¹Amang'ana ga Nehemia omwana wa Hakalia ikabha kumweri gwa mantamba, ku omwaka gwa mirongo ebhiri, nangandingi kumugi omukuru gwa Shushani, ²okumwi wa abhahiri bhani, Hanani, yaja hamwi na abhatu abhandi okurwa Yuda, nonse mkabhabhuriria abhayahudi bhanu bhahona wayahudi bhanu bhatama bhanga bhariyo na ankabhuriria Yerusalemu.³Bankankeria. "Bhanu bhanga bharingi kwigunguri bhanu bhaona ekibhwe bharingi kunyako enene na egisoni kwa okubha orugito rwa Yerusalemu rwa bomorwa na ebhiseku bhuka sambwa mrura."⁴Hanu negwa amang'ana ganu, nekara na kukura, kwa egisik nikarama na okutiga okurya na kusabha Waryubha wa muruire. ⁵Hayo no nagamba "Uwe ng'o omukuru, Waryubha wa mruire, Waryubha omukuru wa okurugurya, unu orakara eriragano na obhuhanye bhwa hamwi na bharya bhakuhanjiri okugwata amaragiriryo gae.⁶Itegerera amasabho gani, na okumogora kwao, nawe uitegerere okusabha kwa omugurwa wao mbe bhono ndasabha embere yao omubhasu na obhutiku kurusumo rwa abhaisrael abhagurwa bhao. Oni nda kuinjurira kurusumo rwa abhantu bha Israel, kubhusarya bhuuu twakukorera. ⁷Bhonsego honi na enyumba ya tata twa kora obhusarya. Twakora obhusarya obhukong'u kuuwe na tutagwata amaragiriro gao na amorokereryo, na obhujibhya bhunu wa bhurya omgurwa wao Musa.⁸Ndakusabha uituke ering'ana rinu wa ragirirya omugurwa wao Musa, hanu mrakore obhusarya ndabhanyaraganiya mbhiryaro. ⁹Nawe mranihunjurire na okugwata amaragiriryo gani, abhantu bhao bhanu bhanyaragana mubhyaro bya hare, oni ndabhakuwanie kureka hiyo na kubhatura mkyaro kinu nabhetorera nawe bhature erina ryani hayo.¹⁰Bhono bheki mbagurwa bhao na bhantu bhao, bhanu waturya kwa eginguru gyao na kwa amabhoko gao geginguru. ¹¹Omukuru ndakusabha itegerera bhono okusabha kwani na okusabha kwa abhagurwa bhao bhanu bharajomererwa okukwigwira erina ryao, bhono umako oni omgurwa wao, na ung'ane enokwe ku omtu hunu kwa okubha nahinga omurishe wa omtungi.

¹Kumweri gwa kimwamu mwaka wa ishirini gwa omtungi Artashasta, yasora edivai, na mikagega edivai nikamhana omtungi. Bhono ntahika kubha munemu nemu kuweki. ²Nawe omtungi akakerya, "Kwaki obhusu bhwaho bhwa obhusurumbaru? Utakarokya kubha murweri. Bhunu mbusurumbaru bhwa omutima." Hate ego mkobhoa bukong'u.³Nkakerya omtungi. "Omtungi ubheo koko na koko kwaki obhusu bhwani bhutige kubha na obhusurumbaru? Kwa okubha omgi ahasi wa egimbihira gya tata giringi mmatongo, na obhuhitiro bhwaye bhwa saribhwa na omururo."⁴Hayo omtungi akakerya, "Urenda ng'okoreki? Kwego kamsabha Waryubha wa muruire. ⁵Kamkerya omtungi, "Omtungi anu ararore mbujomu, na hanu, omugurwa wao oriyi akoreri bhujomu uratura kuutuma Yuda, mumugigwa egimbihira gya tata na uture kuguhagaja kweki." ⁶Omtungi akahunjura(malkia yanga yekeri hang'i nawe), "Orugendo rwao ruribha rwa nsiku eringa? Orihinda ri kwego omtungi akarora mbujomu yang'ire nonse kamuhana eribhaga.⁷Hayo ng'o nakerya omutungi, "Hanu orarore mbujomu ung'ane enyarubha kwa orusumo rwa abhakuru bha kumrambo, ng'ite mkibhara kya okugya Yuda. ⁸Kweki ibheo enyarubha ku Asafu, omrindi wa mwisisi rya omtungi; kurusumo rwa kung'ana emiti gya okukorera egitimu ya obhuhitiro bhwa engame hang'i na erishengerero na orugito rwa omgi, na enyumba hinu ndekaremo," Kwego kwakubha okubhoko okujomu kwa Waryubha kwa ringa kuhoni, omkuru akangana naringa ndenda.⁹Nahika kubhakuru kumrambo gwa oruji, wabhahana eginyarubha gya omkuru, mbe omkuru yanga ahariri abhakira bha abharugaruga na abhatira farasi hamwi naoni. ¹⁰Sanbalati mhoroni na Tobia omugurwa wa Amoni hanu bhegwa erijana rinu, bhajomerwa bhukong'u kwokubha omuntu yaja unu yaringa arasakya kubhabhera abhantu bha Israeli.¹¹Mbe nikahinda Yerusalemu, nangeyo kwa usiku esatu. ¹²Nabhuka bhutiku, honi na bhantu bhakego. Ntakyerya omuntu wowonse urya kinu Waryubha yatura mmtima gwani nikorere Yerusalemu. Etangerio ntienyi hamwi na oni, kasi imi nanga intiririko.¹³Nemko bhutiku kuitira mnjira ya mwitema inu yahitiranga mkisima kya joka ana mrianga gwa jaa, na kuikonya egingito gya Yerusalemu, ginu gya saribhwa, emirango gye egimbao gyarungura. ¹⁴Nkaita kunjira hinu eraita mkisekani kya omukuru enjira yaringa nyerere kuu ntienyi hinu nanga ntiririko okuita.¹⁵Kwego nagya bhutiku bhuyo kuitira mwilema enu ndekomya orugito, nikahinda enyuma nkasoera mnjira ya mwitema na kwego nkahinda. ¹⁶Abhachama bhatamanya kinu kya koreka na ntabhakyerya abhayahudi, abhashengeri, abhakuru abhachama na nabhanu bhakoranga emirimu giyo.¹⁷Nkabhakyerya, "Mrarora enyako hinu tunayo, kyego Yerusalemu eringi mmahuna no ebhiseku bhyaye bhya sambwa no omururo. Mje tuigaje bhuya orugitorwa Yerusalemu, kweki tutasuka." ¹⁸Nakerya okubha okubhoko okujomu kwa Waryubha wani kwaringa eguru kuoni, ne amangana ganu omukuru yakyerya. Bhakangamba, "Mbe tugende na kuagaja bhuya." Kwego bhakakong'ya amabhoko gabho kwe orusumo rwa emirimu emijomu.¹⁹Nawe Sanbalati Mhoroni, na Tobia omgurwa waye mwamoni, na Geshemu, Mwarabu hanu bhegwa amangana gayo, bhatuseka bhukong'u na kututuka; bhakagamba, "Orakoraki? Oratong'ana na omukuru? ²⁰Hayo ng'o nkabhahunjura, "Waryubha wa murwire ara tuhame obhukori obhujomu. Bhetune abhagurwa bhaye tukagya kuhagaja. Nawe utana rubharika, utana bhuhene kutonga kutario kwa erigano heyo Yerusalemu.

¹Hayo ng'o Eliashibu, omshengeri omkuru, aketiririna na abhahiri bha ashengeri, bhakaagaja ekiseku kya ekikoro kya amang'ondi. Bhakarabhya na okuturamo emiryango gyae. Bharabhya orusorongya rwa Hamea kutera orusoro songya rwa Hananeli. ²Hanu abhatu bha Yeriko bhahagagya, bhatera Zakuri omwana wa Imri akaagaja.³Abhana bha Senaa bhahagaja ekiseku kya egiswi. Bakasimbira egitimu gyae no okutura ebhiseku bhya bhyuma na egipata gaye. ⁴Meremoth yaserenia orubhara orundi. Weki omwana wa Uria wa Hakosi. Hanu bhamara mashulamu akarosha. Weki mwana wa Berekia mwana wa Meshezabeli. Hangi nabho Sadoki akarosha. Weki mwana Baana. ⁵Hanu bhamara wateko; bhakarosha, nawe abhakangati bhabho bhakanga okukora emirimu ginu bhekeribhwa na abakuru babho.⁶Yoyada mwana wa Pasea na Meshulamu mwana Besodeya, kiseku kya kare. Bhaturamu egintunu ne okuturamo ebhiseku bhya ebhyuma bhaye ne amakomeo gaye. ⁷Bha, Melatia mgibeoni, na Yadoni Meromothi, abhantu bha Gibeoni ne Mispa, bharosha eguru hanu abhakuru bha omkoa gwa kumrambo go oruji bhamenyeri.⁸Na hose Uzieli mwana wa Harhaya, ohumwi wa abhatui bha ebhigera bhya egijahabhu akakora ne kweki Hanania omukori wa amarumbasi amajomu. Bhakaagaja kweki Yerusalemu kuikira orugito orugari. ⁹Hanu bhamara Refaya mwana wa Huri akahagaja. Yanga omkuru wa orubharika rwa ewiraya ya Yerusalemu. ¹⁰Hanu bhamara Yedaya mwana Harumafu akahagaja hangi na enyumba yaye. Kweki Hatushi mwana wa Hashabneya akaagaja.¹¹Marikia mwana wa Harimu ne Hashubu mwana wa Pahati Moabu, bhakaagaja orubharika orundi hamwi ne ekisorosongyo kya tanuu. ¹²Kweki Shalumu mwana wa Haloheshi, omkuru wa ewilaya orubhara yo Yerusalemu akaagaja hamwi na bhahara bhaye.¹³Hanuni ma abhekari abhamenyi Zanoa bhahaga ekiseku kya mwitema. Bhahagaja bhakaturamo ebhiseku bhyo bhyuma na amakomeo gaye. Bhahagaja dhiraa kiku okuhikira kiseku jaa.¹⁴Marikio mwana wa Rekabu, omkuru wa ewilaya ya Beth-Hakeremu akahagaja ekiseku jaa akahagaja na akaturamo ebhiseku na makomeo ga bhyuma. ¹⁵Shalumu mwana wa Kolhoze mkuu wa wiraya ya Mispa akaagaja ekiseku kya mkisekania na akaagaja akaturako ekikundikiryo na kaagaja akaturemo ebhiseku na amakomeo ga bhyuma. Akaagaja abhuya orugito rwa kumwambo gwa Silowamu kubha erisiku rya omkuru kutera kuikira kukangatira kurwa mmgi gwa Daudi.¹⁶Nehemia mwana wa Azibuki omkanati wa wiraya orubharika Beth-suri akaagaja hahasi hayo kurwa mugimbihira gya wa Daudi kuhikira eribirika rinu rya hagajwa na bhantu na nyumba ya bhantu bhe eginguru. ¹⁷Abharawi bhahagaja, hamwi na Rehuni mwana wa Bani na kweki Hashabia, omtungi wa wiraya ya Keila orubharika, kubha wiraya yaye.¹⁸Hanu yamara abhantu kubhyaro bhaybho bhhagaja, hamwi na Binui omwana wa Hanadadi omtungi wa urubhara rwa wilaya ya Keila. ¹⁹Kweki akaagaja Ezeri, mwana wa Yeshua omtungi wa Mispa, akaagaja orubhara oruundi henu kwaringa ne ekitara kya ebhigwato mukono ya orugito.²⁰Kweki Baruki mwana wa Zakai akahagaja kwa okenda orubhara orundi kurwa mkona ya orugito kutera mkiseku kye nyumba Eliashibu, omshengeri omkuru. ²¹Hanu yamara Meremothi, mwana wa Uria, mwana wa Hakosi, akahagaja orubhara orundi kurwa mkiseku okurwa museku kya enyumba ya Eliashibu kutera kubhutero bhwa enyumba ya Eliashibu.²²Kweki abhashengeri bha abhantu bha orubhara ruyo hangi na Yerusalemu, bhakahagaja. ²³Orundi rurya Benyamini na Hashubu bhakagaja kubhwima bhwe nyumba yabho. Orundi Azira mwana wa maaseya, omwana wa Anania, akaagaja hangi no nyumba yaye. ²⁴Kweki Binui mwana wa Henadadi akaagaja arubhara orundi, okurwa kunyumba ya Azaria kutera kubhwikonye bhwa orugito.²⁵Palali mwana wa Uzai, akahagaja eguru ya obhwikonye bhwe orugito kubhwisongyo bhunu bhurarobhoka ku nyumba ya omkuru eguru inu eringi kukibharabhanja kya abharindi kureki, Pedaya omwana wa Paroshi akahagaja. ²⁶Bhono abhagurwa bha shengeri bhanu bhamenyeri Ofeli bhakahagaja okwubhara rwa evisekani vya amaji arubhara rwa abhuturira ryubha wa ekisorosongyo enu kirarobhokera. ²⁷Orundi watekoi bhakagaja orubhara orundi, kubhwima bhwa ekisorosongyo ekinene kinu kiringi kibhara, kuikira orugito rwa Ofeli.²⁸Abhashengeri bakahagaja eguru ya ekiseku kya farasi, kiumwi umwi kumwima bhwe enyumba yae. ²⁹Hanu Sadoki, omwana wa imeri, yaagaja orubhara rwa obhwima enyumba yae kweki Shemaya omwana wa Shekania, omurindi we ekiseku kya bhuturira ryubha, akahagaja. ³⁰Hanania omwana wa Shelemia na Hanuni, omwana sita wa Salafu, bhakahagaja orubhara orundi. Meshulamu omwana wa Berekia akahagaja kubhwima bhwa ekyumba kyae.³¹Kweki Markia, ohumwi wa abhaturi bha ebhigera bhya egijahabu, bhakahagaja kutera kunyumba ya abhagurwa bha abhashengeri na abhahonia bhe ebhintu bhanu bhanga bhabhatira kukiseku kya erigereja kutera mkujumba kye eguru embarika. ³²Achoji bhe egijahanu na abhachoji bha hagaja agati yo kyumba kya eguru kubhwikonyeru na ekiseku ekikoro kya amang'ondi.

¹Sanbalati hanu yegwa twahagajanga orugito, akabhihirirwa, ne akajima bhukong'u akabhaseka abhayahudi. ²Embere ya abhahiri bhaye na abhasirikare bha Samaria, akagamba, "Abhayahudi abhanemu nemu bhani bharakoreki? bharature okuiagajira omugi abhene? bhararusye ekimwenso? bharature kuimara emirimu kurusiku rumwi bharatura amagina kureka mkumo hanu oranyore gasambirwe no omururo? ³Tobia mwamoni bhanga hamwi, honse akagamba Nyore "Hanu ekibhwe kikatiriri eguru ya kiyo bharahagaja, yarabamora orugito ruyo rwa amagina."⁴Tuitegerere, Waryubha kwa kubha bhetutura tukwa. Hindya amasoro gabho mmitwe gyabho abhene kubhahana bhanyore okugwatwa mkiaro nyora bheki mbabhowa. ⁵Otabhisa obhusarya bhwabho, otiga kubhara bhya obhusarya bhwabho kuuwe. Kwakubha bhabhiirira abhahagaji. ⁶Kurusumo ruyo twahagaja orugito na rousego rwagwatanibhwa na eritigitirya obhutambi bhaye. Kwakubha abhantu bhanga bharehigwa okukora emirimu.⁷Nawe Sanbalati, Tobia, Waarabhu, Waamoni na Washidodi hanu bhegwa ega emirimu gya kurosha egingito gya Yerusalemu gyanga girakareka, na okubha orubhara runu runga rubomokeri kungito gyanga gibhiherwe, bhakabhana obhururu bhukong'u. ⁸Bhonsego bhekiriranya hamwi na bhakaja kurwa na nabho kurwania Yerusalemu na obhuto kwigwana kubhebhene. ⁹Nawe twasabha ku Waryubha wa kutura abharindi bhubhe obhurindi kubheki mubhasu na obhutiku kwa orusumo rwa okobhoya kwabho.¹⁰Abhantu bha Yuda bhakagamba, "Eginguru gya bharya bharagega emijigo iratamwa. Enkumo erio enene na tutature okuhagaja orugito." ¹¹Na abhasigu bhetu bhakagamba, "Nawe hatamanye ama kurora na hanu turijira hagati yabho na kubheta na kuitininya emirimu."¹²Eribhaga riyo wayahudi bhanga bhamenyeri hang'i nabho, bharwa mbaara gyonsebho na kuhaira na bhetu mara ekumi, bharatukaniya eguru yaganu bhandanga kutukorera. ¹³Kurusumu ruye nikatura abhantu mbara gya nsego gye kyaro gya egingitommba ginu gitaribhiri natura eginganda ginu gime emiyu, amatimu, wa obhuta. ¹⁴Nkamahirira enkefinina, kaberya abhakuru na abhatungi na abhantu abhandi, mtobhoha mumhituka omukuru ng'o omkuru wo okurugurya. Abharwanire abhahiri bhenyu, abhana bhenyu, abhahara bhenyu abhakari bhenyu na emigi gyenyu.¹⁵Hanu abhasigu bhetu bhegwa ega amahairo gabho ganga gamanyikeni kubhetu na Waryubha ya asasirya amangano gabho bhonsego twahinda mgingito kihumwi na mirimu gyae. ¹⁶Kuribhaga riyo eritingiti rya abhagurwa bhani bhakora emirimu eguru kuhagaja orugito na eritingiti erindi bhagwatirira amatunu, ngubha obhuta ne okwibhoha ebhigwato, eribhaga riyo abhakangati bhetinini enyuma ya abhatu bhonsego bha Yuda.¹⁷Kwego abhagurwa bhayo bhayo bhanu bhahagaja nga orugito okugega emijigo, bhonse bha maahiriranga emyeya gyabho, omuntu yakoranga omrimu kwo okubhoko kumwi na okundi kwanga na ekigwatokyaye. ¹⁸Omuhagaji wonse hurya yanga yebhoheri omuyu mrubharu rwaye na nigo bhahagaja. Hunu yatema ekitureri yanga yekeri hangi na oni.¹⁹Nakyera abhakuru ne abhakangati na abhantu abhandi, "Emirimu mijomu na ngya munsi na mrihagari na orugito, hare na omuntu oundi. ²⁰Erenderwa mkenyere hinu mregwire ekitureri kuratemerwa na kuikumanirya heyo. Waryubha wetu araturwanire.²¹Kwego twakora ego. Eritungiti ryabho bhagega amatumu kurwa nyinkyo juri kuikira hanu eginjota gya robhoka murwire. ²²Ndakukerya abhantu kuribhaga riyo, "Abhantu bhonsego ne abhagurwa bhabho bhagye bhutiku gatigati ya Yerusalemu kwego bhabhe bharindi kwibhaga rya bhutiku ne abhagurwa kwibhaga riyo. ²³Mbe ntari oni, amwi muhiri wani mgurwa wani, abhantu bho abharindi bhanu baringa baransorana bharansingirira, atariho hata ohumwi wetu hunu yabadirishe egingibho gyaye na kihumwi humwi yagega ekigwato kyaye, kwa orusumo rwa okutaha amanji yagega.

¹Kweki abhasaja na abhakari bhabho bhakakura kwa eginguru kubhayahudi na bharikyabho. ²Kwa okubha bhangao abhantu abhandi bhagamba, "Bhetu na abhana bhetu na abhahara bhetu turio bharu. Mbetiga tunyore obhuro turye twikare tumenye." ³Hata ego bhangao abhantu abhandi bhanu bhagamba, "Turatura mbuni emigunda gyetu, emijabibu gyetu na na emigi gyetu nawe tunyore obhura kuribhaga rya omweko."⁴Abhandi bhonse bhagamba, "Twabhahana egimbirya okutobha erigooti rya omkuru kwigunda gyetu na mmigunda gyetu gya emijabibu. ⁵Kwego bhono embiri gyetu na amanyinga gara ringana na abhahiri bhetu, abhana bhetu bhararingana na abhana bhabho. Turasingiriribhwa okugurya abhana bhetu na abhahara bhetu kubha abhagurwa. Abhahara bhetu abhandi bhamara kubha abhagurwa. Nawe tutana nguru gya kubhara kwa okubha abhandi bhono bhana emigunda gyetu na emijabibu gyetu."⁶Nabhihirirwa bhukong'u hanu negwa bharakura na ku amangana ganu. ⁷Kweki nkeganirirya eguru ya rinu, na okuira obhujongeri kubha kuruna akangati kabhakerya, "Benyu mratuna obhwera, kurwa kiumwi kurwa kumuhiri waye omwene. Nkabhakumania bharu kurinu. ⁸Nkabhakyerya, "Bhetu kubhuturo bhunu twatura twabhaturya kurwa mubhugurwa na abhahiri bhetu bha kiyahudi bhanu bhanga bhaguri bhwe, mbhyaro nawe mkabhagurya abhahiri bhenyu na bhahara bhenyu kwa orusumo rwa okuguribhwa kweki kubhetu. Bhakakira bhatanyora ngana ya okuhaira kubhetu.⁹Kweki nkagamba kinu mrakora kitari kijomu. Hega mtenderwa kugenderera mumrembe gwa Waryubha kwego kuribhirira amasoro ga ebhyaro bhinu mmbasigu bhetu? ¹⁰Honi na abhahiri bhani na abhagurwa bhani turabhahana egimbirya na obhuro. Nawe niga tutige okutobhya obhwera bhwe eguru ye mbirya gye emikopoginu. ¹¹Mubhahindirye rerohinu emigunda gyabho emijabibu gyabho, emigunda gyabho gya emijeituni na emigi gyabho ne egimbirya, obhuro, divai engya na amaguta ganu mwabhatobhya.¹²Bhakagamba turahunjukia kinu twagega kurwa wabho. Hata ego tutakwenda kyonse kirya kurwa kubhene. Turakore kyego oragamba. Ng'o kabhirikirwa na abhashengeri na kubhalisha emuma, bhakore kyego bhekirirye. ¹³Nkakunkumura engibho yani nkagamba, "Mbe Waryubha abharushe emigi na emituho gya omutu wande urya akanga kukora kyego ekiryi rya okukora, kwego arusibhwe ebhintu bhyonsego. Omuganda gonsego gukagamba "ebhego" (anuna). Bhakamkumia omkuru. Abhantu bhakakora kyego bhekirirania.¹⁴Kwego kuribhaga rinu naturwa kubha omkuru wabho mkyaro kya Yuda, kwambira omwaka gwa mirongo ebhiri kuhikira omwaka gwa mirongo esatu ne pili wa omukama Artashasta, emiaka ekumi na bhiri. Honi ne abhahiri bhani turarya ebhokurya bhinu bhyarusibhwa ku omkuru gavana. ¹⁵Nawe abhakuru bhakare bhanu bhankangatira bhabha hana abhantu emirigo emirito, bhakabha gegera eshekeri mirongo enna gyo egimbirya kurusumo rwa ebhyakurya na edivai yabho kurusiku. Hatego abhagurwa bhabho bhabhajurunu abhantu. Nawe ntakora ego, kurusumo rwa omurembe gwa Waryubha.¹⁶Nagendererya kukora emirimu mrugito na tutagura erirobha. Na abhagurwe bhani bhonsego ebhekumania kurusumo rwo emirimu giyo. ¹⁷Kumeja yani bhangao wayahudi na abhachama, bhantu iso, kutiga bhanu bhaja owetu kurwa mbhyaro bhinu bhyanga bhuratuinara.¹⁸Kinu kyanga kwaserenibhwa kurusiku kya ng'ombe imwi, eng'ondi esansabha gyanga gisorerwe na bhinyonyi, kurusiku edivai manga ekumi njaru. Kugayo gunsego utenda bhyakura bhya omchama, kwa orusumo rwa obhutongi obhurito bhunu bhwanga eguru ya abhantu. ¹⁹Nihituke uuwe Waryubha wani kwa amajomu kwa okubha gonsego gakorekeri kubhantu bhanu.

¹Eribhaga Sanbalati, Tobia, Geshemu mwarabhu na abhasigu bhetu abhandi hanu bhegwa okubha mahagaja bhuya orugito, na okubha atarioho hasi hanu yatigwa esamiriri, nanga mkyari kutira ebhigi mubhisegu. ²Sanbalati na Geshemu bhahira abhachama bhakagamba, "Muje tusikane hamwi mkibhara hano ararobhoka aramaikana mbara gyonsego." Nawe bhendanga kunyahara.³Nonse nkaira abhachama owabho, nkagamba, "Ndakora emirimu eminene ntakutura kuituma. Kwaki emirimu gitinine kuribhaga rinu naketume nakarweho okiya owao? ⁴Bhareta abhachama bhayo bhayo mara kanne, na oni nkabhahunjura ego ego eribhago ryonsego.⁵Sanbalati yantumira omugurwa waye kyego bharetanga abhachama mara tanu, na enyarubha hinu itanga ekundikiribhwe mumabho gaye. ⁶Yang'orwa "Erahairwa gati mubhyaro, no Geshemu honse aragamba, ega uwe na abhayahudi muneniku. Kwego nkyo mrahagaja orugito. Ukurekana na amang'ana ganu garahairwa, urihang'i kubha omkama wabho.⁷Uwe wasora abharoti okuhaira amang'ana gao eguru ya Yerusalemu, bharagamba, "Ariho omukama huyo Yuda! Oratura okubha na obhuhene omkama eregwe amangana ganu. Mbe nuje tugahaiirire.⁸Kweki kaira ering'ana nikagamba amang'ana kya gayo orahaira gakyari kukoreka. Kokubha, mumtima gwao oreganirirya. ⁹Kwa okubha bhonsego bhendanga kuuyobhoya, bhamanyanga hanu bharatige okuturako amabhoko gabho okukora emirimu giyo gitakukoreka. Nawe bhono, Waryubha, ndakusabha okongye amabhoko gani.¹⁰Hanu ndagye hiika wa Shemaya omwana wa Delaya, mwana wa Mehetabeli, unu yabhowa hiika owaye. Akakamba, "Nawe tusikane hamwi mumigi gwa Waryubha, munsi mwishengerero tusike ebhigi bhya erishengerero kwo kubha bharaje okutwita. Bhutiku bharaja kukuita." ¹¹Nkabhahunjura omuntu kya honi ndatura okung'osa? Omuntu kya oni ndatura kukora emenyo mwishengerero? ntasohemo."¹²Namanya ega atanga Waryubha amragirirye, nawe yanga akoreri obhuroti eguru yani. Tobia na Sanbalati bhamuhana emirimu. ¹³Bhamuhana emirimu gya ukukore mbe, na obhobha kurusomo rwa okuko ora ganu bhanga bhagambiri, na okukora obhusarya. Kwego bhakaturiri okung'ana erina eribhibhi nawe nsukibhwe. ¹⁴Waryubha wani, bhaituke Tobia na Sanbalati ne gonsego ganu bhakora. Kweki muhituke omroti Noadia abharoti abhandi bhanu bhatunanga nobhoe.¹⁵Kwego urugito rukawa okuhagajwa kurusiku rwa mirongo ebhiri ne etanu kumweri gwa ekongora bhisaka eluli kweki kusiku gya mirongo etanu na kabhiri. ¹⁶Abhasigo bhetu bhonsego hanu bhegwa gayo, ebhayaro bhyonsego bhinu bhyatunara, bhobhoa, na bhakanyohera bhukong'u abhene. Kwo okubha bhamanya emirimu giyo gyakoreka kukusakirwa kwokubherwa na Waryubha wetu.¹⁷Kuribhaga rinu abhakama bha Yuda bhahira eginyarubhe njaru wa Tobia, na eginyarubha gya Tobia gikabhahikira. ¹⁸Kwo okubha bhanga bhaaru hiyo Yuda bhabhowa kwe emuma yaye, kwa okubha yaringa esobhiara waye Shekania, omwana wa Ara omwana wa Yehohanani yanga abheri mwerima wa Meshulamu omwana wa Berakia. ¹⁹Nawe twahairira amang'ana amajomo ganu yakora na kumubhurya amang'ana gani. Geginyarubha gunu gyaja kurwa ku Tobia gya okunyobhoya.

¹Eribhaga rinu orugito rwanga rumarirwe okuhagajwa na ebhiseku okuturwamo, na abharindi bha ebhiseku na abhembi na abhalawi bhanga abhasorerwe. ²Nkamuhana muhiri wani, Hanani abhe na obhuturo eguru ya Yerusalemu, hamwi na Hanania, hunu yanga mwitininiri wa erigunguri kwa okubha yaringa na entungwa enjomu yaringa aramwobhoa Waryubha kukira abharu.³Oni nkamukerya, bhatige okusikura ebhiseku bhya Yerusalemu, okuikira hanu omubhasi gwa kabhare. eribhaga rinu abharindi bha ebhiseku bharindanga, oratura okusikao ebhiseku na kubhibhoa. Sora abharindi kurwa kubharya bhamenyeri Yerusalemu, abhandi, rubhara rwa ekambi yabho ya abharundi, abhandi mumigi egyabho abhene. ⁴Bhono omugi gwanga mgari na omunene, nawe bhangamo abhantu bhake, gitangamo emigi ginu gya hagajwa kweki.⁵Waryubha wani yatura mumutima, okubha kumania abhakuru, abhatanke na abhantu okubhangora mginganda gyabho. Nyanyora ekitabho kwa orwibhoro rwa bharya bhakangata okuhinda nkarora kubha engorerwe muyo.⁶Bhanu mbo abhantu bha ewilaya bhanu bhagya kurwa kubhunganyia bhwa bharya bhang'anyibhwa bhanu Nebukadreza omukama wa Baberi yabhagwata mubhita. Bhakainda Yerusalemu na Yuda kiumwi umwi bhakagya mumigi gwaye. ⁷Bhaja na Zerubaberi, Yoshua, Nehemia, Seraya, Reeraya, Nahamani, Mordekai, Bilshani, Mispari, Bigwai, Rehumu na Baana, abhana bha Israeli bharinga.⁸Abhana bha Paroshi, 2,172. ⁹Abhana bha Shefatia, 372. ¹⁰Abhana bha Ara, 652.¹¹Abhana bha Pahath Moabu, ¹²kubhana bha Yoshua na Yoabu, 2,818. ¹³Abhana bha Elamu, 1,254. ¹⁴Abhana bha Zatu, 845. Abhana bha Zakai, 760.¹⁵Abhana bha Binuui, 648. ¹⁶Abhana bha Bebai 628. ¹⁷Abhana bha Azgadi, 2,322. ¹⁸Abhana bha Adonikamu, 667.¹⁹Abhana bha Bhigwai, 2,067. ²⁰Abhana bha Adini, 655. ²¹Abhana bha Ateri, wa Hezekia 98. ²²Abhana bha Hashumu, 328.²³Abhana bha Besai, 324. ²⁴Abhana bha Harifu, 112. ²⁵Abhana bha Gibeoni, 95. ²⁶Abhantu okurwa Bethrehemu na Netofa, 188.²⁷Abhantu bha Anathothi, 128. ²⁸Abhantu bha Beth Azmaweth, 42. ²⁹Abhana bha Kiriath Yearimu, Kefira na Beerothi, 743. ³⁰Abhantu bha Rama na Geba, 621.³¹Abhantu bha Mikmasi, 122. ³²Abhantu bha Betherina Ai, 123. ³³Abhantu bha Nebo, 52. ³⁴Abhantu bha Elamu wa pili, 1,254.³⁵Abhantu bha Harimu, 320. ³⁶Abhantu bha Yeriko, 345. ³⁷Abhantu bha Rodi, Hadidina ono, 721. ³⁸Abhantu bha Senaa, 3,930.³⁹Abhashengeri bhonsego abhana bha Yedaya (abha enyumba ya Yeshua), 973. ⁴⁰Abhana bha Imeri, 1,052. ⁴¹Abhana bha Pashuri, 1,247. ⁴²Abhana bha Harimu, 1,017.⁴³Walawi abhana bha Yeshua wa Kadmieri wa Binui, wa Hodaria, 74. ⁴⁴Abhembi bha Asafu, 148. ⁴⁵Bhanu bhasikwa (ebhiseku) ekiseku kya Shalumu, bha Ateri abhana bho Talmoni wa Akubu abhana bha Hatita abhana bha Shobai 138.⁴⁶Akori bhemirimu bhe erishengerero abha bha Siha, abhana bha Hasufa abhana bha, Tabaothi, ⁴⁷abhana bha Kerosi, abhana bha Siaha, abhana bha Padoni, ⁴⁸abhana bha Rebana, bhana bha Hagaba bhana bha Salmai, ⁴⁹abhana bha Hanani wa Gideli, abhana bha Gahari.⁵⁰Abhana bha Reaya, abhana bha Resini, abhana bha Nekoda. ⁵¹Abhana bha Gazamu, abhana bha uza, abhana bha Pasea. ⁵²Abhana bha Besai, abhana bha Meunimu, abhana bha Nefusimu.⁵³Abhana bha Bakbuki, abhana bha Hakufa, abhana bha Harihuri, ⁵⁴abhana bha Basilti, abhana bha Mehida, abhana bha Harisha, ⁵⁵abhana bha Barikosi, abhana bha Sisera, abhana bha, Tema, ⁵⁶abhana bha Nesia, abhana bha Hatifa.⁵⁷Abhana bha Selemani, abhana bha Sotai, abhana bha Sofereth, abhana bha Peruda, ⁵⁸abhana bha Yaara, abhana bha Darkoni, abhana bha Gideri, ⁵⁹Abhana bha Shefatia, abhana bha Hatiri, abhana bha Pokerethi Sebaimu, abhana bha Amoni. ⁶⁰Abhakori bhemirimu bha mwishengerero na abhana bha abhakori bhemirimu bha Selemani bhanga 392.⁶¹Bhanu abhantu bhagya okurwa, Termera, Teriharsha Kerub, Addon, na Imeri. Nawe bhatatura kumanyirirya ega bhekuhamwi mbahiri bhabhe eso wabho bharinga bhana bha Israeli. ⁶²Abhana bha Delaya, abhana bha Tobia, abhana bha Nekoda, 642. ⁶³Nakurwa kubhashengeri abhana bha Habaya, Hakosi, na abho Barzarai(akagega mkaye kurwa kubhahara bha Barzilai wa Geleadi na akabhirikirwa erina rye wabho)⁶⁴Bhanu bhatuna obhusimka bhwabho kubhanu bha muribhwa kurwibhuro rwabho, nawe bhatatura okumanyikana, kwego bharusibhwa kubhushengeri kwa okubha bhatanga bharabhu. ⁶⁵Omukuru wa gavana akabha kerya bhatige kuikiriribhwa okurya ebhyokurya bhya abhashengeri okurwa kukimwenso kuhikira hanu omushengeri unu yane obhurabhu na obhuhene.⁶⁶Omuganda gonsego bhanga 42,360, ⁶⁷nawa abhakori bhe mirimu bhe kisaja na abhekikari bbhariga 7,337 bhanga wabhasaja na abhakari abhokwimba 245.⁶⁸Egifarasi gyabho gyaringa 736, kugyonsego. Kugi egisamakirya gyabho 245, ⁶⁹egingamia gyabho 435 na egintikisi gyabho 6,270.⁷⁰Abhakuru abhandi bha abhahiri bhabho bharusha emitubho kurusumo rwa emirimu. Gavana yarusha ekimwenso kya darkoni elfu na ejahabhu mabhakuri 50 na afarire 530 ga abhasengeri. ⁷¹Abhakuru abhandi bhe abhahiri bhabha esowabho bhabha hana mumariho gaemirimu darkoni kiku mirongo ebhiri ge ejahabhu na amagu amarangasiru 2,200 ga egimbirya. ⁷²Abhantu abhandi bhabhahana darkoni gya egijahabhu bhiku mirongo ebhiri na egijahabhu bhiku bhibhiri gya egimbirya na amafarire mirongo esansabha na muhungati ku bhashengeri.⁷³Mbe abhashungeri, abharawi, abharindi bha ebhiseku, abhembi abhantu abhandi, abhakoribha mushengerero, na abhaisraeri bhonsego bhamenya mumigi gyabho. Kuhikira kumweri gwa musunjwe abhantu bha Israeri bhanga bhamenyeri mumigi gyabho.

¹Abhantu bhonsego bhekumaniya kyo omtu umwi kurubhara rwa amanji henu gararwira. Bhakasabha Ezra omungori wa ekitabho kya obhujibhya kya Musa kinu omukuru yakanirya abhaisraeri. ²Orusiku rwa kwamba rya omweri gwa omusunjwe, Ezra, omusheri, akahira amangore ga obhujibhya mkumaniryo, abhasaja ne abhakari na bhonsego bhanga na obhutura bhwa okuitegereza na okumanya. ³Akamahirira orubhara runu rutana kyose mruko udo rwa amanji, akaehigirya abhantu okurwa nyikyo kuhikira mubhasu, kubhasaja na kubhakari na kuwonsego hurya unu akaturiri okumanya nabhonsego bhakamwitegerera kwa obhujomu ekitabho kya amangorega obhujibhya.⁴Na Ezra, omugi yehitina kubhutara eguru obhwa egimbao bhunu abhantu bhanga bhakoreri kurusumo ruyo embarika yabho bhanga bhetinini Matithia, Shema, Anaya, Uria, Hilikia na Maaseya, rubhara rwaye robhuryona Pedaya, Mesbaeli, Malkiya, Hashumu, Hashbadani, Zekaria na Meshulamu bhanga bhetinini urubha rwaye rwa bhumosi. ⁵Ezra yasikura ekitabho kubhantu bhonsego, kwa okubha yanga yetinini eguru kubhantu anu yasikura abhantu bhonsego bhaketinina.⁶Ezra akamwisasama omukuru, Waryubha, Omukuru na abhantu bhonsego bhakatininio amabhoko eguru na bhakamuhunjura Amina! Amina! bhakahinyirira, bhakainama amitwe gyabho, bhakamusabha omukuru hanu bhehinyiriri obhusu bhwabho. ⁷Yeshua, Bani, Sheribia, Yanini, Akubu, Shabethai Hodai, Maaseya, Ketita, Azaria, Yozabidi, Hanania, Pelaya bhonse mbarawi, bhabhera abhantu okumanya amangore ga obhujibhya abhantu bhakekare orubhara rwabho. ⁸Abhantu bhehigira mkitabho kya amangore ga abhijibhya bhwa Waryubha, bhakagamba bhujomu no okuhairira na orusha ensonga abhantu bhamanye ganu gehigiribhwa.⁹Nehemia, gavana na Ezra omushegeri na omungori na abharawi bhanga bharorokya abhantu bhakabhurya abhantu bhonsego orusiku runu ndurabhu, ku omkuru Waryubha wenyu. Mgige kusurumbara awi kukura. Kwa okubha abhantu bhonsego bhakura kuribhaga rinu bhegwa amang'ana ga amangore ge obhujibhya. ¹⁰Nehemia akabhakerya, mgende, mrye kinu kuyanura, emikate na amanjiga okunywa, na muhire omutu hunu atana kyose kyose, ko okubha ndusiku rurabhu ku omukuru wetu, mtige okusurumbara, kwa okubha obhujomerwa omukuru ni nguru gyenyu.¹¹Mbe abharawi bhakabhakora abhantu bhakabha na obhuteremu, bhakagamba, "Mkire kwokubha orusiku runu ndurabhu, mtige obhusurumbaru. ¹²Abhantu bhonsego bhakagya okurya na okunywa na okugabhana ebhyo kurya na okujomererwa kwa obhujomu obhumene kwa okubha bhamanya amang'ana ganu bhahigiribhwa.¹³Orusiku rwa kabhiri abhakangati bha emigi gya bhajaji okurwa kubhantu bhonsego, abhashengeri na abharawi bhekumaniya owa Ezra omungori nawe anyore okumanya okurwa ku mang'ana ga amang'ana ga obhujibhya. ¹⁴Bhakarora kyego yanga engorerwe kukitabho kya ojibhya kyego omkuru yabhurya Musa ega abhana bha Israeli bhamanye mumahema kuibhaga rya enyangi mweri gwa musunjwe. ¹⁵Bherenderwa okuhairira eguru ya emigi gyebho gyonsego heyo Yerusalemu, bhagambe, "Mgende kubhara mkyaro kya eginkuku mgire amasagi kuwa ku mijeituni, na amasagi ga mihadsi, amasagi ga mitende na amasagi ga emiti enjuene nawe bhahagaje eviduku vya eribhaga eke ego yanga engorerwe."¹⁶Abhantu bhakagya bhahinda na amasagi bhakekorera amahema, ki umwi kurusararyaye kuesiku yabho, kumigi gya egyumba gya Mungu ahasi arabha mmgera gwe amanji, ne mumuchafa gwa eriseku rya Efraimu. ¹⁷Hayo omuganda gonsego gwa bhanu bhahinda okurwa mkibhoe bhakakora amahema na okumenyamo. Kwa okubha okurwa kuribhaga rya egisiku gya Yoshua, mwana wa Nuni kurusiku ryo, abhantu bha Israeli bhatakora enyangi hiyo kweki. Na obhujomerwa bhwanga bhunene.¹⁸Kwego orusiku kwo orusiku kwambira orwakwamba okuikira orwa obhutero, Ezra yaegira kurwa mukitabho kya amang'ana ga obhujibhu bhwa Waryubha. Bhakora enyangi nsiku muhungati na orusiku rwa munane abhantu bhakekumaninya kyego bhanga bhakyeribhwe.

¹Orusiku rwa mirongo ebhiri na ena omureri guyo guyo abhantu bha Israel bhekumarinye bhonse bharinga bhehimiri, bhonse bharinga bhebhoeri amagunira, bhonse bhakatura oruteri eguru ya emitwe gyabho. ²Abhebhurwa bha Israel bheyahura na abhageni bhonsego. Bhemirira na okwikirirya obhusarya bhwabho abhene na obhusarya obhubhibhi bhwa bhatata bhabho.³Bhemirira ahasi habho, na orusiku orutine bhasoma ekitabho kya amaragiriryo ga omukuru Waryubha wabho na orusiku orundi orutie bhekirirya na okwisuya kumaguru ga Waryubha omukuru wabho. ⁴Abharawi, Yeshua, Bani, Kadmieri, Shebhaniga, Bhuni, Sherebhia, Bhani na Kenani, bhemirira eguru ya egingaji, bhakamubhirikira omukuru Waryubha wabho kwa erisi erinene.⁵Nihno Abharawi na Yeshua, na Kadmieri na Bhani, na Hashabhineya, na Sherebhia na Hodia, na Shebhania, na Petharia, bhakagamba, "Mwimirire, mumukuniye omukuru Waryubha wenyu koko na koko." Rinonkwe erina ryaho erirabhu, rinu ririguru okukira eginonka gyonsego na eginkuma gyonsego. ⁶Nuwe omukuru uwe omwene. Uwe wakora orwire, murwire eguru, na maraika bhonsego abhebhita, na ekyaro na kira ekintu kinu kiringi eguru yaye, na eginyanja na bhonsego bhinu bhirimo. Orahana bhonsego obhuhoru, na amajesi ga bhamaraika garakwinamira.⁷Uwe nuwe Omukuru Waryubha hunu yamsora Abhurahamu akamurusya okurwa uri wa Abhakardayo, akamubhirikira Abhurahamu. ⁸Warora omutima gwaye gwaringa omurabhu embere yaho, wonse okakora amwi na weki eriragiriryo rya okubhaana abhebhurwa bhaye ekyaro kya Abhakanaani, na Mhiti na omuamuri, na Perizi na Muyebhusi, na Abhagirigashi, Uteri obhwirahi bhwaho kokubha uwe murabhu.⁹Warora eryanko ya Bhatata bhetu Misri na okogwa okukura kwabho ahasi aare aenyanja ya Shamu. ¹⁰Uwe wakora ebhika na ebhiruguro eguru ya Farao, na abhokeri bhaye bhemirimu bhonsego, na abhantu bhonsego bha ekyaro kyaye, kokubha waringa omanyiri bhakora kwa okwikumya. Nawe weko rera erina rinu ririmirira kora orusiku rwa rero.¹¹Okaukan'ya enyanja kubheki, bhakambuka munyanja eguru ya hansi haomu; na okabhesa bhanu bhasika mukiyunga, nkya erigina mumanji ga ekiyunga.¹²Uwe wabhoro kererya kungujo ya erisi kwibha ga rya mubhasu, na kwa engujo ya omuriro eribhaga rya bhutiku, nawe okubhamirikira kunjira bhature okugenda kubhurabhu bhwaye. ¹³Wetuma eguru ya enkuku ya sinai okagamba nabho okureka murwire okabha ana amaragiriryo gahene na amaragiriryo gahene, eriragiriryo erijomu na amaragiriryo.¹⁴Wabhakerya esabhato yaho endabhu, okabhaana amaragiriryo na amaragiriryo, okuitira kumusa omugaya waho. ¹⁵Wabhahana ebhyakurya okureka murwire kwa obhusingiru bhwabho, na amanji okureka kwitare kwa enyonta yabho, okabhabhurya bhagende okwikarira ekyaro kinu wabhahana kwa okutena okubhahana.¹⁶Nawe bheki na abhebhuri bhetu bhakara obhusarya, bheki bharinga abhangi kora bhatagwata amaragiriryo gaho. ¹⁷Bhanga okwitegerera na bhateganirirya uguru ya ebhiruguro bhinu wakora kubheki nawe bhatetegerera, nawe kubhusarya bhwabho bhatura omwangariri nawe bhaunjukire obhutumwa. Nawe uwe ng'waryubha unu wejura ekyabhira, otari omwangu wa enkoro, na obhwaru kubhuanje obhukong'u uwe otabhatiga.¹⁸Nawe otamutiga kasi bhariinga bhamariri okuruusya ekimoori kukyuma kinu kyasa mbwa na kugamba, "Hunu nho Waryubha wenyu unu yabhareeta okurwa Misri," Hanu bhabhura bhukongu. ¹⁹Uwe, kwa ekyabhira kyaho, otabhatiga kwibhara. Entimu eya erisaaru yabhakangata etabhatiga eribhaga rya mubhasu, kora entimu ya omururo yabhamirikira kwibhara bhara hanu yenderwa okugenderwa.²⁰Wabhahana enkoro enjomu okwihigirya, na ebhyokurya bhaaho otaabhema kuminwa gyaabho, okabhahana amanji hanu bhaabha na enyoota, yaabho. ²¹Kwa emiaka emirongo ena wabhatuurya kwibhara, na bhatabhura kyo kyonse. Emyenda gyabho gitaagota na amaguru nabho gatabhimba.²²Okahana abhakama abhabhantu, na okabhahana erirobha mbara gyonsego gya hare. Mbe bharatunga ekyaro ekya Sihoni omukama wa Heshiboni na ekyaro kya Ogu omukama wa Bashani.²³Okakora abhaana bhaabho okubha bhaaru nkya eginyoto gya kurwiire, na okabhamirikira kukyaaro. Okakeerya bhese wabho bhasohe na okutunga. ²⁴Mbe abhantu bhakasoha bhakatunga ekyaro, okabhakira abhamenyi bha ekyaro kiyo, Abhakaanani. Okabhatuura mumabhoko gaaho, hamwi na abhakama bhaabho bha ekyaaro, naho Israeli okore nabho kyeego bhareenda.²⁵Bheeki bhatumbarira ebhyaro ebhya eginguru bhinu bhirakiina, na bhakagega eginyumba egya ebhintu bhyonsego ebhijomu, mabhirika ganu gasimbwa, mijabhibhu na emiti egya emijeituni, na emiti egya emisumo gyenyu myaaru, kweego bhakarya bhakeeguta bhakeeswa, na bhakayomerwa kwa obhujomu bhwaho.²⁶Mbe bhateegwa na bhakasia. Bhakeesa amang'ana gaaho esiku ya emigongo gyabho. Bhakeeta abharooti bhaaho bhanu bhu kaariya bhakukyukire, bhonse bhakakora obhubhibhi obhunene. ²⁷Kwa ege okabhatuura mumabhoko ga abhasigu bhaabho, bhanu bhabhanyankya. Na hanu bhanyakibhwanga bhakukurira na honse wabhegwa okurwa kurwire mara kaaru okabhatuurya okurwa kubhasigu bhaabho, kwa ekyabhira kyaho ekinene.²⁸Nawe hanu bhaamara okumunya, bhakakora obhusarya kubhusu bwaho honse okabhatiga mumabhoko ga abhasiga bhaabho kwa ego abhasigu bhabho bhakabhatunga eguru yabho. Na hanu bhakahunjukira na okukukurira, okeegwa okurwa kurwire okabhatuurya, kwa ekyabhira kyaaho. ²⁹Wabhagerera naho bhahunjuke kumaragiriryo gaho. Nawe bhakabha na ekisiraana na bhatakwitegerera amaragiriryo gaaho. Bhaakora obhusarya kumaragiriryo gaaho ganu garahana omuntu obhuhoru unu araga gwata. Bhatagigwata, bhatagikora na bhakanga okugitegerera.³⁰Kwa emiaka emyaru akabhagegera ego na okubhagerera kwa omutima gwaho kwa njira eya abharooti bhaana. Na ego bhatakwitegerera. Kweego okobhatuura mumabhoko ga abhamenyuni bhaabho. ³¹Gaawe kwa ekyabhira kyaaho ekinene otabhatiga hake, kasi kubhatiga, kwa okubha uwe nho Waryubha wa eriruguto na owa ekyabhira.³²Mbe Waryubha weetu, Waryubha wetu omukuru omwene nguru na owa okobhohya, unu oratuura eriragano na obhuhanje bhwaaho bhwaho, enyaako yonsego inu yatunyora bheetu, abhakama bhetu abhakuru bheetu, na abhasyengeri bheetu, na abharooti bhetu, na bheseweetu, na abhantu bhaho bhonsego okurwa kubhukama bhwa Ashuru otakagibhara ega niinke. ³³Uwe oringi owa heeni kugonseego ganu gatunyoora, kwa okubha wakora kwa obhujomu, na twakora obhusarya. ³⁴Abhakama bheetu, abhanene bheetu na bhese wetu bhagwata amaragiriryo gaaho kasi obhuheene bhunu wabhakeerya.³⁵Na kubhukama bhwabho abheene, hanu bhaajomererwa obhujomu bhwabho, kukyaro ekinene ekya emisumo ginu wakangatya kubheeki, bhatakora kasi kutiga njira gyabho mbhibhi.³⁶Bhono bhetu mbagaya kukyaro kinabha wahana bhese weetu okujomererwa emisumo gyaaye na emituho gyaaye emijomu maha, bheetu mbagaya! ³⁷Musumo mijomu okurwa okurwa ekyaro kyeetu kwa obhukama bhunu bwaturwa eguru na eguru wa egintugo kyego bhareenda. Tuna enyanko enene. ³⁸Kwa esonga ya gonsego ganu, turakora eriragano rya hene kwa okungoora. Twikaratasi rinu risibhikirwe mmariina ga abhakuru bheetu, abharawi na abhasyengeri."

¹Bhanu bhatuura amarina gabho kubhitabho bhinu bhya kundikiribhwa bhaaringa Nehemia omwana wa Hakari gavana omutungi, na abhasyengeri bhanu bhaaturwako bhaaringa Sedeki, ²Sereya, Ajariya, Yeremiya, ³Pashuri, Amariya, Marikiya,⁴Hamushi, Shekaniya, Maluki, ⁵Harimu, Meremosi, Obadiya, ⁶Danyeri, Ginesoni, Baruki, ⁷Meshuramu, Abiya, Miyamini, ⁸Maajia, Birigai, na Shemaya. Bhayo mbo bhaaringa abhasyengeri.⁹Abharaawi bhaaringa Yeshua omwana wa Ajana, Binui omuhiiri wa ehamati ya Henadadi, Kadimiyeri ¹⁰na Abharawi abharikyaye, Shebaniya, Hodiya, Kerita, Peraya, Hanani, ¹¹Mika, Rehobu, Hashabiya, ¹²Jakuri, Sherebiya, Shebaniya, ¹³Hodiya, Bani na Benuni. ¹⁴Abatungi bha abhantu bhaaringa Paroshi, Pahasi-Moabu, Eramu, Zatu, Bani,¹⁵Buni, Azjigadi, Bebayi, ¹⁶Adoniya, Bigwayi, Adini, ¹⁷Ateri, Hejekiya, Ajuri, ¹⁸Hodiya, Hashumu, Besayi, ¹⁹Harifu, Anasosi, Nobayi, ²⁰Magipiyashi, Meshuramu, Hejiri, ²¹Meshejabari, Sadoki, Yaduya,²²Peratiya, Hanani, Anaya, ²³Hosheya, Hanania, Hashubu, ²⁴Haroheshi, Piriha, Shobeki, ²⁵Rehumu, Hashabina, Maaseya, ²⁶Ahiya, Hanani, Anani, ²⁷Maruki, Harimu na Baana.²⁸Na abhantu abhandi bhanu bhaaringa abhasyengeri na Abharaawi, na abharindi bha ebhiseku, na abhembi, na abhakori bha emirimu ba ersyengerero na bhonsego bhanu bhaaringa bheeyahwiri abheene okurwa kubhantu bha ebhyaro bhya obhumenyani, okurekana na amaragiriryo ga Waryubha, na abhakari bhabho na abhaana bhabho na Abhakara bhabho, bhonsego bhanu bhaaringa na obhung'eni na obhumanyi, ²⁹bhaahimbana na abhahiiri bhaabha abhakuru bhaabho na okwibhoha mumehiimo na emuuma ya okugenda mumaragiriryo ga Waryubha ganu gaaturwaho na Musa, omukori wa emirimu wa Waryubha na okwigwa na okugwata amaragiriryo gonsego ga omukuru Waryubha wetu na obhubhuturi bhwa ekiina bhwaye na amaragiriryo gaaye.³⁰Twaraga ega tutakutura okuhana abhahara bhetu abhantu bha ebhyaro kasi okugega abhahara bhaabho kurusumo rwa abhaana bhetu. ³¹Kweki twaraga ega, nyoore abhantu bha ebhyaro bharareete ebhintu kasi obhuro bhobhonse bhwa okugurya orusiku rwa esabato, tutakutura okugura okurwa kubheene orusiku rwa esabato kasi orusiku roronse orwa obhukuru. Kira omwaka gwa muhungati turaatiganga emigunda gyetu gimuunye na ituraabhira egisiiri gyonsego ginu gyarekana na abhayahudi abhandi.³²³³Twekirirya eriragiriryo rya okuruusya omunyaraga gwa eshekeri kira omwaka kurusumo rwa emirimu gya enyumba ya Waryubha wetu.³⁷³⁸Omusyengeri omwibhurwa wa Haruni, erenderwa abho na Abharaawi hanu bharagega ejaka. Abharaawi bhareenderwa okureta eimwi ya erikumi ya ejaka munyumba ya Waryubha wetu mubhyumba bhya okubhikira ekibhumbiko. ³⁹Kwa okubha abhaana bha Israeli na abhaana bha Raawi, bhararetenga egisadaka gya obhuro, edivai, enhya na amaguta mubhyumba bhya okubhikira ebhintu bhya ahasi ahakuru bhiremiriribhwa na ahasi ha abhasyengeri abhakori bha emirimu, na abarindi bha ebhiseku na abheembi. Tutakutura okutiga enyumba ya Waryubha wetu.

¹Abhatungi bha abhantu bhaaringa bhamenyeri Yerusalemu, na abhantu abhandi bhaatema egikuura naho okureta oumwi gati ya abhantu ekumi okumenya Yerusalemu, omugi omurabhu na abhandi kenda bhaatama mumigi egindi. ²Na abhantu bhakabhanonka bhonsego bhanu bheerusya kwa obhwendi bhwabho okumenya Yerusaremu.³Bhayo mbo abhatungi bha amagunguri bhanu bhaamenya Yerusalemu. Kora ego, mumigi gya kira omuntu yaamenya mukyaro kyaye omwene, hamwi na abhaisiraeli abhasyengeri, abharaawi, abhakori bha emirimu bha mwisyengerero na abheebhurwa bha abhakori bha emirimu bha Sulemani. ⁴Yerusalemu bhaamenya mo abhaana abhandi bha Yuda na abhana abhandi bha Benyamini. Abhantu bha Yuda bhaaringa hamwi na ataya, omwana wa Ujia, omwana wa Jakaria, omwana wa Amaria, omwana wa Shefatiya, omwana wa Maharareri, omwana wa Peresi.⁵Na Maaseya, omwana wa Baruki, omwana wa Korihoze, omwana wa Hazaya, omwana wa Adaya, omwana wa Yoyaribu, omwana wa Jakariya, omwana wa Msherani yaaringa omwana wa Baruki. ⁶Abhaana bhonsego abha Peresi bhanu bhaaringa bhamenyeri Yerusalemu bhaaringa 468. Bhaaringa bhahaari.⁷Bhayo mbo abhaana bha Benyamini, Saru, mwana wa Meshuramu, omwana wa Yoedi, omwana wa Pedaya, omwana wa Koranya, omwana wa Maasera, omwana wa Israeli, omwana wa Yehaya. ⁸Na okutiga bhayo, Gabai na Sarai, abhantu 928. ⁹Yoweri, omwana wa Zikiri yaaringa omwangariri wabho na Yuda omwana wa Hasenua yaaringa omukuru wa kabhiri mumugi.¹⁰Okurwa kumakuhani Yedaya, omwana wa Yoyaribu, Yakini, ¹¹Seraya omwana wa Hirikiya, omwana wa Meshuremu omwana wa Sadoki, omwana wa Merayoti, omwana wa Ahitubu, omukuru wa enyumba ya Waryubha, ¹²na abharikyaye bhanu bhaakoranga emirimu hamwi egya chamati abhantu 822. Na Adaya omwana wa Yerohamu, omwana wa Perariya, omwana wa Amuji, omwana wa Jekariya, omwana wa Pashuri, omwana wa Marikiya.¹³Bheeki bhaaringa abhagwayani bhaaye bhanu bhaaringa abhakuru bha oruganda abhasaaja 242, na maasayi omwana wa Azareri, omwana wa Ajayi, omwana wa Meshiremosi, omwana wa Imeri, ¹⁴na abhahiiri bhabho, 128 abharwani abhateremu, abhateremu, omukuru wabho unu yabhorokereryanga yaaringa Jabudieri omwana wa Hageori.¹⁵Na Abharaawi Shemaya omwana wa Hashubhu, omwana wa Ajirikamu, omwana wa Hashabiya, omwana wa Bhuni, ¹⁶na Shebhasayi, na Yejabhadi, bhayo bhaaringa abhafungi bha Abharaawi, bhanu bheemiriranga emirimu gya kibhara gya enyumba ya Waryubha.¹⁷Yaaringaho mataniya omwana wa Mika, omwana wa Jakiri, omwana wa Asafu, unu yaaringa omukuru unu yaamba omukumo kwa egisaara, na Bakubukiya wa kabhiri gati ya abhahiiri bhaaye na Abuda omwana wa Shemaya, omwana wa Garari, omwana wa Yedusuni. ¹⁸Mumugi gonsego omurabhu bhaaringamo Abharaawi 284.¹⁹Abharindi bha ebhiseku Akubhu, Tarimoni, na abhagwatani bhaabho bhanu bhaarindanga ebhiseku, abhasaja 172. ²⁰Na bhanu bhataama abha Israeli, na abhasyengeri, Abharaawi bhaaringa mumigi gyonsego gya Yuda. Kira omuntu yaamenyanga mukiwarya kyaye omwene. ²¹Abhakori bha emirimu bha erisyengerero bhaaringa bhamenyeri Oferi na Siha na Gishipa bhaaringa bharabhafunga.²²Omutungu omukuru wa Abharawi bhanu bhaaringa bharakora emirimu Yerusalemu yaaringa uji omwana wa Bhani, omwana wa Hashabhiya, omwana wa Matania, omwana wa Mika wa abhaana bha Asafu, bhanu bhaaringa abhembi bha emirimu bha enyumba ya Waryubha. ²³Bhaaringa insi ya amaragiriryo okurya kumukama na amaragiriryo ganu ganagiri okurwa kubhembi kira orusiku kya ego erenderwa. ²⁴Pesahiya omwana wa Meshejabheri omwana wa Jera omwana wa Yuda, yaaringa orubhaara rwa omukama kumang'ana gonsego eguru ya abhantu.²⁵Eguru ya ebhijiji na emigunda gyabho abhantu abhandi bha Yuda bhakeekara Kiriati-aribha, na ebhijiji bhyaye na Dibhoni na ebhijiji bhyaye na yekabhujeeri na ebhijiji bhyaye. ²⁶Bhakamenya Yeshua, Morada Beti-Pereti, ²⁷Hajari-Shuari, Beerisheba na ebhijiji bhyaye.²⁸Bhonse bhakeekara Sikiragi, na emigunda gaye, na Mekona, na ebhijiji bhyaye, ²⁹Enirimoni, Sora, Yarimusi, ³⁰Zanoa, Aduramu na ebhijiji bhyaye na Rakishi na emigunda gyaye na Ajeka na emigunda gyaye. Mbe bhakekara okurwa Beeri-Sheba, okuhikira eriruuma rya Hinomu. ³¹Abhantu bha Benyamini bhonse bhaaringa bhamenyeri okurwa Geba, okugya mikimashi na Aiya, na Beti-eri na ebhijiji bhyaye. ³²Bhaamenye Anatoti, Nobu, Ananiya, ³³Hajori, Rama, Gitaimu, ³⁴Hadidi, Seboimu, Nebharati, ³⁵Rodi na ono, eriruuma rya abhakonyi bha ebhintu. ³⁶Abharaawi abhandi bhaaringa bhamenyeri Yuda abhandi Benyamini.

¹Bhanu mbo abhasyengeri na Abharawi bhanu bhaaja hamwi na Jerubaberi omwana wa Sherueri, hamwi na Yoshua Seraya, Yeremia, Ezra, ²Amari, Maruki, Hatushi, ³Shekania, Harimu na Meremothi.⁴Yangaho Iddo, Ginethoni, Abiya, ⁵Miyamini, Maazia, Birigai, ⁶Shemaya, Yoyariba, Yedaya, ⁷Saru, Amooki, Hirikia, na Yedaya. Bhanu bhariinga nabho obhumwi kunsiku gya Yoshua.⁸Abharawi bhariinga Yeshua, Binui, Kadmieri, Shebia, Yuda, na Matania unu yorokyonga okukangatira emimbo egya okukumya, hamwi na abhamwi bhaaye. ⁹Bakbukia na uno, abhamwi bhaabho, bhemirira embarika wabho kwibhaga erya okutuurya.¹⁰Yoshua yariinga esewabho Yoakimu, Yoakimu yariinga esewabho Erishabibu, Erishabibu yaaringa esewabho Yoyada, ¹¹Yoyada yeebhura Yonathani, Yonathani yeebhura Yedua.¹²Kuginsiku egya Yoakimu bhanu bhariinga abhasyeengeri, abhakuru abha abhahii, Meraya yaringa mukuru wa Seraya, Hanania yaaringa mukangati wa Yeremia. ¹³Meshuramu yariinga mukangati wa Ezira, Yehohonani yariinga omukangati wa Amari. ¹⁴Yonasani yariinga mukangati Shekania.¹⁵Naho okugendererya, Adina yariinga mukangati wa Harimu, Herikai yamukangatira Meremothi, ¹⁶Zekaria yamukangatira Ido, Meshuramu yamukangatira Ginethoti, na ¹⁷Zikiri yariinga amukangatiri Abiya wa Miyamini. Piritai yariinga omukanga owa Maazia. ¹⁸Shaumu yariinga omukangati wa Birigai, Yehonathani yariinga omukangati wa Shemaya, ¹⁹Matenai yariinga mukangati wa Yoribu, Uzi yamukangatira, Yedaya, ²⁰Karai yariinga mukangati wa Saru, Ebeeri yaamukangati Amoki, ²¹Hashabia yamukangatira Herikia, na Nethaneri yariinga amukangatiri Yedaya.²²Kuginsiku egya Eriyashibu, warawi Eriyashibu, Yoyada, Yohana, na Yadua Bhang'oorwa nkama emitwe egya emigi, na abhasyengeri bhang'orwa kwibhaga obhukama bhwa Dario wa Peresia. ²³Abhana bha rawi na abhakangati bhaabho abha emigi bhang'orwa kukitabho kya okuhitu kya mpaka orusiku Yohana omwana wa Eriyashibu.²⁴Abhakuru abha abharawi bharinga Hashabia, Sherebia, na Yeshua na omwana wa Kadmieri, hamwi na bhamwi bhaabho, bhanu bhariinga bhemiriri kubhukangatibhwabho kumukungya na okumukumya, arakyukya ahasi na ahasi, kwa okugwaata eragiriryo rya Daudi, omuntu wa Waryubha. ²⁵Matania, Bakukia, Obadiya, Meshuramu, Tarimoni na Abakuuki bhariinga bharindi bha ebhiseku bhanu bhariinga bhemiriri mubhyumba bhya ebhibhumbiko mubhiseku. ²⁶Bhaakora kunsiku gya Yoakimu, omwaana wa Yoshua, omwana wa Yoshadaki, na kuginsiku gya Nehemiya, gavana na Ezra omusyengeri na omung'ori.²⁷Kukwirusirya kwa endingi ya Yerusalemu, abhantu bhaatuna abharawi honse honse hanu bheekaranga, bhakabhareeta. Yerusalemu naho bhajomerwe kwa okwiruusya kwa obhujomu, na okukumya kwa okwimba kwa eng'oma, ebhinanda na ebhinubi. ²⁸Obhumwi obhwa abhembi bheekuman'ya okurwa emigi ginu ginaariri Yerusalemu na okurwa kubhijiji bhya Abhanetofathi.²⁹Bhaaja okurwa Beth-girigari na okurwa ku migunda gya Geba na Azimawethi, kwa okubha abhembi bhariinga bhehagajiri ebhijiji hang'i na Yerusalemu. ³⁰Abhasyengeri na abharawi bheerabhya, bhakamara bhakarabhya abhantu, emiryango na endigi.³¹Kweeki nkagya na abhakangati bha Yuda okugya eguru kundingi, nonse nkasora abhaaru bhanu bhaakumya. Oumwi akaga orubhaara orwa eguru ya endingi, okwihwera mukiseku kya jaa.³²Hoshayo na eriitine na abhakangati bha Yuda bhamuseeta, ³³akamara akagya Azaria, Ezra na Meshumari, ³⁴Yuda, Benyamini, Shemaya, Yeremia, ³⁵na abhana abha abhasyengeri bhanu bhariinga na enkombi, na Zakaria omwana wa Yonathani, omwana wa Shemaya, omwana wa Mataniya, omwana wa Mikaaya, omwana wa Zakuri, omwana wa Asafu.³⁶Na abhahiiri bha Zakaria, Shemaya, Azazeri, Mirarai, Girarai, Maai, Nethaneri, Yuda, Hanani, hamwi na ebhintu ebhya omujiki ebhya Daudi omuntu wa Waryubha. Ezra omung'ori yariinga abhakangatiri. ³⁷Na emiryango egya ekijegeje bhakagya kimwi kimwi na ebhyambuko bya omugi gwa Daudi eguru kukutiira kwa endigi, enyumba eya Daudi, kukiseku ekya amanji orubhara rwa mashariki.³⁸Na abhembi abhandi bhanu bhaakumya bhakagya orubhaara oruundi. Nabhaseeta eguru ya endigi hamwi na omuganda gwa abhantu, eguru wa entimu eya ebhinyago, mpaka endigi enene, ³⁹na eguru aha emiryango gya Efraimu, na omuryango gwa kare, na omuryango gwa eswi na entimu ya Hananeri na entimu ya Hamea, kwa omuryango gwa eng'oondi na bhakemirira kumuryango ogwa abhariindi.⁴⁰Kwa ego, emiganda ebhiri gya bhanu bhamukumya bhaanyora omweya gwabho kunyumba ya Waryubha, na oni onse nkagega entine eya abhakangati hamwi na oni. ⁴¹Na abhasyengeri, bhakagega omwanya gwa Eriya akimu, maseeya, myamini, mikaaya, Erionei, Zekaria, na Hanania abha enkombi, ⁴²Maseeya, Shemea, Ereazari, Uzi, Yehohanani, Marikiya, Eramu, Ezeri. Abhembi bheemba na Yezua hiya bheeki bheemiririri.⁴³Bharuusya ekimwenso ekinene orusiku ruyo, bhakajomerwa, kwa okubha Waryubha yaringa abhajomereerwe, kwa kujomerwa bhukong'u. Na abhasaja na abhakari bhakajomerwa. Ego okujomerwa kwa Yerusalemu bhakaigwa okurwa hare.⁴⁴Orusiku ruyo bhaasorwa eguru ha enyumba ya ebhibhambiko kwa okusororya, emisumo gya embere, na ejaaka, naho okukuman'ya munsi hanu arenderwa kumaragiriryo aga abhasyengeri na abharawi. Bhonsego mwasorwa okukora emirimu gya kumugunda hang'i na emigi. Kwa okubha Yuda yajomerwa kubhasyengeri na abharawi bhanu bhariinga bhemiriri embere wabho. ⁴⁵Bhaakora emirimu gya Waryubha wabho, na emirimu egya obhurabhya kwa amaragiriryo ga Daudi na omwana waye Suremani, na ego.⁴⁶Akare hayo, kunsiku gya Daudi na Asafu, bhangaho abhemiriri abha abhembi, gyaangaho emimbo egya okukumya ku Waryubha. ⁴⁷Kuginsiku gya Zarubaberi na kunsiku gya Nehemia, Israeli bhonsego bharuusya ahasi aha abhembi na abharindi abha emiryango. Bhakatuura embarika ahasi aha abharawi, na abharawi bhaatura ahasi aha abhana bha Haruuni.

¹Orusiku ruyo bheigira ekitambo kyamusa agati yamatwi ga baantu. Yeeyorokya yang'oribwa muunsi yaye okumba atario muomoni au mmoabu arenderwa kuika agati yerikemba rya Waryubha, koko. ²Inuyangao okumba mbataja kubhantu mba Israeli nemikate na manji, nawe mbamuterio Baraamu okwima Israeli nawe Waryubha akagarikya ameimo okumba enokwe. ³Nawe anumbegwa etungwa, mbatega Israeli kurwa kukiri mugeni.⁴Kurwa ayo Erishibu omukuru akaturwa eguru yembyumba bye nyumba ya Waryubha wetu. Yaringa nobhumwi na Tobia. ⁵Eriashibu akamukorera Tobia ekyumba ekinene. Kinu kubwambiro bhaturangao embimwensoye mbigeswa na bhuvumba, makara, naasi yekumi yebhigeswa, divai namaguta, mbinu mbaturwao ku warawi, ambembi, abharindi bhe kiseku, na muchango kumbakuru.⁶Nawe kwambirayo ntangao Yerusaremu. Kumwaka wa mirongo esatu nembiri Artashasta omukama wa Babeli, nagya omuukama. Nawe kumweya ego nkamurora omukama iringende. ⁷Na nkainda Yerusalemu nkamanya amabhimbi ganu Eriashibu yaringa yakora kukumuana Tobia ekyumba kyokumenya, agati yerigereja rya Waryubha.⁸Naringa nekoro namkhesa embitabho vye nyumba ya Tobia kibhara yekyumba kyokumenya. ⁹Nka bhakyerya ega bharambwe ebhimbikiro nonse nkaindwa muunsi yabho obhugambi munyumba ya Waryubha ekimwenso kye mbigeswa, na bhuvumba.¹⁰Nkamanya ega ha ansi anu yarusimbwa ko kubha ana warawi gyarusibwa owabho, iri bhature okugya bwangu mwisyengero, kiro ohumwi kungwa mumugunda ngwaye kyambembi kyego bhakora mabakangya. ¹¹Kwego twabhuranijwa na abhakuru nokugamba kwaki enyumba yawaryubha yatigwa? Nambakuman'ya amwi na kumbatura kunafwasi gyabho.¹²Nawe Yuda mbosego bhakareta embigeswa, divai epya, namaguta mumbituo vyokuturao. ¹³Nkambiika kyo mubhiki we gimbirya eguru yembirya, Sheremia omushengeri, na Sadoki omung'orya, na Marawi, Pedaya. Hanani, omwana wa Zakuri, omwana wa Matania, yaringa na bhatarishi bhabho, okubha rijura nija, bhambarwa okumba abhaene emirimu gyambo gyaringa okuone embitu kubhatu mbabho. ¹⁴Ungituke, ehe Waryubha wani, eguru ya rinu, nawe otarushao amakorwa amajomu ganu nakora kunyumba ya Waryubha wani.¹⁵Engisiku giyo nkarora abhaantu bha Yuda bhanu bhataja amarwa orusiku rye sabato, no kureta amakemba ga embigara na kutirya egintikiri, ne divai, ne jabibu, natini na mijigo emirito, ginubhareta Yerusalemu orusiku rwa sabato. Nkakumya bharinga bharagurya ebhyakurya orusiku ruyo.¹⁶Abhaantu kurwa Tiro bhanu bhekaranga Yerusalemu bhakareta egiswi na kira ekitu, na bhakagurya orusiku rwe sabato ku bhaantu bha Yuda kumugi. ¹⁷Nawe nkabharora abhakuru bha Yuda, "Mbe! bhumbimbi ki bhunu murakora, kuijera orusiku rye sabato? ¹⁸Nawe? Mbesewenyu bhatakora ego! Nawe Waryubha wenyu atareta mabhimbi ganu eguru yenyu neguru rwomugi gunu bhono orareta jaabu eguru ya Israeli ko kujera sabato."¹⁹Nawe anukyamba ekisunte kumiryanga gya Yerusalemu kureka kusabato, nkagamba emiryango gisikwe no kubha etakyenderwa kusikurwa adi sabati, naturao ambakori mbani kumirwango okubha gitasoa mijigo ngwose adi sabato ewe. ²⁰Abhakori mbemirimu, na bhagurya bhakenya kibhara ya Yerusaremu rumwi au kambiri.²¹Nawe nkabhakerya, "Kyaki mwikeri kimbara ye ndingi? anu mwakakore ego kweki nakature amabhoko" kurwa ruyo bhataja rusiku rwa sabato. ²²Nkabhakerya warawi okuja okurinda emirwango, okubha otakaso orusiku rwe sabato. Hurigitu ke kwarinu Waryubha wani, no kung'ana ekyambira kokubha yobhukweri bheriragano kuoni.²³Kurwa orusiku ruyo abhayahudi bharinga bhaga mbwiri abhakari bha Ashdodi, Amoni na Moabu. ²⁴Enusu yambana bhambo bhaairanga ekigambo kya Ashdodi, nawe bhataturanga kuaira ekigambo kya Yuda, nawe obhugambi bho umwi wabhaantu abhandi.²⁵²⁶²⁷Nonse nkabhuranywa nabho, nonse nkabhatema abhandi nokuruta egintunkya gyabho. Nkabhorokya ku Waryubha, no kugamba muta abhaara bhenyu, nawe mutabhatetera abhana bhenyu.

¹Kuhitira kunsiku girya yohana mubhatijaji yaja aragamba eringana kuhitira kwirabhu rya yuda aragamba. ²Mwisuhye kwa okubha obhukama bhwa kurwire bhuringi harigi. ³Kwe ensonga hunu n'go yagambwa na omuroti Isaya akagamba erisi rya omunta unu arabhirikiraa kureka mwirabhu muture obhuhangi kunjira ya omukuru, mugaramburire amahitiro gaye.'''⁴Okubha yohana akebhoha amajoya ga engaamia na omuchipigwa erisero mubhukende bhwaye. ebhyakurya bhyaye bhysbhsngs smsdudu ns obhuki bhwa mwibhara. ⁵Ng'o yerusaremu, yuda yonsego, na entengo yonsego inu erenara muruuji rwa yorodani bhakagya owaye. ⁶Bhabhanga bharabhatiywa naweki murwujirwa yorodani enu bhararusya obhusarya bhwabho.⁷Nawe anu yabharora bhanu bha masarisayo na bha masadukayo bharaja kuweki okubha tijwa akabhabhurya "bhenyu orwibhuru rwa enjoka inu ina esuumu "unu yabhakanya okukenya amanyankyo ganu garaja. ⁸Mwibhure amasumo ganu garendera etobha. ⁹Okubha mutige okwiganirirya na okugambana bhenyu abhene, Turabha nawe iburahimu tata wetu.¹⁰Okubha eshooka emariri okuturwa kamiri gya emiti. bhono okubha omuti gunu gatakwibhura amasumo majomu garagenjwa na okweswa mumururo. ¹¹Ndibhabhatija kwa amanji, kwa orusumo rwa tobha.Nyoore unu arija eguru wani aribha omukuru kunkira oni, naoni ntakwenderwa kugega hata ebhiratu bhyaye, weki aribhatijwa kwa omutima omurabhu na kwa omuriro. ¹²Na eribhiringisho nyaye riringi mukubhoko kwaye kurarabhya bhujomu obhuwanda bhwaye na okukumanya engano yaye mwibhikiro. Naawe arisamba amahitiryo kwa omururo gunu gutariturwa kusimibhwa.¹³Kimwi yeesu akaunjuka kureka gariraya akaika murwiji rwa yorodani okubhatijwa na yohaana. ¹⁴Naawe yohaana akenda okumukan'ya aragamba, "oni ndenda okubhatijwa na uwe, kweki oraja kuoni?'' ¹⁵Yeesu akahunjura akagamba, "nukore ebhego-bhonwego, kwo okubha nigo eratwandera kumara obhuhene bhonsego, ''Kimwiyohaana akamwikiririrya.¹⁶Naawe anu yamara okubhatijwa, okubha Yeesu akareka okuna mumanja, kimwi akamaha orwire rukaesikura kuweki, okubha akarora omutima omurabhu gwa waryubha kureka kuhitira kunguuti na gukekara egunu waye. ¹⁷Kimwi e risi rikareka ku rwire riragamba, ''Hanu n'go omwana wani omuhanje unu ndajomererwa bhukon'gu naweki.''

¹Kimwi yeesu akarokibhwa na omutima kuhika mwirabhu okubha asakibhwe na erisambwa. ²Eginsiku mirongo ena mubhumwamu na mubhurabhu akeegwa omweko. ³Nho, rikaja rikamu kereerya ega, "Nyoore maheene uuwe m-mwana wa waryubha, hunjura erigiina rinu ribhe omukaate.'' ⁴Yeesu akamukyukya ega, "yaang'orwa mu-maragiriryo ga waryubha ega, muntu atakubha na obhuhoru kwa okurya ebhyakurya ebhyenego.''⁵Mbe erisambwa rikamuhira mu-mugigwa yerusaremu rikamwimirirya eguru kukinono kya erisyengerero erikuru rya waryubha. ⁶Rikaamukeerya ega, nyoore maheene uuwe m-mwana wa-waryubha iirekera hansi! kwa okubha yaang'orwa mu-kitabho ega waryubha arikutumira bhamaraika bhaaye naho bhakwangarire. Kweki ega bharaakutumire,'otaaja,' okwikujura kurigina,onyaharike amaguru gaaho.''⁷Yeesu akamukyukya ega, yan'goowa ega, otamusakya omukuru waryubha waaho.'' ⁸Mbe eisambwa rikamugega rikamurirya ku-nkuku entambi bhukon'gu rikamworokya obhutungi obhutungi bhwa ebhyaro bhyonsego kwa eribhaga erimwi. ⁹Rikamukeerya ega, ''Ndakuhaana obhutungi bhwa bhinu bhyonsego kwego uuwe hanu oraansyengere.''¹⁰Yeesu akamukyukya ega, rekanu ogende gyao erisambwa, okubh yan'gorwa ega, omusyengere omukuru waryubha waaho, na omukorere emirimu weeki omwene.''' ¹¹N'go erisambwa rikamutiga rikagya gyaye, Bhamaraika bhakaja bhakamwangarira¹²Mbe yeesu anu yeegwa ega yohana agwatirwe, kahunjuka ku-kyaro kya gariraya. ¹³Akareka najareeti kagya okwikara mu-muugi gwa kaperanaumu, inu eringi mumbarika ya enyanja ya gariraya mugintero gya amajimbo ga zaburoni na Naftari.¹⁴Inu yeyoorokya okumara kirya kyagambwa na omuroti Isaya. ¹⁵Kwa okubha mu-mugi gwa Naftari, kugya mu-nyanja ya yorodani, Gariraya ya ebhyaro. ¹⁶Abhantu bhanu bhanga bhekeri mukimwamu bhakabhumaha obhurabhu obhukuru, na bhanu bhabhanga bhekeri ku-gintengo gya ekiriri kya amabhibhi, eguru wabho obhurabhu bhubhamirikiri.''¹⁷Eribhaga riyo yeesu akaamba okwihigirya na okugamba, "Mwisakirye" okubha obhukuru bhwa ku-rwire bhuringi hangi.''¹⁸Kimwi anu yabhanga aragenda embarika wenyanja ya gariraya, akabharora abhahiri bhabhiri yabhanga simoni unu yabhanga arabhirikirwa peturo na Andurea mura-wabho bharatura emitego munyanja okubha bhabhanga bhategi bhanswi. ¹⁹Kimwi yeesu akabhabhurya, muuje munfate, ndabhakore okubha bhategi bha abhantu. ²⁰Kimwi rumwiego bhakagitiga emitego na bhaka gya nawe.²¹Yeesu anu yenderea anga okureka ayo akabharora abhahiri abhandi bhabhiri, yakobho omwana wa zebedayo, na Yohana omura wabho, bhabhanga bharakonja emitego gyabho akabhabhirikira, ²²Kimwi - rumwi ego bhakatiga eryato na esowabho bhakamuseta.²³Yeesu yaagya akamara gariraya yonsego, areigirya mu-masinagogi gabho, arigirya eringana rya waryubha, na akamweriya amarweri gonsego mu-bhumwi bhwa abhantu. ²⁴Amang'ana gaye gakanyaraga na seria yonsego na abhantu bhakabhareta bhonsego kuweki bharya bhabhanga bhararwara, bhabhanga na amarweri maru-maru bhanu bhabhanga na emiyaaga gya obhusarya, na bhanu bhana-ekitwe na bhanu bha wehnibhwa Yeesu ya yabhawehrya. ²⁵Mubhunene bhwa abhantu abharu bhamuseta kureka gariraya, na dekapori, na yerusaremu na uyahuda na kureka kun'gambo ya yorodani.

¹Mwange okwiyorokya embere ya abhantu bha mukyaro otariija kwanga okunyoora omutuho kureka kutaata unu ariingi murwire. ²Hego hanu murarusya mutatema etarumbeta na okwikumya omwene nkyego abhanafiki bharakora mumasyengerero na mumitaa ega abhantu bhabhakumye, mahene ndabhakeerya bhamara okuramira omutuho gwabho.³Nyoore uuwe orarusya okubhoko kwaho kwa okumosi otakumanya kinu kirakorwa na okubhoko okuryo. ⁴Iri okubha omutuho gwaho gurusibhwe kwa esiri. Ng'o esewenyu unu aramaa musiri arikuhana omutuho gwao.⁵Hanu oranyore orasabha otabha nkya omubhehi kwaokubha bhahanjiri okwimirira okusabho kumasyengerero na embarika wa enjira iri okubha abhantu bhabhamae obhuhene ndabhakeerya bhamara okuramira omutuho gwabho. ⁶Nyoore uuwe anu orasabha soha mukyumba siika ekiseku asabhe kwisewenyu unu aringi musiri. Ng'o esewenyu unu musiri arikuhana omutuho gwao. ⁷Nahanu aranyoora orasabha otahindira indira indira ama ng'ana ganu gatana ensonga nkego abhekyaro bharakora kwaokubha bharamanya ega bharibhe gwa kwamang'ana amaru ganu bharagamba.⁸Bhoono otabha kama bheeki kwaokubha esewenyu amanyiri amenderwa gaaho hata anu akyari kusabha kuweeki. ⁹Kwego bhono ega. Taata weetu wamurwire eriina ryaho rikumibhwe. ¹⁰Obhukama bhwaho bhuuje amega gaho gakoreke mukyaro hanu nkyego murwire heyo.¹¹Otuhane reero ebhyakurya bhyeetu bhya kira orusiku. ¹²Otwabhire amasiri geetu nkyego toonse turabhira abhasiri bheetu. ¹³Otakatusohya mumasakyo. Nawe oturusye kumusarya urya.'¹⁴Erabhe murabhire abhantu obhusarya bhwabho Esewenyu unu arimurwire aribhabhira bheenyu. ¹⁵Nyoore erabhe mutakubhabhira obhusarya bhwabho. Esewenyu ataribhabhira ataribhabhira obhusarya bhweenyu.¹⁶Eguru ya gonsego hanu oranyoore ofungirii otarokya obhusu bhwa ekyabhira nkya abhabheehi nkyego bharakora, kwa okubha bharasisa obhusu bhwabo iri okubha abhantu bhabhamanye bhafungiri. Mahene ndakukerya, bhamariri okuramira omutuho gwaho. ¹⁷Nawe uweanu, oranyora ofungiri haka amaguta omutwe gwao ogye na obhusu bhwaho. ¹⁸Ego etarikorokya embere yaabhantu ofungiririi, Nawe hayo eribha kwisewenyu unu aringi musiri Na esewenyu unu aringi musiri, arikuana omutuho gwao.¹⁹Otebhekira ekibhumbiko kyao omwene mukyaro, hanu ebhibhungi na ekutu bhirasarya anu abhebhi bharabhondora na okwibha. ²⁰Kumwanya gwaho, ibhirikira ekibhumbiko kyao omwene murwire, anu ebhibhungi na ekutu bhitakutura okusarya, na hanu abhebhi bha takutura okubhandora na okwibha. ²¹Kwaokubha ekibhumbiko kyao hanu, ng'o na enkoro yao hanu oribhaho kweki.²²Eriiso nteintara ya omubhiri. Hanu erabhe eriiso fyaho nihoru, omubhiri gwonsego gurijuribhwa na obhurabhu. ²³Hanu erabhe eriiso ryao nisarike, omubhiri gwaho gonsego gwijwiri ekisunte ekikuru. Nyoore erabhe obhurabhu bhunu bhuringimuunsi na ekisunte ekikuru nikisunte ekinene endengo ki?. ²⁴Hatariho hata oumwi unu aratura okwitegerera abhakuru abhabhiri, kwaokubha aribhihirirwa oumwi na okumuanja oundi kasi etari arirusya, kuumwi na okumujeera ohundi. mutakutura kumusyengera waryubha na obhunibhi.²⁵Bhoono ndakuerya, otabha na obhobha kumamenyo gao, okubha oriryaki kasi orinywaki kasi okubha omubhiri gwaho, oribhohaki, Bhoono amamenyo gatari eguru ya ebhyakurya na omubhiri eguru ya emyenda? ²⁶Maha ebhinyonyi bhinu bhiringi kwisaru, bhitakuhamba kora bhitakugesa na bhitakumanya na okubhiika mukitara, Nawe taata weetu wa murwire arabhirisya bhyeeki. Bhoono bheenyu mutari abhajomu eguru yabhyo?²⁷Niki gati weenyu arinyankya aratura okongerya endengo eimwi kubhuhoru bhwa amamenyo gaho? ²⁸Nkwaki murabha na enkubhi kumyenda? itegererera okubha amajomya kumigunda, kya ego garakiina. Gatakukora murimu gatakutura okwibhoha. ²⁹Nkyabhakerya, okubha suremani kubhukuru bhwaye bhonsego atebhohibhwa kuganu.³⁰Nyore waryubha arebhohya amasya kumigunda, ganu garakara orusiku orumwi na ejo gararekerwa mumururo, Bhoono nkwandengoki aribhebhoya bheenyu, bheenyu abhobhuhene obhuke? ³¹Kweego mutabha na obhobha na okugamba, bhoono turiryaki? Kasi ega turinywaki? Kasi ega turibhoha ngibhoki?''³²Kwaokubha abhekyaro bharakora amang'ana ganu na esewenyu wa murwire amanyiri ega murenda gayo. ³³Nawe mutune obhukama bhwaye na obhuhene bhwaaye na ganu gonsego gariturwa kuuwe. ³⁴Bhoono otarora obhoobha kwaorusumo rwa ejo, kwa okubha ejo eriserenerya eyene, kira orusiku yureesa okubha na enyaanko yaaye eyeene.

¹Eribhaga yeesu anu insi okurwa munkuku abhantu bharu bhagya. ²Maha omugenge yaja okusabha embere yaye akagamba omukuru yaringa eyo akamirikiri oratura okukora mbe mjomu. ³Yeesu akaroka okubhoko kwaye na akamukuriya akagamba, ''Ndingi okubha omurabhu Hanu hanu yahanwa obhugenge bhwaye.⁴Yeesu yamubhurya, maha ega otige kugamba omuntu wowonse, ogwate enjira yaye na murokye omwene omukuru na arushe zawadi/ musa yauman'ya kwa ku-bha na unu aramae kubheki.''⁵Eribhaga Yeesu anu yaika kapernaumu, Jemedari yaja owaye akamubhurya. ⁶Akagamba omukuru omkori wa emirimu mani aleli munyumba amitiriri na yanaobhurura bhukon'gu, ⁷Yeesu akamubhurya ,''Ndija na okuwen'ya.''⁸Jemedari akamujibu na okumubhurya omukuru oni tari wahene ega yaje na okusao munsi ya dari yani gamba eng'ana na omukori wa emarimu wani ariwenibhwa. ⁹Ko-kubha oni kasi ni muntu unu yana abhu kuru na ninabho omkuru bhanu bharingi ensi waye. Ndagamba kwa hunu genda na ogende ku-hundi. Nuje huyo yaje na omukori wa emirimu wani kora ega na huyo akore ego. ¹⁰Eribhaga Yeesu anu yegwa ganu yatung'ara na okubhabhurya bhanu bharinga bharamatura ega ndabhabhurya ntanyora okurora omuntu omwenye imani kama unu gati ya Israel¹¹Ndabhabhurya bharu bharija okurya mashariki na magharibi bharikara gati ya emeja amwi na Abrahamu, Isaka, na Yakobho gati ya obhukuru bhwa mkyaryo. ¹²Anu abhana bha omukuru bharyeswa gati ya ekisunte kya kibhara. Anu kuribha na okukura na okusya ameno. ¹³Yeesu akamubhurya Jemedari. Genda kyego wakumya, na okore ego kuhuwe na omukori wa emirimu yawenibhwa gati ya ensa hiyo.¹⁴Eribhaga Yeesu anu yaika ku-nyumba ya Petro yamurora ng'inawabho mkurera waye na Petro areri aringi omuryeri we ehoma. ¹⁵Yeesu akamukuriya mkubhoko kyaye na eoma yaye ekamtiga. Ega akemuka akamba okumukorera.¹⁶Anu yaika kumugorobha abhantu bhakamretera yesu bhara bhanu bhabhuwa na erijini. Na akabhaken'ya na erijini rirya bhanu abharyeri bhakawena. ¹⁷Kyego ganu gakamirika ganu garinga gamariri okugambwa na Isaya omukuru wonse omwene yagega omuryeri waye na yagega na ebhintu bhyetu.''¹⁸Ega Yeesu anuyarora rikusen'ye bhamwi gitiriri yarusha amang'ana go kugya orubhara orundi rye enyanja ya Gariraya. ¹⁹Okubha omwandiki yaja kuweki na okumubhurya omwalimu ndija wowonse anu origya. ²⁰Yeesu akamubhurya, mbweha bhana amatuko na ebhyonyi bhye eguru bhana obhusu, Anu omwana wa Adamu yana ahasi ya okwibhura omutwe gwaye.''²¹Omwafunzi ohundi akamubhurya omukuru amuatire tiga ng'ende okumubhika tata wani. ²²Anu Yeesu akamubhurya ntata na otige abhaku bhabhike abhuku bhabho.²³Yeesu anunyasoa ku bhwato abhanafunzi bhaye bhakagya mubhwato ²⁴maha erenuka eribhoka eguru ya enyanja, kasi ega obhwato bhwakundikiribwa na amabhoka Anu Yeesu yaringa areri. ²⁵Abhanafunzi bhakaja kuweki na okumubhukya bharagamba omukuru tuturye bhetu turenda okukura!''²⁶Yeesu akabhabhurya kwaki murobhao bhenyu muna Imani nke ng'o akemuka na okukewera omuyaga na enyanja na kukabha na uturibu ²⁷mkuu,''Abhasaja bhakagwatwa na okushangaa bhakagamba unu muntu wa namunaki ega anu erijini na enyanja bhiramukumya weki?''²⁸Eribhaga Yeesu anuyaringa yajiri orubhara orundi na ekyaro kyu Magadala abhasaja bhabhiri bhanubhatawariya na erijiniji bhasikana na weki bharinga bhararya mumukaburi na bharinga bharakora obhutindi bhukong'u kasi ega ataringa omusafiri unu aratura okwita kunjirirya. ²⁹Maa bhakora erisi na okugamba, ''Tunakikya okukora kuuwe omwana wa waryubha? ujiri hanu kutunyakya kye eribhaga rikyarikuika?''³⁰Ko-kubha erikundi erinene rya egingurubhe ryaringa rirarisya ataringa are bhukon'gu anu bharinga. ³¹Erijini ryenderera okuraramika ku-Yeesu na kugamba eringi oritubhura okurya tuire kwi erikundi ryu egingurabhe. ³²Yeesu akabhabhurya mugende kwijini bhaka ryao na okugya ku-ngurubhe. Na maaha erikundi lonse rireka okurya mkuku okwikira munyanja na ryonsego rikakwira mumanji.³³Abhasaja bharinga bhararisha egingurubhe bhakenya na anu bhagya mjini bhakabhakerya kira kintu kinu kyaryeyo kubhasaja bhanu bha tamarima na amajini. ³⁴Maha omugi myima gyaja kusikana na yeesu. Anubhamurora bhamubhurya rerye mkyaro kyabho.

¹Yesu akabhabhilikila abholokibhwa bhaye ekumi hamwi no okubhahana obhuturo egulu yo umiyaga emibhibhi, kugikania no ogikenyia no ukuhwenia no ogikenyia no ukuhwenia gonsego gha amalweli na agandi gonse gha amalweli.²Amalina gha abholekelya ekumi na bhabhili nghanu elyokwambha simione nghulya (wonse alabhiilikilwa petro) na andrea mumula wabho, Yakobho mwana wa Zebedayo, na Yohana mumula wabho, ³Philipo, na Bartelemayo, Thomaso, na Mathayo omutojya wamanyolo Yakobo mwana wa Alfayo na tadeo. ⁴Simoni nakananayo, na Yuda Iskaliote, Yabhanga amwangili.⁵Bhanu ekumi na bhabhili Yesu yabhatuma, nabho yabholokelya akaghambha mtagenda olubhulika lumubhelekala abhebhialo na mtakasoha kuu emigi gya abhabhuhene. ⁶Embhalika yaye, mgende kuu mangondi ganugabhula no omogi gwa Islael. ⁷Naho hanumligya, mubhakelye no ukugambha, obhuturo bhwa mulwile bhwahikili.'⁸Muhwenie abhalweli, mwimukye bhanubhakwa, mtulye abho obhugenge na mlusyeho Emiyaga, mwanyole bhusa, mulusye bhusa. ⁹Mtagega egizahabhu, alumasi ne ebhingesu kuu pochi gyenyu. ¹⁰Mtakagega omukobha kuu olugendo lwenyu, ne emyenda gindi, ebhilatu ne egingimbho, kwo kubha omukoli we emilimu aliho nebhakulya bhayaye.¹¹Emigi gyonsegyonse hamwi kijiji kinumlisohamo, mtume unu alabhajomelelwa na mwikale nawe halya nahanu mlihika okwimuka. ¹²Hanumlisoha kuu omugi mukelanie. ¹³Nahombhe omugi gulenda, ubhujomu bhwenyu bhujomie halya, naho hanu omugi gutanoo bhujomu, ubhuhene bhwenyu bhubheho hamwi nabho.¹⁴Naho kuu bhalya bhatalibha pokela bhenyu no okwigwa amangana genyu, kubhunu mlilwaho kuu omugi no omugi gulyo, mwiyeye oluteli lwa amagulu genyu ahasi hayo. ¹⁵Naho ndibhakelya, galibha gwo obhwitegelelu bhukong'u kumugigwa Sodoma na Gomorah kulusiku lwe ehukumu kuluyo omugi guyo.¹⁶Mumahe, ndabhatuma naho kungondi gatigati ye egimbhwa mwitu, kubhuyo mubhe no obhumanyi okubha eginjoka no obhunyohu kubha ebhinyonyi. ¹⁷Mubhe bhangalili na abhantu, bhalibhahila kugya kumabalaja, na bhalibhahila kugya kumabalaja, na bhalibhatema kuu abhakulubhabho. ¹⁸Na mlihilwa embhele ya abhakulu na abhalagililya kuoni unu, abhalagililya kuoni unu, okumanya bhukongu kubheki na kubhialo.¹⁹Ndija hanubhalibhatula kumabhibhi mtalija kubha nobhwobha kuganu gani hamwi kinu ekyokahaila, kwo kubha ekintu kyo kughambha mlihanwa kulusiku luyo. ²⁰Kwo kubha tii bhenyu mlihaila, Naho emitima gwa tata wetu gulihayila mumyoyo gyetu.²¹Omuhili alimwimukila amuhili waye kumwita na esowabho kuu mwana waye, abhana bhalimuka kubhwibhulwa kubhebhuli bhabho, no okubhakolela oluku. ²²Bhenyu mlijimilwa na kila omuntu kwo obhukongu ye elina lyani, naho wonsewonse unualigaganya nahanu galihika omuntu uyo alitulibhwa. ²³Naho hanu bhalibhanyankya kuu omugi gunu, mkenyele omugi gunugulatata, kwo ubhuhene ndabhakelya, mtalibha mugili emigi gyoonse gya Israeli mtalibha yo omwana wa adamu atakahindili.²⁴Omulagilibhwa atali mukuru kuliko omolokya waye, naho omutumwa alingi egulu yo omukulu waye. ²⁵Elesa kuu omulagiribhwa abhe ngo omukulu waye, na ewemilimu kubha omukulu waye nyole bhalamubhilikila omukulu wo omugi Belzabuli, nko kubha ganu gandi bhukongu bhalabhatuka kuu omugi gwaye!²⁶Naho mbhe mtabhobhoha bhayo, kwo kubha gataliho amangana ganu gatolokibhwa, na litaliho linulyabhiswa kulinu litamanyikana. ²⁷Kunu ndabhakelya bhutiku, mkigambhe mumyoyo, na kinumlegwa kuu bhunyohu mumatwi genu, mkigambhe hanumlabhenga egulu ye emigi.²⁸Mtabhobhoha bhalya bhanu bhaleta omubhili naho bhatanabhuturo bhwo okwita omutima. kubhutulo bhwaye, mumwobhohe ulya unu alatula okulusyaho omubhili no omutima eyo kuzimu. ²⁹Bhe kasuku bhabhili bhatakugulibhwa kuu hela nke? naho kuhayo dutaliho unualatula okugwa hansi naho esowenyu yangekumanya. ³⁰Naho mbhe gyabhalwa egintukya gyenyu gyabhalwa. ³¹Mtabha no obhobha, kw okubha munethamani enene bhukongu kasuku bhalu.³²Nego bhono kila umwi alihinda kunsabha embhele ya esowabho oni ndi mulwile. ³³Naho weki ulya alinyanga ya abhantu, nonse honse ndimwanga embhele ye esowabho wani alimulwile.³⁴Mtajakumanya kubha naja okuleta obhuhene mukyalo, ntaja kuleta obhwigwani naho ntanamogi. ³⁵Kwo okubha naja okutula omuntu yegwane ne esowabho wabho, no omuhala kubha ya ngina wabho na omulu amanye ngina wabho kunginabhyala wabho. ³⁶Omubhibhi wo omuntu bhalibha bhalya bho omugi gwaye.³⁷Weki ulya esowabho hamwi nginawabho alibha embhele hale kuoni atalibha hangi kuoni, na unu alimuhanja omunula hamwi omuhala bhukongu oni huyo ntalibhanawe hangi. ³⁸Nawe ulya ataligega omusalabha no okuja kuoni tutalibhahamwi. ³⁹Ulya alituma amaisya aligabhulya, naho weki unualibhulya kuu oni aliganyola.⁴⁰Unu alimukalibhisya alibha yankalibhisilye na oni, unu alimkabhisya oni alibhaamkalibhisilye unuyamtuma weki. ⁴¹Na ulyaalimukalibhisya omuloti alinyola amajomu go omuloti na ulya alimukalibhisya owobhuhene alinyola amajomu go obhuhene.⁴²Wonsewonse unualimuhama oumwiji amanutitu kwo okubha weki mulagilelya ndabhakelya weki atalibhula kwe enjila yonse elijibhu lyaye.''

¹Kwokuibha Yeesu okumaraokubha bhurya abhorokereribhwa ekumi nabhabhiri yemukarya okugya okorokererya okugya okorokerya na kuragirira agati yemigigyabho,. ²Yoana anuringa akyari mwigereja yegwa aringi eguru ya mangana ga kristu yatuma amangana kuitira abhorokeribhwa bhaye. ³Bhakamu bhurya "uhengurya araja au kuno oundi turenderywa okumumairira?''⁴Yeesu akaunjura no kugamba kubheki mgende mu mubhurye yohana ganu mwa rora na ganumwengwa. ⁵Abhantu bhanu bhatakurora bharanyora okurora, ne bhirema bhigende, abhagenge bhogibhwa, abhantu bhanu kweki bhegwe kweki, abhantu bhanu bhakwa bhari yukibhwa kweki okunyora obhuoru nabhantu abhendi bharara giriribhwa engana enjomu. ⁶Naurya yanokwa atakurora obhukongu eguru yani.⁷Eribhaga abhantu bhanu bhemuka, Yeesu yamba okugamba mwisangiryo eguru ya Yohana, "niki mwagyao okuma aha agati ye ribhara eriunguryasi ngisibhwa no mu-yaga. ⁸Okubha nikimwagya okumaaha omuntu unu yebhoa egingi bhogya mororo arekara agati yeginyumba gyabhakama.⁹Okubha mwemka okuroraki-omuroti? n'go ndabhabhurya na bhukongu yomroti. ¹⁰Hunung'o ya ng'orera maha ndamtuma omuhikya wani embere yobhusubhwao hunu aritiyarisya enjira yao embere yao.¹¹Onindabhabhurya obhuene gati yabhanu bhebhurwa na bhakari atariohunuringi omkuru kyahoana omubhatiji okubha aringi amke agati yomkama wamuryire numu nene kukirayohana omu-bhatiji. ¹²Okureka eginsiku gyayohana ombhatiji kweki bhono, obhutemi bhwamuryire nubhwe ginguru, na bhantu bhegi nguru, bhara gega kweginguru.¹³Kwokubha abharoti. ¹⁴Nyoremuri hangi okwikirirya hunu ngeria, unuaraja, hunu yanamatwi gokwigwa Eliya, nayegwe. ¹⁵Hunu yana matwi gokwigwa kwekiyegwe.¹⁶Nkiringanye naki orwibhura runu? ni ki rengwa kyekya bhana bhanu bharaoya ahasi omudira, bhanu bharekara nokubhirikirana. ¹⁷Nokugamba, twabhatemera ekitureri mtabhina .Twabhabhaira, nawemtakura.'¹⁸Kwokubha yohana yaja amunaokurya omkate au okunywa mvinyo, bhakabharagamba, atanasyetani. ¹⁹Omwana wa Adamu yaja okurya no kunywa bhakagamba, maha, omuntu omurino murebhi, abhasani bhabharusya bhobhu syuru na bhobhusarya! kwokubha obhuhene bhwekiriribhwa kumang'ana gaye.''²⁰Yeesuyamba okukanyaemigimunuabhake amangana gaye gokurugurya gako reka kwokubha bhabhanga bhakyari okwisasama, ²¹mbe hue, korezini, ambe hue bethsaisa okubha amangana makuru gakakorekeri tiro na si done garya gakoreka hanu, bhakabheri bhesasamirikare kwokwi bhoa amagunira no kwiaka amabhu. ²²Okubha bhuribha obhuteremu bhwa tiro na sidoni orusiku robhujibhya kuhuhe.²³Uhe, kaperna umu, oramanya orinurwa mpaka murwire? tigoa oritumibhwa mpaka murwire? tigoa oritumibhwa mpaka hansi mkyobho, kyego owa sodoma gakakorekeri amangana amakuru, kyego gakoreka kuuhe, ekabherio na warero. ²⁴Kwokubha ndagamba kuuhega heribha obhunyou kukyaro kyasodoma okwimirira orusiku rwobhujibhya kwokubha uhe.²⁵Agati yeribhagariyo Yeesu yagamba No kukumya uwe tata omkuru wa murwire ne kyaro. kwokubha wabhabhisa amangana ganu abhobhuene no bhumanyi, okufunukura kubhanu bhatana obhusomi kyabha na abhake. ²⁶Tata kwokubha yakujomera egomumesogao. ²⁷Amangana gonsego gakabhijibhwa kuoni okureka kutata atario hunu amumanyire omwana iratata, atario na unu osego omwana yanemba yokumkundukurira.²⁸Mje kuoni, bhenyubhonsego bhanu mranyankibhwa nokuritoerwa ne mijigo emirito, na onindibhamunya. ²⁹Mwiturire enira yani namwiigire kureka kuoni, kwokubha oni mwisuhya no munyou womtima mrinyora obhumunyi bhwemitima gyenyu. ³⁰Kwokubha enira yani enyou nomjigo gwani mnyohu.

¹Eribhagariyo Yeesu yagya orusikurwe sabhato kuitira mumigunda abhoro kereribhwa bhaye bharinga nomweko bhakamba okubhuna emisinokurya. ²Kwokubha abhakuru anubharora gayo, bhakamubhurya Yeesu mairira abhorokereribhwa bhaho bharasarya eriragiriryo bharakora eginsiku ginu gitakwenderwa orusiku rwe Sabhato.''³Kwokubha Yeesu akabhabhurya mtarasoma kyego Daudi ganuyakora, eribhaga yakoranga omweko, amwi na bhantu abhanu bharinga nabho?. ⁴Obhungeni kyego bhwasoa munsiye nyumbha yawaryubha no kurya emikate gyobhorokya ginu gyaringa gitari gyobhuene kuweki okugirya nabheki bhanu bha ringa nabho, nawe atakura na bhasyengeri?⁵Mukyari okusomaagati yeriragiriryo ega agati yorusiku rwasabhato abhakuru munsi yerisyengerero harianu. ⁶Singa mwamanya hinu erorokyaki, ndenda ekyabhira nakitari ekimwenso mtakabha abhajibhibhwa bhanu bhatana obhusarya.⁷Nyoore mukamanyiri orusumo rwa amang’ana ganu, ndeenda okyabhira naho obhusarya mutakabhekuriri abantu bhanu bhatana bhubhibhi, ⁸Kwo kuba mwana wa Adam niwe omukuru wa isabato.''⁹Kweki yeesu akarekarya akagya agati yerisyengerero ryabho. ¹⁰Maha yaringa ho omuntu hunu yamitita okubhoko, mafarisayo bhakamubhurya yeesu, bhakagamba, "mbhe mbujomuokunya orusiku rwasabato?" okubha bhature okumsitakya kwokukora obhusarya.¹¹Yeesu akamubhurya, "niwi agati yenyu, unu aringi nengondi inu ekagwa munsi yerituko orusiku rwe sabhato, hatarimu gwata no kumurusya kwe ginguru munsi yerituko?. ¹²Nikikyobhwera, niki ekinene kyokukira engondi? kwokubha okukora amajomu orusiku rwe Sabato.''¹³Kweki Yeesu akamkera omuntu hurya "somosya okubhokokwao" akakusomosya, kukanyorahobhuoru kyokundi kurya. ¹⁴Nawe abhafarisayo bhakaurukakibhara bhakeriranya kyego bharamusikye bhagya kibhara okwikiririranya bhakakora ekiswanya bharinga bhara tunakyego bharamwite.¹⁵Yeesu anuyamanyariyo akareka hayo abhantu abharu bhamuseta akabhawen'ya bhonsego. ¹⁶Yabharagirirya atarija kumanyikana kubhandi,. ¹⁷Kwaegabhuhike obhuhene, bhunu bhwaringa bhuga mbhirwe na omuroti Isaya, yagamba,¹⁸Maha, omukori wani unu nasora, omuhanje wani, kwa okubha kuweki omutima gwani gwajomerwa, nditura omutima gwani eguru yaye, na orirarika obhukuru Kubhyaro.¹⁹Atarinyanka na okukura kwa eginguru; kwa okubha omuntu wonse wonse atarigwa eriisi ryaye munjira,. ²⁰Ataribhuna erihungu rinu ryajubhurwa, arisimya orutambhi rwonse rwonse rurarusya engesi, mpaka hanu arireta obhujibhya akukira. ²¹No, ebhyaro bhiribha na obhuhari hagati yaerina ryaye.²²Omuntu nyabhurebhe omuhoku na erimumu, unu yatirwa na erisambhwa yaretwa kubhukangati bhwa yaretwa kubhukangati bhwa Yeesu, Akamuhwenya hamwi na gayo omuntu erimumu yahahina na okurora. ²³Omuganda gonsego gwa rugura na okugambha, "Eratura okubha omuntu unu m mwana wa Adamu?''²⁴Nawe eribhaga hanu bhe gwa ekika,bhagambha, "omuntu atakurusya amasambhwa kwa enginguru gyaye omwene na nkwa eginguru gya omukuru wa amasambhwa, omukuru wa amasambhwa. ²⁵"Nawe yeesu yamanya obhwiganirirya bhwabho na okubhakerya" kila obhukama bhunu bhutamiri obhwene bhurasarika, na kira omugi kasi enyumba inu aratana eyene etarimirira.²⁶Ekabha erisambhwa, arirusyaho erisambhwa, nawe arehakana kumutima gwaye omwene. ²⁷Nigaki obhukama bhwaye bhurimirira? kya ego ararusya erisambhwa kwa eginguru gya berizeburi, abharwi bhenyu bha enyuma bharirusya kwa erina ryawi?kwa rinu bharibha mbhajibhya bhenyu.²⁸Kokubha ndarusya erisambwa kwegi nguru gyani gyo mutima gwa waryubhambe obhukuru bhwa waryubha bhwaja kubhenyu. ²⁹Omuntu araturaegaki okusoa munsi yenyumba. ³⁰Wowonse unu atari amwi naoni aringi enyuma yani, nawe hunu atekusanya amwi nahoni huyo aranyaragaya.³¹Bhono ndagambakubhenyu, kira obhusarya no kujera abhantu bharya bhirwa nawe. ³²Nawonse wonse arigamba engana enyuma yomwana wa adamu, riyo bhataryabhirwa nawe unu wonsewonse aragamba enyuma no mutima omurabhu huyo atarya bhirwa, agati ekyarokinu, no kubhakinukiraja³³Amwi okore omti okubha omjomu no musumogwaye, amwiguragusarya omtinerisumoryaye, kwo kubha omti gumanyikeni kwisumoryaye. ³⁴Bhenyu orwibhuro rwenjoka, bhenyunabhasarya, mraturaegaki okugamba amangana amajomu? kwokubha omunwa gurahaira okureka agatiye kibhumbi ko ganunu garingi mumutima. ³⁵Omuntu omuhene agati yekibhumbiko ekijomu mu-mutima gwaye gararwamo amajomu, no mu-ntu omusarya agai yekibhumbiko kyobhusarya bhwo mutima gwaye kurarusya kinu kiringi ekisarya.³⁶Ndabhabhurya kwokubha agatiyo rusiku robhujibhya abhantu bharirusya amasabhu gekira engana inu etanobhuene kuganubha gamba. ³⁷Kwokubha kwamangana gaho oribharirwa hobhuene nawe kumangana gao horijibhubhwa.''³⁸Kweki abhake bhabhangori na bhafarisayo bhakyukya Yeesu bhakagamba, omworokererya twariturenda okurora ekimanyiriryo okureka kuhuhe. ³⁹Nawe Yeesu yakyukya no kugamba, orwibhuro ro-bhusarya norwobhurweri kiratuna ekimanyiriryo, nawe kitario ekimanyiririro ki - nukirirusibhwa kubhenyu kwokubha nikima nyiriryo kyayona omroti. ⁴⁰Kyego bhurya omuroti yona yaringa munsi yenda yenswi enene kwenginsiku egisatu omubhasuno bhutiku.⁴¹Abhantu bhaninawi bharimirira kubhukangati bhwo bhujibhya amwi norwibhuro rwabhantu bhanu na bharikijibhya kwo kubha bhekiririrya kubhurariki bhwa yona numahe, omuntu oundi omkuru kukira yona aringihanu.⁴²Marikia wakusini arimuka kubhujibhya amwina bhantu bhorwibhuro runu nokukijibhya, yaja okureka kubhutero bhwe kyaro okuja okwigwa egintungwa gyaseremani, numahe, omuntu ohundi omukuru okukira seremani aringi hanu.⁴³Eribhaga erisambwa erinyanku ariramu rwako omuntu, riraitaahasi hanu amanjigatari aratunaokumu nyanawe hatakua rora. ⁴⁴Kweki aragamba, ndihinda kunyumba yani inunarwa anuarainda aranyora enyumba erabhibhwe ne eringi bhwahene. ⁴⁵Kweki aragya nokubhareta abhandi emitima eminyanku mu ungati bhanu bharingi abhabhibhi bhukongu okukira weki, bharaja okumenya bhonsego harya ne hari yaye yobhutero erebha embhibhi kukira eyobhu kangati nigwego eribhakyorwibhuro runu orobhusarya.⁴⁶Eribhaga Yeesu anu yaringa akya haira mwisangiro maha, ngi nawabho na bhairibhaye bhemirira kibhara, bhakyatuna okuhaira nawe. ⁴⁷Omu ntu oumwi akamubhurya, "Mahangina wenyu na bhairi bhaho hemiririkibhara, bharatu na kuhaira na uuwe.''⁴⁸Nawe yeesu yakyukya no kumubhurya no kumu-bhurya ngina wabho niwi? nabhairibhani mbawi?. ⁴⁹Wonse yasomosyaokubhoko kwaye kubhorokereri no kuaira mahabha nu mbamai na bhairibhani!. ⁵⁰Kwoku bhawowonse unu arakora amega gatatawani unuaringi mu-rwire, omuntu uyong'o omuiriwani, omu-harawetunamaiwani.''

¹Kuribhagayo Herode yegwa eringana rya Yeesu. ²Akabhurya abhagaye bhaye "Hunu Yohana ombhatigaji yayukiri okurwa mbhaku, kwego eginguru giringi kuweki.''³Kwa okubha Herode yanga angwatiri Yohana na kumwesa gerejani kwa orusumo rwa Herodia, omkari wa Filipo omumra wabho. ⁴Kwa kubha Yohana yamukerya "Bhutari bhujomo kumugesa abha mkari waye". ⁵Heroda akamwitiri nawe yabhobhoa abhantu kwakubha yabharora yamrora Yohana kubha omuroti.⁶Nawe eribhaga rya kuibhurwa Herode hanu, yaika muhara Herodia yabhina gatigati ya abhantu na kumujomererya Herode. ⁷Hanu yahunjura kiri yaraga kwa muma kuwa aramuhama kyokyose kinu arende.⁸Hanu Nginawabho yamshauri yamkerya amuhane omtwe gwa Yohana mkikombe kyaye. ⁹Omkama yarugura kwa kinu omuhara waye yanasabhiri, nawe kwa orusumo rwaye na emimo inu yanga ariri, kwa okubha bhonsego bhanga mbhyokurya hamwi yaragirirya ega niga rikoreke.¹⁰Yaragirirya Yohana mbhatijaji agirwe okurwa mwigereja. ¹¹Abhaturwa omwitwe gwaye gukaturwa eguru kuruhungo akahanwa omuhara waye na akakihira kungina wabho. ¹²Abhahigira bhaye bhakaja okugega omubhiri gwaye na kugubhika, hanu bhamara kukorego bhyagya bhakabhurya Yeesu.¹³Hanu Yeesu yegwa gayo, yarwaho hayo akagya akatira mmashuka akagya rubharika rundi. hanu abhetu bhamanya anu yaringa bhantu bhamgyako kwa amaguru okurwa mmugi. ¹⁴Yesu yaja embere yabho akarora abhantu bhanu bhekumenye, akabhebhira akabhaweniya amarweri gabho.¹⁵Hanu mgorobha yahika, abhehigira bhaye bhaaja bhakagamba, "runu ndubhara rwa mkibhara na orusiku ruhitiri, mnyaraganie abhantu bhagende mbhijiji bhagye okugura ebhyekurya bhyabho.¹⁶Nawe Yeesu akabhabhurya. Bhatige okugenda mubhahane ebhyakurya bhyabho. Nawe Yeesu akabhabhurya. Bhatige okugenda mubhahane ebhyakurya.'' ¹⁷Bhakamkerya "Hanu turungi na emikate etanu na eginswi ebhiri ego.''' ¹⁸Yeesu akabhakerya mgirete hanu.''¹⁹Kwego Yeesu akaragirirya abhantu bhekare hansi mmanyanki, akagega mkate etamu na eginswi ebhiri, Akamahirira eguru murwire akangungya, akasura omukate akabhahawa abhehigiro lohaye bhaane abhantu. ²⁰Bhakarya bhakeguta hanu bhamara okurya bhakakamanya ebhibhara bhya bhyonsego bhyakurya bhakejurya ekumi na bhubhiri. ²¹Bhanu bharya bharinga bhasaja bhiku bhitana nawe bhatabhara abhakari na abhana.²²Yaragirirya abhehigira bhasoha mbhwato, eribhaga ryo akaraga abhantu bharya ragane, bhagende owabho. ²³Hanu bhamara kunyoragana na kugya owabho yatira mkunku okusabha omwene hanu yahika mgarobha yangeyo omwene. ²⁴Nawe hanu obhwato bhwahi hagati mnyanja bhukenda kusikibhwa na amabhoka kwa okubha omukama gwanga muhari.²⁵Kurusiku rwa kanne obhutike Yeesu yabhasu utarira aragenda eguru kumanji. ²⁶Hanu abhehigira ghaye bhamurora aragenda eguru kumanji munyanja, bhobhoa na kugamba ni misambwa" Bhakobhoa na bhakajiriira kwa bhobha. ²⁷Yeesu akabhabhurya akagamba mtereme mtobhoa moni.''²⁸Petro akamkyukya, akagamba, omkuru nyaore ni uwe mburya nije kuwe hayo eguru kumanyi ndagenda. ²⁹Yeesu akamwekerya nuuje "kwego Petro akarwa mubhwato akagenda eguru kumanji okugya ku Yeesu. ³⁰Nawe Petro hanu yarora amabhoka, yobhoa, akamba okusika kugya hansi, akabhurikira na kugamba "omkuru mturya!"³¹Kwobhwangu Yeesu yanyoorosha akubhoko akamwinura Petro na akamkerya "Uwe unu umehmainuke kwaki wanga urabhabhaira?. ³²Ng'o Yeesu na Petro bhatira mbhwato, omutaga gukatenda. ³³Abhehigira mubhwato, bhakamshengera Yeesu na kugamba, "Mahene uwe orimwana wa Waryubha.''³⁴Hanu bhahika kumrambo bhetumira mkyaro kya Genesareti, ³⁵Na abhatu bha orubhara ryo hanu bhamganye Yeesu bhanyaragania amangana mbara gyonsego kumrambo gwonsego, na bhakareta abharwiri kuwenibhwa. ³⁶Bhamsabha bhakunie erujo rya engibho yaye na abharu bhanu bhakunia bhawena.

¹Orusiku rya kasansabha bhaganyirira Yesu okubhagagega weki na Petro na Yakobo, na Yohana omuhiri waye, na akabhagega mpka eguru yenkuku entambi yabho bhene. ²Yaswenibhwa embere yabho , obhusu bhwaye bhwarabha kyomubhasu, nemyenda gyaye bhagirora kama omubhasu.³Maha arya bhareka musa na eriya bharahaira nawe. ⁴Petro yakirirya nakumuura Yesu, "Omukuru mbujomu kubhetu bhene okubhaho aasi hanu, anu oregombe, ndaagaje anu ebhinyumba bhisatu ekimwi kyao ne kimwwi kworusumo musa, nekimwi korusumo rya Eriya."⁵Eribhaga anuyaairanga, maha erisani erirabhu rikabhakorera ekiriri na mahe, ekarobhoka okureka kwisaru, ekagamba, "hunu mwa omuhanje onu ararijomera oni mumwitegerere weki,. ⁶Abheigiribhwa anubhegwa gayo, bhakagwa bhuju bhumbike na bhakobhoha bhukongu. ⁷Nawe Yeesu akaja akabhakunya na akagamba mwimuko waea mutige okobhoha. ⁸Bhonse bhakemukya obhusu bhwabho eguru nawe bhatamurora omuntu atige kubha Yeesu Omwene.⁹Anu bharinga bhareka munkuku, Yesu akabhatuma, akabhakerya, "Mutige okurusya amanganage mbere hanu mpaka aanu omwana wa Adamu anu ariyuka okureka muruku. ¹⁰Abheigira bhaye bhakamubhurya, bhakagamba, "Kwaki abhandiki bharagamba okubha eriya arija rumwi?¹¹Yesu akabhabhurya nokugamba, "Eriya arija mbukweri na ariindya amang'ana gonsego. ¹²Nawe ndabhabhurya bhenyu, Eriya amariri okuja nawe bhatamumanya, enyuma yaye, bhamukorera amangana ganu bharenda bheki, nego nigo omwana wa Adamu arinyankibhwa gati ya mabhoko gabho. ¹³Ng'o abheigiribhwa bhakamanya okubha yaringa aragamba amang'ana ga Yohana Mbatizaji.¹⁴Anu bhahika mumakundi ga bhantu, omuntu oumwi yagenda, akasima amaru embere gyaye akumubhurya, ¹⁵Omukuru, omwabhire omwana wani, ensonga ebheri ne kitwe no kunyanka bhukongu, kweginsiku eginjaru haragwa mumuriro au mumanji, ¹⁶Namureta kubheigiribhwa bhaye. Nawe bhatatura okumuonwa.¹⁷Yesu akakyukya akagamba, "bhenyu oryubhuro runu rutakwikirirya na kinu kyanyamuka, ndikara na bhenyu mpaka ruhaa? ndikara na bhenyu mpaka ruhaa ndikongererya nabhery mpaka ruha mumurete hanu kuoni. ¹⁸Yeesu yakemera, erisambwa rikamurekako, Omumura yawenibhwa eginsa girya girya.¹⁹Yesu akamubhurya, bhakamujira yesu kobhugunyi no kumuhurya, "kwaki tutatura okumukyenya?". ²⁰Yesu akamkerya, "kwo kubha entugwa yenyuninke, obhukweri ndabhakerya, nyore muribha nentugwa yoho enke engeke yorusumo rya haratari, muratura okugubhuya enkuku hinu, n'ganya hanu, ogende erya, nawe orin'ganya na etaribhaho kitu kyinsekyonse kiritutama bhetu. ²¹(Witegerere, aman'gana ge michafa wa 21"Nawe" erisambwa tutakutura okurirusya, ira kwama sabho gokubhoha, gatakurobhoka gati yobhujomu bhwa kare).²²Eribhaga bhakyari, Gariraya, yesu akabhakerya abheigira bhaye, "omwana wa Adamu ariturya mumabhoko ga bhantu. ²³Bharimwita orusiku ryakasatu akayuka. abheigira bhakarugura bhikongu.²⁴Anu bhahika kapenaumu, abhantu bhanubhara kumanya erigoti enusu ye hera bhakamugira Petero no kumwuubhurya, "omwihigirya wenyu araripa erigoti enusu Yehera?. ²⁵Akagamba, "Nigo nawe Petero anuyasoha munsi munyumba, yesu akaaira na Petero rokwamba na kugamba, oretegereraki simioni? abhakama bhe kyaro, bharagega erigoti au omutobhya werigoti okurekahaa? kubhana bhao okureka kubhageni?²⁶Eribhaga Petro anuyagamba, "okureka kubhani" Yesu akabhakerya nabho abhatungwa bharusibhya gati yendihi. ²⁷Nawe tutige okukora abhatobhya bherigoti bhakore obhusarya, genda munyanja, orekere egindobho, ogega ensyi iyo ije mbere, korusumo ryo kwasama omurya gwaye, oranyora murya shekeli umwi, igege obhahane abhatobhya bherigoti kworusumo bhwani na uwe.

¹Eribhaga riyoriyo abheigiribhwa bhakaja owa Yesu no kumubhurya, Niwiaringi omukuru gati yo mukama wa okuryire?. ²Yesu akamubhirikira omwana omuke, akamutura gati yabho,. ³Nokugamba, kwege ndabhabhurya, anumurange okwisasama nokubha kgabhana abhake mutakutura okusoha gati yobhukama bhwa Waryubha.⁴Kyego onse onse arikibhwa kyomwana omuke, omuntu kama uyo mukuru gati yomukama wa kuryire. ⁵Urya onse arigega omwana omuke kwerina ryaye aramuturung'a na weki. ⁶Nawe urya onse unuarinkorerera oumwi gati ya bhake bhanu bharankumwa okusarya, erabhe bhujomu kumuntu uyo erigina erikuru ryo kushera rikabhawa mwigoti ryaye, no kusikibhwa munsi munyanja.⁷Mroabhakan'ya kukyaro kwokubha eribhaga ryo kujimibhwa? kokubha etana bhukong'u kweribhaga riyo okuja, nawe kuweki omuntu urya eribhaga riyo anuririja korusumo ryaye. ⁸Okubha okubhoko kwao nokuguru kwao anukurakukurere okuji mibhwa, okubhuture na ogyese are auwe, mbujomu hukong'u kuuwe okusoha kubhuhoru obhe otana kubhoko nokubha nekibhera, no kwesya mumururo gya koko no kubha na mabhoke gonsege na maguru gonsego.⁹Okubha eriso ryao rirasarike, orihe oryese are nauwe, mbujomu bhukong'u kuuwe osoe kubhuhoru na riso rimwi, okutiga okwesya mumururo gya koko anuorabhe na mese gonsego.¹⁰Mumairire okubha mutige okujera oumwi wa bhake bhanu, kwensonga ndabhabhurya okurya kurirye maraika wabho nsiku gyonsego bharamairira obhusu bhomukuru wetu unu aringi kuryire. ¹¹(Mukomererye, amangana ganugara robhoko agomsitari 11, ''Kokubha omwana wa adamu yaja okuturya kinu kyanga kibhuriri, gatarobhoka gati njomu gya kare).¹²Oreganiriryaki, anu omuntu arabhe na magondi miamoja oumwi wabho akabhura, arabhatiga tisini na tisa munkuku okugya okumutuna oumwi unu yabhura?. ¹³Anu yamara okumunyora, nawe ndabhabhurya, arajomerwa okutiga bharya tisini na tisa bhanu bhatabhura. ¹⁴Ego ego gatari amega go mukuru wetu wa kuryire okubha oumwi bhake bhanu abhasikye.¹⁵Anu omuiri wao arakusarirye, ogende omorokye obhusarya bhunu bhurio gati yaye na weki anuara bhe omwene anu araakwitegerere, orabhe omureteri omuhiri wani. ¹⁶Nawe anuarange kukwigata, mugege omuhiri oumwi ama bhabhiri nabharu amwi na weki, kokubha mashaidi bhabhiri ama bhasatu kiraengana erekiribhwe.¹⁷No kubha anuarange okubhetegerera, ribhurya erisyengerero engana iyo, anu aratigite bhuryabhurya okuritegerera erisyengerero onse abhe kyomuntu wa mukwaro nomutobhya werigoti.¹⁸Obhukweri ndabhabhurya, kinukyonsego kinu murakisibhure mukyaro na kuryire okusibhurwa. ¹⁹Kweki ndabhabhurya ega nawe abhantu abhabhiri gati yenyu bhekiririranya eguru yamanga na gonsego mukyaro bhanu yasabha, ego omukuru wetu wa kurijire arikora. ²⁰Kokubha abhabhiri ama bhasatu bhakekumanya amwi kwerina eryani oni ndingi gati yabho.²¹Kweki Petro akaja nokumubhurya Yeesu, " omukuru, ammara karinga muhiri wani anu aransarirye oni ndamwabhira? Hatamara muungati?. ²²Yeesu akamuubhurya, "Ntakukubhurya mara muungati, nawe hata mirango muungati mara muungati.²³Kwokubha ego omukama wa kuryire nkego omukama rebhe anuyendanga okutura tiki amasabhu okureka kubhagaya bhaye. ²⁴Anu yamba kutiki amahesabhu, omugaya oumwi akahirya oyaaye unu yaringa anamudai taranta bhiku ekumi. ²⁵Kokubha atanga nanenjira yokuripa, omujkuru waye asahagurye mukye hamwi nabhana bhaye na kira ekintu kino bhanga nakyo, na mariho gakoreke.²⁶Nigo omugaya yagwa, akasima amaru embere yaye, akagamba, omukuru,'' Obhe na obhyikongereru amwi naoni, ndikuripa kira ekintu. ²⁷Kwego omukuru wa urya omugaya, kokubha yasukumwa bhukongu ne kyabhira, yamuhatira nokumwabhira esiri iyo²⁸Nawe omugaya urya yarekaho na okumunyora oumwa gati yaabhagaya bharikyaye, unuyaringa aramudai denari mia, yamuruta akamunta mwimiro, no kumwubhurya, ndipa kinundakudai, ²⁹Nawe urya omugaya murikyaye yagwa no kwisasama bhukongu, akagamba, abhe mwiko ng'ereru naoni, ndakuripa.'³⁰Nawe omugaya urya okwanza yanga, enyuma yaye, yagya nokumwesa erigereja, mpaka anu arimripa kinu yanga aramdai. ³¹Anu bhabharora abhagaya bharikiaye kinu kyarobhoka bharuguribhwa bhukongu bhaja nokumwurya omukara bhabho kinu kyarobhoka.³²Ng'o omukuru wa bhagaya urya yabhabhirikira, nokumwubhurya uwe omugaya omusarya, nakwabhira uwe esiri ryani ryani ryonsengo kwokubha yansansama bhukong'u. ³³Etanga erenderwa okubha nekyabhira kumugaya murikiaye, kego oni nakwabhira uwe?³⁴Omukuru waye yajima nokuugwatya omuunyakya mpaka anu aririna endego yonsego inu yaringa aratongwa. ³⁵Hega nigo tata wetu wamurirye anu aribhakorera, nawe kila oumwi wenyu arimwabhira omuhiri waye okureka munkora yaye.''

¹Kwa okubha obhukama bhwa murwire bhurahunkana omwene omugunda, unu yeemuka nyunkyo juri okutuna abhakori abheemirimu gya omugunda gwaye ogwa emijabhibhu. ²Hanubhaamara okwikiriran'ya na abhakori abhaemirimu kuhera eimwi kurusiku, yabhakeerya okugya mumugunda gwaaye ogwa emijabhibhu.³Anu gyaahita nsa esaatu akarora abhakori abhaemirimu abhandi bhaanga bhemiriri bhatakukora emirimu hangi na omudira. ⁴Akabhakerya, mwonse mugende kumugunda ogwa emijabhibhu, kinu kyoonsego kiribhusiima ndabhahaane. Bhakagya okukora emirimu.⁵Hanu ensa esansabha gyaawa akagya na kuunsa eya keenda, na yaakora ego ego. ⁶Kwibhaga erundi kweeki agya kuunsa ekumi na eimwi, yaagya akanyoora abhantu abhandi bhemiriri bhatana emirimu. Akabhakeerya, nkwaaki mwimiriri hanu mutana emirimu gyonse gyonse orugima?. ⁷Kwa okubha fukyaari kunyoora omuntu unu yatuheeri emirimu. Akabhakeerya nabheenyu mugende mumugunda ogwa emijabhibhu.'⁸Hanu yaahika mugoroobha, omwene omuganda gwa emijabhibhu kamukerya omwimiririri owa omugunda, Bhirikira abhakori abha emirimu obharihe emyooso gyaabho, wambire unu otereeriko na owa obhukangati. ⁹Hanu bhaaya bhanu bhaanga bhaherwe emirimu eribhaga erya ensa ekumi na imwi bhonseego bhanyoora dinari. ¹⁰Hunu bhaaja abhakori abhemirimu bhanu bhaamba, bhakamanya bharakirye abhandi, nawe bhakahanwa kiring'anya bhonseego.¹¹Hanu bhaamara okuribhwa, bhakeng'eherya kumwene omugunda. ¹²Bhakagamba, abhakori abha emirimu abhandi bhakoreri emirimu ebhaga rya nsa imwigo nawe otuheeri kiring'ana na bheetu, bhetu tugegeri omujigo kwa orusiku orugima na okurungura na eribhirara.'¹³Nawe omwene omugunda akakeerya oumwi waabho omusaani, ntakoreri engana embibhi. Bhono! tutekirirenye na oni kwa eraimwi?. ¹⁴Geega kinu okoreeri emirimu ogye gyao, Nkwenda kwaani okubhahaana abhakori abha emirimu bhanu bhatigiri kiriingana na uwe.¹⁵Bhono! etari bhwaahene kuoni okukora kinu ndeenda na ebhintu bhyaani? kasi eriiso ryaao ni ebhibhi kwa okubha onindi waaheene?. ¹⁶Kweego owenyuma aribha owa embere na owa embere aribha owenyuma''¹⁷Hanu Yeesu yatiraanga okugya yerusaremu, akabhageega abhehigira bhaaye ekumi na abhabhiri embarika, kunjira akabhakeerya, ¹⁸Maha turaweera Yerusaremu, na omwana wa Adamu aratuurwe mumabhoko. ¹⁹Bharamurusya kubhantu abha ekyaaro naho bhamurege, okumutema na okumunyaankya. Nawe orusiku orwa kasaatu ariyuuka.''²⁰Ng'o ng'ina waabho abhaana bha zebedayo akaaja kuyeesu na abhaana bhaaye. Yeegama embere waaye na okumusabha ekintu kurwa kuweeki. ²¹Yeesu akamukeerya, "oreenda eki? Akamukeerya, "Yaamura ega abhaana bhaani abhabhiri okwa obhuuryo na oundi yeekare okubhoko kwa obhumosi kubhukama bhwaao.''²²Nawe Yeesu akamukeerya akagamba, otamanyiri kinu orasabha. Bhoono orature okunyweera ekikoombe kinu ndinyweera? bhakamukeerya "turatura". ²³Akabhakeerya ekikombe kyaani obhuheene murikinyweera. Nawe obhwikari obhwa okubhoko okurya na kubhoko okumosi ntari oni unu ndabhahaane, nawe nkubhanu bhaamara okusorwa na taata waani. ²⁴Abheehigira abhandi ekumi anu bheegwa ego, bhakaruguura bhakongu na abharikyaabho abhabhiri.²⁵Nawe Yeesu akabhabhirikira abheene akabhakeerya, mumanyiri ega abhakuru abha ebhyaaro bhari bhoobhohya na abhakuru bhaabho bharibhahinda eguru wabho. ²⁶Nawe etakabha ego kubheenyu unu areende okubha omunene kubheenyu unu arabhakorera emirimu gyenyu. ²⁷Unu aribhakangarira kubheenyu abhe omukori owa emirimu gyeenyu. ²⁸Kyeego omwaana wa Adamu ataja kukorerwa, nawe yaaja okukora, na okuruusya obhuhoru bhwaaye kutuurya bhaaru.''²⁹Hanu bhaareka yeeriko omuganda omunene gukamuseeta. ³⁰Bhakarora abhahoku abhabhiri bheekeeri embariika owa eribhara bhara. Hanu bheegwa yee yaanga arahiita, bhakatiirya eriisi na okugamba, "omukuru, omwaana wa Daudi otwaabhire. ³¹Nawe omuganda gukabhakanya, bhakabhakeerya mukire. Nawe bheeki bhakariirya eriisi bhukongu na okuyumba, "omukuru, omwana wa Daudi otwaabhire!!³²Ng'o Yeesu akeemirira akabhabhirikira na akabhabhury, " mureenda mbakorereki?. ³³Bhakamukeerya, omukuru ameeso geetu garoore. ³⁴Ng'o Yeesu, akagwaatwa na ekyaabhira, akakuun'ya ameeso gaabho, kwego bhakanyora, obhuturo obhwa okurora na bhakamuseeta.

¹Hanu Yeesu na abheehigira bhaaye bhaahika hangi na omugi gwa yerusaremu, bhakaika orubhaara rwa ekijiji kya Bhetifage, munkuku ya Emijeituni. Nho, Yeesu akabhatuma abheehigira bhabhiri,. ²Akabhakeerya ega, "Mugende mukijiji kinu kiringi embere weenyu. Hanu mwakasohe muyo, mwakarore entikiri ebhoherwe hayo, hamwi na ekimori kyayo. Mugisibhure, mundeetere hanu. ³Nyoore omuntu wowonse yakabha bhuurye ega, "Murahira-ha entikiri giyo, mumukyuke ega, "omukuru aragyenda, wonse yakabheekiririrye muuje nagyo''⁴Gayo gonsego gaakoreka ego, naho rikunaane ering'ana rinu wayubha yaagamba kwa enjira ya omurooti waaye ega. ⁵"Obhakeerye abhantu bha mumugigwa sayuni ega, "maaha, omukama weenyu araaja kubheenyu, m-munyoohu, araaja yeekeeri kuntikiri, na entikiri iyo kikyari ekimoori.⁶Mbe, abheehigira bhaaye, bhakagya, bhakakora kya ego yeesu yaabhakeerya. ⁷Bhakareeta entikiri na ekimoori kyayo, bhakabharya-ko emyenda gyabho, na yeesu akariina akariina akeekara eguru ya emyenda giyo. ⁸Hayo haaringa-ho na omuganda omunene gwa abhantu, omuganda guyo gonse, bhakabharya emyenda gyabho kunjira abhandi bhakatabhura amasagi ga emiti na okugatuura kunjira.⁹Abhantu bhanu bhaaringa bhakangatiri na bhanu bhaamurwanga - enyuma, bhaagambanga kwa erisi erinene ega, "Agungibhwe omuhiiri Daudi! Anonkerwe unu araaja kwa eriina rya omukuru waryubha! Agungibhwe waryubha unu aringi murwire". ¹⁰Hanu Yeesu yaasoha mumugi gwa Yerusaremu, omugi gonsego gukaruguura bhukong'u Abhantu bhakaamba okubhuuran'ya ega, 'unu niwi?. ¹¹Omuganda guyo gukabhakyukya ega, "unu n-yeesu! m-murooti urya owa mumugi gwa majareeti mukyaro kya gariraaya.''¹²Nho, yeesu akasoha murubhanja rwa erisyengerero eikuru rya waryubha, Hanu yaasoha muyo, akanyoora abhantu bharagurya na okugura ebhintu muyo, akabhakenyiya bhonsego, akagwisya egimeja gya bhanu bhaaringa bharaswenya egimbirya na okugwisya ebhitumbi bhya bhanu bhaaringa bharagurya eginguuti. ¹³Yeesu akabhakeerya ega, "Eng'orerwe mu mang'ore Amarabhu ega, "Enyumba yaani eribha enyumba ya amasabho, Nawe bheenyu muikoreri okubha erisana rya abheebhi'. ¹⁴Mbe eribhaga yeesu yaaringa akyari mwisyengerero muyo, abhakuru na abhabheeru bhakaaja kumwene, wonse akabhahwen'ya.¹⁵Nawe, abhasyengeri abhakuru naabheehigirya bho amaragiriryo bharagamba kwa eriisi erinene mwisyengerero muyo ega, "Agungibhwe omuhiiri Daudi" kwa ekisigo kiyo bhakajima bhukong'u. ¹⁶Bhakamubhuurya yeesu ega, "Bhoono, oreegwa ganu abhaana bhanu bharagamba? Yeesu akabhakyukya ega, "Ndeegwa. Bhoono, mutarasoma amang'ana ganu gaang'orwa mu-ma ng'o Amarabhu ega, "Wiseemerye eginkuma gyaho, okuhitira eminwa gya abhaana abhake na abharera?. ¹⁷Yeesu akabhatiga hayo, akarwa mumugi gwa yerusaremu, akagya okuraara mukijiji kya Bhetania.¹⁸Nyenkyo wendeko, hanu yeesu yaaringa arahunjuka yerusaremu, akeegwa omweko, ¹⁹Nho, akarora omuti gunu gurabhirikirwa ega, omutini embarika wa enjira Akasuntara hangi, akanyoora gutana emisumo gyogyonse, nawe gwaringa na amasya ageenego. Akagwihiima ega. "Uuwe otaryama emisumo kweki kora orusiku orumwi? . Hayo hayo, gukooma.²⁰Hanu abheehigira bha yeesu bhaamaaha gayo, bhakarugura bhakong'u. Bhakamubhuurya ega, "omuti gunu goomeri rumwigo na nyomaki?. ²¹Yeesu akabhakyukya ega, "Ndabhakeerya obhuheene ega, nyooremurramwikirirya waryubha na mutaana enkubhi, na bheenyu murikora rinu rikorekeri kumuti guyo kweki mutarikora riyo eryenego, nawe kora mukaakeerya enkuku inu ega, ihika na wiyese munyanja, ryionse rirakoreka. ²²Nyoore muuna eimani, kyokyonse kinu murasabha ku waryubha, murihaanwa.''²³Yeesu akasoha kweki murubhanja rwa erisyengerero erikuru rya waryubha, hanu yaaringa areehigirya muyo, abhasyengeri abhakuru na abhakaruka bha ekiyahudi bhakamugya-ko.Bhakamubhuurya ega, "Amang'ana ganu orakora, oragakora kwa obhutungi bhuyo?". ²⁴Yeesu akabhakyukya ega, "Na oni nonse ndabhabhuurya ering'ana rimwi, mbe, nyoore muraakyukye riyo, na oni ndabhakeerya kwa obhutungi bhwa wi ndakora ganu.²⁵Bhoono, obhutungi bhwa yohana obhwa okubhatiija abhantu, bhwarwa-ha? Bhwarwa ku waryubha kasi kubhantu? "Nho bhakaamba okubhuurariya abheene kwa abheene ega, "Nyoore turaakyukye ega, bhwarwa ku waryubha, aratubhuuriya ega, "Bhoono' ndeegwa muta amwikirirya? ²⁶Kweki, nyoore turaakyukye ega, bhwarwa kubhantu, turoobhoha omuganda gwa abhantu bhanu, kwa okubha bhonsego bhaana abhuheene ega, yoana yaaringa m-murooti". ²⁷Kwa ega bhakamukyukya ega, "Tutamanyiri" mbe, Yeesu wonse akabhakeerya ega, "Na oni nonse ntakubhakeerya ndakora ganu kwa obhutungi bhwawi.²⁸Yeesu akagendererya okugamba ega, "Bhoono, murarora egaki eguru ya ekirengyo kinu? yaaringa -ho omuntu oumwi unu yaaringa na abhaana abhabhiri. Akagya kumwana wa okwamba, akamukerya ega, "Omwana waani, reero genda okore emirimu mumugunda gwani?. ²⁹Omwana waaye uyo akamukyukya ega, "Ntakugya? Nawe, akamara akahunjura ametegerero gaaye, akagya akakora emirimu. ³⁰Kweki, esewaabho akagya kumwana waaye owa kabhiri, na okumukeerya kya ego yaamukeerya owa okwamba urya, wonse akamukyukya ega, "Ndagya taata! Nawe, ataagya.³¹"Bhoono, gati ya abhabhiri bhayo, ng-uuha unu yaakora kya ego esewaabho yeendanga? "Abhasyengeri abhakuru na abhakaruka bha ekiyahudi bharya bhakamukyukya ega, "Ng'-urya owa okwamba" Nho, yeesu akabhakeerya ega, "Ndabhakeerya obhuheene ega abhatobhya bha erigooti na abhasimbe bharibhakangatira okusoha mubhukama bhwa waryubha. ³²Yoana yaaja kubheenyu, naho abhooro kya enjira ya obhuheene, bheenyu mutaamwikirirya. Nawe, abhatobhya bha erigoti na abhasimbe mbo bhaamwikirirya, kora, bheenyu hanu mwarora gonsego gayo, mutaahunjura ameetegerero geenyu na okumwikirirya.³³Yeesu akagendererya okubhakeerya abhasyengeri abhakuru na abhakaruka bha ekiyahudi bharya ega, "Mwitegerere ekirengyo ekindi, Yaaringa-ho omuntu oumwi unu yaaringa na omugunda mumugunda muyo, akahamba-mo- emijabhibhu, akamara akagugitirira orubhago, akasimba,-mo erituko rya okumitira mo emijabhibhu, na akahagaja-mo obhutara obhutambi bhwa okurindira ko. Akamara akabhakodisirya abharimi nyabhurebhe omugunda guyo, akagya orugendo. ³⁴"Hanu eribhagarya okugesa ryahika, omwene omugunda akatuma abhakori bha emirimu bhaaye kubharimi bharya, naho bhagende bhamugegere omugabho gwaye gwa omugeso.³⁵Nawe, hanu bhaahika mumugunda murya, abharimi bharya bhakabha gwata, oumwi, bhakamutema, oundi bhakamwita na oundibhakamute ma na amagina. ³⁶Kimwi, omwene omugunda urya, kweki akatuma abhakori bha emirimu abhandi, abhaaru okukira abhambere bharya. Hanu bhaahika, abharimi bharya bhakabhakorera kya ego bhaabhakorera abha mbere bharya. ³⁷Kubhuteero, akamutuma omwana waye kubharimi bharya. Akeeganirirya ega, unu m-mwana waani, weeki bharaamusuuke.'³⁸Nawe, hanu abharimi bharya bhaaurora omwana uyo, bhakagambana ega, unu ng'o omugabhi wa omugunda gwa esewaabho, mbe, tumwite, naho bheetu tugege engabho yaaye. ³⁹Mbe, bhakamugwata, bhakamuruusya mumugunda murya, bhakamwita.⁴⁰"Mbe bhoono, hanu omwene omugunda arihunjuka okurwa kurugendo rwaye, aribhakora egaki abharimi bharya?. ⁴¹Bhakamukyukya ega, "Aribheeta bhubhiibhi abhasarya bharya, na omugunda gwaye aribhakodisirya abharimi abhandi bhanu bharimuhaana omugabho gwa omugeso kwibhaga ryaye.''⁴²Nho, yeesu akabhakeerya ega, "Bhoono, mutarasoma ganu gaan'gorwa muman'gore amarabhu? Gaang'orwa mu man'gore amarabhu? Gaang'orwa ega, "Erigina rinu abhahagaji bhaangiri ndyo ryabheeri erigina erikuru rya obhurusa. omukuru ng'o akareri ering'ana riyo, ryonse, n-kiruguuro kubheetu?'⁴³Yeesu akoongerya okugamba ega, "Kwa okubha munyangiri, ndabhakeerya ega, waryubha ariruusya-ho obhukama bhwaye kubheenyu, na okubhahaa na abhantu bha ebhyaro ehindi bhanu bhariibhura emisumo kurusumo rwaye. ⁴⁴Omuntu wowonse unu arigwa kwigi na riyo, aribhunikabhunika, na omuntu wowonse unu erigina riyo ririmugwira, ririmubhondarabho ndora.''⁴⁵Hanu abhasyengeri abhakuru na Abhafarisaayo bheegwa ebhirengyo bhya yeesu, bhakamanya ega, mboarahairira. ⁴⁶Kwa ego, bhakatuna enjira ya okumugwata. Nawe, bhoobhona omuganda gwa abhantu, kwa okubha bheeki bhaaringa bharamwikirirya ego, mu-murooti.

¹Yeesu yarwa mwisyengerero nokugya gyaye. Abhehigira bhaye bhamuseta na okumorokya amatutura ga Erisyengerero. ²Nawe yabhakyukya nokubhakerya, Mutakugarora amagnana gayo gonsego? Mahene nda bhakerya rutaru - ho erigina rinuririsaga eguru werindi ritanymwirwe.''³Na anu yaringa munkuku yemijeituni. Abheigira bhaye bhamuseta kabhegyo na okumukerya Tubhurya amang'ana ganu garibhukari? nkiyakiribha ekimanyiriryo kyokuja uwe na obhutero bhwekyaro?. ⁴Yeesu yabhakyukya nokubhakerya " mwangarire atakaja omuntu okubhabhurya. ⁵Kokubha abharu bharija kwerina ryani Bharigamba nani Kiristu, na bharibhabhurya bharua.⁶Murigwa erihe na omujujumo gwerihe mumairire mutarija okubha na obhobha kokubha amang'ana ganu garenderwa gebhuka Nawe obhutero bhurya bhukyari. ⁷Kokubha ekyaro kirimuka eguru wekyaro ekindi na obukama eguru yobhukama eribhaho enjara na ebhirigitibhya erirobha ahasi aruharu. ⁸Nawe amang'ana gayo gonsego mbwambwabho hururu bhakwibhura.⁹Ng'o abharu bharibharusya kurusumo rwenyako na okubheta murijimirwa na abhyaro bhonsego kwerina ryani. ¹⁰Ng'o bharikujura na okuririrana eniku na okujimirana abhene kwa bhene. ¹¹Abharoti abharu bhobhubhey bharibhuka na okubhang'ena abharu.¹²Kokubha obhusarya bhuryaruha obhuhanje bhwa abharu bhurimitita. ¹³Nawe unu arigumiririrya mpaka kubhutero arituribhwa. ¹⁴Ering'ana ryo obhukana ririrarikwa mukyaro kyonsego kyobhubhwimiririr kumakabhirra gonsego Na ng'o obhutero bhurya bhurihika.¹⁵Kwego anu murimaha obhujimya bhobhusarya rinu ryagambwa nomuroti Daniel rimiriri ahasi aharabhu unu arasoma na amanye. ¹⁶Ng'o bhanu bharingi Yuda bhakenyere munkuku. ¹⁷Na unu aringi eguru worusara rwe nyumba atakeka hansi okugega ekintu kyokyonse okurwa munyumba yaye. ¹⁸Na unu aringi kumugunda hatainda okugega engibho yaye¹⁹Nawe tiga orore bhanu bhanomwana na bhanu bharamenya kuginsiku giyo. ²⁰Musabhe ega okukenya kwenyu kutabha eribhaga rya embeto, kura orusiku rwesabhato. ²¹Kokubha eribhaho enyinko enene mu etaka wairi okubha okwambira kyego ekyaro kya bhumbwa mpaka bhonwego na kora etaribhaho kweki. ²²Anu eginsiku giyo anu gitengiibhwa atariho unu akaturiibhwe nawe kurusomu rwa abhasorwa eginsiku giyo girye ngiya.²³Kweki ekibha omuntu wowonse aribhakerya maha kirisitu arihanu! kasi kirisitu arirya mutige okwikiriya amang'ana gayo. ²⁴Kokubha bhakiristu bhobhuei na abharoti bhabhubei bharija na okorokya ebhimanyiriryo ebhinene na ebhika nawe bhanyore okubhurya nyore ekyaturikeni kora na abhasorwa. ²⁵Mumahe mbakererye amang'ana gayo gakyari okwibhuka.²⁶Kwego anu bharibhabhurya, Kirisitu aringi mukibhara mutagya mukibhara eyo kasi mumahe aringi munyumba mutakekirya amang'ana gayo. ²⁷Kyego orumesyo ruramesya kureka oribhara undi rwekyaro mpaka orubhara orundi nigo eribha okuja kuomwana na Adamu. ²⁸Wowonse anu obhugunde bhuringi ng'o amatonyi garekumnya.²⁹Nawe anu enyanko ya eginsiku girya anu arima eryubha ririkundikiribhwa na ekisude omweri gonse gutarirusya obhurabhu bhaye eginjota girigwa okurwa murwire na eginguru gya murwire girisingisa.³⁰Ng'o ekimanyiriryo kyio omwana wa Adamu kirireka murwire na eginganda gyonsego gya mukyaro girifumba bharimurora omwana wa Adamu araja kurega mumasaru ga murwere Kweginguru na ubhurabhu obhunene . ³¹Aribharagirirya bhamaraika bhaye kwa erisi, erinene rya enkombi bhonse bhanbhakumnya hanu abhasorwa bhaye okuma egimbara ona gyekyaro kureka kubhutero obhumwi bhorwire mpaka obhundi.³²Mwiigire erisomo okurwa kumitini anu erisaga rirasebhuka na okurusya amasya muramanyega erirangara rihikiri. ³³Kweki ego amurirora amangana gayo gonsego murenderwa okumanya ega bhuhikihangi na ebhuseku.³⁴Mahene ndabhakerya orubharo runu rutahita mpaka amang'ana gonsego ganu garibhuka. ³⁵Orwire na ekyaro bhirihita name amangana gani gatarihita.³⁶Name orusiku rurya na amasa atari omuntu unu amanyiiri kora bhamaraika bha murwire kora omwana name ntaata omwenego.³⁷Kyego yaringa kuginsiku gya Nuhu nigo eribha okuja komwana wa Adamu. ³⁸Kokubha kwibhaga rya eginsiku giyo egarika etaraja abhantu bhanga bharaeya na okunywa bharagabhura na okugabhurwa mpaka orusiku rurya muhu yasoha musefina. ³⁹Na bhatamanya ekintu kyokyonse mpaka amu egarika yaja na okubhasikya bhonsego nigo eibha okuja komwana wa Adamu.⁴⁰Ng'o abhantu abhabhiri bharibha mumugunda amwi arigegwa noundi aritigma. ⁴¹Abhakari, abhabhiri bharibha bharasya amwi oumei arigegwe na oumwi arisaga. ⁴²Kwego mwangarire kokubha mutamanyiri ndusikuki runu arija omukuru wenyu.⁴³Nawe mumanyega okanyoreri omwene nyumba amanyiri ninsaki inu omwibhi araja akatengejeri na atanga arekirirya enyumba yaye okusohererwa. ⁴⁴Kwego murenderwa okubha bhwahene kokubha omwana wa Adamu arija mugnsa ginu mutamanyiri.⁴⁵Kwego niwi aringi omuhene omugaya abhuhene unu umokuru waye amahari mutungi eguru yabhanu bharingi mungumba yaye okubha abhahane ebhyokurya eribhaga rinu rirenderwa?. ⁴⁶Anonkerwe omugaya uyo unu omukuru arimunyora arakora ego eribhaga rinu araja. ⁴⁷Mahene ndabhakerya okubha omukuru arimutuura wekira ekintu kyaye.⁴⁸Nawe onyore mugaya omusarya aragamba mumutima gwaye omukuru wani atigitiri. ⁴⁹Na akamba okubhatema abhagaya bhaye na akarya na okurema anarwa. ⁵⁰Omukuru omugaya uyo arija kuginsiku ginu gitakumanyira na iginsa ginu gitakumanyama. ⁵¹Omukuru waye arimubharura ebhibhara ebhibhuri na okumutura ahasi ahanu kya abhabheyi anu aribha obhukuri na okusya amana.

¹Ginke gha ghinu yeesu yamara okugabha gosego gayo, akabhabhurya abheigiribha bhaye. ²Mumanyiri okubha yegisiku egibhiri kuribha na sikukuru ya Pasaka, na mwana wa adamu arirusibha iri ateswee.''³Nawe abhakuru bha rishengerere na bhakaruka, bha bhantu bhasikana amwi kumweya ghobhukaro mukuru unuyabhiriki rwanga kayafa. ⁴Kubhumwi bhakasemya obhungeni bho kumugwata Yeesu kobhugunyi na bhamwite. ⁵Okubha bhagabha, etakoreka kumweya ghesikukuru, okubha etarija okukora bhamanye abhantu abhandi.''⁶Omweya gunu yaringa Bethania kumweya ghe nyumba ya simoni omugenge. ⁷Amuyaringa yanyoroserye kumeja omukari omwi yaja kuweki egegeri mukebhe ghaa arabasta inuyaringa namaguta gho bhojomu bhunene, nagetikirira eguru yomutwe gwae. ⁸Nawe abheigiribha bhaye anubharora eghana iyo, bhakabhiirwa na kugabha "Niki okubha obhunabhi bhunu. ⁹Nganu ghakaguribhe kwabei yaguru na kuanwa abhataka.''¹⁰Nawe Yeesu, yanga amamjiri rinu, akabhabhurya, "kwaki muramunyakya omukari unu? okubha akureri engana njomu kuoni. ¹¹Abhataka munabho siku ngosego, nawe mutaribha naoni agati koko.¹²Okubha nyauma amaguta eguru yomubhiri gwani, yakora ego kurusumo ryoruku ryani, ¹³Ndabhabhura abhukene osego engana iru erirarikwa kurure rye kyaro kigima, erigana inu yakora mukari unu nawe erigabha kurusumo ryokungituka.''¹⁴N'go oumwi wabhara ekumi na bhabhiri unu ya bhirikirya Yuda Iskariote yagenda kubhakuru bha bhayaudi. ¹⁵Na kugabha, "munganaki anundamugere? mbakamubharira Yuda ebhitita miro ngo esatu, bhegibhirya. ¹⁶Kyego omwea gunu yatuna ghikega khukomojera.¹⁷Ata urusiku robhabhiro ryemikate ginu gina bhutunduru abheigiribha bhamuseta Yeesu na kugabha, "niki urenda kukuretere ora bhakurya bhe pasaka?. ¹⁸Mugende, "mujini kumuntu omwi rebhe na mumubhure, mwiigirya agabhiri, omwea ghani guikiri, nindamare ebasaka amwi nabhaigiribha bhani kumweya ghe sega yani. ¹⁹Abheigiribha bhakora kyego Yeesu yabhorokija, na bhakasemya ebhokura bhe Pasaka.²⁰anuyaika kumugorobha, yekara kurya ebhokurya nabo amwi nabhara ebheigiribha ekumi na bhabhiri. ²¹Anubharinga bhararya ebhokurya akagabha "maene ndabhakerya okubha oumwi wenu arinyanga. ²²Bheganirirya bhukongu, na kira oumwi akabha kumukerya, "nawe obhoene tari oni ,mukuru?''²³Akagabha, urya aratonga okobhoko kwaye ami naoni kumweya gheribhakuringo arinyanga. ²⁴Omwana wa Adamu arimuka, kyego yang'oribha nawe omuntu unu arimwanga omwana wa Adamu! ekabheri bhaene kumuntu unu kama atakebhirwe!. ²⁵Yuda unu akamwangiri akagabha au noni mwiighirya" Yeesu akamubhurya, ogabhiri eng'ana inu uwe mwene.''²⁶Anubharinga bhararya ebhokurya Yeesu yagega omukate, akagusabhira na kugusunura, akabhaana abheigiribha bhaye akagabha mugege murye ghunu mubhiri gwani.''²⁷Akagega ekikombhe na kukumya akabhaana na kughabha "munywe bhosego kumwenya gunu. ²⁸Okubha ghanu manyinga gherira gano rani enueretirwa korusumo rya bharu kubhusakira bho bhusarya. ²⁹Nawe ndabhabhurya, ntarinywa kyeki omujabhibu gunu, adi urusiku rurya ndinywa eng'a amwi nabhenu kumweya gho bhukuru bha tata wani.''³⁰Anubharinga bhamariri okwibha amebho bharuka bhakagha kunkuku ya gisheka. ³¹Ng'o Yeesu akabhabhurya, obhutiku bhunu benyu bhosego murikujura kokubha yaoni, okubha yan'goribha nditema omurisha, egingondi gherikemba ghirinyaragana. ³²Nawe okubha kokuyuka kwani ndibhakangatira kugwa gariraya.''³³Nawe petero akamukeerya, "nawe atabhosego bharisikana kokubha kwamang'ana nganu gharikunyora oni ntarikwanga. ³⁴Yeesu akamukeerya, obhuene ndakukeerya, obhutiku bhunu esarigoko etarakokorima, orinyanga marakasatu. ³⁵Petero akamukeerya, ata okubha kakyiri na uwe, ntakwangiri na bheigiribha bhosego bhakamukeerya bhuryabhurye.³⁶Gikega egindi Yeesu akagya nabhoasi anuarabhirikirya Gentsemane na akabhakeerya abheigiribha bhaye, mwikare anu anundagya eyo nokusabha. ³⁷Akamugega Petero nabhana bhabhiri bha Zebedayo na akabha kyitegerera na kubhiirya. ³⁸Kimwi akabhakeerya, "omutima gwani gwani ghubhiirirye bhukongu ata okukwa mutame an na mubhe amwi na oni.''³⁹Akagha ebhere atuya kagwa kiutete na kusabha, akakeerya, :tata wani, okubha eraturika, ekikombe kinu kiturye etabha kyego ndenda oni okubha kyego urenda omwene. ⁴⁰Akabhagira abheighiribha bhaye akanyora bhareri egintiro na akamukeerya Petero "Kwaki mutaturii kugabha naoni kwe kega imwi?. ⁴¹Mukeshe murasabha naye mutarija kusoa mubhubhibhi, omutima gu riwazi, nawe omubhiri dhaifu.''⁴²Akagha ghaye ryakabhiri nakusabha akakeerya, tata wani okubha en'gana inu etakuturika ndenda kinywera ekikombe kinu amega gao ghakumibhe, ⁴³Akinda kyeki naakanyora bhareri engitiro okubha ameso gabho gharinga marito. ⁴⁴Akabhatiga kyeki akagha ghaye akasabha marakasatu aragabha man'gana gharya gharya.⁴⁵Kukyega eindi Yeesu akabhaghiry, "Kane mukyareri na kumunya? mumahe ejikegha giikiri na omwana wa adamu arateswa mukubhoko khomusarya. ⁴⁶Mwimuke, tugende, maa urya aranga aikiri.⁴⁷Omweya gunuyaringa araaira, Yuda oumwi wabharya kumi na bhabhiri akaika erikemba erinene rikaika hamwi nawe riraryura kubhakuru bhamashengerero nabhakaruka bha baantu mbaja nagipanga na gindungu. ⁴⁸Kyeki omuntu unupanga ukumwanga Yeesu yaringa abhasimiri, kukubhakeerya urya, ndimubhusu, n'go weki mumugwate.''⁴⁹Gikega giyo yaja kuyeesu nakugamba, "ndakukerawa muigirya? Na akamubhusu. ⁵⁰Yeesu akamukeerya, "musani kora rinu rikureteri, "ngo bhakaja na kumorokya Yeesu amabhoko na kumugwata.⁵¹Orore, omuntu umwi unuyaringha amwi na Yeesu, yanyorosha okubhoko kwaye, akachomora epanga yaye, na akamutema omusakirya wa omukuru, na kumukebha okutwi kwaye. ⁵²N'go Yeesu akamukeerya, indya epanga yao anuoirusirye, okubha bhosego bhanu bharakurera eoanga bharimarya kyepanga. ⁵³Muramanya okubha takutura kumubhirikira tata wani, naweki akatumira abhasirikare okukira ekumi na kabhiri yabha maraika. ⁵⁴Nawe kwaki okubha amangoribha gakaturiri kuikibha ego nigo erenderya kukurwa?''⁵⁵Omweya guyo Yeesu akarikeerya erikemba, "kwaki mujiri na gipanga na gindugu kungyata kyomusarya? kira orusiku nekaranga embere yarishengerero nanga ndorokererya na mutangwata!. ⁵⁶Nawe gosego ganu gakoreka okubha amangoribh gabhatumwa gaikibhe, "ngo abheigiribha bhaye bhakamutinga na bhakea ekyanjo.⁵⁷Bhara bhamugwata Yeesu bhamuira owa kayafa owakuani omukuru haasi anu abhangorya na bhakaruka bharinga bhekumene amwi. ⁵⁸Nawe Petero yamurwira enyuma kwa are na kumweya gwa kuani mukuru yasoa munyubha na kyikara amwi nabharindi arore kinu kiribha.⁵⁹Abhe abakuru bhabakuani ne ribharaja ryosego bhanga bharatuna obhukiriribha bhobubhei kurwa kuyeesu, okubha bhature okumwita. ⁶⁰Nawe bheyorokya abhekirirya bharu, nawe bhatanyora enga na yoseyose, nawe abhekirirya bhabhiri bharwira ebhere. ⁶¹Na kugabha, "omuntu unu yaghabha, "Ndatura kuribhutura erishengero rya waryubha na kuriagaja kwengisiku esatu.''⁶²Omusyengeri, yemirira na kumukeerya atakutura kukeerya? bhanu bharakugabhira kuuwe?. ⁶³Nawe Yeesu yekara kiri omusyengeri akamukeerya, Nawe waryubha kyego arekara na kusingirirya, aratubhurya kamaumwe kiristu, omwana wa waryubha. ⁶⁴Yeesu akamukeerya uwe omwene ogabhiri eringana rinu nawe ndakukeerya kwabhira bhonwego na kugenderera orimurora omwana wa Adamu, yekeri kukubhoko kwobhurwo okye ginguru, na arija kumweya rya masaru gha murwire.''⁶⁵Ng'oomusyengeri yatamura egingibho gyaye na kugabha, "amwangiri! nawe turenda kweki obhumirirya bhaki? omaye kweki mwigwiri aramwanga. ⁶⁶Kweki mureganirira-ki? bhakekirirya na kumukeerya, "arenderya oruku"⁶⁷Nawe bhakamutujira amate mubhusu na bhakamutema engumi, na bhakamutema amakofi kwa mabhoko gabho. ⁶⁸Nokugabha, tumaire owe kiristu muwi akutemeri?''⁶⁹Ginkega ngiyo Perto yaringa yekeri kibhara kumweya rioru na mukori wekikari yamugwako no kumukeerya, onse waringa amwi na Yeesu wa bhagariraya, ⁷⁰Nawe yanga kubhukangati bhabhosego na kugabha, tamanyiri kinu- oraghabha.''⁷¹Anu yanga kibhara yoryigi omukori ohundi wekikari yamurora nokumukeerya bhari bhariamu, omuntu uyo onse yariaringi amwi na Yeesu wabha Nazareti. ⁷²Akaakana kweki,'' ko-kugabha onintamanyiri omuntu uyo.''⁷³Eribhaga erengi okubha- bharya bharinga bhemiriri angi, bhamugyako petero no kugabha, obhuene uwe onse nawe nigumwi wabho ata ekighabho kyao kirorokya. ⁷⁴Ngo yabha kwiima na kutena, onintamumanyiri omuntu omu, na omweyaguyo esarigoko ekakonkorima. ⁷⁵Petero yaituka amangana ganu yakeeribha na Yeesu nawe esarigoko etarakonkorima orinyanga kasatu.''

¹Kumugorobha hayo kurusiku rwa esabhato, hanu eryubha ryanga rirasikira okugya, kurusiku rwa okwambha rwa ewiki, Mariamu Magidarena na Mariam oundi urya bhaaja okurora embhihira. ²Maha, kwaringaho ekirigito kinene kwa okubha Malaika wa omukuru yeeka na okurihiringitya erigina rirya, kweki akarikarira.³Obhusu bhwaye bhwaringa kya obhumeme na egingibho gyaye gyanga ndabhu pee kya engesi endabhu. ⁴Abharindi bharya bhejurwa na obhobha bhakabha nkya abhabu.⁵Malaika urya akabhakerya abhakari bharya akagambha "mutaja kobhoha kwa okubha mumanyiri muramutuna Yeesu unu yabhambhwa. ⁶Atariho hanu, nawe ahyukiri kya ego yabhakerya. Mmuje murore hansi hanu omukuru yarara. ⁷Mugendi bhwangu mubhakerye abhahigira bhaye "Ahyukiri kurwa mubhaku" Maha abhakangatiri kurwa mubhaku" maha abhakangatiri okugya Galilaya. Eyo ngyo murimurora maha oni ndabhakerya.''⁸Abhakari bharya bhakemuka kurwa kumbhihira harya bhwangu bharinga na enkubhi na obhujomerwa bhunene okubhakerya abhahigira bhaye. ⁹Maha, Yeesu akasikana nabho akagambha, "Ndabhakeriya" Abhakari bharya bhakaja na okugwata amaguru gaye na kweki bhakamusyengera. ¹⁰Kweki Yeesu akabhakerya "mutajaa kobhoha, mugende mubhakerya abhahiri bhani bhakangate okugya Galilaya Eyo rigyo bharindora.¹¹Eribhaga abhakari bharya hanu bharinga bharagya, maha abhamwi bha abharindi bhaagya mu mugi na okubhakerya abhakuru bha abhasyengeri amang'ana gonseego ganu garinga gebhukiri. ¹²Abhasyengeri bhayo hanu bharinga bhasikeni na abhakaruka na okugambhana ering'ana ruyo hamwi nabho, bharusya endengo enene ya egimbhirya ku bhasirikare bhanya. ¹³Na okubhakerya, "Mubhakerye abhandi ega, abhahigira bha yeesu bhajiri bhutiku na okwibha omubhiri gwa yeesu eribhaga bhetu twaringa tureeri.'¹⁴Hanu liwali yakegwe eringana bhetu twakahahire nawe na turabha rusya enkubhi yonsego. ¹⁵Kwa ego abhasirikare bharya bhagigega egimbhiryo girya na okukora kya ego bharagiribhwa engana inu ekanyaragana bhukongu ku-bhayahudu na yabha ego kuhikira rero.¹⁶Nawe abhatumwa bharya ekumi na umwi bhaagyaa galilaya kunkuku irya yanga abharagirirye. ¹⁷Nabho hanu bhamurora bhakamusyengera. Nawe abhake bhabhe barora enkubhi.¹⁸akaja kubheki akabhakerya na akagambha, "Mahanwa obhutungi bhonsego mukyaro na murwire. ¹⁹Kwa ego mugende mukore ebhiyaro bhyonse okubha abhehigira mu bhabhatije kurina rya taata na rya omwana na erya omutima omurabhu.²⁰Mubhehigirye okugwata amangana na gonsego ganu na bharagirira, Na muha oni ndi hamwi na bhenyu koko, mpaka obhutero bhwa ekyaro.

¹Bhunu bwambiro bhwa injiri ya Yesu Kristu, omwana wa Waryubha. Kye ego yang'orwa nomuroti, maha ndamutuma omukama wani kubhukangati bhaho, ohumwi hunukwisemiya enjura yaho. ²Erisi riya omuntu arabhirikira ekiibhara mwiture enjira ya mukuru, mwimiye eginjira giye. ³Yohana yaja arabhatija ekibhara na kugamba obhubhatijo bhwa kwisuya kwa yabhira kyo bhusariya.''⁴Yohana yaja arabhatija ekibhara na kugamba obhubhatijo bhwa kwisuya kwa kyabhira kyobhusariya. ⁵Ekyaro kyonsego kya Yudea na Yudea na Yerusalemu bhagiya owaye. Bharinga bharabhatijwa na weki hamwi onyi Yordani, bharasabha obhusarya bhabho. ⁶Yohana yaringa arebhoha omwenda gwa majoya ge engamia no mchipi gwe risero mbhukende bhwaye, na yaringa arariya abhadudu no bhuki na mukisasa.⁷Yaragururya no kugamba, Ariho umwi araja eguru yani unu yaneginguru eguru yaweni. ⁸Weni nabhabhatija kwa amanji, nawe weki arabhatija bhenyu komtima omurabhu.''⁹Yareka kurusiku ruyo kyego Yesu yaja kureka Najareti ya Galilaya, na yabhatija na Yohana okubha oruji Yordani. ¹⁰Hanu Yesu yemuka kureka mumanji, yarora orwire rutaniri omutima akeka hansi eguru yaye kye eguti. ¹¹Erisi riyareka murwire, uwe mwana wani muhanje. Ndajomererwa bhukongu."¹²Kweki rumwi omutima akamusingirirya kugiya ekibhara. ¹³Yaringa mkibhara eginsiku mirongo enna, okusakibhwa nerisambwa. Yaringa hamwi ne guntienyi giakibhara, maraika bhakamukorera.¹⁴Bhono hanu Yohana yagwatwa, Yesu yaja Galilaya kurarika eng'ana ya Waryubha. ¹⁵"Akagambha eribhaga rihitiri, na obhukama bhwa Waryubha bhuri hang'i. Twirabhiye na kumukumiya egati eng'ana."¹⁶Hanu harahita embharika yenyanja ya Galilaya, yaroro Simioni na Andrea mhiri wa Simon bharesa emitego ghiabho gati yenyanja, kwa hanu yanga mtegi. ¹⁷Yesu yabhabhurya, "Muje" munsigirire na kabhakore bhatei bhabhantu." ¹⁸Rumwigo nkatiga emitego nkamuseta.¹⁹Hanu Yesu yagenda embaga ekego, yamurora Yakobo omwana wa Zebedayo na Yohana muhiri waye, bhanga mubhato bharakora emitego. ²⁰Hakabhabhirikira na bheki bhakatiga esewabho Zebedayo munsi wa obhwato abhehigirya wariokodiwa, bhakamuseta.²¹Hanu bhahika Kapernaumu, orusiku rwa esabhato, Yesu yasoha murisengero no kuragirirya. ²²Bharirugura eriragiriryo riaye, kokubha yaringa arabharagirirya kyo omuntu unu yana obhuturo na bhatari bhandiki.²³Omuda guyo yangao omuntu murisengerero ribho yanga na mutima ombhibhi akakora ekituri. ²⁴Akagamba "tunaki kyo okukura na uwe, Yesu wa Nazareti? wajiri kutunyahara? Nkumanyiri oringiwi. Uwe une etungwa omwene wa Waryubha! ²⁵Yesu yamkaniya erisambwa nokugamba, "Kira no ohuruke munsi yaye. ²⁶Ne omutima omubhibhi yamugurisha hansi na akauruka kuweki nawe arakura orusaya rweguru.²⁷Bhantu bhonsego bhakarugura, ego bhakabhuraniya umwi kinu niki? erihigimyo eriya obhuturo. ²⁸Hamang'ana nawe rumwi gikanyaraga na gikanyaragano hasi osego munsi we omukowa gwa Galilaya.²⁹Na rumwi akahuruka kibhara yerisengero, bhasoha munyumba ya Simon na Andrea bharingi na Yakobo na Yohana. ³⁰Bhono ginabhira Simon yanga areriyi murweri wa hooma na rumwi bhakamubhuri Yesu amang'ana gaye. ³¹Hego yaja, yamugurata okubhoko na kumwinua eguru, ekoma ekareka kuweki na akamba kuwahudumia.³²Mugorobha hiyo nawe eruyubha rigwiri kusikira, bhamureta kuweki. Yanga arabhasabha bhonsego bhanga bharweri au waripagawa esambhwa. ³³Mugigonsego bhekumaniya hamwi kumuriango. ³⁴Yabhaweniya bharu bhanu bhanga na marweri marumaru na kurusha mijimu miaru nawe atenda emijimu kuaira kokubha bhamumanyiri.³⁵Yemuka nyikyo juri nawe yanga akiyari mukisunte, yemuka nakughia hanu hanga kabhejyo na yemuka heyo. ³⁶Simoni na bhonsego bhanga hamwi nabho bhantuna. ³⁷Bhamunyora bhakamubhuriya "Kya ohumwi bharakutuna."³⁸Yabhabhuriya, tugende hasi handi, kibhara nomugi gunu gurenara, nawe nture kurusha eng'ana heyo honse. Nkyo kyakora nkaja hanu. ³⁹Yagiya akaita Galilaya yonsego akaragirirya erishengerero ghabho kwanga emijimu.⁴⁰Unu yanga nobhugenge umwi yaaja kuweki, yanga aramusabha yegama akamubhuriya, nyoore orenda bharatura kunkora mujomu. ⁴¹Yahurwa ne kiyabhira, Yesu yorokya kubhoko kwaye kumkumya, akamubhuriya ndatuna obhe omurabhu. ⁴²Rumwi ego obhugenge bhukamure kako yakorwa omurabhu.⁴³Yesu yamukaniya bhururu akamubhuriya agende rumwi. ⁴⁴Akamubhuriya, yangarara hotakagamba ng'ana kubhose bhose. Nawe genda wiyorokye kubhasengeri, no orushe ekimwenso kobhurabhu. Musa yatuma kye bhwimirinyi kubheki.''⁴⁵Nawe yagiya kwamba kumubhuriya ohumwi kurarika eng'ana bhukong'u Yesu atatura kweki kusoha mumugi ko obhwiyagari Nawe yekara pakabhejyo na bhantu bhakaja kuweki kureka okurwa hasi.

¹Yesu yemuka ahasi harya akagwa (mkoa wa uyahudi) na ahasi embere oruji Yordani, (makutano) bhakamsingirira kweki yabhehigirya kweki, kego yaringa (kawaida) yaye okukora. ²Mafarisayo bhaja(kumjaribu) bhakamubhurya, Ni harari kwa omusaja okutigana na omukari waye? ³Yesu akawajibu, Musa ariwaamu nini? ⁴Bhakagamba, "Musa ariruhusu okung'orya ekyeti kyokutingana okumara okumkenya omukari.''⁵Nkonkubha ye emitima gyenyu emikong'u nkyo yabhang'orerya sheria hii Yesu yabhakerya. ⁶Nawa okureka obhukang'ati bho ubhubhumbi, Waryubha yabha bhumba omsaja na omkari.'⁷Kwego bhono omsaja arimtiga esewabho wabho nang'ina wabho na bharigwatana mkaue bhayo mbiri gumwi, kukubha gutari mbhiri gumwi. ⁸Bhayo bhabhiri bharibha mbhiri guwmi, kokubha bhatari bhabhiri kweki, mbhiri gumwi. ⁹Kwego yakigwatan'ya Waryubha omuntu atakuyahura.''¹⁰Anu bharinga munsi munyumba, abhehigiribhwa bhaye bhakamu bhurya kweki okutun'ya kinu. ¹¹Akabhakerya onse onse unuaratiga omkari waye na okumteta omkari woundi, arakora(uzinzi dhidi) yaye. ¹²Omkari onse aramtige msaja waye nakutetwa namsaja undi arakora uzinzi.''¹³Bhonse bhamretera abhana bhabho abhake abhakuriye, nawe abhehigiribhwa bhaka bhakemera. ¹⁴Nawe Yesu anu yamanya riyo hatajomerwa naryo kweki akabhakerya, mbhahatire ombhana abhake bhaje kuoni, mtabhakon'ya, kokubha bharingi kyabhanu ufalme Waryubha mbhwabho.¹⁵Ubhuhene ndabhakerya onse onsego unu ategwe ufalme Waryubha kyego omwana omuke hene atakutura ookusoa gati ufalme Waryubha okusoa gati ufalme Waryubha. ¹⁶Kweki akabhagega abhana mumabhoko gaye akabhanonkya akabhaturira amabhoko gaye eguri yabho.¹⁷Nahanu yamba orugendo omtu umwi yamkenyerera na atema amaru embere yaye akamubhurya omwihigiryo omujomu, ng'ore egaki kweki nture okugabha obhuhoru bhwa koko. ¹⁸Yesu akagamba, kwaki orambiri kira mwema? hatario mwema, kwego Waryubha weki omwene. ¹⁹Ogamanyiri amaragiriryo oteta, otebha otekikirirya obhubhei, utang'ena omusuke tata na mai.''²⁰Omuntu urya akagamba, omwihigirya anu gonsego nagasuka kwambirya nkyari mumura. ²¹Yesu yamahirira okumuhanje akamkerya orasuhirwa kintu kimwi, urenderwa okugurya bhonsego bhinu unabho obhahane abhataka, urabhe na azina mwirwire ng'o uje unsingirire. ²²Nawe yabhutura enamba kabha maelezo haya yemka akabha na obhusurumbaru, kyengo yabhanga mali njaru.²³Yesu akamahirira mbara gyonsego na okubhabhurya abhehigi ribhwa bhaye jinsi gani eringi obhukong'u omnibhi okusoa gati ufalme bhwa Waryubha. ²⁴Abhehigiribhwa bharugura kwamang'ana ganu. Nawe Yesu akabhakerya kweki, abhana nijinsi gani eringi obhukong'u okusoa gati ufalme Waryubha. ²⁵Mbunyohu engamia kuhita tundu la sindano okukira omuntu omnibhi okusoa gati ufalme Waryubha gonsego Garaturana.''²⁶Barugurura bhukong'u na waksemezana kwego niwi araturike." ²⁷Yesu akabhamahirira akagamba, kumuntu etakuturikana, nawe etari ku Waryubha, kokubha ku Waryubha gonsego araturikana. ²⁸Petro akamba kuhaira nawe, mahatutigiri bhyonsego tukusingiriri.''²⁹Yesu akagamba, ubhuhene ndabhakerya bhenyu, atariho unu atigiri enyumba, amwi mumura amwi mhari amwi mai, amwi tata, amwi abhana amwi aridhi kwa ajili yani na kwaajili eng'ana. ³⁰Unu atekirirye eringana bhukong'u bhonsego hanu kukyaro, enyumba, kaka, dada, mama, abhana na ardhi kwe nyanko, na ekyaro kirija kubhuhoru bhwa koko. ³¹Nawe abharu bhanu bharingi bhobhwambiro aribha mwisho nawalio wa mwisho watakuwa wa kwanza.''³²Bharinga kunjira bharagya yerusareemu na yeesu yaringa akangatiri. Abhehigira bhaaye akabharugura, na abantu bhanu bhabhaseeta bhakbhoha. Yeesu akabhagega kweeki abhehigira bhaaye ekumi na bhabhiri embarika na okubhakeerya ganu gakamunyoore. ³³Akagamba, “turatiira okugya yerusareemu na omwana wa adamu aryangwa kubhakangati bha abhasyengeri na abhehigirya bha eriragiriryo. Bheeki bharamujibhye oruku na okumutuura mumabhoko ga abhantu bha ekyaro. ³⁴Bhanu bharamujeere, bharamutujire amate bharamuteme na okumwita. Nsiku okurwa kuuruku rwaye ariruka”³⁵Yakobo na Yohana abhana bha Zebedayo, waja owaje na okugamba, omwihigirya turakwenda utukorere kyonse kyonse kinuturasabha. ³⁶Yabhakerya, mrenda mbakorereki? ³⁷Bhakagamba tuhatire twikare nau egati yua ubhurabhu bhwao oumwi gati okubhoko kwao kobhuryo na ohundi okubhoko kwao kubhumosi.''³⁸Nawe Yesu ariwajibu, "Mtamanyiri kinu mrasabha. Mratura okukinywera ekikombe, kinu ndikinywera amwi kusitahimiri ubatizo mbhunu ndibhatizwa? ³⁹Bhakambhurya, turatura Yesu akabhakerya ekikombe ndanywera, mrikinywera. Ubhobhatijo bhunu owabho mribhunagirirya? ⁴⁰Nawe unuarikara okobhoko kwani obhuryo amwi kokubhoko kobhumosi ntari oni okurusya, nawe kubharya bhanu owabho namara kumganya.''⁴¹Bharya abhehigiribhwa abhandi ekumi anu bhegwa ganu, bhakamba okubhajimira Yakobo na Yohana. ⁴²Yesu akabhabhirikira owaye kugamba, "Mmanyiri kyego bharya bharagerwa okubha abhakuru abhantu bhebhyaro bharabharagirirya abhantu bhayo mbajo moi bhara bhorokya amang'ana eguru yabho.''⁴³Nawe etakwenderwa okubha eye kimwi kubhenyu, onsego onsego unu aribha okwamba kimwi bhenyu nawe abhe omgaya wa bhonsego. ⁴⁴Onse onsego aribha omkangati kubhenyu nawe abhe omgaya wa bhonsego. ⁴⁵Kyego omwana wa Adamu ataja okukorerwa bhono okukora, okurusya eginsiku gyaye kubhariha kubharu.''⁴⁶Bhakaja Yeriko anu yanga aremka Yeriko na abhehigiribhwa bhaye enkumi erinene, omwawa Timayo, Batimayo, omhoku omsabhi, yekara embarika ya eribharabhasa. ⁴⁷Anu yegwa kweki Yesu Mnazareti, akamba okukora ekituri kugamba, "Yesu, omwana wa Daudi, nyabhira! ⁴⁸Abharu bhamkemera urya omhukuru, bhakamkerya akire, nawe yakura kwerisi bhukong'u omwa wa Daudi, nyabhira!"⁴⁹Yesu yemirira akagamba abhirikirwe bhambhirikira urya omhukuru, bharagamba omhari imka! Yesu arakubhirikira. ⁵⁰Akaryesa embarika erikoti ryaye, akakenya bhukong'u, okuja ku Yesu.⁵¹Yesu akamkwikya na kugamba orenda nkukorere ki? Urya omsaja omhukuru akamukyukya omwihigirya ndenda okumaa. ⁵²"Yesu akamkerya, genda imani yao ekuwenerye aya ayo ameso gaye gakamaa akamsingirira Yesu kwibhara bhara.

¹Yaringa nsiku ebhiri egyene enjangi ya epasaka emariri kuhwa na eya emikate ginu gitaturwa obhutunduru. Abhasyengeri abhakuru na abhang'orya bhanga bharatuna omweya gwa okumugwata Yesu kwa orwango na okumwita. ²Kwa okubha bhagambha, "Gutari omwanya gunu ogwa enyangi, abhantu bhataja bhakore eriihe.''³Eribhaga rinu Yesu yanga Bethania iika wa Simoni omugenge, na anu yaringa arasuntara kumeja, omukari umwi yaja kuweki yanga na enchupa ya amaguta amarange aga nardo amajomu aga obhughuri obhunene bhukongu, akatya enchupa na okwitira eguru ya omutwe gwaye. ⁴Nawe bhanga bhariho abhandi bhanu bhajima. Bhakabhuran'ya abhene kwa abhene bharagambha, "Okubhurya kuru nkwaki?" ⁵Amarange ganu garigaratuna okuguribhwa kwa eguru ya dinari magana gasatu, na bhakahanwa abhotobhu." Bhonse bhakamukan'ya.⁶Nawe Yesu akagambha, "Mumutige omwene. Kwaki muramunkya? Akoreri engana enjomu kuoni. ⁷Eginsiku gyonsego abhatobhu munabho na omweya gonsego gunu muregombha mwatura mukakora amajomu kubheki nawe mutaribha hamwi na oni kumweya gonsego. ⁸Yakora kinu aratura, yahaka omubhiri gwani amaguta kwa orusumo rwa obhubhiki. ⁹Kwa obhuhene ndabhakerya, kira ahasi hanu ering'ana rirara rikwa mukyaro kyonsego, kirya yakora omukari uyo kirihahirirwa kwa obhuhitukya bhwaye.¹⁰Kweki Yuda Iskariote, oumwi wa bharya ekumi na bhabhiri, akagya kubhakuru bha abhasyengeri kumukorera eniku kubheki. ¹¹Eribhaga abhakuru bha abhasyengeri hanu bhegwa gayo, bhakajomerwa na bharaha okumuhana egimbirya yambha, okutuna omweya ogwa okumerira eniku kubheki.¹²Kurusiku rwa okwambha eya omuka gunu gutaturirwemo ekimera, eribhaga rinu bharusya omwana wa eng'ondi wa pasaka abhahigira bhaye bhakamukerya, "Orenda tugyeha twiseren'ye omanye okurya ebhyakurya bhya epasaka?" ¹³Yatuma abhehigirya bhaye bhabhiri na okubhakerya, "Mugende mumugi na omusaja unu agegere ensego atimahana na bhenyu mumusingirire. ¹⁴Enyumba inu arisohamo, mumusingirire na mumukerye omwene enyumba iyo. Omwihigirya yagambha, "Kiringiha ekyumbha ekya abhageni hasi hanu ndarye epasaka na abhehigira bhani?"¹⁵Aribhorokya ekyumbha kya eguru ekinene ekya obhwera kirosibhwe kubhageni. Mukore obhwera kumweya gwetu gurya. ¹⁶Abhehigira bhemuka bhakegya mumugi, bhanyora kira ekintu kya ego yaringa abhakererye, na bhasemya ebhyakurya bhya epasaka.¹⁷Eribhaga rinu ryabha mugorobha, yajana bharya ekumi na bhabhiri. ¹⁸Na hanu bhanga bharasuntarira emeja na okurya, Yesu akagambha, "Kwa obuhene ndabhakerya, "Oumwi hagati yenyu unu turarya hamwi nawe arinkorera eniku." ¹⁹Bhonsego bhakasurumbhara na oumwi kwa oumwi bhakamukerya, nawe atari oni?''²⁰Yesu akabhakyukya na okubhakerya, "Ni oumwi wa erikumi na bhabhiri hagati, yenyu oumwi unu bhono matogya mu kitubho hamwi na oni. ²¹Kwa okubha omwana wa Adamu arigenda kya ego amang'orwa kya ego garagambha eguru yaye. Nawe tiga orore omuntu urya kuhitira kuweki omwana wa Adamu arikorerwa eniku! Ekabheri bhujomu bhukong'u kuweki kya ego omuntu urya atakebhwire.''²²Hanu bharinga bhararya, Yesu yagega omukate, akagunoka na okugusunura. Akabhana na okugambha, "Mugege gunu mumubhiri gwani." ²³Yagega ekikombhe, akakumya na okubhana na bhonsego bhakakinywera. ²⁴Akabhakerya, ganu rumanyinga gani ga erira gano, amanyinga ganu garetike kwa orusumo rwa abharu. ²⁵Nawe ndabhakerya ntarinywa kweki hagati ya ebhimerya bhinu ebhya omujabhibhu mpaka orusiku rurya ndinywa amahya mubhukama bhwa Waryubha."²⁶Hanu bhamara okwimbha okwimbha orwimbho, bhakagya kibhara munkuku gya emijeituni. ²⁷Yesu akabhakerya. Bhenyu bhonsego muribha hare kurusumo rwani, kwa okubha yang'orwa, "Ndimutema omurisya na amangondi ganyaragane.'²⁸Nawe kwa obhuyuki bhwani, ndibhakangatira kubhukangati bhwenyu kugya Galilaya. ²⁹Petro akamukerya, "Kama bhonsego nyore bharikutiga oni ntarikutiga.''³⁰Yesu akamukerya, "Mbhuhene ndakukerya, obhutiku bhunu ensarigoko etaragura orya akabhiri orinyanga mara kasatu." ³¹Nawe Petro akagambha, "Nawe ndesingirirya kukwa na uuwe nawe ntakutige" Bhonsego bharaha irya irya.³²Bhakaja ahasi hanu harabhirikirwa Gethsemane, na Yesu akabhakerya abhehigiribhwa bhaye, "Mwikare hanu kumweya gunu ndasasama. ³³Yabhagega Petro, Yakobo, na Yohana hamwi nawe, akambha okusuru mbhara na okunyanka bhukong'u. ³⁴Akabhakerya omutima gwani gusurumbheri bhukong'u hata okukwa, mutigare hanu mpaka kukya.''³⁵Yesu yaangya kubhukangati hake, akagwa hansi akasabha nyoore ekaturikeni ensa inu ekamurwirwiko. ³⁶Akagambha, Aba, Taata, amang'ana gonsego kuuwe garaturikana. Ndusi ryaho ekikombhe kinu. Nawe kutari kwa ameega gani hanu kwa amega gaho.''³⁷Akahunjuka akanyora bhareri na okubha na kerya Petro, "Simoni oreri? Otaturiri okutengeja hata nsaa imwi? ³⁸Mutengeje musabhe mutaja kusoha mumasakyo. Mbhuhene omutima gurenda nawe omubhiri murosu." ³⁹Akagya kweki no okusabha na akahahira amang'ana garya garya.⁴⁰Akaja kweki akabhanyora bhareri, kwa okubha ameso gabho ganga marito na niki ekya okumu kerya. ⁴¹Akaja orwa akasatu na okubhakerya, "Kweki mukyareri na okumunya? Gesiri! Ensa ehikirii maha omwana wa Adamu wakorerwa eniku mumabhoko agabhasarya. ⁴²Mwimuke tugende, Maha, unu arandira eniku arihang'i"⁴³Hanu yaringa akyahahira Yuda oumwi wa bharya ekumi na bhabhiri, yahika omuganda omunene okurwa kubhakuru bha abhasyengeri, abhang'orya na abhakoruka abha ebhyogi na egimuga. ⁴⁴Eribhaga riyo omuri wa eniku waye, yaringa abhaheri ekimanyiriryo, agambha, urya nu ndamubhuusu ng'o mumugwate na okumuhira insi ya obhurindi. ⁴⁵Eribhaga Yuda hanu yahika, rumwi rumwi ego akagya ku Yesu na okugambha, "Omwihigirya" na akamubhusu. ⁴⁶Kweki bhakamutura insi ya obhurindi na okumugwata.⁴⁷Nawe oumwi hagati yabho unu yaringa yemiriri hang'i nawe akaruta ekyogi kyaye akamutema omukori wa omusyengeri omukuru na okumugega okutwi. ⁴⁸Yesu akabhakerya, mujiri okungwata kwa ebhyogi na egimuga nkya omwibhi? ⁴⁹Eribhaga kira orusiku naringa na bhenyu na okwihigirya mwisyengerero mutangwata. Nawe rinu ryakoreka amang'ore gahika. ⁵⁰Na bharya bhonsego bhanu bharinga na Yesu bhamutiga na okukenya.⁵¹Omumura oumwi yamusingirira unu yanga yebho heri esyuka eyene inu yanga yekundikirye okumwinarira, bhamugwata nawe ⁵²akakurumuka akatiga hayo esyuka akakenya kinabhi.⁵³Bhakamukangatya Yesu kumusyengeri omukuru. Harya bhekuman'ya nawe hamwi abhasyengeri abhakuru bhonsego, abhakaruka na abhang'ori. ⁵⁴Petro wonse yamuseta Yesu kwa hare, okugya kurubhago rwa omusyengeri omukuru. Yekara hamwi na abharindi bhanu bhanga hang'i na omuroro bharoota bhabhe na eribhirira.⁵⁵Eribhaga riyo abhasyengeri bhonsego na eribharaja ryonsego bhanga bharatuna obhwimiriri eguru ya Yesu bhanyore okumwita. Nawe bhabhunyora. ⁵⁶Kwa okubha abhantu abharu bhareta obhwimiriri bhwa orubhehi eguru yaye, nawe obhwimiriri bhwabho bhutahunkana.⁵⁷Abhandi bhakemirira na okureta obhwimiriri bhwa obhubhehi eguru yaye, bharagambha, ⁵⁸Twamwiga aragambha, ndarisarya erisyengerero rinu ryahagajwa kwa amabhoko na kumweya gwa eginsiku gisatu ndahagaja erindi rinu ritakukorwa kwa amabhoko. ⁵⁹Nawe hata obhwimiriri bhwabho bhutahunkana.⁶⁰Omusyengeri omukuru yemirira hagati yabho na akamurya Yesu, "Bhoono otaana erikyukyo? Abhantu bhanu bharemiriraki eguru yaho? ⁶¹Nawe akekara akiriri na atakyukya kyokyonse. Kweki omusyengeri omukuru akamubhurya, "Uuwe ng'o Kristu, omwa wa omunonkwa?" ⁶²Yesu yagambha, "Oni noni" Na oramurore omwana wa Adamu yekeeri okubhoko kwa obhuryo kwa eginguru araja na amasaru ga murwire."⁶³Omusyengeri omukuru yatamura egingibho gyaye na okugambha, "Kweki mukyatuna abhemiriri?" ⁶⁴Mwiguriri enjero. Obhwamuri bhwetu mbhuha?" Na bhonsego bhakamujibhya kya oumwi unu arenderwa oruku. ⁶⁵Abhandi bhakamubha okumujira amate na okumundikirya obhushu na okumutema na okumukerya, "Roota" Abhakuru bhakamugega na okumutema.⁶⁶Na Petro hanu yanga akyari hansi murubhago, omukori oumwi owa abhahara bha omusyengeri omukuru akaja kuweki. ⁶⁷Akamurora Petro hanu yaringa yemiriri arota omuroro, na akamumahirira na okumusuntarira. Kweki akagambha, "Na uuwe wonse wanga na omunajareti Yesu." ⁶⁸Nawe akanga na okugamba, "Ntamanyiri kweki ntakumanya eguru ya kinu oragambha," Kweki akahuruka akagya kibhara kurubhago. Na ensarigoko ekaragura.⁶⁹Nawe omukori wa ekikari hayo, akamurora na okwambha okubhakera kweki bharya bharinga bhemiriri harya, "Omuntu unu ng'umwi wabho." ⁷⁰Nawe akanga kweki. Kwa omwanya omuke bhanu bhanga bhemiririi harya bhanga bharamukerya Petro, "Nawe oringi oumwi wabho, kwa okubha wonse oringi Mugalilaya."⁷¹Nawe akambha okwitura omwene insi ya ekiwi na okutena, "Ntamumanyiri omuntu unu muragambha." ⁷²Kweki ensarigoko ekaragura orwakabhiri. Kweki Petro yahituka amang'ana ganu Yesu yanga amukererye." Hanu ensarigoko yanga ekyari okuragura orwa akabhiri orinyanga mara kasatu" Na yagwa hansi na okukura.

¹Orusiku orumwi rwa Esabhato Yesu yaringa arahita mmumigunda ga egingana hamwi na abhehigira bhaaye. Bhayo bhaabhunanga ebhigara bhya egingano bhakabhunga na amabhoko bhakarya egi nheke. ²Mbe abhafarisayo abhandi bhakabhabhurya ega. Ndegwa murasarya amaragiriryo ga Waryubha muragesa ebhigara bhya egingano orusiku rwa Esabhato''?³Yesu akabhakyukya ega. Bheenyu mutarasoma mumang'ore amarabhu kya ego omukama Daudi yaakora na abharikyaye? Hanu bheegwa omweko. ⁴Weeki yasoha murirema ra Waryubha akagega emikate ginu gaaringa giteerwe embere ya Waryubha akarya na akahana ko abharikyaye. Kora ego yang'oorwa mumaragiriryo ganu Musa yahanwa okurya emikate gya ekabhira inu mumbasyengeri abhenego. ⁵Yesu akongerya okugamba ega omwana wa Adamu ng'o omukuru kurusiku rwa Esabhato.''⁶Orusiku orundi rwa Esabhato Yesu akasoha murisinagogi akamba okwihigirya abhantu munyumba muyo yaringa mo omuntu oumwi unu okubhoko kwaye kwa obhuryo kwaaringa na omujimu. ⁷Kweki bharingamo abhehigirya bha amaragi riryo ga Waryubha na abhafarisayo bhaatunanga ekisigo kinu kirakore bhamujongere Yesu kwa ego bhakaganya bharore nyoore aramu hwenye omuntu orusiku rwa Esabhato. ⁸Nawe Yesu akamanya ganu bharinga bhare ganirirya. kwaego, Yesu akamukerya omuntu wa okubhoko kwa omujimu Njo imirirya gati hanu omuntu huyo akaja akemirira gati yabho.⁹Nho, Yesu akabhabhurya abhantu bhayo ndabhabhurya bheenyu orusiku rwa Esabhato, amaragiriryo ga Waryubha garatura girirya okukora egaki? Amang'ana amajomu kasi amabhibhi? okuturya obhuhoru kasi okusikya?" ¹⁰Aakamahirira abhantu bhonsego mbaragyonsego, bhanu bharinga barya. Hanu yamara akamukerya omuntu uyo ega, imya okubhoko kwaho omuntu uyo anu yeemya okubhoko kwaye rumwi ego kubhahwenya. ¹¹Abhafarisayo bhayo bhakajima bhukong'u bhakabhuranya kya ego bharamukorera Yesu ambhibhi.¹²Kuginsiku giyo, Yesu akariina munkuku okusabha, Waryubha akasabha obhutiku kukya. ¹³Nahanu bhwakya akabhirikira abhehigira bhaaye. Gati yabho akasoramo ekumi na bhabhiri akabhatoga "Abhatumwa na abhatumwa mbo bhanu.''¹⁴Simoni unu Yesu yaatoga Petro, Andrea omumura wabho Simoni, Yakobo, Yohana, Filipo, Bhatoromayo. ¹⁵Mathayo, Tomaso, Yakobo, omumura wa Alfayo, Simoni oumwi wa ekyama kya Zelote. ¹⁶Yuda omumura wa Yakobo, na Yuda Iskariote unu yamara okumokore ra eniku.¹⁷Yesu akeeka okurwa munkuru, hamwi na abhehigira bhaaye. Nahanu yahika ahasi na orwanjare akeemiirira ahasi hayo bharinga bhekumeriye ho abhehigira bhaaye abhaaru na omuganda gwa abhantu abhandi okurwa egimbara gyonsego gya ekyaro kya Yudea na mumugi gwa Yerusalemu na okureka kumurambo gwa kumigi gya Tiro na Sidoni. ¹⁸Abhantu bhayo bhaaja hayo okumwitegerera Yesu na okuhweni bhwa amarweri gabho kora bhanu bharinga bharanyankibhwa na ebhihwi ebhibhibhi akabha arabhahwenya. ¹⁹Abhantu bhayo bhonsego bharinga bharenda okumukunya kwaokubha yaringa na eginguru gya okubha hwenya.²⁰Yesu akabhamarira abhehigira bhaaye bhayo akabha kerya ega. Bheenyu abhataka munonkwe kwaokubha bheenyu mbo abhantu bha obhukama bhwa Waryubha. ²¹Mwanonkwa bheenyu bhanu mureegwa omweko bhoono ego kwa okubha murigutibhwa Mwanonkwa bheenyu bhanu murakuura bhoono ego kwaokubha muriseka.²²Mwanonkwa bheenyu nyoore abhantu bharibhajimira na okubhaahura bharibhatuka na okubhakerya ega bheenyu mumbasarya ku orusumo rwa omwana wa Adamu. ²³Hanu gayo garikoreka orusiku ruya mujome rwe kya ego muratema eng'oma okubina mumanye ega muribha muratuurirwa omutuho omunene murwire. Kweeki bhajaaji bha abhantu bhayo bharinga bharabhanya nkya abharooti bha Waryubha ego ego.²⁴Nawe kubheenyu abhaani murikirara ko kwaokubha mumariri okunyoora obhwami bhweenyu. ²⁵Murikirora ko bheenyu bhanu mureguta bhoono ego kwaokubha muribhanga mureegwa omweeko. Murikiroora ko bheenyu bhanu muraseka kwa okujomerwa bhoono ego kwaokubha murikuura na okuraama.²⁶Murikirora ko bheenyu nyoore abhantu bharabhakumya kwaokubha kora bhajaaji weenyu ni ego bhariinga bharakorera abharooti bha obhubheehi.²⁷Ndabhakeerya bheenyu bhanu muranyitegerera ega muhanje abhasigu beenyu. Na abhantu bhanu bharabhajimira bheenyu mubhasereriye. ²⁸Na bhanu bharabehima bheenyu mubhanonke. Na bhanu bharabhanyankya bheenyu mubhasabhire ku Waryubha.²⁹Hanu omuntu arakujeera akuteme kumboto imosi omukyuki rye na eindi. Na hanu arakurusye ekibhuuti yaho omutigire egege na esyati. ³⁰Wowonse hunu arakusabhe ekintu omuhaane. Na hanu omuntu arakurusye ebhuntu bhaho otamusaba akuhunjukirye.³¹Mukorere bharikyenyu kya ego bheenyu murenda bhabhakorere. ³²Hanu mura hanje bhanu bhabhahanjiri bheenyu oranyoora munyooreri mkuma ki? Kora abhasarya bharahanja bhanu bhabhahanjiri! ³³Kweeki nyoore murasereriya bhanu bharabha sereriya abhene go oranyoora munyooreri nkumaki? Kora abhasarya bharakora ego! ³⁴Kweeki anu murabhahane esiiri bhanu bha retegerera ega bharibhahindirya abhene go oranyora monyoreri nkumaki? Kora abhasarya bharahana esiiri abharikyaabho. Oranyoora bhareetegerera ega bhayo bharibhahindi rya ebhintu bhyabho bhyonsego.³⁵Nawe bheenyu muhanje abhasigu bheenyu na mubhaserenye. Mubhahane esiiri mutige okwitegerera okuhindiribhwa. Waryubha aribhahana omutuho omunene na muribha abhana bha heene ku weeki Omukuru wa bhonsego. Kwaokubha Waryubha arasereriya kora bhanu bhatakumukumya na abhakori bha obhusarya. ³⁶Mubhe abhantu bhanu bharabhira abhandi kya ego esewenyu arabhira abhantu.³⁷Mutige okutong'ana abhandi na bheenyu mutari tong'anibhwa. Mutagamba ega abhandi bhajibhibhwe na bheenyu mutarijibhibhwa. Mwabhire abhantu bhanu bhabhasarirye nho na bheenyu muryabhirwa.³⁸Muhane abhantu kinu bhareenda nho murihanwa omutuho omunene kya omuntu hunu arahanwa endengo ijwiri na okwigatirwa esingisibhwe eretikirira. Kwa okubha endego irya irya murarengera abhandi ng'yo na bheenyu murirengerwa.³⁹Yesu akabhakeerya ekirengyo ega, omuhoku ara okorokererya omuhoku omurikyaye? Ndamanya bhonsego bhabhiri bharagwe muriiko! ⁴⁰Omwihigira atakubha omumanyi okukira omwihigirya waaye. Nawe omwihigira hanu arimara okwihigiribhwa nho arihunkana omwihigirya waaye.⁴¹Orarora abhusarya bhwa omuhiri waaho kya eking'eni ng'eni kinu kiringi muriiso ryaaye nawe atakurora obhusarya bhwaho kya ensonko inu eringi muriiso ryaho? ⁴²Kasi, oratura egaki okumukeerya omuhiiri waaho ega muhiiri wani tiga nkurusye eking'ening'eni kinu kiringi muriiso ryaho enu uwe omwene otakurora ensonko inu eringi muriiso ryaho. Nho orarare bhwahene oture okuruusya eking'eni ng'eni kinu kiringi muriiso rya muhiiri waaho.⁴³Gutariho omuti omujomu gunu guraama emisumo emibhibhi. Gutariho omuti omubhibhi gunu gurama emisumo emijomu. ⁴⁴Mubhuheene ega, abhantu bhatakutwa emisumo emijomu kumahwa na bhatakutwa egijabhibhu kumiti gya emichongoma. Nawe kira omuti guramanyikana kwa okwama kwago.⁴⁵Ego ego omuntu wahene aranyora arakora amang'ana amajomu, ganu garareka mukibhumbiko ekijomu kya mumutima gwaye. Nawe omuntu omusarya arakora amang'ana amabhibhi ganu garareka mukibhumbiko ekibhibhi kya mumutima gwaye. Tumanyiri ega amang'ana ganu omuntu aragamba gararwa mumetegerero amaru ganu garinga mumutima gwaye.⁴⁶Kwaki murambirikira omukuru omukuru nawe amang'ana ganu ndabhakeerya mutaku gakara? ⁴⁷Omuntu wowonse unu araaja kuoni aretegerera amang'ana gani na okugakora arahunkana ekirengyo kinu. ⁴⁸Arahunkana na omuhagaji wa enyumba unu yaasimba hansi mpaka akahika kwitaye akahagaja obhurusa eguru ya eritare mbe oruuji hanu rwejura amanji gakai tematema enyumba. Kora ego gakaisingisya kwaokubha yaringa ehagijirwe bhujomu.⁴⁹Nawe wowonse unu areegwa amang'ana gaani enu atakugagwata uyo arahunkana na omuntu unu yahagaja enyumba yaaye eguru ya obhutoto obhwenego bira obhurusa mbe oruuji hanu rweejura amanji gakatema tema enyumba iyu eribhaga ekego ekabhaaru ka yonsego ekagwa hansi.

¹Eribhaga riyo, abhantu abhaaru bhaaringa bharee kumanya, mpaka bhakabha bharatajana. Yesu akaamba okubha keerya abheeigira bhaaye ega, "Mwirangarire na orwambe rwa abhafarisayo, kwa okubha orwambe ruyo ruranyara gana kya ekimera.''²Kira kinu kikundikiribhwe, na kira kinu kibhisirwe, kiri manyikana. ³Amang'ana ganu muragamba gamba kwa obhwibhise, abhantu bhari geegwa. Na kira kinu mwaaringa murajami rirana, muringi mubhinyumba bhya munsi kirirarikwa kibhara wa eginyumba.⁴"Ndabhakeerya bheenyu abhasani bhaani, mutige okwobhoha abhantu bhanu bharabheeta emibhiri kwokubha bharakora. ⁵Nawe ndabhoorokya unu mureenderwa okumwobhoha, mwobhohe Waryubha, kwa okubha araamare okwita omuntu, yaana obhuturo bhwa okumwesa mumururo gunu gutakusima. Mbe, mumwobhohe weeki omwene ego.⁶Ebhisanje bhitanu, ndamanya bhiraguribhwa kwa obhuguri bhuke bhukong'u kora ega, Waryubha atakura bhirwa kora kimwi kyabho. ⁷Naho bheenyu, muuna obhweera okukira ebhinyonyi bhyaaru 'Waryubha omwene abhariri egintuukya gya emitwe gyenyu kwa ego, mutige okwobhoha.⁸"Ndabhakeerya ega, kira omuntu unu arekirirya embere ya abantu ega weeki gwani, oni nonse, omwana wa Adamu, ndimwikirirya embere ya bhamaraika bha Waryubha ega, omuntu uyo ng'wani. ⁹Nawe, kira omuntu unu aranyanga embere ya abhantu, oni nonse ndimwanga embere ya bhamaraika bha Waryubha. ¹⁰Kira omuntu unu aragamba amang'ana amabhibhi ga oku akanya omwana wa Adamu, Waryubha atarimwa bhira.¹¹Hanu murihirwa mumumasinagogi, na embere ya abhakuru na embere ya abhatungi, mutige okwobhoha eguru ya okubha, eribhaga riyo, omutima omurabhu gwa Waryubha guribhe ehigirya amang'ana ganu murigamba, ¹²kwa okubha, eribhaga riyo, omutima omurabhu gwa Waryubha guribhehigirya amang'ana ganu murigamba."¹³Mbe, omuntu umwi wa mumugunda guyo, akamukerya Yesu ega, "Omwihigirya okerye omuhiri wani, yangabhire ko angabho inu tata yaatutigira. ¹⁴Yesu akamukyukya ega, "Niwi yaatuura mbe omwamuri gati yeenyu?" ¹⁵Kweki, akabhakeerya abhantu bhayo ega, "Mwiyangarire na orunamba rwa ebhintu, kwa okubha obhuhoru bhwa omuntu bhutakurekana na obhwaru bhwa obhintu bhyaye."¹⁶Kimwi, Yesu akabhakeerya ekirengyo ega, "Yaringa ho omunibhi umwi, unu omugunda gwaye gwaringa gwibhwiri ebhyakurya ebhyaru. ¹⁷Omunibhi uyo, akebhurya ega 'bhoono nkore egaki? Ntaana ahasi anu ndaature ebhyaakurya bhyani?' ¹⁸Kimwi, akagambega, 'Ndahanyuru ebhitara bhyuni, na okuhangaja ebhindi ebhinene bhukong'u. Ndatuura muyo obhuro bhwani bhonsego, na ebhintu bhyani ebhindi. ¹⁹Nho, ndature okugamba ega "Bhoono, nituriri eki bhuumbiko kya ebhintu ebhijomu. Bhiranyisa kwa emyaka mwaaru, mbe, mununye, ndye na okunywa, njomerwe"²⁰Nawe Waryubha akamukerya ega, "Uwe omukangi, obhutiku bhunu orakwa, Na ebhintu bhyonsego bhinu wikuumiiri, bhiibha bhyami." ²¹Yesu akamarisya kwa okugamba ega, "ego ni ego eribha, kumuntu unu areekumira ebhintu ebhyaru ku orusumo rwaye omwene, nawe obhwami bhwaye bhutaana obhwera embere ya Waryubha."²²Kweki, Yesu akabhakerya abhehigira bhaye, ega "Kwa ega, mutanyankira eguru yemibhiri gyenyu ega muribhoha ki? ²³Kwa okubha, obhuhoru bhunu obhwera bhukong'u okukira ebhyakurya, na omubhiri guunu obhwera okukira egingiho.²⁴"Mwitegerere ekirengyo kinu, Nyamuko, gitakuhamba, gitakugesa, kora gitana ebhitara, nawe Waryubha aragirisya. Nyore muraaring'a nibhwe na ebhinyonyi, muuna obhwera bhwaaru bhukong'u. ²⁵Kwa okwinyankira, Niwi gati yeenyu, aratura okwiye ngerererya obhuhoru bhyaye kora kwa ensa imwi." ²⁶Mbe, Nyore mutakutura okukora kora ering'ana erike riyo, kwaki muranyanka eguru ya agandi?.²⁷"Mumahe obhuuja, kya ego bhuramera. Bhutakukora emirimu na bhutakwitunira egingibho. Kora ego, ndabhakerya ega, kora omubhiri Solomoni ku bhwami bhwaye bhonsego ataajomibhwa bhwahene kya obhuuja obhumwi gati ya bhuyo. ²⁸Waryubha ni ego arajomya amasya gamwi pori ganu gariho reero, ego gareswa mumuriro mbe, arabhajomye bhenyu bhukong'u? Bheenyu, mutabha na eimani enke!²⁹"Mbe, bhenyu mutige okunyanka ega, muraryaki kasi muraryaki mutige okwobhoha. ³⁰Abhantu bhanu bhatamanyiri Waryubha, mbo bharanyankira ebhintu bhiyo. Nawe bhenyu, ese wenyu ese wenyu murwire amanyiri bhujomu ega, murabhyeenda.³¹Kwa ego mutune okwamba obhukama bhwa Waryubha, na weeki aribhoongerya bhukong'u ebhintu bhiyo bhyonsego. ³²"Bheenyu omuganda omuke, mutige okwobhoha kwa okubha esewenyu ahanjiri okubhahana obhukama bhwaye.³³Mugurye ebhintu bhyenyu, muhaane abhataka, egimbirya gya ebhintu bhiyo mwikorere eginsaho ginu gitakugota, na okwituurira ekibhumbiko muryire enu kitarisuha eyo, omwibhi atakwibha kora ebhibhungi bhitakurya. ³⁴Ahasi hanu murituura ekibhumbiko kyenyu, nho nemitima gyenyu giribha.³⁵Mubhe mwisyemerye okukorera emirimu, na egi korobhoi gyenyu, gibhe girooka. ³⁶Mubhe kya abhagaya bhanu bharaganyirira omukuru wabho ahinde okurwa mubhweenga anu araje asikurye, bhamusikurire ekiseku bhwangu.³⁷Bhaanonkwa abhagaya bhanu omukuru wabho arija anyoore bharamuganyirira. Ndabhakerya obhuhene ega, ariisemya na aribhekarya ku bhyakurya na okubhakorera emirimu? ³⁸Kora nyore omukuru wabho ariinda obhutiku gati, kasi nyekyo juri, nokubhanyora bheeseemerye, abhagaya bhayo bhaanonkwa.³⁹Bhoono, mumanye bhujomu ering'ana rinu omuntu wowonse omwene enyumba, akamanyiri eribhaga rinu omwibhi araja, akeeseemerye na omwibhi atakasoheri munyumba yaye. ⁴⁰Kwa ego, na bheenyu bhwiseemye, kwa okubha omwana wa Adamu, ariija kuribhaga rinu mutakwitegerera.⁴¹Mbe, Petro akamubhurya Yesu ega, "Omukuru, ekirengyo kiyo otukererye, kuoni sumo rwetu abhenego, kasi orusumo rwa abhantu bhonsego?" ⁴²Omukuru Yesu akamukyukya ega, "Omukori wa mirimu owahene na wa egintungwa ng'uuha? Ng'o unu Omukuru waaye aramusora okubha eguru abhagaya abharikyaye, naho abhahane amariho kuribhaga rinu rirenderwa. ⁴³Yonankwa omukori wa emirimu uyo, nyoore omukuru waaye arihinda okurwa kurugendo, na okumunyoora arakora ego. ⁴⁴Ndabhakeerya obhuheene ega, omukuru waye arimukora okubha omwimiriri ebhintu bhyaye bhyonsego.⁴⁵"Nawe, nyoore omukori wa emirimu uyo, areeganiri rye mumutima gwaye ega, 'Omukuru waani etigitiri bhukong'u okuhinda, nho yaambe okutema abhakori, yaambe okurya na okunywa, maka ararehwa. ⁴⁶Omukuru waaye arihinda okurwa kurugendo, orusiku runu omugaya uyo atakwitegerera okumuturung'ana okumuturung'ana, na okumutuura aasi hamwi abhantu bhanu bhataringi bhahene.'⁴⁷"Omukori wa emirimu unu yaamanya ameegaga omukuru waaye, "Nawe ateeseemya okumuturung'ana, kora ataagwata amaraagiriryo gaaye, aritemwa ebhisaamuri bhyaaru. ⁴⁸Nawe, omukori wa emirimu unu ataamanyiri amega ga omukuru waye arakore ering'ana rinu rireenderwa obhujibhu bira okumanya uyo arijibhibhwa hake ego, omuntu unu yahanwa ebhyaru, aririhibhwa ebhyaru, na omuntu unu aherwe okukora emirimu emyaru bhukong'u omukuru waaye arimutonga ebhyaru.⁴⁹"Oni, naaja mukyaro hanu, naho nkoome omururo gwa okwahukanya abhantu. Na ndenda ndore omururo guyo gukoomerwe. ⁵⁰Kora oni omwene, nina enyanko inu ndeenderwa okunyoora, na ndagendererya okunyanka mumutima gwani, mpaka gakoreke.⁵¹Muramanya ega, Nijiri mukyaro okuureta omurembe? Ndabhakerya ega, etari ego? Nijiri okwahukanya abhantu. ⁵²Okwambira bhoono, munyumba ya abhantu bhataanu, abhasatu bharyakukana na abhabhiri. Abhabhiri bhonse bharahukany'a na abhasatu bhayo. ⁵³Tata, anyahukana na omwana waye, na omwana onse argahukana na esewabho. Maayi, arya ukany'a omuhara waaye, omuhara wonse aryahukany'a na ng'ina waabho mabhyara aryaukana na omukamwana waye, na omukamwana uyo honse, aryahukany'a na ng'ina bhyara wabho.⁵⁴Kweki Yesu akakerya omuganda ga abhantu bhayo ega, "Hanu amurarora amasaru gararwa orubhaara rwa bhusikirya ryubha, muragamba ega, 'embura eringi hang'i okutwa,' heene eratwa. ⁵⁵Na hanu murarora omuyaga gurahuta okurwa oribhara rwa taragweta, muragamba ega, 'kuraabhe na eribhirira,' na ni ego erabha. ⁵⁶Bheenyu bhanyarwambe? mumanyiri bhu kyaego ekyaro kirehunjura, mbe? Erabha egaki muratamwa okumanya ensonga ya amang'ana ganu garatuuka ku eginsiku ginu?⁵⁷"Ndegwa bheenyu abheene kwa omutima gwenyu, mutakwamura okukora ganu garenderwa? ⁵⁸Hanu aragende hamwi na omuntu unu arakujongera muribharaja, kora ekitunyo okwikirira nya nawe, mukyari kunjira. Nyoore ti ego, arakuuhikye embere ya omwamuri. Na omwamuri aratutaire ku Omukuru wa abhasirikare, nao omukuru uyo akusohye murigereja kwe ginguru. ⁵⁹Ndabhakerya obhuhene ega, atakurwa muyo, mpaka runu arimara okuriha endihi yonsego.

¹Eribhaga riyo, abhantu abhandi bhakaaja bhakamukeerya Yesu ego omutungi Pilato yeeta abhagalilaya abhandi, bharinga bharagooge egintu gogya ekimweso. Amanyinga gaabho gakeesang'anya na amanyinga ga ekimweso kinu bhaaringa bha ramurusirya Waryubha." ²Yesu akabhakeerya ega, "Muramanya ega, Abhagalilaya bhayo bhaakwa oruku ruyo, kwa okubha bheeki bharinga na obhusarya bhwaaru okukira abhagalilaya abhandi bhonsego? ³Ndabhakeerya ega, ti ego ha! Nawe hanu muraange okumwihunjurira Waryubha, bheenyu bhonsego, murasika ego ego.⁴Kasi muhintuke abhantu bharya ekumi na munane, bhanu bhaagwirwa na ekinsongya Siroamu ego, kikabheeta. Muramanya ega, bheeki bharinga na obhusarya bhwaaru okukira abhantu bhonsego bhanu bhamenyeri Yerusalemu? ⁵Ndabhakeerya egati ego ha! Nawe hanu muraange okumwihunjurira Waryubha, bheenyu bhonsego, murisika ego ego!"⁶Kinawi Yesu akakeerya abhantu bhayo, ekirengyo ega, "Yaaringa ho omuntu umwi unu yahamba omuti gunu gurabhirikirwa omutini. Mumuganda gwaye gwa emijabhibhu eribhaga erindi, akagya okutuna ko emisumo nawe ataanyoorako ekintu. ⁷Mbe, akakeerya omugaya waaye wa mumugunda guyo ega rora! kha eribhaga ryu okutuna emisimo kumuti gunu, nawe ntakunyoora ko ekintu! Ngugeeje ,naho gutige okugendererya okusarya erirobha rinu bhusa?⁸"Nawe ougaya uyo, akamukyukyaa ega, omukuru, gutige omwaka gunu, nguseejere na ngutuurire emborea. ⁹Nyoore guryaama emisumo, mubhwaaheene, nao nyoore gutaryaama ogugeeje."¹⁰Orusiku rumwi rwa esabhato Yesu yaringa marisinagogi areehigirya abhantu. ¹¹Murisinagogi muyo, yaaringa mo omukuru umwi. Unu yaaringa agwatirwe na ekibhwi ekibhibhi kwa eribhaga arya emyaka ekumi na munane. Ekibwa kiyo, kyaaringa kinukumbiri omugongo, ataringa aratora okwinamuka.¹²Yesu hanu yaamurora, akamubhirikira. Akamuke rya ega, amaayi, obweneri, bhoono uuna obhuheru!" ¹³Yesu akamuturiya amabhoko, rumwi egu akaenuka, akaamba okumukumya Waryubha. ¹⁴Omukuru wa erisinagogi riyo, akajima bhukong'u, kwa okubha orusiku ruyo, rwaaringa orusiku rwa esabhato akakeerya abhantu ega, kira ewiiki, egisiku gya okukora emirimu ni saasabha mbe, muuje mubhwe nibhwe kuginsiku giyo, nawe mutige okuuja ukuhweni bhwa orusiku rwa esabhato."¹⁵Nawe omukuru Yesu akamukyukya ega, bheenyu bhanyarwambe! Niwi gati yeenyu atakusikurira eng'ombe yaaye kasi entikiri yaaye okurwa murigo aihire okwinywe nsya, orusiku rwa esabhato? ¹⁶Ndegwa, omukari unu ng'o wa orugandaa rwa Abrahamu, amariri emyaka ekumi na munane, obhuherwe na erisambwa mbe, uyo wonse atakuenderwa abhanu bhwe bhurweri, orusiku rwa esabhato?"¹⁷Yesu hanu yaagamba gayo bhonsego bhanu bharinga bharahekananya nawe, bhakasuka nawe, abhendi bhonsego, bhakajomerwa bhukong'u kwa ekisigo kya amang'ana ga ebhika ganu yaari ringa arakora.¹⁸Kimwi Yesu akabhuurya abhantu bhonsego ega obhukama bhwa Waryubha bhununkeni egaki? mbhuhunkamje naki? ¹⁹Bharahunkana na akabhusuro akatuuya, kanu omuntu yaagega akahamba mu muganda gwaye akabhusuro kakamera, gukabha otumi omunene, ebhinyonyi bhikakija, bhikaagaaja amasu gaabho ku masaeji ga omuti guyo."²⁰Yesu akabhurya kweki orua kabhiri ega, obhukana bhwa, Waryubha bhuhunkanye naki? ²¹Bhurahunkana na ekimera kinu omukari yage ga, akabhanganya mu madebhe gasatu ga obhusye, kakabhimbya obhusye bhuyo mbosego."²²Yesu hanu yaringa kurugendo rwa okugya Yerusalemu yaringa akeehigirya abhantu mu mumigi mubhijiji bhinu yaahitanga mo. ²³Orusiku rumwi, omuntu umwi yaamubhuhanja ega "omukuru abhantu bhanu bharituuribhwa bharibha bhake ego?" Yesu akabha keerya ega. ²⁴Okusoha mu bhukama bhwa Waryubha, ndiya ego orasoha mu kuseku ekinyintu ndabhakerya ega, mibhaaru bhanu bharyenda okusoha nawe bhatarinagya mbe bheenyu mukore ekitunyo okusohe mo.²⁵Omwene enyumba hanu arisiika ho ekiseka, bheenyu muriimirira kibhara murate muratema ekiseku maribhanga muragamba ega 'omukoru, tusikurire! nawe aribha kyukya ega ntamanyiri enu murwiriri! ²⁶Bheenyu murimukerya ega, bheetu mbhantu twaringa na okunyua hamwi na uuwe! na uuwe weehi gryanga bhitongoji bhetu! ²⁷Nawe weeki aribhakyukya ega bhamanyiri na enu murwirwi murwe awani hanu bhanyu bha obhusarya!"²⁸"Nho, murikera na okuguatua na enkoro, kwa okaba murimurora Abrahamu, Isaka na Yakobo na abharooti bhonsego bharingi mu bhukamo bhwa Waryubha, nawe bheenyu muribha mutigirwe mu bhukama bhwa Waryubha, nawe bheenyu muribha mutigirwe kibhara! ²⁹Abhantu bharija okurwa mbaragya bhuturira ryuba na bhusikirira ryubha, goosi na taragueta bharikana okorya ebhyakirya mu bhukama bhwa Waryubha. ³⁰"Mwitegerere! abhantu bhanu bharasuka ku eribhaga rinu, bharibha bha insi, na bha insi bharibha bharasukwa.''³¹Eribhaga riyo, Abhafarisaayo abhandi bhakaja ku Yesu, bhakamkerya ega "Reka hanu ogende ahasi ahandi kwa okubha omukama Herode "arenda okuumwita." ³²Yesu akabhakyukya ega, "Mugende mukeerye nyamubhwe omchari uyo ega, 'ndakenya' ebhibwi okurwa kuabhantu na okumhwenya abharweri reero na ejo? orusuku rwa kasatu ndamara amerimugyani. ³³Kora ego, ndajima gendererye na orugendo rwani rwa okugya Yerusalemu, etari ahasi ahandi Yerusalemu.³⁴"Eee abhantu bha Yerusalemu! mureeta abharooti, kweki, abhantu bhanu bharatumwa na bhenyu, murabhatemo na amagina, mara kaaru aranyoora ndende okubhakumanya kya ego enkonko erakumanga ebhijuju bhyaye mubhabha gaaye naye eribhaga ryonsego mutakuenda. ³⁵Mbe! bhoono Waryubha arabhatiga bheenyu na orwibhuro ruenyu! na oni, ndabhakerya obhuhene ega, mutarindora kweki mpaka eribhaga rinu murigamba ega, 'Akumibhue unu araja kaa erina rya omukuru Waryubha."'

¹Yesu hanu yaaringa akyari mumrisyengerero erikuku rya Waryubha, akarora abhaami bharatuura emituho gyabho mwisandiko rya egimbirya. ²Akarora na omusino umwi omutaka, oratuura mo egimbirya ebhiri egyenego. ³Mbe, Yesu akagamba ega, "Ndabhakeerya obhuheene gya omusino omutaka unu, ng'o aturiri mwisandiko, egimbirya gya obhwera okukira abhandi bhayo bhonsego. ⁴Ndagamba ega, kwa okubha abhandi bhayo bhonsego, bharusirye emituho gya ebhintu bhinu bhiratama, okurwa kubhintu bhinu bhareenda. Nawe omusino omutaka unu, arusirye ebhintu bhyaye bhyonsego.''⁵Abheehigira abhandi bha Yesu, bhaaringa bharahairira erisyengerero erikururya Waryubha, kya ego ryaaringa rikonerwe kwa amagina amajomu, hamwi na emituho ginu abhantu bhaarusiryanga Waryubha. Kimwi, Yesu akagamba ega, ⁶"Eribhaga ririja, rinu amang'ana gonsego ganu murarora bhoono ega, garihanyurirwa hansi, kora erigina rimwi ritaritama eguru ya erindi.⁷Mbe, abheehigira bhayo, bhakamubhurya ega, "Omwihigirya amang'ana gayo garikoreka ruha? Na nkimanyi riryo ki, kinu kiryo rokya ega, garingi hang'i okukoreka?" ⁸Yesu akabhakyukya ega, "Mwiyangarire, mutariya okungienereribhwa. Abhantu abhaaru bhariija bharagamba ega, bhaana obhutungi bhwani. Kira oumwi arigamba ega, 'Oni noni Kristu!' Kweki, bharigamba ega, 'Obhuteero bhwa ekyaro bhuringi hang'i!' Abhantu bhayo, mutabhasoorana. ⁹Kweki, hanu muriigwa amang'ana ga eriihe, na eritongiana, mutoobhoha! Ereenderwa gayo gakoreke okwamba, nawe obhuteero bhwa ekyaro, bhukyari."¹⁰Yesu akagendererya okubhakerya ega, "Ekyaro ekimwi, kirirwana na ekindi na obhukama obhumwi, bhurirwana na obhukama obhundi. ¹¹Kira ahasi haribha na ebhirigiti ebhinene, enjara enduru, na amarweri amabhibhi bhukong'u. Na okurwa murwire, kuribhaho ebhimanyiri ryo ebhinene. Abhantu bharirora, amang'ana amarito ganu garibhakanga bhukong'u.¹²"Nawe eibhaga gayo gonsego gataratuuka, abhantu bharibhahira ku abhakuru bha amasinagogi, naho mubhohwe murigereja enu muranyankibhwa. Na abhandi murihirwa okujibhibhwa ku bhakama na abhanangwa ku orusumo rwani. ¹³Kwa ego, murinyoora omweya gwa okungambira.¹⁴"Kwa ega, mwamure mumitima gyenyu ega, mutige okusemya ganu murigamba, okwibhagirira mumakeusi. ¹⁵Oni omwene, ndibhahaana egintungwa, na amang'ana ganu murigamba, abhasigu bheenyu bhatariganga kora bhatarigaha kaana.¹⁶"Murikorerwa eniku kora abheebhuri bheenyu, abhamura bheenyu, abhahiiri bheenyu na abhasaani bheenyu. Gati yeenyu, abhandi muriitwa. ¹⁷Abhantu bhonsego, bharibhasoka ku orusumo rwani. ¹⁸Nawe, amang'ana gayo, gataribhanya haara, kora orutuukya orumwi kumitwe gyenyu rutaribhura. ¹⁹Obhuhoru bhwenyu bhurituribhwa hanu murikong'ererya.²⁰"Nawe, hanu murirora ega, omugi gwa Yerusalemu gwinarirwe na abhasiri kare, mbe mumanye ega, eribhagarya okugusarya rihikiri. ²¹Hayo, bhanu orinyoora bharingi mumugi gwa Yudea, bhakenyere munkuru. Bhanu orinyoora bharingi Yerusalemu muyo, bharwe mo bhwangu. Na bhanu orinyoora bharingi mumigunda, bhatahunjuka mumugi muyo. ²²Kwa okubha, eginsiku giyo, ngyo gya okuriha ekisiyomba, naho amang'ana gonsego ganu gaang'orwa, garahikira obhuteero bhwago.²³Kuginsiku giyo, abhakari bha eginda na bhanu orinyoora bharanen'ya, bharinyanka bhukong'u kwa okubha kuribha na enyanko enene bhukong'u mukyaro. kweki, Waryubha arijibhya abhantu bha mukyaro. ²⁴Abhantu abhandi bhariitwa kwa amapanga. Abhandi bharigwatwa na okuhirwa mubhyoro ebhindi, omugi gwa Yerusalemu guritungwa na abhantu okurwa kubhyoro ebhindi, bhanu bhataringi Abhayahudi mpaka eribhaga ryabho rya okutunga hanu ririhwa.²⁵"Kuribha na ebhimanyiriryo kuryubha, omweri, na eginyota. Na mukyaro hanu, eginyanja giribha na amabho oka na enyanko na obhwobha. ²⁶Mbe, gayo gonsego garituuka mukyaro, abhantu bharyobhoha bhukong'u. Bharigwa erihiku kwa ekisigo kya okukangwa, enu bharaga nyirira amang'ana amabhibhi bhukong'u, ganu garaatuuke mukyaro na ebhintu bhya murwire bhiribha bhirasingisa.²⁷"Hayo nho, murimurora omwana wa Adamu, araaja okurwa mumasaaru, aringi na eginguru na obhutungi obhukuru. ²⁸Mbe, amang'ana gayo, hanu garyamba okukoreka, mwikong'ererye, okuterema kwa okubha eribhagarya okutuuribhwa kwenyu, orinyoora riringi hang'i.''²⁹Kweki, Yesu akabhakeerya abheehigira bhaaye ekirengyo ega, "Mumaahe omutini, na emiti egindi gyonsego. ³⁰Hanu murarora ega, omuti gwambiri okusebhuk, rumwi ego mwamanya ega, eribhaga rya eriranga riringi hang'i. ³¹"Ego ego, na bheenyu hanu murirora amang'ana ganu garakoreka, mumanye ega, obhukama bhwa Waryubha bhuringi hang'i.³²Ndabhakerya obhuheene ega, abhantu bha orwibhuro runu, bhatarikwa eribhaga ganu gonsego gakyari okukoreka. ³³Orwire na ekyaro bhirihwa, nawe amang'ana gani gariguma eginsiku gyonsego!³⁴"Mwiyangarire! Emitima gyenyu gitariija okugwatwa na orunamba rwa okukora amang'ana ga mukyaro bhuyagayaga, okurehwa, na obhobha bhwa obhuhoru. Nyoore ti ego, orusiku rwa okuhunjuka omwana wa Adamu ruribhaajira mutamanyiri. ³⁵Orusiku ruyo, ruribhaajira rumwi ego abhantu bhonsego bhamukyaro.³⁶Kwa ego, mubhe mwiseemerye eribhaga ryonsego! Mugendererye okumusabha Warybha, naho abhabheere okwambuka gonsego ganu garituuka, na okwimirira embere ya omwana wa Adamu."³⁷Mbe, kuginsiku giyo, Yesu yaaringa areehigirya abhantu murisyengerero erikuru rya Waryubha. Obhutiku, yaagyanga okurora munkuku inu erabhirikirwa emijeituni. ³⁸Abhantu abhaaru bhaamwenjanga nyenkyo juri, okugya murisyengerero, naho bhamwitegerere.

¹Abhakuru bhaye bhonsego bhakeemirira, bhakamuhira Yesu ku Pilato. ²Bhakaamba okumujongera kwa obhuhaari, Bharagamba ega omutu unu tumunyooreri arahabhya abhantu bha ekyaro kyetu, kwa okubha arabhakan'ya bhatatobha erigooti ku omutungi omukuru wetu; na aragamba ega weeki ng'o omukama Kristu.''³Nho Pilato akamubhuurya ega, uuwe nuuwe omukama wa Abhayahudi? Yesu wonse akagamba ega, Ndegwa uuwe omwene otubhwiri." ⁴Pilato akabhakeerya abhakuru bha bhasyengeri, hamwi na omuganda gha abhantu ega, omuntu unu arirora obhusarya bhuyo bhonsego." ⁵Nawe abhantu bhayo, bhakakomererya ega. Arasigirirya abhantu, kwa obhwihigirya bhwaye ku kyaro kyonsego kya abhayahudi yaambira Galilaya na bhoono yahikiri Yudea."⁶Pilato hanu yeegwa gayo, akabhabhuurya nyoore Yesu mumugalilaya. ⁷Hanu yaamanya ega, mumugalilaya wa obhutungi bhwa Herode, akamuhira ku weeki, kwa okubha eginsiku giyo, Herode yaaringa Yerusalemu hayo.⁸Herode hanu yaamurora akajomerwa bhukong'u. Kwa yaaringa yeegwiri amang'ana gaaye. Yeegombanga okumurora kwa eribhaga etambi, naho omwene arore ebhika bhinu arakora. ⁹Herode akamubhuuririrya amang'ana amaaru, nawe Yesu ataakyukya ering'ana. ¹⁰Abhakuru bha, abhasyengeri na abheehigirya bha amaragiriryo ga Waryubha bhaaringa ho, bharamujongera kwa abhuhaari bhukong'u.¹¹Herode wonse, na abhasirikare bhaye bhakaamba okumujeera, bhakamusekerera, bhakamwibhohya engibho gya ekikama. Nho Herode akamuhindya ku Pilato. ¹²Herode na Pilato bhaaringa abhisigu akwambira hayo, bhakabha abhasaani).¹³Pilato akabhakumanya abhakuru bha abhasyengeri na abhatungi bha Abhayahudi, hamwi na abhantu bha mumugi. ¹⁴Akagamba ega, mundeteeri omuntu unu muragamba ega, yaaringa arahabya abhantu bhoono mwitegerere mwigwe. Neekomerye bwaheene okujongera kwenyu kwonsego, bhutari ho obhusarya bhwobhwonse bhunu naruuji.¹⁵Kora Herode wonse ataruuji abhusarya bhwobhwonse bhurya, nkyo kikoreri amuhunjukirye kuoni, mumanye ega, omuntu unu ataakora ering'ana eribhibhi rinu riraakore yeetwe; ¹⁶Kwa ego ndamutema ebhibhoko ndamara ndamuhatira. ¹⁷(Kira kunyangi ya epasaka hanu yaahikanga yeenderwanga Pilato okumuhatira omubhohwa oumwi).¹⁸Nawe abhantu bhayo bhonsego bhakajirira kwa hamwi ega muruusye ho omuntu uyo; otusikurire Bharaabha. ¹⁹Bharaabha uyo yaaringa abhoherwe murigereja. Kwa okubhwa yaaringa akoreri ekisiyomba mumugi na yaaringa yetiri omuntu.²⁰Pilato akeenda akuhatira Yesu. Ego akagamba nabho kweki. ²¹Nawe bheeki bhakagendererya okutema ekituri mubhambe kumusarabha! mubhambe ekumusarabha. ²²Akabhakeerya kweki orwa kasatu ega, Akoreri obhubhibhi ki? Ndegwa ntakurora abhusarya bhuyo bhonsego bhunu bhuraakore yeetwe kwa ego ndamutema ebhibhoko ndamara ndamuhatira.''²³Nawe abhantu bhayo bhakagendererya okutema ekituri bhukong'u ega Yesu abhambwe kumusarabha kubhumaririryo ekituri kyabho kikamuhiga. ²⁴Mbe, Pilato akabhahatirirya Abhayahdi bhayo okukora kya ego bhareenda. ²⁵Akabhasikurira Bharaabha okurwa murigereja yaaringa abhoherwe kwa okukora ekisiyomba na obwiti akabhahaana Yesu naho bhamukore kya ego bhareenda.²⁶Hanu abhasirikare bhaaringa bharamuhira Yesu okumubhamba kusarabha bhakasikana na omuntu umwi eriina ryaye Simioni wa mumugi gwa kurene eribhaga riyo, yaasahanga mumugi gwa Yerusalemu. Bhakamugwata, bhakamwitiikya omusarabha gunu Yesu yaaringa yetikiri, akabha aragenda enyuma ya Yesu.²⁷Abhantu emiganda na emiganda bhakamuseeta Yesu. Gati yaabho bhaaringa mo abhakari bhanu bhaamukuriranga na okuruguura. ²⁸Yesu akabheekyukirya akabhakeerya ega, Bheenyu abhakari bha Yerusalemu mutige okunkurira oni! mwikurire bheenyu abheene, na mukurire abhaana bheenyu.²⁹Mumanye bhujomu ega egisiku giriija ginu abhantu bharigamba ega nyakara abhagumba bhanu bhatakeebhwiri na egi mbeere ghabho gitakanenerye abhana. ³⁰Eribhaga riyo, abhantu bharikeeryo eginkuku ega. Mutugwire na ebhwisha mutukundikirirye.' ³¹Kwa ensonga ya ega nyoore bharakora ego ku oni, omuti omubhisi, eribha enyako bhukong'u ku bheenyu omuti omomu?''³²Abhasirikare bhakamuhira Yesu hamwi na bha abhusarya, bhabhiri naho bheetwe hamwi.³³Hanu bhaahika ahasi hanu harabhirikirwa ekihuuri kya omutwe nho bhakamubhamba kumusarabha bhakamubhamba na bha obhusarya bhahiri bhayo oumwi orubhaara rwaye rwa obhuryo na oundi orubhaara rwaye rwa obhumosi. ³⁴Yesu akagamba ega, Tata; obhabhire kwa okubwa bhatamamanyiri kinu bharakora. Abhasirikare bhayo hanu bhaamara, bhakagabhana egingibho ghaye kwa okugitemera ekuura.³⁵Abhantu bhaaringa bhweemiriri hayo bharamaahirira ganu garakoreka. Abhakuru bha Abhayahudi, bhakamujeera bhakagamba ega Ndegwa yaatuuryanga abhandi; Mbe bhoono yeetuurye omwene, nyoore ng'o Kristu omwahurwa wa Waryubha.''³⁶Abhasirikare bhonse bhakamujeera, bhakamusutarira, bhakamuhaana omusuka gwa amarwa. ³⁷Bhakamukeerya ega, Nyoore heene uuwe mumukama wa abhayahudi ituurya uuwe omwene; ³⁸Eguru kumusarabha gunu yaaringa abhambirwe ko, bhaatuura ko amang'ana ganu,UNU NG'O OMUKAMA WA ABHAYAHUDI.''³⁹Oumwi gati ya bha abhusarya abhabhiri bhanu bhaaringa bhabhambirwe kumusarabha hamwi akamutuka Yesu ega, mubhuheene ega uuwe nuuwe Kristu? Mbe ituurya uuwe omwene; otutuurye na bheetu bhonse. ⁴⁰Nawe owa obhusarya oundi akamukemera omurikyaye ega uuwe otakoobhoha Waryubha? Uuwe wonse onyooreri obhujibu bhuyo bhuyo? ⁴¹Bheetu tujibhiibwe kwa obhuheene ganu ngo endini ya ganu twaakora. Nawe omuntu unu, ataakora obhusarya bhuyo bhwonsego.''⁴²Hanu yaamara akukemera omurikyaye akagamba ega Yesu unhiituke oni hanu wakasohe mu bhukama bhwaho. ⁴³Yesu akakyukya ega Ndakukeerya, obhuheene ega reero wakabhe hamwi na oni murwire.''⁴⁴Hanu yaahika ensa, esansabha omubhasu, eryubha rikasima ekisunte kikakurya mukyaro kyonsego mpaka hanu yaahika ensa kenda. ⁴⁵Eshuuka inu yaaringa eturungajiibhwe munyumba enkuku ya murisyengerero rya Waryubha ekatamuka amabhaara gabhiri.⁴⁶Yesu akakura kwa eriisi enene ega, Tata omutima gwani ndagutuura mumabhoko gaaho. Hanu yaamara okugamba gayo gukawa mo. ⁴⁷Omukuru wa abhasirikare hanu yaarora ganu gakorekeri, akamukumya Waryubha aragamba ega, mubhuheene ega omuntu unu yaaringa wa heene.''⁴⁸Abhantu bhonsego, bhanu bhaaringa bheekumenye okumaaha amang'ana gayo hanu bhaarora ganu gakorekeri, bhakahunjuka iika owabho, bhareetematema kubhikubha bhyabho kwa okusurumbara. ⁴⁹Nawe bhanu bhaaringa bhamumanyiri bhakeemirira hare bhakamaahirira ganu garakoreka, gati yaabho, bhaaringa ho abhakari bhanu bhaamuseetanga okurwa mu kyaro kya Galilaya.⁵⁰Yaarinha ho omuntu umwi, eriina ryaye Yusufu, wa mumugi gwa Arimataya, gunu gwaaringa mukyaro kya Yudea. ⁵¹Yaaringa omuntu wa heene embere ya Waryubha yaaganyiriranga obhukama bhwa Waryubha bhuuje.⁵²Mbe akagya ku Pilato akasabha omubhiri gwa Yesu. ⁵³Pilato hanu yeekirirya, Yusufu akagwikya okurwa kumusarabha akagukundikirya ensanda, akagutuura mumbihira inu yaaringa ebhajirwe kwitare, inu yaaringa ekyari okubhiikwa mo omuku oundi.⁵⁴Orusiku ruyo rwaaringa, orwa kaatanu, na ndwo rwaariga orusiku rwa okuseenya kwa esabhato, orusiku rwa esabhato rwa esabhato rwaaringa rwambiri. ⁵⁵Mbe abhakari bhanu bhaaja hamwi na Yesu okurwa Galilaya, bhakamuseeta Yusufu mumbihira, bhakamaaha kya ego omubhiri gwa Yesu guteerwe mo. ⁵⁶Nho bhakahunjuka iika, bhakaseemya amaguta na abhurange bhwa okuhaka omubhiri gwa Yesu bhakamuunya orisiku rwa esabhato, kya ego yaaringa eragiriribhwe na amaragiriryo ga Waryubha.

¹Kwibhaga rinu Yesu yaitanga, yamurora omuntu omuhoku nkyego okubhurwa kwaye. ²Abhehigira bhaye bhakamubhurya, "Waryubha, niwi akoreri obhusarya omuntu unu kasi abhebhuri bhaye mpaka yebhurwe omuhoku?''³Yesu akabhakyukya, "Atari omuntu unu wara abhebhuri bhaye bhanu bhakora obhusarya, Nawe emirimu gya Waryubha gyorokibhwe okuhitira kuweki. ⁴Turenderwa okukora emirimu gyaye hunu yantuma kwibhaga rya mubhasu. Obhutiku kwibhaga rinu atario hunu aratura okukora emirimu. ⁵Kwibhaga rinu naringa mukyaro nari obhurabhubha ekyaro."⁶Yesu anu yamara okugamba amang'ana ganu yetuma kwirabha, akakora obhutoto na amate akamuaka omuntu urya mumeso na amatoto. ⁷Akamukerya, genda oge mukisima kya Siloam(inu erakyukibhwa kya unu yatumwa)" bhono omuntu uyo yagya akesabha, akaunjuka ararora.⁸Abhamenyani omuntu urya na bhanu bha murora enyuma omusabhi bhabhurya, hunu atari omuntu unu yabhanga yekeri na okusabha? abhandi bhakagamba, "ng'o". ⁹Na abhandi bhakagamba, "Hatari nawe aunkeeni nawe" Nawe yabhanga aragamba, "naoni"¹⁰Bhakamubhurya, "Bhono ameesi gao gamogoribhwa egaki?" ¹¹Akakyukya omuntu unu arabhirikirywa Yesu yakora entoto na okuhaka ameeso gaani akankerya, Genda Siloam wisabhe! kwego nkagya nkesabha nkanyoora okurora." ¹²Bhakamubhurya, "Ariha" akakyukya "ntakumanya."¹³Bhakamuira omuntu unu yaringa omuhoku ku Mafarisayo. ¹⁴Rwaringa orisiku rwa esabhato anu Yesu yakora entoto na okumogorya ameeso gaye. ¹⁵Ng'o kweeki abhafarisayo bhakamubhurya yanyoora egaki okurora. Akabhakerya, "yatuura entoto mumeeso gani enkesabha, nabhono nda tura okurora."¹⁶Abhafarisayo bhakagamba, "Omuntu unu atarwiri ku Waryubha kwaokubha atakugwata esabhato." Abhandi bhakagamba, "Eraturikana omuntu wa obhusarya okukora ebhimanyiri ryo nkya bhiyo?" Bhono gukabhao omwigabhanyo kubheeki. ¹⁷Ng'o bhakamubhurya omuhoku urya kweeki, "ora gambaki eguru yaaye kwaokubha yamogorya ameeso gaao?' Omuhoku akagamba, "Numuroti." ¹⁸Kwibhaga rinu abhayahudi bhatamikirirya ega yaringa omuhoku weeki yanyoora okuroora mpaka anu bhabhabhirikira abhebhuri bhaye unu yanyoora okurora.¹⁹Bhabhabhurya abhebhuri, unu numwana wenyu unumuragamba yebhurwa omuhoku? aturiri egaki okurora? ²⁰Abhebhuri bhaye bhakamukyukya, "Tumanyiri ega unu numwana weetu na yebhurwa omuhoku. ²¹Turamaa ararora, tutakumanya unu yamumogorya maeeso gaye, tutamumanyiri. Mumubhurye weki mmuntu mukuru. Aratura okubha kerya omwene."²²Abhebhuri bhaye bhagamba amang'ana ganu, kwaokubha bhobhoanga Abhayahudi. Kwao kubha Abhayahudi bharinga bhekirirenye anu erabhe wowose unu arikirirya ega Yesu ng'o Kristu aryahurwa, na erisyengerero. ²³Kwaokubha abhebhuri bhaye bhagamba, mmuntu mukuru, mumubhurye weki."²⁴Anu bhabhirikira omuntu urya yaringa omuhoku rwakabhiri, bhakamukerya, "Muhane Waryubha obhukuru. Tumanyiri ega omuntu unu nu hobhusarya. ²⁵Ng'o omuntu urya akakyukya, "Abhe ni obhusarya, onintamanyiri hata ekintu ekimwi kinu mmanyiri naringa omuhoku nabhoono ndarora.²⁶Ng'o bhakamubhurya, "Akukoreriki? yagamogorya egaki ameeso gao?" ²⁷Akakyukya, "Mariri kubhakerya bhenyu mutegereri! kwaki murenda okwigwa kweeki? Nabhenyu mutakwenda okubha abhehigira bhaye? ²⁸Bhamutuka bhakagamba, "Uuwe numwihigira waaye, Nawe bhentu nabhehigira bha Musa. ²⁹Tumanyiri ega Waryubha yaaira na Musa nawe kumuntu unu tutamanyiri enu arareka."³⁰Omuntu urya akabhakyukya na okubhakerya, "Nkwaki ering'ana rinu ndya okurugurya ega mu tamanyiri enu arareka na amogwerye ameeso gani. ³¹Tumanyiriga Waryubha atakubhetegerera abhaobhusarya, Nawe erabhe omuntu wowonse araniu syengera Waryubha na arakora amega gaye, Waryubha aramwitegerera.³²Nkyego okubhumbwa ekyaro tutakegwiri ega wowonse yamogoribhwa ameso ga omuntu unu yebhurwa omuhoku. ³³Okanyoreri omuntu unu atarwiri ku Waryubha atakakoreri kyokyonse. ³⁴Bhamukyukya na okumukerya, Webhurwa kubhusarya na uuwe oratwihigirya bheetu?" Ng'o bhakamukenya okurwa mwisyengerero.³⁵Yesu yegwa ega bhamukenyerye mwisyengerero. Yamonyora na akamubhurya, "Oramwitegerera omwana wa omuntu?" ³⁶Yakyukya na okugamba, Niwi omukuru nonse nyore okumwitegerera?" ³⁷Yesu akamukerya, "Omariri kumurora naunu oraaira nawe ng'o." ³⁸Omuntu urya akagamba, "Omukuru naoni," Ng'o akamwigamira.³⁹Yesu akagamba, "Kwaobhujibhya najiri kukyaro kinu ega bhanu bhatakurora bhanyoore okuroora nabhanu bhararora bhabhe abhahoku." ⁴⁰Abhafarisayo abhake bhanu bharinga amwi nawe bhakegwa amang'ana gayo bhakamubhurya, "Nabhetu bhonse mbahoku?" ⁴¹Yesu akamukerya, "nyoore mukabheri abhahoku mutakabheri na obhusarya. Hata ego, bhoono muragamba, 'Turamaa,' obhusarya bhwenyu bhurekara."