¹Eketabho ikya ekeseku ikya Yesu Kristo Omona uwa Daudi, Omona uwa Ibrahimu. ²Ibrahimu yare suwabho Isaka, (na)Isaka suwabho Yakobo {na} Yakobo suwabho Yuda nabhawabho. ³Yuad yarenge suwabho Peresi {na}Sera kho Tamari,Peresi suwabhoHezeroni, {na}Hezeroni suwabhoRamu.⁴Ramu yarenge suwabhoAminadabu, Aminadabu suwabho Nashoni, Nashoni suwabho Salimoni. ⁵Salimo suwabho Boazi kho Rahabu, Boazi suwabho Obedi kho Ruth, Obedi suwabho Yese. ⁶Yese yarenge suwabho omokama Daudi. Daudi yarenge suwabho Sulemani komokari Uria.⁷Sulemani yare suwabho Rehoboamu, Rehoboamu suwabhoAbiya, Abiya suwabhoAsa, ⁸Asa yare suwabho Yehoshafati, Yehoshafati suwabho Yoramu,{na}Yoramu suwabho Uzia.⁹Uzia yare suwabho Yothamu, Yothamu suwabhoAhazi, Ahazi suwabho Hezekia, ¹⁰Hezekia yare suwabho Manase, Manase suwabho Amoni, Amoni suwabho Yosia, ¹¹Yosia yare suwabho Yekonia nabhamura bhabho enkagha iyo kogheghwa kugya Babeli.¹²{Na}hano yagheghirwe kughya Babeli, Yekonia yare suwabho Shetieli, Shetieli yare ghuka wabho {na}Zerubabeli, ¹³Zerubabeli yare suwabho Abiudi, Abiudi suwabho Eliakimu, Eliakimu suwabho Azori, ¹⁴Azori yare suwabho Zedoki, Zedoki suwabho Akimu, Akimu suwabhoEliudi.¹⁵Eliudi yare suwabho Elieza, Elieza suwabhoMatani, Matani suwabho Yakobo, ¹⁶Yakobo yare suwabho Yusufu mushasha uwa Mariamu, ono kumwene Yesu yibhoywe, ono akobherekerwa Kristo. ¹⁷Orwebhoro rhonswe kurwa kho Ibrahimu kohekera kho Daudi ndware orwebhoro urwi ikomi nakane, kurwa kho Daudi kohekera kogheghwa kughya Babeli shinyose ikomi ninye, nukurwa kogheghwa kugya Babeli kohekera Kristo shinyose ikomi nainye.¹⁸Ukwibhorwa ukwa Yesu Kristo nigho kware. Nyakuwabho, akaghamberwa obhokwe {na}Yusufu, nawe nkagha bhatarasikana, akamahekana igha nendare kho obhotoro ubhwe Enkoro Ehoreru. ¹⁹Mushasha waye Yusufu, yare monto mohene teyatunire komosokyahe maiso marabhu. Yatighire obhoghambi bhwaye obho bhokwe kowe kwakibhisire.²⁰Hano yaiteghera ighoro iya amang'ana ghano, Umwahorwa owo Omokama akamweshera mokeroto, araghamba, "Yusufu omona uwa Daudi, otakobhoha komoghegha Mariamu kya mokaho, kobhora enda iyo anayo nkobhotoro ubhwe Enkoro Ehoreru. ²¹Aryebhora omona uwi kishasha naoremobherekera irina ryaye Yesu, kobhora narebhatungurya abhanto bhaye kubhitimba bhyabho."²²Ghonswe ghano ngabhaye kukuhikya kera kyaghambirwe no Omokama kho khohetera omoroti, akaghamba, ²³"Maha, omohara naraimoki enda nokwebhora omona uwi kishasha, nambaramobherekere irina Emanueli" -- esesoro yako, "Waryobha hamwe nabheto."²⁴Yusufu yimokire kurwa moshentero nokokora kyaigho umwahorwa uwo Omokama yamotebhiri nokomoghegha kobha mokaye. ²⁵Kuigho,tiyareye nawe kohekera hano yibhoye omona uwi kishasha nokomobherekera irina ryaye Yesu.

¹Hano Yesu yamare kwebhorwa khu umughi ughwa Bethelehemu iya Uyahudikushinsiko isha omokama Herode, abhanto abhasomi kukurwa hare roghoro mbahikire Yerusalemu bharaghamba, ²Hayaarenge umwene ono ibhoywe Omokama uwa Bhayahudi?Ntwaroshe inyota yaye roghoro nabheto twishire komoghonga." ³Nkagha Omokama Herode yighure ghano akabhabhayera, {na}Yerusalemu yonswe hamwe nawe.⁴Herode akabhakomamanya abhanene abha abharoti bhonswe nabhakoni koni abha bhanto, nokobhabhorya, "Kristo hai aribhorwe?" ⁵Bhakamotebhya, "khu mughi ughwa Bethelehemu iya Uyahudi, kobhono igho nigho yakonirwe konirwe nabharoti. ⁶Nawe bhethelehemu, khu kyaro ikya Yuda, temokehe ghate yabhatangati abha Yuda, kobhora kurwa kuuwe narisha omobhahi."⁷Kuigho Herode akabhabherekera abhasomi bhara bhughunyi nokobhabhorya ne enkaghake inyota yamahekaini. ⁸Akabhatoma Betherehemu, akaghamba, "Moghende kwabhong'aini mumutune omona uyo yibhoywe. Enkagha eno moramomahe, mondetere amang'ana koreke oni wonse ntore kusha komoghonga."⁹Hano bhamare kumwiteghera omokama, bhakaghenderya noroghendo rwabho, ninyota era bharenge bharoshe roghoro ekabhatangata kohekera hano yaimereye ighoro iya hara omona yibhoreywe. ¹⁰Enkagha bharoshe inyota mbashomeywe khu ubhushomerwa bhwaru bhokong'u.¹¹Hano bhasohire kha nokomomaha omona ono yibhoywe {na}Mariamu nyakuwabho. Bhakamuhighamera nokosabha. Bhakatanshora ibhighushi bhyabho bhakamutuha ebheghegha, ibhighundiryo nakaryogho aghukunywa. ¹²Waryobha yabhakaniri kho keroto bhatakakyora kho Herode, igho mbaimokire kukyora khu kyaro kyabho kwanshera yende.¹³Hano bhamare kyemoka umwahorwa wo Omokama akamweshera Yusufu mokeroto nokoghamba, "Emoka ogheghe omona nanyakuwabho mokenyere Misri.Mutighare iyo kohekera hano ndebhatebhya, kobhora Herode naratune omona kobhake amwite. ¹⁴Ubhutiko bhuyo Yusufu yabhokire akaghegha omona nanyakuwabho bhakakenya kughya Misri. ¹⁵Akamenya iyo kohekera Herode hano yakure. Reno ndyorokiri kera Omokama yaghambire kohetera omoroti, "Kurwa Misri mberekeye omona wane."¹⁶Hano Herode, hano yaroshe igha ashabhurwe nabhanto abhang'aini, akarera bhokong'u. Akahama kutwa abhana bhonswe abhi kishasha bhare bhare Bethelehemu nabhonswe bhano bhana imyoka ebhere nanse iya ghiyo khoreng'ana kho enkagha eno yare emanyekaini kurwa kobhohene ubhwa abhanto abhang'aini.¹⁷Nho kukuhika eng'ana era yaghambirwe kurwa kobhoraka ubho omoroti Yeremia, ¹⁸Obhoraka mbhwighurwe Ramah, ikikuro ninyanyi enene, Raheli arakora abhana bhaye, akanga kukiribhwa kobhora tebhahohe ghweki."¹⁹Herode hano yakure, maha umwahorwa uwo Omokama akamweshera Yusufu mokeroto arenge Misri nokoghamba, ²⁰"Imoka ogheghe omona nanyakuwabho, namoghende kukyaro ikya Israel kobhora bhara bhatunanga obhohoru obho omona waho bhakure.' ²¹Yusufu akaibhuruka, akaghegha omona hamwe nanyakuwabho, bhakasha kukyaro ikya Israeli.²²Nawe hano yaighure igha Arikelau yarenge arabhaha Yuda ahase hasuwabho Herode, yobhohire kughya iyo. Hano Waryobha yamokaniri kokeroto, akemoka kughya kho orong'ongo urwa Garilaya, ²³nu ukuya komenya khu umughi ghono ghokobherekerwa Nazareti. Reno ryare kuhikirya kera kyare kyamara koghambwa kohetera abharoti, igha narabherekerwe Omonazareti.

¹Kushinsiko shera Yohana omokori wisubho yaishire aratabherya mobhesaka ibhya Yuda araghamba. ²"Mwetobhore kokobha obhokama ubhwa koryobha hang'e bhore," ³Kobhora ono owe yaghambirwekho omoroti Isaya araghamba, "obhoraka bho omonto ono akobherekera kurwa kokekongo: "mokore bhongo enshera iyo Omokama, moroki kyaigho areheta,"⁴Bhono Yohana akaibhoha amabhuri aghe ngamia numushibhi ughwa risero mobhokende bhwaye. Ibhiyakorya bhyaye mbesase bhyare nobhoke ubhwa mobhesaka. ⁵Ghweki Yerusaremu, Yuda yonswe, nekebhara kyonswe keno kinare ikyoro ikya Yodani bhakaya waye. ⁶Bhasubhwanga nawe mokyoro ikya Yodani eno bhararebhora ibhitimba bhyabho.⁷Naho akabhamaha abharu bha mafarisayo namasadukayo bharasha kumwene kusubhwa, akabhatebhya, "Bhenyu urwibhoro urwi inshoka eno ena obhosongo nawe yabhorokiri kokenya obhoreru bhono bhukusha? ⁸Mwebhore shehagho sheno shisire inyanyi yenyu. ⁹Motakaiteghera nukushumasha bhenyu abhene, tonawe Ibrahimu kya tata weto,' Kobhora ndabhatebhya Waryobha aratora kumwimokerya Ibrahimu abhana nokanyora nkurwa kho maghena ghano.¹⁰Bhono ishoka emare kotorwa kumuri gho omote, kuigho kera omote ghono ghwetakwebhora shehagho shinshiya ngorabhotorwe nokotabhutwa momoro. ¹¹Ndabhasubha namanshe kukughira yinyanyi. Nawe umwene ono akusha nkagha ndureho monene kokera oni naoni tinisire kura okoghegha shengeto shaye. Umwene narebhasubha kho enkoro yobhohoreru nako omoro. ¹²Ekebhebheto kyaye mokobhoko kwaye kere keramurentekya bhokong'u ekebhara bhansha kyaye nokokomanya engano yaye moketara. Nawe narasambe amasaghyo kho omoro ghono ghotaririma.¹³Ghweki Yesu akasha kurwa Garilaya nokohekera mukyoro ikya Yorodani kusubha {na}Yohana. ¹⁴Nawe Yohana yatunire komorebhera araghamba,"Oni ndatuna kusubhwa nauwe, nauwe wishire kuoni?" ¹⁵Yesu akamohonshora akaghamba, "ikerya ibhe bhonigho, kokobha nigho ikutuna tobhe kuhikya obhohene bhonse." Ghweki Yohana akamwikererya.¹⁶Hano yamare kusubhwa, Yesu yarure momanshe, hakigho risaro rekeghoka kumwene akamaha umwahorwa uwa Waryobha aarika hanse khi ikighuti nukumunya ighoro yaye. ¹⁷Maha, obhoraka kurwa koryobha bhoraghamba, "Ono mona wane omohanshe. Ono nkushomerwa nawe."

¹Hano yamare yakangatirwe nu umwahorwa mokebhara okoreke asaghwi narisambwa. ²Hano yangire okorya shinsiko merongo ene ubhutiko nomobhaso yanyore umweko. ³Omosaghya akasha nokomotebhya, "nyore uwe no omona uwa Waryobha ore, hamera amaghena ghano ghabhe emeghate." ⁴Nawe Yesu akamohonshora nokomotebhya, "yakonirwe konirwe, Omonto tamenye kho omoghate ughwenehe, hamwe nko ker."'⁵Hano risambwa ryamuhire kumughi omohoreru akamotora ahase highoro bhokong'u aha rikindasi irya risengero, ⁶akamotebhya,"nyore uwe no omona uwa Waryobha ore,ibhuruka oghwe hanse, kokobha yakonirwe konirwe, "Arehamera abhahorwa bhaye bhakoghote," nambarakwimoki kho amabhoko ghabho, koreke otakaitema amaghoro ghaho kwighena."⁷Yesu akabhatebhya, "ghweki yakonirwe. Otakamosaghya Omokama waho Waryobha. ⁸"Ghweki risambwa rekamoghegha nukumuhira entahana iyi ighoro bhokong'u akamoryokya obhokama ubhyi ikyaro nubhushomerwa bhwako bhonswe. ⁹Akamotebhya, "ndakohana ebhento bhyonswe bheno hano oranyihamere nokonsasama."¹⁰Nho Yesu yamotebhiri, "Kaghi shaho urwe kuoni hano ore isambhwa. Kobhora yakonwa. erantuna kosasama Omokama Waryobha wane, omotomekere umwene.' ¹¹Nho risambhwa ryamutighire, maha, abhahorwa bhakasha komotomekera.¹²Hano Yesu yighure igha Yohana aghotirwe, yimokire kughya Garilaya. ¹³Yimokire Nazareti akaghya komenya Kaperanaumu, eno erenge mbareka yi inyansha iya Garilaya, morotonga urwa ibhyaro ibhya Zabuloni {na} Nuftali.¹⁴Reno ndyarwereyeho kuhikirya kera kyarengibhwi no omoroti Isaya. ¹⁵Kumughi ghwa Zabloni numughi ghwa Naftali, kobhata kunyansha,kho orong'ongo urwa Yodani, Garilaya urho orotonga urwi ibhyaro! ¹⁶Abhanto bhano bhaikaye mukisunte bharoshe obhorabhu obhonene, nabhara bhare bhhaikaye moshentahana ishi ibhiriri ikyu uruku,ighoro yabho obhorabhu bhobhamorekire."¹⁷Kukurwa enkagha iyo Yesu yasimiri kotebherya nokoghamba, "mwitobhoshorwe, kobhora obhokama ubhwa koryobha hang'e bhore."¹⁸Hano yaghendanga mbareke yi inyansha iya Garilaya, akamaha abhana bhendemwe bhabhere, Simoni ono yabherekerwanga Petro, Anderea mura wabho, bharategha emetegho kunyansha, kobhora mbateghi bhare bhanswe. ¹⁹Yesu akabhatebhya, "Mushe monsorana nendabhakore bhateghi bha abhanto." ²⁰Kamwigho bhakatigha emetegho bhakamosorana.²¹Yesu hano yaghenderyanga kurwa hayo akamaha abhe ndemwe bhande bhabhere, Yakobo mura wabho, bharenge mubhwato hamwe {na}Zebedayo suwabho bharatuma emetegho ghyabho. Akabhabherekera, ²²kamwe igho bhakatigha ubhwato nasuwabho wonse akabhasorana.²³Yesu akaghya garilaya yonswe,nukweghya amasengero ghabho, aratebheryo eng'ana iyo obhokama, nukuhwenya inyanyi iye mebhere namaroye kobhamwe bha abhanto. ²⁴Amang'ana ghaye nghahire shinkuma Siria yonswe, abhanto bhakabhahira khu umwene bhara bhonse bharenge abharoye, bhare namaroye haghare haghare nukunyahareka bhano bhare namasambhwa,bhano bhare naririmu nabhabheru. Yesu akabhahwenya. ²⁵Rikomo rinene irya abhanto rekamosorana kurwa Garilaya, Dekapoli, Yerusalemu, Uyahudi nukurwa humbhu iya Yodani.

¹Yesu hano yaroshe rikomo irya abhanto, akaimoka nukughya mokekereghe. Hano yarenge ikaye hanse, abhana bhegha bhaye bhakaya kumwene. ²Akawansha kobheghya, araghamba, ³Nyakurukare bhano bharenge narihabhe abhashenkoro kobhora obhokama ubhwa koryobha mbhwabho. ⁴Nyakuru kare bhano bhana amaiteghero kokobha mbharishomeribhwa.⁵Nyakuru kare abhahabhu, kokobha mbareghabha ikyaro. ⁶Nyakuru kare bhano bhana umweko ninyonta iyobhohene, kokobha rero mbarighotibhwi. ⁷Nyakuru kare bhano bhana ikyabhera bhayo mbarinyora amabhera, ⁸Nyakuru kare abha shenkoro shinshiya kokobha mbaremomaha Waryobha.⁹Nyakuru kare abhakomanya, kokobha bhayo mbarebherekerwa abhana bha Waryobha. ¹⁰Nyakuru kare bhano bhakunyankibhwa kukughira yobhohene, kokobha obhokama ubhwa koryobha mbwabho.¹¹Nyakuru kare abhanto bhara bhakotokwa nukunyankibhwa, hande okoghamba kushitubho shenghogho kobhene kobhorongo kukughira yane. ¹²Mushomerwe nukukiryatya kokobha ekehano ekenene koryobha iyo. Kobhora igho nigho abhanto bhanyankiri abharoti bhano¹³Bhenyu nomonyo ughwi ikyaro. Nawe hano oranyore omonyo ghotana obhosambaroku bhwako, iyake erakore ghobhe omonyo monyo? Kho obhohene teghobhe muya kho kento kyokyonswe ghwekihe, keno keho nokotabhutwa kebhara no okotashwa namaghoro agha abhanto. ¹⁴Bhenyu nobhorabhu ubhwi ikyaro. Umughi ghono ghohaghashirwe ighoro yekekereghe tighukwibhisahe.¹⁵Tekobha igha abhanto bhaghoti etara nukuikundikiryq hanse yekekapo, hamwe kokenara, kughira ebhamorekere bhano bhonse bharenge mwighutu. ¹⁶Mutighe obhorabhu bhwenyu bhomoreke mobhoronge bhwa abhanto kughira bhaghamahe amakoro ghenyu amaiya nokomoghonga Tata wenyu uwa koryobha.¹⁷Motakaiteghera igha nishire kosarya obhohene hamwe abharoti. Tinishire kosarya nawe kuhikirya. ¹⁸Khobhohene ndabhatebhya igha kohekera iryobha niikyaro bhyonse bhehete teretorekane kura itamboka imwe hamwe akamore akamwe akho obhohene karirusibhwaho kobhohene kohekera hano kera ekento kerebha kemare kokorwa.¹⁹Khuigho ono wonse akosarya ekehaghe ekeke ikya ebhehaghe bheno ukweghya abhande kokora igho narabherekerwe omoke kho obhokama ubhwa koryobha. Nawe ono wonse akosheghota nukusheghya narabherekerwe omonene kho obhokama ubhwa koryobha. ²⁰Khokobha ndabhatebhya obhohene bhwenyu hano bhorange kokera obhohene ubhwa bhakoni koni[na}Mafarisayo, kho bhobhonswe bhora temosohe mobhokama ubhwa koryobhahe.²¹Mwighure yaghambirwe kare hayo igha, "otakaita" nawowonse ono akwita narenge mwisarya iryo okokengerwa ikina." ²²Nawe ndabhatebhya ono wonse akomorerera wamwabho narabhe mwisarya irya okokengerwa ikina.Naono wonse akotebhya wamwabho igha, "uwe nomonto ono ataiseni!narabhe mwisarya irye inshama. Naono wonse akoghamba uwe mokangiore, narabhe mwisarya irya momoro ughwa mwisaro.²³Nyore orarusya ekehano kyaho kwisengero nukuhita komanya kobha wamwenyu anarebheha nauwe, ²⁴tigha ekehano mobhoronge ubhwa resengero, ghweki ghota enshera yaho. Mwitabherani nawamwenyu, omare ushe kurusya ekehano kyaho.²⁵Mwitabherani bhongo naono akukushongera, obhe nawe hamwe konshera moragya kwighutu irya ritanya, hano otangaraye umushongeri waho aratora akakutigha momabhoko aghu omokengi wikina, no omokengi uwi kina akutighe momabhoko agha omorendi, nawe naratabhutwe mwighutu irya abhabhohe. ²⁶Mwitabheri ndabhatebhya, mbhohene turibhahahe hano urinyora ohakire ishabha e²⁷Mwighure yaghambirwe kobha, 'otakatara" ²⁸Nawe ndabhatebhya wowonse ono akomahera omokari kukumwighomba amare kotara nawe monkoro yaye.²⁹Hano oranyore iriso ryaho irya bhoryo righire witure ture, rihe noretabhute hare nauwe. Khobhora nyakuru kare ekento ikyemwe komobhere ghwahokesareke ketakasha kughire omobhere umughima ghutabhutwe momoro ughwa koryobha. ³⁰Nanyore okobhoko kwaho ukho bhoryo kughire witure ture, okobhotore okotabhute hare nauwe. Nyakuru kare ekento ekemwe komobhere ghwaho kesareke ketakakora omobhere umughima ghotabhutwe komoro ughwa koryobha.³¹Ekaghambhwa igha, ono wonse akokenya mokaye, nokomohana ikemanyero ikyu kumwanga." ³²Nawe oni ndabhatebhya, wowonse ono akutigha mokaye, hano etare kughira iyobhosorare, aramokora kobha mosorare. Nawowonse akomoteta neno amare kohanwa ekemanyeryo arakora obhosorare.³³Ghweki, mwighure eraghambhwa kobhara abha kare, 'Motakatyana kho obhorongo, nawe muhire ibhityanyo bhenyu kho Omokama." ³⁴Nawe ndabhatebhya, motakatyana kura hake, ebhe nkwisaro, kokobha nho {wa}Waryobha," ³⁵hamwe kukyaro,ho ahase aho okotora ikitumbe ikyo kotora amaghoro ghaye, hamwe khu Yerusalemu, kokobha nghu umughi ughwa omokama omonene.³⁶Kura otakatyana komotwe ghwaho, kokobha tokotora kokora urutukya oromwe kobha ororabhu hande urumwamu. ³⁷Nigha amang'ana ghenyu ghabhe, igho, igho tighohe, tighohe, 'kobhora ghano ghakokera ghayo nkurwaghare kho ora omosarya.³⁸Mwighure yaghambirwe igha, 'iriso ku iriso, nirino kurino.' ³⁹Nawe oni ndabhatebhya, motakahanganano omonto omosarya, 'Nawe omonto arakotemeemboto iya bhoryo musyori nemboto iyende ghweki.⁴⁰Oranyore aho wowonse arighomba kughya nauwe mwighutu irya ritanya nakakurusya engansho yaho, moteghere nekabhuti yonswe. ⁴¹Nawowonse ono akokohamerya kughya nawe emairi emwe, kaghi nawe mairi ibhere. ⁴²Nawowonse ono akokosabha mohane, otakamwihara wowonse ono akutuna kho isire.⁴³Mwighure eraghambhwa, 'omohanshe munyarobheri waho, no oreghe umubhisa waho.' ⁴⁴Nawe ndabhatebhya, mohanshe abhabhisa bhenyu, mosabhere bhano bhakobhatitya, ⁴⁵kuigho mobhe abhana bha Tata wenyu ono arenge koryobha Kokobha arakora eryobha reramoreka abhaghogho nabhahoreru, arabhaghembera imbura abhasarya nabhahoreru.⁴⁶Nyore mohansha bhano bhabhahanshire bhenyu, moranyora kehanoke? Abhatobhesya bharighotitebhakora ighohe? ⁴⁷Nanyore mokeranya nabhawamwenyu abhene nke mukunyora kokera abhande? Igha!Abhanto bhi bhyaro tebhakokora igho igho? ⁴⁸Kuigho erabhatuna kobha bhahene, kyaigho Suwenyu uwa koryobha arenge mohene.

¹Mwiteghere kwanga kokora amang'ana agho obhohene mobhoronge bhwa abhanto kughira omahekane, kukughira iyoyonse tunyore umutuho kurwa kho Tata ono arenge koryobha. ²Kigho hano warusya otakatema ikiturere kya abhakori abha amaghogho ghano bhakokora momasengeronamobhekoro, kughirake abhanto bhabhakumi. Khobhohene ndabhatebhya, bhamare kunyora umutuho ghwabho.³Nawe uwe hano warusya, okobhoko kwaho ukwa bhomosi kotakamanya keno kekokorwa nu kwabhoryo. ⁴Kukughira umutuho ghwaho ghurusibhwi kukibhisire. Nho suwenyu ono akomaha ikibhisire narakohane umutuho ghwaho.⁵Nahano wasabha,otakabha kya abharwambe, khokobha mbhahanshire kwemera nokosabha momasengero namushingurai ishe emeheto, kughira abhanto bhabhamahe. mbhohene ndabhatebhya, bhamare kunyora imituho ghyabho. ⁶Nawe uwe, hano wasabha, soha mukinyumba. sikaho ekeheghe, naosabhe kusuwenyu ono akomaha mukibhisire arakohana imiyuho ghyaho. ⁷Hano wabha orasabha, otakakyora kyora amang'ana ghano ghatana bhwera kyaigho abhahamate bhakokora, khokobha bhariteghera igha mbarighwebhwe kokobha bharaghamba amang'ana maru.⁸Kuigho, motakabha kyabhene khokobha suwenyu namanyire keno ukutuna nkagha otarasabha kumwene. ⁹Kuigho bhono sabha igha, Tata weto ono orenge koryobha, irina ryaho reghongwe. ¹⁰Obhokama bhwaho bhushe, obhoghonshe bhwaho bhokorwe mukyaro kya koryobha iyo.¹¹Otihane rero omoghate ghweto ughwa nsiko shonswe. ¹²Utwabhere amasire gheto,kyaigho bheto bhonse tukwabhera abhasire bheto. ¹³Otakatotora momasaghyo,nawe otobheshi kurwa kho omosarya ora. '¹⁴Hano morabhabhere abhanto amasaryo ghabho,Suwenyu ono arenge koryobha wonse narabhabhere bhenyu. ¹⁵Naho hano morange kobhabhera amasaryo ghabho Suwenyu tabhabhere amasaryo ghenyu.¹⁶Kokera ghonse, hano wanyora utighire korya, otakamahekana ona obhoreru kya abhasarya kyaigho bhakokora, kokobha bharakunya ebhesosa bhyabhyo kukughirake abhanto bhabhamanye bhatighire korya. Mbohene ndabhatebhya, bhamare kunyora imituho ghyabho. ¹⁷Nawe uwe, hano wanyora utighire korya, haka amaghuta omotwe ghwaho nawisabhe ubhusyo bhwaho. ¹⁸Kuigho tekoroki mobhoronge bhwa abhanto igha utighire korya, nawe khu umwene Suwenyu ono arenge mukibhisire, narakohane imituho ghyaho.¹⁹Otakaibhekera emonge yaho umwene mukyaro hano, amatumbho nikitu nkosarya bhere {na} abhaibhi bharahobhora nukwibha. ²⁰Kuigho, webhekere emongo yaho umwene koryobha, hano amatumbo nikutu bhatakotora kosarya, nahano bhatakotora kohobhora nukwibha. ²¹Kokobha hano emongo yaho erenge, nho obhohoru bhwaho bhorebha.²²Iriso nkemore ikyo omobhere. Kuigho, oranyore iriso ryaho nihoru, omobhere ghonse ngurishoribhwi obhohoru. ²³Naho oranyore iriso ryaho nisareku, omobhere ghwaho ghonse ngurishore ikisunte ekenene. Kuigho hano oranyore obhorabhu bhono bhorenge monse yaho nkisunte bhokong'u, ikisunte ekenene kerengeryake! ²⁴Taho omonto ono aratore konaghya bhashasha bhabhere, kokobha naramorerere uwomwe nokohansha uwonde, hamwe naramutighe uwomwe nukushera uwonde. Totore komotomekera Waryobha nubhwamehe.²⁵Kuigho ndakotebhya, otakabha namaitumantyo nemenyo yaho, igha nke orare hamwe nke oranywe, hamwe komobhere ghwaho nke uribhohe? Obhohoru mbokere ibhyakorya no omobhere kokera amaibhoho? ²⁶Maha ibhinyonyi bheno bherenge ighoro. Tebhekwemyihe nokoghesa nokokomanya nokobheka moketara, Nawe Tata weto uwa koryobha nkobheragherya are bhyonse. Bhono bhenyu tebhabhwera more bhokong'u kobhekera bhyo?²⁷Nawe ghate yenyu kukwinyankya aratora kwengerya ekerengo ikemwe kho obhohoru bhwaye obho okomenya kwaye? ²⁸Nakwake mokobha nehaho kho amaibhoho? Iteghera kho ebhemore momoghondo, kyaigho bhikukina. Tebhekokora moremo natebhekotora kwibhoha. ²⁹Ndaghenderya kobhatebhya, kura Sulemani kho obhohoreru bhwaye bhonse teyaibhohibhwi ribhoho kura imwe ko ghano.³⁰Hano oranyore Waryobha aribhohya amanyanki momoghondo, ghano ghakomara rusiko romwe naisho yako gharatabhutwa momoro, nkerengereke arabhaibhohi bhenyu, bhenyu bhano mona ubhwitabherya obhoke? ³¹Kuigho motakabha nehaho nokoghamba, "Igha nke torare?"hande"nke toranywe? "hande" ningibho ke turibhohe?"³²Kokobha ibhyaro nkutunabhere amang'ana ghano, {na} Suwenyu uwa koryobha namanyire igha nkutuna more ghano. ³³Nawe motange kutuna obhokama bhwaye nobhohene bhwaye naghano ghonse naghano ghonse norehanwa uwe. ³⁴Kuigho, otakamaha ehaho kukughira iya isho,kokobha isho iriinyankera iyene. Kera urusiko ndwisire kushinyanko shako urwene.

¹Otakakenga ikina, uwe wonse otakasha kokengerwa ikina. ²Kukina keno okokenga, uwe wonse norakengerwe ikina. Nakokerengere keno okorenga nauwe wonse norerengerwa kiyo kiy.³Nkwake okomaha ekesara ikyo omote keno kerenge khu iriso irya wamwenyu, nawe tokomanya risara irya rihinda reno rerenge muriso ryaho? ⁴Niyake oratore koghamba kuwamwenyu akurusi ekesara keno kerenge muriso ryaho, enkagha iyo risara irya rihinda remo monse murisa ryaho? ⁵Uwe moghogho ore, rusya ribhara renon rerenge muriso ryaho, ho oratore komaha bhuya {na} oratora kurusya ekesara ikya omote keno kerenge muriso irya wamwenyu.⁶Otakahana shesese keno kerenge ekehoreru, ikyubhwera mobhoronge bhwsho. bhorebho mbarasari nokotasha tasha namaghoro, naghweki.⁷Sabha, nauwe norahanwe. Tuna nauwe noranyore. Ghamba kono, nauwe noreghorwe. ⁸Kho ono wonse akosabha, nkohanware. Naono wonse akutuna, nkunyorare. Nakomonto ono akoghamba kono, nkweghorware. ⁹Hamwe kona omonto ghate yenyu ono, arabhe omona waye amosabhire ritene iryo omoghate amohane reghena? ¹⁰Hamwe hande amosabhe inswe, numwene amohane inshoka?¹¹Kuigho, kokobha bhenyu bhano morenge abhaghogho momanyire kohana abhana bhenyu imituho imiya. Igha, nkerengere khe bhokong'u Tata weto uwa koryobha arabhahane ebhento ibhiya bhara bhakomosabha umwene? ¹²Kukughira iyo, hano watuna kokorwa kyokyonswe {na} abhanto bhande, nauwe wonse eratonerwa kobhakora igho igho bhonse. Kobhora kiyo nkehaghe ikya abharoti.¹³Mosohe kokohetera ekeseku ikinyere kokobha ekeseku ekenene naenshere enene eno ekobhakangata kho obhosareku, naho hobhare abhanto abharu bhano bhakoheta konshera iyo. ¹⁴Umuryango munyere, Umuryango umunyere nenshera eno ekobhatangata kho obhohoru nambake bhakotora koyemaha.¹⁵Mwikabhahe nabharoti abharongo,bhano bhakusha bhaibhohire amasero gha amang'ondi, nawe kobhohene nishishushe shendoro. ¹⁶Khoshehagho shabho morabhamanye, omonto aratora koghesa shehagho kho amahwa, hamwe komote imbhusero yo omote ghono ghona amanyanki namahwa? ¹⁷Kukughira iya iyo, bhora omote umuya ghore bhora nashehagho shinshiya, nawe omote omoghogho ghorebhora shehagho shenghogho.¹⁸Omote umuya teghotore kwebhora shehagho nghoghohe, hamwe omote omoghogho teghotore kwebhora shehagho shinshiya. ¹⁹Kera omote ghono ghotakwebhorashehagho shinshiya nghorabhotorwe nokotabhutwa kho omoro. ²⁰Kuigho bhono, norabhamanye kukughira iya shehagho shabho.²¹Tekera monto akontebhya oni, Omokama, Omokama aresoha kho obhokama ubhwa koryobha, kughirya iyo nora umwene okokora amaiya agha Tata ono arenge koryobha. ²²Abhanto abharu bharentebhya urusiko ruyo, Omokama, Omokama, titwarusiri obhoroti kurina ryaho, titwarusiri amasambhwa kurina ryahohe, nakurina ryaho twakore amang'ana maru amanene? ²³Nho ndebhatebhya bhorabhu, 'tenabhamanyereyihe bhenyu, murwe kuoni hano, bhenyu bhano mokokora amasaryo!"²⁴Kuigho, kera ono akwighwa amang'ana ghane nokoghasoka naratubhane no omonto omohene ono yahaghashire righutu ryaye ighoro iya ritare. ²⁵Imbura ekatwa, emeghera ghekaghera nomokama ghokasha ghokatemora righutu riyo, nawe teryatore koghwa hansehe, kokobha ryarenge reghahashirwe kwitare.²⁶Nawe kera omonto ono akwighwa ring'ana ryane nayange koresoka, aratubhanibhwa nomokangi ono yaghahashire righutu ryaye momosense. ²⁷Imbhura ekasha, emeghera ghekaghera, nomokama ghokasha nokotema righutu riyo. naekaghwa, nobhosareku bhwaye bhokahika."²⁸Ekahika enkagha eno Yesu yamare kushumasha amang'ana ghano, ehamate yaroghoribhwi nameghyo ghaye, ²⁹kokobha yeghyanga kyo omonto o.

¹Enkagha enoYesu yaikire kurwa kokekereghe, abhanto abharu bhakamushako. ²Maha, omoghenge omwe akasha komosabha amabheakaghamba, "Omokama, nyore mbuya ore onkore mbhe morabhu". ³Yesu akaghorokya okobhoko kwaye akamukunia, akaghamba, "Ndenge bhoronge. Orabhe." Hayohayo obhoghenge bhokahwako akahwena.⁴Yesu akabhatebhya, "Maha igha otakaghamba ko omonto wowonse. Ghotera enshera yaho, wiyoroki umwene ku umwimereri naurusi umutuhoghonoMusa yaragha, kukughira yukwisasamera kobho"⁵Hano Yesu yasohanga Kaprenaumu, Omusirikare omonene akamushako no okomobhorya ⁶akaghamba, "Omokama, omobhaghati wane naraye kahara omobhere ghurindighaye (na) nkumwatya ghore bhokong'u." ⁷Yesu akamotebhya, "Nendashe muhweni".⁸Umusirikare omonene uyo akamuhonshokerya no okomotebhya igha, "Omokama, oni tenena ighori okohekera ushe osohe mwane kwirongo, ghamba nunyora,ne eng'ana iyene omobhaghati wane narahwene. ⁹Ko okobha oni wonswe no omonto ono nena obhotoro, ghweki nenena abhasirikare bhano nimerereye. Ndaghamba ko ono "Kaghi' nkughyare, nu uwonde nsho, wonswe narashe, ko omobhaghati wane, 'Kora igha,' wonswe arakora igho" ¹⁰Enkagha eno Yesu yaighure ghano, akaroghora no okotebhya bhara bhamosoranga, "Mbohene ndabhatebhya, tenakaroshe omonto uwi imighiro kya ono Israeli hano.¹¹Ndabhatebhya, abharu mbarisha kurwa roghoro nanyansha, mbarikara komensha hamwe (na) Abrahamu, Isaka (na) Yakobo mo obhokama ubhwa mwisaro. ¹²Nawe abhana abha mobhokama mbarerekerwa mukisunte hayo ekero nkerebhaho no okotakunya amaino." ¹³Yesu akatebhya umusirikare omonene ora igha, "Kaghi! Kya bhora waisa kwitabherya,ikara igho uwe umwene". No omobhaghati waho yahwenibhwi ko nkagha iyo.¹⁴Enkagha Yesu yahikire mwighutu irya Petro, yaroshe nyakubhyara wabho Petro arore ehoma araye. ¹⁵Yesu akamukunia no okobhoko kwaye, no obhoroye bhokamohwako. akamara akasimya kotorya abhanto.¹⁶Hano yahikire komoghorobha abhanto bhakareta ku Yesu abharoye abharu abhe ebhehwe. Akabharusya ebhehwe (na) obhoroye bhayo bhakahwenibhwa. ¹⁷Ko temo eno ghara ghaghambirwe no omoroti Isaya "We umwene yagheghire amaroye gheto"¹⁸Hano Yesu yaroshe bhara bharenge bhamwinare, akabharagherya kughya orobhareka ronde urwi inyansha iya Gariraya. ¹⁹Ho omokonikoni omwe yamwishireko akamotebhya, "Umweghya, nendakosorane hara honswe oraghi." ²⁰Yesu akamotebhya, "Shishushe nshena amaina, ibhinyonyi mbhena amasu, nawe omona uwa Adamu tana ahase aho okorarya omotwe ghwaye."²¹Omonamwegha wonde akamotebhya, "Omokama, nyitabherya ngi kobheka tata wane umunyibhori." ²²Naho Yesu yamotebhiri, "Nsorana, nigha utighe abhaku bhabheke abhaku bhabho."²³Yesu hano yasohire mubhwato, abhanabhegha bhaye bhakamosorana mubhwato. ²⁴Maha, rikama iryaru rekemoka kunyansha, ekerengere ikyo ubhwato kukundikiribhwa (na) amayengo. Naho Yesu yarenge araye. ²⁵Abhanabhegha bhakamughyako no okoghamba, "Omokama, tutunguri bheto, toraghya kukwa!"²⁶Yesu akabhatebhya, "nkwake mukobhoha, bhenyu imighiro ghyenyu mmeke?" Nho yimokire akahamera omokama (ni) inyansha no omokama ghokatenda, ²⁷abhashasha bhakaroghora bhakaghamba, "Omonto ono nighake are, nunyora rikama ni inyansha nkomosoka bhere?"²⁸Enkagha eno Yesu yarenge aishire kukyaro kyende ikya Magadala, abhashasha bhabhere bhano bhare ne ebhehwe bhakasikana nawe. Bharwanga moshembhehera bharaitanya abhanto bhokong'u temonto yatoranga kohetera enshera iyo. ²⁹Maha, bhakashera bhokong'u bharaghamba, :Nke torakokore, omona uwa Waryobha? Wishire hano kutunyankya enkagha etarahika?"³⁰Bhono nho rihisho rinene irya shembeshe ryaresyanga, tehare bhokong'u kurwa hara bharenge, ³¹ebhehwe bhekaghenderya kosasama Yesu no okoghamba. "Nyore oratohamera kobharwako, tuhire mwihisho irya shembeshe." ³²Yesu akabhatebhya, "Mughi!" Ebhehwe bhera bhekabharwako nu ukughya koshembeshe shera. Maha rihisho rera ryonswe rekaika kurwa kokekereghe nu ukughya munyansha ryonswe rekahekera momanshe.³³Abhashasha bhano bharesyanga shembeshe bhakakenya. Hano bhagheye mumughi bhakaghamba kere ekento, keno kyabhaye kobhashasha bhara bharenge ne ebhehwe ebheghogho. ³⁴Maha,umughi ghonswe bhakasha kusikana (na) Yesu. Hano bhamoroshe bhakamosasama arwe ko ahase habho.

¹Yesu akarina mubhwato, akambhoka nu ukuhika ku umughi ghono yaikaye. ²Maha, bhakamoretera omonto ono yarenge arindighaye araribhwi kwighodoro. hano yaroshe imighiro ghyabho, Yesu akatebhya omonto ora yarenge arindighaye, "Mona wane shomerwa, ibhitimba bhyaho bhyabheywe"³Maha, abhaeghya abhi imiahokano bhakatebhyania abhene ko bhene, "Omonto ono mmosheri" ⁴Yesu akamanya amaiteghero ghabho no okoghamba, "Nkwake mukwiteghera amaghogho monkoro shenyu? ⁵Nkehe ikinyohu koghamba, 'Ibhitimba bhyaho bhyabheywe'kasi okoghamba, 'Emera oghende?' ⁶Naho momanye igha Omona uwa Adamu ano obhotoro ubhu ukwabhera ibhitimba..." ono yaghambire ghano ko ora yarenge arindighaye, " Emera, ghegha righodoro ryaho oghende waho"⁷Nho omonto ora yaimereye nu ukughya waye. ⁸Abhanto hano bharoshe ghayo, bhakaroghora no okoghonga Waryobha, ono yaha abhanto obhotoro. ⁹Hano Yesu yahetanga kukurwa hayo,akarora omonto ono yabherekeywe Mathayo,ono yarenge yikaye entahana iya abhatobhesya abhu ubhushuru. Wonswe akamotebhya, "Nsorana oni, Wonswe akaemera no okomosorana.¹⁰Hano Yesu yaikaye korya ibhyakorya mwighutu hara, bhakasha abhatobhesya abhu ubhushuru (na) abhanto abharu bhakarya nawe hamwe naabhana bhegha bhaye. ¹¹Nho Mafarisayo hano bharoshe ghayo, bhakatebhya abhana bhegha bhaye, "Nkwake umweghya wenyu akosanga hamwe (na) abhatobhesya abhu ubhushuru (na) abhanto abhaghogho?"¹²Yesu hano yaighure ghayo, wonswe akaghamba, "Abhanto bhao bhana obhohoru tebhakutuna omorerihe, nko abharoye abhene. ¹³Mughi mweghe esobhoro (ya) riyo, "Ndatuna obhoghonshe ti ikimwensohe" Kobhora naishire, te ko abhahene kwitabherya, nko bhara bhana ibhitimba.¹⁴Nho abhana bhegha abha Yohana bhamwishireko no okoghamba, "Nkwake bheto (na) Mafarisayo tukukwemera korya nu ukunywa, nawe abhana bhegha bhaho tebhakokora igho he?" ¹⁵Yesu akabhatebhya, Abhaherekeri abhu ubhwenga bharatora kosorombara hano ukunyoranga bhana Umwene bhwenga hamwe? Naho shinsiko nkushashera hano Umwene bhwenga aregheghwa kurwa wabho, nho abhari bharemera korya nu ukunywa.¹⁶Taho omonto ono akotora eketamunye ekyo umwenda omohya ku umwenda omoghotu, ekeraka kiyo nkratandore umwenda omoghotu bhokong'u.¹⁷Taho omonto ono akotora amarwa mokento ekekoro, hano bharakore igho, nkerebharoka, narisero ryako nderasareke. Keno keho amarwa gharaterekerwa mokento kena risero rehya ne ebhento bhiyobhebhe bhehoru.¹⁸Enkagha eno Yesu yabhatebhyanga amang'ana ghayo, maha omotake akasha akakumya mobhoronge bhwaye, no okoghamba, "Omohara wane mbhono yakwa, naho nsho omotore okobhoko kwaho naranyohe ghweki. ¹⁹Nho Yesu yaimereye nokosorana omona mwegha waye wonswe.²⁰Maha, omokari ono yarure amanyinga kohekera ekerengere ikyo imioka ikomi nebhere, yaishire hang'e (na) Yesu nu ukukunia ororebherebhe urwi ingibho yaye. ²¹Kobhora yaghambire, "Hano ndakuni ingibho yaye, nendahwene." ²²Yesu akaisyorya no okomomaha no okomotebhya. "Mohara, itabherya, umughiro ghwaho ngo ghoraghire uhwene," Ne enkagha iyoiyo omokari ora akahwene.²³Nho Yesu yahikire mwighutu iryo omotake, akamaha abhahuti abha shetarumbeta (na) abhanto abharu bhakoranga ikituri. ²⁴Wonswe akaghamba, "Murwe hano, ko okobha omohara ono tarakwahe, no okobha naraye. Naho bho bhakaseka nu ukumushera.²⁵Hano abhanto bhara bharusibhwiho, akasoha mukinyumba riko akaghota omohara ora okobhoko akaemoka. ²⁶Amang'ana ghano ghakanyaraghana mumughi ghonswe.²⁷Hano Yesu yaroshokanga kurwa hara abhanto bhabhere abhashasha abhahukuru bhakamosorana. Bhakaghenderya koshera no okoghamba, "Torasabha utuitabheri Omona uwa Daudi." ²⁸Hano Yesu yahikire mwighutu hayo,abhahukuru bhara bhakamushako. Yesu akabhatebhya,"Muritabherya igha ndatora kokora?" Bhonswe bhakamotebhya "Nigho, Omokama"²⁹Nho Yesu yakunuri amaiso ghabho no okoghamba, "Nigha ebhe igho ko bhenyu kigho imighiro ghyenyu gherenge" ³⁰Amaiso ghabho ghakaramokya. Nho Yesu yakomereyi no okoghamba "Morore omonto wowonswe atakamanya eng'ana eno" ³¹Naho abhanto abhabhere bhaimokire no okorarokya amang'ana ghano ntahana shyonse mumughi.³²Bhakamara abhashasha abhabhere bhara bhagheye shabho, Maha, omonto omwe umu mumu ono yarinirwe ne ebhehwe yaretirwe ku Yesu. ³³Ebhehwe bhera hano bhyamurureko, omonto umumumu ora akasimya kushumansha. Abhanto bhakaroghora no okoghamba "Eno teyakaroshwe Israel hano he. ³⁴Naho Mafarisayo mbaghambanga "Ko abhanene abhe ebhehwe, nkokenyare ebhehwe"³⁵Yesu akainara mumighi ghyonswe (na) mubhishishi. Wonswe akaghenderya kwegha momasengero,aratebherya eng'ana iyo obhokama , nu ukuhwenia abharoye bha temo shyonswe no obhorosu haghare haghare. ³⁶Enkagha eno yaroshe ehamate era wonse yabhabheye, kobhora bhanyankire no ukukwa enkoro. Mbhabhaye kya amang'ondi ghano ghatana omoresya.³⁷Wonse akatebhya abhana bhegha bhaye. "Righesa ndyaru nawe abhakori abhemeremo mbhake. ³⁸Ku igho bhono mwangohe kosabha Omokama uwa righesa, okoreke yengeri abhaghesi abhande mwighesa ryaye."

¹Yesu akabherekera abhana bhegha bhaye ikomi nabhabhere no okobhaha obhotoro ighoro ye ebhehwe ibhinyanku, ko bhahamera no okobhekenya nu ukuhwenia kera ekeroye.²Amarina agha abhahorwa ikomi nabhabhere ngo ghano.Ri tangi Simeoni (ono akobherekerwa Petro), (na) Andrea wamwabho, Yakobo mura (wa) Zebedayo, namura wabho Yohana. ³Philipo (na) Bartelemayo, Thomaso, (na) Mathayo omotobhesya uwu ubhushuru Yakobo omona uwa Alfayo, (na) Tadeo, ⁴Simoni mkananayo, (na) Yuda iskariote, ono yamokoreye iniko.⁵Bhana ikomi nabhabhere Yesu yabhatomire. Nawe akabharagherya araghamba "Motakaghya hano bhakwikara abhi ibhyaro ghweki motakasoha hano bhakuikara abhasamaria. ⁶Eno eho mughi momang'ondi amasiru mwighutu irya Israel. ⁷Hano mwaghya, motebheri no okoghamba, obhokama ubhwa ubhwa kwisaro hang'e bhore.'⁸Muhweni abharoye, muryoki abhaku, mumwense abhaghenge no okokenyia abhehwe ebheghogho. Mmunyore bhosa, murusi bhosa. ⁹Motakaghegha ebheghera, almasi nunyora nishaba mubhighushi bhyenyu. ¹⁰Otakaghegha righushi moroghendo rwenyu, nunyora nishingibho ishokusyorya, shengeto nunyora ninyimbho, kobhora omokori we emeremo mo akunyera.¹¹Umughi ghoghonswe nunyora nkishishi keno moresoha munyore ono akwisa muikare hayo kohekera hano moryemokera. ¹²Hano moresoha mwighutu mokeri, ¹³hano moranyore righutu riyo ndisaini, omorembe ghwenyu ghobhe hayo, naho nyore righutu riyo retakwisana, mwemoke no omorembe.¹⁴Kobhora bhatakobhaitabherya, nunyora nkobhaserenia no okobhaighwa amang'ana ghenyu enka eno mokwemokaho ku umughi ghuyo mwenkong'otereho urutu urwe ebherenge bhenyu ahase hayo. ¹⁵Mbhohene nkobhatebhya igha, ngerebha imighi ighyo okoghomerya bhokong'u ighya Sodoma (na) Gomora kurusiko urwo okokenga ikina kokera umughi ghuyo.¹⁶Momahe, ndabhatoma kya amang'ondi ghateghate iya rihisho irya shishushe, ku igho mobhe bhang'aini ki inshoka namunyohe ki shinguti. ¹⁷Mwikabhahe (na) abhanto, bharebhahira mushinshama, no okobhatemera momasengero. ¹⁸Moreretwa mobhaimereri (na) abhanene kughirya yane, kukyorokeryo kyabho ni ikyaro.¹⁹Hano mwang'ura moraitegherwa bhoghogho, motakahaha igho nke moraghambe, kobhora ekento kyo okoghamba morahanwe enkagha iyoiyo ²⁰Kobhora tebhenyu moreghambanga, ne Enkoro iya Tata nerebhatangata.²¹Abhahiri mbareserana nu ukwiyita wamwabho nawamwabho, nunyora nu umwibhori nabhana bhaye. Abhana tebhasoke abhaibhorihe, nu ukughirya bhakwe. ²²Nabhenyu mmorererwa nakera omonto kughirya yi irina ryane. Naho ko ora areghomerya kohekera ku kihiko omonto uyo naretunguribhwa. ²³Hano bharebhanyankyanga mumughi ghono, mokenyere mumughi ghono ghokosera, mbhohene nkobhatebhya, timurinyora moromaini imighi ghyonswe ighya Israeri omona uwa Adamu atarabha kukyora.²⁴Omona mwegha temonene ko umweghya waye he, nunyora omoghorwa ko omonene waye. ²⁵Nkwisere ko omona mwegha abhe kya umweghya waye, no omobhaghati kyo Omonene waye. Oranyore bhabherekeye Omonene wi righutu Belzabuli, nko kerengereke bhokong'u keno bharashere abhi righutu ryaye!²⁶Ku igho bhono motakabhahaha bho, kobhora tererebha ring'ana reno retaranshorwa, ghweki terebheho reno ribhisirwe reno retarerorwa. ²⁷Kera nkobhatebhya mukisunte, mokeghambere mobhorabhu, nakera mukwighwa (kwa) bhunyohu, mokerareke mwimereye kuighutu ighoro.²⁸Motakobhoha bhara bhakuita omobhere nawe enkoro tebhana bhotoro ubhwa kuyita. Eno eho, mobhohe ora ano obhotoro ubhu kuita bhyonswe omobhere ne enkoro mobhehwe ibhyo omoro. ²⁹Shenghonsho ibhere teshetore koghoribhwa ko mbirya nke? Nunyora nigho taho ono akotora koghwa hanse Suwenyu ange komanya. ³⁰Naho momanye igha ishintukya shenyu shyonswe nshebharwe. ³¹Motakabha ne ehaho, kobhora mona ubhwera bhwaru kokera bhunyunywa bhyaru.³²Bhono nigha kera omwe ono arinyitabherya mobhoronge ubhwa abhanto, nawoni nindimwitabherya mobhoronge ubhwa Tata wane uwa kwisaro. ³³Nawe ono arinyikana mobhoronge ubhwa abhanto, nawoni wonswe nindimwitabherya ko Tata wane uwa mwisaro.³⁴Motakaiteghera igha naishire koreta omorembe mukyaro. Tenaishire koreta omorembe he, nawe nirisabha. ³⁵Kobhora naishire komotora omonto ahakane nasuwabho no omohara ku nyakuwabho, nanyakubhyara ko nyakubhyara wabho. ³⁶Umubhisa wo omonto mbara anabho ka waye.³⁷Ora ahanshire suwabho (na) nyakuwabho bhokong'u konkera oni uyo naisire. Naora ahanshire umumura hamwe umwiseke kokera oni naisire. ³⁸Ono atareghegha omosarabha nu ukuntuna oni tenkomanyahe. ³⁹Ono arituna obhohoru naribhusirya. Nawe ono arisirya obhohoru ku kughirya yane narinyora.⁴⁰Umwene ono arebhaserenia nansereniri nawoni, naumwene ono arenserenia oni nasereniri naora yantoma oni. ⁴¹Naora areserenia omoroti kobhora igha moroti wonse narinyora umutuho ughwo omoroti. Naora areserenia omohene kobhora monto mohene narinyora umutuho ogho obhohene.⁴²Wowonswe ono arehana uwomwe uwa abhake bhano nunyora nkekombe ikya amanshe mamenshu aghu ukunywa, nko bhora umwene mmonamwegha, mbhohene nkobhatebhya, umwene tatore kubhorwa kobhobhonswe bhora umutuho ghwaye he."

¹Hano Yesu yamare korokerya abhana bhegha bhaye ikomi nabhabhere akaemoka hara hara kughya kwegha no okotebherya mumighi ghyabho, ²Yohana akerenge mokebhohe hano yaighure ighoro iya amang'ana agha Kristo, akatoma urukweri kohetera omona mwegha waye, ³no okomobhorya, "Uwe nora arisha, kasi aho uwonde ono toraiteng'ere?"⁴Yesu akahonshokya no okoghamba igha, "Mughi momotebhi Yohana ghara mokorora naghara mukwighwa. ⁵Abhahukuru bhararora, abhabheru bharaghenda, abhaghenge bharahwenibhwa, abhakiro bharighwa, ghweki abhaku bhararyokibhwa, eng'ana eratebheribhwa ko abhahabhe. ⁶Ono atana isoro kuwoni yitabheribhwa.⁷Enkagha nke hano abhanto bhayo bhaimokire,Yesu akasimya koghamba nabhanto bhara ighoro (ya) Yohana, "Nke mwagheye korora mokekongo_ritende rerahutwa no omokama? ⁸Naho bhenyu mwagheye korora_eno omonto ono yaibhohire ingibho ehoho? Mbohene bhara bhakwibhoha shingibho shehoho nkwikara bhare momaghutu agha abhanene.⁹Naho mwimokire komaha nke- Omoroti? Nigho, ndabhatebhya, naora akokera omoroti. ¹⁰Uyo yakoneywe koneywe, ' Maha, ndatoma omonto wane mobhoronge bhwaho, ono arerongehya enshera yaho mobhoronge bhwaho.¹¹Nehene nkobhatebhya, ko bhano bhaebhorwa (na) abhakari taho ono ana obhohene kokera Yohana Umusubhi. Naho omoke ko obhokama bhwa mwisaro uwe omonene komokera we. ¹²Kukurwa shinsiko ishya Umusubhi Yohana kohekera bhono igho, obhonene ubhwa mwisaro mbwa nguru, naabhanto abha shinguru,nkobhoghegha bhare kwa nguru.¹³Kobhora abharoti bhonswe no umwahokano, mbarotire kohekera ko Yohana. ¹⁴Nyore moraitabherya, ono we Eliya, ono akusha. ¹⁵Ono anaamatwe aghu kwighwa aighwe.¹⁶Rekora reno ndereng'ani nake? Ne ekerengyo ikya abhana bhano bhakohoya entahana yo omotera, bhano bhakwikara no okobherekerana ¹⁷no okoghamba, 'Ntwabhahoteye ekerongwe naho bhenyu temwabhinirehe. Ntwaramire, natemwakurehe.'¹⁸Kobhora Yohana yaishire atararya omokate nunyora ukunywa umvinyo, bhakabha bharaghamba, 'Nane ekehwe.' ¹⁹Omona uwa Adamu ararya nu ukunywa bhakaghamba 'Maha, monto moragheri nu umunywi omosani uwa abhatobhesya abhu ubhushuru (na) abhi ibhitimba!' Nawe esoko eramahwa ko amakoro ghaho."²⁰Yesu akasimya kohamera imighi ghera ghena amakoro amabhe ghano ghakokorwa, kobhora tebhare bharasabha amabhe, ²¹mohoko ghwaho Kolazini, mohoko ghwaho Bethisaida! Bhora amakoro ghakorekana kobhenyu, ngakorwe Tiro (na) Sidoni shinga mbasabha amabhe kare. ²²Naho nkobhatebhyande nerebha nyohu bhokong'u ku Tiro (na) Sidoni koghomerya kurusiko orwo okokenga ikina koreng'ania nabhenyu.²³Uwe, Kapernaumu, oramanya urimokibhwa uhike mwisaro? Tighohe nurikibhwa kuhirwa mobhehwe ibhyo omoro. Kya Sodoma ghakakorwe amakoro amanene, kya ghara ghakakorwe ku uwe, nekabhayeho kohekera bhono. ²⁴Nawe nkoghambande kuuwe igha nekabhaye bhongo ko Sodoma kwemera urusiko urwo kokenga ikina kutigha uwe.²⁵Ko enkagha iyo Yesu yaghambire, "Ndakukumya uwe, Tata, Omokama uwa Mwisaro ni Ikyaro, kobhora wabhabhisire amang'ana abhesoko nabhano bhamanyire, no okoghorokya ko bhara abhaghirimiti, kya abhana abhake. ²⁶Tata kokobha yakushomeye momaiso ghaho. ²⁷Amang'ana ghonswe nahanwa kukurwa ko Tata. Taho ono amanyire Omona kutigha Tata umwene, nataho ono amanyire Tata kutigha Omona umwene, nawowonswe ono Omona akutuna korokerya.²⁸Mushe kuwoni, bhenyu bhonswe bhano mukuritoherwa ni imirigho imirito, nawoni ndebhamunya. ²⁹Mwetore shisheki shyane namweghe kukurwa kuwoni, kobhora oni mwitughamunde (na) mmohabhundewe enkoro namoranyore kumunya kigho bhenyu more. ³⁰Kobhora isheki yane ninyohu no umurigho ghwane mmohoho.

¹Enkagha iyo Yesu yagheye kumunya urusiko urwe sabato kokohetera momeghondo. Abhana bhegha bhaye bharenge nu umweko bhakasimya kubhunaebheghara bhararya. ²Hano Amafarisayo bharoshe igho, bhakatebhya Yesu "Maha abhanabhegha bhaho bharasarya umwahokano bharakora rera retakokorwa kurusiko urwu ukumunya"³Nho Yesu yabhatebhiri, "Temorasomahe kigho Daudi yakore, enkagha eno yarenge ni inshara, naabhanto bhara yarenge nabho? ⁴Kigho yasohire mwighutu rya Waryobha no okorya emekate gheno ghyasabherwanga, gheno ghetarebhwanga nabho, mbhuya ko Abhaimereri?⁵Temorasoma mumwahokano he, igha urusiko urwu ukumunya abhaimereri abha risengero nkosarya bhare urusiko ruyo, bho tebhakosaryahe? ⁶Naho nkoghambande ko bhenyu igha omonene kokera risengero hano are,⁷Nyore mkamanyire iyo nke ekorokya; ndatuna obhohanshe tu umutuhohe; temokabhakengeye ikina bhara bhatana isaryo, ⁸Kobhora Omona uwa Adamu uwe Omonene we esabato."⁹Ghweki Yesu akarwaho hayo akaghya mwisengero ryabho. ¹⁰Maha yarengeho omonto ono yarengenga arindighaye okobhoko. Mafarisayo bhakabhorya Yesu, bharaghamba. "Bhono, mbhuya kuhwenia urusiko uru kumunya okoreke bhatore kumushongera kokokora ibhitimba.¹¹Yesu akabhatebhya, "Newe mobhenyu ono oranyore ana ring'ondi riyo reghwe mweroma urusiko urwu kumunya tarirusimohe? ¹²Bhono, nkehe ikyu ubhwera bhokong'u, omonto takere ring;ondi he! Ku igho mbhuya kokora amaiya ku urusiko urwu ukumunya,"¹³Ho Yesu yatebhiri omonto ora, "Imokya okobhoko kwaho" Akakoghorokya, kokabha bhuya,kyo okonde kora. ¹⁴Naho Amafarisayo bhakaroshoka kebhara no okokora iniko iya ukumusikya, bhakaghya kebhara kosemya era etare. Bhatunanga kigho bharamwite.¹⁵Yesu hano yang'ure riyo yarureho. Abhanto abharu bhakamosorana (na) akabhahwenia bhonswe. ¹⁶Akabhatebhya bhatakakora amanyekane kobhande, ¹⁷eno yarenge igho okoreke ihike ko ehene, eno yare yaghambwa no omoroti Isaya, akaghamba,¹⁸Maha, omobhaghati wane ono nahora, omoghonshe wane, ku umwene nighure komohansha. Nendatore Enkoro yane kowe, ghweki narerareka okokenga ikina kobhairo.¹⁹Tarinyanka nunyora kukura (kwa) nguru; nunyora wowonswe kwighwa obhoraka bhwaye morobheri. ²⁰Taribhuna umwere ghono ghwisisire; taririmya orotambe rwo rwonse rono rukurusya iryoki, kohekera hano areheta nookobhaha umwahokano ²¹Ibhyaro mbherebha no obhokare ku rina ryaye.²²Omonto omorebhe umuhukuru nu umumumu, ono yarinirwe ne ekehwe yaretirwe ku Yesu. Akamuhwenia, hamwe naghayo omonto umumumu yaghambire nu akamaha. ²³Abhanto bhonse bhakaroghora no okoghomba, "Omonto ono aretora kobha no omona uwa Daudi?"²⁴Naho hano Amafarisayo bhaighure ekeroghoryo keno, bhakaghamba, "Omonto ono takurusya ebhehwe bheno kwo obhotoro bhwayehe nko obhotoro ubhwa Blzebuli, omonene we ebhehwe. ²⁵"Naho Yesu niyamanyire amaiteghero ghabho akabhatebhya igha, "Obhokama bhono bhutwenekaini no okosareka, nakera righutu reno rekutwenekana iryene tereremerahe.²⁶Nyore risambwa, nderarusiho risambwa, nigha nkwikorare umwene. ²⁷Nku ighake obhokama bhwaye bhoremere? Nyore ndarusya ebhehwe ko obhotoro ubhwa Belizabuli, abha ibhagheri bhenyu mbararusi kushinguru shyawe? Kukughirya yareno mbhobharebha abhabhakengeri abhi ikina.²⁸Hano oranyore nkurusyande ebhehwe kushinguru ishya Waryobha nigha obhokama ubhwa Waryobha bhwishire ko bhenyu. ²⁹No omonto naratore kosoha mwighutu irya umwene nguru nu ukwibha, ataramobhoha mwene nguru? Nho amanye kwibha ebhento bhyaye kurwa mwighutu muyo. ³⁰Wowonswe ono atarenge hamwe nawoni takunyitabheryahe naora atakokomania hamwe nawoni uyo nkunyaraghania are.³¹Ku riyonkoreghambande ko bhenyu, kera ikitimba nu ubhuseri abhanto mbaryabherwa, naho okosera Enkoro Ehoreru tebharyabherwahe. ³²Ono wonswe akoghamba eng'ana ko koyegharanshora bhono takutuna Omona uwa Adamu, uyo naryabherwa. Naho wowonswe ono akoghamba agharanshoyeko Enkoro Ehoreru, uyo taryabherwahe, mukyaro mono, nunyora nkeno kirisha³³Hamwe okore omote ghushome ne ehagho yako nshiya, hamwe oghosari omote ne ehagho yako, kokobha omote ghoramanywa ko hagho yagho. ³⁴Bhenyu rikora irya inshoka, mbasarya more, nighake moratore koghamba amang'ana amaiya? Ko okobha ubhukiri bhoraghamba kurwa momongo iya ghara gharenge monkoro. ³⁵Omonto umuya ko mongo inshiya ye enkoro yaye kurwa mobhohene, no omonto omosarya nko nkoro enghogho eno anayo nkokorare ekeghogho.³⁶Ndaghamba igha kushinsiko ishyu okokenga ikina, abhanto mbarirusya risabhu irya kera ng'ana eno etana bhwera eno bhaghamba. ³⁷Kobhora amang'ana ghaho ngarebharwa ko hene nakomang'ana ghaho norekengerwa ikina."³⁸Ghweki abhakonikoni abhamwe (na) Mafarisayo bhakahonshokerya Yesu no okoghamba igha, "Umweghya, tokatunire komaha ekerengyo kurwa ku uwe." ³⁹Naho Yesu akabhahonshokerya akaghamba, "Rekora ribhe nairya obhosorare reratuna ekerengyo. Naho tekeho ekerengyo keno kerorokibhwa kobho ne ekerengyo ikya omoroti Yona. ⁴⁰Kya bhora omoroti Yona yarenge monda iyi inswe enene kushinsiko isato omobhaso nu ubhutiko, nigho arenge Omona uwa Adamu arebha monkoro yi ikyaro kushinsiko isato omobhaso nu ubhutiko.⁴¹Abhanto abha Ninawi mbaremera mobhoronge ubhwo okokengerwa ikina hamwe narekora irya abhanto bhano (na) bharekenga ikina. Ko okobha bhasabha amabhe ko omotebherya agha Yona, ghweki rora, omonto ono mmonene kokera Yona narenge hano.⁴²Omokama uwa humba naryemoka ko kina hamwe (na) abhanto abha rekora reno nokokikenga. Yaishire kurwa mumihiko ghyoonswe ighi ikyaro kusha kwiteghera esoko iya Selemani, (na) maha,omonto ono mmonene kokera Selemani nhano are.⁴³Enkagha ebhehwe ebheghogho bherarwa ko omonto, nkoheta kere ahase hano hatana amanshe keratuna kumunya, naho tekekohorerahe. ⁴⁴Ghweki keraghamba, 'nendakyore mwighutu ryane mono ndure.' Hano kyakyora nkunyora kere righutu rera ryeywa nambhuya rere. ⁴⁵Ghweki nkughya kere no okoreta ibhyende muhungate ebheghogho bhokong'u komokera, kusha komenya bhyonse hayo. No omonto uyo nkunyankare bhokong'u kokera bhora yatangirwe. Nigho erebha kwerekora reno risarya.⁴⁶Enkagha Yesu yashumanshanga naabhanto bhara, nyakuwabho nabhawamwabho mbarenge bhaimereye kebhara, bharatuna bhashumanshe nawe. ⁴⁷Omonto omwe akamotebhya, "Maha nyakuwenyu nabhawamwenyu bhaimereye kebhara, bharatuna kushumansha nauwe".⁴⁸Naho Yesu yamohonshokeyi ora yamotebhiri igha, Bhabho nnawe? Nabhawamweto mbawe?" ⁴⁹Wonswe akaghorokya okobhoko kwaye ko abhana bhegha no okoghamba, "Maha, bhano mbamayo nabhana bheto! ⁵⁰Kobhora wowonswe ono akokora obhoghonshe (na) Tata ono arenge mwisaro, omonto uyo we wamweto, mohara weto (na) mayo ono anyibhoye",

¹Ku urusiko ruyo Yesu yaimokire kurwa ka akaikara ko omorambo ughwi inyansha. ²Abhanto abharu mbamwinare, akarina mubhwato no ukwikara mo. Abhanto bhonswe bhakaemera komorambo.³Nho Yesu yaghambire amang'ana amaru ko bherenghyo, Akaghamba, "Maha umubhusuri yagheye kubhusura. ⁴Hano yabhusuranga shentetere ishyende shyekaghwa mbareka ye enshera ibhinyonyi bhekatosha. ⁵Shentetere shyende shyekaghwa korotare, tishyanyore amarobhahe. Shekamera nu ukukwa kobhora amarobha teghareho aghu kwisahe. ⁶Hano omobhaso ghwabhare shekasambhwa kobhora teshyarenge niimirihe shekoma.⁷Shentetere shyende shyekaghwa momahwa. Emete ighya amahwa ghekakina bhokong'u ghekashehegha. ⁸Shentetere shyende shekaghwa komarobha amaiya shekaebhora shentetere shyende, kotamboka ighana ishyende merongo esansabha ishyende merongo etato ⁹Ono anaamatwe naaighwe.¹⁰Abhana bhegha bhakasha no okotebhya Yesu, "Nkwake ukushumansha abhanto bhonse ko ebherengyo?" ¹¹Yesu akahonshokya no okoghamba, "Mohaywe obhohanshe ubhwo okomanya ikibhisire ikyo obhonene ubhwa mwisaro nabho tebharahanwahe. ¹²Naho, wowonswe ora anakyo, umwene naryongeribhwa bhokong'u, (na) narinyora ubhwera bhonene. Nawe ora atanakyo nunyora ne ekeke keno urinyora anakyo narirusibhwa.¹³Ku igho nkushumanshande nabho ko ebherengyo kobhora nunyora nkorora bhare, bhatakamaha ehene. Ghweki mbaighwe bhange kuighwa. ¹⁴Obhoroti ubhwa Isaya bhwabhahekera ko bhene, bhora bhakoghamba, "Hano mukwighwa mwighwe, naho kotemo yoyonswe temomanyehe; enkagha mokomaha moratora kwanga komanya.¹⁵Enkoro (ya) abhanto bhano yabha kisunte nkekong'u kwighwa bhahindirya amaiso okoreke korora (na) amaiso ghabho hamwe kwighwa (na) amatwe ghabho hamwe komanyerya ko enkoro yabho, ku igho mbakanyisyoreyi nekabha hweniri.'¹⁶Naho amaiso ghabho ghaitabheribhwa kobhora nkorora ghare, (na) amatwe ghenyu bhora ghakwighwa. ¹⁷Mbhohene nkobhatebhya abharoti bharu naabhanto abhahene mbaighombire komaha ghano mokomaha bhono, nawe tebhahikire kogharorahe. Bhakaighomba kwighwa ghara mukwighwa, nawe tebhaghaighurehe.¹⁸Bhono mwighwe ekerengyo ikyu umubhusuri. ¹⁹Enkagha yoyonswe hano yaighwa eng'ana yo obhonene nho omoghogho akusha no okomosaka kera kyatorwa monkoro yaye. Eno niimbusiro eno yabhusurwe mbhareka ye enshera.²⁰Ono yemibhwi momaghene nora akwighwa eng'ana no ukuyitabherya bhongo nu ubhushomerwa. ²¹Oranyore tana umurihe, no okobha okoghomerya ko nkagha nyeng'e. Enkagha inyanko ne etabhu hano yabha ko bhora ye eng'ana nkwituraturare kamwe.²²Ono yemibhwi momete ghate ighya momahwa, uyo nora yaighure eng'ana nawe inyanko yi ikyaro no obhorongo ubhu ubhwame bhora rehegha eng'ana iyo etakama shyehagho. ²³Ono yemibhwi ko amarobha amaiya, ono no ora yaighure eng'ana no okyemanya. Ono nora akwebhora shehagho no okoghenderya kwebhora emwe bhokong'u kotambhokya ighana ishyende merongo esansabha, ishyende merongo etato."²⁴Yesu akabhaha ekerengyo kyende. Akaghamba, "Obhonene ubhwa mwisaro mbhutubhanibhwi no omonto ono yemiri entetere inshiya momoghondo ghwaye. ²⁵Naho abhanto hano bharaye, abhabhisa bhaye bhakasha bhonswe kwemya entoki ghate ghate ye eng'ana bhakamara bhakaghya shyabho. ²⁶Hano engano yamere no okosamunsa, nho entoki yonswe yarishokire.²⁷Abhabhaghati abha mwene moghondo bhaishire komotebhya, 'Omokama, tuwemiri entetere inshiya momoghondo ghwaho? Niyake ebhaye bhono ghona entoki? ²⁸Akabhatebhya, Umubhisa we akore riyo.' Abhabhaghati bhakamotebhya, "Ku igho oratuna tughi toghaihe?"²⁹Mwene moghondo akaghamba, 'Tighohe, enkagha moraihe entoki moraiherani ne engano. ³⁰Muyitighe entoki iyo bhekenere hamwe kohekera kokoghesa. Enkagha nendeghamba ko bhaghesi, 'Bhasimi kwiha entoki bhayekomani no okoyesamba, bhamare bhakomani engano moketara kyane.""³¹Ghweki Yesu akabhatebhya ekerengyo kyende. Akaghamba, "Obhonene ubhwa mwisaro bhoratubhana ne entetere (ya) haradali eno omonto yagheghire no kuyemya momoghondo ghwaye. ³²Entetere eno mahene nenke kokera ishyende shyonswe. Naho hano yamera nkobha ere nene kokera emete ghyonswe ighya mwisiko, nkobha ghore omote, kohekera igha ibhinyonyi kohaghashako ubhusu komasagharya ghako."³³Akabhatebhya ekerengyo kyende ghweki. "Obhonene ubhwa mwisaro nkyo obhotondoru bhono bhwagheghirwe no omokari akaishoghaniane ebherengero bhitato ibhyo obhose okoreke bhwebhoke.³⁴Ghayo ghonswe Yesu akaghaghamba mobhanto ku bherengyo. Hano ebherengyo bherabhoreho te yaghambire kentohe. ³⁵Eno yarenge igha kera kyaghambwa kohetera omoroti ketore kuhika kukihiko, hara yaghambire, "Ndenanorya umunywa ghwane ko kerengyo. Nendeghamba amang'ana ghara ghareghabhiswa kurwa bhotange bhwa kyaro."³⁶Ho Yesu yatighire esango iya abhanto bhara akaghya ka waye. Abhana bhegha bhaye bhakamughyako no okoghamba, "Twanshore ekerengyo eke entoki iya momoghondo." ³⁷Yesu akabhahonshokerya igha , "Ono akwemya entetere inshiya no Omona uwa Adamu. ³⁸Omoghondo nkyaro; entetere inshiya, bhano mbhana abha mobhokama. Entoki mbhana abha omosarya ora, umubhisa ono yemiri uwe risambwa. ³⁹Okoghesa engeso niikihiko iki ikyaro, abhaghesi mbho abharaghe.⁴⁰Kobhora entoki ekokomanibhwa no okosambhwa no omoro, nigho erebha ku kihiko iki ikyaro. ⁴¹Omona uwa Adamu naretoma abharaghe bhaye, no okokomania kukurwa mobhanene bhaye amang'ana ghonswe ghano ghaghire ibhitimba nabhara bhakokora amasaryo. ⁴²Mbharerekerwa mwibheri ryo omoro, eno harebha niikikuro no okotakunya amaino. ⁴³Hayo nho abhanto abhahene bharyoka ke eryobha mo obhokama ubhwa Suwabho . Ono anaamatwe aighwe.⁴⁴Obhonene ubhwa mwisari nkye emongo eno yabhiswa momoghondo. Omonto akayemaha no ukuyibhisa. Mubhushomerwa akaghya koghorya bhyonswe bheno yarenge nabhyo, no okoghora omoghondo. ⁴⁵Ghweki, obhonene ubhwa mwisaro nkyo omonto ono aaakushurusha ono akutuna ilulu iyu ubhwera . ⁴⁶Enkagha eno yayeroshe era iyo ubhwera, akaghya akaghorya kera ekento keno yarenge nakyo (na) akayeghora.⁴⁷Obhonene ubhwa mwisaro nkyo omotegho ghono ghorenge munyansha, nkokomania ghore kera ekento. ⁴⁸Hano ghweshora abhaghokori mbhaghurutire komorambo. Bhakamara bhakaikara hanse bhakakomania ebhento ibhiya mobhento, nawe bheno bhetana ubhwera bhakabhetabhuta hare.⁴⁹Nigho erebha ku ikihiko iki ikyaro. Abharaghe mbarisha no okotegha abhanto abhasarya kurwa mobhahene. ⁵⁰No okobharekera mwibheri iryo omoro, hano harebha ne ekero ukwarama kono kotakohwa no okotakunya amaino .⁵¹Momanyire amang'ana ghonswe ghano? Abhana bhegha bhakamohonshokerya, "Mbhohene." ⁵²Nho Yesu yaghambire, "Kera omokonikoni ono yabhaye omona mwegha uwo obhokama aratubhana namwene ighutu ono akurusya ko mongo yaye ebhento ebhehya (na) ibhyakare." ⁵³Ekabha igha Hano Yesu yamare kurusya ebherengyo bhiyo, akemoka kurwa entahana iyo.⁵⁴Nho Yesu yahikire morong'ongo rwaye no okobheghya abhanto mwi sengero. Bhakaroghora no okoghamba, "Nhayi omonto ono yanyora esoko ne ebheroghoryobheno? ⁵⁵Omonto ono to omona uwa omohori (wa) shembao? Nyakuwabho te Mariamu? Bhawamwabho te Yakobo Yusuph, Simoni (na) Yuda? ⁵⁶Abhahara bhabho ntonabho weto hano?Bhono omonto ono hai yanyora ghonswe ghayo?"⁵⁷Yabharereyi. Naho Yesu akabhatebhya, "Omoroti takobhora kobha ne esoko wabho (na) kukyaro kyabhohe. ⁵⁸Ghweki tiyakore bherengyo bhyende ko kobha tebharenge bharamwitabheryahe.

¹Ko enkagha iyo, Herode yaighure amang'ana agha Yesu. ²Akatebhya abhabhaghati bhaye,"Ono uwe Yohana umusubhya aryokire kurwa mobhaku. Kuigho shinguru shiyo nanasho."³Kobhora Herode yabhanga aghotire Yohana nokomobhoha mushera kukughira iya Herode, moka Filipo mura wabho. ⁴Kobhora Yohana yamotebheri, "Tibhuyahe komoghegha we kobha mokaye." ⁵Herode nakamwitire nokobha yobhohire abhanto kobhora mbhamoroshe Yohana abhe omoroti.⁶Hano enkagha iyu urusiko urokwebhorwa Herode hano rwahikire mohara uwa Herode yabhinire ghate ghate iya abhanto kushomerya Herode. ⁷Kokohonshokya yatyanire igha naramohe kyokyonswe keno arasabhe.⁸Hano yatebhibhwi {na} nyakuwabho, yaghambire, "Ng'ana hano oni omotwe ughwa Yohana umusubhya oghotore kusinia." ⁹Omokama yaroghoribhwi narisabho irya umohara uyo, naho kukughirya bhora yatyanire, kukughirya yabhara bharenge bhaikaye bhararya hamwe nawe yahamire igha reratonerwa rekorwe.¹⁰Akahama Yohana aretwe kukurwa mushera, ¹¹okoreke abhotorwe omotwe {na} ghotorwe kusinia akahanwa omohara ora akahira kunyakuwabho. ¹²Ghweki abhana bhegha bhaye bhakasha koghegha omobhere ghora bhakaya kobheka, riyo hano ryahoye bhakaghya kotebhya Yesu.¹³Hano Yesu yaighure ghayo, akaiyahora kurwa hara akasoha monse yu bhwato akaghya ahase hano harenge hahoywe. Enkagha hano rikomo irya abhanto hano bhamanyire hano yarenge, mbamosoraini kokoghenda maghoro kukurwa mumughi. ¹⁴Nho Yesu yaishire mobhoronge bhwabho akamaha abhanto abharu bhayo. Akabhabhera nukuhwenya amaroye ghabho.¹⁵Komoghorobha abhana bhegha bhaye bhakamushako no okoghamba, "Hano hase ahe ekekongo, nurusiko rohetire.Bhanyeregheni bhano okoreke bhaghi mosheng'ongo shende koghora ibhyakorya kukughira yabho.¹⁶Naho Yesu akabhatebhya, "Tebhakaghyahe. Mobhahane ibhyakorya." ¹⁷Bhakamotebhya,"Hano tona emeghate etano nashinswe ibhere." ¹⁸Yesu akaghamba, "Mogherete kuoni hano."¹⁹Gweki Yesu akabhatebhya abhanto bhaikare kubhunyanki. Akaghegha emeghate etano nashinswe ibhere. Amahera koryobha, akasasama akasonora omoghate akahana abhana bhegha. Abhana bhegha bhakahana ehamate. ²⁰Bhakarya bhonswe bhakaighota. Ghweki bhakakomanya ebhetene ibhi ibhyakorya bheno bhyasaghire bhakaishorya ebhekapo ikomi nabhibhere. ²¹Bhara bhareye mbaiteghereywe kohekera abhashasha bhekwe bhitano abhakari nabhana tebhabharwehe.²²Kamwe igho akahemora abhana bhegha bhaye bhasohe mubhwato, akaragha abhanto bhara bhaghi. ²³Hano yabharaghire bhaghi, akarina mokekereghe kosasama. Hano omoghorobha ghwahikire nighoro iyo yare umwene. ²⁴Naho bhono hano ubhwato bhwarenge kunyansha ghate ghate bhorahomba hombhibhwa namayengo, omokama ghora mororo kai ghware.²⁵Ubhutiko ubhwa kane Yesu akabhaisokera, areghenda komanshe ighoro. ²⁶Hano abhana bhegha bhaye bhamoroshe araghenda komanshe ighoro, bhakahaha nokoghamba,"Keno nkereka," nukushera kobhobha. ²⁷Yesu akabhatebhya kamwe igho, "araghamba."²⁸Petro akamohonshokerya kokoghamba, "Omokama, nyore nuwe, nyikererya oni wonswe nishe ku uwe ndaghenda ighoro iya manshe." ²⁹Yesu akaghamba, "Nsho," kohayo Petro akarwa mubhwato aghende komanshe kughya ku Yesu. ³⁰Naho hano Petro yaroshe amayengo akobhoha,nukusimya kusika, kuya monse, akabherekera, "Omokama ntungurya!"³¹Hayo hayo akarambora okobhoko kwaye akamoghota akamwimokya Petro, nokomotebhya,"Uwe ono uni imighiro meke, nkwake ware ohahire? ³²Nho Yesu {na} Petro bhasohire mubhwato,omokama ghokabhotoka. ³³Abhana bhegha bhakaitabherya Yesu mubhwato nokoghamba, "Mbhohene uwe mona uwa Waryobha ore."³⁴Hano bhambokire humbhu, bhakahika kukyaro ikya Genesaleti. ³⁵Abhanto abha hayo hano bhongoye Yesu, mbahire urukweti koshentahana shonswe, nokoreta kera ono yare omoroye. ³⁶Bhakamosabha bhahike kukunya ororebherebhe urwi ngibho yaye, {na} abharu bhano bhanyikuniri mbahwenire.

¹Nho Amafarisayo nabhakonikoni bhamwishireko kukurwa Yerusalemu. No okoghamba. ²'Nkwake abhana bhegha bhakwanga amaragheryo agha abhaghaka? Nko bhora bhatakwisabha amabhoko ghabho hano bhatuna korya ibhyakorya." ³Yesu akabhahonshora nokobhatebhya, "Nabhenyu nkwake mukwanga umwahokano ogho Omokama kukughira iya amaragheryo ghenyu?⁴Kobhora Waryobha yaghambire, 'Osoke suwenyu nanyakuwenyu, ghweki ono akoghamba amaghogho ku suwabho {na}kunyakuwabho, mbhohene narikwa.' ⁵Naho bhenyu moraghambe, kera ono akotebhya suwabho nanyakuwabho, "kera okotoribhwa kono akanyore kurwa kuoni bhono nituho kurwa ko Waryobha," ⁶'Omonto uyo tana esoko kusuwabhohe. Kubhuyo miitighire eng'ana iya Waryobha kukughira iya amaiteghero ghenyu.⁷Bhenyu bhare bharwambhe, mbuya kyabhora Isaya yarotire ighoro yenyu araghamba. ⁸Abhanto bhano bharansoka kuminywa ghyabho, naho enkoro yabho hare ere naoni. ⁹Bharansengera bhosa, kobhora bhareghya ameghyo agha bhairo."¹⁰Nho yabherekeye abhanto akabhatebhya, "mwiteghere ghweki momanye. ¹¹Tekeho ekento keno kekosoha mumunywa ogho ononto kokomoreserya. Nko kera kikurwa mumunywa kiyo nkyo ikyo koreserya omonto."¹²Nho abhana bhegha bhagheye ku Yesu nokoghamba nawe, "Bhono!Omanyire Amafarisayo hano bhaighure eng'ana era mbarereye?" ¹³Yesu akabhahonshora nokoghamba,"Kera omonte ghono Tata weto uwa koryobha ataghwemiri ngurihwa. ¹⁴Bhatighe abhene mbatangati abhahukuru.Nyore umuhukuru nararongeke umuhukuru wonde, bhonse bhabhere mbaraghwe mweroma."¹⁵Petro akamohonshora nokotebhya Yesu, "Totebhi ekerenghyo kiyo kobheto, ¹⁶Yesu akabhahonshora, "bhenyu bhonse temomanyirehe? ¹⁷Bhenyu temokomaha igha kera kikuya mumunywa nkohetera kere monda nukughya mushoroni?¹⁸Naho ebhento bhyonswe bheno bhikurwera mumunywa monkoro bhikurwa. Mbhyo ebhento bhekosarya omonto. ¹⁹Kobhora monkoro nkurweragharemo amaiteghero amaghogho, namatoki. ²⁰Ghano ngho amang'ana ghano ghakosarya omonto. No okorya otaisabhire amabhoko omonto takosarekerwahe."²¹Nho Yesu yarure ahase hara akaghya iyo hare kukughya imighi ighya Tiro{na} Sidoni. ²²Maha akasha omokari Omokanani kurwa shembareka shiyo. Akabharoka araghamba,"Nyabhera, Omokama, Omona uwa Daudi, mohara wane aranyankibhwa bhokong'u ne ekehwe." ²³Naho Yesu akamohonshora eng'ana, Abhana bhegha bhaye bhakasha komokomerya, bharaghamba, "Murusiho aghi shaye, kobhora nkituri akotokora."²⁴Yesu akahonshora nokoghamba, tenatomirwe ko omonto wowonse nkukughirya iya amang'ondi ghano ghasire kumughi ughwa Israel." ²⁵Ghweki yaishire akaihinya mobhoronge bhwaye, araghamba, "Omokama ntorya." ²⁶Akamohonshora nokoghamba, "Tibhuyahe koghegha ibhyakorya ibhya abhana nokohana shesese,"²⁷Akaghamba, "Nigho, Omokama, nokanyora shesese shenke nkorya shere ibhyakorya bheno bhekoghwa komesha iyo omonene wabho." ²⁸Nho Yesu yahonshoye nokoghamba, "Oremokari, imighiro ghyaho menene. Ebhe nku uwe bhono ukutuna."No omohara waye akahwenibhwa ko nkagha iyo.²⁹Yesu akarwa hayo nukughya hang'e ninyansha iya Garilaya. Gweki akaghya ighoro yekekereghe nukwikara iyo. ³⁰Abhanto abharu bhakamushako. No okomoretera abhabheru, abhahukuru, abhamumu, ebherema nabhande abharu, bhano bhare abharoye. Bhakabhatora momaghoro agha Yesu {na} akabhahwenya. ³¹Abhanto bhayo bhakaroghora hano bharoshe abhamumu bharaghamba {na} abhabheru bharahwenibhwa abharindigharu bhakaghenda abhahukuru bhakaramokya. Bhakamukumya Waryobha uwa Israel.³²Yesu akabherekera abhana bhegha bhaye akaghamba, "Nabheye ehamate eno kobhora ntobhaye nabho kushinsiko isato bhatakorya kento. Tembaraghe kuya wabho bhatareye kento kyokyonswe, bhatashe bhasheshekere konshera." ³³Abhana bhegha bhaye bhakamotebhya, "Hayi toranyore emeghate ighyu kwisa mwisisi hano gheno ghirighoti ehamate eno? ³⁴Yesu akabhatebhya,"Mona emeghate erenga?"Bhakaghamba, "Muhungate, nashinswe nke igho." ³⁵Yesu akahama ehamate era bhaikare hanse.³⁶Akaghegha emeghate muhungate ghera nashinswe, hano yamare kosasama, akaghesonora nokohana abhana bhegha bhakahana ehamate era. ³⁷Abhanto bhonswe bhakarya nokweghota. Bhakamara bhakakomanya amasaghyo aghi ibhyakorya bhera bhyasaghire, bhakaishorya ebhekapo muhungate. ³⁸Bhonswe bhano bhareye abhashasha bhekwe bhine kutigha abhakari nabhana. ³⁹Nho Yesu yabharaghire ehamate era bhaghi shabho akamara akarina mubhwato nukughya orobhareka rwa Magadani.

¹Amafarisayo {na} Amasadukayo bhakamweshera nokosakya Yesu abhoroki ekerenghyo keno kikurwera murwire. ²Naho Yesu akabhahonshokerya nokobhatebhya igha, "nyore moghorobha moraghambe omokama mbhuya ghore, narisaro nikangaru.³Nakunkyo moraghamba. 'omokama timuyahe kobhora amasaro ghakundikiyi urwere ronswe. 'Momanyire kosesora no okwanshora kigho risaro rere, naho temotore kwanshora ibhyorokeryo ibhya enkagha. ⁴Rekora ribhe neryobhosorare nkutunakere ikyorokeryo, nawe tekeho ikyorokeryo keno kyokyonswe keno kerahanwe, nokanyora nkera ikya Yona. Gweki Yesu akabhatigha akaya shaye.⁵Abhana bhegha bhakasha orobhareka urwa kabhere, naho okanyore bhebhire koghegha emeghate. ⁶Yesu akabhatebhya, "Mwirihe ghweki mwangare no obhotondoru ubhwa Amafarisayo {na} amasadukayo." ⁷Abhana bhegha bhakabhoryana abhene kobhene no okoghamba, "nkobhora totagheghire emeghate." ⁸Yesu yongoye riyo no okoghamba," Bhenyu imighiro ghyenyu meke,nkwake motore kotebhanya abhene ko bhene nokogh?⁹Bhono temokomanya nunyora muhite emeghate etano kobhanto bhekwe bhitano, mbekapo bherenga bheno mwakomaini? ¹⁰Hamwe emeghate muhungate kobhanto bhekwe bhine, mbekapo bherenga mwagheghire?¹¹Nke kebhaye kura temokomanya igha tenashumashanga nabhenyu komeghate? Mwiyangare nu ukwikabhaha no obhoghogho ubhwa Amafarisayo {na} Amasadukayo." ¹²Bhakamara bhakamanya igha teyabhanga ighoro yemeghate gheno ghyarenge ghetondoye, nigha bhairihe{na}amaghyo agha Amafarisayo Namasadukayo.¹³Enkagha eno Yesu yahikire entahana iya Kaisari iya Filipi, akabhorya abhana bhegha bhaye akaghamba,"Abhanto bharaghamba igha Omona uwa Adamu neewe?" ¹⁴Bhakaghamba, "abhande bhakaghamba igha YohanaUmusubhya, Abhande, Eliya, nabhande, Yeremia, hamwe uwomwe uwa bharoti. ¹⁵Akabhatebhya,bhenyu moraghamba oni newe? ¹⁶Kokohonshora, Simoni Petro akaghamba,"Uwe nuwe Kristo Omona uwa Waryobha ono ona obhohoru."¹⁷Yesu akahonshora kokomotebhya, "witabheribhwa uwe,SimoniBar Yona, kobhora amanyinga ni inyama tebhyakorokiri renohe, Ntata umwibhori uwa kwisaro. ¹⁸Oni wonse ndakotebhya igha nuwe Petro nakorotare nendahaghashe risengero ryane. Ebheseku ibhye ebhehwe ebheghogho ibhya risambwa tebhererehaghahe.¹⁹Ndekoha uwe orofongoro urwa kwisaro. Kyokyonswe keno oresekera kukyaro, nkeresekerwa koryobha, nakyokyonswe keno oryeghora kukyaro nkeryeghorwa koryobha." ²⁰Ghweki Yesu akatebhya abhana bhegha bhatakatebhya monto wowonswe igha uwe yare Kristo.²¹Kukurwa enkagha iyo Yesu yatebhiri abhana bhegha igha mukumo aghi Yerusaremu, kunyankibhwa ukwa amang'ana namang'ana maru momabhoko agha abhaghaka, abhaimereri abha amasengero nabhakoni koni, kobhaita nukuryoka urusiko urwa katato. ²²Ghweki Petro akahora Yesu mbareka no okoghamba, "Eng'ana eno ikwirihe, Omokama reno retakabha ku uwe. ²³Naho Yesu akaisyorya Petro akamotebhya, "Kyora nyuma yane risambwa! Uwe nkehaghe kyane ore,kobhora totonibhwi {na} amang'ana agha Waryobha he,ira nagha abhairo ghakotoniri."²⁴Ghweki Yesu akatebhya abhana bhegha bhaye, "Nyore omonto aratuna konsonora, mukumo aitongere umwene, agheghe omosarabha ghwaye, nho ansorane. ²⁵Kobhora ono akutuna kotabhuta obhohoru bhwaye narabhotabhute, nako ora akotabhuta obhoru bhwaye kukughira yane natunguribhwi. ²⁶Bhono! nkentoke omonto ararusi ikyu kuswenya nobhohorubhwaye? Ghweki! nkentoke omonto ararusi kukuswenanya nobhohoru bhwaye?²⁷Kobhora Omona uwa Adamu narisha mobhohoreru, ubhwa Suwabho, no Omoraghe waye. Narehaka kera omonto koreng'ana {na} amakoro ghaye. ²⁸Ndabhatebhya obhohene igha kobhenyu bhano mwimereye hano bhamo bhano bhatarikwa kohekera hano Omona uwa Adamu arisha kohetera Obhokama bhwaye.

¹Hano shinsiko isansabha shahetire, Yesu akaghegha Petro, Yakobo {na}Yohana wamwabho, nokobhaghegha kohekera ighoro iye ekereghe eketambe bho abhene. ²Akasyoribhwa mobhoronge bhwabho.³Maha, hayo bhakasha Musa {na} Eliya bharashumasha nawe. ⁴Petro akahonshora nokotebhya Yesu, "Omokama, mbhuya bheto tobhe ahase hano bhonswe. Nyore oraghamba nendahaghashe hono ibhituturu bhitano ekemwe ikyaho, ekemwe ikya Musa niikyende ikya Eliya."⁵Enkagha arashumasha, maha risaro rirabhu rekabhakora ikiriri, Maha obhoraka bhukarwera mwisaro, igha, Ono no Omona wane omoghonshe nemohanshire. Mumwiteghere." ⁶Abhana bhegha hano bhaighure ghayo, bhakaghwa bhabhumaye nabhakobhoha bhokong'u. ⁷Nho Yesu yishire akabhakunya no okoghamba, "Mwemoke motakaobhoha." ⁸Bhonse bhakaghorokya ubhusyo bhwabho ighoro nawe tebharoshe montohe akabha Yesu umwene.⁹Hano bhaikanga kurwa kokekereghe, Yesu akabharagherya, 'akaghamba,"motakaghamba amakoro ghayo kohekera hano Omona uwa Adamu ariryoka kurwa mobhaku." ¹⁰Abhana bhegha bhaye bhakabhorya, bharaghamba," Nkwake abhakoni koni bharaghamba igha Eliya naretanga kusha?¹¹Yesu akahonshora nokoghamba, "Eliya mbohene narisha ghweki narekyoryaho amang'ana ghonswe. ¹²Naho ndabhatebhya bhenyu, Eliya amaarekusha, nawe tebhamomanyereyihe, Kuigho, mbamokoreye amang'ana ghara bhatunanga abhene. Naigho nigho Omona uwa Adamu arinyankibhwa momabhoko ghabho." ¹³Nho abhana bhegha bhongoye igha yashumashanga amang'ana agha Yohana umusubhya.¹⁴Hano bhahikire mohamate, omonto omwe akamughyako, akahighama mobhoronge bhwaye, nokomotebhya. ¹⁵"Omokama, mwabhere omona wane, kobhora nana eketwe {na} aranyanka bhokong'u. Kokobha nkaru akoghwa momoro hande momanshe. ¹⁶Morete ko abhana bhegha bhaho, Nawe tebhatore kumuhwenya.¹⁷Yesu akabhahonshora akaghamba, "Bhenyu rekora reno retakwitabherya reno ryasareka, nindikare hamwe nabhenyu kohekera rohe? Mbhaghomeri kohekera rohe? Morete kuoni hano." ¹⁸Yesu akamokemera, ne ekehwe kekamurwako. Umumura akahwenibhwa kukurwa enkagha iyo.¹⁹Nho abhana bhegha bhakamughyako Yesu kukibhisire nokomobhorya, "Nkwake totakotora komokenya?" ²⁰Yesu akabhatebhya,'kukughira iyi imighiro ghyenyu emeke, mbohene ndabhatebhya, nyore mobha ni imighiro nunyora meke kye eheke iyi mbusiro iya haradali, moratore kotebhya ekekereghekeno, ng'anya kurwa hano kughya era, kyonswe nkerang'anye natekebhe nakento kyokyonswe keno kekobhatama bhenyu. ²¹(Komerya: amang'ana agho orokararwa 21"Nawe, etemo eno iye ekehwe tekotorekana kurwa, naho nkomasabho nukutigha korya,"teghakomahwahe kukurwa kare).²²Hano bharenge Garilaya, Yesu akabhatebhya abhana bhegha bhaye, "Omona uwa Daudi naratorwe momabhoko agha bhanto. ²³Nambaramwite,nu urusiko urwa katato nararyoke,"Abhana bhegha mbasorombaye bhokong'u.²⁴Naho hano bhahikire Kapenaumu, abhanto bhano bhakokomanya ritene irya shekeli bhakaghya ko Petro nokoghamba, "Bhono umweghya wenyu arahaka righoti irya ritene shekeli?" ²⁵Akaghamba, Mbohene"Nho Petro yasohire mwighutu, Yesu akashumasha {na} Petro akamotebhya, "Nke ukwiteghera Simoni? Abhakama abhi ikyaro, bharanyora righoti nunyora mbhushuru kurwa kowe?kobhara bhakobhabhaha kurwa kobhagheni?²⁶Ne enkagha Petro yaghambire, "Kurwa kobhagheni"Yesu akamotebhya, bhono abhabhahwa mbarusibhwi kobhohaki. ²⁷Nawe totakasha kobhakora abhatobhya abhu ubhushuru bhakore ibhitimba, kaghi kunyansha, orobhi, unyore inswe era eretangata kunyera. Hano yamare kwasama umunywa ghwaye, nurinyoramo shekeli emwe. Yegheghe ohane abhatobhesya abha ubhushuru kukughira yane nauwe.

¹Enkagha iyo iyo abhana bhegha bhaye bhakasha ku Yesu nokomotebhya, "Newe arenge omonene kobhokama ubhwa koryobha?" ²Yesu akabherekera omona omoke,akamotora ghate ghate yabho, ³akaghamba, "mbhohene nkobhatebhya hano motaitabhereyi nokobha nkya abhana abhake, temoretora kosoha kobhokama ubhwa Waryobha.⁴Kuigho ko wowonse ono akwiyorokya nu ukwitabherya kyo omona omoke, nkya uyo monene ko obhokama ubhwa ok ryobha. ⁵[Na}wowonswe ono ukunyora agheghire omona omoke kurina ryane noni ukunyora agheghire. ⁶Naho wowonswe kobhake bhano bhakunyitabherya kuntigha, erebha mbhuya omonto uyo abhoherwe oroghena mwighoti abhiribhwi mubhuribha ubhwi inyansha.⁷Mohoko ughwi ikyaro kobhora yenkagha iyo okoreriribhwa! Kokobha torenge bhuyo ko nkagha shiyo kusha, Nawe mohoko ghwaye ko omonto ora shenkagha shiyo nshirisha kukughira yaye! ⁸Hano okobhoko kwaho hamwe okoghoro kwaho kurighira orerere, kobhotore nokotabhute hare nauwe. Mbhuya bhokong'u osohe mobhohoru orenge mobheru kokera hano orarekerwe momoro ughwa bhokora ona amaghoro ghonswe.⁹Hano iriso ryaho rerakosari, rirusimo orerekere hare. Mbhuya bhokong'u uwe osohe mobhohoru nairiso imwe, kokerwa okorekerwa momoro ughwa bhokora ona amaiso ghonswe.¹⁰Momahe igha motakashe kushera uwomwe uwa bhake bhano. Kobhora nkobhatebhyande igha koryobha abhareghe yobhare shinsiko shonswe bharamahera ubhsyo ubhwa Tata ono arenge koryobha. ¹¹(Komerya, amang'ana ghano gharenge korokara urwa 11,"kokobha Omona uwa Adamu yaishire kutungurya kera kyarenge kisire" teghamahekaini koshenakara isha kare).¹²Nke mukwiteghera? Oranyore omonto ana amang'ondi ighana imwe, rimwe risire, nutigha merongo kenda nakenda kokekereghe ughi kutuna rimwe rera risire? ¹³Nahano orarinyore, mbhohene nkobhatebhya, aramushomerwa kokera ghara merongo kenda nakenda ghara ghatasire. ¹⁴Mbhuyo bhuyo, tebhohanshe bhwa Suwenyu uwa koryobha kobha uwomwe uwa bhake bhano asike.¹⁵Nyore wamwenyu arakosari, kaghi, omoroki risoro reno reho ku umwene nauwe morenge abhene. Nyore nakwiteghera, norabhe mwighwereni nawamwenyu. ¹⁶Nawe oranyore timwighwerenihe, ghegha wamwenyu omwe hande bhabhere hamwe nauwe, kobhora iminywa ighya abhasuti bhabhere hande bhatato kera eng'ana etore kwitabheribhwa.¹⁷Hano arashere kobhaiteghera, tebhya risengero eng'ana iyo, hano arashere kwighwa risengero, bhono abhe kyo omonto uwi ibhyaro no omokomanya uwu bhushuru.¹⁸Mbhohene nkobhatebhya, kyokyonswe kera morakondeke mukyaro nakoryobha nkerakondekwe. Nunyora kyokyonswe keno moretashora mukyaro nakoryobha nkeretashorwa. ¹⁹Gweki ndabhatebhya igha nyore abhanto abhabhere kobhenyu bharitabheryana ighoro ye eng'ana yoyonswe mukyaro reno bhakosabha, riyo Tata umwibhori wane uwa koryobha nararekore. ²⁰Kobhora abhabhere handa bhatato bharaekomane hamwe ku irina ryane, Oni ghate ghate yabhonde.²¹Ghweki Petro akasha nokotebhya yesu Omokama, nkarenga wamweto aransarya naoni ndamwabhera? Nunyora nkokyora muhungate?" ²²Yesu akamotebhya, "Tenkokotebhya kokyora muhungate, Nawe ebhe.²³Kukughirya iyo Obhokama ubhwa koryobha mbhoreng'aini no Omokama omorebhe ono yatunire ukwitaha nokobhara kurwa kobhaghorwa bhaye. ²⁴Hano yasimiri kwitaha no okobhara omoghorwa omwe akaretwa ku umwene ono yamosabhanga shimbirya ebhekwe ikomi. ²⁵Kobhora tiyare nobhoronge obho kohakahe, omonene waye akaragherya aghoribhwi, mokaye nabhana bhaye nokanyora nkera anakyo, amahako ghakorwe.²⁶Kuigho omoghorwa yaghoye, akahighama mobhoronge bhwaye, araghamba,'Omokama, obhe moghomerya hamwe naoni, nendakohake kera ekento." ²⁷Kuigho omonene uwo omoghorwa ora,kobhora yasukumirwe bhokong'u nikyabhera, yamohateye nukumwabhera risire riyo.²⁸Naho omoghorwa ora yagheye nokomaha uwomwe wo omoghorwa murikyaye ono yamosabhanga denari ighana. Akamuruta akamoghota komong'enta akamotebhya,"nhaka isire eno nkokosabha. ²⁹Naho omoghorwa ora yaghoye nokomosasama bhokong'u araghamba,obhe nobhoghomerya naoni, nendakohake."³⁰Nawe omoghorwa ora yatangire yangire. Kukughira iyo, yagheye komorekera mushera, kohekera rono aremohaka risire ryaye. ³¹Hano bharoshe abhaghorwa bharikyaye keno kyabhabhereye, bhakaroghoribhwa bhokong'u. Bhakasha bhakamotebhya omonene wabho kera ekento keno kyabhaye.³²Nho omonene uwa bhaghorwa ora yamobherekeye, akamotebhya, "Uwe omoghorwa nomosarya ore, nkakwabhera kusire yane kobhora wansasamire bhokong'u. ³³Bhono!Tewatebhibhwi igha obhe nikyabhera kobhaghorwa bharikyaho, kyaigho oni nakwabheye?³⁴Omonene waye akarera no okomohana ko abhanyankya kohekera hano yanyore ekerengere keno yasabhwanga. ³⁵Igho nigho Tata wane uwa koryobha arabhakore nyore kera omwe wenyu temoryabherwa nyore motakwabhera wamwabho kukurwa moshenkoro shenyu."

¹Hano Yesu yamare ghayo, akemoka kughya Garilaya, ²akaghya morotonga urwa Yudea mobhoronge obho omoro ughwa Yoroda.³Amafarisayo bhakamughyako, bhakamosakya, bhakamotebhya, "Bhono mbhuya ko omonto kutigha mokaye kukughirya yoyonswe era? ⁴Yesu akahonshora nokoghamba,"Temwasomire, igha ora yatangire kobhombhwa nu umushasha kose no omokari?⁵Naghweki akaghamba, 'kukughira iyo umushasha naratighe suwabho nanyakuwabho, nokobha namokaye, kubhubhere bhwabho mbharebha mobhere ghomwe? ⁶Igho tebhabhere ghwekihe, bhono mobhere ghomwe. Bhono, kera keghotanibhwi {na}Waryobha, taho monto wowonse arakyahokanihe."⁷Bhakamotebhya, "Bhono nkwake Musa yatohameye kurusya amandeko agha ukutighana nokobhorana?" ⁸Akabhatebhya,"Ko ukwanga kwitabherya konkoro yenyu Musa akaitabherya mutighe bhakenyu, naho kurwa kare tiyarenge ighohe. ⁹Ndabhatebhya, igha wowonse ono aritigha mokaye, kukughira iyo obhosorare, nokoteta uwonde, uyo mutwari. Ghweki umushasha aratete omokari ono yatighwa mutwari."¹⁰Abhana bhegha bhakatebhya Yesu, "Nyore nigho kumushasha no omokari, tibhuya koteta." ¹¹Naho Yesu akabhatebhya, "Tekera monto akotora komanya ameghyo ghano, nko bhara bhatakwitabheribhwa kunyora. ¹²Kobhora hobhare bhara bhaibhoywe bhashigharu kurwa moshenda isha bhanyakuwabho. Ghweki hobhare bhano bhakorwa igho nabhanto. Hobhare bhano bhaikora mbashigharu, kukughira iyo obhokama ubhwa koryobha. Ono akotora kunyora ameghyo ghano aghaitabheri."¹³Ghweki akareterwa abhana abhake okore abhatore amabhoko naho abhana bhegha bhakabhakanya. ¹⁴Naho Yesu akaghambha, "Mobhahatere abhana abhake bhonswe bhashe kuoni, motakabhakanya kusha kuoni, kobhora obhokama ubhwa koryobha nubhwa abhanto kyabhayo. ¹⁵Akabhatora amabhoko.¹⁶Maha omonto omwe akasha ku Yesu no okoghamba, Umweghya, nkentoke ikiya keno ndakore okore nyore obhohoru ubhwa bhokora?" ¹⁷Yesu akamotebhya, "nkwake okobhorya ne ekentoke ikiya?Aho omonto omwe ono arenge omohene, nawe nyore aratuna obhohoru, ghota imyahokanyo ighya Waryobha."¹⁸Omonto ora akamobhorya, "myahokano ghehe?" Yesu akaghamba, "Otakaita, otakakora amaigha, otakaibha, otakaghamba obhorongo, ¹⁹Soka suwenyu nanyakuwenyu, hansha nyarobheri waho kyaigho wihanshire umwene."²⁰Omonto uyo akamotebhya, "Amang'ana ghayo naghaitabherya. Nke ikyende ndatune?" ²¹Yesu akamotebhya, "Nyore oratuna kobha omohoreru, kaghi, oghori ibhyaho bhyonswe ohane abhataka, noranyore nemongo koryobha. Omare ushe onsorane." ²²Hano umumura uyo yaighure ghayo Yesu yamotebhiri, akemoka asorombaye, kobhora yarenge nebhento bhyaru bhokong'u.²³Yesu akatebhya abhana bhegha bhaye, "mbohene nkobhatebhya, nkekong'u komonto umwame kosoha kobhokama ubhwa koryobha. ²⁴Ghweki ndabhatebhya, mbhunyohu engamia koheta mwibhanga irye insindani, kokera umwame kosoha mobhokama ubhwa Waryobha."²⁵Abhana bhegha hano bhaighure igho, Bhakaroghora bhokong'u nokoghamba, "Nohe aritunguribhwa?" ²⁶Yesu akabhamahera akaghamba, "Kobhairo reno teretorekanehe,Naho ko Waryobha ghonswe nkotorekana ghare." ²⁷Nho Petro yamohonshoye nokoghamba, "Maha, tutighire bhyonswe nokokosorana uwe.Nkentoke toranyore?"²⁸Yesu akabhatebhya, "Mbohene ndabhatebhya, ora ansoraini oni, korekora rehya enkagha Omona uwa Adamu hano arikare kukitumbe ikya obhohoreru bhwaye, bhenyu bhonswe murikara kubhitumbe ikomi nabhibhere ibhye esemoka, kobhakengera ikina shesemoka ikomi nibhere isha Israel.²⁹Kera omwe weto ono yatighire righutu, bhamura bhabho, bhahara bhabho, suwabho, nyakuwabho, abhana hamwe omoghondo kukughira iyi irina ryane, naranyore kokeraho nokoghabha obhohoru ubhwa bhokora. ³⁰Naho abharu bhabho bhano bhatangire bhono.

¹Nigha obhokama ubhwa koryobha mbhutubhaini no omwene moghondo, yamutire kwemoka kutwenya abhanto bhamokore emeremo momoghondo ughwa emezabibu. ²Hano yaikeraini nabho abhahake imbirya emwe ku urusiko akabhatoma kubhya komoghondo ghwaye ughwi emezabibu.³Akakyorayo ghweki hano shahetire shesa isato akanyora abharemi bhande bhaimereye bhatana emeremo momotera. ⁴Akabhatebhya, "bhenyu bhonse mubhi momoghondo ughwa emezabibu, kyokyonswe ikyo obhoronge ndabhahana.' Kuigho bhakaghya kokora emeremo.⁵Akamara akakyorayo konkagha iya kasansabha naiya kenda akakora igho igho. ⁶Enkagha iya shesa ikomi naemwe, akaghya akanyora abhande bhaimereye bhatana meremo, akabhatebhya, "nkwake mwimereye hano motana omoremo ghoghonswe urusiko urughima? ⁷Bhakamotebhya, nkobhora titunyore moremohe. Akabhatebhya, 'Bhenyu bhonse moghende momoghondo ughwe mezabibu.'⁸Enkagha iyo omoghorobha hano yahikire mwene moghondo akatebhya umwimereri, bherekera abharemi bhonswe obhahake, usimiri bhano bhamarereyi kughya ohekere kobhara bhatangatire.' ⁹Hano bhaishire bhano bhahaywe emeremo komoghorobha, kera uwomwe wabho akanyora ehera emwe. ¹⁰Hano bhaishire abhakori bhe meremo bhanobhasimiri, mbhakanyire igha mbharahanwe nsharu, Naho bhonse mbhanyore ehera emwe emwe kera monto.¹¹Hao bhamare koghegha ehera yabho bhakamwekora mwene moghondo ora. ¹²Bhakaghamba, "abhakori bhe emeremo bhano bharure nyuma mbakore ko esa emwe iyene, naho otoreng'aini bhonse, bheto ntokore urusiko urughima komobhaso."¹³Naho mwene moghondo yahonshoye akatebhya uwomwe wabho, mosani tenkore ng'ana ngoghohe, Bhono!titwikereraini naoni ko ehera emwe? ¹⁴Ghegha kera kekorengire oghende shaho. Mbhushomerwa bhwane mbhahake bhano bhaishire komoghorobha kerengere kemwe nauwe.¹⁵Bhono! Tibhuya kuoni kokera nkutuna kokora kobhento bhyane?H amwe iriso ryaho nisareku kobhora oni mbhuyande? ¹⁶Kuigho umusiti arekangata no omotangati arebha uwe umusiti."¹⁷Hano Yesu yarinanga kughya Yerusalemu, akaghegha abhana bhegha bhaye ikomi nabhabhere mbhareka, nakonshera akabhatebhya, ¹⁸'Maha toraghya Yerusalemu, no Omona uwa Daudi naraghotwe nabhaimereri abha Amakuhani nabhakoni koni. Mbharamokengere ikina akwe, ¹⁹Mbharimurusya kobhairo bhamunyanki, komotandeka nokomosokerya. Naho kurusiko urwa katato nareryoka."²⁰Ghweki nyakuwabho abhana abha Zebedayo akasha ku Yesu nabhana bhaye. Akamuhighamera nokomosabha ekento kurwa kumwene. ²¹Yesu akamotebhya,"Nke ukutuna? Akamotebhya, Hama abhana bhane bhabhere bhano bhaikare, uwomwe bhoryo bhwaho nuwonde bhomosi ubho obhokama bhwaho."²²Naho Yesu yahonshoye nokoghamba, "Tomanyire kera okosabhahe. Bhono! Oratora kunywera ekekombe keno ndinywera?"B hakamotebhya,"Toratora." ²³Akabhatebhya, "Ekekombe mbhohene murakinywera. Naho ukwikara bhoryo nabhomosi toni nkobhahahe nkobhara bhaserenibhwi [na}Tata wane umwibhori." ²⁴Abhana bhegha abhande ikomi hano bhaighure igho, bhakaroghoribhwa nabhawamwabho abhabhere bhara.²⁵Naho Yesu yabhabherekeye akabhatebhya, "Momanyire igha abhabhahi abhi ikyaro bharebhaha obhotoro obho okwemerera. ²⁶Nawe etakabha igho kobhenyu. Eno eho ono wonswe arituna kobha omonene mobhenyu mukumo abhe mobhaghati wenyu. ²⁷Ono aretangata kobha umwimereri wenyu mukumo abhe mobhaghati wenyu. ²⁸Nkyaigho Omona uwa Adamu tiyaishire kokorwahe, neyaishire kokora, nukurusya obhohoru bhwaye kobha ubhutungurya kobharu."²⁹Enkagha bhararwa Yeriko, ehamate enene ekamosorana. ³⁰Bhakarora abhahukuru bhabhere bhaikaye mbareka yo omohanda. Hano bhaighure igha Yesu araheta, bhakashera bhokong'u bharaghamba, "Omokama Omona uwa Daudi utwabhere." ³¹Naho abhanto bhara bhakabhakemera, nokobhatebhya mukire, nunyora nigho, abhene bhakashera bhokong'u nokoghamba, "Omokama, Omona uwa Daudi, twabhere."³²Ghweki Yesu akaemera akabhabherekera nokobhabhorya, "Nke mukutuna mbakore?" ³³Bhakamotebhya, "Omokama nigha amaiso gheto ghamahe." ³⁴Nho Yesu, akabha nikyabhera, akakunya amaiso ghabho, enkagha iyo, bhakabha nobhotoro bhokomaha nabhakamosorana.

¹Yesu nabhana bhegha bhaye bhakaghya bhakahika hang'e (na) Yerusalemu kuhika Bethfage, ko kekereghe ikya mizeituni, ho Yesu yatomire abhanabhegha bhabhere, ²akabhatebhya, "Moghende mukishishi ikyende kiyo mmorasikane niitikere ebhohirwe hayo, ne ekemori kyaye . moghatanshore mondetere. ³Omonto ono arabhabhori ku riyo, moghambe 'Omokama araghatuna, no omonto uyo narabhaitabheri mushe nawe"⁴Eng'ana eno yabhaye igho nera yaghambirwe nabharoti ebhe niikihiko. Akabhatebhya, ⁵Motebhi abhahara abha Sayuni, maha, omonene wabho arisha wenyu, umwitughami nurinyora yikaye kutikere, ekemori ikitikere, omona witikere.⁶Nho abhanabhegha bhaimokire kughya kokora kokora kigho Yesu yabharaghereyi. ⁷Bhakareta itikere ne ekemori kyaye, bhakakibhisya imyenda ghyabho, (na) Yesu akaikarako. ⁸Bhara bharenge hara mbari shingibho shyabho hanse konshera, abhande bhakabhotora amato aghe emete bhakaghyarya komohanda.⁹Abhanto abharu bhakamosorana Yesu bhara kora ikituri no okoghamba igha, "Umwitabheribhwa omona uwa Daudi! No umwitabheribhwa ono akusha ku rina iryo Omokama umwitabheribhwa ighoro bhokong'u!" ¹⁰Hano Yesu yahikire Yerusalemu, umughi ghonswe mbaitakeri no okoghamba, "Ono newe?" ¹¹"Aabhanto abharu bhakahonshokya, "Ono Yesu Omoroti, ararwa Nazareti iya Galilaya."¹²Ghweki Yesu akasoha mwisengero irya Waryobha. akakenya bhonswe bhano bhaghoranga no okoghorya mwisengero. Akamara akaghwesya shemensha shya bhano bhaswenianga shimbirya niibhitumbe ibhya abhaghorya abha shinguti. ¹³Akabhatebhya, "Yakonirwe, 'Righutu ryane nderebherekerwa righutu irya amasabho, 'naho bhenyu morekore risana irya abhasaki." ¹⁴Ghweki abhahukuru (na) abhabheru bhakamughyako mwisengero, akabhahwenia.¹⁵Naho enkagha abhaimereri nabhakonikoni abha risengero hano bharoshe ghano yakore, nahano bhaighure abhana bharashaghana mwisengero bharaghamba, "Yaitabheribhwa Omona uwa Daudi," bhakarera. ¹⁶Bhakamotebhya, "Wighure kera kekoghambwa nabhanto?" Yesu akabhatebhya, "Nighure! Naho temwakasomire, ' Kurwa muminywa ighya abhana nunyora mbara bhakoghonka?" ¹⁷Ghweki Yesu akabhatigha akaghya Bthania no okorara iyo.¹⁸Kunkyo hano yakyoranga mumughi,yarenge asengeye. ¹⁹Akarora umtini mbareka yo omohanda. Akaghyaho, nawe teyanyoreko kentohe mmato aghene gharengeko. Akaghotebhya, "Otakama shehagho ghweki." Hayo hayo umutini ghuyo ghokoma.²⁰Abhana bhegha hano bharoshe igho, bhakaroghora no okoghamba, "Niyake ebhaye umtini ghono ghomire kamwe igho?" ²¹Yesu akahonshokya no okoghamba, "Nehene nkobhatebhya, nyore hano morabhe nu umughiro motana ehaho, temorekora kya kya kiyo kekorwe ku umutini ghuyo, naho mmoratebhi ekekereghe kiyo, kegheghwe no okorekerwa munyansha, naekoreke. ²²Kyokyonswe keno morasabhe kokosama, eno moraitabherya, moranyore."²³Yesu Yesu hano yahikire mwisengero, abhaimereri bha risengero nabhaghaka bhakamushako hano yaghyanga no okomobhorya, "Nkoshinguruke okokora amang'ana ghano? Newe yakoha shinguru sheno?" ²⁴Yesu akahonshokya no okobhatebhya, "Oni wonswe nendabhabhori iswari imwe. Nyore morantebhi, oni wonswe nendabhatebhi nku shinguruke nkokora ghano.²⁵Ubhusubhwa ubhwa Yohana- he bhwarwa, mwisaro kose ko bhairo?" Bhakabhoriana abhene, bharaghamba toraghamba, bhwarure mwisaro, naratotebhi, nkwake motamwitabhereyi? ²⁶Naho toraghamba, bhwarure mobhairo, 'torobhoha ehamate, kobhora bhonswe nkomaha bhare Yohana kyo omoroti." ²⁷Ghweki bhakahonshokerya Yesu kokomotebhya, "Tetomanyirehe" Akabhatebhya ghweki, "Nunyuora noni tendebhatebhyahe nkwa nguruke nkokora amang'ana ghano.²⁸Bhono nke mukwiteghera? Omonto ono ana abhana bhabhere. Akaghya ku womwe no okomotebhya, 'Omona wane, kaghi okore emeremo momoghondo ughwi emizabibu ²⁹rero Omona akahonshokya no okoghamba, 'tengihe, 'Naho yamare akasyorya amaiteghero ghaye akaghya. ³⁰Omonto ora akaghya ko omona uwa kabhere no okoghamba ekento kerakera. Omona ono akahonshokya no okoghamba, 'nitakwenda,omokama', nawe tiyagheyehe.³¹Nohe ko abhana abhabhere bhayo ono yakore ghano suwabho yatunire?Bhakaghamba, "Omona omotangi." Yesu akabhatebhya, "Nehene nkobhatebhya, abhakomania abha righoti nabhasorare bharesoha ko obhokama ubhwa Waryobha bhenyu motarasoha. ³²Kobhora Yohana yaishire kobhenyu ne enshera endonge, nawe temwamwitabhereyihe, enkagha abhakomanya abha righutu nabhasorare mbamwitabhereyi. Nabhenyu, hano mwaroshe riyo rerakorwa, temwasabhire mabhehe no okosasamahe.³³Mwiteghere ekerengyo kyende. Yarengeho omonto, ono yarenge ne ekerengere ekenene ikyo omoghondo. Akemya emezabibu, akagheghetera akakora ne ekento ikyo okometera idivai, akahaghasha obhotaro ubhwa abharendi (arakodisha) ko abhanaghya abhe zabibu. Ghweki akaghya ku kyaro kyende. ³⁴Enkagha iyo okoghesa emezabibu hano yahikire, yatomire abhabhaghati bhaye ko abharemi bhaghi komogheghera shezabibu shyaye.³⁵Naho abharemi bhakaghegha abhabhaghati bhaye, bhakatema omwe, bhakaita uwonde okotema uwonde namaghena. ³⁶Ghweki mwene moghondo ora akatoma abhabhaghati abhande abharu bhokong'u kokera bhara bhatangire, abharemi abhe emezabibu bhakabhakora bhora bhora. ³⁷Hano ghayo ghahoye mwene moghondo ora akatoma omona waye wabho, araghamba, "Mbarasoke omona wane.'³⁸Nawe abharemi abhe emezabibu hano bharoshe omona ora, bhakatebhania, 'Ono mmoghabhi, Mushe, tumwite togheghe obhoghabhi.' ³⁹'Bhono bhakamoghegha bhakamorekera kebhara yo omoghondo bhakamwita.⁴⁰Bhono mwene moghondo hano arisha, nighake arekora abharemi abhe emezabibu?" ⁴¹Bhakamotebhya , "Narebhasarya abhanto abhaghogho bhara ko nshera yo obhoro bhokong'u ghweki (arekodisha) omoghondo ghora ko abharemi bhande abhe emezabibu, abhanto bhano bharehaka hano emezabibu gheretobha.⁴²Yesu akaghamba, "Temwasomore ko amakonikoni, 'Reghena reno abhahaghashi bhangire ndyo ryaghomiri obhorosa. Reno ndyarure ko Omokama, nkotoroghoryere?'⁴³Bhono ndabhatebhya, Obhonene bhwa Waryobha murirusibhwa bhahanwe ikyaro keno kekomanya shehagho shyaye. ⁴⁴Ono wonswe ono areghwa kweghene riyo naribhunwa bhunwa bhetene bhetene. Naho ono wonswe ririghwera, nderemosya."⁴⁵Nko abhaimereri abha risengero (na) mafarisayo hano bhaighure ebherengyo bhyaye, bhakarora mbo akoghambera. ⁴⁶Nahano bhatunanga koghorokya amabhoko, mbobhohire abhanto bhara, kobhora abhanto mbamobhohire igha moroti.

¹Yesu akaghamba nabho kobherengyo, araghamba, ²"Obhonene ubhwa mwisaro mbutubhaini no omonene ono yasareniri ubhwenga ubhwa omona waye. ³Akatoma abhabhaghati bhaye kokomania abhanto bhano bharenge bhararekirwe kusha ku inyangi iyu ubhwenga nabho tebhaishirehe.⁴Omonene akatoma abhabhaghati bhande akaghamba. "Mobhatebhi bhonswe bhano bhararekirwe , Momahe, nsereniri ibhyakorya. Entang'ana namakohe ghane ghaghoghirwe, nakera eng'ana ebhaye, Mushe munyangi iyu ubhwenga."⁵Abhanto tebhaitabhereyi bhuyaheokorarekwa kwaye. Abhamwe bhakaghya momeghondo ghyabho, abhande bhakaghya kushurushya. ⁶Abhande bhakabhasha abhabhaghati abho omonene bhakabhanyankya no okobhaita. ⁷Naho omonene yarereye. Akatoma abhasirikare bhaye akaita abhaiti bhaye nu ukusikya umughi ghwabho no omoro.⁸Akamara akatebhya abhabhaghati bhaye, "Ubhwenga bhobhaye, naho bhano bhararekirwe tebhobharehe. ⁹Kuigho mughi momahokano agha rikori rinene morareke abhanto abharu kokeryaho bhashe ku inyangi iyu ubhwenga." ¹⁰Abhabhaghati bhakaghya momahokanya agha shenshera no okorareka abhanto bhonswe bhano bhasikaini abhaiya nunyora mbaghogho. Ribhuru iryo ubhwenga rekeshora abhagheni.¹¹Naho omonene yasohire komaha abhagheni, akamaha omonto uwomwe ono ataibhohire ingibho iyu ubhwenga! ¹²Omonene akamobhorya, 'Mosani nighake wahikire hano otana inghibho iyu ubhwenga?' Omonto uyo teyahonshokiri kentohe.¹³Nho omonene yatebhiri abhabhaghati bhaye, "Mobhohe omonto ono amabhoko namaghoro momorekere kebhara mukisunte, eno arikura no okotakunya amaino. ¹⁴Kobhora abhanto abharu bharebherekerwa, naho abhahorwa mbake."¹⁵Nho Mafarisayo bharureho no okorya iniko iyo koghota Yesu komangana ghaye umwene. ¹⁶Nho bhatomire abhanabhegha bhabho (na) Maherode. Bhakatebhya Yesu, "Umweghya, ntomanyire uwe monto wabhohene ore, ghweki oreghya agha Waryobha kobhohene. Tukwitabherya amaiteghero agho monto wonde tukorokya kwibhaghera he. ¹⁷Ku igho totebhi, nke ukwiteghera? Bhono mbuya kohaka righoti ko Kaisari hamwe tighohe?"¹⁸Yesu yabhamanyire obhoghogho bhwabho no okoghamba, "Nkwake mokonsakya, bhare bhaniko? ¹⁹Munyoroki imbirya eno ekohaka righoti." Nho bhamoreteye shimbirya.²⁰Yesu akabhabhorya, "Ekesosa nirina reno mbhya wawe/" ²¹Bhakamohonshokerya, "Ndya Kaisari." Nho Yesu yabhatebhiri, "Mohane Kaisari ibhyaye ibhya Waryobha mohane Waryobha." ²²Hana bhaighure ighobhakaroghora. Bhakamara bhakamutigha bhakaghya.²³Urusiko ruyo abhamwe abha Masadukayo bhakasha ko Yesu, bhara bhakoghamba abhaku tebhakaryokibhwahe. Bhakamobhorya, ²⁴bharaghamba, "Umweghya, Musa yaghambire,hano omonto arakwe atarebhora abhana, wamwabho aghabhe omokari uyo amwibhori omona abhe emberekerwa iya wamwabho.²⁵Bharengeho abhamwe muhungate. Omotangi akateta akakwa ataibhoye omona. Akateghera wamwabho omokari. ²⁶Wamwabho uwa kabhere wonswe akakora ighoigho, nu wakatato wonswe akabha ighoigho kohekera uwa muhungate. ²⁷Hano ghabhaye igho ko bhonswe, Omokari ora wonswe akakwa. ²⁸Bhono kokoryokibhwa omokari uyo arebha moka we ko bhonswe abhamwe bhara muhungate? Kobhora bhonswe mbamotetire."²⁹Naho Yesu yabhahonshokeyi no okobhatebhya, "Morasarya, kobhora temomanyire amakonikoni nunyora shinguru ishya Waryobha. ³⁰Kobhora mubhuryokibhwa abhanto tebhakoteta nunyora nkotetwa. Abhanto nkobha bhare bhonswe kya abharaghe mwisaro.³¹Naho ko abhanto kuryokibhwa, temorasoma amakonikoni kera Waryobha yaghambire ko bhenyu, akaghamba, ³²Noni Waryobha uwa Ibhrahimu, Waryobha uwa Isaka, (na) Waryobha uwa Yakobo?Waryobha te Waryobha uwa abhaku, Waryobha uwa bhara bhakoheshera." ³³Enkagha bhara bharenge bhaekomaini hano bhighure reno, mbaroghore ameghyo ghaye.³⁴Naho Mafarisayo hano bhaighure igha Yesu akiri Amasadukayo, mbaikomaini abhene hamwe. ³⁵Uwomwe wabho, mwahokania, akamobhorya kokomosakya. ³⁶"Umweghya, nehamo ke eno erenge enene kokera omwahokanyo?"³⁷Yesu akamohonshokerya, "Nkehameryo ohanshe Omokama ko nkoro yaho yonswe, nakomaiteghero ghaho ghonswe. ³⁸Eno yo ehamo enene nayo entangi.³⁹Iya kabhere nitubhaini naiyo- Mukumo ohanshe nyarobheri waho kigho wihanshire umwene. ⁴⁰Imyahokano ghyonswe (na) Abharoti ngiteng'eye shehamo ibhere sheno."⁴¹Mafarisayo hano bharenge bhikomaniri hamwe, Yesu akabhabhorya. ⁴²Araghamba, "Bhono! Nke mukwiteghera ighoro (ya) Kristo? Umwene Mmona wawe?' Nabho bhakamohonshokerya, "mmona uwa Daudi."⁴³Yesu akabhahonshokerya, "Nkwake Daudi mo nkoro aramobherekera Omokama , araghamba, ⁴⁴'Omokama akatebhya Omokama wane, "Ikara okobhoko kwane ukwa bhoryo, kohekera hanondekora abhabhisa bhaho bhatorwe momaghoro ghaho."'?"⁴⁵Nyore Daudi aramobherekera Kristo "Omokama," nighake arabhe omona waye?" ⁴⁶Taho ono yamohonshokeyi he, taho ono yakarehire komobhoryahe kurwa ruyo no kokoghenderya.

¹Ho yamare Yesu akashumansha nabhanabhegha bhaye. Akaghamba, ²"Abhakonikoni (na) Mafarisayo bhaikareye ikitumbe kya Musa. ³Ku gho kera bhakobhahama mokore, mokore eno morabhaiteghera. Nawe motakasha kobhegha, ghano bhakokora, kobhora bho nkwighambera bhare ghara bhatakokora.⁴Mbohene, bho nkobhoha bhare emeseyi gheno bhatakotora kwitika, ghweki bharatora abhande komareko ghabho. Naho abhene tebhakotora koghegheghahe. ⁵Amakoro ghabho ghonswe nkoghakora bhare okoreke bhamahwe nabhanto. Kobhora nkogharehya bhare amasandeko ghabho no okogharehya ororebhebhe urwu imienda ghyabho.⁶Abhene bhahanshire kwikaraahaiya ku nyangi niibhitumbe ibhya esoko momasengero, ⁷no okokeribhwa kosoko mometera, no okobherekerwa "Umweghya" nabhanto.⁸Naho bhenyu temokobherekerwa "Abheghya," Nkokobha mona Umweghya omwe, nabhenyu bhonswe mbamwe more. ⁹Motakabherekera omonto wowonswe mukyaro mono abhe suwenyu, kokobha mona Tata omwe umwene, nawe arenge kwisaro. ¹⁰Ghweki motakasha kobherekera 'umweghya,' kobhora mona Umweghya omwe umwene,Kristo.¹¹Nigho ono arenge omonene ko bhenyu we arebha omobhaghati wenyu. ¹²Ono wonswe akwikumya narikibhwa.Naora akwiyikya narikumibhwa.¹³Mohoko ghwenyu abhakonikoni (na) Mafarisayo, abhaniko! Morasekera abhanto obhonene ubhwa mwisaro.Nunyora mbenyu temosohehe, natemorebhaitabherya bhara bhakosoha kokora igho he. ¹⁴( Mohoko ghwenyu abhakonikoni (na) Mafarisayo abhaniko! Kokobha mukutubha abhasino"). ¹⁵"Mohoko ghwenyu Abhakonikoni (na) Mafarisayo, abhaniko! Moramboka inyansha no ukuhika kokora omonto omwe aitabherighara mukweghya,nahano yabha kya bhenyu, moramokora abhe kabhere yo omona mobhehwe ebheghogho kigho more.¹⁶Mohoko ghwenyu abhatangati abhahukuru, bhano mokoghamba,, Ono wonswe akutyanera mwisengero, tekentohe . Nawe ono akutyana kokeghera ikya risengero, aibhohire umwene. ¹⁷Bhenyu abhahukuru abhakangi, nkehe ekenene kokera ikyende,ekeghera hamwe risengero reno ritabheribhwi ku Waryobha?¹⁸Ghweki wowonswe ono akutyana ko hano bhakoghambera eng'ana tekentohe.Nko ora akutyana ku umutuho ghono ghorenge ighoro yaye nabhohirwe nu ukutyana kwaye. ¹⁹Bhenyu abhahukuru, nkehe ekenene kokera ikyende umutuho hamwe ahase ahu ukurusirya eng'ana hano hana ekeghera keno kikurwa ko Waryobha?²⁰Ku igho, umwene ono akutyanera hara akurusirya eng'ana nkutyanerare kuriyo nakobhento bhyonswe bhano bharenge ighoro yaye. ²¹Naora akutyana mwisengero, nkutyanare kuriyo nakoora aikaye monse yaye. ²²Naora akutyanera risaro, nkutyanerare ikitumbe ikyo obhohoru ikya Waryobha (na) aikayeko ighoro.²³Mohoko ghwenyu abhakonikoni (na) Mafarisayo, abhaniko! Kobhora morahaka umutuho ko bizali, no umuchicha no omonanaa, naho moratigha amang'anaamarito agho umwahokano- obhohene, obhohanshe, nu umughiro. Nigha mobhe moraghakora, te kukutigha aghande motakoghakora. ²⁴Bhenyu abhatangati abhahukuru, bhenyu bhano mokokenena ekekonde ekeke eno moramera engamia!²⁵Mohoko ghwenyu, abhakonikoni (na) Mafarisayo, abhaniko!Kobhora moroghya ighoro ye ebhekombe naighoro iya shesahani monse haishoye esako eno etana ekerengere. ²⁶Bhenyu Mafarisayo abhahukuru, moghi mokekombe namosahani, okoreke orobhareka urwa kebhara ronswe rorabhe.²⁷Mohoko ghwenyu abhakonikoni (na) Mafarisaayo, abhaniko! Kobhora mutubhaini nashembehera shera shehakirwe eng'enyi, eno kebhara eramahekana ni nshiya, naho monse shishoye amaghuhaagha bhano bhakwa ne kera ekento nkinyanku. ²⁸Bhuyo bhyuyo, bhenyu bhonswe keghoro mororokya mbahene more naho monse mbaniko nabhasarya.²⁹Mohoko ghwenyu. abhakonikoni (na) Mafarisayo, abhaniko! Kobhora morahaghasha shembehera ishya abharoti no okong'arya shembehera ishya abhahene. ³⁰Bhenyu moraghamba, nyore shinsiko kishya bhatata bheto,tetokasangire nabho kwita abharotihe. ³¹Ku igho nkwiyorokya more abhene igha bhenyu nabhana abha bhano bhaitireabharoti.³²Ghweki bhenyu murishorerya kuishirya ibhitimba ibhya bhasuwenyu. ³³Ninshoka more abhana abha shinshoka nighake morikengerwa ikina ikya mobhehwe ebheghogho?³⁴Ku igho, maha, ndabharetea abharoti nabhanto abhe esoko, nabhakonikoni. Abhamwe bhabho morabhaite no okobhanyankya. Nabhamwe morabhashaturi ebhesamore momasengero ghenyu no okobhakenya kurwa mumighi ghenyu. ³⁵Keno kerebha murinyora amaihime agha abhahene bhonswe bhano bhaitirwe mukyaro, kurwa amanyinga agha Habili omohene kuhika ko manyinga agha Zakaria omona uwa Barakia, ono mwiteye ghate iya abhahoreru (na) ahase aho okotebherya eng'ana. ³⁶Mbohene, nkobhatebhya amang'ana ghano ghonswe ngaranyore rekora reno.³⁷Yerusalemu, Yerusalemu, uwe ono ukwita abharoti no okobhatema namaghena bhara bharetwa kobhenyu, nkarenga nkokomania abhana bhaho hamwe kya hano engoko yakoma nia ibhishushu momabhabha ghayo, naho tuwitabhereyi! ³⁸Maha, righutu ryaho rena obhosorombaru. ³⁹Naoni ndakotebhya, kukurwa bhono tokendorahe, kohekera hano oreghamba, 'Yitabheribhwa ora akusha ku rina iryo Omokama.'"

¹Yesu akarishoka kurwa mwisengero akaghya shyaye. Abhanabhegha bhaye bhakamughyako kumorokya amahaghasho agha risengero, ²Naho akabhahonshokerya no okobhatebhya igha, "Bhono, temokomaha amang'ana ghano ghonswe? Mbohene nkobhatebhya, tereho reghene reno reresgha ku ryende ritighe kwatibhwahe."³Nahano yaikaye ko kekereghe ikya mizeituni, abhana bhegha bhaye bhakamotebhya kukibhisire igha, "Totebhi amang'ana ghano ndohe gharebha? Nkentoke kerebha ikyorokeryo ikyu kusha kwaho niikihiko iki kyaro?" ⁴Yesu akabhahonshokerya no okobhatebhya, "Mwangare ghweki atakasha kobhaho omonto ono arebhasirya. ⁵Kobhora mbaru bharisha kohetera irina ryane. Mbhareghamba, 'Oni noni Kristo', mbarisirya bharu.⁶Murighwa amahe nu ubhwitani momahe motakasha kohaha, kobhora amang'ana ghano ngarebhaho; niikihiko urinyora ketarabha. ⁷Ku igho ikyaro nkeremokera ikyaro kyende, no obhokama mbhoreemokerana. Inshara nerebhaho niibhirighiti bhyaru ibhi ikyaro ntahana nsharu. ⁸Naho amang'ana ghonswe ngarebha kyo obhosongo ubhwo kwebhora.⁹Nho bharebhaemerera kobhanyankya no kobhaita. Morerererwa nabhairo bhonswe kughirya iya irina ryane. ¹⁰Nho abharu bharitema no okonyankyana no okokorana shiniko' ¹¹Abharoti abharongo mbarisha kobharongohera.¹²Kobhuyo obhosarya mburyengerya, obhohanshe ko bharu mburisuha, ¹³Naho ono areghomerya ghonswe ghayo, naritunguribhwa. ¹⁴Eng'ana eno iyo obhonene neretebheribhwa ku kyaro kyonswe kubhuhiku kyu ubhushuti ubhwa abhairo abhi ibhyaro bhyonswe. Nho ikihiko Kerehekera ,¹⁵Ku igho, hano moremaha ubhutindi ubhwo obhosarya, rera ryaghambirwe no omoroti Danieli ririemera ahase ahahoreru [ono akosoma ghweki amanyeri], ¹⁶Nho bhano bharenge Yuda bhakenyere mokekereghe. ¹⁷Naora urinyora arenge korosara naretamwa kwika koghegha kyokyonswe kera ukurwa muighutu. ¹⁸Wonswe ono arinyora arenge momoghondo tarekyora koghegha ingibho yaye.¹⁹No mohoko ghwabho abhashenda nabhano bhakoghonkya ku shinsiko shiyo! ²⁰mosabhe igha motakasha kokenya enkagha iye embeho, nunyora ndusiko urwu kumunya. ²¹Kobhora nerebhaho inyanko enene, eno etakabhayeho kurwa bhotonge ubhwi ikyaro kohekera bhono,ghweki terebhahohe. ²²Nyore shinsiko shiyo shekeng'ehibhwi, taho ono akatunguribhwihe. Bhono nkobhora abhahorwa, shinsiko shiyo nshirieng'ehibhwa.²³Hano urinyora omonto wowonswe arebhatebhya 'Maha, Kristo nhano are! hamwe, 'Kristo nera are' motakaitabherya amang'ana ghayo. ²⁴Kobhora Amaitabherya agho obhorongo naabharoti abharongo mbarisha nu ukorokya ebherengyo ne ebheroghoryo ebhenene, kukughirya ukusirya hano ekatorekaini ko bhahorwa. ²⁵Momahe, mwikabhahe amang'ana ghayo ghatarabha kororwa.²⁶Ku igho, hano bharebhatebhya, "Kristo arenge mokekongo,' motakaghya mokekongo iyo. Hamwe, 'Momahe, arenge mwighutu, 'motakaitabherya amang'ana ghayo. ²⁷Kya igho oromesyo rokamereka kurwa roghoro ubhorabhu kughya nyansha, nigho erebha kukusha ko Omona uwa Adamu. ²⁸Hohonswe hara eketondo kere, nho amatonyi ghakwirigha righa.²⁹Naho hano inyanko (ya) shinsiko shiyo erehwa, iryobha ndiririma, umweri teghorebharahe, ibhinyonyoni bhereghwa kurwa kwisaro, nashinguru ishya kwisaro shirisingisa.³⁰Nho ikyorokeryo ikyo Omona uwa Adamu kiriorokibhwa kwisaro, nashehamate shyonswe ishya kukyaro shiriarama. Mbaremaha Omona uwa Adamu arasha kurwa mwisaro kushinguru no obhohoreru obhonene. ³¹Narebhatoma abharaghe bhaye ko obhoraka obhonene ubhwa enkobhyo, mbarebhakomania abhahorwa bhaye kurwa shentahana shonswe inye ishi ikyaro, kurwa ikihiko kemwe ikya risorokohekera ikyende.³²Mweghe riyo kurwa ko omote ughwo umtini hano risagharya ryasebhoka nu ukurusya amato, momanye igha emaho nhang'ere. ³³Ku igho, hano morerora ghayo ghonswe momanye igha ahikire hang'e mokeseku.³⁴Nehene nkobhatebhya igha, rekora reno tererehetahe, kohekera amang'ana ghonswe ghano gharorwe. ³⁵Risaro niibhyaro mbereheta, nawe amang'ana ghane tegharehetahe.³⁶Naho ko nkagha iyo taho omonto ayemanyirehe nunyora nabharaghe abha mwisaro, nokanyora Omona, n Tata umwene kere.³⁷Kigho yabhaye kushinsiko ishya Nuhu, nigho erebha kukusha oko Omona uwa Adamu. ³⁸Kokobha ku shinsiko shiyo hano egharika etarare erahika abhanto mbaryanga nu ukunywa mbatetire no okotetwa kohekera urusiko rora Nuhu yasohire Mosafina, ³⁹tebhamanyire kyokyonswe kohekera hano bhashorwe bhonswe - nigho erebha ukusha oko Omona uwa Adamu.⁴⁰Nho abhabhere bhano bharebha momoghondo- uwomwe aregheghwa, no uwomwe asaghe. ⁴¹Nho abhanto bhabhere bhano urinyora bharasya hamwe - uwomwe naregheghwa no uwomwe asaghe. ⁴²Ku igho mobhe maiso kobhora temomanyire urusiko rono arisha Omokama wenyu.⁴³Ghweki momanye igha, hano omonene mwene ighutu akamanyire ne nkagha ke eno umwibhi akaishire, nakaikaye ararenda, takaikereyi righutu ryaye resoherwe nu umwibhi. ⁴⁴Ku igho, bhonswe mobhe maiso, ko Omona uwa Adamu narisha enkagha eno motaremanya.⁴⁵Bhono nawe arenge omohoreru, omoghorwa mwene bhongo, ono omona waye amohaye shinguru ighoro (ya) bhara bharenge mwighutu ryaye, okoreke abhahe ibhyakorya ko nkagha inshiya? ⁴⁶Naitabhereyi omobhaghati uyo, ono omonene waye aranyore arakora igho enkagha eno ikusha. ⁴⁷Nehene ndabhatebhya igho omonene naratore ighoro ye kera ekento kera kerenge ikyaye.⁴⁸Naho nyore omoghorwa omoghogho araghambe monkoro yaye, 'Omonene wane yateghetire,' ⁴⁹ghweki akasimya kotema abhabhaghati bhaye, naakarya nu ukunywa, ⁵⁰Omokama omoghorwa uyo arashe kushinsiko sheno shetakomanywa, ne enkagha eno atamanyire. ⁵¹Omokama waye naramobhotore matene matene no okomotora ku mweya ghomwe koreng'ana (na) abhabhisa, bhano kerebha ekero no okotakunya amaino.

¹Nho obhonene ubhwa mwisaro mborereng'anibhwa naabhahara ikomi bhano bhagheghire ebhemore bhyabho no okwemoka kughya kuturung'ana mwene bhwenga. ²Abhatano abhamwe bhabho bharenge bhatong'a naabhatano abhande bharenge bhamanyi. ³Abhahara abhatano abhateng'o bhara bhakaghegha ebhemore bhyabho, bhetana amaghuta. ⁴Nawe ko bhang'aini bhara mbagheghire ebhemore bheno bhena amaghuta.⁵Bhono enkagha mwene bhwenga ateghetire kuhika, bhakasundagherano okorara. ⁶Hano yahikire enkagha yu ubhutiko bhwa nyaghine bhakaighwa ibhikiryato, 'Maha,omoteti mwene bhwenga! Moroshoke mumuturung'ane.'⁷Nho abhahara bhara bhaimokire koghota ebhemore bhyabho. ⁸Abhateng'o bhara bhatarenge namaghuta bhakatebhya abhamanyi igha, ' Mututwenere amaghuta ghenyu kobhora ebhemore bhyeto bhirimire.' ⁹Abhamanyi bhara bhakabhahonshokerya igha, 'Teghatwise bheto (na) bhenyuhe, enoeho moghende moghore ko kerengere kyenyu.'¹⁰Enkagha eno bhagheye iyo koghora, Omoteti akahika, bhonswe bhano bharenge bhaisereniri bhakasoha nawe ne ekeseku kekasikwa. ¹¹Nho abhateng'o bhara bhakorye no okoghamba, 'Omokama, omokama, tweghore.' ¹²Akabhahonshokerya igha, 'Mbohene nkobhatebhya, Tembamanyirehe. ' ¹³Temware momanyire urusiko nunyora ne enkagha he.¹⁴Kobhora nkyo omonto yabhaye no oroghendo kughya ikyaro kyende, Akabherekera abhaghorwa bhaye no okobhaha ubhwame bhwaye. ¹⁵Uwomwe akanyora talanta isano, uwa kabhere, akamohana shetalanta ibhere, nu uwa katato akamohana etalanta emwe. Kera omwe koreng'ana no obhotoro bhwaye akamara akaghya ko oroghendo rwaye. ¹⁶Uwomwe ora yanyore shetalanta isano akasherangorya akaibhoryamo isano shende.¹⁷Bhuyobhyuyo ora yanyore shetalanta ibhere akashibhoryamo ishyende ibhere. ¹⁸Naho omoghorwa ono yanyore emwe yagheye akaetokera hanse, no ukubhisa ehera iyo omokama waye.¹⁹Ko enkagha entambe, umwimereri uwa bhaghorwa ora hano yakyore kobhara nabho. ²⁰Ora yagheghire isano akareta ishyende isano, akaghamba, 'Omokama, okang'a talanta isano. Maha, nyore ubhwera shetalanta ishyende isano.' ²¹Omokama waye akamukumya, omoghorwa umuya ore! Nobhaye mohene ko ebhento bheke nendakohe obhobhahi ko bhento ibhyaru. Kabhe mubhushomerwa ubho omokama waho.'²²Omoghorwa ono yagheghire shetaranta ibhere akasha akaghamba, 'Omokama, okang'a shetaranta ibhere.Maha, nyore ubhwera shihikire ibhere shyende,' ²³Omokama waye akamukumya, orenge omoghorwa umuya no omohene! Obhaye mohene ko bhento bhyaru nendakohane obhobhahi ubhwi ighoro ko bhento bhyaru. Kabhe nu ubhu shomerwa bho omokama waho.'²⁴Nho omoghorwa ono yanyore etaranta emwe yaishire no okoghamba, 'Omokama, nemanyire igha uwe mororo ore. Oraghesa ahase hano otemiri, naoraghesa ahase hano otabhusure shentetere. ²⁵Oni nkobhoha, nkaghya kubhisa etaranta yaho momarobha. Maha anayo onayo hano era iyaho.'²⁶Nho omokama waye yamohonshokeyi igha, 'Uwe omoghorwa moghogho no omorosu, wamanyire igha ndeghesa ahase hano ntakemiri no okoghesa hano ntakabhusure entetere. ²⁷Ku igho watunirwe ohane abhanto bha bha benki ne enkagha nkakyore nenkanyore era nakohaye nu ubhwera bhwako.²⁸Ku igho mumurusi iyo no okohana etaranta iyo omoghorwa ora yarenge ne shetalanta ikomi. ²⁹Kera omonto ono anakyo, nariongeribhwa bhokong'u-nokanyora nukwengeribhwa. Naho ko ora atanakyo, nokanyora kera anakyo narirusibhwa. ³⁰Momorekere kebhara mukisunte omoghorwa uyo taisirehe narikura no okotakunya amaino.'³¹Enkagha Omona uwa Adamu arisha ko obhohoreru bhwaye (na) abharaghe bhonswe hamwe nawe, nho arikare ighoro yi ikitumbe kyaye ikyo obhohoreru. ³²Abhairo abhi ibhyaro bhyonse mbareekomana mobhoronge bhwaye, nawe narebhahora abhanto kyabhora omoresya akwahora amang'ondi (na) shembori. ³³Naretora amang'ondi bhyoro bhwaye, shembori bhomosi bhwaye.³⁴Nho omonene aremara abhatebhi bhara abha bhoryo, 'Mushe, bhano mwitabheribhwa (na) Tata umunyibhori. ³⁵Kobhora nasengeye mokang'a ibhyakorya; Narenge omogheni mokanserenia; ³⁶Nare kenabhi, mokanyibhohya shingibho; Narore mokandorya; Nabhohirwe mukanyishako.'³⁷Nho abhahene bharemohonshokerya no okomotebhya, 'Omokama, ndohe twakoroshe uno umweko, tokakoragherya? Nunyora wabhaye niinyonta tokakohana amanshe? ³⁸Ndohe twakoroshe mogheni , tokakoserenia?Hamwe orenge kenabhi tokakwibhohya shinghibho. ³⁹Ndohe twakoroshe orore, nunyora mokebhohe, tokakushako? ⁴⁰No omonene arebhahonshokerya no okoghamba, 'Mbhohene nkobhatebhya, keno mwakora hano ku uwomwe wabha wamweto, noni mwakoreye.'⁴¹Nho arebhatebhya bhayo bharenge bhomosi bhwaye, 'Murwe kuwoni,bhano mwihimwa, mughi momoro ughwa bhokora ghono ghwakorwe kughirya iya risambwa (na) abharaghe bhaye, ⁴²kobhora narenge no umweko naho temwang'aye ibhyakoryahe; Nabhaye niinyonta, temwang'aye amanshehe; ⁴³Narenge mogheni nawe temwanserenirihe; narenge kenabhi temwang'aye ngibhohe; narore nkabhohwa, temwanaghirihe.'⁴⁴Nho nabho bhonswe bharehonshokya igha, 'Omokama ndohe twakoroshe uno omweko hamwe ona inyota, orenge mogheni nunyora orenge keng'abhi, orore, obhohirwe, tokanga kokotorya? ⁴⁵Ghweki arebhahonshokerya no okoghamba, 'Mbhohene nkobhatebhya, kera motakore ku uwomwe uwa abhake bhano, noni motakoreye.' ⁴⁶Bhano mbarighya ko nyanko iya bhokora naho abhahene mbarighya mobhohoni ubhwa bhokora."

¹Hano Yesu yamare koghamba amang'ana ghayo, akatebhya abhana bhegha bhaye, ²"Momanyire igha hano shinsiko ibhere shereheta nerabheho inyangi iye Epasaka, no omona uwa Adamu ndo areghotwa nu ukunyankibhwa."³Nho yabhaye igha abhimereri abha risengero abhaghaka bhakaikomania hamwe wo Omonene uwa umwimereri Omonene ono yabherekeywe Kayafa. ⁴Kohamwe mbakore iniko iyokoghota Yesu ku kibhisire bhamwite. ⁵Kobhora mbaghambire, "Etakabha enkagha yi inyangi okoreke etakasha kobhaho ikituri mobhanto."⁶Enkagha Yesu yarenge Bethania mwighutu rya Simoni omoghenge, ⁷hano yarenge airamboye komensha, omokari omwe akamushako agheghire emekebhe ighya alabasta gheno ghyarenge namaghuta agha righori inene, akamohomera ko omotwe ghwaye. ⁸Hano abhana bhegha bhaye bharoshe eng'ana iyo bhakarera no okoghamba, "Nke okohya igho? ⁹Ghano ngakaghorwe ko ekerengere ekenene bhahanwe abhataka."¹⁰Nawe Yesu yamanyire reno, akabhatebhya, "Nkwake mukunyankya omokari ono?Nkobhora ankoreye ekento ikiya. ¹¹Abhataka monabho nsiko shonswe, temorebha nawoni bhokora.¹²Kobhora hano anhomereye amaghuta ghano komobhere ghwane nakore igho kukughirya yo okobhekwa kwane. ¹³Mbhohene nkobhatebhya, hohonswe eng'ana eno hano iritabheribhwa ku kyaro kighima, eng'ana eno akore omokari ono,nereghambwa ko ukumuhita."¹⁴Nho uwomwe uwa ikomi nabhabhere bhara, ono yabherekeywe Yuda Iskariote, yagheye ko abhaimereri abha risengero ¹⁵no okoghamba, "Nke moreng'a hano ndamunyanki?" Bhakarengera Yuda shimbirya merongo etato. ¹⁶Kurwa enkagha iyo yasimiri kumunyera iniko iyo komoghota.¹⁷Ku urusiko orotange orwe emekate gheno ghetana obhotondoru, abhana bhegha bhakamughyako Yesu no okoghamba, "Hayi ukutuna tokosereniri ibhyakorya ibhye Pasaka?" ¹⁸Akabhatebhya, "Moghende mumughi ko omonto omorebhe momotebhi,Umweghya aghambire, "Enkagha yane nhang'e ere. Nendare Epasaka nabhana bhegha bhane mwighutu ryaho."" ¹⁹Abhana bhegha bhakakora kigho Yesu yabharaghereyi, no okohenshera ibhyakorya ebhye Pasaka.²⁰Hano yahikire omoghorobha, mbaikaye korya bhonswe nabhana bhegha bhaye ikomi nabhabhere. ²¹Hano bharyanga, akaghamba, " Obhohene ndabhatebhya igha uwomwe wenyu uwe arenkorera iniko." ²²Bhakasorombara bhokongu, nabhakasimya komobhorya, "Bhono, mbohene tonihe, Omokama?"²³Akabhahonshokerya, "Ora akushabhya okobhoko kwaye hamwe nawoni mukishesho kemwe uwe arenkora iniko oni. ²⁴Omona uwa Adamu nararweho, kya igho yakonirwe konirwe. Nawe mohoko ghwaye omonto ono aremokorera iniko Omona uwa Adamu! Nekabhaye bhuya ko omonto kya uyo akangire kwebhorwa." ²⁵Yuda, ono akamunyankiri akaghamba, "Rabi noni ono?" Yesu akamotebhya, " Oghambire eng'ana iyo uwe mwene."²⁶Hano wanyore bhararya,Yesu akagheghegha omokate, akaghosonora. Akabhaha abhanabhegha bhaye no okoghamba, "Mogheghe more. Ghono ngo omobhere ghwane."²⁷Akaghegha ekekombe akakumya, akabhaha no okoghamba, "Munywere bhonswe mokekombe keno. ²⁸Ko okobha ghano namanyinga agha riragho ryane ghano ghakweterwa ku kughirya (ya) abharu ko amabhera aghi ibhitimba. ²⁹Naho ndabhatebhya, tindinyorwa ghweki shehagho ishyo omozabibu gheno, kohekera urusiko rora ndinywa omohya hamwe nabhenyu mo obhokama ubhwa Tata."³⁰Hano bhamare koretya, bhakaroshoka kughya mokekereghe ikye Mizeituni. ³¹Ghweki Yesu akabhatebhya ubhutiko bhona bhenyu bhonswe muritureture ku kughirya yane, ko kobha yakonirwekonirwe, Ndemotema omoresya uwa amang'ondi rihisho rinyaraghane. ³²Nawe naho nderyoka, nendebhatangatera kughya Galilaya."³³Nho Petro akabhatebhya, " Nunyora bhoonswe bharikwanga ku kughira (ya) amang'ana ghano gharikunyora,oni tindikwangahe." ³⁴Yesu akamohonshokerya, "ndakotebhya obhohene, ubhutiko bhono esarighoko etararaghora, noranyikane katato." ³⁵Petro akamotebhya , "Nkokanyora ware wakukwa nauwe, tendikwikanahe." Abhana bhegha bhoonswe bhakaghamba bhuyobhuyo.³⁶Yesu akaemoka nabho bhakaghya ahase hano hakobherekerwa Gethsemane naakatebhya abhana bhegha bhaye, "Mwikare hano nawoni ngi era okosasama ." ³⁷Akaghegha Petro nabhana bhabhere abha Zebedayo nu ukusimya koroghora no okosorombara. ³⁸Akamara akabhatebhya, "Enkoro yane ena obhosorombaru bhonene bhokong"u, nunyora okohekera ukukwa. Naho hano totengeshe hamwe nawoni."³⁹Akaghya mobhoronge hake, akaghwa bhobhumaye, no okosasama. Akaghamba, "Tata nyore aratorekana, ekekombe keno kindihe.Etakabha kya igho nkutuna oni, nunyora mbora ukutuna umwene." ⁴⁰Akaghya ko abhana bhegha bhaye akanyora mbaihiribhwi, akabhatebhya Petro, "Nkwake motatengeshire nawoni okanyor nesa imwe? ⁴¹Motengeshe no okosasama okoreke motakasoha momasakyo. Enkoro nkutunere, nawe omobhere mmorosu."⁴²Akaemokaho urwa kabhere no okosasama, akaghamba."Tata nyore oreng'ana eno tentore kwirihahe, mukumo nywere mokekombe keno, obhoghonshe bhwaho bhomahwe." ⁴³Akakyora ghweki akanyora mbakihiribhwi shentero kobhora amaiso ghabho ngarenge ghakiritohire. ⁴⁴Akabhatighaho akaghya shyaye. Akasasama urwa katato araghamba amang'ana gharaghara.⁴⁵Ho Yesu yabhagheyeko no okobhatebhya, "Mokeraye moramunya? Momahe, enkagha yisukire Omona uwa Adamu naranyankibhwi momabhoko agha abhi ibhitimba. ⁴⁶Mobhoke, twemoke, Maha, ora akunyankya anyisokereye."⁴⁷Enkagha eno yaghambanga, Yuda uwomwe uwa bhara ikomi nabhabhere, akahika. Rikomo rya abhanto rekahika hamwe nawe rekabha ko abhaimereri abha risengero nabhaghaka abha abhanto. Bhakasha namarungu (na) masabha. ⁴⁸Ghweki omonto ono aramunyanki Yesu yarenge abhahaye ikyorokeryo, araghamba, "Ono ndihumbata, nwe uyo. Momoghote."⁴⁹Hayohayo Yesu akasha no okoghamba, "Mbuyore, Umweghya!" Nu ukumuhumbata. ⁵⁰Yesu akamotebhy, "Mosani, kora rera rekoretire."Nho bhaishire, no okomosomosya Yesu no okomoghota.⁵¹Maha, uwomwe wabhara bharenge hamwe (na) Yesu, yaramboye okobhoko kwaye, akasomora risabha ryaye akatema omobhaghati wo umwimereri omonene, no okomobhotora okotwe. ⁵²Nho Yesu yamotebhiri,kyorya risabha ryaho hara urirusiri, kobhora bhano bhakokora risabha, mbarisikibhwa narisabha. ⁵³Morakanya igha tenkotora kobherekera Tata wane umwibhori, nawe yantomeye amaghasho gha abhasirikare maru kutamboka ikomi naabhere agha abharaghe? ⁵⁴Naho bhono amakonikoni ngakatore kokorwa, nighoigho ghakutuna kobha?⁵⁵Enkagha iyo Yesu akatebhya ehamate era, "Bhono! mwishire (na) maarungu (na) masabha kongota kyo omosaki? Nakera urusiko naikaye mwisengero ndeghya, temwangotire! ⁵⁶Naho ghonswe ghano ngakorwe okoreke amakonikoni agha abharoti ghahike." Nho abhana bhegha bhaye bhamutighire no okong'osa.⁵⁷Bhara bhamoghotire Yesu bhakamuhira ko Kayafa umwimereri Omonene, ahase hano abhakonikoni nabhaghaka bhikomaini hamwe. ⁵⁸Petro akamosorana kwahare kuhika hara bhaekomaini ku Umwimereri Omonene. Akasoha monse nu ukwikara hamwe nabharendi arore keno kerabhe.⁵⁹Bhono abhanene ne inshama yonswe bhano bhatunanga obhushuti obho obhorongo ighoro (ya) Yesu, okoreke bhahike kumwita. ⁶⁰Nokanyora abhashuti abharu mbaishireho, nawe tebhanyore esesoro yoyonswehe.Nho yamare abhasuti bhabhere bhaiyorokeri ⁶¹no okoghamba, "Omonto ono yaghambire, ndatora kotabhora risengero irya Waryobha no okorehaghasha kushinsiko isato ishyene.'"⁶²Umwimereri Omonene akaemera no okoghamba igha, "Tokotora kohonshokyahe? Bano nke bhakokorokya uwe rero? ⁶³Naho Yesu yaikaye bhukiri. Umwimereri Omonene akamotebhya, "Kigho Waryobha amenyire, ndakohamera ototebhi, nyore uwe nuwe Kristo, Omona uwa Waryobha." ⁶⁴Yesu akamohonshokerya, "Uwe umwene oghambire eng'ana iyo. Naho ndakotebhya, kukurwa bhono no okoghenderya norarore Omona uwa Adamu aikaye bhoryo ubhwo okobhoko ukwa shinguru, arasha momasaro agha murwire."⁶⁵Nho Umwimereri Omonene yatandoye shingibho shyaye no okoghamba, "Ashere! Bhono, mbushuti ke tukutuna?Maha, moghaigure kigho atushere. ⁶⁶Bhono! nke mukwiteghera? Bhakahonshokya no okoghamba, "Mbhuya akwe."⁶⁷Bhakamara bhakamutwera amate mubhusyo no okomotema shinkundi, no okomobhatora amaghosi, ⁶⁸no okoghamba, "Torotere, uwe Kristo. Newe akushatoyi?"⁶⁹Enkagha iyo Petro yarenge aikaye kebhara yaribhuru, no omobhaghati we ekekari akamughyako no okoghamba, "Uwe wonswe warenge hamwe (na) Yesu uwa Galilaya." ⁷⁰Nawe yaikanire mobhoronge bhwabho, akaghamba, Temanyire keno okoghambahe."⁷¹Hano yagheye kebhara yi ikihita, omobhaghati uwonde uwe ekekari akamomaha no okomotebhya, bhano bharenge hayo, "Omonto ono wonswe yarenge hamwe (na) Yesu uwa Nazareti." ⁷²Akanga nu ukutyana , "Omonto ono oni temomanyirehe."⁷³Ekagha nke igho, bhara bharenge bhaimereye hang'e, bhakamuyako no okoghamba (na) Petro, "Ko obhohene uwe wonswe no omwe wabho, kobhora nunyora no obhoghambi bhwaho bhororokya." ⁷⁴Nho yasimiri kuihimirya no ukutyana, "Oni temomanyirehe omonto ono,"hayohayo esarighoko ekaraghora. ⁷⁵Petro akahita amang'ana ghano yatebhibhwi (na) Yesu urinyikana katato esarighoko etararaghora.

¹Hano yahikire kunkyo, abhaimereri abha amasengero nabhaghaka abha abhanto bhonswe, bhakasha kokora esemi iyu kwita Yesu. ²Bhakamobhoha no okomotangatya kughya ku Liwali Pilato.³Enkagha eno Yuda, ono yamokoreye iniko, yaroshe igha Yesu amare kokengerwa ikina, yaibhori no okokyora shimbirya ebhekwe merongo etato ko omonene uwa risengero nabhaghaka, ⁴no okoghamba igha, "Nkore ikitimba ku kunyankya amanyinga ghano ghatare narisoro." Naho bhakahonshokya, "Nke rekototonia bheto? Mahera aghaho umwene." ⁵Akatabhuta hanse shimbirya shera mwisengero, akaemoka akaghya iyo akaing'enta.⁶Abhaimereri abhanene bhakaghegha shimbirya shera no okoghamba, "Tibhuya kotora shimbirya sheno momongo, kobhora nsheghore amanyinga." ⁷Bhakabhoryana kwo bhonswe shekaghora omoghondo ughwi ikiribho kobhekwamo abhagheni. ⁸Kobhora omoghondo ghoyo ngwabherekerwanga, igha "Omoghondo ugha amanyinga" nunyora mbohene igho.⁹Nho eng'ana era yaghambirwe no omoroti Yeremia ryahikire, no okoghamba, "Mbagheghire ebhebhara ibhya shimbirya ebhekwe merongo etato, righori reno ryasemibhwi nabhanto abha Israeli kukughirya yaye, ¹⁰ghweki mbakoreye ko moghondo oghwe ikiribho, kyo Omokama kigho yandaghereyi."¹¹Bhono Yesu yaimereye mobhoronge bhwa Liwali, (na) Liwali akamobhorya, "Uwe norenge omonene uwa Wayahudi?" Yesu akamohonshokerya, "Nuwe okoghamba igho." ¹²Naho enkagha hano yashongeywe (na) abhaimereri abha risengero nabhaghaka, tiyaghambire kentohe. ¹³Nho Pilato yamotebhiri, "Toraighwa amashongero ghaho ghayohe?" ¹⁴Nunyora nigho teyahonshokiri ng'ana nunyora nemwe, ku igho Liwali niyaroghoribhwi.¹⁵Bhono munyangi yarengenga igha Liwali kohatera omobhohwa omwe ono akwahorwa nabhanto. ¹⁶Enkagha iyo bharengeho no omobhohwa omokorano irina ryaye Baraba.¹⁷Hano bharenge bhaikomaini hamwe, Pilato akabhabhorya, "Newe mukutuna tohatere kukughirya yenyu?"Baraba kasi Yesu ono akobherekerwa Kristo?" ¹⁸Kobhora yamanyire igha bhamare komoghota kukughira yu urwiso. ¹⁹Enkagha hano yarenge aikaye ko kitumbe kyaye ikyo okokengera ikina, mokaye akamahera eng'ana no okoghamba, "Otakakora eng'ana yoyonswe ko omonto ono atana isaryo. Kobhora nyankibhwi bhokong'u mokeroto kukughira yaye."²⁰Nho abhanene abha amasengero nabhaghaka bhabhaseghire ensango bharusiho Baraba, (na) Yesu aitwe. ²¹Liwali akabhabhorya, "Nohe arenge ko bhabhere bhano mukutuna ahaterwe?" Bhakaghamba, "Baraba." ²²Pilato akabhatebhya, "Nkoreke Yesu ono akwebherekera Kristo?" Bhoonswe bhakahonshokya, "Mohangeke"²³Wonswe akaghamba, " Ni saryoke akore?" Bhakengerya koshesha bhokong'u "Mohangeke." ²⁴Hano Pilato yaroshe tatore kokora ng'ana yoyonswe, igha ikituri kerengerya, akaghegha amanshe akaisabha amabhoko mobhoronge ubhwe ehamate, no okoghamba, "Oni tenena isoro ighoro iya amanyinga gho omonto ono atana isoro. Moghamahe ghano bhenyu abhene."²⁵Abhanto bhonswe bhakaghamba, "Amanyinga ghaye ghabhe kobheto naabhana bheto." ²⁶Ghweki akamotanshora Baraba kobho, nawe akamotema Yesu niimisharishi akabhahana bhaghi komohangeka.²⁷Ho abhasirikare abha Liwali bhagheghire Yesu bhakahika Praitorio arenge mobhasirikare abharu. ²⁸Bhakamonora shingibho bhakamwibhohya engasho enkangaru. ²⁹Bhakakora engosira iya amahwa bhakamotora ko omotwe ghwaye,bhakamotora umwere ko kobhoko kwaye kwabhoryo.Bhakamwihighamera no okomokora, bharaghamba, "Mbhuya, Omonene uwa Wayahudi?"³⁰Bhakamutwera amate, bhakaghegha umwere bhakamotemera ko omotwe. ³¹Hano bhamokoranga ghayo okanyora bhamonore engasho nu ukumwibhohya shingibho shyaye, no ukumuhira komohangeka.³²Hano bharishokire kebhara bhakarora omonto kurwa Krene irina ryaye Simeoni, bhakahamerya kughya nabho okoreke agheghe omosarabha ghwaye. ³³Hano bhahikire ahase hano hakobherekerwa Goligotha, okorokya igha, "Ahase ahe ekehore ikyo omotwe." ³⁴Bhakamoha isiki eno yarenge yishoghanibhwi ne endorwe anywe. Hanoyayesamire, tiyayinyoyehe.³⁵Enkagha hano bhamohangekire, bhakatwena shingibho shyabho koshetonera ubhwahori ubhwa shikura. ³⁶Bhakaikara komomahera. ³⁷Ighoro yo omotwe ghwaye akatorwa amashongero ghaigha, "Ono we Yesu, omonene uwa Wayahudi."³⁸Akahangekwa (na) amasaki abhere uwomwe orobhareka urwa bhoryo uwonde bhomosi bhwaye. ³⁹Bhara bhahetanga bhakaghya bharamokara no ukusingisya emetwe ghyabhO ⁴⁰no okoghamba, "Nuwe watunanga kotabhora risengero no okorehaghasha ku shinsiko isato, itungurya umwene! Nyore mona (wa) Waryobha, ore ika hanse urwe ko mosarabha!"⁴¹Ko temo eraera abhaimereri abha risengero mbamushere, hamwe nabhakonikoni nabhaghaka no okoghamba, ⁴²"Akatungurya abhande, nawe takotora kwitunguryahe. Umwene Mmonene uwa Wayahudi. Aike hanse kurwa komosarabha, nho tumwitabhereyi.⁴³Ariteghera Waryobha. Tigha Waryobha amutunguri bhono nyore aratuna , ko bhora aghambire, 'Oni no Omona uwa Waryobha.'" ⁴⁴Naabhasaki bhara bhahangikirwe nawe bhonswe bhakamokara no okomosera.⁴⁵Bhono kukurwa enkagha iya shesa isansabha ikisunte kekabha kukyaro kyonswe kuhika enkagha iya shesa kenda. ⁴⁶Hano yahikire shenkagha ishya shesa kenda Yesu akakura ko obhoraka obhonene, " Eloi, Eloi, lama thabakithan?" arorokya, "Waryobha wane, Waryobha wane,nke kighire untighire?" ⁴⁷Enkagha iyo abhamwe bhabho mbarenge bhaimereye hara bharaiteghera, bhakaghamba, "Arabherekera Eliya."⁴⁸Hayohayo uwomwe wabho akakenya akaghegha isifongo nu ukwishoryamo ekento ekeroro, akaetera ighoro yo omote no okomoha anywe. ⁴⁹Bhara bhatighaye bhakaghamba, " Mumutighe umwene, mutighe torore nyore Eliya nasha kumutungurya." ⁵⁰Ghweki Yesu akakura ko obhoraka obhonene nu ukukwa.⁵¹Maha, rikengero irya mokeseku ikya mwisengero rekabharoka bhetene bhibhere kurwa ighoro kuhika nse. Ikyaro kekarighita namatare ghakateka. ⁵²Shembehera shekeghoka, emebhere igha abhahoreru bharu bhano bharenge bharaye bhakaryokibhwa. ⁵³Bhakarwa moshembehera hano yamare kuryoka, bhakasoha mumughi omohoreru, bhakabha bharu.⁵⁴Bhono omorendi (wa) bhara bharenge komaha Yesu bhakamaha ikirighiti namang'ana ghakorwanga, bhakahaha no okoghamba, "Mahene ono yare Omona uwa Waryobha." ⁵⁵Abhakari bharu bhano bhasorananga Yesu kukurwa Galilaya bhamosereni ko bharenge hare bharamahera. ⁵⁶Abhamwe bhabho mbarenge Mariamu Magdarena, Mariamu nyakuwabho Yakobo (na) Yoseph, nanyakuwabho abhana abha Zebedayo⁵⁷Hano yahikire komoghorobha akasha omonto umwame ku kurwa Arimathayo, ono yabherekeywe Yusufu, wonswe yare omona mwegha uwa Yesu. ⁵⁸Akaghya ko Petro no okosabha omobhere ughwa Yesu. Nho Pilato yahamire ahanwe.⁵⁹Yusufu akaghegha omobhereakaghobhoha ne esanda iyi sufi endabhu, ⁶⁰no okoghorarya mombehera yaye ehya eno yare yakorwa korotare. Akamara akahiringitya reghena rinene rekaribha ekeseku ikye embehera akarwaho. ⁶¹Mariamu Magdalena (na) Mariamu uwonde ora ho bharenge, bhaikaye komahera embehera .⁶²Urusiko urwa kabhere rono rwarenge urusiko urwa okoserenia, abhanene abha amasengero (na) Mafarisayo bhakekomana ko Pilato. ⁶³Bhakamotebhya, "Omokama, torahita igha enkagha eno omorongo yarenge mohoru, akaghamba, 'Hano shinsiko isato sherehwaariryoka ghweki.' ⁶⁴Ku igho oghambe embehera erendwe ko omorembe kohekera shinsiko isato. Erange kobha igho, abhana bhegha bhaye bharatora kusha kumwibha no okoghamba ko bhanto, 'Aryokire kurwa ko bhaku.' No obhorongo ubhwa ikihiko mborabhe bhoghogho kokera ubhwo kotanga."⁶⁵Pilato akabhatebhya, "Mogheghe abharendi. Mughi mokore obhorendi bhono mokotora." ⁶⁶Bhono bhakaghya no okorenda embehera kobha no obhorendi, reghena rebhaswe nabhabheho abharendi.

¹Nano omoghorobha oghwu urusiko uru ukumunya, eryobha ryaghwanga kohekera urusikoorwa kotanga shinsiko muhungate, Mariamu Magdalene bhakasha komaha embehera. ²Maha ikirighiti ekenene kekabhaho, kobhora omoraghe wo omokama yaikire akahingira reghena rera, akamara akarikaara.³Ekesosa kyaye kyarenge kyo oromesyo, shingibho shyaye nshyarenge ndabhu kya amaghena agha righoro. ⁴Abharendi bhara bhakahaha no okobha kya abhaku.⁵Omoraghe akabhanshora abhakari bhara araghamba igha, "Motakobhoha bhora mmanyire igha Yesu mukutuna, ono yahangikirwe. ⁶Tahano he, aryokire kya igho yaghambire.Mushe momahe hara Omokama yararibhwi. ⁷Mughi bhongo motebhi abhana bhegha bhaye, 'Aryokire, maha atangatire Galilaya. Niyo moramorore.' Maha oni mbatebhiri."⁸Abhakari bhara bhakarwa ko mbehera hara bhongo bhongo bhana ehaho nu ubhushomerwa bhwaru, bhakakenya kotebhya abhanabhegha bhaye. ⁹Maha Yesu akasikana nabho akaghamba, "Mbuya more." abhakari bhara bhakasha no okomoghota amaghoro ghaye, bhakamara bhakamukumya. ¹⁰Ghweki yesu akabhatebhya, "motakobhoha, mughi motebhi abhahiri bhane bhatangate Galilaya.Iyo mbaremaha.¹¹Enkagha eno abhakari bhara bhaghyanga, maha abharendi abhamwe mbagheye mumughi no okotebhya abhaimereri abha amasengero amang'ana ghonswe ghano ghabhaye. ¹²Abhaimereri bhara hano bhasikaini nabhaghaka no ukushumanshera eng'ana iyo, bhakahana abhasirikare bhara shimbirya nsharu. ¹³no okobhatebhya igha, "Motebhi abhande igha, 'abhanabhegha abha Yesu mbaishire bhutiko nu ukwibha omobhere ughwa Yesu enkagha eno twarenge toraye.'¹⁴Nyore urukweri rono ndohekera omonene wo orong'ongo, bheto ntorashumanshe nawe no okobharusirya ehaho yonswe." ¹⁵Ku igho abhasirikare bhara bhakaghegha shehera shera no okoshekora kigho bharagheribhwi. Eng'ana iyo ikirareka ko Wayahudi nayabha igho nabhono.¹⁶Abhahorwa ikomi naomwe bhara bhakaghya Galilaya, ko kekereghe kera yarenge abharaghereyi. ¹⁷Bhonswe hano bhamoroshe, bhakamwitabherya. Naho abhamwe bhabho bhakarora obhohene tebhohohe.¹⁸Yesu akabhashako araghamba, "Nhaywe obhotoro bhonswe kukyaro (na) mwisaro. ¹⁹Ku igho mughi mokore abhairo bhonswe bhabhe abhana bhegha. Mobhasubhe kurina irya Tata,Omona ne erye enkoro ehoreru.²⁰Mobheghi bhasoke amang'ana ghonswe ghano nabhatebhya, Ghweki maha, oni nendenge nabhenyu nsiko shyonswe, kohekera enkagha iyi ikihiko.

¹Eng'ana iya Yesu Kristo, Omona uwa Waryobha. ²Kigho yandekirwe no omoroti Isaya, "Maha, ndamotoma umwimereri wane mobhoronge bhwaho, ono akusha kokorobherya enshera yaho. ³Obhoraka obhwo omonto ono arenge mwisisi, " Erongehi enshera iyo Omonene: morongehi shenshera shyaye".⁴Yohana yaishire, akaya arasubha abhanto mwisisi, ubhusubhi ubhwu ubhwitabherya obho okoreta amabhera ghi ibhitimba. ⁵Ikyaro kyonswe ikya Yudea (na) abhanto bhoonswe abha Yerusalemu mbagheye waye. Mbasubhwanga mo moro ughwa Yordani,eno bharaghamba ibhitimba bhyabho. ⁶Yohana yibhohanga inghibho iya amabhuri ghe ngamia eno abhoheye ururugha mobhokende bhwaye,yaryanga shingighe no obhoke ubhwa mwisisi.⁷Yatebheryanga no koghamba," Nho are omwe arisha hano ndirwaho ono ankere shinguru, tendebha no obhotoro ubho kumwinyora komotashora shengoye ishye shengheto shyaye. ⁸Oni nabhasobheye amanshe, nawe narebhasubha ko Enkoro Ehoreru."⁹Kushinsiko yabha igha Yesu yaishire kurwa Nazareti iya Gariraya,akasubhwa (na) Yohana momoro ughwa Yordani. ¹⁰Hano Yesu yaibhohire kurwa momanshe, akamaha risaro righoywe igho Enkoro ehoreru ikaika ighoro yaye ki inguti. ¹¹Obhoraka bhokarwera mwisaro, "Nuwe Omona wane omoghonshe. Nshomeywe bhokong'u."¹²Hayo hayo Enkoro Ehoreru ekamohamerya kughya mwisisi. ¹³Yaikaye mwisisi shinsiko merongo enne, arasaghibhwa (na) risambwa. Yaishoghaini (na) shityenyi ishya mwisisi, yaserenibhwi ne enkoro.¹⁴Bhono hano Yohana yaghotirwe,Yesu akasha Gariraya araraghanya eng'ana iya Waryobha, ¹⁵araghamba, "Enkagha ihikire, no obhokama ubhwa Waryobha nhang'e bhore. Mosabhe amabhera (na) mwitabheri eng'ana".¹⁶Hano yahetanga ko omorambo ughwi nyansha iya Gariraya, akabhamaha Siomoni (na) Anderea wamwabho Simoni bhararekera righokoro munyansha ko bhora bharenge abhateghi. ¹⁷Yesu akabhatebhya igha, "Mushe, monsorane,nendabhasyori mobhe abhateghi abha abhanto." ¹⁸Hayo hayo bhakatigha emetegho ghyabho bhakamosorana.¹⁹Enkagha eno Yesu yabhakoreye ritamboka hake, akarora Yakobo omona uwa Zebedayo (na) Yohana wamwabho:bharenge mubhwato bharakora emetegho. ²⁰Akabhabherekera bhakaika bhakatigha suwabhoZebedayo umwene mubhwato ana abhakori abhe emeremo bhano bhahakwanga, bhakamosorana.²¹Hano bhahikire Kaperenaumu, urusiko urwa kumunya,Yesu akasoha mwighutu erye esango iya okobheghya. ²²Mbaroghore ko megho ghaye, kobhora yabheghyanga kyo omonto ono ana obhotoro (na) tigha mwandekihe.²³Enkagha iyo yarengeho omonto mwisengero ryabho ono yarenge ne ebhehwe ebheghogho,akakonga, ²⁴akaghamba, "Nke tonakyo ikyokokora (na) uwe, Yesu uwa Nazareti?Washa kutusikya? Nokomanya nu wewe.. Uwe Mohoreru ore uwa Waryobha!" ²⁵Yesu yahameye ekehwe no okoghamba, "Kira ghweki umurweko!" ²⁶Ekehwe kera kekamorekera hanse kekarwako kera kurwa ko obhoraka ubhwa ighoro.²⁷Abhanto bhoonswe bhakaroghora,kuigho mbabhoreini," keno nke? Ameghyo amahya agho obhotoro?Kohekera okohamera ebhehwe bhekamwitabherya!" ²⁸Amang'ana ghaye ghayo ghakanyaraghana shentahana shyonswe isha Galilaya.²⁹Hayo hayo hano bharishokire kebhara iya risengero, bhasoha (mwa) Simoni (na) Andrea bhana Yakobo (na) Yohana. ³⁰Nyakubhyara wabho Simoni yarenge araye moroye we ehoma, hayo hayo bhakatebhya Yesu amang'ana ghaye. ³¹Ku igho yaishire akamoghota no okobhoko kwaye, akamwimerya: ehoma ekamoka, akasimya okobhatorya.³²Hano eryobha ryaghoye, bhakamoretera abharoye bhonswe, (na) bhano bharenge bhakotirwe ne bhehwe. ³³Umughi ghoonswe bhakekomanya mokeseku. ³⁴Akahwenya bharu bhano bharenge abharoye abha amaroye haghare haghare no okobharusya ebhehwe bhyaru, naho tiyikereyi ebhehwe bheghambehe kobhora mbemomanyire.³⁵Yamutire kobhoka, mubhumwarumwaru:akemoka akaishabha ahase akasimya kosasama. ³⁶Simoni (na) bhoonswe bharenge nawe bhakamutuna. ³⁷Mbamunyore bhakamotebhya, "Nkutunwa ware (na) kera omonto"³⁸Akabhatebhya, "Bhono nigha tughi ahande,kebhara kumighi gheno ghitwinare,okoreke ntebheri iyo honswe. Nkyo kyaghire nkasha hano." ³⁹Yagheye akaheta Galilaya yonswe, aratebherya momasengero ghabho no okohamera ebhehwe.⁴⁰Omoghenge omwe akamughyako. Yamosabhire; akahighamaakamotebhya, "Nyore oratuna, oratora kuhwenya." ⁴¹Yesu akamwabhera,akarambora okobhoko kwaye akamukunya, aramotebhya, "Ndatuna. Uhwene." ⁴²Hayo hayo obhoghenge bhokamurwako, akahwenibhwa.⁴³Yesu akamoraghanya(kwa) bhoro akamotebhya kamwe igho kaghi. ⁴⁴Akamotebhya, "Ndakokomerya otakaghamba eng'ana ko wowonse ora, nawe kaghi, wiyoroki ku umwimereri, (na) urusi umukumo ogho ikimwenso ikya Musa keno yaraghaini, kebhe ekemanyerokyabho."⁴⁵Nawe yagheya nu ukusimya kotebhya kera omonto (na) akamusa eng'ana iyo bhokong'u eno yaghire Yesu akatigha kosoha mumughi muyo (kwa) kwiyaghara. Bhono akaika ahase kebhesho (na) abhanto bhamogheyeko bhakarwa kera ahase.

¹Yesu hano yakyore Kaperinaumu ibhagha ekigho, bhakaighwa igha nka are. ²Abhanto abharu bhakamughyako (na) umweya ghokabhora, hatanunyora umweya ughwa mokeseku,Yesu akabhatebhya eng'ana.³Ghweki abhanto bhakasha komoretera omonto ono arindighaye; akanyora agheghirwe (na) abhanto bhane. ⁴Hano bhatamirwe komwesokera kukughirya iya abhanto abharu, bhakarusyaho orosara urwi righutu hara yarenge. Hano bhamare kohobhoraho bhakikya eketanda keno omoroye yarenge araribhwiko.⁵Hano yaroshe imighiro ghyabho, Yesu akatebhya omonto ono yarenge arindighaye, "Mona wane ibhitimba bhyaho bhyabheywe." ⁶Nunyora (na) abhandeki bharenge bhaikae hara mbaibhori. ⁷'Omonto ono iyake akore aghambe igho?Nkusherare!Nawe akotora kwabhera ibhitimba kutigha Waryobha umwene?"⁸Hayo hayo Yesu akamanya momaiteghero ghabho keno wanyore bharaiteghera abhene. Akabhatebhya, "Nkwake mukwiteghera igho monkoro yenyu? ⁹Ndehe rihoho koghamba ko omonto ono arindighaye, 'Ibhitimba bhyaho wabheywe' hamwe koghamba 'Emera,ghegha obhore bhwaho,oghende?'¹⁰Okoreke bhatore komanya igha Omona uwa Adamu ono obhotoro ubhukwabhera amasaro ku kyaro, akatebhya ora yarenge arindighaye, ¹¹"Nuwe nkotebhya, emoka, ghegha omokeka ghwaho oghende waho." ¹²Akaemera kamwe igho akaghegha omokeka ghwaye, akarishoka akamahwa (na) kera omonto bhoonwe bhakaroghora bhakahana Waryobha obhohoreru, no okoghamba igha "Mahene tetwakarooshe eng'ana kya enohe."¹³Akaghya ghweki komorambo ughwi inyansha, rikomo irya abhanto bhakamughyako, akabheghya. ¹⁴Hano yahetire akamomaha Lawi umumura uwa Alfayo aikaye entahana yo okomarerya righotiakamotebhya, "Nsorana." Akemoka akamosorana.¹⁵Ko nkagha eno Yesu yaryanga mwighutu irya Lawi, abhatobhesya abha righoti (na) abhanto abharu bhano bharenge (na)amasaryo mbaryanga nawe Yesu (na) abhana bhegha bhaye,kobhora bharenge bharu bhakamosorana. ¹⁶Enkagha abhandeki,bhano bharenge Mafarisayo, hano bharoshe igha Yesu yaryanga (na)ibhibhitimba (na) abhatobhesya abha righoti,bhakatebhya abhanabhegha bhaye, "Nkwake akorya (na) abhatosya abha righoti (na) bhara bhana ibhitimba?"¹⁷Hano Yesu yaighure igho akabhatebhya, "Abhanto bhano bhana obhohoru tebhakumutuna omorerihe; tenaishire kobherekera abhanto abhobhohene, naho abhibhitimba."¹⁸Abhana bhegha abha Yohana (na) Mafarisayo nkomasabho bharenge tebharyangahe. Abhanto abhamwe bhakasha kowe komotebhya, "Nkwake abhanabhegha (na) Mafarisayo bhatakorya,(na)abhanabhegha bhaho bharya? ¹⁹Yesu akabhatebhya, "Bhano bhaishire mu bhwenga bhatora kutigha korya omonene uwu bhwenga ataritigha korya? Momanye mwenebhwenga hano oranyore anabho hamwe tebhatore kwanga koryahe."²⁰Naho shinsiko nshirihika enkagha eno omoteti arirusibhwa wabho, kushinsiko shiyo ho bharitigha korya. ²¹Taho omonto ono akutuma eketambara ekehya ku ritati righotu, hande ekeraka kiyo nketandokeho, ekehya nkerarwe kwi tati rikoro, ghweki nderatandoke bhokong'u.²²Taho omonto ono akotora koterekera mu shinyongo shenkoro, kobhora hano gharyebhoka nsheryateka (na) amarwa ghonswe tareghanyorahe. Ku igho terekera mo shinyongo shehya."²³Kurusiko urwo kosengera Yesu yahetire momeghondo eghemwe, abhana bhegha bhaye bhakaya bharaghegha ebheghara ibhye engano. ²⁴Mafarisayo bhakamotebhya, "Maha,nkwake bhakohora ekento keno kikughiribhwa urusiko orwo okosengera?"²⁵Akabhatebhya, " Timwiteghereye ghara Daudi yakore komaiteghero ghaye nu umweko_umwene (na) abhanto bhano yarenge nabho? ²⁶Bhono yagheye mwisengero irya Waryobha enkagha Abiathari hano yarenge umwimereri omonene ghweki akarya omokate ghono ghwarenge mobhoronge ghono ghwarenge ghughiribhwi ko _omonto wowonswe ora akorya kutigha abhaimereri _abhene abhana (na) abhamwe bhara bharenge nawe?"²⁷Yesu akaghamba, "Urusiko orwu ukumunya hano omonto, tigha omonto ku urusiko urukumunyahe. ²⁸Ku igho omona uwa Adamu no Omonene,uwo urusiko urwukumunya."

¹Ghweki Yesu akasoha mwisengero omonto yarengemo ono okobhoko kwarenge kurindighaye. ²Abhanto abhamwe bhatasheranga (kwa) hang'e komaha nyore namuhwenya urusiko orwo kumunya okoreke bhamushongere.³Yesu akatebhya omoroye wo okobhoko ora, "Emoka wemere mohamate eno." ⁴Hano yamare akatebhya abhanto bhara, " Ghweki mbuya kokora eng'ana eno urusiko orokosengera hamwe kokora ghara agho obhoronge; Kotorya obhohoru, hamwe ukwita?" Nabho mbakire kirikiri.⁵Akabhamahere ko bhoro, akabhabhayera kukughirya yu ubhurito obhwo enkoro engogho, akatebhya omonto ora, "Rambora okobhoko kwaho." Akakorambora (na) Yesu akamuhwena. ⁶Mafarisayo bharishoka kebhara kokora hamwe (na) Maherode ighyu kwita.⁷Ghweki Yesu, nabhanabhegha bhaye, bhakaghya kunyansha, abhanto abharu bhakamutumako kurwa galilaya (na) Uyahudi ⁸nu kurwa Yerusalemu Idumaya (na) mobhoronge bhwa Yordani, (na) morobheri urwa Tiro (na) Sidoni, abhanto abharu hano waighure kera ekento keno yakoranga, bhakamushako.⁹Akatebhya abhegha bhaye bhakore ritubha rike kukughirya iya abhanto abharu, okoreke bhakamwinara. ¹⁰Kobhora yahwena bharu, kera ora yarenge ninyanko yarenge ne ekabha amohekere nu ukumukunya amuhweni¹¹Hohonswe hara shenkoro shembe hano shamororanga, mbaghwanga hanse mobhoronge bhwaye nu kukura,no okoghamba,"Uwe no omona uwa Waryobha ore". ¹²Akabhahamera kokobhakomerya bhatakakora amanywe.¹³Akarina ko kerkereghe akabherekaera bhara yatunire, bhakamughako. ¹⁴Akabhahora ikomi (na) bhabhere (bhano yabherekeye abhahorwa), okoreke bhabhe nawe akatoma kusimya kotabherya, ¹⁵akabhaha obhotoro obhwo ukurusya ebhehwe ebheghogho. ¹⁶Akabhahora ikomi (na) bhabhere: Simoni ono yabherekeye Petro,¹⁷Yakobo omona uwa Zebedayo, (na) Yohana wamwabho Yakobo, ono yabherekeywe Bonages, bhayo mbana ebhenkobha, ¹⁸Andrea, Filipo, Barthomayo, Mathayo, Tomaso, Yakobo mumura uwa Arfayo, Thadayo, Simoni Mkananayo, ¹⁹Yuda Iskariote, ono aremohana inyanko.²⁰Gweki akaghya ka, abhanto abharu bhakamurwa nyuma, ghweki mbatamirwe korya nunyora mokate. ²¹Abhaye hano bhaighure eng'ana iyo, bhakaghya komoghota, bhakaghamba," Ashure". ²²Abhandeki bhano bhaishire kurwa Yerusalemu bhakaghamba, "Nahahibhwi (na) Beelzebuli," " No omobhahi we ebhehwe nkurusyare ebhehwe".²³Yesu akabhabherekera nokoghamba nabho kukutubhanya, "Nighake risambwa retore kurusya risambwa? ²⁴Hano obhokama bhoratwenekane, obhokama bhuyo tebhwemerehe. ²⁵Hano abhamwe bharaitwenekane, obhomwe bhuyo tebhobhehohe.²⁶Hano risambwa reremoke iryene ritwenekane, teremerehe, noranyore rihikire kukihiko kyaye. ²⁷Naho taho kura omwe ora akotora kosoha mumughi ogho omonto uwa shinguru nukwibha ebhento bhaye ataramobhohahe, amanye kokomanya bhyonswe.²⁸Mbohene nkobhatebhyande, ibhitimba bhyonswe ibhya abhana abhabhairo mberabherwe, hamwe nu ukwimantora kono bhanako, ²⁹Naho ora arimantora Enkoro Ehoreru, taryabherwahe, nanarisoro irya ibhitimba ibhya obhokora no obhokora." ³⁰Yesu yaghambire kobhora mbaghambanga," Aneenkoro inyanku".³¹Ghweki nyakuwabho (na) bhawamwabho mbaishire bhakaemera kebhara. Bhakatoma omonto, amobherekere. ³²Abhanto abharu bhano bharenge bhikaye nawe, "Nyakuwenyu (na) bhawamwenyu nkebhara bhare bharakutuna".³³Akabhahonshokerya, " Mayo (na) bhawamweto mbahe?" ³⁴Akabhamaha bhano bharenge bhikae bhamonare, akaghamba, " Maha bhano mbamayo (na) bhawamweto! ³⁵Ono wonswe akokora obhoghonshe ubhwa Waryobha, omonto uyo muhiri wane, musubhati wane, (na) mayo wane".

¹Gwheki akasimya koragherya komorambo ghwinyansha. Abhanto abharu bhakaekomana bhakamonarya, akarina mwitubha kunyansha, akaikara. Abhanto bhonswe bhakaemera komorambo mbareka. ²Akabheghya amang'ana amaru kobhebhoro, no okobhatebhya komeghyo ghaye.³Mwitteghere,umubhusuri yagheye kubhusura. ⁴Hano yabhusuranga, ishemwe shekatonya konshera niibhinyonyi bhekarya. ⁵Imbusiro iyende ekatonya kwitare, hano amarobha ghatarenge. Kamwigho shekamera naho amarobha tegharengehohe ghakwisa.⁶Naho omobhaso ghwabhare bhekoma, kobhora tebhyarenge nimirihe, bhekoma. ⁷Imbusiro yende ekaghwa momahwa. Amahwa ghakakina ghakashehegha, teshamirehe.⁸Imbusiro yende ekaghwa komorabha amaiya shekakina no okwebhora shehagho hano shakinire nshibhoye no kwama kotamboka merongo etato, merongo esansabha, naghweki kohekera ighana". ⁹Akaghamba igha, " Wowonswe ono anaamatwe ghukwigwa, yighwe!"¹⁰Yesu hano yarenge umwene, bhara bharenge hang'e nawe nabhara ikomo nabhabhere bhakamobhorya ebhebhoro. ¹¹Akabhatebhya, "Ko bhenyu Waryobha yabhorokiri ibhibhisire ibhyo obhokama bhwaye. Naho bhara bharenge kebhara kera ekento nkyabhebhoro, ¹²hano bharamahe, nhobhararore, nawe tebharorehe, mbarighwe, nhobharighwe, nawe tebhamanyehe hamwe bhaisyori Waryobha akabhabheye."¹³Yesu akabhatebhya, "Igha temomanyire ekebhoro kenohe? Iyakae morakore momanye ebhebhoro bhende?. ¹⁴Umubhusuri yemiri eng'ana ¹⁵Bhano mbobhara bharenge mbareka yenshera, hano eng'ana era yaghambeywe. Hano bhighure hayo hayo risambwa rekasha rekaghegha eng'ana era yemibhwimo kobhene.¹⁶Sheheke shende shekatonya kwitare, kobhara, kobhara bhakwighwa eng'ana bhayeghera makaramoka bhashomeywe. ¹⁷Nawe tebhana bhoghomeryahe, bharaghomerya nkagha enke. Ghweki enkagha ninyanko hano yahika kukughirya yeng'ana bharatigha imighiro ghyabho.¹⁸Abhande mbara bhemibhwi momahwa bhano bhatakwighwa eng'ana, ¹⁹Naho inyanko yi kyaro no obhorongo bhwe ebhento no oronamba urwa amang'ana ghande nkushaghare nokuribha eng'ana, eno etanabhwera. ²⁰Bhano bhemibhwi ko amang'ana amaiya. Mbo bhakwighwa eng'ana nkwebhora bhare shehagho: kohekera merongo etato,merongo esansabha nokotambokya righana."²¹Yesu akabhatebhya, "Oranyore oraghotya ekemore oraketora mokekapo kasi mwirungu rye eketanda? Nkokeretore mwighutu nukikuturungesha ighoro kuritimo. ²²Kobhora tekehohe kento keno kibhisire keno ketaremanyekana, tekeho ekento keno ketaremanyekanahe. ²³Ono anaamatwe aghu kwighwa yighwe!"²⁴Akabhatebhya, "Mobhe bhitegheri ko kera mokotebhibhwa, kokobha ekerengere kiyo mokorenga, nko morerengerwa (na) ghweki muryengeribhwa. ²⁵Mbora ora anakyo, aryengeribhwa bhokong'u,ora atanakyo, nkeregheghwa kyoonswe kera anakyo."²⁶Akaghamba, "Obhokama ubhwa Waryobha nkyo omonto ora yemiri imbusiro ko marobha amaiya. ²⁷Ono akorara bhutiko arebhoka kunkyo, aranyora entetere emere nu ukukina, nokanyora temanyire kya igho yakinirehe. ²⁸Rirobha ndyo rikukinyaebhento; iryene ukurwa komato, ebhemore kohekera okoghesa. ²⁹Enkagha eno ibhyakorya bhekokong'a, nkogheghare ekegheso aghya koghesa."³⁰Ghweki akaghamba, "Nke toratore koreng'anaya no obhokama ubhwa Waryobha, ghonswe nke ghamboke toratore koragherya eng'ana eno?. ³¹Nkimbusiro iya haradari, eno hano yemibhwa, nenke bhokong'u kokera shonswe ku kyaro. ³²Hano yemibhwa,nkukinaere kokera emete ghyonswe, ghweki nkobhere (na) amato amanene, kukokora ne ibhinyonyi kohaghashako ubhusu mokiriri kyako."³³Ebheghambo ibhyaru kya bheno, yaghambire nabho eng'ana, ko bhora bhatore komanya, ³⁴teyaghambire nabho atabhabhorreye ekebhor0. Nawe hano yarenge umwene haghare, yabharaghereyi abhegha bhaye.³⁵Urusiko ruyo, enka yo omoghorobha, akabhatebhya, "Twamboke humbu". ³⁶Ku igho abhanto abharu mbatighaye, bhakaghegha Yesu bhora yarenge, mwitubha. Amatubha ghande ghano gharengeho bhonswe mbahongoye nawe ukumurwa nyuma. ³⁷Omokama omororo (na) amayengo ghakemoka amayengo ngasohyanga amanshe mwitubha (na) ritubha rekeshora amanshe.³⁸Yesu umwene yarenge nyuma iya ritughi,araye momasagho.Bhakamutura, bharamotebhya, "umweghya,totonibhwi igha nkuya tore kusika. ³⁹Akaibhamboka,akahamera rikama rere, (na) akatebhya inyansha '"Tenda,omorembe, '" Omokama ghokatenda, no obhohoreru bhokabhaho obhonene.⁴⁰Akaghamba nabho, "Nkwake mokobhoha? Bhono timukwitabheryahe?" ⁴¹Mbahahire bhakasimya kobhoranya, "Ono nnewe, nunyora inyansha no omokama bheramosoka?".

¹Mbambokire humbu yi inyansha era, korong'ongo urwa Gerasi. ²Enkagha eno Yesu yaikanga mwitubha, umushasha ono yarenge ne ekehwe ekeghogho akasha ku mwene kurwa era bhakobheka abhaku.³Omonto uyo yaikae iyo bhakobheka. Taho ono yatore komokanyahe, nunyora nkomobhoha ne ebherang'ani. ⁴Yare yabhohwa kare ne ebherang'ani (na) amakomo. Akabhotora ebherang'ani (na) amakomo ghaye ghakabhotoka. Taho ono yamokere shinguruhe.⁵Ubhutiko no omobhaso hano yarenge moshembehera (na) mobhekereghe, yakuranga nu ukwikebha umwene (na) amaghena amoghe. ⁶Hano yaroshe Yesu hare, akamokenyera akaihinya mobhoronge bhwaye.⁷Akakura ekero ekenene, "Nke ukutuna nkokore, Yesu, Omona uwa Waryobha ono arenge Ighoro? Ndakosasama kurina rya Waryobha umwene, otakanyankya." ⁸Kobhora Yesu yarenge amotebhiri, "Murweko omonto ono, uwe enkoro inyanku."⁹Nawe akamobhorya, "Nuwe we?" Wonse akamohonshokerya, "Irina ryane noni Legioni,kobhora mbaru tore." ¹⁰Yamokomereyi bhokong'u atakamuhira kebhara ko rong'ongo ronde.¹¹Ryarengeho rihisho irya shembeshe reno ryamenyanga mokekereghe, ¹²nabho bhakamokomerya, "bharaghamba tuhire mwihisho irya shembeshe; tuikaremo." ¹³Bhono akabhaitabherya;shenkoro shembe shekamurwako no okosohera shembeshe, (na) shembeshe shekaika kokekereghe sherakenya kughya kunyansha, kohekera shembeshe bhekwe bhibhere shikasika munyansha.¹⁴Bhara bharesyanga shembeshe bhakang'osa bhakakenya kuhira amang'ana ko ghano ghabhaye mubhibhure (na) mumighi, abhanto abharu bhakarishoka kughya komaha keno kebhaye. ¹⁵Bhakasha ku Yesu komaha omonto ono yarenge ashure ne ebhehwe_ ebheghogho ibhyaru_aikaye hayo, yibhohibhwi, arenge bhuya, bhakobhoha.¹⁶Bhara bharoshe keno kyakorwe ko omonto ora yarenge ashure ne ebhehwe mbabhatebhiri keno kyabhaye (na) koshembeshe shera. ¹⁷Bhonswe bhakasimya komokomerya Yesu arwe morong'ongo rwabho.¹⁸Hano yasohanga mwitubha,ora yarenge ashure akamosasama aghi nawe. ¹⁹Yesu akamwitabherya, akamara akamotebhya, "Kayi waho na kobhanto bhaho obhatebhi keno Omoneneakokoreye, ne ikyabhera keno akorokiri." ²⁰Akaghya akasimya koraghanya amang'ana amahiku ghano Yesu amokoreye kontahana yonswe iya Dekapoli,(na) kera omonto akaroghora.²¹Neenkagha eno Yesu yambokire ghweki orobhareka ronde, mwitubha, abhanto abharu bhakaikomana hang'e nawe, hano yarenge komorambo ughwi inyansha. ²²Uwonde uwa abhatangati abha risengero ono yabherekerwanga Yairo, yaishire, hano yamoroshe, yamughwereye momaghoro ghaye. ²³Akamokomerya bhokong'u bhokong'u araghamba, "Mohara wane omoke aratuna kukwa. Ndakokomerya, nsho umukuniko abhe omohoru." ²⁴Bhakahinana (na) abhanto abharu, bhakaisuka hang'e nu ukumwinara.²⁵Yarengeho omokari ono yagheranga amanyinga ku imioka ikomi ne ebhere. ²⁶Yanyankire bhokong'u kobhareri abharu (na) akasarya ebhento bhyonswe bheno yarenge nabhyo, nawe teyanyore obhohoruhe. ²⁷Akaighwa amang'ana gha Yesu. Akasha nyuma yaye ghate ghate iya abhanto, akakunya umwenda ghwaye.²⁸Kobhora yaghambire, "Hano ndakuni umwenda ghwaye ndahwena." ²⁹Hano yamukuniri, amanyinga ghakabhotoka, akaighwa ahwenibhwi kurwa munyanko yaye.³⁰Kamwe igho Yesu akaimanya igha shinguru shimuhwereye. Akaisyorya abhanto akabhorya, "Newe ankuniri umwenda ghwane?" ³¹Abheghibhwa bhaye bhakamotebhya, "Oramaha abhanto bhano bhakwikomereye nauwe orabhorya, "newe ankuniri?"' ³²Naho Yesu akaisyorya ntahana shyonswe komaha ono yamukuniri.³³Omokari, akamanya keno kimunyore, akobhoha nu ukurighita. Akasha akaghwa mobhoronge bhwaye akamotebhya obhohene bhyonswe. ³⁴Yesu akamotebhya, "Mohara imighiro ghyaho ghikuhweniri. Kaghi no omorembe uhwenibhwi kurwa ku nyanko yaho."³⁵Yesu hano yashumanshanga, abhanto abhamwe mbaishire kurwa mwisengero, bharaghamba, "Mwiseke waho akure. Nkwake oghenderi kunyankya umweghya.³⁶Naho hano Yesu yaighure kera bhaghambanga, akatebhya umwimereri uwarisengero, "Otakobhoha. Itabherya." ³⁷Teyaikaereyi omonto wowonswe komorongeka, akabha Petro, Yakobo (na) Yohana wamwabho Yakobho. ³⁸Bhakasha ka mwimereri uwa risengero nawe akarora umuhiri nisho, umwaru ughukukura bhokong'u.³⁹Hano yasohire ka, akabhatebhya, "Nkwake mokoroghora no ukukura? Omona tarakwahe naraye." ⁴⁰Bhasimya komosera, nawe akabharishokya bhonswe kebhara akaghegha su wabho omona nyakuwabho (na) bhara bharenge nawe, bhakasoha hara omona yarenge.⁴¹Akaghota okobhoko ko omona akatebhya, "Talitha koum," ako okoghamba omohara ono moke ore ndakoretirya, emoka." ⁴²Kamwe hayo hayo omona akaemoka akasimya koghenda (kobhora yarenge wi imioka ikomi ne ebhere). Hayo hayo bhakaroghoro bhokong'u ⁴³Akabhahamera (kwa) bhoroigha monto wowonswe atakamanya ighoro ya reno. Akabhatebhya bhamohe ibhyakorya.

¹Akemoka hayo kughya umughi ughwabho, abhanabhegha bhaye bhakamosorana. ²Urusiko urwu ukumunya hano rwahikire, akasimya kwegha mwisengero. Abhanto abharu bhakamwitegherano okoroghoribhwa. Bhakaghamba, "Hanyore ameghyo ghano?" " Mbosoke bhwa kerengereke keno yanyora?" "Arakora amahiku ghano ko amabhoko ghaye?" ³"Igha ono te umwatya we shente, mumura uwa Mariamu nu umuhiri wabho Yakobo, Yose,Yuda (na)Simioni? Bhahara tebhara twikaye nabho?"Tebhashomeywe (na) Yesu he.⁴Yesu akabhatebhya, "Omoroti takobhora esokohe, naho nunyora nabhahiri bhayehe. ⁵Teyatore kokora, amakong'u komabhoko ghayehe yabhatoreye amabhoko abharoye no okobhahwena. ⁶Yaroghoribhwi bhokong'u kukwanga kwitabherya kwabho. Ghweki akatora shemberi ishya hang'e areghya abhanto.⁷Akabhabherekera abhegha bhaye bhara ikomi (na) bhabhere akasimmya kobhaha obhotoro. Akabhaha shinguru ighoro yu kuhisha ebhehwe ebheghogho, ⁸Akabharagherya bhatakaghegha kyokyonswe kera bhagheghe inyimbo iyene. Bhatakaghegha omokate, hamwe ekekapo, hamwe shimbirya; ⁹naho bhaibhohe shengeto, bhatakaibhoha shengansho ibhere.¹⁰Ghweki akabhatebhya, "Righutu ryoryonswe reno morashe mosohe, mwikareho kohekera hano moryemoka kurwaho. ¹¹Hano motariturung'anwa nu ukwanga kwitegherwa murweho, mwekong'onte urutu ko maghoro ghenyu okoreke mushe kobhashuta."¹²Nabho bhakaghya bharatebhya abhanto bhaitughame nu ukutigha ibhitimba bhyabho. ¹³Abhegha bhaye hano bhagheye mbakenyiri ibhitimba bhyaru no okohaka abharoye amaghuta bharahwena.¹⁴Omokama Herode hano yighure ghayo, kobhora irina irya Yesu ryamanyekana bhokong'u. Abhanto abhamwe bhakaghamba, "Yohana aryokire ku igho, shinguru shaye nsho akokora emeremo." ¹⁵Abhanto abhande bhakaghamba, "Ono Eliya."Abhande bhakaghamba, "Ono no omoroti, ko bharoti bhara abhakare."¹⁶Nahohano Herode yaighure ghano akaghamba, "Yohana, ono natomire abhasirikare bhamobhotore omotwearyokire." ¹⁷Herode umwene yatomire abhasirikare koghota Yohana atorwe mushera kukughira iya Herodia (moka murawabho Filipo) ko bhora yarenge amotetire.¹⁸Kobhora Yohana yatebhiri Herode, "Tebhuya koteta omokari uwa wamwenyu." ¹⁹Kurwa enkagha iyo Herode akawansha komorerera akatuna aite Yohana, nawe teyatorehe, ²⁰kobhora Herode yobhohire Yohana; yamanyire igha mohoreru, yarenge ghweki yamutighire no omorembe.Hano yamwitegheranga, yaroghore bhokong'u, nawe akashomerwa kumwiteghera.²¹Hano yahekeye enkagha okanyora shihikire shinsiko ishwo kwebhorwa Herode akakora abhasirikare bhaye obhogheni, abhasirikare, (na) abhimereri abha Galilaya. ²²Nho mohara uwa Herodia yasohire akabhenera mobhoronge bhwaho, akasambarokya omokama Herode (na) abhagheni bhano bharyanga ibhyakorya ibhya moghorobha. Nho omokama yatebhiri omohara ora, "Nsabha keno ukutuna oni nendakohe."²³Akatyana no okoghamba, kyokyonswe keno oransabhe, nendakohane,nunyora niritene eryo obhokama bhwane." ²⁴Omohara ora akarishoka kebhara yo obhogheni kobhorya nyakuwabho, "Nke ndasabhe?"Akaghamba, "Omotwe ughwa Yohana Umusubhi." ²⁵Akakyora mobhogheni bhongo bhongo omokama akasimya koghamba, "Ndatuna ohete ighoro yi ikitubha, omotwe ughwa Yohana Umusubhi."²⁶Omokama akaroghoribhwa bhokong'u, (na) keno omohara ora yasabhire nahokobhora yamwibhakeye mobhoronge ubhwa abhagheni, tiyangire risabho ryayehe. ²⁷Omokama akatoma abhasirikare kurwa mobharendi bhaye kughya koretera omohara uyo omotwe ughwa Yohana. Omorendi yagheye kobhotora omotwe ughwa Yohana arenge mushera. ²⁸Akareta omotwe ughwa Yohana aghoghegheye kukitubha akahana omohara ora, omohara ora akahana mayo wabho. ²⁹Abhanabhegha abha Yohana hano bhaighure igho, bhakaya koghegha omobhere ghwaye bhakaghya koghobheka.³⁰Abhahorwa, hano bhakyore kurwa kotebherya bhakaekomana mobhoronge ubhwa Yesu, bhakamotebhyaghoonswe ghano ghabhaye (na) kigho bheghiri. ³¹Wonse akabhatebhya, "Mushe hano twibhise tumunyehake." Abhanto abharu bhashanga ku mwahorwa abhande bhaemokanga kurwaho, bhakatamwa korya ibhyakorya. ³²Ku igho bhakarina mwitubha bhakaghya kwibhisa hano abhanto bhatarenge.³³Abhanto bhakabhamaha bharemoka abharu bhakabhamanya, bhakabhakenyera ko maghoro kurwa imighi ghyonswe,bhakabhatangatera kuhika komorambo. ³⁴Hano bhaghobhire komorambo, akamaha abhanto abharu, akabhabhera, kobhora bharenge kya amang'ondi ghano ghatana omoresya. Akasimya kobheghya amang'ana amaru.³⁵Enkagha ekaghya moghorobha yarenge, abhanabhegha bhaye bhakamotebhya, "Hano haibhisire imighi teghehohe ne enkagha egheye bhokong'u. ³⁶Ragha abhanto bhaghi kumighi ighya hang'e (na) korobheri rwa hang'e okoreke bhaeghore ibhyakorya."³⁷Naho akabhatebhya, "Mobhahane ibhyakorya." Bhakamotebhya, "Toratora kughya koghora emekate ighya dinari maghana abhere tobhahe bhare?" ³⁸Akabhatebhya, "Mona emekate erenga?Moghende moghemahe." hano bhagheroshe bhakamotebhya, "Ghehoetano (na) shinswe ibhere."³⁹Akabhatebhya abhanto bhaikare kobhekomo komanyanki amabhese. ⁴⁰Bhakabhaikarya kobhekomo, Ibhya merongo etano kohekera ighana imwe. ⁴¹Gweki akaghegha emekate ghera etano (na) shinswe ibhere, akamahera kwisaro, akaghenonka akamara akahana abhegha bhaye bhaghotere okoreke bhahane ehamate. Ghweki akatwenya shinswe ibhere ko bhanto bhoonswe.⁴²Abhanto bhonswe bhakarya (na) bhakeghota. ⁴³Bhakakomanya ebhetene bhyemekate bheno bhyarenge bhitighaye, Bhekeshora ebhekapo ikomi (na) bhibhere, ne ebhetene ibhya shinswe. ⁴⁴Abhashasha bhano bhareye emekate (na) shinswe mbekwe bhitano.⁴⁵Abhanabhegha bhaye bhakamotebhyabharine mwitubha bhaghende ntahana yende, bhahike Bethsaida, enkagha iyo umwene akeragha ehamate. ⁴⁶Hano abhanto bhamare kwemoka, akaghya mokekereghe kosasama. ⁴⁷Hano yahikire moghorobha, (na) ritubha ryabho rihikire kubhuribha, yarenge umwene komorambo.⁴⁸Bhakarora bharanyanka kotema engahi kobhora omokama mwaru ghwarenge ghorabharebhera. Hano yahikire momakeye akabhaghyako, araghenda ko manshe, akatuna kobhahetera. ⁴⁹Hano bharoshe areghenda ko manshe bhakahaha bharakanya nisambwa bhakakura ikurate. ⁵⁰kobhora bhamoroshe bhakahaha no okobhoha. akaghamba nabho arabhatebhya, "Mokarehe! no oni! Motakahaha."⁵¹Akarina mwitubha, no omokama ghokatenda, bhakaroghora bhokong'u. ⁵²Kobhora tebharenge bhamanyire emekate ghera nke ghyorokyanga.Kobhora amaiteghero ghabho okanyora bhatamirwe komanyerya⁵³Hano bhambokire humbu,bhakahika ikyaro kya Genesareti bhakaghobha hayo. ⁵⁴Hano bhikire mwitubha mora, abhanto bhakamomanya. ⁵⁵Bhakakenya koraghanya kosheng'ongo shyende shonswe abhanto bhakaekomana bhakareta abharoye bhaghegheye komararo, bhora bhaighwanga yishire.⁵⁶Hano honswe yasohanga mosheng'ongo, hamwe mumighi, nunyora ngateghate yi bhyaro,abhanto mbatore abharoye ahase ahe metera, (na) abhanto bhakamosabha aitabheri abharoye bhakuni ororebhebhe urwa umwenda ghwaye. Igho bhooswe bhano bhakuniri umwenda ghwaye mbahwenibhwi.

¹Mafarisayo (na) abhandeki abhamwe bhano bharwereye Yerusalemu mbaikomaini bhakanarya Yesu.²Amafarisayo (na) abhandeki bhakarora abhana bhegha bhaye mbareye omokate nkagha iyo bhatarenge bhoronge; (na) amanyanku. ³(kobhora Mafarisayo (na) Wayahudi bhoonswe tebhakorya bhare hano bhaisabha amabhoko bhuya,; bhaghotereye esmoka iya abhaghaka. Enkagha ⁴Mfarisayo bhakyora krwa komotera, tebhakorya nkagha bhatarisabhahe. Umwahokanyo ghonde ghono bhaghotera, hamwe no okoghya ebhekombe nabhera bhakunyerako ibhyakorya.)⁵Mafarisayo (na) abhandeki bhakabhorya Yesu, "Nkwake abhanabhegha bhaho tebhakosoka no ukwitabherya esemoka iya abhakoro bheto,bhararya bhaisabhire amabhoko?"⁶Nawe umwene akabhatebya, " Isaya akarota bhuya ighoro yenyu abharongo, akandeka, "Abhanto bhano mbansokire ko okoghamba kwene,nawe amaiteghero ghabho nhamwe ghare naoni. ⁷Bharansabhra amasabho ghano ghatana ubhwera, bhareghya umwahokanya oghwa abhanto ke enshera iyo okohetera.'⁸Mwatigha umwahokanya ughwa Waryobha no okoghotera esemoka iya abhakoro bhenyu." ⁹Akaghamba kobho, "Mwangire imyahokanya ighya Waryobha igha mmoghotereye esemoka yenyu! ¹⁰ko bhora Musa akaghamba, 'mosoke suwenyu (na) nyoko wenyu; 'ora akotoka suwabho (au) nyoko wabho mbohene narakwe;¹¹Naho moraghamba, 'nyore omonto araghamba ekento kokoragha suwabho hamwe nyoko wabho, "Teghako mabhera ghoghonswe ghano mokanyore kurwa ku woni,"(nkokoghamba, 'nindusiri ko Waryobha') ¹²bhono otakamwitabherya omona kokora eng'ana yoyonswe ku kukughirya iya suwabho nunyora nyoko wabho. ¹³Morakora ehamo iya Waryobha kobha bhosaigho kokosohya shesera shyenyu. Morakora maru aghitubho eno ghano ghatubhaini."¹⁴Akabherekera abhanto akabhatebhya igha, "Munyiteghere, bhenyu bhonswe, momanye. ¹⁵Tebhehohe ibhyakorya ibhi imighiro bheno okorya omare oghambanibhwihe. ¹⁶("Omonto wowonswe ono anaamatwe aghukwighwa, aighwe" eng'ana iyo ayemanye).¹⁷Yesu hano yabhatighire kosoha mwighutu, abheghibhwa bhayebhkamobhorya kokerengyo kiyo. ¹⁸Yesu akaghamba, "bhenyu bhoonswe temoramanyahe? Temokomaha igha eng'ana yoyonswe eno mokokora eratora kobha engogho ko monto, ¹⁹kobhora eng'ana tikumukunya konkoro yayehe, naho nkuyere momobhere ghwaye ghweki nkohwere. "Komaghamba ghayoYsu yakore amang'ana ghabhe kobhorabhu.²⁰Akaghamba, "Era ikurwa ko omonto nkyo kikumunyahara. ²¹Kobhora nkurwere momaiteghero ghaye,monkoro yaye,amaiteghero amaghogho, obhosorare,ubhwibhi,ubhwiti, ²²obhosoheri, oronamba oroghogho, unyamuriobhwe bheto, obhorongo, obhobhashi, rihari obhoghotanya ukwihema, obhokangi. ²³Amasaryo ghano ghonswe nkurwa ghare momaiteghero ngo ghara ghakosarya omonto."²⁴Yesu yaimokire kurwa hara yarenge yikaye akaghya korong'ongo rwa Tiro(na) Sidoni. Akasoha monse hano atatunire omonto wowonse amanye igha nhayo yare, (na) we teyatorekeni kumubhisahe. ²⁵Nawe hayo hayo omokari, yaishire ku Yesu ono omona waye omoke yarenge ne ekehwe, yaighureamang'ana ghaye akasha, akahighama amaru mobhoronge bhwaye. ²⁶Omokari uyo yarenge Myunani,uwa Kifoeniki. Akamosasama arusi omona waye ekehwe kera.²⁷Yesu akatebhya omokari, "Bhatighe abhana bhatangate kuraghiribhwa ibhyakorya, kobhora te bhuya koghegha ibhyakorya ibhya abhana no okorekera shesese." ²⁸Nawe omokari ora akamohonshokerya no okoghamba, "Nigho Omonene, esese nkoryere bhera abhana bhareye bhekatighara."²⁹Akamotebhya, "Kobhora uritabherya igha, mboronge ore kughya. Ekehwe kirure ko omohara waho." ³⁰Omokari ora yakyore waye akanyora mohara waye araye koketanda, ekehwe kimurureko.³¹Yesu akarwa morong'ongo ruyo urwa Tiro akahetera sidoni kughya kunyasnsha iya Galilaya akaghakendo iya Dikapolisi. ³²Ghweki bhakamoretera umukiro (na) teyatoragha koghamba bhuyahe, bhakasasama Yesu amotore amabhoko.³³Yarishokiri omonto ono kebhara ko bhanto ku kibhisire, akamotora ibhyara bhyaye momatwe ghaye, hano yature amateakunya omonto ora akoororeme rwaye. ³⁴Akamahera ighoro kwisaroakahembera no okobhatebhya, 'Hwena," bhuyo nkoghamba " hwena!" ³⁵Ko enkagha iyo iyo amatwe ghakarebhoka, keno kyarenge kerebhereye ororeme kekasaribhwa akatora koghamba bhuya³⁶Akabhahamera bhatakatebhya monto wowonswe. Nawe kigho yabhahameye, nigho bhararokiri eng'ana bhokong'u. ³⁷Mbohene mbaroghore no okoghamba, "Akore kera ekento bhuya. Ghweki akore umukiro kwighwa (na) abhamumu koghamba."

⁴¹Ku shinsiko shiyo,mbarengeho abhanto abharu, tebharenge nibhyakoryahe.Yesu akabhabherekera abheghya bhaye akabhatebhya, ²" Ndabhera abhanto bhano, kobhora bhaikaye naoni bhokong'u kushinsiko isato tebhana bhyakoryahe. ³Hano nabharagha kuyawabho bhatareye bharatora kusheshekera konshera numweko. Abhamwe nhare bharure bhokong'u." Abhanabhegha bhakamohonshokerya, "Hetoratore kunyora emekate imyaru ighyukwisa kontahana enotoreetana bhanto ookeabhanto bhano bheghotee?"⁵Akabhabhorya, " Mona mekate erenga?" Bhakaghamba, "Muhungate". ⁶Akahamera abhanto bhara bhikare hanse. Akaghegha emekate muhungate, akasasama Waryobha, nokoghebhotorabhotora. Akahana abhanaabhegha bhaye bhaghetore mobhoronge bhwabho, bhonswe bhakaghetora mobhoronge bhwa abhanto bhonswe.⁷Ghweki shinswe shenke nhosharenge, hano yamare kosasama, akabhatebhya abhana bhegha bhaye bhatwenere abhanto. ⁸Mbareye bhakeghota. Bhakamara bhakakomanya bheno bhyatamire, bhakaishorya ebhekapo muhungate ebhekapo muhungate ebhenene. ⁹Abhanto bhano bharengeho eratorekana bhekwe bhine. Akabhatigha bhaghi. ¹⁰Hano yamare akarina mwitubha nabhana bhegha bhaye,bhakeghya entahana iya Dalmanuta.¹¹Gweki Mafarisayo bhakasimya kohangana nawe. Bhakatuna abhoroki ekerenghyo ikyukurwa kwisaro okoreke komosakya. ¹²Akaroghora monkoro yaye akaghamba, "Nkwake rekora reno rikutuna ekerengyo? Mbenyu nkotebya ehene, tekeho ekerengyo keno kirirusibhwa kwekora reno." ¹³Ghweki akabhatigha, akarina mwitubha, akemokakughya ntahana yende.¹⁴Enkagha iyo abhanabhegha bharenge bhebhire koghegha emekate ighyukwisa. Bharenge no omokate ghomwe ughwene mwiyubha. ¹⁵Akabharaghyanya no okoghamba, "Mobhe maiso (na) mwikabhahe ne temo iya Mafarisayo (na) Herode.¹⁶Abhanabhegha bhahangananga abhene ko bhene, "Ighoro yukwanga kobha ne emekate." ¹⁷Yesu hano yamanyire ghayo, akabhatebhya, "Nkwake mokohangana abhene kughirya yeemekate? Temoramanyahe? Temukwighwahe? Mona shenkoro shindito?¹⁸Mona amaiso, temokomahahe? Mona amatwe timukwighwahe?Temokuhitahe? ¹⁹Hano natweniri emekate etano kobhanto bhekwe bhitano, mbekapo bherenga mwagheghire bheno bhishoye?" Bhakamohonshokerya, "Ikomi (na) bhibhere."²⁰"Hano nakuniri emekate muhungate ko bhanto bhekwe bhine,mbekapo bherenga mwagheghire? ²¹Bhakaghamba, "Muhungate." Akabhatebhya, " Temoramanyahe?"²²Bhakasha Bethaida. Hayo abhanto bhakareta omonto omwe ku Yesu umuhukuru bhakamosasama Yesu amukuni, ²³Yesuakamoghota okobhoko,akamoroshokya kebhara yorobheri akamutwera amate no okomotora amabhoko,akamobhorya, "Nkyo okomaha?"²⁴Akamaha ighoro no okoghamba, "Ndamaha abhanto kyemete gheno ghekoghenda." ²⁵Ghweki akatora amabhoko ko amaiso ghaye, no omonto ora akaramokya, akamaha ghweki, akamaha kera ekento bhuya. ²⁶Yesu akamohatera nokomotebhya aghi waye ghweki akamotebhya, "Otakasoha morobheri."²⁷Yesu akaemoka (na) abhana bhegha bhaye kughya moshemberi isha Kaiseria iya Filipi. Hano bharenge ko nshera akabhabhorya abhana bhegha bhaye, "Abhanto bharaghamba oni nnewende?" ²⁸Bhakamohonshkerya bhakamotebhya, "Yohana umusubhi. Abhande bharaghamba, 'Eliya' (na) abhande, 'Omwe uwa abharoti."²⁹Akabhabhorya, "Naho bhenyu moraghamba noniwe?Petro akamotebhya, "Nuwe Kristo." ³⁰Yesu akabharaghanya motakatebhya omonto wowonswe ora ighoro yane.³¹Akasimya kobheghya igha Omona uwa Adamu nkehameryo anyanke ko amang'ana amaru, naarangwe (na) nabhaghaka naabhimereri abhanene,(na) abhakonikoni, naritwa, ghweki nariryoka kushinsiko isato. ³²Nashumanshire eng'ana eno bhorabhu. Ghweki Petro akamshabha mbareka akasimya komokanya.³³Naho Yesu yisyori akamaha abhana bhegha bhaye akakemera Petro no okoghamba, "Kaghi nyuma yane risambwa!Totore amang'ana agha Waryobha, aghabhanto nkotorore." ³⁴Ghweki akabherekera abhana bhegha bhoonswehamwe,no okobhatebhya, "Omonto wowonswe ono akutuna kosorana, aiyange umwene, agheghe omosarabha ghwaye umwene asorane.³⁵Koora akutuna kosabhora obhohoru bhwaye narasiri,(na) wowonswe ono arasiri obhohoru bhwaye kukughirya yane (na) kukughirya ye ng'ana, narahone. ³⁶Nke ekomotorya omonto, kunyora ikyaro kyonswe,nukusirya obhohoru bhwaye? ³⁷Omonto nkyaaratore kurusya koreng'anya no obhohoru bwaye?³⁸Wowose ono ankosokera oni (na) amang'ana ghane kwe kora reno eryokosohera imighi ighya abhande nibhitimba, Omona uwa Adamu naremosokera omonto uyo hano arisha mobhohoreru bhwa Suwabho hamwe (na) abharaghe abhahoreru.

¹Akabhatebhya, " Mwitabherii mbatebhi, kobhenyu bhaho bhano bhatariosha uruku,kohokera obhokama bhwa Waryobha hano bhurisha kwanguru." ²Shinsiko isansabha hano shahetire, Yesu akaghegha Petro, Yakobo (na) Yohana bhakaghya kokekereghe, abhene, ghweki akaigharanshora mobhoronge bhwabho. ³Imyenda ghaye ghekamekameka bhokong'u ghekarabhera kokera ighyo omonto wowonswe ku kyaro keno.⁴Nho Eliya hamwe (na) Musa bhakarwera mobhoronge bhwabho, bhashumanshanga (na) Yesu. ⁵Petro akahonshora igha, 'Omoragherya, mbuya bheto tobhe hano, tohaghashe ibhighutu bhitato, ikemwe kebhe ikyaho, ikemwe kebhe ikya Musa ni kyende kebhe ikya Eliya." ⁶(Kobhora tiyare naryakoghambahe, mbobhohire bhokong'u.)⁷Risaro rekasha rekabhakundikirya. Obhoraka bhokarwa mwisaro mora, "Ono no omona wane omoghonshe. Mumwiteghere." ⁸Hayo hayo, hano bhamaghiremaghire, tebharoshe omonto uyowonswe bhanawe hamwehe, bhakatambera Yesu umwene.⁹Hano bhikanga kurwa mokekereghe, akabhakomerya bhatakatebhya omonto koghara bharoshe, hamwe Omona uwa Adamu hano ariryoka kurwa mobhaku. ¹⁰Kuigho eng'ana iyo mbayekoreye monkoro yabho. Ghweki mbashumanshire abhene ko bhene eng'ana eno ekorokya "Okorokya kurwa mobhaku"¹¹Bhakabhorya Yesu, "nkwake abhakonikoni bhaghamba Eliya atangate kusha?" ¹²Akabhatebhya, "Eliya aretangata kusha koreta amang'ana ghonswe. Nkwake yakonirwe igha Omona uwa Adamu anyore inyanko enene no okoreghwa? ¹³Naho ndabhatebhya igha Eliya nyishire, bhakamokora kera bhatunanga, kigho yakonirwe."¹⁴Hano bhahikire kobhanabhegha, bhakamaha abhanto abharu bhabhanari (na) abhakonikoni bharahangana nabho. ¹⁵Hano bhagheye korora Yesu abhanto bhoonswe bhakamokenyera komokerya. ¹⁶Akabhorya abhegha bhaye, "Nke mokohanganera nabho?"¹⁷Omonto uwomwe mobharu bhara akamohonshokerya, "Umweghya, ndetire omona wane kuuwe;anaekehwe keno kyamokora yabha rimumu, ¹⁸hano kyemoka keramughwesya hanse rihuro mumunywa no okotakunya amaino bhokong'u hano kimokire.Nasabha abhanabhegha bhaho kumurusya ekehwe kiyo, naho bhatamwa. ¹⁹Akabhahonshokerya, "Reno nekora reno ritakwitabherya, ninikara nabhenyu kohekerahe? Mbhaghomeri iyake?momorete kuoni."²⁰Bhakamoreta omona wikimura uyo. Hano ekehwe kyagheye korora Yesu, kekamoretera omona ora ikirighito. Omona uyo yaghoye hanse akarusya rihuro iryaruu mumunywa. ²¹Yesu akabhorya suwabho, "Yabhaigho kwi bhaghake?" Suwabho akaghamba, "Kurwa mubhwana. ²²Enkagha yende nkumughwesya kere momoro hamwe momanshe, nookosakya kumusikya. Nyore ono obhotoro bhobhonswe bhora otwabhere ototori."²³Yesu akamotebhya, "Nyore urikerya? Kera ekento nkokorekana kere koora akwitabherya." ²⁴Hayo hayo suwabho akongora ekero no okoghamba, "Nitabhereyi! Ntorya kukwanga kwitabherya kwane." ²⁵Enkagha eno Yesu yaroshe abhantoabharu bharamokenyera, akahamera ekehwe kiyo araghamba, "Uwe ekehwe ikimumu ne ikiribhu ikya amatwe, ndakohamera umurweko, otakamukyora ghweki."²⁶Kekakura nu ukumunyankya omona uwiikimura uyo kekemara kekamurwako. Umumuruyo akabha kyaono akure, abhanto abharu bhakaghamba igha, "Akure,' ²⁷Naho Yesu yamoghotire okobhoko akamwimokya, no omona akemera.²⁸Enka eno Yesu yasohire mwighutu, abhana bhegha bhaye bhakamobhorya kukumushamera, "Nkwake bheto totatore kurusya ekehwe kiyo?" ²⁹Akabhatebya, "ko temo eno tikikumurwakohe nkohekera amasabho aghene."³⁰Bhakarwa hara kohetera Galilaya.Temonto wowonswe yamanyire hano bharenghe, ³¹ko bhora yeghyanga abhana bhegha bhaye. Akabhatebhya, 'Omona uwa Adamu narahanerwe mobhanto, ghweki mbarimwita. Hano arikwa shinsiko isatohano sherehwa araryoka ghweki." ³²Naho tebhamanyereyihe, bhakobhoha komobhorya.³³Bhakahika Karperinaumu. Hano bhasohire mwighutu ryabho akabhabhorya, "Nke mware kushumanshera konshera"? ³⁴Bhakakira kiri. Kobhora bhahangananga konshera igha nawe omonene bhokong'u. ³⁵Hano yaikaye hanse akabhabherekera hamwe ikomi nabhabhere, akaghamba nabho, 'Ono wowonswe akutuna kotanga, nkehameryo abhe umusiti no omokori we emeremo gya bhoonswe.³⁶Akaghegha omona omoke akamotora mwighari. Akamoghegha komohaghata, akabhatebya, ³⁷"Ono wonswe akoghegha omona kyaono kurina ryane, nangeghire naoni, no ukunyora omonto anyitabhereyi takobha anyitabhereyi umwenehe nkunyorore naora yantoma."³⁸Yohana akabhatebhya, "umweghya twamaha omonto ararusya ekehwe kurina ryaho tokamokanya, kobhora titukumwitabheryahe." ³⁹Nho Yesu yaghambire, "Motakamokanya, kobhora ono arekora emeremo emenene kohetera irina ryane amare aghambe eng'ana yoyonswe engogho kuwoni.⁴⁰Ko ora atana kebhesere (na) bheto nko bheto are. ⁴¹Ono wowonswe arekohana ekekombe ikya amanshe aghukunywa kurina ryane uwe omohoreru ku Kristo, mbohene nkobhatebhya, tarebhora umukumohe.⁴²Ono arebhasirya uwomwe ko abhake oni ukwitema, ekabhaye bhuya abhoherwe reghena mwighoti arekerwe munyansha. ⁴³Hano okobhoko kwaho korakusiri kobhotore. Mbuya kughya ko obhohoru otana okobhoko kokera kosoha mobhohoru ona amabhoko ghonswe. Komoro "ghono ghotakurima". ⁴⁴("Ahase hano shinyende shetakukwa no omoro ghono ghotakurima ."te ghwa amakyoro gha karehe).⁴⁵Hano okoghoro kwaho korakotei, kobhotore. Mbuya kuuwe osohe mobhohoru ona okoghoro komwe, kokera okorekerwa nu ukukwa munyanko (na) amaghoro ghonswe. ⁴⁶(Ahase hano shinyende shetakukwa no omoro ghotakurima).⁴⁷Hano iriso ryaho rerakoteyi rirusimo. Mbuya ku uwe kughya Mobhokama ubhwa Waryobha ona eketong'o, kokera kobha (na) amaiso ghonswe no okotabhutwa ko hase ahaghogho bhokong'u. ⁴⁸Ahase hano shinyende shetakukwa no omoro ghotakurima.⁴⁹Ko bhora kera omonto narerongwa omonyo ughwa omoro. ⁵⁰Omonyo mmuya,nawe hano ghwaruha mukinyero nkosarya ghore, niyake oraghokore ghobhe omonyo umuya? Mobhe omonyo bhenyu ko bhenyu, ghweki mobhe no omorembe ko kera omonto."

¹Yesu akaemoka akarwa entahana iyo kughya korong'ongo urwa Uyahudi (na) humbhu yi ikyoro ikya Yordani,honswe abhanto bhakamosorana. Akabheghya ghweki, kya hara yarenge orosera rwaye kokora igho. ²Mafarisayo bhakasha no okosakya komobhorya igha, "Mbuya ghare omoteti kutighana (na) mokaye?" ³Yesu akabhahonshokerya igha, "Musa nke yabhatebhya?" ⁴Bhakaghamba, "Musa yaitabhereyi okokonakona ritashandighi iryo ukwahokanya no okobhorana omokari no umushasha."⁵No ukughira enkoro yenyu enkong'u nkyo kyaghire bhakakonakona ritashandighi irye emboreri iyo," Yesu akabhatebhya. ⁶"Naho kurwa ikyaro kebhombhwe, Waryobha yabhombire umushasha no omokari.'⁷Ku igho umushasha aratigha abhaibhori bhaye arabha hamwe (na) mokaye, ⁸kubhubhere bhwabho bharabha mobhere ghomwe; tebhakobha bhabherehe, nkobhabhare mobhere ghomwe. ⁹Ku igho keno keghoteni (na) Waryobha, omona wo omonto tokakyahokanyahe."¹⁰Hano bharenge mwighutu, abhanabhegha bhaye bhakamobhorya ghweki ko reno. ¹¹Akabhatebhya, "Ono wonswe ono arebhora mokaye nookoteta uwonde, uyo mmutwari. ¹²Omokari wonswe aratighe moghaka waye atetwe ahande uyo mmosorare."¹³Ghweki bhakamoretera abhana bhabho abhake okoreke abhakuni, abhegha bhaye bhakabhakanya. ¹⁴Hano Yesu yighure riyo akarera no okobhatebhya, "Mobhaitabheri abhana abhake bhashe ku oni, motakabharebhera, kobhora obhokama bhwa Waryobha no ubhwabho.¹⁵Obhohene nkobhatebhyande, ono amanyire obhokama ubhwa Waryobha kyo omona omoke mbohene toresoha mobhakama bhwa Waryobha. ¹⁶Akamara akabhaghegha abhana akabhahaghata no okobhanonka.¹⁷Hano yasimiri oroghendo rwaye omonto omwe akamokenyera akamuhighamera, akamobhorya, "Omwegha omohene, nkoreke okore nyore bhohoru bhokora no obhokora?" ¹⁸Yesu akaghamba, "Nke kighire omberekeye omohene? Omohene tahohe, Waryobha umwene we omohene. ¹⁹Omanyire imyahokanyo: 'Otakaita, otakasohera, otakaibha, otakahamerya omonto obhorongo, otakang'aina, soka suwenyu (na) mayo wenyu'."²⁰Omonto ora akaghamba, "Umweghya, ghano ghonswe naghasoka kurwa nkerenge mumura." ²¹Yesu akamomahera no okomohansha. Akaghamba, "Orasoherwa kento kemwe. Mukumo oghori bheno onabhyo otwenere abhataka, okoreke unyore emongo iya kwisaro. Omanye kuntuna." ²²Naho akatuna kukwa enkoro ko amang'ana ghano; akarusyaho riyo abha asorombaye akaghya bhwaye asorombaye, kobhora yarenge ne ebhento ibhyaru.²³Yesu akamahamaha ntahana shyonswe akatebhya abhanabhegha bhaye, "Mbokong'uke kerengereke ku umwame kosoha ko obhokama ubhwa Waryobha! ²⁴Abhanabhegha bhakaroghoribhwa (na) amang'ana ghano. Nawe Yesu akabhatebhya ghweki, "Abhana nkekong'u kerengereke kosoha mobhokoma ubhwa Waryobha! ²⁵Mbunyohu engamia koheta mwibhanga erinsindani, kokera umwame kosoha mo obhokama bhwa Waryobha."²⁶Bhakatong'ara bhokong'u bhakashamerana, "Ku igho nawe ariryokibhwa" ²⁷Yesu akabhamahera akaghamba, "Ko omona wu mwiro tekeho keno kekotorekanahe,te ko Waryobhahe. Kobhora ko Waryobha ghonswe nkobhaghare." ²⁸Petro akasimya kushumansha nawe, "Maha twatigha bhyoonswe tokakosorana."²⁹Yesuakaghamba, "No obhohene nkobhatebhya, taho ono yatighire righutu, hamwe mura wabho, hamwe musubhati wabho, hamwe mayo wabho, hamwe suwabho, hamwe abhana, hamwe rirobha, kukughirya yane, no kukughirya ye eng'ana, ³⁰omosabhi tarinyora kotamboka righana bhokong'u kokera enkagha iya bhono igha: righutu, mura wabho,musubhati, mayo, abhana, ne rirobha, ko hamwe (ni) nyanko ne shinsiko ishya mbere, obhohoru ubhwa bhokora no bhokora. ³¹Naabharu bhano bhatangatire mbarebha abha ikihiko (na) abha ikihiko mbaretangata."³²Hano bharenge konshera, kughya Yerusalemu, Yesu yarenge abhakangatire. Abhanabhegha bhakaroghora, (na) bhara bhabhasorananga ikihiko kyabho mbobhohire. Nho Yesu yabhaheniri bhara ikomi nabhabhere akasimya kobhatebhya keno keremunyore bhongo hano: ³³"Rora toraghya tuhike Yerusalemu, no omona uwa Adamu arihikibhwa ko abhaimereri abhanene(na) abhakonikoni, bharemohokomera kukwa no okomotora ko abhanto abhakebhara. ³⁴Mbarimwanga, mbarimutwera amate,mbaremotema shinyimbo nu ukumwita. Nawe kushinsiko isato nareryoka."³⁵Yakobo (na) Yohana, abhana bha Zebedayo, bhakamushako no okoghamba, "Umweghya, toratuna otokore kera tokosabha." ³⁶Akabhatebhya, "Nke mukutuna mbakore?" ³⁷Bhakaghamba, "Twitabheri twikare(na) uwe mobhohoreru bhwaho, omwe mwobhoryo bhwaho uwonde bhomosi bhwaho."³⁸Naho Yesu akabhahonshora igha, "Temomanyire keno mokosabha. Moratora kukinywera ekekombe keno ndinywera hamwe okoghomerya isubho yane eno ndisubhwa?" ³⁹Bhakamotebhya, "Toratora" Yesu akabhatebhya, "Ekekombe keno ndinywera, murikinywera. Niisubho eno ndesobherwa, moreyeghomerya. ⁴⁰Nawe ono arikara bhoryo hamwe bhomosi bhwane toni ndimurusyahe, naho nkobhara bhano bhahorwa."⁴¹Abhegha ikomi bhara hano bhaighure ghayo bhakasimya korera bhokong'u Yakobo (na) Yohana. ⁴²Yesu akabhabherekera no okoghamba, " Momanyire bhara bhakuitegherwa bhayo mbaregheghwa bhabhe abhanene abha abhanto abhi ibhyaro, bharetonga abhanene no okobha (na) obhotonge kobho."⁴³Naho tekotonerwa kobha igho he. Wowonswe ono arebha motangati mukumo abhe omoghorwa wenyu. ⁴⁴Wowonswe ora arebhatangata mukumo abhe omoghorwa wenyu bhoonswe. ⁴⁵Kobhora Omona uwa Adamu tiyaishire kokorwahe yaishire kokora. Nu ukurusya obhohoru bhwaye ko bharu."⁴⁶Bhakasha Yeriko. Hano yarwanga Yeriko (na) abhana bhegha bhaye (na) rikomo rinene irya abhanto, omona uwa Tmayo, Batimayo, umuhukuru ono yasabhanga, yaikae momokora ughwa ribharabhara. ⁴⁷Hano yaighure igha Yesu Mnazareti, akasimya kokonga no okoghamba igha, " Yesu Omona uwa Daudi nyabhera!" ⁴⁸Abharu mbakiri umuhukuru ora bharamotebhya kira. Nawe yakongire ko obhoraka obhonnene, "Omona uwa Daudi, nyabhera!"⁴⁹Yesu yaimereye akabhatebhya abherekerwe. Bhakamobherekera umuhukuru ora, bharaghamba, 'Kabhe omohangaru! Emoka! Yesu arakobherekera." ⁵⁰Akarekera mbareka isumati yaye, akabhuruka ighoro, akaghya ko Yesu.⁵¹Yesu akamohonshora no okoghamba, "Nke ukutuna nkokore?" Umushasha umuhukuru ora akaghamba, "Umweghya, ndatuna ndore." ⁵²Yesu akamotebhya, "Kaghi. Umughiro ghwaho ghukuhweniri."Hayo hayo amaiso ghaye kamwe igho ghakaramokya no okomaha; (na) akamosorana Yesu konshera.

¹Bhono hano bhahikanga Yerusalemu, hang'e kuhika Besthfage (na) Bethania, kokekereghe kye emezeituni, Yesu akabhatoma bhabhere kurwa mobhano bheghibhwa bhaye. ²ghweki akabhatebhya, "Mughi ko rong'ongo rono mwikaraini.Hano murihika, morenyora ekemori ikya itikere keno ketararinwako. Moketanshore mokerete kuwoni. ³Nyore moresabhwa no omonto, 'Nkwake mokokora igho? Moratora koghamba, 'Omonene we akukituna nkerikyoribhwa hano'."⁴Bhaghya bhakanyora ekemori ikitikere kebhohirwe kebhara mokeseku konshera enene nabho bhakaketanshora. ⁵Abhanto abhamwe bhano bharenge bhaimereye hara bhakabhatebhya, "Nke mokokora, kotanshora ekemori ikya itikere kiyo?" ⁶Bhakabhatebhya kigho Yesu yabharagherei, (na) abhanto bhakabhatigha bhakaghya.⁷Bhakakereta ekemori kera ku Yesu bhakarya imienda ghyabho akaikarako. ⁸Abhanto abharu bhakarya imienda ghyabho konshera, abhande bhakarya amasagharya aghamato ghano bhabhoye momeghondo. ⁹Bhara bhamotangateye (na) bhano bhamosoraini mbakonganga, "Hosana! Yanonkirwe ono akusha kurina iryo Omonene. ¹⁰Ononkirwe no obhokama bhono tokoghanya ubhwa tata Daudi! Hosana ighoro kwisaro"¹¹Ghweki Yesu akasoha Yerusalemu akasoha mwisengero akarora kera ekento. Bhono, enkagha warenge ogheye akaghya Bethania hamwe nabho ikomi na bhabhere. ¹²Inkyo yako hano bharwanga Bethania, akaighwa umweko.¹³Akarora omote ghona amato (kwa) hare, akaghwesokera akanyora shehagho teshekohe. Akanyora namato aghene kobhora tiyarenge enkagha yu kwamahe. ¹⁴Akaghotebhya, "Taho ono arerya ehagho kurwa konohe" .Abhana bhegha bhaye bhakaighwa.¹⁵Bhahike Yerusalemu, akasoha mwisengero nu ukusimya koroshokya kebhara abhashurushi (na) abhaghori bhano bharyanga mwisengero muyo. Akagharanshora shemesha ishya bhano bhaswenanga shehera niibhitumbe bhya bhano bhaghoryanga shinguti. ¹⁶Tiyitabhereyi bhaghenderi koghorya morahe.¹⁷Akabharagherya no okoghamba, "Igha teyandekirwe risengero ryane rerebherekerwa righutu irya amasabho ku ibhyaro bhoonswe'? Naho morekore (ni) sana irya abhasaki abhe bhento". ¹⁸Abhaimereri abhanene (na) abhakonikoni bhakaighwa ghano yaghambanga,nabho bhakatuna enshera yu ukubhasikya.Ghweki bhakobhoha kobhora abhanto mbaroghore (na) ameghyo ghaye ghayo. ¹⁹Hano yahikire moghorobha, bhakarwa mumughi.²⁰Hano bhaghendanga kunkyo hayo, bhakarora omote ghwo mtini ghono ghwihimirwe ghomire nunyora nimiri ghyonswe. ²¹Petro akahita no okoghamba, "Tata! Maha, omote ghora waihimire ghooma".²²Yesu akabhahonshokerya, "Mobhe nimighiro ko Waryobha. ²³Mwitabheri nkobhatebhande igha ko kera ono akoghambera ekekreghe keno, 'Kirweho, airekere umwene momanshe, 'ghweki tana masoro monkoro yaye nawe araitabherya igha keno aghambire, nigho Waryobha arekora.²⁴Ku igho ndabhatebhya: ghonswe ghano mokosabha, mwitabheri igha moghanyore, ngarabhe aghenyu. ²⁵Hano mwemera no okosasama, mwabhere kera ekento keno monakyo, okoreke Suwenyu ono arenge kwisaro abhabhere amasaryo ghenyu bhoonswe. ²⁶(Naho hano motabhabheye, kura Suwenyu uwa kwisaro tabhere ibhitimba bhenyuhe).²⁷Bhakakyora kughya Yerusalemu ghweki. Yesu hano yaghendaghendanga mwisengero, abhaimereri abha risengero abhanene, abhakonikoni (na) abhaghaka bhakamushako. ²⁸Bhakamotebhya, "Nko obhotonge orakora amang'ana ghano?" Newe yakohana obhotoro obhwo kokora ghano?"²⁹Yesu akabhatebhya, "Nendabhabhori eng'ana emwe. Montebhi (na) oni nendabhatebhi nkobhotonge ke nkokora amang'ana ghano. ³⁰Isubho iya Yohana yarure kwisaro kasi nko omona wu mwiro? Monhonshokiri."³¹Bhakabhoryana abhene ko bhene no okogha, "Hano toraghambe, 'Kukurwa kwisaro; naraghambe, 'Nkwake motamwitabhereyi?' ³²Naho hano toraghambe, 'kurwa ko omona wu mwiro;..."Bhakobhoha abhanto,kobhora mbaiteghereye igha Yohana yarenge Omoroti. ³³Nho bhamohonshokeyi Yesu no okoghamba, "Tetomanyirehe.Nho Yesu yabhatebhiri, "Nunyora noni tembatebhi nkwa bhotoroke ndakora amang'ana ghano.

¹Ghweki Yesu akasimya kobheghya ko bherengyo. Akabhamba, "Omonto akemya omoghondo oghwo mizabibu, akaghoghetera, akatuka ubhwina ko kehameryo ikya amarwa. Akahaghasha omonara akamara akaghohana kuibhagha ike omoghondo ughwa mzabibu. Ghweki akagha oroghendo urwa hare. ²Enkagha hano yahikire, akatoma omokori waye uwe emeremo ko abheremi abhe mizabibu bhakanyora kurwa kobho shehagho. ³Naho bhakamoghota, bhakamotema, no okomokenya bhosa bhosa igho.⁴Gweki omokori we emeremo uwonde akamotoma, bhakamunyahara komotwe no okomokora agha shensoni. ⁵Gweki akatoma uwonde nu uwomwe uyo bhakamwita.Bhabhakoreye abhande abharu amang'ana kya ghayo ghayo, bhakabhatema abhande nokobhaita.⁶Yarengeho omonto omwe bhokong'u owokotoma, omona omohanshe. Wonswe akbha ng'we yamareribhwi kotomwa kobho. Akaghamba, "Mbaresoka omona wane". ⁷Ghweki abharemi abha mizabibu bhakatebhanya, "Ono uwe omoghabhi. Mushe, tumwite, engabho erebha iyeto."⁸Bhakamobhasha, bhakamwita, bhakamotabhuta kebhara yo omoghondo ogho mizabibu. ⁹Ku igho, nkearakore omoghambi owe meghondo ghye mizabibu? Narashe abhasiki abharemi abhe mizabibu no okoghabhya emeghondo ghiyo kobhande.¹⁰Temorarora kigho bhakonakonahe?" Reghena reno abha haghashi bhangire ryahaghasherwa mbareka. ¹¹Reno ndyarwa ko Omonene, ndyakoroghorya momaiso gheto." ¹²Bhakatuna koghota Yesu, naho bhakobhoha ubhwaru ubhwa bhanto bhakamutigha bhakaghya.¹³Bhakatoma abhamwe abha mafarisayo (na) maherodia kumwene okoreke kigho araghambe. ¹⁴Hano bhahikire, bhakamotebhya, "Umweghya, ntomanyire igha uwe mohenore tokoteibhwahe, ko bhora tona bhwibhagherihe, oraragherya obhoronge ubhwa Waryobha ko obhohene. Bhono! Mbohene okotobhesya righoti ko Kaisari hamwehe? Mbohene turusi hamwe tutighe? ¹⁵Yesu akamanya iniko yabho akabhatebhya, "Nkwake mokonsakya? Mong'ane shimbirya ndemahe reno."¹⁶Bhakareta omwe ku Yesu, Akabhatebhya, "Nkesose (na) amandeko ghawe ghano ghahano? Bhakaghamba, " Agha Kaisari." ¹⁷Yesu akabhatebhya, "Mohane Kaisari ebhento ibhyaye (na) Waryobbha ebhento ibhya Waryobha. "Bhakamoroghora.¹⁸Nho amasadukayo, bhano bhakoghamba ko ryooka tekohohe, bhakamughyako. Bhakamobhorya, nokoghamba, ¹⁹Umwegha Musa yatokoneye igha, 'Hano wamwabho omonto yakwa atighe omokari ono atarebhora omonto nko gheghare mokawamwabho, (na) abhana bhara akunyorako mbha wamwabho ora;²⁰Mbarengeho abhendemwe muhungate,omotangi akaghegha omokari akamara akakwa, tiyatighire abhanahe. ²¹Uwakabhere akamoghegha wonswe akakwa tiyatighire bhanahe. Uwakatato wonswe bhuyobhuyo tiyatighire bhanahe. ²²Bhonswe muhungate tebhatighire bhanahe. Omokari ora wonswe akakamba akakwa. ²³Enkagha yo okoryoka bhareryoka ghweki, igha! Arebha mokawe? Kobhara bhonswe muhungate mbamotetire."²⁴Yesu akabhatebhya, "Eno tikukughirya yenyu kosarya, kobhora temomanyire amandeko neshinguru sha Waryobha he?" ²⁵Hano bhareryoka kurwa mobhaku, tebharetetahe nunyora nkotetwahe, mbarebha kya abharaghe mwisaro.²⁶Nawe, ko bhaku bhano bhakoryokibhwa, nighaa! Temorasoma eketabho kya Musa, ko mang'ana aghe ekesaka, bhora Waryobha yaghambire nawe akamotebhya, 'Noni Waryobha uwa Abrahamu, (na) Waryobha uwa Isaka, (na) Waryobha uwa Yakobo?' ²⁷Tarenge Waryobha uwa bhakuhe, nu wabhano bhakwighwa. Mohaghire bhokong'u."²⁸Uwomwe uwa bhakonikoni akasha kwiteghera amashumansho ghabho; akarora Yesu nabhahonshokeyi bhyuya. Akamobhorya, "Bhono! nehamo ke iyu umukumo bhokongu kokera ishyende?" ²⁹Yesu akamohonshokerya, "Iyumukumo bhokong'u neno, "Ighwa, Israeli, Omonene Waryobha weto, Omonene nomwe. ³⁰Nkehameryo ohanshe Omonene weto Waryobha, konkoro yaho yonswe, ko amaiteghero ghaho ghonswe, kobhongo bhwaho bhonswe, nakushinguru shaho shyonswe.' ³¹Ehamo iya kabhere neno, 'Mukumo ohanshe nyarobheri waho kigho wihanshire umwene.' Teho ehamo yende kokera sheno."³²Omokonikoni akaghamba, "Mbuya umweghya! Oghambire obhohene igha Waryobha nomwe, ghweki taho wonde komokerahe. ³³Okomohansha umwene ko nkoro yonswe, nakobhomanyi bhoonswe, nakushinguru shonswe, nokohansha nyarobheri waho kobhora ukwihansha umwene, nkokera imituho ghyoonswe naghera aghikimwenso." ³⁴Enkagha hano Yesu yaroshe ahonshokiri bhuya, akamotebhya, "Torenge harehe no obhokama ubhwa Waryobha." Temonto yakarehire kobhorya Yesu ng'ana yoyonswehe.³⁵Yesu akabhahonshokerya, enkagha yeghyanga mwisengero, akaghamba, " Bhono! enke kebhaye abhakonikoni bharaghamba igha Kristo mmona uwa Daudi? ³⁶Daudi umwene ko Enkoro Ehoreru akaghamba, ' Omonene yaghambire ko Omonene waye, ikara bhoryo bhwane, kohekera hano ndetora abhabhisa bhaho momaghoro ghaho.' ³⁷Daudi umwene nkomobherekerare Kristo, 'Omonene' Bhono omona uwa Daudi kuighake?" Rikomo rinene irya abhanto bhakamwiteghera ku ubhushomerwa.³⁸Ko meghya agha Yesu akaghamba, "Mwirihe nabhakonikoni, bhano bhakwighomba koghenda bhaibhohire imyenda emetambe no okokeribhwa mometera ³⁹bharikara kubhitumbe ibhya abhaimereri momasengero (na) momagheni (na) ahesoko. ⁴⁰Ghweki bharerya momaghutu gha bhasino bhasabha amasabho amatambe okoreke abhanto bhabhamahe. Abhanto bhayo mbarekengerwa ikina ekekong'u."⁴¹Yesu akamara akaikara hanse hang'e (na) risandeko irituho mwisengero muyo; yamahanga abhanto bhano bhatoranga shimbirya mwisandeko muyo. Abhanto abharu abhame mbatoremo shimbirya nsharu. ⁴²Ho yahetiri omokari umusino akarusya shimbirya sheno shareng'aini ne hera emwe.⁴³Akabherekera abhana bhegha bhaye akabhatebhya, "Mwitabherya ndabhatebhya igha, omokari umusino ono mmotaka arusiri umutuho ghwaye omonene mwisandeko iryu umutuho. ⁴⁴Mbonswe bharusiri koreng'ena ne ekerengere kya ubhunyori bhwabho. Naho umusino ono, kurwa mobhohabhe bhwaye, arusiri ehera yonswe eno akamotoreyi ko obhohoru bhwaye."

¹Yesu hano yaghendanga kurwa mwisengero, uwomwe uwa abhanabhegha akamobhorya, "Umweghya, maha amaghena ghano (na) amahaghasho gharakoroghorya!" ²Akamotebhya, Oramaha amahaghasho ghano mmanene? Tereho reghena reno reresagha ku ryendehe reno retareghwesibhwa hanse".³Hano yarenge aikae Kokekereghe kya Mizeituni ukutigha risengero, Petro, Yakobo, Yohana (na) Andrea bhakamobhorya kukibhisire, ⁴"Totebhi, amang'ana ghano gharisha rohe? Nkerengyoke kerebhaho?"⁵Yesuakasimya komotebhya, " Mwirihe omonto atakabhateiya. ⁶Abharu mabharisha kohetera irina iryane bhareghamba, 'Noni ono', bhareteiya abharu.⁷Hano murighwa amang'ana agha rihe ning'urusa iya rihe, motakobhoha; amang'ana ghano ngarebhaho, ikihiko nkyo ketarihika. ⁸Gweki ikyaro nkeremokera ikyaro kyende, no obhokama bhoryemokera obhokama bhonde. Ibhirighiti mberebha kera hase, inshara. Ghayo gharebha ki ibhinyonyi ibhyoobhosongo.⁹Mwirihe. Mbarebhahikya munshama, moretemerwa momasengero. Murimeribhwa mobhoronge ubhwa ubhabhaka kukughirya yane, kiyo nkyo ikyorokeryo kyabho. ¹⁰Nkehameryo eng'ana ishe kotabheribhwa ku bhyaro bhyonswe.¹¹Hano bharebhaghota no okobhahana, motakasha kobhora rera moreghamba. Kokobha nkokangha iyo morehanwa keno moreghamba; temorebha mbenyu mokoghambahe ne Enkoro Ehoreru. ¹²Umuhiri naremosohya kukuina kyu ukwitwa, umwibhori narekora omona waye iniko yu ukwitwa. Abhana bhoonswe mbarekonerwa abhaibhori bhaye ukwitwa. ¹³Morererwa nakera omonto kukughirya iya iria ryane. Naho areghomerya kuhika kukihiko, omonto uyo aresabhorwa.¹⁴Hano moremaha obhoghogho ubhwa amasaryo bhwimereye hanohatare (ono akosoma nigha amanye), nho bhara bharenge Yuda bharekenyera mokekereghe, ¹⁵naora arenge ighoro ko rosara atakasha kwika monse,nunyora nkoghegha ekento ikya kebhara, ¹⁶naora arenge momoghondo atakasha kukyora koghegha ingibho yaye.¹⁷Naho mohoko ghwabho abhakar iabhenda nabhano urinyora bharaghonkya ku shinsiko shiyo! ¹⁸Mosabhe igha etakasha kobha igho enkaghaiye embeho. ¹⁹Kobhora nsherebha shinsiko ishi inyanko enene, eno etakabhayeho kurwa kigho Waryobha yabhombire ikyaro keno, terebha igho ghwekihe. ²⁰Singa Omonene akasuhiri shinsiko shiyo, takatokire omonto ono akutunguribhwahe, kukughirya iya abhahoreru mbaitore kusuhya shinsiko shiyo.²¹Ko enkagha iyo nyore omonto wowonswe ora nabhatebhya, "Momahe Kristo hanoare!' Hamwe rora, nhayo are!' motakaitabherya. ²²Nkoora Umukristo uwo obhorongo no omoroti owo obhorongo mbarisha nokokora ebherengyo ibhyo okoroghorya, okore bhabhang'aine nunyora nabhahoreru. ²³Mwirihe, mbatebhiri ghano enkagha etarahika.²⁴Naho hano inyanko iya shinsiko shiyo, iryobha nderebha ikisunte, umweri teghorebharahe, ²⁵ibhinyonyoni mbereghwa kurwa ighoro kwi saro, shinguru ishya kwisaro nshirisingisa. ²⁶Hayo nho Omona uwa Adamu arika kurwa mwisaro no obhohoreru ubhwaru. ²⁷Nho aretebhya abharaghe mokomanyi abhahoreru bhoonswe kurwa shentahana shonswe ishi ikyaro, hano ikyaro kyasimiyi no okohekera kwisaro.²⁸Mweghe kukurwa ko omote. Hano risagharya ryasimya kosebhoka, momanye enkagha iyo emaho ihikire. ²⁹Bhuyo bhuyo, hano morerora ghayo gharakoreka momanye ahikire mukihita.³⁰Mbohene, ndabhatebhya, rekore reno terereheta amang'ana ghano ghatararorwahe. ³¹Risaro nikyaro mbereheta naho amang'ana ghane tegharehetahe. ³²Naho kurusiko nenkagha iyo, taho ono aremanyahe, nunyora nabharaghe mwisaro iyo. hamwe Omona, Ntata umwene.³³Mwirihe, Momahe, kobhora nenkaghake. ³⁴Nkyo omonto ono anooroghendo, aratigha waye noukutigha abhakori bhawaye abhemeremo bhabhe abhimereri bhaye, kera omwe no omoremo ghwaye. No okotebhya omorendi aikare maiso.³⁵Bhono mobhe maiso!Kobhora temomanyire rono mwene mughiarekyora ka waye,nokanyora nko moghorobha, mubhutiko ubhushibhe,hano esarighoko ereraghora, hamwe nkunkyo. ³⁶Hano arashe kwakotakya atakanyora oraye. ³⁷Keno nko bhatebhya nkotebhyande kera omonto: Motakarara

¹Sharenge shesaghire nsiko ibhere kohekera urusiko orwoe epasaka ne mekate gheno ghetatondoye. Abhaimereri abhanene nabhakonikoni mbatunanga kigho bharaghote Yesu nu ukumwita ko ekebhesere. ²Nkobhora bhaghambanga, "Te nkagha yi nyangihe, abhanto bhatasha kokora rihe."³Enkagha eno Yesu yarengenga Bethani (wa) Simoni omoghenge, hano yetoghekire komensha, omokari omwe akamweshera anainshubha iya amaghuta amarangasu aghe ekerengere ekenene, akatya inshubha era akamwetera nardo ko motwe ghwaye. ⁴Naho nho abhamwe bharereye. Bhashumanshe abhene ko bhene nokoghamba, "Nke keraghire amaghuta amarangasu ghano ghasire? ⁵Ngaratore koghoribhwa shimbirya maghana atato, no okohanwa abhataka." Ghweki akabhakanya.⁶Naho Yesu akaghamba, "Mumutighe. Nkwake mukumunyankya?Neng'ana nshiya ankoreye. ⁷Shinsiko shyonswe mona abhataka, naenkagha yonswe hano mwighomba motore kobhakora amaiya, nawe temorabha naoni nkagha yonswe he. ⁸Nakore kera akotora: ahakire omobhere ghwane amaghuta agha abhaku. ⁹Ndabhatebhya obhohene, kera ahase hano eng'ana ekotabheribhwa ku kyaro kyonswe, kera akore omokari ono nkererengibhwa.¹⁰Ghweki Yuda Iskariote, mobhara ikomi nabhabhere,akaghya ko abhaimereri abhanene okore abhahane kobho. ¹¹Enkagha eno Abhanene bhaighure igho, mbashomeywe bhakamoragha komoha shehera. Akasimya kutuna umweya okobhahana kobho.¹²Ku urusiko orotanga urwe emekate gheno ghetana obhotondoru, enkagha eno bharusiri ikimwenso ikye epasaka, abhanabhegha bhaye bhakamotebhya, "Oratona tughi kosereneniyahe ibhyakorya ibhya epasaka?" ¹³Akaragherya abhana bhegha bhabhere no okobhatebhya, "Mughi mumughi,umusha ono agheghire esengo iya amanshe morasikane nawe. Momosorane. ¹⁴Righutu reno arasohe, momosorana ghweki motebhi mwene ighutu riyo, 'Umweghya aghambire, "Hekerenge ikinyumba ikya abhagheni keno ndinyera epasaka nabhana abhegha abhane?"¹⁵Narabhoroki ikinyumba ekenene ikighoro keno keserenibhwi. Mohasereni kukughirya yeto." ¹⁶Abhana bhegha mbaimokire bhakagya mumughi, bhakanyora nkya bhora yabhatebhiri, bhakaserenya ibhyakorya ibhye epasaka.¹⁷Enkagha yo omoghorobha akasha naikomi nabhabhere bhara. ¹⁸Hano bhatunire kohekera emensha korya, Yesu akaghamba, "Mbohene ndabhatebhya ko bhano tokorya nabho hano owomwe wenyu narankore iniko." ¹⁹Bhoonswe mbarereye, nakera omwe yamotebhiri, " Mbohene tonihe?"²⁰Yesu yabhahonshokeyi no okoghamba, "Mobhenyu ikomi nabhabhere, uyo bhono tokotongerya kitubha kemwe. ²¹Kobhora Omona uwa Adamu narighya kigho yaragheywe. Nawe mohoko ghwaye ora okobhoko kwaye kurinyankya Omona uwa Adamu! Ekabhaye bhuya ku mwene hano omonto uyo akangire kwebhorwa."²²Hano bharyanga Yesu akaghegha omokate, akaghosabhera, akaghosonora.Akabhahana araghamba, "Mogheghe. Ghono nomobhere ghwane." ²³Akaghegha ekekombe, akasasama akaherya bhonswe bhakanyweramo. ²⁴Akabhatebhya., "Ghano mmanyinga ghane agha riraghano amanyinga ghano kughirya iya abharu. ²⁵Mbohene nkobhatebhya, tindinywa ghweki ko omote ghono oghwo mzabibu kohekera rora ndinywa bhohya mobhokama ubhwa Waryobha."²⁶Hano bhamare koretya, bhakaghya kebhara kokekereghe ikya Mizeituni. ²⁷Yesu akabhatebhya, "Bhenyu bhoonswe murinyahokako, kobhora ndyakonwakonwa, 'Nendetema umwimereri namang'ondi ngarenyaraghana.'²⁸Nawe hano nderyoka, nendebhatangatera Galilaya." ²⁹Petro akamotebhya, "Nokanyora bhoonswe mbarikutigha, oni tindikutighahe."³⁰Yesu akamotebhya, "Mbohene nkokotebhya, rero nitabhereyi mu bhutiko bhono bhono, esarighoko etararaghora kukyora kabhere, noranyore unyikanire katato." ³¹Naho Petro akaghamba,ko okokomerya, "Nyore nkehameryo nkwe nauwe, tenkwangehe." Bhonswe bhakaraghanya bhuyo bhyuyo.³²Bhakahika ahase hano hakobherekerwa Gethsemane, Yesu akabhatebhya abhanabhegha bhaye, "Mwikare hano enkagha eno nkosasama." ³³Akabhaghegha Petro, Yakobo, (na) Yohana hamwe nawe, akasimya koghondobhera nu ukunyanka bhokong'u. ³⁴Akabhatebhya, " Ndaroghora bhokong'u, kohekera kukwa. Naho mutighare hano mwikare kyo."³⁵Yesu akaghya ritamboka ike, akaghwa hanse, akasasama, hano ekatorekaini, enkagha eno nekamwirihire. ³⁶Akaghamba, "Aba,Tata, Amang'ana ghoonswe nkokorekana ghare ku uwe. Ndusiryaho ekekombe keno. Naho temaigha ghanehe, mmaigha ghaho."³⁷Akakyora kobhabherekera akanyora mbaraye, akatebhya Petro, "Simoni, noraye? Tewatore kwikara nunyora nko nkagha emwehe? ³⁸Motakarara mosasame motakasoha momasakyo. Mbohene enkoro yitabhereyi, naho omobhere mmorosu." ³⁹Akaghya ghweki kosasama, akaghamba amang'ana gharaghara.⁴⁰Hano yakyore akanyora mbaraye, kobhora amaiso ghabho ngarenge gharitohire tebhamanyire keno bharamotebhihe. ⁴¹Akakyora urwa katato akabhatebhya, "Mmokeraye nu ukumunya? Ghaisire! Enkagha ihikire. Roora! Omona uwa Adamu alinyankibhwa momabhoko agha abhibhitimba. ⁴²Mwemoke, tughi. Momahe igha umuniko wane nhang'e are."⁴³Hano yarenge akeghamba, Yuda, omwe uwa abhara ikomi nabhabhere, akahika, narikomo irinene irya abhanto bhano bharenge namasabha (na) amarungu kurwa ko abhaimereri abhanene, abhakonikoni nabhaghaka. ⁴⁴Enkagha iyo umuniko okanyora abhorokiri ikyorokyero, araghamba, "Ono ndihumbata uwe. Momoghote mumuhire mubhwangari." ⁴⁵Enkagha eno Yuda yahikire, hayo hayo akaghya ku Yesu nokoghamba, "Omoragherya!" Akamuhumbataa. ⁴⁶Hayo hayo bhakamotora mubhwangari no okomoghota.⁴⁷Nawe uwomwe wabho ono yimereye hang'e nawe akinyokya risabha ryaye akatemera omokori we emeremo uwo omonene akabhotora okotwe. ⁴⁸Yesu akamotebhya, "Mwishire kongota mona amasabha (na) amarungu kyo omosaki? ⁴⁹Nahano kera enkagha narekobhanga hamwe nabhenyu ndeghya mwisengero, temwangotirehe. Naho reno ndekorwe bhora obhokonikoni bhwana mbwaraghirwe bhuhike. ⁵⁰Nabhara bhoonswe bharenge (na) Yesu mbamutighire bhakakenya.⁵¹Umumura omwe ono yarenge aibhohire inghibho obhoghongwe ubhwene, akasorana Yesu.Hano yaghotirwe ⁵²akatigha ingibho era akakenya kenabhi.⁵³Bhakahira Yesu ku umwimereri omonene. Bhakaikomaneryaho abhanene (na) abhaimereri bhoonswe, abhaghaka nabhakonikoni. ⁵⁴Petro yamosoraini Yesu ko hare, kobhata morobhagho orwo umwimereri omonene, akaikara hamwe nabhanene, arenge kukyoto arota omoro.⁵⁵Enkagha iyo abhanene bhoonswe ne ensango yonswe iya Abhayahudi mbatunanga abhu kumushuta okoreke bhamwite Yesu. Nawe tebhanyore ono yamushutirehe. ⁵⁶Kobhora abhanto abharu abharu mbamwihamereyi, tebhwatubhainihe.⁵⁷Abhamwe mbamorongohiri, bharaghamba, ⁵⁸"Ntwamwighure araghamba, 'Nderesarya risengero reno ryakorwa namabhoko, rehaghashwe iryende ku shinsiko isato reno retarehaghashwa namabhoko."' ⁵⁹Honswe hayo ubhushuti bhwabho tebhwatubhainihe.⁶⁰Umwimereri omonene akemera ghate yo orobhansha akabhorya Yesu, "Tona, ehonshokyohe? Abhanto nke bhakwiteghera ku uwe?" ⁶¹Naho akakira bhukiri teyahonshoye kentohe. Gweki Umwimereri omonene akamobhorya, "Nuwe Kristo, omona uwa Waryobha ono yitabheribhwa?" ⁶²Yesu akaghamaba, "Noni ono. Norerora Omona uwa Adamu aikaye bhoryo ubhwa shinguru arasha (na) amasaro kurwa mwisaro."⁶³Umwimereri omonene bhakatandora tandora imyenda ghaye no okoghamba, "Tukituna abhashuti abhande?" ⁶⁴Obhoseri bhuyo mwibhughure. Iyake moroshe?" Bhoonswe bhano bhamokengeye kya bhora bharoshe umuniko waye aramokoora. Bhonswe bhakamokengera igha nigha akwe kuigho rumushomeye akwe. ⁶⁵Abhamwe bhakasimya kumutwera amate nukumukundikirya mubhusyo eno bharamotema no okomotebhya, "Rota!" Bhakamoghegha no okomotema.⁶⁶Enkagha iyo Petro yarenge yishabhire morobhagho, omokori uwe emeremo omwe uwa abhakari uwa abhakori abha umwimereri omonene akamushako. ⁶⁷Yaroshe Petro hano yarenge yimereye arota omoro, akamomahera ko hang'e no okoghamba, "Uwe wonse Mnazareti ware, Yesu". ⁶⁸Nawe akaikana araghamba, "Temanyire ghweki temanyire keno okoghambahe!" Akamara akarwaho akaya akahika mukihita esarighoko ekaraghora.⁶⁹Nawe omokori we emeremo uwe ekekari akamorora nokobhatebhya bhara bharenge bhaimereye hara, "Omonto ono mbamwe na bhara!" ⁷⁰Ghweki akaikana. Hakigho bhara bharenge bhaimereye hara mbatebhyanga Petro, "Mbohene nhamwe ore nabho, kobhora uwe wonse Mgalilaya ore."⁷¹Nawe akasimya kwetora momaihimo nu ukutyana, "Temanyire omonto ono akoghambwa." ⁷²Esarighoko ekaraghora urwa kabhere, hayo nho Petro yahitire amang'ana ghano Yesu yamotebhyanga: "Nurinyikana urwa katato esarighoko etarabha koraghora urwa kabhere." Naakatora ekero.

¹Kunkyo shiri abhanene abharisengero abhaghaka abhakonikoni niinshama yonswe iya Wayahudi bhaitabheranya ko hamwe Ghweki bakamobhoha Yesu nu ukumuhira ku Pirato. Pirato akamobhorya, "nuwe Omokama uwa abhayahudi?" " ²Akahonshokya, " Oghambire igho." ³Abhanana abhe risengero bharusya amashongero amaru ighoro (ya) Yesu.⁴Pirato akamobhorya, "tokohonshora? Tokorora kigho ukushongerwa ko amang'ana maruhe? ⁵Yesu teyahonshoye Piratohe, naiyo ekamoroghorya.⁶Nsemoka enkagha iyi nyangi yahateranga omobhohe omwe, ono yasabhirwe. ⁷Yarengeho omonto ono yabherekerwanga Baraba. Mushera abhohirwe nabhano bhabhohirwe hamwe nabhasarya bhaitire enkagha iya abhasarya. ⁸Abhanto abharu bhakasha ku Pirato, no okomasabha abhakore kigho yatangire kobhakora.⁹Pirato akahonshokerya kokobhatebhya igha, "Moratuna mbahateri Omokama uwa Wayahudi?" ¹⁰Kobhora yamanyire nkurihari irya abhaimereri abhanene bhano bhaghotire Yesu no okomoretera. ¹¹Nawe abhanene bhayo bhasighirya abhanto okokora ikituri bhashera igha Baraba ahaterwe umwene atighare.¹²Pirato akabhahonshokerya gweki araghamba, "Mokoreke Omokama uwa Wayahudi? ¹³Bhakashera ghweki. "Anyankibhwi!"¹⁴Pirato akabhatebhya, "Ne ng'anake engogho eno akore?" Naho bhakaghenderya kushera bhokong'u, "Anyankibhwi." ¹⁵Pirato yatunanga okobhategherya abhanto bhayo, akahatera Baraba. Akatema Yesu emebhaghasi akamara akabhatebhya bhamoteme.¹⁶Abhasirikare bhakamorongeka bhakamuhira morobhagho (hano harenge umughi ughwi ikyaro) bhakamokomanirya ekekomo ikya abhasirikare. ¹⁷Bhakamwibhohya engansho iye erange iya zambarau, bhakamorokera urusurya urwa amahwa bhakamotora komotwe. ¹⁸Bhakasimya kumushera bharaghamba igha, "Torakokerya, Omokama uwa Wayahudi!"¹⁹Bhakaya bharamotema komotwe niinyimbo iyo omote ughu umwere no ukumutwera amate. Bhakamwihighamera mobhoronge bhwaye kokomosoka. ²⁰Hano bhamare komokora ghayo, bhakarusya engasho iya zambarau bhakamwibhohya ighyaye, ghera bhamuroshokya ko bhara kughya kumunyankya no okomotematema. ²¹Omonto nyabhorebhe, Simoni Mkirene, ono yasohanga mumughi kurwa momoghondo. (suwabho Iskanda (na) Rufo); bhakamohateka koghegha koghegha omosalabha ughwa Yesu.²²Abhasirikare bhakahila Yesu ahase hano hakobherekerwa Goligotha (esesoro iyahayo nigha ahase ahe ekehore ikyo motwe). ²³Bhakamunywensya (mvinyo na manemane), naho tiyanyoyehe. ²⁴Bhakamobhamba ko omosarabha nukutwena amatusho ghaye,bhahora kutuna komanya kera umusirikare (ni) tushoke aragheghe.²⁵Hano yahikire enkagha iya katato kunkyo nho bhamunyankiri. ²⁶Bhakamotora ighoro yaye orobhau rono rokonirekonire igha rishongero, "Omokama uwa Wayahudi." ²⁷Bhamobhamba hamwe (na) amatuntera abhere, rimwe bhoryo bhwaye iryende bhomosi bhwaye. ²⁸(" Amakonikoni ghakahika igha yabhambirwe hamwe (na) amatuntera)²⁹Nabhara bhahetangaho mbamotokanga, nu ukusingisya emetwe bharaghamba, "Aha! uwe nonookotemora risengero no okorehaghasha shinsiko isato, ³⁰itungurya umwene wike urwe komosalabha!"³¹Kukughirya iyoiyo abahaimereri abhanene abha risengero mbamushere bharashamerana, hamwe (na) abhakonikoni nookoghamaba igha, "Yabhatungui abhande, tebhatore kuitungurya abhene. ³²Mumutighe Kristo, Omokama uwa Israeli, ika hanse urwe ko mosarabha, okoreke tokorore nukwitabherya." Nakobhara yabhambirwe nabho bhoonswe bhakamotoka.³³Hano yahikire enkagha iyashesa isansabha, iyo omobhaso kekabha ikisunte ku kyaro kyonswe ukuhika enkagha iya shesa kenda omobhaso. ³⁴Enkagha iyo iya shesa kenda, Yesu akakonga ko bhoraka ubhwi ghoro ,( " Eloi,Eloi, Lama sabaktani?") eraghamba igha " Waryobha wane, Waryobha wane,nkwake untighire?" ³⁵Abanto bhano bharenge bhimereye hano bhaighure bhakaghamba, "Rora arabherekera Eliya."³⁶Omonto uwomwe akakenya, atore divai iyisiki mukishesho akayetora ighoro yo omote ughumwere, akamoha okoreke anywe. Omonto umwene akaaghamba, "Tigha torore nyore Eliya nashakukwikyahanse." ³⁷Hayohayo Yesu akakura kobhoraka bhwi ghoro nahayohayo akakwa. ³⁸Rikengero irya mwisengero rekabharoka amabhara abhere.³⁹Hano omosikare omwe ono yarengeho hano yaroshe Yesu, akure, akaghamba igha, "Mbohene omonto ono yare Omona uwa Waryobha." ⁴⁰Bharengeho abhakari bhano bhamomaheranga (kwa) hare. Abhamwe bhabho yarengeho Mariamu Magdarena, Mariamu (nyakuwabho Yakobo omoke uwa Yose) (na) Sarome. ⁴¹Enkagha eno yarenghe Galilaya yamoghereye komotorya emeremo. Abhakari bhande abharu mbagheye nawe Yerusalemu.⁴²Hano yahikire komoghorobha nabhora ndwarenge urusiko urukwisyemya, urusiku rotarahekera urukumunya, ⁴³Yusufu uwa Arimathaya akaghya ho. Yarenge uwomwe uwa Inshama ono yasokwanga omonto ono yaghanywanga mo Obhokama ubhwa Waryobha. Kobhokare bhwaye akaghya ku Pirato, akamosabha omobhere ghwa Yesu. ⁴⁴Pirato akaroghoribhwa kwighwa igha Yesu akure; akabherekera umusirikare omonene ora akamobhorya mbohene Yesu akure.⁴⁵Hano yanyore obhohene igha Yesu akure, akamwitabherya Yusufu koghegha omobhere ghuyo. ⁴⁶Yusufu yarenge aghore ensanda. Akamwikya kurwa ko omosarabha, akamobhoha ensanda, akamotora mombehera eno yarenge itukirwe kweghena. Akamara akahiringitya reghena akaribha ekeseku ekye embehera. ⁴⁷Mariamu Magdalena bhana Mariamu nyakuwabho Yose bhakarora ahase hano Yesu yabhekirwe.

¹Hano urusiko urwu kumunya rwahikire, Mariamu Magdarena (na) Mariamu nyoko wabho Yakobo, (na) Salome, bhakaghora amaghuta amarangasu, okoreke bhaghende kohaka omobhere ughwa Yesu. ²Kunkyo shiri iyu urusiko orotange ku shinsiko umuhungate, hano iryobha ryatore bhakaghya kombehera.³Bharashamerana abhene ko bhene, "Nawe aratuhiringitiriho reghena tosohe mombehera?" ⁴Enkagha eno bhamahireho mbaroshe, reghena rera rihiringitibhwi, naho ninene ryarenge.⁶⁵Bhakasoha mombehera bhakarora umumura aibhohire isumati endabhu, aikae bhoryo, bhakaroghoribhwa.

¹Abhamwe bheto bhaikong'erya koreng'ania amang'ana ghabho ghano ghaheta. ²Kyabhono bhatohaye bheto bhonswe bhano kurwa bhotange mbashuti bha maiso (na) abhakori abha eng'ana. ³Ku igho oni wonswe hano namare kwishunsha kigho amang'ana ghano kurwa ghatangire_ndoshe mbuya nkokonerekonere obhoronge ubhwa_omoghongwa bhokong'u Theofilo. ⁴Okoreke omanye obhohene ubhwa amang, ana ghano weghibhwa.⁵Mushinsiko ishya Herode, omonene uwa Yudea, yarengengaho umusubhi ono yabherekerwanga Zekaria, uwubhuhiri Abiya. Mokaye akarwa wo omohara uwa Haruni, ya yabherekerwanga Elizabeti. ⁶Bhonswe mbuya bhare mobhoronge ubhwa Waryobha; mbaghendire bhatana isoro ko obhoraghe ubhwa Omokama. ⁷Nawe tebharenge naabhanahe ko bhora Elizabeti mmoghomba yare, naenkagha iyo bhoonswe bhabhere mbakungu bhare.⁸Bhono ekabha igha Zekaria yarenge kobhoronge ubhwa Waryobha arenge omoghambi uwo orotaho rwaye. ⁹Koreng'ana ne temo yo okwahorwa umusubhi ono arakore emeremo, akahorwa kwo kukwitabheribhwa kosoha mwisengero eryo Omokama kuigho akaghundiribhwa ibhiri. ¹⁰Rikomo irya abhanto nkebhara bharenge enkagha iyo ukughundiribhwa.¹¹Bhono abharaghe abho Omokama bhakasha bhakamwimerera bhoryo bhwa risengero mono yaghundiribhwanga. ¹²Zekaria yamoroshe akatigha kumughundirya akabha ne ehaho. ¹³Nawe omoraghe uwomwe akamotebhya, "Zakaria otakobhoha, ko bhora amasabho ghaho ghaitabheribhwi. Mokaho Elizabeti narakwibhore omona. Ono areroka Yohana.¹⁴Orebha no ubhushomerwa (na) uresambaroka, (na) mbaru bharesamborokerwa no okwebhorwa kwaye. ¹⁵Bhono noreneneha kobhoronge ubhwa Waryobha. Tarinywa idivae hamwe amarwa amaroro, ghweki aririnwa ne Enkoro Ehoreru kurwa monda iya nyakuwenyu.¹⁶Abhanto abharu abha Israeri bharisyoribhwa ko Waryobha. ¹⁷Arighya kobhoronge bhwa Waryobha monkoro iya munshiru isha Eliya. Arekora igho enkoro iya suwabho ko bhana, okoreke bhano bhatana esoko bharighya kobhohene nobhoronghe. Arekora igho koreke ahire abhanto ko Omonene abhanto bhano bhahoywe kukughirya yaye."¹⁸Zakaria akatebya omoraghe, "iyake ndakore manye reno? Kokobha moghakande namokane imyoka ghyaye ghebhaye myaru bhokong'u." ¹⁹Omoraghe akamohonshokerya akamotebhya, "nono Gabrieri, ono nimerereye kobhoronge ubhwa Waryobha. Natomirwe kokoretera eng'ana inshiya eno. ²⁰Bhono rora, toreghambhahe, norakire.Toghambhehe kohekera urusiko rora eng'ana eno erebha. Kobhora watomwa kwitabherya amang'ana ghane ghano gharabhe hano enkagha irihika."²¹Bhono abhanto bharenge bharamoghanya Zakaria. bhakaroghora kwikara enkagha entambhe mwisengero. ²²Nawe hano yarishokire kebhara,teyahikire kushumasha nabhohe.bhakamanya igha yorokibhwi amang'ana hano yarenge mwisengero. Akabha arorokerya bhukiri igho. ²³Ekamahekana igha shinsiko shokotoribhwa hano shahoye akakyora kawaye.²⁴Hano Zakaria yakyore waye atatoribhwi mwisengero hara, mokaye akaghegha enda. Tiyarure kahayohe kumiyeri etano. Akasema. ²⁵"Reno ndyo Omonene yankoreye hano yandoshe kokohansha nkoreke andusi shensoni ishane mobhoronghe bhwa abhanto."²⁶Hano, Erizabeti enda yaye yahikiri imiyeri esansabha, Waryobha akatebhya omoraghe waye Gabrieri aghi kumughi ghwa Gariraya ghono ghokobherekerwa Nazareti, ²⁷Omona wekehara ono ataramanya aghi kyaro ono atakaghambeywe bhokwe ono yaghambeywe na Yusufu. Yarenge umuhiri uwa Daudi omohara uyo yabherwekerwanga Mariamu. ²⁸Akasoha mwaye akaghamba, "morembhe, ono wanyore enokwe enene! Omonene akohanshire bhokong'u." ²⁹Nawe amang'ana agho moraghe ono ghamutintikyeni akanga komanya nkwake omoraghe yaghambire morembhe ogho komoroghorya.³⁰Omoraghe akamotebhya, "Mariamu, otakobhoha, enokwe eno nunyore kurwa ko Waryobha. ³¹Bhono maha, noragheghe enda monda yaho nanorebhore omona. Ono arebherekerwa irina irya'Yesu'. ³²Narabhe omokoro na arabherekerwa omona uwa ono arenge ighoro bhokong'u. Omokama Waryobha aremohana ikitumbe ikya bhokora nabhokora ikya suwabho Daudi. ³³Arebhaha uruhiri urwa Yakobo bhokora nabhokora nobhokama bhwaye tebhorebha nikihikohe.³⁴Mariamu akatebhya omoraghe, reno nighake rere naoni tenakatare numushasha wowonswe orahe? ³⁵Omoraghe akamohonshokerya igha, "Ne Enkoro Ehoreru yakosohereye, kohetera shinguru shya ono arenge ighoro yaho. Ku igho omohoreru ono aryebhorwa atarebherekerwa omona uwa Waryobha.³⁶Bhono rora mohara wenyu Elizabeti nendare enda iyubhukungu. Ghono mweri ghwaye ughwa kasansabha kumwene, ono yarenge abherekeywe moghombha. ³⁷Nnkobhora ko bhora Waryobha tekeho kento keno kekomotamahe." ³⁸Mariamu akaghambha, "maha noni nkomokora omokori uwe emeremo uwe kekari uwo Omonene. Tigha ghabhe igho mbuya onteberi. "Hano yamare komotebhya akamutigha akaghya.³⁹Nho shinsiko shiyo Mariamu yimokire akaghya kukyaro ekye ebhekereghe, mumughi kukyaro kya Yudea. ⁴⁰Akaghya wa Zakaria akamokerya Elizabeti. ⁴¹Hano Elizabeti yighure Mariamu, aramokerya akana kakibhuru bhuruka monda yaye, Erizabeti akaighwa Enkoro Ehoreru momobhere ghwaye.⁴²Akaghamba kobhoraka bhwi ighoro, "witabheribhwi kurwa kobhakari bhonswe, no omona ono arenge monda yaho wonswe aitabheribhwi. ⁴³Niyake ebhaye kuoni igha nyakuwabho Omonene wane anyeshere oni? ⁴⁴Kobhora, hano yighure obhoraka bhwane kuuwe akana nkabhurukire bhurukire ku bhushomerwa. ⁴⁵Yitabheribhwi omona uwe kekari ora yitabhereyi igha obhohoru ubhwa amang'ana ghara yatebhibhwi kurwa ko Omonene."⁴⁶Mariamu akaghamba, oni nkoghongande Omonene., ⁴⁷nenkoro yane irishomerwa ko Waryobha umutungurya wane.⁴⁸Kobhora asoheywe obhotoro ubhwa abhakori bhaye abhe meremo abhe ekekari.Maha, kukurwa bhono mbarembherekera umwitabheribhwa. ⁴⁹Kobhora mwene nguru yankora amanene, nairina ryaye ni horeru.⁵⁰Ko morembe ghwaye nkwikara rere kurwa kwekora kuhika rekora kobhara bhakomosoka. ⁵¹Yakora shinguri kokobhoko kwaye, yanyereghanya bhara bhakwihemera amaiteghero ghabho.⁵²Yikya abhana abho Omonene kurwa mubhitumbhe bhyabho ibhya bhokora, nukubhimerya bhara bharenge hanse. ⁵³Akabhaighotyi abhu umweko ebhento ibhiya, naho abhame akabhatigha bhosa.⁵⁴Yatorya bhosa Israeri omokori waye wemeremo okoreke yoroki ubhuya. ⁵⁵{Kigho yaghambire kobha tata bheto}ko Abrahamu ko orwebhorwa rwaye bhokora nabhokora.⁵⁶Mariamu yaikaye wa Erizabeti imiyeri etato akamanya kukyora waye. ⁵⁷Enkagha hano yahikire Elizabeti yitoreini omona uwi kishasha. ⁵⁸Bha nyarobherina abhahiri bhaye bhaighure kigho Waryobha yamokoreye bhonswe bhakashomerwa hamwe nawe.⁵⁹Bhono hano rwahikire urusiko urwa monane bhakasha kosara omona. Yarenge bhamoroke irina, "Zakaria" kokokomerya irina rya suwabho. ⁶⁰Nawe nyakuwabho akamohonshokerya akaghamba, "tighohe abherekerwe Yohana. ⁶¹Bhakamotebhya, taho nunyora nomwe wenyuhe ono akabherekerwa irina renohe."⁶²Bhakarengerya suwabho komorokerya abherekerwe we. ⁶³Suwabho akatuna orobhau andekeko, akandekako. "Irina iryo omona Yohana. "bhonswe bhakaroghora nareno.⁶⁴Hayo hayo umunywa ghwaye ghokananoribhwa nololeme rwaye rokananoka. Akashumasha nokomoghonga Waryobha. ⁶⁵Bhakahaha bhara bhaikaye nawe amang'ana ghakanyereghana kukyaro kyonswe na kobhekereghe ibhya Yudea. ⁶⁶Bhonswe bhano bhaghighure bhakaghabheka monkoro yabho, bharaghamba, "omona ono watubhoke? "Kobhora okobhoko ko Omonene hamwe kore nawe.⁶⁷Suwabho Zakaria akarirwa ne Enkoro Ehoreru akasimya kobharengerya ekeroto, araghamba, ⁶⁸"Omonene aghonghwe, Waryobha uwa Israeri, ko bhora atoreyi na ahikiri ubhutunguribhwa kobhanto bhaye.⁶⁹Atwimokeyi orotera orwo ubhutunguribhwa mwighutu iryo omokori waye Daudi, kukurwa moka yo omokori waye Daudi ⁷⁰Kya bhora yaghambire kurwa muminywa ighya bhanto bhaye bhano bharengheho konkagha iya kare. ⁷¹Naratutunguri kurwa mobhabhisa bheto nukuturusya momabhoko ghabho bhano bhakotorerera.⁷²Narakore igho korokya obhohanshe kobha tata weto nukuhita riragho ryaye rihoreru. ⁷³Ukutiana kono yatianeye tata weto Abrahamu ⁷⁴Ukutiyana kono yatiyanire kobheto nenkatorekaini kumwikerya umwene tekwahahohe, tokatunguribhwi kurwa momabhoko agha bhabhisa bheto. ⁷⁵Kobhohoreru nobhohene mobhoronge bhwaye shinsiko sheto shonswe.⁷⁶Nitabhereyi, na uwe ore mona norwebherekerwa omoroti naora Arenge ighoro bhokong'u kobhora noraghakore mobhoronge ubhu bhuswo obho Omonene okoreke omosereneri enshera, kobhoserenya abhanto kukusha kwaye. ⁷⁷kobhahetokya abhanto bhaye igha bhatunguribhwi kwabherwa ibhitimba bhyabho.⁷⁸Reno ndirisha kukyabhera ikya Waryobha weto,ko bhora iryobha iryukurwa ighoro reretweshera, ⁷⁹kobhara bhaikaye mukisunte namukiriri ikyu uruku. Narakore igho okorongeka amaghoro gheto kughya konshera iyo morembe.⁸⁰Bhono omona akakini na akabha nashinguru monkoro ghweki yaikaye mwisisi kohekera urusiko rono yarwoshwe mobha Israeli.

¹Bhono kushinsiko shiyo, ekabha igha kaisari Agusto akaragherya araghamba abhanto bhonswe we bhano bhamanyire kukyaro bhabharwe. ²Keno nkyo ekebharo keno kyakorwe enkagha era Krenio arenge omotangati uwa Siria. ³Bhono kera omonto akaghya moka yaye abharwe.⁴Yusufu wonswe akarwa Nazareti iyo Gariraya akaghya Yudea ko eka iya Bhethlehemu, ghono ghwamanyirwe igha numughi ghwaye Daudi, kobhora yarure bhuhiri Daudi. ⁵Yagheye iyo kobharwa na Mariamu, ono yarenge aghambeywe obhokwe nomona yaghanyanga.⁶Bhono ekabha igha, hano bharenge iyo enkagha iyo okwetoranya ekahika. ⁷Akaitoriyana omona uwi kishasha, omotangi waye, akamubhisya shingibho kumubhisya embheho. Nho bhamotore mwigho iryo koragherya shitugho, kobhora tiyarengeho ighutu rya bhaghenihe.⁸Kontahana iyo, mbarengeho abharesya abha amang'ondi no okogharenda konkagha iyo ubhutiko. ⁹Hayo hayo, omoraghe owo Omonene akabha arokera, no obhohoreru bhwa Waryobha bhokabhara kukubhinara, na bhakahaha bhokong'u.¹⁰Nho omoraghe yabhatebhiri, "motakobhoha, mbareteye eng'ana inshiya eno erarete ubhushomerwa ubhwaru kobhanto bhonswe. ¹¹Rero umutungurya aibhoywe kukughirya yenyu moka iya Daudi uwe Omonene Kristo! ¹²Keno nkyo ekemanyeryo keno morehanwa, moranyore omona ono abhisibhwi shingibho ghweki atorwe mwigho irya shitugho."¹³Hayo hayo, bhakashe abhasirikare abharu kurwa mwisaro bhakaghotana no omoraghe uyo bhaghonga Waryobha bharaghamba, ¹⁴"Obhohoreru ubhwa Waryobha ono arenge ighoro bhokong'u, no omorembe ghobhe mukyaro k0 bhanto bhano bhamohanshire,"¹⁵Ekabha igha abharaghe bhamare kwemoka kuya kwisaro, abharesya bhara bhakaghamba abhene ko bhene, "toghende bhonigho Bethlehemu era torore kiyo kishire, keno Omonene atotebhiri. " ¹⁶Bhakahita era,bhakamunyora Mariamu na Yusufu, bhakorora omona arenge mwigho irya shitugho.¹⁷Hano bharoshe igho bhakatebhya abhanto keno bharenge bhatebhibhwi ko omona. ¹⁸Bhonswe bnhano bhaighure eng'ana iyo bhakaroghoribhwa nakera kyaghambhirwe no omotebherya. ¹⁹Naho Mariamu akaghenderya kwiteghera ghara ghonswe yaighure, araghakora monkoro yaye. ²⁰Abharesya bhara bhakakyora eno bharaghonga Waryobha ko kera kento keno bhaighwa nokokerara, nyore nkya igho yaghambirwe kobho.²¹Hano rwahikire urusiko urwa monane orokosara omona, bhakamoroka Yesu, irina reno yahaywe no omoraghe ora yaraghaini enda etaragheghwa.²²Ghweki hano shahikire shinsiko ishi nyangi yabho, koreng'ana no omwahokanyo ughwa Musa, Yusufu na Mariamu bhakamuhira mwisengero era Yerusalemu komotora mobhoronge ubhwa Waryobha. ²³Kyaigho yakonirwe konirwe no umwahokano ughwa Waryobha, "kera omotangi uwikishasha arabherekerwe ituho ko Omonene." ²⁴Naho bhonswe mbhaishire kurusya ituho koreng'ana nakera kyaraghirwe ko omwahokano ogho Omonene, "Ebhesare ibhya shinguti hamwe amana ghaye abhere."²⁵Maha harengeho omonto Yerusaremu ono yabherekeywe Simoni. Omonto ono yarenge omohene numwitabherya uwa Waryobha. Umwene yaghanyanga kukughirya yo omohonya uwa Israeli, ne enkoro ehoreru yarenge ighoro yaye. ²⁶Yarenge yorokibhwi kumwene okohetera enkoro Ehoreru igha we takakure atarora Kristo uwo omokama.²⁷Urusiko romwe yaishire mwisengero, arongekirwe na Enkoro Ehoreru. Hano abhaibhori bharetire omona, Yesu, kokorwa ghara ghatunirwe kughirya yo omwahokano, ²⁸nho Simioni yaghotibhwi momabhoko ghaye, aghongha Waryobha nokoghamba. ²⁹"Bhono itabherya omokori we emeremo waho aghi no omorembe ko Omonene, koreng'ana ne eng'ana yaho.³⁰Kobhora amaiso ghane gharoshe ubhutungurya bhwaho, ³¹Bhono bhomahekaini ko amaiso agha abhanto bhonswe. ³²Uwe obhorabhu kukughira yo okorokibhwa ubhwi kyaro na abhanto abha Israeli."³³Abhaibhori abho omona bhakaroghoribhwa ighoro yaye. ³⁴Nho Simioni yabhahuhire akatebhya Mariamu nyakuwabho, "iteghera otengeki igha!Omona ono narakine kukughirya yo okoghwa no ukwimoka okwa abhanto abha Israeli ghweki nkerenghyo keno abhanto bharu bharimwanga. ³⁵Ghweki nirisabho reno rerekosabha uwe, okoreke amaiteghero agha bharu gharorwe.³⁶Omoroti uwe kekari ono yabherekeywe ana wonswe yarenge mwisengero hayo. Yarenge mohara uwa Fanueli uwe semoka iya Asheri. Yarenge ni imyoka myaru bhokong'u. Yaikaye mobhotetwa imyoka muhungate kurwa bhatetaini, ³⁷Nho yatighaye musino kumyoka merongho monane na enne. Tiyangohire kurwa mwisengerohe kobhora yaghenderyanga kosengera Waryobha aratigha korya kokosasama, ubhutiko no omobhaso. ³⁸Ko nkagha iyo, yaishire hara bharenghe akasimya kosasama Waryobha. Yashumashire komona ora kokera monto kukughirya yubhutunguribhwa ubhwa Yerusaremu.³⁹Hanobhamare kera ekento keno bhatonerwanga kokora koreng'ana no omwahokano ogho Omonene, mbhakyoreGarilaya, ku mughi ghwabho, Nazareti. ⁴⁰Omona yakinire, akabha nashinguru, akabha arengerya esoko, na yarenge ne enokwe iya Waryobha ighoro yaye.⁴¹Abhaibhori bhaye kera omwe mbhagheye Yurusaremu, korya isughukuru iye Pasaka. ⁴²Hano yahikiri imyoka ikomi ne ebhere ighyu kukina, mbhagheye ghweki koreng'ana ne etemo yabho koshenghera. ⁴³Hano shatighaye shinsiko shonse kukughira yi sughukuru, mbasimiri kukyora ka. Naho umumura ora Yesu yatighaye nyuma na abhaibhori bhaye tebhamanyire riyohe. ⁴⁴Mbhakanyire igha hamwe bhaghendanga nawe, mbhaghendire oroghendo urwu urusiko urughima. Bhasimiri komomanga manga mobhahiri nabhasani bhabho.⁴⁵Hano bhatamirwe kumunyora mbakyore Yerusaremu bhakasimya kumutuna muyo. ⁴⁶Ekabha igha hano shinsiko isato hano shahetire bhakamunyora mwisengero, aikaye ghate ghate iya bheghya, arabhaiteghera nokobha swarya. ⁴⁷Bhonswe bhano bhamwighure mbaroghoribhwi no obhotoro na amahonshokya ghaye.⁴⁸Hano bhamoroshe mbaroghore. Nyakuwabho akamotebhya, "mona wane,nke otokoreye?Iteghera, suwenyu naoni ntware kukutuna ko ehaho enene. ⁴⁹Akantebhya, "nkwake mware kuntuna temwamanyire mukumo mbhe mwighutu irya Tata? ⁵⁰Naho tebhamanyire keno yatubhaini ko mang'ana ghaye.⁵¹Nho yagheye nabho bhakahika Nazareti akabhaha esoko. Nyakuwabho akaghatora ghonswe monkoro yaye. ⁵²Naho Yesu yakinire kosoko, ghweki akahanshwa na Waryobha na abhanto.

¹Bhono komoka ughwa ikomi netano ighyo obhobhahi ubhwa kaisari Tiberia, enkagha Pontio Pirato yarenge omonene uwa abhayahudi, Herode yarenge umwimereri uwo orong'ongo urwa Gariraya, Filipo wamwabho yarenge umwimereri uwo orong'ongo urwa Iturea na Trankoniti, Lisania yarenge umwimereri uwo orong'ongo urwa Abilene. ²Enkagha yo omotangati omonene uwa Anasi na Kayafa. Eng'ana ya Waryobha ekamweshera Yona omona uwa Zakaria, kokekongo.³Yaghendire korong'ongo rwonswe kwinara omoro ughwa Yodani, aratebherya isubho uyo kosabha amabhe agha amasaryo aghi ibhitimba.⁴Nkya bhora yakonirwe konirwe koketabho ikyo omoroti Isaya, "obhoraka obho omonto ono arenge mwisisi, 'moyerabhi enshera iyo Omonene moyeronghehi.⁵Amaroma ghonswe nariribha, kera ekekereghe nebhekereghe mberenyereghanibhwa, emehanda gheno ghisisire ngererongehibhwa, shenshera ishe ebhehaghe nsheretendesibhwa. ⁶Abhanto bhonswe mbarerora ubhutungurya ubhwa Waryobha."⁷Ku igho Yohana akabhatebhya abhanto bhano bharenge munshama bhano bhamumwesheye abhasubhe, 'Bhenyu mbebhorwa nshoka shera nyabhosongo, nawe yabhashwaniri mong'ose obhobhe bhono bhukusha?⁸Mwebhore shehagho sheno shikwitabherya, ghweki motakaghambana, "tona tata weto Ibrahimu, kukughirya ndabhatebhya, Waryobha aratora komaha abhana nunyora nkurwa komaghena ghano.⁹Ikisire kyamare kotorwaho kumiiri ighye emete. Okore ghano ghatakwebhora shehagho nshiya, ghogheshwe nokorekerwa momoro.¹⁰Hayo abhanto mosangeranyo era bhakamobhorya igha, "Bhono nigha tokore iyake? ¹¹Akahonshokya akabhatebhya, 'Nyore ana shengansho ibhere arusi iyemwe ahane uwonde ono atanayo, naono ana ibhyakorya akore igho ko ono atanabhyo bhuyo bhuyo,"¹²Ghweki abhakomanya abha shimbirya bhonswe bhakasha okore bhasubhwe, bhakamotebhya, "umweghya, nke torakore? ¹³Akabhatebhya igha, "motakakomanya shimbirya nsharu kokera kera mokotonerewa kokomanya.¹⁴Abhamwe abha abhasirikare bhonswe bhakamobhorya igha, "Nabheto bho?Tokoreke?Akabhahonshokerya igha, "motakaghegha ehera iyo monto wowonse ora kwa nguru ghweki motakahamerya omonto obhorongo mwitabherani nakera mokohanwa komeremo ghyenyu."¹⁵Bhono, ko okobha abhanto bharenge bhaiteng'eye koghonga Kristo ono arisha, kera omwe yaitegheranga moshenkoro shabho igha Yohana uwe Kristo. ¹⁶Yohana akahonshokya akabhatebhya bhonswe, "Oni ndabhasabha bhenyu ko manshe, naho arisha omwe ono anashinguru konkera oni, ishebherato bhyaye. Arabhasubha bhenyu kohetera Enkoro Ehoreru noomoro.¹⁷Ekebhebheto kyaye nkerenge momabhoko ghaye kweyera bhuya ahase haye aho okobhebhetera engano no okoyekomanya nerya moketara kyaye. Naho, mo eresamba umwiro no omoro ghono ghotaririma.¹⁸Ko amaragheryo aghande amaru ghweki, yatebhebhereyi eng'ana inshiya ko abhanto. ¹⁹Yohana yakemeye ghweki Herode omwimereri owo orongh'ongoku ukumwita Herodia, moka wamwabho ko amasaryo aghande amaru ghano Herode yakore. ²⁰Naho ghweki Herode yakore amaghogho aghande amaghogho bhokung'u. Akamobhoha Yohana mushera.²¹Ghweki ekabha igha, enkana eno abhanto bhasubhwanga na Yohana, Yesu wonswe yasubhirwe. Enkagha eno bhasasamanga, risaro rekeghoka. ²²Enkoro Ehoreru ekamwekera kukitubhanyo iki inguti, enkagha iyo iyo obhoraka bhokarwa kwisaro bhoraghamba igha, "Nuwe Omona wane omoghonshe. Nshomeywe bhokong'u nauwe."²³Bhono hano Yesu umwene yasimiri kweghya, yarenge niimyoka gheno ghekokera merongwe etato. Yarenge no omona {kyaigho yarengekanibhwi}uwa Yusufu, omona uwa Eli, ²⁴omona uwa Mathati, mura wa Lawi, omona uwa Melki, omona uwa Yana, omona uwa Yusufu.²⁵Omona uwa Matathia, omona uwa Amosi, omona uwa Nahumu, omona uwa Esli, omona uwa Nagai, ²⁶Omona uwa Maati. omona uwa Matathia, omona uwa Semeini, omona uwa Yusufu, omona uwa Yuda,²⁷Omona uwa Yoanani, omona uwa Resa, omona uwa Zerubabeli, omona uwa Shealtieli, omona uwa Neri, ²⁸omona uwa Melki, omona uwa Adi, omona uwa Kosamu, omona uwa Elmadamu, omona uwa Eri, ²⁹omona uwa Yoshua, omona uwa Eliezeri, omona uwa Yorimu, omona uwa Matathi, omona uwa Lawi,³⁰omona uwa Simioni, omona uwa Yuda, omona uwa Yusufu, omona uwa Yonamu, omona uwa Eliyakimu, ³¹omona uwa Melea, omona uwa Mena, omona uwa Matatha, omona uwa Nathani, omona uwa Daudi, ³²omona uwa Yese, omona uwa Obedi, omona uwa Boazi, omona uwa Salmoni, omona uwa Nashoni,³³omona uwa Abinadabu, omona uwa Aramu,omona uwa Hesroni, omona uwa Peresi,omona uwa Yuda, ³⁴omona uwa Yakobo, omona uwa Isaka, omona uwa Ibrahimu, omona uwa Tera, omona uwa Nahori, ³⁵omona uwa Seruig,omona uwa Regau, omona uwa Pelegi, omona uwa Eberi, omona uwa Sala,³⁶omona uwa Kenani, omona uwa Arfaksadi, omona uwa Shemu, omona uwa Nuhu, omona uwa Lameki, ³⁷omona uwa Methusela, omona uwa Henoko, omona uwa Yaredi, omona uwa Mahalalei, omona uwa Kenani, ³⁸omona uwa Enoshi, omona uwa Sethi, omona uwa Adamu omona uwa Waryobha.

¹Ho Yesu yarenge mo Enkoro Ehoreru, akakyora kurwa momoro ughwa Jordani, atangatirwe ne enkoro mokebhara. ²Kushinsiko merongo enne, iyo aresakibhwa na risambhwa. Enkagha eno tiyareye kyokyonswe, ni ikihiko kya enkagha iyo akighwa umweko.³Risambhwa rekamotebhya, "nyore mona wa Waryobha ore, hamera reghena reno rebhe omokate." ⁴Akamohonshokerya, "igha"yakonirwe konirwe igha omonto tatambere omokate ughwene ko obhohoru he."⁵Ghweki risambhw rekamorongeka kokenono ikye ekekereghe, rekamorokya obhokama bhonswe ubhwi kyaro ko enkagha enke bhokong'u. ⁶risambhwa rekamotebhya, "ndakoha obhotoro obhahe obhokama bhono bhonswe hamwe ni ibhiya bhyonswe. Ndatora kokora igho kukughirya yabhyonse nahanwa mbebhahe nantore komaha wowonswe ono ndituna kohana. ⁷Kuigho hano orahighamere no ukunyighombherya, ebhento bheno bhyonswe mberabhe ibhyiaho."⁸Naho Yesu yamohonshokeyi nokomotebhya igha, "yakonirwe konirwe, "nhateko urighomberi omonene waho Waryobha, ghweki umwiteng'e umwene igho."⁹Ho ryamare risambhwa rerongeke Yesu kughya Yerusaremu nokomotora ahase aha ighoro bhokong'u ko kwisengero no okomotebhya, "Nyore uwe mona wa Waryobha ore, erekera hanse kurwa hano. ¹⁰Kobhora yakonirwe konirwe igha, "naratome omoraghe waye bhakonaghi no okomwemerera, ¹¹Ghweki mbarekogheghera momabhoko ghabho ighoro okoreke otakanyahareka amaghoro ghaho kwe eghena."¹²Yesu akaitabherya igha, "Ryaghambirwe, "otakamosakya Omonene uwo omokoro waho Waryobha." ¹³Risambhwa hano ryamare komosakya Yesu, rekaghya shaye nukumutigha kuhika enkagha yende.¹⁴Nho Yesu yakyore Gariraya ko shinguru ishe enkoro, na amang'ana ghaye ghakamanywa no ukunyereghana mosheng'ongo shonswe. ¹⁵Yegheri momasengero ghabho, nakera omonto yamukumiri.¹⁶Urusiko romwe yagheye Nazareti, umughi ghono yakeneye. kya igho yarenge etemo yaye akosoka mwisengero urusiko urwa okosengera, nayaimereye kobhatebhya amakonwa konwa. ¹⁷Akahanwa eketabho ikyo moroti Isaya, bhono, akaka syorya syorya akatuna ahase hano hakonirwe konirwe.¹⁸"Enkoro iyo Omonene nighoro yane ere, nko yahakire amaghuta kotebherya eng'ana yahene kobhataka. Yantomire ndaghani obhobhahe ko bhabhohe, ghweki kokora abhahukuru bhatore komaha ghweki kobhatora mobharibhahi bhara bhakobhanderibhwa, ¹⁹korengerya omoka ghono Omonene aryoryokya ubhuya bhwaye."²⁰Ghweki akakekundikirya, akakyorya omotangati uwa risengero, akaikara hanse.Amaiso agha bhanto bhonswe bhano bharenge mwisengero bhakamomahera. ²¹Akasimya kushumasha nabho araghamba, "Rero rikoni koni reno rihikire momatwe ghenyu." ²²Kera omwe wabho akaitabherya kera yeshaghambire,na abharu bhabho bharoghoribhwa na amang'ana aghesoko ghano yaghambire. Bhaghambanga igha, "ono mumura wa Yusufu, tighohe?²³Yesu akabhatebhya igha, "mbohene moraghambe igha ekyebhoro kiyo nkuoni. "omoreri wihweni umwene kukyonswe kera twighure orakora Kapernaumu, okekore morobheri rwaho hano.' ²⁴Ghweki yaghambire, "mbhohene ndabhatebhya igha, taho omoroti ono akwitabheribhwa ono akwitabheribhwa wabhohe."²⁵Ghweki ndabhatebhya igha mbhohene igha abhasino abharu mbarenge Israel konkagha iya Eliya, hano risaro rimweribhwi imbura etakatwa kumyoka etato na ritene, enkagha eno inshara yabhaye kukyaro kyonswe. ²⁶Ghweki Eliya tiyatomirwe kokera omwe wabhohe, nkumusino omwe omwe ono yikaye Sareptahang'e numughi ghwa Sidoni. ²⁷Ghweki abhaghenge mbaru bhareho Israelkonkagha yo omoroti Elisha, naho taho onoyahwenibhwihe kutigha omwe ono yabherekerwanga Naamani omonto wa Siria.²⁸Abhanto bhonswe mwisengero mbareribhwi hano bhagheye kwighwa ghayo ghonswe. ²⁹Mbimireye nukumuhunya arishoke mumughi ghora nokomorongeka kuhika mwiharika rye ekekereghe hano umughi ghwabho ghwahaghashirwe, okoreke bhamughwesi. ³⁰Gweki yahetire bhwahene ghate ghate yabho akaghya.³¹Akamara akaherengetera Kapernaumu,mumughi ughwa Garilaya. Urusiko romwe yeghyanga abhanto mwisengero. ³²Bhakaroghoribhwa nubhweghya bhwaye,kobhora yeghyanga nobhobhahi.³³Kurusiko ruyo mwisengero, yarengemo omonto ono yare nekehwe ekeghogho, akakura kobhoraka bhwighoroo. ³⁴"Nketonakyo na uwe, Yesu uwa Nazareti? uwishire kutusikya?Nemanyire nuwe we!uwe numohoreru uwa Waryobha ore."³⁵Yesu akahamera omokama akaghamba igha, "Kira kirii,ghweki umurweko omonto ono!" Ekehwe kera hano kyamughwesiri hanse ghate ghate yabho, kekamurwako tikyamunyaharehe. ³⁶Abhanto bhonswe bhakaroghoraa, nokoghenderya koghambhera eng'ana iyo kera omonto.bhakaghamba igha, "Mang'anake ghano? Arahamera Ebhehwe ebheghogho kushinguru nabheraghya." ³⁷Kuigho eng'ana iya Yesu ekanyaraghana koshentahana sheno shinare orong'ongo ruyo.³⁸Ghweki Yesu akarwa mumughi ghuyo akasoha mwighutu irya Simoni. Bhono nyakubhyara wabho yarenge moroye warikundera iroro, bhakamokomerya kukughirya yaye. ³⁹Nho,Yesu yamwisokereye akahamera rikunderarikamurwako. Kamwe igho akaemera akasimya kobhakoraa.⁴⁰Hano iryobha ryaghwanga, abhanto bhakareta Yesu abharoye abhebheroye haghare haghare. Yakuniri kera omoroye komotwe bhonswe bhakahwena. ⁴¹Ebhehwe bhyonswe bhyabharurekobherakura kobhoraka bheraghamba igha, "Nomona uwa Waryobhaore! Yesu akahamera ebhehwe ghweki teyatunire bheghambehe, kobhora bhyamanyire igha uwe Kristo.⁴²Hano bhwakeye, yagheye ahase hano abhanto bhatare. Rikomo rya abhanto bhamutunanga bhakasha hano yarenge. Bhasaghire komorebhera atakaghya hare nabho. ⁴³Naho akabhatebhya, "Nkehameryo ghweki mbatebhi eng'ana inshiya iyobhokama bhwa Waryobha mumighi ghyende imiyaru, kobhora eno nighwere naatomirwe hano." ⁴⁴Ghweki akaghenderya kotemberya momasengero ghonswe agha Abhayahudi bhonswe."

¹Hano abhanto bhara bhon swe bhamwisokereye kukwiteghera eng'ana iya Waryobha, umwene yarenge aimereye komorambho ughwi inyansha iya Genesareti. ²Akarora amato abhere ghahikire komorambho ghaghobhire. Abhaghokori bhoghyanga emegho ghyabho. ³Yesu akarina mubhwato bhomwe,bhono bhwarenge ubhwa Simoni akamotebhya abhusukume momanshe hare hake nikyaro. Akamara akaikara nukweghya arenge mubhwato.⁴Kukushumasha, akabhya Simoni, "Hira iryato reno kubhuribha orekere righokoro okoreke oghokoro shinswe." ⁵Simoni akahonshokya nokoghamba igha, Omonene ntwakore emeremo ubhutiko bhonswe, titwanyore kentohe, naho kong'ana yaho nendarekere righokoro. ⁶Hano bhakore igho mbakomaini ekerengere ekenene ikya shinswe narighokoro rekasimya kobhotoka bhotoka. ⁷Kuigho bhakorokya obhomwe bhwabho mubhwato bhwabho ku bhwato bhonde okore bhashe kobhatorya. Bhakasha bhakaishorya amato ghonswe, ekerengere ikyu kwibhira.⁸Kuigho Simoni Petro, hano yaroshe igho, akamughwera momaghoro agha Yesu araghambha, "karwe kuoni, kobhora oni wabhitimbande. Tata." ⁹Kuigho yaroghoribhwi, nabhonswe bhano bharenge hamwe nawe, kobhoteghi ubhwa shinswe bhono bhakoranga. ¹⁰Eno yabhasangaini Yakobo naYohana abhana abha Zebedayo, bhano bharengenga bhomwe na Simoni. Nho Yesu yatebheri Simoni, "Otakobhoha, kobhora kurwa bhonigho nokoghenderya noraghokore abhanto." ¹¹Hano bharetire amato ghabho ghakaghobha komorambo, mbatighire kera ekento bhakamosorana umwene.¹²Hano yarenge mumughi oghomwe,omonto ono yarenge noobhoghenge yarenge iyo. Enkagha hano yaroshe Yesu, yaghoye akahinya ubhusyo kumwene akamosasama, araghamba, "Tata, nyore oratuna, oratora konkora bhuya." ¹³Nho Yesu yarambhoye okobhoko kwaye akamukunya akaghamba, "Ndatuna. obhe bhuya. "konkagha iyo iyo obhoghenge bhukamurwako.¹⁴"Akamokomerya atakatebhya omonto wowonswe ora, ghweki akamotebhya, "Kaghi wiyoroki kobhanene naurusi ituho iyo ubhuhweribhwa bhwaho kya bhora Musa yahameye ku ubhwitabheri bhwabho."¹⁵Naho koeng'ana ekararoka hare bhokong'u, narikomo irya abhanto abharu bhakasha hamwe ukumwiteghera areghya nukuhwenya abharoye bhabho. ¹⁶Nawe yaiyahora horanga arishabha kosasama.¹⁷Kushinsiko shiyo oromwe yaeghyanga, na Mafarisayo naabheghya abho omwahokanyo bhaikaye hayo bhano bhaishire kurwa moshemberi haghare haghare morong'ongo urwa Garilaya nurwa Yudea, ghweki kurwa mumughi ughwa Yerusalemu, Shinguru ishyo Omonene nsherenge hamwe nu ukuhwenya.¹⁸Abhanto nyabhorebhe mbaishire, bhaghegheye komokeka omonto ono omobhere ghwaye ghurindighaye, nukutuna enshera iyokomosohyi monse bhamorari hanse mobhoronge ubhwa Yesu. ¹⁹Tebhanyore umweya oghokomohetyahe kubhwaru ubhwa abhanto. Bhakamurinya korosara urwa righutu bhakamoheterya bhakamwikya hanse komokeka kuyo bhakaetomera kobhanto nukumuhikya mobhoronge ubhwa Yesu.²⁰Akamahera imighiro ghyabho,Yesu akaghamba, "mosani wane, ibhitimba bhyaho wabheywe. ²¹Abhakoni koni na Amafarisayo bhakasimya kobhorya riyo, bharaghamba "ono nawe akoghamba amang'ana agha inshero? Nawe ono akotora kwabhera ibhitimba atarenge Waryobha umwene?²²Nawe Yesu, yamanyire keno bharenge kwiteghera, akabhahonshokerya akabhatebhya igha, "nkwake mokobhoranya reno moshenkoro shenyu? ²³Nkehe ikinyohu koghamba, "wabherwe ibhitimba, hamwe okoghamba emoka oghende? ²⁴Naho momanye Omona uwa Adamu ano obhotoro mukyaro obho ukwabhera ibhitimba. Ndakotebhya uwe, Emoka ogheghe omokeka ghwaho ughi waho.²⁵Enkagha iyo iyo akaemoka mobhoronge bhwabho akaghegha omokeka ghwye ghono yarenge arareye. Akanyora waye araghonga Waryobha. ²⁶Nkera omonto yaroghoribhwi nokomoghonga Waryobha. Bhakahaha bhakaghamba, "Toroshe amang'ana ghano ghatare agha rero."²⁷Hano amang'ana ghahoye, Yesu yarure iyo akamaha omokomanya uwu ubhshuru ono yabherekeywe Lawi aikaye montahana iyo kokomanerya. Akamotebhya, "Nsorana." ²⁸Lawi akemoka nokomosorana akatigha kera ekento nyuma.²⁹Nho Lawi yasereniri inyangi enene waye kukughirya ya Yesu. Hano abhahomahya abhubhushuru bharenge bharu era nabhanto bharu bharenge nabho. ³⁰Naho Abhafarisayo nabhakonikoni bho mbarenge bhariring'eherya kobhana bheghya bhaye, bharaghamba, "Nkwake mokorya nukunywa nabhakomanya abhubhushuru hamwe nabhanto abhibhitimba? ³¹Yesu akabhahonshokerya, "abhanto bhano bhana obhoru ubhuya tebhakutuna omorerihe, nabharoye mbho bharamutune. ³²Tenamanyire kobherekera abhahene okore bhaikane ibhimba nkokobha bherekera abhibhitimba bhaikane ibhitimba bhaitabheri."³³Bhakamotebhya, "abhana bhega abha Yohana nkaru bhakutigha korya nokosasama naabhana bhegha abha Mafarisayo bhonswe bhuyo. Naeno abhaho bhararya nukunywa. ³⁴Yesu akabhatebhya, "eratorekane omonto wowonswe akabhakora bhara bhahikire mubhwenga obho omoteti kutigha korya enkagha bhana omoteti hamwe nawe? ³⁵Shinsiko nshirisha enkagha omoteti hano arirusibhwa kobhene, Nho nshyo bharitigha korya."³⁶Gweki Yesu akatebhya ekerenghyo kyende. Taho ono akotandora eketamunye iki inghibho yaye ehya nokotomera ko mwenda omokorohe. Hano orakore igho, naratandore inghibho ehya, nokosonera ko inghibho yende enkoro.³⁷Ghweki taho omonto ono akotora idivai ehya mokento ekekorohe, hano arakore igho idivai ehya nerati kera ekento naneketekire, nebhento ebhekoro bhiyo mbenyeregheni. ³⁸Nawe idivai ehya mukumo etorwe mushinyongo shehya. ³⁹Ghweki taho omnto hano yanywa agha kare, atune amahya naratune aghakare ko kogh

¹Ndwarenge urusiko urwu kumunya {Sabato}Yesu yahetanga momoghondo nabhana bhegha bhaye bharatwa ebheghara, bharabhonge bhongera momabhoko bhakatakunya. ²Naho abhamwe bha Mafarisayo bhakaghamba igha, "nkake mokokora ekento keno kikughiribhwa kumwahokano kokekora urusiko urwu ukukumya"?³Yesu, akabhahonshokerya igha, "Temwahikiri {kosoma} kera Daudi yakore hano yarenge niinshara, umwene nana abharikyaye bhano bharenge hamwe? ⁴Yagheye mwighutu irya Waryobha, akaghamba emekate emehoreru bhakarya eghemwe, nighyende akahana bhara yarenge nabho korya, nunyora ngya abhaimereri ghyarenge bhare." ⁵Ghweki akabhatebhya, "Omona uwa Adamu uwe Omonene uwu urusiko urwu kumunya."⁶Yabhaye igho kurusiko ronde urukumunya hano yagheye mwisengero kweghya abhanto iyo. Yarengengeho omonto ono okobhoko kwaye ukwa bhoryo kwarenge kwarindighara. ⁷Abhakonikoni {na}mafarisayo bhamwishunshanga bhokong'u komaha nyore namohwenya omonto urusiko urwu kukumya, okoreke bhanyore eng'ana iyu kumushongera kokosarya. ⁸Yamanyire keno bhamwitegheranga akaghamba ko omonto ono yarenge arindighaye okobhoko, "Emoka, wemere ghate ghate hano yekera omwe. "Hayo hayo omonto akemoka nokwemera hara.⁹Yesu akabhatebhya, "Ndabhabhorya bhenyu, mbhuya urusiko urwu okomanya amaiya hande amaghogho, kotorya obhohoru hande koghasarya?" Akamara akabhamahera bhonswe no okotebhya omonto ora. ¹⁰"Imokya okobhoko kwaho." Akakora igho, no okobhoko kwaye kokabha kuhwenibhwi. ¹¹Bhono bhakarera bhokong'u, bhakatebhanya abhene kobhene nke bhakamokora Yesu.¹²Kushinsiko shiyo akaemoka akaghya mokekereghe kosasama. Yarayeyo ubhutiko kyo arasasama Waryobha. ¹³Hano bhwakeye, yabhabherekeye abhana bhegha bhaye, akabhahora ikomi nabhabhere kurwa kobho, nabho yabhabherekeye "abhahorwa."¹⁴Amarina agha abhahorwa bhayo gharenge Simoni{ono wonswe yamobherekeye Petro}Andrea wamwabho,Yakobo,Yohana,Filipo,Bartolomayo. ¹⁵Mathayo, Tomaso {na}Yakobo omona uwa Alfayo, Simoni, ono yabherekeywe Zelote, ¹⁶Yuda omona uwa Yakobo {na}Yuda Iskariote ono yarenge {omosaliti}¹⁷Gweki Yesu akaika nabho kurwa kokekereghe no okwemera ahase hano hareng'aini. Abhana bhegha abharu bharenge iyo, hamwe nu ubhwaru ubhwa abhanto ku kurwa Uyahudi {na}Yerusalemu, nu ukurwa moketende ikya Tiro {na}Sidoni. ¹⁸Mbhaishire ukumwiteghera nukuhwenibhwa amaroye ghabho. Abhanto bhano bhanyankibhwanga ne ebhehwe ibhinyanku mbhahwenibhwi bhonswe. ¹⁹Kera ono yare mwikomo riyo yasakiri kumukunya kukughirya yashinguru ishyu kuhwenibhwa sheno sharwanga kumwene. Yabhahweniri bhonswe.²⁰Gweki akabhaisyorya abhana bhegha bhaye, akaghamba igha, "Mwitabheribhwi bhenyu bhano morenge abhataka, kobhora obhokama ubhwa Waryobha nubhwenyu. ²¹Mononkirwe bhenyu bhano monainshara bhono momanye moraighotibhwi. Mwanyora enokwe bhenyu abha bhono moreseka.²²Mwaitabheribhwa bhenyu bhano abhanto bharebharegha no okwahorwa nokohameribhwa igha mbaghogho more, kukughirya yo Omona uwaAdamu. ²³Mushomerwe ku urusiko ruyo mubhuruke bhuruke mushomeywe, kobhora mbhohene muruhwa ituho eno ikurwa koryobha, bhono bhasubho bhakora igho igho abharoti.²⁴Mohoko ghwenyu bhano mona omweghoto! Kobhora morerambhoka ghweki ²⁵Mohoko ghwenyu bhano mokoseka bhonigho!kobhora murikura no okwarama enkagha yende.²⁶Mohoko ghwenyu hano murikumibhwa nabhanto bhonswe! Kobhora bhasuwabho mbakoreye abharoti abho bhorongo bhuyo bhuyo.²⁷Naho nkobhatebhyande bhenyu bhano mukunyiteghera, mohanshe abhabhisa bhenyu mokore amaiya bhara bhakobharerera. ²⁸Moghonge bhara bhakobhahima bhenyu mobhasasamere bhara bhakobharegherya.²⁹Ko ora akokotema korosa, musyori oronde ronswe. Hano omonto arakurusi rijoho ryaho uwe otakamorebhera nengansho. ³⁰Ko ora wonswe akokosabha mohane. hano ararusibhwi ikyaho, atakamosabha akukyori.³¹Kigho mohanshire abhanto bhabhakore, nabhenyu mobhakore bhuyo bhuyo. ³²Hano morahanshe abhanto bhano bhabhahanshire bhenyu abhene, iyo ntuhoke kobhenyu? Nunyora na abhibhitimba nkohansha bhare bhara bhahanshire. ³³Hano morakore amaiya bhara bhakobhakora amaiya, iyo ntuhoke kobhenyu? Nunyora na abhibhitimba nkokora bhare bhuyo bhuyo. ³⁴Hano morahane abhanto ebhento ibhi isire kobhanto bhano mokoghanya bhabhahake, iyo ntuhoke kobhenyu?Nunyora na abhibhitimba nkohana bhare ku abhibhitimba, ghweki nkoghanya bhare kunyora ekerengere kiyo kiyo.³⁵Bhono mohanshe abhabhisa bhenyu mobhakore amaiya. Mobhahane isire naho motakahaha okokyoribhwa, ituho yenyu nerebha nene. Morebha abhana abha ora arenge ighoro, kobhora umwene mohene kobhanto bhano bhatana umukumo naabhaghogho. ³⁶Mobhe naamabhe, kyaigho suwenyu ana amabhe.³⁷Motahamerya, nabhenyu motahameribhwi, motakaihima, nabhenyu motakasha kwihimwa. Mwabhere abhande nabhenyu muryabherwa.³⁸Mohane abhande, nabhenyu morehanwa. Ekerengere ikyo obhohani_keno kighateywe, kenokesendereywe nokoharoka_nkereteke momani ghenyu. Kobhora nko kerengere keno mokorenghera, ekerengere kiyo kiyo nkyo morerengera."³⁹Ghweki akabhatebhya ekerenghyo omonto umuhukuru aratora kotangata umuhukuru wonde?Nyore yakore igho, mbakaghoye mweroma, tebhakaghoyehe? ⁴⁰Omona mwegha akatora kobha omonene kokera omweghya wayehe, nawe kera omonto hano yamara kweghya bhuya nkobhare kyo omoragherya waye.⁴¹Kwake okomaha ekete kera kerenge muriso rya wamwenyu, ne ekete kera kerenge muriso ryaho umwene tokokerorahe? ⁴²Yake oratore kotebhya muhiri waho, muhiri, ndasabha nkurusi ekete muriso ryaho, nauwe tokorara kera kerenge muriso ryaho umwene? Numuniko ore irusya ekete muriso ryaho umwene, nho aratore kurusya ekete muriso rya wamwenyu.⁴³Kobhora teghoho mote muya ghono ghokwebhora shehagho nghogho, ghweki teghoho mote moghogho ghono ghokwebhora shehagho nshiya. ⁴⁴Nkobhora kera omote ghomanyekaini koshehagho shako. Mbhora abhanto tebhakutwa ehagho kurwa komahwa, nunyora ezabibu kurwa ko omochongoma.⁴⁵Omonto omohene ono ana ekebhekero kyaye ikiya ko nkoro yaye nkurusyare kera amaiya, no omonto omoghogho wonswe nkurusiare amaghogho ko nkoro yaye enghogho. Nkobhora ghano akoghamba nghara ghakwishorya enkoro yaye.⁴⁶Nkwake mokobherekera, 'Omonene' , Omonene ndighwa temokokora ghara mokoghambahe? ⁴⁷Kera omonto ono akushs kuoni nukwighwa amang'ana ghane no okoghakora emeremo, nendabhoroki kigho are. ⁴⁸Atubhaini no omonto ono akohaghasha righutu ryaye, ono akutuka hanse bhokong'u nokohaghasha obhorosa bhwa righutu koreghena rikong'u. Hano omoghera ghorashe amanshe ngamanyore righutu naho teghayisingisirihe kobhora yahaghashirwe bhuya.⁴⁹Naho wowoswe ono akwighwa eng'ana yane angekuyitabherya, itubho yaye nkya ora ahaghashire righutu ryaye reno retana obhorosa komosense, righutu riyo nkoghwa rere bhokong'u. Naho mohoko ghwenyu bharebhameko bhora mwanyora mwahonibhwa.

¹Hano Yesu yamare koghamba kera ekento kobhanto bhano bhamwitegheranga, akasoha Kapemaumu.²Omoghorwa omwe uwa Akida, ono yarenge nubhwera bhokong'u ku umwene, moroye musingu yarenge. ³Hano yaighure agha Yesu, Akida ora akamotoma omotangati uwi Kiyahudi, amosabhe ashe komosabhera omoroye waye atakakwa. ⁴Hano bhahikire hang'e {na}Yesu, bhakakora emekere ighyo komosasama no okoghamba, mbhuya okore igho kukughira yaye. ⁵Kobhora ahanshire ikyaro kyeto, nawe yatohasheye risengero irya kare.⁶Yesu akaghenderya noroghendo rwaye hamwe nabho. Naho hano yarenge atarahika hare narighutu, omotake omwe akatoma abhasani bhaye kushumasha nawe. "Omonene, otakairosya umwene kobhono oni tenena bhwerahe kurina kwirongo ryane. ⁷Ku igho tumwene naiteghereye igha mbhuya nishe kuuwe, nawe neeng'ana emwe iyene ndaghambhe no omokori waho uwe emeremo arahwena. ⁸Nigho oni wonse nomonto ono natorwe kwemerera nanena abhasirikare hanse yane. Nkoghamba koono "Kaghi" nokanyora, nku wonde,"Nsho,"wonswe akasha nokomokori wemeremowaye'kora keno', nawonse akora."⁹Yesu hano yaighure ghano akaroghora, akaisyorya abhanto bhano bhamosorananga akaghamba. "Ndabhatebhya, nunyora Israeli era, tenakaroshe omonto uwi imighiro imikuma kya ono. ¹⁰Bbhara bharenge bhatomirwe mbhakyore bhakanyora omokori uwe emeremo oraa ahwenire.¹¹Hano ghayo ghahoye, Yesu akaghya mumughi ghono ghokobherwekerwa Naini, abhana bhegha bhaye bhonswebhakaghya narikomo irya abhanto abharu. ¹²Hano yahikire mukihita ikyu mughi maha, omonto ono akure akaretwa agheghirwe, mumwemwe yare kunyakuwabho, ono yarenge umusino, abhanto abharu abha mumughi ghuyo mbarenge nawe. ¹³Hano yamoroshe, Omonene, akamwesokera ku kyabhera kyaru, "Utakakwa," ¹⁴Ghweki akasughatera akakunya ekehehero keno kyarenge kegheghire umuku bhara bharegheghere bhakaemera bhakaghamba "Umumura ono emoka" ¹⁵Umuku akemoka akaikara hanse akasimya kushumasha. Nho Yesu yaghotiri nyakuwabho.¹⁶Bbonswe mbhahahire. Bhakaghonga Waryobha bharaghamba "Omoroti omonene arokibhwi mobheto"{na}"Waryobha amahire abhanto bhaye" ¹⁷Eng'ana inshiya iya Yesu eno ekanyaraghanaYudea yonswe namosheng'ongo shonswe isha hang'e.¹⁸Abhana bhegha abha Yohana bhakamotebhya amang'ana ghano ghonswe. ¹⁹Nho Yohana yabherekeye abhana bhaye bhabhere akabhatoma komonene koghamha igha "uwe nora akusha,kasi nomonto wonde tomoghanya? ²⁰Hano bhahikire hang'e ku Yesu bhakaghamba, "Yohana umusubhi atotomire kuuwe koghamba igha Nuuwe ora arisha kose?"²¹Konka iyo yahweniri abhanto abharu kurwa kunyanko iya amaroye, kwebhehwe ebheghogho, naabhahukuru bhakamaha. ²²Yesu akabhahonshokerya nokoghamba igha. "Kigho mwarure hara mwatebhiri Yohana keno mwaroshe nakeno mwaighure. Abhahukuru mbhamahire abhabheru mbaghendire, abhaghenge bhakahwena, abhakiro bhakaighwa, abhaku bhakaryokibhwa bhakabha abhahoru, abhahabhe ndabhatebhya eng'ana inshiya . ²³Omonto ono aratighe kunyitabherya kukughirya iya amakoro ghano yanokwa".²⁴Bhara hano bhatomirwe na Yohana hano bhakyore, Yesu akasimya koghamba naabhanto bhano yarenge nabho mosango ighoro iya Yohana, "Enke mwagheye komaha kebhara umwere nghwa hushibhwanga nomokama? ²⁵Bhono nke mwagheye komoha kebhara, omonto ono yibhihire bhuya? Maha abhanto bhara bhibhohire shinghibho shekekama nokamenya emenyo iyubhushomerwa bhwabho mobhoghare ubhwa abhakama. ²⁶Nke mukuya komaha kebhara, Omoroti?nigho, ndabhatebhya kobhenyu bhokong'uu kokera omoroti.²⁷Ono uwe yandekwa, "Maha, ndatoma umwimereri wane kobhenyu, ono akusha koserenya enshera kukughirya yane. ²⁸Ndabhatebhya igho bhara bhaibhoywe nomokari, taho omonene kya Yohana, naho omonto ono atare uwu ubhwera ono araikare {na}Waryobha hara are, narabhe omonene kokera Yohana."²⁹Hano abhanto bhonswe bhaighure ghano hamwe nabhatobhesya abha righoti, mbararekire igha Waryobha mohene. Mbarengeho bhano bhasubhirwe isubho iya Yohana. ³⁰Mafarisayo nabhatake abhi myihokano igha Abhayahudi, bhano bhatasubhirwe nawe bhakanga esoko iya Waryobha kukughirya yabho abhene.³¹Ghweki ndatora kobhareng'anya nake abhanto abha rekora reno? nighake bhare? ³²Mbatubhaini kya bhana bhano bhakohoya entahana yomotera, bhano bhakwikara nokobherekerana kokera omwe bharaghamba, 'tuhutirwe ekerongwe kukughirya yenyu, naho timubhinirehe, ntwakure naho temwakurehe.'³³Umusubhi Yohana yaishire teyareye omokate nunyora akanywa idivai, akaghamba,? Ana ekehwe. ³⁴Omona wo omonto aishire areye nukunywa mokaghamba, "Maha no omoragheri nu omoghotwa omosani uwa abhatobhesya abha righoti naabha ibhitimba! ³⁵Naho esoko emanyirwe igha ena obhohene ko bhana bhaye bhonswe."³⁶Omwe uwa Mafarisayo akasabha Yesu aghi korya hamwe nawe. Hano Yesu yashohire mwighutu ryaye, akaisuka komesha are. ³⁷Maha yarengeho omokari omwe mumughi ghuyo ono yarenge nibhitimba, akamanya igha yaikaye {wa}Farisayo akareta inshubha iya amaghuta amarang'asu. ³⁸Akaemera momoghongo ghwaye hang'e {na}maghoro ghaye eno arakura. Ghweki amaisori ghakashosha amaghoro ghaye, akagheya nashintukya isha komotwe ghwaye akahumbata amaghoro ghaye nokoghahaka amaghuta amarang'asu.³⁹Omofarisayo ora yarenge ararekire Yesu hano yaroshe igho, akaiteghera umwene araghamba, "nyore omonto ono akabhaye moroti, nakamanyire ono nawe,{na}mokari watubhoke, ono akumukunya, igha wabhitimba. ⁴⁰Yesu akamohonshokerya igha, "Simoni nena ekento ikyu kokotebhya, "Akaghamba" Okeghambe omweghya weto!"⁴¹Yesu akaghamba igha bhareho abhasabhwa abha isire bhabhere, no omohani uwi sire omwe. Omwe yasabhwanga shimbirya maghana atano uwa kabhere shimbirya merongwe etano. ⁴²Hano bhabhorwe shimbirya isho komohaka nyabhabheye bhonswe. Bhono nawe arahanshe bhokong'u. ⁴³Simoni akamohonshekerya akaghamba, "Nditeghera ono yabheywe bhokong'u, "Yesu akamotebhya, "nokengire kobhoronge.⁴⁴Yesu akaisorya omokari ora, nokoghamba ku Simoni, "oramaha omokari ono. Nsohire mwighutu ryaho tong'aye amanshe aghu kwisabha amaghorohe, Naho ono, ko amaisori ghaye, yashoshiri amaghoro ghano nokogheya nashintukya shaye. ⁴⁵Tewahumbatirehe, naho umwene, kurwa asohire hano tiyatighire kuhumbata amaghorohe.⁴⁶Tuwahakire amaghuta ko amaghorohe, naho yahakire amaghoro ghane amaghuta amarang'asu. ⁴⁷Ko engana eno, ndakotebhya igha yarenge ni ibhitimba bhyaru yabheywe bhokong'u, ghweki yahanshire bhokong'u. Nawe ora yabheywe hake, wonswe nahanshire hakigho."⁴⁸Ho yamare akatebhya omokari ora, "Ibhitimba bhyaho bhyabheywe" ⁴⁹Bhara bhaikaye nawe komesha bhakasimya okotebhanya abhene, "Ono nawe okohekera kwabhera ibhitimba?" ⁵⁰Nho Yesu yatebhiri omokari, "Imighiro ghyaho ghikutunguyi. Kaghi no omorembe"

¹Ekabha igha hano ghahoye Yesu akasimya oroghendo mumighi nibhishishi haghare haghare, arabhatebhya nokoragherya eng'ana inshiya iyo obhokama ubhwa Waryobha{na}bhara ikomi nabhabhere mbhagheye hamwe nawe, ²Bhuyo bhuyo abhakari nyabhorebhe bhano bharenge bhahwenibhwi kurwa mobhehwe ibhinyanku namaroye haghare haghare. Mbharenge Mariamu ono yabherekeywe Magdalena ono yarusibhwi ebhehwe ebheghogho muhungate. ³Yoana omokari uwa Kuza nu umwimereri uwa Herode, Susana {na}abhari abhande abharu, bhano bharusiri ebhento bhyabhokukughirya yabhene.⁴Hano abhanto bhara bhonswe bhamare kwekomana hamwe, abhanto bhano bhaishire kowe kurwa kumighi haghare haghare, akashumasha nabho kobherenghyo. ⁵"Umubhusuri yaghaye shentetere, hano wanyore ahasereniri kubhusura, shentetere shyende nshaghoye mbareka yenshera shekatashwa tashwa, ni ibhinyonyi bhekashesora. ⁶Shentetere ishende shekaghwa komarobha agha kwitare hano shamere nshanyohereye kobhora tekemesha kyarengehohe.⁷Shentetere shende shekaghwa momete ighya mahwa, emete ghera ghekashekera shekatamwa kukina. ⁸Shentetere shyende nshaghoye komarobha agho orosa shekarusya ibhyakorya ibhyaru bhokong'u. "Hano Yesu yamare koghamba amang'ana ghayo, akaghamba kwo obhoraka ubhwu ighoro,"Ono wonswe ono ana amatwe aghu ukwighwa aiteghere."⁹Gweki abhana bhegha bhaye bhakamobhorya ekerenghyo kiyo kerorokyake. ¹⁰Yesu akabhatebhya, "mohanshereywe no okomanya ikibhisire ikya Waryobha, naho abhanto bhande mbharenghibhwi kobherenghyo bhyene, okoreke bhararora bhange korora nahano bharaighwe bhange komanya.'¹¹Eno eyo esesoro iye ekerenghyo keno. Entetere ne eng'ana iya Waryobha. ¹²Shentetereshera shaghoye mbareka yenshera mbho abhanto bhara bhaighure eng'ana, hano yamare umubhisa risambhwa rebharusya eng'ana iyo kurwa monkoro nyabho, okoreke bhakaitabherya nukutunguribhwa. ¹³Nashera shaghoye mbareka ye enshera mbho abhanto bhara bhakwitabherya ko enkagha nke {na}hano bhasakibhwa bhaghwa.¹⁴Shentetere shera shaghoye momahwa nabhanto bhano bhakwighwa eng'ana, naho bharaghenderya ne emeremo nu ubhwame, obhosorare ubhwo obhohoru nabho tebhakwebhora haghohe. ¹⁵Shentetere shera shaghoye komarobha amaiya mbara abhanto, bhano bharenge abhahene nashenkoro nshiya hano bhaighwa eng'anabhareyeghotera, bharaiteghera ebhe ko morembhe nu ukurusya shehagho shenghomerya.¹⁶Kobhora taho omonto nunyora nomwe,ono akoghotya etara nukuikundikirya ribhakori hamwe koyetora mwirunguhe. Koyetorare kuntimo ighoro okoreke kera omonto ayerore. ¹⁷Kobhora tikibhise kento kyange komahwahe nokomanywa, ikibhisere kerange komanywa kerenge kobhorabhu. ¹⁸Kuigho hano mwangare hano mwiteghera. Kobhora ono anakyo, kumwene narengeribhwa bhokong'u, naho ono atanakyo nokanyora nkeke nkeregheghwa,"¹⁹Nho nyakuwabho Yesu nabhari bhaye bhakasha kumwene tebhamohekereyehe kukughira iyu umwekomano ghwa abhanto abharu. ²⁰Yatebhibhwi igha nyakuwabho nabhawamwabho nkebhara hara bhare bharatuna bhamahane nauwe. ²¹Yesu yabhahonshokeyi akaghamba "Mayo wane nabha wamweto mbhara bhhakuiteghera eng'ana iya Waryobha nokoyesoka."²²Nyore ndusiko romwe kushinsiko sheno Yesu nabhana bhegha bhaye bharinire mubhwato, akabhatebhya igha, "Bhono mwambhoke humbhu iya kabhere iyi nyansha." Bhakaserenya amato ghabho. ²³Naho hano bhasimiri kwemoka Yesu akarara shentero, rikama no omosoke omororo ghokaemoka, iryato ryabho rekasimya kotaha amanshe kughya ko ahabhe bhokong'u.²⁴Nho abhana bhegha bhaye bhamogheyeko kumutura bharaghamba, "Omonene weto Tata weto Omonene! Toraghya kukwa!" Akemoka akakera omokama {na}amayengo gha manshe ghakatenda kamweigho. ²⁵Gweki akabhatebhya, "imighiro ghyenyu hegherenge?" bhakobhoha, bhakaroghora, bhakatebhanya abhene kobhene,"Ono nawe, kohekera ekerengere ikyo okohamera kura omokama {na}amanshe ghonswe komosoka ghare?"²⁶Bhakahika ku umughi ughwa Gerasini ghono ghwarenge isiko iya Galilaya. ²⁷Yesu hano yaikire nokotasha momosense, omonto nyabhorebhe kukurwa mumughi, akasikana nawe, omonto ono yarenge nebhehwe.Ko nkagha ntambhe tiyaibhohanga nghibhohe, yamenyire mwighutu, naho yaikaye moshembhehera.²⁸Hano yaroshe Yesu akakura bhokong'u, kwo obhoraka ubwa ighoro, akaghwa hanse mobhoronge bhwaye araghamba ko obhoraka bhwa ighoro, Nke nkokoreye, Yesu omona uwa Waryobha uwi ighoro?Ndakosasama otakanyankya oni." ²⁹Yesu akahamera ekehwe kera kimurweko omonto ora, kokora yaihana nsiko nsharu. Nunyora nigho yabhohirwe ebherang'ani nokoghorwa bhokong'u, yabhotoye ebhebhoho bhyonswe nokogheghwa nebhehwe kuhirwa mokekongo.³⁰Yesu akamobhorya, "Nuwe we?" Akamohonshokerya araghamba, "Legioni" Nkobhora ebhehwe bhyaru bhyamosohera. ³¹Bhakaghenderya komosasama akatohamera toghende mubhwina.³²Rihisho irya shembheshe ryaresyanga mokekereghe muyo, kekamosabha akitabheri bhimurweko omonto ora no okosoha moshembheshe shera. Wonswe akaitabherya kokora igho. ³³Kuigho ebhehwe bhera bhekamurwako nu ukughya koshembheshe shera, rihisho riyo rekakenya kurwa kokekereghe shekashuka momanshe nukukwera muyo.³⁴Abhanto bhara bharesyinga shembheshe hano bharoshe keno kebhaye, bhakakenya bhakahira urukwere mumighi ne imighi ghera ghyabhainari. ³⁵Abhanto hano bhaighure ghayo mbhagheye komaha keno kyabhaye, bhakasha ku Yesu bhakarora omonto ono arusibhwi ebhehwe. Yarenge ibhohire bhuya no omohoreru uwo³⁶Nho ono yaroshe kigho ghabhaye akasimya kotebhya abhande kigho omonto ono yarenge nebhehwe kigho ahwenibhwi. ³⁷Abhanto bhonswe abha orong'ongo urwa Wegerasi nashembheri sheno shainare mbhasabhire.³⁸0monto ora yarusibhwi ebhehwe yamokomereyi Yesu aghi nawe, naho Yesu yamotebheri aghi akaghamba. ³⁹"Kyora mwighutu ryaho no obhare ghara ghonswe ghano Waryobha yakokoreye. "Omonto uyo yaimokire akaraghanya honswe mumughi ghonswe ghano Yesu yamokoreye.⁴⁰Yesu akakyora,abhanto abha esangho bhakamuturung'ana, kobhora mbhonswe bhamoghanyanga. ⁴¹Rora akasha omonto omwe ono yabherekerwanga Yairo nomwe mobhotangati abha mwisengero. Yairo akaghwera momaghoro agha Yesu akamosasama aghi ka waye. ⁴²Kobhora yarenge no omona omwe uwe ekehara, uwe ekerengere iki imyoka ikomi nebhere, yarenge musingu uwu ukukwa. Hano yaghyanga, abhanto mbhamwesokeranga kwahang'e.⁴³Omokari ono yarure amanyinga ko imyoka ikomi nebhere yarengeho nawe yahire shimbire shaye shonswe kobhareri, nawe taho ono yamohwenirihe, ⁴⁴yaishire isiko yaye akakunya ororebherebhe urwo umwenda ghwaye, hayo hayo amanyinga ghakabhotoka.⁴⁵Yesu akaghamba, "Newe ankuniri?" hano bhangire bhonswe, Petro akaghamba,"Tata Omonene, abhanto mbharu bhakukusukuma nokokwesokera." ⁴⁶Naho Yesu akaghamba, "omonto omwe yankuniri kobhora naremanyire shinguru nshirure kuoni."⁴⁷Omokari ora hano yaroshe tatore kwibhisa korera okore, akarighita, akaghwa hanse mobhoronge bhwa Yesu akaraghanya mobhoronge ubhwa abhanto keno kighire amukuniri nkobhora yamuhweniri kamwe igho. ⁴⁸Ghweki akaghamba ku umwene, "Mohara, imighiro ghyaho ghikuhweniri, kaghi nomorembhe."⁴⁹Hano yaghambangaigho, omonto omwe akasha kurwa mwighutu iryo omotangati uwa mwisengero, araghamba, "Mohara waho akure. Otakanyankya umweghya." ⁵⁰Naho Yesu hano yaighure igho, akahonshokya, "otakobhoha. Itabherya igho, wonswe narahwenibhwi."⁵¹Hano yasohire mwighutu muyo, teyaitabhereyi omonto wowonswe asohe muyohe, asohe Petro, Yohana{na}Yakobho suwabho omohara, {na] nyakuwabho. ⁵²Bhono abhanto bhonswe bharenge bhararama nukurusya obhoraka kukughirya yaye, akaghamba, "Motakakora ikituri, tarakwahe, naraye." ⁵³Mbhamosekire kokomosera, bhamanyire igha nakure.⁵⁴Naho umwene, akaghota omoharaokobhoko,akabherekera bhokong'u, araghamba, "Omona emoka." ⁵⁵Obhohoru bhwaye bhokamukyora, akemoka enkagha iyo iyo. Akahama igha, ahanwe ekento nyabhorebhe koreke are. ⁵⁶Abhaibhori bhaye bhakaroghora, naho yabhatebhiri bhatakatebhya monto keno kyabhaye.

¹Akabherekera bhara ikomo nabhabhere, akabhahana obhotoro nashinguru ishu kurusya ebhehwe nukuhwenya omoroye. ²Akabhatoma bhaghi kotebherya eng'ana iya Waryobha nokuhwenya abharoye.³Akabhatebhya, "motakasha koghegha kyokyonswe kughirya yoroghendo rwenyu nunyora niing'imbho, ikighushi, ibhyakorya, shimbirya, {na}motakaghegha shengansho ibhere. ⁴Righutu ryoryonswe rera morasohe mwikaremo kohekera rono moryemoka hayo.⁵Kobhora bhatarebhaturung'ana, moremoka mumughi muyo, mwikong'onte urutu momaghoro ghenyu kebhe nkyorokeryo kyabho. ⁶Bhakaemoka nu ukughya kohetera moshemberi, bharararokya eng'ana inshiya nu ukuhwenya abhanto kera hase.⁷Bhono Herode, omobhahi, yaighure ghonswe ghano ghakorwanga akanyanka bhokong'u, kobhora yaroshwe{na}abhamwe igha umusubhi Yohana yaryokire kurwa mobhaku, ⁸Abhamwe bhabho bhakaghamba ighaEliya wonswe yaroshwe,{na}kobhande igha womwe uwa abharoti bhakare yaryoka wonswe kurwa kobhaku. ⁹Herode akaghamba, "Yohana namushinshire, bhono uyo nawe nkwighwa amang'ana ghaye? Ghweki Herode yatunire enshera iyo komaha Yesu.¹⁰Enkagha hano bhakyore bhara bhatomirwe, bhakamotebhya kera omonto kera bhakore. Abhaghegha hamwe nabho, bhakaghya abhene bhakahika umughi ghono ghwabherekeywe Bethsadia. ¹¹Naho ensango mbaiteghereye bhakemera bhakamosorana, uwe akobhaserenya, nukushumasha nabho eng'ana yobhokamaubhwa Waryobha, akabhahwenya bhara bhatunire kuhwenibhwa.¹²Urusiko ndwaghyangha kwira, ikomi nabhabhere bhara bhakaghyako nokoghamba, "Bhanyereghani abhanto bhaghi moshemberi ishya hang'e nu umughi bhaghi kumunya nokorya, kobhora hano mwisisi tore," ¹³Naho akabhatebhya, "Bhenyu mobhahe ekento ikyo korya "Bhakaghamba" Tetona kokera ekerengere ikyo kotambhoka ebhento bhitano ibhyo omokate{na}shinswe ibhere, hamwe toghende koghora kukughirya yesangho iya abhanto bhano," ¹⁴Bharengheho abhashasha kerengere kya kuhika ebhekwe bhitano hara. Akabhatebhya abhana bhegha bhaye, "Mobhaikari hanse komakomo makomo gha abhanto merongwe etano etano.¹⁵Nabho bhakakora igho {na}abhanto bhakaikara hanse. ¹⁶Akaghegha emekate etano nashinswe ibhere akamahera koryobha, akakumya, nokoghe bhotora bhotora bhetene bhetene, akahana abhana bhegha bhaye bhahane abhanto abhesangho. ¹⁷Bhonswe bhakarya nokweghota, bheno bhyasaghire bhekabhoshwa bhikishorya ebhekapo ikomi nabhibhere.¹⁸Ghweki ekabha igha, hano yasasamanga umwene, abhana bhegha bhaye hamwe bharenge akabhorya igha, "Abhanto bharaghamba noni we?" ¹⁹Bhakamohonshokerya, bhakaghamba, "Yohana umusubhi, nawe abhande bhakaghamba Eliya, nabhande bharaghamba uwomwe uwa abharoti abhe enkagha iya kare."²⁰Akabhatebhya, "bhono bhenyu moraghamba noni we? "Petro akahonshokya nokoghamba, "Kristo kurwa ko Waryobha." ²¹Naho kokobhakanya, Yesu akabhaorokerya bhatakatebhya monto wowonswe ighoro yareno, ²²akaghamba igha omoha uwa Adamu nkehameryo anyanke komang'ana amaru,nu ukwanghwa nabhaghaka nabhaimereri abhanene abhakoni koni, {na} naritwa, nu urusiko urwa katato nareryoka.²³Akabhatebhya bhonswe, "nyore omonto wowonswe aratune kokosorana, nkehameryo amanyekane umwene, agheghe omosarabha bhwye kera urusiko {na}ansorane. ²⁴Wowonswe ono akosakya kutungurya obhohoru bhwaye naribhusirya, naho ono akusirya obhohoru bhwaye kubhwera bhwane nareghatungurya. ²⁵Nke keratori omonto, hano oranyore ikyaro kyonswe, naho akasirya hamwe okohya umwene?²⁶Wowonswe ono aresokera amang'ana ghane ku umwene, omona uwa Adamu naremosokera hano arebha mobhohoreru bhwaye, Obhohoreru ubhwa Tata ne Enkoro Ehoreru. ²⁷Bhono ndabhatebhya obhohene, abhamwe bhenyu hano, tebharikwahe kohekera obhokama ubhwa Waryobha."²⁸Hano amang'ana ghayo ghahoye shinsiko monane, akaghegha Petro, Yohana, Yakobo bhakarina mokekereghe kosasama. ²⁹Hano yasasamanga, ikisyo kyaye kikisyorya, nashingibho shaye shekarabhera no okong'ara.³⁰Bhono maha, bharengeho abhashasha bhabhere bharashumasha nawe! Mbharenge Musa{na}Eliya, ³¹Bhamahwa mobhohoreru. Bhashumanshire ko okwemoka kwaye, reng'ana reno ryarenge reraghanywarekorwe Yerusalemu.³²Bhono Petro nabhara yarenge nabho bharenge bhaihiribhwi. Naho hano bhamisokiri, mbaroshe obhohoreru bhwaye {na}abhashasha bhabhere bhano bharenge bhaimereye nawe. ³³Ekabha igha, hano bharwanga ku Yesu haraPetro akamotebhya, "0monene, mbhuya bheto kuikara hano tokore emenyo iya abhanto bhatato. Emwe tokore kukughirya yaho, emwe kukughirya iya Musa{na}emwe kukughirya iya Eliya." Teyamanyire keno yashumasheranga.³⁴Hano yaghambanga ghayo risaro rekahinga nukukundikirya bhano bhobhohire, hano bharoshe bhainaribhwi {na}risaro. ³⁵Obhoraka bhukarwera mwisaro bhoraghamba"Ono no Omonene wane umwahorwa. Mumwiteghere we, ³⁶"hano obhoraka bhora bhwahikire, Yesu numwene yare. Bhakakira kiri,{na}kushinsiko shiyo tebhatebhiri monto wowonswe ryoryonswe koghano bharoshe.³⁷Urusiko rono rwarobhire,bharure mokekerebhere, abhanto abharu bhakasikana nawe. ³⁸Maha, umushasha omwe kurwa kobhanto bhara akakura ko obhoraka, ubhwa ighoro araghamba, "Umweghya ndakosabha omahe omona wane, kobhora uwe umwene nenawe. ³⁹Orarora ebhehwe bheramoghota nukushera, ghweki keramushurya{na}ukurwa rihuro mumunywa,{na}nkumurwako bhere kwanyanko, no okomoteghera obhoro bhokong'u. ⁴⁰Nasasamire abhana bhegha bhaho kobhehamera bhimurweko naho tebhatorehe."⁴¹Yesu akabhahonshokerya akaghamba, "Bhenyu rekora reno retakwitabherya ghweki kyatanina, ndohe ndikara nabhenyu nokobhaghegha? Reta omona waho uyo hano." ⁴²Hano umura uyo yaretwanga ekehwe kekamughwesya hanse nukumusinghisya kwihe.Nho Yesu yahameye ekwehe kera, akahwenya umumura nokomotora kusuwabho.⁴³Bhonswe mbharoghoribhwi no obhokoro ubhwa Waryobha. Nahano bharoghoranga komang'ana ghano ghakorwe, akaghamba kobhana bhegha bhaye. ⁴⁴"Amang'ana ghaikare momatwe ghenyu, kobhora omona uwa Adamu narirusibhwa momabhoko agha bhairo." ⁴⁵Naho tebhamanyire esesoro iya amang'ana ghayohe, nghabhisirwe momaiso ghabho, okoreke bhatakasha koremanya. Bhakobhoha komobhorya esesoro yako.⁴⁶Ghweki bhakasimya kwanga kughwerana kobhamwe bhabho ighoro yanewe arabhe 0m0nene mobhene. ⁴⁷Hano Yesu yamanyire kera bhaswaryananga abhene, akaghegha omona omoke, akamotora ko orobhara rwaye, ⁴⁸akaghamba, "nyore omonto wowonswe aranyora omona omoke kya ono kurina ryane, noni anyore, {na}wowonswe ono aranyore, nanyore ora yantoma wonswe, kobhora moke bhokong'u kokera bhonswe kobhenyu uwe arenge omonene."⁴⁹Yohana akahonshokya akaghamba, "Omonene ntwaroshe omonto arakenyia ekehwe kurina ryaho{na}tokamorebhera, kobhora tetona bhomwe nawehe." ⁵⁰Naho Yesu akamotebhya, "motakamorebhera kobhora ono motanawe hamwe nuwenyu."⁵¹Ekabha igha shinsiko ishyu ukughya ighoro hano shahikire hang'e kuhika umwene akaisorya komahera Yerusalemu. ⁵²Akatoma abhanto mobhoronge bhwaye, bhakaghya bhakasoha morobheri urwa Wasamaria okoreke bhamosereniri ahase. ⁵³Abhanto abha iyo tebhamuturung'anirehe, kobhora yarenge isiyoreyi ubhusyo bhaye Yerusalemu.⁵⁴Abhana bhegha bhaye Yakobo {na}Yohana hano bharoshe reno, bhakaghamba, "Omonene mboronge ore ohama omoro ghwike kurwa kwisaro ghusiki bhayo. ⁵⁵Hayo yabhaisyoreyi akabhahamera. ⁵⁶Gweki bhakaya orobheri ronde.⁵⁷Hano bhaghyanga monshera, omonto omwe akamotebhya, "nendakosorane hano honswe oraghi," ⁵⁸Yesu akamotebhya, "Ebhebhwe bhena amaina, niibhinyonyi mbena amasu, naho omona uwu mwiro tana hase ho okotora omotwe ghwayehe."⁵⁹Nho akatebhya omonto wonde, "Nsorana." naho umwene akaghamba, "Omonene, nyitabherya ngende kobheka tata." ⁶⁰Umwene akamotebhya, "Tigha abhaku bhabhekane abhene kobhene, naho uwe kaghi oraghani obhokama ubhwa Waryobha kera hase."⁶¹Ghweki omonto wonde akaghamba, "Nendakosorane, Omonene, naho nyitabherya mbaraghe bhano bharenge mwighutu ryane." ⁶²Naho Yesu akamotebhya taho omonto, ono akutigha korema kwaye amahere eno akurwa ono akwisa kobhokama ubhwa Waryobha."

¹

¹

¹Ko enkagha iyo, ebhekwe bhya abhanto bhakaekomana hamwe kohekera kotashana tashana,akasimya koghamba (na) abhana bhegha bhaye igha, "Mwirihe no obhotondoru ubhwa Mafarisayo mbubhisa"²Ghweki tekerebhaho ikibhisa keno kyorokibhwa,nunyora eng'ana eno ibhisirwe reno retaremanyekana. ³Ghweki ryoryonswe rera moraghambhe mukisumte,ririghwebhwa mobhorabhu.{Na}ghoghonswe ghara mwatebhyana momatwe mmubhinyumbha bhyenyu ibhya riko bheno bhyasikwa ngarerangiribhwa ighoro yo orosara urwa righutu.⁴Ndabhatebhya bhasani bhane,motakabhobhoha abhaiti abhe emebhere ghweki tebhana kento kyende ikyo kokorahe. ⁵Naho nendabhakani ono morobhohe.Mobhohe ono yaita,nana obhobhahi obhwo korekerwa momoro.Mbhohene,ndabhatebhya bhenyu igha,momobhohe uyo⁶Bhunyunywa bhatano tebhareghoribhwa koshehera ibhere?Nunyora nigho ghare taho nunyora nomwe ono aryebhwa mobhoronghe ubhwa Waryobha. ⁷Naho momanye igha,shintukya shenyu nshebharwe.Motakobhoha,bhenyu mona ubhwera bhonene kokera bhunyunywa bharu.¹⁰⁸Ndabhatebhya 0n0 wonswe ono arinyikerya Oni mobhoronghe ubhwa abhanto,Omona uwa Adamu wonswe narimwitabherya mobhoronghe ubhwa omoraghe uwa Waryobha. ⁹Naho ono arinyikana mobhoronghe ubhwa abhanto wonswe naryangwa mobhoronghe ubhwa omoraghe uwa Waryobha. Ono wonswe areghambha eng'ana engogho ko Omona uwa Adamu,naryabherwa,naho ono arikana Enkoro Ehoreru,taryabherwahe.¹¹Hano bharihirwa mobhoronge ubhwa abhatangati abha risenghero,abhabhahi nabhaimereri,motakobhoha kokera moreghamba nukwisasama hamwe kokehe moreghamba, ¹²Kobhora Enkoro Ehoreru nerebhatebhya keno moreghamba,ko nkagha iyo."¹³Omonto omwe konsangho era akamotebhya,"Omweghya,wamweto antwenere enghabho yane." ¹⁴Yesu akamohonshokerya newe yantora kobha umwahokani nomoghambanya wenyu? ¹⁵Ho yabhatebhiri,mwirihe no oronambha rworwonswe rora,kobhora obhoru obhwo omonto tebhorenge kobhento bhera anabhyohe."¹⁶Yesu akabhatebhya ekerenghyo,araghamba,omoghondo ughu umwame omwe ghokama bhokong'u, ¹⁷akaibhorya umwene,araghamba,niyake ndakore tenena ahase ahokoghesera ibhyakorya bhyane? ¹⁸Akaghamba,nenda kore igha.Nendatabhore ebhetara bhyane ebheke nhaghashe ebhenene ngheseremo no okotoramo ebhento bhyane bhyende. ¹⁹Nendaiteghere umwene ighaa,"umwene"witoreye emongo ye ebhento ibhyaru ku imyoka imyaru.Munya,ore,unywe,nukumunya."²⁰Naho Waryobha yamotebhiri,uwe moteng'o ore,ubhutiko ubhwa rero bharatuna kukwita,ne ebhento bhyonswe bheno okoserenya mbherabhe bhyake? ²¹Nigho erabhe ko kera ono akwibhekera ebhento tigha amehe kukughira iya Waryobha.²²Yesu akatebhya abhana bhegha bhaye,ku igho motakahaha ko obhohoru bhwenyu_igha nke morare naiyake morabhe igha nke moraibhohe. ²³Kobhora obhohoru mbhokere ibhyakorya no omobhere ngokere shinghibho.²⁴Momahe ibhinyonyi bhya murwire,tebhekorema ghweki tebhekoghesahe.Tebhena ighutu nunyora nketara ikyo okobhekera,naho suwenyu nkobheragheryare.Bhenyu nke mokoreye ibhinyonyi! ²⁵Naho kobhenyu ono akinyankya no ukwiyengerya obhoro ko obhohoru bhwaye? ²⁶Nyore motakotora kokora ekento ekeke ikinyohu nkwake munyankere aghande ghano?²⁷Mwiteghere kigho ebhemore bhekomera,tebhekokora omoremohe nunyora nokorokera.Naho ndabhatebhya,nunyora Sulemani ko obhohoreru bhwaye bhonswe teyatengibhwi kwimwe iya ghayohe. ²⁸Nyore Waryobha arakinya bhuya amanyanki agha momoghondo,ghano rero ghaho,naisho ngaresambhwa.Tibhuya abhakini bhenyu?bhenyu nyamighiro meke!²⁹Motakanyanka kobhorya nke mokorya nanke murinywa,ghweki motakahaha. ³⁰Kokobha ehamate yonswe iyikyaro eranyankera amang'ana ghaho³¹Nigha motangate kutuna obhokama bhwaye,aghande ghayo morengeribhwi. ³²Motakobhoha,mbake more,kobhora suwenyu arashomerwa kobhahana obhokama bhuyo.³³Moghori ebhento bhyenyu mutwenera abhataka,mwikore ibhighusi bheno bhetakuhwerwa,emongo iya koryobha eno etana kihiko,ahase hano umwibhi atakuhika nunyora ekyoma tekesarihohe. ³⁴Kobhora hano emongo yaho erenghe,nho enkoro yaho erebhanga.³⁵Shingibho shyenyu shentambe shebhohwe nu ururugha,nashetara shyenyu shetakarima, ³⁶mobhe kya abhanto bhano bhakoghanya Omonene uwabhu nyangi iyu bhwenga,okoreke hano arihika bhamwighore ekeseku bhongo.³⁷Mbhaitabheribhwi abhakori abhe emeremo bhara Omonene arinyora bhatararara.Mbhohene narekondeka ingibho yaye entambe nurunugha,ghweki aribhaikarya hanse kobhahana ibhyakorya,no okobhaserenya. ³⁸Nyore Omonene arisha ku urwiru urwa kabhere urwo obhorendi ubhu bhutiko,ghweki urwiru urwa katato urwo obhorendi,no okobhanyora bhaisereniri,nerebha bhuyo ko abhakori abhe emeremo bhayo.³⁹Nawe momanye eng'ana eno,kyo omonene uwa righutu hano akamanyire enkagha eno umwibhi akusha,takaitabhereyi righutu ryaye retabhorwe no okwebherwa. ⁴⁰Mwisemi kobhora temomanyire nenkaghake eno Omona uwa Adamu arekyora.⁴¹Petro akaghamba,"Omonene,oratotebhya bheto igha bheno mbherenghyo,kose nkotebhyore kera omonto? ⁴²Omonene akabhatebhya,"nawe arenghe omoghorwa omohene hamwe uwe esoko ono omonene waye aramotore kobha ighoro yabhande,koreke abhatweni ibhyakorya bhyabho ko nkagha? ⁴³Yaitabheribhwi umwimereri uyo,ono omonene waye arashe amunyore arakora ghara yaragheribhwi. ⁴⁴Mbhohene ndabhatebhya bhenyu igha naremotora ighoro ye ebhento bhyaye bhyonswe.⁴⁵Nawe omokori waye owe emeremo ora akaghamba monkoro yaye,"Omonene wane arategheta kukyora:nukusimya kotema bhara abhakori abhe meremo abhi kishasha nabhe ekekari,ghweki akasimya korya,ukunywa nokoghotwa, ⁴⁶omonene waye ora omoghorwa narisha urusiko rono rotaremanywa enkagha eno ataremanya,nawe naremobhotora matene matene no okomotora ntahana emwe nabhara bhatarenge bhahene.⁴⁷Omokori uwe emeremo,ono amanyire obhohanshe ko omonene waye,nawe tiyisemirihe nunyora nkokokora bhora bhora no obhohanshe bhweye narihighamerwa karu. ⁴⁸Nawe omokori uwe emeremo ono atamanyire obhohanshe no omonene waye,naho akakora bhono ikutunwa,narehighamerwa hakigho.Kobhora umwene ono yahaywe bhyaru,mbhyaru akosabhwa kurwa ku umwene,naora yaitabheribhwi ku ibhyaru,naresabhwa bhyaru bhokong'u.⁴⁹Nishire koghotya omoro mukyaro,ghweki ndighomba ghobhe ghwasimya koka. ⁵⁰Naho nena isubho kobhara ndisubha,ghweki nena obhosorombaru kuhika hano bhorebha!⁵¹Bhono moraiteghera igha naishire koreta omorembhe mukyaro?Tighohe,Ndabhatebhya,hamwe nareta umwahokano. ⁵²Kukurwa bhono nokoghenderya mbhare bhaho abhanto bhatano mwighutu imwe bhahokaini,abhatato mbarebhanga abhabhere {na}abhabhere bhara mbaryanga abhatato bhara. ⁵³Mbariitwenekana,suwabho tarebha hamwe nabhana bhayehe,no omona naryanga suwabho,nyakuwabho naryanga mohara waye no omohara naryanga nyakuwabho,nyakubhyara naryanga umwiru,nu umwiru naryanga nyakubhyara wabho.⁵⁴Yesu yatebhyanga esango era,"Hano morerora amasaryo ghararwera nyansha bhoghwera ryobha,moraghamba enkagha iyimbura ihikire nigho ekobha. ⁵⁵Omokama ghono ghurirwa humbhu nghoreheta, moraghamba nderebhaho rebherera ryaru nanigho erebha. ⁵⁶Bhenyu mbhabhisa,moratora koghaghanora ghano ghakobha kukyaro nako ryobha,bhono nighake ekobha moratamwa koghanora enkagha eno eho?⁵⁷Nkwake kera omwe wenyu atakokora reno rerenge bhoronge kobhenyu? ⁵⁸Kobhora hano orayi nu umushongeri waho ko omwahokanya,ikong'erya kwighwerana nu umushongeri waho mokerenge koroghendo atakashe akuhire ko omwahokanya,no omwahokanya akakuhira ko omotake,no omotake akakuhira mushera. ⁵⁹Ndakotebhya,turirwa iyo kohekera hano

¹Ko nkagha iyo iyo, bharengeho abhanto bhano bhamotebhiri ighoro iya Galilaya bhano Pilato yaitire nu ukwishoghanya amanyinga niimituho ghyabho. ²Yesu akahonshokya akabhatebhya, "Uriteghera igha Wagalilaya bharenge niibhitimba kokera Wagalilaya abhande bhonswe nkyo kighire bhanyorwe namaghogho ghayo? ³Tighohe,ndabhatebhya, naho hano motasabhire amabhera, bhonswe morasika bhuyo bhuyo.⁴Hamwe abhanto ikomi namonane abha Siloamu bhano omonara ghwaghoye nu ukubhita, moraiteghera mbarenge niibhitimba bhyaru bhokong'u kokera abhanto abharu abha Yerusalemu? ⁵Tighohe, ndaghamba igha, hano morange kosabha amabhe, morasikibhwi bhoonswe.⁶Yesu akabhatebhya ekerengyo kiyo, "Omonto uwomwe yarenge yemiri omote ghu umutini momoghondo ghwaye hano yagheye kutunako shehagho teyashinyorekohe. ⁷Akatebhya omorendi wo omoghondo , 'Maha, ku imyoka etato nishire kosakya kutuna shehagho ko umtinighono naho tinyorekohe. Ghogheshe. Nkwake ghosari rirobha?⁸Omorendi uwo omoghondo ora akamuhonshokerya, 'tigha omoka hano ngwaghere no okoghotora orose. ⁹Hano ghorebhore shehagho omoka ghuyo ghukusha mbuya; naho hano ghorange kwama, oghogheshe.!'"¹⁰Bhono Yesu yaghyanga mwisengero ryende enkagha yu urusiko urwu ukumunya. ¹¹Maha,yarengeho omokari omwe ono yarenge ne ebhehwe imioka ikomi namonane yarenge ne enkoro inyanku (na) endosu,wanyora yaibhereka natana bhotoro ubhwe kwemerahe.¹²Yesu hano yamoroshe,akamobherekera, "Bhabho, ohaywe ubhwibhahi urwe munyanko yaho." ¹³Akamotora amabhoko ghaye, hayo hayo omobhere ghokarongeha akaghonga Waryobha. ¹⁴Naho omonene uwa risengero akarera kobhora Yesu yahweniri omonto urusiko rukumunya. Igho omobhahi akahonshokerya abhanto, "Shinsiko isansabha nkehateko tokore emeremo.Mushe muhwenibhwi,te urusiko rukumunyahe.'¹⁵Omokama akamohonshokerya, "abhaniko!Takabhaho nunyora nomwe ko bhenyu atanshore itikere yaye nunyora ne eng'ombe kurwa mwigho kuyihira kunywa amanshe kurusiko urwa kumunya? ¹⁶Nigho okanyora mohara uwa Abrahamu ono risambwa ryamobhoha imioka ikomi namonane, tekabhaye bhuya ekebhohe kyaye ketakahaterw urursiko uru kumunya?"¹⁷Hano yaghambanga amang'ana ghayo, bhara bhonswe bhamwanganga mbasokire, naabhamwe bhe sango era mbakumiri nu ukumukiryaterya ko ghano yakore.¹⁸Yesu akaghamba, "Obhokama ubhwa Waryobha nke bhukutubhanibhwa, ndatora kobhoreng'anya nake? ¹⁹Nke entetere ye haradari eno omonto omwe yagheghire no ukwemya momoghondo ghwaye, ekamera no okobha omote,ibhinyonyi bhekehaghashako.²⁰Ghweki akaghamba, "Obhokama ubhwa Waryobha nke ndabhutubhani? ²¹Nkyo obhotondoru bhono omokari yarengire akabhishoghanya mo ebherengere bhitato ibhyo obhose bhokaebhoka."²²Yesu yahetire kera orong'ongo ne sheka no okobheghya hano yaghyanga Yerusalemu. ²³Omonto omwe akabhorya, "Omokama, mbanto bhake igho bhano bharyokibhwa?" Bhono akabhatebhya, ²⁴Ikong'erya kosoha kokohetera enshera inyere, kobhora mbaru bharesakya naho tebharesohahe.²⁵Hano mwene ighutu yaimereye nu ukusika ekeseku, nho moremera kebhara no okoghamba Omokama, Omokama, tweghore nho areghamba,tembamanyirehe nunyora hara mukurwa. ' ²⁶Nho moreghamba, ntwanyoyeno okorya mobhoronge bhwaho nuwe watweghiri mubhibhure bhyeto." ²⁷Nawe narebhahonshokerya igha, 'ndabhatebhya temanyire hano mukurwa murwe hano, bhenyu bhare bhasarya!'²⁸Nkerebhaho ekero nu ukwitakunya hano moremaha Abrahamu, Isaka, Yakobo nabharoti bhonswe abha mobhokama bhwa Waryobha enkagha iyo morerekerwa kebhara. ²⁹Mbarihika kurwa roghoro,Nyansha,Humba ngubha (na) humba amata,nu ukumunya ko mensha iyi ibhyakorya bhya moghorobha ko obhokama bhwa Waryobha. ³⁰Omanye reno,umusuti narebha omotangati no omotangati narebha umusuti."³¹Ko nkagha nke, abhamwe abha Mafarisayo bhakasha no okomotebhya, "Kaghi nu urwe hano kobhora Herode akutuna kukwita." ³²Yesu akaghamba, "Mughi motebhi ishushe, Maha,ndakenya ebhehwe nu ukuhwenya rero naisho, nu urusikourwa katato nkerebha ikihiko kyane. ³³Ko sera yoyonswe, mukumokukughirya yane koghenderya reno,isho nu ishorya,kobhora tikwitabheribhwa kwita omoroti hare (na) Yerusalemu.³⁴Yerusalemu, Yerusalemu,nawe akwita abharoti no okobhatema namaghena bhara bhakotomwa ko bhenyu. Nkarenga nkutunangakokomanya abhana bhenyukya bhora engoko ekokomanya ibhishushu momabhabha ghaye,nawe temwaritunire riyohe. ³⁵Momahe, righutu ryaho ryasendekwa hayo. Naoni ndabhatebhya temoretora komaha nokanyora moraghamba 'Yanonkirwe uyo akusha kurina ryo Omokama.'"

¹Ndwarenge urusiko rwu ukumunya,hano yaghyanga kO Mafarisayo korya omokate,bhonswe kigho bha mwitahanga kwahang'e. ²Maha,mobhoronge bhwaye hara yareho omonto ono yarekunyankibhwa nu ubhubhimbe. ³Yesu akabhorya abhatahe abho omwahokanyo ughwa Wayahudi (na) Mafarisayo, "Mbuya kumuhwenya kurusiko urwu kumunya, hamwe tighohe?"⁴Bho mbakire, ku igho Yesu akamoghota,nu ukumuhwenyaakamotebhya aghi. ⁵Wonswe akamotebhya, "Newe ko bhenyu ono omona nunyora neng'ombe eghwe mukisima yange kumuruta kurusiko urukumunya? ⁶Bho tebhabhaye no obhotoro ubhwo kohonshokya ko mang'ana ghayohe.⁷Enkagha Yesu yamanyire bhara bhano bharenge bhararekirwe igha bhaisyoreyi ibhitumbe ibhye esoko akabhatebhya ekerengyo arabhatebhya, ⁸"Enkagha eno mokorarekwa no omonto mubhwenga, motakaikara kumweya ghwa abhanto abhe esoko kobhora eratorekana nararekirwe omontouwe esoko kokera uwe. ⁹Enkagha eno omonto ono abhararekire bhenyu bhabhere hano arahike,narekotebhya uwe, "mwiheneri omonto ono umweya ghuyo ngwaye ," nauwe norarweho kwansoni nu ukughya kwikara ku umweya ghwa ikihiko.¹⁰Naho hano uwe orararekwe,kaghi wikare ko hase ha nyuma, okoreke ora yakorarekire arashe,akotebhi uwe, 'Mosani kaghi mbere bhokong'u." Nho oranyore esoko mobhoronge yabhoonswe bhara bhaikayenauweko mensha. ¹¹Nko bhora ono wonswe akuikinya narikibhwa, ora akwiyikya naririnibhwa.'¹²Yesu wonswe akatebhya omonto ono yamorarekire,'Hano warusya ibhyakoryabhya mobhaso hamwe ibhya moghorobha, otakarareka abhasani nunyora mbawamwenyu hamwe abhahiri bhanyarobheri bhaho abhame, okoreke bhatakasha kokorareka uwe nokokohakya.¹³Ukutigha ghayo, hano wakora inyangi, rareka abhataka,abhabheru,bhara bhatakoghenda, (na) abhahukuru, ¹⁴Nauwe norenokwa, kobhora tebharetora kokohakahe. Kobhora norehakwako bhara bhariryokibhwa abho obhohene."¹⁵Uwomwe uwa bhara bhanari emensha hano Yesu yaighure ghayo, akabhatebhya, "Anonkirwe ora arerya omokate mobhokama ubhwa Waryobha!" ¹⁶Ghweki Yesu akamotebhya, "Omonto uwomwe yasereniri inyangi enene, akarareka abhanto abharu. ¹⁷Enkagha inyangi yabhaye, akatoma omokori waye uwe emeremo kotebhya bhara yararekire, "Mushe, kobhora kere ekento kemere koserenibhwa.'¹⁸Bhoonswe, bhakasimya komosasama,uwa mbere akasabha amabhera, ono yasimiri akamotebhya , 'Naghore omoghondo mukumo ngende koghomaha. Unyabhere.' ¹⁹Uwonde akaghamba, ' Naghore sheng'ombe ikomi ndaghya kosakya koshebhohera. Unyabhere. ²⁰Uwonde akaghamba, ' Natetire omokari, kuigho tentore kushahe.'²¹Omokori uwe emeremo ora akakyora akatebhya omonene waye. Mwene ighutu akarera akatebhya omokori we emeremo waye ora igha, 'Kaghi kemwe kemwe morobheri namosheng'ongo orete abhataka bhonswe ,abahabheru, (na) abhahukuru." ²²Omokori we emeremo akaghamba , 'Omokama,ghayo okoghamab ghamare kokorwa, nu umweya nhoghokere.'²³Omokama akatebhya omokori waye uwe emeremo, 'Kaghi konshera (na) mobhekoro obhahameri abhanto bhasohe okoreke righutu ryane ryeshore. ²⁴Kobhono nkobhatebhya, ko bhara bhatangirwe korarekwa taho ono ataresama inyangi yane.'²⁵Bhono abhanto abharu mbaghyanga nawe, nawe yaisyori akabhatebhya, ²⁶Hano omonto arashe kuwoni nawe tarereye suwabhohe, nyakuwabho,mokaye,abhana bhaye, bhahiri bhaye,abhashasha nabhakari_nigho,nunyora obhohoru bhwaye hamwe_tatore kobha mona mwegha wane. ²⁷Hano omonto arange koghegha omosarabha ghwaye nu ukusha kuwoni tatore kobha mona mwegha wanehe.²⁸Nko bhora nawe kobhenyu akwighomba kohaghasha righutu ritambe ataikaye kotema amasabhu aghe bhento bheno araghore komara righutu ryaye? ²⁹Erange kobha igho, omare kutuka obhorosa no otamire komara, bhano bhamoroshe bhoonswe mbaramushere, ³⁰bharaghamba, omonto ono yasimiri kohaghasha, shinguru shekamuhwera okomarerya.'³¹Kasi mokamake aratune kughya kuitana no omokama wonde rihe, ataraikara hanse kuisemya nyore natora hamwe naabhanto ebhekwe ikomi kwitana no omokamawonde ono akusha ighoro yaye nabhanto merongo ebhere? ³²Hano arange kobha igho enkagha abhasirikare abha abhande nunyora bhakerenge hare, aratoma omotughunkurya ko mighiro ighya omorembe. ³³Ku igho ko bheto ono atatighire bhyonswe bhera anabhyo, tatore kobha mona mwegha wane.³⁴Omonyo mmuya,naho hano omonyo ghwaruha ubhuya nkohwabhore, nighake ghorabhe omonyoghweki? ³⁵Teghokokora kento ko marobha nunyora ko orose. Nkotabhutwa ghore hare. Ono ana amatwe aghu kwighwa aighwe."

¹Nho abhakomanya abhu bhushuru nabhene bhitimba bhaishire ku Yesu nu ukumwiteghera. ²Mafarisayo nabhakonikoni bhonswe bharitumantya bharaghamba, "Omonto ono araitabherya abhi ibhitimba no okorya nabho."³Yesu akabhatebhya ekebhoro keno, akaghamba ⁴"Ko bhenyu nawe, nyore amang'ondi ighana rerasire imwe,takutigha aghande merongo kenda nakenda mwisisi,aghi kutuna rera risire? ⁵Hano yarinyora nkushomerware nankoreghegherare komareko.⁶Hano yahika kawaye, abherekera abhasani nabhanyarobheri igha mushe tushomerwe nyore ring'ondi ryane rera ryare risire ndinyore.' ⁷ndabhatebhya igho ko bhora ubhushomerwa mborebhaho mwisaro hano uwikitimba omwe yaitabherya kutigha ibhitimba bhyaye, ghweki nakere abhahene merongo kenda nakenda bhano bhataraitabherya⁸Hamwe mmokarike arabhe nashehera ikomi, asiri emwe yange koghotya ekemore nu ukweya righutu okokora emekere kuituna? ⁹Nahano yainyora abherekera abhasani nabhanyarobheri kobhatebhya tushomerwe yinyore. ¹⁰Nunyora nigho ndabhatebhya mbushomerwa bhokong'u mobhoronge ubho omoraghe uwa Waryobha kukughirya uwomwe uwi ibhitimba omwe ono aitabhereyi."¹¹Yesu akaghamba, "Omonto omwe yare nabhana bhabhere ¹²omoke akatebhya suwabho, Tata ndasabha untwenere engabho yane. Suwabho akamutwenera.¹³Ku shinsiko nsharu omoke ora akakomanya ibhyaye bheno yaghabhibhwi akaghya hare, akarya nu ukunyaraghanya no okorya ebhento bhyaye bhyonswe korya kunywa no okoghora ebhento bhetana ubhwera. ¹⁴Hano yareye abhento bhiyo bhyonswe bhekahwa inshara ekasoha mukyaro muyo nawe akasimya kutuna.¹⁵Akanyora emeremo ko omonto wo omoghondo uwa mukyaro kiyo, akamuhira momoghondo ghwaye koragherya shembeshe. ¹⁶Akaya ararya ghara shembeshe shekorya gharatighara ko bhora te monto wowonswe yamohaye ibhyakorya.¹⁷Omona omoke hano yaiteghereye monkoro yaye, akaghamba 'mbabhaghati bharenga abha tata bhakorya ibhyakorya kerengereke naoni ndaramboka nu umweko! ¹⁸Nendaghi kotata, motebhi, "Tata nakosarya mwisaro nakuuwe umwene. ¹⁹Tendenge kentohe ghweki tinkwisa kobherekerwa omona wahohe;ndatuna mbe omobhaghati waho."²⁰Nho yaimokire akaghya ku suwabho. Hano yahikire hang'e suwabho yamoroshe akamwabhera akamokenyera akamuhumbata. ²¹Omona ora akamotebhya, 'Tata nasarya ighoro kwisaro namomaiso ghaho temberekerwe mona wahohe.'²²Umwibhori ora akatebhya abhabhaghati bhaye, morete ingibho inshiya, mumwibhohi nepete kukyara ne shengeto komaghoro. ²³Momore moghote rikohe rinoru moghoghe tore nu ukushomerwa. ²⁴Omona wane ono yare yakwa mohoru. Yare yasira bhono atokire bhakasimya kukiriatya.²⁵Mura wabho omonene yare momoghondo. Hano yahikire hang'e akaighwa obhoraka ubhwa abhanto bhararetya nu ukubhina. ²⁶Akabherekera omobhaghati uwomwe akamobhorya amang'ana ghayo ngahe? ²⁷Omobhaghati ora akamotebhya omoke waho yishire nasuwenyu amoghogheye rikohe rinoru kobhora akyore mohoru.'²⁸Omona omonene akarera akanga kosoha ka nasuwabho akaroshoka komosasama. ²⁹Nho yakyoreyi suwabho araghamba, 'Maha oni nkotoreyi imioka myaru, tenakakosareyihe, nawe tewakang'ae emborihe, okore nshomerwe nabhasani bhane. ³⁰Nawe hano yaishire omona waho ono yanyaraghanya ebhento bhyonswe nabhasimbe omoghogheye rikohe rinoru.³¹Suwabho akamotebhya, 'Mona wane, nhamwe tore nsiko shyonswenaibhyane bhyonswe mbyaho . ³²Bhono mbuya ere bheto tokore inyangi nu ukushomerwa, ono wamwenyu yare yakwa, nabhono mohoru; yare yasira bhonoatokire."

¹

¹

¹Ghweki akabhatebhya ekerengyo kyaigho bhakutunwa okosabha nkagha shonswe, bhatakakwa motwe. ²akaghamba, 'yarengeho omokengi wi ikina mumughi nyabhorebhe, ono atare kobhoha Waryobha natiyare kosoka bhantohe.³Yareho umusino ku umughi ghuyo ghuyo,akaghya aramosorana nsiko nsharu, araghamba, 'Ntore nyore obhohene ku umuniko wane.' ⁴Ko nkagha ntambe tiyare mwango wo kontoryahe, naho ekehekeraho enkagha enkoro ekamushuta kokobha oni tenkomwobhoha Waryobhahe hamwe okosoka omonto, ⁵kokobha ono msino aranyankya nendamotori kunyora obhohene bhwaye, okoreke atashe andosikusha kuwoni hakehake."⁶Ghweki Waryobha akaghamba, 'Mwiteghere omokengi wi ikina ono umunyanyi. ⁷Igha Waryobha tarereta obhohene ko abhahorwa bhaye bhano bhakomokora mobhaso nabhutiko? Narabhateghetere nkagha ntambe? ⁸Ndabhatebhya igha nararete obhohene bhwabho bhongo. Nawe enkagha eno omona wu mwiro hano arisha, igha,arinyora umughiro mukyaro?'⁹Nho yabhatebhiri ekerengyo igha bhaho abhanto bhande bhano bhakwimaha abhene igha mbano obhohene nu ukushera abhande. ¹⁰'Abhanto bhabhere bharine kughya mwisengero kosabha:uwomwe Mfarisayo yarenge nu uwonde omotobhesya uwa righoti.¹¹Farisayo akemera no okosabha ighoro yaye, 'Waryobha, ndakoghonga kokobha oni tendenge kya abhanto bhandehe bhano bharenge abhasaki,abhanto bhano bhatana obhohene, abhasorare,hamwe kya ono omotobhesya uwa righoti. ¹²Ndanga korya kabhere ko obhoyo. Ndarusya ekehano kyane ko kerengere kyane keno nkunyora.'¹³Nawe omotobhesya uwa righoti, akemera hare,tiyatore hata kwimokya amaiso ghaye kwisarohe, akatema ikikubha kyaye akaghamba, 'Waryobha, unyabhere oni omonto wi ibhitimba.' ¹⁴Ndabhatebhya, omonto ono yakyore ka akabha aghereywe obhohene kokera uwonde ora, kobhora ora wonswe akwikumya narikibhwa, nawe bhore monto ono akwitughamya naririnibhwa.¹⁵Abhanto bharetire abhana abhang'ere, okoreke atore kobhakunya, nawe abhanabhegha bhaye hano bhahekeye komaha ghayo, bhakabhakanya. ¹⁶Nawe Yesu akabhabherekera bhaghi ku umwene akaghamba, "Mutighe abhana abhake bhashe kuwoni motakabhakanya. Kokobha obhokama ubhwa Waryobha nu ubhwa abhanto kya bhayo. ¹⁷Mwitabheri,ndabhatebhya, omonto wowonswe ono atarinyora obhokama ubhwa Waryobha kyo omona mahene tarebhosohahe.'¹⁸Omobhahi uwomwe akamobhorya, araghamba, 'Umweghya umuya, niyake ndakore mmanye koghabha obhohoru bhwa bhokora?' ¹⁹Yesu akamotebhya , 'Nkwake okomberekera omohene? Taho omonto ono arenge omohenehe Waryobha umwene. ²⁰Omanyire imighiro-otakabha mosorare,otakaita,otakaibha,otakahamerya omonto obhorongo,osoke suwenyu nanyakuwenyu. ²¹Omobhahi ora akaghamba, 'Amang'ana ghano ghonswe naghaghota kerengera nare mumura.²²Yesu hano yighure ghayo akamotebhya, '"Osoheywe eng'ana emwe. Nkehameryo oghori ebhento bhyonswe bheno onabhyo utwenere abhatobhu, nawe norabhe ne omongo mwisaro -hano okomara ushe, onsorane.' ²³Hano omobhahi hano yighure ghayo, akaroghora bhokong'u, kobhora mwame yare bhokong'u.²⁴Nho Yesu, yamoroshe aroghore bhokong'u akaghamba, 'Nkwa tubho ke erebha bhokong'u ku umwame kosoha ko Obhokama ubhwa Waryobha! ²⁵Kokobha ti bhunyohu bhokong'u ko ngamia koheta muritundu ri isindani, kokera umwame kosoha Mobhokama ubhwa Waryobha.'²⁶Bara bhano bhaighure ghayo, bhakaghamba, 'Nnawe bhono, ono aretora kutunguribhwa?' ²⁷Yesu akahonshora, 'Amang'ana ghonswe ghano ghatakotorekana ko omona wu umwiro ko Waryobha nkotorekana ghare."²⁸Petro akaghamba, 'Ahaa, bheto twatigha kera ekento twakosorana uwe.' ²⁹Ghweki Yesu akabhatebhya, Mwitabheri,ndabhatebhya igha ono yatigha umughi ghwaye, hamwe mokaye,hamwe wamwabho,hamwe abhaibhori bhaye hamwe abhana, kukughirya yo Obhokama ubhwa Waryobha, ³⁰ono atarinyora maru bhokong'u mukyaro keno, namukyaro kiyo kikusha,bhohoru bhwa bhokora.'³¹Hano yamare kobhakomanya bhara ikomi nabhabhere, akabhatebhya, 'Maha torarina kughya Yerusalemu, namang'ana ghoonswe ghano ghakonirwekonirwe naabharoti ighoro iyo Omona uwa Adamu gharihikibhwa. ³²Kokobha naretorwa momabhoko agha abhahamate arekorwa shenkani no obhobhe, nu ukutwerwa amate. ³³Hano bharemara komotandeka ebhesamore bharimwita nu urusiko urwa katato ariryoka.'³⁴Tebhamanyereyi amang'ana ghanohe, eng'ana eno yarenge ibhisirwe ko bhene, tebhamanyire kigho amang'ana ghaghambirwehe.³⁵Ekabha Yesu ahikire hang'e (na) Yeriko, omonto uwomwe umuhukuru yarenge yikaye mbareka yo omohanda arasabha bhamotori, ³⁶hano yighure rikomo rya abhanto reraheta yabhori kana nke keho. ³⁷Bhakamotebhya igha Yesu uwa Nazareti araheta.³⁸Kwaigho umuhukuru ora akakura ko obhoraka, akaghamba, 'Yesu, Omona uwa Daudi, nyabhera,' ³⁹bhano bhaghendanda mbere bhakamokanya umuhukuru ora, bhakamotebhya akire. Naho umwene akaghenderya kukura ko obhoraka, ' Omona uwa Daudi, nyabhera.⁴⁰Yesu akaemera akahamerya omonto ora aretwe ku umwene. Nho bhono umuhukuru ora yamwisokereye, Yesu akamobhorya, ⁴¹' Nke ukutuna nkokore?' Akaghamba, 'Omokama, ndatuna komaha.'⁴²Yesu akamotebhya, 'Maha. Ubhwitabherya bhwaho bhukuhweniri.' ⁴³Enkagha iyo akamaha, akamosorona Yesu no okomoghonga Waryobha.Hano bharoshe reno,abhanto bhonswe bhakamukumya Waryobha.

¹Yesu akasoha kokohetera Yeriko. ²Maha, yarengeho omonto uwomwe arabherekerwa Zakayo. Ono yarenge omonene uwa abhatobhesya abha righoti namwame yare.³Yasaghanga komomaha Yesu nawe yare, nawe tiyatore komomahahe kokobha kukughirya iya rikomo irya abhanto, kokobha mweng'e yare. ⁴Ku igho, akakaangata no okokenya mbere (ya) abhanto, akarina ighoro yo omoko atore komomaha, kobhora Yesu yarenge ahikire hang'e koheta ko nshera iyo.⁵Enkagha Yesu yahikire ahase hara, akamaha ighoro akamotebhya, 'Zakayo, ika bhongo, kokobha rero nke hameryo nikare ku umughi ghwaho.' ⁶Akangoherya akaika, nakomotanahya ku ubhushomerwa. ⁷Abhanto hano bharoshe ghayo, bhakaing'eherya bhakaghamba, "Agheye kotara omonto uwi ibhitimba."⁸Zakayo akaemera akamotebhya Omokama,Maha Omokama ritene ryu ubhwame bhwane ndabhahana abhatobhu, hano oranyore nasakire omonto wowonswe ekento, nendamukyori mara kane." ⁹Yesu akamotebhya, ' Rero ubhutungurya bhosohire mu righutu ryaho, kokobha wonswe mona uwa Ibrahimu. ¹⁰Ko bhora Omona wo Monto yaishire kutuna no okobhatungurya abhanto bhano bhare bhasira.'¹¹Hano bhaighure ghayo, akaghenderya koghamba nu ukurusya ekerengyo, kobhora yarenge hang'e (na) Yerusalemu, nabho mbakanyire igha obhokama ubhwa Waryobha bhuhikire hang'e komahekana kamwe igho. ¹²Igho akabhatebhya, 'Omonene uwomwe yagheye ikyaro kya hare anyore obhokama ghweki akyore.¹³Akabhabherekera abhabhaghati bhaye ikomi, akabhahana amabhoho ikomi, akabhatebhya, 'Mushurushi kohekera hano ndikyora.' ¹⁴Naho bhanyarobheri bhaye mbarereye ku igho bhakatoma abhanto bhamoghere no okoghamba, 'Titukuna omonto ono atobhahehe.' ¹⁵Akabha akyore ka hano yahaywe obhokama, akahamerya abhabhaghati bhara bhano yahaye shimbirya bhabherekerwe bhashe ku umwene, anyore komanya horoke yatokire ku ubhushurushi.¹⁶Uwa mbere akasha, akaghamba, 'Omokama, ibhoho ryane narekore mabhoho ikomi no okotambokyaho.' ¹⁷Omonene ono akamotebhya, Mbhuya, omobhaghati umuya. Kobhora obhaye omohene ko ng'ana enke, norabhe no obhobhahi ku imighi ikomi.'¹⁸Uwakabhere akasha, akaghamba, 'Omokama ribhoho ryaho ryakore mabhoho atano." ¹⁹Omonene ono akamotebhya, 'ghegha obhobhahi ku imighi etano."²⁰Nuwonde akasha, akaghamba, Omonene ehera yaho ngheno hano, enonabhekire bhuya moketambara, ²¹ko kobha nobhohire ko bhora uwe monto mororo ore.Orarusyaho kera otatoreho no oraghesa kera otemiri."²²Omonene wabho akamotebhya, 'kho amang'ana ghaho umwene, nendakokengere ikina, uwe mobhaghatimoghogho ore. Wamanyire igha oni monto mobhende, ndaghegha kera ntatoreho{na}ndaghesa kera ntemiri. ²³Hasire, ndighwa tewatore shimbirya shane mwighutu iryo kobhekera, kobhora hano ndikyora nshegheghe hamwe nehorhohe?²⁴Omotake akatebhya abhanto bhano bharenghe bhaimereye hayo, mumurusi ribhoho rhiyo namohane ono ana amabhoho ikomi." ²⁵Bhakamotebhya, Omonene nana amabhoho ikomi.²⁶Ndabhatebhya, kera omonto ono anakyo narengeribhwi bhokong'u, nawe ono atanabhyo,kura ono anakyo keke nkeregheghwa. ²⁷Nawe bhara bhare abhabhisa bhane, bhara bhatatunanga mbhe Omokama wabho."²⁸Hano yamare koghamba ghayo, yagheye bhotambhe akarina kughya Yerusalemu.²⁹Ekabha hano yahikire hang'e {na}Bhethania,{na}Bethania hang'e ne ekekereghe ikya Mizetuni, akabhatoma abhana bhegha bhaye bhabhere, ³⁰akaghamba "Moghende korobheri urwa hang'e. Hano morasohe moranyoreho ekemori ikyi itikere keno ketararinwa. Moketashore, mokerete kuoni. ³¹Omonto wowonswe ono arashe abhabhori, ndighwa moraketanshora? 'Moghambe, "Omonene arakituna."³²Bhara bhatomirwe bhakaghya bhakamaha ekemori ikyi itikere kyaigho Yesu yarenge abhatebhiri. ³³Hano bhaketanshoranga ekemori ikhi itikere bhakegheghe bhakatebhibhwa, "kwake mokoketanshora ekemori ikhi itikere? ³⁴Bhakaghamba,"Omonene arakituna. ³⁵Bhono bhakamohera Yesu,bhakarya shinghibho shonswe ighoro yo omoghongho ughwe ekemori ikhi itikere{na} bhakamurinya Yesu ighoro ye ekemori. ³⁶Hano yaghyanga abhanto bhashabhanga amaibhoho ghabho kho omohanda.³⁷Hano yaikanga mokekereghe ikya Mizeituni, ekekomo kyonswe ikya bhana bhegha bhaye bhakawansha kukiryatya nokomoghongha Waryobha kobhoraka obhonene, kukughirya iya amang'ana amanene ghano bharoshe, ³⁸bhakaghamba, "ono owe yitabheribhwi Omokama ono akusha ku irina ryo Omonene!Omorembhe koryobha, no obhohoreru ighoro."³⁹Abhamwe bha Mafarisayo khu umughutano bhakamotebhya, umweghya, otakirya abhana bhegha bhaho." ⁴⁰Yesu akahonshora akaghamba, Ndabhatebhya, nyore bhano mbhakira, amaghena nghararusi obhoraka bhwi ighoro."⁴¹Yesu hano yahikire hang'e nu umughi akaghokora, ⁴²akaghamba, singa wamanyire kya uwe urusiko rhono rorekoretera amang'ana ghano gharekohana omorembhe!Nawe bhono ghaibhisire momaiso ghaho.⁴³Kokobha shinsiko sherasha hano umubhisa waho arehaghasha umughi hang'e nauwe, kukwiraha no okokobhanderya ko kera orobhara. ⁴⁴Mbarekughwesya hanse uwe nabhana bhaho. Tebharekoteghera ighena kura imwe ighoro iryende, kobhora tewamanyirehe enkagha Waryobha yasaghyanga kokotorya."⁴⁵Yesu yasohire mwisengero akatanga kobhakenya bhara bhaghoryanga, ⁴⁶akabhatebhya, "yakonirwe, 'Rituturu ryane nderebha rituturu iryo kosasamera, 'Nawe bhenyu moyekore nisana rya abhasaki."⁴⁷Ku igho, Yesu yarenge arabheghya kera urusiko mwisengero. Abhakangati abhanene {na}abheghya abha shetongho kobhakangati abha abhanto mbhatunire kumwita. ⁴⁸Naho tebhatorehe kunyora enshera iyo kokora ghayo,kobhora abhanto bhonswe bhamwitegheranga bhuya.

¹Urusiko oromwe, Yesu yeghyanga abhanto mwisengero no okobhatebherya eng'ana iya Waryobha, makuhani abhanene {Na}abhaghya abho obhoronge bhakaghya hamwe {NA}abhaghaka. ²Bhakashumasha, bhakamotebhya, 'totebhi nkwa bhotoroke onabho orakora amang'ana ghonswe?Hamwe nawe ono akohaye obhotoro bhno?"³Nawe akahonshora, akabhatebhya, 'Naoni nendabhabhori eng'ana. Montebhi, ⁴ubhusubho ubhwa Yohana. Igha, mbhwarure koryobha hamwe nko abhanto?'⁵Naho bhakasyoryanya abhene kobhene, bhakaghamba, "toraghambe, 'yarure koryobha, naratobhori ,bhono nkwake motamwitabhereyi? ⁶Hano toraghambe, 'yarure ko abhana bha bhairo, abhanto bhonswe hano mbaratoteme amaghena, kokobha bhonswe bharitabherya igha Yohana moroti yare.'⁷Kuigho, bhakamohonshora igha tebhamanyire hano yarurehe. ⁸Yesu akabhatebhya, '"Oni wonswe tentore kobhatebhya kho obhobhahi khe nkokora amang'ana ghano."⁹Akabhatebhya abhanto ekerenghyo keno, "Omonto uwomwe akemya omoghondo ughwe emezabibu, akaresagharya ko abharemi bhande abha emezabibu,{na}akaghya ikyaro kyende enkagha entambe. ¹⁰Hano enkagha yahikireho, yatomire omobhaghati kughya ko abharemi bhara abha emezabibu, igha bhamohaneko ekerengere ikya shekagho isho omoghondo ughwa emezabibu. Nawe abharemi abha shezabibu bhakamotema, bhakamukyorya mabhoko masa.¹¹Gweki akamotoma omobhaghati wonde wonswe bhakamotema, nokomokora bhobhe, nukumukyorya mabhoko masa. ¹²Akatoma ghweki uwa katato nabho bhakamunyahara nokomutabhuta kebhara.¹³Mwene moghondo akaghamba, 'Nke ndakore?Nendatome omona wane omohanshe. Hamwe mbhamosoka.' ¹⁴Nawe abharemi abhe emezabibu hano bhagheye komomaha, mbareye ikina abhene kobhene bhakaghamba, 'Ono owe omoghabhi. Tumwite, koreke obhoghabhi bhwaye bhobhe ubhweto.'¹⁵Bhakamurishokya kebhara iyo omoghondo ughwa emezabibu {na} bhakamwita. Bhono mwene moghondo niyake arabhakore? ¹⁶Narashe kobhasikya abharemi abha emezabibu, {na} narahane abhande omoghondo ghuyo". 'Nabho hano bhaighure ghayo, bhakaghamba, 'Waryobha yangire.'¹⁷Nawe Yesu akabhatashera, akaghamba, "ekerenghyo keno nke kitubhire? Reghena reno abhahaghashi bhangire, ndyo rebhaye reghena irya mbareka? ¹⁸Kera monto ono akhoghwa ighoro iya reghena riyo, narabhoneke matene matene Nawe ora reraghwere nderamobhanderi.'¹⁹Kuigho abhakoni koni nabhanene abha makuhani mbatunire enshera iyo okomoghota ko enkagha iyo iyo, mbamanyire igha nkerenghyo yaghambire kobhene. Nawe mbhobhohire abhanto. ²⁰Bhamomahereye kwabhong'aini, bhakatoma shendoti bhano bhaikore igha mbhanto bhahene, kobhake bhahike kunyora risaryo kho obhoghambi bhwaye, okoreke bhamuhire kobha.²¹Nabho bhakabhabhorya, kokoghamba, umweghya, tomanyire igha oraghamba ku ukweghya amang'ana agho obhohene bhatakang'eneribhwa no omonto wowonswe hamwe uwe kweghyore obhohene kohetera Waryobha. ²²Igha mbhohene kobheto kohaka righoti ko Kaisari, hamwe tighohe?"²³Naho Yesu yamanyire orobhasya rwabho, akabhatebhya. ²⁴Munyoroki idinari. nkesosa{na}omobhaso ghwawe ghorenge ighoro yaye?" Bhakaghamba, ' "Agha Kaisari."²⁵Wonswe akaghamba, mbhe, mohane Kaisari ghano gharenge agha Kaisari, {na}agha Waryobha ghano gharenge agha Waryobha." ²⁶abhakoni koni nabhanene abha masengero tebhare no obhotoro bhukumusyorya kera yaghambanga mobhanto. Bhakaroghoribhwa namahonshoro ghaye natebhaghambire kyokyonswehe.²⁷Abhamwe bha Masandukayo bhakamughyako, nabhara bhakoghamba igha okorokibhwa tekohohe, ²⁸bhakamobhorya, nokoghamba, umweghya, Musa yatokoneye igha, hano aranyore omonto akwereywe nu umuhiri ono ana omokari ono atana mona mbhuya amogheghe moka muhiri wabho nokwebhora nawe kukughirya iya mura wabho.²⁹Bharengeho abhamura abhe ende emwe muhungate nu uwambere yatetire, akakwa tiyatighire monahe, ³⁰nuwa kabhere igho igho. ³¹uwa katato akamoghegha igho igho, ekabha igho igho uwa muhungate teyatighirebhanahe {na}akakwa. ³²Ekahekeraho omokari wonswe akakwa. ³³Hano bhareryoka omokari uyo arebha uwawe?kokobha bhonswe kumuhungate ghwabho mbamotetire."³⁴Yesu akabhatebhya, "Abhana abha ikyaro keno nkoteta bhare nokotetwa." ³⁵Nawe bhara bhakisa kuryokibhwa mobhaku nokosoha mobhohoru ubhwa bhokora tebhakoteta hamwe kotetwahe. ³⁶Nawe tebhakotora kukwa ghwekihe, kobhora nkobhabhare kya abhahorwa {na} mbana bha Waryobha, mbana obhohoru.³⁷Nawe abhaku bhararyokibhwa, kura Musayorokiri ahase ko mang'ana aghe kesaka, hara akabherekera Omonene kya Waryobha uwa Ibrahimu {na} Waryobha uwa Isaka {na} Waryobha uwa Yakobo. ³⁸Bhono, umwene te Waryobha uwa abhakuhe, nko bhara bharenge abhahoru, kobhora bhonswe mbamenyire waye."³⁹Abhamwe abha abheghya abho obhoronge ⁴⁰bhakamohonshora, umweghya, ohonshoye bhuya. "Tebhasurughutirehe⁴¹Yesu akabhatebhya, "Kwake abhanto bhakoghamba Kristo ko omona uwa Daudi? ⁴²Kokobha Daudi umwene araghamba koketabho ikya Zaburi: Omonene akamotebhya Omonene wane:ikara kobhoko ukho bhoryo, ⁴³Kohekera ndabhatora abhabhisa bhano hanse iya momaghoro ghaho," ⁴⁴Daudi aramobherekera Kristo', Omonene,'iyake erabhe abhe omona uwa Daudi?"⁴⁵Abhanto bhonswe mbhare kumwiteghera arabhatebhya abhana bhegha bhaye. ⁴⁶Mwikabhahe nabhakoni koni, bhano bhahanshire koghenda bhaibhohire amaibhoho amatambe, nabhahanshire kokeribhwa kumukumo mometera nokobha nibhitumbe ibhya momasengero, nashentahana isho kosohera momagheni. ⁴⁷{Na}abhana bhararya momaghutu agha bhasino, nabharikora bharasabha khu risabho ritambhe.Bhano bhanyora ikina ekenene bhokong'u"

¹Yesu yaroshe akabhamaha abhashasha abhame bhano bhatoranga imituho ghyabho moketara. ²Akamaha uwomwe uwa rihabhe aratora shehera shaye ibhire. ³Mbhohene ndabhatebhya, umusino no omohabhe ono abhekire nsharu kokera abhande bhonsigho. ⁴Bhono bhonswe bharusiri imituho kurwa ko ebhento ibhyaru bheno bhanabhyo.Nawe umusino ono, ko obhohabhe bhwaye, arusiri shimbirya shaye shonswe shera yare nasho kukughira iyo obhohoru bhwaye."⁵Nkagha yende hano yashumasheranga ighoro iya amasenghero, kyaigho ryarenge komaghena amaiya ghanoghamohanangha, akaghamba, ⁶"Kho amang'ana ghano mokomaha,shinsiko nshirisha sheno otarenyora righena kura imwe reno riritighwa ighoro iya righena ryende reno ririrusibhwaho."⁷Kuigho bhakamobhorya, bhakaghamba, "Umweghya, amang'ana ghano ndohe gharebha? Nke kiryoryokya igha amang'ana ghano hang'e ghare komahekana?" ⁸Yesu akahonshora, "mobhe bhang'aini kughirake motakang'ainwa kokobha abharu mbarisha kurina ryane, mbhareghamba,Oni noni,nashenkagha shisughateye, 'motakabhasorana. ⁹hanomurighwa rihe nubhutindi motakobhoha, kokobha nkehameryo amang'ana ghano ghakangate, nawe okobha kwagho tibhushi bhwa bhongohe."¹⁰Ghweki akabhatebhya, "ikyaro kiryemoka kwitana nikyaro kyende ko obhokama ighoro yo obhokama bhonde. ¹¹Bherebhaho ibhirighiti ebhenene khu kyaro, ni inshara ko obhorondo kho shentahana haghare haghare. Gharebhaho amang'ana agho kobhohya nibhyorokya ibhyukobhohya kurwa koryobha.¹²Nawe ko amang'ana ghano ghonswe, mbarebhatema nokobhanyakya, nokobhahira momasengero nokobhabhoha, nokobhahira hare abhakama bhano bhana obhobhahi ko kughira iyi rina ryane. ¹³Reno ndarabheghore umweya ogho obhoghonshe bhwenyu.¹⁴Kuigho mwisemi mu myoyo ghyenyu motakasemya ubhwibhagheri bhwenyu bhongho, ¹⁵kokobha ndebhahana amang'ana no obhotoro, bhono abhabhisa bhenyu bhonswe bharetamwa kwanga hande kwikana.¹⁶Nawe muryangwa ghweki {na}abhaibhori bhenyu, bhamura bhenyu, bhahiri bhenyu, {na}abhasani bhenyu {na} mbaribhaita bharikyenyu. ¹⁷Morareghwe nakera monto kukughira yi irina ryane. ¹⁸Nawe toroho kura urutukya orwe emetwe ghyenyu rono rurisikahe. ¹⁹Kho koghomerya murihwenya obhohoru bhwenyu.²⁰Hano moremaha Yerusalemu inaribhwi {na} abhasirikare, mbhe muhite komanya igha obhosareku bhwaye bhusughateye. ²¹Hayo bhara bharenge Yudea bhakenyeye mobhekereghe, {na}bhara bharenge ghate ghate iyu umughi bhemoke, namotakabhatigha bhara bharenge koshemberi bhatakasagha kosoha. ²²Kokobha sheno ninsiko isha riragha, kughira ghara ghonswe ghakonirwe konirwe ghabhe.²³Mohoko kobhara bhana shenda nakobhara bhakoghonkya khu shinsiko shiyo!Kokobha erebhaho inyanyi ighoro yi ikyaro, nobhoreru kobhanto bhano. ²⁴Mbhareghwa kobhoghe ubhwa risabha {na}mbaregheghwa abhabhisa bhirihe koshehame shonswe, {na}Yerusalemu neretashwa {na}abhanto abhahamate, kohekera enkagha eno abhanto bhayo erehwa.²⁵Bherebhaho ibhitubhanyo kuryobha, umweri nashinyota. Nawe kukyaro erebhaho inyanyi iye hamate, kono korekorwa nomohonshoro ughwi inyansha namayengo. ²⁶Abhanto bharishesheka kobhobha kho amang'ana ghano gharisha kukyaro. Kokobha shinghuru isha koryobha shirisingisibhwa.²⁷Hayo nho bharemaha omona uwa Adamu arasha momasaro kushinguru nobhoghongwa obhonene. ²⁸Nawe hano arinyora amang'ana gharawansha kobha, mwimere, mwimoki emetwe ghyenyu, kokobha ubhutunguribhwa bhwenyu bhwisukire hang'e.²⁹Yesu akabhatebhya ko ekerenghyo, momahere omote, ne emete ghyonswe. ³⁰Hano ghyasebhoka, moramaha bhenyu abhene nokomanya emaho hang'e ere. ³¹Igho igho, hano mwamaha aman'ana ghano ghararweraho, momanye igha obhokama ubhwa Waryobha bhurasuntara hang'e.³²No obhohene nkobhatebhya, orwebhoro rhono torohetehe, kohekera amang'ana ghano ghatarabhahe. ³³Urure niikyaro mbherahete, nawe amang'ana ghano tegharehetahe.³⁴Nawe mwikabhahe bhenyu abhene, kokobha imyoyo ghyenyu ghetakasha kuritoherwa nobhoghogho, obhorebhi, ni inyanyi yo obhohoru. Kokobha urusiko ruyo ndebheshera kwakwitakerya. ³⁵Kyomotegho. kobhora nerebha ighoro iya kera monto ono amenyire kukyaro kyonswe.³⁶Nawe mobhe maiso nkagha yonswe, mosabhe mobhe bhoronge bhukwisa kughibhesha ghano ghonswe gharisha, nokwemera mubhusyo bho omona uwa Adamu."³⁷Kuigho enkagha iyamobhaso yeghyanga mwisengero nu ubhutiko akarishoka kebhara, nukughya kotengesha mokekereghe ikya Mzetuni. ³⁸Abhanto bhonswe bhakaghya komomaha kunkyo shiri kobhake bhamwiteghere mwisengero.

¹Kunyangi iyo omokate ghono ghotakotorwa ememera yarenge ihikire hang'e, eno ekobherekerwa Pasaka. ²Abhakangati abhanene nabhakonini bhakarya iniko yukwita Yesu, kokobha mbhobhohire abhanto.³Risambwa rekamonaghya Yuda Iskarioti, uwomwe uwa abhana bhegha bhaye ikomi nabhabhere. ⁴Yuda akaghya kwitabheryana nabhanene abha abhatangati kyaigho arashe abhahane Yesu.⁵Bhashomerwa, nabhakaitabheryana komohana shimbhirya. ⁶Umwene akaikerya, nukutuna umweya ogho kobhahana Yesu haghare narikomo irya abhanto.⁷Urusiko urwa emekate gheno ghetakwishoghanibhwa ememera rokahika, nkehameryo ubhurusya ubhwa ring'ondi irye Pasaka bhobheho." ⁸Yesu akabhatebhya Petro {na}Yohana, akaghamba, "moghende mohenshere ibhyakorya ibhye Pasaka tushe tore. ⁹Bhakamobhorya, hayi mukutuna tokore obhohensheri bhuyo?"¹⁰Akabhahonshora, Mwiteghere, hano morashe mobhe mosohire mu mughi, mushe musikane numushasha yitikire ensengo iya amanshe. Mushe momosorane kurighutu reno arashe asohe. ¹¹Mushe momotebhi mwene ighutu, "umweghya arakotebhya, "hekera ikinyumba ikya abhagheni, hano arashe are Pasaka nabhana bhegha bhaye?"¹²Nasha abhoroki ikinyumba ikighoro keno kerenge bhuya. Mokore obhonsheri muyo." ¹³Kuigho bhakaghya, nukunyora kera ekento kyaigho bhatebhibhwi. Bhono bhakahenshera ibhyakorya ibhye Pasaka.¹⁴Hano enkagha yahikire abhahorwa bhara. ¹⁵Ghweki akabhatebhya, nena ubhushomerwa obhonene korya inyangi eno iye Pasaka nabhenyu enkagha iyo kunyankibhwa kwane. ¹⁶Kokobha ndabhatebhya, tenderya ghweki kohekera hano gharehwa ko obhoka ubhwa Waryobha."¹⁷Hano yamare akabhatebhya, akaghegha ikishesho, nahano yamare koghongha akaghamba,"mogheghe keno, mutwene bhenyu kobhenyu. ¹⁸kokobha ndabhatebhya, tindinywa ghweki urwebhoro urwa Omozabibu, ndono rorohekera ukusha obhokama ubhwa Waryobha."¹⁹Ghweki akaghegha omokate, nahano yamare koghongha, akaghosonora, nokobhahana, akaghamba." Ghono ngho omobhere ghwane ghono ghwarusibhwi kukughira yenyu. Mokore igho kukuhita oni." ²⁰Akaghegha ikishesho bhora bhora, hano bhamare korya ibhyakorya ibhyu ubhutiko akaghamba, "Ikishesho keno niriraghano rehyi ko amanyinga ghane, ghanoghaitekire kukughira yenyu.²¹Nawe mwikabhahe. Ora yakoreye iniko ntorenge hamwe nawe hamwe komesha hano. ²²Omona uwa Adamu kobhohene aghi shaye kyaigho yarenge yahoywe. Nawe ndamwabhera omonto ora kohetera ku umwene Omona uwa Adamu yakoreye iniko!" ²³Bhakatanga kobhoranya abhene kobhene hara ghate yabho ono akakore eng'ana eno.²⁴Bhono shekabhaho shenkani kobhene kobha nawe bhakuhuntya huntya akabha omonene kobho kokera bhonswe. ²⁵Akabhatebhya, "abhakama abha abhanto abha shehamate bhana obhoghaka ighoro yabho, nabhara bhana obhotoro ighoro yabho bharabherekerwa abhakumibhwa abhabhahi.²⁶Nawe tikutunwa ebhe igho kobhenyuhe. Kuigho mutighe ora arenge omonene ghate yenyu abhe nkyo omoke. Naora arenge u ubhwera bhong'u abhe kyo omobhaghasi. ²⁷Kukughira iya igho, nohe omonene, ora yaikaye komesha naora arenge omobhaghasi? Teora yaikaye komesha? Naoni nkerenge ghate yenyu kya ora arenge omobhaghasi.²⁸Nawe bhenyu mbho bhano moghendereye kobha naoni komasakyo ghane. ²⁹Ndabhahana bhenyu obhokam, kyaigho Tata yang'aye oni obhokama, ³⁰Kukughirake more nukunywa komesha yane kobhokama bhwane namurikara kubhitumbe ibhya abhabhahi morakenga ibhina kho hamate ikomi naibhere isha Israel.³¹Simoni, Simoni, manyaigha, risambwa resabhire rebhabhabhate kye engano. ³²Nawe nkosabheye, kobha imighiro ghyaho ghetakakerwa. Hano oranyore ukyore ghweki, obhakong'eri bhawamwenyu."³³Petro akamotebhya, "Omokama,oni mare kosemya kughya nauwe mokebhohe hande muruku." ³⁴Yesu akamohonshora, "Ndakotebhya, Petro, rerho esarighoko neraraghore omare kunyanga katato naho omanyire."³⁵Ghweki Yesu akamotebhya, hano nabhahire bhenyu motana ekegheghero, ekegheghero ikye ibhyakorya hamwe ebherato, hayo mwasoheywe nakento?" Bhakahonshora "Abhabhe." ³⁶Bhono akabhatebhya, "Nawe bhono, oni wonswe ana ekegheghero, agheghe hamwe nekegheghero ikyi ibhyakorya. Ora atana risabha nigha aghori engansho yaye umwene.³⁷Kokobha ndabhatebhya, ghano ghonswe ghakonirwe konirwe kukughira yane nkehameryo ghabhe, yabhaye kyo omonto ono akusiyorya obhokoni koni obhohoreru. Kokobha kera kyarotirwe kukughira yane kihikibhwi. ³⁸Ghweki akaghamba, "Omokama, tamaha! amasabha ghano abhere, "akabhatebhya"ghaisire."³⁹Hano twamare korya bhutiko, Yesu akaemoka, kya igho yanare aremoka nkagha shonse, akaghya mokekereghe ikiya ikya Mzetuni, nabhana bhegha bhaye bhakamusorana. ⁴⁰Hano bhahikire, akabhatebhya, "mosabhe kobha motakasoha momasaghyo."⁴¹Akaghya hare nabho kya ritamboka reno orekeye righena, akatema ibhiru akasasama. ⁴²Akaghamba, "Tata, nyore uratuna, ndusyaryaho ikishesho keno. Naho tigho nkutuna oni nkutunahe, naho obhoghonshe bhwaho bhokorwe."⁴³Nahayo umwahorwa kurwa koryobha akasha, akamoha shinguru. ⁴⁴Akerenge mobhoroye, akasabha bhuya bhokong'u, nebhegheri bhyaye bhekabha kyamatonyokera amanene agha amanyinga gharatonya hanse.⁴⁵Hano yabhokire kurwa komasabho ghaye, yaishire kobhana bhegha bhaye, akabhanyora bharaye bhasorombaye, ⁴⁶akabhabhorya, "nkwake moraye?Mobhoke mosabhe, kokobha motakasoha momasaghyo."⁴⁷Enkagha eno bharenge bhakishumasha, maha, rikomo rinene irya abhanto rekasha, {na}Yuda uwomwe uwa bhahorwa ikomi nabhabhere abhakangatire. Akasha hang'e {na}Yesu kobhake amuhumbate. ⁴⁸Naho Yesu akamotebhya, "Yuda, oramokora iniko Omona uwa Adamu kukumuhumbata?"⁴⁹Naho bhano bharenge hang'e {na}Yesu hano bharoshe bharamokora ghayo, bhakaghamba, Omonene, ighake tobhateme nashepanga? ⁵⁰Ho uwomwe wabho yatemire omobhaghati uwa umwahorwa omonene, akamobhotora okotwe kwaye ukwa bhoryo. ⁵¹Yesu akaghamba, "reno risire.{Na}akaghota okotwe kwaye, akamuhwenya.⁵²Yesu akaghamba ku umwahorwa omonene, nabhanene abha risenghero, nabhaghaka bhano bhaishire nu ubhutindi. "Okobha, momanyire mwishire kukughira iya kuhishana nomosaki, kushirungu namasabha? ⁵³Hano narenge nabhenyu kushinsiko shonswe mwisenghero, temwatore amabhoko ghenyu ighoro yanehe. Nawe bhono eno iyo enkagha yaho, nobhotoro ubhwi kisunte."⁵⁴Bhakamoghota, bhakamokangatya, bhakamuhikya mwighutu iryu umwahorwa omonene. Nawe Petro akamosorana kwahare. ⁵⁵Hano bhamare bhakaghotya omoro mokebharabhansha ikya monse nahano bhamare kwikara hamwe hanse bhonsigho, Petro akaikara ghate ghate yabho.⁵⁶Omobhaghati uwomwe uwe kekari akamomaha Petro hano yarenge yikaye mobhorabhu obho omoro, akamomahera akamotebhya, "Omonto ono wonse mbare nawe." ⁵⁷Petro akaikana, akaghamba, "ore mokari, oni temomanyirehe." ⁵⁸Ko enkagha enke, omonto wonde akamomaha akaghamba "uwe wonswe mbhamwe more". Petro akamohonshora, omohentani ono,oni tonihe."⁵⁹Ekabha enkagha emwe ehetiri, umushasha omwe akakomerya akaghamba, "kho obhohene hamwe omonto ono wonse mbhare hamwe nawe, kokobha Mgalilaya." ⁶⁰Nawe Petro akaghamba, 'umushasha ono, temanyire keno okoghambha, esarighoko ekaraghora.⁶¹Omokama akaisorya akamomahera Petro. {Na} Petro akahita eng'ana iyo Omonene, hara yamotebhiri, "esarighoko etararaghora rera, norabhe unyikanire katato." ⁶²Akaghya kebhara, Petro akakura ko obhoro bhokong'u.⁶³Kobhahentani bhara bhare komorenda Yesu, bhakamoshera nokomotema. ⁶⁴Hano bhamare mbamukundikiyi amaiso, bhakamobhorya, bhakaghamba, "Rhota! nawe yare kokotema?" ⁶⁵Bhakashumasha amang'ana amaru kwikana Yesu nukumushera umwene.⁶⁶Hano yahikire kunkyo, abhaghaka nabhanto bhande bhakaikomana hamwe, abhanene abha abhahorwa nabhakoni koni. mbamuhire mwibharasha, ⁶⁷Bharaghamba, "nyore nuwe Kristo, totebhi"Nawe umwene akabhatebhya, ⁶⁸Hano ndabhatebhi,timunyitabherihe."⁶⁹Nawe kotangera bhono nokoghenderya, Omona uwa Adamu narebhe yikaye kobhoko kobhoryo ukwa shinguru isha Waryobha." ⁷⁰Bhonse bhakaghamba, "Kuigho uwe nomona uwa Waryobha ore?"{na}Yesu akamotebhya, "bhenyu moghambire oni uwe." ⁷¹Bhakaghamba, Nkwake ghweki tukutuna ubhushuti?kokobha bheto abhene twighure kurwa kumunywa ghwaye umwene."

¹Esangeranyo yonse ekemera bhakamuhira Yesu mubhusyo ubhwa Pirato. ²Bhakatanga komoroghora komang'ana ghano ghatare, tumunyore arasirya ikyaro kyeto, kokokanya totakarusya righoti ko Kaisari, {na}araghamba igha umwene uwe Kristo, Omokama."³Pirato akamobhorya, noghamba, "uwe mokamore uwa Bhayahudi?" {Na} Yesu akamohonshora akaghamba "Uwe nuwe oghambire igho," ⁴Pilato akamobhorya umwahorwa omonene ne ensangeranyo yonse, "tenkomaha isaryo komonto onohe." ⁵Nawe abhene bhakakomerya bharaghamba, "yare arasighirya abhanto, arighya ko Bhayahudi honse."⁶Pirato hano yaighure ghayo, akabhorya nyore omonto uyo nuwa Galilaya? ⁷Hano yahitire igha yare hanse yo obhobhahi ubhwa Herode, akamuhira Yesu ko Herode ono wonse yarenge Yerusalemu kushinsiko shiyo.⁸Herode hano yamoroshe Yesu, akashomerwa bhokong'u kobhora yatunire komomaha nsiko nsharu, yaighure amang'ana ghaye {na}yaighombire amahe amorokyo ghano ghakokorwa nawe nunyora nimwe. ⁹Herode yatughunkuyi Yesu ko amang'ana maru, nawe Yesu tiyamuhonsheye kyokyonsehe. ¹⁰Abhahorwa abhanene hamwe nabhakoni koni mbaimereye kwabhorobharamushongera.¹¹Herode hamwe nabhasirikare bhaye, mbamotokire nukumushera nukumwibhohya amibhoho amaiya, ghweki bhakamukyorya Yesu ku Pilato. ¹²Herode {na} Pirato bhakabha abhasani kurwa urusiko ruyo, [kohekera hayo mbabhisa bharenge}.¹³Pirato yabhabherekeye abhahorwa abhanene, hamwe nabhabhahi {na}abhanto bhonswe. ¹⁴Akabhatebhya, "mondeteye omonto ono nkyo akusirya abhanto, motamaha, hano namare kumutughunkurya momaiso ghenyiu, tendeshe isaryo ryayehe koghara ghonswe bhenyu mukumushongera umwene.¹⁵Tighohe, kura Herode, kobhora amukyori kobheto, namomahe tekeho kyokyonswe keno akore keno keraghire yitwe. ¹⁶Kuigho bhono nendamunyanki mare mohatere. ¹⁷[Bhono, Pirato aratuna omobhohe omwe kobha Yahudi enkagha iyi inyangi}.¹⁸Naho bhonse mbhakore ikituri hamwe, bharaghamba, "Murusiho ono, natwighore Baraba." ¹⁹Baraba no omonto ono yabhohirwe mwigheresha kokobha namasaryo nyabhorebhe mumughi nakukwita.²⁰Pirato akabhatebhyi kukukyora, nukwighomba komohatera Yesu. ²¹Naho abhene bhakakora ikituri, bharaghamba, "mohane inyanyi, mohane inyanyi." ²²Akabhabhorya urwa katato, "nkwake, omonto ono masaryoke akore? Tinyore isaryo reno reraghire mohane inyanyi iyukumwita. Kuigho hano ndamare komohana inyanyi nendamohatere."²³Nawe abhene mbhakomereyi kobhoraka bhwighoro, bharatuna anyankibhwi. Kobhoraka bhwabho bhakaghira Pirato yitabheri. ²⁴Kuigho Pirato akabhaitabherya kyabhora bhatunanga. ²⁵Akamohatera ora bhatunanga ono yarenge abhohirwe kukughira iya amasaryo nukwita. Nawe akamurusya Yesu kokehameryo kyabho.²⁶Hano bhamogheghire bharamuhira, bhakaghota omonto uwomwe ono yabherekerwanga Simoni uwa Ukirene, yarweranga mukyaro, bhakamwitikya omosarabha kobhake aghogheghe, akamosorana Yesu.²⁷Rekabhaho rikomo rinene irya abhanto,{na} abhakari bhano bharenge bhasorombaye nu ukwihumbata kukughira yaye, nambaru bharamosorane. ²⁸Nawe Yesu yabhaisyoreyi, akabhatebhya, 'abhahara abha Yerusalemu, motakankyora oni, bhono mwikorhe abhene kukughira iya abhana bhenyu.²⁹Momahe, shinsiko nkushashere sheno bhareghamba, "bhaitabheribhwi abhaghomba, nabhara bhatakwebhora, nashembhere sheno shetaghonkibhwi. ³⁰Nho bharetanga kotebhya ebhekereghe, "mutughwere, 'nasheng'ongo shitukundikiri. ³¹Bharakora amang'ana ghano komote omobhese, iyake erabhe oranyore momo?"³²Abhashasha abharu, {na} abhasarya bhabhere mbahirwe hamwe nawe bhaitwe nawe.³³Hano bhahikire ahase hano habherekerwanga ekehore ikyo omotwe, nho bhamunyankiri nyankirihamwe nabhasarya bhara, uwomwe orobhareka rwa bhoryo nu uwonde orobhaka urwa bhomosi. ³⁴Yesu akaghamba, "Tata,"Obhabhere, kokobha tebhamanyire keno bhakokorahe? Nabho bhakarya shenkani, kutwena amaibhoho ghaye.³⁵Abhanto mbarenge bhaimereye bharamahera eno abhabhahi bharamushera, bharaghamba, "yabhatungurya bharu. Bhono yitunguri umwene, nyore umwene Kristo uwa Waryobha, umwahorwa.³⁶Abhasirikare bhonse mbhamushere, bhakamwisokera umwene nokomohana amanshe, ³⁷bhakaghamba, "nyore uwe nomokama ore uwa Bhayahudi itungurya umwene." ³⁸Yare narimarwe ighoro yaye reno ryarenge rekonirwe konirwe. "ONO UWE OMOKAMA UWA BHAYAHUDI."³⁹Uwomwe kobhasarya bhara bhanyankibhwi akamotoka no okoghamba, "Uwe tuwe Kristo?Witunguri umwene hamwe nabheto." ⁴⁰Nawe uwonde ora akahonshora kokomokanya nokoghamba, "khana uwe tokomobhoha Waryobha, {na}we arenge kukina kiyo kiyo? ⁴¹Bheto ntorenge hano kobhohene, kokobha toranyora keno kitwisire ko amakorogheto. Nawe ono takore keghogho kyokyonswehe."⁴²{Na}akengerya, "Yesu, ushekuhita hano orebha osohire mobhokama bhwaho," ⁴³Yesu akamotebhya, "ikerya ndakotebhya, rero narabhe naoni murwirhe."⁴⁴Hayo yare kuya kohekera nkagha isansabha, ikisunte kekasha ighoro yi ikyaro kyonswe kohekera nkagha khenda. ⁴⁵Hayo ho shendengari isho omobhaso sharimire. Ghweki ritandari irya mwisengero rikitwenekana ghate ghate kurwa ighoro.⁴⁶Akakura kobhoraka obhonene, Yesu akaghamba, "Tata momabhoko ghaho ndayetora enkoro yane, "hano yamare koghamba ghayo, akakwa. ⁴⁷Nkagha 0morendi yaroshe ghayo gharakorekana yamoghonghire Waryobha araghamba, "Mbhohene ono monto mohene yare."⁴⁸Nkagha rikomo irya abhanto hano ryaishire komaha ghano ghakorekaini, mbakyore eno bharatema ibhikubha bhyabho. ⁴⁹Nawe abhasani bhaye [na} abhakari bhano bhamosoraini kukurwa Garilaya, mbhaimereye hare nabharamahera amang'ana ghayo.⁵⁰Maha, yarengeho omonto omwe ono yabherekerwanga Yusufu, ono yare omoghaka uwi inshama, omonto umuya no omohene. ⁵¹{Tiyare araitabherya ghara bhara bhahekeye hamwe kokora}. kurwa Armathaya, umughi ughwi Kiyahudi, ghono ghwaghanyanga obhokama ubhwa Waryobha.⁵²Omonto ono, yare nobhotoro komwesokera Pirato, akasabha ahanwe omobhere ughwa Yesu. ⁵³Akamwikya, nukumwinarya esanda, nokomobheka kundu eno yarenge ehorwe horwe mweghena, reno bhatakabhekire ko.⁵⁴Ndusiko rware orokosemya, kosabha rwarenge roratuna kuhika. ⁵⁵Abhakari, bhonse mbhaishire kukurwa Garilaya, bhakamosorana, nokomaha indu kyaigho omobhere ghwaye ghwararibhwi. ⁵⁶Mbakyore nokotanga kosemya amaghuta ghano ghakurumbasa. Naho urusiko orho okosabha mbamunyire kukughirya yimighiro ghyabho.

¹Kunkyo bhokong'u iyu urusiko orotange uryo obhoyo, mbaishire kombhehera, mbaretire amaghuta ghano bharenge bhasemiri. ²Bhakanyora reghena rihiringitibhwi hare ne embhekera. ³Bhakasoha monse, nawe tebhaghunyorehe omobhere.⁴Ekabha igha, bhatamibhwi nareno, hayo hayo, abhanto bhabhere mbhaimereye ghate ghate yabho bhaibhohire amaibhoho ghano ghang'are. ⁵Abhakari mbabhaye nobhobha bhakamaherya ubhusyo bhwabho hanse, bhakabhatebhya abhakari. "Nkwake mukutuna omohoru mobhaku?⁶Tahanohe, nawe aryokire. Muhite kyaigho yaghambire nabhenyu hano yarenge Garilaya, ⁷akaghamba igha Omona uwa Adamu nkehameryo arusibhwi kho amabhoko agha abhanto abhi ibhitimba {na}aryokibhwi, nu urusiko urwa katato, aryoke ghweki."⁸Abhakari bhara bhakahita amang'ana ghaye, ⁹nabhakakyora kurwa moshembhehera nokobhatebhya amang'ana ghonswe bhara ikomi nakamwe nabhande bhonswe. ¹⁰Bhono, Maria Magdalena, Joana, Maria nyakuwabho Yakobo, nabhakari bhande hamwe nabho bhakarusya amang'ana ghano kobhahorwa.¹¹Nawe kyaigho amang'ana ghagheye nghamahekaini mona nghanshabhura kho abhahorwa, natebhabhaitabhereyihe abhakari bhara. ¹²Hata ighoPetro yabhokire akakenya kughya moshembekera, nokomahera monse, akamaha umwenda ughwa abhaku ughwenigho. Petro ghweki akimoka akaghya ka waye, akaroghora kana nke kebhaye.¹³Tamaha, abhabhere ghate yabho urusiko ruyo ruyo bhaghyanga kho orobheri rwa Emmau, keno kyare amairi meronghwe esansabha kukurwa Yerusalemu. ¹⁴Bhakashumasha abhene kobhene amang'ana ghano ghonswe ghabhaye.¹⁵Ekabha igha, enkagha eno bhashumashanga nokobhoranya amang'ana, Yesu akasughatera hang'e akabha hamwe nabho. ¹⁶Nawe amaiso ghabho ngatamirwe komomanyerya umwene.¹⁷Yesu akawambia, "kana nke mokoghenda moraghamba kubhubhere bhwenyu? Bhakaimera hara bharoghore. ¹⁸Uwomwe wabho, irina ryaye Cleopa, akamohonshora, "Uwe nuwe mwene hano Yerusalemu ono otamanyire amang'ana ghano ghakorekeni iyo nsiko sheno?"¹⁹Yesu akabhatebhya, "Mang'anake? "Bhakamohonshokerya, Amang'ana agha Yesu Mnazareti, ono yarenge omoroti, ono yare nobhotoro kho amakoro {na} amang'ana kho Waryobha {na}abhanto bhonswe. ²⁰Nakobhora bhare abhanene abha abhahorwa nabhakangati bheito kyaigho bhamurisiri kokengerwa ikina yitwe nukunyankibhwa.²¹Nawe ntwamanyanga igha uwe arabhatore Israel kwakwibhaha. Mbhohene, kutigha ghayo ghonswe, bhono ndusiko rwa katato kurwa amang'ana ghano ghabha.²²Nawe bhono, abhakari bhande kurwa kurikomo ryeto bharatoroghorya, kughira yokobhaho moshembhehera ikyo shiri. ²³Hano bhabhorwe omobhere ghwaye, bhakasha, bharaghamba igha bharoshe amaryoryo agha bhahorwa ghano bhaghambire igha mohoru. ²⁴Abhashasha abhamwe bhano tware nabho hamwe mbagheye moshembhehera, bhakanyora nkya bhora abhakari bhara bhaghambire. Nawe tebhamoroshehe umwene."²⁵Yesu akabhatebhya, "bhenyu mbhanto bhakangi more namona imyoyo imirito ighwu ukwanga kwitabherya ghonse ghano abharoti bhaghambire. ²⁶Tomanyire nkehameryo kyare Yesu kunyankibhwa kho amang'ana ghano, nokosoha mobhohoreru bhwaye?" ²⁷Ghweki kotangera kurwa khu Musa nabharoti bhonse, Yesu akabhonshora amang'ana ghano gharenge korobhareka rwaye kho obhokoni koni bhonswe.²⁸Hano bhatunire kuhika hare norobheri rora, iyo bhaghyanga, Yesu akabha kya ono akoghenderya kughya. ²⁹Naho, bhakamusighirya, bhakaghamba, "ikara hamwe nabheto, kobhora nkughyere moghorobha nurusiko nkuyarore kohwa. "Kuigho Yesu akasoha kughya kwikara nabho.³⁰Ekabha igho, nkagha yikaye nabho korya, akaghegha omokate, akaghosabhera, akaghobhotora akabhahana. ³¹Khohayo amaiso ghabho ghakeghorwa, bhakamomanya, kamwe igho ghweki akabhabhora momaiso ghabho. ³²Bhakashamerana abhene kobhene, "khose imyoyo ghyeito tighyare hamwe nabheto, nkagha yare kushumasha nabheto konshera, enkagha yare kotonshora amakoni koni?"³³Bhakaemoka enkagha iyo iyo, nokokyora Yerusalemu. Bhakabhanyora bhara ikomi naomwe bhaikomaini hamwe, nabhara bharenge hamwe nabho. ³⁴Bhaghamba, "mbhohene, Omokama aryokire nabhamahaini {na} Simoni" ³⁵Kuigho akabhatebhya amang'ana ghano gharwereye konshera, nakyaigho Yesu yorokiri obhotoro bhwaye kobheto kokosonora omokate.³⁶Enkagha eno bhashumashanga amang'ana ghayo, Yesu umwene akaimera ghate ghate yabho,nokobhatebhya, "Obhohoreru bhobhe nabhenyu." ³⁷Nawe mbobhohire nokohaha, nukwiteghera igha mbaroshe ekehwe.³⁸Yesu akabhatebhya, nkwake mokobha nehaho?Nkwake mukwibhorya amang'ana mushenkoro shenyu? ³⁹Momahe amabhoko {na} amaghoro ghane,igha noni ora ora. Munkuni {na}momahe. Kobhora enkoro tene menoku kura amaghuhahe, kyaigho mokomaha oni okobha nabhyo. ⁴⁰Hano yamare koghamba igho, akabhaimokerya amabhoko ghaye namaghoro ghaye.⁴¹Hano bhare bhakena ubhushomerwa bhabhashinshigheni nabhara bhatakwikerya, no okoroghora, "Yesu akabhatebhya, "igha mona kento kyokyonse ikyo korya?" ⁴²Bhakamohana orobhara urwinswe eno yarenge esambirwe. ⁴³Yesu akakeghegha, nokokeraghera kobhene hayo.⁴⁴Akabhatebhya, "Hano nare nabhenyu,ghonswe ghano ghakonirwe konirwe khu Musa nabharoti{na}Zaburi nkehameryo ghahekereho."⁴⁵Hayo akabha yighoye emetwe ghyabho, kobha bhatore komanya ghara ghakonirwe konirwe. ⁴⁶Akabhatebhya, "igha yakonirwe,Kristo nkehameryo anyankibhwi, nukuryokibhwa ghweki kurwa mobhaku urusiko rwa katato. ⁴⁷Amasabho[na} amabhera aghi ibhitimba nkehameryo ritabheribhwi irina ryaye kohamate yonswe, kotanga kurwera Yerusalemu.⁴⁸Bhenyu nabhashuti abha amang'ana ghano. ⁴⁹Maha, ndabhahera omoragho ughwa Tata weito ighoro yenyu. Nawe moghanye mumughi hano, kohekera hano morahanwe shinguru kurwa ighoro.⁵⁰Hano yamare Yesu akabhakangata kuya kebhara kohekera hang'e {na} Bethania. Akaimokya amabhoko ghaye ighoro, akabhahana enokwe. ⁵¹Ekabha igha hano yarenge arabhahana enokwe, akabhatigha nokogheghwa ighoro koryobha.⁵²Bhakasabha, nokokyora Yerusalemu nubhushomerwa bhonswe. ⁵³Bhakaghenderya kobha mwisengero, bharakumya Waryobh.

¹Kare hayo yarengaho Eng'ana, nawe Eng'ana yarenge hamwe (na) Waryobha, (na) Eng'ana uyo nwe Waryobha. ²Uyo, Eng'ana, yarenge hamwe (na) Waryobha. ³Ebhento bhyonswe mbhyakorwe kohetera umwene, atare we tekento kyokyonswe tekekakorwehe.⁴Umwene yare no obhohoru, no obhohoru bhuyo mbware obhorabhu ubhwa abhairo bhonswe. ⁵Obhorabhu bhyuyo bhorarabhya ikisunte, niikisunte tekyabhahirehe.⁶Niyareho omonto ono yaragheribhwi kurwa ko Waryobha, yabherekerwanga Yohana. ⁷Yaishire kyu umusuti kwimahera obhorabhu bhora, okoreke bhoonswe bhamwitabheri kokohetera we. ⁸Yohana teyarenge no obhorabhuhe, yaishire abhe umusuti uwo obhorabhu bhuyo⁹Byuyo bhwarenge obhorabhu ubhwo obhohene mbwahaye abhairo bhonswe obhorabhu bhwashanga mukyaro¹⁰Yarenge mukyaro, niikyaro we yakebhombire,niikyaro tekyamomanyirehe. ¹¹Yaishire ko bhanto bhaye, nabhanto tebhamuturung'ainihe.¹²Naho ko bharu bhano bhamuturung'aini, bhakaitabherya ku rina ryaye, akabhaitabherya kobha abhana abha Waryobha, ¹³Bhano mbaibhoywe, te ko manyingahe, nunyora nko maigha agho omobhere, te ko maigha agho omonto, nko maigha agha Waryobha.¹⁴Eng'ana yakorwe mobhere naakaikara mo bheto, toroshe obhohoreru bhwaye, obhohoreru kyo ubhwa ora yarure ko Tata, ono yaishoye enokwe no obhohene. ¹⁵Yohana yamushutire, akaghamba ko obhoraka ubhwi ighoro, "Ono we yaghamba amang'ana ghaye,"Ono nkoghotera orotaho no omonene konkera, ko bhora yantangeye oni."¹⁶Kobhora nkurwa ku ikihiko kyaye, bhonswe ntunyore enokwe. ¹⁷Ko okobha umwahokanyo ngwaheteye ku Musa. Enokwe ne ehene mbishire kohetera Yesu Kristo. ¹⁸Taho omona wu mwiro wowonswe ono yaroshe Waryobha enkagha yoyonswe he. Waryobha mumwemwe, ku ikikubha ikya Tata, yamotemire amanywe.¹⁹Bhono mbo ubhushuti ubhwa Yohana enkagha abhaimereri abha amasengero nabha walawi bhatomirwe ko (na) Wayahudi komobhorya, "Nuwe we?" ²⁰Akaitabherya tiyikayehe, akaitughama, "Oni tendenge Kristo he." ²¹Bhono bhakamobhorya, "Uwe nnawe bhono?" Nuwe Eliya? Akaghamba, "Tonihe."Bhakaghamba, No omoroti ore? Akahonshokya, "Tighohe."²²Ghweki akabhatebhya, "Nuwe we, okore tobhahonshokeri bhara bhatotomire"? Nighake bhakoroshe?" ²³Akaghamba, "Oni no obhoraka ubhwa ono arenge mwisisi: 'Morongehi enshera iyo Omokama,' kyaigho omoroti Isaya yaghambire."²⁴Yareho omonto ono yatomirwe hara kurwa ko Mafarisayo. Bhakaghamba no okobhorya, ²⁵"Nkwake ukusubhya nyore uwe otare Kristo nunyora no omoroti, Eliya?"²⁶Yohana akabhahonshokerya araghamba, "Ndasubhya kwo amanshe. Nunyora igho, abhamwe bhenyu aremera no omonto ono atamomanyire. ²⁷Ono we arisha hano ndirwaho. Oni tenkotora kotashora shengoye ishye ebherato bhyaye." ²⁸Amang'ana ghano ngakorwe Bethania, humbu iya Yordani, hano Yohana yasubhyanga.²⁹Urusiko urwa kabhere Yohana yaroshe Yesu aramushako akaghamba, "Maha ekemanwa ikya ring'ondi ikya Waryobha ono akoghegha ibhitimba ibhi ikyaro! ³⁰Ono we yaghambire amang'ana ghaye, "Ora arisha nyuma yane no omonene konkera, ko kobha yareho ntarasha.' ³¹Tenamomanyire we he, nenakore igha okoreke worokibhwi ko Israeli,nho nishire kusubhwa ko amanshe."³²Yohana akaimahera umwene, "Naroshe Enkoro irika kurwa kwisaro ki ikitubhanyo iki inguti naakaikara ku umwene. ³³Oni tenkomanyirehe nawe ora yantomire mbasubhe ko amanshe yantebhiri, 'ora arerora Enkoro eraika no ukwikara ighoro yaye, Uyo nwe akusubha ko Enkoro Ehoreru.' ³⁴Ndoshe nu ukwitabherya igha uyo Mona uwa Waryobha."³⁵Ghweki urusiko ronde Yohana yarenge aimereye naabhanabhegha bhaye bhabhere, ³⁶bhakarora Yesu araghenda Yohana akaghamba, "Maha, Omona uwa Waryobha!"³⁷Abhana bhegha bhara bhakamwiteghera Yohana ghano bhakamosorana Yesu. ³⁸Nho Yesu yaisyori akarora abhanabhegha bhaye bharamosorana, akabhabhorya, "Nke mukutuna?" Bhakamohonshokerya, "Rabbi, (erorokya igha 'umweghya,' ho omenyire?" ³⁹Akabhatebhya, "Mushe morore." Bhakamara bhakaghya korora hara yikaye; bhakaikara nawe hayo urusiko ruyo, ko bhora yarenge enkagha iya shesa ikomi.⁴⁰Uwomwe uwa bhabhere bhara hano yaighure Yohana no okosorana Yesu yarenge Adrea, wamwabho Simoni Petro. ⁴¹Akamaha wamwabho Simoni no okomotebhya, "Tunyore Masihi"(eno ikwanshorwa igha Kristo). ⁴²Akamoreta ku Yesu. Yesu akamomaha akaghamba, "Nuwe Simoni omona uwa Yohana"norabherekerwe Kefa," (erorokya 'Petro').⁴³Ku urusiko rwonde hano Yesu yatunire kwemokaho kughya Galilaya, akanyora Filipo no okomotebhya, "Nsorana." ⁴⁴Filipo yarenge momenyi uwa Bethsaida, umughi ughwa Andrea (na) Petro. ⁴⁵Filipo akanyora Nathanaeli no okomotebhya, Tumunyore ora Musa yakonire konire amanga'na ghaye ko umwahokanyo ughwa Abharoti. Yesu Omona Uwa Yusufu,kurwa Nazareti.⁴⁶Nathanieli akamotebhya, "Ekento ikiya keratora kurwera Nazareti?" Filipo akamotebhya, Nsho orore." ⁴⁷Yesu akamorora Nathanieli akamushako akaghamba, "Maha, Mwisraeli ekenaina ono atakorongoha!" ⁴⁸Nathanaeli akamotebhya, "Yake okore okamanya?" Yesu akamohonshokerya akamotebhya, "Filipo tarakobherekerahe hano warenge momote, nakoroshe."⁴⁹Nathanaeli akamohonshokerya, "Rabi nuwe Omona uwa Waryobha! Nuwe Omonene uwa Israeli"! ⁵⁰Yesu akamohonshokerya, ko bhora nakotebhiri 'nakoroshe wikaye mukiriri kyo omote' oraitabherya? norarore amakoro amanene kokera ghano." ⁵¹Yesu akaghamba, " Mwikeri mwikeri ndabhatebhya moremeha risaro rereghoka, no okomaha abharaghe bhararina nu ukwika ighoro yo Omona uwa Adamu."

¹Hano shinsiko isato shahoye, ubhwenga bhwarenge iyo Kana iya Galilaya (na) nyakuwabho Yesu nho yarenge. ²Yesu nabhana bhegha bhaye bharenge bhararekirwe mubhwenga.³Hano bhahwereywe idivai, nyakuwabho Yesu akamotebhya, "Tebhana idivai he." ⁴Yesu akamohonshokerya, "Mokari nkwake okontebhya oni? Enkagha yane terahikahe." ⁵Nyakuwabho akabhatebhya abhakori abhe emeremo, "Keno kyonswe akobhatebhya mokekore."⁶Bhono sharengeho shinyongo isansabha ishya amaghene sheno shyatorwe kwisabheramo kushinyangi ishya Wayahudi. ⁷Yesu akabhatebhya, "Mwishorimo amanshe shyeshore ghahike koroghara". ⁸Akamara akabhatebhya abhabhaghati bhaye bhara, "Mogheghe ekerengere mohere umwimereri omonene uwa komensha." Bhakakora igho yabhatebhiri.⁹Umwimereri uwi inyangi akasama amanshe gharaakaghaighwa ghaisyori no okobha idivai, nawe tiyongoyi hano gharurehe (nawe bhara bhatahire amanshe mbamanyire hano gharure). Bhakamara bhakabherekera umwene bhwenga no ¹⁰okomotebhya, "Kera uwomwe nkusimyare kutwenera abhanto idivai inshiya nahano bhaghotwa nkohanwa bhare idivai engogho.Naho uwe obhekire idivai inshiya kohekera bhono"¹¹Ikyorokeryo keno Kana iya Galilaya, nkyabhaye ikyorokeryo ne ebheroghoryo bheno Yesu yakore, ekorokya obhohoreru bhwaye, abhanabhegha bhaye bhakamwitabherya.¹²Hano reno ryahetire, Yesu nyakuwabho bhawamwabho (na) abheghya bhaye bhakaghya ku umughi ughwa Kapernaum ku shisiko nke.¹³Bhono Epasaka iya Wayahudi okanyora ihikire hang'e, nho Yesu yagheye Yerusalemu. ¹⁴Akanyora abhaghorya abha sheng'ombe, amang'ondi, (na) shinguti bharaghorya mwisengero. Naabhaswenya abha shimbirya mmo bharenge bhaikae.¹⁵Yesu akakora amasamore amatambe ghano ghare ne ebhehaghe, akabharusyamo bhonswe bhano bharenge mo hamwe nasheng'ombe namang'ondi. Akaetera shimbirya nu ukughwesya shemensha shabho. ¹⁶Ko bhaghori abha shinguti akabhatebya, "Motore ebhento bheno hare nahano, motakasyorya righutu irya Tata rebhe ahase aho omotera."¹⁷Abhanabhegha bhaye bhakahetoka igha niyare yakonwakonwa, "Rihari iri righutu ryaho rerendya." ¹⁸Abhaimereri abhi Kiyahudi bhakamotebhya, Nkyorokeryoke keno ororoki kobhora okokora amang'ana ghano?" ¹⁹Yesu akabhahonshokerya igha, motabhore risengero reno nawoni nendarehaghashe ku shinsiko isato."²⁰20 Nho abhaimereri abha Wayahudi bhakaghamba, "Yagheghire imioka merongo ene ne esansabha korehaghasha oraghamaba norarehaghashe ku shinsiko isato?" ²¹Nokanyora we yaghambeye risengero rikitubhanya omobhere ghwaye, ²²Bhono hano yaryokire kurwa mobhaku, abhanabhegha bhaye akahita igha yaghamba igho, bhakaitabherya amakonikoni (na) keno Yesu yare yaghamba.²³Hano yarenge Yerusalemu enkagha yi inyangi ye Epasaka, abhanto bharu bhaitabhereyi irina ryaye, hano bharoshe ikyorokeryo yakore. ²⁴Naho Yesu tiyarenge nimighiro nabho kobhora yamanyire abhairo. ²⁵Tiyatunire kotebhibhwa no omonto wowonswe komotebhya kigho abhairo bharehe bhono yamanyire kigho bhare.

¹Bhono yarengeho Farisayo omwe ono yabherekerwanga Nikodemo, umwimereri uwa Wayahudi. ²Yaishire ku Yesu bhutiko akamotebhya, "Rabi, ntomanyire nu umweghya ono warwa ko Waryobha, kobhora taho umwiro wowonswe ono aratore kokora ebherengyo bheno okokora nko bhora Waryobha hano arange kobha hamwe nawe."³Yesu akamohonshokerya, "Nikerei, nikerei, omonto tatore kosoha mobhokama ubhwa Waryobha hano oranyore ataibhoywe urwa kabhere." ⁴Nikodemo akaghamba, "Omonto nighake arakore yebhorwe aghotire? Tatore kosoha monda iya nyakuwabho no okwebhorwa urwa kabhere, bhono aratora?"⁵Yesu akahonshokya, "Nikerei, nikerei, omonto hano ataibhoywe ko manshe nako Enkoro, takasoha mo obhokama ubhwa Waryobha. ⁶Keno Kibhoywe no omobhere mmobhere nakeno kibhoywe ne Enkoro ne enkoro.⁷Otakaroghora bhora nakotebhiri, 'nkehameryo kwebhorwa kabhere.' ⁸Omokama nkuhuta ghore kughya hohonswe hara ghohanshire no obhoraka bhwako nkuighwebhwa bhore, naho temomanyire hano ghukurwa (na) hano ghukughya. Nigho ghare nunyora nko ora aibhoywe ne Enkoro.⁹Nikodemo akahonshokya, kokoghamba igha, "Amang'ana ghano nighake gharabhe?" ¹⁰Yesu akahonshokya, "Uwe nu umweghya uwa Israeli ore,bhono tomanyire amang'ana ghano? ¹¹Nikerei, nikerei, ndakotebhya igha toraghamba kera tomanyire torarora kera toroshe. Naho temukutwitabheryahe.¹²Nyore mbatebhiri amang'ana agha mukyaro hano natemukwitabheryahe, niyake ndabhatebhi amang'ana agha mwisaro moghaitabheri? ¹³Kobhora taho ono yarina kughya ighoro mwisaro nora yaika kurwa mwisaro Omona uwa Adamu.¹⁴Kigho Musa yaimereyi inshoka mo kekongo, nigho igho Omona uwa Adamu nkehameryo yimokibhwi, ¹⁵okoreke bhonswe bhano bhakumwitabherya bhanyore obhohoru ubhwa bhokora no obhokora.¹⁶Kukughirya eno Waryobha yahanshire ikyaro, (na) akarusya omona waye umumwemwe, ebhe ko ora akumwitabherya atakasika naho abhe no obhohoru ubhwa bhokora no obhokora. ¹⁷Mbora Waryobha teyatomire omona waye mukyaro okore akengere ikyaro ikina, nigha kokohetera we ikyaro kitunguribhwi. ¹⁸Ono akumwitabherya umwene tarekengerwa ikinahe. Ono atakumwitabherya yaisa kokengerwa ikina kobhora tararitabherya irina iryo Omona umumwemwe uwa Waryobha.¹⁹Keno nkyo kikughira okokengerwa ikina, igha obhorabhu bhwasha kukyaro naho abhairo bhakahansha ikisunte bhakatigha obhorabhu kukughirya iya amakoro ghabho amabhe. ²⁰Kero omonto ono akokora amaghogho nkorererare obhorabhu takusha mobhorabhu he kobhora takutuna amaghogho ghaye ghatorwe harabhuhe. ²¹Nokanyora ono akokora ehene nkushare mobhorabhu okoreke amakoro ghaye gharorwe naghakore ko obhohoreru ubhwa Waryobha.²²Hano ghare ghahoye, Yesu nabhana bhegha bhakaghya mukyaro ikya Yudea. Iyo yaikaye enkagha hamwe nawe ghweki yasubhanga abhanto. ²³Bhono Yohana wonswe yasubhanga iyo Ainea hang'e (na) Salim kobhora amanshe maru gharengeho. Abhanto mbasha ho no ukusubhwa, ²⁴Kobhora Yohana yarenge atararekerwa mushera.²⁵Ghweki shehaka nshabhayeho ko bhana abha Yohana nu Myahudi kukughirya ye emeremo ghyabho ighi ibhimwenso. ²⁶Bhakaghya ko Yohana no okomotebhya, "Rabi, ora ware nawe humbu yo omoro ghwa Yordani, ono waroshe amang'ana ghaye, maha, arasubha nabhonswe bhamurure ²⁷Yohana akahonshokya igha omonto takotora kunyora kento kyokyonswe hamwe kera anyore kurwa kwisaro. ²⁸Bhyenyu abhene mwaroshe naghambire igha, 'oni tendenge Kristo he,' naghambire igha, ' nentomirwe mobhoronge bhwaye.'²⁹Umwenga omotetwa nu uwo omoteti. Bhono omosani uwo omoteti ono akwemera nu ukushomerwa bhokong'u ko obhoraka ubhwo omoteti. Bhono mbo ubhushomerwa bhwane bhono bhwahika. ³⁰Aratunwa bhokong'u nawoni ndatunwa kusuha.³¹Oraono akurwa ighoro, narenge ighoro (ya) ghonswe. Ono arenge uwikyaro mukyaro akurwa nkushumanshare amang'ana aghikyaro ono akurwa mwisaro we arenge ighoro (ya) ghonswe. ³²Umwene nkoghambare ghara yarora nu ukughighwa, nawe taho ono akumwitabheryahe. ³³Ora yaitabhereyi aghaye yaitabherya igha Waryobha mmohene.³⁴Kobhora ono atomirwe (na) Waryobha nkushumanshare amang'ana agha Waryobha, kobhora Waryobha takomaha Enkoro ko kerengere. ³⁵Tata nahanshire Omona nawe yamohana ebhento bhyonswe momabhoko ghyaye. ³⁶Ora akwitabherya Omona ano obhohoreru ubhwa bhokora, nakoora atakumwitabherya Omona taremaha obhohoreruhe, noobhoro ubhwa Waryobha mburimwikara.

¹Bhono Yesu hano yamanyire igha Mafarisayo bhaighure igha Yesu yabhasoronanga no ukubhasubha bhokong'u kokera Yohana, ²(nunyora Yesu umwene tiyasubhangahe nabhana bhegha bhaye), ³yarure Judea akakyora Galilaya.⁴Akabha igha yarenge mukumo koheta Samaria. ⁵Akahekera mumughi ughwa Samaria, ghono ghokobherekerwa Sikari, hang'e (na) ahase hano Yakobo yahaye omona waye Yusufu.⁶Ikisima kya Yakobo nhayo kyare. Yesu yarenge arusiri kukughirya iyo oroghendo akaikara hang'e niikisima. Yarenge enkagha iya shesa isansabha ishya mobhaso. ⁷Omokari Msamaria akasha kotaha amanshe, ho Yesu yamotebhiri igha, "Ng'ana amanshe nywe." ⁸Kobhora abhanabhegha bhayembarenge bhagheye mumughi koghora ibhyakorya.⁹Omokari ora akamotebhya, "Nighake erabheuwe Myahudi, onsabhe amanshe oni mokari Msamaria, ekento ikyu kunywa?" Kobhora Wayahudi tebhakosanga (na) Wasamaria. ¹⁰Yesu akamohonshokerya, "Nyore ware omanyire obhotoro ubhwa Waryobha, naora akokotebhya ng'a amanshe nywe,' nokamosabhire, nenkakohaye amanshe agho obhohoru.¹¹Omokari ora akamotebhya, "Omokama tona eketaherohe, ikisima nketambe horanyore amanshe agho obhohoru.? ¹²Bhono uwe mmonene ore, kokera tata weito Yakobo, ono yatohana ikisima keno, nawe umwene nabhana bhegha bhaye (na) shitugho shyaye shekanywa amanshe aghi ikisima keno?"¹³Yesu akamohonshokerya igha, " Wowonswe ono akunywa amanshe ghano tarinyora inyontahe, ¹⁴nawe ora arinywa amanshe ghano ndemaha tarinyora inyontahe. Kobhora amanshe ghano ndamohe ngarabhe ekesekani keno kikeseroka bhokora no obhokora."¹⁵Omokari ora akamotebhya, "Omokama ndaghasabha amanshe ghayo okoreke ntakanyora inyonta, ghweki ntakanyanka kusha kotaha amanshe hano." ¹⁶Yesu akamotebhya, "Kaghi obherekere mushasha waho, omare ukyore."¹⁷Omokari ora akamotebhya, "Tenena mushashahe. "Yesu akahonshokya, "Mbuya oghambire, 'Tenena mushashahe;' ¹⁸nkobhora wabha uwa abhashasha bhatano, naono onawe bhono te mushasha wahohe. Reno oghambire nehene!"¹⁹Omokari ora akamotebhya, "Omokama nkoroshe uwe mmoroti ore. ²⁰Bhatata weito mbaighombereyi no okosengera kokekereghe keno. Nawe bhenyu moraghamba igha Yerusalemu nho entahana eno abhanto bhatonerwanga kosengera.²¹Yesu akamohonshokerya igha, " Omokari, nyitabherya, enkagha erasha eno motaremosengera Tata mokekereghe keno nunyora Yerusaremu. ²²Bhare bhanto morasengera kera motakemanyire, naho bheto turitabherya kera tokokora kokobha ubhutunguribhwa bhorarwa ko Wayahudi,"²³Nunyora nigho, enkagha erasha enkagha abhaitabheri abho obhohene bharamwitabherya Tata ko enkoro no obhohene, ko bhora Tata aratuna abhanto abhi itubho iyo ko bhanto bhaye bhano bhakumwitatabherya. ²⁴Waryobha ne Enkoro, nabhara bhakumwitabherya nigha bhamwitabheri ko nkoro no obhohene."²⁵Omokari ora akamotebhya, "Nemanyire igha Masihi nkushare, (ono akobherekerwa Kristo). Uyo hano arisha naretotebhya amang'ana ghonswe." ²⁶Yesu akamotebhya, "Oni ono okoghamba nawe noni uyo."²⁷Enkagha iyo iyo abhanabhegha bhaye bhakakyora . Bhakaroghora nkwake akushumansha no omokari uyo, naho taho ono yakarehire komobhoryahe, "Nke ukutuna?" hamwe "Nkwake ukushumansha nawe.?"²⁸Kohayo omokari ora akatigha ekerandi kyaye ikya amanshe akaghya mumughi no okotebhya abhanto, ²⁹"Mushe momahe omonto ono antebhiri amang'ana ghane ghoonswe ghano nakora, aratora kobha uwe Kristo?" ³⁰Bhakarwa mumughi bhakasha.³¹Enkagha iyo iyo abhanabhegha bhaye bhakamosasama bharaghamba, "Rabi kare ibhyakorya." ³²Nawe umwene akamotebhya. "Oni nena ibhyakorya bheno motamanyire bhenyu." ³³Abhana bhegha bhaye bhakatebhyanya taho ono amoreteye kento kyokyonswe korya , "Bhono mbaretire?"³⁴Yesu akabhatebhya, "Ikyakorya kyane no okokora amaigha ghaye ora yantoma (na) mokore emeremo ghyaye ³⁵nke, motakoghamba, 'Mieri ene ghesabhire ibhyakorya bhegheswe?' Nkobhatebhyande momahe emeghondo gheno ghebhaye ko kogheswa! ³⁶Omoghesi umwene nkohakware ko emeremo ghera akore no okokomanya shehagho kukughirya obhohoru ubhwa bhokora, okoreke ora akwemya wonswe no omoghesi bhashomerwe hamwe.³⁷Kobhora ekeghambo keno nkehene, 'Uwomwe yemi nu uwonde aghese.' ³⁸Nabhatomire koghesa keno motakinyankeye, Abhande bhakore emeremo nabhenyu mosohire mu ubhushomerwa ubhwa emeremo ghyabho."³⁹Wasamaria abharu kumighi ghiyo bhakamwitabherya ko bhora eng'ana iyo omokori uyo yabhatebhyanga, "Yantebhiri amang'ana ghonswe ghano nakora." ⁴⁰Ku igho Wasamaria mbaishire komotongera aikare hamwe nabho nawe akaikara nabho kushinsiko ibhere.⁴¹Abharu bhokong'u bhakamwitabherya ku kughirya ye eng'ana yaye. ⁴²Bhakatebhya omokari ora, "Tuitabhereyi tekomang'ana ghahohe, nkobhora nabheto bhonswe twighure, nabhono ntomanyire igha mbohene ono uwe umutungurya uwi ikyaro."⁴³Hano shinsiko ibhere shahetire, akaemokakughya Galilaya. ⁴⁴Kobhora umwene yarenge yirarekire obhoroti tona soko ku kyaro kyaye umwenehe. ⁴⁵Hano yaishire kurwa Galilaya, Wagalilaya bhakamoserenia. Mbaroshe amang'ana ghonswe ghano yakore Yerusalemu ku inyangi, kobhora bhonswe mbare mu nyangi iyo.⁴⁶Ghweki yaishire Galilaya iyo hano yasyori amanshe kobha idivai. Yarengeho omotake ono omona waye yarenge moroye Kapernaumu. ⁴⁷Hano yaighure igha Yesu arure Yudea nu ukughya Galilaya, akaghya ku Yesu no okomosasama aike amuhweneri omona, ono yatunanga kukwa.⁴⁸Nho Yesu yabhatebhiri, "Bhenyu hano morange komaha ikyorokeryo ne ekeroghoryo temotore kwitabheryahe. ⁴⁹Umwimereri akaghamba, "Omokama ika hanse omona wane atarakwa." ⁵⁰Yesu akamotebhya, "Kaghi omona waho ahwene." Omonto ora akaitabherya eng'ana era Yesu yaghambire akaghya.⁵¹Hano yaikanga, abhakori bhaye bhakamuturung'ana no okomotebhya omona waye mohoru yare. ⁵²Ku igho akabhabhorya ne nkaghake yaiteghereye bhuya. Bhakamohonshokerya, "Isho enkagha iya shesa muhungate nho ehoma yaikire."⁵³Nho suwabho yamanyire igho ye enkagha iyo iyo Yesu yaghambire, "Omona waho mmohoru. "Ku igho umwene ne eka yaye bhakaitabherya. ⁵⁴Keno nkyabhaye ikyorokeryo ikya kabhere keno Yesu yakore Yudea kughya Galilaya.

¹Hano ghahoye ghayo yarengeho inyangi iya Wayahudi, Yesu akarina kughya Yerusalemu. ²Yerusalemu era ryarengeho ribhirika ku keseku ikya amang'ondi, ryabherekerwanga Kiebrania Bethzatha, ryarenge anariribha atano. ³Ekerengere ekenene ikya abharoye bharemo, abhahukuru abhateng'o hamwe bhano emebhere ghyarindighara mbaraye momaribha ghayo (komerya: Amang'ana agho orokara urwa katato teghakomahwa muibhiriri ibhya kare. "bhareghanya amanshe korerwa.") Ko obhohene bhonde omoraghe yaikire muibhirika riyo hano yabhurughanyanga amanshe. ⁴Ko omoroye tangata kosohamo amanshe ghano ghabhurughanibhwi yahwenanga obhoroye.⁵Yarengeho omonto omwe ono yarore imioka etato (na) monane mwiribha riyo. ⁶Hano Yesu yamoroshe araye mwiribha riyo hano yamanyire igha yarora muyo ko enkagha ntambe Yesu akamotebhya, "bhono aratuna obhe mohoru?"⁷Omoroye ora akamuhonshokerya, "Omokama tenena omonto, uwo kontora mwibhirika riyo ribhurughanibhwihe. Enkagha hano nkusha ndatuna kosoha uwonde aranyekenga." ⁸Yesu akamotebhya, " Emoka ogheghe ekeraro kyaho oghende."⁹Hayo hayo omonto uyo akahwenibhwa, akaghegha ekeraro kyaye akaghya.¹⁰Ku igho Wayahudi bhakamotebhya omonto ora yahwenibhwi, "Rero ndusiko urwu ukumunya, tukuitabheribhwa koghegha ekeraro kyahohe." ¹¹Akamohonshokerya, ora yahweniri uwe yantebhiri, "Ghegha ekeraro kyaho oghende."¹²Bhakabhorya, "Newe yakotebhiri 'Ghegha ekeraro kyaho oghende?" ¹³Nunyora, ora yahweniri teyamomanyire, kobhora Yesu yanyore aimokire (kwa) kibhisire. Kobhora bharengeho abhanto abharu.¹⁴Hano Yesu yamare akatoma omonto ora mwisengero akamotebhya, "Maha, uhwenire! "Otakakora ibhitimba ghweki otakasha kunyora eng'ana ngogho bhokong'u." ¹⁵Omonto ora akaghya koghamba ko Wayahudi igha Yesu uwe amuhweniri.¹⁶Nho kukughirya iya amang'ana ghayo Wayahudi bhakanyankya Yesu, kobhora yakore amang'ana ghayo urusiko urwu ukumunya. ¹⁷Yesu akabhatebhya, "Tata wane nkokorare emeremo nyabhono nawoni nkokorande emeremo." ¹⁸Kukughirya iyo Wayahudi mbengei kumutuna okore bhamwite tekokosarya ku urusiko urwu ukumunyahe, nko okobherekera Waryobha Tata areseghekanya hamwe (na) Waryoba.¹⁹Yesu akabhahonshokerya, "Mwitabheri, mwitabheri, Omona tatore ko kora ekento kyokyonswe kera atorokibhwi (na) Suwabho,kobhora kera Tata akokora nkyo Omona akokora. ²⁰Kobhora Tata ahanshire Omona, aramorokya kera ekento keno akokora no okomorokya amang'ana amanene kokera ghano akore moghenderi koroghora."²¹Ko kobha kya bhora Tata akoryokya abhaku no okobhaha obhohoru, Omona wonswe nkohanare wowonswe ono amohanshire. ²²Kokobha Tata takokengera wowonswe orahe, mbora arahane Omona ikina ikyo okokenga kyonswe. ²³Okoreke bhoonswe bhamosoke Omona kya bhora Omona akomosoka Suwabho. Ono atakosoka Omona takosoka Tata ono yamotomirehe.²⁴Mwitabheri, mwitabheri, ora akwighwa eng'ana yane no ukumwitabherya ora yantoma nana obhohoru ubhwa bhokora no obhokora tarekengerwa ikinahe. Nareheta kurwa muniko nu ukughya mobhohoru.²⁵Mwitabheri, mwitabheri, ndabhatebhya enkagha erasha nabhono ho ere eno abhaku bharighwa obhoraka ubhwa Omona uwa Waryobha, (na) bhonswe bhano bharighwa mbarebhaho tebharikwahe.²⁶Kobhora Tata ano obhohoru bhuyo umwene. ²⁷Ghweki Tata uyo yahana Omona obhobhahi okoreke akenge ikina kobhora no Omona uwa Adamu.²⁸Motakaroghoribhwa nareno kobhora enkagha erasha eno abhaku bhonswe bharenge moshembehera mbarighwa obhoraka bhwaye ²⁹nabho mbaririshoka kebhara: bhano bhakore amaiya bhariryokibhwa no obhohoru, bhano bhakore amaghogho bhariryokibhwa kokengerwa ikina.³⁰Tenkotora kokora kento kyokyonswe kurwa ku woni mwenehe. Kya igho nkwighwa nigho nkokenga ikina kyane nkehene kobhora tenkutuna maigha ghane nga ora yantomire. ³¹Nyore umwene ndaimanya, ukwimanya kwane tekokabhaye kohenehe. ³²Aho uwonde ono akwimanya (na) nemanyire igha mbohene bhono akomanya nkwa bhohene.³³Natomirwe ku Yohana nawe anyitabhereyi ehene. ³⁴Nunyora nigho, okomanywa kono nkomanywa tekukurwa ko Omona wu mwiro. nkoghambande ghano okore muhike kutunguribhwa. ³⁵Yohana yarenge nkemore keno yokanga no okorokya obhorabhu, mwarenge nu ubhushomerwa nawe ko nkagha nke obhorabhu bhwaye.³⁶Nawe ubhwitabherya bhono nenabho mbwaru kokera ubhwa Yohana, kobhora emeremo gheno Tata yang'aye nkaghekora ghekahwa,emeremo ghiyo nakore ngyorokiri igha Tata yantomire. ³⁷Tata ono yantomire yanyitabhereyi temwakaighure obhoraka bhwaye nunyora nkigho are nkagha yoyonswe. ³⁸Teho ng'ana yaye eno erenge kobhenyu kobhora temokumwitabherya umwene ono yantomire.³⁹Moraishunsha amakonikoni kobhora mukwiteghera igha bhomo obhohoru ubhwa bhokora no obhokora, amakonikoni ghayo nkorokya ghare amang'ana ghane ghweki ⁴⁰nunyora mbuyo timukutuna kusha kuwoni okoreke munyore obhohoru ubhwa bhokora.⁴¹Tinkunyora umukumo kurwa ko bhantohe, ⁴²naho nemenyire igha temona obhoghonshe ubhwa Waryobha mobhenyu abhene.⁴³Nishire ku rina irya Tata umunyibhori, temwanturung'ainihe. Nyore uwonde arashe kurina ryaye mokamuturung'aini. ⁴⁴Nighake moratore kwitabherya bhano mukunyora umukumo abhene ko bhene naho moranga kutuna umukumo ghono ghukurwa ko Waryobha umwene?⁴⁵Motakamanya oni ndebhashongera ko Tata. Ono akobhashongera bhenyu Musa, ono bhenyu mwiteng'eye. ⁴⁶Nyore mware kuitabherya Musa mokanyitabhereyi oni kobhora yakonirwekonirwe. Kughirya yane. ⁴⁷Nyore motakwitabherya amakonikoni ghane nighake moraitabheri amang'ana ghane.?

¹Hano amang'ana ghayo ghahoye, Yesu akaghya humbu yi inyansha iya Galilaya, ghweki erabherekerwa inyansha iya Tiberia. ²Rikomo irya abhanto abharu bhamosorananga bhono bharoranga ghano yakoranga ko bharoye. ³Yesu akarina ko kekereghe aikare iyo nabhana bhegha bhaye⁴(Ne Epasaka iya Wayahudi yarenge ihikire hang'e). ⁵Yesu hano yaghorokiri amaiso ighoro no okomaha ubhwa abhanto bhayo bharamughyako, akatebhya Filipo, "Hetoraghi koghora emekate okoreke bhano bhonswe bhare"? ⁶(Naho Yesu yaghambire ghayoku Filipo (kwa) komosakya, kobhora umwene yamanyire kigho arakore).⁷Filipo akamohonshokerya, "Nokanyora emekate ighya shimbirya maghana abhere teghaisire nunyora kera omonto kunyora akatene kake teghekaisirehe." ⁸Andrea, uwomwe uwa abhanabhegha bhaye wamwabho Simoni Petro akatebhya ⁹Yesu, "Umumura ahano ane emekate etano (na) shinswe ibhere, bhono nke gherakore kobhanto abharu ekerengere keno?"¹⁰Yesu akabhatebhya, "Mobhaikari hanse bhonswe" (amanyanki gharengeho). Abhashasha abho kohekera ebhekwe bhitano bhakaikara hanse. ¹¹Nho Yesu yagheghire emekate etano akasasama akabhatwenera bhonswe bhara bharenge bhaikaye bhuyo bhuyo akabhatwenya shinswe ko kerengere kera bhatunanga. ¹²Hano abhanto bhaighotire, akatebhya abhana bhegha bhaye, "Mokomani ebhetene bheno bhesaghire, ekento kyokyonswe ketakasira."¹³Bhono bhakakomanya no ukwishorya ebhekapo ikomi nabhibhere, ebhetene ibhyo emekate gheno ghyasaghire (na) bhara bharyanga. ¹⁴Ghweki, abhanto hano bharoshe ekerengyo kiyo yakore, bhakaghamba, "Mbohene ono uwe omoroti ono akusha mukyaro." ¹⁵Yesu hano yamanyire igha aratuna koghotwa okoreke abhe omokama wabho, akaiyahora, akaghya mokekereghe umwene igho.¹⁶Hano bhwire, abhana bhegha bhaye bhakaika kughya kunyansha. ¹⁷Bhakarina mwitubhabhambokanga kughya Kapernaumu. (Ikisunte wanyore kesohire (na) Yesu yarenge atarabhashako). ¹⁸Enkagha iyo omokama omororo ghwahutanga, niinyansha yengeryanga amayengo.¹⁹Abhanabhegha bhaye hano bhatemire shengahi ishyo okohekera merongo ebhere ne etano hamwe merongo etato, bhakarora Yesu araghenda ighoro (ya) amanshe kwesokera ritubha bhakobhoha. ²⁰Nawe akabhatebhya, "Noni motakobhoha." ²¹Ghweki mbarenge bhango komoghegha mwitubha, hayo hayo bhakaghobha kukyaro kera bhaghyanga.²²Urusiko urwinkyo yako, esango eno yarenge yimereye komorambo ughwi inyansha bhakarora ritubha ryendetiryarengehohe ndera Yesu naabhanabhegha bhaye tebharenge bhararina nawe okanyora bhagheye shyabho. ²³(Nokanyora, amatubha ghande ngarengeho ukurwa Tiberia hang'e (na) hano bhareye emekate hano Omokama yakumuri).²⁴Enkagha esango era bhamanyire igha Yesu nunyora nabhanabhegha bhaye mbarengeho abhene mbarinire mubhwato kughya Kapernaumu kutuna Yesu. ²⁵Hano bhamunyore humbu yi inyansha bhakamobhorya, "Rabbi ndohe waishire eno?"²⁶Yesu akahonshokya, akabhatebhya, mwitabheri, mwitabheri, morantuna oni tekobhora mwaroshe ibhyorokeryo, mbono mwareye emekate mokaeghota. ²⁷Mutighe kokora emeremo ikyakorya keno kekosareka, mokore emeremo ikyakorya keno kekwikara bhokora no obhokora kera Omona uwa Adamu arabhahe, kobhora Waryobha Tata yatorako orobhaso rwaye."²⁸Ghweki akabhatebhya, "Nke tokotonerwa kokora okoreke tokore emeremo ighya Waryobha?" ²⁹Yesu akabhahonshokerya, "Gheno ngyo emeremo ighya Waryobha, igha mumwitabheri ora ono yatomire."³⁰Nho yamotebhiri, "Nkerengyo ke orakore,igha toratora kokerora no ukukwitabherya? Nke orakore? ³¹Bhatata mbareye emmana mokekongo, kya igho yakonirwe konirwe akabha emekate kurwa mwisaro okoreke bhare."³²Ghweki Yesu akabhahonshokerya, "Mwitabheri, mwitabheri, te Musa yabhahaye omokate kurwa mwisarohe, n Tata umwibhori wane we yabhahaye omokate oghwo obhohene ukurwa mwisaro. ³³Kobhora omokate ughwa Waryobha ghora ghukwika kurwa mwisaro no okoreta obhohoru ku kyaro. ³⁴Bhono bhakamotebhya, "Omokama tohane omokate ghono nkagha shyonswe."³⁵Yesu akabhatebhya, "Oni mmokate oghwo obhohoru, ono akusha kuwoni taresengerahe naora akunyitabherya tarebha nanyontahe." ³⁶Nokanyora nabhatebhya igha, mwandora, naho timukunyitabheryahe. ³⁷Bhonswe bhano nkohanwa (na) Tata mbarashe kuwoni, nawowonswe ono akusha kuwoni tendemotabhutahe.³⁸Kobhora nishire kurwa kwisaro, terenge igha nkokora amaigha ghane, namaigha agha ono yantoma. ³⁹Ghano ngo amaigha ghaye ghano yantomire, igha ntakasirya wowonswe ko bhara yang'aye naho mbaryoki ku urusiko urusite. ⁴⁰Kobhora ngo amaigha agha Tata, igha ono wonswe akomaha Omona no ukumwitabherya aranyora obhohoru ubhwa bhokora nawoni ndemuryokya ku urusiko urusite.⁴¹Ghweki Wayahudi bhakamwing'eherya kobhora yaghambire igha, "Oni no omokate ghono ghwikire kurwa kwisaro." ⁴²Bhakaghamba, "Ono te Yesu omona uwa Yusufu, ono suwabho (na) nyakuwabho tobhamanyire? Ni yake ere araghamba, "Nikire kurwa kwisaro'?"⁴³Yesu akabhahonshokerya , no okoghamba, "Mutighe motakaing'eherya monkoroyenyu. ⁴⁴Taho omonto ono akusha kuwoni atarutirwe (na) Tata ono yantoma, nawoni ndimuryokya ku urusiko urusite. ⁴⁵Kobhora ndekonirwekonirwe ko abharoti, 'mbarieghibhwa (na) Waryobha ko ono akwighwa nayeghire kurwa ko Tata, nkushare kuwoni.⁴⁶Tigha naho omonto ono yamaha Tata, nora akurwa ko Waryobha_yarora Tata. ⁴⁷Mwitabheri, mwitabheri, ora akwitabherya ano obhohoru bhwa bhokora.⁴⁸Oni ndenge omokate ogho obhohoru. ⁴⁹bhasuwenyu mbareye emana kokekongo, bhakamara bhakakwa.⁵⁰Ghono ngo omokate ghono ghukwika kurwa mwisaro, okoreke omonto araghoreko are atakakwa. ⁵¹Oni no omokate ghono ghokoheshera ghono ghwikire kurwa kwisaro. Nyore omonto arareko hake narabheho bhokora. Omokate ghono ndarusi no omobhere ghwane kukughirya yo obhohoru bhwa bhokora."⁵²Wayahudi bhakarera abhene ko bhene bhakasimya kohangana bharaghamba, "Niyake omonto ono aratore kotohana omobhere ghwaye tore?" ⁵³Ghweki Yesu akabhatebhya, "Mwitabheri, mwitabheri, hano motareye omobhere oghwo Omona uwa Adamu nu ukunywa amanyinga ghaye, temobhe no obhohoruhe.⁵⁴Wowonswe ono akorya omobhere nu ukunywa amanyinga ghane, ano obhohoru ubhwa bhokora, naoni nendemuryokya urusiko urwu kusita. ⁵⁵Kobhora omobhere ghwane nkyakorya ikyo obhohene, (na) amanyinga ghane nkoghanywaore ko obhohene. ⁵⁶Ono akorya omobhere ghwane nu ukunywa amanyinga ghane momobhere ghwane aikae, naoni mu umwene.⁵⁷Kya igho Tata uwo obhohoru yantomire, nakyaigho mmenyire kukughira (ya) Tata, nigho igho wonswe ora akorya omobhere ghwane naramenye kukughirya yane. ⁵⁸Ghono ngo omokate ghono ghukwika kurwa kwisaro, te kyabhora bhatata bhareye bhakakwa. Ono akorya omokate ghono naremenya no okobhaho bhokora. ⁵⁹Yesu yaghambeye amang'ana ghano mwisengero hano yeghyanga iyo Kapernaumu.⁶⁰Nho abharu abha abhana bhegha bhaye bhaighure ghano, bhakaghamba, "Reno ndyegho ikong'u newe aratore kuritabherya?" ⁶¹Yesu kobhora yamanyire igha abhegha bhaye mbaring'eheryanga, akabhatebhya bhono eng'ana eno nkobharereryere?⁶²Bhono niyake erabhe hano moremaha Omona uwa Adamu hano arike kurwa eno yarenge? ⁶³Enkoro yo ikurusya obhohoru. Omobhere teghokotorya kento kyokyonsehe. Amang'ana ghano ngambire ko bhenyu ne enkoro ghweki mbhohoru.⁶⁴Nhobhare abhanto mobhenyu bhano bhatakwitabherya ko bhora Yesu yatangatire komanya ora atakwitabherya naora arimunyankya. ⁶⁵Akabhatebhya, nkukughirya eno nabhatebhiri igha taho omonto aratore kusha kuwoni nora aritabheribhwa (na) Tata."⁶⁶Hano ghayo ghahoye abhanabhegha bhaye bhakakwa emetwe tebhamosorainihe. ⁶⁷Yesu akabhatebhya ikomi na bhabhere bhara, "Bhono nke kikughirya motakwemoka?" ⁶⁸Simoni Petro akahonshokya, "Omokama nkowe toraghi ko bhora uwe ona amang'ana agho obhohoru ubhwa bhokora, ⁶⁹twitabhereyi no okomanya Mmohoreru ore uwa Waryobha."⁷⁰Yesu akabhatebhya, "Nigha oni tenabhahoyehe, namurikyenyu uwomwe nisambwa? ⁷¹Bhono Yuda yashumansheranga, omona uwa Simoni Iskariote, kobhono uwe yarenge ko bhara ikomi nabhabhere, ono akanyankiri Yesu.

¹Hano ghayo ghahoye Yesu akabha noroghendo kughya Galilaya, kobhora tiyatunire kosoha Uyahudi kobhora wayahudi bhakoranga esemyo iyu ukumwita. ²Bhono inyangi iya Wayahudi niinyangi iye ebhehona, hang'e yarenge ihike.³Nho bhawamwabho bhamotebhiri, "Karwe ahase hano ughi Uyahudi, okoreke abhanabhegha bhaho bharore ghara okokora. ⁴Taho wowonswe ono akokora eng'ana kukibhisire nu umwene igho aratune amanyekane bhoronge. Nyore arakora amang'ana ghayo, iyorokya umwene kukyaro."⁵Nunyora mbawamwabho bhonswe tebhamwitabhereyihe. ⁶Nho Yesu yabhatebhiri, "Enkagha yane terahikahe, naho ko bhenyu enkagha yenyu mbongo ere. ⁷Ikyaro teketore kobharerera bhenyu he, noni nkorererwa kobhora nkorokyande igha amakoro ghaye mmaghogho.⁸Murine mughi munyangi; oni tinkughya munyangi kobhora enkagha yane terahikahe." ⁹Hano yamare kobhatebhya amang'ana ghayo, akatighara Galilaya.¹⁰Nokanyora, bharenge bhagheye mu inyangi, nho wonswe yagheye, tekwa bhorongehe nkwa kuibhisa. ¹¹Wayahudi mbamutunanga munyangi bhakaghamba, "Hai arenge?"¹²Mbha bhaye namashumansho mosango era ku umwene. Abhande bhakaghamba, "Mmohene." Abhande bhakaghamba, "Tighohe, arasirya abhanto." ¹³Nunyora ngayo taho ono yashumanshire bhorabhuhe kokobhaha Abhayahudi.¹⁴Enkagha eno inyangi yahengekaini, Yesu yarinire mwisengero akasimya kweghya. ¹⁵Wayahudi bhakaya bhararoghora no okoghamba, "Nko ekerengereke omonto ono amanyire amang'ana amaru igho? Teyasomahe." ¹⁶Yesu akabhahonshokerya, "Ameghyo ghane teghanehe, nagha ora yantomire.¹⁷Nyore aho ono akutuna kokora obhoghonshe bhwaye, naramanyeri, nyore ghararwa ko Waryobha, nyore noni umwene nkwighambera. ¹⁸Ko ora akushumansha nkurwa ghare ku umwene kukutuna obhohoreru bhwaye, naho ko ora akutuna obhohoreru ubhwa ora amotomire, omonto uyo mmohene (na) nehene akokora.¹⁹Musa tiyabhahaye umwahokanyo? Naho taho ko bhenyu ono akwighwitabherya. Nkwake mukutuna kunyita?" ²⁰Ensango era bhakamohonshokerya, "Ona ekehwe. Nawe akutuna kukwita?"²¹Yesu akabhahonshokerya no okobhatebhya igha, "Nkore omoremo ghomwe, bhenyu bhonswe ngobharoghori kukughirya yaye. ²²Musa yabhaha esaro (tigha yarwa ku Musahe yo yarwa ko bhatata), no kurusiko uru okosengera morasara.²³Hano omonto arasare urusiko urwa kosengera okoreke umwahokanyo ughwa Musa ghotakatighwa, nkwake mokonderera oni nkobhora nahwenya omonto urusiko urwo okosengera? ²⁴Otakakenga ikina kokomahera itubho, mokenge ikina ko obhohene.²⁵Ko bhamwe bha bhara bharure Yerusalemu bhakaghamba, "Tono bhakutuna kwita? ²⁶Bhono morore nkushumanshare kibhwene igho, (na) tebhakoghamba kyokyonswe ku umwenehe. Tekotora kobha igha abhaimereri bharamanya mbohene ono uwe Kristo, eratora kobha? ²⁷Ntomanyire omonto ono eno akurwa naho Kristo narisha nunyora nigho taho ono aremanya eno arirwera."²⁸Yesu akaghamba kwo obhoraka ubhwa ighoro, yeghyanga no okoghamba, "Bhenyu bhonswe momanyire ghweki momanyire hano nkurwa. Tenairetire umwenehe, nigha ora yantomire nwa bhohene, (na) temomanyirehe. ²⁹Nimomanyire umwene kobhora narure ku umwene naumwene yantomire."³⁰Bhasakyanga komoghota naho teyatokire nu nyora nomwe ono yaramboye okobhoko kwaye komoghota, kobhora enkagha yaye teyarenge erahikahe. ³¹Nunyora nigho, abharu abhe esango era mba mwitabhereyi. Bhakaghamba, "Kristo hano arisha, narekora ebherengyo ibhyaru kokera ono?" ³²Mafarisayo bhaighure abhanto abhe sango era bharashamerana kughirya (ya) Yesu, naabhaimereri abha amasengero (na) abhanene bha Mafarisayo bhakatoma abhasirikare okoreke bhamoghote.³³Nho Yesu yaghambire, "Ne nkagha nke esaghire nkerenge hamwe nabhenyu, mmare ngende ko ora yantomire. ³⁴Mmorantune temorendorahe; iyo nkughya, temoretora kushahe."³⁵Ku igho Wayahudi bhakaghambana abhene ko bhene, " Omonto ono harighya hano totaremorora? Narighya kobhara bhanyaraghana Wayunani no okobheghya Abhayunani? ³⁶Neng'anake eno aghambire, 'Murintuna ghweki temoremahahe;era nkughya temoretora kushahe'?"³⁷Bhono ku urusiko urusite, urusiko oronene urwi inyangi Yesu yaimereye akaghamba kwo obhoraka ubhwa ighoro, igha, "Nyore aho ono aniinyonta, ashe kuwoni anywe. ³⁸Ora akunyitabherya oni kigho amakonikoni ghakoghamba, kurwa ku mwene ngereghera imioro ighyo obhohoru."³⁹Naho ono yaghambire ghayo kughirya ye Enkoro, ono bhara bhakumwitabherya mbarimuturung'ana; Enkoro teyarenge ararusibhwa kobhora Yesu teyarenge arakumibhwahe.⁴⁰Abhamwe abhe esango era, hano bhaighure amang'ana ghano, bhakaghamba, "Mbohene ono no omoroti." ⁴¹Abhande bhakaghamba, "Ono n_Kristo." Naho abhande bhakaghamba, "Nyore n_Kristo yarwa Galilaya? ⁴²Amakonikoni teghakoghamba igha Kristo arirwera mubhuhiri Daudi nu ukurwa Bethelehemu, orong'ongo rono Daudi yarenge?⁴³Ku igho, hayo esngo era ekahokana kukughirya yaye. ⁴⁴Abhamwe bhakamoghotire, nawe teyatokire ono yaramboye okobhoko kokamoghotahe.⁴⁵Nho abhasirikare bhakyore ko abhaimereri abha amasengero (na) Amafarisayo, no okobhatebhya, "Nkwake motaramoreta?" ⁴⁶Abhasirikare bhakahonshokya, "Taho omonto ono yaghamba kya ono."⁴⁷Nho Mafarisayo bhabhahonshokeyi, "Bhenyu bhonswe moteyibhwi? ⁴⁸Aho omobhahi wowonswe ono akumwitabherya, nunyora wowonswe uwa Mafarisayo? ⁴⁹Nunyora mbano abhe esango bhano bhatamanyire omwahokano - bhaihimwa."⁵⁰Nikodemo akabhatebhya (ora yamogheyeko Yesu kare hayo, arenge uwomwe uwa Mafarisayo), ⁵¹"Umwahokanyo ghweto ghorakengera omonto ikina nkwitegherwanga are no okomanya keno akokora?" ⁵²Bhakamohonshokerya no okomotebhya, "Nauwe wonswe orarwera Galilaya? Tuna naomahe igha taho omoroti ono yarwera Galilaya."⁵³Ghweki kera omonto akaghya waye ka.

¹Yesu akaghya mokekereghe ikya Mizeituni. ²Kunkyo shiri akasha mwisengero, (na) abhanto bhoonswe bhakamughyako; akaikara no okobheghya. ³Abhakoni (na) Mafarisayo bhakamoretera omokari ono bhaghotire mobhosorare. Bhakamonarya ghateghate.⁴Nho bhatebhiri Yesu igha, "Umweghya, omokari ono naghotirwe mobhosorare. ⁵Bhono, ko umwahokanyo ughwa, Musa yatuitabhereyi tughinga toratema namaghena abhanto kya bhano, nighake okoghamba ko ono? ⁶Mbaghambire igho okoreke bhamoghotereho no ukumushongera, naho Yesu akaihinya hanse akakonakona ko amarobha niikyara kyaye.⁷Hano bhaghendereyi komobhorya, akaemera no okobhatebhya, "Ono atana ibhitimba ko bhenyu asimi komotema namaghena." ⁸Ghweki akaihinya hanse, akakonakona ko marobha nikyara.⁹Hano bhaighure ghayo, bhakarwaho omwe omwe, kusimirya omoghaka. Yesu akatighare umwene no omokari ora abhene. ¹⁰Yesu akaemera no okomotebhya, "Omokari, bhono bhakushongeye hai bharenge? Taho nunyora nomwe ono akokengye ikina?" ¹¹Akaghamba, "Taho kuro umwehe Omokama wane. Yesu akaghamba, "Nunyora noni tenkokokengera ikinahe kaghi nu ukurwa bhono otakakora ibhitimba ghweki."¹²Ghweki Yesu akashumansha nabhanto bhara akaghamba, "Noni obhorabhu ubhwi ikyaro; ono wonswe akonyitabherya tareghenda mukisuntehe nareghenda mobhorabhu obhwo obhohoru." ¹³Mafarisayo bhakamotebhya, "Urimanya umwene;ukwimanya kwaho tekorenge kwabhohenehe."¹⁴Yesu akahonshokya akabhatebhya igha, "Nunyora nindimanye umwene, nkwimanyande obhohene. Nemanyire ahase hano nkurwa (na) hano nkughya, naho bhenyu tememanyire ahase hano nkurwa (na) hano nkughya. ¹⁵Bhenyu morakenga ikina abhene, oni tenkokengera monto he. ¹⁶Nokanyora oni ndakenga ikina, nkokengande ko obhohene kobhora tendenge mwenehe, hamwe tore (na) tata ono yantoma.¹⁷Nigho, omwahokano ghweto ghokonirwekonirwe igha ubhushuti ubhwa abhanto bhabhere mbohene. ¹⁸Oni numwene nkwimanya, (na) Tata ono yantoma namanyire"¹⁹Bhakamotebhya, "Suwenyu harenge?" Yesu akahonshokya, "Oni temomanyirehenunyora n tata temomomanyirehe; mokamanyire oni mokamanyire (na) Tata." ²⁰Yaghambire amang'ana ghano arenge hang'e ne emongo hano yeghyanga mwisengero, taho nunyora nomwe ono yamoghotire. Kobhora enkagha yaye teyare erahikahe.²¹Bhono akabhatebhya ghweki igha, "Bhono nkughyande; murintuna ghweki mmorakwere mubhitimba bhenyu. Era nkughya, temotore kusha yohe." ²²Wayahudi bhakaghamba, "Naraiyite umwene, kobhora akaghamba, 'era nkughya temokotora kushahe'?"²³Yesu akabhatebhya, "Morarwa hanse; oni ndarwa ighoro, bhenyu mba kyaro keno, oni te wakonondehe. ²⁴Ku igho, nabhatebhya igha murikwera mubhitimba bhyenyu. Hano motaitabhereyi igha ONI NONI, morakwera mubhitimba bhenyu".²⁵Ku igho bhakamotebhya, "Nuwe we?" Yesu akabhatebhya, Ghara natangire kobhatebhya. ²⁶Nena amang'ana amaru aghokoghamba no okobhakengera ikina. Nunyora nigho ghare ora yantomire no omohene; naghano naighure kurwa kumwene, ngo nkoghamba kukyaro." ²⁷Tebhamanyire igha kera bhashumanshanga nko Tata he.²⁸Yesu akaghamba, "Hano murimokya Omona wo Omonto, nho moremanya igha ONI NONI, nigha tinkwikorahe. Kya igho Tata yanyeghiri, ndaghamba amang'ana ghano. ²⁹Ora yantoma oni nhamwe tore, nawe tarantigha umwene kobhora nkokorande ghara ghakumushomera." ³⁰Enkagha eno Yesu yaghambanga amang'ana ghano, abharu bhakamwitabherya.³¹Yesu akaghamba ko Wayahudi bhara bhamwitabherya, "Hano murikare mo hase hane,nho morabhe abhana bhegha bhane, ³²nabhenyu mmoramanye ehene, ne ehene nerabhahe ubhwibhahi." ³³Bhakamohonshokerya, "Bheto mbaebhorwa abha Ibrahimu tetwakabhaye bhaghorwa abha wowonswe orahe; nighake oraghambe, "Ntwibhaha?"³⁴Yesu akabhahonshokerya, "Mwitabheri, mwitabheri, ndabhatebhya, ono wonswe akokora ibhitimba mmoghorwa wi ibhitimba. ³⁵Omoghorwa takwikaraka nkagha yonswe; kokobha araghoma nsiko shyonswe. ³⁶Ku igho hano Omona abhahane ubhwibhahi, moraibhahe."³⁷Nemanyire bhenyu mbaebhorwa Ibrahimu; moratuna munyite kobhora eng'ana yane tena umweya kobhenyuhe. ³⁸Ndaghamba amang'ana ghano ndoshe (na) Tata umunyibhori, nabhenyu morakora ghara mwighure kurwa ko bhasuwenyu."³⁹Bhakamohonshokerya no okomotebhya, "Umwibhori weto ne Ibrahimu." Yesu akabhatebhya, "Nyore mware abhana abha Ibrahimu, mokakore emeremo ighya Ibrahimu. ⁴⁰Nunyora bhono moratuna kunyita, omonto ono yabhatebhiri obhohene igha naighure kurwa koWaryobha. Abrahamu tiyakore ighohe. ⁴¹Morakora emeremo ighya suwenyu, "Bhakamotebhya, "Tetwaibhoywe (na) abhatwari, ntona Tata omwe Waryobha."⁴²Yesu akabhatebhya, "Nyore Waryobha Nsuwenyu, mokahanshire, kobhora nindure ko Waryobha; tenairetirehe, uwe yantomire. ⁴³Nkwake motakomanya amang'ana ghane? Nko bhora motakotora kuiteghera amang'ana ghane. ⁴⁴Bhenyu mona bhasuwenyu, emesabhwa, ghweki moratuna kokora amang'ana amaghoghoagha bha suwenyu. Mwiti yarenge kurwa atangire natakokora kwemera ko obhohene kobhora tebharenge bhahenehe. Hano yashumansha obhorongo, araghamba kukurwa ko semoka yaye kobhora uwe umwibhori wo obhorongo.⁴⁵Nunyora mbono, obhohene tibhukwitabheribhwahe. ⁴⁶Newe ko bhenyu akunkumya igha nena ibhitimba? Nyore ndaghamba ehene, nkwake motakunyitabherya? ⁴⁷Ora arenge uwa Waryobha nkuighware amang'ana agha Waryobha; bhenyu temokughaighwahe kobhora temorenge abha Waryobha he."⁴⁸Wayahudi bhakamohonshokerya no okomotebhya igha, tetoraghamba bhohene igha uwe Msamaria ore one ekehwe?" ⁴⁹Yesu akahonshokya, tenena ekehwe; naho ndasoka Tata, bhenyu monsoke.⁵⁰Tinkutuna obhohoreru bhwane; aho omwe ono akutuna no okokenga ikina. ⁵¹Mwitabheri, mwitabheri, hano wowonswe araghote eng'ana yane,tarikwahe."⁵²Wayahudi bhakamotebhya, "Bhono tomanyire igha ona ekehwe. Abrahimu nabharoti bhakwa; naho oraghamba, 'Hano omonto araghote eng'ana yane, tarikwahe'. ⁵³Uwe torenge monene kokera tata weto Abrahamu ono yakwa, tighohe? Abharoti bhonswe bhakwa. Uwe urikora kobha we?"⁵⁴Yesu akahonshokya, "Nyore ndaikumya umwene, obhohoreru bhwane mbhwa bhosa; Tata uwe akunkumya - ora mokoghamba igha uwe Waryobha wenyu. ⁵⁵Bhenyu temoramomanyahe, nawe oni nemomanyire umwene. Hano ndaghambe, 'temomanyirehe,' nendabhe kya bhenyu, morongo. Nunyora nigho, nemomanyire amang'ana ghaye naghaghota. ⁵⁶Suwenyu Abrahamu yakiryatiri hano yaroshe urusiko rwane; yaroroshe akashomerwa."⁵⁷Wayahudi bhakamotebhya, "Torahikya ikihiko iki imyokamerongo etano, warora Ibrahimu?" ⁵⁸Yesu akabhatebhya, "Mwitabheri, mwitabheri, ndabhatebhya, Abrahamu atarebhorwa, ONI NHONDE." ⁵⁹Nho bhagheghire amaghena kutuna komotema, Yesu akaibhisa no okoroshoka mwisengero.

¹Enkagha, hano Yesu yahetanga, akamaha umuhukuru ono yahukura kurwa bhwebhorwa. ²Abhana bhegha bhaye bhakamobhorya, "Rabi, nawe yakora ebhekeno, omonto ono kasi abhaibhori bhaye akebhorwa muhukuru?"³Yesu akabhahonshokerya, "To omonto ono nunyora naabhaibhori bhaye bhakore ebhekeno,ghiyo mmeremo ighya Waryobha okoreke ghyeghorwe kohetera kumwene. ⁴Nhateko kokora emeremo ghyaye ono yantoma enkagha ekerenge mobhaso . Hano ubhutiko bhurisha temokore emeremohe. ⁵Enkagha neho mukyaro, oni nwe obhorabhu ubhwi ikyaro."⁶Hano Yesu yamare koghamba igho, akatwa amate komarobha, akakoraho amataghito akahakaumuhukuru ora komaiso. ⁷Akamotebhya, kaghi wisabhe mukisima ikya Siloam (eno ikwanshorwa igha onoyatomirwe')." Ku igho omonto ono yagheye, akaisabha no okokyora, aramaha.⁸Bhanyarobheri bhaye nabhara bhamorora kurwa kare kyo omosabhi sabhi bhakaghamba, Bhono temonto ora yikaranga no okosabha?Abhande bhakaghamba, "Newe umwene." ⁹Abhande bhakaghamba, "Tewehe, nkutubhana are nawe." Naho yaghambanga, 'Noni ono."¹⁰Bhakamotebhya, " Amaiso ghaho nighake gharebhoywe?" ¹¹Akabhahonshokerya, omonto ono akobherekerwa Yesu yakore ritoto akahaka ko amaiso ghane no okontebhya, 'Kaghi Siloam wisabhe.' Kohayo nkaghya, nu ukwisabha, kemwe nkaramokya kamwe igho." ¹²Bhakamotebhya, "Harenge?" Akahonshokya, "Temanyirehe."¹³Bhakahira omonto ono yarenge umuhukuru ko Mafarisayo. ¹⁴Ndwarenge urusiko uru ukumunya enkagha eno Yesu yakore ritoto no okomoramokya amaiso ghaye. ¹⁵Nho ghweki Mafarisayo bhamobhori iyake yakore akarora. Akabhatebhya, "Yantoreye ritoto momaiso ghane, nkaisabha,nabhono nkomahande."¹⁶Mafarisayo abhamwe bhakaghamba, "Omonto ono tararwa ko Waryobha kobhora tana kumunyahe." Abhande bhakaghamba, "Niyake erabhe omonto uwi ibhitimba kokora ebherengyo bheno?" Ku igho bhakatwenekana abhene ko bhene. ¹⁷Nho bhabhori umuhukuru ora ghweki, "Oraghamba ighake ko omonto ono yakoramokiri amaiso ghaho?" Umuhukuru akaghamba,"No omoroti." ¹⁸Ko nkagha iyo Wayahudi tebhamwitabhereyihe kobhora yarenge muhukuru nawe amahire kohekera hano yabherekeye abhaibhori bhaye bhano yaroshe.¹⁹Bhakabhorya abhaibhori bhaye, Ono no omona wenyuono mwibhoye umuhukuru? Bhono nkororare?" ²⁰Abhaibhori bhaye bhakamohonshokerya, "Ntomanyire igha ono no omona weto yaibhoywe muhukuru. ²¹Niyake bhono aramaha, tetomanyirehe, nawe ono amoramokiri amaiso ghaye, tetomomanyirehe. Momobhori umwene, monto mokoro. Aratora koghamba umwene."²²Abhaibhori bhaye bhakaghamba amang'ana ghano, kobhora mbobhohire Wayahudi. Kobhora Wayahudi mbarenge bhaitabheraini igha hano wowonswe aritabherya igha Yesu uwe Kristo, naryangwa narisengero. ²³Kukughirya eno, abhaibhori bhaghambire, "No omonto mokoro are, momobhori umwene."²⁴Ku igho urwakabhere, bhakabherekera omonto ora yarenge umuhukuru no okomotebhya, "Hana Waryobha obhohoreru. Ntomanyire igha omonto ono anaibhitimba." ²⁵Nho omonto ora yahonshokiri igha, "Abhe uwa ibhitimba, oni temanyirehe. Eng'ana emwe eno mmanyire: mmuhukuru nare, bhono nkomahande."²⁶Nho bhamotebhiri, "Nke akokoreye? Nighake yaramukiri amaiso ghaho?" ²⁷Akahonshokya, "Mmare kobhatebhya, bhenyu timwighurehe!Nkwake mukutuna kwighwa ghweki? Bhenyu timukutuna kobha abhana bhegha bhaye bhonswe, Nigho? ²⁸Bhakamotoka no okoghamba, "Uwe mmona mwegha waye, naho bheto nabhanabhegha tore abha Musa. ²⁹Ntomanyire igha Waryobha yaghambire (na) Musa, no omonto ono tetomanyire hano yarwerahe."³⁰Omonto ora akabhatebhya, "Nkwake, eng'ana eno yakoroghorya, igha temomanyire hano yarwera, yaramokya amaiso ghane. ³¹Ntomanyire igha Waryobha takobhaiteghera bhano bhana ibhitimba, naho omonto ono akuitabherya Waryobha no okokora obhoghonshe bhwaye, Waryobha nkumuighware.³²Kurwa ikyaro kisimiri tiyakaighweywe igha ono yaibhoywe muhukuru amahirehe. ³³Hano oranyore omonto atarure ko Waryobha, takakore kentohe." ³⁴Bhakamohonshokerya igha, "Wibhoywe mubhitimba kemwe, nauwe oratweghya bheto? Nho bhamokenyiri kurwa mwisengero.³⁵Yesu yaighure igha bhamokenyiri kurwa mwisengero. Yamunyore akamotebhya igha, "Wakumiri Omona uwo Omonto?" ³⁶Akahonshokya igha, "Newe, Omokama okoreke nawoni Mwitabheri?" ³⁷Yesu akamotebhya, "Wamorora, nawe ono ukushumansha nawe nwe." ³⁸Omonto ora akaghamba, "Omokama, ndaitabherya." Nho yamukumiri.³⁹Yesu akaghamba, "Kokokenga ikina nasha mukyaro keno okoreke abhahukuru bharore nabhara bhakorora bhahukure." ⁴⁰Mafarisayo abhamwe hamwe nawe bhakaiteghera amang'ana ghayo no okomobhorya, "Nabheto bhonswe mbahukuru tore?" ⁴¹Yesu akabhatebhya, "Nyore mokabhaye bhahukuru, temokabhaye niibhitimbahe . Nunyora bhono moraghamba, 'Torarora,' ibhitimba bhenyu mbikaye."

¹Mwitabheri, mwitabheri ndabhatebhya, ono atareheta mukihita ikya ekekoro ikya amang'ondi, narerenera ko nshera yende omonto uyo mwibhi no omosaki we ebhento ibhya bhanto. ²Ono aresohera mumuryango uwe areresya amang'ondi.³Waye omorendi uwa mukihita nkweghorware. Amang'ondi ghaighure obhoraka bhwaye no okobherekera rimwe ku rina ryaye no okogharishokya. ⁴Hano yagharishokya kebhara aghaye, nkoghatangatare ghamurwa nyuma, kobhora ngamanyire obhoraka bhwaye.⁵Teghakughya ko omogheni he nko mara ghare ghamurwako, kobhora teghamanyire obhoraka obhwo omogheni ora. ⁶Yesu akaghamba ekerengyo keno ko bhene, naho tebhaghamanyirehe amang'ana ghano yabhatebhiri.⁷Yesu akaghamba nabho ghweki, "Mwitabheri, mwitabheri, ndabhatebhya, Noni ndenge ikihita ikya amang'ondi. ⁸Bhano bhantangatera bhonswe mbaibhi nabhasaki, nawe ring'ondi teryabhaighurehe.⁹Oni nendenge ikihita. Ono akohetera kuwoni, naritunguribhwa; naresoha nuukurishoka,nawe narinyora ekereseryo. ¹⁰Umwibhi nkushare kwibha, kwita, nu ukusikya. Nishire okoreke munyore obhohoru bhwaru.¹¹Noni omoresya umuya. Omoresya umuya nkurusyare obhohoru bhwaye kukughirya iya ring'ondi. ¹²Omotake ono akohakwa shimbirya, tarenge omoresya , niishushe nkoghaghotera no okoghanyaghani. ¹³Gharakenya kobhora omotake uwo okohakwa takoghakomanyahe.¹⁴Oni mmoresya muyande, nemanyire amang'ondi ghane nagho ngamanyereyi woni. ¹⁵Tata namanyire, nawoni nemanyire Tata, nkurusyande obhohoru bhwane kukughirya iya amang'ondi. ¹⁶Amang'ondi nenagho maru ghano ghatare agha righo reno. Ghayo ghonswe nkoghakomande, ngarighwa obhoraka bhwane okoreke rebheho ihisho imwe no omoresya abhe omwe.¹⁷Eno yo ikughira Tata ahanshire: Ndarusya obhohoru bhwane ghweki nkubhunyorande. ¹⁸Taho ono akobhoghegha kurwa kuwoni, naho oni nkurusyande umwene. Nena ubhwibhahi ubho kubhurusya, ghweki nena ubhwibhahi ubhwo okobhoghegha. Eng'ana eno yarwa ko Tata."¹⁹Ubhwiyahori ghweki mburirwa mo Abhayahudi abhene kukughirya iya amang'ana ghano. ²⁰Abharu bhabho bhakaghamba, "Ane ekehwe ikye eketwe. Nkwake mukumwiteghera ?" ²¹Abhamwe bhakaghamba, "Tegharenge mang'ana agho omonto ono arinirwe ne ekehwe. Ekehwe keratora kuhwenya umuhukuru amaiso?"²²Nho inyangi iyo ukwikeribhwa era Yerusalemu. ²³Yarenge enkagha iye embeho, Yesu yaghendanga mwisengero ahase aha Selemani. ²⁴Nho Wayahudi bhamonari no okomotebhya, "Nkohekerahe rono oretotora mu nyanko? nyore n Kristo ore, totebhi bhoronge.²⁵Yesu akabhahonshokerya, "Nabhatebhya mbono motakwitabherya. Emeremo gheno nkokora nku rina irya Tata ono anyibhoye, ghiyo nkuitabheribhwa ghere ku woni ²⁶Nunyora nigho temukunyitabherya he kobhora bhenyu temang'ondi ghane morehe.²⁷Amang'ondi ghane gharanyighwera; Nembamanyire, nabho nkosorana bhare. ²⁸Ndabhaha obhohoru ubhwa bhokora; tebharisikahe, (na) tebharesakwa nu uwonde kurwa momabhoko ghane.²⁹Tata umwibhori wane, ono yabhang'a bhayo, mmonene kokera bhoonswe, taho kura omwe aratore kobhasaka kurwa ko mabhoko agha Tata. ³⁰Oni nhamwe tore (na) Tata." ³¹Bhakaghegha amaghene okoreke bhamoteme ghweki.³²Yesu akahonshokya, "Nabhorokya emeremo imiaru imiya kurwa ko Tata. Nko meremo ghehe ko gheno mukutuna kontemera amaghene?" ³³Wayahudi bhakamohonshokerya, "Tetokokotema namaghena ko omoremo ghoghonswe umuya, naho nkukishero, kobhora uwe, monto ore, oraikora Waryobha."³⁴Yesu akahonshokya, " Teyakonirwekonirwe mumiahokano ghenyu, "Nkaghamba, "Bhenyu mmasambwa'"?" ³⁵Nyore yabhabherekeye amasambwa, ko bhara bhano Eng'ana iya Waryobha yabhahekeye (amakonikoni teghakotora kutighwa), ³⁶moraghamba ighoro iya ora ora ono Tata yamurusiri no okomotoma ku kyaro, 'Orashera,' nkobhora naghambire, ' oni no Omona uwa Waryobha'?³⁷"Oranyore ntakokora emeremo ighya Tata, motakanyitabherya. ³⁸Nunyora nigho, oranyore ndakora, nyore nkyo motakunyitabherya, mwitabheri emeremo ghyane motore komanya igha Tata nkuoni are nawoni nko Tata nde." ³⁹Bhakasakya koghota Yesu, naho akaghya shyaye akarwa momabhoko ghabho.⁴⁰Yesu akamboka humbu iya Yordani ahase hano Yohana yasimiyi kosobhera, akaikara iyo. ⁴¹Abhanto abharu bhakasha ku Yesu. Bhakaghenderya koghamba, "Mbhohene Yohana teyakore kerengyo kyokyonswe, naho amang'ana ghonswe yaghamba Yohana ighoro yo omonto nga bhohene. ⁴²Abhanto abharu bhakamwitabherya Yesu.

¹Bhono omonto omwe arabherekerwa Lazaro yarenge moroye. Kurwa Bethania, morobheriurwa Mariamu (na)mohara wabho Martha. ²yarenge Mariamu ora ora ono yahaka Omokama no ukumweya urutu nashintukya shyaye wamwabho Lazaro ono yarenge moroye.³Nho abhahara bhano bhatomire urukweri ko Yesu no okoghamba, "Omokama, maha ora ahanshire moroye." ⁴Hano Yesu yighure akaghamba, "Obhoroye bhono te bhwa rukuhe, nawe, hano uranyore nkughirya yo obhohoreru ubhwa Waryobha okoreke Omona wa Waryobha anyore koghongwa ko obhoroye bhuyo."⁵Yesu yahanshire Martha (na) mohara wabho (na) Lazaro. ⁶Hano yaighure igha Lazaro mmoroye, Yesu akaikaraho shinsiko ibhere ahase hayo yarenge . ⁷Hano ghayo ghahoye akatebhya abhanabhegha bhaye, "Toghende Uyahudi ghweki."⁸Abhanabhegha bhakamotebhya, "Rabi, Wayahudi bhasakyanga kokotema namaghena, oratuna tukyoreyo ghweki?" ⁹Yesu akabhahonshokerya, "Shesa ishyo omobhaso ti ikomi naibhere? Omonto hano yaghenda omobhaso takotora kwitemahe kobhora obhorabhu bhwi kyaro keno.¹⁰Nunyora nigho, hano araghende ubhutiko, naraiteme kobhora obhorabhu tebhorenge monse yayehe." ¹¹Yesu akaghamba amang'ana ghano, akabhatebhya, "Mosani weto Lazaro araye bhono ndaghya okoreke mwimoki kurwa moshentero."¹²Nho abhana bhegha bhaye bhamotebhiri, "Omokama, araye nemoka. ¹³Enkagha iyo Yesu yaghambanga amang'ana aghu uruku urwa Lazaro, bhamanyanga nkushumanshera ighoro iya shentore. ¹⁴Nho Yesu yabhatebhiri bhorabhu, "Lazaro akure.¹⁵Nena ubhushomerwa ko bhenyu, igha tenarehohe okoreke mwitabheri. Toghende waye." ¹⁶Nho Tomaso, ono yabherekeywe ekesare, akabhatebhya akatebhya abhana bhegha bhaye, "Bheto bhonswe toghende tukwe hamwe (na) Yesu."¹⁷Enkagha Yesu yaishire, akanyora Lazaro yabhekwa anashinsiko inye mombehera. ¹⁸Nawe Bethania harenge hang'e (na) Yerusalemu kohekera ko obhohare ubhwa kilometa ibhere igho. ¹⁹Wayahudi abharu bhakasha ko Marha (na) Mariamu kobhahonya kobhora muhiri wabho. ²⁰Nho Martha yaighure igha Yesu arasha, akaghya kusikana nawe, Mariamu yatighaye ka hara aikaye.²¹Nho Martha yatebhiri Yesu , "Omokama hano okabhayeho, mura weto takakurehe. ²²No okobha, mmanyire igha korera ryonswe orasasama kurwa ko Waryobha, narakohe." ²³Yesu akamotebhya, mura wenyu nararyoke ghweki."²⁴Martha akamotebhya, nemanyire igha nareryoka ku ubhuryokibhwa ubhu urusiko urwu ikihiko." ²⁵Yesu akamotebhya, "Oni noni ubhuryokya no obhohoru; ora akunyitabherya, nunyora arikwa, narebhaho; ²⁶nawe ora arenge mohoru no ukunyitabherya oni tarikwahe. Uritabherya reno?"²⁷Akabhatebhya, "Nigho, Omokama ndaitabherya igha nuwe Kristo, Omona uwa Waryobha, ono yasha kukyaro." ²⁸Hano yamare kushumansha igho, akaghya no okobherekera mohara wabho Mariamu kukibhisire. Akamotebhya, "Umweghya nhano are arakobherekera." ²⁹Mariamu hano yaighure ghayo, akaemokeraho kemwe nu ukughya bhongo ku Yesu.³⁰Yesu yarenge atarahika morong'ongo mora, yarenge ahase hano yasikaini (na) Martha. ³¹Nho Wayahudi bhano bharenge (na) Mariamu bhano bharenge bhaishire komohonya, bhakamorora aremera kamwe igho no okoroshoka kebhara, bhakamurwa nyuma; bhakamanya igha araghya kukura kombhehera hara. ³²Nho Mariamu, yahikire ku Yesu hano yamoroshe, akamughwera momaghoro ghaye no okomotebhya, "Omokama, nyore okobhaye hano, omona weto takakurehe."³³Yesu hano yaroshe arakura (na)Wayahudi bhara bharengeho bhonswe mbakuranga, wonswe yairurumaye no okosorombara; ³⁴akaghamba , '"Hai mwamorayi? bhakamotebhya Omokama, nsho omahe." ³⁵Yesu akakura.³⁶Nho Wayahudi bhaghambire, "Momahe kigho yahanshire Lazaro!" ³⁷Nawe abhande mo bhara bhakaghamba, "Tono he, omonto ono yaramokiri amaiso aghu umuhukuru ora, teyatunire kokora omonto ono atakakwa?"³⁸Nho Yesu, airurumareye umwene yagheye ko embehera hara. Nisana ryarenge rikundikiribhwi reghena. ³⁹Yesu akaghamba, "Murusiko reghena." Martha, mohara wabho Lazaro, ono akure akamotebhya Yesu, "Omokama, ko kerengere keno, yaghundire, kobhora yamare kukwa ku shinsiko inye." ⁴⁰Yesu akaghamba, "Oni tenkotebhiri igho,nyore uritabherya norora obhohoreru ubhwa Waryobha?"⁴¹Bhono bhakarusyako reghena. Yesu akaghorokya amaiso ghaye ighoro no okoghamba, "Tata, ndakumya kokobha oranyighwa. ⁴²Namanyire igha oranyighwa nkagha shyonswe, kukughirya ye esango eno nuwe obhatomire konarya okoreke ngambe ghano, okoreke bhaitabheri igha nuwe ontomire."⁴³Hano yaghambire ghano, akakura ko obhoraka obhonene, Lazaro, rishoka kebhara!" ⁴⁴Umuku akarishoka kebhara abhohirwe amabhoko namaghoro ne esanda eno yabhekirwe nayo, mubhusyo abhohirwe ne eketambara." Yesu akabhatebhya, "Momotashore mumutighe aghi."⁴⁵Nho Wayahudi abharu bhaishire ko Mariamu no okomaha Yesu keno yakore, bhakamwitabherya; ⁴⁶Nawe abhamwe mbagheye ko Mafarisayo no okobhatebhya amang'ana ghano Yesu akore.⁴⁷Nho abhaimereri abha risengero (na) Mafarisayo bhakekomana munshama no okoghamba, "Nighake torakore? Omonto ono arakora ebherengyo bhyaru. ⁴⁸Hano toramutighe igho umwene, bhonswe mbaramwitabheri; Warumi mbarashe no okoghegha ebhento bhyeto bhyonswe nikyaro kyeto kyonswe."⁴⁹Nunyora nigho, omonto omwe kobho Kayafa, ono yarenge Umwimereri uwo omokaghuyo, akabhatebhya, "Temomanyire kentohe. ⁵⁰Temomanyire igha mbuya omonto omwe akwe kukughirya yi ikyaro nabhano bhonswe bharisika kukyaro."⁵¹Ghano tiyaghambirehe ngarure ku umwene, ko okobha yarenge umwimereri omonene omoka ghuyo, yarotire igha Yesu arikwa kukughirya yi ikyaro; ⁵²Nate kukyaro ikyenehe, mbora Yesu atore kokoma nya abhana abha Waryobha bhano bhanyaraghana ntahana haghare haghare. ⁵³Ku igho kurwa urusiko ruyo no okoghenderya bhatuna kigho bharaite Yesu.⁵⁴Yesu teyaghendire ghweki bwene bhwene mo Abhayahudi, akarwa hayo nu ukughya ikyaro ikya hang'e ne ekekongo umughi ughwa Efrahimu. Hayo akaikara nabhanabhegha bhaye. ⁵⁵Bhono Epasaka iya Wayahudi hang'e yare, abharu bhakarina kughya Yerusalemu kebhara yu umughi Epasaka etarahika okoreke bhaisendore abhene.⁵⁶Mbatunanga Yesu, eno bharaghamba abhene ko bhene hano bharenge bhaimereye mwisengero. "Nke mukwiteghera?Igha tarisha munyangihe?" ⁵⁷Enkagha eno abhaimereri abha risengero (na) Mafarisayo bharenge bharusiri ehamo igha hano uwomwe arasha hano

¹Nsharenge shesaghire shinsiko isansabha kohekera Epasaka, Yesu akaghya Bethania hano Lazaro yarenge, ono yaryokiri kurwa mobhaku. ²Bhono bhakamoserenya ibhyakorya ibhyo omoghorobha iyo, Martha we yabhasereniri, enkagha iyo Lazaro wonswe yarenge nabhara bhaikaye (na) Yesu. ³Nho Mariamu yagheghire ikiro iya amaghuta amarangasu ghano ghakorwe ne nardo endabhu, iya righori rinene, akahaka Yesu komaghoro no ukumweya nashintukya shyaye; righutu ryonswe rikishora obhorangasu.⁴Yuda Iskariote, omwe uwa abhanabhegha bhaye, ono arinyankya Yesu, akaghamba, ⁵"Nkwake amaghuta ghano ghataghoribhwi ku shimbirya amaghana atato shitwenerwe abhataka?" ⁶Wonswe yaghambire ghayo, te kukwabhera abhataka, nko bhora mwibhi yare:umwene we yaghotire rikondeko irya shimbirya no okoghegha bhera bhyatorwemo ku kughira yaye umwene.⁷Yesu akaghamba, "Mutighe atore kera anakyo kukughirya yu urusiko rono ndebhekwa. ⁸Abhatobhu mmorabhe nabho shinsiko shyonswe ; naho temorebha nawoni nsiko shyonswe."⁹Bhono esango enene iya Wayahudi bhakamanya igha Yesu niyo are, nho bhaishire tekukughirya (ya) Yesu he, nigha bharore Lazaro ono Yesu yaryokiri kurwa mobhaku. ¹⁰Abhaimereri abha amasengero bhakakora iniko iyu kwita Lazaro; ¹¹kobhora kukughirya yaye Wayahudi bhakaghya no ukwitabherya Yesu.¹²Inkyo yako abhanto abharu bhakasha munyangi. Hano bhaighure igha Yesu arasha Yerusalemu, ¹³bhakaghegha amasagharya aghe emetende no okoroshoka kebhara kughya kumuturung'ana bharakora ikituri, "Hosana!Yaitabheribhwa ono akusha ku irina iryo Omokama, Omonene uwa Israeli."¹⁴Yesu akanyora omona-witikere arinako; kigho yakonirwekonirwe, ¹⁵"Otakobhoha, mwiseke uwa Sayuni; maha, Omonene waho arasha aikaye ko omona-witikere."¹⁶Abhanabhegha bhaye tebhamanyereyi amang'ana ghayo he kigho bhasimiri; naho hano Yesu yaghongirwe, nho bhahitire igha amang'ana ghano yarenge okoneywe koneywe umwene igha mbamokoreye.¹⁷Nho yamare abhanto bharu bharenge (na) Yesu enkagha yabherekeye Lazaro kurwa mo mbehera, bhakaitabherya ko abhande. ¹⁸Yarenge igho kukughirya igha bhora rikomo irya abhanto mbagheye kumuturung'ana kobhora bhaighure yakore ekerengyo kiyo. ¹⁹Mafarisayo bhakatebhyanya abhene ko bhene, "Maha bhono temotore kokora kyokyonswe; maha, ikyaro kemogheyeko."²⁰Bhono Wayunani abhamwe mbarenge mobhara bhaghyanga kosengera munyangi. ²¹Bhono bhakaghya ku Filipo, ono yarure Bethaida iya Galilaya, bhakamosasama no okoghamba, "Omokama, bheto turighombha komaha Yesu." ²²Filipo akaghya akatebhya Andrea; Andrea (na) Filipo bhakaghya kotebhya Yesu.²³Yesu akabhahonshokerya igha, "Bhono ehekeye ko Omona uwa Adamu aghongwe. ²⁴Mwitabheri, mwitabheri, ndabhatebhya, eheke iye ngano hano yaghoye kukyaro ekakwa, nkobherereho igho igho iyene; naho hano erakwe, nerebhora shehagho nasharu.²⁵Ora akwemya obhohoru bhwaye naribhusirya; naho ko ora akorerera obhohoru bhwaye mukyaro keno naretorya obhohoru bhwaye bhokora nabhokora. ²⁶Omonto wowonswe ono aremanya, nigha ansorane; nahano ndenge, nho omomanyi wane arabhaho. Omonto wowonswe aramanye, Tata naramosoke.²⁷Bhono enkoro yane yirurumaye: nighake ndaghambe? 'Tata, onsabhore ko enkagha eno'? Naho nebhayeigho ehekeye enkagha iyo. ²⁸Tata, irina ryaho reghongwe." Ghweki obhoraka bhokaika kurwa mwisaro no okoghamba, "Nditabherya (na) ninditabheri ghweki." ²⁹Hano bhano bhaimereye hang'e nawe bhakaighwa, no okoghamba igha ikirumokebhayeho. Abhande bhakaghamba, "Omoraghe aghambire nawe."³⁰Yesu akahonshokya no okoghamba "Obhoraka bhono tibhwishire kukughirya yanehe, nko bhenyu. ³¹Bhono ikina nkekengirwe ku ikyaro keno: Nigha omonene wi kyaro keno narerekerwa kebhara.³²Hano ndimeribhwa kukyaro, nendebharuta bhonswe kuwoni." ³³Yaghambire ghano korokya ndukuke arakwe.³⁴Ensango ekahonshokya, "Bheto twighure ko umwahokano igha Kristo naraikare kuhika bhokora. Uwe nighake okoghamba, 'Omona uwa Adamu nhateko aimokibhwi ighoro'? Omona uwo Omonto nnawe?" ³⁵Bhono yesu akabhatebhya, "Obhorabhu nhobhore hamwe nabhenyu nkagha nke. Moghende nokanyora mona obhorabhu, okore igha ikisunte ketakabhakundikirya. Ora akoghenda mukisunte takomanya hano akughyahe. ³⁶Mokena obhorabhu, mubhwitabheri okoreke mobhe abho obhorabhu." Yesu akaghamba ghayo akamara akaghya kwibhisa bhatakamorora.³⁷Nokanyora Yesu yakore ebherengyo bhyaru mobhoronge bhwabho, tebhamwitabhereyi he ³⁸okoreke eng'ana yo omoroti Isaya, eno yaghambire : "Omokama, newe yaitabhereyi amang'ana gheto?No okobhoko kwo Omokama korokibhwi newe?"³⁹Nkyo kyaghire bhatamwitabhereyi, kobhora Isaya yaghambire ghweki, ⁴⁰"Abhahukuri amaiso, no okoreke enkoro yabho ebhe; bhatakasha korora ko amaiso ghabho (na) bhakamanya ko enkoro yabho, bhakaisyorya nawoni nkobhahwenia."⁴¹Isaya akaghamba amang'ana ghayo ko okobha yaroshe obhohoreru ubhwa Yesu no okoghamba amang'ana ghaye. ⁴²Nokanyora abhaimereri abharu bhamwitabhereyi Yesu; naho nkukughirya iya Mafarisayo, tebhaitabhereyi okoreke bhatakatambhibhwa kurwa mwisengero. ⁴³Bhakahansha umukumo ughwa abhairo kokera umukumo ghono ghukurwa ko Waryobha.⁴⁴Yesu akaghamba ko obhoraka no okoghamba, "Ono akunkumya oni, nkukumyare nunyora nora yantomire, ⁴⁵naora akommaha oni nkomahara naora yantoma.⁴⁶Oni nishire kyo obhorabhu mukyaro okoreke kero omonto ono akunyitabherya oni atakaikara mukisunte. ⁴⁷Ono arighwa amang'ana ghane yange koghaghota, oni tendemokengera ikinahe; kobhora tenasha kokengera ikyaro.⁴⁸Ora akunyanga oni atakaghaitabherya amang'ana ghane, nana ono aremokengera: eng'ana iyo neyeghambire yo erekenga ikina kurusiko uruhiku. ⁴⁹Nigha oni tinighambeyehe. Tata we yantomire, umwene ghano ndaghambe no okobhatebhya. ⁵⁰Oni nemanyire igha ehamo yaye iya obhohoru ubhwa bhokora; bhono ghayo nkoghamba oni - nkya Tata kigho yantebhiri, ngo nkobhatebhya."

¹Bhono hano wanyore inyangi ye Epasaka, ihikire hang'e, kobhora Yesu yamanyire igha enkagha yaye ihikire eno arirwa mukyaro aghi ko tata, eno abhahanshire ko kerengere kyonswe. ²Wanyora risambwa rihikire kosoha monkoro iya Yuda Iskariote, omona uwa Simoni, kumunyankya nu ukumunyahara Yesu.³Yesu akamanya igha tata yatore ebhento bhyonswe momabhoko ghaye igha narure ko Waryobha ghweki yakyorangayo ko Waryobha. ⁴Yaimokire kwighari iri ibhyakorya akarya hanse ingibho yaye iya kebhara. Akamara akaghegha etauro akaikondeka. ⁵Akamara akatora amanshe mukishesho akasimya kuisabhya abhanabhegha bhaye amaghoro no okobheya ne etauro eno yarenge aikondekire.⁶Akahika ko Simoni Petro (na) Petro akabhatebhya, "Omokama, Oratuna kunyoghya amaghoro ghane?" ⁷Yesu akamotebhya, "Reno nkokora toremanyirehe bhono, noreremanya. ⁸Petro akamotebhya, "Tunyisabhi amaghoro ghanehe." Yesu akamohonshokerya, "Hano ndange kokoghya, tobhe hase hamwe nawonihe." ⁹Simoni Petro akamotebhya, "Omokama, otakanyisabhya amaghoro ghane, nigha (na) amabhoko no omotwe ghwane."¹⁰Yesu akamotebhya, "Wowonswe ono aisabhire tatune kuisabha namaghoro ghaye aghene,uyo mmorabhu omobhere ghonswe; bhenyu mmorabhire bhokong'u, nawe te bhonswehe." ¹¹Nko bhora Yesu yamanyire ono arimunyankya; nkyo kyaghire akaghamba, te bhonswe morabhirehe."¹²Enkagha eno Yesu yarenge abhaisabhiri amaghoro no okoghegha umwenda ghwaye nu ukwikara ghweki akabhatebhya, "Bhono momanyereyi keno mbakoreye? ¹³Moramberekera oni "Umweghya" no Omokama mbohene mokoghamba, kobhora nigho ndenge. ¹⁴Oranyore oni no Omokama nu Umweghya, mbaisabhiri amaghoro ghenyu, bhenyu bhonswe murisabhya bharikyenyu amaghoro ghabho. ¹⁵Kobhora mbahaye ikyorokeryo okoreke bhonswe mokore kigho mbakoreye bhenyu.¹⁶Mwitabheri, mwitabheri, ndabhatebhya omoghorwa temokoro ko omonene waye; nunyora nora atomirwe te mokoro kokera ora amotomire. ¹⁷Hano aramanye amang'ana ghano ghano,witabheribhwi hano oraghakore. ¹⁸Tenkoghamba ko bhenyu bhonswe, kobhora nembamanyire bhano nahoye - nkoghambande ghano okoreke amakoni ghahike kukihiko: 'Ora akoryaomokate ghwane naninyokereyi ekesoghoro kyaye.'¹⁹Ndabhatebhya reno ko bhono retarabha kuhika okoreke hano rerebha, motore kuitabherya igha oni NWE. ²⁰Mwitabheri, mwittabheri, ono akunturung'ana oni ndamotoma, nunyora nora akunturung'ana nawoni nkumwitabheryande ora yantoma oni."²¹Enkagha Yesu yaghambire ghano, yanyankire monkoro, akaitabherya no okoghamba, "Mwitabheri, mwitabheri, ndabhatebhya igha uwomwe wenyu nwe arinyera iniko." ²²Abhanabhegha bhaye bhakamahana mahana, bhararoghora nkughirya yawe aghambire.²³Yarenge komensha, omwe uwa abhanabhegha bhaye aisaghoye kukikubha ikya Yesu ora Yesu yahanshire. ²⁴Simoni Petro akabhorya omona mwegha uyo no okoghamba, "Totebhi nohe ono akushumansherwa." ²⁵Omona mwegha ora akaisaghora kukikubha ikya Yesu no okoghamba, "Omokama, nohe?"²⁶Ghweki Yesuakahonshokya, "Nko ora hano ndishabhya eketene ikyo omokate mmare mmohe." Bhuyohano yashabhiri eketene ikyo omokate yahaye Yuda omona uwa Simoni Iskariote. ²⁷Nigho yamohaye igho, risambhwa rekamurina. Ghweki Yesu akamotebhya, "Kera ukutuna kokora kekore bhongo."²⁸Bhono te monto ko mensha hara yamanyire esesoro iya Yesu koghamba eng'ana eno kowe. ²⁹Abhamwe mbakanyire igha, nko bhora Yuda yaghotire ikishushi ikya shehera, Yesu akamotebhya, "Ghora ebhento bheno tukutuna ku inyanyi," hamwe mbora aratunwa ahane abhataka ekento. ³⁰Hano Yuda yamare koghegha omokate, akarishoka kebhara bhongo bhongo; (na) mbutiko bhwarenge.³¹Hano Yuda yarishokire, Yesu akaghamba, "Bhono omona uwa Adamu aghongirwe, (na) Waryobha aghongirwe ku umwene. ³²Waryobha naramoghonge nu ukumwitabherya, kamwe igho. ³³Abhana abhake, nhamwende nabhenyu nkerengere keke. Murintuna, kya igho natebhiri Abhayaudi, 'Hano nkughya, temoretora kusha.' bhono nkobhatebhyande, ghweki.³⁴Ndabhaha ehamo ehya, mohanshane; kya igho oni nabhahanshire bhenyu, bhenyu bhonswe nhateko mohanshane abhene ko bhene. ³⁵Kukughirya (ya) reno abhanto bhamanye igha bhenyu mbana bhegha bhane, mobhe no obhohanshe obhwo okohanshana."³⁶Simoni Petro akamotebhya, "Omokama, hayi ukughya?" Yesu akahonshokya, "Ahase hano nkughya bhono totore konsoranahe, nawe nurintuna ghweki." ³⁷Petro akamotebhya, "Omokama, nkwake ntakosorane? Oni nindirusya obhohoru bhwane kughirya yaho." ³⁸Yesu akahonshokya, "Urirusya obhohoru bhwaho kughirya yaho? Mwitabheri mwitabheri ndakotebhya urinyikana esarighoko tirihika koraghora katato otaranyikana."

¹"Otakaitabherya enkoro yaho esorombare. Witabheri Waryobha unyitabheri nawoni. ²Mwighutu irya Tata ubhwikaro mbwaru bhomo; ekangire kobha igho, nenkakotebhiri, nko bhora nkughya kokoserenerya ahase kukughirya yaho. ³Hano ndighya mbaserenire ahase, nindisha ghweki kobhaturung'ana wane, okoreke hara ndebha bhenyu bhonswe mobheho.⁴Momanyire enshera ahase hano nkughya." ⁵Tomaso akatebhya Yesu, "Omokama, tetomanyire ahase hano ukughya; Hamwe! Toratora komanya enshera? ⁶Yesu akabhatebhya, "Oni noni enshera, ehene,no obhohoru; taho aretora kusha ko Tata ataheteye kuwoni he. ⁷Hano mokamanyereyi oni, mokamanyire (na) Tata wonswe; kukurwa bhono no okoghenderya ko momanya momomanyire umwene."⁸Philipo akatebhya Yesu, "Omokama,Toroki Tata, iyo neratwise." ⁹Yesu akamotebhya, "Tendabha hamwe nabhenyu ko nkagha ntambe na temoramanya oni, Philipo? Wowonswe ono yandora oni yarora yarora (na) Tata; Niyake okoghamba, 'Toroki Tata'?¹⁰Temukwitabherya igha oni mo Tata nde, (na) Tata muwoni are? Amang'ana ghano nkoghamba ko bhenyu tenkoghamba kukughirya yane mbora Tata aikaye kuwoni ono akokora emeremo gyaye. ¹¹Nyitabherya oni, ndenge mo Tata (na) Tata arenge muwoni etare igho munyitabheri oni kukughirya ye emeremo ghyane.¹²Mwitabheri, mwitabheri, ndabhatebhya,ora akunyitabherya oni emeremo gheno nkokora, narakore emeremo gheno; narakore nunyora meremo menene kukughirya nkuyande ko Tata. ¹³Kyokyonswe kera morasabhe kohetera irina ryane,nendakore okoreke Tata aghongwe kohetera Omona. ¹⁴Nabhenyu hano morasabhe ekento kyokyonswe ku rina ryane, riyo nendarekore.¹⁵Hano moranhanshe, mmoraghote ehamo yane. ¹⁶Naho nendasabhe Tata, wonswe narabhahane omotorya wonde okorekeatore kobha nabhenyu bhokora no obhokora, ¹⁷Enkoro yo obhohene. Ikyaro teketore kumuturung'ana kobhora takororwahe, hamwe komomanya we. Nunyora mbhwenyu, momomanyire, kobhora naikaye hamwe nabhenyu ghweki momomanyire.¹⁸Tendebhatigha abhenehe; Nendekyora ko bhenyu. ¹⁹Ko nkagha nke, ikyaro tekerendorahe, nawe bhenyu moremaha. Kobhora ninikaye nabhenyu mmorebhaho. ²⁰Ku urusiko ruyo moremanya igha oni ndenge mo Tata, ghweki bhenyu morenge muwoni, nawoni ndenge mobhenyu.²¹Wowonswe ono akoghota shehamo shyane no okoshekoora emeremo, uwe ahanshire; naono ahanshire ahanshwe (na) Tata, gheweki nendemohansha wonswe." ²²Yuda (te Iskariote) akatebhya Yesu, "Omokama, Nighake kerabhe oraghamba uriyorokya umwene ko bheto te ku kyarohe?²³Yesu akahonshokya kokomotebhya, "Nyore wowonswe ono ahanshire, areghota eng'ana yane. Tata naremohansha, nturisha ku umwene tokoreho ubhwikaro hamwe nawe. ²⁴Wowonswe ono atanhanshire, takoghota amang'ana ghanehe. Eng'ana eno mukwighwa tiyanehe niya tata ono yantoma.²⁵Ngambire amang'ana ghano ko bhenyu, enkagha eno tuikaye hamwe nabhenyu. ²⁶Nunyora nigho, Omohonia, Enkoro Enhoreru, ono aretomwa (na) Tatakohetera irina ryaye, arebhyeghya amang'ana ghonswe ghweki morehetoka ghonswe ghano nabhatebhya. ²⁷Omorembe ndabhaha omorembe ghwane bhenyu. Tenkobhaha kigho ikyaro kikurusya. Motakaghondobhera nunyora nkobhohahe.²⁸Mwighure kya igho nabhatebhiri, 'Ndaghya, nendekyora,' Hano mokahanshire, mokashomeywe kobhora nkuyande ko Tata, kobhora Tata mmonene konkera oni. ²⁹Bhono mmare kobhatebhya retarabha kobha okoreke, enkagha rerebha,motore kwitabherya. ³⁰Tenkoghamba nabhenyu maruhe, kobhora omo mwimereri uwi ikyaro keno nkushare. Umwene tana nguru ku wonihe. ³¹Nawe nkukughirya igha ikyaro kemanye igha Tata natohanshire, ndakora Tata akantoma kokora, kyabhora yang'aye ehamo. Mwemoke turwe ahase hano.

¹Oni noni Omozabibu omohene,(na) Tata uwe omoremi. ²Kera risagharya reno retakwebhora ehagho, nkoregheshare, no okoreharorya okoreke ryebhore shehagho nsharu.³Bhenyu mbarabhu more ko engana eno nabhatebhiri. ⁴Mwikare ku woni nawoni mobhenyu. Kya risagharya rera retakotora kwama iryene hano retarenge ko omozabibu, bhono bhenyu bhano morange kuikara muwoni.⁵Oni nendenge omozabibu; bhenyu namasagharya. Wowonswe ora akonkora nawoni ndemokora nkwebhorare shehagho nsharu, kobhora ndabhoreho temokore ng'ana yoyonswe. ⁶Hano oranyore omonto wowonswe atatighaye kuwoni, nkotabhutware kya risagharya no okoma; abhanto nkoghakoma bhare no okoghasamba momoro no okoghasikya. ⁷Hano moreghoma muwoni, nanyore moreghoma naamang'ana ghane mmonsabhe kyokyonswe kera mukutuna morekorwa.⁸Ko reno tata yaghongwa, igha morebhora hagho nsharu nakoreno nkorokya more igha mbanabhegha bhane more. ⁹Kigho tata yanhanshire, oni wonswe nendabhahanshe bhenyu; mobhe mobhohanshe bhwane.¹⁰Hano moraghote shehamo shyane, mmurikare mobhoghonshe bhwane kya igho naghotire shehamo ishya tata no okoghoma mobhohanshe bhwaye. ¹¹Amang'ana ghano nkobhatebhyande okoreke mobhe nu ubhushomerwa bhwane no okore kuubhushomerwa bhwenyu obhohoreru.¹²Eno yo ehamo yane, igha mohanshane bhenyu ko bhenyu kigho nabhahanshire. ¹³Taho omonto ono ano ubhushomerwa obhonene kokera bhono he,igha airusi obhohoru bhwaye kukughira (ya) abhasani bhaye.¹⁴Bhenyu mbasani bhane hano oranyore morakora ghara nkutuna mokore. ¹⁵Tenkobhabherekera mbaghorwa morehe, kobhora omoghorwa tamanyire kera omonene waye akokora nembabherekeye bhenyu bhasani, kobhora mbashwaniri ghano kurwa ko Tata.¹⁶Temwanyahoyehe, naho oni nabhahoye bhenyu okoreke moghende kwebhora shehagho, ne ehagho yenyu ebheho. Eno erenge igha kyokyonswe keno morasabhe ko Tata kohetera irina ryane, narabhahe. ¹⁷Amang'ana ghano nkobhatomande, igha mohanshane abhene omonto namurikyaye.¹⁸Nyore ikyaro kerebhatigha, momanye igha nkyanderereye oni tekerabharerera bhenyu. ¹⁹Hano okanyore mbakyaro mware, ikyaro nkekabhahanshire igha mbako more; kbhora motarenge bha kyaro nakobhora nabhahaye kurwa mukyaro, kobhora nkebharerereye.²⁰Muhite eng'ana eno nabhatebhya, 'Omoghorwa tarenge monene kokera omonene waye,' bhanyore bhantendeye mbarebhanyankya bhenyu bhonswe; nyore bhaghotire eng'ana yane, mbarereghwa iryenyu bhonswe. ²¹Mbarabhakore amang'ana ghano ghonswe ku kughirya iya irina ryane ko bhora tebhamanyire ono yantoma. ²²Nkangire kusha no okobhatebhya, tebhakabhaye niibhitimbahe; naho bhano tebhana obhobhe mu ibhitimba bhyabho he.²³Ono akonderera oni nkorererare (na) Tata. ²⁴Oranyore tendabhakora emeremo nigha taho ono yaghekorahe,tebhakanyore ibhitimba; naho bhono bhonswe bhakore abhere mbaroshe ghweki mbanderereye oni (na) Tata umunyibhori. ²⁵Reno ndyabhaye igho kukughirya eng'ana ihike ku kihiko eno yakonwakonwa mu umwahokanyo ghwabha: 'Bharanderera oni tenena isorohe.'²⁶Enkagha omohonya aishire, ono yantomire ko bhenyu kurwa ko Tata, uyo we, Enkoro ehene, eno ikurwa ko Tata, narinyitabherya. ²⁷Bhenyu bhonswe moranyitabherya kobhora nhamwe more nawoni kurwa totange.

¹Ndabhatebhya amang'ana ghano okoreke motakareribhwa. ²Mbarebharishokya momasengero; obhohene enkagha irisha eno kera ono aribhaita nariteghera igha mbuya okokora kukughirya iya Waryobha.³Mbarebhakora amang'ana kobhora bhatamanyire Tata nunyora noni. ⁴Mbatebhiri amang'ana ghano okoreke enkagha (ya) ghano komahwairihika, murihita kigho nabhatebhiri. Tenatangatire kobhatebhya amang'ana ghano ko bhono narenge hamwe nabhenyu.⁵Bhono ndaghya ko ora yantomire; nawe ko bhenyu taho ono akobhoryahe, "Hayi ukughya?" ⁶Kobhora ngambire amang'ana ghano ko bhenyu, mobhaye no obhosorombaru monkoro yenyu. ⁷Nunyora nigho, mobhohene nkobhatebhya: mbuya ko bhenyu ndarweho; kobhora ndangekurwaho, omohonya tashe kobhenyuhe; hano ndaghi nendamotome ko bhenyu.⁸Hano omohonya arisha, naryorokerya ikyaro ebhekeno, narisha nu umwahokano. ⁹Kukughirya ye ebhekeno, kobhora tebhanyitabherya he, ¹⁰Kukughirya yo umwahokano, kobhora ndaghya ko Tata ghweki temorendorahe; ¹¹no ukughirya yo omwahokano kobhora Omonene wi ikyaro keno yaisa kokengerwa ikina.¹²Mmaru nenagho agho okokotebhya, naho temoghamanye bhonohe. ¹³Nigha, umwene,Enkoro iyo obhohene, arisha, narebhatangata ko obhohene bhonswe; kobhora tarighambera umwenehe; nawe wowonswe ono areghaighwa, nareghaghamba amang'ana ghayo,no okoghorokerya ko bhenyu narebhahetokya amang'ana ghano gharisha. ¹⁴Umwene narengonga kobhora nareghegha amang'ana ghane no okogharagherya ko bhenyu.¹⁵Ebhento bhyonswe ibhya Tata nibhyane; ku igho, ndaghamba igha Enkoro nereghegha amang'ana ghane no okoghorokerya ko bhenyu. ¹⁶Ne nkagha nke, temoremaha ghweki he; no konkagha nke yende, moremaha."¹⁷Abhamwe abha abhana bhegha bhaye bhakatebhyana, "Nke okototebhya, enkagha nke, tetorekomahahe ghweki,' enkagha nke torekomaha ,'no,kobhora ndaghyako Tata?' ¹⁸ku iyo bhakaghambha, "nkentoke okoghambha, "Ekeho nkagha nke? 'Tetokomanya keno akoghambhahe."¹⁹Yesu yaroshe keno bhatunire komotebhya, wonswe akobhatebhya, "Moraibhorya abhene ko reno nkoghamba, 'Ne nkagha nke, temoremahahe; ne enkagha nke moremaha'? ²⁰Mwitabher, mwitabheri, ndabhatebhya, murikura nu ukwarama, nawe ikyaro nkirikiryatya, moresorombara naho obhosorombaru bhwenyu bhurisyorya kobha ubhushomerwa. ²¹Omokari arasorombara hano yaromwa obhosongo ko bhora enkagha yo ukwibhora ihikir, naho hano yebhora omona, takuhita ghweki obhoro ko bhora yu ubhushomerwa bhwaye aibhoye.²²Bhenyu bhonswe morasorombara bhono, naho nendabhamahe ghweki, mwishomerwa nataho ono arebharusya ubhushomerwa bhuyo. ²³Urusiko ruyo temoremborya he. Mwitabheri, mwitabheri, ndabhatebhya reno, ryoryonswe moresabha ko Tata , narabhaheku rina ryane. ²⁴Nunyora mbono temorasabha kyokyonswekohetera irina ryanehe; mosasame, mmoranyore okoreke igha ubhushomerwa bhwenyu bhuhike.²⁵Ekeghambo keno nkobhashumanshera temokokemanyeryahe, naho enkagha nkushere eno ttendebhashumanshera ekeghambo kera motamanyirehe nendebhatebhya bhoronge bhoronge ighoro (ya) Tata.²⁶Urusiko ruyo moresasama ku rina ryane, tenkobhatebhya igha ndesasama ko Tata kukughirya yenyu; ²⁷Kobhora Tata umwene nabhahanshire nabhano mohanshire oni nakobhora moranyitabherya igha narwa ko Tata. ²⁸Narwa ko Tata nenasha mukyaro; ghweki, ndarwamo nandaghya ko Tata".²⁹Abhanabhegha bhaye bhakamotebhya, "Orarora, bhono oraghamba bhoronge bhoronge tokoghamba ko ebherengyo he. ³⁰Bhono, tomanyire igha omanyire amang'ana ghonswe, natukutuna omonto wowonswe akobhori iswarihe. Kukughirya yareno twaitabherya igha orarwa ko Waryobha. ³¹Yesu akabhahonshokerya, "Bhono mwitabhereyi?"³²Maha, enkagha erasha, nho obhohene bhuhikire, murinyaraghana kero omwe kughya waye nu ukuntigha umwene. Naho tu umwenehe kobhora Tata nhware nawoni. ³³Ndabhatebhya amang'ana ghano okoreke mobhe no omorembe kughirya yane. Mukyaro inyanko mwere, naho mokong'e, nabhahire ikyaro.

¹Yesu akaghamba amang'ana ghano; akagharamerya ighoro kwisaro akaghamba, "Tata enkagha ihikire ghonga omona waho wonswe akoghonge - ²Kya bhora wamohana obhobhahi ighoro ya bhyonswe ibhyo omobhere okoreke abhahe obhohoru bhwa bhokora bhara bhonswe wamohana.³Bhono mbo obhohoru ubhwa bhokora; kobhano bhakomanyire, Waryobha uwo obhohene nauwo umwene naono natomire, Yesu Kristo. ⁴Ndakoghonga mukyaro hano, no okoghekora emeremoghyaho gheno wang'a ngekore. ⁵Bhono, Tata, ngonga nauwe umwene ko obhohoreru bhora narenge nabho hamwe nauwe otarabhomba ikyaro.⁶Norokya irina ryaho ko bhanto bhano wang'a kukyaro hano.Mbaho bhare; nawe wabhaghabhiri kuwoni. bhonswe bhaighwa irina ryaho. ⁷Bhono mbamanyire igha kera ekento keno wang'a nkuuwe kyarwa, ⁸nko kobha nabhaha amang'ana ghara ghonswe wang'aye_ Namara kobhaha amang'ana ghayo. Mbaghaighure no mbohene bhakamanya igha nku uwe ndure, nu ukwitabherya igha nuwe wantoma.⁹Ndabhasasamera. Tenkosabhera ikyarohe nko bhara bhang'aye igha bho nabhaho. ¹⁰Ebhento bhyonswe niibhyane ghweki mbhyaho, nabhera onabhyo uwe nibhyane; nawoni nkokoghongande ku bhiyo. ¹¹Oni teneho mukyaro monohe, nabhommobhare mukyaro, nawoni bhono ndasha ku uwe.Tata Omohoreru, obhanaghi ku rina ryaho rera wang'ae oni okoreke bhonswe bhabhe kento kemwe, kya bhora oni nauwe nkento kemwe tore.¹²Hano nare nabho, nabharendire ku rina reno wang'aye; Nkabharenda, taho ono yasirehe no omona wo ubhusirya umwene, okoreke amakoni ghahike kukihiko. ¹³Bhono ndasha ku uwe; naho nkoghambande ghano ku kyaro okoreke ubhushomerwa bhwane bhobhahekere abhene. ¹⁴Nabhaha eng'ana yaho; ikyaro kyabhaghegha kobha te bha kyarohe, kya bhora oni ntarenge wakyarohe, ghweki tendenge wakyarohe.¹⁵Tenkobhasabhera igha obharusi ikyaro nigha obharende kurwa ko omosarya ora. ¹⁶Bho tebharenge bha kyarohe kya bhora oni wonswe tendenge wakyarohe. ¹⁷Obhaitabheri ku uwe mwene ko obhohene; eng'ana yoho iyo obhohene.¹⁸Kigho wantomire mukyaro,nawoni nabhatoma mukyaro. ¹⁹Kukughirya yabho oni umwene ndairusya kuuwe okoreke igha bho bhairusi ku uwe ko obhohene.²⁰Te bhano abhene nkosasamera, nhamwe nabhara bharitabherya kohetera irina ryaho ²¹okoreke bhonswe bhabhe no obhomwe, kya uwe Tata, bheno onabhyo kuwoni nawoni nku uwe. Ndabhasabhera okoreke bho bhonswe bhabhe kobheto okoreke ikyaro kitabheri kobhora nuwe wantoma.²²Obhohoreru bhora bhohetire oni nabhaha, okoreke bhatore kobha kento kemwe, kya bhora bheto torenge kento kemwe - ²³Oni mmobhonde, nauwe mu woni ore, okoreke kuhikyako obhomwe okoreke ikyaro kemanye igha ku uwe nkemanyeryo nuwe wantoma, no okobhahansha, kya bhora wahanshire, oni.²⁴Tata, ndaighomba igha bho bhonswe bhatore kobha hamwe nawoni ahase hano ndebhatora korora obhohoreru bhwane, bhora wang'aye kobhora wahanshire otarabha kobhomba ikyaro.²⁵

¹Hano Yesu yamare koghamba ghayo, akaemoka nabhanabhegha bhaye orbhareka urwa kabhere orwo omoro ughwa Kidron, hano harenge narisiko, reno umwene nabhegha bhaye bhasohire. ²Bhono Yuda,omokori uwi iniko waye, yaremanyire reno, kobhora Yesu yasikaini nabhanabhegha bhaye hake hake. ³Yuda, nho yanyore rikomo irya abhasirikare (na) abhatake kurwa ko abhaimereri abha amasengero, bhakasha ne ebhemore, shetoshi ne ibhyghe.⁴Yesu wonswe,eno amanyire kere ekento keno kyarenge kokorwa umwene, akaebhoshora mobhoronge no okobhabhorya, "Newe mukutuna?" ⁵Bhonswe bhakamohonshokerya, "Yesu Mnazareth." Yesu akabhatebhya, "Noni ono" Nawe Yuda umuniko waye, yarenge yimereye hamwe nabhasirikare bhara.⁶Ku igho hano yabhatebhiri, "Noni ono" bhakakyora kinyume bhakaghwa hanse. ⁷Akabhorya ghweki, "Newe mukutuna? Bhakahonshokerya "Yesu mnazareth."⁸Yesuakabhahonshokerya, "Mmare kobhatebhya igha Noni ono; ku igho nyore morantuna oni mutighe abhande bhano bhaghi." ⁹Ghano nigho bhaye okoreke eng'ana ebhe niikihiko; hano yaghambire; "Kobhara wang'aye, tenasiri nunyora nomwe."¹⁰Nho Simoni Petro, ono yarenge narisabha yarirusiri akamobhotora okotwe ko bhoryo omokori we emeremo wo Umwimereri uwa risengero. Omokori we emeremo uyo yabherekerwanga Malko. ¹¹Yesu akatebhya Petro, "Kyorya risabha ryaho mukishogho kyaye. Nkwake nange kunywera ekekombe kera Tata yang'aye?"¹²Bhono rikomo irya abhasirikare nabhanene, nabhakori abhe emeremo abha Abhayahudi, bhakaghota Yesu no okomobhoha. ¹³Nho bhasimiri komotangatya kuhika ko Anasi, kokobha we yarenge mwiru uwa Kayafa, ono yarenge umwimereri omonene ko moka ghuyo. ¹⁴Bhono nigha Kayafa we yarenge abhatebhiri Abhayahudi igha nhateko omonto wonde akwe kughira (ya) bhanto.¹⁵Simoni Petro akasorana Yesu, nabhana bhegha abhamwe. Omona mwegha uyo yamanyekaini ko umwimereri omonene, wonswe akasoha (na) Yesu morobhagho urwa Umwimereri omonene. ¹⁶Nawe Petro yarenge aimereye kebhara ye ekeseku. Nho omona mwegha ono yamanyirwe ko umwimereri omonene yaroshokire kebhara akaghya kushumansha no omorendi uwa mukihita no okosohya Petro monse.¹⁷Omorendi wi ikihita ora akatebhya Petro, "Uwe to uwomwe uwa abhatomani abho omonto ono ore?" Akaghamba, "Oni tewehe." ¹⁸Abhakori abhe emeremo bhano bhaimereye ahase hara; bhahutire omoro ughwa amakara kobhora embeho yareho bhootanga okoreke emebhere ghebhere, Petro wonswe nho yarenge arota omoro aimereye.¹⁹Omonene uwa risengero akabhorya Yesu ighoro iya abhanabhegha bhaye (na) ameghyo ghaye. ²⁰Yesu akahonshokya, "Nentebhir ikyaro bhorabhu rabhu; oni neneghiri enkagha yonswe momasengero ahase hano Abhayahudi bhakosanga. Oni tenaghambire iryi ikibhisire. ²¹Nkwake mwambori? Mobhori bhano bhanyitegheranga ko keno naghambanga. Maha abhanto bhano mbamanyire ghano naghamba.²²Yesu hano yamare koghamba igho, uwomwe uwa abhatake ono yarenge yimereye akamotema righofi akaghamba, "Nigho okohonshokerya umwimereri omonene?" ²³Yesu wonswe akamohonshokerya, "Nyore ngambire eng'ana yoyonswe nigha rebhe ubhushuti ku kughirya yo obhosarya, nyore nhonshokiri bhuya nke okontemera? ²⁴Nho Anasi yahire Yesu ko Kayafa umwimereri omonene eno abhohirwe.²⁵Bhono Simoni Petro yarenge yimereye arota omoro umwene. Nho abhanto bhara bhamotebhiri, "Uwe wonse to omwe uwa abhanabhegha bhaye?" Akaikana "Oni tewehe" ²⁶Uwomwe uwa abhakori bhe emeremo abhu umwimereri omonene ono yarenge wamwabho umushasha ono Petro yabhotoye okotwe, akaghamba, "Uwe tewora naroshe mwisiko hara?" ²⁷Petro akaikana ghweki, nahayo nho esarighoko yaraghoye.²⁸Nho bhamare bhakaghegha Yesu kurwa ko Kayafa kuhika Praitorio. Yarenge kunkyo shiri. Bho abhene tebhasohire Praitorio okoreke bhatakaisarya okorya Epasaka. ²⁹Ku igho nho Pilato yabhagheyeko araghamba, "Nshongero ke reno mokoreta iryo omonto ono?" ³⁰Bhakamohonshokerya igha, "Hano okanyore omonto ono atare mosarya, tetokamoretire ku uwe he."³¹Pilato akabhatebhya, "Momogheghe bhenyu abhene, momokengere ikina koreng'ana no umwahokano ghwenyu." Wayahudi bhakamotebhya , "Omwahokano teghukutwitabherya bheto twite omonto wowonswe he." ³²Bhakaghamba ghano okoreke eng'ana iya Yesu ihike ku ikihiko, eng'ana eno yare yaghambwa ighoro yi itubho yu uruku rwaye.³³Ho Pirato yasohire ghweki Praitorio akabherekera Yesu; akamotebhya, bhono uwe mmonene ore uwa Abhayahudi?' ³⁴Yesu akamohonshokerya, "Uwe oramborya kobhora oratuna komanya kose mbande bhakotomire okoreke ombori oni?" ³⁵Pilato akamohonshokerya, "Oni tendenge Myahudi, kose tighohe?" Ikyaro kyaho no umwimereri omonene mbho bhakoretire kuwoni; uwe nke okore?³⁶Yesu akahonshokya; Obhobhahi bhwane te bhwa kyaro kenohe, okanyora obhobhahi bhwane mbokabhaye mo mukyaro keno abhaghorwa bhane mbakanyitaneye okoreke ntakahanwa mo Abhayahudi. Mbohene Obhobhahi bhwane tebhukurwa hanohe" Bhono ³⁷Pilato akamotebhya, "Bhono uwe temobhahi orehe?Yesu akahonshokya, "Uwe nigho okoghamba igha oni mmobhahi, kobhora oni ninibhoywe nakobhora oni nishire kukyaro okoreke mbe nu ubhushuti ubhwa ehene. Wowonswe ono ana ehene nkwiitegherare obhoraka bhwane.³⁸Pilato akamotebhya, "Ehene nke?" Hano yamare koghamba ghano akaghya ko Wayahudi no okobhatebhya "Tenkomaha risaryo ryoryonswe ko omonto ono. ³⁹Nokanyora mbenyu mona esera eno ekonkora nhatere omobhohwa omwe enkagha yi inyangi ye Epasaka. Bhono moratuna ntashore omobhahi uwa Wayahudi." ⁴⁰Nho bhashereye no okoghamba, tu uyo, totanshore Baraba." Baraba wonswe mmosaki we ebhento yare.

¹Nho Pilato yagheghire Yesu no okotebhya abhanto bhamoteme. ²Abhasirikare bhara bhakaroka amahwa no okokora engosira. Bhakatora ko motwe ughwa Yesu no ku mwibhohya ingibho iye erange ye (zambarau. ³Bhakamuhikako no okoghamba, "Uwe Omonene uwa Abhayahudi! ghweki bhakamotema namabhoko ghabho.⁴Ghweki Pilato akarishoka kebhara no okotebhya abhanto igha, "Maha ndabharetera omonto wenyu okoreke morore igha oni tendoshe igha anaisaryohe." ⁵Yesu akarishoka kebhara; yibhohibhwi engosira iya amahwa niinghibho iya ( zambarau) . Nho Pilato yabhatebhiri, "Momahe omonto ono hano!" ⁶Ku igho umwimereri uwa risengero nabhanene bhande hano bharoshe Yesu, bhakashera bharaghamba, "mumunyanki mumunyanki." Pilato akabhatebhya "Momogheghe bhenyu abhene momohangeke, kobhora oni tenkomaha ana isaryohe."⁷Wayahudi bhakahonshokerya Pilato, "Bheto ntona umwahokano, (na) kumwahokano ghuyo nhateko akwe kobhono yaikore kobha igha mmona uwa Waryobha." ⁸Pirato hano yighure amang'ana ghayo yaengei kobhoha, ⁹akasoha Praitorio ghweki no okotebhya Yesu, "Uwe hayi ukurwa? nunyora nigho Yesu teyamohonshokeyi he.¹⁰Ghweki Pilato akamotebhya, "Bhono, uwe tukushumansha nawoni he?Tomanyire oni nena obhotoro ubhwo okokohatera nu ukukunyankya?" ¹¹Yesu akamohonshokerya, "Tokabhaye nashinguru kuwoni hano okangire konyora shinguru kurwa ighoro. Ku igho, omonto ono ahatereyi ku uwe anaibhitimba bhokong'u."¹²Ko rihonshokyo reno, Pilato akatuna komohatera, naho Abhayahudi bhakakora ikituri bharaghamba, "Hano oramohatere torenge mosani (wa) Kaisari he: Ko ora wonswe akwikora igha mmonene takumwitabherya Kaisari." ¹³Pilato hano yaighure amang'ana ghano, akareta Yesu kebhara akaikara ku ikitumbe ikyo okokengera ikina ahase hanohakobherekerwa ku simiti eno eteribhwi, nawe ko Kiebrania, Gabatha.¹⁴Yarenge urusiko urwa eserenyo ye Epasaka, ko nkagha iya shesa isansabha. Pilato akatebhya Wayahudi, "Momahe omonene wenyu ngono hano!" ¹⁵Bhakakora ikituri , "Mumurusiho, mumurusiho, mumunyanki!" Pilato akabhatebhya, "Bhono munyanki omonene wenyu?" Umwimereri omonene akahonshokya igha, "Bheto tetona omonene kokera Kaisari." ¹⁶Nho Pilato yabhahaye Yesu okoreke bhamunyanki.¹⁷Bhonswe bhakaghegha Yesu nawe akarwaho, agheghire omosarabha ghwaye umwene kughya ahase hano habherekeywe ekehore ikyo omotwe, ko Kihebrania harabherekerwa Golgotha. ¹⁸Nho bhanyankiri Yesu, nabhashasha bhabhere, uwomwe bhomosi uwonde bhoryo, Yesu akatorwa ghate.¹⁹Nho Pilato akakona eng'ana akayetora ighoro yo omosarabha. Hayo hakonirwe igha: YESU MNAZARETH, OMONENE UWA ABHAYAHUDI. ²⁰Wayahudi mbasomire ikyorokeryo kiyo kobhora ahase hayo yahangikirwe harenge nu umughi. Ikyorokeryo kiyo kyandekirwe ko Kiebrania ku Kirumi no ku Kiyunani.²¹Ghweki abhaimereri abha amasengero abha Wayahudi bhakatebhya Pilato. "Otakakonakona, 'Omonene uwa Wayahudi; nawe umwene yaghambire we Omonene uwa Wayahudi." ²²Pilato wonsweakabhahonshokerya, "Ghano nkonire nengakonire."²³Hano umusirikare yamare kunyankya Yesu, bhakaghegha shingibho shyaye nu ukushitwena ko amaghushi anne, kera umusirikare righushiimwe, igho igho ne engasho yaye, bhono engasho era teyashonirwehe yarokirwe yonswe. ²⁴Ghweki bhakabhoryana abhene, "Totakayebharora, toyahore komaha omobhahi nnawe." Reno ndyabhaye igho okoreke rera ryakonirwe rebhe kukihiko, reno rekoghamba mbaritwena shingibho shyane, niingibho yane ekatonerwa ubhwahori."²⁵Abhasirikare mbakore amang'ana ghano. Nyakuwabho Yesu mohara wabho nyakuwabho, Mariamu moka Kleopa (na) Mariamu Magdalene - abhakari bhayo mbarenge bhaimereye hang'e no omosarabha ghwa Yesu. ²⁶Yesu hano yaroshe nyakuwabho no omona mwegha ora, ono yamohanshire bhakaemera hang'e akatebhya nyakuwabho, "Omokari, maha,omona waho ngono hano!" ²⁷Akamara akatebhya omona mwegha, "Maha,uyo hayo nyakuwenyu. "Kukurwa hayo omona mwegha ora akaghya nawe ka waye.²⁸Hano riyo ryahoye, eno Yesu amanyire ghonswe ghahoye kuhikya amakonikoni, akaghamba, "nena inyonta." ²⁹Ekento keno kyarenga kishoye isiki hara, bhakatora sifongo yishoye isiki ko orote oro tambhe, bhakamunywensya. ³⁰Yesu hano yaesamire, akaghamba, "Ehoye." Nho yahinyire omotwe ghwaye akaghabhya obhohoru bhwaye.³¹Kobhora yarenge enkagha yo okoserenia, nakobhora omobhere teghwatunire ghosaghe komosarabha enkagha yu urusiko ru ukumunya (kobhora urusiko ru ukumunya ndwa mukumo), wayahudi bhakasabha Pilato igha bhara bharengenga komosarabha amaghoro ghabho ghabhunwe, emebhere ghyabho ghikibhwi. ³²Nho abhasirikare bhaishire bhabhune amaghoro agha bhara bharenge bhahangikirwe hamwe (na) Yesu ³³Hano bhahekereye Yesu bhakanyora yamara kukwa, ku igho tebhabhunire amaghoro ghayehe.³⁴Nunyora nigho, uwomwe uwa abhasirikare bhara akamobheta morobharu naritimo, hayohayo ghakarwa amanshe (na) amanyinga. ³⁵Ono yaroshe reno yarusiri ubhushuti bhuyo, nu ubhushuti bhwaye mbohene. Umwene yamanyire kera yaghambire nkehene nabhenyu mwitabheri.³⁶Amang'ana ngabhaye eng'ana era yaghambirwe ebhe niikihiko, "Teho nunyora niighuha ryaye imwe reno riribhunwa." ³⁷Ghweki rikoni ryende reraghamba, "Mbaremomaha ora bhamobhetire"³⁸Hano ghayo ghahoye Yusuphu uwa Arimathaya, kobhora yare monamwegha uwa Yesu ku ikibhisire bhono nkobhoha Abhayahudi, yasabhire Pilato okoreke bhagheghe omobhere ughwa Yesu, Pilato akamwitabherya. Ku igho Yusuphu akasha akaghegha omobhere ughwa Yesu. ³⁹Nikodemo ono yasoraini Yesu ubhutiko wonswe akasha. Umwene akareta umwishoghano ughwa manemane (na) ubhudi, ekerengere ikyo ubhurito ubha kiro ighana.⁴⁰Ku igho bhakaghegha omobhere ughwa Yesu bhakabhoha mosanda ye eketani hamwe namaghuta ghara ghakorangasa, koreng'ana ne etemo iya abhayahudi iyo okobheka. ⁴¹Ahase hano Yesu yabhekirwe ryarengeho risiko; mwisiko riyo yarengeho embehera eno etare arabhekwa monto. ⁴²Bhono kobhora yarenge urusiko urwa okoserenia (kwa) Wayahudi, kobhora iyo yarenge hang'e, bhakamobheka muyo.

¹Inkyo shiri iyu urusiko orotange ku shinsiko muhungate, bhokerenge bhumwarumwaru,Mariamu Magdalene akasha ko mbehera; akarora reghena rera rirusibhwi ko mbehera. ²Akakenya kemwe kughya ko Simoni Petro nako omona mwegha ora Yesu yahanshire, ghweki akabhatebhya, "bhagheghire Omokama kurwa mombehera, tetomanyire era bhamoraihe."³Nho Petro no omona mwegha ora bhakarishoka, kughya ko embhehera era. ⁴Bhonswe mbagheye nkenyo; omona mwegha ora yakere Petro akatangata kuhika kombhehera hara. ⁵Akaemera akamaha mombhehera; akarora esanda iyene emo, nawe teyasohiremohe.⁶Ho Simoni Petro yahikire akasoha mombhehera. Akarora esanda iyene emo. ⁷Eketambara kera yabhoheywe komotwe tikyarengemohe yarenge mbareke ikyene.⁸Nho omona mwegha ora yasohire mombehera ; akamaha nu ukwitabherya. ⁹Kobhora kohekera hayo tebhamanyire amakoni igha nkehameryo kyare igha Yesu aryoke kurwa mobhaku. ¹⁰Ghweki abhana bhegha bhara bhakakyora wabho.¹¹Nunyora nigho Mariamu yarenge yimereye kebhara ye embhehera arakura, hano yakuranga yaimokire akaihinya akamahera mombhehera. ¹²Akarora abharaghe bhabhere abharabhu bhaibhohire shingibho shendabhu bhaikaye komotwe uwonde komaghoro kigho Yesu yarenge araye. ¹³Bhonswe bhakamotebhya, "Ore mokari, nkwake ukukra?" Wonswe akabhatebhya, "Nkobhora bhagheghire Omokama wane, temanyire hano bhamotore."¹⁴Hano bhamare koghamba ghayo, akaisyorya no okomaha Yesu aimereye. Nawe tiyamongoye igha Yesu yare. ¹⁵Yesu umwene akamotebhya, "Bhabho , nkwake ukukra? Newe ukutuna?" wanswe yamanyanga nu omonaghya uwa risiko akamotebhya, "Omokama, nyore nuwe wamogheghire, ntebhya hano wamotore, oni nendamogheghe."¹⁶Yesu akamotebhya, "Mariamu." Nkaisyorya no okomotebhya ko Kiaramu, "Raboni," eno nko okoghamba, "Umweghya." ¹⁷Yesu akamotebhya