(Yesus Kristus Na Yobe Meai Na Robu) ¹Yesus Kristus neai yobe yobe neai robu Abraham neyea Daud re yoho yonggone meufauke. ²Abraham neai kelu Ishak, Ishak neai kelu Yakub, Yakub neai Yehuda, neai u bake yo yeale. ³Yehuda neai kelu Peres, Zerah re, nenake neai robu Tamar, Peres neai kelu Hezron, Hezron neai kelu Ram.⁴Ram neai kelu Aminadab. Aminadab neai kelu Nahason. Nahason neai kelu Salmon. ⁵Salmon neai kelu Boas, nenake neai robu Rahab, Boas neai kelu Obed nenake robu Rut, Obed neai kelu Isai. ⁶Isai neai kelu Daud Ondofolo. Daud neai kelu Salomo, Uria re miyea relahi na.''⁷Salomo neai kelu Rehabeam. Rehabeam neai kelu Abia. Abia neai kelu Asa. ⁸Asa neai kelu Yosafat. Yosafat neai kelu Yoram. Yoram neai kelu Uzia.⁹Uzia neai kelu Yotam. Yotam neai kelu Ahaz. Ahaz neai kelu Hizkia. ¹⁰Hizkia neai kelu Manasye. Manasye neai kelu Amon. Amon neai kelu Yosia. ¹¹Yosia neai kelu Yekhonya neai u bake yo yeale, belehe Babel ne aimiwoke ekainekate.¹²Babelne ekainekayeke, Yekhonya neai kelu Sealtiel. Sealtiel neai kelu Zerubabel. ¹³Zerubabel neai kelu abihud. Abihud neai kelu Elyakim. Elyakim neai kelu Azor. ¹⁴Azor neai kelu Zadok. Zadok neai kelu Akhim. Akhim neai kelu Eliud.¹⁵Eliud neai kelu Eleazar. Eleazar neai kelu Matan. Matan neai kelu Yakub. ¹⁶Yakub neai kelu Yusuf, Maria neai ro molo Maria kou bulura yahi-bulura Yesus re hongge, Kristus ro bu rainyeboke. ¹⁷Abraham re yoo hu ra nawaneng meke Daud re yoo hu ne pele me bee me ehine keli yeale re yobe me re mai beakoke nawanem Daud re yo hu ra, ekaite Babel ne aimiwoke belene me mai beakoke, na mekai me bee mee ehine keli yeale re yobe me kame me mai beaikoke.¹⁸Yesus Kristus neai honoi honggate re na a huba rake wanem bele he Yesus Maria re, nekenare koibote, hokolo be embaite eyeiboi Allah meke nehalo yea Maria neai kou yahi einye meunge auboke Maria fa u re peiboye yakala woye. ¹⁹Yusuf, nawali romyea nahele meai waliyea nekewoye mokowoye Maria nakena uw yeare erewaounye, yahele eme emfa u peiboye merau kolowoye, na maleu maleu bea nennihindere.²⁰Yusuf namiyea re u bene nekeungeye merau kolowaunge belene Tuhan na malaikat meke u yakala yea a iteaueunge weunge, "Yusuf, Daud re kelu, weyea fee buheare ei hokoijea pele weai unyea Maria, neyea faa u yeale nekeunge, bele Allah neneai nehalo yea meke aungeboke. ²¹Neyea honoite enne hononde pele kelu fa yea eng yakalande neai ro bu eungeroubonde Yesus re robu yea neyeare romiyea wali bulone aikabeaikoke yo onomi enne yemmile.''²²Rake nanemene benate yakala nate Tuhan neai Nabi-nabi re iteayeumiboke homo fea yolone mai auboke, bele raye kaye ne ennuwembonde engbikenembonde. ²³Meyele erennele miyea eme meangge eme, nahokolo yea, emale miyea enjembonde, nawanem fa enghonondere, kelu fa yea enghonde neai ro bu enaironainyele Imanuel,'' na ro bu boi koite niyea eai nolo u ikainye:''Allah meke ei aumeboke ''.²⁴Belera Yusuf ijokura aunguke, Tuhan neai Malaikat iteayeungeboke wanem eke hareungeboke. Yusuf, Maria re neai miyeare me eungebeauboke. ²⁵Ro re miyeare mbainye nekeyeke neai uw kayare neneai fea roroyeke pelera Maria kelu fa yea hougeunge neai ro bu re Yusuf neneai jea eungerouboke, Yesus.

¹Yesus honggate ra, bele he Herodes Ondofolo re nekewoye, erewaimi rali meugera, ya hu ralo re hamai jate romiyea Yerusalem re nekainye mate. ²Na a mekai minai mi embele ne Yahudi Ondofolo honggate? Meyea neai ralo ralire meugene erekande, bele mekai nye meyea neai u bokore mande neaie buma haman rammaansindere. ³Herodes Ondofolo rake a boroubokene, nakena kehi wahi keriboye namekai Yerusalem romiyea rake a hureukoke.⁴Belera Herodes, Imam-imam falem nekate nawanem Musa re homo fea re henai boke yo, arileumihike, a hineumi, mbelene Kristus honggate. ⁵Na a iteaiyainyele, "Betlehem yone, Yudea meai kanine, rake a Nabi: yea neai homone molaikoke honoye. ⁶Betlehem Efrata, Yudea kani Yehuda romiyea be yu be yeba yeale yo, weaire me ebeai koijayete, beleyeare weai nekeyeara ro mbai enyakalande, enanunde Israel Ondofolore yem bonde.'''⁷Rake Majus yore, Herodes kaneumikoke mekate, ralo erekainye a huba yakalainyeboke ra. ⁸Belera Herodes yea weumi, "Betlehem yore meyea emme, belene rake kelu fa yakalauboke. Meyea foi hinenggombe banenggombe membe enghubayenggombe wanemna, meyea bembombe reai bokore membe itea yendebombe, reaijeale ererembonde neare ei ere hawende, buma ereiharenensinde."⁹Herodes a ukeumi, belera oro molaiboke eibuate ralo re erainye na moi a re hehe neaumi meke meibuate rake kelu fa honggate na yuranne meke heunguke. ¹⁰Bele ralo re erewainye na kena u rei aumiboke, rei mai jea koibuate.¹¹Bele imea eite ai aruleuboke, ekai erainye, bele wayeu fa nenake Maria nimekoukounge auboke honote bele wayea fa re oro hele ainye roroukoke, na holoboi besangge einya Emas, Kemenyan, Mur, rake wayeu ke kolainye hayeainyele. ¹²Ime ne eumi keleumiboke, waneng, na yo yang beaiboke eibuate Herodes bokora wekate. (Nibi Ehira Mesir Kanire Eubate)¹³Rake Majus yo eibuate ra, Tuhan na Malaikat meke Yusuf neai ime ne meke yakalaunge, weunge, "Rake wayea fa nenake re wela hakanggombe Mesir yore embe. Meyea belene ennekembe, bele moita reyea ere iteayerembombe, haubihine bang bele Ondofolo Herodes meli mekai hareunge rake wayeu fa re hombonde re." ¹⁴Belera mo, rake wayeu fa, nenakere, Yusuf yaweumiboke Mesir yore eibuate. ¹⁵Belene ennekembe, Herodes neai u herende, homore molaikoke waneng bende yakalade: " Mesir yoyam ra, reai kelu re ere yoborombonde mende."(Betlehem Yona Kelufafa Houbate Hayewate}¹⁶Majus yo romiyea meai ame karebai bele Herodes ireayeubokera ikele isam kena yea koibuoye, pele me nafela yo re meaheumikoke enate Betlehem yore kelu fafa na ya hu, ralo yakaina bee ra onde wayeu hokolo howonai bonde nanemene, bele Majus yo romi yea re Herodes neai ya heki meurakeukoke huluinye.¹⁷Nabi Yeremia neai a re hameungekoke waneng meke yakala ye. ¹⁸A rime, helea hili a rama ea yoboinainye hayei na nyele, ibo inse na kabam hele mende nende Rahel na fafa kenane, konde rimende, kena nuhu nahu neunele, foite kena bang konde, na fafa aihowouboken pele earene kabende. (Isarel Yore Benaibonde Menete A Ukeumile)¹⁹Herodes eu hereke ra, Tuhan neai Malaikat meke Yusuf Mesir yone na i joku na imene yakalaunge. ²⁰Na a iteayeunge ainyu, "bele fa nenakere yaweimiboke Israel kanire fombe. Nabe romiyea bele wayeu fa re honaibonde merau kolowainye, bele ro hereke." ²¹Yusuf anguke, bele wayeu fa nenakere benem Israel kani re beai boke mekate.²²Beleyeare Yusuf borowoye Herodes na kelu Arkhelaus mana Ondofolore yeubokene, belene Yusuf Yudea re endere kena ehe yea hubawounge, belera Yusuf Galilea re oro molaiboke eibate na imene yakalaungeboke wanem hakouboke. ²³Yusuf bele wayeu fa nehakere mekate Nazaret yone nekewate rake a Nabi yea neai homone ikare wokaite waneng pele kelu fa Nazaret romiyeare me enaibeambonde.

(Yohanes Bure Kolowoumile Kiyae) ¹Bele he Yohanes bure kolowoumi ro meke Yudea fau kabangne bu kolowoumi." ²A uteai yakalawoumi na a weumi, "Wali nebamra kena u nei huwe nembe Allah neai yoyam meke nobena. ³Rake a Nabi Yesaya na yobolo yea haufike, kayalo a mende kolonde." Tuhan re nibi weleyea fanyemande mokomansande.⁴Nawaneng Yohanes neai uw malo unta aye mara heubonde naei uw yolo wei hoangna eukoke uw ra yea ikelembonde nake nake miyea hambare konde, akalana oheng yu yeale pele neai bure anende ⁵Ro heleng miyea heleng neai pukore hokongmende nawaneng Yudea na na mekai Yordan na romiyea nanemene wenate. ⁶Pelene Yordan wiy bune bu konemile, na uw nebang wa nebang pulo fela pele ukenate hayanate.⁷Farisi, Saduki romiyeare erewoumi bure kolongmilere belene a iteayeaumi, ehakai renamo aro mena, melea mare hinye yea uwngembe, iteayenembe, bele mai bena ya nebang hu nebang mende, weyea meaheayea engfeambombe. ⁸Belene weai nei huweibokote waneng, bele mekaija weai waline ani foijea balenayete. ⁹Na mekai mai ubene hayembe, meyea a holore kaibe elaube Abraham niyea, bele meai hele, neyea meai yobe kamehe re ro roijanneke beleyeare, reyea mare wamale, rake ruka heleng honate Allah nahinngi ainyu ainyu konemile yenggemile balenate Abraham neai kelu om neai romiyeare me engbeambonde.¹⁰Na mekai, ramekaru meke o kambu ranne maitasike embele honoye mbele o ani emokoi na, nenaisande, i ranne wononde. ¹¹Reyea mare bu yea hakamale , melea wali nei huwenebombe meai beleyeare neyea mende, pele kiyea reare moi wondo wonde naro memalu roweitte yerea enobeikoi. Bele kiyea miyea mare Roh yea nawaneng i yea kolonembe. ¹²I bei bubei inyai na mene mende ire bende anuwau fanyende hukende, gandung riyane arilenemile hononate. Beleyeare ne ela ko yaronde i pulure i rande hayande bele e enai nundenate.(Yesus Yohanis Yae Bu Raungehike)( Yesusre, Yohanis Yae Bu Raungehike ) ¹³Galeleare Yesus Yordan re meke , "Pele Yohanes bu haninhinde re meke. ¹⁴Beleyeare Yohanes yea ahi uyea harewounge, "Neai hele reare bu raukehinde " meahea reyea weare melihau bea rareufindere?" ¹⁵Belera Yesus Yohanesre weunge, "Rake haubihire eyeiboi na mokoungehakere bele nahele benate yakalanate."Belera Yohanes, Yesusre bu raungehike.¹⁶Yohanes bu eungeraungekera, nahibi u yea Yesus bu roira yakalau boke, ijoko kanate, Surga wewe molou boke, Allah neai Roh aye keleumang waneng Yesus na u ranne hebeunguke ¹⁷Belera, a yo bumara meke eleye, "Rake Reai Kelu fa, Naere kena buhae hele haennnele, Reyae Nare ei molanle."

¹Pelera, Allah neai Roh ei aungeboke, eke wanabo fau honoye belene bulo walobo meke wabewounge. ²Belene yaa rorele u bee na reniyai jaele nekeukoke. Moni buki hele hubawounge. ³Bulo walobo meke Yesusre weunge, "Weyae nahele Allah neai keluna, rake ruka honate weimi fueke yaeibo. ⁴Bele yeare Yesusyae weunge, "Homo faene molaikoke, "Ro miyae feu ngemo wali enekei, beleyaere Allah neai ako feauko einye wali eke honouye."⁵Belera, bulo walobo Yesusre. Yerusalem yo kabam re, ekete Allah yo ralo imea buma ne meiketeke, ''Bulo walobo yea weunge. ⁶Weyea nahele Allah neai kelu rake imea mokora are honoinyehi oyo' haubimi nebang bele weai u meai homone molaikoke 'Allah neai Malaikat re wenemile me menai mirembonde weyea pele ranne roungayeke, na mekai oro ruka ne ekaraisi."⁷Yesus yea weunge'' homone molaukoke' Weyea Allah re uw mali uw ei hubaijea." ⁸Na waneng bulo walobo Yesusre ekete hemunggea mbai nabuma helere eiketeke keleunge yo yang honoijate rake kani kela rangne. ⁹Bulo waloba yea weunge, "Weyea be iseungehinde reare ereukele kaneukele rake nanemene weare kinyerete hayerete.¹⁰Belera Yesus yea weunge, bulo walobo weyea rakera eye homo fea yolo-yolone honoye, ''Tuhan Allahre mo eremande kanemande.'' neaiemo weyea ereungeke kaneungele. ¹¹Belera, bulo walobo na fee re eiboye'' eraimile Tuhan neai Malaikat-malaikat mekate Yesusre ei hawainyele.(Yesus Na Kaliya raweuboke Galilea yone Mokowoye)¹²Yohanes ikelauboke borouboke Yesus Galileare eke. ¹³Neyea Nazaretre eiboye eke Kapernaum ne eke nekewoye Zebulon, Naftalire kani hung ne, bukou enene ekenekewoye.¹⁴Belene Nabi Yesaya molowoye homo fea bele nahele re enaibonde. ¹⁵Zebulon de Naftalire kani hung ne, bukou enera nibi eke bele Yordan habala ne, Yahudi bang romiyea Galilea nuwaikoke. ¹⁶Romiyea ougemne nekayeke, hehe kabang re erekainyele namekai bele yoyang ne here re buhea re roukeumi koibate bele hehe meuneaukoke.¹⁷Bele he ra Yesus a u iteai a hubare huwewoumi, iteayewoumi n'a a weumi, wali nebang ra, kena uw huwe rorombe Allah neai yo yang meke no beungekoke.(Yesus Na Yebaei Bubaei Ro Keli Kaeneumikoke)¹⁸Yesus Galilea enera eiboye, eke ereumi aka beake bee Simon, Petrus yea eikanainye nawaneng Andreas naka beake re ka ela ne pele bukounge hayete hokolo bee kare heu ke peaijete ro miyea. ¹⁹Yesus eke hokolo bee re weumi, 'Meyea mebu hakorobo reyea mare ela hayei romiyeare hayemile yaweumile menate." ²⁰Hokolo bee ne ela hayeiboke Yesusre einye hakoinyeboke.²¹Belera alainyekoke, eke ereumi aka beake bee, Yakobus, Zebedeusre kelu, nawaneng naka beake Yohanes neai jeale. ²²Belera kayira akaikoke neakore na belene nukainyeboke mekate Yesusre hakanyeboke.(Yesus ro miyaere Kelewoumi namekai romiyae Helem Onomi Yeuboumile)²³Yesus eke Galilea kani ne romiyeare heleng kelewoumi bele Yahudi meai imea obe kabang-kabang ne Surga yo yang meai Injil yea uiteai yeiboumi, nawaneng ehayo buloyo heleng foi mokowoumi onomire huba yewate. ²⁴Yesusre a bele Siria kani na romiyea re hureukoke na mekai ro miyea eha yo bulo yo mahe yea wabei jeumi uw koi koire kateyo, nawaneng oro me wandu yo nanemene Yesus yea nou heuboumi foi yarowate, wali onomi hubawainye. ²⁵Romiyea heleng buleng, na yora-yora mei buate hakowainyele Galilea ra, Dekapolis ra, Yerusalem ra, Yudea ra nawaneng Yordan reubihi na yo nanemene hokoumeke.

(Yesus Ahuba Homunggaene Huboumi) ¹Ro miyea heleng hokoumeke meibuate ne, ²Yesus a moko a randang re yeu eleufoke, Beleare angggeng eunuweuboke, neai Murid-murid neai u boko u nobere mekate. ³Belera neueba raweuboke weumi, uwitea yakalaumi a weumi, "Hinye hilarabo walire hinei beaijea beaijeyea pele romoyea, surga yoyang neaite endowende. ⁴Hinye ibo nolo insenolone releijeunge pele romiyea kena foi uwfoi endowende.⁵Hinye kena nime kena haba yeale, bele romiyea rake kani kela neaite enjambonde. ⁶Hinye wali nehelere moni buki waneng konde hinende beanole bele romiyea kolo kolo meamea enghubayende. ⁷Hinye kenare buheare henende bele romiyea kena hele buhea hele ende hubajenggonde. ⁸Hinye kena u nahele re mokonnende bele romiyea Allah re neai ijoko ennerebonde.⁹Hinye kenafoi ufoite harebonde mokonende bele romiyea Allah neai kelu omire me enaibeambonde. ¹⁰Hinye wali nahele meai earene me nebang uw nebang enai hayenainyele, bele romiyea Surga yoyang neaite engjembonde.¹¹Hinye reai kena eaiene, a nebang feau nebang, unganyele u nebang wa nebang enai konainyele pele romiye nawalire ei hawerende. ¹²Reimai jea koye, u meanggeu hukeleye, haubinebang bele wehahi Surga ne foi kabang re mokoungehake eke honate." Bele me u wanemg nabi nabire, meyea eyeibijea neai kulubo wayang de monguaini.(Hae kani kela ranna yaele hehe yaele Ahuba) ¹³"Mai u niyea hae rake kani kela rangne, beleyeare bele hae wende hunggea melali yembonde, meyea makayea embe alenembombe? Belene hae roungate enai ungayonde romiyea oroyae ale nayende." ¹⁴"Meyea, mai u hehe re yembomberena, yo yang kabang waneng, mokorangne kaneijanye ereijainye.¹⁵Romiyea i hehere me kondeau kelere ei koloi beleyeare, bele i hehe rowate na koloi bumare hasiyainye bele imea obe ie hehere naekiyoye. ¹⁶Belene, mai wali, hehe yea neanggonde, belera erenayambe nawaneng mai me u foite mo haremembe mokomembe bele einye Ako Allah ei molonainyele.(Tauratne Molaikoke Wanem Yakalanate, Allah Naei Yendo Kayaaro)¹⁷"Mai u bene wa bene na itaijea enekeijea, Musare homo nawaneng Nabi-nabi meai homo. "Reyea belere ehoroi ekalai reyea mekale, bele molowate honatere yarorele na kayena raye einye kolorelere. ¹⁸Reyea ahale feau hele yea iteayamale. Rake kani kelana molowate bum-bum nanemene Reyae ehobeiboi." Tauratna molaikoke nemene benate yakalanate.¹⁹Iteaimeai, wali meai a paikoke honate ra hinye pelera ebi keng waneng wnwnde ende mehire eugmi iteayemmile pele kiyea, Surga yoyang ne, kendingre me enai beambonde nabe mekai, hinye na ije foijera kelengmile iteayemmile pele kiyea, Surga yoyang ne kabang re me enai beaimbonde. ²⁰Belene reyea wawale, weai nehelere, foite elaei beaiboi Musa homore henaiboke yo, Farisi romiyea yeale neai nahele pelewaneng weyea Surga yoyang eite waere ewaesija.(Romiyae ehire-ehire A Eyareijae)²¹Meyea eai yobe-yobe mainya a borauboke, hoibore me u eimokoijea hinye bele me u engmokombonde, yawenanyehuande pe yu pe yebea pe ne ensebende. ²²Reyea weare wawale, Hinye akare beakere, ikele a, isang a wennele, pele kiyea nehe neneai keambonde, namekai, hinye nakare baekere a 'kei feau kei kennebonde' bele kiyea yoyang bene nehe keambonde. Nawaneng, hinye naka beakere, kobu a halennele, bele kiyea i hena eke beyene enghukelende.²³Weai mena akau hare roweye eukolonde ijene, pelene haubihi waneng weai aka beakere nebang mokoungebokea n'a. ²⁴welayea poufonde eye meyea bee foi emokobe pelera pukeufinde meye weai akau ha eukafinde ensononde.²⁵Nebang ne weare neijea nenayete, hale wanengbea neunghinde eye bele romiyea re foi emokokobe, haubihine bam, bele kaloukonde ne, bele romiyea yea weare kawa einye neneyende hilenete. ²⁶Reyea weare a u iteai nahale yea iteayawale, bele kawa eita meukuwendere weyea releungende am, nawaneng belene weai roi roboni rela beaiso-beaisore koye.(Ro miyaere nebam keleijaimile yo) ²⁷Meyea meneai anggeai borauboke rake, a nebang wa nebang meyea emokoijea hele. ²⁸Na mekai, reyea iteayawale, hinye miyea meangge re eke eungerouboke, nawaneng kena eunge rukeunge, bele na kena ra u nebang wa nebang re eunge mokouboke.²⁹Ijoko meuge yea weare pulore ikete waneng, roweye eu keleufinde haubihine bang, weai u ne hikeawate parawate neai foi mbai ehi kalangbonde, pele nanemene ine enai hayendere mo. ³⁰Nawaneng meube me weare bolure ikete waneng, eungefande wowonde, haubihinebam weai u ne hikeawate parawate neai foi mbai ehi kalanggonde, pele nanemene ba i ne enai hayendere mo.(Miyae hurammile maei ahuba) ³¹A iteayeauboke, hinye neai miyeare nennehinde, neyea neai miyea enekei meai homo yendele. ³²Nawaneng, Reyea weare vanale, hinye moinye neneai u nebang mokouboke, meke neai miyeare eungneufike, bele neai ro molo obiyea wokounge, rake miyea u nebang wanebang yeale yembonde, nawaneng, neungehikenebang einye, me re enai beambonde.(Tuhanre Bene Wo Ye Nehale Elakonde) ³³Raei yobe yobe neaite auteai weibaimi, meyea meneai jea auborauboke, ame karebai a eweijea, namekai weai ahele feau hele eye Tuhan re bene yealene eleukonde. ³⁴Namekai, weare iteayawale, weai ahele re eleukondere Surga re ro yeale warare ei poijea. Haubihinebang pele Allah neai ure eke nekeunge anuwau. ³⁵Nawaneng kani kelaro yeale warare eipoijea, pele ijene neai orero bebeye. namekai Yerusalem yo ro yeale ebaraijea bele Ondofolo kabam re yoyang.³⁶Weai ahelere eu eleokondere, wa yu feleng yealere ebaraijea, haubihinebang bele uma mbaite weyea emokoiboi hului nawaneng uma keleumang, nokore weyea bure el koboi bangga. ³⁷Pelene, nahelere, ahele yea eleukonde, nahele bangde nahelebang mea eleukonde, ehiyeale baranate bele nebang meaita parambonde.(Meka Yae Yembondena, Beneikonde) ³⁸Meyea meneaijea mau borouboke, ijoko bele yeale benei konde ite yae ite yeale beneikonde. ³⁹Nawaneng wawale, nebang re weyea nebang bea ei beikoi jea wa karu meube, mefea yea awenayeubonde na, na mekai karu meli yeale yeungele wende.⁴⁰Haubihine enate nenayete konayete, belene weai u malo enairowende, bee neng yeale weai u malo foi kiyea yeale eumiyende. ⁴¹Konayete yaronate, weare ungayete nibi kokora embere eye alonnokombe weyea ahau be re euhayeukonde. ⁴²Weainya enai riyenayete, pele eye eumiyende nawaneng ro hi miyea hi kabennele weai uw re mande, weyea neare eungerikeubonde.(Yokeijo yore kena buhaeyae koumile) ⁴³Meyea a uteai borauboke, weai u mbaite buhea heumile , beleyeare weai yokeijore buhea eheijea. ⁴⁴Beleyeare, weare wawale, Wa yokeijo re buheayea heumile nawaneng weare nebang re mokayete yore, ebeli neare foi meate bowende, ⁴⁵bele meli mekai jea, meyea Ako Surgana neai kelewoimilere yembombe, na eare neyea yeare hu weunge romiyea foi yeale nebang yeale re hele woyoume, nawaneng romiyea nahele yo nahele bang yore ya bu nime bu yea hamajaungele fileijate.⁴⁶Nawaneng weyea weai romiyea foitemo mokoye , belene makayea weyea eukonwende? Bele me u mekai roite arileijale, ele me u mekai roite arileijale, bele me u waneng ei mokoyeijae? ⁴⁷Namekai, mai a melai melai maka beakere mo baumile, belene makayea nafoi kabangde hubayaube? Romiyea nebang yo bele wali mekai emokoi koijate? ⁴⁸Belene meyea wali foijea harenembombe, Allah neai hareungeboke nekeijeye waneng.

¹Romiyea meai be ne mare erei erenayembere, mai mam einye me yakala uw yakalare kelaube mokaube, bele waneng bele me u einye mokaube, meyea ateai Surgane eke nekeye neaita naubihire meyea ehubayeikoi. ²Nawaneng mai me akauke engkolombe, enghayembe bele me u ro heleng miyea heleng eyerei iteaijea pele une u waneng ro miyea ukeaite keaijate yo yea mokoijate. Romiyea heleng bene imea obe kabang-kabang ne ame eitanate, eikolate belene bele yore uw keai keaiunile. Reyea iteayamale, bele romiyea, neai beaite beainye neyea napelene eukoke ya.³Belene, maka yea meube me yea eumiyende, bele wa mehi me yea ei iteai jea. ⁴Wehali namaleu nung bea eukafikea ne bele weai ateai neneai eke roibokote belene weare nehahiyea aibokoite.(Ebeli Bomande Maei Utaei)⁵Na waneng, ebeli poisiyte, uw rowei me rowei te waneng bea ekoijea pele romiyea waneng ate imea obe kabang-kabangne, uw ikai nibi ikaine pelene akabang de ebeli bate, romiyea eraimi, ei molaimi reyea mare aheleyea wamale'' pele romiyea waneng neai peayere napelene nehahiye hubayeukoke eukoke. ⁶Nawaneng weyea ebelire eunge poinyehindere'' eye weai yowa eite aruleufinde yowa mau mieukonde, pelera ateaite poinyemude neyea a kou nung koinge nekeye weare erete, neneaijea mende wehahire ei hawenete. ⁷Nawaney, mai ebelire'' a heleng feau heleng bea ebaraijea pele haubihire eyakalaiboi, pele a heleng feau heleng, neai uw Allah foi eroiboi'' na uw bene nekaimi a heleng feau heleng bea Allah wo re kongkonde.⁸Pele uw mekai wa mekai. Mokatere'' weyea pelene ai hakoijea nawaneng meyea namemam bea ebeli ponnehimbere mai ateai'' neyea na yopolo yea neaiteaite nekeye. ⁹Ateai Surga yo yang henane nekeya'' w'a reuw hoboinye wone henggone weai ro puma re heayete. ¹⁰Weai yo eming yo waku mei neumebonde, weai kena ijene penaimele, yakalai mele meanekande ne, weai Surga na waneng.¹¹Weai inyale mana ya yeumele meyea namnggire nubamale. ¹²Meai mokoi kabei ateai weyea buhea re heumekonde bele waneng meyea romiyea ehire, meare nebang re mokai mebokere buhea re ema nemamikonde. ¹³Himi nebang eite meare ei yawei eijea, nawaneng buleareumile hayeu mele wali ema feaubonde na eare wembai hele yo yang yo waku yeale role belene wearemo erei kanei, rokoi feai feauna yewende huba bang heai bang. Amin¹⁴Pelena, weyea ro hi miyea hi na nebang eunge ho beubonde waneng, bele waneng weai ateai Surgana weare buhea heneukonde. ¹⁵Na waneng rohi miyea ehi nanebang weare, weyea buhea re eheikoi bele mekai weai ateai weare buhea re ei heikoi hului.¹⁶Nawaneng, meyea bu hamang de heinyui u hennunumbe meyea romiyea wali mekai bang u waneng eiyaroijea beleyo ate na be ikauw bea oleikiyate nekate romiyea yokore erenai milere. ¹⁷Na mekai meyea bu hamang de heinyui uw hengnunumbe weai faleng eye yuu yea euhobeukonde, nawaneng weai be bune eukuyeukonde. ¹⁸Bele waneng eumokoubonde, romiyea weare eiroiboi weyea bu hamang re heungukea bele ateai neneai mung ijoko yea erete belene weai ehahi eneuijende.¹⁹Kere nalere weai hambung-hambung rake kani kela ne eyarilei eikoloijea, bele ijene mane ito yea folonate hayenate nawaneng bele anuwaunge yokore beate yo, wehali yoko yea enairowende. ²⁰Bele waneng ne weai hambung-hambung arileye yaroye Surgane eukolonde, belene mane ito bang anuwau, nawaneng yokoyo yea ekelaiboi ei beai koi ja. ²¹Haubihine bam, wehahi honoye ijene, wai kena belene eke honoye''.²²Ijoko bele weai kaijeu waneng. ²³Belene neai ijoko foi ereye na weai u nanemene hehe yea neaneukonde. ²⁴Romiyea ro a bee re, belene me u re eimokoi hului ro a ehire na kena u foi nemennele ro ehire kiyeare ma meli mekai foi bang enemokonde.²⁵Belene reyea weare iteayawale wanekeyeare anei aneyere koye mireye re belere kehi wahire eikoijea. Buhea ei hokoi jea neai nahele bele weai wali niyea foi kaya hebeye holeye. ²⁶Ijoko yea erei aye bumana koijate, neai inyalere ei moloi ei maluwei namekai pele neyea eyarilei eikoloi, bele yeare ateai hena Surgana nahinggi ereijeumi holeijeumi. Meyea romiyea mokowombe bele aye meaita meyea nabuma na hele..²⁷Ralo yakama weai yahu baraibote, meye mainolona buheare hokeunge namekai u re mreye malo, pele uw benere nekeunge ? ²⁸Ereng hemme kami a ne hebeye, neai uw re meahea yea nuleunge nawaneng pele neneai meyea emokoi boi hului. ²⁹Na mekai Salomo neai u malo re Ondofolo nekewoyere neyea foite kena bang'' pele me kani a hemene boukoke³⁰Belewaneng Allah neneai bele hemere neai me yea aweumi mana ya namaya foite elaube, bele wahena ya ine eumi keaummikonde enai nundenate na he me uw waneng mare nuleijembe meyea hila bang rabo halebam yo? ³¹Belene 'makayea anembe meai?' makayea ure hirembe meai' belere meyea buhea re ehokoi jea?"³²Romiyea rake kani kelauranne nanemene belere beai beai beaijate beleyeare weai ateai Surgana ekenekeye weai wehalore neyea neai uw teai einye mo. ³³Pelene'' Allahre neai nekeinge kena'' namekai neai nahele re eleye kiyea'' eye numeye beaungele'' pelera mo kolo-kolo meamea, kolonete hayenete. ³⁴Wahena ya meai te, pele uw bene re einekeijea, naeare pele ulahena ya neneai nehahi ekaihonate manaya na kiyea'' ne ehe neneai honote ya.

¹Rore miyeare ehe elhayeijea. Bele Wali einye rohi miyea hiyea weare ehere ewoyoi hangga. ²Meyea mai kena ijene ehere woyaumi, pele hului waneng mare ehe enai hayenayembe.³Makane, weyea weaiaka beakere ijoko kere nekeje re nahinggi roungeboke peleyeare, weai ijoko na o yi nekete weyea ityang ne nekeyea. ⁴Nawaneng meahea yea weyea waka beakere wanea, reyea pele weai ijoko na kere, mohorombonde menduwende, beleyeare erei o i weai ijokona bea? ⁵Weyea wali nahele bang romiyea, bele o i weai ijokona halebo menduwende, belera weyea nayakala ereubonde kere waka beakere yokone.⁶Wehalo yokure eyeijea. Nemekai abo pene elhayeijea pelera neyea oroyea menai akonde penaibonde manate weare mene yobonayete hiyenayete.( Riyembe, Baendele, Me Kaba-Kaba Habembe ) ⁷Riyeufinde kiyea weare enaiyete peaiye kiyea weyea euhuboyeukonde kebaa re poye enai rawenayeubonde. ⁸Pelene, romiyea hinye ende riyende kiyea neare enainyende nawaneng beaite beande kiyea yenea ende hubayenggonde namekai kebea yea ponde romiyea neare enai rawenainyebonde. ⁹Romiyea hinye neai keluoni ouw riyewoyere, eke ruka yea ikeunge. ¹⁰Nawaneng na kelu ka riyendena, mehae hakaijae yennelere?¹¹Pelene meyea wali kabeaukikeyo, mai keluomire mai uw iteaijea nahinggi holeaumile, peleyeare mai ateai Surgana neyea maita eweukoke, mare nahinngi hinggi enyembe kolanembe, pele meyea embe Neare rimayennele na. (Me Hukum Na Kabam Hele) ¹²Mai u re foite mokonayembe kena kojaube, bele me u mekai waneng bea rohi miyeahire mokommile Rake Taurat ne, nabi nabi meai homone aimoloukoke nekeye.(Nehale Nibire, Wali Nibire Eke Kaye) ¹³Kikire honounge ma u belera enembombe, haubihenebang bele mau kabang neai uw mbi keaumau wali kaka meai nibi nawaneng rake nibira romiyea heleng alainyekoke ate. ¹⁴Ro mou kikire honounge, nanibi ayei ayeukoke ele wali heare eiboye mbi, nawaneng bele nibira naneme hele romiyea belera hakaikoke.( Ame Karebaite Huwate Yo Maei Utaei) ¹⁵Mai Wali foi kaya hebembe, Nabi nabi helebang mai uw re menatr, na uw malo ro miyea foifoiyo maei maloyea hirenaikonde peleyeare pele malo pele neai wali einye, rore miyeare honate hayenate re mo. ¹⁶Neai auine meyea nalunggi ro renembombe. Pele o aui palate, uka keleu nolone ra nahinggi enai arilenate, nawaneng no kabang ani oibalate isa nolone honate pele nahinggi enai rowenate? ¹⁷Pele me, no foi hebeye anirefoi mei mokoibiyoye, pele uw waneng o no nebang anuire nebang himire mei mokoibiyoye.¹⁸O no foi ani nebang de el mokoiboi hului, pele waneng ono nebang ani foite el mokoiboi hului. ¹⁹O no anire elmkoi, kiyea pele enai kahananyekoke nawaneng enate enai uwngyonde. ²⁰Pele na ani koyera mokoyere, pele romiyea nawalire meyea nahinggi emmi rommibonde.²¹Tuhan, Tuhan de ro re mo roijatere, pele Surgare eyeisiy ja peleyeare, Romiyea hinye yea meakore Neai kena ijene. mekoite mokonde, pele niyea Surga yoyang yo ne enensinde. ²²Pele yane yeibiyoye romiyea, Tuhan Tuhan yea el kanate uw huning me huming de pele ro yea, nawaneng male hukaimile pele Ro yea, namekai mehimehi elyakalate pele ro yea roijate? ²³Pelena mare A ere iteayerembe , Reyea mare oneamale ya Rakera embe nundemembe, romiyea eibe eitasiyre kaubejo.( Anggaei Borombe Mokombe ) ²⁴Pelene, romiyea Reai a uw iteaire borate pelene iteayeai boke neyea mekaijeale yo, eneite imea obe a bobo , ruka rangne enai hembonde. ²⁵Pele moita ya alu meke neke, naekai bu mea kabang halawoye peleyeare, pele imea obe a bobo rikarangna kusei maheibang.²⁶Nawaneng romiyea Reai uw itai wamale, Ciboroi, Nawaneng elhakoi, pele romiyea kobure koite, aite imea bobo bang anuwau, bu beai naunge neai une obe eye heibiyoye. ²⁷Pele moita ya alu meye neye, bu mea meye pele imea obe ordibiyounge, nawaneng kabang meukelauboke.²⁸Yesus a uwteai weumikoke ra, pelena ro heleng miyea heleng fakua yea bibuainye, ²⁹Ei molowainye neai pele uw iteaite pele neai Tauratre homo henaiboke yo re poibamile peloyo Yesus el nobeikoi hangga

(Bau-Bau Kouboye Ro Yesus Onomi Ikeunge) ¹Pelera Yesus moko ra euakouboke ''ro miyea heleng neai moita hakainyekoke mei buate. ²Pelene erainye'' role mbai pulo uw ruw kuw bea neke'' meke Yesusre oro meunge roroukoke'' na a weunge'' rowa ''weyea kena koukokonde na'' reai uw na pulo kale weyea nou heitekoi mea. ³Pelera Yesus neai me nekeunge'' pele uw ruw kuw koye role re nou eungeheukoke nahibi foi te eukoke.⁴Pelera Yesus rake role re weunge'' weai uw na yei boke yakalauboke pele rohi miyea hi re ei huwei jea, peleyeare weyea eye Imam pokore, weai akau ha eungenende eukaufinde'' mai Musa yea kelembokombe waneng pelene weare ronayeubonde.⁵Kapernaum yo re Yesus meke, fela faleng mbai meke Yesus re weunge rimayenge. ⁶Weunge ''Rowa'' reai uw mokoi, imea ne noro nimainyekoke ekehonoye'' neai uw kabang hele eke kabeunge. ⁷Yesus yea weunge'' reyea weai imeare rele, foi ere itende.⁸Peleyeare'' rake fela faleng bea a weunge'' rowa'' reyea ehe yea hubale maka bande weyea reai imea eite eweufinde'' reai kena kale weyea a mbai waneng eleiko, pele reai uw mokai neneai foi rowende. ⁹Haubihine bang'' reyea neai mekai'' reai ana felayo yeale meai faleng de kelene boroijannele. Nawaneng '' reai ana miyea a wanale'' aloinyeko'' neyea pele me uw waneng eye aloikiyoung'' pele waneng ehi re awanale oloinyeko reai ana kiyea pele meuw yea hareibiyoung aloikiyounge nabe me uw waneng'' reai uw mokoite ei banale ne, neyea pele mekai jea ei mokoi biyoye. ¹⁰Pele fela faleng de a eleukoke'' Yesus ei molo wounge, pele romiyea heleng de weumi'' reyea rake ahele yea wamale'' meyea Israel romiyea nekaube'' reyea ereiboimo, rake ro neai hila rabo haleye waneng'' pele mai uw kai uw nolone nekende¹¹Reyea mare iteayamale'' ralira waita heleng menate'' Abraham, Isak, Yakub nembai ronai bonde hamang enai anende Surga yoyang yo unea eunye. ¹²Peleyeare'' pele yo fa fa enai kanai mikoke ougem eite pele kounge a rime rime yeale'' ite kiki yea enai bonaimile. ¹³Pelera'' Yesus yea rake fela faleng de ureunge'' eye'' weai miarabo haleuyea waneng pele waneng bea bende yakalande'' namekai'' pele ikai, pele hu, rake fela faleng neai uw mokoi foi eukoke.¹⁴Yesus meke Petrus re imea einye'' Petrus neai miyea nenake honoi nye honoye eha wanengne hubainge. ¹⁵Pelera Yesus eke me eunge keluke, pele miyea neha koyere eke foi te eukoke, pelera aunguke Yesusre ei hawe wounge.¹⁶Ya be pahewoye he ne, Yesus pokore ro miyea heleng neai uw einye enalo mahe walobo yea nekeumi yo, yaubaimile meibuate'' pelene Yesus neai a jmbai mo eu eleukoke, pele romiyea nanemene foi te ai jeuboke. ¹⁷Nabi Yesaya neai a re haufike me'' pende yakalande eai yambi male neyea mende rowemmile, nawaneng eai eha pulo neyea mende keambonde.(Yesusre Yebaei Bubaete Imabonde)¹⁸Yesus erewoumi romiyea heleng neai pukone keleunge neyea ukeumi kaiy ra nenai hinde reubihire fanate re. ¹⁹Namemang bea fonatere'' Tauratre henai boke role meke weunge kulu'' reyea weare hakoroubondere'' weai eye kouke alere mo. ²⁰Pelere Yesus yea weunge '' akelana yoku'' a kani puluyeale nawaneng aye pumana neyea nale yeale peleyeare ro kelufa neai faleng de endansindere neyea yu koloi honondere u ya.²¹Neai Murid mbai meke a weunge Tuhan reaye ikai weailehi ere meakore moloisaite. ²²Peleyeare Yesus yea weunge'' weyea reare hakoitebo nawaneng pele here ke romiyea'' Heraiboke yo yea neneai ai moloisa.²³Yesus neai Murid-murid yeale. kayyra aineufike awayeke ijoko erale alu kabang raweuboke namekai akiyea neai kaiy ketekeumi felewoumi'' ²⁴Bele Yesus neyea ijokune eumolouboke. ²⁵Neai Murid-murid yea mekate Yesusre yenggainye a wainye Tuhan hole moloumebo'' eyea nebangde emebendere ya.²⁶Yesus aunguke na a weumi'' meyea makane kulu waije kau be romiyea milabang rabo halei bang. Pelera Yesus afea yea nebeukoke, pele alu koyere a elea waneng jea ukeunge. Pelera pele bukou alu kokore yeuboke, n'a bu yeale eunge kalauboke. ²⁷Na pelene romiyea'' fakare boibate n'a a halainye. Rake romiyea neneai hele ya'' alu kabang rake bukorenga nahele waneng ba boroungeboke ya.²⁸Yesus neai fokate bukou habala reubihine'' pele Gadara romiyea meai anuwou ke nekate. Pelene role bee'' mahe yea neai uw einye roukaimile'' Hokolo bee pule eita, mei paleke, ikele ihang bea haneiboke, rohi miyea hiyea pele mbire eyeisiy hului. ²⁹Pelera, eramile hokolo bee a kanete'' weyea Allah re kelu weyea makare meai pukore meyea? meyea meare uw hoi me hoite houmile re pelene na yobolo yea meyea ?³⁰Pelera ahau waneng bang pelene obo riya holo kabang molai boke kaiwe hamang de haleate peate anate. ³¹Pele role bee einya mahe yea riyainyele, a wainye weyea hukeumehinde emabalende'' meare weaumehinde pele obo holo riyana kate uw einye meare weaumehinde. ³²Pelera Yesus yea a weumi'' engbale'' pelera pele mahe maibaleke ekate obo holona riyana hebate uw einye ai aruleuboke, pelera eraimike, pele obo nanemene bikou a nono wau wau ra nakewate nanemene bu yea eubeuboke³³Obore kaya hebate yo'' pele me yakala erekatene'' n'a fee re hebealea yeke ekate yo yang kabang eite, pelere ekai a huwewaimi yakalawaimi'' nawaneng rake role bee meai foi eijeuboke a yeale iteayewaimi. ³⁴Erewai mi'' pele yo kabang na romiyea meibuate Yesusre hubanayeukondere. Pelera Yesus mai hubayai kokera wainyele'' neai pele yora endere.

(Yesus Kena Buhae Koume Namekai Onomi Yeume) ¹Kayira hawaiboke, Yesus Naei yore fokate fainyoke. ²Belene erainyele ro mbai oro nimainyekoke ane honoye honoye. Yesus bele yo na hila rabo erewoumilene, oro nimainyekoke kaye Yesus weunge, "Wa kena elae rewei, Ra kelu, waei mokoi-kabei fanyeubokawale."³Pelera eraimele Taurat re henaiboke rolele, na kenara elate, rake romiyea a yekelere huweye ro. ⁴Peleyo neai uw bene nekeumike Yesus eu iteayeboke, belene Yesus weumi, "Makane mai uw bene nebang meaite, maikenare nekaube?" ⁵Embele a waneng hamekahore elemakonde, Weai pulo nou hauyeukoke, na waneng ainyu eye aloikondere a yea? ⁶Meyea iteayembombe, rake kani kelarange Ro kelufa kabang Neyeare romiyea meai wali einye neai polu felare kuyenggonde pelera, Yesus yea rake role moro nimengngekokere a weunge weyea anyu, waei ijoku honoi maei yung make yeale, rowei alounyokonde weai uneare eye.⁷Pelera, rake role aunguke, aloungekoke neai imeare eiboye Nawaneng ⁸Romiyea neare erewainyele, faka yea poibate nameka Allahre puma kabang el molowanye, Neyea yea hele romiyeare nou hemmikonde. (Matius Roite Yaroweke Yesusre Hakoungeboke) ⁹Pelene eke Yesus ereunge role mbai Matius yea wainye, pele roite arilaite yo anuwaunge rauboke nekate, pelere Yesus meke weunge, Weyea reale hakoitebo pelera, Matius aunguke nahibi Yesusre hakongoboke.¹⁰Pelene yesus eunuweuboke imea einye hamangne angboye, pelene roite arilate yo nawaneng romiyea nebang de mokate yo mekate mbainye mairouboke yesus neai murid murid yeale hamba ne koibuate. ¹¹Farisi romiyea pele erekatere, mekate Neai murid muridre waimi makane mai kulu, roi arilate yo yeale nawaneng nebang de makate yo yaeale mbainye airouboke habang ekai anate?¹²Pele hinewai milere Yesus euborouboke, pelere a weuni Romiyea foite neai um Hubanyele, neyea uw nouke eheikoija pele me uw waneng eha yo yea nou mei heaite. ¹³Peleyeare, rake a wamale foi erennenggombe, Reyea mainya kena buhea re kena kale, mai wmaew mokaubere bang nawaneng. Reyea makale romiyea hahele yore ekaneija romiyea pulo ne releijainyele yore pelere mekale(Hamam Emaenei Mai Utaei) ¹⁴Yohanes neai murid murid mekate Yesusre a hinainyele meambele Farisi romiyea yeale hamang aneikoi, bu ansiyte mande heinyui henyuyande peleyeare weai murid murid pelere elhakiboi? ¹⁵Yesus yea pele yore a weume, pele miyea meangge meahea yea ibo msere balenainye, neai ro molo menate yawei nyohonde hene, pelene bu ansiy, hamang anggoite ensemunde.¹⁶Romiyea ehi hinye yea pele uw malo malene ende malo rai rai neme yea hakam de ponggonde, pele malo male kiyea wende kabang de engkayende.¹⁷Namekai romiyea anggur bu rileuboke, pele malo hokou malene eirilei eikolo hului. Pelewaneng pele malo hokou hamekaho kayenggonde nawaneng pele anggur bu engmelesande nabe me pele molo hokou himi woyou uw enai uwngayonde.Pelewaneng ne, pele anggur nabu enaitee malo hokou nemene enai aibonde, pelera haubihibang hononde, nawaneng nabene bere holore molombonde.(Yesus Maengge Mbai Waleungeboke Namekai Onomi Ikeunge) ¹⁸Yesus namemang a ne iteayeumi, erenye role hambayam de mokote unea ne ro, meke oro hele meurorouke Yesusre pokone, na a yeale weunge, reai meangge nafeng eunge molouboke, pelewaneng Weyea mei me neai uw rangne eungehaufinde, neyea engwalembonde. ¹⁹Pelera Yesus eu anguke pele role moita alongekoke Neai murid murid yeale hakainyeboke ekate.²⁰Pelera erainye miyea mbai okiyyea rilemumeke ralo yakama mee bee me ehine bee yeale Yesusre uw nobere moita meke, ²¹Neai uw malo huba me yea karaungehike, na uw bene mokounge eleye, rake uw yea mokorebonde reyea foi ere hubayerekonde. ²²Pelere Yesus meubeufoke rake miyeare ereunge, a weunge w'a kena eleayea mo. weyea reai faya, hilarabo yea weare foi eke mokoibokote roukea.²³Pele beaubayam de mokoye role imea ne ekate eramile ro heleng miyea heleng akuanau be neke hoibate, nawaneng hulire ranate yo na pelene nambele. ²⁴Yesus yea pele role waunge, weyea eye weai meangge pukore neyea el herei pele neyeaijoku uw yea eungemolouboke pele a borainyebokere, reyea Neare harewainye.²⁵Pele imea einye romiyeare ukaimile moite aibaleke, Yesus eke euaruleufike, pele weangke name eungkeluwke, pelera rake meangge euaunguke. ²⁶Rake me yakala pele yo ne a meke hurewoye poroware.(Yesus ro bee na ijoko kumba nekewotera keleumikoke) ²⁷Pelera Yesus aloungekoke, role bee ijoko kambu neai moita meibite, kela kaneinyele, dauare kelu meare buhea heimeko. ²⁸Yesus imea eite euweufike rake role bee kumba Neai uw pokore mekate, pelena Yesus yea hineuini, Reyea mare nou hereng gongbere, pelene Yesus yeahineumi, Reyea mare nou hereng gongbere, mai hila rabo Reare nahele haleleukele? " Bele romiyae mekate, Yesusre wainyele, "Ya Tuhan!"²⁹Pelera Yesus pele role kumba bee re " N'a eke halaunikoke a weumi, Mai hila rabo haleube hului " pelewaneng mai uw ne yembonde. ³⁰Pelera hokolo bee, nem ijoko foite yeboikoite ewewoke Pelene Yesus yea weum, mai uwne yeiboke yakalau boke pele ro hi miyea hi re ewei elhuweijea. ³¹Peleyeare rake role bee, Yesus foi mokoumi bokere a roukete romiyea heleng de yakalami neai waneng rake a pele yo ne hureukoke iteayewate.(Yesus Ro Mbai Amum Nekewoyera Onomi Ikeunge A Elewoye)³²Rake ijoko kumba bee elbokera , eraimi romiyea meaibote , namene role mbai a yung, feau ming, mahe yea roukainye, pele namane yawainyehoke Yesusre uw pokore meibate. ³³Yesus pele role uw einye mahe hukeungehikera, rake amung feau ming a yeale feaubeale yeuboke elewoye. pele meyakala yakalaubokere, romiyea fakayea poibainye Yesus el mokowainye, neyae a elate rake euhena hele pele waneng Israel yone eyeiboi eyakalaiboi ja. ³⁴Pele yeubokere, Farisi romiyea n'a a waimile, pele mahe hukei si hukeungehike, mahe meai faleng kabang de pounghike peleyea Neyea nahunggire hukeufike.(Ani Eha Helem Beleyaere Kaliya Yo Namehele)³⁵Pelera Yesus elboye, yo kending yo kabang ne uw iteai kele weumi yakalauomi pele ine obe kabang kabang ne Allah Neai yo yang meai Injilre iteayeauomi Namekai heleng de foi mokowoumi, pele romi yea eba yere. ³⁶Pele ro heleng miyea heleng erewoimire, Yesus keen buhea yeu koibuimi, keikejea koibaiete nawaneng here warere erewoumi obo riya ndone hebate na kayaro uw waneng de erumi.³⁷Yesus Neai murid muridre weumi, anime hame nune heleng meke neke, peleyeare maluweite maluwenatere romiyea na name hele. ³⁸Pelene Tuhande ponnele, riyennele, Neyea anime hanime re veluwke kiyea, mare na malawei yo re weumile menate pele anime hanime menai maluwende.

¹Pele he, Yesus name uw mokowoye ondofolo Herodes neanggeai jea boroke. ²Herodes na abo akore weumi, rake ko Yohanes, bu re kolouwoumi ro romiyea ai hereke nolora euwaleuboke neyeare mehi uw mokoye peaite yakalate. (Yohanes, Bu Koloi Ro, Neai Here Me Yakala Re)³Pilipus neai miyea Herodias, pele Herodes neai meangge Herodias earene, Herodes, Yohanes re ikeleuboke ha yea aweungekoke, eke kawa einye aheungekoke. ⁴Na aere, Herodias alune, Yohanes olewoye, na a weunge weyea Herodias re eukowonde weai miyeare pele mang niyea bam." ⁵Herode neai kena Yohanes engsombondere mo, peleyeare neyea fee hubawounge, pele yona ro heleng miyea heleng Yohanes re nabi yea me re peaibuainyele ne.⁶Peleyeare, Herodes neai ya bene nekeisiy yane, Herodias eke uw bea wa bea akowounge hukelewounge, Herodes nakena reimai koiboye nawaneng foi helere me beaungeboke, ⁷Pelene, Herodes na kena koye eleye maka hambung bea pele meangge riyennele, neyea nahinggi enniyende.⁸Pele meangge, nenake yea elea molowoungene, pele meangge Herodes re naa weunge, reyea narakene hebere, Yohanes bure koloumi ro, nafaleng mo hote einye aibonde roweye meye reyea roukele." ⁹Herodes kena ehekeaite hubawounge, peleyeare na a re eleukoke huluinye nawaneng ro heleng miyea heleng bene a woke peleng Herodes weumi, nahibi yea roungate mende rake meanggere inyainyele.¹⁰Herodes a ukeumi ekate kawa einye, Yohanes na faleng ainyesake. ¹¹Yohanes na faleng hote einye aiboke, roukate mekate rake meanggere ikainyele pelera rake meangge, nenake pokone rouke meke. ¹²Pelera neai moita hakainyekoke ohowate yo, mekaite Yohanes neai uw no roukate ekate aimolaisake, pele moita mekate rake a Yesus re iteayeainyeboke. (Feu Mehaembai, ka be mo, 5000 Hangga Ro Anaikoke Wande Yaeiboke)¹³Yohanes re a iteayeanyebokera, neai uw ukeiboke kaiyra hebeunguke among a ikaite eke. Pelera naeke nekeye anuwau iteayeaibokera, ro miyea na yora yora ara alainyekoke neai moita peainye meke. ¹⁴Yesus moita meukuke, ereye rone miyea ne, kelu omi, kendingne kabang ne heleng buleng meufokouboke, pele erewomi ne Yesus nakena kaara heuboke, kena buheare heiboumi ro miyea ehayo puloyo, foi yeiboumi onomire yarowate.¹⁵Ya be baheinoye, na moita hakainyokoke yo yea Yesus re wainye rake anuwai hani wani moloye, nawaneng huwea ougembea roroyea rake romiyea heleng weimi yo nobe yang nobere ai pelene hamang roijea yaronate, neai uw meaite anenate."¹⁶Peleyeare Yesus kea weumi, peleyro miyea neyea i hangga hamang uw re, meyea yemmile anenaikonde ¹⁷Peleyea weare wainye. Mea mena haubihi haubihi waneng uya rake ou meahea nawaneng ka na bee hele." ¹⁸Pelene weimi, rakere reai pukore roweng meng."¹⁹Pelera pele romiyea heleng ukeumi a kee rangne aikouboke pelera na ouw meaheambai, naka be yeale na me ke keaboke pumare neungerike a ebeli poungehike. Pelera pele ouw kayei kayei kaneukoke, neai moita hawainyeboke yo re yeiboumi, nawaneng pele ro miyea heleng de hubayewate. ²⁰Pele ro miyea heleng buleng yarowate anewate wandere hubawainye, pelera nehamang nuandene nukewate, ikeumi arilewete nanemene me beakoke anggai habu mee be nawaneng me ehine bee yeale naheleng. ²¹Pele hamai de yeiboumi, ro mo nanemene 5000 miyea fafa pele me re eibeaikoi. (Yesus Buranda Aloungekoke)²²Yesus na yaweumiboke yo, nahale yea mo ukeumi kaiyra neyea pere mekate nou heiboumi, wengmile penate neai imea obe, neai yo yang de enate. ²³Yesus pele romiyea heleng ukeumi eibatera. Pelera neyea eke hemunggeare euketeke, pelene nemba ebeli neakore eke poibounge ba be noko nokora pelene nembai nekewoye ya huea re peiboye. ²⁴Kaiy hawaiboke, naisikate awayeke eibuate a yaba buheai ahau ke beiboye nawaneng alu rangne kenang kenang yea kenane imayate.²⁵Ya uke yolo wounge heyea, Neyea burangda aloungekoke neai pukaye meye. ²⁶Bu randa aloungekoke meiboye erewainye ne, kulu wai jea roukeumi na a kanate, pele eneali ya, fee mako koibuainye, ele kala boibate." ²⁷Pelene Yesus neenai weumi, ma kena eleayea, rake niyea reyea ya meyea fee re ekoijea.²⁸Petrus neai a weunge, Tuhan, pele nahele weyea na, reai jeale re kaneiteko weai pukore bu randa aloronggonde." ²⁹Pelera Yesus yea weunge "rake mei", pelene Petrus kaiyra euakouboke bu ranne, aloungokoke Yesus pukore meke. ³⁰Peleyeare, alu erewoyene, buheare hokoungebo, pelera na uw kabang bu einye hikowoye, na a kali kaneunge, "(Tuhan Mei Rikeitebo.")³¹Pelera Yesus na me nekeng, Petrus re keluwkeunge, na weunge meyea hila bang rabo bang romiyea, makane mai kena uw, ehire joko ehire ereite kaube?" ³²Pelera kaiy einye haweiboke, na alu yeale uke kalaungeboke. ³³Pelera kaiy einya nekate yo, ei molainye, Yesus re wainye na nahele ya weyea Allah kelu ya!" (Ehayo Bulo Yo, Yesus Mokowoumi Foi Beubate)³⁴Reng kaiy mai awaukote, mekate Ganesaret ne. ³⁵Pelena ro miyea neare rainyebokera, kaya ohaiboke pele kani pelena ro miyea ehayo puloyo nanemena yawewaimile Yesus pukore. ³⁶Pele romiyea mekate riyanyele, wengmihinde neai uw malo na huba enate me enai hakan de, pelera ro miyea hinye eye name malo huba eikeluweyena, napele ya napele hu foi eitoweye.

¹Farisi romiyea, Saduki romiyea mekate Yesus re uw mali hubaisiyte hubananyehindere, Na a riyainye, surgana meyakalare yakala mibondere. ²Peleyeare Yesus yea weumi hu akoyoyene, yaku re erau be hasai honounge mai a elaube, ya heawu earu honondere.'³Rene ya eraube, yaku puma haisai ougem bea roroye, pele eraubene mai a elaube, mana ya alu elea hele nennihinde rawendere pele yeare, ya mehining hu mehining meyea nahinggi hamaungele peleyeare meyea ya be hu be kolon nele meyea hului eihaisi hangga. ⁴Rake hokolo wali nebangmo, uw nebang wanebang hokolo, koli weali beate me yakala re erenaibondere, peleyeare pele romiyea waneng de neare mbai sambai ekelei, ei yakalai boi. Yunus rena yeuboke waneng peleremo iteayeumiboke ra neyea oro molouboke nukeumiboke. (Farisi Saduki Yaele Na Kaliya Ragi Wanem Utaiweoumile)⁵Neare hakanyobo yo yeale awaufoke reubihi ne fainyoke, ouw inyale meaite neyea nundemikoke erowei fokate. ⁶Pelene, neai uw kayare a iteayeumi, "na moimoijea maijoko erembe Farisi, Saduki na hamang einye aleaimile hambung, pelene wamale uw kaya yeale hebembe." ⁷Rake neneai mo a kuure hoibate, na uw neneai jea iteayeaiboke pele ouw inyale re neneai jea nukaboke." ⁸Na yawei mi boke yo Neai elewatere Yesus iteayeuboke, pelera weumi meyea hira bang rabo bang yo, makane ouw u ne meyea neneaijea a ikilaube?⁹Meyea ei iteaiboi, pele 5000 romiyea re, ouw nameahea mbai mo yea re pele anewate, nakalung beale anggai haunge hawewaube? ¹⁰Nabewaneng 4000 romiyea pele na meaheambai mehine be yeale ouw bea mo anewate ang, na kalung beale nukawate, pele meaheamea anggaihauw ke meyea arilaukoke?¹¹Makane meyea eiiteaiboi? Reyea mare ouw meai a yea wamalene? Reyea mare iteayamale, mai uw kaya yeale, pele Farisi, Saduki meai hamang hambung mokate anate." ¹²Pelera iteate iteayeiboke, neyea ouw meai a mekai uw iteaiyeumi pele uw kaya re buhenate, Farisi Saduki meai romiyea nolone. Yesus, Neyea Yo malo yo Uwyolure Ikeleainyeboke ro¹³Kaisarea Filipi meai yo anuwauke eke, neai yaweumiboke yore hineumi, mai anggeinye boraube, ro fa miyea fa, neai hele hinyere wainyele?" ¹⁴Na a wainye, ehi yo yea Yohanes bure koloumi ro yea elate, ehiyo Elia yea rainye, holo ehiyea elate Yeremia, nawaneng nabi ehi eho royea rate." ¹⁵Pelera Yesus yea hineumi, " Meyea reare hinye yea ro raukele?" ¹⁶Simon Petrus yea weunge, " Weyea yo malore yo uw yolure wokayete ro Allah walino henanore kelu!"¹⁷Yesus Na a weunge, "Weyea Simon, Yunus re kelu, kolo kolo mea me, weai waline eukowende, haubihine bang, pele a eleukokea, pele weai meleng, okiy elea yea bang, meako surga ne eke nekeye, neyea weare iteayeibokoite. ¹⁸Nawaneng weare rake a iteayeawale, weaye Petrus ro buyea rawale weai hila rabo elea rang ne, yo ralo yoimea ere anununde, nawaneng Hades here kaka yokoiy wekeunge weyea nahinggi hileukonde.¹⁹Weare surga yo yang na yo a mau ke, na rawei boi te weyem nahinggi eukaweubonde, na waneng makayea euikeleubonde rake kani kenane, pele uw peleme surga ne enai ikelenaimile nawaneng makayea eubureaumile, pele uw pele me , enai purenaumile, enai hayenaimile." ²⁰Pelera Yesus weumi, ro hi miyea ehire ewei eiyakalai, neai uw meai a neyea ya malo yo uw yolu re ikeleainyeboke ro. (Yesus Herende Maei Ahuba Itayeumiboke)²¹Pele yahe ra, Yesus neai yaweumiboke yore neai a weumi, Yerusalem de neyea enderemo, pelene ende en relenende, be yu peyebea yeale yo bene, nawaneng Musare homofea henaiboke yo bene konainyele hiyenainyele, enai hombonde releyeare nameneng yane walembonde. ²²Pelera Petrus, Yesusre eungeyobouboke keleauke ekete, na a weunge, "Tuhan, Allah yea weare rake uw mekai pendere." ²³Eleabande wenende peleyeare Yesus meu beufoke Petrus weunge, weyea pulo walobo reai uw pokore eye." Weyea, Reai uw re wali halung, haubihinebang, weai uw bene Allahre ijene enei koyea, weyea ro meai miyea meai kena a yea warea."²⁴Pelera na yaweumiboke yore weumi, hinye reai moita hakondebonde kiyea neyea reai earene neai uw re kahoyea elengkonde, ukende keambonde reare hakondebonde. ²⁵Hinye neai wali re pene nekennele kiyea pele neai uwra nundenende, peleyeare reai earene nawali ekenundeuboke kiyea neyea endowende. ²⁶Rake wani kela weaite eukowende, peleyeare euferendena, pele meahea mokoubonde?²⁷Ro fa miyea fa, mende ne neako yea ketei ketenembonde neai uw mokoi yo yeale, pelera romiyeare name uw mokowatere, pele hului pele waneng de benemile. ²⁸Mare reai a heleyea wamale, rakene mekau hebaube, ehi yo nawali mo nekenati neyea here nambele bang, peleyo yea neaijoko enaikanete Allah neai kelu neai mende yane, neakoro yora."

¹Beleyae Naeai murid murid yae mekate Yesusre hinainyele, " Surga yo yam yone hinye yae belene kabang me enainye baembonde?" ²Belera Yesus fa kending mbaite kaneungekoke meke, naei nolo, u kai-kate meke, ³Na a weumi, "Mai wali eyalosai, na fafa wali mekai komembena, rake fare wali mekai eyeiboinya, Reyae wamale meyae Surgare eyeiboi-eyesi hangga.⁴Hinye nawali ane hannehinde, fafa nekate wanem, bele kiyae neyae surga yone kabam me enainye baende. ⁵Na wanem hinye fafa re yarommile, Rai ro einye yobonnele, bele kiyae nabe me neyae rare yoboukeboke." Bulore Meyae Neyae, Bele A Utaei ⁶Belene, nekenayende, nafoi mbai, bele kiyae na horo ra ruka wonnombe embe buwei wabo kelare ruwenebombe, ruwenonde rowabouke.⁷Rake kani kela himi nebang pende pele pulo walobo na kelai raye yo neneaijea nehi aleaite. Peleyeare hinye yea romiyeare onei kobure mokonde, pele neneaijea nayu moita eng filembonde. ⁸Nawaneng weai oro eye nebang nibira aloungele, nafoi mbai eungefande wowonde haubihinebang, rake wali einye na foi mbai oro bang me bang bea nekeye mba wahena yane pele oro me koboi bang iy einye enai nundenayete.⁹Nawaneng, weai ijoke nebang meaitemo koli beye ereye, nafoi mbai kelei keleu finde ei woyonde. Haubihinebang, rake wali nekeyeare weai ijoko mbai yea nekenete, mba wahena yane iy hayeuboke einye weai ijoko na bee ne enei nundenete."¹⁰Foijea erembe iteayembe, meyea rake fafa felefelere me eibeaijea. Pelene mare wamale, surgana puyo ayo, nayabeai hu beainye meakore erei kanei koijanye. ¹¹[Pelene rokelufa rake kani kelare mei boye, pele ainundebokeyo romiyeare meke peaumi, wali re enaijarondero.](Domba Mbai Nundeubokene Ahuba Aruneuboke)¹²Weai u benere mehae wanem? Obolo obo kaya ro, neai obo nanemene 100 bele nolora mbai nundeuboke, rake obolo obo kayaro naei obo na 99 habelere nukemmile, neyae ende nundeubokere enne baenggondere? ¹³Nawam eke hubayeukoke ne, Reyae wamale rake obolo obo kayaro naei reimai kabam hele rake obo mbai hubayeukoke aerene. ¹⁴Bele ne wanem, mai ataei Surgana Neyea kenare ekoi, rake fa fele-fele enate nebang enai bende.(Romiyae Nebam Mokojate Yo Utaei Umamiyende)¹⁵Wa aka beake nebang eusokoubokene, weyea neai uw pulure eye, na me uw mokoubokere eungeyakalaungele, uw iteai yeungele, pele weungelene, neyea nei huwenembonde na, pelere weyea wa aka beake re euhubayeukokea. ¹⁶Nawaneng weare eboroi, weai uw eye romiyea mbai bee hangga re eumiyoboumi bonde embe, uw itea wennele, pele uw iteai, angg rombai romiyea heleng da waimile a, ahele feahele pelene rayere molate hawate.¹⁷Na pe uw waneng mo, elea hebende, eye yoho yei weimile a uw iteai uwnganyele, erennele yohore meai uwiteai eboroi pele embe hayennele, neare ro hi miyea ehi mere embeambombe.¹⁸Reyea mare a nahele kiyea yea wawale, meyea rake kani kela ranne maka yea ikelei ikelembe, peleme surga enaikilenda nawaneng, rake kani kelarame makayea burealembe kiyea neai mekai surgane enaibularei naimile." ¹⁹Nawaneng, wamale meyea mai nolone romiyea bee hului hangga na kena mbai jea hareneinyele na amori ponete, pele napele hu pele yea meako surgana ekenekeye, mare woore kononggombe. ²⁰Pelene, ambelene romiyea bee, name re eneinyekende Reai Ro bu re hilarabo einye, pele beyea ekale ei ekahawainyele. (Romiyae Ehire Kena Buhae Hemamile)²¹Pelere Petrus, Yesusre a hineunge, Tuhan ra akabeake yea, reare nebang ende mokondebone, reyea neare roko meaheambai mehi bee yeale reyea kaho mee bearembonde, buhea hereungkonde? ²²Yesus yea weunge, "Reyea weare roko meahea mbai mee hine bee waneng Reyea weare pele waneng ewei peleyeare.²³Haubihi nebang pele surga yo yang ekehonoye neai uw mekai yo ondofolo yea neai uw mokoija yeale mee peaiko peakore enaibeangkondere. ²⁴Pele ondofolo mee ei beaikoyoye, hinye neai akala 10.000 talenta honounge kiyea, pele ro ondofolore enne hilennekonde. ²⁵Pele ro, na akala ehileiko earene, Ondofolo yea weammile rake ro, neai miyea fafa, makere nale nanemene ende naite enaihenggonde, pele me uw yea, na akala honoyere enghobembonde.²⁶Rake ro, oro meukoroukoke, na roware a riy rimayeunge weunge, 'Rowa, reare ikai waneng yeite, pele akalau nanemene reyea weare erehilenggonde.' ²⁷Pelera narowa buheare heungekoke, nawaneng na akala honounge pele rowa yea hobeuboke.²⁸Rake ro narowa pukora eiboye eke ro ehi neare roi akalare honounge kiyea ikileuboke, me uw nureijea nurewounge na a weunge, Reai roi akala uw yea uw yea ikawale, weyea nahasale yea yeile!' ²⁹Rake roiakalare mokouboke kiyea, uw are iseungehike, na a riyeunge Reare ikai yeite, reyea weai roi akala mokoubokale pele nenemene weare pereufonde.'³⁰Peleyeare rake ro nakahilire eko kawa einye eunge hileukoke hebenende, na akala huluinye pele heki hebenggonde, rake akala peleyea hobengbonde. ³¹Pelera na uw mokoija ehiyo rake me uw erekatene, nakenare himi re peibuaite, pelene ekate na roware ekoi iteayeainyeboke.³²Pelemoita na rowa rake na uw mokoi napemena kiyeare weunge weyea ro miyea hele bang, weare buhea heukokawale wa akalare ara rawkearea earene hobeubokale. ³³Makane weyea buhea heikoite uw koijeyea, reyea weare buheare heukokale mee?'³⁴Na uw naunge ikele uw, rake ro re ekate kulubore molowainye, pelene uw mekai wakei einye, na akala honoinye re neyea ende hilengkonde. ³⁵Rake me uw mekai, neai mekai Meako surgana ekenekeye mare pele waneng mokonembe na are mai wali einye meyea mai aka beakere kena buhea heibang konembe na."

(He Folowoye Maei Utaei Weubomile) ¹Yesus uteai a woumikoke, belera kulum uke Galileare eiboye, meyae ekandre Yudea kanire Yordan wi refine honoye. ²Belene ro helem miyae helem hakowianyele nawanem ehayo buloyore helem onomi yeuboumi.³Farisi ro miyea mekate Yesusre u malire hubanaiyehindeie na a wanele, "Ro nekate na miyeare enne nennihindere neai nahelere honoye mbelene pomanengkonde?" ⁴Pelera, Yesus yea weumi , "Miyea homefeane ereiboinye, "Allah nenenai jea Na mee yea ro yeale miyea yealere mukouboke,⁵Na aruneoboke, belere kelu fa, kabam u rore emjembonde neako nenakere u pokore enduwende ende miyeare mbainye enei nekende, pelere u mboi wa mbaite enei yembonde?" ⁶Pelene rake ro yeale miyea yealere mee bee u re ebeoihului hokolo bee, na u mbaija inyeibonde. Pelene, makayea Allah neai harueunge boke mboinye poumikoke, pele ro hi miyea hi yea kaye eimoloijea."⁷Peleye Yesus re hinaiyele, makane Musa homoeya mokoibiyoye pele miyea meangge neisiyainye wainyele eye?" ⁸Yesus yea weumi, "pele mai kena elea, u elea ijene Musa mare ehengde wembe, miyeare neisiyangele naihele pele na bee eme ne pelemekoi eyeiboi eyakalaiboi ja. ⁹Reyea mamale iteayeamale, hinye hili meleaunge, miyeare eke neungehike, nawaneng eke pele miyea meangge neai miyeare eukoke, pele uw mekoi wamekoi hilinebang meleau nebang de me bei biyainye."¹⁰Na murid-murid yea wainyele, "Belewaneng, rake ro yeale miyea yealere nafoi mbai hokolo bee mbainye enekeijea." ¹¹Peleyea Yesus yea weumi, "rake utaei watei romieya, "Allah re rokainye, feainye yo yea, nahinggi nei huenemmile ro "hi miyea hi ehiyore pele oneneate handaneate. ¹²Nawaneng ehiyo miyeare kena ekoi, pele neyea nenake na honoyera pele u mekoi jea roweye ehi rong pele ro hi mieya hi yea haleng bea woyainyelene nekeijeye ehi miyea bang mo nekenendere,wawali surga meaite mo be hareungoboke. Hinye rake uteoi, kelembondere, bele naei kenane heuboke.(Yesus Fafa Fele-Fele Yaele)¹³Pelera fafa fele-fele yawaumiboke Yesus re pokore, ebelire de molom mi bondere. Peleyeare murid-murid yea pele rowiyeare a hung bea kolowaimike. ¹⁴Yesus yea weumi, pele fafa rongmiko reai uw pokore mai surga yo yang eke honoye, pele rake fafa fele-fele neai yo yang bea eke honoumi." ¹⁵Pelera Yesus fafare mee hakaumikokera, Neyea pele ijere aloungekoke eiboye.¹⁶Belera, erainyele, ro mbai Yesus re bokore meke a hineunge, "Guru, mekahayea mokorebonde, reyea wali henare ere roukele?" ¹⁷Yesus rake rore weunge, "Mekane weyae foi maeite a Rare hinarae?" Belere na mbai selemo foi honoye. Weyae wali nahele maei are faeukene nekeye mokoye, bele wali hena ekehonote."¹⁸Rake ro Yesus re muenge, "Mbele a kiyae roronge? Yesus yea weunge, "Ro hoi miyea hoi ehoijea, u nebam emokoijea, mee ne u ne ebeaijea ame kareboi a ehuwei eyelei jea, ¹⁹ako nakere eremile faeumile, nawam wa romiyae mbai te wame u re foi mokanea waneng, pele mekoi jea wa foi mokoumiyende."²⁰Rake ro hokolo Yesus re weunge, pele nanemene reyea mokalemo mkayea reyea ei mokoi boi kaye?" ²¹Yesus yea weunge, weyea nahelere yeubondere, eye weai makayea nekete naite euheukonde, nawaneng me bang u bang yo kalone nekeijate yore weye eya waheunile, pelera heleng buleng weyea surga ne eu hubayeukonde nawaneng, weyea mei rerea hakoitebonde." ²²Rake ro hokolo Yesus neai a yakalangekoke ra, belera aloungkoke na kena nebam bae oro molouboke eiboye.²³Yesus na murid-murid weumi, reyea mare nahele a yea wawale. Romieya roboni rela yeale kuyea,pele romieya surga re eneyeibonde konayende am ma. ²⁴Nawaneng mare wamale, eleisiy kending pulure obo mandu yeale mo nahinggi pelere enensinde, peleyeare roboni rela mo romiyeare surga yore peleyore neyea eyeisi hangga.²⁵Na murid-murid rake a porawainyere, faaka yea poibanye, na amuainyele, pelewanengna, neai hesele hinyeyea walire nou enenghenggonde?" ²⁶Yesus na murid-murid re ereumi weumi, Romieya hinye yea horo rake elalere, neyea kabenainyele,"peleyeare Allah ijene nanemene nakaye raye einye na mee yea engkolonde hononate." ²⁷Pelere Petrus yea, Yesus re weunge,Meyea nanemene nukewande nayewande, makande weaire nakayeukoke mande, peleyearepele moita maka yea meyea ema roumale?²⁸Yesus Na murid-murid re weume, "Reyea mare ahele feau heleya wamale meyea reare hakai keboke, yo eme yang eme ne ro fa miyea fa na yo anggeng ranne ennuwembonde, meyea meaimekai mee bee me ehine bee anggeng nekeire meyea ennuweng kombe pelene meyea nawali meai mehining uw hining de kolomile.²⁹Hinye reai aerene, reai kenane, na imea obe,na yoho yonggo, na aka beake, menake neakoe, nakelu omina heke anukewoye hayewoye meke reare hakou ke boke, pele kiyeare neare heleng buleng raka-raka yea hayerende kolorende, nawaneng wali hena einye nekenende. ³⁰Peleyeare, heleng mee re na pemere amibeaiboke yo peleyo moinye enai balenate. Nawanena moinya yo peleyo yea heare mee napehelere enai beaneaimobonde.

(Anggur Heketene Mokate Yone Ahuba Aruneuboke) ¹Surga eke honoye, bele ro mbaijae heke re eumokouboke waneng na rene ya aloikiyounge eye,neai pele herere mokonatere yo re eye yoboibiyoume mate. ²Pele heke mokoiyo yeale, namene buhea meai a, kombu woyate, pelera aite pele hekene eimokate.³Ya hu name huluinye, alongekoke eke, hambung de heaite anuwau ne kalya bang yo pelene ereumi na holone hebate. ⁴Pelere pele yore weumi, "meyea embe reai hekere, pele ne reyea makayea mare itembe, Na ukeumira, borainyeboke ekate.⁵Na u mekai wneng, hu ijoko meahea mbai mee ehine mba jeale pele me waneng hu joko meahea mbai mee ehine keli yeale eke rake u mekai waneng a eke ukeumi. ⁶Pelera hu ikai meke mee bee mee ehine mbai yeale ne, eke reumi ehiyo hebete re weumi, makane rake ya koko waneng,meyea haubihi waneng de emokoi boi nekaube. ⁷Rake yo yea wainyele, meyea nekande,meare ehiyea e yoboi boi kalaya waneng de mokomabonde re,pelene naheke rowa yea weumi, weyea ebu reai hekene engmoko.'⁸Pelera hu akouboke, ya bee re neke hene, rake heke role Na abu akore weunge, weyea eye pele reai heke ekai mokate yore kaneumile menate, pele yo namemene na mokaikoke huluinye Na roi ninggi euminyende, nawaheikoi uw,eye na omihungda mende na peme kiyeane.' ⁹Ka hu me be me ehine mbai jale mekate mokaikoke yore Na roi ninggi embemba mo hubayaikoke. ¹⁰Na be eme ukeumi makoikoke yo, Na uw benera nekeumi meyea roi ninggi kabang yaromakonde, beleyeare, pele yo nanemene roi ninggi mbemba mo hubayewate.¹¹Roi ninggi nahanggare hubawalene, aku houbate a yae heke rore weubanyele. ¹²Heke rolere wainya, moita makate yo yeale, neyea hu joko mbai mo mokaikote, mekane peleyo yeale meaijale nahangga mbai yarowande meyea releitelei, ya naunge ne houmekoke yea.'¹³Peleyeare, na ro mbai te, rake heke role yea weumi, ra aka beake, 'eai afaeu kombure isandeboke huluinye ikamale, meyea meahea u beneyea reare me beaukeboke? ¹⁴Weai roibure rukete niyea rowei, nawaneng nahibiyea aloinyeko peleyeare, mai moita maimokoukoke yo re, peleyore mare ikamale hului itemile.¹⁵Makane meyea reare nahelere mee e beai boi hangga.Mare reai mokoubokale hareungebokale,pele reai hambung reai ha,hi bang? ¹⁶Pelene,moi hung mende na be emere yembonde nawaneng na be eme.Ende moi hung de engyembonde.(Yesus Roko Benem Kaye Herende Maei Weubomile)¹⁷Yesus Yerusalem de endere,Na moita hakoinyoboke yo,kaye re uw yaiweu miboke nibine meibate.Nibi nolone na a weumi, ¹⁸"Ereng eyea rake Yerusalem de be haranneboke mande pelene,role fa yo yang yu nawaneng musare homo feare henai boke yo bene,nenainyele,pelene hilenainyele enai honai bonde. ¹⁹Pelera, yohi yang hi ro myeare enai nenainyele,pelene a ne feau ne hirenainyele, kulubo molonainyele nawaneng enate neare ohaline enaipongkonde peleyeare nawaneng ya ne neyea walembonde.(Zebedeus Nenake A Riyewounge)²⁰Pelera Zebedeus re miyea na fafa yeale makate Yesus bee iseanyehike na a rianyele. ²¹Yesus yea hineumi?Mai kena maka yea kau be?Fafa nenake yea weunge,reai fafa bee weumi le weai yo yangne anggeng nekeijeale eneiyembonde,mbai weungele weai meunge re neukende,mbai weai melire nekende."²²Yesus neai a weumi, makayea meyea riyaube, pele miyea foi eiteaiboija.Miyea rake bu koleai na anerehindere,meyea nahinggi anensimbea, peleyea Yesus re wainye, nahinggi yea. ²³Yesus yea weumi,"Miyea nahinggi reai koleaina bu anengsimbe peleyeare,anggeng nungboi ra meube ra melire pelere reyea ahokoi hangga, pele meako yea naro miyea yealere mokonghake,henengmile eneinekende." ²⁴Na ro ehi yo mee be na yaeumiboke yo, rake a porowatere,a ikele yea rake aka beake bee yarewaime.²⁵Yesus kaneumikoke na a weumi,miyea ma iteai,pe yu pe ye bea rake kani kela ranne neyea peleyo kelene nekeijate,boroijate. ²⁶Neai nahalere, meyea pele u mekai wa mekai, mai waline ebei eyakalai jea mnye neare ro re ronainyele, pele kiyea are nihennehinde nawali abure akore me eiyembonde,uw mokoi te nekenende. ²⁷Nawaneng mai nolona u kaikaina mnye pe re ronainyele pelekiyea ukembonde uw ane hannehinde, ²⁸pele me u waneng,role fa make,pele neare ei hawenanyele re bang neyea ro myeare eite hawenemilere,nawaneng nawali romiyea heleng de u ra engbulembonde.(Ro Bee Ijoko Kumba Onomi Ikeumile)²⁹Pelera Yerikho yo yang yora moi buleboke eiboye, ro heleng myea heleng neai maita hakainye koke meibuate. ³⁰Nibi enene ro be joko bang kumba yea neukeumi porowoinye Yesus meiboye re, na a poinyele weinyele.Yei Tuhan"daudre kelu meare buhea ba heimeko! ³¹Pelena ro heleng miyea heleng a hung bea kolowaimle, kumba robere waimi kokore inyeibonde, peleyeare rake ro kumba bee pele a waimilere eboroi, hokolo ijoko bang bee a elea yea Yesus keneinyele Tuhan"Daud re kelu" Meare buhea ba heimoko!"³²Pelene Yesus meke rake ro kumba bee re,"hineumi"mai kena makare koube reyea mare nou henengkombe?" ³³Rake ro ijoko bang bee nyeale weinye"Tuhan, meai kenare konde,meaijoko foi mokoimebo meyea ijokore nahinggi erele." ³⁴Yesus nakena kaara heungoboke, Buheare heimikoke, pelera role bee ijoko bang de me nou uw nou heumikoke, na pele hu na pele ya na yoko foi nubayeukote, nahinggire erewote,pelera,hokolo bee Yesus re moi homore hakainyoboke eibate.

(Ondofolore Weaisiyainyele Me,Yesusre Weinyehike) ¹Pelehe Yerusalem de nobewainye, mekate Betfage, Zaitun mokone Yesus neai murid beere ukeumi enetere; ²Na weumi ebu ma be na yo ekehonoyere, pelene obowedu yeale mbai ha yea ikelainyekoke, Na fa yeale ekei hebate ebe na ha ikelainyekoke eburealebobe, pele obo be wendu nyeale yawemibobe reai pukore mabe. ³Ro miyea mare a hinenayebe na mai a wemunile, Tuhan bea ukeumi pelene mekende yawami boke, pele kieya mare myembe rake obo wande yealere."⁴Rake uw mekai,nabi yea are hamainyekoke weneng pelena raye kaye einye ennuwendere: ⁵Sion na meanggere embe a ponehimbe, erende, nondofolo neai pukore mende,kena uw ane hannehinde, obo wandu yeale mokoranne nuwembonde menete obo wendu yeale ha hokolo yeale, na hambung de keammele menete.⁶Neai ukeumi waneng, pele mekai na murid-murid harainyeboke mokai boke. ⁷Pele obo be wendu yeale yawaimboke mmekate, na uw mokorande uw malo yea paikoke, pelera Yesus yeu uleu foke yeuke teke na moko ranne eu nuweuboke. ⁸Pele ro heleng myea heleng ehiholo neai uw malo, uw malo, uw nibine peibuate ehi holo o fea ha fea, akau beale uw nibi hereayaimeke.⁹Ro heleng miyea heleng neai be ra aloinyekoke yona waneng neai moi homo na yo, na a keneumi ate, yakalai miyate. Nibi a wenneni, Daud neai kelure hubaro mando mereyeale kiyea. ¹⁰Yesus mei, Yerusalem yone aruleufike, pelene nino yea heuboye, na a ninate pele hinye yea koimiyainyele. ¹¹Pelene ro heleng myea heleng bea waimi, Neyea Nabi Yesus, Nazaret re, Galilea na ro.(Yesus Na Imae Ralo Imae Onomi Mokoungeboke)¹²Yesus meke yo ralo yo imea Allah re pee imea einye, meke hukewoumi pelena yo hambung nai heibatere here poibuoumi, nawaneng na roi ninggire kolowate anuwan peipei peiboumi, nawaneng aye naite heibuate yo na anggeng nekei kulubore mongbuomi. ¹³Yesus yea neai a weumi,homone molaukoke, Reai imea obe pele onggo anuwau, pelene ebeli kalire a honoijainye, peleyeare meyea mokaungeboke yoko peaipeai te anuwau ke honoijembe. ¹⁴Nawaneng ijoko kumba, oro bang me bang, rake Allah re mea obene mate, Na neneai foi onomire mokoumi, yaroijate.¹⁵Napele waneng be yu beyebea yo,nawaneng Musa re homofeare henaiboke yo na yoko erewaimi Yesus emehare mokowoumi beibuate yakalawate, pelene fafa hokolo ei mongbuainye na a keainyele Daud re kelu fa nibi weannehi, rake a porowate, pele yo ikele a yea yarewaimi. ¹⁶Pelera Yesus re mnainye, pele fafa neai a kenaimiyate, weyea poramea? Yesus yea weumi, borameale yea, meyea homofea na a molaikoke eroikonye? Wayeau ka nawaneng fafa nimene meaijate hokolo weyea mokoungehakea, weai puma pumare heaneayetere kolbe. ¹⁷Pelera Yesus nukeumiboke, oro molouboke eukuke pele yo ra eiboye Betania yone huwe joku eke hongboye.(Yesus Na Onehenggo Keleumiboke)¹⁸Rene ya, Yesus peufoke pele yo kabang de, neai u moni hubawounge. ¹⁹Meiboye nibi enene o no mbai hebeye. Eke pele o no ijene haubihi mbai jea hononde waneng u mo, na no kelene fea mo honounge pelera Na a pele nore weunge, weyea nebewende, neai mekai ba ani bang de hebewende. Na a ukeungera, na pele hu pele ya pele o no uke kalaukoke.²⁰Na murid-murid pele ereketere, fakaa re poibuate, neneai hinate pele o no meahea mekai ba, nahibi yea klaukoke?" ²¹Pelene Yesus yea weumi, reyea mare ahele yea wamale, mbai wali einye mbai hila rabo nahele helembe, nawaneng makena kehi wahire ekoi, pele o no kelaukoke mo bang, meyea meneai nahinggi hemunggeare a yea mo wennele. Pelera raweubonde, eye bu wei nolone euruweibonde pele wenang nahinggi pende yakalande. ²²Nawaneng mbai hambung de embu hubayenggombe endowembe."(Yahudi Falem-Falem Yesus Mokowoyere Ame Yae Elewate )²³Pelera, Yesus neakore yo ralo yo imea einye, pelene yo yung yo yebea yahudi yo re raimile neai pukore mekate, a hinainye, weyea rake me uw mokoyea, peaite yakala te, mbelena eleayea rouke mokoyea. ²⁴Yesus yea weumi, reai a hinerengsimbe meyea reare wo yeale pelera reyea mare yakalerem bombe, reyea myere elea randa mokale peaite yakalate.²⁵Yohanes bure koloumi pele mbera? Surga meaita, mba ro miyea ehi meaita? Pele a mneumehikera, neneaijea uw bene hayate elate, Eyea surga meaita uw mande, neyea eare wemmele pelewaneng na, meyea makane Yohanes re eroboi, ehakoiboi? ²⁶Nawaneng eyea ro miyea meaita uw mande, rake roheleng myea heleng Yohanes re, nabi yea me beaneainyebonde. ²⁷Yesus re wainyele, meyea meaiteai bang. Pelene Yesus yea weumi, pele waneng na, reyea mare ei yakalai, Reyea rake elea wake mokale beaite yakalate re.(Ahuba Fafa Bee Maei Une Aruneuboke)²⁸Rake uw mekai te mai uw benere maakea nekembe? Ro mbai neai kelu fafa bee, meke na kelu pe nare weunge, kelu, weyea mana ya eye hekere eumokonde.' ²⁹Na kelu pena ki yea, neakore ehere mo koukoke, peleyeare neyea nekere ei nekewoye. ³⁰Peleramo, neako eke nakelu bee neng na re na a mbai pena kelu re ukeunge waneng, peleyeare, na kelu beneng na kiyea pe heleng koukokera, moi ta mehi eungefake, pelera oromolouboke hakere eke mokowoye.³¹Rake ro nakelu wa bee, hinye yea naekore a boroungeboke nawaneng neakore yene eumokouboke? Peleyo yea wainye Na kelu fa moinya kiyea. Yesus Na a weumi, reyea mare na ahelere wamale, pele roi ninggi re roboija te yo yeale, nawaneng uw nebang wa nebang de mokoijate yo, peleyo na pehele surga yo yang de anate meyea moinye pelenggombe. ³²Pelewaneng Yohanes mai pukore waliyea kelewombe pelere meyea ehakoiboi peleyeare roi munggire yobai teyo nawaneng uw nebang wanebang de mokate yo, ekai poranyeboke, bakanyeboke. Nawaneng meyea meneai erekaube peleyea mehire meyea eifoloi ekaube moi iteayeau bokera pelera meyea ahele yea elaube."(Hekero Yaele Roijae Mokate Yo Yaele Ahuba Aruneuboke)³³Wali poikoi nameikoi uw meai a borombo. Ro mbai heke eumokouboke nawaneng ele neuboke, pelene kee ramei meai kang neuboke. Pelera ro miyea ehire ikeumi ekaimo wate kaya hebewate. ³⁴Bele hekene ohaka nime meke neke, heke role na uw mokoite ukeunge eke pele hekere mokowateyore pele ohaka muneneaijale yaronate.³⁵Peleyeare, rake hekere mokowate, na uw mokoiyore, haubea hoibuaiun, na uw mokoi mbai hoiboi haibokate, nawaneng ehiyore rukayea hayewaimi. ³⁶Bee neng, rake heke role na uw mokoi roko bee neng ukeumi enatere, nawaneng heleng holo waneng meahumikoke etake, nawaneng rake heko yo yea Na me uw wenang roukaimile. ³⁷Namoi hung rake heke role, nakelure ukeunge, Na a weunge weyea eye, weare rokonayete, feanayete.³⁸Rake heke yo, nakelure elekainyele, neneai a elate. Eyea nakelure hamabonde, pelera neai ruu kangge neako yea mokoungehake honounge eyea nukunahinde eaite yembonde. ³⁹Pelera heke role nakelure ikelaiboke, heke ele moinye kainyehike nawaneng pelene aihouboke.⁴⁰Pelene, rake heke role neneai uw yea meke, neyea meahea uw mekaijea herembonde rake yore mokommibonde? ⁴¹Bele yo yea wainyele, pele heke role engsonggonde pele yo nebang de mokoiboke yore, pelera hekoye ehi yo holore yemmi le pele hekene mokanate, nawaneng pele heke ani hene enai maluwende pele heke yo neaijeale re weumile enai maluwende."⁴²Yesus yea a weumi, meyea homo fea yolo ne eraikoinye, ruka mehing de hasiyainye kiyea, pele imea obere mokaite yo yea kainyekike, pele ruka mbai mana one hining me hangga re youboke hononende. Rake Tuhan neai neneaijea hameungekoke hononendere?⁴³Pelene mare wamale, Allah neai yo yang pele mai uw ra rawembonde rowende romieya nawaline wali ani foi ekai hokaite yore ende yemmile. ⁴⁴Nawaneng hinye pele ruka rangne engnalenggonde pelene ende morire kamaite embende, nawaneng monye pele ruka yea enghinem bonde pele ruka kelene nuhu nahure bende.⁴⁵Yesus rake a mekai harewounge, rake peyu peyelea nawaneng Farisi romyea porowatere neai uw nei jea huwewate, Na a elate,rake a eare yea weumi. ⁴⁶Peleyeare nou heubuate Yesus ikeleneibondere, neyea fee yea hubawainye, ro heleng myea heleng Yesus re erewainye nawaneng neare nabi yea me peainye boke.

(Hamam Bulauke Homo Hayewoye Ahuba Aruneuboke) ¹Pele yo re Yesus a weumi, hambung peaite yakalate ijene pelera na a bareunge iteayeumi, ²Surga yo eke honounge pele na uw mekai, ondofolo mbai neai kelu re miyea roukeunge buheteiboi wokounge waneng eungemokouboke mekai. ³Pelera neai abu akhore ukeumi, na a yeng de haumihike yo re kanewaimi bu hete haufikere, peleyea peleyo emei.⁴Pelera, ondofolo na abu ako ehi yore pele ro miyea yeng otere kolameale yore mai a weng mile. Mai membe anembere nanemene mokounge hakahele, obo muku, foi kabang yo yeale mai memanembere manemene nimboi yeai boke, meyea membe aneite mo amembere meyea mem reai kelu miyea roukere yane anemealere.⁵Rake ondofolo na nyeng ote haufikere, moijea pulewai eibuate ehiyo hekere eibuate, ⁶ehi neai nulau makoite ekate ehi holoyo,makate na abu ako ikelaikoke, ekai haikoke. ⁷Rake ondofolo kena haneuboke, neai uw kaya yo yang kayare hebate yore ukeumi, ekaite pele na abu akore haikokate yore ekate naromiyere na yo yang beale, haikoke, iyea wokaimile.⁸Belera, na abu akore weumi, Reai kelu miyea rouke bu hatere makoungehakanele yore, erameale manemene emeimoya. ⁹Belene meyea eme, u nibi kabang eke honoye nibine, belene ro heleng miyea heleng yobongmike, rakelu miyea rouke ya na bu hamande anemale re.' ¹⁰Belera na abu ako ekate ro heleng miyae heleng nibine hubayate yobowoimi foi te mokaite yo, nebang de mokaite yo nanemene hokoumeke, ondofolo na kelu miyea roukeunge yane meameere meukouko ke.¹¹Pelene rake ondofolo, eweufike ereumi, pele noloni ro mbai neai uw malo foi emokoisai meke nuewboke pele buhate ya ne. ¹²Na a weunge, akobea rake ya bu heteungekokalene, weyea meahea mekai pele uw malo waneng bea meuwefike.¹³Belera na abu akore weumi, name oro ha yea awennoko nawaneng embe kannehimbe moi bonde ende,ougeng nolore belene rume a rimende, iteha kilire enneayende.' ¹⁴Na are heleng helere kanenaimile, beleyeare na name hele yobomibonde."(Yahudi Falem-Falem Kelai Nekate Yesusre Honaibondere)¹⁵Farisi romiyea ekairiyeaa arileufike, mokainyehake, Yesus neai a eleyerakeme nenanyebondere. ¹⁶Farisi romiyea neiai keleimile yo re ukaimi Yeusus bokore, Herodian na role riya yeale. Ekate Yesus re wainye, meyea meteai weyea kareboite ewabei nawaneng Allah re ako feauko ahelere keleame romieya pele ijene hakate nawaneng weyea fee re efeai, nabeme pe jokore eyerei. ¹⁷Pele waneng na weyea meare weime, kaisar ne roi ninggi yeannele bele embele kainye nahelere me beaneai bonde.¹⁸Yesus rake Farisi romiyea na nebam kelai hareainyele re, iteayeuboke belene weumi, meyea ro hele miyea hele bang wamale. ¹⁹Ma roi ninggi mokaube, reare kelengdobo. Belene pele roi ninggi Yesus re makate na me ne ikainyele.²⁰Pelera weumi, rake roi hinye uw nulu mnyere ro homoyea molaukoke peleyea wainye?" ²¹Pele kaisar uw nulu yea na ro homo yeale molaikoke Yesus yea weumi, pelewenang na, kaisar neai te yeaiboke kiyea meyea kaisar re kolongnele, nabemekei, Allah neaite yeaiboke kiyea pele Allah re kolong nele. ²²Yesus rake a ukeumire, Farisi ro myea faakare pou bate, pelera here poiboumi eibuale.(Saduki Romiyae Yesusre Kilenaibonde Nibi Baeubate)²³Na ya mbai Saduki ro myea, neai a feau elate, herenate yo pele ewaleiboi makate Yesus re na a mnainye. ²⁴Saduki romiyea yea wainyele, Ro enserende na miyea nukenembonde fa pele ro moloro ehonoi, neai uw bakeyea pele miyea rowende nekenete fa ensononde neai yoho yonggore noro mere nekenayende.²⁵Mana meyea nanemene meahea mbai me ehine be aka beakere nekande Na pe na kiyea myea rouke peleyeare hekere, pele miyea nauwgake re nukeumiboke. ²⁶Name uw waneng beneng na name neng na meke meahea mbai me ehine be yea kiyea ne. ²⁷Meke na heainye nanemene aihereiboke, rake miyea neaijale hereke. ²⁸Wali ya mengsembonde peleya ne walenaibonde,rake mieya hinye yea neai ro molore enjembonde rake meaheamboi me hine be aka beake? Rake aka beake nanemene neyea neai ro molore nekeukoke."²⁹Yesus neai a weumi, "Meyea wali nibire oneaukoke yo, nawaneng Allah re na puma kabang nawaneng na homo yolo yolore ei iteaiboijo. ³⁰Waleiboi yane, pele yene miyea yaroi, rore nekenate re pele yone pele me uw waneng eyeiboi, nanemene surga na na puyo ayo ekai nekeijate yo yeale na hangga mboi enai nekende.³¹Nawaneng aihearai boke yo, enai walenaibonde meai, meyea homo tea yolo yolone makane eroikoi, Allah neai A mare iteayembokombe, ³²neyea hereauboke yo ro meai Allah bang, neyea ro meyea wali yeumi Allah. ³³Rake ro heleng miyea heleng Yesus neai a iteayewoiumire, fakayea poi buate neai kena u neija huwewaimile.(Me Hukum Mbele Na Kabam Hele?)³⁴Saduki ro miyeare Yesus mokoumiboke a bang yeaiboke re Farisi ro mieya arileufike mboinye, a merau hanye hike. ³⁵Pelera role mboi Musa re homo fea re heanau boke, kiyea, meke Yesus uw wali hubannehinde re, na a hinuenge. ³⁶Musa re homo fea ne nekaite, mbele a yea neai napemere eremande mokomande?"³⁷Yesus yea rake role re weunge, weai Tuhan weai Allah re wakena uw nenamene hele, weyea buhea heungele. ³⁸Rake a na kabang hele nawaneng na pemere yeuboke.³⁹A bee neng wa be me, Weyea wa ro mboi miyea mboi te kena buheaya kowende heumi wende, wa uw re mokanea waneng. ⁴⁰Rake A be heteungekoke einye, Musa re a moloukoke nawaneng nabi-nabi ehiyo yea ike hayewate homo fea einye pele nanemene rake a bee einye aka paikoke.(Mesias Hinyere Kelu)⁴¹Farisi ro miyea arileufike nekewate, pelene Yesus yea hineumi, ⁴²Meyea Kristus re miyea yea ro raungele? Hinyere kelu fa? Pele yo yea wainye, "Daud re kelu fa".⁴³Yesus yea weumi, peleweneng na, Daud nehalo yea, neai ro wa yea ro kaneunge, ⁴⁴Tuhan reai rowa re weunge, reai meungene meinunbo, reyea weai yokeijo nanemene weai oro kelene enai hebende.⁴⁵Kristus re, Daud Yea neai rowa kanennele, pelewaneng na meahea yea neyea Daud re kelu fa yea uwnganyele? ⁴⁶Yesus neai a elewoyere, ehiye mbai are eleikoi hebeute. Pelehera pele yo Yesus re feainyeboke emyea a nineite mnenainyehindere kabewainyele.

(Taurat Falem-Falemre Yesus A Elae Hele Yarewoumile) ¹Yesus ro miyae hele re, namekai na murid-murid auwiteai weumi, ²Tauratre henaiboke yo namekai Farisi na romuyea, ekate Musare anggeng nekei rangre ainuweukoke. ³Belene, neyek mare makayeh uwugayembe kiyek, embe mokombe namekai foijek erengne kombe, peleyeare meuwre meyek ehakai eimokojek. Bele neyek are mo yek elate, me au re neyek eimokoija.⁴Eheyekle hambung peleyo neneiajek eikeai, pele romiyea re waboinile napaka rangne hayainile. Peleyeare neyea neneai keaiboite eikeaiboi, nameka name kala kalayer ebi mokoibang. ⁵Na me au makote, pele romiyea ijokore erenaimilere uw malo hambayam meai ha to a in henamekai neai uw malo hubare parai kabang de pakate.⁶Royeate anuke na kenambai koijate, pelere aite na bene hele roibiyate, pele imea obe kabang kabangne, ⁷a melai a eipaimile anuwau kabang kabang neare rabi yea eitaimile.⁸Peleyeare mare Rabiyea eikaneijea, haubininebang pele mai kulure nembaimo, meyek nanemene nabe uw mbaija. ⁹Rake kami kalene, mare akore eikaneija, meyea nekaube mai ako embaimo, Neaye Surga yoyangne nekeijeya. ¹⁰Namekai be yu falengde meyea aibeija, mai beyu berenembona ro nele Kristus nembai.¹¹Namekai, mai nolo uwikaina minye kabangde kanaungele pele kiyea inseni hinde mai uw mokoite nekende. ¹²Hinye neai uw puma kaenende, neare onai rubonnoinyebonde namekai, honye are haninehinde wali nekenende, pelekiyea pumane anaihanayehinde.¹³Taurat homo henauboke namekai meyea Farisi romiyea mai meneai kabeaukoke ya meyea Surga roman ekau aheukoke, romiyea meai bene peleyeare meyea pelere meneai airuleisiy huluija. ¹⁴Taurat homore henauboke namekai meyea Farisi romiyea wali meneai koijaube, pelene aube mai ebeli pouyaube mahaube hikere yobange moloube. ¹⁵Taurat homore henauboke nawaneng meyek Farisi, romiyea niyea bang romiyea, mai wali menei jea kabeaukokeya meyea bu ro yauka peaijaube, aube rombai yawaungele meyemai pukone kelaungele, neyea hena henare peye, pelera mokoibiyaungele aibe eitaisire koijeye, mai wali nebangda moi hayeukoke, neyea kabang de releunge.¹⁶Meyea beyu beyebea kumbayo, mai elaube, 'hinye Allah imeaobe are remo relennele, pele haubihire ahubaikoi peleyeare, wamle, Allah neai imea ei obe einye hambung foi ekainekatere relennele, neyea nayueng filembonde.' ¹⁷Meyea kobuyo, kumbare nekembeyo. Embele neaihele pele hambung foi honate kiyea, namekai Allah neai imea obe pele hambang nole anggore moloyere?¹⁸nemakai hinye mazbare aerene relennekonde, pele haubihire eyeiboi. Peleyeare hinye mazbah na akauha ekai honatere eungereeleungekoke, pele neyea na yure en filembonde. ¹⁹Meyek ijoko kumba romiyea embele meyea kabang de eraunge pele me akau hayatere namekai pele mazbahre, neai onimire haweunge kiyea?²⁰Pelene hinye mazbahre eaine relennele. Pele neyea naimaika neyea mazbah rangne honotere yeale relennele. ²¹Hinye Allah neai imea obere aerene relen nele, pele neyek neai pele mea obe einye nekeyere yeale relennele. ²²Hinye Surga aerene enne relenenggonde, namekai, Allah neai nekeye puma puma, pelere yeale enne relenenggonde .²³Meyea wali kabengkombeyo, Taurat re henan bokeyo na mekai meyek Farisi romiyea hareaungele yaraube kolaube peleyaere meyea neai ehe yeale kiyeare alei alei aleaungele pele, ahele meai, buhea hei sei mea nawameng mai hilarabo. rake kaye rongde, meyea neai helere mokom bombe, nemekai hambung ehi foi meai pelere eileikoi. ²⁴Meyek beyu beyebea kumba mo. henggeandere nukuaube namekoi untare hunaube.²⁵Meyek wali engkabengobe yo nawanang meyek Farisi romiyek wali mekai bang romiye, meyea mai koleai hte, pele na moite mo fanyaube hukaibe, peleyeare nei einye humbang be eleayea ekau mukewaube pele meamea konggo kombe. ²⁶Meyea Farisi rimiyea kumba yo, pele kolea, hote na ei pohi napemeyea hukembombe pelera namoi pohinafoi yakalam bonde.²⁷Meyek wali kaben nenggombeyo, Taurat homore henaubokeyo mamekai Farisi romiyea wali mekai nebang yo mai wali pele pule au keleu hobei biale koi hele honoye erate pele me waneng, pele yeare, pele pule einye romiyea aihereu boke yo meai bo yea hereayeri boke ekai honate nawaneng nakombu yeale ekai honate. ²⁸Meyea hel waneng, romiyea moita erayembem meyea romiyea wali nahalere makote nekate waneng. Peleyeare mai kena um einye meyea nebangde mokau be yo.²⁹Meyek wali kabeaukokeyo, Taurat homore henauboke yo namekai Farisi romiyea nekaube, ro hele miye helebang yo! Meyea nabi meai meai pelere heubaumile namekai homo raka rakare, ³⁰Ika hayewaube, peleme romiyea foi jo meaite mokawaumile mai a elaube, pele he meambele nekandeke wameng, meyea iubu rileubokere nabi nabi meai okiyre pelene membele bang. ³¹Pelera meneai yakala haukoke, meyea mai uw pele Nebire neai nahelere meke yeuboke.³²Plene mana mai yobe yobe neai hului kolaimeke rakene meke neai nehelere meke yueboke. ³³Meyea ehakai renayeale noro mena, meahea mekai jea meyea buhenggombe, pele mare uine enai hayaneyambere.³⁴Pelene meyea erembe, reyra nabi nabire hayeremile, nawanang mai aure enate, pelene meyea uw koi, obe kabang kbang ne kommile, kulubore malongmile neai moi hungde reyanke romile, ³⁵Rake romiyea meai, neai okiy, kani kelarangne wonaibonde peleyeare mengbensonde weai uwre mende, na pe eme habel okiy ra, mende Zakharia nakelu berekhya re okuy meyea hoiboite hauboke Allah neai obe, Neai wakungne. ³⁶Mare aheleyea wamale Rake nanemene penate yakalanate mende rake hokolo mai wetikene.³⁷" Hoibaube rukayea hayewaumile, peleyo mai uw pukore reye hareungbokale, ojonake miyea na kalu kelu noro bai kelene nekate waneng, peleyeare meyea kena re ekoi. ³⁸Erei, weai imea abe nukayeubokayete nawaneng olo halore honote. ³⁹Reyea mare wamale, rake hera meyae nekemembe. Reare erei boi bang, pele moita mehi folombe, mai a elembe kolo kolore meameare, 'Tuhan re Ro eianye mende.'''

(Huba Mokoimaei Ahuba Yesus Huboumile) ¹Yesus, Allah re yo imea ralo imea ra meukuke alaoungokoke Na murid mekate Yesusre yo imea ralo imeai hebeyere keleinai nyembondere. ²Nawaneng pelere Yesus reare hinere hineumi, Rake yakalai beoke honatere meyea ijoko ereiboi? Reyea mare na aheleyea, rake ijene ruka mbai ruka ehiyeelere ane rangne ehonoi einekei pele oroiboi orombonde ne.( Yesus Honaibone A Nayobolo Yakalawoumi) ³Yesus neke Zaitun mokone eunuweuboke, Na murid murid nemeai, pele haubihi penate yakalanate hambung hambung namekai weai ya meai me yakala, yakalaimedo. ⁴Yesus yea weumi, Meyea wali foijea ijoko erembe, naikai ro hi miyea wali keme malonaye, be yeale. ⁵Pelene meyea erembe borombe, romiyea heleng menate Reai Ro yea henate, elenate, Reayea Kristus namekai ro heleng miyea heleng kobure, oneire kemene molonaimile.⁶Fela uwnganyerinde konate meyea borombe, namekai a yoyo fela roronatere pele neai me engborombombe peleyeare Reai ya pelere namemang. ⁷Nawaneng yo yang ehi, ehiyoyang romiyea yaele neaite meaite earene kabulente nawaneng moni mai romiyea re negmile konate, namekai onyei kani kelare hinende akonde. ⁸Rake namemene pele miyea fa re enghondere releikiyounge waneng.⁹Pelera, neyea, weare enai nenayete, me ya uw yaya kanayete namekai hoibote enai honayeubonde, nawaneng nebang mee re reai Ro earene eani beanayete. ¹⁰Pele ya ne, romiyea heleng enai nalenaimile balenayende na waneng, uw nei, wa nei nenaiyenayembe, na meaki me kena uw kena neai meaite roronate. ¹¹Nabi heleng menai yakalanate , romiyeare keme roro naimate.¹²Pele yane eibee eltaisiy kabang de harenainyele, namekai Buhea heisei meai nuku me bende hononde. ¹³Peleyeare, romiyea hinye nahele einye elea hebenggonde kiyea neare wali nou eneinyehenggonde. ¹⁴Nawaneng, Allahre Injil enai huwenaimile yakalanaimile kani kela einye, pele niyea uw iteaite rowembe, neai mendere ya uke nobeungekoke.(Ehee Kabam Hele Kaembonde Namekai U Wabei Helem Yakalaibonde) ¹⁵Pelene meyea emmerembe pele nebang yore, Nabi Daniel neai eleukoke waneng, anuwau yolo yolo ijera, pelene meyea homore roijaube yo meyea foijea nei huwanembe. ¹⁶Yudea na yonekate, meyea wela hebealemembe amoko amoko a rang dan ne ¹⁷Hinye imea moko moko yurangne ike, neyea are akouboite el akoi jea, ma hambung imea eunyare. ¹⁸Hekere eka waneng, ei beijea eimeijea weai uw malo roweite.¹⁹Meyea uw yeale, emalere nekaube nawaneng wayeu numene meayembe miyea, pele ya mendene, meyea embe kabengnele. ²⁰Uw rabo heleye, webwli poye, weai eu feaubonde yone, ya ralo yea hebenate ya ne, alu bang nawaneng Sabat ya pele yane eibeijea. ²¹Pelera, wali ya mende, wali kabeitte kabang kabenenbe na pe eule waline wanembang, pele rake kani kela yeubode ra meke rake hene, nawaneng nanemene uw ku seaite no re yeate pele nanemene wali bang. ²²Nawaneng pele ya mende, hekire yombondenem pelene walire mbai eneikei hului beleyeare, romiyea neai elei eleukokere, neai ya fokom de mekongnele²³belene, mare enai uwngayembe, Ereng Kristus Neai uw rakene Neyea rakene ya. Meyea pelere eboroi elhakaoijea. ²⁴Nawaneng Kristus re me uw meaki, n'a nabi nabi hele waneng menate wabenaiyembe, me yakala uw yakala mehi mehire mokonahere, bakene romiyea heleng enaipalende nawaneng hakoinate, romiyea ehiyo neai uw makoite inyaibonde. ²⁵Foi hele rombele, Reyae belene ware nayopolo yea yakalamale.²⁶Mare uwngayembe, Ereng neyea fau kabang na, meyea pelere eijea hele, namekai wabenayembe, Neai uw imea yo a eunye, pele uwngayembere meyea elhakoijea. ²⁷Rake namene wliyea weye waneng nau pohira hehe weye wai pohire eraite waneng, Neai mekai Role kelufa kabang Neai mendare tare, eani penate yakalanate. ²⁸Anuwau yau fako, bu fakore raweunge, pele kounge aliyete holo palene nei hikoibiyoye.(Yesus Naei Mende Yaa) ²⁹Pelera rake wali ya relei enengbondem hu wende ougemde yembonde nawaneng oko hehe bang hebende, Ralo yakuna rumena are oronate palenate, namekai yakuru rore raimile oyengmile hinengmile.³⁰Role kelufa kabang Neai mendene, ya kuu yone meyakala wende pelene yoho yanggo rake kani kelana, mehi hako folanate rimenate. Ereinainyele kelufa kabang wau nolora yaku punara mende, Na pumare nekeye uw yea, yo kou hayenainyemende. ³¹Nawaneng Neyea malaikat malaikare weungmile, ame elea waneng ranenate pelera romiyea eleite elewoumi uw riyw kobou mbai nye arilengmile pele kani kela na meuge meuge keli honatera nawaneng yaku huba ehira yaku hiba ehire.³²Mana meyea ereng iteayeng, ara no hebeyera, na akau mansea maleunge nawaneng fea eme fawaite, pele ma iteai yakama ya meke romzunge meke no beunge. ³³Mai ijoko belemekai ijoko erembena, itayembombe, Naei mende ya nobeungeboke.³⁴Ahele feau hele yea wamale, rake hokolo maiwaitike, naneneai erenaibonde rake penate yakalantere. ³⁵Rake kani kela, na einya nanemene mundenalere mo peleyeare Reai Ako Feauko mbai hambai elnundeboija.(Yesus Naei Mende Yaa) ³⁶Peleyeare, Neai meimei mendere ya, pele ehi mbaijea eyeiteaboi malaikat malaikat nawaneng neaiteaibang, Neai me ityang oeleyeare Neako Nembai keng neateaite nekeunge.³⁷Nuh re hene yeuboke yakalauboke me, kele Fa kabang Neai mendere ya, neai waneng yengbonde yakalangbonde. ³⁸Nawaneng bea bu re ruwende ufendere, romiyea mahang bu re wanggoyea hubawainye, namekai ro miyeare rowei neisiyte heleng de mokowate, meiboye Nuh neai ya kaiy eunye weufike aruleufike. ³⁹Belene relewainye, bu kabang neke meke namemene me riyau uw riyau ke puomiboke, pele waneng kelu fa kabang Neai mende yare enaipende yakalanate.⁴⁰pelera ro bee hekene eneimokonde, pelene menate ro mbaite mo roungate, ehi mbaite nukenainyebonde. ⁴¹Meyea bee enete o yalei ruka yalei yalei anuwaunge enei mokonde, pelera miyea mbai enai yaweinanyebonde enate, ehi mbaite mikenainyebonde. ⁴²Belene, wali kaya yealemo, meyea mateaibang embele ya embele hu he yea Tuhan mende.⁴³Nawaneng neai umea role, yoko romiyeare mende, reniai yane eliteaibiyoye, pele meakijea hareibiyounge, kayare hebeye pele neai imea enyya hambung mbai elkalaiboi. ⁴⁴Pelene mekai harenembombe, wali foi kaya henembe pele kelu fa kabang mende meyea foi ei hamekoi hului.( Yebaei Bubaei Foijaele Nebam Yaele) ⁴⁵Namekai, hinyere, neai roweyea keaboke pele imea eite nou hende, naromiyeare hamang de neai hu ijene mikongmile, kolongmile anenatere? ⁴⁶Rake ro, imea einye mokoyere, neai rowa yea foi hele mokong nele, pele mende erende ukeunge me, pelewaneng hareungeboke mokouboke. ⁴⁷Reyea ahele beheleyea wamale, pelera, rake rowa neai uw mokoi rowende keambonde neai imea einye hambung hambung namene rake helemde.⁴⁸Peleyeare na uw mokoi wali nebang kiyea, na kenara eleye reai rowa emeija, pele ikai molouboke, uw mokoi ehiyore haubuherae olewoumi, ⁴⁹Beleyea pelera ekate hamang ne bune ekai bu keuke anaite yo yeale ambea ukate. ⁵⁰Na rowa neai mende yare neyea buheare ehokoiboi embele he embele hu ikainye na rowa mengyakalande. ⁵¹Na rowa rowende wayengsande, ende ro nebang miyea nebang yeale nembai arilemhinde ayenaimile.

¹Surga yoyan yo, bele na u mekai miyea meangge nanemene mee bee hului na me ne iy polaimi baianite paite yeale yaraikoke meibuate ro kelu fare yawenainyehonde re yaraikoke meibuate ro kelu fa re yawenainyehonde re. ²Miyea meangge uw kobuno pele nanemene meahea mbai nawaneng meahea mbai ehiyo rong, pele iteai yeale yo. ³Rake miyea meangge kobu mo, na mene iy meai bure pende eirowei emei. ⁴Peleyeare rake miyea meungge uteai mekaiymeale' neyea n'a me ne ponggou kending ne bu iy re polondere yeale roukate mekate.⁵Rake ro kelufa neai mende hu ikai moite yoboungebokone nabe miyea meanggea nemmene yoku ne aimolouboke. ⁶Peleyeare remiai nolo ya kaheuroye'' akali pate akanate ereng ro kelu fa yea meye'' wela engpalem be'' ei henengnele.⁷Rake miyea meangge ai anyuke na i poloi hehe namene yeale ⁸peleyeare miyea meange kobuyea, iteai yore waimimai i meai bu, meai yeale yeaumile, meai i poloi i hehere kobonaikondere harainyele. ⁹Peleyeare iteai yeale miyea meangge yea waimile, nahinggi bang meyea mambele re umayembere, na foi mbai ebu pele naite heaite pukore enai mare rilenayem bombe.¹⁰Nabe miyea meangge eibuatera rake ro kelu fa meke nawaneng mokai nyehake yo, nem mbembane nehali mokoungehakere aloinyekoke na ro mau ke be kolowainye. ¹¹Pele moita rake miyea meangge mekate a pamile, rowa-rowa meai yeale weai mehiy mea ande yeuboube. ¹²Peleyeare neyea weumi na ahele re yea mare wamale reyea mare oneamale ya. ¹³Pelene meyea kaya yeale nekem be helembe neai mende yare meyea ma iteai bang.¹⁴Surga yo yang kabang pele na uw mekai role mbai yo mo kanire endere pelene neai hambung-hambung nekainyele honainyele neai me mokoi uw mokoite nanemene kinyeumiboke, pele yo yea holere kayare hebenate. ¹⁵Ro mbaite meahea mbai te nehahi aungeboke ro bee neng de nehali bee re aungeboke moinya ro kiyea neyea mbai mo ikeunge. ¹⁶Ro nehali meahea mbaite ikeunge rouke nahibiyea eke nou ke heukoke pele moita eke meahea mbai yealere nehahi baraungeboke.¹⁷Pele me uw mekai ro bee neng ne kiyea nehahi bee yeale hubayeukoke. ¹⁸Peleyeare ro nane neng nebali mbaite ikeunge, rouke eke kani aubulure euweaukoke nehahi mbai rouke pelene auboke kani yea feleungekoke.¹⁹Heke mai nekeuko kera pelera na rowa beu foke meke nehahire me re beaneaikondere. ²⁰Ro nehahi meahea mbaite ikeunge meke roware pene pele nehahi meahea mbai paraungeboke yeale rouke meke a weunge erei wehahi ikeare eumokoukokale nawaneng meaheambai yealere baraungebokale. ²¹Na rowa yea weunge weyea reai uw mokoi foi hele yea ekea nou heukokarea hambung kending ne foi holeufike kabang de yeuboke pelere reyea keareubounde hambung-hambung kabang de honai tele, weyea reai me mokoi uw mokoi te yeubonde eite meiyeisi reai reimai einye nekalere.²²Ro bee neng na kiyea nehahi bee hului ikeunge neai Rowa be re meke, a weunge 'Rowa' reare wehali bee hului ukearea rouka eka mokoukokale reyea bee hului yeale re paraungebokale. ²³Na Rowa yea weunge'' weyea reai uw mokoi foi hele eka nou heuke karea, hambung kendang foi holeufikea'' pelene weare keareubonde hambung-hambung heleng de nekaitele webi me einye itete mokoye'' eite mei yeisi, reai rei mai eunye nekalere.²⁴Name neng na ro neai Rowa nehahi mbaite ikeunge meke a weunge, 'reyea weai u mekai iteayeubokale, weyea ro eibe eitaisi re koye ro maluwei boite weyea eye ei molokoi ijene ei maluwe yea, ²⁵na mekai ei yaro yea, arileyea weyea pelene ei hereaiboi. Erei wehali mana roukale male weai me re hawawale.'²⁶Pele yeare, neai rowa yea weunge, weyea role miyea bang ro weyea reai wali iteyeubokea, reai me uw eikeleale eimokale. ²⁷Pele rehahi rowei mea eimea na koloi kolaite ne eitaisi mea pele moita reyea perehonde merele'' mai paraukoke yeale eirowele.²⁸Roweng role mee bee paraungekoke ro re yeng nele. ²⁹Romiyea me yeale uw yeale re neare enai inyaimile, na mekai meamea re nekenende. Romiyea me bang uw bang de, hambung-hambung neai walira koukalore hubanan de. ³⁰Pele ro hambi hire eimokoi ro ougem kire kaare honoye re roweng wom mo pele anuwaunge ibo mjere konde ite kikire eng ayengnele.³¹Kelu fa kabang mende ya ne. Neai uw mokoi yo ei anai nyebo "pelera neai puma kabang anggeng nekei raungne ende nuwembonde'' neai yo waku eming yo puma hanainyele. ³²Rake kani kelana ro miyea, nayora yira nanemene mbainye arilemile, pelera kaye molonemile, neaite-neaite wahende. ³³Dombare, ereumi, me beaumi romiyea'' neai meuge reubihine hanemile namekai Kambingde me beaumi yo re, neai meli reubihine hanemile.³⁴Pelera ''Ondofolo'' neai meunge reubihina romiyeare a, weumi meyea meng ''meako mee re ekengbokombe romiyea'' mehahi nayopolo yea meako mokongehoke'' mana maite rowembe. ³⁵Reyea momne eka koibale'' meyea hamang bea ikaukele, reyea bukine ekale koibale meyea reare bu yea ikaukele. Anuwau bang koibale meyea reare weaukehike mai uw bukore yobaukeboke. ³⁶Melang, uw malo bang koibale, meyea uw malo heaukeboke eha ne koibale meyea reare nou heibauke kawa eunye eka hebewale, meyea reare erewauke.³⁷Pelera'' romiyea wali nahele yo yea, na a uwnganyele'' Tuhan meyea weare embelene'' weyea moni buki koiboyea re ekande hamang bu ekande ikayete? ³⁸Meyea embele ne erekayete'' anuwan bang ne koiboyea, meyea weare weaisikayete, namekai malo bang ne, meyea uw malore neaibokayete. ³⁹Meyea embelene erekayete, ehane koiboyea namekai weare kawa ne hilayeukokate weai pukore meyea mekande erekayete? ⁴⁰Ondofolo'' na a engmi wende'' maie reyea ahele yea wamale me beai uw beai te eibeai kaimiyeke romyeaie, meyea pelenromyeaie ei hawewaumile, foi te mokowaumile, pele niyea meyea reai uw re foi mokowaukele.⁴¹Pelera ''neai meli pohina romiyea re a weng mile'' meyea romiyea helebang yo, wali uw nebang wa nebang de moko waube romiyea reyea wamale ''meyea iy hena mokoungehakanale'' pele erle emembombe nawaneng hulo walobo neai uw mokoi yo yeale pele iy einye mundembe. ⁴²Monine, bu kiy ne relewanale, meyea reare hamang de bu waneng de eyei emeanggoi, ei aneisiy. ⁴³Anuwau bang koibate, meyea reare eiyoboiboi, uw melang ne nekawale meyea reare uw malore eimreikoi, ehane horowale nawaneng kawa einye eka mekairele meyea reare emei ereiboi.⁴⁴Neai meli reubihina romiyea yea a uwnganyele. Tuhan ''weyea embelene monire, bukire eka koiboyea, namekai anuwau bang ne eka hebewoye, nawaneng melang de nekewoye ehare eka koi boyea, nabewaneng kawa emye hebewoye'' meyea pelere weare mou ehekoi? ⁴⁵Pelera neai a weng mile, reyea mare na ahele reyea wamale meyea mai uw mbaite me koi uw koite kaumiweke nawaneng mee re eibeai kaumiweke,pele niyea reare kelewaukele. ⁴⁶Pelera, romiyea neai me uw nebang de mokayeke enaile ehe pukulure enai hayenaimile, na mekoi, romiyea neai me uw waline foi re mo hare wainye mokowayeke yo, enate wali hena enai yaronale.

(Yesusre Honaibondere Merau Kolowanye) ¹Yesus, neai a nanemene eu ileayeumibokera, pelera, murid murid re weumi. ²meyea ma yeai, ya bee neng ne Paskah yakabang mende peleyane, Ro kelufa pelene enai nenainye, obalene enai ponai kendere.³Pelera imam ilnam faleng nandaneng bee yu bee yebea yo mekate iman kabang Kayafas re obene arilewiye. ⁴Pelene merau kobowainye Yesusre ekelenainyebondere kelai wokowate hoiboi uwyea honaibondere. ⁵Peleyeare neueai elate, roke ya kabang einye eimbokoinye pelene haubihi ehiyeake eugyembande namekai ro heleng miyea heleng nei nenaimile.⁶Yesus meke Betania ne, Simn u baubau ke molowoye neai mekene hambang ne anewoye. ⁷Pelene meyea umbai Yesus pulure meke, namene bu ke fololomo ruwke meke Yesus na yu rangne meke Yesus na yu rangne meke rilewomnge. ⁸Yesus Na murid-murid bele erewainyere, a yae yarewainyele wainye, ⁹Bele minyak foro kembo yaele, nate haendeboube, na roi rowande romiyae kalo mon ne nekajate yore wahaemmile."¹⁰Yesus neai u iteaite yeuboke, a weumi, "Rake miyea maka nebangbae Rare mokouke, meyea a u yareite yaraungele? ¹¹Romiyae kalone nekejate yo mambele nembainye nekeujaube, bele yaere meyae Rambele nembainye enekeyei.¹²Rake miyea reai uw rangne bu fololo yeale meke hakanke pele reyea nanemang bea pele eite erelere, neyea na yopolo yea yakala meke haye. ¹³Reyea mare ahele re yea heayamale,embele amurange iyai roungeke endi yukala naimile, rake kani kela rangne rake myea mea uw mekai wa mekai haufike pele enaite a huba warare enaiponaiyele.¹⁴Pelera Yesus naei murid-murid nalora, na ro Yudas Iskariot neai ukeuboke pele nolora, eke imam-imam falem yo bokore. ¹⁵Eke pele yo pokore a weumi, "Meyae rare mekaha yae yendele Yesus erele mai me einye itembe na? Pelere a mbainye kombu isaiboke, Yudas Iskariot re roi 30 keping perak yae inyanyele. ¹⁶Pele hera, Yudas Iskariot mbi ikai beaiboye, pele Yesusre emmi yendeie. (Paskah Hamam)¹⁷Bele feu yu bang hea bang hamang pelene murid-muridyea mekele Yesus a hunainye uw yea weare wokonganehende? ¹⁸Yesus yea weumi, yo kabang de embe pelene role mbai ekeneye pokere, mai a wengnele, kuluyea ukeumi, neai ya nobeungekoke pelene, reyea reai murid-murid yeale, meyea weai umea ne hamang mbainye ema anemale. ¹⁹Yesus neai murid-murid ukeumi waneng pelemekaijea ekai mereainyeboke pele paskah ya kabang meke einye.²⁰Huwea remiaiya meke hene, Yesus neai muri-murid nanemene mbai airouboke. ²¹Hamangne airouboke amewate, Yesus yea a yakalaumi, reyei mare a yakalayea iteayamale, role mbai mai nolo mai ywikaita pele role yea reare kemere mee nendele. ²²Neai murid-murid nakena nimire hubawainye, neai te meaike Yesusre munainyele Tuhan neai hele reyea bang.²³Pelere neai a iteayeumi, na role wamale, rambele embainye mee kokainye yawendero, pele royea reare me kewe nendele. ²⁴Kelufa kabang neai endere, na yopoloyea homo feane ikare wakole peleyeare, na nebang rake romiyea, kelufa kebangde kelai mee re nekeunge ro Na foi mbai, rake ro, neare eihonoi meaijea honggate. ²⁵Pelera Yudas, Yesusre keme me nendero, a hinneunye, kelu pele ro reyea? Yesus yea weunge, weneai keng wo konkoke.²⁶Ekate aineueuke Yesus ouw rouke onomi re ambke pelere kayei kayei kayewoye murid-muridre wahewoumi Na a yeale iteayeumi, rowei, aneukende, rake niyea neai uw meleng.²⁷Pelera Yesus bu koleainya bu meyea anengsimbe. ²⁸Rake bu koleaina, bele niyea reai oky, are roukate herawaiboke houmoke, rake oky yea hele, remuyea neai pulo ehe pukulure Ne yeare nahenggi moi henggande wali onomi re enaiyaronde. ²⁹Reyea mare iteayamale, rake yea ra pele anggui no amire keinye, pele bu reyea ei manei mo, aneisiyte ereanerehina pele mambele eyea emboinye meakore imea obe ne emale anemahinde.³⁰Pelera Yesus neai murid-murid weumi, meyea nanemene ehiyea reai kenane ela ehebeikoi ³¹Yesus na moita ohowate yore weumi, re erele kulubo molorenbande, robo riyana hebate here wearere boremili. ³²Peleyeare, reyea srewalembo, reyea mare na yoboloyea Galileane ere rakesus Na moita ohowaterembe.³³Petrus yea weunge, shiyo weai pukora wewe enaimolonde reyea neai earene ere heberekende. ³⁴Peleye Yesusyea wunge reyea weare na akeleyek iteayawale reae roko namere moi buleukekokorek. ³⁵Petrus yea weunge, meahele horo here yea ere erende reyea weaie moi cipuleiboi murid-murid ehiyo na a mbai hului ai eleakoke.³⁶Pelera Yesus Na murid-murid yeale ekate auwau mbaite pele omouwau na ro getsemani, pele Yesus Na murid-murid a weuni meyea rakene nariya mbainyemo nekembe, reyea rikere waneng erele, meakore a ebeli porenehindere. ³⁷Yesusre hakainyeboke, Petrus nawaneus sebedeusre kelu na bene yaweumi buke, pelene Yesus nakena humi hubauw nehu nehure hubawounge. ³⁸Peleia a weumi Ra kena ibomse kabang hele hubamale reai uw hererele waneng hubanale meyea rekene mo nekemale, uw kaeya yeale hebemale.³⁹Pele yo pukora elea ahu araneng eke, oro hele roroeke na beyeai kanine eungeke Na ebeli pounge, ateai rake keleainya bu faremo eleare weungende, peleyeare reai kena kale waneng bea ebeijea, weai kenare karea waneng pele mekoiyea pende yakalande. ⁴⁰Peleia peufoke meke Na murid-muridre eieuni nanemene ijokone aimimoloumiboke, pelere Yesus Petrue a weunge meyea makane huijoko mbai huluite uw koya rombele yeale re ehebeikoi hangga. ⁴¹Uw kaya yeale, nawaneng ebeli yea ponele, meyea pulo uwabei yombi yea nele.⁴²Roko beeneng kayere Yesus eke neakore a ekeli bonye, eteai rake bu faremo elea waneng de kinyeukebonde, peleyeare reai kena ijenebang weai kanare kaaya me bende yakalande. ⁴³Peufoke meke reuni nanemene ijokone amolouboke, ijoke anekai hubawainyey. ⁴⁴Namekai roko name neng de eke neakore na amekai waneng eke poubaunge.⁴⁵Pelera Yesus Peufoke meke neai murid-murid weumi, ijokure honobu uw no foi rowembe, sreng ya meke nobe uke peye. ⁴⁶Annu, mem eyea anale, srebu, renuyea reare ekelenaite bondere mekate nobe na.⁴⁷Yesus na ane eleye he ne Yudas ro neai muridre yeuboke kiyea romiyea heleng molone hakomiboke waneng mam mam faleng namekai yo beyu beyebea yo yeale namene rame heneng nawaneng hoang kondew yeule yaraukoke mate. ⁴⁸Yudas yea weuni meyea erendele erele yoi ere hunerehu ro pele niyea meyea ikelembombe.⁴⁹Yudas meke Yesus uw nobere a meleai weunge kulu weai owemiya namekai yudas eke yoite hunemgehike. ⁵⁰Yesus yea weunge akobea weai makayea harengebokea wane nahibiyea mokoibo pelere romiyea heleng Yesus neai uw rangde me ya uw ya yea koibuainye nawaneng aikeleuboke.⁵¹Na peleue ro mbai ramemo euyobouboke, umam feleng de neanggeai mbek ungefake. ⁵²Pelera Yesus yea weange, neai rame wa me koyea, rowei aibonde na hulu enye, huye rameyea rowende konende hyea, pele rame yea nawali riyau ke ponnebonde. ⁵³Mai uw benera alaube reyea meakare eriyeihiy hulu neai Malaikat mee bee orohine bee yeale hului weungmile rakere menate reai kolemolaboite?. ⁵⁴Namekai homo fea yolone a honoyeare mehaeyea pele kaye raye einye mewembende?⁵⁵Na belene Yesus ro miyea hebewate yore weumi, meyea makane reyae yokore baeite yo wanem bae rai kileiboite mai mene ha henem ha isam bae yaraukoke mene meibuaube, nayane baei rare ereijaukeke, Allah naei imae obene u itaeinye eikelamaele belene makane rare erewei. ⁵⁶Bele yaere rake nanemene benateremo, naei homo fae yolo-yolone nabi nabi yae molowatere bele ijene bende yekalande. Belere naei murid-murid nanemene, here ware ukate nukainyeboke na fe re hebaelayeke.⁵⁷Yesus kilaiboke yawainyehoke imam kabam Kayafas bee re nawanem belere tauratre henaiboke namekai beyu beyeba riya kobou nekewate yo bokore. ⁵⁸Petrus Yesus namota hakouboke, imam kabam re imaesou ke eke. Petrus imae eite aruleufike, kayare hebewate yo yaele nembainye nuwaikoke.⁵⁹Imam kabam, Sanhedrin riya, nemene a karebai-karebai baei-baei bawate, Yesusre honaibondere merau kolowainyele. ⁶⁰Bele yaere a karebai-karebai arunewainyele, mbai sambai ehubayeikoi. Bele yaere ro bee naei a elete, ⁶¹"Rake ro elewoye, " Reyae Allahre ei moloi-moloi imae kelarebonde, namenem ya mo arunnunde!"⁶²Imam kabam aunguke, Yesusre hineunge, "Weyae rake a hinatere wo okoi hangga!" ⁶³Yesus abammo yae hebeye, benem Imam kabam Yesusre hineunge, "Reyae Allahre bene benem hinawale, Weyae nehale Mesias, Allahre hinafa hoifa Neyae?" ⁶⁴Yesus yae weunge, "Wenaei eleukokae bambae!", bele yaere na rake hee ra ma ijoko erembe, Allahre hinafa-hoifa Rake kani kela mere keluke Kiyaere meube me refine eke nekeye, naei mekai mbai wau randa mende aere yawemmile emale!"⁶⁵Imam kabam ikele yeuboke, na malo kabam hireukoke kayeukoke, eleye, "Yesus aere ane koloume ya, mekare ro ehire na a boromalere, mana Naeinya a eleye menaei boraube? ⁶⁶Mai u bene mehae hayaeuge?" Yahudi falem-falem arilewoye, wainyele, "Yesus a nebam eleukokene homabondere."⁶⁷Yesus Nabera ki hesere yae houbainyele, merulu yae habewainyele, ehi yo mefae yae habewainyele. ⁶⁸Rake wanem wainyele, "Weyae Mesiasna, maere a weime, hinye yae Ware mefae habeite? Petrus Yesusre oneunge ya eleukoke⁶⁹Petrus meke Imam kabamre imae sounge nuweuboke, miyae mbai nabokore meke mo Petrusre hineunge, "Weyae Yesus Naei nembainye ohowaeube yae?" ⁷⁰Bele yaere Petrus, Yesusre onewounge ro miyae arilerewoyere weumi, "Reyae onale, meka yae rare waukele."⁷¹Petrus ro mauke meukuke yae, miyae ehi meke erekeunge, belena ro miyae arilewoye hebewatere weumi, "Rake ro Yesus Naei nembainye ohowate ya?" ⁷²Benem Petrus Yesusre onewounge yae weumi, "Reyae bele Ro elaubere onaenale ya."⁷³Na heki bam mo, ro miyae arilewoye hebewate yo, Petrus bokore mekate wainyele, "Waei a faeu eleyaene mo, meyae rayeuboke, weyae nehale na ro ehi niyae." ⁷⁴Benem Petrus olomo roroye, weumi, "Reyae be!e ro onaenale hele yae mare wamale."Bele hee yae ojo muku a koukoke!" ⁷⁵Yesus yae ukeunge a yae Petrus bene nekeungehike, "Ojo a okoikoi mo Rare onarae yae a roko name eleukonde."Petrus bele anuwauka na kena nebam hele yeuboke mote eukuke, hele hele yae eke rimewoye.

¹Ya heuboke mo, imam falem-falem, yoyo kote nemene arilewoye, a mbai hokonaikonde Yesus honaibondere. ²Yesus haa kilainyekoke, yawainyehoke ekate yo falem Pilatusre bokore ekate.(Yudas Na U Nenaei Naleukoke Hereke)³Yudas kelaite mokouboke kiyae, ijoko erewoye, anggaei boroke, imam falem-falem hokaikoke Yesusre me nokainyele honaibondere. Yudas mehi neufake, 30 keping perak rouke, benem imam-imam falem yaele yoyo kote yo re bele roi rouke bemmihonde meke. ⁴Meke weumi, reyae kabekokale hele, ro mbai hala bam ro mare ikamale hombombere. "Bele yaere imam-falem-falem yae wainyele, "Maembele elemakonde a bam, wenaeijae mo eleukonde!" ⁵Yudas namena rouke meke roi Allah Na yo imae ralo imae wakundanne na ikele u kaeungehike, Yudas meukuko, aloungekoke, meke na u nenaei naleukoke hereke.⁶Imam falem-falem bele roi yaraikoke elate, "Hilina akauhana hawande anuwaunge rake roi ehaweijae, haubuhi nebam, kelaite nekate roi na u niki yae oleukoke. ⁷Riyane mehinim kolainyekokemo, bele roi rokate ebe helaite mokoye ro re kani kending roi jae rokate, ro yomoinya ro miyae herendemo, bele anuwaunge molonasande. ⁸Belene yae, rake kani naro, "Okire rileuboke kaniyae wainyele!"⁹Allahre yendo kayaaro Yeremia, a nuleuboke eleukoke," ¹⁰Israel kanina ro miyae a hokaikoke, 30 keping perak yae, ebere mokoye ro re kani roi jae roukate, Tuhan Naei a ukeuke mekai neiyae."(Yesusre Gubernur Pilatusre)¹¹Yesus kilaiboke, Gubernur Pilatus bere yawainyehoke mekate, hineunge, "Weyae nehale Yahudi maei Ondofolo?" Yesus yae weunge, "Nehale, wenaei jae nare eleukokae!" ¹²Imam falem-falem yaele Yahudi yoyo koteyo ehere unganyonde a hinainyele, Yesus a bam faeu bam hebewoye. ¹³Yesus a bam mo hebewoyene, benem Pilatus weunge, "Ware a mehi-mehi hineyayete, a weimi. ¹⁴Yesus a mbai sambai ewei mo hebeyene, Pilatus fa yae bouboye.(Pilatus Nahinggi Bam Yesusre Hayennekondere)¹⁵Mana ya kabam yeuboke, Paskah ya kabam, feu ragi bam anewate yaa, bele yane ro mbai kawa ieta metuweye, Yahudi ro miyae nenaei jae eleinaibonde ¹⁶Bele hee kawaa einye ro mbai hebewoye, naro Barabas.¹⁷Na rene hele, ro miyae helem sele arilewoye, Pilatus ro miyae arilewoyere hineumi, "Mai kena kaube, hinye yae reyae hatenggondere, Barabas yae, Yesus, Kristus yae waungele kaye?" ¹⁸Pilatus na u nenaei jae itayeuboke, ro miyae helem sele Yesusre kena buhae heubainyele, Yahudi yoyo koteyo kena hensen kowate Yesus kelukate Pilatus u re yae kinyaiboke. ¹⁹Pilatus are kolainyele imaene, anggem nekei ranne nuweuboke, na miyae rake a yae ukeumi ekate, Pilatusre wainyele, "Rake ro wali himaleungeboke, weyae ebarai jae namekai mehi-mhi emokoi jae, mekane nebam, bele ro re aerene mana reniai imene-naline erekale, ra u himi hele hubaimiyanale.²⁰Imam falem-falem yaele Yahudi yoyo kote yo yaele, ro miyae helemre ahufuf huwaimile, Barabasre hanyainyekonde, Yesusre honaibonde. ²¹Pilatus benem hineumi, "Rake ro bee hebetera, mai kena kaube hinye yae reyae hatenggondere? Nemene kaenate, "Barabas hayeinyekoke" ²²Pilatus hineumi, "Bele mekaina, meka yae Yesusre mokorembondere?" Nemene kela kaenate, "Ohaline habeiko!"²³Pilatus hineumi, "Mekane? Meka nebam bae Neyae mokouboke?" Kabam hele kelae kaenate, "Ohaline habeiko!" ²⁴Pilatus u bene nekeunge, haubuhi mbai rake yeubokene emokoiboi sele, ahine-ahine aku keteuboke hate, belene yae, bu roke, ro miyae bene na me kuyeyemo a weumi, "Reyae rake ro nebam emokoiboi, namekai na oki relembonde. menaei jae kaembombe!"²⁵Ro miyae nemene wainyele, "Na oki relembonde meyae kaemabonde namekai maei kelu fafa uranne." ²⁶Beleramo Pilatus Barabasre hayeungekoke, Yesusre ukeumile cambuk yae habewate.Pilatus ikeumi Yesusre ohaline habanaikondere. (Pilatus Na Felayo Yesusre Aukae Ke Koubainyele)²⁷Gubernur na felayo Yesus yawainyehoke, gubernur na imaere ikate, felayo yoni-yoni arilewoye hebewate. ²⁸Yesus na malo kulainyekoke, malo kabam fi kole mekai jae hirainyekoke. ²⁹Yesus na falem ne, isa yae roukate hainyekoke bele yae ubunainyeboe, meube mene mehukum re nauga ikanyele keluboye, belera oro hele rorkate, uaka-ka kainyele wainyele, "Onomi, Yahudi maei Ondofolo!"³⁰Ki hesere yae haeinyele, namena nauga keluwe rowate, Yesus na falem ne habaete. ³¹Auka-kae kainyele, na malo kabam kulainyeboke, Yeus Naei malo yae benem hirainyekoke, yawainyehoke, hmunggare ewate, ohaline habenaikondere.(Yesus Ohaline Habaeikoke)³²Gubernur na felayo moite mekate bae, ro mbai hubayaeikoke, Kirenena ro, naro Simon. Simon re wainyele Yesus na ohalire kaembondere. ³³Homunggae mbai naro Golgota re mekate, bele homunggae naro "Tempat Tengkorak." ³⁴Yesusre anggur bu yaele empedu yaele alaeiboke ikainye anennsindere, bele yaere Yesus ahiyae eleikoke, emaeneisi.³⁵Yesusre ohaline habaeikoke hee, felayo kayare hebewate yo Yesus na malo ne wahewate, undi yae hayewate. ³⁶Felayo anggem nuwaikoke, Yesusre ijoko erewanyele. ³⁷Ohali na,Yesus na falem bumane homo mbai molaikoke ukate, "YESUS RAKE NIYAE, YAHUDI MAEI FALEM YAE ELAUBE."³⁸Yesus ohali ne habaeikoke hee, ro bee nebam re mokoyeke nembainye habaeikoke, ro mbai meube refine, ro mbai meli refine. ³⁹Ro miyae bele anuwaunge ele-mele kowate yo fangge-ngge yae kate, ⁴⁰Bele ro miyae yae elate, "Weyae a elewoyae, Allah re yo imae-ralo imae Reyae kelarebonde, namenem ya Reyae arunnunde, bele baembae wa U onomi rewei, Weyae nehale Allahre hina fa-hoifa na, ohali bumara oyakoibo na!"⁴¹Bele mekai mbai imam falem-falem, namekai Taurat itayeiboke yo, yoyo kote yo, Yesusre auka-ka yae koubainyele, wainyele, ⁴²Ro miyae ehire mokoumi onomi yarate, bele yaere na umbaite onomi rewendere emokoiboi hangga. Nehale Neyae Israel maei Wali Ondofolona, ohali bumara are owakoubo, belere eyae hila rabo Nare halemande.⁴³Yesus Naeko Allahre hila rabo haleunge, nenaeijae Na u onomi yeunge, Allah kena konnekondena. Yesus Naenaei a elewoye, "Reyae Allahre hinafa hoifa," ⁴⁴Ro mbai nebam re mokowoye kaye ane-ne yae koubounge.(Yesus Hereke)⁴⁵Mana hu ijoko name yeuboke, oubom kika rake kani nemene neke hebeye, oke hu ijoko mehine keli yeuboke. ⁴⁶Hu ijoko name yeuboke mo, Yesus kela kaeneye, eleye, "Eli, Eli lama sabakhtani?" Allahku, Allahku mekane Rare nukeukebokae?" ⁴⁷Ro belena hebate yo, anggaei boranyele elate, "Rake Ro." Eliare kaeneunge.⁴⁸Na heki bam mo fela yo mbai hakauboke, eke bunga karang rouke, anggur bune yaweufike, naugane kileukoke, Yesusre ikeunge annensindere. ⁴⁹bele ro eleye, "Ijoko eremam, Elia mende, Yesusre walennebonde. ⁵⁰Yesus benem kelae elaekai sele kaenekoke, Na no u yeuboke.⁵¹Ijoko erem, Allahre yo imae ralo imaena malo kabam, bumara oke ane nemene kayeukoke bee yeiboke, kani namekai onyeu isineuboke, ruka bum-bum kayewate. ⁵²Bule nemene wewe koubate, ro miyae herewate yo Alahre hila rabo halewate yo, anyukate walaeiboke. ⁵³Bule randa anyukate, Yesus waleuboke, nene-wae-wae yo yam re arulaiboke, na u ro miyaere kelewaimile.⁵⁴Fela falem, namekai ro miyae arilewoye hebewate yo Yesusre erewainyele, bele hee onyeu kabam hele isineuboke, rake ro miyae fe hele koubate elate, 'Nehale, Yesus Allahre hinafa hoifa ya!" ⁵⁵Belena miyae maengge Yesus na moita ohowate, u foi mokowainyele yo helem sele hebewate, na ahauka mo ijoko erewate. ⁵⁶Maria Magdalena, Maria Yakobusre Yusufre nenake, namekai Zebedeus nenake.Yesus hereke molaisake⁵⁷Hu akowoke mo, ro mbai ru yaele kangge yaele Arimatea na ro naro Yusuf, Yesusre moita ohwate ro, ⁵⁸Piatus bokore meke, Yesus na no re rewendere. Pilatus ehe koungekoke, ukeumi Yesus re no Yusufre inyainyele.⁵⁹Yusuf, Yesus na no rouke malo nemene ruleufike. ⁶⁰Meke bule eme homunggaene mokouboke belene nekeunge. Yusuf ruka kabam oleungekoke, bele bule na maunge hileukoke, betamo aloungekoke. ⁶¹Belene Maria Magdalena, Maria, namekai miyae ehiyo bule ranne nuwaikoke.Yesusre bule kayaa ayaeikoke hebewate⁶²Benem ya, Sabat yare mokainyehake nekewate, Imam falem-falem, Farisi falem-falem, Pilatusre imaene arilewoye. ⁶³Pilatusre wainyele, Rowa, ame karebaite mokowoye ro na wali nekewoyene, a elewoye, "Namenem ya, Reyae walerebonde!" ⁶⁴Belene yae, weimi, na bule kayaa ayaeiko hebai, na moita ohowate yo menate na no yoko yae roungate, enate ro miyaere hungaimile, Yesus here nolora waleuboke!" Bele ame karebai mokowoumi, na nebam hele ema hubannele.⁶⁵Pilatus weumi, "Meyae kayaa yo yaele, "Eme, mai itayeuboke mekai kaya ensebe." ⁶⁶Ekate kayaa yo ukaimile kayaa ayaeikoke hebewate, namekai ruka kabam hilaikokene me nou herawaikoke.

¹Sabat ya meuwoke, ya mbai bele ikainye narene wawa hele, Maria Magdalenare Maria ehi yaele, bule auma rande ijoko ereiboite ewote. ²Allah Naei malaikat surga yaku bumara oke hee, onyeu kabam isineuboke, bele ruka kabam ro mauke hilaikoke oleungekoke, bele ruka ranne nuweuboke nekewoye.³Nabe yoi wili halamam hehe naeukoke, na malo keleumom wau yaku bumana keleumom wanem. ⁴Fela yo ruka bule kayare hebewate yo buhae hokoumiboke, orome hayaeiboke ane balekate, here no mekai jae honowate.⁵Malaikat meke, bele miyae bee re weumi, "Buhae ehokoi jae, Reyae itaeyeubokale, meyae Yesus ohaline habaeikoke Kiyae yae baeungele!" ⁶Rakene ohonoi ja, Yesus waleuboke, nabena mare a weubombe, Mebu, Naei anuwau nekainyele honggowoye erebo. ⁷Hasale yae ebe, na moita ohowate yore wemmile, Yesus ro miyae herekate yo nolora waleuboke, Galilea kanina bere eye, belene mambele hubayenggombe. Itayaeuboke, nabena mare weubamale.⁸Bele miyae bee hasale mo bule ran nukeiboke, na fe yaele aumiboke ewote bele yaere na kena rei mai sele kowote, hakaikoke namoita ohowate yo bokore ewote. ⁹Bele miyae bee nibi nolone ewote he yae, Yesus meke na moita ohowate yo yaele hubayaeikoke weumi, "Onomi, na moita ohowate yo na bokore mekate, oro hele rorokate ei molo wainyele. ¹⁰Benem Yesus weumi, "Eme, Raei aka baeke wemmile, Galileane ema hubayende Rare erendele." Fela yo bule kayare hebewate yo roi jae mokaiboke, ame karebai ro miyaere huwenaimilere.¹¹Bele miyae bee nibine ewoteyae, fela yo na keli name Yerusalem yore mekate imam-imam falem bokore mekate waimile, bule ranna yeuboke are itaeiyeiboite mekate. ¹²Imam falem-falem, Yahudi yoyo koteyo arilewoye riyanemo, a mbaite hokonaikondere. Riyane hokaikoke, bele felayo kayare hebewate yore roi jae wahenaimikondere. ¹³Na a waimile, "Yesus namoita ohowate yo, reniyai jokune honowande hee mekate, Yesus na no yoko yae roukate."¹⁴Yo falem Pilatus rake a borombondena, mare nebam emoikoi maei, meyae a na moi-moi umande. ¹⁵Roi yaraikoke, bele mekai a faeu ro miyae, aka baekere waimile, bele a mekai jae Yahudi kani ahire-ahire huweijaimile, ninae mande rake hee namam huweijate.Yesus Naei ayem kolowoye¹⁶Yesus are ukeumi wanem, na moita ohowate yo Galilea kanire ewate, homunggae mbai Yesus keleumibokere. ¹⁷Bele homunggaene Yesusre erekainyele, buma kolowainyele, bele yaere ehiyo na kena wau-wau koubate¹⁸Yesus mekemo na moita ohowate yore weumi, "Allah Na ela wake, surgana namekai rake kani kelana, nemene hele Raei me einye kinyeukeboke!" ¹⁹Bele aerene, rake kani kelana ro miyae yoni-yoni, embe na hubane haeinye, Na ro miyae kelemile, Raei a elalere hakonayembe nekenayende. namekai rake yore, Maekore ro yae, Reyae Allahre kelu royae, AllahRoh ro yae bu kommile.²⁰Ro miyaere, mare kelewamale, bele a yae huwemmiyembe, hakonayembe. Reyae mare na hibimo ei hawerembe, ende rake kani kela huba mokorende yane."

(Yohanes Bure Kolowoumi Name u Mokowoye) ¹A foi faeu foi naberehele Yesus, Ako Allah Na khelu, yendo kayaro Yesaya homomfae einye moloukoke. ²Erenye, Allah Naei yendo kaya ro nabere meke Yesus naei nibi mokoungehake. (Maleakhi 3: 1). ³Ro miyae a faeu ebeli boimiyele kaeneimiye, fau kala-kalara Yesus mendere na nibi a mokonneha, na nibi hiyei ranembombe.⁴Yohanes fau kala-kalane nekewoye, ro miyaere, a huba huboumi bu kolowoumi mai kena u naheleyae mai nebam Yesus yae fanyenembombe. ⁵Yudea yona yanna yo Yerusalem na romiyae Yohanes re bokore mekate. Yordan wine bu kolowoumi, nebam re mokowate yore na nemene naheleyae elewate. ⁶Yohanes na uma unta ma yae feleuboke, naei uyolu ikileuboke unta nawuna ra yae mokaiboke. Naei hamam ansowa/nake-nake yae anewoye yaele a kelana maduyae.⁷Yohanes na a harewoumile reyae mekalera, benem mende Kiyae naei oneranda-henggoranda mende. Reyae Naei nahuluibam inserehinde oro memaluna ukerembonde. ⁸Reyae buyae kolowamale, Neyae mende Roh Kudus yae mare kolonembe.(Yohanes Yesus Re Buraunghike)⁹Beleyae Yesus Nazaret yora meke, Galilea kanine Yordan wine Yohanes yae bu raungehike. ¹⁰Bura ketekera Yesus erewoye yaku wewe koukoke Roh, aye mekai oke nawurande. ¹¹Yohena yora a weunge, "Weyae Raei kelu Yesus, Wembaisele kena foi mokhara."(Yesus Waloboyae Umali Hubawonge)¹²Neyae a kalene nekewoye Naei ya hului nekekoke rorele u bee hangga nekekoke, walobo meke umali hubawounge. ¹³Obo-yoku isam baele nolone Yesus nekewate, Naei malaikat kayayo yae ei haubainyele.(Yesus Allah Naei A foi Faeu foi Kelewoumi Galilea Kanine)¹⁴Yohanes kawa einye hilanyekoke hebewoye he mo, Yesus eke Galilea kanine Allah re afoi faeufoi huwoumile. ¹⁵Neyae weumi, "Ya nahinggi yeuboke, Allah re Na yohena ninae nobeungekoke." Bembo na nehaleyae ako faeuko re harennobombe. (Yesus Eleukoke Ro Nembainye Ohonatere)¹⁶Bele yamo Yesus Galilea bu haetae aloungekoke, Na ijoko weke bae Simon naugake Anderiasre erekheumile bukounge ela wokete, mekanebam, hokolo bee kare baeijate yo. ¹⁷Na hibi Yesus weumile, "Rare hakorobo, Reyae mare wamale, ela kare hayeuweke wanem mana mokombombe ro miyaere hayebebere. ¹⁸Simon re Anderias re na ela nukeiboke ekete Naere hakoinyeboke.¹⁹Belera Neyae ahau holo eke mo, Neyae erewoye Yakobus Zebedeus re fa na aka baeke Yohanes kayi einye ela moi-moi nye mokowote. ²⁰Nanemam mo Yesus nahibi hokolo bee re kaeneumikoke naeko Zebedeus na ro nanemene nai heumiboke kaliya yo nembainye kayi einye, neyae bee ekete Yesus hakoinyeboke.(One Henggo Mae-Mae Hele Yesus Afoi Faeufoi Hu woumi)²¹Neyae nahibi Kapernaumre ekhate aibhalekhe hambaya ya Yesus eruleufike hambaya imaere kelewoumile. ²²Naei a eleye nemene borate fayae bate. Ehabihinebam Neyae kelewoumile namekai rake ro oneyaele henggoyaele Kiyae, ahubare itai haba yaele yo wanembam.²³Belehe mbai hambaya imaene ro mbai, bulo walobo angoboke kela kaenewoye. ²⁴Weunge "Rakene mekayae mokoyae, waeijaele maeijaele, Yesus Nazaret na?" Mekare Weyae rakere mekae nebam re maere mokoumobondere? Reyea rataei, Weyea hinye, Weyea naei sele na nene waewae yaele Allah Re!" ²⁵Yesus walobore okuyae neke weunge, "Hileibo! Etuwe na u bulura!" ²⁶Bele bulo walobo a horoi kelaitemokate bele kiyae kusewoye nabewoye neyae nahibi kela kanewoye a elaehele, bulo walobo nau eita ekuke.²⁷Ro miyae nemene fa yae bate hinsim bae hinate elate bake meka yae beye. A mbai eme hele na onehenggoyaele. Neyea mekhe a weumi, na walobo a horoi kelai te mokate naneme naere hakainyekoke. ²⁸U hale hele rake a Naei a feau hureukoke rikere rakere eke Galilea kani kabam nemene.(Simon Nenake Miyae Nawanem Ro miyae Helem Onomi Yarowate)²⁹Belera Yesus na mota ohowate yo yaele yo imae ralo imae nukai boke, Simon re Anderiasre imae re Yakobus neai Yohanes neai erulaiboke. ³⁰Bele yae, Simon na miyae nenake eha mandilim mandilim ne honowoye, ekete na wu mekai erekainyele nahibi mekate Yesus re ukainyele. ³¹Yesus meke hubayaeikoke na mera kileuboke hakoungoboke afae angunuke. Na bele he mo na mandilim kouboye u yeuboke, bele miyae nahibi eke hakowoumi mokowate.³²Be bahewoye yae, hu akouboke, ro miyae yaubaimile nemene Yesus re bokore mewate eha yo buloyo. Na wanem walob yae aumiboke yo. ³³Bele ra mo bele yo na yo nanemene arileufikhe na imae maune bene hebewate. ³⁴Yesus ro miyae helem sele onomi yeubomi ehaa yo bulo, yo ehi mekai ehii mekai naneme helem sele walobo huboumile, belene Neyae hee folowoumi walobo na a elewate mekanebam, nare neyaa itaiyeaiboke.(Yesus Ebeli Boubounge, Ahuba Homomfae Yolo-Yolo Na Huboumi)³⁵Na renne kaeukaeu hele, Yesus anguke euboye anuwau mbai a ku bam anuwauke eke, belene Neyae ebeline eke molowoye. ³⁶Beleramo, Simon naei romiyae yaele nembainye Yesusre baeinyeke. ³⁷Ekate Yesus hubayaeikoke, wainyele, "Romiyae nanemene Ware baeyete!”³⁸Beleyae Yesus weumi, "Mebu eyae rike yo yande emalere, Reyae rikena yo na yo a foi faeu foi erele hukhemilere. Belere Reyae mekale” ³⁹Belene, Yesus ewoye ohoweke Galilea kani nanemene Neyae homofae yolo-yolo na afoi faeu foi huwaimile, nawanem bulo walobo hukewoumile. (U Baubauke Kouboye Ro Onomi Rouke)⁴⁰Beleramo, ubaubauke koweke ro Yesus bokore meke. Orohele roroukoke riyewoungele na a weunge, “Weyae kena koyaena, Weyea rare onomi yeukele”. ⁴¹Buhae heisei na kenara ike, Yesus na me nekeunge na wu ebinfemsele kileuboke bele ro, nahibi weunge, “Reyae kena kale onomi roukelere”. ⁴²Nabelehe mo, nebaubau na una nundaeiboke bele ro onomi yeuboke.⁴³Yesus nahibi bele ro ukeunge euboye elae halae a ubounge utai ikeunge. ⁴⁴Neyae weunge, “A huwe rorowonge rake a wawale ro miyae ehi-ehi re ehuweijae. Beleyae, eye wa u yae keleumibonde imam nabe ne, hili akau wanem wa u onomi roukae bele Musa na a huwe neumi boke bake a faeu keleumiyende huweumiyende romiyae nanemene.⁴⁵Beleyae, bake ro euboye nahibi rake a wekewnge buraeleungehake hurewoye naelewoye belene bae, Yesus ei arulesiye Nau eyakalaiboi beleyone. Beleyae namonye nekewoye aku anaubam anuwau beleyae, ro miyae mbena-mbena nahibi mo Yesus bokore meubate.

¹Yesus Onomi Ikeunge Oro Nimainyokoke Ro Re Ya mehae-mehae hangga mo, na belehemo Yesus beufoke Kapernaumre eke. A yobowonge elate Neyae imae na nekeye. ²Bele yae, romiyae helem hele arilewoye nawanem bele ije ikai bam yeuboke, ma u ene na bele wanem Neyaa nahibi homofae yolo-yolo na a yae romiyaere kelewoumile.³Beleyae, neyae nahibi mo meubate Naei bokore, ro keli kaeiboke na ijokure honoye ramne. ⁴Romiyae helem arilewoyene, Yesus bokore ei hangga hubawainyele, bele yaere na imae, Yesus hebewoye anuwau yamkelaiboke. Yam kelaikokemo rake ro oro nimanyekoke nokainyele oye.⁵Nabele ya mo Yesus erewoye bele ro riya naei robo halei, elea hele, bele ro orora nimainyekokere weunge, "Weyae Raei fa, waei niki kanau ninae kuyeukokawale fanyeu bokawale. ⁶Beleyae, ahuba na itaijaele yo elaene nuwaikoke nahibi ubene nakena ra haibate elate, ⁷Mekane bake ro bele a wanem eleye? Neyae a weweyae koubainyele! Hinye na hinggim maei nebam (niki kanau) kuinyengkombe, naei sele Allah nembai?⁸Yesus Naei Roh nakena eita nahibi itayeuboke makena einya nekate yae ubenere meyae beaube. Neyae a weumi, "Mekane meyae ma u bene bele wanem nekayembe. ⁹Mbele kiyae naei foma-foma, waeinyae bele ro orora nimainyekoke kiyae, wa niki kanau kuyeukokawale benem weunge, 'Anyu, wa ijokhu honoi kaeibo aloinyokho.'¹⁰Meyae itayembombe, Reyae Allah re ra mekale, one henggo yaele Kiyae bake kanire mekale, romiyae niki kanau yaele kuyeremmile fanyeremmilere mekale. “Yesus bele oro nimainyekoke ro re weunge, ¹¹Reyae ware wawale, "Ainyu, wa ijoku honoi rewei waei imaere eye." ¹²Oro ra nimaineokoke ro nahibi anguke, naei ijoku honoi rouke, nahibhi moite ekuke, ro miyae helem bere. Neyae naneme fa yae bate Allah re buma kolaiyele, elate, “Meyae rake hambum eme wanem ereiboimo nekandeke!”(Lewi Yesusre Hakoungoboke)¹³Yesus benem eke bu haei te, romiyae helem bolem hokoumeke meubate Naei bokore, Yesus ahuba huwoumile. ¹⁴Bele Neyae fouboye, Naei ijoko Lewi erekeunge, Alfeus na kelu, roi te arilate anuwaunge nekewoye. Beleyae, Yesus weunge, "Rare hakotobo, “Nahibhi, Lewi aunguke Nare hakoungobhoke.¹⁵Belera mo, Yesus nuweuboke hamam ne anewate Lewi re imae ne, roi te arilate yo yaele niki kanau yo yale, hamam anewate nembainye Yesus na mota ohowate yo yaele, rikena ro miyaea nekai hele Yesus re hekowainyele. ¹⁶Na belehe ahuba re itaijaele riya mbai Farisi holombai nae i ijoko erewate Yesus hamam anate niki kanau yaele yo na wanem roi arilate yo, neyae hinaimile Yesus na mota ohowate yore, “Mekane Neyae roite riyaimile yo yaele namekai ro miyae niki kanau yaele yo hamam nembainye anate?”¹⁷Belehera Yesus borowoumi, Neyae nare weumi, ”Ro miyae foite nekate yo dokterre ebaei, beleyae ehare bulo re kate yoyae baeumi. Reyae mekale na u himalainyeboke yore bam, beleyae niki kanau yaele yo bokore mekale."(Hamam Emaenei Nekenate Bele Ahubayae Hinate)¹⁸Yohanes na mota ohowate yo yaele Farisi romiyae hamam emaenei nekewate. Romiyae mehae-mehae hangga mekate Yesus hinanyele, “Mekane Yohanes na mota ohate yo yaele Farisi ro miyae na mota ohowate yo yaele hamam emaenei nekate, beleyae Wambele ohaube yo hamam anate nekate?" ¹⁹Beleyae, Yesus yae weumi, "Bele ro na hokholo uyau yaele hamam emaenei nekenate bele ijene, bele ro nambele nembainye nekenate?" Bake ro nambele nembainye nekenaifonde he, bele he neyae ro miyae eme reweye mekai inyekate.²⁰Bele yae mensembonde, bele ro na unolo u kaikaita rowende, bele heeya neyae hamam emaenei nekenate. ²¹Na mekai mbai, malo male kayeukoke hakam re, malo nemeyae neufaeke mo hakham ukae, mekanebam, bele malo neme hakham ukae bele yae malo male kayende, kabam hele bende.²²Bele wanem mbai romiyae anggur bu bale-bale hokou malene rilembonde. Na bele wanem mbai anggur bu yae bele hokou ninaei kayenggonde na wanem anggur bu yaele bele hokou yaele nabene-bene kanyete nebam sabam benete. Weyae beungehonde, anggur bu nabale-bale hokou nemene aubonde raufinde. (Yesus Naei Sele Tuhan Hambaya Ya Nabumana)²³Ya mbai hambaya ya, Yesus gandum heke ele eitte ewoye, nahibi na mota ohowate yo yaele eubate, gandum haka ani namene hokayeke eubate. ²⁴Farisi ro miyae Nare wainyele, "Ereyae, mekane neyae bele u mekai mokate, hambaya ya ahuwe aralem rasikate honoye moi wokate?"²⁵Yesus weumi, "Meyea homofae kowaube, ei itaiyeiboi meea yae Daud moloukoke beleya neyae mokowoye romiyae kalo moloumiboke moni-mai koubatene. ²⁶Mehae mekai Allah re imaere eruleufike bele he Abyatar elaeiboke imam kabam wanem, bele hili ha-akauha feu anewate naei sele imam yae mo anenate bele feu roukate romiyae nanemene ikaimile anewate?"²⁷Benem, Farisi romiyae re Yesus weumi, "Hambaya ya mokaiboke ro miyae maei, namekai romiyae Hambaya maei bam. ²⁸Belene, Allah Raei Kelu Neyae Tuhan, Hambaya ya nabumana hele.

(Yesus Ro Miyae Onomi Hambaya Ya Ne Mokowoye) ¹Yesus Hambaya imae re eruleufike, belena ro mbai name reufi nimainyekoke. ²Nanemene ijoko mo eranyele Yesus makha yae mokombonde bake sabat yane, na ubene kelai u refi re hayaete.³Yesus nahibi bele ro name reufi nimeuboke re weunge. “Hebenyu na nolone.” ⁴Yesus ya weumi, "Sabat Hambaya ya kaliya foi jae mokomalere namekai kaliya nebam yae mokomalere? Romiyae onomi imamilere, homale hayemalere?" Beleyaere bele yo a bam mo yaeiboke.⁵Yesus ijoko mo erewoumile na kena nebam hele yeuboke Na kena eta hele rimeye. Yesus bele ro name nimanyekoke re erewounge mo weunge, “Wame neinye“ bele ro name nekeunge, onomi nahibi yeuboke. ⁶Bele mekai eraibokate nabe Farisi ro miyae nahibi ekhate Herodian romiyae yaele kelai mokowate, mehaemekai jae Nare honaibonde bam. (Yesus Romiyae Helem Hakowanyele)⁷Belene Yesus na u bukou re eke, belena romiyae Galilea kanina yo helem Naei bokore meubate. ⁸Yudea ne nekateyo, Yerusalem na, Idumeana yo, Yordan Wiram na yo Tirus na yo, Sidon, helem belena nekate Yesus onomi romiyae re mokowoumi borowate nemene Naei bokore mo meubate.⁹Romiyae hele sele mewate ne, Yesus na mota ohowate yo re weumi kayi mbai Nare mokonainyehande, ro miyae ehana pulona kate yo Nare ekinyei ¹⁰Ro miyae ehana pulona kate yo Yesus mokowoumi onomi yarowate, anggaei borowate benem helem sele meubate, kinyei-kinyei kinyewate Naure me kilenaibondere.¹¹Bulo walobo Yesus re erekanyele, ane balekate buma kolowanyele kaenate, “Nahele Weyae Allah Re kelu!” ¹²Beleyaere Yesus ahuwe kolowoumi Naei u maei a eleijae. (Yesus Na Mota Ohonateyo Hokoukoke Me Bee Orone Bee Yaele Eleukoke)¹³Nahibi Yesus homunggaere re ike, kenare koumiyo kaeneumikoke Na bokore mekate. ¹⁴Neyae ro 12 eleukoke, na mota ahonate yo hokoukoke nambele nembainye Naei ako fae kore hungaimiyendere. ¹⁵Benem one henggo ikeumile palo walobo hukenaimile. ¹⁶Yesus me bee orone bee Na ro eleukoke rake niyae: Simon (Yesus Na ro roungeboke Petrus).¹⁷Yakobus, Zebedeus re kelu, Yohanes, Yakobus naubake (Yesus naei ro roumiboke Boanerges na mekai “Ku-kandelo fafa”). ¹⁸Anderias, Filipus, Bartolomeus, Matius, Tomas, Yakobus, Alfeus re kelu, Tadeus, Simon Zelot na. ¹⁹Yudas Iskariot kelai te noke ro.(Yesus Na One Henggo Allahrena)²⁰Pheta mo Yesus ekhe Imea Embainye eurluvikhe, romiea heleng hele pheneng arlewete Yesus Na Mota I Ohate yo, Ow re aneinaikhondere nahaluiphang yegokhale. ²¹Nenakhe, naugakhewa enggei Phorowate, mekhate Yesus Yaungamsondere Nei anene hugate Niea khew yea yegokhe. ²²Pheta, Ahubhare itei jale habha yale yo Yerusalem ra Owate elate, “Niea Beelzebul yea ewevikhe!” Pheneng, “Nie Ploh walovo khabhang ro yea ploh walovo re hukhemi”.²³Nehebhi Yesus khanemi mekhate Neai phokore, a nehephi wemi a vew u mekhai jea, “mehmekhai ploh walovo yea ploh walovo re huknensindere? ²⁴Yo yana embai khayenggonde anunde naure himi mokhombonde na, phele yo yang heki bhang himi-hama phende. ²⁵Pheneng, ro yale miea yale na akha phakhe na ime obhe embainye nekhena te khayende na urure habhenate, phele ime obhe heki enekhei.²⁶Bulo walobo annunde na u nenaeijae habende olendena, kaye wahenggonde, naei wali naheki bam, herende. ²⁷Yokolo hinye ye nahalui erulusinde elae yale wake yaele imae na hambum yokore, naeisele pele ro, elae yale wake yaele ro name oro ha yae kileungebonde mo ba, nahalui imae yoko baenggonde.²⁸Reyae mare a nehasele yae wamale, romiyae niki kanau olomo-narulu nahinggi hoberebonde. ²⁹Bele mekainye, hinye yae Roh Kudusre olomo roronde na, na niki kanau ehobeiboi hangga, bele niki kanau nenae hononende. ³⁰Bele ne, Tauratre itayaeiboke yo elate, "Neyae bulo walobo yae aungeboke!"(Yesus Nenake Re Naubakenaei Sele)³¹Betamo, Yesus Nenake, na ugakewa mekate imae moinye hebewate. Romiyaere ukaimile Nare kaennanyokondere. ³²Romiyae nuwaikoke Yesusre ele nainyeboke, wainyele, "Ereibo, anare waei ubakewa yaele mekate Ware baeimiyayete, monya nare ekaisebate."³³Yesus bele yore a weumi, "Hinye menake Naei, hinye Raei ubakewa?" ³⁴Belera beufoke, Na ijoko ereye anggem nuwaikoke elenainyeboke yore weumi, "Ijoko erembo, "Rake Raei Menake, Rake Raei ubakewa neyae!" ³⁵Mekanebam, hinye yae Allah Naei kenare koye mekai hakombonde na, bele niyae Raei Ubake, Raei emaem namekai Raei menake.”

Afaeu Umekai Hekelo Ra ¹Yesus bukou enene kelewoumi. Romiyae arileweke helem bolem sele, belene Yesus kayi mbai eite yeuketeke anggem nuweuboke. Romiyae helem arilewoye yaba buhaeinye hebaikoke. ²Yesus ako faeuko helem sele kelewoumi, ahuba arumbo-arumbo yae namekai ako faeuko kelewoumi. Naei ako faeukone rake yae weumi,³”Meyae borombo! Ro mbai hekelo, eke hekene ohaka yae heraiboye. ⁴Meka yae yeuboke, ohaka heraeiboye he, ehi nibi enene balayeke, aye mekate bele ohaka anayeke. ⁵Ehi kani ruka yalene balayeke. Bele ohaka hasale hele ketekate, beleyaere nakani wau-wau bam, melem bam.. ⁶Hu keteke, ronsan-sam uke naukoke, ohaka reu habaiboke, kala-kala yaeiboke. ⁷Ohaka ehi, isa yaele erum yaele nolone balayeke, Erum ohaka reu ketewatere awaimikoke, ani emokoi hangga.⁸Ehi kani foi-melem foi ne balayeke, ketekate kabam baeyeke, ani mokayeke rorele mbai me bee yaele, rorele u name yaele, ehi rorele u mehaembai yaele, ani helem sele farune-farune mokowate. ⁹Belera, Yesus weumi, “Hinye anggaei jaele kaye, neyae borombonde."¹⁰Yesus nembai nekewoye he, romiyae arilewoye yoyaele na mota ohowate yoyaele mekate a faeu arumboye-arumbo ne mekate hinewanyele. ¹¹Yesus weumi, "Yo hena-yam hena maei nemene nayakala yae mare weubamale, beleyaere romiyae arilewoyere a afeu arumbo-arumbo yae weubaemale. ¹²Mekanebam, romiyae helem erenate beleyae eitaeiboi nekenate, ijoko yae erende, eyitaeiboi konate, na wanem anggaei jae boronate, eboroiboi mekai nekenate, mekanebam, na u ebeijae namekai na nebam mokojate onomi eyeyeijae nekenayende." (Ohaka Hekelo Re Afaew Umekai)¹³Betamo Yesus bele yore weumile, “Mekane meyae eyitaeibomo rakhe afaeu wamale?” Mehaemekai rake a arumbo-arumbo eyitaeiboi kaube? ¹⁴Hekelo ako faeuko yae huweumi. ¹⁵Romiyae, ohaka nibi enene homofae huweijate mekai mbai. Beleyaere anggaei borojate hee, bulo walobo meye ako faeuko huweijaimile nemene bele romiyae boratera na kena eita yaroikiyoye.¹⁶Namekai, ohaka ehi ruka yaele kanine herayeweke, bele romiyae ako faeuko borajate nakena rei mai saee nekeijate. ¹⁷Bele yaere, na kena ei kambu ekeluweiboi nekejate, u wabei mehi-mehi hubayeikiyoye hee na hila rabo ako faeuko borowoyere elaebam, nahibi ruweye.¹⁸Ohaka ehi isa yaele erum yaele bele nolone balayeke. Bele romiyae ako faekho re borayeke yo ¹⁹U wabei rake kani kelana, ru kangge arilendere mae-mae namekai u wabei mehi-mehi na kena einye nekainyele meyae bae, ako faeuko borokere meye mokonge bele ani emokoyei nekejeye. ²⁰Kani foinye balayeke, bele yo ako faeuko borayeke, na kena einye hawayeke, ani mokayeke, rorele u bee mehine bee yaele namekai rorele name yaele, nawanem rorele u mehaembai jaele. "(I Hehene Afaeu Aruneuboke)²¹Yesus a weumi, ”Nahele bam i kajeu romiyae yum-yumake kelene eraisi hangga? I kajeu naeisele ayakala ne mo kolonate? ²²Hambum mbai numne ohoi hangga, naimekai mbai, hambum yakala hanggonde maei, yakala mo benayende. ²³Bele mekainye, ”Hinye anggaei yaela kaye borombonde, anggaei boronde!”²⁴Yesus yae weumi, ”Anggaei foi jae borombe. "Mekaha yae romiyae ehire kolaumile, bele mekai mbai mai une kolonayembe, ehi-ehi mai une betamo baranembe-hayenembe. ²⁵Makane bam, hinye hambum helem nekenende na, benem yennele, bele yaere hinye hambum bam nekejeye, mekaha yae na mena-u na keluweye enaiyaronde. " (O Haka Ne Afaeu Aruneuboke)²⁶Beta mo Yesus weumi, ”Allahre yo-hena yansena hekelo ohka kanine herayeye mekai ja. ²⁷Hekelo reniyai ijokune hononde, rene annunde, benem huwae yembonde, bele hekena molowoye ani ha ketenate kabam benate, bele hekelo nataeibam mehaemekai jae anire mokowate. ²⁸Bele kani nenaei ani mokowaate, kombo mahu, beta mo kui mokonde, belera ani mokojate. ²⁹Nabe ani eha ani benate na, hekelo ramiyaeli rowonde ani eha maluwembonde.(Hiyo Haka Ne Afaeu Aruneuboke)³⁰Beta mo Yesus yae a weumi, ”Maka afaeu mekai jae eyae Allahre yo-yam hena kolomanggonde bam­?” Makha afaeu mekaijae a habemabondemo kolomanggonde bam? ³¹Allahre yohena-yansena, hiyo haka kanine herayejande bele mekai, ijoko erande rake kanina-kelana ohaka yae bannele am. ³²Beleyaere, kanine heranyaibonde na, bele hiyohaka kending sele ra keteye o kabam re yembonde, bele ani eha nolone kabam bende akau mokonde, aye bumana koijate bum-bum menate bele alimne hebenate, nale mokonate."³³Bele afaeu mekaijae Yesus Allahre ako faeuko romiyae ehire huweumiyeke borayeke. ³⁴Romiyae ehire rake a arumbo-arumbo yae huweumiyeke, bele yaere namota ohowate yore Naei a na yakala yae kelewoumi.(Yesus Alu Yoyo Ukeunge Kalauboke)³⁵Bele ya mo, huwae rai yeuboke, Yesus namota ohowate yo re weumi, ”Mebu eyae bukou refire fomalere.” ³⁶Bele romiyae helem arilewoye nabe nukaimiboke, namota ohowate yo nahibi Yesus hebeunguke kayira hawaibokate, khayi ehi yaele nembainye bukou refire foubate. ³⁷Alu yoyo kabam hele raweuboke, na kayi alu habewoye hime-hama beuboye, omboi jae maemae houkoke.³⁸Yesus kayi monye yumake raufike ijokune honowoye. Mekate Yesusre yenggainyele a wanyele, ” "Kulu, mekane Weyae maei nou ehei, eyae nebam emabendere?" ³⁹Beta, Yesus anguke oku neke alu raweyere weunge, ”Hileibo! Bu kalainyebo!” Alu kalaungeboke, bukala-kala hele yeuboke yauboboye.⁴⁰Betamo Yesus weumi, ”Mekane buhae hele hokombokembe?” Maei hika rabo Rare u hele nekaube? ⁴¹Fe hele na u koubate, ehire-ehire hinainyele, ”Hinye maenim Rake Ro? Alu yoyo, bu Nare borokanyele!”.Waloboyae Angeboke Rore, Yesus Onomi Ikeunge

¹Gadara kanine, bukoba reufine, belene Yesus na moita ohowate yo yaele nakayi nokate. ²Bele anuwaunga ro mbai bulo walobo yae aungeboke koweke, Yesus kayira akouboke, bele ro bule anuwauka meke Yesus re hubanyekondere.³Bele ro buluranne nekeweke, na u elaekaei sele kowoye, ramoyo haa ikilenyaikondere nahinggi bam koubate. ⁴Bele ro mehaemekai horo name oro ramoyo haa yae kileikinyale nemene hokoikiyoye hayeikiyoye. Ro mbai elaelo wakelo, bele ro ekeleluwei ikileikoi hangga nekeweke.⁵Reniyai rai, na yane baei bule rannda, homunggae randa kelamo kaeneweke, namekai na u rukayae habeweke oki-kaka kabui jae koweke. ⁶Belera na ahauka Yesus re erekeunge bae, hakauboke meke Yesus bene oro hele yae roroukoke..⁷Kelae kaeneunge weunge, "Weyae meka yae rare mokotobondere, Yesus Allahre Kelu nabuna hele Kaye? ⁸Reyae Ware riyawale, Allahre Ro yae, rare nebam emokoitembae, bele yae Yesus weunge, "Bulo walobo, rake ro re u bulura etuwe!"⁹Belera Yesus yae hineunge, "Waro hinye?" Bele ro yae weunge, "Raro Legion, mekanebam, neyae helemne." ¹⁰Bele ro rokoyae-rokoyae Yesusre riyeunge, bele anuwauka nare ehukeijae eijae.¹¹Bele jena, obo riya mbai homungga enene hamamne anate. ¹²Bele bulo walobo Yesusre riyainyele, wainyele, "Mare weimi rike obo kate u eite arulemabom." ¹³Yesus ehe koumikoke, belene bulo walobo bele obo yoni-yoni koubate bele u bulune arulaiboke. Belena obo yoni-yoni na helem 2000 hangga hakaikoke homunggae enera ekate bukoune balekate, anaiboke.¹⁴Obo kayare hebewate yo hakaikoke yore eubate romiyae weubaimile. Romiyae maibaleke erewate, mekayae yeuboke-yakalauboke. ¹⁵Romiyae Yesusre bokore meubate, erewate bae bulo walobo aungeboke ro yae erainyele, ram malo hireukoke, anggem nuweuboke, onomi yae hubayeukoke. Bele romiyae hokoumeke erewaiyele femako yae koubate.¹⁶Bele mekai yeubokene, romiyae huwaiyeke namekai bele ro bulo-walobo aungeboke kaye onomi yeuboke, namekai obo yoni-yoni bukounge balayeke. ¹⁷Bele yona romiyae Yesusre riyainyehike, Yesus bele yore nukembonde.¹⁸Yesus kayira hawaiboke hee, bulo-walfo aungeboke ro meke Yesusre riyewounge nambele hebennundere enatere. ¹⁹Beleyaere Yesus ehe ekoikoi, beeyae weunge, "Eye waei yoho-yonggo nolore, huweimiyende Yesus waei u ne mekahae mokoboke, a weumile Yesus kena buhae hesei kabam hele rare heukokoke. ²⁰Rake ro yore eke, Dekapolisna romiyaere huweumiyeke, mekaha yae Yesus rake ro na una bulo-walobo koweke onomi ikeunge. Romiyae nanemene fa yae boubate.(Yairusre Maengge Waleungeboke, Miyae Mbai Okiyae Rileweke Onomi Ukeunge)²¹Yesus Naei bukaiboke bukoba refire okate bele buhaeinye ro miyae helem hokoumeke, ele yaea naei nyeboke. ²²Bele yone Allahre ei moloi-molom imae naei falem holona mbai naro Yairus. Yesusre oro kelaunge oro hele rorokoke. ²³Yesusre na hebaem riyeunge, "Ra maengge bulone herendere ekekoye, mei raei Imaere, alemo me rameungehinde, onomi yeungele. ²⁴Belera Yesus, Yairus re hakoungeboke naei imaere eubote. Romiyae helem sele Yesus re mota hakanyekoke eubate, Yesus re eleyae nainyeboke.²⁵Miyae mbai ralo yakama mee bee orone bee, okiyae rileweke honoweke. ²⁶Roko helem dokter ehi nekejate bokore onomire rewendere ohoweke, beleyaere, onomi erewei, na u nebam mo hubaungeke. ²⁷Anggaei boroke, Yesus romiyae helem onomi yeumiyeke, bele miyae romiyae helem nolora kinyeu koke meke Yesus na moita meke, Na malore mo, me kileuboke.²⁸Bele miyae eleye, "Nahinggi na Yesus Na malora mo kilerebonde, onomi roukele." ²⁹Mere kileuboke hee, oki rileweke heunguke, na u hubawounge onimi yae rouke.³⁰Yesus Na u hubawounge, elae ehi yae eukuke, belera romiyae nolora beufoke romiyaere weumi, "Hinye yae Ra malo me keleuboke?". ³¹Na moita ohowate yo yae Yesus re wainyele, "Ro miyae erame Wabokone kinyei-kinyei kinyate, beleyae Weyae maere wame, "Hinye yae me kileukeboke?" ³²Belera Yesus Na ijokho rikere rakere ereye, hine yae bele me u mokouboke.³³Bele miyae na u itayeuboke, fe hele hubawounge, na u kulu-kulu kouboye. Bele miyae Yesus bokore meke oro hele roroukoke weubounge, neyae mokouboke eha. ³⁴Yesus bele miyaere weunge, "Waei hila raboyae onomi roukae. Onomi honomi yae eye, bulo bam fela bammae."³⁵Yesus bele miyae anne weunge hee, ro meahe-mehae mekate sinagoge falem re wainyele, "Wa maengge hereke, mekane Gurure wabeungihinde ebere?"³⁶Yesus bele a weubainyelere anggaei eboroi, sinagoge falem re Yesus weunge, "Fe efaeijae, rabomo haleye." ³⁷Yesus weumi, ro ehi ehakoijae mo, Petrus, Yakobus namekai Yohanes Yakobusre aka baeke, bele ro riya neyae Yesusre hakonainyebonde enate. ³⁸Sinagoge falem imaere ekatemo, Yesus ereye aku-nau, hele namekai helaehili elae hele rimewate.³⁹Yesus imae eite aruleufike, romiyaere a weumi, "Mekane meyae aku haube, namekai hele rimaube? Rake maengge eherei, beleyaere ijokuyae honoye. ⁴⁰Bele yaere romiyae arilewoye re waka-waka yae Yesus re harewainyele. Yesus ukeumi nanemene mote mo aibaleke, Yesus bele maengee na ako nakere kaeneumikoke namekai namota ohowate ro riya nebainye bele maengge honowoye yowa eite ayeuboke.⁴¹Bele maengge na me keluke mo Yesus weunge, "Maengge fa, Reyae wawale, anyu!" ⁴²Bele maengge nahibi anguke, aloungekoke ohoweke, bele maengge fa na ralo yakama me bee orone bee yaele. Romiyae belena hebewate yo, fa yae boubate. ⁴³Yesus bele maengge naei ako nakere ahum kolowoumi weumi, ro miyae ehiyo eyitaeyeijae nekenayende namekai weumi na maenggere hamam inyainyele anenggonde.

¹Yesus bele ra aloungekoke airus le meangge Naei kotare, namoita ohowate yo yaele nembainye eubate. . ²Sabat ya yeuboke mo, Yesus ahuba raweuboke Allah Re eimom-mom imaene kelewoumi, romiyae helem sele borowate yo yae fa yae boubate, elewate "Rake nanemene mbelera yarowoye bam? Namekai itaeihaba, ha eme mehi-mehi hele Na me yae mokoye bam? ³Naeisele Neyae o hane mokoweke, nenake Maria, Naei aka baeke Yakobus, Yoses namekai Yudas? Naei emamwa riyana rakene nembainye nare nekande yae? Bele mekaine Nare nanyehike.⁴Yesus yae bele yore weumi, "Mbele-mbelene yenjo kayaa ro re bumane hele kolojainyele, bele yaere naei yone, naei aka baeke nolone namekai naei imae obena naimekai hurenainyele. ⁵Bele yone hambum eme mekai mbai sambai emokoiboi, bele yaere ehana bulona koubate yore onomi mokowoumile yarowate. . ⁶Hila rabo bam nekewate erewoumine, Yesus Fa yea bowole. Yesus yoran-yoranda ohoweke romiyae keleumiyeke.(Yesus Na Moita Ohowate Yo Ukeumi Eubate)⁷Yesus na moita ohowate ro riya me bee oro hine bee beleramo kaeneumikoke, beere-beere waheukoke. Walobore hukenaimile naei elae na une keteumiboke, belera yo hire-yo hire ukeumi eubate. ⁸Nibine enate ane weumi, ehanyale, feu, ru kangge, roi ninggi eyaroijae mo, mehukum mbai mo wamene reweye eye. ⁹Oro memalu hireukonde, bele yaere malo bee eyaroijae, ehireijae.¹⁰Belera Yesus weumi, "Mbele imaene meyae emembombe, bele imaene nekenggombe mo, bele yora membalembe. ¹¹Mbele yone mare anuwau eyei, nenayensimbena, embalembe hee, mai orona kani bahe rubommibombe, igwau wanem kelemmibombe neyae me u nebam hele kelaeyemboke ne."¹²Belera moita ohowate yo alainyekoke eubate, romiyaere waimiyeke, wali osaenaibonde nekenate. ¹³Rake yo walobo na u randa nekai sele hukewaimile, eha yo-bulo yo helem minyak yae hobewaimile onomi beubate yarowate.(Herodes Yesusre A Borouboke)¹⁴Herodes anggaei boroke, Yesus ha eme helem hele mokowoye ne, romiyae elate, "Neyae Yohanes bure kolowoumi kiyae herekera waleuboke, hambum eme re Yesusre royae bele hambum eme mokoye. ¹⁵Romiyae ehiyo elate, "Neyae Elia ya," bele yaere ehi yoyae elate, "Neyae yendo kayaalo hi bena yenjo kayaalo wanem.¹⁶Herodes, bele anggaei borokene eleye, "Yohanes bure kolowoumi kiyae, na falem reyae neufakale, benem waleuboke!" Yohanes Bure Koloumi Kijae Haiboke ¹⁷Herodes u benere nekewainyele, namiyea Herodias kenare koye mekai ekeunge Yohanis re kilaiboke kawane hilainyekoke hebeweke, Herodias naugwake Filipus re miyae, beleyaere Herodes kena koungene roke naei miyaere yeuboke.¹⁸Yohanis nahibi-hibi Herodesre a wengeke, “Na ije bam sele weyae waugakere miyae yae roukae nekeube. ¹⁹Bele aerene, Herodias na kena einye auboke ikele hele Yohanesre koungeke, hombondere merau koloungeke bele yaere nahinggi bam hubawounge. ²⁰Herodes Yohanesre fe hele faeungeke belene weuboimi, Yohanesre kayaa foi sele hebenate, nataei nekeweke Yohanesre wali himaleungeboke namekai Allah re holona ro ne. Herodes boroke Yohanesre ro, onewoye-handawoye, bele yaere kena hele Yohanesre koubonge.²¹Ya foi sele hubayeukoke, Herodes naei rohu-royae meijeuboke hamam bulau kabam mokouboke, na beyu-beyeba, fela falem-falem, namekai Galilea na beyu-beyeba nemene kaenewoumi mekate. ²²Bele hee yae Herodias re maengge aruleufike baene kouboye, Ondofolo Herodes bele yo kaenewoumi mekate yo yaele, bele maengge bae koye yaele mokowoumi na kena rewengehike nekewoye. Herodes yae bele maengge fare weunge, ”Meka hambum kenare koyae riyeufinde, reyae ware itete."²³Nehale yae wawale, "Mekaha yae rare riyeukehinde, bele ware itete, namekai rake yo waku nekale reufi riyeufindena, reyae ware kinyerete. ²⁴Bele maengge fa eke nenakere hineunge weunge, “Ana, reyae meka yae riyerehindere?" Nenake yae weunge, ”Yohanes bure kolowoumi kiyaere ro falem yae riyeufinde!” ²⁵Bele maengge fa na hasale mo beufoke, Herodesre bokore ekemo weunge, “Reyea riyawale na rake hee yae Yohanes bure kolowoumi Kiyaere falem, hote einye aubondemo rare yeukele."²⁶Bele a wanem riyeungehikene Herodes mehi neufake na kena nebam hele hubawounge, bele yae hokoumeke yo bene a holo yae heteungekoke boraibokene, bake maengge yae riyeufike hambum ahi ewei hangga. ²⁷Nahibi kayaare hebewate felayo mbaite ukeunge Yohanes bure kolowoumi kiyaere na falem rewete eke. Bake ro kawa eite eke Yohanes na falem neufake. ²⁸Belera hote einye Yohanes re falem hoite einye auboke beta meke bele maengge fare ikeunge. Bele maengge rouke nenakere ikeunge. ²⁹Yohanes namoita ohowate yo hereke a anggaei borokatene, ekate na u bangkare mo elaeisake a bulune aimoloufake.(Yesus Romiyae 5000 Hangga Hamam Wahewoumi Annewate)³⁰Yesus namoita ohowate riyane arilaisike, mekaha yae ukeumi mokowate kelewaimile bele a yae weubainyele huwainyele. ³¹Yesus namota ohowate yore weumi, “Mem, aemomo ema, anuwau akubam-naubam ijene no emayembom, meyae na wanem hamam re emaeneikoi mo nekaube."Rake anuwau romiyae helem sele elemele rikere-rakere ohate. ³²Nahibi Yesus namota ohowate yo yaele kayira hawaiboke anuwau akubam-naubam anuwauke eubate.³³Beleyae ro miyae helem erewaimile kayira hawaiboke. Romiyae na anuwau itayaeiboke, belene yau nibira hebaeyeke, yo-yam ehira-ehira moi hayaeyeke, Yesus namoita ohowate emeijae bere holoyae bele anuwauke ekate. ³⁴Yesus na khayi yabare barauboke, Na ijoko erewoye romiyae helem sele erewoumile, Na kena buhae kouboumi, domba-domba wanem na kayaaro olo wanem. Belene huba ra weuboke ako faeuko kelewoumi.³⁵Hu akombondere yae, Yesus namoita ohowate yo mekate wainye, ”Rake anuwau haubihibam sele namekai reniyai jae beye. ³⁶Rake romiyae weimi ai, rakena yo nekeijatere enate belene hamam ha roi jae yaronayende bele yae anenate. "³⁷Beleyae Yesus ye weumi.” Meyae hamam yemmile anenaikondere ya”. Na moita ohowate yo yae wainyele, “Bake romiyae helem sele arilewoye, meyae roi 200 dinar hangga yae few ema yaronggonde, romiyae anenate? ³⁸Yesus beufoke hineumile, "Ma mena feu mehae-mehae honate? Emerembo!” Eraiboke mo mekate wainyele, “Feu mehaeimbai, kaa bee maemena honate”.³⁹Belera Yesus namoita ohowate yore ukeumi, ”Ro miyae nanemene wemmile ukaranne riyane-riyane mo nungaikonde” ⁴⁰Riyane nuwaikoke yo holohi 100 nuweikiyate, holo ehi 50 nuweikiyate. ⁴¹Yesus bele feu mehaembai yaele, ka bee yaele mene yaroukoke, Nabe bumare weke Allah re helemfoimo ukeunge, Betamo bele feu kayeweke na moita ohowate yore yeuboumi, ro miyae re wahewaimile anewate. Bele mekai mbai ka bee kayewoye, romiyae helem re waheimile anewate.⁴²Romiyae helem anewate wande hele hubawainyele. ⁴³Yesus Na moisa ohowate yo hamam kalum nanemene arilaisike kakali me bee orohine bee yaele. ⁴⁴Feu ke anaikoke yo, ro mo nanemene 5.000 hangga.(Yesus Buranda Meuboye)⁴⁵Yesus namota ohowate yore ukeumi bere holo yae Betsaida yore fonatere, belera ro miyae helem na yore-yore enataere weuboumi. ⁴⁶Here ukera Yesus homunggaere ebeli boisite ike. ⁴⁷Huwae yeuboke, kayi mekate bu nolone meubate, Yesus yabane nukainyeboke.⁴⁸Yesus na moita owate erewoumi rem aubate am , mekanebam, reniyae nolo, alu kabam bera raweuboke ne. Yesus bu randa aloungekoke na bokore meke, enensinde mekai hareungele. ⁴⁹Beleyae, na moita ohowate yo Yesus bu randa memoye erekainyele elate enaelo yae elewate, belene femako koubate, kelae yae kanewate. ⁵⁰Bake yo erekainyelene nanemene kulu-kulu yeiboke. Beleyaere Yesus weumi, "Ma u osaembo, Reyae yae! Fe okoijae. "⁵¹Yesus bele kayi einye eweufike, alu rauboye uke kalaungeboke, nemene fa yae boubanyele. ⁵²Haubuhine bam, Yesus ha emeha feu mehaembai mokouboke hamam anewatere namoita ohowate yo namam eyitayeiboi nekate. (Yesus Ehana Bulo Na Yore Helem Onomi Yeuboumi)⁵³Bu habala reufire fokate, Genesaret yone nokate. ⁵⁴Kayira akowate bae, ro miyae helem Yesusre ro rainyeboke. ⁵⁵Romiyae hebaelewate yore ayeuboke, ehana-bulo na yo, na yum-yumake ranne yarowaimile Yesus bokore meubate, namekai anggaei borowate mbele kouke Yesus alongekoke eye, bele ijere yaraimile mate.⁵⁶Yesus yoranda-yoranda ohoweke, yo kabam yo kending nemene ohoweke, ehana yo bulo na yo, bele yo yanna nai nataei anuwaunge relaimiye honayeke, Yesusre riyainele, Na malo hubare kelungate.Nahului bamna, na malo hubare mo ikelenyaibonde yo nanemene onomi rewende.

¹Beleramo Farisi ro miyae yaele Tauratre itayaeiboke yo yaele Yerusalem yore mekate Yesusre hubayenaikondere.²Bele yo Yesus namota ohowate yo ijoko erewaimile, hamam re anenate hee name bu ekuyeikoi anewate. ³Farisi romiyae, Yahudi romiyae yaele, na yobe-yobe kelewaimile, hamam emaeneijae name bu kuyenaikonde hamam anenate. ⁴Yahudi romiyae anuwau kabam ra menate namekai riya kabamre menatena, hamamre anenatere na me bu kunyaikonde, betamo hamam anenate. Na yobe-yobe maei u maekai me bobo hele kilaiboke mokayeke, rake niyae, kolaei, bu yaijai anuwau, olo mebe tembagara mokaiboke kiyae.⁵Farisi romiyae, Tauratre itayaeiboke yo Yesus hinainyele, "Mekane Wa mota ohaube yo, yobe-yobe maei u mekai-wa mekai, na wanem a elewatere ehakoiboi nekate, na me bu ekuyeijae feu anate?"⁶Yesus weumi, "Yesaya aei yendo kayaaro mai u nebam mekai nehale yae ayem kolowoye, elewoye, "Rake yoho-yonggo na eugwa bonei randamo Rare buma kolatele, bele yaere na kena u bae ahau buhaunga hele. ⁷Rare nasom hele yae ei molaitele, na utaei-wataei bae ro maei miyae maei eha henayae roukate kelaeimile.⁸Allah re ako faeukore meyae moiteyae hayaeukoke, ro maei-miyae maei eha henayae meyae kilauboke elae beimiyaube. " ⁹Yesus na hibi a aruneuboke weumi, " Mai yobe-yobe maei eha henare hakoijaube mokoijaube, bele yaere Allah ukembe are, moinye hayejaube. ¹⁰Musa yae a eleukoke, "Mai ako-nakere enera-faita yannemiyembe, namekai hinye yae naekore-nenakere a nebam wemmilena, bele kiyae honaibonde hele.¹¹Beleyaere meyae romiyaere kelaummile nenakere nakore wemmile, Anare ataeite, mai wali re hakorebobe hambum roukele Allah re hili eha akau ehayae mekai ereniyendere.' ¹²Bele mokaibokere meyae romiyae ikai eyeisele nakore nenakere foite mokonaimilere. ¹³Bele eha hena mokaibene Allahre ako faeuko mokaungele habuhi bam baete. Rake wanem me u nebam helem meyae mokaibe. "¹⁴Beleramo romiyae ahaunga hebate yo nanememne Yesus kanewoumi na bokore mekaite a weumi, "Raeinya a wamale borondebonbe, namekai nou henggombe. ¹⁵Hambum ehi mekai mota ete ate yae romiyae maei u mekai nebam nikire emokoiboi hangga, beleyaere kena eita, u benera, eugwa beneita baleimiyate bele hambum yae nebamre nikire mokaimile. ¹⁶Meyae anggaeite boraube romiyae bele are nou hembe!"¹⁷Beleramo Yesus romiyae helem nukeumiboke, namota ohowate yo yaele imae mbainye arulaiboke, belene na moita ohowate yo a arumbo-arumbo aruneubomi eyitaeiboi mo nekate ne Nare hinanyehike. ¹⁸Yesus yae weumi, "Meyae namam itaeyeiboi mo. Meyae itiam hele, hambum yoni-yoni romiyae maei ugwa moita ete ate naei u mekai nebamre niire emokoiboi hangga. ¹⁹Mekanebam, eugwara ate kaye kena eite ei bambae, yehale eite wate kaye, bele neyae anuwau nebamne, kendo kenyahu beijate bele anuwaunge eyokande."( Hamam, Naneme Eli Hohore Enekei jae)²⁰Benem Yesus weumi, "Ro maei miyae maei kena ura balenayende hambum neyae naei u mekai nebamre nikire olenggonde. ²¹Mekanebam, kena eita baleimiyate rake niyae: u bene nebam, yoko kaimae, yokore, romiyae hoisoi, romiyae yaele miyae ro yaele mbainye hononetere, ²²romiyae ehi maei hambum kena hae-hae kojate, nebam benate maei mokojate, karebai-akrebai, kena hensem, a hufuuke huweijate, ukai namekai kobu-kobu. ²³Bele nebam nemene romiyae maei kena ei u eita yakalate, romiyae maei u mekai nebamre mokaimile.(Siro-Fenisiana Miyae Na Hila Rabo)²⁴Bele anuwauka Yesus kulum uke Tirus yaele Sidon yaele bele kanire euboye. Yesus imae mbainye aruleufike, bele yaere romiyae ijoko erekainyele. ²⁵Bele yona miyae mbai, na maengge walobo yae aungeboke, Yesus meke anggaei borokene, hasalemo meke Yesus bene oro hele roroukoke. ²⁶Bele miyae Yunani na, Siro-Fenesiane honggate. Bele miyae Yesusre riyewounge, walobo na maengge ura wennele enduwendere.²⁷Belera, Yesus bele miyaere weunge, "Fafa bereyae hamam anenaikonde wande inyaibonde. Namekai bam hele, fafa maei hamam bambae yokure hayemamilere. ²⁸Bele miyae Yesusre weunge, "Nehale Tuhan, beleyaere hamamre anate anuwau kelena yoku hebate, hamam mori-mori balatemo yoku yae anate."²⁹Yesus bele miyaere weunge, "Bele a mekai warene, mana weyae eye, walobo wa maengge na u bulura meukuke." ³⁰Bele miyae beufoke na imaere eke, ijoko ereye bae na maengge ijoku honoi ranne ijokune honoye, walobo na u bulura eukuke.(Ro Mbai Anggaei Kokum Onomi Ikeunge)³¹Yesus Tirus yone nekaikokemo, Sidon yo bu kelara moi hayewate Galilea bukoba kelaeunga yo Dekapolis kanina. ³²Belene, ro mbai anggaei kokum, romiyae yawainyehoke Yesus bokore mekate riyainyele, Yesus bele ro na uranne me rannehinde onomi rewendere.³³Yesus bele ro yaweungehoke romiyae helem hebate anuwauka elaere ekete. Yesus na me bele ro na anggaei bulure nekeunge eke, belera eugwaki houboke bele ro re faeunge karaungehike. ³⁴Yesus Nabe yaku bumare beufoke. no yoboubokemo eleye, "Ninae Raweibo!". ³⁵Na belehe, bele ro na anggaei raweuboke, na faeunga eha nenaei kulauboke, onomi rouke, anggaei foi borowoye, a nason mekai elewoye borowate.³⁶Yesus ijoko eraiboke yore ahum kolowoumi, rake ro onomi ikeunge romiyae ehire ehuweyeijae. Bele yaere romiyae ahire-ahire huwaimiyeke. ³⁷Borowate yo fa yae boubate, elate, "Yesus nemene fomene foi sele mokowoye. Anggaei kokum yo anggaei borate, namekai a mum nekewate yo a elate borande. "

¹Belene ya mehae-mehae nekaikokemo, romiyae helem Yesus bokone arilewoye, bele yaere anenaikonde maei hamam bam, Yesus na moita ohowate yo kaeneumikokemo weumi, ²Reyae kena buhae yae rake romiyae helem haemaele, ambele ya name yae yeuboke nekande namekai hamam emaneikoimo nekate. ³Reyae ukemile na imaere-imaere enatena, ehi nibi nolone moni ne hokonnekonde ruwende, namekai ehi yo ahauka mekate. ⁴Betamo namota ohowate yo wanyele, "Mehae mekai jae rake romiyae helem feu yae naremmikonde wande inyaibonde, namekai rake anuwau a haesaei-saei a kou-kou honoye?"⁵Beleramo, Yesus namota ohowate yore hineumile, "Ma mena feu mehae-mehae?" Namota ohowate yo wainyele, "Ma mena feu mehaembai mehine bee (tujuh) ⁶Beleramo Yesus ukeumile bele romiyae kaniranne anggem nuwaikoke, feu nanemene yaroukoke mo, ebeli boungehike, kayewoye, namota ohowate yore yeuboumi romiyae helem wahewaimile anewate.⁷Bele namota ohowate yo namena ka fele-fele yaele. Yesus ebeli boungehike mo, namota ohowate yore ikeumile romiyae helem mekate yore wahewaimile. ⁸Romiyae helem anewate wande hele koubate, namota ohowate yo hamam kulum arilewate, na helem 7 karanjang, mehaembai mehine bee yaele. ⁹Romiyae nemene empat ribu hangga hamam anewate. Beleramo Yesus ukeumi eubate. ¹⁰Yesus namota ohowate yo yaele nahibi kayi ete erulaiboke, naisike Dalmanuta kanire eubate.(Yesus A Riyewanyele Yaku Bumana Ha Emehare Kelembondere)¹¹Farisi holona yo Yesus bokore mekate, umali re hubanainyehindere, Yesus re wainyele surgana ha emeha re yakalamibondere. ¹²Yesus no yobouboke, Na kena eita mehi yae neufake eleye, "Mekane rake heena romiyae hambum emere mokorebondere riyatele? Reyae nehale yae wamale, rake heena romiyae hambum eme ekeleijae hele." ¹³Belera, Yesus are riyewainyele yore nukeumiboke, namota ohowate yo yaele kayira hawaiboke naisike refire foubate.¹⁴Namota ohowate yo feu nundeumikoke, ehi ebaraiboi, kayi einye feu mbai mo nekewoye. ¹⁵Betamo, Yesus ahuwe rorowoumile, "Mokosa-mokosa nekembe! Ma u kayaa hebembe, Farisi holona yo yaele Herodes holona yo yaele naei ragi."¹⁶Beleramo, nate-nate hinate elate, mekane eyae feu ebaraiboi. ¹⁷Na kena einya hubawainyele Yesus itayeuboke weumi, "Mekane meyae feu ebaraiboi ane eleimiyaube? Meyae namam Raei elae eyitaeiboi? Mai u bene namam na nana yae namekai kena elae hele hebaube?¹⁸Meyae ijoko yaele, beleyae ijokoiboi nekaube? Meyae nggaejale beleyae eboroi nekaube? Meyae bene enekeesi?" ¹⁹Reyae feu kayewale wahele 5000 romiyae anewate wande yaeiboke, na hamam kalum mehae-mehae meyae arilwaube?" Namota ohowate yo wainyele, "Na kalum arilewande keranjang me bee orone bee yaele²⁰Benem feu mehaembai me ehine bee yaele, romiyae 4000 anewate wande beubate, na kalum mehae-mehae meyae arilewaube?" "Na kalum meyae arilewande nemene keranjang mehoki mbai ehine bee yaele. " ²¹Yesus benem weumi, "Meyae namam eyitaeiboi kaube?" (Betsaida Yona Ro Ijoko Kumba Yesus Onomi Ikeunge)²²Yesus namota ohowate yo yaele kayira awayeke Betsaida yone anyoke. Betsaida yona ro mbai ijoko kumba, yawanyehoke Yesus bokore mekate a riyewainyele Yesus mere keluwennelere. ²³Yesus bele ro kumba na mera kelukeunge, yawengehoke yo mote ekete. Yesus eugaki na ijokora houngeboke Na me ijoko ranne raufike. Yesus hineunge, "Weyae hambum-hambum ijoko ereyae?"²⁴Bele ro nabe bumare kaeboke weunge, "Reyae romiyae ijoko eramaele bele yaere o-ha mekai ohate?" ²⁵Yesus benem Na me bele ro re ijoko ranne raufike, bele ro ijoko keleukoke, onomi rouke, hambum hambum na yakala hele erewoye. ²⁶Yesus bele ro ukeunge na imaere euboye weunge, "Rake yore eijaemo nekeye."(Yesus Nehale Kristus)²⁷Beleramo, Yesus namota ohowate yo yaele, Kaisarea Filipi yore mekate. Nibi nolone meubate, Yesus namota ohowate yore hineumile, "Ro yae miyae yae Rare hinye yae elate?" ²⁸Na mota ohowate yo yae wainyele, "Yohanes bure kolowoumi kiyae, ehiyo elate yendo kayaaro Elia yae elate, ehi yo yae elate Allah Naei yendo kayaaro mbaijae elate."²⁹Bele yae, Yesus hineumile, "Meyae bae Rare hinye yae elaube?" Petrus yae weunge, "Weyae Kristus." ³⁰Beleyae Yesus namota ohowate yore ahum kolowoumi, Naei u maei Kaye, romiyae ehire ehuweyeijae.(Yesus Na U Nebam Bende Maei A Yakalauboke)³¹Beleramo, Yesus namoita ohowate yore Naei u nebam mokonainyele a yae kelewoumi, Yahudi falem-falem natehike, imam falem yae namekai Tauratre itayaeiboke yo yae, honatebonde, name nem ya Reyae walerebonde. ³²Yesus rake a namota ohowate yore na yakala weuboumi. Belene, Petrus Yesusre yobouboke elaere ekete weunge, bele a mekai eleyeijae.³³Yesus beufoke namota ohowate yore erewoumi, Petrusre a elae hele weunge, "Raei bokora eye, walobo falem! Waei u bene Allah hareungeboke mekai bam nekete, romiyae maei u bene yae haranae. ³⁴Betamo, Yesus romiyae nemene namekai namota ohowate yo kaeneumikoke mo weumi, "Ro miyae Rare hakondebonde kiyae, bele ro miyae na wali nou eheijae nekenende, o hali kaembonde belera mo Rare hakondebonde.³⁵Hinye na wali hole molonebondena, bele kaye na wali hole emoloiboi hangga. Bele yaere hinye na wali Raei ako faeuko aerene Rare yendelena, onomi hena bona endewende. ³⁶Na foi mekaha, ro mbai rake kani kelana hambum eme nemene fomene yaroube horo, na wali hole emoloiboi hangga. ³⁷Meka hambum eme yae reweye yeungele rake wali henare emanekende nahinggi beneikonde?³⁸Belene yae, hinye Raei aerene, Raei ako faeuko aerene femako kondena, Allah Na kelu mende yane naei mekai Naei Akore bene, bele ro miyaere fe emmimokonde.

¹Yesus yae weumi, "Rake a nehale yae mare wamale, mai nolona ro ehi yo, ehereiboi nekenate Allahre yo-waku erenaibonde. Yesus Bersama Musa dan Elia ²Ya mehine mbai yeubokemo, Petrus yae, Yakobus yae, Yohanes yae, Yesus yaweumiboke homunggaere ikate. ³Yesus Na u mehi hele yeuboke, Na malo wili halamam bouboye, Ro mbai jaerake kani kelana nekande bele keleumom mekai emokoiboi hangga.⁴Hokolo name bene, Elia re, Musa re yakalaiboke, Yesus Naei ane elate. ⁵Belera Petrus yae Yesus re wenge "kulu, foi sele rake anuwaunge mekanekande. Mem, eyae fale name hemakom, mbai Waei, mbai Musare namekai mbai Eliare. ⁶Petrus mekayae elenggonde, fe faeuboyene. bele a mekai nasom bae eleukoke.⁷Wau keleumom meke hileumikoke, bele wau nolora anggaei borowate a meke weumi, "Rake Raei kelu Neyae, Naere mo anggaei boronnele!". ⁸Hokolo name na ijoko rikere-rakere erewote bae Musare Eliare nundeuboke, Yesus nembaimo erewainyele hebewoye.⁹Homunggae ra akayoke hee, Yesus ahum raumihike na ijoko erekate romiyae ehire ehuweijaemo nekenate, Naei walembonde ya enaisuwende. ¹⁰Ahum raumihike romiyaere ehuweyei nekayeke. Hokolo name na mo-mo inyekate hee isinate, mehae mekaite Yesus nuluyo-mahe yora annunde walembonde eleukoke.¹¹Yesus re hinanyele, "Mekane Tauratre itayaeiboke yo yea elate, Elia bere holo yae mende?" ¹²Yesus yae weumi, "Nahele Elia bere holo mende, nemene fomene mokonehande. Mehae mekai jae moloukoke, Allahre hina fa-hoifa menderelennkonde, a wewe yae, auka-kaka yae konatele. ¹³Beleyae Reyae mare wamale, Elia nehale meke, homone molaikoke wanem name u meke mokowoye. "(Bulo Walobo Etuwei Hului Aei Elae Wakeyae)¹⁴Yesus hokolo name nembainye nokainyele homunggaera namota ohowate ehi bokore oubate mo, ijoko erewaimile romiyae helem sele arilewoye, na mota ohowate yo yaele, Tauratre itayaeiboke yo yaele ane kilewate. ¹⁵Belena hebate yo na ijoko wekate Yesus yae eranyele, nahibi Yesus na ure hebaelate. ¹⁶Yesus hineumi, mekayae meyae Tauratre itayaeiboke yo yaele kilaube?¹⁷Bele nolora ro mbaijae Yesusre weunge, "Kulu, rakelu yae yaweungehokale mekende, bulo walobo yae mokoungeboke anggaei kokum yeuboke. ¹⁸Bulo walobo meye keluweye hee, kaeibiyoye ane woyoye, na eugwara olokee yae mo itilewoye, na iteha roroikiyoye, na u kabam elaekaei halaekaei yeibiyoye." ¹⁹Yesus bele riyaere weumi, "Meyae rake heena nekaube romiyae hila bam rabo bam yo! Mekane Rare hila rabo ehalei sele, namekai kena nebam hele hubanale, mambele nembainyemo nekeimiyande yaere bele yaere Rare eyitaeiboi mo nekeimiyaube?Bele fa rakere yaweneho meu!".²⁰Bele fa Yesus bokore yawainyehoke ekate, nabe bulo walobo Yesus re erekeungene, bele fare na u mokoungeboke nei-nyei kouboye, ane ruke eyole-meyole olewoye, na eugwara olokee mo balaimeke. ²¹Yesus rake fa naekore hineunge, "Mbele heeyae rake u mokoungeboke koumeke? Naekoyae weunge, "Na kendingra mokoungeboke koumeke. ²²Rake koye u mekai mo bam, roko mbemba bulo walobo i ranne reweye kaisiyeunge, roko ehi rom bune kaeibiyoye woyoye, honaibondere mokainyeke. Belene meyae riyayete, Weyae ha eme mokoibo, kena buhae heimoko namekai maere rikeimobo."²³Yesus yae weunge, "Mekae aerene eleukokae, "Nahinggi mokoubondena'? Romiyae yae Rare hila rabo halaenatelena, nemene-fomene nahinggi mo!. ²⁴Rake fa naeko hele rimeye a rimayeunge, "Reyae rabo halewale!" Riketebo, hila rabo elae roukele. ²⁵Yesus ijoko ereye romiyae hele arilewoye, bele bulo walobore oku nekeunge, wenuge,, "Weyae amum-anggaeibam bulo walobo kiyae, Reyae wawale, rake fare u bulura etuwe, benem eyeruleijae!"²⁶Bulo walobo enduwendere rake fa mokoungeboke na kelae yaele kanewoye, nahibi bulo walobo ekuke. Rake fa oro me bae hayeuboke, romiyae yae elate, "Rake fa hereke!" ²⁷Bela yaere, Yesus namera kileuboke, yenggeungekoke, rake fa aunguke.²⁸Yesus imae ete aruleufikemo namota ohowate yo yae hinanyele, "Mekane meyae bele bulo walobore ehukeisi hangga?" ²⁹Yesus yae weumi, "Rake bulo walobo kaye etuwei hangga, hambayae ya hele wa nahului enduwende. "(Yesus Herende Maei A Yae Benem Elewoye)³⁰Bele anuwauka, Yesus namota ohowate yo yaele Galilea kanira ewate. Naei kena koye romiyae eyitayeijae. ³¹Niyae namota ohowate yore kelewoumi mo weumi, "Allahre khelu, romiyae mene kinyaiboke honaibonde, namenem ya Neyae annunde. ³²Namota ohowate yo onewate handawate meka a yae eleye, beleyaere fe yae koubate hinenainyehindere.(Ane Kilewate Hinyeyae Kabam Naei Holona)³³Kapernaum yone mekhate, bele yona imae mbai ete arulaiboke wa Yesus hineumi, "Nibi nolona mande, meyae meka ahuba yae huweimiyaube?" ³⁴Bele yaere nanemene abam mo yaeiboke, mekanebam, nibi nolone mate naete-naete eleimiyate, hinye yae naei nolona kabam re, naei beyu-beyebare yeuboke. ³⁵Yesus nuweuboke, namota ohowate yore kaeneuimikoke wa weumi, "Hinye yae rore ronainyebondere na kena koyena bele kiyae naei ro are yae mokonnele, nemekai romiyae nemene maei yebaei-bubaete yembonde. "³⁶Belera Yesus fa kending mbai rokeunge na nolone haungeboke, fa kending hari aungeboke wa weumi, ³⁷Hinye bake fa kending Raei aerenefoijae ei annebondena, bele ro Rare eijae haweuke, namekai hinye yae Rare ei hawendelena, bele ro Rare mo ei hawendelena bam, Allah rakere ukeuke mekale Kiyae yaele, ei haweunge. "(Yesus Ro Einye Bulo Walobo Hukaimile)³⁸Belera Yohanes Yesusre weunge, "Kulu, meyae ro mbai ijoko erekannele, Waei Ro yae walobore hukeungehike, bele mekai erewannelene meyae ahum rannehike, mekanebam, bele ro aere ehakoiboi ne." ³⁹Bele yaere Yesus weumi, "Ahum okoloijae, mekanebam, romiyae hinye maenim Raei royae ha eme mokobonde kiyae, bele ro Rare a nebam ewei hangga.⁴⁰Hinye ambele me kena u kena ekinyeinya, bele kiyae aei refinare yeuboke, aere hakoumeboke. ⁴¹Reyae nahaleyae wamale, hinyeyae ware Raei holona yeubokae ohoyaene bu inyete aneufindena, bele ro na me buhae Allah ennehawende. " (Niki Kanau Oleukokae)⁴²Hinye maenim rake fafa mokonaimibonde, wabenaimihinde nebam nibine enaibalendena, bele yo nebam hele na waline hubanainyele. Na foi sele bele ro miyae wanem ruka kabam na horo ra hayae bainyaisinde buweinye enaiwoyonde. ⁴³Wa meyae nebam mokombondena, bele me neufande wowonde, me mbai jae sungare eruleufinde, wame nabene hereye na ine hukeleye. ⁴⁴Bele anuwau aki-hem eherei boi koijate namekai i bolo-bolo ekebeikoi hangga bejeye.⁴⁵Waei oro yae nebam mokombondena, bele oro neufande wowonde, na foi sele oro refi mbai jae surgare ewefinde, oro na bene hereye he i ne esukelende. ⁴⁶Bele anuwau aki-hem ehereiboi koijate, namekai i bolo-bolo ekebeikoi hangga bejeye.⁴⁷Wa ijoko yae nebam mokombondena, bele ijoko kaye keleufinde wowonde, na foi sele ijoko refi mbai jae wali hena esubayeukonde, ijoko na beene eyena, hereye hee, i nolo ne esukelende. ⁴⁸Bele anuwau, aki-hem ehereiboi koijate namekai, i bolo-bolo ekebeikoi hangga beijeye.⁴⁹Romiyae nanemene i walora wali hena enaisubayende. ⁵⁰Hae na yu foinya, bele hae na foi. Beleyaere na yu u yembondena, mehae mekai jae mokoungebonde yu yaele yembonde? Mai wali einye hae yaele wanem bae wali nekembe, foi ehire-ehire mokommile. "

¹Yesus Kapernaum yo nukeuboke Yudea kanire endere, Yordan wi eneramo Yudea kanire euboye. Romiyae helem sele arilewoye Yesus Re ele nanyeboke. Yesus Naei mokoweke mekai, nahibi ako faeukone huwewoumi. ²Farisi romiyae mekate, Yesusre u malire hubananyihindere, hinainyele, ”Mehae mekai Waei u benena nekete, ro mbai miyae rewendera, beta nennihinde?” ³Yesus yae weumi, "Musa meka utaeijae moloukoke mmare wembe? ⁴Farisi holona yo yae wainyele, ”Musa moloukoke ro na miyae nahinggi nennehinde beleyaere bele ro homo molonggonde bele miyae neungehikere yennele."⁵Beleyaere Yesus weumi, ”Mai kena elae hele nekewaubene Musa rake utaei mekai moloukoke. ⁶Naei sele, rake kani kela mokowoye hee, Allah ro yaele miyae yaele mokoukoke.⁷Bele aerene ro mbai naekore nenakere nukemmibonde. Nenaeijae na maiyae yaele eneinekende. ⁸Hokolo bee mbaite inyeibonde. ⁹Bele wanemne, Allah yae mbainye mokoumiboke, romiyae yae ekelareijae. "¹⁰Betamo, imae ete ekatemo, namota ohowate yo yae benem bele a mbai yae Naere hinainyele. ¹¹Belene, Yesus weumi, "Hinye namiyae nennihinde benem miyae ehire rewendena, bele ro yoko-kaimae yae koukoke, naei miyae helere nebam bae mokoungeboke. ¹²Bele mekai mbai, miyae kaye, namolore nukennebonde benem ro ehire eneinekendena bele miyae yoko-kaimae yae koukoke. " (Yesus Fafare Onomi Yeuboumile)¹³Fafa fele-fele yawaimile Yesus bokore yawaimile mate Yesus Naei me fafa na u rane koloumilere, bele yaere namota ohowate yo ahum kolowaimile. ¹⁴Yesus bele mekai ijoko erewoumilene, Neyae a yarewoumi, weumi, "Waemmihi mai, ahum okoloijae, bele fafa Raei bokore mai, mekanebam, Allahre yo yam rake romiyae mekai jae enaeijembore wali hena hubayenaikonde.¹⁵Reyae mare a nehaleyae wamale, hinye na wali rake fa mekai na wali harannebondena, Allahre yo yam mokoungehake bele ete enennsinde." ¹⁶Nahibi Yesus fafare hari aumiboke onomi ikeumi namekai Na me na uranne kolowoumi.(Robonilo Relalo Yesus Re Kinyewoye)¹⁷Yesus kulum wendere mokosa-mokosa nekewoye bae, ro mbai hakeuboke Yesus Na bokore meke, nahibi oro hele roroukoke, hineunge, "Foite mokoyeyae Kulu, meka me u yae mokorebonde, wali hena bona ere hubayenggonde?" ¹⁸Yesus yae weunge, ”Mekane Rare foijae ware? Romiyae nanemene, foi bam mo nekande, Allah Nembai sele foito-moito. ¹⁹Weyae wataeijae foi maei autaei, ro hosoi ohoijae, ro miyae yaele miyae ro yaele mbainye ohonoijae, yoko ebaeijae, romiyae maei ahele bam ehuwaijae, ame-ame ebeyeijae, anare ataeite fe faeumile. "²⁰Bele ro Yesus re weunge, ”Kulu, bele a ware nemene na hokolone hakowale mokowekale mo yae.” ²¹Yesus bele rore erewounge kena buhae yae heubounge weunge, "Mbai sele waeinya kalore molote, eye, waei hambum nemene roi nate heukonde mo, bele roi jae kerebam-nalebam nekeijate yore waheimiyende, beleyae weyae kere-nale surgana yae eiyaronde. Belera meye Rare hakotebonde. " ²²Bele a ukeungere kena bam hele hubawounge, mekane, rake ro naei hambum helem sele, bele anuwauka rei bam-mai bam bae alongekoke euboye.²³Yesus Na ijoko ahira-ahira ereukokemo ajpkho namota ohawate yore weumi. ”Yabi-yabi hele romiyae kere yaele nale yaele nekeijate Raei me kele u kele na yore inyaibondere!” ²⁴Namota ohowate yo fa yae boubate, belene benem Yesus a weumi, "Fafa rake a borombo, yabi-yabi hele romiyae Raei me kelere yore enaiyembondere. ²⁵Obo unta mbai nasom wanem imake bulure aruleufibe beleyaere kere yaele nale yaele romiyae yabi-yabi hele Raei mekele u kelera na romiyae re inyaibondere!"²⁶Namota ohawate yo fa yae boubate, nenaei nate-nate hinate elate, ”Hinye naeijae onomi enaijaronde?” ²⁷Yesus na mota ohowate yore ereumi, "Romiyae nahinggi bam elate kaye, Allah yae eleye namene anhinggimo benate!"(Yesus Re Hakomambonde Nasom Bam) ²⁸Petrusyae Yesusre weunge, "Ijoko eramae, maei hambum nemene fomene nukandeboke hayaendeboke, mana Waremo hakayaeibokayete!"²⁹Yesus weumi, bhakhele a nahele yea wamale, hine neime obhe, neneua akho, nekhelu omi, nekhelei alei Rei khenane nukhende hayendena, ³⁰Nanakhele heyea Isangnane Felarane naimene, nakhelu omi nolone, nei akhabhekhe nolone nekhenendena ro umbaina waneng rowende, bhena yane mendene, walihena rowende. ³¹neibhokhate yo menaibhukhombonde, monyayeyea bhere enaiyembonde”.(Yesus Herende A Yae Elewole)³²Yerusalem yore alanyokhokhate fowate Yesus bhere neugokhe, reimai khowate, romiyea ehiyorong bhele homne hakhaikokhate fowate Fe yes fenate. Yesus namota ohate yoyele yaweumibhokhe bheneng bhukhaibhokhate mewate, Yesus nare a iteiyeumibhokhe Naurang bhenate a romng weumi, ³³Neyea alele, ”Jokho erauge, eyea Yerusalem re kheteimiyande Yesus faleng-faleng mere kinyenaibhondere Yehudi romiyeare inyaimilere. ³⁴Akhoihoijea, eugekiyea honanyele Na urande bheta honaibhonde, nanemen yamo Nea angukhe.”(Yakobus re Yohanes re Khena re Khote Ha Yea Yesus Re Rinyele)³⁵Yakobus, Yohaner re, Zebedeus, fafabhe Yesus Re bhokhore mekhatemo a weunye, ”Khulu, mei khenare khonde ha ehe khoumikhondere bhelene wei bhokhore mekhande.” ³⁶Yesus a weumi, ”Mekhayea khenare khouge Reyea hakhorobhobhere?” ³⁷Neyebhe Nare a weumi, ”Ehere khoumikondere wei bhokhore mekhande ehikie wei meugerefine nuwembinde, nehikiyea wei melirefine nuwembonde nembanye Ateite Imeyeite obheyeinye.”³⁸Yesus a weumi, ”Meyea iteyeibhoi mekhayea meyabhe riyeuge meyea nahului bhakhe bhu Reyea anerehinde maijelea nahului anehibhe bhakhe bhu raukihike meyea nahului Nea nahibhi bhe?” ³⁹Nare a weunye, ”Meyea nahului!” Yesus nare a weumi,” Rakhele bhu Reyea anerehinde meyeabhe nahului anehibhe, bhu Rare rakihikhe meyeabhe bhihe ranihibhe.” ⁴⁰Meugemene, melimene nuwokhobhe arongbhele reyea ehe ekhoikoi hangga bhele anuau nehanine mokhonghakhe.”⁴¹Bhele a bhorokhhete, namota ohate yorong a re yengmibhokhe yarewongmile Yakobusre, Yohanesre. ⁴²Yesus kheningmikhokhe mo weumi, matei nekhembe falende hebhate yo romiyea Yehudi bhang elate yo nei khenana hangga mokhanaimile.⁴³Meyea bhele mekhaibhang. Neisele, hinye mairiyana khena khole khabgang Yembonde khaye, niyea nanemen ufoite nekhende, ⁴⁴mairiyana hinyekhena khole bhere nembonde khayea, neyea nanemen nei ufoite yembonde ⁴⁵Yesus rakhe khani khelare mekhe roware eyeibhoi, bheleyea nanemen nei ofoite yegokhe, mekhe Nei wali ikeumile walire enayaronde Nei Ro enye.”⁴⁶Yerikho yone mekhate. Yesus namota yoyelea romiyea ehiyeale yerikho eibhelekhate ewate, ro mbai jokho khumba naro Bartimeus Timeusre khelu nibhine nuwegokhe nekhewole. ⁴⁷Neyea a bhorole Yesus Nazaret na Ro, neyea nahibhi kheneungele a lele, ”Yesus Daudre Khelu reijele kenabhuhe hetokho!” ⁴⁸Ro miyea heleng ahung kholanyelea a wanyelea dohang Yeibho. Bheleyea neyea khela nahibhimo kheneunge,” Daudre khelu, khenabhuhe hetokho!”⁴⁹Nahibhi, Yesus hebhengukhe a weumi, ”Kenanenokhemew”. Mekhate mekhate mo wanyele,” Wakhena eleyea! Mana anyu, Neyea ware khenate”. ⁵⁰Nahibhi nemalo nauna khulagokhe, bhelero angukhe YesusRe bhokhore mekhe.⁵¹Yesus nerea a weunge. ”Mekhayea wei khenare khoyea Reyea Hakhoroibhotere?” Bhelero yea elele, ”Khului rajokho onomi yetea ⁵²Yesus a wenge” Eyea, onomi honomi rakhe!” Bhelehera nahibhi jokho erewole, neyea Yesus homora nahibhi hakhogokhe nibhine oheyekhe reijele.

²¹Yesus naei Yerusalem yore nobewainyelemo, Betfage yo yaele Betania yo yaele Zaitun homunggae enene honote. Yesus ro bee ukeumile ete, "Mai bena honoye yore ebe, arulebobe, erebe keledai mbai hayae kilainyekoke hebeye. Bele keledai romiyae ehi na u ranne enuweiboimo, bele keledai na ha kilainyekoke kulabobe, yawenehobe rake mebe. ³Romiyae mare hinnayembena, "Mekane bele keledai na ha buraeleube?" wemile, "Aei Tuhan kena koukoke rake keledai ranne hebennundere nahekibam mo mende inyembe. "⁴Rake ro bee ekete, Yesus yae a ukeumi wanem hubayaeikoke, bele keledai ro mau bene ha kilainyekoke ra na ha kulaiboke. ⁵Belena romiyae hebate rake ro beere a hinaimile, "Mekare mokonebobere bele keledai na ha buraeleungele?" ⁶Belena romiyae Yesus ukeumile a mekaijae waimile, ro beere rokaimikoke keledai yawainyehoke ate.⁷Rake keledai Yesus bokore yawainyehoke ekate, naei malo keledai moko ranne baikokemo Yesus na ranne yeunuweuboke. ⁸Romiyae helem bolem meubate, ehiyo na malo nibine beubate, ehi yo o ha na akau yaele fae yaele insenewate nibine alowate. ⁹Romiyae bena homo eubateyo nawanem moita hakowate yo kaenate, "Mem, Allahre buma kolomam! Allahre ro yae meke Kiyaere foi moi helem barannele!" Aei yobe Daudre yo wakuyae annununde!" ¹⁰Bele yo waku foi moi baranne!" Allah na bumana hele, Mem, Nare buma kolomam.!"¹¹Yesus naei Yerusalem yone ayeuboke Allahre ei moloi-moloi imae kabam ete erulaiboke. Bele imae kabam nemene ewerekoke mewerekoke belera mote ekuke. Be bahewoye ne Yesus namota ohowate yo yaele alainyekoke Betania yore eubate. .Yesus Ara Nore Olomo Neungeboke ¹²Ya heuboke, namota ohowate yo yaele Betania yora alainyekoke bae Yesus moni hele hubawounge.¹³Nibine meubate ara no mbai erekeunge hebewoye, Yesus aloungekoke bele no kelere eke, ani yaele bele ara no mokokoke. Bele no kelere meka bae ani emokokoi, fae mo yae hubayekoke, ani maei he bam ne. ¹⁴Yesus ara nore weunge, "okobang neay ani emukoiboy. Yesus a weungele "Waei no na ani yae romiyae annenayende yaele!" Bele ara no ninae ani emokoiyei mo hebenende. Namota ohowate yo anggaei borowate.(Yesus Akore Imae Eite Euboye)¹⁵Yerusalem yone mekate mo, Yesus Allahre ei moloi-moloi imae kabam eite mewefike. Imae kabam ete aruleufike, romiyae nate heubate yo nemene hukewoumi balayeke. Yahudi maei roi te baimile yo, naei hambum-hambum, aye merpati nate heubate yo maei anuwau, nemene kouba beumoumile. ¹⁶A weuboumile benem hambum-hambum Allahre imae eite ewaisi namekai naite eheijaemo.¹⁷Belena romiyae hebewatere Yesus afoi faeufoi keleweoumi Allah Na yenjo kayaaro homone moloukoke a yae weuboumi, "Raei imae obe ei moloi-moloi imae nemene rake kani kelana romiyae yae? beleyaere meyae mokaungeboke yoko yo maei nalere yeuboke. ¹⁸Imam falem-falem yaele Tauratre itayaeiboke yo bele boraibokene, nibi baeubate Yesusre honaibondere. Namekai borowate romiyae helem sele Naei ako-faeuko huboye romiyae nehaleyae elewate barawainyele. ¹⁹Be bahewoye hee, Yesus namota ohowate yo yaele Yerusalem yora aibaleke eubate.(Wahila Rabo Allah re Einye Mo)²⁰Narene hele, wenana nibi relahira eubate mo, nabe ara no, are ukeunge erewanyele kalaukoke na hoboita oke na kambune. ²¹Petrus bene nekeungehike, Yesus re weunge, "Kulu, ijoko ereibo, nabe ara no olomore neungebokae kaye mana kalaukoke!"²²Yesusyae weumi, “Hila rabo Allahre einye mo halennele” ²³Yesus yae weumi, rake a nehale yae mare wamale, hinye nehale na hila rabo halendena, rake homunggae wennele rawembonde, 'Nehale rawembonde, nabune enduwende,' rake are na kena einye waubau okoi nekende na, mekaha bum-bum elende benate yakanate.²⁴Belena mare wamale, hambum-hambum ebelire baungele riyaungele, rabo elae hele halembe, bele hambum mare inyembe. ²⁵Na wanem, weyae ebeli eungebondena, wa kena einya romiyae ehire kena nebam nekane na, bele romiyae maei u nebam mokoubokete nundenayeukonde, waei Allah yo bumana ekenekeye nemene kuyenete-fanyenete. ²⁶Romiyae ehi yo maei nebam enundeikoina, waei Allah yo bumana ekenekeye Kaye, namekai waei nebam re ekuyeikoi efanyeiboi ennekende. " (Yahudi Falem-falem Yesus Naei Elae Wake A Yae Hine Wainyele)²⁷Benem, Yesus namota ohowate yo bukaiboke Yerusalem yore mekate. Yesus hambaya imae eite meuboye bae, imam falem-falem, Tauratre itayaeiboke yo namekai Yahudi falem-falem Yesus bokore mekate, ²⁸Rake riya Yesusre hinainyele, "Rake ha eme mbena elae yae mokoyae namekai hinye yae Ware elae ikete rake ha eme mokoyae?"²⁹Yesus weumi, “Reyae mare a mbai hinerensimbere, Rare wo kondekombemo, beleramo mare a ukembe, hinye yae Rare elae wake ikeuke ha emere mokale yakalate. ³⁰Reyae mare hinamale, 'Yohanes bu koumi kiyaere hinyeyae ukeunge bu kouboumi, Allah yae, rake romiyae yae ukainyele?" Meyae wo kondeko!"³¹Bele yo riyana, nenaeimo kolainyekoke wa elate, "Allah yae ukeunge a yae umande bae, bensonde wemmele, 'Mekane Yohanes bu kouboumilere nehalere eleikoi nekaube?" ³²Bele yaere 'romiyae yae ukainyele' mokowoye yae umandere yaere, Yohanes mokowoye ha eme nehale elewate, Yohanes yenjo kayaaro, namekai bele falem-falem romiyae helemre fe yae koubaimilene. ³³Belene Yesusre bele ro riya yae wainyele, “Meyae itiyam " Bele mekai mbai, "Reyae mare ewei hangga, mbelera rake ha eme mokale yakalate. "

(Anggur Hekena Yone Ahuba Aruneuboke) ¹Yesus Yehudi falem-falemre ahuba arumbo-arumbo yae weuboumi, “Ro mbai anggur heke mokouboke, ruka yae ele neuboke, anggur bure ramenate maei abulu wauboke, kayaare hebenate yo maei imae heumiboke. Na anggur heke roi jae mokonate yo re roi ikeumile, betamo kulum uke yo moite euboye. ²Anggur maluweiboi ya, na u foi te ukeunge heke re ekaimokate yo bokore meke heke rorele naei kayere yaronggondere. ³Bele yaere, u foite kilaiboke, haubae habaeikoke na me bangga yae ukanyele beufoke euboye.⁴Belene, heke rorele na u foi ehire ukeuge heke yo bokore euboye, bele hekena yo falembae habaeikoke nebam mokainyoboke fe yae mokowanyele. ⁵Benem u foi ehi yae ukeunge euboye, nahibi haiboke. Bele mekaimo ro helem sele mokowaimile, ehi yo haubayae habaeyeke, ehi yo hosoi yae houbate.⁶Heke rorele naei fa mbai sele kena buhae heungeke, namekai meran u ranne kounge kayeere ukeunge heke yo bokore ekemo eleye, 'Ra fa naei a elende anggaei boronainyele.' ⁷Bele yae heke kayaare hebate yo naete-naete a mehi yae elewate, 'Rake heke rorele naei hambumre kinyennele hayennele kaye niyae, mem homabom, bele nibi yaere nare kinyennele hambum aeite inyaibonde!"⁸Hekere mokowate bele fare kilaiboke, betamo haiboke, na u ekate anggur heke ele moite kainyehike eke. ⁹Heke rorele mekayae mokommile? Naei mende yane, hekere mokate yo honde hayende, na anggur heke ro ehire yae yennele.¹⁰Meyae rake homo fae yolo-yolo eitayaeiboimo, rake mekai moloukoke: 'Imaere haete yo, ruka mbai nebam yae elaikoke yaere, mana bele ruka bereite yeuboke, Neyae bele imaere kaeuboke. ¹¹Rake me u Tuhanre reufira mokouboke, aei ijoko bene foi eme wanem yeuboke'?" ¹²Belera nibi mehi-mehi baeubate Yesusre kilenaibondere, bele yaere romiyae helem arilewoyene fe yae faeubate, bele anuwaunge Yesus nukainyeboke eubate.(Pajak Maei A yae Hinewainyele)¹³Belera Farisi holona yo yaele Herodian holona yo yaele ukaimile Yesus bokore umalire hubanainyehindere mekate weubainyele. ¹⁴Mekate mo Yesusre hinainyele, "Kulu, meyae itayaendeboke, Weyae Ro nehale, romiyae maei a elejatere kena okoyei. Weyae romiyae bere ereyei, bele yaere Allah Na ako faeuko nehale ranndamo yae elejeyae. Pajak Kaisar imandere? Nare eyeija? ¹⁵Nare imandere, nare eyeijae? Bele yaere Yesus bele holo maei ame karebai itayeuboke, Yesus weumi, "Mekane Rare umali hubaukele?" Roi dinar mbai Rare kelendebo, ijoko ererebom."¹⁶Belera roi mbai rokate mekatemo Yesus weumi, "Rake hinyere u nulu yaele ro yaele molaikoke?" Neyae wainyele, "Kaisarre u nulu yaele ro yaele molaoikoke." ¹⁷Bele yaere Yesus yae weumi, "Kaisarre hambum-hambum, kaisarre yennele, bele yaere Allahre Kaye Allahre yennele." Belena romiyae arilewoye Yesusre fa yae boubainyele.(Saduki Ro Miyae Yesusre U mali Hubawainyele)¹⁸Saduki holona yo, ro mbai hereye ra benem ewaleiboi, bele yo mekate Yesus re hinainyele, ¹⁹"Kulu, Musare homofae ne rake mekai aere weume, "Ro mbai naei ugwa yaele, bele ro herendena, na miyae nale nukenebonde, na ugwake nahinggi rewende nekenete, bele yaere fa bam. Bele ugwake miyae nale rewende, orona mena yore holensindere.²⁰Ako mbai na kelu mehine bee yaele. Nabena kelu miyae rouke, bele ro neyae hereke beleyaere orona mena bam. ²¹Nawanem na kelu benem na kaye bele miyae nale re rouke, neyae na wanem hereke, orona mena bam. Na bele mekai mbai na kelu namenem na kaye. ²²U kabam na kelu mehine bee kaye, nanemene fa bam mo. Nanemene riyau weuboke bele miyae nale hereke. ²³Bele ya yembondene, nanemene walenaibonde, rake miyae hinyere naisele miyaere yembonde? Mekane, rake ro mehine bee nanemene naei miyaere yaeibokene.²⁴Yesus yae weumi, "Homofae yolo-yolone molaikoke namekai Allah elae wake meyae eyitaeiboinye belene onaeube. ²⁵Mekane bam, here nolora walenaibonde hee, ro miyae eyaroi namekai miyae rore ei, suragane romiyae malaikat wanem imabonde nekemayende.²⁶Na hibi romiyae here wate yo benem walemmile maei, Musa homone moloukoke meyae ekoikoinye? Bele homone erum isa nolora i beuboye Allah yae a weunge, "Reyae Abrahamre Allah, Ishakre Allah namekai Yakubre Allah yeubokale,' ²⁷Bele Allah here yo maei bam, neyae wali yo maei Allah. Bele aerene mana yakala yeuboke, bele yo waleumikoke, maei u bene mekai nebam hele yae nekayembe. "(Ahuwe Nehale Nabena Kiyae)³¹²⁸Ro mbai Taurat itayaeuboke meke anggaei boroweounge. Yesus ijoko erewounge, a hinewainyele na ijemo wo kouboumine, Yesusre hineunge, "Mbele ahuwe na beme hele kaye, ehiyaele bannele na?" ²⁹Yesus yae weunge, "Ahuwe na beme hele kaye, rake neyae: 'Israel borom! Aei Tuhan Kiyae, Allah, Neyae nembai sele, ehi ehi u hele. ³⁰Allahre buhae hennele, mai kena ura, mai u bene wa benera, mai elae wakera.' Na benem kaye neyae, 'Waei ure kena buhae haenae mekai wambele wali nibi mbainye ohojaube yore heumiyende.' Rake ahuwe bere neneibonde kaye, ehi wenende kaye u hele."³²Tauratre itayaeiboke ro yae Yesusre weunge, "Weyae nanehale, Kulu. Weyea nahele eleyae, Neyae mbai, ehi eha u nembai sele Neyea. ³³Bele, buhae hesei Allahre wa kena u nanemene yeugele, wa u bene wa bene nanemene, elae-walae nanemene nawanem wa rombai miyae mbai nanemene buhae heumile, na kabam hele hili ha akau ha wanem. ³⁴Yesus bele ro ijoko erewounge na ije hele a elewoyene, Yesusyae weunge, "Raei me kelee u kelee na nekate holore yeubondere, weyae ahau bam sele. " Rake yeubokera ro ehi benem Yesusre ehineisi. (Kristus Nehale Tuhan)³⁵Allahre ei moloi-moloi imaene kelewoumi mo, Yesus a weumi, “Mehae mekai jae Tauratre itayaeiboke yo elate, Kristus bele Daudre orona mena? ³⁶Daud ninaei jae Allahre Roh yae aungeboke elekoke, 'Tuhan, ra Rowa re weunge: Meube refine mei nuweibo, wa yokeijo nemene mokoremibonde Waei oro kelee me keleene mo menai orulembonde. ³⁷Daud nenaei elekoke ‘Tuhan’ bae eleyene, eyae Nare Daudre orona mena yae eleikoi hangga!"(Ro Itaeijaele Haba Yaele Yo)³⁸Yesus ako faeukone kelewoumimo weumi, “Maei u kaya yaele Tauratre itayaeiboke yore hebembe, nibi nolone nare ohojate, malo heki koko yae hireikiyate, namekai ukaei bere isinaimilere kena ikowate imae bene nare nekejate. ³⁹Ei moloi-moloi imaene anuwau bene nekejate, namekai hamam bulau mokojate anuwaunge nekejate. ⁴⁰Neyae miyae nale maei hambumre yaronatere, ame karebaijae beijaimile, ebeli heki kaeu-kaeu hele molojate. Bele yore ehee bukulu emmihayende hele. " (Akauha Nehale Hele)⁴¹Yesus hili ha akau ha hawate anuwau bene nuweuboke. Romiyae re ijoko robowoumi na roi haubate. Ro miyae ru kangge yaele yo nemekai na roi kabam-kabam hele haubate. ⁴²Beta miyae nale mbai kou-kalo ne nekejeye meke na roi logam bee hele haweukoke, na kabam sen mbai hangga.⁴³Beta, Yesus namota ohowate yore kaeneumikoke weumi, "Reyae nehale yae mare wamale, rake miyae nale kounge-kalone nekejeye na kabam hele yae hau einye meke auboke. Bake romiyae mekate haubate mekaibam. ⁴⁴Makane bam, nanemene mekate haubate na kui- kui mae-mae randa, bele miyae nale na kou-kalo randa meke auboke, na mena u na yae meke auboke. "

(Allah Na Yo Imae Ralo Imae Horombonde) ¹Yesus Allah re yo imae ralo imae ra meukukemo “Namota ohowate ro mbai jae weunge, "Kulu, ereyae rike imae na ruka foi sele namekai na imae hawu hele anyunuke hebeye!" ²Yesus yae weunge, "Rike imae kabam-kabam mokanyehake hebate ereyae? Nanemene kerenaisonde ruka ehi ran ehi ranne arunggoi hononate. "(Bulofela Relennekonde)³Zaitun homunggaene ike nuweuboke Na ijoko Allahre yo imae ralo imae re beufoke ereye mo, Petrus yae, Yakobusyae, Yohanesyae, Anderias yae, Yesusre nenaeimo hinainyele, ⁴”Mare a yakalaimebona, are eleukokae nanemene mbele hee enaibende? Bele bendere meka igwau yae rilende?"⁵Yesus yea weumi “Kayaa hebembe, romiyae ehi yo ame-karebaijae wabenayenggombe yaele. ⁶Romiya helem menate ame-karebaijae elenate, 'Reyae Wali Ondofolo, Allahyae ukeuke mekale.' Bele yo helem sele, ame-karebaijae wabenaimile.⁷Buloo fela kulum relennele, namekai a yo-yo buloo bulo fela kaenainyebonde maei emborombe yane, buhae ohokoijae. Bele wanem nemene inyaibonde hele, ⁸Na nemene benate yakalanate, isam-fela yohi yaele, rake kani-kelaa kabam yo-yam fela ehi yo yaele relenainyele, onyeu kabam ahine-ahine, moni-mau mende nende hebende, bele nemene miyae fare honende wanem relennele.⁹Beleya ma kena u kayaa hebembe, Raei aerene mare kilenayembe, haubae sinagoge-sinagogene habenayembe, yobonayembe Sanhedrin bere embe na mekai beyu-beyebae bere embe. ¹⁰Nawanem huba mokoi ya emeijae Raei a foi-faeu foi romiyae nemene hungaimile hele.¹¹Mare yaungayembe namekai kilenayembe hee, buhae ehokoijae meka yae weya eleukonde, beleyaere nason a eleukonde, Allahre Roh yae ware e bene yakalanembe mekaijae a eweleukonde. Bele a eleye waei a bam, Allahre Roh waei u walora eleye. ¹²Raei aerene romiyae mare helem ikele konayembe. Ro mbai na aka baekere enaisombonde maei kelai nenende, bele mekai mbai naekoyae na kelure. ¹³Raei ro aerene mare u mekai nebam yae kelenayembe. Beleyae hinye Raei einye mo nekendena huba ennemokonde neyae onomi endowende.(Hambum Nebam Mokomibonde Himi Hama Bemale)¹⁴Yo keijo eremmile na anuwau bam ne hebenatena, homo faere eraube yo ubene rowembe Yudea na romiyae hakaembe homunggaere embe emfaembombe. ¹⁵Romiyae yam bumana nekaube yo, are oyoijae namekai eite eyaruleijae, hambum emaena rouke. ¹⁶Hekena eka mokoyae, benem imaere ebeijae, ra rammalo rouke ba.¹⁷Bele ya mensembonde, miyae emale miyae namekai wayeu miyae, na u nebam hele hobunainyele. ¹⁸Ebeli kali bombe rake yaa mekai ralo him-mandilim hee yae ebeijae. ¹⁹Bele yaa mensembonde, hambum nebam hele benate, Allah rake kani-kelane mokoubokera meke rake hee eyeiboimo rake wali ne, namekai benem eyeiboi mo hononende. ²⁰Allah yae eleukoke holona holere molommibondere aerene nebam hubanainyehinde ya fofo mokonebonde. Bele mekai emokoiboi mo ehi yae wali erewei.²¹Romiyae ehiyae mare ungayembe, 'Ereibo, Kristus rakene nare hebeye!' namekai 'Ereibo, Kristus rikene nare hebeye!' Bele a ungayembena nehale yae eleijae. ²²Bele hee mende, ne hake bam wali ondofolo namekai ne hale bam yenjo-kayaaro yaele yakalanaibonde, ha eme mokonate beleyaere nehale bam. ²³Maei u kayaa hebembe! Reyae mare namemambae nemene mare weubamale mo.²⁴Bele ya mensembonde, Allahre homofaene rake mekaijae moloukke, "Hu hehe wende oubom yembonde, oko na hehe kebenggonde, ²⁵Bumana ralo yono-yoni yakura balenate onate, yakuna elae-wake Allah yae kusemmikonde, ' Yesus Naei Mende Ya ²⁶Bele ra romiyae erenaiyele Reyae Allahre Kelu wau randa mende Na one henggo yaele ketennebonde mende. ²⁷Naa wanem mende hee, malaikat-malaikat wemmile Allah Naei eleukoke yo nanemene arilemmile, ebum refira, robom refira, ralira, waita nemene arilemmile.²⁸Ara no ra mo itayembombe : Akaunga fae rimi-rimi baete, hi ketate mo, na fae reu yakalate mo elande ronsam bondere. ²⁹Reu eme yakalate, fae nime balate, meyae itayembombe yakama mendere rosansam wende nine nobeungeboke.³⁰Reyae nehaleyae mare wamale, rake hokolo ehereiboijae, rake hambum benate yakalana. ³¹Rake kani kela nebam embende, beleyaere Raei ako faeuko hena bona honenende. U Kayaa Hebemayende ³²Naei mende ya, ro mbai miyae mbai nateibam, namekai surgana nekate malaikat nateibam, Na Kelu nateibam, Ako nembai sele nataei nekeye.³³Kayaa hebembe, meyae itiyam Naei mende ya. ³⁴Rake yaa bende yakalande, ro mbai kolo endere mekai. Na imae nukeibiyoye eye, ro ehire kayaa hebende, kaliya mokonate maei, namekai ro mau na kayaa yaele mo hebende.³⁵Belene mare wamale, kayaa nahibi-hibi mo hebembe, meyae mataeibam mbele na imae rorele mende, huwae raijae mende, riniyai nolo yae mende, ojo konate yae mende, nare kaukau hele mende. ³⁶Nasom ba mende bae aere eremmile ijoku ne honande. ³⁷Belene mare wamale : ”Kayaa” kayaamo hebembe ukamale, meyae nanemene wamale : 'Kayaa hebem!"

(Yesus Honaibondere Merau Kolowainye) ¹Ya bee nekenaikondemo Yahudi maei ya kabam bee Paskah yaele feu ragi bam anenate yaele konatere. Imam falem-falem namekai Tauratre itayaeiboke yo nibi baeubate Yesus kilenaibonde namekai ame karebai jae mokowate honaibondere. ²Nenaeijae elaete, ”Ya kabam komalene emokoijae, romiyae aku yembonde honate yaele."(Yesus Nau Bu Foro Kemboyae Hobewainyele)³Betania yone Simonre imaene hamamre annendere, miyae mbai namene narwastu bu foro kembo yaele roke meke. Bele bu minyak nate haendeboube na roi bumana hele. Bele miyae na walamba uke raweuboke Yesus Na falem ranne rileungeboke. ⁴Belena mekate yo na kena ikileyae katene elate, "Meka bande bele bu minyak meke heraeyeye bam? ⁵Bele bu minyak roi nate heubobe roi 300 dinar hangga hubayeukoube. Hum bam wai bam nekejate yore bele roi waheumile. " Bele miyaere a yarewainyele.⁶Yesus yae weumi, "Nenaei mokou, mekane meyae nebam mokaungele? Rake miyae foijae Ra u re meke mokouke. ⁷Meyae romiyae kere nale bam yo yaele nembainye nekejaube, mbele he mai kena enggombena, meyae emmimokombe, beleyaere Reyae mambele nembainye enekeyei. ⁸Rake miyae na u hubawounge mekae yae nahinggi mokondebonde, Ra u re hererele maei nabere mokoukoboke. ⁹”Reyae nehale yae mare wamale, "Mbelene ako faeuko huwenayende, rake miyae mokouboke ha bene nekei-nekeite enaitonde enaisuwende."(Yudas Kelai Nibi Neke Mokowoye)¹⁰Yesus namoita ohowate yo me bee orone bee yaele nolora ro ehi naro Yudas Iskariot. Neyae imam falem-falem bokore eke. ¹¹Bake a mekai borokatene rei mai sele koubate, a hokaikoke Yudasre roi jae inyainyelere. Belera Yudas ikainye baeuboye, mbele hee yae Yesus kinyemmibonde. (Paskah Maei Hamam)¹²Ya bemena, ya kabam feu ragi bam, domba obo na kelu mbai Allahre ongoibae felennele meijeuboke, Yesus namota ohowate yo yae hinainyele, " Mbele anuwaunge Weyae kena koyae meyae Paskah hamam mokomansandere? " ¹³Yesus namota ohowate ro beere weumi, "Yerusalem yore ebe, bele yone arulebobe mo, ro mbai bu habune yaele kaembonde mende, bele ro hubayenggombe, namota hakonebobe ebe. ¹⁴Imae mbai te arulensinde, belena rorelere wennele, "Kulu yae hineye, Ra moita ohande yoyaele, mbele anuwaunge mokoungehake Paskah bulau hamam nembainye anemakondere?'¹⁵Bele ro mare kelenembombe, anuwau kabam imae raka benem kaye, kaeu-kaeu, hambum nemene na hului-sului mokainyehake mare kelenembombe. Bele anuwaunge aei Paskah hamam mokonehabe. ¹⁶Namota ohowate ro bee Yerusalem yore ekete. Hokolo bee ekete, Yesus yae are ukeumi mekai beubate. Hokolo bee Paskah bulau hamam anenaikondere mo mokoinyehake.¹⁷Reniyai yeuboke mo, Yesus namota ohowate yo yaele mekate. ¹⁸Nuwaikoke hamamne anewate hee Yesus yae weumi, "Reyae nehale yae mare wamale, ro mbai mai nolora, rake hee hamam nembainye anende Raei kelaite nenendere. " ¹⁹Na kenara nebam mekai hubawainyelene, naete-naete Yesusre hinainyele, "Tuhan, reyae bam?"²⁰Yesus yae weumi, "Bele ro meyae ro me bee orone bee yaele mai nolona, rambele feu yaele kolaei yaele mbainye yawakonde. ²¹Reyae Allahre bokora mekale, romiyae u re yeubokale Kiyae, homofaene molaikoke mekai Raei u ereherende. Beleyaere kelaite nenende kiyae nebam hele hubannele. Naeisele kelaite nenende ro na foi sele ehonoi nekeube.(Utaei Kristus Na U Melem Yaele Oki Yaele)²²Hamanne anewate, Yesus feu rouke Allahre helem foi ukeunge bele feu meyae kayewoye namota ohwate yore waheumi, na a weumi, "Rake Raei u melem niyae, yarom anem!' ²³Belera kolai anggur bu yaele rouke, Allahre helem foi ukeunge, namota ohowate yore nanemene ikeumile rake kolainya buyae anewate. ²⁴Yesus namota ohowate yore weumi, "Rake Raei oki neyae, ro helem miyae helem aerene rileubokale. Rake oki yaere, Allah are heteungekoke nibi neme, romiyaere wali himalainyeboke yo yae me baemmile. ²⁵Reyae nehale yae mare wamale, Reyae rake anggur bu aneisi mo nekerende, Maeko mokommibonde romiyae Raei me kelee u kelere mo arulenaibonde nekenate. Benem bele romiyae Rambele nanembainye Maekore yo-yam nemene bele anggur bu anemahinde. "²⁶Ataeite koibae buma rainyehike, alainyekoke Zaitun homunggaere eubate. Namota Ohowate Yo Nukainyeboke. ²⁷Yesus weumi, "Meyae nanemene Rare nukendebombe, mekanebam, homofaene molaikoke, 'Allah na obo kayaa rore hombonde, nabe domba riyana here-ware molombonde, ' "²⁹²⁸Bele yaere Reyae walerebonde hee, na bere holo yae mare Galilea kanine ererakembe. " Petrus yae Yesusre weunge, "Mehae mekai horo neyae Ware nukenayeubonde, reyae Ware enukeiboi sele!"³⁰Yesus yae weunge, "Reyae nehale yae ware wawale, mana reniyai ojo muku roko benem kaye a okokoimo, weyae roko name Rare itiyam bae weumikonde." ³¹Bele yae Petrus naei kena elaeyae mo hebewoye, weunge, "Mehae mekai horo reyae Wambele nembainye aherembonde, reyae Ware itiyam bae ewei hangga!" Namota ohowate yo nemene bele a mekai mo elewate.(Yesus Getsemani Einye)³²Anuwau mbai naro Getsemani, belene namota ohowate yo yaele aibaleke. Yesus namota ohowate yore weumi, "Rake anuwaunge nuwenggo, Reyae Maekore ebeli borensim." ³³Yesus, Petrus yae, Yakobus yae, Yohanes yae yeweumiboke ekate, Yesus na u buhaehokoungeboke, u kulu-kulu kouboye. ³⁴Yesusyae weumi, "Ra u hererelere mekai hubanale, meyae rakene nekem, namekai ma u kayaa hebembe. "³⁵Benem ahau mekai eke mo, Na u kani ranne ekuke Naekore riyeunge hakonnebondere ane riyeunge. ³⁶Yesus yae weunge, "Ataei, Raei Maeko, meka hambumbae Weyae na hinggi bam, nebam hubarende yaelene Rare hole molotebo. Bele yaere Raei kena hului jae bam, Waei kena koye wanem bae yembonde. "³⁷Benem Yesus beufoke hokolo name bokore meke, ereumi bae ijokune balekate honate. Petrusre weunge, "Simon, ijokuyae honoyae! Weyae na hului bam hele hu ikai mbai kayaare hebeukondere!" ³⁸Benem Yesus rake yore weumi, "U mekai nebam wabenensimbe balembe yaelene, ma u kayaa yaele namekai ebeli nahibi-hibi mo bonnele. Mai kena Rare hakondebombere kojaube yaere, mai u yambi hele yaeuboke." ³⁹Benem Yesus beufoke nabe ebeli mekai mbai boungehike.⁴⁰Yesus beufoke meke, ijoko ereumibae jokune balekate honate, na ijoko ehekaei sele hubawanyelene, yenggeumikoke bae, onaete-handate meka a yae Yesusre ungainyele. ⁴¹Benem Yesus roko namenem meke mo, weumi, "Jokune honaube, no yae yem! Annu! Reyae, Allahre bokora mekale, romiyaere yeubokale Kiyaere, nebam re mokate romiyaere kinyenatebondere hee yae meijeuboke. ⁴²Anuu, mebu ema, Yudas kelaite neke kiyae meke nobena." (Yesusre Kilaiboke)⁴³Yesus namam ane eleye mo Yudas namota ohowate ro me bee orone bee yaele kiyae meye. Namota ro homo mbai, imam falem-falem, Tauratre itayaeiboke yo namekai Yahudi falem-falem yaele yo, namene ramiyaeli yaele, o bohi-bohi yaele mo meubate. ⁴⁴Yudas kelaite neke kiyae, a itayeumiboke weumi, "Yoi bulure hunerensinde kiyae na ro niyae, kilembombe, felayo yaele yawemibombe membe." ⁴⁵Yudas meke Yesusre kelaeunge weunge, “Rab!" Yesusre yoibulure mo huneungekoke. ⁴⁶Yesusre kelukate mo kilaiboke.⁴⁷Bele kelaeunga hebeye ro mbai na raimiyaeli mo yobouboke imam kabam na yebai-bubaei na anggaei jae uke neufake. ⁴⁸Yesus rake yore weumi, "Meyae raimiyaelei yae, o bohi-bohi yae yaraukoke mekaube Rare kilendebombere, yokolo re kilembombere mekai mekaube? ⁴⁹Ya-ya Allahre ei moloi-mo loi imaene mo mare kelewekamale, bele yae meyae Rare ekileiboi. Allah na yenjo kayaaro Yesaya nemene homone moloukoke mekai benate yakalanate. ⁵⁰Belera namota ohowate yo nanemene hakaikoke hebaelayeke, Yesus nabene nembai nukainyeboke.⁵¹Ro hokolo fa mbai Yesusre hakoungeboke malo lenan ra mokaiboke yae na u feleuboke, rake homora eubate yo yae nare kilenaibondere, ⁵²Bele yaere na malora kilaiboke rake hokolo fa na malo nukeungeboke namelambae hakaiboke euboye.(Yesus Yahudi Falem-Falembae A Hinewainyele)⁵³Yerusalem yore ekate, Yesus yawainyehoke Imam kabam bere mekate. Imam falem-falem, yoyo-koteyo, Tauratre itayaeiboke yo nemene arilewoye. ⁵⁴Petrus na ahauka mo Yesusre hakoungeboke, Imam kabam imaere yawainyehoke, imaesouke eubate. Belene kayaare hebewate yo yaele itukai kelaunge nuwaikoke ine akelewate.⁵⁵Imam falem-falem namekai Yahudi maei yoyo-koteyo Yesusre mere nonainyende honaibonde nibi mbai sambai ehubayeikoi mo. ⁵⁶Romiyae helem a ame-karebai jae Yesus nebamre mokonainyebondere huwewaimile, beleyaere na ahuba mehi-mehi yae hubaimile, romiyae ehi eleye yaele eboikoi.⁵⁷Belera ro ehi afae anyuke mere nonayendere elate, ⁵⁸"Meyae anggaei borokande Nenaeijae elewoye, 'Reyae rake Allahre ei moloi-moli imae romiyae me yae ainyunuke Reyae kelarebonde, imae ehi rake romiyae me yae anyui kiyae na yaa name mo na hinggi arennunde. ' ⁵⁹Belene na a faeu elewate ehire-ehire mbainye eyeiboimo.⁶⁰Imam kabam romiyae helem arilewoye nolora anguke Yesusre hineunge, "Weyae wo ekoi-koi hangga rike a faeu Waei rannde mo nokayete, Weyae wore ekoikoi!" ⁶¹Beleyaere, Yesus a mbai sambai ewei, maleu mo hebeye. Imam kabam benem hineunge, ”Weyae Mesias, Allah yae oro mau heraweuboke Neyae”? ⁶²Yesus yae weunge, "Reyae Niyae, meyae ijoko erembe, Reyae Allahre meube reufine ere nuwembonde, wau rannda erendele merele.⁶³Imam kabam na rammalomo kaneukoke, romiyaere weumi, "Meka yae romiyae ehi elenaikondere? ⁶⁴Menaeijae borokaungele Allah yae na u eleukoke, Allahre rore ane hele kolounge! Nanemene fomone na bulaube elete, honaibonde hele. ⁶⁵Ro miyae ehi Nare ekihesele yae houbainyele, malo yae Nabe felainyeboke, mefae yae, merulu yae roro wainyele, ”Allahre yendo kayaaro yae! Roibona, hinye yae ware habete?(Petrus, Yesusre Oneungeyae Eleukoke)⁶⁶Petrus Imam kabamre imae sounge nekeye bae, mangge mbai imam kabamre u mokoi bele nolore meke. ⁶⁷Rake maengge Petrus ine akelewoye, ijoko ereungekoke mo weunge, "Weyae na ehi neyae yae Yesus Nazaret yona Kiyae nembainye ohowaube. " ⁶⁸Beleyae Petrus oneunge yae weunge, "Reyea onaele-handale, meka a mekaijae rare ware. "Petrus nahibi anguke aloungekoke imaesou romauke eye bae anggaei boroye ojo a koukoke.⁶⁹Bele miyae benem Petrusre erewounge mo romiyae hebewatere weumi, "Bike ro ehi neyae Naei holo mbainye ohowate. " ⁷⁰Beleyae, benem Petrus oneunge yae eleukoke. Na hekibam mo belena romiyae hebewate yo Petrusre erewainye, wainyele, "Weyae na ro ehi niyae yae, mekanebam, weyae Galileana ro."⁷¹Bele mekai wainyelene, Petrus olomo rorowoye a na ikele u yae eleye, "Reyae rike ro eleyaube, onaenale yae!" ⁷²”Petrus bele a mekai eleukoke heera ojo roko beenem a koukoke, Petrus u bene nekeungehike, meka yae Yesus ukeunge, "Nanemam ojo roko benem okokoijae, weyae Rare roko name oneukekonde yae weimile. Petrus bene nekeungehike, eke helene eke rimewoye.

Yesus Pilatus re bene ¹Na rene kaeu-kaeu hele Imam-Imam falem a mokainyehake yoyo-kote yo, Tauratre itayaeiboke yo namekai Sanhedrin riya nemene Yesusre ha kilainyekoke yawainyehoke Pilatus bere eubate. ²Pilatus yae Yesusre hineunge, "Weyae Yahudi maei Ondofolo kabam?" Yesus yae weunge, "Na hele, wenaeijae eleukokae. " ³Betamo Imam falem-falem Yesusre eheere hayenainyelere a mehi-mehi yae hinainyele.⁴Pilatus benem Yesusre hineunge, "Weyae wo re koukondere ahiyae eleyae?" Boroyae, waei a helem sele ware arunayete. ⁵Bele a elate mbai sambai Yesus okokoi mone, Pilatus fa yae bouboye. (Yesusre Barabasre)⁶Paskah roko yae-roko yae kayekene kawana isebate yo, ro mbai riyesiyate hangga Pilatus hayeukiyeunge. ⁷Ro mbai naro Barabas, kawa einye hebeweke, ro howekene kilaiboke hebeweke. ⁸Romiyae helem Pilatusre riyewainyele, yayana mokoijate mekai nare mokommibondere.⁹Pilatus ehe koumikoke romiyaere weumi, "Mai kena kaube mai Yahudi maei Ondofolore hatenggondere? ¹⁰Pilatus itayaeuboke, imam falem-falem kenahensem kobate aerene Yesus kilaiboke. ¹¹Beleyaere imam-imam falem romiyae helemre moi hurewaimile Barabas yae Pilatus hayennekondere.¹²Pilatus yae benem weumi, "Mai kena re kaube mekaha yae Yahudi maei Ondofolore mokorombondere? ¹³Nanemene abulaube kaenate, "Ohaline habenggo!"¹⁴Pilatus yae hineumi, "Mekane? Meka nebam yae Yesus mokoubokene?" Kela nahibi mo kaenate, "Ohaline habenggo." ¹⁵Romiyae helem kena foite mokommibonderene Pilatus Barabas yae hayengekoke, Yesusre cambuk yae habaeikoke ikeumi ohaline habaeikoke.(Yesus Aukaka Yae Koubainyele Haube Habewate)¹⁶Felayo Yesusre yawainyehoke, obere eubate felayo nemene arilaimiheke. ¹⁷Ondofolo maei malo mekaijae hirainyekoke, fonom isa yaele haikokate mo Yesus re hirainyekoke. ¹⁸Ro melaeyainyele wainyele, "Wa u yaele, Yahudi maei Ondofolo!"¹⁹Na falem ra roko yae-roko yae bohe yae habewainyele, kihesele yae houbainyele, oro heleyae maitoroke be isinanyele, buma kolainyele.Yesus Ohaline Habei Ko Ke ²⁰Yesusre aukaka kainyele, na malo ukaeinyekoke, yawainyehoke, na malo yae hirainyekoke eubate ohaline habenai kondere. ²¹Simon Kirene na, Alexander Rufure neakho, yo mbai ta me whele ukai nye ohali khau go ke.²²Betamo Yesus yawainyehoke Golgota re eubate naei ro hele "Tengkorak Anuwau" ²³Anggur bu mur yaele alaeinyeboke ikainyele annensinde na una buhae kouboye habanaibonde maei, bele yeare Neyae erewei aneisi ²⁴Belera mo ohaline habaeikoke, felayo na malo re wahenaikondere, hinyerene ruwende, me bu koubate hinye yae na malo hubayenggonde.²⁵Hu joko mehine keli yeuboke mo Yesus ohaline habaeikoke ²⁶Homo molaikoke, Yesus re arunai nyele, "Rake Yahudi Yo Maei Ondofolo." ²⁷Yesus ohaline habeikoke, ro bee yaele, mbai meube refine mbai meli refine. ²⁸Nehale meijeuboke homofae ne eleye mekai, "Romiyae nebam nolone yae Nare me enaeibaembombe. "²⁹Romiyae bele ijene ohowate yo, Yesus re aukaka helem koubainyele wainyele, "Weyae Allahre ei moloi-moloi imae kabam hele kiyae, kelaubonde na ya name mo aungunundere eleukokae kiyae niyae! ³⁰Bele a mekai elewekae bambae wa u hole moloinyebo! Bele ohali randa oyakoibo!"³¹Imam-imam falem, yoyo-koteyo, Tauratre itayaeiboke yo nemene Yesusre aukaka kainyele elate, "Romiyae re mo hole moloumiyeke, waei u yaele nou heiko! ³²Wa ure Mesias Israel maei Ondofolo yae elewekae bambae mana ohalira eyakoibo eyae ijoko eremabonde nahele elemakonde namekai hila rabo halemande." Meline meubene habaeikoke yokoyo bee namekai Yesusre aukaka kaubonyele.(Yesus Hereke)³³Hu joko me bee orohine bee yaele, bele kani oubom haubom yeuboke, meke hu joko name yeuboke ³⁴Hu joko name yeuboke Yesus a elae hele Naekore kaneunge, "Ataei, Ataei makane Rare nukeukebokae?" ³⁵Ehiyo na bokona hebewate yo borowate elate, "Borombo! Eliare kaeneunge!"³⁶Ro mbai hebaeleuweke meke anggur manim mo fakone rileuboke holombane neke, neungerike Yesus anensindere, na a yaele eleye, "Ijoko eremam, Elia .nehale mende ohali randa rewende hanembondere!" ³⁷Yesus ele kaeneukokera na no u yeuboke. ³⁸Bele hee Allahre ei moloi-moloi imae kabam kiyae, einya malo kabam hilowoye reu bee kayeukoke, na bumara oke ane.³⁹Fela falem hebewoye Yesusre erewounge na no u yeuboke eleye, "Nehale rake ro Allahre Kelu." ⁴⁰Miyae maengge hokowoye nolone, Maria Magdalena yae, Maria Yakobus nenake yae, Yoses nenake yae Salome yae. ⁴¹Galilea yone nekewate hee, rake miyae riya yaele nembainye ohowate namekai Nare rikewainyele hakowainyele. Miyae maengge helem Yerusalem yore Yesus naei nembainye mekate.(Yesus Na Bulene Nekainyele)⁴²Huwae yeuboke mo, are heteungekoke yaa, Sabat yaa ⁴³Ro mbai naro Yusuf Arimatea, yoyo-kote nolo na, Riya Kabam na ro, rake ro Allah Na yo yam mendere rakeungeke, Pilatus bokore Yesus na no re rewendere meke. ⁴⁴Pilatus bumara ohoukoke rake a boroke ne. Pilatus fela falem re kaeneungekoke meke hineunge, nehale Yesus hereke.⁴⁵Pilatus itayeuboke fela falem rera, Yesus na no Yusuf re ikeunge. ⁴⁶Yusuf malo roijae rouke, Yesus na no ruboungeboke oke, malo yae ruleufike, kaeuboke bule homunggae enene waeuboke bele einye eke nekeunge. Ruka kabam oleungekoke bele bule mau hileukoke. ⁴⁷Maria Magdalena yae, Maria Yoses nenake yae, Yesus na no nekeunge anuwau ijoko ninae erewainyele.

(Yesus Waleuboke) ¹Sabat ya nekaikoke baeufoke hee yae, Maria Magdalena yae, Maria, Yakobus nenake yae Salome yae minyak foro kembomo roi jae yaraikoke, Yesus na no re hobenainyekondere eubate. ²Na rene kaeukaeu, ya we-we moloweke, bele ya ikai, bele miyae riya bule rande alainyekoke meubate.³Bele miyae riya naete-naete elate, "Hinye yae bele ruka kabam bule mau ke erunaiboke olennekondebam?" ⁴Bele yaere na ijoko bumare erate bae nabe ruka kabam bule mau ke ebunainyeboke olaeinyekoke.⁵Bule ete arulaiboke, ijoko erate bae, hokolo fa mbai malo keleumom wili halamam hireukoke meube refine nuweuboke, bele ro erainyelene bumara ohaikoke. ⁶Bele ro, miyae riya mekatere a weumi, "Buhae ohokoijae, Reyae rataei Yesus Nazaret yona ro ohaline habaeukoke yae meyae baeimiyaungele. Neyae oloo, herekera aunguke!" Erembo, rake na ure nekainyele anuwau niyae! ⁷Rake hee embe, namota ohowate yo yaele, Petrusre a wemmile, Yesus are ukembe wanem bae. Neyae Galilea kanine bere holo yae ende, belene mambele embe hubayenggombe. "⁸Rake miyae riya na u onyeu isinewatene, bule rannda hakaikoke eubate, fe waku koubatene ehire a ewei hangga hebaelayeke. Bele hokolo fa a faeu weuboumi, nemene Petrusre namekai namota ohowate yore weubaimile. Bele ramo Yesus Nenaeijae ro eleukoke, ukeumi ralira waita, Allah Naei ako faeuko hena bona romiyaere kelenaimiyende. (Yesus Namota Ohowate Yore Na U Yakalaumiboke)⁹Bele ikai mbai na rene kaeukaeu hele, Yesus waleu boke ya, nabeme hele Maria Magdalenare u yakalaunge boke, na u bulura ra Yesus walobo mehine bee hukeumihike aibaleke kaye. ¹⁰Betamo eke namota ohowate yo ibo-inse koubatene meke Na u yakalaumiboke. ¹¹Anggaei borowate, Yesus waleuboke namekai Maria Magdalena yae ijoko erekeunge huwaimikoke yaere, namota ohowate yo nehale eleikoi.¹²Betamo namota ohowate ro bee yo ehire eubote, Yesus na u mehi mekai jae yakalaumiboke. ¹³Hokolo bee bukeiboke Yerusalem yore mekete, namota ohowate ehi yore huwaimile horo, ehi yae nehale eleikoi nekewate. (Yesus Namota Ohawate Yore Huweumi)¹⁴Yesus na u Nenaeijae namota ohowate yore yakalaumiboke, na riyane nuwaikoke hamam ne anewate yae, Yesus meke ahum nekeumi, na kena elae nekewatene. Romiyae Yesus waleuboke a elewatere eboroimo koubatene. ¹⁵Belera Yesus a weumi, "Eme, rake kani kabam kela kabamre, Raei a foi faeu foi romiyaere huwemmiyembe. ¹⁶Hinye Rare hila rabo halendelena, bu konainyebonde, Allah na wali hole molonnebonde. Hinye Rare hila bam rabo bam ennekendena, Allah yae nare ehe bukulu ennehayende.¹⁷Hila yaele rabo yaele yo ha eme mokonate rake niyae : Walobore Ra, afaeu eme elenate. ¹⁸Na meyae rami kelungate, bu nebam u re mokonaimile horo nasom anenate, romiyae bulone felane konate horo, me na u ranne kolomile, onomi yaronate. (Yesus Yo Bumare Euboye)¹⁹Yesus bele a weumikoke baeufoke mo, raneukike yo buma yam buma Naekore imae obere euboye, Naekore meube refine eunguweuboke. ²⁰Namota ohowate yo ekate Naei akofaeuko mbelene-mbelene huwaimiyeke, Tuhan Yesus nambele hakoumiyeke namekai ha eme mokoyeke, bele rannda romiyae na hila rabo elae hubawainyele.

(Lukas Teofilus re Nabeme Ukeumemge) ¹Teofilus wa nene waewae. Ro mi yae helensele relewainye, nahubara raungaibonde molowate yakalawate a u nolone, ²huba yokore erai boke wanem bele a mbai homone hawaikoke. ³Reyae nahuba rawembodera iteyaubokalene reyae homone yae molorokonde ware iteite, nabemera mende namoinye hele Teofilus, ⁴ware keleyeukote naei nahele hele bele mbai niyae weyae a nahele iteyeubonde.(Yohanes Burekoumi Hononate Iwau)⁵Herodes Yudea kani ondofolo nekewoye, imam mbai naro Zakharia imam Abiare holona. Namiyae Harunre orona mena naro Elisabet. ⁶Hokolo bee nawali Allah kenare koye wali naijene nekewote. Tuhan here koloukoke homofena hakoikoke mokowote. ⁷Hokolo bee fa bammo nekewote, namiyae kiho nekewoyene meke miyaenale yauboke.⁸Ya mbai Abiare homona ohate yo maei kaye meujeuboke Zakharia imamre yeuboke Allah re bene ekemo kouboye eke hebewoye. ⁹Naei imam maei manne honeye oye inseiboke Zakharia u ne ruke nembai Allahre bumakolanyele imae eite enensunde yokonim feleibote. ¹⁰Ijokonim ekefolo woyehe ro miye helem moinye woke nekewate neite-naeite Allahre ebeli boiwainyele.¹¹Zakharia akauha yokonim felewoyehe meuweke nameube refine Allahre malaikat yae erekeunge. ¹²Zakharia Allahre malaikat erekeungene, kuluwai rouke buhe hokoungeboke koiboye. ¹³Bele yaere malaikat yae weunge, "Zakharia, fe ekoije waei ebeli kali waei a ritewane Tuhan boroubokete. Wamiye Elisabet kelu fa mbai hononete, Yohanes ye naro roungobonde.¹⁴Mai u rei maisele anembonde ro miye ehi yo baranayenggombe rei mai kombe. ¹⁵Tuhan re robe royoinye ketenende fawenende kabam bendinde bu anggur yaele bu elaelae emanei nekenende nenakere koubulu yahi bulune Allahre roh yae maemae konoukonde.¹⁶Israel ro miye yoni helem bolem mokommile Allahre bokore be menaibembonde. ¹⁷Neyae benembonde Tuhanrena elaewakeyae ayende kolonende, Allah yendo kayaalo Elia Allahrena Roh, 'hubayeukoke mekai mokonde akonaei nakena ubene menaibembonde'. Kelu omiyaele foi kena foi nekenate wali kainye neke jate mokomile itaei habayaele yo bokore menaibembonde, mokommibonde Tuhanre holona yore inyabonde."¹⁸Zakharia bele malaikatre weunge, "Meyae bee rorele miyaenale yendeboke, mehaemakaije rake a warae nahele yae elerekonde." ¹⁹Malaikat ye weunge, reyae Gabriel, Allah re robe royoinye hebale. Rare ukeuke ware wawale nahele inyaibonde wa u rei mai aneubonde. ²⁰Beleyaere mana boroibo, weyae amum yeubonde weyae a wawale ahele eleikoina, nekeumende, naei ya wawale yembonde rake a menjembonde."²¹Moinye nekewate yo Zakhariare etake-metake nekewate rakewanyale. Hinsim hinewate makane Zakharia heki hele einye ekewabeye. ²²Zakharia moite meukukemo, amum yeuboke itayaeiboke Zakharia habuhiyae hubayeukoke Allahre yo ime ralo imae einye bele mekaije me weti-weti yae koumi. ²³Belera naei imam kaliya mokokoke baeufoke hee, Zakharia bekeufike kulum uke imaere eiboye.²⁴Bele yeuboke nekaikoke hekibam mo Elisabet na u u yaele yeuboke emale miyae nekewoye, oko mehaembai na u nunne hileukoke nekeukoke. ²⁵"Elisabet ninaeijae elewoye, ro miyae rare bubam kanibambae waiteke. Mana Allah nou heukekoke. Mana ya onomi foka ikeuke."(Yesus Hononate a Hurewoye)²⁶Elisabet emale miyae nekewoye yeuboke mo, Allah na malaikat Gabrielre ukeunge Galilea kanina Nazaret yore eke. ²⁷Gabriel ukeunge miyae yaele maengge yale mbai bokore eke Yusuf neyae Daudre orona mena bele maengge naro Maria. ²⁸Malaikat Maria bokore meke weunge, "Onomi foka Tuhanre ei haungewende wambele mbainye nekeba, " ²⁹Malaikat Gabriel bele a wenem ukeungene, Maria bumara ohoukoke, nakenera hin- sim hinewoye, rake a haraungeboke ukeunge.³⁰Malaikat roko benen malaikat weunge, "Femako afaeyae, Allah ware onomi foka ikete. ³¹Boroibo, weyae emale miyae yeubonde kelu fa mbai honoye Yesus yae naro roungobonde. ³²Nekendinde fawendinde kabam yembonde Allah hubalo mandore kelu yae kaenenainyale. ³³Mende Yakub orona mena yo nai kelene orulenaibonde nekenate, na yo waku henabona hononende."³⁴Belera Maria malaikat re weunge, "Mehae mekaije rake a mekaware ra u einye yembonde, reyae ro bam nekale bambe?''. ³⁵Malaikat yae weunge, "Allah rena Roh yolo-yolo wa u rande onde naeinya elaewake ei aneubonde.³⁶Nawanen weyae itayeubonde waei aka baeke Elisabet miyae nale yeuboke kihoyae kaeneimiyainyele, mana emale miyae yeuboke, oko mehini mbai jae yeuboke. ³⁷Weyae itayeubonde nekeye Allah yae eleye hambun mbai ekambesi, benate bangga mo. ³⁸Maria beufoke weunge "Reyae Allah re abu akona yebaei bubaei, are mekaware raei une yembonde yakalabomde." Belera malaikat nukeungeboke eiwoye.(Maria Elisabet Bokore eke)³⁹Manyekeukemo, Maria hambun-hambum mokoungehake, homuggae ene yo mbai Yehuda kanire eke. ⁴⁰Zakarai imae eite ewefike, Elisabetre a rimayeunge. ⁴¹Elisabet bele a rimayeunge bae, ma koubulu-yahibuluna fa, Allahrena Roh yae aungekeboke, honsonsi elaekaeisele kouboye.⁴²Belera Elisabet a kaeneye eke rake miyae maengge bokore eke weunge, "Onomi oke ei aubokete foi moi sele wa kouka yahira honoye fa. ⁴³Reyae rahinye bambe Tuhan nenake raei bokore mekae. ⁴⁴Nehale, a melaeyaera, rei mai aukeboke, ra fa koubuluna honsonsi koukoke. ⁴⁵Onomi foka Tuhan re hila rabo halete yo, nehale hele naei eleye a nahinggi benate.(Maria Allah re Buma Kolowounge)⁴⁶Maria yae weunge, "Rakena eita Allah re buma kolanale, ⁴⁷Allah walilo einye raei u nulu rei mai sele kale.⁴⁸Allah rare me baekoboke, Manaya huba raweuboke ro miyae nemene onomi foka kaye yae rare unggatele. ⁴⁹Allah naei nene-waewae eita hambun kabam ra ure meumokoubokene, Na u yolo-yolo rendem eke nekeye.⁵⁰Hubara haeita yananyele romiye norona menayo yemmile hayemmile. ⁵¹Nameyae ninaei meke yakala haumokoke, ro miyae mbai aikore kate ro miye here ukeumile.⁵²Kena u ane insaenyehike nekate yore bumare yae haumikoke, kote na yomalo yammalo yaele are rubowoumi. ⁵³Monine koubate yo hamam narewoumi ru kangge yaele ro miye name bangga yae eibate.⁵⁴Na yebaei bubaei Israel re rikeungeboke Allah na foi moi u bene nekenaimile. ⁵⁵Maei yobe-yobe re buhae heumikokoke, yobe Abraham buhae heungekoke, naei orona menayo nanemene."⁵⁶Maria oko name hukui Elisabet boykone mainyekeukoke belere kulum uke naei imaere eiwoye. (Yohanes Bukoumi Honggate Ahuba) ⁵⁷Manyekokoke Elisabet hononde okonahului yeuboke, kelu fa yae hongge. ⁵⁸Nakabaeke naineribo mbainye nekewate borokate Tuhan Elisabet ei haiwoungene,reima aumiboke koiwate.⁵⁹Ya mehine namemo naekare nenaisandemo ro ronaibonde Zakharia naeko roiyae. Hongkatera ya mahine name yeuboke Allah re imae ekate na ro u ela nenaisande. Naei yohoha naeko Zakharia ye na robu ronaibonde elewate. ⁶⁰Beleyaere nenake weu mi, niyaebam Yohanes ye ro mabonde. ⁶¹Naka baeke arilewoye Elisabet wainye aei riyana bele robu roma bonde mbai eroiboimo."⁶²Belene Zakharia re mayae mo koiwanye are hinenainye hindere hunye yae naeto romambonde. ⁶³Zakharia homore molonggondere homo moloi riyeu mihike ikainyele momo moloukoke: Naro Yohanes romiye namene fanggege koiwate.⁶⁴Nahibi Zakharia neu wa raweuboke a elewoye Tuhan de buma kolowounge. ⁶⁵Naime ribona nekewate yo buhe hokoumiboke koiwate, ahubare yeuboke huwate. ⁶⁶Romiye helem borowate, na kerana eleyake baeko fa nekenende mekare yambonde,Tuhan eihaweunge.(Zakharia Allah re Buma Kolowounge)⁶⁷Zakharia, Yohanes naeko Allah Roh ye aungeboke Allah rena a elewoye, ⁶⁸Allah buma koloman, aie Israel maei Allah nayae aei bokore meke hayeumekoke.⁶⁹Walilo mbai meke rauneutike na yabaei bubaei ondofolo daudre orona mena, ⁷⁰naei yenjo kayaayo maei euwara elewate hului ⁷¹mende yokeyo eita hayemmekonde, kena nebam nekaimele maei me eita nou nemmekonde.⁷²Aei yobenaei kamahe buhe hemmikonde aere naei a koloukoke honatene. ⁷³Yobe Abraham de hetenyekoke a few aholo koikoke benyunuke, ⁷⁴mende aei yokeijo mera hayemmokonde, nabelae yae nare ei haumande, ⁷⁵nabore royoinye wali yoloyolo haremambonde nekemale nenabona nekemande.⁷⁶Kelu, ware Allah hubalo mandero yenjo kayaalo yae kae nenayete, Tuhan de nibi are fanyemibonde. ⁷⁷Itaei saba, melimekai wali hena enaijaronggonde namokoi kabei hoyeimiyende.⁷⁸Nabuhe Allah buheheumokoke, huhehe surgara neukoke aere nemmekonde,herere buhe. ⁷⁹ouboumna nekate hokojeumi yore hehe nemmikonde aere reije miaje yeume walinibi kelemmele Zakharia na.⁸⁰Bele fa kabambeiwoye naubene wabene meme koiwoye. A kala kalane nekeweke neken kondera Israel ro miyaere be memmi yakalambonde.

(Yesus honggate ahuba) ¹Yohanis honggate hewa, oko mehine mbai nekaikoke heyae, Kaisar Agustus ukeumi Roma kani kabamna ro miyae nanemene mere nulenaibondere. ²Rake nabeme heleyae me nulaeiboke, Siria kanine, Kirenius Ondofolo kabamre nekewoye heyae me nuleiboke. ³Rone miyaene narore molonaterene, naete-naete na yore yande bukewate eubate.⁴Ro mbai naro Yusuf, Galilea kanina Nazaret yore kulum uke Yudea kanira Betlehem yore na miyae Mariare eubote. ⁵Yusuf na miyae ehere kaikokeyaele eubote, belehe Maria u yaele yeuboke nekewoye.⁶Yusufre Mariare Betlehem yore ekete, Maria naei fa hononde ya nobeungeboke, ⁷Maria kelu yae na kou eme yahi emene hongge. Maria roke malone ruleufike, kolo imae mae-mae koukene, o hote dombayae sapiyae hamamre anate einye nekeunge. Domba kayayo Yesus honggate itayaeiboke⁸Yudea kanine, Betlehem yo kelaunge domba kayare hebate yo reniyaijae na dombane kaya hebatemo, ⁹Allahre malaikat na u meumi yakalaumiboke, Allah na u inukui jae hehe naumikoke, domba kayare hebewateyo feyae-wakuyae mae-mae koumikoke.¹⁰Beleyaere malaikatyae weumi, "Fe efaeijae, Reyae a foi-faeu foijae rokale mekale, mare ukembere, namekai ro miyae nenemene ukemmilere. Meyae rei mai kombe, bele mekai mbai ro miyae konate. ¹¹Manaya Walilo Henalo, Daudre yone honggate. Neyae Tuhan Allahyae oro umau heraweungeboke, Wali Ondofolo kiyae (Yunani afaeunge), Kristusyae kaenainyele. ¹²Na mekai, rake mekaijae erennnele - Rake Fa, malo raitaijae rulenaisinde, domba maei sapimaie o hote hamamre anate einye nenainyele."¹³Belerabae, malaikat kelaeunge, surgara mekate malaikat-felayo yaele helemsele yakalaiboke - Allahre buma hananyele, na a yaele elate, ¹⁴Allah na buma hele ekenekaye kiyaere hili akau hebenanyele konanyele, namekai rake kani kelana ro miyae Naei kenare kojaimile yore, Allah beleyore rei maijae yemmile."¹⁵Beleramo, malaikat-malaikat domba kayare hebate yore nukaimiboke, surgare baeiboke eubatemo, domba kayayo naete-naetene elate, "Mem, eyae Betlehem yore ema, Allahyae meke weumi a ema erembom." ¹⁶Nahibi beleyo uhale-mehale kulum hayaeikoke ekate, ekate Mariamre Yusupre bele Fayaele hubayaeikoke, o hote kabam einye, nekainyele honowoye.¹⁷Erewanyele, malaikat Rake Fa na are elewate wanenhele hubayaeikoke, ¹⁸Domba kayayo elewate are borowate rone miyaene fayae bougwate. ¹⁹Beleyaere Maria bele a elewatere na kena einye auboke nekewoye. ²⁰Domba kayayo baeiboke na domba bokore eugwate, Allare bumayae kolowainye, mekanebam, na ijoko ekai erewate, naei anggaeijae borowate wanen nehale bele wanem beugwate yakalawate.²¹Belera, ya, mehaembai mehine nameyaele mejeubokemo, bele Fa na huba nanyehakemo, Naro Yesusyae wanyele, nenakere kobulu yahibuluna malaikatyae ranyeboke, rokanyele yo imae ralo imae ete mekaite.²²Ya ro u bee Tauratne eleye mekai u meijeubokemo, Mariare Yusupre naei akauha yaele Allahre yo imae-ralo imaere Yesus rokainyele mekate, Naekore. Inyanyelere. ²³Tauratne naei mekai moloukoke, "Kelu bena hononate kiyae, Allahreyae kinyenaibonde!" ²⁴Namekai Tauratne molaikoke mekai, Maria fa honggemaei u fanyeiboite, Allah na imae-ralo imaere na akauha niyae, roungate namene menate, tekukur aye bee roungate namene menate.Simeonre Hanare Yesusre eranyeboke.²⁵Ro mbai naro Simeon, Yerusalem yone nekejeye. Simeon na wali nime haba hele himaleungeboke Israel yoyam maie onomi rakeweke nekeweke namekai Roh Kudus na wali einye mae-maehele aungeboke. ²⁶Allahre Rohya na waline aungeboke weunge, Simeon na walimo nekewende, Kristus waei ijokoyae ereungebonde wa weyae hereye.²⁷Simeon Allah na imae-ralo imaere Roh Allahyae keleungeboke meke, Yusupre Mariare, Tauratne eleye mekai Yesus rokeinyele imae eite mete, ²⁸Simeon Yesusre namene roukeunge, Allahre buma kolounge, weunge, ²⁹"Mana ninae, na rei maijae hererele, makanebam, Waei ayem re kolowoyae kiyae Walilo, raei ijokoyae erekanale, Rake fa hehe mekaija, ro miyae wawana nekeijate yo wali enaijaronde, namekai Israel yore Waei nene waewae kelemmile.³⁰Raei ijokoyae Walifa ninae erekanale, ³¹weyae mokoungehake rake kani-kelana mai bene; ³²yake Fa hehe mekaijae, rake kani kela nanemene hehe naemmikonde ro ronanyebonde, namekai Waei nene wae-wae israel yore, emmikelende."³³Yusupre Rake Fa nenakere, Simeon a weuboumilere fayae bougote, ³⁴Beleramo Simeon onomiyae yeumimo na a weumi, "Anggaei borobo, Rake Fa, Allahyae eleuboke, Israel yoho enduwendemaei, annundemaei namekai Naro aerene ro miyae helem sele kena himi enaibende.. ³⁵(Rake Fa aerene, waei kena himi hele ejeubonde, wa kena rame yomoyae nenate mekai eungehubande), namekai ro miyae helem maei ubene wabene enaijakalanate.³⁶Allahre yendo kayalo mbai miyae nale hele na ralo yakame nekewoye, Fanuelre maengge, Asyur yohona. Namolore ralo yakama mehaembaei mehi ne bee mo na wali nekeikoke, ³⁷Namolo hereke nekewoye ralo yakama 84 yeuboke. Rake miyae nale, yo imae ralo imae enukeiboi nekeweke, reniai-tai Ako hubalo mandoremo na wali nekeweke. ³⁸Hana meke Ako hubalo mando buma kolowounge namekai ro miyae arileufikere Yesusre ahuba, Yerusalem yore onomi yemmile ahubaeyae kelemoumi.Yusupre Mariare Nazaret yore bukeiboke eugwote³⁹Yusupre Mariare, Tauratre moloukoke mekai nanemene mokoikokemo, bukeiboke Galilea kanire, nayo Nazaretre eugwote. ⁴⁰Rake Fa, ketewoye kabam yeuboke, elae wake, itaei-saba namekai Ako hubalo mandorena onomi mae-mae na waline hayewounge.Yesus Allahre yo imae-ralo imae einye.⁴¹Naralone yakamane baei, Yesus naekore ne nakere Yerusalem yore (Mesir kanine, Allahyae Yehudi kelu fafa bena onomi ikeumi maei u bene nekeisite), ya kabam Paskahre eugwate. ⁴²Yesus ralo yakama me bee orone bee yaele yeuboke, Yerusalem yore eugwate. ⁴³Bele ya kabam u yeubokemo, baeiboke nayore anatere. Beleyaere Yesus na Yerusalem yone nekewoye, nakore nenakere nataeibam. ⁴⁴Naekore nenakere elete Yesus ro miyae helem nolona nambele mateha, meugwate ya mbai yeuboke. Naekore nenakere ro miyae nolore hinewoteyaere, Yesusre ehubayeikoi.⁴⁵Yesusre ehubayekoinyeyae, beiboke Yerusalem yore mekete baeubounyele. ⁴⁶Baeubounyele, namenem ya, Yesus hubayaeikoke, Akore yo imae ralo imaene, Yahudi falem-falem nembainye nuwaikoke borowanyele, namekai a yae Yahudi falem-falemre hineumi. ⁴⁷Ro miyae borowanyele yoyae, fangge-nggeyae koubanyele, mekanebam, Yesus itaei sabayae mae-mae hele kelewoumilene.⁴⁸Yesus naekore nenakere erewonyele faengge-nggeyae koubote. Nenakeyae hineunge, "Kelu, mekane rake u mekai maere mokoumibokae? Ataeite rambele elumbo halumbo Waere hubayeikote ahire-ahire erewoyete, beleyare ehubayeikoi. ⁴⁹Yesusyae weumi, "Mekane meyae bee Raere baeukele? Meyae mataeibam, Reyae Akore imaena?" ⁵⁰Beleyaere naekore nenakere na kobumo kote, mekayaere Yesus weumi.⁵¹Beleramo, Yesus nakore nenakere hakoumiboke nembainye Nazaret yore eugate. Beleyaere Yesus nenake na ubenenemo bele a faeu elewoyere haugoye. ⁵²Yesus kete woye kabam hele yeuboye, itaei saba, me u harawounge, Allahyae namekai rone miyaene helem sele Naere kena kowainyele.

(Yohanes Bukeum Kiyere Ahuba) ¹Ralo yakama mebee orofae refine mbai yaele ondofolo Tiberius nekewoye he, Pontius Pilatus Yudea kanine gubernur Herodes Galilea; ondofolo yeuboke, Filipus Herodes na ubake yo Iturea yaele Trakonitis yaele honote ondofolo nekewoye, Lisanias ondofolo Abilene, ²Hanas re Kayafas re imam kabamsele nekawotehe, Allah meke Yohanes Zakharia kelu a kala-kala ne nekewe.³Yohanes eke Yordan wikeunge nekewoye, Allah rena a weibomi na u bukonaimile neihuwemmile mai buloo fela fanyenembombe,⁴Allah na yendo kayayo Yesaya moloukoke, "A kala kala ra ayemkoloumeyeye, Tuhanre nibi mokonnehambe mende nibi alommide.⁵Nibi kalo-kalo honate hiyei rareminele, yesi yesi randan honate rubemmile fauke benate yeli-yeli aukaka honate alommile alon sande. ⁶Ro miye helem ninaeijiae na ijokoyae erenaite Tuhan rena wali nibi mokowngehake!" Yesaya 40:3-5⁷Romiye helem hokoumeke Yohanes bure komilere wewoumi, "Hakaite orona mena yo, hinye yae angga yobombokombe Allah rena ehe-bukulu hanyembe mende henumbere?⁸Maeye nehale nei hungembombere mau mekai foijae mokomembe. Yobe Abraham re orona mena elaube wali hena yarombere u mekai bennehombe. Allah nahinggi rake ruka honatera mokommibonde naei orona mena yaebonde.⁹Rake he ramekaru o mabone maitafike honoye bele no ani foi emokoinya ukenate italo ranne enate hayenggonde.¹⁰Belene Yohanes re hinewainyele, "Makaye maeye mokomabondere?" ¹¹Yohanes baeufoke weumi, "Ro miyae naei malo bee na, malobam yore wahemile bele mekai hamambaele yo monine nekaijate yore yemmiyembe."¹²Pajak yarate yo makate bure kolommilere mekate Yohanes hinainyale, "Guru meyae mekaye makomabonde? ¹³Yohanis weumi, "Helem emekai jaele ebaraijae, "Naei mokanyehake hangga embeohomembe yaromembe."¹⁴Felayo ro riya mbai mekate hinanyele, "Meye bae mehae mekai? Mekayae meyae mokomale?" Yohanes weumi, ro miye maei mena roi enukeijae hele namekai naei to nai eheijae."¹⁵Ro miyaere baeke a weumikokera ubene nekewoumi nakenara elate, Yohanes wali ondofolo rakennele kiyae neye, neyebam. ¹⁶Yohanes weumi, "Reyae mare buyae kolamale, raei mota mende ro mbai bele ro neyae, na u nene-wewe yaele, na aro memalu naei oro memalu ha reyae ekulaiboi hangga. Naei bene reyae me baeibam sele, bele ro mende mare Allah re Roh yaele i yae konembe.¹⁷Namena rowemmende hambum ro miyae kayere molonde, rabore halaeinyele yo yawemmibonde enate mbainye enainyekende. Moite haiwate yore yaronggonde italo kabam ranne ensayenggonde ralo ye yakama yae benayende."¹⁸Yohanes utei watei mehi mehi halem sele kelewoumi.(Yohanes Bure koumi Ikilaiboke Kawane Hilanyekoke) ¹⁹Herodes Galilea kani re ondofolo nekewoye he na aka baekere miyae naro Herodias rouke naei miyaere yeuboke bele u mekai erekene Yohanes a elaekaisele horoungeboke ukeunge, ²⁰Hambum-hambum helensele asasi koukoke benen na aka baeke miyaere rouke yaele nau elaibo kowoye ukeumi Yohanes re ikilaiboke kawane hilainyekoke.(Yesus Bu kainyeboke)²¹Ro miyae helemsele Yohanes bu koiowoumi bele he Yesus nambele bu keungeboke, Ane riwounge ebeli boiwounge yaku wekeunge erewoye, ²²Allah re Roh aye merpati wanem Yesus Na urande oke, boroye yakura a mbai weunge, "Weyae Raei kelu, kena kawale, Waremo ei haukete.(Yesus Nayobe Neai kamahenaei)²³Yesus na kaliya huba raweuboke, na ralo yakama ro rele u mbai u ehine me be yaele ro miyaeyae na ubenera elewate Yesus bae Yusuf re kelu Eli re kelu. ²⁴Eli Matat re kelu, Matat Lewi re kelu, Lewi Malkhi re kelu Malkhi Yanaite kelu Yanai Yusuf re kelu.²⁵Yusuf Matica re kelu, Matica Amos re kelu, Amos Nahum de kelu Nahum Hesli re kelu, Hesli Nagaite kelu. ²⁶Nagai Maat re kelu, Maat Matica re kelu, Matica naeko Simei, Simei naeko Yosekh, Yosekh Yoda re kelu.²⁷Yoda Yohanan re kelu, Yohanan nakelu Resa, Resa nakelu Zarubabel, Zerubabel Sealtiel re kelu, Sealtiel Neri re kelu. ²⁸Neri Malki re kelu, Malkhi nakelu Adi, Adi Kosam nakelu, Kosam nakelu Elmadam, Elmadam naeko Er. ²⁹Er naeko Yesua, Yesua Eliezer kelu, Eliezer Yorim re kelu, Yorim Matat re kelu, Matat naeko Lewi.³⁰Lewi Simeon re kelu, Simeon naeko Yehuda, Yehuda Yusuf re kelu, Yusuf Yonam re kelu, Yonam Elyakim re kelu. ³¹Elyakim Melea re kelu, Melea Mina re kelu, Mina Matata re kelu, Matata Natan de kelu, Natan Daud re kelu. ³²Daud naeko Isai, Isai Obed re kelu, Obed Boas re kelu, Boas Salmon re kelu, Salmon Nahason re kelu.³³Nahason Aminadab re kelu, Aminadab naeko Admin, Admin naeko Arni, Arni Hezron re kelu, Hezron Peres kelu, Peres naeko Yehuda. ³⁴Yehuda naeko Yakub, Yakub naeko Ishak, Ishak naeko Abraham, Abraham naeko Terah. Terah Nahor re kelu. ³⁵Nahor naeko Serug, Serug naeko Rehu, Rehu naeko Peleg.Peleg naeko Eber, Eber Salmon re kelu.³⁶Salmon naeko Kenan, Kenan naeko Arpakhsad, Arpakhsad Sem re kelu, Sem naeko NuNuh, naeko Lamekh. ³⁷Lamekh Metusalah re kelu, Metusalah naeko Henokh. Henokh naeko Yared.Yared naeko Mahalaleel. Mahalaleel naeko Kenan. ³⁸Kenan naeko Enos. Enos naeko Set. Set naeko Adam. Adam Allah re kelu.

(Walobo Falem Yesus Re Wabewounge) ¹Yordan wira keteke Yesus Allah re Roh na u keteungeboke. Roh ye yaweungehoke a kala kalare ekete ²Ekete ya rorele u bee einyekeukoke walobo falem umali hubanenggondere wabewoungemeke. Bele yakoko nekeumeke bune hamamne emaneimo nekewmeke, riyauke wennebonde yare bae moni kabamsele hubaungehike.³Walobo yae weunge, "Weyae nehale Allahre hinafa hoifana, rake ruka weimile feu ke inyaibonde. ⁴Yesusyae, "Homo faene molaikoke. 'Ro miyae wali hamamne mo enekei." Ulangan 8:3⁵Benem bulowalobo Yesus re yaweungehoke anuwau mbai bumare hele ekete. Rake kanina yo yam yoni-yoni na nene waewae honate Yesus re kelewonge. ⁶Walobo falem bae Yesus re weunge, "Rake kaniranna ondofolo anggem nekei nanene waewae yaele nemene wanae wame einye iteite. Nanemene raei me einye honatene, ro miyae kena koronggonde kiyaere reyae kinyerende. ⁷Bele mekaine be ebifen rare insineukobondena nemene ware iteite hayerete."⁸Yesus benem bukeungehike weunge, "Homone molaikoke honoye, Tuhan waei Allah mbai temo buma koloungende naremo ei moloungende."⁹Benem bulo walobo Yesus re yaweungehoke Yerusalem re ekete. Allah re imae kabam moko-moko bumana hele ekehonoye yeungebokemo Yesus re weunge, ¹⁰Homone molaikoke. Allah na malaikat-malaikat wemmile Ware kaya ainyayeukonde hebenate. ¹¹Name hirenaibonde name bumane roungayete, woro rukane neijalene.¹²Yesus, walobo falemre beufoke weunge,Tuhan Allah re weyae umali ehubaijae. ¹³Bulo walobo Yesus re umali yoni yoni hubaunge koke beufoke, Yesus nembai nukeungeboke, ya ikai ehine eraumeke.(Galilea Kanine Yesus Name u Huba Raweuboke)¹⁴Galilea kanire Yesus Allah re Roh yae keteungeboke maemae koukoke eiwoye. Bele kanine Yesus re igwau horewoy borowate. ¹⁵Henggeleng raungehike Yahudi maei ebeli boiboi imaene raweuboke kelewoumi, ro miyae helem Yesus re eisele molowainye.(Yesus Nazaret Yone Hukanyehike)¹⁶Yesus Nazaret yore eke, bele yone naraiboke, kabam yeuboke. Sabat ya Yesus naei mokoje wanem Allah re imae eite euweufike homore ronggondere aunguke. ¹⁷Allah na yendo-kayayo Yesaya moloukoke homofae yae ikainye na rulura bulaereuboke wekeunge rouboye,¹⁸Allah re roh Raune keteukeboke Rare raneukerike a foi-faeu foi kerebam nalebam yore hukemilere. Allah ukeuke mekale me u moko rebondere bulo walobo ikileumikoke me einye nekate yo bulearemikonde, ¹⁹Yakala remile Tuhanrena ya onomi honomi meke yakalauboke."²⁰Yesus homo remo oleukoke ikainyele yore namene ikeumi Sinagoge imaene nekewate kohobam yaeiboke ijokomo raisike erewainye. ²¹Yesus huba raweuboke weumi, "Mana ya nahinggi neijae meiyeuboke homofe yolo-yolo eleye afaeu. ²²Nahelere elewate yo buma kaiwanyele elate neugwara balaimeke emehahele hubawainye bele yo elate, "Rake Yusuf re fa bambae, mehaemekai jae meke eleyebam?"²³Yesus bele yore weumi, "Meyae a habeiboi-habeiboi ma ubenena nekembe wendelere, "Dokter waei u onomi inyete! Meyae borande Weyae Kapernaum yone hambum mehi mehi mokowoye, mana Waei?" ²⁴Yesus yae weumi, "Reyae nehale yae Wamale, ro mbai naei yo-yamne me ebaei wanem nekenayende.²⁵Mana borombo a nehale re ukembere, Elia Allah Na yendo kaya yo nekewoye ralo yakama name bohi yaele moni mai Israel kanine meungeke koiwate. ²⁶Allah Elia re naei yo bokore ewei ei Sarfat yore Sidon kanina miyae nale mbaite bokore ukeunge eke. ²⁷Ro miyae nau bau-bau bae molai miyeke helensele Elisa yendo kaya yo nekewoye, ro mbai jae onomi roukebam, Naaman Siria na ro mbai mo ro onomi yeuboke."²⁸Sinagoge ne nekewate yo bele mekai a elewoye borowanyele ikele yaeiboke. ²⁹Nanemene ainyuke Yesus yoboiboke nekewate anuwauka yomoite aibaleke a ya yara kinyenai bondere ekate. ³⁰Yesus bele ro miyae nolora aloungeko euboye.(U Rani Rani Koiboye Ro Rouke)³¹Beleramo Yesus Galilea kanina yo mbai Kapernaum re eke, sabat ya yeuboke ro miyae helem eke kelewoumi. ³²Ro miyae helem kelewoumi nenemene eisele molowainyele, na fa yae boiwate, na yo malo waku malo maemae koungekoke .³³Bele imea einye ro mbai walobo yae aungeboke nambele nekewate kelaa kabam elaekaeisele hebeungekoke kenewoye, ³⁴Maere waeimihi menaeijae nekeae, Yesus Nazaret na ro maere makare mokoumobondere? Weyae mekae maere houmokondere. Reyae raitaei Weyae wahinye, Weyae nene wae-wae Allah rera mekae!"³⁵Yesus bele walobo re ayelae heungoboke weunge, "Koko yeibo! Rake ro na ubulura etuwe. Bele walobo na ro miyae bene rake ro ane woke, na ubulura meukuke. ³⁶Belena rowoke, iye neite-neite alate maka a makaijae ukeunge na u ubuluna ketainyeboke walobo yoni yoni hukeumihke aibaleke ekate. ³⁷Yesus na u mekai baeke yo einye mokoubokene, rake kani-kelaa ahire-ahire Naro hureweke.(Petrus na Fau Miyae, Ro Miyae Helem Yesus Onomi Yeuwoumile)³⁸Yesus Sinagoge ra meukuke, Simon imaere eiwoye. Simon na miyae nenake eha naume kabansele koiwoye, belene Yesus riyainyehike onomi yemmilere. ³⁹Yesus meke Simon na miyae nenake bokone hebeunguke nauna eha naume koiboye hukeumihike nahibi foi yeuboke, ro miyae arileweke yore rikewoumi.⁴⁰Huwae rai hu akoweke he Yesus bokore ehana bulona koubate yo helem-bolem yawaimiboke meubate onomire yaronatere. Yesus aunguke mere mo nau ranne, koloumiyeke foi baeyeke. ⁴¹Walobo yoni-yoni aibaleke na ubulura, eiwate kaenate, "Weyae nehale Allah re kelu ya!" Yesus oku yae nekeumi a elenatere ahun kolowoumi.,(Yesus Yo ran Yo randa Ohoweke)⁴²Yahe heuboke mo Yesus aloungekoke namaleu maleubae anuwau mbaite eke. Ro miyae helensele baewainyele, hubainyaikondena Yesusre hun ranainyihende naere enukeijae. ⁴³Yesus benem weumi, "Reyae Allah Na ako faeuko yoranda-yoranda hukemiyendere, bele are Reyae hukemilere mekale. ⁴⁴Yesus naei ako-faeuko Yudea kanina sinagoge imaene kelewoumile.

(Yesus Namota Ohonate Yore Eleukoke Yo Maei Ahuba) ¹Ya mbai Genesaret bukoune meke hebewoye, ro miyae helemsele arilewoye Tuhan eleye ako faeukore boronatere mekate hebewate, ²Erewoye kayi bee mekete yabane yoroiboke yawete, bele yaere kare baete yo akaikoke na elane kuiwate. ³Yesus belena kayi mbai einye hebeunguke, Simon re kayi ukeunge ebifem neufike itauke wanem na keleifike anggem nuweubokemo bele kayi randa ro miyaere kelewoumi.⁴Keleumikoke baeufokemo Simon re weunge, "Eye ebifem itauke neufindemo, wa ela wowonde ka haweikonde.'' ⁵Bele yaere Simon be beufoke weunge, "Tuhan mana reniyai koko elaehale kare hubaimakondere relewannele, bele yaere mbaijae heuboke bam! Tuhan, Weyae ukaraene reyae benem ra rake wau ukondere." ⁶Yesus are ukeumi mekainye haisaine hayewatemo ka ela wokatene helem sele maemae koukoke, na wau hubara kayeweke. ⁷Ka helem sele elane haeibokene kayi ehina yore kenaimikoke rikenaimibondere. Mekate bele kayi bee enye yarowate haubate bele kayi bee ka maemae kaikoke.⁸Simon Petrus naei ijokoyae erekene Yesus bene oro hele roroukokemo weunge, "Tuhan rare nukeitebo, reyae bulofela kou-kalo mae-mae kouko koke'' ⁹Petrus baeke a Tuhan re ukeunge nambele ro miyae helem meiwate ka helem haubatene yeije koibate emehahele hubawainyele. ¹⁰Belemekai mbai Zebedeus re kelu fafa bee Simon naei ohate Yakobus re Yohanes re Yesus beufoke weumi fe efaeijae, Mana ya, meyae ma wau yaronggombe ro miyaere hayemmembere. ¹¹Bele ya mo na kayi yauke yobaikoke ikate, naei naneme fomene nukaikoke hayaeikoke mekate Yesus re hakanyekoke.(Yesus Baubauke Koweke Ro Mbai Onomi Ikeunge)¹²Ya mbai Yesus yo mbaite eke. Bele yo einya, ro mbai na u baubau kusta yae feleungeboke,Yesus re erekeunge, meke be are meungeke riyewounge, "Tuhan Weyae rare buhae haerena, onomi yae yeukele.'' ¹³Yesus name nekeunge karaungehike weunge, "Reyae kena kale weyae onomi yeubonde. Nahibi hekibam bele ro onomi yeuboke."¹⁴Yesus yae ahun raungehike ro ehi miyae ehire ehuwei jae, "Oro moloubonde aloungekonde imam bokore eye, onomi yeuboke yakalaumibonde, Musa Tauratna eleye borowainyele, ehana bulona yo foi baeyeke bele waei akau ha mekai yembonde."¹⁵Yesus re igwau heraeyeuboke hurewoye belene ro miyae helemsele hokoumeke naei a feu elewoye borowainyele, eha na bulona yo foi baeyeke. ¹⁶Yesus ro miyae helem nolora namaleubae ikai molouboyeunge Naeko re ebelire bonnelere eye.(Yesus Ro Mbai Orome nimainyekoke Re Onomi Ikeunge)¹⁷Ya mbai Yesus ro miyaere kelewoumimo, bele nolone Farisi holona,Taurat itayeikoke falem falem Yudea, kanira Galilea ra, Yerusalem yora mekate.Tuhan rena elae wake naune keteungeboke ehayo buloyo helem sele onomi yeuboumi.¹⁸Bele anuwaunge nekatemo erewate ro riya mbai ro mbai orome nimanyekoke na ijoku honoitanne kaeibokate Yesus bokore mekate relewainyele Yesus Nabene nenainyendere. ¹⁹Relewainyele nibi ehubaikoinye ro miyae helemselene, imae bumare yaei keteke, na ijoku honson ranne honowoye nokainyele oiboye Yesus nabene oke.²⁰Yesus erekeumi narabohalei elaekesele bele ro re ukeunge, "Wa bolo-fela hobeukokawale." ²¹Imam falem falem, Farisi riyana yo naeite naeite naure hinate "Rake ro nahinyebam meke Allah re aukaekae mekekounge? Ro ehi fa ehi yae mokoi kabei ehobeiboi, Allah nenaeijaehele?''²²Yesus erewoumi nakena einya elate a iteyayeubokene beufoke weumi, "Makane makena einya bele ubene wanem bene nekembe? ²³Mbele a na foma foma hele elerekonde, waei bulo fela'? hobeukokawale yae anyu aloinyoko yae. ²⁴Mana yakala rembombe Reyae Allah bokora ro miyaere yeubokale, Allah na nene waewae, '' keteukeboke ro miyae na mokoi kabei nahinggi hoberemikonde.''²⁵Nahibi baeke ro aunguke ro miyae helem nolora erewanyele na ijoku honson kaeuboke Allah re buma koloungeke eiboye. ²⁶Ro miyae helem erewate Allah. re buma kolowainyele na fanggege yaele koibate elate, "Eha emeha hele mana ya ijoko erande yeuboke!''.(Lewi Yesus re hakoungeboke}²⁷Yesus bele anuwauka meukuke aloungekoke eiwoye pajakre yaroijate ro mbai Lewi yae kenai nyele erekeunge,pajak yarate umaene nekewoye.Yesus keneungekoke ''weunge rare hakotebo

(Tuhan sabat yane) ¹Sabatya mbaimo, Yesus namota ohowate yoyaele, gandum heke nolora eubatemo, gandum hokayeke meyae hubayeke eubane anayeke eubate. ²Farisiiyo yae hinaimile, "Mekane meyae Sabatyare asasi koukoyaube, emokoi ehayae imokaube?"³Beleyae Yesusyae weumi, "Meyae mataeibam heleha, mekayae yobe Daud moloukoke, neyae/Daud namekai ro nembainye moni katene, ⁴mehae mekai yo imae-ralo imaere aruleibiyate, beyu beyebare hebateyoyae annaikonde yaere bele yore yemmile annaikonde?'' ⁵Yesusyae Farisi yore weumi, "Meyae mataeibam hele, yobe kabam Daud namota hakanyekoke ohowateyo moni koubatene mokouboke u mekai meyae homone ehoikoi? Yesusyae Farisi yore weumi, "Reyae Akore bokora mekale romiyae u re yeubokale kiyae, Sabat nano Riyae niyae."⁶Sabatya mbai mo, Yesus Allahre ima obe einye eke kelewoumi, belena ro mbai name meube me nimainyekoke. ⁷Tauratre itayaeibokeyo yaele Farisiyo yaele na ijoko Yesus remo erewanyele, keme nenainyebondere, sabatyayae rake ro onomi yennelere ha? ⁸Beleyaere, na ubenere nekewaimile ha Yesus itayeuboke, Na ijoko weke bele ro name nimanyekoke kiyaere weunge, "Anyu, nolone hebenyu, " Bele ro afae anguke bele anuwaunge hebenguke.⁹Yesus bele yore weumi, "Reyae mare hinerensimbere, meyae mehae mekai kayeyae mai kena kaube, sabatyane mokomabondere, foi kayae, nebam kayeyae? Ro miyae na wali hole molomambondere, ro miyaere hosote? ¹⁰Yesus na ijoko refi rafire ereumikokemo, Yesus name nimainyekoke ro re weunge, "Wame neinye, " Bele ro name nekeunge, name nahibi foijae yeuboke. ¹¹Bele mekai erekatene, Tauratre itayaeiboke yoyaele Farisi yoyaele akuba yeuboke hoibate, merau kolowanye/rainyihike mekayae Yesusre mokonainyebonde bam.(Ro me bee mehine bee yaele elaikoke)¹²Bele ya mbai mo, Yesus homunggaere eke Naekore ebeline reniyai koko boungemeke. ¹³Ya heubokewa Namota owate yore kaeneumikoke, ro me bee orone beeyae ro eleukoke Na yebaei-bubaeite inyaibondore.¹⁴Simon, Yesus yae Petrusyae ro roungeboke kiyae, Andreas, Petrus na aka baeke, Yakobus, Yohanes, Filipus, Bartolomeus. ¹⁵Matius, Tomas, Yakobus, Alfeusre khelu, Simon Zelotyae kaenainyele. ¹⁶Yudas, Yakobusre khelu, namekai Yudas Iskariot, kelaite neke ro.Yesus Wali a hena a mo keleumiyeke.¹⁷Yesus bele ro eleukoke yoyaele wayakoukoke, Yesus faunge hebengukemo, Yesus namota ohowate yo helem bolem arileufike, Yudea kanina ro miyae, Yerusalem yora, namekai buhaei yo Tirusra namekai Sidonra helem arileufike. ¹⁸Rake ro miyae arilewoye, Yesus Na wali a hena are boronatere, namekai bulone felana kateyo onomire yaronatere. Namekai ro miyae na waline bulo walobo aumiboke kojate yo, onomi yaronayende. ¹⁹Ro miyae nawaere-waere Yesus Na ure kilenaibondere mate, mekanebam Yesus Na una ela metuweyemo bele elaeyae ro miyaere onomi ijeumi.²⁰Yesus namota ohowate yore beufokemo weumi, "Kerebam nalebam nekejaube yo, Raei me kelene u kelene nekembena ma u onomi honomimo nekemembe. ²¹Meyae rake moni maite kaubeyo, Allah mare hamam narenembe u rembombe, namekai onomi honomimo hubannele.²²Ro miyae mare ikele-isam konayembena, ma wali onomi honomimo nekembe, mare nenayensimbena, namekai Raei aerene maro nebam mokonayembena, ²³Yokoi-yobae, reimai nasom hukelembe, mekanebam, mai mebuhae kabam sele surgana mokoungehakale, habuhinebam, mai yobe-yobere naei mekaijae mokowaimile.²⁴Beleyaere meyae ruyaele-kanggeyaeleyo, ma wali nebambae ennehubambe, mekanebam rake he ma wali na hinggi-hinggi hubaungelene. ²⁵Wandere hubangeleyo, meyae moni maijae ma waline ennehubambe. Reyae ayae kaubeyo, meyae hele ayae endimembe.²⁶Himi hele ma u hubannele, mekanebam, ro miyae nanemene mare ei molonayembe, naei yobe-yobe, naei mekai mbai ame karebaite mokowate a re elewate.''Waei yokeijore kena buhaeyae heumile²⁷''Beleneyae, anggaeite boraube yo Reyae mare wamale. Mai yokeijore kena buhaeyae kommile namekai ro miyae mare ikelere kayembe yore foijae mokommile. ²⁸Ware olomore roronete kiyaere, Akore riyeungele foijae mokommile, ware anebam mokonayete kiyaere Ako riyeungle foijae mokommile.²⁹Ware mefaere wa karu wende kiyae woungele benen wa karu refiyaele yenyele wende. Namekai hinye ma malore nukensande kiyae, waenyehinde rewende. ³⁰Ro miyae waei hambum hambum rinyayetena, bele ro miyaereyeumile, namekai ro miyae mbai waei hambum rewendena, benem bele hambum roke eriyeijae.³¹Ro miyae ehire foijaemo mokomamile bele mekaimbai aei kena kande ro miyae ehi are mokonaimile. ³²Weya ro miyae kena buhaere haeyete yoremo haemaena, meka foijae weyae hubayekondere? Belemekai mbai, ro miyae nebamre mokoijate yo bele mekaimbai mokojate. ³³Weyae, kena buhae haeyete yoremo foi mokoijaeme, weyae meka foijae hubayekonde? Ro miyae nebamre mokojate naeimekai mbai mokojate. ³⁴Weyae hambum mbai ro miyae ehire ikame, wa rabo haleyae naei mekai mbai benayeufonde, mekayaere weyae hubayeukonde? Naei mekai mbai, ro miyae nebamre mokojate yo mokojate, mekanebam, bele ro miyae bele hangga mbai enaiyaronggonde.³⁵Beleyaere, wa yokeijore kena buhae heumile namekai foijae mokoimile, ro miyae ehire hambum yeumiyende, rabo ehaleijae benem benayeufonde. Bele mekai mokalena Ako helem sele yemmile, mekanebam, Ako bele ro miyae mekaite kena buhae kabam hele heijeumi. ³⁶Beleneyae, meyae namekai ma waline kena buhaeyae, eije meije nekemembe, mekanebam, Ako Na kena buhae kabam sele heijeume." Ro miyae ehire keme eroroijae nekayende³⁷''Weyae ehiyomaei himi mokoijatere hului okoloijae, waei himire naimekaijae elenateyaelene, ro miyae maei are weyae nehale eleijae, Allah ware beneufondeyaelene, ro miyae ehiyo maei himi mokoijate, weyae nundenayewende, belemakai nekalena, Allah aei himi Neyae fanyemile.³⁸Nasombae hambum-hambum yeumiyende: waheumiyendena, bele hului mbai ware mokonayewonde, kole-kole maemae enaiketete. Mehinimbae kolongele yeumilena, bele makai mbai ware mehinim bae kolonayewende inyayewende.''³⁹Betamo Yesus rake ahubayae aruneubeko huboumi, "Ijoko kumba kiyae benem ro ijoko kumba kiyaere yawennehondena, bele ro bee bo einye eneibalende? ⁴⁰Guru mbai naei itaei bumana na fa-fa keleumira. Beleyaere itaei itayaeikoke fa-fa na guru u mekai wanem mbai nekenate.⁴¹Mekane wa aka baeke na ijkona kerere mo weyae eranae, beleyaere o kabam wa ijokonare bae weyae ereiboi? ⁴²Mehae mekaijae wa aka baeke na ijokona kere rokei, 'beleyaere o kabam waei ijoko einyere bae weyae ehubaisi sele. Weyae faeu kai bee! Wa ijokona o kabambae re!ei! Ijoko foi ereye mo ba, beleramo wa aka baekere ijokona kere roweye."O ha na ani yaele mo⁴³O foi ha foi na ani himire emokoiboi, bele mekai mbai o himi ha himi ani foite omokoiboi. ⁴⁴Nanira rowate ereiboyatera. betamo na no roiboyanyele. Ro miyae ara ani fonom kawa o ra ehokoiboi, namekai anggur ani o isa yaele o yae omokoiboi.⁴⁵Bele mekai mbai ro miyae u mekai foijale ro miyae, na kena une foi mokatera a foi elejate. u mekai himi yaele ro miyae na kena une himiyae elejate. Na kena u einya wanem mbaijae neugara baleijate.Itaei jaele ro yaele. '' Itaeibam Yo Yaele Imae Haeikoke⁴⁶Mekane meyae Rare kaenejaukele, 'Tuhan, Tuhan,' beleyaere ma wali bae Raei a wejamale mekainye emokoyei? ⁴⁷Ro miyae rambele mbainye nekate yo namekai raei are borate mekaijae mokate yo, reayae kelerembombe. ⁴⁸Naei u mekai ro mbai imae ruka ranne heuboke wanem. Alune yane hu foi finyau foinye, bele imae kuseikoi mahekoi bam hebende.⁴⁹Beleyaere, ro miyae Reyae huwamale are boraukoke beleyaere mere ure omokoyei nekeijaube yo, Reyae kelerembombe. Naei u mekai ro mbai na imae ifau ranne heuboke wanem. Alune yane mende wende bele imae kelambonde, nemene himi yembonde."

Yesus Fela falemre u mokoi onomi ikeunge ¹Bele ro miyae arilewoyere a weumikoke baefokemo, Yesus nahibi Kapernaum yore euboye.²Belena, ro mbai Romawi fela falem naei kena kounge abu ako ehane herendere nobe-nobe auboke meke. ³Bele fela falem, Yesusre a borokene Yahudi falem ro keli name weumikoke Yesusre, bokore enate rinyanyehinde na abu ako ehane koyere onomi meneyendere." ⁴Ekate mo Yesusre a rimayaenyele wanyele, "Rake fela falem na abu ako ehane okokoye, belene Yesusre wanyele, Weya onomi yeungele hele, mekanebam, ⁵rake fela falem aei yohore kena buhae heume namekai aei ei moloi moloi imae heuboke."⁶Yesus bele yoyaele nembanye alanyekoke ewate. Na imaere nobewounge bae, na kahiliwa re ukeumi ekate Yesusre unganyelere, "Tuhan, maei rowa eleye, naei imaere eijae, mekanebam, neyae na u fe hele koye. ⁷Bele aerene yae Waei bere ei sele. Weyae are mo eleiko, raei abu ako onomi rowende. ⁸Reyae maei fela falem ehiyo maei me kele u kelene nekejale, namekai raei kelena felayo rare boratele. Ro mbaite reyae ukende, "Eye!" neyae ende. belemekai mbai raei abu akore ukende, "Rakere mei!" neyae mende. Bele mekai mbai, raei abu akore ukende, 'Rake mokoibo!', neyae mokombonde."⁹Yesus rake a mekai borowoungene, fangge-nggeyae kouboye. Weke namota mate ro miyaere weumi,, "Rake ro heleyae nekeye, Israel ro miyae nekate nolora rake rore hila rabo wanem ehubayeikoi mo." ¹⁰U.keumi mekate yo naei imaere baeiboke ekate bae, bele ro ehane koye kiyae erainyele onomiyae rouke,(Yesus miyae nale mbaite fa waleungeboke)¹¹Ya heubokemo, Yesus namota ohowate yoyaele namekai ro miyae helem Nain yore ewate. ¹²Mekate, Nain yo mau nobaeinyekoke mo, ereumi ro miyae hereyae no koloi einye kaeibokate bele yo eita maibaleke mate. Rake here miyae nale mbai na molo nukeungeboke na kelu nembai sambai heleyae hereke kaeibokate mate. Ro miyae helem sele rake miyaenale rimeimiyeyene mbainye mbainye mate. ¹³Yesus weke rake miyaenale ereungebae, Na kena himi hele buhawounge weunge, "Ninae erimeijae!" ¹⁴Yesus bereyae ebimfem nakeleufike mo bele here no kaeibokate matene na me ikileuboke. Bele nore kaeibokate mate yo nemene hebaiboke. Yesus a weunge, "Ae hokolo fa, Reyae ware wawale ainyu!" ¹⁵Bele fa anguke, anggem nuweuboke a eleye, belera Yesus nenakere mene kinyeungeboke.¹⁶Belena ro miyae erewate feyae aumiboke kowate namekai Allahre buma kolowanyele elate, "Allahre yendo kayalo aei nolone yakalauboke, Allah na ro miyaere hakommibondere meke!" ¹⁷Yesusre a Yudea kani nemene ninae hureukoke namekai na kelaunga yo yaele ninae borowate(Yohanes bure koumi kiyae ukeumi Yesus bokore ewate) ¹⁸Yohanes namota ohowate yo Yesus name u mokowoye Yohanesre huwainyekoke. ¹⁹Betamo Yohanes bele nolora ro bee kaeneumikoke mekete, weumi embe Yesus hinehibe, "Weya na hele Allah are kolowounge Kiyae niyae, meyae ro ehiyae rakemandere?" ²⁰Hokolo bee ekete Yesusre wenye, "Yohanes bure koumi kiyae yae maere ukeume mekende Ware hinayesitere, 'Weyae Allah are kolowounge Kiyae niyae, niyae bam, meyae ro ehire rakemandere?"²¹Bele hee, Yesus ro miyae helem sele onomi yeuboumi, alo yae hauwaimi yo na alo yoni-yoni hukeumiyeke, ijoko erei yo mokowoumi ijoko erewate. ²²Yesus bele ro bee meketere weumi, "Bebo, meyae ijoko erekeube, anggaeijae borokeube mekaijae Yohanesre huwennekobe. ro miyae ijoko kumba nekayeke yo mana ijoko erate, oro rebesi-rebesi rebaeyeke yo mana ele mele kate, u baubau kayeke yo mana onomi yarowate, anggaei kokum nekaye yo mana anggaei borate, herewate yo waleuboke, a foi faeu foi kere bam nale bam yore ekehouboumi. ²³ro miyae rare kajatele aerene ehekaei hubanainyele rare moi ebulei kiyae onomi hubanainyende."²⁴Yohanes yae ukeumi mekete ro bee beiboke eubotemo, Yesus benem ahuba raweuboke ro miyae helem hebewatere Yohanesre ane weumi, "Meyae mekare erembombere a kala-kalare aube? O mbai alu yae rikere rakere kuseunge ereibondere? ²⁵Mekare, erembobere aube? Erembo, ro mbai na malo neme hireukokere namekai wali nahingi-hinggi re nekeijate ro miyae, rajare imae obene nekeijate. ²⁶Nehale, mekayaere meyae eraube? Yendo kayaayo? Reyae mare wamale, neyae Allahre yendo kayaalo holore moi wokeumi.²⁷Neyae niyae yae nabe homofaene Maleakine molokoke, "Anggaei borombe, Reyae Ako, kayalo mbai ukanale bere holo yae Waei aerene oye. Neyae onde Waei nibi a fanyembo. Maleaki 3:1, ²⁸Reyae rake a nehale yae mare wamale, Miyae naei kou ei yahi eita honowate yoni-yoni nolora Yohanes bure koumile kiyae na bumans hele. Beleyaere ro bam sele ro miyae Raei me kele u kelene nekeijate holo yo Yohanes nare moi wokainyele."²⁹Belena ro miyae arilewoye yo pajakre arilate yo yaele Yesus huboumi are borakokene, Allahre wali nibi are ne haleyae elewate. Yohanes bele yore bu koumikoke. ³⁰Beleyare Farisi holona yo yaele Tauratre yo yaele, Allahna mehinim kolowounge na wali holere molommibondere kena bam koubate. Bele yo Yohanes bure kommikondere ahi yae elewate.³¹Yesus benem weumi, "Meka hambum bae rake holona ro miyaere arunerebonde elerekonde? Mehae mekai na wali nekate bam? ³²Bele yo fa-fa hambum nai hei-sei anuwaunge nuweikiyate naei hokolo uniyauke kaenaimile wanem waimi. 'Meyae huli ranaende yaere, beleyaere meyae bae okoi mo,meyae helaehili hayendeyaere, beleyaere meyae hele erimei mo.'³³Mekanebam, Yohanes meke bae hamam yaele bu yaele nasom bae emaeneinye, meyae elaibe, "Keubae yeuboke!" ³⁴Beleramo Reyae, Allahre bokora mekale, ro miyae u re yeubokale Kiyae, hamam yaele bu yaele nasom mekai analene, meyae elaube, 'Rike ro erenne, hamam mali namekai bu mali hele koye, pajakre u wabei-wabei wabeijate yo yaele namekai ro miyae nebamre mokojate holona yo yaele kahili awaikoke.' ³⁵Beleyaere Allahre itaei saba yaele ro miyae me foi u foi mokojatene, erenate ro miyae maei naei foija elenate..''Miyae mbai nembamre mokowekebe meke Yesusre u foi mokowounge³⁶Roko mbaimo, ro mbai Farisi holona yo meke Yesusre riyeunge hamam nembainye anneikondere. Yesus bele imaere ekemo bele rore nuweikoke hamamre annetere. ³⁷Bele yona maengge mbai na wali himi yae maemae koungekoke. Bele maengge boroke Yesus hamamne Farisi rore imaena anneye, bele maengge eke minyak fore kemboyaele kaye roijae rouke. ³⁸Bele maengge meke Yesus na moinye noro kelaunge hebeunguke helene rimewoye. Na ijoko ibo balewate Yesusre oro ranne oubate. Belene na uma yae roke hobewoye kalanggondere, beta mo yoijae huneunge, nabe minyak foro kembo yaele kaye rouke Yesus na orone hobeungeke.³⁹Farisi holona ro hamam nembanye Yesus re riyeungehike kiyae bele mekai erewoye na kena eita eleye, "Rake ro hamamre anende kiyae na hele Allahre yendo kayaalona, rake maengge na wali himi maei nemene itayeuboke." ⁴⁰Belera mo Yesus yae Simonre weunge, "Simon, Reyae a mbaite ware uketere," Simon yae weunge, "Guru, nasom weite,"⁴¹Yesus rake ahuba aruneuboke weunge, "Ro bee, ro mbaite ekete roi riyeinyehike betamo bele roihileneikonde. Ro ehi kalia ya 500 mokokoube, bele hangga yae riyeungehike, ro ahi yae ya 50 mokokoube hangga yae riyeungehike. ⁴²Hokolo be bele roi rouketere ehileikoi hangga, bele ro roi te ikeumi ro ninae hobeukoke, kaho yae eleukoke.Rake ro bee nolora, hinye yae bele ro roite riyenyehike kiyaere kena buhae hele koubounge?" ⁴³Simon yae weunge, "Reyae bene nekeuke roi kabamre rouke kiyae yae." Yesus yae weunge, "Na hele yae weyae a eleukokae."⁴⁴Yesus weke bele maenggere erngekoke mo, benem beufoke Simonre weunge, "Rake maengge eranae. Waei imaere Reyae mekale yaere, orore kutekonde maei bu weyae omokoisai rake mekai hena mokoijate. Rake maengge na ijoko ibo yae rorore kuyeyouke benem rouke na uma yae hobeukoke. ⁴⁵Weyae rare yoi bulu ehuneisi mo, rake maengge erane, Reyae na meweufikalera Raei oro ninae yoi bulu yae huneyouke ro melayeiboi wanem.⁴⁶Weyae Rare minyak foro kembo yaele yae Raei falem ranne ehobeikoi mo, beleyaere rake maengge minyak foro yaele Raei oro hobeukekoke. ⁴⁷Belene na himi mokowoye helem sele fainyeumikoke, mekane bam, naei kena buhae kabam heukekoke. Ro miyae na himi kending kem fainyeumikoke, bele ro miyae kena buhae kending kem heummiyende."⁴⁸Betamo Yesus bele maenggere weunge, "Waei himi mokowoyae nemene fainyeukokete." ⁴⁹Ro miyae ehi yo nambele hamam mbainye anewate yo naite-naite a hin-sin bae hinate,"Rake ro maenim meke ro miyae maei himi yaele mekeufanyeumi!" ⁵⁰Beleyaere Yesus bele maenggere weunge, "Rei mai jae ninae eye, Rare hila rabo halewaraene wa wali hole moloubokete."

Yesusre Hakowanyele Maengge fa-fa ¹Na heki bam mo bele kanina yo fele-fele kabam-kabam nemene Yesus ohowoyere a huweumiyeke, Allah merau raungehike Naei holona ro miyae Raei me kelee u keleene nekena. Na mota ohowaye me bee oro na bee yaele, ²Miyae maengge helem, Yesus onomire yeuboumi yo namekai alo yoni-yoni na ura hukewoumi yo, Nare hakanyekoke. Bele miyae maengge naro rake niyae, Maria, Magdalena kanenainyele alo mehine bee yaele Yesus na u bulura hekeumihike kiyae, ³Yohana Khuza Ondofolo Herodesre imae eite wakum kayaare hebewoye kiyaere miyae, Susana, miyae maengge ehiyo helem nambele. Rake miyae maengge naei roibu yae Yesusre holo naei hambumre hakowainyele.(O Haka Heraeyewekene Ahuba Aruneuboke)⁴Ro miyae: helem Yesusre bokore yo hira yo hira hokoumekene, Erewoye helem sele arilewoyene, Yesus rale ahubayae aruneuboke huwboumi ⁵''Ro mbai hekere mokondere, eukuke o haka heraeyeweke, ehi nibine balayeke. Ehi ro miyae oroyae alaeyeke, ehiba aye yae anayeke. ⁶Ehi kani ruka yaele ranne balayeke. Bele kani hele-helene namekai bu banne hobe yae ketayeke nahibi kalayeke.⁷Ehi hobo isa yae kawa yae bele nolone ,balayeke, ketewatene erum nambele nembanye ikate awainyekoke kalaukoke. ⁸Bele yaere o haka ehi kani foi kela foinye balayeke, ketewate, ani mokowate, faru wa wahele 100 bewate. Rake ahubara huweumikoke mo Yesus yae weumi, "Rake a boraube, ro miyae nou foi jae hembe."⁹Betamo Yesus namota ohowate yo yae hinanyele, "Bele ahuba na no mehaemekai. ¹⁰Yesus yae weumi, "Raei me kelee u kellene nekeijate ro miyae, na una honate hambum iteyembonbe mai mare mo ikembe. Beleyaere, ro miyae Allahre :yendo kayaalo Yesaya 6:9 rake a homone moloukoke: Neyae ernate, bele yaere ijoko ereiboi, anamekai boronate yaere, ietaeyeiboi.Bela ahuba ro miyae ehiyore arumamile¹¹Bele a aruneubokale huwamale na mekai rake niyae, "O haka eleukokale bele Allahre ako faeuko. ¹²Nibine balayeke yo na mekai ro miyae bele are borayeke yo. Bele yo Rare hila rabo halenatele belene walobo falem bae na kena eita meke bele are nukeufake. ¹³Ruka belee kani ranne balayeke yo na mekai ro miyae bele are borayeke na kenane na foi sele hawayeke, bele yaere inyale bam kambu bam. N a heki bam bele are na hele elenate, beta bae walobo mende wabemihinde na roko mbai balenate.¹⁴Erum isa yaele nolone balayeke yo, bele niyae bele a faeuke boraikoke ro miyae. Bele yaere bele yo naei wali holere molommibonde aerene buhae hokoibiyoumi namekai yeisi raeiboi walire kena haehae kojatene, bele a faeuke ayeikoyainyele anire omokoi. ¹⁵Kani foi kela foinye balayeke yo bele niyae a faeuke borowate ro miyae na kena u yolo-yolo hele, na hibi-hibi hila rabo halenayende, bele a mekai na wali nekenate ani nime yaele benate mokonate. ''I hehe Naeikiyoye Mekai¹⁶Ro miyae ehiyae ha yae i helennekonde bolonsindemo helai jae ebunenebonde namekai ijokure honoye kelene rannsinde. Bele yaere ire hawate anuwaunge ambonde mo rannsinde, mekenebam, ro myae imaere menate yo ijoko erenate. ¹⁷Rake wali einye, aei yayana mekai mbai Allah yae aere yeijeume, ehi barammekonde.Bele aerene boraibe, a u bene yolo-yolo yae nekenayembe. ¹⁸Belene Reyae wamale are u bene foi jae nekenayembe. Meyae Allahre itaei mokombombena, Allah mare ehi baranembombe. Allahre itaeijae helere bele kiyae helem barannele.U kaye naei u bene nekainyele hangga honainyele yaele enjaronggond."¹⁹Yesus nenake, na ugwa yaele mekate hubainyaikondere yaere bele yaere ro miye helem mekatene ehubayeikoi. ²⁰Belena ro mbai eke mo Yesusre weunge, "Ana, waugwa yaele monya ekaisebate, Wambele hubayenggombere." ²¹Bele yaere Yesus yae weumi, "Menake, namekai Raei ugwakeware ukemile yo, rake niyae, Maekore ako faeukore borojate bele mekai jae yo niyae."(Yesus Alure Ukeunge kalaungeboke)²²Ya mbai mo Yesus na mota ohowate yo yae kayi mbaita hawaiboke. Yesus yae waeumi, "Mem, eyae rike bu habalare fomalere."Nabe yo kulum mo ukate. ²³Raugae nekate bu nolo kikire fougwatebae, Yesus ijokune eungefelekoke .Bele ikai alu ya kabam hele rawouboke, na kayi omboi maemae kouboye, obulenaikonde wanem bae hubawanyele.²⁴Belene Yesus namota ohowate yo ekate yenggewainyele mo wainyele, "Tuhan,Tuhan, eyae bune obulemakondere kande ya!"Belera Yesus aunguke bele alu kabam raweyere, a ela hele ukeungera bu uke kalaungeboke. ²⁵Beleramo, Yesus kayi einya yore weumi, "Rare hila roba haleijaeukele wauwaunge eha meyae buhae hokombokembe?" Bele yo na buhae yaele hokowoumi namekai fangge-ngge yae bougwate, naete-naete ehire-ehire elate, "Rake ro hinye maenimbae, alu ya Naere borainyeboke?"Gerasana ro mbai Waloboyae aungeboke onomi ikeunge²⁶Yesus namota ohowate yo yaele fokate Gerasa kanine nokate, Galilea bukou honoye ria refina. ²⁷Yesus yaunge akoiboimo akoubokebae, ro mbai, walobo yae aungeboke meke Yesus nabokone meufebeunguke. Rake ro yo kabam mbaita yae meke, namekai heki hele na melam mo ohoweke, imaene nekende wanyebae ahi yae eleweke, Ruka ahe bulu nore kolayeke nolone ijouku honoweke²⁸Yesusre erekeungene, kelae kokoyae kaenewounge meke Yesusre bene oro hele yae rorokoke. Na u buluna walobo Yesus ukeunge eukukene, rake ro kaeneye, "Yesus Allah Hubalo Mando Na Fa, mekayae rare mokoukebondere? Reyae riyawale rare himi emokoijae!'' ²⁹Yesus na u bulu ra walobo yoni-yoni hukeumihiki aibaleke. Walobo meye awosoyounge, mehae mekai soro no oro me rantai jae hayeinyale nemene hokoiyoye hayeikiyoye, walobo yawesiyanyele a kala-kalare ete.³⁰Betamo Yesus bele ro re hineunge, "Wa ro hinye?" Bele ro yae weunge, "Legion," mekanebam, na u buluna walobo yoni-yoni helem nekatene. ³¹Bele walobo yoni-yoni Yesusre riyei-tiyei riyanyele benem a bulu na waugwau selere ewei eijae hele.³²Bele homunggae enene obo helem sele hamam ne anate. Bele aerene Yesusre wanyele, "Maere waimihi bele obo kate u einye emayembom."Belene Yesus be isineuboke. ³³Beta bele walobo yoni-yoni bele ro re u bulura maibeleke naba obo kate u einye ayeuboke. Bele obo hebaelayeke ekate a ya-yane rorate bune ougate anaiboke.³⁴Obo kayare hebate yo bele wanem erewatene, hakaikoke eubate, yo eite yaele yo moite yaele a heraeiwate. ³⁵Bele wanem yeubokere erenaibondere ro miyae yora-yora balaimeke, Yesusre bokore mekate bae, bele ro Yesus na u buluna walobo yoni-yoni hukeumihike kiyae erainyele Yesus Noro kelaunge nuweuboke, malo hireukoke namekai na u bene foi yeuboke, ro miyae erewanyele yo buhae yae hokowoumi.³⁶Ro miyae naei ijoko yae erewanyele yo, ehire-ehire Yesus na mekai rake rore u bulura walobo yoni-yoni hukeumihike hugaimile. ³⁷Gerasa kanina ro miyae buhae hele hokowoumilene, Yesusre ugainyele bele anuwauka endere. Belene Yesus kayira hebeunguke, baeiboke Galileare ewate.³⁸Beleyaere foite yeuboke ro Yesure hakonnebondere riyewounge, beleyaere Yesus yae weunge, ³⁹"Beso, waei yore yae eye, Allah ware onomi ikete a ro miyaere huweimiyende!" Bele ro eke Yesus na u buluna walobo yoni-yoni hukeumihike a bele yo kabam honoye einye huweumiyeke.(Yairus Na Maengge fa Waleungeboke Namekai Miyae Mbai Oki Rileweke Onomi Ikeunge)⁴⁰Yesus benem beufoke Galileare meke, ro miyae ereiko-rakeiko kowate yo erekanyele, ei hauwanyele. ⁴¹Belena ro mbai naro Yairus, sinagoge falemre hebewoye.nahibi Yesusre bokore meke. Meke oro hele yae rorokoke Yesusre riyewounge naei imaere enetere. ⁴²Na maengge ralo yakama me bee oro ne bee yaele, naei mbai sambai sele, eha bulone koumeke herendere eke koye. Yesus aloungekoke Yairusre imaere euboteyae, ro miyae hokoimiyeye Yesusre uya ayaeinyekoke mate.⁴³Bele nolona miyae mbai ralo yakama me bee orone bee yaele, oki yae mo rileweke. ehiyae-ehiyae onomi nare eyeimo nekeweke. ⁴⁴Rake miyae Yesusre bokore moita meke Na malo meyae karaungehike, na bele he yae oki rileweke u yeuboke.⁴⁵Yesus Na ura hubaungehikene hineye, "Hinye yae Ra u karaungehike?" Bele ro miyae mate neyae bam bae mo elate, belene Petrus yae weunge, Tuhan, aei bokona ro miyae helem sele mande, Ware ayayeikokate klin-klin ho-soi hoimiyate." ⁴⁶Bele yaere Yesus yae weunge, "Ro miyae ehi yae Raei u karaufehike ya. Reyae hubanale Raei u na elae ehi eukuke.''⁴⁷Rake miyae naei ura hubawoungene, na hibi oro me onyeu isineuboke. Meke Yesusre bene oro hele yae roroukoke. Rake ro miyae matere huweumi, mekane neyae Yesus na u karaungehike, namekai me karaungehike he na hibi na oki rileweke u yeuboke. ⁴⁸Belene Yesus yae weunge, "Waei hila rabo haleyae hanggane belene onomi roukae. Woro foi jae eye."⁴⁹Yesus nammam ane eleye mo, ro mbai Yairusre imaera yae meye, Yairusre weunge, "Wa maengge ninae hereke. Meka bande benem Guru waeli baenne?" ⁵⁰Yesus bele a borokene Yairusre weunge, "Buhae ohokoijae!" Rare hila rabo mo haleukele, wa fa annunde."⁵¹Yairusre iamere eketemo, Petrus yae, Yohanes yae, Yakobus yae, Yairus yae, Yairus na miyae yaele Yeus ukeumi eite arulaiboke. Ro miyae a hum raimihike na moinye mo hebewate. ⁵²Monye ro miyae arilewoye, rake fa hereke aerene mekate hele rimewainyele.. Beleyaere Yesus yae weumi, "Hele erimei jae. Bele fa eherei, ijoku yae honoye." ⁵³Hele rimate yo neyae nataei, rake maengge hereke yae. Yesusrena a weumire neyae re yae harewanyele.⁵⁴Betamo Yesus meke bele maengge hereke na mera ikileungeboke mo weunge, "Ainyu!" ⁵⁵Bele maengge na unulu na u bulure benem aruleufike na hibi waleuboke. Betamo Yesus ukeumi bele maenggere hamamre inyainyele anenggondere. ⁵⁶Nenakere naekore fangge-nggemo koubote. Yesus yae weumi, "Ehire-ehire ehuweyei jae hele."

Yesus na Mota ohowate yore, elae ikeumi ¹Yesus na mota ohowate ro me bee oro ne bee yaele kaeneumikoke alo bum-bum hukenaimile elae yaele eha yo buloo yo onomi inyaimiyende elae yaele keteumiboke. ²Betamo ukeumi ewate merau raungehike Naei holona ro miyae Yesus Naei me kelee u keleene nekenayende a faeu hungaimile namekai ehana buloo kayeke yore onomi inyaimile.³Betamo weumi, "Mai nibi a embe wali hambum ma mene eyaroi ei kayee rake niyae; mehukum, hokou, ramam, roi, malo bee hangga wamene eye. ⁴Mbele imaene arulembombe nekembena, bele ne mo nekembe, beta mo kulum wembe embe.⁵Bele yone hukenayembena, bele yo nukembombe, oro kani mau hobeukonde, bele yo re ahum wanembae raimihnde. ⁶Betamo Yesus na mota ohowate yo kulum ukate yo hira-yo ehire ohayeke, homofae yae kelaeimiyeke, namekai ro miyae ehana buloona yo onomi yaeimiyeke.(Herodes yae Yesus re Onewounge)⁷Herodes Galilea kanine Ondofolore nekewoye he, anggaei borowoye Yesus name u mokowoyere onewoye. Ro miyae ehiyae elate Yohanes bure koumi kiyae yae waleuboke, ⁸ehi yo yae elate Allah Nei yendo kayaalo Elia yae benem yakalauboke, ehi yo yae elate na bena hele nekewate yendo kayaalo ehi yae benem waleuboke. ⁹Herodes yae eleye, "Yohanes mbai na falem ukamaele naisake, rake ro hinye maenim bae Naei me u mokoyere anggaei borale bam?" Herodes naei kena kouboye Yesusre hubayenggondere.(Ro miyae 5000 re Yesus Hamam Wahewoumi Anewate).¹⁰Yesus na moita ohowate yo baeiboke mekate, ekaimokowate ha nanemene Yesusre huwewainyele, betamo Yesus ukeumi na mo-mo Betsaida yore eubate. ¹¹Belena ro miyae borokate bae Yesus na moita mo hakowainyele. Yesus ei hauboumile namekai Naei me kelee u keleene nekenate ro miyaere inyaibondere kelewoumile namekai ehaane bulona kate yo onomi yeuboumi.¹²Hu akouwoke hee mo, Yesus na moita ohowate yo mekate Yesusre wanyele, "Tuhan, rake anuwau a ikai sele yae, ro miyae weimi nobena honate yore yae ai, belene hamam annayene namekai ijoku anuwau hubainaikonde hononate. ¹³Bele yaere Yesus yae weumi, "Hamam meyae yemmikonde annatere!" Yesus na mota ohowate yo yae wanyele, Maemena feu mehaembai namekai ka bee hele!" Waei kena koyae, meyae hamam ehi yaele emayaronggondere rake ro miyae helem anenate maei.'' ¹⁴Bele anuwaunge ro mo nemene 5.000 hangga arilwoye.Yesus benem namota ohowate yore weumi, "Ro miyae wemmi, riyane-riyane nuwaiko, riya mbai ro miyae 50 hangga yae."¹⁵Yesus namota ohowate yo ro miyae ukaimile Naei nya a ukeumi mekai jae nuwaikoke, ¹⁶Yesus bele feu yaele ka yaele yaroukoke, Na be bumare wekike, Naeko Allahre helem foite mo ukeunge, na hibi Naei me yae kayeweke na mota ohowate yore yeuboumi ro miyae arilewoyere wahewaimile anewate. ¹⁷Bele ro miyae helem arilewiye anewate wande hele hubawanyele. Na kalum honowate arilewate nemene me bee oro ne bee yaele. (Petrus Yesusre Ro Roungeboke)¹⁸Ya mbai, Yesus nembai eke ebeline bouboye mo, namoita ohowa yo Na bokore mekate, Yesus yae hineumi, "Ro miyae Rare hinya yae elate?" ¹⁹Namoita ohowate yo yae wainyele, "Ro miyae ehi Ware Yohanes bure koumi ro yae elate, ehi yo Ware Allahre yendo kayaalo Elia ehiyo yae elate, ehi yo yae Ware bena yendo kayaa yo nolora ehi yae benem anguke meke yae elate."²⁰Belene Yesus yae hineumi, "Meyae bae Rare hinye yae elaube?" Petrus yae weunge, Tuhan, Wembai Allah Naei oro umauke heraweuboke kiyae Kirstus. ²¹Yesus yae weumi, "Rake a ro ehire-ehire ewei jae mo nekembe. Reyae, Allahre bokora mekale ro miyae u re yeobokale Kiyae, Yahudi falem-falem himi-hama Raei u rannde helem relerenggonde hererele. ²²Yesus weumi, " Ro fa naeimekai helem sele relenekonde, Yahudi falem-falem moi jae bulenaite bonde namekai honatebonde, bele yaere nameneng ya Reyae walerebonde."²³Yesus belena ro yae helem hebewatere weumi, "Hine yae Raei moita hakombode kiyae, na kena re kojeye wali hayenekonde, na yane baei Raei aerene a wewe konainyele beta mo hakondebonde. ²⁴Mekane bam, hinye yae naei wali nou hole molonde kiyae, bele ro na wali alennekonde, bele yaere hinye yae Raei aerene na wali enne alenggonde kiyae bele ro miyae na wali hole moloremibonde. ²⁵Ro mbai rake kani kelana hambum-hambun naei mo nekeu be horo, bele yaere here namekai na wali nou holo omoloiboi hangga?²⁶Ro miyae Raei aerene namekai a faeu hungaimiyendene fe mokonaimiyende, Reyae namekai bele ro miyae re Maeko Allah Naei mende ya ne, fe yae eremimokonde. ²⁷Reyae nahele yae mare wamale, mai nolona ro miyae ehi eherei mo nekenate Allah Naei yo waku mende naei ijiko yae kanenainyebonde.(Yesus Musare Eliare Nembainye Hebewote)²⁸Yesus a huweumikokera, ya mehine name hangga mainyekoukokera, Petrus yae, Yohanes yae, Yakobus yae yaweumiboke homunggare ikate, Naeko Allare ebelire bonnehindere. ²⁹Yesus Naeko ebeli bounge hee, Na mehi yeuboke namekai Na malo hirekoke wili halamam boubate.³⁰Na heki bam mo ro bee yakalaiboke, Yesus naie ane elate. Bele ro bee Musare Eliare. ³¹Hehe hokolo bee na une naeumikoke Yesus naei ane elate, Yerusalemne menjembonde Allah naei mehinim re raungehike hangga Yesusre honaibondere.³²Petrus yae, Yohanes yae namekai Yakobus yae ijokune honaiboke, beta anyukate erate bae hokolo name na u hehe yae naeumikoke hebate. ³³Musare Eliare Yesus nukenainyebonde hee, Petrus yae weunge, "Tuhan, rake anuwaunge onomi hele hubannele, meyae rake anuwaunge fale name hemakondere, mabi Waei, mbai Musare mbai ba Eliare. Petrus bele a elewoyere onewoye, meka a yae elewoye bam.³⁴Petrus ane elewoye hee wau meke feleumiboke hokolo riya fe hele yaroumiboke koubate wau nolone. ³⁵Beta bae wau nolora anggaei borate, weumi, "Rake Raei Fa Niyae, Reyae eleubokale Kiyae, Naero mo anggaei boronnele." ³⁶Bele a baeufoke bae, Yesus erewainyele nembai sele nukainyeboke hebewoye. Rake ijoko yae erewate hambum, hokolo name herawaiboke nekewate, ehire-ehire ehuwei mo nekewate.(Kelu fa Mbai Na u Bulura Yesus Walobo Hukeungehike)³⁷Ya heuboke mo, Yesus hokolo name yaele homunggaera wayakoukoke mo, ro miyae helem sele Yesus bokore arilewoye. ³⁸Ro mbai bele ro miyae nolora kaneye, "Guru, raei kelu fa mbai sele kem, ijoko ereinyeboimae ya!" ³⁹Walobo meye na u bulune arulesiyeye bae, kela mo ikaeneiye, .na u walobo yae mokounge ela-hale yeibiyoye, na euga ra olokemo ibalate namekai na u re himi hele imokounge,nekennebondere ahi yae eleye. ⁴⁰Wa mota ohaube yore ekale ukamaele, bele walobore hukenainyehindere riyewamaele, bele yaere neyae na hinggi bam bae elewate.⁴¹Yesus a boroukekoke mo belena yo re weumi, Meyae rabo halei bam hele yo namekai wekaube yo, Mambele nembainye mo nekemande bele yaere kenane mo herawejale, Wa fa rake re yaweinyeho mebu!" ⁴²Bele fa yawengehoke Yesus re bokore eita bae, waobo bele fa re ane woke, noro me elaiwate. Nahibi Yesus bele walobo re a elae hele haungeboke, bele fa onomi ikeunge beleramo naeko re ikeunge.(Yesus Naei Herende Maei a Yae Weumi)⁴³Belena ro miyae hebewate fangge-ngge yae koubate, namekai ahinsim bae hinewate Yesus bele elae keleuboke ne. Yesus na mota ohowate yore weumi, ⁴⁴Mai anggaei foi jae borombo," Reyae Allah yae ukeuke mekale ro miyae ure yeubokale Kiyae, u mekai nebam yaele ro miyae naei me einye kinyenatebondere. ⁴⁵Bele yaere na moita ohowate yo onewate handawate, fe yae koubate benem hinenanyehindere buhae yae hokowoumi.(Hinye Naei Kabam Hele?)⁴⁶Ya mbai mo Yesus na moita ohowate naite-naite a kilewate elate, hinye naei nolona na kabam sele. ⁴⁷Yesus na u mekai katene itaeyeuboke, belene fa mbai mene yaweungehoke meke na bokone haungeboke hebewoye. ⁴⁸Belera mo na moita ohowate yore weumi, "Hinye yae rake fa kending hebeyere Raei Ro einye ei hawennelena, Rare ei hawendele. Hinye Rare ei haendelena, Rare ukeuke mekae Kiyae Maeko Allahre ei hawennele.Hinye mai nolona ro bam sele kaye, bele kiyae niyae ro yaele.(Ro Miyae Nehangga Mbai Mo)⁴⁹Yohanes ya weunge, "Tuhan, ro mbai erekannele Waei ro yae walobo yoni-yoni na u bulu ra hukeumihike, bele ro aei holona banne yae meyae he rannehike." ⁵⁰Bele yaere Yesus bele ro re weunge, "Bele ro re he ororoijae, mekane, hinye yae ware me eale u elae omokoi kiyae, bele ro wambel kahili yeuboke."(Samaria Yona Ro Miyae Yesusre Kena Bam)⁵¹Surga yo bumare ende ya nobewounge mo, Yesus Naei u benera haraungeboke Yerusalem yore endere. ⁵²Ro ehi ukeumi bere holo alainyekoke, yo mbai Samaria yore arulaiboke, Yesus Naei u maei hambum, hanyele mokonainyehande. ⁵³Bele yaere belena ro miyae Yesusre ewaeisi, mekanebam, Yesus Yerusalem yore enderene. (Samaria ro miyae yaele Yahudi ro miyae yaele yokejo nekayeke)⁵⁴Na moita ohowate ro bee, Yakobusre Yohanis re bele mekai itaeyeiboke, belene Yesusre weinyele, "Tuhan Waei kena mehae mekai hubanae, meyae i ungannele yakura onde rake ro miyaere hukelenaibondere?" ⁵⁵Yesus befoke are mo yareumikoke, ⁵⁶Yesus Na moita ohowate yo yaele alainyekoke yohi re ewbate.(Hinye Naeijae Yesusre Moita Ohonayende)⁵⁷Tuhan, raei kena kale, Weyae mbere eye, rambele mo ohayende." Bele yaere Yesus yae weunge, '' ⁵⁸Bulou yoku na abulu ijokure honoye bulu yaele, aye buma kate na nale yaele, bele yaere Reyae, Allahre bokora mekale ro miyae ure yeubokale Kiyae, u aloibote, annuwau bam."⁵⁹Belera mo Yesus ro ehi re weunge, "Rare hakoitobo!" Bele yaere bele ro yae weunge, "Tuhan, rare ikai yete, maeko hereke erele molorehandemo merele." ⁶⁰Yesus yae bele ro re weunge, "Rare hila rabore ehalei yo yae bele here enaimolonsande, bele yaere weyae eyere ya, Allahre ako faeuko yae ro miyaere huweimiye."⁶¹Ro ehi meke mo Yesusre weunge, "Tuhan reyae kena kale Ware hakoroiboitere, bele yaere, ebim fem waetihi, wambele ohayende re, raei aka baeke are a itaeitemmibom." ⁶²Yesus yae bele ro re weunge, "Ro miyae hinye manim naei kena u ra a hokoukoke Raei a wanale mekai jae nekende beta ba moi wonondena, bele ro miyae Raei kaliyare mokonde maei na hinggi bam.".

(Yesus Na ro 70 Eleukokemo Ukeimi Eubate) ¹Beleramo Yesus na ro 70 benem eleukokemo ukeumi yoran-yoranra bere-beremo ohayeke, ²Yesusyae bele 70 rore weumi, “Ro miyae helem sele naei kena kate Raeinya are boronatere beleyaere keleite-kelenaimile ro yae kalo moloye, belene Reyae wamale Ako hubalo mandore riyennelemo ro miyae helem wemmile menate."³'' Mana eme, Reyae mare eleibokamale, ma kena nime habayae, ro miyae ikele kojate nolore ukamale embere. ⁴Roi ninggi holoboi wamene eyaroijae, oro memalu eyaroijaemo, nibi nolone embena rohi-miyaehire a emelaeijaemo embe.⁵Imae mbaine emembombena, rake mekaijae a wemmile, 'Rei mai mai sele mai imae ete!' ⁶Bele imaena ro miyae na kena rei mai nekeyena, mainya rei mai a ukeumile na imae einye nekende, beleyaere bele imaena ro miyae nakena reibam maibam nekendena, mainya rei mai a ukaumile bensonde wa u re mende. ⁷Imae mbai inyayembe mekaina, bele imaenemo nekembe, moniha inyayembe mekainya, belemo anembe nekembe, mekanebam meyae kaliyare mokaibe yo me buhaere yaromembe. Bele imaenemo nekembe, imae ehira-ehira ekoijaemo nekembe.⁸Namekai meyae yo mbaite emembombena, mare ei hawenayembena, moniha-bukiha inyayembena, meyae anembe. ⁹Bele yona ro miyae ehane-bulone honate yore onomi mokommile, onomi yemmile namekai a wemmile keleummile, 'Ako hubalo mando Naei mendeya noboungeboke.'¹⁰Bele yaere, yo mbaite arulemmbombena, belena ro miyae mare moijae bulenayembena, bele yora embalembe, na nibi kabamra hebembombemo kaenimmile, ¹¹'Ma yona-yanna kani bahe-kela bahe mai orona keluwaiboke, nemene nare rubannele, belene meyae itayembombe,. Ako hubalo mando Naei mende ya nobeungeboke.' ¹²Belene manaya yae mare wamale, Sodom (Gomora) re ehee bukulu wokamaele foma-foma hele rake yo maetae.(Khorazim Yo Yaele Betsaida Yo Yaele Ahuwe Kolowoume)¹³"Khorazim yona ro miyae yaele Betsaida yona yo yaele, ma u himi rena bembe!Tirus yona yaele Sidon yona yaele ha emee mokowale mai yo nolone yeuboubebae, nabena neyae mai beubobe Raei kelere mate. ¹⁴Beleyaere reyae wamale, Tirus maeijaele Sidon maijaele himi hama mokowaubene, foma-foma heleya, maijaele bannele na. ¹⁵Meyae Kapernaum ro miyae, meyae elaube Ako hubalo mando mare kanenggombe yaku bumare embe? Nahinggibam, mare kaenenggombe heleyo-kunduwaijone ennekembe!¹⁶Hinye manim maere borommibonde kiyae, neyae Raere borouke ro miyae. Beleyaere hinye maenim mare neninsimbe kiyae, bele ro miyae namekai Rare hukeuke. Hinyeyae Rare hukeuke, bele ro miyae mbai Rare ukeuke mekale Kiyaere hukainye."(Bulo Walo 70 Ro Ekatere Be Isinaimiboke)¹⁷Yesus na yebaei-bubaei 70 ekate na rei mai sele baiboke mekate waimile, "Tuhan, Waeito a faeu kelewammilene bulo walobo yoni-yoni anemo balekate.” ¹⁸Yesus yae weumi, “Reyae ijoko eralebae, bulo walobo yaku bumara wili boye mekai ruke oke. ¹⁹Meyae itaeyembombe nekembe, Raei ela wake mare ketembokamaleya, ramiyae rabo-raboyae alemembe, namekai bulo walobo falem nelae wake meyae melaungehakeya. ²⁰Namekai bulo walobo melaungehake aerene rei mai okoijae, beleyaere ma ro yohena yansenane moloukoke aerene bele rei maijae ko hukulem."(Yesus Naekore Ebeli Boubonge)²¹Yesus Roh Kudusre eta nakena rei mai sele angeboke eleye, “Reyae rei mai sele rakenara hubanale, mekanebam Ako hubalo mando rake kani kelare keluke nekeye, Weya rake a hena-faeu henare ro miyae itaeimo habamo nunne feleumibokae. Beleyaere Weyae fafa u mekai wanembae yakaumibokae, bele Waei kenare koyae mekai niyae.²²Ako hubalo mando nanemene Raei me einyemo kinyeukeboke, mekanebam, ro miyae hiyae-hayae Na Kelure ro oroiboi sangga, Maeko nembai sele nahinggi ro roungeboke, namekai ro miyae mbai hiyae hayae Ako hubalo mandore ro eroiboi sele, Na Keluyae helere namekai ro miyae na wali nanehale Na Kelu ehere koumikoke yo re be isineumiboke."²³Beleramo, Yesus meu befoke na mota ohowate yore a mbe-mba weumi, “Ako hubalo mando mokowoye hambum yoni-yoni, mai ijokoyae erejaubemo, foijae hubaungele. ²⁴Mekanebam, Reyae mare wamale, yenjo kayaro namekai yore falem-falemre nekate meyae erewaube, mekate erenaibondere na kena kate, beleyaere neyae ereiboi sangga. Namekai meyae boraube mekate na kena kate boronaibondere, beleyaere neyae eboroiboi hangga."(Samariana Ro Kena Buhaeyae Mae-mae Koungekoke)²⁵Betamo, Tauratre itayaeiboke ro mbai meke hebeungukemo, Yesusre umalire hubannihindere, na weunge, “Guru/Kulu, mekayae reyae mokorebonde bele rannda wali hena etokele?” ²⁶Yesusyae wuenge, “Mekayae Tauratne molaikoke? Namekai weyae bele homo roukokae?" ²⁷Bele ro yae weunge, “Ako hubalo mandoremo wa kena u nekeye, elae-wake, wa ubene-wabene nanemene, namekai mbai waei ro miyae ya-ya walina nekaube yore buhaeyae heumile.” ²⁸Yesusyae bele rore weunge, “Nehale heleyae bele a elekokae?”²⁹Beleyaere, bele ro na u nehale eleikote benem Yesusre weunge, “Hinye naei rai wali nibi nembainye ohande ro miyae?” ³⁰Yesus bele ro re weunge, “Ro mbai Yerusalem yora nokeunge Yeriko yore ewoye, nibi nolone bele ro yokoyo maei me einye mewefike, na malo, yaranyekoke, nukainyeboke na nibi nolone wokate, na u herende mekai mokouboye.³¹Imam mbai bele nibira meuboyebae, ijokoyaemo bele ro re erewounge, nibi refirayae weke euboye. ³²Namekai mbai Lewire orona mena ro mbai bele nibi auboke mewoye, bele ro honoyere ijokomo ereunge honoye, nahibimo eye.³³Betamo Samarianna ro mbai kolore endere bele nibira meyaebae, bele ro honoyere na ijoko ereweunge, kena buhaeyae heubonge ³⁴Bele Samariana ro bele ro bokore nobeungeboke, na una kabui, oki, malo rataijae kileungekoke, na keledai ranne haungeboke, yawaungehoke koloyo honate imaene eke nekeunge, holewainye. ³⁵Ya heubokemo bele Samariana ro meke, koloyo imae kayare hebeye ro re roi dinar ikeungemo weunge , 'Rake ro re holeungele maei roi dinar niyae, rake ro foite yembonde maei roi hayeyena reyae merele yanemo ware benem roi helem itete."³⁶Rake ahuba huwekokemo, Yesusyae bele ro re hineunge, “Waei u bene nekete, rake ro namere ahuba huwekokalera, mbele ro yae yaya wali nekande u mekai-wa mekai keleuboke?” ³⁷Ahli Tauratyae weunge, “Ro mbai na wali kena buhaeyae mae-mae nekeijeye ro!” Beleramo Yesusyae weunge, "Nehale, mana eye, wa me u bele mekaijae eumokonde."(Yesus Mariare Martare Bokore Eke)³⁸Yesus namota ohowate yo yaele, yo mbaite arulasikemo, bele yona maengge mbai naro Marta, neyae yaweungehoke naei imaere enatere. ³⁹Marta naei ugake mbai naro Maria, meke Yesus Naei orowene nuweuboke, Yesus Naei itaei- haba elewoyere borowounge.⁴⁰Beleyaere Marta neyae umfo wamfo kaliyane mokoye. Marta, Yesus na bokore mekemo weunge, "Tuhan, Weyae rare ijoko erare, ra ugake Maria rokoukekoke kaliya rembai mo mokoyale?Waeijaele a weinye rare rikeukebo!” ⁴¹Beleyaere Yesusyae weunge, “Marta, Marta, weyae mekane umfo-wamfo hele beyae?” ⁴²Naei sele rake niyae, Maria na waline mbai sele eleuboke, ro miyae ehiyae-hayayae na walira erewei hangga.”

Yesus ebeli bomande mekaijae kelewoumi ¹Ya mbaimo, Yesus anuwau mbainye Naekore ebeli boubonge, Na ebeli boubounge u yeuboke heemo, namota ohowate ro mbaijae hineunge: “Tuhan, maeijaele bele ebeli keleimoko, Yohanes namota ohowate yore keleumikoke wanem.” Beleneyae Yesus yae weumi,”Ebeli rake mekaijae molombe,”Ako hubalo mando, Waeito yolo-yolo rending sele, nene waewae hele ya mokomayewende, Ro miyae Waei me kelene nekate yo yam mekai meijemboke.''²Beleneyae Yesus yae weumi, ”Ebeli rake mekaijae molombe, ”Ako hubalo mando, Waeito yolo-yolo rendeng sele, nene wae-wae hele ya mokomayewende, Ro miyae Waei me kelene nekate yo yam mekai meijemboke.³Maei hamam na yane baei nahuluijaemo yeumele,, maei niki kanau kuyeumele fanyeimele, mekanebam meyae namekai ⁴Ro miyae maere himi mokaimile yore, maei u benera nundeijaimele, namekai bulo walobo/u wabei maei nolora waeinyehinde.(A Riyeungele, Baeungele, Me Kaba-Kaba Habeye)Riyeinyele baenyele namekai me kaba-kaba bonyele ⁵Yesus benem bele ro riyare weumi, “ Ro mbai mai riyana reniyai noloyae nakahilire bokore eubemo weungele, “ Kahili, waeinya roti feu name hului yeitokoba, ⁶mekanebam, raei kahili mbai kolone ohojeyera meke raei imaene none mekeyeye, beleyaere reyae haubihibam hele nekale. ⁷Beleyaere na kahili imae eita weunge, ‘Reniyai nolo heleyae yeuboke! Ro mau hilandekoke, namekai ra fafayaele jokunarelandeboke. Reyae eyanyui sangga namekai waei riyeyae ha reyae eyei sangga. ' ⁸Reyae mare wamale, mehaemekai horo wa kahili eyanyuinya, namekai waere waei riyeyae eha eyeinya beleyaere weyae nahibimo kaenaenaene, wa kahili annunde namekai waei riyana hambum ware inyete.⁹Belene Riyae mare wamale, weyae nahibimo riyenyelena, weyae hubayekonde, weyae nahibimo baenyelena weyae hubayekonde. Namekai hinyeyae me kaba-kaba habendena, ro mau bele ro re rawenebonde. ¹⁰Mekanebam, hinyeyae riyennele, neyae rewende, hinyeyae baennelena neyae hubayenggonde, namekai hinye mau me kaba-kaba bondena, mau naere rawennebonde.¹¹Mai nolo u kaikainya ro mbai, na fayae kayae riyeungeyaere beleyaere naeko ramiya ikeunge? ¹²Na fare rabo-rabo yae ikeunge, naeisele ojo royae riyeungeyaere? ¹³Meyae ro miyae himire mokoijaubeyo, ma kelu omire hambum foijae elate kiyae meyae yeijaumile, bele mekai mbai Ako hubalo mando yo buma yambumana eke nekeye kiyae, Niyae Roh riyenaimile yore yemmile.Yesus Ako hubalo mandere elaeyae mokouboke ¹⁴Ya mbaimo, Yesus ro mbai a mum nekewoye na u bulura walobo hukeungehike ekuke. Bulo walobo ekukera, rake ro a elewoye, belena ro miyae hebewate ojiko na ure-ure erate hebate. ¹⁵Beleyaere, belena ro ehiyoyae elate, “Neyae Berzebulre walobo yae ela roke alo falem-falem hukeumihike aibaleke.”¹⁶Ro ehiba Yesusre umalire hubanenyihindere wanyele, habuhi mbai eme mekai mokoibona. ¹⁷Bele yaere Yesus bele yo maei ubene nataei yeubokene weumi, “Yo yam mbai nekenate a mbai-faeu mbai bam nekenatena, bele yo yam a mbainye elei nekenayende, yokeijo naete-naete nekenatena bele yo here ware bonate.¹⁸Bele mekai mbai, bulo walobo naete-naete na ure nenaei habenatena, mehae bele yo yam ela hebende. reyae bele mekaijae mare wamale, mekanebam? meyae rare Berzebul ela yae bulo walobo hukaemaelene. ¹⁹Reyae Belzebulre waloboyae mokalena, Reyae wamale, ma fafa hinyerena elaeyae hukaimile? Beleneyae Reyae wamale, ma fafayae mai falemre inyaibonde. ²⁰Reyae Ako hubalo mandore elaeyae rokale walobo yoni-yoni hukamaelene, Reyae wamale Ako hubalo mando Na yo yam mai nolo u kaikaina meweufike.²¹Ro mbai elalo naei imaena rame felayae kaya hebendena, naei imaena na kere-nale nasommo honnate. ²²Beleyaere, ro mbai elaekai sele meubena, bele rore heraweubobe, bele ro elakai kiyae na rame fela nukeufabe, na kere-nale arileube ehiyore waheumile. ²³Ro miyae Rambele nembainye enekeijo, bele ro miyae Raei yokeijo, namekai nembainye nekemalemaei, muli eyeboinye, bele ro miyae here-wareyae waheye, here areyae boumi.(Roh Nebam Benem Beufoke)U walobo benem u bulune aruleisiyeye ²⁴U walobo mbai ro ura miyae ura metuweyena, bele u walobo u nore meye a kala-kalane meibaeye, beleyaere ehubaikoi. Belene Reyae wamale, Reyae benem berohonde Raei imae nukeubokalene erenekendere. ²⁵Bele imaere meye hee, ijoko ryebae, na imae na foi moi honoyeyae. ²⁶Bele u walobo eke ro mehine bee yaele namene yaweumiboke mekate bele imae einye nekewate, bele ro na wali himi hele yeuboke, bena nekewoye waliyaele bannele na.(Ro Miyae Rei Maite Nekejate Yo)Ro miyae rei maite nekejate yo ²⁷Yesus ahubane huboumi hee, miyae mbai bele nolora Yesusre weunge, “Ware honggete miyae, namekai nimere naufokete miyae mbai, onomi foka hele na wali nekenende!” ²⁸Beleyaere Yesusyae bele miyaere weunge, “Ro miyae Ako hubalo mandore ako-faeukore borojateyo namekai hakojateyo, na wali onomi foka hele nekenayende!”Yunus rena mekaite Yesus kelemmibondere ²⁹Ro miyae helem sele arilewoye hemo, Yesus yae weumi, “Rake hokolo u yau na wali himi hele yae yaeiboke, na wali monya hele yae aibaleke, neyae eme mekaite keleremmibondere naei kena kate, bele yaere Yunus rena u mekai jae keleremmibondere, ehi mekai ekelei sangga. ³⁰Yunus Niniwe yore kelewoumi mekai mbai, mana Reyae rake hoko u yauke keleremilere.³¹Ako hubalo mando Naei mende yane, Miyae Ondofolo mbai hilo norora annunde mende nambele rake hena ro miyae yaele menate ro miyae name u mokowate huluinye he mem wahende, mekanebam, bele Miyae ahauka hele mende Salomo rena utaeijae memmikelende, beleyaere rake Raeina utaei wamalere meyae ehakoiboi nekaube.<<<<<<< HEAD³²Rake kani kela nahuba mokoikoija mendena, Niniwe ro miyae yaele rake hena ro miyaeyaele nembainye anyanyu konate – na wali nekewate huluinye hee wahemmile, mekanebam Yunusrena huboumine Niniwe ro miyae moijae bulaeiboke, beleyaere rake rake he Reyae mekale Yunusrera ewekokale kiyae, bele utaei mbaijae wamaleyaere, meyae oboroiboi sele nekaube.(Ijoko Aei U Maei Heheya)=======³²Rake kani kela nahuba mokoikoija mendena, Niniwe ro miyae yaele rake hena ro miyaeyaele nembainye anyanyu konate – na wali nekewate huluinye hee wahemmile, mekanebam Yunusrena huboumine Niniwe ro miyae moijae bulaeiboke, beleyaere rake rake he Reyae mekale Yunusrera.'' ewekokale kiyae, bele utaei mbaijae wamaleyaere, meyae oboroiboi sele nekaube>>>>>>> c4008a51708832b01b95985304188f1ae274dca3(Ijoko aei u maei heheya) ³³'' Ro mbai, i heleikiyoungemo bele I nunne okoloi sele, hele kelene eneyei sangga. Beleyaere bele I helekiyounge naei anuwaunge ransindemo, ro miyae bele imaere menate bele I hehene nanemene erenate. ³⁴Ijoko neyae waei u maei hehe ya. Wa joko foimo ereyena, wa u nanemene na hehemo nekeye, beleyaere wa joko himi yembondena, himiremo joko ereyena, namekai wa u waea helenekeye. ³⁵Beleneyae wau mekai hareungele nekeye, mekanebam, wa u na hehe nekeyae mekaijaemo nekeye, wawa ebeijae. ³⁶Wa u heheyaemo mae-mae konggonde nekeye, oubom anuwau bam yembonde, wa u nanemene hehemo nekeye, i hehe naeikiyoye mekai mbai wa u naei mekaijae nekewende(Yesus Farisi yo Yaele Tauratre Huwaimile yo Yaele A Yarewoumi) ³⁷Yesus utaei huweumikoke baefokemo, Parisi ro mbaijae riyeungehike hamam nembainye annaikondere. Yesus meke nuweuboke nahibi hamamne aneye. ³⁸Bele yaere bele Parisi royae fayae bounge, mekenebam Yesusre erewounge name bu ekuyeikoi aerene.³⁹Belene Yesusyae bele Parisina rore weunge, “ Parisi ro miyae waeinya nekeyae mekai, maei kolaijaele hoteyaele na moi refiremo bu kuyaeuge, beleyaere ma kena eibae boluyae nabayae mae-mae hele nekeijauge. ⁴⁰Kobu okoijaeya, mai kena einye (kolaei einya jaele hote einyae yaele), ro miyae kerebam nalebam nekeijate yore wahemmi, beleraba ma kena u yolo-yolo nekembe. ⁴¹Beleneyae, mamena hambum-hambun ro miyae ehire wahemmi, belemekaijae mokombena ma wali yolo yolo hele nekaube.⁴²Meyae Farisi ro miyae, meyae ma heke ani eha me ebaei kiyae yaraukoke akauha mekai maube, beleyaere meyae Akorena onomi rei mai hayembrre me abaei nekaube? Naei sele meyae nemene mokombereyae⁴³Meyae himi hele ma waline hubannele, mekanebam, meyae aube sinagoge yo imae-ralo imaene, anuwau foinye nuweikiyaube namekai ro miyae mare bumaremo kolonayembere kaube. ⁴⁴Ma wali himi heleyae hubannele, mekanebam, meyae here auma bulekabam mekai, ro miyae nare oroyae alejate ohoijate.''⁴⁵Tauratre holona ro mbai Yesusre weunge, "Kulu, bele a mekai eleyae maere ane heleyae kolaemae. ⁴⁶Beleyaere Yesusyae weunge, "Ma u himi heleyae mokaube, mekanebam, meyae ro miyae ehire waumile hambum eheyaele kaete, beleyaere meyae bele hambum eheyaele mekatere wame mbaijae enoyoi ekeluwei sului.⁴⁷Meyae himi heleyae hubannele, mekanebam, mai Allahre yende kayayo yobenaeijae haikoke na bule fale foijae mokaube. ⁴⁸Bele nibiyae mokaube, mai yobe naei kemahe naei me u mokowatere beyae isinaumile, mai yobenaeijae haikoke,, meyae bene nekesi-nekesire na fale haeube.⁴⁹Allah Naei itaei haba eita aere weume,"Raei yendo kayaro yaele Raei abu akoyaele ukemile enate. Bele nolona yo ehiyo himiyae mokonaimiyende ehiyore honayende. ⁵⁰Bele aerene, rake kani kela na hubare raweuboke Habelre haubo hera huba rawembonde mende Zakariare hene, Allahre yendo kayaro haukoke aerene ro miyaere, Allah ehee bukulu hanyemikonde. ⁵¹Habelre haboke heera mende Zakaria hili eha akau aerene Allah Naei ei mom-mom einye hauboke. Belene Reyae wamale, rake hokolo uyaube na ehe bukulu kanaeibonde.⁵²Meyae Tauratre itaeyaeuboke yo, meyae Taurat! itayaeuboke ro miyaere meyae kelaeumileyae, bele yaere meyae bele eite arulembombere ahiyae elaube namekai ro miyae arulenatere ahiyae waumile.''⁵³Yesus bele anuwau nukeuboke euboyemo, Farisi falem-falem namekai Farisi ro miyae ikeleyae koubainyele, walangga wanen wokanyele, Yesure a mehi mehiyae hinewanyele. ⁵⁴Merau ranyehike Yesus Naei a faeu elewoyere ikeleyae koubainyele namekai kilenaibondere merau kolowanyele.

Yahudi falem-falem maei ubee wa bee ¹Ro miyae hele arilewoye, oro ehiram-ehiramneyaele hebeyeke, Yesus a raweuboke nabeme hele namota ohowate yore weumi, “Parisi ro kelaeyembe are ma u kaya yaele hebembe, mekenebam, na u mekai u bee wa beeyae nekate, ragi kending yae bele yaere nabe tepung mokoibiyounge fakoibiyoye kabam bae yeubiyoye, bele mekai mbai Parisi yae kelaeimile nahinggi mokonaimile ro miyae na ubene wabene himi inyaibonde.²Nunne honate hambum-hambum nanemene yakalanemo kolonaimikonde. ³Reniyaijae elewauge a faeu, nanemene raijae boronate, namekai a faeu anggaei kelauka weugane nanemene yakala-ha yakalane kaennenate (imae moko-moko randa) kaenenate mekai ro miyae boronate.(Ako Hubalo Mandoremo Fe Faemande) ⁴Akanaei-baeke naei, Reyae mare wamale, “Rake u melem nekandene honaimilere, fe efaeijaemo nekembe, mekanebam, Neyae Roh u buluna kaye ohoboi sangga. ⁵Beleneyae mana Reyae mare itaeitembombere, naeisele hinyereyae meyae fe faeungele, mekanebam, Naeremo fe faennele, Neyae mbai sele aere hommobonde namekai kammihinde inolore emale.⁶Aye mehaembai na roi ana hele/kending sele nai haeuboke? Beleyaere bele aye mbai sambai Akoyae na robe-royoinye enundeikoi nekeijeye. ⁷Wa uma falengna hebate nanemehele Ako nataeija, beleneyae Reyae wamale, meyae fe efaeijae/buhae ehokoijaemo nekenmbe, aye yoni-yoni buma kateyaele mambele yaele bannelebae meyae nabumana heleya.Yesusre moi ehayeijae hele nekembe ⁸''Reyae wamale, hinyeyae ro miyae bene Rare Akoyae ennelendena, Reyae bele ro re namekai malaikat-malaikat bene naei mekai eheyaae erkonde. ⁹Beleyaere hinyeyae Rare ro miyae bene Ako eleikoinya, Reyae naei mekai mbai malaikat-malaikat bene bele ro miyaere Ako holonabamyae ereelenggonde. ¹⁰Hinye Rare Akore bokora mekaleyae ro miyaere yeubokale Kiyaere a nebam-fau nebam wendelena, bele ro na himi mokowoye fanyerembonde, beleyaere hinyeyae Akore aukekeyae konnelena, na himi mokowoyere Reyae efanyeiboi hangga.¹¹Ware yaungayesonde yo imae-ralo imaere bere embena, wa u fe efaeijae namekai waei a faeu eleye maei buhae ehokoijae ¹²Mekanebam, bele hee Akorena Roh hehe ware kelenete mekaijaere weyae naei sele eleuknde.(Ru Kangge Yaele Ro Miyaene Aruneuboke ¹³Ro miyae arilewoye hebewate nolora ro mbaijae Yesusre weunge, “Kulu, raei aka a wenye, maeko rena ru kangge meyae beere nukeuniboke raei kaye yeuke.” ¹⁴Beleyaere Yesus bele ro re weunge, “Kahili hinyeyae Rare elekeboke mai nolone heberenunde, mairu kanggere waherembere? ¹⁵Yesusyae weumi, “Mai u foijae kaya hebembe, kui-kui mae-mae, kole-kole mae-mae bene enekeijaemo nekemembe, mekanebam, ro miyae na wali bele kole-kole mae-maene enekeija.¹⁶Betamo Yesus bele ahuba aruneungeboke huweumi, “Ro mbai ru yaele kanggeyaelero, namekai ani eha nime kaungei jaele na imaene honowate. ¹⁷Bele ro na kena eta eleye, ani eha imae einya mae-mae hele honate, bleyaere mbele anuwaunge kolorel eleye, ani-ehae honnatebam? ¹⁸U bene rokemo eleye, “Nenaeijae rake mekai eleye, “Reyae ani ehare kolate imae kelarebondemo benem kabambae mokorebonde (herebonde). Bele anuwau kabamne raei ani eha, kombo mahu arilerehinde honnate ¹⁹Betamo renaeijae ra ure ukende, mana wa ani eha, kombo mahu mae-mae hele imaena hebate, raloyae- yakamayae hebenaifonde, no yae yei, rei maimo koye nekeye.!”²⁰Bele yaere Akoyae bele rore weunge, Weyae ro mbai kobu heleya! Mana reniai wa no rokelere. Hinye yae bele hambum yoni-yoni ariklewoyaere nou hendebam? ²¹Bele ahuba arumbote Yesus yae weumi, “Bele mekai mbai, ro miyae kere nalere arileijate yo maeinye yembonde yakalambonde, bele yaere Ako hubalo mando bele ro miye na wali haubihibam nekenayende.(Rake Wali Nekende Maei Buhae Ehokoijae Nekeye). ²²Yesus namota ohowate yore weumi, “Reyae mare wamale, moni buki nekembe maei buhae ehokoijae, namekai mai u maei meka maloyae hirerelebam? ²³Mekanebam, rake wali nekende kaya foijae hebale, namekai u melem, hamam ha yaele malo hirerendeyaele bannele am ba.²⁴Aye bumana kate joko erame, neyae mele-mele bam, namekai imae kombo-mahure kolondemaei anuwau uya, beleyaere Ako hubalo mando nayane baei hamam yejeumi-hayejeumi. Meyae ro miyae nekaube, ma wali ayeyaele ewekoke heleya. ²⁵Hinye mai nolo ukaikainya na wali nekendemai buhaeyae hokojeunge aerene, na wali ralo yakama mbai nahinggi baranebonde. ²⁶Meyae hambum kending emokoiboi hanggaya, mekanebam, hambum? Ehire-ehire mokoibondere buhaeyae hokote.²⁷Eme, arokou (bunga) hebejate ma joko foijae erennele, me u emokoyei hebejate, malo ehayei, ka faungabeleyaere Reyae nare wamale Salomo nekewoye, na malo u rela ketengeboke nekewoye rake arokuoyaele eboikoi hangga nekeweke. ²⁸U ka faunga hebate mana ketate hebate, ya heuboube iyae woyaube beukouge ika banggayae yaeiboube beleyaere Ako hubalo mando Na foi moi mare nabuma heleyae foi mokoijembe, uka hebateyaele bannele am.²⁹Beleneyae Reyae wamale, hamam anenggombe, bu anensimbe maei buhae ehokoijae nekemembe. ³⁰Rake yo kabam-yam kabam nekande ro miyae belemoyae na waline baejate, beleyaere Ako hubalo mando nataeija, meyae namekai beleyaere ma waline baeijauge.³¹Beleneyae Ako hubalo mandoremo ma wali baennembe, ehi bumbum mai waline Neyae inyembe hayenembe. Yohena yansenare embe maei kere naleyae baemembe arilemembe. ³²Meyae riya kendingna yo, buhae ehokoijae nekembe, mekanebam, Ako hubalo mando mare ei annembombe nekembe namekai wali hena inyembe.³³Mai kere nale roi nate henggo baeufo, bele roi ninggi kerebam nalebam nekejate yore wahemmiyembe, bele mekai mokombena yohena yansena ekaisonate kere nale ekaisona naei mekai hononayende. Yokoyo emetewei, namekai maneyae efoloi hononayende. ³⁴Kere nalere, roboni relare arilende honate anuwau , bele anuwaunge mai kena u ennekembe.(Ro Mbai Na Kena Mbainye Kaliya Mokoijeye) ³⁵Betamo Yesusyae weumi, Ma yolu ma unemo nekembe namekai ihehe na beibeimo hebenate. ³⁶Ma u kaya yaele mo hebembe, mai imae rorele mende me kaba kaba habendemo mau rawenyebonde menensinde.³⁷Na rei maisele imae kayare hebateyo ikate, mekanebam, na rowa meye hee na joko elaemo isebate. Reyae mare wamale, nehaleya na rowa wemmile hamam nembanye anenate, Neyae mende nenaeijae hamam wahemmie. ³⁸.Imae rolele reniyai noloyae mende, rene wawayae mendena, imae kayare hebate yo joko elaemo hebenatena, rei mai sele kommile!³⁹Beleyaere meyae itaeyembombe nekembe, imae rolele nataei yeuboke, yoko rolele mende hu jokonataeina, na imae eyesi hangga yoko roleleyae. ⁴⁰Beleneyae, meyae namekai mokoisa-mokoisamo nekembe, mekanebam, Ako hubalo mando Naei mende hu joko meyae mataei bam nekaubene.⁴¹Beleramo Petrusyae hineunge,”Tuhan, bele ahuba maeremo huwamaeha. ⁴²Yesusyae befoke weumi, “Abu ako mbai na rowa a weunge huluinye na u mokoi ehiyore kaya hebeumi, hamam mokaimile anate na hu jene hamam eyanate? ⁴³Onomi hele hubannele, mekanebam, na rowa mende hee erennelebae kaliyane mokoye. ⁴⁴Reyae ware wawale, nehalehele na rowa naere elembondena, imaena kere nale, hambum hambum re kaya hebennele.⁴⁵Beleyaere, bele abu ako na kena kendingra elende, Ra Rowa hasale emeibambae, nasom na u mokoi ehi nekate haube haberebe, rone miyaene, rai kena huluine haube haberele, namekai hamam annerele, bu annerele keu buli korele. ⁴⁶Beleyaere, na abu ako itaeyeiboi hee yae na rowa meke, na rowa abu akore hombone namekai ro miyae Rare hila rabo ehaileijo nolone hennebonde.⁴⁷Abu ako mbai, na rowa naei kena koye mekai etaeiboinya, namekai na rowa naei kena omokoisai nekendena, na rowayae haubaeyae habennnele. ⁴⁸Beleneyae, abu ako mbai naei rowa naei kena koye mekai nataeibam nekendena, namekai haubaere hubayende maei mokondena, bela abu ako haubae nehanggayae hubayende. Ro miyae helem na waline hubayendena, helemyae naere riyenainyele. Namekai, hinyeyae kayare helem inyainena, bele kiyaere namekai helemyae riyenainyele(Yesus Mehe Waheukoke ⁴⁹Reyae rake kani kelare ire ukeyonde benggondere mekale, namekai Reyae rabo halaele, bele I bloufike beye. ⁵⁰Reyae himi nibire forensubanggondere, beleyaere bele nibi forelere maei nehale fonjembonde⁵¹Ra kenara a elewale, mai kauge, Reyae rake keni kelare onomiyae itembere? Bele mekai mbai, Reyae mehe waheikote rake kani kelare mekale. ⁵²Rake hee ra, ro mehaembai imae obe mbainye nekateyae mehe folonggonde, ro nameyaa onyaikonde ro bee yaele habenate namekai ro bee yaele onyaikonde ro nameyaele habenate. ⁵³Nanemene hee wahenggonde, akoyae na keluwayaele kilenate, bele mekai mbai na maenggeyaele nake miyaeyaele a kilenate, namekai nenake na faumiyaeyaele a kilenate, na faumiyae nenakeyaele a kilenate.(Kani Kela na Mekai Beimeyeunge Itaeimabonde) ⁵⁴Bele ro miyae arileweyore Yesusyae weumi, “Ma joko erembe, wai refira wau nook arilendena, ma elaube, “Yare wonondere, nehale ya woyoye imoloye.” ⁵⁵Bele mekai mbai, alu bondilim ebum refira hubaungelebae, meyae elaube, ronsansam hele bondere, nehale bele mekai yeibiyoye. ⁵⁶Meyae ro miyae u beere-wabeere kaoijaweyo! Meyae rake kani kelara eyitaeiboi kaube nekaube.⁵⁷''Meyae menaeijae mekane foi omokoikoi? ⁵⁸Weyae waei yokeijo yaele beyu-beyeba bere ebena, na nibine eube hee hasaleyae foi mokokobe. Foi omokokikoina, ware yoyo koseyo maei me einye kinyeneubonde, yoyo koseyo felayomaei me einye kinyeneubonde. Felayo ware kilenayeubonde embe ware kawa/welangga einye hilenayekonde hebeye. ⁵⁹Reyae mare wamale, “Weyae na roi ninggi riyeye ehileikoinya, naeimekai walangga einye nama hebeye.”

(Wali Henare Emayaronde Nibi) ¹Bele anuwaunge romiyae ehiyo mekate Galilea ro miyae akuhayaele Yesusre ralo imaere mekate, Pilatus howkote na oki na akauha yaraikoke mekateyaele alungebokemo akauhare eyeiboke. ²Yesusyae bele rore weumi, “Bele Galilearo houkokaene meyae elauge, bele ro na niki kanau helem sele, Galilea ro miyae ehi ekainekate yo mate? ³Reyae wamale, bele mekaibam, belene Reyae wamale, ro mbai na niki kanau mokoijeyera nei huwembondena, wali hena erewei nekenende.⁴Namekai, ro mebe mehaembai mehine nameyaele heraiboke (18) Siloam imaeyae ruke heraweuboke bele ro na wali himi helene heraiboke, maei u bena nekayembe ro miyae Yerusalem yona nekate yora aerene? ⁵Reyae mare wamale, belenebam, namekai meyae wali nibira moi womombena meyae naneme herembombe, wali hena ehubayeioi sangga nekembe!"(Ara No Mbai Ani Omokoi Hebewoye Ahubane Aruneuboke)⁶Yesus rake ahubane aruneumiboke huboumi, "Ro mbai na hekena anggurno mbai moloufake. Nekekokemo meke bele anggurno molofake hebewoyere ani ereibote meke, beleyaere ani ehubayeikoi. ⁷Beleneyae, bele ro meke hekere mokoye rore weunge, 'Ralo yakama name hele ohokokale, rake anggurno molofakale ereibote, ani mokoubokehaa, belayaere ani mbai sambai ehubayeikoi. Ukei ruweu, mekamaeijae rake hekene hebeimiyeye?'⁸Beleyaere hekere mokoye ro yae na roware weunge,”Rowa, ikai imam, rake ralo yakama mbai hebeuko, ani mokombonde, reyae aumayae mokorembonde hebende. ⁹Ra u bene nekeuke, bena ralo yakamane ani mokombondeha – ani emokoiboimo hebendena, kaheungekonde ruwende.'"(Miyae Mbaite Sabatyayae Yesus Onomi Ikeunge)¹⁰Sabatya mbai, Yesus yo imae ralo imaene kelewoumi. ¹¹Bele miyae mbai walobo u mokoijae na u kelukeunge ralo yakama 18 yae koumeke. Na moko buru yeuboke kouboye, afae ije annundere nahinggibambae kouboye.¹²Yesus erewounge kena buhaeyae koubonge bele miyaere kaneungekoke weunge, “Na rake hee weyae nenae onomiyae roukae!” ¹³Yesus Nameremo bele miyae namoko ranne raufike, nabele hee bele miyae afae aungeke hebekoke Allahre buma kolowounge. ¹⁴Beleyaere, yo imae ralo imae falem Yesusre a yae yarewounge, mekanebam, Yesus Sabatyayae bele miyaere onomi ikeunge aerene. Bele ro, ro miyae hebewatere weumi, “Ya mehine mbai kaliyare mokomale yaa niyae, meyae onomire yeubonderena beleyaya membe, Sabatyayae bam.”¹⁵Beleyaere Yesusyae bele yo imae ralo imae falemre weunge, "Meyae ro u bee wabeeyae nekauge. Meyae namekai mai sapi yaele keledaiyaele welanggane hebate, yaweibiiyaumile mote auge, bunne hamamne Sabatyayae eyanate? ¹⁶Beleneyae Reyae wamale, rake miyae Abrahamre orona mena miyae, ralo yakama 18 hele na une aloyae aungeboke koweke, mehae mekai rake Sabatyayae bele alo ehukeisi etuweu hangga?"¹⁷Yesus rake a ukeumine, na yokeiko fene kunyei-kunyei kunyewate, beleyaere Yesus rake me u mokoubokene, ro miyae ehi hebewate rei maijae kougate.(Sawi O Haka Namekai Ragine Ahuba Aruneuboke)¹⁸Yesusyae weumi, ”Raei me kele u kelena nekate ro miyae, mehaemekaijae elemakondebam? Mehae mekaijae Reyae ahuba arunerembondebam? ¹⁹Akore yo yam, o haka mekaijae, ro mbai bele o haka rewendemo na hekene em molonsande. Bele o haka ketende are yembonde, aye yoni-yoni yakuna kate na nale bele o akaunge menai mokonde."²⁰Benem kaye Na a weumi, “Maekore yo yam mehae mekaijae arunerebonde bam? ²¹Akore yo yam/imae obe, ragi mekaija, bele ragi miyae mbai rewendemo, tepung yaele alennebondemo, hebende bele tepung fakombonde kabam yembonde."(Ro Name Baeikoi Sangga Wali Hena Enaijaronde)²²Yesus yo randa-yo randa ohoweke, Neyae ro miyaere keleumiyeke, nahibimo Yerusalem yore ewoye. ²³Ro mbaijae Yesure hineunge, “Tuhan, ro miyae na mebaeikoi sangga wali hena enaijaronde haa?" ²⁴“Meyae relei-releijae relenekombe ro mau kikira arulembombe mekenebam; reyae wamale rone miyaene helem sele bele ro mau kikire arulenaibondere relainye, beleyaere neyae eruleiboi sangga.²⁵Imae rolele annunde na imae mau hilenggonde, mehae mekai soro weyae imae moinye hebeye, me kaba-kabayae habeye, a weungele kaenneungele, 'Rowa, maeijaele mau raweimobo ema arulembom.' Beleyaere Neyae mare ungembe, 'Reyae mare onaemale, mbelerayae meyae mekauge?' ²⁶Meyae wennele, 'Eyae aei mbai hamam nembainye anewande. Weyae maei nibine, maei yone kelewamae!' ²⁷Beleyaere Neyae mare wembe, 'Reyae mare onamaleya, namekai meyae mbelerayae mekaube? Rakera eme hasaleyae, himi hamare mokoijaube ro miyae!'²⁸Naeija mendena meyae heleyae, iteha kili-kiliyae enggombe ma jokoyae emerembe Abrahamyae, Ishakyae namekai Yakubyae nembainye Ako Na yebaei bu baeijaele Maekore imae obene, meyaebae moinye ennsebembe. ²⁹Betamo ro miyae helem sele arilende menate, ralira, waita, ebumra namekai robomra. Nanemene Akore imaene nuwenaikoke hamamne na rei mai sele kate annate. ³⁰Beleyaere ro miyae na moinyahele yoyaere, bena helere inyaibonde, namekai ro miyae na bena hele yoyaere, moi sunna yore inyaibonde.”(Yesus Yerusalem Yore Endere)³¹Bele hee mo Parisi roe hi mekate Yesusre wainyele, “Rake yora eye, rake yo nukeinyebo, mekanebam, Herodes Ware honoubondere.” ³²Yesusyae Parisi rore weumei, “Embe bele rubahre wennele, manayayae nemekai wahenare, 'Reyae alo yoni-yoni hukeremmile namekai rone miyane onomi itemmile, namenya Reyae raei kaliya baerensonde/riyau ukebonde.' ³³Beleneyae, namayayae Ra nibi a aloronggonde, wahena wafere yendo Kayalo Yerusalem yo moinye ehokoi sului.³⁴Yerusalem, Yerusalem! Meyae Allah naei yendo kayalo, mai nolo ukai-kaite nekate yo haukoke-hayeukoke!” Mehae-mehae horo ba, Reyae mare arelensinbere relewanaleyae, beleyaere nahinggi bam, ojo nake na fafare nanoro kelene hannemikondere wanembae mare yawembombere relewanale, beleyaere meyae kena bam sele. ³⁵Bele wanem mbai, manaya maei imae rawembonde, Reyae mare wamale, meyae benem Rare ereiboimo nekemembe, mende naeija mensembonde meyae elembe, 'Tuhan Allahre Ro eta meye kiyaere onomi foka hubannele!'"

(Ro Mbai Sabatyayae Yesus Onomi Ikeunge) ¹Sabatya mbaimo, Yesus Parisiro mbai, falemre hebewoye kiyae imaere meke, hamamre nembainye aneneikondere. Ro ehi Yesusre na ijoko mokaiboke erewainye. ²Bele hee ro mbai na u bembem baeyeke, meke Yesusre bene meufebeunguke. ³Yesusyae Parisiro re namekai Tauratre hebate falem-falemre weumi, "Ro miyae sabatyayae nahinggi onomi imandere, eyeijae? "Beleyaere bele falem-falem abam faeubam yaeiboke hebate?"⁴Yesus bele rore kelukeunge namekai onomi ikeunge, betamo bele rore ukeunge ewoye. ⁵Yesus bele rore weumi, "Hinye mai nolona, na sapi kelu sabatyayae sumur einye ruweube hikoube holo omoloiboi?" ⁶Bele falem-falem Yesusre a ebeisoi eweimo hebate, a bam-faeu bam yaeboke.(Anuwai Mbai Na Foi Moi Sele)⁷Bele ro riyana, kaenewoumi mekate, anuwau na fote-fotemo baewate anggemre nungaikondere, beleyae Yesus rake ahubayae aruneuboke weumi, ⁸"Ro mbai hamam bulau mokoubokene, ware kaneite meyere, anuwau foite ebaeijae. Mekanebam, rowa kabam anuwauyaele ro mota wabenggonde mendeyaelene. ⁹Rowa kabam mende hee, imae rolele mende ungete, 'Kena himi enekeijae, "Rake anggem nekei rike rowa kabam meye kiyaereya rannehike, naere yeinye nuweubo!' Weyae anyu monya anggem nekeinye enyuweibo.¹⁰Reyae wamale, ro ehiyae ware kaenneukonde naei imaere eyena, anggem nekei na monya helene reweyemo nuweubonde. Bele mekaite, kanewote ro mendemo ware ungete, 'Ako mei, rake anggem nekei foinye mei nuweibo.' Naei mekai mokoyena, ro miyae arilewoye hamam bulauke mateyo ware buma kabam kolonayete. ¹¹Beleneyae Riyae wamale, "Hinye na u kaembondena, bele ro kerenainyekonde onde, hinye na wali ane rannehindena bele ro miyaere bumane enanye kolonde."(Hamam Bulauke Mokoibonde Ahuba)¹²Betamo, Yesus bele imae rolele weunge, "Hamam bulau kabam, kending mokoubonderena, waei kahili wafeu, aka baeke, hokolo uyaeu namekai waei imae ribona robonimo-relamo nekate ro miyae, bele yore ekaeneijae emeijae.¹³Beleneyae Reyae wamale, "Hamam bulauke eumokoubonderena, ro miyae kerebam-nalebam nekeijate yoyae kaeneumile, ehane-bulone nekejate ro miyae, orobam-mebam nekeijate yo, namekai ijokobam nekeijate bele yoyae kaeneumile bulau hamam anembe. ¹⁴Bele mekai mokoubondena, Ako ware foijae ei hawenete, namekai bele ro miyaeyaele hamam bulau mekai ware ebesoi emokoiboi hangga, weyae Ako Naei mende yane, ware onomiyae eneujende."(Hamam Bulau Kabamne Aruneuboke Huboumi)¹⁵Bele nolora ro mbai Yesus a eleukoke borokene weunge, "Ro miyae, Allah Naei yo waku mende yane, ro miyae yawemmile hamam bulau Nambele nembainye enayanende yo, onomi foka hubanainyele." ¹⁶Yesusyae bele ro re weunge, "Ro mbai hamam bulau kabam mokouboke, ro miyae helem sele homo ratai yeubommi menatere. ¹⁷Bele yaa meufeubokemo, na abu akore ukeunge homo rataite yarowate yore kaeneumi menatere, 'Mem nanemene, ninae mokoungehake.'¹⁸Beleyaere homo rataite yarowate yo, emei hanggaya, na abu akore wainye, nabemena royae weunge, Ikele okoijae, 'Reyae kani manemfa rokalene bele ereibote erelere.' ¹⁹Ro benem kiyaeyae weunge, 'Ikele okoijae, "Reyae sapi mebee manemfayae yarokokale, bele ijoko ereibote erelere.' ²⁰Ro ehiyae weunge, 'Reyae manemfa hele miyae rokale, ei hangga ya.'²¹Abu ako befoke meke na roware weunge, homo rataite yarowate yo emei hanggamo elateya. Na rowa bele mekai abu ako weungene, ikele hele yeuboke, na abu akore weunge, 'Hasaleyaemo bukeisi eye, nibire, a koukouke baeimiyende,, humbam-waibam yo, mere nimewaimileyo, ijoko kumbayo, oro nimewaimileyo, nemene yaweimile rakere menate.' ²²Na hekibammo, na abu ako na roware weunge, 'Rowa, reyae nemene waei elekokae mekai mokoubokale, beleyaere anggem nekei ehi na bangga honate.'²³Bulau rowa benem na abu akore weunge, 'Raei imae mae-mae konggondereya, benem eye, nibi kabamna hebate yo, akelana yo, a kiki-amommomna yo, nemene rakeremo menate. ²⁴Reyae ware wawale, homo rataite yarowateyo mbai sambai raei imaere hamam bulau mokoubokalere emei aneikoimo."(Yesusre Hakonnebonde Ohoneiyende Wali Mekai)²⁵Ro miyae helem sele Yesusre nembainye meugate, Yesus beufokemo weumi, ²⁶"Ro mbai kena buhae heuke aerene Ramota hakombonde ohayenden, naeko-nenakere ikele okoi, na miyae fafare, aka baekere, namekai na wali holere emokoi kiyae, bele ro miyae mekai Raei mota ehakoiboi hangga. ²⁷Hinye naei ohali ekaeiboinya, Raei mota ehakoiboi, Raei holona yobam.²⁸Ro mbai mai nolora, imae mbaite hembondere, namam eheiboimo, na roi ninggi na helem me baenggonde itaeyembonde nekende, rake imae nahinggi herebonde baemfonde haa? ²⁹Bele mekai omokoiboina, .aeru rukamo ransinde, bele imae nenae hononende, ro miyae erenate aere re waka-wakayae harenaimile. ³⁰Bele ro miyaeyae elenate, 'Rake ro na imaere hembondereyaere meke nahinggibam yeuboke.'³¹Bele mekai mbai, Ondofolo mbai naei felayo nemene 10.000 helemnem, Ondofolo ehi kiyae na felayo nemene 20.000 helemnem. Namam fela erereikoi hee,, me baenggonde, ubene hayende, rake felayo helemnem nahinggi rake ondofolore melerehande ha? ³²Na ura hubannelel, rake ondofolo na felayo helem sele namekai emelesai hanggana, na yoboloyae na ahauka ro mbai wennele ende, foi mokonaikondemaei a enaielenggonde. ³³Na huba mokoikote Yesusyae weumi, "Meyae namekai, mai nolo u kaikainya hinye na hambum-hambum enukeiboi, ewahekoinya, Raei mota hakonate holonare eyeiboi hangga."(Hae Yubam-Haebam Yeuboke)³⁴"Hae na yu foinya, bele hae na foijae elande. Beleyaere bele hae na yu u yembondena, yubam -haebam yembondena, mehae mekaijae bele hae mokonainyebonde yu yaele-haeyae yembonde? ³⁵Bele hae o bolu ha bolure omokoiboi hangga. Reyae wamale, hinye anggaeijaele kiyae, neyae borombonde. Reyae are wamale ro miyaeyaele nou hembere.

(Domba Mbai Nundeuboke Ahubane Aruneuboke) ¹Ya mbai, pajakre yaroijate yoyaele na wanem ro miyae helem ehiyoye erejaimile mekai himi mokojate yo hokoumeke Yesus bokore mekate naei a faeu elende boronatere. ²Tauratre itaeyaeibokeyo yaele Parisi riyana yo bele mekai erewatene munum-munum baele elate, yee, "Ro miyae na u boloyaele nekejateyo ei hawejaimile nembainye nuweikiyae hamam eyanate."³Belene Yesus ahuba mbai aruneuboke igwau wanenmbae huwewoumi, ⁴"Ro mbai mai nolona naei domba nemene 100 (ro u mehaembai), mbai bele nolona nundeuboke, 99 ukaa bu einye nukeumiboke mbai nundeubokere baeungeweube ei hubayeukoube? ⁵Hubayeukoubera rei mai sele koube, reweungele na baka ranne haungebouge meite.⁶Imare meitemo, naei hokolo uyau, na kahili wafeu, imae ribo mbainye nekateyo kaeneumikoube mate, weumile, mana raei bokore rei maite komalere, mekanebam, domba mbai nundeubokera mana ekale hubayeukokale. ⁷Reyae mare wamale, surgana ekainekate ro myae, Allah naei nembainye rei maisele konate, aere ro miyae mbai na u nei huweungeboke, 99 ro miyae na u mokanyehake yo(Roi Perak Mbai Nundeuboke Ahuba Aruneuboke)⁸Maengge mbai na roi perak me bee, mbai kalauubobe, kaijeu heleungekoube hehe naeikoubemo naei imae einye kere-kere fanyeuboube, namoi-moisele baeukoube hubayeukoube? ⁹Naei aka baeke na imae ribona nekateyo, kahili wafeu kaeneumikoube mate, 'Koibae rambele nembainye komalere, mekanebam, roi mbai nundeuboke hubayeukokale aerene.' ¹⁰Allah surgana naei malaekat yaele rei maisele hubainyele aere ro miyae mbai na wali nei huweungebokene."(Kelu Fafa Bee Naekore Nukeinyebokene Ahuba Aruneuboke)¹¹Yesus betamo weumi, "Ro mbai na kheluwa bee, ¹²Kelu monya kayaeyae naekore weunge, "Ataei, raei hambum-hambum mokoungehake kaye yetoko."Naeko nahibi na kheluwa bee maei hambum-hambum mokoungehake waheumikoke.¹³Mainyekeukoke mo na kelufa monya kiyae naei hambum nate heukoke kulum uke yomoite naei kena hului haiwoye. ¹⁴Hayekoke namena roi baeufoke u yeuboke, moni mai bele yone meuneke koubate. Na u moni hele hubawounge arara ohoweke riyeweke.¹⁵Ubene nekeungekoke nibi roke aloungekoke obore nareunge ro mbai bokore eke, riyewounge kaliya yennelere. Bele ro kaliya ikeunge, ukeunge obo kayare ensebendere. ¹⁶Nau moni hele hubawounge erewoye obore hayaeimi hamam anate anenggondere kouboye. Aere ro miyae hinyeyae nare hamam yennele anenggonde.(Moinya Kelu Fa Mehi Nefake Naeko Bokore Beufoke)¹⁷Na une yeuboke mekai erewoyene, ubene roke mehi neufake nakenara eleye, "Akouw, maekore imae einya abu ako hamam nahinggi-hinggi ekai anate, maemae koumikoke, naeisele kalumbaele,ekaiseonate, beleyaere reyae rake anuwaunge monine mekakale. ¹⁸Bukerehinde maeko bokore erelere, erelemo ukende, "Ataei, buhae heitoko, reyae wali monya ekukale.Allahre robe royoinye nawanem ware raei umai himi hele kelewamale. ¹⁹Raere waei fa yae me ebaetembae, reyae riyawale waei abu ako wanembae nekerele.²⁰Nahibi anguke kulum uke aloungekoke euboye. Ahauka meuboye, naeko weke erekeunge ro roungeboke, kena buhaeyae heubounge. Hakauboke eke hari aungeboke. ²¹Na kele meubefoke naekore weunge, "Ataei buhae heitoko, reyae wali monya hele ukukale, waei bene na kabam hele Allahre raei u mekai himi hele kelewananale. Rare waei fayae me ebaeijae.²²Beleyaere naeko beufoke abu akore weumi, "Hasale yae raei malo neme foisele kiyae rewem mem, membe na une hirennekombe, namene nennembe, oromemalu neme nai orone hirenekombe. ²³Embe obo sapi rundum kaye rewembe nensambe folonggombe anemale rei mai komale. ²⁴Mekanebam, raei kelu fa, herekeyae elewale, nundeubokeyae bene nekewouke, beleyaere na waliya, mana huba yeukokale. Rei mai, yokoi yo bae anguke yoloufake koubate hukelewate.(Bena Kelufa Kaye Naekore Ikele Koubounge)²⁵Yokoi yobae anguke koubate he, kelu bena kaye hekene ake mokowoye. Bukeufike imaere meuboye, anggaei boroweoye koi bae, ame waku nuluyae borowoye. ²⁶Meke imaena abu ako mokate mbaite kaneungekoke hineunge, rake meka rei maijae kate. ²⁷Naei abu akoyae weunge, "Wa ugake fa beufoke mekene, ataei ukeume sapi obo rundum kaye mbai handeboke, folandekoke, na kelu, na waliyae hubayeukoke.²⁸Beleyaere, na kelu fa bena kaye kena nebam yeuboke, imae iete ahiyae elewoye. Naeko mekuke amoi-moi weubonge imae aeite arulensindere. ²⁹Beleyaere na kelu beufoke naekore weunge, "Reyae ralo yakamayae, waei hambunne mokoijale, rilibo ehayei, mokoijale, obo mbai raere eyei, rai kahili wafeuyaele, rei mai omokoiboi nekejande. ³⁰Beleyaere, wa kelufa beenemna kaye meke, wai roboni rela, ru kangge eke yohine hayekoke, nibina ohojate miyae maengge yaele riyau weuboke meke, mana weyae obo sapi rundum kaye houbokae rei mai kaube.³¹Naeko yae weunge, "Kelu fa, weyae rambele nembanyemo nekeyende, raei hambum yoni yoni honate, waei mo yae. ³²Bele yaere mana ya eyae rei maijae koma, mekanebam, wa ugakefa herekera mana meke waleuboke, nundeubokera mana hubayaendekoke."

(Eyae Rowa Beere Me u Omokoi Hangga) ¹Yesus na moita ohowate yore weumi, "Ro mbai robonilo relalo, ru yael kangge yaele, na roboni kayaare hebendere roke. Bele robonilo relalo re mekaite wanyele, wa u mokoi u bulu-bulu helelm, na roware roi naom mekai herayeweke. ²Belene yae na rowa kaeneungekoke meke weunR, weyaeeyae anggaei borokale, weya ame karebai helem sele mokoyae. Bake hee ware kinyereibondere, raei hau kaya ehebei jae.³Roi hauke kileuboke na ubene ra nenaei jae eleye, mekayae reyae mokorobonde bam, reyae heke mokoi-bokoi nahinggi bam, reyae elae bam, aritite riyerendere, reyae nahinggi bam, reyae fe hubannale. ⁴Reyae u bene rokale, reyae mekai harerembonde, rare hukendehinde he, foi te mokowamaele ro miyae bele bokone ere barambonde.⁵Na rowa rena hambum yaraikoke naite heubate kaeneumikoke mekate, ro mbai te hineunge, weya rowa hambum ramera roukae ehileikoi, na kalum mehae-mehae honoye? ⁶Bele ro yae weunge, reyae minyak zaitum 100 hele yaroukokale, Hauke kileuboke ro yae weunge, rake wa homo niyae, 50 hele yae moloiko. ⁷Betamo hau kayare hebewoye ro yae ehire hineunge, "Waeinya mehae-mehae hangga honate? Bele ro weunge, 1000 holoboi, bake wa homo niyae, 800 holoboi jae mo moloiko.⁸Rake mekai mokoubokene na rowa ei sele molowoungete. Rake kanina ro miyae, u nebam kayere ayeuboke buma hele mekaibam Raei ako faeuko re borojate yo maei wali. ⁹Rake nehale yae mare itayaemale, rake kani-kelana hambum yon-yoni honate, ro miyae ehi yore hakommiyembe, bele wanem baere weyae kahili wafeu esubayenggonde. Here kaka mende hee, bake hambum yoni-yoni nukale hayaele, Surga yore naro yaele yae ewefinde eye.¹⁰Ro miyae haubuhi kending inyanyele kaye foi sele hebendena, rabo halenainyele hambum kabam nahinggi mokombonde. Hinye maenim na wali foi bam nekendendena, hambum kabam re naere rabo ehaleikoi sangga. ¹¹Belene meyae mai wali nehale bam nekembena, Allah mare surga maei hambum eyei hangga. ¹²Rake kanina hambum mare rabo ehaleikoinya, mehae mekai surgana hambum mare inyayembe bam?"¹³Ro mbai rowa bee maei abu akore na hinggi bam eyeiboi hangga, mekanebam, rowa ehire ikele konnele, rowa ehire bae kena konnele hakonnele. Bele mekai mbai meyae Allahre boroijaungele ro miyae yae nekaube, roi maei abu ako bam.(Farisi Maei Wali Yesus Yakala Woumi¹⁴Farisi holona Yesus kelemoumi borowate, nakena roite kena kabam hele koijatene, aukaekae yae kowainyele. ¹⁵Yesus yae weumi, "Meyae ei molonayembere kena kaube, bele yaere mai kena einya nekaube haa, Allah itaeyeuboke. Rake kanina honate yoni-yoni ro miyae yae eite molaimile Allah kena ekoyei."¹⁶Taurat na molaikoke, Allahre yendo kayaa yo maei homone eleye, utaei Allah naei kenare koye mekai ro miyae wali ijere alomansande maei, meke Yohanes bure kolowoumi, kelewoumi hee, Allahre a foi-faeu foi bele heera rawouboke huwaimile. ¹⁷Rake kani ana honoye, yaaku buma na feleufakenanemene enainundembonde, bele yaere Tauratna molaikoke mbai jae enundeiboi hononende. Miyae nesi-nesi maei utaei.(He Foloukoke)¹⁸Ro mbai, na miyaere nennihinde betamo ende miyae ehi endewendena, na u bulo endewende, namekai ro mbai, na molo yae neungehike miyaere endewende na, bele ro, namekai bele ro buloo ensubayenggonde. (Robonilo Relaalore Lazarusre Ahuba)¹⁹Ro mbai robonilo relalo, na wali koubam kalobam nekeweke. Na malo hirewekw wii halamam sele. Na yaene baei rei mai mo koweke, Hambum-hambum naei kena hulune mokoweke. ²⁰Roboni lo relalo re imae mau bene, ro mbai naro Lazarus honoweke, Lazarus hamam re anenggondere a ritiyae riyeweke aneweke. Lazarus na u baubau bae maeme koungekoke, oki yeme kelekaei sele bele baubauka eibale. ²¹Moni kabam hele ikoye, Lazarus na rabo haleye, robonilo relalo hamam annende, mori-mori balenatemo, neyae yaronde annende..²²Ya mbai mo Lazarus hereke, malaekat mekate yawanyehoke ekate Abrahamre anuwau foinye hanyeboke. Na hekibam mo, robonilo relalo here aimoloufake. ²³Rake ro na u isasa aloalo kouboye, nabe bumare weke ereye bae, Abrahamre Lazarusre anuwai foinye nuweikoke nekewote.²⁴Robonilo relalo kaeneunge, 'Ataei Abraham, rare buhae heitoko, Lazarus weinye, ra u i nolone hebale, Lazarus name kela-kela mbai bu kending yawensindemo mende ra faeu ranne ransinde.²⁵Bele yaere Abraham beufoke weunge, "Kelu, bene nekete, wali nekewoyae, foi moi seleninae hubawane, Lazarus mbai himi hele hubawonge, mana Lazarus rei mai meke koye, weyae nebam bae hubane. ²⁶Belemo bam, aei nolona bo kabam hele keiboke honoye, ro miyae refire rafire ei hangga.²⁷Robonilo relalo benem weunge, "Belene, ware wawale riyawale, Atei, Lazarus weinye maeko imaere eu. ²⁸Raei aka baeke mehaembai imaena ekainekate, ende a itaeyemmibonde wemmile, rake anuwauke emei jae.²⁹Beleyaere Abraham beufoke weunge, 'Nanemene Taurat Musarena, Allah na yende kayaayo maeinya homone molaokoke, ³⁰Robonilo benem weunge, "Bele mekainya, ataei Abraham, ro mbai hereke nolora walembonde,ende raei aka baere wemmile, beleramo niyae itaenyaeibonde. ³¹Abraham beufoke robonilo re weunge, "Waei aka baeke Musa rena a faeu ehakoiboinya, ro mbai herende horo neyae ewaleiboi hangga.

(Wali Nekemale Maei Utaei) ¹Yesus na moita ohowate yore weumi, "Rake hee uwabei yoni-yoni helem sele oro halumre inyaibonde wabenaimile, buloo nibine enaibalende. ²Fafare kelammile rabo halei henanaibondere, ro miyae ehi yore mokommibonde enaibalende yaelene, na foi sele horora ruka kabam ungainyonde buwei nolone enaiwonde ruwembonde.³Mai u kayaa foi sele hebembe - bele u mekai ehakoi jae, ⁴Waei aka mbai baeke mbai u mekai himiyae ware keleneubondena, wela yae angga yoboungebonde. Mehi nensandena, buhae heungekonde. Benem ya mbai einye, roko mehine bee mokonukondena, bensonde roko mehine bee wabokre ohonggondena, ungete reyae mehi folale, ware himi mokowawale, welayae buhae heungekonde. (Hila Rabo Rannda Wali Emayaronde)⁵Yesus Na abu ako yae wainyele, "Maere rikeimobo, Allahre eite molomande maei rabo halei elaeyeimebo. ⁶Yesus yae weumi, "Mai rabo halei sawi ko hangga na, rake o kabam hebeye weungele rake anuwauka rawembonde buwei nolone yae yeisebe,mai a wenyelene borombonde."(Allahre Abu Ako Mekai Jae Nekembe)⁷Mai nolona ro mbai na yebaei bubaei ara-bura meibe mo meyae nahibi weinyeimae, Mei, meyesi, anggem nuweibo namekai hamam meyane!" ⁸Naeisele weyae weinyeimae, malo foi jae hireiko, hamam mokoungehakale, mana rayae hamamre anerelere, rakene mo nekeweonde kayaare hebeukelere. Reyae hamam anerekondemo, beta mo weyae aneukonde.⁹Waei abu ako ukane kaliya mokoukokere, weyae helem foi ewei hangga? ¹⁰Meyae bele mekai mbai, Allah rena ukembe eha nemene mokonggombena, menai jae ma ure ro ronnebombe, reyae abu ako ya. Rare ukeuke mekai jae mokale..(Ro Me Bee Na u Baubau Baele Onomi Yaeiboke),¹¹Yesus aloungekoke Yerusalem yore ewoye, aloungekoke Samaria yaele Galilea yaele bele hunndanda ewoye. ¹²Yo mbaite arulensindere mo, ro me bee na u baubaubae molou miyeke, mekate hubayaeikoke, na ahauka mo hebaiboke, ¹³Yesusre kaenainyele, " Yesus, Tuhan maere buhae heimoko!"¹⁴Yesus beufoke erewongi, a weumi, "Eme, imam-imam maei bokore embe mo kelemmibombe." Nibi nolone eubate na u onomi hubayaeikoke. ¹⁵Ro mbai bau bau baele riyana, na u erewoye onomi reokene bae, befoke meke Allahre buma kolowounge. ¹⁶Yesus bene oro hele yae roroukoke, Tuhanre buma kolowounge. (Bele Ro Samaria Na)¹⁷Yesus bele ro re hineunge, "Ro me bee onomi yaeuboke yae, Mba ro ehiyo, mehae mbai mehine keli yaele. ¹⁸Kena buhae hele, rake ro riya Yahudi na yaere bele yaere ebeiboi emei, rake ro mbai Samariana ro yaere beufoke meke Tuhanre buma meke kolounge. ¹⁹Yesus yae bele ro re weunge, "Anyu, aloinyoko, waei hila rabo yae onomi roukae."(Allah Naei Mende Yaa)²⁰Farisi ro riya mbai mekate Yesusre hinainyele, "Allah Naei yo waku mbele yaa mende, Yesus bele ro riyare weumi, "Allah Naei yo waku mende yakalambonde hee, rake ijko yae ereiboi!" ²¹Ro miyae ware ewei, "Allah na yo waku rakena, ehiyo yae ungayembe, Allah na yo waku rikena, naisele Allah na yo waku mai nolo u kaikainya, mai kena u einye nekaube."²²Yesus na moita ohowate yore weumi, "Ya mbai mensembonde mai kena yaronenggombe Rare erendebombere, bele yaere ereiboi hangga. ²³Ro miyae mare ungayembe,"Ereibo Yesus rikene eke nekeye! ereibo, Yesus rake nekeye. Are wayembe bele anuwauke eijae, namekai bele ro miyae ehakoi jae!" Allah Naei yo waku mende yaa, ²⁴Wili yakura weye hehe huba ehira ehire naikiyoye wanem Raei merele yaa naeimekai yembonde.²⁵Bele yaere nabere Reyae buloo fela kabam hele relerenggonde nawenem ro miyae rake hena Rare ehiyae enaielenggonde. ²⁶Nuhre heena meke yakalauboke mbai Raei merele yaa nai mekai yembonde. ²⁷Bene enekei yobei-yambei mende maei. amam hunsum maei u benen mo, rilekate faukate, ro miyaere yaronate u bene mo, miyae rore yaronatere mo, wali ikainye alaeiboke nekewate, meke Nuh kayi kabam ne hebeunguke hee, bu ruwekoke, ro miyae bune anayeke herayeke.²⁸Raei merele yaa Lot nekewoye hena u mekai wanem yembonde, Sodom ro miyae na wali naei wanem, amam hunsum u bene mo nekewoumi, hambum nai hesei na hibi mokayeke, hekera are mokate yo imaere haete yo, ²⁹Meke Lot bele yora eukuke hee, yakura i ruke oke, ya moloye wanem, ro miyae habewoye herewate.³⁰Bele mekai mbai mehinim eraisi Raei merele yaa, ³¹Bele yaa mensembonde, hinye maenim imae bumana koye, eite emei, na hambum rewete, hinye maenim hekene mokoye, imaere emei jae.³²U bene nekayeite, Lot na miyae meka yae yeuboke, wa u ne yembonde yaele. ³³Ro miyae nekande na umbaite wali hole molonendena, wali hena ehubayeikoi. Raei aerene na wali u embendena, onomi wali hena hubayenggonde.³⁴A hele yae Reyae wamale, Raei merele yaa, are ukamale nemene benate yakala nate, ro bee ijoku honoi mbainye hononete, malaikat mende ro mbaite mo rewende, ehi nukennebonde, ³⁵Miyae bee gandumne yalenete, miyae mbai rewende, mbai nukennebonde, ³⁶Bele mekai mbai, ro bee hekene mokonete, ro mbai ryawennehonde, ehi kaye nukennebonde.³⁷Yesus na abu ako yae hinainyele, "Rake a weyamae, mbele anuwaunge yembonde?"Yesus yae weumi, "Mbele anuwaunga obo fako-yoku fako yaele bele anuwauke aye hoisoi arileijeye!"

Allahre ebeli bonainyele na u mekai ¹Allah namota ohate yore ahuba mbai miyae nale mbaite u ne aruneuboke, Ebeli Allahre nobam hebam, elae hale inyaibonde n ahibimo molonainyende. ²Yo mbai honowoye, bele yone hakim mbai nekewoye bele ro Allahre fe efaei nekeweke, na wanem na ro mbai miyae mbaite erewoumi me abaeyei nekeweke.³Bele yo mbainye, miyae nale mbai rora moloufake nekewoye, bele hakim bokore na hibimo ohoweke, weunge, "Rare riketebo, keme nenatebonde yo helem ohate." ⁴Heki holo rake hakim erikeiboimo, bele yaere na ubene neke weounge, re na foiyae Allahre fe afaei nekejalr namekai ro miyae ehire, ⁵Bele yaere rake miyae nale na hibi ohonde yaelene, hakorembom, mekanebam rare nebam emokoi maei.⁶Tuhan weumi, "Rake hakim na u mekai erennebo, meka a faeu mekai jae elenggonde bam? ⁷Allah suragana ekenekeye, mehae na ro miyae na yane baei, reniai rai ebeli boijainyele yore ehakoiboi nekende? Allah naei mekai nekenendere? ⁸Reyae mare wamale, Neyae na hibi hele mare boronembombe. Bele yaere Na Kelu Naei mende yane, rake kani kelana aeinya hila rabo halaennele hubayenggonde?"(Farisi Ro Yaele Pajakre Arilate Yone Aruneuboke Ahuba)⁹Yesus ahuba ro miyae na u nebam bam namekai ehiyore ane kolaimile u ne aruneuboke weumi, ¹⁰Ro bee Allah yo imae ralo imaere ekete, ebelire bonnetere, ro mbai Farisi na ro ehi kaye pajakre arilejeye ro.¹¹Farisina ro kaye, afae aunguke ne ebeli na u maenggeu kaeiboke, eleye, "Allah, reyae helem foi Ware wawale, mekanebam, reyae ro miye ehi yaele nehangga mbai bam, ame karebai emokoi, ro miyae ehiyo maei eyaroyei, namekai pajakre arilejate yo mekai bam, ¹²Reyae hamam ikai bee nekeikiyaele emaeneimo namekai raei akau ha ninae mokoijaele.¹³Beleyaere pajakre arileye ro ahau mekai hebeunguke, na be bum aneye, na u nenaei habeye ebeli bounge, "Allah, rare kena buhae heitoko, nebam ne mokoi jale, ¹⁴Reyae mare wamale, pajakre arilejeye ro, na imaere beufoke ro nehale mekai jae ewoye, mekanebam Farisi na ro na u maenggeu yae kaeuboke bumana hele. hinye na u buma nekende na, Allahyae ane rannehinde, hinye na u ane rannehindena Allahyae bumane ennekolonde." (Yesus Fafare Me Na uranne Kolowoumi)¹⁵Ro miyae na wayeu fafa Yesusre bokore yarowaimile meubate, Yesus me re kolommilere. Na moita ohowate yo, bele makei erewaimilene he folowaimile namekai a yae yarewaimile. ¹⁶Bele yaere Yesus bele fafa kaenewoumile na bokore menatere, baetamo weumi, "Bele fafa waemmihi Raei bokore mai, hum okoloijae, mekanebam, ro miyae Rare hakonabonderena na wali rake fafa mai wali mekaijae haerenainyebondere, wali hena enaijaronde. ¹⁷Reyae mare nehale yae wamale, hinye yae na wali rake fafa maei wali mekai ereweinya, wali hena ehubayeikoi nekenende. Roboni lo relalo maei ahuba¹⁸Yahudina ro mbai meke Yesusre hineunge, "Guru, reyae mekayae mokorobonde wali hena erehubyenggonde?" ¹⁹Yesus yae bele ro re weunge, "Mekane rare foi jae ware? Ro miyae mbai sambai foi u ya, Allah Nembai sele foi to moi to. ²⁰Meyae rake homo fae here foloukoke itaeyeuboke, miyae maengge u nembam omokoi jae, ro ohoi jae, yoko naba ebaei jae, ro miyae maei a kelai faeu kelai ehuweyei jae, namekai ako nakere ei moloimile. ²¹Bele ro yae weunge, "Reyae na hokolo nekewekale heera na nemene nenae mokowekale mo."²²Yesus borokeunge, bele ro re weunge, Ninae mokoimiyeyae, beleyaere mbai sele weyae emokoiboi nekeyae, eye, waei kee nalenaite heukonde, ro miyae kere nale bam nekate yore waheimile, waei kere nale surgana yae hubayende, weyae Rare hakotebonde." ²³Yesus bele mekai weubounge, rake ro na kena himi hele yeuboke mekanebam, na kere nale helem sele nekeiyene.²⁴Yesus bele ro re ereungemo weunge, "Ro miyae roboni lo relalo, Raei me kelee u keleere eyeiboi sangga.!" ²⁵Na kaho hele, nasom mekai unta mbai imake bulura arulensinde, bele yaere ru yaele kangge yaele ro miyae Raei me kelee u keleere yabi-yabi hele hubanainyele."(Yesus Na Mota Ohowate Yo Wali Hena Enaiyaronde)²⁶Ro miyae bele anggaei borowate yo elate, "Bele mekainya, henye naei jae wali henare enaijaronde?" ²⁷Yesus yae weumi, "Ro yae miyae yae emokoiboi kaye, Allah hamekaho nahinggi mokombonde."²⁸Petrus yae weunge, "Maere ereime, meyae na nemene nukandeboke hayendeboke, mana Waere hakayeuboke." ²⁹Yesus benem weumi, "Reyae ne hale yae mare wamale, ro mbai sele kem, na imae nukembonde, na miyae nukennebonde, aka naei baeke naei, ako nake, kelu omi, Raei aerene nukemmibonde nekenate, ³⁰bele yoni-yoni nukembondere, rakaya-rakaya rake hee ehubayeikoi nekende, beleyaere Naei mende yaa nemene wali hena enai subayende."(Yesus Herendera Mende Walembonde)³¹Yesus na moita ohowate yo arileumihike, a weuboumi, "Borombo, Eyae Yerusalem yore be rannehike emalere, Allah Naei yendo kayaayo are kolowaite Raei u ranne yembonde yakalambonde. ³²Are nulewainyele mekai yembonde, aukaeka yae, me yaya-u yaya yae, eubaki yae honatele, ³³Haube yae Ra melem bai nemene yobonaite, belera Rare honatebonde. Bele yaere namen yaa Reyae walerebonde."³⁴Beleyaere Yesus na moita ohowate yo bele mekaite itaeiboisele nekewate. Bele a mekai weuboumilere eyitaeiboisele nekewate.(Yesus Ro Mbai Ijoko Kumba Onomi Ikeunge)³⁵Yesus na moita ohowate yo yaele Yeriko yo nobewainyele, ro mbai ijjoko kumba nibi enene nuweuboke, a ritinye riyewoye, ³⁶Bele ro ijoko kumba borowoye aku-anau ro miyae helem meubatene, hineumi, mekayae yeuboke, ³⁷Ro miyae wainyele, "Yesus Nazaretna Ro yae meye!"³⁸Bele ijoko kumba yae Yesusre kaeneunge, "Yesus, Ondofolo Daudre kelu, rare kena buhae heitoko." ³⁹Ro bere naiboke yo ahum kolowainyele, koko yembondere, bele yaere benem elaekai sele kaeneunge, "Yesus, Ondofolo Daudre kelu, rare kena buhae heitoko!"⁴⁰Yesus hebeunguke, weumi, bele ro ijoko kumba yaweneho Raei bokore mem. Bele ro ijoko kumba Yesusre bokore nobewounge, Yesus yae hineunge, ⁴¹"Meka yae waei kena koyae, Reyae buhae hereukondere? Ijoko kumba yae weunge, "Tuhan, reyae kena kale ijoko ererelere."⁴²Yesus bele ro re weunge, "Ijoko keleiko erei, waei hila rabo yae onomi roukae." ⁴³Yesus are ukeunge hee, bele ro ijoko erewoye, Yesus re hakoungeboke, buma kabam koloungeke. Ro miyae helem erewatene, nemene Allahre buma kabam kolowainyele.

Yesusre Zakeusre ¹Yesus Yeriko yo moi hayeukoke euboye. ²Ro mba na ro Zekeus, pajakre arileye na falem, Zakeus ro mbai ru kanggeyaele ro nekewoye.³Zakeus na u fofo, beleyaere ro miyae helem sele arilewoye namekai Yesus re erennebondere kena kabam hele yarongokoke. ⁴Zakeus hakaeuboke oromo bere eke, ara no mbai bele o bumare keteke, Yesus bele nibira endemo erennebonde.⁵Yesus bele ijere meke, nabe bumare wekemo weunge, " Zakeus, oyakoibo, manaya Allah kena koye, Reyae waei imaene erennsidere. ⁶Zakeus na hibi o bumara owakouboke, rei mai sele kouboye .Yesusre hubayeikoke. ⁷Bele yaere ro miyae helem ijoko erewate na a mulum-mulum baele elaete, "Neyae, ro miyae buloo mo felamo bokore endere."⁸Zakeus aunguke Yesusre weunge, "Tuhan, ijoko erei, rai kere nale, roboni rela, bohi nerehandere, ro miyae kere bam nale bam nekate yore wahere milere, ro myae maei pajak na arilewekale roko keli yae beremibonde. ⁹Yesusyae Zakeus re weunge, "Mana ya, Allah angga yoboubokete, weyae, wa miyae fafa nemene onomi ikembe, mekanebam Abaraham orona menayae me baembokombe. ¹⁰Mekanebam, Reyae Allah yae ukeuke mekale, ro miyae buloo felayae koijate, namekai ikainye nekeijate yo onomi enaijaronde.(Foi Mokoijate Yo yaele Nebam re Mokoijate yo yaele)¹¹Yerusalem yo nobaeinyekoke, Yesus ahuba mbai aruneuboke, ro miyae rabo halaete, Allah Na yo waku yakalambonde, Israel yoho Roma maei kelera enaibalende nenaei nekenate. ¹²Yesus ya weumi, "Ondofolo riyana ro mbai aloungekoke yo ahauke eke, ranenaitinde rajare yembonde betamo na yo yam re bukensinde mende.¹³Rowa mbai na u mokoi me bee kaeneumikoke mekate, roi 10 mina waheumikoke mo weumi, 'Rake roi jae hambum yaromembe, naite hemembe, rakemembe reyae berohonde.' ¹⁴Bele yaere ro miyae na yo mbainya yo ahi hele elewate, mekate waimie, 'Bele ro mekai mai yone, rajare enekei jae' ¹⁵Bele raja yo ehi kulum uke hee, na yo mbainya ro meke, na umokoi roi te yarowaite yore kanewoumi mekate are borombondere, neyae itaeyembondere, roi yaraikokera mehae-mehae nai heubatera hubayaeikoke.¹⁶Na umokoi bena kaye meke weunge, 'Rowa Ondofolo waei roi mina mbai ikarae, nai heukokale, mina me bee hubayeukokale. ¹⁷Raja yae weunge, Foi sele, weyae u mokoi rabo halere hangga! Weyae hambum kending na hinggi mokoubokaene, weyae yo me bee ware kinyereubondere.'¹⁸U moko benem kaye mekemo weunge, "Rowa, roi mina mbai rare ikare, ekale nai heukokale, mehaembai hubayeukokale' ¹⁹Raja weunge, 'Weyae yo mehaembai ware kinyereubondere.'²⁰U mokoi mbai mekemo weunge, 'Rowa, roi mina mbai ikare, ekale malo ratai jae ruleufikale, raufikale honoowoye, ²¹Reyae itayeubokale, weyae ro mbai elewa. Weyae hambum mbai erewei hangga, weyae eraisi na, namekai weyae emoloisai kaye bele ani weya ehekoiboi hangga.'²²Raja beufoke weunge, 'Weyae u mokoi himi, waei are eleukoke mekai, reyae ware kelereubondere. Weyae itayeubokae, reyae ro mbai elewa, ro miyae ehiyo maei roi bu yae yarale. ²³Mekane weyae raei wali itayeubokaeyae, bele roi eimae, roi te kolate imaene yeimimae nenaei naite haete, reyae besole hee bele roi kabam yeuboube rewele?'²⁴Raja belena hebewate ro miyaere weumi, 'Bele roi mina rewem, embe ro mbai me bee yaele ro re yennele. ²⁵Bele yaere ro miyae belena habate yoyae wainyele, 'Raja, naei mena roi me bee yaele ya.'²⁶Raja ya weumi, 'Reyae mare wamale, 'Ro miyae hinye maenim Allah yae ikeunge hambum foi mokondena, kaya foi hebendena, nare helem itende hayerende, bele yaere hinye maenim wali nenaeikai nekendena, na una nemene nundenaite. ²⁷Mana ro miyae rare ikele katele yo namekai raja re yeubokale ahiya elate yo, yawemmibo rakere mai, ra bene honggo hayenggo. (Yesus Raja Mekai Koubainyele)²⁸Yesus bele a weumikoke baeufokemo bere aloungekoke Yerusalem yore oro molouboke ewoye.²⁹Yesus Betfage yo yaele Betania yo yaele nobewounge, Zaitun homungga nobe-nobe, na mota ohowate ro bee ukeumi, ³⁰bele ro bee re weumi, 'Yo mbai ma bena honoye, bele yore ebe arulebobe, ma ijoko erebe, keledai kelu mbai, hayae kilainyekoke hebeye, ro miyae bele keledai ehebeinyuimo. Na ha ikilainyekoke buraelebobe, yawenehobe rake mebe.' ³¹Ro miyae hinenayembe mekainya, 'Mekane bele keledai yaweungehoke?' Rake mekai bele ro re a wennele, Tuhan rake keledai rannda hebennundere."³²Bele ro bee aloinyekoke ewote, Yesus are ukeumi mekai sele beubate yakalawate, ³³Ha ikilaikokene buraelewote, ro mbai meke hineumi, "Mekane bele keledai na ha buraeleungele?" ³⁴Bele ro bee ya weunge, "Tuhan rake keledai rannda hebennundere" ³⁵Bele keledai yawainyehoke, Yesusre bokore mekete, malo keledai na moko ranne hireinyekoke, Yesus keledai na moko ranne hebeunguke. ³⁶Yesus keledai ranne nuweuboke, Yerusalem nibire ewoye, ro miyae na ram malo yarowate nibine beubate alowate.³⁷Yerusalem yore nobe hayewounge, Zaitun homunggaere nokeunge ouboye hee, ro miyae helem sele namoita meubate yoni-yoni, Allahre buma kolainyele, rei mai sele kainyele, Yesus emeha hele mokouboke erainyele. ³⁸Ro miyae buma kolainyele kaenate, "Allah yae Naei einye onomi yennele, Israel naei Ondofolo neme, maei Ondofolo meke Allah Naei u kelena Kiyae.mana yaa Tuhan Naei mambele yaele meyae kena foi imabonde.Mazmur 118:26³⁹Farisi ro mekate bele ro miyae arilewoye nolora Yesusre wainyele,"Guru, wamota mate yo weimi koko yaeibo, " ⁴⁰Bele yaere Yesus beufoke weumi, "Reyae mare wamale, neyae koko inyaibondena, rake nibina ruka yoni-yoni honate bele afaeu mbai jae rei mai ammibonde buma kolonainyele." (Yesus Yerusalem Yore Hele Rimewounge)⁴¹Yesus Yerusalem yo nobewounge, Naei ijoko Yerusalem yore erewoye, hele rimewounge. ⁴²Yesus na kenara eleye, "Nehale yae, mana ya naei sele rei mai ambokembe mai jo yamne kaube yaere, bele yaere meyae na kobu nekaube.⁴³Ya mbai mensembonde, waei yokeijo menate, ele nenaibonde wa yo yamne, menate nemene ninae hilenaikonde. ⁴⁴Menate ma yo yam habenate kelanate, ro miyae honate hainyate. ruka mbai sambai, ruka ehiranne foi jae ehonoi, mekanebam, meyae mataeibam Allah Naei rikenembombe hakonembo ya mokoungehake Nekeye. " (Yesus Ro miyae Naei Imae Bene Nai Heubate Yore Hukeumihike)⁴⁵Yesus Na yo imae ralo imae re aruleufike, belena ro miyae naite heubate yo nemene hukewoumi. ⁴⁶Bele ro miyae naite heubate yore weumi, " Homo faene molaikoke honoye, "Raei imae, ebelire bomande imae ya, meyae roukaube baeungehoke yokoyo nale mai imaere yeuboke!"⁴⁷Yesus na yane baei Na yo imae ralo imaene a foi faeu foi keleumiyeke. Bele yaere imam-imam, Tauratre itaeyeiboke yo merau kolowainye Yesusre honaibondere. ⁴⁸Bele yaere bele falem-falem nataei nekewate mehae mekai jae Yesusre honaibonde bam, mekanebam, Yesus keleweoumi a nehale yae elewate.

(Yesus Elaere Nekewoye U Mekai) ¹Ya mbai Yesus Na yo imae ralo imaene ro miyae helem sele homo fae ne keleweumi hee, Mekate Yesusre hinainyele,-imam, Taurat itayeiboke yo namekai agamare itayeiboke yo Yesusre bokore mekate, ²Mekate Yesusre hinainyele, "Meka elaeyae Weyae hambum yoni-yoni mokoyae? Namekai, hinye yae Ware bele elae ikete mokoyae?³Yesus yae bele yore weumi, "Reyae namekai mare a mbai hinerensimbere, Wo kondekombe, ⁴Hinye Ro yae, Yohanes bu kolomoumi? Allahre Ro yae, ro miyae maei ro yae?"⁵Riyane arileufike, betamo elate, "Eyae umande, "Surga ra a umandena, Aere wemmele, 'Bele mekaine, mekane meyae Yohanesre rabo ehalei nekaube? ⁶Eyae umande, 'Ro miyae maei ro yae' rakena nekate ro miyae aere ruka yae hainyaimokokonde heremabonde, mekanebam, ro miyae nataei nekate Yohanes Allah re yendo kayaaro."⁷Yesusre wainyele, Meyae maeteibam nekande bele baptisan hinyerena. ⁸Beleramo Yesus weumi, "Reyae namekai mare ewei hangga, hinyere Ro yae bele hambum-hambum mokale."(Anggur Hekere Rouke Ro yae Ahuba Aruneuboke)⁹Yesus rake ahuba aruneuboke ro miyaere huweumi. "Ro mbai heke mokouboke, anggur no moloukoke . Bele anggur heke mokouboke, hekero ehire roijae mokonate ro re ikeunge. hekero yo anuwau ahau fele eke, namekai heki holo ende bele yone nekenggonde ¹⁰Ani re hokonate hee, na u mokoite ukeunge naei ani kayeere rewendere. Beleyaere hekere mokowate ro, bele u mokoi ekere haubaeyae habaeukoke, hukainyeheki name bangga yae ewoye.¹¹Benem ro ehire ukeunge eke, beleyaere hekere mokowate ro, a nebam bae ubainyele, beta hukanyeheki name bangga yae euboye. ¹²Benem hekere ro, ro namenem kayere ukeunge bele hekere mokowate yo bokore eke. Bele yaere, hekere mokowate yo haubaeyae habaeikoke, hukainyehike euboye.¹³Heke ro yae eleye, 'Meka yae reyae mokorebonde bam? Raei kelu kena buhaere haenale kiyaere ukende ende, kena buhae namekai ro ronainyebonde ha,' ¹⁴Hekere mokowate yo na ijoko erewate hekero ro na kelu re ukeunge eke, hekere mokowate yo arilaiseike, a mbai elaikoke, elate, rake kelu heke naei me einye honoye, eyae homabonde, rake heke aei me einye ruwende!"¹⁵Na kelu mbai sele yawanyehoke heke ele moite ekate, belene haiboke wokate. Belera mekayae hekero bele hekere mokowate yore mokoumiboke?" ¹⁶Hekero meke, hekere mokowate yore nebam mokoumiboke, na hekero, ro miyae ehiyo roi jaele yore ikeumi." Ro miyae helem bele ahuba borowate, elate, "Bele mekai ebeijae hele nekemayende."¹⁷Yesus bele ro miyae helem re ereweoumi mo weumi, "Rake ahuba aruneubokale mehae mekaite. 'Ruka mbai imaere mokoijate yo yae himine wokate, bele yaere Ruka bere neuboke' Mazmur 118:22. ¹⁸Ro miyae ehi yae haye bele ruka rannde ruwende onde, mori-mori kamai-kamai bende, hineye namekai ruka onde wende herawembonde kaye, nebam yembonde.''¹⁹Taurat homo faere itayeiboke yo, imam-imam baele anggaei borowate Yesus na maekai hareungeboke elewoye itaei roukate. Neyae hekere mokate yo neyae. kenahele koubate kilenaibondere. beleyaere ro miyae helem Yesus na afaeu elewoye eijae molo wainyele. ²⁰Tauratre itayeiboke yo Yesusre kaya hebanyele, eisele molowainyele, fe kowate, aku anau belene yembonnde yaelene. namekai ijoko-ijoko ukaimile Yesusre kilenaibondere, a elenggondemo, bele aere yae Yesusre kilenaibonde gubernur bere enate.²¹Ro miyae ukaimile mekate yo, Yesusre hinewainyele, "Guru meyae maetei nekande, Weyae a hele yae maere wamae. Weyae namekai ro miyae nemene nehangga mbai mo wamae, namekai Allah nibi nehaelemo maere kelaeme. ²²Belene yae meyae pajak kaisarre nahibi mokomandere, emokoi jae?"²³Beleyaere Yesus na ubene nebam itayeuboke, weumi, ²⁴"Rare roi perak mbai kelendebo, roi roukate mekate mo hineumi, U nulu yaele, homo molaikoke yaele, hinyere ro yae nekeye?" Pajakre yarate yo riyae wainyele, " Unulu namekai homo kaisar re yae nekeye.²⁵Yesus yae weumi, "Bele mekai na, mekaha yae kaisar re hambum bele neyae kaisare yennele, namekai mekaha yae Allah re hambum bele neyae Allahre yennele. ²⁶"Bele mekai erewainyele bae elate, Yesusre ame karebai emokoiboi hangga, Naei a ro miyae bene elenggonde nebam re eleikoi hangga.(Saduki Ro Miyae A Hinainyehike)²⁷Saduki ro helem bam Yesus bokore mekate, bele holo mekate, ro miyae hereyera waleibiyoye re nehale elekoi nekejate. Mekate Yesusre hinainyele, ²⁸"Guru, Musa aere homone moloukoke weumi, ro mbai herendena, na miyae nale nekende fa bam, na molore aka baeke benem bele miyaere rewende nekenete, mekanebam, kelu omi hurende nalende maei.²⁹Rake mekai, ro mehae mbai mehine bee yaele, aka bena kaye miyae rouke, bele yaere fa ohonoi mo bele miyae hereke. ³⁰Na ugwake benem na kaye bele miyae rouke, fa ohonoimo namekai hereke. ³¹Na ugwake namenem na kaye benem bele miyaere rouke, bele mekai mo meke na ugwake mehine bee kayene yeuboke. na nemene heraiboke fa mbai sambai ohonoi, ³²Na moi sum bele miyae hereke. ³³Beleneyae, Allah Naei mende yane, hinye bele miyae namolore yembonde, mekanebam, na aka baeke nemene me ehine bee ne bele miyaere nekeikoke yae?"³⁴Yesusyae weumi, "Ro miyae rake hee nekande, ro miyae yaronate nekenate, maengge rore enaiketende nekenate. ³⁵Beleyaere ro miyae hinyeyae rabo Yesusre halaeinyelena, Naei mende yane, ro miyae eyaroi nekende, maengge rore ei nekende. ³⁶Bele ro miyae mekai ehereiboi hangga, malaikat yaele nehangga mbai inyaibonde.Bele ro miyae Allah kelu omi inyaibonde, mekanebam Allah here-kakara wali ikeumi, waleumiboke.³⁷Musa aere wali hena emanekende maei a ukeume, ofae-ruku ifaeu beuko ne nare weumi.Rake homofaene, Tuhanre a nime haba hele aere weume, Allah Abraham, Allah Ishak namekai Allah Yakub yae Na u Ro roungeboke. ³⁸Allah ro miyae herayeke yo maei bam beleyaere Allah wali nekande yo maei Allah, mekanebam walire nekande yo Naei me einye nekande.³⁹Beleramo Tauratre itaeyaeiboke yo Yesusre wainyele, "Guru, nehale heleyae wame." ⁴⁰Ro mbai jae benem annunde Yesusre hinensinde bam, Yesus nehale Tuhan.⁴¹Yesus benem weumi, "Ro miyae mehae mekai jae elate, Kristus Daudre keu fa?" ⁴²Homofae Mazmurne Daud nenaei jae eleye, "Tuhan Allah rare weuke, "Raei meube refine nuweibo, ⁴³Raei yokeijo Waei oro kelene nekenate" Mazmur 110:1 ⁴⁴Daud Kristusre Tuan yae moloukoke, mehae mekai jae eyae elande, Kristus Daudre fa?" (Yesusyae Weumi Wali Taurat re Itayeiboke Yo Mekai Eyaroijae)⁴⁵Ro miyae helem borowate, belene Yesus namoita ohowate yore weumi, ⁴⁶"U mekaijaele yae Tauratre itayaeiboke yore nekemembe, na malo heki keleumom hireikiyate rike-rake oyohate, ro miyae u maenggeu re koijate yo, naite hate ijene nekejate, anuwau foinye sinagogene nekejate, namekai hamam bulau mokojate bene nekejate yo. ⁴⁷Miyae maengge maei imae obere yarojate yo, namekai ebeli heki koko molojate, ro miyae erenaimile ei molonaimile. Rake ro miyae wanem ehee bukulu Naei mende yane emmihayende.

Miyae nale mbai naei akau ha Allahre meke ikeunge ¹Roko mbai Yesus Allahre imae kabam obene meke hebeunguke, Na ijoko erewoye ru yaele kangge yaele ro meke roite hawate anuwaunge na roi meke hauboye. ²Yesus Na ijoko miyae nale mbai erewounge na roi tembaga bee haweukoke. ³Yesus yae weumi, "Rake miyae nale meke helem sele yae na roi haweukoke, ru yale kangge yaele hakaikoke yaele bannele am. ⁴Mekanebam, ru yaele kangge yaele mekate naei nahinggi rannda mekaisawate, beleyaere rake miyae nale meka naei kalo hubaunge na wali maei nemene meke haweukoke."(Rake Kani Kela Riyaubonnele Maei Utaeijae Kelewoumi)⁵Na moita ohowate yo Allahre yo imae ralo imae, u rela mokainyehake bele ane elewate, Yesus meke weumi, ⁶"Ya mbai mensembonde, nemene ijokore eraibe yoni-yoni nebam benate. Ruka mbai sambai na foi ruka mbai ranne ohonoi, nemene orombonde bangga mo."⁷Na moita ohowate yo hinanyele, "Guru, mbele ya bele mende yembonde?"Na igwau mehae mekaijae mende hayende? ⁸Yesus yae weumi, "Ma u kaya foijae hebembe, ro miyae helem menate, Raei Ro yae menaite mare ungayembe, "Reyae Niyae' namekai bele ya nobeungeboke,' Meyae bele yore ehakoijae hele. ⁹Beleyaere anggaei borombe. fela kulum, ahina-ehina iwe-tasi konaimile, ma kena bobo hele nekembe, bele hambum naeimekai benate yakalanate, beleyaere Naei mende ya nenemam."¹⁰Yesus benem weumi, "Yo yam mbai annunde ehiyae kabulenate, kani kela ehiyae benem habenate. " ¹¹Onyeu kabam hele isinembo, moni mai mende nende hebende, yobei-yambei mende nende hebende, namekai igwau emeha hele mende yaku-bumara mende nende hebende.¹²Nanemam bele hambum mekai ebei he, ro miyae mare kilenayembe, iwe tasi konayembe. Mare sinagoge-sinagogene hanayembe, kawane hilenayembe, namekai mare yaungayembe raja-raja bokore, falem-falem bokore Raei aerene kilenayembe embe. Rake wanem mokonayembe yaere, ¹³Bele meyae ikai rewembe Raei ako faeuko bele yore huwemmile yakalammile.¹⁴Waei u hole moloibonde maei a eleyejae, mekanebam, ¹⁵Reyae u bene-wa bene ware iteite eleukonde, ro mbai jae ware onobeikoi namekai a ewei sangga, ehameikoi sangga.¹⁶Waei ako nake yae nebam enaimokonde, aka baeke yae, yoho yonggo yae, namekai waei hokolo u yau nemekai waei nolora ro ehi honaibonde. ¹⁷Ware ro miyae nemene Raei are me kena enaitoronde, ¹⁸Bele yaere, wa uma hoboi mbai sambai eruwei, eraweiboi wa falem ra. ¹⁹Wa kena elae yae nekeye, wali hubayeukonde."(Yerusalem Yo Yam Himi Bende Maei Utaei)²⁰Nekembe ijoko erembe, Yerusalem yo, fela yo menate arunnaibonde hiienaikonde hebenate na, meyae itayembombe, Yerusalem yo nebam bende ya nobeunge. ²¹Bele he mende yembonde, Yahudi yona nekaube ro miyae, hakaembe homunggaeremo embe, yo einya nekaube yo, hakaembe moite embe, ro miyae yona-yona nekeijaube yo Yerusalem yore emei ja nekembe. ²²Bele Naei mende ya niyae, nemene homofaene molowate, nemene benate yakalanate.²³Bele omi reba mende nende hee, miyae u yaele yo, nimene naeimele yo, u nebam hele hubanaimile, rake yoho yonggo nebam hele hubanainyele. ²⁴Ro miyaere honaite hainyate, kilenate enate. Yerusalem yo, yomei-mei yo yae menate nungaikonde nekennayende, mende Allah Naei raungehike ya mende yembonde.(Allahre Hina Fa Hoifa Mende Yaa)²⁵Allah Naei mende yaa, mehi hele bende, hu, oko, findelau. rake kani kelaena ro miyae nekate fe waku yarommikonde nekenate, mekanebam, alu kulum ya kulum bae mende hayende. ²⁶Ro miyae fe waku yae yaremmikonde konate, mekanebam Allah yaku bumana nemene kunsemmile bangga mo.²⁷Bele ramo ro miyae rake kani kelana yo nemene Rare erenatele wau rannda ame wakuyae annyaitekonde menate. ²⁸Bele mekai ijoko erembena, ma u osaembombe nekembe, Ako hubalo mando Naei mende yaa nobeungeboke.(Ara No ne Ahuba Aruneuboke Weumi)²⁹Yesus ahuba mbai aruneuboke weumi, "Ara no yaele, o ehi yaele ijoko erem." ³⁰Hi fawaite, fae eme ketate, itayeibiyaeube, yakama nobeungeboke. ³¹Bele mekai mbai ijoko eyeraube, homofaene moloukoke mekai benate yakalanate, meyae itayembombe nekembe, Allah Naei mende ya nobeoungeboke³²Beleneyae mare wamale, "Rake hokolo naei mekai nekenayende, rake hambum-hambum benate yakala nate. ³³Rake kani kela nundenayende, bele yaere Raei ako faeuko hana-bona, ninae hononende. "(Mokosa-Mokosa Waii Nekemale)³⁴Wa kena u kayaa hebeye, bulau hamamre keu ekoyeijae, keu buli, bu keu okoijae nekewende, namekai wali nebam enekeijae. Allah Naei mende yaa, welangga mekai ja. ³⁵Bele yae, rake kani kelana nekande yo nemene hubayemale.³⁶U kaya yaele hebemale, ebeli nahibimo bomande, mekanebam elae wake inyemele, nebam kaye aei ura wennende namekai Naei mende yaa Allah hubalo mandere bene ema hebembonde."³⁷Na yaene baei, Yesus Na yo imae ralo imae bene ro miyaere ikeleumi, be baheibiyoye Yesus Zaitun homunggaene Naeko Allahre ebeline ibounge. ³⁸Rene, ro miyae nemene Allah Na yo imae ralo imaene mate, belene Yesus keleumi borate.

Merau rainyeheki Yesusre honaibondere ¹Ya kabam Paskah yae elate nobewounge. ²Imam-imam falem yaele Tauratre itayeikoke yo yaele kelai nibi balekate baeubate Yesusre honaibondere, beleyaere ro miyae helem erewaimilene femako yae koubate. Yudas Yae Yesusre Kelai Neke³Bulo walobo meke Yudas Iskariot na u einye aruleufike. Yudas neyae Yesus namoita ohowate yo. ⁴Yudas eke imam-imam yaele Allahre imae kabam kayaere hebate yo yaele hubayaeikoke, meraunge kolowainyele mehae mekai jae Yesus bele yore yemmile honaibonde.⁵Imam-imam rei mai sele koubate, Yudas ehe koumikoke roi jae inyainyelere. ⁶Yudas be isineumiboke, belene nibi baeuboye ro miyae helem nataeibam nekenate hee yae imam-imam re yemmilere. (Paskah Hamamre Mokonainyehandere)⁷Paskah ya kabam meke nobeungeboke, bele yaa neyae domba kelu nesayate wahaeimile anate. ⁸Bele yaa, Yesus Petrus Yohanesire weumi, "Ebe, Paskah maei hamam mokonehabe, eyae ema anenggondere." ⁹Yesusre weinyele, " Mbele imaene Weyae kena koyae, meyae bele imaene hamam mokanehandere?"¹⁰Yesus yae weumi, "Yerusalem yore arulebobe, ro mbai namene kendi yaele rewende, bele rore hakonebobe mbele imaere ende. ¹¹Imae rorele a wenele, "Guru hineye, mbele anuwaunge, Reyae Ra moita ohate yo yaele Paskah hamam nembainye anemakondere?"¹²Imae rorele anuwau kabam imae bumana kaye mare kelenembombe, hamam maei hambum-hambum mokainyehake, belene meyae bee Paskah hamam mokonehabe. ¹³" Petrus Yohanes re nahibi ekete, Yesus Naei are ukeumi mekai erewote, bele anuwaunge Paskah hamam mokonyehake.Yesus na u maei hamam bere wahewoumi.(Paskah Hamamne Anate)¹⁴Paskah hamam anenate ya yeuboke, Yesus namoita ohowate yo yaele nembainye nuwaikoke. ¹⁵Yesus weumi, "Reyae kena hele kale eyae rake Paskah haman nembainye anemakonde, nanemambae Ra une erensubande bulo fela erendele. ¹⁶Belene Reyae mare wamale, Reyae mambele nembainye Paskah hamam emaeneimo nekemembe, Allah Naei yo waku mennembonde he emanenbe.¹⁷Yesus anggur kolaei bu yaele rouke, Naei Akore helem foi ukeunge, namoita mekate yore weumi, "Rewem, menaei jae mate-mate wahebu. ¹⁸Ahele yae Reyae mare wamale, Reyae anggur emaeneimo nekerende mende Allahre yo waku rake kani ranne mensebenunde."¹⁹Benem feu rouke Naei Akore helem foi ukeunge, Nenaeija feu kaye woye na moi ohowate yore, weumi, "Rake feu Ra u melem mbai, mai aerene ikembe, Allahre akauha wanem yembonde, naei mekai Raei bene nekesi-nekesire mokomembe." ²⁰Hamam anaikokemo, Yesus anggur kolai rouke wahewoumi, weumi, "Anggur bu yaemale, mai ubenere nekenayemembe, Raei oki mai aerene rileubokale igwau emere yembonde Raei oki einye u mekai neme enjarombe.(Yesusre naite heuboke ro Yakalauboke)²¹Bele yaere, erembo, ro mbai aei nolona nembainye nekande, kelai nenende kiyae, Rare yokeijo me eite kinyendebonde. ²²Reyae ro miyae ure yeubokale Kiyae, Allah Naei mokoungehake mekai naeija menjembonde. Bele yaere Rare kelaite nenende kiyae na ubulu himi hele ennehubande. ²³Na moita ohowate yo na ure ninaeijae hinewate, hinye yae rake u mekai mokombondere. Beyu-Beyebae Maei Wali Mekai Nekembe)²⁴Aku anau yeuboke houbate, naete-naete hinewate, ro hinye naei u nolora rorele u mekai haraungeboke. ²⁵Yesus yae weumi, "Rake kanina Ondofolo kote ro miyaere ane kolojaimile, felejaimile, wabeijaimile, naeremo erenaimile. Naere bumane kolo naimileremo, naro aka kaya baeke kaya ungaile.²⁶Meyae bele mekai bam. Hinye mai nolona rore ronailenyerena, na u are insenehinde mebaei bam mekai nekende. ²⁷U bene mbaite itembere, imae mbainye rorele bee nekewote. Naei nolora, ro mbai hamamre waheye, ro ehi kayere ijeunge. Hokolo bee nolora hinye rorele kiyae. Hamamre aneye kiyaere ro rainyele. Reyae wali mai nolone mokowale mekai bene nekenayembe. Reyae yaebaei-bubaei u mekaijae mare mokowamale²⁸Rare nebam imokatele, maijaele hubayaeube. ²⁹Belene Reyae mare itembere Maeko rena yo waku Rare ikeuke mekai. ³⁰Bele yo wakune mambele Rambele nembainye nuwemakonde hamam anemale. Meyae anggem nekeijaele yembombe, na bumane hele nuwenggombe nekembe."(Petrus Yesusre OneWounge yae elewoye)³¹Yesus weunge, "Simon, Simon, anggaei foi jae boroibo, Walobo falem Allahre riyeungehike ware u malire hubaneufindere, gandum rebauka kulaibiyoye wanem ³²Reyae Allahre ebeli boungehikale, ware elae wake inyete Rare rabo haleukele, beufonde, waei aka baeke kaya eumi hebende."³³Bele yaere Petrus Yesusre weunge, "Tuhan, riyae kawa einye enate hilenggonde mende honatebonde horo, wambelemo ya. " ³⁴Yesus yae benem weunge, "Petrus, Reyae nehale yae ware wawale, mana huwae ojo muku a okoimo, weyae roko name Rare oneukekonde yae ro miyere weimile. (U moko mansande nekemale)³⁵Benem namoita ohowate yore weumi, "Meyae bene nekayembe, Reyae ukamale eubabe a foite huwemembere mamene besangge, roi hau, oro memalu bam ekeube kalo molombokembe?" Wo kainyele wainye, kalo omoloiboi. ³⁶Yesus weumi, rake he meyae mamena malu huba, kaikali, mamene yaronggombe, roi bambae mai maloyae naite henggombemo, ramiyaeli yaronggombe mamene membe.³⁷Reyae wali baemale, rake a wamale yendo kayayo nulaeinyeboke a meke naeije heimiyeye Ra umaei afaeu nemene benate yakalanaete yokolo yoko miyae wanembae enate mokonde. ³⁸Namoita ohate fafa yae wanyele, Tuhan, ereibo rake raimiyaeli bee, Yesus weumi, nahinggi.(Yesus Naekore Ebeli Taman Getsemanine Bounge)³⁹Yesus Naei ohoweke wanem, namoita ohowate yo yaele Yerusalem yo nukaiboke, Zaitun homunggaere ekate. ⁴⁰Zaitun homunggaene mo, namoita ohowate yore weumi, "Ebeli Akore bonne, walobo maei me einye embalembe yaele."⁴¹Yesus bere holo nakeleufikemo, oro hele rorokoke, Naekore ebeline bounge. ⁴²Ataei, Reyae riyawale, Weyae kena koukondena, Raei u ra rake bulo fela waeinyehi eweufi, bele yaere Raei kenare kale mekaijae bam, Waei kenare koye mekaijae yembonde.⁴³Beleramo malaikat mbai surgara meke Yesusre elae ikeunge. ⁴⁴Yesus Na kena ehekaisele hubawoungene benem Naekore ebeli bowounge, Na u roibu yaele wokounge. Na roibu balewate oki haha wanem kani rande oubate.⁴⁵Ebeli bouweunge baefokemo, bukefike namoita ohowate yo bokore meke, ereumi jokune balekate honate, na kena himi hele yaeuboke aerene hebenate maei kabewainyele. ⁴⁶Yesus weumi, "Mekane jokunemo honaube?" Annu, ebeli Akore bonnele, bulo walobo wabenensimbe embalembe yaele. (Yesus Kilaiboke)⁴⁷Yesus nanemam ane weumimo, Yudas naei ro miyae helem nolora hakoumiboke, be neuboke mekate. Yudas Yesus Na u kelauke nakeleufike arennekonde mekai harewounge. ⁴⁸Bele yaere Yesus yae weunge, "Yudas mekane kelai nekae mokoyae, Rare yoi bulu yae huneukehindere?"⁴⁹Namoita ohowate yo erewate habuhi kabam yembonderene elate, "Tuhan meyae mokannehake raimiyaeli yae folomakondere?" ⁵⁰Ro mbai namoita ohowate nolona Imam kabam naei abu akore raimiyaeli yae hebaeleukeunge, na anggaei meube refina neufake. ⁵¹Yesus beufoke weunge, "Ninae koko yeibo!" Yesus bele imam na anggaei rouke hikaeungeboke foi yeuboke.⁵²Beleramo Yesus Imam falem-falem, Allah Naei imae kabam kayaare hebate yore namekai yoyo kote yo kileibonede yore weumi, "Rare yokolo yae elaubene Raei kileiboite mamene obohi-bohi yae, raimiyaeli yae yaraukoke mekaube?" ⁵³Nayane baei mai nolone Allahre imae kabam imaesounge nekeijale, mekane belene Rare ekileiboi, beleyaere ninae ba ma u oubom nolone nekaube, oubomne ninae rorayenggombene, mai kena hului mokombo.(Petrus Yesusre Oneungekoke Yae Eleukoke)⁵⁴Yesus kilaiboke mo, yawainyehoke Imam kabamre imaere ekate. Petrus hakoumiboke, na ahaukamo euboye. ⁵⁵Imam kabamre imae sounge i helaenyekoke, Petrus bele nolone nembainye nuwaikoke nekewate.⁵⁶Bele i kelaeunga miyae mbai ijoko moi-moi sele Petrusre ereungekoke mo eleye, "Rake ro Yesusre nembainye ohowate yae?" ⁵⁷Bele yaere Petrus bele miyaere oneiwounge yae weunge, " ⁵⁸Na heki bam mo, ro mbai Petrus re ereunge weunge, "Weyae Nambele nembainye ohowaube ya?" Petrus benem weumi, "Reyae bam, reyae bele yo yaele nembainye eyohoi!"⁵⁹Hu ijoko mbai yeubokemo, ro mbai benem weunge, "Rake ro, Yesus Naei nembainye ohowate, mekanebam, Petrus Galilea kanina ro yae." ⁶⁰Bele yaere Petrus weumi, "Reyae onaele ya, meka yae meyae elaube!" Bele hu ijoko mbai, Petrus ane eleye yae, ojo muku a koukoke.⁶¹Yesus Na be meubefoke Petrusre ereunge, Petrus Yesus ukeunge a yae bene nekeungehike, Yesus yae weunge, "Na rake ya mo, ojo muku a okokoi jae, weyae roko name oneuke yae ro miyae re weumile." ⁶²Petrus moite ekuke, na kena nebam yeuboke, hele ne rimewoye.(Kayaa Yo Yesusre Nebam Mokowainyele)⁶³Ro miyae Yesusre kilaiboke yo, aukaka yae, namekai haube yae houbate. ⁶⁴Yesus Na ijoko malo ratai jae kileikiyanyelemo, wainyele, "Maere a weime, hinye yae Ware habeite?" ⁶⁵Namakai u mekai mehi-mehi ya mokowainyele.(Yesus Yahudi Falem Maei Bere Yawainyehoke Eke)⁶⁶Ya heuboke mo, Yahudi falem-falem yaele Tauratre itayeiboke yo yaele arilewoye, Yesusre yawainyehoke Mahkamah Agama bere mekate. ⁶⁷MekateYesusre hinainyele, "Weyae nehale Mesias na, maere a weime," Yesus yae weumi, "Reyae mare ukembe yaere, bele yaere meyae nehale eleikoi hangga!" ⁶⁸Namekai Reyae mare a hinerensimbe, meyae Rare wo okoi hangga.⁶⁹Bele yaere na mana ya, Rorele Fa, Allah Na meube refine nuwembonde. ⁷⁰Nemene benem Yesusre hinainyele, "Bele mekai ele yaene,"Weyae nehale Allahre hina fa-hoi fa?" Yesus yae weumi, "Menai jae elaube, nehale Reyae Niyae." ⁷¹Mahkamah agama namekai Yahudi falem-falem wainyele, "Meka a nehale yae boromalere? Enaei Naei eugara borokande ya!"

Yesus Pilatus bene ¹Riyae kabamne nekewate yo nanemene ainyukate Yesus yawanyehoke Pilatus bokore ekate. ²Ekatemo Yesus na u ranne ehee hayeinyele elate,rake ro maei yore kena haweumi pajak roi ondofolo Romare emokoije.Naure nineije walilo henalo ye o Yahudi meai ondofoloye eleye.³Benne Pilatus beufoke Yesusre hineunge weaye nehale Yahudi meai ondofolo Yesus wo koungekoke weunge,"Wenaije nare eleukoke." ⁴Pilatus beufoke imam-imam beale romiye helem mekate yore weumi,"Reyea nauna a mbai kalore molombonde meai reyea ehubaikoi." ⁵Benen romiye helem elehale beiwate Pilatusre wainye Yudea kanina romiye nemene kena hauwoumi akure naute ketembondere,Galilea kanira raweuboke meke mana rakena meweufike.⁶Pilatus rake awanem borokene Yesusre hineangehike Weyea Galileana ro? ⁷Iteyeuboke Yesus Galileanane ondofolo Herodes einye honoyene name eite ye yawanyehoke ekate. Bele he Herodes Yerusalemde meke.Yesus Herodes bene ⁸Herodes hekihele Yesusre a elewate neyea kenahole koweke Yesuste erenembondere nakena reisele koiwoye Yesus hambum emeha mbai nabene mokombonde. ⁹Herodes a helemsele hineungekoke yeare,Yesus abamfeubam hebewoye. ¹⁰Imam-imam homofere iteyeikoke yo yeale Yesus re ehekeisele naure nekainyele.¹¹Yesus naure nineaije ondofoloyea eleukokene Herodes ukeimi ondofolomeai yomalo yammaloye hiranyekoke nekewoye nafelayone ukeimi benem Pilatus bokore yawainyehoke ekate. ¹²Belehera Herodesre Pilatusre kenafoi mokoikoke kahilire yeiboke. Berea hokolobe yokeijo nekeiwote.(Pilatus Yesusre Ehayeikoi Yeuboke)Pilatus a hokoukoke Yesus nonaibonde ¹³Benem Pilatus imam-imam Yahudi yoyoketeyo romiyehelem nanemene areleumihike. ¹⁴Weumi:Meyea rake ro reai bokore yawangehoke mekaube akunau ketembonde meai aye elaube.Maibene reaye hineungekokale mainya elaube amekai reaye ehubaikoi.¹⁵Herodes namekai Yesus nebam mokombonde u mekai ehubayeikoi. Bele mekainye.Herodes ukeimi rakere mekate nehale nauna kalo meye mokowaye aye elewoye yoni-yoni nanemene meyea erewaube, , homabonde meai me u mokowoye meaye ehubaikoi. ¹⁶Bele mekainye raei felayore ukemile haubaeremo habenaikonde, reyea haitenggonde ende. ¹⁷Paskah ya kabamne ro mbai hayeikinyele metuweye.¹⁸Romiye helem beleanuange arilewoye kelaafelaisake kenewate,naere hombombe Barabas ye meai hayeinyoko. ¹⁹Barabas kawe einye hilanyekoke yokelai yankelai mokoubokene nawanem ro mbaite akuu keteuboke nolora houboke.²⁰Piltus neyea nakena koiwoye Yesusre hayenaekondere a nakabamme elewoye. ²¹Romiye helem arilewoye yoni yoni kela makeikeke kenate:Ohaline habenggo-ohaline habangge. ²²Roko namenne Pilatus romiye helemde benem hineumi,meka mehilahila yere beake ro koukoke.Mbai sambai name u ikainye mokombonde meaye ehubaikoi homabondereyea meare waumele.Benele felayo ukemile hauberemo habenaikonde,reaye haitenggonde ende.²³Eleahale yeiboke kelaa aranene kenewaite welibeiwafe Yesus honaibonderemo wokainyele.Neai welire beiwate a ikate yeisubayeikoke. ²⁴Neai kena koiwate mekai,Pilatus romiye helemde be insineuboke Yesus honaibondere. ²⁵Na bulaunge honaibonde a hokoukoke nehale foi bana,neai kena Barabas kelairayere akunauke rore hoiweye kiyerehainyanyekondere Yesusre roukate neai kenahuluije mokowainye.(Yesus Ohaline Habaeikoke)²⁶Yesus hauberemo habeikoke Roma felayo yawanyehoke Yerusalem yo moite ekate.Yesus ohali neneije keuboke.Eiwate nibi nolone rombai elemelera ohowekera yo eiteye meiwoye naro Simon Kirenenaro,felayo a eleyaheinyekoke Yesus nohali keuboke Yesus namota aloungekoke keaweke.²⁷Romiye helensele Yesus namoita weiwate, miyae miyae hele rimainyemeke. ²⁸Yesus be meuweke weumi, "Yerusalem miyae maengge, Raei heleba nine erimendembae. Mai kelu omi meai, ma u maeije rimem.²⁹Ya mbai mensembonde Allah rake yoram yandamde ehe bukulu yennele. Bele menyembondehe a elembe 'Foisele miye kihore nekate yo kelu omi neai yahira ehonoi, nanimebu fa mbai emanesi. ³⁰Yobei yambei kabamhele mendene romiye nauyeale hubanainyele ele kla felenansande kaenenate."Homunggae neibo ou maere oimeherawe elurandan honoye buleisa maera obuneimobo. ³¹Rake ne umekai nebam rare kelatele, mehe mekai neai mende yane romiyere mokonaimile.³²Ro be mehila hila mokoibokene feleyo yawaimiboke Yesus neai nembainye ohaline habenaikondere yeiwate.³³Ikate anuwau mbai ro falemboye wainyele Yesus ro be yeale nembainye ohaline habeikoke. Ehi melibihine ehi meube refine. ³⁴Yesus neakore a riyeunge weunge, Ataei rake romiyae haufeyae koimiko nea itiambere mekaimokate. Namalomo roukate oye inseiboke mo wahewate.³⁵Rake beiwate romiye helem mekate nemene nenai naiijoko erewate, Yahudi yoyo koteyo aukekeye koiwainye wainye, Nehale Weyea Walilo, Allah ukeite mekana waunou wenaije waure heiko ro miye ehiyoremo wali onomi yeumiyeke.³⁶Felayo hebewate neaijeale aukekeye koiwaiye, anggur maninggei feremo kiye ukainyele anensindere. ³⁷Neyae wainye, nehale Weyea Yahudi meai Ondofolo,wau wenaije nou heiko. ³⁸Ohali na falem ranne felayo homo mbai molaikoke ukate, "Rake Yahudi Maei Ondofolo."³⁹Na rombai meli reufina aukekeye kounge weunge;"Weyea Walilo wayete na wambele membele hole moloimeboime. ⁴⁰Meube refina hiloye kiye meli reufina hiloye kiyere weunge,"Makane bele amekai nare wane.Weyea Allahre fe ekoisele.Eyea name nahangga mbai hubannele.Neai hesele eaye naijeye hubayende koke. ⁴¹Neai nehale hele rake ehe hubayendekoke naije eai me u mokowondene niyeabe ehubaikoi hangga.⁴²Meubeufoke Yesusre riyeunge,Yesus ondofolore euyembondena reijele nou heukokonde. ⁴³Nehale hesele Reyea wawale,mana ya wambele Rambele nembainye surgane ekenekende.(Yesus Hereke)⁴⁴Rai hu yuranne yeuboke,hu oneuboke oubom meke neke hebewoye oke hu ijoko name yeuboke. ⁴⁵Hu oubom kika yeuboke ne, Allah na imae kabamna yowa here naisake malo kabam nanolora kayeukoke reu beere yeuboke bumahunda oke ahunne.⁴⁶Yesus elee kabamhele keneukoke elewoye:Atei Reai wali wa ene eite kinyewale.A eleukoke u yeubokemo na no hokoukoke. ⁴⁷Felayo falem nenai neai yokoye erewaye,Allahre buma kolowounge eleukoke," nehalehele rake ro nawali naije nekeweke!"⁴⁸Ro miye helem ijokore erewate ro name nahere wanem yeubokene naei imaere mehihako ye folayeke eiwate. ⁴⁹Neai kahili wafew Galileara mekate miyae maengge na ahaukamo hebaiboke erewaite.(Yesus Molaisake)⁵⁰Ro mbai naro Yusuf, Riya Kabamre nekewoye ro nehale, A utaeite weubaimile ro. ⁵¹(Neyea ro mbai Yesusre honaibondere hokaikoke ahi yae elewoye). Yusuf neyae Arimatea yona ro, Yahudi maei yo mbai.Yusuf ro mbai Allah Naei yo-yam mennembonde bele yae rakeumeke..⁵²Benne Yesus herekeramo,Yusuf naro ehiyo yeale Pilatus bokore ikate Yesus na no re roungate molonaisandera a ehere kommikondere. ⁵³Pilatus be insineumibokene,Yusuf neai ekate Yesus na no bumara rubainyeboke.Malo na foisele lenanda haikokeyea benne rulaisike,keiboke ekate rukara boheiboke beelere mokaiboke einye nekainyele.Bele bule neme.Romiye mbai bele bulene emoloisaimo.⁵⁴Mokoiboite mokaiboke ya mehembainyenne,Sabat namam bere hare wainyeleya. ⁵⁵Miye maengge namoita hakanyekoke ohowate.Yusuf moita ekate erewainye naumekai Yesus na no re mokowounge. ⁵⁶Yerusalem yore bukaiboke mekate ofee forokei,minyak mur mokainyehake neai Yahudi meai mambehenane utmekai.Taurat eleye wanenne sabat ya no yeiwate.

Yesus waleuboke ¹Narene kaukauhele bele minggu mbai, miyae maengge riya mbai namene minyak forokaei sele kiyae yaele rempah-rempah yaele yaraikoke ruka bulerande ekate. ²Ekate erewatebe ruka kabam na mauke hilaikoke kaye olaeinyekoke wekainyele. ³Nahibi bule eire ayeuboke erewate Yesus nano ehubaikoi.⁴Mekate onewate rake mekai yeubokere, na u kelaunge malaikat bee meisebeuboke. Erewaimi hokolo bee namalo wili haleman sele hireikoke. ⁵Miyae-miyae na riyane nemene fe hele yaroumikoke koibate, nabe are aitoroke. Malaikat bee yae weimile, " "Mekane meyae Ro waleuboke Kiyae, herekate yo nolone mekaube baeungele?"⁶Yesus oloo Neyae waleuboke, Galilea kanine membainye nekewaube weibombe a bene nekenayembe. ⁷Yenjo kayalo maei igwau naije yembonnde. Reyea rore miyere meujeubokale name einye kinyenatebonde ohali bumane hererele benem ya namenenne walerebonde.''⁸Nabe miyae maengge ubene nekeumihike na faeuw weiboumire. ⁹Buleranda beiboke ekate naei eubara namoita hekanyekoke yo me be orone mbai yaele ekate huwamile. ¹⁰Bulerande ekate, miyae-miyae, Maria Magdalena, Yohana, Maria Yakobus nenake, nawanen miyae miyae ehiyo yaelo. Naei eubara mekate namoita hekanyekoke yo me be orone mbai yeale ekate huwamile.¹¹Namoita ohowate yo bake are bae nehalebam bae elewate. ¹²Petrus aunguke hakauboke bulere ike are inseufike eite ereye bae nore rulaisike malo mbaimo honoye. Ubene nekewounge hinsinbae naure nenaije hinewounge rake mehemekaijae yeuboke.(Emaus Yore Eiwote Ro Beere Yesus Na u Yakalaumiboke)¹³Na bele ya mbai Yesus namoita ohowate ro bee aloinyekoke yo mbai naro Emausre eubote na ahau mehinim rainyehike me be orone mbai yaele-Yerusalem yora. ¹⁴Bele ro bee eiwote na ubene Yerusalem yona igwau rileuboke a yaere huweyeke.¹⁵Nibi nolone na ubenena nekewoumi ane eleimekemo, Yesus meke baraumiboke nembainye alainyekoke eubate. ¹⁶Yesus re erewoinyele yere na ijoko nayae roroumikoke ne Yesus re ro eroiboi koubote.¹⁷Yesus yae hokolo beere hineumi. Rake nibi koko meube meka ahubayere huweimiyeube. Hokolo bee hebeiboke nabe yaele kabeikoke. ¹⁸Ro mbai hokolo bee meiwote nolora naro Kleopasyae kaenainyele weunge, "Wembai Yerusalemna kololo nekeyea, rake igwau rileuboke eboroiboisele wenana fonana yeuboke?"¹⁹Yesus ye benem hineumi haubuhi wanembaere yeuboke? Yesus Nasaretna ro re igwau bere rileuboke. Neyea yenjo kayalo namene une na ane feunge foisele mokoweke rore miyaere namekai Allahre robe royoinye. ²⁰Maei Yahudi beyu beyebe, imam falem beale Roma maei me einye kinyaiboke, honaibonde ohaline habaeikoke.²¹Meyae rabo hele halewande neyae hele mende Roma maei me ei-u eita hayemmekonde. Maei rabore halewande rakewannele ereiboi sele mana ya yaele ya namenem yae nekande.²²Benem maei holona miyae miyae riya mbai narene hele bule rande ekate maere mokaimeboke kulu kulu yaendeboke. ²³Ekate na no ehubayeikoi. Beiboke mekate maere weiwaimele malaekat ro bee erekammile waimel, "Yesus waleuboke" ²⁴Maei riyara ro ehiyo bulerande ekate erewate bae Yesus na no ehubayeikoi, miyae miyae riyana elaikoke mekai. Yesus Na no ehubayeikoi."²⁵Yesus beufoke hokolo bee re weumi, "Ae, mekane ma ubene ehekeisele eyeteiboimo koube.Yendo kayalo maeinya a kolaimeke. ²⁶Naei sele meyae be itayeibobe, Kristus naei nene wewe anuwaure bukensinde na u bulofela hubayenggonde heleba ende. Homofe ne nine mokainyehake. ²⁷Na uranne yembonde maei umekai Yesus benem beufoke homofae yolo-yolo Musare homo moloukokere meke yendo-kayayo maeinya homo moloikoke a nemene weuboumi.²⁸Huwae rai yeubokemo hokolo name Emaus yo nobaeinyekoke Yesus nahibi ende umekaijae harewounge. ²⁹Hokolo bee waeli beinye weinyele; "Hu owakouboke, oubom ebifem yembondere, mei maembele nembainye nekema.Yesus baraumiboke nembainye nekewate.³⁰Nembainye nuwaikoke hamamre anenatere Yesus few rouke Naekore helem foitemo ukeunge few kayeukoke hokolo bee re wahewoumibole. ³¹Nahibi hokolo bee na ijoko keleumikoke Yesusre ro roinyeboke Yesus na u nolora baeinyehoke. ³²Hokolo bee naure-ure ninaeijae elete. "Rakena rowekehike hele homofaena molaikoke a nanemene aere yakalayoume.³³Nahibi hokolo bee nahuwae yae bukeiboke Yerusalemre eibote ekete namoita ohowate yo me be orone mbai jaele nare hakainyekoke yo yaele riya mbainye nekewate. ³⁴Yerusalemna nekewate yo yae hokolo bee re waimile, "Tuhan nehale waleuboke Petrus re na u yakalaungeboke. ³⁵Nibine eibote mekai hubaiyaeikoke Yerusalemne nekewate yore nemene huwaimile.Yesus namoita ohowate yore na u yakalaumiboke, few kayewoye nemene huwewaimile.(Yesus Namoita Ohowate Yore U Yakalaumiboke)³⁶Namoita ohowate ro bee nibi nolona erekete umekai ahubane namam huwaimile, Yesus meke nolone meke yakaluboke weimi, "Rei mai makena ei u einye." ³⁷Nemene nariyane bumara ohaikoke, fe yae yaroumikoke na ubene nekewoumi enaeloyae erekainyele.³⁸Yesus beufoke weumi, "Mekane meyae kulu-kulu yaeuboke namekai mekane kensi-waensi baeube? ³⁹Reyae Niyae, Erebu, rake rame bee, nawanen roro bee, menaeijae keluwem erem.Reyae bo yaele melem yaele. Reyae enalo bam. ⁴⁰Benem Yesus nenaeijae namena yaele norona ba yaele kelewoumi.⁴¹Emeha hele hubawainyele nehale elenaikondere reimaijae aumibokene, na u wau-wau hubawainyele. Kensi-wansi eleikoi koibate bele umekai erewoyene Yesus yae hineumi, "Meyae hamam mokaungehake? ⁴²Ka ina hanaiboke fo mbai roukate ikainyele. ⁴³Yesus bele ka roke nabene ijoko bene anewoye.⁴⁴Beufoke Yesus benem weumi, "Nembainye nekewande a faeuw benem beufokale wamale, Ra urande benate maei nemene Musayae, nabi-nabi yae, Mazmurye molaikoke, nemene benate yakalanate."⁴⁵Na ubene Yesus wewe moloumiboke homofae einya molaikoke itayeiboke. ⁴⁶Homofae yolo yolona molaikoke na kulum releunge, "Walifa henafa Allah Naei are nuleungekoke bulofela relennekonde, ya namenemmo benem herera mende walembonde. ⁴⁷Ra buyo-ayo, abu ako wali a hena a Yerusalem yora raungaibonde ralire waite hurenende nalenende, ro miyae na u hungayende kiyae wali nauna kou kalo bulofela onomi hubayenggonde.⁴⁸Nameyaehele, ijokore erewaube umekai beuwate yakalawate menai anggaeijae borowaube yo, mare ukembe embe huwemmiyembe rake afeuw. ⁴⁹Maeko yae are heteungekoke kiyae, mai bokore Reyae ukende mende Rake yo einyemo nekembe Allah Surgana elaewake mare ketenembombe.(Yesus Yaku-Bumare Eiwoye)⁵⁰Yesus yaweumiboke Yerusalem yo moite aibaleke, Betania yo kelaeuke ekate. Yesus Name bumare kaeuboke onomi ukeumi. ⁵¹Onomi ikeumimo, bumare raneukike, yakure eiboye.⁵²Be aitoroke Tuhanre buma kolowainyele, na u rei mai mo koubate baeiboke Yerusalem yore ekate. ⁵³Allah na yo imae ralo imae obene reniyai rai nekayeke, Tuhanre buma kolainyeke nayane baei.

¹Rake homo fea, Yesus neai uw nahele hesele re molaikoke ikare wokate neyea rake kani kela beeme foeme hele Allahre nanembainye nekewote nawaneng Allah neai eleye kiyea yea kanainye. ²Neyea nabe eme foeme Allah nekewote. ³Naneme foeme re neneai jea mo mokowoye nawaneng neyea nambele bam na, mbai hambai eyeiboi eiyakalaiboi, rake yakalaibo waneng.⁴Wali hena neai einye honounge, nawaneng pele wali einye romiyea neai nekatere wali herere neang mikonde nekenayendere. ⁵Rake Wali hehe meke neaukokoke peleyeare, ougemnayo ro eroiboi kaite.⁶Pelera ro mbai Allah yea ukeunge meke, naro niyea Yohanes. ⁷Neyea buralende yakalande meai ro, wali nibi hehere romiyeare kelemmile yakalammile pelene nahelere elenate hakonaiynyele. ⁸Yohanes pele hehe neammilere kiya bam neai hehere neamile kiyea yembonde meai, a moi neisiyte kiyeare yeuboke.⁹Wali hehe romiyeare mende neamminggonde re pele a yea nayopolo re itea yemmile.¹⁰Neyea rake kela einye nekeijeye nawaneng na neneai jea rake kani kela nuleuboke hameuboke, peleyea rake kani kela yea neare onewainye. ¹¹Neai romiyea pukore neai uw neneai jea meke peleyeare naromiyea yea neare ei eyaiboi.¹²Peleyeare romiyea nanemene eite hawainyeyele yo, Allah re keluomire inyai bondere nibi mokouboke, namekai Allahre nahelere peanyebo. ¹³Romiyea okiyra bam nawaneng melenda bam ehonoi namekai ro yeale miyea yeale kena huluinye bam, neai hele neai kena uw Allah re honoukoke.¹⁴Yesus, Allah neai a eleye kiyea romiyea uwre yeuboke eai uw nolo uw ikainye nekewoye neakore nakelure nene weawea ijokore eranneboke kiyea, neako Allahre pukora meke, romiyea kena buhea uw buhea re heumi, neai nahele wali nibire keleumi. ¹⁵Yohanes yea Yesus re a yea romiyea heleng de a kabang bea iteayeu woumi kanewoumi, rake kiyea neaite, napere rake a hareungebokale weibamle reai moita mende kiyea rake niyea. Neyea ro yeale enainyerande reyea yea ro bam."¹⁶Neai kolo kolo meamea einye, eyea nemmene neainya kena buhea uw buhea eme ikai jea mokoume. ¹⁷Allah yea neai yendo kayalo Musare walora, Taurat re robowainye Peleyeare Yesus Kristus einye kena buhea uw buhea & nawaneng wali ahele feauhele Yesus neai uw poukoke. ¹⁸Ro miyea hayea Allah re roko mbai ereibomo, peleyeare Allah neai kelumbai, neakore uw meka mbainye ekenekete kiyea yea Allah re na a yea eare yakalaumeboke.

Yohanes Bure Kolowoumile A Yakalawoumile

¹Ya bee nekaikoke mo, kana yo, Galileane romiyeare yeiboke ehamang bulau mokaibokene, Yesus nenake pelene nambele. ²Yesus namoita hakainyekoke ohowate yo yeale, pele ehamang bulau mokaibokere riyaimihike ekate.³Na anggur bu anewate re eubeafoke ne, nenake meke Yesusre weunge kelu, rake na Anggur bu mbea beaumihoke. ⁴Yesus yea weunge, ana, reainya weyea makayea riyearea? Reai uwre yakalarebondere na ua namemang ba. ⁵Peleyeare Yesus nenake yea weumi pele hamang bulau kalia mokowate yore weumi neai are ungembe huluinye meyea hakoitemo hakombombe mokobombe.⁶Pelene hele kabang nanemene mehine mbai mokainyehake kolaikoke neinye bu dua atau tiga buyung.Pele hele Yahudi neai eha hena hului orore mere kuinyate meai. ⁷Hamang bulau mokate yore Yesus yea weumi, pele hele nanemene buyea rilenggo meamea konaikonde. ⁸Pelera Yesus pele yore weumi, mana renggombe, rowembe embe ehamang bulauke be neuboke kiyeare, ebi keng yennele hunanside peleyo rokai ekate ikainye.⁹Bu horo anggurre yeiboke hubaufike, mehi waneng hubaunge (Neyea itiyam rake yeubokere) Pele kaliare mokowate yo yeamo neateai pele ehamang bulauke mokouboke rona molore kaneungekoke meke. ¹⁰Na a weunge, honoijeye huluine anggur foi yu yeale kayere pele bere waheikiyaimi eianate pelera na moita hunggea hunggea yea waheani peleyeare weyea anggur na yu yea kiyea ayeufaka honoye mana rouke mekea moita hele waheamea.¹¹Galilea kanine, Kana yone hambung eme emere mokowoye nolora, rake niyea neai bere hele. Rake iy waubea neai nene weawea yakalauboke nawaneng neai moita ohowteyo, neare hila rabo halewate.¹²Pele hamang bulau peafokera, Yesus kulung uke Kapernaum yore nenake yea na aka beake namekai namoita ohate yeale nanembaita eibate. Kapernaum yo ne ya name huui nekaikoke.

Yesus Na Imae Kabam Bait Onomi Ikeungele

¹Rombai Farisina, neai roniyea Nikodemus, neyea Yahudi neai bee yun bee yebeare nekate. ²Ya bee paheuboke yea neyea meke Yesus pukore, na a weunge, guru meyea meaiteai weyea Allah yea ukete mekea, romiyea re iteaite keleumilere kiyea, haubihinebang Allah ware ei hawetene pele hambung emere emere weyea mokoyea. Pele me uw waneng ro'hi miyea ehiyea imokoiboi hului.''³Yesus yea weunge, reyea weare nehele yea wawale, romiyea hinye meaning wayeu fa honate waneng benen Allah rera ohonoina pele kiyea, Allah mekele uwkelena nekate walifoi ehubaikoi hangga. ⁴Nikodemus yea weunge meahea mekai jea, romiyea rolele yembonde mbea honnate? Nawaneng beneg honnate re pele kiyea nahului nenakere kouhi yahi einye enensinde?''⁵Yesus Yesus weunge, reyea nahele yea wawale (Nulu keumiboke ro miyea nanekena uw mehi hele inyaibonde, peleyo niyea Allahre Roh weumi Are hakainye neai pukore kena heahea katereaehakoboi neai kena uw beneng eme honokate waneng inyaibonde) Pele waneng peibuate romiyeare bu konaimile, nulu ekeiboi nawaneng Allahre Roh eyaiboi romiyea, reai me keele uw keelene nekate romiyea holone eyeisiy hului. ⁶Romiyeara honowate yo, romiyea uw mekaijea koijate Allahre Rohra honowate yo Allahre Roh uw mekai jea koijate.⁷Fanggere kulure ekoijea, naere reyea weare wawale, weyea beeneng Allah rera hononete a wawale weyea faaka eboijea. ⁸Alu poye haleunge waneng, nawaneng anggeainye boroyea, peleyeare weyea eyeiteaiboi, mbelera alu poye eye pele mekai mbai Allahre Roh yea neai keluomi nakena uweinye mokoumi.⁹Nikodemus yea weunge, pele waneng a hareungebokea eleukokea,meahea mekai jea yembonde yakalambonde? ¹⁰Yesus yea weunge, weyea Israel romiyeare itea habare keleaumi holona nahi niyea. Peleyeare a wawalere weyea iteaibam ayea warea. ¹¹Nahele yea rake a wawale, meyea meai iteaite nekande ayea wayembe namekai meyea ijoko yea erekande ayea iteayeayembe, peleyeare meai itea yeareyembe, peleayeare meai iteayemberearemayea nahelere elekoi kaube.¹²Rake kani kelana romiyea nolone beate yakalate hambung ayea mare hummale peleyeare meyea nahele re eleikoijea kaube maehea mekai jea mare Surga neai hambung are yakalamayembe meyea nahele re elenggombe? ¹³Romiyea hiyea roko mbai Surgare ei mo, Reyea Allahre bokora mekale, romiyea uwre yeubokale kiyea mo, Surgane eweufikale.¹⁴Nabere Allahre yendo kayalo Musayea akalakalane ramiyea akewate ro miyea hole moloumiboke rami tembagara mokoiboke one nelungerike pele huluimbai akore kelu enai pumare enai hanainyele. ¹⁵Romiyea nanemene neare rabo haleinainyele, pele romiyea wali hena enai hubanayende enai yaronate .¹⁶Allah neai kena buhea kabang hele rake kani kelare heungekoke ne pelene nahinafa hoifa mbai sele, kinyeumiboke, pelene romiyea hinye nahila rabo neare halennele kiyea, weyea einundeiboi peleyeare wali hena neyea endowende. ¹⁷Romiyeare me noremiyonde neaite bam, peleyeare neainya hesele rake kani kelana romiyea holere moloremibondere neaite. Pelene Allah neai kelureyea, rake kani kelare ukeuke mekale. ¹⁸Hinye yea reai elalere hirarabo halendelena,me noyoi enoyoi nekenate peleyeare romiyea reai elalere pelere eihakoi, nawaneng raboreeihalei Allah yea meare me nommiwonde, na eare Allah nakelure rabo ehaleinye.¹⁹Romiyea uw mekai nebangne ehe pukulu emmi wommiyonde, Allah neai wali hehelo rake kani kelare neneaijea meke peleyeare romiyea ougemde nakena uw pele einye mokoijate nawanen wali hehere kena bang, na me uw nebang meaite mokoijate. ²⁰Nebangde mokate romiyea, neyea wali hehe nibire ahi kenabang koijate pelene neyea pele wali hehe nibiri eihakoi, na eare neai meuw nebang nun keleaunge honate mokate. ²¹Peleyeare hinye wali nahele einye harennele pele wali nehe nibi einye alonenggonde nawanen neai mokondene neyea Allah neai kena koye ijene mokombonde.²²Pelera Yesus na moita ohowate yo yoale, Yerusalem yora kulung ukate Yudea kanire eibuate, Yudea ne nekawate, pelene romiyea bu kola. ²³Nawaneng anuwau mbai naro ainon, pelene Yohanes bure koumi kiyea romiyeare bu koiboumi. Pelene bure kabang eke yaijeumi. ²⁴Pelehee Yohanes namman kawa einye eheikoi.²⁵Yahudi na ro mbai meke Yohanes neai moita hakainyekoke yo, neai eha hena kuikui a kenane kilewate. ²⁶Rake yo mekate Yohanes re wainye, Guru eambele nanembainye hebewande ro neai weyea iteaiwamea kiyea, mana Yordan wiy ene rike reubihine pele eke ro bu ekekoumi neai pukore romiyea nemene foemene hokoyeye ate.''²⁷Yohanes yea weumi, Yohanes ye weumi, rohi miyea hi yea heere hunde ehaisiy hului pele Allah yea wennele huluinye mo nuwenate mokonate. ²⁸Reyea mare iteai amale a boraukoke mo, reyea wali ondofolo bam peleyeare ukeuke neyea menderene bere holoyea mekale.²⁹Miyea neme weiboyainye pele rore weiboyainye kiyeare miyea pele ro nakahili wafeu napukone ayeukoke hebeyero, pelero neme miyea neme wainyeboke rei koye, a boroukoken kena foi hele nubaunge. Pele hului reai kena jea eukemelwuke. ³⁰Pele wiyea be ereite erenainyele. Reare moita yea bukenaitende.''³¹Yohanes na man huweye, neyea Surgara meke romiyea, hinye meaning horo hiyea hayea neare eihameikoi reyea rake kani kelara nuleaitebokeni, rea itea haba rake kani kelana hambung-hambung neaimo raitea. ³²Yesus neyea Surgara meke kiyea, neai ijokoyea erowoye, neai anggeai jea borowoye a yea iteayeumi, peleyeare romiyea neai iteayeumire romiyea mbaijea eihakoiboi. ³³Romiyea hinye neai keleye iteayeumire rowende ambonde kiyea, pele niyea Allahre nahele re meai hira rabo haleunge.³⁴Allah neai hinyere releake nawaneng ukeunge neai ako feakore huwende pele romiyea Allah neai Rohyea elea molonele, nakalia mokonde emme ikai jeale penate uakalanate. ³⁵Ako Allah nakelure kena buhea heunge, nwaneng ako Allah neai me einya uw einya hambung nekainye, nakelu me eite namemene kinyewounge hakewounge.'' ³⁶Allah nakelu neai eleyere hilarabo halende romiyea wali hena bona hubayenggonde peleyeare romiyea hinye Allah kelure moi bulennele, neyea wali hena bonare eyereiboi, pele romiyea, Allahyea ehe pukulu wononnele.''

¹Farisi romiyea borowate romiyea heleng Yesusre hakowainyele nawaneng bu koiboumi, romiyea namekelimo Yohanesre hakowainye. ²Neainya hesele Yesus neneaijea ro miyeare bu ekoi, namoi ohowate yo yea bu koibaimi. ³Farisi romiyea boraiboke Yesus iteayeubokene, Yudea kani nukeungeboke, Galilea kanire oro molouboke.⁴Neai nibi endere, neyea Samaria kanira hele nensande fondere. ⁵Samariana yo mbai Sikhar naro, pele kani Yahudi romiyea nayobe kabang Yakob yea nakelu Yusufre kinyeungeboke.⁶Pelene Yakub neai bu reikouw pere weaukoke, enene Yesus eunuweuboke nauw keikei hele hubawounge pele uw no yenggondere. Pele hee ikai yaukangne hului. ⁷Pelene nekeye yea, Samaria na miyea mbai bu reikoiteme, Yesusyea weung reare bu yeite anerehim. ⁸Yesus nembai nekeye, namoita ohowate yo hamang roweite yo eite ekate.⁹Peleyeare rake Samaria miyea weunge, ea naijebanghele, weyea Yahudi ro yea Samaria miyea bande bu re neufindere meeariyarea? ¹⁰Yesusyea a weunge, Allah romiyeare earebammea foi yeijeumi.Naeaneng reyea ware bu andehindere riyawale kiyea, Allah yea ukeuke mekale pele a iteayeubokeana, weyea rare wali yeale bu riyeukehinde ware walire yeumi bu itete.¹¹Pele miyea yea weunge, Tuhan rake bu reikou waugau hele, weyea bu re reukondere wa ponggou mba. Nawaneng mbelera pele walire yeumi bu roukele. ¹²Meahea waneng weai uw benera nekete, weyea kabang hele, meayobe Yakub rera?"¹³Yesus ye weunge, hinye yea rake bu anensinde, beneng buki ennehu bande. ¹⁴Peleyeare, reyea itembe bu anensimbe kiyea, bukire ehubaisi nekende reainya buyea anensimbe, naueinye bu o waneng yembinde, na hibi hibi rilendende, wali hena bona hubannende.¹⁵Rake miyea yea Yesusre weungge, Tuhan buki yeale korelene, pele bu yeite. ¹⁶Yesus yea weunge, eye weai ro molo kaneungekonde, rakere mebe.¹⁷Rake miyea yea weunge, reyea ro bam molo bam ma.'' ¹⁸Weyea ro ambai nekeukukea, nawaneng rake he nekeube pele weai ro molo bam.Pelene rake a elalene, weyea nahele yea eleukokea.''¹⁹Rake miyeayea weunge, Tuhan mana yakala hele reyea hubanale, weyea ayendo kayalo nehi niyea. ²⁰Mea yobeneai rake moko mokone a rimayeke, peleyeare weyea eleyea Yerusalem niyea Allah pelene ebeli enaiponainyele.''²¹Yesus yea rake miyea meanggere weunge, weai hilarabo reare haleukele pelehu peleya mende, meyea ako Allahre rake mokone meyea ei eimoloi hangga nawaneng Yerusalem ne bam. ²²Meyea rore eroiboi kiyeayea ei molaungele, meyea ro naneboke kiyea yea ei molannele, haubihinebang, meyea Yahudi neai nolora wali holere molouboke kiyea mekene.²³Neai ya mendere, mana na meke, ako Allah re ei molainye yo rakeya mekene, neyea Roh nahele einye mokonate, neai eare ako Allah neai kenare koye ijene, reare rokonainyele feaneainyele. ²⁴Allah neai uw niyea Roh, pelene romiyea hinye neare ei molonnele, pele romiyea Allahre Roh eita kena uw nahelere mokonainyele moloinainyele.''²⁵Rake miyea na aweunge, reai iteayeubokale, pele Mesias Kristus yea ro rainyeboke, neai uw mende, neyea meare iteayemmele, yakalammele hambung keleau nune honatere.'' ²⁶Yesus ye iteayeunge, wa eleyea kiyea, reyea niyea rakene wambelere are elende huwende ro.''²⁷Pelehe Yesus namurid-murid peaboke mekatera, neare erainye, miyea mbaite ane elete huwete re fakayea painyele, peleyea ehiyea are wennele hinenhindere nanemene kabewainye, weyea makayea neainyare kena koyea nawaneng pele miyeare meyea maka ayea elebe huweuube?"²⁸Rake miyea na habu pele anuwaunge haufike, oro molouboke, hebealeweke eke pele yona romiyeare weumi . ²⁹Mem mennerennobo, rineke ro mbai, rame uw mokalere nanemene naa ijenemo yakalauke, pele neyea wali ondofolo waneng? ³⁰Pele yona romiyea aibaleke eibate, ekate Yesus pukore.³¹Pelera namoita ohowate yo yea, mekate Yesus re wainye, Guru ehamam aneikoba. ³²Peleyeare Yesus yea weumi, meyea reai ehamam honaukere, pelere meyea eyei teaiboi. ³³Neai ehamam a eloukokene, namoita yo, nauw mbembare elate huwate.³⁴Yesus yea weumi, reai anerele ehamam, rake niyea, reyea neai ukeuke mekale peleremo nekerele mokorele, earele riyau uwkembonde. ³⁵Hekene ani eha bolu auma einye moloisayate me, honounge meye aninebeye, mei maluweibiyate, pele yahu mekainye Yesus yea iteayeumi. ³⁶Rake he anire koloye, na me buhea roibu nehalo hubayate nawaneng aniha arileye koloye pele wali hena meai iynyale, pelene mere moloye kiyea nawaneng mere maluweye kiyea, nabene bene reimai mbainye akabonete.³⁷Neai a hele rake kainye auboke, ehi yea molonde, ehi yea malui maluwende. ³⁸Reyea ukamale emokoi anuwaungare meyea eng maluwembe, romiyea ehiyea aimoloukoke, pelene meyea mekaube na roibu paleumikoke enye mekau maluwaube.³⁹Rake Samaria miyea yea meke romiyeare weiboumi, na uw mekai wamekai mokowoye Yesus naneme foeme yakalane koloukoke, pele a boraibokera nenea ekate erewainye boroiwainye, ahele yea elewainye, nahelere ewaite. ⁴⁰Samariana romiyea mekate Yesus pokore, na a wainye riyainye, neai pukone nekendere. Peleyone ya bee hele nekeukoke.⁴¹Nawaneng romiyea erewainye borowainyere. Heleng ahele naheleyea elewate nila rabo halewate. ⁴²Pele yona romiyea, rake miyeare wainye, meyea hilarabo haleanne pele weyea ukeamea a earene mo bam. Haubihine bam meyea meneai boranneboke iteayean boke nahele neyea wali hole ro ya.⁴³Yabee Samaria yone nekeukokera, Yesus kulung uke, Galilea re oro molouboke. ⁴⁴Yesus neai uwre neneaijea eleukoke. Ayendo kayalo nayone yanne foi neare ei ehawei, nawaneng neare bee hneite ehinei. ⁴⁵Pelehe Galilea yone eke, Pelene ro miyea na kena uw foi hele ei haubainye Yesus na me uw paskah ya kabang ne ekate, mokowoyene na neneai anggeai ijoko yea erewainye.⁴⁶Pelera Yesus beufoke, Galilea kanina, Kana romiyea nekate yore meke bere meke bu horora mokouboke Anggur bure yeuboke anuwaunge. ⁴⁷Neyea borouboke Yesus Yudeara Galileane meke, neneaijea eke Yesusre riyeunge Kapernaum yore mende nafa eha hereinyeng hereinyeng koiboye onomi inyendere.⁴⁸Meyea emeha hambung meneai ijokoyea ereboinya, meyea pelere nahelere eyeleikoi eihakoiboi. ⁴⁹Ondofolo kaliare mokoyero, Yesus kolipeunge, weunge Tuhn uwhaleyea meye reai fa neeherei. ⁵⁰Yesus yea weunge, eye! Wafa onomi hubayeukoke.Rake ro Yesus na aukenge waneng, neyea nahele boroungeboke, beufoke imeare eiboye.⁵¹Nibine peufoke neai imeare meiboye, nauw mokoiyoyea wainye, wafa ninea onomi rouke. ⁵²Pelewaneng ne rake yore hineumi, embele heyea nauw foirouke rake yo yea wainye, wena rai hujoko mbainye, uw naume hireungeboke."⁵³Bele fa naeko itayeuboke, Yesus weunge, "Wa fa waleuboke." Imae kabam hebewoye na falem, na imae obena nemene hila rabo Yesusre halewanyele. ⁵⁴Yudea kanira Yesus bukeufike Galilea kanine meke, heera neyea hambung emere haemere mokowoyera, rake roko bee nengdo yea mokouboke.

¹Mainyekeukokera mo, Yahudi neai ya kabang na hamam bulau ya belene Yesus Yerusalem yora kulum uke Gallilea kanira oro molouboke eiboye. ²Yerusalem yore, dombare ele yanainyekoke kate romau nenene, bu kou mbai yaye, Ibrani neai a feaubea Betesda yea rainye, nawaneng pelene beanggo yeale norofa mehea mbai, yang bea heaikoke. ³Pele anuwaunge ehayo puloyo heleng mekai honate, ro miyea ijoko kumba yo oro rebeite rebeaiteyo oro me nimewaimi yo yeale honate. ⁴Haubihinebam, pelebukoune rokombemba Allahre malaikat oyowoye pele bukou na bu neunge kuba eyakoye. Hinye yea bere oro molombonde enensinde kiyea neha pulo koye hubaye nameahea horohele releunge, pelene onomi roweye.⁵Rake anuwaune ro mbai yaloyakama 38 hele ehe pulo koumeke.⁶Pelero honowoyere Yesus erekeungene, nawaneng iteayeuboke, napelemekai mo yea heki hele honowekere, pelene Yesus yea hineunge weyea onomi roweyere kena koyea?"⁷Pele royea weunge Tuhan rakena romiyea bu eiakowoyene heene reare rowendele rake bukou eite handebonde neaite u. Reneaijea pele buer nakeleijale hee, ehiyo moi woyaitele neyea bena eyakoikiyate. ⁸Yesusyea weunge ainyu wakewa yungmake yaroiko aloinyoko eye.''⁹Na pelehemo rake ro onomi rouke makewa yungmakere mo yaroukoke aloungekoke eiboye.¹⁰Pelene Yahudi romiyea yea, rake ro onomi re rouke wainye, mana Sabat ya eai Yahud neai wali heere foloukuke homo huluinye Sabat ya kabang ne eyea kewa yungmake ekeaiboi ei hulu. ¹¹Peleyeare rake ro neai a weumi, reare onomire ikeuke ro yea ukeuke huluinye pelene rakena yungmake yaroukoke aloungekokale male.¹²Peleyeare rake ro neai a weumi, reare onomire ikeuke ro yea ukeuke huluinye, pelene rakewa yungmake yaroukoke aloungekokale male. ¹³Peleyeare onomire rouke ro, neyea itiyang hinye yea onomi ikeunge haubihineban, Yesus pele ikainye oro molouboke, eke ro heleng miyeaheleng nolone euyaneukoke.¹⁴Pelera, Allah neai yoimea ralo imea einye, Yesus onomire ikeunge rore hubayeukoke mo, na weunge, weai uwna huba ungehike waneng nahimi weyea onomi roukea, beneng uwnebang wanebang eimokoijea. ¹⁵Pelero iteayeubokera, Yesusyea onomi ikeunge, pelene eke Yahudi romiyea hinewainyelere Yesusre ro yakalau miboke.¹⁶Sabat ya kabangne rake rore onomi ikeunge earene, Yahudi romiyea Yesusre anebang feaunebang mea eleiko huwekore koibuate. ¹⁷Peleyeare rake yore Yesus yea weumi, meako Allah neai hambung na yane mokoijeye, reyea neai mbai jea mokale. ¹⁸Yesus Pele a ukeumine, Yahudi honaibonde nibiyea beabate, Yesusre honaibondere naeare, Yahudi neai ha henane Sabat yaneeimokoi kiyea Yesus moi woke mokouboke nawaneng Allahre Yesus neai eleye walora Allah neai uw Mbaija.¹⁹Pelene Yesus rake yore weumi, reyea nahele yea wamale reyea Allah re kelu pelene reai kena huluinye hambung ehire emokoi hului meakoyea mokoye ijene, reyea pelene erale mokale. ²⁰Meako reyea neai kelune buhea heuke, neai hambung mokowoye nemene reare keleijeuke, rake rore onomi ikanalera beneng hambung emere emere emeikai jeale, pele meako yea kelendebonde reyea pele hambung eremokondene meyea faka yea embombe.²¹Meako yea romiyea herewate yore ainyainyu koibuomi wali yemmile waneng mbai, reyea kena korele romiyeare wali itemile. ²²Nawaneng romiyea walire, meakoyea hulu ekoloi. Pelene walire kolommilere nanemene reyea nakelu niyea kinyeukeboke hakeikeboke. ²³Pelene earene romiyea nanemene meakore be hinenainyele yo, pele hului mba reyea na kelure be hinenatele, romiyea hinye nakelure ehineiboinya, pele kiyea ako Allah rake ukeuke mekale kiyeare be ehinei.²⁴Reyea nanahele yea wamale, hinye yea reai elalere borombonde, namekai reare ukeuke mekale kiyeare A eleyere hila rabo halendena, walihena bona rowende. Walire hului ekoloi pele romiyea Allah yeale waheukoke wali waneng wekeunge, reyea wali ondofolo yea keleamale wali nibine ohoye.²⁵Reyea mare iteayamale, nayahu mendere mana peleya meke romiyea ai herekate yo neanggeai aleinate Allah nakelu a boroibonde walire enai anayunde.²⁶Haubihinebang, meako neyea walino, pele hului mbai reyea nakelu mokoukeboke wali nore meiyeubokale. ²⁷Reyea Allahre pukura mekale romiyea uwre meuyeubokale earene romiyea nawali huluinye koloremile meai elea Allah yea reare kinyeukeboke hakeukeboke.²⁸Enaibende neai a yakalamalene, meyea fakare eboijea hele pele naya mensembonde, herewate bule einye honate romiyea nanemene reai a boronate. ²⁹Pelera bule eita menaibalende romiyea uw mekai foite mokayeke holona wali hena bona emmi yende, peleyeare uw mekai nebang de mukayee holona me emmi noyonde neai amminunde.³⁰Reai huluinye reyea hambung mbai sambai emokoiboi hului meakoyea wendele huluinye romiyea neai wali hului kolameale nawaneng naijene hele reyea wali hului kolameale, haubihinebam reai kenare korele ijene ehakoi, meako reare mekale kiyea kena konde ijene mokorele. ³¹Reai uwra neneaijea a iteatemilena, romiyea ehiyo reai elalere a hele bam bea elenate. ³²Reai aiteayamale hinye yea yakalammile pelere reyea iteayeu bokale pele neyea ukeukere a heleyea yobounge.³³Reai uw meaite iteayembomberene ehiyore ykaimile Yohanes bukoumi kiyea pukore ekate nawaneng neyea reai nahele re neyea ahele feauhele yakalambe. ³⁴Reai uw meaite iteayembomberene ehiyore ykaimile Yohanes bukoumi kiyea pukore ekate nawaneng neyea reai nahele re neyea ahele feauhele yakalambe ³⁵Yohanesre ako feauko pele iy hehe neaikiyoye waneng mare neamggokombe peleyeare meyea na mom mbai keng pele hehe neakokere reimai kena re mo molom bokombera eweufike.³⁶Reai uw neai a feau iteayamale, na be roiboite Yohanes yea iteayewombe meakoyea reare ukeuke kaliare nammam mokale, pele meuw yea mo keleijembe, nahele meako Surgana rare ukeuke mekale. ³⁷Meako ukeuke mekalere. Niyeare mare iteayembokombe, meyea neai are eboroiboi, namekai neai uw meyea eyereiboja. ³⁸Namekai meakore eugara eleyea feay makena ei uw einye ehonoi haubihi bam, ako Allah reeare ukeuke mekalere peleyeare reai elalere meyea hila rabo ehalei.³⁹Allahre homofea meyea uw niheisiyaunge, iteayeaube, mai uw benera nekayembe. Pele homo fea walora wali hena yarombe peleyeare Allahre homo feana a feauko hameungekoke reai uw neai ayea mai iteameyayembe. ⁴⁰Peleyeare meyea wali hena bona yarombere, reai mekele uw kelene nekembere ahi hele elaube.⁴¹Reai foi neaite hinye meanin mea elenate neai reyea ereai. ⁴²Peleyeare, mai kena ei uw einye nekembe ha reyea iteayeubokale mawali nekaube Allah kena buheare u hele ya.⁴³Meakore ro yea reyea mekale. Peleyeare meyea ei hawe yaunge. ⁴⁴Meyea rare hila rabo ehalei hului, haubihi mae bam romiyea mai uwre kanembe neaite meyea ebeayei?⁴⁵Ako Allah nakendang wamerang bene, mai uw mekai nebang earene reyea mare a ehoroi, pele Musayea mare a horonenggombe meyea uw bene nekayembe neai a moloukokere hubara heaita yanaunge walora wali hole molonembombe. ⁴⁶Musare A nahele yea elaukoube yea, reai a elalere meyea nahele yea elau be, haubihinebam Musa neneaijea reai neai a neneai ja moloukeke. ⁴⁷Musayea moloukoke are meyea pelere rabo eihaleinya meahea yea reai elalere meyea nahele peambombe?"

¹Pelera nekaikoke, Yesus oro molouboke Galilea bukou enere, bukou Tiberias yea rainye. ²Romiyea heleng buleng neai moita hakainyekoke, erewainye romiyea heleng ehayo puloyore foite mokowoumi onomi yarowate. ³Pelera Yesus hemunggea mokone na murid-murid yeale ane raiboke nuwaikoke.⁴Yahudi neai ya kabang Paskah meunobeungekoke. ⁵Pelene nuweuboke nekeye ijoko ereumi romiyea heleng buleng alainyekoke neai uw pukore maite, pelera meubeke Filipusre hineunge, romiyea nanemene aneneaikonde meai, eyea mbelera roija feu hubaye makonde. ⁶Rake a mekai neyea Filipus reuw malire hubaungehike, na eare neai uteaite nekeunge makayea neyea harennembonde mokombondere.⁷Filipus yea weunge, "Roi 200 dinar yea yarandekoube feu hului rake romiyea hokoimiyeyere na hului bam, meahea mekai horo nanemene anenaikonde feu ebimbinde nawaneng Romiyea ehi heleng elaggoi hului. ⁸Na moita ohowate ro hi naro Andreas, Simon Petrus naka beake yea Yesusre weunge, ⁹Rakena fambai na feu meahea mbai yeale ka bee yeale honainyele peleyeare haubihire eyeiboi emeanggoi hului, rake ro heleng miyea hele de meufokoubokere?"¹⁰Pele anuwau kee yealene Yesus yea weumi pele romiyeare kee ranne anggeng ronaibonde. Pele romiyea meuhokoubere ro mo me maibeaikoke nanemene 5000 hului. ¹¹Yesus pele feu, ka yea yaroukoke, neako Allahre heleng foitemo ukeunge kaiwoye na moita ohawate yore yeiboumi, neyea rake romiyea heleng de wahewaimi, nanemene hubayewate angbuate uw wandere hubawate. ¹²Uw wande roukatera, pelera Yesus namoita hakanyebo yore weumi ehamang anewate wande yea hubainye nukewaitere, emme arilenggombe na foi jea mengkolonggombe.''¹³Feu meahea mbaira rake romiyea anaikoke wande yeaibokera, nakalung mai arilaikoke kaikau nanemene mee bee oro hine be yeale me peakoke hawaikoke. ¹⁴Rake ha emere yakalaumiboke ne, pele romiyea meuhokouboke faka yea poibuate na a yeale elate, rake kiyea nana hesele Allah neai yendo kayalo rake kani kelare mendere elewate kiyea. ¹⁵Rake romiyea heleng meufokouboke merau hainyehike neare ranenanyele neai ondofolo re yembondere, pelene Yesus iteayeuboke nauw mbai aloungekoke mokore eiboye.

Yesus Bu Randa Aloungekoke Euboye

¹Pelera Yesus aloungekoke Galilea kanire yoran yorande ohoweke Yudea kanire mehaubea ei, haubihinebang Yahudi romiyea Yesusre honaibondere merau kolowainye. ²Pele hee Yahudi romiyea neabu neai neako neai Kanaan kanira meibate kulunna, o fea hafea yea reba kang mokowate ya bene nekeisi nekeisire mokowate yakabang nobeungekoke.³Yesus na uwbake neai wainyele, weyea kulum weieye Yudeare, pelene hambung emere emere eumokonde, weai moita ohowate yo weare enai erenayete. ⁴Rore ronanyebondere bande romiyea name uw yakalane mokoye niyea nungne eimokoi, pelene weyea hambung eme emere eumokonde rake kani kelano yo yea na yakala ro ronayete.''⁵Haubihinebang, neai uwgakewa hele horoyea Yesusre auwteai weumi neyea hila rabore eihalei. ⁶Pelene Yesus yea weumi, reai ya reai hu hamam emeiseiboi, peleyeare maiya maihu naihinggi hinggi hembe, pele einye mokaube nekaube. ⁷Rake kani kelana mare ikele waneng de eki, peleyeare reare naikelere kaite haubihinebang, reyea na meuw mkate, naa yakalayea iteayeameale.⁸Mayea emme pele hamam kabang mokatere, reyea niyea pelere ei sului haubihinebam, Reai ya nahului emeiheiboinye. ⁹Nare ukeumi waneng neyea Galileane nekewoye.¹⁰Yesus naungake wa kulung ukate eibuate pele ehaman bulau kabang de pele moita neyea na maleu oro molouboke pele anuwauke eke. ¹¹Yahudi romiyea pele yakabang ehamam bulau anewatene neare beaibeai beawainye na a hinaimile, eainya kiyea yea beannele, na uw mbelene bang?''¹²Romiyea hokoumeke yo, Yesusre a'' A meahea meahea elewate huwewate ehiyoyea elate, neyea romiyea uw mekai wamekai foija. Namekai ehiyo yea elate. Neyea romiyeare ame karebaite mokoumi ro. ¹³Peleyeare romiyeare Yesus re a yakala ei elekoi, haubihinebang Yahudi neai yun yunde buheare hokowoumine.

Yesus Na Imae Kabamne Kelewoumi

¹Beleyaere, Yesus Zaitun mokore euboye. ²Ya narene hele, niyea meke Allah yoralo yoimea einye mewefike nawaneng romiyea hokoumeke nanemene napukore meibate. ³Pelene kelewoumi yea, homo fea tauratre iteayeiakoke henaiboke yoyeale nawaneng farisi romiyea. Miyea mbai pele ro mbaite honowote hanekaimilene yawanyehoke mekate.⁴Pelere Yesus wainyele, Guru rake miyea ekai uwnebang ekaimokowate yea meyea hanekannele. ⁵Ema hayemanggonde herende mana rake wanengde, weainya uwibene meahea waneng mea erane?" ⁶Rake ameka wainyele, pele neare walangga yea mekai wekainye, nawaneng pelene niyea a feau na ikai ehira enelenggonde ne, neare fee mokonainyebonde. Peleyeare Yesus are insiufike, name kelakelayea mohomo kanine moloye.⁷Namekai Yesusre a nahinei hinei mo hineiwainyele, niyea aiyui ewanguke pelera hineumi, meyea mai nolona, hinye nawali uw nebang wa nebang de ei mokoiboi romiyea, pele kiyea yea niyea mende rake miyea meanggere nabe emere ruka mende wononde rake miyeare. ⁸A ukeumire, beneg iseungihike name kalakalayea kani ranne homo keye.⁹Yesus pele a waneng hareungeboke ukemine, pelena romiyea mbemba mbemba moi ukewate eibate, namekai role hokolo yeale nemmene eibate feaugekokera pelene Yesus nembai rake miyea yeale yeale pele anuwaune nukaimoboke. ¹⁰Yesus ewaunguke rake miyeare a hineunge, nabe yo mbelenenamo ekate? Hiyea hayea weare me onoyoi mo?" ¹¹Rake miyeayea weunge, Tuhan nanemene feaungokokeya, pelere Yesusye weunge reyea weare me ei noyoi hului, peleyeare rake heera eye peleme uw nebang waneng eimokoijea nekewende.

Yesus Rake Kani Kela Maei Hehe

¹Yesus aloungekoke eiboye hee, rombai na honekatera ijoko kumba yeubokere erekeunge. ²Yesus namoita ohowate yo yea hinainye guru rake ro ijoko kumba yea honggate pele meaheayea, neneaijea nebang mokoubokene ako nakeyea nebang mokeibokene?³Yesus yea weumi, rake ro kumbare yeuboke neneaijea kabeukokene bang nawaneng neako nenakere me uw nebang nebang, pele neai yele Allah rena elea neai uw einye mokombondene pelene romiyea nauw teaite yaronate Allah re ro ronainyembomde.'' ⁴Huna neaukokoke hebeye yea, eyea kalia reare ukeuke mekalere eyea mokomale, pelene erenemele eyea nanemene hakannekoke mokande.'' ⁵Na mammam reyea rake kani kelane meka nekale reyea niyea rake kani kela na hehe.''⁶A weumikokera, neuwgeakiy woke kanine, nameyea aleungeboke pele role ijoko kumbare hobeungeboke, ⁷Pelera rake rore weungge eye wa beyoi Siloam.'' Bu yaye ne hobeukonde (Siloam na a mekai, ukeungere eke). Pelerro eke Yesus neai ukenge waneng bea mokou bokene naijoko erewoye yea beufoke ike.⁸Pele imea ribo mbainye nekawate yo yea elate, rake ro bere a riyei riyeite riyeweke yea. ⁹Ehiyoye elate, nahele pele kiyea mbai.Ehiyea elate niyeabang peleyeare rake ro neneaijea weumi, reyea niyea yea. Ehiyoye elate, nahele pelekiyea mbai.Ehiyea elate niyeabang peleyeare rake ro neneaijea weumi, reyea niyea yea.''¹⁰Peleyo yea wainye, meahea mekai jea wayea nahinggi ijoko ereye. ¹¹Rake royea weumi, Yesus yea wainye kiyea eubeaki houboke, kani yeale aleungeboke, pele rouke reai ijokone hobeukebokera bure kuyerekondere Siloam bu yayere ukeuke ekale pelene na ukeuke hulunye mokou bokalene mana reai ijokore na hului erale." ¹²Pelera neare hinainye nauw embelena? Rake royea weumi, reyea iti yamma?"¹³Rake ro kumba foi yeuboke kiyeal yawainyehoke farisi romiyea pukore ekate. ¹⁴Euwbeaki houboke kaniyea aleungeungeboke nawaneng pele ro re hobeungeboke foite rouke, pele Sabat yane meyakala mokouboke. ¹⁵Farisi romiyea rake rore hinainye meahea yea mokoibokote weyea ijoko re nahinggi ereye?" Na'a weumi, name yea kani aleungebokera pelera rouke reai ijokone hobeukebokera, pelerea reyea ijokore nahinggi mana erale.¹⁶Farisi holona romiyea ehiyea elate, rake ro Yahudi naei eha hena Sabta yane emokoi hambung mokoyene, niyea Allah yea ukeunge meke kiyeabang. ¹⁷Farisi romiyea ro kumbara onomi ikeunge re a hinanye, weyea pele rore meahea neare ro roungeboke?Rake royea weumi, reai roungebokanale neyea yendo kayalo ya! ¹⁸Peleyeare Yahudi romiyea neai uw nahele eyeleikoi koibuatene, ekate neako nenakere kanaimikoke mekate.¹⁹A hinaimi, rake mai kelu, nahonoinye ijoko kumbayea hagaube kelana naijokore nahinggi yea ereye, pele meahea mekai?' ²⁰Pele fa neako nenakere yea weumi, meaiteaite nekende niyea meai fa nahonggandene ijoko kumba yea honggande. ²¹Peleyeare rake hee ijoko ereyere namekai foite mokoungebokere meyea itiang hele niyea rojando mbea yeuboke meneai neare hinennehi.''²²Yahudi yunyunre fee koibuaimine nenake neakore rake a waneng bea eleikoke, haubihinebang Yahudi agama yunyun a hokaikoke, romiyea hinyeyea Yesusre WaliOndofolo yea elenggonde, pele kiyea Allahre yoralo yoimeare hukenainyehinde. ²³Pele earene nenake neakore, rake a wanengmea hareinyeboke ukeumi rojando mbea yeuboke neare hinennehi.''²⁴Bere kumbare nekewoye ro beneng kanainyekoke mo, wainye meyea meaiteai pele ro nanebang beale roya, Allahre nanahelere wo koukounde meyea wayete ayea weyea be niheinyehinde. ²⁵Rake ro yea weumi, reyea pele ro meai walli foijeale nebang beale neai uw einye reyea eyeiteaiboi, peleyeare reai uw iteaite nekale, bere reyea ro ijoko kumba mana neyea mokoukeboke ijokore nahinggi erale.''²⁶Peleyoyea beneng hinainye, pelero weare makayea mokoibokete waijokore foi yeuboke ereyea?" ²⁷Pelero yea weumi, reyea mare nanemene huweggokokamale mo, peleyea meyea eiboroiboi koibuare, meyea maka kiyeare borombombere? Meyea kena kaube na moita ohate holonare yembombere?"²⁸Yahudi romiyea rake rore a haufau okainye wainye, wainye, weyea niyea pelekiyea moita ohate yo holona meyeabea Musare moita ohande yo holona. ²⁹Meyea maiteai Allah Musare nako feako weibounge, peleyeare rake kiyea meke na anuwau embelera meke meyea meaiteaibam!"³⁰Pele royea weumi, mehi heleya, meyea neai meke anuwauke maiteaibam hele elaube peleyea niyea kiyea yea reai ijoko kumba nekewalere mana foi onomi roukale. ³¹Eyea ateaimo, romiyea nawali nebang himiyea ako Allah peleyore e boroyei romiyea Allahre rokoi feai feaijainye, nawang Allah nakena koye ijene hakainye mokate peleyo Allah ei haweijeumi.³²Nabee mera meke rake he, eboroiboimo rohi miyea hi yea, romiyea ijoko kumba honggate eke mokoungeboke ijoko foi yeuboke, nahinggire erewoye. ³³Rake ro, neyea Allahre bokora emeinya, rake mokouboke waneng neyea eimokoi hului. ³⁴Peleyo yea wainye, meahea waneng weyea uw mekai nebang honggayete fa bambea naheleba weyea, meare kelumikonde pelera rake ro, yo ralo yo imeara moite hukainyeki eukuke.³⁵Yahudi romiyea rake rore hukayehike eukuke a borokene pele rore beaibounge eke hubayeukoke mo, weunge Allah re pukora meke romiyeare yeuboke kiyeare, hilarabo haleanea?" ³⁶Rake royea weunge pele kiyea hinye? Reyea neare hilarabo halerendeya. ³⁷Yesusyea weunge, weyea eranea namekai wambele ambainye eleube pelewiyea niyea. ³⁸Rake ro yea weunge, Tuhan weare hilarabo haleawale pelera Yesus ei mounge.³⁹Yesus yeu weunge, uw mekai nebang yakalaremilera, wali hului koloi koloi te, pelere reyea rake kani kelare mekale reai kalia mokale ne kumba nekate romiyea ijoko erenate nawaneno ijokore erate romiyea kumbare inyaibonde. ⁴⁰Pele anuwaunge, Farisi holona hebate yo, Yesus a pele mekai hareungeboke eleukokene, Yesusre hinainyele. Weai uw benera nekayete meyea mekai kumbai?" ⁴¹Yesusyea weumi, meyea ijoko kumba nekaube yea, mai me uw nebang arene meyea ijoko eraube yea elaube mai himi nebang nammam honaijayembe earene ehe pukulo engyarong kombe.''

¹Yesus na me kele uw kelene nekate romiyere, ei haweumire kelemmi bondere, obo yoku domba uwne aruneuboke, Yesus rake a waneng mea iteayeumi - reyea na a hele mare wa male, hinye domba nekate honate fale eite na ro mauka eyeisiy, peleyeare nibi ehira enensindena, pele kiyea na hele, yoko ro yoko miyea ²Peleyeare, domba nekate honate fale eite, na ro mauka enensinde ro miyea pele kiyea niyea domba re holeye nareye ro³Domba neai romau kayare hebeye ro, pele fale ro mau mei rawei bi ye na domba-domba neai a re borainye, na waneng pele domba-domba na rone-rone kaneumi, yoboumi pele fale moite enai balendere ⁴Rake domba-domba nemmene moite eibalate, na kaya hole moloumi ro niyea be neibiyoye domba-domba na moita borainye hakainyele alainyele ate⁵ro eroiboi romiyeare neyea ei hakoi awaneng ahauke hebealenate na eare pele ro miyea neai a re rake domba-domba yea foi eroboi ⁶rake a mekai Yesus domba uw ne hareungeboke pele romiyea re iteaye woumi peleyeare neyea foi ei iteaiboi nawaneng onewate handawate⁷Pele earene beeneng Yesus weumi, pele domba-domba falene nekate honate fale einye, "reyea na ro mau kayare hebale ro ⁸reyea na nammam emei hee na romiyeare anggeai ei boroi⁹Reyea niyea ro mau. Romiyea hinye reai ro mauka menensinde kiyea, niyea Wali endowende nawaneng reai romau ka niyea ende mende konende pele niyea kee fau foinye Wali inyalere kolorende. ¹⁰Yoko role imeye, pele niyea yokore peanggonde, mekai hareibiyounge hoisoi jea honggonde; howeijea howembonde peleyeare r'a uw yea mekale, pele einye meyea Wali hubayenggombe na waneng mai Wali kolo-kolo meameare nekemem be.¹¹Reyea mai yeng mai angga foi role; domba-domba re hole moloreimbondere, reai uw yea kinyeremibonde. ¹²Roite arilate obulate romiyea, domba-domba kaya ne hebate waneng, yoku isanggele renamo imeye ereungene, niyea na fee re hebealeijeye pele isang mo yoku meye, domba-domba re neumi; hebealete, here ware boumi. ¹³Niyea roite rowende re mo na uw bene nawaneng rake domba-dombare hole ei moloiboi.¹⁴Reyea hirong foi kaya foi role. reyea ra domba-dombare ro rameale na waneng reai domba-domba reare roi raitele ¹⁵Namekai mbai meako roukeboke waneng, pelemekai reai domba-domba rateboke nawaneng meakore ro rounge bokanale, pelene reyea erele ra domba-domba earene ere herende. ¹⁶Reai domba-domba ehi holona rake falera bang ahine ekaikate; pelere reyea erele yoboremile, kaneremile; boronatele menate holo mbainye awenaibonde na kayaro holero mbaijea mo hebemmile¹⁷Na eare, meako reare buhea kabang hele heuke, na eare iy bauw ererilerbonde ra, nanemene reai mee re benaibonde menate. ¹⁸Romiyea ehiyea ehayea reai Wali me ra enukeisai hului, reai kena kale hului jea kinyamale meako elea ikeuke. Pele elea yea na hului reai Wali kinyerembombe, pelere beneng roukele, pele neaite meako a ukeuke."¹⁹Bele a mekai Yesus hareungeboke, eleukoke Yahudi romiyea holo bee re wahaikoke. ²⁰Bele romiyea meuhokouboke, ehi yo na a elate, "pele ro aloyea aungoboke nawaneng keubae yeuboke koye?" ²¹Ehi holo yea elate, "Alo yea aungebouge na "ro miyea rake a waneng de eiyeikoi hului. namekai mbene walobo yea ro miyea kumba ra mokoungeboke ijoko kelenggonde erende?"²²Pele ya bene nekeisi-nekeisi ya kabang de mokonaibonde hee namekai pelehe alu him, mandiling bea meungeke, ²³Yesus ewefike Allah nayo ralo yo imea eke, Salomo na anuwaunge ele melere eke koiboye. ²⁴Belera Yahudi romiyea arilewoye mekate neare einye ainyeboke namekai neare a wainye, "Mbele ya heki re waneng, weyea rokoumikonde meyea ahire wahire komayendere? Weyae na nahele Wali Ondofolo na meare a yakala faeuyakala weimibe."²⁵Yesus yea weumi, reyea mare weibamale mo peleyea re meyea hila rabore ehaleja. Reai me uw itea yawamale, yakalawamale re nanemene meakore ro hile einye beaite, pelera reai uw mekai meyea rondebonde. ²⁶Peleyeare meyea hila rabo bang kaube, na eare meye a reai domba-domba re eyeiboi.²⁷Reai domba-domba, reai a re aleatele boraitele, reyea ro reameale, neyea reai moita alainyele. ²⁸Wali hena bona erele neare itemile nawaneng niyea himine einundeiboi nawanen ro hi miyea hi yea reai mee ra enukesei huwi.²⁹Meako reare kinyeukebokere, pele kabang hele, ehiyea emeaheikoi nawaneng ro hi miyea hi yea meako neai me ra einukeisai hulu. ³⁰rambele, meakore, Na mbai Ja." ³¹Pele a elewoyene, yahudi romiyea ruka yaraikoke Yesus oronainyele re.³²Peleyeare Yesus yea weumi, meako ukeuke hambung eme emere heleng mokoukokale, "Omiyea re yakalawa meale, rake mokowalere, mbele kaye ro earene rare rukare hayendele re?" ³³Yahudi romiyea yea, "Weyea hambung eme emere mokowoyea earene weyea ruka yea hayemayetere bam ma, neai nahesele weyea Allah re a ukea kea kaneane, weyea mea nekande waneng, peleyeare wa uw ra mokanea Allah na hului mbai eleyea earene."³⁴Yesus yea weumi, "Mai Wali hee re foloukoke molaikoke, 'Allah yea wembe, meyea neai mekai Allah' ³⁵Eyea eateai Allah re homona molaikoke nanemene enaibende enai yakalanate, pelene Allah ako feakore boroijate nahelere eleijate yore Allah yea ro roijeumi, ³⁶Makane meyea Allah re kelu yea reai uw re elale earene, 'Allah re a uw kea kanale yea elaube peleyeare meako yea ukeuke rake kani kelare mekale'?³⁷Allah re na hambung eme emere emokoinya, reyea a elerelena meyea nahele re eiyelei jea, na waneng rabo re ei haleijea. ³⁸Peleyeare reyea hambung eme emere mokalena pele mokale yea nahele re eleng. Pele mekai jea maiteai nekembe aneng iteayembombe meako rambele mbai, nawaneng reyea meakore mbainye nekayende meahea waneng horo yea meyea reai elalere hila rabo ei hale." ³⁹Yahudi romiyea beneng relewainye Yesus re ikilenaibondere peleyeare, Yesus rake yo meai me ikilenaibokera eufeauboke eiboye.⁴⁰Pelera Yesus bukeu fike eke, bere Yahanes bure koiboumi yordan wiy reufine Yesus eke nekewoye. ⁴¹Romiyea heleng hokou meke napukore meibate nawaneng a wainye, "Yohanes bu re koiboumi kiyea hambung eme emere eimokoikoi mo peleyeare rake ro neai a ewewo yea nanemene nahele mo ya." ⁴²Nawaneng romiyea heleng Yesus re are nahele yea elewatehila rabo helewainyele.

¹Ro mbai ehane ruwke honowoye, naro lazarus niyea betania na ramiyea Maria, neai marta re yone. ²Rake miyea meangge Maria, niyea Yesus re oro minyak falolo yeale rileunge bokena uw maa yea hobeunge boke kiyea, pele neneu ehane rouke honowoye.³Pelene na emeang wa be iteayenanyembondere, ukeimile ekate "Tuhan, weyea kenarekanea kiyea, ehane mana ruwke honoye." ⁴Peleyeare borokera, Yesus yea naa weumi, pele ehe koye releunge haubihi here neaite ayeiboi hului pelenyeare, "Neita releunge einye pelene Allah na puma kabang yakale hanggonde, pelene Allah nakelu re ro ronanyembonde, nawaneng pumane hanainyele."⁵Rake name marta yea, lazarus yea, Yesus nahele kena buhea heumiyeke. ⁶Lazarus ehane koye honoye Yesus boroke, peleyeare uw mehau yea yoboungeboke ya na bee hele na pelene nekeukoke. ⁷Pelera mo, Yesus na moita o hawate holona yore weumi, mebu eyea beneng yudea kanire fomalere.⁸Na moita oho wate yo yea wainye, "Guru, rake namang fa feng, pele kani na yahudi romiyea ware rukare hainyayekondere koibate mana pele anuwau bande yea beneng bukeu findere eyere eleyea?" ⁹Yesus yeu weumi, "Reai hu ikai na heki ma bee oro neng bee yeale hele hului jea? pele heyea romiyea eyewoye kiyea naiteai neyea enaleisi hului haubini nebang pele rake kani kelana heheyea mei neaikoyeunge ne.¹⁰Pele yeare romie reniai ougem neye hene alouw younge eye naleisiyeunge ruweye, na eare hehe ei hubayeikoi ne." ¹¹Yesus a waumikokera, pelera weumi, "eai kahili lazarus ijoku ne eke honoye pelene reyea rake he yea neai yenggeikoite erelere."¹²Na moita ohate yo yea wainye, "Tuhan eai kahili ijoku me holoyena neyea onomi rowende bambea." ¹³Lazarus hereke a yea hereungeboke, peleyeare na moita ohowate oneaikoke, ni yea lazarus ijokune ekeno noye neai uw benene nekeumi. ¹⁴Pelene a yakala yea weumi, "Lazarus hereke ya.¹⁵Reyea heleng foi jea elale, pelere yauboke ya rambele bang mai foi neaite emale meneai i joko yea erembombe ra, reyea Wali ondofolo yaubokalere hila rabo halembe, mem eyea bukore ema." ¹⁶Tomas, na wanen didimus yea kanewainye ki yea, "Na kahili ehi yore weumi eyea nabembainye ema herem bonde neaite mem hakomangkong ema."¹⁷Pele anuwauke Yesus meke he, pele he romiyea eleuboke lazarus ruka bule einye aitaufike ya keli yeale meke yeuboke. ¹⁸Yerusalem ra betania re na ahau heki KM 3 hului. ¹⁹Maria re, marta re kena nuhu nahu neneu hereke nekewote, yahudi romiyea kena foi yeite hokoumeke. ²⁰Yesus neai uw meke borokatene marta ei aiboite eke, peleyeare maria niyea ei meaeinye nekewoye.²¹Marta yea weunge, "Tuhan pele weyea rakene nekeimea yea nereu eiherei ja. ²²Pele yeare rake he reyea rateai hele, Allah re wari yeungehinde hambung ware inyete hele." ²³Yesus, Marte re weunge, "weneu beneng walembonde."²⁴Marta yea weunge, "reyea rateai rake kani kela hubane ennemokonde ya ro miyea ainyanyu kommile heene, neyea anunde." ²⁵Aruminunde nawaneng waure, "Reyea na no niyea hinye reare hila rabore haleuke, hereu be horo beneng walembonde, ²⁶Namekai romiyea Wali nekeye nawaneng nahila rabo reare haleuke niyea herere eihubayeikoi rake wamalere, meyea hila ra bo re haleau be?"²⁷Marta yea weunge, Tuhan, "Reyea nahele rabo haleawale, nahele weyea Wali Ondofolo, Allah re kelu mbai rake kani kela re mekea kiyea." ²⁸Marta pele waneng a ra ukeunge ra, eke maria neangeai kelauka weunge, "Guru, raken e ekeneke ye, weai a eleyene pelene weai kaneikoite male." ²⁹Pele waneng ukeunge ne, maria na uw hale aunguke nahibi eke Yesus re eu hu bayeikokete.³⁰Neyea eke hee, Yesus nammam rake ko eite emeyeisi, marta re hubayei kokete anuwaunge mo nammam nekewoye. ³¹Yahudi romiyea imeane mariare kena foi te mokainye yo nanembainye nekate erainye, maria uw hale aunguke aloungekoke eyere, rake yo na moita hakainyeboke, na uw bene nekeumi bulei rande eye, rimere andi mendere. ³²Yesus nekewoye anuwau ke maria eke hee, Yesus re erekeunge, oro helen mea noro bene roroukoke, a weunge, "Tuhan pele he yeuboke weyea rakene yea reneu eherei hele ya."³³Yesus erewoye maria rimene rimeye, nawaneng yahudi romiyea nanembainyo nekate parawainye rime rimewate ne, na kena mori lewounge, nuhu nahu re pei boye. ³⁴Yesus yea hineumi, "Mbele ijene aumolou fake?" peleyea wainye, "Tuhan mei meinyerenyobo." ³⁵Pelera Yesus narime yeale rimewo ye³⁶Pele erewainye, yahudi romiyea elate, "Lazarus re naken a buhea heleyea heunge!" ³⁷Pele yeare hebewate romiyea ehiwa yo yea elate, neyea mbai kumbana yore mokowoumi ijoko erewate, "Neyea nahului eherei neaite hee neunge hau be Lazarus re onomi yeungele?" makane neyea foi makoiboite heki hele wabewoye emei³⁸Yesus kena nuhu nahu huba waunge yea, molaisake ruke bulea kelauke eke pele bulei ahe, ruka kabang bea na romauke ahaikoke. ³⁹Yesus gea weumi, "Pele ruka kelau enere wenne!" Peleyeare marta pele ro hereke nemeam me weunge, "Tuhan ya keli naison bulei einye mo honoimi yene, na uw kele yeale yeuboke ha." ⁴⁰peleyeare Yesus yea marta re waunge, "Reyea weare a wewekawale yea re weyea hila rabe haleye na Allah re nene weawea weneai ijoko ereubonde?"⁴¹Nabe rukare mo nakele nyehike, wekainyele, pelera Yesus na be yakuu re yea weukike mo neakore ebeli bounge, "Atei, helem foi sele wawale weyea reare boroisarea ya. ⁴²Reyea reateai hele, reai ebeli kali, weyea narokone beai boroijarea peleyeare rake romiyea heleng arilewoye weare foi eiroiboi rake a bawale, weyea reare ukarea mekalere hila rabo halenate re reai riyeufikawale a hului mokoibo."⁴³Pele waneng ebeli boibongera, kali na kabang mea kaneukoke, "Lazarus, ainyu Meituwe!" ⁴⁴Rake ro hereke, weleuboke, aunguke, meukuke norona mena malo lenan aubanyekoke, bele nabe yoite felainye boke malo yeale aunguke meukuke Yesus wea weumi, "Malo ikelewainye aubanyele, pele bureanennoke." Neneai weannehimbe ende.⁴⁵Pele ijene yahudi romiyea heleng mekate maria eite mekai haubainye yo Yesus rake mokoubokere erekate hee neare hila rabo halewainyele. ⁴⁶Pele ne ehi yo farisi holona bokore ekate, Yesus na mokou boke a nemmene huaimikoke.⁴⁷Imam-imam yun-yun nawaneng farisi romiyea yo obe kabang ne arileufike iteayeai, boke Yesus mokoye yakalate re, na a elate, "Eyea maka yea mokomabondere? rake ro hambung emere-emere heleng hele mokoye bei miyate yakalai miyate. ⁴⁸Rake mokoyene, eyea nahibi weamansinde na, romiyea heleng neare ro ronainyele hila rabo halenainyele nawaneng pelera roma na romiyea menate eai anuwau, eai romiyea nukenamihande."⁴⁹Pele yoyo koteyo riyare nekewate nolora, ro mbai naro kayafas, pele balo yakama neai imam-imam nekate neyea yun de nekewoye kiyea yea weumi, "Meyea maiteaibang mo, ⁵⁰Namekai, na foi neaite uw ehubaisi kaube, ro miyea earene na foi sele ro mbai herende, pele mekaijeare rake yo kabang yang kabang nebang de omokoiboi."⁵¹Na nahesele kayafas eleukoke neai uw bene na bang peleyeare imam yunde pele ralo yakama ne nekewo yene, Yesus yahudi romiyea earene herende a yea Allah re Roh walora nuleungekoke. ⁵²Nawaneng yahudi ro miyeare mo bang, peleyeare Allah re fa fa here waro waibokere ari lemmi hindere na waneng mbainye mokom mibondere Yesus herende. ⁵³Pele eare pele ya re yahudi yun-yun Yesus re honaibindere namerau huba rawai boke.⁵⁴Pelene Yesus Yahudi romiyea heleng bene ayakalaiboi mo, a kala-kala keleunge kulung uke, yo mbai na ro efraim; pelere eke, na moite ohate yo yea pele anuwaunge ekainyekewate. ⁵⁵Pele he yahudi neai ya kabang paskah nobeungekoke ne, romiyea heleng pele ya kabang nammang bea neai ha hena huluinye na uw yolo-yolo mokoiboite na yora-yora yerusalem yo re mo hokoweke.⁵⁶Yerusalem yora hokoweke yo ekate Allah re yo imea ralo imea ne Yesus re beaibuainye, ehi yea ehire hineunge, "Meahea yea hubanea, na uw rake kabang de emei ha?" ⁵⁷Rake a waneng elate haubihinebang, pele hee imam yun-yun pele farisi holona a ukai mile, neyea Yesus re ikilenaibonde re hinye yea Yesus ennekende anuwau rake yore iteainyaimi bonde hele.

¹Ya mehi mbai paskah ya bee re mo kolowainye, Yesus betania yore eke pele anuwau lazarus hereke ra, Yesus yea waleungeboke kiyea re yo. ²Pele imeana, Yesus ei moloiboite ehamang bulau mokauboke; martambai ei hawewounge. Lazarus na ro hi Yesus neai hamang nanembainye niwaikoke anewate. ³Pelera maria meke minyak narwastu fololo bele liter bohi mbai naroi puma na hele kaye rouke meke, Yesus noro rangne ri leungeboke mo, nauwma yea nororo hobewounge, nawaneng pele imea ei minyak narwastu fololo rorouke hebewoye.⁴Peleyeare, Yudas Iskariot, Yesus re moita ohowate holona kiyea yea waunge, ⁵"Pele minyak fololo mo naite heibonde roi kabang riweye, pele roi kabang ro mbai na kaua ralo yakama mbai na roi bu hului roweube pele roi jea romiyea kounge kalone nekeijate yore nahului eumiwahende?" ⁶Kounga kalona yore uw bene nekeumine Yudas wake a waneng eleukoke bang peleyeare niyea yokolo ne, Yesus re moita ohowate holo na yo, na roi kaya hebewoye ro Yudas niyea, roko mbemba namene yeainye roi je na uw mbai neai hambung de eitowoye.⁷Peleyeare, Yesus yea weumi, kaho haubihire eyeiboi, Allah merau raungehike reare molonaitele ya re pele me uw yea mokouke. ⁸Ro miyae kounga kalona yo mambele mbainye mo nekemembe, peleyeare reyea mambele re mo na hibi-hibi enekei.

Imam Falem-Falem Lazarusre Honaibondere Merau Kolowanyele

¹Paskah ya kabam na nemam bea, Yesus nei hueungeboke, niyea rake kani kela ra ukengbonde neakore bukore endere, kena buhea re koiboye nawaneng kena buhea henende. ²Reniai hamang ne angbuate, walobo meke Yudas iskariot, simon de kelu kena einye meuefike, Yesus re kelai me re nennele re.³Yesus iteai yeu bokera neako yea nanemene namere kinyewounge nawaneng, niyea Allah re ra meke pelene Allah re pukore niyea beneng bensonde ende, ⁴Hamang de anenate anuwaunge Yesus aunguke uw moi melo keiboke bu hobei neai malo yea na he heai rainne heuboke. ⁵Pelera bu rouke anuwae mbainye rileuboke na moita ohowate yore hubara raweu boke oro bure hobehou mi, nawaneng na he heainye malo yea hobewou mi keleng-keleng hem bea wou mi.⁶Yesus meke Simon petrus bukone, Yesus re weunge, "Tuhan na man bang hele weyea reai oro re ku yeu kokondere." ⁷Yesus yea weunge, "Maka yea reyea mare mokomale rake hee re meyea eyeiteaboi peleyeare meyea pele moi meneai embe iteayembombe." ⁸Petrus, Yesus re Weunge, "Tuhan, reai oro weyea bu eikuyeijea hele" ⁹Simon petrus yea weunge, "Tuhan, pelewaneng na reai orore mo bang namekai reai me yeale reai faleng beale nemmene kuyeiteko."¹⁰Yesus yea petrus re weunge, "Ro miyea na uw bure koibiyoye kiyea na uw nemmene ninea yoloibiyoye pele ne beneng neare bu ekuyei noro remo ku yengnekonde. Meyea yolauboke yo, peleyeare nemmene bang." ¹¹Neai uw re kelai mere nendere Yesus iteayeuboke, pelene weumi, "Meyea ninea yolou boke mo." Peleyeare nemmene bam.¹²Yesus rake yo neai oro bu kuyeumi kokera beufoke na uw malo heuboke ra beneng nekewoye anuwaunge eungu weu boke, pelera mo a weumi meahea waneng, "Rake me uw waneng manemfa mare mokom bokamale itea yeu boke? ¹³Meyea reare guru yea, Tuhan bea kanaukele, mai a na ijene waukele reyea niyea. ¹⁴Reyea mai guru, mai Tuhan, moro bu re kuyenggokamale kiyea, pelene-pelene meyea maite neaite moro bu kuyembe re mo. ¹⁵Reyea rake me uw mare keleamale, meyea pelewaneng bea mokomem be.¹⁶Nanahele yea rake a mare wamale, ue beai bu beai ro bang nekate neai yun ro yeale, nawaneng ukeunge ende kiyea, na anuwau bumana hele eke eleye kiyea anuwau ana hele. ¹⁷Rake wamale ma iteaite rowembe, nawaneng Waline mokoite mokom bena mai Wali kolo-kolo mea-mea re yaro membe. ¹⁸Yesus beneng weumi, reyea elerekonde a pele neyea nemmene neai a bang reyea mareelengbokamale, mai Wali mekai reatei, peleyeare Allah re homo feana moloukokere na hului yembondere rake hambung bondere rambele nanembainye ehamang de anende kiyea, noro hele keambonde pelera oro yea elendehande.¹⁹Rake namam bea eyeiboi eyakalaiboi, reyea mare nayobolo yea itea yamale nawaneng enai bende yakalande ne, meyea nahele re elembe, reyea niyea. ²⁰Rake a mare nahele yea wamale, hinye reyea ukende ende romiyea eianebondena, niyea reari ei haweuke, namekai hinye reare ei hawendele kiyea, neyea ukeuke mekale kiyeare ei haweunge."

Yesus Namoita Ohowate Yore Weumi, Hinye Yae Kelai Nende

¹Ma kena uw isasa elala okoijea hele; Allah neai eleye rabo haleaungele pele waneng mai rabo reare halendele. ²Meako re imea ei obe ei nekei anuwau heleng ekaihonainye pele anuwau u yea maka bande reyea a yakala feau yakala mare ukembe? Reyea erele mai anuwau mokoisai ere mokoren sanebe re. ³meyea ennekembe anuwau mokoren san dere reyea be neng berehonde merele haubihi nebang, reyea erenekende anuwauke yawerembombe emale mambele pelene nanembainye emanekende neaite.⁴Nawaneng reai erele nibi meyea itea yembombe." ⁵Pelera Tomas yea weunge, "Tuhan, meyea meateai bang, meyea mbelere eye nawaneng weai eye nibi meyea meateai bang?" ⁶Yesus yea weunge, "Reyea mai nibi, mai nahele, mai Wali, ehi yea ha yea meakore bukore endere, pelerambele yealere, neyea meakore huba yenggonde. ⁷Meyea rare ro raukeboke, pele meyea meako re ro raungeboke, rake hee meyea meako reungeboke nawaneng meneai ijoko yea erekaunge.⁸Filipus yea weunge, "Tuhan, weai ateai, meare yeale yakalaimebo, pele mo meyea na hului jea elande." ⁹Yesus Filipus re weunge, "Weyea rambele yea mo nekei jende peleyeara weyea reare ro eroiboi mo? Ro miyea hinye neyea reare ijoko yea ereukeboke, pele niyea meako re ro roungeboke, meahea yea heukele reyea mare meako kelerem bom bere.¹⁰Reyea meako Allahre einye, nawaneng meako Allah reai einye, elale a re nahele re elekoi koyea?" A bum feau bum-bum elale wamale, pele reai kena reai uw ra bang, pele meako reai uw einye nekeye neyea re keleuke reyea me uw re mokale. ¹¹Reyea meakore einye, meako reai einye, pelene wamale mahila rabo reare halendele, rake a wamale earene nahele re eleikoinya hambung-hambung eme emere reyea mokowalere eraube earene pele a re nahele elenggombe.¹²Reyea na nahele yea wamale, hinye reai a elalere hila rabo haleuke kiyea hambung-hambung eme emere mokowale waneng na hului emmokonde nawaneng reai mokowale re niyea enenggonde emeikai jeale mokon de. ¹³Maka yea reai ro einye riyendele hambung, nanemene mokorembe hubayembe, pelene meako re hili hebenainyele, reai einye ro puma hanainyele. ¹⁴Mai kenare kaube reai ro einye riyembe, reyea nou herenggombe.¹⁵"Meyea kena buhea hendele na, reai wamale a huluinye hakombombe mokombe. ¹⁶Mare holenembe ro ehi kiyea, ako Allahre rierensinde, neyea mare inyembe, pele kiyea mare huba bang heai bang holenembe neaite, ¹⁷Neyea Allah re Roh nahele kiyea, rake kani kelana Wali nebang nibine ohate ro miyea pele Roh kiyeare ei ehawei hului, haubininebang pele holona yo neare eroiboi, nawaneng neare ro eroiboinye. peleyeare meyea pele kiyeare ro raungeboke ne, neyea mambele ne kaube nawaneng.¹⁸Mare ako bang nake bang fa fa waneng nekembere, reyea eweaisiy reyea erele ra beneng mai pukore merele. ¹⁹Na heki bam rake kani kelana Wali nebang bine ohate yo reare beneng ereiboi peleyeare meyea na hului reare erendele; na eare reyea Wali no, meyea pele Wali einye nekemembe. ²⁰Pele he meyea iteayembombe, reyea meakore einye, nekale, pelewaneng meyea reai einye namekai reyea mai einye.²¹Hinye reai elale ijene me keluwke mokoye kiyea, pele kiyea reare buhea heuke romiyea reare buheare heijatele yo, pele ro miyea meako buhea henemile nawaneng reyea neare buhea herenende, namekai neare uw yakala reyea harende." ²²Yudas Iskariot nakobea robu yudas, Yesus re hineunge, "Tuhan meahea weai uw meare mo yakala mibonde, rake kani kelana yore weyea eikelei?"²³Yesus yea weunge, "Reare kena buheare heaitele ro miyea, reyea keleameale a uw teai wa teai huluinye hokonde mokonde, meako pelekiyeare kena buhea yennele, waneng meyea pele kiyea pokore ale nambele mbsinye emanekende. ²⁴Hinye reare kena buhea eheinye, pele kiyea reyea keleanale a uw iteai huluinye emokoijea nekende pele ako feau ko hu wamale borau be reai kenara. peleyeare, reare ukekue mekale meako Allah kiyeare na.²⁵Reyea mambele mbainye nekandemeke, rake nanemene mare ueibamale mo ya. ²⁶Peleyeare, ako Allah re Roh, mare holenembe kiyea reai ro yea wennele mende, pele kiyea yea mare kelenembe namekai mokonembe reyea kelewamale a uw teai nanemene mai uw bene ne nekenayembe. ²⁷Reimai onomi foka mai kena einye nukamale, reimai onomi foka reai uw na yeale yamale. Reyea yamale reimai onomi foka rake kani kelana ne bang de Wali ni bini ohoi jate ro miyea yea yayembe waneng. Mai kena uw isasa alalo ekoi jea buhea ehokoi jea.²⁸Miyea borowauke reyea mare a weibamale, 'Reyea erele, pele yeare mai bukore berehonde merele.' miyea nahele kena buhea hendele na reyea rake he ako Allah bokore erelene meyea reimai engkombe, haubini bang ako neyea puma reufina reyea ana. ²⁹Nanemene nammam eyeiboijea rake a na yo poloye yakala wamale pelene enai bende yakala nate, meyea nahele re elembe.³⁰Reyea mambele a heleng ehuwei hului haubihi ban ne rake kani kelana Wali nebang nibine ohate ro miyea na yun meyene peleyeare, reai uw re pele kiyea elea bang. ³¹Peleyeare rake kani kelana romiyea itea natere, reyea meakore buhea heanale, na waneng ako Allah neai ukeuke huluinye na ije mo nanemene mokowale Yesus yea weumi, reai a elale huba yea mokanale meyea annu, eyea rake anuwauka alo manggonde emalere."

¹Yesus yea eleye, "Reyea anggur na no hele niyea meako anggur no melemere raufike, holeye, nareye kiyea niyea. ²Reai uw ne roraikoke akau meansea anire ei mokoi yo meako yea folonggonde ani wawa mokonatere neai, anire kaite meansea akau neyea fanyemile.³Meyea reai kelewa male ne, mare fanyembokamale, pele ako feau meyea itea yeauboke ne. ⁴Pelene, meyea reai einye nekembe, reyea mai einye nekerele anggur no hebeye, akau meansea ani re nenea emei balei hului pelewaneng, meyea reai einye nekembe.⁵Reyea anggur na no neyea, meyea meansea akau romiyea hinye reai einye nekende, reyea neai einye nekerele, namekai ani heleng de balenende, hinye reai uw ra wenende, pele anine ekoi hului. ⁶Hinye reai einye bang, meansea akau anire eimokoi, pele enai wonde meansea akau waneng, kalakala re pende, nawaneng ruwenate enai kanainyehinde iy beye einye eng hukelembonde. ⁷Meyea reaieinye nekembe nawaneng reai uw iteai waiteai mai Wali ne nekenende makayea mai kenare kaube, pele nanemene mai Wali einye kolorembe hayerembe.⁸Meyea ani heleng eng mokombe ne, meakore hili enainye hebende, mai me uw mo kaube yea emmi yakala mile, meyea reai moita hakauke koko mau be yo." ⁹Meako reare buhea heuke me, pelewaneng reyea mare buhea hamale pelena meyea reai kena buhea einyemo nekembe.¹⁰Meyea reai keleamale einye nekembe mokombe, meyea namekai reai foi einye buhea herembe nekemembe. ¹¹Rake mare yakalamale, mai kena reimai onomi foka mai Waline nekende nawaneng pele reimai onomi foka mai Wali einye meamea re konembe.¹²Rake a mare wamale: neyea mai uw mbaite kena buhea re komembe hemembi pele namekai, reyea mare kena buhea re henggo kale me. ¹³Kena buhea emeikai yeale uw mo ya, pele kena buhea emeikai namekai ro mbai eke na kahili earene eunaleukoke hereke.¹⁴Reai um teai keleamale ne meyea boraukele, hakaukele ne, pelene reyea mare reai wafeu ke me beamale. ¹⁵Reyea mare ye beai bu beai ro re ekanei, haubihinebang pele ye beai bu beai romiyea neyea itiyang na rowa re makayea ekehareunge peleyeare reyea mare reai kahili wafeu ke wamale pele na eare makayea meakore na borou bokale, pele nemmene mare iteayembo kamale.¹⁶Meyea reare eleaukebo bang, peleyeare reyea mare elengbokamale nawaneng hereng bokamale embe mokombe, mai Wali einye ani enaikonde nawaneng mai Wali ani konembe eita, mai reare riyendele, reyea meakore borensinde, meako yea yendele, reyea mare itembe. ¹⁷Rake a niyea, mai uw mbaite meneai kena buhea uw buhea re komembe hemembe.

Yesus Na Yebaei-Bubaete Humkolowoumi

¹Meyea reai aw ra wenwmbe yeale ne, pelene yerea nanemene mare na a yakala yea i teayamale. ²Yo imea kote meai imea obe kabangda mare hukenayembbe, namekai neai ya mende hembode weare honayeubonde, yo yea um bene nekanaimile neyea Allah neai eleye ijene mokate.³Rake meuw waneng keleate, mokate, pele neyea meakore nawaneng reare ro e roiboi kate. ⁴Peleyaere nanemene mare iteaiwamalemo, peleya mengsembondene mai uw bene nekenembe meyea iteayeauboke. Nawaneng ehi ehi yakalate pelere mare eyakalaiko, pele hee reyea mambele mbainye ohowande ne.

Roh Kudus Na Kaliya Mekai

¹A uw iteai huba mokoungekokera ''Yesus yakuure be weukike wa eleye rake hee na hului meijeuboke." Ako reyea wa kelu niyea weare hili erei sebeite neaite reare hili hebeite ²Haubihine bam weyea kinyewarea ro miyeare wali henabona itemile re weyea reare elea ikarea, ro miyea nemene foemene mere mokoremile.³Wali hena bona na uw bea niyea. Pele Yesusre ro rainyeboke, Allah nauw hele niyea, nawaneng Yesusre rainyeboke Allah neneai jea ukeunge oke. ⁴Reyea weai hili rake kani keiane meufebeukokale weai ukarea kalia einye meumokolakokale. ⁵Ateai, rake kani kela emokoi koi heene weai bene reyea nene weawea yeale hebewale. Rake hee wa kendang wamerang bene pele nene weawea mbai beleyea buma kaitebo.⁶Weai ro rake kani kelana romiyea kinyewareare reyea iteayeumi bokamea le mo pele romiyea weaite yeaiboke awaneng weai ako feaukore ijene hakaikoke mokoimiyate. ⁷Nawaneng niyeaa iteayeaiboke, nanemene yeibarea re pele nemmene weai ta hubayewale mo. ⁸Nawaneng reyea weai ako feauko uwteaite yeibameale, pelere neyea hakaiboke roukate namekai neyea nanahele iteayeai boke reyea weaita mekale kiyea, nawaneng neneai naraboyea haleate elate weyea hele, reare ukearea rake kani kelara mekale.⁹Reai ebeli rake yore borele. Haubihinebang rake romiyea eleukokea pele weai te me beaubokea peleyeare rake kani kelare reyea ebelire eboi hului. ¹⁰Reai nekaitele pele nemmene weai mo, namekai, weah nekayete pele reai mo nawaneng pele nekei kaunge reai hiu ekai hebai tele. ¹¹Reyea rake kani kelara erele peleyeare ra romiyea waromiyea rake kani kelane nammang nekate-pelene ateai wa bukore male ko royolo yolomo, weyea hirong kaya hebeimile weai ro einye Rimayawale.¹²Neai bukone mbainye nekawande, reyea kaya weai ro einye hebeumiwekale naawaneng mbaijea ekalaiboi peleyeare nebang de endabulendere kelu pele ako feako homo fea einye na hului rayene nuwembonde. ¹³Rake hee reyea mai bukore mekale, nawaneng rake kani kela ne mare a weibamale' pele meyea reai nya rei mai meamearemai kena einye harwerembe melei meleite ennemelenembe. ¹⁴Weai ako feauko rake yore nenemene ninea yeibameale mo pelene rake kani kelana yo yea neare me kena uw kenayea roraimo naeare neyea rake kani kelana bang romiyea namekai reyea rake kani kelara bang yea.¹⁵Weyea rake kani kelara yaweimi bonde enaibalendere bang, peleyeareuw mekai nebang nawalobo wabemmilene weyea hole moloumibonde. ¹⁶Neyea rake kani kelara bang, namekai reyea rake kani kelara bang. ¹⁷Ateai weai uw mekai mekai waneng pele holona yore weai ako feako yea yoloyolo mokoimibo weai ako feauko na hele noya.¹⁸Weyea reare ukeare mekale waneng, pele mekai reyea rake yore ukemile kani kela kabang nolore enate. ¹⁹Rake yo earene, reai uw yolo yoloyea nekerele, nawaneng rake yo mahele einye kolo naimile.²⁰Reyea neaite mo ebelire e boi, romiyea ehiyo reare hilarabo haleatele neai keleaimilera, pele yore yeale rebeli bale. ²¹Neyea nemmene mbaite inyaibonde weyea ateai reai einye nekeye waneng reyea weai einye nekale, pelewaneng bea neyea mbaite inyaibonde eai einye, pelera kanikelana yo nahelere elenate rabo halenate reyea mekale weyea ukearea re elenate.²²Eyea mbaite yendeboke waneng rake yo mbaite inyaibondere ne ateai reai nene weawea keteukebokea rake yore kinyewameale pelene neyea pomo awonaibonde mbaite inyaibonde. ²³Reyea neai einye nawaneng weyea reai einye peleng neyea mbaite nyaibonde, rakera iteayenate weyea reare ikare mekale nawaneng weyea buheare heamea peleme weyea reare hearea.²⁴Ateai, rake kinyeu kebokarea yo, kena kale mbelene rambele mbainye mo nekemale, pelene niyea eranate reai nene weamea weaita ikarea re iteainyeaibonde weyea reare buhea hei miyea rea rake kani kela eyeiboi hee ra.²⁵Eteai wali ijemo ro meahea horo rake kani kelana weare ro eroiboi, peleyeare reyea nafoi sele weare roubokawale nawaneng iteayeubokale weyea reare ukarea rakere mekale. ²⁶Weai ro reyea iteayeumi bokeameale namekai na hibi hibi mo iteayeremilere pelene weai kena buhea hei jarea reai wali einye nekeye waneng pele ko neai wali einye buhea re heumile nawaneng reyea ere heremile."

¹Yesus, neakorAllah re ebeli boungeko kera mo, neyea na Murid-murid yeale alanyekoke kidron wiu reufire ekate anuwau mbai nye ayeuboke pelene eka inekewate. ²Yudas, Yesus na Murid, niyea yesusre keeme me nende kiyea pele anuwau neyea iteayeuboke, rakene Yesus na Murid yeale meinyekate. ³Yudas kea pele anuwaune felayo homo mbai hubayaikoke nawaneng imam iman nakun nawaneng Farisi romiyea pele anuwauke mecbate namene kaijeu roraiboke na fela yeale mekate.⁴Yesus rake hambung na uw ne benate re, neyea na yobolo iteayeubokena uw bere eke hineumi, meyea hinyeyea beaunge?" ⁵Pele yo yea wainye ''Yesus Nazaret." Na ro pelere Yesus yea weumi reyea Yesus, na ro niyea. Yudas keme me re nende ro pelene nemmbembane hebate.⁶Yesus neai ro yakala yakalubokera, rake romiyea moite ukewate nawanen kani aranne palewate. ⁷Beneng kiyea re Yesus yea hineumi, meyea hinyeyea peaungele? neyea wainye ''Yesus.'' Nazaret na ro."⁸Yesus yea weumi, "Reyea mare yokala a ukamale, reyea niyea yea Yesus.'' mai peaungele kiyea rake yo meyea weammehi ai. ⁹Rake penate yakalanate, pelere Yesus neai a haufike inyaibonde meai a. Pele weyea reare kinyeukebokea rea ra, ehi mbai jea e kalai boi hului.''¹⁰Simon Petrus reaimiyeale nameyea euyobougoke rouke imam na uw mokoi neanggeai meugena kiyea re pele reaimiyeali yes oyeiboke neufake pele Imam kabam na uw mokoi neai ro, Markus yea weibanye. ¹¹Pelera ''Yesus, Petrus re welinge, "Wa reai miyeali rowei aubo! Bu koleainya fearemo andehinde waneng mea meako yea ukeuke mokorebonde weai uw bene nekete pele me uw reyea emokoi ha?''¹²Pelera, fela yun na kelena yo, pele Yahudi yea ukaimile ekate na abu ako yeale Yesusre ikilauboke, nawaneng ha yea wokainye ikilainyekoke. ¹³Pelera Yesus yawanyenoke, nabere hele Hanas, pukore Kayafas, na miyea neako ''neyea pele ralo yakama einye Imam neah yun kabang de nekowoye. ¹⁴Na bere Kayafas yea Yahudi yun yun de a uteai weumikoke Rake yo kabang hole moloubotte, kaho ro mbai pele engserende.¹⁵Simon Petrus pele murid mbaite, nanembaita Yesus hakainyekoke. Rake murid mbaite pele Imam yun yun neare naiteai mo. na mekai Yesus neai Imam -imam neai imea houwke ayeuboke ekate. ¹⁶Nawaneng Petrus nammang eite eiyeisiy, neyea romau kelaunge mahebeye pelera na murid mbah kiyea eita meukuke meke miyea ro mau kayare hebeye a eleikokotera, pelera meke Petrus yea yaweungehoke eyarulebokote¹⁷Pelera ra miyea ro mau kayare hebeye yea Petrus re hineunge rake wiyea nehi niyea na murid re yeubokea, Petrus yea weunge reambele bang. ¹⁸iy tukainye iy kolaiboke''pele abuko nawaneng felayo romiyea yeale iy ne akelewate pele he huwea hing bea neke uw re mandiling bea nekeumi kulukulure koibate. Petrus nambele pelene eumibarauboke a huba mbainye elate huwate.¹⁹Imam-imam yun yun mekate Yesusre na murid-murid nawaneng neai keleu mi ayea mekai hinainyele. ²⁰Yesus yea weumi, rake kani kelana romiyeare, reyea na a yakala yea iteai yeumikeameale. Reah uw alle sinagoge sinagoge ne nawane Allah na yo imea ralo imea ne mbene Yahudi romiyea mei arileye ijene reyea na a yaka feau yakala yea mo weibea meale. ²¹Pele a makare reare hinaukele?'' meyea meneai jea pele yore hinemmi makayea neanggeai jea borowate, reyea a elewale weibeamealere?²²Yesus rake elea ukeume ra pelena rombai kaya ayainyeko hebate yea Yesus na bee me fea yea uke, na a weunge Imam yun yun de a na mekai jeale weumi be?" ²³Yesus yea weumi, reyea a na ikainya waneng ukamalena, pelene riyamale pele ikai na yakalambokaiere reare iteayen dembo, na mekai rea a elekokale pele nahelena, weyea makane reare haubuheare ukearea?'' ²⁴Pelera Hanas imanyun Kayafas pukore Yesus na ha ikilanyeko ke yeale ukeumi yawainyehoke ekate.²⁵Napelene, Simon Petrus neah nekate jene a bubu elate huwate ra neare hinainye, "Weyea nehi niyea, neai murid re yeaboke? Petrus a wake yea meleyea weumi "Reyea rambele bang!'' ²⁶Rombai pele abu ako neai imam yun mokounge, "Namekai na akobea neanggeaite neufake yea rounge bokere.'' A hineunge weyea. Nehi ro niyea yea, pele anuwaunge erekawale yea? na waneng Petrus yea weunge, pele riyea rambele bang?" ²⁷Petrus pele a wake eleukokera, ojo muku a koukoke.

Yesus Yawainyehoke Pilatus bere Ekate

¹Pelera Pilatus eite eweufike ukeumi Yesusre hiyenainyelere. ²Fela yo yea o isa mo na measa yea yea ondofolo yea hitare waneng. fokoma waneng mbai mokaiboke roukate Yesus na yun rangine obunainyeiboke. ³Peleyo uw nobere mekate, "A uw, keakea kainye, ro melai meleayeainye wainye, onomi koka.⁴Pilatus meukuke nawaneng weumi, "Ereng reyea Yesusre yawerenhunde mai bukore. pelene meyea iteayembe rake ro neai uw einye nebang mbai hambai reyea reyea ehubayekoi ja." ⁵Pelere Yesus yawanyehoke meukuke ma uw malo fi kolei waneng hirainyekoke na yun fokoma isa yea obunainyeboke. Pilatus yea weumi, ro erenne. ⁶Imam yun yun nawaneng felayo yeale, Yesus erekainyere, "Kela kanate ohaline ponggo, ohaline ponggo Pilatus yea weumi, meneai jea ohaline ponggobe, nauwre eleube ro, nebang mbai sambai reyea ehubayei koi sele."⁷Yahudi romiyea yea wainye, meai wali hee folaikoke honaime huluinye neyea herende hele, haubihinebang neyea neai uw re Allahre keluyea eleukoke ne. ⁸Pilatus rake a waneng borowoye, buhea kabang hele hokowounge. ⁹Pilatus peufoke are kolainye obere eweufike, nawaneng Yesusre hineunge, weyea neai hele mbeleno ro, "Peleyeare pele a hineunge re?" Yesus eyeikoi.¹⁰Pilatus yea weunge, "Weyea rambele a eyelei hele weyea oneyeane rambele a eleyei hele? weyea oneyeane weare buleareubonde neaite, ohali ne boreikote neaite reai me einya mo nekate honate?" ¹¹Yesus yea weune, "Allah pele hambung weare ekinyeiboinya, weyea reai uw rande me ekileiboi hului. pelene reare weai me einye kinyeibokote kiyea, na nebang sabang kabang helese."¹²Pilatus rake a waneng boroukoke bea, Yesusre bulea renekondere relewounge, peleyeare Yahudi romiyea kela kanainye weyea pele kiyare, "Hayeinyokonde weyea rake kani kabangna ondofolo Kaisarre kahili bang ro miyea hinye yea neai uw re ondofolo yea elendena, neyea kaisarre yokeijo." ¹³Pilatus pele a waneng feau waneng boroukokene, ukeumi Yesusre yawainyehoke eibate anuwau mbai Litostrotos ( Ruka felaikoke auwau ) Ibrani a feaunge Gabata, Wali hului koloi ro neai anggeng nuwei ranne nuweuboke.¹⁴Pelehe hu meke yaukang ne ike (12) Hului Paska mon na uw mokoisayaimi ya Pilatus yea Yahudi romiyeare weumi, rake mai ondofolo niyea. ¹⁵Rake yo yea kanate, "Hombo ! Hombo! oholine banggo!" Pilatus yea weumi makane mai ondofolo ohaline borokondere wauke Imam yun yun mea wainte, Kaisar mbaimo neyea meai ondofolo!" ¹⁶Pelera ohaline bonaikondere neaite, Pilatus rake yore kinyeumiboke.

Yesus Ohaline Habaeikoke

¹Pele mom yambai, narene kau kau hele hu eneakoi mo Maria Magdalena pele ruka belere eiboye na ijoko ereye bea bule eita aheakoke ruka kabang wekainyele. ²Pelene, noromo hehealealewekw wke Simon petrusre nawaneng naMurid mbai pele Yesus kena buheare koibunge kiyea hubayaikoke weimi "Tuhan bule eita aitoke namekai meyea itiyang embelene aitasike."³Pelera Petrus Yesus na murid ehi yeale pele bulere ekate. ⁴Hokolombe pere hebealeyeke, peleyeare murid ehiyo moita hale roukaimele pelene na Petrus neai jeale moi hayaimikoke, niyea pele bulere nabere ekate. ⁵Niyea meuelefike el ijoko ereye, pele bule einue Yesus na uw no malo mo pele einye honoye nawaneng niyea nambai bule eite helere ei.⁶Pele moita Simon meke, na moita hakongoboke, pele bule eite ekete erete na herene uw no maloma ane wulaiboke wokate honoye. ⁷Nabe refelainyeboke malo, na yunde awanyekoke neaite neaite honate pele uw no malo yeale mbainye bang, naweneng anuwau ehiijene ruleaisike.⁸Pele Murid ehi kiyea nabere bule eite eke kiyea naijale eu aruleufike neneai ijoko erene nehele re eleye. ⁹Rake namemang eyeiboieja, neyea homo fea na molaikoke honoyere Yesus ende walembondere, pelere foi eyeiteaiboi. ( Yesus Na U Maria Magdalenare Yakalaungeboke) ¹⁰Rake, Murid be imeare peibokoke ewote.¹¹Peleyeare Maria bule moinye nemam nabule moi hebeye, na ijoko bule eite eleisi eleisi koye. ¹²Pelera ereumi Malaikat be malo kaleumang bea hireukokem Yesus uw no haisike ijene nuweikokw, Malaikat mbai kiyea na yun mbai norore hongboye ijene nekewoye. ¹³Rake Malaikat be yea, Mariare hineinye, "Weyea makane rime rimeyea?" Maria yea weumi, "Tuhan na hereke uw no romiyea ehiyea mekate roukate nemekai reyea ra teibang embelene rowkate aitasike?"¹⁴Rake a keunyele ra Maria meubefoke namoite erenye nawaneng Yesus meke hebeyere neyea foi eroiboi sele. ¹⁵Yesus yea hineunge, ana weyea makane mekea rimeyea? nawaneng ninyeyea rimanea beanea? Maria na uw bene rake anuwauka here no roukea a hine eukafikaena, rare iteayeitobo embelene eungenekea, reyea pele anuwauka eitokele re.¹⁶Yesus yea wenge, "Maria." na royea roungebokene Maria euweke Yesusre roungeboke ne Ibrani neai a feau bea weunge, "Rabuni" (na mekai iteai haba yeale ro). ¹⁷Yesus yea weunge, "Rare me eikileitebea, haubihinebang, reyea akore bukore nammang einye. peleyeare weyea eye raka beakere bukore eye weumile reai meako, mai ateai, reai Allah, mai Allahre bokure erelere." ¹⁸Pelera Maria Magdalena ek, na Murid - Murid re weumi, "Reyea eai Tuhan erekanale." Nawaneng Yesus yea ukeunge a pele yore yakalaumiboke.