu yino yabhanga no obhutambi bwa mbirya sitini no obhugari bwa mbirya isasabha.Akatura mumugundu bwa Dura mwi igunguri rya Babeli. 2Okura Nebukadneza akatumania amang'ana go okubhabhirikira hamwe abhanangwa be esi hamwe na abhatongeri abhabhari bezimbirya abhamuri,abhasinzi bhe eribhatike,na abhakuru abhandi,abhakuru amagunguri bhanagye kuza kukwigura bwe erihunduguru yino yabhenga ayiteriho.3Niho abhanangwa bha amagunguri,abhanaangwa bheesi na abhanangwa bhe esi hamwe na abhatengeri,abhabhari bhe ezimbirya,abhamuri na abhasinzi bhe erihatike,na abhakuru bhiiguru bha amagunguri bhakikumania hamwe kubwiguri bhwe erihunduguru yino Nebukadneza yabhanga ayiteriho.Bhakimerera kubhukangati bwaye. 4Okumara omurariki akakora ekituri,''Emwe abhatu,ebhyaaro,na ebhigambo muhatikirwe 5kubha hano murigwe omumiro gwe ezihembe,ekireere,iraka ryo omubhari,ezeze,ebhihembe ne ebhirere ne ebhigiro byoosi bye etemwa ya omubhari,ni bhweheene okugwa no okuhigamira emwe abheene erihunduguru rye ezahabu yino omutemi Nebukadneza ya bhanga ayiteriho.6Na wuyo wosi wuno akutama kugwa okuyisengerya,kweeribhaga riyo riyo ararekerwa mwibheri ryo omuriro.'' 7Mbe abhatu hano bhakigwa omumiro gwo oruhembe,ekireere,iraka ryo omubhari,ezeze ne ebhiheembe ne ebhirere ne ebhigiro byoosi bye etemwa yo omubhari,abhatu bhoosi,bhe ebyaaro ne ebhigambo,bhakagwa no okuhigamira ebho abheene erihunduguru rye ezahabu rino Nebukadneza omutemi yabhanja ariteriho.8Eribhaga rino abhakalidayo abharebhe bhakaza no okureta amasemo kihuteti na abhayahudi. 9Bhakamubhurira omutemi Nebukadneza,''omutemi yikare kimera! 10Awe omutemi,otuririho erihatike kubha kilo omutu wuno akigwa omumiro gwe eziheembe,kirere,iraka lyo omubhari,ezeze,ebhihembe ne ebhirere ne ebhigiro bhyoosi byo omubhari,tugwe no okusengera erihunduguru rye edhahabu.11Omutu wuyo woosi wuno atakugwa no okusengera tee ataswe mwibheri ryo omuriro rino rikwaka. 12Bhoono bhareho Abhayahudi abharebhe bhano obhateriho iguru wa amangana ge erigunguri rya Babeli;amarina gaabhu ni Shadraka,Meshaki,na Abedinego.Omutemi,abhatu bhano bhatasukiri awe.Bhatakurisengera,kurihokerya hamwe kurisengera abhene erihunduguru rye edhahabu rino wateriho.''13Niho nebukadneza akizuribhwa neekoro ne obutindi,akatumania kubha Shadraka,Meshaki,na Abednego bharetwe kunewe.Kwego bhakabhareta abhatu bhano ku mutemi. 14Nebukadneza akabhabhurira,''Awee musemiryebhwi mu bhwongo bhwenyu,emwe Shadraka,Meshaki na Abednego,kubha mutakuisengera emisambwa gyaane naabhe kusengera emwee abhene erihunduguru rirya rya ezahabu rino niriteriho.15Mbee bhoono aribha muri-bhwaheene hano murigwe omumiro oruhembe,kireere,eriraka ryo omubhari,ezeze,ebhihembe ne ebhirere,ebhigiro byoosi byo omubhari-okugwa hasi no okuhigama abhene erihunduguru rino nirikoriri,amang'ana goosi garabha mazomu.Nawe aribha mutakuyisengerera,murarekerwa rumwe mwibheri ryo omuriro.?16Shadraka,Meshaki,na Abednego bhakamkyora omutemi, ''Nebukadneza,tutakwenda kukukyora awe kuring'ana rino. 17Aribha ririho erikyoro,nio kubha Eriobha ryetu rino tukuhokerya riranagya kututura etwe bwaheene mukubhoko kwaye,omutemi. 18Aribha tigo emenyekane,kunawe omutemi kubha tutakusengera emisambwa gyazo,na kweki tutakugihigamira etwe abheene erihunduguru rino oriteriho.19Niho Nebukadneza akizuribwa no obhutindi;obhurorekano bwo obhusho bhwaye bukikyosha kihuteti na Shadraka,Meshaki na Abednego.Akatumania kubha eribheri rino ryegereribhwe obhuhari ngendo muhungati bukong'u kukira kyego yabheri. 20Okumara akabhabhurira abhatu abharebhe abhene managa kubhasirikare bhaye okubhabhoha Shadraka,Meshaki,na Abednego no kubhatasa mwibheri rino rikwaka omuriro.21Bakabhohwa bhakyari bhiobhohiri emieenda gyabhu,etugu,ekiremba, na amibhoho agandi,na bhakataswa mwibheri ryo omuriro guraka. 22Kwa obhutumania bwo omutemi rikahokibhwa(rikikiriribhwa) neeribheri ryabhanga no eryoya ihari bukonju, ezindimi zyo omuriro zikita abhatu bhano bhanga bhabhatasirimu Shadraka,Meshaki na Abednego. 23Abhasubhe bhano abhatatu,Shadraka,Meshaki,na Abednego,bhakagwa mwibheri rino rikwaka omuriro bhakyari bhasibhikirwe.24Okumara Nebukadneza omutemi akaruguribhwa na akimerera bwangu akabhabhurya abhatongeri bhaye,"Awe tutatasiri abhatu bhatatu bhari bhasibhikirwe mumuriro?''Neebho bhakamukyora omutemi,''Heene omutemi.'' 25Akabhuga,"Nawe nirarora abhatu bhane bhano bhatasibhikirwe bharinogora kumuriro,na bhatanyaharirwe.Obweru bwo omutu wa kane ni kyo omwana we emisambwa.''26Niho Nebukadneza hakisuka haguhi ne ekiseku kye eribheri rino rikwaka omuriro no okubhirikira,''Shadraka,Meshaki,na Abednego,abhabhagati bha Eriobha wuna ari iguru muhuruke habhori!Muze hano! Niho Shadraka,Meshaki na Abednego bhakahuruka habhori wo omuriro. 27Abhanagwa bha amagunguri,abhanagwa abhandi, na abhatongeri bho omutemi bhanobhanga bhikumenie hamwe bhakabharora abhatu bhano. Omuriro gutarungurye emibhiri gyabhu.Ezinzweri kumitwe gyabhu zitarungwiri;amibhoho ghabhu gabhanga gakyari kusaribhwa;na bhatabhanga na bhuhuzubhwa muriro.28Nebukadneza akabhuga,''Na tumukumye Eriobha rya Shadraka,Meshaki na Abednego,wuno amutumenie omurugaruga waye na abhaheri amang'ana abhabhagati bhaye.Bhakamwisiga ewe hano bhakayanga erihatike ryane,nabhakarusya emibhiri gyabhu bhakatika okusabha hamwe okuhigama Eriobha erindi okutama kutiga Eriobha ryabhu.29Kweego bhono ndatumania kubha abhtu bhoosi,ekyaro hamwe ekigambo kino erakerenie kigiro kiyokyiisi kihuteti ne Eryoobha rya Shadraka,Meshaki na Abednego tee basinzwe bhitinika,no yo kubha amatuku gabhu tee gakorwe kubha ebiswa byo obhunyaka kwookubha atareho Eryoobha erindi rinorikunagya kuturya kyeego.'' 30Niho omutemi akabhatirya omweya Shadraka,Meshaki na Abednego mwigunguri rya Babeli.
1Omutemi Nebukadneza akatuma erihatike rino kubhatu bhosigo,bhe ebhyaro,nekigambo bhano bhikeri gatigati we ekyaaro: "Nobhuhoreru bhwenye bhwiyongerye. 2Arorekeni bhuzomu kunenye kubhabhurira iguru wekimenyekereryo nekiruguro kino Eryobha erikuru rino ririguru rinkoreri. 3Nikwanziraki ekimenyekereryo kyaye nkikuru,nanikwaki ekiruguro kyaye ni nkikuru! obhutemi bhwaye niobhutemi bhwokikara kimera,obhukangati bhwaye bhurikara oruganda no ruganda.''4Enye, Nebukadneza,nihabha ndikara kwa obhuzomererwa gatigati ye nyumba yane,nahabha ndazomerererwa ebhwere gatigati yomugye omukuru gwane. 5Nawe obhuroti bhuno narotiri bhukankora nikobhoha.Hano nihabbha nihindiri harya,ekiriri nikakirora nagembere gatigati yo bhwongo bhwane bhukaninyakya. 6Hayo nikatumania bhabhatete mubhusho bhwane abhatu bhosigo bha Babeli bhahabha nebhigongi nawe kubha bharatura kunkyorera ekiroto.7Okumara bhakaza abharogi, bharya bhakutuna kukerenia na bhaku,abhatu bhe bhigangi,abharori bhe ezinyota.Nikabhabhurira iguru we ekiroto,nawe bhaturiri kukirania. 8Nawe kubhumariryo Danieli akasikira mwosi-ewe wuno akubhirikirwa Belteshaza erina rye Eryobha ryane,nawuno musi waye erimu ekoro yerobha rya abhare-nakamubhurira iguru wekiroto. 9"Beliteshaza, omukuru wa abharogi,nimenyiri kubha ekoro ye emisambwa gya abhare giri musi wazo nakwokubha atakwikarira ng'ana yino oruzi mukiroto kyane niki amakyoro gaku.10Gaano nigo nduzi mubhwongo bhwane hano nihabha nihindiri kubhuriri bhwane:Nikasungurirya,gihabhaho emiti gatigati yesi nobhutambi bhwaye bhuhabha mbukuru hene. 11Omuti gukabha gwezinguru.Nahagiro higuru waye hakaika kwisaro,bhakatura kurorekana kureka kubhumaririryo yesi yosigo. 12Amatu gaku gahabha mazomu amatunduguru gaku gahabha nimaru,niguru wako gahabha nebhyakurya bhya bhosigo.Ezityenyi zya mwitirigo zikabhoona ekiriri hasi waye,nebhinyonyi bhya kwisaro bhikikara gatigati wamatu gaye.Ebhigiro bhyosi bhino bhikuhezera bhikarya kumuti guyo.13Hano nihabha nihindiri kubhuriri bhwane,nikarora gatigati wo bhwongo bhwane omutumwa omuhene arituma kureka kwisaro. 14Akatema ekitiri nokuhaya,'Mukate omuti na musonzorye amatu gaku,munyaraganie amatu gaku nokunyaragania amatunduguru gaku.Ezitienyiziryare kureka haasi waye nebhinyonyi bhibhururuke kureka gatigati yezisagya zyaku.15Mutige ekisiki kye emiri gyaye gatigati wekyaro,mubhohe nekyoma ne shaba,gatigati yomuti mororo gwa mumugundu.Kizagazibhwe norume kureka kwisaro.Mutige kikare nezityenyi gati yemiti gya hasi. 16Obhwongo bhwaye bhukiranibhwe kureka kubhwongo bhwa abhatu nahanwe obhwongo bhwe etienyi tee gihite emiaka muhungati.17Obhwamuri bhuno nikurwa kwihatike rino ryarusibhwe nomutumwa nobhwamuri bhuno bhwakorirwe nanewe wuno ahabha omuhene kwokubha bhayo bhahabha bharigwa bhamenye kubha Eryobha rino riri iguru wo obhutemi nakubhaha kwakira wumwe asegiri kumutura iguru waye, hata kubhatu bharya bhakwisuhya hene. 18Enye omutemi Nebukadneza nikabhona ekiroto kino kwibhaga rino awe Belteshaza,mburira okukorya kwazo, kwokubha atareho mutu wuno anabhigongi gatigati yobhutemi bhwane wuno akuturya kunkorya.Nawe awe oratura kukora ego,Kwokubha ekoro yamasambwa amahene garimusi wazo.''19Niho Danieli akabhirikirwa nawe Belteshaza, akarugura kwibhaga,namisego gayo gakamutakya.Omutemi akabhuga, '' Belteshaza,otaruguribhwa nekiroto hamwe amakyoro gaye.'' Belteshaza akamukyora, '' Tata wane ekiroto kino kibhe iguru wa bhatu bhano bhakubhihirirwa ne amakyoro gaye nebhe kwiguru wabhabhi bhaye.20Omuti gurya okagurora-guno guhabha gukabha nezinguru, na guno ahagiro haye higuru hakailka kwisaro naguno gukutura kurorekana kureka kubhumaririryo ye kyaro kyosigo- 21guno amatu gaku nimazomu,namatunduguru gaku gahabha ni maru,kwokubha musi waye guhabha nebhyakurya bhyabhosigo nahasi wezityeni zya mwitirigo zikabhona ekiriri,namusi wabhu ebhinyonyi bhya kwisaro bhikikara- 22omuti guno nawe, omutemi,awe wuno ohabha nokubha nezinguru.Obhukuru bhwazo bhuhikiri kubhumaririryo we ekyaro.23Awe omutemi,okarora omurugaruga arareka kwisaro narabhuga, "Mukate omuti mugusukuranie nawe mutige ekisiki nemiri gyaku gatigati ye ekyaro,mubhohe nakwo oprubhara rwe ekyoma neshabha gatigati yomuti mororo gatigati yomugundu.Nakizagazibhwe norume kureka kwisaro. Kitige kikare gatigati yezityenyi zya mwitirigo gatigati ye migundu tee gihite miaka muhungati.24Omutemi,rino ni kyoro ryaye.Bhuno nibhuragirirya bhwaye kuwuno ariguru rino rituhikiri, Tata wane omutemi. 25Orahebhwa gatigati ya abhatu,norikara natyenyi zya emwitirigo eyo mumigundu orakorwa obhe orarya amanyaki,na orazagazibhwa norume kureka kwisaro,miaka muhangati tee hano orikirirye kubha eryobha rino ririguru rirabhakangata iguru wo obhutemi bhwosigo bhwa abhatu nayokubha ewe orahana obhutemi bhuyo wuyo wosi akwenda.26Kyego yikiriribhwe bhatige ekisiki kye emiri gyo omuti,kwenzira yino obhutemi bhwazo bhurakyoribhwa gatigati weribhaga rino orege kubha erisaro rirakangata. 27Kwego,omutemi,obhutongeri bhwane bhwikiriribhwe kunawe. Tiga kukora amabhihu nokore ehene. Ikyora otige amabhihu gazo kwokwerekya ebhigongi kubharya bhakubhararwa,erabha kubha nombhwera bhwaye bhurongerwa.''28Ebhigiro bhino bhyosi bhikarwera woomutemi Nebukadneza. 29Kumweri gwe erikumi nakabhiri hano ahabha aragenda iguru werirongo ryo omugye omukuru gwekitemi gatigati Babeli, 30nakabhuga nawe, '' yino etari Babeli, yino nombokiri kwiguru yokwikara kwane omutemi,kwookubha yobhuzomu bhwo bhwemero bhwane?"31Kwibhaga amang'ana mahari gatigati yomumwa gwo omutemi,eriraka rikahuruka kuraka kwisaro: ''Omutemi Nebukadneza,ararikirwe kunawe kubha obhutemi bhuno bhurusibhweho kureka kunawe. 32Orahebherwa klure kureka gatigati wabhatu,nobhwikari bhwabhu bhurabha hamwe nezityenyi zya mwitirigo gatigati yemigundu.Orakorwa kurya amanyaki kye ezing'ombe.Miaka muhungati girahita tee harya orikirirye kubha eryoobha rino ririiguru rirakangata iguru wo bhutemi bhwa abhatu arahana obhutemi mutu wuyo wosi akwenda.''33Obhuragirirya bhuno bhwo obhumosi bhwa Nebukadneza rikakorwa hayo hayo.Akarusibhwaho gatigati wabhatu.Akarya amanyaki kyezing'ombe,nomubhiri gwaye gukazagaza norume kureka kwisaro.Ezinzweri zyaye zikatambiha kya amabhuri ga nyamuko,nezikumu zyaye zikabha kyezikumu zye kinyonyi.34Nagatigati yobhumaririryo rwo orusiku,enye,Nebukadneza nikinura ameso gane kurorerera kwisaro,obhuzomu bhwo obhwongo nikakyoreribhwa. ''Nikakumia eryoobha riyo ririguru nikamusuka nokumukumania ewe wuno akwikara kimera.Kwokunha obhukangati bhwaye mbwa kimera,obhutemi bhwaye bhurikara kureka kuruganda rwosigo kweki noruganda rwosi.35Abhikari bhosigo bharabharibhwa nanewe kubha bhusa; arakora ryoryosi rino rikumuzomera gati yabhasirikare bhakwisaro nabhikari bha mukyaro.Atareho hata wumwe wuno akunagya kuribhira hamwe kumuha amasoro atareho hata wumwe akutura kumubhurira,''Ndora okori rigo?"36Kweribhaga riryarirya obhuhoru bhwa obhwongo bhwane hano bhwankyoreri obhuhene bhwane ekisubhe kyane kikankyorera kwokubha yokwikirirya obhuhene bhwo omutemi wane.Abhatongeri bhane nabhatu bhokusuka bhakakomia obhusakirya bhwane.Nikakyoribhwa kukitumbi kyane kyo obhwemero nikahamwa obhukuru bhwokikira. 37Bhono enye Nebukadneza ndamukumia,nokumusuka omutemi werisaro,kwokubha amang'ana gaye gosigo gobhuhene,nezinzira zyaye nzyabhusuki.Aratura kubhitumia bharya bhakugenda gatigati yekigoti kyabhu abhene.
1Omutemi Belshaza akakora enyangi ekuru kwego ya abhakuru bhaye bhokusukwa bhaari hiikwi kimwe,akaanywa amarwa embere ya bhatu bhabhu bhosi kiikwi kimwe. 2Eribhaga Belshaza ahabha arawonzya amarwa,akaruusya erihatiku ryo okureta ebhigiro bhino bhikoriarwe kwe edhahabhu,ne ezihera bhino Nebukadneza wise wabhu ahabha abhigegiri kurwa mwisengererero eyo Yerusalemu,bhino ewe na abhakuru bhaye,na abhakari bhaye,abhakari abhagegwa bhakabhinywera.3Abhabhagati bhakareta ebhigiro bhye ezahabhu bhino bhihabha bhigegiirwe okuurwa mwisengererero,munyumbha ye Eriobha eyo Yerusalemu.Omutemi na abhakuru bhaye,na abhakari bhaye na abhakari bhakagehwa bhakabhinyweera. 4Bhakanya amarwa nokukumania,ebhizuruuru bhyabhu bhino bhikoorirwe kwe ezizahabu ne ezihera,ezishaba.ebhioma,ezimbau na amagina.5Kwiibhaga riyoriyo abhiara bhio okubhoko kwo mutu bhikarorekana embere we ekigwatiriro kye etara nokukama kukibhambazi kino kitererekibhwe mung'oma yo omutemi.Omutemi akanaagya kuroora ahagiro ho okubhoko hano kuhakama. 6Niho obhusyo bhwo omutemi bhukabha na amiseego ghaye gakamuobhokya;amaguru ghaye ghatanaagirye kumukoora yiimerere,amaru ghaye ghakitemeena kwa hamwe.7Omutemi akaruusya erihatike kwo okutema ekitiri,bharetwe mwosi bhano bhakubhuga bharanagya okugamba na abhaku,abhatu abhahene,abhang'eni bhe ezinzota,omutemi akabhabhuriira bhano bhamenyekeni kwo obhuhene ku Babeli,wuno wosi arahereneerya amakamo ghano na kyeego ghari,aribhohibhwa ezingibho zye ezambarau,nookuturiibhwa omusanga gwe ezahabu mwigoti ryaye.Na woosi arabha omutake wa katatu,wiiguru kubhutake bhwo omutemi.''8Niho abhatu bhosi bho omutemi bhano bhahabha bhamenyekeni kwo obhwimenyi bhwabhu bhakasikira mwosi,nawe bhatanagirye okughasoma amakamo no okugereekereerya ku omutemi. 9Okumara omutemi Belshaza akatahibhwa hene no obhuroreero bhwo obhusyo bhwaye bhukihyoora.Abhakuru bhaye bhosi bhakarugura hene.10Niho bhono omugore akaza munyumba ye enyangi kwookubha yakirya omutemi na bhakuru bhaye bhahabha bhakihayiri.Omugore akahaya,''Omutemi yiikare kimera! Otatiiga amisego gazo gakunyakye.Otatiriirya obhuroorero bhwo obhusyo bhwazo bhuikyoore.11Ariho omutu mubhutemi bhwazo wuno aneekoro ye emisambhwa abhaheene mwosi waye.Kuzisiku zya wuso wenyu,obhweru,obhung'eni no obhumenyi bhwe emisambhwa gikabhonekana mwosi waye.Omutemi Nebukadneza, wuso wazo omutemi,akamukora kubha omukuru wa abhaghabu no omukuru wa bhaarya bhakukereenia na abhahu,nabhano bhano abhumenyi bhwe ezinyota. 12Ekoro enzomu,obhumenyi,obhunyohu,kukirania ebhiroto,kuerekereerya amang'ana no kumara enyako-gino ne emikumo gino gikubhoneeka ku mutu wuno Danieli,wuno omutemi akamubhirikira Belteshaza mumubhirikira Danieli wosi arabhabhurira kino kya andikirwe.13Niho Danieli akareetwa embere yo omutemi.Omutemi akamubhuriira.''awe ni wurya Danieli,owumwe ghati ya abhatu abhagwatu bha Yuda,bhano tata wane omutemi akabhareta okuurwa Yuda. 14Niigwiri amang'ana gazo awe,kubhekoro ye emisambwa eri mwosi wazo no okubha obhweru no obhung'eni obhuzomu bhurabhoneeka mwosi wazo.15Nabhono abhatu bhano bhamenyekeni kwo abhunyoku na bhano bhakukerenia ba abhahu,bhamariiri kuretwa embere wane,okukaama amang'ana gano no okumubhurira gharibhwi,nawe bhatanaagirye okunibhurira gharabhuga bhwi. 16Nigwiri kubha oratura kumburiira no okuruusyaho enyako.Bhono aribha oranaagya okusoma amakamo no okunibhuriira gharabhugabhwi,oribhohibhwa omusanga gwe ezahabu mwigoti ryazo,no orabha omukangati wa katatu wuno anezingura mubhutemi.17Okumara Danieli akakyoora emere yo omutemi,''Omubhano gwazo gubhe iguru wazo omwene,ne ebhigiro bhyazo omuhe omutu owundi.Kweego,omutemi,nirakusomera amakomo no okukubhurira garabhugabhwi. 18Iguru wazo,awe omutemi,Eriobha rino ririiguru bhukoong'u,rikamuha Nebukadneza wuso wazo,obhutemi obhukuru,obhusuki ne esimuka. 19No kwookubha yo obhukuru bhuyo,Eryobha rikabhaha abhatu bhosi,ebhiaro,ne ebhigambo bhakamurigita no okumuobhoha.Akabhita bhano ahenda bhaakwe,akabhatiga bhuhoru bhano ahenda bhikare.Akabhinuura bhano ahenda,na akabhituma bhano atahenda.20Nawe hano ekoro ehabha ne ekisubha,ne ekoro ekakoorwa kubha kong'u,kwokubha ego akakora kwe ekisubhe,akitumibhwa kuurwa kukitumbi kyaye kya simuka kyo obhutemi,bhakairuusyaho simuka uyaye. 21Akarusubhwaho kubutu,ahabha no obhuongo bhwe ekitinye,akikara ne ezitikiri zya mwitirigo.Akaarya obhunyaki kye eng'ombe.omubhiri gwaye gukazagazibwa no orume rwo okurwa mwisaro tee hano akeega kubha Eryoobha riino riri iguru rirakangata iguru yo obhutemi bhwa abhatu nokubha bhuramutura omutu wuyo wosi,wuno akumwenda iguru waye.22Awe omwana waye,Belshaza,okyari kunyoheerya ekoro yazo,kwookubha akagamenya gano gosi. 23Wimukiri omwene obhumosi bhwa Tata wa mwisaro.Munyuma yaye bhakakuretera ebhigiro bhino awe,abhakuru bhazo bhakabhinyweera,no okumara okiikumia hene ebhigiro bhyo okukora kwe ezihera,ne ezahabu,shaba,ekyoma,ezimbhao,na amagina,ebhigiro bhyo akukora bhino bhitakunaagya kuroora,kuigwa,no okumenya hiyo kyoosi.Otakurisuka Eryoobha rino rigwatiriri obhuhoru bhwazo mukubhoko kwaye na wuno amenyiri ezinzira zyazo zyosigo. 24Niho Erioba rikatuma okubhoko okuurwa mubwikari bhwaye na amakamo ghano ghakakaamwa.25Gano nigo amakaamo ghano gakakaamwa:'Mene,Mene,Trekeli ne Peresin.' 26Obweera bhwaye:'Mene,''Eryoba ribhariri obhutemi bhwazo no okubhunaagya.' 27'Tekeli' 'orengirwe kuratiri no ororekeeni osuhiri.' 28'Peresi' 'obhutemi bhwazo bhutinikeri bhaherwe Wamedi na Waajemi.'''29Niho Belshaza akarusya eritumanio,no okumuibhohya Danieli amibhoho ge ezambarau.Omusanga gwe azahabu bhakamuibhohya mwigoti,no omutemi akaruusya eng'ana iguru wa Danieli kubha arabha mukangati wo obhunaaya we eribhaga rya katatu ku bhutemi. 30Obhutiku bhuurya Belshaza,omutemi wo Babeli akiitwa, 31na Dario omwajemi akagega obhutemi hano ahabha ne emiaka gino gikuhikira mirongo esasabha na ebhiri.
1Ekamuzomeera Dario kusoora iguru yomutemi magavana wa magunguri izo bhaano bhakangatiiri iguru yobhutemi bhoosi. 2Iguru yaabhu bhahabha aho abhakangati abhakuuru bhataatu,na Danieli ahabha owuumwe waabhu.Bhaano abhakangati bhakatuurwa haano bhakunagya okubhimererera magavana bha majibu,kwookubha omutemi atabhoona enyaaro. 3Danieli akerekiibhwa iguru ya bhakangati abhakuru ni iguru ya magavana bha majimbo kwookubha ahaabha nekooro yino etaari yokubha.O9mutemi ahaabha aheenda kumutuura iguuru yobhutemi bhoosi.4Abhakangati abhakuru abhaandi na magavana bha majimbo bhakakoomya ubhubhi kumiriimo giino Danieli yuakoriri kubhutemi,nawe bhatanagirye kuroora obhwibhi okutaamwa kumiriimo gyaaye kwokubha ahaabha omurengererya.Bhutariho obhubhib no bhutoobhu bhuuno bhukabhoneeka mwoosi waaye. 5Nawe abhaatu bhaano bhakahaaya,''Tutanagiirye okubhoona obhubhi bhwobhwoosi bhwo kumuseema wuuyo Danieli haano turamoohye ekigiro kyokyosi iguuru yaaye kyokugendenia ne migiiro gye Eryoobha ryaaye.6Niho abhakangati bhaano na magavana bhakareeta amiseego kubhutangiro bhwo muteemi.Bhakabhabhurira,''omutemi Dario,wikaaare kiraaka ego. 7Abhakangaati bhoosi abhakuuru bhwo mutemi,magavana bhe mikoa na magavana bha magunguri,abhatongeri,na magavana bhatongereeni kwa haamwe nokwaamura kuubha awe,omuteemi,orenderwa ohiitye erihatike nokuihokya,kwookubha wuno akukoora abhusaabhi ku Eryoobha ryoryoosi no muutu kuzisiiku miroongo etaatu,nawe otari awe omuteemi,omuutu wuuyo arekeerwe gatigati yomwoobho gweendwi.8Nawe omutemi,akaruusha erihatike notuure orukaamo rwekimenyekereryo kwokubha etaaza kwikyoora,kye migiro gya Waamedi na Waajemi,kweego atakunagya okubhakyoora. 9Nawe,omutaake Dario akatuura orukaamo rwekimenyekereeryo nokwijikoora erihatike kuubha emigiro.10Danieli hano akamenya kuubha kimenyekereryo zihwiri okukaamwa okuubha emigiro,akageenda mwoosi wenyuumba yaaye(amahundu gaaye gamukyumba kyiguuru gahaabha mwaasi okwereera Yerusalemu),nakateema amaaru gaaye,kyeego ahaabha arakora maanga atatu kuwiki,na akasaabha nokukuumya kubhwemeero bhwe Eryoobha ryaaye,kyeego yakoriri kyeego haayo. 11Nawe abhatu bhaano bhahabha bhateemirye obhubhi haamwe bhakamurora Danieli akasabha nokukomya obhusakiriibhwa okuurwa ku Eryoobha.12Niiho bhakamwisukiira omutaake no kugamba nawe okwigwereraana nerihatike kuubha omutu wowosi wuno arakoore obhusabhi ku Eryoobha erindi na kumutu mwoosi yezisiku mirongo etatu ziinozikuuza,nawe etari kunawe omutaake,nawe omutu wuyo arekerwe mumwobho gweendi?Omutaka akakyora,''Ering'ana rino ni ryobhuheene,kyeego akerekiibhwa kumigiro gya Wamedi na Waajemi;ziino zitakunagya okukyooriibhwa.''13Nawe bhakamukyora omutake, ''Omuutu wurya Danieli,ni wuuno ni wumwe wabhaatu bho kugwaatwa okukuurwa ku Yuda,atakwikirirye awe,omutaake nawe amahatike gaazo wakamiiri.Ewe aramusaabha Eryoobha ryaaye katatu kurusiku.'' 14Omutaake hano akigwa gano,akarumika bhukong'u,akahookya kura miseego go kumuryoora okuurwa gatigati yo bhubhagaati bhuno.Akanyaaka bhukong'u kwibhaga ryo kutubhiira eryoobha akasaakya okumuryoora Danieli.15Nawe abhaatu bhano bhahaabha bhakaarya nzenzemwe bhakikumania hamwe no mutake,nabhakamubhurira,''Nomeenye omutake okubha nemigiro gya Wamedi na Wajemi kuubha ritariiho erihatike ne erihunduguru riino omutaake arayihiitya nerihunduguru riino omutaake arayihiitya aranagya okukirania.16Niho Omutaake akarusya erihatike,nabhakamureta Danieli,neego akamurekera mwishimo rye endwi.Omutaake akamubhurira Danieli, ''Eryoobha ryazo,wuuno bhakamuhokerya ebhaaga ryoosi,akuryoore.''17Erigiina rikaretwa gatigati yekiseku kyo mwoobho,no mutaake rikateerwa orubhaaso rwe pete yaaye omwene na haamwe no rubhaaso rwabhakuru bhaaye kwokubha kyokyosi kitakunagya kukyoorwa obhuhookya na Danieli. 18Nawe Omutaake akagenda mu ikulu yaaye obhutiku bhuurya ahabha no mutuugo.Etariho obhuzomereerwa yoyosi yiino yaretiirwe kubhwemero bhwaaye,naabho ezitiro zikamuryara.19Nawe gatigati yo bhumuunyi omutaake akimuuka na kwabhwangu akageenda kumwobho gwe endwi. 20Hano yahikiri haguhi kumwoobho,akamubhirikiira Danieli kweriraka ryokuruguura,akamubhurira, ''Danieli,omuhookya wa Eryoobha wuno anobhuhooru,Eryoobha ryazo rino okuhokeerya kwibhaaga ryoosi aranaagya kukyryoora okuurwa gatigati ye endwi?21Niho Danieli akamubhurira omutaake, ''Omutaake,orikara kiraaka! 22Eryoobha ryani amutuumiri omwimerereri na abhibhohiri emiinwa gye endwi,nazitanagirye okunyiita.Kwokubha ntabheeri nabhubhi bhobhoosi kubhwemero bhwaye nakubhwemero bhwaazo,awe omutaake,na ntakakukoreri eng'ana ryoryosi rya kukwita.''23Nawe Omutaake ahaabha nobhuzomererwa obhukuru.Akarusya erihatike kuubha bharendeerwa bhamurusye Danieli iguutu yoi mwobho.Kweego Danieli akarusibhwa kuurwa kumwoobho.Atanyaharikiiri hohosi riinorikarorekana kunewe,kwokubha ahaabha arisigiira Eryoobha ryaaye.24Omutaake akarusya erihatike,bhareetwe bharya abhaatu bhaano bhakamusema Danieli niho akabharekera ebho gatigati ye mwobho gwe endwi-ebho,nabhaana bhaabhu,na bhakari bhaabhu.Haano bhari bhakyari kuhiika kusimiti,ezindwi zikabhanyanyamura no kubhabhuna bhitinika bhitinika. 25Niho Omutaka Dario akakaama amang'ana kubhaaatu bhoosi,ebhyaaro,ebhigambo ziino zikikaara gatigati yeesi yoosi:''Obhuhoru bhongeriibhwe kuneemwe.26Ndahahatiika kuubha obhutemi bhoosi bhwo omutaake waani abhaatu bhararigita no kwikirirya kubhutangiro bhwe Eryoobha rya Danieli,kwokubha ne Eryoobha wuuno alimuhooru narikaara kiraaka,obhutaake bhwaye bhutakunagya kusariibhwa;obhutaake bhwaye ntee kubhuteero. 27Ewe aratutuura bhuzoomu nokuturyoora,narakoora okuteemya amaruguro mukyaaro na muziisi,amaturiirye Danieli kubhuzomu;iguuru yo bhunaagya bhwe endwi.28Neego bhoono,Danieli akabhoona gatigati yobhutemi bhwa Dario na gatigati yobhutemi bhwa Koreshi Mwajemi.
1Kumwaka gwo kutanga gwa Belshaza omutemi wa Babelii,Danieli ahabha ne ekirito na gano yaruzi mubhwongo bhwaye kwibhaga rino ahaabha ahindiri kubhuriri bhwaye.Kyamwe akagakaama gano yaruzi mukiroto.Akakama amang'ana amakuru. 2Danieli akabhabhurira,''Obhutiku mubhiroto bhyane nkarora mikama ene gyakwisaro gihasingisha enyanza ekuru. 3Ezityenyi kuru inye,kira etenyi yari na tubho yaye,ziharwa munyanza.4Etyenyi ye embele ehabha neetubho yeendwi,nawe ehabha na amabhabha kye erihoke.Hano nihaabha ndarorerera,amabhabha gaye gahabha gabharu ne ehabha egororokibhwe hasi ne ehabha yimereri kwa maguru abhiri kyoomutu.Ekahaamwa obhwongo kya-bhwoomutu. 5Ehabhaho etyenyi ya kabhiri,ehabha etubhiri Dubu,ehabha yinamiri,ehabha na mbaru isatu kumeno gaye mumunwa gwaye.Ekabhurirwa, 'Goroka omire abhatu bharu.'6Hano rino ryahwiri,nkarora kweki.Ehabhaho etyenyi eyindi yino ehabha etubhiri engwe.Kumugongo gwaye ehabha na amabhabha anne kya amabhabha gee kinyonyi,ehabha na mitwe enne.Ekahaanwa obhunagyua bhwo obhukangati. 7Hano gano gahitiri,nkarora obhutiku mukiroto kyane etyenyi yakanne,yokwobohya,nokukanga ye ezinguru.Ehabha na meno kya gekyoma makuru:ekasaryasarya na ekabhunabhuna matinikamatinika no okubhondorabhondora no okubhisya bhino bhisagiri kwa amaguru gaye.Ehaabha na tubho yayego etari kye ezindi,ne ehabha na hembe ikumi.8Kwibhaga rino nihiseega iguru we ezihembe,nikasungurirya nikarora oruhembe orundi rusuhu rurasibhuka gatigati we ezihembe ezindi.Emiri gye ezihembe isatu kuzihembe zyembere gikihwa.Nikarora kurujhembe runo ameso go omutu no omunwa guhabha guriguma kwa amang'ana makuru.9Hano nasungurirya,ebhitumbi bhya simuka bhihabha bhiterweho,no omutu we ezisiku zya kareyo akikara hagiro haye.Amibhoho gaye gahabha marabhu kyoomusoke,ne ezinzweri zyaye kumutwe gwaye zihabha nzomu kyo obhubhamba bhwo omuti gwo omusufi.Ekitumbi kyaye kya simuka kihabha ne emireri gyo omuriro na amagata gaye gahaaka omuriro.10Omwaro gwo omuriro gukitururuka okurwa embere waye,amagana na ebhikwi bhya abhaatu bhakamhokerya emirimo na amakaamo ge ebhitabhu gakasibhurwa.11Nikagenderera kusungurirya kwookubha ya mang'ana geekigoti gano gahayirwene ehembe.Nikasungurirya kwibhaga tyenyieritwa,no omubhiri gwaye gukasaribhwa,gukasaribhewa gwokibhwe no omuriro. 12Kuzityenyi inye zirya zyarizisagiri,obhunagya bhwabhu bhukahirwa kure,nawe obhuhoru bhwabhu bhukabhaho kwiibhaga irebhe iguhi.13Kugano naruzi obhutiku bhuyo,nikarora mutu wumwe araza arimumasaro giiguru ahabha kyo omwana wo omutu;akaza kumukaruka we ezisiku akahirwa embere waye. 14Ewe akahaanwa obhunagya bhwo obhukangati no obhwaare na obhunagya bhwo obhutemi noho okubha abhaatu bhosi,naebhyaro ne ebhigambo bhinagye kumhokerya ewe.Obhunagya bhwaye bhwo okukangati ni bhunagya bhwa kirakeego bhuno bhutakuhita,no obhutemi bhwaye ni bhurya bhuno bhutakunyaribhwa.15Kwinye enye, Danieli,ekoro yane ekehohobhera mwosi wane,nebhiroto bhino naruzi mubhwongo bhwane bhikaninyakya. 16Nikamwisukirira owumwe waho kubharya bhaari bhimereri hayo nikamsabha anierekye amang'ana gano garibhwi.17Ezo etyenyi enne ekuru ni abhatemi abhane abhakuru bhano bhakuza mukyaaro. 18Nawe abhaatu abhaare bha Tatabhugya wuno ariiguru bharabhwikirirya obhutemi bhubhe bhwabhu kirakeego.'19Niho akenda okumenya bhukong'u iguru we etyenyi ya kane,yino yaari na tubho yayeego etatubheri na tyenyi zindi yino yekukanga yino yari na ameno ge ekyoma na ezikumu zyeebhyooma ebhikangaru;ekamira,no okubhuna matinika matinika ne ekasya kwa amaguru gaye bhino bhyoosi bhyabhisagiri. 20Nkenda kumenya iguru we ezihembe zyaye ikumi zya kumutwe gwaye,na iguru wo oruhembe rwaye orundi runo rumeriri,runo embere warwe ezihembe ezindi isatu zikagwa hasi.Nkenda kumenya iguru wooruhembe rwa ameso na iguru wo omunwa guna gwari kwikumya kwa amang'ana makuru yino yarorekeni kubha kuru kukira ezindi.21Hano nkamahirira,oruhembe runo rukiimukya erihi iguru wa abhaare ruhabha huiza tee harya. 22Omukaruka we ezisiku hano yiziri,na abhatu abhaare bha Tatabhugya wuno ariiguru bhukong'u.Niho eribhaga ryahikiri abhaare bhakagwata ubhutemi.23Kino nikyo omutu wurya ahabha ahayiri,'Iguru we etyenyi ya kane,bhurabha ni bhutemi bhwa kane iguru we ekyaaro bhuno bhukubha bhutatubhiri na temi zindi zyioosi.Bhuraimira esi yosi,na bhuraitaza yosi hasi no okuibhunabhuna bhitinika tinika. 24Na iguru we ezihembe ikumi,okurwa mubhutemi bhuno,abhatemi ikumi bharagororoka,no owundi aragororoka hano bhayo bhararweho.Arabha atatubheri na bhano bhamkangatiri,arabhahiza bharya abhatemi abhatatu.25Araza kukerenia amang'ana gano gatatubheni na ga ewe ariguru bhukong'u na arabhanyakya abhatu abhaare bha Tatabhugya wuno ariguru.Arasakya kuzikirania ezinyangi na emigiro.Amang'ana gano arahaanwa mumabhoko gaye,kwo omwaka gumwe,miaka ebhiri na ikoona yoomwaka. 26Nawe esango ya abhasengeri,erakumanibhwa,na bharagega amanaga gaye go obhutemi niho kubhuteero anagye kusaribhwa no okusikibhwa.27Obhutemo no obhukangati,obhukuru bhwoobhutemi iyaasi we erisaro ryosi,bharahanwa abhatu bha abhatu abhaare bha ewe wuno ariguru bhukong'u.Obhutemi bhwaye ni bhutemi bhwa kirakeego,na obhutemi obhundi bhwoosi bhuraza kumhokerya emirimo no okumsuka ewe.'' 28Na bhuno nibhwe obhutero bhwa amang'ana.Na iguru wane,enye,Danieli,amiseego gane garankorera obhutaka bhukong'u enye no obhusyo bhwane bhurorekeni bhukyokiri.Nawe amang'ana gano nikagabhika enye omwene.
1Kuumwaka gwaakatatu gwoobhkuru bhwoo omutemi Belshaza,enye Danieli nkarora ebhiroto(kumara ebhiroto bhyeembere bhino nanyoriri) 2Nihabha ndarorera gati weebhiroto nkarora kubha nihabha gati yoomugye gwaa Shushani mwigobhe mwigunguri ryaa Elamu.Nkarora kureka mukiroto kubha nihabha haguhi noomugeri gwaa Ulai.3Nkarorerera iguru nkarora iguru mubhusyo bhwane eng'ondu esubhe yamahembe abhiri,rimereri embarika mwoo mugeri.Oruhembe orumwe ruhabha rutambi kukira orundi,nawe oruhembe orutambi ruhabha rurakira ng'orang'ora kukira oruguhi nooruhembe oruguhi rukakina kukira orundi. 4Nkarora eng'ondu esubhe kumwitania nyanza,range,nakwaake ruguru etariho tyenyi yindi yino yanagirye kwimerera mubhusyo bhwaye.Atariho wowosi wuno yanagirye kumuturya wowosi kurwa muukubhoko kwaye.Akakora kyokyosi kino akenda,nayari mutu mukuru.5Nahano nihabha ndisega iguru waagano nkaroro egorohe erareka nyanza,naakwitambuka iguru woobhusyo bhwe ekyaro kyoosi,eraryara bhukongu atarorekeni kwego akukunia eriobha.Emburi yiyo yari neezihembe kuru gatigati waameso gaye. 6Akagya tee kung'ondu yino yari neezihembe ibhiri nari ni yiruzi eng'ondu esubhe yimereri iguru embarika yoomugeri neebhuri ekyaryara kweereka eng'ondu esubhe kwoobhururu.7Nkarora emburi eraza haguhi neeng'ondu emburi ehabha noobhururu neeng'ondu,akatema eng'ondu nookubhuna ezihembe zyaye ebhiri.Eng'ondu etahabha neezinguru zookwimerera muubhusyo bhwaye emburi ekatura eng'ondu ekagwa nokuitaza.Atahabha ariho wowosi wookumuturya kureka muzinguru zyaye. 8Niho emburi ehabha ekuru,nawe hano ehabha neezinguru,oruhembe orukuru rukabhunua,naahagiro haye zikamera nookukura hembe inye kuru zino zasomokiri kwerekera mikama enne gyeerisaro.9Kureka kuruhembe orumwe rukamera oruhembe orumwe,ruhabha rusuhu hayo embere,nawe hano ahabha nooruhembe orukuru orubhara rwaa mamu,naa range iguru weekyaro ikizomu. 10Oruhembe ruhabha rukuru matokeo gaye gakinura erihi iguru yeeijeshi rya mwisaro.Erijeshi erindi ryeezinyota ezisuhu zikarekerwa haasi muuklyaro,naazikatwa.11Akenderera kubha mukuru,omukuru wa bhasirikare bheekiryoobha.Omuhero kwookusaribhwa kyaakira orusuku runo zyarusibhwe kure naanewe n aahagiro ahazomu hakabhirikirwa habhihu. 12Kwookubha yokutiga oruhembe rweemburi rukahanua erijeshi,noomuhero gwooka katigwa kuurusiku gukarusibhwa kure naanewe,naahagiro haye nooruhembe rukarekerwa haasi kwirobha ndabho na kukira ng'ana gino nkukora.13Okumara nkamwigwa omuzomu aragamba no omuzomu ohwodi akamukorya,amang'ana gano gari8kara kwiibhagaki obhuroti bhuno bhwari omuhero gwookusaribhwa obhubhi bhuno bhukureta obhusarya ukabijajia bhwa hagiro ahazomu,na abhasirikare bhaa mwisaro kutazwa. 14Akamburira,'' erabhaho etabhori nengorobha zyaa kuhika 2300.Kumara hayo,ahagiro ahazomu araturwa kisi.15Kwibhaga enye Danieli hano naruzi ebhiroto,nkasakya kugamenya nahayo mubhusyo bhwana akimerera wono aharorekana kyo omutu. 16Nkigwa eriraka ryoo omutu rirabhirikira gatigati yoo mugeri gwoo Urai.Akabhuga,"Gabrieli,musakirye omutu wono kumenya ebhiroto." 17Naho akaza ahagiro hano nihabha nimereri.Nahano hakaza hagui na hagiro hano nihabha nimereri.Hano hakaza nikobhoha na kuligama tee hasi.Akamburira,''menya omwana woomutu,kubha ebhirotoniiguru kwibhaga ryoo bhutero.18Hano ahabha arakerenia nanenye nikabhona ezitiro ndito hano nihabha nihindiri bhubhumari.Okumara akanigwata noo okunimererya. 19Akamburira,''Rora,ndakwerekya kirya kirabhoneke kwibhaga ryee eribhaga ryo obhutindi, kwoookubha ebhiroto bhino bhiratuna eribhaga ryoo obhutero bhuno bhutwereho.20Nee ng'ondu esubhe yiino oruzi yee ezihembe iibhiri - ni abhatemi abhabhiri bhaa Omedi na Uajemi. 21Emburi esubhe nio omutemi wa Ugiriki.Oruhembe orukuru gatigati ya ameso gaye ni omutemi we embele.22Nooruhembe runo rubhumikiri,rwuno kwibhaga ryaye,ezihembe ezindi inye zimeriri-zino nitemi inye zino ziragororioka kureka mukyaro kyaye,Nawe zitakubha na nguru kuru. 23Kuzusiku zino zikuza ezitemi ziyo,eribhaga rino abhasarya bharabha bhahikiri obhutero bhwabhu,omutemi woobhusyo obhubhihu,nawuno wo obhyongo obhukong'u,aragororoka.24Ezinguru zyaye zirabha kuru nawe hatari kwa nguru zyaye omwene.Arabha wokurugurwa kukirya arabhe nakyo arakisarya;arakora noobhwera arabhasarya abhatu bheezinguru,abhatu gatigati ya abhazomu. 25Arakora obhung'enererya bhukure hasi yookubhoko kwaye kwookubha yoobhung'eni bhwaye arabhasarya abhaatu bhaaru bharatama kumenya.Aragororoka kweki noobhumosi bhoo omutemi wa abhatemi arabhunwa,nawe kutari kwookubhoko kuyo kwosi kwoo mutu.26Ebhiroto bheengorobha neetabhori bhino obhurirwe ni hene.Nawe wigare ebhiroto bhino,kwookubha bhiratunia siku nzaru zinozikuza.27Niho enye,Danieli akarosa bhukong'u nkahindira murosu kuzisiku ezindi.Okumara nkagororoka nkagya okukora emirimo ghyo omutemi nawe nihabha nkangirwe bhukong'u neebhiroto atahabhaho omutu wuyo wosi wono yaturiri kugamenya.
1Dario omwana wa Ahasuero,wo rwibhuro rwa Wamedi.Ahabha na Ahassuero wuno akakora omutemi iguru obhutemi wa abhatu bha Babeli. 2Bhoono kumwaka gwa obhutaangiro bhwa obhutemi wa Dario,enye Danieli,nihabha ndisomera ebhitabhu bhino bhihabha ne eng'ana ya Yahwe,ering'ana rino rikamwizira Yeremia omurooti.Nikamenya kubha gyari girabhaho miroongo esasabha tee obhutero bhwa okutigwa kwa Yerusalemu gwakahikiri.3Nkabhuhutatya obhusyo bhwane kwerekera Tatabhugya okumukomya ewe kwo okusabha no okwisasama,kwo okutiga okurya nokwiibhoha ezingibho za amagonera nokwikara mukibhu. 4Nkamusabha YahweTatabhugya waane,na okumugwera mumaguru ebhibhi bheetu.Nkabhuga, "Ndakwisasama Tatabhugya awe ni tata omukuru wookuheshimiwa,nawe okubhika obhurage obhe obhuheene okubhasega bhano bhakubhaseega emwe nokuzigwata ezihamuri zyaabhu.5Tukoriri ebhibhi natukoriri amabhihu.Tugiiri kwoobhubhi tutigiri,twikyoreri orubhara tutakuhokya amahokyo gaazo. 6Tukyaari kubhitegerera abhabhagati bhaazo abharooti bhakakukerenia no omutemi weetu,abhakangati bheetu,abhause weetu,nakuu bhatu bhoosi bhe ekyaaro kye eriina ryaaye.7Kunaawe Taata,bhureho obhusuuki.Hayo kunetwe tuna ezisoni kubhuusyo bhweetu,kubhaatu bha Yuda na bhaano bhakwikara Yerusalem,na Israeli yoosi.Yiino ni hamwe na bhano bhari haguhi na bhano bhaari kure kubhaaro bhiino akanyaragania.Ino ni kwookubha yo okumung'ena bhukong'u tukakora inyuma waabhu. 8Kunewe Yahwe tuna enzabhuro kuubhusyo bhwa abhatemi bheete na abhakangati bheetu na bhawise bheetu,kwookubha tukoriri ebhibhi.9Kuu Tatabhugya weetu bhireho ebhigongi nokwabhira kwakubha tumutigiri ewe. 10Tukyari kwikirirya eriraka ryazo amihime nokwurya emuma inoikandikwe emiogiro gino yatuheri kuhitira abhabhagati bhaaye abharooti. 11Israeli yoosi itigiri emigiro nakwerekera orubhara, kwookunaga okwigwa eriraka yaye.Amihime ne emuma bhikandikwe ne emigiro gya Musa,omubhagati wa Tatabhugya, zitirwe iguru weetu kwookubha tukoriri ebhibhi.12Yahwe yikirirye amang'ana gano yagahairi embarika na neetwe ne embarika abhakangati bheetu kwookureta iguru weetu eng'ana ekuru.Kwookubha iyasi wee erisaro ryoosi etakabheri kukorekankigiro kyokyosi kino kikunagya kutubhanibhwa na kino kyakorekiri eyo Yerusalemu. 13Kyeego ehabha yandikirwe kumigiro gya Musa,enyaako yino yoosi etubhweeni ingabha tukyaari kubhoona enokwa okurwa kuu Yahwe Tatabhugya weetu kwo okwikyora nookutiga amabhiihu geetu no kutiga okubhugira obhuhe bhwaye. 14Ego,Yahwe yateeri oruku na agaretiri iguru weetu kwookubha Yahwe Tatabhugya wetu nomwene ehene kuumahokyo goosi gano akukora,ingabha tukyaari kwikiritya eriraka ryaye.15Bhoono, Tatabhugya weetu,akabharusya abhaatu bhaazo mukyaro kya Misri kwo okubhoko kwa amanaga,wikoreri erina rino rimenyekeni kwookubha yaazo omwene,noorusiku runo rwarero.Nawe tukukoreri ebhibhi;tukoriri.Kwookubha ya amatemyo gaazo goosi amazomu. 16Taata,itige obhururu no obhutindi bhwazo bhubhe kure no omugye gwaazo gwa Yerusalemu,ekiguru kyaazo kihoreru.Ino nikwokubha ye ebhubhi bhyetu,kwookubha ya amabhihuga Tata,Yerusalemu na abhaatu bhazo bhabheeri ni kigiro kya kuzeerwa na bhoosi bhano bhakwitwinogoira.17Bhoono,Tatabhugya weetu,hegerera obhusabhi bhwa abhabhagati bhaazo no obhusabhi bhaku kwo orubhango;kwookubha yaazo,Taata arakora ubhusyo bhwazo bhuzome kya ahagiro hazo hobhuhoreru hano hatigirwe obhumwemwe. 18Taatabhugya waane tegya amatwi wigwe,ramkya ameeso orore.Tusaribhwe;orore omugye guno gukubhurikirwa kuuriina ryaaazo.Tutakukusabha kusakiribwa kwazo kokubha yo obhuheene bhweetu,nawe kwokubha yo orubhongo rwaazo orukuru. 19Tata,Hegerera!Taata,yabhira! Tata,uturore okore eng'ana!kwokubha yaazo omwene,otakezera,Taatabhugya wane kwookubha yoomugye gwaazo na abhaatu bhaazo bharabhirikirwa ku erina ryaazo.''20Hano nihagamba kwakusabha na okwikirirya ebhibhi bhyane na abhaatu bha Israeli,nokuhira amasabhi gane kuyahwe tatabhugya kuhitira ekiguru ekihoreru kya Tatabhugya. 21Hano nihosabha,omutu Gabrieli,wuno nihabha niruzi mubhirooto bhyo obhutangi,akatira bhwangu kunizaku,rihabha niibhaga rye ekimweso kye engorobha.22Akaniha obhuheene akamburira, ''Danieli,niiziri bhoono nkuhane obhumenyi no obhuheene. 23Hano wakangatiri okusabha orubhaango,erihatike akarusibha na niziri kukubhurira ering'eni kwookubha osegirwe bhukong'u.Ego bhoono itegerera ering'ana rino obhumenye obhukundukuro.24Emwaka emirongo mihungati ne ebhisasabha gikiriribhwe kuubhaatu bhaazo noomugye gwazo omuhoreru okunagya no okumara ebhibhi,nookureta ehene yee kirakeego,na okuhikya ebhirooto obhurooti na okuhatura okubhindika ahagiro ahahoreru bhukong'u. 25Omenye nokumenya kubha okwemera erihatike ryo okukora okwoomboka bhuhya Yerusalemu tee obhuhikiro bhwo omuhakwa amaguta(wuno arambhe omukangati),garabhaha ezisiku muhungati ezisiku omirongo esasabha ne ibhiri.Yerusalemu erombokwa hamwe ne eziroobho na handaki ,nookubhahokwe eribhaga rye enyako.26Kwe eribhaga rye ezisiku emirongo esasabha ne ebhiri omuhakwa wa amaguta arasarikirwa na arubhatana kigiro kyokyosi.Abhasirikare bha abhakangati rirabhasikya omugye na ahagiro ahahoreru,ubhuteero bhaaye bhurarwera kuumbura ya omushooko na kurabhaho erihi tee ubhuteero.Obhusarya bhuhwiri kutwanikanibhwa.27Akikiriribhwa obhurage hamwe na abhaatu abhaaru bhe emiaka muhungati.Gatigati we emiaka muhungati bhuramunagya ebhigiro bhyo kusengerera no omuheero kuribhaga ryo obhutindi obhusarya arabhaha omuutu wuno ararete ekibhuuro.Obhuteero bhwe heene bhutwanikanibhwe okurwora kuneewe wuno yabharirwe ekibhuuro.''
1Gati wo mwaka gwa katatu gwa Koreshi omutemi wa Uajemi,amang'ana bhukakundukurwa ku Danieli,wuno abhirikirwe Belteshaza.Amang'ana gano gahabha nigahene bhuhagambira erihi erikuru.Danieli akamenya amang'ana okumenyekererrya kurwa gati wa emisego.2Gati we ezisiku zino,enye Danieli, nihabha gati wo kwarama kuwiki isatu. 3Ntariri ebhiakuria ebhizomu,ntariri enyama,ntanywiri divai,ntihakiri maguta omwene tee nihikie eziwiki isatu ngima.4Gati we ezisiku mirongo ebhili nene yo mweri gwo bhutangiro,hano nari hagui ne ekitaro ekikuru(guno ni Tigrisi), 5Nkarorerera iguru nkarora omutu wuno yibhohiri engibho,ahabha abhohiri omuchipi mubhukenende bhwaye guno gukarirwe ne dhahabhu enzomu kurwa ufazi. 6Omubhiri gwaye guhabha kye kitaro,nobhusho bhwaye bhuhabha kyo orukubha.Ezimoni zyaye zihabha ziraka kye kimuuri na mabhoko gaye na maguru gaye gahabha kye shaba yino erosibhwe.Omumiro gwa mang'ana gaye ehabha kyo mumiro gwe erihizo erikuru rya abhatu.7Enye, Danieli enye omwene nkarora ebhiroto,abhatu bhano nihabha hamwe bhatarizi ebhiroto.Nawe,eng'ana ekuru yo kwobhohiya nkabhizira iguru wabhu,bhakariara bhakibhisa ebho abhene. 8Niho nikatigwa enye omwene nkaroro ebhiroto bhino bhokukumiaho.Enguru yino esagiri mosi wane;okwiekia kwane kwo kunyeregeta kwane kukikyosha nokubha ndarorekana nsarikiri zitasagiri iguru mosi wane. 9Niho kiigwa amang'ana gaye,nahanonkagigwa,nkagwa bhubhumari nokubhoona ezitiro ezindito.10Okubhoko kukanikuniaku,gukankora nirigite gati wa maaru gane ne esanyi bha mabhoko gane. 11Malaika akambhurira, ''Danieli,omutu wuno abhikirwa bhukong'u,amenyiri amang'ana gano nkukubhurira awe.Imerera zore,kwookubha nkutumenie.'' Hano akamara kumburira amang'ana gano,nkimererera nihabha ndirigita.12Niho akamburira,''Otobhoha,Danieli.Kwemera orusiku rwo bhutangiro akaitura amang'eni gazo kuurwa kukumenya ob humenyi no kwihomba omwene kubhutangiro bhwe eriobha,amang'ana gazo gakigwa,na niziri kwokubha kwa amang'ana gazo. 13Omwana wo omutemi wo bhutemi wa bhaajemi akandekia,nkatuurwa heno na mutemi wa bhajemi kuuzisiku mirongo ebhili na rumwe.Nawe Mikaeli,umwe gati wabhakuru akaza kunsakirya.14Bhono niziri kukusakirya niho omrnye kino kirarorekene kubhatu bhaazo kuzisiku zo bhusinziro.kwokubha ebhioroto ni kwokubha ezisiku zino zitakorekeni zikiari. 15Nihabha akani aramburira amang'ana gano,nikakyooro obhusho bhwane no kwerekera hasi ntahabha na bhunagia bhwokugamba.16Ewe ahabha kya bhana bho mutu wuno ankunirieku omuunwa gwane nkasama omwunwa gwane nkamubhurira ewe wuno ahabha yimereri kubhutangiro bhwane: ;;Tatabhugya wane,ndimu nyako hari kwokubha ebhiroto;ntana nguru mosi wane inoesagiri. 17Enye ni muhokia wazo.Ndanagyabhwe kwongerya na tatabhugya wane? kwookubha bhoona ntana amanaga,gutareho omwiika guno gusagiri moosi wane.''18Kweki urya ambe ararorekana no mutu wuno akanikuniaku no kunizurirya ezinguru. 19Abhugiri,''Otobhoha,omutu okasegwa bhukong'u.Obhuzomu bhubhe kunawe!Obhe wezinguru,obhe ne zinguru!" Hano ahabha aragamba nanenye,nkabhoona ezinguru.Nikamubhurira, "Tatabhugya wane ndabhugu,kwokubha oniheri ezinguru.''20Akamburira, ''Omenyiri nikwaki niziri owaazo?Ndakiora kuzisiku zyahaguhi kuhakana no mukuru wabhajemi na hano ndagyee, omukuru wa Ugiriki araza. 21Nawe ndakubhurira kinokikamiirwe gati we bhitabhu bhye heene atareho wowosi wuno akwierekya kubha nezinguru hamwe nanenye kuneemwe,nawe Mikaeli mukuru wenyu.
1Kumwaka gwa rumwe gwo omutemi Dario wa Bhaamedi,enye omwene nkaaza okumsakirya no kumuribha Mikaeli. 2Na bhoono nda kufunulila obhuheene.Abhatemi bhatatu bhariimoka kubhaajemi,no omutemi wokane arabha muniibhi kubhakira bharya abheendi.Eribhaga rino akubhona amanaga kuhitira obhuniibhi bhwaye,arambhwikye kyowumwi bhumosi bhwa omutemi wo Bhugiriki.3Omutemi wa managa ariimera wuno akukangata obhutemi obhukuru,naaragya kwukirirya agaaye omwene. 4Hano akubha yimukiri,obhutemi bhwaye burabhurika no okuhohakania materuko ane gezimbarika zyoosi yeesi,nawe bhatakubha abhibhurwa bhaye amweene,naetari kumanaga gaaye hano yaari kubhutemi.Kwokubha obhutemi bhwaye bhurihibhwa kokubha ya abhatemi abhaandi bhano bhatari abhaaye.5Omutemi wa Range arabha na amanaga nawe owumwi omukuru wa abhasirikare bhaye arabha na amanaga kumkira no okubhugega obhutemi bhwaye kumanaga amakuru. 6Hano emiaka gitari mitaambe,hano eribhaga rikubha kisi bharakora ekigwatani.Omukya wo mutemi wa range araza kwo mutemi wa maamu kugerekania amiikiryo gaabhu.Nawe atakunagya kwimeera kwokubhoko kwaaye,no omutemi atakwimeerera no kubhoko kwaye.Aratigwa nabhano bhamretiri na wiise waaye,nawuno yaari agwateeni naneewe kuriibhaga.7Ne erishangashya kureka kwiti8ni ryaaye rirasibhuka kumweeya gwaku.Arariitania erijeshi rya abhasirikare bhaye nokusikira kobhutungo bhwo Omutemi wa maamu.Ariitana nabhwo,nokubhakunda. 8Aragega ne emisambwa gyaabho no kugyanagyo Misri na amahunduguru gebhyooma ne ebhigiro bhyaabho bhye ezimbirya na bhye zahabu ebhizomu.Kumiaka emitaambi atakwikarahaguhi no omutemi wa maamu. 9Neho omutemi wa Maamu aramutukirania obhutemi bhwo omutemi wa Range,nawe arirusya nokugya kukyaaru kyaye omwene.10Abhakari mbhariigwatania nokukora erijeshi erikuru.Nokukura naryo riraaza okugwisha ebhigiro bhyoosigo,rirahitirania nokusikira kwo obhutingo bhwaye.11Hayo neho omutemi wa Range akutiinda,aragya okurwana no omutemi wa Maamu.Omutemi wa maaru aragega erijeshi erikuru,nokugwatania ne erijeshi rirya kwokubhooko kwaaaye. 12Erijeshi riragegwa, ne ekoro yo omutemi wa Range guragegwa iguru,nokubhiika ebhekwe ne ebhirara kubhyeege bhya amasabha,nawe atakubhakiinda.13Kweeki omutemi wa Maamu arareta erijeshi eriindi,erikuru kukira ryeembere.Hano emiaka gyahita,omutemi wa maamu araaza ne erijeshi ngwatiriri ebhyeege bhya amasabha ne ebhiindi bhaaru.14Kuriibhaga riyo bhariimoka kumosi noomutemi wa Range.Abhaana bheriiyoge kubhatu bhaye bharimeera abheene kugahikya amarooto gaabhu,nawe bhariitema kumaguru.15Omutemi wa Maamu araza kwinaririrya esi kwokutura ebhiguru,no kugugwata obhutingo.Amajeshi garange gatakunagya okwimerera,kimwira abhanajeshi bhaye abhazomu bhatakunagya okwimeera. 16kukirirania naneewe,kumugono aragya kumosi kwaye;ataroho wuno akwimeera kunzira yaaye.Arimeera kukyaro ekizomu,nobhusariku bhurabha kumabhoko gaye17Omutemi wa maamu arabhwerekerya obhushu kubhutemi bhwaye bhwoosi kumanaga,garabha amikiriryo gano akwikirania no omutemi wa range.Aramutetya omukya waabho,agya kusarya obhutemi bhwa range.Nawe amagendereryo gayo gutakuhika no kumsakirya. 18Hano akumara,omutemi aragya kubhyaaro bhya mumyanza nokubhigega ebhyaaro bhyaaru.Nawe omukuru wa bhanajeshi arakikomera ekigoti kyaaye nokukimara. 19Kweki aragya kumigye gyo obhutungo kukyaaro kyaaye omwene nawe aritema amaguru no kugwa,atakubhoneka kweki.20Niho omutu owundi akwimuka kumweya gwaye wuno akumukora omusha werigooti abhoone obhuniibhi bhwo bhutemi.Nawe kuzisiku zino zikuuza arasinzirwa kure,nawe etari kwobhutindi nokurwana. 21Kumweya arimuka omutu wo kuzerwa wuno abhatu abhandi bhatakumsuka kumaana gekitemi,araza etari kwokutukiriribhwa no kugega obhutemi kwokubheha. 22Kwo kubhukangati bhwaye abhasirikare bhaaye arasinsirwa kuure nkyetwego omukuru werijeshi ariitwa nabhasirikare bhaaye.23Kwemera eribhaga rirya hano amikiriryo gakorirwe hagiro hamwe, nanewe aragendererya kubhubheehi; arabha wa maaga na bhaatu bhasuhuwiigo. 24Kukutukirirania arasikiora ahagiro hobhunibhi bhwabhu kumagunguri nokukora bhino tata waye atakuriri.Aratwanikani abhagwatwa nebhigiro bhino bhagegiri.Arakora amagendereryo go kugwisha obhutingo,nawe nkweribhaagatu.25Arabhukya amanaga gaye ne koro yaye okumosi kwo omutemi wa raange kurijeshi eriikuru.omutemi wa raange ararwana eriihi ne rijeshi erikuuru rya managa nawe atakunagya kwimerera kwokubha abhaaru bharamwikyoora kumosi kwaye. 26Nabharya bhakuurya abhakurya bhyaye ebhizomu bharikyoora kumwita.Erijeshi ryaye rirasinzirwa kure bhosigo nabhaandi bhabhu bhariitwa. 27Abhatemi bhano bhabhili bharabha ezikoro zizwiri obhubhihu kumosi no murikyaye bharikara kumeza hamweigo nokwing'eena,nawe etakubha na bhweera bhwobhwosi.Kwokubha obhumariro bhwaye bhurabhoneka kuribhaga rino rituriirwe.28Niho omutemi wa maamu arakyoora kureka kukiaaaro kiaaye agegiro obhubhi obhukuru,nekoro yaye eranga bhukongu obhurage obhweeru.Aratemia no kukyoora kukiaro ekyaaye omweene kuribhaga rino riturirwe araaza no kukirwaania obhutemi bhwa range nawe kuribbhaga rino kutakubha kyeribhaga rino ryahitiri.29Kwokubha obhwato bhwokureka kitimu ziramurwania,naneewe aroobha no kukyoora obhumosi. 30Arabha nobhutindi kwo bhurage obhweeru,nokubherekia amazomu bhano obhurage obhweeru.31Amajeshi gaye garimuka okutuka ahagiro aheeru hobhutingo.Bharagirushaho emiheero ne mihero gyo kwokibhwa,bharimererya okutindya kwookusarya rinorikugirya kwitwa. 32Nakubharya bhakugendererya kumabhihu okumosi kwobhurage arabhangenererya no kubhaturira obhubhihu.Nawe abhatu bhano bhamenyiri Eriobha ryaabhu bhahari no kugega amatazo.33Abhatu bha amang'eni bharabhegya abhatu bhamenye.Nawe bharitema kumasabha nezindimi zyomuriro; bharagwatwa naabhabhisa nokuteshibhwa bhigiro bhahu kworusiku. 34Kuzisiku zyokwitema kwabhu bharasakiribhwa kusuuhu.Abhaatu abhaaru bharagwatana nabho abheene kwobhusaani. 35Abhaatu abhaandi bha amang'eeni bhariitema kubha okwizomya kubhonekane kubhaneebhwa,nokwiyogya,nokwiyeerya tee eritenero ihika.Kwokubha eribhaga rinoriturirwe rikyaari kuhika.36Omutemi arakora nkyeego akweenda.Ariimoka omweene no kwikora mkuru kukira erisaambwa.Kimosi kye Erioobha rye emisaanbwa,aragamba amang'ana amabhiihu,kwokubha aragendererya tee hano obhutindi bhwa Erioobha bhukuhika,kwookubha yakirya kino kikwenderwa tee hano kikuhika. 37Atakugituneeria emisambwa gye bhatata waabho na neemisambwa gino gisegirwe na abhakari.Kweki atakuneera erisambwa ryoryoosi rirya.kwokubha yo omutu wowosi arikora kukira omutu owundi wowosi kubha mukuru.38Arasumuka erisanbwa ryo obhutingo kukirania nagayo.Ne erisambwa rino bhatata waabhu bhatikirye rino bhakusuka kuzizahabhu na ezimbirya kwu magina ne ebhigiro ebhizomu. 39Ararwaaru obhutingo obhukong'u kwokusakirwa na amasambwa amagini.Arahanibhwa okusukibhwa okukuru kwokwosi wuno akumwikirirya.Arabhakora kubha abhatemi iguru waabhaatu abheendi,nokuitwarukania ekyaaru kubha amariho.40Kuribhaga ryoobhutenero omutemi wa range naramurwanie. Omutemi wa maamu aramhuniirirya kwobhuheeri nezimotoka nezifarasi noobhwato. 41Naneewe aragya kimosi ne ekyaaro kubhiita,nokuheta gatigati.Nawe arasikira kukyaaro kyo obhuzomu.Ebhekwe na emirongo gya bha Israeli bharagwe.Nawe abhatu bhano bhariyoomba kureka kumabhoko gaabho:Abhaedomu,Abhaamoni,na abhasagibhwa bho Amoni.42Nawe aragororokya okubhoko kwaaye iguru we kyaaro.Ekyaaro kya Misri kitakuhona. 43Arabha no obhutoro iguru we sakwa yezidhahabu na ezimbirya,na iguru yoobhuniibhi bhwosi bhwa Misri;abhaatu bha Libya na bha Ethiopia bharabha kumaguru gaaye hasi.44Nawe amang'ana kureka ruguru na maamu zeramobhohya,na arareka atindiri bhukong'u kwokubhanyahara na kwokubhabhiika kwobhunyahareku. 45Naneewe arimiirirya eribhuru na amikaro gaaye go obhutemi igatwe nyaanza ne ebhiguru bhyo obhuzomu bhwaebheeru.Araguhikira obhuteniro bhwaye,na atakubhaho omutuurania wokumutuurya.
1Niho eribhaga riyo,Mikaeli,omukuru wa abhasirikare omukuru akubharibha abhaatu bhazo,arimuka.Riraaaza kubhaho kuribhaga rye nyako rino ryarikyari kubhaho kwema kare kukyaro kyokyosi tee kwibhaga riyo,kwibhaga riyo abhatu bhazo bharaturibhwa,uyo wo esierina ryaye rikubhoneka mukitabhu. 2Abharu bhano bhahindiri mumarobha gekyaro bharimuka abhandi kubhuhoru bhwa kirakeego,abhandi bhakanyaka nenyako yakirakeego.3Bhokwisega bharabhanza kyengubha ya kwisaro,bhano bhakwerekerya abhandi kubhuhene,bharabha kyenzota yakirakeego. 4Awe Danieli,bhoha amang'ana gayo;bhika ekitabhu kyorubhaso tee kwibhaga ryo obhutero.Abhatu bhararyaraeno nerya,nobhung'eni bhurongera.5Niho enye Danieli nikarora bhaha bhoho malaika bhabhiri bhimereri,oumwe akimerera orubhara kungegu yomware,noundi kungegu yorubhara rwo mwaro. 6Oumwe waho akamubhurira omutu wunoibhoriri ezingibho zya kitani,wuno ahabha mumugera gwo omwaro,"Rirabha ibhaga rihe ryobhutero bhwa mang'ana gookurugura?"7Nkamwigwa omutu wuno ibhohiri ezingibho zya kitani,wuno ahabha iguru woomugera gwomwaro, akagororokya okubhoko kwaye kwiibhuryo nokubhoko kwaye kwoobhumosi okugya mwisaro nokwirahira kuuno akwikara kirakeego niho eribhaga rikubha,eribhaga nerikona ryeribhaga.Eribhaga rya managa gabhatu abhahoreru hano rirabhe risaribwe,amang'ana gayo goosi garabha gahwiri.8Ndigwa kwego ntakumenyiri.Mbe nkambuurya,''Tatabhugya wane,amang'ana gano goosi gararetaki?" 9Akabhuga,''Nogye zyazo Danieli,kwokubha amang'ana gano goosi gararetaki?10Abhatu abharu bharabha bherusiibhwe,bhisabhibhwe nookuzomibhwa,nawe abhabhihu bharagya mubhubhihu. 11Kwibhaga rirya ryeebhimweso bhokurungurya hano bhariza kubha bhabhirushiryeho noobhutindi bhwo obhusarya bhuno bhukoriri ekibhuro kihwiri,zirabhaho 1,290.12Nihakiriku omutu wuno akuganya tee kubhutero bhwe ezisiku 1,335. 13Orenderwa ohite nzira yazo tee kubhutero,niho okumunya.Orimerera ahagiro hano aherwe mubhuteero bhorusuku.''
1Rino ni ering'ana rya Tatabhugya rino rikamuhikera Hosea omwana wa Beeri ezisiku zya Uzia,Yothamu,Ahazi na Hezekia,abhatemi bha Yuda na kuzisiku zya Yeroboamu omwana wa Yoashi,omutemi wa Israeli. 2Eribhaga rino Tatabhugya yahayiri kuhitira ku Hosea,akabhuga, ''Noogye otete omukari omusimbe wuno yibbhwiiri abhana kuubhusimbe bhwaye.Kwokubha ekyaro kikoriri amang'ana gobbhutungiri obhukuru kwokumutiga Tatabhugya.''3Neho Hosea akagya akamuteta Gomeri omukya wo Diblaimu,tee akagega enda,akiibhura omwana mumura. 4Tatabhugya akambuura Hosea,mtoge endoko Yezreeli.Kwokubha kuribhaga enguhi ndabhatema bhakunyumba yabhahirya Yehu,kwokubha bhakiita abhaatu no kwitera amanyinga hayo Yezreeli;na neenye ndamara obhutemi bhwa enyumba ya Israeli. 5Erarorekana runo nkobhubhuna obhutabhwa bha Israeli kurikyaamo rye Yezreeli.6Gomeri akagega enda kweeki akibhura mwana muukya.Tatabhugya akahaya kweeki ku Hosea, ''Mtoge Lo Ruhama;kwokubha ntakubhaabhahabhira kweeki abha munyumba ye Israeli,ntakubhaabhera kwo bhyobhosi bhirye. 7Nawe ndabhabhira bha munyumba ya Yuda,naneenye ndabhaturya enye omweene,Tatabhugya wabho.Ntakubhasakirya kuriihi,kwobhuta,kworisabha,kwe farasi no kubhatiira bhe zifarasi.'8Gomeri hano yarutuusha Lo Ruhama,akagega enda kweki,akibhura omwana mumura owuundi. 9Tatabhugya akahaya, ''Mtoge Lo Ami;kwokubha emwe mutari bhaatu bhaane,na nenye ntari Eriobha wenyu.''10Erabha abhaana bha Israeli bhaarohenkyo muserekenya go munyanza,guno gutakurengibhwa nokubharwa.Erabha harya bhaabhurirwe, ''Emwe mtari bhaatu bhaane,'' bharabhura, ''Emwe mbaatu bhe Erioobha ryo omwiika.'' 11Abhatu bha Yuda na bho Israeli bharikumania ahagiro hamwi.Abheene mbaratuura omukangati wumwi abheniigo,bharareta kuusi,kwokubha rurabha orusiku orukuru rwa Yezreeli.
1Bhurira abhahiri bhane abhasubhhe.Abhatu bbhane kubhasubhati bhaazo,werekirye.2Murete amasemo ga nyokowenyu,murete amasemo kwokubha ewe ni mkane,enye ntari mukaruka waaye.Atige obhusimbe kunewe,na amahokya gaye go obhusimbe kuzimbere zyaaye. 3Aribha etarigo ndamurusha ezingibho nimwerekye eking'abhu kyo orusiku runo akibhurwa.Nosi ndamukora kye eritirigo,kye ekyaaro kino kisarikiri,nosi ndamkora akwe kwookubha ya enyoota.4Ntakubha nebhigongi kubhana bhaye,kwokubha ebho ni bhana bho omusimbe. 5Kwokubha ninawabhu abheeri omusimbe,nanewe uno arinda akoriri mang'ana gaasoni.Abhugiri, ''Ndagya kubhaseegi bhane,kwokubha bharanihana omukate gwane na amanzi,sufu zyane na kitani,amaguta gane ne ekinyweero.6Bhoona ndabhaaga orubhaago rwo okuribha enzira yaaye na amahwa.Ndomboka orugito kwokubha yaye atazokukorego abhone enzira.Ewe aramohya abhasegi bhaaye,atakubhahikirirya. 7Ewe arabhamoohya na atakubhabhoona.Hano akumaara arabhuga, ''Ndakyora kumusubhe wane we embere,kwokubha hakiriku ekare kumenya kuriku bhoneego.8Kwego atamenyiri kubha ninye niamuheeri eziheke,divai ehya na amaguta,na uno nkamwongererya ezihera na edhahabhu,bhino bhakoreeri ku Baali. 9Kwego ndagega eziheke zyaabhu eribhaga rye erigesa,ne edivai yane ehya kwii bhaga ryaku.Ndagega sufu yane na ekitambara kino kyari kibhisiri eking'abhi kyaaye.10Niho nkumurusha ezingibho mumeso ga abhamega bhaaye,na etareho mutu wuno akumurusha mumabhoko gane. 11Ndamurusha obhuzomererwa bhwaaye bhwoosi sikukuuru zyaaye,okutazwa omweeri,sabato zyaaye ne ezisikukuru zyaaye zyoosi zino zyaterwooho.12Ndasarya emizabibu gyaaye no omutini gwaaye,gino akubhuga, 'Gano ni mariho gano abhamega bhaane bhaniheeri.Ndabhabhakora kisaka,ne ezityenyi ziigutu ziraarya. 13Nosi ndamutingya tingya kwokubha ya sikukuuru ya Baali,hano yabhagundiirirye omugundiriiryo,akibhooha ezipete zyaaye,na ezingibho zyaaye,akagya kubhamega bhaaye akaniebha.Gano nigo omutemi ahairi.14Kwego ndagya kumusabha.Ndamureta kwibhara ndamubhurira kwo kumwabhiira. 15Nosi ndamukyoreerya emizabbhibu gyaaye,nomwaaro gwa Akori kye ekiseku kyookwisiga.Ewe arankyoreerya eyo kyeego yakoriri kwi ibhaga ryo obhumuura bhwaye,kye ezisiku zino akareka mukyaro kya Misri.16Erabha kto orusiku ruuyo''-bhuno nibhwe obhugambi bhwo omutemi- ''kubha orambirikiira, 'Musubhe wane,'nootakumbirikira kweeki enye, 'Baal wane.' 17Kwokubha ndarushao amarinaga Baal mumunwa gwaye,amarina gaabhu gatakuhiitwa kweeki.18Orusiku ruyo ndakumiriryana ne ezityenyi mumigundu kwokubha yaabhu,ne ebhinyunyi bhya kwisaaro,ne ebhigiro bhino bhikwagura hasi.Ndarusyaaho obhuta,omuuhyo,nerihi mukyaaro nosi ndakoora ohindiire bhuzoomu.19Ndabha musubhe wazo siku zyoosi.Ndabha musubhe waazo kubhuheene,kora obhuheene bhwo kwikirirania no okwabhiira. 20Ndabha musubhe wazo wo obhuheeene.Woosi oranimenya enye ni mutemi.21Orusiku ruurya ndahaya,rino niryo ering'ana ryo omutemi.Ndabhuriira erisaaro,bhoosi bharabhurira ekyaaro. 22Ekyaro kiranyakira ebhyakurya,edivai ehya na amaguta,bharabhuriira Yezreeli.23Ndamuseega omwene mukyaaro kwokubha yane,ndamwabhira Lo Ruhama.Niosi ndamubhurirya Lo Ami, 'Awe ni Ami Ata,' bhosi bharamburira, 'Awe ne Eryoobha ryaane.'''
1Tata akamburira, ''Nogwe kweki,omsege omkari,uno asegirwe no musubhe wae;nawe ni msimbe.Msege kyego enye,Tata,mbasegiri abhatu bha Israeli,alibha bharikyorera emisambwa egindi nokusega emikate ne zabibu.'' 2Bhono nimguriri omweene bhitinika ikumi na bhitano bhe zihera homeri na letheki ya membo. 3Nkabhabhurira,''Wende wange orikara hamwe nanenye siku nzaru.Otakunagya kubha msimbe au omutu oundi uyo wosi.Kwenzira iyoiyo ndabha hamwe ninemwe.''4Kwokubha abhana bha Israeli bharikara siku nzaru bhatana omutemi,omtu omukuiru,ekimwesa etimu yerigina,ekyongererya hunduguru zyaika. 5Niho abhatu bha Israeli bhakakyora okumuhomya Tatabhugya wabhu na Daudi omtemi wabhu.Nezisiku zya mwisho bharakyora bhararigita kutata omuzomu.
1Mwitegerere eng'ana ya Tata,emwe abhatu bha Isdraeli.Tata ana masemo higuuuru abheenyeji bhee kyaro,kwokubha bhtariho obhuhene bhwoo bhurage,bhutariho obhung'eni bhwe ryobha mkyaro. 2Gariho amaraaga,orurimi obhwiti,obhwibhi no obhutungiri.Abhatu bhabhuniri ezitunga zyosigo namanyinga garaza kumanyinga.3Kweego ekyaro kiroma,na kumutu wuno akukara arasikibhwa;ezityenyi mumigundu nee ebhinyonyi kusaro,nee ziswe munyanza zirarusibhwamu.4Nawe otikirirya mutu wowosi kuhira masemo,mutikirirya mutu wowosi atinire mutu wundi.Kwokubha emwe nimwe abhamwesi bhano kusema. 5Emwe abhamwesi muriitema kwibhaga rya mumwisi, abharoti bharitema hamwe na nemwe obhutiku,nosindasika nyoko wenyu.6Abhatu bhane bharasaribhwa kwoo kubhuurwa amang'eni.Kwookubha abhamwesi bhabhurirwe amang'eni nosi ndabhaga kubha bhasengiri kunenye kwoo kubha webhiri erihatike ryane,hyiigabha enye ni Eryobha ryazo,noosi ndebhaa abhana bhyazo. 7Abhasengiri bharu bhano bhabhonekiri,abharu bhakakora amabhi ighuru wane bhakyorabezisoni zyaabhu kwoo kusuka'8Bharagega obhubhio bhwa bhaatu bhane,ebho mbhamugono kutuma obhusarya bhwabhu. 9Erabha kisi kubhatu abhasengiri ndabhookya bhoosi kumahokya gabhu,ndabharibha kumahokya gabhu.10Bharaarya nawe bhatakwighuta bharakora ebhiitungo nawe bhaatakwaruha,kwookubha bhaagirikure na Tata.11Bhaasegiri obhutungiri,amarwa,na amarwa amahya,yiino agegiri okumenya kwabhu. 12Abhatu bhane bharenda shairi ebhikorwa bhyeebhu bhyee mati,neezihimbo zyabhu zyoo kugenderera zyiirabhaha obhuroti.Kwookubha misengo goo bhusebheti garabhang'enererya,na bhikoriri abhasimbe nahano bhigabheri bhahene kuryobha ryabhu.13Bhararusha ebhibhirwa nokusikya mugundiriryo kubhiguru iyaasi yee miaroni,miribua na miela,kwookubha eekiriri nikuzomu,nawe bhakya bheenyu bharatungirwa. 14Enye ntakwooka bhakya bhabhu bharasora kukora obhutungiri naho eribhaga bharatungirwa,kwokubha abhasubhe bharihira kubhasimbe,na bhararusha muhero gyokwokibhwa nawe bhature kukora mahokya obhutungiri noobhusimbe kwokubha abhatu bhano bhatamenyiri bharasikibhwa.15Nawe awe,Israeli okoriri ubhutungiri,nawe Yuda atabha na masemo.Emwe mtagya Gilgali;mtagya Beth Aven.Mutabha, ''Akwikara Tata.'' 16Kwookubha Israeli akoriri ekisubhe kyee kimori kyee kisubhe,okubha tata kubhahira kubhunyaki kyaa mang'ondu kumweya?17Efraimu akagwatana na ebhikorwa;kumutiga omwene. 18Kwibhaga kamarwa kyabhu kigiri bhakasingirirwa kukora amega;abhakangati bhabhu bhasegiri eezisoni zyaabhu. 19Omukama guramboha kwa mabhabha gayee;bhoosi bhararora ezisoni kwookubha omuhero gwo kwokibhwa.
1Mwitegerere gano!omumwesi!mubhe bhitegereri,omugye gwa Israeli!Mwitegerer omugye gwoo mutemi! kwokubha erisinziro riraza iguru wenyu bhwosi.Mubheri omuheto eyo Mizpa noo ruwaya giwanyaraganibhwe iguru yaa Tabori. 2Kukyoka bharimerera bhukong'u gati woobhwiti nawe ndakuhokya bhoosi.3Nimenyiri Efraimu,Israeli akyari kwibhisa kunenye.Efraimu,nhoono obheri kyoo musimbe;Israeli nii ekibhihu. 4Mang'ana gabhu gatakubhikirirya kumwikyorera Tata,kwaa misego amisego goobhusimbe garimwosi wabhu,bhatakumumenya Tata.5Ekigoti kya Israeli kirabherekya; kwego Israeli nee Efraimu bharitema kuubhubhihu bhwabhu naa Yuda kweki bharaga hamwe nabho. 6Bharagya hamwe nee zing'ondu ne zing'ombe zyabhu,kumumohya Tata.Nawe bhatakumurora kwokubha akirusha kurwa owabhu. 7Hatahabha bhatari bhaheene kuu Tata,kwakubha bhakibhura abhana bhigutu.Bhoono ezinyangi ezihya zyoo mweri zirabhasarya nee migundu gyabhu.8Oteme okombyo eyo Gibea,nee kombyo eyo Rama.Eriraka ryee ekiriro kye erihi eyo Beth Aven 'Turkwizyira Benyamini!' 9Efraimu erabha obhutaka orusiku rwe nyako,gati wee zyihamati gaa Israeli ndarikiri ekina kino kirarorekane.10Abhakangati bha Yuda nkyego bharya bharusiryeho erigina ryoo kuzitunga nosi nditira obhutindi bhwane iguru wabhuu kyego amanzi. 11Efraimu asaribhwe,asaribhwe kwee erisinziro,kweenyako akagenda kwookwenda kugira erigunguri.12Kyego ndabha kyee erigunyo kyaa Efraimu,noobhubhoru bhwee nyumba ya Yuda. 13Efraimu hano yaruzi obhurweri bhwaye,Yuda akarora erigati ryaye;Efraimu akagya Ashuru;Yuda akabhatuma omuhuri wa mang'ana kuu omutemi omukuru.Nawe atanagirye kubhahorya hamwe kuhorya erigati ryaye.14Kweego ndabha kyeendwi kuu Efraimu kyego kuu enyumba ya Yuda.Enye, ndikirirya, enye,ndabhura nookugya kure;Ndabhagega,noo kutakubhaho omutu wookubhaturya. 15Ndagya nookukyora ahagiro hanee tee bhamenye obhubhi wabhu nookumuhokya obhusho bhwabhu,nawe bhakanimohya kwoomukya gati wee nyako yabhu.
1"Nawuze,tukyore kwi Isabhuga.Kwookubha atubhuniri bhitinika bhitinika,nawe aratuhorya;atunahiri,nawe aratubhoha ebhidonda,nawe aratubhoha obhunyahariku bhwetu. 2Kwibhaga rye ezisiku ibhiri araturyokya;orusiku rwa katatu aratwimererya,na tulikara kubhukangati bhwaye. 3Twosi tumenye Isabhuga;tugendererye okumumenya Isabbhugya.Kuza kwaye ni heene kye ekitabhori;Araza kunetwe kye embura,kye embura yoomubhu yino ekutwekera hasi.4Efraimu,nikukorere eki?Yuda/nikukorere eki?Obhuhene bwazo nikye erisaro rye etabori,kyo orume runo rukutonyoroka zuri. 5Kwego nibhabhuniri bhitinika bhitinika kwe eminua gya abharoti,nibhitiri kwa amang'ana go omunua gwane.Amaragiriryo gazo ni kyo obhweru yino ekumirika.6Kwakubha niragongerya ubhuhene etari kimweso no okurimenya Eriobha ebigiro okusengerera byo kusikibhwa. 7Kyego Adamu asarirye amaragano;bhatabheri bhaheene kunenye.8Gileadi ni iboma rya abhasarya ba amaguru ga amanyinga. 9Kya mahizo ga abharusha bhano bhakuruganyirira omutu,kwego abhamwesi bagwateni hamwe okukora obhwiti kwe enzira ya Shekemu;bhakoriri obhusarya bhweezisoni.10Mwihuna rya Israeli niruzi erigina embihu;obhutungiri bhwa Efraimu bbhuri harya,na Israeli eturirwe obhusarya. 11Kwakubha awe, Yuda, obhugesi bhusorirwe,hano nirakyorye ubhugabhi bhwa abhatu bhane.
1Eribhaga ryoryosi rino nikwenda kuihorya Israeli;ezambi ya Efraimu erakundukurwa,hamwe na matemio amabhihu ga Samaria,kwokubha bharakora obhung'eni omwibhi arasikira,nerikundi ryabhano bhakurusha kwokusoka murobho. 2Bhatakumenya mukoro zyabhu kubha ndahita amatemio gabhu amabhihu.Bhono amatemio gabhu gharabhazunguka;garimbere wo bhusho bwane.3Kwakubha obhusarya bhwabhu bhakoriri omutemi wabhu azomerwe maofisa bhabu kworurimi bhwabhu. 4Bhosi nibhasimbe kye tanuru yino yokibhwe nomwokya,wuno akutiga okwegererya omuriro okwemera okukanda obhutu mpaka kutundura. 5Orusiku ryo mutemi wetu,abhatake bhakikora bharweri nobhuhari bhwa amarwa.Akagorokya okubhoko kwaye kubhano bhahazibhura.6Ekoro kye tanuru,ebho okupanga emipango gyabhu gyo kung'ena.Obhutindi bhwabhu bharahindira obhutiku bwosi,etabhori iguru haraka kyo muriro. 7Bhosi bhabhweni omuriro kye tanuru,nokusikya bharya bhakubhatawara.Abhatemi bhabhu bhosi bhaguri,etareho wumwe wabhu wuno akumbirikira.8Efraimu arizinzigania omwene kubhatu.Efraimu nomkate guno gutakageuzibhwe. 9Abhagini bhariri ezinguru zyaye kyego atabhamenyiri.Ezinzweri zye zimbwe bharitururira iguru waye,kyego atamenyiri.10Ekisirani kya bhaisraeli kirabharorera hatego bhakyari kukyora kuu Tatabhugya,Eryobha wabhu,kyego bhatamukomirye kugayo gosi. 11Efraimu ni kyekitugi,omubhi wuno atana mazomu arabhirikirwa kugya Misri,kweki eraruka kugya Ashuru.12Bhakugya,ndataragania oruwavu rwane iguru wabhu enye ndabhagwisha kye ndege ya kwisaro nokwita okugya kwabhu hamwe. 13Tiga emwe!kwokubha bhabhuriri kurwa kunenye.Obhusarya bhurabhizira!ebho bhitiniri kati yane!Nisegiri okubhaturya ingabha bhakagamba orubhehi kuninye.14Hatego bhatandariri kwekoro yabhu yosi,bhono bhararira kubhuriri bhwabhu.Bharasarya kwebhyakurya amarwa ehya ebho bhitiniri kunenye. 15Ingabha nikabhafundisha nokuimarisha amabhoko gabhu,bhono bharapanga amabhi iguru wane.16Bharakyora,bhono atakukyora kunenye wuno niriguru.Ebho nikyego obhuta bhuno bhutakwisegwa.Abhatake bhabhu bharaza kugwa kwerisabha kwokubha yerisabha weminwa yino erazakubha nisoni yabhu kukyaro kya Misri.
1''Tura orukano mumunwa gwazo! Erikoke ruraza iguru we nyumba ya Eriobha kwokubha abhatu bhatagiri emuma yaane,bhakaanza amasinziro ghane. 2Bharaniriira,Eriobh aryane,etwe Israeli tukumenyiri. 3Nawe Israeli yaangiri amazomu,no omubhihu aramugyaku.4Bhaturiri abhatemi,nawe bhatanigereri obhugambi bhwane.Bhabhakoriri abhakuru,nawe nitahabha nimenyiri kwe ezihera zyabhu na ezahabu bhikoreri ebhizururu abhene,bhangirwe kuure.'' 5Ekimori kyazo kyangirwe,Samaria.Obhutindi bhwane bhwakiri iguru wa abhatu bhano.Niibhagaki bharabhe no obhubhihu.6Kwookubha ekizururu kiino kiikarwa Israeli omuturi akakikora,kitari kye Eriobha,ekimori kya Samaria kirabhunwa bhikunguru bhikunguru. 7Kwookubha abhatu bharemia omukama no okugesa ekimaramumbi.Ezimbibho zino zimereri zitana emitwe zitakurusya obhutu,haribha zirakoong'e,abhagini bhararya.8Israeli emirirwe;bhono bharahindira ghati we ebhyaro kye ekigiro kye ekigiro kino kitana ng'ana. 9Kwookubha bhakaagya Ashuru kye punda ya mukisaka eyene.Efraimu agegiri abhasegi kunewe omwene. 10Nawe ingabha agegiri abhasegi kurwa mubhyaro,bhono ndabhakumania hamwe.Bhosi bharaanza okubhura,kwokubha yo obhunyakya bhwa abhatemi abhakuru.11Kwakubha Efraimu yoongerye amasengerero ne ebhisengerero bhye emuma,naweghabheri amasengerero gho okukora emuma. 12Nkanaagya kukamanerisinziro ryane kuneebhwe mara bhiikwi ikumi,nawe bhari bharairora kye ikigiro kyo okurugurya kunebhe.13Kwe ebhizomu bhye ebhisengereryo bhiane,bhararusya enyama no okuirya,nawe enye,Eriobha ntakubhahikirirya.Bhono ndiitigerera iguru yo obhubhihu bhwabhu no okunyahara obhubhihu bhwabhu bharakyoora Misri. 14Israeli aniebheri enye,omubhumbi waye,yombokiri amanyumba.Yuda akongiirye miigye miaru,nawe ndatuma omuriro iguru we emigye gyaye;erasarya ezimbago zyaye.
1Mutige kuzomererwa,Israeli,kwoobhuzoma kya abhatu abhaaandi.Kweego otabheeri omwikirirya,omutigiri Eryobha ryaazo.Osegiri kuriiha omuhero kubhasiimbe kurubhara zyoosi zye bhyakurya. 2Nawe ebhyakurya na maarwa bhitakubhighutya amaarwa ehya garamusuhira.3Bhatakunagya okugendererya okwikaara mukyaaro kya Tatabhugya;rubhaala rwaaye, Efraimu arakyoora Misri,norusiku oruumwe bharaarya ebhyakurya ebhinyaaku ku Ashuru. 4Bhatahamuruushira Tatabhugya ekimweeso amaanwa,nawe bhatamuzomeeerya.Ebhihirwa mwisengerero zyaabhu ziraabha kuneebho kye bhyakurya bhyaabhu abheene;bhatakusikirya munyumba ya Tatabhugya.5Orakooraki orusiku rwe sikukuru yino ekaturwa etangirwe,esiku yesikukuru ya Yahwe? 6Kwookubha,noorore,bharyariiri abhusaarya,Misri erabhakumania,na Nofu erabhabhiika.Okuubha ebhibhumbiko bhaabhu bhye zihera zya manoti zirabha naabho,na maahwa garizuurya amabhuuru gabhu.7Ezisiku zyeenzagu ziraaza;ezisiku zokuriiha ekisiyoomba ziraaza.Waisraeli bhoosi bhabhoonene amang'ana gaayo.Omurooti ni munyaku,noomutu wuno aheerwe omuyaanga kwookubha obhubhihu bhwaazo obhukuuru nabhabhihu obhukuuru.8Omuroti niwe omuribhi we Eryobha ryani iguru ya Efraimu.Nawe omuteego gwe bhinyonyi guriguuri yenzira zyaaye zyoosi,nabhabhihu bhuriimu munyumba ye Eryobha ryaaye. 9Bhisarirye abheene kyorusiku rwa Gibea.Eryobha rikabhahitya obhubhi bhwaabhu,woosi arabhariihyo ebhibhi bhyaabhu.10Tatabhugya akahaya, ''Hanonkabhoona Israeli,ehabha erakyooma zabibu kwibhaara.Kyego emisumo geembere go ruunga ga kumuti,nibharuu bhawuso bhyenyu.Nawe bhakagya Baal Peori,bhoosi bhakirusya kwihunduguru yino bhahabha bhasegiri.11Kwokubha Efraimu,obhweeru bhwaabhu bhuraakye bhinyonyi.Kutakubha no kwibhuura,zitariho ezinda,na wuno akugega enda. 12Yingabha bharetiri abhaana,ndabhagega nawe atasaaga na wumwe.Arabhu wabhu ndabhatige!13Mbaruzi Efraimu,kyeego Tiro,akemiibhwa mukiguru,nawe Efraimu ararusya abhaana bhaaye kumuutu wuno arabhite. 14Bhahane,Tata-orabhahanaki?Bhahane enda yokusarya amaryemi nezimbere ziino zitakurusya embeere.15Obhubhi bhwabhu bhoosi Gilgali,nawe eyo nikabhatindira.Kwookubha ya amahokya gaabhu ne ebhibhi bhyaabhu,ndabhahebha igutu wenyumba yaani.Ntakubhasrga kweeki;abhakuru bhabhu bhoosi bhatigiri.16Efraimu ni murweeri,nemiri gaye gyoomiri;bhatakwibhura emisuumo.Kyeego bharabhe na bhaana,ndabhiita abhana bhaabhu abhaseegwa. 17Eryobha ryaani rirabhaaga kwookubha bhatamwikirirya.Bharaabha bhaatu bhukugendagenda mubhyaaro.
1Israeli niomuti gwo omuzabibu guno gukwibhura amatunduguru gaye.Kyabhurya amatunduguru gaye gakwaruha niigo akwomboka amasengerero maaru.Kwokubha ekyaaro kyaye kikibhuribhwa kukiraho,akaryoosya ezitimu zyaye. 2Omwoyo gwabhu niobhung'enererya;bhoono bharenderwa bhagege obhusarya bhwabhu.Tatabhugya arasarya amasengerero gabhu;arasarya ezitimu zyabhu.3Kwookubha bharahaya, ''Tutana omutemi,kwookubha tutamwikirirye Tatabhugya.Nomutemi-yaratura kutukorera eki? 4Bhragamba mang'ana agene no okukora obhurage kwo okwirahira kwo rurimi.Kwego eheene eraaza kyeenyori yo obhusungu mumiaro gya mumigundu.5Abhikari bha Samaria bharaza kwobhoha kwa okubha ye ebhimori bhya Beth Aven.Abhatu bhaye bhakarira iguru wabhu,kyabhurya abhasengeri bharya bha amahunduguru,bhano bhahabha bhazomererwe iguru wabhu no obhware bhwabhu,nawe bhatareho kweki. 6Ebho bharagegwa kugya Ashuru kye ebhirusibhwa mwisengerero ku omutemi omukuru.Efraimu arabha ne ezisoni,na Israeli arabha ne ezisoni kwe erihunduguru ryaye.7Omutemi wa Samaria bharamusikya,kye erihuro kubhusyo bhwa amanzi. 8Ahagiro ha Aveni hano higungiri,ebhibhi bhya Israeli!harasaribhwa.Emiti neebhisaka bhirabha iguru we erisengerero ryabhu.Abhatu bharaza kubhurira, ''Tukundikirye etwe!" na ebhiguru, "Hitugwere!"9Ee Israeli,okoriri ebhibhi kwemera kuzisiku zya Gibea;osagiri eyo.Erihi rirabhabhona abhana bho obhusarya eyo Gibea?10Handondende,ndabhokya.Ebhyaaro bhirakumana hamwe nabho nookubhatuura mubhibhohe kwo obhusarya bhwabhu rwakabhiri. 11Efraimu ni kimori kino kyeegibhwe,wuno asegiri okuhura,kwego ndatuura jozi iguru we ebhigoti bhaye ebhizomu,ndamutirya wo okutiira iguru wa Efraimu,Yuda arazakurima;na Yakobo arazakwatya amakindi gaye.12Mwikorere eheene,mugese amatunduguru go obhuheene bhwa obhurage.Mutukure hasi henyu hano hateemibhwe,kwookubha ni eribhaga rya okumumohya Tatabhugya,tee hano araze no okugororokya eheene iguru wenyu. 13Mrimiri obhubhi;mgesiri obhusarya.Mriri amatunduguru go obhung'enererya kwookubha okisiga enzira,no obhwaru bhwa abhakimari bhazo.14Kweego okutumuka kwe erihi kuraryooka mubhaatu bhazo,na erigobhe ryazo rirasaribhwa,kyabhurya Shalmani akasarya Beth Arbeli kuzisiku zya erihi,mayi akabhunika bhunika hamwe na abhana bhaye. 15Ego nigo,Betheli arabhakore emwe, kwookubha yo obhubhi bhweenyu obhwaru.Eribhaga ryaamakya omutemi arangirwa.
1''Hano Israeli ahabha mumura nihabha ni musegiri,na nikamubhirikira omwana wane kureka Misri. 2Kwego bhabhirikirwe, nigo bharekiri ewane.Bhakabhakora dhabihu Baali,bhakakomya amaguta kwe erihunduguru.3Nawe enye nenye namwegirye Efraimu okugenda,nenye nabhagororokirye kubbhigwato bhyabhu,nawe bhatamenyiri kubha mbendiri. 4Nikabhakangata kuzisiri zya abhatu,na amakundiko gobhusegi.Enye nihabha kyo mutu wuno akusukya ezingusuri kuzitama zyabhu,na nikihinya na okubharisha.5Angu,bhatakukyora musi ya Misri? Angu,Ashuru etakukangata iguru wabhu kwookubha bharanga kukyora kunenye? 6Ebhyogi bhiragwa iguru we emigye gyabhu no okusarya amakufuri ge emiryango gyabhu;erabhanyahara kwokubha ya amahokya gabhu abhene. 7Abhatu bhane bhendiri kunitiga.Ingabha bharabhirikira kuwuno aliiguru,atariho mutu wa kubhasakirya.8Ndakorabhwi kukutiga,Efraimu?Ndakorabhwi kukuhira Israeli?Ndakorabhwi kukukora kya Adma?Ndakorabhwi kukukora kya Seboimu?omutima gwane gwikirenie mwosi wane;ebhigongi bhyane bhyosi bhiyongerye. 9Ntakukora bhutindi bhwane bhuhari; Enye ntakubhanyahara Efraimu kweki kwokubha enye ni Tata,nawe ntari mutu enye ni omweru gati wenyu nenye ntakuza kwa bhubhi.10Bharanitumirira,Tata.Ndang'orota kye endwi.Enye ndasekerera,na abhatu bharaza kurigita kureka range. 11Bharaza kuza bharirigita kye ebhinyunyi kureka musi ya Ashuru.Ndabhakora bhanagye kwikara muzinyumba zyaabhu rino niryo eriragiriryo rya Tata.12Efraimu araninogora kwa mang'ana ga orurimi,ne nyumba ya Israeli kwa kung'enererya.Nawe Yuda akyari na neneye,Tata,newe ni muhene kunenye,omuhene.
1Efraimu ararya obhukame kutunirira omukakama ruguru.Ewe ezisiku zoosi araherya orurimi nookwinyira.Bharakora obhurage na Ashuru no okugega amaguta gaa Misri. 2Tatabhugya ana masemo dhidi ya Yuda aratemwa Yakobo kuugano yakoriri aramurika kuu amang'ana gaye.3Munda Yakobo akamugwata omuhiri waye ekisuguriri na kuubhatu akikongererya. 4Akakindigana na Malaika akamukira.Akarira nookusabha enookwa.Akasikana na Tatabhugya eyo Betheli;eyo Tata akagamba nawe.5Wuno niwe Tatabhugya,Eryobha rya abhasirikare; ''Yahwe''niryo erina ryaye. 6Geenda kutatabhugya wazo.Gwata omuheene na okwigaranzirya obhurage, na omuganye Tatabhugya waaso kuzisiku zyoosi.7Abhakori bheebhasara bhana ebhirengo bhwoo orurimi muumabhoko ghaabu bhasegiri okung'enererya. 8Efraimu akabhuga, ''Kuumaheene enye ni munibhi bhukong'u; Nibhweni obhunibhi kwumweya gwaane.Kuu mirimo gyane gyoosi bhatakurora bhubhihu bhwobhwosi kunenye,kyokyosi kino kikubha ekibhi.9Enye ninye Tatabhugya wazo kwemera hano warekeri ekyaro kya Misri.Ndakukora wikare mwihuna kye orusiku rwe karamu. 10Nkabhabhurira abharoti na nibhaheeri ebhiroto kwookubha yenyu kwa amabhoko gaa abharoti nikarusya obhwemero.11Kuna amabhihu gari eyo Gileadi,heene abhatu bhatari bhazomu.Gilgali bharagwaga ezing'ombe;ahagiro hokusengerera zirabha kyee erigina kwitare rye emigundu. 12Yakobo akararya mukyaro kya Aramu; Israeli akakora emirimo okubhona omukari;woosi akarisya erihizorye ezing'oondu niho abhone omuukari.13Tatabhugya akabhareta Israeli kurwa Misri kwo kukorera akabhabhika woo omuroti. 14Efraimu amtindirye tata.Tatabhugya arahatira amanyinga gaye woosi aramukworerya ezisooni zaye.
1Efraimu hano akagamba,hahabha nekirigito.Akikurya kubha Israeli.nawe akabha nobhubhi kwokubha kubhusengeri bhwa Baaali,nawe akakwa. 2Bhono bharakora obhubhi kweki na kweki.Bharakora ihunduguru zyebhyoma okurwa ku siringi zyabhu,ihunduguru kubhunagia bhwabhu giosi ni milimo giabhakori abhatu bharaha iguru yabhu,abhatu bhano ararusha ebhihirwa mwisengerero no kubusu ekimori.3Niho bharabhe kya masaro getabhori,kyo rume ruragia kwi kindasi.4Nawe enye Eriobha,Tatabhugya wazo,kurwa kusi ya Misri.Otakumenya Eryobha rindi nawe enye;atareho kukila enye,atareho mturira wundi. 5Nkaza kwibhara,kusi yino enekiomu. 6Eribhaga rino niihano hagiro nkabhakira neribhaga rino nkiguta,ekoro yane ekinurwa. Kwokubha ego oniebhiri.7Ndabha kye endwi;kye egwe nazakurora eligobhi rye nzira. 8Ndazikia kye tienyi wono atesibhwe abhana bhaye nosi ndabharandu ebhikubha bhyabhu neno ndazikia endwi,kego amatienyi ga ekisaka gakubharandula bhitinikabhitinika.9Kunyahara,Israeli;niwi wuno arakusakirye? 10Omutemi wazo alihai,ansakirie gati we migye giane gyosigo?Bharehe abhakuru bhano owane kubhulili ego, 'Nihane omutemi no mkuru'? 11Nkuheri omtemi kukoro yane,nkamgega kwo obhutindi bhwane.12Obhubhi bhwa Efraimu bhubhikirwe;amasalio yaye ebhikirwe. 13Arabha nobhururu bhwo kwibhura,nawe no mwana mugege,kwokubha kuribhaga ryo kwibhurwa,atakurwamu munda.14Ndaza kubhaturia nokubhoko kwahaguhi?Ndaza kubhaturya noruku?Awe oruku rulihai amatemo gazo? Awe embihira orihai kusaria abhazo?Amebhe garabhiswa neezimoni zyane.15Kwokubha Efraimu arabhona kubhahili bhaye obhukama bha ruguru bhuraza;obhukama bhwe Eriobha bhuratema kurwa kwibhara.Mumwaro gwa manzi kya Efraimu kiroma,nekitaro kyaye kitakubbha naa manzi,omubhi waye bhalibha ekitara kyaye kye ebhigiro ebhizomu.16Samaria erabha nee kibhoho,kwokubha yangiri eriobha ryabhu.Bharagwa kuusabha;abhana bhabhu abhasuhu bharabbhuna,nabhakari bhabhu bharinda bhararorekana hagiro hosi.
1Israeli, kyoora ku Tata,Eryobha waazo,kwokubha nogwiiri kumabhihu. 2Mugege amang'ana hamwemwe na neemwe na momkyorere Yahwe.Mwomborere, '' Tuteshe amabhihu getu bhosigo,wikirirye amazomu getu, tee tunagye kukuhana matunduguru ge eminwa gyeetu.3Ashuru atakututurya;tutakutura ezifarasi kugya mwiihi.Tutakunagya kweki kugibhurira emisambwa neeme Eriobha ryeetu,kwokubha kuneewe omutu wuno atanawise kuneewe arabhona amaabhero4Ndabhahorya okwikorya kwenyu;Naneenye ndabhasega kureka kukoro,kwokubha obhutindi bhwane bhurareka kuneewe. 5Ndabha nkyoorume ku Israeli,arabharya nkye ebhibhyaro,nokumerya imerya nkyo omuti gwu mwelezi kukyaaro ke Lebanoni. 6Amasangasya gaaye galasanza;Obhuzomu bhwaaye bhurabha nkyomu zeituni,nookwihurya kwaaye nkye mielezi gye Lebanoni.7Abhatu bhano bhakwikala kukizurulu kyaaye bharakyoora;bharahyokibhwa nkya bhino bhigesirwe na nkya ebhibaryo,nkye mizabibu.Ubhweera bhwaye bhuratubharibhwa ne divai y Lebanoni. 8Efraimu,nkore igabhwi kweeki nee misambwa? Enye ndamkyorera kuhaya no kumutuga.Enye nkyo omtu gwo muberoshi amato gaye ngo munyeenye siku zyoosi;kuleka kuneenye amatunduguru gazo.9Ninewi wuno ana mang'eni amenye amang'ana gano?Niwewi uno agamenyiri gano abhabhurire?Kwokubha enzira ya Tatabhugya eri kisi,na abhatemya mazomu bharahitira kunzira iyo,nawe abhatemya mabhihu bharagwa kunzira iyo.
1Rino ni ing'ana ryo omutemi rimorikagya ku Yoeli omwana wa Pethueli. 2Mwiigwe gano,enwe abhakaruka.mwigwe emwe bhene kyaaro.Angu!Ino ewahiri kubha au kuibhaga rya bhauso wenyo? 3Bhuriira abhana bhaazo kuurio,abhana bhazo bhatabhurira abhana bhaabhu,na bhaana bhabhu kuruganda runo rukuuza.4Gano gasagiri na ezizawadi bhikaribhwa ne ezisarabhanze ezikuru;gano gasagibhwe ne ezinzige ebhisasi bhikarya;na gano gasagibhwe ne ebhisasi gakaribhwa ne madumadu.5Mwimuke,emwe abhagwaata,murire!muruguure bhano bhosimukunywa amarwa,kwokubha amarwa amazomu gatirirwe kureka kwemwe. 6Kwokubha abhaatu bhiziri mukyaro kyane,ekigumiru bhano bhatakubhaarwa.Ameno gaaye nkya gendwi,wosi ana ameno gendwi. 7Akoriri omugundu gwane gwe emizabibu ni hagiiro ha kuhahya,agegiri mtini gwane.Agegiri erikanda ryaaye arirekeeri kure,amasagya gaye gabheeri marabhu.8Yaramira kyo omukya uno ibhoohiri amagoneera kuurukurwo omusubhe waye omusuhu. 9Ekisengyo kyo obhutu ne ekisengo kya manzi bhyangirwe kure ne nyumba yo omutemi.Abhamwesi,abhahookya bho omutemi ararama. 10Emigundu gisaribhwe,ne ekyaaro kisiondiri.Kwokubha ebhakuurya bhisaruibhwe,amarwa amahya goomiri,na amaguta gasariibhwe.11Murore ezisoni,emwe abharimi,murire, abharimi bhe mizabibu,kung'ano ye shaiiri.Kuubhugesi bhwe emigundu bhusarikiri. 12Emuizabibu gisarikire ne emiti gye emitini gyoomiri,emiti gye emikomamanga,emitende,ne emiti gye maepo-emiti gyoosi gya mumigundu gisarikiri.Kwo obhuzomereerwa gisarikiri kureka kuubhana bha bhaatu.13Tira kumagonera gisarikire na warame,emwe abhamwesi! Murarira emwe abhahokya bha mwisengerero.Nauze,ohibdire obhutike bhwoosi kuumagonera,emwe abhahookya bhe Eryoobha ryane.Kwookubha ekisengo kyo obhutu ne ekinyweero bhiribhiirwe munyumba ye Tata ryeetu. 14Mubhirikire kuumakundi amazomu,bhirikira erikundi erizomu.Mwikumanie abhakaruka na abhekari bhoosi bha mukyaaro bhahike mumugye gwo omutemi we Eryoobha ryenyu,no okumuririra Omutemi.15Ebhe kurusiku!Kwookubha orusiku rwo omutemi ruhikiri bhuraza obhusarya kureka kutata. 16Ebhyakurya bhitangirwe kure embere ya ameso geetu,obhuzomererwa na amaseko kureka munyumba ye Eryoobha ryetu? 17Eziteterae zirabhora mubhutoto bhwaye,ebhitara bhirurumikiri,amabhanda gahungukiiri,kwookubha ezitetero zisarikiri.18Kyeego ebhitenyi bhikurira!ezing'ombe ziranyaka kwookubha zitana hokurisha.Amahizo, ge ezung'ondu garanyaka. 19Omutemi ndakurira awe kwokubha omuriri gwokirye obhunyaki kukibhara,no omuriru gwitiri emiti gyoosi gya mumigundu. 20Ne ebhityenyi bhya mumigundu bharatira kwookubha emyaaro gya amanzi gyoomiri,no omuriiro gwookirye amanyaki ga kukibhara.
1Tena ekombyo Sayuni,tema ekitiri iguru we ebhiguru bhani ebhihoreru!Abhikari bhosi bhe kyaaro bharigite kwe kubhi;Esiku ya Tatabhugya eraza;Nihene rihaguhi. 2Niorusiku rye kirima no bhumwamu,esiku ye kirima kyeekirima,esiku ya masaro nekirima ekikuru.Kwego etabhari ekanyaragana kubhiguru,abhitani abhakuru bhezinguru bharisuka,kukyari kubhako abhitana kyabhayo.kutakuza kubhaho kweki nyibhuro nzaru.3Omuriro gurakora kila ekigiro kyembele waye,namugongo gwae omuriro gukaka,ekyaro kyo kyerisiku rya Edeni embere wae,mumugongo gwae nibhara rinorisarikiri.Kwokubha kitariho kyokyosi kinokitariho.4Kurorekana abharwani bhe farasi,bhararyara nokutira efarasi. 5Bharibhuruka kwekitiri kwezimotoka iguru webhisonge bhebhiguru,ekitiri kyemiriro nomuriro guno kugusikya amanyaki,kya bharwani bhezinguru bhano bhamwiri okurwana.6Embere wabhu abyatu bharabha nobhururu bhwobusho bhwabhu zirabha nerangi. 7Bhararyara kyabharwani bhamanaga;bharatira nyiki kya abhasirikare;bharagya,kyoumwe kumatambuka,bhatakubhuna mikiriri gyabhu.8Atariho umwe uno ahuniri oundi embarika;bharagya,kyo umwe kwenzira yae;ebho bharabhuna kwenzira yo bhwimerereri nokugwa habhori ya mng'oro. 9Bhararyarira mumugye, bhararyara kunyiki,bharatira musi we nyumba,kuhitahita mumahundu kya bhibhi.10Ekyaaro kirasingisa mbere wabhu,erisabhu rirarigita Eryobha no mweri nekirima,ne zinyota ziratiga kubharyabharya. 11Tatabhugya aragororokya eriraka ryae mbere wa bharwani bhae,Abharwani bhae ni bharu henehene; kwokubha ebho bhanamanaga,bharya bharakora erihatike ryaye.Kwokubha Tatabhugya ni mukuru wokuhema bhukong'u,Niwi akunagya okwzikara.12Nawe hatabhono,''akabhuga Tatabhugya,''Mukyorere enye kwe ezikoro zenyu zyosi.Bhangu,rira no kwarama.'' 13Okunyahara ezikoro zenyu na mibhoho genyu nokukyora kutatabhugya wetu.Kwokubha enekwe nebhigongi no bhwangu bhekoro,nobhwaru bhobhwi gwano no bhurage,asege okwikyora kwwookubha yo okwikobwa.14Niwi amenyiri?hamwe ingabheri nebhigongi,nokutiga orubhango ekimweso nobhutu bhekimweso kinyweero kutatabhugya wetu?15Tema ekyombo eyo Sayuni,bhirikira kwo okubhoha obhuhoreru. 16Mukumanie abhatu mubhirikire erikumanio erihoreru.Kumania abhakaruka,kumania abhana na bhana abharere.Tata wengi bhanagye kureka habhori yebhinyumba bhabhu,na bibi arusi kureka kubhinyumba bhyabhu.17Mbe abhakaruka,bhabhagati bha Tatabhugya,bhano bhari ahahororu herisengerero.Bhabhurire,abhatu bhazo, kutatabhugya,otige kurusha obhugabhi bhwabhu kwezisoni,ebharo bhibhakangate iguru wabhu.Nikwaki bharenda kuhaya iguru webharo,''Alihai Tatabhugya wabhu?18Niho Tatabhugya ahabha kumukya gwe kyaro kyaye no kubhigwera ebhigongi abhatu bhaye. 19Tatabhugya akabhakyora abhatu bhaye,Rora,ndabharetera ebhyakurya na marwa ebhibhya na maguta.Ntakubhakora kubha bhasoni kubharo.20Ndabharushaho abhisangiriri bha mamu kure nanemwe,Ndabhahatya kukyaro ekyomu kino kitigirwe.Orubhaha ryembere rwa abhasirikare ryabhu rirasikira munyanza,norubhara rwisiku rurasikira munyanza nyanza,obhusutu bhwaye bhurinurwa iguru,mobhuzu bhwaye bhurimuka iguru.Nihene akoriri mang'ana makuru.21Mtobhoha,ekyaro,mzomererwe,kwokubha Tatabhugya arakora amang'ana amakuru. 22Otobhoha,ezitwenyi zya mwitema kwokubha ekirisho kya mwitirigo garakura,emiti giribhura matunda gaye,nemiti ya mizabibu na mizabibu giribhura bhakurya bhbhu bhosi. 23Muzomererwe emwe abhatu bha Sayuni,nokuzemererwa kutatabhugya,wetu.Kwokubha arakuha embura ya mubhusuhu nakureta embura iguru wenyu,embura yo murumbi kyego hayo inyuma.24Eritare ryo kuhungira ririzura ngano,nebhigiro bhirizura amarwa mahya na maguta. 25''Ndabhahana emiaka nebhakurya bhino ezingigi zyariri,namasarara ezingigi nee ezingigi zikasika-enjeshi ryane eryamanaga gano tumiri kunebho.26Murarya ebhakurya bharu nokwiguta,nokurikumya erina rya Tatabhugya wetu,unoyakoriri amaryoryo iguru wenyu,takubharetera kweki abhatu bhane. 27Oramenya niho enye ndiho ku Israeli,na niho enyeni Tatabhugya wazo,tena atariyo undi,ntakubharetera soni kubhatu bhane.28Eraza kubha nditurura ekoro yane iguru wenyu nembiri gyosi,nomwanamukya wenyu abharoti,ebhakaruka bhenyu bhararota ebhiroto,ambhamura bhenyu abhararora ebhiroto. 29Iguru wo mubhagati na mubhagati bhekikari,ezisiku ziyo nditurura ekoro yane.30Ndakwereka ekiguro mwisaro na mukyaro,amanyinga,omuriro etimu zyomwoki. 31Eryobha rirabha kirima omweri gurabha manyingi,kuzisiku ezikuru zyo kuhema ku Tatabhugya.32Erabha kubha kila omutu uno akubhirikira erina rya Tatabhugya araturibhwa kwokubha iguru we kiguru Sayuni na Yerusalemu bharya bhakaturibhwa,kwo Tatabhugya kyego yahairi,nabhano mubharya bhasagiri mubhano Tatabhugya akabhabhirikira.
1Rora,kuzisiku ziiyo ne eribhaga riyo,hano nkukorya abhagwatwa woo Yuda na Yerusalemu, 2Nosi ndakumana ebharyo ngosigo,kubhahira eriruma Yehoshafati.Ndabhookya ehyo kwookubha yabhatu bhaane na bhaagabhi bhaane Israeli,abhano bhabhari yaraghweni mubhyaro,na kwookubha bhakasonda ekyaro kyane. 3Bhatemiri ezikura kwookubha ya bhaatu bhaane bha akagura omumura kwookubha hyoo musimbe,kugurya omukya marwa,bhaanywe.4Bhoono,kwaki oratindira,Tiro,Sidoni na magunguri gosigo ga Bhafirisiti?Bhono! murakyoorerya mariho?naho murandihe rumwego ndabhakyorera mariho genyu iguru yee m itwe ghyeenyu eemwe abheene. 5Kwookubha mugegiri ezibhirya zyaane nezizahabhu,zyaane,mwosi mukagega ebhibhubhiko bhyeene bhyee obhwera nokuhira nemwe mukagega ekibhumbiko kyane kuzihira mwiseng'erero ryenyu. 6Mugurire abhatu bhaa Yerusalemu kubha wayunani,kubharusha kure na mang'ana gabhu.7Mrore,ndabhabhukya,bhareke ahagiro hano bhabhagurirye na ndabhakyoryerya amariho nguru yee mitwe ghyenyu abhene. 8Ndagurya abhana bhaazo na bhakya bhazo kwoo okubhoko kwa abhatu bhaa Yuda ebhoo bharabhagurya Sheba,kusikure.Kwookubha Tata ahayiri.9Rarika rino muzyiisi,''Mwiteebhye abheenu kwihiyi,mubhukye abhahari,mutiige bhahyike haguhyi,abhahari bhosigo bhatire iguru. 10Mumote amagebhe genyu gabhe lisabhanee bhugeso bhyenyu bhyoo kuhorera kubha matimu.Nawe bhaata bhaa kanu bharabhuga, 'nina amanaga.'11Bhwagu na muzyee,muzyiisi zyoosigo zyaa haguhi,mwikumaniyee hamwe ehyoo.Awe Tata,iitumya abhabhari bhaazo.12Hamwe,eziisi ziihatike ezieene kuuza mumwaro gwaa Yehoshafati.Kwookubha ndikara ehyo erisinziro ryee eziisi zyoosingo zyaa haguhi. 13Mture erifyekero ryobhunyaki, kwookubha bhyookugeswa bhinogiri.Muuze, mukoze zabibu,kwookubha eriduramu rya marwa rizyiiri.Ebhugoti bhunobhizyiiri,kwo bhubhibhwa bhu nihyo obhukuru hene.14Kiriho eekirigito,kirigito mumwaro gwee erisinziro.Kwookubha orusiko rwaa Tata rurihaguhii mumwaro gwee risinziro. 15Omubhaso noo mweri bhirabha kirima,eeziinzota zitiigiri okumirika.16Tata araruma kurwa Sayuni,noo kutirya eriraka ryare kureka Yerusalemu.Erisaaro nee kyaro bhiirasingisa,nawe Tata arabha bhwiikari kwookubha kwabhatu bhaye,no obhutiriro kubhana bhaa Israeli. 17Kweego mumanyiri kubha enye ninye Tata,Eryobha ryeenyu,arikara Sayuni,mukiguru kyane ekizoomu.Okumara Yerusalemu erabha eenzomu,nabhaatariho bhasirikare bhano bharirugure kweeki.18Kuurusiku ruhyoo,ebhiguru bhiiratebhyee amarwa mazoomu,eebhiguru bhiragerya mabherer,eemiro nkyoosigo khyaa Yuda girabhita gatigati ya manzi,noo musobhoogo gurazaa kureka munyumba ya Tata na manzi gamumwaro ra Shitimu. 19Misri eerabha noobhutaka,Edomu eerabha kibhara kyene,kwookubha hyoo bhukutindi bhuuno bhukorekiri kubhatu bha Yuda,kwookubha bhakitira manyinga gatana bhubhi mukyaro kyabhu.20Nawe Yuda arabha wa hayo kimera na Yerusalemu erabha rwiibhuro noo rwibhuuro. 21Ndabhariha manyinga gabhu gano ntirihiri,Kwookubha Tata arikara Sayuni.
1Gano ni amang'ana gano gakutunia Israel yino Amosi,owumwe waa bharisya gati Tekoa,akahabhwa gati obhwerekenio.Akahereribhwa amang'ana gayo gati woorusiku zyaa Uzia omutemi wa Yuda,kweeki gati woo rusiku rwa Yeroboamu omwana wa Yoashi omutemi wa Israel,emiaka ebhiri kikyari gye ekirigito kye esi. 2Akabhuga, ''Yahwe akabhirita kurwa Sayuni;akinura eriraka ryaye kurwa Yerusalemu.Ekirisho abharishya garakirirania kiri:ekituri kyaa Karmeli kiranyara.''3Ego niyo Yahwe akabhuga: ''Kwobhusarya bhwa katatu bhwa Damaskasi,kweeki kwa akane,ntakwikirirya kwokya,kwokubha abhahuri Gileadi kwee bhigiro bhyee bhyoma. 4Nira hira omuriro kuu nyumba yaa Hazaeli,noo kuinyaragania igobhe ryaa Ben Hadadi.5Ndakata kibhongoiro zyaa Damaskasi nookumwangira kure omutu wuno akwikara gati Bqati Aveni,na kweeki omutu wurya akugega ehimbo yee kitemi gati Beth Edeni.Na abhatu bhaa shamu bharagya kunyako kweeki kiri,''arabhuga Yahwe.6Ego nigo Yahwe akabhuga:"Kwoobhusarya bhwa katatu bhwaa Gaza,kweeki kanee kukirania okumwokya,kwookubha bhakabhagega manamba abhatu bhosi,kubhatura iguru yoo kubhoko kwaa Edomu. 7Ndatuma omuriro kuzinyiki zyaa Gaza,noo kurisarya erigobhe ryaye.8Ndamwangira kure omutu wurya wuno akwikarania gati Ashdodi noo mutu kugwatirira ehimbo ya rkitemi kurwa Ashkeloni.Ndakyosya okubhoko kwane iguru yaa Ekroni,naa masagyo ga Wafilisti bharasarika,'' arahaya Tata Yahwe.9Ego niigo Yahwe akuhaya: ''Kuubhusarya bhwa katatu bhwa Tiro,kweeki rwa kanne,akikarania obhusarya,kwokubha bhabhahiri abhatu bhoosi bha Edomu,nabhabhuniri mikiriranio gabhu goobhuhiri. 10Ndahira omuriro kuzinyiki zyaa Tiro,nebho bhararasya igobhe ryaye.''11Ego niigo Yahwe akubhuga, ''Kubhusarya bhwa katatu bhwa Edomu,kweeki rwa kane ntakukirania kumokya,kwokubha nikmutunirira omuhiri waye kwee ekyogi nookurekera kure ebhigongi bhyoosi obhubhi bhwaye bhukagenderera,kubha bhuhari na obhutindi ekasaga kimera. 12Ndahira omuriro iguru yo Temani,nookuzisarya ezinyumba zyee kitemi zyaa Bozra.''13Ego nigo Yahwe akakerenia kwoo bhusarya bhwa abhatatu bhaa Amoni,nawe rwakanane,ntakukirania obhusarya,wabhu.kwokubha bhabhatiri abhakari bha Gileadi abhajimbunda,bhabhone kwongerya emipaka zyabhu.14Ndahuta omuriro gati yee nyuki yaa Raba,nawe orazinyaragania ezinyumba zyee kitemi,hamwe nokutema ekitiri gati wee siku yee rihi hamwe nee bhubhagatwa gati wee siku yee kimaramumbi. 15Omutemi wabhu aragya bhubhagatwa,ewe na abhakuru bhaye hamwe,'' arabhuga Yahwe.
1Ego nigo Yahwe akuhaya: ''Kwobhubhi bhwakatatu bhwa Moabu,nabhe kwa inye,nitakukyosya ekibhohe kwakubha yokirye omuriro amaguha go omutemi wa Edomu tee okubha echokaa.2Niratumania omuriro iguru wa Moabu,na gurasikya amabegi ga Keriothi.Moabu arakwa kwo okutirigania,hamwe na ekituri no omuriro kwe ekombyo. 3Niramusarya omwamuri gati waye,na ndabhita abhana bho mutemi hamwe na newe,''arabhuga Yahwe.4Ego nigo Yahwe akubhuga: ''Kwo obhubhi bhutatu bhwa Yuda,kweki kwa kane,nitakukosya okwookibhwa,kwookubha bhaangiri erihatike rya Yahwe na okutama okuzigwata erihatike ryaye.Orurimi rywabhu rukoriri okubhura,kuno bhawise bhabhu zino bhosi bhatuniriri. 5Niratumania omuriro iguru wa Yuda,na kuramira eribhegi rya Yerusalemu.''6Ego nigo Yahwe akuhaya:'' Kwoobhubhi bhutatu bhwa Israeli,nabhe bhwa kane,nitakukosya obhwokya,kwookubha bhubhagurirye bhano bhatana bhubhi kwe zimbirya na abhataka ibhoho yimwe ya makobhasi.7Bhosi bharataza iguru we mitwe gya abhataka kyego okutaza muruteri iguru wa hasi;bharahuna kwookubhandirirya.Omutu wumwe na wise wabhu akahindira no omukya wumwe na kwego no okuzera erina ryane eryeru. 8Nebho bharahindira hasi haguhi na kila hukusengerera kuzingibho zino ziturirwe okwimerera,namwihuna rye Eryobha ebho onyora bhuragusa amarwa ya bhurya bakokibhwa.9Nikyari nimusikirye mwamori kubhukangati bhwabhu,wuno obhutambi bhwabhu bhwabhanga kyo obhutambi bwa mierezi;yabhanga na amanaga kye mialoni okumara nikasarya emisumo gyaye iguru we emiri gyaye iyasi. 10Kweki nikabhatirya okurwa ekyaro kya Misri no okubherekerya emiaka mirongo ene mwitirigo bhagwatirire ekyaro kya waamori.11Nibhagororokirye abharoti kurwera mubhana bhabhu bhabhe abhahene kurwera mubhabhura bhenyu,awe etari ego,abhatu bha Israel?-ego nigo Yahwe akuhaya. 12Nawe mubhakerenerya abharagi okugusa amarwa nookubhabhurira abharoti bhatakora obhuroti.13Rora,ndabhataza kye eribhirigiti kuno gwiziri mahurata gino gikunagya kumutaza omutu. 14Omutu wuno akurarya atakunyora hokuryarira;wamanaga atakwongera managa gaye ewe omwene;nabhe omuhari ariturya omwene.15Wuno akwikirirya obuta atakwimerera;omuryari wa bhukong'u atakuryara bhukong'u;omurarya we farasi atakwiturya omwene. 16Naabhe abharwani abhahari bhararyara king'abhi kurusiku ruyo ego nigo yawe akubhuga.''
1Mwigwe eng'ana rya Tatabhugya yino agambiri iguru wenyu,abhatu bha Israel,iguru wa hamati engima yino nikairusha kurwa ekyaro kya Misri, 2''Nibhasoriri emwe kurwa kuhamati zyosi zya mukyaro.Kwego ndabhokya kwamabhihu genyu gosigo.''3Kwego bhabhiri bharanagya kugenda hamwe bhakubha bhakyari kwigwerena? 4Kwego endwi ararira mumusitu kyokubhwema kitarimu?kwego omwana wendwi ararira kurwa mumobho gwaye kama akyari kugwatwa kigiro?5Kwego ekinyonyi kiraza kugwa kumuheto hasi eno orwambo rutaterweho kukigwata kwego omuheto guraryatuka iguru hasi eno kitariho kigiro kyokugwata? 6Kwego ekirere kiraza kutemwa mjini nabhatu bhatarigita?Kwwego enyako eranagya kuza mjini yino etakuretwa na tatabhugya?7Ndabhugya Tatabhugya atakukora kigiro abhakundukiri amang'ana abhahokya bhaye omuroti. 8Endwi erri,niwe etakobhoha?Tatabhugya amariri kugamba;niwi aharota?9Notangaze rino kubhutingo eyo Ashdodi,neyindi mubhutingo kyaro kya Misri;bhuga, ''Mwikumanie kubhiguru bhya Samaria namurore enyako kuru kunewe,nobhugandamizaji bhuno bhurikunewe,nobhugandamizaji bhuno bhurikunewe. 10Kwokubha bhatamenyiri ehaki-akukoreka ego nigo Tata akuhaya- bhayo bhakubhika ezinguru nakusarya mubhutingo bhwabhu.''11Kwego,ego nigo Tatabhugya akuhaya.,omubhi araza kwinogora ekyoro araziruta hasi ezinguru zyaye nobhutingo bhwenyu ziragwatwa.'' 12Ego nigo Tatabhugya akuhaya,''kyego omurisha akuturania amaguru abhiri agene kumunwa gwandwi,au eribhara ryokutwi,nigo abhana bha Israel bhariza kuturibhwa bhano bhakwikara Samaria,hamwe nezihembe zyakuhindira,awe nigombezyo obhuriri.''13Mwigwe na murore gano gakukoreka iguru we rihuna rya Yakobo-ego nigo Tatabhugya akuhaya,Tata wa abhasirikare, 14''kwakubha orusiku runo murokibhwa amabhihu ga abha Israel,na kweki murokibhwa ahagiro homusengeri Betheli.Ezihembe zya madhabahu zirang'erwa nakugwa hasi.15Ndaisarya erihuna ryembere hamwe nerihuna rya hari.Amahuna gezihembe garaza kusika,nerihuna,erikuru rirarwaho,-ego nigo Tatabhugya akuhaya.''
1Mwitegerere ering'ana rino,emwe ezing'ombe zya Bashani,emwe bhano murimukiguru kya Samaria,emwe mukunyahara abhataka,emwe mukukoza bhano bhakuenda,bhano mukubhurira bhasubhe bhenyu, ''Muturetere bhiokunywa.'' 2Eriobha Tata rirahiri kwo obhuzomu bhwaye, ''Murore,ezisiku ziraza kunemwe eribhaga bharabharusiaho ne ezindobho,wo obhusinziro bhwenyu,ne ezindobhobzyo okurobherya eziswe.3Murahuruka kuhitira hagiro hano hanyamurwe kurugito rwo omugye kwo owumwe wenyu kuhitira hayo,muritasa embere wa Harmoni-nigo akuhaya Nyamuhanga.''4''Mugende Betheli no obhubhihu,tee Gilgali muongerye amakire,mrete ebhiryo etabhora,ebhisengerero bhenyu hano zikuhita ezisiku isatu. 5Murushe ebhiryo byo okuzomererwa hamwe ke emikate,murarike ebhisengerero ebhizomu,mubhararike,kwo kubha yino niyo akubhazomera,emwe abhatu bha Israel-ego nigo akuhaya Nyamuhanga Eriobha.6Ndabhahana obhuzomu bhwa ameno mumigye gyenyu no okusukirwa emikate ahagiro henyu hosi.Kweki mutakyoriri kunenye kweki-ego nigo akuhaya Nyamuhanga. 7Kweki niribhiri embura kurwa kunemwe ne eribhaga gyari gikyaari mieri etatu gyo okugesa.Nikaikora etweke iguru ye emigye,nokuikora etighe kutweka mumigye egindi.Orubhara orumwe akatweka no orubhara orumwe rwe ekyaro etatwekeri hahabha homu.8Bhakiigura miigye ebhiri etatu kugya mumugye ogundi okunywa amanzi,nawe gatabhisiri.Kweki bhatanikyoriki enye-arahaya Nyamuhanga. 9Mbhatemiri na amarweri ghano ghakukora ekibhusuko.Obhwaru bhwe erisiku,emigundu gyenyu gye emizaituni ndaginyaragania gyoosi.Kweki mutanikyoriri ego nigho akuhaya Nyamuhanga.10Nitumiri tauni kuneemwe kya ya Misri.Niitiri abhana bhenyu kwe erisabha,okugega ezifarasi zyenyu,no okukora abhuhuzu obhusikumaniryo bhwenyu no okusikirirya mumanyweru genyu,kweki-mutanikyoririku arahaya Yahwe. 11Ninyaragenie emigye genyu egindi,kyego hano Eryobha rikanyaragania Sodoma na Gomora.Muhabha kye ekisirira kino kisakurwe kurwa muiriko,kweki mutanikyoririku-arahaya Yahwe.12Kwego ndakora eng'ana embihu kunawe Israel,kwokubha ndakora ering'ana eribhihu kunewe,witegere okusikana ne Eryobha,Israel! 13Kwookubha,rora,wuno akukora ebhiguru niwe akukoora omukama,aramukundukirira amisego gaye omutu,arakoora etabhori kubha ekisima,no okutaza ahagiro higuru we ekyaro.Nyamuhanga,Eryobha rya abharwani,niiryo erina ryaye.''
1Mwitegerere eng'ana yino nkuhaya yokwaraama iguru wenyu,munyumba ya Israel. 2Omusubhati wa Israel agwiiri,atakubhuka kweeki,ang'osiiri mukyaaro kyaaye,atariho omutu wokumwimukya.3Kwookubha ego nigo Eryobha rihayiri: ''Omugye guno gurwiiri igutu ebhikwi gusagiri igaana,bhano bhagiri igutu igaana bhasagiri ikumi kwe ehene ye nyumba ya Israel.''4Kwookubha nigo ego Eryobha rihayiri munyumba ya Israel: ''Munikomye murikara! 5Mutamukyooma Betheli; hata kusikiira Gilgali; mutahuruka okuugya Bersheba.Kwookubha Gilgali bharaagya mubhubhagati obhuheene,na Betheli etakubha kigiro.6Mukyoome Eryobha murikara,nawe araaka kyo muriro munyumba ya Yusufu.Arasarya,atakubhaho omutu owumwe wuno arariimye Betheli. 7Abhatu bhaarya bhakukyoora obhuhene kubha ering'ana eriruru nokugwiisha obhuhene hasi!"8Eryobha rikatema Pleidezi na Orioni;akyoriri ikirima kubha ekitabhori,akakora orusiku kubha kirima nobhutiku okubhirikira amanzi ge nyanza;ewe aragitiira iguru obhuusho bhwesi.Eryobha niiro erina ryaye! 9Ewe arareta obhusaarya bhokutikirirya iguru wa bhamenyi kwookubha obhusarya bhuuze iguru yerigoobhe.10Bharamubhihirirya wuuno akunogoorya kumuraango gwo mugye,nabho bharamutindira wowosi wuno akuhaya obhuheene. 11Kwokubha muramutaza haasi omutaaka nokugega ahagiro hamagano okuurwa kunewe-yingabha mwombokiri enyumba zya amagina gaano gabhaziirwe,mutakwikara muzinyumba ziiyo.Mukazomerwa nemigundu gyo mizabibu,nawe mutakunywa amaarwa gaaye.12Kwookubha nimenyiri kyego muri nezinyako ezinzaru nakyego ebhibhi bhyenyu bhiiri bhikuru-nemwe murabharorera bhano bhane heene,mugege ehongo nokubhakorya abhendi kumuryango gwo mugye. 13Kuniiyo omutu wuno anamitegerero arakirirania bhukiiri kweribhaga riiyo,kwokubha niribhaga ryo obhubhihu.14Mukoomye amazomu gatabha mabhihu,nawe munyoore okwikara.Ego Eryobha,Eryobha rya abhasirikare,arabha na neemwe haguhi,kyeego mkihaya ewe nigo. 15Mubhihirirwe obhubhi,mwikare kisi neheene mukiseku kyo muugye.Arabhe Eryobha,Eryobha wa abhasirikare,akabhasakirya Yusufu.16Kwego,ego niigo Eryobha rikuhaya,Eryobha rya abhasirikare,Tatabhugya, ''Kurabhaho nokwarama kumirabha gyaabhu,na bharahaya muzirobho zyabhu, 'Awe! Awe!' bharabhabhirikira abharimi okwarama nabhano bhaari abhahari bhokurira no kwarama. 17Mumigundi gye mizabibu rurabhaho oruku kwokubha ndahita gatigati yaabhu, ''arabhuga Yahwe.18Nawe weenyu emwe bhano mukugongerya orusiku rwe Eryobha!kwaaki muragongerya?Kiraabha ekirima kutakubha obhweeru, 19kuribhaga omutu arang'oosa endwi nokusikana dubu,nokusikira munyumba nokutura okubhoko kwaaye kurugito na akaruumwa nenzoka. 20Orusiku rwe Eryobha rurabha kirima bhutaari bhweru?Ebhigongi bhutari obhuzomererwa.21Ndabhihirirwa,ndazizeera ezisikukuru zyeenyu,ndazeera ezisaango zyenyu zyo obhusengeri. 22Araabhe murandusirya omuhero gwo kubhurya no muhero gwa obhutu,ntakuzigega,na ntakuzirora kyo muhero gwo bhuumwe bhwe zityenyi zino zinuriri.23Mururuseho ekitiri kya membo genyu;ntakwitegerera eriraka ryabhihembe bhyenyu. 24Kumweeya gwaye,mutige obhuhene bwitike kukya manzi,nobhuhene bhubhe kyo mwaro guuno gukwitira ezisiku zyosi.25Mutendeteri abhihirwe mwisengerero nekimweso kyo kusaribhwa kukibhara kweribhaga rye miaka mirongo enne? 26Murigororokya Sikuthi kyo mutemi wenyu,na Kiuni,enzota yenyu ya amaryobha-yino mwakoriri kuneemwe abhene.27Kwego ndabhasamya orubhara rwa kabhiri rwa Damaskasi,'' ahayiri Yahwe,wuno erina ryaaye ni Eryobha wa abhasirikare.
1Niiguru wabhu kubhano bhakukora amang'ana go okumubhihira Tatabhugya mukyaro kya Sayuni,nabhano bhahoniri mukyaro kya ekiguru kya Samaria,abhatu bhoo mukumo bheebhyaro,bhano enyumba ya Israel bharaza bhasakiribhwe! 2Abhakangati bhenyu bharabhuga, ''muhite mugende Kalne namrore;kweki kurwera eyo mgende tee Hamathi,omugye omukuru;kweki mwitume tee Gathi ya abha Palestina.Awee!emwe ni bhazomu kukira bhatemi bhono?Kusya orutunga rwabhu ni rukuru kukira orutunga rwenyu?"3Ni iguru wabhu bhano bhakurutura orusiku rwa amabhihu na akukora obhutemi bhubhe kyabhurya etaari kwenderwa kwisuka haguhi. 4Bhahindiri iguru wa amariri ge ezihembe no okumunya iguru we ebhitumbi bhyabhu.Bhakarya ebhineena bhya amang'ondu kureka mwihizo ne ebhimoori kureka mwiibhanza.5Bharemba amembo ge ekigege mwiibhina rye ekirere;bharikorera ebhirere kyabhurya Daudi akakora. 6Bharanywa amarwa kureka mwibhakuri no okwihaka amaguta abheene kwa amaguta ga amarahamu,nawe bhatakuhoobha iguru we enyako ya Yusufu.7Kweego bhono bharagya mubhubhagwatwa hamwe na obhukangati bhano bhakangatiri,neekitiri kya bhano bhigorweri kirahita. 8''Enye Tata Yahwe,mubhubhagatwa gwane-ego niigo Tatabhugya akubhuga,Eryobha wa abharwani,ndayanga engungo ya Yakobo;ndabhihirirwa na amakindasi gaye.Kwego ndagurusya omugye guyo nebhigiro bhino bhirimu.''9Kweki eraza kubha,bharasage bhasubhe ikumi munyumba yimwe,bharakwa. 10Inyarume woo mutu hano aramugorookye,wuno akumwokya no omuriro arusye amaguha gaye munyumba-neewe hano aramubhurire wuno ariorubhara rwa mwoosi munyumba,areho omutu arihamwe na nawe?'' Ingabhwi hano wurya arabhuge,''Zei''. Kweki abhuge,wikare bhukiri,kwookubha tutakuritogora erina rya Tatabhugya.''11Noorore,Yahwe ararusya ehamuri,na enyumba ekuru eratemwa ebhe mabhara mabhara,ne enyumba esuhu ebhe ne ezinyerera.12Ezifarasi ziraryara kumuhiringito gwa amatare?Omutu ararima eyo nee Ezing'ombe?Mugarabhwiri obhuheene bhubheri bhusungu ne eribhaga ryeehene ribheeri bhururu. 13Emwee bhano mukuzomererwa kwe eng'ana yino etana bhweera,bhano mukubhugaTutibhoneri oruhembe kwa nguru zyetu abhene?14Nawe rora,ndagororokya iguru wenyu ekyaro,enyumba ya Israel ego nigo akuhaya Tatabhugya,Eryobha wa amahizo gaabhatu abharwani.Bharabhanyakya emwe kurwa Hamathi tee mukaro ka Araba.''
1Ego nigo Tata Yahwe yanierekirye.Rora akabhumba erihizo erikuru rye ezinzigi eribhaga rya okumwera omuti,na,rora,guhabha ni muti gwa obhutero bhwe erigesa rya omutemi. 2Hano bhamariri okurya ezinyinyi zye esi,niho nikabhuga, ''Tata Yahwe ndasabha oniabhire; angu Yakobo araza kwikarabhwi?kwokubha ewe ni musuhu bhukong'u.'' 3Yahwe akasuhya obhururu kurino. ''Ritakubhaho,''akabhuga.4Ego nigo kyego Tata Yahwe kyego yanierekirye:Rora,Tata Yahwe akabhirikira iguru wo omuriro kusinza.Nagwe kukomya bhukong'u,orurembu iyasi we esi na okwenda okuisarya ekyaro kweki. 5Nawe nikabhuga, ''Tata Yahwe,tiga ndakusabha;Yakobo arikarakwi?Kwokubha ewe ni musuhu bhukong'u.'' Yahwe akarega kubha hamwe na rino, 6''Rino ritakwiyerekya kweki,'' arabhuga Tata Yahwe.7Ego nigo kyego Yahwe yanierekirye:Rora,Tata yimereri haguhi na enyiki,hamwe na oruze rwa yimazi kukubhoko kwaye. 8Yahwe akamburira, ''Amosi,oraroraki?nkabhuga, ''oruze rwa timazi.'' Kumara Tata akabhuga, ''Rora,ndaza kutura oruze rwa timazi mubhatu bhane bha Israel,ntakubhasarya kweeki.9Ahagiro higuru ha Isaka harasaribhwa,ahahene ha Israel harasaribhwa,na ndagororoka iguru we enyumba ya Yeroboamu kwa ebhyogi.''10Kumara Amazia,wurya omwoti wa Betheli,akatuma amang'ana ku Yeroboamu,omutemi wa Israel: "Amosi akoriri obhung'eni iguru wazo gatigati ye enyumba ya Israel.Esi etakutura kugega amang'ana gosi gano. 11Kwookubha ego nigo akuhaya Amosi, 'Yeroboamu arakwa kyoogi na hene Israel eragenda mubhubhagati kureka muusi yaye.''12Amazia akamubhurira Amosi,omurori,genda,ryara oikorere esi ya Yuda,na hayo orye omukate na okwota. 13Nawe otige kurora kweki hano Betheli,kwokubha nihahene ho mutemi ne enyumba ya ekitemi.''14Kumara Amosi akabhabhurira Amazia, ''Enye ntari muroti hamwe mwana wa muroti.Enye ni murisya wa mitugo na mwangariri wa mikuyu. 15Nawe Yahwe akanigega kureka okurisya emitugo na kunibhurira, 'Genda,orote kuabhatu bhane Israel.16Bhono igwa eringa rya Yahwe,awe wuno akubhuga, 'Otarota iguru wa Israel,na otakerenia iguru we enyumba ya Isaka. 17Kwego ego nigo Yahwe akuhaya, 'Omukari wazo arabha omusimbe wo mugye,abhana bhazo bhakisubhe na abhakya bhazo bharagwa kwe ebhyogi;esi yazo erarengwa na kutazwa; urabhohwa iguru we esi yo obhusarya,na Israel hene eragya mubhubhagati kureka musi yaye.''
1Kino nikyo Tatabhugya Yahwe anierekirye.Norore esakwa yee amatunda ya hari! 2Akabhuga, ''Oraroraki,Amosi?" Nikabhuga, ''Esakwa ya amatunda ga hari.'' Niho Yahwe akamburira,eribhaga rihikiri ku abhatu bhane Israel:Ntakubhanyahara kweki. 3Ameembo gano mwisengerero arabha ebhino kuu zisiku ziyo ego nigo akuhaya Tata Yahwe.Amatang'uso girabha myaaru,kira ahagiro bharagirekera bhukiri!"4Muritegerere rino,emwe bhano mukutaza abhataka no okumurusyaho omuhabhi wee kyaro. 5Bharabhuga, ''Omweri omuyhya hano gurahwe turanagya kugurya ebhyakurya?Orusiku rwo obhwoyo bhurahwe,niho tugurye engano? Turakora ekirengero kisuhu okwongera ubhuguri.Tukung'ena ebhirengo bhoo orubhei. 6Ego nigo tukunagya kugurya engano embihu,okugura omuhabhi kwezihera,na omutaka we eribhoho yimwe ya kobashi.''7Yahwe yirahiri kuu obhunagha bhwa Yakobo, ''Amahene ntakugya okweebha emirimo ghaabhu hata gumwe.'' 8Ekyaro kitakurigita kurino na kira oumwe ohwereri kwarama?Goosi gayo garinuka kyee nyanza Naili,yosi eranyaka iguru okwizura kweki kyee nyanza ya Misri.9Eraza orusiku runo-nirwe obhugambi bhwa Tata Yahwe- arakora eryobha riture mumwisi na eratura kiirima ekyaro kwibhaga rye omwisi. 10Ndazikyora ezisikukuru zyeenyu kukwarama na amembo genyu goosi kwo ekiruguro.Ndabhakora bhosi kwibhoha ezingibho za amagonera na erihara kumutwe gwa kira mutu.Ndakora gano kya kwarama kyo omwana omwene,noo orusiku rwo obhusungu inyuma waye.11Rora,orusiku ruraza-arabhuga Tata Yahwe-eribhaga rino ndareta enzara kukyaro,etari enzara yo mukate,wala enyota ya amanzi nawe okwigwa amang'ana ga Yahwe. 12Bharagenda genda okurwa nyaanza hata nyanza, bhararyara kurwa mamu kugya nyanza kukomya ering'ana rya Yahwe,nawe bhatakuribhona.13Kurusiku ruyo abhaakya bhano bhakyari kumenya mang'ana mabhihu na abhana bhe kisubhe bharasezeka nee nzara. 14Bhaarya bhakwirahira kwe ebhibhi bhya Samaria bharagwa na bhatakwimuka kweki.''
1Nkamurora Tatabhugya yimereri haguhi mwisebgerero akabhuga, ''Bhiteme emitwe gye timu nihokubha obhurusa gisingishe bhibhune bhitinika tinika iguru we mitwe gyabhu kweki,enye ndamwita ne elisabha rya obhutiniro bhabhu.Atareho oumwee wuno akalyare,atareho oumwe waho arariare.Bhingabha aratuka kwi Sheoli,kureho okubhoko kwani kurabhagega. 2Bhingabha bharatira iguru kugia mwisaro,eyo ndabhakyiorya hasi.3Ingabha bharibhisa iguru wa Karmeli,ndabhakomia eyo no kubhagega.Ingabha bharibhisa kubhi ebhibhuko bhe enyanza ntabharora,ndatuma oguzoka,rirabharuma. 4Ingabha bharagia kubhubhagati,bharabhahindiribhwa na bhabhi bhaye nobhukangati bhwabhu,ndarekererya erisabha riyo,bhabhagati.Ndarekeriya ezimoni zyani iguru wabhu kuubhubhi etari kwa bhuzomu.5Eryiobha rya Tatabhugya rya abhasirikare niwe akukuniaku esi ekanwerera;bhosi bhano bhakwikara muyo bhakusekerera;gosi garabhuka kyo muriro,nokutubhira kweki kyo muriro gwa Misri. 6Ewe niwe akwomboka enyumba yaye mwisaro,no kwema kubha yaye iguru ewe kiaro.Ewe akabhirikira amanzi ge nyanza,no kugitira iguru wo bhusho bhwe kiaro,Yahwe nniwe erina ryaye.7Mbuga emwe mutari kya abhatu bha Kushi kwane,abhana bha Israel?-ego nigo Yahwe akugamba.Mbuga ntabhatirire Israel okurwa esi ya Misri,Wafilisti okurwa Kirete,na Washami okurwa Kiri? 8Rora,ezimoni zye Eryobha Yahwe gari iguru wo obhutemi bhwo musaria,nandasaria kurwa kubhusyo bhwe kiaro,kwokubha ntakuisarya hene enyumba ya Yakobo- ego nigo Yahwe abhugiri.9Rora,omukangati ndisesa enyumba ya Israel mupayo bhe kiaro kyosi,kyo mutu wuno akusesa abhiakura kulubhgao,ego etareho kingabha kisuhu kye rigina kino kiragwe hasi. 10Bhano bhakusaria bhosi kubhatu bhane bharakwa kwisabha,bhano bhakubhuga, 'Amang'ana gatakutuhitaku hamwe gata kusikana na netwe.'11Kurusiku ruyo ndaritirya ye eribhuru rya Daudi ino yari egwili,nokubhoha amatu gaye.Ndaginula amatuturi gaye nokuyomboka kweki kyego kuzisiku zyee kare, 12Okubha abhikari na amasagio ga Edomu,nebhiro bhosi gano gabhirikirwe kurina riane gego nigo Yahwe arabhuga arakora gayo.13Rora,ezisiku ziraza-ego nigo Yahwe akubhuga eribhaga omurimi aramuhitira omugesi,wono akutaza zabibu aramuhitira ewe wuno akwemiya embibho.Ebhiguru bhiragwisha divai enzomereru nebhiguru bhyosi bhiraseruka kugayo.14Ndabhakioria kurwa mukibhoho abhatu bhane Israel.Bharomboka amatuturi ge migie nokwikara muyo,bharemia emigundu gye zabibu no kuguza divai,bharakora omugundu no kuria amatunduguru gabhu. 15Ndagiemia tee kusi yabhu,bhatakugiha kweki kurwa kisi yabhu gino giari gibhaheri,'' arabhuga Yahwe Tatabhugya wane.
1Ebhiroto bhya Obadia. Tatabhugya Erioobha arabhuga kuu Edomu,ntwigwirii amang'ana kureka kuu Tatabhugya,no omutumwa atumirwa igati we bhyaaro,alahaya,Mwiimoke!Mwiimoke kuneewa kwitana! 2Mrore,ndabhakora abhashuhu igati wa bhyaaro,bhabharege.3Obhushaara bhweekoro yaazo nkyakung'ee na aawe,wuno ukwikara kujimbihiraga kumatara,kumugya gwazo gwiguni wuno akubhuga mukooro yazo,Wewi unoakunituumya enya haasi?' 4Wangabhe wimiriri iguru nkya erigungungu,wangabhene ekinyuumba iguru kuzinyota, ndakwiikya kurekaeyougwa haasi,ahayiri Yahwe.5Nkyeego abhibhi bhizi ewazo,hano bhana kuhikiriku abhiiti obhutiku [kyeego bhangakusenziri]bhataari bharanagya kwihibha bhino bhinobhikwiisa? Hano abhakwimirani bha zabibu bhangakwiziriku,bhatangatigiri engaso? 6Nkyeego Esau atemirwena esakwa yaye yino yaari abhisiri eturirwa habhoori!7Abhaatu bhoosi bhobhugwatani bhaazo mbarakuhira kunzira tee kurutungo.Abhaatu bhaano bhaari bhwahene hagiro hamwi na neewe bhakakung'eena,nokukinda.Bhano bhokurya omkati gwazo bhakokutega omtrgo iyaasi wazo.Bhutareho bhumenyi kunewe. 8Ntanagirye orusiku lurya,arahoya Tatabhugya,kubhiita abhaatu abhang'eeni kuleka Edomu na kumenya kureka kukigurukya Esau? 9Bhahari bhaazo bhararuguura,Temani,nkyowumi esenzerwa kore kukiguru kya Esau kwokwita.10Kwokubha yo obhutindi bhuno bhukorirwa no omuhuri waazo Yakobo,bhurerekibhwa kwezisoni,naneewa olasenzerwa kuresikuy zoosi. 11Orusiku rurya okebhi wimeerirui ,runo abhagini bhagagiri ebhigiro bhyaaye na mbaari bhagiriihirye kikisiko kyaake,no okutima egisoro kwu Yerusalemu, na neewa waari owumwi waabho.12Nawe atazomerwa kwo rusiku rwo omuhuri wazo orusiku runo akukweera,tee otazomerwa kwo orusiku rwo Yuda rwo kusaribhwa kwwaye. 13Otasikira kukishooko kya abhaatu bhaana orusiku rwo kukwaera kwaabho;kwaki mtaseka aguru wa enyaaku yo orusiku rwokukweera kwaabho,mtaza okugega abhwaami bhwaazo runo akusaribhwa. 14Otimeera kunzera yo obhutenani,kwokubhasinzira kure abhang'osi bhaaya,tee utabhahurukya abhanyaharaku orusiku rwe enyaako.15Kwokubha orusiku rwo Tatabhugya ruhikiri heguli ene ebhyaaru bhyoosi.Nkyeego okoriri,garabha nkunaawe;amatemogaazo gharabha iguru waazo omwene. 16Kweego mwanywiiri kukiguru ekyeera kyaari niigo ebhaaru bhyoosi bheraaza kunyweera kimwingo. Bharamwa no okurya na gharabha nkyawuno bhataari bharaho.17Nawe kukiguru kye Sayuni bharabhao bhana bhaokokiri na bharabhabhuuryakoro;no omugye gwo Yakobo bharakong'erya obhurami bhuraabho. 18Omugye gwo Yakobo gurabho omorero,no omugye gwo Yusufu ghurabha orumeni rwo omorero,no omugye gwo Esau gurabha nkya amakubhati amomu,nambho mbharabhooka nookugarungurya. Bhatakubhao abharweeri kwu mugye gwa Esau kwokubha Tatabhugya agambiri.19Bhoosi kureka Negebu bharagega ekiguru ya Esau na bharya bha Shepela bharagega omugye gwa Abhafilisiti.Nabho bharagega ekyaaro kya Samaria;na Benyamini alagega Gileadi.20Abhasameri bha abhasirikare bha abhatu bha Israeli abharagega ekyaaru kya Kanaani tee kurutoonga rwa Serepta.Abhasameri bha Yerusalemu,bhano bhakyeeri Sefaradi,bharagega emigye gya Negebu. 21Abhatuurya bha abhaatu bharagya tee iguru ya Ekiguru kya Sayuni kwo obhutemi kwa ebhiguru bya Esau, no obhutemi bhurabhuga bho Ttabhugya.
1Niho ering'ana ryo omutemi ryamugiriku Yona omwaana wa Amittai, kuhaya, 2"Imereera ogende Ninawi,omugye omukuuru,obhakerereerye iraka ikuru abhatu bhaayo,kwokuubha obhusaarya bhwaabhu bhuniyaruhiri embere wane." 3Nawe Yona yabhukiri kung'oosa embeere yo omutemi akaagya Tarshishi.Akituma akagya Yafa akarora engarabha ino ekuugya Tarshishi.Akahana omuhero akatira mugharabha okuugya nayo Tarshishi,kure mumeeso gaaye.4Nawe omutemi akahira eyo omukama muhaari iguru we enyaanza,bhukabhaho obhukama bhuhaari munyanza kwiibhaga rya haguli ekarorekana engaraabha erenda kutinika. 5Abhahookya bhaamu bhakobhohooha bhukong'u.Kkiraomutu akaririra Eryoobha ryaaye omwene.Bhakarekeera emirigo munyanza ghino gihabha muugharabha korereki etazuuke.Yona yahabha itamiiri iyaasi mungarabha,nawe ahabha ahindiriiyo ezitiro.6Omugendya akamugyaaku akamubhuriira,"kwaki ohindiri?Bhuuka!osabhe omutemi wazo!Hamwe Eryoobha ryaazo riratumeenya tutabhuura." 7Bhoosi bhakabhurirana muuze tuhookye gano turoore niwi hakuhookya gano gakutubhona.'Niho bhakakoora gayo,gayo gakahungukira kuu Yona.8Niho bhamubhuriri Yona,"Hakiriku tubhuriire niwi mwene bhusaarya bhuno bhukutubhona.Orahookya mirimooki na orwerehe?Ekyaaro kyazo nkiihe,na kureka kubhaatu bhahamatiki?" 9Yona akabhuriira,enye ni mwebrania;Nosi ndohobha Eryoobha rya mwisaaro,uno yakoriri enyanza na ekyaaro ekyoomu. 10Niho abhatu bhayo bhakobhoha bhukong'u,bhakamubhurira Yona,ning'aki ino okoriri?kwo okhuubha abhatu bhayo bhari bhamenyiri kubha ahang'osa mumeeso go omutemi,kwo okubha ahabha abhabhuriri.11Niho bhakamubhurira Yona,Tukukorereki ili enyanza uturiire?kwokubha enyanza ehabha esrikiri buhong'u. 12Yona akabhuriira,mungwate mundekere munyanza.Niho enyanza erahorere kwo kuubha anyu,kwokubha nimenyiri kubha,kwokubha yane kuuba omukama guno omwaaru gurabhabhoona." 13Kugaayo abhatu bhaayo bharuuta emibhango kwo omukya korereki bhakyoore kukyaro ekyoomu,nawe bhatanagirye kukoreego,kwo kubha enyanza ehahaabha esarikiiri kuneebho.14Bhakasabha Omutemi,bhakabhuuga tarakusabha Omutemi,turakusabha otatutiiga tunyaharike,kwo okubha ya amang'ana go omutu uno;otaza kutubharara obhusarye bhwo okukwa kwaye,kwo okubha,awe Omutemi,okoriri kyeego wosegiiri. 15Mbe bhakamugega Yona,bhakamurekera munyanza,enyanza ekatiiga okusarika. 16Niho abhatu bhayo bhakobhoha Omutemi.Bhakamurusira ekimweso Omutemi no okutura endago.17Omutemi ahabha ateriho eswe ekuuru yo okumuniira Yona,Yona yahabha muunda Yeswe,siku isatu no orusiku rwa katatu.
1Niho Yona akasabha Tatabhugya kuleka munda yeswe. 2Akahaya,Mbilikili Tata wane iguru we nyaako yane wosi akakyora;kureka munda ye kirima nikarira kwokusakiribhwa!Okanyigwa eriraka ryane.3Wari otasiri musi we kirionga musi wekoro yenyanzo na manzi ganyirugura;mabhoka gayo gosine ekahita iguru wane. 4Nikahaya,'nihebhirwe kubherekera bhwe zimoni zyane;nawe ndarorera kweki iguru werisengereryo ryazo erihoreru.5Amanzi gakakundikirya gakanyirugura hakuhi nerigoti ryan;kirianga kikanyirigura;mwani akorina omutwe gwani. 6Nkagya iyasi webhiguru;ekyaro na baa zikigarwa iguru wane milele.Nawe awe oturirye obhuhoru bhane mwiruma,Omukama,Tatabhugya wane!7Eribhaga ekoro ekasezeka musi yane,kabhirikira Tata;mbe,amasabhi gani gakaza,elibhaga. 8Bhosi bhano bhakwitegerera misambwa gano gatakwenderwa okwanga obhwigwani obhane obhwabhu obhene.9Kwokubha enye,ndakugwagira kweriraka ryokuzomya;Ndakora gano kirahira.Obhuhoru bhurareka kutata! 10Kimwe Tata akakerenya neswe,akaruka Yona iguru we ekyaro okyomu.
1Ering'ana rya Tata nkamuhikira Yona eribhaga ryaa kabhiri arahaya. 2Bhuka, ogwe Ninawi, omughe omukuru,noobhabhurire amakerenio gano ndakutume." 3Mbhe Yona akabhuka akyagya Ninawi kwookusuka ering'ana rya Tata.Bhono Ninawi ehabhaomugye omukuru heene,ruhabha rugendo rwaa siku isatu.4Yona akakangata kusikira mwoosi woomugye naahano orugendo rworusiku akatirya eriraka,akahaya,"ezisiku mirongo ene Ninawi aranyaribhwa. '' 5Abhatu bhaa Ninawi bhakikirirya Eryoobha nookurarika okwigara.Bhosigo bhakibhoha ezingibho zya amagonera kurwa kuu mukuru anoomusuhu.6Hayo hayo amang'ana gakamuhikira omutemi Ninawi.Akimerera kureka kukitumbi kyaye kyee miringa,akarusya ebhoho ryare, akibhoha amagonera,akikara mubhabhu. 7Akarusya eng'ana yino ekabhuga gatigati yomugye gwo Ninawi,kwo obhunagya bhwo omutemi na kubhakuru bhaye mutikirirya omutu ntienyi,eng'ombe hamwe igandabhare bhatarota kigiro kyokyosi.Bhosi bhatarya nokunywa amanzi.8Nawe abhatu nezitienyi bhabhe bhakundikirihiwe na magonera bharire kweriraka ikuru kuryobha.Omutu ikyore nokutiga enzira yaye embihu nokureka gatigati obhubhi bhuno bhureho mumabhoko gaye. 9Niwi akumenya?Eryoobha riratura okuza nokukorya amisego gaye nokutiga obhutindi bhwaye obhuhari tutaza kubhura.10"Eryoobha rikarora kugano bhakoriri,bhakatiga ezinzira zabhu ezimbihu.Kwego Eryoobha rikakyosha amisego gaye iguru yokubhokya akabhabhurira ningabhakoreri,nawe atakoririgo.
1Nawo rino rikambhihirira Yona niho akatinda. 2Niho Yona akamusabha Tata akabhugha,"Awe,Tata,gayo gatari gano nagahayiri kuruibhaga rino nakyoriri gati weesi yaane?Niho nikakora mbhwangu noo kusakya kuryara Tarshishi kwookubha nkamenya kubha awe Tatabhugya weribhando,webhigongi,atari mwaru woo kutinda,omwaru woobhuheene,noo okwanga enyako. 3Kuriyo bhono Tata,ndakusabha unisabhire obhuhoru bwane,kwookubha nobhuzomu wookukwa kutiga kwikara.4Tata akabhuga,heene, kubha otindiri?" 5Niho Yona akarokaho mumugye akikara orubhara rwaa mamurwoo omugye.Eyo akakora obhwikari no okwikara iyasi waye gati wekizururuniho anagye kurora omugye guragyabwi.6Tatabhugya akirabha omuti nokugukinia iguru waa Yona niho gubhe ekizururu iguru woo mtwee gwaye niho asubhye obhutaka bhwaye.Yona ahabha nobhuzomererwa bhukuru kwokubho yoo omuti. 7Nawe Tata akarosya mumakya etabhori,yino akaza8Ekabbha Eryoobha hano ryasomokiri etabhori,Tata akakora obhukama obhuhari bhwaa mamu.Niho,Eryoobha rikatema omutwe gwaa Yona akisegwa kukwa.Akibhurira hakiriku enye nikwe kutiga okwikara. 9Niho Tata akamubhurira Yona kwego niikisi enye kubha noo obhutindi iguru woo omuti.10Tata akabhuga agwabhiri omuti,guno atakoreri emirimo nawe gutakyoma.Guno gwameriri obhutiku noo okukwa obhutiku. 11Kweego enye etazomeri okwabhira Ninawi,omugye omukuru,guno guna abhatu bharuigana rimuu naa mirongo ebhuri bhano bhatamenyiri obhwigani gati wookubhoko kwabhu kyoo bhuryo noo kubhoko kwabhu kwoo bhumosi,hamwe nee zing'ombe ezinzaru.
1Lino ni eng'ana lya Yahwe lino likaza ku Mika mmorashiti kuzisiku zyaYotahamu,Ahazi,na Hezekia,omutemi wa Yuda,eling'ana rirya rino yaruzi kulingana na Samaria na Yerusalemu.2Mwitegerere emwe abhatu bhoosi,mwigwe ekyaro na byoosi bhinu bhirimu mukyaro.Mutige Yahwe amenyekereribhwe ku nwmwe ,Isabugya kurwera mwisengereryo ryaye eryeru. 3Rora, Yahwe araza kureka ahagiro haya;arituma hasi naukuhataza ahagiro higuru mukyaryo. 4Ebhiguru bhirazazanuka iyasi waye;Amarama garabharuka bhitinikabhinika ekimuri kyeriguta kubhukangati byo muriro,kya manzi gano gitikiri iyasi wekihingito chikari.5Gano gosi ni kwa mang'ana go obhitigi bwa Yakobo,na kwo bwusarya bwa elihuna rya Israeli.Awe ya bhanganihi kwo obhutigi bhwa Yakobo?Awe ya bhanga Samalia?Awe yabhanga ninganaki kuhagira iguru ya Yuda!AAwe tabhanga Yerusalemu?6"Ndaikora Samalia tumo yo obhusarya mumugundu kyelitinika ryokwemera emizalibu.Ndaruta amagina gerihuna ryaye kugenda mwirwma;Ndakundukura bhwemerw bywaye. 7Amahunduguru gaye gosi gokuzita garakozwakozwa bhitinkabhitinka;ne mibhano gyaye gyosi gogilio kibwyo na omuhiro kwokubha emibhano gyaye gyo orusimbe agakumiela,na amliho go bhusimbe garakyora."8Kulino nolalila no kusekelela;ndagendelerya bhusabhusa na king'abhi nilasekelela kya nyamubhwe na okusekelela kya nyahuni. 9Kwokubha ekidonda kyaye kitakuhora.kwokubha chihikili ku Yuda. Ehikili muliseku kya abhatu bhanu,tee Yerusalemu. 10Mutatiga okubhabhulila kung'ana ya Gathi;mtalila kweki.Ku Bethi Leafra nilahiringitya omwene muruteli.11Muhite haguli no,obwikali bwa shafiri,kweking'abhi na eaisoni.Obhwikali bwa Zaanani garahuruka habhori.Obhusekeleli bwa Beth Ezeli, kwo obhulibhigagegirwe. 12Kwokubha abhikali bha Marothi bharaganya amang'ana amazomu,kwokubha okuhohobhera, kworuku kurwili ku Yahwe tee kukiseku kya Yerusalemnu.13Mibhigalile ezikobha engania duttu emotoka kyo farasi,Engama ya Lakishi.Ewe Lakishi ya bhange kubhutangi bhwamabhihu kumukya wa Sayuni kwokubha obhusarya bhwa Israeli gakororekana kunawe. 14Kwego oraihana orubhago gwokulagila Moreshethi Gathi;omugya gwa Akzibu orabhita emutima abhatemi bha Israeli.15Kweki nilaleta obhulizi kunawe,obhwikali bhwa Maresha;obhuzomu bha Israeli bulaza Adulamu. 16Sinza oruhara rwazo noosinze enzinzweli zyazo kwa abhana bhano okubhazomerya. Kora oruhera rywazo omwene kyaetai, kwa abhana bhazo bhano bharagye mubhubhagatwa kuleka kunawe
1Tiga emwe bhana mukwenda okukora ambhihu kubhano bhariza kwenda kukorera kubhuriri bhwabhu kukora amabhihu.Bharakora etabhori kwakubha bhanezinguru. 2Bharigomba amahuna nokugagega;Bharabhatesha omutu etihuna ryaye,emutu nengabho yaye.3Kwokubha Tatabhugya arabhugego,"Rora,ndihaguhi opkureta enyako iguru wehamati hiyo ,yino mtakuza kugenda kwakigoti,kwokubha araza kubhaeribhaga rya umabhihu. 4Kwo rusiku ruyo abhahiri bhazo bharaza kwemba omwembho iguru wazo, akwaarama kwo akwaarama ghebhigongi,bharaza kwemba.Etwehabha ,Israeli twitirwe;Tatabhugya arageuza ahagiro abhatu bhane.Okubha orarirushahobhuhi kurwa kunenye?Harabhahana amarima getu okutugeuka. 5""Kwokubha,emwe abhatu abhanibhi mtakukza kubha urwibhuro kutwanikania ahagiro kwakutema ekura kusango ya Tatabhuya.6'Mutarota,"bharabhuga bhatakuza kutabhiri amang'ana gayo;amasoro gatakuza" Hene garaza kugambwa,,mwihona rya Yakobo" Hene ekoro ya Tatabhugya? 7Hene gano ni matemiyo gaye hene?"Amang'ana gane gatakwenderwa kumutu wumwe wuno akugenda agororokiri. 8Ezisiku zya hoguhi abhatu bhane bhimukiri kya abhabhi bhane.Murushirye erijoho,engibho, kurwa kubhano bhakuhita bhanu bhatana wasiwasi nabho,kyego abhasirikare kukyora kurwa kwirihi kukino bhakwisega kizomu.9Murabhahugya hugya abhakari bhane kubhatu bhane kurwa kwihuna erizomu,muragega orubhango kurwa kubhana bhabhu abhasuhu ezisiku zyosi. 10Mwimuke na mutanure,kwokubha hano hatari hagira hano mukunagya kwikwara,kwokubha nobhunyaka kabisa. 11Kama omutu araza kunemwe kwe ekero yorubhehi nokung'ena nokubhuga,ninarota iguru wenyu kugambira amarwa amahari,"Yingaanagyire kuwazibhwa kubha nabii wa abhatu byayo.12Ndabhatura hamwe bhosigo,Yakobo.Obhuhene ndabhakumania amasagyo ga Israeli.Ndabhatura kyezingondu mwibhanza,kyamalizo gezing'ombe mubhirisho kuraza kubha nekitiri kwokubha abhatu bharaza kubhabharu. 13Omutu wuno akubhuna ariguru enzira yabhu okugyambere wabhu.Bhabomori kuhitira omuryango nokurwa igutu,omutemi wabhu arahita embere wabhu. Tatabhugya arabhaembere wabhu.
1Nibhugiri'"Bhono mwitegerere ,emwe abhakangati bha Yakobo no okukangata enyumba ya Israeli,Etari bhuhere kunemwa okumenya obhuhene. 2Emwe bhano mukubhihirirwaamazomu no okusega obhubhihu,emwe bhano mkubhambhura amasero ghabhu,akubhuna amaguha ghabhu. 3Emwe bhano mukuurya emibhiri gya abhatu no okubhambhura amasero ghabhu,okubhuna amaghuha ghabhbu,no okubhakenyakenya bhitore bhitore,kwe enyama mukubhiga,kwe enyama mwihurira ekikuru.4Okumara enwe abhakangati murarira kuriobha,nawe ritakubhakyora,Arabhisa obhusyo bhwaye okurwa kunemwe eribhaga riyo,kwo okubha mukoriri amahokya amabhihu.5Eriobha rirahaya ego kubharoti bhano bhakukora abhatu bhane bharatamwa ,kubhano bhakubharisha bhararika,"Bhura hao obhunyeti'.Nawe kubhano bhatakutura akigiro muminwa gyabhu,bhareendera erihi ighuru waye. 6Kweego, bhurabha obhutiku kuremwa bhuno bhitana bhiroto iguru wenyu,erabha kirima mutanaagya okuroota.Eriobha riraagya hasi iguru ya abharooti,no orusiku rurabha kirima iguru yabhu. 7Abharaghuri bharatuurwa kuzisoni,abhareeri bharatamatama. Bhosigo barabhunda eminwa gyabhu,kwo okubha erikyooro ritariho kurwa kuneenye."8Nawe kunenye,nizuirwe ezinguzu kurwa kukoro ya Eriobha,niuzuirye obhuhene no obhyunaagya,okumubhurira Yakobo,obhusarya bhwaye,Israeli amakira ghaye.9Bhono mwigwe yino,amwe abhakangati bhe enyumbha ye Yakobo,abhakangati bhe enyumba ye Israeli,enwe bhano mukubhihirirwa ahene no okung'erererya ahene. 10Murayomboka Sayuni kwo amanyinga,Yerusalemu kwo obhubhihu. 11Abhakangati bhenyu bharasinzira kwe ehongo,ambharoti mbhenyu bhareegya kwo obhutindi,amharoti bhenyu bhararagwa kwe ezihera.Kweego mukyariganyirira eriobha no okubhuga,ritariho eriobha na neetwa hamwe?Bhutariho obhubhihu bhuno bhukuuza iguuru wetu.12Kwo okubha yenyu,Sayuni erarimwa kyo omugundu,Yerusalemu erabha na etumoyo amarobha ,ne eng'ongo ya hekalu,burabha kye eng'ongo ya ebhisaka.
1Nawe kuzisiku zyobhutero eraaza kubha ekiguru kyenyumbha ye Eryoobha guraturwa kisiguru ye bhiguru ebhindi.Guragororokibhwa iguru ye ebhiguru,na bhaatu,na bhaatu bharagugyaaku.2Ebhyaro ebhaaru bhiragenda nokuhaya."Muze,tugende iguru ya kiguru kye Eryoobha,munyumba ye Eryoobha rya Yakobo.Aratwegya ezinzira zyaaye,na turagenda kuzinzirya zyaaye".Kwokubha okureka Sayuni erihatike rirarusibhwa,nering'ana rye Eryoobha okurwa Yerusalemu. 3Arabhaganzurya gatigati yabhatu nokwamura obhuseegi na bhaaro ebhyaaru bhyakure.Bharotuura amasabh gaabhu kubha plauna amatimu gaabhu kubha emiohoro gyokutagania.Ekyaaro kikinura erisabha iguru ye kyaaro,nawe kubhukangati bwe rihi kweki.4Kweego,bharikara haamwe omutu hasi wo mzabibu na hasi yo omuti gwaye.Atariiho omutu wuno arabhakore bhobhohe,kwokubha omunagwe Eryoobha ryo msiriikaare guhayiri. 5Kwokubha abhatu bhoosi bharaagya,kiwumwe,kurina ryeryoobha ryaaye.Nawe etwe turaagya kwerina rye Eryoobha ryetu kiraka na kiraka.6''Kurusiku ruyo"agambiri Eryoobha,"Ndamukumania wuno akuhegara no kumukumania wuno ahebhuiirwe,bhano,bhaari mbanyakirye. 7Ndamukyoorya wuno yaari akuhegera kumasaagyo,na newe yarekerwe kukyaaro ikikong'u,na nenye,Eryoobha,ndabhakangatya iguru yaabhu gati webhiguru bhya Sayuni,bhoono na kiraaka. 8Araabhe kunawa,Ekisoonge gwesa gweri hiizo,ekiguuru kyo muukya gwa Sayuni-guraaza kuneemwe ,obhukangati bhweenu bhwe kaare bhurakyoriibhwa,obhutaake bhuuno bhanobhakwangirirwa no muukuja wa Yerusalemu.9Bhoono, Kwaki orateema akitiiri kweriraka ryiguuru? Atariiho omutaake gatigati weenyu?omukutongeeri waazo akuuri? Kwaaki obhusungu bhukugwatiri kyomukaari wuurya akwibhuura? 10Noobhe no bhusuungu bho kwibhuura ili wibhuure,omuukya wa Sayuni,kyo mukaari wuuno anabhusuungu.Kwabhoona orahuruuka iguutu yo muugye,nokwikaara mumuguundu,nokugenda Babeli.Eyo oraryoorwa.Eyo Eryhoobha arakuryoora okurwa mumabhoko gabhabhihu.11Bhoona ebhyaaro ebhyaaru bhyikumeenie iguru yazo;bharabhuga;'Ateerwe kubhunyaaka;ameeso genyu garorere Sayuni". 12Omurooti arahaaya,"Bhatamenyiri amiseego gwaaye,kwookubha bhabhakumeenie kyamakanda gakuhurwa esimiiti.13Eryoobha rihayiiri,"Imerera no ohuure,omuukyawo Sayuni,kwookubha ndarukoora oruheembe rwaazo kuubha ekyooma,na ndazikoora ezikuruutwa zyaazo kubha eshaba.Orakooza abhaatu bhaaru.Ndabhatuura kubhusinduri obhubhi bhwaabhu kuneenye omwene,Eryoobha,omukong'erya zyaabhu kuneenye,Tatabhugya weziisi ngiima."
1Bhoonemuze mubhe hamwe mukore amagori ge erirwana,omuukya wa abharwani;abharwani bhinogorirye omugye,kwo orurigi bharamutema omutwanikania wa Israeli kutana.2Nawe awe,Bethlehemu Efrata,ingabha awe ni musuuhu mubhatu bhe ekisyooka kya Yuda,kureka kwaawe owumwe waho araza kwinye abhagate Israeli,wuno obhutangi bhwaye ni kurwa kwibhagarye ekare kurwa kimera. 3Kweego Eryoobha arabhaha,eribhaga rya wuno akwigwa obhusungu okwibhura omwona,na amasagyo ga abhahiiri bhaaye garabhakyora ku obhana bha Israeli.4Arimerera na okurisya erihizoryaye kwe ezingiru zya Tatabhugya,Kwo obhunagya bhwa obhusimuka bhweerina rya Tatabhugya Eryoobha waye.Bharikara,kwookubha arakumuka tee obhuteero bhwe ekyaaro. 5Arabha bhuhoreru bhwetu,Eriibhaga rino Abhaashuru bharaze mukyaaro kyetu,no okugataza amanyumba getu,hayo murarusyaho abharisya bhe emitugo muhungati iguru wabhu,na abhakangati bhanane.6Nabho bharasarya ekyaaaro kya Ashuru kwoobhwooge bhwoomuhyo,ne ekyaro kya Nimrodi kubhisyoko bhyaye;awe aratutuurya no Omuashuri,hano arasikie mukyaro kyetu,no okutaza muzitunga zyetu. 7Amasaagyo ga Yakobo garabha muzihamati zya abhatu bhaaru,kyoorume runorukurwa ku Tatabhugya,kyoobhususu kubhunyaaki,bhuno bhutakuganya mutu,bhutakuganya bhaana bha abhatu.8Amasagyo ga Yakobo garazakubha mubhyaaro,Mubhatu bharu,kyeendwi gatigati wa erihizo rya amang'ondu.Eribhaga rino ekuhita gatigati wa amang'ondu,aragataza iguru wago no okugarandura gabhe mabhaara mabhaara,atakubhaho mutu wa kugatoora. 9Okubhoko kwazo kuragororokibhwa iguru wa abhabhisa bhazo,orabhasarya.10"Kweki arabha kurusiku ruryo,arabhugha Tatabhugya,nirazyangira kure ezifarasi zyazo zireke kuunawe,nanenye ndagasarya amamatoka gazo geerihi. 11Ndasarya emigye mukyaro kyazo,nookugwisha ezinyiki zyazo zyoosi.12Ndasarya obhurogi mumabhoko gazo,bhatakubhaho bharaguri kweki. 13Ndasarya amahundugugru gazo ga mwibhegi ne ezitimu zya amagina kureka kwaawe.Otakusengerya kweki obhukaari bhwa amabhoko gazo. 14Ndiha ezitimu zyazo zya mumiti gyokusengeramu emwe,ndasarya emigye gyenyu. 15Ndariha ekisiiyomba kwo obhururu no obhutindi iguru weebhyaro bhino bhititegereeri.
1Bhono mwitegererya kino Yahwe akuhaya gororoka na werekye ekina kyaazo mubhusyo bhwe ebhiguru,tiga ebhiguru bhigwe eriraka ryaazo. 2Mutegerere amasabhi ga Yahwe,amwe ebhiguru,na emwe abhatangi abhikong'erera bhe ekyaro,kwo okubha Yahwe arigumirirya hamwe na abhatu bhaye,na aritana mwisinziro iguru wa Israeli".3Abhatu bhane,nikoriri kunamwe?Nibharosirye karinge?mwerakye iguuru wane! 4Kwokubha nabharetiri kurwa musi ya Misri,na kubhaturya kureka munyumba yo Obhughati ndabhatuma Musa,Aruni na Mariamu kunawe. 5Abhatu bhane, muhite kyego Balaki omutemi wa Moabu kyego akisaga,na kyego balamu omwana wa Beori akamukorya kyego ohabha okugya kurwa Galgali,kwego muratura kumenya amahokyo go obhuhena bhwa Yahwe.6Bono ndeteki ku Yahwe,hano kugya kumuhigamira Tatabhugya wuno ari iguru?Bono ndatura kugya kunewe na ebhimweso bhyokusarya,hamwe na ekimori kyo omwaka gumwe? 7Bono Yahwe arazomarererwa na abhikwi bhya ezing'ondu ezisube,na bikwi ikumi bya emyaro gya amaguta?Bono nimurusye omwibhurwa wane mutangi kwiguru wa obhusarya bhwane itunda rya omubhiri gwane iguru wo obhubhi bhwane omwane? 8Akubhuriri,mutu kimo kiri kisi,na kino Yahwe akwenda kureka kunawe:kukora ahena,kukora obhuzomerwa no okugenda kwo kwiraramera hamwa na Tatabhugya.9Eriraka rya Yahwerikarauka kumugye-tee bhoono okusuka kwikirirya erina ryaazo:"Ikara haguhi kuzihimbo,ku wuno ayibhikiri. 10Buriho obhunibhi muzinyumba zya abhabhihu abhasarya ne ekirango kyo obhubehi ni bhusarya bhukuru.11Ninganagirya kumuhikirya omutu kubha atana bhubhi aribha arakorara ekirango kya obhung'eni,hamwe na ekiguzi kya obhung'enererya? 12Abhamibhi bhizwiri obhubhibhu,Emigye gyabhu girahaya obhubhehi,no orurimi rwabhu muminwa gyabhu obhung'enererya?13Kwego nikutemiri akitemo kinokikunyahara,nikukoriri ituturi kwo okubha yo obhubhi bhwazo. 14Oraza kurya nawe otakwiguta,eking'ambhi kyazo kirasagha mwosi wazo.Orabhika emirigo kura nawe otakugikakong'era,na kino okukong'erya ndakirusyaha kwerisabha. 15Oranya nawe otakugasa,orakumania zaituni nawe otakwihaka maguta,orakora ezabibu nawe otakunywa edivai.16Migiro ginogikorirwe na Omri zibhikirwe,na amahokyo goosi ge nyumba ya Ahabu-muragenda kwa maragiriryo ghabhu,kwego ndakukora awe,mugye,ituturi,na bhwikari bwazo ng'ana yokukumurwa,na muragegha kirage kya abhatu bhane,kwa bhwobha,Yahwe Tata wetu,na bharobhoha kwo okubha yaabhu.
1Ni iguru yane!enye ni kwibhaga rya erigesa hano gwahwiri na amasagyo gaa erigesa rye ezabibu kwenye kuumugundu gwee emizabibu.kitareho amatundugura kunokukirorekana,gatareho matini ebhakurya byoo obhutongore yiino nkurohererya. 2Abhaatu abhaheene bhabhuriri okurwa kuu kyaarao,atareho omuutu omuheene abhatu bhoosi,bhoosi bharang'ena kuganya kwitira amanyiinga;kila omutu arabhweema omuhiri waye kwooruwaya.3Amabhoko gabhu ni mazomu kwo okukora amabhihu.Omukangati arabhurya ezihera obhusinziro abbheri kuu hongo,no mutu we ezinguru arabhabhurira abhaandi kino akwenda kubhoona.Ego niigobhakukorwa kwa hamwe. 4Omutu omuzomu kunebho ni kyee miteemba.omuheene bhukong' nikyoo omuti gwaa amahwa.Ehikiri orusiku runo rwahaireinyuma wa abharibhi bhaazo,orusiku rwee obhusinziro bhoono ni ibhagha rya obhubhihirirwa.5Mtamwikirirya omunyarobho otamutuura omkangati kumunyaroobho wowosi.Mubhe bhaheene kuukino mukihaya hata kumukari wuno akung'ee na kumabhoko geetu. 6Kwookubha omwaana ukumsukya waso wabhu,omuukya arimuka okumuhiga na nina waabhu,noo omukari woo mwana wee kisubhe okumuhiga ni inyibhwaara waaye.Omubhi wa abhaatu ni abhaatu bhee enyuumba yaye omweene.7Nawe kama enye, ndamurora Yahwe.Niramuganga Tatabhugya kwoo obhuhoru bhwaane;Tatabhugya arasankirya. 8Tigakuzomerwa iguru waane,hano kugwa, ndimuka.Hano ndaabhe nikeeri mukirima Yahwe arabha obhweru bhwaane.9Kuno nikoriri ebhibhi kuu Yahwe ndagega obhururu bhwaye anisasamire amasaryo gaane na kwikirirya obhusinziro kurwa kuuneenye.Aranihira kuu bhweeru na namurora aranororya kuu heene yaye.10Hano omubhisa waane akurirora riyo,ne ezisoni ziramukindikirya wuno amburiri,"Yahwe Tatabhugya ari hayi?"Ameso gaane garamurora;Aratazwa haasi kya amatoto muroobho.11Orusiku rwoo okwomboka orugito zirahika;Orusiku ruyo orutungo rurisukibwa kure bhukong'u. 12Orusiku ruyo abhaatu bharaaza awaazo,kurwera Ashuru noo omugye kurwa Misri,kurwa Misri hata enyaanza ekuru,okurwa munyaanza kugya munyaanza,na kurwa mkiguru kugya mkiguru. 13Ebhwaaro bhiiyo bhirabha bhiyahuri kwoo kubha ya abhatu bhano bhakwikara eyo.kwookubha ya eritunda rya amahokyo gaabhu.14Riibha abhatu bhazo kwee chimbo yaazo.chamati ya engabho yaazo.Bharikara abhenegho mubhisaka,gatigati mubhisaka.Bharibhe Bashani na Gileadi kyee ezisiku zakure. 15Kuu orusiku eribhaga rino mwahurukiri habhoori ekyaaro kyaa Misri ndabherekya ekiruguro.16Ebhaaro bhirarora nookubha nee ezisoni za amanaga gabhu goosi.Bharatura amabhoko gabhu kuu mionwa gyabhu.Amatwi gabhu garagha maribhwu. 17Bharameesa oruteri kyee enzoka,kyee ebhitaango bhino bhikwigara iguru wee ekyaro.Bharakora igutu mwibhuguta kwoo obhwobha bgharaza owabhu.18Niwewi Tata kyanawa,awe wunookugega obhusarya,awe wuno okuhita iguru wa amasagyo go omughabhi wazo?Otakubhika ekoro yazo tee,kwo okubha osegiri kwerekya amikiriranio gaye go obhuhoru.19Kweki orabha nebhigongi iguru wetu;oragataza amabhihu iyasi wa amaguru gaazo.Orarekera obhubhi bhwetu bhwosi iguru we enyanza. 20Oramuhana obhuhene Yakobo na iragano iya obhuhene ku Aburahamu,hano yakirirya kubhasukuru bhetu ezisiku zye ekare.
1Amitegerero kuninawi Ninawi.Ekitabhu kya amitegerero ga Nahumu,Mwelkoshi.2Yehova nieriobha rye erihali araliha kisuhu,Yehova araliha kisuhu izuri ekoro yobhutindi;Yehova araliha obhubhi kubhubhi bhaye,no kugendelelya obhutindi bhaye kubhabhi bhaye. 3Yehova anaezinguru nzaru kwobhungohu bhwobhubhi;arabha wono akutiga kubhabhalila obhubhi bhwabhu Yehova arakora enzira yaye kubhukama bhwa kiramumbi ekibhihu,nakwisaro niruteri rwa maguru gaye.4Kukuirekie eng'ana na kuikora yome,eromemya emiaro gosigo.Bashani ni ndege,na Karmeli yosi;ebhibhario bha Lebanoni ni bhiregu. 5Ebhiguru bhirarigita kubhukama bhwaye,ne echiguru bhiranywelela;mukiaro bhiragwe ukukangati bhaye,hene ekiaro nabhatu bhosi bhano bhakwikara mosi yabhu.6Niwi akunagia kumelela mubhukangati bhue koro yaye?Niwi akunagia kurekia obhuhali bhekoro yaye?Ekoro yaye yitiriwe kyo mulilo,na amatare anyamwiri kurekure.7Yehova muhene,elikandasi gati kurusiku rwenyako;na newe nimuhene kukbhalia bhakumulilila. 8Nawe erako ombhusinziro bwa abhabhi bhaye kukwizura kwo kwobhohiya;arabhabhwema mukilima.9Abhatu bhalisega eki ku Yehova?Gue alatina;enyako etakwimuka rwa kabhili. 10Kwokubha bharabha bhasereni kyo muti;bhalazagazibwa ne kigiro kiyobhaguguza ekiabhu abhene;bhasaribhwa hene no mulilo kye elitina rya elikubherere. 11Omutu umwe akabhuka gati kunetwa,Ninawi wono akara obhubhi ku Yehova,omutu wono abhamarira obhubhi.12Ego nigo alahaya Yehova,''Kwokubha bhana managa gabhu bhisiri kubhayo bhayo bhisiri,kwokubha bharabhamwa,abhatu bhabhu bhatakubhaho kweki,niho awe Yuda: kwokubha bhakonyiri,ntakukukonya kweki. 13Bhuno naibhuna bhuri obhugogwe bya bhatu kurwa kunewe;ndatina ezibhioma bhiazo.14Yehova ahairi asingirire iguru yazo,Ninawi:Atahenderwa rhwibhuro kukugega elina ryaye.Ndazirekia erihunduguru rino ribhazirwe no kuzirushaho ihunduguru zebhoma kurwa muyumba za maguru gaye.Ndatuka ezimbhihira zenyu kwo kuzera kwenyu.15Lora iguru webhiguru amaguru gomutu alaturetera amang'ana amazomu,wuno akorarika obhusegi!Tuliryatire ezisikukuru zyetu,Yuda,tubhike obhuhene bhetu,kwokubha omubhi araza kututakia kweki,agiri kimwe.
1Wurya wuno yendiri bhitinika tinika.Noriibhe erinyiki zyo omugye gwaezo.Noriibhe na ezinzira,mwiheene amanaga emwebheene,mugakumanie amajeshi genyu. 2Kwokubha Yehova akyoriryo obhukuru bhwo Israeli,abhabhisi hano bhakugega ebhigiro bhakabhisarya na amasangasha ge mizabibu gyaabhu.3Ezingubha zya abharwani ni nkangaru n abhaatu bhatari abhoobha,mbibohiri amibhoho amakangaru;ezimotoka zyaabho zyo okwitanira m bagateeri kisi kwo kwitana garamesyamesya ebhyooma bhyaaye kwibheryo omubheso,na amatumu ge mivinje garalashibhwa iguru. 4Ezyimotoka zyerihi ziraryaera kumanaga muziroobho;ziraryaera embere na enyuma muziroobho zereho nkyezitaro,ziraryaa nkyo orokabhe.5Wurya wuno akukubhuna bheteneketeneke arabhabhirikira abhataake bhaaye;mbariitema kwo wumwi waebho kwo mrikyaaye kworugeendo rwaebho;Baranghohya kutema enyiki yo omugye.Engubho ekuru yiturirwe kukwingera abhebhisa.6Ebhishooko kubhitaaro mbihatikiribhwe okwigorwa enyumba yo omutemi ekagwa ku mabhihu. 7Husabhu bhakamteesha amibhoho gaaye no okugegwe;abhatomura bhe ekikari nkukira bhakurira nkye ebhiguuti,bheritemo temo kuubhikubha bhyaebhu.8Ninawi kyo omwaaro gwa amanzi gakusororoka,abhaatu bhaaye kwobhumwe nkung'osobhari nkya amaanzi gakumugeri.Abhaandi bherahaya.''Imerera,Imerera'', nawe ataroho wuno akwikyoora embarika. 9Bhateeshe ezimpirya,bhateeshe ezizahabu,kurokubha gutaroho obhuteere bhwaye kwo obhwame bhwo Ninawi no obhuyomu bhwaye. 10Ninawi eribhusa no okusaribhwa.Ekoro yo muutu wowosi yasanziri,amaru go muutu garatemwa ageenigo,omutu wowosi agwatirwe no obhururu;obhushu bhwabho kyo wumwi bhurasuuka.11Boono rirehe eribheghi rye esuuzi,ahagero hano amabhunde ge esuuzi gakurya ebhyaakurya,ahagiro hano esuuzi enkari na ensubhe zikutaarira hagiro hamwo no omwana-we esuzi, hano bhataturiri ekigiro kyokyosi? 12Esuuzi ekatarandura ebhweemo bhiino yaari kubhweeme bhitimika bhitimikakwookubha ye amabhunde gaaye;ekahohakania amabhwemo gaaye kwokubha ya abhakeaye,nokwizunya eribhegi ryaaye amabhiemo,amikaro gaaye kwibhiku bhino bhibhwemirwe.13''Rora,enye ntarihagiro hamwi na neewe rino na ering'ana rya Yehova wa abhasirikare.Ndazyokya ezimoota zyeenyu zye riihi kwu mooki,na erisabha rerakenyakenya ezisuuzi zyeenu zinsubhe.Ndarekya ebhigiro bhino mkugega kukyaaro kyaane na ameraka ga abhatomwa bheeryu mtakuzigwa kweki.
1Mwangarare omugye guno gwizuuri amanyinga!Bhoosi bhizwiri obhubheehi ne ebhigiro byo obhwibhi;bhenyaako bhari kwewe. 2Riroho eriraka rye emijareti na eriraka ryo okutemenia amatairi,ezifarasi zirabhina,nezigaarizye erihi ziratumatuma.3Bhareho abhatiiri bha kuzifarasi bhararwaana,emiliyo gurabhiiri,amatimu garanyeregeta,ezitumo zya abhaku,bhaku bhaaru;mibhiri myaaru,ebhitundu bhyaaru bhitana mwisho,Abharwani bharitema iguru waye. 4Ino eraza kwokubha ya amahokya go obhurohererya bhwo omusimbe omuzomu,uno amenyiri obhuturutumbi,uno akugirya ekyaaro kwa obhusimbe bhwaaye na abhaatu kwe ezinzira zya amahokya gaye ge ekiroogi.5Rora, enye ntari hamwe na nawe-rinoni ing'ana rya Yehova wa amahi-esketi yaazo ndaigororokya iguru wo bhusho bhwaazo na kwerekya eking'abhi kyaazo kubhaatu,ezisoni zyaazo kumutemi. 6Ndatasa obhuchaafu bhwo okutindya na okukora obhe mubhiihu sana.Ndakukoora obhe ni mutu wa kumahirirwa na kira uumwe. 7Erabha kubha kira umwe hanoakukumahirriira arakung'osa arabhugha,''Ninawi asarikiri;niwi akakwarama kwewe?ndamubhonehe omutu uno akukuhonia?8Ninawi awe ni muzomu orakilra Noamoni,guno gwombakiirwe iguru wo mwaro gwa Naili,guno gwaari gwinogoriirwe na amanzi,guno gwari gukukribhwa na enyanza,guno orugito rwaye rwaari ne enyanza eyene? 9Ethiopia na Misri gahabha managa gaye,no obhuteero bhwaye bhutahabhooho;Putu na Libya bhanga bhasani bhaaye.10Kwego Noamoni akagegwa;akagya akagwaatwa;abhana bhaaye abhasuhu bhakatimwa matinika matinika gatigati mwe erobho;abhabhi bhaaye bhakatema ezikura kuubhatu bhaaaye bhano bhakusuka abhakuru bhaabu bhoosi bhakabhohwa. 11Awe wosi oragwatwa;orasaka kwibhisa,orakomya hokuryarara kureka kubhabhihu bhaazo.12Ezihama zyazo zyoosi zirabha kyoomutini guno guna ezitini zino zinogiri bhwangu:hano zikusingisibhwa ziragwa mumunwa gwa uno akurya. 13Rora,abhatu bhano tunabho mbakari;ebhiseku bhye ekyaaro kyaabhu bhiguurwe kwokubha ya abhabhihu bhaazo,omuriro gusarirye ezichapi zyaaye.14Nogye otahe amanzi mwigobhe rino rinogoribhwe;bhaga ezimbhago zyaazo;nogye mumarobha otaze obhutoto;okonye kwokubha yaamatafari. 15Omuriro gurakurunguurya,omuhyo gurakwita. Oranyaribhwa kye ezinzigi ezisuhu kyego zikunyarya kira kigiro.Emwe abhene mwikore kubha abhaaru kye ezinzigi ezisuhu,na bhaaru kye ezinzigi zino zikiniri.16Wongerye abhakori bhebhyasara bhaazo bhaaru bhakiriri ezinzota zya kwisaaro;bhareho kye ezitunutu,bharagega ekyaro bharagya nakyo kure. 17Abhatemi bhenyu bhareho bhaaru kye ezinzigi,na abhakuru bhenyu bhe erihi nkye ebhidudu bhino bhikumenie kurugito eribhga rye embeho.Hano omubhaso gukubhare bhirabhururuka kuure hano hatamenyiirwe.18Omutenmi wa Ashuru, abharisha bhaazo bahindiri; abhatumwa bhaazo bhahindiri hasi bharamunya.Abhaatu bhaazo bhanyarageni mukiguru,atareho hata umwe uno akubhakumania. 19Bhutareho bhuhorya bhunu bhukungaye kubhidonda bhyaazo.Ebhidonda bhyaazo mbikuru.Bhano bhakwiigwa amang'ana gazo bharatema ezikubhikwa bhuzomererwa iguru wazo.Ni wewi atigiri obhubhi bhwaaye bhwoosi.
1Omtumwa uno habakuki omtemi akikirirya, 2Tatatabhuga kweribhaga rihe nikakuriria otanyigwiri?Nkuriri awe kumkindo,'changa' otakunturya.3Kwanki orankora ndore amabhi nokurorera amatemwo mabhihu.Amasaryo nehanga bhirimbere wan;ikunerihi Obhuigani kugororoka. 4Nawe emigiro emirosu etakuhwa, kweribhaga ryoryosi ryobhubhi; wiruguriri nehene ritakuhwa nawe nehene yorurimi erabhura "Tatabhuga" akamwora habakuki5Rorerera ebharo obhasakwe; kurugura! kwokubha ninaobhuhene kwokukora ekigiro kuzisiku zyabhukwo kurohererya hanondabhurirwe kwimwe. 6Rorererya! ndisuka kuzinyumba zinozitari zyabhu. 7Bhanakubhi nobhobha;obhusinziro bhwabu obhuzomu kureka kunebho bhuragenderera.8Farasi bhabu bhanendaryi kuhita engwe,obhangubhe mbwa bhamwitiriko nengorobha. Farasi bhabhu okubhamohya, nokutira farasi yabhu bharaza kureka kure yino ekwisunga kwetai yino ekwanguha okurya. 9Bhosi bharaza kwe hanga;amahizo gayo garagya kyobhukama bhwa mwitirigo,bhakakumania abhabhohwa kwomchanga.10Kubhazera abhatemi nabhakangati nokubhazera.Okuseka elighobe, kukumania eteri nokurushaho. 11Niho obhukama bhurahite;elagendererya kuhita-abhatu bhano obhunagya bhwabhu nikutatabhugya"Habakuki aramubhurya Tatabhugya swali elindi.12"Awe otari wobhukati bhekare,Tatabhugya wane uno Onuhoreru? Etwe tutakukwa.Tatabhugya akabhahura nobhusinziro, nanemwe,Elitare, ogumirye.13Ameso genyu nimarabhu kumagamaga iguru webhibhi otakunagya kurerera amatemyo amabhihu kwamazomu.Nikwaki murarorera nomung'ahiriro iguru wabhano abhiti kwaki okukira obhukati bwobhusaryo oranagya kubha bhobhuheene iguru waabhu? 14Orabhakora abhatu kyeziswe munyanza,kyebhigiro bhino bhikwagura bhitana mkangati iguru wabhu.15Ebho bharabhareta bhosi kumarobho;bharabhang'ura abhatu kumitego gyeziswe kubhakumania bhemitego gyabhu. Kyokugirya bharazomorerwa nakutema ekitiri,kwokuzomererwa. 16Niho bhakarusha ekimweso kumitego gyabhu, kuzitweni ezikuru nenyama enuru nebhakurya bhyabhu. 17Niho bhakamara emitego gyabhu gyokutegera kugenderera kuchicha ebharo bhirakwigwa ebhigongi.
1Ndimerera kuutimu yani yomuribi no kwitura omwene iguru yo omunara gwetara,gwomuribhi nandarora kwakisi kurora ewe arahaya arahaki kunenye na kwighabwi ndikiora okurwa kumasaro gani.2Yahwe anikiora no kuhaya,"kugega ebhiroto bhino,no kame mwasiguru wo rubao kwokubha wuno akusoma arajia okuryara. 3Kwokubha ebhiroto bhino nikwibhaga rino rikuza kwego aragamba nawe atakugwa.Erabhe erakezera,iganye.Kwokubha ebhuhene bhuraza ne etakukezera.4Rora! wuno ahabha nenaamba yaye etarikisi mosi waye arahezera kwanguru.Nawe wobhuhene arikara kwobhweru. 5Kwokubha amarwa garasaria omumurawe kisubhhe kwokubha kwikong'ererya nawe arakinio omugono gwaye kyembihiira kiego oruku,etakunagia kukyoribhwa.Ewe arikumaniria ekiaro nokukumania kunewe abhatu bhosigo.6Gano gosi gatakukora obhugambi kumwigwa ne ryeembo kuzahana wuno gukumutunia,nawe awe wuno okwongeria bhitari ebhiaye!kwi bhagaki orongeria obhurito ezamana yiino wagegiiri? 7Bhaano bhakuganyiriira kunawe bhatakwimerera bhwaangu? na bhaarya bhaano bhakukurigiitya okwimuuka?Oraabha omurweeri kuneebho. 8Kwokuubha akagwaata okugwata abhaatu abhaaru,amasaagyo gosi ga bhaatu, garakugwata okugwaata awe.Okuubha wiitiri amanyinga amaaru okoriri kwo kutiiga obhumosi yekyaaro,emiigiye, na bhoosi bhanabhakwikara mwoosi waaye.9Nawe kuwuurya akubhaaza ebhinyoorwa amabhiihu kwiguuru yenyuumba yaaye,engo aranaagya okukoora ekinyuumba kyaaye iguuru okumtuura awe kiisi kuure nokubhoko go bhubhiihu. 10Otangiiri ezisooni kunyuumba yazo kwo kubhasiiza abhaatu bhaaharu,na akoriiri ebhibhi iguuru yaazo omweene. 11Kwokuubha erigiina riratiirya eriraaka okuurwa kurugiito,Orusara ryezimbao rikabhakyoora,12'Naawe wuurya akwoomboka omuugye gwamanyinga,nookugumirya omuugye kubhubhiihu. 13Yiino etakureeka ku Yahwe wa bhasirikaare kuubha abhaatu bhakoore emahookya kwomuriro nebhyaaro bhyoosi ebhiindi bhirasariika ageene gataana kigiiro. 14Ekyaari haasi okwizuura obhung'eni bhwobhuuzomu bhwa Yahwe kya maanzi kyeego gakwizuura enyaanza.15'Tiga ewe wikurya akukoora omunyaarobho waaye agwaatwe,awe wuunu okwongeerya eryoogo ryokwiita orakoora agwaatwe naawe onaagye okuroora eking'aabhi kyaabhu. 16Orabhimba nezisooni kukiraaho kukiira obhweera.Noonywe yiiyo egoego,ndasuurya eking'aabhi kyazo awe.Ekiseezo kyokubhoko kwobhusuubha bhwa Yahwe bhuraaza okwikyorera awa, nezisooni zikakundikiirya obhusuuki bhwaazo.17Erihi rino rikorekiri ku Lebanoni erakukindikiririano kusaria kwa maatienyi kuraza kukukwobhohia kwokubha witiri amanyinga gabhati nokoriri bhuhibhu gati we esi,omigie,nabhosigobhano bhakwikara muuyo.18Erihunduguru rino ribhazirwe rirakusakiriaki?Kwokubha wuno aibhaziri yiyo,wuno kuyikora kwookwiyaga amagano gooruvumi no mwegya mubhehi;Kwokubha araikirirya emirimo gya amabhoko gaye hano akukora amasambhwa gino gitakugamba. 19Nawe kuwuno akubhurira orubao,Bhuka!Hamwe erigina rino ritakugamba,Bhuuka!'Ebhigiro bhino bhirigia?Rorerera,kino iguru kikundikiribhwe ku dhahabu neezibhira,nawe mosi waye kitakuhezeraheene. 20Nawe Yahwe arinu gati werisengerero riaye ryo bhweeru!esi yosi ebhe ekirirenie mubhusyo bhwaye.
1Masabhi ga Habakuki omurotui: 2Yahwe,nigwiri ezyisi zyazo,naanenye ndobhoha.Yahwe kuryora emirimo gyazo gatigati weribhaga;gatigati ye ribhaga rino;okore ego emenyekane;ohite kubha ne ebhgigongi gati obhutindi bhwazo3Tata agaza kurwa Tamani,na wurya omuhenee kurwa Parani. Sela.Obweru bhwaye bhuzijikundikirye erisaronesesi ekabha yizuri obweru bhwaye.4Orurare rwomurisi bhiri gya amabhoko gaye gahabha kikanyeregeta kyoo mweru,noobhunagwa bwaye bhukabhiswa. 5Obhurweri bhookwita bhukakangata embere waye,na enyako ekagafuta amaguru gaye.6Ewe ekimerera nookurenga esyee;akarorerera nookurigitya ebhyaro.Nihi ebhiguru bhyakiraka bhikasyaribhwa bhukong'u,na ebhiguru bhyakimera bhikagwa hasi.Enzira yaye na kimera.7Nkarora amatundubhare gaa Wakushi gati enyako neebhitambara bhya matundubhare gati Midiani bhirarigita. 8Yahwe ahabha noobhutindi mumwaro?Obhutindi yaye ahabha iguru ye miaro,hamwe obhutindi bhwazo iguru wee nyanza,hanookutira iguru wee farasi bhye mikokoteni noobhushindi bhwaye?9Oretiri obhuta bhwazo kwego omufuniko;oratura omibhwe kweego obhuta bhwazo! Sela.Okatwanikania esyee nee myaro. 10Ebhiguru bhikakurora awee orikyororesya kwo bhutindi. Amanzi ganogakitirwa iyasi gakahita iguru wabhu;obhutambi bhwee enyanza kakarusya eriraka.Amabhoka gaya gakabhuka iguru.11Eryoobha noomweri bhikimerewra bhukongu iguru ahagirihaye gati wobhweru bhwe emibhwe gyaye naa alarahira,harya gati obhurabhu bhoo bhurabhu bhwa amatimu gaye. 12Ogendiri iguru weesi kwo obhuru.Gati obhutindi oharuri ezyisi.13Okagya iguru kwo obhuturya bhwa abhatu bhazo,kwo obhuturya bhwoo musorwa wazo. Awe kozakoza omutwe gwe nyumba yoo mubhi okutura mwazi obhwemero bhwe erigoti.Sela.14Okagyokya omutwe gwa abhitani bhaye kwo omubhwe gwaye omwene kuwo kubha bhakaza kyoomukama kutunyaragania etwee,omugono gwabhu guhabha kyoomutu wuno arikirirya abhataka ahagiro hobhwibhisi. 15Ogendiri iguru wee zyinyanzo kwee farasi yazo noo kugahita amanzi amakuru.16Nkigwa,mwoosi wane nkarigita! eminwa gyane ekarigitya eriraka.Obhubhoru bhukaza gati wamaguha gane,naaiyasi wanee omwene nkarigita nookuganya orusiku rwookurugara ruhike iguru waa abhatu kuturwaniza etwe.17Ingabha omuti gutakusebhuka nookwibhura kurwa noo mzabibu,nookubha okwibhura omuti gwo mzaituni gitakunzomera neemigindu gitakurusya ebhyakurya; emitugo gyarwiroho neetaroho eng'ombe mwigo,kino nikyondakore.18Kweego ndazomererwa Yahwe.Ndabha no bhuzomu kwookubha Tata woobhuturya bhwane. 19Tata Yahwe niiwe zinguzu zyane.Arakora amaguru gane kyaa myamuko,Arakora enye niigye embere ahagiro hane iguuru-kugira kimenyekerero kyomuziki,gati webhigiro bhyoobhuze.
1Rino ni ng'ana rya Yahwe rinu likaza ku Sefania omwana wa Kushi omwana wa Gedalia omwana wa Amaria omwana wa Hezekia,kuzisiki zya Yosia omwana wa Amoni,omutemi wa Yuda. 2"Nilasikya bhukong'u kila ekigiro kurwa mubhusho bhwe kyaro-lino ni kyerenwo rrya Isabhugyo omwene. 3Nilasikya omutu na etenyi;Nilasikya ebhinyunyi bya mwisalo na eziswe zya munyanza,obhusaro hamwe na bhabhihu.Kwego nilamutiga kula omutu kurwera mubhusho bhe kyaro-lino niokyerenwo rya Isabhugya omwene.4Nilahika kukubhoko kwane iguru wa Yuda na bhosi abhikali bha Yerusalemu.Nilabhatiga kula kyamasagyo ga Baali kurwera kumbhara runo na malina ya bhatu bhano bhakusabha chihunduguru kurwera gati wabhamwesi. 5Abhatu bhano iguru welihuna bharasengera emibhiri gya mwisaro,na bhatu bhano bhakusengera nokurye emuna kuu Yahwe kwekibhano bhakurya emuna kumutemi wabhu. 6Nilabhatiga kule kweki bhara bhano bhikyoshirye bhuteti kuleka kuutumililila Yahwe,bharya bhano bhosi bhakumu mohya Yahwe kutali kwa kubhuryabhura abhaye.7Obhe mukiriranu kubhukangati bhwa Isabhuga Yahwe!kwokubha orusiku rwa Yahwe rulihaguli, Yahwe asemirye ekilmweso na yahwili abhagini bhaye. 8''Elaza kurusiku na ekilmweso rwa Isebhuga,kwego nilabhatema abhakuru na bhana bho mutemi,nakyo wumwe wuno yibhohibhwe amabhiho ge kigini. 9Nakurusuku ryuyo ndabhatema bhosigo bharya bhano bhakuibhururuka iguru we emusimo,bharya bhano bhakwizurya elituko rya Isebhuga ebho kwe kituri na ombhng'ererya.10Elibha kurusiku rurya-bhuno ni obhurariki bhwa Yahwe kubha ekilio kyo bhurumiki kilaza kurwera mukiseku kye ezisiwe,elatema ekweli kurwera igunguri yakabhiri,nomumiro gwe kirigito kikuru kurwera mubhiguru. 11Muteme ekweli ,ebhikari bho mutera gwa igunguri,kubhosi abhatumi bhuezimbirya bharabha bhasaribhwe,bhosigo bharyabhano bhakulenga ezimbiryo bharabha bharusiryebho kule.12Elabha kurusuku rurya nikuimohya Yerusalemu kwe ekimuri no kubhatema abhasubhe bhano bhakubhabhikeli amarwa gwabhu nokubhuga mumutima gyabhu,'Yahwe atakukorakyokyosi,kibhe kizomu hamwe kibhihu!. 13Ebhigiro gyabhu bhilaza kugegwa,namatuku gabhu garabha ganyaraganyibhwe kwokusikibhwa!.Bharomboka elituku n awe bhatakwikara muyo,nakwema emizabibu nawe bhatakugigusa amrwa gaye.14Orusiku orukuru rwa Yahwe rulihaguli,haguli na ruranguhiribhwa bhwangu!Omumiro gwo rusiku rwa Yahwe rulabha rwekililo kyabhururu rwobhuhali! 15Orusiku ruyo rurabha orusiku rwo bhutindi,orusiku rwarumirirwan no bhururu,orusiku rwa ekituri no obhunyaraganwa,orusiku rwa masaro rukilima kikuru. 16Rurabha orusiku rwa kombyo netongori gati wa obhutingo mumigye ne ezinyiki tambi.17Kwego ndaretyta inyako iguru wa bhandi, kwego bharagenda haguhi kya bhasubhe abhahoku kwema bhakoriri amabhihu ku Yahwe.Amanyinga ghabu galitirwa kyoruteri,nezimbalika zyabhu zya mwosi kyamabhi. 18Zitali ezimbirya zyabhu,zitali ezidhahabu zyabhu zitakunagya okubhaturya iguru wobhutindi bhwa Yahwe.Mwosi wo mulilo gwelihai ryaye ekyalo kyosigo kilasikibhwa/kwego alaleta obhumali,kubhutiriro gwokukanga kubhosi bhano bhakwikara mukyaro''.
1Mwikumanie hamwe ewe ebhene musango mwikumanie,ekyaro kino kitana ezisoni- 2Hano enyako ekyari kukoreka orusiku ruyo kuhitira kya makanya,hano Eryobha rikaryari kutinda nokuza iguru wenyu,hano orusiku ryukari rwokutinda rwa Tatabhugya okuza iguru wenyu. 3Eryoobha murikonye,emwe abhatu bhosi bhano mukwisasama muesi bhano ,mukwikirirya amang'ana gaye! Mukomye obhwisasani,hamwe araza kubharibha orusiku rwokutinda Tatabhugya.4Ego Gaza eraza kutigwa hayo,neyindi Ashikeloni eraza kubha bhusarya.Bharaza kuyihira kure Ashidodi eribhaga ryo mwisi,nokugwisha Ekroni!. 5Emwe bhano mukwikara embarika we nyanza,ekyaro kya bhakerethi!Tatabhugya abhugiri inguru wenyu,Kanaani,ekyaaro kya Wafirisiti.Ndabhitatereho munyarobho wuno arasage.6Ekyaro kiyo kye mbalika yenyanza eraza kubha ebhirisho byabhyarisha nebhigori bhezing'ondu. 7Ekyaaro kino kirimbarika wenyanza kiraza kubha amasagyo gerihuna rya Yuda,bhano bharasirirye amahizo gabhuyo. abhatu bhayo bharahindira engorobha mwihuna rya Ashikeloni,kwokubha Tatabhugya wabhu arabhatuga nokukorya abhahobhwa bhabhu.8Nikigwa Moabu arazibhura nokubhatuka abhatu bha Amoni eribhaga bharabhazibhura abhatu bhane no kwitukuza mumipaka gyabhu. 9Kwege,kyego nikwikara-bhuno nobhugambi bhwa Tatabhugya,Tatabhugya Waisraeli,-Moabu araza kuza kama Sodoma,na bhatu bha Amoni bharabhya kya Gomora;ahagiro heviwavi neryoobha ryo munyu,mwijangwa rye zisibhu zyosi.Inghabhaabhatu bhane bhano bhasagiri bharabhagwata mateka.nabhatu bhe kyaaro bhasagiri bharagega obhumiliki bhwabhu.10Rino riraza kukoreka ku Moabu na Amoni kwekisubhe kyabhu,kwemera bhazibhure nokubhatuka abhatu bha Tatabhugya. 11Niho bharamwobhohe Tatabhugya,kwokubha araza kuzibhura amasambhwa gosi mukyaro.Abhatu bhosi bharaza kusengera,omutu wumwe kurwa ahagiro haye,kurwa kira orubhara rwa pwani.12Emwe Wakushi kweki murakwa kwerisabha ryane, 13nokubhoko kwa Tatabhugya kuraza kuirwania mamu nokwisakarya Ashuru,kwego Ninawi iratigwa kwokusikya,bharabha homu kyeri jangwa. 14Niho amhizo gemitugo garahindire hayo,emitugo gye bhyaro bhyoosi,zyosi ziritambuka enzira ne bheringu bhiramunya iguru wabhu.Eriraka riraza kwigebhwa kurwera mwidirisha; Ekifusi kiraza kubha mukiseku;obhuzomu bhwa omung'eni wabhu emihimiri giraza kubha gikundukiri.15omugye guno nigwo kuzomerwa guno gwikeri bira bhwobha wuno akugamba mukoro yaye,''Enye ndiho atariho wuno akutubhana nanenye.''Kyego guri gokobhohya,hagiro hano emitugo gikuhindira musi waye.Kira wumwe wuno akuhitira kunewe arigwera nokusengisha ekikundi kunewe.
1Tiga kumugye guno gusariirye!Omugye guno obhutindi gumamakire. 2Otitegerera eriraka rye Eryoobha,nego otategiri amazomyo kurwa ku nyamuhanga.Otamuisigiri nyamuhanga atakumuisukirira Eryoobha ryaye.3Abhatemi bhabhu na ezinduri zino zikung'oona mubhene.Abhatwanikaania bhabhu ne ezisuzi zye engorobha zino zitakusagya kigiro kino okunyoora kibhutatirwe atabhori yaho. 4Abharooti bhaye bhaneekisubha re abhasubhe bhabhuziga.Abhasengeri bhaye bhahakiriri ahagiro akeeru bhasariirye irisinziro.5Nyamuhanga no omuhene ghatighati wabhu atakunaagya kukora amabhihu kwe etabhori ariime reera obhuhene bhwaye!atakuibhisa mumeso,hataego abhatu bhano bhatana ehene,bhatamenyiri okuroora ezisoni.6Nisariirye abhyaro,ezimbago zyabhu zisariibhwe.Nikoriiri amagunguri gabhu makindasi,kweego atariho owumwe wuno hakuhitira kunewe.Emiigye gyabhu gisaribhwe kweego atariho omutu wuno hakuikara. 7Nikabhuga,'Hene muraniobhoha enye.Mugege amahokyo mutangiirwa kwe okurwa munugye gyenu kughano niari nkwenda kukora kuneemwe.Nawe bhahabha no bhuzomererwa okuanza kwo kira orusiku kwo okusarya amahokya ghabhu gosi.8Kweego munganye-riino re erihayo rya nyamhanga -tee orusioku runo nikwimuka kubhano bhariya harikiri.Obhuamuri bhwane no okukumania ebhyaro,okukumania obhutemi,nokuitira obhutindi bhwane iguru yabhu,obhutindi bhwane bhwosi bhuhari,kweegi ekyaro kyoosi kiramiirwa no omuriiro gwo obhutindi bhwane.9Niho nikubhaha abhatu aminwa emizomu,kubhabhirikira bhosi kwe erina rya Tata,okunihokeerya,bhariimerera ibhega kwi ibhega. 10Okwura embaruka yo omuaro Ethiopia bhano bhakunisengerya-abhatu bhane bhano bhanyarageni-bharareta ebhiryo kwo okubha yane 11Kurusiku ruyo mutakutuurwa kuubhwobha kumahokya ghenyu ghosi ghano mukoriri iguru wane kwemera ribhaga riyo ndarusiaho kurwa kuneemwe bhano bhakazomereerwa,kwo okubha mutakubha ne eribhaga itambi kukora emizuumo iguru wa ekiguru kyaane ekizomu.12Nawe ndabhatiiga kya bhiiyasi hene abhatu abhataka,murabhona hookuriarira kurina rya Tata. 13Omuikari wi Israeli ritari ibhaga itambi atakukora obhubhihu hamwe okuhaya orurimi,rutariho orurimi rwo okung'eneerya bhuno bhukuroreka na muminwa gyabhu,kwego bharariisya no okuhindira hasi,hatariho hata owumwe wuno arabhakore bhobhehe.14Yeemba,muukya wa Sayuni!Tema ekiyuri,Israeli wiigwe bhwahene no okuzomereerwa kwe ekoro yazo yosi,Abhakya bha Yerusalemu. 15Tata arusyireho erisinziro ryazo,abhahebheri kuwa abhabhisa bhazo!Tata niho omutemi wa Israeli muneemwe.Kweki mutakumuobha omubhi!. 16Kuzisiku ziyo bharahaya ku Yerusalemi,''Tobhoha,Sayuni otatiga amabhoko ghazo ghanyohera.17Tata Eryiobha ryazo ririghatighati wenyu,weizinguru zyo okubhatuurya.Arazomereerwa iguru wenyu no kwo obhuzomererwa arakira hiri iguru wenyu kwo obhusegi no okuririata kwo obhuzomereewa. 18Kwo orusiku rwa hagari rwe hagari rwe enyanzi.Ndarusiaho enyako kuurwa kuneemwe.Ritari ibhaga itambi mutakugeega ezisoni kurwa kureemwe.19Roora,niiri bhwahene okubhanyahara abhabhisa bhenyu bhosi,kwibhaga riyo,Ndabhatura bhano bharemeeri no okubhakumania bhano bharakeerwe kure.Nirabhakora kubha omukumo niraikyoosya ezisoni zyabhu zibhe omukumo mukyaro kyosi. 20Kwi ibhaga riyo ndabhakangata;kwi ibhaga riyo ndabhakumania hamwe.Ndakoora amagunguri gosige ebhiaro ghabhitegerere no okubhakumya,eribhaga rino muraroreego nirabha nibhakyoriirye,"arahaya Tata.
1Kumwaaka gwakabhiri omutwaare Dario,kumweeri gwa kasasabha,orusiku orumwe rwa mweeri, ering'anarya Tatabhughya rikaaza mukubhoko kwo muroti Hagai okuugya ku gavana wa Yuda,Zerubabeli omwana wa Sheatieli no musengeri omukuru Joshua omwana wa wa Yehozadaki,okuhaaya, 2"Tatabhugya wabhasirikaare abhugiri: 'Abhaatu bhaano bharahaaya,"Ritaari eribhaga ryeetu okuza okwombooka enyumba ya Jehova'''''3Nering'aana rya Tatabhugya rikaaza no kubhoko kwo murooti Hagai okuhaaya, '' 4Neribhaaga nyeenyu abheene okwikara munyumba zikiririibhwe,neriibhaga enyumba yiino ekusariika? 5Kweego bhono Tatabhugya wabhasirikare arabhuga ego; 'mwitegerere enziira zyeenyu! 6Mureemya ezimbhibho nzaaru,nawe murareta ebhigeeswa bhisubhu; muraarya nawe mutakwiguuta,muraanywa nawe mutakwiizuriibhwa na amaarwa. Muribhooha ezinghubho nawe mutakubhona orooya abheene,no muutu womuheero arabhoona eziheera nokutuura musaakwa yiino enemyoobho egyeene'!7Tatabhugya wa bhasirikare ahayiiiri gaayo: 8Mwitegerere ezinzira zyeenyu! Mutiire mubhighuuru,mureete emiti,na mwombooke enyumba yaanyi;nego ndaabha kwikirirya na ndakumibhwa! Ahayiiri Tatabhugya. 9Murorereri okubhoona ebhyaaru,nawe noroore! okareeta munyumba ebhisuuhu,ndabhihiira kuura kwaaki?- Ego niigo arahaaye Tatabhugya omusirikare! kwookubha enyuumba yaani yikeeri kubhusaarya,nawe kiira omuutu ari kiriirya munyumba yaaye.10Kwokubha ekyaaro zigwatirirwe zitaruusya orume okuurwa kunaawe,namaroobha gagwatirirwe gatakwibhuurya. 11Kubhirikiiri okuurwa iguru wamaroobha ni iguru webhiguuru,iguuru yebhakuurya niguuru wo mzabibu omuuhya,iguru ya wamaguuta na iguru wrbhigeswa gamaroobha,iguru ya bhaatu ne iguru ye mitugo,iguru ye miriimo gyoosi gya amabhoko gaazo.12Nawe Zerubabeli omwana wo murooti omukuru Yoshua omwana wa Yehozadaki,haamwe na masaaga gabhaatu,kwibhaaga eriraka rya Tatabhugya Eryoobha waabhu,namang'ana go murooti Hagai,kwokubha Tata wa Eryoobha nyaabhu ahaabha amutimiiri.Nabhatu bhako bhohooa obhuusho bhwa Tatabhugya. 13Niho Hagai,omwitegereri wa Tatabhugya ,akagamba eng'aana ya Tatabhugya kubhatu akabhuga,""Ndihaamwe na naawe!-Bhuuno nobhugambi bhwa Tatabhugya.14Tatabhugya akisasaama ekooro yomukuuru wo mkoa wo Yudah,Zerubabeli omwana wo Shelitieli,nekooro yo murooti omukuuru Yoshua omwana wa Yehozadaki,nekooro yemasagyo gabhaatu,kwookubha bhakaagya okukoora emirimo munyumba ya Tatabhugya Eryoobha ryabhasirikare,Eryoobha ryaabhu. 15Kurusiku rwa mirongo ebhiiri kumweeri gwaka sabha,kumwaka gwakabhiri gwomukangarati wo muteemi Dario.
1Kuumweri gwa muhungati orusiku rwa mirongo ebhiri na rumwerrwo omweri,Eng'ana ya Tatabhugya ukuuza kwo okubhoko kwa omuroti Hagai,okubhuga, 2"Kerenia na Omukangati wa erigunguri rye ekyaaryo kya Yuda, Zerubabeli omwana wa Sheatieli,na kwa omusengeri omukuru Yehozadaki; na kubhano bhasaagiri.Bhabhurire,3Niwi asagiri kunemwe akarera obhwahare bhuree nyumba yo okutanga?Mwabhurorabhwi bhwa bhoono bhuno? Ni kyahano kigiro kitarecho kyokyosi mumeso genyu? 4Nawe,bhoono obhe mkarakambaru,Awe Zerubabeli arahaya Tatabhugya-wosi obhe mkarakambaru,Awe Yoshua,Omwana wa Yehosadoki/Omusengeri omukuru; mubhe bhakarakambaru,emwe abhatu bhe ekyaro!arahaya Tatabhugya;Mhokye emirimo, kwokubha ndihamwe na nemwe,araghaya Tatabhugya wa abharwani 5Kyeeng'ana yirya narageni nemwe hano mkaarwa mkyaro kye Misri;ne ekoro yane erikara kuneemwe;mutabhoha.6Kwokubha Tatabhugya wa abharwani arabhuga ego: 'Ibhaga isuuhu kwiibhaga erindi ndasingisya erisaaro ne ekyaaro,enyanza ne ekyaaro ekyomu! 7Ndasingisya ebhyaro bhyoosi bhiraza kureta ebhighiro bhyoobherwa kwinye,nookuyizura enyumba yino noobhware!' arahaya Tatabnhugya wa abharwani.8Ezahabhu na ezihera ni bhyane"- rino niigambo rya Tatabughya wa abharwani. 9Obhware bhweenyumba yino ehaabha ekomgatiri; arahaya Tatabhughya wa abharwani ;ndhabhahane obhwigwani kurubhaara runo'-rino niigambo rya Tatabhughya wa abharwani.10Kurusiku rwa emirongo ebhiri na kane omweri gwa kenda,omwaka gwa kabhiri gwo obhutemi bhwa Dario, eng'ana ya Tatabughya rikamhikiira omuroti Hagai no okubhuga, 11"Tatabhugya wa abharwani arabhuga ego:Omubhurye omusengeri iguru wa emigiro,no okuhaya: 12Aribha omutu arigega enyama yino erusibhwe ku Tatabhugya mumukunyo gwe engibho yaye aribha omukunyo guratibhye omukate hamwe omusuri,amarwa hamwe amagula,hamwe jkyakurya kindi,ekyakurya kiyo kirakorwa kubha kyoobhwaare?"' Omusengeri akabhuga,"zei"13Kyamwe Hagai akabugha,"Aribha omutu omunyaka kitimba kwiguru yo okomtibhaku omuku no okubhitibhaku abhigiri bhino,bhoosi bharaturuka bhanyaka?"Omusengeri akabhugha,"Hee bharabha bhanyaka". 14Kuugayo Hagai akagaruraho akabhuga,"Ni hamwe na abhatu bhano,na hamwe ne ekyaaro kino kiriemberewane!-gano aragahaya Tatabhugya kira ekigiro kihwiri kwo okubhoko kwaye: kino bharusirya kitaharabha kyeru kihabha kinyaka.15Kuugayo,wisege kurwa orusiku runo kwa rero na ziinyuma,kwibhaaga rino erigina rikyari kuturwa kigina erindi munyumba yokusengererya ya Tatabhugya. 16ekabhabnhi bhoono? kila omutu hano yiziri kubhirengo mirongo ebhiri gye ebhyakurya,naho bhihabhano bhirengo ikumuugo,wuno akaaza okutaha amarwa ge ebhirengo ikumugo,wuno akaaza okutaha amarwa ge ebhirengo mirongo etano,eno bhihabhaho bhirengo mirongo ebhiriigo. 17Nikaabhanyakya emwe neemirimo gya amabhoko gyenyu kwiibhati na ekitu,nawe mutarikyoriri ku'-arabhuga Tatabhugya.18orwiseege orusiku ruro rwa rero nookugya embere,okurwa orusiku rwa mirongo ebhiri niinye kumweri gwa kenda,okurwa orusiku rurya obhutingo bhwe erisengereryo rya Tatabhugya bhwaturirweho.Isega riyo! 19Embibho ekyaari mukitara?Omzabibu ,omuti gwo omutini,omukomamanga,no omuti gwo omunyongyo gitibhwiri matunduguru! nawe okurwa orusiku runo rwa rero ndabhaha orubhango!"20Kweki erning'ana rya Tatabhugya rikaaza rwakabhiri ku Hagai orusiku rwa mirongo ebhiri na kane kumweri okubhuga, 21'Kerenia no omukangati we erigunguri wa Yuda,Zerubabeli omubhuurire,'Ndasingisya erisaaro na ekyaaro. 22Kweego ndagwisha ekitumbi kyoobhutemi nookusarya ezinguru zya abhatemi bhwe ebhyaro! ndagwisha ezimotoka na abhatitri bhamu ezifarasi na abhatiri bha kuzifarasi bharagwa,kira owumwe kwookubha ya obharoge bhwoomuhyo gwa bhawamwabhu.23Orusiku ruryo'-ego rugo akuhaya Tatabhugya wa abharwani-ndakugega awe Zerubabeli omwana wa Sheltiel,kyo omubhagati wane'- ego niigo Tatabhugya akuhaya."Ndukutuma kye epete yo omubhaaso gwane,kwookubha enye ninye nikakusora!-arahaya Tatabhugya wa abharwani!"
1Kumweri gwa kanane omwaka gwa kabhiri gwa obhukangati bbhwaye Dario,ering'ana rya Yahwe rikamwizira omuroti Zekaria,omwana wa Berekia omwana wa Ido,kuhaya, 2"Yahwe ahabha nobhururu bbhukong'u iguru wa bhabhuso wenyu! 3Bhabhurire,Yahwe na abhasirikare arabhugego:Munikyorere!-nosi ndabhakyora emwe,arahaya Yahwe wa abhasirikare.4Mutabha kyabhawiso wenyu bhano ekare abharoti bhabhabhuriri,bharabhuga, ''Yahwe wa abhasirikare arabhuga ego:Mwikyore kureke kuzinzira zyenyu ezimbihu na amahokyo genyu amabhihu!"Nawe bhatendiri kunigwa hata okugania-arabhuga Yahwe.' 5Bari hai bhaweso wenyu?Naabharoti,angu bhari mukyaro muno? 6Nawe amang'ana gane na amaragiriryo gano nikabhakumirirya abhabhagati bhane abharoti,angu bhatabhweni bhawuso wenyu?Kwego bhakikirirya na kubhuiga, 'kyego Yahwe wa abhasirikare akiseega kutukora kwe eribhaga kyeego zikwenda ezinzira zya amahokyo geetu,nigo akatukorera.7Kurusiku rwa mirongo ebhiri na kane yoomweri gwa ikumi na gumwe,nigwe mweri gwa Shebhati,omwaka gwa kabhiri obhutake bhwa Dario,ering'ana rya Yahwe rikamwizira omurooti Zekaria omwana wa Berekia omwana wa Ido,akabhuga, 8"nkarora eribhaga ryoobhutiku,na rora! omutu ahabha atirire efarasi ekengaru,newe ahabha ghati weemiti gya mihadasi ginogiri mwiruma,inyuma waye ehabhaya farasi ekangaru,farasi yeekibhusuko,nefarasi endabhu." 9Nikabhurya, ''Tata bhino nibhigiroki?" Malaika wuno yabhugiri nosi akanibhurira, ''Ndakubhurira ebhigiro bhino niki.''10Kumara omutu wuno ahabha yimereri ghati we miti gyemihadasi akakyora na kubhuga, ''Bhano nibho Yahwe bhano bhatumirwe kwirugura ekyaaro kyosi.'' 11Bhakamukyora malaika wa Yahwe wuno ahabha yimereri ghati wee miti gya muhadasi,na kumubhurira, ''Twari turirugura mukyaro kyoosi,rora ekyaro kyoosi kikari kwokuhorera.12Niho malaika wa Yahwe akakyora nokubhuga, ''Yahwe wa abhasirikare,tee ryori otigekwabhira Yerusalemu ne emigye gya Yuda gino ginyakibbhwe no okwibhirwa emyaka gino mirongo muhungati?" 13Yahwe akamukyora malaika wuno ahabha ahayiri nanenye,kwa mang'ana mazomu,amang'ana ge obhuzomererwa.14Kwego malaika wuno ahabha arakerenia nanenye akanibhurira, ''Bhirikira kwiraka na obhuge 'Yahwe wa abhasirikare arabhuga:Nina erihari kwa iguru wa Yerusalemu aangu Sayuni kwo obhururu obhukuru! 15Nenye nina obhutindi iguru we ebhyaro bhino bhina obhuhoreru,kwookubha nkatinda kusuhu igo,nawe ebho bhakakora nyaako mbihu.16Kwego Yahwe wa abhasirikare arabhuga ego:niyikyoreri Yerusalemu kwa bhigongi.Kwego enyumba yane erombohwa mwosi waye,arahaya Yahwe wa abhasirikare.Ekirengo kiragororokibhwa iguru wa Yerusalemu! 17Bhirikira kweki, obhuge, 'Yahwe wa abhasirikare arabhugego:Emigye gyane kwibhaga rindi erizirwa nobhuzomu,na Yahwe aramfariji kweki Sayuni,nakusora Yerusalemu kwibhaga rindi kweki.18Kumara nkagororokya ameso na kurora mbara inye! 19Nkakerenia na malaika wuno yakerenie na nenye, ''Bhino ni bhigiroki? Akanikora ''zino ni hembe zinozyakoriri okunyaragana kwa Yuda,Israeli,na Yerusalemu.20Kumara Yahwe akanierekya abhahokya abhakuuzi bhanne. 21Nkabhuga, ''Abhatu bharaza kukoraaki?" akakora nokubhuga, ''Zino ni hembe zinozyanyaraganie Yuda atariho mutu akunagya kugororoka omutwe gwaye.Nawe abhatu bhano bharaza kuzirusyaho,kurekera hasi ezihembe zye ebhyaro yakororokirye ezinguru zyaabhu bhumosi bhwa Yuda no okuinyaragania.
1Niho nkinura ezimoni zyane nokurora omtu ahabha azumarikiri mukubhako kwaye. 2Nkamubhurira, ''Oragia hai?" Akamburira, ''Niragia kurenga Yerusalemu niho nimenye obugalino bhutambi bhwaye.3Niho malaika wuno ahabha aragamba nanenye akatanura namalaika owundi akagia kusikana nawe. 4Malaika wa kabhiri akamburira, ''Nogie ogambe nawulila omumura omubhulile,Yerusalemu gurabha gutana nyiki kwokubha obhwaru bhwa bhatu zitenyi musi muyo. 5Kwokubha Yahwe arabhuga,Ndabha mribhi waye,nandabha obheru ewe.6Muliate! muliate! muliate kulwa mkiaro kasimamu arabhuga Yahwe-kwokubha mbanyagenie kyobhukama bhune bhwelisaro!- Arabhuga Yahwe. 7Muliate Sayuni bhwangu!Emwe bhano mukwikala Babeli."Arabhuga Yahwe.8Kwokubha hano Yahwe wabhasirikare kunisuka akatura mubhurumusiro nekiaro kino kiari kisikirira-wuno akubhakuniaku,arakuniako ekilinga kya mumoni kye Eryobha!- hano Yahwe okukorega,arabhuga, 9''Enye omwene ndasingisha okubhoko kwane iguru yabhu,nanebho bharabha kusikirira kubhahokia b habhu.''Niho muramenye kubha Yahwe wabhasirikare atumenie.10Yemba orazomererwa,omukia Sayuni,kwokubha enye omwene ndikara nanawe!-arabhuga Yahwe 11Ebharo ebhikuru bhiragwatana nawe Yahwe orusiku ruyo. ''Nanemwe mrabha bhatu bhane,kwokubha ndikara gati wenyu,'' mwisi muramenye kubha Yahwe wabhasirikare antumenie kunemwe.12Kwokubha Yahwe aligomba Yuda akimerera yaye gati weesi endabhu kwokubha kweki alitora Yerusalemu kunewe omwene. 13Mukililanie,mubhukangati bwa Yahwe,emwe bhosi bhomubhiri kwokubha imukiri okulwa hagiro aheru ahaye!
1Neho Yahwe akanierekya Yoshua kuhaani omukuru yimeriri kubhukangati bhwo malaika bhwo Yahwe na omubhisi Shetani yimeriri okumosi kwaye kumbera kukubha amatemyo mabhihu. 2Malaika wa Yahwe akamburira Shetani, ''Yahwe aghukemee,Yhwe,wuno yakagusoriri Yerusalemu, agukemee! Kino kitari ekisirira kino kirusiribhwe kumurero.'' 3Yoshua yaari yibhohiri amibho amachafu hano yimeera embere ye malaika.4Malaika akabhabhuura bhano bhimeriri embere waaye, ''MOmurushye amabhoho amachafuku gayo.'' Naho akamburira Yoshua,''Rora!nkuteshirye amabhihu gazo ndakwibhoya amibhoho amarabhu.'' 5Haya mumwibhohe engosiira endabhu kumutwe gwaye!" Nokwimubhohya amibhoho amarabha Yoshua eribhaga rino malaika yimuriri embarika.6Neho malaika wa Yahwe akamukumirya Yoshua no kuhaya, 7Yahwe wa abhasirikare,arabhugego:hano okugenda kumatazyo gaane no okubhika emigiro gyaani,neho okwimeera omugye gwane no kuriibha ezimbago zyaane kwokubha ndakwikirirya kugya na kukyora igati yabhano bhimeriri embere wane.8Awe Yoshua kuhani omukuru na abhari kyazo bhano bhakwikara naneewe!Munitegerere.Abhatu bhano nekyerekerubhwa,kwokubha enye omwenw namgega iguru omtumwa waane akubhirikirwa Erishangusha. 9Murore erigena rino nkaritura embere ya Yoshua.Garoho ameesu muhungati kurigina liyo limwi,naneenye ndakeema anang'ana gaani waku-arahaya Yahwe- wa abhasirikare,naneenye nateesha amabhuhu kukyaaro kino kworusiku rumwi.10Kworusiku rumwi ruyo kyomutu aramularika omwaatani waaye kwikara kwo muzabibu no mutini gwaaye,arahaya Yahwe wa abhasirikare.
1Hano malaika wuno yari akukereenya na nenye akikyoora no okunimuukya,kyo mutu uno akwimukibhwa muzitiro. 2Akamburya, ''Oraroraki?" Nkabhuga, ''Ndarora emirengeri gyo obhweru gikoriirwe kwa dhahabhu eyene,ne ekitubha iguru waaye kina emirengeri muhungati iguru waaye,no oruseke orumwe kuutara. 3Embarika waye giroho mizetuni ebhiiri,ogumwe orubhara rwo obhuuryo,ogundi orubhaara rwo obhumosi.4Nikamubhuurya kweki,malaika uno yakerenye nanenye.''Amang'ana gano gariibhwi omutemi wane? 5Newe akankyora akabhuuga,otamenyiri amang'ana gano garabhugabhwi?'' Nkabhuga, ntamenyiri omutemi wane.6Kugaayo akamburira, ''Iyo ni ng'ana ya Yahwekwa Zerubabeli:ritakugambwa kubhuturo nangabha kuzinguru,nawe ni kwekoro yaane,arabhuga Yahwe omukuru wa amahi. 7Oribhwi awe akiguru ekitambi?Embere ya Zerubabeli orabha wanzariri;newe ararushaho erigina erikuru kwiiraka ryo orubhango kwiwe.8Eng'ana ya Yahwe ekanizira kubhuga, 9''Amabhoko ga Zarubabeli gatereho obhwikaro bhwe enyumba ino yoosi eramaara.Niho mukumenya kubha Yahwe wa amahi antumiri kunemwe. 10Niwi yaregiri orusiku rwa amang'ana amasuhu?abhatu bhano bhararora erigina ryo okwinamukirya mukubhoko kwa Zerubabeli,bhosi bharazomererwa.(Ebhimuri muhungati ni meso ga Yahwe gano gakwinogora mukyaro kyosi).'' 11Niho nkamubhuurya malaika,mizeituni gino ebhiri gikwimerera orubhaara rwo obhumosi no obhuuryo ekimuri kya emirengeri niki?''12Nkabhurya kwibhaga erindi kweeki, "Gano amasagya abhiri ge emizeituni embarika we ezisiku ibhiiri zye zahabu ino enaamaguta ge dhahabu garahiringita kureka kwiwe? 13Nawe akamburira, "Otamenyiri ebhigiro bhino niki?"Nenye nkabhuga,''Zei omutemi wangu.''14Akabhuga, ''Bhano ni bhana bha amaguta amahya ga muziseka bhimereri embere yo omutemi we ekyaaro kyoosi.
1Hano kikyora kagororokya ameso gane,nenye karora rora ekitabhuri ribhurukiri! 2Malaika akamburya, "oruziki? Nikamukyora, ''Ndarora ekitabhu rikwibhururuka,obhutambi bhwae bhirengo murongo ebhino bhugari bhwaye bhirengo ikumio.''3Niho akamburira, ''Gano ni mihime gakugya iguru we obhuso bhwekyaro kyosi,kwema bhonego omwibhi ararusibhwaho nakyego bharahaye orubhara orundi,rwa mang'ana gaye. 4''Ndakuma-ndahaya Yahwe-ego rirasikira yika mwo mwibhi na yika uno akwirahira kwo rurimi rwelina ryane.Ritama mnyumba yaye nokurungurya mbau na magina gaye.5Niho malaika wuno ahabha akagamba na newe hano hakuza anza na kunibhurira, ''Rora ezimoni zyao nouruzi kino kikuza!" 6Ndahaya, ''Niki kino?",Akahaya,yino ni sakwa ena efa yino ekuza.Bhuno mbutindi bhwabhu bhwe kyaro kyosi.'' 7Niho elikundikiriryo rye isasi akagororokibhwa kuleka musi we sakwa no kuhabha nomkari iyasi waye yikeri iyasi waye.8Malaika akabhuga, ''Bhuno mbutindi!'' na arakuha kweki esakwa,no okurekerera ekikundikiriryo isasi murwigi rwaye. 9Nkagororokya ameso karora abhakari bhabhiri bharaza kwinye,nobhukama bhwali musi wa mabhabha gabhu bhahabha na amabhabha kya mabhabha gekung'e bhakagororokya esakwa kati erisaro nekyaro.10Nikamara nikaburya malauika akagamba nanenye, ''Bharahira hai esakwa?" 11Akamburira,"Bharagya okwomboka elisengererye kyero kya Shinari iguru wae,erisengerero hano rirakwe,esakwa eratturwa obhutingo bhano bhakurabhwa iguru wabhu.
1Okumara nikikyora nokurora ezimoni nikarora ebhituku bhirimwasi bhine bhe farasi bhikaza kureka gati ye bhiguru bhibhiri; nebhiguru bhiyo bhihabha bhikorirwe kwe shaba. 2Ekituku kiliwazi kye mbele kihabha na farasi kangaru,erituku ririmwasi rya kabhiri rihabha nafarasi mwamu, 3erituku mwasi rya katatu rihabha na farasi ndabhu,ne rituku mwasi ryakane rihabha na farasi mbusuku. 4Kwego nikabhurya malaika uno akakerenia na nenye, "Niyo bhigiroki bhino tata wane?5Malaika akakyora nokumburira, ''Gino niye mikama enne gya kusaro gino gikuhemba kubhusho bhwa tata bwe kyaro kyosigo. 6Ryezifarasi ezimwamu riragya mukyaro kya kasikazini.7Ezifarasi zino zinenguru zikarekoho na zirakomya kugya no kwirugura igoru wesi,kwegoi malaika akabhuga, 'Mugye na mwirugure iguru wesi!'' bhosi bhakagya iguru wesi yosigo. 8Ukumarya akambikira no kumburura, ''rora bharya bhakugya musi ya kasikazini,bhahorerya ekoro yane iguru wesi iyo.''9Kwego eng'ana ya Yahwe iganizira okuhaya, 10"Gega ebhihirwa kureka kubhano bhasamibhwe-kureka ku Helidai,Tobiya na Yedaya-rero ino ogye nokuhira gatigati mwunyumba ya Yosia omwana wo Zefania, wuno arwiri Babeli. 11Okumara ogege ezimbirya ne dhahabu,okore omusanga omubhoye kumutwe gwa Yoshua omwana wa Yehosadaki omumwesi omukuru.12Kerenwa nawe noobhuge,Yahwe wa abhasirikare arabhuga ego:Omutu wuno erina ryaye tawi wosi arabha ariho nokumara aromboka omughwe ghwa Tata! 13Niwe eraza yomboke enyumba ya tata wosi aragororokya obhweru mbwaye okumara arikara nokukangata gatigati kukitumbi kyaye kyo ,uringa.Arabha omusengeri iguru ye ekitumbi kyo mringa no okumenya kwo ombusengi arabha gati ya bhosi bhimbili.14Omusanga guraturwa munyumba ya tata kwookusuka kwa Heldai,Tobiya na Yedaya na kimenyekereryo kyoo obhuzomererwa wa omwana wa Zefania. 15Niho mbano bhatikure mbaraze nokwomboka enyuma ya Tata,kwego muramenya kubha tata wa abhasirikare atumiri kunemwe; kwego arabhe hene murigwa eriraka rya Tata Eryobha ryenyu rino lirakorekana.
1Omwaka gwa kane gwo obhukangati bhwo omutemi Dario,orusiku rwaakane rwppmweri gwaa Kisleu(guno ni mweri gwaakenda),eng'ana ryaa Yahwe hano ryamugiriri Zekaria kubhuga. 2Abhatu bhaa Betheli bhamtumiri Shareza,Regemu Meleki naabhatu bhabhu kusabha embere yoobhusho bhwa Yahwe. 3Bhakagamba naa bhamwesi bhano bhahabha gati wee nyumba ya Yahwe yaa abhasirikare na abharoti;bhakabhuga, "Okwarama kubhabhurira gati woomweri gwaa katano kweenzira yookwigara,kwego nkakora emiaka emyaru gino?"4Niho ering'ana ryaaa Yahwe waa abhasirikare hano ryaniziri kubhuga, 5''Ogambe naabhatu bhoosi bheesi na abhamwesi obhabhurire, ''Hano mwafungiri noookwarama gati woo mweri gwakatano naagwa muhungati gati we miaka mirongo muhungati,heene hano mkigara kwibhaga ryane? 6Nahano mwariri nookunywa,hano mwariri nookunywa,mutariri nookunywa iguru yenyu abeene? 7Heene gatari mang'ana gano akuhaya Yahwe kuminwa gyaa bharotibheekare,hano muhabha murikara Yerusalemu neemigwe gyeembarika gya okubhona gino gikeri Negebu, umibhara rwaa range iyasi weebhiguru?"8Ering'ana rya Yahwe rikamwiziri Zekaria kubhuga, 9''Yahwe waabhasirikare arabhuga ego musinze kwe eheene obhuheene bhwa maragano neebhigongi omutu wosi amukorere omuhiri waye ego. 10Iguru woo mutumba noomutaka,omugini,noomtaka-otigekubhakangazya,naatabhaho gati wenyu wuno akukora obhubhi iguru waabhandi mumtima gyenyu.11Nawe kugumirya amabhega gabbhu nookutiga kumugania bhakaribha amatwi gabhu bhatige kwigwa. 12Bhakatiga emitima gyabhu kubha mikong'u kyeego eritare niho bhatige kwigwa emigiro hamwe neering'ana ryaa Yahwe kuubhasirikare akabhira amang'ana kuubhatu kwibhaga ryeekare kwekoro yaye,kumwina gyaabharoti.Nawe abhatu bhatigwiri,ego Yahwe waabhasirikare akabhatindira bhukong'u.13Nahano yabhabhirikiri bhatigwiri.Ego arabhuga Yahwe waabhasirikare, ''bharaza kunibhirikira, ntakuza kubhigwa. 14Kwokubha ndabhanyaragania kwoobhukama bhwee kimaramumbi,gatigati bhweebhyaro bhyosi bhino bhyikari kugarora,naakumara esi erabha mwaasi. Kwookubha atariho hata wumwe wuno arehite hamwe kwikara,gatigati yeesi kwokubha ayikyosirye esii yabhu yoobhuzomu kubha etakuzoma.
1Eng'ana ya Yahwe wa abhasirikare rikanizira okubhuga, 2''Yahwe wa abhasirikare akabhuga ego:Nina obhurumirirwa ku Sayuni kwe erihari ikuru nanina obhunyahariku kwo obhutindi bwaru! 3Yahwe wa abhasirikare arabhuga ego:Nirayigarukira Sayuni naninye nilikara gati ya Yerusalemu,kwookubha Yerusalemu eraza kubhirikirwa omugye gwa ehene na ekiguru kya Yahwe gwa abhasirikare guraza kubhirikirwa ekiguru ekyeru.4Yahwe wa abhasirikare arabhuga ego:kworubhara orundi kweki turabha na abhakungu kuzirobho zya Yerusalemu,nakilo omutu arenda omkwaju mkubhoko kwaye kyego ari mkungu. 5Kweki ezirobho zya mumigye zirizuribhwa na abhamura bha ekisubhe na bhekikari bharabharuna.6Yahwe wa abhasirikare arabhuga ego:riribha ering'ana rirarorekana ritakunagikana mumeso ga amasagyo ga abhatu bhano muzisiku ziyo,awe etakunagika na kweki mumeso gane?arabhuga Yahwe. 7Yahwe wa abhasirikare arabhuga ego: Rora,abhaturya abhatu bhane kurwa mukyaro kya obwiru na kya amakya go omubhaso! 8kwakubha nirabhakyorya kweki,boosi bharikara mwosi wa Yerusalemu,kwego bharabha bhatu bhane kweki,nosi nirabha Eriobha ryabhu ku eheene na obweru!9Yahwe wa abhasirikare arabhuga ego:Emwe bhanomukugendererya kwitegererya amang'ana garya garya gano gakarwera muminua gya abharoti obhutangi bhwa erihuna ryane hano gwaturirwe-erituku rino eryane,Yahwe wa abhasirikare:muture amang'ana mumabhoko genyu erisengerero rinagye kwombokwa. 10Awe inyuma we ezisiku ziyo bhitareho ebhyakurya bhino byakumanibhwe na wuyo wosi mwosi waye,kutabhangaho na bwera etari kumutu nabhe tyenyi na etabhangaho na obhukiru kurwera kumubhihu kuwuyo wosi yagiri hamwe kuza.Nikamukora kiro omutu kubha kihuteti no omuri kyaye.11Nawe bhono etakubha kyego obhutangi,nirabha hamwe na amatinikia ga abhatu bhano-arabhuga Yahwe wa abhasirikare. 12Awe ezimbibho zya obhuhoreru ziremibhwa omuzabibu guno gukura gurarusha emisumo gyaye na ekyaro kirarusha ebhyakurya bhyaye;erisaro rirarusha orume,kwakubha nirabhahana amasagyo ga abhatu bhano okugumirya gano goosi.13Kyabhanga kirengyo kya amihime kubhyaro ebhindi,emwe erituku rya Yuda na erituku rya Israeli.Kwego ndabhaturya emwe murabha nokwe.Mutabbhoha;ambe amabhoko genyu gaturwe amanaga! 14Kwokubha Yahwe wa abhasirikare arabhuga ego kyego nisemirye okubhakorera amabhihu bisikuru wenyu hano bhqtindiri obhutindi bwane-arabhuga Yahwe wa abhasirikare-neno nitihitirye, 15nigo nirikirirye kugahokerya amazomu kweki Yerusalemu na erihuna rya Yuda kuzisiku zino! Mutobhoha!16Gano nigo amang'ana mkwenderwa kuhokya:Mubhuge heene,kiro omutu no omunyarobho waye.Musinze kwe eheene obhuringana no obhuheene,obhuringanio no obhuhoreru mubhiseku byenyu. 17Na bhatabhaho gati wenyu wuno akwamura obhubhihu mumutima gwaye kumunyarobho waye,etabha kurutwa na ezimuma zyo orurimi;gano gosigo nigo amang'ana gano gakunibhihira!-arahaya Yahwe.''18Okumara ering'ana rya Yahwe wa abhasirikare rikanizira okubhuga, 19''Yahwe wa abhasirikare arabhuga ego|:Obhubhohi bwe emierigwa kane,omweri gwa katano,omweri gwa muhungati no omweri gwa erikumi rirabha ni eribhaga ryo obhuzomererwa bwakira eng'ana kwituku rya Yuda!kwego msege hene no obhuhoreru.!20Yahwe wa abhasirikare arabhuga ego:Abhatu bharaza kweki,nabhano bhakwikara mumigye egindi. 21Abhatu bho omugye ogumwe baragya omugye ogundi no okubbhuga, ''Mbe tugende bhwangu kubhukangati bhwa Yahwe tusabhe no okumumohya Yahwe wa abhasirikare! Etwe abhene turagya kweki. 22Abhatu abharu ne ebhyaro bhene managa garaza okumumohya Yahwe wa abhasirikare eyo Yerusalemu no okusabha obhung'aniriribhwa ku Yahwe.23Yahwe wa abhasirikare arabhuga ego: kuzisiku abhatu ikumi kurwera kila ekabhira na ekyaro bharagwata omukobha gwa etugu zyenyu no okubhuga, ''Ambe etwe twosi turagenda hamwe naniwumwe,mbuga twigwili kubha Eryobha ririhamwe na nimwe.
1Bhuno no bhugambi bhwa Eryobha iguru wekyaro Hadraki na Damesiki.Kwokubha eriso rye Eryobha ririguru wabhatu bhosi,iguru woruganda rwa Israeli. 2Hamathi yosi erimubhugambi muyo,yino bhayeni Damesiki,rirakerenibhwa Tiro nekindi Sidoni,ingabha ni bhang'eni.3Tiro yiyombokeri erihuna nokwizurya ezimbirya kyoruteri nezidhahabu ezyeru kya matotomuroobho. 4Rora! Tatabhugya aramtesha nokusarya ezinguru zyaye kuru we nyanza,iguru wagayo arokibhwa.5Ashikeloni araza kurora nokwobhoha1Gaza wosi araza kurigita bhukong'u! Ekroni,obhusubhira bhwaye bhuraza kusingisibbhwa! omutemi araza kwitwa okwamira Gaza,na Ashikeloni etakuza kubha nabhatu kweki! 6Abhagini bharaza kukora obhwikari bhwabhu Ashidodi,nosi ndakirushao ekigoti kya Wafilisiti. 7Kweki nirarusha amanyinga gabhu muminwa gyabhu nobhutindi bhwaye kurwa mumeno gabhu.anaiho bharabhe amasagyo kuryobha ryetu kye hamati yo Yuda,Ekroni araza kubha kya Wayebusi.8Mwikumanie kwinogora ekyaro kyane bhuturukanibhwa abhasirikare gobhubhihatego atariho wuno aranagya kuhita musi waye kweki,kwego,atariho omunyakya wuno arahita kweki.Kwokubha bhono ndaza kurorera esi yane kwe zimoni zyane omwene!9Notore ekitiri nozomererwe,awe mukya Sayuni!Noteme ekitiri kokuzomererwa,awe mukya Yerusalemu!Rora!Omutemi owazo araza kunawe hamwe nobhuhene nokukuturya,Anebhigongi,etiriri ekitiri nomwana wekitiri. 10Niho ndarushehe erihuna Efraimu nefarasi kurwa Yerusalemu,nobhuta bhuraza kubhutiga kwihi;kyego araza kubhuga ebhyoro okuhorera,nobhutawara bhwaye bhuraza kurwa enyanza,nokurwa omwaro tee ekyaro kirahwere.11Bhano emwe,kwokubha aminyinga gamikiriranio gani nemwe,ndaza kubhatura abhabhohwa kurwa mumwobho guno gutana manzi. 12Mukyore mubhutingo,abhabhohwa bhokwisubhirirya!Kyego rero ndabhuga ndabhakyorera mara kabhiri,kyego nimkikiri Yuda kyo bbhuta bhwane. 13Kweki nizurye esheki yane hamwe nefraimu.Nibhuriri abhana bhenyu Sayuni,obhwiturukani bhwa abhana Ugiriki,akukoriri awe,Sayuni,kyerisabha rya omuhari!14Eryobha rirabhahurikira,nemibhwe gyaye garetema kye rukubha!Okubha Eryobha Tatabhugya aretema ekirere ewe aragenderera hamwe nenyako kurwa Temani. 15Yahwe araza kubharwanira,bhosi bharaza kubhakamara nokugatiga amagina goruzumi.Niho bharanywe nokutema ekerere kyo mutu wuno anywili amarwa,bhosi bharaza kwizuribhwa namarwa kye bhihuzu,kyezihembe zye zidhahabhu.16Ego eryobha ryabhu rirabhaturya orusiku ruyo;bharaza kubha obhurembo gano ginuribhwe iguru wesi yaye. 17Nigabhwi bharaza kubha bhazomu! Abhamura nabhakya bharaza kuzomera iguru webhyakurya nomwana wekikari wuno akyari kutara nomusubhe iguru wa amarwa amazomu.
1Mumusabhe Tata embura,eribhaga rya nyamabheho-Tata wuno akukora embura ye ebhimesyo-nawe arakora embura etweke kukira owumwe no obhumeri bhwa mutandari. 2Kwookubha ebhizururu bhya bhene zinyumba bhirahaya orurimi,abhagabhu baraganba orubhehi bharahaya ebhiroto bhyo okung'enererya no okurusya obhusegi bhuhurukenie kwego bharabhura kye ezing'ondu,bharanyaharika kwookubha atariho omurisya.3Obhururu bhwane bhuraka iguru yo abharisya abhakangati bhano niranyahara,Tata wa abharwani ararisakiirya erimuga rye ezing'ondu zyaye enyumba ye Yuda no okubhakoora kye ezifarassi zyaaye zye erihi.4Kurwa kunebho rirarwaku erigina erikuru rye embarika,kurwa kunebho kiraruaho ekisibho kye esokoni,kurwa kunebho bhuraruaho obhuta bhwe erihi;kurwa kunebho bharaza abhakangati bhosigo kwa hamwe. 5Bharabha bhahari bhano bhakubhataza abhabhisa bhabhu mumatoto ga mumagunguri muriihi bharakora erihi,kwookubha Tata arihamwe naneebho,bhosi bharabhanyaaka abhatiri bhe ezifarasi zye erihi.6Niratuma ezinguru enyumba ya Yuda,no okwiturya enyumba ya Yusufu,kwokubha ndabakyoorya no opkubhasekerera,bharabha kya hano nitabharusiryeho,kwookubha enye ni Tata ryabhu nosi nirabhitabira. 7Niho Efraimu arabhe muhari,niho ezikoro zyabhu zirazomererwa,abhana bhabhubhararoora nokuzomererwa,ezikoro zyabhu ziranizomererwa.8Nirabhamonyerera no okubhakumania,nirabhaturya bhosi bharabha bhakuru kyeego bhahabha ekare! 9Nikabhemia gatigati wa abhatu,kweego bharanihita mukyaro kya kure,kweego ebho na abhana babhu bharikara no okukyoora. 10Kwookubha nirabhakyoora okurwa mukyaro kya Misri no okubhakumania,okurwa Ashuru.Nirabhareta mukyaro kya Gileadi na Lebanoni tee hano okunyora omweya gutariho kuneebho.11Nirahita munyanza ya amanyakyo ghabu,niragatema amabhoka ghe enyanza yiyo no okuomia ebhibhuko bhya Nile.Obhuzomu bhwa Ashuru bhuritumibhwa iyasi ne ehimbo ye Misri eragya kure okurwa kubhamisiri. 12Ndabhaha ezinguru kunenye omwene kweego bharagenda kurina ryane arahaya tata.
1Iguura ebhiseku bhyaazo,awe Lebanoni,kikoreeke omuriro kyokubhwe mielezi gyaazo! 2Mwaramee emwe emiiti gya misonobari,nawe emielezi giguuri!kino kihabha kyobhubhaahi kino kyoikiibhwe! mwarame,emwe mibhitaa bhya Bashani,nawe ebhisaka bhyezinguuru bhitumibhwe. 3Abharisha bharakura ekweeri kwookubha obhutungi bhwaabhu bhusaribhwe! Eriraka ryo muruumo gwa abhana bheendwi,kwookubha ekisuubhe kyekitaaro Yordani kisariibhwe!4Ego nigo akabhuga Yahwe Eryobha ryani,''Muribhe eriizo ryezing'oondu riino riri haguhi ryo okugwagura! 5(Bhano bhakugurwa bharabhagwaaga bhatahukumirwe,naabho bhano bhakubhagurya arabhuga, 'Akumibhwe Eryobha! Ninibhiri! kubhuganzuri abhariisha bhano bhakoriri emirimo kubhano bhanezing'ondu bhatakubhasakirya.) 6Kubhuganzuri bhuuyo ntakubhasakirya kweeki abhene kyaaro!-ego niigo akubhuga eryoobha,Noroore enye omwene-kwa hahigoti okumwerekererya omutu mukubhoko kwo munyarobho waye na mukubhoko kwo mtaake waye,nabho bharasarya ekyaaro na hatariho na wuumwe wabhu wuno ndamutuurye okurwa mukubhooko kwaabhu.''7Kweego nikabha murisha wezing'ondu bhano bhakarusibhwa okusinzwa,bhano bhakubhahokeera ezing'oondu.Nikagega ezihimbo ibhiiri;ehimbo eyiimwe nikaiibhirikira''Orubhango'' neyindi nikaibhirikira ''Obhuumwe''.Kwenzirabyiio nikaziriisha ezing'ondu. 8Mwoosi yomweri ogumwe nikabhanyahara abhariisha bhatatu,kubhuga nzuuri ntigumirirye kweeki,bhooosi bhakabhihirirwa. 9Niho nkabhabhurira bheene bhyo,''Ntakukoora emirimo kya abharisha bheeyu kweki.Ezing'oondu zino zikwendeerwa-naziikwe;ezing'ondu zino zikusaribhwa-na zisariibhwe.Nezing'ondu zino zikusaga kiira oumwe arye enyama yomunyarobho waaye.''10Niho nikagega ehimbo yani''orubhango'' nokuyibhuna obhuragaani,riino nihabha nikoriri nezingaanda zyaani zyosi. 11Kurusiku ruyo obhwaagani rikabhuunwa,nabhaarya bhano bhakunyakira ezing'ondu bhano bhahabha bhakundorerera bhakamenya kuubha Eryobha rikaaya. 12Nkabhabhurira, ''Erabha erabhazomeera,mundihe amatuho bhwaani-bhisinzika miroongo etatu bhye ziheera.13Nawe Eryobha rikamburira, ''Tura ezihera mukibhumbiko,obhweera enzoomu yiguru yiino bhakakuha!'' Niho nikageega bhisinzika miroongo etatu bhye eziheera nokubhituura mukibhumbiko mwoosi we nyumba ye Eryobha. 14Nkamara rikamburira,'ehimbo yani yakabhiri, ''Obhumwe,''okwiita obhuhiri bhwa Yuda na Israeli.15Eryoobha rikamburira,''Kweeki'',nogeege ekigiro kyo muriisho omugege kwookubha yaazo omwene, 16Kubhutanzuri noorore,ndihaguhi okumutuura ahagiro omuriisha mukyaaro.Atakuroreera ezing'ondu ziino zikunyaharika.Atakukomya ezing'oondu zino zibhuriri,na atakuzihorya ezingondu zino zikuhegeera.Atakuzirisha ezing'ondu bhaano bhano bhuhoreru,nawe araarya enyaama ye eng'ondu zino zinuriri woosi aratya ezikuruta zyaabhu.17Awe tiga kubharisha bhano bhatakunagya bharatigaberihiizo ryezing'ondu!Erisaabha ryiize iguru yokubhoko kwaaye neriiso ryaaye ryobhuuryo!Okubhoko kwaaye kwoome neriso ryaaye ryobhuryo rihukuure!
1Rino ni ng'ana rino ryagambirwe na Tatabhugya kubha Israeli-Tata arabhuga,wuno akwaririrya erisaro na okiutuura obhutingo bhwe ekyaaro,wuno akuteema ekoro yoomutu mwoosi waye, 2''Rora,ndaikora Yerusalemu ebhe ekikombe kino kikubhanyakya abhatu bhoosi bhano bhayinariri.Irabha egoego na Yuda kwe eribhaga rya okuhusuribhwa kwa Yerusalemu. 3Kurusiku ruyo,ndaikora Yerusalemu ebhe igina irito kwa abhatu bha abhahiri bhoosi.Wuno akkusakya kurigororokya erigina riyo arinyahara bhukong'u,na ebhyaro bhyosi bhya musi bhirikumania kwo okukyooka amugye guyo.4Kurusiku ruyo arabhuga Tatabhugya-ndaitema kira efarasi kwookuheema,na wuno akuyitiraku ndamuturira obhyuyanga.Nanenye ndayikundukura enyumba ya Yuda ameso gane,na nenye ndaitura kira efarasi obhuhoku,kira efarasi yezihamati zya abhatu. 5Na abhakangati bha Yuda bharazakubhuga muzikoro zyabhu, 'Abhamenye bha Yerusalemu ni nguru zanye ku tatabhugya wa abharwani,Tatabbhugya wabhu.6Kuzisiku ziyo ndabhakora bhakangati bha Yuda bhabhe kyeezisengoo zyo omururo kumiti na emyere gyo omuiruro kubhyakurya bhino bhimereri,kubha oranyara abhatu bhoosi bhano bharihaguhi kurubhaara rwoobhuryo no orubhaara ryo obhumoosi. Yerusalemu arikara ahagiro haye kweki.7Tatabhuggya arakiturya ebhihuuna bhya Yuda singa,niho obhwaare bhwee enyumba ya Daudi no obhwaare bhwa bhano bhakwikara bhutakukira hano hasagiri ha Yuda. 8Kurusiku ruyo Tatabhugya arabha omwisasamiri wa abhatu bhaYerusalemu,noorusiku ruyo abharosu muubhayo bharabha kya Daudi, eribhaga bhe enyumba ya Daudi bharabha kya Tatabhugya,kya malaika bha Yahwe. 9''Eraza kubha kuzisiku ziyo ndatanga okubhisarya ebhyaro bhyosi bhino bhikuza kwookukyoka Yerusalemu.10Nawe nditira ekoro yeebhigongi no okuyisabhira enyumba ya Daudi na bhano bhakwikara Yerusalemu,kwego bharandorera enye,bhano bhamusoriri eriitimu.Bharaniaramia,kya wono akwaramira omwana waye owumwego;bharamwaramira kwo obhusungu bhukong'u kya wuno akwaramira uruku rwa omwana waye wobhutangi. 11Kurusiku ruyo obhwaramiri bhweyo Yerusalemu bhurabha kyo obhwaramiri bhwa Hadadi Rimoni mutandari ya Megido.12Ekyaaro kiraramira,kira ehamati eyene.Ehamati ye enyumba ya Daudi erabha eyene na abhakari bhabhu bharabha abheene kure na abhakari bhabhu bharabha abhene kure na abhasubhe bhabhu.Ehamati ye enyumba ya Nathani erabha eyene na abhakari bhabhu bharabha abheene kure na abhasubhe. 13Ehamati ya enyumba ya Lawi erabha naabhakari bhabhu bharabha abheene kure na abhasubhe.Ehamati ya Washimei erabha eyene na abhakari bhabhu bharabhe abheene kure na abhasubhe. 14Kira ehamati yino esagiri-kira eyimwe erabha eyeene na abhakari bharabha kure na abhasubhe.
1Kurusiku ruyo omwaro gukigurirwa iguru we enyumba ya Daudi na abhikari bha Yerusalemu,iguru wa amabhihu gho obhubhi bhwabhu. 2Kurusiku ruyo-arabhuga Yahwe wa abhasirikare-kubha ndarusyaho amarina ge erihunduguru kukyaro kubha ghatige kuhita kweki.Ndabharusyaho kweki kukyaaro kya abharoti bhorurimi na emitima gyabhu emibhihu.3Aribha mutu wowosi aragenderera kurusya obhuroti,wise waye na nina waye bhano bhamwibhuri bharamubhurira,otakwikara,kwokubha ohayiri rurimi kurina rya Yahwe! Niho tata na mai bhanobhamwibhuri hano bharamwokye kwibhaga rya obhuroti.4Kurusiku ruyo omuroti wosi ararorera ezisoni ebhiroto bhaye hana okurusya obhuroti.Abharoti bhano bhatakwibhoha kweki eribhoho rya orusurya kubhang'enererya abhatu. 5Kwokubha kwo wumwe arabhuga ,'Enyentari omuroti!enye ni mulimi,kwokubha esi niyo emirimo kwema obhumura bhwane! 6Nawe omutu owundi aramubhurira,amaghati ghano kumabhoko ghazo ni ghaki?' ewe arakyora,nikanyaharwa na bhano bhahabha munyumba ya bhasani bhane.7Ekyoogi!gororoka omwene iguru womwangariri wane omutu wuno akwimerera haguhi na nenye-nigho akubhuga Yahwe wa abhasirikare.Mtume omwangariri na amang'ondu gharanyagana!kwokubha ndakyosya okubhoko kwane iguru wa abhasuhu.8Kumaara arabha kubha esi yoosi-ego nigo akuhaya Yahwe-kubha theruthi ibhiri yaye erarusibhwaku!Abhatu bhayo bharanyaharika;theruthi yimwe niyo ekusaga. 9Ndayihitye yiyo ya katatu mumuriro kubhazomya kyego ezihera ekuzomibhwa,ndabhasakya kyego ezahabhu yino ekusakibhwa.Bharabhirikiraberina ryane enye ndabhakyora kuhaya,bhano ni bhatu bhane,nabho bharabhuga, Yahwe niwe Tata wetu!"
1Rora orusiku rwa Yahwe ruraza eribhaga omugwaatwa weetu haano bharasondibbhwe gatigati wetu. 2Kuukubha ndakumania ebhaaro bhoosi okwikyora kya Yerusalemu kwee erihi noomuge guragwaatwa.Ezinyumba ziragwaatwa na abhakara bharaatimbwa.Eritinika rye kyaaro rirahirwa mubhugwaatwa,nawe okuhitirirya kwa abhaatu kutukuhwa mumugwe.3Nawe Yahwe arahuruka nookuykora erihi kubhaaro kyeego akuutema kuuezisiku zyee erihi. 4Orusiku ruyo amaguru gaaye garimerera iguru wee kiguru kya mizeituni,guno guri kuure Yerusalemu urubhara rwa ruguru ekiguru kwa mzeituni gurisondamu ruguru nyaanza kwe eriruma ikuuru bhukong'u na eriting'ati kwerekera range.5Niho turaryaare mumaruma na mubhiguru bha Yahwe kwookubha eriruma muugayo garahika Azali.Mraryyaara kyoo orusiku runo mwaryariri ekirigito kye ekyaaro orusiku rwa Uzia,omutemi wa Yuda.Niho Yahwe tatabhugya waane araaze na abheeru bhaaye bhoosi.6Kutakuza kubhaho bhweeru ruyo.Naawe etareho mbeeho hamwe omusoke. 7Orusiku ruyo arumenyiri Yahwe ewe omwene,kutakuuza kubhaaho mwiisi na bhutiku ne engorobhs erabha bhweru. 8Orusiku ruyo amanzi amahooru garahiringita kurwera Yerusalemu.Agandi garahiringita enyaanza ya ruguru na agaandi enyaanza ya nyaanza,eribhaga rye embura na omubhaso.9Yahwe arabha omutemi iguru ya ekyaaro kyoosi.Kuzisiiku ziyo kurabha Yahwe,Tatabhugya umwe,erina ryaye eryeene. 10Ekyaaro kyosi kirabha Araba,kweemera Geba tee Rimoni range muu Yerusalemu.Na Yerusalemu eragenderya kubha iguru.Arikara hagiro haaye omweene kurwera kiseku kya Benyamini hata ahagiro haano kiri ekiseku kyaa ubhutagiro hata ekiseku kyaa embarika noo okurya ekimenyekereryo Hananeli hata erihatike ryoo omutemi. 11Abhatu bhakikara Yerusalemu na kutabheriho obhusikya gaa mahene kurwa kuu Tatabhugya.Yerusalemu irabha kisi.12Yino erabha tauni yiino kwayo Yahwe arabhateema abhahiri bhoosi bha abhaatu bhano bhakurwana eriihi Yerusalemu:emibhiri gyaabhu girabhoora kuu myoobho gyo orurimi rurabhora na eminwa gwaabhu. 13Orusiku ruyo obhwoobha obhwaru okurwa kuu Yahwe bhurabha kuneebho kwa oumwe aragwata okubhooko kwo oundi kurinurwa embarika noo oundi.14Yuda ararwana na Yerusalemu.Bharakumania ubhunibhi bhwee ebhaaro bhoosi bhino bhimwiruguriri-dhahabhu,ezihera,obhwaru bhwee ezingibho ezinyoomu. 15Tauni irabha iguru wee farasi,nyumbu,ngamia na punda na ezyityenyi kwibhara ziratemwa nee erihi kiyo.16Niho bhano bharasage mukyaaro gano gari inyuma na Yerusalemu bharagya kumwaka tee kumwaka okwisasama omutemi,Yahwe wa abharwani noo kuribha sikukuu ya amahuna. 17Neerabha kubha omutu wowosi kurwa kwu bhaaro bhoosi bhee ekyaaro atakugya Yerusalemu kusengera omutemi,Yahwe Tata Yahwe atakureta embara iguru yabhu. 18Ekyaaro kya Misri kitakugya niho bhitakubhona embura.Tauni kurwa kuu Yahwe bhirasangiri ekyaaro gano gatakutira sikukuu ya amahuna.19Okwokibhwa kwa Misri noo-okokibhwa kwee ekyaro kino kitatiririr okubhiika esikukuu ya amahuna.20Naho orusiku ruyo, etongori ye farasi ziragamba, ''Mwinyahure kwookubha yaa Yahwe,'' nee ezikarai munyumba garabha kyeezembihira kuubhusyo bhwa kwisengerero. 21Kwookubha ekibhuga Yerusalemu na Yuda kirarusibhwaho na Yuda kirarusibhwaho na Yahwe wa abhiitani no oumwe umwe wuno akureta ekimweso ararira mwoosi noo okugiyaagya.Bhatakubhaho bhakoribhabhishara na munyuumba ya Yahwe wa abhiitani orusiku ruyo.
1Erihayo rye ering'ana rye Eryiobha ku Israeli kukubhoko kwa Malaki. 2"Nkakusega,"arabhuga Eryiobha.Nawe orabhuga."Kwokubha yihe okatusega?" Esau atari muhiri waye Yakobo?" arabhugha Eryiobha." mkyali nimusegiri Yakobo, 3Nawenimutindili Esau.nikolili ebhiguru bhaye kubha kiri,nihakulili nghabho yaye kubha kubhoko kwa nyamubhwe wa kwibhara.''4Kwokubha Edomu arabhuga,"Tutemirwe,nawe turakiora no kwomboka hano hasarikiri,"Eryiobha rya abhasirikare rilabhugego,"bharomboka nawe ndaigwisha hasi,na abhasubhe bharabhirikira esi yabhasarya, kubhatu tatabhugia anakoro nabho ekele na handi. 5Kuzimoni zenyu muraza kurora gano,nomurabhuga," Eriobha ni kuru kubhukangati yo obhusinsiro bhwa Israeli.6omwana amwobhohe wese wabhu,no mubhagati na mwobhohe Eriobha liaye,kwokubha,enye ni wese,bhulihai obhusuki bhane? kwokubha enye ni eriobha bhulihai obhusuki bhwane?Eriobha nirabhu ego kunemwe,abhamwesi,bhano mukuzera elina liyane.Nawe murabhuga,'turizeri ribhi elina ryazo? 7Kwo kurushaho ebhikurya gisaribhwe mwisabhiro riane.Mulahaya kubha,'Tukuzeriri kwi ghabhuli? kwokuhayego meza ya Tatabhughya ezerirurwe.8Hano mkurusha ekimweso kia matienyi abhahoku ebho bhatari bhsaria?hano mraruhemu abharema na abharweli,ege bhatari bhasaria? muhire lino kumutani awekino alabhabhikiliro hamwe inoa obhusho bhwenyu?"arabugha Eriobha ryabhasirikare. 9Bhono mrasakia kumohiya omubhano gwa Tatabhugya,niho aloe muzomu kunetwe. "Kukigiroki kyekumweso kietu,aragego obhusho mwetu?arabhuga Eriobha rya abhasirikare.10Hano kungabheri no mutu wuno yingigeli ekiseku erisengerero,nawe inata kubhbhbiro emwe,''arabhuga Eriobha rya bhasirikare,''takwenda ekimweso kyokyosi kirwa mumabhoko getu. 11Kurwa mumirengeri gyeriobha teemumakya elina ryare lilabha ikuru gatigati we bhaaro kwokubha kuhagiro omugundiriryo bhukulushibhwa mulina ryane,kwokubha ekimweso kizomu.kwokubha elina ryane ryali ikuru bhukongu gati wa ebharo abhugili Eryobha rya bhasirikare. 12''Nawe emwe mrasalia hano mukubhugha meza ga Tatabhugya murainyakahia amatundugura gaye ne ebhakulora bhaye kubhizera.13Emwe mwosi murabhuga,'eng'ana yino eturosirie,mwosi mularizera,"arabhuga Eriobha rya abhasirikare."Mukiorirye kino kiali kigegirwe namatiyeni gakwibhala kasi abharema bhano bhali abharweli;rubhyo mukuhira ekimweso kyenyu!Natura kuikililya mumabhoko genyu?'' arabhuga Eriobha. 14Yihimwe wuno akung'enererya,wuno anetienyi esubhe yerilizo ryaye abhasengeri kundushirya,nawe kirusha kunenye,enye Eriobha wuno yali omung'ening'eni,kwokubha enye omutemi okuru,''arabhuga Eriobha rya bhasirikare,''ne rina riane niho likwobhoha gati we ekiaaro.
1Bhoono,emwe abhasengeri,ehatika yino nku neemwe. 2Areebha mtakwitegerera,nokurigega kuzikoro zyeenyu no kuniheena obhweru kuriina ryaani,"arabhuga Tatabhugya wa abhasirikare ndatomania amiihiimo kubha neemwe,no kwiihiima orubhango zyeenyu.Kwobhuheene, nkabhiima,kwokubha okanga okugega emigiro gipane mukoro yazyo.3Rora,ndihiima erujbhoro yaazo,no kukuhoko amabhi kubhusho bhwazo,amabhi gabhigira bhyerisengero ryeenyu,nokugegwa hegiro hamwi nagyo. 4Nokumenya kubha nkatumania emigiro kuneemwe, kubha obhuraghe bwaane lulabha iguru wa Lawi na neenye arabhuga Tatabhugya wa abhasirikare.5Obhurage bhwaane bhukabha bhwo obhuhoru na obhuzomererwa, na nkamuhaane ebhigiro bhino kubha enzera yokunsuuka.akansuuka na akimeera akabha no bhyoobho kwo riiro ryane. 6Ameegibhwa gaaye gakabhu kuumunwa gwaaye.Akagenda na neenye kwobhuzomu,na amabhihu gatahurukiri kumunwa gwaaye no kubhakyoora abhaaru kureka kumatenyo amabhihu. 7Kwokubha eminwa gya abhasengeri garabhika amang'eeni,na abhatu bharaga kukomia amang'eeni kumutwe gwaabhio,kwokubha no omutomwa wa Tatabhugya wa abhasirikare.8Nawe nwahitiri ambarika na enzira yoobhuhene.Ukagirya abhaaru bhatikiriryania ne emigiro.Okasrya obhurage bhwo Lawi",arabhuga Tatabhugya wa abhasirikare. 9Kweego mbakoriri naneemwa mtasuukwa kwubhaatu,kwokubha mtariibhiri ezyinzira zyane,nawe emwe mseegiri amatemo geenyo.10Etwe bhoosi tutari na Tata wumwi?Atari Eriobha wurya wumwi wono yatubhuunba bhoosigo?kwaki turakorerana amabhihu kyo wumwi ne muhiri waye,nokurisarya obhurage bwa bhwa tata kubha b heetu? 11Yuda yakoriri amabhihu nokusesebhukya ekoro kubhirigo bhino bhiturirwe kubha Israeli na Yerusalemu.Yuda achakwiiri ahagiro aheeru ha Tatabhugya hano asegiri, nokuteta omuukya wa maasambwa. 12Eriobha rikusenzere kure kureka kwu nyumba yo Yakobo no okwibhurwa kwa abhaatu bhano bhatemirye gano,newe yunu akogega ezisadaka kwu Tatabhugya wa abhasirikare.13Newe orakora kyuyo.Orahumya emezaryo kusengeera ya Tatabhugya kwo zisungwi,kwo okora no kurwaera,kwokubha tutakwikiririrya ezisadaka kuzigega kumabhoko gaazo.14Newe urahaya,nkwokubha yaki?"Nkwokubha Tatabhugya yaabheeri omsahidi igatu ye naawe na kwo omkari wo bhumura bhwaago,otamirwe kubha muheene,nawe mrikyaazo no omukari wo obhurage bhwaazo. 15Awe atabhakoriri kubha hagiro hamwi,kukoro yaye?Bhoono,nkwaki akabhekora kubha bhwumwi?Nkokubha yaari araganyera abhaanu abheerya koro bha Eriobha.Kweego tigana na gayo aumweene mukoro yazo,atabhao omutu wuno atari muheena kwo omukari wobhumura bhwaaye. 16"Ndegiri okutigane",arabhuga Tatabhugya Eriobha wa Israeli,'wuno akwibhoha amiibhoho gwobhutungiiri",arabhuga Tatabhugya wa abhasirikare. "'Kwweego wiribhe omweene mukoro yaazo no otabha mubheehi.17Mwamurosya Tatabhugya na amang'ana.Nawe mutrahaya,"Twakurosya igabhwi?Nkwokubha ya amatemyo geenu gabheeri mabhihu na mgakoriri mazomu kuneemwe ku Tatabhugya,na arazomerwa nago,"na "Arihayi Erioobha wa Bhuzomye?
1Rora,ndamutuma omutu wane,uno akukoora enzira embere wane.No Omutemi, uno mukumuhooya araza bhwangu mwisengeryo ryaaye;no omutumwa wo obhurage,uno kuneewa murazomererwa,rora araza.'' 2Ni wewi akwikong'ereerya orusiku rwo okuza kwaaye? ni wewi akwimereera ano akuhika?Ewe nkyoomutu uno akuzyooma kwo omuriro ne esabhuni yo okufguriira. 3Arikara no kumwereera kyo omwoogya we ezihera,arazomeerya abhaana bha Lawi.arabhakora bhabhe bhazomu kye ezahabhu na ezihera,na bharabhareeta ebhigiiro bhyo okumweesa bhyo obhuhene kumutemi.4Ebhimwezo bhya Yuda na Yerusalemu,erazomera kumutemi kye ezisiku zinyuma na emyaaka gye ekare. 5Hano kumara ndahita hagui na neemwe akubhahukumira.ndabha omutwanikania omwaangu kubharogi,abhasimbe,bhano bhakohaya orurimi,bhano bhakuoneera abhahookya kuumirigo gyaabhu,bhanu bhakuoneera abhaguuru na abhataka,uno akuheebha omugini kureka kubhuheene bhwaaye,na kubhahaano bhatakunsuuka enye,"arabhuga Omukuru abhakeeya.6Enye omutemi ntakwikyoora,hata emwe abhaatu bha Yakobo mutakoreeri. 7Kureeka eribhaga rya bhauso weenyu mukyoriri inyuma no obhutaratibu bhwane mtabhubhikiiri.Mwikyoore, noosi ndabhakyoreera,"arahaya Omukuru wa amahi.Kwo okubha murabhuga, turakukyoreraabhwi?8Omutu aranagya kwibhira Erioobha?Muranibhira enye,kwokubha murahaya,'Tukwibhiri bhwi?'' ezisadaka. 9Mwihimiri amihime, kwo kunibhiira enye, ekyaaro kyosi10Murete omuheero gwabhwaheene mukitaara,bhibhemo ebhyakurya munyumba yane.Muynsakye kuurino,''arabhuga Omutemi wa abhatu.''hano ntabhiguriiri amadirisha ga mwisaro no okhubhitiriira enokwe iguru wenyu,kwokubha atakuza kubhooho hagiiro hakuuru hokugegera. 11Ndamurekya omusarya kwawe,kweego atasarya bhino mubhweni bhye ekyaaro kyeenyu;emizabibu mumigundu gyeenyu gitakugwiisha kwi ibhaaga rino ritaari ryaku,''aragamba Omutemi wa abhaatu. 12Ebhyaaro bhyoosi bhirakubhirikira werubhango;kwookubha yaazo kirabha kyaro kya bhuzomererwa,''arabhuga Omutemi wa abhasirikare.13Amang'ana genyu gabheeri makong'u embarika na nenye,''arahaya Omutemi.kwokubha murahaya,''Tubhugebhwi bhira awe?' 14muhairi,'Kitareheo kyakumukoreera Tatabhugya .Eroho faidaki yookubhika gano antumiri,no okugyeeno orariira kumutemi wa abharwani? 15Wakisumbe turamubhirikira.Okusarya kutari kubhona okwene kwo okumusaakya Eriobha no okumutiga.16Kwokubha bhano bhakumusuuka omutemi bhakakerenia uumwe umwe;Omutemi yitegiri kutwitegereera.ekitabhu kyo okuhiitya kikakaamwa embe waaye kuubhano bhakumwobhoha Omutemi no okurisuka erina ryaaye.17''Bharazakubha bhane'',arahaya Omutemi wa abhitani'',esakwa yane,kuzisiku zino nkukoora;ndabhaseega,kyo omutu uno amusegiri,omwona uno akumasakirya. 18Hano njkukyoora ndatwanikania obhuhene no obhubhi kubhano Eryoobha na bhano bhakumusabha.
1Rora,orusiku ruraza rurakya kyeribheri,bhano bhosi bhekisalani na abhakori bha mabhihu bharaza kubha kyamatete.Orusiku ruraza ryokubhokya,''arabhuga Tatabhugya,''orusiku rurarushaho emili ne litina. 2Emwe bhana mukyobhoha elina ryane,Eryoobha rirabhakira nobhuhoru bhwa amabhaha gae.Mulibhurukabhuka kye bhimoli mwibhanza. 3Nabhasarya bhosi mlatazirya hasi, bharabha kibhu na hasi ya maguru genyu orusiku ruyo ndagya,arabhugaTatabhugya.4Muhite okusuka emigiro omuhokya wane Musa,ehamri ye migiro gino namuhubiri eyo Herobu,Israeli bhoosi. 5Rora,ndamutuma Eliya omuroti kubhwerekera bhezisiku ezikuru zyo kuhahya yokuza kutata. 6Arakorya ekoro ya tata kubhana,ezikoro zya bhana kubhawise wabhu ntazakuza kunyaragania ekyaaro kwo obhusarya bhosi.
1Bhuno niyobhutangiro bhwe ekina kya Yeesu Kristo, omwana wa Taatabhugya. 2Kyeego yakamirwe no omurooti Isaya, "Rora, ndamutuma omutwa wane kunaawe, owumwe uno akukora enzira yaazo. 3Eriraka rya omuutu akubhirikira mwitirigo, "Mumare enzira ya Taatabhugya; mwerekye enzira zyaaye".4Yohana akaza, akabhasubha mwitirigo no okurarika no okusubhwa na okusabha no kwabhirwa na amabhihu. 5Eesi yoosi ya Y udea na abhaatiu bhoosi bha Yerusaremu bhakagenda kunewe. Bhahabha bharitirwa nanewe gatigati yomwaaro gwa Yordani, bhakabhighana obhubhihu bhwaabhu. 6Yohana ahabha aribhoha engibho yamabhuri gengamia nomukandara gwergero kukibhono kyaaye, na ahabha ararya ezingige nobhuuku bhwa mwitirigo.7Akaghamba nokubhuga, "Ariho owumwe araaza kugayo agani wezinguru ezinzaru kukira enye, ntana obhunagya kusundara haasi nokutazura ezisiri zyebirato byaaye. 8Enye nikabhasubha kwaamaanzi, nawe awe arabhasubha kweekoro yobhweru.9Ekarekera gati ya zisiku ziyo kubha Yeesu, akaaza kurwa Nazareti ya Gariraya, na akasubha na Yohana gati yomwaaro gwa Yordani. 10Kwiibhaga Yeesu akimerera akarwa mumanzi, akarora ebhyaaro bhitwanikeni mwaasi nezikoro zikituma haasi iguru yaaye kyeerigina. 11Eriraka rikarwa kwisaaro, "Awe no omwana omusegwa. Ndazomererwa bhukong'u na nawe.12Kweego ekoro iyumwe akamuhatika okugya mwitirigo. 13Ahabha mwitirigo esiku mirongo ene arasakibhwa eraambwa. Ahaabha hamwe ne ebhitienyi bhya mwitirigo, na maraika bhakamusakirya.14Bhoono kaugayo Yohana akagwatwa, Yeesu akaaza Griray okurarika ekina". 15Akabhuga, "Eribhaga okoriri noomutemi we Eryoobha bhuhikiri. Tusabhe nokwikirirya gatigati yekina.16Na akahita embarika ye nyaanza, Gariraya, akamurora Simioni na Andrea omuhiri wa Simion bhararekera orwero zaabhu gatigati wenyaanza, kwookubha bhahabha abhategi. 17Yeesu akabhabhurira, "Muuze, muninimihye, na ndabhakora abhategi bha abhaatu". 18Norumwe ego bhakatiga orweero na bhakamukomya.19Kweeribhaga Yeesu ahagenda haagiru hatumbhi akamurora Yakobo omwana wa Zebedayo na Yohana omuhiri waaye; bhaahabha mubhwato bharakora orwero. 20Akamara akabhabhirikira nabho bhakamtiga wuuso waabhu Zeberdayo mwoosi woobhaato na abhahokya bhaano bhasabhirwe, bhakamugyaaku.21Hno bhahikiri Kaorenaumu, orusiku rwo obhuturo, Yeesu akasikira mwisengererro no kubhererkererya. 22Bhakanigura ameegyo gaye, kweegyo ahhabha arabhegya kyoomutu woobhutangi na wuno atari kyomukaami.23Kwiibhaga riyoriyoahabhaho omutu gatigati mwisengerero yabhu wuno ahabhanga nekoro embehu, nakatema ekitiri. 24Akabhuga, "Tunaki kyokkukora na newe, Yeesu wa Nazareti? Wiziri kuunyahara? Nikumenyiri u wewi awe niobhweru ori we Eryoobha". 25Yeesu akarirekya erisambhwa na akabhuga, "Nokire no ohuruke mwoosi yaaye. 26Nekore embihu ekamugwisha haasi akarwa kuneewe kweeribhaga ararira kweriiraka ryiguuru.27Abhaatu b hoosi bhakarugura, kweego bhakabhurania kyo owumwe, "Kini niki? Amegyo amahya gobhutuungi? kweego otakurusya amasambwa amabhihu goosi garaamsuka!" 28Na amang'ana kyeego awe kurumwe gakitaaangaza kira ahagiro mwoosi wo mkoa gwoosi gwa Gariraya.29Kworumwe kugayo gakurwa igutu mwisengeero, bhakasikira munyumba ya Simioni na Andrea bhahabha na aYakobo na Yohana. 30Bhoono inyibhyara Simion ahabha ahindiri murweri we ehoma, na kwo orumwe akamubhurira Yeesu amang'ana gaye. 31Kweego akawanza akamugwata okubhoko, na akamwinura iguru; ehoma ekahwa kunewe, akawanaza okubhasakirya.32Engoroobha yiyo eribhaaga Eryooobha rimariri okutubhira, bhakamuretera owaaye bhoosi bhano bhahabha abharweri, na bhaano bhari bhayangahiri nersambwa. 33Omugye gwoosi gukikumania hamwe gatigati ye bhiseku. 34Akabhahorya bhaaru bhano bhaahabha abharweri bho bhurweri bhobhoosi nokurusya amasamabwa amaru, kweego atikirirya isambwa kugamba kwookubha bhakamumenya.35Akmuka ekitabhoori bhwangu eribhaga kwaari kukyaari kirima, akimuka nokugya ahagiro alizomu na akaasabha eyo. 36Simoni na bhoosi bhano bhakabha hamwe woosi akamukomya. 37Bhakamubhoona no kumubhurira, "Kira wumwe aramukomya".38Akabhabhurira, "Tugeende ahagiro ahaandi, igutu yemiigye gino gitwinogoriri", iri ninagye akakerania eyo hoosi. Niyo erikosa rikakora nkaaza haano. 39Akagenda akahita Griraya yoosi, akakerania gatigati mumasengerero ghaabhu no okwanga arisambwa.40We ebhigenge owumwe akaaza kunewe. Ahaabha aramukumirirya; akatema amaaru na akamubhurira, "Kweego arenda, aranagya kunikora nibhe omweru." 41Akahunwa ne ebhugongi Yeesu akagurora okubhoko kwaye kukamuhikira, akamubhurira, "Ndeenda obhe omweeru." 42Rumwe ego ebhigenge bhikamurwaku, na akakorwa kubha omweru.43Yeesu akamurekya kwobhuhari nokumubhuriraagende rumwe ego, 44Akabhabhurira, mumonyekererye otakuhaya ng'ana yoyosi, kyeego haya obhuheene omusengeri, no orushe ebhihirawa mwisengerero kwo obhusinduri bhuno Musa akatumania, kyobhuhene bhwaabhu.45Kyeego akagenda nokwawanza kumubhurira kira owumwe nokugaamba eng'ana kumukira Yeesu, atanagirye okusikira muibhoma kwehene kweego akikara ahagiro ahazomu na abhaatu bhakaaza kunewe.
1Siku suhu zyahitiri akabha akyoriri Kaperinaumu, akiyigwa kubha ariyika. 2Bhatu bharu bhahabha bhikumenie hayo gatabhanga gureho mweya kweki, namumuryango hosi, Yeesu akabhakyora ang'ana.3Hano bhamariri bhatu nyabhurebhe bhakamuretera mutu wumwe wuno ahabha aremeri mubhiri gwosi, ahabha agegirwe na bhatu bhane. 4Hano bhatamiri kumuhikira kwibhaga riyo kukubha nyabhatu bharu, bhakiha orusara rwe enyumba kubhurunga bhuno ahabha arimu. Hano bhamariri kutobhora erihundu bhakitumia obhuriri bhuno omurweri ahabha ahindiriku.5Hano akarora obhwikirirya bhwabhu Yeesu akamurira omurweri, mwana wane, obhubhi bhazo bhwabhirwe. 6Nawe abhakami bhano bhahabha bhikeri hayo bhakibhurya muzikora zyaabhu. 7Omutwano aragambabhwe? Arazi bhura! Niwi wuno akutura kwabhira obhusarya aribha atari Taatabhugya omwene?8Yeesu akamenya gano bhakwiseega kureka muzikoro zyaabhu abhene. Akabhakyora kwaki murisegeego muzikoro zyeenyu. 9Nirihe erinyohu kukira okubhuga omutu wuno aremeri, amabhihu gazo gaabhirwe kweeki okubhuga yimerera, ogege obhuriri bhwaazo, nogende?10Nawe kororokya bhamenye kubha omwana wa Adamu anobhunagya bhwo kwabhira amabhihu mukyaaro akamubhurira omurema wurya. 11"Ndakubhurira awe, imerera, gega omukeka gwazo ogende yika wazo. 12Rumwego akimerera akagega omukeka gwaaye akahuruka igutu kuu mwangara mubhatu bhosi, kweego bhakarugura eno bhakamukumia Taatabhugya nokumwikirirya, bhakabhuga eribhaga, "Tukyari kurora eng'ana kyayino."13Akagya embarika ye nyanza bhatu bharu bhakamuzaku akabhegya. 14Hano ahabha arahita nakamurora Lawi mura wa Alfayo yikeri haguhi na hano bhakukumanirya erigoti akamubhurira, "Nturira" Akimerera akamutunurira.15Kwibhaga rino Yeesu ahabhona ebhyakurya munyumba ya Lawi, abhakumania bhe rigiti bharu hamwe na aabhakori bha amabhihu bhaharya na Yeesu nabhegibhwa bhyaye, bhaye bhoosi kukubha bhatu bhahabha bharu bhano bhahamutunirira. 16Hano abhandiki, bhano bhahabha mafarisayo, bharuzi kubha Yeesu ararya na bhakori bha amabhihu hamwe nabhakumania bherigoti, bhakabhurira abhegibhwa bhaye kwaki ararya nabhakumania bharigoti hamwe nabhakori bha mabhihu?17Yeesu hano yigwiri gayo akabhabhurira, abhatu bhe mibhiri emihoru bhatakwendera mureri, abharweri nibho bhakumwenda. Ntiziri kubhirikira abhatu abhahehe, nawe abhatu bho bhusarya.18Abhegibhwa bha Yohana hamwe na mafarisayo bhahabha bhatakurya. Abhatua bhandi bhakamuzaku nakumubhurya, "Kwaki abhegibhwa bha Yohana hamwe na amafarisayo bhahatiga okurya, nawe abhegibhwa bhazo bhatakukorego? 19Yeesu akabhabhurira, "Wuno ararikirwe kuu bhwenga abharatura kutiga kurya kwibhaga rino bhakyari hamwe na mwene bhweenga? Kugosi gayo namwene bhwenga aribha akyari hamwe nabho bhatakutura kutama kurya".20Nawe eribhaga riraza kuhika hano mwene bhwenga arirusi bhwaho kwibhaga riyo niho ebho bharitama okurya. 21Atareho mutu wuno akutumia ekitambara ekihya kungibho ekungu, eribhego ekiraka kiramatuka kureka kungibho yiyo ekungu kibhikibhi.22Atareho mutu wuno akutura edivai ehya mubhiribha aebhikungu, eribhego edivai erarandura ebhiribha kwego bhyosiigo bhibhiri edivai ne bhiribha birasarika. Kweego tura edivai ehya mubhiribha ebhihya.23Orusiku rwa obhusengeri Yeesu akahita amumigundu, abhegibhwa bhaye bhakagega emisi gya engano. 24Mafarisayo bhakamubhurya, "Rora kwaki bharatuma emigiro gyo orusiku rwobhusengeri?25Akabhabhurya, mutasomeri kino Daudi yakoriri hano ahabha nenzara ewe hamwe nabhatu bhanao ahabha anabho? 26Kyego Daudi yagiri munyumba ya Taatabhugya kwibhaga rino aomukuru wa abhamwesi yari Abiathari akarya aemikate gino gihabha mwisengerero muyo yiyo ehabha nimugiro kumutu wuyo wosi kurya abhamwesi nibho bhakiriribhwa okuririra muyo hano yamaririakahana abhandi bhano ahabha nabho hamwe?27Yeesu akabhugaa, "Obhusengeri bhwakorirwe iguru wa abhatu etari kubha abhatu bhakorirwe iguru wa obhusengeri. 28Kwego omwana wa Damu niwe Taatabhugya wo bhusengeri."
1Na kweki akasikira mwoosi mwisengerero na muyo yariarimu omutu wuno yari no okuboko kuno kuremeri. 2Abhatu abhamwe bhari bharamutumirira kwa habguhi bharore aribha aramuhorya orusiku ryo obhwongo niho bhamseme.3Yeesu akamubhurira omutu wookubhoko okurema, "Imuka wimerere gatigati wa esango yino." 4Niho akabhabhurira abhatu, "Awe ni kisi okurora ering'ana erizomu orusiku ryo obhwoyo kasya okukora gano gatari mazomu, kutuurya obhuhoru, kasya okwita?" Nawe bhakasaga bhukiri.5Akabharorerera kwoobhunyasu, akarumika iguru wo obhukong'u bhwe omyoyo gyabhu, niho akabhurira omutu wuyo, "Gorora okubhoko kwazo." Akakugorora na Yeesu akamhorya okubhoko kwaye. 6Abhanyasi bhakagya igutu kyaamwe bharakora omukoonyo na abhakangati iguru waye bhamwite.7Kyamwe Yeesu, na abheega bhaye bhakagya munyanza, erihizo ikuru rya abhatu rikabhatunirira riharwera Gariraya na Uyahudi 8na okurwa Yerusareemu na okurwa Idumaya na embere ya Yorodani na muroobho ya Tiro na Sidoni, ihizo ikuru, hano rikigwa kira ekigiro kino ahakora, bhakaza kwewe.9Na akabhabhurira abheega bhaye okukura obhwato obhusuhu kwiiguru waye kwookubha ya erihizo rya abhatu, kwookubha bhataza kwimwirumbirira. 10Kwookubha akahorya bhaaru,omutu wuno ahabha ne enyaako akabha ne ekabha ya okumuhikaku amutibheku.11Hayo hosi ezikoro ezinyaku zihamurora, zikagwa hasi embere waye no okurira, zikabhuga, "Awe ni omwana wa Eryoobha". 12Akabhabhurira kwa kubhakumirirya bhataza kukora amenyekane.13Akatira mukiguru, akabhabhirikira bhano akwenda, bhakagya kwewe. 14Akabhasora ikumi na bhabhiri (bhano akabhabhirikira abhabhagati), kubha bhabhe hamwe nawe anagye kubhatubhania bhagye okuroobhesya, 15no okubha no obhunagya bhwo okurusya abhatu emikama emibhi. 16Akabhasora ikumi na bhabhiri: Simon, wuno akahanwa erina rya Petro,17Yakobo omwana wa Zebedayo, na Yohana wamwabhu Yakobo, wuno akahanwa erina rya Bonangesi, bhano ni bhana bho emirumo, 18na Andreya, Filipo, Baoromayo, Matayo, Tomaso, Yakobo omwana wa Arufayo, Tadayo, Simoni mkananyo, 19na Yuda Isikariote, wuno aramukyooke.20Kyamwe aragya yiika, na erigandabhare rya abhaatu bhakaaza hamwe kweki, neego bhatanagirye kurya omukaate. 21Oruganda rwaye hano rwiigwiri amang'ana gayo, bhakagya okumugwaata, kweego bhakabhuga, "Ayangahiri". 22Abhakaaami bhano bhakaza kurwa Yerusaremu bhakabhuga, "Abhakirwe na Beerizeburi", na, "Kwo omukangati wa obhukama obhubhi ararusya abhaatu obhukama obhubhi".23Yeesu akabhabhirikira kweewe na okukarenia nabho kwa matuubhyo, "Kwiigabhwi shetani aranagya kumurusyaho shetani? 24Aribha obhukangati bhuratwanikana obhwene, obhukangati bhuyo bhutakutura kwimereraho. 25Aribha enyumba eratwanikana eyeene, enyumba yiyo etakutura kwimerera.26Aribha shetani arimuka na okwikyoka omwene no okutwanikana, atakunagya kwimerera, na arabha ahikiri kubhuteero bhwaye. 27Nawe atareho mutu nawumwe akunagya kusikira munyumba mwosi yo mutu wa amanaga na okwibha ebhigiro bhaye eno akyari kumubhoha omutu wa amanaga wuno singa, niho akumanie kino kiri munyumba.28Hene ndabhabhurira, ebhibhi bhyosi bhya abhaano bha abhaatu bhirabhirwa, hamwe na obhuzibhuri bhuno bhakugamba. 29Nawe wowosi wuno arazibhure ekoro eheereru atakwabhirwa na rumwe, nawe anaobhusarya bhwe ebhibho bhwa kimera". 30Yeesu akahaya rino kwookubha bhaahabha bharabhuga, "Anaakoro nyaku"31Kyamwe niana waabhu na bhawamwaabhu bhakaaza bhakimerera igutu. Bhakamutumania omutu, okumubhirikira. 32Na erigandabhare rya abhaatu rino ryaari rikeeri haguhi nawe bhakamubhirira, "Nina wenyu na bhawamuwenyu bharihabhori, bharakumohya awe".33Akabhakyoora, "Niwi maayi wane na bhawamwetu?" 34Akabharorera bhano bhahaabha bhikeri bhamwiruguti rirye, akabhuga, "Rora, bhano ni bha maayi ne bhawamwetu! 35Wowosi wuno arakore ameega ga Taatabhugya, omutu wuyo ni muhiri wane, ni wamwetu weekikari, na maayi".
1Kweki akema kwegya embharika we enyanza, na obhwaru obhukuru bhukikumania kumwirugura, akasikira mwosi wo obhwato munyanza, na kwikara. Obhwaru bhosi bhahabha embarika we nyanza mumusenye. 2Na akabhagya amang'ana maaru kwa kuragya na kuhaya kwabho kwa amegyo ghaye.3Mwitegerere, omweya akagya okwemya. 4Hano ahabha aramya ezitetere ezindi zikagwa muzira na ebhinyunyi bhikaza bhikazirya. 5Ezitetere ezindi zikagwa kwitare, hano hatahabha na marobha maaru, hayo zikonyara kwookubha zitahabha na marobha ga kwisa.6Nawe hano Eryoobha rikasomoka zikanyara na kwookubha zitahabha na emiri, zikooma. 7Ezitetere ezindi zikagwa ghati ghati wa amahwa na amahwa gahabha gharakura, na zitibhuri matunduguro ghayo gosi.8Ezitetere ezindi zikagw akumarobha amazzomu na zikibhura kwibha zirakura no kwaruha, ezindi zikubhura mara mirongo etatu bhukong'u, ne ezindi mirongo esasabha, ne ezindi ighana. 9Akabhugha wowosi wa amatwi gho kwigwa, na yigwe!10Yeesu hano ahabha omwene, bhano bhahabha haguhi naawe na bharya ikumi na bhabhiri bhakamubhurya kumenye ekerengyo. 11Akabhuga kunebho, emwe muherwe ekibhiso kyo obhutemi bhwa Taatabhugya. Nawe bhano bhari igutu kigiro kyosi ni kirengo. 12Hanoo bhakurora niho okurora, nawe bhatakurora, na kwego, hano bhakwigwa niho okwigwa, nawe bhatakumenya, nawe kwegho bhingikyorir na Taatabhugya yangab habhiri.13Na akahaya kunebho, mutamenyiri ekirengyo kino? Murakorabhwi mumenye ebhirengyo ebhindi? 14Omwenya akemya ering'ana. 15Ahandi nibhano bhagwiri embarika we enzira, ahagiro ering'ana rikemibhwa, na hano bhakarigwa, shetani akaza na kurigega ering'ana rino rihabha ryemibhwe mwaosi wabhu.16Na abhandi ni bhano bhakemibhwa iguru we eritare bhano bhakwigwa ering'ana kwa bhwangu bhararitura kwa bhuzomererwa. 17Na bhatana miri gyogyosi mwosi wabhu, nawe bharireremerya kwi ibhagha iguhi, kweki enyako naokunyaharika hano bhikuza kwookubha ye ering'ana kweki bharitema.18Na abhandi ni bhano bhakemibhwa mumahwa bharigwa ering'ana, 19nawe enyako ye ekyaro, obhung'enererya bhwe ebhigiro, na emigono gya amag'ana agandi garabhasikira na kurirorerera ering'ana na riratamwa okwibhuraa amatunduguru. 20Kumara bhariho bhano bhwemibhwe kubhutoto obhuzomu, bharigwa ering'ana na kuritura na kwibhura amatunduguru, abhandi mirongo etatu, na abhandi mirongo esasabha, na abhandi igana rimwe.21Yeesu akabhabhurira, oranyara murareta ekorobhoi munyumba mwosi na kuyitura iyasi we kitonga hamwe iyasi wo obhuriri? Muraireta mwosi na kuitura iguru wa kisunga. 22Kwookubha kitariho kyokyosi kino kibhisiri kino kitakumenyekana, na kitariho kibhisi kino kitakuturwa mwasi. 23Arabheho waa amatwi ghokwigwa na yigwe!24Akabhabhurira mubhe kisi kukino mukwigwa, kwookubha kirengo kino mukurenga nikyo mukurengerwa, na erongeribhwe. 25Kwookubha awe wuno anakyo, aratura bhukong'u na wuno atanakyo kureka kunemwe bhiragegwa na bhino anabhyo.26Na akabhuga obhutami bhwa Taatabhugya bhutubhanibhwe no omutu wuno akemya ezitetere mubhutoto. 27Hano yahindiri obhutiku no okwomuka etabhori na ezitetere zikakumbura na kukura, ingabha otamenyiri kyego yarorekeni. 28Ekyaro kirarusya ezitetere ekyene kukangata amanyaki, niho ebhibaryo, niho ezitetere zino ziking'iri. 29Na kwibhaga rino ezitetere hano zikubha zinoghiri niho zikuhira owundi, kwookubha erigesa ririsuka.30"Na akabhugha" Tubhutubhanie obhutemi bhwa Taatabhugya na kigiroki? au tukore kiregyoki kukerenerya? 31Ni kyegho eteere ya haradari, hano ekemibhwa ni suhu bhukong'u kukira ezitetere zyosi zya mukyaro. 32Nawe eribhaga yemibhwe, erakina na kubha kuru bhukong'u emiti gyosi gya mumugundu, na erakora masagya makuru, na ebhinyunyi bhya mwisaro bhiranagya okukora ebhinyumba bhyabhu mukiriri kyake.33Kubhirengyo bhyaru akegya na akahaya ing'ana kunebho, kyegho bhakanagya kumenya. 34Na atahayiri nabho kutiga kirengya nawe eribhagha ahabha omwene, akabhabhurira goosi abheghi bhaye.35Kurusiku ruyo hano engorobha yahikiri akahaya kunebho "Tugende orubhararwa kabhiri". 36Kwegho bhakatigha obhwaaru bhakamugegha Yeesu, eribhaga riyo ahabha kimwe mubhwato, amato agandi ghahabha hamwe nawe. 37No omukama omuhari gwa amabhoka na ghahabha gharsikira mwosi wo obhwato na obhwato bhuhabha bhwizwiri.38Kimwe Yeesu omwene ahabha kushetri, ahindiri kumusagho, bhakamwimukya, bhakabhugha, o9mwegya, otamenyiri etwe turakwa? 39Akimuka, akabhuhamira omukama na kuhibhurira enyanza "Ebhe kisi, horeru" omukama gukatiga, na kukabha na nobhuhoreru bhukuru.40Na akahaya kunebho kwaki murobhoha? mukyari kubha na bhwikirirya? 41Bhakizurwa no obhwoobha bhukuru mwosi wabhu na kubhurirana abhene kwa abhene, "Wuno ni wewi kweki, kookubha omukama ne nyanza bhiramusuka?.
1Bhakaza nawe orubhara orundi rwe nyanza gatigati mkoa gwe Gerasi. 2Ne kitukirano eribhaga Yeesu yari ararwa igutu we obhato omu wekoro mbihu akaza owaye okurwa muzombihiru.3Omutu twano akikara muzimbihira. Atareho wuno akanagya okumurekya bhukong'u, atareho ingabha minyororo. 4Yari abhohirwe kubhaga erindi ne ozipingune minyororo. Atina minyororo ne ezipingi zyaye azibhuna. Atareho hata umwe yari nezinguru zo kumkira.5Okitu no mwisi yari muzimbihira na mubhiguru karira no kwitina ewe omwene kwa magina mahari. 6Hano yamuruzi Yeesu kwa kure akaryarirs kunewe akiturukani ya embere waye.7Akarira kwo mumiro mkuru, "Eribhaga nikukorere eki, Yeesu omwana we Eryoobha ariguru bhukong'u? Kijakwisasama ku Eryoobha enene, kunyakia". 8Kwookubha wari omubhuriri "Omurweku omutu twoyo, awe otima obhihu"9Nawe akamubhurya, "Erina ryazi niwi?" wosi akamukyora, "Erina ryane legioni, kwookubha turi bhaaru". 10Akamwisasama kweki na kweki atabhahira igutui we ekiaro.11Bhono omwikumano omkuru embizi yari ririkara igutui we ekiguru, 12nabho bhakamusasama, bhakabhuga, "Otuhanirahe embizi tusikire mosi waye." 13Bhono akikirirya emitima emibhihu gikahuruka no kusikira moisi we embizi, nabho bhakariara iyasi we ekiguru ntee munyanza no okwisukira embizi bhikwibhibhiri bhakatubhira munyanza.14Na bharya bhari bhakubhaha ebhikunja embizi bhakaryarania kuhira orubhoti ya kino kibheri gatigati yo mugye na gatigati we kyaro. Niho abhatu bharu bhakariara kugya kurora kino kibheri. 15Nibho bhakalau ku Yeesu no okumurora omutu wuno ayangahiri na amasambwa - wuno yari na abhasirikale yikeri hasi, yibhohibhwe, na yari gatigati na yari no omutwe gwaye omuzomu, na nebho bhakobhoha.16Bhano bhari bharuzi kino kya mumweni kumutu uno yari ayangahiri na amasambwa bhakabhabhura bkino mweni kunewe na ku embizi. 17Bhosi bhakaza kumumwisasama abhuke ekiaro gwabhu.18Na hano yari akusikira mosi mubhwato, omutu wuno yaria ayangahiri na amasambwa akamuisasama kubha agende hamwe nawe. 19Nawe atekirirye, nawe akamubhurira, "Noogye waazo na kubhatu bhazo, nobhabhurire akakorwe Taatabhugya na eribhando rino akuheri." 20Nigoo akagya na akabhuga kurarika amang'ana amakuru gano Yeesu akakora kunewe gatigati wa Dekapoli, na umwe wabhu bhakarugura.21Ne eribhaga Yeesu akakitambuka kweki orubhara orundi, mosi wo bwato abhatu abharu bhakikumania hao yari embarika yo nyanza. 22No oumwe omutake wa erisengerero, wuno yari akubhirikirwa Yairo, akaza ana hano yamuruzi, akagwa mumaguru gaye. 23Akamwisasama bhukong'u na bhukong'u, akabhuga, "Mukya wane omusuhu arihaguhi kukwa ndakwisasama nauze na oture amabhoko gazo iguru waye kwookubha bhagye kubhona obhuhoru no kukara". 24Nigo akagya hamwe nawe, ne erkumono erikuru rikamurwa inyuma bhakamwirugutirya haguhi bhakamwuinogora.25Hahabha no omukari wuno amanyinga gaye gahabha gararya kuruka ikumi ne ebhiri. 26Akanyahari no kuswa iyasi ya abhaheri bharu na akakora kira ekigiro kino ahabha nakyo, na kweki ataturee kyokyosi kirya, nawe omweya gwaye akabha ariigwa kibhi. 27Akigwa amang'ana ga Yeesu nigo akamurya inyuma waye eribhaga hano yari akugenda mosi weerikumanio, wosi akagwataku eribhoho ryaye.28Kwookubha akahaya, "Kwookubha ngakutaku mabhoho gaye agene, ndabha muhoru. 29Hano akamugwataku okurya amanyinga kutatiga, na akiyigwa kumubhiri gwaye kubha ahoriri kurwa kunewe etabhu yaye.30Na hayo hayo Yeesu akamenya mosi waye kubha ezinguru zihwiri, na akikyora eneneeno gatigati we erikumanio rya abhatu no okubhurya, "Niwi arigwatiriku eribho ryane?" 31Abhana bhe shule bhaye bhakamubhurira, "Orarora erikumanio rino rikumenie orirugura, nawe akabhuga niwi wuno agwatiriku?"' 32Nawe Yeesu akarora eno ne erya kurora wono yari akakoriri rino.33Omukari akamenya kino kyabheri kunewe, akabhoha no kurigita akaza na akagwa hasi embere yaye kumubhurira obhuhene bhosigo. 34Akabhugakunewe, "Mukya, okwirirya yazo ikuriri obhe muhoru nogie kwa bhuzomu ohoribhe kurwa kureka mubhuryeri bwazo.35Hano nahabha aragamba abhatu abhamwe bhakaza kurwa ku omutake we erisengerero, bhakabhuga,"Omukya waye akuri, kwaki orenderera kumunyakya omwegya?36Nawe Yeesu hano akigwa kino bhakabhuga, bhaklamubhurira omutake we erisengerero, "Otobhoha ikirirya awe." 37Atamwikirirye wowosi kukangata nawe, nawe Petro, Yakobo na Yohana omuhiri waye Yakobo. 38Bhakaza munyumba wo omutake wo erisengerero ewe akarora erihi okuura kwaru kwaarama.39Hano akasikira munyumba, bhakabhurira, "Kwaki muzumarikiri na kwaki murarira? omwana akytari kukwa ndora ahindiri". 40Bhakamuseka, nawe ewe, akahurukya, akabhahurukya bhosigo igutu akamugega wise wabhu na abhana na nina wabhu na bharia bhano bhari hamwe nawe, akasikira munyumba muno yari omwana.41Akagega okubhoko kwo omwana akamubhuirira "Taritha koum", niko kubhuga, "Omkya omusuhu, ndakubhurira, bhuka. 42Okutukirana omwana akabhukano akagenda (kwookubha ne miaka ekumi ne ebhiri) kitu kirunwo bhakagwatwa no kutangara bhukong'u. 43Akabhabhura kwa managa kubha atareho wowosi arenderwa amenye ku riyo, na akabhabhurira bhamuhe omwano yo ebhakurya.
1Akareeka hayo akagya mujini owabhu, abhegibha bhaaya bhakaagya nawe. 2Orusiku rwo obhumunyo rwahiikiiri akaaza okweegya mwisengero. Bhatu bhaaru bhakiigwa bhakatangaara, bhakabhuga. Abhwenihe ameegyo gaano? Niihakiriki zino eheerwe? arahokyaabhwi amazingara kwa mabhoko gaaye. 3Uno tiiuurya seremara omwana wa Mariamau omuhiiri wabhu bha Yakobo, Yose, Yuda na Simoni? abhasubhati bhaye bharikaara hano hano na neetwe? Na bhatazomererwe na Yeesu.4Yeesu akabhabhurira, "Omuroti atakubhona iheshima, itakubha gatigati yo mji gwaye na mubhahiri bhaye na mumuji gwabhu." 5Hatakutura okuhokya amang'ana go okurota hayo, bhono akabhatorera amabhoko abharweri bhasuhu bhakahora. 6akashangazwa sana kwokubha yo kurema okwikirirya kwabho. Bhono akabhiribhatira ebhijiji ebhya jirani nokufundisha.7Akabhabhirikira abhanafunzi ekumi na bhabhiri akawanza okubhatuma bhabhiri bhabhiri. akabhaha obhuturo iguru yo pepo amabhihu, 8na kubhabhwira bhatige okugega kyokyosi bhono bhahabha bharaja ila ihimbo. Bhatige ogega omukate, wala omukoba, wala zehera, 9kweki bhazuare ebhiratu, no tare ekanzu ebhiri.10Na akabhabhorera, "Inyumba yoyosi ino mrasikira hayo hadi hano mrakyora. 11No musi gwogwosi gukarema okubharamira no okubhetegerera, murwe kwabho, mwisamure obhuteri muumaguru genyu, bhubhe bhushuuhuda kwabho"12Nabho bhakagya bhakararika abhatu bhatige amabhihu gabho. 13Bhakaryarya amapepo maaru, no bhakabhasisita amaguta bhos bhano bhartweriri bhakabhaorya.14Omutemi Herode hano egwiri gayo, kwookubha riirina rya Yeesu ryamenyekeni kira hagiro, abhandi bhakabhuga, "Yohana Omubhatija asuruka kw abhuyo, gino ni nguru zino zirahokya zirahokya emirimo kwaye, 15Abhandi bhakabhuga, "Hunu ni eliya," bhono abhandi bhakabhuga, 'Hunu ni mroti, wo owumwe wa abharoti bhe kare."16Bhoono Herode hano egweri abhugiri, "Yohana, hono namtemiri omutwe asuruka." 17Kweki Herode omwene akabhuga Yohana agwatwe no okubhohya mwigereza kwookubha (mkari wamwabhu Filipo) kwaki omwene ari amtetiri.18Kwoookubha Yohana akamubhurira Herode, "etari bhwahene okuteta omukari wamuwanyu." 19Kweki Herode akaekirirya okwenda omugwata amwiite, tee hataturiri, 20bhono Herode ari arobhaha Yohana; ari amenyiri niwa haki na mweru, no akamutiga bhwahene. No hano ari aragendererya okumwitegererya akanyaharika, nawe arakonderwa okumwitegererya.21Hano bhahikiri omweya ogwene guno ni kubhwurwa kwa Herode bhakatahrisha ekaramu, na abhasirikare, na abhakuru bha Gariraya. 22Niho omukya wo Herode akasikira okubhina embere yabho, Herode akabhona kisi na bhosi bhageni bhano bhario omweya gwookurya ebhyakurya bhya obhutiku. Bhono omtemi akambhorera omukya, "Sabha kyokyosi kino okwena ndakuha"23Akabhuga ndakuha, kyokyosi kino okwenda kusabha, ndakuha, hata enusu yo obhutemi bhwane. 24Akagya anze kuunina waze okumubhuurya, "Nibhuge kinoke?" Akabhuga, "Omutwe gwa Yohana Omubhatija wa bhano." 25Bhakagya kuu mtemi akawanza okubhug, "Ndenda nihe kusiniha, omutwe gwa Yohana Omubhatija wa bhatu."26Omutemi akasikitika, nawe kwookubha yo kiapo kyaye no kwa agiri yo abhageni, akatamwa okwanga risabhwa ryaye. 27Kweki omutemi akabhabhorera abhasirikare gati abhasirikare bhaye nobhatuma bhagye okumretera omutwe gwa Yohana. Omsirikare akagya akamukata omutwe ari mukifungo. 28Akaza akitwiri kusahani akamuha omukya, no omukya akamuha nina waze. 29No abhekirirya bhaye hano bhegwiri gayo, bhakagya okugega omubhiri gwaye bhakagya okubhika mukabhuri.30Na abhabhgati, bhakaza bhosi emnere wo Yeesu, bhakamubhurira goosi gano bhakoriri no hano bhafundishiri. 31Nawe akabhabhurira, "Muuze abhene kwi eneo rya faragha twikare kwo mweya musuhu." Abhatu bhaaru bhari bharaza no kukyoora, noro bhabhweni omweya gwo okurya. 32Bhono bhakatira emashua bhakagya kwieneo rya faragha yabho.33Nawe bhakamurora akagya na bhaaru bhakamumenya, kwo orumwi bhakaryara kwa amaguru kureka musi zyabhu zyone, nabha bhakahika kabhra yabho. 34Bhakahika pwani, bhakanaama abhatu bhaaru bhakabharorera esoni, kwookubha bhaari bhari kwe ezing'ondu bhano bhatana omwangariri. No akawanza okubhafundishaamang'ana amaaru.35Omweya gukagya mwaaru, abhanafunzi bhakagira bhakamubhorera, "Hano ni eneo rya faragha no omweya gugiri. 36Bhatige ugye muusi gwa haguhi na bhijiji kweki bhagye kumohya no okugura ebhyakurya."37Nawe akabhabhurira, "Mubhahe emwe ebhyakurya." bhakamubhorera, "Turatora kugya okugura emikate gya thamani yo dinari magana abhiri no okubhaha?" 38Akabhabhurira. "Girio emikate ilinga? Mugye munaame."hano bhakabhona bhakamubhurira, "Emikate ni hatano no eswi ebhiri."39Akabhabhurira abhatu bhekare gatigati iguru yo amanyasi. 40Bhakabhekarya kuu makundi; makundi egana kwo amausini. 41Nawe akagega emikate etano na eeswi abhiri, no okunama iguru, akasabha akabhaha abhanafunzi. Bahakamara bhakabhaha bhaatu bhoosi.42Bhakarya bhosi bhakeehwa, 43Bhakakusanya evipande vye emikate, ebhikapu ikumi no bhibhiri, ne bhya ziiswi. 44No bhari bhasubhe elfu atano bhariri emikate.45Kweki akabhabhurira bhagye ku mashua bhagye hande, hadi Bethsaida, omweya guno abharagiri amakutano. 46Bhari bhamariri okugya, akagya mwibhanga, okusabha. 47Hano kwabheri ingorobha, no mashua yabho omweya guyo gatigati yo bahari, nawe ari ari omwene kuukyaro.48Nabho bhari bhakanyaka okutema zikasiakwookubha yo obhupepo, hano yakasikira tabhori agendererya, okugya iguru yo amanzi, akenda okubhahita. 49Bhono hano bhamurorere aragya iguru yoomanzi bhakabhona ewasiwasi. 50Kwookubha bhakamurora bhakabha nehofu. Akabhabhorera, "mubhe no obhujasiri! niinye! msige kubha no hofu."51Akasikira mubhwato, obhpepo bhakawanza okutema, nabho bhakabhabhasamire, Bhono bhatabheri bhamenyiri emaana yo emikate. 52Kweki ziakiri zyabhu zyari zinoobhuerewa bhusuhu.53Nabho hano bhakahita eng'ambo, bhakahita ekyaro kya Genesareti bhakatema inanga hayo. 54Hano bhagire embarika yoobhwato, bhakamenya. 55Bhakaryara okurarika gatigati yo mkoa gwoosi bhakawanza okuteta abharweri hano bhwegwiri eziri.56Wowosi akasikira gatigati yo vijiji, au mjini, au gatigati ye kyaro, bhakabhatura bhano bharwariri msoko, bhakamsabha abharagirirye bhaguse akagubho kaze. Bhosi bhano bhagusire bhakabha bhwahene.
1Abhafarisayo naa abhakami abharebhe bhano bhabhanga bhaweriri Yerusaremu bhakikumania kumwiruguru ewe.2Na bhakarora abhana abhengibhwa abharebhee abhaye akarya omukate kwa amabhoko amabhihu, gano gatisabhwibhwe. 3Kubhafarisayo na bhayahudi bhoosi bhakisabha amabhoko gabhu, bhagwatiriri emitorotongeryo gyaa abhakaruka eribhaga. 4Abhafarisayo hano bhakukyora kureka ahagiro hoo mutera, bhatakurya tee bhisabhe hinga. Na giroho amahatike agandi gano bhakugaturira bhukong'u, aribha ni hamwe nookyogya ebhikombe, amafurira, ebhigiro bhyeeshamba nee bhitumbi bhino bhikwikarwa kwibhaga ryeebhyakurya.5Amafarisayo na abhakami bhakamubhurya Yeesu, "Kwaki abhana abhegibhwa bhazo bhatakwikara kuring'ana nee mitorotongeryo gya abhakaruka aribha bhararyaa omukate neno bhatisabhiri amabhoko?"6Nawe ewe akabhabhurira, "Isaya yarotiri bhuzomu kwakubha yemwe omugwatania, akakama, "Abhaatu bhano bharanisuka kweeminua gyabhu, nawe emitima gyabhu girikure naa ninye. 7Bharanikorera obhusengeri bhuno bhutana wayo, bharegenia erihatike ryaa abhatu kyoobhugwatiriri bhabhu"8Mtigiri abhatike rye Eryoobha no kugwatirako obhunyohu emetorotongiryo gya bhatu. 9Na akabhuga kunebho "Mwangiri erihatike re Eryoobha obhunyohu kokubha mubhike emigiro gyenyu!. 10Kugayo Musa akabhuga. "Musuke wise wenyu na nyoko wenyu; na wosi uno akuhaya amabhihu iguru wa wise wabhu hamwa nyakowabho amaheene arakwa;11Nawe mrakerenia, "Aribha omuto arihaya wise wabhu hamwe kunina". obhusakuribhwa bhwobhosi bhuno mungagwatiri kureka kuu ninye nii kibhumbiko kyee risengero," (yiyo nii okubhuga kubha, eriusibhwe kuu Eryoobha") 12Kweego bhutakumkora akore ng'ana yoyosi kwookubha wise hamwe nyakuwabhu. 13Murakora erihatike rye Eryoobha kubha bhusa kwookureta emitorotongeryo gyenyu naa mang'ana maru geetemwa yiyo yagano mukukora".14Akabhabharikira ekikaro noo kubhabhurira munitegerere enye, emwe bhosigo munigwe. 15Kitariho kyokyosi kureka igutu wamutu kino kikunagya kumsarya omutu hano kikusikira kunewe, nawe nikirya kikumurwaku omutu nikyo kikumubhihya. 16(Nogwate omukirir guno, "Aribha omutu huyo wese anamatwi gokwigwa, na anigwe" bhutarimu mumakamo ga amasegyo ge kere).17Yeesu hano akabhatiga ekikaro na okusikira yika waye, abhana abhegibhwa bhaye bhakamubhurya kukiregyo kiyo, 18Yeesu akabhuga, "Na nemwe mwari mukyari kumenya mutakurora kubha kyokyosi kino kikumwikira omutu kitakunagya kumubhihya. 19Kwakubha kiyakunagya kugenda mumyima gwaye, nawe kirasikira munda yaye no okumara kirahita kugenda muchoromi," kumakerenyo gayo Yeesu akabhikora ebhakurya bhoosi kubha mizomu.20Akabhuga, "Nikirya kino kikumurwaku omutu nikyo kikumubhihya. 21Kwookubha kirwarwa haasi wo omutu, igutu wo omtima garwarwamo amisego amabhihu obhusebheti, obhwibhi, obhwiiti, 22obhusimbe, omugono omubhihu, obhubhi, obhung'enererya, okubhindirana, erihari, okwibhurya orurimi, obhuihemi, obhugege. 23Amabhihu gano gosi gararwa mosi, nigogarya gakumubhwa omutu"24AQkabhuka kureka harya na okutanura, okugya musi ya Tiro na Sidoni. Akasikira mwosi na atendiri mutu huyo wosi amenye kubha yari hayo, nawe etanagiri kumubhisa. 25Nawe bhwagwigo omukari uno omwana waye omusuhu yabhanga na ekoro embihu, akigwa amang'ana gaye, akaza na akagwa mumaguru gaye. 26Omukari wuyo yabhanga Muyunani wee kigambo kye Kifoeniki. Akamukumirirya ewe ahebhe eriosambwa kurwa kuumukya waye.27Yeesu akamub hurira omukari bhatige abhana bhahanue hinga, kwakubha etari bhuzomu kugugega omukate gwa abhana noo kutasira ezimbwa. 28Nawe akamukyora noo kubhuga, "Hee Taatabhugya, nee embwa iyasi we meza obhona erarya amahoro gye ebhyakurya bhya bhana."29Okamubhurira kwookubha ohayiri ego, obheri mwasi okugya. Erisambwa rimariri kumurwaku omukya wazo" 30Omukari akakyora yika owaye naa akamunyora mukya waye ahindiri kuubhuriri nee risambwa rikabha rimurwiriku.31Yeesu akahuruka kweki igutu wesi ya Tiro noo kuhitira Sidoni okung'aha kuu nyanza ya Griraya tee embarika ya Dekaporisi. 32Naa bhakamuretera omutu wuno yari muribhi waa matwi nayabhanga atakunagya kugamba bhukong'u bhakamukumirirya Yeesu ature amabhoko iguru waye.33Akamuhurukya igutu waabhukumarua kwee kizina, naa akatura ebhyara bhyaye, kumatwigaye hano yatwiri amate, okakunia kururimi rwaye. 34Akasungurirya iguru kwiisaro akahezerana okumubhurira "Efatha" yiyo nii okubhuga "ribhuka" 35Nee eribhaga rirya rirya amatwi gakaribhuka, naa kino kyabhanga kiribhiri orurimi kikasaribhwa naa ukatanga kugamba bhuzomu.36Naa kabhabhurira bhatamubhurira muutu wuyo wosi, nawe kyeego ahabhabhurira, nigo ahararika amang'ana gayo kubhwaru. 37Heene heene akaruguribhwa nookubuga akoriri kira ekigiro kizomu kweki abhakoriri abharibhi bhaa matwi okwigwa.
1Kuzisiku ziyo, ryabhagayo erikundi rya abhatu ikuru, na bhatabhanga ne ebhyakurya. Yeesu akabhabhirikira abhaana abhegibwa bhaaye abhabhurira. 2"Nirarwabhira erikundi rinho bhagendererrye okubha na nenye kuzisiku isatiu neno bhatana ebhyakurya. 3Nikabhanyaragania bhakyore mumigye gyabhu bhatariri bharatura kuseezeka munzira no obhurambo kyeenzaru. Na abharebhe bhabhu bherwiri kabhaga bhukon g'u." 4Abhana abhegibhwa bhaye bhakamukyora, "Turabhona hayi emikate gyo okwisa gyookubhigutya abhatu bhano kurubhara runoo rutagirwe?"5Akabhabhurya, "Munago mabhara aringe geemikate?" "Bhakabhuga, "Muhangati". 6Akabhabhurira erikundi rya abhatu bhikare haasi. Akagega emikate mahungati, akarisabha Eryoobha, no okubhisinza. Akabhaha abhana abhegibhwa bhaye bhagiture embere yabhu, bhoosi bhakagitura kubwerekera bhwa abhatu kwiikundi.7Kweki bhabhanga neziswe ezisuhu suhuigo, hano yamariri okusabha, akabhurira abhana abhegibhwa bhaye bhabhasondere bhino bhyoosi. 8Bhakarya nookwiguta bhakamara bhakakumania ebhitinika bhino byasagiri, ebhikapo ebhikuriu muhungati. 9Bhahegerera bhatu bhikwi bhiine. Na akabhatiga bhagende. 10Akamara akasikira mubhwato na abhana abhegibhwa bhaye, bhakagya kurubhara rwa Dalmanuta.11Okumara amafarisayo bhalkahuruka habhori bhakagwera okuhakana nawe. Bakenda abhahane ekimenyekereryo kurwa mwisaro, kwo okumusakya. 12Akisega bhukong'u mwosi mumutima gwaye akabhuga, "Kweki obhwibhuri bwabhonego buramohya ekimenyekereryo? Nirabhabhurira emwe heene, erareho ekimenyekereryo yino erarusibhwe kubibhurwa bhabhonego". 13Okumara akabhatiga, akasikira mwoosi woobhwato kweki akatanyura kwerekera orubhara orundi.14Eribhaga riyo abana abhegibhwa bhakebha okugega emikate, bhatabhanga ne emikate miaru bhabhanga niibhararimwe rino ryabhanga mubhwato. 15Akabharekya no okubhuga, "Mubhe meeso na mwiorihe kubha okusigirirya Amafarisayo ne okusigirirya ye Herode.16Abhana abhegibhwa bhakakerania abhene kwa abhene, "'Ni kwookubha tutagyo emikate". 17Yeesu akarimenya rino, na akabhabhurira, 'Kwaki murabhurirana kwookutama kubha neemikate? Mutamenyiri mukyari? Okumenya? Emitiam gyenyu gibheri miangu?18Munago ameso, mutakurora? munago amatwe, mutakwigwa? mutakuhituka? 19Hano natwanirye emikate etano kubhatu bhikwi bhitano, mukagega ebhikapo bhiringe bhino bhyabhanga bhizwiri amabhara ge emikate? "Bhakamukyora, "Ikumi ne ebhiri".20Hano nagitwanirye emikate muhungati kubhatu bhikwi bhine, mukagega bhikapo bhiringe?" 21Bhakabhuga, "Muhungati" Akabhabhurira, "Mukyari kumenya?"22Baakaza Bethsaida. Abhatu bhayo bhakamureta ku Yeesu omutu omuhoru na bhakamukumirirya Yeesu amukunieku. 23Yeesu akamugwata no okubhoko omuhoku wurya, no okumwerekererya igutu we esi. Hano yatwiri amate iguru wa qqameso gaye no okugororokia amabhoko gaye iguru waye, akamubhurya, "Orarora kyokyosi?"24Akamahirira iguru no okubhuga, "Nirarora abhatu bhararorekana kyeemiti gikugenda". 25Niho akagororoka kweki amabhoko gaye iguru wa ameso gaye, no omutworya akaramuka ameso gaye, akarora kweki, na akarora kira ekigiro ekizomu. 26Yeesu akamutiga agende yika akamra akamubhurira, "Otasikira mujini".27Yeesu akatanura na abhana abhegibhwa bhaye kugenda muzisi zya Kaisaria ya Filipi. Bhakyari munzira akabhabhurya abhana abhegibhwa, "Abhatu bhrabhuga enye ni wewi?" 28Bhakamukyora bhakabhuga, "Yohana omusabhi, abhandi bharabhuga, Eliya na abhandi, owumwe wa abharoti".29Akabhabhurya, "Nawe emwe murabhuga enye ni wewi?" Petro akamubhurira, "Ewe ni Kristo." 30Yeesu akabharekya bhatamubhurira mutu wuyo woosi kubha niwe wi ewe.31Na akatanga okubhegya yo okubha omwana wo omutu tee anyake kumang'ana maara no okwangwa na abhakangati na abhamwesi abhakuru na abhakami, no okwitwa na hano zikuhwa siku isatu araryoka. 32Akahaya gano mwaasi. Niho Petro akamugega akamutura embarika no okumurekya.33Nawe Yeesu akikyosya no okubhaasungurirya abhana abhegi bhwa bhaye no okumurekia Petro no okubhuga, "Inogora inyuma wane erismbwa! otakutunibhwa na amang'ana ge Eryoobha, oratunibhwa na mang'ana ga abhatu. 34Okumara akabhirikira erikundi rya abhana abhegibhwa bhaye hamwe no okubhabhurira, "Aribha ariho omutu wuno akwenda kunirwa inyuma, yirekye omwenego, agege omusaraba gwaye amare anirwe inyuma.35Kwookubha woyo woosi okuturya obhuhoru bhwaye arabhururya, na wuyo woosi arabhurye obhuhoru bwaye kwakubha yaane na kwookubha ye ekiina, aragaturya. 36Eramusakirya omutu, kubhona ekyaro kyoosigo, nookara okubhona enyako yo obhuhoru bwayee? 37Omutu aranagya kurusyaki kumweya gwa obuhoru bhwaye?38Wuyo woosi akunirorera ezisoni na amang'ana gaane kubhwiburi bhuno bhwa mabhihu, omwana wo omutu aramurorera ezisoni hano araze kubhutemi bwa wise waabhu hamwe na abhatumwa bhaye abheru.
1Akahaya kuneebho, heene ndaghamba kuneemwe, bhariho abhatu kuneemwe bhano muimereri hano, bhatakururora oruku kweego yo okubhurora obhutemi bhwe Eryoobha bhuraaza kwe ezinguru. 2Hano ziahitiri siku isasabha Yeesu akabhageegha Petro, Yakobho, Yohana hamwe ne neewe mukiiiguru, abheenego, niho akaaza kuisiorya embhere wabhu. 3Eziinghibho zyaaye zikaanza kumesya bhukong'hu, nzeru bhukon'hu, meeru kukira omumesya wuyo woosiu mubhiaro.4Niho Eriya bhahabha hamwe no Musa bhahabha huarukira embhere wabhu, bhahabha bharakerania na Yeesu. 5Petro akaakyora akamubhurira Yeesu, "Omweegya, ni heene etwe okubha hano, tuoombhoke bhihuna bhitatu, ekimwe ekyaazo, ekimwe kya Musa ekiindi kya Eriya" 6(Kwookubha atamenyiiri ryo okughamba, bhakoobhoha bhukooong'hu)7Erisaaro rikaaza no okubhakuundikirya. Niho omumiro ghukaarwa mwisaaro ghukabhuugha, "Wuuno no omwana waane omuseeghwa, mumuitengerere ewe". 8Hayo egho, bhahabha bhararoora, bhatamuruuzi wuyo woosi hamwe ne neebho, ahabha Yeesu omweene.9Hano bhakiituma kurwa mukiiguru, akabhakumirirya bhatamubhurira mutu wuyo wosi ghano ghosi bharuzi, tee hano omwana wo Adamu araryooke kuurwa mubhaku. 10Niho bhakabhika amang'hana gayo abhene. Nawe bhakakerenia abhene kwo abhene niki kiyo. Okuryoorwa "Okurwa mubhaku".11Bhakamubhurya Yeesu, kwaki abhakaami bharabhuagha tee Yeesu yiize embere hiinga? 12Akabhabhurira "Heene Eriya araza hiinga okueturya ebhigiro bhyosi, kwaaki ekaamirwe omwana wo Adamu hiinga abhone enyako enzaaru no okubhihiriirwa? 13Nawe ndahaya kuneemwe Eriya yamariri kuuza, bhamukoriri kyeego bhakweenda, kyeegho amakaamo ghakuhaya kuneewe.14Hano bhakyoriri kubheegi, bhakaroora bhabhirughutirirye, Masudukayo bhahabha bharahakana naabho. 15Hano bhamuruzi, abhatu bhoosi bhakaaghwa kitang'hwari, bhakamuriarika no okumukeerya. 16Akabhabhurya abheegi bhaye, "Murahakana nabho oghuru wakhi?"17Wumwe waho akamukyora, omweegya nkamureta omwana wane kunawe, aneekoro embhihu, yiino ekumukora atakunagya kukerenia, 18no okumukoora kuriighita no okumughwisha hasi, no okuurwa ne erihuro mumunwa no okusyaniania ameeno no okuhaangarara. Nkabhasabha abheegi bhazo bhamurusye ekihwi, naawe bhatanaagirye. 19Akabhakuyoora, "Obhiibhurwa bhuno bhutakuigwwa, ndikara na neemwe kwi ibhaghaki? ndaageghena na neemwe tee riori? Mumurete kunemwenye"20Bhakamureta omwana waye, Ekoro embhihu hano ekamuroora Yeesu, hayo eego ekamuturiira kurigitha, omumura akaagwa hasi no okurusya erihuuro mumuunwa. 21Yeesu akamubhurerya wise wabhu, abherigho kwi ibhagaki?" Wise akabhuga, " Kweemeera mubhwana. 22Eribhagha eriindi araaghwa mumuruuro na mumuanzi no okwenda okumunyahara aribha oranaagya kukora kiiyo kyoosi turoreere ebhigoongi otusakirye.23Yeesu akamubhurira, aribha oriibhwahene, kiira ekiigiro kiranaaghika kuwuno akuikiriirya". 24Hayo ego wise wabhu omwana akarira no okuhaya, niikiiriirye nsakiirye okutiigha okuikiriirya kwaane. 25Eribhaga Yeesu yaruuzi bharariariara kunebho, akaikemera ekoro embhihu no okubhugha, "Awe ekoro erimuumu, omuribhu wa amatwi, ndakubhuriira mutighe, otasikiira kunewe kweeki.26Akariira kwe ezinguru no okumunyaakya omwana ne ekoro ekamuhuruka, omwana akabha kya muna akuuri niho abhaaru bhakabhuga "Akuuri". 27Nawe Yeesu akamugeegha no okumubbhukya no okubhoko no omwana akiimerera.28Eribhagha Yeesu yaasikiri wosi abhegi bhaye bhakamubhuurya embhariika, kwaaki tutanaagirye okumuruusya? 29Akabhabhuriira, kweegho atakuhuuruka tee kwo okwiigasama.30Bhahaarwa hayo no okuhitira Gariraya ateendiri muutu wuyo woosi ameenye haano bhaari. 31Kwookubha ahabha areegya abheegi bhaye, abhabhuriira, omwana wo Adamu arahikiibhwa muumabhoko gho abhatu, bharamuita hano aribha akuuri hano zikuhuuta siiku isatu arasiisimuka kweeki. 32Nawe bhatamenyiri amakerenio ghayo, bhakoobhoha okumubhuurya.33Niho bhakahiika Karperinaumu eribhaga riino ahabha munyumba akabhabhurya, "Muari murakereniaki kuunzira"? 34Nawe bhahabha bhakiriiri kwo okubha bhari bharahakaana kuunzira, kubha niiwi omukuru bhukoong'hu. 35Akiikara hasi akabhabhirikira haamwe ikumi na ahabhiri, akaakerania naabho, aribha ariiho wuno akwenda kubha we embere, areenderwa abhe wo obhutinio, no omubhagati wa bhoosi.36Akageega omwana omusuhu akamutuura ghati ghati wabhu, akamugeega mumabhoko ghaye, akabhuugha. 37Wuno woosi akumuhikiriirya omwana ono kwe eriina ryane, wosi anikirirye enye, hano omutu aniikiriirye, ataniikiriirye enye omwene, na wuno antumiiri.38Yohana akamubhuriira, omweegya tukamuroora omutu aramuruusya ekiihwi kwe eriina ryazo, tukamureekya, kwookubha atakutuzwaaku". 39Nawe Yeesu akabhuugha, mutamureekya, kwookubha atariiho wuno arakoore emirimo emikuru kwe eriina ryaane, niho ahaye eng'ana embihu yiiyo yosi ighuru wane.40Wuno wosi atari bhwinyuma na neetwe, tunawe hamwe. 41Wuno wosi arakuhe ekiiseezo kya amanzi gho okunywa kwookubha ona Kristo, heene ndabhabhuriira, atakubhuurya enookwe yaaye.42Wuno wosi arabhabhurie abhasuuhu bhano bhakuniigwa enye, yaari bhwaheene abhoheerwe esio yo okuseera muigoti no okureekerwa munyanza. 43Hano okubhoko kwazo kurakoore otighe kubhoone, kuusinze, ni haakiriku osiikire mubhuhooru otaana kubhooko nawe osiikire muiisinziro ona amabhoko goosiigho, mumuruuro ghuno ghutakuirima. 44(Ahaaghiro hano amanyoroosi ghatakuukwa no omuruuro ghuno ghutakuriima, "Ghutari muzinakara zye ekare.)45Hano okuguru kwazo kurakoore otiighe kubhona, kusiinze, ni bhuzomu kunaawe okusikira mubhuhoru ori murema, hakiriku okureekeerwa muisinziro na amaghuru ghoosigho abhiri. 46(Ahaaghiro "Hano amanyeroosi ghatakuukwa no omuruuro ghuno ghutakuriima" ghutari muzinakara zye ekare)47Hano emoori yaazo erakoore otiighe kubhoona noyiihe, ni bhuzomu kunawe okusiikira mubhutemi bhwe Eryoobha oneemoni yiimwe no okubha na ameso ghoosigho abhiri no okureekeerwa nyaari. 48Ahaaghiro hano amanyoroosi ghatakuukwa no omuriiro ghuno ghutakuuriima.49Kwookubha owumwe woosi araheembereerwa no omuruuro. 50Omuunyu ni muzoomu, hano omuunyu ghukubhuurwa obhuzomeereru bhwaye, oraghukoraabhwi ghubhe no obhuzoomereeru kweki? Mubhe no omunyu kuneemwe abhene, mubhe no obhuseghi kuneemwee owumwe
1Yeesu akatamire ahagiro hayo nokugya kwo mukwa gwa Bhuyahudi ne abhegiro hembere ye ekitaaro kye Yordani ne ezisaaro zikamtuna kweki. Akabhegya kweki kyego ahakora. 2Na abhafarisayo bhakza kumsakya no okumubhurya, nkisi omusubhe kumtigha omkari waaye. 3Yeesu akakyora Musa yabharagiriryeki? 4Bhakahaya, Musa akaragirira kukama acheti kyokutigana no okumuheebha omkari.5Nkokubha ye zikoro zyenyu ezikong'hu nikyo akabhakamira emigiro gino Yeesu akahaya. 6Nawa kureka kwobhukangati bhwo okuteemwa kweesi, Eryoobha rikamuteema omusubhe no omukari.7Kwookubha yiino omusubhe aramtigha wise na nina no okugwatana na mkaaye, 8na bhayo bhabhiri bharabha mubhri gumwe. kwookubha bhatari bhabhiri kweki ni mwubhiri gumwi. 9Kwego kino yagwatinie Eryoobha atareho muutu wuno akukitaania.10Omukari aramtige omusubhe waye no okutetwa no omusubhe owundi atungira. 11Kahaya wowosi akamtiga omkari waye no okuteta omukari owundi atungirania kuwuyo. 12Hano bhaagya munyumba abhegibhwa bhaaye bhakimubhurya kuugayo.13Nabho bhakamuretera abhaaru bhaabhu abhasuhu abhagwateku, nawe abhegibhwa bhaye bhakabharekya. 14Nawe Yeesu hano yamenyiri kubha abhegibhwa bhaaye mbabharekinye abhibhuri bhebhaaru bhatazo kuneewe, akahaya mtabharekya mubhatige abhaana bhaaze kweenye mtabhareekya, kukubha bhano bhaabhanga nkya abhaana obhutemi bhokwisaaro nio bhwaabho.15Obhuheene ndabhabhuriira wowosi wuno yakwaanga obhutemi bhwe Eryoobha nkyo omwaana omusuhu atakunagya kusikira kwobhutemi bhwe Eryoobha. 16Hano yamara akabhagega abhaana kumobhoko gaaye.17Hano yatanga orugeendo omuutu wumwi akamuryarera akahigama kuneewe akahaya omwegya omuzomu, nkorebhwi nebhubhona obhuhoru bhwa ekimera? 18Na Yeesu akahaya, kwaki arambirikira omuzomu? Ataroho muzomu, tee Eryoobha omwenego. 19Omenyiri emigiro? ututa, otatungira otagaamba rurimi, otabheehya, omusuuke iso weenyu na nina weenyu.20Omuutu wuurya akahaya, omweegya gano goosi nihagatemya kwemera nkyaari mumura. 21Yeesu akamumaherira no okumuseega. Akamboorira, usuhirwe ne ekigiro kimwiigo. Orenderwa ugurye byoosi bino oonabhyo obhatwanirye abhataka, naanewe orabha ne ikuku kwisaaro. Neho uniize inyuma waane. 22Nawe akatinda kumang'ana gayo akagya arumikiri mukoro yaaye, kwokubha yaari muniibhi.23Yeesu akamegamega embarika zyoosi no kubhabhurira abheegya bhoosi, kyeego arabhakukong'u omuniibhi kusikira kwo obhutemi bhwo kwisaaro. 24Abhegibhwa bhakaruguribhwa na amang'ana gayo. nawe Yeesu akabhabhurira kweeki, abhaana, nkukong'u kusikira kwo obhutemi bhwe Eryoobha. 25Nkunyoohu eriizi kusikira kwo orugera kutigana no omuniibhi kusikira kwo obhutemi bhwe Eryoobha.26Bhakaruguribhwa bhukong'u no kugambana, ni wewi wuno akusakiribhwa? 27Yeesu akabharora no kuhaya, kwo muutu etakunagibhwaa nawe etari ku Eryoobha. Kwookubha ku Riobha goosi garanagibhwa. 28Petro akatanga okugambana na neewe roratutigiri bhoosigo no okukutuna.29Yeesu akahaya, obhuheena ndabhabhuriira emwe, ataroho omutu wuno atigiri omugye na abhahiri bhaaye na abhasubhati na nina na wise na abhaana ne emiguundu kwookubha yaane na kwookubha ye Injili. Wuno atakubhona orubhango hano iyaasi kukyaaro ne 30iguru obhuhoru bhwe kimera. 31Nawe abhaaru abhakangati bharabhe bhwinyuma. N a bhinyuma bharabha embere.32Hano bhaari munzira, kugya Yerusareemu, Yeesu yaari akangatiri embere waabho. Abhegibhwa bhakatitimara nabharya bhaari bhakumtunerera inyuma bharobhoha. Neho Yeesu akabhatuura embarika bharya ikumi na bhabhiri nkatanga okubhabhurira kino kukubhona kuribhaga iguhi. 33Rora turagya no omwana wa Adamu arahiribhwa kubhakuru na ku Mkuhani na abhakeenibhwe mirigo bharamuhira mubhusinzi bhamwite nabho bharamuhira muubhatu bhekyaaru. 34Mbaramutuke, bhara,mutwa amate nokumtema ezihimbo no okumwiita. Nawe kwo zisiku isatu araryuuka.35Yakobo ne Yohana abhana bho Zebedayo bhakaaza kuneewe nookuhaya, omweegya tureenda otukorere kyokyosi kino tukukusabha. 36Akabhabhurya, mureenda mbakorereki? 37Bhakabhuga, otwikirirye twikare naneemwe kubhweeru bhwaazo, wumwi kwokumosi kwazo owundi okubhoko okuryo kwazo.38Yeesu akahaya, mtamenyiri kino mkuabha, mranagya okunyweera kukiseenzo kyane kino nkumnywera? au okwigunirirya enyako yino nkuhitira? 39Bhakabhuga, turanagya, Yeesu akabhabhuria ekiseenzo kino nkunyweera mrakinyweera, no obhubhatyo bhuno nkubatizwa mrabatizwa no kwigunurirya. 40Nawe wuno akwikara kukubhoko kwaane okumosi no okuryo ntarienye nkurusha nawe nkuhaya bhikiriirye no okusorwa.41Abhagibhwa abhandi bharya ikumi bhakatiindara Yakobo na Yohana bhaazo okwigwa amang'ana garya. 42Yeesu akabhabhirikira kunewe no okuhaya, mumenyiri kubha bharya bhakwiiseega kubha abhakuru bhobhukangati bhwa abhaatu bhebhyaaro bhara bhakangata na abhatu abhakuru bharabheerekya amanaga gaabhu.43Nawe atakwenderwa kubheego igati wenyu, wowosi wuno akwenda kubha omukuru arenderwa abhe omtumwa wabhosi ahakya kuneewe. 44Na wowosi wuno akwenda kubha embere igati wenyu arenderwa abhe omotumwa wo bhoosi. 45Kwookubha omwana wo Adamu atiziri kuhokeribhwe, yiziri okuhokya no okurusha obhuhoru bhwaze aabhe amarihi kubhaandi abhaaru.46Bhakaza Yeriko. Hano aratanura Yeriko na abhegibhwa bhaaye ne erihyo erikuru, omwana wo Timayo, Batromayo, omuhoku omusabhi, akikara mbarika we ribharabhara. 47Yaza kwigwa kubha ni Yeesu wo Nazareti akatema kweeri nookubhugha, Yeesu omwana wo Daudi nonyabhirwe! 48Abhaaru bhalamurekya omuhoku wurya, bhakahaya kira. Nawe akakuura bhukoong'u, omwana wo Daudi onyabhirwe.49Yeesu akimera nookuhaya bhamrete kuneewe. Bhakamubhirikira omuhoku wurya, no okuhaya ikong'ererya bhuuka ogende arakubhirikira Yeesu. 50Akatasha erikooti ryaaye, akanyaara endyaari, no okuuuza ku Yeesu.51Yeesu akamubhurya no kuhaya orenda nkukorereki? Omuutu wurya akahaya omwegya ndenda okurora. 52Yeesu akamubhurira, noogye amukiringo gaazo gakuhonirye. Hayohayo ameeso gaaye gakahora, akamurwa inyuma Yeesu kwibharabhara.
1Kwibhaga rino bhizir Yerusareemu, hano bhegereri Besthfage na Bethania, gatigati yee ekiguru kyee mizeituni Yeesu akabhatuma bhabhiri kubharya abhega bhaye, 2na akabhabhurura, "Mugwe gatigati yee erigunguri kino kiri haguhi na netwe, naho mukusikira muyo murabhona omwana wetikiri wuno akyari kutirirwa mumatazure na mumurete kunenye. 3Na kwokubha wuyo wosi akubhabhurura, kwaki murakorego? murenderwa mumubhurire Taatabhugya aramwenda no kumara aramukyora hano.4Na bhamwe bha bhatu bhahabha bhimereri na akabhabhurura, "Murakoraki okutazura ekimori kyetikiri kiyo?" 5Na abhatu abhandi bhari bhemeriri ahaguhi na bhakabhabhurira, "Murakora keyi, okwimwigurira epunda yiyo?" 6Bhakabhabhurira kyego Yeesu akabhabhurira, na abhaatu bhakabhatiga bhagye.7Abhaana abheegibhwa bhabhiri bhakareta ekimoori kyeetikiri kuu Yeesu bhakaaarya amibhoho gabhu iguru waye kwookubha Yeesu ature kutira. 8Abhatu bhaaru bhakarya amibhoko gabhu kuurikondo, naabhandi bhakaarya amtu gano bhahabha bhageziri kureka muumigundu. 9Bharya bhagiiri kuubhukangati bhwaye na bharya bharwiri inyuma waye bhakatema ekitiri "Hosana aheerwe enookwe araaza kuurina riisabhugya. 10Bhubhe neenokwe obhutemi bhuno bhukuuza bhwa tata Daudi! Hosana kuuwuno ariiguru"11Niho Yeesu yasikiri Yerusaremu naakagya mwisengero naakarora kira ekigiro. Nawe eribhaga rihaabha rigiiri, akagya Bethania hamwe nabho kumi na bhabhiri. 12Orusiku ryoobhurumusiro, kwibhaga rino bhahakyora kureka Bethania, ahaabha neenzara.13Akarora omuti gwoo mutini guno guhabha naamatu kwa kure, akagya kurora hamwe aratura kubhona iguru woo muti, na kwiibhaga riyo yagiri kumuti guuyo atabhweni kiyo kyoosi gahabha ni matu, kwookubha ritahabha ibhaga ryoomutini. 14Akaghubhurira, "Atareho wuyo woosi wuno araarye omusumo kureka kuneewe kweki" na abhana abhegibhwa bhaye bhakigwa.15Bhakaaza Yerusaremu woosi akasikira mwisengero nookukangata okubhahurukya igutu abhagurya naabheguri munyumba yeerisengero. Akanyaragania meza zyabhakirania zya abhakirania bhe zimbirya neembhitumbi bhya bharya bhahabha bhakugurya ebhiguti. 16Atikirirye wuyo woosi kugega kiyo kyoosi mwisengerero kino kihatura kuguribhwa.17Akabheegya naakahaya, "Awee etakamirwe, erituku ryane rirabhirikirwa erituku rya Sara kweki yoosi? nawe mukoriri ibhegi rya abharusya bhaa abhatu ebhigiro bhyaabhu kwa amanaga". 18Abhamwesi abhakuru naabhakami bhakigwa kyeego ahayiri, bhoosi bhakamohya enzira yookumwita. Nawe bhakamwobhoha kwookubha abhaatu abharu bhakarugura noobhwegya bhaye. 19Ibhaga ryosi engorobha hano ekuhiika, bhakareka mumugye.20Hano bhahabha bharagenda etabhoori, bhakgurora omuti gwoomutini gwoomiri neemiri gyaye. 21Petro akahiita nookuhaya "Rabi! rora; omuti gwoo mtini guno wihimiri gwoomiri".22akabhakyora, "Mubhe nookwikirirya gatigati yee Eryoobha. 23Mwikirirye ndabhabhurira kubha hano akubhurira ekiguru kino, rwaho na wirekere omwene munyaanza, nookubha atanamisego muukoro yaye nawe arikirirya kino akerenie kiraza kurorekana eego niigo Eryoobha riraze rikore.24Kweego ndabhabhurira kiyo kyoosi kino mukusabha nookubhurya arikirirya kuubha mugegiri bhyosi bhirabha ebhyenyu. 25Kwibhaga murimerera nookusabha erenderwa mwabhirwe kiyo kyoosi kino munakyo iguru wa wuyo woosi, nawe kubha wuso wenyu wuno arimwisaaro abhaabhire kweeki emwe obhusarya bhweenyu, ogwate; omukiriri guno, 26(Nawe aribha emwe mtakwaabhira naabhe taata wenyu wuno arimwisaaro atakubhaabhira mwoosi obhusarya bhabhu)27Bhakaza Yerusaremu kweki anYeesu hano ahabha akugenda mwisengero, abhasubhi abhakuru, abhakaami na abhaakaruka bhakaaza kuunewe. 28Akabhabhurira, "Kuubhunagyaki orakora amang'ana gayo?" Niwi akuheri omweya gwookukora gayo?"29Yeesu akabhabhurira, "Ndabhabhuurya ng'ana yiimwe. Munibhurire naanenye ndabhabhurira kuumweya guhe ndakora amang'ana gano. 30Awe obhusubhi bhwa Yohana bhukareka mwisaro hamwe bhukareeka kuumwana woomutu? Munikyore"31BHkakerenia ebho abhene nookutana okwigwana nookuhaya, "Kwookubha turahaye kurwa mwisaro arahaya, kwaki bhono mutakwikirirya ? 32Nawe hano turahaya, kureka kuumwana woomuti "Bhakabhobhoha abhatu, kwookubha bhoosigo bhakagwatirira kubha Yohana yaari muroti. 33Niho bhamukyoriri Yeesu nookuhaya" tutamenyiri niho Yeesu akabhabhurora, "Nawe enye ntakubhabhurira kubhunagyaki ndakora amang'ana gano.
1Kyaamwwe Yeesu akatanga okubheegya kweebhitubhyo akabhuga, "Omutu akeemya omugundu gwe emizabibu, akagwirugutirirya orubhango, no okutuka eriruma ryookukoreramu amarwa. Akomboka omurora akamara akahaana omugundu guyo abharimi bhano bhararimemu eno bharamuriha obhweera. Kyamwe aranagya orugendo rwakure. 2Hano eribhaga ryahiki, akamutumania omubhagati waaye kubharimi bheemizabibu bhamuhe obhweera bhwa amatunduguru geemizabibu gano gabhonekiri. 3Nawe bhakamugwata, bhakamutema, bhakamuheebhenia, naho atana kigiro kyokyosi.4Akatumania omubhagati waye oundi kuneebho, bhakamwatya eezimnyumba kuumutwe no okumukorera amang'ana geezisoni. 5Kweki akatumania owundi, no owumwe wuno bhakamwita. Bhakabhakorera abhandi bhaaru amang'ana kya agayo gayo, bharabhatema na abhandi bharabhiita.6Ahabha noomutu owundi wumwe asagiri wookumutumania, omwana omusegwa. Ewe akabha woobhurumusiro okutumania kweebho. Akabhuga, "Bharamusuuka omwana wane". 7Nawe abharimi bhoomugundu bhakarwaza abheene kwa abheene, "Wuno niwe omugabhi. Muze, tumwite, neengabho arabha yetu"8Bhakamutukirirania, bhakamwita no okumurekerera igutu woomugundu gweemizabibu. 9Kweego, mwenemugundu gweezabibu arakorabhwi? Araza no okubharikya abharimi bheezabibu okumara arahana abharimi abhandi.10Erikaamo rino mukyaari kurisoma? Erigina rino abhomboki bhangiri, ribheri igina ryeembarika. 11Rino rirwiri ku Taatabhugya, ni ryookurugurya mumeso getu" 12Bhahamoohya okumugwata Yeesu, nawe bhakobhoha abhatu bhano bhahabha bhasangiri bhakamenya kubha ebhituubhyo bhino ahayiri bhyaari iguru wabhu. kweego bhakamutiga bhakagya gabhu.13Kyaamwe bharatumania amafarisayo na amaherodia abhaandi kwewe bhamwigwe kumagaamba ga amang'ana. 14Hano bhahikiri, bhakamubhurira, "Omwegya, tumenyiri kubha otakutunibhwa na miseegi ga mutu wowosi no otakwerekya kugwerarubhara rwoorwoosi kubhatu. Oreegya enzira ya Taatabhugya kwoobhuhene. Bhoono ni kisi okuribha erigooti wa Kaisari hamwe zei? 15Turanagya aokumuriha hamwe zei? Na newe Yeesu eno amenyiri obhuzomu bhwaabhu akabhaabhurira, "Kwaki muransakya? Munihe ehera yiyo niyirore".16Bhakaireta yimwe ku Yeesu, akabhabhurira, etuubho yawi yino erikuhera kuno na amakaamo gano gariku ni gawi? Bhakabhuga, "Ga Kaisrari". 17Yeesu akabhabhurira "Mumuhe Kaisari ebhigiro bya Kaisari na bhya Taatabhugya muhaane Taatabhugya." Bhakagwa kitangwiri.18Kyaamwe amasadukayo, bhano bhakubhuga bhuryorwa bhutareho, bhakamugyaku, bhakamubhurya, bhakabhuga, 19"Omwegya, Musa akatukaamira kubha, aribha omuhiri woomutu arikwa nookumutiga omukari waaye inyuma waaye, nawe atatigiri mwana, omutu aragega omukari woomuhiri waye, nookumubhonaku abhana iguru woomuhiri waye.20Bhari bhareho bhaatu bhanda yimwe muhungati, omukangati akagega omukara kyamwe arakwa, atatigiriku mwana. 21Kyaamwe wakabhiri akamugega wosi akakwa, atatigiriku mwana. Na wakatatu wosi egoego. 22Na wamuhungati akakwa nawe atatigireho bhaana. Tee omukari wosi akakakwa. 23Eribhaga ryookuryorwa, hano bhakuryooka kweki, araza kubha mukari wawi? Kwookubha abhatu muhungati bharya eyimwe bhaari bhasubhe bhaaye."24Yeesu akabhabhurira, yino etari kubha mubhuribhwe, kwookubha mutamenyiri amakaamo ne ezinguru zya Taatabhugya? 25Eribhaga ryo okuryooka okurwa mubhaku, bhatakukwera hamwe kukwerwa, nawe bharabha kya bha Maraika bha mwisaaro.26Nawe iguru waabhaku bhano bhakuryoorwa, mtasomiri okurwa kumang'aara ga amakamo ga Musa, kumang'ana geekisako, kyeego Taatabhugya akabhuga nookuhaya, enye ni Taatabhugya wa Aburahamu na Taatabhuugya wa Isaka, na Taatabhugya wa Yakobo?" 27Ewe atari Taatabhugya wa bhaku, ni wa bhano bhareho. Ni heene muhabhiri"28Owumwe wa abhakaami akaaza nookwigwa amakerinio gabhu; akarora kubha Yeesu abhakyeriri bhuzomu. Akamubhurya, ni mugiroki amukuru guno gukuhiza emigiro egindi? 29Yeesu akamukyora, "Guno gukuhiza egindi ni guno, "Igwa, Israeri, Taatabhugya wetu, Taatabhugya ni wumwe. 30Omuseegi Taatabhuugya wazo, kwo omwoyo gwazo gwoosi, na kwo omutima gwazo gwoosi, kwo obhwongo bhwazo bhwoosi, na kweezinguru zyazo zyoosi! 31Omugiro gwa kabhiri ni guno, omusege omunyaroobho wazo kyeego wisegiri omwene," Gutareho mugiro ogundi mukuru kukira gano.32Omukaami akabhuga, "Nikisi omweegya! Ohayiri eheene kubha Taatabhugya ni wumwe, na kubha atareho wundi wuno akumukira. 33Okumuseega ewe kwomwoyo gwoosi, na kwo obhwongo bhwoosi na kweezinguru zyoosi, na okumuseega omunyarobho kyeego wisegiri awe omwene, ni kuzomu bhukong'u kukira ebhirusibhwa na ezizahabu zino zikwookibhwa." 34Hano Yeesu yaruuzi arusiye amagaruro amazomu, akamubhurira, "Awe otari kure noobhutemi bhwa Taatabhugya? Hano gayo gahitiri atareho wuno yaskirye kumubhurya Yeesu ng'ana yoyosi.35Na Yeesu akagaruraho, erbhaga rino ahaabha akyegya mwisengerero, akabhuga, "Abhakaami bharabhugabhwi kubha Kristo ni omwana wa Daudi? 36Daudi omwene kweekoro ehoreru, akabhuuga, Taatabhuugya akabhuga ku Taatabhugya wane, ikara orubhara rwookubhoko kwane kwoobhuryo, tee nibhakore abhabhi bhazo bhabhe iyasi wa amaguru gazo. 37Daudi omwena aramubhirikira Kristo, Taatabhugya ni mwana wa Daudi kwiigabhwi? "Neesango ekuru ekamwitegerera kwoobhuzomererwa.38Kumeegyo gaye Yeesu akabhuga, "Mwiriihe na abhakaami, bhano bhakuroherya okugenda na amibhoko amatambi no okukeribhwa kumiteera, 39no okwikara kubhitumbi bhya abhakuru bha amasengerero na kubhitumbi bhye embere kuzisiku ezikuru eno bhwakwikara abhakuru. 40Bhararya muzinyumba zya abhatumba na bharasabha masabhi mataambi abhaatu bhabharore. Abhatu bhano bharaza kubhona obhusinziro bhwe ekiina bhukuru."41Niho Yeesu akikara hasi haguhi ne ehunguru yookutemu ebhimweso mwaosi ahagiro hamwisengerero, ahabha ararorerera abhatu bhano bhahabha bhaaru abhanibhi bhakatuuramu hera nzomu. 42Kyaamwe omukari wumwe omutuumba omutaka akaaza akaturaamu bhibhara bhibhiri, bhino bhikuhika hera yimwe.43Kyaamwe akabhabhirikira abheega bhaaye nookubhabhurira, "Mwikirirye ndabhabhurira, omukari wuno omutumba aterimu hera nzaru kukira bhoosi bhano bhamariiri kuturamu muhunguru ya ekimweso. 44Kwookubha bhoosi bharusirye kwookubha yo obhwaaru bhwa bhino bhanabhyo. Nawe omukari omutumba wuno, kureka mubhutaka bhwaye, aterimo ehera yaye yoosi yino yari akwenderwa emusakirye mubhuhoru bhwaye bhoosi.
1Yeesu hano akagenda kurwa mwisengero, owumwe wa abhegya bhaye akamubhurya, "Omwegya rora amagina gano gararuguryane zinyumba!" 2Akamubhurira, orarora amahuna amakuru gano ritareho igina rikuza kusaga iguru werindi rino ritaakugwisibhwa hasi.3Ewe hano ahabha yikeri mukiguru kye mizeituni inyuma ye risengerero, Petro, Yakobo, Andrea bhakamubhurya bhwibhisi, 4tubhurire amang'ana gano garakoreka ryorii? Nekii kino kiryerekenya amang'ana ghano?5Yeesu akabhabhurira mubhe meso mutu wowosi ataza kubhang'ena. 6Bharu bharaza kuza kuhitira kurina ryane bharabhuga enye niwe, bharaza kubhurya bharu7Hano mukwigwa erihi amakereneryo ghe erihi mutaza kwobhoha, amang'ana gano tee garorekane, nawe obhutindiro bhwaku bhukyari. 8Ekyaro kiraza kwangana nekyaro ekindi, obhutemi kwangana na bhatemi abhandi kuraza kubhaho ekisingiso mukyaro, ne nzara. Bhuyo nibhwe obhutangiro bhwo obhusunghu.9Mubhe meso bharaza kubhahira mumabharaza murangwa mumasengerero. Murimeriribhwa kubhakuru bhe bhe kyaro iguru wane nibhwe obhwerekenia kunebho. 10Nawe ekina kiyo kirakangate kukerinibwa mukyaro kyosi.11Hano bharabhagwate kubhahira kubhakuru, mutobhoha mukereneki. Kwibhaga riyo, murabhurirwa mugambeki, mutakubha emwe bhano mukukerenia, arabha ekoro ehoreru. 12Wamwabhu araza kumsema wamwabhu iguru wa kwitwa wise no mwana. Abhana bharaza kwanga ga bhawise no okubhakorera oruku. 13Murabha kubhihirirwa no abhatu bhosiigo iguru we rina ryane. Nawe wuno arabhone mubhatu bhayo ni wuno arikarire ekibhandira tee rurya bhutiniro.14Hano muriorora obhutindi bhwo bhusarya bhwimereri hano bhutakwenderwa kwimerera (msomi wa gayo amenye), niho bhano bhakwikara mukyaro kya Yuda bhayarire mubhiguru. 15Wuno ariguru weribhuna atituma hasi, atagega kyokyosi kirya kuhukya igutu, 16wa mumugunndu atakyora kugega ngibho yaye.17Nawe tiga bhaze bhigwe abhakari bhezinda na bhano bharabhe bharakokya kwibhaga riyo. 18Musabhe kwibhaga riyo etaza kubhaho embeho. 19Kubha enyako eraza kubhaho kuruu. Yino yari ekyari kubhoneka. kwema Eryoobha ryabhumbiri esi, tee bhono etariho, nakweki atakuza kubhaho. 20Tee Taatabhugya hano arasuhya eribhaga gutariho mubhiri guno gurahone, nawe iguru wa abhasorwa bhane arabhe asoriri arasuhya ezisiku.21Kwibhaga riyo mutu wiwosi arabhabhurire, rora, Taatabhugya ariho!kweki rora, ariharya! mtikirirya. 22Abhare bhakristo bhorurimi abharoti bha rurimi bharaza kubhorekaho no kurusha ebhitika bho kurugurya, eratura kubha asyagurwa bhosi. 23Mubhe meso! nibhabhuriri gano eribhaga rikyari kuhika.24Nawe ezinyako ziyo ziriza kuhita kwibhaga riyo Eryoobha riraza kumwamwibhwa, omweri guta kumirika emirengeri gyaye, 25ezinzota ziratorobhoka kureka kwisaro enzinguru zya wmisaro ziraza kurigitya. 26Hayo niho bharimurora Taatabhugya araza nezinguru kureka mumasaro no bhweru bhwaye. 27Niho arahire maraika bhaye kukumania abhasarwa bhaye kureka mbara inye zye esi, kureka kurutunga rwa esi tee kurutunga rwa kwisaro.28Kureka kumuti mwege kyego ezisagya rikugwisya amatu no kuteku amatu gaye bhwangu bhwangu, niho muraze kumenya eriranga ririhaguhi. 29Nigho ghari, hano murirora amang'ana gayo garakoreka mumenye kubha arihaguhi mukiseku.30Ni hene, ndabhabhurira, ikura rino ritakuhika kure amang'ana gakyari kukoreka . 31Erisaro nekyaro bhirahita, nawe amang'ana gane gano gatakubhura. 32Nawe atariho wuno amenyiri orusiku neribhaga, atareho wuno amenyiri, ingabha bha maraika bha mwisaro, ingabha Yeesu omumenyi arabha Eryoobha.33Mubhe meso, rora kwokubha mutamenyiri eribhaga rino rirakoreka. (Gwata: Mkiriri guno, mubhe namikengo murore mwisasame kukubha otari kwing'ana rino ryakamirwe inyumeyo). 34Nikyego omutu wuno akugya orugendo akatiga enyumba yaye akatiraho mubhagati waye kubha mukuni wo nyumba yaye, wundi nemirimo gyaye. No kubhurira omuribhi yikeri meso.35Kwego mubhe meso! Kukubha mutamenyiri ryori mwenye nyumba arakyore yika eratura kubha nghorobha, mubhutiku gatui hano ezikoro zikugamba aribha etabhori. 36Aribha ariza kitukirengo atabhona ohindiri. 37Kino nikukubhurira awe nibhatu bhosi nikubhurira. Mutahindiri"!
1Ziahabha zihitiri siku ibhiri hano orusiku rwee kimweso ne mikate gino gitakutirirwa obhutunduru. Abhanyasi abhakuru na abhakami na abhakami ahabha bharamoria enzira yoo kumugwata Yeesu kwookubha mungaso no kumwita. 2Kwokubha bhakabhuga, ritari ibhaga rino orusiku orukuru abhatu bhataza bhakakora obhutindi.3Kwibhaga Yeesu hano ahabha Bethania yika wa Simoni mugenge, hano aherekera kumeza mukari umwe akagwa kunewe ahabha ne enzubha ya maguta na ndo nzomu yoo obhuguri obhukuru akatwa enzubha no kumwitirira iguru wo mutwe gwaye. 4Nawe bhahabhaho abhamwe bhabhu bhatindiri bhakabhurirana abhene kwa abhene bhakabhuga, "Ni ng'anaki yoo kubhura kuno? 5Amaguta gano garigaraguribhwa iguru we zimbirwa magana ataatu kuhanwa abhataka" bhosi bhakamurekya.6Nawe Yeesu akahaya, "mumutige awe omwene kwaki muramunyakya? Akoriri ang'ana nzumu kunenye. 7Ezisiku zyoosi abhataka muanabho ne eribhaga ryoryosi muragongerya muratura kukora amazomu kunebho nawe mutakubha na nenye ibhaga ryosi. 8Akoriri kino akunagwa ahokiri omubhiri gwane amaguta kwookubha yoo kubhika. 9Hene ndabhabhurira kira ahagiro ekian ahano kikukereneribhwa gatgati Yeesu yosi, kino yakoriri omukari wuno kirakerenibhwa kwo kumuhitwa kwaye.10Okumara Yuda Iskariote owumwe wabharya ikumi na bhabhiri, akagya kubhakuru bha bhanyasi niho ature kubhatura kunebho. 11Kwibhaga abhakuru bha abhanyasi hano bhwigwiribho bhakazomerwa no kuraga kumuha ezimbhirya. Akakora kumohya omweya gyokumtura kunebho.12Kurusiku rwa obhutangiro yoo mkate gutakuturirwa obhutunduru kwibhaga rino bharusirwe eng'ondu yekimweso, abhegi bhaye bhakamubhurura orenda tugye hai tukagya kubha turye ekimweso? 13Akabhatuma abhegi bhaye bhabhiri no kubhabhurura, mugwe bwibhoma no musubhe wuno agegiri esengo ararorana na nemwe mumurubhe. 14Enyumba yino arasikire mumurubhe no mumubhurure mwene nyumba yiyo, omwegya arabhuga kirihayi ekinyumba kya abhageni ahagiro hano ndarye ekimweso na abhegi bhanee?15Akabherekya ekinyumba kiguru ekikuru kino kizomu kino kiriho kimwe kimwe mukore emirimo kwo kubha yanetwe harya? 16Abhegi bhakabhuka kugya mwibhoma, bhakabhona kira ekigiro kweego bhahabha bhabhurirwe, no kukora ebhyakurya bhe kimweso.17Kwibhaga ehabha engorobha, akaza na bharwa ikumi ana ahabhiri. 18Hano bhahabha haguhi ne meza no kurya Yeesu akahaya "heene ndabhabhurira owumwe wenyu ararya ahamwe nanenye aranikyora. 19Bhosi bhakarugura, no umwe na owondi akamubhurira, Hene ntari enye?"20Yeesu akamukyora no kumubhurira nio owumwe we ikumi na bhabhiri kuwumwe wenyu owumwe wuno bhonego akukorya ekitonge mukibhakuri hamwe nanenye. 21Kwokubha omwana wo omutu aragya kweego amakamo gakuhaya waye nawe tigi bhwaki omutu wurya wuno atakitiri ewe mwana wo mutu arasariribhwa! yerabha bhuzomu kubhung'u kunewe kwokubha omutu wurya atingibhurwe"22Na hano bakabha bhakurwa Yeesu akagega omukate akagusabhira no kugubhega. Akabhaha akahaya, "Mugege guno ni mubhiri gwane. 23Akagega ekisezo no kukikumya, no kubhaha na bhosi bhakakinywera. 24Akabhabhurira, "gano nimanyinga gane gokuraga, manyinga garitika kwokubha ya abharu. 25Hene ndabhabhurura ntakunywa kweki gatigati yoo muzabibu nteye orusiku rurya ndazeninywe bhuhya gatigati omutemi we Eryoobha."26Hano bhamariri okwemba eryembo bhakaghya igutu gatigati ye kiguru kye mizeitumi. 27Yeesu akabhabhurira, "emwe mwosigo muyahure hagari kwokubha yane, kwokubha ekamirwe. Ndatema omurisha ne eng'ondu bharanyaragana.28Nawe kwokubha okuryoka kwane, ndabhakangatira kubhwemero bhwenyu Gariraya." 29Petro akabhabhurira, "Kwokubha bharakutiga enye ntakukutiga.30Yeesu akabhabhurira," hene ndakubhurura, obhutiku bhuno korokome zikyari kugamba kabhiri urabha uninikiri katatu. 31Nawe Petro akahaya," kwego aranihatika kukwa hamwe nanewe, ntakukwanga"Bhosigo bhakaryusha obhurage bhurya bhurya.32Bhakaza ahagiro rino rikubhirikirwa Gethmane an Yeesu akabhabhurura abhegi bhayi, mwikare hano kwibhaga ndasengera". 33Akabhagega Petro, Yakobo na Yohana hamwe nawe akakangata kurugura no kunyaka hene. 34Akabhabhurira, ekoro yane erarugura bhukong'u, nego kukwa. Musage hano na mutengeze."35Yeesu akaghaya embere kusuhu akagwa ahasi akasabha kwego eranagika kubha bhono ego narinda murweku. 36Akahaya, "Aba wise mang'ana gosi kunawe garanagika ndusiryaho ekisezo kino nawe bhutari kwo obhusegi bhwane kwego kwo obhusegi bhwazo.37Akakyora nokubhona bhahindiri, na akabhabhurura Petro "Simoni" muhindiri? utanagirye kutengeza kub ha esa yimwe? 38Mutengeze nokusabha mutaza mukasikira gatigati amabhihu. Hene ekoro ikirirye rumwe? 39Akagya kweki nokusabha na akakereherya amang'ana garyagarya.40Akaza kweki akabhona bhahindiri, kwookubha ameso gabhu gahabha amrito na bhatamenyiri kyoo kumubhurira. 41Akaza orugendo rwa katatu kubhabhurira," mukyahindiri no kumunya? yisiri! eribhaga rihiki murore! omwana wo mutu arikyorerwa mumabhoko ga bhasarya. 42Mubhuke tugye, rora wurya akunyikyora ariho haguhi.43Kwego ahabha akyari arakerenia, Yuda owumwe wa bharwa ikumi na bhabhiri akahika ne ergara ikuru kureka kubhakuru bha abhanyasi, abhakami na bhakaruka bhano bhana masabha na marungu. 44Kwibhaga riyo omukyari waye ahabha abhheri kwerekererya akabhuga, wuno ndateme kisi, niwe miuugwate no kumuhira yiasi yoo obhwangariri. 45Kwibhaga Yuda hano yahikiri kimwekimwe akagya ku Yeesu no kuhaya "Omwwegya!" nakutema ekisi. 46Okumara bhakamutura yiasi wo obhwangariri no kumugwata.47Nawe owumwe wabhu wuno ahabha yimereri haguhi nawe akiha omuhyo gwayi no kumutema omubhagati womunyasi omukuru no omukata okutwi. 48Yeesu akabhabhurura, muziri kugwata na amsabha na marungu kyo muharamia? 49Kwibhaga ryo orusiku nari nanewe nandabhegwa mwisengerero, mutagwatiri nawe rino rikorekiri kwokubha amakamo gahike. 50Na bharya bhosi bhahabha na Yeesu bhakamutiga no kuryara.51Omura wumwe aamughyaku, wuno ahabha yibhohiri eshuka eyene yino ahabha yibhisire no kuyirugurya bhakamugwata. 52Akabhasusubhukaku akahatira eshuka hayo akaryara king'abhi.53Bhakamwerekererya Yeesu kumunyasi omukuru harya bhakakumana hamwe nawe abhanyasi abhakuru bhosi abhakaruka, abhakami. 54Petro wosi akamugyaku Yeesu kwakure, kugya akurubhago ryo munyasi omukuru akikara hamwe na abharibhi, bhahabha ahaguhi no omuriro bharota kwokubha bhabhone ebhoya.55Kwibhaga riyo abhanyasi abhakurune aabharaza ryosi bharibhara moha abhamuri iguru wa Yeesu bhature kumwita nawe bhatabhubhweni. 56Kwokubha abhatu abharu bhakareta kuikirirya kwo orurimi iguru waye kwego okwikirirya kwabhu kutatubheni.57Abhamwe bhakimerera no kuza okwikirirya kwo orurimi iguru waye bharabhuga. 58Tukamwigwa arabhuga ndsarya erisengerero rino rikorirwe na mabhoko, na mwosi wa ezisiku isatu ndobhoka erindi rino ritakukorwa na mabhoko. 59Nawe kwego kwikirirya kuubhatu kutatubheni.60Omunyasi omukuru akimerera gatiagti yabhu na akabhurya Yeesu, "Kweego utana rya kubhuga? abhatu bhano bhrikirirya iguru wazo?" 61Nawe akikara bhukiri na atahayiri kiyo kyosi nawe omunyasi omukiru akamubhurya kweki awe ni Kristo omwana wu mutu rya. 62Yeesu akabhuga, "enye ninye oramurora omwana wo mutu yikeri okubhoko kwoo obhuryo kwe ezinguru araza na masaro ga kwisaro."63Omunyasi omukuru akasaryasarya amibhoko giyi no kubhuga, "Kwego tukyenda abhamuri? 64Muhikiri kuzera obhumuri bhwenyu ni bhubhe?" na bhosi bhakamusinzira owumwe wuno akwenderwa oruku. 65Abhandi bhakaza kumtwera amate no kumukundikirya obhusho no kumutema no kumubhurura kurota abhatake bhakamugega no kumutema.66Na Petro hano ahabha yiasi yoo orubhago omubhagati owumwe wa bhakya no omunyasi omukuru akaza kunewe. 67Akamurora Petro hano ahabha yimereri no okwota omuriro aramurorera kwo kumuhikira okumara akahaya, wosi okubha wari no Munazareti Yeesu. 68Kwego akanga akabhuga," ntakumenya na kwego ntamenyiri kino mukuhaya" okumara akahuruka no okughya isiku (imerera mstari nguno, ne kwa akagabha otarimu mumakamo gekare69Kwego omubhagati we kikari harya, akamurora nokubhurura bharya bharibhimereri harya," omutu wuno ni wumwe wabhu! 70Nawe akanga kweki okumara kusuhu bharya bhahabha bhmereri haryabhahabha bharabhurura Petro," hene awe ni umwe wabhu, kwokubha awe ni Mugariraya.71Nawe akanza kwitura omwene yiasi wa mihime no kwirahira," ntamumenyiri omutu wuno mukuhaya. 72Nawe etewa akagamba omuzumbo gwa kabhiri kwego Petro akahita amang'ana gano Yeesu gano ahabha amubhuriri," hano etewa ekyari kugamba kabhiri, uraninga katati, na akagwa hasi no okurira.
1Etabhori bhwangu abhakuru bha abhasengeri bhakasikara hamwe na abhakaruka na abhakaami bhwe baraza erigina rya abhakaruka. Bahakamara bhakamubhoha Yeesu bhakamuhiriku PIrato. Pirato akamubhurya "awe nomutake wa Abhayahudi?" 2"Akabhakyoora" nawe ohayiri gayo". 3Abhakuru bha abhasengeri bhakabhabhurira kukuhaya amaaru iguru wa Yeesu.4Pirato akamubhurira kweki, "utakumburira kyokyosi? otakurora kyeego bhakukuhaya kwa amang'ana amaaru? 5Kweego Yeesu atamubhuriri Pirato, na riyo rikamurugurya.6Kwokubha eribhaga ryo obhuturo bhahigurira omubhohwa wumwe, omubhohwa wuno bhasabhiri. 7Bhahabhaho abhasarya mukubhohe, gatigati ya abhiiti yabhano bhagiri bhano bhakukora abhasarya bhaabhu. Ahabhaho omutu wumwe arabhirikirwa Baraba. 8Esango akaza ku Pirato, nokumusabha akore kyeego ahabha eyo yobhuteero.9Pirato akabhakyoorya anokubhugha, "Muurenda mbigurire omuteke wa Abhayahudi?" 10Kweego akamenya ni kwokubha yerihari rya abhakuru bha abhanyaasi abhakamugwata Yeesu nokumureta kunewe. 11Nawe abhakurua bha abhanyasi bhakegererya esango nokutema ekitiri kwe eriraka kubha yigurirwe Baraba kweego ewe12Pirato akabhakyoora kweki akabhuga, "Nimukorebhwi omuteke wa Abhayahudi? 13Bhakatema ekiriti kweki, "Mutaryaanga!"14Pirato akabhuga, akariri ng'ana ki embihu?" Nawe bhakenderera okutema ekiriti bhukong'u "Mumunyakye." 15Pirato akarora bhikirirya esango, akabhigurira Baraba akamutema Yeesu mijariti akamara akamuhunikya anyakibhwe.16Omusirikare akamwerekererya ntee mwosi worubhango (runo ruri mwoosi wa taaga uso) nokubhakumania hamwe esango ya abhasirikare. 17Bhakamwibhohya Yeesu ekanzu ye rangi zambarau, nokusuja orusangarya rwa amahwa bhakamwibhohya. 18Bhakaanza kumwiigwa nokubhuga "Mukerye, omutake wa bhayahudi!"19Bhakamutema kumutwe kwe emara nokumutwera amate. Bhakihigama amaru kubhwerekera bhwaye kwo kumusuka. 20Kyeego bharamare okumwigwa, bhakamurusya ekanzo ye rangi ya zambarau nokwumwibhohya amibhoho gaye nokumuhurukya igutu okugya okumunyakya. 21Bhakamuhatika muhiti wenzira kumusakirya, wuno ahabha arasikira muibhoma okureka kukijiji. Arabhirikirwa Simoni Mkirene (wise wabhu Iskanda na Rufo); bhakamuhatika okugega omusalabha gwa Yeesu.22Omusirikare akamuhira Yeesu ahagiroharabhiorikirwa Gorigotha (obhugazuri bhwe eng'ana ya hagiro hekihanga kya muutu). 23Bhakamuha amarwa gasaganibhwe ne nezihera, nawe atanyweri. 24Bhakamunyakya nokusonda amibhoko gaaye, bhakagateme ezikura okwamura ekisinzika kino arabhoone omusirikare.25Hano akabha saa isatu etabhoori bhakamunyaakya. 26Bhakatura iguru waabhu runo rukamiirwe kusema, "Omutaake wa Wayahudi." 27Bhakamunyaakya hamwe bhaharamiya bhabhiri, wumwe orubhara rwaye rwoobhuryo nowundi obhumoosi bhwaye. 28(Rora omukiriri guno, "Nimakaamo gakahika gakakerenibhwa, otarimu ekiriri zyeekare).29Nawe bhano bhahatita bhakamutuka, bhakasingisya emitwe gabhu bharabhuga, hano awe wuno orabhomoore erisengerero nokuryombooka kwe ezisiku isaatu. 30Wisakirye awe omwene na witume haasi kurwa ku msalabha!"31Kyeego ego abhakuru bha abhanyaasi bhakamwigwa nokubhurirana, hamwe na abhakaaami nokubhuga, "Akabhahoonia abhandi kweego atakunagya aokwihonia omwene. 32Kristo omutake wa Israeri ituma haasi orwe kumsarabha, kyeego turanagye okurora nokwikirirya". Na bharya bhakanyakibhwa hamwe na newe bhakamwigwa.33Hano ekahika eribhaga rya kasasabha makikaaza iguru wee esi yoosi ntee eribhaga kenda. 34Eribhaga rya keenda, akatema ekiriti kwe eriraka erikuru, "Eloi, Eloi, kamasabaktani?" Erabhe na kyeego "Taatabhugya ,Taatabhugya, kwaki ontigiri?" 35Kweego bhayo bhakimerera hano bhakiigwa bharahaya, "Rora arabhirikira Eliya".36Omutu wumwe akaryara, akizuurya amarwa gatigati ye kigiro kyokutemu amarwa nokuitura iguru yo muuti gwe emaara, akamuha anywe. 37Omutu wumwe akabhuga, "Tiga turore aribha Eliya araaza okumwitumya haasi".Kumara Yeesu akarira kwe eriraka erikuru anakakwa. 38Omwenda omukuru rye erisengerero rikatwanika bhisinzika bhibhiri okurwa iguru ntee haasi.39Omutake wumwe ahabha yimereri aramurorerera Yeesu, hano akarora akuru kweego akabhuga, "Hene omutu wuno ahabha omwana wa Taatabhugya". 40Bhakabhaho na abhakari bhano bhahabha abhararora kwa kure. Gatigati yaabhu ahabhaho Mariamu Mgdaren, Mariamu (nina wabhu Yakobo omusuhu wa Yese), na Salome. 41Eribhaga ahabha Gariraya akamugira na kumuhokerya. Na abhakari abhandi bhaaru bhoosi bhakagwatana nawe ntee Yerusaremu.42Ehabha engorobha, no kwokubha ehabha orusiku rwo obhutuuro gorusiku brweribhaga rye sabato. 43Yusufu wa Marimathaya bhakaaza harya akaaza no mutumwa weri barza wuno akusukwa omutu wuno akurore obhutaake Taatabhugya. kwoo obhuhari akagya ku Pirato, na akasabha omubhiri gwa Yeesu. 44Pirato akarugurwa kubha Yeesu akuuri, akamubhirikira wurya omutake akamubhurya kubha Yeesu akuuri.45Hano akabhona obhuhene kumutake kubha akuuri, akamwikirirya Yusufu agugege omubhiri. 46Yusufu ahabha aguriri esanda. Akamwituumya kurwa ku msalaba akamubhooha musaanda, na kumutura moosi wembihira ekatuukwa kwigina. Akamara akarihiringitya erigina kumuryango gwe embihira. 47Mariamu Magdarena na Mariamu nia waye Yose bhakarora ahagiro hano yabhikirwe Yeesu.
1Hano orusiku rwoobhusengeri rwahwiri, Mriamu Magdarena na Mariamu nina wabhu Yakobo na Sarome , bhakagura amaguta gano gakuhuza kisi, bhanagye kuza anago bhaahake omubhiri gwa Yeesu kwiiguru woobhubhiiki. 2Kutabheri zuri orusiku rwoo bhutangi rwee wiki, bhakagya kumbihira eribhaga rino Eryoobha rikusomoka.3Bhahabhurania abhene kwa abhene, "Niw arahungure erigina rirweho tusikire mumbihira?" 4Hano bhagiri kurora, omutu amariri kuhungura arigina, rino ryari ikuru bhukong'u.5Bhakasikira mumbihira bhakamurora omumura wuno yibhohiri omwenda mutambi murabhu gwa pee, yikeri orubhara rwoobhuryo, bhakatitimara. 6Akabhabhurira, "Mtoobhoha. Muramumohya Yeesu, wa Nazareti, wuno yanyakibhwe. Aryokiri! Atareho hano. Murore harya yaariatwerwe. 7Mugende, mubhabhurire abheega bhaye na Petro kubha abhakangatiri kugya Gariraya. Eyo mramurora, kyabhurya ahabha abhabhuriri".8Bhakaryaho bhakaryora kureka mumbihira, bhakarigita na bhakaheema. Bhatahayiri kyokyosi kuumutu wowosi kwookubha bhakoobhoha bhukong'u.9Kurusiku rwoobhutangiro rwewiki, hano ahabha amariri kuryoka, akarorekana rwambere ku Mariamu Magdarena, wuno ahabha arusirye emikama emibhi muhungati. 10Akagya akabhabhurira bharya bhahabha hamwe nawe, eribhaga rino bhahabha bharuguriri na okurusya ezingusari. 11Bhakiigwa kubha ni muhoru na arorekeni kweewe, nawe bhatamwikiririrye agaye.12Hano gayo gahitiri, akiyerekenia kuzituubho nzaru kuubhatu bhabhiri, hano bhahagenda kureka mukyaro. 13Bhakagya bhakabhabhurira abheega abhandi bhano bhahabha bhasgiri, nawe bhatikirirye.14Kwiibhaga arindi kweki Yeesu akiyerekania kubheega ikumi na wumwe hano bhahabha bhisingamirye kumeza, akabharekya kwookutama okwikirirya kwabhu nookukora ezikoro zyabhu ndito, kwa kubha bhatikirirye gabhano bhamuruzi hano yaryokiri kurwa mubhaku. 15Akabhabhurira, "Mugende mukyaro kyoosi, nookurarika ekiina kubhigiro bhyoosi bhino bhirikukyaaro. 16Wowosi wurya arikirirye nookusubhwa araturibhwa, na wuno atakwikirirya arasinzirwa ekina.17Okuteemya kwa amang'ana kuraza kugya hamwe na bhano bhakirirye. Kwe rina ryane bharysya abhatu emikoma emibhi. Bharaza kugamba bhigambo bhihya. 18Bharagwata ezinzoka kwa amabhoko gabhu, na bharanywe kigiro kyokyosi kyookwita kitakubhita. Bharatura amabhoko gabhu kubharweri, nabho bharabha bhahoru".19Hano Taatabhugya yamariri okugamba nabho, akagegwa iguru mwisaro na yikeeri kukubhoko kwoobhuryo kwa Eryoobha. 20Abheegi bhakagya nookurarika kira ahagiro, eribhaga riyo Taatabhugya arahokya anabho emirimo no okurihikya ering'ana kwa amaryoryo na okuteemya kwa amang'ana bhikabha nabho hamwe.
1Kubhutangiro ahabhaho Eng'ana, na Eng'ana ahabha hamwe na Taata bhugya, na Eng'na ahabha Taata bhugya. 2Wuyo, Eng'ana, kubhutangiro ahabha hamwe na Taata bhugya. 3Ebhigiro bhyoosi bhikakoreka kuhitira kunewe, na atariho ewe kitariho na kimwe kino kirakoreka.4Muosi waaye kuhabha nokuhoru, na bhuuyo obhuhoru bhuhabha obhweeru bhwa abhaatu bhoosi. 5Obhweeru bhuramirika mukirima, nawe ekirima kitabhirimirye.6Ahabhaho omuutu wuno akatumu kuurwa ku Taata bhugya, wuno erina ryaaye ahaabha Yohana. 7Akaaza kyomutwanikirani okurorera, kyeego obhweeru, kuubha bhoosi bhanagye okwirirya kuhitira awe. 8Yohana atahabha obhweeru, kweego akaaza kurorera kyeego obhweeru bhuuri.9Bhuuyo bhuuhabha obhweru bhwo bhuheene bhuuno bhuhabha bharaaza gatigati yeebhyaaro yoosi eramuuha obhweeru kita owumwe.10Ahabha gatigati ye kyaaro, wekyaaro bhakamubhumba kuhitira ewe, nekyaaro kitamumenyiri. 11Akaza kwe bhigiro bhyaaye, na abhaatu bhaaye bhatatung'eena.12Kubhaarya bhari abhaaru bhakamutung'ana bhano bhakikirirya erina ryaaye, kubharya akabhona obhweeru bhwo okubha abhana bha aEryoobha. 13Bhoono bhakibhurwa, bhatari kwa manyinga, kutari kubhuseegi bhwo mubhiri, kutari kubhuseegi bhwo muutu, kweego ku Eryoobha eryeene.14Nawe Yeesu akakoreka omubhiri na akikara gatigati yeetu, tubharuuzi obhweera bhwaye, obhweera bhwo muutu omweene womweene wuno akaanza okuurwa ku Taata yizwiiri orubhango rwo bhuheene. 15Yohana akamenyekererya kyeego awe na akangerya eriraka akabhuga "Wuno niwe nihabha nihayiiri amang'ana zyaaye nkabhuuga, "Wuurya akuuza kukangata kukira enye ni mukuru, kwookubha abheeriho kyeego yaana.16Kwookuubha arwiri gatigati okubha kwaye, etwe twoosi tugegiri bhuusa obhunagya kugayo go bhunagya. 17Kwookubha erihatike rikaretwa kuhitira Musa. Orubhaaango no bhuhene bhikaaza kuhitira Yeesu Kiristo. 18Ataroho omuutu wuno amuruzi Taatabhugya kwibhaga ryoryosi, omutu omwene wuuno ni Taatabhugya, ari gatigati ye kikubha kya Taata, akamukora awe amenyekaane.19Na bhuuno nibho ebhirengyo bhya Yohana kwiibhaga rya abhasengeri abhabhiri bha nobhakatuumwa kunewe na Abhayahudi okumubhurya, "Awe ni wewi"Kweego kwitimata na atangiri, 20kweego akabhabhurira, enye ntaari Kiristo. 21Nawe bhakamubhurya, "Bhoono awe ni wewi? "Awe ni Eliya? akabhuuga, "Enye ntaari." Bhakabhuga awe ni omurooti? akabhabhurira, zeeyi."22Kweeki bhakamubhurira, "Awe ni wewi, kyeego tubhaahe akabhakyoora bhaano bhatutumiri"? orihanabhwi obhuheene awe omweene. 23Akabhuga, "Enye nieriraka ryaaye ararira mwitirigo muyigorore enzira ya Taata bhugya; kyeego omuroti Isaya akakoora."24Bhahabhaho abhatu bhatumirwe harya okurwa ku mafarisayo. Bakamubhuurya no kubhuga, 25Kwaki orabhasubha aribha awe otari Kristo wara Eliya omurooti?26Yohana akikirirya akabhuga, ndabhasubha kwa amaani, hata ego, gatigati weenyu arimerera omutu wuuno mutamumenyiri. 27Wuno niwe yiiziri kugayo yaani, enye ntakusitahiri kutazura eziisiri zye bhurato bhyaaye. 28Amang'ana gano gakorekiri eyo, Bethania, kuure ya Yordani, ahagiro hano Yohana ahahaabha arabhasuubha.29Orusiku runo rukaaza Yohana akamuroora Yeesu araaza kunewe akabhuga, "Roora omwana we ng'abha Taatabhugyaagagegiri obhubhihu bhwe kyaaro. 30Wuno niwe nyahayiri amang'ana zaye nikabhuuuga, wuno akuza inyuma yane ni mukuru kukira enye, kwookubha akaabhaho enye kyaari. 31Ntamumenyiri ewe, nawe ekakorekana ego kubha akundukururwe gatigati ya Israeri, kubha nikaaza nihasuubha kwa amanzi.32Yohana akarora obhuhene nkarora Ekoro erituma okurwa mwisaro kye ekirengyo kyesarari ne ekasaanga iguru yaaye. 33Enye nitamenyiri nawe ewe wuno akantuma niigye nibhaasuubhe kwa amanzi akamburira, wuuno aragye ararora Ekoro irituuma nokwikara iguru waaye, wuno niwe akabhasuubha kwe ekooro yo bhweeru. 34Nduuzi nandahaya obhuheene kubha wuuno nio omwana wa Taatabhugya"35Kweeki orusiku ruuno rukaza Yohana ahabha yimereri hamwe na abheegi bhaaye bhabhiri; 36Bhakamurora Yeesu aragenda Yohana na akabhuuga, "Rora aomwana we ng'ondu wa Taatabhugya".37Abheegi bhabhiri bhakamwigwa Yohana aragamba gano bhakamuturirira Yeesu 38Kyeego Yeesu akikyoosya akabharora abheegi bhaarya abhamutuniririra, na akabhurira, "Muurendaki kweki? Bhakamukyoora, Rabhi, (obhugazuri bhwaye omutwe gya; orikara haayi?" 39Akabhabhurira, "Muze murore , "Bhoosi bhakagenda okurora ahagiro hano ahabha akwikaara; bhakikara haamwe nawe orusiku ruyo, kwookubha ehabha ehikiroi kye ribhaga ryezisa ikumi eyo.40Owumwe wa bhaarya abhabhiri bhaano bhamwigwiri Yohana aragamba naniho bhakamutunirira Yeesu ahabha ni Andrea, ni muhiri waaye Simoni Petro. 41Akamurora omuhiri waaye Simoni na akamubhurira, ""Tumubhweni Yeesu" (Yino ekukyoorwa na Kristo). 42Akamureeta ku Yeesu. Yeesu akamurora na akabhuuga, "Awe ni Simoni omwana wa Yohana" orabhirikirwa Kefa," (Obhugazuri bhwaye Petro).43Orusiiku runo rukaza eribhaga Yeesu aheenda okwimuka okugya Galilaya, akamubhona Filipo na akamubhurira, "Na uuze kunenye". 44Filipo ahabha omumenye wa Bethsaida, omugye gwa Andrea na Petro. 45Filipo akamubhoona Nathanaeli na akamubhurira, tumubhweeni wuurya wuuno Musa akakama amang'ana zyaaye gatigati ye rihatike rya abharooti, Yeesu omwana wa Yusufu, okureka Nazareti.46Nathanaeli akamubhurira, "Ekigiro ekizoomu kiranagya kurekera Nazareti?" Filipo akamubhuriira, Nauuze noorore". 47Yeesu akamurora Nathanaeli araaza kunewe na akabhuga, "Roora Mwisraeli hene hene atari wokumung'enererya mwoosi waaye!". 48Nathanaeli akamubhurura, onimenyiribhwi enye? Yeesu akamukyoora nokumubhurira, "Kyeego Filipo akyaari kukubhirikira haano ohabha haasi yo omuti, nkakurora,"49Nathanaeli akamukyoora, "Omwegya awe omwaana wa Taatabhugya! Awe no omutake wa Israeli? 50Yeesu akamukyoora akamubhurira, kwookubha nkakubhirikira nikakuroora hasi yo omuti nawe urikirirya? Orarora amahokya amakuru kukira gayo." 51Yeesu akabhuuga, "Ikirirya ikirirya ndabhabhurira murabhirora ebhyaaro bhiriguuka, no kubharora malaika bharatira nokwituma iguru yo mwana wo muutu.
1Orusiku rwa katatu, ehabhaho enyangi yoobhwegya eyo kana mumugye gwa Gariraya na nina wabhu Yeesu ehabhaho. 2Yeesu na abheega bhaaye bhahabha bhararikirwe munyangi yoobhwenga.3Eribhaga rino bhahwererwe na amarwa, nina waabhu Yeesu akamubhurira, "Bhatana amarwa" 4Yeesu akamukyoora, "Omukari wuno gayo garantuniaki enye? Eribhaga ryane rikyaari kuhika. 5Nina wabhu akabhabhurira abhabhagati, "kyo kyosi kino arabhabhurire mukore."6Zyari zireho nyungu isassbha zyaamagina hayo zino zyari ziturirweho okutemu amanzi gokwisabha amaguru na amabhoko kwiibhaga rya orusiku orukuru rwa abhayahudi, enyungu eyimwe erizuribhwa na nzio ibhiri hamwe isatu. 7Yeesu akabhabhurira, "Mwizuryemu amanzi mizinyungu muyo". Bhakizuryamu amanzi tee iguru. 8Kyaamwe arabhabhurira abhabhagati, "Mugegemu masuuhu na muhire kumuhokya omukuru wa kumeza." Bhakakora kyeego bhatumanibhwe.9Omuhokya omukuru akagarota amanzi garya gari gakyokiri na okubha amarwa, nawe atamenyiri hano kyamwe arabhirikira omuteti na 10kumubhurira, "Kira omutu onyora arakangata kuhana abhatu amarwa amazomu na hano bhakugwatwa arabhahana amarwa gano gatri mazomu. Nawe awe obhikiri amarwa amazomu nabhoono"11Amaryoryo gano ga kana ya Gariraya gari nigo goobhutangiro bhwa obhuteemya bhwa amaryoryo gano yakoriri Yeesu, arakundura obhweeru bhwaye, abheega bhaye bhakamwikirirya.12Hano gano gahwiri, Yeesu, nia wabhu, abhahiri bhaye na abheega bhaye bhakagya mumugye gwa Kapernaum na bhakikareeyo kwa siku suhu.13Ekimweso kya Abhayahudi kikahika haguhi, kweego Yeesu akagya Yerusaremu. 14Akabhona abhasuruzya bhe ezing'ombe, amang'ondu, ne ebhiguti munyumba ya okusengerera. Hamwe na abhakirania bhe ezihera bhaari bhikeri mwosi munyumba ya okusengerera.15Yeesu akakora omujareti gwee bhikuku, akabharusyamu bhoosi bhano bhaari munyumba yo okusengerera, hamwe ne ezing'ombe na amang'ondu. Akitira ezihera zya abhakirania bheezihera nokugharabhura ezimeeza zyaabhu. 16Kubhagurya bhe ebhiiguuti akabhabhurira, "Murusye ebhighiro bhino hano mubhihire kure, mutige kukora enyumba ya Taata wane hagiro ha mutera."17Abheega bhaye bhakahita kubha yaari ekamirwe "Erihari rye enyumba yao riranirya." 18Abhakuru bha Ekiyahudi bhakamukyora bhakamubhurira, Ni bhuteemyaki bhuno orerekenie kwookubha orakura amang'ana gano? 19Yeesu akabhakyoora akabhugha, mukidure enyumba yo okusengerera yino ndayomboka kwa siku isatu."20Kyaamwe abhakuru bha Abhayahudi bhakabhuga, "Ekatugegya miaka mirongo enne ne esasabha okwomboka enyumba yookusengerera yino nanawe orabhugha orayomboka kwa siku isatu?" 21Ingabha, ewe ahakerenerya enyumna yo okusengerera arengiri omubhiri gwaye. 22Kweego hano eribhaga ryahitiri kurwa mubhuryoki bhaye kureka mubhaku, abheega bhaye bhakahita kubha akahaya ego, bhakikirirya amakaamo na eng'ana yino Yeesu ahabhe amariri kuhaya.23Hano ahabha Yerusaremu kwiibhaga rya ekimweso, eribhaga ryoorusiku orukuru abhatu bhaatu bhakikirirya erina ryaye, hano bhaaruzi obhuteemya bhwa amaryoryo gano yakoriri. 24Nawe Yeesu atabheeri na bhwikirirya bhumwe nabho kwookubha abhamenyiri abhaatu bhoosi. 25Atendiri mutu wowosi amubhurire iguru wa abhatu kyeego bhari kwookubha yamenyiri kirimwosi wabhu.
1Egho kuhabha na Farisayo wuno erina ryaye Nikodemo wumwe wa abhatumwa bha esinziro rya abhayahudi. 2Omutu wono akagya ku Taata Yeesu obhutiku na kumubhurira "Omwagya, tumenyiri yokubha ni omwagya kureka ku Taatabhugya kwookubha atariho omutu wuno akugya okukora ezitemyo zyosi zino Taatabhugya hano atari hamwe nawe.3Yeesu akamubhirira, ikirirya, ikirirya, omutu atakutura kusikira mubhutemi bhwa Taatabhugya aribha atibhurwe rwa kabhiri. 4Nikodemo akabhugha, omutu arakorabhwi kwibhurwa rwa kabhirib naho nimkaruka? Atakunagya kusikira munda ya ninawaye rwa kabhiri na kwibhurwa aragya?.5Yeesu akabhugha ikirirya, ikirirya omutu hano atakwibhurwa kwa amanzi na kwa ekoro, atakutura kusikira ku bhutemi bhwa Taatabhugya. 6Kino kibhurwa ko omubhiri ni mubhiri na kino kikubhurwa kwa ekoro ni koro.7Otarugura kwookubha kakubhurira, wende otige oribhurwa rwa kabhiri. 8Omukama gurahuta hohosi enogukugya na eriraka ryaye mukarigwa. Nawe mutamenyiri kurarekahe eno ghuragyahe, ego nigo eri kuwosi wuno yibhurwe ne ekoro.9Nikodemo, akabhuga kwo okuhaya amang'ana ghano gharanaki kabhiri? 10Yeesu akamukyora, awe ni mwagya wa Israeri, otagamenyiri amang'ana ghano. 11Ikirirya, ikirirya, ndakubhurira, kino tumenyiri turakirorerera kukina tunakyo. Nawe mutakugega no kurorerera kwenyu.12Hano mbhabhuriiri amang'ana gha mukyaaro na mutakwikirirya, murakorabhwi kwikirirya , hano ndabhabhurira amang'ana ga mwisaro? 13Kuubha atariho wuno yaatiri iguru kureka mwisaro kutigha ewe wuno akituma, Mwana wa Adamu.14Kyogho Musa kyego akagororokya enzoka mwasaro egho egho mwana wa Adamu yende atige kwenda aragororokibhwa. 15Kubha bhoosi bhano bhakumwikirirya bhabhone obhuhorubhwa kiraka.16Kwookubha kyeego Taatabhugya akasega ekyaro akamurusya omwana waye omwene, abhe kubha omutu wowosi wo kumwikirirya, atayaharika, nawe abhe no obhuhoru bhwa kiraka. 17Kwookubha Taatabhugya atamutumiri omwana waye mukyaro akisinze ekyaro, ego kubha ekyaaro kituribhwa iguru waye. 18Wokwimwikirirya ewe atakusinzirwa, wuno amwikirirye aamariri kusinzirwa kwo okubha akyari kwikirirya erina rya omwana omwene wa Taatabhugya.19Yino ni kubha ya isinziro, ya kubha obhweru bhwiziri mukyaro, nawe abhatu ghakase ekirima bhukong'u kukira obhweru, kwookubha amang'ana ghabhu ghari mabhihu. 20Omutu woosi wuno akukora amabhihu arayitindira obhweru, atakuza kubhweru amang'ana ghaye ghataza kuturwa mwasi. 21Nawe wuno akakora obhuhene aragya ku bhweru eri kino akoriri kibhe abhweru kubha gakorirwi no obhutimirifu bhwa Eryoobha.22Kuhika kughano Yeesu, hamwe na abheghi bhakagya muusi ya Yudaa, eyo akakorera omweya hamwe nabho nabhari bharasubha akabhabhatiza. 23Bhoono Yohana ari arasubha eyo Ainea, haghuhi na Sarimu kubha ahabha na amanzi maaru harya, abhatu bhakaza kunewe na kusubha. 24Kwookubha Yohana ahabha akyari kurekerywa mwigereza.25Kumara aghakabhoneka amahaka iguru wa abhegi bha Yohana no omuyahudi kurusiku orukuru rwa okusindurwa. 26Bhakagya ku Yohana bhakamubhurira, "Rabi," ewe wuno ahabha nawe kumwambuko gwa omwaro Yordani, wuno akarorerera amang'ana ghaye, rora arasubha ana bhoosi bharagenda kumutunirira.27Yohana akakyora omutu atakutura kutura kighiro kyokyosi kutigha kyeegho aherwa kureka mwisaro. 28Emwe abhene murarora kubha nabhugiri enye ntari Kiristo, iguru waye nkabhugha niretirwe mubhusyo bhwaye.29Wuno anomwenga ni Taata womwenga, bhono omusani wa Taata omwenga, yimerere na kwitegerera, arazomerwa bhukoong'u kwookubha yeriraka rya Taata womwenga, bhuno bhunikiri. 30Arenderwa kukura, nenye ndenderwa kusuhibhwa.31Ewe wuno akuhuruka iguru, ari iguru wa goosi, ewe wuno we ekyaro arareka mukyaro na arakerenerya amang'ana gya mukyaaro wuno akureka mukyaro ari iguru wa goosi. 32Ewa ararekya ghano aruzi no kughigwa nawe atariho wo kugwata kurorerera kwaye. 33Ewe wuno yagwatiri okurorerera kwaye kumenyekerya kubha Taatabhugya nimuhene.34Kwokubha ewe wuno yatumirwe na Taatabhugya arakerenia amang'ana gha Taatabhugya kwokubha atakuyiha Ekoro kwe ekitemo. 35Taata aramusegha omwana na amuheri ebhighiro bhyosi mumabhoko gyaye. 36Wuno akumwikirirye omwana anabhwe obhuhoru bhwe kiraka, nawe kuwuno atakusuka omwana atakuroora obhuhoru kwegho obhutindi bhwa Taatabhugya bhuragwatana iguru waye.
1Niho Yeesu akamenya kubha abhafarisayo bhigwiri kubha Yeesu ahabha arabhatunirira kubhasubha bhukong'u Yohana, 2(Kwokubha Yeesu omwene ahabha atakusubwa na abhana bhe shule bhaye). 3Akarwa Judea na akagia Gariraya.4Ego ahabha arenderwa kuhitira Samaria. 5Akahika ku mugye gwa Samaria, guno gukubhirikirwa Sikari, haguhi na ahagiro hano Yakobo amuha omwana waye Yusufu.6Ne kitaro kya Yakobo kihabha hayo, Yeesu ahabha arosiri no orugendo na kikaro haguhi haguhi na ekitaro ehabha mumwisi. 7Omukari Omusamaria akaza kutaha amanzi, na Yeesu akamubhurira, "Nihane amanzi ninywe". 8Kwookubha abhana bhe shule bhaye bhahabha bhagiri zyabhu muiboma kugura ebhiakurya.9Urya omukari akamubhurira, "Erabha bhabhi awe omuyahudi, okusabha enye omukari we Samaria kigiro kya kunywa?" 10Yeesu akamukyora, hinga omenyiri amahokya ga Taatabhugya na wuno akukubhurira nihamanzi, woramusabha na hari arakuha amanzi go obhuhuru.11Omukari akamukyora, "taata otana ekigiro kyo kutahira ne ekitaro ngi kigiri, oragabhona hai amnzi go obhuhoru? 12Wawe namuku kukira taata wetu Yakobo, wuno akatuhana ekitaro kino, ewe omwene na abhana bhaye ne emitugo giaye bhanywe amanzi ga mukitaro kiyo?"13Yeesu akamukyoora, wo wasi wono akunywa amanzi gana arabhona eryota kweki. 14Nawe wuna aranywe amanzi gano ndamuha akwiga nyota kweki, ni kweki amanzi gano ndamuhe gano ndamuhe garabha msobho, go guno gutakwoma kimera.15Omukari orya akamubhurora, "taata ndasabha amanzi gayo iho ntabhona nyota, na ntanyaka kuza hayo kutaha manzi. 16Yeesu amubhurira, "negie omubhirikire musubhe wazo niho okiore.17Omukari akabhurira, "ntana musubhe" Yeesu akamukyoora "Uhairi kisi, 'ntana musubhe'; 18kwookubha obheri na abhasubhe bhatano no oumwe wuno onaaew bhono atari musubhe wazo, kuriyo ohahiri mahene.19Omukari akamubhurira, "Taata ndarora kubha awe ni omuroti. 20Bhataata bhetu bhahasengera gati we kiguru kino nawe emwe murabhuaga kwokubha Yerusaremu niho ahagiro ino abhatu bharenderwa bhasengerere.21Yeesu akamukyoora, "Omukari, onikirirye eribhaga riraza ino mutakusengera tata gati weguru kino kya Yerusaremu. 22Emwe abhatu murasengera kino mutakimenyiri, nawe etwe turasengera kino tumenyiri, wokubha obhuhoru bhurarwa ku Abhayahudi.23"Nawe eribhaga riraza, nabho oriho hayo eribhaga bhano bhakusengera ehene bharasengera Taata gati mumutima gwe ehene, kwo Taata arabhamohia abhatu bhego kubha abhatu bhaye bhano bhakumusengera. 24Taata bhugya ni mtima, na bharia bhakumsengera bharenderwa bhamusengere kwo omutima gwe ehene.25Omukari akabhabhurira "Nimenyiri kubha aomutumania araza (wona akubhirikirwa Kristo), wono hano akuza aratubhurira gosi. 26Yeesu akamubhurira, "Enye uno nkugamba nunye ewe."27Kuribhaga riyo riyo abhana bhe eshure bhaye bhakakiora, nabho bhakarugura kwaki yaari aragamba no omukari, nawe atareho wuno asakiria kumubhurira "Orendaki?" kwaki oragamba nawe?.28Ego omukari akatiga esengo yaye akatunura kugya mwiboma akabhabhurira abhatu. 29Muze murore omutu wuno amburiri amang'ana gane gosi gano nkoriri, hene aratura kubha niwe Kristo?" 30Bhakarwa mwiboma bhaka owaye.31Eribhaga rya mumwisi abhana bhe shure bhaye bhakamwisasama bhakabhuga, "Taata bhugya norie ebhakurya." 32Nawe ewe akabhabhurira, "Enye ninakio ekiakuria kino emwe mtakimenyiri emwe. 33Abhana bhe shure bhakabhurirana wono amureteri kigiro kyokyosi kya kuria" bhono bhakareta?"34Yeesu akabhabhurira ekiakurya kiane ni kukora amazomu gaye ewe wuno antumiri no kumara omurimo gwaye. 35Bhono mutakuhaya gikiari mieri etano no okugesa kurabha kubheri? ndabhabhurira murorerere emigundu gabheri kimweri kukugesa. 36Ewe wono akugesa aratura ng'ana amariho go kukumania amatunduru ku obhuhoru bhwe ekimera kwo kubha ewe akunemia ewe aragesa bhrazomererwe hamwe.37Kwookubha engambo ino ni ya amahene, umwe aremia no wundi aragesa. 38Nkabhatumania okugesa nawe mtanyakiri abhandi bhakaroemirimo na nemwe msikiri gati wo ozomererwaa bhe emirimo giabhu.39Abhakori bha akisi abhandi gati wo mugie gurria bhakamubhurira kwokubha orubhutu rwo omukari riorya wono yari ahabha no obhuhene, akamubhurira amang'ana gosigo gano nari nkukora" 40Ego abhakori bhamang'ana amazomu hano bhakaza bhakamwisasama yikare hamwe nobho akikara owabhu siku ibhiri.41Na bharu bhukong'u bhakamwikirirya kwokubha yering'ana riaye. 42Bhakamubhurira wurya omukari orya, "Turikiriria otari ku amang'ana gazo, kwo etwe abhene twigwiri, na bhono tumenyirikubha hene ewe ni omutu turya we kiaro."43Kwokubha ezisiku zino ibhiri, akabhuka akarekera Gariraya. 44Kwokubha ewe omwene yari aranikiri kubha omuroti ananakumo gati we esi yaye omwene. 45Hano akaza kurwa Gariraya, bhagariraya haguhi bhari bharuzi amang'ana gosi gano yari akoriri Yerusaremu kusikukuru, kwokubha nanebho bhahabha bhakagia kusikuru.46Akaza kweki yanga Gariraya eyo akagakiora amanzi gakabha amarwa na hahabha no omukuru wono omwana waye ahabha murweri eyo Kaprenaumu. 47Hano akigwa kubha Yeesu akarwa Judea no okugia Gariraya, akagia ku Yeesu kumwisasama yitume amauhorie omukari, wuno ahabha haguhi kukwa.48Niho Yeesu akamubhurira, "Emwe aribha muaruzi ngana na akiora mtakunagia kuikirirya. 49Omukuru werihizo akabhuga "Taata ituma hasi omwawane akiari kukwa. 50Yeesu akamubhurira, niogie omwano wazo ni muhoru "Omutu orya akikirirya eng'ana yino ahayiri Yeesu na akagia zyaye.51Hano yari akwituma abhohokia bhaye bhakamutung'ana no kumubhirira omwana waye yaari muhoru. 52Ego akabha bhuria ibhagaki akabhona hakiriku, bhakamukiora, "Izo ibhaga rya muhungati ehoma hano yari etimbukiri."53Niho wese wabhu akamenya kubha ni eribhaga rirya rirya Yeesu ahabha abhugiri, "Omwana wazo ni muhoru," ego ewe no oruganda nuaya bhakikirirya. 54Yino ehabha ni ngana ya kabhiri yino yakoriri Yeesu hano yarwiri Yudea okugia Gariraya.
1Kurekera haayo ehabhaho esikukuru ya Abhayahudi, na Yeesu akatiira kuugya Yerusaremu. 2Neeyo Yerusaremu nihabhayo eribhirika mukishoko kye ezing'ondu, rino rihabhirikirwa kuukigambo kya abha ebhurania Bethzatha, neeyo rina amahagya ataano. 3Abharweri bhaaru bhaaribharimu, abhahooku, abhareema, bhano bhabheri amagata bhahabha bhakindiri kubhirago obhuhene eribhaga erindi maraika akituuma mwo omutemi akatyoroora amazi. 4Uno ahabha wa kwanza okusikira muusi, bhaada ya amanzi okutyororwa akabha muhooru kureka kukino kya kumughwatiiri kwibhaga riiyo.5Omutu uuno ahabha arwariiri emiaka mirongo etatu na enaane ahabha munyako. 6Yeesu hano akamuroora ahindiri kumukeeka, akameenya ahindiri haarya kwibhaga itambi, Yeesu akamubhuriira orenda obhuhoru?"7Omurweeri akamukyoora, omutemi ntana muutu wo okuntura mwibhirika aribhaga rino bhakutyoorora amanzi. Hano nkweenda kusikira omutu oundi arankangata. 8Yeesu akamubhuriira, imuka ogege erigodoro ryazo ogye.9Kwi ibhaga riiyo omutu uurya akahooribhwa, akageega obhuriri akagya, no orusiku ruyo ruahabha ni sabhato.10Abhayahudi bhakamubhurira omutu uno akanihoorya reero ndusiku rwa sabhato atakubhirikirwa kugeega igodoro ryaazo. 11Akabhuuga uno anihorirye niwe ambuririiri geega erigodoro ryazo ogye.12Bhakabhuurya, niwi akubhuuuriri ogege erigodoro ryazo ogye? 13Uno yamuhorirye atamumenyiri kwo okubha Yeesu ahaabha agiiri kwa bhwibhisi. Kwoo kubhua bhahabhaho bhaatu bhaaru ahagiro hayo.14Kureeka hayo, Yeesu akamubhoona omutu uurya mwisengerero akamubhurira "Roora ohoriri! otakoora amabhihu no otaza kukora amakoosa no otaaza kubhoona ing'ana ibhihu zaiidi. 15Omutu uurya akaagya na kubhuuriira abhayahudi kubha Yeesu niwe anibhooriirye.16Kwookubha ya amang'ana ghaayo abhayahudi bhakamunyakya Yeesu, kwokubha akahokya amang'ana gaano orusiiku rwe esabhato. 17Yeesu akamubhurira, Taata arakoora emiriimo mpaka bhoon noosi ndakoora emiriimo. 18Kuugayo abhayahudi bhakenderera kumukomya, bhamwiite na etaari kwa kuirusyaaho sabaato kwa kumubhirikira omutemi wise waabhu, akikoora kubha kya Eryoobha.19Yeesu akabhakyoora, mwikirirye kubha omwana kukoora kyokyoosi ira kino aruuzi wise arakoora, kino wise akukoora niikyo omwana akukoora. 20Kwokubha wise asegiri omwana, amwerekerye kiira kino akukoora, na aramwerekya amang'ana amakuru kutiga gaano iri mukuumye.21Kyeego wisee akuryoora abhaaku no okubhaahaana obhuhoru, niigo omwana akumuhaana wuuno woosi asengiri. 22Kwookubha wiise arahukumiira wowosi, omuheeri omwana obhunagya bhoosi. 23Iri bhoosi bhamwobhohee omwna kyego omwana akumwobhooha wise, wuno atakumwobhooha omwana na wise atakumwobhooha.24Mwikiriirye, uno akwigwa ering'ana ryaane no okumwikirirya uno antumiiri ana obhuhooru bhwa siku zyoosi na atakuhukumirwa. Arabha arekiri muuruku agiri mubhuhooru.25Mwikiriirye ndabhabhuriira eriibhaga riiraza rino abhaaku bhakuua kwiigwa eriiraaka ryo omwana wa Eryoobha, bhaano bhakuuza kwiigwa bhariikara.26Kyeego taata anaobhuuhoru muusi waaye omwene. 27Amuheeri omwana kubha no obhuhooru mumubhiri gwaaye, na wise amuheeri omwana obhunaagya bhwo okuhumukwa kuubha ni omwana wa Adamu.28Mutatangaaraara rino, eribhaaga riraaza bhaano bhoosi bhaari muzimbihiira bharaza kwigwaa eriraaka ryaaye. 29Bharahuuruka habhoori, bhano bhakoriri amazomu bharabhona obhuhoru, bhano bhakoriri amabhihu bharahukumirwa.30Ntakunagya kukora kyokyosi kureeka kuneenye omwene kyeego nkwiigwa niigo nkuhukumu. Ne ehekumu yaane ni yeheene, kwokubha ntakukomya bhusegi bhwaane, ira mbuseegi bhwa wuno antumiiri. 31Nangikumurye enye omwene, obhwikumya bhwane bhutaari kubha na obhuheene. 32Oundi aroho wuno akunkuumya nina obhuheene obhuukumya bhuuno bhankukuumya mbhwa bhuheene.33Mumtumiiri kuu Yohana wosi ankumiirye heene. 34Obhunkuumya bhuuno nkuubhona bhutakureeka kuu bhaatu. Ndahaya gaano iri muheene. 35Yohana ahaabha ni taara ino ikwaaka muhenda muzomererwe kwiibhaga itambi obhweru bhwaaye.36Obhuukumya bhuuno ninabhwe mbakuru kukiira bhwa Yohana, kumirimo gino Taata aniheri kugimariirya, emirimo gino nkukora girarorekana kubha Taata antumiiri. 37Taata uno antumiiri omweene ankumiirye, mkyaari kwiigwa iraka aryaaye wara mubhiiri gwaaye ibhaaga ryoosi. 38Mutana ing'ana ryaaye rino rikwiikara kuneemwe kwokuubha mutakwiikirirya unoo atamiirwe.39Muraroora amakamo murabhuuga abhuriimu obhuhooru bhwi ibhaga ryoosi, amakaamo gaayo garereekya amang'ana gaane. 40Mutakweenda kuuza kunenye mubhoone obhuhooru bhwi ibhaaga ryoosi.41Ntakukumibhwa na abhatu, 42nimenyiri kubha amutana obhuseegi bhwe Eryoobha muziikoro zyeenyu abheene.43Niiziiri kuuriina rya Taata mutanikirirye. Oundi araaze kuriina ryaye muramwikirirya. 44Murikiriryabhwi emwe bhaano mukwiikumya abheene mutakumukumya Eryoobha eryeene.45Mutaaza kubhuga enye ndabhahaaya kuu Taata. Uno akubhaahaya ni Musa uno muteriku eziahakiri. 46Mungabheeri murikirirya Musa, mwamukiriirya na nenye kwokuubha akakaama amang'ana gaane. 47Kama mutakwikiriirya amakamo gaane, murikiriirya amang'ana gaane.
1Inyuma wa amang'ana gaayo Yeesu akageenda kuzimbarika zyee nyaanza ya Garilaya arabhirikirwa nyanza ya Tiberia. 2Ekikaro ekikuru kihabha kiramurwa inyuuma kwookubha bhakaroora ebhimenyekereryo zyiino ahakora kubhaano bhabhanga abharweeri. 3Yeesu akatiira iguru tee orubhara rwii iguru rwee kiguru na akikara eyo na abhaana abhegibhwa bhaye.4(Neekimweso, enyenga ya abhayahudi yabhanaga ekikiri haguhi). 5Yeesu hano akagororoka ameso gaye iguru noo okurora obhwaru bhuraza kunewe akamubhurira Filipo, "turagenda hai okugura emikate bhano bhanagye okurya?" 6Nawe Yeesu akagahaya gano kuu Filipo kwokumusakya kwakubha ewe omwene akamenya kino akuza kukora)7Filipo akamukyora, "Nee mikate gyoo obhunagya bhwee zyimbirirya magana abhiri gitari girisa nabhekyoo wumwe yangabhwenie nabhekitimika kisuhu. 8Andrea, owumwi wa abhana abhegibhwa bhaye omuhiri waye Simoni Petro akamubhurira." 9Yeesu, "Ahoro omumura hano enemikate etano nee eziswe ibhiri, nawe rino rirasakiryaki kuu abhaatu abhaaru bharu kuutemwa yino?"10Yeesu akabhabhurira, "Mubhikarye abhatu haasi" (bhwabhangaho obhunyaki bhwaaru ahagiro hayo). Kweego abhasubhe bhakuhika bhwikwi bhitano bhakikara hasi. 11Okumara Yeesu akageega emikate giirya etano akagisabhira akabhasondya bharya abhabhanga bhikeri. Bhuyo bhuyo akabhasondya eziswe kyeego bhurya bhaheenda. 12Abhaatu hano bhakiguuta, akabhabhurira abhana abhegibhwaa bhaye, mubhikumanie ebhitinika bhya masagyo, bhino bhisagiri kweego okubha kitabhura kyokyosi.13Kweego bhakakumania nookwikirya bhikapu ikumi na ibhiri, ebhitika bhye emikate etano gyee eheke- ebhitinika bhino bhyasagibhwe naa bhano bhariri. 14Okumara abhatu bhano bharuzi kimenyekereryo kino yino yakoriri bhakabhuga, "Heene wuno niwe wurya omuroti wuno akuza mukyaaro." 15Yeesu hano yamenyiri kubha bhabhanga bharenda kumugwata bhanagye kumukora kubha mutemi wabhu, akahuka kweki akagenda mukiguru ewe omwene.16Hano yabheeri engorobha, abhana abhegibhwa bhaye bhakituma kugenda kunyanza. 17Bhakatira mubhwato neeno bhabhanga bharambuka kurekera Kapernaumu. (ekirima kyabhanga kisikiri naa Yeesu yabhanga akyaari kuza owabhu). 18Kwibhaga riyo omukama muhari gwabhanga gurahemba nee nyanza yabhanga eragenderya okubhiha.19Kweeki abhana abhegibhwa bhaye bhano bhabhanga bhatemiri ezingahi hamwe mirongo ebhiri nee tano ariibha niigo mirongo etatu, bhakamurora Yeesu aragenda iguru wee nyanza kweengerera obhwato, neebho bhakobhoha. 20Nawe akabhabhurira, "Niinye! mutige kwobhoha". 21Nawe bhabhanga bhabheri kisi okumugega mubhwato, naa kweki obhwato bhukahika muusi ahagiro hano bhabhanga bhakugya.22Orusuku rwoobhurumusiro ekikaro kino kyabhanga kimereri orubhara rwee nyanza bhakarora kubha bhutaroho obhwato bhundi kutiga bhurya bhuno Yeesu na abhaana abhegibhwa bhaye bhabhanga bhatabhutirimu nawe abhana abhegibhwa bhaye bhabhanga bhagiri zyaabhu ebho abheene. 23(Ingabha bhwabhangaho obhwato obhurebhe bhurweeri Tiberia haguhi na aahagiro hano bhariri emikate hano Taatabhugya yamariri okurusia okukumia).24Eribhaga ekikaro hano kyamenyiri kubha atari Yeesu hamwe abhana abhegibhwa bhaaye bhabhanga erya, ebho abhene bhakatira mwosi wa amato bhakagenda Kaprenaumu bharamumohya Yeesu. 25Hano bhamubhweni orubhara orundi rwee nyanza, "Rabbi akaza ryori eno?"26Yeesu akabhakyora akabhabhurira mwikirirye, mwikirirye, muranimohya enye atari okubha mukazirora kimenyekereryonii kwookubha mukarya emikate noo kwiguta. 27Mutige kukikorera emirimo ekyakurya kyeene kusarika, nawe mukakorere emirimo ekyakurya kino kikwikara nabhee kiraka kirya kino omwana woo muutu arabhaha, kwakubha Eryoobha Taata eteroho orukamo iguru waye.28Okumara akamubhurira "Nikituki wenderwa kukora kyamwe tukikore emiromo gyee Eryoobha. 29Yeesu akabhakyoora, gino nigyo emirimo gyee Eryoobha kubha mumwikirirye ewe wuno atumiri."30Kyeego bhakamubhurira "Niikimenyekereryo zyihee zyino orakore, kubhaturanagya okuzirora nookuzirirya? orakora eki?. 31Bhataata bheetu bhakarya kwiigaki kukibhaara aribha kyeego ekamirwe, "Yabhaheri emikate kureka mwisaro bhanagye."32Okumara Yeesu akabhakyoora, "ikirirya, ikirirya, atari Muusa wuno yabhaheri omukate kureka mwisaro, ewe ni Taata wane niwe akubhaha omukate gwaa heene kureka mwisaro. 33Kwaakubha omukate gwee Eryoobha ni gurya gukuituma kurwa mwisaro nookuhana obhuhoru ekyaro. 34Kyeego bhakamubhurira, Taata bhugya tuahane omukate gune ibhaga ryoosi."35Yeesu akabhabhurira enye ninye omukate gwoo obhuhoru ewe wuno akuza kwinenye atakubhona nzara na newe wuno akunikirirya atakwikgwa nzara rumwe." 36Yangabha anabhabhuriri kubha, mwiruzi, neno mukyari kwikirirya. 37Bhoosi bhano Taata kauniha bharaza kuneye nitakumurekera igutu heene.38Kwaakubha nitumiri kureka mwisaaro etari kwaa kweenda kukora meega gane, nawe niikumega gaye wuno anitumiri. 39Nagano nigo ameega gaye wuno anitumiri kubha nitamubhurya nabhe wumwe waa bharya bhano aniheeri nawe nirabharyookya orusiku rwoo obhurumusiro. 40Kwookubha nago nigo ameega gaa Taata wane, kubha wuuyo woosi wuno akumurorerera omwana noo okumwikirirya anyora obhoru bhwa ekiraka naa nenye niramuryokya orusiku rwoo bhurumusiro.41Okumara abhayahudi bhakarumirirwa ewe kwookubha yahayiri, "Enyee nii omukate guno gwitumiri kureka mwisaro." 42Bhakabhuga, "Wuno atari Yeesu omwana wa Yusufu wuno wise wabhu na nina wabhu tumumenyeri? ebheribhwi bhono arabhuga, "Nimutumiri kureka mwisaro?"43Yesu akabhakyoora, akabhabhurira, "Mutige kurumirirwa kuunemwe abheene. 44Atariho omutu waa kuza kuunenye aribha atarutirwe na Taata wane wuno anitumiri, na niinye niramiryookya orusiku rwo obhurumusiro. 45Kwaakubha ekamirwe kubharoti, "Bharegibhwe nee Eryoobha wosi wuno yiigwiiri noo kweega kureka kuu Taata araza kuuninye.46Etari kubha ariho omutu wuuno yamuruuzi Taata, nii wuuno ewe arwiri kuu Eryoobha - amuruzi Taata. 47Ikirirya, ikirirya ewe wuno yikirirye anabhwe obhuhoru bhwa kiraka.48Enye nii mukate gwoobhuhoru. 49Bhawuso wenyu bhakarya ego kukibhara, naa bhakaakwa.50Guno nigwe omukate gukwituma kureka mwisaro, noo kuubha omuutu agurye orubhara rwaye ataaza kukwa. 51Enye nii omukate guno gukwikara guno gwitumiri kureka mwisaro. Aribha omutu wowosi arirya orubhara rwoo mukate guno, arikara kimera kiraka. Omukate guno nirarushe nii omubhiri gwaane kwoo obhuhoru bhwee ekyaaro.52Abhayahudi bhakatinda abheene kwaa abheene noo okutanga okuhakana bharabhuga "Omuutu wuno aranagya kutuha omubhiri gwaaye tugurye?" 53Okumara Yeesu akabhabhurira, ikirirya, ikirirya, muritama kurya omubhiri guno omwana woo muutu noo okunywa amanyinga gaye mutakubha nnobhuhoro mwoosi wenyu.54Wowowsi wuno aragurye omubhiri gwaane nookunywa amanyinga gaane anabhwe obhuhoru bhwaa kiraka, na niinye niramuryoka orusiku rwoobhurumisiro. 55Kwookubha omubhiri gwaane nii kyakurya kyaa heene, na manying agane ekinywebhwa kyaaa heene. 56Ewe wuno akurya omubhiri gwane nookunywa amanyinga gaane arikara mwoosi wane, na ninye mwosi waye.57Kyeego Taata mweene bhuhoru yanitumanie naa kyeego nikwikara kwaakubha yaa Taata, na wosi kweki arikara kwaa kubha yane. 58Guno nigwe omukate gukwituma kureka mwisaro etari kyeego bhaa taata bhariri bhakakwa. Ewe wuno akurya omukate guno arikara kimera. 59Yeesu akagahaya amang'ana gano mwoosi wee erisengero hano yabhanga akweegya eyo Kapernaumu.60Niho abharu bhaa bhana abhegibhwa bhaye hano bhakigwa gano, bhakabhuga, "Bhuno nii bhweegya bhukong'u nii wewi akunagya kubhugwata?" 61Yeesu kwaakubha akamenya yookubha abhaana abhegibhwa bhaaye bhabhanga bharu mikiiiri eng'ana yino, akabhabhurira awe ang'ana yino erabhanyahara?62Bhoono arabhabhwi hano muramurore omwana woo muutu arituuma kureka eno yari inyumeyo? 63Nii ekoro niyo ekurusha obhuhoru. Omubhi gutakusakirya kigiro kiyokiyosi. Amang'ana gano nikerenie kunemww ni ekoro naa nii bhuhoru.64Bhakyaroho abhatu gati wenyu bhatenda bhikirirya. Kwaakubha Yeesu akamenya kweema obhutangi wuurya wuno atakunagya okwikirirya naa newe wuno yangamukyokiri. 65Akabhabhurira, nii kwakubha yino nikabhabhurira, atariho omuutu akunagya kuza kuneenye yari amariri kuhabhwa na Taata.66Inyuma wa gano abhana abhegibhwa bhaye abharu bhakakyoora bhwinyuma bhatahireni nawe kweki. 67Yeesu akabhabhurira bharya ikumi na abhiri "Hamwe na nemwe murenda kugya?" 68Simoni Petro akamukyoora, "Isabhugya tugende kuuwewi awe onago amang'ana goobhuuhoru bhwa kiraka? 69Naatwikirirye noo kuuza kubha awe nii omweru we Eryoobha"70Yeesu akabhabhurira, "Awe enye nitabhasoriri emwe, noo mumwe wenyu omubhisa? 71Bhoono yangabha arakerenia kuumang'ana gaa Yuda, omwana wa Simoni Iskariote, kwaa kubha yabhanga niwe yabhanag owumwe waabhu ikumi na bhabhiri, ewe niwe yangamukyokiiri Yeesu.
1Na hayo yamariri amang'ana gano Yeesu akagenda ego mu Garilaya, kwookubha ataseegiri okugya Uyahudi kwookubha Abhayahudi bhahakora amakerenio gookwenda okumwita. 2Boono enyangi ya Abhayahudi, enyangi ya ebhihuna yaabhanag haguhi.3Niho abhaturi bhaye bakamubhurirya "Norwe ahagiro hano ogende Buyahudi, ebhe okubha abhana abhegibhwa bhazo bhoosi bhakarora gano okutemia. 4Atareho wuno akukora riyoryoosi kwabhwibisi aribha omwene arenda kumenyekana mwaasi, aribha yagabha orakora amang'ana gano, iyerekenia omwenego kukyaro.5Ndabha abhahiri bhazo bhoosi abhmweesi bhano. 6Niho Yeesu akabhabhurira, "Eribhaga ryane rikyari kuhika, nawe eribhaga ryenyu kwibhaga ryoosi rihikiri. 7Ekyaro kitakunagya kubhatindira emwe, ekyoo kiranitindira niinye kwookubha nirakibhurira kubha amatemio gaakyo ni mabhi.8Mutine mugende munyangi; Enye nitakugya munyangi yino ni kwookubha eribhaga ryaane rikyari kuhika. 9Hano yamariri okuhaya amang'ana gayo kuunebho, akasaaga Garilaya.10Kweeki ego abhahiri bhaye hano bhabhanga bhagiri munyangi, niho woosi yagiiri etari mwasi akagya kwa bwibhisi. 11Abhayahudi bhabhanga bharamuhia munyangi no okubhuga, "Arii hayi?"12Gabhangaho amakerenio maaru gati wo obhukari iguru waye. Abhandi bhakabhuga, "Ni mutu muzomu." Abhandi bhakabhuga, "Zeyi, obhona arabhang'enererya abhasikani." 13Hateego atareho wuno yakerenie mwasi iguru waye bhahobhoha Abhayahudi.14Eribhaga rino enyangi yahikiri gatigati, Yeesu akatiira kugye mwisengero no okutanga okwega. 15Abhayahudi bhakabha bhararugura no okubhuga, "Kwiigaki omutu wuno amenyiri amang'ana maaru? Atasomiri eribhaga. 16Yeesu akabhakyoora no okubhabhurira, "Obhweegya bhaana bhatari bhaane, ego ni goomwene wuno yaantumiri.17Aribha wuyo woosi ariseega kukorakumega gaye ewe, aramenaya kumeegyo gano, aribha gararwa ku Eryoobha, aribha nirakerania kurwa kuninye omwene. 18Kuwuno woosi akukerania gararwa kunewe omwene aramohiya obhweru bhwaye kwego wuno akumohya obhweru bhwaye ewe wuno anitumiri, omutu wuyo ni wamaheene, na mwoosi waaye kutareho okukora ehene.19Muusa atabhaheri emwe ihatike nawe atareho naabhe wumwe kuneemwe wuno akukuhokya kwerihatike kweki mureenda kunita? 20Abhasikani bhakamukyora, "Ona amanani. Niwi akwenda kukwita?"21Yeesu akabhakyoora no okubhabhurira, "Nihokirye murimo gumwe, nemwe mwoosi muruguribhwe kwo okubha yaye. 22Muusa akabhahana obhusarwa (bhutari kubha bhurarwa ku Musa, ebhwe bhurya bhurarwera kubhataata), na kurusiku rwo bhusengeri muaramusara mutu.23Naabhe omutu aranyora obhusarwa kusiku rwo obhusengeri kwookubhaerihatike etaza kusaribhwa, kwaki muranitindira enye kuno nimukoriri omutu kubha muhoru heene kurusikurwo obhusengeri? 24Mtige kusinza kuring'ana no obhurorekani, nawe misinze kwe eheene.25Abhamwe bhaabhu kurwera Yesrusaremu bhakabhuga, "Atari wuno bhakumohia kumwiita? 26No orore, arakerenia mwosi mwasi na bhatakuhaya kiyokyosi iguru wenye. Etukutura ekabha kubha abhakangati bhamenyiri heene kubha wuuno ni Kristo, eranagya kubhaa? 27Tumenyiri omutu wuno ararwera hayi, Kristo hano araaze, kweeki ego, atareho wuno amenyiri ararwa hayi,"28Yeesu ahabha aratirya emimiro gyayemwisengero, aregya no okubhuga, "Emwe mwoosi minimenyiri enye na mumuenyiri eno nikurwera. Nitiiziri kwo omweya gwaane, ni omwene wuno anitumiri ni wamaheene na mutamumenyiri ewe. 29Nimumenyiri ewe kwakubha nirweri kunewe na niwe anitumiri.30Bhahabha bharasakya kumugwata nawe atareho nabhe wumwe wuno yagororkirye okubhoko kwaye iguru waye kwokubha eribhaga ryaye ryarikyari kuhika. 31Kweki ego, abharu kubhusikani bhakamwikirirya bhakabhuga, "Kristo hano araze, arakora bhumenyekeryo bhunu kukira bhino akoriri omutu wuyo?" 32Abhafarisayo bhakabhigwa abhasikani bharamonyererana amagina gano iguru wa Yeesu, na abhakuru bha abhamwesi na abhafarisayo bhakatumania abhakuru bhagye bhamugwate.33Niho Yeesu akabhuga, "Riikyari eribhaga isuhu kusuhu rino nikyaari hamwe na nimwe, niho niramare nigende kuonewe ewe wuuno anitumiri. 34Muranimohoya nawe mutakunirora; Enye nikugenda, mutakunagya kuzayo."35Kubhuyo Abhayahudi bhakabhurirana abhene ku bhene, "Omutu wuno arageenda hayii kubha tutakunagya kumurora? Aragenda kubhano bhanyarageni kubhayunani no okubhegya abhayunani? 36Ni ngunaki rin arikerenie; muranimohya nawe mutakunirora, erya nikugenda mutakunagya kuzayo?"37Boono kurusuku rwoobhurumusiro, orusik orukuru rwe enyengi, Yeesu akaimerera akatirya omumiro, akabhug, "Aribha wuyo woosi anaenyota, yize kunenye anywe. 38Wuno akunikirirya enye kyeego amakamo gahayiri, kurwa mwoosi waye giragera emiaro gya amanzi go obhuhoru.39Nawe akagakerania gano kukora yino ebho bhano bhamwikirirya bharayigwatirira; Ekoro yaari ikyari kurusibhwa kwookubha Yeesu yabhanga akyari kukumiibhwa.40Abhandi abharabhe kubhusikani, hano bhakiigwa amang'ana gayo, bhahabhuga, "Heene wuno nio omuroti." 41Abhandi bhakabhuga, "Wuno ni Kristo" Nawe abhandi bhakabhuga, "Niki, Kristo aranagya akureka Galilaya? 42Amakaamo gakyari kubhuga Kristo, ararwera muruganda rwa Daudi no okurwa Bethlehem, esi yino Daudi yaari?43Hayo, harya bhukabhaho abhatunikani gatigati wa abhasikani kwa amang'ana gaaye. 44Abhandi kurwa kunebho bhabhra mugwata, Nawe atareho wuno yagororkirye omabhoko gaaye iguru waaye.45Niho bharya abhakuru bheezisangarya kya bhakakyora kubhakuru bha abhamwesi na Abhafarisayo, boosi bhakabhabhurira, "Kwaki mukyari kumuhikya hano?" 46Abhakuru bhezisangarya bhakabhakyora, "Atareho mutu wuno yakangatiri kukerenia kya wuno inyuma eyo."47Niho abhafarisayo bhakabhakyoora, "Na niimwe boosi mubhuribhwe" 48Ariwo wuyo woosi kubhakangati wuno amwikirirye, hamwe wowosi kubhafarisayo.? 49Ni bhano bhanobhasikeni bhano bhatamenyiri.50Nikodemo akabhabhurira (ewe wuno yagirir Yeesu ekare, yangabha owumwe wa Abhafarisayo), 51Awe erihatike ryetu eramusinzira omutu tee yitegererwe hing no okumenya kino akukora?" 52Bhakamukyoora no okumubhurira, "Na woosi kweki ararwera Galilaya mohya noorore kubha atareho muroti wuno yarweri Galilaya."53(Yangarira: Amang'ana amarebhe ga Yohana 7:53 - 8:11 gatarimo mumatigyo gaamakamo amazomu geekare). Okumara kilo omutu akagenda yiika waaye.
1Yeesu akaagya mukiguru kye emizeituni. 2Etabhori zuri akaza kweki muchekaru, abhatu bhoosi bhakamugyaku, akikara no okubhugya. 3Abhakaami na amafarisyo bhakamureta omukari wuyo agwatuswe arakora obhusimbe, bhakamutura gatigati.4Niho bhakamubhurira Yeesu, "Omwegya bhakamureta omukari wuno agwatirwe arakora obhusimbe, kuung'ana yeehene. 5Bhono kwisinzira, Musa atubhuriri tubhateme amagina, abhaturya bhaano, orabhugabhwi iguuru wo omutuoyo. 6Bhakahaya gayo kumutuurira kitegi tegi, bhabhone eng'ana yoo kumusinzira, nawe Yeesu akinama haasi akakaama ne ekyara kyaayee hasi.7Haano bhamubhurirye, akimerera no okubhabhurira wuno atana obhibhiku munemwe, abhe we mbere okumutema amagina. 8Akihikikya kweki hasi, akaakama ne ekyara kyaaye.9Hano bhakigwa gayo, bhakaagya wumwe wumwe, kuemera wuno yaari omukaruka, Yeesu akatigwa omwene, haamwe no omukari wuno ahabha gatigati wabhu. 10Yeesu akimerera no okumubhurira omukari, bhano bhakukusama bharihayi? atariho owumwe wuno yakusinziri? 11Akabhuga, atariho hata wumwe Taata." Yeesu akabhuga, hataanye ntakusinzira. Noogye kuunzira yaazo kuemera bhono no okugendererya otakora amabhihu kweki.12Kweeki Yeesu akakerania ne abhaatu akabhuga, "Enye no obhweru bhwe ekyaaro, wuno akunitumirira atakugenda mukirima kwookubha arabha noobweru bhwo obhuhoru. 13Mafarisayo bhakamubhurira oribhurira omwene.14Obhugambi bwane ni bwehene, nimenyiri hano nikurwa neeno nikugya, nawe eme mutamenyiri hano nkuurwa neeno nkuugya. 15Emwe murasinzira kumubhiri enye ntakusinzira wuyo wosi. 16Enye mbhasinzire, obhusinziro bhwane ni bhwaheene, kwookubha ntaari omwene, nawe ndihamwe na Taata wuno anitumiri.17Niheene, kwisinziro ryeenyu ekamiirwe kubha amang'ana gha abhatu abhabhiri ni gahene. 18Enye nenye nikuhaya, Taata wuno yantumiri aramburira.19Bhakamubhurira "Wuno wenyu arihaya? Yeesu akabhakyoora, enye mutanimenyiri, Taata wane mutamumenyiri, mungabheri munimenyiri singa na Taata mumumenyiri. 20Akahaya amang'ana gaayo ahabha haguhi kyeego akeegya mwirwaziro, atariho hata owumwe wuno yamugwatiri, kwookubha eribhaga riari rikyari kuhika.21Kweeki akabhabhurira kuubhundaagye zyaaru, muranimohya, murakwa no obhubhihu bhweenyu eno nkuugya mutakunagya kuuza. 22Abhayahudi bhakabhuga "Ariyita omwene, wuno yabhugiri eno nkuugya mutakunagya kuzayo?23Yeesu akabhabhurira, "Murarwa hasi, enye ndaarwa iguru, emwe ni bhekiaro kino, enye ntaari we kyaaro kino. 24Kweego ndabha bhurira kubha murakwa no obhubhihu bwenyu kweego muikirirye kubha ENYE NENYE, murakwa kubhubhiku bwenyu.25Kweego, bhakamubhurira awe ni wewi? Yeesu akabhabhurira, gano niabhabhuriri kubhwemero. 26Nina amang'ana amaaru gano niigwiri kurwa kunewe, amang'ana gano ndagahaya mukyaro. 27Bhatamenyiri kubha ahakerania nabho gaataata.28Yeesu akabhuga, haano muramwinure iguru omwana wo omutu niiho muramenye kubha ENYE NENYE, no okubha ntakukora riyo ryoosi kumuoyo gwane, kyeego taata yaaniegirye, ndakerania amang'ana gano. 29Ewee wuno yantumiri arihamwe na nenye, ne newe akyari nkutiga enye omwene, kwo okubha ndakoora gano asegiri. 30Eribhaga Yeesu akughamba amang'ana gano, bharu bhakamwikirirya.31Yeesu akabhuga Abhayahudi bhaano bhakamuikirirya, aribhamurikara kwiing'ana ryaane, hayo niho mukuubha bheegi bhaane bhaheene. 32Neemwe muuranimenya eheene ne ehene erabhatura kuubhuhene. 33Bhakamukyora, etwe nibhibhurwa bhwa Iburahim, ne eribhagha tutakabheri bhabhagati bha muutu wuyo wosi, orabhugabwi, turatuura kisi?34Yeesu akabhakyoora, muniikirirye, muniikirirye, ndabhabhurira, wuno akukora amabhihu, niomubhagati wa amabhihu. 35Omubhagati atakuikara yiika ibhaga ryoosi, niomuhokya we emirimo ibhuiaga ryoosi. 36Kweego, aribha omwana araturwa bhwahene, murabha bwahene.37Nimenyiri kubha emwe nibhabhurwa bhwa Ibrahim; mureenda kuniita kwookubha ering'ana ryaane ritaana ibhaga kuneemwe. 38Ndahaya amang'ana gaano ngaaruzi hamwe na Taata wane nanemwe kweki murakira amang'ana gano mukiigwa kurwa kubhawuso wenyu.39Bhakamukyoora no okumubhurira "Taata wetu ni Abrahamu Yeesu akabhabhurira, aribha mungabheri bhana bha Ibrahimu muari murakora emirimo gya Ibrahimu. 40Bhono muranimohya okuniita, omutu wuno yabhabhuriri obhuheene kubha akiigwa kuurwa ku Eryoobha. Abrahamu atakoririgo. 41Murakyoora emirimo gya wuso wenyu." Bhakamubhurira "Tutibhurwe mubhusimbe, tunawe taata wumwe, Eryoobha."42Yeesu akabhabhurira, "Aribha Eryoobha niwe wuso wenyu, muari muransega enye, kwo okubha ndwiri ku Eryoobha, ntiiziri kwo obhunagya bhwane, ewe niwe yaantumiri. 43Kwaaki mutakwiigwa amang'ana gaane? Kwo okubha mutakunagya kuikara kibhandikira kuigwa amang'ana gane. 44Emwe wuso wenyu ne emisambwa, mureenda kukoora gaabha wuso wenyu. Ahabha muiti kuemera kubhutangiro atakubhunagya kuinierera kubhuhene kwo okubha bhutari mumuoyo gwaye. Haano akukerania obhubhehi, arakerania kuurwa kuutubyo yaye, kwo okubha nioomubhehi na taata wo orubhehi.45Nawe bhono, kwo okubha ndahaya ge ehene, mutakuniigwa. 46Ni wewi gati wenyu wuno akuumburira kubha ninaobhubhihu? aribha ndagamba obhuhene. kwaki mutakwiigwa. 47Wuno ariwe Eryoobha, ariigwa ge Eryoobha, emwe mutakwiigwa kwo okubha mutari bhe Eryoobha.48Abhayahudi bhakamukyoora no kumubhurira, tukyaari kuhaya kubha awe niomusamaria one ebhibhwi!! 49Yeesu akabhakyoora, ntaana kiihwi; nawe ndamwigwa taata, emwe mutakwiigwa.50Ntaakumuhaya obweeru bwane ariiho wuno akumohya no okumusinzira. 51Muikirirye, muikirirye, ndabhabhurira, aribha wuno wosi aragwate ering'ana ryaane atajuroora oruku kweki!! Abhayahudi, bhakamubhurira bhono tumenyiri kubha onekihwi, Abrahamu na abharoti bhakakwa, nawe orabhuga, aribha aomutu aragwata amang'ana gazo, atakurora oruku.52Awe otaari mukuru kukiira taata Abrahamu wuno yakuri tiigo? Abharoti bhosi bhakuri, awe orikoora wewi? 53Abhayahudi, bhakamubhurira bhono tumenyiri kubha onekihwi, Abrahamu na abharoti bhakakwa, nawe orabhuga, aribha aomutu aragwata amang'ana gazo, atakurora oruku.54Yeesu akabhabhurira, aribhaa ndiikurya enye omwene, obweru bhwane ni bhwa bhusa ni taata wuno yaniimererye wuno nkubhuga ne Eryoobha ryeenyu. 55Emwe mukyari kumumenya ewe, nawe enye nimumenyiri ewe, haano ndabhuuge ntamumenyiri, ndaabha kyaneemwe, mubheki. Kweego nimumenyiri amang'ana gaya ngagwatiri. 56Wuso wenyu Abrahamu arigwa bhwahene hano akururora orusiku rwane, akarurora akiigwa bhwahene.57Abhayahudi bhakamubhurira "Okyaari kuhikya emiaka mirongo etano, nawe omuruzi Ibrahimu? 58Yeesu akabhabhurira muikirirye, muikirirye, ndabhabhurira Abrahamu hano yaari akyaari kiuibhurwa, ENEY NDIHO. 59Niho bhakatora amagina bhakenda kumutema, nawe Yeesu akiibhisa, akahuruka igutu we erirweziro.
1Eribhaga rino Yeesu yari akuhita, akamurora omutu omuhoku kwemera kwbhurwa kwaaye, 2Abhagibhwa bhaaye bhakamubhurya, Rabi, wewi yakoririr amabhihu, no omutu wuno kasha ni abhibhuri bhwaye nebho akibhurwa muhoku?3Yeesu akahaya atari omuntuono na bhatari abhibhuri bhaaye bhakeriri amabhihu nawe ne amerimo gya Eryoobha gikorwe gyerikibhwa kuhitira kunewe. 4Tarenderwa kuhokya emirimo gyaaye yuno yantumiri mwisi, obhutiku bhaaza hano omutu atakunagya kuhokya omurimo gogosi. 5Hano nkyaari kukyaaro enye no obhweeru bhwe ese yino.6Yeesu hano yamara okugaamba akatwa amate akakora obhutoto kumate gaaye akamumeerya muniso gaaye eritoto rirya. 7Akamubhurira noogye wisabhe obhushu kukisima kya Siloamu (kiratogwa wuno atumirwe) Kweego omutu wuyo akagya akisaabha akakyoora ararora.8Abhanyaroobho bho omutuwurya na bhano bhaari bhamenyiri kubhutangati kubha yaari mutu woku sabhasabha bhakahaya, awee, omutu wono atari wurya yaari arikara no okusabha? Abhaandi bhakahaya niwe. 9Abhandi bhakihaya atarinewe bhatumbhuri na neewe. Nawe omweene yari arahaya neego.10Bhakamubhurira, bhoono ameesu gaazo gakutumburibhwa bhwii? 11Akakyoora kuhatya omutu wuno aku bhirikirwa Yeesu akakora amatoto kumata gayo kweego nkagya, no okwisabha, na bhoono nkabhoona okurora kweeki. 12Bhakamubhurya, arihayi? akakyoorya ntakumenya.13Bhakamubhurya omutu woyo yaari omuhoku kwu bhafarisayo. 14Orusuku runo ndwaari rwe eabhato hano Yeesu yakora eritoto rirya no okugahurubhura ameeso go omuhoku wurya. 15Kweki abhafarisayo bhakamubhuurya ukabhonabhwi kurora.16Abhafarisayo abhandi bhakahaya "Omuutu wono ataruri kwe Eryoobha kwookubha atakugwaaata esabhato, abhaandi bhakahaya, aranagya bhuri omutu wa amatemio amabhihu kukora gano? Kweego bhakahohakania igati waabhu. 17Neho bhakamubhurya omuhoku wurya kweeki orabhugabhwi iguru yo omutu kwookubha ahubhwiri ameeso gaaze? Neho omutu akahaya ni omuroti. 18Neego nkye eribhaga rino abhayahudi bhakyaari okumwikirirya kubha yaari ni muhoku nawe abhweeni okurora, nkeego bhabirikiri abhibhuri bhaaye wuno yabhweeni okuroora.19Bhakabhabhurya abhebhuri, awe wuno nio omwana wenyu mukuhaya yaariyibhurirwe omuhoku? Anagirye bhuri okurora bhoono? 20Neho abhebhuri bhaaye bhakabhuga, "Tumenyiri kubha wuno ni mwana wetu nokubha akibhurwa muhoku. 21Nibhwi bhoono ahumbukiri ameesu tutakumenya, na wurya amuhumbukiri amesu gaaye tutakumumenyiri, mumubhurye omwene ni muutu mkuru, Aranagya okwigambira.22Abhebhuri bhaaye bhakagamba gayo kwookubha mbohobhohiri abho Abhayahudi, kwookubha abhayahudi mbaari bhaikirirenie kubha wuno akwikirirya kubha Yeesu Kristo arangwa ne erisinagogi. 23Kwookubha yino abhibhuri bhaaye bhakahaya, no omuutu omugima mumubhurye omwene.24Kweego kurokabhiri, bhakibhirikira wuno yaari omuhooku no okumubhurira muhaane Eryoobha obhukunibhwa. "Tumenyiri etwe omuutu wuno atari muzomu ni wa amaraga." 25Neho omutu wurya akahaya, abhe ni mkori wa mabhihu ntamenyiri. Ekigiro kimwe nimenyiri ni muhoku naari nabhoono ndarora.26Niho bhakimburira, "Akakukoreraki? Akaga humburabhwi ameeso gaazo? 27Akakyoora, "Nimariri okubhabhurira na neewe mtanigwiri, kwaki mrendeera okwiigwa kwaaki? Na neemwe okubha abhegibhwa bhaaye? 28Bhakamutuka no kuhaya awe niomwegibhwa waye, nawe etwe ni abhegibhwa bha Musa. 29Tumenyiri kubha Eryoobha rikagambana na Musa nawe kwo muutu wono tutamenyiri hano arweriri.30Omuutu worya akabhabhurira, kwaki, erung'ana rino ndyookutitimara, kubha mutamenyiri hano arweriri na hano agahumbwirir ameso gaane. 31Tumenyiri kubha Eeryoobha ntakwiigwa abhakori bha aamatemio amabhuhu na wuno akumwikirirya wurya aramwiigwa.32Kwemera bhusimoka nkyaari kwiigwa omuutu ahumbwiriri ameesu go omuhoku. 33Areebha omuuutu wono atarekiri kwo Eryoobha ataganagirye kutemya gano. 34Bhakamubhurira kubha okubhurwa kwo maraga awe, na neewe oratunagirya eetwe? Neho bhakamuheebha kureka kwisinagogi.35Yeesu akiigwa kubha bhamuhabhiri kureka kwisinagogi. "Akamubhoona no okumubhurira, oramwikirirya omwana wo Adamu?" 36Akikirirya akahaya, "Niwewi tandabhugya neho na neegye mboone omwikirirya?" 37Yeesu akahaya, "Umariri okumurora, nawuno akukerania na neewe niwe wurya." 38Omuutu woyo akahaya, "Taatabhugya, ndikirirya." Neho akamuhigamira no kwihinya kuneewe.39Yeesu akahaya, "Kwoobhutenero niziri mukyaaro kino kubha bhano bhatanago ameeso bhabhe naago nabhano bhakurora bhabhe bhahoku." 40Abhafarisayo abhandi bhaari na neewe hagiro hamwi bhakiigwa amang'ana gayo nokumubhurya, na neetwe mbaahoku?" 41Yeesu akabhuurira, mungabheeri bhahoku mtangabheeri na amarage. "Na nyabhoono mrahaya ezimoni zyeenyu zirarora na amaraga geenyu ngikeerimu."
1Ikirirya, ikirirya, ndabhabhurira wurya atakusikira kwookuhitira muukiseku kyeeribhanze ryeezing'ondu, nawe aratira kuunzira yindi omutu wuyo ni mwibhi na mugegi wa ebhigiro bhyaabhatu. 2Wuuno akusikira muukiseku ni murishe waang'ondu.3Kuumuribhi weekiseku ering'ana, ezing'ondu zitigwa eriraka ryaye nookubhirikira ezing'ondu zyaaye kuumarina gabhu nokuzihurukya iguutu. 4Hano akuzihurukya igutuezyaye ziyo arazikangatira neezing'ondu ziramurwa inyuma, kwookubha zimenyiri eriraka ryaye.5Bhatakugya akumugini nawe kumweya gwayee bharamubherezera, kwookubha bhatamenyiri maraka gabhagini. 6Yeesu akahaya etubho yino kunemwe ikirirya, ikirirya ndabhabhurira, enye nie kiseku kye ezing'ondu.7Yeesu akakerenia nabho, "Ikirirya, ikirirya, ndabhabhurira enye ni ekiseku kyeezingondu. 8Bhoosigo bhano bhankangatiri nibhibhi naabhagegi nawe ezing'ondu zitaabhitegereri.9Enye nkiseku wuyo woosi akusikira kuhitira kuunenye, aratuuribhwa arasikira munyumba nookuhuruka, neewe arabhona hookurisha. 10Omwibhi atakuza nawe kwiibha, kwita, nookubhurya. Niziri kwookubha bhabhone obhuhoru na bhane nabhwe bhwaaru.11Enye niimurisha muuzomu, omuurisha omuzomu ararusha kwookubha yaaezing'ondu. 12Omuhokya wuno agegirwe, maatari murisha, wuno ezing'ondu zitari zyaye, araroora ezisiku ziraaza arazitiga ziraaza nookung'osa ezing'ondu. 13ezisuzi zirazigwaa noookuzinyzragania. Arang'osa kwookubha ni muhokya wokugegwa mangondu zitakumutania.14Enye nimurisha muzomu, nimenyire bhano nibhane na abhane bhanimenyiri enye. 15Tata animenyiri nosi nimumenyiri Tata, nosi ndarusha obhuhoru bhwane kwookubha yeezingondu. 16Nineezing'ondu ezindi zino zitari zya mwibhanza rino. Zino kweki, zirenderwa nzirete, zyoosi zirigwa eriraka ryane nawe ribheho ihizo rimwe noomurisha wumwe.1718Yino niyo eng'ana ekukora taatabhugya ansegiri. Ndusye obhuhoru bhwane kwookubha mbugege kweki. Ayareho wuno akugega kureka kuunenye, nawe enye ndarusya omwene. Ninoomweya gwookurusya na ninoomweya okugega kweeki. Ngegiri eng'na yino kutwa kuutata bhugya.19Okwahukana kweki kukabhoneka kwookubha yaabhayahudi kuumang'ana gano. 20Abhaaru bhabhu bhakahaya "aramanani nanimunyanga kwaki mumwitegereri?" 21Abhandi bhakabhuga, gano gatari mang'ana mutu wuno abhakirwe naamani. Erinani riranagya kuramukya ameso goomuhoku?.22Niho ekaza enyangi yookutuura emume Yerusalemu. 23Rihabha eribhaga ryembeho, na Yeesu ahabha aragenda mwisengerero gatigati yeenyumba ye Seremani. 24Niho abhayahydi bhamwiruguriri bhookumubhurira, tee ryori aratutura okumanya? kwookubha awe ni Kristo tubhurire mwasi.25Yeesu akabhakyoora" nimenyiri kubhabhurira nawe mutakwikirirya. Emirimo gino nkukora kuurina rya tatabhugya waane giyo girabhasukirirya iguru wane. 26Hateego mutakwikirirya kwookubha emwe mutari mang'ondu gane.27Ezing'ondu zyaane zirigwa erina ryane nzimenyiri, zyoosi ziraza kuunenye. 28Mbaheri obhuhoru bhwe ekimera, bhatakubhura rumwe, naatareho wwuno woosi wuno akuzisakura kureka mumabhoko gane.29Taatabhugya wuno yaaniheri bhayo niomukuru abhandi bhoosi, naa atareho wuyo woosi wuno anobhugya bhookubhasakwa kureka mumabhoko gaatatabhugya. 30Enye na taatabhugya nkigiro kimwe." 31Bhakagega amagina bhamuteme nago kweeki.32Yeesu akabhakyoora," nimariri kubherekya emirimo miaru mizomu kureka kutaatabhugya. Ni murimo guhe kureeka kuugiyo murenda kutema naamagina?" 33Abhayahudi bhakamukyora tutakukutema magina kuumuriro guyo gwosi gwari omuzomu, nawe kwookwanga, kwookubha awe, niomutui, orikora kubha eryoobha.34Yeesu akabhakyoora." Etakamirwe gati gati yee migiro gyeenu; nkabhuga, emwe ni eryobh?" 35Okubha akahokya ra emisabhwa, kuubhano bhari engana yeeryoobha (erabhizira naamakamo gatakutura kwaangwa), 36murakerania iguru ya wuno tata bhugya yamurusirye nookumutuma gatigati esi, nookwanga kwookubha ndahaya" enye niomwana weeryoobha?"37Ndabhe ntakukora mirimo gya tatabhugya waane, mtikirirya. 38Kwookubha, ego ndakora, ingabha mtakwikirirya mwikirirye emirimo nawe muture kumenya nokumenya taatabhugya arimukoro yaane nenye ndimukoro ya tatabhugya. 39Bhakasakya kweki kumugwata Yeesu, nawe akagyeyo kureka mumabhoko gabhu.40Yeesu akagyeeyo kweki kumwambuko orubhara runo Yorodani orubhara runo ruhabha Yohana ahabha akusubha kimwe akikara eyo. 41Abhatu bhaaru bhakaaza kuu Yeesu. Bhakiing'enya okuhaya, Yohana hene atakoriri kurekererya kuuyo kwoosi, nawe amang'ana gosi gano gakerenibhwe Yohana iguru yomutwoyo ngabhahene." 42Abhatu bhaaru bhakamwikirirya Yeesu hayo.
1Omutu wumwe arina ryaye Razaro ahabha murweri. Akarwera Bentania, mukyaro kya Mariamu naa waamwabhu Martha. 2Ahabha Mariamu wurya wurya wuno yamuhakiri taatabhugya Mariamu nookutarikya amaguru gaye nee zinzweri zyaye noomuhiri waa Razaro ahabha ni murweri.3Niwo musubhati wabhano bhatomiri amekerenio kureka kumutirya wetu Yeesu, akabhuga, "Taatabhugya rorerera wurya omusegwa arwariri. 4Yeesu akamuturya akabhuga, obhurweri bhuyo bhutari nawe bha kukukwa kihuteri kyahayo obhurweri bhwa Taatabhugya kuhitita kwihurya kwiturya wetu Yeesu omwana wa Taatabhugya ghati woobhurweri bhuyo."5Yeesu akamusega Mrtha na wamwabhu naa Razaro. 6Hano habkigwa Razaro murweri Yeesu akikara ezisiku ibhiri bhukon'gu hano yaari. 7Niwo bhukira akabhabhurira abhana bhaye, "Tugende obhuyahudi kweki."8Abhaa bhaye bhakamubhurira, "Rabi" abhayahudi bhakabha bhahenda kumutema naa amagina awe orenda kukyora kweki?" 9Yeesu akabhakyoora "Aribhaga rya mumwisi ritari masaa ikumi naa abhiri? Omutu oragenda mumwusi kwitema kukubha nookubha yakariri obhweru bhwomwisi.10Kweego, eribhaga akagenda bhutiku, atakwitema kwookubha obhweru bhutari mwoosi waye." 11Yeesu akabhabhurira amang'ana gano, na kwibhaga ryaa amang'ana gano, akabhabhurira, "Omusani wane Razaro ahindiri, nawe kwookubha ndagya nibhone okumubhahukya kurwa muzintiro."12Niho abhana bhakamubhurira, "Taatabhugya aribha ahindiri, arabhuka. 13Eribhaga rino Yeesu arakerenia amakerenio gaa oruku rwa Razaro, nawe ebho bhakamenya arakeranirya iguru woo kuhindira ezintiro. 14Niho Yeesu akakerania nabho mwasi mwasi, "Razaro akuri.15Ninobhuzomererwa iguru wenyu kubha nitari nookwikirirya. Tugende owaye." 16Akabha Tomaso, ahabhirikirwa mbasa, akabhaburira abhana, abharikyaye, "Natwoosi tugende kukwehamwe naa Yeesu."17Eribhaga omuturya weesu Yeesu akaaza akanyora, Razaro yari amariri kukubhikwa ezisiku inye. 18Naho Bentania yari haguhi naa Yerusaremu noo kukwisega kirometa mirongo enee nee tano ego. 19Abharu gati yaa abhayahudi bhakagya kuu Martha, na Mariamu kubhahonia kwookubha yoo muhiriwabhu. 20Niho Martha akigwa kubha Yeesu araza, akagya kusikana nawe, kweki Mariamu akenderea kusaga yika.21Niho Martha akamubhurira Taatabhugya Yeesu, Taatabhugya naa wangebheri hano, wamwetu wuno ataria akwiri. 22Na bhoono nimenyiri, kubha ryoryosi rino okusabha kurwa kuu Taabhugya, arakuhana." 23Yeesu akamubhurira, wamwabhu oraryoka kweki.24Martha akamubhurira, omenyiri kubha oraryoka gati obhuryoki bhwee esiku ya obhurumusiro." 25Yeesu akamubhurira, "Enye niinye omuryori woobhuhoru wuno akunikirirya, naangabha atakubha kwego araza kubhaha; 26wuno ariho nookunikrirya enye atakukwa; wikirirye riyo?"27Akamuburira, "Niho, Taatabhugya niikirirye kubha awe nii Kristo, omwana wa Taatabhuya ewe wuno akugya gatigati we ekyaro." 28Hano yamariri kuhaya rino, akagya zyaye. Nookubhiririkira musubhaye waye Mariamu bharorego. akabhuga, Mariamu omwerekerya arihano arukubhirikira." 29Mariamu hano yigwiri, akabhuka bhwangubhwangu nookugya kuu Yeeu.30Nawe Yeesus ahabha akyari kuuza mwigunguri, yari akyari hagiri hano yasikeni naa Martha. 31Niho abhayahudi bhano bhari na Mariamu gatigati wee nyumba naabhari bharamubharanisha, bhamuruzi arimerera bhwangu noo kurwa habhori bhakamugira. 32Niho Mariamu, yahikiri hano Yeesu yabhnga akamurora noo akagwa haasi yaa maguri gaye noo kumubhurira, "Taabhugya, naa wangabheri hano muhiri wane atakarikwa."33Yeesu hano yaamuruzi ararira abhayahudi bhano bhiziri hamwe na woosi bhararira hamwe hano bharuzi ekoro gati bhakarugura; 34akabhuga, "omuhindirye hayi? Akamubhurira Taatabhugya, nawuze ondore." 35Yeesu akarira.36Niho abhayahudi bhakabhuga, "Rorerera kyeego amusegiri Razaro!" 37Nawe abhandi gati wabhu bhakabhuga, "Atari wuno omutu wuno akaramukya amasego gaa wurya yari omuutu wurya atakwa?"38Nihon Yeesu, akaramaa kunewe kweki, akagya kumbihira. Bhino rikabha mwihegi neerigina riterwe iguru waye. 39Yeesu akabhuga, "Murirusheho erigina." Martha, wamwabhu Razaro ewe wuno yakwiri akamuburira Yeesu, "Taatabhugya, kuuribhaga rino, omubhiri gurabha gubhoriri, kwookubha yamariri kubha omuuku kuuezisiku inye." 40Yeesu akamubhurira, "Enye nitakubhuriri kubha, awe wikirirye, hano orikirirye orabhurora obhuhoru bhwaa Eryoobha?"41Kweego bhakarirushaho erigina. Yeesu akinura ameso gaye iguru naa akabhuga "Taatabhugya nirazomererwa kwookubha oranitegererya. 42Nikamenya oraniigwa ibhaga ryoosi, nawe nikwookubha yeerikumanio rino rimereri kuninogoro kubha nihayiri gano, kwoobhubha shabhone kunikirirya kuunewe onihokererye.43Hano yabhahiri gano akarira kwoomumiro omukuru, "Razaro, huruka igutu!" 44Omuku wuno yarwiri igutu abhohirwe amaguru naa amabhoko engibho yookubhikira, noobhusho bhwaye bhukabhohwa nee kitambara." Yeesu akabhabhurira, "Mumusibhure mumutige agense."45Niho abhayahudi abharu bhakaza kuu Mariamu noo kurora kino Yeesu akoriri, bhakamwikirirya; 46nawe abhene bhayo bhakagya kuu Mafarisayo bhakabhabhurira amang'ana gano yakoriri Yeesu.47Niho abhakuru bhwa abhamwesi naa Amafarisayo bhakikumania hamwe gati wee erisunziro noo kubhuga "Tukore eki? Omutu wuno arakora obhutemio. 48Kweego turamutige bhuyo omwenego bhoosi bharamwikirirya; Abharumi bharaza okumugega byosi ahaagiro heetu nee ekyaro kyeetu.49Kyeego omutu wumwe gati wabhu, Kayafu wuno ahabha omumwesi omukuru omwaka guno, akabha bhurira, "Mutamenyiri kyokyosi. 50Mutakwitegerera kubha erenderwa kubha kwenebho kubha omutu wumwe arenderwa kukwa kwaabhatu bheekyaro kyosi okusaribhwa."51Gyo atagahiri kwookubha ewe omwene, mumweya gwaye, kwookubha ahaabha omumwesi akarota kubha Yeesu arakwa kwee ekyaro; 52Naneetwe kuukyaro kyaye omweene, niho Yeesu abhone egoego kubhakumania abhana bhyee ekyaro obha bhano bhanyarageni kurekure. 53Kwookubha orusuku ruyo bhakagendererya okukora kyeego bharamwitee Yeesu.54Yeesu atagendiri kweki mwasimwasi gati wa Abhayahudi, kweego akabhuka akagya kuusi yino erihaguhi kwii eribhara gatigati woo omugye guno gukubhirikirwa Efraimu. Hyao akikara naa abhaana. 55Niwo Epasaka yaa Abhayahudi ehabha haguhi, naa abharu bhakatira kugya Yerusaremu igutu woomugye embere weee Pasaka niiho bhanyore kwirosha eheene.56Bhano bhari bhakumumohya Yeesu, noo kukerenia kuuwumwe bhano bhari bhakamumohya mwisengerero, "Murisega eki?Kubha atakuza gatigati wesikukuru?" 57Kwibhaga rino abhakuru bhaa amasengerero na abhafarisayo bhahabha bharushirye erihatike kubha ehabha yiimwe oramenya hano Yeesu ari, erenderwa kurusha orubhoti kubha bhabhone kumugwata.
1Zihabha zikyari siku esasabha epasaka ehike Yeesu akagya Bethania, hayo ahabhaho Razaro, wuno yamuryokori kureka mubhaku. 2Bhakamuhokerya ebyakurya bhyee engorobha eyo, Martha akabha niwee ahamuhokerya, kwibhaga riyo Razaro wosi ahabha hamwe bhararya bhosigo na Yeesu. 3Hano Mriamu akagega maguta gano gakuhuza kisi, gakoriirwe kureka kuu nadro, enzamu ge eriiguri ikuru, akamuhaka Yeesu kuaguru, akamara akamweyaku ne ezinzweri zyaye, enyumba yoosi gakaretya kirumbese kizomu4Yuda Iskariote, uumwe wa abhega bhaye, wuno araza amukyoke Yeesu, akabhga. 5Kwaki amaguta gano gatii ngagu ribhwe maga na ataatu gaa ezimbirya bhakahabhwa abhataka? 6Ewe atahayirigo kukubha ararorera bhigongi abhataka, ewe ahabha ni mwibhi niwe ahabha agegiri ekiguzi kye zi,birya ahagegamu ebhindi bhino bhihabhamu mukiguzi muyo kwiguru waye omwene.7Yeesu akabhuga, "Mutige atureho kino arakyo kwi iguru wo rusiku rwa okubhikwa kwane. 8Siku zyosi abhataka murabh na bho; nawe mutakubha nanenye siku zyosi."9Abhayahudi bharu bhakamenya kubha Yeesu ariyo, bhazaka bhatiziri kukubha ya Yeesu bhahenda bhamurore Razaro wuno Yeesu yaryokori kureka mubhaku. 10Abhakuru bha bhasengeri bhakakora niku yakumwita Razaro; 11kukubha abhayahudi abharu bhakagya zyzbhu eno bhamwikirirye Yeesu kurekana na Razaro kuryorwa.12Orusiku rwa kabhiri bhatu bharu bhakaza kusikukuru. Hano bhigwiri kubha Yeesu araza Yerusaremu. 13Bhakagega ezisagya zye emiti gya emitende bhakahurukya igutu bharari ryata kugya kumugwatia, eno bharabhugha "Hosana! Ano arubhawoo. Wuno akuza kurina rya Taatabhugya, omutemi wabhaiziraeri.14Yeesu akabhona etikiri akaitiruka, kyego ehabha ekamirwe, 15"Tigha kwobhoha, mukya a Sayuni, rora, omutemi wazo araza, atirir kutiri.16abhega bhaye bhatamenyiri amarina na gayo kubhatangiro, nawe Yeesu hano yagungibhwe niho bhahitiri amang'ana gayo gakamirwe ewe kubha bhakoriri amang'ana gayo kunewe.17Abhatu bhano bhahabha hamwe na Yeesu runo ahabhirikira Razaro kureka mumbihira, bhakagerekenia kubhandi. 18Iguru wa rino nikyo kyakoriri abhatu bharu bhakagya kumutura kukubha bhakigwa gano yakoriri inyumeyo. 19Abhakuru bha bhasengeri bhakibhurya abhene kwa abhene, rora "bhano mutakunaga kukora ryoryosi, rora ekyaro kyosi kigiri kunewe.20Bhono, bharehob Abhayunani alhand bhano bhahabha bharagya okisengera kuu rusiku rwo bhuturo. 21Bhano bhakagya kuu Firipu uuno yarwiri Bethsaida Gariraya, bhakamusabha Kubha, "Tata, etwe tusegiri okumurora Yesu. 22Firipo akagya akamubhurira Andrea, Andrea hamwe na Firipu bhakagya kumubhurira Yesesu.23Yeesu akabhakyoora kubha, eribhaga rihkiri ryo kugungya Taatabhugya. 24Mwikirirye, mwikirirye, ndabhabhurira, aribha cheke eribha etagwiri mukyaro ekakwa, erikaraego eyene, hano erikwa eribhura matundwa amaru.25Wuno wosi asegiri obhuhoru bhwaye araza kubhubhurya, nawe wuno wosi akubhihirirwa obhuhoru bhwaye mukyaro muno arabha abhuturirye kimera. 26Mutu wuyo wosi akunigwa enye abhe hamwe nanenye, hano niri, niho nomuhokya wane arikare. Mutu wuyo wosi aranigwe, Taata, aramusuka.27Bhono ekoro yane erumikiri, enye mbhugebhwi? Taata onturye kwibhaga rino? Nawe kukubha yagano nihikirye eribhaga rino. 28Taata erigungye erina ryazo. "Eriraka rikareka mwisaro rikabhugha, "Nirigungirye nenye ndarigungya kweki. 29Bhesango bhano bhahabha bhimereri haguhi nae bhakigwa bhakabhugha kubha bigwiri kirumo kihitiri. Abhandi bhakabhuga, Malaika aragamba nawe.30Yeesu akabhakyoora nokubhuga, "Eriraka riyo ritiziri iguru wane, riziri iguru wenyu. 31Bhono obhutiniro bhwe esi yino bhureho. Bhono omukuru we esi yino ararekerwa igutu.32Nenye hano ndatiribhwe iguru we esi ndaza kubharutura bhosi kunenye. 33Akagakerenia gayo kwerekenia nirukukwi araza akwe.34Bhesango bhakamubhurya, etwe twigwiri kuhitira esheria kubha Kristo arikarao kimera. Awe arabhugabhwi "Taatabhuya atiribhwa iguru? Omwana wo mutu wuyo niwi?" 35Yeesu akabhabhurira, omweru bhukyari hamwe nanemwe ibhaga isuhu. Mugende kukubha wuno bhweru, korookya mutasikira mukirima, wuno waosi akugya mukirima atamenyiri eno okugya. 36Mukyari nobhweru, mwikirirye obhweru bhyo kororokya mubhe abhana bha kubhweru. "Yeesu hano yamariri kuhaya gayo akagya akibhisa bhatamurora.37Ingabha Yeeau yakoriri bhitika bhyaaru mumeso gabhu nawe bhata mwikirirye. 38Kororokya gahike amang'ana gae omuroti Isaya, gano yabhugiri "Taata niwi wuno yikirirye aman'gana getu okubhoko kwa Taata kwerekibhwe wewi?39Nikyokukora ebho bhatamwisikirirye, kweki Isaya akabhuga, 40Abhahukwirye ameso akoriri ezikoro zyabhu kubha koong'u, bhataza kurora kumeso gabhu na bhakamenya kuzikoro zyabhu bhakikirirya nkabhahorya.41Isaya akakyorera amang'ana gayo kukubha ahabha aruzi obhweru bhwa Yeesu nikyo akakerania iguru waye. 42Bhahabha bharimu abhakuru abhandi bhamwiikiriye Yeesu, nawe kukubha yabhasengeri bhareho bhatagateri kubhweru bhataza kwangwa mwisengero. 43Bhakasenga okugungibhwa na bhatu kukira obhugungu kureka ku Eryoobha.44Yeesu akaganmba kwireka ikuru, "Wuno anikirirye enye atanikirirye enye omwene yikiriirye nawuno antmiri enye, 45nawe wuno akundora enye ararora nawuno antumiri.46Enye niziri kyo obhweru musi muno kororokya wuno akunikirirya atikata mukirima. 47Aribha mutu wuyo wosi akwigwa amang'ana gane akatama kugagwata, enye ntakumutinira, ntiziri kutinira esi niziri kuturya esi48Wunoo wosi akunyanga eno atakwikurirya amang'ana gane anawe wuno akumutinirya ang'ana iyo nigambhiri niyo erimutinira kuzisiku zyo obhutiniro. 49Enye ntakukerania gayo enye omwene garareka kuu Taata wuno andetiri ewe anfagirirye gano ndagambe na gano ndakerenerye. 50Enye nimenyiri amaragirriryo gaye nigo obhuhoru bhwa kirakego, gano nkukerania enye kyego Taata ya mburiri, nigo nkubhakeranerya.
1kwego zihabha zihitiri orusiku rwekimweso, kwokubha Yeesu akamenya kubha eribhaga ryaye rihikiri rino arareke musi, akabhasega obhung'eni. 2Na erisabhwa ahabha aterwe kimwe gatigati ye ekoro ya Yuda Isikariote omwana wu Simoni, okumwikyora Yeesu.3Yeesu akamenya kubha wise aturiri ebhigiro bhyoosigo mumabhoko gaye na kwokubha arwiri ku Taatabhugya na ahabha aragya kweki ku Taatabhugya. 4Akabhuka kubhyakurya no kuarya hasi eribhoho ryaye igutu. Okumara akagega etaur na kubhoha omwene. 5Okumara akatura amanzi mwibhakuri no kutanga okubhogya amaguru abhegi bhaye no kubhatarikya netauro yibhohiri omwene.6Akagya wa Simoni Petro, na Pero akamubhurira, "Taata orenda kunioghya amaguru gane?" 7Yeesu akikirirya ndakubhurira otarimenyiri bhonego, nawe oraza kumenya." 8Petro akamubhurira" Otanyoghya amaguru gane, kweki Yeesu akamubhurira, "Aribha ntakukwoghya, otakubha hagiro hamwe na nenye." 9Simoni Petro akamubhurira, "Taata, utanioghya amaguru gane agene, kwego na mabhoko no omutwe gwane."10Yeesu akamubhurira, "Wowosi wuno amariri kusabha etakwenderwa yisabhe kwego ni maguru gaye, na abheri mazomu omubhiri gwaye gwosigo emwe mubheri bhazomu nawe siyo mwosigo." 11Kwokubha Yeesu amenyiri wurya aramwikyorei yino eng'ana yahayiri, nawe mutari bhosi mazomu.12Kwibhaga Yeesu hano ahabhogya amaguru gabhu no kumara kugega eribhoho ryaye no kwikara kweki, akabhabhurira, "Kwego mumenyiri kino mbhakoreri?" 13Murabhirikira enye "Omweghya" na Taata yino murahaya hene, kwego nigo niri. 14Eribhaga enye Taata na omweghya mbhogirye amaguru genyu, emwe mwosi erenderwa kuoghya abhari nyenyu amaguru. 15Kwookubha mbhaheri etubho nawe kubha mwosi mukore kyego enye na koriri kunemwe.16Ikirirya, ikirirya, ndabhabhurura, omubhagati atari mukuru kukira Taatabhugya wenyu; nawe wurya atumirwe ni mukuru kukira wu no amutumiri. 17Oribha omenyiri amang'ana gano wi kiriribhwe okugakora. 18Ntakuhaya kuhitira kunemwe mwosigo, kwokubha mbhamenyiri bharya bhano mbasoriri kwego ndahaya gano nawe kubha amakamo gature okugahikira; "Ewe arye omukate gwane angororokenye ekisuguriri kyayi."19Ndabhabhurira rino bhono kwokubha rikyari kubhoneka hano rikabhoneka, muture kuikirirya kubha enye ninye. 20"Ikirirya, ikirirya, ndabhabhurura akuturung'ana enye araturung'ana wuno nkumutuma, na wurya akuturung'ana enye araturung'ana wurya wuno atumiri enye."21Kwibhaga Yeesu yahahiri gano akanyoka mukoro, akikirirya no kubhuga, "Mwikirirye, mwikirirye, ndabhabhurira ohumwe wenyu aranikiora." 22Abhegi bhaye bhakarorena, bhakwitimata ni kuwewi? akakarenia.23Twahabha kumeza, oumwe wa abhegi bhaki akahindira mukikubha kya Yeesu wuno Yeesu yasegiri. 24Simoni Petro akamubhurya omwegi wuno nokuhaya, Tubhurure ni wuhe wuno kunewe akugabha." 25Omwegi wurya akahindira mukikubha kya Yeesu amubhurira, "Taata, ni wewi?"26Okumara Yeesu akahaya, "Ni kuhurya ndakorye ekitirika kyo omukate no kumuha," Kwego hano yakorirye omukate, akamuha Yuda omwana wo Simoni Iskariote. 27No okumara omukate erisambwa rikamusikira okumara Yeesu, akamubhurira , "Kwokubha kino okwenda kukora ukikore bhwangu."28Kwego atariho mutu kumeza akamenya eng'ana ya Yeesu kuhaya eng'ana yino kunewe. 29Abhamwe bhabhu bhakisega kubha, kwokubha Yuda akagwairiri esakwa ye ye zimbirya, Yesu akamubhurira, "Ogure ebhigiro bhino tukwenda kwokubha ye ezisikukuru," Nawe okubha arenderwa kurusha ekigiro kumutaka. 30Okumara Yuda okugega mukate akahuruka igutu; bhwangu na bhwahabha obhutiku.31Kwibhaga Yuda ahabha agiri Yeesu akahaya, "Bhono omwana wo omtu arakumibwa, na Eryobha rirakumibhwa kuryene. 32Eryobha riramukumya kunewe omwene, aramukumya bhwangu. 33Abhana abhasushu ndiho hamwe na nemwe ibhaga isuhu kusuhu muranimoya, na kwego nabhabhuriri abhayahudi, eno mkughya mutakunagyha kuza, kwego ndabhabhurira emwe, kubha.34Ndabhaha erihatike ehye kubha musengane; kwego enye bhasegiri egoego na nemwe kwego ernderwa musegane emwe kwe emwe. 35Kwokubha yarino abhatu bharamenya kubha emwe nibhegibhwa bhane muribha muno obhusegi kuumwe uumwe na kuundi.36Saimoni Petro akamubhurira, "Taatabhugya orabhya hayiYeesu akahaya," ahagiro hano nkughya kwa bhono utakunagya kundubha, nawe akandubha ibhaga rindi. 37Oetro akamubhurira, "Taatabhugya kwaki ntige okukurubha kwibhaga rino! enye ndarusha ekikariire kyane kwiguru yazo. 38Yeesu akamukyora, "kwego orarusha ekikarire kyazo kwiguru wanee ikirirya, ikirirya etakugamba kwokubha onyangiri katatu.
1Otikirirya ekoro yaazo kuubha kuzinyaako. Oramwikirirya Taatabhugya nyikirirye na nenye. 2Gatigati muunyumba ya Taatabhugya waane garimo obhwikari maaru gokwiikara; arabha yingatigiri okubha ego, ningabheri nikubhuriri kwookubha nigiri okukukorea ahagiro kwokubha yaazo. 3Araabhe ndaagye nokubhakorera ahagiro, ndaaza kweeki kubhaginihya. Kunenye, ahagiro hanoniri na mwoosi mubheho.4Mumenyiri enzira yahagiro hano nikugya. 5Tomaso akamubhurira Yeesu, "Taata tutamenyiri ahagiro hano okugenda;turangyabhwi okuhimenya enzira. 6Yeesu akamubhirira, "Enye ninye enzira, yoobhuhene, nobhuhoru, atariho wuno akunagya kuuza ku Taata atemekuhitira kunenye. 7Arabhe munganimenyiri enye, mwwari muramumenya na Tata, waani woosi; kwanzira bhoona nookugya mumumenyiri namumariri kumurora ewe."8Filipo akamubhurira Yeesu, "Taabhugya, twerekye Taata, na ego erabha etwisiiri." 9Yeesu akamubhurira, "Nitakiniri hamwe na nemwe kwiibhaga itaambi, nokyaari kunimenya enye, Filipo? Wowosi wuno anduuzi enye amuruzi Taata, ningabhwi okuhaya, twerekye Tata?10Mutakwikirirya kubha enye ndimwoosi wa Tata arimwosi waani? Amang'ana gano nikuhaya kunemwe ntakuahaya kwokwikorera ryaani omwene; nikuhitira kunewe, ni Tata akwikara mwoosi waani wuno akukora emirimo gyaaye. 11Munyikirirye enye, kubha ndimwoosi wa Taata, na Taata arimwoosi waani, ego nego munyikirirye enye kwookubha yemirimo gyaani giyo.12Ikirirya, ikirirya, ndabhabhurira, wuno akunikirirya, enye emirimo gino nkuhookya, aragihookya emirimo gino gyoosi na arahookya emirimo emikusu kwookubha ndaagye ku Taata. 13Kyikyosi murasabha kuhitira erina raani, ndakoora kwookubha Taata aranagya kukumibhwa gati gati yo omwana. 14Kweego murasabha ekiigiro kyokyoosi kuhitira erina ryaani, riryo ndakoora.15Haano muraanisega, mwazigwa erihatike zyaani. 16Nandamusabha Taata, woosi arabhaha omubhasakira owuundi kwookubha anagye kubha hamwe neemwe kumeera. 17Ekoro yoobhuheene. Ekyaaro kitakunagya kumugega ewe kwookubha mutakumurora, au kumumenya ewe kweego emwe, mumumenyiri ewe, kweego arikara hamwe na neemwe na arabha mwoosi weenyu.18Ntakubhatiga emwe abhene ndakyoora kunemwe. 19Kwe eribhaga erikuru, ekyaaro kitakundopra kweeki, nawe emwe murandoora. kwookubha ndikaara, nanemwe murikara bhoosi. 20Kuzisiku ziyo muramenya kubha enye ndimwoosi wa Taata, nookubha emwe murimwoosi waani, nookubha enye ndimwoosi weenyu.21Wowosi wuno akugwata erihatike zyaane nokuzikoora, niwe owumwe wuno anisegiri enye; na wuno anisegiri enye arasega na Taata aani, na ndamuseega na ndyerekenia enye omwene kunewe." 22Yuda (Atari Iskariote) akamubhurira Yeesu, "Taatabhugya, niki kino kirerekenie kuubha oriyerekenia omwene kunetwe na kutaari kukyoora?23Yeesu akamukyoora akamubhurira, "Arabhe wowosi anisegiri, ararigwaata ering'ana raani. Taata waani aramuseenga, naturaaza kuneewe nokukora obhwikari bhweetu hamwe na neemwe. 24Wowosi wuno atanisegiri enye, atakugwata amang'ana gaane. Ering'ana rino mukwigwa ritari eryaani nirya Taata wuno yantumiri.25Nigahayiri amang'ana gano kunemwe, eribhaga nikyaari ndikaara gatigati yeenyu. 26Hata ego, omusekeriri, Ekoro endaabhu, wuno Taata akamutuma kwe erina ryaye, arabheega amang'ana goosi na arabhakoora mugahite amang'ana goosi gano nahayiri kuneemwe. 27Obhuhoreru ndabhaha obhuhoreru bhwaani emwe. Ntakubhaha yino kyeego ekyaaro kikurusya, mutakora ezikoro zyeenyu kubha neezinyako no obhoobha.28Mukiigwa kyeego nikabhabhurira, "Ndaagya zyaane, na ndakyoora kunemwe. Arabha muganseegiri enye, mwarimubha no obhuzoomu kwookubha ndaagya ku Taata, kwookubha Taata ni mukuru kukira enye. 29Bhooano nimariri kubhabhurira ekyaari kurorekana kuubha, eribhaga erarorekane, mutuure okwikirirya. 30Ntakugamba naneemwe amang'ana maaru, kwookubha omukuru wekyaro kiino araaza. Ewe ataana nguru iguru waani. 31Nawe kwookubha ekyaaro kibhone okumenya kubha nimusegiri Taata, ndakora kino Taata akundagirirya enye, kyeego bhurya akuniha erihatike. Mwimuke, na tuure ahagiro hano.
1Enye niomuzabhibhu gwo obhuhene bhuno, na Taata niwe omurimi wa emizabhibhu. 2Orusangya runo rurikuneenye runo ritakwibhura itunduguru ndarurusyaho, no orusangya runo rukwibhura eritunduguru ndarurosya rwibhurwe bhukong'u.3Emwe mumariri kubha bhazomu kwookubha yeeng'ana yino namariri kubhabhurira. 4Mwikare mwoosi wane, na nenye nikare mwosi wenye. Kyego orusagya rutakunagya kwibhura orwene ruratane kubha kumuzabhibhu, na nemwe nigo, hano mratame kwikara mwosi wane.5Enye niomuzabhibhu; emwe niezisanya. Wuno arikong'ererye mwosi wane nanenye mwosi waye, omutu wuyo aribhura matunduguru maru, kwookubha aribha ntaareho mtakunagya kukora ng'ana yoyosi. 6Aribha mutu wowosi atakusaga mwosi wane, ararekerwa kyoorusagya nokwama; abhatu bharakumania ezisagyana kugarekera mumururo, na okuhwerera. 7Aribha mrikong'ererya mwosi wane, na aribha amang'ana gane garikong'ereye mwosi wenyu, msabhe ryoryosi rino mukwenda, nanemwe mrakorerwa.8Kurino Tata wane agungibhwe, kubha muribhura amatunduguru maaru kubha ni bheega bhane. 9Kyeego Taata yariansegiri enye, nanenye nibhasegiri emwe; mwikane mubhusegi bhwane.10Aribha mragwate amakumirityo gane, mrikara na kukong'era mubhusegi gi bhwane kyego enye ngwatiri amakumiriryo ga Taata wane nookwikara mubhusegi bhwaye. 11Nihayiri amang'ana gaano kwemwe niho obhuzomererwa bhwane bhubhe mwosi wenyu niho obhuzomererwa bhwenyu bhukorwe bhuno bhunagiri.12Gano nigo amaragiriryo gane, kubha msegene abhene kwa abhene kyego nari mbasegiri emwe. 13Atareho mutu wuno yari noobhusegi bhukuru kukira bhuno, kubha arusye obhuhoru bhwaye iguru wa abhasani bhaye.14Emwe ni bhasani bhane aribha raakora gano nikubharagirirya. 15Ntakubhabhirikira bhabhagati, kwookubha omubhagati atakumenya kino omukuru waye akukora. Nibhabhirikire emwe bhasani, kwookubha nibhabhuriri amang'ana gano niigwiri kurwa ku Taatabhugya.16Mutansomiri enye, nawe enye nibhasoriri emwe nookubhatura mugye mwibhure amatunduguru, ne eritunduguru ryenyu rikareho. Rino ririgo kubha kyokyosi kino mrasabhe ku Taatabhugya kwe erina ryane arabhaha. 17Amang'ana gano nibharagirirye, kubha musegane omutu no omurikyaye.18Aribha ekyaro kirabhabhirirwe, mumenye kubha kimbihirirwe enye eribhaga rino kikyari kubhabhihirirwa emwe. 19Aribha mungabheeri bhe ekyaro , ekyaro kyari kirabhasega kya bheekyaaro; Nawe kwookubha emwe mutari bhe ekyero na kwookubha nikabhasora kurwa mukyaaro, kwiiguru ya rino ekyaaro kirabhabhihirirwa.20Muhite eng'ana yino nibhabhurira,mubhagati atari mukuru kukira wise wabhu; Aribha bhakaninyakya enye, bharabhanyakya na nemwe; Aribha bhagwatiri eng'ana yane, bharibhagwata ne eyenyu. 21Bharabhakorera amang'ana gano goosi kwi iguru yeerina ryane kwokubha bhatamumenyiri wuno antumiri. 22Aribha ntingiziri no okubhabhurira bhatari kubha bhakoriri ebhibhi, nawe bhoono bhatana bhwitamiriryo kuubhibhi bhayabhu.23Wuno akubhihirirwa enye arabhihirirwa na Taata bhugya. 24Aribha nkyari kukora mirimo gati waabhu gino atareho hata wumwe wuno agikoriri, bhari bharabhe bhatana bhibhi, nawe bhono bhakoriri gosi abhiri bharuzi na bhambihirirwe enye na Taata wane. 25Rino rirateemya kwookubha ering'ana rihike rino rihabha rikaamirwe kumakaamo ge emigiro gyabhu; Bharambihirirwa enye bhusa.26Eribhaga omubharamishe yiziri, wuno ndatumanie kwemwe kureka ku Taata bhugya, wuno niwe, ekore ye eheene wuno ewe ararwera ku Taata, aranihayire obhuhene. 27Emwe mwoosi mranihayira obhuheene kwo okubha mwari hamwe na nenye kwemera kare.
1Nibhabhuriri amang'ana gano kubha mutighe kunyaharwa. 2Bharabhanisya igutu ya amasengerero; obhuheene aribhaga riraza wuno arabhite arisega kubha arakora emirimo mizomu kwiguru ya Tata bhugya.3Bharabhakoera amang'ana gano kwokubha bhatamenyiri Taata hamwe batanimenyiri enye. 4Nibhabhuriri amang'ana gano kwookubha muratura kubhahita nakyego naribha bhuriri mungage kwebho. Ntabhabhuriri iguru wa mang'ana ghano kwema ekare kwo okubha nari hamwe nemwe.5Inghabha, bhano ndagya ku wuno yanitmiri nawe atariwo ghati yenyu wuno aramburya. "Ndagya hai?" 6kwookubha nihayiri amang'ana ghano kunemwe ekiruguro kizwiri muzikoro zyenyu. 7Hata eego ndabhabhurira obhuhene; ni kuzomu kwemwe nirekeho kwookubha nitge kurekaho, omubharanisha atakuza kunemwe; nawe ndagye ndamureta kunemwe.8Araza wuno omubharanisya ararukanga ekyaaro kutubhana na obhubhi, kutubhana ne ehene na kutubhana na obhubhusinziro. 9Kutubhana na obhubhi kwo okubha bhatanikirirye enye. 10Kutubhana ne ehene ndagya ku Tata na mutakundora kweki. 11No okurubhana ne obhusinziro kwo okubha mukuru wamukyaaro wuno asinzirwe.12Ninago maaru go okubhabhurira, nawe mutakugamenya bhono. 13Nawe ewe ekoro ye ehene, araz arabhakangata ghati ye ehene yoosi. kwookubha atakughamba kwakuhitira ewe omwene, nawe gogosi gano arigwa aragahaya amang'ana ghayo; aragerekya kunemwe amang'ana ghano 14ghakuza.Ewe aranihukumya enye kwo okubha araghaghega amang'ana ghaye no okugherekya kunemwe.15Ebhigiro bhyoosi bhino anabhyo Tata ni bhane kwego mbughiri kubha ekoro eraghegha amang'ana ghane na kugherekenia kunemwe. 16Rikyari ibhaga ighuhi mutakundora kweki, na embere we eribhagha iguhi kweki muranirora.17Abhamwe bha abheghi bhaaye bhakabhurirana"Niki okutubhurira? Ibhagha iguhi mutakunirora kweki, na kumara ibhaga iguhi muranirora, na kwo okubha ndagya ku Tata? 18Kwegho bhakabhugha nikigiroki okuhaya nikyari ibhagha iguhi? Tutamenyiri niko okuhaya.19Yeesu akarora kubha bhaseghiri kumubhohya ewe akabhabhurira, muribhurya abhene iguru wa rino, kyeego nihayiri, rikyari ibhaga ighi mutakundora kweki, na kwa ibhagha ighi muranirora? 20Mwikirirye, mwikirirye, ndabhabhurira murarira na kwamara, kweki na ekyaaro kirazomererwa, murabha no kurughura nawe okurughura kwenyu kurabha na kuzomerwa. 21Omukari arabha nekiruguro, eribhagha rino akubha no obhuhoru, kwo okubha aribhagha ryokwiturania rihikiri. Nawe hano akwiturania omwana, atakuhita kweki obhururu, kwo okubha ya okuzomerwa kwaye kubha omwana yibhurwe mukyaro.22Emwe mwosi munekirughuro bhono, nawe ndabharora kweki, ne ezikoro zyenyu zirazomerwa, na atariho wo okurusya obhuzomerwa bhwenyu. 23Orusiku ruyo mutakunibhurya amibhuryo ikirirya, ikirirya, ndabhabhurira, musabhe ryoryosi ku Taata, arabhaha kurina ryane. 24Kuhika bhona mukyari kusabha ryoryosi kurin ryane, musabhe, emwe mwiratura kubha okuzomerwa kwnyu kunagike.25Nkeranie na nemwe kukigambo kino kitakumenyekana, nawe eribhagha riraza hano ntakughamba kwa kighambo kino kitamenywa, nawe kwongera yeye ndabhabhurira mwasi mwasi iguru wa Taata.26Orusiku runomukusabha kurina nyane niakubhabhurira kubha ndasabha ku Taata iguru wenyu. 27Kwokubha Taaata omwene abhasegiri kwo okubha munisegiri enye kwo kubha mwikirirye kubha ndakiri ku Taata. 28Nawekiri kutana na niziri mukyaro kweki ndareka mukyaro na ndagya ku Tata.29Abheghi nhaye akabhabhurira, akabhabhurira murarora bhono orakerania mwasi na kutakurora. mabhiso. 30Bhono turaza kubha mumenyiri amang'ana ghosi na mutakwenda omutu wowosi abhuye amabhuyo kwo okubha yino hirikirirya kubha orareka nu Taatabhugya. 31Yeesu akabhakyora, "Bhono mwikirirye?"32Rora eribhaga riraza nigho no obhuhene bhuhikiri. Niho muranyaghane kwo wumwe na we wabhu muranitighe omwane. Nawe nitari omwene kwo okubha Taata ari kunenye. 33Ndabhabhurira amang'ana ghano kubha mwosi wane mubhe nobhuhoreru.
1Yeesu akagahaya amang'ana gano kumara akinura ezimoni zyaye kwerekera mwisaro na akabhuga Taatabhugya esa ekwiri; kukumia omwana niho omwana waye akakumye awe. 2Kyegho bhurya akamuhana obhuturo iguru hosi go omubhiri, niho abhande obhuhoru mwe ekimera bhano bhosi bhano bhano omuhrei.3Bhuno nibwe obhuhoru bwe ekimera, kubha bhakumenyeeryobha rya hene ewe akamhamrania Yeesu Kristo. 4Ngakukunia hano mkiaro, kumarya emirimo gino oniheri nkore. 5Bhono Taatabhugya, okumye enye na nawe omwene. Obhweri bhuno nari nabhe hamwe na nawe kumenya gwe kiaro ekikuru.6Mkarikundukura erina ryazo kubha bhano oniheri mukiaro bhabha bhatu bhaye; nawe okanihana enye, nabho bhagwatiri eng'ana yazo. 7Bhono bhamenyiri kubha ekigiro kyo kyosi kino onakyo enye ndarwa kunawe. 8Kumang'ana gara gano ukaniha enye nimariri kubhabhona bhobha amang'ana gabhu, bhano bhagega ehene bhaka kwokubha enye ndwiri kunawe na bhakikirirya ku newe niwe akatumania.9Ndabhasabhira bhayo ntakusabhira ekyaro nawe bhuno oniheri kwo kubha abhaye bhaye. 10Ebhagiro bhosi bhino ebhane ne ebhazo, na bhirya tunabho enye na nemwe ezinguru enye ndakumibhwa gatigati wa riyo. 11Enye tarimu kweki ekiaro, nawe ebho bharimu mukyaro na nosi bhono ndaza kunawe Taatabhugya omumweru, bharibhe kurina ryazo rino oniheri etwe twosi nabho bhabebha bhe no obhumwe kyego enye na nawe tu noobhumwe.12Hno nihabha nabho, abharibha kurina rino wonderi nkabharibha atareho hata umwe wobhu wuno abhuriri nawe omwano wono yari abhuriri niho amakamo gahike. 13Bhono ndaza owazo. Nawe ndabhuga ego ekiaro kwo kubha obhusomererya bhane obhumarirye mosi wabhu omwene. 14Nkabhona amang'ana gane; ekiaro kibhagegiri kwo kubha ebho bhari ekiarokyego enye ntari na ekiaro.15Ndakubhasabhira kubha bharushe ekiaro ebho bhagye na omusarya. 16Eeebho bhatari ekiaro kiego enye ntari mukiaro. 17Obhaturi okubhindikika kwabhuabhane gatigati ye hene; eng'ana yazo niyo obhuhene.18Okatumania mukiaro, nanenye nkubha atubhania mukiaro. 19kunebho enye omwne nirusha ku nawe kwo okubha na nebho bhinokunewe ku urya ehene.20Bhatari abhene bhano bharikusabhira na bharya bharikirirya kuhitira ering'ana ryabhu. 21Kwo kubha bhosi awe no obhumwe kyego awe Taatabhugya akimosi muwane na nenye mosi muwane ndabhasabhira kwo kubha ebho bhosi oranagya kubha mosi wetu ekiaro anagye kwikirirya kubha awe nawe akutumania.22Obhweru bhuno guno oniheri enyembaheri ebho kwo kubha bhanagye obhumwe kyego etwe tuno obhumwe. 23Enya ndimosi wabhu, nanawe ori mosi wane, niho bhanagye kumarirya gatigati wo obhumwe, mwe kiaro kimenye kubha ehene awe nawe wuno okatumania no okabhasega kyabhurya awe, okasega enye.24Taatabhugya kino oniheri enye, ndaroherya kubha ebho bhosi bharanagya kubha hamwe na nenye hano nirininagye okurora obheru bhane bhuno oniheri; kwo okubha okasega enye kuribhaga ryo kubhubwa kwo obwemero ekiaro.25Taatabhugya omwene ehene, ekiaro kitanimenyiri enye nawe enye nkumenyiri awe no omenyiri kubha okantumania. 26Nkakora erina eriazo rimenyekane kunawe ndarikora rimenyekane kwo kubha obhusegi ino kunawe okaega enye inagye kubha mosi yabhu, na nenye ninagye kubha mosi wabhu.
1Yeesu hano yamariri kuhaya amang'ana gayo, akagya na abhana bhe shure mwiruma rya Kidroni, eno ebhustani yaari, ewe na abhana bhaaye bhee shure bhakasikira mwoosi muyo. 2Bhoono ewe Yuda wuno akeenda kumwinogya, ewe akahamenya ahagiro hayo, kwo kubha Yeesu ahagya ahagiro hayo kiira ibhaga na abhana bhaye bhe eshure. 3Yuda hano akabha abhweni erikundi rya abhasirikare na abhimereeri kureka kuu abhakuru bha abhamweesi, bhakaza ne ezitaara, ezitochi, ne ebhirwaniro.4Ewe Yeesu akabha amenyiri kira kino kikwenda kukoreka kwewe. Akagya embere akabhabhuurya "Ni wewi wuno kumumohya" 5Bhakamubhurira, "Yeesu Mnazareth, Yeesu akabhabhurira," Enye ninye Yuda akaninogora akabha imereri na abhasirikare.6Hano akaburira, "Enye ninye, bhaka kyoora inyuma bhakagwa haasi. 7Akamara akabhabhurya kweki, ni wewi mukamuhoya? Bhakamujibu, "Yeesu Mnazareth."8Yeesu akabhajibu, "Ni mariri kubhabhurira kubha enye ninye, kwo kubha murankomya enye, mubhatige bhano bhagende. 9Gayo gaha bhegao iri ering'ana rihike, "Harya akabhuga" Kuubhano oniheri atamurekeri hat wumwe.10Niho Simoni Petro, uno ahabha ne erisabha, akamkata okutwi kwo obhuuryo omuhokya wa omusengeri omukuru. Ne erina ryo muhokya wuyo ahabha Marko. 11Yeesu akamubhurura, "Kyoorya omuhyo gwazo mukyobho kyaye. Kweki ntige kunyweera ekikombe kino akaniha Taat?"12Ekikosi kya abhasirikare no omukuru, na abhahokya bha abhyahudi, bhakamugwata Yeesu bhakamubhoha. 13Bhakamukangatya mpaka kuu Anasi, maana ewe ahabha mkwerima wa Kayafa, na niwe ahabha omusengeri kuumwaka guuyo. 14Kayafa, niwe ahabha abhaheri obhushauri abhayahudi kubha yerenderwa omutu owumwe akwe badara ya abhatu.15Simoni Petro akamuzobha Yeesu, na bhuyo bhuyo omwana we eshure oundi. No omwana we shure wuyo yamenyekeni kuu omusengeri omukuru, akaskira hamwe na Yeesu mwibhewa rya omusengeri omukuru. 16Petro akabha yimereeri igutu we ekiseku. Omwana we shure wuno yaari amenyekeni kuu omusengeri omukuru, akahuruka habhoori akagya kukerenya no omukari omuhokya wuno yakwangarara ekiseku no okumusikirirya Petro munyumba.17Ekibharua wuno yakuribha ekiseku, akamubhurira Petro, "Awe otari wumwe wa abhasakiirya bho omutu ino?" Ewe akabhuga ntari enye. 18Na abhahokya bha abhakuru bhahimerera ahagiro harya, bhahembiri omuriro kwo kubha, ehabhoho embero, nego bhahota omuriro kubhona ebhyoya, na Petro ahabha nabho aroota omuriro imereeri.19Omusengeri omukri akamubhurya Yeesu iguru wa abhana bhe shure na ameegyo gaaye. 20Yeesu akamukyoora, "Mburiri ekyaaro mwasi mwasi. Enye ekerekerekya ibhaga ryoosi muzinyumna na mmasengero ahabiiro hano abhayahudi bhakusikana. Na ntahairi ryoryosi. 21Kweki mukamubhuurya? Mubhurye bhano bhanitegereri kuukino nihairi. Abatu bhano bhamenyiri amang'ana gano nihaiiri.22Yeesu hano akanara kuhaya gayo, oumwe wa abhakuru uno yaari imereri akagya akamutema Yeesu kwa kubhoko kwaye na akabhuuga, "Ego nigo okwenda omujibu omusengeri omukuuru?" 23Yeesu akamujibhu, "Aribha nihairi ng'ana yoyosi mbihu abhe mutwanikaniya kuu mabhihu na kama njibhiri buzomu kwaki ntemwe?" 24Nho Anasi akamuhiira Yeesu kuu Kayafa omusengeri omukuru eno abhohiirwe.25Simoni Petro ahabha yimereri arihana bhyoya. Abhatu bharya bhakamubhurira, "Awe otaari umwe waho wa abhanafunzi bhaaye?" Akahaya akabhuga nitariinye. 26Oumwe wa abhahokya bho omusengeri omukuuru, wuno yari omuhiri wo omusubhe uno Petro akakataa okutwi akabhuuga, " Tyaawe niaaruuzi na newe mubhusitani? 27Petro akanga kweki, neribhaga rino etewa akagaamba.28Kweki bhakamugeega Yeesu kureka ku Kayafa, kuugya Praitorio. Ehabha etabhoori nzuuri, ebho abheene bhatasikiiri Praitorio bhataza kusarya na okury epasaka. 29Kweego Pirato akagya akabhabhurira, "Niikesiki ino ekumuhusu omutwoono? 30Bhakamujibu na kumubhurira, "Kama omutu wuno atari mukoori wa mabhihi tutakumureeta.31Pirato akamubhurira, "Mumugeege emwe abheene, mumuhukumire kuring'aana na emigiiro gyeenyu, "Abhayahudi bhakamubhurira, migiiro gyeetu gitakwenda kwiita mutu wowosi. 32Bhakagamba gaayo ering'ana rya Yeesu rihike, ering'ana riino yamariri kuhaya iguru wo orwuku rwaaye.33Pirato akasikira kweki Proitorio ahamubhirikira Yeesu amubhurira, "Awe ni omutemi wa bhayahudi?" 34Yeesu akamujibu, awe orabhuurya eriswari kwo kuubha orenda kumenya, na ko kubha abhandi bhakutumiiri obhuurye enye?" 35Pirato akabhabhurira enye ntari muyahudi au etaari eego? Ekyaaro kyaazo na omusengeri omukuru mbo, shakuretiiri kunenye: Awe okoririki.36Yeesu akamubhurira obhutemi bhaane bhutari bhwa kyaaro kiino, kama obhutemi bhwane bhugabheeri ni ibhaaga muukyaro kino abhabhgati bhane bharibharandanira ntahiirwa kuu bhayahudi, obhutemi bhwani bhutakureka hano. 37Pirato akamubhurira, "Awe niomutemi? Yeesu akabhuga," awe nawe okuhaya kubheenye ni mutemi, kwo kubha enye nkibhuurwa nize mukyaaro nibhe mwimereri we heene. Uno woosi ana obhuhene aritengereera eriraaka ryaane.38Pirato akamubhurira, ehene niki? Hana akamara kuhaya gaayo akagya kubhayahudi kubhabhurira "Ntakurora ryoryosi kumutu wuno. 39Emwe munago amang'ama gano gankukora nimuhatire omubhohwa oumwe eribhaga rya epasaka. Murenda nimuhatire omutemi wa bhayahudi. 40Bhakatema ekitiiri bhakabhuga, ataari uno muhatiire Baraba. Na wuyo Baraba yaari mutesya.
1Nawe omusinzi akamugega Yeesu nookumutema. 2Bharya bhasirikare bhakagosa amahwa noo kukora omusanga bhakagutura iguru woo mutwe gwaa Yeesu nookumwibhoha eribhoho rya rangi yaa zambarau. 3Bhakamugwaku no kubhuga, awe omutemi wa bhayahudi? nookumara nookumutema naa amabhoko gabhu.4Okumara omusinzi wee kina akahuruka igutu nookubhabhurira abhatu, "Murore nirabharetera omutu wuno kunemwe mumenye kubha enye nitaruzi bhusarya bhuyo bhoosi mwosi waye. 5Kwagayo Yeesu akahuruka habhori, yabhonga yibhohiri omusanga gwaa amahwa nee eribhoho ryo zambarau. Nniho omusinzi wee kina akabhurira, "Murore omutu wuyo hano" 6Kweego eribhaga omumwesi, omukuru naa abhakuru hano bhamuruzi Yeesu bhakatema ekituri bharabhuga, "Mumunyakye mumunyakye," omusinzi akabhabhurira, "Mumugege emwe abhene mumunyakye kwakubha enye nitakurora obusarya mwosi waye"7Abhayahudi bhakamukyora omusinzi "Etwe tunaryo erihatike, naa kwee rihatike riyo arenderwa akwe kwa kubha ewe akikorya noo mwana wee Eryoobha. 8Omusinzi hano akigwa amang'ana gayo akagendererya kwobhoha. 9Akasikia Praitorio kweki nookubhurira Yeesu, "Awe orarwa hai?" kweeki igo, Yeesu atamukyoriri.10Okumara omusinzi wee kina akamubhurira "Awe otakugamba na niinye? awee atamenyiri kubha ninobhunagya bhokukutazura noo obhunagya bhwo kukunyakya?" 11Yeesu akamukyoora, "Wang'abheri otana amanaga kuunenye aribha wang'atamiri kuhabwa kureka iguru kweego, kuhabhwa wuno anirusirye kuunawe anobusarya bhukuru."12kurwera mwikyooro omusi nzi we kina akenda kumutiga mwasi nawe abhayahudi bhakatema ekituri, bhakabhuga, "Aribha oramuhatira mwasi bhoono awe otari muusani wa Kaisari kuuno woosi akwikora mutemi arakerania kihuteti kyaa Kaisari. 13Omusinzi hano akigwa amang'ana gayo, akamuhurukya Yeesu okumara akikara kukitumbi kyye erisinziro ahagiro hano hamenyekeni kyee sakafu, nawe kwee kiebrania, Gabatha.14Orusuku rwo obhutemio bhwae kimweso hano yahikiri eribhaga ryee esa ya kasasabha. Pirato akabhaburira abhayahudi, " Murore omutemi wenyu nguno hano". 15Bhakatema ekituri, "Mumurusheho, mumurusheho, "Pirato akabhabhurira awe nimunyakyee omutemi wenyu" naa newe omumesi omukuru akabhakyoora "Etwe tutana mutemi hamwe Kaisari." 16Niho Pirato akamurusha Yeesu owabhu agye anyakibhwe.17Niho bhakamugega Yeesu, woosi akahuruka, neno agegiri omusarabha gwaye omwene tee ahagiro hano bhakubhirikirwa ekihanga kyoo omutwe kwee kihebrania harabhirikirwa Gorigotha. 18Niho bhakamunyakya Yeesu, hamwe nebho abhasubhe abhabhiri owumwe orubhara runo noo wundi orubhara runo nao Yeesu gatigati wabhu.19Okumara Pirato akakma orukamo noo kurutura iguru woo musarabha. Haya hakakamwa: YEESU MUNAZARETH OMUTEMI, WABHAYAHUDI. 20Abhandi abhayahudi bhagega orukamo ruyo kuuhagiro harya hano yanyakiribhwe Yeesu habhanga haguhi noomugye. Orukamo ruyo rukakamwa kuu Kiebrania kwee Kirumi naa kwee Kiyunani.21Okumara abhakuru bha omumweesi bhaa bhayahudi bhakamubhurira Pirato, "Otakama, "Omutemi wa bhayahudi nawe ewe akabhuga enye niomutemi waa bhayahudi. 22Niewe Pirato, akabhakyora "Gano nikamiri nigakamiri."23Hano omusirikare yamunyakirye Yeesu, bhakagega amabhoho gaye okugatwanikania kuzisondo inye, kira omusirikare sondo yimwe bhuyo bhuyo nee etuguu bhono yirya etuguu etabhanga etumirwe nawe yabhanga okutuma yoosigo kurwera iguru. 24Okumara bhakabhurirana abheene kwaa abheene, "Tutayibharira, bhono tuteme tusore turore arabhaya wewi. "Rino rikarorekana erikamo riibhe rino rikubhuga bhakasondya ezingibho zyaaye neeribhoho ryaye bhakaritemera obhusori."25Abhasirikare bhakakora amang'ana gano nina wabhu Yeesu musubhati waa nina waabhu, Mariamu mukari wa Kleopa na Mariamu Magdarena abhakari bhano bhabhanga bhimereri hagui noo musarabha gwaa Yeesu. 26Yeesu hano yamuruzi nyoko wabhu hamwe naa wurya omwna omwegibhwa wurya yari asegiri bhimereri hagui, akamubhurira nyako wabhu, "Omukarino rora, rora omwana wazo nguno hano" 27Okumara akamubhurira omwana mweigibhwa wurya, "Rora, wuno hano nyoko wenyu. "Kweemera eribhaga riyo wurya omwana omwegibha akamugega kugenda yika wabhu.28Hano riyo ryabhwiri neno Yeesu amenyiri kubha gosi gabhwiri kumariribhwa anagye kuhikya amakamo, akabhuga "Nirarora enyako." 29Ekigiro kino kyari kiizuri amarwa kyabhanga kuturirwe harya, kweego bhakatura enyungu yino yizwiri amarwa iguru orurugi bhwa Hisopo bhakamuturira mumunwa gwaye. 30Wosi Yeesu hano akaikonora yiyo akabhuga, "Ebhwiri" Okumara akahnya akaturukirirwa omutwe gwaye akayihana ekoro yaye.31Kweego ryabhanga nii eribhaga ryaa obhutemi kwoookubha emibhiri gitahenderwa, kusaga iguru wo musarabha kwibhaga ryoo rusiku rwo obhusengeri (kwo kubha orusiku rwoo rwoobhusengeri rwabhanga nii rwoobhuheene) Abhayahudi bhakamusabha Pirato kubha amaguru gabhu bharya bhahanga bhanyakiribhwe gabhunue nookubha emibhiri gyabhu gitamibhwe. 32Niho abhasirikare bhakaza nokubhuna amaguru gaa abhatu bhano bhakangatiri naa bhakabhiri wuno yabhanga anyakibhwe hamwe na Yeesu. 33Hano bhamubhikiri Yeesu bhakamunyura amariri heene kukwa, kwego bhakabhuna amaguru gayo.34Hatego, owumwe waa bhasirikare akamusoma Yeesu murubharu nee eritimu, noo kumara gakarwa amanzi na manyinga. 35Na woosi wuno aruzi rino arushirye amakerenio, naa amakerenio gaye ni gamaheene ewe emanyiri kubha kino ahayiri nii kyaheene naa neemwe mwoosi mukirirye.36Amang'na gano gabhanga ering'ana rirya rikerenibhwe rinagye kubha "Atoroho nabhe waye wumwe bhutakuza kutigwa." 37Kweeki erikamo erindi rirabhuga bharamurora ewe yokibhwe.38Inyuma wa aamakerenio ganu Yusufu wa Arimathaya, kwaakubha yangabha omwana omwegibhwa waa Yeesu nawe kwee kizina kwoo okubhobhha abhayahudi, bhakamasuba Pirato, kubha agugege omubhiri gwaa Yeesu newe Pirato akamikirirya. kwego Yusfu akaza okurushaho omubhiri gwaa Yeesu. 39Newe Nikodemo wuno hayo yakangatiri kumugira Yeesu obhutiku woosi akaza. Ewe akareta obhuzongenia bhwa ezimbirya noo ekurusu yabhanga noo bhurito ekirengo igana rimwe.40Kweego bhakagega omubhiri gwaa Yeesu bhakagubhona muu embikiro yee kitani naa hamwe ya garya obhuhuzu bhuzomu kweego yabhanga etemwe ya abhayahudi kwi bhaga ryoo kubhika. 41Ahagiro hano Yeesu akanyakibhwa habhangaho bustani na yirya bustani yabhangaho embihira hehya yino atabhangaho muutu. yakangatiri kubhikwa muyo. 42Kweego kwa kubha rwabhanga orusuku amatemio. kuu bhayahudi nae kweego embihira yirya yabhanga haguhi , kweego bhakamuhindira Yeesu mwosi waye.
1Bwana orusiku rwo butangi rwe obhuturo, kwakukyari kirima, Mariamu Mgdarena akaza bwanguigo, akariro ra erigina rirya rirusibhwe kumbihira. 2Kwe ego akaria endyari kugenda ku Simoni Petro na kumwana omwegibhwa owundi wuno Yeesu yariasegiri, kumara akamubhurira, "Bamugegi Taatabhugya mumbihira, naneetwe tukamenyiri eno bhamuhindirye.3Okumara Petro na wurya omwana omwegibhwa owundi bhakarwaho, kurekera kumbihira. 4Boosigo bhakaryara hamwe hayo, omwana omwegibhwa owundiwurya akaryara bhukong'u kukira Petro nokuhika kumbihira we embere. 5Akimerera okumara akasungurira mumbihira akarora embikiro ye kitari ehindiri, nawe atasikiri.6Okumara Simoni Petro woosi akahika akasikira mumbihira mwoosi akayirora embikiro yirya yekitani ehindiri harya. 7Ne ekitambara kirya kyabhanga kumuutwe gwaye kitaabhanga kihindiri hamwe ne ezimbikiro zye ekitani yaabhanga ehindi embarika eyenego.8Niho omwana omwegibwa owundi wurya woosi hano yasikiri mumbihira mwoosi; akarora no okwikirirya. 9Kwo okubha tee eribhaga riyo bhabhaga bhakyari kugemenya amakamo kubha ekendema Yeesu aryooke kurwa kubhaku. 10Okumara abhana abhaga bhakagya kweki yiika wabhu.11Nakwego Mariamau, yabhanga yimereri kumbihira arariga hano yabhanga okugendererya okurira akimerera okumara akasomia mumbihira. 12Akarora abhatumwa bhaye bhaibhiri bheene bhusho bhurabha bhikeri owumwe kumture no owundi kumaguru ahagiro hano Yeesu yabhanga ahindiri. 13Nanebho bhakamurira, "Omukaryono, kwaki orarira?" naneweakabhabhurira, "Ni kwakubha bhamugegiri, Taatabhugya wane, nenye nitamenyiri enobhatesi."14Hano yamariri kuhaya gayo, akikyasia no okumurora Yeesu yimereri. Nawe atamenyiri aribha wuyo yabhanga ni Yeesu. 15Nawe Yeesu akamubhurira,"Mayi kwaki orarira? Oramumohya wewi? Woosi eno akwiseega nio omutungi we ebhusitani akamubhurira, "Taatabhugya, aribha ni awe omugegiri, nibhurira enoomuteri nanenye niramugega.16Yeesu akamubhurira, "Mariamu" Nenemwe akisyorokya omwene no okumubhurira kwe ekigambo kye Kiaramu "Raboni" kubha akabhuga "Omwegya." 17Yeesu akamubhurira, "Utanikuniaku, ndii nikyari kutira kugya ku Taata; Nawe ogende kubhahiri bhaane ubhabhurire kubha niratira kugya ku Taata waane wuno woosi ni Taata wane, Eryobha ryane Eryobha. 18Mariamu Magdarena akaza kubhabhurira abhana abhegibhwa "nimuruzi Taatabhugya noo kubha amubhariri amang'ana gayo.19Hano yabheri engerobha orusikururya, orusiku rwoo bhutangi obhuturo nee bhiseku bhwari bhigerweeho, ehagiro hano abhana abhegibhwa bhari noo kubhobhohera abhayahudi, Yeesu kaaza noo kwimerere gatigati yabhu noo kubhabhurira, "Obhuhoru bhubhe kunemwe." 20Hayo yamariri kuhaya gayo akabherekya amabhoko gaye, noo ruubharu rwaye. Neebho abhana abhegibhwa hano bhamuruzi Taatabhugya bhakazomererwa.21Okumara Yeesu akabhabhurira, "Obhuhoru bhubhe kunemwe. Kyego bhurya Taata yantumiri, bhuyobhuyo noosi ndabhatuma emwe. 22Yeesu hano yamariri okuhaya gayo akabhahembera akabhabhurira, mugwatirire okoro enzeru. 23Wuyo woosi wuno mwabhiri amabhihu bhabhwirwe, nabharya bhano mungarire bharigarwa.24Thomaso owumwe waa bharya ikumi na bhabhiri, wuno yabhirikirwe Dismas, atabhanga naabhana abhegibhwa abharikyaye Yeesu hano akazaa. 25Bharya abhana abhegibhwa abhandi bhakamubhurira eribhaga erindi, "tumuruzi Yaatabhugya" Nawe akabhabhurira, aribha ritakurora amakoru gee misumari kuu mabhoko gaye nookutura ebhyara bhyane kuzikoru zyiyo, noo kuutura okushoko kwane kurabharu rwaye nitakwikirirya"26Hano zabhuri ezisiku inyanye abhana abhegibhwa bhabhanga mkinyumba kweki, hewe Thomaso yabhanga hamwe nabho eribhaga riyo emiryango gyari gigorwe Yeesu akimerera gatigati wabhu, naakabhuga, "Obhuhoru bhubhe na neemwe." 27Okumara akamubhurira Thomaso rete ekyara kyazo naa orore amabhoko gane, reta hano amabhoko gazo kubha kurubharu rwane, waraotaza kubha wurya wuno atakwaamini obhe wuno akwikiririrya."28Nawe Thomaso akamukyoora no okumubhurira "Taatabhugya wane ne Eryoobha ryane" 29Yeesu akamubhurira, kwokubha oniruzi wikirirye bhimererwe bharya bhikirirye nawe bhataruzi."30Okumara Yeesu akakora menyekeryo nzaru embere wabhana abhegibhwa zino eribhaga zitakamirwe mu ekitabhu kino. 31Kyego zino zikamirwe kwookubha munagye kwikirirya kubha Yeesu niwe Kristo omwana we Eryoobha nookubha hano mukwikirirya mubhe noo bhuhoru kwee rina ryaye.
1Kweego kumang'ana gayo Yeesu akiyerkania kweki kuubhegi kunyanza ye Tiberia, ego niigo akiyerekania omwene. 2Simioni Petro, akabha hamwe na Thomaso wuno akubhirikirwa Dismas, Nathanael wa Griraya, abhana bha Zebedayo, abhegi abhandi bhabhiri bha Yeesu. 3Simioni Petro akabhabhurira "Enye ndaagya okurobhya ezisuswe" bhoosi bhakamubhurira, etwe twoosi turagya na neewe." bhakagya bhahasikira mubhwato, nawe obhutiku bhuyo bhwosi bhatabhweni kigiro.4Ne ethabhori haano kwakiri Yeesu akimerera embharika weenyanza na abhegi bhaye bhatamenyiri kubha ni Yeesu. 5Neego Yeesu akabhabhurira. Abhamura, muneekigiro kiyo kyosi kyookurya" bhosi bhakamubhurira, "Zeyi." 6"Akabhabhurira," muitumie orwero orubharika rwo okuuryo rwo obhwato, nanemwe murabhono suku, kweego bhakitumia orwero, neego bhatanagirye okuruta kweki, kwookubha wo obwaaru bhwe ezisuzwe.7Bhono wurya omwegi wuuno Yeesu amiseguri akamubhurira Petro, ni Taata, wosi Simioni Petro haano akigwa ni Taata, akibhoha engibho yaye (kwo okubha atahabha yibhohiri bhwahene), okumara akirekera munyanza. 8Bharya abhegi abhandi bhakabha mubhwato kwookubha bhatahbha kuuwa embarika, we enyanza, matarambuka igana embarika we enyanza bhoosi bhaharutha oruero ruizuisi eziswe. 9Haano bhakahika embarika, bhakarora amakara goomuriro iguru waye ziihabhau eziiswe no omukate.10Yeesu akabhabhurira murete eziiswe ziino mwurobhirie bhonego." 11Bhoono Simoni Petro akatira no okutora oruero ruuno ruizuri eziswe ezikuru, zihabha swe 153, ingabha zihabha nzaaru, orueso rutarandukiri.12Yeesu akabhabhurira "Muuze mubhone ekimweso" atariho mwegi wuno akeenda kumubhurira. Awe ni wewi?" Bhakamenya ahabha Taata. 13Yeesu akaaza, akagega omukate gwaye akamara akabhaha, akaorego neeziiswe ziyo. 14Yiiyo ehabha rugendo rwa katatu okunyerekenia kuubhegi bhaye, kwo okubha no okuryoka.15Hano bhamariri kubhona ekimweso, Yeesu akamubhurira Simoni Petro, "Simoni omwana wa Yohana, heeneonisegirikukira bhayo?" Petr akamukyora, "Heene Taat, "Awe omenyiri nkusegiri, "Yeesu akamubhurira, orishe ezing'ondu zyaane. 16Akamubhurira rwakabhiri "Simoni omwana wa Yohana, Heene, onisegiri?" Petro akamubhurira, "Heene, Taata; awe omenyiri nkusegiri, "Yeesu akamubhurira, "noorishe ezingondu zyaane."17Akamubhurira kweeki rwakatatu, Simioni omwana wa Yohana, "Heene onisegiri?" kweego Petro akanyoohera kwookubha amubhuriri rwakatatu, "Heene onisegiri?" woosi akamubhurira, "Taata omenyiri goosi, omenyiri kubha nikusegiri" Yeesu akamubhurira, orishe ezing'ondu zyaane. 18Ikiriirya, ikiriirya, ndakubhurira haano ahabha okyaari mumura ohabha osegiri kwibhoha ezingebho awe omwene, no okugya hano hoosi okwenda, nawe haano arabhe mukaruka, orinuura amabhoko gaazo, no owundi arakwibhoha zingibho no okukuhira hano atakwenda kuugya.19Yeesu akahaya gaano okweerekya mruuku ruhe ruuno Petro yiingamukumirye Taata, haano yiingahiri gaano, akamubhurira Petro, ntumirira."20Petro akikyoora no okumurora omwegi wuno Yeesu asegiri, akabhatumirirya wuno niwe ahabha yiyegekiri mukikubha kya Yeesu eribhaga rye ebhiakurya bhye engorobha no okumubhuurya, Taata ni wewi wuuno atakukwenda? 21Petro akamurora Yeesu akamubhurya "Taataomutuone arakorabwi?"22Yeesu akamukyoora, "Aribha ndeenda asge kyeego haano ndakyore, riiyo rirakuutuniaki? nitunirye." 23kweego eng'ana yiino ekanyaragana mubhahiri kubha omwegi wuyo atakukwa, nawe Yeesu atamubhuriri kubha omwegi wuyo atakukwa. Aribha ndeenda ewe asage na ruuno nkuuza garakutuniakya?24Wuno niwe omwegi wuuno akurusya ebhirengyo bhya amang'ana gano, niwe yakamiiri amang'ana gano tumenyiri ebhirengyo bhyaye ni bhya heene. 25Gariho amang'ana agandi maaru gano Yeesu yakoriri, haano arimwe riingakamirwe, ndamenya ekyaaro ekyeene kiitari kuisa okutuura amang'ana ga amakamo.
1Ekitabho kyekete kino nakaamiri Theofilo, nkahaya goosi gino Yeesu Yeesu aratemya no okwegya, 2tee hano yagegirwe iguru. Yino yaari hano yamara okuusha emirigo kuhitira Ekoro enyoohu kwo abhabhagati bhano yasoriri. 3Yama okunyakibhwa, ewe akarorekana kubha neebho arimuhoru no obhwiyereka ni bhukarorakana. Kuzisiku mirongo ene kubha neebho no okugambera obhuteme bhwe Eryoobha.4Hano aratemeraro nabho akabharagirirya bhatareko Yerusaremu, nawe bhagaryera kwookubha yo obhugye bho Taatabhugya mwigwiriri kureka kunenye. 5Kubha Yohana akasubha kwa amanzi nawe bhoono murasubha kwa Ekoro ehoreeru kuzisiko ze haguhi.6Na hano bhari bhakumenie hagiro hamwi bhakamubhurya, Taaatbhugya eribhaga rino neego okutukyorera obhuutemi Abhaiszraeri? 7Ewe akabhurira, kisi emwe kumenya eribhaga rino Taata yendiri kobhutemi bhwaaye omwene. 8Nawe mrabhona amanaga, hano Ekoro ehoreru ikuza iguru wenyu, na neemwe mrabha abhagambiri bhaane kwemera Yerusaremu, Bhuyahudi, ne Samaria. tee.9Taatabhuugya Yeesu yamara okugahaya gano, mbaari bhararorerera iguru, naneemwe akagegwa iguru, ne erisaaro rikemukundikirya bhatamurora kwo meeso gaabhu. 10Hano bhaari bharamaherira iguru kwisaaro kwo obhwangareri na neemwe aragya, bhutokerwa abhatu bhabhiri bhakimerera igati wabhu bhibhoohiri amibho amarabhu. 11Bhakahaya, emwe abhatu bha Gariraya, kwaki mwimeriri hano muramaharira iguru we risari? Yeesu wuno atiriri iguru we risaro arakyoora kwe egoego kyeego mumuruzi aragya kwisaaro.12Neho bhakakyoora Yerusaremu kureka kukiguru kye mizeituni, kini kiri haguhi ne Yerusaremu, kwo orugeendo rwe esabhato. 13Hano bhakatira kwigorofa hano bhaari okwikara, Petro ne Yohana, Yakobo, Andrea, Filipo, Tomaso, Bathoromayo, Mathayo, Yakobo wo Alfayo, Simoni wo Zerote, ne Yuda wo Yakobo. 14Bhoosi bhakagwatana kyo omutu wumwi, kwumukya bhakagendererya na amasabhi. Bhaari hagiro hamwi na abhakari, Mriamu nina waye Yeesu, na bhaumwabho bhekimura.15Kwazisiku zirya Petro akimirira igati ya abhahiri bhaye mbhaari abhatu 120, akahaya, 16Bhahiri bhane, yaari kubha amakaamo gahikirwe, gano Ekoro ehoreru yahayiri kuminwa gya Daudi ku,ubha ye Yuda, wuno yabhabhuriri bhano bhamugwatiri Yeesu.17Kukubha yaari omurikyeetu akabhona erituumo ryaye nobhweera kubhuhokya bhwaaye. 18Bhoono omutoono akagura omugundu kukirya yagegiri kwumabhihu gaaye na hano akagwa akangatiri omutwi, akabhaaruka endana amara gaaye gakiteka haasi. 19Bhoosi bhano bhakwikara Yerusaremu bhakiigwa kugano. Niigo omugundu bhakiritoga kwungambo yaabhu "Akeldama" guno nigo "mugundu gwa amanyinga".)20Kwe ekitabhu ke Zaburi gakamirwe, kubha tiga ahagiro haye habhe riitongo na atabheho wuno akwikaraho hayo, na abhonekane owundi wuno akugega ekitambi kyaye kyo obhukangati.21Kiyo nkisinyiriri, kweego wumwi we abhasubhe bhano bhaari hagiro hamwi na Taatabhugya Yeesu wuno yaari arahuruka no okusikira igati yaabhu. 22Kweemra kwo okusubhibhwa na Yohana tee hano yagegirwe iguru kwisaro, tee abhe omugambiri wo okuryokibhwa kohagiro hamwi ne neetwe. 23Bhakatuura bhatu bhasubhe bhabhiri, Yusufu na wuno akabhirikirwa Barnaba, kweki bhahamutoga Yusto na Mathia.24Bhakasabha bharahaya, nanewe Taatabhugya, niomenyiri omukye gwa abhatu bhoosi, turakusabha otuure habhoori wumwi igati wa abhanu bhabhiri wuno omusoriri. 25Kugega omweeya wo obhubhagati, hano Yuda Iskariote yakoriri amabhihu nokugya ahagiro haaye. 26Bakitema ikuura kukubha yabho, ne ikuura ikamugweera Mathia wuno ya sorirwi hagiro hamwi na abhabhgati ikumi na aibhiri.
1Hano rwahikiri orusiku rwa Pentekoste, bhosi bhahabha hamwe hagiro hamwe. 2Kwoo kutukiriraniia guakaza omurundumo kurwa kwisaro kyo obhukama obhuhari, bhakizurya inyumba yoosi muno bhahaabha bhikeeri. 3Hayo zikarorekana, ezindimi kye ezindimi zyoomuriro zino zitwanikeni, zihabha iguru yabhu kwa kira owumwe wabhu. 4Ebho bhoosigo bhakizuriwa Ekoro muhoreru na bhakanza okugamba kuukigambo ekiindi kyeego ekoro yabhabhuriri okuhaya.5Bhoono bhahabhaho Abhayahudi bhano bhahikara Yersaremu, okutiga Taatabhugya, kurwa kyaro iguru kwisaro. 6Omurundumo giyo hano abhatu bhakagiigwa bhakikimania hamwe okugamba emigambo gyabhu abheene. 7Bhakatitimara no okutambara abhene bhakabhuga hene bhono bhoosi bhano bhakakugamba bhatari Wagariraya?8Ebheribhwi okwiigwa ekigambo kukira omutu uno yiibwirye. 9Abhaparthia na abhamwendi na abhawaeramu na bhano bhakwikara Mesopotania, Abhayahudi na Kapadokia na Ponto na Asia. 10Frigia, na Pamafilia, Misri, no orubhara rwa Ribia haguhi na Kirenena abhagini bhano bhakurwa Rumi, 11Abhayahudi na abhikirirya, Abhakrete na Abharabu, turabhitegerera hano bhakugamba ekigambo kyeeti iguru wa emirimo wa obhunagya bhwa Taatabhugya.12Bhoosi bhahabha bhatangariri na okutitimara bhakagamba abhene kubheene, hino ena teemwakia? 13Nawe abhaandi bhakazeera bhabhuga, "Bhano bhizwiribhwe na amarwa amahya".14Nawe Petro akimerera ahamwe na bharya ikumi na hamwe akinura ekiraka, akabhabhurira, "Abhaatu bha Yudea na bhoosi bhano mwokara hano Yerusaremu, ino imenyekeene kuubha mwitegerere bhuzoomu amang'ana gaane. 15Abhatu bhano bhatakumenya akyeego mkwiiseega kwo kuubha bhoonego ni saa tatu tabhoori.16Nawe gano gaahabha gagambirwe kuhikira kwu abharoti Yoeli. 17Elzakubha orusiku ryo obhutero Taatabhugya akabhuga, Ndaza kwitira ekoro yaane kubhatu bhaane. Abhaana bheenyu na abhaana na abhaakya bheenyu bhararusya abharooti, abhamura bheenyu bhararusya obhurooti, na abhakaruka bheetu bhararusya ebhirooto.18Kubhabhagati bhaaye na abhabhagati bhaye abhekikari kuu zisiku ziyo nditira ekoro yane bhoosi bhararoota. 19Ndaaza kurekya amaryoryo iguru kwisaaro no obhutemya haaasi mukyaaro, omururo, na ingesi.20Omboso gurigarazura okubha ekiirima no omweri okubha amanyinga, hano rukabha rukyaari kuuza orusiku orukuru rwa okwitimata rwa Taata. 21Nee eraza okubha wuuno akuribhirikira eriina rya Taata aratuuribhwa.22Abhatu bha Israeri, mwigwe amang'ana gano: Yeesu wa Nazareti, omutu wuno terekeribhwe na Taata kuunemwe kwamahamakokyo goo obhunagya an amiitimato, no obhuturoo bhuno Taata yaari kuhitira ewe gatigati wenyu kyeego etwe abheene tumenyiri. 23Kuu miseego gookuhokibhwa kwemera ekare na amang'eni ga Taatabhugya ekarusibhwa na neemwe kuu mabhoko gaa abhatu abharosu, mukamnyakya nyakya no okumwita. 24Huno Taatabhugya akamwinukya akamurusya obhusungu bhwo oruku kuneewe kwookubha etaturikeni kunewe okubha nabhwe.25Daudi akabhuga kunewe akamurora Taata embere yo obhusyo bhaye eewe aari kukubhoko kyaaye kwoo obhuryo bhoono ntakwisukibhwa. 26Bhoono ekoro yane yaari nobhusomererwa no orurimi rwane rukazomererwa. Noo ombhiri gwaane gukikara no obhunagha27Otakugutiga omutima gwane gugye mumbirira kweki otakwikirirya mhoreru okurora obhubhoru. 28Awe wikirirye kunenye enzira yoo obhuhoru nizure obhuzomererwa embere ya mubhusyo bhazo.29Omuhiri ndanagya okugamba kunewe kwo ubhunagya kutaata wetu Daudi, ewe akawa na akabhikwa nee embehira yaaye eri hamwe na netwe rero. 30Kukubha ni mroti akamenya Taatabhugya akirohira no okwihimirirya kwaye kubha aratura aowumwe kurwibhuro rwaye rwe ekitumbi kyo obhuhoru. 31Akarirora rino kare na akabhga okusisimuka kwa Kristo, tena atahabha atigirwe mumbihira no ombiri gwaaye gutabhoriri.32Huno Yeesu - Taatabhugya akamuryora bhaano yeeti twosi ni abhatwaniakania. 33Hano akumara kutiribhwa no okubhako kwo obhusubhe Taatabhugya ahabha bhweni obhurage bhwa mhoreru kurwa kuu taata wuno yiitiri obhurage bhaano emwe mukarora na okwigwa.34Daudi okugya kwisaro nawe akabhugha Taata akamubhurira Taatabhugya wane. 35Ikara orubharika rwane rwo obhuryo tee ha no ndabhakorere omubhi wazo ekitumbi iyasi wa amaguru gaazo. 36Enyumba yoosi ya Israeri emenye amahene Taatabhugya akoriri Taata na Kristo wuno Yeesu mkamunyaakya.37Hnao bhakigwa gayo bhaakokibhwa ezikoro zabhu bhakabha bhurira Petro na abhabhgati abhaandi, "Mhiri tukorebhwi". 38Niho Petro akabhabhurira, mwihimirirye musabhe kira owumwe weetu kuu rina rya Yeesu Kristo kwa amabhira gee ebhibhi, mrabhona omubhano nee ekoro mhoreru. 39Kwo obhurage bhwenyu na abhana bhenyu na abhatu bhenyu bhano bhari kure bhano bhakubhirikirwa Taatabhugya amwizire.40Ku amang'ana amaru akahaya obhuhene, akamukimirirya, akabhuga, mwituumye murwe kurwibhuro runo ekibhihu. 41Niho bhakagikirirya amang'ana gaye bhakasubha hayo bhakiyongerya kurusiku ruyo tee koro bhikwi bhitatu. 42Bhakikwa mumegyo gha abhabhagati no obhumwe kukubhegya omukate na mumasabhi.43Obhobha bhukaza iguru ya ekoro na amaryoryo maru na obhuteemya zikakoreka kuhitira abhabhagati. 44Bhoosi bhaano bhakikirirya bhahabha hamwe no okubha ne ebhitu bhabhu kwa hamwe. 45Bhakagurya ebhigiro na amarina gabhu no okusondona bhoosigo kukutubhana na abhendi bha muutu.46Ego orusiku ku orusiku bhakenderera bhahabha na amiseego gamwe mwisengerero, bhakabhega omukate mumugye na bhakarya ebhakurya kwo obhuzomererwa no obhihombi bhwe ekoro. 47Bhakamukumya Taatabhugya na bhakabhazomerya abhatu bhoosi. Taatabhugya akongerya abhatu kuzisiku zyoosi bhano bhahatuuribhwa.
1Bhoonego Petro na Yohana bhabhanga bharang'aha mwisengero kwibhaga rya obhusabhi, kwibhaga rya esa ya kenda. 2Omutu omurebhe, omurema kwema okwibhurwa, yabhanga aragegwa kiro orusiku na yabhaga arahindiribhwa mukiseku kye erisengero kino kikubhirikirwa kizomu, abhone obhunagya bwo kuubhatu bhano bhabhnga bhakugya mwisengero. 3Hano yabharuzi Petro na Yohana bharisuka okusikira mwisengero, akasabha ekimweso.4Petro, akamumogerera ameso, hamwe na Yohana, akabhuga, "Turore etwe." 5Omurema akabharorerera, araganyirira okubhona ekigiro ekirebhe kureka unebho. 6Nawe Petro akabhuga, "Ezimbirya ne edhahabu enye ntanabio, nawe kirya ninakyo nirakirusha kunewe, kwe erina rya Yeesu Kristo wa Nazareti, genda".7Petro akamugega kwookubhoko kwaye koobhuryo, nookumugororokya iguru: rugendo rumwe amaguru gaaye ne ezikoro zya amaguha bikanyora amanaga. 8Akibhururuka iguru, omutu omurema akimerera no okutanga okugenda, akasikira mwisengerero hamwe na Petro na Yohana, aragenda, aribhururuka no okurikumia Eryoobha.9Abhatu bhoosi bhakamurora aragyenda na ararikumia Eryoobha. 10Bhakamenya kubhha yaabhanag ni wuurya omutu wuyo yabhanga akwikara arasabha ekimweso kukiseku ekizomu gwe erisengero; Bhakizuribhura ne okutangara ne ekiruguro ku kirya kino kirorekeni kun ewwe.11Kyeego yabhanga abhagwatiriri Petro na Yohana, abhate bhoosi kwa hamwe bhakaryarira murukungu runo rukubhirikirwa rwa Suremani, bharuguriri bhukong'u. 12Petro hano yirizuri rino, emwe abhakyoora abhatu, "Emwe abhatu bha Israeri, kwaki murarugura? ni kwaki murerekerya ameso geenyu kunetwe, kya muuna tumukoriri wuyo agende kwa amanaga geetu abheene hamwe.13Eryoobha rya Ibrahimu, na rya Isaka na rya Yakobo, Eryobha rya bhatata bhetu, arikumirye omuhokya waye Yeesu. Wuno niwe wuno emwe mukamuhaana no okumugwata kubhukangatio bwo obhusho bwaa omusinzi weekina, yangabha ewe yabhanga amariri kumuhatira abhe mwasi. 14Mwamugwatiri omweru no omwene heene, na kumweya gwaye mukenda omwiti ahatirwe mwasi.15Emwe mukamwwita omutemi wo obhuhoru, wuno eryoobha rikamuryokya kureka kuubhaku - Etwe ni abhatania bha riino. 16Boono kwe eheene kurina ryaaye, omuto wuno yari mukumurora no okumenya, akakorwa okubha na amanaga, eheene yino ekuhitira ku Yeesu emuheri ewe obhuhoru bhuno bhwa haneeheene, kubhukangati bhwenyu emwe mwoosi.17Bhoono omuhiri nimenyiri okubha mwakoriri kwo obhugege, niigo kweki bhakoriri abhatake bhenyu. 18Nawe amang'ana gano Eryoobha rikabhabhurira bhwaangu kweemina gyaa abharoti bhosigo, kubha wuno Kristo araza kunyaka, bhono amariri kugamara.19Kweego, mwikirirye mumare mwikore amabhihu geenyu ganagye kurusibhwaho chwenyi enagye kwibhaga ryo okuzomererwa kukurwera no okubhaho kwa Isabhugya. 20No okubha anagye okumutemania Kristo wun o amariri kusorwa kwo okubha yaneemwe, Yeesu.21Emwe niiwe wuno tee erisaro rimuturuang'ane tee kwibhaga ryoo kuhikibhwa kweebhigiro byoosi, bhino Eryoobha ryakereneryo kwibhaga rya ekare kwe eminua gya abharoti abheru. 22Amaheene Musa akabhuga; Isabhugya Eryoobha arimererya omuroti kya ninye kurwera mubhahiri bhenyu muramwitegerera kira ekigero kino arabhabhurira emwe. 23Eraza kurorekana kubha kiro omutu wuno atakwitegerera kumuroti wuyo arasikibhwa heeneheene arwe mubhatu."24Niho na abharoti bhosi kurwera Samweli, na bharya bhakurwa inyuma kunewe, bhakakerania no okurarika ezisiku ziino. 25Emwe nia abhana bha abharoti na bhobhuragano obhurage bhuno Eryoobha ryabhukoriri hamwe bhazazi, kyabhurya yakerenie ku Abrahamu; kumbibho yaazo ezinganda zyoosi kukyaro zirabhaneenokwe; 26Hano Eryoobha ryamariri okumwemererya omuhokya waaye, akamutumania kunemwe hinga abhahane enokwe emwe kwookwikyora okurwa kubhubhihu bhweenyu.
1Hano Petro na Yohana bhahakeerania nabhatu bharya abhasengeri nabharibhi bhe erisengerero na abhasadukayo bhabhagyaku. 2Bhari bhatindiri bhukong'u kukubha Petro na Yohana bharegya abhatu ighuru wa Yeesu kubha yakuuri na kuryooka kureka mubhaku. 3Bhakabhagwata nakubhatura mukibhoho tee tabhori yaho kukubha ehabha ebheri emngorobha. 4Nawe abhatu abharu bhano bhegwiri amegya ghayo bhakikirirya, eritemo rya bhasubhe bhano bhakikiriria bhahisegherwa kubha bhikwi bhitano.5Hano yahikiri etabhori yaruyo abhakuru abhasengeri bhakasikaana kurango Yersaremu. 6Musango muyo ahabha arimu omusengeri omukuru Anasi nowundi Kyafa nowundi Yohana owundi Isikanda nabhosi bhayo bhahabha bhariho niio orughanda rwa omusengeri omukuru. 7Hano bhahabha bhemireribhwe Petro na Yohana ghatighati wabhu bhakabhabhurya amang'ana ghano mukukora ighuru wobhunagya bhwakwina rina ryawi?8Hayo Petro yari yizurwe nekoro yehoreru, akabhabhurira, emwe abhakangati bha bhatu, hamwe na abhakaruka, 9aribha arero muratubhurya ighuru wa mahokya mazomu ghano tukoreri omurweri wuno erabhabhwi kumutu wuno yaherwe obhuhoru? 10Ambe bhono mumenye bhosi abhatu bha Israeri wuno yimereri embere wenyu rero nimuhoru kuhitira erina rya Yeesu Kristo Omunazareti. Niwe mukamwitira kumusarabha nawe akaryoorwa ne Eruyoobha kureka mubhaku nigo ghari kubha omutwoyo niwe yimereri embere wenyu eno nimuhoru.11Yeesu Kristo niwe erighina erikuru rino ryazerirwe nabhmboki nawe niryo erighina erikuru ryokutura mubhurusa. 12Bhutareho bhuturya khurekha khumutu wowosi kukubha ritareho rina rindi mukyaro rino ryaherwe mutu rino rikutura kuhorya mutu.13Hano bharuzi Petro na Yohana bhahahu bhakamenya kubha bhari bhatu bhanao bhatan a mang'eni, bhakarughura, bhakikirirya kubha Petro na Yohana bhari hamwe na Yeesu. 14Kukubha bhari bharuzi omutu wuno ahoribhwe yimereri hamwe nabho, bhatabheri nang'ana yindi yokuhaya khwiyo.15Nae hano bhahabha bhamariri kubhubhurira abhabhagati kureka kusango yo erirwaziro bhakakorenia abhene kwa abhene. 16Bhakabhuga tubhakorebhwi abhatu bhano nihene kubha abhatu bhakoriri ekiko kyo kurugurya kino kimenyekeni kubhatu bhano bhakwikara Yerusaremu; rino tutakutuura kuryanga. 17Tubhirikire abhatu bhano tu bharekye bhataza kukerenerya mutu wuyo wosi ighuru we rina riyo, kororokya eng'ana yino etaza kunyaragana kubhatu. 18Bhakabhabhirikira Petro na Yohana bhakabhabhurira kubha kwekii bhataza kwegya ingabha kugya mbakuu erina rya Yeesu.19Petro na Yohana bhakabhakyora na kubhabhurira kubha eribha ni kisi mumeso gha Eryoobha kubhasuka emwe kukhira Eryoobha, muteme ekina kiyo emwe abhene. 20Etwe tutakutuura kutiga kukerernia amang'ana gano twigwiri nokugharora"21Hano bhamariri kubharekya kwibhaga itammbi Petro na Yohana, bhakaatiga bhagye. Kukubha bhatabhweni bhusarya bhwoobhwosi bhuno burakoora bhamwokye, kukubha abhatu bhosi bharakumia Eryoobha kughano gakorekiri. 22Omutu wuno ahabha ahoribhwe kuhitira enzira ya amaryoryo ahabha ahikiirye emiaka mirongo ene.23Hano bhahatirwe Petro na Yohana bhaakagyua kuubhatu bhabhu nookubhabhurira ghano gosi abhasengeri abhakuru hamwe na bhakaruka bhahabha bhakabhabhurira. 24Bhakigwa egho, bhakasabha Eryoobha kwiraka ikuru kwa kuubhugha, "Taatabhugya nawe watemiri erisaro nekyaro ne nyanza bhino bhyosi bhirimu, 25awe wuno kuhitira ekoro ehoreru, kuhitira omwana ghwa Taata wetu Daudi, omuhokya wazo akabhugha, kwaki abhatu bha mukyaro bharakora obhutindi eno bhatu bhayo bharisegha mang'ana ghano ghatakuung'arira?26Abhatemi bha mukyaro hamwe nabhaakangati, vikuumenie hamwe ighuru wa Taata bhugya neno ighuru wa Isaabhugya.27Ni hene Herodi na Pontio Pirato hamwe na abhatu bha mukyaro na bhatu bha Israeri, bhakikumania mumugye muno ighuru wa omuhokya wazo omware Yeesu wuno wakariri amaghuta. 28Bhakikumania hamwe kukora ghano goosi okubhoha kwazo no bhusegi bhwazo kyegho bhwerekyene kwema hano ghari ghakyari kurorekana.29Bhono Taata obhakhangate abhahokya bhazo bhataza kwobhohu kukeerinerya eng'ana yazo kukubha bharakaangwa. 30Hano araghororkye kubhoko kwazo, obherekenia bhwo kurughurya bhirorekane kuhitira omuhokya wazo omwate Yeesu. 31Hano bhamariri okusabha ahagiro hano bhahabha bhikumanirye hakhabhona ekisingiso kye esi bhosigho bakizuribhwa ekhoro ohoreru bhakakerania eng'ana ya Eryoobha kwa nguru bhukoong'u.32Abhatu abharu bhano bhakikirirya eng'ana bhahabha na koro yimwe no mutuma ghumwe kino kyosi bhahakore kihabha kya hamwe atareho wuno haakora kigiro abhughe nekyaye. 33Mitume bhakararika kwa nghuru eno bharerekya obhwerekenia ighuru wa obhufufuo bhwa Yeesu, eno bhakabha noorubhango rukhuru ighuru wabhu.34Atabheriho mutu wuyo wosi wuno yasuhirwe kyokyosi kukubha abhatu bhosi bhano bhahabha nezinyumba nebhiwanja, bhakabhighurya nokhuhira ezihera ze bhighira bhino bhaha bhahabha bhaghurirye, 35na kubhitura iyasi mumaghuru gha bhabhagati ekakooreka esondo bhuhya eno waumini bhakasanda kiring'eni kuring'ana nenyako yaye yino ahabha nayo.36Yusufu, Omurawi, mutu wakureka Kipro akahanwa erina Barnabasi kurekha ku abhabhagati (obhughaziro bhwo erina riyo niokubhugya omwana wa faraja). 37Ahabha no mughundu akagurya ezihera akareta nookuzitura mumaghuru iyasigha bhabhagati.
1Kweego omutu wumwe arabhirikirwa Anania no omurikyaye arabhirikirwa Safira mkaye nibho bhakagurya emenyo yabhu. 2Bhakabhisa ezimbirya ezindi kuuzino bhahabha bhabhweni (nawe mkaye akamenya rino,) bhakahira zino zihabha zisaagiri no okuzitura kuumaguru go omutemi.3Petro akamubhurya, awe Anania! ndora erisambwa ring'enererye ekoro yazo, nookubhehya kuukoro ehoreru no okubhisa ezimbirya ezindi zino wabhweni kwo okugurya emenyo yazo. 4Tubhuge hano waari okyari kugurya emenyo yiyo, etari yazo? Na hano omariri kugurya etari mubhunagya bhwaazo? Kweki yung'eniri kwookukora obhubhi bhuyo muukoro yaazo? atabheri omutu nawe abhaheri Eryoobha." 5Hano Anania yigwiri amang;ana ga Petro gayo, akagwa hasi akakwa. Na bhoosi bhano bhigwiri amang';ana gayo bhakahaha bhukong'u. 6Abhamura bhakaza bhakamukundikirya omubhiri gwaye kwoomwenda, bhakamuhurukya habhori bhakamuhira ahagiro ho okumubhiura bhakamubhika.7Hano zyahitiri ezisiiku isaatu, omukari waye akasikira munyumba, atamenyiri gano gatuukiri muyo. 8Petro akamubhurya wosi "No omburire, ezimbirya zino nizyo mukagurya emenyo yenyu?" akamumkorya, "Hee! tukagurya kwoobhuguri bhuyo bhuyo!".9Niho Petro akamubhurira, " ebheribhwi kubha mwikirirenie kwa hamwe mukoriri omukonyo go okusarya ekoro yaa Taatabhugya! rora amaguru gaabharyua bhabhikiri musubhe wazo gari mukiseku, na bharakugega no okukuhira igutu". 10Rugendo rumwe akagwa mumaguru ga Petro, akakwa hayohayo, niho abhamura bhaarya bhakasikira munyumba bhakabhona akakuri. Bhakahira aekitundu kyaaye habhori, bhakabhika haguhi na musubhe waaye. 11Gayo gakagirya abhatu bhosi bhe erisengerero, hamwe naabhandi bhosi bhano bhakigwa amang'ana gayo, bhakahaha bhukong'u.12Abhega bha Yeesu bhayo bhaari bharakora ebhyerekenio ne ebhiruguro bhyaaru gati waabhatu, na abhikirirya bha Yeesu bhosi bhshikumsnis hamwe mwisengerero, ahagiro he eriibharaza rya Seremani. 13Abhaatu bhano bhatamwikirirye Yeesu bhaari bharabhakumia bhukong'u abhega bhayo, nawe nabhe oumwe waabhu, atasikirye okwisanginia hamwe nabho kwo okwoobhoha abhakangati bhabhu.14Nawe abhatu abhaaru abhasubhe na abhakari bhakamwikirirya Taatabhugya kwego bhakaruha bhukong'u. 15Kwo okuring'ana neebhiruguro bhiyo abheega bhakorerwe, abhatu bhakabha bharareta abharweri nookubhahindirya habhori,kuubhuriri na kubhirago okubha hano Petro akuhita ekirir kyaye kibhahikeku abhandi bhahore. 16Ezisango zyaabhatu zirasanga kurwa mumigye gye embarika wa Yerusaremu bhakabhareta abharweri bhabhu, na bhano bhahabha bhanyaharikiri kwa amasambwa amabhi bhosi bhakahoribhwaa.17Okumara omusengeri omukuru akabhuka, na bhoosi bhano bhahabha hamwe nawe (ne erihizo rye erisengerero rya Amasadukayo). 18Bhakagororokya amabhoko gabhu no okubhagwata abhabhagati nokubhatura munyumba ya abhabhohwa bhoosigo.19Na hano obhutiku bhwirir, maraika wumwe woomukuru akigura ekiseku kye enyumba yaabhabhoihwa, akabhahurukya habhori kimwe akabhabhurira. 20Mugende mwimerere mwisengerero, mubhurire abhatu amang'ana gosi iguru yo obhwikari obhuhya bhwa kirakeego". 21Hano bhigwiri rino bhakasikira mwisengerero kwiibhaga rya amakya no okwegya nawe, omusengeri omukuru akaza na bhoosi bhahabha nawe no okubhirikira esengo yosigo hamwe, nabhakaruka bhosigo bhaabhatu bha Israeri bhakabhatuma munyumba ya abhabhohwa kureta abhabhgati.22Nawe hano abharibhi bheerisengerero bhasikirri munyumba yaabhabhohwa, bhatabhwenimu abhega bhayo. Kwego bhakakyora nookubhabhurira abhakuru bhayo. 23Hano twahikiri tukabhona enyumba yaabhabhohwa yiyo ebhiseku bhigeri, naabharibhi bhimereri habhoori weebhiseku bhararibha. Nawe hano twigwiri ebhiseku bhiyo, utabhwenimu mutu wowosi".24Ambe, omukuru waabhari bhe erisengerero naabhakuru bhabhasengeri bhakigwa gayo, bhakahaha bhuko ng'u bhakibhurya 'awe amang'ana gano nibhwi gabherI?" 25Niho omutu wumwe akaza akabhabhurira, murore! abhatu bharya bhano mukabhoha bhonego bhari mwisengerero bharegya abhatu.26Nawe omukuru wa abhasirikare bhakagya hamwe nabhahokya bhakabhareta, nawe bhatakoriri erihi, kwookubha bhakabhobhaha abhatu bhahatura kubhatemi naamagina. 27Hano bhamariri kubhareta bhakabhatura mubhusyo bhweesango omunyasi omukuru akabhebhurya. 28Akabhabuurira mutegya kwerina rino nabhono mwizwirye Yerusaremu kuubhwegya bhwenyu, no okugongerya okureta amanyinga goomutu wuno iguru wetu.29Nawe Petro na abhabhagati bhakamukyora, hakiriku tusuke ku Eryoobha tutagya kubhatu. 30Eryoobha rya Taatabhugya weetu rikaryoora Yeesu, wuno mwitiri, kuukumturugazya iguru woomutu. 31Kyaamwe Eryoobha rikamugungya Yeesu nookumtura orubhara rwaye rwoobhuryo, abhe omukangati noomuturya, kweego abhaturya abhaiisraeri bhateebhibhi bhyabhu, okubhabhaabhirwe amabhi. 32Na neetwe nibhimereri bhaagayo gosi neekoro ehoreru, wuno Eryoobha ryabhabheri abhaatu bhano bhakumwigwa".33Hano abhakuru bheekina kyaabhakakruka bhigwiiri gayo, bhakatinda bhukong'u, bhakeenda okubhita abhabhagati bhayo" 34Nawe muukina muyo haari no omufarisayo wumwe, wuno yaari akubhirikirwa Gamarieri. Ewe Gamarieri yaari omwegya weemigiro, naabhatu bhosi bhakamwigwa. Akimerera, bhahurukirwe habhoori kwiibhaga iguhi.35Niho akabhabhurira abhakuru bheekimna, "Emwe abhatu bhaisraeri, mwisege kisi mukyari kukora eng'ana yino mukwenda kukora kuubhatu bbhano! 36Ezisiku suhu zino zyahitiri, akatukira omutu wumwe, erina ryaye tende. Tende wuyo yari arizima kubha ni mutu mukuru, naakabhona abhatu magana awe bhakagwata na newe. Nawe kuubhutero akiitwa, nabhatu bhaye bhosi bhano bhahamwigwa bhakanyaragana nookubhura. 37Hano omutu Yuda omugariraya, akabhuka ezisiku zyookubhara abhaatu akaruta abhaatu bhaaru inyuma waye. Nawe wosi akabhura na bhosi bhano nyaragana.38Kweego ndabhabhurira, mtigane na bhatu bhano na mubhatige abheene, kwookubha amang'ana gano neemirimo gino ngyaabhatu gitakuza kubha. 39Nawe erabhe gino niimirimo gino gitangirwe nee Eryoobha, mtakunagya kubharekyamung'enihe bhwahene mtaza kuroreka kubha mrahakana ne Eryoobha.40Okumara bhakabhirikira abhabhgati munyumba nookubhatema bhakabhabhurira mtagamba kweerina rya Yeesu, bhakabhatiga bhaagye eno bhakugya. 41Bhakahuru kurwa muukina bhakazomererwa kwookubha bhakabhaarirwe kubha bharenderwa kunyaaka nakutama okusukwa kweerina. 42Kuzisiku zyoosi abhyeegya mwisengerero bhahegya muzinyumba zya abhatu, bhakenderera kwegya noouhaya Yeesu kubha noomturya.
1Hano gatigati ya zisiku zino, obhwaaru bhwa abhegi hano bhahabha erongera, okwing'eherya kwa abhayahudi bhe kiyunani rikawanza kubhabhirania, kwookubha omukari wuno akwererwe omusubh eebho bhahari bhahebhiri gatigati yesoondo kuzisiku zyebhakuurya.2Abhabhagati ikumi na abhabhiri bhakabhabhirikira erikumanio ryoosi rya abheegi nokubhuga, "Etari heene kuneetwe okuritiga ering'ana rya Taatabhugya kumusakirirya kumeza. 3Kweego, omuhiri, mwitore, abhasubhe muhungati, okurwa gatigati wetu, abhaatau abhazoomu bhano bhwizwiri Ekoro obhuzoomu, bhano turanagya kubhahanakubhasakirya hayo. 4Na neetwe, tukagendererya ezisiku zyoosi gatigati yo kusaabha na gatigati okubhasakirya eng'ana.5Amakerenio gaabhu gakazoomya eesango zyoosi. Kweego bhakamusora Stefano, omutu wuno yizwiri okwikirirya ne Ekoro endabhu, na Filipo, Prokoro, Nikanori, Parmena na Nikalao, omuizomu okuurwa Antiokia. 6Abhikirirya bhakabhareeta abhaatu embere ya abhabhagati, bhakabhsabha hinga bhakabhaturira amabhooko gaabhu.7Kwego, eringa'ana rya Taatabhugya rikanyaragana; no obhwaaru ya abheegi ekaagya agarabhoneka eyo Yerusaremu; no obhwaaru obhukuru abhasengeri bhakigwa okwirirya.8Na Sitefano wuno yigwiri orubhango ne zinguru, ahabha arakora amaruguryo esingira ekuuru gatigati mubhaatu. 9Nawe hayo bhakimerera abhatu abhandi abharwi inyuma bherisengerero rino rikubhirikirwa erisengerero rya mahuru, na rya Wakirene na rya Waskanderia na abhaandi okurwa Kilikia na Asia. Abhaatu bhano bhahabha bharabhurani ana Stefano.10Nawe bhatanagirye okuhakana no obhuzomu ne ekoro yino Stefano ahabha eramukora aragamba. 11Bhoosi bhakabhang'ena abhaatu abhandi kwobhwibhisi nokugamba "Tumwigwiri Stefano aragamba amang'ana gokumwanga iguru ya Musa iguru ye Eyoobha.12Bhakabhahatika abhatu, abhakaruka, ana abhakaami, nokumugira Stefano, bhakamugwata, nokumuhira embere yerbharaza. 13Bhakabhareta bhabhahiziri bhorurimi, bhano bhakabhuga, "Omutu wuno atakutiga ookuhaya amang'ana amabhihu iguru ya ahagiro hano aharabhu na hemigiro. 14Kweego tumwigwiri aragamba kuuubha wuno Yeesu wa Nazareti arahasarya ahagiro hano nokuzisarya etemwa zino tuherwe na Musa" 15Kira owumwe wuno arabha gatigati ye ribharaza, akarorererya amesogaye okumurorerera Stefano, bhoosi bhakubhurora obhusho bhwaye bhuhabha kyo obhusho bhwa Mraika.
1Omunyosi omukuru akabhuga; amang'ana gano nigaheene? 2Stefano akabhuga, "Abhahiri na bhatata, munitegererye enye: Taatabhugya wo bhweeru akiyerekenia kutaata wetu Abrahamu kwiibhaga rino ahabha Mesapotania, hanoahabha akyari kwikara Harani, 3akamubhurira, nooreke mukyaro kyazo muno awe na abhahiri bhazo ogye mukyaro kino nirakwerekye'.4Kyaamwe akagya muukyaro kya abhakaridayo akikara Harani, akareka hayo hano wise wabhu akakwa, Taatabhugya akamureta muukyaro kino murimu bhono. 5Atamuheri kigiro kya eng'abhio yaye, hatabhonekiri hagiro hakutuura naabhe maguru. Nawe Abrahamu akabha aragirwe kwemera akyaari kubhona omwana kubha arahanwa ekyaro kibhengabho yaye na orwibhuro rwaye.6Taatabhugya akagamba nawe akabhuga, abhibhurwa bhaye bharaza kubha bhagini mukyaaro kya abhatu abhandi, nabho bharaza kubhakora bhabhagati bhabhu, no okubhakorera amabhihu kweribhaga ryeemyaka magana anne. 7Taatabhugya akabhuga, ndaaza kuyitinira ekiina esi yino erabhakorea bhabhagati abhatu abhane, hanoa gayo garahite bharaza kureka mukyaro kiyo niho bharaza no okunisengera hano; 8Akamuhana Abrahamu obhuragye bho obhusarwa, kweego Aburahamu akamwibhura Isaka, akamusaaara kurusiku rwa akanane, Isaka kamwibhura Yakobo, Yakobo akiibhura bhane ikumi na bhabhiri abhakaruka bheetu.9Bhasukuru bhetu bhakamurorera erihari Yusufu bhakamugurya muukyaro kya Misri, nawe Taatabhugya yaari hamwe nawe, 10akamutuurya muunyako yaye, akamuhana ammabhira noobhusukwa embere wo Farao omutemi wa Misri. Farao akamukora abhe mukangati mukyaaro kya Misri ne enyumba yaye yoosi.11Kyamwe erabhaho enzara kuru ne enyako nzaru mukyaaro kya Misri na Kanaani, na bhatata bhatabhweni bhyakurya. 12Nawe Yakobo hano akiigwa kubha ebhyakurya bhiri Misri, akabhatuma bhataata rwoobhutangi. 13Kurugendo rwa kabhiri Yusufu akiyerekenia kubhawamwabhu, ehamati ya Yusufu ekamunyekana ku Farao.14Yusufu akabhatuma bha wamwabhubhagye bhabhurire Yakobo wise wabhu yiize Misri, hamwe ne ehamati yaye, kihiko kya bhaatu bhoosi ni mirongo muhungati na bhatano. 15Kweego Yakobo akituma Misri; kyamwer arakwa ewe na bhatata bhetu. 16Bhakagegwa tee Shekemu bhakabhikwa mumbhihira yino Aburahamu akagura kwe ebhitinika bhya ezihera kurwa kubhaana bha Hamori eyo Shekemu.17Kwibhaga ryobhurage bhurya Taatabhgya akamuraga Aburahamu hano bhahikiri haguhi, abhatu bhakabha bhuhiri eyo Misri, 18eribhaga riyo akimukaho mutemi wundi iguru wa Misri, mutemi wuno atamenyiri iguru Yusufu. 19Omutemi owundi wuyo akabhang'enererya abhatu bhetu no okubhakorera amabhi bha taata wetu, no okubharekera abhana bhabhu abharere bhataza kubhaho.20Kwibhaga riyo Musa akibhurwa; ahabha muzomu embere wa Taatabhugya, akakinibhwa mieri etatu munyumba ya wise waabhu. 21Eribhaga rino yarekerwe, mukya wa Farao akamugega akamukiinia kyoomwana waaye.22Musa akegibhwa amegyo goosi ge ekimisri, ahaabha na amanaga kumang'ana na amahokya. 23Nawe hano yahikirye emiaka mirongo enne, amiseego gakabha mukoro yaye agye abhataarire abhahiri bhaaye, abhana bha Israeri. 24Hano yaaruzi omwisraeri arakorerwa amabhi, Musa akamuhakania no okuriha ekisiiyomba kuwuno yari akumukorera amabhi akamutema omumisri; 25akisega kubha abhahiri bhaaya bharamenya kubha Taatabhugya arabhatuurya kwo okubhoko kwaye, nawe bhatamenyiri.26Orusiku orundi kweki akagya kubhiisraeri abhandi bhano bhahiyogenia; akasakya okubhigwania; akabhuga; Bhaataata, Emwe ni bhahiri, ndora murasariryana emwe abhene kwa abheene? 27Nawe wuno yatindiri omunyarobho waye akamuhuna kuer, akabhuga, "Niwi akukoriri mukangati wetu na mutini wa kiina wetu? 28Awe orenda kunita, kyego okiita omumisri izo?"29Musa akang'osa hano yigwiri gayo; akabha mugini mukyaro kya abhamidiani, akibhura abhana bhabhiri eyo. 30Hano emiaka mirongo enne gyahitiri, Maraika akiyerekenia kuneewe kukibhara kya ekiguru kya Sinai, kwo omururo mukisaka.31Hano Musa yaruzi omururo, akatang'ara nokuheema gano yaruzi, hano yasakirye kwisuka haguhi arore, eriraka rya Taatabhugya rikamuzaku rirabhuga, 32Enye ni Taatabhugya wa bha uso wenyu, Taatabhugya wa Aburahamu, nawa Isaka, nawa Yakobo: Musa akarigita na atasakirye kurorerera.33Taatabhugya akamubhurira: Rusya ebhirato bhyazo, ahagiro hano wimereri ni hagiro hoobhwaare. 34Nduzi ezinyako zya abhatu bhane bhano bhari Misri: Nigwiri okurwara kwaabhu, na nenye nitumiri nibhatuurye; bhono nauze, ndakutuma ewe ogye Misri;35Musa wono bhahaabha bhaugiri, eribhaga rino bhakabhuga; niwi akukoriri mukangati na mutwanikania wetu? yaari niwe wuno Taatabhugya akamutuma abhe mukangati no omutuurya. Taatabhugya amutumiri kwookubhoko kwa maraika wuno akiyerekenia ku Musa mukisaka. 36Musa akabhakangata kureka Misri hano yamariri okukora amaryoryo na ebhituubhyo mukyaaro kya Misri na munyanza ya Shamu, na kukibhara kwe eribhaga ryeemyaka mirongo enne. 37Ni Musa wuno niwe yabhabhuriri abhaatu bha Israeri kubha, "Taatabhugya araza kubhimukirya omuroti kureka mubhahiri bhenyu, omuroti kya nenye.38Wuno niomutu wuno yaari musaango ya abhaatu kukibhara na Maraika wuno akakerania anawe mukiguru kya Sinai. Wuno niwe omutu wuno ahaabhana bhataata bheetu, wuno niomutu wuno akagwata eng'ana yino enoobhuhoru kutuhaana etwe. 39Wuno ni omutu wuno bhaataata bheetu bhakanga okumusuuka; bhakamuhunira kure, na mumioyo gyabhu bhakikyorera Misri. 40Kwiibhaga riyo bhakamubhurira Haruni, tubhumbire erihunduguru rino riratukangata. Musa wuno, yaari atukangatiri kureka mukyaaro kya Misri, tutamenyiri kino kimubhweni".41Kwego bhakabhumba ekimori kuzisiku ziyo na bhakarusya ekimwese kwihunduguru ryeekimori bhakazomererwa kwookubha ye dmirimo gya amabhoko gabhu. 42Nawe Taatabhugya akabhakyoora na okubhakoora bhasengere ezinzota zya mwoisaro, kyeego yaari ekaamirwe kumang'ana ga abharoti; Awe mundusirye enye ekimweso kye emitugo gino mwasinziri kukibhara kwe emiaka mirongo enne emwe enyumba ya abhaisraeri?43Mwikirirye erihuuna ryo okusangiramu rya Moleki ne ezinzota zye erihunduguru ebhyo; na ndabhahira kure bhukong'u kuhitira Baberi.'44Bhaztaata wetu bhahabha ne erihuuna ryokusangiramu ryoobherekenia kukibhara, kyeego Taatabhugya yabharagirirye hano akakerenia na Musa, kubha yariararikora kweetubho ya rirya mwaruuzi. 45Riho ni ihuna rino bhataata bhetu, kwibhaga ryaabhu bhakaretwa mukyaaro na Joshua. Yino ekororeka na kwibhaga rino bhasikiri okugega ekyaaro kino Taatabhugya akaheebhamu abaatu bheeenekyo kwemera bhataata weu bhakyari kubhaho. Yino yaariigo tee kuzisiku zya Daudi. 46Wuno akikiriribhwa mumeso ga Taatabhugya; na akasabha aokuhohya onbhwikari ku Taatabhugya wa Yakobo.47Nawe Seremani akamwombokera enyumba ya Taatabhugya. 48Na kweego wuno ariiuru atakwikara muzinyumba zino zyombokirwe kwa amabhoko; gano ni kyeego omuroti akahaya. 49Mwisaro nikitumbi kyaane kya simuka, na ekyaro ni hagiro hane hakutuura maguru gane. Ni nyumbaki yino muraniombakire? arahaya Taatabhugya; hamwe ni hayi ahagiro hane hookumunyira? 50Kutari kubhoko kwane kuno kwakoriri bhino bhyoosi?51Emwe abhatu bhebhigoti bhihangararu bhano mutaakusarwa koro na amtwi, ibhaga ryoosi mutakumwenda ekoro ehoreru, murahokya kyeego bha wusowenyu bhahakora. 52Ni muroti wuhe kubharooti wuno bha wuso wenyu bhatamunyakiry?. Bhakabhita abharooti bhoosi bhano bhiyerekenie kwibhaga rino owumwe weheene yaari akyari kuza, na bhoono mubheeri bhasarya na abhiiti bhaaye. 53Emwe abhatu bhano mwagwatiri emigiro girya gitakurwaho na maraika nawe mutagigwatiri".54Kumara abhikari bha amiusango ya okutinira ekiina ahano bhakiigwa amang'ana gayo, bhakanyaharika mwikoro zyaabhu, bhakamushananirya ameno Stefano. 55Nawe ewe, ahaabha yizuribhwe ekoro ehoreru, akarorerera erisaaro kwobhwikeng'eri na akabhurora aobhwaare bhwa Taatabhugya; no okumurora Yeesu yimereri okubhoko kwoobhuryo kwa Taatabhugya. 56Stefano akabhuga, "Rora nduuzi erisaaro rirguka, no omwana wa Adamu yimereri okubhoko kwoobhuryo kwa Taatabhugya.57Nawe abhikari bheesango yookutina ekiina bhakarora ekitiri kwe eriraka ryiiguru, bhakaribha amatwi gaabhu, bhakamuryarira bhosigo hamwe, 58bhakamurekera igutu woomugye na abhakamutema na amagina.: na abhatania abhakarusya ezingibho zyabhu ziigutu nookuzituura hasi haguhi na amaguru go omumura wuno abhirikirwa Sauri.59Hano bhahamutema na amagina Stefano, akabha aramubhirikira Taatabhugya no okubhuga, "Taata Yeesu, ngwatira ekoro yaane,". 60Akahigama no okubhirikira kwiraka ikuru, "Taata, otaaza kubhabharira obhusarya bhuno. "Hayo yahayiri gano, akatinia akakwa.
1Sauri akabha na amikiriranio go ruku rwaye orusiku ruyo niho akakangata kubhanyakya kihuteti kya erisengerero rino rihabha Yerusaremu na abhikirirya bhosi bhano bhahabha bhanyaregani kumagunguri ga Yudea na Samaria, kutiga abhabhagati. 2Abhatu bho kumubhika Stefano no okukora obhwarami bhkuru iguru waye. 3Nawe akatarira bhukong'u erisengerero akagenda nyumba kwe nyumba, na kubhagwata igutu abhakri na abhasubhe, na kubharekera mwigereza.4Abhikirirya bhano bhahabha bhanyarageni bhakyari bharakeremerya ering'ana. 5Firipo akituma kumugye gwa Samaria na akamwerekya Kristo eyo.6Kumara ya amasiakaniro kwigwa na kurora matemyo gano yakoriri Firipo bhakatura kisi iguru wa kino yahayiri. 7Kureka hayo abhatu bhaaru bhakigwa, emikama mibhihu bhakabharusya abhatu eno bhararira kwi eriraka ikuru, na abhaaru bhakanyoha na abharema bhakahoribhwa. 8Na kukabhaho no obhuzomererwa bhukwunghati yo omugye.9Nawe ahabhaho omutu wumwe kumugye gurya erina ryaye Simoni, wuno arabha arakora obhuturutumbi, bhuno ahabha arabhukorera kubharugurya abhatu bha ekyaro kya Samaria, eribhaga arabhuga ewe niomutu wo omukumo. 10Abhasamaria bhosi kwema aomusuhu no omukuru bhakamwitegerera, bhakabhuga "omutu wuno ni yirya ezinguru zye Eryoobha ezikuru" 11Bakamwitegerera, kwakubha abharugurirye omweya mutambe kwo obhurosi bhaye.12Kweki hano bhekirirye kuhitira ku Filipo hano akakaama iguru yo obhutemi bhwo mwiguru na iguru ya rihina rya Yeesu Kristo, bhakabhabhatija, abhasubhe kwa abhakari. 13Na Simoni omwene akikirirya yamariri okusubha akagenderera kubha na Firipo hano yaruzi okutemia na amahubhyo gino gihabha gikukoreka akarugura.14Kwibhaga abhabhagati bha Yerusaremu hano bhakigwa kubha Samaria eturiri ering'ana ryua Eryoobha, bhakabhatuma Petro na Yohana. 15Eribhaga bhahabha bharituma bhakabhasabhira bhature ekopre ehoreru. 16Kuhika eribha ariyo ekoro ehoreru ehebha ekyari kubhitumira hata wumwe wabhu, bhahabha bhakyari kusubhwa kurina rya Taata Yeesu. 17Niho Petro na Yohana bhakabhaturira amabhoko, ebho bhakatuura ekoro ehoreru.18Eribhaga Simoni yaruzi kubha ekoro ehoreru erusibhwa kuhitira kuterya amabhoko gha abhabhagati akanda kubhaha ezihera. 19Akabhuga munihe ezinguru zino, kubha wuno ndamutera amabhoko amuturye ekoro ehoreru.20Nawe Petro akamubhurira esiringi yazo hamwe na nawe ebhurire kura kwo okubha wisegiri kubha aobhunagya bhwe Eryoobha bhurabhoneka kwa siringi. 21Otana omweya gwing'ana, rino kwo okubha ekoro yazo etari nyeeru kubhusyo bhwa Eryoobha. 22Kwego bhoono ikirirya bamabhihu gazo no okumusabha Eryoobha hamwe wabhirwe amisego ge ekoro yazo. 23Kwookubha ndarora ori mubhururu bhwe ekibho kya amabhihu.24Simoni akahaya no okubhuga, musabhe Taata iguru wane, kwo okubha amang'ana goosi ghano mughambiri ghwatura kunibhona.25Kwibhaga Petro na Yohana bhahabha bharuzi no okukerania ering'ana rya Taata, bhakakyora Yerusaremu kwe enzira yiyo, bhakakerania ekina ghati wa amagunguri maru gha abhasamaria.26Bhosi maraika wa Taata akakerania ana Filipo na akuhaya "Rora na ogende mamu ghati we enzira yino ekugya iyasi wa Yerusaremu kumahirira Gaza" (enzira yino ere ghatighati kwibhara). 27Akamahirira no okugya. Rora ahabhaho no omutu wa Ethiopia, towashi wa obhuturo obhukuru iyasi wa akandase; marikia wa Ethiopoa. Wuno ahabha iguru we ekibhubhiko kyaye kyoosi, newa ahabha aghiri Yerusaremu kwikirirya. 28Ahabha arakyora yikeri mumatoka yaye ahegha mukyuwo kya omurooti Isay.29Ekoro akabhugha na Filipo, "Isuka haguhi ne emotoka yiyo ogwatane nayo. 30Kwego Filipo akagenda ndyari akamwigwa aregha aghati wa kuwokya omuroti Isaya, arabhugha, awe omenyiri kino ogwega? 31Omwethiopia akabhugha andakorabhwi nimenye omutu atanierekirye? akamukumirirya Filipo atire ,mumotoka na kwikara hamwe nawe.32Bhono eribhoho rya amakaamo rino ahabha aregha omwithiopia ni rino, akakangatwa kyegho eng'ondu kugya mumagwatiro kugwagwa, na kyego eng'ondu ekakirirania kiiri atatazuri munwa ghwaye. 33Kwo okurughuribhwa kwaye obhusinziro bhwaye bhukarusibhwaho. Niwi arabhuirire orwibhuro rwaye? obhwikari bhwaye bhurusibhwe kukyaaro.34Kwego towashi akamubhurya Firipo na kuhaya, "Ndakusabha ni murooti wuhe akukeraniribhwa amang'ana ghaye ni iguru waye, hamwe wo omutu owundi? 35Firipo akakangata kukerania, akakangata kwe erikaamo rino rya Isaya, kukeranerya amang'ana gha Yeesu.36Bhahabha kunzira, bhakahika ahagiro ha amanzi, Towashi akabhugha, rora hano amanzi hano niki kikundibhira ntige kusubwa? 37Amang';ana ghan o "kwego omwethiopia akakyorya" ndikirirya kubha Yeesu Kristo ni mwana wa Eryoobha," ghatarimu mumakaamo gha kara). Niho omwethiopia akahatika emotoka yimerere. 38Bhakagya aiyasi wa amanzi hamwe Firipo na towashi, Firipo akamusubha.39Hano bharekiri mumanzi, ekoro ya Taata ekamuhira Firipo kure. Towashi atamuruzi akagya anzira yaye arazomererwa. 40Nawe Firipo akarwera Azoto, akahita mumugye gwo kukeranerya ekina ghati we emigye gyosi hano yahikiri Kaisria.
1Nawe Sauri asingirirya kugamnba okwobhohi ago oruku kubha abhe shure bha Taata, akagia omusengeri mukuru. 2Nokumusabha enyarubha kwookubha ya amasengerero eno Dameski, kwokubha arabhone omutu wuno gati we enzira irya abhe musubhe hamwe mukari, abhabhohe no kubhahira Yerusaremu.3Hano yari kurugenda, akarorekana hano yari haguhi kuhika Dameski, kitu kirirano amimagamaga hosihosi obweru kurwa mwisaro. 4akagwa hasi akigwa omumiro guramburira Sauri, Sauri, ndora oraninyakia enye?5Sauri akamukyora, enaki ewe tata? Taata akakyora, enye ninye Yeesu uno okuntindya. 6Nawe bhuka sikira mwibhoma wosi orabhurirwa erenderwa okoru. 7Abhatu bhano bhatugya rugendo hamwe na Sauri bharahorera kiri, bharitegerera Sauri, bhatakurora mutu.8Sauri akabhuka gati yeesi hano akamugora ezimoni zyeye, atariuzi kigiro, bhakamugwata aokubhoko bhamuretiri Dameski. 9Kueziku isatu atakurora, atakurya, no okunywa.10Niho areho omwana we shure Dameski erina ryaye Anania tata kabhuga, gati marwazo "Anania" Akabhuga. Rora ndihano, tata. 11"Tata akambhurira,"Bhuka ogende zyazo gati we Eryobha ino ikubhikirwa nyofu, na gati we enyumba ya Yuda nobhuire omtu kurwa Tarso wuno akubhirikirwa Sauri nawe akiasabha, 12Amurore gati we ebhiroto omutu erina ryaye Anania akasikira no kumturira amabhoko iguru waye niho abhone okurora.13Nawe Anania akamukyora, tata, Nigwiri amang'ana go omtu ono kubhatu bharu ni kwaki abhakoreri ego amabhiohu ameru bha Yerusaremu. 14Hano ana omwamuri okurwa ku omusengeri kumukyatakira oumwe wuno akuribhirika erina ryazo. 15Nawe tata omubhurira nogie kwokubha ewe ni kigiro kiterurwe kunenye arigege erina ryani embere wa ebharo na abhatemi na abhana bha Israeri. 16Nawe ndabherekia gari amaru gano gakwendererwa kunyakibha kurina ryane.17Anania akagia akasikira yika akamturira amabhoko abhaga muhiri wane Sauri tata Yeesu yuno akandera gati we nzira hano wari okuza atumiri obhune kurora kweki na wiziribhwe ekoro endabhu. 18Kitukiraho bhikagwa muzimoni zyaye abhigitokya amasakwa abhona aokurora amenara okusubhwa akarya ebhyakura akabhona ezinguru. 19Akikara hamwe ne abhana bhe shureeyo Dameski kuzisiku ezinzaru.20Eribhaga riyo riyo akamurarika Yeesu mwesengerero akabhuga kubha ewe mwana wa tata bhugya. 21Na bhosi bhano bhakarugura na kuahaya atari omutu wuno kusarya bhosi bhano bhahabhirikirta erina rino eho Yerusaremu? Na hano akaza kwetemo yo kubhigaraa no kubhahira abhasengeri". 22Nawe Sauriakakorerwa kurarika no kukora Wayahudi bhano bhikai Dameski kuyangaha no kubha neeheene kwokubha uno niwe Kristo.23Niho ezisiku ezinzaru, wayahudi bhaka kora obhusinziro hamwe niyo bhamwite. 24Nawe okwenda kwabhu gukamenyekana ku Sauri bhakamwitengera mukiseku omwisi noobhutiku bhabhone kumwita. 25Nawe bhana bhe eshure bhaye bhakamugega otiku bhakamwitumia kuhitira kinyiki bhaklamutumia hasi gati esakwa.26Sauri hano akahika Yerusaremu akasaki akugwatana na abhana bhe shure nawe bhari bharamubhoha bhatamenya kubha ewe nimwana wa shure. 27Nawa Barnaba akamugega kumuhira mbagati no kumubhuri kyego Sauri kyego akamurora tata kunzira na tata kyego akagamba nawe na kiego Sauri ararika kwa managa kurina rya Yeesu eyo Dameski.28Akasikana nabho hano bhasikirana kuhuruka Yerusaremu akagamba kwa amanaga kurina tata Yeesu. 29Bharabhurana Yahudi bhe Kiyunani nawe bhakasakia hayo na hayo kumwita. 30Eribhaga a bhahiria hano bhamenya ering'ana bhakamugega tee Kaisari, No kumuhira agende taris.31Niho mwisabhiro rwosi gati Yahudi gariraya na Samaria rihabha kisi na rikombokwa okugenda gati obhobha tata no okuhonio kwe eko endabhu erisengerero ikakuro no okwongerya abhasabhi. 32Niho ekarorekana Petro ahabha arinogoronogora embera ekiaro, akabhitumira abhasabhi bhano gati wo mugye gwa rida.33Akamurora iyo mutu umwe erina ryaye Ainea omutu uyo ahabha kubhuriri miaka muhangati kwokubh ahabha ameziri. 34Petro amburira, "Ainea Yeesu Kristo ohoriye bhuka wiyarye obhuriri bhazo, niho akabhuka. 35Na bhatu bhosi bhano bhahikara rida na Sharoni hano bhakamurora omutu oyo, bhjakamwikyoora tata.36Hahabha no omwana we shure Yafa awona akubhirikirwa Tabitha, rino bhakakyora kubha "Dorcas, omukarioano akizura emirimo emizomu na amatemio amazomu gano ahakora kubhataka. 37Ekaroreka agati weesiku ziyo akarwara akakwa hano bhakamuhura aorugando bhakamtirya gati iguru no kumuhindirya.38Kwokubha rida ahabha haguhi na Yafa na abhana bhe shure bhakigwa kubha Petro ahabha eyo bhakabhatuma bhatui bhabhiri kunewe, bhakamwisasama "nzo owetu otaza kukezara" 39Petro akimuka na akagia hamwe nabho hano yahikiri bhakamuhira mkinyumba kiguru na abhatumba bhosi bhakimerera haguhi nawe bharira bhakamwere ezingizo zino Dorcas atumira hano bhahabha nawe hamwe.40Petro akabhuru bhaosigo igutu wee gati akahiga akasabha niho akikebhukira omubhiri akabhuga "Tabitha bhuka" akaonyokya ezimoni zyaye nahazo akamrora Petro akikara hasi. 41Niho Petro akamuha okubhoko kwaye akamubhukya, mna hano abhabhirikira abhasengeri ne emitumba akabhagwatane kunebho akiari muhoru. 42Ering'ana rino rikamenyekana Yafa yosi na abhatu abharu bhakamwikirirya tata. 43Ekabhoneka Petro akikara ezisiku nzaruYafa, hamwe na omutu wuno ahabhirirwa Simoni omukori we ebhisero.
1Ahabhaho omutu omung'aniya mumugye gwa Kaisaria, eriina ryaye Kornerio, ahabha omukuru we ekikosi kya Kiitaria. 2Ahabha musuki we Eryoobha, na ahasaabha Eryoobha na enyumba yaaye yooasigo, akahaana heera nzaaru kuubhayahudi na akasaabha kuuEryoobha siku zyoosi.3Eribhaga rya saa sita muumwisi, akaroota amaraika wa Eryoobha aramuzaaku. Maraika akamubhurira "Kornerio! 4Kornerio akamumahirira maraika, na ahabha na bhiganio bhikuru saana akabhuuga omukuru kino niki, maraika akamubhurira "Amasabhi gaazo nz ezawadi zyaazo kuubhataka zitiriiri iguru kama kumbukumbu kuu Ryoobha. 5Tumaanyia abhaatu bhaagye mumugye ghwa yaafa kumureeta mutu uumwe uuna akubhirikirwa Simoni uuno akubhirikirwa Petro. 6Arikara no omukoori wa amaseero uno akubhirikirwa Simoni uno enyumba yaaye eriimbarika nyee nyaanza.7Maraika uno ahagamba nawe akaagya, Kornario akabhabhirikira abhahookya bhoo waye bhabhiri, no omusirikare uno ahaabha akusabha Eryoobha mubhasirikare bhaano bhahaabha bhakumuhokerya. 8Kornerio akabhabhurira gano goosi gahurukiri, na akabhatuma Yafa.9Orusiku runo rukaaza eribhaaga rya mumwisi saa sita, bhahabha munziira haguhi na mujiini, Petro akatiira kwirongo kusaabha. 10Akabha ne enzaara, akeenda ebhyakurya bhya okuurya, eribhaga riino bhakuteeka ebhyakurya akerekibhwa ebhirooto. 11Akarora ersaaro ritazukiri kigiiro kirituuma kama ngibho kuru erituuma kuuzikoona zyaaye zyoosi inye. 12Mungibho muyo bhihaabha bhirimu bhityenyi bhyoosi bhya amaguru ane na bhina bhikwaguura haasi, ne ebhinyunyi bhiiguru.13Eriraka rikamubhirikira "Imuka Petro ochinje oorye. 14Ira Petro akabhuuga "etariigo omutemi, kwo okuubha ntakariiri kigiro kyokyoosi kino kitakwenderwa na kibhiihu. 15Kweeki eriiraka riikaza mara ya kabhiri. "Kino kisabhirwe ne Eryoobha otakibhirikira kibhiihu wara kichafu". 16Ino ekaaza maara kataatu ne ekigiiro kikagegwa kweki mwisaro.17Hano Petro yaari ne enamuna yo okuchanganyikiwa iguuru ye ekiroto kiiyo kirabhuugabhwi roora abhaatu bhanag bhatamiirwe na Kornerio, bhakimerera embere we ekiseeku, bharabhuurya enziira yo okuugya kunyuumba. 18Bhakabhirikiira na kiubhuurya kama Simoni uno akabhirikirwe Petro ka a yari arikara haarya.19Eribhaaga riiyo Petro ahawaaza iguuru we ebhirooto, Ekooro akagamba nawe. Rora abhaatu abhataatu bharakukomya. 20Imuuka wituume haasi ogye nabho, otobhooha kuugye nabho, kwo kuubha mbatumiiri. 21Petro akituuma haasi kuneebho akabhuuga, enye ninye mukukooomya kwaki mwiziiri?22Bhakabhuuga, "Akida wuumwe erina ryaaye Kornerio, omutu we heene na esegiiri kwisasama Eryoobha, na abhaatu bharamugamba bhuzomu mukyaaro kyoosi kya abhayahudi, abhurirwe na maraika we Eryoobha akutume ogye kuunyumba yaaye iri yiigwe amakereniyo kunawe. 23Petro akabhakaribhisya bhikare hamwe nawe. Etabhoori yaahop akagya ahamwe nawe, na abhahiri bhasuuhu kureka Yafa bhakagwatana nawe.24Orusiku ruuno rwa fatiri bhakaaza akaisaria. Kornerio ahabhaganya, ahabha abhabhirikiri hamwe abhahiri na abhasaani bhaaye bhaahaguhi. 25Hano Petro akasikiira, Kornerio akampokea akihiinya haasi muumaguru gaaye kwa kuumusuuka. 26Petro akamugororookya akabhuga imereera enye niosi ni muutu.27Hano Petro ahakerenia nawe akasikiira akabhoona abhaatu bhikumeenie haamwe. 28Akabhabhurira, emwe abheene mumenyiri kubha gitari migiiro ghya Yahudi kugwaatana au kugeenda na abhaatu bhaano bhaatari bhe ekyaaro kino. Ira Eryoobha rinierekirye enye kubha utakwenderwa kumubhirikira mutu wowosi ni bhubhiihu. 29Nkwo okubha niziiri ryabhukiiri hano niatumirwe kuuriyo. Bhoono mbabhuurye kwaaki mukatumwa kwookubha yaane.30Kornerio akabhuuga, ezisiku inye zino zihiitiri, eribhaaga kya riino nihasaabha saa siita mumwiisi munyuumba yaane. Nkaroora embeere waane omuutu yimereri ana ezingiibho ndaabhu. 31Akambuurira, Kornerio amasabhi gaazo gitegeerwe ne Eryoobha na emibhaano gyaazo kuubhataka girahiitwa kuu Ryoobha. 32Bhoono otume omutu Yafa amubhirikire omutu wuno akubhirikirwa Simoni ni Petro uno akwikara wo omukoori wa amaseero, oumwe arabhirikirwa Simoni uno enyumba yaaye eriimbariika we enyaanza. 33Ewe hano akuuza aragaamba na neemwe.34Niho Petro ahaasama omunwa gwaaye akabhuuga, heeni nikiriirye Eryoobha ritakupenderea. 35Erenderwa kira ekyaaro, omutu wowosi uno akumusabha Eryoobha no okuhookya amang'ana go obhuheene arikiririibhwa na newe.36Omenyiri amang'ana gano yarusiirye kuu bhaatu bha Israeri, hano aharariika amang'ana na amazoomu goo bhwikirirya kuhitira kuu Yeesu Kristo omutemi wa bhoosi. 37Emwe abheene mumenyiiri eng'ana yiino yabhoneekiri kureeka Yudea yo obhubhatizo bhuno Yohana aharariika. 38Ering'ana rino rihamuhuusu Yeesu Kristo kyeego Eryoobha ryamuhakiiri amaguuta kuukoro enzoomu ne ezinguuru, akaagya akakoora bhwaqheene okuhonia bhoosi bhano bhaari bhanyakiibhwe na shetani. Kwo kuubha Eryoobha rihaabha haamwe nawe.39Etwe mbatwanikanya bhamang'ana goosi yahokiirye mukyaaro kya abhayahuudi na Yerusaremu - wuno ni Yeesu wuno bhakiita na kumusurungaazya kuumuti. 40Omuutuyo Eryoobha rikamuryoora orusiku rwa kataatuna okukoora amenyakaane. 41Etaari kubhaatu bhoosi, ira nkubhatwaniakania bhano bhasoriirwe ne Eryoobha - Etwe abhene bhano twariiri okunywa nawe hano yaryookiri kureka muubhaku.42Atubhuriri tukerenerye abhaatu no ukubhahakikishiirya kubha uno niiwe akasoora abhe omwaamuri wa abhahooru na abhaatu. 43Kuhiitira kuneewe abharooti bhoosi bhamenye, na kira uno akumwikiriirya arahoona ezinyako zyaaye kuhitiira eriina ryaaye.44Erbhaaga riino Petro akwendereera kugaamba gaayo, Ekooro ehoreru ekizuura kuu bhoosi bhano bhaari bhakwitegerera amang'ana gaaye. 45Abhaatu bhano bhaari mubhaano bhakwikirirya bhano bhasariirwe, bhaarya bhoosi bhiziiri na Petro bhakatangaara, kwo kuubha ye obhunagya bhwe ekoro ehoreeru ino itiirwe muubhyaro.46Kwookubha ebhyaaro bhikigwa bharagamba bhaigaambvo bhindi no okumuukuumya Eryoobha Petro akabhakyoora. 47Areeho muutu uno akureekya amaanzi bhaatu bhatabhaatiizwa, abhaatu bhano bhaana ekooro ehoreeru kyeego eetwe. 48Niho akabhabhurira bhabhatizwe kuurina rya Yeesu Kristo. Kuugaayo bhakamusabha yiikare naabho kwibhaaga riindi.
1Abhabhagati na abhahiri bhano bhabhanga eyo Yuda bhakigwa abhaatu bheesi bhagwatiri eng'ana yee Eryoobha. 2Petro hano akaza eyo Yeruaremu abhatu abharu bharya bhano bhasarirwe bhakataga kumkyoramu bharabhuga, 3"Ogwateni naa bhaaru bhano bhatasarirwe noo kurya nabho!"4Nawe Petro akatenga okukerenia ering'ana kwa mwosi, akabhuga, 5Nu habhanga nirasabha muumugye gwaa Yafa, kwego nikarora obhurori bhwee kigiro kikwitumahasi kyee engibho ekuru ekwituma kureka mwisaro kuzihembe zyaye zyoosi inye. Kikituma kuunienye. 6Nikakirorerera nookwisega iguru wakyo. Nikarora ezitenyi zya maguru anne zino zikwikara muusine zitenyi zya mwitirigo neezyitenyi zino zikwagura nee bhinyunyi bhyaaa kwisaro.7Okumara nikigwa noo mumiro gurakerenia na ninye, "Bhuuka, Petro, sinza nawe orye! 8Nikabhuga, etari ego tataabhugya, mumunua gwaane, gutakangatiri kusikira kigiro kyokyosi kino kitari kyeru hamwe kibhihu" 9Nawe omumiro gutakyoramu kweki amakyoro kweki kureka mwisaro, kino Eryoobha ryararikiri kubha niibhuzomu, otakibhukira kibhihu, 10Yino ekarorekana ngebho isatu nakire ekigiro kikagegwa mwisaro kweki.11Rora eribhaga riyo abhatu batatu, bhabhanga bhimereri kuu kubhwerekera bhwe enyumba yirya twari turimu, bhatumanibhwe kurwera Kaisari kuza kuu neenye. 12Ekoro akanibhurira nigye nabho, nitahukana nabho. Bhano abhasubhe bhasasabha bhakagenda hamwe naa ninyi naa tukagya muunyumba ya muutu wumwe. 13Akatubhurira kyego bhurya yamuruzi omutumwa yimereri mwoosi wee nyumba yaye arabhuga, Noomutumanie Yafa amurete Simoni wuno erina ryaye erindi nii Petro. 14Arahaya amang'ana kuu nawe kugayo araturibhwa awe ne nyumba yazo yosigo"15Hano natangiri okukerenia nabho, Ekoro enzeeru ekaza iguru wabhu kweego akaza kunetwe rwobhukangati bhwaye. 16Ndabhituka amang'ana gaa tataabhugya kwego yakerenie "Yohana akasubha kwaa amanzi, nzawe murazakusabhwa kwee ekozo enzeru."17Kweki eribha Eryoobha rirushirye obhusambiri kyabhuno yatuheri etwe hano twamwikirirye, kuu tataabhugya Yeesu Kristo, enye niiwewi, kubha niranagya kuritema Eryoobha. 18Hano bhakigwa amang'ana gano bhatakyorirye, abho bhakarikumia Eryoobha noo kubhuga, "Eryoobha rirushirye obhwabhiru kuu bhaatu bhabharo kweki.19Bhoono abhekirirya bhano obhunyaki bhukemera kuuruku rwa Stefano bhakanyaragana kureka Yerusaremu - Abhikirirya bhano bhakagya kure, tee bhakahika Foinike, Kipro na Antiokia. Bhakabhabhurira aamang'ana gaa Yeesu omwene omwene kuu bhayahudi nee etari kuwundi wuyo yoosi. 20Nawe abharebhe bhabhunia abhaatu bhookureka Kipro na Krene, bhakaza Antiokia nookukerenia na bhayahudi noo kumukerania tatabhugya Yeesu. 21Noo kubhooko kwa tataabhugya kwabhanaga hamwe nabho, na bhaatu abharu bhakirirya nookumwikyora tataabhugya.22Amang'ana gabhu gakahika mumatwi mwisengero rya Yerusaremu na bhakamutumania Barnaba engende tee Antiokia. 23Hano akaza noo kurora obhunagya bhwe Eryoobha akazomererwana akabhaha amanaga bhoosi kusaaga na tatabhugya mumitima gyabhu. 24Kwookubha yabhanga mutu muzomu naa yizuribhew nee Ekoro enzeeru nee heene nabhaatu bharu bhakahera kuu tataabhugya.25Kweribhaga erindi Barnaba akagya Tarso kumurora Sauri. 26Hano yamubhweni yamuretiri Antiokia ekabha kuumwaka omugima bhakikumania hamwe nee risengero noo kubheegya abhatu bharu. Naabhana abhegibhwa bhakabhirikirwa abhakristo kuurugendo rwoo bhukangati eyo Antiokia.27Nakuzisiku zino abharoti bhakituma kureka Yerusaremu tee Antiokia. 28Owumwe wabhu nii Agabo niyo erina ryaye akimerere akiyerekania nee Ekoro kubha ehari eraza kuza mukyaro kyosi. Yino ekarorekana kuzisiku zyeribhaga rya kira wundi.29Kuubhuyo abhana abhegibhwa, kyoo wumwe, kwego yibho nerye, bhakikirinia okuhira obhusakirya kuu bhahiri bhano bhari bhuyahudi. 30Bhakarora ego, bhakatumania ezimbirya kwookubhoko kwa Barnaba na Sauri.
1Eribhaga riyo omitemi Herode akaramburira okubhoko kwaye kubharya abharebhe bhano bhakurwera mwikumaniryo ili bhanagye kubhanyakya. 2Akamwita Ryakobho omuhiri waye Yohana kwerisabha.3Hano bharuzi erabhazomera Abhayahudi, akamugwata Petro wosi. Rino ribhanga rye emikate gino gitakugasa. 4Hano yamugwatiri, akamara munyumba ya abhabhohwa akamara akatura ebhikundi bine bya abharibhi bhamuribhi yabhanga aragamnyirira kumuhira kubhatu bhano ekimweso5Petro akaturwa munyumba ya abhabhohwa, nawe amasabho gakakorwa kwo omukya no obwikumania kumang'ana gaye ku Ryob ha. 6Rwarukiari kuhika orusiku rwa Herode okugya okumurusyamu, obhutiku bhuyo Petro yabhanga ahindiri gatigati wa abharibhi bhabhiri, yari abhohirwe neeminyororo ebhiri na abharibhi embere we ekiseku bari bararika enyumba ya abhabhohwa.7Rora, abhatumwa bha tatabhugya bhwangigo akamuzaku no obweru bukarabha mwosi. Akamutema Petro murubharu no okumubhukya arabhuga, "Buka bwangu" Niho eminyororo gino yabhanga naagyo asibhikirwe gikasibhuka kureka mumabhoko gaaye. 8Omutumwa akamubhurira, "Ibhoha ezingubho zyazo na wibhohe ebhirato bhyazo! "Petro akakora ego omutumwa akamubhurira," Ibhoha Eribhoho ryazo onirwe inyuma / onyunirire.9Kwego Petro akamutunirirya omutumwa akahuruka igutu, atikirirye kino kikorirwe no omutumwa aribhani kyamahene. Akisega ararora, amaroro. 10Hano yahitiri kumuribhi wembere na we kabhiri, bakahika mukishoko kino kigarirwe ekiseku kye ekyoma kyo jusikirira okugya amujini, kikiguka ekyene kwo okubha yabhuu, bhakahuruka ahabhori bakituima igunguri omutumwa akamara akamutiga.11Petro hano akamara kwimenya, akabhuga, "Boono nikirirye kubha Taatabhugya yamutumiri omutumwa waye yize kunirusya mumabhoko ga Herode kumisego gaabatu boosi babuyahudi. 12Hano yamariri kumenya gayo, akaza kunyumba ya Mariamau nina wabhu Yohana newe Mariko; Abhasengeri baaru bhakikumania nookusabha.13Hano yatemiri hodi kukiseku kyo kuribira, omukari wemirimo wumwe wa kikari wuno akubhirikirwa Roda akaza okwigurahi. 14Hano akamenya nieerira arya Petro, kwo okuzomererwa akatamwa okwiguraho ekiseku; Kumenya gwaaye, akariabha mukinyumba mwaosi; nookubhabhurira kubha Petro yimerereri embere we ekiseku. 15Hayo bakahaya kunewe, "Awe ni muyanga" Nawe okongera akubha anihene niwe. Bakabhuuga "Wuyo no omutumwa waye.16Nawe Petro akagendererya okutema, hano bakiguraho ekiseku, bakamurora no okurugura bukong'u, Petro akabhakirya kwo okubhooko bukiri bukiri akamara akabhurira kyego Tatabhugya amarusiryemu munyumba ya abhabhohwa akabhuga, 17Baburire amang'ana gano Ryakubhoko naabhahiri bhaye, okumara akarwaho akagya rubharika rundi.18Hano kwabheri omwisi, kukabhaho ne ekiruguro kikuru kubharibhi, kugano gabhonikeni ku Petro. 19Hano Herode yamumohirye nawe atamubhweni akabhabhurya abharibhi na akabhuga bhitwe. Agenda kurwa wabhayahudi tee Kaisari no okumenya eyoo.20Herode yabhanga no obhutindi iguru we bhatu bha Tiro na Sidoni. Bakagenda kwo hamwe kunewe, bhakabha no obhusani na Blasto omusakirya, okumara bhakasabha obhuhoreru, kwookubha esi yabhu akanyora ebhyakurya kurwe musi yo omy omuteemi. 21Orusiku runo rwari rwisengerwe Herode akibhoha amibhoko ge mutemi no okwikara kukitumbi kyaye kye omutemi na akabhakerenira.22Abhatu bhaketema ekituri, "Yino nie erika rya Eryoobha ritari irakaryo mutu. 23Bwangwigo omutumwa akamtema, kwookubha atabhanga ariheri Eryoobha obhweru: akaribhwa ne erikorimo akakwa.24Nawe ering'ana ryee Eryoobha rikakina no okunyaragana. 25Hano Barnaba na Sauri hano bhamarir kumara okusakirya kwabhu bhakarwa harya bhakagya Yerusaremu, bakamugega na Yohana wuno erina ryaye ryorutenya ni Marko.
1Bhoono mwisengerero rya Antiokia bhahabha abharoti ne abheegya, bhahabha Barnaba, Simeoni (wuno abhirikirwa Nigeri). Rukio we Krene, Maenaeni omuhiri wuno atari wa manyinga wo Herode omukangti we erigunguri)me Sauri. 2Hano bhahabha bharamusesema Taata no okuteema okuurya. Ekoro endabhu ekabhuga, "Mubhature embarika Barnaba na Sauri, bhakoore emirimo giino mbhabhirikiriri. 3Hano erisengerero riikigara,okuisasama, no okutuura amabhoko gaabhu iguru kubhatu bhayo, bhakabhatiga bhagende.4Kweego Barnaba na Sauri bhakaitegerera Ekoro endaabhu bhakiimtuma kugya Sereukia, kurueyo bhakagenda munyanza kuugya Kipro. 5Hano bhakabha mumugye gwa Srami, bhakahaya ering'ana rye Eryoobha mumusengerero gha abhayahudi, bhahabha ahamwe na Yohana Marko kyo omusabhirya wabhu.6Hani bhagairi kuhikira Pto, bhakamunyoora omutu wuyo ahabha mutururtumi, muyahudi muroti wo orubhehi, wuno erina ryaye rihabha Bar Yesu. 7Omuturutumbi wuno ahasakiriana no omwanagwa Sergio Pauris, ahabha mutu wuno ahabha ne emiseego, omutuyoo akabhasarika Barnaba na Sauri kwo okubha ahenda kuigwa ering'a na rye Eryoobha. 8Nawe erima "Wurya omuturutumbi )akaanga akasakya, akaaasakya okumukyoosya omuanagwa wurya arwe kubhuhene.9Nawe Sauri wuno ahabhrikirwa Paulo ahabha yiiizurwe Ekooro endabhu, akamugorera ezimoni. 10Akabhuga, "Awe omwana we ekihwi wizurwe na amang'ana go obhung'enererya no obhunyahu, awe niomubhisa we kio kyoosi, otakautiga okuzikyoora ezinzira zye Eryoobha, zino zigororokiri oranagya?11Bhoono roora, okubhoko kwe Eryooba kuuriguru wazo orabha muhoku, otakurirora Eryoobha kwi ibhaga, tumuego ekitu ne ekirima bhikaagwa iguru wa Erimas, ariruugura hayo arasabha abhatu bhamuerekeryerye kwo okumugwata akubhoko. 12Hano ommwanagwa yaruuzi kiino kibhonekiri, akiikirirya, kwo okubha akaagwa kitang'wari kuumego ga Taata.13Bhono Pauro na abhasanibhaye bhakagenda mumanzi kuurwa Pto bhakahika Perge ku Pamfiria, nawe Yohana akabhatiga no okukyoora Yerusaremu. 14Pauro no omusani waye bhakagenda kurwa Perge bhakahika Antiokia ye Pisidia, eyo bhakagenda muisengerero orusiku rwo obhuturo no kuikara hasi. 15Hano bhasomiri erisinziro na abharooti, abhahamngati bha amaruaziro bhakatumira anag'hana bhakabhuga, "Abhahiri aribha muna amang'ana go okusakirya abhatu hano, mugahaye.16Kweego Pauro akimerera no okubherekya, okubhoko akabhuuga abhasubhe bha Israeri, bhano mukuigwa Eryoobha, muitegerere. 17Eryoobha rya abhatu bhanao bha Israeri rikasoora bhasukuru bhetu no okubhakora bhaatu bhaaru haano bhakikara mukyaaro kya Misri no okubhoko kwaaye okubha iguru akabherekererya iguutu waye. 18Kumiaka mirongo ene akabhanyakira ku kibhara.19Hano akasarya ebhiaro muhungati muusi ya Kanaani, akabhaha abhatu bhetu ekyaaro kyaabhu kwo obhugabhi. 20Amang'hana ghoosi ghayo ghakakoreka emiaka maghana anne ne emirongo ethano, Hano amang'ana ghayo goosi, Eryoobha rikabhaha abhamenyi ku Samweri omuroti. Kuugayo abhatu bhakamusabha omutumi.21Kweego Eryoobha rikabhabha Sauri omwana wo Kishi, omutu we etubho yo Benjamini, abhe omutemi kwe emiaka mirongo anne. 22Hano Eryoobha rikamurusha kubhutemi, rikamutuura Daudi kuubha omutemi wabhu, ehebha nku Daudi Eryoobha rikabhuuga, NimubhweniDaudi omwana wa Yese kubha omutu wuno asegirwe ne ekoro yaane, wuno arakore ekigiro kiino nsegiiri.23Kuurwa kutubho yo omutu we Eryoobha, ayireteeri Israeri obhuhoru, Yeesu kyeego ahabha abhugiri arakora. 24Riino rikabhaho, Yeesu yakyari kuuza, Yohana kubhuhemero akahaya obhusengerinbhwa abhatu bhosi bha Israeri. 25Hano Yohana ahamarirya emirimo gyaye, akabhuga, muritegera anye ni wewi,? Enye antari wurya, nawe muitegerere, wuno akuza inyuma wane, ntaakwenderwa kumurusha ebhiraato bya amaguru ghaye.26Abhahiri, abhaane bho obhwiburwa bhwa Abrahamu.Bhono ghatighati wenyu murarisengera Eryoobha, kwo okubha amang'ana gano go obhuhoru gatumiirwe. 27Kubhano bhakuikara Yerusaremu, abhakangati bhabhu, bhatabhamenyiri hene, bhatamenyiri eng'ana ya abharooti gaano gakuhwa orusiku rwo obhuturo. Kweego bhakaoora amang'han ga abharooti kwo okumusinziro Yeesu oruuku.28Igaabha bhatabhweni enzira yo oruku rwaye, bhakamusabha Pirato amuite. 29Hano bhamariri amang'na ghayo gakaamirwe kuunewe, bhakamuitumia kurwa kumuuti no okuhindirya mumbihira30Nawe Eryoobha rikamuryoora kuurwa mubhatu. 31Akarorekana nzaaru kubhaano bhaagiri nawe hamwe kuurwa Gariraya kugya Yerusaremu, abhatu bhano ni bherekererya bha abhatu.32Kweego turabhareta ameegyo amazomu kurwa kubhasukuru. 33Eryoobha ryaturiri amang'ana ghaanokunetwe, abhaana bhaabhu kuuriyo akamuryoora Yeesu, no okumukyoora akweki kuuibhuhoru, rino kweki riikakaamwa kuuzaburi yakabhiri, "Awe niomwana wane, rero mbeeri wuso wenyu". 34Kubhuhene ni kubha akamuriora kuurwa mubhhaku kwookubha omubhiri ghwaye gutasaarika, akereniego: Ndakuhana obhuhoru ne enookwe zya Daudi.35Yiino niyo eng'hana yo okuhaya kuzaburi eyindi, otakuikirirya obhuzomu bwaye bhurabhora. 36Hano Daudi yakoriri amazomu ge Eryoobha kuubhuibhuri bhwaye, akahiindira, akahiindirwa hamwe na bha wise wabhu akabhurora obhusaarya. 37Nawe wuno akariorwa ne Eryoobha ataaruzi obhusaarya.38Kweego emenyekene kuneemwe, abhahiri kuhitira omutu ono, amabhira gho obhubhihu ghahayiirwe. 39Kuwuno akuikirirya arabharirwa obhuheru, amangh'ana ghano eriisinziro rya Musa ritabhaheri ehen.40Kweeegi mubhe bhang'eeni ekigiiro kino kyakerenibhwe ne abharooti kitabhoneeka kuunemwe. 41Murore, bhano mukuuzera, muibhurie, kwo okubha ndakyora emirimo ezisiiku zyeenyu emirimo gino mutakunagya kugirora,hano omutu arabhabhurire.42Hnao Pauro na Barnaba baagiri, abhatu bhakabhasabha bhakerenie amang'ana ghayo orusiku rwo obhuuturo. 43Hano omukutano gwe erirwaziro gwahiri, abhayahudi abharu abhahene bhakabharwa inyuma Paulo na Barnaba, bhano bhakakerenia anabho, bhakabhabhurira bhiikare kunookwe ye Eryoobha.44Obhuturo bhuno bhwiziri omugye gwoosigo gukabhwa hamwe okuitegerera eng'hana ye Eryoobha. 45Abhayahudi bhaano bharuzi abhatu bhaaru, bhahabha na amiseego mabhihu, bhakakerania amang'ana ghano gakwanga ebhigiro byaangambirwe na Paulo bhakamutuka.46Nawe Paulo na Barnaba bhakakerania no okubhuga ehabha ni hane erig'ana rye Eryoobha rikerenibhwekunemwe kwookubha murarihebhera kuure kuurwa kunemwe, murirora kubha amutakwenderwa kubhona obhuhoru bhwe ekimera, muangarire turikyorera ebhyaaro. 47Kyeego Taata atubhuriri, akabhuga, mbaturiri emwe kyo obhweru bhwa abhatu bhe ebhiaro kuubha amurete obhuhoru kuzisonga zye ekyaaro.48Ebhiaro hano bhakigwa ghayo bhakigwa bhwahene no okurihaya ering'ana rye Taata, bhaaru bhano bhakasorwa kwo obhuhoru bhwa ekimera bhakiikirirya. 49Ering'ana rya Taata riikanyaragana ekyaaro kyoosi.50Nawe abhayahudi bhakabhabhurira bhano bhirusirye abhakari, abhakangati bho omugye, ghayo ghakakora enyako ku Paulo na Barnaba bhakatasa igutu wo omugye. 51Nawe aulo na Barna bhakiikung'huta oruteri kumaguru ghabu, kumara bhakagya mumugye gwa Ikonia. 52Abhegi bhakabha no obhuzomererwa hamwe ne Ekoro endabhu.
1Ikahikaho kukyaro kya Ikonio kubha Paulo na Brnaba bhakasikira ahagiro hamwi mwi sinagogi rya Abhayahudi okugaamba kyeego eriihyo erikuru rya abhaatu bha Abhayahudi na Abhayunani bhakikirirya. 2Nawe abhayahudi bhano bhatakwisirirya bhakabhasirirya no okubhakora abhatu bhye kaaru kubha bhabhihu kubhihuri.3Kweego bhakikara eyo kworibhaga itaambi, bhakahay kwe ekisubhe no kumanaga ga Taatabhugya, eno ararusha obhuheene bhwe ering'ana rye orubhang rwaye. Akakoreego kwo kurusha obhuteemya ana amaryoryo gakorwa kumabhoko ga Paulo na Brnaba. 4Nawe orubhara orundi orukuru rukahohakania rwo omugye, rukabhaaruka, abhaatu abhandi mbari hagiro hamwigo na abhayahudi, na abhandi hagiro hamwi na abhabhagati.5Hano abhakyaaru na abhayahudi bhari bharabasingirirya abhakuru bhabhu bhakore amabhihu kwookubha harasi no amagina Paulo na Barnaba. 6Bakarimenya riyo nokung'osera mumigye gya Likaonia, Listra na Derbe, ne mzirobho zino zikwinara embarikeeyo. 7Neeyo bhakagamba ering'ana rye Eryoobha.8Neeyo Listra yaari aroho omutu wumwi yikeri, atari na amanaga mumaguru gaaye, mrema atakugenda kwemera yibhwiiru kureka muunda ya nina waye, akyari kugenda. 9Omutu wuyo akigwa Paulo aragamba, Paulo kumanaga akamtoozerya eziimoni zyaaye, akamenya kubha amariri okirirya okuhoribhwa. 10Akagamba kwo riraka rya amanaga imeera kwomaguru gazo, no omutu wuyo akibhururuka iguru nokutanga kugenda.11Na esango ya abhaatu yiiza okurora gano Paulo yakorir bhakahaya kubha Kilikonia amasambwa agatwiziri kuteemo ya abhaatu. 12Bhakamutoga Barnana"Zeu" na Paulo "Herme" kwookubha na yaari omugambi omukuru. 13Omumwesi wo Zeu wuno erisengerero ryaaye igutu yomugye, akareta ahiiri ye eng'oombe no omukubhiko gwa maua tee kwukihita kyomugye ewe ne esaango bhakeenda kurusha ekimweeso.14Nawe abhabhagati bhayo Paulo na Barnaba, hariobhigwiri gayo, bhakatarandora ezingibho zyaabhu bhangu bhwangu bhakagya igutu kusaango irye, bhakarira 15no kuhaya emwe abhatu bhano, kwake mrenda okuteemya gano? nanetwe ni bhaatu nkyabhaneemwe, tuuna emisango nkya ageenyu. Tubhareteeri amang'ana amazomu, kubha mwikyore kureka kumasambwa gano na gano mukutemya gatana bhweera muuze kwu Eryoobha wuno ari nobhuhoru, Eryoobha wuno yatamiri erisaaro ne esi, ne enyanza na bhyoosigo bhino bhiriku. 16Kwa ribhaga rino rikahita, akabhirikirya abhatu bheesi mhokya gano mkuhokya emwe abheene.17Nawe atatamwiri bhusa atari omutwarukania kwiriyo akarora akisi nokubhaana embura kureka kwisaaro eribhaga ryokugesa, no okubhizurya emikya gyeenyu kwubhyakurya no obhuzomerwa. 18Na kumang'ana gano, kwunyako Paulo na Barnababhakehorerya eseengo yirya itige kurusha ekimweso kubhaneebhwo.19Nawe abhayahudi abhandi kureka Antiokia na Ikonia bhakaaza kubhasigirirya bhesaango, bhakabhatema amagina nokubhang'uura Paulo tee igutu yoomugye, bhakiesga kubha bhakuuri. 20Nawe abhegibhwa bhaabho bhakebha bhimeriri haguhi na neewe, akimoka, bhakisikira mujini. Orusiku rwakabhiri, akagya Derbha na Barnaba.21Hano bhamara okwega ering'ana rya Ryoobha kwo mugye gurya no kubhakora abhagibhwa bhaaru, akakyora Listra, tee Ikonio na tee Antiokia. 22Tee bhakikong'ya emiitya gyabhugibhwa bhaabhu kubha bhabhe noomukya gyokugya embere ku mikiriryo no kuhaya. Nawe tee tusikire kwo obhutemi bhwa Eryoobha kukuhitira enyaaku ekuru.23Bhamara okubhasora abhakaruka kubha neebho kwo ezisaango zya abhikirirya, na bhakabha bhasabhri no kwibhohe kurya bhakabhaahaana ku Taatabhugya, wuno bhamwikirirye. 24Kweki bhakiita Pisidia, bhakihika Pamfilia. 25Hano bagambiri amang'ana kwu Perga, bhakahiringita kugya Italia. 26Kureka eyo eriigato tee bhakituma Antiokia hano bhaari bhirushirye kwoobhuhoru bhwo Taatabhugya kwo mirimo gino bhoono bhaari bhagihikirye.27Hano bhahike Antiokia, bhakumania esaango ya hagiro hamwi bhakirusha obhuheene bhugarya Eryoobha koriri kubheneebhwa na kyeego Ryoobha abhiguriri erwigi rwe amikiriryo kwu bhaatu bhe baara. 28Bhakikara ibhaga atambi na abhegibhwa.
1Abhatu abhandi bhakituma kureka Uyahudi na kubhegya bhawamwabhu bharabhuga, hano mutatige "kusarwa kutemwa ya Musa, mutakutura kuturibhwa." 2ibhaga Pauro na Barnabha hano bhahabha na amahaka na amakerenio hamwe nabho abhahiri bhakaramura ku bha Pauro na Barnabha na abhandi bhagende Yerusaremu kwa abhabhgati na abhakatruka iguru wa eribhuryo rino.3Kwego kwo kutumwa kwabhu na erisebngerero, bhakahitiraFoinike na Samaria, bhararagirirya kukyosibwa kwisega kwa ebhyaro. Bhakareta obhuzomerwa bhukuru kubhawamwabhu bhosi. 4Hano bhakaaza Yerusaremu, bhakaturwa na erisengerero na abhabhagati na abhakaruka na bhakahirya orubhoti rwa amang'ana goosi ghano Taatabhugya akoriri hamwe nabho.5Nawe abhatu abhandi bhano bhakikirirya bhahabha mwihizo rya mafarisayo, bhakimerera na kubhuga, ni bhuzo,mu kubhasra na kubharagirirya bhagwaate emigiro gya Musa. 6Kwego abhabhagati na abhakaruka bhakimerera hamwe na kwisega ering'ana rino.7Hano bhakarir amakerenio mataambi Petro akimerera na kuhaya kunebho "bhahiri mumenyiri kubha ekare kusuhu hano kyahiitiri Taatabhugya akakora kusora ghati yenyu, kubha kwa omunwa gwaye ebhyaro bhigwe ekiina na kwikirirya. 8Taatabhugya wuno amenyiri emitima ararorera kwabhu, arabhaha ezikoro ezihoreru, kyego yakoriri kunetwe; 9na atakoriri bhukirania ghati wetu na nebho, akagikora mitima gyabu mizomu na kwikirirya.10Kwego, kwaki, muramusakya Taatabhugya kubha mutureerikane iguru wa abhegi bhano aribhe bhatata wetu hamwe etwe tutakunagya kwigumirirya? 11Nawe turikirirya kubha turaturibhwa kwa ibhando rya Taata Yeesu, kyeego ahabha.12Erikamirirya ryosi rikakirania hano bhahabha bharamwitegerera Brnaba na Pauro hano bhahabha bhararusya orubhoti rwa okutemya amaruguro gano Taatabhugya ahakora hamwe nao kubhatau bha ebhyaro.13Hano bhatigiri okugamba, Yakobo akakyora akabhuga "bhabhiri munitegerere. 14Simoni akakererya kyego Taatabhugya enokwe akabhasakirya ebhyaro kubha bhibonere kureka kwabho abhatu iguru we erina ryaye.15Amang'ana ga abharoti gharikirirania na rino kyego rihabharikaamirwa. 16Ndamare amang'ana ghano ndakyora na kuyomboka kweki eribhuru rya Daudi, rino ryagwiri hasi, ndagororokya nakukyora obhusamiku bhwaye. 17Niho kubha abhatu bhano bhasagiri bhagye kutaata, hamwe na abhatu bheebhyaro bhano bhabhirikirwe na erina ryane. 18Ego nigo akuhaya Taata wuno yakoriri amang'ana na gano gano gamenyekeni kwema ekare ya kare.19Kwego bhono obhutongero bhwane ni kubha titabhaha nuako bhatu mubhyaro bhano bhakumwikyora Taatabhugya. 20Nawe tukaame kwebho kubha bhatigane kure na obhuasarya bhwe erihundukiru emigono gya obhusimbe na kyego bhang'etirwe, na amanyinga. 21Kureka nyibhuro zya bhakaruka bhariho abhatu kunigye bhakwegya na bhumuroro Musa ghati mumasengerero kubhwoyo.22Kwego ekiyerekya kubha ebhazomeri abhabhagati na abhakaruka , hamwe na erisengerero ryosi, kumusora Yuda ahabhirikirwa Barsaba na Sirasi, bhano bhahabha abhabhagati bha erisengerero, na kubhatuma Antiokia na Pauro na Barnaba. 23Bhakakaama ego, "abhabhagati abhakaruka abhahiri, ku abhahiri ebhyaro bhano bhahabha antiokia Shamu na Kirikia obhukerya.24Tukigwa kubha abhatu bhandi bhano tutabhaheri emigiro giyo, bharekiri ewetu na kubhanyakya kumeegyo gano gakureta enyako mumitima gyetu. 25Kwego ero erorekeni bhuzomu kunetwe bhoosi kusora abhatu nokubhatuma kunemwe hamwe na abhasegwa bhetu Barnaba ba Pauro. 26Abhatu bhano bhasarirye obhwikari kwa iguru wa erina rya Taata Yeesu Kirsto.27Kwego tumurete Yuda na Sira, bharabhabhurira amang'ana gayo. 28Kwookubha ikarorekana bhuzomu kub koro ehoreru, na ewetu kutiga kutura iguru wenyu murigo mukuru kukira amang'ana na gano gezinguru. 29Kubha mwikyore kureka kubhigiro bhino bhikurusibhwa, kwihunduguru, amanyinga, na bhigiro bhya kung'etwa, na obhusimbe. Arabha muruitura kure na bhino, erabha kisi kunemwe, ndabharaga,"30Ego bhono, kyego hanyaraganibwe bhakitumira Antiokia, haano bhakamanibhwe hamwe, bhakahikya ering'ana. 31Hano bhakabha bharaisoma bhakazomererwa kwokubha ya okuturwa emitima. 32Yuda na Sira, na abhasengeri bhakabhatura emitima abhahiri na amang'ana maru na kubhaha ezinguru.33Hano bhamariri kwikara ibhaga isuhu eyo, bhaganyaraginibhwa kwa bhuhoreru kureka kubhahiri kubharya bhahabha bhatumirwe. 34[Nawe ekiyerekya buzomu sira kusaga eyo] 35Nawe Pauro na Barnaba bhakikara Antiokia hamwe na aabhandi bhaaru, niho bhakegya na kwerekya ering'ana rya Taata.36Hano yahitiri siku suhu Pauro akahaya ku Barnaba, tukyore bhono na kubhataritra abhahiri mumugye guno tuhegya ering'ana rya Taata, kubharora kyego bhari. 37Barnaba akeenda kumugega hamwe na Yohana wuno akabhirikirwa Mariko. 38Nawe Pauro akisega etari bhuzomu kumugega Mariko, wuno bhatigiri eyo Pamfiria na atagendereri nabho kumirimo.39Kumara hayo kukabhoneka amahaka amakuru, kwego bhakatigana, na Barnaba akamugega Mariko na kuhitira mumeri tee Kipro. 40Nawe Pauro akamusora Sira na kugenda hano yamariri kuhanwa na abhahiri ku nokwe ya Taata. 41Na akagya kuhitira Shamu na Kirikia, aranagya amasengerero.
1Pauro hano yiiziri Derbe Lystra; Rora, harya ahabha ariho omweegi arabhirikirwa wuno yiibhurwe no omukaro wo ekiyahudi aranagya mwisengerero wiise wabhu yaari mgiriku. 2Abhatu bha Listra ne Ikonia bhakamwigwa bhuzoomu. 3Pauro akamweenda agende nawe, kwego akamugega no okumusora, kwookubha abhayahudi bhoosi bhano bhaari eyo, bhari bhamenyiri wise wabhu yaari niiomugiriki.4Hano bhahaagenda bhahahita mumiigye, no okurusya makumiriryo mumasengerero bhikiirirye amakumirirye ghano ghakaamirwe na abhabhagati na abhakaruka bha Yerusaremu. 5Kweego amasengero gakakorwa kwo obhwitegereri, na bhano bhitegereri bhakaruha kwe ezisiku.6Pauro no omurikyaaye bhakaagya Firigia no Garatia, kwo okubha ekoro ye Eryoobha ekabhareekya okukerenia ryo muigunguri rya Asia. 7Hano bhusukiriri Misia, bhakasakya kuugya Bithinia, nawe ekoro ya Yeesu ekabhareekya. 8Kweego bhakahita Misia, bhakaaza tee mumugye gwa Troa.9Ebhiroto bhikamuizira Pauroobhutiku, ahabha ariho omutu wa Makedonia yiimereeri, ahamubhirikira no okubhuga muze mutusakirye eno Makedonia. 10Pauro hano yaruzi ekiroto, niho tukaanza orugeendo okugya Makedonia, akamenya kubha Eryoobha ritubhirikiri okugya okubhagambira ekiina.11Kweego tukiimuka kuurwa Troa, tukaagya akimwe Samothrake, no orusiku runo ruiziri tukahika mumugye gwa Neapori. 12Kurwa hayo tukaagya aFiripi, guyo niomugye gumwe no omugye gwa Makadonia, mugye omukuru mumiigye gye erigunguri no obhutake bhwa Rumi tukiikara siku ndebhe. 13Orusiku rwo obhutuuro, tukaagya iguutu wo ekiseku kwe enzira ye enyaanza ahagiro hano tukiisega. Omweeya guriho ghuno okukoreera obhusasami, tukiikara hasi no okukerenia na bhamayi bhano bhiziiri hamwe.14Mukari wumwe wuno akubhirikirwa Ridia, omuguurya we zambarau, okurwa mumugye ghwa Tiatira, wuno akusengera Eryoobha, akatuitigerera. Taatabhugya akaigura ekoro yaye no okutura amang'ana ghano ghagabhirwe na Pauro. 15Hano yamariri okusubhwa ewe no omugye gwaaye ghuosigo akatubhurira akabhuga. Aribha amuunduzi enye niomuhene ku Taatabhugya, ndaabhisasama musikire muikare owaane, akabhisasama bhukong'u.16Ekabha kubha hano tuhaagya ahagiro okusabha, mwana we ekikari wumwe wuno ahabha ne erisabhwa ryo obhumenyi akasiikana na neetwe. Akamuretera Taatabhugya waye obhuera bhwaru kwo okuroota. 17Omukariooyo akamuurwa inyuma Pauro hamwe na netwe arakora ekituri no okubhuga. akasubhe bhano ni bhabhagati bhe Eryoobha wuno ario mukuru bhano bhakubharariikira emwe amang'ana gho obhweru. 18Akakoreego kwe ezisiku nzaaru. Nawe Pauro akabha atindibhwe ne eng'hana yiiyo, akikyoosya inyuma no okuribhuribhuria erisambwa; Ndabhakubhuriira ku riina rya Yeesu omurueku, ryoosi rikahuruka no okumutiiga rugendo rumwe.19Abhakuuru bhaye hano bharuzi gano bhakwenda gatariho, bhakagwata Pauro na Sira bhakabhang'ura kumnutera embhere yo bhano bhaneezinguru. 20Hano bhabhahikirye kubhasinzi, bhakabhuga, abhasubhe bhano ni Abhayahudi bharakoora eriikikuru mukyaaro kyetu. 21Bhareegya amang'ana ghano ghatari mazomu etwe okughaguata no okuugikiriirye kya Abharumi.22Obhuaru bhwa abhatu bhukabhimukira Pauro na Sira, abhasiinzi bhakarandura ezingibho zyaabhu no okubharusya no okuhatika bhabhatandike ezitianya. 23Hano bhabhataandikiri ezitianya nzaaru, bhakabharekeera mukibhohe, bhakabhahatika abhasierikare bhabhrore bhuzomu. 24Hano bhamariri okuhikirirya erihatiko riyo, abhasirikare bha mukibhohe akabharekera ghati mwosi we erisinzirono okubhabhoha amaguru ghabhu, kuhaagiro hano bhabhatuuriri.25Eribhaga ryo obhutiku bhwa agatigati, Pauro na Sira bhakabha bharasabha no okuemba amembo go okuhaya Eryoobha, eno abhabhohwa abhandi bharategereerya. 26Bhaakiitakya ekirigiito ekikuuro no obhuemero bhwa erisinziro bhukarigita, ebhisuuku bhye erisinziro bhikiiguka ne eminyororo gya abhabhohwa bhoosi gikazugazugz.27Omuribhi we erisnziro akiimuka kuuerwa muziitiro akarora amiryango gyoosi gye erisinziro erisabha ryaye kwo okubha aheenda okuyiita, kwo okubha abhabhuga abhabhohwa bhoosi bhatorokiri. 28Nawe Pauro akatema ekituri kwee eriraaka erikuru, akabhuga, tiiga kuiyiita kwookubha bhoosi turi ahagiro hano.29Omuribhi we erisinziro akasabha bharete ebhimuri akasikira muisinziro bwangu bhwangu, akariigita no okuobhoha akabhaguera Pauro na Sira. 30No okubhahurukyab igutu we erisinziro no okubhuga, abhatake, nikorebhwe nihore? 31Bhoosi bhakabhuuriira" muikirirye Taatabhugya Yeesu wosi orasakiribhwa hamwee n omugye gwazo.32Bhakahaya ering'ana rya Taatabhugya kunewe, hamwe na abhatu bho mugye gwaye. 33omuribhi we erisinziro akabhageega obhutiku bhurya no okubhoogya ahagiro hano banyaharikiri, ewe hamwe na abhatu bha mumugye gwaye bhakasubhwa . 34Akabhareeta Pauro na Sira mumugey gwaaye no okubhakoreera ebhyakurya, woosi aakabha no obhuzomereerwa bhukuru hamwe na abhatu bha mumugye gwaye, kwo okubha bhakiikiriirya Eryoobha.35Hano bhukabha omuisi, abhasiinzi bhakahiira amang'ana kumuriibhi we erisinziro bhakabhuga, mubhatige abhatu bhaarya bhoosi bhageende. 36Omuribi we erisnziro akamuerekya Pauro iguru wa amang'ana gayo kwo okubha, abhasinzi bhakahira amang'ana nitiige mugende kweego muhuruke iguru mugende kwo obhuzomererwa;37Nawe Pauro akabhabhurira, bhakatutema kubhweru abhatu bhayo ni Abharumi, bhatatusinziri bhakwisega kuturekera, mukibhohe, bhoneego bharenda kuturusiamu kwo obhwibhisi? Zeyi eatakunagika ebho abhene bhize kuturusya ahagirohano. 38Abharibhi bhakabhabhuriira abhasinzi iguru wo amang'ana gayo, abhasinzi bhakobhoha heene hano bhakamenya kubha, Pauro na Sira ni Abharumi. 39Abhasinzi bhakaaza no kubhasabha bhakauhuruke hano erisinziro bhakabhasabha Pauro na Sira bhahuruke ugutu wo omugye gwabhu.40Kweego Pauro na Sira bhakahuruka igutu we erisinziro bhakaaza mumugye gwa Lidia, Pauro na Sira hano bhabharuuzi abhahiiri bhakabhasiiga ezikoro no okumara bhakaarwa mukyaaro muyo.
1Hano bhahitiri mumugye gya Amafipori nogundi Aporonia bhakahika tee mumugye gwa Thesasalonike hayo enyumba yri eriho yerongo ku Bhayahudi. 2Kyeego ghari enyangi yaye Pauro akagya owabhu, kwibhagha, rya isiku isatu zyo bhuturo bhwo kumunya akakeerenia munyumba yesango akabhabhurira abhatu amang'ana ighuru wo mukhama omuhereru.3Yaari araturwa akuubhweru kubherekya kubha, Kristo akenderwa yitwe kuhitira enzira ya kuunya kwiibhaga hano akumara aryookee kureka mubhaku. akabhabhura kubha Yeesu wuno nkubhabhurira amang'ana ghaye niwe Kristo. 4Abhayahudi abhandi bhakukirirya amang'ana gha Pauro na Sira hamwe na bhagiriki bhano bhakwikirirya Eryoobha, abhakaari abhaaru bha mang'eni bhakagwatana hamwe.5Nawe Abhayahudi abhandi bho mugye no bhakagya kumuutera, bhakakumania abhaatu bhetemwa embi, abhatu bhayo bhakaatanga kuukora ekuriri mumugye gwoosi. Bhakaagya mumugye gwa Yasoni kuubhakomia, Pauro na Sira, bhabharete kusango yabhatu bhayo. 6Hano Pauro na Sira bhabhuriri bhakaamugwata Yasoni hamwe na abhahiri bhaye nyarurebhe. Bhakabhakangatya tee ku hakuru bhomugye bhakabha bharaghamba kwiraka ikuru kubha, abhatu bhano bhakukora ekuriri mukyaro bhahikiri kuno hosi, 7Abhasubhe bhano bhaginihibhwe yika wa Yasoni, bharazera emigiro ghino ghiturweho kureka kwa Kaisari, eno bharabhugya bhanwe nokwigungya kubha, bhano mutemi wabhu owundi, erina ryaye Yeesu.8Hano abhakuru hamwe nabhatu bhandi bho mugye ghuyo bhigwiri amang'ana ghayo bhakwongera okukora omukongo bhukong'u. 9Hano abhakuru bhe ekyaro bhariri enzaghu Yasoni nabharikyaye bhakabhahatira bhagye owabhu.10Obhutiku bhuyo abhikirirya bha Pauro na Sira bhakabhaheregesha kugya amumugye gwa Beroya hano bhahikiri Beroya, bhakasikira munyumbayesango yo Bhuyahudi. 11Abhayahudi bha mumugye muyo bhari bhang'eni ne temwa enzomu kukira Thesaronike kyego bhakamwitegerera Pauro hano yari okubherekya eng'ana ye Eryoobha, bhakigomba kuitegerera bhakaabha bharisunza obhwandiko amang'ana amahoreru kuzisiku kukora kubha hene nigho ghandikirwe. 12Kweegho bhaaru bhakamwikirirya Yeesu bhakari bhari bharimu bhano bhakusuukwa bhykong'u mubhagiriki hamwe nabhasubhe bharu.13Nawe hano Abhayahudi bha Thesalonike bhamenyiri kubha Pauro aregya eng'ana ye Eryoobha eyo Beroya, bhakagyeyo bhakasigirirya abhatu bha kusaango kukora ekuriri. 14Bhwangu bhwangu abhasegi bha Pauro bhakamuheregesha Pauro kuhitira enzira ya mumanzi nawe Sira hamwe na Timoseo bhakasaaga hayo. 15Abhasegi bha Pauro bhakagya nawe tee Aseno hano bhkakyoora akureka eyo Pauro akabharagirirya kubha Sira na Timaseo bhamugyeku bhwangubhwangu kukubha ewe ahabha asagiriyo.16Hano Pauro yari arabhaganya Sira na Timotheo mumugye gwa Athene ekoro yaye ekanyaharika bhukong'u iguru wemisambwa gya kubha mumugye muyo. 17Kweego akabha arakeerania munyumba ye sango nabhayahudi bhano bhari bhikirirye emungu nabhano bhosi bhahasikana nabho kumutera.18Nawe abhasomi kuureka Waepikueo hamwe nabha Wastoike bhakassikana nawe, abhandi bhakabhuga niki kino akuukeerenia makeerenio ghe kyana abhandi bhakaabhugha, wuno aratwegya mang'ana ghe misambwa mighini, kukubha ghe iguru wa Yeesu nakuryoka kwa abhakuru.19Bhakamugwata Pauro bhakamusira Areoppago bharabhuga turatura kuumenya iguru waamegya mahya ghano okuukerenerya? 20Kukubha oratubhurira mang'ana mahya mumatwi getu. Kwegho turenda kuumenya obhughazuriro bwa mang'ana ghayo?" 21(Eno abhatu bhosi bha Athen hamwe nabhagini bhano bhahabha muwabhu muyo bhakaghegha ibhaitambi kwitegerera eng'ana ehya iyo)22kweegho Pauro akimerera ghatighati yabhatu bha Areopago eno arabhuga, emwe abhatu bha Athene ndarora kubha mbatu bhano musegiri amang'ana ghe nyangi bhukong'u. 23Ndarora hano niihitire mumigye gyenyu ndarora mumasengerero ghenyu hakamiirwe amang'ana ghano ghakubhugha KWE ERYOOBHA RINO RITAMENYEKENI. Kweegho wu o mukusengera mutamumenyiri ni nkuubhakerenerya emwe.24Eryoobha rino ryatemiri kekyaro nabhyosi bhino bhirimu kukubha, niwe Taata wamwisaro ne ekyaro, atakwikara muzinyumba zino zombokirirwe na amabhoko gha abhatu. 25Kweki atakwenda kukorerwa kigiro kyokyosi kuuhitira amabhoko gha b hatu kukubha ewe niwe akuuhana abhatu obhuhoru nebhigiro bhyosi.2627Okurwera kumutu wumwe yakoriri ebhyaro bhyosigho nabhatu bhano bhakwikara mukyaro kiyo akabhaaturira eribhagha kwemera ekaare, akabhatirira ezimimbi hano bhakwikara. Kwegho Eryoobha ryakoririgho abhatu bharyendere tee bhatike, kubhuhene bhuyo atari kure natwoosigho.28Kuhitira ewe Eryoobha tureho turagendererya kubha bhahoru. Nikyo abhakami bha membo ghenyu bhakeemba kub ha, "Etwe nibhano bhagye. 29Kwookubha etwe bhe Eryoobha tutisegha kubha atubheni nemisambwa ghino gyakorirwe kuureka kuu ezahabha, ezimbirya, aribha ghino ghibhaziwe kuumagina.30Ekaare hayo abhatu bhahakora ghayo kwa bhugheghe, Eryoobha rikakira. Nawe bhano arabhabhurira abhatu bhoosi bhakyore kwisasama, 31Nikyo kukuukora atereho orusikurwookuutina ekina kya abhatu bhosi mukyaro bhano bhamusegiri. Eryoobha atwerekirye abhuhene kuhitira kumutu kuhitira hano yamuryoriri kureka mubhatu.32Hano abhatu bha Athene bigwiri amang'ana ghano Pauro akabhabhurira ighuru wo ku Eryoobha abhatu, abhandi bhakamuzera, nawe abhandi bhakabhugha tusegiri okukwitegerera kweki ighuru we ng'ana iyo. 33Hano bhamariri, Pauro akabhatigha. 34Nawe abhatu abhandi bhakamwikirirya, nokugwatana na Pauro, ahabha arimu wuno akubhirikirwa Dionisio Mwariopago, owundi ni mukari wuno akubhirikirwa Damari hamwe nabhatu abhandi.
1Kwookubha yaamang;ana gayo Pauro akabhuka Athene kugya Korintho. 2Eyo akambona Omuyahudi wuno akubhirikirwa Akwira, omutu wa hamatu lya Ponto, ewe noomukari waye arabhirikirwa Prisla, bhanaze kureka eyo Itaria, kwokubha Kraudia, akamuraabha Yahudi bhosigo bhareke Roma, Pauro akaza kunebho. 3Pauro akikara nookukora emirimo nabho kwookubha ewe arakora emirimo gino gitubheni ne egyabhu. Ebho bhahabha bharakora amabhuru.4Pauro akaerenia nabho kwisengerero kurusiku rwo okusabha akabisasama Abhayahudi hsmwe na Abhagiriki. 5Nawe Sira na Timotheo hano bhakaza kureka Mekodonia, Pauro akahunwa ne ekoro kubhabhurira Abhayahudi kubha Yeesu niwe Kiristo. 6Kwibhaga Abhayahudi hano bhakamwanga nookumwegako kwego Pauro akakukura engibho yaye mubhusyobhwabhu, nookubhurira, amanyinga genyu gabhe iguru ye emitwe gyenyu abhene, enye ntana mabhihu. Kurwa bhono nookuhgya ndahikira ebhyaro.7Kwego akabhuka kurwa hanya akabgya kunyumba ya Tito Yusto, omutu wuno akusabha eryobha enyumba yaye erihaguhi na isengerero. 8Krispo, omukangati wa sinsgogi hamwe na abhatu bha yika waye bhakamwikirirya Taatabhugya. Abhatu bharu bha Korintho bhano bhamwigwiri Pauro arakerenia bhakamwikirirya nookubhasindura.9Taatabhugya bhakabhabhurira Pauro obhutiku kwe enzira yoobhuroti otaza kwoobhoha, nawe kerenia nawe otakirirania. 10Kwookubha enye ndihamwe na nawe, na atareho wuno kuza kusakya kukusarya kwookubha nina abhatu bharumugye muno". 11Pauro akikareyo kwibhaga rya mwaka gumwe na mieri esasabha aregya eng'ana ye Eryoobha kubharya bhosi.12Nawe Galio hano yakorirwe mtake wa Akaya, abhayahudi bhakimerera hamwe okutama kubha hamwe na Pauro nookuhira mubhusyo bhwe ekitumbi kyeerisinziro. 13Bhakahaya", Omutu wuno arabhisasama abhatu bhikirirye eryoobha kutamakubha hamwe naemigiro.14Eribhaga rino Pauro ahenda okuhayaGariyo akabhabhurira abhayahudi emwe abhayahudi, ingabheri bhwari awe osarirye, yari kisi okubhasakirya. 15Nawe kwookubha mabhuryo gano gakwenderwa amang'ana na amarina, ne migiro zyenyumbe mugamare emwe abhene, enye ntakugongerya kubha hakimu okumenya amang'ana gayo"16Gario akabhurira bhareke kukitumbi kyerisinziro. 17Hayo bhakamugwata Sosthene omukangati bhasengeri bhakamutema kubhuhikiro bhwe ekitumbi kyoobhunziro. Nawe Gario atatiriri kukino bhakoriri.18Pauro hano ahabha yikeri harya kwibhaga itambi, bhakatiga abhahiri nookugya kuumeri Siria hamwe na Prisira na Akwira bhahabha bhakyari ezinzweri zyaye kwookubha ahabha yirahiri kubha bhurage. 19Hano bhahikiri Efeso, Pauro akatiga Prisira na Akwira harya nawe ewe omwene akasikira mwi erisengerero no okukerenia na bhayahudi.20Hano bhabhuriri Pauro yikare nabho kwibhaga itambi ewe akanga. 21Ewe akareka kunebho, akabhabhurira, "ndokyora kweki kunemwe, okubha niobhusegi bhwe Eriobha". Okumara hayo akabhuka neemeri kureka Efeso.23Pauro hano yahikiri Kaisaria akatira kugya kukerya erisengerero rya Yerusaremu, okumara akituma iyasi we erisengerero rya Antiokia. 22Hano yikeri kwibhaga harya, Pauro akagya akahitira ahagiro na Garatia na Frigia no okubhasiga ezikoro abhegi bhaye.24Omuyahudi oumwe wuno akubhirikirwa Apolo, wuno yibhurwe eyo Alexandria akaza Efeso. Ahabha amenyiri amakerenio na omung'eni huma kano. 25Apolo ahabhe yerekereribhwe kuukwegibhwa bhwa tatabhugya. Kwego ahabha no omukya gatigati we ekoro, akakerenia no okwegya kwoobhuheene naang'ana gano gakwenderwa kuu Yeesu, nawe akamenya obhusinurwa bhwa Yohana. 26Apollo akakangata kukerenia kwe ekisubhe gatigati ye erisengerero. Nawe Prisira na Akwira hano bhamwigwiri akakora obhusani na newe bhakamkamkerenerya iguru weenzira ye eriobha kwo obhuuhene.27Hano yagongerye kubhuka kumsung'ana. Hano yahikiri kwo orubhango akabhasakirya bhukong'u bharya bhahabha bhikirirye. 28Kuunzinguru zyaye na amang'eni Apollo akarekerya kuhitira amakemo gookubha Yeesu niwe Kiristo.
1Ekabha kweego Apolo hano ahabha Korintho, Pauro akahita mutandare zinguru nokuhika gatigati yo mugye gwa Efeso na akabhona abheegi abhandi bhariyo. 2Pauro akabhabhurira, "Mukagega ekoro endabhu hano mukirirya?" Bhakamubhurira, "Zeyi tutanagirye okwigwa kubha ekoro endaabhu.3Pauro akabhuga, "Bhoono emwe mukasubhwabhwi?" Bhakabbhuga", gatigati yobhwibhurwa kabhiri bhwa Yohana. 4Nawe Pauro akabhakyoora, Yohana akasuubha kwobhwibhurwa kabhiri bho kwabhirwa akabhabhurira abhatu bharya kubha murenderwa okumwikirirya wurya akuuza hinga kunewe, wuno Yeesu.5Abhatu hano bhakigwa amang'ana gano, bhakasubhwa kwe rina Taata Yeesu. 6Ekabha Pauro hano akabhateera amabhoko gaye iguru yabhu, Ekoro endabhu ekaza iguru wabhu na bhakawanza okugamba kwe ekigambo kyaabhu no okuroota. 7Obwaaru bwabhu bhahabha bhasubhe bhakuhika ikumi na bhabhiri.8Pauro akageenda gatigati yerisengerero akahaya kwobhuhari kweribhaga rye emieri etatu. Ahabha akangatiri amakerenio nokubharuta abhatu kweego amang'ana gano gakugya no bhutake bhwa Taatabhugya. 9Nawe Abhayahudi abhandi bhahabha bhatakuigwa na bhano bhatakwikirirya, bhakawanza okugamba amabhihu kuzinzira zya Kristo embere ye esaro, Pauro akatigana nabho nokubhahura abhikirirya kure nabho, woosi akanza okugamba kira orusiku gatigati murukungu kwa Tiramo. 10Yino ekagendererya kwe emiaka ebhiri, kweego bhoosi bhahabha bharikara gatigati Asia bhakigwa ering'ana Taatabhugya, bhoosi abhayahudi na abhayunani.11Taatabhugya ahabhaarakora amahokya amakuru kwa amabhoko ga Pauro. 12Kweego abhwarweri ahabhahoribhwa, ne ekoro embihu ekabharwaku, kweribhaga rino bhakagega ekitambara kye engibho yino erweri mumubhiroi gwa Pauro.13Nawe bhahabhahu Abhayahudi bharahembwa erinani bhahurukiri kuhitira ahagiro hayo, kukoreera erina rya Yeesu kwo amang'ana gabhu abhene. Akabhabhurira bharya bhaaari nerinana abhahibhu; Bharabhuga, "Ndabhaatika mureke kwe erina rya Yeesu wuno Pauro akamubhurira. 14Bhano bhakakora gano bhahabha abhana muhungati bha abhagengeri abhakuru bhekiyahudi, Skewa.15Ezikoro ezimbihu zikzbhzkyoora, "Yeesu nimumenyiri, na Pauro nimumenyiri, nawe emwe ni bhawewi?" 16Yirya ekoro embihu mwoosi wo muutu ekabhabhuruurukira abharuusya bheemisambwa nokubhahiza ezinguru nokubhatema. Niho bhakaryara okurwa munyumba yirya bhahabha king'abhu no kunyaharwa. 17Ering'ana rino rikamenyekana ku bhoosi, Abhayunani, bhano bhahikara eyo Efeso bhakakaho no bhoobha bhwaaru, ne erina rya Taatabhugya rikabha bhararisuuka.18Nna abhaaru bho bhwikirirya bhakaaza nokusabha no kuerekania anahokya amabhihu gano bhakoriri. 19Abhaaru bhano bhahabha bharakora obhuganga bhakakumania ebhitabhu byabhu, bhakabhyooka embere ya kila omutu kuribhitiga ryaabhu bhahabhara obhuheene bhwebhigiro bhiyo, bhihabha bhisisnzika mirongo etano byezihera. 20Kweego ering'ana rya Taatabhugya rikanyaragana kwo obhugari gatigati yezinguru.21Pauro akamara obhusakirya bhwaye erya Efeso, Eekoro ekama werekererya okugenda Yerusaremu kuhitira Makedonia na Akaya; Akabhuga, "Eriibhaga yokubha eyo, nirenderwa niyire Rumi yosi. 22Pauro akabhatuma Makedonia abheegi bhaye bhabhiri, Timotheo na Erasto ,bhano bhahabha bhamusakirye. Nawe ewe omwene akasaga Asia kwe eribhaga.23Kuribhaga riyo kukabhoneka enyaako ekuru eyo Efeso kyeego yira enzira. 24Muturi wumwe erina ryaye Demetrio, wuno yakoriri ebhihunduguru byezihera zya Eryoobha Diana akareta ebyasara ebhikuru bya abhahokerya. 25Kweego akabhakumania abhahookya bhemirimo giyo akabhuga, "Abhatake, mumenyiri kubha gatigati yebyasara bino etwe turasikirya ezihera nzaaru.26Muruzi nokwigwa kubha hatari hano Efeso, na haguhi na Asia yoosi, wuno Pauro akabhang'enererya nokubhakyoora abhatu abhaaru. Arabhuga kubha abhatariho bha Taatabhagya bhano bhakorirwe kwa amabhooko. 27Ne etari ego bhuroho obhuhibhu kubha ebyasara byeetu bhirabha bhitakwenderwa kweki, nawe kweki erisengerero rya Taatabhugya okukari wuno omukuru, Diana aranagya kugeegwa kubha atana ng'ana kweki aranagya okubhurya obhukuru bhwaye, ewe wuno Asia nee ekyaaro bharamusabha".28Hano bhakigwa gayo, bhakizurwa nobhurur bhakatema ekitiri, bharabhuga, "Diana wa Waefeso ni mukuru. 29Omugye gwoosi gukizura enyaako na abhayu bhoosi bhakaryara hamwe mwoosi yo orukungu rwe erbharara. Bhakabhagwa abhahuruki abharikyaye na Pauro, gayo na Aristariko, bhano bhakawa Makedonia.30Pauro akenda okusikra musango y abhatu nawe abheegi bhakamurekya. 31Abhatake bha amagunguri Asia bhano bhahabha abhasani bhaaye bhakamuhirira amakerenio kwe ezinguru okumusabha atasikira gatigati wo orukungu rwe eribharaka. 32Abhatu abhaandi bhahabha bhaibhuga kigisoki kino na abhandi ering'ana ringa, kwwokubha esango ya abhatu bhahabha bhayangahiri abhaaru bhaatu bhatanagirye okumenya ni kwaki bhaakaaza hamwe.33Abhayahudi bhakamureta Isekanda igutu ye sango ya abhatu nokumutura iguru embere ya abhaatu. Iskanda akaruusya ekiseengeyo kwo okubhoko kwaye okurusya amerekeryo ku abhaatu. 34Nawe hano bhakamenya kubha ewe ni Muyahudi bhoosi bhakatema ekitiri kweriraka erimwe kweribhaga ryezisa ebhiri, "Diana niomukuru wa waefeso."35Kugayo omukaami wo muugye akabha kirirania bhesango, akabhuga, emwe abhasubhe bha Efeso, ni wewi wuno atamenyiri kubha omugye guno gwa Efeso ni mubhiki we risengerero rya diana omukuru wa rirya ekiriri yino yagwiri okurwa mwisaro? 36Okurora bhoono kubha amang'ana gano gatakunagibhwa, turenderwa tubhe bhahoreru na mutakora kyokyoosi kwa bhwaangu. 37Kwookubha mubhabhirikiri abhaatu bhano hano erirwaziro bhano bhatari abhiri bha mwisengerero na bhatari bhano bhakamwanga tata weetu omukuru.38Kweego, arabhe Demetrio na abhahokya bhano bharihamwe nawe bhana aamasemo iguru yo mutu wowowsi erirwaziro zirimwasi na mwanangwa bhariho. Na bhahirwe embere yo omutaki. 39Nawe aribha awe orakomye kyo kyosi kweego amang'ana agandi garakorerwa gatigati ye ebhikapo ebhizomu. 40Kubhuhene turi gatigati yobhubhihu bhokwisegerwa kweego eriyooge orusiku runo. Ritariho erikosa rya amabhihu gano na tutakubha nobhunagya bhwo kugahaya. 41Kyeego yokuhaya gano, akabhanyaragania amasikaniro.
1Hano erihi ryahwiri, Pauro akabhabhurira abheegya no okubhasigirirya. Kyymwe arabharaga na akarwaho kugya Makedonia. 2Neewe hano yamariri kuhita ezimbara zirya akabhasiiga abhikirirya kwa amang'ana amazomu, akasikira Uyunani. 3Hano yamariri kwikareeyo myeri etatu mukoonyo gukakorwa iguru waye na Abhayahudi hano ahaabha arihaguhi kutanga orogendo rwa okugya Shamu kuhitira enzira ya munyanza, kweego akakubhya akahita enzira ya Makedonia.4Abhatu bhano bhakagya nawe, Sopatiro, omwana wa Piriho okurwa Berea; Aristariko na Sekundo, bhosi kureka kubhikirirya bha Abhathesaronike; Gayo wa Derbe; Timotheo; Tikiko na Trofimo okurwa Asia. 5Nawe abhatu bhano bhamariri kukangata nawe bharibharatuganya erya Troa. 6Kwe enzira ya munyanza kureka Firipi hano ezisiku zya emikate gino gitaturirwemu obhutunduru zyahitiri, kurusiku rwa katano tukabhahikaku eyo Troa. Tukikara eyo siku muhungati.7Kurusiku rwobhutangiro rwe ewiki, hano twaari twikumanirye hamwe tubhega omukate, Pauro akakerenia na abhikirirya. Ahiseega okutanga orugendo tabhori waho, kweego akarekania tee mubhutiku gati. 8Bhihaabhamu bhimuri bhyaaru muukinyumba kyiiguru muno tuhaabha twikamanie hamwe.9Muumura wumwe, erinaryaye Eutiko, ahabha yikeri mwidirisha, akahizwa neezintiro. Kwibhaga rino Pauro ahabha akyaroobhesha kwibhaga itambi, omumura wuyo, ahabha akyasundigiri, akagya hasi okurwa iguru kunyumba yeegorofa yakatatu na akatoorwa amariri kukwa. 10Nawe Pauro akituma hasi, akiigorora omwena iguru waye, akamukundikirya. Kyamwe akabhugha, "Mtige kwita orwondo, kwaokubha wuno ni muhoru".11Kumara akatiira kweki mugorofa akagubhega omukate, akarya. Hano ysmsriri kukerenia nabho kwibhaga itambi tee mumakya, akarwaho. 12Bhakamureta omumura wurya abheri muhoro bhakamuzomererwa.13Etwe abhene tukakangata embere tukagya mumeri, tukirirania okugya Aso, tukiisega okumugega Pauro eyo, kwookubha nigo ahaabha atumenie, ewe omwene ahabha yisegiri kugya kwa aguru. 14Hano yahikiri kwitwe eyo Aso, tukamutiirya mumeribtukagya Itirene.15Kyaamwe etwe turatanga orugendo okurwa eyo no orusiku rwa kabhiri tukahika urubhaara rwa kabhiri rwa ekisiwa kya kio. Etabhori waho, tukahika ekisiwa kya Samo, ne etabhori waho tukahika mumugye gwa Mireto. 16Kwookubha Pauro yaari yisegiri okutanga orugendo kuhitira Efeso, kwookubha ataaza kumara ibhaga ryoryosi, Asia; kwookubha yaari neemamano yo okwanguha Yerusaremu kwiguru ya orusiku orukuru rwa Pentekoste, aribha yari eraturikana ewe kukora ego.17Okurwa Mireto akatuma abhaatu tee Efeso na akabhabhirikira abhakaruka bha mwisengerero. 18Hano bhahikiri kwiiwe, akabhabhurira, emwe abheene mumenyiri kwemera orusiku rwookutenga hano nataziri hano Asia, kyeego haari kuneemwe ibhaga ryaasi. 19Nimuhokererye Taatabhugya emirimo gyaye kwa bhusuuki bhoosi na kwenzingusuri, ne eziinyako zino ziimbweni kwe omukoonyo gwa Abhayahudi. 20Mumenyiri kyego nikiiriha okurarika kunemwe kugiro kyokyosi kino kyaari kizomu, na kyeego enye nikabheegya mwasi mwasi eno ndaagya nyumba kwe enyumba. 21Mumenyiri kyeego nikabha ndabhariihya Abhayahudi na Abhayunani iguru wookutiga ebhibhi ku Taatabhugya no obhwikirirya ku Yeesu.22Na bhono, murore, enye ndabha ndamusuuka ekoro ehoreeru okweekera Yerusaremu, ntige kumenya mang'ana gano gakuza kwinye eyo, 23nawe kwokubha Ekoro ehoreru eranierekenia enye kumigye gyoosi naho eramburira kubha eminyoro ne enyaako nibhyo bhikunganya. 24Nawe enye ntiseegiri kubha obhwikari bhwane kukyaaro ni kwa nzira yoyosi yoobhwera kwinye, niho ninagye okumara orugendo rwane na emirimo gino nikahanwa kurwa ku Taata Yeesu, kwerekania ekiina kya amabhira ga Taatabhugya.25Na bhoono, rora, nimenyiri kubha bhoosi, muubhano nagiri kurwazira ubhutemi, mutakundora mubhusyo kweki. 26Kweego ndabherekenia rero yino, kubha ntana bhubhi kwa amanyinga ga omutu wowosi. 27Kwookubha ntiri bhuri kubhararikira amega goosi ga Taatabhugya.28Kweego mubhe bhookwiriiha iguru wenye abheene, na iguru we erigandabhare ryoryosi rino ekoro ehoreru ebhateeriho emwe mubhe abhangariri. Mubhe bhariibhi okuririsya esango ya Taatabhugya, rino yaguriri kwa amanyinga gaaye omwene. 29Nimenyiri kubha hano ndarweho enye ezisuuzi ezihaari zirasikira kwimwe, nookutama okuryaabhira erihizo. 30Nimenyiri kubha gatigati wenyu abhene abhaatu abheene bharaza no okuhaya amang'ana goolubhurya, niho bhabhrute abheega bharabhatuniriore ebho.31Kweego mubhe meso, Muhiite kubha kumiaka etatu nitatigiri kubheegya kiraoumwe wenyu kwe ezingusuri obhutiku no omwisi. 32Na bhoono enye ndabhatuura ku Taata bhugya, na kweng'ana ya amabhira gaaye, yino ikunagya kubhomboka no okubhaha engabho hamwe na bhoosi bhabhindikirwe ku Taata bhugya.33Nitagongerye hera, zahabhu, hamwe miibhoho. 34Mumenyiri abhene kubha amabhoko gano gamboneri gano gosi narinikwenda agane omwene na gabhano bhaari hamwe nanenye. 35Kumang'ana goosi nabhaheeri ekituubhyo kyeego ekwenderwa okubhasakirya bhano bhatakutura kwa okukora emirimo, na kyeego mukwenderwa okurireta amang'ana ga Taata Yeesu, amang'ana gano ewe omwene akabhuga; "Ni bhuzomu okuruusya kutiiga okugega".36Hano yamariri okugambeego, akahigana akasabha hamwe nabho. 37Bhoosi bhakarira bhukong'u no okumugweera Pauro mubhigoti no okumumesa. 38Bhakarumika kukira goosi kwookubha ya kino yaari ahayiri, kubha rusiku na rumwe bhatakuza kurora bhusyo bhwaye kweki. Kyamwe bharamuheregesya tee mumeeri.
1Kwibhaga rino tuhabha nabho, na twagenda kunyanza tukahika kimwe mumugye gwa Kosi, na etabhori waho tukahika mumugye gwa Rodo, na kureka eyo tukahika mumugye gwa Patara. 2Hano tukabhona emeri yino ekwambukka kugya Finike, tukatira tukagenda.3Hano twahikiri mubhusyo bhwa kisiwa kya Kpro, tukaitiga orubhara rwa obhumosi, tukaghenda tee Siria, tukatura obhwikari kumugye gwa Tiro, kwookubha eyo niyo emeri ehebha yikumwe omurigho gwaye. 4Hano twaruzi abheghi, tukikara eyo ezisikiu muhungati, abhaghi bhano bhakamubhurira Pauro kuhitira kukora kubha ewe ataaza Yerusaremu.5Na hano twamariri ezisiku zirya, etwe tukarekaho kughenda hetu, hoosi hamwe na abhakari bhabhu na abhana bhabhu, bhakatuhereghesya ghati wenzira zyetu tee hano twahurukiri igutu yo omugye, kumara tukatema amaru hasi, tukasabha, tukaraghana no owumwe. 6Tukatira emeri, eno nabho bhakakyora yika wabhu kweki.7Hano twamariri rwetu kureka Tiro, tukahika Toremai, hayo tukahaya abhahiri na tukikara nabho kwa rusiku rumwe. 8Tabhori hayo tukarekayo tukaghenda Kaisaria etwe tukasikira yika wa Firipo kimenyekereryo gwe ekiina, wuno ahabha wumwe wa bharya muhungati nanetwe tukikara hamwe nawe. 9Omutu wuno ahabha na bhakya bhane abhakya bhano bhahabha bhararota.10Bahakabha bhikeri eyo kwa siku muganda akituma kurwa uyahudi muroti wumwe arabhirikirwa Agabo. 11Ewe akaza kunetwe na akaghega omushipi gwa Pauro akibhoha amaguru na amabhoko gaye omwene na akubhuga "ekoro ehoreru erabhuga ego" "Abhayahudi bha yerusaremu bharamubhoha omutu wuno agwatiriri omushipi guno na bharamutura mumabhoko gha abhatu bhe ebhyaro.12Hano tukigwa amang'ana ghayo, ewe na abhatu bhano bhahabha bhikeri ahagiro harya tukamusabha Pauro atatira kugya Yerusaremu. 13Niho Pauro akayora murakoraki emwe murarira na kunibhuna ekoro yane? kwookubha niri kisi etari angu kubhohwa nawe kweki ni kukwera eyo Yerusaremu iguru wa erina rya Taata Yeesu. 14Kwookubha Pauro atahena kutongerwa tukatiga nokuhaya "Kwego amegha gha Taata ghakareke.15Kuhika ezisiku zino tukaghegha ezisakwa zyetu na kutira Yerusaremu 16Abheghi abhasuhu kureka Kaisari kweki bhakatutinirira bhakamureta mutu wumwe arabhirikirwa mnasoni, mutu wa Kipro omwaghi we ekara ahabha yikeri nawe.17twahikiri Yerusaremu abhahiri bhakatutua kwa kuzomerwa. 18Tabhori waho Pauro akagenda hamwe na netwe ku Yakobo na abhakaruka bhoosi bhahabhaho. 19Hano twamariri okubhakerya akabhaha orubhoti yimwe kumara eyindi ya amang'ana ghano Taat bhugya yakoriri ghati we ebhyaro kuhitira obhusakirya bhwaye.20Hano bhakigwa gayo bhakamukumya Taatabhuya na kumubhurira "orarora, muhiri kuriho maghana aringe bhikirirye ghati mwa abhayahudi bhayo bhosi bhana msango gwa kugwata migiro. 21Bhakabhurira iguru wazo kubha eregya abhayahudi bhano bhakwikara ghati ye ebhyaro kutigana na Musa. Na kubha orabhaburira bhatabhassra abhana bhabhu na bhatighe etemwa ye kare.22Tuerenderwa tukoreki? Tigha bhwobha bharigwa kubha awe wiziri. 23Gwego kora kino etwe tukukubhurira bhono tunabho bhatu bhane bhano bhaturiri maraghano. 24Nighoghe abhatu bhano na wisundura omwene wumwe nabho, na obharihire amariho ghabhu bhanagye kumwa emitwe gyabhu kwego owumwe abhone kumenya kubha amang'ana ghano bhabhurirwe iguru waye ni gha bhubhehi bharaga kubha awe kweki oranagya emighiro.25Nawe kwa amang'ana gha ebhyaro bhano bhamwikirirye tukakaama na kurusya amaragiririryo kubha murenderwa kutighana na ebhigiro bhino bhirusibhwe dhahabhu na ihundughuru na amanyinga kureka kukino kyang'etirwe na bhatighane na obhusimbe. 26Niho Pauro akabhagegha abhasubhe no orusiku rwa kabhiri, akisindura omwene hamwe nabho, akasikira mwisengerero kuhaya ibhaga rye siku zya kwisindura na ekimweso kurusibhwa na ekimweso kurusibhwa iguru wa wumwe wabhu.27Ezsiku ziyo muhungato hano zyahikiri kubha abhayahudi bhandi kureka Asia bhakamurora Pauro mwisengerero, na bhamu kikaro bhakatinda na kubhagorokerya amabhoko. 28Bhahabha bharatema ekitiri abhatu bha Israeri mutusakirye wuno ni omutu wuno yabhegirye abhatu hagiro amang'ana ghano ni kihuteti na abhau, migiro, na ahagiro hano, kweki bharatiri abhayahudi mwisengerero na kuhasarya hagiro hano hobhweni. 29Kwokubha kubhwemero bhahab ha bhamuruzi Trifimo muefeso ari hamwe na mumugye nabho bhakisegha kubha Pauro amuretiri mwisengerero.30Omugye gwoosi ghuhabha na obhwobha na abhatu bhakaryara hamwe na kumugwata Pauro bhakamuhurukya igutu wa erisengerero na ebhisaku bhikigharwa. 31Hano bhahabha bharasakya kumwita amagina ghakamuhikira omukuru we erijeshi rya abharibhi kubha Yerusaremu yosi ehabha yizuri bhutindi.32Mara egho bhakaghegha abhasirikare na omukangati akaryarira erihizo ibhagha riyo abhatu hano bhmuruzi omukuru we rijeshi na abhasirikare bhakatiga kumutema Pauro. 33Kumara omukuru werijeshi akamwisukira na kumugwata Pauro na kuhaya abhohwe eminyoror ebhiri akamubhohya awe niwi na akoriri34Abhatu abhandi bhahabha bharitakya kigiro kino, na abhand ekindi, kwookubha omukangati atanagirye kubhabhurira kwokubha ya ekitiri kirya akabhugha Pauro aretwe mungome. 35Hano yahikiri kubutiriro akagegwa no omusirikare kwookubha ya ekitiri kya abhatu. 36Kubha erizo rya abhatu bhakamugyaku na kughenderera kukora ekitiri mumurusyemu wuyo.37Hano Pauro ahabha araretwa mwosi wengome bhakamubhurira omukuru werijeshi ndatira kukubhurira kigiro? wurya omukuru wa erijeshi akabhugha. "Orakerania kiyunani?" 38Awe otari wurya omumisiri wuno akakangata kutigha naakaghega amagaidi bhikwibhine kwibhara?39Pauro akabhugha enye ni muyahudi kureka mugye gwa Tarso ya Kirikia, enye ni mwikari wa mugye kwo kukumibhwa ndabhasabha munihatike nikerenie na abhatu. 40Ibhagha omukangati akamuhana oruhusa Pauro akimerera kubhutwiro na akarusya kutemya kwa abha kwa kubho kwaye. Hano tuhabha na obhukiri bhukong'u akakerania nabho kwa Kiebhrania.
1Abhahiri na bhatata bhane, mwerekerere okuhana bhane bhanondakore kunemwe bhono. 2Amasikaniro hano bhakigwa Pauro akongerya nabho bha ibrania bhakakiririrana akabhuga.3Enye Myahudi ibhurwe mumugye Tarso ahagiro rya Kirikia, nawe nkabhona amerekereryo gatigati mumugye guno mumaguru ga Gamarieri, ngekegibhwa okuringana henzira ye heene emigiro za bhataata bhetu, enye nina omukya kukunobha, kyego emwe mwosigo muri rero. 4Nkabha kuyari kurina rino ntee kukwa nkabhabhoha abhasubhe na abhakari no kubhatasa mukibhoho. 5Na wosi kuhani omukuru na abhakaruka bhosi bharanagya okurusha obhuhene kubha nkagega erigamba rya amakamo okurwa kunebho kwo kubha abhahiri bhano Dameski, kunenye kuhuruka ndagya eyo, yari mbarete abhatu Yerusaremu bhe enzira irya bhabhohwe no kutemwa.6Ekarorekana ubha harya nihabha nihurukiri ndihaguhi Dameski, abhanyarobho mumwisi kitu kirirano obheru omukuru ekarwera mwisaro ekabha eranimirikiro. 7Nkagwa hasi no okwigwa omukiro kugumburira, Sauri kwaki orantindya. 8Nkumukyora awe niwi tatabhugya? akamburira enye ni Yeesu mnazareti wuno awe orantindya?9Bharya bhahabha na nenye bhakarora omweru, nawe bhatigwiri omuniiro gwa urio wuno akagamba na nenye. 10Nkabhuga, nkore eki taatabhugya? taat akamburira, imerere no osikire Dameski eyo orabhurirwa amang'ana gosigo gano gakwenderwa kore. 11Tanagirye kurora kwookubha yo omweru bhurya niho nkagya Dameski kwo kwererkeriribha no okubhoko ga bharya bhahabha na nenye.12Eno nkasikana no mutu wuno abhirikirwe Anania yari omutu wuno agwatiri emigiro na bhano bhari bhakusukwa embere ya bhayahudi bhosi bhano bhari bhakuigwato eyo. 13Akaza kunenye akimerera embere yani, akabhuga muhiri wane Sauri obhone kurora ku mweya guurya gurya nkamurora.14Akabhaga eriobha ra taata bhugya owetu okusariri awe omenye amega gaye okumurora wurya omwene ehene no okwigwa omumiro guno gukarya mumunwa gwaye. 15Kwookubha orabha omutania waye wa bhatu bhusi iguru wa gano oruzi no kwigwa. 16Bhono kwaki oraganya bhuka otubhiribhwe mumanzi wisabhibwe amabhihu gazo oraribhirikira erina ryaye.17Hano akakyora Yerusaremu na hano nari ndasabha mosi mwisengerero erakorekana kubha nkahanwa mang'ana. 18Nkamurora akamubhurira bhangu na orwe Yerusaremu bhangu, kwokubha bhatakukirirya kurora bwazo kunenye.19Ndabhuga taatabhugya ebho abhene bhamenyiri abhabhoha mukibhoho no kubhatema bharya bhakakwiririrya gatigati we erisariro. 20Na amanyinga ga Stefano omutani wane hano akitirya na nenye nosi nihabha nimereri haguhi no kwikirirya nihabha ndaribha ezingibho zyabharya bhano bhahabha bhamutetiri. 21Nawe akamburira, nogie kwokubha enye ndakutumania ogende kure kubhatu bha ekiaro"22Abhatu bhakamukirirya agambe iguru we ering'ana rino, kwokubha bhakendere omuriro no okubhuga" murisheho omutu wuno gatigati we kiaro; kwokubha heriebhe kimera. 23Hano bhari bhakutirya omumiro no okurekera amibhoko gabhuno kurekera omugundikiriryo iguru. 24Omuhari omukuru akabhurira Pauro aturwe mwibhanza akamirirya bhamubhurye eno aratemwa ezikobha niho ewe omwene kwaki bhahabha bhaeamutemerera ekitiri bhuyo.25Hno bhahabha bhamubhohiri no orusiku, Pauro akamubhurira urya akienda wuno yari yimereri haguhi nawe? Iyo ni hene emwe kumtama omutu wuno yari murumi na akyari kumwamurira? 26Wona akida hano akigwa amang'ana gayo akagya omuhari omukuru akaza na amubhurira, akabhuga, orenda kukoraki? kwokubha omutu wuno ni muruki.27Omuhari mukuru akaza akamubhirira akabhuga "Mbhuurirwe awe ni mwikari wa Rumi Pauro akabhuga, "hee". 28Omuhari akamuhorya "kuhitire kisuhu ekikuru kye esiringi iho nkabhona omwikari nawe Pauro akamubhurira enye ni Murumi wo obhukangati. 29Niho bharya kisi okugya kumubhurya bhakagya no okumutiga eribhaga riyo riyo omuhari wosi akobhoha hao akamenya kubha Pauro ni omurumi kwo kubha akamubhoha.30Orusiku ino ekwarya inyuma omuhari omukuru akenda okumenya obhuhene bha amasemo a abhayahudi iguru wa Pauro, niho amtanzura ebibhoko bhaya akabhabhurira abhakuru bha abhasengeri bha mwibharaza bhosigo iyasi no okumtura gatgati wabhu.
1Pauro akabharoora kimwe kimwe abhatu bhe eribharaza akabhuuga. Abhahiiri bhaane nikeeri haguihi ne Eryoobha kwa kooro nzoomu reero. 2Omusengeri omukuuru Anania akabhahamurisha bhaano bhimereeri haguuhi na neewe bhamuteme omuunwe gwaaye. 3Niho Pauro akamubhuriira, Eryoobha rirakuteema awe orugiito ruumo ruhakiirwe echakaa, wikeeri oraatima kwe emigiro, woosi orahamurisha nteemwe kutiiga emiigiro.4Bhhno bhaari bhimereri haguuhi na neewe bhakabbhuga, kumbe nigo okumutuuka omusengeeri omukuuru we Eryoobha? 5Pauro akabhuga, bhahiiri bhane enye ntamenyiri kubha uno ni omusengeri omukuru. Kwo kuubha ekamiirwe otakukerenia bhubhihu iguru wo omutawaane wa abhaatu bhaazo.6Pauro haano yaruuzi kuubha orubhaara oruumwe rwe eribharara ni masadukayo na abhandi ni mafarisayo, akongeerya eriraaka akabhuuuga, bhahiiri bhaane enye ni mfarisayo, omwoona wo omufarisayo, kwookubha ndamahiiirira obhuhaari bhwo okuryooka abhaaku bhaano nkuhukumiirwe nabho. 7Hano yagambiri gaayo iyooge ikuuru rikabhooho rya mafarisayo na masadukayo no omukutano gukatwanikaana. 8Amasadukayo garabhuga bhuryooki bhutareeho, maraika, hata ekoro etareho amafarisayo bharabhuga gaayo goosi gaariho.9Iyooge ikuuru rikabhooho na abhakereenya abhamwe bhano bhaari orubhara rwa amafarisayo bhakimerera na kukerania bhakabhuga tukyaari kuroora ng'ana mbiihukumuutu uno. Nibhuri au ekoro, au maraika akereenie na neewe? 10Eribhaaga rino ekabhooneka eng'ana ekuuru, omukuru wa abhasirikare akobhooha kuubha Pauro yaratimwa matiniika na neebho, kuugayi akahamuriisha abhasirikare bhituunie iyaasi bhamugeege kwa nguuru kureeka kuubhajumbe bhe eribharaaza bhamureeta mwigereeza.11Obhuutiiku bhuno bhwafatiiye akimerera haguuhi na neewe akabhuga, otabhoha kwookubha onduuzi Yerusaremu, kweego orarusia obhuheene hata Roma.12Hano kwekiri Abhayahudi abhamwe bhaarya omuunwa na kibhiriikira eraana iguru waabhu abheene. Bhakabhuuga bhatakuurya waara kuunywa kyokyoosi kiirya mpaka haano bharamwiite Pauro. 13Bhaahabhooho abhaatu zaiidi ya miringo eene bhaano bhakariri amang'eeni gaayo.14Bhaakaagya kubhaakuru bha abhasengeri na abhakaruuka bhakabhuuga. Twiteeri abheene kuroorana ekuuru, tutarya kyokyosi mpaka hano turamwiite Pauro. 15Kweego, eribharaza rimubhurire omukuru wa abhasirikare abharetereewe kwookubha etwe twamuuri kumwita kwibhaga rino akyari kuuza haano.16Omwana wo omusubhati waye na Pauro akigwa kubha gakoriirwe amang'eeni akagya akasikiira mwosi we eseng'eenge akamubhurira Pauro. 17Pauro akamubhirikira akida uumwe akabhuga, mumugege omumura wuno kuumkuru kwokubha ana ering'ana rya okumubhurira.18Akida akamugeega omumura uuyo akamuhiira kuu omukuru wa abhasirikare akamubhurira, Pauro omubhoohwe akambirikira akeenda nikuretere omurooro kwaawe, ana ering'ana ryo okukubhurira. 19Omukuru akamugwata okubhooko akagya nawe embariika akamubhuurya. Ni kigirooki okweenda kunibhuriira.20Omuumuurooyo akabhuga, abhayahudi bhikirireenie kukusabha tabhoori omureete Pauro mwibharaza kwokubha bhareenda kubhoona amang'ana gaaye bhuzomu zaidi. 21Otaza kwikiriirya kwo kubha abhaatu zaidi ya miroongo eene bharamumoohya bhwibhisi. Bhigwatiri eraana, bhataarya waara bhataanywa mpaka haano bharamwiita. Mpaka bhoono bhaari tayari bharaganya oruguusa rwazo.22Omukuuru wa abhasirikare akabhatiga omumurooyo akagya zyaaye, hano yamutemeenie, otamubhiriira mutu wowosi kuubha omburiiri gaano. 23Akabhiriikiira maakida bhabhiiri akabhabhuriira bhatayariishe bhasirikare magana abhiri kuugya Kaisaria, na abhasirikare abhezifarasi mirongo muhungati, bha amatiimu magana abhiri, muriimuka ezaamu ya kataatu yo obhutiiku. 24Abhabhirikira kutuura haayo ezityeenyi zino Pauro akamutiimira na kumugeega bhuzoomu ku Feliki Gavana.25Akakaama enyarubha kama iino. 26KlaudiaLisia ku liwali wiiguru Feliki ndakukeerya. 27Omutu uno akagwatwa na abhayahudi, bhahabha haguuhi kumwiita niho nkagya hamwe ne ekikosi kya abhasirikare nkamuhoonya, hano nkabhoona amang'ana kubha ewe ni mwikari wa Kirumi.28Nkenda kumenya kwaki bharamuseema, niiho nkamuuhiira mwibharaza. 29Nkaroora kubha esemiirwe kwokubha yo okubhuurya emuuma yaabhu atasemirwe kwing'ana ryoryosi rino rikwenderwa kwiitwa waana kubhohwa. 30Ekemenyekana kuneenye kuubha bharamukoreera mang'eeni kuneewe nkakoora bhwaangu nkamutuuma kuu nawe na kubhatumanuia bhano bhakumusema bhareete amasemo gaye kunaawe bhakaragana.31Abhasirikare bhakikirirya ehamuuri, bhakamugeega Pauro bhakamuhira Antipatrio, obhutiku. 32Orusiku runo rukafata abhasirikare bhaaru bhakabhatiga abhatiiri bhe ezifarasi bhakagya hamwe bhaagye hamwe na newe, na neebho bhakakyoora mukambi. 33Na abhatiiri kuzifarasi hano bhahikiri Kaisaria, na kumuhana Liwali enyarubha bhakamutuma Pauro embere waaye.34Hano Liwali akaisoma enyarubha akamubhuurya Pauro, arekiiri ijimbo riihe, hano yameriiri kuubha ni mutu wa Kilikia. 35Akabhuga, ndakwiigwa awe hano bharaze bhano bhakusamiiri, akarusya ehamuuri atuurwe muhofiisi ya Herode.
1Hano zyabhiriezisiku isano nania omumwesi omukuru, kwaabhakaruka abharebhe romukerania wumwe wuno akubhirikirwa Terturo, bhakagenda aharya. Abhabhano bharetiri amasemo gaa Pauro, kuu Gavan. 2Pauro hano akimerera kubhukangati bhwa Gavana, Terturo, akatanga okumusema noo kukerenia kuu Gavana "kwookubha yazo tunabhwe obhuhoreru bhukuru, naa kubhuroti bhwazo bhurararetaamikyooro mazomu kuu kyaro kyetu. 3Nawe kubhukumia bhoosi turagwatirira kire ekigiroo kino okutemia, obhakerye omusukwa Ferki.4Nawe nitaza kukuhinia bhukong'u, nirakukumania onitegerer amang'ana masuhu obhusakirya bhwazo. 5Kwa bhoono tumubheni omutu wuno omutindi, na arakora abhayahudi bhoosi okutiga ekiaro, nawe ni omukangati wa masengero ga wanazarayo. (gwatirira ahagiro haa mang'ana goo mukiriri guno 6Naa kweki akasakya okutura mwisengerero obhukonu kweego tukamugwata bhatarimu muu masangyo amazomu gee kara (Gwatirira omukiriri guno).7Risiasi mukuru kaaza naa kamugega kwa managa mumabhoko getu, bhutarimo muumasangyo amazomu gaa makamo gee kare). 8Oramubhurye Pauro kuu mang'ana gano kweeki oranagia kwega niikigiroki tumusemeri. 9Abhayahudi bhoosi bhakamusema Pauro, bhakabhuga kubha amang'ana gano gari gaheene.10Omutake hano yamugororekerye okubhoko anagye Pauro okukerania, Pauro akamukyora, "Nimenyiri okubha kumiaka emiaru obheri omwamuri weesi yino, nani noobhuzomererwa okukeranirya omwene kwawe. 11Oranagya kukora bhwaaheene kubha zyakyari kuhita ezisiku nzomu kwiikumi niibhiri kweema hano nitiriri kugya kusengera Yerusaremu. 12Na hano bhambhweeni musengero nitahateni na mutu woyo woosi nitakoreri ekituri mukikaro nabhe kweki mumasengerero kweki nabhe mwoosi wee emigye. 13Na kweki bhatakunagya kubha ona obhuheene nawe kumasemo gano bhakusema kuu nawe.14Nawe nirikirirya rino kuu nawe yoo kubha kweenzira yirya yino bhakubhitirira erisengero kweenzira yiyo nee nirarihokerya Eryoobha ryaa bhataata bheetu enye ni muheene kuugosi gano gari mwihatike naa mumakamo gaa bharoti. 15Nina ekisubhe kirya kirya kuu Eryoobha kino na bhara bhoosi bhakukiganya kuuza kubhukundukuro bhwa bhaaku, kuubhosi bheene eheene naa bhano bhatana eheene bhoosi. 16Nakurino nirakora emirimo ninagye kubha nee heene yino etana obhusarya kubhaakangati wee Eryoobha na kubhakangati bhwa abhatu kugendera mumang'ana gosi.17Bhoono hano emia emiaru giziri okurusia obhusakirya kuusi yane noobhusambuiri bhwee zihera. 18Hano nakoririgo, Abhayahudi abharebhe bhaa Asia bhakaniryoora mwosi wee nyangi yoo bhuzomibhwa mwosi wee risengero, bhatu bhani bhatari bharohu hamwe kituru. 19Abhatu bhano yabhanga bhakwenderwa kubhaho kuubhukangati bhwazo bhoonego nabhakerenie kirya bhanakyo iguru wane aribha bhanang'ana iyoyosi.20Hamwe abhatu bhano abheene bhabhugiri nii bhusaryaki bhuno bharuzi kuu neenye hano nimereri mubhukangati bhwee erisinziro ryee kiyahudi. 21Nawe kwe kigiro kimwe kino nihayiri kwoo mumiro hano nikimerera gatigati wabhu ni kwamang'ana goo bhuryokya bhwa bhwakuemwe muranzinzira.22Feliki yabhanga abhurirwe bhuzomu kwee nzira na akakikubhya ekikoro. Akabhuga "Liaia omukimari hano araze hasi kureka Yerusaremu nirarusha obutwaani kania bhwa masemo genyu. 23Niho akamubhurira omugaruga amaribhe Pauro, nawe abhe noo mweya natabhaho muutu wakubharekya bhasani bhaye bhatamusakirya nabhe kumutarira.24Hano zyaabhuri ezisiku ezindebhe, Feliki akakyora Dursila mukaye wuno yabhanga muyahudi akatumania kumubhirikira Pauro nakitegerera kureka kwewe amang'ana ge heene mwoosi wa Kristo Yeesu. 25Hano Pauro yabhanga akukerenia nawe kuu heene, kubha na kisuhu kwisinziro rino rikuza, Feliki akabhona obhwobha akamukyoora, "Nogye kure kwa bhoonego ndaza kubhona eribhaga kweki, nirakubhirikira".26Eryoobha riyo riyo ahaganya kubha Pauro aramuha ezimbirya kubhuyo akamubhirikira kabhanga karu akakerenia nawe. 27Hano miaka ebhiri gyahitiriPorkio Festo akabha omutake hano yamariri Feliki, nawe Felikiakeenda kukangatirirya kuu bhayahudi kweego akamutiga Pauro iyasi woo bhurorereri.
1Niho Festo akasikira mwitinika ryee ekyaaro hano zyahuriri siku isatu akagya kurwa Kaisari tee Yerusareemu.. 2Omumweesi omukuru na Abhayahudi bhano bhamenyekeni bhakarete okwisegeera na Pauro ku Festo, bakakerania kwa managa ku Festo. 3Bakamusabha Festo ebigengi iguru wa amanjana ga Pauro amenye kumubhirikira Yerusaremu amaenye kumwita munzira.4Nawe Festo akabhakyora kubha Pauro yabhanga mubhahwa eyo Kaisaria no okubha ewe omwene arakyoora eyo bwangu. 5Akabhuga "Ku gayo bhano bhakunagya, bharanagya okugenda eyo nanetwe. Aribha kireho kigiro kibhihu kumutu wuyo, murenderwa kumusema"6Hano bhamariri kwikara siku inyanye hamwe ikumi embere, akagharuka Kaisaria. No orusiku runo rwa rwiri inyuma akaikara kukitumbi kyo obhusinziro no okumubhurira Pauro bhamurete kunewe. 7Hano yahikiri, Abhayahudi kurwera Yerusaremu bhakimerera haguhi, bhakarusia amasemo mara makong'u ghano bhatanagirye okubhona amahene. 8Pauro akakerania no okubhugaa. Etari kisina rya Abhayahudi, itari iguru ye erisengero na etari ya Kaisaria, nikoriri amabhihu.'9Nawe Festo akenda kwikangatirirya kubhayahudi, kwego akamukyora Pauro kwookubhuga, awe, orenda kugya Yerusaremu no okusinzirwa na nenye kumang'ana gano eyoo? 10Pauro akabhuga nirimerera ambere ye ekitumbi kye erisinziro kya Kaisari hano nikwenderwa kusinzirwa. Nikyari kubhasarirya Abhayahudi, awe omenyiri buzomu.11Niribha nisarirye naabha nikoriri kino kikwenderwa oruku, nitakwanga kukwa. Nawe aribha amisego ghabhu gatari kigiro, atareho mutu wuno akunagya kunitura kwebho. Niramusabha Kaisari. 12Hano Festo arimara okukerania ne erirwaziro akamukyora "Oramusabha Kaisari; oragenda ku Kaisari".13Hano ezisku ndebhe zirahwe, omutemi Agripa na Bernike bhakahika Kaisari okukora orugendo rwabhu ku Festo. 14Hano bhamariri kwikara hayo ezisiku nzaru, Festo akahikya amasemo gaa Pauro kumtemi. Akabhuga; omutu wuno we akatigwa hano na Feriki kubha mubhohwa. 15Hano niabhanaga Yerusaremu abhamwesi na abhakaruka abha abhayahudi bhakareta amasemo iguru wo omutu wuno kuninye nebho bhakabhurya iguru wo obhusinzi bhwo omutu wuno. 16Kurino enye nikabhakyora kubha etari temwe ya Abharoma kumurusia mutu kwookugwera kwo omweya gwoomwisengerwa arenderwa kubha no omweya gwokubhahana abhasemwa bhaye nookukerania kwokwoturya kumisego gayo bhakwisengerwa.17Hano bhakaza hamwe hayo, nitanagirye, kuganya, nawe orusiku rwa tabhori yaaho nikikara kukitumbi kye erisinziro no okubhabhurira omutwooyo aretwe mwosi. 18Hano abhasemi bhakimerera no okumusema, nikisega kubha gatareho makuru gano garusibhwe kunewe. 19Omweya gwaye, bhabhanga no obhuhakani bhurebhe kunewe bwo bhusengeri bhwabhu no obhundi ku Yeesu wuno yabhanga akuri. Nawe Pauro arabhuga areho muhoruu. 20Nabhanga nibhisirwe gyego niramahye ering'ana rino, nikamubhurya aribha yangagiri Yerusaremu okusinzirwa kumang'ana gayo.21Nawe hano Pauro akabhirikirwa agwatwe aturwe hasi kubhuribhwa kwookubha omutemi ahayiri, nikabhuga aturwe nabhe ningamuhira ku Kaisari. 22Agripa akakerania na Festo, "Narine segiri kweki okwitengeererera omutwano". "Festo akabhuga, "Tabhori oramwitengerera".23Kwego tabhori yaho, Agripa na Berneke bhakahika ne ezinyangi nzuri bhakahika murukungu na abhakuru ibha abhanajeshi, na abhatu abhakamibhwa bha mumugye. Festo hano yarusirye ndagozyee Eryoobha, Pauro akaretwa kunebho. 24Festo akabhuga, "Omutemi Agripa, nabhaatu bhosigo bhano bharihano hamweego nanitwe, muramurora omutu wuno; Abhaatu bhosiigo bha bhuyahudi eyo Yersaremu na hano hoosi bhendiri nibhatongere, nebho bhakatema ekituri kwinye kubha atikara.25Nikarora kubha atakoriri riryoryoosi rino rikwenderwa akwe; Nawe kwokubha abhirikirwe no omutemi, nikamurwa kumuhira kwekwe. 26Nawe nitana kigiro kya hene kino nirakane kumutemi kurino, nimuretiri kwawe hane kunawe, omutemi Agripa, nibhone ekigiro kyookukana kumasemo gaye. 27Kwookubha nirarora itareho ng'ana yokumuhira mubhohwa kitareho kino kyerekibhwe kumasemo gano anago gamukwatiri.
1Ego, Agripa akamubhurira Pauro, wikiriribhwe okwizozoma niho Pauro akinura okubhoko kwaye akiizozoma ego. 2Ndiirora mwane bhuzomwererwa, omutemi Agripa kwo okukoora amasemo gaane wazorero kuumasemo gha abhayahudi. 3Kweego, kwo okubha awe nio omuroti we emiigiro gya abhayahudi no okubhurya, kwego ndakusabha oniitegerere kwo okwiikarira ekibhandira.4Heene, Abhayahudi bhoosi bhmenyiri ekikarire kyaane kwema obhumura bhane mukyaaro kyaane kya Yerusaremu. 5Bhanimenyiri kwemera obwe kubhwa nikikara kyo omutarisayo, enisengerero erihaari ryo obhusengerero bhweetu.6Bhono nimereri hano nisinzirwe, kwookubha enye nkaroora amang'ana gano Eryoobha ryakoriri na abhasukuru. 7Gaano niamang'ana gano ezitubho zyetu ikumi nii ibhiri zikuuza kuubhona kurwa ku Eryoobha haano bhararisengere obhutiku no omwisi kwo amiseego gayo omutemi Agripa, Abhayahudi bharaseema. 8Kweki kunemwe muriisega kubha Eryoobha ritakunagya kuryoora abhaku?9Eribhaga owumwe miritengerera omwene kubha niari ndakora amang'ana maaru kurina rya Yeesu Kristo wa Nazareti. 10Nkakoora ghayo Yerusaremu nkabhaabhooha bhaaru mukibhohe, niahabha no obhuhaangya kuurwa kubhakuru bha abhasengeri okukoreego; ne eribhaga ndabhiita nkateema ezikura iguuru wabhu. 11Eribhaga ryaru nihabhakorego mumasengerero ghoosi nkaasakya kubhakoora bhange obhwikirirya bhwaabhu, nihabha no obhutindi kunebho, nkabhahebha mumiigye gya mubhugini.12Hano nihakora ghayo nkaagya Dameski nihabha no obhukuru no obhuherekererya kuurwa kubhasengeri abhakuru. 13Hano nihabha kunzira eribhaga rya mumwisi omutemo nkaroora obhweru kubha mwisaro bhuhabha bhuhari kukira Eryoobha, bhukeera kutuirugutirirya enye nabhatu bhano bhahagenda hamwe ne nenye. 14Tuosiigo tukaagwa hasi, nikiigwa eriraka riragamba ne nenye kukigambo kye kiebrania; Sauri, Sauri! kwaki oraninyaakya? ni bhukong'u kuneebho okugutema no okuguru omuchokoo.15Niho nkabhuga, awe ni wewi, Taata? Taata akanikyoora, Enye ni Yeesu wuno okunyakya. 16Bhoono wimuke wimwrere kwo amaguru gazo kwao okubha enye niyerekenie kunawe, nkuturiri obhe mubhagati iguru wa amang'ana ghaane ghano omenyiri bhono na ghano ndaakwerekye eribhaga rino rikuuza. 17Ndakusakirya kuurwa ku bhatu bhe bhiaro eno nkunkutuma. 18Okuramukya ameso ghabhu no okubharusha mukiirima okugya kubhueru no okuurwa muziinguru zye ebhibhwi, bhikyorere Eryoobha; Bhaabhone ku Eryoobha obhwabhirwa bhwo obhubhihu no okugabha ob huzomu kuurwa kunenye.19Kweego omutemi Agripa, ntaangirye kutiga amerekenio gha mwisaro. 20Nawe kubhano bhari Dameski, Yerusaremu ne ekyaaro kyoosi kya Yudea no kubhatu bhe bhiaro ebhindi, nkabhabhurira bhatiige bhikyorere Eryoobha bhakoore amang'ana gano gakunagila okusindurwa. 21Kwo okubha ego abhayahudi bhakaniigwata muisengerero, bhakasakya kuniita.22Eryoobha rinsakirye ne bhono, kweego ndimerera kubhabhurira abhatu abhasuhu ne abhakuru iguru ya gano abharoti ne Musa bhabhugiri gharaaza kubhoneka bhutari bhundi. 23Kubha Kristo araza kuteseka arabha wo obhumero okurioka okuerwa mubhaku no okurekya obhuheru ku bhayahudi ne abhatu bhe bhiaro.24Puro hano yamariri okuizozoma, Festo akagamba kwe eriraka ikuru, Pauro awe ni muyanga ori! obhwegi bhwazo bhukukoriri obheri muyanga. 25Nawe Pauro akabhuga, enye ntari muyanga omuare Festo, nawe kwo obhuhari ndahaya amang'ana go obhuhene. 26Kwo okubha omutemi omenyiri amang'ana ghano, kweega ngakerania kwo obhuheene kunewe, kwo okubha nimenyiri rutariho rino ribhisirwe kunewe, kwo okubha riino ritakoriwe embarika.27Hene orabhikirirya abharoti, omutemi Agripa? Nimenyiri kuubha orabhikirirya. 28Agripa akamubhurira Pauro, kwibhaga isuhu okoriri enye mbeeri mukristo? 29Pauro akabhuga, ndisasama Eryoobha kubha kwiibhaga iguhi ne eritaambi, otari awe bhoosi bhano bhakunitegerera rare bhabhe kya neenye bhabhe bhataana eminyororo gya mwisinziro.30Niho omutemi akimerera no omwanangwa ne Bernikia woosi na bhano bhahabha bhiikeri nabho haamwe. 31Hano bharuiri murwaziro bhakagamba abheene kwe abhene no okubhuga, omutu ono aranderwa akwe atakwenderwa kubhuhwa. 32Agripa akamubhurira Festo omutuono yaari otura kutuura ambarika hano yiigatamiri okuisinzonza ku kaisari.
1Hano twisirire enie kubha turenderwa kugya rugendo kuhitira mumaanzi kugya Itaria, bhakamugwata Pauro na abhabhohwa abhandi kwo omutake wumwi we esaango ya abhasirikare bhe Kiroma arabhirikirwa Julio, wa esaaro ya Augusti. 2Tukatira aobhwato kureka Adramitamu bhuno bhwaari bhureenda kugya aembarika wa Asia nigo tukasikira muunyanza. Aristariko kureka Thesaronike yo Makodonia akagya hamigo neetwe.3Orusiku rokabhiri tukiikya ezi naanga kumugwe gwa Sidoni hano Julio yamuginihya Pauro no kumutiga agye kubhasaani bhaaye bhamuginihye. 4Kureka hayo tukagya munyanza tukinaara akusikira kya Kipro kino kyaari kikekiri obhukaama, kokubha omukama ngwariguratu heemba. 5Hano twamara orugendo romumanzi haguhi na Kilikia na Pamphilia tukagya Mira, omugye gwa Lisia. 6Harya omutaaki we rigeshi rya kirooma yagibhuzeeni obhwato bhury kureka Arexandria yino yenderwa okugenda kugya Itaria, Akatutiirya moosi waku.7Hano twatanga orugendo ng'orang'ora kiro zisiku ezinzaru tee tukabha tuhikiri kwee nyaako haguhi na Kinidas, obhukama bhukagya kweki kugya kunzira iyo, neego tukagenda embarika ya ekizurur kye Krete kwokwikenga omukama, tukang'osera Somone. 8Tukahitira kwa nyaaku mbarika ye munyanza tukahika ahagiro harabhirikirwa ebandanzi enzomu yino eri haguhi na lasia.9Tukagya eribhaga eritaambi ne eribhaga rya abhayahudi rye ntakurya ryaari rihitia ikabha ni ibhaga ibhiihu kurugendonawe Pauro akaturekya. 10No kuhaya, abhasubhe ndarora erugendo runo tukwendera kugeenda nirabhona amabhihu na garatubhona gano gatari na bhweera turabhona amabhiihu etari kubhurya emiigo egyeene naneetwe bhoosigo. 11Nawe omutake warya mwigwiri Pauro akamitwerera omukuru waye no amwenego obirato, kukira amang'ana go omurooti Pauro gano yagamba.12Kwooku bha kubandari hatari hagiro hanyoohu kwikara eribhaga rye embeho, abhe ene bhwaato bhakweenda tugende tureke hayo, kubha kwobhobhosi tuhike Foinike, twikare hayo eriibhaga ryoosi ryembeho. Foinike ne ebandari yino yerekeri maamu ruguru na range ruguru hayo Krete. 13Omukama gwe range hano gweenda okuhuuta ng'orang'ora abheene birato bhakisega kubha babhweeni kino bhari kwendera. Bakatemora orugendo embarika we nyaanza Krete gahuhi na mumwaro.14Nawekuribhaga iguhi obhukama obhuhaari bhwe maamu ruguru gukahuuta kuzinguru kureka amwambuko gwa ekisiwa. 15Eribhaga rino obhwaato hano bhwahirirwe no obhukama no okutaamibhwa okubhukiinda obhukama bhuyo, tukikirirania kugya nabho egoego. 16Tuking'osa kukuhitira embarika yino yaari ekigwiri obhukama bhwe ekisiwa kino kikubhirikirwa kaunda, na kwe enyako tukanagya okutuurya obhwaato.17Hano bhamariri kuruta obhwaato, bhakabhoha obhwaato kwe zisiri. Bhakabhoha kubhe tunganagirye kugya kuurubhaara rwo muserekerya omwaaru we Sipiti niigo bhakikya ezi nagya no kuryaribhwa embarika. 18Tukatwama kumanaga na amabhooku orusiku oruundi abheenebho bhwato bhakatanga okurekera emirigo munyaanza.19Orusiku rwokatatu abheene bhobhwaato bhakataka kutaho amanzi kuumabhoko gaabhu kureka kwubhato. 20Kwo ribhaga itambi omubhaso na ezinyota zitabhariri, ekyari namabhooko amakuru gakatutema nokwiseega kubha turahora kukahwa.21Bakabha bhikeeri ibhaga itambi bhakyaari kurya ebhyakurya. Pauro akimeerera gatigati wabho no kuhaya, abhasubhe mwari murenderwa kunitegerera harya Krete tutige kutanoraho tutarigabhweeni enyaako yino na gano gatari na bhweera. 22Nawe ndabhasiga omutima atareho wuno akukwa ugati weenyu, nawe obhwato bhukurarika eyeene.23Kwookubha obhutiku Eryoobha wuno enye niowaaze nawuno nihamuhokerya akatumania maraika waaye, akimerera embarika wane 24nokuhaya, tiga okwobhaha Pauro. Tee wimwrere imbere ye Kaisaria, na ndarora kubha Eryoobha akuheeri abhatu bhano bhoosigo bhano bhakugeenda naneewe. 25Niigo abhasubhe, mwihaane omutima kwokubha enye ndamwikirirya Eryoobha kubha arakora kyeego mbabhuriri. 26Nawe tee tunyaharike kwo kutemwa no obhukama kwe ebhisiwa ebhindi.27Bhuuza kuhika obhutiku bhwikami na kene, hana twaari turahunwa kwu nyaanza Adratik, kubhutiku bhwi gati abheene bhwaato bhakiseega kubha bhahikiri haguhi ne esi eyoomu. 28Bhakahokerya mito kurengera obhutambi bhwa amanzi bhakakyoora ezimuuta mirongo etatu ne esasabha, kuribhaga iguhi bhakaregya kweeki bhakibhona zisagiri mirongo ebhiri na muhungati. 29Bhakabhoho kubh abharangya kwitema mumagina niigo bhakuya eginanga zyaabho inye zino zibhohirwi kumbarika zyoosi, bhahindira mubhwaato bhari munyanza bhakasabha obhutiku bhuhwe bhangu.30Abheene bhwato bharya bhakabha bharakomya kyeego bharage ogwato gurya no akwikya ebhigwato ebhisuhu bhyo okwambukira amwambuko, nabho bhakasakya kureekera enagye kureka orubhara rwambere yoobhwato. 31Nawe Pauro akahaya kwo omutaka wabhasirikare bhe Kiroma na bharya abhandi, mutakunagya kuhona emwe bhano bhakusaga nebhwe bhakuhina kwu obhwaato. 32Abhasirikare bhakatina ezisiku zya ebhyaato ebhisuhu bhikagegwaa na amaanzi.33Mumakya hayo, Pauro akabhisasama bharye ebhakurya akahaya runo runo niorusiku rwi kumi na kane mukuganyerira mtakariri ebhyakurya. 34Nawe ndabhasabha murye kusuhu mwikengere kukwa teee oruzwiri rumwi mtakubhura. 35Hano yamara okuhaya gayo, akegega omukaate akasabha ku Eryoobha, akagusuura akarya embere wa amasu gaabho.36Na neebho bhakebhomna amanaga gukurya ebhyakurya. 37Ntaari abhaatu magana ebhiri ne emirongo muhungati na basabha kubhwaato. 38Hano bhamera okurya ebhyakurya bhyokwigutya, bhakakora obhwaato kuhoherwa kwokurekera enanga kunyanza.39Omwisi hano gwahika, bhatamenyiri ahasi ahoomu, nawe bhakarora ahagiro ahoomu hasikiri munyaanza hano haari no omuserekenya omwaru bhakiburya kubha abharanagya kuguhira hayo obhwaato bhwaabho kuhagiro harya. 40Neho bhakatimbura ezisiku zye enaagya bhakazitiiga munyaanza kwizibhega riyoriyo bhakitimbura ezisiku zye eritanga ryo obhwato bhakagega iguru embarika ye embere yo obhwaato kwikara obhukama, neho bhakagya harya kumusengerekerya. 41Nawe bhakahika ahagiro hano he emigeri ebhiri gya maanzi gitemereeri no obhwaato bhukagya kumusendekererya ne embere harya ho obhwaato ekagaga kumuserekerya bhakatamubhwa hayo ne ahagiro hembere yo bhwaato hakabhaaruka kwookubha amabhoku gabheeri mahari.42Abhasirikare bharya bhakeendaokubhiita abhahoohwa bhano bharibha nku kwu bhwaato kubha bhataza okwiiza munyaanza no okung'ora. 43Nawe omutake wa abhasirikare akenda okumuhonia Pauro bhataza okumwita abbhasirikare abhandi bhayo, Pauro akabharekya emisango gabho akenda bhano bhamenyiri okwisaga bhagye amwambuko kuhagiro ahomu. 44Neho abhasubhe abhandi bhakugya inyuma wabhu na abheendi bharatira ebhitimika bhya zimbao, na abhandi kwobhugiro ebhindi bhye kubhwaato, kwa ego ego bhosiigo bharahona no okuhika ahagiro ahoomu.
1Hano twahikibhwe kisi tukamenya kubha ekisiwa kirabhirikirwa Malta. 2Abhatu abhamenye bhaa hayo kutaari kubhuga bhakatuginihihya. Nawe bhakahuta omuriro no kutukora abhagini twosigo kukubha embura yaari ekyatweka.3Nawe hano ahabha akumenie omurigo gwe ezikwi nokugutura mumuriro enzoka esuhu yo obhusungu ekarwa muzikwi ziyo kwo kubha yo orwoya niho ekirizirira kukubhoko kwaye. 4Abhatu alohamenye bha hayo hano bharuzi ekitweenyi kiritundya kurwa kukubhoko kwaye bhkagamba abheene kubheene "Kubha omutu uyo heene mwiti uno ang'osiri munyanza, nawe ehene etakwikirirya abhene".5Nawe awe akakirekera ekutyeenyi mumuriro, nawe atabhweeni nyaako yoyosi yirya. 6Ebho bhakamuganya abhimbe kweehoma hamwe agwe hasi kwookutukirirania akwe. Nawe bhakamurorera kwiibhaga itambi nookurora kubha ritareho ing'ana rya kumukora kibhi, bhakakirania amiseego gabhuu nookubhuga wuno yari Taata bhugya.7Haguhi na ahagiro harya gihabhaho emiguundu gyo omukuru we ekisiwa, erinaryaye Paburio, akutunginihya kwa siku isatu. 8Ahabhao wise wabhu Pabrio ataari kunagha ahabha rwariri ehoma no okusaaha amanyinga. Na hano Pauro hakamuhikira akamutweera amabhoko gaye iguru akamuhorya. 9Hano gayo garorekeni abhatu abhandi bhahabha bharweri bhakamughaku akabha horya. 10Abhatu bhakatusuuka kwa soni nzaru. Hano tuhenda orugeendo bhakatuhana bino tuhenda.11Hano emieri etatu, tukagenda orugendo rwa mumerikebu ya Iskanda yino yaari etemirwe embeho mumikisiwa, bhano abhakuru bhabhu bhabhiri bhari mbasa. 12Hano tuhabha tuhikiri mumugye gwa sirakusa tukikara hayo ezi siku isatu.13Okweemera hayo tukagenda tukahika omugye gwa Regio. Hano orusiku rumwe omukama gwa range ukatukirirania, na hano sikuibiri zahikiri tukahika mumugye gwa Patori. 14Eyo twabweniyo abhahiri bhakatuginihya tukikara nabho kuzisiku muhungati, kwe nzira hino tukaza Rumi. 15Kurwa eyo abhahiri bhayo bhakigwa kubha amang'ana getu bhakaza kutusurung'ana eye mumutera gwa Apias na nyumba isatu za okugurirya ebhyakurya, Pauro hano yaruzi abhahiri bhayo akamugungya Taatabhugya akihana obhunagya.16Hano twasikiri Roma, Pauro akabhurirwa kwikara hayo omwene hamwe no musirikare uno ahamuribha. 17Ehabha hano orusiku rwa atatu akabhabhurira abhakuru bya Abhayahudi; hano bhasikeni akabhabhurira, abhahiri, ningabha nitakoriri ng'ana mbihu kubhatu bhetu ne eng'ana itahikiririmye na etamwa za bhatat, nikaturwa mumabhoko ga Abharumi, eno mbohirwe okurwera Yerusaremu. 18Hano yamariri kwibhurya bhakenda kunihatira kukubha etareho eng'ana yoyosi kwinye ya okuniita.19Nawe hano Abhayahudi bhakarusya amang'ana iguru we erisemo rino nikahatikwa kuhira erisemo kukaisari. Etari kubha nari na ng'ana ya kubhasema abhatu bhe ekyaaro kyaane. 20Kukubha yookuhira erisemo ryane Kukaisari, kubharora kukerania na nemwe. Ni kwokubha ya kirya kikukora ana obhuturo nakya nibokirwe ekibhoko kino.21Kyamwe bhaamubhurira tutakabhweri ing'ana kurwa Yudea rino rikukerania iguru wayo atareho muhiri uno akaza kurusha amang'na hamwe kagamba ing'ana ryoryosi iguru wazo. 22Nawe turenda kwigwa kurwa kunawe kyego okurora, "Oriseegaki iguru we eigandabhare rya abhatu bhao kwookubha emenyekeni kwite kubha rirakerenia bhuhuteki kira ahagiro.23Hano bhahabha bhahuri orusikukunewe, abhatu abharu bhakamuzaku kuhagiro, hano yaari akwikara. Akagamba eng'ana iyo kunebho kwerekererya iguru wo obhutemi bwa Taatabhugya. Akasakya kubhang'orong'obha iguru wa Yeesu, kwa etubho zosigo ibhiri kukurwa kumigiro gya Musa okurwa kumanabii, okwanzira etabhori ntee nygorobha. 24Abhandi bhakang'orong'obha iguru wa amang'ana gaye gano gagambirwe eribhaga erindi bhatahagirirya.25Hano bhatamiri kwigwerena abhene kwa abhene bhakimuka hano Pauro yamariri kuhaya eng'ana yino eymwe, Ekoro ehoreru akagamba kiisi kuhitira Isaya Taata wetu. 26Akabhuga, nogye kuubhatu bhano ubhuge, kuumatwi genyu mrazakwigwa, nawe mutakumenya na kuumeso genyu mrarora nawe mtakumenya.27Kukubha ezikoro za bhatu bhano gibheri muhimu, amatwii gakigwa kwe enyaako bharamukirye nawe bhatakumenya kwomeso gabhu no kwigwa kumatwi no okumenya kwo ezikoro zyabhu no okwikyora kweki naari ndabhahorya.28Kwego mrenderwa kumenya kubha obhuturibhwa bhuno bhwa Taatabhugya bhuhirirwe kuubhatu bhebyaro, na bharitengerera. 29Eribhaga rino abhugiri amang'ana gano, Wayahudi bhakimuka bhahabha bharahizana.30Pauro akikara munyumba yaye yakupanga emiaka gyosigo ebhiri, na akabhaginiha bhosi bhakaza kunewe. 31Ahabha ararwaza bhwa Taatabhugya ahabha arabhegya amang'ana iguru yoo Eryoobha Yeesu Kristo kwoo obhunagya bhoosi atareho wuno yamurekirye.
1Pauro, omubhagati wa Yeesu Kristo, akabhirikirwa abhe mbhagati, nookwahurwa iguru we ekiina kya Eryoobha. 2Yino niyo eng'ana yeekiina yino yari eragirwe kurwa kare kuhitira kubharoti bhaye kumakaamo gaye ameru. 3Ni iguru wo omwana waye, wono yiibhurwe kureka kuruganda rwa Daudi, kweenzira yoomubhiri.4Ewe akararikwa kubha omwana wo Eryoobha kweezinguru zyee ekoro ehoreru kwoobhukundukuro bhwaabhaku, Yeesu Kristo Taatabhugya wete. 5Kuhitira kwiwe tubhweni orubhango na obhubhagati bhwoobhusuku bhwookwikirirya kuuziisi zyesi, kwiiguru weerina ryaye. 6Gati yeebhyaro bhino emwe mubhirikirwe bha Yeesu Kridto.7Ering'aara rino nikuubhosi bhano bhari Ruumi, bhasegirwe ne Eryoobha bhano bhabhirikirwe bhabhe abhatu bhoobhweru. Orubhango rubhe kuneemwe noobhwikirirya kureka ku Eryoobha Taatabhugya weetu na Taatabhugya Yeesu Kristo.8Ndatanga, ndamugumya Eryoobha ryane gati wa Yeesu Kristo kwiiguru yenyu mwoosigo. Kwookubha obhwikirirya bhwenyu bhurararika muukyaaro kyosigo. 9Kwookubha Eryoobha ni mtwanikania waane, wuno nikuhokerya emirimo kwe ekoro yaane kukiina kyoomwana waye kyeego nikwikong'ererya okubhatora. 10Kirakeego ndasabha kumasabhi gane kubha kweenzira yoyosi ehikeho niture kubha na amahokya mazumu kwa amega ga Eryoobha kubhuuzi bhwenyu.11Kwookubha ndagongeerya okubharora, nubhone omweya gwookubhaha emwe obhunagya bhwamuzikoro, nibhakore mkong'ere. 12Kwego, ndiseega okubhasiga emwe, kwiiguru wookwikirirya kwoowumwe weetu, agenyu na agane.13Bhoonobhahiri bhane, ntakwenda mtame kumenya kubha, ibhaga ryaaru nisegiri kuza kunemwe nawe ndibhirirwe na bhono. Ni henda ego bhubheho obhweera kunemwe kyeego ari muubhatu bhe ebhyaaro. 14Ndatunibhwa naabha Yunani na Abhagiriki abhakaari na abhagege. 15Kweego kurubhara rwane, enye ndatiri okurarika ekina kwimwe na bhano muri Rooma.16Kwookubha ntakusukira ekiina, kwookubha ni bhunagya bhwe Eryoobha bhuno bhukukora obhweru kuuwuna okwikirirya, kwo Omuyahudi embere na kuu Muyunani hosi. 17Kwookubha ubhuhene bhwe Eryoobha egabhibhwe kureka kukwikirirya no okwiikirirya, kyeego ekamirwe, "Weeheene arikaraho kwookirirya."18Kweego obhutindi bhwe Eryoobha bhuhitibhwe kureka mwisaro iguru wa obhwangi na obhusarya bhwoosi bhwa abhatu, bhano kuunzira yoobhusarya eheene erabhiswa. 19Kiino ni kwookubha goosi garatura kumenyekana iguru we Eryoobha ni mwasi kuneebho kwookubha Eryoobha ribherekererye.20Kwookubhha amang'ana gaye gararorekana bhuzomu gabheri mwasi kweema okutemwa kweesi. Gamenyekeni kuhitira ebhigiro bhino bhiteemirwe. Amang'ana gano no kwoobhunagya bhwa kimera na esimuka ya obhubhumbi. Kwookubha ya gayo, abhatu bhano bhatana mweya. 21Yiino no kwookubha, ingabha bhamenyiri iguru wa Eryoobha, bhatamugumirye ewe kye Eryoobha, kweki bhatamuheri ngungo. Kuugayo, bhabheri bhatamutamu iguru wa amiseego gabhu, ne ezikoro zyaabhu zyo obhugege zikaturwamu ekiirima.22Wakibhirikira kubha ni bhang'eeni, nawe bhakabha bhagege. 23Bhakabhukirania obhweeru bhwa Eryoobha rino ritana bhusarya kweetu ubhyayeeteebhyo yoomutu wuno anoobhusarya, na yeekinyonyi, ye ezityeenyi zya amaguru anne, na ya ebhibhumbwa bhino bhikugendera ezinde.24Kweego Eryoobha rikatiga mugono ghwa Ezikoro zyaa obhuu munyaka, bhwaa mibhiri ghyaabhu kusukibhwa kuunebho abheene. 25Nibho bhakirenie eheene ye Eryoobha kubha orurimi, na bhano bhasengeri no okubha bhabhagati bhe ebhiteemwe no okutiga kusengera omubhumbi, wono akukumibhwa kimera. Ebheego.26Kuugayo Eryoobha akabhatiga watunirire omugono gwabhu gweezisoni, kwookubha abhakari bhaabhu bhakabhakirania amahokya gaabhu gasimuka kuukino kitakwenderwa simuka. 27Ego kweki, abhasubhe bhosi bhakatike amahokya ghabhu ga simuka kubhakari kutuurwa neemigono gyaabhu abheene. Bhano bhahabha bhasubhe bhano bhahakora na kwenderwa, na bhano bhakagega obhwokibhwa bhuno bhukaring'ana no okubhura kwaabhu.28Kwookubha bhakanga okubha ne Eryoobha mumitwe gyabhu, akabhatiga bhatunirire obhwongo bhwabhu obhubhihu, bhakore amang'ana gano gatari ga bhurengererya.29Bhoosi bhizuribhwe obhukori bhwa amabhi ubhusarya, emegono no obhubhi. Bhuzuribhwe eririhari, obhwiti, eriyoge, obhung'enererya, ne ekorombi. 30Ebho bhosi ni bhagambi bha abhatu, bhahatiki na bho kumtindira Eryoobha. Bheerirwana, kigera no mwiguno. Ebho nibhatangi bha amabhi, na bhano bhatana bhusuku kuubhibhuri bhabhu. 31Ebho bhatana bhumenyi; bhatakwikiribhwa, bhatana bhusegi bhwa simuka, na bhatana bhigongi.32Bhamenyiri amaragiriryo ga Eryoobha, gookubha abhatu abhahokya bha amang'ana gingeego bharenderwa bhakwe. Nawe etari kubha bharakora amang'ana gayo, nabho bhoosi bharikirirania na bharya bhakukora amang'ana gayo.
1Kuubhayo nitana mweya, awe woono okusinza, kwookubha gati ya kugarya gano okusinzira omurikyazo oriturira mubhubhihu bomwego kwookubha awe wuuno okusinzira orakara amang'ana garya garya. 2Nawe tuumenyiri kubha erisinziro ryee Eryoobha niryeheeene iguru yabhu bhano bhakukora amang'ana kyaagayo.3Nawe awe wiisege rino, awe wuuno okusinzira bharya bhakutenia, amang'ana gayo ingabha neeno orakora amang'ana gayo gayo. Awe oratigana nee risinziro rye Eryoobha? 4Awe orisega kusubhu bhukong'u iguru waamaru bhwaamazomu gaye, kukezera kwekibhohe, nookwikong'erya kunye? Awe, otamenyiri kubha obhuzomu bhurenderwa kweerekerya gati wookwisasama?5Bhoono kuubhuniaga bhaana kumutima gwaye gutri noobhusabhi wituriri omwenego obhwera bhoobhutindi kwoorusiku rurya rwoobhutindi, bhoono, urusiku, rurya rwobhukundikiryo bhweerisinziro rye heene yee Eryoobha. 6Ewe aramuriha omuutu ekirengo kyaye kyookuring'ana na matiomio gaye. 7Kuubharya bhano kuubhugumiru bhwaru waa mahokya amazomu bhamuhirye omukumo, orusiku nookutama okusarika arabhaha obhuhoru bhaa kiraka ego.8Nawe kuubharya bhaanorukizi, bhatakuisuka abheene ebho bharasuka okwang'ira ebhigiro bhya abhatu, kwamanaga goobhutindi nookutinda bhukong'u. 9Eryoobha rirareta enyako neenyako iguru yaakira omutima gwoo kuu Muyahudi obhukangati na kwoo Muyunani woosi.10Nawe omukumo, obhusuki noobhuhoreru bhuraza kwaa kira mutu omukori wa amazomu, kuu Muyahudi obhukangati, na kwoo Muyunani kweki. 11Kuuriyo bhutaroho obhung'ahiro kuu Eryoobha. 12Kweego bhari abharu bhasarirye hatariho erihatike bharabhura ritaroho erihatike.13Bhatari bhitegereri bhee rihatike bhaano bheneheene kuubhukangati wee Eryoobha neeno ni bharya bhakutemia erihatike bhano bhakuza kubharirwa eheene. 14Kwaakubha abhatu bhye bhyaro, bhatari erihatike bhrakora kweetemwa amang'ana gee rihatike, ebho, bhabheri erihatike kuumitima gyaabhu, yingabha ebho bhatana ihatike.15Kuurino bharerekya kubha amatemyo gano gakwenderwa mwoosi werihatike gaakamirwe mwoosi wee mitima gyabhu emisego gabhu gosi. Kweki bhakarora amang'ana gabhu gosi, na misego gabhu abheene hamwe okubhsema hamwe okubharibha abheene. 16Na kweki ku Eryoobha gano garaonekana gati wooorusiku Eryoobha arizisinza, ebhizi na bhyaa bhatu bhoosi, nari heene neekina kyane kunzira yaa Yeesu Kroisto.17Tubhuge kubha orirusha omweneego Omuyahudi, wuno yikeri gati weerihatike, riryata kwokukumya gati wee Eryoobha. 18Ogamenye amega gaye, nookurenga amang'ana gano gatakutubhana nago hano mukumara kuraga nerehatike. 19Naturabhuga kubha onobhusubhe kubha awe omwene ni mukangati woo muhoku, obheeru bhwa bharya bharimukirima. 20Omurosererya waabhagege omwegya waabhana, nookubha garimu mwisinziro kyaaburya yoo bhwenyu ne heene.21Awe wisiri, orwazire orundi awe oriyegya omwene? Awe orwaziri okutama okwibha, awe otakwibha? 22Awe wuno okubhuga otakongerya heene otakugongerya? awe wuuno okugongerya hene otakwibha mwisengerero?23Awe wuno okwikumya gati wee rihatike heene otakurugurya Eryoobha gati wookubhuna erihatike. 24Kuugayo "erina rye Eryoobha rirabhuribhwa gati wa abhatu bhyee bhaaru kuumang'ana genyu" kyeego gakamirwe.25Kuugayo okusarwa heene kurazomera hano orasuke erihatike nawe aribha awe nomwikosha weerihatike, okusarwa kwazo kurabha kutari kusarwa kwaye kutakugegerwa kyeego kubha asarirwe? 26Kweego, kyeego, erabhe omutu wuuno atasarirwe, aragendererya okugwata obhutwanikania rihatike awe okutama okusarwa kwaye kutakugegerwa kubha asarirwe. 27Woosi wuuyo akutamwa kusarwa kuutemwa atakusinzirwa aribha atahikirye erihatike? Yinonookubha garimu amakamo gano gakamirwe noobhusari, hmwe nawe okyari mwikyori werihatike.28Kwookubha ewe atari Muyahudi wuuno arikutemwa yiigutu, nawe kusarwa kuno kutari kurya kuno nii kwigutu okweene gatigati woo mubhiri. 29Nawe ewe ni Muyahudi wuuno ari kwa mwosi, noobhusarwa ni bhoomutima, gatigati weekoro, etari gatigati wa makamo. Omukumo gwoomutu weetemwa iyo atakurwera mubhatu gayo gararwera kuu Eryoobha.
1Okumara niibhwerabhuno anabhwe noobhwera bhokusarwa niki. 2Niibhuzomu kunzira zyosi bhukangati waagosi, Abhayahudi bhakahabhwa obhukundukuro kurwa kuu Yeesu.3Nawe erabhabhwi aribha Abhayahudi abharehe bhataheri neheene? Awe, okutama okuhikirirya eheene kwabhu kurakora obhusuki kuu Eryoobha bhukyoshibhwe? 4Awe bhamure, omweya gwaye kubha Eryoobha rirorekane kubha eheene hata ingabha kira kiramutu ni mubheehi kyeego yari ekemirwe, "Yookubha onagye kurorekana kubha omwene eheene gati wa mang'ana gabhu, noonagye kuhita hano okusikira gatigati wee Eryobha"5Aribha noobhubhihu bhurerekya eheene yee Eryoobha tugambeki? Eryobha rirerekya, Eryoobha ritari itabhakanuri kurusha obhutindi bhwaye awe ariho bhuuyo?Ndakerenia kurwera kuu bhuzomu bhwa abhatu. 6Awe bhamure? Niitemwa mwakibhono kuu Eryoobh aarasinze ekoro?7Nawe eribhe heene yee Eryoobha kukuhitira obhubhehi bhane bhurarusha omukumo mwaru kuumang'ana gaye, kwaki niikyari kweki ndasinzirwa kyomwe omubhi? 8Kwaki tutakuhaya kyeego twitamiriribhwe kyaabhandi kyeego bhakuhaya obhuheene kubha turahaya, "Tukore obhubhihu, amazomu gaze"? Erisunziro iguru wabhu niiryamaheene.9Niki bhoono? Turisasama etwe abhene? Zenyi heene. kwakubha etwe ebheri tubhisegiri Abhayahudi na Abhayunani bhosigo hamwe, yokubha bhari ishasi wa amabhi. 10Yino ni kyegho ekamirwe: "Etareho omwene hene, naabha wumwe.11Atareho mutu wuno amenyiri. Atareho mutu wuno akwendera Eryoobha. 12Bhoosigo bikyosirye abhene ku hamwe bhabhesi bhatana ehene. Atareho wuno akukora mazomu, ee,atareho zeyi hata wumwe.13Emimiro ghabhu nieembihira yino erimwasi. Ezindimi zyabu zibhangenererye . Obhusungu bhu enzoka eri iyasi we eminwa gyabhu. 14Eminunwa ghyabhu gizwiri amihime no obhururu15Amaguru ghabhu ghana endyari okwitira amanyinga. 16Obhusarya nobhunyakibwa ghureho kunzira yabhu. 17Abhatu bhano bhamariri kumenya enzira yobhuhorori. 18Etareho bwobha bwe eryabha obhukanagati bwa ameso ghabhu.19Bonegho tumenyiri kyo kyosi erihatike rinorikubhugha, erabhugha na barya bari iyasi ye erihatike. Rinoniokubha kilo omunwa gwigharwe, obuyo kubha ekyaro kyosigo kiranagya okubha kyora kuryobha. 20Yino ni kwokubha gutareho omubhiri ghuno guraba rirwe ehene kumagendereryo geerihatike kubha kangati bwa ameso gaye kugayo kuhitira erihatike bhuraza obumenyi bwa amabhi.21Nawe bhono hano hatri erihatke, ehene ye Eryobha emenyekeni ekerorwa kwi hatike ryabharoti. 22Yiyo niyo ehene ye Eryobha kuhoitira ehene gatigati wa Yeesu Kristo kubharya boosi bhano bhikirirye. Kuriyo hatareho hagari nahayo.23Kugayo bhosiigo bhakoriri amabhi nokusuhirwa no obweru bwe Eryoobha. 24Babharirwe ehene bhusakwo orubhango rwaye kwenzira yo obhuturibhwa bhuno bhuri gati ku Kristo Yeesu.25Kurino Eryobha rikamuhurukya Kristo Yeesu abhe abhe mugwatania kwe enzira yeeheene kumanyinga gaye. Akamurusha Kristo kubha omutania weehene yaye, kwokwenda akugahatirirya amabhihu gano ghahitiri. 26Kukwigumirirya kwaye ghano goosi gakarorekana kwo okurekya ehene yaye kwibhagha ririho rya bhono yino yabhanga anagye kwimenyekererya omwenego kubha ehene, nookwerekya kubha arabharirwa ehene omutu wuyo wosi kumang'ana gahene gati ku Yeesu.27Kurihayi bono okwikumia? Kutigirwe kumahokya ghahe? Amahokya ga amatemio? Zeyi, nawe kumatemio ge hene. 28Ego turamaririrya kubha omutu arabarirwa ehene kumahene gatareho amatemyo geehene.29Hamwe Eryoobha ni Eryoobha rya Abhayahudi abhene? Awe ewe atari Eryoobha rya abhatu beebyaro byosi? Nigo, nabebyaro. 30Eribha niebhene Eryobha ni rimwe, rirabhabharira ehene bano bari nobusarwa bwe ehene, nabhano kwe ehene, nabhano batakusarwa kwe enzira yeehene.31Awe etwe turayikyosya erihatike kuhene? Awe bhamure! kihuteti kya hayo, etwe tunaobuhene bwe erihatike.
1Tuhayeki khubha Abrahamu, Tata wetu kwiguru wo omubhiri, abhoneniri? 2Kwokubha ehabha Abrahamu akabharirwa ehene khu amang'ana yang'abheri kwo okubha yo okwikumia, nawe etari mubhusyo bhe eryoobha. 3Kweego amakaamo gharabhugabhwi? "Abrahamu akamwikirirya Eryoobha, na akabharirwa kunewe khubha ne ehene.4Bhono kumutu wuno akakora emirimo amariho ghaye ghatakubharirwa kubha ni orubhango, kwego kubha ni ndihi. 5Nawe kumutu wuno atakukora emirimo nawe aramwikirirya wuno akumubharira kubha ne ehene.6Daudi kweki aragambha enokwe iguru yoomutu wuno Eryoobha rikumubharira eheene yino etakubha, mtaua , okwikirirya kwo omutu wuyo kubharirwe kubha kwe heene. 7Akabhugha, ahakirya orubhango omuutu wuno abharirwe obhubhi kubhano bhabharirwe na bhano obhubhi bhwabhu bukweri. 8Ahakirwe orubhango omuutu wuno Tata atakumubharira obhubhi.9wego orubhango runo nkubhano bhasarirwe abhene, hamwe na bhano bhatasarirwe? Kwo okubha turabhuga kwa Aburahamu okwikirirya kwaye akabharirwa kubhaehene. 10Kweego ekhebharwabhwi? Na hano Aburahamu ahabha iguru we saaro au hano akyari kusarwa? Etahabha iguru wo okusarwa nawwe iguru wo kutigha kusarwa.11Aburahamu akaturwa orukamo rwo okusarwa. Yino ehabha ekimenyekereryo ya yirya ehene yo okwikirirya yino yarinayo kisi akyari kusarwa kino kyabhonekeni ni kubha akakora kubha taata wa bhosi bhano bhakumwikirirya na hano bhatari iguru wo okusarwa. 12Yino kweki erarekya kubha Aburahamu akakora taata we esaaro, bhatari kubha nibhano bhaboneki kurwa musaro, ni bhano bhakutumirira ebhirenge bya taata wetu Aburahamu. Na yino obhwikirirya bhuno ahabha nabhwe bhano bhatasarirwe.13Kwo okubha etahabha nigiro kubha yo obhurage bhuno bhukarusibhwa ku Aburahamu no orwibhuro rwaye obhurage bhwe okubha bharabha abhagabhi bhe ekyaro. Kwo okubha ehabha kuhitira kuhene yo omwikirirya. 14Kwookubha bharya bhe emigiro nibho abhagabhi. Okwikirirya kubheri bhusa, na obhurage bhwikyosirye. 15Kwo okubha omugiro gurereta obhururu nawe hano hatana emigiro, kweki kutariho kusuka.16Kwo okubha yino eraza ku kwikirirya, yino ebhe orubhango, kino kyabhonekiri ni haguhi no orwibhuro rwoosi na abhibhurwa bhano ti bharu bhamenyiri emigiro, na bhani ni bhoo bhwikirirya bhwa Aburahamu. Kwo okubha ewe ni tata wetu twoosi. 17Kyeego ekaamirwe "Nkukoriri awe kubha tata we ebhyaryo bhyaaru". Aburahamu ahabha iguru we wuno akumwikirirya kuubha Eryoobha rino rikubhaha abhatu obhuhoru no okubhikirira amang'ana gano ghatariho kubha ghatura kubhaho.18Kutiga obhuhoru bhwosi bhwi iguru Aburahamu kwe ekisubhe akamwikirirya Eryoobha kuzisiku zino zikuzo, kwego akabha tata we ebhyao ebhyaaru, kutubhana na kirya kighabhirwe" Neego bhurazakubha ubhwibhuro bhwazo. 19Ewe atabha mnyohu iguru wo kwikirirya Aburahamu akikirirya kubha omubhiri gwaye omwene guhabha kukwa ahabha ne ekihiko kya haguni ne emiaka igana rimwe. Kweki akikirirania na kyeego yo kukwa munda ya Sara.20Nawe kwo okubha yo obhurage bhwa Eryoobha, Aburahamu atisegiri iguru wo okwikirirya, kwego akahanwa ezinguru kumwikirirya no okukumia Eryoobha. 21Ahabha amenyiri obhuhene bhwa kirya Eryoobha rikatura, ahabha ana obhunagya bhwa kumarirya. 22Kwego yino ekebharwa kwewe kubha no omuhene.23Bhono atakaamiirwe kwo obhwara bhwaye kubha akabharirwa kunewe. 24Ekakaamwa kunetwe kweki, kubhano bhaterweho okubharwa, etwe bhano tukwikirirya kunemwe wuno yamusabhiri Taatabhugya wetu Yeesu kureka mubhaku. 25Wuno ni wurya yarusibhwe kwo obhusarya bhwetu no okusabhurwa tubhona kubharirwa ehene.
1Kwo okubha tubharirwe kwe ehene kwe enzira yo okwikirirya tunoomurembe ne Eryoobha kweenzira ya Taatabhugya Yeesu Kristo. 2Kuhitira kunewe twoosi tuneenzira yo okwikirirya orubhango runo mwosi waye turimerera, turazomererwa kukiisubhe kino Eryoobha rikutuuha kuziisiku ziino zikuza, ekisubhe kituheri obhweru kuu Eryoobha.3Riitari rino eryene,kwookubha turazomererwa kuunyako yeetu. Tumenyiri kubha enyako eriibhura obhukong'ererya. 4Obhkong'ererya bhuribhura okwikiriribhwa, noobwikiribwa bhuribhura ekisubhe kuu ghano ghakuuza. 5Ekiisubwe kitakumaara omuugono, kwookubha obhusegi bwe Eyoobha bhuitirwe mumioyogyetu kuhitira ekoro endaahabhu. Yiino ekaarusibhwa kunetwe.6Haano tuhabha tukyaari bhaanyaku, eribhaga riino Kristo akaakwa kuubhubhihu bwabhu. 7Kwookubha ni bhukong'u owumwe okubha kwo omutu okukwa kweehene, ingabha omutu yaari aratuura kuukwa oruku rwo omutu omuzomu.8Nawe Eryobha riikoriri obhusegi bhwaye kuunetwe abhene, kwookubha haano tuhaabha tukyari no obhubhi Kristo akakwa kuunetwe. 9Nawe kugosi bhano tubharirwe ehene kumanyinga gaye, turasakiribwa nariyo okurwa kubhutindi bye Eryoobha.10Kwookubha, hano tuhabha tukyari bhabhisa, bhakatugambania ne Eryoobha, kuhitira enzira yooruku rwoomwana waye, kwookubha bhamariri kutugambania, turasakiriribwa ne ekiikarire kyayre. 11Etariigo, kwookubha turazomererwa ne Eryoobha kuhitira taatabhugya Yeesu Kristo, kuhitira ewe wuno ubhutwanikania bhuno.12Kwego bhano kuhitira mutu wumwe obhubhihu bhukasikira mukyaaro kwenzira yiyo oruku rukasikira yoobhubhihu no oruku rukanyaragana kubhatu bhoosi, 13kwookubha bhakakora amabhihu. Kwookubha erihatike no obhubhihu bhuhabha mukyaro nawe obhubhihu bhutakubharwa, abhatu bhatahebha erihatike.14Kwego oruku ruuhabho kurwa kuu Adamu tee ku Musa ego iguru ya bhaarya bhatakoriri amabhihu kyeego Adamu atiigwiri ewe ne ekiregyo kya wuno akuuza. 15Nawe ego omubhano gwa bhusa etari kibhi. Kwookubha eng'ana embihub yoomutu wumwe ikakoora bhakakwa bhaatu bhaaru, kweki nawe orubhango rwa mutu wumwe Yeesu Kristo ruubheri ruaru kuubhatu bhaaru.16Kwookubha omubhaano ghutaana mang'ana mazomu kuuwuno yakoriri amabhihu. No orubhaara orundi erisinziro riraanza kwo obhusarya bwo omutu owumwe. Nawe kwo orubharu orundi kiino kikuhuuruka kwo okubharwa kikaaza kwo okusarya kwa abhaaru. 17Kwookubha okusarya kwoowumwe oruuku ruukabhaho, bhano bhakubhona orubhango rwru haamwe noobwikari bwa wuumwe Yeesu Kristo.18Kweego kwookuhitira musarya wumwe abhatu bhoosi bhaakaza mwisinziro, no okuhitira eng'ana yiimwe ye ehene kuukaza kuubharwa ehene ye ekikarire kubhaatu bhoosi. 19Kwo okusarya kwo omutu wumwe abhatu bhaaru bhakakorwa bhabhihu, kwego kwo okuzoomya kwo omutu wumwe abhatu bhoosi bharabha bhehene.20Naawe okuhatika kwaasakiri haamwe, kwookubha okusaarya kubhe kwaaru. kwookubha obhubhihu bhukabha bwaaru, orubhango rukabha rwaaru bhukong'u. 21Yiiyo ekaaza kwo obhubhihu no oruku neego orubhango kuhitira ehene ya ezisiku zyoosi kuhitira Yeesu Kristo Taatabhugya wetu.
1Tugambe eki bhoono? Tugendererye gatigati yoobhubhihu kyeego orubhango rwengeribhwe? 2Awee bhamure. Bhano tukuri gatigati yobhubhi, turanagyabhwi kweki kwikara gatigati yagayo? 3Mtamenyiri kubha bharya bhibhurwe gatigati Kristo bhakibhurwa gatigati yoruku rwye?4Tuhabha tubhikirwe bhosigo nawe kuhitira obhweru bhwa Taata, kyego twosi tunagye okugenda gatigati yobhuhya obhwikari. 5Kwookubha twagwatanibhwe hamwe nawe gatigati yekirengyo kyoruku rwaye, kweego turagwatibhwa gatigati yokuryoka.6Etwe tumenyiri kubha, etemwa bhwetu bhwekare bhukanyakibwa hamwe, kyeego eri omubhiri gwe obhubhihu gusaribhwe. Gano gabhonekiri kyeego orenge hayo kubha abhabhagati bhobhubhihu. 7Wuno yakuri yakakorwa omwene obhuhoru kuring'ana nobhubhihu.8Kweego tukuri hamwe na Kristo, turisega kubha turikara hamwe nawe. 9Turamenya kubha Kristo akigurirwa okurwa gatigati ya abhaku, nokubha atari omuku kweki. Oruku rutakumugania kweki.10Kwookubha amang'ana go oruku runo yakuri kwobhubhi akakwa kwa rumwe kwobhoosigo. Hata ego, obhwikari bhono akwikara, arikara kwiguru we Eryoobha. 11Kunzira yiyo yiyo, emwe mwosi murenderwa okubhara kubha abhaku gatigati yobhubhihu, kweego obhuhoru ku Eryoobha gatigati wa Yeesu Kristo.12Kweeribhaga riyo mutikirirya obhubhi okwikara mumubhiri gwazo kwookubha aramenya kwikirirya omugono gwaye. 13Otarusha hagiro homumiri gwazo gatigati yobhubhihu kyeebhigiro bhino bhitana obhuhoru, kweego mwirushe abhene ku Eryoobha kyabhurya bharya abhahoru bhakurwa kuzinku. Na muzirushe hagiro hemibhiri gyenyu kama ebhigiro bhyo obhuhoru ku Eryoobha. 14Mutikirirya obhubhi bhubhikareku kwookubha mtari hasi yokuhatikwa kyeego hasi worubhango.15Niki bhoono? Tukure obhubhi kwokubha tutari hasi yokuhatikwa, kyeego hasi yorubhango? Awee bhamure. 16Mutamenyiri kubha kunemwe bhano mukwirusha abhene kyeego abhahokya nibho kyeego emwe murabha abhahokya bhaye, ewe bhuno mukwenderwa kumusuka? Gayo ni bhuhene kyabhurya emwe mbhabhagati gatigati yo bhubhi bhuno bhukuhira enzinku, abhabhati bhokusuka bhano okuhirira obhuhoru.17Kyeego akumibhwe Eryoobha! Kwookubha muhabha abhabhagati bha abhabhi, kyeego mukusuka kurwa muzikoro kyabhurya okwegibhwa gano mwaherwe. 18Mukorirwe mwasi okurwa kubhubhi, na mukorirwe abhabhagati bhobuuhene.19Ndagamba kyo muutu kwa kubha kyeego kusohirwa kumatemyo emibhiri gyenyu. Kwookubha kyeego mukakyorya ebhimobhyo emibhiri gyenyu okubha bhabhagati bhabhuhoru bhwo kusindurwa. 20Kwookubha muhabha abhabhagati bho omubhiri, mukabha mwasi kure nobhuhoru. 21Kweribhaga riyo, muhabha nemisumo gihe kumang'ana gayo kwookubha murarora ezisoni zowabhu?22Nawe kwookubha bhono mukorirwea mwasi kure nobhubhi na mukorekiri abhatumwa ku Eryoobha, mumemisumo kwobhusinduri. Rirwiri ryoobhuhoru bhwe kimera. 23Kwookubha amariho ga amabhi nioruku, kyeeego omubhano gwabhusa ye Eryoobha noobhuhoru bhwa kimera gatigati ya Kristo Yeesu Taata wetu.
1Awe mtamenyiri, bhahiri bhane (kwookubha ndakerenia na abhaatu bhano bhamenyiri omugiro) Kubha omughiro guramukangata omuti hano akubha akyari kukwa?2Kwookubha omukari wuno akwerirwe abhohirwe na omugiro kuuwurya omusubhe waye akubha akyari kukwa, nawe aribha omusubhe waye arakwa, arabha arusibhwe mumigiro gyoobhukwerwa. 3Kwego eribhaga rino omusubhe waye akyariho, nawe arikara na omusubhe wundi, arabhirikirwa musebheti. Arabhe musubhe waye araakwe, arabha arusibhwe muumigiro, kwego atakubha musebheti aribha arikara na omusubhe owuundi.4Kweego, bhahiri bhane, emwe mwoosi mukakorwa bhaku kuumugiro gweenzira yo omubhiri gwa Kristo. Ibheriigo mture kugwatanibhwa na owundi, kuunewe wuno akaryorwa kureka mubhaku tunagye kumwibhurira Eryoobha. 5Kwookubha hano twaari mwiibhbaga ryoomubhiri, omugono gwa ebhibhi gukimukibhwa mumubhiri gyeetu kweenzirab ya emigiro no okuyibhurira oruku.6Nawe bhono twigurirweho okurwa mumigiro. Tukwereri garya gari gakuturekya. Na netwe tuhokye kwibhaga ihya ye Ekoro, ne etari kwiibhaga ryee kaare ryo orukaamo.7Tubhegebhwi bhono? emigiro ni ebhibh? Zei. Hateego, ningatamiri kumunyenya ebhibhi, ingatamiri kubha kunzira ya emigiro . Kwookubha ntari kumenya okurohererya aribha omugiro gutingahayiri, "Otarohererya" 8Nawe ebhibhi bhakabhona omweya kuomugiro nookundetera eziteemwa zyookugongerya. Kwookubha ebhibhi bhirakwa aribha migiro gitareho.9Na nenye nari noobhuhoru kubhutangiro hayo migiro gitareho, nawe hano giziri amakumiriyo, ebhibhi bhikabhona obhuhioru, enye nikakwa. 10Amakumiriryo garya gano garigakureta obhuhoru gakikyora nookubha ruku kwinye.11Kwookubha ebhibhi bhiakabhona omweeya kuomugiro nookuning'enererya. kuhitira omugiro gurya, gukaniita. 12Kweego imigiro ni mnyeeru, na erikumiriryo rirya ni ryeeru, rya heene, na izomu.13Kwego ekizomu kyaari ni ruku kwiinye? Atabheego. Nawe ebhibhi, bhirorekane kubha nieebhibhi ni kuhita kuunzomu, ekareta oruku kwinye. Yiino yaari kubha kuhitira omugiri, ebhibi bhikaruha na kubha bhibhuhu bhukong'u. 14Kwookubha tumenyiri kubha emigiro esinuka yaku ni mukoro, nawe enye ni mutu wa mumubhiri. Niguribhwe iyaasi wa obhubhagati bhweebhibhi.15Kwookubha rinonkukora nitamenyiri. Okubha rino nisegiri okukora, nitakurikora na rino nikubhirirwa naryo niryo nikukora. 16Nawe aribha ndaakore rino nitasegiri, ndikirirania ne emigiro kubha emigiro ni mizomu.17Nawe bhono gutari mutima gwane wuno nkukora rino, nawe nibhirya ebhibhi bhino bhikwikara mumubhiri gwane. 18Kwookubha nimenyiri kubha mwosi wane mumubhiri gwane, ritakwikaramu ing'ana izomu. Kwookubha omugono gweerizomu guri mwosi wane, nawe nitakukora.19Kwookubha erizomu rirya nsegiri nitakurikora, nawe eribhihu rirya nitasegiri niryo nikukora. 20Bhoono aribha ndakora rirya nitasegiri, nitariinye nikukora, nawe ni ebhibhi bhino bhikwikara mwoosi waane. 21Nimenyiri kweki, omugiro guri mwosi wane gwookwenda okukora erizomu, naawe obhubhii heene bhurimu mwoosi waane.22Kwookubha ndagizomererwa emigiro gya Eryoobha kwo utu bhwa mwoosi. 23Nawe ndarora omugiro guno gutari hamwe noomubhiri gwane. Erarwana iguru wa omugiro omuhya muobhwongo bhwane. Irankora enye nibhe iyaaasi woomugiro gwe ebhibhi bhino bhiri mumubhiri gwane.24Enye nuomutu wuno ndumukiri!Niwi aranturye noomubhiri ghuno gwooruku? 25Nawe obhugungyo ku Eryoobha ku Yeesu Kristo Taatabhugya wetu! Ego bhoono. Enye omwene kwoobhwongo bhwane ndagihokerya emigiro gya Eryoobha. Nawe, kwoomubhiri ndahokerya omugiro gwoobhibhi.
1Kweego bhono ritariho isinziri rya bhusarya iguru yaabhu bhano bhtari gati wa Kristo Yeesu. 2Kwookubha okwenda kwa Koro yo obhuhoru bhuno bhuriho gati wa Kristo Yeesu ekorekiri enye kubha mwasi, kure no okwenda amabhihu go oruku.3Kwookubha kino emigiro gikatamwa kukora kwo okubha guhabha munyoohu kumubhiri Eryoobha rikakora akamutuma omwana waywe omwene wo okurengya no omubhiri gweebhubhi abhe omuheroye ebhibhi na akasinza ebhibhi kumubhiri. 4Akakoreego kwa amaragiriryo gemigiro gahikibhwe mwosi wetu, etwe bhano tutakugya no okukora amang'ana gomubhiri; Nawe kwo okwubha amang'ana ge Koro. 5Bhoono bhakutunirirya omubhiri bharisega amang'ana go omubhieri nawe bhoono bhakutunirirya ekoro bhariseega amang'ana ge Ekoro.6Kwookubha okwisega kwo omubhiri ni oruku, kweego okwisega kwe Koro ni obhuhoru no obhohoreru. 7Yino ni kwookubha okwisega kwo omubhiri kwiguru we Eryoobha, kwookubha etakusuka ebhigongi bhye Eryoobha kweego etakunagya kusuka. 8Bhono bhakutumirira omubhiri bhatakumuzomerya Eryoobha.9Na kwego mutari gati wo omubhiri kwego gati we Ekoro, aribha ni heene kubha Ekoro ye Eryoobha erikara mwosi wanyu, nawe aribha omutu atana Ekoro ya Kristo ewe atari waye. 10Aribha Kristo ari mwosi wenyu, omubhiri gukuri kumang'ana ga ebhibhi, kwego Ekoro ni horu kumang'ana go obhuheene.11Aribha Ekoro ya wuno akamusisimura Yeesu kurwa mubhaku erikara mweenyu, ewe wurya yamusisimuri Kristo kureka gati wa abhaku, aragiha kweki emibhirir gyenyu gya oruku obhuhoru bhwa enzira ye Ekoro yaye wuno akwikara mwoosi wenyu.12Bhoono, abhahiri bhane, etwe turadaiwa, atari kwo omubhiri kubha twikare kwo omubhiri. 13Kwookubha murikara kwa nzira yo omubhiri, muru haguhi kurwa, nawe aribha kwe Ekoro, mragabhisa amang'ana goomubhiri, emwe murikara.14Kweego okubha abhaaru bharakangatwa ne Ekoro ye Eryoobha bhano ni bhana bhe Eryoobha. 15Kwookubha mutabhweni omwoyo gwo omubhagati kweki mungobhoha iguru waye mukabhona ekoro yo okukora kubha abhana, kugaya ego, "Abba, Taata!"16Ekoro eyene erarorerera hamwe ne ezikoro zyeetu yo kubha tu bhana bhe Eryoobha. 17Aribha ni bhana turi kwego turi bhagabhi bhe Eryoobha. Aribha heene turanyaharika na newe kubha tubhone kukumibhwa hamwwe nawe.18Kwookubha wuno akubhara enyako ye eribhaga rino kubha tikigiro kininkutubhania no obhweru bhuno bhukwigurwa kunetwe. 19Kwookubha abhiteemwa bhyoosi bhiraganya kugongerwa kumwana weEryoobha.20Kwookubha obhubhumbi kweki bhukaturwa iyasi wo obhubhihu etari kwa kusega kwaye, nawe kwookubha yaye yabhitiri. Ni gati wo okuganya. 21Kwo obhubhumbi bhwene bhuraturwa mwasi no okurusibhwa gati wo obhubhagati bhwo okusarya, no okusikiribhwa gati wo obhumwasi no obhweru bhwa abhana bhe Eryoobha. 22Kweego tumenyiri yo okubha obhubhumbi bhwosi orarwara no okunyaharika kwo obhururu hamwe na bhono.23Etarigo, nanetwe abhene bhono tuna amikyoro ne Ekoro etwe kweki turahwara ghati we emitima gyeetu turaganya kukorwa bhana, obhuhoru bhwe emibhiri gyeetu. 24Kwookubha kwo obhuganya rino tuturibhwe. Nawe ekigero kino kikuganywa kirirorekana kitana kuganya kweki, kwokubha niwi akuganyirira kino kikurorekana? 25Kubha turaganyirira kigiri kino tutakukirora, turakiganya kusaburi.26Kutemwa yino Ekoro nayo eratusakirya iguru yo obhunyohu bhwetu. Kwookubha tutamenyiri, nawe Ekoro eyene eratusabhira kwo okurwarwa kunokutakotamwa. 27Na wuno akwisinza ezikoro bharamenya ezikoro zye Ekoro kwookubha bharasabha turasabha kuhitira bhano bhakwikirirya kutubhana na amega gha Eryoobha.28Etwe tumenyiri bhoosi bhano bharisegiri Eryoobha ewe arakora amang'ana goosi hamwe no obhuhoru, kubhano bhoosi bhabirikirwe kwikoro ryaye. 29Kubhano bhamenyiri kwema kara, kweki bhakasora kwema kare, kwego eewe abhe omwibhurwa wo okutanga ghati mubhahiri abharu. 30Na bhano bhasorirwe kurwa kare bhayo bhakabhabhirikira. Na bhayo bhakabhabhirikira bhayo bhakabharirwa ehene. Na bhano bhakabharirwa ehene, bhayo akabhakumia.31Tuhayeki iguru wa amang'ana gaano? Eryoobha rirabha orubhara rwetwe, niwi wuno ari iguru wetwe? 32Ewe wuno atakumuhatirira omwana waye omwene, kwego akamwosya iguru wetu etwe bhoosi arabhurabhwi kutukorera amang'ana goosi hamwe nawe?33Ni wewi wuno arabhagamba abharusibhwa bhe Eryoobha? Eryoobha niryo ryookubhara ehene. 34Ni wewi arabhasinzira kumwokya Kristo Yeesu niwe yakuri iguru yemwe, na kwaki wa gayo akaryooka. Nawe arangarira hamwe ne Eryoobha ahagiro okusuka na kweki niwe akutusabhira etwe.35Niwewi wuno araturusya kubhusegi na Kristo? Nyako ne nyako hamwe nyako enyako hamwe enzaru, hamwe eking'abhi hamwe obhubhi hamwe erisabha? 36Kyeego ekakaamwa, "Kubhuheene bhwazo turitwa mwisi murabhu. Tukabharwa kyezing'ondu zyokugwagwa".37Kumang'ana gayo goosi etwe turi iguru wabhahigi ghati wa wana atusegiri. 38Kwookubha ninariri king'enwa, kubha oruku, no obhuhoru, kumaraika, kubhutawara, ne ebhigiro bhino bhiriho, ne ebhigiro bhino bhikuza, raabhe nguru, 39na kugano gari iguru, nagano gari haaasi, na kityenyi kindi kyoosi, kitakunagya kutwahukania, no obhusegi bhwe Eryoobha, ewe ni Kristo Yeesu Taata wetwe.
1Ndagamba obhuheene gat ku Kristoi. Tukagamba orurimi na emiseego gani okumenyekererya hamwe na nenye Ekoro Endabhu, 2kubha tana ebhigongi bhikuru no obhuru bhuno bhutakuhwa mukoro gyane.3Nari ndigomba enye omwene okwiihimwa no okunyahura kure na Kristo kubhahiri bhane, bharya abhahiri abhene kumubhiri. 4Ebho ni bhaisraeri. Bhono bhaetemwa yo kukorwa abhana, bho obhweru, orage, na omuhero ne erihatike, okusabha Eryoobha na obhurage. 5Ebho ni bhangati hano Kristo akaza kwa bhusuki kwibhoha omubhiri guno - wuno ewe ni Eryoobha bhosigo. Nawe bhamunye kimera. Ebhego.6Nawe etarikubha obhurage niye Eryoobha zitamirwe okuzimzira. K wookubha atari mutu wuno ari isiraeri ni omwisiraeri wa hene. 7Atari hata kurwibhuro rwa Abrahamu kubha ni bhana bha heen. Kwego, "kuhitora Isaka no orwibhuro rwazo rurabhirikirwa."8Hino ni kubha, abhana bhoomubhiri tari bhana bhe Eryoobha. Nawe abhana bho orubhango bhararorererwa kubha bhoorwibhuro. 9Kweki rino ning'ana rye obhrage: "Ghati weribhaga ndaza, no Sara arabha bharamuha omwana.10Ritari nino eriene, nawe omweya gwa Rebeka okubhona enda kumutu umwe, Isaka Taata wetu. 11Kwookubha abhana bhakyari okwibhura yari akiari ng'ana yoyosi enzomu au embihu nawe kubha amizego ge Eryoobha kuring'ana no osori rimerere, etari kumahokya, nawe kwookubha kwa urya abhirikirwa. 12Ekagambwa kunewe omkuru arasakirya osuhu. 13Kyeego amariri kukaamwa: Ykobo nimsegiri nawe Hesau nimusokiri.14Bhoono ndabhugabhwi? Awee kiriho ekibhohe ku Eryobha? Zei gatari. 15Kwokubha aragamba ku Musa, ndaza kubha na maabhe kuwurya akanyabhira, na ndabha ne ebhigongi kuwurya ndamwabira. 16Kwookubha hatego etari kunewe, wuno arabhe, etari ewe wuno akuryara, nawe kwookubha ye Eryoobha wuno akwerekya obhusegi.17Kwookubha amakamo garabhuga kufarao, "Kwa amisego gano ga amahene nkakugororokya kwo kubha onyerekye ezinguru zane gati wazo, ne rina ryane rirarikwe gati wa esi yosigo. 18Kwookubha Eryoobha rikabha rikabhira ku wowosi uno amsegiri, na kuuno atamsegiri eramukora kubha muhari.19Kweki arahaya kwinye kwaki ararora amabhihu ni wewi wuno akamara kwikongererya amisego gaye? 20Kihuteti kiaaye, omutu awe niwi orakyora kihuteti ne Eryoobha bhureho obhuyo bhosimwa kibhumbirwe orabhuga kumbumbi, "Kwaki akakorego enye?" omubhumboi atana ehene iguru ya butoto okukora ekigiro kkwaki akankorego enye? 21Awe mubhumbi atana bhunagya iguru wobhutoto okukora ekigiro kye ng'ana yiino ekwenderwa igiri riryarya, ne kigiro ekindi amahokya gasiku zisi?22Niwi kye Eryoobha wuno yikirirye okwerekya obhutindi bhwaye no kukora amanaga gaye garamenyekana akanagya kwikongererya okwigumuryo okwisa ebhigiro bha ubhuhari bhino bhikorirwe okusikya? 23Igabhwi okakorego kwo kubha igabhwi werukye obhwaru bhweru bahaye? 24Igabhwi okakoreego owetu, wono kweki yatubhirikiri, etari ehene okurya kubhayahudi, nawe kubha okurwa kubhatubhe bharu?25Kiego okuhaya kuhosea: Ndabhabhirikira abhatu bhane bhano bhatabheri bhatu bhane, no omsegwa waye wuno atasegirwe. 26Erabha kubha na erabha harya etaharwe owabhu emwe mutari bhatu bhane haze bharabhirikirwa bhatu bhane.27Isaya ararira okugwatana na iziraeri, nawe obhubhari ingabheri kyo amarobha ga kunyanza irabha amasagyo bhatabhona. 28Kwookubha Taata bhugya arasigega ering'ana eyaye iguru wekiaro, bhangu. 29Kiego Isaya kyabhurya ya hairi embere, kyeego Taatabhhugya abhasirikare atatutugiri kihuteti obhibhuri kunetwe, tungabheri kya Bhasodoma twariturakorya kya Gomora.30Turabhugebhi. 31Nawe Israeri wono ararusheho erihatike nawe Israeri, ihatike rya hene.32Kwaki etari ego? kwookubha bhataimohirye amikirirya bahkitema iguru ye erigina ryo okutengatenga. 33Kwego emariri kwandika rora, nihindirye erigina ryo okwitegatega gati we Sayuni ne erigina ryo okusarya ew wono akwiririrya gati warina atakusuka.
1Omubhiri obhusegi bwe koro yane na amasabhi gane ku Taatabhugya ni nemwe kubhuturi bhwabho. 2Kukubha ndabharorerera kubha bhana omukya kwe Eryoobha nawe etari kwa bhumenyi. 3Kukubha, bhatamenyiri eng'ana ye Eryoobha bharendera kwomboka osegi bhabhu abhene. Bhatari obhusuki kubhuhene bhwe Eryoobha.4Kwookubha Kristo niwe omumari wehatike kwe hene bhosigo kubhatu bhano bhakwikirira. 5Kwokubha Musa akaramire okuturya ehene ukurwa kwehatike: "Omutu wuno akusega obhuhene ehene yo bhuhatike erihatike arikara kubhuhene bhuyo.6Ehene yino ekubhoneka yino ekureka kumahokyo arabhuga ego, otaza kugamba mumutima gwazo, Niwi aratire kugya ku Eryooobha?" (kuno kumreta Kristo hasi). 7No otagamba, niwi aritume mwiruma?" (kuno kureta Kristo iguru kureka kubhaku).8Nawendabhuga bhi? Eng'ana erihaguhi nanawe, kumunywa gwazo na kurwa mumunywa gwazo. Rino ni ng'ana rya bhusegirino tukurarika. 9Kwookubha yomunuwa gwazo oramwikiriryo Yeesu lkwo kubha ni Taatabhugya ndakwikirirya mumutima gwazo kwokubha eryoobha rikamuriora kureka kubhaku, oratora. 10Kwookubha omutima kwo omutu arikirirya nakubhona ehene, kwo munywa arikirirya no kubhono okuturibhwa.11Kwookubha orukamo rurabhuga, "wuno akumwikirya atasuka." 12Kwookubbha etareho obwahaka na gati yo Muyahudi no Muyunani kwookubha Taatabhugya ni wurya wurya Taata wa bhosi muribhi wa bhosi hano bhamubhirikira. 13Kwookubha omutu wuno arabhirikira erina rya Taatabhugya aratora.14Kurihe bharanagya kumubhirirkira ewe wono bhakiari kumwikirirya? Kwi gabhi bharanagya kumwikirirya ewe wuno bhatakwikirirya? Na bharamwigabhi hatariho murwazi? K 15wi gamwi bharanagya okurwaza aribha nigo bhatumirwe? Kya mburya ekamiwe kwigabhi niamazomu amaguru ga bharya bhanao bhararika amang'ana obhuzomererwa bha amang'ana amazomu!16Nawe bhosi bhatitegereri ekina, kwokubha isayo kugamba, Taatabhugya, wi wuno nyingwire amakerenio getu. 17Ego obhikirirya bhuraza okutwano kwiga eng'ana ya Kristo18Nawe nabhuga, "Nawe bhatigwire? hene hene bhukongu. Omiro gwabhu imariri ehirukiri igutu gati wesi yosigo, amang'ana gabhu garagya amarumusiro ge kiaro.19Bhukong'u bhawa bhatu bhano bhatarari kiaro, kwokubha ekiaro kitano obhumwe, ndabhasigirirya mpaka mtinde.20Na Isaya anaekisubhe bhukong'u kubhonekana na bhano bhatanenderiri. Nkarorekana ku bharya bhataha nyenda. 21Nawe Abhaiziraeri bharabhuga, ezisiku zosi akaarora amabho gane na ku bhatu abhakong'u.
1Nawe, Eryoobha ndyagiri abhatu bhaye? Zeyi kwookubha enye Mwuisraeri neri woruganda rywa Abhurahimu we, we oruganda rew Benjamini. 2Eryoobha nitangiri abhatu bhaye, akabhamenya kwemera obhukangati. Hamwe mtamenyiri kubha erikamero rirahayaki kubha Eriya, kyeego ya mwisasamiri Eryoobha iguru wa Israeri? 3Taatabhugya bhabhiiri abharooti bhaaazo, nabho mbayo bhahomoori amasengero gaazo. Enye umwene nsagiri, nabho bharanikomya bhaandushe omwike gwane.4Nawe Eryoobha ahayaki kwuneewe? "Mbikiri kwukubha yineenye abhaatu bekwe muhungati bhano bhatakumhigamira erisambwa Baari. 5Nawe niigo, eribhaga rya rero bharoho bhano bhasagiri kwoobhusorwi bho orubhango.6Nawe kwukubha kwurubhango, etari kweki kumatemyo. Nawe orubhango etangabheeri mbhango. Ekibhoono? 7Ering'ana rino Israeri bhari bhakukomya atakubwani, nawe bhasorwi bhakakibhona, abhandi bhakabha bharito. 8Nkeego yakamirwe "Eryoobha abhaniri Ekoro etuuhu bhakabha bhahaku bhakarora amatwi gatige kwiigwa nee rero.9Daudi arahaya, "Tige ebhitarogura bhyabhu, omuheto, ahagiro hokwitema amaguru, no kukora amarihi kweebho. 10Tiga ameesu gyeebhu ghabhu ne eking'uuri, bhatagya kurora. Obhahinye emigongo gyabhu siku zyoosu".11Nawe ndahaya, "Ho mbetemiri tee bhukagwa?" etabheego kweki. Nawe kukutamibhwa kwabhu, obhuturwa bhuhiki mzisi nawe abheene bhe bhaaru bhabhu ne eriihari. 12Areebhe okutamwa kwaabhu mbwami bhweesi, areebhe amiyoge gaabhu mbhaami bhoosi, bhukiranwaki hano ikubha hukiribhwe kwaabhu?13Boono ndagamba naneemwe abhatu bha eziisi. Kukubha mberi omotomwa weezisi ezindi, ndiseega amahokyab gane. 14Hamwe ndabhana erihari abharikyaane bho omubhiri. Hamwi turabhaturia abhamwi bhaabhu.15Kukubha kwangwa kwaaabho ne amikiriranio ekyaro, kwikiriribhwa kwabho kurabhabhwi, nawe obhuhoru kureka kwuubhaku? 16Aribha emisumo gyo obhutangone ekibhumbiko, nego eri ekire engo kyuubhutu. Arebha emirya nee kibhumbiko neego amatu gooote.17Arebho amasangasya gatinirwe, nke newe, ekisangasya kyeomuzitumiri gwo mwitirigo gwenibhwe kwunebho, nkyo obhugwatanibhwa bhu imirya gyu umuzeituni. 18Uutiseega iguru ya masiangasya nawe kubha uriseega otari awe okugisakirya emiri.19Awe ubhuge, masiangasya gakatirwe mbona ukwemibhwa kwitina. 20Gayo ni heene kwookubha yakwenga kwikirirya bhakatinwa, nawe awe okimiera kuunanga kwukubha gayo. utiseega umweene kwu obhunagya bhwiguru bhonon oonobhwe nawe obhoha. 21Kwukubha erabha Eryoobha ritatigiri amasyangasya go mwitirigo naneewe atakukwambira.22Rora, boono, amatemya amayomu go obhuhari bwe Eryoobha. Kwa embarika eyindi, obhuhari bhokaza Mubhayahudi bhano bhagwiri. Nawwe kuribhara erindi, obhuyomu bhwe Eryoobha bhuraga iguru yayo, hano hukubha kimera kwo obhuyomu bhwaaye, kugane gayo na neewe oraturira kura.23Erebha bhatakugendereri nagayo kwo kwango kwiikirirya kwabho bharimibhwa kweki Eryoobha riranagya kubhemya kweki. 24Kwookubha mwatinirwe igutu kubhari bheteemwa yo omuzehoitimu wo mwitirigo, inyuma yaho mukemibhwa kwo muzuhituni omuyomu, etakukera kure Abhayahudi, bharya bhaanga amasiangasya ge gutu kunagya kwemibhwa kweki kumuzeituni gwaabhu abheene?25Kweego murikyane ntakwenda otame kumenya, kukubha ye ekiziinia kino kubha mtige kwikora bhang'ani mumiseego genyu abheene, ekiziinia kino kikubha obhukong'u bhubhonekaniri ku Israeri, tee hanu okuhikiribhwa kwe ebhyaro kukuhika.26Kyeego Israeri boosi bharasakiribhwa, kyeego gakamwirwe "Kurreka Sayuni ataza omusakirya. Arabhurumusha obhubhi kureka ku Ykobo. 27Na rino rirabha ne erirago ryane na neebhwe hanauza kugarusha amatemio gaabho amabhihu.28Kwoorubhara orumwe rwo obhurwazi, mbaregiribhwe kukibha yeemwe. Kwoorubhara orundi kurekana nobhusorwa bhwe mbasiigirwe kukubha yeemwe. Kwoorubhara orundi mbasigirwe na bhasukuru. 29Kwokubha obhusambirwa no obhoibhirikirwa bhwe Eryoobha bhotakwigwarura.30Kwukubha bhutangi mwari mumusariirye kwu Eryoobha, nawe mubhweenin amabhiro, kukubha yoobhusarya bhaaabhu. 31Kumuzera eryaerya, bhoono Abhayahudi bhasarirye. Kwego yarorekeni naneebhwe bharanagya kubhona amabhiro. 32Kubha Eryoobha ribhabhohiri abhaatu bhoosi ku mabhihu, tee anagye kubhahira bhooosigo.33Kyeego gari amang'eeni no obhung'eeni no obhwaami bhwe Eryoobha mbukuru: Zitakukomibhwa, obhusinziro bhwaye, ne ezinzera zyaye zitakukomibhwa. 34"Kubha ni wewi azimenyiri ezinzira zye Taatabhugya? Kweki ni wewi wuno abheri mgamberi waye?35Au newi bhukangati yakamuheeri kigiri Eryoobha, amurehe kweki?" 36Kwokubha kureka kuneww, nokunzira yaye no kuhetera kunewe abhigiro bhoosi bhiroho. Kwunewe obhukumibhu bhubheho kimera. Ibheego.
1Kugayo, ndabhasabha, bhamure kubhwabhiri bhwe Eryoobha murushe emibhiri gyeenyu gibhe esadaka ehoru, enzomu ino ekwikiriribhwa ne Eryoobha. Bhuyo nibhwe obhusangeri obhwene. 2Mutaza kubhanya ne ekyaro kino, ira mukyosibhwe kwa kukoorwa bhuhya obhusegi bhwenyu. Mukoreego iri mumenye obhusegi bhwe Eryoobha obhuzomu, bhwokutengerya saana.3Ku gayo ndabhuga, kwokubha yo orubhango runoniherwe, kubha kira omutu wuno arihamwe na netwe atakwenderwa kuwaza iguru yo omwene kyego akwenderwa awaze. Bhono arenderwa awaze kwa kwisega, kyego Eryoobha riheri kira oumwe kiigiro kimwe kyo obhuhoru.4Kwokubha tuna obhwigwatiriryo bhyaaru kumubhiri ogwemwe, bhitari bhyoosi bhino bhina emirimo gimwe. 5Ku bhuyo, etwe abhaaru ni mubhiri gumwe ku Kirsto, ne ebhigwatiriryo, kira ekimwe kukirikyaye.6Tunabhwe obhunagya bhaaru ku-rubhango runo tuherwe. Erabha obhnagya bhwazo ni bhurooti, bhukoreke kwoorubhango rwaye. 7Erabhe obhunagya bhwo omutu ni kusakiirya, na akore. Erabhe oundi ana obhunagya bhwookwegya, na yeegye. 8Erabhe obhuanagya bhwo omutu ni kusekereera, na asekereere. Erabhe obhunagya bhwo omutu ni kurusha, akore bhuyo kukuzomye. Erabhe obhunagya bhwo omutu ni bhukangati, rikoreke ka obhung'eni. Erabhe obhunagya bhwo omutu ni bhigongi, rikoreka kwa bhuuzomererwa.9Obhusegi bhutabha na obhung'enererya. Mwange obhubhihu; mugwate amazomu. 10Kubhusegi bhwo obhuhiri, musegane abhene kwa abhene, kubhusuki, musukane abhene kwa abhene.11Kwo omukya, mutabha bhakuregarega, kukoro, mubhe nehemu, ku Mutemi, mumubhagaate. 12Muzomererwe kwo obhuhari bhuno munabhwe kuzisiku zino zikuuza mutaza kubha bhangu kuzinyako zyeenyu mubhe na amasabhi. 13Mubhe hamwe kugano gakwenderwa gabhano bhakwikirirya mukomye ezinzira nzaaru zyookwerekya obhusamba.14Mubhendere enokwe bhano bhoosi bhakubhatesa, mubhahane emibharaka na mutaza kubhihima. 15Muzomererwe hamwe na bhano bhakuzomererwa, muriire na bhano bhakurira. 16Mubhe no obhumwe abhene kwa abhene mutawaza kwa omwiikoro, mwikirirye abhatu bhe hari yi yaasi. Mutabha na amiseego iguru wa amawazo genyu abhene.17Mutamuriha mutu wowosi obhiku kwi ibhihu. Mukore amang'ana amazomu mumeso ga abhatu bhosi. 18Kama eranagikana kyeego etuurirwe kunemwe, mubhe no obhuhoreru kuubhatu bhoosi.19Abhasegwa, mutarihana bhubhihu emwe abhene, mutere obhutindi bhwe Eryoobha. Kwokubha ekaramirwe, "ekisiomba neekyane; Enye ndakiriha; arabhuga Eryoobha. 20Hano omubhi wazo akubha ne enzara, muhe arye. Akabhuga ne enyota, muhane anywe. Kwokubha arakoreego oramuriiha amakara go omururo iguru wo omwutwe gwaye." 21Otaza kutamwa no obhubhihu, na ohiize obhubhihu kwo obhuzomu.
1Kira omutima nebhe arasuka obhhunagya kwookubha otana obhunagya ni kwokubha erarya ku Eryoobha na obhunagya bhuno bhureho ziteryeho ne Eryoobha. 2Kwookubha uno akangao obhunagya ego okwanga erihatike rye Eryoobha bhano bhakwanga bharahanwa ekibhohe iguru yabhu abhene.3Kwookubha abhakangati bhano akukora amang'ana ga amazomu, nabhe kubhahokye bya amabhihu. Awe origomba okwobhoha obhunagya? Kora gano gari amazomu, okukumya orakumibhwa nawe. 4Kwokubha mubhagati we Eryoobha kunawe ni amazomu. Nawe okakora amabhihu, yabhoha kwokubha atakugega erisabha kwokubha ni mubhagati wwe Eryoobha arariha ekisiomba okutinda iguru ya wuno akukora amabhihu. 5Kwookubha erenderwa osuke kwokubha bhutindi kwokubha ninaenamba.6Kwokubha ego orariha erigoti kwokubha bhobhunagya ni bhabhagati bhe Eryoobha bhano okugenderrerya okukora ering'ana rino. 7Murihane kira erikerenio kira ekimwe kino bhakubhatunia: Erigoti kukirooumwe wono akwenderwa erigoti; Erigoti kuuno akwenderwa erigoti ekubhi kuuno akwenderwa ekubhi, obhusuki kuuno akwenderwa okusukwa.8Mutatunibhwa noomutu kigiro kyokyosi erenderwa musegene emwe kwiimwi. Kwokubha ewe muno asegiri omunyarobhbo waye ahikirye erihatike. 9Kwokubha, "Otakutungira, otakwita, otakwibha, otakwisegera; aribha riroho erihatike erindi kweeki, yongereribhwe gati kubhutungi bhwaa amang'ana gano "Oramusega omunyarobho wazo kwego awe omwene" 10Obhusegi bhutakusarya omunyaroobho woomutu kuugayo obhusegi nii obhuheene weerihatike.11Kwiing'ana rino mumenyiri eribhaga, ni kubha bhwaheene neeribhaga ryookuhuruka gatigati weezitiro, kwookubha obhuturibhwa bhweetu bhwisukiri bhukong'u eribhaga rino twikirirye kweembere. 12Obhutiku bhugendererye, noomwisi gwisukiri tuture embarika amatienio gaa mukirima na twibhohe ebhigwato bhoo bhweru.13Naatugendererye bhwaahene kyeego gatigati woobhweru etabha kunyangi zyoobhubhi hamwe zoobhunywi. Naatutaza kugendererya gatigati woobhutungiri hamwe omugomo kuuguno kutakunagya kugwatirirya, neetaza kubha gatigati weekisiyomba hamwe erihari. 14Nawe tumwibhohe Taatabhugya Yeesu Kristo tutatura emitima kung'ana yoomubhiri kweemigono gyaye.
1Mumwikirirye wowosi wuno ni murosi kuubhikirya, mtaza kurusya bhusinziro igurur wa amiseego gaaye. 2Omutu wumwe anaobhwikirirya bhwookurya kigiro kyokyo kirya, noowundi wuno ni murosu ararya ezinyiyi ezyeene.3Omutu wuno akurya kira ekigiro ataaza kumuzera omutu wuno atakurya kira ekigiro ataaza kumutinira obhusinziro owundi wuno akurya kira ekigiro. Kwookubha Eryoobha rimariri kumwikirirya. 4Awe niwi, awe wuno okutinira obhusinziro omubhagati woomutu owundi? Ni embere wo omukuru kubha arimerera hamwe aragwa.5Mutu wumwe araseega rusiku rumwe kukira ezindi. Owundi siku zyoosi. Kira omutu yiitongere omwene mubhwongo bhwaye omwene. 6Wuno ewe akugwata ezisiku, aragwata kwookubha ya Taatabhugya. Kuuwuno akurya, ararya kwookubha ya Taatabhugya, kwookubha aramuhana Eryoobha obhugungyo. Wuunewe atakurya, ariribbira okutama okurya kwookubha ya Taatabhugya. Ewe wosi ararusya obhugungyo kuu Taatabhugya.7Kwookubha atareho wuno akubhaho kwa mutima gwaye, atareho wuno akuzoma kwomoyo gwaye omwene. 8Arabhe tureho, tureho kwookubha ya Taatabhugya. Na araaabhe turakwa, turakwa kwookubha ya Taatabhugya. Mbe aribha tureho hamwe turakwa etwe ni bha Taatabhugya. 9Kuurino Kristo akakwa na okusisimuka kweki, kubha abhe Taatabhugya wabhoosi abhaku na bhano bhareho.10Nawe awe, kweki oramutinira ekiina omuhirir wazo? Na nawe, kweki kwaki oramzeeera omuhiri wazo? Kwookubha etwew twoosi turaza kwimerera embere ye ekitumbi kyo obhusinziro bhwe ekiina kya Eryoobha. 11Kwookubha ekaamirwe, "Kyabhurya ndeho," arabhuga Taatabhugya, " Kunenye amaru goosi garahigamwa, noorurimi rurarusya omukumo gwa Eryoobha".12Kweego, kira oumwe wetu ararusya emibharo gyaye omwene ku Eryoobha. 13Kweego tutige okutinirana ekiina, nawe bhoono koreego, kubha atareho wuno aratuureho bhitegitegi hamwe omuheto kuomuhirir waye.14Nikamenya nitongeri ku Taatabhugya Yeesu, kubha kitareho kigiro kino kinooobhusarya ekyeene. Ni kuuwuno akwiseega omwene kubha kyokyosi ni kigiro kino kinoobhusarya, kwookubha kwiiwe kinaobhusarya. 15Aribha kwookubha yeebhyakurya omuhirir ararumika, otakugenda kweki mubhuseegi. Otamusarya kweebhyakurya bhyaazo omutu wuno Kristo akakwa iguru waaye.16Kweego mtikirirya amahokyo genyu amazomu genyu amazomu gakakora abhatu kubhasangaira. 17Kwookubha obhukurubhwa Eryoobha bhutari iguru ye ibhyakurya na bhino bhikunyweebhwa, nawe ni iguru weeheene, obhuhoreru nobhuzomererwa ku Ekoro Ehoreru.18Kwookubha ewe akumuhokerya Kristo iguru wa ghano yikirirye ku Eryoobha na yikirirye kuubhatu. 19Kweego bhoono, tutunirire amang'ana ga obhuhoreru na amang'ana gano ga kumwomboka omutu owundi.20Otasarya emirimo gya Eryoobha kwiiguru ye ebhyakuruya. Ebhigiro byoosi nibhizomu, nawe ni bhibhihu ku mutu wuno akurya bhiramkora yitegetege. 21Ni bhuzomu okutama okurya enyama, hamwe okunywa amarwa, hamwe kyokyosi kino kuukiyo kiramtegatega omuhiriwazo.22Obhwikirirya bhuno onabhwe, obhutuure gatigati waazo omwene na Eryoobha. Ahakirwe wuno atakwitunira ekiina omwene kukino akukikirirya. 23Wuno anaamitimato atinirwe akiina aribha ararya, kwookubha etakurwa muubhwikirirya. Na kyokyosi kino kitakurwa mubhwikirirya ni ebhibhi.
1Bhoono etwe bhaano tuneezinguru tureenderwa kuugega ubhunyaku bwa bhaano bhari abhaanyaku, etakuenderwa tuizomie etwe abhene. 2Kyo owumwe amuzomie omunyaarobho waye, kwookubha nieng'ana nzomu.3Kwookubha Kristo atizomirie omwene. Kyeego ehabha ekamiirwe, "Amatuhi gaabharya bhakakutuka gaaanibhweni enye". 4Kiino kyosi kiikangatiri kuukamwa, kiikakamwa kutuerekya, kwo okuhitira obwikoong'ererya no okuhitira ne ekoro ne amakamo tuari turabha no obhuhari5Bhoono Eryoobha ryo obhwitengereri ribhaahaane ekoro enzomu kwo owumwe wa Yeesu Kristo. 6Akoorego kwo owumwe bhaanagye okwumukumya kwo owunwa guumwe Eryoobha Taatabhugya Yeesu Kristo. 7Kweego mumusurung'ane mwoosi kyeego Kristo akabhasusung'ana, kwo obhweru bwe Eryoobha.8Ndaabhuga kuubha Krsito aakorirwe mubhagati we esaro yoobhuheene bwe Eryoobha. Akakoreego kwo obhurage bhuuno bhukarusibwa kubhataata, 9Ne ebhyaaro kuumugugya Eryoobha kyeego ekamirwe. "Kweeego ndaruusya okwiikumya kwazo muubhyaaro no okweemba okukumya kwe erina ryaazo."10Kweehi erabhuga, "Muzomererwe, emwe abhaatu bhebhiaro haamwe na abhatu bhaye." 11Na kweeki mumuguungye emwe abhatu bhebhiaro; mutige abhaatu bhebhiiaro byoosi bhamugungye ewe.12Kweeki Isaaya akaabhuga, "Kurabhaho neeritina rye Yeesu, noowumwe wuno arimuki okukangata iguru weebhyaro. Ebhyaro bhirabha no okuganyirirwa kuunewe.13Bhoono Eryoobha riibhizurye obhuzomererwa bwoosi no obhuhoreru kwo obwisige bwe ezinguru zye Ekoro endabhu.14Enye omwene nitongerwe na nemwe, abhahiri bhaane, mutongeri kubha emwe bhabhizwirye obhuzomu, bhabhizwirye amang'eni goosi emwe muranagya kuubhurirana kwo owumwe noomurikyane.15Nawe ndaakaama kwo obhuhari bhukuuru kunemwe iguru waamang'ana ghandi nookubhahitya kweki, kwoobhunagya bhuno nieherwe ne Eryoobha. 16Obhunagya bhuyo bhuhaabha niibhe muubhagati wa Yeesu Kristo, wuuno akatumwa neebhyaro kwirusya kubha omusegeri we ekiina kye Eryoobha.17Kweego obhusegi bwaane bhuri ku Kristo Yeesu nakumaang'ana ge Eryoobha. 18Kweego nitakunagya kuichya ng'ana yiiyo yoosi ndoore Kristo amariri kuhitira kuunenye neebhyaro, amang'ana gaayo gaamarirwe nookukorwa. 19Kwe ezinguru zye ebhirengyo, neezimguru zyeekoro endabhu. Yiino ehabha kuurwa Yerusareemu nookwirugura kuure, ninagye kwigega iguutu kwo obhung'eeni bwe ekina kya Kristo.20Kwe ezinguru yiino, ebheri okuuhhaya ekiina, nawe sio kubha Kristo amenyekeni ahagiro hoosierina ryaaye kwookubha ntaaza kuombaka igurur wo omutu owundi. 21Kyeego ekaaamirwew, bhano kunewe bhaatana mang'ana gaaye araza bharamurora, nabhaano bhatamwiguri bharamumenye.22Kweego nihaabha niigarirwe nitige kuuza kunemwe. 23Nawe bhoono nitaana hagiiro hayohosi mumagunguri gano, niari nisegiri kwe miaka miaru kuuza kunemwe.24Kweego haanao ndaagye Hispania ndaahita ndabharora, ndaaturwa kuuhirwa kweenzira yaane nanemwe kwookubha muuzomererwe noobhugwatani nanemwe kwi ibhaga. 25Nawe bhano ndaagya Yerusareemu kuubhasakirya.26Kwookubha abhatu bha Makedonia, na Akaya bhasegiri okukora omusorora gwa abhataka okurwa kubhanyanyangi bha Yerusareemu. 27Ego kwo obhusegi bwabhu kwookubha ebhyaaro bhikoriri amang'ana ghaabhu kwe Ekoro endabhu, bhosi bharenderwa kubhasakirya kino bhakwenda.28Kweego eribhaga riino ndamarirya kuubha neemisumo gyaabhu enye ndaagya kuunzira haamwe naabho eyo Hispania. 29Nimenyiri kubha, eribhaga riino ndaaza kuunemwe ndaaza neeribhando rya Kristo.30Bhono ndabhisasama abhahiri kweerina rya Taatabhugya Yeesu Kristo, noobhuseegi bwe ekoro, kuubha muhokya nanenye kumasabhi genyu ku Eryoobha kuunenye. 31Musabhe kubha musakiribhwe nabhaano bhatana obhuheene kuurwa ku Yudea, nookubha amahokya gane eyo Yerusareemu bhagitegerere abhanyangi. 32Musabhe kubha niize kunemwe ninoobhuseegi bwe Eryoobha neego niibhe hamwe nanemwe kwookumunya.33Ne Eryoobha riibhe haamwe nanemwe. Ebheego.
1Ndabha kabhizi kunemwe Fibi omusubhati wete, omwerereri we erisengero rino riiri Kenkrea. 2Kwookubha muranagya okumuturung'ana Ku Taatabhugya. mukore gayo kwa heshima nzomu ya Kristo, mwimerere hamwe na newe kwing'ana ryooryosi rino akwenda. Ewe omwene abheri musakiirya wa abharu na kwokubha yane omwene.3Mukerye Priska na Akira, abhakori bhwe emirimo hamwe na nenye ku Kristo Yeesu. 4Bhano kubhwikari bhwaane bhakasarya obhwikari bhwabhu abhene, kweego ndabhakumya, na nitaari enye, na kumasengero goosi ge ebhyaaro. 5Okore erisengero rino ririyiika waabhu. Mukerye Epanieto omusegi wane, omwibhurwa we embere wa Kristo ku Asia.6Mukerye Mariamu wuno akoriri emirimo kwo omukya kwo kubha yenyu. 7Mukerye Androniko na Yunia, abhahiri bhane na abhabhohwa hamwe na nenye. Ni bhamuhimu mubhabhagati bhoosi bhakangatiri bhoosi bhakangatiri kumumenya Kristo kuriko enye. 8Mukerye Ampriato, omusegi wane ku Taatabhugya.9Mukerye Urbano, omukori we emirimo hamwe na nenye ku Kristo na Stakisi omusegi waane. 10Mukerye Apare, uno akwikiriribhwa ku Kristo. Bhakerye bhoosi bhsno bhsri munyumba ya Aristoburo. 11Nkererya Herodioni, omuhiri wane. Onkererye bhoosi bhano bhari munyumba ya Narkiso, bhano bhari ku Taatabhugya.12Mumukerye Trifaina na Trifosa, bhano bhakukora emirimo kwo omukya ku Mutemi. Mukerye Persisi omusegi, wuno akukora emirimo zaidi kumutemi. 13Mumukerye Rufo uno akasorwa ku mutemi na kunina wabhu na mai. 14Mumukerye Asinkrito, Fregon, Herme, Patroba, Herma, na abhahiri bhoosi bhano bharihamwe.15Mubhakerye Firorgo na Yuria, Nerea na musubhsti waye, na Olimpa, na bhenyangi bhoosi bhano bharihamwe. 16Mbhakerye kira oumwe kwo omurembe. Amasengero gosigo ga Kristo gabhakerye.17Bhono ndabhakumirirya, bhamure mwisenge iguru ya bhano bhakukora obhutwanikani no obhwangi. Baragya embarika na obhwerekererya nego mumariri kwega. Mwikyore mubharekeku. 18Kwokubha abhatu kyabhano bhatari bhabhagti bha Kristo omutemi, ira kuzinda zyaabhu abhene. kumang'ana gayo amanyoohu no obhukumya bhwo orurimi bharang'enererya ezikoro zya bhano bhatana makosa.19Kubhusuku bhwenyu muramuhikira kira oumwe ku riyo ndazomererwa iguru yenyu, ira ndabhenda emwe mubhe na amisego na obhunyohu mutagambirwa amabhihu. 20Eryoobha ryo obhunyoohu ritakukezera kwita erisambwa iyaasi wa amatazo getu. Orubhango rwo omutemi wetu Yeesu Kristo ibhe hamwe naneemwe.21Timotheo, omukoori we emirimo hsamwe na nenye arabhakeerya na Lukio, Yasoni, Sospeter, abhahiri bhane. 22Enye Tertio, uno unkaamiri enyarubha yiino ndabhakeerya kuurina rya omutemi Yeesu.23Gayouno akantunga ne erisengero ruyoosi, bharabhakerya. Erasto omwangariri we ebhigiro bhyo omugye, arabhakerya; Hamwe na kwarto omuhiiri. 24Orubhango rwo omutemi Yesu Kristo rwikare na nemwe bhoosi ebhego.25Bhona kunewe uno obhunagya bhwo okukora mwimerere kuring'aniira ne ekina na amegyo ga Yesu Kristo, kuring'ana no obhwerekeryo bhuuno bhwibhisiri kwiibhaga itambi. 26Nawe bhono emariri kwerekibhwa no okukorwa, kumenyekana na amakaamo ga abharooti kuring'ana ne emigiro gye Eryoobha rya ekimera, kwikirirya ku ubhyaro bhyoosi?27Ku Eryoobha eryene rya amang'eni kuhitira Yesu Kristo, kubhe no obhweru kimeera kya siku zyoosi. Ebhe.
1Enye ni Pauro omubhagati. Enye ntari mubhagati kureka kuabhatu na kweego kuhitira kuabhatu, kwego kuhitira ku Yeesu Kristo ne Eriobha Tata yaryokiri kureka kuubhaku. 2Hmwe na abhahiri bhoosigo na neenye ndaakamira amasengerero ga Garatia.3Orubhango rubhe kuneemwe na gabhego kureka ku Eriobha Tata wetu na Tatabhugya Yeesu Kristo. 4Wuno yirusirye omwene iguru wa amabhihu geetu kwookubha atugurye ne eribhaga rino ryoombhusarya, kuhitira kubhusegi bhwe Eriobha ryeetu na Tata. 5Kunewe bhubhe obhweru bhwa kimera ne kimera.6Ndarughura kwo okuubha mwikyoreri bhwangu ku bhina ebhindi. Ndarughura kubha mumwikyoreri kure kureka kuneemwe ewew wuno yabhabhirikiri kwo orubhango rwa Kristo. 7Kitariho ekiina ekindi, nawe bhariho abhatu abhandi bhano bhakubhakorera eemwe enyaako no okwenda kukirania ekiina kya Kristo.8Nawe aribha kweego nitwe nawe maraika kureka mwisaaro arararika kunemwwe ekiina kinokitatubheni na kino twarerikiri kuneemwe, na kweego yihimwe. 9Kweego twari tuhayiri kubhutangiiro, na bhono ndahaya kweki, "aribha ariho omuutu arabhararika ekiina kutatubheni na kyeego mubhweni kweego yihimwe." 10Kweego bhonego ndamoha amahene kuuabhatu haamwe ku Eriobha? Ndamoha kubhasambarukya abhaatu? Aribha ndagendererya eenye ntaari muhokya wa Kristo.11Muhiri, mumenye kubha ekiina kino nararikiri kitakubhoneke nawe kubhaatu. 12Ntaigegiri kureka kumutu, kwego ntegibhwe kweego hayo ehabha kubhukundukuro bhwe Yeesu Kristo kunenye.13Mimariri kwigwa iguru weekikarire kyane gobhuhuteti gati ye erisengero rye ekiyahudi, kweego nihabha ndanyaka kubhuhari bhwe erisengero rye Eriobha kubhwaru bhwa ekiteemo no okusikya. 14Nihabha ngiri gati gati Mwiseengero rye ekiyahudi bhukong'u kubhahiri bhane abhayahudi. Nihabha no omuukya kweego gatigati ya amahokya gabhatata bhane.15Nawe Eriobha rikaseega kunsora enye kureka muunda ya mayi. Akambiarikira kuhitira orubhango rwaye. 16Kumusambarukya omwana wane mwoosi waane, kweego nimurarike ewe gatigati ya abhaatu bhe ebhyaaro kweego tutakumohya obhwitegereri bhwo omubhiri na amanyinga. 17Nawe no okutira okuugya Yerusaremu kubhano bhahabha bhabhagati akyari kuneenye. Kukirania kwaye nkyagya Mubharabhu no okukwora Damesiki.18Okumara kuhikira miaka etatu nkatira kugya Yerusaremu kutara Kefa, nkikara nawe kwibhaga rya siku ikumi nisanu. 19Kweego ntaruzi bhabhagati abhandi kweego ni Yakobo muhiri waye na Tata. 20Rora, mubhusyo bhwe Eriobha, ntakung'enererya kukino mbhakamiri kunemwe.21Kumara nkagya mukyaro kya Shamu na Kirikia. 22Ntahabha nimenyekeni kumeso ga amasengerero ga abhayahudi gaano gahaabha gati wa Kristo. 23Kweego bhahabha bhigwiiri, "bharigwego okwikirirya yino ahabha arasarya." 24Bhahabha bharakumwa Eriobha kwiguru waane.
1Hano miaka ikumi neene nikakya kweeki Yerusaremu hamwe na Barnaba. Kweki nikamugega Tito hamwe na ninye. 2Nikagenda kwa amang'ana ge Eriobha ekanierekwa kunenye kubha nihenderwa kugenda. Nikatura kubhukangati bhwabhu ekiina kino nikararika kuubhatu bhekyaro. (Nawe nikakerenia kwe ekizina kubhano bhakakerenibha kubha niabhakangati hene). Nikakoreego ninagye kubha niari nitakuryara, hamwe nikaryara bhusa.3Nawe bhoono Tito, wuno yari namwe na neenye, yaari Muyunani akahatikwa kusarwa. 4Eng'ana yino ekarorekakana kwa amang'ana gaabhahiri bho orurimi bhano bharaza kweekizina okwihuzirirya okutazurwa kuno twari tunakwe gati ya Kristo Yeesu. Bhakakong'era okutukora etwe okubha abhabhagati bheerihatike. 5Tutirusurye okubhasuka naabhe kwe eribhaga rimwe kwookubha ekina kyeeheene kisage kitaza kuukyosibhwa kwemwe.6Nawe bharya bhano bhakabhuga bhano bhari abhakangati bhatasororerye kyokyosi kunenye. Kyokyosi kino bhari bhakukikora kitari na morimo kunenye. Eriobha ritakwikirirya obhusegi kuubhatu. 7Kumenya gwye bhakandora kubha nisigirwe kukirarika ekina mubharya bhano bhatasarirwe. Yaari kyeego Petro ararike ekina kuubhano bhasarirwe. 8Kwookubha Eriobha, kuuno akoriri emirimo mwoosi wa Petro kubhubhgati kubharya bhano bhasarirwe, hayo akakora emirimo mwoosi wane kuubhatu bhaamubhyaro.9Kwiibhaga Yakobo, Kefa, na Yohan, bhano bhakamenyekena kubha bhakombaka erisesngerero, bhakamenya orubhango runo bhaniheri enye, bhakatugwatira gati kuubhugwatani enye na Barnaba. Bhakakorego kwookubha tugende kuubhatu bhaaamubhyaro, nookubha bhaanagye okugenda kubharya bhasarirwe. 10Nawe bhakatweenda etwee okubhahituka abhataka. Enye nawe nari ndigomba kukora eng'ana yino.11Eribhaga Kefa hano akaaza Antiokia, nikamuhakania mwasi mwasi kwa amang'ana yari asarirye. 12Inyuma waabhatu abharebhe okuuza okurwa kuu Yakobo, Kefa yabhaga ararya hamwe naabhaatu bhaamubhyaro. Nawe abhatu bhano hano bhakaaza, akatiga nokurwahu kurekaku bhaatu bhamubhyaro. Yabhaga arobhiha abhatu bhano bhaakwenda okusarwa.13Bhurya bhurya abhayahudi abhandi bhakagwatana na nkebhera ibhiri huno hamwe na Kefa. Obhuhiti bhwaye gatabha kubha Barnaba akagegwa neezinkebhera ibhiri zyabhu. 14Nawe hano ankarora kubha bhabhanga bhatakutunirira ekina kye eheene, nikamubhurira Kefa kubhukangati bhwahu bhoosigo, "aribha niabhayahudi nawe murikara kuutemwa zya abhaatu bhamubhiaro kumweya gweetemwa zyeekiyahudi, kwaki murabhasing'irirya abhatu bhebhyaro okwikara kyaa abhayahudi.15Etwe bhano ni abhayahudi kwookwibhurwa neetari "abhaatu bhweebhyaro bheene amabhi." 16Omenye kubha ataroho wuno akubharirwa eheene kwa amateemio geerihatike. Omweya gwaye bharabharirwa eheene kuheene mwoosi wa aYeesu Kristo. Tukaaza kwookwikirirya mwooosi wa Kristo neetari kumatemio geerihatike. Kuumatemio geerihatike gutaraho omubhiri guno gubharirwe eheene.17Nawe kyego tukurimohya Eriobha kwookutubharira eheene mwoosi waa Kristo, turinyora abhenego kweki turibha turibheene mabh,i awe Kristo akakorwa mubhagati wa mabhi? etarigo? 18Aribha ndiza kwoomboka eritengero raane iguru wookubhika erihatike, obhutengeri bhuno namariri kubhurushaho, ndiyerekeenia omwenego kubha omubhuni weerihatike. 19Kuhitira erihatike nakuuri kweerihatike, kuubhuyo ndenderwa kwikara kwee Eriobha.20Nikanyakibhwa hamwe na Kristo nitari hanye kweeki wuno kwikara, kwookubha Kristo arikara mwoosiwane. Obhwikari bhuno kwikara gati wo omubhiri nirikara kweeheene mwoosi wo omwana wee Eriobha, wuno yari anisegiri naakirusha kwaa nienye. 21Nitakunyaaka enookwe yee Eriobha, kwookubha eheene yabhaga eriho kuhitira erihatike, kweego Kristo yaabha akuri bhusa.
1Wagaratia abhagege, nirisoki erisarya rino ribhasarirye? Awe Yeesu Kristo aterkibhwe kweego munyakibhwe kubhukangati bhwaameeso genyu? 2Enye nirenda okumenya rino kureka kuunemwe. Awe mukayigwata ekoro kuumatemio gyee erihatike hamwe kwa kwikirirya kino mwiguru. 3Awe, emwe ni bhagege kuubhwera bhuno? Awe mukakangata gati muukyaro mumarirye kwoomubhiri?4Awe mukanyaka kumang'ana maaru bhusa, aribha heene gaabhanga gaabhusa? 5Awe ewe murusha we ekoro kweemwe nookukora amagendereryo geezinguru gati wenyu kukora kwasi magendereryo gyee erihatike hamwe kwookwigwa hamwe hayo neeheene?6Abraham "Arikirirya Eriobha akabhwirwa kubha mwene hene." 7Kuutemwa yiryayirya mumenye kubha bharya bhani bhikirirye naabhana bhaa Abraham. 8Erekamo rikarota kubha Eriobha ringabhabhriri eheene abhaatu bhe ebhyaro kweenzira yeeheene. Ekina kikakerenibhwa bhukangati bhwa Abraham: "gatigati waa weebhyaro goosigo garahakwa. 9Kweeribhaga rirya bharya abhana bheheeene bhaahakwe hamwe na Abraham, wuno yabhanga neeheene.10Bhaarya bhano bhahaganyirira amagendereryo geerihatike bhari yasi woobhwihimwa. "Kwookubha yakamirwe bhihimirwe abhatu bhoosigo bhano bhatakugwatana amang'ana goosi gano gakamiirwe gati muukitabhu kye-erihatike, kugakora gosi." 11Bhoono ni mwasi kubha Eriobha ritakumubharira eheene nabhe wuumwe kweerihatike, kuuriyo wuuno, "Aneeheene arikara kwee heene." 12Erihatike ritakurwera muuheene, nawe kumweya gwaye "Wuno akukora amang'ana gayo gati weerihatike atakwikara kweerihatike.13Kristo akatuturya etwe kureka gati kuubhwihimi bhweerihatike kwiibhaga rino yamukoreri amihime kwookubha kweetu. Kuugayo akamiirwe, "Yihimirwe omutu wooai wuuno atemererwe iguru yoomuti." 14Erisego ryabhaanga kubha, oru ezibhango zinozabhanga kwii Ibrahimu zaangiziri kuubhatu bhaa mubhyaro gati kuu Kristo Yeesu, kwookubha tunagye kugwata obhurage bhwe ekoro kuhitira eheene.15Omuhiri, nirakyerenia kweetemwa ya mubhatu. Hata eribhaga rino rye ekitu rihwiri kuturwa bhukong'u, ataroho wo okunagya kuzera nookwongerya. 16Bhoonego obhurage bhukaharywa kuu Ibrahimu na kubhwibhurwa bhaaye. Etakubhuga, "kuubhwibhurwa" kweerekenia, bhoono kumenya kuumwe omweene keree, "kuubhwibhurwa bhwazo bhuno ni Kristo."17Bhoonego ndabhugeego erihatike rino rikaza kumiaka 430 inyuma hayo, ritakurushaho eriragano rinyuma hayo rino ryaturirweho nee Eriobha. 18Kuubhuyo aribha engabho yangiziri kweenzira yeerihatike otari arabha kweki wazirikwenara yoobhurage. maawee eryobha ekabhurusha bhusakwu Ibrahim kweenzira yoobhurage.19Kwa kibhoonego eribha hatike rikarushibhwa? ekongerwa kwaa mang'ana goobhusarya teekubhwibhuri bhwa Ibrahim.yizekuubharya nano owabhu yabhanga aherwe obhurage erihatike ritaturwa gati woomweya kuhitira malaika kuubhoko kwoomutongeri. 20Bhoonego omutongeri arisiga irugu yoomutu wuumwe, newee nie Eriobha wumwe omwene.21waye kuubhuyo awearihatike ririkihuteti noobhurange bhwee eryoobha?mbee bhamure! kookubhaerihatike erino ryaririrushibhwe ryari noobhnragya obhuhoru, eheene yari arabhonekana kwiihatike. 22Nawe kuumweya gwayealikamo ribhohiri amang'ana goosi iyasi waamabhi. Eryoobha nkakora ego kubha obhurage bhwaye wookukuturya etwee kwecheen gati kuu yesu kristo eniagye kubhoneka kubharya bhano bhikirirye.23Nawe inyuma weheene gati wa kristo itiziri twari tubhohirwe kwuyasi werihatike bhuuze obhukundukuro bhweheene. 24Kwuubhuyo erihatike rikakoreka kuumukungati wetu tee kuukristo hano akaanza , kwookubha tubharweheene kuuheene. 25Bhoonego kwookubha ehene yiziri, tutaroho kweki iyasi woomwangariri. 26kwookubha emwe mwooso na abhaana bheeryoobha kuhirirya kuu kristo yesu.27Bhoosigo bhana musubwhirwe gati kuu kristo mwibhohiri kristo. ataroho omuyahudi hamo muyunani mubhagati hamwe 28Atabhohirwe musubhe he au mukari kwookubha emwe bhoosigo ni wuumwe gati kuu kristo yesu. 29Aribha emwe ni bhaa kristo mbee nibhwibhurwa bhwa Ibrahim, abhagabhi kumang'ana gookuragwa.
1Ndabhuga kubha kwookubha omughabhi no omwana, atana kireni omubhagati, kwookubha nimwimerereri ebhigiro bhyoosigo. 2Kumbhukiranwa mbhwahi arihasi yoo kubhagariri na abhamurushamu nahano eribhaga rino riturirwe na wise wabhu.3Kwookubha nanetwe, hano tuhabha bhaana tukagwatirirrwa gati yoo obhubhagati okhunaara kubhutangiro bhwoo kyaro. 4Kwego eribhaga ryehene ryahikiri, Eriobha ryamutumiri omwana waye, ombhwirwa wo omukari, omwibhurwa wa iyasi werihatike. 5Kwego akakorego kubhaturya bhano bhari yiasi yerihatike, kwookubha tugege kwokubha bhana.6Kwookubha emwe ni bhana, Eriobha rikatuma ekoro yoo omwana waye mwosi we ezikoro zyetu, ekoro ino ekokubhirikirwa, "Aba, Tata." 7Kwekubhego awe otari mubhagati kwego ni omwana. No mugabhi kuhitira ku Eriobha.8Nawe kwookubha, kwibhaga mutamenyiri Eriobha, muhabha abhabhagati kubharya kwokubha simuka gitari misambwa. 9Kwookubha mumenyiri Eriobha, au bhabhamenyirimmenyekene ne Eriobha, kwaki murakyora kanuni ezinyako obhutangiro zinozitanobhwera? murenda kubha bhabhagatikweki?10Muragwata kisi siku ino ekwenderwa, okutazya kwe mieri, eribhaga, ne miaka. 11Dobhoha iguru wenyu. Dombhoha okubha kwa furani ninyakirwe mbhusa.12Ndambhisegera, abhahiri, kwego muri, kwookubha mbheri kwego muri. Mutazabhwiri. 13Kwookubha mumenyiri ego ehabha esababu obhurweri bhwo omubhiri kwookubha akararika ekina kubhungiro. 14Yingabha omubhiri gwane ekebhaturu gati yo kusakya, mutazeri hamwe kunyanga. Kwego mukaturung'ana Maraika we Eriobha, kubha niari Kristo Yeesu omwera.15Kwego, mbhurihe obhuzomererwa bhwenyu? kwekubha ndabhasukirirya kunemwe, kwego, erinagika, mwihe ameso genyu na kuniha enye? 16Kwego bhano mubheri omubhisa wenyu kwokubha muhabhuriri obhuheene?17Ndabhendera kwomubhubhu, kwego kutari kumazomu. Bharenda kubhatwanikanwa emwe nanenye kwego mubhagyeku. 18No obhuzomu kubha no obhubhihu kwekubha neng'ana enzomu, kwokubha eribhaga ni nokubha hamwe na nemwe.19Abhana bhane abhasuhu, ndarumwa obhusungu kwiguru wenyu kwego Kristo obhubhwe musi wenyu. 20Musegiri kubhaho harya hamwe nokukyosha eriraka ryane, kwookubha ntakubhirikirya iguru wenyu.21Mumbhururire, emwe bhano muragongerya kubha yiasi yerihatike, mutakwigwa erihatike rirahaya? 22Kwokubha ekamirwe kubha Abrahamu ahabha na abhana bhee kusubhe bhabhiri, owumwe kumukari omubhagati na oundi kumukari uno arimwasi. 23Kwokubhego, wurya omubhagati akibhurwa kwoomubhiri, ira oundi womukari wuno arimwasi akibhurwa kwe obhurage.24Amang'ana gano garanagya kukerehibhwa kuhitira ekirengyo, kwokubha abhakari bhano bhatubheni marage ambhiri wombhwe waho kureka mukiguru kya Sinai. Aribhura ambha na bhano bhakubha bhamabhagati yuno ni Hajiri. 25Kwego Hajiri ni kiguru Sinai nguryo Arabhuni. Eratubhanibhwa na Yerusaremu yabhaono kwokubha ni omubhagati hamwe na bhana bhaye.26Kwookubha Yerusaremu yino eriguru ermwasi na uno niwe mayi weetu. 27Kwokubha ekamiirwe, "kuzomerwa, awe omukari omugumbha, awe wono otakwibhura. Ongerye eriraka oteme ekitiri kwoobhuzomererwa awe wono otana manara go kwibhura. Kwokubha ambharu niabhana bhano omugumbha, obhwaru ya bhano uno anamusubhe."28Kwokubha omuhiri, kwokubha Isaka emwe niabhana bhoo obhurage. 29Kwe eribhaga rirya omutu wuno yibhwirwe kwe enzira yu omubhiri akanyakya wuno yibhurwe kwe enzira ye Ekoro. Kwabhoono nigoego.30Amakaamo garabhuga? "Mumurusheho omukari omubhagati hamwe no omwana waye we kisubhe. Kwookubha omwana wo omukari omubhagati atakughabha hamwe no omwana womukari uno arimwasi." 31Kwokubha, omuhiri, etwe tutari abhana bhoo omukari omubhagati, kwego bho omukari uno arimwasi.
1Kwookubha Kristo akatuha obhuhoru tubhe bhahoru kwego mwimerere kisikisi mtaza kwitimbya kwubhubhihu bhwo obhuhagati. 2Murore, enye Pauro ndabhabhurira kubha haano murasarwe, Kristo arabhitengerera kwenzira yoyosi yirwa.3Kwego, ndamukumirirya omusubhe wuyo wosi wuno asarirwekubha arenderwa kukora ghosi. 4Mwangirwe kure na Kristo, bhano bhosi "mukubharirwa ehene" muguri kuure no urubhango.5Ego kwenzira ye Ekoro, turaganya obhuhari bhwe ehene. 6Ku Kristo Yeesu okusarwa no okutema okusarwa kutana ng'ana yiyo yosi. Okwikirirya okwene nikwe kukukora emiirimo gyo obhusegi. 7Muari muriara bhuzomu. Niwi akabharekya okwitengerera ehene? 8Obhung'eneribhwa bhwookukorego bhutakurwa kuuwuno akubhabhirikira emwe.9Ng'ana suhu erasarya gosi. 10Okuhitira kuu Tatabhugya ndamenye mutakwitegerera ng'ana yindi yiyo yosi. Wuno arabhang'enererye aragega eriisinziro ryaye ewe omwene, wowosi wurya.11Abhahiri, aribha ndagendererya kurarika esaro kwaki nabhono nikyanyakwibwa? Kwe eng'ana yino okunyora ndubhago kumusarabha kitakunagya kusaribhwa. 12Ni mang'ana gane kubharya nkubhakangata bhubhihu bharatiga abhene.13Eriobha rirabhabhirikira emwe abhahiri kubhweru, mutaaza kukora obweru kyoomubhiri kweegoo kubhusegi musakiriane abhene kwa abhene. 14Kwookubha erihatike ribheri kuung'ana yimwe; eng'ana yiyo ni yino "Ookuhatika omusege omunyarobha wazo, kweego awe omwene." 15Nawe, murarumane no kuryana muangarire mutaza kwisarya emwe abhene jwa abhene.16Ndabhuga mugeende muukoro muutakumara emigono gyo omubhiri. 17Kwookubha omubhiri guno omugono mukuru kukira Ekoro, ne Ekoro eno omugono mukuru gukira mubhiri, ziyo zirahakana eyimwe neeyindi. Okumenya kurakora mutige kukora ebhigiro bhino mukuisega okubhikora. 18Nawe kyeego Ekoro ekubherekerya emwe, mutari iyasi we erihatike.19Bhono amisego go omubhiri ghariyerekya, nago nioobhusimbe, obhunyaka, obhusarya. 20Obhusengeri bwe kirima, obhuturutumbi, obhubhisa, erihi, okuha no obhutindi, okutwanikana amasengerero. 21Erihari, obhuwatwa, enamba na amang'ana agandi kya gayo ndabharekya emwe, kyego niabharekirye kubhutangiro, kubha bhano bhakukora amang'ana kya gayo bhatakughabha obhukuru bbwe Eriobha.22Nawe emisumo gye Ekoro niobhusegi, obhuzomerwa, bhuhoreru, obwitegereri, 23obhunyohu, ne ehisuhu. Erisinzirorya amang'ana kya gayo. 24Bhano bhari ku Kristo Yeesu bhakanyakwi omubhiri haamwe ne emigono gyabhu emibhihu.25Hano turikaare Mukoro, tugende ne Ekoro. 26Tukabha bha kwihema, tutahindirana owumwe no omurikyaye, tutige kurorerana ihari.
1Muhiri, arabhe omutu agwatirwe gati yobhubhihu, emwe bhao bhe Ekoro, murakong'enwa okumukyooryab wuyo omuhiri gati gati we Ekoro enyohu. Neno murirorerera abhene. 2Mutagegerana emirigo, nego mramarirya erihatike rya Kristo.3Aribha omuutu wuyo wosi arirora niomuzomu nawe atana kigiro, ariing'enereerya omwene. 4Kira omutu arenge omurimo gwaye. Aribha arabha ne kigiro kyaye omwene no okwikuumwa akyari kwiring'ania omwene no omutu wuyo wosi. 5Kwo kubha kira omutu aragega omurigo gwaye omwene.6Omutu wuno yegwibwe eng'ana ahatike amugwatania amazomu omwegia waye. 7Mtang'eneriribwa. Eriobha ritakusakibwa. Kino omutu akwemya niikyo akugesa. 8Hano okwemya embibho yo obhubhihu, oragesa obhubhihu, nawe wuno akwemya embibho ne Ekoro, aragesa obhuhoro bwa siku zyosi okurwa Muukoro.9Tutarosa okukora amazomu, kwookubha eribhaga ryo okugesa tutakutiiga mgono. 10Kwe ego, hano turabhe no omweya, tukoore amazomu kwo kira owumwe. Tukore amazomu maaru kwo okwikirirya.11Murore obhukuru bwe nyarubha ziino niibhakamiiri no okubhoko kwaane omwene. 12Bhano bhakwenda kukora amazomu go omubhiri nibho bhene kuuhatika bhasarwe. Bharakorego kwokubha bhatige kusikira muunyako yo omusarabha gwa Kristo. 13Kwookubha bhayo bhasarirwe bhatakugwata eriihatike, bhareenda emwe musarwe bhiheemere emibhiri gwenyu.14Mutaaza kwiiheema haano omusarabha gwa Taatabhugya wetu Yeesu Kristo. Ni kunewe akanyaharwa muukyaro naaneenye. 15Kwookubha tutakumenya okusarwa no okumenya okusarwa kubha nikigiro. Kwego obwibhuri obhuhya bhurenderwa. 16Kweebhano bhakwiikara kuumahokya ghano, bhabe no obweera ne ebhigongi bhibe iguru wabhu ne Israeri ye Eriobha.17Kweemera bhoono omutu wuyo wosi ataninyakya, kwo okubha nigegiiri ekiimenyekereryo kya Yeesu kumubhiri gwaane. 18Orubhango rwa Taatabhugya wetu Yeesu Kristo ibhe ne Ezikoro zyenyu, abhahiri. Amina.
1Paulo omtemi wa Kristo Eriobha kwo obhusomi kwe Eriobha, Timotheo omhiri wetu. 2Kwa misumo kerisabhiro na ahbahiri abhakumiirya gati ya Kristo bhano bharimu Kolosai obhera bhubhe kunemwe , obhuhoreru kurwa Kuriobha Tata wetu. 3Turarusha okumo Kuriobha Tatabhugya Yeesu Kristo, turabhasabhira ibhaga ryosi.4Twigwiri amakumiriryo getu ga Yeesu Kristo no obhsegi bhuno tunabwe kubhano bhosi bhakasorwa okubha kwe Riobha. 5Mno obhusegi bhuno kwo kubha mraganyira obhuhene rinaribhisirwe muisaro kunemwe. Rinomkwigwa kumang'aniro gayo obhuhene hingagati ye ring'ana ryo obhuhene bhwaekina. 6Kino kiiziri kunemwe ekina kino kiribhura abhana bharendera mwao hosi ibheri erakora bhuyo mosi muwenyu misumo ezisiku kyego tukigwa no okwega kumang'ana ge nokweye Riobha gatiwetu.7Kiyo nikyo ekina kinomwengi riokurwa Epafra, omsegwa wenyu omkori wo emirimu omriketu wuno omkori wo emirimo we mrimo omri kyenyu omhene wa Kristo omweya gwetu. 8Epafra abhukumiri bhurorekane kunetwe omsegi bhwetu gatimumtima.9Kwo okubha yo osegani bhuno kwemera osiku runo tuigwiri ego, tukyari kutiga okusabhira. Twari turasabha kubha turiibhura no obheni no bhusegi bhaye ong'eni wosi naomwenyi wo omtima. 10Twari turasabha kubha mratugendera omwiguriryo Tatabhugya goti muzinzira ezinzomu, tubheri turasabha kubha mribhura emusumo kumang'ana gosi amazomu turabha gati amang'eni geRiobha.11Turasabha tunagye kuhanwa ezinguru okubha kubhunagya kuring'ana na ezingru kumekerya gati waye omwigumiryo na ukuigumiryo wosigo. 12Turasabha kubha kwo obhsomerywaturarusha omkumo kuTata bhugya wuno atukori etwe mngye kubha na ahagiro gati ye ngabho yo obhuhene gatiwenyu.13Akatusakirya kurwa mubhutaka bhe kirimo kutusamirya mubhutemi bho Mwana waye omsegwa. 14Gati Mwana waye turamsakirya okumwabhiraamarag.15Omwana atabheri neeRiobha ritakuonekana ni mwibhurwa wa mbere wo utemwa bhosi. 16Okubha bhana bhe kitano bhikakorwa ne bhinu bhirimu mkyaro, ekitano kinu kikurorekana na kino kitakurorekan aribha ni bho mtemi ezinguru. ebhitano bhosigo bhikakorwa nawe kunewe. 17Ewe akabhao bhikiatemwa ebhigiro ebhindi gati ya newe ekitano kiosigo bhira gwatanahamwe.18Na ewe niwe umutwe gwo omubhir nawe mwisengero, eweni wembere no muibhurwa wemberekureka mbharu. 19Kwoo kubha Eriobha rikazomerwa okubha okumenyekerya bhaye bhikare nabhe, 20Ndakugambania na ekitano kyosi go kukubha enzira yamwana wazo. Eriobha akakora obhuhoreru kuhitra anmanyinga go msaraba gwaye Eriobha kubhagambania erihi riosi hamu erihi ryamwisaro21Emwe mwosi kwe ribhaga rimwe mwari bhagini bhe Eriobha mwario mubhisa weye okukora amang'eni na amahokya amabhihu. 22Kyego bhano abhagambenie emwe kumbiri gway kuhituru oruku akakorego kupareta emwe arabhu bhatana amasoro na amabhihu embete waye. 23.Hano mkugererya mnukiryo hano mkatikiru mkabha abhabhwe kureka kukuganyira kwo obhuhari bwe ering'arina mwigwiri rino niryo ering'ana ryagambwire kumutu wowosi uno atemirwe iyasi weri saro gano nigo amakerenio gakagirya enye Paulo gakagirya nibheomutumwa.24Bhono ndazomererwa obhunyaku bhane kwokubha yenyu ne yenye ndamarirya kumubhiri gwane kwe nyako ya Kristo kwo kubha kumubhiri gwayena nigwe eriseengero. 25Newe omuhokya we risengero rino egoegonemirimo gino riherwe kureka kwo Eriobha kukubha yenyu kuriizurya eng'anarye Eriobha. 26Bhuno nobhuhehe mbiseki yari ebhisirwe kuribhaga tambi na mubhibhurwa nawe bhono yigurirwe kubhosi bhon bhahamukirirwa kuneewe. 27Nkubharya bhano Eriobha kuhunyara kyego obhunibhi okumhya omuimenyekereryambiseki yoobhuhene yagate ya bharo. nikubha Kristo arimu kubhanemwe ekisubhesubhe kyo kumenyekerya kinokikuza. 28Wuno niwe tukumgambira turamurekya omuntu wowosi no okumwegya omuntu wowosi kwo obhungeni bhosi kwo tumuretiri omuntu wosi omuhika kukristo. 29kwo okubha eego enye nina omukya no obhukya bho kuingira ana na amanga gaye gano gakuhokya kuziinguru kunenye.
1Paulo, mubhohwa wa Kristo Yesu, no muhiri Timotheo kugya ku Firimoni, msegi msani wetu no muhokya we emirimonanetwe. 2No okugya ku Afia musubhsti wetu, no okugya ku Arkipas omusirikari omurikyetu, no okugya muisengero rinorikusikanira mumugye gwazo. 3Enokwe ebhwe kunemwe no obhwitegereri bhuno bhukurwa Kuriobha, Tata wetu, Tata bhugya YeesuKristo.4Eribhagha ryosi ndakumya Eriobha. Ndakuhaya mumasabhi ghane. 5Nigwiri obhusegi no okwikirirya kwazo Kutata bhugya Yeesu no okugya kubhanyangi bhosi. 6Ndasabha kubha obhugwatani bho okwikirirya bhwenyu bhubhe no obhuzomuno obhuring'eni kwa kila eng'ana enzomu ghati ghati wetu na Kristo. 7kwookubha ribheri no obhuzomererwa no obhusegi iguru wezo. Kwookubha ezikoro zya abhanyanyangi zirahozererwa nawe,omuhiri.8Ningabha nineekisubhe kyosi, kwe rina rya Kristo ndakuhatika okukora nghano okunagya okukora. 9Nawe kwa amang'ana gho obhusegi, kumweya ghuyo ndakukumirirya enye, Paulo omukaruka na abhono nimubhohwa wa KristoYeesu.10Ndakukumirirya kumwana wane Onesmo, wuno nibhuriri mukibhohe kyane. 11Kwookubha ekare atari atumenyiri, nawe bhono atumenyiri enye na nawe. 12Nimutumiri ewe - wuno niomuoyo gwane heene akyore kunawe. 13Niari ndisega aragendererya kwikorw nanenye, anihokerye kumweya gwane, hano ukunyoora nkyari mukibhohe kwookubha yekhina.14Ntendiri kukora ng'ana yiyo yoosi ukyari kumubhurira. Nikakorego kwookubha eng'ana yoyosi enzomu etakoreka kwkusing'iriribhwa, nawe ukaseega okukora omweene. 15Kwookubha okahurwa kwiibhaga itambi, ikabhego kwookubha tubhe nawe iibhaga itambi. 16kweeki ataza kubha mubhagati, hakiriku iguru wo omubhagati, kyo omuhiri omusegwa, bhono kunenye, niguru bhukong'u kuunawe, kumubhiri na Kutatabhugya.17Neegho aribha orangengera bhugwatani, omuture kyego enye wungaturiri enye. 18Nawe aribha oramusagirirya ering'ana riyo ryosi, amwe oramutunia kigiro kiyo kyosi, kitunie kurwa kunenye. 19Enye Paulo, ndakaama no kubhoko kwane omwene: enye nitakukuriha. Nitakuhaya kunawe kubha ndakutunia obhwikari bwazo bhono. 20Awe omuhiri, tigha nibhone obhuzomererwa bhwa Tata bhugya kurwa kunawe: omuoyo gwane guzomererweKukristo.21Hano nkubha no obhuhoreru no okusuka, ndakukaamira nimenyiri orakora amang'ana amakuru kukira ghano nkukusabha. 22Eribhaga riyo okore ekinyumba kya abhaginibhane kwa kubha ndisiige kuhitira amasabhi gazo ndakutaaharira sinohano. 23Epafra omubhohwa omurikyane ghati ghati Kristo Yeesu arakukerya. 24Na kyego akukora Marko, Aristarko, Dema, Luka, abhahokya bhemirimo abharikyaane. 25Orubhango rwa Tata bhugya rubhe hamwe ne ekoro yazo. Ebhe bhuyo byuyo.
1Petero omubhagati wa Yeesu Kristo, kubhagini bhobhunyaragani, kubhasoorwa, Ponto yoosi, Mubhgaaratia apadokia na bithinia. 2Okurwa kubhumenyi bhwa Eriobha, Tata kwo kumwogibhwa ne ekoro ehoeru kwoobhusuke ku yeesu Kristo.no okwitirirwa amanyinga gaaye. Eriobha ribhe kweemwe3 noobhunyuhu bhwenyubhogerwe3Eriobha, Tatabhugya wa Tata wetu Yeesu Kristo ahakwa ebhigongi bhyaya aktuhana okwibhurwa bhuhia kwee ekisubhe subhe no obhughambi kuhitira bhunyori bha Yeesu Krsto kuraka mubhaku. 4Obhugabhi bhuno bhutakunyaharika bhutakubha no obhunyaka bhwa kusuhirwa, okubhikirwa mwisaara iguru yeenu, 5Kubhunagya bhe Eriobha muraribhwa kuhitira okwikirirya bhumo bhuri aguhi no okusabhura mwibhaga rwoobhutero.6Muzomerwa kuriino aribha bhoono ni ihatike kwemwe kwiyigwa obhutaka kumasakyogoosi goosi gaarya. 7Nino kwookubha obhwikirirya bhweenyu bhusakibhwa, obhwikirirya bhuno obhwerakukiira ezahaabhu , yino ekubhura omuriro ghuno gukusanya okwikirirya kwenyu . Gana garabhoneka kwo okubha okwikirirya kwenyu kuhike kwibhura, omukumo, obhweru, no obhusuki ghati wo ubhusabhurwa bhwa YeesuKristo.8Mukyari murora eewe, nawe mumuse giri, mutakumurora bhono nawa hamwe murikirirya kuneewe na munaobhuzama rwa bhuno mutakunagya kubhukerenerya bhuno bhwizwiri obhukuru, 9Bhono muragwata abhene obhwikirirya bhwenyu obhuturya bha emitima gyenyu. 10Abharoti bhakamohia nokubhurya obhuhene iguru wo obhuturya bhuno, iguruwe enookwa yinoyingabherikunemwe.11Bhakamoya kumenye kubha ni nziraki yo obhuturya yino yingiziri, bhakamoya kweki ni ibhagaki ekoro ya Kristo wino ari mwosi wabhu ahabha arakere niaki naabho. Yino ehabha erabho meka kwibhagha vino ahabha arabha burira bhangu wa wenyaaakoya Kristo no obharu bhuno bhunga mutuniriri. 12Ekigurwa kuabharoti kubha bhari bharakorera amang'ana gano , na etari iguru waabhubhene. Kwago kwiiguru yeenyu amereryaro gano kuhitira bharya bhakureta ekina kunemwe kunzira ya ekoro ehareru yino yatumirwe kureka mwisaaro. Amang'ana gano kweki maraika bhakusega kwigurirwakweewe.13Kwego mwibhohe mubhukenende bho bhwenu, bhahoreru kumiseego geengu, mubhe na ekusubhe kurubhango runo nikurusubhwa kwemwe eribhaga rya kwigurirwa Kukiristo Yeesu. 14Kyabaana abhaasuhu ku mutabhohwa abhene no emigono gino mukatunirira rino mwari mutanaobhumenyi.15Nawe kyego wuno yabhabhirikiri abheri muhoraru mwosi kweki mubhe bhahoreru ghati etemwa yenyu yoosi mubhwikari. 16Kwookubha ekaamirwa mubhe no obhuhoreru kwookubha eenye ni muhoreru. 17Na hano murasuke ''Tata'' wunu akusinza kwe ehene kutubhana na emiriro gya abhatu bhosigo. Kirera eribhaga rwoorugendo rwazo kwoobhunyenyekevu.18Mumenyiri kubha etahabha kwa hera hamwe ezaahabu - bhigiro bhino bikusarika -bhino mukuturibhwa kureka kutemwa zyenyu zwo obhugeege zino mukeega kureka kubha wuuso bheenu. 19Nawe muturibhwe kwa amanyinga go obhusuki bhwa Kiristi kyeego ye eng'ondu yino etena bhun'eni hamwekikune.20Kristo akasorwa kwemera obhutangi bhwa ekyaro, nawe bhono kuzisiku zino zoobhutero aryorirwa kunemwe. 21Muramwikirirya eriobha kuhitira eewe wuno Eriobha akamuturya kurwa kubhakuna wuno akamuha obhweru na kubha no obhweru bhwenyu na ekisubhe subhe kubha ghati waEriobha.22Mukoriri emitima gyenyu kubha nzomu kwo wkusuka ryo obhusegi bhwa ekihuri rino ryemiri kwego mesegane kwa nguru kurwa muzikoro. 23Mumariri kwibhurwa rwa kabhiri etaari kweheka yino ekusarika kuhitira kwing'ana rye Eriobharinorikusaga. 24Kweego emibhiri gyoosi ni kyego amatu na obhukuru bhwaye bhoosi ni gyego eriitu rya ernyaki riranyara na enua rirarwaho. 25Nawe ering'ana rya Tata rirasaga kimera ghano ni maragiriryo kyeego gahaanyirwe igurur weenyu.
1Mukaruka omwingwaniwane Gayo, omusegi wane wa hene. 2Omusegi wane ndakusabhira ogye orataza bhiragororoka na obhe na obhuhoru kyego omuoyo gwazo gukuenda. 3Akazomererwa hano akaburirwa na abhahiri bhano biziri okurusya ehene ya mahokya gazo, kyaburya okugya na ubhuhene bwazo. 4Ntana bhuzomererwa bhukuru kukira bhuno, okwigwa kubha abhana bhane bharagendererya kuhene.5Omusegi wane wuno okugendererya ku hene hano okusakirya abhahiri abhagini. 6Bhano bharusirye obhuhene bwa amhokya gazo mwise ngerero ozomirye kubhahira orugendo rwabhu kyabhurya oryabha risegiri. 7Kwokubha ya erina, bhakagya bhatagegiri kiyo kyosi kurwa kubhatu bhe bhajaro. 8Bhono turendererwa kubhaginihya abhatu, kyabhayo tubhe abhahokya bhe misimo abharikyabhu bhe hene.9Nkabhandikirya bha kusango eng'ana endebhe, Nawe Diotrofes asegiri kubha wo mbele mubharikyaye atakuikirania na netwe. 10Ego hano ndaze ndaahita amahokya ghano okukora. kyego akughamba amang'ana amabhihu bhutati na netwe atakuikiriryana na amahokya gayo. Ewe omwene atakutura abhahiri. nawe arabharekya abhandi bhano bhasegiri okubhatura abhahiri arabhabha kusango.11Omusegi otaza kwega ekigiro ekibhihu sega ekigiro ekizomu wuno akukora amang'ana amazomu wuyo niwe ryobha, wuno akukora amabhihu akyari kurora eriobha. 12Demetrio aragaabwa kisi na abhatu bhosi na amahene agene, tuosi abhatuanikania omenyiri kubha obhugambi bwetu bwa hene13Ninaang'amana amaru ghokukaama, nawe ntasegiri okughakaama ne ekaram no obwino. 14Nawe ndisegha okukurora sino hano, turaza kukerania na nawe turarorerana. 15Obhuzomererwa bhubhe hamwe nawe. Abhasani bharakukerya. Okerye abhasani bhazo ego owumwe ne rina ryaye.
1Yuda, omubhagati wa Yeesu Kristo, no muhiri waye Yakobo kubharya bhano bhabharikirwe, awasegwa kurobha Tata bhabhirikirwe kung'ana ya Yeesu Kristo. 2Ebhigongi abhitengereri no bhusegi bhurekeribhwe kuunemwe.3Abhasegi, eribhaga rinonari nikukora omukya okubhakaamira emwe kubhutuurya bhwetu nosi rintunirye kubhakaamira kuukubhabhatongeri kyego murahita kubheru obhuhoreru bhuno bhwari bhugwatiriri ibhaga rimwe kubhabhanyangi. 4Kwookubha abhatu abharebhe bhisikirye kwabhibhisi- kubhamwe abheru abhatu bhano bhakaturirwa, orukamo we risinziro- abhatu abharabhu bhakukwyosya arubhango mwe Ryoobha ryetukubha obhwibhwi nokumwanga Tata bhugya wetu omwene na Tataa bhugya Yeesu Kristo5Bhono ndasega kubhahitikya emwe mwingabha riroho eribhaga mwari mumenyiri kuobhurabhu kubha Tataabhugya akabhaturya abhatu kurwa ekyaro kya misri, nawe eribhaga erindi akabhasikya bharya bhatamwikirirye. 6Nabhatumwa bhaye bhano bhataribhiri eribhaga ryabhu abhene nawe bhakatiga obhwikari bhabhu bha siku zoosi Eryobha rikabhatura gati kuu minyororo, mwosi wee kirima kuung'ana yee erisinziro ryo urusiku rurya orukuru.7Kyaa bhuryaSodoma na Gomora neemigye gino ginogoriri gino gyosi gyasikirye abhene kubhusimbe na bhakatunirira orukizi runo rutari rwaa temwa. Bhakerekibhwa kyego ezitubho zya bharya bhakunyaaka mwiisinziro ryoomururo gwee kiraeego. 8Kweki kunzira yirya yirya abharoti bhe bhiroto bhano bhoosi bharasarya emibhiri gyabhu, nookwanga obhutake no okukeryania orubhehi gati woo mweru.9Nawe Mikaeli omutumwa waye omukuru, eribhaga yabhaga okuhakana ne erisambwa no okwitondo nawe kwookubha yo omubhiri gwa Musa, atasakirye kurusha erisinziro ryo orubhehi kunewe, nawe kumweya gwaye akabhuga ,''Tataabhugya akurekye''. 10Nawe abhatu bhano bharareta obhubhehi ghati ghati ya kiyo kyosi kino bhatamenyire na kirya kino ezitienyi zitana obhuongo ziramenya kwe etemwa - gayo nigo gabhasarirye. 11Tigha hinga! kwookubha bhagendiri kunzira ya Kaini, kugira eng'ana embhihu. bhanyaharikiri.12Bhano ni amatare muuzinyangi zyenyu zyoobhusegi, bhano bhakuzomererwa bhatana soni, bharibhana niamasaaro gano gatana amaanzi, gano gakugegwa no omkama ne miti gino giharukiri gitana emisumo gino gikurikabhiri gino gihurwe emiri. 13Amabhoka gee nyanza gano gakukora ekituri gararusha ezisoni zyabhu abhene, ezinzota zino zikugenda genda ezimwamu zyee kiirima bhubhikirwe kirakeego.14Enoko, wa muhungati kuruganda rwa Adamu, akabharoteraa, akabhuga, murore! Tatabhugya araza ne ebhihwi ne ebhihwi bya abhaare baaye. 15Yize akore ariisinza kwubhatu bhaye okubhatuura mukibhohe bhano bhatamenyiri Eriobha iguru wa amaahokya ghabhu gaano bhamariri kukora gatatubheeni na amahokya ge koro nzomu na amang'ana amahari ghano gaagambirwe na abhatu bhe ezikoro ezimbihu iguru waye. 16Bhayo niibhano bhakuhoya baaririra, bharing'eherya bhano - oorukizi bharihema bhukong'u, kwo obwere bhwabhu bharang'enererya abhandi.17Emwe, abhasegi, muhite amang'ana ghano gaaghambirwe ekare na abharooti bha Taata bhugya Yeesu Kristo. 18Bhakahaya kuunemwe, ''Ezisikuzyo bhutiniro bharabhao abhatu bhano bhakuzabhura bhanoorukizi. 19Abhatu bhano ni bhatwanikania, bano urukizi, batana koro ndabhu.20Emwe, abhasegi, kyego mukwiiyombokera obhuhene bhweenyu abhaare, na kyeego mukusaabha ne ekoro yaabhaarya. 21Muiribhe kubhusegi bhe Riobha, muunganyirire ebhigongi bhya Taatabhugya Yeesu Kristo bhino bhikubhahana obhuhoru bhwe ezisiku zyoosi.22Mwerekye ebhigongi kubhano bhakwitimata. 23Mubhasakirye abhandi kwoo kubhasakura okurwa mumuriro. kuubhandi mwerekye ebhigongi kwe haho, mtindire engibho yiino eneeribhati.24Bhoono kweewuno akubharibha mutiitema, no okurora muimerere kubhutukufu bhwaye. muutana soni mubhe no obhuzomererwa obhukuru. 25Kuuriobha eryeene kuhitira Kutatabhugya Yeesu Krist obhutukufu bhubhu kunewe, obhuru, obhunagya bhwe ezinguru kwemera iinyuma eeyo, na bhoonego na ezisiku zino zikuuza. bhwahene.
1Bhuno nio abhukundukuro bhwa Yeesu omukristo bhuno Eryobha ryamuheri kubherekya abhabhagati bhayi mang'ana gano ga kwenderwa garore kane kwibhaga rino. Akakora gani enyekane kwo kutuma Malaika waye kumubhagati waye Yohana. 2Yohana akarusha obhuhene bhwe kigiro kino yaruzi kugendenia ne ng'ana ye Eryobha na kweehene yino yarusibhwe ku Yeesu Kristo. 3Aneribhando wuno akusoma kweeriraka na bharya bhoosi bhakugigwa amang'ana gobhurooti bhuno nokusuka kukino kikamirwe muyo kwookubha eribhaga rya kahika haguhi.4Yohana, kumasengerero muhungati gariyo Asia: orubhango rubhe kunemwe no kwi kirirya okurwa kuneewa wuno yariariho, na wuno akuza no kureka kuzikoro muhungari bhano bherekereni nekitumbi kyaaye kyesimuka, 5no kurwa ku Yeesu Kristo omu twanikania omuhene, omwibhuurwa woobhutangiro bhano bhakuri, nomukangati wa abhabhagati bhe kyaaro kino. kuneewa wuno atusegiri atuturiri mwasi kureka gatigati yoobhubhihu getu kumamyinga gaye, 6atukoriri kubha abhatemi bhoobhuseengeri bhwe Eryobha kuwise wabhu-owaye noobhweru neezinguru zekimera kirakeego ebheego.7Rorandaza na masaro nawe eriso riramurora hamwe na bhoosigo bhano bhookibhwe. Ne atundura zyoosigo zyee kyaro kubhasekerera kwabhu nigo kubhego. 8Enye ni obhutangiro no obhumari riryo,"arabhuga tata bhugya," wuno ariho, na wino ahabhaho, na wuno akuza, anezinguru".9Enye Yohana muhiri wenyu ni wumwe wuno akubha hamwe na nemwe gatigati yeenyako obhutemi nokwigumiri ya thabiti kweego gati ya Yeesu nihabha gatigati kwiginga kino kikubhirikirwa Patima kwookubha ye ring'ana rye Eryobha ebhirengyo kuhitira ku Yeesu. 10Nihabha gatigati yekoro kurusiku rwa Tata bhugya, nikigwa inyuma yaani eriraka iguru yeekombhyo. 11Erahaya," kaama kukitabhu gano okurora na gobhutemi bhwa asengerero muhangati kugya Efeso, kugya Smirna, kugya Pergamo, kugya Thiatira , kugya Sardi, kugya Philadelphia, na kugya Laodikia."12Nkikyora okurora eriraka ryawi wuno yariakukerenia na nenye na hano nkikyora nkarora kibhongo yiro kyee zahabhu kyee bhimuri muhungati. 13Gatigati kyee kihiko kyee kimuri ahabhamu wumwe atubheni no mwana wo muutu, yibhohiri ekanzo taambi yino ehekiri iyaasi ya maguru gaye, no omuchipi gwe zahabhu okwirugura ekikubha kyaye.14Omuutwe gwaye nezinzweri zaye zihabha ndabhu kyeego okurora epamba endabhu kyoo musoke, nezimoni zyaari kyoo rurare ryo mururo. 15Ebhirenge bhyaye bhihabha nkye shaba yino ekutirwe bhukongu kyeego eshaba yino emeriri kuhitibhwa gatigati yoo mururo, ne riraka ryaku rihabha nkyeego eriraka rya maanzi amaaru gano bhwangu. 16Yariagwatiriri enzota mhungati gati yookubhoko kwaye kwoobhusubhe, nokureka mumunwa gwaye guhabha kyoomuho omuhari guno bhooge mbara ibhiri. Obhusho bhwaye bhuhabha bhuramesha kyoo bhweru obhuhaari bhoomubhaso.17Hanonyamuruzi, nkamugwera mumaguru gaye kyoo mutu wuno ahabha akuri. Akatura okubhoko kwaye iguru wane akabhga,"otobhooha! enye niwo obhutangiro no bhumaririryo, 18Na kyeego nihikara. Nihabha nkuru, kweego rora, ndikara kimera! ninazyo ezifunguro zyoo ruku nyaari.19Kweego, bhakame gano uruuzi, gano gariho kwibhaaga, kugarya gakuzakubhooneka kugayo. 20Kwookubha rino ryibhisiri kurengana ne zinzota muhungati zino nduzi gatigati yookubhoko kwane kwoobhusubhe, nekibongo yiro kyeedhahabhu kyee bhimurimuhungati: ezinzota muhungati ni malaika bhamasengerero muhungatina amasengerero muhungati."
1"Kubha Malaika bherisengerero rya Efeso kama: 'Gano ni mang'ana gawurya wuno agwatiriri ezinzota muhungati gatigati yookubhoko kwaye kwoobhusubhe. Wuno akugenda gati ye kibhongoiro kyee dhahabhu yeebhimuri muhungati arabhuge ego," 2"'Nimenyiri kiino okoriri noomukya gwaazo gweemirimo nobhigumiri rya bhwazo obhugumiru, kubha otakunagya kubha nabho namwe abhabhi, no obhasakirye bhosi bhano bhakwibhirikira abhabhagati no kubha bhararekeni kubha abhabhehi.3Nimenyiri uraganyirira no kwigumirirya,no ohitiri maru kwo kubha ye rina ryane, okyari kuniha. 4Nawe lino niryo ninaryo iguru wazo, otigiri obhusegi bhwazo bhwo obhutangiro. 5Kwego no hite hano wagwiri, okahaya no kukora mang'ana gano wakoriri kubhwemero, oritiga kuhaya ndaza kunawe no kurushaho kibhongoiro kureka ahagiro haye.6Kwookubha awe onarino, oratindira kugarya ga Abhakolosai bhakoriri, gano hataenye indabhiririrwa. 7Kwookubha onokutwi, itegerera gano kwookubha ekoro agabhurira amasengerero. Na kuwuno akutamwa ndamuha ekimenyekereryo okurya kureka gatigati muuti gwoo bhuhori guri gatigati wa nyaari yee Eryobha.'8'"Ku Malaika we Erisengerero rya Smirna kaama: 'ghayo niamang'ana ga wurya woobhutangiro no obhumarioryo wuno yakuuri no okusisimuka kweki: 9"'Niimenyiri enyako yaazo no obhubhutaka bhwazo(nawe awe ni munibhi) no obhubheli bhwa bhaarya bhakwibhurikira abhayahudi (nawe bhatariebho-ne erisengerero rya ekihwi)10Otobhoha enyako yiino erakubhone. Roora! ekihwi kirenda kubharekera mukibhohe musakibwe, muranyakibwa ezisiku ikumi. Mubhe bhahene no oruku rwenyu, ndabhaha orusangarya rwo obhuhuro. 11Aribha onaamatwi, itegerera ekoro kyego ekubhurira amasengerero. Wuno akukira atakubhona oruku rwakabiri.12Kubha malaika bha Erisengerero rya Pergamo kaama: 'ghaano niigo akugamba wuno anerisabha eriogi, bho bhuogi bhubhiri. 13"'Nimenyiri ahagiro haano okwikara -ahagiro hano kiriho ekitumbi kye ekihwi. Kweego awe ogwatiriri erina rya ane hene, no otangiri okuikirirya kwaazo kunenye, neesiku ziirya zye antipasi omutu anikania waane, omuhene waane, wuuno yiitirwe gatigati wenyu, hayo miiko ekihwi kiikwikara.14Nawe ninago amang'ana masuhu kunawe, orio na abhaatu bhano bhakuitegerera ameegyo ga Baraam, wuuno akamwegya Baraki okutura ebhitegitegi kubhana bha Israel, bhaarye abiakurya bhino bhirusibwe emibhano kumaaryobha. 15Kung'ana yiyo yiyo onaabhato u bhaano bhagwatiri amegyo ga Wanikolai.16Kweego yanga! orateme kukorego, ndaaza bwangu, na ndakora erihi kunawe ne erisabha riino rikuurwa mumunua gwane. 17Aribha ono okutwi, wiitegerere kyego ekooro ekubha bhurira abhanyanyangi. Wuno akukira, ndamuha amaaneena gaano gabhisirwe, kweki ndamuha erigina erirabhurino ryaandikirwe erina erihya iguru we erigina, erina rino atariho wuno arimenyiri nio omwene wuno akurigwatirira.18Ku Malaika we erisengerero rya Thiatira kaama:"Gayo nigo amang'ana go omwana we Eryobha, wuno ana ameso kye ezisasi zyo omuroro, ebhirenge kye eshaba yiino ekutirwe heene: 19"Nimenyiri kiino okorini-obhusegi bwazo, okuikirirya no obhunyohu bwazo no okubha kiino okoriri siino, kirakira kiino okoriri kubhumwero.20Nawe ninaryo iguru wazo oramnyakira omukari yezeberi wuno akuibhirikira anoomukari omuroti, kumeegyo gaye arabhang'enererya abhabhagati bhaane baarye abyaakurya bhiino bhirusibwe omuhero kukihwi. 21Nikamuha eribhagha ryo okwaanga, nawe ndaarora atakwenda kuutiga obhubhihu bwaye.22Roora! ndamutasa kubhuriri bhwa amarweeri, nabhaano bhakukora nawe obhusimbe, naweego bhatige okukoora. 23Ndaabhatema abhana bhaye bhalewe abhanyanyangi bhosi bhamenye neenye nkuubhaangarira. ndamuha omuutu kyeego amang'ana gaaye gaari.24Nawe kubhano musagiri Thiatira, kubhano mwosi mutakugwata amahokya gaano, na abhano mutamenyiri gaano gakub hirikirwa ekiihwi, ndaahaya kunemwe, ntakutwa murigo guyo gwosi iguru wenyu. 25Kung'ana yiyo yosi muubhwe bhazomu tee ruuno nkukyoora.26Wuno wosi arihiita no okukora riino nkooriri kubhumariryo, kuunewe ndamuha obhutemi bwe ebhiaro. 27Arabha mutemi neehimbo ye ekyoma, kyeego ebhibhakuri byo obhutoto, arabhatya bhisuhu bhisuhu. 28Kyeego niabweni kuurwa kuu Taata waane, ndamuha enzomu ye etabhori. 29Orabhe no okutwi, itegerera kiino ekoro ekubhabhurira abhanyanyangi.
1Kumutumwa we erisengero rya Sardi kaama: "Amang'ana ga wurya wuno akutimbirira ezikoro muhungati zyee Eryoobha ne zinyota muhungati, nimenyiri kino okoriri onokikumo gyoo kubha muhoru ori muku. 2Bhuka nookukong'ia gano gasagiri nawe gariho hagwi okukwa kugayo nitagaruzi amatiemo gazo gaberi mumeso gee Eryoobha ryyane.3Kuugayo, ohituke, garya okagwata nookwiterera, ogasuke nookwisasama, nawe oritama kwimuka, niriza kyoo mwibhi no oakumenya eribhaga rino niraza iguru yazo. 4Nawe gariho amariana masuhu gaa bhatu eyo Saridi bhaano bhatanyakiri ezingibho zyabhu bharaza kugenda hamwe na nienye, bhibhohiri emienda emirabhu, kwakubha bharenderwa.5Wuno akuhta aribhohibhwa emyenda emirabhu, no orumwe nitakuriru shamu erina ryabu kurwa mukitabhu kyo obhuhoru, no okurigamba erina ryaye kubhukangati bwa Taata wane, na kubhukangati bwa abhatumwa baye. 6Aribha no okutwi, itegerera ekoro yino ekubhuriri amasengero7Ku mutumwa waye we kanisa Philadefia kama! amang'ana gaa wuno eriomweri naaheene wuuno anezifungueo zyaa Daudi obhona ariguraho, na ataroho wuno akwiguraho, obhona arigaroho na ataroho kwookuniaga kwigura. 8Nimenyiri kino otemirye noo orore, nikutereri kuubhukangati bhwazo ekiseku kino kigerwaho guno ataroho wuno akuguniagya okugwiguraho. Nimenyiri onago amanaga masuhu, nawe oriterimu ering'ana ryane okyari kurianga erina ryaye.9Rorerera! bhoosigo bhano bhamwisengero rya mwisambwa, bharya bhakubhuga ebho nii Bhayahudi neeno kuumbe bhatari kumweya gwaye bharang'enererya, nirab hatema bhize no kusabha kuubhukangati bhwa magurur gazo na bharaza yokubha bhakusegiri. 10Kwookubha obhikiri erihatike ryaane kwoobhunyahaariku obhukong'u, nirakuribha kweki gati yee ribhaga ryazo ryokusakiribhwa, kuno kuraze kuu kyaro kyokyosi okubhasakya bharya bhoosi bhaano bhakwikara mwoosi. 11Ndaza bhwangu, atimbirira bhukong'u kirya onakyo atazakubhaho mutu woo kugesa obhuhoru bhwazo.12Niramuhokya awe wuno akuhita kubha etimu gati mwisengerero ryee Eryoobha ryaye, natakuhuruka igutu hata rumwe. Ninarikama kuunewe erina ryee Eryoobha ryane, erina ryoo mugye gwee Eryoobha ryane (Yerusaremu ehya, gu kwituma hasi kurwa mwisaro kuu Eryoobha ryane), Neeruna ryane erihya. 13Ewe wuno anokutwi naa yigwe kino ekoro ekuhaya kuu masengereni;14Kubhatumwa bhwe risengerero ryaa Leodikia kaama; Amang'ana gaye wuno yikirirye, atari yisigirwe noo mutiania omuheene omutake igurur woo bhutemi bhwe Eryoobha. 15Nimenyiri kino okoriri, nookubha awe otari mbeho hamwe muriro, ndisega kubha wangabheri wee mbheho hamwe omuriro! 16Kweego, kwookubha awe nibhioya, otari muriro hamwe mumuunua gwaye.17Kuugayo arabhuga, enye niomunibhi, nibheri neebhigiro bhyaru, nitakwenda kyokyosi. Nawe otamenyirir kubha awe ni musuhu bhukong'u, wakurumikirwa, mutaka, mhoku nee king'abhi. 18Itegerera obhutongeri bhwaane noogurer kuunenye edhahabu yino ezomibhwe kwoo omuriro obhone kubha munibhi, nemienda emirabhu gyoo kunyeregeta ili wiibhohe omwenego na otaza kweryeta esoni yee king'abhi kyazo naa maguta goo kwihaka kuu meso gazo obhone okurora.19Kuuno nimusegiri, niramuerekererya noo kubhegya kyeego okwenderwa kwikara; Kuuriyo noobhemuhene nookwisasama. 20Rorerera nimerera kuu kiseku noo kutema. Wowosi wuno akwigwa omumiro gwane nookwiguraho ekiseku, niraza nookusikira munyumba yaye, nookurya ebhyakurya na niinye hamwe nawe.21Ewe wuuno akuhita niramuha ehen yoo kwikara iyasi hamwe noonenye iguru yee kitumbi kyane kyoo bhuhoru, kyabhurya enye nahitiri noo kwikara haasi hamwe naa Taata wane iguru wee kitumbi kyane kyoo bhuhoru. 22Ewe wuno anamatwi, naa yitegererer kino ekoro ikubhura amasengero."
1Kuumang'ana gano nikarorerera, nikarora kubha ekiseku, kyabhanga kigerweho mwisaro. Omumiro gurya gwoo bhukangati, gurakyerenia naa nienye kyee kyeekombyo, erabhabhuga na wuze hano nirakwerekya gano gararorekana inyuma waa mang'ana gano. 2Rugendo rumwe niabhanga muukoro, nikaora kyabhangaho ekitumbi kyoo bhuhoru kiturirwe mwisaro, noomutu akikariri. 3Owumwe wuno yabhanga akikariri akarorekana kyee rigina ryaa yaaspi na akiki. Bhwabhangaho eritabasi ryembura buzo buharorekana kye zumaridi.4Kurirugura ekitumbi kya obuhoru byabangaho ebhitimbi byo obhuhoru ebhindi mirongo ebhiri na bine na bhano bhikeri kubhitumbi byoobhuhoru bhano bhabhanga abhakaruka bhabhanga miringo ebhiri na bhane bhibhohibwe amibhoko marabhu nee taji zyee dhahabhu kumitwagyabhu. 5Kureka kitumbi kyoo bhuharu zikarorekana ezindimi zyoo rukubha, okuhirira noo rukubha, ebhimuri muuhungati bhyabhanga bhiraka kubhukangati bhwee kitumbi kyoo obhuhoru, ebhimuri bhiyo niiezikoro muhungati zyee Eryoobha.6Kweki kubhukangati bhwee kitumbi kyoo bhuhoru twaabhanga nee nyanza, erimwasi kyee kirore kyosigo okwinogoro ekitumbi kyoobhuhoru bhabhangaho nabhene bhuhoru bhane bhana bhizuri ameso mbere nu nyuma.7Ekigiro kyoo bhutangi kyeene bhuhoru kyabhanga kyeendu, ekiumbe kyaa kabhiri kyeene bhuhoruu kyaabhanga kyee kimori. Ekiumbe kyaa katatu kyeene bhuhoru kyabhanga noobhusho kyaabhwoo mutu, na wurya omwene waa kane nyabhanga kyaa bhako na wuuno akwibhururuka. 8Ebhigiro bhyeene bhohoru ebhine kira ekimwe kyabhanga na mabhabhaasasabha bhizuri ameso iguru na iyasi waye. Obhutiku noo mwisi bhatakuta kukerenia" Omweru, omweru, omweru, nii Taatabhugya Eryoobha omutangati wee guru wa goosi wuno yabhanga ariho, naariho, na wuno akuza kubhaho".9Kira eribhaga ebhigiro bhyeene bhuhoru bhikabhura obhweru, obhusuki, noo kukumiora kwoo bhukangati bhwaa wuno yabhanga yikeri kuukitumbi kiyo kyee bhuhoru ewe wuno akwikara kiraka na kimera. 10Abhakaruka mirongo ebhiri na bhane bhakasengera abheenego kuu bhukangati bhwaaye wuno yiklariri ekitumbi kyoo bhuhoru bhakihinya hasi kuunewe wuno atakwikara kiraka naa kimera nookurekera hasi eritaji zyabhu kuubhukangati wee kitumbi kyoo bhuhoru bharakaerenia. 11Orenderwa awe, Taatabhugya nee Eryoobha ryeetu, okugega obhweru noo bhusukwa nee ezinguru. Kwookubha okabhibhumba ebhigiru bhyoosigo kwaamega gazo, bhino bhyari bhiriho na bhikatemwa.
1Okumara akarora kuubhOko kwoobhuryo kwaawurya yari yiikeri kuukiti kyoobhuhoru amakamo gee Eryoobha gano gakkamirwe kubhukangatiro na kuubhuheteki, na riabhangariturirwe ezikamo muhangati. 2Nikamurora omutumwa waye omwene managa ararurwaza kuumumiro omukuru "Ni wewi akuzomera kwigura amakamo gee Eryoobha nookubhuna ezikamo zyaaye?"3Ataroho omutu mwisaro hamwe mukyaro hamwe musi yeekyaro owuno akyanagya okwiguraho amakamo gee Eryoobha okugega. 4Nikarira kwobhuru kwookubha otakunyoreka wowosi uno akuzomera okwiguraho amakamo, gee Ryoobha hamwe okugega. 5Nawe owumwe wa bhakaruka akanibhurira, "Tiga kurira. Rorerera endwi yooruganda rwaa Yuda, eritina ryaa Daudi rihitiri, na aranagya kwiguraho amakamo gee Eryoobha nee zikamo zyaaye muhungati".6Gati wee kitumbi kyoo obhuharu naa abhene bhuhoru na gatigati wabhu mubhakaruka, nikarora omwana we ng'ondu yimereri ararorekana kyaa wuno akomerwe yabhanga ne ezihembe muhungati na emeso muhungati zino ne ezikoro muhungati zee Eryoobha zino zyatumirwe mukyaro kyosi. 7Akagya akagega amakaamo gee Eryoobha kurwa mukubhoko kwoobhusubhe kuu wurya yikeri kuu kitumbi kyoo bhuhoru.8Hano yegegiri amakamo gee Eryoobha, bheene bhuhoru bhaane na bhakaruka mirongo ebhiri na bhane bhakihinya tee musi kuubhukangati bhoo mwana wee ng'ondu kyoo wumwe yabhanga nee kihembe nee kitubha kyee dhahabu yino yizuri obhuvumba gaya garini masabhi gaa bhikirirya.9Bhakemba amembo amahya: "Orendwa kugega aamakaamo gee Eryoobha nookutazura ezikamo zaye kwookubha akasinzwa, kwaa, kumanyinga gaye akarigurira Eryoobha abhatu bhooruganda ekigambo, abhahiri neekyaro. 10Okabhakora obhufalme noobhukuhani kwookurihokya Eeryoobha ryetu, bhoosi bharaza kukangata iguru wesi".11Okumara nikarorerera nikitengerera omumiro gwaa bhatuma bhaaye kwirugura ekiti kyoo bhuhoru obharu bhabhu bhwabhanga 200,000,00 nae bhenye bhuhoru na bhakaruka. 12Bhakabhuga kyoo mumiro omukuru, "Arenderwa omwana wee ngondu wuno asinzirwe kuugega obhhunagya, obhunibhi, amisego, amanaga, obhusukwa, obhweru, noo mukumo."13Nikigwa bhwoosi bhino bhitemirwe kino kyari mwisaro naa mukyaro nii yasi weesi ni iguru wee nyanza kira kigiro mwoosi waye, "Kunee ewe wuno yikeri iguru wee kitumbi kyoobhuhoru naa kuumwana wee ng'ondu kubhe omukumo, obhusuki obhweru naa managa goo kukangata kiraka naa kiraka." 14Bheene bhuhoru abhene bhagabhuga, "Ebheego!" naa bhakaruka bhakihinya haasi nookusengera.
1Nikarora eribhagha omwaaana wee ngo'ondu hano abhohirwe rumwe rwazirya orukamo muhungati, nikiigwa eyimwe wa zyirya zenye bhuhoru inye Erabhuga kwee mimiro gino gikutabhana noorukubha "Nawuze!" 2Nikarora yarireroho afarasi nzeru yino yari atiririku, yari nee kibhakuri naa kahanwa eriuwa akarorekana kwoo muhizi wuuno ahaziri kyaamwe arahiza.3Eribhaga omwana weering'ondu bhano yatazuri orukamo rwa kabhiri, nikigwa yeene bhukoru bhwa "Kabhiri erabhuga, "Nauze!" 4Kiimwe efarasieyundi ekarorekana kangaru kyoo muriro yaari atiririku akahabha omweya gwookurushaho obhuhoreru bhee kyaaro kwookubha a bhaatu bhasinzane. Wuuno yari atirirku akahanua arisabho arikuru.5Eribhaga riyo omwana wee ng'ondu hano yatazwiri orukamo rurya rwakatatu nikigwa mweene bhuhoru waakatatu arabhanga "Nauze!" Nikarora afarasi emwamu yini ataririku eno bhurito mumabhoko gaye. 6Nikigwa omuriro guno gukurorekana kubha owuumwe wazirya zenee bhuhoru erabhuga, "Ekijiko kyee ngano kwoo orubhirya rumwee na bhijiko bhitatu bhezimbirya kweembirya yimwe nawe otagasarya amaguta naa manyinga."7Kwibhaga omwana wee ng'ondu hano yatazuri orukamo rwa kane, niikigwa omumiro goomwene obhuhoru wa kane gurabhuga "Nauze" 8Kweki nikarora efarasi embusuku yino atiririku ebhabhwi kirwa erina ryaye oruku, na nyari ya bhanga eramutunirira zikahabhwa obhunagwa iguru wee esi, okwita kweerisabha kweenzara, noobhurweri, nakweezitienyi zaa mwitirigo gatigati mwoosi.9Eribhaga omwana wee ng'ondu hano yatazwiri orukamo rwaa akatano niakarora iyasi yaa hagiro hoomwisengeri ezikoro zyaa bharya bhaano bhari bhitiri kweeng'ana yee Eryoobha noo kurorekana noobhuheene bhuno bhwagwatiriri kwaabhukong'u. 10Bhaakarira kwoomuriro omukuru tee ryori, omubhizi waabhyosi omweru noo muhene arasinzira abhikari bhukuru wee kyaro, noo kuriha ekisiyomba amanyonga geetu. 11Okumara kyee wuumwe akahanwa ekanzu enzeru bhakaburira kubha bharenderwa kuganya kusuhu haano ekuza kuhika amabharo gano gabheri gaa bhabhagati bharikyabhu na abhahiri bhaabhu bheekikari na bheekisubhe hano ekuuza kubha bhaano bhaakwitwa kyeego bhurya kyeego bhurya bhoosi bhakwiitwa.12Eribhaga omwana wee ng'oondu haano yatazyiri orukamo rwaa kasasabha nikarora naahabhangaho, neekirigito kikuru. Eryoobha rikabha imwamu kyee rigonera ryaa amazoya, noomweeri mugima guukubha kyaa manyinga. 13Ezinzota zyaa mukiiaro zikagwa gatigati weesi, kyoo mutini guno gukugwisha emisumo gyaaye kwibhaga ryee mbeho hano gukusingisibhwa naa kimaramumbi. 14Erisaro rikarwaaho kyee kitabhu kyakino kyahungurwe. Kira ekiguru nee nyanza bhisamibhwee ahagiro haye.15Okumara kira abhafarume bheesi na bhaatu abhakuma naa bhakuru, abharubhi bheene managa, naa kira owumwe, wuuno ariomubhagati naa tazurwe, bhakibhisa gatigati waa mabhegi naa mumagina gaa mukiguru. 16Bhakabhi bhurira ebhiguru naa atare, "Muutugwere! muutubhise gati yoo bhusho bhwaye wuuno yikeri kuu kiti kyoo bhuhoru noo kurusha obhutindi bhoo mwana wee ng'ondu. 17Kwookubha orusiku orukuru rwoo bhutindi bhwabhu rwandikirwe nii wewe akunagia kwimerera?
1Inyuma ya gayo niakrora abhatumwa bhane bhemereri kuuzikonyeri inye zyee kyaro, bharibhiri ezikama inye zyeesi kweezinguru hataza kubhaaho noo bhukama bhuno hukuheemba kuusi, igueru yee nyanza hamwe gati yoo muti guyo gwoosi. 2Nikarora omutumwa waaye owuundi araza kurwera ruguru, wuuno yari noo rukamo rwee Eryoobha erihoru. Akarira kwoo mumiro omukuru kubhatumwa bhaaye bhane bhaano bhaherwe omweya gyoo kunyahara esi nee nyaanza. 3Mutanyahara esi, enyanza, hamwe emiti tee hano turagaruke tumariri kutura orukamo gati wee bhishosho bhyeemiytwe bhya bhahokya bhyee Eryoobha ryeetu.4Nikwiigwa kuubhwaru bhwaa bharya bhano bhaturirwe orukamo 144,00, bhano bhaturirwe orukamo kurwa kira oruganda rwaa abhatu Israeri. 512,000 kureka muuruganda rwaa Yuda bhakaturwa orukamo, 12,000kureka muruganda rwaa Rubeni, 12,000 kureka muruganda rwaa Gadi. 612,000 kureka muruganda rwaa Asheri, 12,000 kureka muruganda rwaa Nafutari, 12,000 kurekamuruganda rwaa Manase.712,000kureka muruganda rwaa Simioni, 12,000 kureka muruganda rwaa Rawi, 12,000 kureka muruganda rwaa Isakari, 812,000 kureka muruganda rwaa Zeburoni 12,000 kureka muruganda rwaa Yusufu na 12,000 kureka muruganda rwaa Benyamini akaturirwa orukamo.9Hano amang'ana gano gahwiri nikarora, ryabhangaho erikundi ikuru rino hatri na muutu na muutu wuno aayaari akunaaga kuribbhara kureka kira ekyaro, oruganda, abhahiri, neekigambo-bhimereri kuubhukangati wee kitumbi kyoo bhuhoru naa kubhukangati bhoo mwana wee ng'ondu. Hari bhibhohiri ekanzu endabhu na bhanaemisangasha gyee mitende, mumabhokogabhu. 10Naabhari bharabhirikira kweemimiro gii iguru! Obhuturibhwa ni kuu Eryoobha rino rikeri kuu kitumbi kyoo obhuhoru na kuu mwana wee ng'ondu.11Abhatumwa bhaye bhoosigo bhano bhari bhimereri kwirugura ekitumbi kyaye nookwirugura abhakaruka bharya hamwe na bhenye bhuhoru bhane, bhakihinya iyasi waa hasi naa bhakatura obhusho bhabhu iguru waa hasi kubhukangati bhwee kitumbi kyoo bhuhoru naa bhaa kasengera Eryoobha. 12Bhakabhuga "Eryoobha ego? omukumo, obheru, amisego, obhukumia, obhusuki, obhunagia bhibhe kuu Eryoobha ryeetu kiraka na kiraka! Ebhego"13Okumara owumwe wa bhakaruka bharya akanibhurya, "Bhano nibhawewe bhibhohiri ekanzu endabhu, bharwereri hayi? 14Nikamubhurira, "Taatabhugya omukuru, amenyeri awe," na kanibhurira, "Bhano ni bharya bhariri gati wee nyako ekuru. Hazifuriri ezikanzo zabhu nookuzikora ndabhu kwaa manyinga goo omwana wee ng'ondu.15Kuuriyo bhano bhariyo kubhukangati wee kitumbi kyoobhuhoru bhwee Eryoobha, nookumusengera ewe obhutiku noomwisi gati wee risengero ryaaye. Ewe wuno yikeri iguru wee kitumbi kyoo bhuhoru araza kunyargania amatundubhari gaye iguru wabhu. 16Bhatakuza kurora nzara kweki, wara enyako kweki. Mubhaso gutakubhokya, wara omuro gutakubharungfurya. 17Kwookubha omwana wee ng'ondu wuuno arigati gati wee kitumbi atakubha murisha wabhu naa arabhakangata kuumusobhogo gwaa manzi goo obhuhoru, nee Eryoobha rirabhahakura kira ezingusuri zaa mumeso gabhu."
1Eribhaga omwana wee ng'ondu hana yatazwiri orukkamo rwa amuhungati, kukabhahi noo obhukiriranu mwisaaro kwiibhaga nusu ibhaga. 2Okumara niakaroora abhatumwa bhaye muhungati bhano bhakwimerera kubhakangati wee Eryoobha naa bhakahabhwa ezikombyo muhungati.3Omutumwa waye owundi akaza atimbiriri ekitubha kyee dhahabu yeene ovumba, yimereri ahagiro hoomusengeri. Akahanua obhuvumba bhwaru lkwookubha abhurushe hamwe naa masabhi gaabhikirya bhoosigo kuu hagiro hoomusengeri heedhahabu kubhukangati wee kiti kyoobhuhoru. 4Omwoki gyoo uvumba, hamwe na masabhi gaa bhikirirya, bhukatira iguru woobhukangati bhee Eryoobha kureka mumuabhoko goo mutumwa waye. 5Omutumwa waye akagega ekibhakuri kyoo obhuvumba naa akizuryaa omuro kuurwera ahagiiro hoomusengeri. Akamara akarirekera haasi iguru yee kyaaro, naa gukahuruka omumiro gwoo rukubha ezindimi zyoo rukubha nee kirigito kyeesi.6Abhatumwa bhaye muhungati bharya bhabhanga nee zezi kombyo muhungati bhakabha bharaziganya okuzitema. 7Omutumwa woo bhukangati akaitema ekombyo yaye ekarorekana embura yoo musoke noomuro guno gusangenie na manyinga. Zikarekerwa hasi mwoosi ehenderwa etheluthi yaye erungure, etheluthi yee miti akarungura noobhunyaki bhwoo munyenye bhukarungura.8Omutumwa waye wakabhiri akatema kombyo nee kigiro ekikuru kyee ekiguru kiino kyari ikikurungura kyoo omuriro kikarekerwa munyanza. Etheluthi yee nyanza ekabha manyinga, 9Etheluthi yee bhigiro bhino bhikwigwa munyanza bhikakwa neetheluthi yee meli zikasaribhwa.10Omutumwa waa katatu akatema ekombyo yaye koma, neenzota ekuru ekagwa kureka mwisaro, eramirika kyee kimurimuri iguru yee theluthi yee miaro nee misobhoogo gyaa manzi. 11Erina ryee nzota kuru esorwe. Etheluthi yaa manzi akabha esorwe, nabhatu abharu bhakakwa kwookurwa naamanzi gano gabhanga amaruru.12Omutumwa waye wakane akatema ekombyo yako, neetheluthi yoo omubhasa ekatemwa, hamwe neetheluthi yoo mweri neetheluthi yeenzota kuubhuyo etheluthi yaabhiosigo ekikosya kubha ekirima. Etheluthi yoo mwisi nee theluthi yoobhutiku bhitabheri noobheeru.13Nikarora, noo kurugurabhakona wuuno yabhanga akwibhururuka gatigati wee risaro, arabhirikira kuumuriro mkuru, awe, awe, awe, kuubharya bhakwikara gatigati weesi kwookubha yoomwitumuko gwee kombyo yino yasngiri yisukiri okutemwa naa bhatuma bhaaye abhatatu"
1Okumara amaraika wa katano akatema ekombi yaye, nkarora enzota kuewa mwiisaaro yiino ehabha egwiri mukyaro, enzota ekahaanwa obwwiguriro bwoomuobho ghuuno gukuugya mumuobho ghuuno ghutana bhueero. 2Akiighuru eriruuma riino riitana bwohoozero, noomwoki gukatiira iguru kuurwa mwosi mwiiruma, kyeego omuoki gukurwa muutumo ekuru, Eryoobha noobweru bhikabha ekirima, kwookubha yo omwoki gunogukuuwa mwiruuma.3Mwosi wo omwoki ezingigi ziikahuruka iguru wekyaro, bhosi bhakahaanwa ezinguru kya zye ekitoromoni iguru weekyaaro. 4Bhakabhurirwa bhatiige kuusarya amathu kukyaaro amatiina ghoomunyenye nagoomuti, nawe abhaatu bhaano bhatahabha neekimenyekereryo kye Eryoobha mukisiosyo kyo obhusyo bhwabhu.5Bhatahatirirwe kuita bhaatu bhayo, nawe kubhanyakya kwe emieri etano, obhusungu bhabhu bhahabha kya bhwoomutu wuno arumirwe ne ekitoromoni. 6Kuzisiku ziyo abhatu bahramohya oruku nawe bhatakurubhona, bharagongerya oruku nawee oruku rurabhang'osa.7Ezingigi zino zitubheni ne ezifarasi zye er4ihi. Kumitwe gyabhu bhihabhaku ebhigiro bhitubheni no orusangarya rwe ezaahabhu, no obhusyo bhwabhu bhuhaabha kyabwoo mutuy. 8Bhahabha ne ezinzweri kyazyo omuhari neameno kya geendwi. 9Bhahabha ne ebhikubha kyebhyekyoma, ne eriraka rya amabhabha gaabhu gaahabha kwe eriraka kye ezimatoka zye erihi, ne ezifarasi ziino zikuuryara kuugya muurihi.10Bhahabha ne emikira giino giikuruma kye ekitoromoni kumikira gyabhu bhahabha ne ezinguru zyo okusarya abhatu kwaemieri etano. 11Bhahabha no omutemi iguru wo maraika we eriruma riino ritahabha no obhumariryo. Eriina ryaye kuebrania ni Abadoni, ne ekiyunani ni abhirikirwa Aporioni. 12Tiiga ye embere ehitiri roora, kuugano gaariho abhiri amabhihu garaza.13Maraika wakasasabha aratema ekombi yaye, nikigwa eriraka kuurwa muurugito rwe erisengero rye ezahabhu yiino erikubutangiro bwe Eryoobha. 14Eriraka rikamubhurira maraika wakasasabha wuno ahabha ne ekombi, "Bhatige Maraika bhanne bhano bhabhohirwe mumuaro omukuru gwa Efrata". 15Bhaarya maraika abhane bhano bhahabha bhaatuurwe eribhaga riiyo, orusiku ruuyo, omweri guuyo, no omwaka guuyo, bhakatigirwa bhiite theruthi ya bhaatu.16Obwaru bwaabhasirikare bhaano bhaahabha iguru we ezifarasi ehaabha 200,000,000. Niikigwa abwaru bwaabhu. 17Ego niigo niaruzi ezifarasi kubhurori bwane ne bhaano bhahabha bhaatiriri iguru wabh; ebhikubha bhyabhu bhihabha bikangaru kyo omurore emitwe gye ezifarasi gitubheni ne emitwe gye ezindwi, muminua gyabhu gurarwamu omururo no omuoki.18Yheruthi yaabhatu bhakitwa naamatamo atatu ghayo. omururo no omuhoki guuno gwari kuhuruka mumimua gyabhu. 19Kwookubha ezinguru zye efarasi zihabha muminwa gyabhu ne kumukira gyabhu kwookubha emikira gyabhu gihabha kyeezinzoka, bhahabha ne emitwe ghino bhahagikora okubhaturira amagathi abatu.20Abhatu bhaano bhaataahabha bhitirwe bhaano bhaakaatama naamatemo gaayo, bhatahayiri amang'ana ghabhu ghano bhahabha bhakoriri, bhatatigiri okuisasama emikama ne emisambwa gye ezahabhu, ezikera, amagina ne emiti bhiyo bhitakunagya kurora, kwigwa no okugenda. 21Kweego bhatatigiri ibwiti bwabhu, obhuturutumbi bwabhu, obhusimbe bwabhu ne ezinzira zyaabhu zyo obwibhi.
1Kumara nikamurora maraika owundi omukuru arituuma haasi okurwa mumasaaro, ahaabha abhohirwe mwisaro, na kuhaabha ne erithabhasi iguru wooomutwe gwaye. Obhusyo bhwaye bhuhaabha kyee Eyoobha naamagyuru gaye ghahabha kye ezitimu zyo omururo. 2Akagwatirira erigombo erisuhu mukubhoko kwaaye rihaabha riigurwe, neewe ahabha aturiri okuguuru kwoobhuryo iguuru we enyanza nookuguru kwaye kwo obhumosi iguru we Eryoobha3Akamara akarusya omuriro gwi iguru kyeendwi ekung'oona, na haano akarusya omumiro ezikubha muhungathi ziikagamba. 4Haano eziikubha muhungathi zikagambha, nihabha ndihaghuhi okukaama, nawe nikiigwa eriraka okurwa mwisaaro rikabhuga, "Ibhike ebhe bwibhisikirya eziikubha muhungathi zihayiri, otaakaama".5Kumara maraika wuno niaruzi yiimereri iguru we enyanza nerirobha; akiinura okubhoko kwaaye mwisaaro 6no okwiirahira kuwuurya akwiikara kimera - wuuno akatanga erisaro na bhyoosi bhino bhiri mukyaaro nabhyoosi bhiino bhirimu, enyanza nabhyoosi bhiino bhirimu, kutakubhaho okukezera kweki. 7Nawe kurusiku rurya, haano maraika wamuhungati arabhe habhuhi okuteema ekoombi yaye, hayo niho obwibhisi bwe Eryoobha bhurabha bhuhikiri, kyeego yahayiiri kubhabhagati bhaye abharoti".8Eriraka riino nikiigwa kurwa mumasaro ekaamburira kweki noogye ogeege erigombo eriisuhu riino riigurwe riino mukubhoko kwa maraika wuno yiimereri iguuru we enyanza neekyaro kya amarobha. 9Nkamara nkagya kumaraika nookumubhuririra anihe erigombo erisuhu, akanibhurira geega erigombo orye, rirakora enda yaazo ebhe noobhusungu, nawe mumunwa gwazo riraabha noobhuzomerera ekyo obhuki".10Nikageega erigombo erisuhu kuurwa mukubhoko kwa maraika nookurirya, rihabha erizomereru kyoobhuki mumunwa gwane,nawe haano niamariri okuriirya enda yane ekabha noobhusungu. 11Okumaara amaraaka gakanibhurira, orenderwa kuroota kweki kuubhatu abhaaru, ebhyaaro, ebhigambo, abhatemoi.
1Nikahaanwa ehimbo yoomuti gweemaara yeekirengo. Nikabhurirya, "Ogendeererya erisengero rya Eryoobha na hokusengerera, na bhano bhari mwosi bhakungera. 2Nawe ataaza ahagiro hoorubhango rwiigutu wa erisengero, kwookubha bhaherwe abhatu bheebhyaro. Bhragutaza omugye omweru kwiibhagha rya emiieri mirongo enne neebhiri.3Ndabhahan abhatwikania bhaane bhabhiri obhunagya bhwo okurota kwibhaga ryeezisiku 1,260, eno bhibhihiri amagonera." 4Abhatwaniakania bhano ni emiti ebhiri gya emizeituni na ebhibhongoyiro bhibhiri bino bhimeriri embere ya Taatabhugya weekyaro. 5Aribha omuutu wowosi wurya aryenda kubhanyahara, omururo gurareka muminwa gyaabhu noobhanyahara abhabhi bhaabhu.6Abhatwaniakania bhano bhana obhuanagya bhwookubhoha erisaaro embura etatweka eribhaga rino bhakurota. Bhana amanaga gookukyoora amanzi gakabha amanyinga nookukitema ekyaro kwe eziitemwa zyoosi zya amatemo ibhaga ryoryosi bharyenda. 7Eribhaga rino bharabhe bhamariri okuhaya obhuhene bhwabhu, etyeenyi yirya ekurwa mwiruma rino ritana bhuteero arakora eriku iguru wabhu. Arabhahira nookubhiita.8Emebhiri gyabhu girahindira muziroobho zyoomugye omukuru (kweekirengyo egwe gurabhirikirwa Sodoma na misiri) hano Taatabhugya waabhu akanyakibhwa. 9Kwa siku isatu neeritinika ryoorusiku abhamwe kureka mubhahii bhaa bhaatu, oruganda ebhigambo bye byaaro byoosi bhararora emibhiri gyabhu na bhatakurusya mweya kugituura mumbiihira.10Bhano bhakwikara mukyaaro bharazomererwa kwiiguru wabhu nookuriryata, nookuhanana emibhaano kwookubha abharoti abhabhiri bhayoo bhakabhanyakya bhano bhahabha kukyaaro. 11Nawe hano ezisiku isatu neeritinika ryoorusiku kuhitira omwika gwoobhuhoru kurea ku Eryoobha gurabhasikiramu nabho bharimeerera kwa amaguru gabhu. Obhwabha bhwaari bhurabhagwata bhano bhakubharora. 12Kweki bhariigwa omurimo kureka mwisaaro gurabhabhuurira, "Muuzeno!" Nabho bharagya iguru mwisaro, eribhaga riyo abhabhi bhabhu bhararorerera.13Kwiibhaga riyo kirabhaho ekigito kikuru kya hasi na omugye gumwe guragwa kurwa muumigye ikumi. Abhaatu bhikwi muhuungati bharitwa kukirigito na bhano bharasaage bhahoru bharobhohibhwa na okumuha obhweeru Eryoobha. 14Erirekyo rya kabhiri rihitiri. Murore! Erirekyo rya katatu riraza bhwangu.15Kweki maraika wa muhungati akahuta ekombyo yaaye, noomumiro mukuru gukanyaragana mwisaro no okubhuga, "Obhutemi bhwa mukyaaro bhumariri kubha bhutemi bhwa Taatabhugya weetu na Kristo waye. Arakangata kirakeego.16Kyamwe abhakaruka mirongo ebhiri na bhane bhano bharibhikeri kuubhitumbi bya okukumuka embere wa Eryoobha bhakagwa abheene hasi kumarobha, obhusyo bhwabhu bhwihinyiri hasi, nabho bharamwisasma Eryoobha. 17Bhakabhuga, "Turarusya obhugungo bhwetu kwawe, Taatabhugya, omukangati iguru wa bhyosi, wuno oreho na wuno ohaabhaho, kwookubha ogegiri zyazo nookutanga okukangata.18Ebhyaro bhikatinda, nawe obhutindi bhwazo bhwiziri. Eribhaga rihikiri kwaabhatu okutinirwa ekiini nanawe okuhaana abhaarooti bhazo emibhano, bhano bhakirirye na bhano bhanebhiganio rye eriina ryazo, bhosi bhabhiri bhano bhatakusakirya kigiro na bhezinguuru. Neeribhaga ryazo riihiikiri ryookubhasarya bharya bhaari bhakusarya ekyaaro".19Kweki erisengero rye Eryoobha rya mwissaro rikakundukirwa ne ehuguru ya obhurage bhwaye ekarorekana mwosi wa erisengero ryaye. Obhweeru bhwo omururo, ekitiri, emirumo gye ezikubha, ekirigito kya hasi na embura ya omuseke.
1Obhuteemya obhukuru bhukarorekana mwisaro: Omukari wuno akundikiribhwe nee Eryoobha, naho yaari noomweri iyaasi wa amaguru gaye, na eritaji rya ezinzota ikumi ni ibhiri yaani iguru woonutwe gwaye. 2Yaari nenda na yaari ararira kwa okubha ya obhururu bhwookwibhura - kwa obhusungu bhwookwiturania.3Obhiteemya obhundi bhukarorerekana mwisaaro: Rora! Gwarigegureho oguzoka ogukangaaru ogukuru guno gwari na emitwe muhungati na eziheembe ikumi, na yariereho neezitaji muhungati kuumitwe gyaye. 4Omukira gwaaye gukaruka erigina ryoomuseke rimwe ryeezinzota mwisaaro nookuzirekera hasi mukyaaro. Oguzoka gukiimerera embere woomukari wuno yaari harihaguhi okwibhura, eribhaga rino akwiibhura, amire omwana waye.5Akibhura omwana, omwana we ekisubhe, wuno arakangate ebhyaaro bhyoosi kweeehimbo yeekyaro. Omwana waaye akasskurwa iguru kuu Eryoobha na kukitumbi kyaye kye ezisiku zyoosi. 6No omukari akaryaria kukubha, ahagiro hano Eryoobha yaari agiiri ahagiro kwiiguru waaye, ature kusakiribhwa kweezisiku 1,260.7Bhoono ryaririreho erihi mwisaro. Mikaeri na maraika bhaye bhakarwana no oguzoka gurya; no oguzoka ogukuru na maraika bhaye bhakarwaana nabho. 8Nawe oguzoka gutahabha na nguru zyo okwisa okuhIga. Kwego gutarigureho mweeya mwisaro kwiiguru wa maraika bhaye. 9Oguzoka ogukuru - enzoka yiirya yeekare yino ehabhirikirwa Ibirisi hamwe Shetani wuno yari akung'enererya - ekyaaro kigima akataaswa hasi muukyaro, na maraika bhaye bhakateswa hasi hamwe nawe.10Kweki nikigwa eriraka ikuru kureka mwisaro: "Bhoono obutuurya bhwiziri, izinguru na obhutemi bhwa Eryoobha wetu, no obhunagya bhwa Kristo waye. Kwookubha omutemi wa abhahiri wa abhahiri bheetu arekeerwe hasi wono yabhasemiri embere wa Eryoobha wetu obhutiku no omwisi.11Bhakamhiga kwa amanyimga go omwana weeng'ondu na kwe eng'ana ya obhuhene bhwabhu. Kwookubha bhatasegiri okwikaraho kwabhu, tee oruku. 12Kweego, mzomererwe, emwebha mwisaaro, na bhoosi bhano bhakwikara mwoosi waaye. Naw mwirihe bha mukyaaro na munyanza. Kwookubha omusarya yitumiri kwimwe. Yiizurwe noobhutindi bhahari, kwookubha amenyiri kubha anaryo ibhaga isuuhu.13Eribhaga oguzoka rikamenya kubha ritasirwe muukyaaro, rikagya kumukari wuno yaari yiibhwiri omwana weekisubhe. 14Nawe omukari akahanwa amabhabha abhiri geerikohe erikuru, anagye okwibhururuka tee ahagiro hano haterwaho iguru waayekukibhara eyo, ahagiro hano yakutura kuribhwa, kweeribhaga, emabhaga neeritinika hagiro hano enzoka atakunagya kuhikaho.15Enzoka ikitira amanzi okurwa mumunwa gwaye kyoomururo, akore amanzi gizure mukyarao abhuriremu. 16Nawe hasi hakamsakirya omukari hakaasamya omunwa gwaye nookumira omwaaro gono gukatwebhwa na oguzoka kureka mumunwa gwaye. 17Kyamwe oguzoka gukamtandira omukari no okukora erihi no orwibhuro rwaye rwoosi - bharya bhakusuuka emigiro gye Eryoobha no okugwatirira obhuheene iguru wa Yeesu. 18Kyaamwe oguzoka gurimerera iguru wa omuserekenye embarika we nyanza.
1Kweki nkarora itienyi irarwa munyaanza. Yaari ne ezihembe ikumi ne emitwe muhungati. kwo ezihembe zyaye kwarekuriku ziingosiira ikumi, na kwomitwe gyaye kuriku amang'ana ga amatiku kwu Eryoobha. 2Itienyi yeno nayiruuzi yitubheni ne engwa. Amaguru gaye - kigatubheni na ga dubu omunwa gwaye gutubheni na gwe isuzi. Enzoka yirya ekamuhaana amanaga, ne ekitumbi kyo obhutemi bhwa enzoka, obhunagya bhwo obhutemi bhwe izinguru.3Omutiri gumwe gwiteenyi gukarorekana neengati irikunu ryo ukukwa. Nawe erigati riyo rikahora, neesi yosi ekarugutibhwa no okugya inyuma waye. 4Nabho bhakasengera kunzoka, kubha yomuheri obhunagya ne etienyi irya yoosi bhakaisengera, nabho bhakabha bharabhuga, newi nkya etienyi yino? Na niwi akugya kurwaana na neewe?5Etienyi eyo ekahabhwa umunwa gwokuhaya amang'ana gamatuki nogu kwiseegya. Akahabhwa obhutemi emieri mirongo ene neibhiri. 6Etienyi ekatanga okugama amatuki embere Eryoobha, ekarituka iriino rye Eryoobha, akatuka ne eroobho yo kwisaaro nabharya bhakwikara kwisaaro.7Etieny ekahabhwa kukora riihi na abhikirinya bhe Eryoobha no okubhakinda. Kweki, akahabhwa amanaga kwubhigambo bhyoosi na ziisi zyoosi na abhatu bhoosi. 8Bhoosi bhano bhakwikara kweesi bharamsasameewe, bhoosi bhano amarina gabho gatakaamirwe kwe ekitabhu kekiwisaaro kirya kyo omwana na weeng'ondu, wuno yasinzirwe.9Nawe arabhe oonokwetwi, itegerera. 10Nawe arabhe wumwe wenyu agegirwe no okubhihwa, nokubhohwa arabhohwa. Nawe wumwe wenyu hano yiiri, wosi ariitwa neerisabha. Yeno ni mbirikirwa yo obhunyoohu no amikiriryo kwu bhano abharu.11Kweki nkarora etienyi eyiindi eraaya kureka kweesi. Yari ne ezihembe ibhiri nkye zye eng'oondu nayo ekagaamba nkye nzyoka. 12Akarekya amanaga goosi kwitienyi irya ya kangatiri kwukubhaho kwaye, no okukora kwikyaro na bharya bhano bhakwikara bharisasama itienyi yeno yakangatiri, wurya wuno rigati ryaye rya horiri.13Akakora amariorio ge zinguru, ne akekora omorino gwike kureka iguru embere ya abhaatu, 14na akikiriribhwa kukora amatemio no kubhang'ererirya bhayo bhakwikaa kwoosi kuno, akabhabhurira akore erisabwa, kookusuuki etienyi yirya yari etemirwe nerisabha, nawe akyari ehoru.15Akikirirwa kutuura omwiike kuusanamu yetienyi irya tee esanamu inagye kugamba na kugirya bharya boosi bhanagiri okuunisasama etienyi ibhiitwe. 16Nawe akahatike kyo umwi wuno atanabhweera kuu wizinguru, omwami no omtaka, omhokya, nabhano bhatana morimo, no okukama mobhisanyi bhya amabhoko kwabhuryo, nakukishoshu. 17Etaari nobhunagya bhookugurya nookugurya, aribha otari no orukamo rwa itienyi irya nerwe irina ryaye.18Reno rirenderwa amang'eeni. Nawe wowosi wuno ari na mang'eeni na anagye kubhara amabharo gano nago ni okabharo gabhatu ni 666.
1Nkamaaherera no okurora omwana eng'ondu yimereri mukiguru kya Sayuni. Hagiro hamwi yari na abhatu 144,000 bhe erina ryaye ne eriina tata waye rikamirwe kwobhishosho bhyaabhu. 2Nkiigwa riraka kureka kwisaaro nkyo omorumo gwa amanzi amaaru, eriraka erikuru gyo orunanihi. Eriraka rino nigwiri nkya abhimbi na abhaheembi bhe ekireera bhano bhakutema ekireere kyaabhano.3Bhakemba amembo amahya embere we ekitumbi kyo obhutemi ne embere bhano bho obhuhoru bane na bhakaruka emirongo ebiri na bane. Atakubhaho wuno atamenyiri eriembo riyo kubhari 144,000 bhano bhaturiibhwe omutemi kureka mwesi yino. 4Bhano mbarya bhatinyakiri kwe ebhituugo, kwookubha yo kwiriibha abheene kwokwibhazara amatemyo ge ebhitungo. Nebho bharya bhamgiriku nano yari akugya omwana we ng'ondu Yeesu Kristo. Bhano mbaturiibhwe kureka kubhatu bheekyaaro bhakabha emisamo gyo obhukangati bhwo Eryoobha no omwana we ng'oondu. 5Rutaroho rurimi muminwa gyabho; kwubha bhano matemyo mabhihu.6Nkamrora nahka owundi aribhururuka iguru ye risaaro, yuno yari na amang'ana ge Eryoobha kubhano bhakwikara yaasi mukyaro na kubhyaaro bhyoosi, ne ebhigambo bhyoosi igo. 7Akabhabhirikira kuuriraka erikuru arahaya mumwobha Eryoobha na mumahane ubhweru bhwaye. Kukubha obhusingiro bhwaye mbwiziri mwo mwisasame wuno yabhumbirwe erisaro, na esi, ne enyanya, ne emisobhogo gya amanzi.8Mraika owundi wakabhiri - akareka arahaya, "ugwiri, ogwiri Baberi omukuru wuno wabhanywa shirye amarwa gobhotungiri yino yaretiri obhutindi bhwa Eryoobha iguru waye."9Maraika wa katau akareka inyuma arahaya kwo eritaka erikuru. "Wowosi wuno akasengera etienyi yino ne esanmu yaze, nookugega orukaamo kwookubhoko kwaye kwo kushushu kyaye na neewe. 10Wosi aranywa amarwa go obhutundi bhwe Eryoobha, amarwa gano gasagiribhwe no obutundi bhwe Eryoobha omuutu wuno akaza kunywa arakibhwa no omuriro gwe Eryoobha - embere we bhu maraika bhoosi ne embere we omwana we ng'oondu Yeesu Kristo.11Ne emioki rya obhururu bhwo okwekibhwa gukatiira iguru kimera ne ekimera, nabho bhatabheri na kumunya mumwisi no obhutiku, bharya bhakusengera etienyi na amasambwa gaye, na omuutu wowosi uno akumibhwe erina rya etienyi iyo. 12Yeno ne emberikiro, na enganyero na obhwigumiriryo kwo abhukirirya bhano bhakwikirirya emigiro gyaye Eryoobha kumwikirirya Yeesu.13Nkiigwa eriraka kureka kwisaro erahaya, "Erahaya orubhango bhana bhakukwa bharikuu Taata bhugya." niigo ekuhaya Ekoro ye Eryoobha, bhabhone omweya gukumunya kwo enyaaku yaabho," Kwokubha amatemio gabho garagya isuyuma waabhu.14Nkameherira nkarora erisaro erirabhu, na wurya yariyikeri kwiaro rirya, naurya yikeri kwisaaro rirya niomwana woo muutu. Yaari ni erigosiira yeesaabhu kwumutwe gwaye na omuhoro umwooge kwukubhoko kwaye. 15Maraika owundi kweki, akaza kureka kwi Hekaru, akabhirirkira kworiraka erikuru kugya urya yikeeri kwisaaro "gega omuhooro gwayo na otange kugesa. Kwukubha eribhaga ryo okugesa rikikiri, kukubha ebhyakurya bhyo kumugundu bhenogiri. 16Kwaki urya yari kwisaaro akagurekera omuhooro gwaye mumigundu geesi akagesa.17Na maraika owundi akaza kureka kwi hekaru rye kwisaaro na neewe yari no omuhooro omwoge. 18Kweki maraika owundi akaaza kureka kwisengero na maraika wo obhunagya iguru yo omorero. Akamubhirikira kweeriraka erikuru, maraika wuno yari no omuhooro omoge "gega omohooro omoge na amasangasya ga omusabibu weesi kwukubha bhano ezizabibu zinogiri.19Maraika akahira omohoro gwaye kweesi no okukamania ezabibu yino ekugesibhwa mwe esi yoosiigo, na akairekera kwipipa ryo obhwigatamibhwe Eryoobha. 20Ekisesebhyo kya edivai kikasaribhwa egutu wo mugye na amanyinga gakiteka kureka kuzikeereta zya amaguru ge zifarasi kwo obhuku bho ahagiro kwizimaiti 1,600.
1Kweki nkarora etemo eyimdi kwisaaro, ekuru na yino ekurugurya; bhari bharoho bhamaraika muhangati bhano bhagegiri ebhitemo muhungati go obuteero (kuugayo okutinda kwe Eryoobha kumaari kuhika).2Nkarora ekiseezo kino kisagibhwe na morero akimeerera ambarike ye nyanza hano bhaari bhahiziri etienyi ne esanamu yaye ne erina ryaye. Bhari bhagwatiri ebhihuuto bhino bhakahanwa ne Eryoobha.3Mbari bhareemba eriembo re Musa omutumwa we Eryoobha, ne eriembo ryo omwana we eng'oondu: Emirimo gyaayo nikuru na girarugurya, Taata bhuya Eryoobha, omuteenu we ebhyoosi. 4Newi akutamibhwa okukusuuka aawe Taatabhugya no okurinya erina ryaazo? Kwookubha nuwe omwana omukuru no omweeeru. Ebyaaro bhyoosi bhiraza no okusengera kuneeewe kwokubha aawe ni munyomu na amatemio gazo ga menyekeni.5Kweembere waa amang'ana gayo nkarora, ahagiro aheru bhukong'u hano hari ne enyumba yeerituru bhaaru bhaari yookusengera iguru kwiassro rikunguribhwa. 6Kureka kwu hagiro aharabhu bhakaza bhamaraika muhangati bhari na bhitemo muhangati, bhibhohiri ezingibho ezindabhu ekitaru kino kkikumesha ne erikena rye ezahabu kwinaara abhukubha bhyaabhu.7Omwana wa bharya bhobhuhoru bane kureka kubhamaraika muhungati ebhihuzu muhungati bhya obukarari bhao okutunda kwe Eryoobha wuno akwikara kumera na ekimera. 8Erihekaanu rikizuru umooki kureka kwa omumenyekerya gwa Eryoobha na kureka kumanaga gaye. Ataroho wumwi wabho wuno yaragirye kusikira tee amatemo muhungati ge bhamaraika muhungati gaze kuhikerena.
1Nikigwa omuriro omukuru kureka kumweya ohagiro aheru akabhanga kub harya maraika muhungati, "Nogwe witire iguru musi ebhitubha mhungati obhutrindi mwe Eryoobha."2Maraika bho obhutangiro akagia okuhitira ekitubha kyesi amagati amabhihugo kwigwa obhururu bhuhari bhukaza kubhatu bharya orubhaso rye etienyi, kubharya hano bhakasegera amasanamu gaye.3Maraika bha kabhiri bhakitira ebhitubha bhabhu gatigati we nyanza; ebhe kyamanyinga kyo mutu wuno akuri kukino kyosi kitemirye no obhuhoru gatigati we nyanza bhikakwa.4Maraika bhatatu bahkitira ekitubha kyaye gatigati wo omuriro gatigati wo omusobhogo gwa manzi, zikabha amanyinga. 5Nikigwa maraika bhamanzi arabhuga, "Awe niomuheene yino yari areho, omweru kwookubha oretiri obhusinziro bhuyo. 6Kwokubha bhakitira amanyinga abhakirirya bhabharoti, obhaheri ebho okunywa amanyinga nikyo kikwenderwa. 7Nkigwa erisengererro rya hee! Taatabhugya Eryoobha omwene wo onagya mwiguru bhosi, obhusinziro bhazo bhahere na amahene."8Maraika bhanne bhakitiro kurwa mwitubha ryaye iguru we Eryoobha, na rikahaanywa okuhatirya okwokya abhatu bho omuriro. 9Bhakarugururya ne bhoya bho okwobhoha bhakagamba atuki kuring'ana rye Eryoobha, omwene ezinguru bhitemo bhosigo bhatamwisasamiri no kumusuka.10Maraika wa katano aketira kurwa kubhakuri ryaye gatigati ye ekitumbi kye esaaro kyo omunyama, na obhutiku bhukabhisa obhufame bhwaye. Bhakasya ameno gatigati mumanyoke amaaru. 11Bhakatika Eryoobha rya mwisaaro kwookubha yobhurwa bhabhu amagati gabhu, bhakyari kugendererya okwanga okusasama ku kirakino bhokukora.12Maraika wa kasabha akitira kureka kwi tubha ryaye gatigati we ekitaro ekikuru, frati na manzi gaye gakoma bhakore enzira ya bhafarme bhano bhakuza kurwa ruguru. 13Nkarora isatu zoobhunyaku zino zikurorekana kye ekikerwe bhakuhuruka igutu yo omunywa gwe nzoka irya, etienyi irya, na urya omuroti wo orurimi. 14Ni ekoro ino ekukora amatemyo na amaryoryo, bhari bharagya abhafarme bhesi yosi kubha kumanya hamwe kwihiorusiku Eryoobha, ewe okukangata iguruwa bhosigo.15("Rora! ndaza kyo omwibhi! hakiriku wuno akukongera gatigati aratengeza wuno akubhika amibhoko gaye atakunagya kugya igutu we esi no kusira ezisoni zyaye") 16Bhakareta hawe gatigati wo omweya yino ebhirikirye gatigati wa kiebrania Amagedoni.17Maraika wa muhungati akitira kurya mukitubha ryaye gatigati iguru kumwe eriraka erikuru gukahuruka akurwa aheru no kurya kukitumbi kye kare ekabhuga ehwiri. 18Kuhabhanga no omuriro obheru orukubha, omurumo, emikindo, gye orukubha, na ekirigito kyo kukumya ekirigito ekikuru kya hasi rino rikyari kurorekana mukyaro kwemera abhatu bhahabha bhareho mukyaro, ego ni kirigito kikuru bhukong'u. 19Omugye omukuru gukanyaragana mabhara atatu nemigye ezisi zikagywa. Kimwe Eryoobha rikamuhita Baberi mkuru, na kumuha omugye guyo ekisezo kino kyari kizuri amarwa okurwa okutinda okuhari.20Erikingi rikabhura ne ebhuguru bhitaroreakeni kweki. 21Embura ekuru ya amagina, yari no bhurito bhwe turanta, ekitumo kurwa mwisaro iguru wabhatu, bhakihima Eryoobha ebhitemo bhe mbura yo musoke kwokubha ekitemo kirya ryari ibhihu bhukong'u.
1Omwana wa maraika wuno ahabha nebhisara muhungati akaza no kumbhurira, nauzi ndakwerekya erisinziro omisimbe mukuru wuno yikeri iguru wa amanzi amaru. 2Wuno abhatemi bhe esii bhakukora amang'ana go obhusimbe wosi ari iguru wa ekirabhi bhwa obhusimbe bhwa bhano bhakwikara mukyaro bhanywesibhwe.3Maraika akanigega iguru we ekoro kugya mukibhara na nkamurora omukari yikeri iguru ya itienyi ekangaru yino yizuri amarina ga amatuki. Etienyi yari na emitwe muhungati ne ezihembe ikumi. 4Omukaari akibhohibhwa ezingibho zya zambarau ne ezikangaru, na atonyirwe kwe dhahabhu, amagina ge ne ruru ahabha agwatiriri mumubhoko kwaye ekikombe kyazahabhu, kino kizwiri ebhigiro bhyo kubhihirirwe bhyo ubhunyaka no obhumbe bhwaye. 5Iguru we ekisyosyo kyo ubhusyo bhwaae rikamirwe erina rya kubhisa BABERIMUKURU NINA WA ABHASIMBE NA WE EBHIGIRO BYO OKUBHIHIRIRWA BHWE EESI.6Nkarora kubha omukari wuno agwatirwe n a amanyinga ga abhikirirya na amanyinga ga bhano bhakuuri iguru wa Yeesu eribhaga rino nkamurora nihabha na amaruguro makuru. 7Hano maraika akamburira "Kwaki orarugura? Ndakubhurira obhuheene bhwo omukaari na etienyi yino akugega (etyenyi yiyo eyene mitwe muhungati na zirya ezihembe ikumi).8Etyanyi yino waruzi ehabhaho, atariho kweki bhano nawe ari haguhi kutira kureka, nawe ari amariri kutira kweka mwiruma rini ritari no obhutero, kweki akagenderera no obhubhihu, bhano bhakwikara iguru we ekyaro bharya bhano amarina gabhu gatandikirwe mukitabhu kyo obhuhoru kurwa kuturwa mwemero bhwe ekyaro, bharaza kurugura bharamurora etyenyi yino yari eriho, kubha atariho bhono nawe ariho haguhi kuza.9Kubhirikirwa kuno ni iguru yo obhwango bhuno bhuna amisego mitwe mihungati ni bhiguru muhungati bhino omukari ahabha iguru wahyo. 10Yoosi kweki ni abhatemi muhungati, abhatemi abhatano bhagwiri, owumwi wabhu no owundi akyari kuza, kwibhaga rino araze arikara kwibhagha iguru.11Etyenyi ehabhaho nawe boono etariho ewe wosi ni mubhagatiwa kanane nawe ni wumwe wa bharya abhabhagati muhungati na aragya kubhusarya.12Ezihembe zirya ikumi zino waruzi ni bhabhagati ikumi bhano bhatakabhweni obhutemi, nawe bharabhona ezinguru kureka kubhabhagati kwi ibhaga rimwe hamwe na etyanyi. 13Bhano bhana mang'ana yimwe bharamuha ezinguru zyabhu no omunagya we ebhitienyi. 14Bharakora erihi ebho no omwana we eng'ondu, nawe omwana we eng'ondu arabhahiza kwo okubha ni Taatabhugya wa bhataata, no omutemi wa abhatemi.15Maraika akamburira amanzi gano waruz hano yikeri wurya omusimbe wa abhatu, obhusikaniro, ebhyaro engambo.16Ezihembe ikumi zino waruzi ziyo na yirya etyanyi bharamtindira omusimbe. Nabho bharamkora kubha mutaka we eking'abhi, bhararya omubhiri gwaye, na bharagusikya kwo omuriro. 17Kwookubha Eryoobha etari muhitima gyabhu kugega, kwiseega ryaye kwa amikiriranio go kumuha etyanyi ezinguru zyo obhukuru kuhikira amang'ana ge Eryoobha hano garahike.18Omukari wuno waruzi ni omugye gurya omukuru guno gukukangata iguru wa abhabhgati bha eesi.
1Kugayo ebhigiro bhiyo nkamurora maraika owundi arituma iyasi kureka kwisaaro. Ewe ahabha noobhuturo bhukuru, neekyaaro kikamirikwa noobhweeru bhaye. 2Akarira kwiraka ikuru akabhuga, ogwiri, kumegye omukuru gwa Baberi! obheri orubhara rwookwikara emikama na kurubhara rwoo kwikaraho ekoro enyako, urubhara, rwokwikara omunyaka nekinyoonyi kyookutindya. 3Kwookubha eziisi zina amarwa gomugono go bhusebheti bhwabhu gano gakumukorera obhutindi. Abhatemi bheekyaro nawe bharakora ebhyasara bhyeekigaro bhabheri bhanibhi kweezinguru zyeekikariro kyaye kyaaye kyoobhugwatwa.4Kweego nkiigwa eriraka erindi kureka mwisaro arabhuga, mureke kunewe abhatu bhano, kweego mutaaza kubhoonaho amabhihu gaaye nkubha mutaaza mutagega amatemo gaye gogosi. 5Amabhihu gaye gizurureni ni iguru kyeego erisaaro, ne Eryoobha agahitiri amahokya gaaye amabhihu. 6Mumurihe kyeego yabharihiri abhandi, mumurihe kabhiri kyeego akoriri gatigati yekikombe kino yaasangirye, mumusanga nirye kabhiri yiiguru yaye.7Kyeego yigungirye awe omwenene nokwikara noobhugwatwa mumuhe enyako enzaru nekiruguro, kwookubha arahaya mumoyo gwaye, nikeri kya marikia, kweego kyaaawuno atana omusubhe na kweego ntakurora obhusekerero. 8Kwookubha mwoosi worusiku orumwe kumara amatemyo gaye garamutama: oruku, okusekerera, nenzara. Ararunguribhwa no muriro, kwookubha Taatabhugya ni weezinguru, noomwaamuri weetu.9Abhatemi bhe kyaro bhano bhaseebhetiri nookuyaangaha hamwe nawe bhararira nookumwibhisirirya hano bhaakuza okurora omwoki gwookurugura kwaaye. 10Bbharimera kure nanewe, kwoobhob ha bhookunyahirika kwaye bhakabhuga, "Koweego kumugye omukuru, Baberi, omugye gweezinguru! kwiibhaga rimwe erisinziro ryaaye ryiziri.11Abhakori bhebhiasara bheekyaaro murire nookwarama kwoobha yaye, kwoobha atariho wumwe wuno akugya ebhigiro bhyaye kweeki. 12Ebhigiro bhye dhahabu, muhero, amagina, go bhweera, ruru, kitani, enzamu ya zambarawe, hariri, kangaru, ebhitubhanibhwe bhoosi bhyamuti orurumbeso oruzomu, kira ekigiro kyeezihembe zyeenzug, kira ekigiro kikorirwe kwoomutu gwoobhweera shaba, ekyaama, erigina, 13omudarasini, ebhirungo, obhutu bhukuhuza kisi, ezihera, ibhani, amarwa, amaguta, obhutu obuzomu ngano, eng'ombe ne-eng'ondu, farasi neeemotoka, na abhabhgati ne-zikoro za bhaatu.14Emisumo gino osegiri kweezinguru zyaazo gagendiri okurwa kunanwe. okugwaatwa kwaazo kwoosi obhuzomya bhurwiroho bhutakubhoneka kweeki.15Abhookiri bheebhyasara bhebhigiro bhino bhakabhona obhunibhi kubhusegi bhwaye bharimerera kureka kunewe kwookubha yoobhwoobha bhokunyaaharika kwaaye, bharasira neriraka ryookwaraama. 16Bharabhuga "kwookubha omugywe gurya omukuru bhibhohibhwe kitani kizomu, za,barawe, ekikangaaru, okutonywa kwe zahabu, na vito bhyoobhweera na ruru!. 17Mwoosi weribhaga eribha erimwe obhunibhi bhoosi bhuyo bhukarwaho omwendesha mweneri, nomuhokya wamumeri bhooosigo nibhamumazi, nabhoosigo bhano bhakukora emirimo munyaaza bhakimerera kure.18Bhakarira hano bharuzi omwooki gookurungura kwaaye. Bhakabhuga "ni mugyeki guno gutubheni noomugye guno obhukuru?". 19Bhakarekera eniteri iguru we mitwe gyabhu, bhakarira bhararusya ezingusuri nookwarama, "Kwookubha, kwoobha, omugye omukuru ahagiro hosi bhahabha neezimerio zamu nyanza bhahabha bhanibhi okureka kubhigiro bhyabhu. Mwoosi weeribhaga rimwe bhakabhurwa". 20Muzomerwe iguru werisaaro, emwe abhassbhi, abhatemi,kubharoti, kwoobha, Eeryoobha riretiri erisinziro ryeenyu iguru wenyu!".21Maraika we zinguru akenura erigina erikuru ryokusera kweego akaritasya munyanza, akahaya, "Kunzira yino, Baberi, omugye omukuruakarekerwa haasi kwo ukatiri bhutakubhonekana kweeki. 22Eriraka rya marimbe abhembi, abhabhini bhekirera ekombyo etakwitegererwa kweki kunemwe. Kweego omuhikya wowosi atakurororeka kunemwe. Kweego eriraga ryeritwangiro eriraka ritakuhika kweeki kuneemwe.23Obhweru bhwetara bhutakumirika mwoosi waazo. Eriraka ryo omusubhe uze nyaangi nomukari weenyangi atakuzigwa kweeki mwoosi wazo, kweego abhakori bhe bhyasara bhaazo bhaari bhakurubha, naabheezisi, bhang'enereribhwe nobhuturutumbi bhwaazo. 24Mwoosi waaye amanyinga gaabhroretereri, na manyinga ga bhoosi bhano bhitirwe iguru weesi.
1Kumang'ana gano nkiigwa esauti kuuru yiikundi ikuru ryaabhatu mwisaaro riragamba, " Hareruya, obhuhoru, obweru, neezinguru nii zye Eryoobha ryetu. 2Erisinziro ryaye ndaheene na obbuhene, kwookubha ahukumiri maraya omukuru uno asiriirye ekyaaro kwo obhutungirwa bhwaye. Akoriri ekisiomba kuumanyinga ga abhakori ge emirimo bhaye, gano akitiira ewe omwene.3Kwa mara ya kabhiri bhakabhuga, "Hareruya! omwoki gurareka kunewe siku zyoosi". 4Abhakaruka bhaarya mirongo ebhiri na bhane na ebhigiro ebhihoru bhino bhikwihigana no okwigwa Eryoobha rino rikwikara kuukitumbi kiiguru. Bahabhuga "Na iwe" Hareruya.5Niho esauti ekareka kuukitumbi kiiguru, earabhuga, "Tukumye Eryoobha ryeetu, emwe abhahokya bhaye bhoosi, bhano mukumusabha ewe, bhoosi bhataribha muhimu na bhe ezinguru.6Niho nkiigwa esauti kama ye esaati yiikundi ilandi ryabhatu kama esauti ya muungurumo kwa amanzi maaru, na kama muungurumo gwo orukubha, erabhuga, "Hareruya, omutemi ni Eryoobha ryetu, omutawara iguru wa bhoosi, aratawara.7Tuzirire na kuzomererrwa no okumuhana obhweru kwookubha eharusi na esherehe ya omwana we ng'ondu iziiri, no omwega aritayari. 8Akahabhwa omweya go kubhohibhwa esherehe enzomu ino ekunyeregeta (kitani nzomu ni mahokya ge ehene ku bhe enyangi).9Mraika akagamba na nenye, " Ogakame gano bhana orubhango bhano bhari kunyangi yeeharusi yo omwana weeng'ondu". Akamburira "Gno ni mang'ana ge ehene ye Eryoobha. 10Nkihinya embere wa amaguru gaaye nkamwisasama, irakamburira, otakore ego! Enye ni mukori we emirimo murikyaazo na wabhahiri bhaazo uno akugwaata obhushuhuda bhwa Yeesu, sabha Eryoobha kwo obhushuuhuda bhwa Yeesu ne ekoro yoobhuroti.11Nkarora amasaro ganyarageni, na zihabhaho ezifarasi ezindabhu, na irya ahabha atirirku arabhirikirwa omuhene. Arahukumu kwe ehene na kukoora erihi. 12Ameso gaaye ni nkeemyari gayo omururo, ni iguru wo omutwe gwaye ana ezizawadi nzaaru. Ana erina rino ryandikirwe iguru waye waye rina atamenyiri mutu wowosi, ira iwe omwene. 13Ibhoohiri engibho ino etobhibhwe mumanyinga, ne erina ryaye arabhirikirwa engeng'eana yee Eryoobha.14Abhasirikare bha mwisaaro gakamureka inyuma iguru we farasi endabhuu, bhano bhibhobhwe engibho enzomu endabhu. 15Mumunwa gwaye bhurarekamu obhwoogi obhuhari bhuno bhukwita abhatu, newe arabhatawara kwe ehimbo ye ekyoma. Ewe akataza ebhigiro vya amarwa kuubhururu bhwe Eryoobha, aratawara iguru wa bhoosi. 16Ewe akamirye iguru we eribhoho ryaye na kisosyo OMUTEMI WA ABHATEMI NA TAATA WA BHATAATA.17Nkarora maraika yimereriku ryoobha akabhabhirikira kwe eriraka kuru ebhinyunyi bhosi bhino bhikwibhururuka iguru, muze mwikumanie kukyakurya kikuru kye Eryoobha. 18Muze murye enyama ya abhatemi enyama ya abhahari, enyama ya abhatu abhakuru, nyama ya abhatiri farasi na ye farasi, na nyama ya abhatu bhosi bhano bhari mwasi na abhabhagati, bhano bhatari ne ezinguru.19Nbharuzi ezityenyi abhatemi bhe esi hamwe na abhasirikare bhahabha bharenda kukora erihi no owumwe we atiriri farasi. 20Etienyi akagwata no omuroti wo orurimi akakora ishara kubhaho kwaye, kwa ishara akabhangena bhano bhamuturiri orukamo, na bhano bhahiganira bhosi bhabhiri bhakarekerwa mwi ruma ryo omuriro rino rikwaka kwa kibhiriti.21Bhano bhasegiri bhakitwa kwa erisabha rino rikabha mumunwa gwa owumwe atiriri iguru wa efarasi, ebhinyinyi bhyosi bhihabha mirigo gya mibhiri gyabhu.
1Kumara nikarora maraika arituma kureka mwisaaro, ana orufunguro rwa mwiruma rino ritan obhutero no omunyoror omukuru mukubhoko kwaye. 2Agagwata enzoka girya enzoka ye ekare wuno ni ibirisi hamwe shetani na kubhoha miaka erfu. 3Akamurekera mwiruma rino ritana obhutero akaribhoha no okuriturira ekimenye kirerwo iguru waye. Yino ahabhego kubha etige kung'ena ebhyaro na kuhikira emiaka elfu hano herikare kuugayo arahatirwa mwasi kwibhaga iguhi.4Kumara nkarora erihi rye ekare bhano bhari bhabhikariri ni bhano bhari kubha no obhukuru bhwo okusinza, ego ego nkarora emitima bhano bhari kubha bhatenirwe emitwe kwi iguru yo okwerekya ku Yeesu na kwing'ana rye Eeryoobha. Bhahabha bhakyari okusabha ekityaanyi hamwe sanamuyaye na bhakanga kutwa orukamo iguru yo obhusyo no obhusyo bhwabhu no okubhoko. Bhkaza mubhuhoru, na kukangata hamwe na Kristo kumiaka elfu.5Abhaku bhona bhasigiri bhatiziri kubhuhoru tee emiaka elfu hano gihabha gihwiri. Bhuno nibhe obhuryoori bhwa okutanga. 6Orubhango no omwana no omutu wowosi wuno akugega omweya iguru yo obhuryori bhwa obhutangiro oruku rwa kabhiri rutana nguru iguru wa abhaatu kya bhano, harabha na abhasengeri we Eryoobha nawa Kristo na abhakangati na newe we miaka ikumi elfu7Hano emiaka elfu yirahikira kubhutero, shetani arigurirwa kureka migereza ryaye. 8Aragenda igutu kubhang'eneererya ebhyaro kuzikora inye za eesi, Gogu, na amagogu kubhareta hamwe igutu we erihi bharabha bhaaru kiego amarobhage enyanza.9Bhakagenda iguru yo omuterero gwe eesi eebho bhakirugura ekambi yaabhikirirya omugye guno gukusegwa nawe omuriro gukabha kureka mwisaro no okwitwa. 10Shetani akabhangeneererya akabharekera mwisaro gwe ekibhiriti muno etyenyi no omuroti wo orurimi bhahabha bharekerwe, bharanyakibhwa omwisi no obhutiku kimera kwa kimera.11Hno nkarora ekitumbi kye ekare ekikuru ekirabhu, na wuno ahabha ikeri iguru waye. Iguru na hasi zikaryara kure kureka hagauhi nawe nawe hatabheriho mweya gwabhu kwewe. 12Nkabharoora bhano bhakuri obhunagya na bhatana obhwera bhimereri iguru we ekitumbi kya ekare, na ebhirato bhikigurirwa, kweki ekitabhu ekindi kikigurirwa - kitabhu kyo obhuhoru. Abhaku kusinzirwa kukino kikaamirwa mwasi we ebhitabhu, emikyoro gakino kikorire.13Enyanza ekabharusha abhaku bhano bhari mwoosi waye. Oruku no kuzimu bhikabharushya bhano bhaari moosi waaye na abhaku bhakasinzirwa kyego bhakoriri. 14Oruku na nyari bhikarekerwa mwiruma ryo omuriro, runo ni ruku rwa kabhiri - irume rya omuriro. 15Kwookubha erina rya wowosi ritabhonekiri rikamirwe mwosi we ekitabhu kyo obhuhoru akarekerwa mwiruma rya omuriro.
1Nikarora erisaaro eriihya ne ekyaaro ekihihya, kwokubha erisaaro ryo obhwemero ne ekyaro kyo obhwemero bhimarir kuhita, ne enyaanza etabheriiho kweki. 2Nkaroora omughye omweene, Yerusalemu ehya guno gukaza iyasi kureka mwisaro we Eryoobha, guno gukoriirwe kwookubha yoomusubhe waye.3Nkiigwa eriraaka ikuru kureka kukitumbi kyoobhutemi riragamba, "Murore! obhwikari bhwe Eryoobha bhurihamwe mna abhaatu, ewe eriakara hamwe nabho. Bharabha bhatu bhaaye, ne Eryoobha eryeene, rirabha nabho, na arabha Eryoobha ryaabhu. 4Aratarikya kira ezingusuri kureka kumeso, na rutakubhaho ruku kweki, wara kusekererra, kurira, hamwe kunyaharika. Amang'ana ge ekare gamariri kuhita.5Ewe wuno yari yikeri kuu kitumbi kyo obhutemi akabhuga, "Murore ndakoora amang'ana goosi kubha mahya". Akabhuga, okame rino kwokubha amang'ana gano ng'abhuhakika no obhuhene. 6Akabhuruura, " Amang'ana gano ganariri kuhita! Enye ni wembere na winyuma. Kuwo woosi uno akwigwa enyota ndamuhana amanzi gha bhusa okureka kumusobhoogo gwa anazi go obhuhore.7Wuno akuhiza araghabha amang'ana gaano, na ndabha Eryoobha ryaaye na newe arabha mwana waane. 8Kyeeego eri kuubhoobha, bhano bhatakwikirirya, bhano kutinda, abhiti, abhesebheti, abharooti, bhano bhakwisasama ebhirir, abhabhehi bhoosi, na ahagiiro habhu harazakubha mwibheri ryo omururero kwe ekibhiriti kyo okurugurya. Ruyo nirwe oruuku rwa kabhiri.9Omwene wa bhamaraika muhuungati akanizaku, oumwe wuno yaari nebhibhakuri muhungati bhino bhizuuri amatemo muhungati ga mwisho akabhuga, "Nzo haano. Ndakwerekya omwego, omukari wo omwana we eng'ondu. 10Okangega kuure muuhooro mukinguru ekihuru ne ekitambi akanierekya omugye omweeru, Yerusaremu, gurituuma iyasi kureeka mwisaaro kwe Eryoobha.11Yerusaremu guhabha no obhweeru bhwe Eryoobha, no obhuzomu bhwaye bhuhabha kyeezahabhu, kye erigina rye ekiirore kya Yaspi. 12Ehabha no orugito orukuune orutambi rwe ebhiseku ikumi na bhibhiri, hamwe na Mraika ikumi na bhabhiiri mubhiseku. Iguru weebhiseku hahabha hakamirwe amarina gha amakabhira ikumi naabhiri ga abhaana bha Israeri. 13Orubhana rwa nyanza bhihabhoho bhiseku bhitatu. Orubhara rwa range mirangon etatu orubhana rwa mamu mirango etatu, no orubhara rwa ruguru mirango etatu.14Ezingito zye emigye zihabha na amang'ana ikumin na abhiri, ni iguru waye waye hahabha na magirina ikumi na abhiri ga abhabhagati, ikumi na abhiri go omwana we eng'ondu. 15Oumwe uno akerenye na nenye ahabha ne ekihoko kye ehimbo ino ekororwe kwe edhahabu kwo kurengya kuu muugye ebhiseku bhyaye ne ezingito zyaaye.16Omugye gukatuurwa katikati ya ezikona; obhutambi bhwaye bhuhabhahamwe na obhuguhi bhwaye. Akapima omugye kwe ekihiko kye ehimbo, ebhikoorwa 12,000 otambi (obhutambi bhwaye, obhuguhi bhwaye, ne ekihoko bhikatubhana). 17Akapima orugito rwaye, obhunene bhwaye bhuhabha ekipimo kya 144kuu kipimo kya abhatu (bhiyo ni bhipimo vya maraika)18Orugito ruhabha rwombokirwe kwa Yaspi yo omugye gwe edhahabu safi, kama ekirore ekizomu. 19Emisingi gye ezingito gihabha gitanyirwe, kuukira aina ye erigina erizomu ryakwanza rihabha Yaspi, rya kabhiri rihabha yakuti samawi, rya katatu rihabha Kalledon, rya kane rihabha zumaridi, 20rya katano sardoniki, rya kasasabha akiki, rya muhungati krisolitho, ryakanane zabarajadi, rya kenda yakuti ya manjano, ryerikumi krisoproso, ryenikumi na kamwa hiakintho, ryeriikumi na kabhiri amethisto.21Ebhiseku ikumi na bhibhiri gihabha ne eziruru ikumi ni ibhiri, kiira ekiseku kikakorwa kuureka kuu ruru imwe. Eziirobho zyo omugye zihabha dhahabu nzomu. 22Ntaruzi isengero ryoryoosi mumugye, kwo kuubha omutemi Mungu, uno akumwerera iguru ya bhoosi, no omwana we ng'ondu ni nyumba yaye.23Omugye gutarikwenda omubhaso au mweeri iri kukora obhweru iguru waye kwakubha obhweru bhwe Eryoobha bhukamirika iguru yaye, ne etara yaye ni mwana we eng'ondu. 24Bhatu bharagenda kubhweru bhwo omugye guyo. Abhatemi bha mukyaro bharareta obhunibhi bhwabhu. 25Ebhiseku bhyaye bhitakwigarwa obhukati bhwa mwimwisi, na bhutakubhaho bhutiko.26Bhakareta obhwomi ne eheshima ye ebhyaaro musi waye. 27Kitareho kibhihu kino kikusikira musi waye. Wowosi uno akukora ering'ana ryoryosi ryo ezisoni au bhung'enererya atakusikira, ira bharya bhano amarina gabhu gakamirwe kwiing'ara ryoobhuhoru kyo omwana we eng'ondu.
1Okumara amariaka akanierekya omwaro gwo amanzi go obhuhoru, amanzi gahabha garamesya kye ekibhakuri, gahabha gaarageera kuurwa kukitumbi kya simuka kye Eryoobha nakyo omwana we eng'ondu. 2Kuhitira gatigati wo omugye, kuurubhara rwo omwaro, guhabhaho omuti gwo obhuhoru, guno gukwibhura tuubho ikumi ni ibhiri gye emisumo gurinbhura emisumo kito omweri amatu go omuti garahoorya ebhyaaro.3Kweego gatakubhahho miiihimu gayo goosi kweki ekitumbi kiiguiru kya Eryoobha nakyo omwana weng'ondu kirabhamu mwosi wo omugye abhabhagati bhaye bharamukorera. 4Bharamurora obhusyo bhaye riraabha iguru we ekisyosyo kyo obhusyo bhwabhu. 5Bhutakubhaho bhutiku kweki, kweki bhutakubhaho bhwendi bhwa bhweeru bhwe ekimuri ne Eryoobha kwoookubha Taata Eryoobha ararusya obhweru iguru wabhu, bhosi bharabhakangata kimera.6Maraika akanibhurira "Amang'ana gayo nigaahene Taata Eryoobha we ezikooro zya abharotia kamutumamaraika waye okubherekya abhabhagati bhaye kiino kikuza kubhoneka. 7Roora ndaaza bwangu abweni wuno akuikirirya amang'ana go obhuroti bwe ering'ana riino.8Enye Yohana, nenye nigwiri no okurora amang'ana gano, haanonkagigwa no okugarora, nikaagwa hasi enye omwene embere yaaamaguru ga maraika okumwisasama, maraika akanierekya amang'ana gano. 9Akanibhurira, "Tiiga kukoreego, enye nio omubhagati murikyaazo niiri, hamwe na abhahiri bhazo abharooti hamwe nabhano bhakwikirirya amang'ana geering'ana riino muikirirye Eryoobha!"10Akanibhurira otaguturira orubhaso amang'ana go oprubhaso rwe eriongara riino kwookubha eribhaga rikihaguhi. 11Wuno atana obhuhene abhe wuno atana obhuhene. Wuno niomubhihu wa amahokya yeeenderere kubha omubhihu wa amahokyo.12"Rora ndaaza bwaangu, obhurihwa bhwaazo bhurihamwe na neenye, okumuriha kira owumwe kwookubha kiino akoriri. 13Enye ni Arfa na Omega, wo obhutangiro no obhumariryo, obhutangiro no obhumariryo.14Bhakumibhwa bhano bhakuogi ezingibho zyaabhu, kwookubha bhabhone obhuheene bhwookurya okurwa kuumuti gwo obhuhooru no okusikira mumugye kuhitira mukiseku. 15Igutu embwa eriho, abhaturutumbi, abhasiimbe, abhiiti, abhisasami bheekizururu, na wuno asegiri obhuhene no okwanga orubhehi.16Enye, Yeesu nimutumiri maraika wane okubhererkererya amang'ana ga amasengerero, enye niomuri gwo obhwibhuri bwa Daudi, enzota ye etabhori:17Ekooro no omukweewa, arabhuga, "Nauze" na wuno akwigwa arabhuga "Nauze" wuno woosi anee nyota, yiize, wuno wosi akugongerya abhone amanzi goobhuhene bhusa.18Ndamubhurira omutu wuno akwigwa amang'ana go obhuruti bhwe ering'ana riino, kuwuno wosi akuongerya kugayo, Eryoobha riramuongerya amatemo gano gakamiirwe mwing'ara muno. 19Omutu wuno wosi arigarusya amang'ana ge eringara ryo obhuroti Eryoobha rirarushaho ahagiro haye kumuti gwo obhuhoru no omugye gyo omurembe guno amang'ana gaye gakamiirwe mwaosi we ering'ara riino.20Wuno akugamba amng'ana gayo arabhuga "Heene" ndaaza bwangu "Bhuheene nauze", Taatabhugya Yeesu. 21Orubhango rwa Taatabhugya Yeesu rubhe no kira omutu bwaehene.